📜

नमो तस्स भगवतो अरहतो सम्मासम्बुद्धस्स

विनयपिटक

संगायनस्स पुच्छा विस्सज्जना

ओकास दानकथा

सुणातु ¶ मे भन्ते सङ्घो, महती अयं परिसा, एवरूपाय परिसाय न सुकरा सब्बसो कथं सावेतुं, तस्मा आयस्मतो च जवनत्थेरस्स पखुक्कूनगरवासिनो आयस्मतो च विचित्तसाराभिवंसस्स तिपिटकधर धम्मभण्डागारिकस्स विनयपुच्छनभारञ्च विनयविस्सज्जन भारञ्च आवहितुं ओकासं दम्मि, करोथ तुम्हे आवुसो छट्ठसंगीतिपुब्बङ्गमानि विनयपुच्छन विनयविस्सज्जन किच्चानि यथाधम्मं यथाविनयं.

अग्गमहापण्डित ¶ भदन्तजवन महाथेरेन

ठपिता

पुच्छक सम्मुति ञात्ति

सुणातु मे भन्ते सङ्घो, यदि सङ्घस्स पत्तकल्लं, अहं आयस्मन्तं विचित्तसाराभिवंसं तिपिटकधर धम्मभण्डागारिकं विनयं पुच्छेय्यं.

तिपिटकधर धम्मभण्डागारिक

भदन्तविचित्तसाराभिवंसेन

ठपिता विस्सज्जक सम्मुति ञात्ति

सुणातु मे भन्ते सङ्घो, यदि सङ्घस्स पत्तकल्लं, अहं आयस्मता जवनत्थेरेन सङ्घनायक महाथेरस्स पटिनिधिभूतेन विनयं पुट्ठो विस्सज्जेय्यं.

पठम पाराजिक सिक्खापुच्छा

पुच्छा – यं ¶ तेन आवुसो भगवता जानता पस्सता अरहता सम्मासम्बुद्धेन पठमं पाराजिकं कत्थ पञ्ञत्तं.

विस्सज्जना – वेसालियं भन्ते पञ्ञत्तं.

पुच्छा – कं आवुसो आरब्भ पञ्ञत्तं.

विस्सज्जना – सुदिन्नं भन्ते कलन्दपुत्तं आरब्भ पञ्ञत्तं.

पुच्छा – किस्मिं आवुसो वत्थुस्मिं पञ्ञत्तं.

विस्सज्जना – सुदिन्दो भन्ते कलन्दपुत्तो पुराणदुतियिकाय मेथुनं धम्मं पटिसेवि, तस्मिं भन्ते वत्थुस्मिं पञ्ञत्तं.

पुच्छा – अत्थि आवुसो तत्थ पञ्ञत्ति अनुपञ्ञत्ति अनुप्पन्नपञ्ञत्ति.

विस्सज्जना – एका भन्ते पञ्ञत्ति द्वे अनुपञ्ञत्तियो, अनुप्पन्नपञ्ञत्ति तस्मिं नत्थि.

पुच्छा – सब्बत्थपञ्ञत्तिनुखो ¶ आवुसो पदेसपञ्ञत्तिनुखो.

विस्सज्जना – सब्बत्थपञ्ञत्ति भन्ते.

पुच्छा – साधारणपञ्ञत्तिनुखो आवुसो असाधारणपञ्ञत्तिनुखो.

विस्सज्जना – साधारणपञ्ञत्ति भन्ते.

पुच्छा – एकतोपञ्ञत्तिनुखो आवुसो उभतोपञ्ञत्तिनुखो.

विस्सज्जना – उभतोपञ्ञत्ति भन्ते.

पुच्छा – पञ्चन्नं आवुसो पातिमोक्खुद्देसानं कत्थोगधं कत्थ परियापन्नं.

विस्सज्जना – निदानोगधं ¶ भन्ते निदानपरियापन्नं.

पुच्छा – कतमेन आवुसो उद्देसेन उद्देसं आगच्छति.

विस्सज्जना – दुतियेन भन्ते उद्देसेन उद्देसं आगच्छति.

पुच्छा – चतुन्नं आवुसो विपत्तीनं कतमा विपत्ति.

विस्सज्जना – सीलविपत्ति भन्ते.

पुच्छा – का आवुसो विपत्ति.

विस्सज्जना – असंवरो भन्ते विपत्ति.

पुच्छा – का आवुसो सम्पत्ति.

विस्सज्जना – संवरो भन्ते सम्मत्ति.

पुच्छा – का ¶ आवुसो पटिपत्ति.

विस्सज्जना – न एवरूपं करिस्सामीति यावजीवं आपाणकोटिकं समादाय सिक्खति सिक्खापदेसु, अयं भन्ते पटिपत्ति.

पुच्छा – कति आवुसो अत्थवसे पटिच्च भगवता पठमं पाराजिकं पञ्ञत्तं.

विस्सज्जना – दस भन्ते अत्थवसे पटिच्च भगवता पठमं पाराजिकं पञ्ञत्तं, १ - सङ्घसुट्ठुताय, २ - सङ्घफासुताय, ३ - दुम्मङ्कूनं पुग्गलानं निग्गहाय, ४ - पेसलानं भिक्खूनं फासुविहाराय, ५ - दिट्ठधम्मिकानं आसवानं संवराय, ६ - सम्परायिकानं आसवानं पटिघाताय, ७ - अप्पसन्नानं पसादाय, ८ - पसन्नानं भिय्योभावाय, ९ - सद्धम्मट्ठितिया, १० - विनयानुग्गहाय.

पुच्छा – के ¶ आवुसो सिक्खन्ति.

विस्सज्जना – सेक्खाच भन्ते पुथुज्जनकल्याणकाच सिक्खन्ति.

पुच्छा – के आवुसो सिक्खितसिक्खा.

विस्सज्जना – अरहन्तो भन्ते सिक्खितसिक्खा.

पुच्छा – कत्थ आवुसो ठितं.

विस्सज्जना – सिक्खाकामेसु भन्ते ठितं.

पुच्छा – के आवुसो धारेन्ति.

विस्सज्जना – येसं भन्ते वत्तति ते धारेन्ति.

पुच्छा – कस्स ¶ आवुसो वचनं.

विस्सज्जना – भगवतो भन्ते वचनं अरहतो सम्मासम्बुद्धस्स.

पुच्छा – केनावुसो आभतं.

विस्सज्जना – परम्पराय भन्ते आभतं.

संगायनत्थाय सङ्घस्स ञापनं

सुणातु मे भन्ते सङ्घो अहं भन्ते आयस्मन्तं विचित्थसाराभिवंसं तिपिटकधर धम्मभण्डागारिकं पठमस्स पाराजिकस्स निदानम्पि पुच्छिं, पुग्गलम्पि पुच्छिं, वत्थुम्पि पुच्छिं, पञ्ञत्ति अनुपञ्ञत्तिआदीनिपि पुच्छिं, पुट्ठो पुट्ठोच सो आयस्माविचित्तसाराभिवंसो विस्सज्जेसि, इतिहिदं भन्ते पठमं पाराजिक सिक्खापदं निम्मलं सुपरिसुद्धं तस्सेव भगवतो वचनं अरहतो सम्मासम्बुद्धस्स, तस्मा यथापुरे महाकस्सपादयो महाथेरवरा पोराणसंगीतिकारा ब्रह्मचरिय सङ्खातस्स बुद्धसासनस्स चिरट्ठितिया बहुजनहिताय बहुजनसुखाय लोकानुकम्पाय अत्थाय हिताय सुखाय देवमनुस्सानं धम्मविनयं सङ्गायिंसुचेव अनुसङ्गायिंसुच, एवमेव मयम्पि दानि सब्बेव छट्ठसंगीतिमहाधम्मसभापरियापन्ना इदं पठम पाराजिक सिक्खापदं एकतोसज्झायनवसेन संगायेय्याम.

रेवताभि पण्डितधज सासनवंस महाधम्मराजगुरुनो

अभिधजमहारट्ठगुरुनोच सङ्घनायक महाथेरस्स

ओकास दानकथा

सुणातु ¶ मे भन्ते सङ्घो, महती अयं परिसा, एवरूपाय परिसाय न सुकरा सब्बसो कथं सावेतुं, तस्मा आयस्मतोच सोभनस्स सासनरि सारामाधिवासिनो आयस्मतोच विचित्तसाराभिवंसस्स तिपिटकधर धम्मभण्डागारिकस्स विनयपुच्छनभारञ्च विनयविस्सज्जनभारञ्च आवहितुं ओकासं दम्मि, करोथ तुम्हे आवुसो छट्ठसंगीतिपुब्बङ्गमानि विनयपुच्छन विनयविस्सज्जन किच्चानि यथाधम्मं यथाविनयं.

अग्गमहापण्डित भदन्त सोभनत्थेरेन

ठपिता पुच्छक सम्मुति ञात्ति

सुणातु मे भन्ते सङ्घो, यदि सङ्घस्स पत्तकल्लं, अहं आयस्मन्तं विचित्तसाराभिवंसं तिपिटकधर धम्मभण्डागारिकं विनयं पुच्छेय्यं.

तिपिटकधर धम्मभण्डागारिक

भदन्तविचित्तसाराभिवंसेन

ठपिता विस्सज्जक सम्मुति ञात्ति

सुणातु ¶ मे भन्ते सङ्घो, यदिसङ्घस्स पत्तकल्लं, अहं आयस्मता सोभनत्थेरेन सङ्घनायक महाथेरस्स पटिनिधिभूतेन विनयं पुट्ठो विस्सज्जेय्यं.

दुतिय पाराजिक सिक्खापुच्छा

पुच्छा – यं ¶ तेन आवुसो भगवता जानता पस्सता अरहता सम्मासम्बुद्धेन दुतियं पाराजिकं कत्थ पञ्ञत्तं.

विस्सज्जना – राजगहे भन्ते पञ्ञत्तं.

पुच्छा – कं आवुसो आरब्भ पञ्ञत्तं.

विस्सज्जना – धनियं भन्ते कुम्भकारपुत्तं आरब्भ पञ्ञत्तं.

पुच्छा – किस्मिं आवुसो वत्थुस्मिं पञ्ञत्तं.

विस्सज्जना – धनियो भन्ते कुम्भकारपुत्तो रञ्ञो दारूनि अदिन्नं आदियि, तस्मिं वत्थुस्मिं पञ्ञत्तं.

पुच्छा – अत्थि ¶ आवुसो तत्थ पञ्ञत्ति अनुपञ्ञत्ति अनुप्पन्नपञ्ञत्ति.

विस्सज्जना – एका भन्ते पञ्ञत्ति एका अनुपञ्ञत्ति अनुप्पन्नपञ्ञत्ति तस्मिं नत्थि.

पुच्छा – का आवुसो तत्थ मूलपञ्ञत्ति.

विस्सज्जना – यो पन भिक्खु अदिन्नं थेय्यसङ्खातं आदियेय्य, यथारूपे अदिन्नादाने राजानो चोरं गहेत्वा हनेय्युंवा बन्धेय्युंवा पब्बाजेय्युंवा चोरोसि बालोसि मुळ्होसि थेनोसीति तथारूपं भिक्खु अदिन्नं आदियमानो अयम्पि पाराजिको होति असंवासोति अयं भन्ते तत्थ मूलपञ्ञत्ति.

पुच्छा – का ¶ आवुसो तत्थ अनुपञ्ञत्ति.

विस्सज्जना – गामावा अरञ्ञावाति अयं भन्ते तत्थ अनुपञ्ञत्ति.

पुच्छा – का आवुसो तत्थ परिपुण्णपञ्ञत्ति.

विस्सज्जना – यो पन भिक्खु गामावा अरञ्ञावा अदिन्नं थेय्यसङ्खातं आदियेय्य, कथारूपे अदिन्नादाने राजानो चोरं गहेत्वा हनेय्युंवा बन्धेय्युंवा पब्बाजेय्युंवा चोरोसि बालोसि मूळ्होसि थेनोसीति तथारूपं भिक्खु अदिन्नं आदियमानो अयम्पि पाराजिको होति असंवासोति अयं भन्ते तत्थ परिपुण्णपञ्ञत्ति.

पुच्छा – सब्बत्थपञ्ञत्ति ¶ नुखो आवुसो पदेसपञ्ञत्तिनुखो.

विस्सज्जना – सब्बत्थपञ्ञत्ति भन्ते.

पुच्छा – साधारणपञ्ञत्तिनुखो आवुसो असाधारणपञ्ञत्ति नुखो.

विस्सज्जना – साधारणपञ्ञत्ति भन्ते.

पुच्छा – एकतोपञ्ञत्तिनुखो आवुसो उभतोपञ्ञत्तिनुखो.

विस्सज्जना – उभतोपञ्ञत्ति भन्ते.

पुच्छा – तस्मिं ¶ आवुसो दुतिय पाराजिके अदिन्नं आदियन्तो कति आपत्तियो आपज्जति विभजित्वा विस्सज्जेहि.

विस्सज्जना – अदिन्नं भन्ते आदियन्तो तिस्सो आपत्तियो आपज्जति, पञ्च मासकंवा अतिरेक पञ्च मासकंवा अग्घनकं अदिन्नं थेय्यसङ्खातं आदियति आपत्ति पाराजिकस्स, ऊनपञ्चमासकंवा अतिरेकमासकंवा अदिन्नं थेय्यसङ्खातं आदियति आपत्ति थुल्लच्चयस्स, मासकंवा ऊनमासकवा अग्घनकं अदिन्नं थेय्यसङ्खातं आदियति आपत्ति दुक्कटस्स, अदिन्नं भन्ते आदियन्तो इमा तिस्सो आपत्तियो आपज्जति.

पुच्छा – केसं ¶ आवुसो अनापत्ति.

विस्सज्जना – दसन्नं भन्ते पुग्गलानं अनापत्ति, सकसञ्ञिस्स, विस्सासग्गाहेन गण्हन्तस्स, तावकालिकं गण्हन्तस्स, पेतपरिग्गहं गण्हन्तस्स, तिरच्छानगतपरिग्गहं गण्हन्तस्स, पंसुकूलसञ्ञिस्स, उम्मत्तकस्स, खित्तचित्तस्स, वेदनाट्टस्स, आदिकम्मिकस्साति.

पुच्छा – पञ्चन्नं आवुसो पातिमोक्खुद्देसानं कत्थोगधं कत्थपरियापन्नं.

विस्सज्जना – निदानोगधं भन्ते निदानपरियापन्नं.

पुच्छा – कतमेन ¶ आवुसो उद्देसेन उद्देसं आगच्छति.

विस्सज्जना – दुतियेन भन्ते उद्देसेन उद्देसं आगच्छति.

पुच्छा – चतुन्नं आवुसो विपत्तीनं कतमा विपत्ति.

विस्सज्जना – सीलविपत्ति भन्ते.

पुच्छा – सत्तन्नं आवुसो आपत्तिक्खन्धानं कतमो आपत्तिक्खन्धो.

विस्सज्जना – पाराजिकापत्तिक्खन्धो भन्ते.

पुच्छा – छन्नं आवुसो आपत्तिसमुट्ठानानं कतिहि समुट्ठानेहि समुट्ठाति.

विस्सज्जना – तीहि भन्ते समुट्ठानेहि समुट्ठाति, सिया कायतोच चित्ततोच समुट्ठाति, न वाचातो, सिया वाचातोच

चित्ततोच ¶ समुट्ठाति, न कायतो, सिया कायतोच वाचातोच चित्ततोच समुट्ठाति.

पुच्छा – चतुन्नं आवुसो अधिकरणानं कतमं अधिकरणं.

विस्सज्जना – आपत्ताधिकरणं भन्ते.

पुच्छा – सत्तन्नं आवुसो समथानं कतिहि समथेहि सम्मति.

विस्सज्जना – द्विहि भन्ते समथेहि सम्मति सम्मुखाविनयेनच पटिञ्ञात करणेनच.

पुच्छा – को ¶ आवुसो तत्थ विनयो, को तत्थ अभिविनयो.

विस्सज्जना – पञ्ञत्ति भन्ते विनयो विभत्ति अभिविनयो.

पुच्छा – किंआवुसो तत्थ पातिमोक्खं किं तत्थ अधिपातिमोक्खं.

विस्सज्जना – पञ्ञत्ति भन्ते पातिमोक्खं, विभत्ति अधिपातिमोक्खं.

पुच्छा – का आवुसो विपत्ति.

विस्सज्जना – असंवरो भन्ते विपत्ति.

पुच्छा – का ¶ आवुसो सम्पत्ति.

विस्सज्जना – संवरो भन्ते सम्पत्ति.

पुच्छा – का आवुसो पटिपत्ति.

विस्सज्जना – न एवरूपं करिस्सामीति यावजीवं आपाणकोटिकं समादाय सिक्खति सिक्खापदेसु अयं भन्ते तत्थ पटिपत्ति.

पुच्छा – कति आवुसो अत्थवसे पटिच्च भगवता दुतियं पाराजिकं पञ्ञत्तं.

विस्सज्जना – दस भन्ते अत्थवसे पटिच्च भगवता दुतियं पाराजिकं पञ्ञत्तं. सङ्घसुट्ठुताय सङ्घफासुताय दुम्मङ्कूनं पुग्गलानं निग्गहाय पेसलानं भिक्खूनं फासुविहाराय दिट्ठधम्मिकानं आसवानं संवराय सम्परायिकानं आसवानं पटिघाताय अप्पसन्नानं पसादाय पसन्नानं भिय्योभावाय सद्धम्मट्ठितिया विनयानुग्गहाय.

पुच्छा – को ¶ आवुसो सिक्खन्ति.

विस्सज्जना – सेक्खाच भन्ते पुथुज्जनकल्याणकाच सिक्खन्ति.

पुच्छा – के आवुसो सिक्खितसिक्खा.

विस्सज्जना – अरहन्तो भन्ते सिक्खितसिक्खा.

पुच्छा – कत्थ ¶ आवुसो ठितं.

विस्सज्जना – सिक्खाकामेसु भन्ते ठितं.

पुच्छा – के आवुसो धारेन्ति.

विस्सज्जना – येसं भन्ते वत्तति ते धारेन्ति.

पुच्छा – कस्स आवुसो वचनं.

विस्सज्जना – भगवता भन्ते वचनं अरहतो सम्मासम्मुद्धस्स.

पुच्छा – केनावुसो ¶ आभतं.

विस्सज्जना – परम्पराय भन्ते आभतं.

पुच्छा – अत्थि नु खो आवुसो तत्थ उपनेतब्बं वा अपनेतब्बं वा अक्खरपदपच्चाभट्ठं वा विरद्धपदब्यञ्जनं वा.

विस्सज्जना – नत्थि भन्ते.

‘‘संगायनत्थाय सङ्घस्स ञापनं’’

सुणातु ¶ मे भन्ते सङ्घो अहं भन्ते आयस्मन्तं विचित्तसाराभिवंस तिपिटकधरधम्मभण्डागारिकं दुतियस्स पाराजिकस्स निदानम्पि पुच्छिं, पुग्गलम्पि पुच्छिं, वत्थुम्पि पुच्छिं, पञ्ञत्तिम्पि पुच्छिं, अनुपञ्ञत्तिम्पि पुच्छिं, आपत्तिम्पि पुच्छिं, अनापत्तिम्पि पुच्छिं, अञ्ञानिपि ईदिसानि पुच्छितब्बट्ठानानि अनेकानि पुच्छिं, पुट्ठो पुट्ठोच सो आयस्मा विचित्तसाराभिवंसो विस्सज्जेसि. इति हिदं भन्ते इदं दुतियं पाराजिक सिक्खापदं निम्मलं, सुपरिसुद्धं, तस्सेव भगवतो वचनं अरहतो सम्मासम्बुद्धस्स, तस्मा यथा पुरे महाकस्स पादयो महाथेरवरा पोराणसंगीतिकारा ब्रह्मचरियसङ्खातस्स बुद्धसासनस्स चिरट्ठितिया, बहुजनहिताय, बहुजनसुखाय लोकानुकम्पाय अत्थाय, हिताय, सुखाय, देवमनुस्सानं धम्मविनयं सङ्गायिंसुचेव अनुसङ्गायिंसुच, एवमेव मयम्पि दानि सब्बेव छट्ठसंगीतिमहाधम्मसभापरियापन्ना इदं दुतिय पाराजिक सिक्खापदं एकतो गणसज्झायं कत्वा समग्गा सम्मोदमाना हुत्वा सङ्गायेय्याम.

ततिय पाराजिक सिक्खापुच्छा

पुच्छा – यं ¶ तेन आवुसो भगवता (प) सम्मासम्बुद्धेन ततियं पाराजिकं कत्थ पञ्ञत्तं.

विस्सज्जना – वेसालियं भन्ते पञ्ञत्तं.

पुच्छा – कं आवुसो आरब्भ पञ्ञत्तं.

विस्सज्जना – सम्बहुले भन्ते भिक्खू आरब्भ पञ्ञत्तं.

पुच्छा – किस्मिं आवुसो वत्थुस्मिं पञ्ञत्तं.

विस्सज्जना – सम्बहुला भन्ते भिक्खु अञ्ञमञ्ञं जीविता वोरोपेसुं, तस्मिं भन्ते वत्थुस्मिं पञ्ञत्तं.

पुच्छा – अत्थि ¶ नुखो आवुसो तत्थ पञ्ञत्ति अनुपञ्ञत्ति अनुप्पन्नपञ्ञत्ति.

विस्सज्जना – एका भन्ते पञ्ञत्ति, एका अनुपञ्ञत्ति, अनुप्पन्नपञ्ञत्ति तस्मिं नत्थि.

पुच्छा – का आवुसो तत्थ मूलपञ्ञत्ति.

विस्सज्जना – योपन भिक्खु सञ्चिच्च मनुस्सविग्गहं जीविता वोरोपेय्य, सत्थहारकंवास्स परियेसेय्य अयम्पि पाराजिको होति असंवासोति अयं भन्ते तत्थ मूलपञ्ञत्ति.

पुच्छा – का आवुसो तत्थ अनुपञ्ञत्ति.

विस्सज्जना – मरणवण्णं वा संवण्णेय्य मरणाय वा समादपेय्य अम्भोपुरिस किं तुय्हिमिना पापकेन दुज्जीवितेन मतन्ते जीविता

सेय्याति ¶ इति चित्तमनो चित्तसङ्कप्पो अनेकपरियायेन मरणवण्णं वा संवण्णेय्य मरणाय वा समादपेय्याति अयं भन्ते तत्थ अनुपञ्ञत्ति.

पुच्छा – का आवुसो तत्थ परिपुण्णपञ्ञत्ति.

विस्सज्जना – यो पन भिक्खु सञ्चिच्च मनुस्सविग्गहं जीविता वोरोपेय्य, सत्थहारकंवास्स परियेसेय्य, मरणवण्णं वा संवण्णेय्य, मरणाय वा समादपेय्य, अम्भो पुरिस किं तुय्हिमिना पापकेन दुज्जीवितेन मतन्ते जीविता सेय्योति इति चित्तमनो चित्तसङ्कप्पो अनेकपरियायेन मरणवण्णंवा संवण्णेय्य, मरणाय वा समादपेय्य, अयम्पि पाराजिको होति असंवासोति अयं भन्ते तत्थ परिपुण्णपञ्ञत्ति.

पुच्छा – सब्बत्थपञ्ञत्ति ¶ नुखो आवुसोपदेसपञ्ञत्ति नुखो.

विस्सज्जना – सब्बत्थपञ्ञत्ति भन्ते.

पुच्छा – साधारणपञ्ञत्तिनुखो आवुसो असाधारणपञ्ञत्ति नुखो.

विस्सज्जना – साधारणपञ्ञत्ति भन्ते.

पुच्छा – एकतोपञ्ञत्ति ¶ नुखो आवुसो उभतोपञ्ञत्ति नुखो.

विस्सज्जना – उभतोपञ्ञत्ति भन्ते.

पुच्छा – तस्मिं आवुसो ततिय पाराजिके सञ्चिच्च मनुस्सविग्गहं जीविता वोरोपेन्तो कति आपत्तियो आपज्जति.

विस्सज्जना – सञ्चिस्स भन्ते मनुस्सविग्गहं जीविता वोरोपेन्तो तिस्सो आपत्तियो आपज्जति, मनुस्सं ओदिस्स पपातं खणति पपतित्वा मरिस्सतीति आपत्ति दुक्कटस्स, पपतिते दुक्खा वेदना उप्पज्जति आपत्ति थुल्लच्चयस्स, मरति आपत्ति पाराजिकस्स, सञ्चिच्च भन्ते मनुस्सविग्गहं जीविता वोरोपेन्तो इमा तिस्सो आपत्तियो आपज्जति.

पुच्छा – केसं ¶ आवुसो अनापत्ति.

विस्सज्जना – सत्तन्नं भन्ते पुग्गलानं अनापत्ति, असञ्चिच्च मारेन्तस्स, अजानन्तस्स, न मरणाधिप्पायस्स, उम्मत्तकस्स, खित्तचित्तस्स, वेदनाट्टस्स, आदिकम्मिकस्स.

पुच्छा – पञ्चन्नं आवुसो पातिमोक्खुद्देसानं कत्थोगधं कत्थ परियापन्नं.

विस्सज्जना – निदानोगधं भन्ते निदानपरियापन्नं.

पुच्छा – कतमेन ¶ आवुसो उद्देसेन उद्देसं आगच्छति.

विस्सज्जना – दुतियेन भन्ते उद्देसेन उद्देसं आगच्छति.

पुच्छा – चतुन्नं आवुसो विपत्तीनं कतमा विपत्ति.

विस्सज्जना – सीलविपत्ति भन्ते.

पुच्छा – सत्तन्नं आवुसो आपत्तिक्खन्धानं कतमो आपत्तिक्खन्धो.

विस्सज्जना – पाराजिकापत्तिक्खन्धो भन्ते.

पुच्छा – छन्नं आवुसो आपत्तिसमुट्ठानानं कतिहि समुट्ठानेहि समुट्ठाति.

विस्सज्जना – छन्नं भन्ते आपत्तिसमुट्ठानानं तीहि समुट्ठानेहि समुट्ठाति, सिया कायतोच चित्ततोच समुट्ठाति, न वाचतो ¶ , सिया वाचतोच चित्ततोच समुट्ठाति, न कायतो, सिया कायतोच वाचतोच चित्ततोच समुट्ठाति.

पुच्छा – चतुन्नं आवुसो अधिकरणानं कतमं अधिकरणं.

विस्सज्जना – आपत्ताधिकरणं भन्ते.

पुच्छा – सत्तन्नं ¶ आवुसो समथानं कतिहि समथेहि सम्मति.

विस्सज्जना – सत्तानं भन्ते समथानं द्वीहि समथेहि सम्मति, सम्मुखा विनयेनच पटिञ्ञातकरणेनच.

पुच्छा – को तत्थ आवुसो विनयो को तत्थ अभिविनयो.

विस्सज्जना – पञ्ञत्ति भन्ते विनयो विभत्ति अभिविनयो.

पुच्छा – किं आवुसो तत्थ पातिमोक्खं किं अधिपातिमोक्खं.

विस्सज्जना – पञ्ञत्ति भन्ते पातिमोक्खं विभत्ति अधिपातिमोक्खं.

पुच्छा – का ¶ आवुसो विपत्ति.

विस्सज्जना – असंवरो भन्ते विपत्ति.

पुच्छा – का आवुसो सम्पत्ति.

विस्सज्जना – संवरो भन्ते सम्पत्ति.

पुच्छा – का आवुसो तत्थ पटिपत्ति.

विस्सज्जना – न एवरूपं करिस्सामीति यावजीवं आपाणकोटिकं समादाय सिक्खति सिक्खापदेसु अयं भन्ते तत्थ पटिपत्ति.

पुच्छा – कति ¶ आवुसो अत्थवसे पटिच्च भगवता ततियं पाराजिकं पञ्ञत्तं.

विस्सज्जना – दस भन्ते अत्थवसे पटिच्च भगवता ततियं पाराजिकं पञ्ञत्तं सङ्घसुट्ठुताय सङ्घफासुताय (प) विनयानुग्गहाय.

पुच्छा – के ¶ आवुसो सिक्खन्ति.

विस्सज्जना – सेक्खाच भन्ते पुथुज्जनकल्याणकाच सिक्खन्ति.

पुच्छा – के आवुसो सिक्खितसिक्खा.

विस्सज्जना – अरहन्तो भन्ते सिक्खितसिक्खा.

पुच्छा – कत्थ आवुसो ठितं.

विस्सज्जना – सिक्खाकामेसु भन्ते ठितं.

पुच्छा – के आवुसो धारेन्ति.

विस्सज्जना – येसं भन्ते वत्तति ते धारेन्ति.

पुच्छा – कस्स ¶ आवुसो वचनं.

विस्सज्जना – भगवतो भन्ते वचनं अरहतो सम्मासम्बुद्धस्स.

पुच्छा – केनावुसो आभतं.

विस्सज्जना – परम्पराय भन्ते आभतं.

पुच्छा – अत्थिनुखो आवुसो तत्थ किञ्चि उपनेतब्बं वा अपनेतब्बं वा अक्खरपदपच्चाभट्ठं वा विरद्धपदब्यञ्जनं वा.

विस्सज्जना – नत्थि भन्ते.

संगायनत्थाय सङ्घस्स ञापनं

सुणातु ¶ मे भन्ते सङ्घो, अहं भन्ते आयस्मन्तं विचित्तसाराभिवंसं तिपिटकधर धम्मभण्डागारिकं ततियस्स पाराजिकस्स निदानम्पि पुच्छिं, पुग्गलम्पि पुच्छिं, वत्थुम्पि पुच्छिं, पञ्ञत्तिम्पि पुच्छिं, अनुपञ्ञत्तिम्पि पुच्छिं, आपत्तिम्पि पुच्छिं, अनापत्तिम्पि पुच्छिं, अञ्ञानिपि एवरूपानि पुच्छितब्बट्ठानानि अनेकानि पुच्छिं, पुट्ठो पुट्ठोच सो आयस्मा विचित्तसाराभिवंसो विस्सज्जेसि, इतिहिदं भन्ते ततियपाराजिकसिक्खापदं निम्मलं सुपरिसुद्धं तस्सेव भगवतो वचनं अरहतो सम्मासम्मुद्धस्स, तस्मा यथा पुरे महाकस्सपादयो महाथेरवरा पोराणसंगीतिकारा ब्रह्मचरियसङ्खातस्स बुद्धसासनस्स चिरट्ठितिया बहुजनहिताय बहुजनसुखाय लोकानुकम्पाय अत्थाय हिताय सुखाय देवमनुस्सानं धम्मविनयं सङ्गायिंसुचेव अनुसङ्गायिंसुच, एवमेव मयम्पि दानि सब्बेव छट्ठसंगीतिमहाधम्मसभापरियापन्ना इदं ततियपाराजिकसिक्खापदं एकतो गणसज्झायं कत्वा समग्गा सम्मोदमाना हुत्वा संगायेय्याम.

चतुत्थ पाराजिक सिक्खापुच्छा

पुच्छा – यं ¶ तेन आवुसो भगवता जानता पस्सता…पे… सम्मासम्बुद्धेन चतुत्थं पाराजिकं कत्थ पञ्ञत्तं.

विस्सज्जना – वेसालियं भन्ते.

पुच्छा – कं आवुसो आरब्भ पञ्ञत्तं.

विस्सज्जना – वग्गुमुदातीरिये भन्ते भिक्खू आरब्भ पञ्ञत्तं.

पुच्छा – किस्मिं आवुसो वत्थुस्मिं पञ्ञत्तं.

विस्सज्जना – वग्गुमुदातीरिया भन्ते भिक्खू गिहीनं अञ्ञमञ्ञस्स उत्तरिमनुस्सधम्मस्स वण्णं भासिंसु, तस्मिं भन्ते वत्थुस्मिं पञ्ञत्तं.

पुच्छा – अत्थि ¶ आवुसो तत्थ पञ्ञत्ति अनुपञ्ञत्ति अनुप्पन्नपञ्ञत्ति.

विस्सज्जना – एका भन्ते पञ्ञत्ति एका अनुपञ्ञत्ति अनुप्पन्नपञ्ञत्ति तस्मिं नत्थि.

पुच्छा – कतमा आवुसो तत्थ मूलपञ्ञत्ति.

विस्सज्जना – यो पन भिक्खु अनभिजानं उत्तरिमनुस्सधम्मं उत्तरिमनुस्सधम्मं अत्तुपनायिकं अलमरियञाणदस्सनं समुदाचरेय्य, इतिजानामि इतिपस्सामीति, ततो अपरेन समयेन समनुग्गाहीय मानोवा असमनुग्गाहीय मानोवा आपन्नो विसुद्धापेक्खो एवं वदेय्य अजानमेवं आवुसो अवचं जानामि अपस्सं पस्सामि तुच्छं मुसाविलपिन्ति अयम्पि पाराजिको होति असंवासोति अयं भन्ते तत्थ मूलपञ्ञत्ति.

पुच्छा – कतमा ¶ आवुसो तत्थ अनुपञ्ञत्ति.

विस्सज्जना – अञ्ञत्र अधिमानाति अयं भन्ते तत्थ अनुपञ्ञत्ति.

होन्ति ये ते आनन्द भिक्खू अदिट्ठे दिट्ठसञ्ञिनो अपत्ते पत्तसञ्ञिनो अनधिगते अधिगतसञ्ञिनो असच्छिकते सच्छिकतसञ्ञनो अधिमानेन अञ्ञं ब्याकरोन्ति, तञ्च खो एतं अब्बोहारिकं.

पुच्छा – कतमा ¶ आवुसो तत्थ परिपुण्णपञ्ञत्ति.

विस्सज्जना – योपन भिक्खु अनभिजानं उत्तरिमनुस्सधम्मं अत्तुपनायिकं अलमरियञाणदस्सनं समुदाचरेय्य, इति जानामि इति पस्सामीति, ततो अपरेन समयेन समनुग्गाहीयमानोवा असमनुग्गाहीयमानोवा आपन्नो विसुद्धापेक्खो एवं वदेय्य अजानमेवं आवुसो अवचंजानामि अपस्सं पस्सामि तुच्छं मुसा विलपिन्ति, अञ्ञत्र अधिमाना अयम्पि पाराजिको होति असंवासोति अयं भन्ते तत्थ परिपुण्ण पञ्ञत्ति.

पुच्छा – सब्बत्थपञ्ञत्ति ¶ नुखो आवुसो पदेसपञ्ञत्ति नुखो.

विस्सज्जना – सब्बत्थपञ्ञत्ति भन्ते.

पुच्छा – साधारणपञ्ञत्ति नुखो आवुसो असाधारणपञ्ञत्तिनुखो.

विस्सज्जना – साधारणपञ्ञत्ति भन्ते.

पुच्छा – एकतोपञ्ञत्ति नुखो आवुसो उभतो पञ्ञत्ति नुखो.

विस्सज्जना – उभतोपञ्ञत्ति भन्ते.

पुच्छा – तस्मिं ¶ आवुसो चतुत्थ पाराजिके असन्तं अभूतं उत्तरिमनुस्सधम्मं उल्लपन्तो कति आपत्तियो आपज्जति, विभजित्वा विस्सज्जेहि.

विस्सज्जना – तस्मिं भन्ते चतुत्थपाराजिके असन्तं अभूतं उत्तरिमनुस्सधम्मं उल्लपन्तो तिस्सो आपत्तियो आपज्जति, असन्तं अभूतं उत्तरिमनुस्सधम्मं उल्लपति आपत्तिपाराजिकस्स, यो ते विहारे वसति सो भिक्खु अरहाति भणति पटिविजानन्तस्स आपत्ति थुल्लच्चयस्स, अप्पटिविजानन्तस्स आपत्ति दुक्कटस्स, उत्तरिमनुस्सधम्मं भन्ते उल्लपन्तो इमा तिस्सो आपत्तियो आपज्जति.

पुच्छा – केसं ¶ आवुसो अनापत्ति.

विस्सज्जना – छन्नं भन्ते पुग्गलानं अनापत्ति अधिमानेन भणन्तस्स अनुल्लपनाधिप्पायस्स उम्मत्तकस्स खित्तचित्तस्स वेदनाट्टस्स आदिकम्मिकस्स.

पुच्छा – पञ्चन्नं ¶ आवुसो पातिमोक्खुद्देसानं कत्थोगधं कत्थ परियापन्नं.

विस्सज्जना – निदानोगधं भन्ते निदानपरियापन्नं.

पुच्छा – कतमेन आवुसो उद्देसेन उद्देसं आगच्छति.

विस्सज्जना – दुतियेन भन्ते उद्देसेन उद्देसं आगच्छति.

पुच्छा – चतुन्नं आवुसो विपत्तीनं कतमा विपत्ति.

विस्सज्जना – सीलविपत्ति भन्ते.

पुच्छा – सत्तन्नं ¶ आवुसो आपत्तिक्खन्धानं कतमो आपत्तिक्खन्धो.

विस्सज्जना – पाराजिकापत्तिक्खन्धो भन्ते.

पुच्छा – छन्नं आवुसो आपत्तिसमुट्ठानानं कतिहि समुट्ठानेहि समुट्ठाति.

विस्सज्जना – छन्नं भन्ते आपत्तिसमुट्ठानानं तीहि समुट्ठानेहि समुट्ठाति, सिया कायतोच चित्ततोच समुट्ठाति, न वाचतो, सिया वाचतोच चित्ततोच समुट्ठाति, न कायतो, सिया कायतोच वाचतोच चित्ततोच समुट्ठाति.

पुच्छा – चतुन्नं ¶ आवुसो अधिकरणानं कतमं अधिकरणं.

विस्सज्जना – आपत्ताधिकरणं भन्ते.

पुच्छा – सत्तन्नं आवुसो समथानं कतिहि समथेहि सम्मति.

