📜

थुपवंसो ¶

नमो तस्स भगवतो अरहतो सम्मासम्बुद्धस्स

यस्मिं सयिंसु जिनधातुवरा समन्ता

छब्बण्ण रंसि विसरेहि समुज्जलन्ता,

निम्माय लोकहितहेतु जिनस्स रूपं

तं थुपमब्भुत तमं सिरसा नमित्वा;

चक्खामहं सकल लोक हितावहस्स

थुपस्स सब्ब जन नण्दन कारणस्स,

वंसं सुरासुर नरिण्दवरेहि निच्चं

सम्पूजितस्स रतनुज्जल थूपिकस्स;

किञ्चापि सो यतिजनेन पुरातनेन

अत्वाय सीहळजनस्स कतो पुरापि,

वाक्केन सिहळभवेन’भिसङ्खमत्ता

अत्थं न साधहति सब्बजनस्स सम्मा;

यस्मा च मागध निरुत्तिकतोपि थूप-

वंसो विरुद्धनय सद्द समाकुलो सो,

वत्तब्बमेव च बहुम्पि यतो न वुत्तं

तम्हा अहं पुनपि वंसमि’मं वदामि;

सुणाथ साधवो सब्बे परिपुण्णमनाकुलं

वुच्चमानं मया साधु वंसं थूपस्स सत्थुनोति;

तत्थ थूपस्स वंसं वक्खामीति एत्थ तथागतो अरहं सम्मा सम्बुद्धो थूपारहो, पच्चेकबुद्धो थूपारहो, तथागतस्स सावको थूपारहो, राजा चक्कवत्ति थूपारहोति वचनतो थूपारहानं बुद्धादीनं धातुयो पतिट्ठापेत्वा कत चेतियं अब्भुनन तट्ठेन ¶ थूपोति वुच्चति, इध पन कञ्चन मालिक महाथूपो अधिप्पेतो, सो कस्स धातुयो पतिट्ठापेत्वा कतोति चे? योदीपङ्करादीनं चतुवीसतिया बुद्धानं सन्तिके लद्धव्याकरणो समतिंसपारमियो पूरेत्वा परमाभिसम्बोधिं पत्वा धम्मचक्कप्पवत्तनतो पट्ठाय याव सुहद्द परिब्बाजक विनयान सब्ब बुद्धकिच्चानि निट्ठापेत्वा अनुपादियेसाय निब्बानधातुया परिनिब्बुतो तस्स भगवतो अरहतो सम्मा सम्बुद्धस्स धातुयो पतिट्ठापेत्वा कतो अयमेत्थ सङ्खेपो, वित्थारो पन वेदितब्बो?

२. इतो किर कप्पसतसहस्साधिकानं चतुन्नं असङ्खेय्यानं मत्थके अमरवती नाम नगरं अहोसि. तत्थ सुमेधो नाम ब्राह्मणो पटिवसति. सो अञ्ञं कम्मं अकत्वा ब्रह्मणसिप्पमेव उग्गण्हि तस्स दहरकालेयेव मातापितरो कालमकंसु. अथस्स रासिवड्ढनको अमच्चो आय पोत्थकं आहरित्वा सुवण्ण रजत मणिमुत्तादि भरिते गब्भे विवरित्वा एत्तकं ते कुमार मातु सन्तकं, एत्तकं पितुसन्तकं, एत्तकं अय्यक पय्यकानन्ति याव सत्तमा कुलपरिवट्टा धकं आचिक्खित्वा एतम्पटिजग्गाहीति आह. सो साधूति सम्पटिच्छित्वा अगारं अज्झावसन्तो एकदिवसं चिन्तेसि.

३. पुनब्भवे पटिसण्धिगहणं ताम दुक्खं, तथा निब्बत्त निब्बत्तट्ठाने सरीरभेदनं अहञ्च जानिधम्मो जराधम्मो व्याधिधम्मो मरणधम्मो. एवं भूतेन मया अजाति अजरं अव्याधिं अमरणं सुखं सीतलं निब्बानं गवेसितुं वट्टतीति नेक्खम्मकारणं चिन्तेत्वा पुन चिन्तेसि इमं धनं सब्बं मय्हं पितु पितामहादयो परलोकं गच्छन्ता एक कहापणम्पि गहेत्वा नगता मया पन गहेत्वा गमनकारणं कातुं वट्टतीति नगरे भेरिं चरापेत्वा महाजनस्स दानं दत्वा हिमवन्तस्स पविसित्वा तापस पब्बज्जं पब्बजित्वा सत्ताहब्भन्तरेयेव अभिञ्ञा च समापत्तियो च निब्बत्तेत्व समापत्तिसुखेन वीतिनामेसि.

तदा दीपङ्करो नाम सत्था परयाभिसम्बोधिं पत्वा सत्त सत्ताहं बोधिसमीपेचेव वितिनामेत्वा सुनण्दारामे धम्मचक्कं पवत्तेत्वा कोटिसत्तानं देवमनुस्सानं धम्ममतं पायेत्वा चातुद्दीपिक महामेघो विय धम्मवस्सं वस्सेन्तो चतूहि खीणासय सतसहस्सेहि परिवुतो अनुपुब्बेन चारकं चरमानो रम्म नगरं पत्वा सुदस्सन महाविहारे पटिवसति तदा रम्मनगरवासिनो सप्पि फणितादीनि भेसज्जानि गहेत्वा पुप्फ धूप गण्धहत्था येन बुद्धो तेनपसङ्कमित्वा सत्थारं वन्दित्वा पुप्फादीहि पूजेत्वा एकमन्तं निसीदित्वा धम्मं सुत्वा स्वातनाय भगवन्तं निमन्तेत्वा उट्ठायासना दसबलं पदक्खीनं कत्वा पक्कमिंसु.

ते ¶ पुन दिवसे असदिस महादानं सज्जेत्वा दसबलस्स आगमन मग्गं सोधेन्ति. तस्मिं काले सुमेधतापसो अत्तनो अस्सम पदतो उग्गन्त्वा रम्मनगरवासीनं तेसं मनुस्सानं उपरिभागेन आकासेन गच्छन्ता ते हट्ठपहट्ठे मग्गं सोधेन्ते दिस्वा किन्नु खो कारणन्ति चिन्तेन्तो सब्बेसं पस्सन्तानंयेव आकासतो ओरु एकमन्ते ठत्थायह ते मनुस्से पुच्छि.’हम्भो कस्स पन इमं मग्गं सोधेथा’ति ते आहंसु भन्ते सुमेध तुम्हे किं नं जानाथ, दीपङ्करो नाम सत्था परमाभिसम्बोधिं पत्वा पवत्तवर धम्मचक्को जनपद चारिकं चरमानो अनुक्कमेन अम्हाकं नगरं पत्वा सुदस्सन महाविहारे पटिवसति. मयं तं भगवन्तं निमन्तयिम्ह तस्स भगवतो आगमनमग्गं सोधेमाति. तं सुत्वा सुमेधपण्डितो चिन्तेसि. बुद्धोति खो पनेस घोसोपि दुल्लभो, पगेव बुद्धुप्पादो तेन हि मयापि इमेहि मनुस्सेहि सद्धिं दसबलस्स आगमनमग्गं सोधेतुं वट्टतीति सो ते मनुस्से आह, सचे भो तुम्हे इमं मग्ग बुद्धस्स सोधेथ - सयहम्पि एकं ओकासं सम्पटिच्छत्वा अयं सुमेधपण्डितो महिद्धिको महानुभावोति जानन्ता दुब्बिसोधनं उदकसम्भिन्नं अतिविसमं एकं ओकासं सल्लक्खेत्वा इमं हकासं तुम्हे सोधेथ. अलङ्करोथाति अदंसु.

सुमेधपण्डितो बुद्धारम्मण पीतिं उप्पादेत्वा चिन्तेसि. अहम्पनिमं ओकासं इद्धीया परमदस्सनीय कातुं पहोमि एवं कतो पन मं न परितोसेति अज्ज पन मया कायवेय्यावच्चं कातुं वट्टतिति पंसुं आहरित्वा तं पहेसं पूरेनि, तस्स पन तस्मिं पदेसे असोधिते जयसुमन कुसुम सदिसि वण्णं दुपट्टचीवरं तिमण्डलं पटिच्छादेत्वा निवासेत्वा तस्सुपरि युण्णमापङ्गेन कुसुमकलापं परक्खिपन्तो विय विज्जुल्लता सस्सीरीकं कायबण्धनं बण्धित्वा कनक गिरिसिखर मत्थके लाखारसं परिसिञ्चन्ते विय सुवण्णचेतियं पवाळजालेन परिक्खिपन्तो विय सुवण्णङ्घकं रत्तकम्बलेन पटिमुञ्चन्तो विय सरद समय रजनिकरं रत्तवलाहकेन पटिच्छादेन्तो विय च लाखारसेन तिन्न किं सुकक्सुमवण्णं रत्तवर पसुकूल चीवरं पारिपित्वा गण्धकूगिद्व रतो कनकगुहातो सीहो विय निक्खमित्वा जळभिञ्ञानंयेव चतूहि खीणासव सतसहस्सेहि परिवुतो अमरगण परिवुतो दससतनयनो विय ब्रह्मगणपरिवुतो महा ब्रह्मा विय च अपरिमित समय समुपचिताय कुसलबलजनिताय अनोपमया बुद्धलीलाय तारागणपरिवुतो ¶ सरद समय रजनिकरो विय गगनतलं अलङ्गत पटियत्तं मग्गं पटिपज्जि.

५. सुमेधतापसोपि तेन अलङ्कत पटियत्तेन मग्गेन आगच्छन्तस्स दीपङ्करस्स भगवतो द्वत्तिंस वरलक्खण पतिमण्डितं असतिया अनुब्यञ्जनेहि अनुब्यञ्जितं ब्यामप्पहापरिक्खेप सस्सीरीकं इण्दनीलमणिसंकासोआकासे नानप्पकारा विज्जुल्लता विय छब्बण्णबुद्धरंसियो विस्सज्जेन्तं रूपग्गप्पत्तं अत्तभावं ओलोकेत्वा अज्ज मया दसबलस्स जीवितपरिच्चागं कातुं वट्टति मा भगवा कलले अक्कमि मणिमयं लकसेतुं अक्कमन्तो विय सद्धिं चतूहि खीणासव सतसहस्सेहि मम पिट्ठिं अक्कमन्तो गच्छतु तं मे भविस्सति दीघरत्तं हिताय सुखायाति केसे मोचेत्वा अजिनजटा वाकचीरानि कलेल पत्थरित्वा तत्थेव कललपिट्ठे निपज्जि निपन्नो च सचे अहं इच्छेय्यं सब्बकिलेसे झापेत्वा सङ्घनवको हुत्वा रम्मनगरं पविसेय्यं अञ्ञातकवेसेन पन मे किलेसे ण्धपेत्वा निब्बानपत्तिया किच्चं नत्थि, यंनूनाहं दीपङ्कर दसबलो विय परमाभिसम्बोधिं पत्वा धम्मनावं आरोपेत्वा महाजनं संसारसागरा उत्तारेत्वा पच्छा परिनिब्बायेय्यं. इदं मे पतिरुपन्ति चिन्तेत्वा अट्ठधम्मे समोधानेत्वा बुद्धभावाय अभिनीहारं कत्वा निपज्ज.

दीपङ्करोपि भगवा आगत्त्वा सुमेधपण्डितस्स सीससागे ठत्वा कललपिट्ठे निपन्नं तापसं दिस्वा अयं तापसो बुद्धत्थाय अभिनीहारं कत्वा निपन्तो, इज्झिस्सति नु खो एतस्स पत्थना उदाहु नोति उपधारेन्तो - अनागते गोतमो नाम बुद्धो भविस्सतीति ञत्वा ठितकोव परिस मज्झे व्याकासि, पस्सथ नो तुम्हे भिक्खवे इमं उग्गतपं तापसं कललपिट्ठे निपन्नन्ति. एवं भन्ते, अयं यिद्धत्थाय अभिनीहारं कत्वा निपन्नो समिज्झिस्सति इमस्स पत्थता कप्पसत सहस्साधिकानं चतुन्तं असङ्खेय्यानं मत्थके गोतमो नाम बुद्धो भविस्सतीति सब्बं व्याकासि.

वुत्तञ्हेतं बुद्धवंसे.

दीपङ्करो लोकविदू - आहुतीनं पटिग्गहो,

उस्सीसके मं ठत्वान - इदं वचनमब्रवि;

पस्सथ इमं तापसं - जटिल उग्गतापसं अपरिमेय्ये इतो कप्पे - अयं बुद्धो भविस्सति. अहु कपिलवहया रम्मा - निक्खमित्वा तथागतो. पधानं पदहित्वान - कत्वा दुक्कर कारिकं

बुद्धे लोके - केचि.

अजपाल ¶ रुक्खमूलस्मिं - निसीदित्वा तथागतो,

तत्थ पायासमग्गय्ह - नेरञ्जरमुपेहेति;

नेरञ्जराय तीरम्हि - पायासादाय सो जिनो,

पटियत्तवरमग्गेन - बोधिमूलञ्हि एहीति;

ततो पदक्खिणं कत्वा - बोधिमण्डं अनुत्तरो

अस्सत्थराक्खमूलम्हि - वुज्झिस्सति महायसो;

इमस्सजनिका माता - माया नाम भविस्सति, पिता सुद्धोदनो नाम - अयं हेस्सति गोतमो. अनासवा वीतरागा - सन्तचित्ता समाहिता,

कोलितो उपतिस्सो च - अग्गा हेस्सन्ति सावका;

आनण्दो नामुपट्ठाको - उपट्ठिस्सती’मं जिनं;

खेमा उप्पलवण्णा च - अग्गा हेस्सन्ति साविका;

अनासवा वीतरागा - सन्तचित्ता समाहिता;

बोधि तस्स भगवतो अस्सत्थोति पवुच्चती’’ति.

अभिनीहार कथा

६. ततो दीपङ्करो दसबलो बोधिसत्तं पसंसित्वा अट्ठहि पुप्फ मुट्ठीहि पूजेत्वा पदक्खिणं कत्वा पक्कामि. तेपि चतूसत सहस्स खीणासवा बोधिसत्तं पुप्फेहि च गण्धेहि च पूजेत्वा पदप्फणं कत्वा पक्कमिंसु. देवमनुस्सा च तथेव पूजेत्वा वन्दित्वा अथ खो बोधिसत्तो दसबलस्स व्याकरणं सुत्वा बुद्धभावं करतलगतमिव मञ्ञमानो पमुदित हदयो सब्बेसु पटिक्कन्तेसु सयना वुट्ठाय पुप्फरासि मत्थके पल्लङ्कं आभुजित्वा निसिन्नो बुद्धकारकधम्मे उपधारेन्तो कहननु खो बुद्धकारक धम्मा, किं उद्धं अधो दिसासु वीदीयासूति अनुक्कमेन सकलं धम्मधातुं विचिनन्तो पोराणकबोधिसत्तेहि आसेवित निसेवित पठमं दानपारमिं दिस्वा तत्थ दळभिसमादान कत्वा एवं अनुक्कमेन सील - नेक्खम्म - पञ्ञा - वीरिय - खन्ति - सच्च - अधिट्ठान - मेत्ता - उपेक्खा पारमियोच दिस्वा तत्थदळ्ह समादानं कत्वा देवताहि अभित्थुतो आकासमबभुग्गनत्व हिम हिमवन्तमेव अगमासि.

दीपङ्करोपि सत्था चतूहि खीणासव सतसहस्सेहि परिवुतो रम्मनगरवासीहि पूजीयमानो देवताहि अभिनण्दियमानो अलङ्कत पटियत्तेन मग्गेन रम्मनगरं पविसित्वा पञ्ञत्तवरबुद्धासने निसीदि. भिक्खुसङ्घोपि अत्तनो अत्तनो पत्तासने निसीदि. रम्मनगरवासिनोपि उपासका बुद्धपमुखस्स भिक्खुसङ्घस्स महादानं ¶ दत्वा भगवन्तं भुत्ताविं ओनीत पत्तपाणिं मालागण्धादीहि पूजेत्वा दानानुमोदनं सोतुकामा निसीदिंसु. भगवापि तेसं अनुमोदनं करोन्तो दानकथं सीलकथं सग्गिकथं कामानं आदीनवं ओकारं संकिलेसं नेक्खम्मे आनिसंसञ्च पकासेत्वा अमत परियोसानं धम्मकथं कथेसि.

एवं तस्स महजनस्स धम्मं देसेत्वा एकच्चे सरणेसु एकच्चे पञ्चसु सीलेसु एकच्चे सोतापत्तिफले एकच्चे सकदागामि फले एकच्चे अनागामी फले एकच्चे चतुसुपि फलेसु एकच्चे तीसु विज्जासु एकच्चे छळभिञ्ञासु एकच्चे अट्ठसु समापत्तिसु पतिट्ठापेत्वा उट्ठायासना रम्मनगरतो निक्खमित्वा सुदस्सन महाविहारमेव पाविसि.

वुत्तञ्हेतं

‘‘तदा ते भोजयित्वान - ससङ्घं लोकनायकं,

उफगछुञ्ञं सरणं तस्स - दीपङ्करस्स सत्थुनो,

सरणागमने कञ्चि - निवसेति तथागतो

कञ्चि पञ्चसु सीलेसु - सीले दसविधे परं;

कस्सचि देति सामञ्ञं - चतुरो फलमुत्तमे,

कस्सचि असथे धम्मे - देति सो पटिसम्भिदा;

कस्सचि वरसमापत्तियो - अट्ठ देति नरासभो,

तिस्सो कस्सचि विज्जायो - छळभिञ्ञ पवेच्छति;

तेन योगेन जनकायं - ओवदेति महामुनि,

तेन वित्थारिकं आसी - लोकनाथस्स सासनं;

महाहनूसभक्खण्धो - दीपङ्करसनामको,

बहू जने तारयति - परिमोचेति दुग्गतिं;

बोधनेय्यं जनं दिस्वा - सतसहस्सेपि योजने

खणेन उपगन्त्वान - बोधेति तं महामुनी’’ति;

इति सो दीपङ्करो सत्था वस्ससत सहस्सानि ठत्वा सत्तानं बण्धनमोक्खं कुरुमानो सब्बबुद्धकिच्चानि निट्ठापेत्वा नण्दारामे अनुपादिसेसाय निब्बानधातुया परिनिब्बायिनहेव धातुयो तस्स - सत्थुनो विकिरिंसु ता. ठिता एकघना हुत्वा - सुवण्णपटिमा विय सकलजम्बुदीपवासिनो मनुस्सा घनकोटिटिमसुवण्णट्ठिकाहि एवं छत्तिंस योजनिकं महाथूपमकंसु निवेदसि - केचि.

तेन ¶ वुत्तं

‘‘दीपङ्करो जिनो सत्था - नण्दारामम्हि निब्बुतो,

तत्थेव तस्स जिनथूपो - छत्तिंसुब्बेध योजनो‘‘;

‘‘पत्त चीवर परिक्खार - परिभोगञ्ज सत्थुनो,

बोधिमूले तदा थूपो - तीणि योजनमुग्गतो’’ति;

७. दीपङ्करस्स पन भगवतो अपरभागो एकं असङ्खेय्यं अतिक्कमित्वा कोण्डञ्ञो नाम सत्था उदपादि. तदा बोधिसत्तो विजितावि नाम चक्कवत्ति हुत्वा कोटिसतसहस्स सङ्खस्स बुद्ध पमुखस्स भिक्खुसङ्घस्स महादानं अदायि सत्था बोधिसत्तं बुद्धो भविस्सतीति व्याकरित्वा धम्मं देसेसि सो सत्थु धम्मंकथं सुत्वा रज्जि निय्यादेत्वा पब्बजि सो तीणि पिटकानि उग्गहेत्वा अट्ठ समापत्तियो पञ्चअभिञ्ञायोच उप्पादेत्वा अपरिहीनज्झानो ब्रह्मलोके निब्बत्ति. सोपि बुद्धो वस्ससतसहस्सानि ठत्वा सब्बबुद्धकिच्चानि निट्ठापेत्वा चण्दारामे परिनिब्बायि तस्सापि भगवतो धातुया न विकिरिंसु सकलजम्बुदीपवासिनो मनुस्सा समागन्त्वा सत्तयोजनिकासत्तरतनमयं हरितालमनोसिलायमत्तिकाकिच्चं तेल सप्पीहि उदककिच्चं कत्वा चेतियं निट्ठापेसुं

कोण्डञ्ञे किर सम्बुद्धो - चण्दारामे मनोरमे,

निब्बायि चेतियो तस्स - सत्तयोजनिको कतोति;

तस्स अपरभागे एकं असंङ्खय्यं अतिक्कमित्वा एकस्मिंयेव कप्पे चत्तारो बुद्धा उप्पज्जिंसु - मङ्गलो सुमनो रेवतो योहितोति. मङ्गलस्स पन भगवतो काले बोधिसत्तो सुरुचि नाम ब्राह्मणो हुत्वा सत्थारं निमन्तेस्सामीति उपसङ्कमित्वा मधुर धम्मंकतं सुत्वा स्वातनाय निमन्तेत्वा कोटिसतसहस्स सङ्खस्स बुद्धपमुखस्स सङ्घस्स सत्ताहं गवपानं नाम दानमदासि सत्था अनुमोदनं करोन्तो महापुरिसं आमन्तेत्वा त्वं कप्पसतसहस्साधिकानं द्वन्नं असङ्खेय्यानं मत्थके गोतमो नाम बुद्धो भविस्ससीति व्याकासि महापुरिसो व्याकरणं सुत्वा अहं किर बुद्धो भविस्सामि को मे घरावासेन अत्थो पब्बजिस्समीति चिन्तत्वा तथारूपं सम्पत्तिं केळपिण्डं वीय पहाय सत्थु सन्तिके पब्बजित्वा बुद्धवचनं उग्गण्हित्वा अभिञ्ञा च समापत्तियो च निब्बत्तेत्वा आयुपरियोसाने ब्रह्मलोके निब्बत्ति, तस्मिम्पि बुद्धे परिनिब्बुते धातुयो न विकिरिंसु, जम्बुदीपवासिनो पुब्बे विय तिंसयोजनकं थूपमकंसु.

तेन ¶ वुत्तं ‘‘उय्याने वसभो नाम - बुद्धो निब्बायि मङ्गलो, तत्थेव तस्स जिनथूपो - तिंसयोजनमुग्गितो’’ति.

तस्स अपरभागे सुमनो नाम सत्था उदपादि तदा महासत्तो अतुलो नाम नागराजा हुत्वा निब्बत्ति-महिद्धिको महानुभावो सो बुद्धो उप्पन्नोति सुत्वा ञातिसङ्घपरिवुतो नागभवना निक्खमित्वा कोटिसतसहस्स भिक्खुपरिवारस्स तस्स भगवतो दिब्बतुरियेहि उपहारं कारेत्वा महादानं पवत्तेत्वा पच्चेकं दुस्सयुगानि दत्वा सरणेसु पतिट्ठासि सोपि नं सत्था अनागते बुद्धो भविस्ससीति व्याकासि तस्मिम्पि बुद्धे परिनिब्बुते धातुयो न विकिरिंसु जम्बुदीपवासनो पुब्बे विय चतुयोजनिकं थूपमकंसु.

तेन वुत्तं

‘‘सुमनो यसधरो - बुद्धो अग्गारामम्ह निब्बुतो,

तत्थेव तस्स जिनथूपो - चतुयोजनमुग्गतो’’ति;

तस्स अपरभागे रेवतो नाम सत्था उदपादि तदा बोधिसत्तो अतिदेवो नाम ब्राह्मणो हुत्वा सत्थु धम्मदेसन सुत्वा सरणेसु पतिट्ठाय सिरसि अञ्जलिं पग्गहेत्वा तस्स सत्थुनो किलेसप्पहाने वण्णं वत्वा उत्तरासङ्घेन पूजमकासि. सोपि नं सत्था बुद्धो भविस्सतिति व्याकासि तस्मिं पन बुद्धे परिनिब्बुते धातुयो विकिरिंसु.

तेन वुत्तं

‘‘रेवतो पवरो बुद्धो - निब्बुतो सो महापुरे,

धातु वित्थारिकं आसी - तेसु तेसु पदेसतो’’ति;

तस्स अपरभागे सोभितो नाम सत्था उदपादि तदा बोधिसत्तो अजितो नाम ब्राह्मणो हुत्वा सत्थु धम्मदेसनं सुत्वा सरणेसु पतिट्टाय बुद्धपमुखस्स सङ्घस्स महादानं अदासि. सोपि नं सत्था बुद्धो भविस्ससीति व्याकासि तस्सापि भगवतो धातुयो विकिरिंसु.

तेन वुत्तं

‘‘सोभितो वरसम्बुद्धो - सीहरामम्हि निब्बुतो,

धातुवित्थारिकं आसी - तेसु तेसु पदेसतो’’ति;

तस्स अपरभागे एकमसङ्खेय्यं अतिक्कमित्वा एकस्मिंयेव कप्पे तयो बुद्धा निब्बत्तिंसु - अनोमदस्सि पदुमो नारदोति. अनोमदस्सिस्स भगवतो काले बोधिसत्तो एको

१. यसवरो धीरो - केचि.

यक्ख ¶ सेनापति अहोसि महिद्धिको महानुभावो अनेक कोटिसतसहस्सानं यक्खानं अधिपति. सो बुद्धो उप्पन्नोति सुत्वा आगन्त्वा बुद्धपमुखस्स सङ्घस्स महादानमदासि सत्थापि तं अनागते बुद्धो भविस्ससीति व्याकासि. अनोमदस्सिम्हि पन भगवति परिनिब्बुते धातुयो न विकिरिंसु जम्बुदीपवासिनो पञ्चवीसयोजनकं थूपं करिंसु

तेन वुत्तं

‘‘अनोमदस्सि जिनो सत्था - धम्मारामम्हि निब्बुतो,

तत्थेव तस्स जिनथूपो - उब्बेधा पण्णुवीसती’ति;

तस्स अपरभागे पदुमो नाम सत्था उदपादि तथागते अगामकारञ्ञे विहरेन्ता बोधिसत्तो सीहो हुत्वा सत्थारं निरोधसमापत्तिया समापन्नं दिस्वा पसन्नचित्तो वन्दित्वा पदक्खिणं कत्वा पीतिसोमनस्सजातो तिक्खत्तुं सीहनादं नदित्वा सत्ताहं बुद्धारम्मणं पीतिं अविजहित्वा पीतिसुखेनेव गोचराय अपक्कमित्वा जिवितपरिच्चागं कत्वा पयिरुपासमानो अट्ठासि सत्था सत्ताहच्चयेन निरोधा वुट्ठितो सीहं ओलोकेत्वा भिक्खुसङ्घेपि चित्तं पसादेत्वा सङ्घं वन्दिस्सती‘‘ति भिक्खुसङ्घो आगच्छतूति चिन्तेसि भिक्खु तावदेव आगमिंसु सीहो सङ्घे चित्तं पसादेसि. सत्था तस्स मनं ओलोकेत्वा अनागते बुद्धो भविस्सतीति व्याकासि तस्स पन भगवतो धातुयो विकिरिंसु.

तेन वुत्तं

‘‘पदुमो जिनवरो सत्था - धम्मारामम्हि निब्बुतो,

धातु वित्थारिकं आसि - तेसु तेसु पदेसतो’’ति;

तस्स अपरभागे नारदो नाम सत्था अहोसि तदा बोधिसत्तो, इसिपब्बज्जं पब्बजित्वा पञ्चसु अभिञ्ञासु अट्ठसुच समापत्तिसुचिण्णवसी हुत्वा बुद्धपमुखस्स सङ्घस्स महादानं दत्वा लोहित चण्दनेन पूजमकासि सोपि नं अनागतो बुद्धो भविस्सतीति व्याकासि नारद पन भगवतो धातुयो एकघना अहेसुं. सब्बे देव मनुस्सा सन्निपतित्वा चतुयोजनिकं थूपं करिंसु.

तेन वुत्तं

‘‘नारदो जिनवसभो - निब्बुतो सुदस्सने पुरे,

तत्थेव तस्स थूपवरो - चतुयोजनमुग्गतो’’ति;

तस्स अपरभागे एकमसङ्खेय्यमतिक्कमित्वा इतो कप्पसतसहस्स मत्थके एकस्मिं कप्पे पदुमुत्तरो नाम सत्था उदपादि. तदा बोधिसत्तो जटिलो नाम महारट्ठिको हुत्वा बुद्धपमुखस्स सङ्घस्स चिवरदानमदासि. सोपि तं अनागतो बुद्धो भविस्सतीति व्याकासि. ¶ पदुमुत्तरस्सापि भगवतो धातुयो एकघना अहेसुं. सब्बे देवमनुस्सा सन्निपतित्वा द्वादस योजनिकं महाथूपमकंसु.

तेन वुत्तं

‘‘पदुमुत्तरो जिनो बुद्धो - नण्दारामम्हि निब्बुतो,

तत्थेव तस्स थूपवरो - द्वादसुब्बेधयोजनो’’ति;

तस्स अपरभागे तिंसकप्प सहस्सानि अतिक्कमित्वा सुमेधो सुजातो चाति एकस्मिं कप्पे द्वे बुद्धा निब्बत्तिंसु सुमेधस्स पन भगवतो काले बोधिसत्तो उत्तरो नाम मानवो हुत्वा निदहित्वा ठपितंयेव असीतिकोटिधनं विस्सज्जेत्वा बुद्धपमुखस्स सङ्घस्स महादानं दत्वा धम्मं सुत्वा सरणेसु पतिट्ठाय निक्खमित्वा पब्बजि सोपि नं अनागते बुद्धो भविस्सतीति व्याकासि. सुम्धेस्स पन भगवतो धातुयो विकिरिंसु

तेन वुत्तं

‘‘सुमेधो जिनवरो बुद्धो - मेधारामम्हि निब्बुतो,

धातुवित्थारिकं आसि - तेसु तेसु पदेसतो’’ति;

तस्स अपरभागे सुजातो नाम सत्था उदपादि. तदा बोधिसत्तोचक्कवत्तिराजा हुत्वा बुद्धो उप्पन्नोति सुत्वा उपसंकमित्वा धम्मं सुत्वा बुद्धपमुखस्स सङ्घस्स सद्धिं सत्तहि रतनेहि चतुमहादीपं रज्जं दत्वा सत्थु सन्तिके पब्बजि सकलरट्ठवासिनो रट्ठुप्पादं गहेत्वा आरामिक किच्चं साधेन्ता बुद्धपमुखस्स सङ्घस्स निच्चं महादानमदंसु. सोपि नं सत्था अनागते बुद्धोभविस्सतीति व्याकासि सुजातस्स पन भगवतो धातुयो एकघना अहेसुं जम्बुदीपवासिनो तिगावुतं थूपमकंसु

तेन वुत्तं

‘‘सुजातो जिनवरो बुद्धो सीलारामम्हि निब्बुतो,

तत्थेव चेतियो तस्स - तीणि गावुतमुग्गतो’’ति;

तस्स अपरभागे अट्ठारस कप्पसतमत्थके एकस्मिं कप्पे पियदस्सि अत्थदस्सि धम्मदस्सिति तयो बुद्धा निब्बत्तिंसु पियदस्सि बुद्धकाले बोधिसत्तो कस्सपो नाम माणवो तिण्णं वेदानं पारगतो हुत्वा सत्थु धम्मदेसनं सुत्वा कोटिसतसहस्स धन परिच्चागेन सङ्घारामं कारेत्वा सरणेसु च सीलेसु च पतिट्ठासि अथ नं सत्था अट्ठारस कप्प सतच्चयेन बुद्धो भविस्सतीति व्याकासि पियदस्सिस्स भगवतोपि धातुयो एकघनाव अहेसुं जम्बुदीपवासिनो सन्निपतित्वा तियोजनिकं महाथूपमकंसु.

तेन ¶ वुत्तं

‘‘पियदस्सि मुनिवरो - सललारामम्हि निब्बुतो,

तत्थेव तस्स जिनथूपो - तीणि योजनमुग्गतो’’ति;

तस्स अपरभागे अत्थदस्सि नाम भगवा उदपादि तदा बोधिसत्तो महिद्धिको महानुभावो सुसिमो नाम तापसो हुत्वा भगवतो सन्तिके धम्मं सुत्वा पसीदित्वा दिब्बानि मण्दारव पदुमपारिच्छत्तकादीनि पुप्फानि आहरित्वा चातुद्वीपिक महामेघो विय पुप्फवस्सं वस्सेत्वा समन्ततो पुप्फमण्डप पुप्फअगघिय तोरणादीनि कत्वा मण्दारव पुप्फच्छत्तेन दसबलं पूजेसि सोपि नं भगवा अनागतो गोतमो नाम बुद्धो भविस्सतीति वाकासि. तस्स पन भगवतो धातुयो विकिरिंसु.

तेन वुत्तं

‘‘अत्थदस्सि जिनवरो - अनोमारामम्हि निब्बुतो,

धातुवित्थारिकं आसि - तेसु तेसु च रट्ठतो’’ति;

तस्स अपरभागे धम्मदस्सि नाम सत्था उदपादि. तदा बोधिसत्तो सक्का देवराजा दिब्बगण्धपुप्फेहि च दिब्बतुरियेहि च पूजं अकासि सोपि नं बुद्धो भविस्सतीति व्याकासि. धम्मदस्सिस्स पन भगवतो धातुयो एकघना अहेसुं. जम्बुदीपवासिनो तियोजनिकं थूपमकंसु.

तेन वुत्तं

‘‘धम्मदस्सि महावीरो-केलासारमम्हि निब्बुतो,

तत्थेव थूपवरो तस्स-तीणि योजनमुग्गतो’’ति;

तस्स अपरभागे चतुनवुतिकप्प मत्थके एकस्मिं कप्पे एकोव सिद्धत्थो नाम सत्था उदपादि. तदा बोधिसत्तो उग्गतेजो अभिञ्ञाबल सम्पन्नो मङ्गलो नाम तापसो हुत्वा महाजम्बुफलं आहरित्वा तथागस्स अदासि सत्था तं फलं परिभुञ्जित्वा चतुनवुति कप्पमत्थके बुद्धो भविस्सतीति व्याकासि तस्सापि भगवतो धातुयो न विकिरिंसु, चतुयोजनिकं रतनमयं थूपमकंसु.

तेन वुत्तं

‘‘सिद्धत्तो मुनिवरो बुद्धो अनोमारमम्हि निब्बुतो,

तत्थेव तस्स थूपवरो-चतुयोजनमुग्गतो’’ति;

तस्स अपरभागे इतो द्वानवुति कप्पमत्थके तिस्सो फुस्सोति एकस्मिं कप्पे देव बुद्धा निब्बत्तिंसु तिस्सस्स भगवतो काले बोधिसत्ता महाभोगो महायसो सुजातो नाम खत्तियो हुत्वा इसिपब्बज्जं पब्बजित्वा महिद्धिकभावं पत्वा बुद्धो ¶ उप्पन्नोति सुत्वा दिब्बमण्दारव पदुम पारिच्छत्त पुप्फानि आदाय चतुपरिसमज्झे गच्छन्तं तथागतं पूजेसि. आकासे पुप्फवितानमिव अट्ठासि सोपि नं सत्था इतो द्वानवुति कप्पमत्थके बुद्धो भविस्सतीति व्याकासि. तस्सापि भगवतो धातुयो न विकिरिंसु धातुयो गहेत्वा तियोजनिकं थूपमकंसु.

तेन वुत्तं

‘‘तिस्सो जिनवरो बुद्धो-नण्दारामम्हि निब्बुतो

तत्थेव तस्स थूपवरो-तीणि योजनमुस्सितो’’ति;

तस्स अपरभागे फुस्सो नाम बुद्धो उदपादि तदा बोधिसत्तो विजितावि नाम खत्तियो हुत्वा महारज्जं पहाय सत्थु सन्तिके पब्बजित्वा तीणि पिटकानि उग्गहेत्वा महाजनस्स धम्मकथं कथेत्वा सीलपारमिञ्च पूरेसि. सोपि नं बुद्धो तथेव व्याकासि तस्स पन भगवतो धातुयो विकिरिंसु.

तेन वुत्तं

‘‘फुस्सो जिनवरो सत्था-सुनन्दारामम्हि निब्बुतो

धातुवित्थारिकं आसि-तेसु तेसु पदेसतो’’ति;

तस्स अपरभागे इतो एकनवुति कप्पमत्थके विपस्सि नाम बुद्धो उदपादि तदा बोधिसत्तो महिद्धिको महानुभावो अतुलो नाम नागराजा हुत्वा सत्तरतन खचितं सोवण्णमहापीठं भगवतो अदासि सोपि नं इतो एकनवुतिकप्पमत्थके बुद्धो भविस्सतीति व्याकासि तस्स पन भगवतो धातुयो न विकिरिंसु सब्बे देवमनुस्सा सन्तिपतित्वा धातुयो गहेत्वा सत्तयोजनिकं थूपमकंसु.

तेन वुत्तं

‘‘विपस्सि जिनवरो वीरो-सुमित्तारामम्हि निब्बुतो,

तत्थेव सो थूपवरो-सत्तयोजनिको कतो’’ति;

तस्स अपरभागे इतो एकतिंस कप्पमत्थके सिखी वेस्सभूति द्वे बुद्धा निब्बत्तिंसु सिखिस्स भगवतो काले बोधिसत्तो अरिण्दमो नाम राजा हुत्वा बुद्धपमुखस्स सङ्घस्स सचिवरं महादानं पवत्तेत्वा सत्तरतन पतिमण्डितं हत्थिरतनं दत्वा हत्थिप्पमाणं कत्वा कप्पिय भण्डमदासि सोपि नं इतो एकतिंस कप्पे बुद्धो भविस्सतीति व्याकासि, सिखिस्स भगवतो धातुयो एकघना हुत्वा अट्ठंसु, सकल जम्बुदीपवासिनो पन मनुस्सा धातुयो गहेत्वा तियोजनुब्बेधं सत्तरतनमयं हिमगिरि सदिस सोभं थूपमकंसु.

सिखी ¶ मुनिवरो बुद्धो-दुस्सारामम्हि निब्बुतो,

तत्थेव तस्स थूपवरो-तीणि योजनमुग्गतो’’ति;

तस्स अपरभागे वेस्सभू नाम सत्था उदपादि. तदा बोधिसत्तो सुदस्सनो नाम राजा हुत्वा बुद्धपमुखस्स सङ्घस्स सचीवरमहादानं दत्वा तस्स सन्तिके पब्बजित्वा आचारगुणसम्पन्नो बुद्धरतने चिततीकार पीति बहुलो अहोसि सेपि नं सत्था इतो एकतिंसकप्पे बुद्धो भविस्सतीति व्याकासि वेस्सभुस्स पन भगवतो धातुयो विकिरिंसु.

तेन वुत्तं

‘‘वेस्सभू जिनवरो सत्था-खेमारामम्हि निब्बुतो;

धातुवित्थारिकं आसि-तेसु तेसु पदेसतो’’ति;

तस्स अपरभागे इमस्मिं कप्पे चत्तारो बुद्धा निब्बत्तिंसु ककुसण्धो कोनागमनो कस्सपो अम्हाकं भगवाति कतुसण्धस्स पन भगवतो कालो बोधिसत्तो खेमो नाम राजा हुत्वा बुद्धपमुखस्स सङ्घस्स सपत्तचीवरं दानञ्चेव अञ्जनादि भेसज्जानि च दत्वा सत्थु धम्मदेसनं सुत्वा पब्बजि सोपि नं सत्था व्याकासि तस्स पन भगवतो धातुयो न विकिरिंसु सब्बे सन्निपतित्वा धातुयो गहेत्वा गावुतुब्बेधं थूपमकंसु.

तेन वुत्तं

‘‘ककुसण्धो जिनवरो - खेमारामम्हि निब्बुतो,

तत्थेव तस्स थूपवरो-गावुतं नभमुग्गतो’’ति;

तस्स अपरभागे कोनागमनो नाम सत्था उदपादि तदा बोधिसत्तो पब्बतो नाम रजा हुत्वा अमच्चगण परिवुतो सत्थु सन्तिके गन्त्वा धम्मदेसनं सुत्वा बुद्धपमुखं भिक्खुसङ्घं निमन्तेत्वा महादानं पवत्तेत्वा पत्तुण्णचीनपट्ट कोसेय्य कम्बल दुकुलानि चेव सुवण्णपट्टकञ्च दत्वा सत्थु सन्तिके पब्बजि. सोपि नं सत्था व्याकासि तस्स भगवतो धातुयो विकिरिंसु

तेन वुत्तं

‘‘कोनागमनो सम्बुद्धो पब्बतारामम्हि निब्बुतो,

धातु वित्थारिकं आसि-तेसु तेसु पदेसतो’’ति;

तस्स अपरभागे कस्सपो नाम सत्था उदपादि. तदा बोधिसत्तो जोतिपालो नाम माणवो हुत्वा तिण्णं वेदानं पारगुभूमियञ्चेव अन्तलिक्खेव पाकटो घटीकारस्स कुम्भकारस्स मित्तो अहोसि. सो तेन सद्धिं सत्थारं उपसङ्कमित्वा धम्म

कथं ¶ सुत्वा पब्बजित्वा आरद्धवीरियो तीणि पिटकानि उग्गहेत्वा वत्ता वत्तसम्पत्तिया बुद्धसासनं सोभेसि. सोपि नं सत्था व्याकासि. कस्सपस्स पन सत्थुनो धातुयो न विकिरिंसु सकल जम्बुदीपवासिनो मनुस्सा सन्निपतित्वा एकेकं सुवण्णट्ठिकं कोटि अग्घनकं रतनविचित्तं बहि रचनत्थं एकेकं अड्ढकोटि अग्घनकं अब्भन्तर पूरणत्थं मनोसिलाय मत्तिकाकिच्चं तेलेन उदककिच्चं करोन्ता योजनुब्बेधं थुपमकंसु.

तेन वुत्तं

‘‘महाकस्सपो जिनो सत्था-सेतव्यायञ्हि निब्बुतो,

तत्थेव तस्स जिनथुपो-योजनुब्बेधमुग्गतो’’ति;

एत्थ च

दीपङ्करो च कोण्डञ्ञो-मङ्गलो सुमनो तथा,

अनोमदस्सी बुद्धो च-नारदो पदुमुत्तरो;

सुजातो पियदस्सी च-धम्मदस्सि नरुत्तमो,

सिद्धत्थबुद्धो तिस्सो च-विपस्सि च सिखी तथा;

ककुसण्धो कस्सपो चाति-सोळसेते महेसयो,

थुपप्पमाणमेतेसं पालियंयेव दस्सितं;

यस्मा तस्मा मया साधू-ते सब्बेपि पकासिता,

थूपा सद्धा जना साधू-ते वन्देय्यथ सादरं;

येसानं पन अट्ठन्नं - सुगतानं हितेसिनं

धातु वित्थारिका आसुं - तेसु तेसु पदेसतोति;

साधुजन मनोपसादनत्थाय कते थूपवंसे विज्जमानथूपानं बुद्धानं थूपकथा चेव सब्बेसं सन्तिके अभिनिहारकताचे. समत्ता.

कस्सपस्स पन भगवतो अपरभागे ठपेत्वा इमं सम्मा सम्बुद्धं अञ्ञो बुद्धो नाम नत्थि. एवं दीपङ्करादीनं चतुवीसतिया बुद्धानं सन्तिके लद्धव्याकरणो बोधिसत्तो पारमियो पूरेत्वा वेस्सन्तरत्तभावे ठितो-

‘‘अचेतनायं पथवी-अविञ्ञाय सुखं दुखं,

सापि दानबलो मय्हं-सत्तक्कत्तुं पकम्पथा’’ति;

एवं महापथवि कम्पनानि पुञ्ञानि कत्वा आयुपरियोसाने ततो चुतो तुसितभवने निब्बत्ति तत्थ अञ्ञे देवे दसहि ठानेहि अधिगण्हित्वा यावतायुकं दिब्बसम्पत्तिं अनुभवन्तो मनुस्सगणनाय ¶ सत्तहि दिवसेहि आयुक्खयं पापुणिस्सतिति वत्थानि किळिस्सन्ति, माला मिलायन्ति, कच्छेहि सेदा मुच्चन्ति, कायेचेव दुब्बण्णियं ओक्कमति. देवो देवासने नाभिरमतीति इमेसु पञ्चसु पुब्बनिमित्तेसु उप्पन्नेसु तानि दिस्वासुञ्ञावत नो सग्गा भविस्सन्तिति संवेगजाताहि देवताहि महासत्तस्स पारमिनं पूरितभावं ञत्वा इमस्मिं इदानि अञ्ञं देवलोकं अनुपगन्त्वा मनुस्सलोके उप्पज्जित्वा बुद्धभावं पत्ते पुञ्ञानि कत्वा चुत चुता देवलोकं पूरेस्सन्तीति चिन्तेत्वा.

‘‘यतोहं तुसिते काये-सन्तुसितो नामहं तदा,

दससहस्सि समागन्त्वा-याचन्ति पञ्जली ममं;

कालोयंते महावीर-उप्पज्ज मातुकुच्छियं,

सदेवकं तारयन्तो-बुज्झस्सु अमतं पदन्ति’’;

एवं बुद्धभावत्थाय आयाचितो कालं-दीपं-देसं कुलं-जनेत्तिया आयुप्पमाणन्ति इमानि पञ्च महाविलोकनानि विलोकेत्वा कतसन्निट्ठानो ततो चुतो सक्यराजकुले पटिसण्धिंगहेत्वा तत्थ महासम्पत्तिया परिहरियमानो अनुक्कमेन भद्दं योब्बनं अनुपापुणित्वा तिण्णं उतूनं अनुच्छविकेसु तीसु पासादेसु देवलोकसिरिं विय रज्जसिरिं अनुभवमानो उय्यानकीळाय गमनसमये अनुक्कमेन जिण्ण - व्याधि - मतसङ्खाते तयो देवदूते दिस्वा संजात संवेगा निवत्तित्वा चतुत्थे वारे पब्बजितं दिस्वा साधु पब्बज्जाति पब्बज्जाय रुचिं उप्पादेत्वा उय्यानं गन्त्वा तत्थ दिवसं खेपेत्वा मङ्गल पोक्खरणितीरे निसिन्नो कप्पक वेसं गहेत्वा आगतेन विस्सकम्म देवपुत्तेन अलङ्कत पटियत्तो राहुलकुमारस्स पातसासनं सुत्वा पुत्तसिनेहस्स बलवभावं ञत्वा याव इमं बण्धनं न वड्ढति तावदेवनं छिण्दिस्सामीति चिन्तेत्वा सायं नगरं पविसन्तो-

‘‘निब्बुता नून सा माता - निब्बुतो नून सो पिता,

निब्बुता नून सा नारी - यस्सायं ईदिसो पति’’ति;

किसागोतमिया नाम पितुच्छा धीताय भासितं इमं गाथा सुत्वा इहं इमाय निब्बुतपदं सावितोति गीवतो सतसहस्सग्घनकं मुत्ताहारं ओमुञ्चित्वा तस्सा पेसेत्वा अत्तनो भवनं पविसित्वा सिरीसयने निपन्नो निद्दावस गतानं नाटकानं विप्पकारं दिस्वा निब्बिन्नहदयो छन्नं उट्ठापेत्वा कण्थकं आहारापेत्वा तं आरुय्ह छन्नसहायो दससहस्स चक्कवाळ देवताहि कत परिवारो महाभिनिक्खमना निक्खमित्वा तेनेव रत्तावसेसेन तीणि रज्जानि अतिक्कम्म अनोमाय नदिया परतीरं पत्वा अस्सापिट्ठितो ओरुय्ह ¶ मुत्तरासि सदिसे चालिकापुलिणे ठत्वा छन्नत्वं मय्हं आभरणानि चेव कण्थकञ्च आदाय गच्छाहि आभरणानि च कण्थकञ्च पटिच्छापेत्वा दक्खिण हत्थेन मङ्गलखग्गमादाय वामहत्थेन मोलिया सद्धिं चूळं छिण्दित्वा सचे अहं बुद्धो भविस्सामि आकासे तिट्ठतु नो चे भूमियं पततूति आकासे खिपि चुळामणी बण्धनं योजनप्पमाणं ठानंगन्त्वा आकासे अट्ठासि अथ सक्को देवराजा योजनिकेन रतनचङ्गोटकेन पटिग्गहेसि.

यथाह

छेत्वान मोलिं वरगन्धवासितं

वेहासयं उक्खिपि सक्यपुङ्गयवो,

सहस्सनेत्तो सिरसा पटिग्गहि

सुवण्ण वङ्गोटवरेन वासवो’ति;

पटिग्गहेत्वा च पन देवलोकं नेत्वा सुनेरु मुद्धनि तियोजनप्पमाणं इण्दनीलमणिमयं चुळामणि चेतियं नाम अकासि अथ कस्सप बुद्धकाले पोराण सहायको घटिकार महाब्रह्मा एकं बुद्धन्तरं विनावासभावप्पत्तेन मत्तभावो चित्तेसि. अज्ज मे सहायको महाभिनिक्खमनं निक्खन्तो समण परिक्खारमस्स गहेत्वा गच्छामीति-

‘‘तिचीवरञ्च पत्तो च वासि सूचि च बण्धनं,

परिस्सावन अट्ठेतेन-युत्तयोगस्स भिक्खुनो’’ति;

इमे समणपरिक्खारे आहरित्वा अदासि महापुरिसो अरहद्धजं निवासेत्वा उत्तमं पब्बज्जावेसं गण्हित्वा साटकयुगलं आकासे खिपि तं ब्रह्मा पटिग्गहेत्वा ब्रह्मलोके द्वादसयोजनिकं सब्बरतनमयं दुस्सचेतियमकासि.

‘‘किलेस अप्पहीणेपि=महासत्तस्स तं खणे,

यस्सानुभावतो एवं दुस्सचूळा हि पूजिता

तस्मा तम्म महाबोधि-सत्तानं पटिपत्तियं,

न करेय्य महुस्साहंव-को हि नाम बुधो जनो’’ति;

चूळामणिदुस्स थुपद्वयकथा

९. बोधिसत्तो पब्बजित्वा अनुक्कमेन राजगहं गन्त्वा तत्थ पिण्डाय चरित्वा पण्डव पब्बतपब्भारे निसिन्नो मगधराजेन रज्जेन निमन्तियमानो तं पटिक्खिपित्वा सब्बञ्ञुतं पत्वा तिस्सविजितं आगमनत्थायतेनगहित पटिञ्ञो आळारं-उद्दकञ्च उपसङ्कमित्वा ¶ तेसं सन्तिके अधिगतविसेसेन अपरितुट्ठो छब्बस्सानि महापधानं पदहित्वा विसाख पुण्णम दिवसे सेनानिनिगमे सुजाताय दिन्नपायासं परिभुञ्जित्वा नेरञ्जराय नदिया सुवण्णपातिं पवाहेत्वा नेरञ्जराय तीरे महावनसण्डे नानासमापत्तीहि दिवाभागं वितिनामेत्वा सायण्ह समये सोत्थियेन दिन्नं तिणमुट्ठिं गहेत्वा काळेन नागराजेन अभित्थुतगुणो बोधिमण्डं आरुय्ह तिणानि. सत्थरित्वा न तावीमं पल्लङ्कं भिण्दिस्सामि याव मे अनुपादाय आसवेहि चित्तं विमुच्चिस्सती’’ति पटिञ्ञं कत्वा पाचीन दासाभिमुखो निसीदित्वा-सूरिये अनत्थमितेयेव मारबलं विधमेत्वा पठमयामे पुब्बे निवासञाणं मज्झिमयामे चुतूपपातञाणं पत्वा पच्छिमयामावसाने दसबल चतुवेसारज्जादि सब्बगुणपतिमण्डितंसब्बञ्ञुतञाणं पटिविज्झित्वा सत्त सत्ताहं बोधिसमीपेयेव वीतिनामेत्वा अट्ठमे सत्ताहे अजपाल निग्रोधमूले निसिन्नो धम्मगम्भीरता पच्चवेक्खनेन अप्पोस्सुक्कतं आपज्जमानो दसदहस्सी महाब्रह्म परिवारेन सहम्पति महाब्रह्मुना आयाचित धम्मदेसनो बुद्धचक्खुना लोकं ओलोकेन्तो ब्रह्मुनो अज्झेसनं आदाय कस्स नु खो पठमं धम्मं देसेय्यन्ति ओलोकेन्तो आळारुद्दकानं कालकतभावं ञत्वा पञ्चवग्गीयानं भिक्खुनं बहूपकारतं अनुस्सरित्वा उट्ठायासना कासिपुरं गच्छन्तो अन्तरामग्गे उपकेन सद्धिं मन्तेत्वा आसाळहिपुण्णम दिवसे इसिपतने मिगदाये पञ्च वग्गियानं भिक्खुनं वसनट्ठानं पत्वा ते अननुच्छविकेन आवुसो वादेन समुदाचरन्ते अञ्ञापेत्वा धम्मचक्कं पवत्तेन्तो अञ्ञाकोण्डञ्ञत्थेरपमुखे अट्ठारस कोटियो अमतपानं पायेसि.

ततो पट्ठाय चत्तालीस संवच्छरानि ठत्वा चतुरासीति धम्मक्खण्ध सहस्सानि देसेत्वा गणनपथमतीते सत्ते भवकन्तारतो सन्तारेत्वा सब्बबुद्धकिच्चानि निट्ठपेत्वा कुसिनारायं उपवत्तने मल्लानं सालवने यमकसालान मन्तरे उत्तसीसकं पञ्ञत्ते मञ्चके विसाखपुण्णम दिवसे दक्खिणेन पस्सेन सतो सम्पजानो अनुट्ठानसेय्याय निपज्जि. तदा किर भगवतो पूजाय यमकसाला सब्बपालिफुल्ला मूलतो पट्ठाय याव अग्गा एकच्छन्ना अहेसुं. न केवलञ्च यमकसालायेव सब्बेपि रुक्खसाखा सब्बपालिफुल्लाव अहेसुं.

न केवलञ्च तस्मिंयेव उय्याने सकलेपि दससहस्स चक्कवाळे फलुपग रुक्खा फलं गण्हिंसु. सब्बरुक्खानं खण्धेसु खण्ध पदुमानि, ¶ वललीसु वललिपदुमानि. आकासे उल्लोकपदुमानि, पथवितलं भिण्दित्वा दण्डकपदुमानि पुप्फिंसु. सब्बो महा समुद्दो पञ्चवण्ण पदुमसञ्छन्नो अहोसि तियोजन सहस्सवित्थतो पन हिमवा घनबद्धमोरपिञ्छकलापो विय निरन्तरं मालादामगवक्खितो विय सुट्ठु पीळेत्वा आबद्धपुप्फवटंसको विय सुपूरित पुप्फचङ्गेटकं विय च अतिरमणीयो अहोसि.

यमकसाला भुम्मदेवतानि सञ्चालितक्खविण्धटपा तथागतसरीरस्स उपरिपुप्फानि विकिरन्ति. दिब्बानिपि मण्दारव पुप्फानि अन्तलिक्खा पतन्ति. तानि होन्ति सुवण्ण वण्णानि पण्णच्छत्तप्पमाणानि महातुम्बमत्तं रेणु गण्हन्ति न केवलञ्च मण्दारव पुप्फानेच, अञ्ञानिपि सब्बानि पारिच्छत्तक पुप्फादीनि सुवण्णवङ्गोटकानि रजतचङ्गोटकानि च पूरेत्वा पूरेत्वा तिदस पुरेपि ब्रह्मलोकेपि ठिताहि देवताहि विविधानि अन्तरा अविप्पकिण्णानेव हुत्वा आगन्त्वा पत्तकिंजक्ख रेणु चुण्णेहि तथागतस्स सरीरमेव ओकीरन्ति न केवलञ्च देवतानंयेव नाग सुपण्ण मनुस्सानम्पि उपकप्पन चण्दन चुण्णानि न केवलञ्च चण्दनचुण्णानेव काळानुसारी तगर लोहितचण्दनादि सब्बगन्धजातचुण्णानि, हरितालञ्जन सुवण्ण रजत चुण्णानि, सब्बगन्धवास विकतियो सुवण्ण रजतादिसमुग्गे पूरेत्वा चक्कवाळ मुखवट्टिआदिसु ठिताहि देवताहि पविद्धा अन्तरा अविप्पकिरित्वा तथागतस्सेव सरीरं ओकिरन्ति दिब्बानिपि तुरियानि अन्तलिक्खे वज्जन्ति. न केवलञ्च तानियेव सब्बानिपि तन्तिबद्ध चम्मपरियोनद्ध सुसिरादि भेदानि दससहस्सचक्कवाळे देव-नागव-सुपण्ण-मनुस्सानं तुरियानि एकचक्कवाळे सन्निपतित्वा अन्तलिक्खे वज्जन्ति.

वरचारणदेवता किर नामेका दीघायुका देवता महापुरिसो मनुस्सपथे निब्बत्तित्वा बुद्धो भविस्सतीति सुत्व पटिसण्धिदिवसे गण्हित्वा गमिस्सामाति माला गन्थितुं आरभिंसु ता गण्थमानाव महापुरिसे मातुकुच्छियं निब्बत्ते तुम्भे कस्स गण्थथाति वुत्ता न ताव तिट्ठाति कुच्छितो निक्खमन दिवसे गहेत्वा गमिस्सामाति आहंसु पुन निक्खेन्तोति सुत्वा महाभिनिक्खमनदिवसे गमिस्सामाति महाभिनिक्खमनं निक्खन्तोति सुत्वा अभिसम्बोधि दिवसे गमिस्सामाति. अज्ज अभिसम्बुद्धोति सुत्वा धम्मचक्कप्पवत्तनदिवसे गमिस्सामाति धम्मचक्कं पवत्तयीति सुत्वा यमकपाटिहारियदिवसे गमिस्सामाति. अज्ज यमकपाटिहारियं करीति सुत्वा देवो रोहनदिवसे गमिस्सामाति. अज्ज देवोरोहनं करीति सुत्वा आयुसङ्खारोस्सज्जने गमिस्सामाति आयुसङ्खारं ओस्सजीति सुत्वा न ताव निट्ठाति परिनिब्बानदिवसे गमिस्सामाति?

अज्ज ¶ भगवा यमकसालानमन्तरे दक्खिणेन पस्सेन सतो सम्पजानो सीहसेय्यं उपगतो बलव पच्चुसमये परिनिब्बायिस्सति तुम्हे कस्स गण्थथाति वुत्ता पन किन्नामेतं अज्जेव मातुकुच्छियं पटिसण्धिं गण्हि अज्जेव कुच्छितो निक्खन्तो, अज्जेव महाभिनिक्खमनं निक्खमि. अज्जेवबुद्धो अहोसि अज्जेव धम्मचक्कं पवत्तयि. अज्जेव यमकपाटिहारियं अकासि. अज्जेव देवलोका ओतिनण्णा. अज्जेव आयुसङ्खरं ओस्सजि. अज्जेव किर परिनिब्बुतो. ननु नाम दुतिय दिवसे यागुपान कालमत्तम्पि ठातब्बं अस्स, दस पारमियो पूरेत्वा बुद्धत्तं पत्तस्स नाम अननुच्छविकन्ति अपरि निट्ठिताव मालायो गहेत्वा आगम्म अन्तो चक्कवाळे ओकासं आलभमाना चक्कवाळ मुखवट्टियं लभित्वा आधावन्तियो हत्थेन हत्थं गीवाय गीवं गहेत्वा तीणि रतनानि आरब्भद्वत्तिंसमहपुरिसलक्खणानि छब्बण्णरंसियो दसपारमियो अद्धच्छट्ठानि जातकसतानि चुद्दस्स बुद्धञाणानि आरब्भ गायित्वा तस्स तस्स अवसाने सहाय हे सहाय हेति वदन्ति. इदमेतं पटिच्चवुत्तं-दिब्बानिपि संगीतानि अन्तलिक्खे वत्तन्तिति.

भगवा पन एवं महतिया पूजाय वत्तमानया पठमयामे मल्लानं धम्मं देसेसि मज्झिमयामे सुभद्दस्स धम्मं देसेत्वा तं मग्गफले पतिट्ठापेसि पच्छिमयामे भिक्खु ओवदित्वा बलव पच्चूस समये महापथविं कम्पेन्तो अनुपादिसेसाय निब्बानधातुया परिनिब्बायि परिनिब्बुते पन भगवति लोकनाथे आनण्दत्थेरो मल्लराजुनं तं पवत्तिं आरोचेति ते सुत्वाव गण्धमालं सब्बञ्च तालावचरं पञ्च च दुस्सयुगसतानि आदाय गन्त्वा भगवतो सरीरं नच्चेहि - गीतेहि - वादितेहि - मालेहि - गण्धेहि सक्करोन्ता गरुकरोन्ता मानेन्ता - पूजेन्ता चेलवितानानि करोन्ता मण्डल मालानि पटियादेन्ता एवं ता दिवसं वीतिनामेसुं.

अथ देवतानञ्च कोसिनारकानं मल्लानञ्च एतदहोसि-अतिविकालो खो अज्ज भगवतो सरीर झापेतुं, स्वेदानि भगवतो सरीरं झपेस्सामाति तथा दुतियम्पि दिवसं वीतिनामेसुं. तथा ततियं चतुत्थं पञ्चमं छट्ठम्पि दिवसं वीतिनामेसुं सत्त मे दिवसे देवता च दोसिनारका मल्ला च भगवतो सरीरं दिब्बेहि मानुसकेहि च नच्छेहि - गीतेहि - वादितेहि - मालेहि - गण्धेहि सक्कारोन्तो गरुकरोन्ता मानेन्ता पूजेन्ता नगरमज्झेन नीहरित्वा यत्थ मकुटबण्धनं नाम मल्लानं चेतियं तत्थ निक्खिपिंसु

तेन खो पन समयेन कुसिनारा याव सन्धिसमल संकटीराजन्नुमत्तेन ओधिना मण्दारव पुप्फेन सत्थता होति अथ खो कोसिनारका ¶ मल्ला भगवतो सरीरं चक्कवत्तिस्स सरीरं विय अहतेन वत्थेन वेठेसुं अहतेन वत्थेन वेठेत्वा विहतेन कप्पासेन वेठेसुं विहतेन कप्पासेन वेठेत्वा अहतेन वत्थेन वेठेसुं. एतेनेव नयेन पञ्चहियुगसतेहि वेठेत्वा आयसाय तेलदोणिया पक्खिपित्वा अञ्ञिस्सा आयसाय दोणिया पटिकुज्जेत्वा सब्बगन्धानं चितकं करित्वा भगवतो सरीरं चितकं आरोपेसुं. तेन खो पन समयेन आयस्मा महा कस्सपो पावाय कुसिनारं अद्धानमग्ग पटिपन्नो होति महताभिक्खुसङ्घेन सद्धिं पञ्चमत्तेहि भिक्खुसतेहि तेन खो पन समयेन थेरे चित्तं पसादेत्वा सग्गे निब्बत्ता देवता तस्मिं समागमे थेरं अदिस्वा कुहिन्नु खो अम्हाकं कुलुपग थेरोति आवज्जेन्तो अन्तरामग्गपटिपन्नं दिस्वा अम्हाकं कुलुपग थेरे अवण्दिते चितको मा पज्जलित्थाति अधिट्ठिहिंसु.

अथ खो चत्तारो मल्लपामोक्खा सीसं नहाता अहतानि वत्थानि निचत्था वी संरतनसतिकं चण्दनचितकं आलिम्पेस्सामाति अट्ठपि सोलसपि द्वत्तिंसापि जना हुत्वा यमक उक्कयो गहेत्वा तालवणेटहि विजन्ता भस्तानि धमन्ता न सक्कोन्तियेव अग्गिं गाहापेतुं. अथ खो कोसिनारका मल्ला चितकस्स अपज्जलन कारणं आयस्मन्तं अनुरुद्धं पुच्छित्वं देवतानं अभिप्पायं सुत्वा महाकस्सपो किर भो पञ्चहि भिक्खुसतेहि सद्धिं दसबलस्स पादे वन्दिस्सामीति आगच्छति तस्मिं किर अनागते चितको न पज्जलति कीदिसो भोसो भिक्खु कालो ओदातो दीघो रस्सो एवरूपे नाम भो भिक्खुम्हि ठितो किं दसबलस्स परिनिब्बानं नामाति देचि गण्धमालादि हत्था पटिपथं गच्छिंसु केचि वीथियो विचित्ता कत्वा आगमनमग्गं ओलोकयमाना अट्ठंसु. अथ खो आयस्मा महाकस्सपो येन कुसिनारा मकूटबण्धनं नाम मल्लानं चेतियं, येन भगवतो चितको तेनुपसङ्कमि. उपसङ्कमित्वा एकंसं चीवरं कत्वा तिक्खत्तुं चितकं पदक्खिणं कत्वा आवज्जेन्तोव सल्लक्खेसि-इमस्मिं ठाने पादाति तते पादसमीपे ठत्वा अभिञ्ञापादकं चतुत्थज्झानं समापज्जित्वा वुट्ठाय अरसहस्स पतिमण्डिता दसबलस्स पादा सद्धिं कप्पास पटलेहि पञ्चदुस्सयुगसतानि सुवण्णदोणिं वण्दनचितकञ्च द्वेधा कत्वा मय्हं उत्तमङ्गे सिरसि पतिट्ठहन्तूति अधिट्ठासि सह अधिट्ठान चित्तेन तानि दुस्सयुगादिनि द्वेधा कत्वा वलाहकन्तरा पुण्णचण्दो विय पादा निक्खमिंसु.

थेरो विकसित रत्तपदुम सदिसे हत्थे पसारेत्वा सुवण्णवण्णे सत्थु पादे याव गोप्फका बाळ्हं गहेत्व अत्तनो सिरवरे पतिट्ठापेसि महाजनो तं अच्छरियं दिस्वा एकप्पहारे नेव महानादं नदि. गण्धमालादीहि पूजेत्वा यथारुचिं वण्दि. एव पन ¶ थेरेन च महाजनेन च तेहि च पञ्चहि भिक्खुसतेहि वण्दित मत्तेथेरस्स हत्थतो मुञ्चित्वा अलत्तक वण्णानि भगवतो पादतालानि दारुआदिसु किञ्चि अचालेत्वाव यथाट्ठाने पतिट्ठहिंसु. भगवतो पादेसु निक्खमन्तेसु वा पविसन्तेसु वा कप्पासअंसु वा दसातन्तु वा तेलबिण्दु वा दारुखण्डं वा ठाना चलितं नाम नाहोसि. सब्बं यथाट्ठाने ठितमेव अहोसि. उट्ठहित्वा पन अत्थङ्गते चण्दे विय सूरिये विय च तथागतस्स पादेसु अन्तरहितेसु महाजनो महाकण्दितं कण्दि. परिनिब्बुतकालतो अधिकतरं कारुञ्ञं अहोसि अथ खो देवातानुभावेन पनेस चितके समन्ततो एकप्पहारेनेव पज्जलि. झायमानस्स भगवतो सरीरस्स छवि चम्म मंसादीनं नेव छारिकामत्तम्पि अन्तमसो पञ्ञायित्थ न मसि, सुमन मकुल सदिसा पन धोतमुत्त सदिसा सुवण्णसदिसा च धातुयो अवसिस्सिंसु.

दीघायुक बुद्धानञ्हि सरीरं सुवण्णक्खण्धसदिसं एकघनमेव होति. भगवा पन अहंन चिरं ठत्वा ठत्वा परिनिब्बायामि. मय्हं सासनं न ताव सब्बत्थ वित्थारितं, तस्मा परिनिब्बुतस्सपि मे साससमत्तम्पि धातुं गहेत्वा अत्तनो अत्तनो वसनट्ठाने चेतियं कत्वा परिचरन्तो महाजनो सग्गपरायनो होतिति धातूनं विकिरणं अधिट्ठासि. कति पनस्स धातुयो विप्पकिण्णा, कति न विप्पकिण्णाति चतस्सो दाट्ठा, द्वे अक्खका, उण्हीसन्ति इमा सत्तधातुयो न विप्पकिण्णा. सेसा विप्पकिरिंसु. तत्थ सब्बखुद्दका धातु सासप बीजमत्ता अहोसि महाधातु मज्झे भिन्न तण्डुलमत्ता. अतिमहती मज्झे भिन्नमुग्ग बीजमत्ता अहोसि.

दड्ढे खो पन भगवतो सरीरे आकासतो अग्गबाहुमत्तापि जङ्घमत्तापि तालक्खण्धमत्तापि उदकधारा पतित्वा चितकं निब्बापेसि न केवलं आकासतोयेव परिवारेत्वा ठितसालरुक्खानम्पि साखत्तर विटपन्तरेहि उदकधारा निक्खमित्वा निब्बापेसुं, भगवतो चितको महन्तो, समन्ता पथविं भिण्दित्वा तंङ्गलसीसमत्ता उदकवट्टि एळिक वटंसक सदिसा गन्त्वा चितकमेव गण्हि मल्लराजानो च सुवण्णघटे रजतघटे च पूरेत्वा आभत नानागण्धोदकेन सुवण्ण रजतमयेहि अट्ठदन्तकेहि विकिरित्वा चण्दनचितकं निब्बापेसुं. तत्थ चितके झयमाने परिवारेत्वा ठित सालरुक्खानं साखन्तरेहि विटपन्तरेहि पत्तन्तरेहि च जाले उग्गच्छन्ते पत्तं वा साखा वा दड्ढा नाम नत्थि किपिल्लिकापि मक्कटकापि पाणकापि जालानं अन्तरे नेव विचरन्ति.

आकासतो पतित उदकधारासुपि सालरुक्खेहि निक्खन्त्ौदकधारासुपि पथविं भिण्दित्वा निक्खन्त उदकधारासुपि धम्मताव पमाणं एवं ¶ चितकं निब्बापेत्वा पन मल्लराजानो सन्थागारे चतुजातिगण्ध परिभण्डं कारेत्वा लाज पञ्चमानि पुप्फानि विकिरित्वा उपरि चेलवितानं बण्धापेत्वा सुवण्णतारकाहि खचेत्वा तत्थ गण्धदाम मालादाम रतनदामानि ओलम्बेत्वा सत्थागारतो याव मकुट बण्धन सङ्खाता सीसप्पसाधन मङ्गलसाला ताव उभोहि पस्सेहि साणिकिलञ्ज परिक्खेपं कारेत्वा उपरि चेलवितानं बण्धापेत्वा सुवण्णतारकाहि खचेत्वा तत्थापि गण्धदाम मालादाम रतनदामानि ओलम्बेत्वा मणिदण्डेहि पञ्चवण्णधजे उस्सपेत्वा समन्ता धजपताका पिरिक्खिपित्वा सित्तसम्मट्ठासु वीथिसु कदलियो पुण्णघटे च ठपेत्वा दण्डदीपिका जालेत्वा अलङ्कत हत्थिक्खण्धे सहधातूहि सुवण्णदोणिं ठपेत्वा मालागण्धादीहि पूजेत्वा साधुकीळं कीळन्ता अन्तोनगरं पवेसेत्वा सन्थागारे सरभमय पल्लङ्के ठपेत्वा उपरि सेतच्छत्तं धारयित्वा सत्ति हत्थेहि पुरिसेहि परिक्खिपापेत्वा हत्थीहि कुम्भेन कुम्भं पहरन्तेहि परिक्खिपापेत्वा ततो अस्सेहि गीवाय गीवं पहरन्तेहि ततो रथेहि आणिकोटिया आणिकोटिं पहन्तेहि ततो योधेहि बाहूहि बाहुं पहरन्तेहि तेसं परियन्ते कोटिया कोटिं पहरमानेहि धनूहि परिक्खिपापेसुं.

इति समन्ता योजनप्पमाणं ठानं सन्नाहगच्छितं विय कत्वा आरक्खं संविदहिंसु. कस्मा पनेते एवमकंसूति. इतो पुरिमेसु द्वीसु सत्ताहेसु ते भिक्खुसङ्घस्स ठाननिसज्जोकासं करोन्ता खादनीय भोजनीयं संविदहन्ता साधुकीळाय ओकासं न लभिंसु ततो तेसं अहोसि - इमं सत्ताहं साधुकीळं कीळिस्साम. ठानं खो पनेतं विज्जति यं अम्हाकं पमत्तभावं ञत्वा कोचीदेव आगन्त्वा धातुयो गण्हय्य-तस्मा आरक्खं ठपेत्वा कीळिस्सामाति तेन ते एवमकंसु.

अथ खो अस्सोसि खो राजा मागधो अजातसत्तु भगवा किर कुसिनारायं परिनिब्बुतोति कथं अस्सोसि पठममेवस्स अमच्चा सुत्वा चिन्तयिंसु? सत्था नाम परिनिब्बुतो, न सो सक्का पुन आहरिंतु पोथुज्जनिक सद्धाय पन अम्हाकं रञ्ञा सदिसो नत्थि. सचे एस इमिनाव नियामेन सुणिस्सति, हदयमस्स एळिस्सति राजा खो पनम्भेहि अनुरक्खितब्बोति ते तिस्सो सुवण्णदोणियो आहरित्वा चतुमधुरस्स पूरेत्वा रञ्ञो सन्तिकं गन्त्वा एतदवोचुं. द्वे अम्हेहि सुपिनको दिट्ठो तस्स पटिघातत्थं तुम्हेहि दुकूलपट्टं निवासेत्वा यथा नासापुटमत्तं पञ्ञायति एवं चतुमधुरदोणियं निपज्जितुं वट्टतीति. राजा अत्थवरकानं वचनं सुत्वा एवं होतु ताता’ति सम्पटिच्छित्वा तथा अकासि.

अथेको ¶ अमच्चो अलङ्कारं ओमुञ्चित्वा केसे परिकिरिय याय दिसाय सत्था परिनिब्बुतो तदभिमुखो हुत्वा अञ्जलिम्पग्गय्ह राजानं आह- देवमरणतो मुञ्चनकसत्तो नाम नत्थि. अम्हाकं आयुवद्धकेना चेतियट्ठानं पुञ्ञक्खेत्तं अभिसेकपिट्ठिका भगवा सत्था कुसिनारायं परिनिब्बुतोति राजा सुत्वा विसञ्ञी जातो चतुमधुरदोणि उसुमं मुञ्चि राजानं उक्खिपित्वा दुतियाय दोणिया निपज्जापेसुं सो सञ्ञं लभित्वा तात किं वदथाति पुच्छि. सत्था महाराज परिनिब्बुतोति, पुन विसञ्ञि जातो चतुमधुरदोणिं उसुमं मुञ्चि. अथ नं ततोपि उक्खिपित्वा ततियाय दोणिया निपज्जापेसुं सो पुन सञ्ञं पटिलभित्वा तात किं वदथाति पुच्छि सत्था महाराज परिनिब्बुतोति. राजा पुन विसञ्ञी जातो च मधुरदोणि उसुमं मुञ्चि.

अथ नं ततोपि उक्खिपित्वा नहापेत्वा मत्थके घटेहि उदकं आसिञ्चिंसु राजा सञ्ञं पटिलभित्वा आसना उट्ठाय गण्धपरिभावीते मणिवण्णकेसे सुवण्णफलक वण्णाय पिट्ठियं पकिरित्वा पवाळङ्गुरवण्णाहि सुवट्टितङ्गुलीहि सुवण्णबिम्बक वण्णं उरं संसिब्बन्तो विय गहेत्वा परिदेवमानो उम्मत्तकवेसेनेव अन्तरवीथिं ओतिण्णो सो अलङ्कत नाटक परिवुतो नगरा निक्खम्म जीवकम्बवनं गन्त्वा यस्मिं ठाने निसिन्नेन भगवता धम्मो देसितो तं ओलोकेत्वा भगवा सब्बञ्ञु ननु मे इमस्मिं ठाने निसीदित्वा धम्मं देसयित्थ तुम्हे सोकसल्लं विनोदयित्थ. तुम्हे मय्हं सोकसल्लं नीहरित्थ. अहं तुम्हाकं सरणं गतो. इदानि पन मे पटिवचनम्पि न देथ भगवाति पुनप्पुन परिदेवित्वा ननु भगवा अहं अञ्ञदा एवरूपे काले तुट्ठे महाभिक्खुसङ्घपरिवारा जम्बुदीपतले चारिकं चरथाति सुणाम इदानि पन अहं तुम्हाकं अननुरूपं अयुत्तं पवत्तिं सुणामीति एवमादीनि च वत्ता सट्ठिमत्ताहि गाथाहि भगवतो गुणं अनुस्सरित्वा चिन्तेसि मम परिदेविते नेव न सिज्झति. दसबलस्स धातुयो आहरापेस्सामिति मल्लराजुनं दूतञ्च पण्णञ्च पाहेसि.