विस्सज्जना – सत्तन्नं भन्ते समथानं द्वीहि समथेहि सम्मति, सम्मुखाविनयेनच पटिञ्ञातकरणेनच.

पुच्छा – को तत्थ आवुसो विनयो, को तत्थ अभिविनयो.

विस्सज्जना – पञ्ञत्ति भन्ते विनयो, विभत्ति अभिविनयो.

पुच्छा – किं ¶ आवुसो तत्थ पातिमोक्खं, किं अधिपातिमोक्खं.

विस्सज्जना – पञ्ञत्ति भन्ते पातिमोक्खं, विभत्ति अधिपातिमोक्खं.

पुच्छा – का आवुसो विपत्ति.

विस्सज्जना – असंवरो भन्ते विपत्ति.

पुच्छा – का आवुसो सम्पत्ति.

विस्सज्जना – संवरो भन्ते सम्पत्ति.

पुच्छा – का ¶ आवुसो तत्थ पटिपत्ति.

विस्सज्जना – न एवरूपं करिस्सामीति यावजीवं आपाणकोटिकं समादाय सिक्खति सिक्खापदेसु अयं भन्ते तत्थ पटिपत्ति.

पुच्छा – कति आवुसो अत्थवसे पटिच्च भगवता चतुत्थं पाराजिकं पञ्ञत्तं.

विस्सज्जना – दस भन्ते अत्थवसे पटिच्च भगवता चतुत्थं पाराजिकं पञ्ञत्तं, सङ्घसुट्ठुताय सङ्घफासुताय…पे… विनयानुग्गहाय.

पुच्छा – के ¶ आवुसो सिक्खन्ति.

विस्सज्जना – सेक्खाच भन्ते पुथुज्जनकल्याणकाच सिक्खन्ति.

पुच्छा – के आवुसो सिक्खितसिक्खा.

विस्सज्जना – अरहन्तो भन्ते सिक्खितसिक्खा.

पुच्छा – कत्थ आवुसो ठितं.

विस्सज्जना – सिक्खाकामेसु भन्ते ठितं.

पुच्छा – के आवुसो धारेन्ति.

विस्सज्जना – येसं भन्ते वत्तति ते धारेन्ति.

पुच्छा – कस्स ¶ आवुसो वचनं.

विस्सज्जना – भगवतो भन्ते वचनं अरहतो सम्मासम्बुद्धस्स.

पुच्छा – केनावुसो आभतं.

विस्सज्जना – परम्पराय भन्ते आभतं.

पुच्छा – अत्थि नुखो आवुसो तत्थ किञ्चि उपनेतब्बं वा अपनेतब्बं वा अक्खरपदपच्चाभट्ठं वा विरद्धपदब्यञ्जनं वा.

विस्सज्जना – नत्थि भन्ते.

सङ्घादिसेस सिक्खापुच्छा

१. सुक्कविस्सट्ठिसङ्घादिसेस सिक्खापुच्छा

पुच्छा – यं ¶ तेन आवुसो भगवता जानता पस्सता अरहता सम्मासम्बुद्धेन उपक्कमित्वा असुचिं मोचेन्तस्स सङ्घादिसेसो कत्थ पञ्ञत्तो.

विस्सज्जना – सावत्थियं भन्ते पञ्ञत्तो.

पुच्छा – कं आवुसो आरब्भ पञ्ञत्तो.

विस्सज्जना – आयस्मन्तं भन्ते सेय्यसकं आरब्भ पञ्ञत्तो.

पुच्छा – किस्मिं आवुसो वत्थुस्मिं पञ्ञत्तो.

विस्सज्जना – आयस्मा भन्ते सेय्यसको हत्थेन उपक्कमित्वा असुचिं मोचेसि, तस्मिं भन्ते वत्थुस्मिं पञ्ञत्तो.

पुच्छा – अत्थि ¶ आवुसो तत्थ पञ्ञत्ति अनुपञ्ञत्ति अनुप्पन्नपञ्ञत्ति.

विस्सज्जना – एका भन्ते पञ्ञत्ति, एका अनुपञ्ञत्ति, अनुप्पन्नपञ्ञत्ति तस्मिं नत्थि.

पुच्छा – कतमा आवुसो तत्थ मूलपञ्ञत्ति.

विस्सज्जना – सञ्चेतनिका सुक्कविस्सट्ठि सङ्घादिसेसोति अयं भन्ते तत्थ मूलपञ्ञत्ति.

पुच्छा – कतमा पनावुसो तत्थ अनुपञ्ञत्ति.

विस्सज्जना – अञ्ञत्र सुपिनन्ताति अयं भन्ते तत्थ अनुपञ्ञत्ति.

पुच्छा – कतमा ¶ पनावुसो तत्थ परिपुण्णपञ्ञत्ति.

विस्सज्जना – सञ्चेतनिका सुक्कविस्सट्ठि अञ्ञत्रसुपिनन्ता सङ्घादिसोति अयं भन्ते तत्थ परिपुण्णपञ्ञत्ति.

पुच्छा – साधारण पञ्ञत्तिनुखो आवुसो असाधारण पञ्ञत्तिनुखो.

विस्सज्जना – असाधारणपञ्ञत्ति भन्ते.

पुच्छा – तत्थ आवुसो उपक्कमित्वा असुचिं मोचेन्तो कति आपत्तियो आपज्जति.

विस्सज्जना – उपक्कमित्वा भन्ते असुचिं मोचेन्तो तिस्सो आपत्तियो आपज्जति, चेतेति उपक्कमति मुच्चति आपत्ति

सङ्घादिसेसस्स ¶ , चेतेति उपक्कमति न मुच्चति आपत्ति थुल्लच्चयस्स, पयोगे दुक्कटं.

पुच्छा – केसं आवुसो अनापत्ति.

विस्सज्जना – छन्नं भन्ते अनापत्ति सुपिनन्तेन मोचेन्तस्स न मोचनाधिप्पायस्स उम्मत्तकस्स खित्तचित्तस्स वेदनाट्टस्स आदिकम्मिकस्स इमेसं खो भन्ते छन्नं अनापत्ति.

पुच्छा – पञ्चन्नं ¶ आवुसो पातिमोक्खुद्देसानं कतमेन उद्देसेन उद्देसं आगच्छति.

विस्सज्जना – पञ्चन्नं भन्ते पातिमोक्खुद्देसानं ततियेन उद्देसेन उद्देसं आगच्छति.

पुच्छा – चतुन्नं आवुसो विपत्तीनं कतमा विपत्ति.

विस्सज्जना – चतुन्नं भन्ते विपत्तीनं सीलविपत्ति.

पुच्छा – का आवुसो विपत्ति.

विस्सज्जना – असंवरो भन्ते विपत्ति.

पुच्छा – का ¶ आवुसो सम्पत्ति.

विस्सज्जना – संवरो भन्ते सम्पत्ति.

पुच्छा – का आवुसो पटिपत्ति.

विस्सज्जना – न एव रूपं करिस्सामीति यावजीवं आपाणकोटिकं समादाय सिक्खति सिक्खापदेसु अयं भन्ते पटिपत्ति.

पुच्छा – कति आवुसो अत्थवसे पटिच्च भगवता उपक्कमित्वा असुचिं मोचेन्तस्स सङ्घादिसेसो पञ्ञत्तो.

विस्सज्जना – दस ¶ भन्ते अत्थवसे पटिच्च भगवता उपक्कमित्वा असुचिं मोचेन्तस्स सङ्घादिसेसो पञ्ञत्तो सङ्घसुट्ठुताय…पे… विनयानुग्गहाय.

पुच्छा – कत्थ आवुसो ठितं.

विस्सज्जना – सिक्खाकामेसु भन्ते ठितं.

पुच्छा – के आवुसो धारेन्ति.

विस्सज्जना – येसं भन्ते वत्तति ते धारेन्ति.

पुच्छा – कस्स ¶ आवुसो वचनं.

विस्सज्जना – भगवतो भन्ते वचनं अरहतो सम्मासम्बुद्धस्स.

पुच्छा – केनावुसो आभतं.

विस्सज्जना – परम्पराय भन्ते आभतं.

पुच्छा – अत्थि नुखो आवुसो तत्थ सनिदाने सपदभाजनीये सविनीतवत्थुके उपनेतब्बं वा अपनेतब्बं वा अक्खरपदपच्चाभट्ठं वा विरद्धपदब्यञ्जनं वा.

संगायनत्थाय सङ्घस्स ञापनं

सुणातु ¶ मे भन्ते सङ्घो आयस्मन्तं विचित्तसाराभिवंसं तिपिटकधर धम्मभण्डागारिकं पठमस्स सङ्घादिसेस सिक्खापदस्स निदानम्पि पुच्छिं, पुग्गलम्पि पुच्छिं, वत्थुम्पि पुच्छिं, पञ्ञत्तिम्पि पुच्छिं, अनुपञ्ञत्तिम्पि पुच्छि, आपत्तिम्पि पुच्छिं, अनापत्तिम्पि पुच्छिं, अञ्ञानिपि एवरूपानि अनेकानि पुच्छितब्बट्ठानानि पुच्छिं, पुट्ठो पुट्ठो च सो आयस्मा विचित्तसाराभिवंसो विस्सज्जेसि, इतिहिदं भन्ते पठम सङ्घादिसेस सिक्खापदं सपरिवारं निम्मलं सुपरिसुद्धं तस्सेव भगवतो वचनं अरहतो सम्मासम्बुद्धस्स. तस्मा यथापुरे महाकस्सपादयो महाथेरवरा पोराणसंगीतिकारा ब्रह्मचरियस्स चिरट्ठितिया बहुजनहिताय बहुजनसुखाय लोकानुकम्पाय अत्थाय हिताय सुखाय देवमनुस्सानं ¶ धम्मविनयं संगायिंसुचेव अनुसंगायिंसुच, एवमेव मयम्पि सब्बेव छट्ठसंगीतिमहाधम्मसभा परियापन्ना इदं पठमं सङ्घादिसेस सिक्खापदं निदानतो पट्ठाय एकच्चानं वचसा सज्झायवसेन एकच्चानं मनसा मनसिकरणवसेनच एकतो गणसज्झायं कत्वा संगायेय्याम.

पुच्छा – यं ¶ तेन आवुसो भगवता…पे… सम्मासम्बुद्धेन मातुकामेन सद्धिं कायसंसग्गं समापज्जन्तस्स च, मातुगामं दुट्ठुल्लाहि वाचाहि ओभासन्तस्स च, मातुगामस्स सन्तिके अत्तकाम पारिचरियाय वण्णं भासन्तस्स च, सञ्चरित्तं समापज्जन्तस्स च सङ्घादिसेसो कत्थ पञ्ञत्तो.

विस्सज्जना – सावत्थियं भन्ते पञ्ञत्तो.

पुच्छा – कं ¶ आवुसो आरब्भ पञ्ञत्तो.

विस्सज्जना – आयस्मन्तं भन्ते उदायित्थेरं आरब्भ पञ्ञत्तो.

पुच्छा – किस्मिं आवुसो वत्थुस्मिं पञ्ञत्तो.

विस्सज्जना – आयस्मा भन्ते उदायित्थेरो मातुगामेन सद्धिं कायसंसग्गं समापज्जि, आयस्मायेव भन्ते उदायित्थेरो मातुगामं दुट्ठुल्लाहि वाचाहि ओभासि, आयस्मायेव भन्ते उदायित्थेरो मातुगामस्स सन्तिके अत्तकाम पारिचरियाय वण्णं अभासि, आयस्मायेव भन्ते उदायित्थेरो सञ्चरित्तं समापज्जिं, तस्मिं भन्ते वत्थुस्मिं पञ्ञत्तो.

६. कुटिकार सङ्घादिसेस सिक्खापुच्छा

पुच्छा – यं ¶ तेन आवुसो…पे… सम्मासम्बुद्धेन सञ्ञाचिकाय कुटिं कारापेन्तस्स सङ्घादिसेसो कत्थ पञ्ञत्तो.

विस्सज्जना – आळवियं भन्ते पञ्ञत्थो.

पुच्छा – कं आवुसो आरब्भ पञ्ञत्तो.

विस्सज्जना – आळविके भन्ते भिक्खू आरब्भ पञ्ञत्तो.

पुच्छा – किस्मिं ¶ आवुसो वत्थुस्मिं पञ्ञत्तो.

विस्सज्जना – आळविका भन्ते भिक्खू सञ्ञाचिकायो कुटियो कारापेसुं, तस्मिं भन्ते वत्थुस्मिं पञ्ञत्तो.

७. विहारकार सङ्घादिसेस सिक्खापुच्छा

पुच्छा – यं तेन आवुसो…पे… सम्मासम्बुद्धेन महल्लकं विहारं कारापेन्तस्स सङ्घादिसेसो कत्थ पञ्ञत्तो.

विस्सज्जना – कोसम्बियं भन्ते.

पुच्छा – कं ¶ आवुसो आरब्भ पञ्ञत्तो.

विस्सज्जना – आयस्मन्तं भन्ते छन्नत्थेरं आरब्भ पञ्ञत्तो.

पुच्छा – किस्मिं आवुसो वत्थुस्मिं पञ्ञत्तो.

विस्सज्जना – आयस्मा भन्ते छन्नो विहारवत्थुं सोधेन्तो अञ्ञतरं चेतियरुक्खं छेदापेसि गामपूजितं निगमपूजितं नगर पूजितं जनपदपूजितं रट्ठपूजितं, तस्मिं भन्ते वत्थुस्मिं पञ्ञत्तो.

८-९. दुट्ठदोस सङ्घादिसेस सिक्खापुच्छा

पुच्छा – यं तेन आवुसो भगवता…पे… सम्मासम्बुद्धेन भिक्खुं अमूलकेन पाराजिकेन धम्मेन अनुद्धंसेन्तस्स च, भिक्खुं अञ्ञभागियस्स अधिकरणस्स किञ्चिदेसं लेसमत्तं उपादाय पाराजिकेन धम्मेन अनुद्धंसेन्तस्स च सङ्घादिसेसो कत्थ पञ्ञत्तो.

विस्सज्जना – राजगहे ¶ भन्ते पञ्ञत्तो.

पुच्छा – कं आवुसो आरब्भ किस्मिं वत्थुस्मिं पञ्ञत्तो.

विस्सज्जना – मेत्तियभूमजका भन्ते भिक्खू आरब्भ पञ्ञत्तो, मेत्तियभूमजका भन्ते भिक्खू आयस्मन्तं दब्बं मल्लपुत्तं अमूलकेन पाराजिकेन धम्मेन अनुद्धंसेसुं, तेयेव भन्ते मेत्तियभूमजका भिक्खू आयस्मन्तं दब्बं मल्लपुत्तं अञ्ञभागियस्स अधिकरणस्स किञ्चिदेसं लेसमत्तं उपादाय पाराजिकेन धम्मेन अनुद्धंसेसुं, तस्मिं भन्ते वत्थुस्मिं, पञ्ञत्तो.

१०. सङ्घभेदक सङ्घादिसेस सिक्खापुच्छा

पुच्छा – यं ¶ तेन आवुसो भगवता…पे… सम्मासम्बुद्धेन सङ्घभेदकस्स भिक्खुनो यावततियं समनुभासनाय अप्पटिनिस्सज्जन्तस्स सङ्घादिसेसो कत्थ पञ्ञत्तो.

विस्सज्जना – राजगहे भन्ते पञ्ञत्तो.

पुच्छा – कं ¶ आवुसो आरब्भ किस्मिं वत्थुस्मिं पञ्ञत्थो.

विस्सज्जना – देवदत्तं भन्ते आरब्भ पञ्ञत्तो.

देवदत्तो भन्ते समग्गस्स सङ्घस्स भेदाय परक्कमि, तस्मिं भन्ते वत्थुस्मिं पञ्ञत्तो.

११. भेदानुवत्तक सिक्खापुच्छा

पुच्छा – यं ¶ तेन आवुसो भगवता…पे… सम्मासम्बुद्धेन भेदानुवत्तकानं भिक्खूनं यावततियं समनुभासनाय अप्पटिनिस्सज्जन्तानं सङ्घादिसेसो कत्थ पञ्ञत्तो.

विस्सज्जना – राजगहे भन्ते पञ्ञत्तो.

पुच्छा – कं आवुसो आरब्भ किस्मिं वत्थुस्मिं पञ्ञत्तो.

विस्सज्जना – सम्बहुले भन्ते भिक्खू आरब्भ पञ्ञत्तो, सम्बहुला भन्ते भिक्खू देवदत्तस्स सङ्घाभेदाय परक्कमन्तस्स अनुवत्तका अहेसुं वग्गवादका, तस्मिं भन्ते वत्थुस्मिं पञ्ञत्तो.

१२. दुब्बच, सङ्घादिसेस सिक्खापुच्छा

पुच्छा – यं ¶ तेन आवुसो भगवता…पे… सम्मासम्बुद्धेन दुब्बचस्स भिक्खुनो यावततियं समनुभासनाय अप्पटिनिस्सज्जन्तस्स सङ्घादिसेसो कत्थ पञ्ञत्तो.

विस्सज्जना – कोसम्बियं भन्ते पञ्ञत्तो.

पुच्छा – कं ¶ आवुसो आरब्भ किस्मिं वत्थुस्मिं पञ्ञत्तो.

विस्सज्जना – आयस्मन्तं भन्ते छन्नं आरब्भ पञ्ञत्तो, आयस्मा भन्ते छन्नो भिक्खूहि सहधम्मिकं वुच्चमानो अत्तानं अवचनीयं अकासि, तस्मिं भन्ते वत्थुस्मिं पञ्ञत्तो.

१३. कुलदूसक सङ्घादिसेस सिक्खापुच्छा

पुच्छा – यं ¶ तेन आवुसो भगवता…पे… सम्मासम्बुद्धेन कुलदूसकस्स भिक्खुनो यावततियं समनुभासनाय अप्पटिनिस्सज्जन्तस्स सङ्घादिसेसो कत्थ पञ्ञत्तो.

विस्सज्जना – सावत्थियं ¶ भन्ते पञ्ञत्तो.

पुच्छा – कं आरब्भ आवुसो किस्मिं वत्थुस्मिं पञ्ञत्तो.

विस्सज्जना – अस्सजि पुनब्बसुके भन्ते भिक्खू आरब्भ पञ्ञत्तो, अस्सजिपुनब्बसुका भन्ते भिक्खू सङ्घेन पब्बाजनीयकम्मकता छन्दगामिता दोसगामिता मोहगामिता भयगामिता पापेसुं, तस्मिं भन्ते वत्थुस्मिं पञ्ञत्तो.

अनियत सिक्खापुच्छा

पुच्छा – यं ¶ तेन आवुसो भगवता…पे… सम्मासम्बुद्धेन पठमो च अनियतो दुतियो च अनियतो कत्थ पञ्ञत्तो.

विस्सज्जना – सावत्थियं भन्ते पञ्ञत्तो.

पुच्छा – कं आवुसो आरब्भ किस्मिं वत्थुस्मिं पञ्ञत्तो.

विस्सज्जना – आयस्मन्तं भन्ते उदायिं आरब्भ पञ्ञत्तो, आयस्मा भन्ते उदायी मातुगामेन सद्धिं एकोएकाय रहो पटिच्छन्ने आसने अलंकम्मनिये निसज्जं कप्पेसि, तस्मिञ्च वत्थुस्मिं, आयस्मायेव भन्ते उदायी मातुगामेन सद्धिं रहो निसज्जं अकासि, तस्मिञ्च भन्ते वत्थुस्मिं पञ्ञत्तो.

पुच्छा – कस्स ¶ आवुसो वचनं.

विस्सज्जना – भगवतो भन्ते वचनं अरहतो सम्मासम्बुद्धस्स.

पुच्छा – केनावुसो आभतं.

विस्सज्जना – परम्पराय भन्ते आभतं.

पुच्छा – अत्थि नुखो आवुसो एत्थ कोचिपि विरद्धदोसो.

विस्सज्जना – नत्थि भन्ते.

संगायनत्थाय सङ्घस्सञापनं

सुणातु ¶ मे भन्ते सङ्घो, अहं भन्ते आयस्मन्तं विचित्तसाराभिवंसं तिपिटकधर धम्मभण्डागारिकं पठम दुट्ठदोस सिक्खापदतो पट्ठाय पुच्छितब्बानि अनेकानि ठानानि पुच्छिं, सो च आयस्मा पुट्ठो पुट्ठो विस्सज्जेति, इतिहिदं भन्ते सब्बं सिक्खापदं निम्मलं सुपरिसुद्धं तस्सेव भगवतो वचनं अरहतो सम्मासम्बुद्धस्स, तस्मा यथापुरे महाकस्सपादयो महाथेरवरा पोराणसंगीतिकारा ब्रह्मचरियस्स चिरट्ठितिया बहुजनहिताय बहुजनसुखाय लोकानुकम्पाय अत्थाय हिताय सुखाय देवमनुस्सानं संगायिंसुचेव अनुसंगायिंसुच, एवमेव मयम्पि दानि सब्बेव छट्ठसंगीति महाधम्मसभापरियापन्ना इमानि सिक्खापदानि एकतो गणसज्झायं कत्वा संगायेय्याम.

निस्सग्गिपाचित्तिय

१. चीवरवग्ग १. पठमकथिन सिक्खापुच्छा

पुच्छा – यं ¶ तेन आवुसो भगवता…पे… सम्मासम्बुद्धेन अतिरेकचीवरं दसाहं अतिक्कामेन्तस्स निस्सग्गियं पाचित्तियं कत्थ पञ्ञत्तं.

विस्सज्जना – वेसालियं भन्ते पञ्ञत्तं.

पुच्छा – कं आवुसो आरब्भ किस्मिं वत्थुस्मिं पञ्ञत्तं.

विस्सज्जना – छब्बग्गिये भन्ते भिक्खू आरब्भ पञ्ञत्तं, छब्बग्गिया भन्ते भिक्खू अतिरेकचीवरं धारेसुं, तस्मिं भन्ते वत्थुस्मिं पञ्ञत्तं.

१. चीवरवग्ग २. उदोसित सिक्खापुच्छा

पुच्छा – एकरत्तं ¶ आवुसो तिचिवरेन विप्पवसन्तस्स निस्सग्गियं पाचित्तियं भगवता कत्थ पञ्ञत्तं.

विस्सज्जना – सावत्थियं भन्ते पञ्ञत्तं.

पुच्छा – कं आवुसो आरब्भ किस्मिं वत्थुस्मिं पञ्ञत्तं.

विस्सज्जना – सम्बहुले भन्ते भिक्खू आरब्भ पञ्ञत्तं, सम्बहुला भन्ते भिक्खू भिक्खूनं हत्थे चीवरं निक्खिपित्वा सन्तरुत्तरेन जनपदचारिकं पक्कमिंसु, तस्मिं भन्ते वत्थुस्मिं पञ्ञत्तं.

१. चीवरवग्ग ३. ततियकथिन सिक्खापुच्छा

पुच्छा – अकालचीवरं ¶ आवुसो पटिग्गहेत्वा मासं अतिक्कामेन्तस्स निस्सग्गियं पाचित्तियं भगवता कत्थ पञ्ञत्तं.

विस्सज्जना – सावत्थियं भन्ते पञ्ञत्तं.

पुच्छा – कं आवुसो आरब्ब्भ किस्मिं वत्थुस्मिं पञ्ञत्तं.

विस्सज्जना – सम्बहुले भन्ते भिक्खू आरब्भ पञ्ञत्तं, सम्बहुला भन्ते भिक्खू अकालचीवरं पटिग्गहेत्वा मासं अतिक्कामेसुं, तस्मिं भन्ते वत्थुस्मिं पञ्ञत्तं.

१. चीवरवग्ग ४. पुराणचीवर सिक्खापुच्छा

पुच्छा – अञ्ञातिकाय ¶ आवुसो भिक्खुनिया पुराणचीवरं धोवापेन्तस्स निस्सग्गियं पाचित्तियं भगवता कत्थ पञ्ञत्तं.

विस्सज्जना – सावत्थियं भन्ते पञ्ञत्तं.

पुच्छा – कं आवुसो आरब्भ किस्मिं वत्थुस्मिं पञ्ञत्तं.

विस्सज्जना – आयस्मन्तं भन्ते उदायिं आरब्भ पञ्ञत्तं, आयस्मा भन्ते उदायी अञ्ञातिकाय भिक्खुनिया पुराणचीवरं धोवापेसि, तस्मिं भन्ते वत्थुस्मिं पञ्ञत्तं.

१. चीवरवग्ग ५. चीवरपटिग्गहण सिक्खापुच्छा

पुच्छा – अञ्ञातिकाय ¶ आवुसो भिक्खुनिया हत्थतो चीवरं पटिग्गण्हन्तस्स निस्सग्गियं पाचित्तियं भगवता कत्थ पञ्ञत्तं.

विस्सज्जना – राजगहे भन्ते पञ्ञत्तं.

पुच्छा – कं आवुसो आरब्भ किस्मिं वत्थुस्मिं पञ्ञत्तं.

विस्सज्जना – आयस्मन्तं भन्ते उदायिं आरब्भ पञ्ञत्तं, आयस्मा भन्ते उदायी अञ्ञातिकाय भिक्खुनिया हत्थतो चीवरं पटिग्गहेसि, तस्मिं भन्ते वत्थुस्मिं पञ्ञत्तं.

१. चीवरवग्ग ६. अञ्ञातकविञ्ञत्ति सिक्खापुच्छा

पुच्छा – अञ्ञातकं ¶ आवुसो गहपतिंवा गहतानिंवा चीवरं विञ्ञापेन्तस्स निस्सग्गियं पाचित्तियं भगवता कत्थ पञ्ञत्तं.

विस्सज्जना – सावत्थियं भन्ते पञ्ञत्तं.

पुच्छा – कं आवुसो आरब्भ किस्मिं वत्थुस्मिं पञ्ञत्तं.

विस्सज्जना – आयस्मन्तं भन्ते उपनन्दं सक्यपुत्तं आरब्भ पञ्ञत्तं, आयस्मा भन्ते उपनन्दो सक्यपुत्तो अञ्ञातकं सेट्ठिपुत्तं चीवरं विञ्ञापेसि, तस्मिं भन्ते वत्थुस्मिं पञ्ञत्तं.

१. चीवरवग्ग ७. ततुत्तरि सिक्खापुच्छा

पुच्छा – अञ्ञातकं ¶ आवुसो गहपतिं वा गहपतानिं वा ततुत्तरि चीवरं विञ्ञापेन्तस्स निस्सग्गियं पाचित्तियं भगवता कत्थ पञ्ञत्तं.

विस्सज्जना – सावत्थियं भन्ते पञ्ञत्तं.

पुच्छा – कं आवुसो आरब्भ किस्मिं वत्थुस्मिं पञ्ञत्तं.

विस्सज्जना – छब्बग्गिये भन्ते भिक्खू आरब्भ पञ्ञत्तं, छब्बग्गिया भन्ते भिक्खू न मत्तं जानित्वा बहुम्पि चीवरं विञ्ञापेसुं, तस्मिं भन्ते वत्थुस्मिं पञ्ञत्तं.

पुच्छा – पुब्बे ¶ अप्पवारितस्स आवुसो अञ्ञातकं गहपतिं वा गहतानिं वा उपसङ्कमित्वा चीवरे विकप्पं आपज्जन्तस्स च अञ्ञातके गहपतिके उपसङ्कमित्वा चीवरे विकप्पं आपज्जन्तस्स च निस्सग्गियं पाचित्तियं भगवता कत्थ पञ्ञत्तं.

विस्सज्जना – सावत्थियं भन्ते पञ्ञत्तं.

पुच्छा – कं आवुसो आरब्भ किस्मिं वत्थुस्मिं पञ्ञत्तं.

विस्सज्जना – आयस्मन्तं भन्ते उपनन्दं सक्यपुत्तं आरब्भ पञ्ञत्तं, आयस्मा भन्ते उपनन्दो सक्यपुत्तो पुब्बे अप्पवारितो अञ्ञातकं गहपतिकं उपसङ्कमित्वा चीवरे विकप्पं आपज्जि. सोयेव भन्ते आयस्मा उपनन्दो सक्यपुत्तो पुब्बे अप्पवारितो अञ्ञातके गहपतिके उपसङ्कमित्वा चीवरे विकप्पं आपज्जि, तस्मिं भन्ते वत्थुस्मिं पञ्ञत्तं.

१. चीवरवग्ग १०. राज सिक्खापुच्छा

पुच्छा – अतिरेकतिक्खत्तुं आवुसो चोदनाय अतिरेक छक्खत्तुं ठानेन चीवरं अभिनिप्फादेन्तस्स निस्सग्गियं पाचित्तियं भगवता कत्थ पञ्ञत्तं.

विस्सज्जना – सावत्थियं भन्ते पञ्ञत्तं.

पुच्छा – कं ¶ आवुसो आरब्भ किस्मिं वत्थुस्मिं पञ्ञत्तं.

विस्सज्जना – आयस्मन्तं भन्ते उपनन्दं सक्यपुत्तं आरब्भ पञ्ञत्तं, आयस्मा भन्ते उपनन्दो सक्यपुत्तो उपासकेन अज्जण्हो भन्ते आगमेहीति वुच्चमानो नागमेसि, तस्मिं भन्ते वत्थुस्मिं पञ्ञत्तं.

२. कोसियवग्ग, १. कोसिय सिक्खापुच्छा

पुच्छा – कोसियमिस्सकं आवुसो सन्थकं कारापेन्तस्स निस्सग्गियं पाचित्तियं भगवता कत्थ पञ्ञत्तं.

विस्सज्जना – आळवियं भन्ते पञ्ञत्तं.

पुच्छा – कं ¶ ० आवुसो आरब्भ किस्मिं वत्थुस्मिं पञ्ञत्तं.

विस्सज्जना – छब्बग्गिये भन्ते आरब्भ पञ्ञत्तं, छब्बग्गिया भन्ते भिक्खू कोसियकारके उपसङ्कमित्वा एवमहंसु बहू आवुसो कोसकारके पचथ अम्हाकम्पि दस्सथ मयम्पि इच्छाम कोसियमिस्सकं सन्तकं कातुन्ति, तस्मिं भन्ते वत्थुस्मिं पञ्ञत्तं.

२. कोसियवग्ग २. सुद्धकाळक सिक्खापुच्छा

पुच्छा – सुद्धकाळकानं आवुसो एळकलोमानं सन्थतं कारापेन्तस्स निस्सग्गियं पाचित्तियं भगवता कत्थ पञ्ञत्तं.

विस्सज्जना – वेसालियं भन्ते पञ्ञत्थं.

पुच्छा – कं ¶ आवुसो आरब्भ किस्मिं वत्थुस्मिं पञ्ञत्तं.

विस्सज्जना – छब्बग्गिये भन्ते भिक्खू आरब्भ पञ्ञत्तं, छब्बग्गिया भन्ते भिक्खू सुद्धकाळकानं एळकलोमानं सन्थतं कारापेसुं, तस्मिं भन्ते वत्थुस्मिं पञ्ञत्तं.

२. कोसियवग्ग ३. द्वेभाग सिक्खापुच्छा

पुच्छा – अनादियित्वा आवुसो तुलं ओदातानं तुलं गोचरियानं नवं सन्थतं कारापेन्तस्स निस्सग्गियं पाचित्तियं भगवता कत्थ पञ्ञत्तं.

विस्सज्जना – सावत्थियं भन्ते पञ्ञत्तं.

पुच्छा – कं ¶ आवुसो आरब्भ किस्मिं वत्थुस्मिं पञ्ञत्तं.

विस्सज्जना – छब्बग्गिये भन्ते भिक्खू आरब्भ पञ्ञत्तं, छब्बग्गिया भन्ते भिक्खू थोकंयेव ओदातं अन्ते आदियित्वा तथेव सुद्धकाळकानं एळकलोमानं सन्थतं कारापेसुं, तस्मिं भन्ते वत्थुस्मिं पञ्ञत्तं.

२. कोसियवग्ग ४. छब्बस्स सिक्खापुच्छा

पुच्छा – यं तेन आवुसो भगवता…पे… सम्मासम्बुद्धेन अनुवस्सं कारापेन्तस्स निस्सग्गियं पाचित्तियं कत्थ पञ्ञत्तं.

विस्सज्जना – सावत्थियं भन्ते पञ्ञत्तं.

पुच्छा – कं ¶ आवुसो आरब्भ किस्मिं वत्थुस्मिं पञ्ञत्तं.

विस्सज्जना – सम्बहुले भन्ते भिक्खू आरब्भ पञ्ञत्तं, सम्बहुला भन्ते भिक्खू अनुवस्सं सन्थतं कारापेसुं, तस्मिं भन्ते वत्थुस्मिं पञ्ञत्तं.

पुच्छा – कस्स आवुसो वचनं.

विस्सज्जना – भगवतो भन्ते वचनं अरहतो सम्मासम्बुद्धस्स.

पुच्छा – केनावुसो आभतं.

विस्सज्जना – परम्पराय भन्ते आभतं.

पुच्छा – अत्थि ¶ नुखो आवुसो एत्थ कोचि विरद्धदोसो.

विस्सज्जना – नत्थि भन्ते.

संगायनत्थाय सङ्घस्स ञापनं

सुणातु मे भन्ते सङ्घो, अहं आयस्मन्तं विचित्तसाराभिवंसं तिपिटकधर धम्मभण्डागारिकं इमेसं निस्सग्गियपाचित्तियसिक्खापदानं याव छब्बस्ससिक्खापदं निदानादीनि पुच्छितब्बानि अनेकानि ठानानि पुच्छिं, पुट्ठोपुट्ठो च सो आयस्मा विचित्तसाराभिवंसो विस्सज्जेसि, इतिहिदं भन्ते इमानि सिक्खापदानि निम्मलानि सुपरिसुद्धानी तस्सेव भगवतो वचनानि अरहतो सम्मासम्बुद्धस्स, तस्मा यथापुरे महाकस्सपादयो महाथेरवरा पोराणसंगीतिकारा ब्रह्मचरियस्स चिरट्ठितिया बहुजनहिताय बहुजनसुखाय लोकानुकम्पाय अत्थाय हिताय सुखाय देवमनुस्सानं धम्मविनयं संगायिंसु चेव अनुसंगायिंसु च, एवमेव मयम्पि दानि सब्बेव छट्ठसंगीति महाधम्मसभा परियापन्ना छब्बस्स निस्सग्गिय सिक्खापदतो पट्ठाय इमानि निस्सग्गियसिक्खापदानि एकतो गणसज्झायं कत्वा संहायेय्याम.

२. कोसियवग्ग ५. निसीदनसन्थत सिक्खापुच्छा

पुच्छा – यं ¶ तेन आवुसो भगवता…पे… सम्मासम्बुद्धेन अनादियित्वा पुराणसन्थतस्स सामन्ता सुगतविदत्तिं नवं निसीदनसन्थतं कारापेन्तस्स निस्सग्गियं पाचित्तियं कत्थ पञ्ञत्तं.

विस्सज्जना – सावत्थियं भन्ते पञ्ञत्तं.

पुच्छा – कं ¶ आवुसो आरब्भ किस्मिं वत्थुस्मिं पञ्ञत्तं.

विस्सज्जना – सम्बहुले भन्ते भिक्खू आरब्भ पञ्ञत्तं, सम्बहुला भन्ते भिक्खू सन्थतानि उज्झित्वा आरञ्ञिकं पिण्डपातिकङ्गं पंसुकूलकङ्गं समादियिंसु, तस्मिं भन्ते वत्थुस्मिं पञ्ञत्तं.

२. कोसियवग्ग ६. एळकलोम सिक्खापुच्छा

पुच्छा – एळकलोमानि आवुसो पटिग्गहेत्वा तियोजनं अतिक्कामेन्तस्स निस्सग्गियं पाचित्तियं कत्थ पञ्ञत्तं.

विस्सज्जना – सावत्थियं भन्ते पञ्ञत्तं.

पुच्छा – कं ¶ आवुसो आरब्भ किस्मिं वत्थुस्मिं पञ्ञत्तं.

विस्सज्जना – अञ्ञतरं भन्ते भिक्खुं आरब्भ पञ्ञत्तं, अञ्ञतरो भन्ते भिक्खु एळकलोमानि पटिग्गहेत्वा तियोजनं अतिक्कामेसि, तस्मिं भन्ते वत्थुस्मिं पञ्ञत्तं.

२. कोसियवग्ग ७. एळकलोमधोवापन सिक्खापुच्छा

पुच्छा – अञ्ञातिकाय ¶ आवुसो भिक्खुनिया एळकलोमानि धोवापेन्तस्स निस्सग्गियं पाचित्तियं कत्थ पञ्ञत्तं.

विस्सज्जना – सक्केसु भन्ते पञ्ञत्तं.

पुच्छा – कं आवुसो आरब्भ किस्मिं वत्थुस्मिं पञ्ञत्तं.

विस्सज्जना – छब्बग्गिये भन्ते भिक्खू आरब्भ पञ्ञत्तं, छब्बग्गिया भन्ते भिक्खू अञ्ञातिकाहि भिक्खूनीहि एळकलोमानि धोवापेसुं, तस्मिं भन्ते वत्थुस्मिं पञ्ञत्तं.

२. कोसियवग्ग ८. रूपिय सिक्खापुच्छा

पुच्छा – रूपियं ¶ आवुसो पटिग्गण्हन्तस्स निस्सग्गियं पाचित्तियं भगवता कत्थ पञ्ञत्तं.

विस्सज्जना – राजगहे भन्ते पञ्ञत्तं.

पुच्छा – कं आवुसो आरब्भ किस्मिं वत्थुस्मिं पञ्ञत्तं.