भगवापि खत्तियो, अहम्पि खत्तियो, अहम्पि अरहामि भगवतो सरीरानं थूपञ्च महञ्च कारेतुन्ति पेसेत्वा पन सचे दस्सन्ति सुण्दरं, नो चे दस्सन्ति आहरणुपायेन आहरिस्सामीति चतुरङ्गिनिं सेनं सन्नय्हित्वा सयम्पि निक्खन्तोयेव यथा च अजातसत्तु एवं वेसालियं लिच्छविराजानो कपिलवत्थुम्हि सक्यराजानो अल्लकप्पके बुलयो रामगामके कोळिया वेठदीपके ब्राह्मणो पावायञ्च मल्ला दूतं पेसेत्वा सयम्पि चतुरङ्गिनिया सेनाय निक्खमिंसुयेव तत्थ पाचेय्यका सब्बेहि आसन्नतरा कुसिनारातो ¶ तिगावुतन्तरे नगरे वसन्ति. भगवापि पावं पविसित्वा कुसिनारं गतो. महापरिहारा पनेते राजानो परिहारा कारेंन्ताव पच्छतो जाता. ते सब्बेपि सत्तनगरवासिनो आगत्त्वा अम्हाकं धातुयो वा देन्तु युद्धं वाति कुसिनारा नगरं परिवारयिंसु.

ततो मल्लराजानोएतदवोचुं-भगवाअम्हाकंगामक्खेत्ते परिनिब्बुतो, न मयं सत्थु सासनं पहिणिम्ह न गत्त्वा आनयिम्ह. सत्था पस सयमेव आगन्त्वा सासनं पेसेत्वा अम्हे पक्कोसपेसि तुम्हेपि खो पन यं तुम्हाकं गामक्खेत्ते रतनं उप्पज्जति न तं अम्हाकं देथ सदेवके लोके बुद्धरतनसमं रतनं नाम नत्थि, एवरूपं. उत्तमं रतनं लभित्वा मयं न दस्समाति एवं ते कलहं वड्ढेत्वा न खो पन तुम्हेहियेव मातु थनतो खिरं पीतं, अम्हेहिपि पीतं तुम्हेयेव पुरिसा अम्हे न पुरिसा होतु होतूति अञ्ञमञ्ञं अहंकारं कत्वा सासन पटिसासनं पेसेन्ता अञ्ञमञ्ञं मानगज्जितं गज्जिंसु युद्धे पन सति कोसिनारकानंयेव जयो अभविस्स, कस्मा धातुपासनत्थं आगता देवता तेसं पक्खाअहेसुं.

ततो दोणो ब्राह्मणो इमं विवादं सुत्वा एते राजानो भगवते परिनिब्बुतट्ठाने विविदं करोन्ति न खो पनेतं पतिरूपं अलं इमिना कलहेन चूपसमेस्सामि न न्ति उण्णतप्पदेसे ठत्वा द्वेभाणवारपरिमाणं दोणगज्जितं नाम अवोच तत्थ पट्ठमकभाणवारे ताव एकपदम्पि ते न जानिंसु दुतियक भाणवार परियोसाने’आचरियस्स विय भोसद्दो, आचरियस्स विय भो सद्दो’ति सब्बे नी रवा अहेसुं सकलजम्बुदीपतले किर कुलघरे जातो येभुय्येन तस्स न अन्तेवासिको नाम नत्थि अथ सो ते अत्तनो वचनं सुत्वा तुण्हीभूते विदित्वा पुन एतदवोच

‘‘सुणन्तु भोन्तो मम एकवाक्यं

अम्हाकं बुद्धो अहु खन्तिवादो,

न हि साधयं उत्तम पुग्गलस्स

सरीरभङ्गे सिया सम्पहारो

सब्बेव भोन्तो सहिता समग्गा

सम्मोदमाना करोमट्ठभागे,

वित्थारिका होन्तु दिसायु थूपा

बहुज्जनो चक्खुमतो पसन्नो’’ति;

तत्रायमत्थो ‘‘अम्हाकं बुद्धो अहु खन्तिवादो‘‘ति बुद्धभूमिं अप्पत्वापि पारमियो पूरेन्तो खन्तिवाद तापसकाले धम्मपालकुमार काले छद्दन्तहत्थिकाले भूरिदत्त नागराज काले चम्पेय्य ¶ नागराज काले सङ्खपाल नागराज काले महाकपिकाले अञ्ञेसुपि बहूसु जातकेसु परेसु कोपं अकत्वा खन्तिमेव अकासि. खन्तिमेव वण्णयि, किमङ्ग पन एतरहि इट्ठानिट्ठेसु तादिलक्खणं पत्तो सब्बथापि अम्हाकं बुद्धो खन्तिवादो अहोसि.

तस्स एवं विधस्स न हि साधय उत्तमपुग्गलस्स सरीरभङ्गे सिया सम्पहारो, ‘‘न हि साधयन्ति‘‘न हि साधु अयं, ‘‘सरीरभङ्गेति सरीर भङ्गनिमित्तं धातुकोट्ठासहेतूति अत्थो ‘‘सिया सम्पहारो‘‘ति आयुध सम्पहारो न हि साधु सियाति वुत्तं होति. ‘‘सब्बेव भोन्तो सहिता‘‘ति सब्बेव भवन्तो सहिता भोथ मा भिज्जित्थ. ‘‘समग्गाति‘‘ कायेन वाचाय च एकसन्निपाता एकवचना समग्गा भोथ ‘‘सम्मोदमाना‘‘ति चित्तेनापि अञ्ञमञ्ञं मोदमाना भोथ.’करोमट्ठभागे‘‘ति भगवता सरीरानि अट्ठभागे करोम. ‘‘चक्खुमतो‘‘ति पञ्चहि चक्खुही चक्खुता बुद्धस्स, न केवलं तुम्हेयेव बहुज्जनो पसन्नो तेसु एकोपि लद्धु अयुत्तो नाम नत्थिति बहुं कारणं वत्वा सञ्ञापेसि.

अथ सब्बेपि राजानो एवमाहंसु-तेन हि ब्राह्मण त्वञ्ञेव भगवतो सरीरानि अट्ठधा समं सुविभत्तं विभजाहीति. एवं भोति खो दोणो ब्राह्मणो तेसं राजूनं पटिस्सुत्वा धातुयो समं सुविभत्तं विभजि.

तत्रायमनुक्कमो दोणो किर तेसं पटिस्सुत्वा सुवण्णदोणिं विवरापेसि. राजानो आगन्त्वा दोणियं येवता सुवण्णवण्णा धातुयो दिस्वा भगवा सब्बञ्ञु पुब्बे मयं तुम्हाकं द्वत्तिंस लक्खण पतिमण्डितं छब्बण्णबुद्धरस्मिखचितं सुवण्णवण्णं सरीरं अद्दसाम इदानि पन सुवण्णवण्णा धातुयोव अवसिट्ठा जाता, न युत्तमिदं भगवा तुम्हाकन्ति परिदेविंसु. ब्राह्मणो तस्मिं समये तेसं पमत्तभावं ञत्वा दक्खिणदाठं गहेत्वा वेठन्तरे ठपेसि अथ पच्छा समं सुविभत्तं विभजि. सब्बापि धातुयो पाकतिक नाळिया सोळस नाळियो अहोसुं. एकेक नगरवासिनो द्वे द्वे नाळियो लभिंसु.

ब्राह्मणस्स पन धातुयो विभजन्तस्सेव सक्को देवानमिन्दो केन नु खो सदेवकस्स लोकस्स कङ्खाच्छेदनाय चतुसच्चकथाय पच्चयभूता भगवतो दक्खिणदाठा गहिताति ओलोकेन्तो ब्राह्मणेन गहिताति दिस्वा ब्राह्मणो दाठाय अनुच्छविकं सक्कारं कातुं न सक्खिस्सति गण्हामि नन्ति वेठन्तरतो गहेत्वा सुवण्ण चङ्गोटके ठपेत्वा देवलोकं नेत्वा चुळामणी ¶ चेतिये पतिट्ठापेसि ब्राह्मणोपि धातुयो विभजित्वा दाठं अपस्सन्तो केन मे ठा गहिताति पुच्छितुम्पि नासक्खि. ननु तया धातुयो विभजिता, किं त्वं पठमंयेव अत्तनो धातूहि अत्थिभावं न अञ्ञासीति, अत्तनि दोसारोपनं सम्पस्समानो मय्हम्पि कोट्ठासं देथाति वत्तुम्पि नासक्खि.

ततो अयं सुवण्णकुम्भोपि धातुगतिकोयेव येन तथागतस्स धातुयो मिनिता. इमस्साहं थूपं करिस्सामीति चिन्तेत्वा इमं मे भोन्तो कुम्भं ददन्तूति आह ततो राजानो ब्राह्मणस्स कुम्भमदंसु पिप्फलिवनियापि खो मोरिया भगवतो परिनिब्बुतभावं सुत्वा भगवापि खत्तियो, मयम्पि खत्तियो मयम्पि, अरहाम लभितुं भगवतो सरीरानं भागन्ति दूतं पेसेत्वा युद्ध सज्जा निक्खमित्वा आगता तेसं राजानो एवमाहंसु - नत्थि भगवतो सरीरानं भागो, विभत्तानि भगवतो सरीरानि इतो अङ्गारं गरथाति. ते ततो अङ्गारं हरिंसु.

अथ खो राजा अजातसत्तु कुसिनाराय च राजगहस्स च अन्तरे पञ्चवीसति योजनमग्गं अट्ठ उसभवित्थतं समतलं कारेत्वा सादिसं मल्लराजानो मकुटबण्धनस्स च सन्थागारस्स च अन्तरे पूजं कारेसुं तादिसं पञ्चवीसतियोजनेपि मग्गे पूजा कारेत्वा लोकस्स अनुक्कण्ठनत्थं सब्बत्थ अन्तरापणे पसारेत्वा सुवण्णदोणियं पक्खित्तधातुयो सत्तिपञ्जरेन परिक्खिपापेत्वा अत्तनो विजिते पञ्चयोजनसत परिमण्डले मनुस्से सन्निपातापेसि.

ते धातुयो गहेत्वा कुसिनारातो धातुकीळं कीळन्ता निक्खमित्वा यत्थ यत्थ वण्णवन्तानि पुप्फानि पस्सन्ति, तत्थ तत्थ धातुयो सत्ति अन्तरे ठपेत्वा तेसं पुप्फानं खीणकाले गच्छन्ति. रथस्स धुरट्ठानं पच्छिमट्ठाने सम्पत्ते सत्त दिवसे साधुकीळं कीळन्ति एवं धातुयो गहेत्वा आगच्छन्तानं सत्तवस्सानि सत्तमासानि सत्त च दिवसानि वितिवत्तानि मिच्छादिट्ठिका समणस्स गोतमस्स परिनिब्बुत कालतो पट्ठाय बलक्कारेन साधुकीळिकाय उपद्दुतम्हा, सब्बे नो कम्मन्ता नट्ठाति उज्झायन्ता मनं पदूसेत्वा छळासीतिसहस्समत्ता अपाये निब्बत्ता, खीणासव आवज्जित्वा महाजनो मनं पदूसेत्वा अपाये निब्बत्तोति सक्कं देवराजानं दिस्वा धातु आहरणुपायं करिस्सामाति तस्स सन्तिकं गन्त्वा तमत्थं आरोचेत्वा धातु आहरणुपायं कारोहि महाराजाति आहंसु. सक्को आह ‘‘पुथुज्जनो नाम अजातसत्तुना समो सद्धो नत्थि, न सो मम वचनं करिस्सति अपि च खो मारविभिसकसदिसं विभीसकं दस्सेस्सामि यक्ख गाहक खिपनक अरोचके करिस्सामि तुम्हे ¶ ’महाराज अमनुस्सा कुपिता, धातुयो आहरापेथाति’. वदेय्याथ एवं सो आहरापेस्सतीति. अथ खो सक्को तं सब्बं अकासि.

थेरापि राजानं उपसङ्कमित्वा महाराज अमनुस्सा कुपितं, धातुयो आहरापेहीति भणिंसु राजा न ताव भन्ते मय्हं चित्तं तुस्सति. एवं सन्तेपि आहरतूति आह सत्तमे दिवसे धातुयो आहरिंसु. एवं आहतधातुयो गहेत्वा राजा राजगहे थुपमकासि इतरेपि राजानो अत्तनो अत्तनो बलानुरूपेन नीहरित्वा सकसकट्ठाने थूपमकंसु. दोणिपि ब्राह्मणो पिफ्फलीवनियापि मोरिया सकसकट्ठाने थूपमकंसूति.

एको थूपो राजगहे - एको वेसालिया पुरे,

एको कपिलवत्थुस्मिं - एको च अल्लकप्पके;

एको थूपो रामगामे - एको च वेठदीपके,

एको पाचेय्यके मल्ले - एको च कुसिनारके;

ये ते सारीरिका थूपा - जम्बुवदीपे पतिट्ठिता;

अङ्गारकुम्भथूपेहि - दस थूपा भवन्ति ते;

दसापि थूपा पुरिसुत्तमस्स ये-

यथानुरूपं नरराज पूजिता,

सब्बेन लोकेन सदेवकेन ते-

नमस्सनेय्याच भवन्ति सब्बदाति;

दसथूपकथा

१०. एवं पतिट्ठितेसु पन थूपेसु महाकस्सपत्थेरो धातूनं अन्तरायं दिस्वा अजातसत्तुं उपसङ्कमित्वा महाराज एकं धातुनिधानं कातुं वट्टतिति आह साधु भन्ते निधानकम्मं ताव मम होतु, धातुयो पन कथं आहरापेमिति. न महाराज धातु आहरणं तुय्हं भारो, अम्हाकं भारोति. साधु भन्ते तुम्हे धातुयो आहरथ. अहं धातुनिधानं करिस्सामीति. थेरो तेसं तेसं राजकुलानं परिचरणमत्तकमेव ठपेत्वा सेसेधातुयो आहरि.

रामगामे पन धातुयो नागा गण्हिंसु तासं अन्तरायो नत्थि, अनागते लङ्कादीपे महाविहारे महाचेतियम्हि निधियिस्स नीति. ता न आहरित्थ, सेसेहि सत्तहि नगरेहि आहरित्वा राजगहस्स पाचीन दक्खिन दिसाभागे ठपेत्वा इमस्मिं ठाने यो पासाणो अत्थि, सो अन्तरधायतु, पंसु सुविसुद्धा होतु, उदकञ्च मा उट्ठहतूति अधिट्ठासि.

राजा ¶ तं ठानं खणापेत्वा ततो उद्धट पंसुना इट्ठिका कारेत्वा असीति महासावकानं थूपे कारेति इध राजा किं कारेहीति पुच्छन्तानम्पि महासावकानंचेतिया नीति वदन्ति न कोचि धातुनिधानभावं जानाति असीतिहत्थगम्भीरे पन तस्मिं पदेसे जाते हेट्ठा लोभसत्थरं सत्थरापेत्वा तत्थ थूपारामे चेतिय घरप्पमाणं तम्बलोहमयं गेहं कारापेत्वा अट्ठट्ठ हरि चण्दनादिमये करण्डे च थूपे च कारापेसि.

अथ खो भगवतो धातुयो हरिचण्दन करण्डे पक्खिपित्वा तं हरिचण्दनं करण्डं अञ्ञस्मिं हरिचण्दन करण्डे तम्पि अञ्ञस्मिन्ति एवं अट्ठ हरिचण्दन करण्डे एकतो कत्वा एतेनेव उपायेन अट्ठ करण्डे अट्ठसु हरिचण्दन थूपेसु अट्ठ हरिचण्दनथूपे अट्ठसु लोहितचण्दन करण्डेसु, अट्ठ लोहितचण्दनकरण्डे अट्ठसु लोहितचण्दनथूपेसु, अट्ठलोहित चण्दनथूपे अट्ठसु दन्तकरण्डेसु, अट्ठ दन्तकरण्डे अट्ठसु दन्तथूपेसु, अट्ठदन्तथूपे अट्ठसुसब्ब रतनकरण्डेसु, अट्ठ सब्ब रतनकरण्डे अट्ठसु सब्बरतनथूपेसु, अट्ठ सब्बरतन थूपे अट्ठसु सुवण्णकरण्डेसु. अट्ठसुवण्णकरण्डे अट्ठसु सुवण्णथूपेसु, अट्ठसुवण्णथूपे अट्ठसुरजतकरण्डेसु, अट्ठ रजतकरण्डे अट्ठसु रजतथूपेसे अट्ठ रजतथूपे अट्ठसु मणिकरण्डेसु अट्ठमणिकरेण्डअट्ठसुवण्णथूपेसु, अट्ठ मणिथूपे अट्ठसु लोहितङ्क करण्डेसु, अट्ठलोहितङ्क करण्डे अट्ठसु लोहितङ्कथूपेसु, अट्ठ लोहितङ्कथूपे अट्ठसु मसारगल्लथूपेसु, अट्ठ मसारगल्लथूपे अट्ठसु फलिक करण्डेसु, अट्ठ फळिक करण्डे अट्ठसु फळिकथूपेसु पक्खिपि सब्ब उपरिमं फळिकचेतियं थूपाराम चेतियप्पमाणं अहोसि.

तस्स उपरिसब्बरतनमयं गेहं कारेसि तस्स उपरि सुवण्णमयं, तस्स उपरि रजतमयं, तस्स उपरि तम्बलोहमयं गेहं कारेसि तत्थ सब्बरतनमयं वालुकं ओकिरित्वा जलज थलज पुप्फानं सहस्सानि विप्पकिरित्वा अद्धच्छट्ठानि जातकसतानि आसीति महाथेरे सुद्धोदन महाराजानं महामायादेविं सत्त सहजाते सब्बानेतानि सुवण्णमयानेव कारेसि पञ्चपञ्चसते सुवण्णरजतमये पुण्णघटे ठपापेसि पञ्चसुवण्णधजसते पञ्चसते सुवण्णदीपके च कारापेत्वा सुगण्धतेलस्स पूरेत्वा तेसु दुकूलवट्टियो ठपेसि.

अथायस्मा महाकस्सपो माला मा मिलायन्तु. गण्धा मा विनस्सन्तु, दीपा मा विज्झायन्तूति अधिट्ठहित्वा सुवण्णपट्टअक्खरानि छिण्दापेसि. अनागते पियदासो नाम कुमारो छत्तं उस्सापेत्वा ¶ असोको नाम धम्मराजा भविस्सति सो इमं धातुयो वित्थारिका करिस्सतीति राजा सब्बपसाधनेहि पूजेत्वा आदितो पट्ठाय द्वारं पिदहन्तो निक्खमि तम्बलोहद्वारं पिदहित्वा आविञ्जन रज्जुयं कुञ्चिकमुद्दिकं बण्धि तत्थेव महन्तं मणिक्खण्धं ठपेसि अनागते दळिद्दराजानो इमं मणिं गहेत्वा धातूनं सक्कारं करोन्तूति अक्खरानि छिण्दापेसी.

सक्को देवराजा विस्सकम्मं आमन्तेत्वा’तात, अजातसत्तुना धातुनिधानं कतं. एत्थ आरक्खं ठपेहि’ति पहिणि सो आगन्त्वा वाळसङ्घाटयन्तं योजेसि. कट्ठरूपकानि तस्मिं धातुगब्भे फळिकवण्ण खग्गे गहेत्वा वातसदिसेन वेगेन अनुपरियायन्तं योजेत्वा एकाय एव आणिवा बण्धित्वा समन्ततो गिञ्जक वसथाकारेन सिलापरिक्खेपं कत्वा उपरि एकाय पिदहित्वा पंसुं पक्खिपित्वा भूमिं समं कत्वा तस्सुपरि पासाणथूपं पतिट्ठापेसि.

धातुनिधान कथा

११. एवं निट्ठिते धातुनिधाने यावतायुकं ठत्वा थेरो परिनिब्बुतो, राजापि यथाकम्मं गतो, तेपि मनुस्सा कालकता, अपरभागे पियदासो कुमारो छत्तं उस्सापेत्वा असोको नाम धम्म राजा हुत्वा ता धातुयो गहेत्वा जम्बुदीपे चतुरासीतिया चेतिय सहस्सेसु पतिट्ठापेसि. कथं बिण्दुसारस्स किर एकसतं पुत्ता अहेसुं ते सब्बे असोको अत्तना सद्धिं एकमातिकं तिस्स कुमारं ठपेत्वा घातेसि. घातेन्तो चत्तारि वस्सानि अनभिसित्तो रज्जं कारेत्वा चतुन्नं वस्सानं अच्चयेन तथागतस्स परिनिब्बानतो द्विन्नं वस्ससतानं उपरि अट्ठारसमे वस्से सकलजम्बुदीपे एकरज्जाभिसेकं पापुणि.

अभिसेकानुभावेन इमा राजिद्धियो आगता महापथविया हेट्ठा योजनप्पमाणे आणा पवत्ति, तथा उपरि आकासे, अनोतत्तदहतो अट्ठहि काजेहि सोळस पानीयघटे दिवसे दिवसे देवता आहरन्ति. यतो सासने उप्पन्नसद्धो हुत्वा अट्ठ घटे भिक्खुसङ्घस्स अदासि द्वे घटे सट्ठिमत्तानं तिपिटक भिक्खुनं द्वेघटे अग्गमहेसिया असण्धिमित्ताय चत्तारो घटे अत्तना परिभुञ्जि. देवता एव हिमवन्ते नागलता दन्तकट्ठ नाम अत्थि सिनिद्धा मुदुकं रसवन्तं, तं दिवसे दिवसे आभिरन्ति येन रञ्ञो च अग्गमहेसिया च सोळसन्नं नाटकसहस्सानं सट्ठिमत्तानं भिक्खुसहस्सानं देवसिकं दन्तपोणकिच्चं निप्फज्जि.

देवसिकमेवस्स ¶ देवता अगदामलकं अगदहरीटकं सुवण्णवण्णञ्च गण्धसम्पन्नं अम्बपक्कं आहरन्ति तथा छद्दन्त दहतो पञ्चवण्णं निवासन पारुपणं, पीतकवण्णं हत्थपुञ्छनक पट्टंदिब्बञ्चजानकं आहरन्ति देवसिकमेव पनस्स अनुलेपगण्धं पारुपनत्थाय असुत्तमयिकं सुमनपुप्फपटं महारहञ्च अञ्जनं नागभवनतो नागराजानो आहरन्ति. छद्दन्तदहेयेव उट्ठितस्स सालिनो नव चाह सहस्सानि दिवसे दिवसे सुवा आहरन्ति. मूसिका नित्थुस कणे करोन्ति एकोपि खण्डतण्डुलो न होति. रञ्ञो सब्बट्ठानेसु अयमेव तण्डुलो परिभोगं गच्छति. मधुमक्खिका मधुं करोन्ति. कम्मारसालासु अच्छा कूटं पहरन्ति. दीपिका चम्मानि चालेन्ति करवीक सकुणा आगत्त्वा मधुरस्सरं विकुजेन्ता रञ्ञो बलिकम्मं करोन्ति.

इमाहि इद्धीहि समन्नागतो राजाएक दिवसं सुवण्ण सङ्खलिक बण्धनं पेसेत्वा चतुन्नं बुद्धानं अधिगत रूपदस्सनं कप्पायुकं महाकाळ नागराजानं आनयित्वा सेतच्छत्तस्स हेट्ठा महारहे पल्लङ्के निसीदापेत्वा अनेक सतवण्णेहि जलज थलज पुप्फेहि सुवण्णपुप्फेहि च पूजं कत्वा सब्बालङ्कार पतिमण्डितेहि च सोळसहि नाटक सहस्सेहि समन्ततो परिक्खिपित्वा अनन्तञाणस्स ताव मे सद्धम्मवर चक्कवत्तिनो सम्मासम्बुद्धस्स रूपं इमेसं अक्खीनं आपाथं करोहीति निब्बत्तासीति अनुब्यञ्जन पतिमण्डितं द्वत्तिंस महा पुरिस लक्खण सस्सिरीकताय विकसित कमलुप्फल पुण्डरीक पतिमण्डितमिव सलिलतलं तारागणरंसिजाल विसरविप्फुतसोभासमुज्जलमिवगगनतलं नील-पीत-लोहितादि भेद विचित्तवण्णरंसि विनद्ध ब्यामप्पभा परिक्खेप विलासिताय सञ्झप्पभानुराग इण्दधनु विज्जुल्लता परिक्खित्तमिव कनकगिरि सिखरं नानाविराग विमलकेतुमाला समुज्जलितचारुमत्थकसोभं नयनरसायनमिव ब्रह्मदेव-मनुज नाग-यक्ख गणानं बुद्धरूपं पस्सन्तो सत्तदिवसं अक्खिपूजं नाम अकासि

राजा किर अभिसेकं पापुणित्वा तीणियेव संवच्छरानि बाहिरक पासण्डं परिगण्हि चतुत्थे संवच्छरे बुद्धसासने पसीदिनं ब्राह्मण जातिय पासण्डानञ्च पण्डरङ्ग परिब्बाजकानञ्च सट्ठिसहस्समत्तानं निच्चभत्तं पट्ठपेसि.

असोको पितरा पवत्तितं दानं अत्तनो अन्तेपुरे तथेव ददमानो एकदिवसं सीहपञ्जरे ठितो उपसम परिबाहिरेन आचारेन ¶ भुञ्जमाने असंयतिण्द्रिये अविनित इरियापथे दिस्वा चिन्तेसि ईदिसं दानं उपपरिक्खित्वा युत्तट्ठाने दातुं वट्टतिति एवं चिन्तेत्वा अमच्चे आह. गच्छथ भणे अत्तनो अत्तनो साधुसम्मते समण ब्राह्मणे अन्तेपुरं अतिहरथ, दानं दस्सामाति अमच्चा साधु देवाति रञ्ञो पटिस्सुत्वा ते ते पण्डरङ्ग परिब्बाजकाजीवक निगण्ठादयो आनेत्वा इमे महाराज अम्हाकं अरहन्तोति आहंसु.

अथ राजा अन्तेपुरे उच्चावचानि आसनानि पञ्ञापेत्व आगच्छन्तूति वत्वा आगतागते आह अत्तनो अत्तनो अनुरूपे आसने निसीदथाति एकच्चे भद्दपीठके एकच्चे फलकपीठकेसे निसीदिंसु. तं दिस्वा राजा नत्थि एतेसं अन्तेसारोति ञत्वा तेसं अनुरूपं खादनीयं भोजनीयं दत्वा उय्योजेसि.

एवं गच्छन्ते काले एक दिवसं सीहपञ्जरे ठितो अद्दस निग्रोध सामणेरं राजङ्गणेन गच्छन्तं दन्तं गुत्तं सन्तिन्द्रियं इरियापथ सम्पन्नं. को पनायं निग्रोधो नाम, बिण्दुसार रञ्ञो जेट्ठपुत्तस्स सुमनराज कुमारस्स पुत्तो. तत्रायं आनुपुब्बी कथा-बिण्दुसार रञ्ञो किर दुब्बलकालेयेव असोक कुमारो अत्तना लद्धं उज्जेनिरज्जं पहाय आगन्त्वा सब्बं नगरं अत्तनो हत्थगतं कत्वा सुमन राजकुमारं अग्गहेसि.

तं दिवसमेव सुमनस्स राजकुमारस्स सुमना नाम देवी परिपुण्णगब्भा अहोसि. सा अञ्ञातकवेसेन निक्खमित्वा अविदूरे अञ्ञतरं चण्डालगामं सन्धाय गच्छन्ति, जेट्ठक चण्डालस्स गेहतो अविदूरे एकस्मिं निग्रोध रुक्खे अधिवत्थाय देवताय इतो सुमनेति वहन्तिया सद्दं सुत्वा तस्सा समीपं गता देवता अत्तनो आनुभावेन एकं सालं निम्मिणित्वा एत्थ वसाहिति पदासि. सा तं सालं पाविसि. गतदिवसेयेव पुत्तं विजायि.

सा तस्स निग्रोध देवताय परिग्गहितत्ता निग्रोधोत्वेव नामं अकासि. जेट्ठक चण्डालो दट्ठदिवसतोप्पभूति तं अत्तनो सामिधीतरं विय मञ्ञमानो निबद्धं वट्टं पट्ठपेसि. राजधीता तत्थ सत्त वस्सानि वसि. निग्रोधकुमारोपि सत्तवस्सिको जातो तदा महावरुणत्थेरो नाम एको अरहा दारकस्स हेतुसम्पदं दिस्वा विहरमानो सत्तवस्सिकोदानि दारको कालो नं पब्बाजेतुन्ति चिन्तेत्वा राजधीतया आरोचापेत्वा निग्रोधकुमारं पब्बाजेसि. कुमारो खुरग्गेयेव अरहत्तं पापुणि. सो एकदिवसं पातोव सरीरं पटिजग्गित्वा आचरियुपज्झानं ¶ वत्तं कत्वा पत्तचीवरमादाय मातुउपासिकाय गेहद्वारं गच्छामीति निक्खमि मातु निवेसनट्ठानञ्चस्स दक्खिणद्वारेन नगरं पविसित्वा नगरमज्झेन गन्त्वा पाचीनद्वारेन निक्खमित्वा गन्तब्बं होति तेन च समयेन असोको धम्मराजा पाचीन दिसाभिमुखो सीहपञ्जरे चङ्कमति.

तं खणंयेव सिग्रोधो सामणेरो राजङ्गणं पापुणि सन्तिन्द्रियो सन्तमानसो युगमत्तं पेक्खमानो. तेन वुत्तं. एकदिवसं सीहपञ्जरे ठितो अद्दस निग्रोधसामणेरं राजङ्गणेन गच्छन्तं दन्तं गुत्तं सन्तिन्द्रियं इरियापथ सम्पन्नन्ति. दिस्वा पनस्स एतदहोसि? अयं जनो सब्बोपि विक्खित्तचित्तोहन्तमगपटिभागो, अयम्पन दारको अविक्खित्तचित्तो अतिवियस्स अलोकित विलोकितं सम्मिञ्जन पसारणञ्च सोभति, अद्धा एतस्स अब्भन्तरे लोकुत्तरधम्मो भविस्सतीति रञ्ञो सहदस्सनेनेव सामणेरे चित्तं पसीदि. पेमं सण्ठहि कस्मा? पुब्बे किर पुञ्ञ करणकाले एस रञ्ञो जेट्ठभाता वाणिजको अहोसि.

अथ राजा सञ्जातपेमो सबहुमानो सामणेरं पक्कोसथाति अमच्चे पेसेसि अतिचिरायतीति पुन द्वे तयो पेसेसि तुरितं आगच्छतूति सामरणेरो अत्तनो पकतिया एव अगमासि राजा पतिरूपासनं ञत्वा निसीदथाति आह. इतो चितो च ओलोकेत्वा नत्थिदानि अञ्ञो भिक्खुति समुस्सित सेतच्छत्तं राजपळ्लङ्कं उपसङ्कमित्वा पत्तगहणत्थाय रञ्ञो आकारं दस्सेसि. राजा तं पल्लङ्कं समीपं गच्छन्तं दिस्वा एवं चिन्तेसि. अज्जेवदानि अयं सामणेरो इमस्स गेहस्स सामिको भविस्सति. सामणेरो रञ्ञो हत्थे पत्तं दत्वा पल्लङ्कं अभरुहित्वा निसीदि.

राजा अत्तनो अत्थाय सम्पादितं सब्बं यागु-कज्जक भत्त विकतिं उपनामेसि. सामणेरो अत्तनो यापनमत्तमेव सम्पटिच्छि. भत्तकिच्चावसाने राजा आह सत्थारा तुम्हाकं दिन्नोवादं जानाथाति जानमि महाराज एकदेसेनाति. तात, मय्हम्पि नं कथेहीति साधु महाराजाति रञ्ञो अनुरूपं धम्मपदे अप्पमाद वग्गं अनुमोदनत्थाय अभासि.

राजा पन अप्पमादो अमतपदं, पमादो मच्चुनो पदन्ति सुत्व च, अञ्ञातं तात परियोसापेहीति आह अनुमोदनावसाने द्वत्तिंस धुरभत्तानि लभित्वा पुन दिवसे द्वत्तिंस भिक्खु गहेत्वा राजन्तेपुरं पविसित्वा भत्तकिच्चमकासि राजा अञ्ञेपि द्वत्तिंस भिक्खु तुम्हेहि सद्धिंयेव भिक्खं गण्हन्तूति एतेनेव उपायेन दिवसे दिवसे वड्ढापेन्ते सट्ठि ¶ सहस्सानं ब्राह्मण परिब्बाजकानं भत्तं उपच्छिण्दित्वा अन्तो निवेसने सट्ठिसहस्सानं भिक्खुनं निच्चभत्तं पट्ठपेसि, निग्रोधत्थेर गतेनेव पसादेन, निग्रोधत्थेरोपि राजानं सपरिसं तीसु सरणेसु पञ्चसु च सीलेसु पतिट्ठापेत्वा बुद्धसासने पोथुज्जनिकेन पसादेन अचलप्पसादं कत्वा पतिट्ठापेसि.

पुन राज असोकारामं नाम महाविहारं कारपेत्वा सट्ठिसहस्सानं भिक्खूनं भत्तं पट्ठपेसि. सकलजम्बुदीपे चतुरासीतिया नगरसहस्सेसु चतुरासीति विहारसहस्सानि कारापेसि. चतुरासीति चेतियसहस्स पतिमण्डितानि धम्मेनेव नो अधम्मेन, एकदिवसं किर राजा असोकारामे महादानं दत्वा सट्ठिसहस्स सङ्खस्स भिक्खुसङ्घस्स मज्झे निसज्ज सङ्घं चतूहि पव्चयेहि पवारेत्वा इमं पञ्हं पुच्छि भन्ते भगवतो देसित धम्मो नाम कित्तको होतीति. महाराज नव अङ्गानि, खण्दतो चतुरासीति धम्मक्खण्ध सहस्सानीति.

राजा धम्मे पसीदित्वा एकेकं धम्मक्खण्धं एकेकेन विहारेन पूजेस्सामीति एकदिवसमेव छन्नवुति कोटिधनं विस्सज्जेत्वा अमच्चे आणापेसि. एथ भणे एकेकस्मिं नगरे एकमेकं विहारं कारेन्ता चतुरासीतिया नगरसहस्सेसु चतुरासीति विहारसहस्सानि कारापेथाति सयञ्च असोकारामे असोक महाविहारत्थाय कम्मं पट्ठपेसि.

सङ्घो इण्दगुत्तत्थेरं नाम महिद्धियं महानुभावं खीणासवं नवकम्माधिट्ठायकं अदासि. थेरो यं यं न निट्ठाति तं तं अत्तनो आनुभावेन निट्ठापेसि. एवं तीहि संवच्छरेहि विहारकम्मं निट्ठापेसि. एकदिवसमेव सब्बनगरेहि पण्णानि आगमिंसु अमच्चा रञ्ञो आरोचेसुं. निट्ठितानि देव चतुरासीति विहारसहस्सानीति अथ राजा भिक्खुसङ्घं उपसङ्कमित्वा भन्ते मया चतुरासीति विहारसहस्सानि कारितानि धातुयोकुतो लभिस्सामीति पुच पुच्छि.

महाराज धातुनिधानं नाम अत्थीति सुणोम. न पन पञ्ञायति असुकाट्ठानेति राजा राजगहे चेतियं भिण्दापेत्वा धातुं अपस्सन्तो पटिपाकतियं कारेत्वा भिक्खु-भिक्खुनियो-उपासक-उपासिकायोति चतस्सो परिसा गहेत्वा वेसालिं गतो. तत्रापि अलभित्वा कपिळवत्थुं, तत्रापि अलभित्वा रामगामं गतो, रामगामे नागा चेतियं भिण्दितुं न अदंसु. चेतिये निपतित कुद्दालो खण्डाखण्डं होति एवं तत्रापि अलभित्वा अल्लकप्पं-पावं-कुसिनारन्ति सब्बत्थ चेतियाति भिण्दित्वा धातुं अलभित्वा पटिपाकतिकानि ¶ कत्वा राजगहं गन्त्वा चतस्सो परिसा सन्निपातेत्वा अत्थि केनचि सुतपुब्बं असुकट्ठाने नाम धातु निधानन्ति पुच्छि.

तत्थेको विसंवस्स सतिको थेरो असुकट्ठाने धातुनिधानन्ति न जानामि. मय्हं पन पितामहत्थेरो मयि सत्तवस्सिककाले मालाचङ्गोटकं गाहापेत्वा एहि सामणेर, असुक गच्छन्तरे पासानथूपो अत्थि, तत्थ गच्छामाति गन्त्वा पूजेत्वा इमं ठानं उपधारेतुं वट्टति सामणेरोति आह. अहं एत्तकमेव जानामि महाराजाति आह.

राजा एतदेव ठानन्ति वत्वा गच्छे हरापेत्वा पासाणथूपं पंसुञ्च अपनेत्वा हेट्ठा सुधाभूमिं अद्दस. ततो सुधञ्च इट्ठकायो च हरापेत्वा अनुपुब्बेन परिवेणा ओरुय्ह सत्त रतनवालिकं असीति हत्थानि च कट्ठरूपानि सम्परिवत्तन्तानि अद्दस. सो यक्ख दासके पक्कोसापेत्वा बलिकम्मं कारेत्वापि नेव अन्तं न कोटिं पन्नन्तो देवता नमस्समानो अहं इमा धातुयो गहेत्वा चतुरासीतिया विहारसहस्सेसु निदहित्वा सक्कारं करोमि मा देवता अन्तरायं करेन्तूति आह.

सक्को देवराजा चारिकं चरन्तो तं दिस्वा विस्सकम्मं आमन्तेत्वा आह. तात, असोको धम्मराजा धातुयो नीहरिस्सामीति परिवेणं ओतिण्णो, गन्त्वा कट्ठरूपानि हारेहीति सो पञ्चचूळगाम दारकवेसेनागन्त्वा रञ्ञो पुरतो धनुकहत्थो ठत्वा हारेमि महाराजाति आह. हर ताताति. सरं गहेत्वा सन्धिम्हियेव विज्झि, सब्बं विप्पकिरीयित्थ.

अथ राजा आचिञ्जने बद्ध कुञ्चिक मुद्दिकं गण्हि, मणिक्खण्धं पस्सि, अनागते दळिद्दराजानो इमं मणिं गहेत्वा धातूनं सक्कारं करोन्तूति पन अक्खरानि दिस्वा कुज्झित्वा मादिसं नाम राजानं दळिद्दराजाति चत्तु युत्तन्ति पुनप्पुन घटेत्वा द्वारं विचरित्वा अन्तोगेहं पविट्ठो. अट्ठारस वस्साधिकानं द्विन्नं वस्ससतानं उपरि आरोपितदीपा तथेव पज्जलन्ति निलुप्पल पुप्फानि तं खणं आहरित्वा आरोपितानि विय, पुप्फसण्थरो तं खणं सन्थतो विय, गण्धा तं मुहुत्तं पिंसित्वा ठपिता विय.

राजा सुवण्णपट्टं गहेत्वा अनागते पियदासोनाम कुमारो छत्तं उस्सापेत्वा असोको नाम धम्मराजा भविस्सति सो इमा धातुयो गहेत्वा वित्थारिका करिस्सतीति वाचेत्वा दिट्ठो’हं अय्योन महाकस्सपत्थेरेनाति वत्वा वामहत्थं आभुजित्वा दक्खिणहत्थेन अप्पोठेसि.

सो तस्मिं ठाने परिचरणक धातुमत्तकमेव ठपेत्वा सेसधातुयो सब्बा गहेत्वा धातुघरं पुब्बे पिहितनयेनेव पिदहित्वा ¶ सब्बं यथा पकतियाव कारेत्वा उपरि पासाणचेतियं पतिट्ठापेत्वा चतुरासीतिया विहारसहस्सेसुधातुयो पतिट्ठापेसि एवं जम्बुदीपतले असोको धम्मराजा चतुरासिति चेतिय सहस्सानि कारापेसि.

सब्बे थूपा सब्बलोकेकदीपा सब्बेसं ये सग्गमोक्खावहा च, हित्वा सब्बं किच्चमञ्ञं जनेन वण्दय्या ते सब्बथा सब्बकालन्ति.

चतुरासीति सहस्स थूपकथा

१२. एवं असोको धम्मराजा चतुरासीति विहारसहस्समहं कत्वा महाथेरो वन्दित्वा पुच्छि दायादोम्हि भन्ते बुद्धसासने’ति. किस्स दायादो त्वं महाराज, बाहिरको त्वं सासनस्साति. भन्ते छन्नवुतिकोटिधनं विस्सज्जेत्वा चतुरासीति विहारसहस्सानि सचेतियानि कारापेत्वा अहं न दायादो, अञ्ञे को दायादोति, पच्चय दायको नाम त्वं महाराज, यो पन अत्तनो पुत्तञ्च धीतरञ्च पब्बाजेति, अयं सासने दायादो नामाति.

एवं वुत्ते असोको राजा सासने दायादभावं पत्थयमानो अविदूरे ठितं महिण्दकुमारं दिस्वा सक्खिस्ससित्वं तात पब्बजितुन्ति आह. कुमारो पकतिया पब्बजितुकामो रञ्ञो वचनं सुत्वा अतिविय पामोज्जजातो पब्ब्जामि देव, मं पब्बाजेत्वा सासने दायादो होथाति आह तेन च समयेन राजधीता सङ्घमित्तापि तस्मिं ठाने ठिता होति तं दिस्वा आह-’त्वम्पि अम्म पब्बजितुं सक्खिस्ससी’ति, साधु ताताति सम्पटिच्छि. राजा पुत्त न मनं लभित्वा पहट्ठचित्तो भिक्खुसङ्घं उपसङ्कमित्वा भन्ते इमे दारके पब्बाजेत्वा मं सासने दायादं करोथाति सङ्घो रञ्ञो वचनं सम्पटिच्छित्वा कुमारं मोग्गलिपुत्त तिस्सत्थेरेन उपज्झायेन महादेवत्थेरेन च आचरियेन पब्बज्जापेसि. मज्झन्तिकत्थेरेन आचरियेन उपसम्पादेसि उपसम्पदामालकेयेव सहपटिसम्भिदाहि अरहत्तं पापुणि.

सङ्घमित्तायपि राजधीताय आचरिया आयुपालत्थेरि नाम, उपज्झाया पन धम्मपालत्थेरी नाम अहोसि. अथ महिण्दत्थेरो उपसम्पन्न कालतोप्पभूति अत्तनो उपज्झायस्सेव सन्तिके धम्मञ्च विनयञ्च परियापुणन्तो द्वेपि सङ्गितियो आरुळ्हं तिपिटक सङ्गहीतं साट्ठकथं थेरवादं तिण्णं वस्सानं अब्भन्तरे उग्गहेत्वा अत्तनो उपज्झायस्स अन्तेवासिकानं सहस्समत्तानं भिक्खूनं पामोक्खं अहोसि.

तेन ¶ खो पन समयेन मोग्गलिपुत्ततिस्सत्थेरो कत्थ नु खो अनागते सासनं सुप्पतिट्ठितं गवेय्याति उपपरिक्खन्तो पच्चन्तिमेसु जनपदेसु सुप्पतिट्ठितं भविस्सतीति ञत्वा तेसं तेसं भिक्खूनं भारं कत्वा ते ते भिक्खु तत्थ तत्थ पेसेसि.

मज्झन्तिकत्थेरं कस्मीर गण्धार रट्ठंपेसेसि त्वं एतं रट्ठं गन्त्वा तत्थ सासनं पतिट्ठापेहीति महादेवत्थेरं तथेव वत्वा महिंसकमण्डलं पेसेसि. रक्खितत्थेरंवनवासीं, योनकधम्मरक्खितत्थेरं अपरन्तकं, महाधम्मरक्खितत्थेरं महारट्ठं महारक्खितत्थेरं योनक लोकं. मज्झिमत्थेरं हिमवन्तदेस भागं, सोणत्थेरं-उत्तरत्थेरञ्च सुवण्णभूमिं. अत्तनो सद्धिविहारिकं महिण्दत्थेरं इट्टियत्थेरेन उत्तियत्थेरेन भद्दसालत्थेरेन सम्बलत्थेरेन च सद्धिं तम्बपण्णिदीपं गन्त्वा एत्थ सासनं पतिट्ठापेथाति. सब्बेपि तं तं दिसाभागं गच्छन्ता अत्तपञ्चमा अगमिंसु सब्बेपि थेरा गतगतट्ठाने मनुस्से पसादेत्वा सासनं पतिट्ठापेसुं.

महिण्दत्थेरो पन तम्बपण्णिदीपं गन्त्वा सासनं पतिट्ठापेहीति उपज्झायेन भिक्खुसङ्घेन च अज्झिट्ठो कालो नु खो मे तम्बपण्णिदीपं गन्तुं नोति उपधारेन्तो मुटसीवरञ्ञो महल्लकभावं चिन्तेसि. अयं महाराजा महल्लको, न सक्का इमं गण्हित्वा सासनं पग्गहेतुं, इदानि पनस्स पुत्तो देवानम्पियतिस्सो रज्जं कारेस्सति. तं गण्हित्वा सक्का भविस्सति सासनं पग्गहेतुं, हण्द याव सो समयो आगच्छति ताव ञातके ओलोकेम, पुन’दानि इमं जनपदं आगच्छेय्याम वा न वाति.

सो एवं चिन्तेत्वा उपज्झायञ्च भिक्खुसङ्घञ्च वन्दित्वा असोकारामतो निक्खम्म तेहि इट्टियादीहि चतूहि थेरेहि सङ्घमित्ताय पुत्तेन सुमनसामणेरेन भण्डुकेनक च उपासकेन सद्धिं राजगहनगर उपवत्तके दक्खिण गिरिजनपदे चारिकं चरमानो ञातके ओलोकेन्तो छ मासे अतिक्कामेसि अथानुपुब्बेन मातुनिवेसनट्ठानं वेटिस नगरं नाम सम्पत्तो सम्पत्तञ्च पन थेरं दिस्वा थेरमाता देवी पादे सिरसा वन्दित्वा भिक्खं दत्वा थेरं अत्तना कतं वेटिसगिरि विहारं नाम आरोपेसि.

थेरो तस्मिं विहारे निसन्नो चिन्तेसि अम्हाकं इध कत्तब्ब किच्चं निट्ठितं. समयो नु खो इदानि लङ्कादिपं गन्तुन्ति. ततो चिन्तेसि-अनुभवतु ताव मे पितरा पेसितं अभिसेकं ¶ देवानम्पियतिस्सो रतनत्तयगुणञ्च सुणातु, छणत्थञ्च नगरतो निक्खमित्वा मिस्सकपब्बतं अभिरूहतु तदा तं तत्थ दक्खिस्सामाति. अथापरं एकमासं तत्थेव वासं कप्पेसि.

मासातिक्कमे सक्को देवानमिन्दो महिण्दत्थेरं उपसङ्कमित्वा एतदवोच.’ कालकतो भन्ते मुटसीवराजा, इदानि देवानम्पियतिस्स राजा रज्जं कारेति. सम्मासम्बुद्धेन च तुम्हे व्याकता अनागते महिण्दो नाम भिक्खु तम्बपण्णिदीपं पसादेस्सती’ति. तस्मा तिह वो भन्ते कालो दीपवरं गमनाय, अहम्पि वो सहायो भविस्सामी.

थेरो तस्स वचनं सम्पटिच्छित्वाअत्तसत्तमो वेटिस पब्बतविहारा वेहासं उप्पतित्व अनुराधपुरस्स पुरत्थिमाय दिसाय मिस्सकपब्बते पतिट्ठहि यं एतरहि चेतियपब्बतोतिपि सञ्जानन्ति तस्समिं दिवसे तम्बपण्णिदिपे जेट्ठमूल नक्खत्तं नाम होति राजा नक्खत्तं घोसापेत्वा छणं करोथाति अमच्चे आणापेत्वा चत्तालीस पुरिस सहस्सपरिवारो नगरम्भा निक्खमित्वा येन मिस्सकपब्बतो तेन पायासि मिगवं कीळितुकामो अथ तस्मिं पब्बते अधिवत्था देवता रञ्ञो थेरे दस्सेस्सामीति रोहित मिगरूपं गहेत्वा अविदूरे तिणपण्णानि खादमाना विय चरति.

राजा दिस्वा अयुत्तं दानि पमत्तं विज्झितुन्ति जीयं पोठेसि. मगो अम्बत्थलमग्गं गहेत्वा पलायितुं आरभि राजापि पिट्ठितो पिट्ठितो अनुबण्धन्तो अम्बत्थलमेव आरुहि. मिगो थेरानं अविदूरे अन्तरधायि.

महिण्दत्थेरो राजानं अविदूरे आगच्छन्तं’ममंयेव राजा पस्सतु, मा इतरे’ति अधिट्ठहित्वा’तिस्स! तिस्स! इतो एही’ति आह. राजा सुत्वा चिन्तेसि-इमस्मिं तम्बपण्णिदीपे जातो मं तिस्सोति नामं गहेत्वा आलपितुं समत्थो नाम नत्थि. अयम्पन छिन्नभिन्नपटधरो भण्डुकासाव वसनो मं नामेन आलपति, को नु खो अयं भविस्सति मनुस्सो वा अमनुस्सो वाति. थेरो आह.

समणा मयं महाराज - धम्मराजस्स सावका,

तवेव अनुकम्पाय - जम्बुदीपा इधागताति;

तेन समयेन देवानम्पियतिस्स राजा च असोकधम्मराजा च अदिट्ठ सहायका होन्ति. देवानम्पियतिस्स रञ्ञे च पुञ्ञानुभावेन छातपब्बतपादे एकस्मिं वेळुगुम्बे तिस्सो वेळुयट्ठियो निब्बत्तिंसु एका लतायट्ठि नाम, एका पुप्फयट्ठि नाम एका सकुणयट्ठि नाम. तासु लतायट्ठि सयं रजतवण्णा होति तं अलङ्करित्वा उप्पन्नलता कञ्चन वण्णा खायति पुप्फयट्ठियं पन ¶ नील-पीत-लोहित-ओदात-काळवण्णानि पुप्फानि सुचिभत्तवण्ट पत्त किञ्जक्खा हुत्वा खायन्ति सकुणयट्ठियं हंसकुक्कुट-जीवंजीवकादयो सकुणा नानाप्पकारानि च चतुप्पदानि सजीवानि विय खायन्ति समुद्दतोपिस्स मुत्ता-मणि-वेळुरियादि अनेकविहितं रतनं उप्पज्जि.

तम्बपण्णियं पन अट्ठमुत्तं उप्पज्जिंसु-भयमुत्ता गजमुत्ता रथमुत्ता आमलकमुत्ता चलयमुत्ता अङ्गुलीवेठकमुत्ता ककुधफलमुत्ता पाकतिकमुत्ताति सो ता च यट्ठियो ता च मुत्तायो अञ्ञ्च बहुं रतनं असोकस्स धम्मरञ्ञो पण्णाकारत्थाय पेसेसि. असोकोपि पसीदित्वा पञ्च राजककुधभण्डानिचेव अञ्ञे च अभिसेकत्थाय बहूपण्णाकारे पहिणि. न केवलञ्च एतं आमिस पण्णाकारं, इमं किर धम्म पण्णाकारम्पि पेसेसि.

‘‘अहं बुद्धञ्च धम्मञ्च-सङ्घञ्च सरणं गतो,

उपासकत्तं वेदेसिं-सक्यपुत्तस्स सासने,

इमेसु तीसु वत्थूसु-उन्नमेसु नरुत्तम,

चित्तं पसादयित्वान-सद्धाय सरणं वजा’ति;’’

राजा अविरसुतं सासनपवत्तिं अनुस्सरमानो थेरस्स तं ‘‘समणामयं महाराज धम्मराजस्स सावका‘‘ति वचनं सुत्वा अय्या नु खो आगताति तावदेव आवुधं निक्खिपित्वा एकमन्तं निसीदि सम्मोदनीयं कथं कथयमानो, सम्मोदनीयकथं कुरुमानेयेव तस्मिं तानिपि चत्तालीस पुरिससहस्सानि आगन्त्वा तं परिवारेसुं. तदा थेरो इतरेपि जने दस्सेसि.

राजा दिस्वा इमे कदा आगताति पुच्छि मया सद्धिंयेव महा राजाति. इदानि पन जम्बुदीपे अञ्ञ्ञोपि एवरूपा समणा सन्तीति. महाराज एतरहि जम्बुदीपो कासाव पज्जोतो इसिवातपरिवातो, तस्मिं-

‘‘ते विज्जा इद्धिपत्ता च चेतोपरियाय कोचिदा,

खीणासाव अरहन्तो-बहू बुद्धस्स सावकाति’’;

अथ राजा भन्ते स्वे रथं पेसेस्सामि. तं अभिरूहित्वा आगच्छेय्याथाति वत्वा पक्काकमि थेरो अचिरपक्कन्तस्स रञ्ञो सुमणसामणेरं आमन्तेसि एहि त्वं सुमन धम्मसवनकालं घोसेहीति सामणेरो अभिञ्ञापादकं चतुत्थज्झानं समापज्जित्वा वुट्ठाय अधिट्ठहित्वा समाहितेन चित्तेन सकलतम्बपण्णिदीपं साचेन्तो धम्मसवनकालं घोसेसि.

सामणेरस्स सद्दं सुत्वा भुम्मा देवता सद्दमनुस्सावेसु, एतेनुपायेन याव ब्रह्मलोका सद्दो अब्भुग्गञ्छि. तेन सद्देन ¶ महादेवता सन्निपातो अहोसि थेरो महन्तं देवता सन्तिपातं दिस्वा समचित्तसुत्तन्तं कथेसि. कथा परियोसाने असङ्खेय्यानं देवानं धम्माभिसमयो अहोसि. बहू नाग सुपण्णा च सरणेसु पतिट्ठहिंसु. अथ तस्सा रत्तिया अच्चयेन राजा थेरानं रथं पेसेसि. थेरा न मयं रथं आरुहाम. गच्छ त्वं, पच्छा मयं आगच्छिस्सामाति वत्वा वेहासं अब्भुग्गन्त्वा अनुराधपुरस्स पच्छिमदिसाय पठमक चेतियट्ठाने ओतरिंसु.

राजापि सारथिं पेसेत्वा अन्तो निवेसने मण्डपं पटियादेत्वा चिन्तेसि’ निसीदिस्सन्ति नु खो अय्या आसने न निसीदिस्सन्ती‘‘ति. तस्सेवं चिन्तयन्तस्सेव सारथि नगरद्वारं पत्वा अद्दस थेरे पठमतरं आगन्त्वा कायबण्धनं बण्धित्वा चीवरं पारुपन्ते, दिस्वा अतिविय पसन्नमानसो हुत्वा आगन्त्वा रञ्ञो आरोचेसि आगता देव थेराति.

राजा रथं आरुळ्हाति पुच्छि न आरूळ्हा देव, अपि च पच्छतो निक्खमित्वा पठमतरं आगन्त्वा पाचीनद्वारे ठिताति. राजा रथं न आरुभिंसूती सुत्वा तेन हि भणे भुम्मत्थरण सङ्खेपेन आसनानि पञ्ञापेथाति वत्वा पटिपथा आगमासि अमच्चा पथवियं तट्टिकं पञ्ञापेत्वा उपरि कोजवकादीनि विचित्तत्थरणानि पञ्ञापेसुं राजापि गन्त्वा थेरे वन्दित्वा महिण्दत्थेरस्स हत्थतो पत्तं गहेत्वा महतिया पूजाय च सक्कारेन च थेरे पणीतेन खादनीयेन भोजनीयेन सहत्था सन्तप्पेत्वा अनुलादेवी पमुखा पञ्च इत्थिसतानि थेरानं अभिवादनं पूजासक्कारञ्च कारोनतूति पक्कोसापेत्वा एकमन्तं निसीदि. थेरो रञ्ञो सपरिजनस्स धम्मरतनवस्सं वस्सेन्तो पेतवत्थुं-विमानवत्थुं-सच्चसंयुत्तञ्च कथेसि. तं सुत्वा तानिपि पञ्च इत्थिसतानि सोतापत्तिफलं सच्छिकरिंसु.

तदा नागरा थेरानं गुणे सुत्वा थेरे दट्ठुं न लभामाति उपक्कोसन्ति अथ राजा इध ओकासो नत्थीति चिन्तेत्वा,’गच्छथ भणे हत्थिसालं पटिजग्गित्वा वालुकं ओकिरित्वा पञ्चवण्णानि पुप्फानि विकिरित्वा वितानं बण्धित्वा मङ्गल हत्थिट्ठाने थेरानं आसनानि पञ्ञापेथा’ति आह, अमच्चा तथा अकंसु.

थेरो तत्थ गन्त्वा निसीदित्वा देवदूतसुत्तन्तं कथेसि कथा परियोसाने पाणसहस्सं सोतापत्तिफले पतिट्ठहि तथा हत्थिसाला सम्बाधाति दक्खिणद्वारे नण्दनुय्याने आसनं पञ्ञापेसुं. थेरो तत्थ निसीदित्वा आसिविसोपम सुत्तन्तं कथेसि. तम्पि सुत्वा पाणसहस्सं सोतापत्तिफलं पटिलभि एवं आगतदिवसतो ¶ दुतियदिवसे अड्ढतेय्यानं पाणसहस्सानं धम्माभिसमयो अहोसि.

थेरस्स नण्दनवने आगतागताहि कुलित्थीहि कुलसुण्हाहि कुलकुमारीहि सद्धि समोदमानस्सेव सायण्हसमयो जातो, थेरो कालं सल्लक्खेत्वा गच्छामि’दानि मिस्सक पब्बतन्ति उट्ठहि. अमच्चा महामेघवनुय्याने थेरे वासेसुं राजापि खो तस्सा रत्तिया अच्चयेन थेरस्स समीपं गन्त्वा सुखसयितभावं पुच्छित्वा कप्पति भन्ते भिक्खुसङ्घस्स आरामोति पुच्छि. थेरो कप्पति महाराजाति आह.

राजा तुट्ठो सुवण्ण भिंकारं गहेत्वा थेरस्स हत्थे उदकं पातेत्वा महामेघवनुय्यानं अदासि थेरो पुनदिवसेपि राजगेहेयेव भुञ्जित्वा नण्दनवने अनमतग्गियानि कथेसि. पुन दिवसे अग्गिक्खण्धोपम सुत्तन्तं कथेसि. एतेनेव उपायेन सत्त दिवसानि कथेसि अड्ढ नचमानं पाणसहस्सानं धम्माभिसमयो अहोसि. सत्तमे दिवसे पन थेरो अन्तोपुरे रञ्ञो अप्पमाद सुत्तन्तं कथयित्वा चेतियगिरिमेव अगमासि.

अथ खो राजा थेरो आयाचितो सयमेवागतो, तस्मा तस्स अनापुच्छा गमनम्पि भवेय्याति चिन्तेत्वा रथं अभिरूहित्वा, चेतियगिरिं अगमासि महता राजानुभावेन गन्त्वा थेरानं सन्तिकं उपसङ्कमन्तो अतिविय किलन्तरूपो हुत्वा उपसङ्कमि. ततो नं थेरो आह कस्मा त्वं महाराज एवं किलम मानो आगतोति. तुम्हे मम गाळ्हं ओवादं दत्वा इदानि गन्तुकामा नुखोति जाननत्थं भन्तेति. न मयं महाराज गन्तुकामा, अपि च वस्सुपनायिक कालोनमायं समणेन नाम वस्सुपनायिकं ठानं ञातुं वट्टतीति. राजापि खो तंखणंयेव करण्डक चेतियङ्गणं परिक्खिपित्वा अट्ठसट्ठिया लेणेसु कम्मं पट्ठपेत्वा नगरमेव अगमासि.

तेपि थेरो महाजनं ओवदमाना चेतियगिरिम्हि वस्सं वसिंसु. अथायस्मा महामहिण्दो वुत्थवस्सो पवारेत्वा कत्तिकपुण्णमायं उपोसथदिवसे राजानं एतदवोच चिरदिट्ठो नो महाराज सम्मासम्बुद्धो अभिवादन पच्चुपट्ठान अञ्जलि कम्म सामीचि कम्म करणट्ठानं नत्थि, तेनम्हं उक्कण्ठिताति तनु भन्ते तुम्हे अवोचुत्थ परिनिब्बुतो सम्मासम्बुद्धोति किञ्चापि महाराज परिनिब्बुतो, अथस्स सरीरधातुयो तिट्ठन्तीति. अञ्ञा तम्भन्ते थूपं पतिट्ठापेमि भूमिभागं विचिनथाति. अपि च धातुयो कुतो लच्छामीति सुमनेन सद्धिं मन्तेहि महाराजाति राजा सुमनं उपसङ्कमित्वा पुच्छि’कुतोदानि भन्तेधातुयो लच्छामा’ति सुमनो ¶ आह-अप्पोस्सुक्को त्वं महाराज, वीथियो सोधापेत्वा धज पताक पुण्णघटादीहि अलङ्कारापेत्वा सपरिज्जनो उपोसथं समादियित्वा सब्बतालावचरे उपट्ठपेत्वा मङ्गलहत्थिं सब्बालङ्कारेहि पतिमण्डितं कारेत्वा उपरि वस्स सेतच्छत्तं उस्सापेत्वा सायण्हसमये महानागवनुय्यानाभिमुखो या हि अद्धा तस्मिं ठाने धातुयो लच्छसिति, राजा साधूति सम्पटिच्छि. थेरो चेतियगिरिमेव अगमिंसु.

तत्रायस्मा महिण्दत्थेरो सुमन सामणेरमाह- गच्छ त्वं सामणेर जम्बुदीपे अय्यकं असोकधम्मराजानं उपसङ्कमित्वा मम वचनेन एवं वदेहि’सहायो ते महाराज देवानम्पिय तिस्सो बुद्धसासने पसन्नो थूपं पतिट्ठापेतुकामो तुम्हाकं किर हत्थे भगवतो परिभुत्तपत्तो चेवधातु च अत्थि, तम्मे देथा’ति तं गहेत्वा सक्कं देवराजानं उपसङ्कमित्वा तुम्हाकं किर महाराज हत्थे द्वे धातुयो अत्थि दक्खिणदाठा च दक्खिणक्खकञ्च, ततोतुम्हे दक्खिणदाठंपूजेथ, दक्खिणक्खकं पन मय्हं देथाति, एवञ्च नं वदेहि कस्मा त्वं महाराज अम्हे तम्बपण्णिदीपं पहिणित्वा पमज्जित्थाति.

साधु भन्तेति खो सुमनो थेरस्स वचनं सम्पटिच्छित्वा तावदेव पत्तचीवरमादाय वेहासमब्भुग्गन्त्वा पाटलिपुत्तद्वारे ओरुय्ह रञ्ञो सन्तिकं गन्त्वा तमत्थं आरोचेसि राजा तुट्ठो सामणेरस्स हत्थतो पत्तं गहेत्वा भोजेत्वा भगवतो पत्तं गण्धेहि उब्बट्टेत्वा वरमुत्तसदिसानं धातूनं पूरेत्वा अदासि.

सो तुं गहेत्वा सक्कं देवराजानं उपसङ्कमि सक्को देवाराजा सामणेरं दिस्वा किं भन्ते सुमन आहिण्डसीति आह. त्वं महाराज अम्हे तम्बपण्णिदीपं पहिणित्वा कस्मा पमज्जसीति, तप्पमज्जामि भन्ते, वदेहि किं करोमीति. तुम्हाकं किर हत्थे द्वे धातुयो अत्थि दक्खिणदाठा च दक्खिणक्खकञ्च, ततो तुम्हे दक्खिणदाठं पूजेथ दक्खिणक्खकं पन मय्हं देथाति. साधु भन्तेति खो सक्को देवानमिण्दो योजनप्पमानं मणिथूपं उग्घाटेत्वा दक्खिणक्खकं नीहरित्वा सुमनस्स अदासि.

सो तं गहेत्वा चेतियगिरिम्हियेव पतिट्ठासि अथ खो महिण्दपमुखा सब्बे ते महानागा असोकधम्मराजेन दिन्न धातुयो चेतियगिरियम्हियेव पतिट्ठापेत्वा दक्खिणक्खकं आदाय वड्ढमानकच्छायाय महानाग वनुय्यानमगमंसु. राजापि खो सुमनेन वुत्तप्पकारं पूजासक्कारं कत्वा हत्थिक्खण्धवरगतो सायं मङ्गलहत्थिमत्थके सेतच्छत्तं धारयमानो महानाग वनुय्यानं सम्पापुणि.

अथस्स ¶ एतदहोसि- सचे अयं सम्मासम्बुद्धस्स धातु, छत्तं अपनमतु, मङ्गलहत्थि जण्णुकेहि भूमियं पतिट्ठाहतु, धातु चङ्गोटकं मय्हं मत्थके पतिट्ठहतूति सह रञ्ञो चित्तुप्पादेन छत्तं अपनमि हत्थिजण्णुकेहि पतिट्ठहि धातुचङ्गोटकं रञ्ञो मत्थके पतिट्ठहि राजा अमतेनेवाभिसित्तगत्तो परमेन पीतिपामोज्जेन समन्नागतो हुत्वा पुच्छि धातुं भन्ते किं करोमीति. हत्थिकुम्भियेव ताव महाराज ठपेहीति. राजा धातुवङ्गोटकं हत्थिकुम्भे ठपेसि. पमुदितो नागो कुञ्चनादं नदि महामेघो उट्ठहित्वा पोक्खरवस्सं वसिसि उकदपरियन्तं कत्वा महाभूमिचालो अहोसि पच्चन्तेपि नाम सम्मासम्बुद्धस्स धातुयो पतिट्ठहिस्सन्तीति.

अथ सो हत्थिनागो अनेक तालावचरपरिवुतो अतिविय उळारेन पूजासक्कारेन सक्करियमानो पच्छिमदिसाभिमुखो हुत्वा अपसक्कन्तो याव नगरस्स पुरत्थिम द्वारं ताव गन्त्वा पुरत्थिमेन द्वारेन नगरं पविसित्वा सकलनगरे उळाराय पूजाय कयिरामानाय दक्खिणद्वारेन निक्खमित्वा थूपारामस्स पच्छिमदिसाभागे पभेजवत्थु नाम किर अत्थि तत्थ गन्त्वा पुन थूपारामाभिमुखो एव पटिनिवत्ति. सो च पुरिमकानं तिण्णं सम्मासम्बुद्धानं धम्मकरकं कायबण्धनं उदकसाटीकं पतिट्ठापेत्वा कतचेतियट्ठानं होती. तदेतं विनट्ठेसुपि चेतियेसु देवतानुभावेन कण्टक समाकिण्णसाखाहि नानागच्छेहि परिवुतं तिट्ठति. मा नं कोचि उच्चिट्ठा सुविमल कचवरेहि सन्दुसेसीति.

अथ तस्स हत्थिनो पुरतो गन्त्वा राजपुरिसा सब्ब गच्छे छिण्दित्वा भूमिं सोधेत्वा तं हत्थतलसदिसं अकंसु. हत्थिनागो गन्त्वा तं ठानं पुरतो कत्वा तस्स पच्छिमदिसाभागे बोधिरुक्खट्ठने अट्ठासि. अथस्स मत्थकतो धातुं ओरोपेतुं आरभिंसु नागो ओरोपेतुं न देति. थेरं पुच्छि, कस्मा भन्ते नागो धातुं ओरोपेतुं न देतीति

आरुळ्हं महाराज ओरोपेतुं न वट्टतिति. तस्मिञ्च काले अभयवापिया उदकं जिन्नं होति समन्ता भूमि फलिता सुउद्धरा मत्तिकपिण्डा. ततो महाजनो सीघसीघं मत्तिकं आहरित्वा हत्थकुम्भप्पमाणं वत्थुमकासि. तावदेव थूपकरणत्थं इट्ठिका कातुं आरभिंसु. याव इट्ठिका परिनिट्ठन्ति ताव हत्थिनागो कतिपाहं दिवा बोधिरुक्खट्ठाने हत्थिसालायं तिट्ठति. रत्तियं थूपपतिट्ठान भूमियं परियायति.

अथ वत्थुं विनापेत्वा राजा थेरं पुच्छि, कीदिसो भन्ते थूपो कातब्बोति. वीहिरासि सदिसो महाराजाति, साधु भन्तेति राजा जङ्घप्पमाणं ¶ थूपं चिनापेत्वा धातुओरोपनत्थाय महासक्कारं कारेसि.

ततो सकलनागरा च जानपदा च धातुम्ह दस्सनत्थं सन्तिपतिंसु सन्निपतिते च तस्मिं महाजने दसबलस्स धातु हत्थिकुम्भतो सत्ततालप्पमानं वेहासमब्भुग्गन्त्वा यमकपाटिहारियं दस्सेसि. तेहि तेहि धातुप्पदेसेहि छब्बण्णरंसियो उदकधरा च अग्गिक्खण्धा च पवत्तन्ति. सावत्थियं गण्डम्बमूले भगवता दस्सित पाटिहारिय सदिसं एव पाटिहारियं अहोसि. तञ्च खो नेव थेरानुभावेनन देवतानुभावेन, अपि च खो बुद्धानंयेव आनुभावेन भगवा किर धरमानोव अधिट्ठासि - तम्बपण्णिदीपे अनुराधपुरस्स दक्खिणदिसाभागे पुरिमकानं तिण्णं बुद्धानं चेतियट्ठाने मम दक्खिणक्खकधातु पतिट्ठान दिवसे यमकपाटिहारियं होतूति.

एवं अचिन्तिया बुद्धा-बुद्धधम्मा अचिन्तिया,

अचिन्तियेसु पसन्नानं-विपाको होति अचिन्तियोति;

धातुसरीरतो निक्खन्त उदकफुसितेहि सकलेहि तम्बपण्णिदीपतले न कोचि अफुट्ठोकासो नाम अहोसि. एवमस्स तं धातु सरीरं उदकफुसितेहि तम्बपण्णित्थलस्स परिदाहं वूपसमेत्वा महाजनस्स पाटिहारियं दस्सेत्वा ओतरित्वा रञ्ञो मत्थके पतिट्ठासि राजा सफलं मनुस्सत्तपटिलाभं मञ्ञमानो महन्तं सक्कारं कत्वा धातुं पतिट्ठापेसि. सह धातुपतिट्ठानेन महाभूमिचालो अहोसि निट्ठिते पन थूपे राजा च राजा भातिका च देवियो च दे-नाग-यक्खानं विम्भयकरं पच्चेकं थूपमकंसु.

एवं जिनो धातुसरीरकेन

गतोपि सन्तिं जनताहितञ्च,

सुखञ्च धम्मा बहुधा करेय्य

ठितो हि नाथोनुकरं करेय्य;

साधुजन मनोपसादनत्थाय कते थूपवंसे थूपाराम कथा,

१३. निट्ठिताय पन धातुपूजाय पतिट्ठिते धातुवरे महिण्दत्थेरो महामेघवनुय्यानमेव गन्त्वावासं कप्पेसि. तस्मिं खो पन समये अनुलादेवी पब्बजितुकामा हुत्वा रञ्ञो आरोचेसि. राजा तस्सा वचनं सुत्वा थेरं एतदवोच? भन्ते अनुलादेवी पब्बजितुकामा, पब्बाजेथ नन्त न महाराज अम्हाकं मातुगामं पब्बाजेतुं कप्पति. पाटलिपुत्ते पन मय्हं भगिनि सङ्घमित्ता थेरी नाम अत्थि, तं पक्कोसापेहि महाराज, इमस्मिञ्च दीपे पुरिमकानञ्च ¶ तिण्णं सम्मासम्बुद्धानं बोधि पतिट्ठंसि अम्हाकम्पि भगवतो सरस रंसिजाल विस्सज्जनकेन बोधिना पतिट्ठातब्बं, तस्मा सासनं पहिणेय्यसि यथा सङ्घमित्ता बोधिं गहेत्वा आगच्छेय्याति.

राजा थेरस्स वचनं सम्पटिच्छित्वा अमच्चेहि सद्धिं मन्तेन्तो अरिट्ठं नाम अत्तनो भागिनेय्यं आह सक्खिस्ससि त्वं तात पाटलीपुत्तं गन्त्वा महाबोधिना सद्धिं अय्यं सङ्घमित्तत्थेरिं आनेतुन्ति सक्खिस्सामि देव सचे मे पब्बज्जं अनुजानिस्ससीति.

गच्छ तात थेरिं आनेत्वा पब्बज्जाहीति. सो रञ्ञो च थेरिस्स च सासनं गहेत्वा थेरस्स अधिट्ठानवसेन एकदिवसे न जम्बुकोलपट्टनं गन्त्वा नावं अभिरूहित्व समुद्दं अतिक्कमित्वा पाटलीपुत्तं गन्त्वा रञ्ञो सासनं आचिक्खि-पुत्तो ते देव महिण्दथेरो एवमाह. सहायस्स किर ते देवानम्पियतिस्सस्स भातुजाया अनुलादेवी नाम पब्बजितुकामा, तं पब्बाजेतुं अय्यं सङ्घमित्तत्थेरिं पहिणेय्याथ, अय्याय एव च सद्धिं महाबोधिन्ति.

थेरस्स सासनं आरोचेत्वा सङ्घमित्तत्थेरिं उपसङ्कमित्वा एवमाह. अय्ये तुम्हाकं भाता महिण्दत्थेरो मं तुम्हाकं सन्तिकं पेसेसि देवानम्पियतिस्स रञ्ञो भातुजाया अनुलादेवी नाम पञ्चहि कञ्ञासतेहि पञ्चहि च अन्तेपुरिसा सतेहि सद्धिं पब्बजितुकामाति, तं किर आगन्त्वा पब्बाजेथाति.

सा ताव देव तुरित तुरिता गन्त्वा रञ्ञा त्ैमत्थं आरोचेत्वा गच्छामहं महाराज तम्बपण्णिदीपन्ति आह.

तेन हि अम्म महाबोधिं गहेत्वा गच्छाहीति वत्वा पाटलीपुत्ततो याव महाबोधि ताव मग्गं पटिजग्गापेत्वा सत्तयोजनायामय तियोजन वित्थताय महतिया सेनाय पाटलिपुत्ततो निक्खमित्वा अरियसङ्घं आदाय महाबोधिसमीपं अगमासि.

सेनाय समुस्सित धजपताकं नानारतन विचित्तं अनेकालङ्कार पतिमण्डितं नानाविध कुसुम समाकिण्णं अनेक तुरिय संघ्रट्ठं महाबोधिं परिक्खिपि ततो राजा पुप्फ-गण्ध-मालादीहि पूजेत्वा तिक्खत्तुं पदक्खिणं कत्वा अट्ठसु ठानेसु वन्दित्वा उट्ठाय अञ्जलिम्पग्गय्ह ठत्वा सच्चवचनकिरियाय बोधिं गण्हितुकामो रतनपीठं आरुय्ह तुलिकं गहेत्वा मनोसिलाय लेखं कत्वा यदि महाबोधिना लङ्कादीपे पतिट्ठातब्बं, यदि चाहं बुद्धसासने निब्बेमतिको भवेय्यं, महाबोधि सयमेव इमस्मिं सुवण्णकटाहे पतिट्ठहतूति सच्चकिरियमकासि सह सच्चकिरियाय ¶ बोधिसाखा मनोसिलाय परिच्छिन्नट्ठानेहि छिण्दित्वा गण्ध कलल पूरस्स सुवण्णकटाहस्स उपरि अट्ठासि.

ततो राजा महाबोधिं बोधिमण्डतो महन्तेन सक्कारेन पाटलीपुत्तं आनेत्वा सब्बपरिहारानि दत्वा महाबोधिं गङ्गाय नावं आरोपेत्वा सयम्पि नगरतो निक्खमित्वा विञ्झाटविं समतिक्कम्म अनुपुब्बेन सत्तदिवसेहि तामलित्तिं अनुप्पत्तो अन्तरमग्गे देव-नाग-मनुस्सा उळारं महाबोधि पूजमकंसु.

राजापि समुद्दतीरे सत्तदिवसानि महाबोधिं ठपेत्वा महन्तं सक्कारं कत्वा बोधिम्पि संङ्घमित्तत्थेरिम्पि सपरिवारं नावं आरोपेत्वा गच्छति वतरे दसबलस्स सरस रंसिजाला मुञ्चमानो महाबोधि रुक्खोति कण्दित्वा अञ्जलिम्पग्गहेत्वा अस्सूनि पवत्तयमानो अट्ठासि सापि खो महाबोधि समरूळ्हनावा पस्सतो पस्सतो महाराजस्स महासमुद्दतलं पक्खण्दि महासमुद्देपि समन्ता योजनं वीचि वूपसन्ता पञ्चवण्णानि पदुमानि पुप्फितानि अन्तलिक्खे दिब्बतुरियानि वज्जिंसु आकासे जल थल सन्निस्सिताहि देवताहि पवत्तिता अतिविय उळार पूजा अहोसि. एवं महतिया पूजाय सा नावा जम्बुकोलपट्टनं पाविसि.