विस्सज्जना – आयस्मन्तं भन्ते उपनन्दं सक्यपुत्तं आरब्भ पञ्ञत्तं, आयस्मा भन्ते उपनन्दो सक्यपुत्तो रूपियं पटिग्गहेसि, तस्मिं भन्ते वत्थुस्मिं पञ्ञत्तं.

पुच्छा – कथं ¶ आवुसो तत्थ पटिपज्जन्तो रूपियं पटिग्गण्हाति नाम.

विस्सज्जना – सयं भन्ते गण्हाति, अञ्ञं वा गण्हापेसि, इदं अय्यस्स होतूति उपनिक्खित्तं सादियति, एवं खो भन्ते पटिपज्जन्तो भिक्खु रूपियं पटिग्गण्हाति नाम.

पुच्छा – कथं आवुसो तत्थ पटिपज्जन्तो भिक्खु रूपियं न पटिग्गण्हाति नाम.

विस्सज्जना – यथा ¶ भन्ते राजसिक्खापदे यथा च भन्ते मेण्डकसिक्खापदे आगच्छति, तथा भन्ते पटिपज्जन्तो भिक्खु रूपियं न पटिग्गण्हातिनाम.

२. कोसियवग्ग ९. रूपियसंवोहार सिक्खापुच्छा

पुच्छा – रूपियसंवोहारं ¶ आवुसो समापज्जन्तस्स निस्सग्गियं पाचित्तियं भगवता कत्थ पञ्ञत्तं.

विस्सज्जना – सावत्थियं भन्ते पञ्ञत्तं.

पुच्छा – कं आवुसो आरब्भ किस्मिं वत्थुस्मिं पञ्ञत्तं.

विस्सज्जना – छब्बग्गिये भन्ते भिक्खू आरब्भ पञ्ञत्तं, छब्बग्गिया भन्ते भिक्खू नानप्पकारकं रूपियसंवोहारं समापज्जिंसु, तस्मिं भन्ते वत्थुस्मिं पञ्ञत्तं.

२. कोसियवग्ग, १०. कयविक्कय सिक्खापुच्छा

पुच्छा – नानप्पकारकं आवुसो कयविक्कयं आपज्जन्तस्स निस्सग्गियं पाचित्तियं भगवता कत्थ पञ्ञत्तं.

विस्सज्जना – सावत्थियं भन्ते पञ्ञत्तं.

पुच्छा – कं आवुसो आरब्भ किस्मिं वत्थुस्मिं पञ्ञत्तं.

विस्सज्जना – आयस्मन्तं भन्ते उपनन्दं सक्यपुत्तं आरब्भ पञ्ञत्तं, आयस्मा भन्ते उपनन्दो सक्यपुत्तो परिब्बाजकेन सद्धि कयविक्कयं समापज्जि, तस्मिं भन्ते वत्थुस्मिं पञ्ञत्तं.

पुच्छा – कथं आवुसो तत्थ पटिपज्जन्तो भिक्खु कयविक्कयं समापज्जतिनाम.

विस्सज्जना – इमिना इमं देहि इमिना इमं आहर इमिना इमं परिवत्तेहि इमिना इमं चेतामेहीति अज्झाचरति, एवं खो भन्ते पटिपज्जन्तो कयविक्कयं समापज्जतिनाम.

पुच्छा – कथं ¶ आवुसो तत्थ पटिपज्जन्तो भिक्खु न कयविक्कयं समापज्जतिनाम.

विस्सज्जना – यो भन्ते अग्घं पुच्छति, यो च भन्ते कप्पियकारकस्स आचिक्खति, यो च भन्ते अम्हाकञ्च इदं अत्थि अम्हाकञ्च इमिना च इमिना च अत्थोति भणति, एवं खो भन्ते पटिपज्जन्तो भिक्खु न कयविक्कयं समापज्जतिनाम.

३. पत्तवग्ग, १. पत्त सिक्खापुच्छा

पुच्छा – अतिरेकपत्तं आवुसो दसाहं अतिक्कामेन्तस्स निस्सग्गियं पाचित्तियं कत्थ पञ्ञत्तं.

विस्सज्जना – सावत्थियं भन्ते पञ्ञत्तं.

पुच्छा – कं ¶ आवुसो आरब्भ किस्मिं वत्थुस्मिं पञ्ञत्तं.

विस्सज्जना – छब्बग्गिये भन्ते भिक्खू आरब्भ पञ्ञत्तं, छब्बग्गिया भन्ते भिक्खू अतिरेकपत्तं धारेसुं, तस्मिं भन्ते वत्थुस्मिं पञ्ञत्तं.

५१४ ३. पत्तवग्ग, २. ऊनपञ्चबन्धन सिक्खापुच्छा

पुच्छा – ऊनपञ्चबन्धनेन पत्तेन अञ्ञं नवं पत्तं चेतापेन्तस्स निस्सग्गियं पाचित्तियं कत्थ पञ्ञत्तं.

विस्सज्जना – सक्केसु भन्ते पञ्ञत्तं.

पुच्छा – कं ¶ आवुसो आरब्भ किस्मिं वत्थुस्मिं पञ्ञत्तं.

विस्सज्जना – छब्बग्गिये भन्ते भिक्खू आरब्भ पञ्ञत्तं, छब्बग्गिया भन्ते भिक्खू अप्पमत्तकेनपि भिन्नेन अप्पमत्तकेनपि खण्डेन विलिखितमत्तेनपि बहू पत्ते विय्यापेसुं, तस्मिं भन्ते वत्थुस्मिं पञ्ञत्तं.

न भिक्खवे पत्तो विञ्ञापेतब्बो, यो विञ्ञापेय्य आपत्ति दुक्कटस्स.

३. पत्तवग्ग ३. भेसज्ज सिक्खापुच्छा

पुच्छा – भेसज्जानि ¶ आवुसो पटिग्गहेत्वा सत्ताहं अतिक्कामेन्तस्स निस्सग्गियं पाचित्तियं कत्थ पञ्ञत्तं.

विस्सज्जना – सावत्थियं भन्ते पञ्ञत्तं.

पुच्छा – कं आवुसो आरब्भ किस्मिं वत्थुस्मिं पञ्ञत्तं.

विस्सज्जना – सम्बहुले भन्ते भिक्खू आरब्भ आरब्भ पञ्ञत्तं, सम्बहुला भन्ते भिक्खू भेसज्जानि पटिग्गहेत्वा सत्ताहं अतिक्कामेसुं, तस्मिं भन्ते वत्थुस्मिं पञ्ञत्तं.

३. पत्तवग्ग ४. वस्सिकसाटिक सिक्खापुच्छा

पुच्छा – अतिरेकमासे ¶ सेसे गिमाने आवुसो वस्सिकसाटिकचीवरं परियेसन्तस्स निस्सग्गियं पाचित्तियं कत्थ पञ्ञत्तं.

विस्सज्जना – सावत्थियं भन्ते पञ्ञत्तं.

पुच्छा – कं ¶ आवुसो आरब्भ किस्मिं वत्थुस्मिं पञ्ञत्तं.

विस्सज्जना – छब्बग्गिये भन्ते भिक्खू आरब्भ पञ्ञत्तं, छब्बग्गिया भन्ते भिक्खू अतिरेकमासे सेसे गिम्हाने वस्सिकसाटिकचीवरं परियेसिंसु, तस्मिं भन्ते वत्थुस्मिं पञ्ञत्तं.

३. पत्तवग्ग ५. चीवरअच्छिन्दन सिक्खापुच्छा

पुच्छा – भिक्खुस्स आवुसो सामं चीवरं दत्वा कुपितेन अनत्तमनेन अच्छिन्दन्तस्स निस्सग्गियं पाचित्तियं कत्थ पञ्ञत्तं.

विस्सज्जना – सावत्थियं भन्ते पञ्ञत्तं.

पुच्छा – कं ¶ आवुसो आरब्भ किस्मिं वत्थुस्मिं पञ्ञत्तं.

विस्सज्जना – आयस्मन्तं भन्ते उपनन्दं सक्यपुत्तं आरब्भ पञ्ञत्तं, आयस्मा भन्ते उपनन्दो सक्यपुत्तो भिक्खुस्स सामं चीवरं दत्वा कुपितो अनत्तमनो अच्छिन्दि, तस्मिं भन्ते वत्थुस्मिं पञ्ञत्तं.

३. पत्तवग्गो, ६. सुत्तविञ्ञत्ति सिक्खापुच्छा

पुच्छा – सामं आवुसो सुत्तं विञ्ञापेत्वा तन्तवायेहि चीवरं वायापेन्तस्स निस्सग्गियं पाचित्तियं कत्थ पञ्ञत्तं.

विस्सज्जना – राजगहे भन्ते पञ्ञत्तं.

पुच्छा – कं आवुसो आरब्भ किस्मिं वत्थुस्मिं पञ्ञत्तं.

विस्सज्जना – छब्बग्गिये भन्ते भिक्खू आरब्भ पञ्ञत्तं, छब्बग्गिया भन्ते भिक्खू सामं सुत्तं विञ्ञापेत्वा तन्तवायेहि चीवरं वायापेसुं, तस्मिं भन्ते वत्थुस्मिं पञ्ञत्तं.

३. पत्तवग्ग, ७. महापेसकार सिक्खापुच्छा

पुच्छा – पुब्बे ¶ अप्पवारितस्स आवुसो अञ्ञातकस्स गहपतिकस्स तन्तवाये उपसङ्कमित्वा चीवरे विकप्पं आपज्जन्तस्स निस्सग्गियं पाचित्तियं कत्थ पञ्ञत्तं.

विस्सज्जना – सावत्थि यं भन्ते पञ्ञत्तं.

पुच्छा – कं ¶ आवुसो आरब्भ किस्मिं वत्थुस्मिं पञ्ञत्तं.

विस्सज्जना – आयस्मन्तं भन्ते उपनन्दं सक्यपुत्तं आरब्भ पञ्ञत्तं, आयस्मा भन्ते उपनन्दो सक्यपुत्तो पुब्बे अप्पवारितो अञ्ञातकस्स गहपतिकस्स तन्तवाये उपसङ्कमित्वा चीवरे विकप्पं आपज्जि, तस्मिं भन्ते वत्थुस्मिं पञ्ञत्तं.

३. पत्तवग्गो, ८. अच्चेकचीवर सिक्खापुच्छा

पुच्छा – अच्चेक चीवरं आवुसो पटिग्गहेत्वा चीवरकालसमयं अतिक्कामेन्तस्स निस्सग्गियं पाचित्तियं कत्थ पञ्ञत्तं.

विस्सज्जना – सावत्थियं भन्ते पञ्ञत्तं.

पुच्छा – कं ¶ आवुसो आरब्भ किस्मिं वत्थुस्मिं पञ्ञत्तं.

विस्सज्जना – सम्बहुले भन्ते भिक्खू आरब्भ पञ्ञत्तं, सम्बहुला भन्ते भिक्खू अच्चेकचीवरं पटिग्गहेत्वा चीवरकालसमयं अतिक्कामेसुं, तस्मिं भन्ते वत्थुस्मिं पञ्ञत्तं.

३. पत्तवग्गो, ९. सासङ्क सिक्खापुच्छा

पुच्छा – तिण्णं आवुसो चीवरानं अञ्ञतरं चीवरं अन्तरघरे निक्खिपित्वा अतिरेकछारत्तं विप्पवसन्तस्स निस्सग्गियं पाचित्तियं कत्थ पञ्ञत्तं.

विस्सज्जना – सावत्थियं भन्ते पञ्ञत्तं.

पुच्छा – कं ¶ आवुसो आरब्भ किस्मिं वत्थुस्मिं पञ्ञत्तं.

विस्सज्जना – सम्बहुले भन्ते भिक्खू आरब्भ पञ्ञत्तं, सम्बहुला भन्ते भिक्खू तिण्णं चीवरानं अञ्ञतरं चीवरं अन्तरघरे निक्खिपित्वा अतिरेकछारत्तं विप्पवसिंसु, तस्मिं भन्ते वत्थुस्मिं पञ्ञत्तं.

३. पत्तवग्गो, १०. परिणत सिक्खापुच्छा

पुच्छा – यं तेन आवुसो भगवता पस्सता अरहता सम्मासम्बुद्धेन जानं सङ्घिकं लाभं अत्थनो परिणामेन्तस्स निस्सग्गियं पाचित्तियं कत्थ पञ्ञत्तं.

विस्सज्जना – सावत्थियं भन्ते पञ्ञत्तं.

पुच्छा – कं ¶ आवुसो आरब्भ किस्मिं वत्थुस्मिं पञ्ञत्तं.

विस्सज्जना – छब्बग्गिये भन्ते भिक्खू आरब्भ पञ्ञत्तं, छब्बग्गिया भन्ते भिक्खू जानं सङ्घिकं लाभं परिणतं अत्तनो परिणामेसुं, तस्मिं भन्ते वत्थुस्मिं पञ्ञत्तं.

पुच्छा – जानं ¶ आवुसो सङ्घिकं लाभं परिणतं अत्तनो परिणामेन्तो, कति आपत्तियो आपज्जति.

विस्सज्जना – जानं भन्ते सङ्घिकं लाभं परिणतं अत्तनो परिणामेन्तो द्वे आपत्तियो आपज्जति, परिणामेति पयोगे दुक्कटं, परिणामिते निस्सग्गियं पाचित्तियं, जानं भन्ते सङ्घिकं लाभं परिणतं अत्तनो परिणामेन्तो इमा द्वे आपत्तियो आपज्जति.

पुच्छा – कस्स ¶ आवुसो वचनं.

विस्सज्जना – भगवतो भन्ते वचनं अरहतो सम्मासम्बुद्धस्स.

पुच्छा – केनावुसो आभतं.

विस्सज्जना – परम्पराय भन्ते आभतं.

पुच्छा – अत्थि नुखो आवुसो तत्थ कोचिपि विरद्धदोसो.

विस्सज्जना – नत्थि भन्ते.

संगायनत्थाय ञापनं

सुणातु ¶ मे भन्ते सङ्घो, अहं भन्ते इमेसं सोळसन्नं निस्सग्गियपाचित्तियसिक्खापदानं निदानादीनि अनेकानि पुच्छितब्बानि आयस्मन्तं विचित्तसाराभिवंसं तिपिटकधर धम्मभण्डागारिकं पुच्छिं, सो च पुट्ठो पुट्ठो विस्सज्जेति, इतिहिदं भन्ते सिक्खापदसञ्जातं निम्मलं सु परिसुद्धं तस्सेव भगवतो वचनं अरहतो सम्मासम्बुद्धस्स, तस्मा यथा पुरे महाकस्सपादयो महाथेर वरा पोराणसंगीतिकारा ब्रह्मचरियसङ्खातस्स बुद्धसासनस्स चिरट्ठितिया बहुजनहिताय बहुजनसुखाय लोकानुकम्पाय अत्थाय हिताय सुखाय देवमनुस्सानं धम्मविनयं संगायिंसुचेव अनुसंगायिंसुच, एवमेव मयम्पि दानि छट्ठसंगीति महाधम्मसभापरियापन्ना इमानि सिक्खापदानि यथानुप्पत्तट्ठानतो पट्ठाय एकतो गणसज्झायं कत्वा संगायेय्याम.

पाचित्तियपाळि

१. मुसावादवग्ग, १. मुसावाद सिक्खापुच्छा

पुच्छा – यं तेन आवुसो भगवता जानता पस्सता अरहता सम्मासम्बुद्धेन सम्पजानमुसावादे पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते पञ्ञत्तं, हत्थकं सक्यपुत्तं आरब्भ पञ्ञत्तं, हत्थको भन्ते सक्यपुत्तो तित्थियेहि सद्धिं सल्लपन्तो अवजानित्वा पटिजानाति पटिजानित्वा अवजानाति, तस्मिं भन्ते वत्थुस्मिं पञ्ञत्तं.

१. मुसावादवग्गो, २-३. ओमसवाद, पेसुञ्ञ सिक्खापुच्छा

पुच्छा – ओमसवादे पाचित्तियञ्च आवुसो भिक्खुपेसुञ्ञे पाचित्तियञ्च भगवता कत्थपञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं ¶ भन्ते पञ्ञत्तं, छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू भिक्खूहि सद्धिं भण्डन्ता ओमसिंसु तस्मिंच वत्थुस्मिं, छब्बग्गिया भन्ते भिक्खू भिक्खूनं भण्डनजातानं कलहजातानं विवादापन्नानं पेसुञ्ञं उपसंहरिंसु, तस्मिं भन्ते वत्थुस्मिं पञ्ञत्तं.

१. मुसावादवग्ग, ४. पदसोधम्म सिक्खापुच्छा

पुच्छा – अनुपसम्पन्नं आवुसो पदसो वाचेन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते पञ्ञत्तं, छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू उपासके पदसो धम्मं वाचेसुं, तस्मिं भन्ते वत्थुस्मिं पञ्ञत्तं.

१. मुसावादवग्गो ५. सहसेय्य सिक्खापुच्छा

पुच्छा – अनुपसम्पन्नेन आवुसो उत्तरिदिरत्ततिरत्तं सहसेय्यं कप्पेन्तस्स पाचित्तियं कत्थ पञ्ञत्तं, कंआरब्भ किस्मिं वत्थुस्मिं पञ्ञत्तं.

विस्सज्जना – आळवियं भन्ते पञ्ञत्तं, सम्बहुले भिक्खू आरब्भ पञ्ञत्तं, सम्बहुला भन्ते भिक्खू अनुपसम्पन्नेन सहसेय्यं कप्पेसुं, तस्मिं भन्ते वत्थुस्मिं पञ्ञत्तं.

पुच्छा – केसं ¶ आवुसो एत्थ अनुपसम्पन्नेन सहसेय्यं कप्पेन्तानम्पि अनापत्ति होति.

विस्सज्जना – एकादसन्नं भन्ते पुग्गलानं अनुपसम्पन्नेन सहसेय्यं कप्पेन्तानं अनापत्ति, द्वेतिस्सो रत्तियो वसती, ऊनकद्वे तिस्सो रत्तियो वसति, द्वेरत्तियो वसित्वा ततियायरत्तिया पुरारुणा निक्खमित्वा पुन वसति, सब्बच्छन्ने सब्बअपरिच्छन्ने, सब्बपरिच्छन्ने सब्बअच्छन्ने, येभुय्येन अच्छन्ने येभुय्येन अपरिच्छन्ने, अनुपसम्पन्ने निपन्ने भिक्खु निसीदति, भिक्खुनिपन्ने अनुपसम्पन्नो निसीदति, उभोवा निसीदन्ति, उम्मत्तकस्स, आदिकम्मिकस्स, इमेसंखो भन्ते एकादसन्नं पुग्गलानं अनुपसम्पन्नेन सहसेय्यं कप्पेन्तानं अनापत्ति.

१. मुसावादवग्गो, ६. दुतिय सहसेय्य सिक्खापुच्छा

पुच्छा – मातुगामेन ¶ आवुसो सहसेय्यं कप्पेन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते आयस्मन्तं अनुरुद्धं आरब्भ पञ्ञत्तं, आयस्मा भन्ते अनुरुद्धो मातुगामेन सहसेय्यं कप्पेसि, तस्मिं भन्ते वत्थुस्मिं पञ्ञत्तं.

१. मुसावादवग्गो, ७. धम्मदेसना सिक्खापुच्छा

पुच्छा – मातुगामस्स ¶ आवुसो उत्तरि छप्पञ्चवाचाहि धम्मं देसेन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते आयस्मन्तं उदायिं आरब्भ पञ्ञत्तं, आयस्मा भन्ते उदायी मातुगामस्स धम्मंदेसेति, तस्मिं भन्ते वत्थुस्मिं पञ्ञत्तं.

१. मुसावादवग्गो, ८. भूतारोचन सिक्खापुच्छा

पुच्छा – अनुपसम्पन्नस्स ¶ आवुसो उत्तरिमनुस्सधम्मं भूतं आरोचेन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – वेसालियं भन्ते वग्गुमुदातीरिये भिक्खू आरब्भ पञ्ञत्तं, वग्गुमुदातीरिया भन्ते भिक्खू गिहीनं अञ्ञमञ्ञस्स उत्तरिमनुस्सधम्मस्स वण्णं भासिंसु, तस्मिं भन्ते वत्थुस्मिं पञ्ञत्तं.

१. मुसावादवग्गो, ९. दुट्ठुल्लारोचन सिक्खापुच्छा

पुच्छा – भिक्खुस्स ¶ आवुसो दुट्ठुल्लापत्तिं अनुपसम्पन्नस्स आरोचेन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू भिक्खुस्स दुट्ठुल्लापत्तिं अनुपसम्पन्नस्स आरोचेसुं, तस्मिं भन्ते वत्थुस्मिं पञ्ञत्तं.

१. मुसावादवग्गो, १०. पथवीखणन सिक्खापुच्छा

पुच्छा – पथविंखणन्तस्स ¶ आवुसो पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – आळवियं भन्ते आळविके भिक्खू आरब्भ पञ्ञत्तं, आळविका भन्ते भिक्खू पथविंखणिंसु, तस्मिं भन्ते वत्थुस्मिं पञ्ञत्तं.

२. भूतगामवग्गो, १. भूतगाम सिक्खापुच्छा

पुच्छा – भूतगामपातब्यताय ¶ पाचित्तियं आवुसो भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – आळवियं भन्ते आळविके भिक्खू आरब्भ पञ्ञत्तं, आळविका भन्ते भिक्खू रुक्खं छिन्दिं सु, तस्मिं भन्ते वत्थुस्मिं पञ्ञत्तं.

२. भूतगामवग्ग, २. अञ्ञवादक सिक्खापुच्छा

पुच्छा – अञ्ञवादके विहेसके पाचित्तियं आवुसो भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – कोसम्बियं ¶ भन्ते आयस्मन्तं छन्नं आरब्भ पञ्ञत्तं, आयस्मा भन्ते छन्नो सङ्घमज्झे आपत्तिया अनुयुञ्जीयमानो अञ्ञेनञ्ञं पटिचरि, तस्मिं भन्ते वत्थुस्मिं पञ्ञत्तं.

२. भूतगामवग्ग, ३. उज्झापनक सिक्खापुच्छा

पुच्छा – उज्झापनके खिय्यनके पाचित्तियं आवुसो भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते मेत्तियभूमजके भिक्खू आरब्भ पञ्ञत्तं, मेत्तियभूमजका भन्ते भिक्खू आयस्मन्तं दब्बं मल्लपुत्तं भिक्खू उज्झापेसुं, तस्मिं भन्ते वत्थुस्मिं पञ्ञत्तं.

२. भूतगामवग्ग, ४. पठम सेनासन सिक्खापुच्छा

पुच्छा – सङ्घिकं ¶ आवुसो मञ्चंवा पीठंवा भिसिंवा कोच्छंवा अज्झोकासे सन्थरित्वा अनुद्धरित्वा अनापुच्छा पक्कमन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते सम्बहुले भिक्खू आरब्भ पञ्ञत्तं, सम्बहुला भन्ते भिक्खू सङ्घिकं सेनासनं अज्झोकासे सन्थरित्वा अनुद्धरित्वा अनापुच्छा पक्कमिंसु, तस्मिं भन्ते वत्थुस्मिं पञ्ञत्तं.

२. भूतगामवग्ग, ५. दुतिय सेनासन सिक्खापुच्छा

पुच्छा – सङ्घिके ¶ आवुसो विहारे सेय्यं सन्थरित्वा अनुद्धरित्वा अनापुच्छा पक्कमन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते सत्तरसवग्गिये भिक्खू आरब्भ पञ्ञत्तं, सत्तरसवग्गिया भन्ते भिक्खू सङ्घिके विहारे सेय्यं सन्थरित्वा अनुद्धरित्वा अनापुच्छा पक्कमिंसु, तस्मिं भन्ते वत्थुस्मिं पञ्ञत्तं.

पुच्छा – कस्स ¶ आवुसो वचनं.

विस्सज्जना – भगवता भन्ते वचनं अरहतो सम्मासम्बुद्धस्स.

पुच्छा – केनावुसो आभतं.

विस्सज्जना – परम्पराय भन्ते आभतं.

पुच्छा – अत्थि ¶ नुखो आवुसो एत्थ कोचिपि विरद्धदोसो.

विस्सज्जना – नत्थि भन्ते.

सङ्घस्स ञापनं

सुणातु मे भन्ते सङ्घो, अहं भन्ते आयस्मन्तं विचित्तसाराभिवंसं इमेसं पन्नरसन्नं सिक्खापदानं निदानादीनि पुच्छितब्बानि अनेकानि ठानानि पुच्छिं, सो च पुट्ठो पुट्ठो विस्सज्जेति, इति हिदं भन्ते निम्मलं सुपरिसुद्धं तस्सेव भगवतो वचनं अरहतो सम्मासम्बुद्धस्स, तस्मा यथापुरे महाकस्सपादयो महाथेरवरा पोराणसंगीतिकारा ब्रह्मचरियस्स चिरट्ठितिया बहुजनहिताय बहुजनसुखाय लोनुकम्पाय अत्थाय हिताय सुखाय देवमनुस्सानं धम्मविनयं संगायिंसुचेव अनुसंगायिंसुच, एवमेव मयम्पि दानि छट्ठसंगीतिमहाधम्मसभा परियापन्ना यथानुप्पट्ठानतो पट्ठाय इमानि सिक्खापदानि एकतो गणसज्झायं कत्वा संगायेय्याम.

२. भूतगामवग्ग, ६. अनुपखज्ज सिक्खापुच्छा

पुच्छा – यं ¶ तेन आवुसो…पे… सम्मासम्बुद्धेन सङ्घिके विहारे जानं पुब्बुपगतं भिक्खुं अनुपखज्ज सेय्यं कप्पेन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू थेरे भिक्खू अनुपखज्ज सेय्यं कप्पेसुं, तस्मिं भन्ते वत्थुस्मिं पञ्ञत्तं.

२. भूतगामवग्ग, ७. निकड्ढन सिक्खापुच्छा

पुच्छा – भिक्खुं ¶ आवुसो कुपितेन अनत्तमनेन सङ्घिका विहारा निक्कड्ढेन्तस्स पाचित्तियं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू कुपिता अनत्तमना भिक्खू सङ्घिकाविहारा निक्कड्ढिंसु, तस्मिं भन्ते वत्थुस्मिं पञ्ञत्तं.

२. भूतगामवग्ग, ८. वेहासकुटि सिक्खापुच्छा

पुच्छा – उपरिवेहासकुटिया आवुसो आहच्चपादकं मञ्चंवा पीठंवा अभिनिसीदन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं ¶ भन्ते अञ्ञतरं भिक्खुं आरब्भ पञ्ञत्तं, अञ्ञतरो भन्ते भिक्खु सङ्घिके विहारे उपरिवेहास कुटिया आहच्चपादकं मञ्चं सहसा अभिनिसीदि, तस्मिं भन्ते वत्थुस्मिं पञ्ञत्तं.

२. भूतगामवग्ग, ९. महल्लकविहार सिक्खापुच्छा

पुच्छा – द्वत्ति परियाये आवुसो अधिट्ठहित्वा ततुत्तरि अधिट्ठहन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – कोसम्बियं भन्ते आयस्मन्तं छन्नत्थेरं आरब्भ पञ्ञत्तं, आयस्मा भन्ते छन्दो कतपरियोसितं विहारं पुनप्पुनं छादापेसि पुनप्पुनं लेपापेसि, अतिभारितो विहारो परिपति, तस्मिं भन्ते वत्थुस्मिं पञ्ञत्तं.

२. भूतगामवग्ग, १०. सप्पाणक सिक्खापुच्छा

पुच्छा – जानं ¶ आवुसो सप्पाणकं उदकं तिणंवा मत्तिकंवा सिञ्चन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – आळवियं भन्ते आळविके भिक्खू आरब्भ पञ्ञत्तं, आळविका भन्ते भिक्खू जानं सप्पाणकं उदकं तिणम्पि मत्तिकम्पि सिञ्चिंसु, तस्मिं भन्ते वत्थुस्मिं पञ्ञत्तं.

३. ओवादवग्ग, १. ओवाद सिक्खापुच्छा

पुच्छा – असम्मतेन ¶ आवुसो भिक्खुनियो ओवदन्तस्स पाचित्तियं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू असम्मता भिक्खुनियो ओवदिंसु, तस्मिं भन्ते वत्थुस्मिं पञ्ञत्तं.

३. ओवादवग्ग, २. अत्थङ्गत सिक्खापुच्छा

पुच्छा – अत्थङ्गते आवुसो सूरिये भिक्खुनियो ओवदन्तस्स पाचित्तियं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते आयस्मन्तं चूळपन्थकं आरब्भ पञ्ञत्तं, आयस्मा भन्ते चूळपन्थको अत्थङ्गते सूरिये भिक्खुनियो ओवदि, तस्मिं भन्ते वत्थुस्मिं पञ्ञत्तं.

३. ओवादवग्ग, ३-४. भिक्खुनुपस्सय, आमिस सिक्खापुच्छा

पुच्छा – भिक्खुनुपस्सयं ¶ आवुसो उपसङ्कमित्वा भिक्खुनियो ओवदन्तस्सच आमिसहेतु थेरा भिक्खू भिक्खुनियो ओवदन्तीति भणन्तस्सच पाचित्तियं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – भिक्खुनुपस्सयं उपसङ्कमित्वा भिक्खुनियो ओवदन्तस्स पाचित्तियं भन्ते सक्केसु छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू भिक्खुनुपस्सयं उपसङ्कमित्वा भिक्खुनियो ओवदिंसु, आमिसहेतु थेरा भिक्खू भिक्खुनियो ओवदन्तीति भणन्तस्स पाचित्तियं सावत्थियं छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू आमिसहेतु थेरा भिक्खू ¶ भिक्खुनियो ओवदन्तीति भणिंसु, तस्मिं भन्ते वत्थुस्मिं पञ्ञत्तं.

३. ओवादवग्ग, ५. चीवरदान सिक्खापुच्छा

पुच्छा – अञ्ञातिकाय ¶ आवुसो भिक्खुनिया चीवरं देन्तस्स पाचित्तियं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते अञ्ञतरं भिक्खुं आरब्भ पञ्ञत्तं, अञ्ञतरो भन्ते भिक्खु अञ्ञातिकाय भिक्खुनिया चीवरं अदासि, तस्मिं भन्ते वत्थुस्मिं पञ्ञत्तं.

३. ओवादवग्ग, ६. चीवरसिब्बन सिक्खापुच्छा

पुच्छा – अञ्ञातिकाय आवुसो भिक्खुनिया चीवरं सिब्बेन्तस्स पाचित्तियं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते आयस्मन्तं उदायिं आरब्भ पञ्ञत्तं, आयस्मा भन्ते उदायी अञ्ञातिकाय भिक्खुनिया चीवरं सिब्बेसि, तस्मिं भन्ते वत्थुस्मिं पञ्ञत्तं.

३. ओवादवग्ग, ७. संविधान सिक्खापुच्छा

पुच्छा – भिक्खुनया ¶ आवुसो सद्धिं संविधाय एकद्धानमग्गं पटिपज्जन्तस्स पाचित्तियं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू भिक्खुनीहि सद्धिं संविधाय एकद्धानमग्गं पटिपज्जिंसु, तस्मिं भन्ते वत्थुस्मिं पञ्ञत्तं.

३. ओवादवग्ग, ८. नावाभिरुहन सिक्खापुच्छा

पुच्छा – भिक्खुनिया ¶ आवुसो सद्धिं संविधाय एकं नावं अभिरुहन्तस्स पाचित्तियं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू भिक्खूनीहि सद्धिं संविधाय एकं नावं अभिरुहिंसु, तस्मिं भन्ते वत्थुस्मिं पञ्ञत्तं.

३. ओवादवग्ग, ९. परिपाचित सिक्खापुच्छा

पुच्छा – जानं आवुसो भिक्खुनिपरिपाचितं पिण्डपातं भुञ्जन्तस्स पाचित्तियं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते देवदत्तं आरब्भ पञ्ञत्तं, देवदत्तो भन्ते जानं भिक्खुनिपरिपाचितं पिण्डपातं भुञ्जि, तस्मिं भन्ते वत्थुस्मिं पञ्ञत्तं.

३. ओवादवग्ग, १०. रहोनिसज्ज सिक्खापुच्छा

पुच्छा – भिक्खुनिया ¶ सद्धिं आवुसो एको एकाय रहो निसज्जं कप्पेन्तस्स पाचित्तियं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते आयस्मन्तं उदायिं आरब्भ पञ्ञत्तं, आयस्मा भन्ते उदायी भिक्खुनिया सद्धिं एको एकाय रहो निसज्जं कप्पेसि, तस्मिं भन्ते वत्थुस्मिं पञ्ञत्तं.

४. भोजनवग्ग, १. आवसथपिण्ड सिक्खापुच्छा

पुच्छा – ततुत्तरि ¶ आवुसो आवसथपिण्डं भुञ्जन्तस्स पाचित्तियं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू अनुवसित्वा अनुवसित्वा आवसथपिण्डं परिभुञ्जिंसु, तस्मिं भन्ते वत्थुस्मिं पञ्ञत्तं.

४. भोजनवग्ग, २. गणभोजन सिक्खापुच्छा

पुच्छा – गणभोजने पाचित्तियं आवुसो भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते देवदत्तं आरब्भ पञ्ञत्तं, देवदत्तो भन्ते सपरिसो कुलेसु विञ्ञापेत्वा भुञ्जि, तस्मिं भन्ते वत्थुस्मिं पञ्ञत्तं.

४. भोजनवग्ग ३. परम्परभोजन सिक्खापुच्छा

पुच्छा – परम्पर ¶ भोजने पाचित्तियं आवुसो भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – वेसालियं भन्ते सम्बहुले भिक्खू आरब्भ पञ्ञत्तं, सम्बहुला भन्ते भिक्खू अञ्ञत्र निमन्तिता अञ्ञत्र भुञ्जिंसु, तस्मिं भन्ते वत्थुस्मिं पञ्ञत्तं.

४. भोजनवग्ग, ४. काणमातु सिक्खापुच्छा

पुच्छा – द्वत्तिपत्तपूरं ¶ पूवं पटिग्गहेत्वा ततुत्तरि पटिग्गण्हन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते सम्बहुले भिक्खू आरब्भ पञ्ञत्तं, सम्बहुला भन्ते भिक्खू न मत्तं जानित्वा पूवं पटिग्गहेसुं, तस्मिं भन्ते वत्थुस्मिं पञ्ञत्तं.

पुच्छा – कस्स आवुसो वचनं.

विस्सज्जना – भगवतो भन्ते वचनं अरहतो सम्मासम्बुद्धस्स.

पुच्छा – केनावुसो आभतं.

विस्सज्जना – परम्पराय भन्ते आभतं.

पुच्छा – अत्थि नुखो आवुसो एत्थ कोचिपि विरद्धदोसो.

विस्सज्जना – नत्थि भन्ते.

४. भोजनवग्ग, ५. पठमपवारणा सिक्खापुच्छा

पुच्छा – यं ¶ तेन सावुसो…पे… सम्मासम्बुद्धेन भुत्ताविना परिवातेन अनतिरित्तं खादनीयंवा भोजनीयंवा भुञ्जन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते सम्बहुले भिक्खू आरब्भ पञ्ञत्तं, सम्बहुला भन्ते भिक्खू भुत्तावी पवारिता अञ्ञत्र भुञ्जिंसु, तस्मिं भन्ते वत्थुस्मिं पञ्ञत्तं.

४. भोजनवग्ग, ६. दुतिय पवारणा सिक्खापुच्छा

पुच्छा – भिक्खुं ¶ आवुसो भुत्ताविं पवारितं अनतिरित्तेन खादनीयेन भोजनीयेन अभिहट्ठुं पवारेन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते अञ्ञतरं भिक्खुं आरब्भ पञ्ञत्तं, अञ्ञतरो भन्ते भिक्खु भिक्खुं भुत्ताविं पवारितं अनतिरित्तेन भोजनीयेन अभिहट्ठुं पवारेसि, तस्मिं भन्ते वत्थुस्मिं पञ्ञत्तं.

४. भोजनवग्ग, ७. विकालभोजन सिक्खापुच्छा

पुच्छा – विकाले आवुसो खादनीयं वा भोजनीयं वा भुञ्जन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते सत्तरसवग्गिये भिक्खू आरब्भ पञ्ञत्तं, सत्तरसवग्गिया भन्ते भिक्खू विकाले भोजनं भुञ्जिंसु, तस्मिं भन्ते वत्थुस्मिं पञ्ञत्तं.

४. भोजनवग्ग, ८. सन्निधिकारक सिक्खापुच्छा

पुच्छा – सन्निधिकारकं आवुसो खादनीयं वा भोजनीयं वा भुञ्जन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते आयस्मन्तं बेलट्ठसीसं आरब्भ पञ्ञत्तं, आयस्मा भन्ते बेलट्ठसीसो सन्निधिकारकं भोजनं भुञ्जि, तस्मिं भन्ते वत्थुस्मिं पञ्ञत्तं.

४. भोजनवग्ग, ९. पणीतभोजन सिक्खापुच्छा

पुच्छा – पणीत भोजनानि आवुसो अत्तनो अत्थाय विञ्ञापेत्वा भुञ्जन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं ¶ भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू पणीतभोजनानि अत्तनो अत्थाय विञ्ञापेत्वा भुञ्जिंसु, तस्मिं भन्ते वत्थुस्मिं पञ्ञत्तं.

४. भोजनवग्ग, १०. दन्तपोन सिक्खापुच्छा

पुच्छा – अदिन्नं आवुसो मुखद्वारं आहारं आहरन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – वेसालियं भन्ते अञ्ञतरं भिक्खुं आरब्भ पञ्ञत्तं, अञ्ञतरो भन्ते भिक्खु अदिन्नं मुखद्वारं आहारं आहरि, तस्मिं भन्ते वत्थुस्मिं पञ्ञत्तं.