देवानम्पियतिस्स महाराजापि उत्तरद्वारतो पट्ठाय याव जम्बुकोलपट्टना मग्गं सोधापेत्वा अलङ्कारापेत्वा नगरतो निक्खमन दिवसे उत्तरद्वार समीपे सद्दसालावत्थुस्मिं ठितो ताय विभूतिया महासमुद्दे आगच्छन्तंयेव महाबोधिं थेरस्सानुभावेन दिस्वा तुट्ठमानसो निक्खमित्वा सब्बं मग्गं पञ्चवण्णेहि पुप्फेहि ओकिरन्तो अन्तरन्तरा पुप्फअग्घियानि ठपेन्तो एकाहेनेव जम्बुकोलपट्टनं गन्त्वा सब्बतालावचर परिवुतो पुप्फ धूपगण्धादीहि पूजयमानो गलप्पमंनं उदकं ओरुय्ह आगतो वत रेदसबलस्स सरस रंसिजालं विस्सज्जनको बोधिरुक्खोति पसन्नचित्तो महाबोधिं उक्खिपित्वा उत्तमङ्गे सिरस्मिं पतिट्ठपेत्वा महाबोधिं परिवारेत्वा आगतेहि सोळसहि जातिसम्पन्नकुलेहि सद्धिं समुद्दतो पच्चुत्तरित्वा समुद्दतीरे बोधिं ठपेत्वा तीणि दिवसानि सकल तम्बपण्णि रज्जेन पूजेसि.

अथ चतुत्थे दिवसे महाबोधिं आदाय उळारं पूजं कुरुमानो अनुपुब्बेन अनुराधपुरं सम्पत्ते अनुराधपुरेपि महासक्कारं कत्वा चातुद्दसी दिवसे वड्ढमानकच्छायाय महाबोधिं उत्तरद्वारेन पवेसेत्वा नगरमज्झन अतिहरित्वा दक्खिणद्वारेन निक्खमित्वा दक्खिणद्वारतो पञ्चधनु सतिके ठाने यत्थ अम्हाकं ¶ सम्मासम्बुद्धो निरोध समापत्तिं समापज्जित्वा निसीदि. पुरिमका च तयो सम्मासम्बुद्धा समापत्तिं अप्पेत्वा निसीदिंसु. यत्थ च ककुसण्धस्स भगवतो सिरीसबोधि, कोनागमनस्स भगवतो उदुम्बरबोधि, कस्सपस्स भगवतो निग्रोधबोधि, पतिट्ठापेसि -तस्मिं महामेघवनुय्यानस्स तिलकभूते कतभूमि परिकम्मे राजवत्थुद्वारकोट्ठकट्ठाने महाबोधिं पतिट्ठापेसि.

एवं लङ्काहितत्थाय-सासनस्सच वुद्धिया,

महामेघवने रम्मे-महाबोधि पतिट्ठितोति;

बोधि आगमनकथा

१४. अनुलादेवी पञ्चहि कञ्ञासतेहि पञ्चहि अन्तेपुरिसा सतेहीति मातुगामसहस्सेन सद्धिं सङ्घमित्तत्थेरिया सन्तिके पब्बजित्वा नचिरस्सेव सपरिवारा अरहत्ते पतिट्ठासि. अरिट्ठोपि खो रञ्ञो भागिनेय्यो पञ्चहि पुरिस सतेहि सद्धिं थेरस्स सन्तिके पब्बजित्वा सपरिवारो नचिरस्सेव अरहत्ते पतिट्ठासि. अथेकदिवसं राजा बोधिं वन्दित्वा थेरेन सद्धिं थूपारामं गच्छति. तस्स लोहपासादट्ठानं सम्पत्तस्स पुरिसा पुप्फानि आहरिंसु राजा थेरस्स पुप्फानि अदासि. थेरो पुप्फेहि लोहपासादट्ठानं पूजेसि पुप्फेसु भूमिया पतित मत्तेसु महाभूमिचालो अहोसि?

राजा कस्मा भन्ते भूमि चलितानि पुच्छि. इमस्मिं महाराज ओकासे अनागते सङ्घस्स उपोसथागारं भविस्सति. तस्सेतं पुब्बनिमित्तन्ति आह. पुन तस्स महाचेतियट्ठानं सम्पत्तस्स चम्पक पुप्फानि अभिहरिंसु. तानिपि राजा थेरस्स अदासि. थेरो महाचेतियट्ठानं पुप्फेहि पूजेत्वा वन्दि तावदेव महापथवी संकम्पि. राजा भन्ते कस्मा पथवी कम्पित्थाति पुच्छि. महाराज इमस्मिं ठाने अनागते बुद्धस्स भगवतो असदिसो महाथूपो भविस्सति. तस्सेतं पुब्बनिमित्तन्ति आह. अहमेव करोमि भन्तेति. अलं महाराज तुम्हाकं अञ्ञं बहुं कम्मं अत्थि. तुम्हाकं पन नन्ता दुट्ठगामणी अभयो नाम कारेस्सतीति.

अथ राजा सचे भन्ते मय्हं नन्ता करिस्सति. कतंयेव मयाति द्वादसहत्थं पासाणत्थम्हं आहरापेत्वा देवानम्पियतिस्स रञ्ञो नत्ता दुट्ठगामणि अभयो नाम इमस्मिं पदेसे थूपं करोतीति अक्खरानि लिखापेत्वा पतिट्ठापेसीति अथ देवानम्पियतिस्सराजा चेतियपप्पते निहिता सम्मासम्बुद्ध भुत्त पत्त पूरेत्वा आहटा धातुयोहत्थिक्खण्धेन आहरापेत्वा सकलतम्बपण्णिदीपे ¶ योजने योजने थूपं कारेत्वा धातुयो पतिट्ठापेसि भगवतो पत्तं पन राज गेहेयव ठपेत्वा पूजमकासीति.

निधापेत्वान सम्बुद्ध-धातुयो पत्तमत्तका,

कारापेसि महाराज-थूपे योजन योजनेति;

योजनथूप कथा

अथ राजा अञ्ञानि च बहूनि पुञ्ञकम्मानि कत्वा चत्तालीस वस्सानि रज्जं कारेसि. तस्स अच्चयेन तं कनिट्ठो उत्तिय राजा दसवस्सानि रज्जं कारेसि. तस्स अच्चयेन तं कनिट्ठो महासीवो दसवस्सानेव रज्जं कारेसि तस्स अच्चयेन तस्सापि कनिट्ठो सूरतिस्सो दसवस्सानेव रज्जं कारेसि ततो अस्सनाविक पुत्ता द्वे दमिळा सूरतिस्सं गहेत्वा द्वेवीस वस्सानि धम्मेन रज्जं कारेसुं. ते गहेत्वा मुटसीवस्स रञ्ञो पुत्तो असेलो नाम दसवस्सानि रज्जं कारेसि अथ चोळरट्ठतो अगन्त्वा एळारो नाम दमिलो असेल भूपतिं गहेत्वा चतुचत्तालीस वस्सानि रज्जं कारेसि एळारं गहेत्वा दुट्ठगामणि अभयो राजा अहोसि.

तदत्थदीपनत्थं अयमनुपुब्बकथा

१५. देवानम्पियतिस्स रञ्ञो किर दुतियभातिको उपराजा महानागो नाम अहोसि. अथ रञ्ञो देवी अत्तनो पुत्तस्स रज्जं इच्छन्ति तरच्छनावा वापिं करोन्तस्स उपराजस्सविसेन अम्बं योजेत्वा अम्बमत्थके ठपेत्वा पेसेसि देवियि पुत्ते, उपराजेन सद्धिं गतो भाजने विवटे सयमेव अमबं गहेत्वा खादित्वा कालमकासि उपराजा तं कारणं ञत्वा देविया भीतो ततोयेव अत्तनो देविञ्च बलवाहनञ्च गहेत्वा रोहणं अगमासि. तस्स अग्गमहेसि अन्तरामग्गे यट्टालविहारे नाम पुत्तं विजायि तस्स तिस्सोति भातुनाम’मकंसि.

सो ततो गन्त्वा महागामे वसन्तो रोहणे रज्जं कारेसि तस्स अच्चयेन तस्स पुत्तो यट्टालतिस्सो महागामेयेव रज्जं कारेसि. तस्स अच्चयेन तस्सापि पुत्तो गोठाभयो नाम तत्थेव रज्जं कारेसि. गोठाभयस्स पुत्तो काकवण्णतिस्सो नाम तत्थेव रज्जं कारेसि. काकवण्णतिस्स रञ्ञो किर कल्याणितिस्स रञ्ञो धीता विहारमहादेवी नाम अग्गमहेसि अहोसि सा रञ्ञो पिया अहोसि मनापा. राजा ताय सद्धिं समग्गवासं वसन्तो पुञ्ञानि करोन्तो विहासि. अथेकदिवसं देवी राजगेहेयेव भिक्खुसङ्घस्स महादानं दत्वा सायण्हसमये ¶ गण्धमालादीनि गाहापेत्वा धम्मं सोतुं विहारंगता, तत्थ निपन्नं बाळ्हगिलानं आसन्नमरणं सीलवन्तं सामणेरं दिस्वा गण्धमालादीहि पूजेत्वा अत्तनो सम्पत्तिं वण्णेत्वा मम पुत्तभावं पत्थेथ भन्तेति याचि.

सो न इच्छि, यापि पुनप्पुन याचियेव. सामणेरोपि एवं सन्ते सासनानुग्गहं कातुं सक्कातिसम्पटिच्छित्वा गतिनिमित्तवसेन उपट्ठितम्पि देवलोकं छड्डेत्वा निकन्तिवसेन सुवण्ण सिविकाय गच्छन्तिया देविया कुच्छिम्हि पटिसण्धिं गण्हि.

सा दसमासच्चयेन पुत्तं विजायि. तस्स गामणि अभयोति नामं करिंसु. अपरभागे अपरम्पि तस्स तिस्सोति नामं करिंसु. गामणि कुमारो कमेन वड्ढेन्तो सोळस वस्सिको हुत्वा हत्थस्स थरा सिप्पेसु कोविदो तेजोबल परक्कम सम्पन्नो अहोसि. अथ खो काकवण्णतिस्स राजा नण्धिमित्तो-सुरनिम्मलो-महासेनो-गोठयिम्बरो-थेरपुत्ताभ- यो-भरणो-वेळुसुमनो-खञ्चदेवो-फुस्सदेवो-लभिय्यवसभोति इमे दसामहायोधे पुत्तस्स सन्तिके ठपेत्वा वासेसि.

तेसं उप्पत्तिकथा महावंसतो गहेतब्बा राजा दसमहायोधानं पुत्तस्स सक्कारसमंसक्कारं कारेसि तिस्सकुमारं जनपद रक्खनत्थाय दीघवापियं ठपेसि अथेकदिवसं गामिणी कुमारो अत्तनो बलवाहन सम्पत्तिं दिस्वा दमिळेहि सद्धिं युज्झस्सामीति रञ्ञो कथापेसि. राजा पुत्तं अनुरक्खन्तो अलं ओरगङ्गन्ति निवारेसि. सो याव ततियं कथापेसि राजा कुज्झित्वा हेमसङ्खलिकं करोथ बण्धित्वा रक्खिस्सामीति. अभयो पितु रञ्ञो कुज्झित्वा पलायित्वा मलयं अगमासि ततो पट्ठाय पितरि दुट्ठत्ता दुट्ठगामणीति पञ्ञातो राजा पुत्तानं कलहट्ठानं आगमनत्थाय योधेहि सपथं कारेसि.

अथ काकवण्णतिस्स राजा चतुसट्ठिविहारे कारेत्वा चतुसट्ठि संवच्छरानेव ठत्वा कालमकासि तिस्सकुमारो पितुकालकतभावं सुत्वा दीघवापितो आगन्त्वा पितु सरीरकिच्चं कारेत्वा मातरं - कण्डुल हत्थिञ्च गहेत्वा भातु भया दीघवापिं अगमासि. अमच्चा सन्निपतित्वा तं पवत्तिं वत्वा दुट्ठगामणितिस्स सन्तिकं पेसेसुं. सो तं सासनं सुत्वा भुत्तसालं आगम्म भातु सन्तिकं दूते पेसेत्वा ततो महागामं आगन्त्वा अभिसेकं पत्वा मातरं कण्डुलहत्थिञ्च पेसेतूति याव ततियं भातु सन्तिकं लेखा पेसेत्वा अपेसन भावं ञत्वा युद्धाय निक्खमि. कुमारोपि युद्धसज्जोहुत्वानिक्खमि. चुळङ्गणिय पिट्ठियं द्विन्नं भातूनं महायुद्धं अहोसि.

ते ¶ किर योधा सपथस्स कतत्ता तेसं युद्धे सहाया न भविंसु. तदा रञ्ञो अनेकसहस्स मनुस्सा मरिंसु. राजा परज्जित्वा तिस्सामच्चं दिघतुणिकं वळवञ्च गहेत्वा पलायि. कुमारो पच्छतो पच्छतो अनुबण्धि. अन्तरे भिक्खु पब्बतं मापेसुं. तं दिस्वा कुमारो भिक्खुसङ्घस्स कम्मन्ति ञत्वा निवत्ति राजा पलायित्वा कप्पण्दकर नदिया जलमालतित्थं नाम गन्त्वं छातोम्हिति आह. अमच्चो सुवण्णसरके पक्खित्तभत्ता निहरित्वा अदासि.

राजा कालं सल्लक्खेत्वा सङ्घस्स दत्वा भुञ्जामिति सङ्घस्स-अमच्चस्स-वळवाय-अत्तनो चाति चतुभागं कत्वा काला घोसापेसि तदा पियङ्गुदिपतो कुटुम्बियतिस्सत्थेरो नाम आगन्त्वा पुरतो अट्ठासि. राजा थेरं दिस्वा पसन्नमानसो सङ्घस्स ठपितभागं अत्तनो भागञ्च थेरस्स पत्ते पक्खिपिं अमच्चोपि अत्तनो भागं पक्खिपि वळवापि दातुकामा अहोसि. तस्साभिप्पायं ञत्वा अमच्चो तस्सापि भागं पत्ते पक्खिपि.

इति सो राजा थेरस्स परिपुण्ण भत्तपत्तं अदासि. थेरो पत्तं गहेत्वा गन्त्वा गोतमत्थेरस्स नाम अदासि. सो पञ्चसत भिक्खु भोजेत्वा पुन ततो लद्धेहि भागेहि पत्तपूरेत्वा आकासे खिपि पत्तो गन्त्वा रञ्ञो पुरतो अट्ठासि तिस्सो पत्तं गहेत्वा राजानं भोजेत्वा ततो सयं भुञ्जित्वा वळवं भोजेसि. ततो राजा सन्नाहं चुम्बटकं कत्वा पत्तं विस्सज्जेसि. ततो गन्त्वा थेरस्स हत्थे पतिट्ठासि, राजा पुन महागामं आगन्त्वा सेनं सङ्कड्डिवो सट्ठिसहस्सबला गहेत्वा पुन भातरा सद्धिं युज्झि तदा कुमारस्स अनेक सहस्सं मनुस्सा पतिंसु.

कुमारो पलायित्वा विहारं पविसित्वा महाथेरस्स गेहं पाविसि.

राजा पच्छतो पच्छतो अनुबण्धन्तो विहारं पविट्ठभावं ञत्वा निवत्ति पच्छा थेरा ते उभो भातरो अञ्ञमञ्ञं खमापेसुं. तदा राजा सस्सकम्मानि कारेतुं तिस्सकुमारं दीघवापिमेव पहिणित्वा सयम्पि भेरं चरापेत्वा सस्सकम्मानि कारेसि. अथ महाजनस्स सङ्गहंकत्वा कुन्ते धातुं निधापेत्वा बलवाहन परिवुतो तिस्सारामं गन्त्वा सङ्घं वन्दित्वा भन्ते सासनं जोतेतुं पारगङ्गं गमिस्सामि सक्कारेतुं अम्हेहि सहगामिनो भिक्खु देथाति आह.

सङ्घो पञ्चसतभिक्खु अदासि. राजा भिक्खुसङ्घं गहेत्वा कण्डुलहत्थिमारुय्ह योधेहि परिवुतो महता बलकायेन युद्धाय ¶ निक्खमित्वा महियङ्गणं आगनन्त्वा तत्थ दमिळेहि सद्धिं युज्झन्तो महियङ्गणे कञ्चुक थूपं कारेसि. तस्स थूपस्स विभावनत्थं अयमानुपुब्बकथा.

१६. भगवा किर बोधिते नवमे मासे इमं दीपमागन्त्वा गङ्गातीरे तियोजनायते योजनवित्थते महानागवनुय्याने यक्खसमागमं आगन्त्वा तेसं यक्खानं उपरिभागे महियङ्गण थूपस्स ठाने वेहासयं ठितो वुट्ठि वातन्धकारादीहि यक्खे सन्तासेत्वा तेहि अभयं याचितो तुम्हाकं अभयं दस्सामि तुम्हे समग्गा मय्हं निसीदनट्ठानं देथाति आह.

यक्खा, मारिस ते इमं सकलदीपं देमि. अभयं नो देहीति आहंसु. ततो भगवा तेसं भयं अपनुदित्वा तेहि दिन्नभभूमियं चम्मखण्डं पत्थरित्वा तत्थ निसिन्नो तेजोकसिणं समापज्जित्वा चम्मखण्डं समन्ततो जालेत्वा वड्ढेसि. ते चम्मखण्डेन अभिभूना समन्ततो सागर परियन्ते रासिभूता अहेसुं भगवा इद्धिबलेन गिरिदीपं नाम इधानेत्वा तत्थ यक्खे पवेसेत्वा दीपं यथाट्ठाने ठपेत्वा चम्मखण्डं सङ्खिपि तदा देवता समागमो अहोसि. तस्मिं समागमे भगवा धम्मं देसेसि-तदा.

‘‘नेकेसं पाणकोटीनं-धम्माभिसमयो अहू,

सरणेसु च सीलेसु-ठिता आसुं असङ्खिया;

सोतापत्तिफलं पत्वा-सेले सुमनकूटके,

महासुमन देविण्दो-पूजियं याचि पूछियं;

सिरं परामसित्वान-निलामलसिरोरुहे,

पाणिमत्ते अदा केसे तस्स पाणिहितो जिनो;

सो तं सुवण्णिचङ्गोटं-चरेनादाय सत्थुनो, निसिन्नट्ठान रचिते-नानारतनसञ्चये.

उच्चतो सत्तरतने-ठपेत्वान सिरोरुहे,

तं इण्दनील थूपेन-पिदहेसि नमस्सि च’’;

परिनिब्बुते पन भगवति धम्मसेनापति सारि पुत्तत्थेरस्स अन्तेवासिको सरभू नामेको थेरो चितकतो गीवट्ठिधातु गहेत्वा भिक्खु सङ्घपरिवुतो आगन्त्वा तस्मिंयेव चेतिये पतिट्ठापेत्वा मेघवण्णपासाणेहि छादेत्वा द्वादस हत्थुब्बेधं थूपं कारेत्वा पक्कामि. अथ देवानम्पियतिस्स रञ्ञो भाता चूळाभयो नाम तं अब्भुतं चेतियं दिस्वा तिंसहत्थुब्बेधं चेतियं कारेसि. इदानि दुट्ठगामणीपि अभयराजा महियङ्गणं आगन्त्वा तत्थ दमिळे मद्दन्तो असितिहत्थुब्बेधं कञ्चुकचेतियं कारेत्वा पूजमकासि.

एवमच्चायिकं ¶ कम्मं-करोन्तापि गुणाकरा, करोन्ति पुञ्ञं सप्पञ्ञा-संसारभस भीरुकाति.

महियङ्गन थूपकथा

१७. ततो राजा दमिळेहि सद्धिं युज्झित्वा छत्तदमिळं गण्हित्वा तत्र बहु दमिळे घातेत्वा अम्बतित्थं आगन्त्वा अम्बदमिळं चतूहि मासेहि गण्हि. ततो ओरुय्ह महब्बले सत्तदमिळे एकाहेनेव गण्हि ततो अन्तरसोब्भे महाकोट्ठ दमिळं-दोणगामे गवर दमिळं-हालकोले महिस्सरिय दमिळं-नाळिसोब्भे नाळिक दमिळं-दिघाभसगल्लम्हि दिघाभय दमिळं गण्हि. ततो कच्छतित्थे किञ्चिसीस दमिळं चतूहि मासेहि गण्हि ततो वेठ नगरे ताळ दमिळं, भाणकदमिळञ्च-वहिट्ठे वहिट्ठ दमिळं=गामणिम्हि गामणि दमिळं-कुम्बुगामम्हि कुम्बु दमिळं-नण्दिक गामम्हि नण्दिक दमिळं-खाणुगामम्हि खाणु दमिळं-तम्बुन्नगामके मातुल भागिनेय्ये द्वे दमिळे गण्हि तदा-

‘‘अजानित्वा सकं सेनं-घातेन्ति सजना इति,

सुत्वान सच्चकिरियं-अकरि तत्थ भुपति;

रज्जसुखाय वायामो-नायं मम कदापि च,

सम्बुद्धसासनस्सेव-ठपनाय अयं मम;

तेन सच्चेन मे सेना-कायोपगत भण्डकं,

जालवण्णंव होतूति-तं तथेव तदा अहु;’’

एवं राजा गङ्गातीरे दमिळे घातेसि. घातित सो सब्बे आगन्त्वा विजित नगरे पविसिंसु. तदा राजा विजित नगरं गण्हितुं वीमंसनत्थाय आगच्छन्तं नण्धिमित्तं दिस्वा कण्डुलं मुञ्चेसि. कण्डुलोपि तं गण्हितुं आगञ्छि तदा नण्धिमित्तो हत्थेतहि उभो दन्ते बाळ्हं गहेत्वा पीळेत्वा उक्कुटिकं निसीदापेसि. राजा उभो विमंसेत्वा विजितनगरं आगतो. ततो दक्खिणद्वारे योधानं महासङ्गामो अहोसि पुरत्थिमद्वारे वेळुसुमनो अस्सं आरुय्ह बहू दमिळे घातेसि दमिळा अन्तो पिविसित्वा द्वारं थकेसुं. ततो राजा योधे विस्सज्जेसि, कण्डुलहत्थि नण्धिमित्तो सुरनिम्मलो च दक्खिणद्वारे कम्मं करिंसु महासोणो गोठयिम्बरो थेरपुत्ताभयो चाति इमे तयो इतरेसु तीसु द्वारेसु कम्मं करिंसु.

तञ्च नगरं परिखात्तय परिक्खित्तं, दळ्ह पाकार गोपुरं, अयो द्वारयुत्तं अहोसि कण्डुलो जाणुहि ठत्वा सिला सुधा इट्ठका भिण्दित्वा अयोद्वारं पापुणि तदा दमिळा गोपुरे ठत्वा नानावुधानि ¶ खिपिंसु पक्क अयोगुळे चेवपक्कट्ठित सिलेसञ्च हत्थिपिट्ठियं पक्खिपिंसु? तदा कण्डुलो वेदनट्टो उदकट्ठानं गन्त्वा उदके ओगाहि. तदा गोठयिम्बरो न इदं सुरापानं भवति. अयोद्वार विघाटनं नाम, गच्छ द्वारं विघाटेहीति आह. तं सुत्वा जाताभिमातो कुञ्चनादं कत्वा उदन उग्गम्म थले अट्ठासि अथ हत्थिवेज्जो सिलेसं धोवित्वा ओसधं अकासि. ततो राजा हत्थिं आरुय्ह पाणिना कुम्भे परामसित्वा सकल लङ्कातले रज्जं तव दम्मीति तोसेत्वा वरभोजनं भोजेत्वा वणं साटकेन वेठेत्वा सुवम्मीतं कत्वा वम्मपिट्ठियं महिसचम्मं सत्तगुणं कत्वा बण्धित्वा तस्सुपरि तेलचम्मं बण्धित्वा तं विस्सज्जेसि सो असनि वियगज्जन्तो गन्त्वा दाठाहि पदरं विज्झित्वा पादेन उम्मारं हनि. द्वारं बाहाहि सद्धिं अयोद्वारं महासद्देन भूमियं पति. गोपुरे दब्बसम्भारं पन हत्थिपिट्ठियं पतन्तं दिस्वा नण्धिमित्तो बाहाहि पहरित्वा पवट्टेसि तदा कण्डुलो दाठापीळनवेरं छड्ढेसि.

ततो कण्डुलो अत्तनो पिट्ठिं आरूहनत्थाय नण्धिमित्तं ओलोकेसि. सो तया कतमग्गेन न पविसिस्सामीति अट्ठारस हत्थुब्बेधं पाकारं बाहुना पहरित्वा अट्ठुसहप्पमाणं पाकारप्पदेसं पातेत्वा सुरनिम्मलं ओलोकेसि सोपि तेन कतमग्गं अनिच्छन्तो पाकारं लड्डीत्वा नगरब्भन्तरे पति गोठयिम्बरोपि - सोणोपि - थेरपुत्ताभयोपि एकेक द्वारं भिण्दित्वा पविसिंसु-ततो.

‘‘हत्थि गहेत्वा रथचक्कं-मित्तो सकट पञ्जरं,

नाळिकेरतरुं गोठो-निम्मलो खग्गमुत्तमं;

तालरुक्खं महासोणो-थेरपुत्तो महागदं,

विसुं विसुं वीथिगता-दमिळे नत्थ चुण्णयुं’’;

एवं विजितनगरं चतूहि मासेहि भिण्दित्वा दमिळे मारेत्वा ततो गरिलोकं नाम गन्त्वा गिरिय दमिळं अग्गहेसि. ततो महेल नगरं गन्त्वा चतूहि मासेहि महेल राजानं गण्हिं ततो राजा अनुरुधपुरं गच्छन्तो परितोकासपब्बते नाम खण्धावारं निवासेत्वा तत्थ तळाकं कारेत्वा जेट्ठमूलमासम्हि उदककीळं कीळि. एळारोपि दुट्ठगामणिस्स आगतभावं सुत्वा अमच्चेहि सद्धिं मन्तेत्वा स्वे युद्धं करिस्सामाति निच्छयं अकासि पुनदिवसे सन्नद्धो महापब्बत हत्थिं आरुय्ह महा बलकाय परिवुतो निक्खमि. गामणीपि मातरा सद्धिं मन्तेत्वा द्वत्तिंस बल कोट्ठके कारेत्वा छत्तधरे राजरूपके तत्थ तत्थ ठपेसि. अब्भन्तर कोट्ठके सयं अट्ठासि.

ततो ¶ सङ्गामे वत्तमाने एळार रञ्ञो दीघजत्तु नाम महा योधो खग्गफलकं गहेत्वा भूमितो अट्ठारस हत्थं नभमुग्गन्त्वा राजरूपं छिण्दित्वा पठमं बल कोट्ठकं भिण्दि एवं सेसेपि बलकोट्ठके भिण्दित्वा महागमणिना ठतं बलकोट्ठकं आगमि. तदा सुरनिम्मलो रञ्ञो परिगच्छन्तं दिस्वा अत्तनो नामं सावेत्वा तं अक्कोसि तं सुत्वा दीघजन्तु पठमं इमं मारेमीति कुज्झित्वा आकसमब्भुग्गन्त्वा अत्तनोपरि ओतरन्तं दिस्वा सरनिम्मलो अत्तनो फलकं उपनामेसि. इतरोपि फलकेन सद्धिं तं भिण्दिस्स मीति चिन्तेत्वा फलकं पहरि. इतरो फलकं मुञ्चि, दीघजन्तु फलकं छिण्दन्तो भूमियं पति. सुरनिम्मलो तं सत्तिया पहरि, फुस्सदेवो तं खणे सङ्खं धमि, असनिसद्दो विय अहोसि उम्मादप्पत्ता विय मनुस्सा अहेसुं. ततो दमिळ सेना भिज्जित्थ, एळारो पलायित्थ तदापि बहु दमिळे घातेसुं.

‘‘तत्थ वापिजलं आसि-हतानं लोहिताविलं,

तस्मा कुलत्थवापीति-नामतो विस्सुता अहू;

चरापेत्वा तहिं भेरिं-दुट्ठगामिणि भूपति,

न हनिस्सतु एळारं-मं मुञ्चिय परो इति;

सन्नद्धो सयमारुय्ह-सन्नद्धं कण्डुलं करिं,

एळारं अनुबण्धन्तो-दक्खिणद्वार मागमि;

पुरे दक्खिणभागम्हि-उभो युज्झिंसु भूमिपा,

तोमरं खिपि एळारो-गामणि तं अवञ्चयि;

विज्झापेसि च दन्तेहि-तं हत्थिं सकहत्थिना,

तोमरं खिपि एळारो-सहत्थि तत्थ सो पति;

ततो विजित सङ्गामो-सयोग्गबलवाहनो,

लङ्का एकातपत्तं सो-कत्वान पाविसि पुरं;’’

अथ राजा नगरे भेरिं चरापेत्वा समन्ता योजनप्पमाणे मनुस्से सन्निपातेत्वा एळार रञ्ञो सरीरं महन्तं सक्कारं कारेत्वा कूटागारेन नेत्वा झापेत्वा तत्थ तेचियं कारेत्वा परिहारमदासि. अज्जपि राजानो तं पदेसम्पत्वा भेरिं न वादापेन्ति. एवं दुट्ठगामणि अभय महाराजा द्वत्तिंस दमिळ राजानो मारेत्वा लङ्कादीपं एकच्छत्तमकासि.

यदा दुट्ठगामणि विजितं नगरं गण्हि तदा दीघजन्तु योधो एळारं उपसङ्कमित्वा अत्तनो भागिनेय्यस्स भल्लुकस्स योध भावं आचिक्खित्वा इधागमनत्थाय तस्स सन्तिकं पेसेसि. भल्लुकोपि एळारस्स दड्ढदिवसतो सत्तमे दिवसे सट्ठिया पुरिस ¶ सहस्सेहि सद्धिं ओतिण्णो रञ्ञो मतभावं सुत्वापि लज्जाय युज्झिस्सामीति महातित्थतो निक्खमित्वा कोलम्बहालके नाम गामे खण्धावारं निवेसेसि. राजापि तस्सा’गमनं सुत्वा सन्नद्धो कण्डुलं आरुय्ह योधपरिवुतो महता बलकायेन अभिनिक्खमि. फुस्सदेवोपि पञ्चावुध सन्नद्धो रञ्ञो पच्छिमासने निसीदि. भल्लुकोपि पञ्चावुध सन्नद्धो हत्थिं आरुय्ह राजाभिमुखो अगञ्छि. तदा कण्डुलो तस्स वेगमण्दि भावत्थं सनिकं सनिकं पच्चोसककि सेनापि हत्थिना सद्धिं तथेव पच्चोसककि.

राजा फुस्सदेवं आह अयं हत्थि पुब्बे अट्ठवीसतिया युद्धेसु अपच्चोसककित्वा इदानि कस्मा पन पच्चोसक्कतीति. सो आहादेव. अम्हाकमेव जयो अयं गजो जयभूमिं अवेक्खन्तो पच्चोसक्कति जयभूमिं पत्वा ठस्सतीति? नागोपि पच्चोसककित्व पुर देवस्स पस्से महाविहार सीमन्ते अट्ठासि.

ततो भल्लुको राजाभिमुखा आगन्त्वा राजानं उप्पण्डेसि राजापि खग्गतलेन मुखं पिधाय तं अक्कोसि रञ्ञो मुखे विज्झिस्सामीति सरं खिपि. सो खग्गतल मागच्चभूमियं पति, भल्लुको मुखे विद्धेस्मिति सञ्ञाय उक्कुट्ठि, अकासि तदा रञ्ञो पच्छिमासने निसिन्नो फुस्सदेवो रञ्ञो कुण्डलं घटेन्तो तस्स मुखे कण्डं पातेसि रञ्ञो पादे कत्वा पतमानस्स जाणुम्हि अपरेन कण्डेन विज्झित्वा रञ्ञो सीसं कत्वा पातेसि. राजा लद्धजयो नगरं आगन्त्वा सरं आहरापेत्वा पुङ्खेन उजुकं ठपापेत्वा तं पमाणं कहापणरासिं कत्वा फुस्सदेवस्स अदासि.

एवं लङ्कारज्जं एकच्छत्तं कत्वा राजा योधानं यथानुरूपं ठानन्तरं अदासि. थेरपुत्ताभयो पन दीयमानं ट्ठानन्तरं न गण्हि कस्मा न गण्हसिति पुच्छिनो युद्धं अत्थि महाराजाति आहं. इदानि एकरज्जे कते किं नाम युद्धन्ति पुच्छिते किलेस चोरेहि युज्झिस्स मीति आह. राजा पुनप्पुनं निवारेसि सोपि पुनप्पुन याचित्वा राजानुञ्ञाय पब्बजित्वा विपस्सनाय कम्मं करोन्तो अरहत्तं पत्वा पञ्च खीणासवसत परिवारो अहोसि.

ततो राजा अत्तनो पासादतले सिरीसयनगतो महतिं सम्पत्तिं ओलोकेत्वा अक्खोभिणि सेनाघातं अनुस्सरि. अनुस्सरन्तस्स रञ्ञो महन्तं देमनस्सं उप्पज्जि सग्ग मग्गन्तरायो मे भवेय्याति.

तदा पियङ्गुदीपे अरहन्तो रञ्ञो परिचितक्कं ञत्वा तं अस्सासेतुं अट्ठ अरहन्ते पेस्से. ते आगन्त्वा आगतभावा निवेदेत्वा ¶ पासादतलं अभिरुहिंसु राजा थेरे वन्दित्वा आसने निसीदापेत्वा आगत कारणं पुच्छि. थेरापि आगत कारणं वत्वा रञ्ञो तेन कम्मुना सग्ग-मोक्खन्तरायभावं बोधेत्व पक्कमिंसु राजा तेसं वचनं सुत्वा अस्सासं पटिलभित्वा वन्दित्वा (ते विस्सज्जेत्वा) सिरिसयनगतो पुन चिन्तेसि.

मातिपितरो खो पन मा चो कदाचिपि विना सङ्घेन आहारं भुञ्जथाति अम्हेहि सपथं कारेसुं भिक्खुसङ्घस्स अदत्वा भुत्तं अत्थि नु खो नत्थिति चिन्तयन्तो सतिसम्मोसेन सङ्घस्स अदत्वा पातरासकाले परिभुत्तं एकंयेव मरिचवट्टिं अद्दस. दिस्वा च अयुत्तं मया कतं दण्डकम्मं मे कातब्बन्ती चिन्तेसि अथ राजा छत्तमङ्गल सत्ताहे वीतिवत्ते महता राजानुभावेन महन्तेन कीळाविधानेन उदककीळं कीळितुं अभिसित्तानं राजुनं चारित्तानु पालनत्थञ्च तिस्सवापिं अगमासि. रञ्ञो सब्बं परिच्छदं उपाहनछत्तानि च मरिचवट्टि विहारट्ठानम्हि ठपयिंसु.

तत्रापि थूपट्ठाने राजपुरिसा रञ्ञो सधातुकं कुन्तं उजुकं ठपेसुं. राजा दिवसभागं ओरोध परिवुतो कीळित्वा सायण्हे जाते नगरं गमिस्साम कुन्तं वड्ढेथाति आह. राजपुरिसा कुन्तं गण्हन्ता चालेतुं नासक्खिंसु राजसेन, तं अच्छरियं दिस्वा समागन्त्वा गण्धमालादीहि पूजेसि राजापि महन्तं अच्छरियं दिस्वा हट्ठमानसो समन्ता आरक्खं संविदहित्वा नगरं पाविसि.

ततो राजा कुन्तं परिक्खिपापेत्वा चेतियं तं परिक्खिपापेत्वा विहारञ्च कारेसि. विहारो तीहि संवच्छरेहि निट्ठासिं राजा विहारमहत्थाय सङ्घं सन्निपातेसि भिक्खूनं सतसहस्सानि भिक्खुनीनं नवुति सहस्सानि सन्निपतिंसु तस्मिं समागमे राजा सङ्घं वन्दित्वा एवमाह भन्ते विस्सरित्वा विना सङ्घेन मरिचवट्टिकं परिभुञ्जिं तदत्थं दण्डकम्मं मे होतूति-सचेतियं मरिचवट्टियं विहारं कारेसिं पतिगण्हातु भन्ते सङ्घो सचेतियं विहारन्ति दक्खिणोदकं पातेत्वा भिक्खुसङ्घस्स विहारं अदासि.

विहारस्स समन्ततो भिक्खुसङ्घस्स निसीदनत्थाय महन्तं मण्डपं कारेसि मण्डप पादा अभयवापिया जले पतिट्ठिता अहेसुं. सेसोकासे कथाचनत्थि. तत्थ भिक्खुसङ्घं निसीदापेत्वा सत्ताहं महादानं दत्वा सब्बपरिक्खारं अदासि. तत्थ सङ्घत्थेरेन लद्ध परिक्खारो सतसहस्सग्घनको अहोसि.

एवं- ¶

‘‘युद्धे दाने च सूरेन-सूरिना रतनत्तमे,

पसन्नामलचित्तेन-सासनुज्जोतनत्थिना;

रञ्ञा कतञ्ञुना तेन-थूपकारापनादितो,

विहारमहनन्तानि - पूजेतुं रतनत्तयं;

परिच्चत्तधनानेत्थ-अनग्घानि विमुञ्चिय,

सेसानि होन्ति एकाय-ऊना विसतिकोटियो;’’

एवं सपञ्ञो भिदूरे असारे,

देहे धने सङ्गमतिक्कमित्वा

कत्वान पुञ्ञं सुखसादनत्थं,

सारं गहेतुं सततं यतेय्याति;

मरीचवट्टि विहारकथा

१८. ततो राजा चिन्तेसि महामहिण्दत्थेरो किर मम अय्यकस्स देवानम्पियतिस्स रञ्ञो एवमाह. नत्ता ते महाराज दुट्ठगामणि अभयो विसं हत्थसतिकं सोवण्णमालिं थूपं कारेस्सति. सङ्घस्स च उपोसथागारभूतं नवभूमकं लोहपासादं कारेस्सतीति चिन्तेत्वा च पन ओलोकेन्तो राजगेहे करण्डके ठपितं सुवण्णपट्टलेखं दिस्वा तं वाचेसि. अनागते चत्तालीसं वस्ससतं अतिक्कम्म काकवण्णतिस्सस्स पुत्तो दुट्ठगामणि अभयो इदञ्चिदञ्च कारेस्सतीति सुत्वा हट्ठो उदग्गो अप्पोठेसि-अय्येन किर वतम्हि दिट्ठो महा महिण्देनाति.