५. अचेलकवग्ग, १. अचेलक सिक्खापुच्छा

पुच्छा – अचेलकस्सवा ¶ आवुसो परिब्बाजकस्सवा परिब्बाजिकायवा सहत्था खादनीयंवा भोजनीयंवा देन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – वेसालियं भन्ते आयस्मन्तं आनन्दं आरब्भ पञ्ञत्तं, आयस्मा भन्ते आनन्दो अञ्ञतरिस्सा परिब्बाजिकाय एकं मञ्ञमानो द्वे पूवे अदासि, तस्मिं भन्ते वत्थुस्मिं पञ्ञत्तं.

५. अचेलकवग्ग, २. उय्योजन सिक्खापुच्छा

पुच्छा – भिक्खुं ¶ एहावुसो गामंवा निगमंवा पिण्डाय पविसिस्सामाति तस्स दापेत्वावा अदापेत्वावा उय्योजेन्तस्स आवुसो पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते आयस्मन्तं उपनन्दं सक्यपुत्तं आरब्भ पञ्ञत्तं, आयस्मा भन्ते उपनन्दो सक्यपुत्तो भिक्खु एहावुसो गामं पिण्डाय पविसिस्सामाति तस्स अदापेत्वा उय्योजेसि, तस्मिं भन्ते वत्थुस्मिं पञ्ञत्तं.

५. अचेलकवग्ग, ३. सभोजन सिक्खापुच्छा

पुच्छा – सभोजने कुले अनुपखज्ज निसज्जं कप्पेन्तस्स आवुसो पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं ¶ भन्ते आयस्मन्तं उपनन्दं सक्यपुत्तं आरब्भ पञ्ञत्तं, आयस्मा भन्ते उपनन्दो सक्यपुत्तो सभोजने कुले अनुपखज्ज निसज्जं कप्पेसि, तस्मिं भन्तेवत्थुस्मिं पञ्ञत्तं.

५. अचेलकवग्ग ४-५. रहोपटिच्छन्न, रहोनिसज्ज सिक्खापुच्छा

पुच्छा – मातुगामेन सद्धिं रहो पटिच्छन्ने आसने निसज्जं कप्पेन्तस्सच आवुसो मातुगामेन सद्धिं एको एकाय रहो निसज्जं कप्पेन्तस्सच पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते आयस्मन्तं उपनन्दं सक्यपुत्तं आरब्भ पञ्ञत्तं, आयस्मा भन्ते उपनन्दो सक्यपुत्तो मातुगामेन सद्धिं रहो पटिच्छन्ने आसने निसज्जं कप्पेसि, मातुगामेन सद्धिं एको एकाय रहो निसज्जं कप्पेसि, तस्मिं भन्ते वत्थुस्मिं पञ्ञत्तं.

५. अचेलकवग्ग, ६. चारित्त सिक्खापुच्छा

पुच्छा – निमन्तितेन ¶ आवुसो सभत्तेन सन्तं भिक्खुं अनापुच्छा पुरेभत्तंवा पच्छाभत्तंवा कुलेसु चारित्तं आपज्जन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते आयस्मन्तं उपनन्दं सक्यपुत्तं आरब्भ पञ्ञत्तं, आयस्मा भन्ते उपनन्दो सक्यपुत्तो निमन्तितो सभत्तो समानो पुरेभत्तं पच्छाभत्तं कुलेसु चारित्तं आपज्जि, तस्मिं भन्ते वत्थुस्मिं पञ्ञत्तं.

५. अचेलकवग्ग, ७. महानाम सिक्खापुच्छा

पुच्छा – ततुत्तरि आवुसो भेसज्जं विञ्ञापेन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सक्केसु ¶ भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू महानामेन सक्केन अज्जण्हो भन्ते आगमेताति वुच्चमाना नागमेसुं, तस्मिं भन्ते वत्थुस्मिं पञ्ञत्तं.

५. अचेलकवग्ग ८-९-१०. उय्युत्तसेना चसो सिक्खापुच्छा

पुच्छा – उय्युत्तं आवुसो सेनं दस्सनाय गच्छन्तस्स च अतिरेकतिरत्तं सेनाय वसन्तस्स च उय्योधिकं गच्छन्तस्स च पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू उय्युत्तं सेनं दस्सनाय अगमंसु, तेयेव भन्ते छब्बग्गिया भिक्खू अतिरेकतिरत्तं सेनाय वसिंसु, तेयेव भन्ते छब्बग्गिया भिक्खू उय्योधिकं अगमंसु, तस्मिं भन्ते वत्थुस्मिं पञ्ञत्तं.

६. सुरापानवग्ग, १. सुरापान सिक्खापुच्छा

पुच्छा – सुरामेरयपाने ¶ आवुसो पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – कोसम्बियं भन्ते आयस्मन्तं सागतं आरब्भ पञ्ञत्तं, आयस्मा भन्ते सागतो मज्जं पिवि, तस्मिं भन्ते वत्थुस्मिं पञ्ञत्तं.

६. सुरापानवग्ग, २. अङ्गुलिपतोदक सिक्खापुच्छा

पुच्छा – अङ्गुलिपतोदके ¶ आवुसो पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू भिक्खुं अङ्गुलिपतोदकेन हासेसुं, तस्मिं भन्ते वत्थुस्मिं पञ्ञत्तं.

६. सुरापानवग्ग, ३. हसधम्म सिक्खापुच्छा

पुच्छा – उदके हसधम्मे आवुसो पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते सत्तरसवग्गिये भिक्खू आरब्भ पञ्ञत्तं, सत्तरसवग्गिया भन्ते भिक्खू अचिरवतिया नदिया उदके कीळिंसु, तस्मिं भन्ते वत्थुस्मिं पञ्ञत्तं.

६. सुरापानवग्ग, ४. अनादरिय सिक्खापुच्छा

पुच्छा – अनादरिय ¶ आवुसो पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – कोसम्बियं भन्ते आयस्मन्तं छन्नं आरब्भ पञ्ञत्तं, आयस्मा भन्ते छन्नो आपत्तिया अनुयुञ्जियमानो अनादरियं अकासि, तस्मिं भन्ते वत्थुस्मिं पञ्ञत्तं.

६. सुरापानवग्ग, ५. भिंसापन सिक्खापुच्छा

पुच्छा – भिक्खुं ¶ भिंसापेन्तस्स आवुसो पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू भिक्खुं भिंसापेसुं, तस्मिं भन्ते वत्थुस्मिं पञ्ञत्तं.

६. सुरापानवग्ग, ६. जोतिक सिक्खापुच्छा

पुच्छा – जोतिं आवुसो समादहित्वा विसिब्बेन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – भग्गेसु भन्ते सम्बहुले भिक्खू आरब्भ पञ्ञत्तं, सम्बहुला भन्ते भिक्खू जोतिं समादपेत्वा विसिब्बेसुं, तस्मिं भन्ते वत्थुस्मिं पञ्ञत्तं.

६. सुरापानवग्ग, ७. नहान सिक्खापुच्छा

पुच्छा – ओरेनद्धमासं ¶ आवुसो नहायन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते सम्बहुले भिक्खू आरब्भ पञ्ञत्तं, सम्बहुला भन्ते भिक्खू राजानम्पि पस्सित्वा न मत्तं जानित्वा नहायिंसु, तस्मिं भन्ते वत्थुस्मिं पञ्ञत्तं.

पुच्छा – कस्स ¶ आवुसो वचनं.

विस्सज्जना – भगवतो भन्ते वचनं अरहतो सम्मासम्बुद्धस्स.

पुच्छा – केनावुसो आभतं.

विस्सज्जना – परम्पराय भन्ते आभतं.

पुच्छा – अत्थि नुखो आवुसो एत्थ कोचिपि विरुद्धदोसो.

विस्सज्जना – नत्थि भन्ते.

सुणातु मे भन्ते सङ्घो…पे… संगायेय्याम.

पुच्छा – यं ¶ तेन आवुसो…पे… सम्मासम्बुद्धेन अनादियित्वा तिण्णं दुब्बण्णकरणानं अञ्ञतरं दुब्बण्णकरणं नवं चीवरं परिभुञ्जन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते सम्बहुले भिक्खू आरब्भ पञ्ञत्तं, सम्बहुला भन्ते भिक्खू अत्तनो चीवरं न सञ्जानिंसु, तस्मिं भन्ते वत्थुस्मिं पञ्ञत्तं.

६. सुरापानवग्ग, १०. चीवरअपनिधान सिक्खापुच्छा

पुच्छा – भिक्खुस्स आवुसो पत्तं वा चीवरं वा निसीदनं वा सूचिघरं वा कायबन्धनं वा अपनिधेन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं ¶ भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू भिक्खूनं पत्तम्पि चीवरम्पि अपनिधेसुं, तस्मिं भन्ते वत्थुस्मिं पञ्ञत्तं.

७. सप्पाणकवग्ग, १. सञ्चिच्च सिक्खापुच्छा

पुच्छा – सञ्चिच्च आवुसो पाणं जीविता वोरोपेन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते आयस्मन्तं उदायिं आरब्भ पञ्ञत्तं आयस्मा भन्ते उदायी सञ्चिच्च पाणं जीविता वोरोपेसि, तस्मिं भन्ते वत्थुस्मिं पञ्ञत्तं.

७. सप्पाणकवग्ग, २. सप्पाणक सिक्खापुच्छा

पुच्छा – जानं ¶ आवुसो सप्पाणकं उदकं परिभुञ्जन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू जानं सप्पाणकं उदकं परिभुञ्जिंसु, तस्मिं भन्ते वत्थुस्मिं पञ्ञत्तं.

७. सप्पाणकवग्ग, ६. थेय्यसत्थ सिक्खापुच्छा

पुच्छा – जानं आवुसो थेय्यसत्थेन सद्धिं संविधाय एकद्धानमग्गं पटिपज्जन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते अञ्ञतरं भिक्खुं आरब्भ पञ्ञत्तं, अञ्ञतरो भन्ते भिक्खु जानं थेय्यसत्थेन सद्धिं संविधाय एकद्धानमग्गं पटिपज्जि, तस्मिं भन्ते वत्थुस्मिं पञ्ञत्तं.

७. सप्पाणकवग्ग, ७. संविधान सिक्खापुच्छा

पुच्छा – मातुगामेन ¶ सद्धिं आवुसो संविधाय एकद्धानमग्गं पटिपज्जन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते अञ्ञतरं भिक्खुं आरब्भ पञ्ञत्तं, अञ्ञतरो भन्ते भिक्खु मातुगामेन सद्धिं संविधाय एकद्धानमग्गं पटिपज्जि, तस्मिं भन्ते वत्थुस्मिं पञ्ञत्तं.

८. सहधम्मिकवग्ग, १. सहधम्मिक सिक्खापुच्छा

पुच्छा – भिक्खूहि आवुसो सहधम्मिकं वुच्चमानेन न तावाहं आवुसो एतस्मिं सिक्खापदे सिक्खिस्सामि, याव न अञ्ञं भिक्खुं ब्यत्तं विनयधरं परिपुच्छिस्सामीति भणन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – कोसम्बियं ¶ भन्ते आयस्मन्तं छन्नं आरब्भ पञ्ञत्तं, आयस्मा भन्ते छन्नो भिक्खूहि सहधम्मिकं वुच्चमानो न तावाहं आवुसो एतस्मिं सिक्खापदे सिक्खिस्सामि, याव न अञ्ञं भिक्खुं ब्यत्तं विनयधरं परिपुच्छिस्सामीति भणि, तस्मिं भन्ते वत्थुस्मिं पञ्ञत्तं.

८. सहधम्मिकवग्ग, २. विलेखन सिक्खापुच्छा

पुच्छा – विनयं विवण्णेन्तस्स आवुसो पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू विनयं विवण्णेसुं, तस्मिं भन्ते वत्थुस्मिं पञ्ञत्तं.

८. सहधम्मिकवग्ग, ३. मोहन सिक्खापुच्छा

पुच्छा – मोहनके ¶ आवुसो पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू मोहेसुं, तस्मिं भन्ते वत्थुस्मिं पञ्ञत्तं.

पुच्छा – भिक्खुस्स ¶ आवुसो कुपितेन अनत्तमनेन पहारं देन्तस्स च तलसत्तिकं उग्गिरन्तस्स च पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू कुपिता अनत्तमना सत्तरसवग्गियानं भिक्खूनं पहारं अदंसु, तलसत्तिकञ्च उग्गिरिंसु, तस्मिं भन्ते वत्थुस्मिं पञ्ञत्तं.

८. सहधम्मिकवग्ग, ७. सञ्चिच्च सिक्खापुच्छा

पुच्छा – भिक्खुस्स आवुसो सञ्चिच्च कुक्कुच्चं उपदहन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू भिक्खूनं सञ्चिच्च कुक्कुच्चं उपदहिंसु, तस्मिं भन्ते वत्थुस्मिं पञ्ञत्तं.

८. सहधम्मिकवग्ग, ८. उपस्सुति सिक्खापुच्छा

पुच्छा – भिक्खूनं ¶ आवुसो भण्डनजातानं कलहजातानं विवादा पन्नानं उपस्सुतिं तिट्ठन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू भिक्खूनं भण्डनजातानं कलह जातानं विवादापन्नानं उपस्सुतिं तिट्ठहिंसु, तस्मिं भन्ते वत्थुस्मिं पञ्ञत्तं.

८. सहधम्मिकवग्ग, ९. कम्मपटिबाहन सिक्खापुच्छा

पुच्छा – धम्मिकानं आवुसो कम्मानं छन्दं दत्वा पच्छा खीयनधम्मं आपज्जन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं ¶ भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू धम्मिकानं कम्मानं छन्दं दत्वा पच्छा खीयनधम्मं आपज्जिंसु, तस्मिं भन्ते वत्थुस्मिं पञ्ञत्तं.

८. सहधम्मिकवग्ग १०. छन्दं अदत्वागमन सिक्खापुच्छा

पुच्छा – सङ्घे आवुसो विनिच्छकथाय वत्तमानाय छन्दं अदत्वा उट्ठायासना पक्कमन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते अञ्ञतरं भिक्खुं आरब्भ पञ्ञत्तं, अञ्ञतरो भन्ते छब्बग्गियो भिक्खु सङ्घे विनिच्छयकथाय वत्तमानाय छन्दं अदत्वा उट्ठायासना पक्कामि, तस्मिं भन्ते वत्थुस्मिं पञ्ञत्तं.

८. सहधम्मिकवग्ग, १२. परिणामन सिक्खापुच्छा

पुच्छा – जानं ¶ आवुसो सङ्घिकं लाभं परिणतं पुग्गलस्स परिणामेन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू जानं सङ्घिकं लाभं परिणतं पुग्गलस्स परिणामेसुं, तस्मिं भन्ते वत्थुस्मिं पञ्ञत्तं.

९. रतनवग्ग, १. अन्तेपुर सिक्खापुच्छा

पुच्छा – पुब्बे अप्पटिसंविदितेन आवुसो रञ्ञो अन्तेपुरं पविसन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं ¶ भन्ते आयस्मन्तं आनन्दं आरब्भ पञ्ञत्तं, आयस्मा भन्ते आनन्दो पुब्बे अप्पटिसंविदितो रञ्ञो अन्तेपुरं पाविसि, तस्मिं भन्ते वत्थुस्मिं पञ्ञत्तं.

९. रतनवग्ग, २. रतन सिक्खापुच्छा

पुच्छा – रतनं आवुसो उग्गण्हन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते अञ्ञतरं भिक्खुं आरब्भ पञ्ञत्तं, अञ्ञतरो भन्ते भिक्खु रतनं उग्गहेसि, तस्मिं भन्ते वत्थुस्मिं पञ्ञत्तं.

९. रतनवग्ग, ३. विकालगामप्पविसन सिक्खापुच्छा

पुच्छा – सन्तं ¶ आवुसो भिक्खुं अनापुच्छा विकाले गामं पविसन्तस्स पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू सन्तं भिक्खुं अनापुच्छा विकाले गामं पविसिंसु, तस्मिं भन्ते वत्थुस्मिं पञ्ञत्तं.

पाटिदेसनीय

३. ततियपाटिदेसनी सिक्खापुच्छा

पुच्छा – सेक्खसम्मतेसु ¶ आवुसो कुलेसु खादनीयं वा भोजनीयं वा सहत्था पटिग्गहेत्वा भुञ्जन्तस्स पाटिदेसनीयं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते सम्बहुले भिक्खू आरब्भ पञ्ञत्तं, सम्बहुला भन्ते भिक्खू नमत्तं जानित्वा पटिग्गहेसुं, तस्मिं भन्ते वत्थुस्मिं पञ्ञत्तं.

सेखियकण्ड

पुच्छा – अनादरियं ¶ आवुसो पटिच्च पुरतो वा पच्छतो वा ओलम्बेन्तेन निवासेन्तस्सच पारुपन्तस्सच दुक्कटं कत्थ पञ्ञत्तं, कं आरब्भ किस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू पुरतो च पच्छतो च ओलम्बन्ता निवासेसुंचेव पारुपिंसुच, तस्मिं भन्ते वत्थुस्मिं पञ्ञत्तं.

पुच्छा – अनादरियं आवुसो पटिच्च कायं विवरित्वा अन्तरघरे गच्छन्तस्स च निसीदन्तस्स च दुक्कटं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गीये भिक्खू आरब्भ पञ्ञत्तं, छब्बग्गिया भन्ते भिक्खू कायं विवरित्वा अन्तरघरे गच्छिंसु चेव निसीदिंसुच, तस्मिं भन्ते वत्थुस्मिं पञ्ञत्तं.

पुच्छा – अनादरियं ¶ आवुसो पटिच्च हत्थं वा पादं वा कीळापेन्तेन अन्तरघरे गच्छन्तस्स च निसीदन्तस्स च, तहं तहं ओलोकेन्तेन अन्तरघरे गच्छन्तस्स च निसीदन्तस्स च, उक्खित्तकाय अन्तरघरे गच्छन्तस्स च निसीदन्तस्स च दुक्कटं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू हत्थम्पि पादम्पि कीळापेन्ता तहं तहंपि ओलोकेन्ता अन्तरघरे गच्छिंसुचेव निसीदिंसु च, तेयेव भन्ते छब्बग्गिया भिक्खू उक्खित्तकाय अन्तरघरे गच्छिंसुचेव निसीदिंसुच, तस्मिं भन्ते वत्थुस्मिं पञ्ञत्तं.

पुच्छा – अनादरियं ¶ आवुसो पटिच्च उज्जग्घिकाय वा उच्चासद्दं महासद्दं करोन्तेन वा अन्तरघरे गच्छन्तस्सच निसीदन्तस्सच दुक्कटं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू महाहसितं हसन्ता च उच्चासद्दं महासद्दं करोन्ता च अन्तरघरे गच्छिंसुचेव निसीदिंसुच, तस्मिं भन्ते वत्थुस्मिं पञ्ञत्तं.

पुच्छा – अनादरियं आवुसो पटिच्च कायप्पचालकं वा बाहुप्प चालकं वा सीसप्पचालकं वा खम्भकतेन वा ओगुण्ठितेन वा अन्तरघरे गच्छन्तस्स च निसीदन्तस्स च उक्कुटिकाय किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू कायप्पचालकं बाहुप्पचालकं सीसप्पचालकं करोन्ता च खम्भीकता च ओगुण्ठिता च अन्तरघरे गच्छिंसुचेव निसीदिंसुच, उक्कुटिकायच अन्तरघरे गच्छिंसु, तस्मिं भन्ते वत्थुस्मिं पञ्ञत्तं.

पुच्छा – अनादरियं ¶ आवुसो पटिच्च पल्लत्थिकाय अन्तरघरे निसिन्नस्स दुक्कटं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू पल्लत्थिकाय अन्तरघरे निसीदिंसु, तस्मिं भन्ते वत्थुस्मिं पञ्ञत्तं.

पुच्छा – अनादरियं ¶ आवुसो पटिच्च असक्कच्चं पिण्डपातं पटिग्गण्हन्तस्स च तहं तहं ओलोकेन्तेन पिण्डपातं पटिग्गण्हन्तस्सच सूपञ्ञेव बहुं पटिग्गण्हन्तस्सच थूपीकतं पिण्डपातं पटिग्गण्हन्तस्सच दुक्कटं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू असक्कच्चं पिण्डपातं पटिग्गहेसुं, तहं तहं ओलोकेन्ता पिण्डपातं पटिग्गहेसुं, सूपञ्ञेव बहुं पटिग्गहेसुं, थूपीकतं पिण्डपातं पटिग्गहेसुं, तस्मिं भन्ते वत्थुस्मिं पञ्ञत्तं.

पुच्छा – अनादरियं ¶ आवुसो पटिच्च आसक्कच्चं पिण्डपातं भुञ्जन्तस्सच तहं तहं ओलोकेन्तन पिण्डपातं भुञ्जन्तस्स च तहं तहं ओमसित्वा पिण्डपातं भुञ्जन्तस्स च सूपञ्ञेव बहुं भुञ्जन्तस्स च थूपकतो ओमद्दित्वा पिण्डपातं भुञ्जन्तस्स च सूपं वा ब्यञ्जनं वा ओदनेन पटिच्छादेन्तस्स च दुक्कटं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू असक्कच्चं पिण्डपातं भुञ्जिंसु, तहं तहं ओलोकेन्ता पिण्डपातं भुञ्जिंसु, तेयेव भन्ते छब्बग्गिया भिक्खू तहं तहं ओमसित्वा पिण्डपातं भुञ्जिंसु, तेयेव भन्ते छब्बग्गिया भिक्खू बहुं सूपं भुञ्जिंसु, तेयेव भन्ते छब्बग्गिया भिक्खू थूपकतो ओमद्दित्वा पिण्डपातं भुञ्जिंसु, तेयेव भन्ते छब्बग्गिया भिक्खू सूपम्पि ब्यञ्जनम्पि ओदनेन पटिच्छादेसुं, तस्मिं भन्ते वत्थुस्मिं पञ्ञत्तं.

पुच्छा – अनादरियं ¶ आवुसो पटिच्च सूपंवा ओदनंवा अगिलानेन अत्तनो अत्थाय विञ्ञापेत्वा भुञ्जन्तस्स दुक्कटं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू सूपम्पि ओदनम्पि अत्तनो अत्थाय विञ्ञापेत्वा भुञ्जिंसु, तस्मिं भन्ते वत्थुस्मिं पञ्ञत्तं.

पुच्छा – अनादरियं आवुसो पटिच्च उज्झानसञ्ञिना परेसं पत्तं ओलोकेन्तस्स च अतिमहन्तं कबळं करोन्तस्स च दीघं आलोपं करोन्तस्स च दुक्कटं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं ¶ भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू उज्झानसञ्ञिनो परेसं पत्तं ओलोकेसुं, तेयेव भन्ते छब्बग्गिया भिक्खू अतिमहन्तं कबळं करिंसु, तेयेव भन्ते छब्बग्गिया भिक्खू दीघं आलोपं करिंसु, तस्मिं भन्ते वत्थुस्मिं पञ्ञत्तं.

पुच्छा – अनादरियं आवुसो पटिच्च अनाहटे कबळे मुखद्वारं विवरन्तस्स च भुञ्जमाने सब्बं हत्थं मुखे पक्खिपन्तस्स च सकबळेन मुखेन ब्याहरन्तस्स च पिण्डुक्खेपकं पिण्डपातं भुञ्जन्तस्स च कबळावच्छेदकं पिण्डपातं भुञ्जन्तस्स च अवगण्डकारकं पिण्डपातं भुञ्जन्तस्स च हत्थनिद्धुनकं सित्थावकारकं जिव्हानिच्छारकं चपुचपुकारकं पिण्डपातं भुञ्जन्तस्स च दुक्कटं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू अनाहटे कबळे मुखद्वारं विवरिंसु, भुञ्जमाना सब्बं हत्थं मुखे पक्खिपिंसु, सकबळेन मुखेन ब्याहरिंसु, पिण्डुक्खेपकं भुञ्जिंसु, कबळावच्छेदकं भुञ्जिंसु, अवगण्डकारकं भुञ्जिंसु, हत्थनिद्धुनकं सित्थावकारकं जिव्हानिच्छारकं ¶ चपुचपुकारकं भुञ्जिंसु, तस्मिं भन्ते वत्थुस्मिं पञ्ञत्तं.

पुच्छा – अनादरियं आवुसो पटिच्च सुरुसुरुकारकं भुञ्जन्तस्सच हत्थनिल्लेहकंवा पत्तनिल्लेहकं वा ओट्ठनिल्लेहकं वा भुञ्जन्तस्स च सामिसेन हत्थेन पानीयथालकं पटिग्गण्हन्तस्स च ससित्थकं पत्तधोवनं अन्तरघरे चड्डेन्तस्स च दुक्कटं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सुरु सुरुकारकं भन्ते भुञ्जन्तस्स दुक्कटं कोसम्बियं पञ्ञत्तं, सम्बहुले भन्ते भिक्खू आरब्भ पञ्ञत्तं, सम्बहुला भन्ते भिक्खू सुरुसुरुकारकं खीरं पिविंसु, तस्मिं भन्ते वत्थुस्मिं पञ्ञत्तं. हत्थनिल्लेहकं ¶ भुञ्जन्तस्स च पत्तनिल्लेहकं भुञ्जन्तस्स च ओट्ठनिल्लेहकं भुञ्जन्तस्स दुक्कटं सावत्थियं पञ्ञत्तं, छब्बग्गिये भन्ते भिक्खू आरब्भ पञ्ञत्तं, छब्बग्गिया भन्ते भिक्खू हत्थनिल्लेहकं भुञ्जिंसु, पत्तनिल्लेहकं भुञ्जिंसु, ओट्ठनिल्लेहकं भुञ्जिंसु, तस्मिं भन्ते वत्थुस्मिं पञ्ञत्तं.

सामिसेन हत्थेन पानीयथालकं पटिग्गण्हन्तस्स च ससित्थकं पत्तधोवनं अन्तरघरे छड्डेन्तस्स च दुक्कटं भग्गेसु पञ्ञत्तं, सम्बहुले भिक्खू आरब्भ पञ्ञत्तं, सम्बहुला भिक्खू सामिसेन हत्थेन पानीयथालकं पटिग्गहेसुं, तेयेव भन्ते सम्बहुला भिक्खू ससित्थकं पत्तधोवनं अन्तरघरे छड्डेसुं, तस्मिं भन्ते वत्थुस्मिं पञ्ञत्तं.

पुच्छा – अनादरियं ¶ आवुसो पटिच्च छत्तपाणिस्स धम्मं देसेन्तस्स च दण्डपाणिस्स वा सत्थपाणिस्स वा आवुधपाणिस्स वा धम्मं देसेन्तस्स च दुक्कटं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू छत्तपाणिस्स दण्डपाणिस्स सत्थपाणिस्स आवुधपाणिस्स धम्मं देसेसुं, तस्मिं भन्ते वत्थुस्मिं पञ्ञत्तं.

पुच्छा – अनादरियं आवुसो पटिच्च पादुकारुळ्हस्स च उपहनारुळ्हस्स च यानगतस्स च सयनगतस्स च धम्मं देसेन्तस्स दुक्कटं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू पादुकारुळ्हस्स उपहनारुळ्हस्स यानगतस्स सयनगतस्स धम्मं देसेसुं, तस्मिं भन्ते वत्थुस्मिं पञ्ञत्तं.

पुच्छा – अनादरियं ¶ आवुसो पटिच्च पल्लत्थिकाय निसिन्नस्स च वेठितसीसस्स च ओगुण्ठितसीसस्स च छमायं निसीदित्वा आसने निसिन्नस्स च नीचे आसने निसीदित्वा उच्चे आसने निसिन्नस्स च ठितेन निसिन्नस्स च पच्छतो गच्छन्तेन पुरतो गच्छन्तस्स च उप्पथेन गच्छन्तेन पथेन गच्छन्तस्स च धम्मं देसेन्तस्स दुक्कटं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गियेव भिक्खू आरब्भ पञ्ञत्तं, छब्बग्गिया भन्ते भिक्खू पल्लत्थिकाय निसिन्नस्स च वेठितसीसस्स च ओगुण्ठितसीसस्स च छमायं निसीदित्वा आसने निसिन्नस्स च नीचे आसने निसीदित्वा उच्चे आसने निसिन्नस्स च ठितानिसिन्नस्स च पच्छतो गच्छन्ता पुरतो गच्छन्तस्स च उप्पथेन गच्छन्ता पथेन गच्छन्तस्स च धम्मं देसेसुं, तस्मिं भन्ते वत्थुस्मिं पञ्ञत्तं.

पुच्छा – अनादरियं ¶ आवुसो पटिच्च ठितेन उच्चारं वा पस्सावं वा करोन्तस्स च हरिते वा उदके वा उच्चारं वा पस्सावं वा खेळं वा करोन्तस्स च दुक्कटं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गियेव भिक्खू आरब्भ पञ्ञत्तं, छब्बग्गिया भन्ते भिक्खू ठिता उच्चारम्पि पस्सावम्पि अकंसु, तेयेव भन्ते छब्बग्गिया भिक्खू हरितेपि उदकेपि उच्चारम्पि पस्सावम्पि खेळम्पि अकंसु, तस्मिं भन्ते वत्थुस्मिं पञ्ञत्तं.

भिक्खुनीविभङ्ग

५. पञ्चम पाराजिक सिक्खापुच्छा

पुच्छा – भिक्खुनीनं ¶ आवुसो पञ्चम पाराजिकं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते सुन्दरीनन्दं भिक्खुनिं आरब्भ पञ्ञत्तं, सुन्दरीनन्दा भन्ते भिक्खुनी अवस्सुता अवस्सुतस्स पुरिसपुग्गलस्स कायसंसग्गं सादियि, तस्मिं भन्ते वत्थुस्मिं पञ्ञत्तं.

भिक्खुनीविभङ्ग, सङ्घादिसेस सिक्खापुच्छा

पुच्छा – उस्सयवादिकाय आवुसो भिक्खुनिया अड्डं करोन्तिया सङ्घादिसेसो कत्थ पञ्ञत्तो, कं आरब्भ किस्मिं वत्थुस्मिं पञ्ञत्तो.

विस्सज्जना – सावत्थियं भन्ते तुल्लनन्दं भिक्खुनिं आरब्भ पञ्ञत्तो, थुल्लनन्दा भन्ते भिक्खुनी उस्सयवादिका विहरि, तस्मिं भन्ते वत्थुस्मिं पञ्ञत्तो.

पुच्छा – चोरिं ¶ आवुसो वुट्ठापेन्तिया सङ्घादिसेसो कत्थ पञ्ञत्तो, कं आरब्भ किस्मिं वत्थुस्मिं पञ्ञत्तो.

विस्सज्जना – सावत्थियं भन्ते थुल्लनन्दं भिक्खुनिं आरब्भ पञ्ञत्तो, थुल्लनन्दा भन्ते भिक्खुनी चोरिं वुट्ठापेसि, तस्मिं भन्ते वत्थुस्मिं पञ्ञत्तो.

पुच्छा – एकाय ¶ आवुसो गामन्तरं गच्छन्तिया सङ्घादिसेसो कत्थ पञ्ञत्तो, कं आरब्भ किस्मिं वत्थुस्मिं पञ्ञत्तो.

विस्सज्जना – सावत्थियं भन्ते अञ्ञतरं भिक्खुनिं आरब्भ पञ्ञत्तो, अञ्ञतरा भन्ते भिक्खुनी एका गामन्तरं गच्छि, तस्मिं भन्ते वत्थुस्मिं पञ्ञत्तो.

पुच्छा – अवस्सुताय आवुसो भिक्खुनिया अवस्सुतस्स पुरिसपुग्गलस्स हत्थतो खादनीयंवा भोजनीयंवा सहत्था पटिग्गहेत्वा भुञ्जन्तस्स सङ्घादिसेसो कत्थ पञ्ञत्तो, कं आरब्भ किस्मिं वत्थुस्मिं पञ्ञत्तो.

विस्सज्जना – सावत्थियं भन्ते सुन्दरीनन्दं भिक्खुनिं आरब्भ पञ्ञत्तो, सुन्दरीनन्दा भन्ते भिक्खुनी अवस्सुता अवस्सुतस्स पुरिसपुग्गलस्स ¶ हत्थतो आमिसं पटिग्गहेसि तस्मिं भन्ते वत्थुस्मिं पञ्ञत्तो.

पुच्छा – कुपिताय आवुसो अनत्तमनाय भिक्खुनिया यावततियं समनुभासन्तिया न पटिनिसज्जन्तिया सङ्घादिसेसो कत्थ पञ्ञत्तो, कं आरब्भ किस्मिं वत्थुस्मिं पञ्ञत्तो.

विस्सज्जना – सावत्थियं भन्ते चण्डकाळिं भिक्खुनिं आरब्भ पञ्ञत्तो, चण्डकाळी भन्ते भिक्खुनी कुपिता अनत्तमना एवं अभणि, बुद्धं पच्चाचिक्खामि, धम्मं पच्चाचिक्खामि, सङ्घं पच्चाचिक्खामि, सिक्खं पच्चाचिक्खामि, किन्नुमाव समणियो या समणियो सक्यधीतरो, सन्तञ्ञापि समणियो लज्जिनियो कुक्कुच्चिका सिक्खाकामा, तासाहं सन्तिके ब्रह्मचरियं चरिस्सामीति, तस्मिं भन्ते वत्थुस्मिं पञ्ञत्तो.

पुच्छा – कस्स ¶ आवुसो वचनं.

विस्सज्जना – भगवतो भन्ते वचनं अरहतो सम्मासम्बुद्धस्स.

पुच्छा – केनावुसो आभतं.

विस्सज्जना – परम्पराय भन्ते आभतं.

पुच्छा – अत्थि नुखो आवुसो एत्थ कोचिपि विरद्धदोसो.

विस्सज्जना – नत्थि भन्ते.

भिक्खुनी विभङ्गपाचित्तिय

१. लसुणवग्ग, १. पठम सिक्खापुच्छा

पुच्छा – यं ¶ तेन आवुसो भगवता…पे… सम्मासम्बुद्धेन लक्खणं खादन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते थुल्लनन्दं भिक्खुनिं आरब्भ पञ्ञत्तं, थुल्लनन्दा भन्ते भिक्खुनी न मत्तं जानित्वा बहुं लसुणं हरापेसि, तस्मिं भन्ते वत्थुस्मिं पञ्ञत्तं.

१. लसुणवग्ग, ६. छट्ठ सिक्खापुच्छा

पुच्छा – भिक्खुस्स आवुसो भुञ्जमानस्स अन्नेन वा पानेन वा विधूपनेन वा उपतिट्ठन्तिया भिक्खुनिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं ¶ भन्ते अञ्ञतरं भिक्खुनिं आरब्भ पञ्ञत्तं, अञ्ञतरा भन्ते भिक्खुनी भिक्खुस्स भुञ्जमानस्स पानीयेन विधूपनेन च उपतिट्ठति, तस्मिं भन्ते वत्थुस्मिं पञ्ञत्तं.

१. लसुणवग्ग, ८. अट्ठम सिक्खापुच्छा

पुच्छा – उच्चारंवा आवुसो पस्सावंवा सङ्कारंवा विघासंवा थिरोकुट्टे छड्डेन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते अञ्ञतरं भिक्खुनिं आरब्भ पञ्ञत्तं, अञ्ञतरा भन्ते भिक्खुनी उच्चारं तिरोकुट्टे छड्डेसि, तस्मिं भन्ते वत्थुस्मिं पञ्ञत्तं.

१. लसुणवग्ग, १०. दसम सिक्खापुच्छा

पुच्छा – नच्चं ¶ वा आवुसो गीतं वा वादितं वा दस्सनाय गच्छन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिया भिक्खुनियो आरब्भ पञ्ञत्तं, छब्बग्गिया भन्ते भिक्खुनियो नच्चम्पि गीतम्पि वादितम्पि दस्सनाय अगमंसु, तस्मिं भन्ते वत्थुस्मिं पञ्ञत्तं.

पुच्छा – भिक्खुपन ¶ आवुसो नच्चं वा गीतं वा वादितं वा दस्सनाय गच्छन्तो कं नाम आपत्तिं आपज्जति.

विस्सज्जना – दुक्कटं भन्ते आपत्तिं आपज्जति.

१. पठम सिक्खापुच्छा

पुच्छा – रत्तन्धकारे आवुसो अपदीपे पुरिसेन सद्धिं एकेनेकाय सन्तिट्ठन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते अञ्ञतरं भिक्खुनिं आरब्भ पञ्ञत्तं, अञ्ञतरा भन्ते भिक्खुनी रत्तन्धकारे अपदीपे पुरिसेन सद्धिं एकेनेका सन्तिट्ठि, तस्मिं भन्ते वत्थुस्मिं पञ्ञत्तं.

२. अन्धकारवग्ग, २-३. दुतिय, ततिय सिक्खापुच्छा

पुच्छा – पटिच्छन्ने ¶ वा आवुसो ओकासे अज्झोकासे वा पुरिसेन सद्धिं एकेनेकाय सन्तिट्ठन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते अञ्ञतरं भिक्खुनिं आरब्भ पञ्ञत्तं, अञ्ञतरा भन्ते भिक्खुनी पटिच्छन्ने ओकासे अज्झोकासे च पुरिसेन सद्धिं एकेनेका सन्तिट्ठि, तस्मिं भन्ते वत्थुस्मिं पञ्ञत्तं.