ततो पातोव महामेघवनं गन्त्वा भिक्खुसङ्घं सन्निपातेत्वा एतदवोच? भन्ते भिक्खुसङ्घस्स उपोसथागारं कत्वा देवविमान सदिसं पासादं कारेस्सामि देवलोकं पेसेत्वा पटे विमानाकारं लिखापेत्वा मे देथाति? सङ्घो अट्ठ खीणासवे पेसेसि. ते तावतिंसभवनं गन्त्वा द्वादसयोजनुब्बेधा अट्ठचत्तालीस योजन परिक्खेपं कूटागारं सहस्स पतिमण्डितं नवभूमकं सहस्सगब्भं खीरण देवधीताय पुञ्ञानुभावनिब्बत्तं आकासट्ठं रतनपासादं ओलोकेत्वा हिङ्गुलकेन पटे तदाकारं लिखित्वा आनेत्वा भिक्खुसङ्घस्स अदंसु सङ्घो रञ्ञो पाहेसि.

तं दिस्वा राजा तुट्ठमानसो तदा तं लेखतुल्यं लोहपासादं कारेसि. कम्मन्तारम्भ काले पन चतुसु द्वारेसु अट्ठसतसहस्सानि हिरञ्ञानि ठपापेसि तदा चतुसु द्वारेसु सहस्स सहस्सं वत्थपुटानि चेव गुळ-तेल-सक्खर-मधुपुरा अनेकसहस्सचाटियो च ¶ ठपापेसि. पासादे अमूलकेन कम्मं न कातब्बन्ति भेरिं चारपेत्वा अमूलकेन कतकम्मं अग्घापेत्वा कारकानं मूलं दापेसि. पासादो एकेकेन पस्सेन हत्थसत हत्थसतप्पमाणो अहोसि तथा उब्बेधन, नवभूमायो चस्स अहेसुं एकेकिस्सा भूमिया सतं सतं कूटागारानि, तानि सब्बानिपि रतनखचितानि चेव सुवण्ण किङ्किणिकापन्ति परिक्खित्तानि च अहेसुं तेसं कूटागारानि नानारतन भूसिका पवाळ वेदिका चेव, तासं पदुमानि च नानारतन विचित्तानेव अहेसुं. तथा सहस्सगब्भा च नानारतन खचिता सीयपञ्जर विभूसिता च. वेस्सवनस्स नारिवाभनयानं सुत्वा तदाकारं मज्झे रतन मण्डपं कारेसि.

सो अनेकेहि रतनत्थम्भेहि सीहव्यग्घादि रूपेहि देवता रूपेहि च पतिमण्डितो समन्ततो ओलम्बक मुत्ता जालेन च परिक्खित्तो अहोसि पवाळवेदिका चस्स पुब्बे वुत्तप्पकाराव सत्तरतन विचित्तमण्डप मज्झे पन एळिकमय भूमिया दन्तमय पल्लङ्को अहोसि अपस्सेनम्पि दन्तमयमेव, सो सुवण्णसूरियमण्डलेहि रजत चण्द मण्डलेहि मुत्तामय तारकाहि च विचित्तो तत्थ तत्थ यथारहं नानारतनमय पदुमानि चेव पसाद जनकानि च जातकानि अन्तरन्तरा सुवण्णलतायो च कारेसि. तत्थ महग्घं पच्चत्थरणं अत्थरित्वा मनुञ्ञं दन्त विजनिं ठपेसि. पवाळमय पादुका कारेसि. तथा पल्लङ्कस्सोपरि एळिकभूमिया पतिट्ठितं रजतमयदण्डं सेतच्चत्तं कारेसि. तत्थ सत्तरतनमयानि अट्ठमङ्गलानि अन्तरन्तरा च मणिमुत्तामया चतुप्पाद पन्तियो च कारेसि. छत्तन्ते चस्स रतनमय घण्टापन्तियो ओलम्बिंसु.

पासादो छत्तं पल्लङ्को मण्डपो चाति चत्तारो अनग्घा अहेसुं महग्घानि मञ्चपीठानि पञ्ञत्वो तत्थ महग्घानि कम्बलानि भुम्मत्थरणानि अत्थरापेसि आवमन कुम्हि उळुङ्को च सोवण्णमयायेव अहेसुं. सेस परिभोग भण्डेसु वत्तब्बमेव नत्थि द्वारकोट्ठकोपि मनोहर पाकारेन परिक्खित्तो. तम्बलोहिट्ठिकाभि पन छादितत्ता पासादस्स लोहपासादोति वोहारो अहोसि.

एवं तावतिंसभवने देवसभा विय पासादं निट्ठापेत्वा सङ्घं सन्निपातेसि. मरिचवट्टि विहारमगे विय सङ्घो सन्निपति. पठमभूमियं पुथुज्जनायेव अट्ठंसु दुतियभूमिया तेपिटका, ततियादिसु तीसु भूमिसु कमेन सोतापन्न - सकदागामि - अनागामिनो, उपरि चतुसु भूमिसु खीणासवायेव अट्ठंसु. एवं सङ्घं सन्निपातेत्वा सङ्घस्स पासादं दत्वा मरिचवट्टि विहारमहे विय सत्ताहं महादानमदासीति.

‘‘पासादहेतु ¶ चत्तानि-महाचागेन राजिना,

अनग्घानि ठपेत्वान-अहेसुं तिंसकोटियो;’’

पहाय गमनीयन्तं-दत्वान धनसञ्चयं,

अनुगामिधनं दानं-एवं कुब्बन्ति पण्डिता;

१९. अथेकदिवसं राजा सतसहस्सं विस्सज्जेत्वा महाबोधि पूजं कारेत्वा नगरं पविसन्तो थूपट्ठाने पतिट्ठितं सिलाथूपं दिस्वा महिण्दत्थेरेन वुत्तवचनं अनुस्सरित्वा महाथूपं कारेस्सामीति कतसन्निट्ठानो नगरं पविसित्वा महंतलं आरुय्ह सुभोजनं भुञ्जित्वा सिरिसयनगतो एवं चिन्तेसि मया दमिळे मद्दमानेन अयं लोको अतिविय पीळितो, केन नु खो उपायेन लोकस्स पिळनं अकत्वा धम्मेन समेन महा चेतियस्स अनुच्छविकं इट्ठका उप्पादेस्सामीति तं चिन्तितं छत्तं अधिवत्था देवता जानित्वा राजा एवं चिन्तेसीति उग्घोसेसि.

परम्पराय देवलोकेपि कोलाहलमहोसि तं ञत्वा सक्को देवराजं विस्सकम्मं आमन्तेत्वा’तात! विस्स कम्म! दुट्ठगामणि अभय महाराजा महा चेतियस्स इट्ठकत्थाय चिन्तेसि. त्वं गन्त्वा उत्तरपस्से नगरतो योजनप्पमाणे ठाने गम्भिर नदिया तीरे इट्ठका मापेत्वा एहि’ति पेसेसि.

तं ञत्वा विस्सकम्म देवपुत्तो आगन्त्वा तत्थेव महाचेतियानुच्छविकं इट्ठका मापेत्वा देवपुरमेव गतो. पुन दिवसे एको सुनखलुद्दो सुनखे गहेत्वा अरञ्ञं गन्त्वा तत्थ तत्थ विचरन्तो तं ठानं पत्वा इट्ठका अदिस्वा च निक्खमि. तस्मिं खणे एका भुम्मा देवता तस्स इट्ठका दस्सेतुं महन्तं गोधावण्णं गहेत्वा लुद्दस्स सुनखानञ्च अत्तानं दस्सेत्वा तेहि अनुबद्धो इट्ठकाभिमुखं अत्त्वा अन्तरधायि.

सुनखलुद्दो इट्ठका दिस्वा अम्हाकं राजा थूपं कारेतुकामो, महन्तो वत नो पण्णाकारो लद्धोति हट्ठमानसो पुन दिवसे पातोच आगन्त्वा अत्तना दिट्ठं इट्ठक पण्णाकारं रञ्ञो निवेदेसि. राजा तं सासनं सुत्वा अत्तमनो हुत्वा तस्स महन्तं सक्कारं कारेत्वा तंयेव इट्ठक गोपनं कारेसि. ततो राजा अहमेव इट्ठकोलोकनत्थाय गच्छामि - कुन्तं वड्ढेथाति आह.

तस्मिंयेव खणे पुन अञ्ञं सासनं आहरिंसु. नगरतो तियोजनमत्थके ठाने पुब्बुत्तरकण्णे आचार विट्ठिगामे तियामरत्तिं अभिप्पवट्टे देवे सोळस करीसप्पमाणे पदेसे सुवण्णबीजानि उट्ठहिंसु. तानि पमाणतो उक्कट्ठानि विदत्थिप्पमाणानि. ओमकानि अट्ठङ्गुलप्पमाणानि अहेसुं, अथ विभाताय रत्तिया ¶ गामवासिनो सुवण्णबिजानि दिस्वा राछा’रहं वत भण्डं उप्पन्नन्ति समन्ततो आरक्खा संविदहित्वा सुवण्णबीजानि पातियं पूरेत्वा आगन्त्वा रञ्ञो दस्सेसुं राजा तेसम्पि यथारहं सक्कारं कारेत्वा तेयेव सुवण्ण गोपके अकासि.

अथ तस्मिंयेव खणे अञ्ञं सासनं आहरिंसु. नगरतो पाचीनपस्से सत्तयोजन मत्थको ठाने पारगङ्गाय तम्बविट्ठि नाम जनपदे तम्बलोहं उप्पज्जि. गामिका पातिं पूरेत्वा तम्बलोहं गहेत्वा आगन्त्वा रञ्ञो दस्सेसुं राजा यथानुरूपं सक्कारं तेसम्पि कारेत्वा तेयेव गोपके अकासि.

तदनन्तरं अञ्ञं सासनं आहरिंसु. पुरतो चतुयोजनमत्थको ठाने पुब्बदक्खिण कण्णे सुमनवापिगामे उप्पलकुरुविण्द मिस्सका बहू मणयो उप्पज्जिंसु गामिका पातिं पूरेत्वा आगन्त्वा मानयो रञ्ञो दस्सेसुं. राजा तेसम्पि सक्कारं कारेत्वा तेयेव गोपके अकासि.

तदनन्तरं अञ्ञम्पि सासनं आहरिंसु. नगरतो दक्खिण पस्से अट्ठयोजन मत्थके ठाने अम्बट्ठकोल जनपदे एकस्मिं लेणे रजतं उप्पज्जि तस्मिं समये नगरवासिको एको वाणिजो बहूहि सकटेहि हळिद्दि सिङ्गिवेरादीनमत्थाय मलयं गतो, लेणस्स अविदूरे सकटानि मुञ्चित्वा पतोददारुं परियेसन्तो तं पब्बतं अभिरूळ्हो एकं पणसयट्ठिं अद्दस.

तस्स महन्तं चाटिप्पमाणं एकमेव पणस फलं नरुणयट्ठिं नामेत्वा हेट्ठा पासाणपिट्ठियं अट्ठासि. सो तं फलभारेन नमितं दिस्वा उपगन्त्वा हत्थेन परामसित्वा पक्कभावं ञत्वा वण्टं छिण्दि पणसयट्ठि उग्गन्त्वा यटाट्ठानं अट्ठासि वाणिजो अग्गं दत्वा भुञ्जिस्सामीति चिन्तेत्वा कालं घोसेसि. तदा चत्तारो खीणासव आगन्त्वा तस्स पुरतो पातुरहेसुं. वाणिजो ते दिस्वा अत्तमनो पादे वन्दित्वा निसीदापेत्वा तस्स फलस्स वण्टासमन्ता वासिया तच्छेत्वा अपस्सयं लुञ्चित्वा अपनामेसि. समन्ततो युसं ओतरित्वा अपस्सयानितं आवाटं पूरेसि वाणिजो मनोसिलोदकवण्ण पणसयुसं पत्ते पूरेत्वा अदासि. ते खीणासवा तस्स पस्सन्तस्सेव आकासमब्भुग्गन्त्वा पक्कमिंसु.

सो पुन कालंघोसेसि अञ्ञे चत्तरो खीणासवा आगमिंसु. तेसम्पि हत्थतो पत्ते गहेत्वा सुवण्णवण्णेहि पन समिञ्जेहि पूरेत्वा अदासि तेसु तयो थेरा आकासेन पक्कमिंसु इतरो इण्दगुत्तत्थेरो नाम खीणासवो तस्स तं रजतं ¶ दस्सेतुकामो उपरि पब्बता ओतरित्वा तस्स लेणस्स अविदूरे निसीदित्वा पणस मिञ्जं परिभुञ्जति उपासको थेरस्स गतकाले अवसेस मिञ्जं अत्तनापि खादित्वा सेसकं भण्डिकं कत्वा आदाय गच्छन्तो थेरं दिस्वा उदकञ्च पत्तधोवनसाखञ्च अदासि.

थेरोपि लेणद्वारेन सकट समीपगामि मग्गं मापेत्वा इमिना मग्गेन गच्छ उपासकाति आह. सो थेरं वन्दित्वा तेन मग्गेन गच्छन्तो लेणद्वारं पत्वा समन्ता लेणं ओलोकेन्तो तं रजतरासिं दिस्वा रजतपिण्डं गहेत्वा चासिया छिण्दित्वा रजतभावं ञत्वा महन्तं सज्झपिण्डं गहेत्वा सकट सन्तिकं गन्त्वा तिणोदक सम्पन्ने ठाने सकटानि निवेसेत्वा लहुं अनुराधपुरं गन्त्वा रञ्ञ्ञो दस्सेत्वा तमत्थं निवेदेसि राजा तस्सापि यथारहं सक्कारं कारेसि.

तदन्तरं अञ्ञम्पि सासनं आहरिंसु नगरतो पच्छिम दिसाभागे पञ्च योजन मत्थके ठाने उरुवेल पब्बत महामलकमत्ता पचाळ मिस्सका सट्ठि सकटप्पमाणमुत्ता समुद्दतो थलमुग्गमिंसु केवट्टा दिस्वा राजारहं वत भण्डं उप्पन्नन्ति रासिं कत्वा आरक्खं दत्वा पातिं पूरेत्वा आगन्त्वा रञ्ञो दस्सेत्वा तमत्थं निवेदेसुं. राजा तेसम्पि यथारहं सक्कारं कारेसि.

पुन अञ्ञं सासनं आहरिंसु नगरतो पच्छिमुत्तर कण्णे सत्तयोजन मत्थके ठाने पेळिवापि गामस्स वापिया ओतिण्ण कण्दरे पुलिन पुट्ठे निसदपोतप्पमाण दीघतो विदत्थिचतुरङ्गुला उम्मापुप्फवण्णा चत्तारो महामणि उप्पज्जिंसु. अथेको मत्तो नाम सुनखलुद्दो सुनखे गहेत्वा तत्थ विचरन्तो तं ठानं पत्वा दिस्वा राजारहं वत भण्डन्ति वालिकाहि पटिच्छादेत्वा आगन्त्वा रञ्ञो निवेदेसि. राजा तस्सापि यथारहं सक्कारं कारेसि. एवं राजा थूपत्थाय उप्पन्नानि इट्ठकादीनि तदहेव अस्सोसि इट्ठक रजतानं उप्पन्नट्ठानं तेनेव नामं लभि.

थूपसाधन लाभकथा

२०. अथ राजा थूपत्थाय उप्पन्नानि सुवण्णादीनि आहरापेत्वा भण्डागारेसु रासिं कारेसि ततो सब्बसम्भारे समत्ते विसाख पुण्णमुपोसथदिवसे पत्त विसाख नक्खत्ते महाथूपकरणत्थाय भूमिपरिकम्मं आरभि. राजा थुपट्ठाने पतिट्ठापितं सिलाथूपं हरापेत्वा थिरभावत्थाय समन्ततो हत्थिपाकार परियन्तं गम्भीरतो सतरतनप्पमाणं भूमिं खनापेत्वा पंसुं अपनेत्वा ¶ योधेहि गुळपासाणे अत्थरापेत्वा कम्मारकूटेहि आहनापेत्वा चुण्णविचुण्णे कारेसि.

ततो चम्मविनद्धेहि पादेहि महा हत्थीहि मद्दापेत्वा पासाणकोट्टिमस्सुपरि नवनीत मत्तिकं अत्थरापेसि. आकास गङ्गायहि तिपतितट्ठाने उदकबिन्दूनि उग्गन्त्वा समन्ता तिंस योजनप्पमाणपदेसे पतन्ति यत्थ सयञ्जातसाली उप्पज्जत्ति तं ठानं निच्चमेव तिन्तत्ता निन्तसीसकोळं नाम छातं. तत्थ मत्तिका सुखुमुत्ता नवनीत मत्तिकाति वुच्चति.

तं ततो खीणसवा सामणेरा आहरन्ति ताय सब्बत्थ मत्तिकाकिच्चन्ति ञातब्बं. मत्तिकोपरि इट्ठका अत्थरापेसि. इट्ठकोपरि खरसुकम्मं, तस्सोपरिकुरुविण्दपासाणं, तस्सोपरिअयोजालं, तस्सोपरि खीणासव सामणेरेहि हिमवन्ततो आहटं सुगण्धमारुम्बं, तस्सोपरि खीरपासाणं, तस्सोपरि एळिकपासाणं, तस्सोपरि सीलं अत्थरापेसि. सब्बमत्तिकाकिच्चे नवनीतमत्तिका एव अहोसि.

सिलासत्थारोपरि रसोदक सन्तिन्तेन कपित्थ निय्यासेन अट्ठङ्गुलबहलतम्बलोहपट्टं, तस्सोपरि तिलतेलयन्तिन्ताय मनोसिलाय सत्तङ्गुल बहलं रजतपट्टं अत्थरापेसि एवं राजा सब्बाकारेन भूमिपरिकम्मं कारापेत्वा आसाळहि सुक्कपक्खस्स चातुद्दस दिवसे भिक्खुसङ्घा सन्निपातेत्वा एवमाह. स्वे पुण्णमुपोसथदिवसे उत्तरासाळ्ह नक्खत्तेन महाचेतिये मङ्गलिट्ठकं पतिट्ठापेस्सामि स्वे थूपूट्ठाने सब्बो सङ्घो सन्तिपततूति नगरे भेरिं चरापेसि महाजनो उपोसथिको हुत्वा गण्धमालादीनि गहेत्वा थूपट्ठाने सन्निपततूति.

ततो विसाखसिरि देवनामके द्वे अमच्चे आणापेसि. तुम्हे गन्त्वा महा चेतियट्ठानं अलङ्करोथाति. ते गन्त्वा समन्ततो रजतपट्टवण्णवालुकं ओकीरापेत्वा लाजपञ्चमकानि पुप्फानि विकिरित्वा कदलितोरणं उस्सापेत्वा पुण्णघटे ठपापेत्वा मणिवण्णे वेळुम्हि पञ्चपण्णधजं बण्धापेत्वा गण्धसम्पन्नानि नानाविध कुसुमानिसण्थरापेत्वा नानाप्पकारेहि तं ठानं अलङ्करिंसु.

अथ राजा सकलनगरञ्च विहारगामि मग्गञ्च अलङ्कारापेसि पभाताय रत्तिया नगरे चतुसु द्वारेसु मस्सु कम्मत्थाय नहापिते, नहापनत्थायनहापनके, अलङ्कारत्थाय कप्पकेव नानाविराग वत्थ गण्धमालादीनि च सूपव्यञ्जन सम्पन्नानि मधुरभत्तानि च ठपापेत्वा सब्बे नगरा च जानपदा च यथारुचिं मस्सूकम्मं कारेत्वा नहात्वा भुञ्जित्वा वत्थाभरणादीहि अलङ्करित्वा महाचेतियट्ठानं आगच्छन्तूति आयुत्तकेहि आरोचापेसि.

सयम्पि ¶ सब्बाभरण विभूसितो चत्तालीस पुरिस सहस्सेहि सद्धिं उपोसको हुत्वा अनेकेहि सुमण्डित पसाधितेहि अमच्चेहि गहितारक्खो अलङ्कताहि देवकञ्ञ पमाहि नाटकित्थिहि परिवुतो अमरगण परिवुतो देवराजा विय अत्तनो सिरिसम्पत्तिहा महाजनं तोसयन्तो अनेकेहि तुरिय सङ्घुट्ठेहि वत्तमानेहि अपरण्हे महाथूपट्ठानं उपगञ्जि. महा चेतियट्ठान मङ्गलत्थाय पुटबद्धानि वत्थानि अट्ठुत्तर सहस्सं ठपापेसि. चतुसु पस्सेसु वत्थरासिं कारेसि तेल-मधु-सक्कर-फाणितादीनि च ठपापेसि.

अथ नानादेसतो बहू भिक्खू आगमिंसु राजगहा समन्ता इण्दिगुत्तत्थेरो नाम असीति भिक्खुसहस्सानि गहेत्वा आकासेनागञ्छि तथा बाराणसियं इसिपतने महा विहारतो धम्मसेनत्थेरो नाम द्वादस भिक्खुसहस्सानि. सावत्थियं जेतवन विहारतो पियदस्सि नाम थेरो सट्ठि भिक्खु सहस्सानि वेसालियं महा वनतो बुद्धरक्खितत्थेरो अट्ठारस भिक्खु सहस्सानि, कोसम्बियं घोसितारामतो महाधम्मरक्खितत्थेरो तिंस भिक्खुसहस्सानि. उज्जेनियं दक्खिणगिरि महा विहारतो धम्मरक्खितत्थेरो चत्तालीस भिक्खुसहस्सानि-पाटलिपुत्ते असोकारामतो मित्तिण्णत्थेरो भिक्खूनं सतसहस्सानि सट्ठिञ्च सहस्सानि गण्धार रट्ठतो अत्तिन्न थेरो नाम भिक्खूनं द्वे सतसहस्सानि असीतिञ्च सहस्सानि. महापल्लव भोगतो महादेवत्थेरो भिक्खूनं चत्तारि सतसहस्सानि सट्ठिञ्च सहस्सानि योनकरट्ठे अलसण्दा नगरतो योनक धम्मरक्खितत्थेरो तिंस भिक्खु सहस्सानि. विञ्झाटविवत्तनिय सेनासनतो उत्तरत्थेरो असीति भिक्खुसहस्सानि. महाबोधिमण्ड विहारतो चित्तगुत्तत्थेरो तिंस भिक्खुसहस्सानि वनवासिभोगतो चण्दगुत्तत्थेरो असीति भिक्खुसहस्सानि. केलास महाविहारतो सुरिभगुत्तत्थेरो छन्नवुति सहस्सानि गहेत्वा आकासेनागञ्छि.

‘‘भिक्खूनं दीपवासीनं-आगतानञ्च सब्बसो,

गणनाय परिच्छेदो-पोराणेहि न भासितो;

समागतानं भिक्खूनं-सब्बेसं तं समागमे,

वुत्ता खीणासवायेव-ते छन्नवुति कोटियो;’’

अथ सङ्घो परिक्खित्त पवाळवेदिका विय मज्झे रञ्ञो ओकासे ठपेत्वा अञ्ञमञ्ञं अघट्टेत्वा अट्ठासि. पाचिनपस्से बुद्धरक्खितनामको खीणासावत्थेरो अत्तनासदिसनामके पञ्चसतखीणासवे गहेत्वा अट्ठासि. तथा दक्खिणपस्से पच्छिमपस्से उत्तरपस्से ¶ च धम्मरक्खित - सङ्घरक्खित - आनण्द नामका खीणासवत्थेरा अत्तना सदिसनामके पञ्चपञ्चसत खीणासवे गहेत्वा अट्ठंसु पियदस्सि नाम खीणासवत्थेरो महाभिक्खुसङ्घं गहेत्वा पुब्बुत्तर कण्णे अट्ठासि.

राजा किर सङ्घमज्झं पविसन्तोयेव सचे मया कयिरमानं चेतियकम्मं अनन्तरायेन निट्ठं गच्छति पाचिन-दक्खिण-पच्छिम-उत्तरपस्सेसु बुद्धरक्खित-चम्मरक्खित-सङ्घरक्खित-आनण्द नामका थेरा अत्तनासदिसनामके पञ्चपञ्चसतभिक्खु गहेत्वा तिट्ठन्तु पियदस्सि नाम थेरो पुब्बुत्तरकण्णे भिक्खुसङ्घं गहेत्वा तिट्ठतूति चिन्तेसि. थेरापि रञ्ञो अधिप्पायं ञत्वा तथा ठिताति वदन्ती सिद्धत्थेरो पन मङ्गलो-सुमनो-पदुमो-सीवलि-चण्दगुत्तो-सूरियगुत्तो-इण्दगु- त्तो-सागरो-चित्तसेनो -जयसेनो-अचलोति इमेहि एकादसहि थेरेहि परिवुतो पुण्णघटे पूरतो कत्वा पुरत्थाभिमुखो अट्ठासि.

अथ राजा तथा ठितं भिक्खुसङ्घं दिस्वा पसन्नचित्तो गण्धमालादीहि पूजेत्वा पदक्खिणं कत्वा चतूसु ठानेसु वन्दित्वा पुण्णसटट्ठानं पविसित्वा सुयण्णखीले पटिमुक्कंरजतमयं परिब्भमन दण्डं विज्जमानमातापितूनं उभतो सुजातेन सुमण्डित पसाधितेन अभिमङ्गल सम्मतेन अमच्चपुत्तेन गाहापेत्वा महन्तं चेतियावट्टं कारेतुं आरभि. तथा कारेन्तं पन सिद्धत्थत्थेरो निवारेसि. एवं किरस्स अहोसि - यदि महाराजा महन्तं चेतियं करोति, अनिट्ठितेयेव मरिस्सति अनागते दुप्परिहरियञ्च भविस्सतीति. तस्मिं खणे भिक्खुसङ्घो महा राज थेरो पाण्डितो, थेरस्स वचनं कातुं वट्टतीति आह.

राजा भिक्खुसङ्घस्स अधिप्पायं ञत्वा थेरो करोतीति मञ्ञमानो कीदिसं भन्ते पमाणं करोमीति आह. थेरो मम गतगतट्ठानतो चेतियावट्टं करोहीति वत्वा उपदिसन्तो आविज्झित्वा अगमासि. राजा थेरस्स वुत्तनयेन चेतियावट्टं कारेत्वा थेरं उपसङ्कमित्वा नामं पुच्छित्वा गण्धमालादीहि पूजेत्वा वम्बत्वा परिवारेत्वा ठिते सेस एकादस थेरे च उपसङ्कमित्वा पूजेत्वा वन्दित्वा तेसं नामानि च पुच्छित्वा परिब्भमन दण्डगाहकस्स अमच्च पुत्तस्स ताम पुच्छि.

अहं देव सुप्पतिट्ठित ब्रह्मा नामाति वुत्ते तव पिता किं नामोति पुच्छित्वान नण्दिसेनो नामाति वुत्ते मातुनामं पुच्छि. सुमनादेवी नामाति वुत्ते सब्बेसं नामानि अभिमङ्गलसम्मतानि, मया कयरमानं चेतियकम्मं अवस्सं निट्ठानं गच्छतिति हट्ठो अहोसि, ततो राजा मज्झे अट्ठ सुवण्णघटे ¶ रजतघटे च ठपापेत्वा ते परिवारेत्वा अट्ठुत्तरसयस्स पुण्णघटे ठपापेसि.

अथ अट्ठ सुवण्णिट्ठका ठपापेसि. तासु एकेकं परिवारेत्वा अट्ठुत्तरसत अट्ठुत्तरसत रजतिट्ठकायो. अट्ठुत्तरसत अट्ठुत्तरसत वत्थानि च ठपापेसि. अथ सुप्पतिट्ठित ब्रह्मनामेन अमच्चपुत्तेन एकं सुवण्णिट्ठकं गाहापेत्वा तेन सदिस नामेहि च जीवमानक मातापितूहि सत्तहि अमच्चपुत्तेहि सेस सत्तिट्ठकायो गाहापेसि.

तस्मिं खणे मित्तत्थेरो नाम पुरत्थिम दिसाभागे परिब्भमित लेखाय भूमियं गण्धपिण्डं ठपेसि. जयसेनत्थेरो नाम उदकं आसिञ्चित्वा सन्तिन्तेत्वा समं अकासि. सुप्पतिट्ठितब्रह्मा भद्द नक्खत्तेन एवं नानाविध मङ्गलानिसङ्खटट्ठाने पठमं मङ्गलिकट्ठकं पतिट्ठापेसि. सुमनत्थेरोनाम जातिसुमनपुप्फेहि तं पूजेसि. तस्मिं खणे उदकपरियन्तं कत्वा महापथवि कम्पो अहोसि. एतेनेव नयेन सेस सत्तिट्ठकायोपि पतिट्ठापेसुं.

ततो राजा रजतिट्ठकायोपि पतिट्ठापेत्वा गण्धमालादीहि पूजेत्वा मङ्गलविधानं निट्ठापेत्वा सुवण्णपेलायपुप्फानि गाहापेत्वा पाचीनपस्से भिक्खुसङ्घस्स पुरतो ठितं महा बुद्धरक्खितत्थेरं उपसङ्कमित्वा गण्धमालादीहि पूजेत्वा वन्दित्वा थेरस्स परिवारेत्वा ठित भिक्खूनञ्च नामानि पुच्छित्वा ततो दक्खिणपस्से ठितं महाधम्मरक्खितत्थेरं पच्छिमपस्से ठितं महासङ्घरक्खितत्थेरं उत्तरपस्से ठितं आनण्दत्थेरञ्च उपसङ्कमित्वा गण्धमालादीहि पूजेत्वा पञ्चपतिट्ठितेन वन्दित्वा तथेव नामानि पुच्छित्वा पुब्बुत्तर कण्णं गन्त्वा तत्थ ठितं पियदस्सि महाथेरं वन्दित्वा पूजेत्वा नामानि पुच्छित्वा सन्तिके अट्ठासि.

थेरो मङ्गलं वड्ढेन्तो रञ्ञो धम्मं देसेसि. मङ्गलपरियोसाने सम्पत्त गिहिपरिसासु चत्तालीस सहस्सानि अरहन्तो पतिट्ठहिंसु. चत्तालीस सहस्सानि सोतापत्तिफलो सहस्सं सकदागामिफले, सहस्सं अनागामिफले, भिक्खूनं पन अट्ठारससहस्सानि अरहत्तं पापुणिंसु. भिक्खुनीनं चतुद्दस सहस्सानीति.

थूपारम्ह कथा

२१. ततो राजा भिक्खुसङ्घं वन्दित्वा याच महाचेतियं निट्ठातिनाव मे भिक्खुसङ्घो भिक्खं गण्हातूति आह. भिक्खू नाधिवासेसु, अनुपुब्बेन याचन्तो उपल्लभिक्खूनं सत्ताहं अधिवासनं लभित्वा थूपट्ठानस्स समन्ततो अट्ठारससु ठानेसु मण्डपे कारयित्वा ¶ भिक्खुसङ्घं निसीदापेत्वा सत्ताहं महादानं दत्वा सब्बेसंयेव तेल-मधु-पाणितादि भेसज्जं दत्वा भिक्खुसङ्घं विस्सज्जेसि ततो नगरे भेरिंचारापेत्वा सब्बे इट्ठक वड्ढकि सन्तिपातेसि. ते पञ्चसतमत्ता अहेसुं.

तेसु एको अहं रञ्ञो चित्तं आराधेत्वा महाचेतियं कातुं सक्कोमीति राजानं पस्सि राजा कथं करोसीति पुच्छि. अहं देव पेसिकानं सतं गहेत्वा एकाहं एकं पंसुसकटं खेपेत्वा कम्मं करोमीति आह. राजा एवं सति पंसुरासिकं भविस्सति. तिणरुक्खादीनि उप्पज्जिस्सन्ति अद्धानं नप्पवत्ततीति तं पटिबाहि.

अञ्ञो अहं पुरिससतं गहेत्वा एकाहं एकं पंसुगुम्बं खेपेत्वा कम्मं करोमीति आह.

अञ्ञो पंसूनं पञ्चम्मणानि खेपेत्वा कम्मं करोमीति आह.

अञ्ञो द्वे अम्मणानि खेपेत्वा कम्मं करोमीति आह. तेपि राजा पटिबाहियेव.

अथ अञ्ञो पण्डितो इट्ठक वड्ढकी अहं देव उदुक्खले कोट्टेत्वा सुप्पेहि वट्टेत्वा निसदेपिंसित्वा पंसूनं एकम्मणं एकाहेनेव खेपेत्वा पेसिकानं सतं गहेत्वा कम्मं करोमीति आह.

राजा एवं सति महाचेतिये तिणादीनि न भविस्सन्ति चिरट्ठितिकञ्च भविस्सतिति सम्पटिच्छित्वा पुन पुच्छि-किं सण्ठानं पन करिस्ससीति.

तस्मिं खणे विस्सकम्म देवपुत्तो वड्ढकिस्स सरीरे अधिमुच्चि. वड्ढकी सुवण्णपातिं पूरेत्वा उदकमाहरापेत्वा पाणिना उदकं गहेत्वा उदकपिट्ठियं आहनि. एळिकघट सदिसं महन्तं उदकबुब्बुलं उठ्ठासि. देव ईदिसं करोमीति आह.

राजा साधूति सम्पटिच्छित्वा तस्स सहस्सग्घनकं साटक युगलं, सहस्सग्घनकंयेव पुण्णकं नाम सुवण्णालङ्कारं सहस्सग्घनका पादुका, द्वादस कहापन सहस्सानि च दत्वा अनुरूपट्ठाने गेहञ्च खेत्तञ्च दापेसि.

ततो राजारत्तिभागे चिन्तेसि कथं नाम मनुस्से अपीलेत्वा इट्ठका आहरापेय्यन्ति देवता रञ्ञो चित्तं ञत्वा चेतियस्स चतुसु द्वारेसु एकेकदिवसप्पहोणकं कत्वा तस्सायेव रत्तिया इट्ठकारासिं अकंसु विहाताय रत्तिया मनुस्सा दिस्वा रञ्ञो आरोचेसुं. राजा तुस्सित्वा वड्ढकिं कम्मे पट्ठपेसि. देवता एतेनेव नयेन याव महाचेतियस्स निट्ठानं ताव एकेकस्स ¶ दिवसस्स पहोणकं कत्वा इट्ठका आहरिंसु. सकलदिवसभागे कम्मं कतट्ठाने मत्तिका इट्ठक चुण्णं वापि न पञ्ञायति. रत्तियं देवता अन्तरधापेन्ति.

अथ राजा महाचेतियेकम्मकारायचतुपरिसायहत्थ कम्ममूलत्थंचतुसु द्वारेसु एकेकस्मिं द्वारे सोळस कहापन सहस्सानि वत्थालङ्कार-गन्ध-माल-तेल-मधु-फाणित-पञ्चकटुक भेसज्जानि नानाविध सूपव्यञ्जन संयुत्तं भत्तं यागुखज्जकादीनि अट्ठविध कप्पियय पानकानि पञ्चविध मुखवास सहित ताम्बूलानि च ठपापेत्वा महाचेतिये कम्मं करोन्तागहट्ठा वा पब्बजिता वा यथाज्झासयं गण्हन्तु मुलं अगहेत्वा कम्मं करोन्तानं कातुं न देथाति आणापेसि.

अथेको थेरो चेतियकम्मे सहाय भावं इच्छन्तो कम्मकरणट्ठाने मत्तिका सदिसं कत्वा अत्तानं अभिसङ्खटं मत्तिका पिण्डं एकेन हत्थेन गहेत्वा अञ्ञेन माला गहेत्वा महाचेतियङ्गणं आरुय्ह राजकम्मिके वञ्चेत्वा वड्ढकिस्स अदासि. सो गण्हन्तोव पकतिमत्ति का ना भवतीति ञत्वा थेरस्स मुखं ओलोकेसि तस्साकारं ञत्वा तत्थ कोलाहल महोसि अनुक्कमेन राजा सुत्वा आगन्त्वा वड्ढकिं पुच्छि-तुय्हं किर भणे एको भिक्खु अमूलक मत्तिकापिण्डं अदासीति.

सो एवमाह-येभुय्येन अय्या एकेन हत्थेन पुप्फं एकेन मत्तिकापिण्डे गहेत्वा आहरित्वा देन्ति तेनाहं अजानित्वा कम्मे उपनेसिं ‘‘अयं पन आगन्तुको, अयं नेवासिकोति एत्तकं जानामीति.‘‘तेन हि तं थेरं इमस्स दस्सेहीति एकं महल्लक बलत्थं वड्ढकिस्स सन्तिके ठपेसि वड्ढकी पुन आगतकाले तं थेरं बलत्थस्स दस्सेसि सो तं सञ्जानित्वा रञ्ञो आरोचेसि.

राजा तस्स सञ्ञं अदासि. तो त्वं तयो जातिसुमन मकुलकुम्भे महाबोधि अङ्गणे रासिं कत्वा गण्धञ्च ठपेत्वा महाबोधि अङ्गणं गत काले आगन्तुकस्स थेरस्स पूजनत्थाय रञ्ञो दापितं गण्धमालान्ति वत्वा देहीति. बलत्थो रञ्ञो वुत्तनयेनेव तस्स बोधि अङ्गणं गत काले तं गण्धमालं अदासि.

सोपि सोमनस्सप्पत्तो हुत्वा सेलसण्थरं धोवित्वा गण्धेन परिभण्डं कत्वा सिलासन्थरं कत्वा पुप्फं पूजेत्वा चतुसु ठानेसु वन्दित्वा पाचीनद्वारे अञ्जलिं पग्गय्ह पीतिं उप्पादेत्वा पुप्फ पूजं ओलोकेन्तो अट्ठासि.

बलत्थो तस्मिं काले तं थेरं उपसङ्कमित्वा वन्दित्वा एवमाह. भन्ते तुम्हाकं चेतियकम्मे सहायभावत्थाय दिन्नस्स अमूलक ¶ मत्तिकापिण्डस्स मूलं दिन्नभावं राजा जानापेति अत्तनो वन्दनेन वन्दापेतीति. तं सुत्वा थेरो अनत्तमनो अहोसि. बलत्थो तिट्ठन्तु भन्ते तयो सुमन मकुल कुम्भातत्तकानेव सुवण्णपुप्फानिपि एतं मत्तिकपिण्डं नाग्घन्ति. चित्तं पसादेथ भन्तेति पक्कामि.

तदा कोट्ठिवालजनपदे पियङ्गल्ल विहारवासी एको थेरो इट्ठकवड्ढकिस्स ञातको अहोसि. सो आगन्त्वा वड्ढकिना सद्धिं मन्तेत्वा दीघ बहल किरियतो इट्ठकप्पमाणं जानित्वा गन्त्वा सहत्थेनेव सक्कच्चं मत्तिकं मद्दित्वा इट्ठकं कत्वा पचित्वा पत्तत्थविकाय पक्खिपित्वा पच्चागन्त्वा एकेन हत्थेन रञ्ञो इट्ठकं एकेन पुप्फं गहेत्वा अत्तनो इट्ठकास सद्धिं रञ्ञो इट्ठकं अदासि. वड्ढकी गहेत्वा कम्मे उपनेसि.

थेरो सञ्जात पीति सोमनस्सो महाचेतिये कम्मं करोन्तो इट्ठ कसालपरिवेणे वसति तस्स तं कम्मं पाकटं अहोसि. राजा वड्ढकिं पुच्छि-भणे एकेन किर अय्येन अमूलिक इट्ठका दिन्नाति. सच्चं देव, एकेन अय्येन दिन्न इट्ठका अम्हाकं इट्ठकाय सदिसाति कम्मे उपनेसिन्ति आह. पुन तं इट्ठकं सञ्जानासीति रञ्ञा वुत्ते ञातकानुग्गहेन न जानामीति आह.

राजा यदि एवं तं इमस्स दन्नेहीति बलत्थं ठपेसि सो तं पुब्बे विय बलत्थस्स दस्सेसि. बलत्थो परिवेणं गन्त्वा सन्तिके निसीदित्वा पटिसण्थारं कत्वा भन्ते तुम्हे आगन्तुका नेवासिकाति पुच्छि. आगन्तुकोम्ही उपासकाति. कतर रट्ठवासिको भन्तेति कोट्ठिवालजनपदे पियङ्गल्ल विहारवासिम्हि उपासकाति इधेव वसथ गच्छथाति. इध न वसाम असुकदिवसे गच्छामाति आह. बलत्थोपि अहम्पि तुम्हेहि सद्धिं आगमिस्सामि. मय्हम्पि गामो एतस्मिंयेव जनपदे असुक गामो नामाति आह. थेरो साधूति सम्पटिच्छि. बलत्थो तं पवत्तिं रञ्ञो निवेदेसि.

राजा बलत्थस्स सहस्सग्घनकं वत्थयुगलं महग्घं रत्तकम्बलं उपाहनयुगं सुगण्धतेलनाळिं अञ्ञ्च बहुं समणपरिक्खारं थेरस्स देहीति दापेसि सोपि परिक्खारं गहेत्वा परिवेणं गन्त्वा थेरेन सद्धिं रत्तिं वसित्वा पातो सद्धिंयेव निक्खमित्वा अनुपुब्बेन गन्त्वा पियङ्गल्ल विहारस्स दिस्समाने ठाने सीतच्छायाय थेरं निसीदापेत्वा पादे धोवित्वा गण्धतेलेन मक्खेत्वा गुळोदकं पायेत्वा उपाहनं पटिमुञ्चित्वा इदं मे परिक्खारं कुलूपगथेरस्सत्थाय गहितं, इदानि तुम्हाकं दम्मि, इदं पन साटकयुगं मम पुत्तस्स मङ्गलत्थाय गहितं, ¶ तुम्हे चीवरं कत्वा पारुपथाति वत्वा थेरस्स पादमूले ठपेसि.

थेरो साटकयुगं पत्तत्थविकाय पक्खिपित्वा सेसपरिक्खारं भण्डिकं कत्वा उपाहनं आरुय्हं कत्तयट्ठिं गहेत्वा मग्गं पट्पज्जि. बलत्थो तेन सद्धिं थोकं गन्त्वा ‘‘तिट्ठथ भन्ते, मय्हं अयं मग्गो‘‘ति वत्वा पुब्बे वुत्तनयेनेव रञ्ञो सासनं थेरस्स आरोचेसि

थेरो तं सुत्वा महन्तेन परक्कमेन कतकम्मं अकतं विय जातन्ति दोमनस्सप्पत्तो हुत्वा अस्सुधारं पवत्तेत्वा’उपासक तव परिक्खारं त्वमेव गण्हाही‘‘ति ठितकोव सब्बापरिक्खारं छड्डेसि बलत्थो किं नाम भन्ते वदथ एस राजा तुय्हं भवग्गप्पमाणं कत्वा पच्चयं देन्तोपि तव इट्ठकानुरूपं कातुं न सक्कोति. केवलं पन महाचेतिये कम्मं अञ्ञेसं अपत्तकं कत्वा करोमीति अधिप्पायेन एवं कारेति तुम्हे पन भन्ते अत्तना लद्धपरिक्खारं गहेत्वा चित्तं पसादेथाति वत्वा थेरं सञ्ञापेत्वा पक्कामि. इमस्मिं पन चेतिये भतिया कम्मं कत्वा चित्तं पसादेत्वा सग्गे निब्बत्त सत्तानं पमाणं नत्थि.

तावतिंस भवने किर निब्बत्त देवधीतरो अत्तनो सम्पत्तिं ओलोकेत्वा केन नु को कम्मेन इमं सम्पत्तिं लभिम्हाति आवज्जमाना महाचेतिये भतिया कम्मं कत्वा लद्धभावं ञत्वा भतिया कतकम्मस्सापि फलं ईदिसं, अत्तनो सन्तकेन कम्मफलं सद्दहित्वा कतकम्मस्स फलं कीदिसं भविस्सतीति चिन्तेत्वा दिब्बगण्धमालं आदाय रत्तिभागे आगन्त्वा पूजेत्वा चेतियं वन्दन्ति.

तस्मिं खणे भातिवङ्कवासी महासीवत्थेरो नाम चेतियं वन्दनत्थाय गतो, ता वन्दन्तियो दिस्वा महासत्तपण्णिरुक्खसमीपे ठितो तासं यथारुचिं वन्दित्वा गमनकाले पुच्छि? तुम्हाकं सरीरालोकेन सकलतम्बपण्णिदिपो एकालोको, किं कम्मं करित्थाति भन्ते अम्हाकं सन्तके कतकम्मं नाम नत्थि इमस्मिं चेतिये मनं पसादेत्वा भतिया कम्मं करिम्हाति आहंसु एवं बुद्धसासने पसन्नचित्तेन भतिया कतकम्मम्पि महप्फलं होति. तस्मा-

‘‘चित्तप्पसादमत्तेन-सुगते गति उत्तमा,

लब्भतीति विदित्वान-थूपपूजं करे बुद्धो’’ति;

एवं राजा चेतियकम्मं कारापेन्तो पुप्फधानत्तयं निट्ठापेसि. तं खीणासव थिरभावत्थाय भूमिसमं कत्वा ओसीदापेसुं, एवं नववारे चितं चितं ओसीदापेसुं. राजा कारणं अजानन्तो अनत्तमनो ¶ हुत्वा भिक्खुसङ्घं सन्निपातेसि. असीति भिक्खुसहस्सानि सन्निपतिंसु राजा भिक्खुसङ्घं गण्धमालादीहि पूजेत्वा वन्दित्वा पुच्छि’भन्ते महाचेतिये पुप्फधानत्तयं नववारे न जानामी’ति भिक्खुसङ्घो आह महाराज तुय्हं कम्मस्स वा जीवितस्स वा अन्तरायो नत्थि. अनागते थिरभावत्थाय इद्धिमन्तेहि ओसीदापितं, इतो पट्ठाय न ओसीदापेस्सन्ति. त्वं अञ्ञथत्तं अकत्वा महाथूपं समापेहीति. तं सुत्वा हट्ठो राजा थूपकम्मं कारेसि.

दसपुप्फधानानि दसहि इट्ठकाकोटीहि निट्ठनं गमिंसु पुन पुप्फधानत्तये निट्ठिते भिक्खुसङ्घो उत्तर-सुमन नामके द्वे खीणासव सामणेरे आणापेसि. तुम्हे समचतुरस्सं अट्ठरतन बहलं एकेक पस्सतो असीति असिति हत्थप्पमाणं छमेदक वण्णपासाणे आहरथाति. ते साधूति सम्पटिच्छित्वा उत्तरकुरुं गन्त्वा चुत्तप्पकारप्पमाणे भण्डिपुप्फनिहेछ मेदवण्णपासाणे आहरित्वा एकं पासाणं धातुगब्भस्स भूमियं अत्थरित्वा चत्तारो पासाणे चतुसु पस्सेसु संविधाय अपरं धातुगब्भं पिदहनत्थाय पाचीन दिसाभागे वालुक पाकार समीपे अदिस्समानं कत्वा ठपेसुं.

२२. ततो राजा धातुगब्भस्स मज्झे सब्बरतनमयं सब्बाकारसम्पन्नं मनोहरं बोधिरुक्खं कारेसि सो हि इण्दनीलमणिभूमियं पतिट्ठितो, तस्समूलानि पचाळमयानि, खण्धो सिरिवच्छादीहि अट्ठमङ्गलिकेहि पुप्फपन्ति लतापन्ति चतुप्पद हंसपन्तिहि च विचित्तो अट्ठारस हत्थुब्बेधो रजतमयो अहोसि.

पञ्चमहासाखापि अट्ठारसहत्थाच, पत्तापि मणिमयानि, पण्डुपत्तानि, हेममयानि, फला पवाळमयानि. तथा अङ्कुरोपरि चेलवितानं बण्धापेसि. तस्स अन्ते समन्नतो मुत्तमय किङ्किणिकजालं ओलम्बति. स्वण्णघण्टापन्ति च सुवण्णदामानि च तहिं तहिं ओलम्बन्ति वितानस्स चतुसु कण्णेसु नवसतसहस्सग्घनको एकेको मुत्ताकलापो ओलम्बति. तत्थ यथानुरूपं नानारतन कतानेव चण्द-सूरिय-तारकारूपानि पदुमानि च अप्पितानि अहेसुं. महग्घानि अनेकवण्णानि अट्ठुत्तर सहस्सानि वत्थानि ओलम्बिंसु.

ततो बोधिरुक्खस्स समन्ततो सत्त रतनमय वेदिका कारेत्वा महामलक मुत्ता अत्थरापेसि मुत्ता वेदिकानं अन्तरे गण्धोदक पुण्ण सत्तरतनमय पुण्णघट पन्तियो ठपापेसि. तासु सुवण्णघटे पवाळमयानि पुप्फानि अहेसुं. पवाळघटे सुवण्णमयानि पुप्फानि. मणिघटे रजतमयानि पुप्फानि ¶ रजतघटे मणिमयानिपुप्फाति. सत्तरतनघटे सत्तरतनमयानि पुप्फानि अहेसुं.

बोधिरुक्खस्स पाचीन दिसाभागे रतनमये कोटिअग्घनके पल्लङ्के घनकोट्टिम सुवण्णमयं बुद्धपटिमं निसीदापेसि. तस्सा पटिमाय वीसति नखा अक्खिनं सेतट्ठानानि च फळकमयानि. हत्थतल पादतल दन्तावरणानि अक्खीनं रत्तट्ठातानि च पवाळमयानि केस भमुकानि अक्खिनं काळकट्ठानानि च इण्दनील मणिमयानि उण्णालोमं पनं रजतमयं अहोसि. ततो सहम्पति महा ब्रह्मानं रजतच्छत्तं धारेत्वा ठिनं कारेसि. तता द्वीसु देवलोकेसु देवताहि सद्धिं विजयुत्तरसङ्खं गहेत्वा अभिसेकं ददमानं सक्कं देवराजानं पञ्चसिख देवपुत्तं बेळुव पण्डु वीणमादाय गण्धब्बं कुरुमानं. महाकाळ नागराजानं नागकञ्ञापरिवुतं नानाविधेनथुतिघोसेन तथागतं वण्णेन्तं कारेसि.

वसवत्तिमारम्पन बाहुसहस्सं मापेत्वा तिसूल मुग्गरादि नानावुधानि गहेत्वा सहस्सकुम्भं गिरिमेखल हत्थिक्खण्ध मारुय्ह मारबलं परिवारेत्वा बोधिमण्डं आगन्त्वा अनेक भिंसनकं कुरुमानं कारेसि. सेसासु दिसासु पाचीन दिसाभागे पल्लङ्कसदिसे कोटि कोटि अग्घनके तयो पल्लङ्के अत्थरापेत्वा दन्तमयं दण्डं पवाळवीजनिं ठपापेसि. बोधिक्खण्धं उस्सीसके कत्वा नानारतनं मण्डितं कोटिअग्घनकं रजत सयनं अत्थरापेसि.

दसबलस्स अभिसम्बोधिम्पत्वा अनिमिसेन चक्खुना बोधिपल्लङ्कं ओलोकितट्ठानं सत्ताहमेव रतनचङ्कमे चङ्कमितट्ठानं ओलोकितट्ठानं सत्ताहमेव रतनचङ्कमे चङ्कमितट्ठानं रतनघरं पविसित्वा धम्मसम्मसितट्ठानं मुचलिण्दमूलं गन्त्वा निसिन्नस्स मुचलिण्देन नागेन सत्तक्खत्तुं भोगेहि परिक्खिपित्वा उपरि फणं कत्वा ठितट्ठानं, ततो अजपाल निग्रोध मूलं गन्त्वा निसिन्नट्ठानं, ततो राजायतनं भोजने उपनीते चतुमहाराजेहि उपनीत पत्तपटिग्गहणं कारेसि.

ततो ब्रह्मायाचनं धम्मचक्कप्पवत्तनं ससपब्बज्जं, भद्दवग्गिय पब्बज्जं, तेभातिक जटिल दमनं, लट्ठिवनुय्याने बिम्बिसारोपगमणं, राजगहप्पवेसनं, वेळुवन पटिग्गहणं असीति महासावके च कारेसि ततो कपिलवत्थुगमनं रतनचङ्कमे ठतट्ठानं, राहुलपब्बज्जं, नण्द्रपब्बज्जं जेतवनपटिग्गहणं, गण्डम्बमूले यमक पाटिहारिकं देवलोके.

‘‘निसिन्ने’’ति कत्थचि.

अभिधम्म ¶ देसना देवोरोहण पाटीहीरं थेरपञ्ह समागमञ्च कारेसि.

तथा महासमयसुत्त-राहुलोवाद सुत्त-मङ्गसुत्तपारायन सुत्त समागमं धनपाल-आळवक-अङ्गुलिमाल-अपलाल दमनं आयुसङ्खार वोस्सज्जनं सूकरमद्दव परिग्गहणं सिङ्गिवण्ण वत्थयुग पटिग्गहणं पसन्नोदकपानं परिनिब्बानं देवमनुस्स परिदेवनं महाकस्सपत्थेरस्सभगवतोपादवण्दनं सरीर ङहनं अग्गिनिब्बानं आळाहनसक्कारं देणेन ब्राह्मणेन कतधातु विभागञ्च कारेसि.

तथा अद्धच्छट्ठानि जातकसतानि कारेसि. वेस्सन्तरजातकं पन कारेन्तो सञ्जय महाराजं फुसतीदेविं मद्दिदेविं जालिय कुमारं कण्हाजिनञ्च कारेसि. ततो पण्डव हत्थिदानं सत्त सतक महादानं नगर विलोकनं सिन्धवदानं देवताहि रोहितथ वण्णेन रथस्स वहनं रथदानं सयमेवोणत दुमतो फलं गहेत्वा दारकानं मधुमंस दिन्न नेसादस्स सुवण्ण सूचिदानं वङ्कपब्बतकुच्छिम्हि पब्बज्जावेसेन वसितट्ठानं पूजकस्स दारकदानं सक्कब्राह्मणस्स भरियंदानं पूजकस्स देवतानुभावेक दारके गहेत्वा गन्त्वा सञ्जय नरिण्दस्स पुरतो गतट्ठानं ततो वङ्कपब्बतकुच्छियं छन्नं खत्तियानं समागमं वेस्सन्तरस्स मद्दिया च अभिसेकं पत्तट्ठानं नकरम्पविट्ठे सत्तरतनवस्सं वस्सितट्ठानं ततो चवित्वा तुसितपुरे निब्बत्तट्ठानञ्च सब्बं वित्थारेन कारेसि.

ततो दस सहस्स चक्कवाळदेवताहि बुद्ध भावाय आयाचितट्ठानं अपुनरावत्तनं मातुकुच्छिओक्कमनं महामायादेविं सुद्धोदन महाराजं लुम्बिनीवने जातट्ठानं अन्तलिक्खतो द्विन्नं उदकधारानं पतनं उत्तराभिमुखं सत्तपदवीतिहार गमनं काळदेवळस्स जटामत्थके महापुरिसस्स पादपतिट्ठान अनतिवत्तमानाय जम्बुच्छायाय धातीनं पमादं दिस्वा सिरिसयने पल्लङ्के निसीदित्वा झानसमापन्नट्ठानञ्च कारेसि.

ततो राहुल मातरं राहुल भद्दकञ्च कारेसि ततो एकून तिंसवस्सकाले उय्याने कीळतत्थाय गमन समये जिण्ण व्याधित मत सङ्ख्याते तयो देवदूते दिस्वा निवत्तनट्ठानं चतुत्थवारे पब्बजितरूपं दिस्वा साधुपब्बज्जाति चित्तं उप्पादेत्वा उय्यानं गन्त्वा उय्यानसिरिं अनुभवित्वा सायण्ह समये नहात्वा मङ्गल सिलापट्टे निसिन्नमत्त विस्सकट्ठाना अलङ्करणट्ठाणं ततो मज्झिमरत्तियं नाटकानं विप्पकारं दिस्वा कण्थक हय वरमारुय्ह) महाभिनिक्खमणं निक्खमितट्ठानं दस सहस्स) चक्कवाळ देवताहि कत पूजाविधिं कण्थकनिवत्तन चेतियट्ठानं ¶ अनोमा नदीतीरे पब्बज्जं राजगहप्पवेसनं पण्डव पब्बतच्छ याय रञ्ञो बिम्बिसारम्म रज्जकरणत्थाय आयाचनं सुजाताय दिन्न खीरपायास पटिग्गहणं नेरञ्जराय नदिया तीरे पायास परिभोगं नदिया पातिविस्सट्ठं पाटिहारियं सालवने दिवाविहार गतट्ठानं सोत्थियेन दिन्न कुसतिणपटिग्गहणं बोधिमण्डं आरुय्ह निसिन्नट्ठानञ्च सब्बं वित्थारेन कारेसि.

ततो महिण्दत्थेर पमुखे सत्त सह आगते च कारापेसि. चतुसु दिसासु खग्गहत्थे चत्तारो महाराजानो कारेसि ततो द्वत्तिंस देवपुत्ते ततो सुवण्ण दण्ड दीपकधारा द्वत्तिंस देवकुमारियो ततो अट्ठवीसति यक्खसेनापतिनो ततो अञ्जलिं पग्गय्ह ठित देवतायो ततो रतनमय पुप्पकलापे गहेत्वा ठित देवतायो ततो सुवण्णघटे गहेत्वा ठिति देवतायो ततो नच्चनक देवतायो ततो तुरियवादक देवतायो ततो पच्चेक सतसहस्सग्घनके दसहत्थप्पमाणे आदासे गहेत्वा ठित देवतायो ततो तथेव सतसहस्सग्घनक पुप्फ साखायो गहेत्वा ठितदेवतायो ततो चण्दमण्डले गहेत्वा ठितदेवतायो सूरियमण्डले गहेत्वा ठितदेवतायो ततो पदुमानि गहेत्वा ठित देवतायो ततो छत्तानि गहेत्वा ठितदेवतायो ततो विचित्तवेसधरे मल्लदेवपुत्ते ततो दुस्सपोठन देवतायो ततो रतनग्घिके गहेत्वा ठितदेवतायो ततो धम्मचक्काकि गहेत्वा ठितदेवतायो ततो खग्गधरा देवतायो ततो पञ्चहत्थप्पमाण गण्धितेलपूरिता दुकूलवट्टियं पज्जलित दीपकञ्चनन पातियो सीसेहि धारेत्वा ठितदेवतायो च कारापेसि.

ततो चतुसुकण्णेसुफळिकमयअग्घिय मत्थके चत्तारोमहामण ठपापेसि चतुसु कण्णेसु सुवण्ण-मणि-मुत्त-वजिरानं चत्तारो रासियो कारेसि ततो मेघवण्ण पासाणभित्तियं विज्जुल्लता कारेसि ततो रतन लतायो ततो चाळविजतियो ततो निलुप्पले गहेत्वा ठित नागमणविकायो कारेसि.

राजा एक्तिकानि रूपकानि घनकोट्टिम सुवण्णेहेव कारेसि. अवसेसम्पि पूजाविधिं सत्तरतनेहेव कारेसीति. एत्थ च वुत्तप्पकारम्पन पूजनीयभण्डं अनन्तमपरिमाणं होति तथा हि अम्बपासानवासी चित्तगुत्तत्थेरोनाम हेट्ठा लोहपासादे सन्निपतितानं द्वादसन्नं भिक्खुसहस्सानं धम्मं कथेन्तो रथविनीतसुत्तं आरभित्वा महा धातुनिधानं वण्णेन्तो एकच्चे न सद्दहिस्सन्तीति मञ्ञमानो ओसक्कित्वा कथेसि. तस्मिं खणे कोटपब्बतवासी महातिस्सत्थेरो ¶ नाम खीणासवो अविदूरे निसीदित्वा धम्मं सुणन्तो आवुसो धम्मकथिक तव कथातो परिहीनम्पि अत्थि. अपच्चो सककित्वा वित्थारेन कथेहीति आह. अथ इमस्मिंयेव दीपे भातिय महाराजा नाम सद्दो पसन्नो अहोसि सो सायं पातं महचेतियं वन्दित्वाव भुञ्जति. एकदिवसं विनिच्छये निसीदित्व दुब्बीनिच्छितं अट्टं विनिच्छिनन्तो अतिसायं वुट्ठितो थूपवण्दनं विस्सरित्वा भोजने उपनीते हत्थं ओतारेत्वा मनुस्से पुच्छिअज्ज मया अय्यको वन्दितो न वन्दितोति. पोराणक राजानो हि सत्थारं अय्यकोति वदन्ति. मनुस्सा न वन्दितो देवाति आहंसु.

तस्मिं खणे राजा हत्थेन गहित भत्तपिण्डं पातियं पातेत्वा उट्ठाय दक्खिणद्वारं विवरापेत्वा आगन्त्वा पाचीन द्वारेन महाचेतियङ्गणं आरुय्ह वन्दन्तो अन्तो धातुगब्भे खीणासवानं धम्मं ओसारणसद्दं सुत्वा दक्खिणद्वारेति मञ्ञमानो तत्थ गन्त्वा अदिस्वा एतेनेव नयेन इतरानिपि द्वारानि गन्त्वा तत्थापि अदिस्वा अय्या धम्मं ओसारेन्तो विचरन्तीति मञ्ञमानो ओलोकनत्थाय चतुसु द्वारेसु मनुस्से ठपेत्वा सयं पुन विचरित्वा अपस्सन्तो मनुस्से पुच्छित्वा बहिद्धा नत्थि भावं ञत्वा अन्तो धातुगब्भे भविस्सतिति सन्निट्ठानं कत्वा पाचीनद्वारे आसन्नतरे महा चेतियाभिमुखो हत्थपादे पसारेत्वा जीवितुं परिच्चजित्वा दळ्हसमादानं कत्वा निपज्जि. सचे मा अय्या धातुगब्भं न ओलोकापेन्ति-सत्ताहं निराहारो हुत्वा सुस्समानो भूसमुट्ठि विय विप्पकिरियमानोपि न उट्ठहिस्सामीति. तस्स गुणानुभावेन सक्कस्स भवनं उण्हाकारं दस्सेसि.

सक्को आवज्जन्तो तं कारणं ञत्वा अगन्त्वा धम्मं ओसारेन्तानं थेरानं एवमाह. अयं भन्ते राजा धम्मिको बुद्धसासने पसन्नो इमस्मिं ठाने सज्झायन सद्दं सुत्वा धातुगब्भं अपस्सित्वा न उट्ठहिस्सामीति दळ्हसमादानं कत्वा निपन्नो सचे धातुगब्भं न पस्सति तत्थेव मरिस्सति. तं पवेसेत्वा धातु गब्भं ओलोकापेथाति. थेरापि तस्स अनुकम्पाय धातुगब्भं दस्सेतुं एकं थेरं आणापेसुं राजानं आनेत्वा धातुगब्भा ओलोकापेत्वा पेसेहीति. सो रञ्ञो हत्थे गहेत्वा धातुगब्भं पवेसेत्वा यथारुचिं वन्दापेत्वा सब्बं सल्लक्खितकाले पेसेसि राजा नगरं गन्त्वा अपरेन समयेन धातुगब्भे अत्तना दिट्ठरूपकेसु एकदेसानि सुवण्णखचितानि कारेत्वा राजङ्गणे महन्तं मण्डपं कारेत्वा तस्मिं मण्डपे ¶ तानि रूपकानि संविदहापेत्वा नगरे सन्निपातेत्वा धातुगब्भे मया दिट्ठानि सुवण्णरूपकानि ईदिसानि आह. तेसं रूपकानं नियामेन कतत्ता नियामक रूपकानि नाम जातानि.

राजा संवच्छरे संवच्छरे तानि रूपकानि नीहरापेत्वा नागरानं दस्सेसि पठमं दस्सितकाले नागरा पसीदित्वा एकेक कुलतो एकेकं दारकं नीहरित्वा पब्बाजेसुं. पुन राजा अय्या एतं पकारं अजाननका बहू तेसम्पि आरोचेस्सामीति विहारं गन्त्वा हेट्ठा लोहपासादे भिक्खुसङ्घं सन्निपातेत्वा सयं धम्मासनगतो तियाम रत्तिं धातुगब्भे अधिकारं कथेत्वा परियोसापेतुमसक्कान्तोसेव उट्ठासि. तत्थेको भिक्खु राजानं पुच्छि-महाराज त्वं पातरासभत्तं भूत्वा आगतोसि. तियाम रत्तिं वण्णेन्तो धातुगब्भे पूजाविधिम्पि परियोसापेतुं नासक्खि अञ्ञम्पि बहुं अत्थिति.

राजा किं कथेत भन्ते, तुम्हाकं मया कथितं दसभागेसु एकभागम्पि नप्पहोति. अहम्पन मया सल्लक्खित मत्तमेव कथेसिं. अनन्तं भन्ते धातुगब्भे पूजाविधानन्ति आह एवं अनन्तं पूजनीयभण्डं समचतुरस्से एकेक पस्सतो असीति असीति हत्थप्पमाणे धातुगब्भे निरन्तरं कत्वा पुरेतुम्पि न सुकरं, पगेव यथारहं संविधातु तिट्ठतु ताव धातुगब्भो याव महाचेतिये वालुक पाकार परिच्छेदा निरन्तरं पुरेतुम्पि न सक्का. तस्मा तं सब्बं पूजनीयभण्डं तत्थ कथं गण्हीति यदेत्थ वत्तब्बं पोराणेहि वुत्तमेव.

निग्रो धपिट्ठि तेपिटक महासीवत्थेरो किर राजगेहे निसिदित्वा रञ्ञो दसबल सीहनादसुततं कथेन्तो धातुनिधानं वण्णेत्वा सुत्तन्तं विनिवट्टेसि. राजा थेरस्स एवमाह-अयं भन्ते धातुगब्भा समचतुरस्सो, एकेकपस्सतो असीति असीति हत्थप्पमाणे एत्तकानि पूजनीय भण्डानि एत्थ ट्ठितानीति को सद्दहेस्सतिति. थेरो आह. इण्दसालगुहाकित्तकप्पमाणाति तया सुतपुब्बाति. राजा खुद्दक मञ्चकप्पमाणा भन्तेति आह. ततो थेरो आह, महाराज अम्हाकं सत्थारा सक्कसस सक्क पञ्हसुत्तन्तं कथनदिवसे गुहाय कित्तका परिसा ओसटाति सुतपुब्बाति. राजा द्वीसु भन्ते देवलोकेसु देवताति आह. एवं सन्ते तम्पि असद्दहेय्यं नु महाराजाति थेरेन वुत्ते राजा तं पन देवानं देविद्धिया अहोसि देविद्धि नाम अचिन्तेय्या भन्तेति आह.

ततो थेरो महाराज तं एकाययेव देविद्धिया अहोसि. इदं पन रञ्ञो राजिद्धिया देवानं देविद्धिया अरियानं अरियिद्धियाति इमाहि ¶ तीहि इद्धीहि जातन्ति अवोच. राजा थेरस्स वचनं साधूति सम्पटिच्छित्वा थेरं सेतच्छत्तेन पूजेत्वा मत्थके छत्तं धारेन्तो महा विहारं आनेत्वा पुन महाचेतियस्स सत्ताहं छत्तं दत्वा जाति सुमनपुप्फ पूजं अकासीति. एतस्सत्थस्स साधनत्थमेव अञ्ञानिपि बहूनि वत्थूनि दस्सितानि तानि किन्तेहीति अम्हे उपेक्खितानि एत्थ च राजा महेसक्खो महानुभावो पूरितपारमि कताभिनीहारोति तस्सवसेन राजिद्धिवेदितब्बा सक्केन आणत्तेन विस्सकम्मुना देवपुत्तेन आदितो पट्ठाय आविसित्वा कतत्ता तस्स वसेन देविदधि वेदितब्बा, कम्माधिट्ठायक इण्दगुत्तत्थेरो खुद्दानुखुद्दकं कम्मं अनुविधायन्तो कारेसि न केवलंथेरोयेव, सब्बेपि अरिया अत्तना अत्तना कत्तब्ब किच्चेसु उस्सुक्कमापन्नायेव अहेसुन्ति इमाहि तीहि इद्धीहि कतन्ति वेदितब्बं.

वुत्तञ्हेतं महावंसो.

इण्दगुत्त महाथेरो-छळभिञ्ञो महामति,

कम्माधिट्ठायको एत्थ-सब्बं संविदहि इमं;

सब्बं राजिद्धिया एतं देवतानञ्च इद्धिया;

इद्धिया अरियानञ्च-असम्बाधा पतिट्ठित’’न्ति;

धातुगब्ब रूपवण्णनाकथा

२३. एवं राजा धातुगब्भे कत्तब्ब कम्मं निट्ठापेत्वा चातुद्दसि दिवसे विहारं गन्त्वा भिक्खुसङ्घं सन्निपातेसि, सन्निपत्ति भिक्खू तिंस सहस्सानि अहेसुं राजा भिक्खुसङ्घं वन्दित्वा एवमाह. धातुगब्भे मया कत्तब्बकम्मं निट्ठापितं, स्वे आसाळभिमुपोसथ दिवसे उत्तरसाळ्ह नक्खत्तेन धातुनिधानं भविस्सति धातुयो जनाथ भन्तेति भिक्खुसङ्घस्स भारं कत्वा नगरमेवागञ्जि.

अथ भिक्खुसङ्घो धातु आहरणकं भिक्खुं गवेसन्तो पूजा परिवेण वासिकं सोळस वस्सुद्देसिकं छळभिञ्ञं सोणुत्तरं नाम सामणेरं दिस्वा तं पक्कोसापेत्वा आवुसो सोणुत्तर राजा धातुगब्भं निट्ठापेत्वा धातु आभरणं भिक्खुसङ्घस्स भारमकासि. तस्मा तया धातुयो आहरितब्बाति आहरामि भन्ते धातुयो कुतो लच्छामीति पुच्छि तस्स भिक्खुसङ्घो एवमाह. आवुसो सोणुत्तर ततागतो मरणमञ्चे निपन्नो सक्कं देवराजानं आमन्तेत्वा मय्हं अट्ठदोणप्पमाणेसु सारीरिक धातुसु एकं दोणं कोळियराजुहि सक्कतं, अनागते तम्बपण्णि दीपे महाचेतिये पतिट्ठहिस्सतीति आह.

अथ ¶ भगवति परिनिब्बुते दोण ब्राह्मणो धातुयो अट्ठ कोट्ठासे कत्वा अट्ठन्नं नगरवासीनं अदासि ते अत्तनो अत्तनो नगरे चेतियं कारेत्वा परिहरिंसु तेसु रामगामे कोळियेहि कतचेतिये महोघेन भिन्ने धातुकरण्डको समुद्दं पविसित्वा रतनवालुका पिट्ठे छब्बण्णरंसि समाकिण्णो अट्ठासि.

नागा दिस्वा मञ्जेरिक नाग भवनं गन्त्वा महाकाळ नाग रञ्ञो आरोचेसुं सो दसकोटि नाग सहस्स परिवुतो आगन्त्वा गण्धमालादीहि पूजेत्वा सुवण्ण-पवाळ-मिणि-रजतधजे उस्सापेत्वा पञ्चङ्गिक तुरिय पग्गहीत नानाविध नाग नाटकानं मज्झहतो धाकुकरण्डं मणिचङ्गोटके ठपेत्वा सीसेनादाय महासक्कार सम्मानं करोन्तो नागभवनं नेत्वा छन्नवुति कोटिधने पूजेत्वा सब्बरतनेहि चेतियञ्च चेतियघरञ्च मापेत्वा धातुयो परिहरति. महाकस्सपत्थेरो अजातसत्तुनो धातुनिधानं करोन्तो रामगामे धातुयो ठपेत्वा सेस धातुयो आहरित्वा अदासि राजा रामगामे धातुयो कस्मा नाहटाति पुच्छि.

थेरो महाराज तासं अन्तरायो नत्थि अनागते तम्बपण्णिदीपे महाचेतिये पतिट्ठहिस्सन्तीति आह. असोको धम्मराजापि धातुनिधानं उग्घाटेत्वा ओलोकेन्तो अट्ठमं धातुदोणं अदिस्वा अपरं धातुं दोणं कत्थ भन्तेति पुच्छि महाराज तं कोळियेहि गङ्गातीरे कत चेतिये पतिट्ठितं, महोघेन चेतिये भिन्ने महासमुद्दं पाविसि.

तं नागा दिस्वा अत्तनो नागभवनं नेत्वा परिहरन्तीति खीणासवा आहंसु राजा नागभवनं नाम मम आणापवत्तनट्ठानं, तम्पि आहरामि भन्तेति आह. महाराज ता धातुयो अनागते तम्बपण्णिदीपे महाचेतिये पतिट्ठहिस्सन्तिति निवारेसुं. तस्मा त्वं मञ्छेरिक नाग भवनं गन्त्वा तं पवत्तिं नाग रञ्ञो निवेदेत्वा धातुयो आहर, स्वे धातु निधानं भविस्सतीति. सोणुत्तरो साधूति सम्पटिच्छित्वा अत्तनो परिवेणं अगमासि.

राजापि नगरं अन्त्वा नगरे भेरिं चरापेसि- स्वे धातुनिधानं भविस्सति नागरा अत्तनो अत्तनो विभवानुरूपेन अलङ्करित्वा गण्धमालादीनि गहेत्वा महाचेतियङ्गणं ओतरन्तुति. सक्कोपि विस्सकम्मं आणापेसि-स्वे महाचेतिये धातुनिधानं भविस्सति. सकल तम्पपण्णिदीपं अलङ्करोहीति. सो पुनदिवसे एकूनयोजनसतिकं तम्बपण्णिदीपं कसीणमण्डलं विय समं कत्वा रजतपट्टसदिसं वालुकाकिण्णंपञ्चवण्णपुप्फसमाकूलं कत्वा ¶ समन्ततो पुण्णघटपन्तियो ठपापेत्वा साणीहि परिक्खिपित्वा उपरि चेलवितानं बण्धित्वा पथवितले थलपदुमानि आकासे ओलम्बक पदुमानि दस्सेत्वा अलङ्कत देवसभं विय सज्जेसि. महासमुद्दञ्च सन्निसिन्नं पञ्चविध पदुमसञ्चन्नं अकासि.

धातु आनुभावेन सकल चक्कवाळं गब्भोक्कमनाभिसम्बोधिकालादिसु विय सज्जितं अहोसि नागराप नगर वीथियो सम्मज्जित्वा मुत्ताफल सदिसं वालुकं ओकिरित्वा लाजपञ्चमक पुप्फानि समोकिरित्वा नानाविराग धजपटाकायो उस्सापेत्वा सुवण्णघट कदलितोरण मालगघिकादीहि अलङ्करित्वा नगरं सज्जेसु. राजा नगरस्स चतुसु द्वारेसु अनाथानं मनुस्सानं परिभोत्थाय नानाप्पकार खादनीय भोजनीय गण्धमाल वत्थाभरण पञ्चविधि मुधवास सहित ताम्बुलानि च ठपापेसि.

अथ राजा सब्बाभरण विभूसितो कुमुद पन्नवण्ण चतुसिण्धवयुत्त रथवरमारुय्ह अलङ्कतं कण्डुलं हत्थिं पुरतो कत्वा सुवण्णचङ्गोटकं सीसे कत्वा सेतच्छत्तस्स हेट्ठा अट्ठासि. तस्मिं खणे सक्कं देवराजानं देवच्छरा विय नानाभरणविभूसिता देवकञ्ञुपमा अनेक सहस्स नाटकित्थियो चेव दसमहायोधा च चतुरङ्गिनी सेना च राजानं परिवारेसुं.

तथा अट्ठुत्तर सहस्स इत्थियो च पुण्णघटे गरहत्वा परिवारेसुं. अट्ठुत्तर सहस्स अट्ठुत्तर सरस्सप्पमाणेयेव पुरिसा चेव इत्थियो च पुप्फसमुग्गानि दण्डदीपिका नानावण्ण धजे च गहेत्वा परिवारेसुं. एवं राजा महन्तेन राजानुभावेन नण्दनवनं निक्खन्त देवराजा विय निक्खमि. तदा नानाविध तुरिय घोसेहि चेव हत्थस्स रथ सद्देहि च महापथविभिज्जनाकारप्पत्ता विय अहोसि.