२. अन्धकारवग्ग, ८. अट्ठम सिक्खापुच्छा

पुच्छा – दुग्गहितेन आवुसो दूपधारितेन परं उज्झापेन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते अञ्ञतरं भिक्खुनिं आरब्भ पञ्ञत्तं, अञ्ञतरा भन्ते भिक्खुनी दुग्गहितेन दूपधारितेन परं उज्झापेसि, तस्मिं भन्ते वत्थुस्मिं पञ्ञत्तं.

२. अन्धकारवग्ग, ९. नवम सिक्खापुच्छा

पुच्छा – अत्तानं ¶ वा आवुसो परं वा निरयेन वा ब्रह्मचरियेन वा अभिसपन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते चण्डकाळिं भिक्खुनिं आरब्भ पञ्ञत्तं, चण्डकाळी भन्ते भिक्खुनी अत्तानम्पि परम्पि निरयेनपि ब्रह्मचरियेनपि अभिसपि, तस्मिं भन्ते वत्थुस्मिं पञ्ञत्तं.

२. अन्धकारवग्ग, १०. दसम सिक्खापुच्छा

पुच्छा – अत्तानं ¶ आवुसो वधित्वा वधित्वा रोदन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते चण्डकाळिं भिक्खुनिं आरब्भ पञ्ञत्तं, चण्डकाळी भन्ते भिक्खुनी भिक्खुनीहि सद्धिं भण्डित्वा अत्तानं वधित्वा वधित्वा रोदि, तस्मिं भन्ते वत्थुस्मिं पञ्ञत्तं.

३. नग्गवग्ग, ३. ततिय सिक्खापुच्छा

पुच्छा – भिक्खुनिया ¶ आवुसो चीवरं विसिब्बेत्वा वा विसिब्बापेत्वा वा नेव सिब्बेन्तिया न सिब्बापनाय उस्सुक्कं करोन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते थुल्लनन्दं भिक्खुनिं आरब्भ पञ्ञत्तं, थुल्लनन्दा भन्ते भिक्खुनी भिक्खुनिया चीवरं विसिब्बापेत्वा नेव सिब्बेसि न सिब्बापनाय उस्सुक्कं अकासि, तस्मिं भन्ते वत्थुस्मिं पञ्ञत्तं.

३. नग्गवग्ग, ८. अट्ठम सिक्खापुच्छा

पुच्छा – अगारिकस्स ¶ वा आवुसो परिब्बाजकस्स वा परिब्बाजिकाय वा समणचीवरं देन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते थुल्लनन्दं भिक्खुनिं आरब्भ पञ्ञत्तं, थुल्लनन्दा भन्ते भिक्खुनी अगारिकस्स समणचीवरं अदासि, तस्मिं भन्ते वत्थुस्मिं पञ्ञत्तं.

४. तुवट्टवग्ग, १-२. पठम, दुतिय सिक्खापुच्छा

पुच्छा – द्विन्नं आवुसो भिक्खुनीनं एकमञ्चे वा एकत्थरणपावुरणे वा तुवट्टेन्तीनं पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते सम्बहुला भिक्खुनियो आरब्भ पञ्ञत्तं, सम्बहुला भन्ते भिक्खुनियो द्वे एकमञ्चे तुवट्टेसुं, एकत्थरणपावुरणे तुवट्टेसुं, तस्मिं भन्ते वत्थुस्मिं पञ्ञत्तं.

४. तुवट्टवग्ग, ३. ततिय सिक्खापुच्छा

पुच्छा – भिक्खुनिया ¶ आवुसो सञ्चिच्च अफासुं करोन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते थुल्लनन्दं भिक्खुनिं आरब्भ पञ्ञत्तं, थुल्लनन्दा भन्ते भिक्खुनी भिक्खुनिया सञ्चिच्च अफासुं अकासि, तस्मिं भन्ते वत्थुस्मिं पञ्ञत्तं.

४. तुवट्टवग्ग, ४. चतुत्थ सिक्खापुच्छा

पुच्छा – दुक्खितं ¶ आवुसो सहजीविनिं नेव उपट्ठेन्तिया न उपट्ठापनाय उस्सुक्कं करोन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते थुल्लनन्दंयेव भिक्खुनिं आरब्भ पञ्ञत्तं, थुल्लनन्दा भन्ते भिक्खुनी दुक्खितं सहजीविनिं नेवउपट्ठेसि न उपट्ठापनाय उस्सुक्कं अकासि, तस्मिं भन्ते वत्थुस्मिं पञ्ञत्तं.

४. तुवट्टवग्ग, ५. पञ्चम सिक्खापुच्छा

पुच्छा – भिक्खुनिया ¶ आवुसो उपस्सयं दत्वा कुपिताय अनत्तमनाय निक्कड्ढन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते थुल्लनन्दंयेव भिक्खुनिं आरब्भ पञ्ञत्तं, थुल्लनन्दा भन्ते भिक्खुनी भिक्खुनिया उपस्सयं दत्वा कुपिता अनत्तमना निक्कड्ढि, तस्मिं भन्ते वत्थुस्मिं पञ्ञत्तं.

४. तुवट्टवग्ग, ६. छट्ठ सिक्खापुच्छा

पुच्छा – संसट्ठाय ¶ आवुसो भिक्खुनिया यावततियं समनुभासनाय न पटिनिस्सज्जन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते चण्डकाळिं भिक्खुनिं आरब्भ पञ्ञत्तं, चण्डकाळी भन्ते भिक्खुनी संसट्ठा विहरि, तस्मिं भन्ते वत्थुस्मिं पञ्ञत्तं.

४. तुवट्टवग्ग, ७-८. सत्तम अट्ठम सिक्खापुच्छा

पुच्छा – अन्तोरट्ठे ¶ वा आवुसो तिरोरट्ठे वा सासङ्कसम्मते सप्पटिभये असत्थिकाय चारिकं चरन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते सम्बहुला भिक्खुनियो आरब्भ पञ्ञत्तं, सम्बहुला भन्ते भिक्खुनियो अन्तोरट्ठेपि तिरोरट्ठेपि सासङ्कसम्मते सप्पटिभये असत्थिकायो चारिकं चरिंसु, तस्मिं भन्ते वत्थुस्मिं पञ्ञत्तं.

४. तुवट्टवग्ग, ९. नवम सिक्खापुच्छा

पुच्छा – अन्तोवस्सं आवुसो चारिकं चरन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते सम्बहुला भिक्खुनियो आरब्भ पञ्ञत्तं, सम्बहुला भन्ते भिक्खुनियो अन्तोवस्सं चारिकं पक्कमिंसु, तस्मिं भन्ते वत्थुस्मिं पञ्ञत्तं.

४. तुवट्टवग्ग, १०. दसम सिक्खापुच्छा

पुच्छा – वस्सं ¶ वुट्ठाय आवुसो भिक्खुनिया चारिकं न पक्कमन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते सम्बहुला भिक्खुनियो आरब्भं पञ्ञत्तं, सम्बहुला भन्ते भिक्खुनियो वस्संवुट्ठा चारिकं न पक्कमिंसु, तस्मिं भन्ते वत्थुस्मिं पञ्ञत्तं.

पुच्छा – कस्स ¶ आवुसो वचनं.

विस्सज्जना – भगवतो भन्ते वचनं अरहतो सम्मासम्बुद्धस्स.

पुच्छा – केनावुसो आभतं.

विस्सज्जना – परम्पराय भन्ते वचनं.

सुणातु मे भन्ते सङ्घो…पे… संगायेय्याम.

५. चित्तागारवग्ग, १. पठम सिक्खापुच्छा

पुच्छा – यं तेन आवुसो भगवता…पे… सम्मासम्बुद्धेन राजागारं वा चित्तागारं वा आरामं वा उय्यानं वा पोक्खरणिं वा दस्सनाय गच्छन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं ¶ भन्ते छब्बग्गिया भिक्खुनियो आरब्भ पञ्ञत्तं, छब्बग्गिया भन्ते भिक्खुनियो राजागारम्पि चित्तागारम्पि दस्सनाय गच्छिंसु, तस्मिं भन्ते वत्थुस्मिं पञ्ञत्तं.

५. चित्तागारवग्ग, ४. चतुत्थ सिक्खापुच्छा

पुच्छा – गिहिवेय्यावच्चं आवुसो करोन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते सम्बहुला भिक्खुनियो आरब्भ पञ्ञत्तं, सम्बहुला भन्ते भिक्खुनियोगिहि वेय्यावच्चं अकंसु, तस्मिं भन्ते वत्थुस्मिं पञ्ञत्तं.

५. चित्तागारवग्ग, ६. छट्ठ सिक्खापुच्छा

पुच्छा – अगारिकस्स ¶ वा आवुसो परिब्बाजकस्स वा परिब्बाजिकाय वा सहत्था खादनीयं भोजनीयं देन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते थुल्लनन्दं भिक्खुनिं आरब्भ पञ्ञत्तं, थुल्लनन्दा भन्ते भिक्खुनी अगारिकस्स सहत्था खादनीयम्पि भोजनीयम्पि अदासि, तस्मिं भन्ते वत्थुस्मिं पञ्ञत्तं.

५. चित्तागारवग्ग, ९-१०. नवम, दसम सिक्खापुच्छा

पुच्छा – तिरच्छानविज्जं आवुसो परियापुणन्तिया च वाचेन्तिया च पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिया भिक्खुनियो आरब्भ पञ्ञत्तं, छब्बग्गिया भन्ते भिक्खुनियो तिरच्छानविज्जं परियापुणिंसुचेव वाचेसुञ्च, तस्मिं भन्ते वत्थुस्मिं पञ्ञत्तं.

पुच्छा – भिक्खु ¶ पन आवुसो तादिसं तिरच्छानविज्जं परियापुणन्तो च वाचेन्तो च किं नाम आपत्तिं आपज्जति.

विस्सज्जना – दुक्कटं भन्ते आपत्तिं आपज्जति.

६. आरामवग्ग, १. पठम सिक्खापुच्छा

पुच्छा – जानं आवुसो सभिक्खुकं आरामं अनापुच्छा पविसन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते सम्बहुला भिक्खुनियो आरब्भ पञ्ञत्तं, सम्बहुला भन्ते भिक्खुनियो आरामं अनापुच्छा पविसिंसु, तस्मिं भन्ते वत्थुस्मिं पञ्ञत्तं.

६. आरामवग्ग, २. दुतिय सिक्खापुच्छा

पुच्छा – भिक्खुं ¶ आवुसो अक्कोसन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – वेसालियं भन्ते छब्बग्गिया भिक्खुनियो आरब्भ पञ्ञत्तं, छब्बग्गिया भन्ते भिक्खुनियो आयस्मन्तं उपालिं अक्कोसिंसु, तस्मिं भन्ते वत्थुस्मिं पञ्ञत्तं.

६. आरामवग्ग, ३. ततिय सिक्खापुच्छा

पुच्छा – चण्डिकताय ¶ आवुसो गणं परिभासन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते थुल्लनन्दं भिक्खुनिं आरब्भ पञ्ञत्तं, थुल्लनन्दा भन्ते भिक्खुनी चण्डिकताय गणं परिभासि, तस्मिं भन्ते वत्थुस्मिं पञ्ञत्तं.

६. आरामवग्ग, ५. पञ्चम सिक्खापुच्छा

पुच्छा – कुलं ¶ आवुसो मच्छरायन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते अञ्ञतरं भिक्खुनिं आरब्भ पञ्ञत्तं, अञ्ञतरा भन्ते भिक्खुनी कुलं मच्छरायि, तस्मिं भन्ते वत्थुस्मिं पञ्ञत्तं.

६. आरामवग्ग, ६. छट्ठ सिक्खापुच्छा

पुच्छा – अभिक्खुके ¶ आवुसो आवासे वस्सं वसन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते सम्बहुला भिक्खुनियो आरब्भ पञ्ञत्तं, सम्बहुला भन्ते भिक्खुनियो अभिक्खुके आवासे वस्सं वसिंसु, तस्मिं भन्ते वत्थुस्मिं पञ्ञत्तं.

६. आरामवग्ग, ७. सत्तम सिक्खापुच्छा

पुच्छा – वस्सं ¶ वुट्ठाय आवुसो भिक्खुनिया उभतोसङ्घे तीहि ठानेहि न पवारेन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते सम्बहुला भिक्खुनियो आरब्भ पञ्ञत्तं, सम्बहुला भन्ते भिक्खुनियो वस्सं वुट्ठा भिक्खुसङ्घं न पवारेसुं, तस्मिं भन्ते वत्थुस्मिं पञ्ञत्तं.

६. आरामवग्ग, ८. अट्ठम सिक्खापुच्छा

पुच्छा – ओवादाय वा आवुसो संवासाय वा नगच्छन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सक्केसु भन्ते छब्बग्गिया भिक्खुनियो आरब्भ पञ्ञत्तं, छब्बग्गिया भन्ते भिक्खुनियो ओवादं नगच्छिंसु, तस्मिं भन्ते वत्थुस्मिं पञ्ञत्तं.

६. आरामवग्ग, ९. नवम सिक्खापुच्छा

पुच्छा – उपोसथम्पि ¶ आवुसो न पुच्छन्तिया ओवादम्पि न याचन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते सम्बहुला भिक्खुनियो आरब्भ पञ्ञत्तं, सम्बहुला भन्ते भिक्खुनियो उपोसथं न पुच्छिंसु, ओवादम्पि न याचिंसु, तस्मिं भन्ते वत्थुस्मिं पञ्ञत्तं.

७. गब्भिनीवग्ग, १-२. पठम, दुतिय सिक्खापुच्छा

पुच्छा – गब्भिनिं वा आवुसो पायन्तिं वा वुट्ठापेन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं ¶ भन्ते सम्बहुला भिक्खुनियो आरब्भ पञ्ञत्तं, सम्बहुला भन्ते भिक्खुनियो गब्भिनिं वुट्ठापेसुं, पायन्तिं वुट्ठापेसुं, तस्मिं भन्ते वत्थुस्मिं पञ्ञत्तं.

७. गब्भिनीवग्ग, ३. ततिय सिक्खापुच्छा

पुच्छा – द्वे वस्सानि आवुसो छसु धम्मेसु असिक्खितसिक्खं सिक्खमानं वुट्ठापेन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते सम्बहुला भिक्खुनियो आरब्भ पञ्ञत्तं, सम्बहुला भन्ते भिक्खुनियो द्वे वस्सानि छसु धम्मेसु असिक्खितसिक्खं सिक्खमानं वुट्ठापेसुं, तस्मिं भन्ते वत्थुस्मिं पञ्ञत्तं.

८. कुमारीभूतवग्ग, ९. नवम सिक्खापुच्छा

पुच्छा – पुरिससंसट्ठं ¶ आवुसो कुमारकसंसट्ठं चण्डिं सोकावासं सिक्खमानं वुट्ठापेन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते थुल्लनन्दं भिक्खुनिं आरब्भ पञ्ञत्तं, थुल्लनन्दा भन्ते भिक्खुनी पुरिससंसट्ठं कुमारकसंसट्ठं चण्डिं सोकावासं चण्डकाळिं सेक्खमानं वुट्ठापेसि, तस्मिं भन्ते वत्थुस्मिं पञ्ञत्तं.

८. कुमारीभूतवग्ग, १०. दसम सिक्खापुच्छा

पुच्छा – मातापितूहि ¶ वा आवुसो सामिकेन वा अननुञ्ञातं सिक्खमानं वुट्ठापेन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते थुल्लनन्दं भिक्खुनिं आरब्भ पञ्ञत्तं, थुल्लनन्दा भन्ते भिक्खुनी मातापितूहिपि सामिकेनपि अननुञ्ञातं सिक्खमानं वुट्ठापेसि, तस्मिं भन्ते वत्थुस्मिं पञ्ञत्तं.

९. छत्तुपाहनवग्ग, १-२. पठम, दुतिय सिक्खापुच्छा

पुच्छा – छत्तुपाहनं आवुसो धारेन्तिया च यानेन यायन्तिया च पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिया भिक्खुनियो आरब्भ पञ्ञत्तं, छब्बग्गिया भन्ते भिक्खुनियो छत्तुपाहनं धारेसुं, यानेन यायिंसु, तस्मिं भन्ते वत्थुस्मिं पञ्ञत्तं.

९. छत्तुपाहनवग्ग, ४. चतुत्थ सिक्खापुच्छा

पुच्छा – इत्थालङ्कारं ¶ आवुसो धारेन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिया भिक्खुनियो आरब्भ पञ्ञत्तं, छब्बग्गिया भन्ते भिक्खुनियो इत्थालङ्कारं धारेसुं, तस्मिं भन्ते वत्थुस्मिं पञ्ञत्तं.

पुच्छा – भिक्खु पन आवुसो पुरिसालङ्कारं धारेन्तो किं नाम आपत्तिं आपज्जेय्य.

विस्सज्जना – दुक्कटं भन्ते आपत्तिं आपज्जेय्य.

९. छत्तुपाहनवग्ग, ५. पञ्चम सिक्खापुच्छा

पुच्छा – गन्धवण्णकेन ¶ आवुसो नहायन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिया भिक्खुनियो आरब्भ पञ्ञत्तं, छब्बग्गिया भन्ते भिक्खुनियो गन्धवण्णकेन नहायिंसु, तस्मिं भन्ते वत्थुस्मिं पञ्ञत्तं.

९. छत्तुपाहनवग्ग, ११. एकादसम सिक्खापुच्छा

पुच्छा – भिक्खुस्स आवुसो पुरतो अनापुच्छा आसने निसीदन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते सम्बहुला भिक्खुनियो आरब्भ पञ्ञत्तं, सम्बहुला भन्ते भिक्खुनियो भिक्खुस्स पुरतो अनापुच्छा आसने निसीदिंसु, तस्मिं भन्ते वत्थुस्मिं पञ्ञत्तं.

९. छत्तुपाहनवग्ग, १२. द्वादसम सिक्खापुच्छा

पुच्छा – अनोकासकतं ¶ आवुसो भिक्खुं पञ्हं पुच्छन्तिया पाचित्तियं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते सम्बहुला भिक्खुनियो आरब्भ पञ्ञत्तं, सम्बहुला भन्ते भिक्खुनियो अनोकासकतं भिक्खुं पञ्हं पुच्छिंसु, तस्मिं भन्ते वत्थुस्मिं पञ्ञत्तं.

पुच्छा – सप्पिं वा आवुसो तेलं वा मधुं वा फाणितं वा मच्छं वा मंसं वा खीरं वा दधिं वा विञ्ञापेत्वा भुञ्जन्तिया पाटिदेसनीयं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिया भिक्खुनियो आरब्भ पञ्ञत्तं, छब्बग्गिया भन्ते भिक्खुनियो सप्पिम्पि तेलम्पि मधुम्पि फाणितम्पि मच्छम्पि मंसम्पि खीरम्पि दधिम्पि विञ्ञापेत्वा भुञ्जिंसु, तस्मिं भन्ते वत्थुस्मिं पञ्ञत्तं.

पुच्छा – चतुन्नं ¶ आवुसो विपत्तीनं कतमा विपत्ति.

विस्सज्जना – आचारविपत्ति भन्ते.

पुच्छा – छन्नं आवुसो आपत्तिसमुट्ठानानं कतिहि समुट्ठानेहि समुट्ठाति.

विस्सज्जना – चतूहि भन्ते समुट्ठानेहि समुट्ठाति, सिया कायतो समुट्ठाति, नवाचतो नचित्ततो, सिया कायतो च वाचतो च समुट्ठाति, नचित्ततो, सिया कायतो च चित्ततो च समुट्ठाति, नवाचतो, सिया कायतो च वाचतो च चित्ततो च समुट्ठाति, इमेहि भन्ते चतूहि समुट्ठानेहि समुट्ठाति.

पुच्छा – का ¶ आवुसो विपत्ति.

विस्सज्जना – असंवरो भन्ते विपत्ति.

पुच्छा – का आवुसो सम्पत्ति.

विस्सज्जना – संवरो भन्ते सम्पत्ति.

पुच्छा – का ¶ आवुसो पटिपत्ति.

विस्सज्जना – न एवरूपं करिस्सामीति यावजीवं आपाणकोटिकं समादाय सिक्खति सिक्खापदेसु, अयं भन्ते पटिपत्ति.

पुच्छा – कस्स आवुसो वचनं.

विस्सज्जना – भगवतो भन्ते वचनं अरहतो सम्मासम्बुद्धस्स.

पुच्छा – केनावुसो आभतं.

विस्सज्जना – परम्पराय भन्ते आभतं.

सुणातु मे भन्ते सङ्घो…पे… संगायेय्याम.

महावग्गपाळि

संगायनस्स पुच्छा विस्सज्जना

पुच्छा – उभतो ¶ विभङ्गानन्तरं आवुसो पोराणकेहि संगीतिकारमहाथेरेहि कं नाम पावचनं संगीतं.

विस्सज्जना – उभतो विभङ्गानन्तरं भन्ते पोराणकेहि संगीतिकारमहाथेरेहि खन्धका संगीता.

पुच्छा – ते पन आवुसो खन्धका वग्गभेदेन कतिविधा.

विस्सज्जना – ते ¶ पन भन्ते खन्धका दुविधा वग्गभेदेन महावग्गो चूळवग्गोति.

पुच्छा – महावग्गे आवुसो कति खन्धका परियापन्ना.

विस्सज्जना – महावग्गे भन्ते दसखन्धका परियापन्ना, सेय्यथिदं, महाखन्धको उपोसथक्खन्धको वस्सूपनायिकक्खन्धको पवारणाक्खन्धको चम्मक्खन्धको भेसज्जक्खन्धको कथिनक्खन्धको चीवरक्खन्धको चम्पेय्यक्खन्धको कोसम्बकक्खन्धकोति.

पुच्छा – महाखन्धके आवुसो बहू कथायो, कतमा तासं आदिकथा.

विस्सज्जना – महाखन्धके भन्ते बोधिकथा आदि.

महाखन्धक

महाबोधिपुच्छा

पुच्छा – तस्मातिह ¶ आवुसो ततो पट्ठाय तं पुच्छिस्सामि, भगवा आवुसो पठमाभिसम्बुद्धकाले कत्थ कीवचीरं केनाकारेन विहासि.

विस्सज्जना – भगवा भन्ते पठमाभिसम्बुद्धो बोधिरुक्खमूले सत्ताहं एकपल्लङ्केन विहासि विमुत्तिसुखं पटिसंवेदी.

पुच्छा – तदा आवुसो भगवा कीदिसं धम्मं मनसिकत्वा कीदिसं उदानं उदानेसि.

विस्सज्जना – तदा भन्ते भगवा रत्तिया पठमं यामं रत्तिया मज्झिमं यामं रत्तिया पच्छिमं यामं पटिच्चसमुप्पादं अनुलोमं पटिलोमं मनसिकत्वा तीणि उदानानि उदानेसि.

अजपाल

पुच्छा – तस्स ¶ आवुसो सत्ताहस्स अच्चयेन भगवा कत्थ विहासि.

विस्सज्जना – तस्स भन्ते सत्ताहस्स अच्चयेन भगवा अजपाल निग्रोधमूले विहासि, सत्ताहं एकपल्लङ्केन विहासि विमुत्तिसुखं पटिसंवेदी.

मुचलिन्दा

पुच्छा – तस्सपि आवुसो सत्ताहस्स अच्चयेन भगवा कत्थ विहासि.

विस्सज्जना – तस्स ¶ भन्ते सत्ताहस्स अच्चयेन भगवा मुचलिन्दमूले सत्ताहं एकपल्लङ्केन निसीदि.

पुच्छा – तस्सपि आवुसो सत्ताहस्स अच्चयेन भगवा कत्थ विहासि.

विस्सज्जना – तस्सपि भन्ते सत्ताहस्स अच्चयेन भगवा राजायतनमूले सत्ताहं एकपल्लङ्केन निसीदि विमुत्तिसुखं पटिसंवेदी.

पुच्छा – तस्सपि ¶ आवुसो सत्ताहस्स अच्चयेन भगवा कत्थ विहासि.

विस्सज्जना – तस्स भन्ते सत्ताहस्स अच्चयेन भगवा पुनदेव अजपालनिग्रोधमूले विहासि.

पुच्छा – तस्मिं पन आवुसो अजपालनिग्रोधे विहरन्तस्स भगवतो कथं चेतसो परिवितक्को उदपादि.

विस्सज्जना – तस्मिं पन भन्ते अजपालनिग्रोधे विहरन्तस्स भगवतो रहोगतस्स पटिसल्लीनस्स धम्मगम्भीरतापटिसंयुत्तो चेतसो परिवितक्को उदपादि.

अधिगतो खो म्यायं धम्मो गम्भीरो दुद्दसो अरनुबोधो सन्तो पणीतो अतक्कावचरा निपुणो पण्डितवेदनीयो.

आलयरामाखो ¶ पनायं पजा आलयरता आलयसम्मुदिता,

सहम्पति ब्रह्मा

पुच्छा – कथं आवुसो तदा धम्मदेसनाय ब्रह्मयाचना च भगवतो पटिञ्ञाच अहोसि.

विस्सज्जना – देसेतु भन्ते भगवा धम्मं, देसेतु सुगतो धम्मं, सन्ति सत्ता अप्परजक्खजातिका अस्सवनता धम्मस्स परिहायन्ति, भविस्सन्ति धम्मस्स अञ्ञातारोति इति भन्ते ब्रह्मुनो धम्मदेसनाय याचना अहोसि,

‘‘अपारुता तेसं अमतस्स द्वारा,

ये सोतवन्तो पमुञ्चन्तु सद्धं;

विहिंससञ्ञी पगुणं नभासिं,

धम्मं पणीतं मनुजेसु ब्रह्मे’’ति.

एवं खो भन्ते भगवतो धम्मदेसनाय पटिञ्ञा च अहोसि.

नस्सति ¶ वत लोको…

देसेतु भन्ते भगवा धम्मं…

अपारुता तेसं अमतस्स द्वारा,

ये सोतवन्तो पमुञ्चन्तु सद्धं.

पुच्छा – एवं ¶ खो आवुसो भगवा धम्मदेसनाय पटिञ्ञं कत्वा पठमं धम्मं देसेन्तो कत्थ कीदिसं धम्मं कस्स देसेसि.

विस्सज्जना – बाराणसियं भन्ते इसिपतने मिगदाये पञ्चवग्गिय भिक्खुपमुखानं ब्रह्मगणानं धम्मचक्कपवत्तनसुत्तं देसेसि.

पुच्छा – तस्मिं ¶ खो पन आवुसो धम्मचक्कपवत्तनसुत्ते देसियमाने मनुस्सलोके कस्स धम्माभिसमयो अहोसि.

विस्सज्जना – आयस्मतो भन्ते कोण्डञ्ञस्स धम्माभिसमयो अहोसि.

पुच्छा – कथं नु खो आवुसो इमस्मिं बुद्धसासने पठमं पब्बज्जा च उपसम्पदा च अहोसि.

विस्सज्जना – इमस्मिं भन्ते बुद्धसासने पठमं एहिभिक्खुपसम्पदा अहोसि.

लभेय्याहं ¶ भन्ते भगवतो सन्तिके पब्बजं, लभेय्यं उपसम्पदं.

एहि भिक्खु स्वाखातो धम्मो, चर ब्रह्मचरियं सम्मा दुक्खस्स अन्तकिरियाय.

पुच्छा – इतरेसं पन आवुसो चतुन्नं पञ्चवग्गियानं कदा धम्माभिसमयो अहोसि.

विस्सज्जना – पाटिपदे भन्ते दिवसे आयस्मतो वप्पस्स, दुतिये भन्ते दिवसे आयस्मतो भद्दियस्स, ततिये भन्ते दिवसे आयस्मतो महानामस्स, चतुत्थे भन्ते दिवसे आयस्मतो अस्सजिस्स धम्माभिसमयो अहोसि.

पुच्छा – सब्बेसम्पि ¶ आवुसो तेसं पञ्चवग्गियानं भिक्खूनं कदा अरहत्तपत्ति होति.

विस्सज्जना – सब्बेसम्पि भन्ते तेसं पञ्चवग्गियानं भिक्खूनं पक्खस्स पञ्चमियं अनत्तलक्खणसुत्ते देसियमाने अरहत्तपत्ति होति.

पुच्छा – कदा आवुसो भगवता भिक्खू तत्थ तत्थ चारिकं चरित्वा धम्मदेसनत्थाय पेसिता.

विस्सज्जना – यसप्पमुखानं भन्ते चतुपञ्ञास सहायकानं पब्बजितकाले भगवता भिक्खू तत्थ तत्थ चारिकं चरित्वा धम्मदेसनत्थाय पेसिता.

सरणगमन

पुच्छा – कदा ¶ आवुसो भगवता तीहि सरणगमनेहि पब्बज्जूप सम्पदा अनुञ्ञातो अहोसि.

विस्सज्जना – यसप्पमुखानं भन्ते चतुपञ्ञासाय गिहि सहायकानं पब्बजित्वा तत्थ तत्थ चारिकं चरित्वा धम्मदेसनत्थाय पेसितकाले भगवता तीहि सरणगमनेहि पब्बज्जा च उपसम्पदा च अनुञ्ञाता.

अनुजानामि ¶ भिक्खवे तुम्हेव दानि तासु तासु दिसासु तेसु तेसु जनपदेसु पब्बाजेथ उपसम्पादेथ.

पुच्छा – भगवता आवुसो भिक्खूनं आरामो पटिग्गण्हितुं कत्थ किस्मिं वत्थुस्मिं अनुञ्ञातो.

विस्सज्जना – भगवता भन्ते भिक्खूनं आरामं पटिग्गण्हितुं राजगहे अनुञ्ञातो, राजा भन्ते मागधो सेनियो बिम्बिसारो बुद्धप्पमुखस्स भिक्खुसङ्घस्स वेळुवनं उय्यानं अदासि, तस्मिं भन्ते वत्थुस्मिं अनुञ्ञातो.

एताहं ¶ भन्ते वेळुवनं उय्यानं बुद्धप्पमुखस्स भिक्खुसङ्घस्स दम्मि –

अनुजानामि भिक्खवे आरामं.

पुच्छा – कथञ्च ¶ आवुसो द्विन्नं अग्गसावकानं पब्बज्जूपसम्पदा अहोसि.

विस्सज्जना – द्विन्नं भन्ते अग्गसावकानं एहि भिक्खुपसम्पदा अहोसि.

विप्पसन्नानि ¶ खो ते आवुसो इन्द्रियानि.

कंसि त्वं आवुसो उद्दिस्स पब्बजितो.

को वा ते सत्था.

कस्स वा त्वं धम्मं रोचेसि.

अत्थावुसो महासमणो सक्यपुत्तो सक्यकुला पब्बजितो.

किं वादी पनायस्मतो सत्था किमक्खायी.

ये ¶ धम्मा हेतुप्पभवा, तेसं हेतुं तथागतो;

आह तेसञ्च यो निरोधो, एवं वादी महासमणो.

अलं आवुसो मा अगमित्थ.

एते भिक्खवे द्वे सहायका आगच्छन्ति कोलितो उपतिस्सो च एतं मे सावकयुगं भविस्सति अग्गं भद्दयुगं.

लभेय्याम ¶ मयं भन्ते भगवतो सन्तिके पब्बज्जं लभेय्याम उपसम्पदं.

एथ भिक्खवो स्वाखातो धम्मो, चरथ ब्रह्मचरियं सम्मा दुक्खस्स अन्तकिरियाय.

पुच्छा – उपज्झायो आवुसो गण्हितुं भगवता कत्थ अनुञ्ञातो, कं आरब्भ किस्मिं वत्थुस्मिं अनुञ्ञातो.

विस्सज्जना – राजगहे भन्ते सम्बहुले भिक्खू आरब्भ अनुञ्ञातो, सम्बहुला भन्ते भिक्खू अनुपज्झायका अनाचरियका अनोवदियमाना अननुसासियमाना दुन्निवत्था दुप्पारुता अनोकप्पसम्पन्ना पिण्डाय चरिंसु, तस्मिं भन्ते वत्थुस्मिं अनुञ्ञातो.

पुच्छा – उपज्झायम्हि आवुसो न सम्मावत्तन्तस्स दुक्कटं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे ¶ भन्ते सम्बहुले सद्धिविहारिके आरब्भ पञ्ञत्तं, सम्बहुला भन्ते सद्धिविहारिका उपज्झायम्हि न सम्मावत्तिंसु, तस्मिं भन्ते वत्थुस्मिं पञ्ञत्तं.

पुच्छा – कदा आवुसो भगवता तीहि सरणगमनेहि उपसम्पदं पटिक्खिपित्वा ञातिचतुत्थेन कम्मेन उपसम्पदा अनुञ्ञाता.

विस्सज्जना – राधब्राह्मणस्स भन्ते पब्बजितकाले भगवता तीहि सरणगमनेहि उपसम्पदं पटिक्खिपित्वा ञात्तिचतुत्थेन कम्मेन उपसम्पदा अनुञ्ञाता.

कोनु ¶ खो भिक्खवे तस्स ब्राह्मणस्स अधिकारं सरति.

अहं खो भन्ते तस्स ब्राह्मणस्स अधिकारं सरामि.

साधु साधु सारिपुत्त, कतञ्ञुनो हि सारिपुत्त सप्पुरिसा कतवेदिनो.

कथाहं भन्ते तं ब्राह्मणं उपसम्पादेमि.

यासा ¶ भिक्खवे मया तीहि सरणगमनेहि उपसम्पदाअनुञ्ञाता, तं अज्जतग्गे पटिक्खिपामि.

अनुजानामि भिक्खवे ञात्तिचतुत्थेन कम्मेन उपसम्पादेतुं.

पुच्छा – अयाचितकं आवुसो उपसम्पदापेक्खं उपसम्पादेन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते अञ्ञतरं भिक्खुं आरब्भ पञ्ञत्तं, अञ्ञतरो भन्ते भिक्खु उपसम्पन्नसमनन्तरं अनाचारं अचरि, तस्मिं भन्ते वत्थुस्मिं पञ्ञत्तं.

पुच्छा – चतुन्नं ¶ आवुसो निस्सयानं आचिक्खणा भगवता कत्थ अनुञ्ञाता, कं आरब्भ किस्मिं वत्थुस्मिं अनुञ्ञाता.

विस्सज्जना – राजगहे भन्ते अञ्ञतरं भिक्खुं आरब्भ अनुञ्ञाता, अञ्ञतरो भन्ते भिक्खु उदरस्स कारणा पब्बजि, तस्मिं भन्ते वत्थुस्मिं अनुञ्ञाता.

एहि ¶ दानि आवुसो पिण्डाय चरिस्साम.

कथञ्हि नाम भिक्खु एवं स्वाक्खाते धम्मविनये उदरस्स कारणा पब्बजिस्सति.

पुच्छा – ऊनदसवस्सेन ¶ आवुसो उपसम्पादेन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते आयस्मन्तं उपसेनं वङ्गन्तपुत्तं आरब्भ पञ्ञत्तं, आयस्मा भन्ते उपसेनो वङ्गन्तपुत्तो एकवस्सो सद्धिविहारिकं उपसम्पादेसि, तस्मिं भन्ते वत्थुस्मिं पञ्ञत्तं.

पुच्छा – बालेन ¶ आवुसो अब्यत्तेन उपसम्पादेन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते सम्बहुले भिक्खू आरब्भ पञ्ञत्तं, सम्बहुला भन्ते भिक्खू ‘‘दसवस्सम्हा दसवस्सम्हा’’ति बाला अब्यत्ता उपसम्पादेसुं, तस्मिं भन्ते वत्थुस्मिं पञ्ञत्तं.

पुच्छा – आचरियो ¶ आवुसो गण्हितुं भगवता कत्थ अनुञ्ञातो, कं आरब्भ किस्मिं वत्थुस्मिं अनुञ्ञातो.

विस्सज्जना – राजगहे भन्ते सम्बहुले भिक्खू आरब्भ अनुञ्ञातो, सम्बहुला भन्ते भिक्खू उपज्झायेसु पक्कन्तेसुपि विब्भन्तेसुपि कालङ्कतेसुपि पक्खसङ्कन्तेसुपि अनाचरियका अनोवदियमाना अननुसासियमाना दुन्निवत्था दुप्पारुता अनाकप्पसम्पन्ना पिण्डाय चरिंसु, तस्मिं भन्ते वत्थुस्मिं अनुञ्ञातो.

पुच्छा – पञ्चहि ¶ आवुसो आबाधेहि फुट्ठं पब्बाजेन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते सम्बहुले भिक्खू आरब्भ पञ्ञत्तं, सम्बहुला भन्ते भिक्खू पञ्चहि आबाधेहि फुट्ठं पब्बाजेसुं, तस्मिं भन्ते वत्थुस्मिं पञ्ञत्तं.

साधु ¶ भन्ते अय्या पञ्चहि आबाधेहि फुट्ठं न पब्बाजेय्युं…

पुच्छा – राजभटं आवुसो पब्बाजेन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते सम्बहुले भिक्खू आरब्भ पञ्ञत्तं, सम्बहुला भन्ते भिक्खू राजभटे पब्बाजेसुं, तस्मिं भन्ते वत्थुस्मिं पञ्ञत्तं.

पुच्छा – धजबन्धं ¶ आवुसो चोरं पब्बाजेन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहेयेव भन्ते अङ्गुलिमालं चोरं आरब्भ पञ्ञत्तं, अङ्गुलिमालो भन्ते चोरो भिक्खूसु पब्बजितो होति, तस्मिं भन्ते वत्थुस्मिं पञ्ञत्तं.

पुच्छा – कारभेदकं आवुसो चोरं पब्बाजेन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहेयेव ¶ भन्ते सम्बहुले भिक्खू आरब्भ पञ्ञत्तं, सम्बहुला भन्ते भिक्खू कारभेदकचोरं पब्बाजेसुं, तस्मिं भन्ते वत्थुस्मिं पञ्ञत्तं.