तस्मिं खणे सोणुत्तरो अत्तनो परिवेणेयेव निसिन्नो तुरिय घोसेन रञ्ञो निक्खन्तभावं ञत्वा अभिञ्ञापादकं चतुत्थज्झानं समापज्जित्वा अधिट्ठया पथवियं निमुज्जित्वा मञ्जेरिक नागभवने महाकाळानागरञ्ञो पुरतो पातुरहोसि. नागराजा सोणुत्तरं दिस्वा उट्ठायासना अभिवादेत्वा गण्धोदकेन पादे धोवित्वा वण्ण गण्ध सम्पन्न कुसुमेहि पूजेत्वा एकामन्तं निसीदित्वा कुतो आगतत्थ भन्तेति पुच्छि तम्बपण्णि दीपतो आगतम्हाहि वुत्ते किमत्थायाति पुच्छि.

महाराज तम्बपण्णिदीपे दुट्ठगामणि अभय महाराजा महा चेतियं कारेन्तो धातुयो भिक्खुसङ्घस्स भारमकासि. महाविहारे तिंसमत्तानि भिक्खुसहस्सानि सन्निपतित्वा महाथूपत्थाय ठपितधातुयो ¶ महाकाळ नाग रञ्ञो सन्तिके ठिता, तस्स तं पवत्तिं कथेत्वा धातुयो आहराति मं पेसेसुं, तस्मा इधागतोम्हीति आह.

तं सुत्वा नागराजा पब्बतेन विय अज्झोत्थटो महन्तेन मदामनस्सेन अभिभूतो एवं चिन्तेसि मयं पन इमा धातुयो पूजेत्वा अपायतो मुञ्चित्वा सग्गे निब्बत्तिस्समाति अमञ्ञिम्ह. अयं पन भिक्खु महिद्धिको महानुभावो, सचे इमा धातुयो इमस्मिं ठाने ठितो भवेय्युं, अम्हे अभिभवित्वापि गण्हितुं सक्कुणेय्य. धातुयो अपनेतुं वट्टतीति चिन्तेत्वा परिसं ओलोकेन्तो परिस परियन्ते ठितं वासुलदत्तं नाम अत्तनो भागिनेय्यं दिस्वा तस्स सञ्ञमदासि सो मातुलस्स अधिप्पायं ञत्वा चेतियघरं गन्त्वा धातुकरण्डकं आदाय गिलित्वा सिनेरुपब्बत पादमूलं गन्त्वा-

योजनसतामावट्टं दीघं तिसत योजनं,

फणानेकसहस्सानि-मापिसित्वा महिद्धिको,

सिनेरु पादमूलम्हि-धुमायन्तो च पज्जलं,

आभुजित्वान सो भोगे-निपज्जि वालुकातले;

‘‘अनेकानि सहस्सानि-अत्तना सदिसे अहि,

मापयित्वा सयापेसि-समन्ता परिवारिते,

बहू देवा च नागा च-ओसरिंसु तहिं तदा,

युद्धं उभिन्नं नागानं-सस्सिस्साम मयं इति;’’

ततो नागराजा भागिनेय्येन धातुयो अपनीतभावं ञत्वा एवमाह- मम सन्तिके धातुयो नत्थि, तुम्हे इध पपञ्च अकत्वा सीघं गन्त्वा भिक्खुसङ्घस्स तं पवत्तिं आरोचेथ भिक्खुसङ्घो अञ्ञतो धातुं परियेसिस्सतीति सामणेरो आदिते पट्ठाय धातु आगमनं वत्वा धातुयो तव सन्तिकेयेव, पपञ्चं अकत्वा देहीति चोदेसि.

ततो नागराजा सामणेरेन मूलम्हि गहितभावं ञत्वा येन केनचि परियायेन धातुयो अदत्वाव पेसितुं वट्टतीति चिन्तेत्वा सामणेरं धातुघरं नेत्वा चेतियञ्च चेतियघरञ्च दस्सेसि. तं पन चेतियञ्च चेतियघरञ्च सब्बरतनमयमेव अहोसि.

वुत्तञ्हेतं महावंसे

‘‘अनेकधा अनेकेहि रतनेहि सुसङ्खतं,

चेतियं चेतियघरं-पस्स भिक्खु सुनिम्मित’’न्ति;

दस्सेत्वा च पन चेतियघरतो ओरुय्ह अद्धचण्दकपासाणे पवाळपदुमम्हि ठत्वा इमस्स चेतियस्स चेतियघरस्स च अग्घं करोहि ¶ भन्तेति आह सामणेरो न सक्कोम महाराज अग्घं कातुं, सकलेपि तम्भपण्णिदीपे रतनानि इमं अद्धचण्दक पासाणं नाग्घतीति आह.

नागराजा एवं सन्ते महासक्कारट्ठानतो अप्पसक्कारट्ठानं धातूनं नयनं अयुत्तं ननु भिक्खूति आह. सामणेरो एवमाहमहाराज बुद्धा नाम धम्मगरुका, न आमिस गरुकं, तुम्हेसु चक्कवाळप्पमाणं रतनघरं मापेत्वा सब्बरतनस्स पूरेत्वा धातुयो परिहरन्तेसुपि एकनागोपि धम्माभिसमयं कातुं समत्थो नाम नत्थि यस्मा-

‘‘सच्चाभिसमयो नाग-तुम्हाकम्पि न विज्जति. सच्चाभिसमयट्ठानं-नेतुं युत्तञ्हि धातुयो. संसारदुक्खमोक्खाय-उप्पज्जन्त तथागता, बुद्धस्स वेत्थादीप्पायो-तेन नेस्सामि धातुयो. धातुनिधानं अज्जेव-सो हि राजा करिस्सति.

तस्मा पपञ्चमकरित्वा-लहुं मे देहि धातुये’’ति-आह. एवं वुत्ते नागराजा अप्पटिहानो युत्वा अत्तनो भागिनेय्येन धातुयो गोपितोति मञ्ञमानो एवमाह. तुम्हे भन्ते चेतिये धातूनं अत्थिभावं वा नत्थिभावं वा अजानन्ता देहि देहीति वदथ. अहं नत्थीति वदामि. सचे पस्सथ गहेत्वा गच्छथाति. गण्हामि महाराजाति, गण्ह भिक्खूति. गण्हामि महाराजाति, गण्ह भिक्खूति तिक्खत्तुं पटिञ्ञं गहेत्वा.

‘‘सुखुमं करं मापयित्वा-थिक्खू तत्र ठितोच सो,

भागिनेय्यस्स वदने-हत्थम्पक्खिप्प तावदे,

धातुकरण्डमदाय-तिट्ठ नागाति भासिह,

निमुज्जित्वा पथवियं-परिवेणम्हि उट्ठहि;’’

तदा सामणेरस्स नागेन सद्धिं युद्धं पस्सिस्सामाति समागता देव-नाग परिसाप भिक्खुनागस्स विजयं दिस्वा हट्ठा पमोदितो धातुयो पूजयन्ताव तेनेव सह आगमुं, नागराजा सामणेरस्स गत काले भिक्खुं वञ्चेत्वा पेसितोम्हीति हट्ठतुट्ठो धातुयो गहेत्वा आगमत्थाय भागिनेय्यस्स सासनं पेसेसि.

‘‘भागिनेय्यो’थ कुच्छिम्हि-अपस्सित्वा करण्डकं,

परिदेवमानो आगन्त्वा-मातुलस्स निवेदयि;

तदा सो नागराजापि-वञ्चितम्ह मयं इति,

परिदेवि नागा सब्बेपि-परिदेविंसु पिण्डिता;’’

ततो ¶ नागभवने सब्बे नागा समागन्त्वा केसे मुञ्चित्वा उभोहि हत्थेहि हदये गहेत्वा नीलुप्पल सदिसेहि नेत्तेहि विलीन सोकमिव अस्सुधारं पवत्तयमाना-

‘‘परिदेवमाना आगन्त्वा-नागा सङ्घस्स सन्तिके,

बहुधा परिदेविंस-धाताहरण दुक्खिता’’ति;

परिदेवित्वा च भिक्खुसङ्घस्स एवमाहंसु- भन्ते कस्सचि पीळं अकत्वा अम्हाकं पुञ्ञानुभावेन लभित्वा चीरपरिहट धातुयो कस्मा अनवसेसं कत्वा अहरापेथ अम्हाकं सग्गमोक्खन्तरायं करोथाति.

’तेसं सङ्घो’नुकम्पाय-थोकं धातुमदापयि,

ते तेन तुट्ठा गन्त्वान-पूजाभण्डानि आहरुं;

ततो सक्को देवानमिण्दो विस्सकम्मं आमन्तेत्वा सामणेरस्स उट्ठितट्ठाने सत्तरतनमयं मण्डपं मापेहीति आह. सो तस्मियेव खणे मण्डपं मापेसि अथ सक्को द्वीसु देवलोकेसु देवपरिसाय परिवुतो सुवण्णचङ्गोटकेन सद्धिं रतन पल्लङ्कमादाय आगन्त्वा तस्मिं मण्डपे पतिट्ठापेत्वा सामणेरस्स हत्थतो धातुकरण्डकं गहेत्वा तस्मिं पल्लङ्के पतिट्ठापेसि. तदा-

’ब्रह्मा छत्तमधारेसि-सन्तुसितो वालविजनिं,

मणितालवण्टं सुयामो-सक्को सङ्खन्तु सोदकं;

चत्तारो तु महाराज-अट्ठंसु खग्गपाणिनो,

समुग्गहत्था द्वत्तिंसा-देवपुत्ता महिद्धिका;

पारिच्छत्तक पुप्फेहि पूजयन्ता तहिं ठिता,

कुमारियोपि द्वत्तिंसा-दण्डिदीपधरा ठिता;

पलापेत्वा दुट्ठयक्खे-यक्खसेनापति पन

अट्ठवीसति अट्ठंसु-आरक्खं कुरुमानका;

वीणं वादयमानोव-अट्ठा पञ्चसिखो तहिं,

रङ्गभूमिं मापयित्वा-तिम्बरू तुरियघोसवा;

अनेका देवपुत्ता च-साधुगीतप्पयोजका,

महाकालो नागराजा-थूयमानो अनेकधा;

दिब्बतुरियानि वज्जन्ति-दिब्बसङ्गिति वत्तति,

दिब्बगण्धा च वस्सानि-वस्सापेन्ति च देवता;

तदा इण्दगुत्तत्थेरो मारस्स पटिबाहनत्थाय चक्कवाळपरियन्तं कत्वा आकासे लोहछत्तं मापेसि. पञ्चनिकायिक थेरा ¶ धातुयो परिवारेत्वा पञ्चसु ठानेसु निसीदित्वा गणसज्झायमकंसु. तस्मिं काले राजा तं ठनं आगन्त्वा सिसतो सुवण्ण चङ्गोटकं ओतारेत्वा धातु चङ्गोटकं अत्तनो चङ्गोटके ठपेत्वा पल्लङ्के पतिट्ठापेत्वा गण्धमालादीहि पूजेत्वा पञ्चपतिट्ठितेन वन्दित्वा सिरसि अञ्जलिं पग्गय्ह अक्खीनि उम्मीलेत्वा ओलोकेन्तो अट्ठासि. तस्मिं खणे धातुमत्थके सेतच्छत्तं दिस्सति छत्तगाहक ब्रह्मा न दिस्सति. तथा तालवण्ट विजनि आदयो दिस्सन्ति गाहका न दिस्सन्ति दिब्बतुरियघोस सङ्गितियो सुय्यन्ति गण्धब्ब देवता न दिस्सन्ति. राजा एतं अच्छरियं दिस्वा इण्दगुत्तत्थेरं एवमाह-देवता दिब्बछत्तेन पूजेसुं अहं मानुस कच्छत्तेन पूजेमि भन्नेति. थेरो युत्तं महाराजाति आह. राजा अत्तनो सुवण्णपिण्डिके सेतच्छत्तेन पूजेत्वा सुवण्णभिंकारं गहेत्वा अभिसेकोदकं दत्वा तं दिवसं सकलतम्बपण्णि दीपे रज्जं अदासि.

ततो सब्बतुरियानि पग्गण्हिंसु, गण्धमालादीहि पूजेत्व महन्तं सक्कारमकंसु पुन राजा थेरं पुच्छि - अम्हाकं सत्था दिब्बमानुसकानि द्वे छत्तानि धारेसि भन्ते. न द्वे छत्तानि तीणि छत्तानि महाराजाति. अञ्ञं छत्तं नपस्सामि भन्नेति. सीलपतिट्ठं समाधिदण्डकं इण्द्रियसलाकं बलमालं मग्गफलपत्त सञ्छन्नं विमुत्तिवरसेतच्छत्तं उस्सापेत्वा ञाणाभिसेकम्पत्तो धम्मरतन चक्कं पवत्तेत्वा दससहस्स चक्कवाळेसु बुद्धरज्जं हत्थगतं कत्वा रज्जं कारेसीति राजा तीणिच्छत्त धारकस्स सत्थुनो तिक्खत्तुं रज्जं दम्मीति तिक्खत्तुं धातुयो रज्जेन पूजेसि.

ततो राजा देवमनुस्सेसु दिब्बगण्धमालादीहि पूजेन्तेसु अनेकेसु तुरियघोस सङ्गितेसु वत्तमानेसु धातुकरण्डकं सीसेनादाय रतनमण्डपतो निक्खमित्वा भिक्खुसङ्घ परिवुतो महाचेतियं पदक्खिणं कत्वा पाचीनद्वारेनारुय्ह धातुगब्भं ओतरि. ततो महाचेतियं परिवारेत्वा छन्नवुति कोटिप्पमाण अरहन्तो अट्ठंसु.

राजा सीसतो धातुकरण्डकं ओतारेत्वा महारहे सयनपिट्ठे ठपेस्सामीति चिन्तेसि तस्मिं खणे धातुकरण्डको रञ्ञो सीसतो सत्त तालप्पमाणे ठाने गन्त्वा सयमेव विचरि धातुयो आकासमुग्गन्त्वा द्वत्तिंस महा पुरिसलक्खण असिति अनुब्यञ्जना ब्यामप्पभा पतिमण्डितं केतुमालोप सोभितं निल-पीत-लोहितादि भेद विचित्र रंसिजाला समुज्जलं बुद्धवेसं गहेत्वा गण्डम्बमूले ¶ यमक पाटिहारियं सदिस यमक पाटिहारियं अकंसु. तं धातुपाटिहारियं दिस्वा पसीदित्वा अरहत्तम्पत्ता देवमनुस्सा द्वादसकोटियो अहेसुं. सेसफलत्तयं पत्ता गणनपथमतीता अहेसुं. एवं धातुयो अनेकधा पाटिहारियं दस्सेत्वा बुद्धवेसं विस्सज्जेत्वा करण्डकं पविसित्वा तेन सद्धिं ओतरित्वा रञ्ञो सीसे पतिट्ठहिंसु.

राजा अमतेन विय अभिसित्तो सफलं मनुस्सत्त पटिलाभं मञ्ञमानो उभोहि हत्थेहि धातुकरण्डकं गहेत्वा नाटक परिवुतो अलङ्कत सयन समीपं गन्त्वा धातुचङ्गोटकं रतनपल्लङ्के ठपेत्वा गण्धवासितोदकेन हत्थे धोवित्वा वतुजातिय गण्धेन उब्बट्टेत्वा रतनकरण्डकं विचरित्वा धातुयो गहेत्वा एवं चिन्तेसि.

‘‘अनाकुला केहिचिपि यदि हेस्सस्ति धातुयो,

जनस्स सरणं हुत्वा यदि ठस्सन्ति धातुयो;

सत्थुनिपन्ना कारेन परिनिब्बान मञ्चके,

निपज्जन्तु सुपञ्ञत्ते-सयनम्हि महारहे’’ति;

एवं चिन्तेत्वा पन वरसयनपिट्ठे धातुयो ठपेसि तस्मिं खणे धातुयो रञ्ञा चिन्तित नियामेनेव महारहे सयने बुद्धवेसेन सयिंसु.

‘‘आसाळहि सुक्कपक्खस्स पन्नरस उपोसथे,

उत्तरासाळ्ह नक्खत्ते एवं धातु पतिट्ठिता;

सह धातु पतिट्ठाना अकम्पित्थ महामही, पाटिहीरानि नेकानि पवत्तिंसु अनेकधा.’’

तदहि उदकपरियन्तं कत्वा अयं महापथवी सङ्कम्पि सम्पकम्पि सम्पवेधि, महासमुद्दो सङ्खूभि, आकासे विज्जुल्लता निच्छरिंसु. खणिकवस्सं वस्सि, छ देवलोका एककोलाहल महोसि राजा एतं अच्छरियं दिस्वा पसन्नो अत्तनो कञ्चन मालिक सेतच्छत्तेन धातुयो पूजेत्वा तम्बपण्णिदिपे रज्जं सत्ताहं दत्वा तिंस सतसहस्सग्घनकं अलङ्कार भण्डं ओमुञ्चित्वा पूजेसि. तथा सब्बापि नाटकित्थियो अमच्चा सेस महाजनो देवा च सब्बाभरणानि पूजेसुं तस्मा-

तिट्ठन्तं सुगतं तिलोकमहितं यो पूजये सादरं,

यो वा सासप बीजमत्तम्पि तं धातुं नरो पूजये;

तेसं पुञ्ञफलं समानमीति तं चित्तप्पसादे समे,

ञत्वा तं परिनिब्बुतेपि सुगते धातुं बुधो पूजये’ति;

ततो ¶ राजा चीवरवत्थानि चेव गुळ-सप्पि आदि भेसज्जानि च सङ्घस्स दत्वा सब्बरत्तिं गणसज्झायं कारेसि पुन दिवसे नगरे भेरिं चरापेसि महाजनो इमं सत्ताहं गण्धमालादीनि आदिय गन्त्वा धातुयो वन्दतूति इण्दगुत्तत्थेरोपि सकल तम्बपण्णि दीपे मनुस्सा धातुयो वन्दितुकामा, तं खणंयेव आगन्त्वा वन्दित्वा यथाट्ठानं गच्छन्तूति अधिट्ठासि.

ते तथेव धातुयो वन्दित्वा गमिंसु राजा सत्ताहं सङ्घस्स महादानं पवत्तेत्वा सत्ताहस्स अच्चयेन धातुगब्भे मया कत्तब्बकिच्चं निट्ठापितं, धातुगब्भं पिदहथ भन्तेति सङ्घस्स आरोचेसि. सङ्घो उत्तरसुमन सामणेरे आमन्तेत्वा तुम्हेहि पुब्बे आहट मेदवण्ण पासाणेन धातु गब्भं पिदहथाति आह. ते साधूति सम्पटिच्छित्वा धातुगब्भं पिदहिंसु.

ततो खीणासवा धातुगब्भे गण्धा मा सुसन्तु माला मा मिलायन्तु. दीपा मा निब्बायन्तु रतनानि मा विवण्णानि होन्तु पूजनीयभण्डानि मा नस्सन्तु. मेदवण्ण पासाणा सन्धीयन्तु, पच्चत्थिकानं ओकासो मा होतूति अधिट्ठहिंसु.

एवं राजा धातु निधापेत्वा पुन नगरे भेरिं चरापेसि महा चेतिये धातुं निधापेत्वा धातुं आहरित्वा निधानं करोन्तूति. महाजनो अत्तनो अत्तनो बलानुरूपेन सुवण्ण रजतादि करण्डे कारापेत्वा तत्थ धातुयो पतिट्ठापेत्वा धातुनिधानस्सुपरि मेदवण्ण पासाण पिट्ठियं निदहिंसु. सब्बेहि सन्निहित धातुयो सहस्समत्ता अहेसुन्ति.

इति साधुजन मनोपसादनत्थाय कते थूपवंसे धातुनिधान कथा निट्ठिता.

२४. ततो राजा तं सब्बं पिदहेत्वा चेतियं करोन्तो उदरेन सद्धिं चतुरस्स कोट्ठकं निट्ठापेसि अथ छत्तकम्मे सुधाकम्मे च अनिट्ठितेयेव मारणन्तिक रोगेन गिलानो हुत्वा दीघवापितो कनिट्ठभातरं पक्कोसापेत्वा चेतिये अनिट्ठितं छत्तकम्मं सुधाकम्मञ्च सीघं निट्ठापेत्वा मं तोसेहि ताताति आह. सो रञ्ञो दुब्बलभावं ञत्वा अन्तरे अनिट्ठितकम्मं कातुं न सक्काति सुद्धवत्थेहि कञ्चुकं कारेत्वा चेतिये पटिमुञ्चापेत्वा चित्तकारेहि कञ्चुक मत्थके वेदिका च पुण्णघट पञ्चङ्गुलि पन्तियो च कारापेसि.

नळकारेहि वेळुमय छत्तं कारेत्वा खरपत्तमये चण्दसूरियमण्डले मुद्धनि वेदिका कारेत्वा लाखाकुकुट्ठकेहि तं विचित्तं कत्वा थूपकम्मं निट्ठितन्ति रञ्ञो अरोचेसि राजा तेन हि मं ¶ महाचेतियं दस्सेहीति वत्वा सिविकाय निपज्जित्वा चेतिया पदक्खिणं कत्वा दक्खिणद्वारे भूमिसयनं पञ्ञापेत्वा तत्थ निपन्नो दक्खिणेन पस्सेन सयित्वा महाथूपं वामपस्सेन सयित्वा लोहपासादं ओलोकेन्तो पसन्न चित्तो अहोसि. तदा रञ्ञो सासनस्स बहूपकारभावं सल्लक्खेत्वा गिलान पुच्छनत्थाय ततो ततो आगता भिक्खु छन्नवुति कोटियो राजानं परिवारेत्वा अट्ठंसु. ततो सङ्घो वग्ग वग्गा हुत्वा गणसज्झायं अकासि.

राजा तस्मिं समागमे थेरपुत्ताभयत्थेरं अदिस्वा एवं चिन्तेसि. सो मयि दमिळेहि सद्धिं अट्ठवीसति महायुद्धे कयिरमासे अपच्चोसककित्वा इदानि मरणयुद्धे वत्तमाणे मय्हं पराजयं दिस्वा मञ्ञे नागच्छतीति. तदा थेरो करिण्द नदी सीसे पज्जलित पब्बते वसन्तो रञ्ञो परिवितक्कं ञत्वा पञ्चसत खीणासव परिवुसेता आकासेनागन्त्वा रञ्ञो पुरतो पातुरहोसि.

राजा थेरं दिस्वा अत्तनो पुरतो निसीदापेत्वा एवमाह भन्ते तुम्हेहि सद्धिं दसमहा योधे गहेत्वा दमिळेहि सद्धि युज्झिं. इदानि एककोव मच्चूना सद्धिं युज्झितुं आरभिं. मच्चु सत्तुम्पन पराजेतुं न सक्कोमीति. ततो-

थेरपुत्ताभयत्थेरो मा भायि मनुजाधिप,

किलेस सत्तुं अजिनित्वा अजेय्यो मच्चूसत्तुको;

इति वत्वा एवं अनुसासि. महाराज सब्बोयेव लोक सन्निवासे जातिया अनुगतो, जराय अनुसटो, व्याधिना अभिभूतो, मरणेन अब्भाहतो. तेताह-

‘‘यथापि सेला विपुला-नहं आहच्च पब्बता,

समन्ता अनुपरियेय्युं-निप्पोथेन्ता चतुद्दिसं;

एवं जरा च मच्चु च-अधिवत्तन्ति पाणिनो,

खत्तियो ब्राह्मणे वेस्से सुद्दे चण्डाल पुक्कुसे,

न किञ्चि परिवज्जेति-सब्बमेवाभिमद्दति;

न तत्थ हत्थिनं भूमि-न रथानं न पत्तिया,

न चापि मन्तयुद्धेन-सक्का जेतुं धनेन वा’’ति;

तस्मा इदं मरणं नाम महायसानं महासम्मतादीनं महा पुञ्ञानं जोतियादीनं महाथामानं बलदेवादीनं इद्धिमन्तानं महामोग्गल्लानादीनं पञ्ञावन्तानं सारिपुत्तादीनं सयम्भूञाणेन अधिगत सच्चानं, पच्चेकबुद्धानं सब्बगुणसमन्नागतानं सम्मासम्बुद्धानम्पि उपरि निरासङ्कमेव पतति किमङ्गपनञ्ञेसु सत्तेसु.

तस्मा- ¶

महायसा राजवरा गता ते सब्बे महासम्मत आदयोपि,

अनिच्चभावं बलदेव आदि महाबला चेव तथा गमिंसु;

ये पुञ्ञवन्तानि गता पसिद्धिं महद्धनं जोतियमेण्डकादी,

उपाविसिं वच्चुमुखं सभोगा सब्बेपि ते राहुमुखं ससीव;

यो इद्धिमन्तेसु तथागतस्स पुत्तेसुसेट्ठो इति विस्सुतोपि,

थेरो महाराजसहेव इद्धिबलेन सो मच्चुमुखं पविट्ठो;

सब्बेसु सत्तेसु जिनं ठपेत्वा नेवत्थि पञ्ञाय समोपि येन,

सो धम्मसेनापति सावकोपि गतो महाराज अनिच्चतं’च;

सयम्भूञाणस्स बलेन सन्तिं गता महाराज सयम्भूनोपि,

सब्बेपि ते ञाणबलूप पन्ना अनिच्चतं नेव अतिक्कमिंसु;

तिलोकनाथो पुरिसुत्तमो सो अनिच्चभावं समतिक्कमित्वा,

नासक्खि गन्तुं सुगतोपि राज अञ्ञेसु सत्तेसु कथाव नत्थि;

तस्मा महाराज भवेसु सत्ता सब्बेपि नासुं मरणा विमुत्ता,

सब्बम्पि सङ्खारगतं अनिच्चं दूक्खं अनत्ताति विचिन्तयस्सु;

‘‘दुतिये अत्तभावेपि धम्मच्छण्दो महा हि ते,

उपट्ठिते देवलोके हित्वा दिब्बसुखं तुवं;

इधागम्म बहुं पुञ्ञं अकासि च अनेकधा,

करणम्पेक रज्जस्स सासनज्जोतनाय ते;

महा राज कतं पुञ्ञं यावज्ज दिवसा तया,

सब्बं अनुस्सरेथेव सुखं सज्जु भविस्सति;

तं सुत्वा तुट्ठमानसो राजा भन्ते तुम्हे मच्चुयुद्धेपि अपस्सयाति वत्वा लद्धस्सासो पुञ्ञपोत्थकं वाचेतुं आणापेसि लेखको पुञ्ञपोत्थकं एवं वाचेसि.

‘‘एकूनसतविहारा महाराजेन कारिता,

एकूनसतकोटीहि विहारो मरिचट्टि च;

उत्तमो लोहपासादो तिंसकोटीहि कारितो,

महाथूपे अनग्घानि कारिता चतुवीसति;

महाथूपम्हि सेसानि करितानि सुबुद्धिना,

कोटिसहस्सं अग्घन्ति महाराज तया पुन;

कोळम्ब नाम मलेय अक्खक्खायिक छातके,

कुण्डलानि महग्घानि दुवे दत्वान गण्हिय;

खीणासवानं ¶ पञ्चन्नं महाथेरानमुत्तमो,

दिन्नो पसन्नचित्तेन कङ्गु अम्बिल पिण्डको;

चूळङ्गणिय युद्धम्हि परज्झित्वा पलायता,

कालं घोसापयित्वान आगतस्स विहायसा;

खीणासवस्स यतिनो अत्तानमनपेक्खिय,

दिन्नं सरक भत्तन्ति पुञ्ञपोत्थं अवाचयि;

२५. तं सुत्वा राजा तुस्सित्वा ठपेहि ठपेहि भणेति वत्वा एवमाह. मरिचवट्टि विहारमहसत्ताहे थूपारम्हसत्ताहे च चातुद्दिस उभतो सङ्घस्स महारहं महादानं पवत्तेसिं. चतुवीसति महाविसाखपूजा कारेसिं तम्बपण्णिदीपे महाभिक्खुसङ्घस्स तिक्खत्तुं चीवरमदासिं सत्त सत्त दीनानि लङ्का रज्जं सासनस्स पञ्चक्खत्तुं अदासिं सप्पि सन्नित्त सुपरिसुद्ध वट्टिया द्वादसठानेसु, सत्तं दीपसहस्सं जालेसिं अट्ठारस्सु ठानेसु गिलानानं वेज्जेहि भेसज्जञ्च भत्तञ्च निच्चं दापेसि. चतुचत्तालीस ठानेसु तेलुल्लोपकञ्च अदासिं. तत्तकेसुयेव ठानेसु घतपक्कजालपूवे भत्तेन सद्धिं निच्चं दापेसिं.

मासे मासे अट्ठसु उपोसथदिवसेसु लङ्कादीपे सब्बविहारेसु दीपतेलं दापेसिं. आमिस दानतो धम्मदानं महन्तन्ति सुत्वा हेट्ठं लोहपासादे धम्मासने निसीदित्वा मङ्गल सुत्तं ओसारेतुं आरभित्वापि सङ्घ गारवेन ओसारेतुं नासक्खिं. ततो पट्ठाय धम्मदेसके सक्करित्वा सब्बविहारेसु धम्मकथं कथापेसिं एकेकस्स धम्मकथिकस्स नाळ नाळिप्पमाणानि सप्पिफाणित सक्खरानि चतुरङ्गुल मुट्ठिप्पमाणं यट्ठिमधुकं साटकद्वयञ्च मासस्स अट्ठसु उपोसथ दिसेसु दापेसिं. एतं सब्बम्पि इस्सरिये ठत्वा दिन्नत्ता मम चित्तं स आराधेति. जीवितं पन अनपेक्खित्वा दुग्गतेन मया दिन्नदानद्वयमेव आराधेतीति.

तं सुत्वा अभयत्थेरो महाराज पसादनीयट्ठानेयेव पसादं अकासि तं पन पिण्डपातद्वयं परिस्स पीळं अकत्वा लद्ध धम्मिक पच्चयत्ता अत्तानं अनवलोकेत्वा असज्जमानेन दिन्नत्ता पटिग्गाहकानं यावदत्थं कत्वा दिन्नत्ता पीतिपामोज्जंजनयित्वा बलव सद्धाय दिन्नत्ता देय्यधम्मस्स निरवसेसं परिभोगं गतत्ताति इमेहि पञ्चहि कारणेहि महन्तत्ति वत्वा महाराज कङ्गु अम्बिलि पिण्डगाहकत्थेरेसु मलियमहादेवत्थेरो समन्तकूटे पञ्चन्नं भिक्खुसतानं दत्वा परिभुञ्जि पथवि चालनक धम्मगुत्तत्थेरो कल्याणीय विहारे पञ्चन्नं भिक्खुसतानं दत्वा परिभुञ्जि.

तलङ्गरवासी ¶ धम्मगुत्तत्थेरोपि पियङ्गुदीपे द्वादसन्नं भिक्खुसहस्सानं दत्वा परिभुञ्जि. मङ्गणवासी चुळतिस्सत्थेरो केलासकूटे विहारे सट्ठिसहस्सानं भिक्खूनं दत्वा परिभुञ्जि महाभग्गत्थेरोपि उक्कानगर विहारे सत्तसतानं भिक्खूनं दत्वा परिभुञ्जि सरक भत्तगाहकत्थेरो पन पियङ्गुदीपे द्वादसन्नं भिक्खुसहस्सानं दत्वा परिभोगमकासीति वत्वा रञ्ञो चित्तं हासेसि.

राजा चित्तं पसादेत्वा एवमाह-अहम्भन्ते चतुवीसति वस्सानि रज्जं कारेन्तो भिक्खुसङ्घस्स पहूपकारो अहोसिं. कायोपि मे सङ्घस्स उपकारको होतु सङ्घदासस्स मे सरीरं महाचेतियस्स दस्सनट्ठाने सङ्घस्स कम्ममालके झापेथाति. ततो कनिट्ठं आमन्तेत्वा’तात! तिस्स! महाथूपे अनिट्ठितं कम्मं साधुकं निट्ठापेसि. सायं पातो च महाथूपे पुप्फपूजं कारेत्वा तिक्खत्तुं उपहारं कारेहि. मया ठपितं दानवट्टं सब्बं अपरिहापेत्वा सङ्घस्स कत्तब्बकिच्चेसु सदा अप्पमत्तो होही’ति अनुसायित्वा तुण्हि अहोसि.

तस्मिं खणे भिक्खु गणसज्झायं आरभिंसु देवता पन छदेव लोकतो छ रथे गहेत्वा आदाय पटिपाटिया ठपेत्वा महाराज अम्हाकं देवलोको रमणीयो, अम्हाकं देवलोको रमणीयोति वत्वा अत्तनो अत्तनो देवलोकं आगमनत्थाय याचिंसु राजा तेसं वचनं सुत्वा यावाहं धम्मं सुणामि- ताव अधिवासेथाति ते हत्थसञ्ञाय निवारेसि सङ्घो गणसज्झायं निवारेसीति मञ्ञित्वा सज्झायं ठपापेसि.

राजा कस्मा भन्ते गणसज्झायं ठपेथाति आह. महाराज तया हत्थसञ्ञाय निवारितत्ताति. भन्ते तुम्हाकं सञ्ञं नादासिं. देवता छदेवलोकतो छ रथे आनेत्वा अत्तनो अत्तनो देवलोकं गन्तुं याचन्ति तस्मा तेसं यावाहं धम्मं सुणामि ताव आगमेथाति सञ्ञं अदासिन्ति तं सुत्वा केचि अयं राजा मरणभयभितो विप्पलपति, मरणतो अभायनक सत्तो नाम नत्थीति मञ्ञिंसु.

ततो अभयत्थेरो आह कथं महाराज सद्दहितुं सक्का छ देवलोकतो छ रथा आनीताति तं सुत्वा राजा आकासे पुप्फदामानि खिपापेसि. तानि गन्त्वा विसुं रथधुरे ओलम्बिंसु महाजनो आकासे ओलम्बन्तानि पुप्फदामानि दिस्वा निक्कङ्खो अहोसि.

ततो राजा थेरं पुच्छि-कतमो पन भन्ते देवलोको रमणीयोति. तुसितभवनं पन महाराज रमणीयं, बुद्धभावाय समयं ओलोकेन्तो मेत्तेय्यो बोधिसत्तोपि तस्मिंयेव वसतीति आह.

तं ¶ सुत्वा राजा तस्मिं आलयं कत्वा महाथूपं ओलोकेन्तो निपन्नोव चवित्वा सुत्तप्पबुद्धो विय तुसित भवनतो आहट. रथे निब्बत्तित्वा अत्तनो कतपुञ्ञस्स थलं महाजनस्स पाकटं कातुं रथेयेव ठत्वा दिब्बाभरण विभूसितो महाजनस्स पस्सन्तस्सेव तिक्खत्तुं महाथूपं पदक्खिणं कत्वा भिक्खुसङ्घञ्च वन्दित्वा तुसितभवनं अगमासि.

एवं असारे निचये धनानं अनिच्चसङ्घं सत्तं सपञ्ञा,

कत्वन चागं रतनत्तयमहि आदाय सारं सुगतिं वजन्ति;

रञ्ञो नाटकत्थियो मतभावं ञत्वा यत्थ ठिता मकुळं मोचयिंसु तत्थं ठाने कतसाला मकुळमुत्तसालानामजाता. रञ्ञो सरीरस्मिं चितकं आरोपिते यत्थ महाजनो हत्थे पग्गहेत्वा विरचि. तत्थ कतसाला विरचित्थसाला नाम जाता. रञ्ञो सरीरं यत्थ झापेसुं - सो सीमामालको राजमालको नाम जातो. अथ रञ्ञो कनिट्ठभाता सद्धातिस्समहाराजा नाम हुत्वा चेतिये अनिट्ठतं जत्तकम्मं सुधाकम्मञ्च निट्ठापेत्वा थूपमकासीति

इति साधुजन मनोपसादनत्थाय कते थूपवंसे महाचेतिये कता निट्ठिता.

२६. एतरहि दुट्ठगामणि अभय महाराजस्स पिता काकवण्णतिस्स राजा मेत्तेय्यस्स भगवतो पिता भविस्सति. विहारमहादेवी माता भविस्सति. दुट्ठगामिणि अभयो अग्गसावको भविस्सति. कनिट्ठो दुतिय सावको भविससति. रञ्ञो पितुच्छा अनुळादेवी अग्गमहेसी भविस्सति. रञ्ञो पुत्तो सालि राजकुमारो पुत्तो भविस्सति. भण्डागारिक सङ्घामच्चो अग्गुपट्ठाको भविस्सति तस्सामच्चस्स धीता अग्गुपट्ठायिका भविस्सतीति एवं सब्बेपि कताधिकारा हेतु सम्पन्ना तस्स भगवतो धम्मं सुत्वा दुक्खस्सन्तं करित्वा अनुपादिसेसाय निब्बानधातुया परिनिब्बायिस्सन्तीति.

एत्तावता च

२७.

महिण्दसेन नामम्हि वसन्तो परिवेणके,

पत्तचीवरपादो? यो पिटकत्तय पारगो;

सद्धासिलगुणुपेतो सब्बसत्तहिते रतो,

तेन साधु समज्झिट्ठो यमहं कातुमारभिं;

सोदानि निट्ठं सम्पत्तो थूपवंसो अनाकुलो,

परिपुण्णो सङ्खथा साधु पण्डितेहि पसंसितो;

यं ¶ पत्तं कुसलं कम्मं करोन्तेन इमं मयं,

तेन एतेन पुञ्ञेन सत्ता गच्छन्तु निब्बुतिं;

अनन्तरायेन यथा च सिद्धिं

मूपागतो थूपवरस्स वंसो,

तथेव सद्धम्मसिता जनानं

मनो रथा सीघमुपेन्तु सिद्धिं;

परिसम्भिदामग्गस्स येन लीलत्थ दीपनि

टीका विरचिता साधु सद्धम्मोदय कामिना;

तथा पकरणे सच्चसङ्खेपे अत्थदीपना,

धीमता सुकता येन सुट्ठु सीहळ भासतो

विसुद्धिमग्ग सङ्खेपे येन अत्थप्पकासना,

योगी नमुपकाराय कता सीहळभासतो;

परक्कम नरिण्दस्स सब्बभूपान केतुनो,

धम्मागारे नियुत्तो यो पिटकत्तय पारगो;

सासनं सुट्ठितं यस्स अन्तेवासिक भिक्खुसु,

तेन वाचिस्सरत्थेर पादेन लिखितो अयन्ति;

थूपवंसो निट्ठितो.