पुच्छा – इणायिकं आवुसो पब्बाजेन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहेयेव भन्ते सम्बहुले भिक्खू आरब्भ पञ्ञत्तं, सम्बहुला भन्ते भिक्खू इणायिकं पब्बाजेसुं, तस्मिं भन्ते वत्थुस्मिं पञ्ञत्तं.

पुच्छा – दासं ¶ आवुसो पब्बजेन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहेयेव भन्ते सम्बहुले भिक्खू आरब्भ पञ्ञत्तं, सम्बहुला भन्ते भिक्खू दासं पब्बाजेसुं, तस्मिं भन्ते वत्थुस्मिं पञ्ञत्तं.

पुच्छा – भण्डुकम्माय आवुसो अपलोकनं भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – राजगहेयेव भन्ते अञ्ञतरं कम्मारभण्डुपुत्तं आरब्भ अनुञ्ञातं अञ्ञतरो भन्ते कम्मारभण्डुपुत्तो मातापितूहि सद्धिं भण्डित्वा भिक्खूसु पब्बजितो होति, तस्मिं भन्ते वत्थुस्मिं अनुञ्ञातं.

पुच्छा – ऊनवीसतिवस्सस्स ¶ आवुसो पुग्गलस्स उपसम्पदा भगवता कत्थ पटिक्खित्ता, कं आरब्भ किस्मिं वत्थुस्मिं पटिक्खित्ता.

विस्सज्जना – राजगहे ¶ भन्ते सम्बहुले भिक्खू आरब्भ पटिक्खित्ता, सम्बहुला भन्ते भिक्खू ऊनवीसतिवस्सं पुग्गलं उपसम्पादेसुं, तस्मिं भन्ते वत्थुस्मिं पटिक्खित्ता.

न ¶ भिक्खवे जानं ऊनवीसतिवस्सो पुग्गलो उपसम्पादेतब्बो, योउपसम्पादेय्य, यथाधम्मो कारेतब्बो.

पुच्छा – मातापितूहि ¶ आवुसो अननुञ्ञातं पुत्तं पब्बाजेन्तस्स दुक्कटं भगवता कत्थ पञ्ञत्तं, किस्मिं वत्थुस्मिं पञ्ञत्तं.

विस्सज्जना – सक्केसु भन्ते पञ्ञत्तं, राजा भन्ते सुद्धोदनो भगवन्तं उपसङ्कमित्वा वरं याचि, साधु भन्ते अय्याअननुञ्ञातं मातापितूहि पुत्तं पब्बाजेय्युन्ति, तस्मिं भन्ते वत्थुस्मिं पञ्ञत्तं.

न ¶ भिक्खवे अननुञ्ञातो मातापितूहि पुत्तो पब्बाजेतब्बो, यो पब्बाजेय्य, आपत्तिदुक्कटस्स.

पुच्छा – थेय्यसंवासकस्स आवुसो उपसम्पदा भगवता कत्थ पटिक्खित्ता, कं आरब्भ किस्मिं वत्थुस्मिं पटिक्खित्ता.

विस्सज्जना – सावत्थियं भन्ते अञ्ञतरं पुराणकुलपुत्तं आरब्भ पटिक्खित्ता, अञ्ञतरो भन्ते पुराणकुलपुत्तो खीण कोलञ्ञो सामं पत्तचीवरं पटियादेत्वा केसमस्सुं ओहारेत्वा ¶ कासायानि वत्थानि अच्छादेत्वा आरामं गन्त्वा भिक्खूहि सद्धिं संवसि, भन्ते वत्थुस्मिं पटिक्खित्ता.

पुच्छा – तिरच्छानगतस्स ¶ आवुसो उपसम्पदा भगवता कत्थ पटिक्खित्ता, कं आरब्भ किस्मिं वत्थुस्मिं पटिक्खित्ता.

विस्सज्जना – सावत्थियं भन्ते अञ्ञतरं नागं आरब्भ पटिक्खित्ता, अञ्ञतरो भन्ते नागो माणवकवण्णेन भिक्खू उपसङ्कमित्वा पब्बज्जं याचि, तं भिक्खू पब्बाजेसुं उपसम्पादेसुं, तस्मिं भन्ते वत्थुस्मिं पटिक्खित्ता.

पुच्छा – मातुघातकस्स ¶ च आवुसो पितुघातकस्स च उपसम्पदा भगवता कत्थ पटिक्खित्ता, कं आरब्भ किस्मिं वत्थुस्मिं पटिक्खित्ता.

विस्सज्जना – सावत्थियंयेव ¶ भन्ते अञ्ञतरं माणवकं आरब्भ पटिक्खित्ता, अञ्ञतरो च भन्ते माणवको अञ्ञतरो च माणवको मातरं जीविता वोरोपेसि पितरं जीविता वोरोपेसि, तस्मिं भन्ते वत्थुस्मिं पटिक्खित्ता.

मातुघातको ¶ भिक्खवे अनुपसम्पन्नो नउपसम्पादेतब्बो, उपसम्पन्नो नासेतब्बो, पितुघातको भिक्खवे अनुपसम्पन्नो नउपसम्पादेतब्बो, उपसम्पन्नो नासेतब्बो.

पुच्छा – अपत्तचीवरकं वा आवुसो याचितपत्तचीवरकं वा उपसम्पादेन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते सम्बहुले भिक्खू आरब्भ पञ्ञत्तं, सम्बहुला भन्ते भिक्खू अपत्तचीवरकं उपसम्पादेसुं, याचितकेन पत्तचीवरेन उपसम्पादेसुं, तस्मिं भन्ते वत्थुस्मिं पञ्ञत्तं.

पुच्छा – उपसम्पदं ¶ पुच्छिस्सं, सनिदानं सउद्देसं. समुक्कट्ठपदानं आवुसो कति आपत्तियो.

विस्सज्जना – उपसम्पदं विस्सज्जिस्सं, सनिदानं सनिद्देसं. समुक्कट्ठपदानं भन्ते द्वे आपत्तियो.

२. उपोसथक्खन्धक

पुच्छा – चातुद्दसे ¶ च आवुसो पन्नरसे च पक्खस्स च अट्ठमिया सन्निपतित्वा धम्मं भासितुं भगवता कत्थ अनुञ्ञातं, किस्मिं वत्थुस्मिं अनुञ्ञातं.

विस्सज्जना – राजगहे भन्ते सम्बहुले भिक्खू आरब्भ अनुञ्ञाता, सम्बहुला भन्ते भिक्खू चातुद्देस पन्नरसे अट्ठमिया च पक्खस्स सन्निपतित्वा तुण्ही निसीदिंसु, तस्मिं भन्ते वत्थुस्मिं अनुञ्ञाता.

अनुजानामि ¶ भिक्खवे चातुद्दसे पन्नरसे अट्ठमिया च पक्खस्स सन्निपतितुं.

ननु नाम सन्निपतितेहि धम्मो भासितब्बो.

पुच्छा – कदा आवुसो भिक्खूनं पातिमोक्खुद्देसो भगवता अनुञ्ञातो.

विस्सज्जना – यदा भन्ते भगवतो रहोगतस्स पटिसल्लीनस्स एवं चेतसो परिवितक्को उदपादि ‘‘यंनूनाहं यानि मया भिक्खूनं पञ्ञत्तानि सिक्खापदानि, तानि नेसं पातिमोक्खुद्देसं अनुजानेय्यं, सो नेसं भविस्सति उपोसथकम्म’’न्ति ¶ तदा भन्ते भगवता भिक्खूनं पातिमोक्खुद्देसो अनुञ्ञातो.

पुच्छा – सीमं आवुसो सम्मनितुं भगवता कत्थ अनुञ्ञातं, किस्मिञ्च वत्थुस्मिं अनुञ्ञातं.

विस्सज्जना – राजगहे भन्ते अनुञ्ञातं, राजगहे भन्ते भगवति विहरति भिक्खूनं एतदहोसि ‘‘भगवता पञ्ञत्तं एत्तावता सामग्गी, यावता एकावासोति कित्तावतानुखो एकावासो होती’’ति, तस्मिं भन्ते वत्थुस्मिं अनुञ्ञातं.

पुच्छा – कति ¶ आवुसो उपोसथा दिवसवसेन च कारकपुग्गलवसेन च कातब्बाकारवसेन च.

विस्सज्जना – दिवसवसेन भन्ते तयो उपोसथा, पुग्गलवसेन च भन्ते तयो उपोसथा, कातब्बाकारवसेन च भन्ते तयो उपोसथा.

पुच्छा – कति ¶ आवुसो उपोसथकम्मानि तेसु च कीदिसं उपोसथकम्मं भगवता अनुञ्ञातं, कीदिसं अननुञ्ञातं.

विस्सज्जना – चत्तारिमानि भन्ते उपोसथकम्मानि, अधम्मेन वग्गं उपोसथकम्मं, अधम्मेन समग्गं उपोसथकम्मं, धम्मेन वग्गं उपोसथकम्मं, धम्मेन समग्गं उपोसथकम्मं. तत्र भन्ते यदिदं अधम्मेन वग्गं उपोसथकम्मं, अधम्मेन समग्गं उपोसथकम्मं धम्मेन वग्गं उपोसथकम्मं, एवरूपं भन्ते उपोसथकम्मं अननुञ्ञातं, तत्र भन्ते यदिदं धम्मेन समग्गं उपोसथकम्मं, एवरूपं भन्ते उपोसथकम्मं अनुञ्ञातं.

पुच्छा – उपोसथं ¶ पुच्छिस्सं, सनिदानं सनिद्देसं. समुक्कट्ठपदानं आवुसो कति आपत्तियो.

विस्सज्जना – उपोसथं विस्सज्जिस्सं, सनिदानं सनिद्देसं. समुक्कट्ठपदानं भन्ते तिस्सो आपत्तियो.

३. वस्सुपनायिकक्खन्धक

पुच्छा – वस्सूपनायिकं आवुसो भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते सम्बहुला भिक्खू आरब्भ पञ्ञत्तं, सम्बहुला भन्ते भिक्खू हेमन्तम्पि गिम्हम्पि वस्सम्पि चारिकं चरिंसु, तस्मिं भन्ते वत्थुस्मिं पञ्ञत्तं.

पुच्छा – कतिपनावुसो वस्सूपनायिका भगवता अनुञ्ञाता.

विस्सज्जना – द्वेमा भन्ते वस्सूपनायिका भगवता अनुञ्ञाता पुरिमिका पच्छिमिका, अपरज्जुगताय भन्ते आसळ्हिया पुरिमिका उपगन्तब्बा, मासगताय भन्ते आसळ्हिया पच्छिमिका उपगन्तब्बा, इमा खो भन्ते द्वे वस्सूपनायिका भगवता अनुञ्ञाता.

पुच्छा – वस्सं ¶ आवुसो उपगन्त्वा पुरिमं वा तेमासं पच्छिमं वा तेमासं अवसित्वा चारिकं पक्कमन्तस्स दुक्कटं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू वस्सं उपगन्त्वा अन्तरा वस्सं चारिकं पक्कमिंसु, तस्मिं भन्ते वत्थुस्मिं पञ्ञत्तं.

पुच्छा – सत्ताह करणीयेन आवुसो पहिते गन्तुं भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – सावत्थियं भन्ते सम्बहुले भिक्खू आरब्भ अनुञ्ञातं, सम्बहुला भन्ते भिक्खू उदेनेन उपासकेन पहिते न गच्छिंसु, तस्मिं भन्ते वत्थुस्मिं अनुञ्ञातं.

पुच्छा – सत्ताहकरणीयेन ¶ आवुसो सत्तन्नं अपहितेपि गन्तुं भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – सावत्थियं भन्ते अञ्ञतरस्स भिक्खुनो मातुगिलान वत्थुस्मिं अनुञ्ञातं.

अनुजानामि ¶ भिक्खवे सत्तन्नं सत्ताहकरणीयेन अपहितेपि गन्तुं, पगेव पहिते.

पुच्छा – किस्मिंचि आवुसो अन्तराये सति अन्तोवस्सं पक्कमितुं भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – सावत्थियं भन्ते सम्बहुले भिक्खू आरब्भ अनुञ्ञातं, सम्बहुला भन्ते भिक्खू कोसलेसु जनपदेसु वस्सं उपगच्छिंसु, ते वस्सूपगता वाळेहि उब्बाळ्हा अहेसुं, तस्मिं भन्ते वत्थुस्मिं अनुञ्ञातं.

पुच्छा – रुक्ख ¶ सुसिरे वा आवुसो रुक्खविटभिया वा अज्झोकासे वा वस्सं उपगच्छन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते सम्बहुले भिक्खू आरब्भ पञ्ञत्तं, सम्बहुला भन्ते भिक्खू रुक्खसुसिरेपि रुक्खविटभियापि अज्झोकासेपि वस्सं उपगच्छिंसु, तस्मिं भन्ते वत्थुस्मिं पञ्ञत्तं.

पुच्छा – असेनासनिकेन ¶ आवुसो वस्सं उपगच्छन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – तस्मिंयेव भन्ते सावत्थियं सम्बहुले भिक्खू आरब्भ पञ्ञत्तं, सम्बहुला भन्ते भिक्खू असेनासनिका वस्सं उपगच्छिंसु, तस्मिं भन्ते वत्थुस्मिं पञ्ञत्तं.

पुच्छा – छवकुटिकाय वा आवुसो छत्ते वा चाटिया वा वस्सं उपगच्छन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियंयेव भन्ते सम्बहुले भिक्खू आरब्भ पञ्ञत्तं, सम्बहुला भन्ते भिक्खू छवकुटिकायपि छत्तेपि चाटियापि वस्सं उपगच्छिंसु, तस्मिं भन्ते वत्थुस्मिं पञ्ञत्तं.

पुच्छा – पटिस्सवं ¶ आवुसो विसं वादेन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते आयस्मन्तं उपनन्दं सक्यपुत्तं आरब्भ पञ्ञत्तं, आयस्मा भन्ते उपनन्दो सक्यपुत्तो रञ्ञो पसेनदिस्स कोसलस्स वस्सं वासं पटिस्सुणित्वा विसंवादेसि, तस्मिं भन्ते वत्थुस्मिं पञ्ञत्तं.

पुच्छा – वस्सूपनायिकं ¶ पुच्छिस्सं, सनिदानं सनिद्देसं. समुक्कट्ठपदानं आवुसो कति आपत्तियो.

विस्सज्जना – वस्सूपनायिकं विस्सज्जिस्सं, सनिदानं सनिद्देसं. समुक्कट्ठपदानं भन्ते एका आपत्ति.

४. पवारणाक्खन्धक

पुच्छा – वस्सं ¶ वुट्ठानं आवुसो भिक्खूनं तीहि ठानेहि पवारितुं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते सम्बहुले भिक्खू आरब्भ अनुञ्ञातं, सम्बहुला भन्ते भिक्खू सन्दिट्ठा सम्भत्ता अन्तोवस्सं नेव आलपिंसु न सल्लपिंसु, तस्मिं भन्ते वत्थुस्मिं अनुञ्ञातं.

अनुजानामि ¶ भिक्खवे वस्सं वुट्ठानं भिक्खूनं तीहि ठानेहि पवारेतुं, दिट्ठेव वा सुतेन वा परिसङ्काय वा.

पुच्छा – कति आवुसो पवारणा दिवसवसेन च पुग्गलवसेन च कातब्बाकारवसेन च.

विस्सज्जना – दिवसवसेन भन्ते तिस्सो पवारणा, तथा पुग्गलवसेन कातब्बाकारवसेनच.

पुच्छा – कतीनं ¶ आवुसो सङ्घे पवारेतुं भगवता अनुञ्ञातं, कतीनं पनावुसो अञ्ञमञ्ञं पवारेतुं भगवता अनुञ्ञातं.

विस्सज्जना – पञ्चन्नं भन्ते भिक्खूनं सङ्घे पवारेतुं भगवता अनुञ्ञातं, चतुन्नं वा भन्ते तिण्णं वा द्विन्नं वा अञ्ञमञ्ञं पवारेतुं अनुञ्ञातं.

पुच्छा – एकेन पनावुसो वस्संवुट्ठेन भिक्खुना कथं पटिपज्जितब्बन्ति भगवता अनुञ्ञातं.

विस्सज्जना – एकेन पन भन्ते भिक्खुना ‘‘अज्ज मे पवारणा’’ति अधिट्ठातब्बन्ति भगवता अनुञ्ञातं.

पुच्छा – पवारणं ¶ पुच्छिस्सं, सनिदानं सनिद्देसं. समुक्कट्ठपदानं आवुसो कति आपत्तियो.

विस्सज्जना – पवारणं विस्सज्जिस्सं, सनिदानं सनिद्देसं. समुक्कट्ठपदानं भन्ते तिस्सो आपत्तियो.

५. चम्मक्खन्धक

सोणमथेर वत्थु

पुच्छा – उपाहनं ¶ आवुसो भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – राजगहे भन्ते आयस्मन्तं सोणं आरब्भ अनुञ्ञातं, आयस्मतो भन्ते सोणस्स अच्चारद्धवीरियस्स चङ्कमतो पादा भिज्जिंसु, चङ्कमो लोहितेन फुटो अहोसि, तस्मिं भन्ते वत्थुस्मिं अनुञ्ञातं.

पुच्छा – सब्बनीलिका ¶ वा आवुसो सब्बपीतिका वा सब्बलोहितिका वा सब्बमञ्जिट्ठिका वा सब्बकण्हा वा सब्बमहारङ्गरत्ता वा सब्बमहानामरत्ता ¶ वा उपाहनायो धारेन्तस्स दुक्कटं भगवता कत्थ कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू सब्बनीलिकायो उपाहनायो धारेसुं, सब्बपीतिकायो सब्बलोहितिकायो सब्बमञ्जिट्ठिकायो सब्बकण्हायो सब्बमहारङ्गरत्ता सब्बमहानामरत्तायोपि उपाहनायो धारेसुं, तस्मिं भन्ते वत्थुस्मिं पञ्ञत्तं.

पुच्छा – खल्लकबन्धा ¶ वा आवुसो पुटबन्धा वा पालिगुण्ठिमा वा तूलपुण्णिका वा तित्तिरपत्तिका वा मेण्डविसाणवद्धिका वा अजविसाणवद्धिका वा विच्छिकाळिका वा मोरपिञ्छ परिसिब्बिका वा चित्रा वा उपाहनायो धारेन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू खल्लकबन्धा उपाहनायोपि धारेसुं, पुटबन्धा उपाहनायोपि धारेसुं, पालिगुण्ठिमा उपाहनायोपि धारेसुं, तूलपुण्णिका उपाहनायोपि धारेसुं, तित्तिरपत्तिका उपाहनायोपि धारेसुं, मेण्डविसाणवद्धिका उपाहनायोपि धारेसुं, अजविसाणवद्धिका उपाहनायोपि धारेसुं, विच्छिकाळिका उपाहनायोपि धारेसुं, मोरपिञ्छ परिसिब्बिता उपाहनायो धारेसुं, चित्रा उपाहनायोपि धारेसुं, तस्मिं भन्ते वत्थुस्मिं पञ्ञत्तं.

पुच्छा – कट्ठपादुकायो ¶ आवुसो धारेन्तस्स दुक्कटं भगवता कत्थ कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते छब्बग्गीयेव भिक्खू आरब्भ पञ्ञत्तं, छब्बग्गिया भन्ते भिक्खू रत्तिया पच्चूससमयं पच्चुट्ठाय कट्ठपादुकायो अभिरुहित्वा अज्झोकासे चङ्कमन्ति उच्चासद्दा महासद्दा खटखटसद्दा अनेकविहितं तिरच्छानकथं कथेन्ता, तस्मिं भन्ते वत्थुस्मिं पञ्ञत्तं.

पुच्छा – यानेन ¶ आवुसो यायन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू यानेन यायिंसु, तस्मिं भन्ते वत्थुस्मिं पञ्ञत्तं.

पुच्छा – गिलानस्स ¶ आवुसो यानं भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – सावत्थियं भन्ते अञ्ञतरं गिलानं भिक्खुं आरब्भ अनुञ्ञातं, अञ्ञतरो भन्ते भिक्खु कोसलेसु जनपदे सावत्थिं गच्छन्तो भगवन्तं दस्सनाय अन्तरामग्गे गिलानो कुक्कुच्चायन्तो यानं नाभिरुहि, तस्मिं भन्ते वत्थुस्मिं अनुञ्ञातं.

पुच्छा – उच्चासयनमहासयनानि ¶ आवुसो धारेन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू उच्चासयनमहासयनानि धारेसुं, तस्मिं भन्ते वत्थुस्मिं पञ्ञत्तं.

पुच्छा – गोचम्मानि आवुसो धारेन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते अञ्ञतरं पापभिक्खुं आरब्भ पञ्ञत्तं, अञ्ञतरो भन्ते भिक्खु पाणातिपाते समादपेसि, तस्मिं भन्ते वत्थुस्मिं पञ्ञत्तं.

पुच्छा – पच्चन्तिमेसु ¶ आवुसो जनपदेसु विनयधरपञ्चमेन गणेन उपसम्पदा च गुणङ्गुणूपहनञ्च धुवनहानञ्च चम्मानि अत्थरणानि च निस्सीमगतानं चीवरदानञ्चाति इमानि पञ्च भगवता कत्थ अनुञ्ञातानि, कं आरब्भ किस्मिं वत्थुस्मिं अनुञ्ञातानि.

विस्सज्जना – सावत्थियं भन्ते आयस्मन्तं सोणं कुटिकण्णं आरब्भ अनुञ्ञाता, आयस्मा भन्ते सोणो कुटिकण्णो एतानि पञ्चवत्थूनि आयस्मतो महाकच्चानस्स वचनेन भगवन्तं याचि, तस्मिं भन्ते वत्थुस्मिं अनुञ्ञाता.

पुच्छा – चम्मसञ्ञुत्तं ¶ पुच्छिस्सं, सनिदानं सनिद्देसं. समुक्कट्ठपदानं आवुसो कति आपत्तियो.

विस्सज्जना – चम्मसञ्ञुत्तं विस्सज्जिस्सं, सनिदानं सनिद्देसं. समुक्कट्ठपदानं भन्ते तिस्सो आपत्तियो.

६. भेसज्जक्खन्धक

पुच्छा – पञ्च ¶ आवुसो भेसज्जानि पटिग्गहेत्वा कालेपि विकालेपि परिभुञ्जितुं भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – सावत्थियं भन्ते सम्बहुले भिक्खू आरब्भ अनुञ्ञातं, सम्बहुलानं भन्ते भिक्खूनं सारदिकेन आबाधेन पुट्ठानं यागुपि न सम्मा परिणामं गच्छि, भत्तम्पि भुत्तं न सम्मा परिणामं गच्छि, ते तेन किसा अहेसुं लूखा दुब्बण्णा उप्पण्डुप्पण्डुकजाता धमनिसन्थतगत्ता, तस्मिं भन्ते वत्थुस्मिं अनुञ्ञातं.

पुच्छा – मूलादिभेसज्जानि ¶ आवुसो भगवता कत्थ अनुञ्ञातानि, कं आरब्भ किस्मिं वत्थुस्मिं अनुञ्ञातानि.

विस्सज्जना – सावत्थियं भन्ते सम्बहुले गिलाने भिक्खू आरब्भ अनुञ्ञातानि, सम्बहुलानं गिलानानं भिक्खूनं मूलेहि भेसज्जेहि अत्थो अहोसि, तस्मिं भन्ते वत्थुस्मिं अनुञ्ञातानि.

पुच्छा – अन्तोवुट्ठंवा आवुसो अन्तोपक्कं वा सामंपक्कं वा परिभुञ्जन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते आयस्मन्तं आनन्दं आरब्भ पञ्ञत्तं, आयस्मा भन्ते आनन्दो सामं तिलम्पि तण्डुलम्पि मुग्गम्पि विञ्ञापेत्वा अन्तो वासेत्वा अन्तो सामं पचि, तस्मिं भन्ते वत्थुस्मिं पञ्ञत्तं.

सुप्पिया वत्थु

पुच्छा – मनुस्समंसं ¶ आवुसो परिभुञ्जन्तस्स थुल्लच्चयञ्च अप्पटिवेक्खित्वा मंसं परिभुञ्जन्तस्स दुक्कटञ्च भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – बाराणसियं भन्ते अञ्ञतरं भिक्खुं आरब्भ पञ्ञत्तं, अञ्ञतरो भन्ते भिक्खु अप्पटिवेक्खित्वा मनुस्समंसं भुञ्जि, तस्मिं भन्ते वत्थुस्मिं पञ्ञत्तं.

न ¶ भिक्खवे मनुस्समंसं परिभुञ्जितब्बं, यो परिभुञ्जेय्य, आपत्ति थुल्लच्चयस्स, न च भिक्खवे अप्पटिवेक्खित्वा मंसं परिभुञ्जितब्बं, यो परिभुञ्जेय्य आपत्ति दुक्कटस्स.

पुच्छा – हत्थिमंसं वा आवुसो अस्समंसं वा परिभुञ्जन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – बाराणसियं भन्ते सम्बहुले भिक्खू आरब्भ पञ्ञत्तं, सम्बहुला भन्ते भिक्खू हत्थिमंसम्पि अस्समंसम्पि परिभुञ्जिंसु, तस्मिं भन्ते वत्थुस्मिं पञ्ञत्तं.

पुच्छा – सुनक्खमंसं ¶ वा आवुसो अहिमंसं वा भुञ्जन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – बाराणसियं भन्ते सम्बहुले भिक्खू आरब्भ पञ्ञत्तं, सम्बहुला भन्ते भिक्खू सुनक्खमंसम्पि अहिमंसम्पि परिभुञ्जिंसु, तस्मिं भन्ते वत्थुस्मिं पञ्ञत्तं.

पुच्छा – सीहमंसं ¶ वा आवुसो ब्यग्घमंसं वा दीपिमंसं वा अच्छमंसं वा तरच्छमंसं वा भुञ्जन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – बाराणसियंयेव भन्ते सम्बहुले भिक्खू आरब्भ पञ्ञत्तं, सम्बहुला भन्ते भिक्खू सीहमंसम्पि ब्यग्घमंसम्पि दीपिमंसम्पि अच्छमंसम्पि तरच्छमंसम्पि परिभुञ्जिंसु, तस्मिं भन्ते वत्थुस्मिं पञ्ञत्तं.

पुच्छा – गिलानस्स ¶ आवुसो गुळं वा अगिलानस्स गुळोदकं वा भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – राजगहे भन्ते सम्बहुले भिक्खू आरब्भ अनुञ्ञातं, सम्बहुला भन्ते भिक्खू गिलानस्सेव भगवता गुळो अनुञ्ञातो नो अगिलानस्साति कुक्कुच्चायन्ता गुळं न भुञ्जिंसु, तस्मिं भन्ते वत्थुस्मिं अनुञ्ञातं.

पुच्छा – जानं ¶ आवुसो उद्दिस्स कतं मंसं परिभुञ्जन्तस्स दुक्कटं पञ्ञपेत्वा तिकोटिपरिसुद्धं मंसं भगवता कत्थ अनुञ्ञातं.

विस्सज्जना – वेसालियं भन्ते सीहस्स सेटापतिनो वत्थुस्मिं अनुञ्ञातं.

मेण्डक वत्थु

पुच्छा – पाथेय्यं ¶ आवुसो परियेसितुञ्च कप्पियकारकानं हत्थे उपनिक्खित्तहिरञ्ञतो निब्बत्तं कप्पियपच्चयं सादितुञ्च भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – अन्तरा ¶ च भन्ते भद्दियं अन्तरा च अङ्गुत्तरापं मेण्डकं गहपतिं आरब्भ अनुञ्ञातं, मेण्डको भन्ते गहपति भगवन्तं याचि ‘‘सन्ति भन्ते मग्गा कन्तारा अप्पोदका अप्पभक्खा न सुकरा अपाथेय्येन गन्तुं, साधु भन्ते भगवा भिक्खूनं पाथेय्यं अनुजानातू’’ति, तस्मिं भन्ते वत्थुस्मिं अनुञ्ञातं.

केणिय वत्थु

पुच्छा – अट्ठ ¶ आवुसो पानानि भगवता कत्थ अनुञ्ञातानि, कं आरब्भ किस्मिं वत्थुस्मिं अनुञ्ञातानि.

विस्सज्जना – आपणे भन्ते सम्बहुले भिक्खू आरब्भ अनुञ्ञातानि, सम्बहुला भन्ते भिक्खू कुक्कुच्चायन्ता पानानि न पटिग्गण्हिंसु, तस्मिं भन्ते वत्थुस्मिं अनुञ्ञातानि.

रोजमल्ला वत्थु

पुच्छा – सब्बञ्च ¶ आवुसो डाकं सब्बञ्च पिट्ठखादनीयं भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – कुसिनारायं भन्ते सम्बहुले भिक्खू आरब्भ अनुञ्ञातं, सम्बहुला भन्ते भिक्खू कुक्कुच्चायन्ता डाकञ्च पिट्ठखादनीयञ्च न पटिग्गहेसुं, तस्मिं भन्ते वत्थुस्मिं अनुञ्ञातं.

पुच्छा – अकप्पियं ¶ आवुसो समादपेन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – आतुमायं भन्ते अञ्ञतरं वुड्ढपब्बजितं आरब्भ पञ्ञत्तं, अञ्ञतरो भन्ते वुड्ढपब्बजितो अकप्पिये समादपेति, तस्मिं भन्ते वत्थुस्मिं पञ्ञत्तं.

पुच्छा – सङ्घिकानि ¶ वा आवुसो पुग्गलिकानि वा बीजानि पुग्गलिकाय वा सङ्घिकाय वा भूमिया रोपितानि भागं दत्वा परिभुञ्जितुं भगवता कत्थ अनुञ्ञातं, किस्मिं वत्थुस्मिं अनुञ्ञातं.

विस्सज्जना – सावत्थियं भन्ते अनुञ्ञातं, सावत्थियं भन्ते भगवति विहरति सङ्घिकानिपि बीजानि पुग्गलिकाय भूमिया रोपियिंसु, पुग्गलिकानिपि बीजानि सङ्घिकाय भूमिया रोपियिंसु, तस्मिं भन्ते वत्थुस्मिं अनुञ्ञातं.

पुच्छा – विनयमहापदेससङ्खातानि ¶ आवुसो चत्तारि कप्पियाकप्पियअनुलोमानि भगवता कत्थ पञ्ञत्तानि, कं आरब्भ किस्मिं वत्थुस्मिं पञ्ञत्तानि.

विस्सज्जना – सावत्थियं भन्ते सम्बहुले भिक्खू आरब्भ पञ्ञत्तानि, सम्बहुलानं भन्ते भिक्खूनं किस्मिञ्चि किस्मिञ्चिठाने कुक्कुच्चं उप्पज्जि, तस्मिं भन्ते वत्थुस्मिं पञ्ञत्तानि.

पुच्छा – यावकालिकादीहि ¶ संसट्ठानं आवुसो यामकालिकादीनं परिभोगकालमरियादं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते सम्बहुले भिक्खू आरब्भ पञ्ञत्तं, सम्बहुलानं भन्ते भिक्खूनं एतदहोसि ‘‘कप्पति नुखो यावकालिकेन यामकालिकं सत्ताहकालिकं यावजीविकं, न नुखो कप्पति. कप्पतिनुखो यामकालिकेन सत्ताहकालिकं यावजीविकं, न नुखो कप्पति. कप्पति नुखो सत्ताहकालिकेन यावजीविकं, न नुखो कप्पती’’ति. तस्मिं भन्ते वत्थुस्मिं पञ्ञत्तं.

पुच्छा – भेसज्जकं ¶ पुच्छिस्सं, सनिदानं सनिद्देसं. समुक्कट्ठपदानं आवुसो कति आपत्तियो.

विस्सज्जना – भेसज्जकं विस्सज्जिस्सं सनिदानं सनिद्देसं. समुक्कट्ठपदानं भन्ते तिस्सो आपत्तियो.

७. कथिनक्खन्धक

पुच्छा – वस्संवुट्ठानं ¶ आवुसो भिक्खूनं कथिनं अत्थरितुं भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – सावत्थियं भन्ते तिंसमत्ते पावेय्यके भिक्खू आरब्भ अनुञ्ञातं, तिंसमत्ता भन्ते पावेय्यका भिक्खू सावत्थिं आगच्छन्ता भगवन्तं दस्सनाय उपकट्ठाय वस्सूपनायिकाय नासक्खिंसु सावत्थियं वस्सूपनायिकं सम्भावेतुं, तस्मिं भन्ते वत्थुस्मिं अनुञ्ञातं.

पुच्छा – कथिनकं ¶ पुच्छिस्सं, सनिदानं सनिद्देसं. समुक्कट्ठपदानं आवुसो कति आपत्तियो.

विस्सज्जना – कथिनकं विस्सज्जिस्सं, सनिदानं सनिद्देसं. समुक्कट्ठपदानं भन्ते न कतमा आपत्ति.

८. चीवरक्खन्धक

जीवकवत्थु

पुच्छा – गहपतिचीवरं ¶ आवुसो सादियितुं भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – राजगहे भन्ते जीवकं कोमारभच्चं आरब्भ अनुञ्ञातं, जीवको भन्ते कोमारभच्चो भिक्खूनं गहपतिचीवरं अनुजानितुं भगवन्तं याचि, तस्मिं भन्ते वत्थुस्मिं अनुञ्ञातं.

पुच्छा – छ ¶ आवुसो रजनानि भगवता कत्थ अनुञ्ञातानि, किस्मिं वत्थुस्मिं अनुञ्ञातानि.

विस्सज्जना – राजगहे भन्ते सम्बहुले भिक्खू आरब्भ अनुञ्ञातानि, सम्बहुला भन्ते भिक्खू छकणेनपि पण्डुमत्तिकायपि चीवरं रजिंसु, चीवरं दुब्बण्णं होति, तस्मिं भन्ते वत्थुस्मिं अनुञ्ञातानि.

पुच्छा – अच्छिन्नकानि ¶ आवुसो चीवरानि धारेन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते सम्बहुले भिक्खू आरब्भ पञ्ञत्तं, सम्बहुला भन्ते भिक्खू अच्छिन्नकानि चीवरानि धारेसुं दन्तकसावानि, तस्मिं भन्ते वत्थुस्मिं पञ्ञत्तं.

पुच्छा – कदा आवुसो भगवा अनुञ्ञासि छिन्नकं सङ्घाटिं छिन्नकं उत्तरासङ्गं छिन्नकं अन्तरवासकं.

विस्सज्जना – दक्खिणागिरितो भन्ते पच्छागतकाले भगवा अनुञ्ञासि छिन्नकं सङ्घाटिं छिन्नकं उत्तरासङ्गं छिन्नकं अन्तरवासकं.

पुच्छा – अग्गळं ¶ च आवुसो तुन्नञ्च ओवट्टिकञ्च कण्डुसकञ्च दळ्हीकम्मञ्च भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – बाराणसियं भन्ते अञ्ञतरं भिक्खुं आरब्भ अनुञ्ञातं, अञ्ञतरो भन्ते भिक्खु अग्गळं अच्छुपेसि, तस्मिं भन्ते वत्थुस्मिं अनुञ्ञातं.

पुच्छा – वस्सिकसाटिका ¶ च आवुसो आगन्तुकभत्तञ्च गमिकभत्तञ्च गिलानभत्तञ्च गिलानुपट्ठाकभत्तञ्च गिलानभेसज्जञ्च धुवयागु च भिक्खुनिसङ्घस्स उदकसाटिकाचाति इमा अट्ठ भगवता कत्थ अनुञ्ञाता, कं आरब्भ किस्मिं वत्थुस्मिं अनुञ्ञाता.

विस्सज्जना – सावत्थियं भन्ते विसाखं मिगारमातरं आरब्भ अनुञ्ञाता, विसाखा भन्ते मिगारमाता भगवन्तं अट्ठवरानि याचि, तस्मिं भन्ते वत्थुस्मिं अनुञ्ञाता.

पुच्छा – भगवता ¶ आवुसो मातापितूनं दानं अनुजानित्वा सद्धादेय्यं विनिपातेन्तस्स दुक्कटं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते अञ्ञतरं भिक्खुं आरब्भ पञ्ञत्तं, अञ्ञतरस्स भन्ते भिक्खुनो बहुं चीवरं उप्पन्नं अहोसि, सो च तंचीवरं मातापितूनं दातुकामो अहोसि, तस्मिं भन्ते वत्थुस्मिं पञ्ञत्तं.

मातापितरोति ¶ खो भिक्खवे ददमाने किं वदेय्याम, अनुजानामि भिक्खवे मातापितूनं दातुं, न च भिक्खवे सद्धादेय्यं विनिपातेतब्बं, यो विनिपातेय्य आपत्ति दुक्कटस्स –

पुच्छा – अञ्ञत्र वस्सं वुट्ठेन आवुसो अञ्ञत्र चीवरभागं सादियन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते आयस्मन्तं उपनन्दं सक्यपुत्तं आरब्भ पञ्ञत्तं, आयस्मा भन्ते उपनन्दो सक्यपुत्तो अञ्ञत्र वस्सं वुट्ठो अञ्ञत्र चीवरभागं सादियि, तस्मिं भन्ते वत्थुस्मिं पञ्ञत्तं.

पुच्छा – अनाथकं ¶ आवुसो भिक्खुं गिलानं न उपट्ठहन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते अञ्ञतरं भिक्खुं आरब्भ पञ्ञत्तं, भगवति भन्ते सावत्थियं विहरति अञ्ञतरस्स भिक्खुनो कुच्छिविकाराबाधो अहोसि, सो सके मुत्तकरीसे पलिपन्नो सयि, तस्मिं भन्ते वत्थुस्मिं पञ्ञत्तं.

पुच्छा – नग्गियं ¶ आवुसो तित्थियसमादानं समादियन्तस्स थुल्लच्चयं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते अञ्ञतरं भिक्खुं आरब्भ पञ्ञत्तं, अञ्ञतरो भन्ते भिक्खु नग्गियं तित्थियसमादानं समादियि, तस्मिं भन्ते वत्थुस्मिं पञ्ञत्तं.

पुच्छा – सब्बनीलकानि ¶ वा आवुसो चीवरानि सब्बपीतकानि वा सब्बलोहितकानि वा सब्बमञ्जिट्ठकानि वा सब्बकण्हानिवाति एवरूपानि चीवरानि धारेन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं ¶ भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू सब्बनीलकादीनि चीवरानि धारेसुं, तस्मिं भन्ते वत्थुस्मिं पञ्ञत्तं.

पुच्छा – कञ्चुकं ¶ वा आवुसो वेठनं वा धारेन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गियेव भिक्खू आरब्भ पञ्ञत्तं, छब्बग्गिया भन्ते भिक्खू कञ्चुकम्पि धारेसुं वेठनम्पि धारेसुं, तस्मिं भन्ते वत्थुस्मिं पञ्ञत्तं.

पुच्छा – चीवरसञ्ञुत्तं पुच्छिस्सं, सनिदानं सनिद्देसं. समुक्कट्ठपदानं आवुसो कति आपत्तियो.

विस्सज्जना – चीवरसञ्ञुत्तं विस्सज्जिस्सं, सनिदानं सनिद्देसं. समुक्कट्ठपदानं भन्ते तिस्सो आपत्तियो.

६. चम्पेय्यक्खन्धक

पुच्छा – सुद्धं ¶ आवुसो भिक्खुं अनापत्तिकं अवत्थुस्मिं अकारणे उक्खिपन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – चम्पायं भन्ते सम्बहुले भिक्खू आरब्भ पञ्ञत्तं, भगवति भन्ते चम्पायं विहरति सम्बहुला भिक्खू कासीसु वासभगामे सुद्धं कस्सपगोत्तं भिक्खुं अनापत्तिकं अवत्थुस्मिं अकारणे उक्खिपिंसु, तस्मिं भन्ते वत्थुस्मिं पञ्ञत्तं.

पुच्छा – चम्पेय्यकं ¶ पुच्छिस्सं, सनिदानं सनिद्देसं. समुक्कट्ठपदानं आवुसो कति आपत्तियो.

विस्सज्जना – चम्पेय्यकं विस्सज्जिस्सं, सनिदानं सनिद्देसं. समुक्कट्ठपदानं भन्ते एका आपत्ति.

१०. कोसम्बकक्खन्धक

पुच्छा – भेदगरुकेहि ¶ भिक्खवे भिक्खूहि न सो भिक्खु आपत्तिया अदस्सने उक्खिपितब्बोति च, भेदगरुकेन भिक्खवे भिक्खुना परेसम्पि सद्धाय आपत्तिदेसेतब्बाति च आवुसो अयं सामग्गिरसओवादो भगवता कत्थ दिन्नो, कं आरब्भ किस्मिं वत्थुस्मिं दिन्नो.

विस्सज्जना – कोसम्बियं भन्ते सम्बहुले भिक्खू आरब्भ दिन्नो, भगवति भन्ते कोसम्बियं विहरति अञ्ञतरो भिक्खु आपत्तिं आपन्नो अहोसि, सो तस्सा आपत्तिया आपत्ति दिट्ठि अहोसि, अञ्ञे भिक्खू तस्सा आपत्तिया अनापत्ति दिट्ठिनो अहेसुं. सो अपरेन समयेन तस्सा आपत्तिया अनापत्तिदिट्ठि अहोसि, अञ्ञे भिक्खू तस्सा आपत्तिया आपत्तिदिट्ठिनो अहेसुं. अथ खो ते भन्ते भिक्खू सामग्गिं लभित्वा तं भिक्खुं आपत्तिया अदस्सने उक्खिपिंसु, तस्मिं भन्ते वत्थुस्मिं दिन्नो.

पुच्छा – सङ्घभेदस्स ¶ आवुसो मूलभूते भिक्खुम्हि उक्खित्तके ओसारिते तस्स वत्थुस्स वूपसमाय सङ्घसामग्गिञ्च कातुं सामग्गी उपोसथञ्च कातुं भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – सावत्थियं भन्ते तेयेव उक्खित्तकानुवत्तके भिक्खू आरब्भ अनुञ्ञातं, ते भन्ते उक्खित्तकानुवत्तका भिक्खू तं उक्खित्तकं भिक्खुं ओसारेत्वा येन उक्खेपका भिक्खू तेनुपसङ्कमिंसु उपसङ्कमित्वा ते उक्खेपके भिक्खू एकदवोचुं ‘‘यस्मिं आवुसो वत्थुस्मिं अहोसि सङ्घस्स ¶ भण्डनं कलहो विग्गहो विवादो सङ्घभेदो सङ्घराजि सङ्घववत्थानं सङ्घनानाकरणं, सो एसो भिक्खुं आपन्नो च उक्खित्तो च पस्सि च ओसारितो च, हन्द मयं आवुसो तस्स वत्थुस्स वूपसमाय सङ्घसामग्गिं करोमा’’ति, तस्मिं भन्ते वत्थुस्मिं अनुञ्ञातं.

पुच्छा – कोसम्बकं ¶ पुच्छिस्सं, सनिदानं सनिद्देसं. समुक्कट्ठपदानं आवुसो कति आपत्तियो.

विस्सज्जना – कोसम्बकं विस्सज्जिस्सं, सनिदानं सनिद्देसं. समुक्कट्ठपदानं भन्ते एका आपत्ति.

चूळवग्गपाळि

१. कम्बक्खन्धक

पुच्छा – भण्डनादिकारकस्स ¶ आवुसो भिक्खुनो तज्जनीयकम्मं कातुं भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – सावत्थियं भन्ते पण्डुकलोहितके भिक्खू आरब्भ अनुञ्ञातं, पण्डुकलोहितका भन्ते भिक्खू अत्तना भण्डनकारका कलहकारका विवादकारका भस्सकारका सङ्घे अधिकरणकारका, येपि चञ्ञे भिक्खू भण्डनकारका कलहकारका विवादकारका भस्सकारका सङ्घे अधिकरणकारका ते उपसङ्कमित्वा एवमाहंसु ‘‘मा खो तुम्हे आयस्मन्तो एसो अजेसि, बलवाबलवं पटिमन्तेथ, तुम्हे तेन पण्डिततरा च ब्यत्ततरा च बहुस्सुततरा च अलमत्ततरा च, मा चस्स भायित्थ, मयम्पि तुम्हाकं पक्खा भविस्सामा’’ति, तेन अनुप्पन्नानि चेव भण्डनानि उप्पज्जन्ति, उप्पन्नानि च भण्डनानि भिय्योभावाय वेपुल्लाय संवत्तन्ति. तस्मिं भन्ते वत्थुस्मिं अनुञ्ञातं.

पुच्छा – तज्जनीयकम्मकतस्स ¶ आवुसो भिक्खुनो कतिसु वत्तेसु सम्मा वत्तन्तस्स तं कम्मं पटिप्पस्सम्भेतुं भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – अट्ठारससु ¶ भन्ते वत्तेसु सम्मा वत्तन्तस्स तज्जनीयकम्मकतस्स भिक्खुनो तं कम्मं पटिप्पस्सम्भेतुं भगवता सावत्थियं अनुञ्ञातं, तेयेव पण्डुकलोहितका भिक्खू सङ्घेन तज्जनीयकम्मकता सम्मा वत्तित्वा सङ्घं उपसङ्कमित्वा याचिंसु, तस्मिं भन्ते वत्थुस्मिं अनुञ्ञातं.

पुच्छा – बालस्स ¶ आवुसो अब्यत्तस्स आपत्तिबहुलस्स अनपदानस्स गिहिसंसट्ठस्स अननुलोमिकेहि गिहिसंसग्गेहि नियस्सकम्मं कातुं कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते आयस्मन्तं सेय्यसकं आरब्भ पञ्ञत्तं, आयस्मा भन्ते सेय्यसको बालो अहोसि अब्यत्तो आपत्तिबहुलो अनपदानो गिहिसंसट्ठो विहासि अननुलोमिकेहि गिहिसंसग्गेहि, तस्मिं भन्ते वत्थुस्मिं पञ्ञत्तं.

पुच्छा – नियस्सकम्मकतस्स ¶ आवुसो भिक्खुनो कतिसु वत्तेसु सम्मा वत्तन्तस्स तं कम्मं पटिप्पस्सम्भेतुं भगवता अनुञ्ञातं.

विस्सज्जना – अट्ठारससु भन्ते वत्तेसु सम्मा वत्तन्तस्स नियस्स कम्मकतस्स भिक्खुनो तं कम्मं पटिप्पस्सम्भेतुं भगवता अनुञ्ञातं, न उपसम्पादेतब्बं, न निस्सयो दातब्बो, न सामणेरो उपट्ठापेतब्बो, न भिक्खुनोवादकसम्मुति सादितब्बा, सम्मतेनपि भिक्खुनियो न ओवदितब्बा, एवमादीसु भन्ते अट्ठारससु वत्तेसु सम्मा वत्तन्तस्स नियस्सकम्मकतस्स भिक्खुनो तं कम्मं पटिप्पस्सम्भेतुं भगवता अनुञ्ञातं.

पुच्छा – कुलदूसकस्स ¶ आवुसो पापसमाचारस्स भिक्खुनो पब्बाजनीयकम्मं कातुं भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – सावत्थियं भन्ते अस्सजिपुनब्बसुके भिक्खू आरब्भ अनुञ्ञातं, अस्सजिपुनब्बसुका भन्ते भिक्खू कीटागिरिस्मिं कुलदूसका अहेसुं पापसमाचारा, तस्मिं भन्ते वत्थुस्मिं अनुञ्ञातं.

पुच्छा – पटिसारणीयकम्मं ¶ आवुसो पुच्छामि, सद्धं आवुसो पसन्नं गहपतिं दायकं कारकं सङ्घुपट्ठाकं हीनेन खुंसेन्तस्स भिक्खुनो ¶ पटिसारणीयकम्मं कातुं भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – सावत्थियं भन्ते आयस्मन्तं सुधम्मं आरब्भ अनुञ्ञातं, भगवति भन्ते सावत्थियं विहरति आयस्मा सुधम्मो मच्छिकासण्डे चित्तं गहपतिं सद्धं पसन्नं दायकं कारकं सङ्घुपट्ठाकं हीनेन खुंसेसि हीनेन वम्भेसि, तस्मिं भन्ते वत्थुस्मिं अनुञ्ञातं.

तेनहि ¶ भिक्खवे सङ्घो सुधम्मस्स भिक्खुनो पटिसारणीयकम्मं करोतु ‘‘चित्तो ते गहपति खमापेतब्बो’’ति –

पुच्छा – पटिसारणीयकम्मकतस्स ¶ आवुसो भिक्खुनो अनुदूतं दातुञ्च तेन अनुदूतेन सद्धिं गन्त्वा यथाखुंसितं गहपतिं खमापेतुं ¶ च भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – सावत्थियं भन्ते आयस्मन्तंयेव सुधम्मं आरब्भ अनुञ्ञातं, आयस्मा भन्ते सुधम्मो मच्छिकासण्डं गन्त्वा मङ्कुभूतो नासक्खि चित्तं गहपतिं खमापेतुं, तस्मिं भन्ते वत्थुस्मिं अनुञ्ञातं.

पुच्छा – पटिसारणीयकम्मकतस्स ¶ आवुसो भिक्खुनो कतिसु वत्तेसु सम्मा वत्तन्तस्स तं कम्मं पटिप्पस्सम्भेतुं भगवता अनुञ्ञातं.

विस्सज्जना – अट्ठारससु भन्ते वत्तेसु सम्मा वत्तन्तस्स पटिसारणीय कम्मकतस्स भिक्खुनो तं कम्मं पटिप्पस्सम्भेतुं भगवता अनुञ्ञातं.

पुच्छा – आपत्तिं ¶ आवुसो आपज्जित्वा तं आपत्तिं पस्सितुं वा पटिकातुं वा न इच्छन्तस्स भिक्खुनो आपत्तिया अदस्सने वा अप्पटिकम्मे वा उक्खेपनीयकम्मं कातुं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – कोसम्बियं भन्ते आयस्मन्तं छन्नत्थेरं आरब्भ पञ्ञत्तं, आयस्मा भन्ते छन्नो आपत्तिं आपज्जित्वा न इच्छि तं आपत्तिं पस्सितुं वा पटिकातुं वा, तस्मिं भन्ते वत्थुस्मिं पञ्ञत्तं.

पुच्छा – आपत्तिया ¶ आवुसो अदस्सनेन वा अप्पटिकम्मे वा उक्खेपनीय कम्मकतेन भिक्खुना कतिसु वत्तेसु सम्मा वत्तितब्बं.

विस्सज्जना – तेचत्तालीसाय भन्ते वत्तेसु सम्मा वत्तितब्बं.

पुच्छा – उक्खेपनीयकम्मकतस्स ¶ आवुसो भिक्खुनो सम्मा वत्तन्तस्स तं कम्मं पटिप्पस्सम्भेतुं भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – कोसम्बियं भन्ते आयस्मन्तंयेव छन्नं आरब्भ अनुञ्ञातं, आयस्मा भन्ते छन्नो सङ्घेन आपत्तिया अदस्सने वा अप्पटिकम्मे वा उक्खेपनीयकम्मकतो सम्मा वत्तेसि लोमंपातेसि नेत्थारं वत्तेसि सङ्घं उपसङ्कमित्वा तस्स कम्मस्स पटिप्पस्सद्धिया याचि, तस्मिं भन्ते वत्थुस्मिं अनुञ्ञातं.

पुच्छा – पापिकं ¶ आवुसो दिट्ठिं गहेत्वा तं दिट्ठिं न पटिनिस्सज्जन्तस्स पापिकाय दिट्ठिया अप्पटिनिस्सग्गे उक्खेपनीयकम्मं कातुं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते अरिट्ठं भिक्खुं गद्धबाधिपुब्बं आरब्भ पञ्ञत्तं, भगवति भन्ते सावत्थियं विहरति अरिट्ठस्स नाम भिक्खुनो गद्धबाधिपुब्बस्स एवरूपं पापकं दिट्ठिगतं उप्पन्नं अहोसि ‘‘तथाहं भगवता धम्मं देसितं आजानामि, यथायेमे अन्तरायिका धम्मा वुत्ता भगवता, ते पटिसेवतो ¶ नालं अन्तरायाया’’ति, तस्मिं भन्ते वत्थुस्मिं पञ्ञत्तं.

पुच्छा – पापिकाय आवुसो दिट्ठिया अप्पटिनिस्सग्गे उक्खेपनीयकम्मकतेन भिक्खुना कतिसु वत्तेसु सम्मा वत्तितब्बं.

विस्सज्जना – तेचत्तालीसाय ¶ भन्ते वत्तेसु सम्मा वत्तितब्बं.

पुच्छा – कम्मक्खन्धकं पुच्छिस्सं, सनिदानि सनिद्देसं. समुक्कट्ठपदानं आवुसो कति आपत्तियो.

विस्सज्जना – कम्मक्खन्धकं विस्सज्जिस्सं, सनिदानं सनिद्देसं. समुक्कट्ठपदानं भन्ते एका आपत्ति.

२. पारिवासिकक्खन्धक

पुच्छा – पारिवासिकस्स ¶ आवुसो पकतत्तानं भिक्खूनं अभिवादनादीनि सादियन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते पारिवासिके भिक्खू आरब्भ पञ्ञत्तं, पारिवासिका भन्ते भिक्खू सादियिंसु पकतत्तानं भिक्खूनं अभिवादनादीनि, तस्मिं भन्ते वत्थुस्मिं पञ्ञत्तं.

पुच्छा – पारिवासिकेन ¶ आवुसो भिक्खुना कतिसु वत्तेसु सम्मा वत्तितब्बं.

विस्सज्जना – पारिवासिकेन भन्ते भिक्खुना चतुनवुतिया वत्तेसु सम्मा वत्तितब्बं.

पुच्छा – पारिवासिकं पुच्छिस्सं, सनिदानं सनिद्देसं. समुक्कट्ठपदानं आवुसो कति आपत्तियो.

विस्सज्जना – पारिवासिकं विस्सज्जिस्सं, सनिदानं सनिद्देसं. समुक्कट्ठपदानं भन्ते एका आपत्ति.

३. समुच्चयक्खन्धक

पुच्छा – समुच्चयं ¶ पुच्छिस्सं, सनिदानं सनिद्देसं. समुक्कट्ठपदानं आवुसो कति आपत्तियो.

विस्सज्जना – समुच्चयं विस्सज्जिस्सं, सनिदानं सनिद्देसं. समुक्कट्ठपदानं भन्ते एका आपत्ति.

४. समथक्खन्धक

पुच्छा – असम्मुखीभूतानं ¶ आवुसो भिक्खूनं तज्जनीयं वा नियस्सं वा पब्बाजनीयं वा पटिसारणीयं वा उक्खेपनीयं वा कम्मं करोन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू असम्मुखीभूतानं भिक्खूनं कम्मं अकंसु तज्जनीयम्पि नियस्सम्पि पब्बाजनीयम्पि पटिसारणीयम्पि उक्खेपनीयम्पि, तस्मिं भन्ते वत्थुस्मिं पञ्ञत्तं.

पुच्छा – सतिवेपुल्लपत्तस्स ¶ आवुसो भिक्खुनो सतिविनयं दानं भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – राजगहे भन्ते मेत्तियभूमजके भिक्खू आरब्भ अनुञ्ञातं मेत्तियभूमजका भन्ते भिक्खू आयस्मन्तं दब्बं मल्लपुत्तं अमूलिकाय सीलविपत्तिया अनुद्धंसेसुं, तस्मिं भन्ते वत्थुस्मिं अनुञ्ञातं.

पुच्छा – कतिपनावुसो ¶ एत्थ धम्मिकानि सतिविनयदानानि.

विस्सज्जना – पञ्चिमानि भन्ते धम्मिकानि सतिविनयस्स दानानि, सुद्धो होति भिक्खु अनापत्तिको, अनुवदन्ति च नं, याचति च, तस्स सङ्घो सतिविनयं देति धम्मेन समग्गेन, इमानि खो भन्ते पञ्च धम्मिकानि सति विनयस्स दानानि.

पुच्छा – अमूळ्हस्स ¶ आवुसो भिक्खुनो अमूळ्हविनयं दातुं भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – राजगहे भन्ते सम्बहुले भिक्खू आरब्भ अनुञ्ञातं, सम्बहुला भन्ते भिक्खू गग्गं भिक्खुं उम्मत्तकेन चित्तविपरियासकतेन ¶ अज्झाचिण्णेन आपत्तिया चोदेसुं ‘‘सरता यस्मा एवरूपिं आपत्तिं आपज्जिता’’ति, सो एवं वदेति ‘‘अहं खो आवुसो उम्मत्तको अहोसि चित्तविपरियासकतो, तेन मे उम्मत्तकेन चित्तविपरियासकतेन बहुं अस्सामणकं अज्झाचिण्णं भासितपरिक्कन्तं, नाहं तं सरामि, मूळ्हेन मे एतं कत’’न्ति. एवम्पि नं वुच्चमाना चोदेन्तेव ‘‘सरता यस्मा एवरूपिं आपत्तिं आपज्जिता’’ति, तस्मिं भन्ते वत्थुस्मिं अनुञ्ञातं.

पुच्छा – कति ¶ आवुसो अधम्मिकानि अमूळ्हविनयस्स दानानि, विभजित्वा कथेहि.

विस्सज्जना – तीणि भन्ते अधम्मिकानि अमूळ्हविनयस्स दानानि, इध भन्ते भिक्खु आपत्तिं आपन्नो होति, तमेनं चोदेति सङ्घो वा सम्बहुला वा एकपुग्गलो वा ‘‘सरतायस्मा एवरूपिं आपत्तिं आपज्जिता’’ति, सो सरमानोव एवं वदेति ‘‘न खो अहं आवुसो सरामि एवरूपिं आपत्तिं आपज्जिता’’ति. अञ्ञो सरमानोव एवं वदेति ‘‘सरामि खो अहं आवुसो यथा सुपिनन्तेना’’ति. अञ्ञो अनुम्मत्तकोव उम्मत्तकालयं करोति ‘‘अहम्पि खो एवं करोमि, तुम्हेपि एवं करोथ, मय्हम्पि एतं कप्पति, तुम्हाकम्पेतं कप्पती’’ति. एसं सङ्घो अमूळ्हविनयं देति, अधम्मिकं भन्ते अमूळ्हविनयस्स दानं. इमानि खो भन्ते तीणि अधम्मिकानि अमूळ्हविनयस्स दानानि.

पुच्छा – कति ¶ आवुसो धम्मिकानि अमूळ्हविनयस्स दानानि, विभजित्वा कथेहि.

विस्सज्जना – तीणि भन्ते धम्मिकानि अमूळ्हविनयस्स दानानि, इध भन्ते भिक्खु उम्मत्तको होति चित्तविपरियासकतो तेन उम्मत्तकेन चित्तविपरियासकतेन बहुं अस्सामणकं अज्झाचिण्णं होति भासितपरिक्कन्तं, तमेनं चोदेति सङ्घो वा सम्बहुला वा एकपुग्गलो वा ‘‘सरतायस्मा एवरूपिं आपत्तिं आपज्जिता’’ति, सो अस्सरमानोव एवं वदेति ‘‘न खो अहं आवुसो सरामि एवरूपिं आपत्तिं आपज्जिता’’ति. अञ्ञोपि अस्सरमानोव एवं वदेति ‘‘सरामि खो अहं आवुसो यथा सुपिनन्तेना’’ति. अञ्ञोपि उम्मत्तकोव उम्मत्तकालयं करोति ‘‘अहम्पि एवं करोमि, तुम्हेपि एवं करोथ, मय्हम्पि एतं कप्पति, तुम्हाकम्पेतं कप्पती’’ति. एसं भन्ते तिण्णं भिक्खूनं सङ्घो अमूळ्हविनयं देति, धम्मिकं भन्ते अमूळ्हविनयस्स दानं. इमानि खो भन्ते तीणि धम्मिकानि अमूळ्हविनयस्स दानानि.

पुच्छा – अप्पटिञ्ञाय ¶ आवुसो भिक्खूनं तज्जनीयादीनि कम्मानि करोन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे ¶ भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू अप्पटिञ्ञाय भिक्खूनं कम्मानि अकंसु तज्जनीयादीनि, तस्मिं भन्ते वत्थुस्मिं पञ्ञत्तं.

पुच्छा – कथं आवुसो अधम्मिकं होति पटिञ्ञातकरणं.

विस्सज्जना – अञ्ञथा भन्ते आपत्तिं आपज्जन्तस्स अञ्ञथा पटिजानन्तस्स यथा सो पटिजानाति, तथा सङ्घो कारेति, एवं खो भन्ते अधम्मिकं होति पटिञ्ञातकरणं.

पुच्छा – कथं ¶ आवुसो धम्मिकं होति पटिञ्ञातकरणं.

विस्सज्जना – यं भन्ते आपत्तिं आपज्जन्तस्स तमेव पटिजानन्तस्स तेनेव सङ्घो कारेति, एवं खो भन्ते धम्मिकं पटिञ्ञातकरणं.

पुच्छा – येभुय्यसिकाय ¶ आवुसो अधिकरणं वूपसमेतुं भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – राजगहे ¶ भन्ते सम्बहुले भिक्खू आरब्भ अनुञ्ञातं, सम्बहुला भन्ते भिक्खू भण्डनजाता कलहजाता विवादापन्ना अञ्ञमञ्ञं मुखसत्तीहि वितुदन्ता विहरिंसु, न सक्कोन्ति तं अधिकरणं वूपसमेतुं, तस्मिं भन्ते वत्थुस्मिं अनुञ्ञातं.

पुच्छा – कथं आवुसो अधिकरणं येभुय्यसिकाय वूपसमेतब्बं.

विस्सज्जना – पञ्चहि भन्ते अङ्गेहि समन्नागतो भिक्खु सलाकग्गाहापको सम्मन्नितब्बो, तेन भन्ते सलाकग्गाहापकेन ¶ सलाका गाहातब्बा यथा बहुतरा भिक्खू धम्मवादिनो वदन्ति तथा तं अधिकरणं वूपसमेतब्बं, एवं खो भन्ते येभुय्यसिकाय अधिकरणं वूपसमेतब्बं.

पुच्छा – कति ¶ आवुसो अधम्मिका सलाकग्गाहा.

विस्सज्जना – दस भन्ते अधम्मिका सलाकग्गाहा, ओरमत्तकञ्च अधिकरणं होति, न च गतिगतं होति, न च सरितसारितं होति, जानाति ‘अधम्मवादी बहुतरा’ति, अप्पेव नाम अधम्मवादी बहुतरा अस्सूति, जानाति ‘सङ्घो भिज्जिस्सती’ति, अप्पेव नाम सङ्घो भिज्जेय्याति, अधम्मेन गण्हन्ति, वग्गा गण्हन्ति, न च यथादिट्ठिया गण्हन्ति, इमे खो भन्ते दस अधम्मिका कलाकग्गाहा.

पुच्छा – कति ¶ आवुसो धम्मिका सलाकग्गाहा.

विस्सज्जना – दस भन्ते धम्मिका सलाकग्गाहा वुत्तविपरियायेन.

पुच्छा – पापुस्सन्नस्स आवुसो भिक्खुस्स तस्स पापियसिका कम्मं कातुं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते उपवाळं भिक्खुं आरब्भ पञ्ञत्तं, उपवाळो भन्ते भिक्खु सङ्घमज्झे आपत्तिया अनुयुञ्जियमानो अवजानित्वा पटिजानाति, पटिजानित्वा अवजानाति, अञ्ञेनञ्ञं पटिचरति, सम्पजानमुसा भासति, तस्मिं भन्ते वत्थुस्मिं पञ्ञत्तं.

पुच्छा – कति ¶ आवुसो धम्मिकानि तस्सपापियसिका कम्मस्स करणानि.

विस्सज्जना – पञ्चिमानि भन्ते धम्मिकानि तस्सपापियसिका कम्मस्स करणानि. असुचि च होति, अलज्जी च, सानुवादो च, तस्स सङ्घो तस्सपापियसिका कम्मं करोति धम्मेन समग्गेन, इमानि खो भन्ते पञ्च धम्मिकानि तस्स पापियसिका कम्मस्स करणानि.

पुच्छा – तस्स ¶ पापियसिकाकम्मकतेन आवुसो भिक्खुना कतिसु वत्तेसु सम्मा वत्तितब्बं.

विस्सज्जना – तस्स पापियसिकाकम्मकतेन भन्ते भिक्खुना अट्ठारससु वत्तेसु सम्मा वत्तितब्बं. न उपसम्पादेतब्बं, न निस्सयो दातब्बो, न सामणेरो उपट्ठापेतब्बो, एवमादीसु भन्ते अट्ठारससु वत्तेसु सम्मा वत्तितब्बं.

पुच्छा – कति ¶ आवुसो अधिकरणानि समथेहि वूपसमेतब्बानि.

विस्सज्जना – चत्तारिमानि भन्ते अधिकरणानि समथेहि वूपसमेतब्बानि, विवादाधिकरणं अनुवादाधिकरणं आपत्ताधिकरणं किच्चाधिकरणं, इमानि भन्ते चत्तारि अधिकरणानि समथेहि वूपसमेतब्बानि.

पुच्छा – किं ¶ आवुसो विवादाधिकरणस्स मूलं.

विस्सज्जना – छ भन्ते विवादमूलानि विवादाधिकरणस्स मूलं, तीणिपि अकुसलमूलानि विवादाधिकरणस्स मूलं, तीणिपि कुसलमूलानि विवादाधिकरणस्स मूलं, इदं भन्ते विवादाधिकरणस्स मूलं.

पुच्छा – किं ¶ पनावुसो अनुवादाधिकरणस्स मूलं.

विस्सज्जना – छ भन्ते अनुवादमूलानि अनुवादाधिकरणस्स मूलं, तीणिपि अकुसलमूलानि अनुवादाधिकरणस्स मूलं, तीणिपि कुसलमूलानि अनुवादाधिकरणस्स मूलं, कायोपि अनुवादाधिकरणस्स मूलं, वाचापि अनुवादाधिकरणस्स मूलं, इदं खो भन्ते अनुवादाधिकरणस्स मूलं.

पुच्छा – किं ¶ पनावुसो आपत्ताधिकरणस्स मूलं.

विस्सज्जना – छ भन्ते आपत्तिसमुट्ठाना आपत्ताधिकरणस्स मूलं, अत्ति भन्ते आपत्ति कायतो समुट्ठाति न वाचतो न चित्ततो, अत्थि भन्ते आपत्ति वाचतो समुट्ठाति न कायतो न चित्ततो, अत्थि भन्ते आपत्ति कायतो ¶ च वाचतो च समुट्ठाति न चित्ततो, अत्थि भन्ते आपत्ति कायतो च चित्ततो च समुट्ठाति न वाचतो, अत्थि भन्ते आपत्ति वाचतो च चित्ततो च समुट्ठाति न कायतो, अत्थि भन्ते आपत्ति कायतो च वाचतो च चित्ततो च समुट्ठाति, इमानि भन्ते छ आपत्ति समुट्ठानानि आपत्ताधिकरणस्स मूलं.

पुच्छा – किं ¶ पनावुसो किच्चाधिकरणस्स मूलं.

विस्सज्जना – किच्चाधिकरणस्स भन्ते एकं मूलं सङ्घो.

पुच्छा – समथं आवुसो पुच्छिस्सं, सनिदानं सनिद्देसं. समुक्कट्ठपदानं आवुसो कति आपत्तियो.

विस्सज्जना – समथं भन्ते विस्सज्जिस्सं, सनिदानं सनिद्देसं. समुक्कट्ठपदानं भन्ते द्वे आपत्तियो.

५. खुद्दकवत्थुक्खन्धक

पुच्छा – नहायन्तेन ¶ आवुसो भिक्खुना रुक्खे वा थम्भे वा कुट्टे वा कायं उग्घंसेन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू नहायमाना रुक्खेपि थम्भेपि कुट्टेपि कायं उग्घंसेसुं, तस्मिं भन्ते वत्थुस्मिं पञ्ञत्तं.

पुच्छा – गन्धब्बहत्थकेन वा आवुसो कुरुविन्दकसुत्तिया वा मल्लकेन वा नहायन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते छब्बग्गियेव भिक्खू आरब्भ पञ्ञत्तं, छब्बग्गिया भन्ते भिक्खू गन्धब्बहत्थकेनपि कुरुविन्दकसुत्तियापि ¶ मल्लकेनपि नहायिंसु, तस्मिं भन्ते वत्थुस्मिं पञ्ञत्तं.

पुच्छा – पाणिना आवुसो परिकम्मं कातुं भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – राजगहे भन्ते सम्बहुले भिक्खू आरब्भ अनुञ्ञातं, सम्बहुला भन्ते भिक्खू पिट्ठिपरिकम्मं कातुं कुक्कुच्चायिंसु, तस्मिं भन्ते वत्थुस्मिं अनुञ्ञातं.

पुच्छा – वल्लिकं ¶ वा आवुसो पामङ्गं वा कण्ठसुत्तकं वा कटिसुत्तकं वा ओवट्टिकं वा कायुरं वा हत्थाभरणं वा अङ्गुलिमुद्दिकं वा धारेन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू वल्लिकादीनि धारेसुं, तस्मिं भन्ते वत्थुस्मिं पञ्ञत्तं.

पुच्छा – दीघे ¶ आवुसो केसे धारेन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू दीघे केसे धारेसुं, तस्मिं भन्ते वत्थुस्मिं पञ्ञत्तं.

पुच्छा – कोच्छेनवा ¶ आवुसो फणकेनवा हत्थफणकेनवा केसे ओसण्ठेन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते छब्बग्गियेव भिक्खू आरब्भ पञ्ञत्तं, छब्बग्गिया भन्ते भिक्खू कोच्छादीहि केसे ओसण्ठेसुं, तस्मिं भन्ते वत्थुस्मिं पञ्ञत्तं.

पुच्छा – आदासे ¶ वा आवुसो उदकपत्ते वा मुखनिमित्तं ओलोकेन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते छब्बग्गियेव भिक्खू आरब्भ पञ्ञत्तं, छब्बग्गिया भन्ते भिक्खू आदासेपि उदकपत्तेपि मुखनिमित्तं ओलोकेसुं, तस्मिं भन्ते वत्थुस्मिं पञ्ञत्तं.

पुच्छा – आबाधपच्चया ¶ पनावुसो आदासे वा उदकपत्ते वा मुखनिमित्तं ओलोकेतुं भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – राजगहे भन्ते अञ्ञतरं भिक्खुं आरब्भ अनुञ्ञातं, भगवति भन्ते राजगहे विहरति अञ्ञतरस्स भिक्खुनो मुखे वणो अहोसि, सो भिक्खू एतदवोच ‘‘कीदिसो मे आवुसो वणो’’ति, भिक्खू एवमाहंसु ‘‘एदिसो ते आवुसो वणो’’ति, सो न सद्दहति, तस्मिं भन्ते वत्थुस्मिं अनुञ्ञातं.

पुच्छा – मुखालेपनादीनि ¶ आवुसो करोन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू मुखालेपनादीनि अकंसु, तस्मिं भन्ते वत्थुस्मिं पञ्ञत्तं.

पुच्छा – नच्चं ¶ वा आवुसो गीतं वा वादितं वा दस्सनाय गच्छन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते नच्चम्पि गीतम्पि वादितम्पि दस्सनाय गच्छिंसु, तस्मिं भन्ते वत्थुस्मिं पञ्ञत्तं.

पुच्छा – कथं आवुसो नच्चादीनि पस्सन्तस्स आपत्ति होति, कथं पन अनापत्ति.

विस्सज्जना – नच्चं वा भन्ते गीतं वा वादितं वा दस्सनाय गच्छति आपत्ति दुक्कटस्स, यत्थ ठितो पस्सति वा सुणाति वा आपत्ति दुक्कटस्स ¶ , दस्सनूपचारं विजहित्वा पुनप्पुनं पस्सति आपत्ति दुक्कटस्स, आरामे ठितस्स पस्सतो अनापत्ति, विहारतो पन विहारं पस्सिस्सामीति गच्छतो आपत्तियेव, यत्थ ठितो पस्सति वा सुणाति वा आपत्ति दुक्कटस्स, आसनसालाय निसिन्नो पस्सति अनापत्ति, पस्सिस्सामीति वुट्ठहित्वा गच्छति आपत्ति दुक्कटस्स, यत्थ ठितो पस्सति वा सुणाति वा आपत्ति दुक्कटस्स, पतिपथं गच्छन्तो पस्सति अनापत्ति, गीवं परिवत्तेत्वा पस्सतो पन आपत्ति भन्ते.

पुच्छा – आयतकेन ¶ आवुसो गीतस्सरेन धम्मं गायन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू आयतकेन गीतस्सरेन धम्मं गायिंसु, तस्मिं भन्ते वत्थुस्मिं पञ्ञत्तं.

पुच्छा – दारुपत्तं ¶ आवुसो धारेन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते आयस्मन्तं पिण्डोलभारद्वाजं आरब्भ पञ्ञत्तं, आयस्मा भन्ते पिण्डोलभारद्वाजो छवस्स दारुपत्तस्स कारणा गिहीनं उत्तरिमनुस्सधम्मं इद्धिपाटिहारियं दस्सेति, तस्मिं भन्ते वत्थुस्मिं पञ्ञत्तं.

न ¶ च भिक्खवे दारुपत्तो धारेतब्बो, यो धारेय्य आपत्ति दुक्कटस्स –

पुच्छा – भगवता आवुसो उच्चावचे पत्ते पटिक्खिपित्वा अयो पत्तो भूमिपत्तोति इमेयेव द्वे पत्ता कत्थ अनुञ्ञाता, कं आरब्भ किस्मिं वत्थुस्मिं अनुञ्ञाता.

विस्सज्जना – राजगहे भन्ते छब्बग्गिये भिक्खू आरब्भ अनुञ्ञाता, छब्बग्गिया भन्ते भिक्खू उच्चावचे पत्ते धारेसुं सोवण्णमया ¶ रूपियमया, तस्मिं भन्ते वत्थुस्मिं अनुञ्ञाता.

पुच्छा – सोदकं ¶ आवुसो पत्तं पटिसामेन्तस्स च ओतापेन्तस्सच उण्हे पत्तं निदहन्तस्स च दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते सम्बहुले भिक्खू आरब्भ पञ्ञत्तं, सम्बहुला भन्ते भिक्खू सोदकं पत्तं पटिसामेसुं, ओतापेसुं, उण्हे पत्तं निदहिंसु, तस्मिं भन्ते वत्थुस्मिं पञ्ञत्तं.

पुच्छा – छवसीसपत्तं ¶ आवुसो धारेन्तस्स च सब्बपंसुकूलिकस्स च दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते अञ्ञतरं भिक्खुं आरब्भ पञ्ञत्तं, अञ्ञतरो भन्ते भिक्खु सब्बपंसुकूलिको अहोसि, सो छवसीसस्स पत्तं धारेसि, अञ्ञतरा इत्थी पस्सित्वा भीता ¶ विस्सरमकासि ‘‘अभुं मे पिसाचो वताय’’न्ति, तस्मिं भन्ते वत्थुस्मिं पञ्ञत्तं.

पुच्छा – चलकानि वा आवुसो अट्ठिकानि वा उच्छिट्ठोदकं वा पत्तेन नीहरन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते सम्बहुले भिक्खू आरब्भ पञ्ञत्तं, सम्बहुला भन्ते भिक्खू चलकानिपि अट्ठिकानिपि उच्छिट्ठो दकम्पि पत्तेन नीहरिंसु, तस्मिं भन्ते वत्थुस्मिं पञ्ञत्तं.

पुच्छा – उपाहनत्थविका ¶ आवुसो भगवता कत्थ अनुञ्ञाता, कं आरब्भ किस्मिं वत्थुस्मिं अनुञ्ञाता.

विस्सज्जना – अन्तरा च भन्ते राजगहं अन्तरा च वेसालिं अञ्ञतरं भिक्खुं आरब्भ अनुञ्ञाता, अञ्ञतरो भन्ते भिक्खु उपाहनायो कायबन्धनेन बन्धित्वा गामं पिण्डाय पाविसि, अञ्ञतरो उपासको तं भिक्खुं अभिवादेन्तो उपाहनायो सीसेन घट्टेति, सो भिक्खु मङ्कु अहोसि, तस्मिं भन्ते वत्थुस्मिं अनुञ्ञाता.

पुच्छा – अद्धानमग्गप्पटिपन्नेन ¶ आवुसो परिस्सावनं याचियमानेन न ददन्तस्स च अप्पटिस्सावनकेन अद्धानं पटिपज्जन्तस्स च दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – अन्तरा च भन्ते राजगहं अन्तरा च वेसालिं अञ्ञतरं भिक्खुं आरब्भ पञ्ञत्तं, अञ्ञतरो भन्ते भिक्खु परिस्सावनं याचियमानो न अदासि, तस्मिं भन्ते वत्थुस्मिं पञ्ञत्तं.

पुच्छा – पुप्फाभिकिण्णे ¶ आवुसो सयने सयन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – वेसालियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू पुप्फाभिकिण्णेसु सयनेसु सयिंसु, तस्मिं भन्ते वत्थुस्मिं पञ्ञत्तं.

पुच्छा – एकभाजने वा आवुसो भुञ्जन्तानं एकथालके वा पिवन्तानं एकत्थरणपावुरणानं वा तुवट्टानं दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – वेसालियं भन्ते छब्बग्गियेव भिक्खू आरब्भ पञ्ञत्तं, छब्बग्गिया भन्ते भिक्खू एकभाजनेपि भुञ्जिंसु, एकथालकेपि ¶ पिविंसु, एकमञ्चकेपि तुवट्टेसुं, एकत्थरणापि तुवट्टेसुं, एकपावुरणापि तुवट्टेसुं, एकत्थरणपावुरणापि, तस्मिं भन्ते वत्थुस्मिं पञ्ञत्तं.

पुच्छा – चामरिबीजनिं आवुसो पटिक्खिपित्वा तिस्सो बीजनियो भगवता कत्थ अनुञ्ञाता, किस्मिञ्च वत्थुस्मिं अनुञ्ञाता.

विस्सज्जना – सावत्थियं भन्ते अनुञ्ञाता, सावत्थियं भन्ते भगवति विहरति सङ्घस्स चामरिबीजनी उप्पन्ना अहोसि, भगवतो एतमत्थं आरोचेसुं, तस्मिं भन्ते वत्थुस्मिं अनुञ्ञाता.

न ¶ भिक्खवे चामरिबीजनी धारेतब्बा, यो धारेय्य, आपत्ति दुक्कटस्स. अनुजानामि भिक्खवे तिस्सो बीजनियो वाकमयं उसीरमयं मोरपिञ्छा मयं.

पुच्छा – दीघे आवुसो नखे धारेन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं ¶ भन्ते अञ्ञतरं भिक्खुं आरब्भ पञ्ञत्तं, अञ्ञतरो भन्ते भिक्खु दीघे नखे धारेसि, तस्मिं भन्ते वत्थुस्मिं पञ्ञत्तं.

पुच्छा – कत्तरिकाय ¶ आवुसो केसे छेदापेन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू कत्तरिकाय केसे छिन्दिंसु, तस्मिं भन्ते वत्थुस्मिं पञ्ञत्तं.

पुच्छा – दीघे ¶ आवुसो नासिकालोमे धारेन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते सम्बहुले भिक्खू आरब्भ पञ्ञत्तं, सम्बहुला भन्ते भिक्खू दीघानि नासिकालोमानि धारेसुं, तस्मिं भन्ते वत्थुस्मिं पञ्ञत्तं.

पुच्छा – उच्चावचा आवुसो कण्णमलहरणियो पटिक्खिपित्वा दस कण्णमलहरणियो भगवता कत्थ अनुञ्ञाता, कं आरब्भ किस्मिं वत्थुस्मिं अनुञ्ञाता.

विस्सज्जना – सावत्थियं भन्ते छब्बग्गिये भिक्खू आरब्भ अनुञ्ञाता, छब्बग्गिया भन्ते भिक्खू उच्चावचा कण्णमलहरणियो धारेसुं ¶ सोवण्णमयं रूपियमयं, तस्मिं भन्ते वत्थुस्मिं अनुञ्ञाता.

पुच्छा – सङ्घाटिपल्लत्थिकाय निसीदन्तस्स आवुसो दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू सङ्घाटिपल्लत्थिकाय निसीदिंसु, सङ्घाटिया ¶ पत्ता लुज्जिंसु, तस्मिं भन्ते वत्थुस्मिं पञ्ञत्तं.

पुच्छा – अकायबन्धनेन आवुसो गामं पविसन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते अञ्ञतरं भिक्खुं आरब्भ पञ्ञत्तं, अञ्ञतरो भन्ते भिक्खु अकायबन्धनो गामं पिण्डाय पाविसि, तस्मिं भन्ते वत्थुस्मिं पञ्ञत्तं.

पुच्छा – गिहिनिवत्थं ¶ आवुसो निवासेन्तस्स च, गिहिपारुतं पारुपन्तस्स च, संवेल्लियं निवासेन्तस्स च दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू गिहिनिवत्थं निवासिंसु, गिहिपारुतम्पि पारुपिंसु, संवेल्लियम्पि निवासिंसु, तस्मिं भन्ते वत्थुस्मिं पञ्ञत्तं.

पुच्छा – उभतो ¶ काजं आवुसो धारेन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू उभतो काजं धारेसुं, तस्मिं भन्ते वत्थुस्मिं पञ्ञत्तं.

पुच्छा – लोकायतं ¶ आवुसो परियापुणन्तस्स च वाचेन्तस्स च दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू लोकायतं परियापुणिंसुपि वाचेसुम्पि, तस्मिं भन्ते वत्थुस्मिं पञ्ञत्तं.

पुच्छा – तिरच्छानविज्जं ¶ आवुसो परियापुणन्तस्स च वाचेन्तस्स च दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू तिरच्छानविज्जं परियापुणिंसुपि वाचेसुम्पि, तस्मिं भन्ते वत्थुस्मिं पञ्ञत्तं.

पुच्छा – खिपिते आवुसो ‘‘जीवा’’तिवदन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं ¶ भन्ते सम्बहुले भिक्खू आरब्भ पञ्ञत्तं, भगवा भन्ते महतिया परिसाय परिवुतो धम्मं देसेन्तो खिपि, भिक्खू ‘‘जीवतु भन्ते भगवा, जीवतु सुगतोति’’ उच्चासद्दं महासद्दं अकंसु, तेन सद्देन धम्मकथा अन्तरा अहोसि, तस्मिं भन्ते वत्थुस्मिं पञ्ञत्तं.

पुच्छा – आरामे आवुसो पस्साववच्चानं तहं तहं करणं पटिक्खिपित्वा एकमन्तं कातुं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते सम्बहुले भिक्खू आरब्भ पञ्ञत्तं, सम्बहुला भन्ते भिक्खू आरामे तहं तहं पस्सावं अकंसु, तहं तहं वच्चं अकंसु, आरामो दुस्सि, तस्मिं भन्ते वत्थुस्मिं पञ्ञत्तं.

खुद्दकवत्थुक्खन्धक

पुच्छा – खुद्दकवत्थुं ¶ पुच्छिस्सं, सनिदानं सनिद्देसं. समुक्कट्ठपदानं आवुसो कति आपत्तियो.

विस्सज्जना – खुद्दकं विस्सज्जिस्सं, सनिदानं सनिद्देसं. समुक्कट्ठपदानं भन्ते तिस्सो आपत्तियो.

६. सेनासनक्खन्धक

पुच्छा – पञ्च ¶ आवुसो लेणानि भगवता कत्थ अनुञ्ञातानि, कं आरब्भ किस्मिं वत्थुस्मिं अनुञ्ञातानि.

विस्सज्जना – राजगहे भन्ते सम्बहुले भिक्खू आरब्भ अनुञ्ञातानि, सम्बहुला भन्ते भिक्खू भगवन्तं उपसङ्कमित्वा एतदवोचुं ‘‘राजगहको भन्ते सेट्ठी विहारे कारापेतुकामो, कथं नु खो भन्ते पटिपज्जितब्ब’’न्ति, तस्मिं भन्ते वत्थुस्मिं अनुञ्ञातानि.

पुच्छा – कथं ¶ आवुसो विहारा पठमं उप्पन्ना, कथञ्च ते पतिट्ठापि ता.

विस्सज्जना – एकाहेनेव ¶ भन्ते राजगहकेन सेट्ठिना छट्ठिविहारा पतिट्ठापिता, ते इध भन्ते सट्ठिविहारा बुद्धप्पमुखस्स आगतानागतस्स चातुद्दिसस्स सङ्घस्स पतिट्ठापिता.

पुच्छा – विहारे ¶ आवुसो पटिभानकम्मं पटिक्खिपित्वा मालाकम्मादीनि भगवता कत्थ अनुञ्ञातानि, कं आरब्भ किस्मिं वत्थुस्मिं अनुञ्ञातानि.

विस्सज्जना – राजगहे भन्ते छब्बग्गिये भिक्खू आरब्भ अनुञ्ञातानि. छब्बग्गिया भन्ते भिक्खू विहारे पटिभानचित्तं कारापेसुं इत्थिरूपकं पुरिसरूपकं, तस्मिं भन्ते वत्थुस्मिं अनुञ्ञातानि.

पुच्छा – यथावुड्ढं ¶ आवुसो अभिवादनादीनि च अग्गासनादीनि च अनुजानित्वा सङ्घिकं यथावुड्ढं पटिबाहन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – अन्तरा च भन्ते वेसालिं अन्तरा च सावत्थिं छब्बग्गियानं भिक्खूनं अन्तेवासिके भिक्खू आरब्भ पञ्ञत्तं, छब्बग्गियानं भन्ते भिक्खूनं अन्तेवासिका भिक्खू बुद्धप्पमुखस्स सङ्घस्स पुरतो पुरतो गन्त्वा विहारे पटिग्गहेसुं, सेय्यायो पटिग्गहेसुं ‘‘इदं अम्हाकं उपज्झायानं भविस्सति, इदं अम्हाकं आचरियानं भविस्सति, इदं अम्हाकं भविस्सती’’ति, तस्मिं भन्ते वत्थुस्मिं पञ्ञत्तं.

पुच्छा – एकेन ¶ आवुसो द्वे पटिबाहन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते आयस्मन्तं उपनन्दं सक्यपुत्तं आरब्भ पञ्ञत्तं, आयस्मा भन्ते उपनन्दो सक्यपुत्तो एको द्वे पटिबाहि, तस्मिं भन्ते वत्थुस्मिं पञ्ञत्तं.

पुच्छा – नवकेन ¶ आवुसो उद्दिसन्तेन समके वा आसने निसीदितुं उच्चतरे वा धम्मगारवेन, थेरेन पन भिक्खुना उद्दिसापेन्तेन समके वा आसने निसीदितुं नीचतरे वा धम्मगारवेन भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – सावत्थियं भन्ते सम्बहुले भिक्खू आरब्भ अनुञ्ञातं, सम्बहुला भन्ते भिक्खू आयस्मतो उपालिस्स सन्तिके विनयं परियापुणिंसु, आयस्मा भन्ते उपालि ठितकोव उद्दिसति थेरानं भिक्खूनं गारवेन, तत्थ भन्ते थेरा चेव भिक्खू किलमिंसु आयस्मा च उपालि किलमि, तस्मिं भन्ते वत्थुस्मिं अनुञ्ञातं.

पुच्छा – तिवस्सन्तरेन ¶ आवुसो सह निसीदितुं भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – सावत्थियं भन्ते सम्बहुले भिक्खू आरब्भ अनुञ्ञातं, सम्बहुलानं भन्ते भिक्खूनं एतदहोसि ‘‘कित्तावतानु खो समानासनिको होती’’ति, तस्मिं भन्ते वत्थुस्मिं अनुञ्ञातं.

पुच्छा – मञ्चे ¶ च आवुसो पीठे च द्विन्नंयेव निसीदितुं भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – सावत्थियं भन्ते सम्बहुले समानासनिके आरब्भ पञ्ञत्तं, सम्बहुला भन्ते भिक्खू समानासनिका मञ्चे निसीदित्वा मञ्चं भिन्दिंसु, पीठे निसीदित्वा पीठं भिन्दिंसु, तस्मिं भन्ते वत्थुस्मिं अनुञ्ञातं.

पुच्छा – दीघासने ¶ पनावुसो असमानासनिकेहिपि निसीदितुं भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – सावत्थियं भन्ते सम्बहुले भिक्खू आरब्भ अनुञ्ञातं, सम्बहुला भन्ते भिक्खू दीघासने असमानासनिकेहि सह निसीदितुं कुक्कुच्चायिंसु, तस्मिं भन्ते वत्थुस्मिं अनुञ्ञातं.

पुच्छा – पञ्च ¶ आवुसो अविस्सज्जियानि भगवता कत्थ पञ्ञत्तानि, कं आरब्भ किस्मिं वत्थुस्मिं पञ्ञत्तानि.

विस्सज्जना – सावत्थियं भन्ते सम्बहुले भिक्खू आरब्भ पञ्ञत्तानि, सम्बहुला भन्ते भिक्खू सङ्घिकं सेनासनं विस्सज्जेसुं, तस्मिं भन्ते वत्थुस्मिं पञ्ञत्तं.

पुच्छा – पञ्च ¶ आवुसो अवेभङ्गियानि भगवता कत्थ पञ्ञत्तानि, कं आरब्भ किस्मिं वत्थुस्मिं पञ्ञत्तानि.

विस्सज्जना – कीटागिरिस्मिं भन्ते अस्सजिपुनब्बसुके भिक्खू आरब्भ पञ्ञत्तानि, अस्सजिपुनब्बसुका भन्ते भिक्खू सङ्घिकं सेनासनं विभजिंसु, तस्मिं भन्ते वत्थुस्मिं पञ्ञत्तानि.

पुच्छा – अञ्ञत्र ¶ परिभोगं आवुसो अञ्ञत्र परिभुञ्जन्तस्स दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – आळवियं भन्ते सम्बहुले भिक्खू आरब्भ पञ्ञत्तं, सम्बहुला भन्ते भिक्खू अञ्ञतरस्स उपासकस्स विहारपरिभोगं सेनासनं अञ्ञत्र परिभुञ्जिंसु, तस्मिं भन्ते वत्थुस्मिं पञ्ञत्तं.

पुच्छा – अधोतेहि च आवुसो अल्लेहि च पादेहि सेनासनं अक्कमन्तस्स च सउपाहनेन सेनासनं अक्कमन्तस्स च दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – आळवियं ¶ भन्ते सम्बहुले भिक्खू आरब्भ पञ्ञत्तं, सम्बहुला भन्ते भिक्खू अधोतेहि पादेहि सेनासनं अक्कमिंसु, अल्लेहि च पादेहि सेनासनं अक्कमिंसु, सउपाहनापि सेनासनं अक्कमिंसु, सेनासनं दुस्सि, तस्मिं भन्ते वत्थुस्मिं पञ्ञत्तं.

पुच्छा – परिकम्मकताय आवुसो भूमिया निट्ठुभन्तस्स च परिकम्मकतं भित्तिं अपस्सयन्तस्स च दुक्कटं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – आळवियं ¶ भन्ते सम्बहुलेव भिक्खू आरब्भ पञ्ञत्तं, सम्बहुला भन्ते भिक्खू परिकम्मकताय भूमिया निट्ठुभिंसु, परिकम्मकतं भित्तिं अपस्सयिंसु, तस्मिं भन्ते वत्थुस्मिं पञ्ञत्तं.

पुच्छा – सेनासनक्खन्धकं पुच्छिस्सं, सनिदानं सनिद्देसं. समुक्कट्ठपदानं आवुसो कति आपत्तियो.

विस्सज्जना – सेनासनक्खन्धकं ¶ विस्सज्जिस्सं, सनिदानं सनिद्देसं. समुक्कट्ठपदानं भन्ते तिस्सो आपत्तियो.

७. सङ्घतेदकक्खन्धक

पुच्छा – कथं ¶ आवुसो छन्नं सक्यकुमारानं सह उपालिकप्पकेन पब्बज्जा अहोसि, कथञ्च नेसं विसेसो उदपादि.

विस्सज्जना – भगवा भन्ते उपालिं कप्पकं पठमं पब्बाजेसि, पच्छा ते सक्यकुमारे, अथ भन्ते आयस्मा भद्दियो तेनेव अन्तरवस्सेन तिस्सो विज्जा सच्छाकासि, आयस्मा अनुरुद्धो दिब्बचक्खुं उप्पादेसि, आयस्मा आनन्दो सोतापत्तिफलं सच्छाकासि, देवदत्तो पोथुज्जनिकं इद्धिं अभिनिप्फादेसि. एवं खो भन्ते छन्नं सक्यकुमारानं उपालिकप्पकेन सह पब्बज्जा अहोसि, एवञ्च पन भन्ते तेसं विसेसाधिगमो अहोसि.

पकासनीय

पुच्छा – पकासनीयकम्मं ¶ आवुसो कातुं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते देवदत्तं आरब्भ पञ्ञत्तं, देवदत्तो भन्ते ‘‘सराजिकाय मं भगवा परिसाय खेळासकवादेन अपसादेति, सारिपुत्तमोग्गल्लानेव उक्कंसती’’ति कुपितो अनत्तमनो भगवति आघातं बन्धि, तस्मिं भन्ते वत्थुस्मिं पञ्ञत्तं.

पकासनीय

पुच्छा – देवदत्तस्स ¶ आवुसो पकासनीयकम्मं कारापेत्वा कथं भगवा पकासेतुं आणापेसि.

विस्सज्जना – भगवा भन्ते देवदत्तस्स पकासनीयकम्मं कातुं पञ्ञपेत्वा आयस्मन्तं सारिपुत्तं आमन्तेसि ‘‘तेन हि त्वं सारिपुत्त देवदत्तं राजगहे पकासेही’’ति, एवं खो भन्ते देवदत्तस्स पकासनीयकम्मं कत्वा देवदत्तं राजगहे पकासेतुं भगवा आणापेसि.

देवदत्त

पुच्छा – कथं ¶ आवुसो देवदत्तेन दुट्ठचित्तेन वधकचित्तेन तथा गतस्स रुहिरं उप्पादेत्वा पठमं आनन्तरियं कम्मं उपचितं.

विस्सज्जना – भगवा भन्ते गिज्झकूटस्स पब्बतस्स छायायं चङ्कमि, अथ भन्ते देवदत्तो गिज्झकूटं पब्बतं आरुहित्वा महतिं सिलं पविज्झि ‘‘इमाय समणं गोतमं जीविता वोरोपेस्सामी’’ति, अथ खो भन्ते द्वे पब्बतकूटानि समागन्त्वा तं सिलं सम्पटिच्छिंसु, ततो पपतिका उप्पतित्वा भगवतो पादे रुहिरं उप्पादेसि. एवं खो भन्ते देवदत्तेन दुट्ठेन वधकचित्तेन तथागतस्स रुहिरं उप्पादेत्वा पठमं आनन्तरियकम्मं उपचितं.

पुच्छा – कुलेसु ¶ आवुसो तिकभोजनं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते देवदत्तं आरब्भ पञ्ञत्तं, देवदत्तो भन्ते परिहीनलाभसक्कारो सपरिसो कुलेसु विञ्ञापेत्वा विञ्ञापेत्वा भुञ्जि, तस्मिं भन्ते वत्थुस्मिं पञ्ञत्तं.

पुच्छा – अलं ¶ देवदत्त, मा ते रुच्चि सङ्घभेदो, गरुको खो देवदत्त सङ्घभेदोतिआदिको आवुसो ओवादो भगवता कत्थ दिन्नो, किस्मिं वत्थुस्मिं दिन्नो.

विस्सज्जना – राजगहे भन्ते देवदत्तं आरब्भ दिन्नो, देवदत्तो भन्ते सङ्घभेदाय परक्कमि चक्कभेदाय, तस्मिं भन्ते वत्थुस्मिं दिन्नो.

अलं ¶ देवदत्त, मा ते रुच्चि सङ्घभेदो, गरुको खो देवदत्त सङ्घभेदो –

पुच्छा – ‘‘सुकरं साधुना साधुं, साधुं पापेन दुक्करं. पापं पापेन सुकरं, पापमरियेहि दुक्कर’’न्ति- आवुसो ¶ इदं उदानं भगवता कत्थ उदानितं, कं आरब्भ किस्मिं वत्थुस्मिं उदानितं.

विस्सज्जना – राजगहे भन्ते देवदत्तंयेव आरब्भ उदानितं, आयस्मा भन्ते आनन्दो पुब्बण्हसमयं निवासेत्वा पत्तचीवरमादाय राजगहं पिण्डाय पाविसि, अथ खो भन्ते देवदत्तो येनायस्मा आनन्दो तेनुपसङ्कमि, उपसङ्कमित्वा आयस्मन्तं आनन्दं एतदवोच ‘‘अज्जतग्गे दानाहं आवुसो आनन्द अञ्ञत्रेव भगवता अञ्ञत्रेव भिक्खुसङ्घा उपोसथं करिस्सामि सङ्घकम्मं करिस्सामी’’ति, तस्मिं भन्ते वत्थुस्मिं उदानितं.

सुकरं साधुना साधुं, साधुं पापेन दुक्करं;

पापं पापेन सुकरं, पापमरियेहि दुक्करं.

पुच्छा – भेदानुवत्तकानं ¶ आवुसो भिक्खूनं थुल्लच्चयं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – राजगहे भन्ते सम्बहुले भिक्खू आरब्भ पञ्ञत्तं, आयस्मा भन्ते सारिपुत्तो भगवन्तं उपसङ्कमित्वा एतदवोच ‘‘साधु भन्ते भेदानुवत्तका भिक्खू पुन उपसम्पज्जेय्यु’’न्ति, तस्मिं भन्ते वत्थुस्मिं पञ्ञत्तं.

‘‘साधु ¶ भन्ते भेदानुवत्तका भिक्खू पुन उपसम्पज्जेय्यु’’न्ति –

पुच्छा – कित्तावता ¶ नु खो आवुसो सङ्घराजि होति नो च सङ्घभेदो, कित्तावता च पन सङ्घराजि चेव होति सङ्घभेदो च.

विस्सज्जना – एकतो भन्ते एको होति, एकतो द्वे चतुत्थो अनुस्सावेति, सलाकं गाहेति ‘‘अयं धम्मो अयं विनयो इदं सत्थुसासनं इमं गण्हथ इमं रोचेथाति’’, एतेनेव भन्ते नयेन चतुन्नं वा पञ्चन्नं वा छन्नं वा सत्तन्नं वा अट्ठन्नं वा सङ्घराजि होति, नो च सङ्घभेदो, एकतो भन्ते चत्तारो होन्ति, एकतो चत्तारो, नवमो अनुस्सावेति, सलाकं गाहेति ‘‘अयं धम्मो अयं विनयो इदं सत्थुसासनं इमं गण्हथ इमं रोचेथा’’ति, एवं खो भन्ते सङ्घराजि चेव होति सङ्घभेदो च. एवं खो भन्ते सङ्घराजि होति, नो च सङ्घभेदो, एवञ्च पन भन्ते सङ्घराजि चेव होति सङ्घभेदो च.

पुच्छा – कित्तावता ¶ नु खो आवुसो सङ्घो भिन्नो होति.

विस्सज्जना – इध भन्ते भिक्खू अधम्मादिं धम्मादीनीति दीपेन्ति, ते इमेहि अट्ठारसहि वत्थूहि अपकस्सन्ति, अवपकस्सन्ति, आवेनिं ¶ उपोसथं करोन्ति, आवेनिं पवारणं करोन्ति, आवेनिं सङ्घकम्मं करोन्ति, एवं खो भन्ते सङ्घो भिन्नो होति.

पुच्छा – कित्तावता नु खो आवुसो सङ्घो समग्गो होति.

विस्सज्जना – इध भन्ते भिक्खू अधम्मं अधम्मोति दीपेन्ति, धम्मं धम्मोति दीपेन्ति, अविनयं अविनयोति दीपेन्ति…पे… दुट्ठुल्लं आपत्तिं दुट्ठुल्ला आपत्तीति दीपेन्ति, अदुट्ठुल्लं आपत्तिं अदुट्ठुल्ला आपत्तीति दीपेन्ति, ते इमेहि अट्ठारसहि वत्थूहि न अपकस्सन्ति, न अवपकस्सन्ति, न आवेनिं उपोसथं करोन्ति, न आवेनिं पवारणं करोन्ति, न आवेनिं सङ्घकम्मं करोन्ति, एत्तावता खो भन्ते सङ्घो समग्गो होति.

पुच्छा – समग्गं ¶ आवुसो सङ्घं भिन्दित्वा किं सो पसवति.

विस्सज्जना – समग्गं खो भन्ते सङ्घं भिन्दित्वा कप्पट्ठितिकं किब्बिसं पसवति, कप्पं निरयम्हि पच्चति.

पुच्छा – भिन्नं ¶ खो आवुसो सङ्घं समग्गं कत्वा किं सो पसवति.

विस्सज्जना – भिन्नं खो भन्ते सङ्घं समग्गं कत्वा ब्रह्मं पुञ्ञं पसवति, कप्पं सग्गम्हि मोदति.

पुच्छा – सङ्घभेदं ¶ पुच्छिस्सं, सनिदानं सनिद्देसं. समुक्कट्ठपदानं आवुसो कति आपत्तियो.

विस्सज्जना – सङ्घभेदं विस्सज्जिस्सं, सनिदानं सनिद्देसं. समुक्कट्ठपदानं भन्ते द्वे आपत्तियो.

८. वत्तक्खन्धक

पुच्छा – आगन्तुकानं ¶ आवुसो भिक्खूनं वत्तं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते सम्बहुले आगन्तुके भिक्खू आरब्भ पञ्ञत्तं, आगन्तुका भन्ते भिक्खू सउपाहनापि आरामं पविसिंसु, छत्तपग्गहितापि आरामं पविसिंसु, ओगुण्ठितापि आरामं पविसिंसु, सीसेपि चीवरं करित्वा आरामं पविसिंसु, पानीयेनपि पादे दोविंसु, वुड्ढतरेपि आवासिके भिक्खू नाभिवादेसुं, नपि सेनासनं पुच्छिंसु, तस्मिं भन्ते वत्थुस्मिं ‘‘तेन हि भिक्खवे आगन्तुकानं भिक्खूनं वत्तं पञ्ञपेस्सामि, यथा आगन्तुकेहि भिक्खूहि सम्मा वत्तितब्बं, आगन्तुकेन भिक्खवे भिक्खुना इदानि आरामं पविसिस्सामीति उपाहना ओमुञ्चित्वा नीचं कत्वा पप्फोटेत्वा गहेत्वा छत्तं अपनामेत्वा सीसं विवरित्वा सीसे चीवरं खन्धे कत्वा साधुकं अतरमानेन आरामो पविसितब्बो’’ एवमादिना भन्ते आगन्तुकानं भिक्खूनं वत्तं पञ्ञत्तं.

पुच्छा – आवासिकानं ¶ आवुसो भिक्खूनं वत्तं भगवता कत्थ कं आरब्भ किस्मिं वत्थुस्मिं पञ्ञत्तं, कथञ्च पन पञ्ञत्तं.

विस्सज्जना – सावत्थियं भन्ते सम्बहुले आवासिके भिक्खू आरब्भ पञ्ञत्तं, सम्बहुला भन्ते आवासिका भिक्खू आगन्तुके भिक्खू दिस्वा नेव आसनं पञ्ञपेसुं, न पादोदकं पादपीठं पादकथलिकं उपनिक्खिपिंसु, न पच्चुग्गन्त्वा पत्तचीवरं पटिग्गहेसुं, न सेनासनं पञ्ञपेसुं, तस्मिं भन्ते वत्थुस्मिं पञ्ञत्तं, तस्मिं भन्ते वत्थुस्मिं –

‘‘आवासिकेन भिक्खवे भिक्खुना आगन्तुकं भिक्खुं वुड्ढतरं दिस्वा आसनं पञ्ञपेतब्बं, पादोदकं पादपीठं पादकथलिकं उपनिक्खिपितब्बं, पच्चुग्गन्त्वा पत्तचीवरं पटिग्गहेतब्बं ¶ पानीयेन पुच्छितब्बो’’ एवमादिना भन्ते आवासिकानं भिक्खूनं वत्तं भगवता पञ्ञत्तं.

पुच्छा – गमिकानं ¶ आवुसो भिक्खूनं वत्तं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं, कथञ्चपन पञ्ञत्तं.

विस्सज्जना – सावत्थियं भन्ते सम्बहुले गमिके भिक्खू आरब्भ पञ्ञत्तं, सम्बहुला भन्ते गमिका भिक्खू दारुभण्डं मत्तिकाभण्डं अप्पटिसामेत्वा द्वारवातपानं विवरित्वा सेनासनं अनापुच्छा पक्कमिंसु, तस्मिं भन्ते वत्थुस्मिं ‘‘गमिकेन भिक्खवे भिक्खुना दारुभण्डं पटिसामेत्वा द्वारवातपानं थकेत्वा सेनासनं आपुच्छा पक्कमितब्बं’’ एवमादिना भन्ते आकारेन भगवता गमिकानं भिक्खूनं वत्तं पञ्ञत्तं.

पुच्छा – भत्तग्गे ¶ आवुसो अनुमोदितुं भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – सावत्थियं ¶ भन्ते सम्बहुले भिक्खू आरब्भ अनुञ्ञातं, सम्बहुला भन्ते भिक्खू भत्तग्गे नानुमोदिंसु, तस्मिं भन्ते वत्थुस्मिं अनुञ्ञातं.

पुच्छा – भिक्खूनं आवुसो भत्तग्गवत्तं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू दुन्निवत्था दुप्पारुता अनाकप्पसम्पन्ना भत्तग्गं गच्छिंसु, तस्मिं भन्ते वत्थुस्मिं ‘‘सचे आरामे कालो आरोचितो होति, तिमण्डलं पटिच्छादेन्तेन परिमण्डलं निवासेत्वा कायबन्धनं बन्धित्वा सगुणं कत्वा सङ्घाटियो पारुपित्वा गण्ठिकं पटिमुञ्चित्वा धोवित्वा ¶ पत्तं गहेत्वा साधुकं अतरमानेन गामो पविसितब्बो’’ति एवमादिना भन्ते भत्तग्गवत्तं पञ्ञत्तं.

पुच्छा – भिक्खूनं ¶ आवुसो सेनासनवत्तं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं, कथञ्च तं पञ्ञत्तं.

विस्सज्जना – सावत्थियं भन्ते छब्बग्गिये भिक्खू आरब्भ पञ्ञत्तं, छब्बग्गिया भन्ते भिक्खू भिक्खूसु अज्झोकासे चीवरं करोन्तेसु पटिवाते अङ्गणे सेनासनं पप्फोटेसुं, तस्मिं भन्ते वत्थुस्मिं ‘‘यस्मिं विहारे विहरति, सचे सो विहारो उक्लापो होति, सचे उस्सहति सोधेतब्बो’’ति एवमादिना भन्ते भिक्खूनं सेनासनवत्तं भगवता पञ्ञत्तं.

पुच्छा – समाचारं पुच्छिस्सं, सनिदानं सनिद्देसं. समुक्कट्ठपदानं आवुसो कति आपत्तियो.

विस्सज्जना – समाचारं विस्सज्जिस्सं, सनिदानं सनिद्देसं. समुक्कट्ठपदानं भन्ते एका आपत्ति.

९. पातिमोक्खट्ठपनक्खन्धक

पुच्छा – सापत्तिकेन ¶ आवुसो पातिमोक्खं सुणन्तस्स पातिमोक्खं ठपेतुं भगवता कत्थ पञ्ञत्तं, कं आरब्भ किस्मिं वत्थुस्मिं पञ्ञत्तं.

विस्सज्जना – सावत्थियं भन्ते अञ्ञतरं पुग्गलं दुस्सीलं पापधम्मं आरब्भ पञ्ञत्तं, अञ्ञतरो भन्ते पुग्गलो दुस्सीलो पापधम्मो तदहुपोसथे सङ्घमज्झे निसिन्नो अहोसि, तस्मिं भन्ते वत्थुस्मिं पञ्ञत्तं.

पुच्छा – ठपनं ¶ आवुसो पुच्छिस्सं, सनिदानं सनिद्देसं. समुक्कट्ठपदानं आवुसो कति आपत्तियो.

विस्सज्जना – ठपनं विस्सज्जिस्सं, सनिदानं सनिद्देसं. समुक्कट्ठपदानं भन्ते एका आपत्ति.

१०. भिक्खुनिक्खन्धक

पुच्छा – अट्ठहि ¶ आवुसो गरुधम्मेहि उपसम्पदा भगवता कत्थ अनुञ्ञाता, कस्स अनुञ्ञाता, किस्मिञ्च वत्थुस्मिं अनुञ्ञाता.

विस्सज्जना – वेसालियं भन्ते महापजापतिया गोतमिया अनुञ्ञाता, महापजापति भन्ते गोतमी सूनेहि पादेहि रजोकिण्णेन गत्तेन दुक्खी दुम्मना अस्सुमुखी रुदमाना बहिद्वारकोट्ठके अट्ठासि, अथ खो भन्ते आयस्मा आनन्दो महापजापतिं गोतमिं तं कारणं पुच्छित्वा भगवन्तं चतुक्खत्तुं याचि मातुगामस्स तथागतप्पवेदिते धम्मविनये आगारस्मा अनागारियं पब्बज्जं, तस्मिं भन्ते वत्थुस्मिं अनुञ्ञाता.

पुच्छा – भिक्खूहि ¶ आवुसो भिक्खुनियो उपसम्पादेतुं भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – वेसालियं भन्ते महापजापतिं गोतमिं आरब्भ अनुञ्ञातं, महापजापति भन्ते गोतमी भगवन्तं एतदवोच ‘‘कथाहं भन्ते इमासु साकियानीसु पटिपज्जामी’’ति, तस्मिं भन्ते वत्थुस्मिं अनुञ्ञातं.

पुच्छा – एकतो ¶ उपसम्पन्नाय आवुसो भिक्खुनिसङ्घे विसुद्धाय भिक्खुसङ्घे उपसम्पादेतुं भगवता कत्थ अनुञ्ञातं, कं आरब्भ किस्मिं वत्थुस्मिं अनुञ्ञातं.

विस्सज्जना – सावत्थियं भन्ते सम्बहुले भिक्खू आरब्भ अनुञ्ञातं, सम्बहुला भन्ते भिक्खू भिक्खुनीनं अन्तरायिके धम्मे पुच्छिंसु, उपसम्पदापेक्खायो वित्थायिंसु, मङ्कू अहेसुं, न सक्खिंसु विस्सज्जेतुं, तस्मिं भन्ते वत्थुस्मिं अनुञ्ञातं.

पुच्छा – भिक्खुनिक्खन्धकं ¶ पुच्छिस्सं, सनिदानं सनिद्देसं. समुक्कट्ठपदानं आवुसो कति आपत्तियो.

विस्सज्जना – भिक्खुनिक्खन्धकं विस्सज्जिस्सं, सनिदानं सनिद्देसं. समुक्कट्ठपदानं भन्ते द्वे आपत्तियो.

११. पञ्चसतिकक्खन्धक

पठम संगायना

पुच्छा – पञ्चसतिकं ¶ पुच्छिस्सं, सनिदानं सनिद्देसं. समुक्कट्ठपदानं आवुसो कति आपत्तियो.

विस्सज्जना – पञ्चसतिकं विस्सज्जिस्सं, सनिदानं सनिद्देसं. समुक्कट्ठपदानं भन्ते न कतमा आपत्ति.

१२. सत्तसतिकक्खन्धक

दुतिय संगायना

पुच्छा – सत्तसतिकं ¶ पुच्छिस्सं, सनिदानं सनिद्देसं. समुक्कट्ठपदानं आवुसो कति आपत्तियो.

विस्सज्जना – सत्तसतिकं विस्सज्जिस्सं, सनिदानं सनिद्देसं. समुक्कट्ठपदानं भन्ते न कतमा आपत्ति.

पुच्छा – कस्स ¶ आवुसो वचनं.

विस्सज्जना – भगवतो भन्ते वचनं अरहतो सम्मासम्बुद्धस्स.

पुच्छा – के आवुसो सिक्खन्ति.

विस्सज्जना – सेक्खा च भन्ते पुथुज्जनकल्याणका च सिक्खन्ति.

पुच्छा – के ¶ आवुसो सिक्खितसिक्खा.

विस्सज्जना – अरहन्तो भन्ते सिक्खितसिक्खा.

पुच्छा – कत्थ आवुसो ठितं.

विस्सज्जना – सिक्खाकामेसु भन्ते ठितं.

पुच्छा – केनावुसो आभतं.

विस्सज्जना – परम्पराय भन्ते आभतं.