📜

ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ

ಅಭಿಧಮ್ಮಪಿಟಕೇ

ಪಟ್ಠಾನಪಾಳಿ

(ದುತಿಯೋ ಭಾಗೋ)

ಧಮ್ಮಾನುಲೋಮೇ

ತಿಕಪಟ್ಠಾನಂ

೬. ವಿತಕ್ಕತ್ತಿಕಂ

೧. ಪಟಿಚ್ಚವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧. ಸವಿತಕ್ಕಸವಿಚಾರಂ ¶ ¶ ¶ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸವಿತಕ್ಕಸವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ, ತಯೋ ಖನ್ಧೇ ಪಟಿಚ್ಚ ಏಕೋ ಖನ್ಧೋ ¶ , ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. (೧)

ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸವಿತಕ್ಕಸವಿಚಾರೇ ಖನ್ಧೇ ಪಟಿಚ್ಚ ವಿತಕ್ಕೋ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರೇ ಖನ್ಧೇ ಪಟಿಚ್ಚ ವಿತಕ್ಕೋ. (೨)

ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸವಿತಕ್ಕಸವಿಚಾರೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರೇ ಖನ್ಧೇ ಪಟಿಚ್ಚ ಕಟತ್ತಾರೂಪಂ. (೩)

ಸವಿತಕ್ಕಸವಿಚಾರಂ ¶ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ¶ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಸವಿತಕ್ಕಸವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಕಟತ್ತಾ ಚ ರೂಪಂ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ಕಟತ್ತಾ ಚ ರೂಪಂ. (೪)

ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಸವಿತಕ್ಕಸವಿಚಾರೇ ಖನ್ಧೇ ಪಟಿಚ್ಚ ವಿತಕ್ಕೋ ಚಿತ್ತಸಮುಟ್ಠಾನಞ್ಚ ರೂಪಂ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರೇ ಖನ್ಧೇ ಪಟಿಚ್ಚ ವಿತಕ್ಕೋ ಕಟತ್ತಾ ಚ ರೂಪಂ. (೫)

ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಸವಿತಕ್ಕಸವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ವಿತಕ್ಕೋ ಚ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ವಿತಕ್ಕೋ ಚ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ವಿತಕ್ಕೋ ಚ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ವಿತಕ್ಕೋ ಚ. (೬)

ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ¶ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಸವಿತಕ್ಕಸವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ವಿತಕ್ಕೋ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ವಿತಕ್ಕೋ ಚ ಚಿತ್ತಸಮುಟ್ಠಾನಞ್ಚ ರೂಪಂ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ವಿತಕ್ಕೋ ಚ ಕಟತ್ತಾ ಚ ರೂಪಂ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ವಿತಕ್ಕೋ ಚ ಕಟತ್ತಾ ಚ ರೂಪಂ. (೭)

೨. ಅವಿತಕ್ಕವಿಚಾರಮತ್ತಂ ¶ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. (೧)

ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವಿತಕ್ಕಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ. ಪಟಿಸನ್ಧಿಕ್ಖಣೇ ವಿತಕ್ಕಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ. (೨)

ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅವಿತಕ್ಕವಿಚಾರಮತ್ತೇ ಖನ್ಧೇ ಪಟಿಚ್ಚ ವಿಚಾರೋ ಚಿತ್ತಸಮುಟ್ಠಾನಞ್ಚ ರೂಪಂ ¶ ; ವಿತಕ್ಕಂ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತೇ ಖನ್ಧೇ ಪಟಿಚ್ಚ ವಿಚಾರೋ ಕಟತ್ತಾ ಚ ರೂಪಂ. ಪಟಿಸನ್ಧಿಕ್ಖಣೇ ವಿತಕ್ಕಂ ಪಟಿಚ್ಚ ಕಟತ್ತಾರೂಪಂ. (೩)

ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ವಿತಕ್ಕಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ. ಪಟಿಸನ್ಧಿಕ್ಖಣೇ ವಿತಕ್ಕಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ ಕಟತ್ತಾ ಚ ರೂಪಂ. (೪)

ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ವಿಚಾರೋ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ವಿಚಾರೋ ಚ ಚಿತ್ತಸಮುಟ್ಠಾನಞ್ಚ ರೂಪಂ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಂ ¶ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ವಿಚಾರೋ ¶ ಚ ಕಟತ್ತಾ ಚ ರೂಪಂ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ವಿಚಾರೋ ಚ ಕಟತ್ತಾ ಚ ರೂಪಂ. (೫)

೩. ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅವಿತಕ್ಕಅವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ; ವಿಚಾರಂ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ ಅವಿತಕ್ಕಅವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಕಟತ್ತಾ ಚ ರೂಪಂ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ಕಟತ್ತಾ ಚ ರೂಪಂ. ಪಟಿಸನ್ಧಿಕ್ಖಣೇ ವಿಚಾರಂ ಪಟಿಚ್ಚ ಕಟತ್ತಾರೂಪಂ, ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ವಿಚಾರಂ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ವಿಚಾರೋ. ಏಕಂ ಮಹಾಭೂತಂ ಪಟಿಚ್ಚ ತಯೋ ಮಹಾಭೂತಾ…ಪೇ… ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ. (೧)

ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ. (೨)

ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವಿಚಾರಂ ಪಟಿಚ್ಚ ಅವಿತಕ್ಕವಿಚಾರಮತ್ತಾ ಖನ್ಧಾ. ಪಟಿಸನ್ಧಿಕ್ಖಣೇ ವಿಚಾರಂ ಪಟಿಚ್ಚ ಅವಿತಕ್ಕವಿಚಾರಮತ್ತಾ ಖನ್ಧಾ. ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಅವಿತಕ್ಕವಿಚಾರಮತ್ತಾ ಖನ್ಧಾ. ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ವಿತಕ್ಕೋ. (೩)

ಅವಿತಕ್ಕಅವಿಚಾರಂ ¶ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ¶ ಸವಿತಕ್ಕಸವಿಚಾರಾ ಖನ್ಧಾ; ಮಹಾಭೂತೇ ಪಟಿಚ್ಚ ಕಟತ್ತಾರೂಪಂ. (೪)

ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ವಿಚಾರಂ ಪಟಿಚ್ಚ ಅವಿತಕ್ಕವಿಚಾರಮತ್ತಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ. ಪಟಿಸನ್ಧಿಕ್ಖಣೇ ವಿಚಾರಂ ಪಟಿಚ್ಚ ಅವಿತಕ್ಕವಿಚಾರಮತ್ತಾ ಖನ್ಧಾ ಕಟತ್ತಾ ಚ ರೂಪಂ. ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಅವಿತಕ್ಕವಿಚಾರಮತ್ತಾ ಖನ್ಧಾ; ಮಹಾಭೂತೇ ಪಟಿಚ್ಚ ಕಟತ್ತಾರೂಪಂ. ಪಟಿಸನ್ಧಿಕ್ಖಣೇ ¶ ವತ್ಥುಂ ಪಟಿಚ್ಚ ವಿತಕ್ಕೋ; ಮಹಾಭೂತೇ ಪಟಿಚ್ಚ ಕಟತ್ತಾರೂಪಂ. ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿಚಾರೋ ಚ. (೫)

ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ. (೬)

ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ; ಮಹಾಭೂತೇ ಪಟಿಚ್ಚ ಕಟತ್ತಾರೂಪಂ. (೭)

೪. ಸವಿತಕ್ಕಸವಿಚಾರಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ದ್ವೇ ಖನ್ಧಾ. (೧)

ಸವಿತಕ್ಕಸವಿಚಾರಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ¶ ಸವಿತಕ್ಕಸವಿಚಾರೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ವಿತಕ್ಕೋ. (೨)

ಸವಿತಕ್ಕಸವಿಚಾರಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸವಿತಕ್ಕಸವಿಚಾರೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. (೩)

ಸವಿತಕ್ಕಸವಿಚಾರಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಂ ¶ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ದ್ವೇ ಖನ್ಧಾ; ಸವಿತಕ್ಕಸವಿಚಾರೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. (೪)

ಸವಿತಕ್ಕಸವಿಚಾರಞ್ಚ ¶ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ವಿತಕ್ಕೋ; ಸವಿತಕ್ಕಸವಿಚಾರೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. (೫)

ಸವಿತಕ್ಕಸವಿಚಾರಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ ವಿತಕ್ಕೋ ಚ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ದ್ವೇ ಖನ್ಧಾ ವಿತಕ್ಕೋ ಚ. (೬)

ಸವಿತಕ್ಕಸವಿಚಾರಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ¶ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ ವಿತಕ್ಕೋ ಚ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ದ್ವೇ ಖನ್ಧಾ ವಿತಕ್ಕೋ ಚ; ಸವಿತಕ್ಕಸವಿಚಾರೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. (೭)

೫. ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ವಿತಕ್ಕಞ್ಚ ವತ್ಥುಞ್ಚ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ. (೧)

ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಞ್ಚ ವಿಚಾರಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವಿಚಾರಞ್ಚ ಪಟಿಚ್ಚ ದ್ವೇ ಖನ್ಧಾ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಞ್ಚ ವಿಚಾರಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವಿಚಾರಞ್ಚ ಪಟಿಚ್ಚ ದ್ವೇ ಖನ್ಧಾ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ದ್ವೇ ಖನ್ಧಾ. (೨)

ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ¶ ಉಪ್ಪಜ್ಜತಿ ಹೇತುಪಚ್ಚಯಾ – ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವಿಚಾರಞ್ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಅವಿತಕ್ಕವಿಚಾರಮತ್ತೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ವಿತಕ್ಕಞ್ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ ¶ ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವಿಚಾರಞ್ಚ ಪಟಿಚ್ಚ ಕಟತ್ತಾರೂಪಂ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತೇ ¶ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. ಪಟಿಸನ್ಧಿಕ್ಖಣೇ ವಿತಕ್ಕಞ್ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ವಿಚಾರೋ. (೩)

ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ವಿತಕ್ಕಞ್ಚ ವತ್ಥುಞ್ಚ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ; ವಿತಕ್ಕಞ್ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. (೪)

ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಞ್ಚ ವಿಚಾರಞ್ಚ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಚ ವಿಚಾರಞ್ಚ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಞ್ಚ ವಿಚಾರಞ್ಚ ಪಟಿಚ್ಚ ತಯೋ ಖನ್ಧಾ ಕಟತ್ತಾ ಚ ರೂಪಂ…ಪೇ… ದ್ವೇ ಖನ್ಧೇ ಚ ವಿಚಾರಞ್ಚ ಪಟಿಚ್ಚ ದ್ವೇ ಖನ್ಧಾ ಕಟತ್ತಾ ಚ ರೂಪಂ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ ವಿಚಾರೋ ಚ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ದ್ವೇ ಖನ್ಧಾ ವಿಚಾರೋ ಚ. (೫)

೬. ಸವಿತಕ್ಕಸವಿಚಾರಞ್ಚ ಅವಿತಕ್ಕವಿಚಾರಮತ್ತಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸವಿತಕ್ಕಸವಿಚಾರಂ ಏಕಂ ಖನ್ಧಞ್ಚ ವಿತಕ್ಕಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವಿತಕ್ಕಞ್ಚ ಪಟಿಚ್ಚ ದ್ವೇ ಖನ್ಧಾ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಂ ಏಕಂ ¶ ಖನ್ಧಞ್ಚ ವಿತಕ್ಕಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವಿತಕ್ಕಞ್ಚ ಪಟಿಚ್ಚ ದ್ವೇ ಖನ್ಧಾ. (೧)

ಸವಿತಕ್ಕಸವಿಚಾರಞ್ಚ ಅವಿತಕ್ಕವಿಚಾರಮತ್ತಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸವಿತಕ್ಕಸವಿಚಾರೇ ಖನ್ಧೇ ಚ ವಿತಕ್ಕಞ್ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರೇ ಖನ್ಧೇ ಚ ವಿತಕ್ಕಞ್ಚ ಪಟಿಚ್ಚ ಕಟತ್ತಾರೂಪಂ. (೨)

ಸವಿತಕ್ಕಸವಿಚಾರಞ್ಚ ¶ ಅವಿತಕ್ಕವಿಚಾರಮತ್ತಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಸವಿತಕ್ಕಸವಿಚಾರಂ ಏಕಂ ಖನ್ಧಞ್ಚ ವಿತಕ್ಕಞ್ಚ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಚ ¶ ವಿತಕ್ಕಞ್ಚ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಂ ಏಕಂ ಖನ್ಧಞ್ಚ ವಿತಕ್ಕಞ್ಚ ಪಟಿಚ್ಚ ತಯೋ ಖನ್ಧಾ ಕಟತ್ತಾ ಚ ರೂಪಂ…ಪೇ… ದ್ವೇ ಖನ್ಧೇ ಚ ವಿತಕ್ಕಞ್ಚ ಪಟಿಚ್ಚ ದ್ವೇ ಖನ್ಧಾ ಕಟತ್ತಾ ಚ ರೂಪಂ. (೩)

೭. ಸವಿತಕ್ಕಸವಿಚಾರಞ್ಚ ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಂ ಏಕಂ ಖನ್ಧಞ್ಚ ವಿತಕ್ಕಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವಿತಕ್ಕಞ್ಚ ವತ್ಥುಞ್ಚ ಪಟಿಚ್ಚ ದ್ವೇ ಖನ್ಧಾ. (೧)

ಸವಿತಕ್ಕಸವಿಚಾರಞ್ಚ ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸವಿತಕ್ಕಸವಿಚಾರೇ ಖನ್ಧೇ ಚ ವಿತಕ್ಕಞ್ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ¶ ರೂಪಂ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರೇ ಖನ್ಧೇ ಚ ವಿತಕ್ಕಞ್ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. (೨)

ಸವಿತಕ್ಕಸವಿಚಾರಞ್ಚ ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಂ ಏಕಂ ಖನ್ಧಞ್ಚ ವಿತಕ್ಕಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ, ತಯೋ ಖನ್ಧೇ ಚ ವಿತಕ್ಕಞ್ಚ ವತ್ಥುಞ್ಚ ಪಟಿಚ್ಚ ಏಕೋ ಖನ್ಧೋ, ದ್ವೇ ಖನ್ಧೇ ಚ ವಿತಕ್ಕಞ್ಚ ವತ್ಥುಞ್ಚ ಪಟಿಚ್ಚ ದ್ವೇ ಖನ್ಧಾ; ಸವಿತಕ್ಕಸವಿಚಾರೇ ಖನ್ಧೇ ಚ ವಿತಕ್ಕಞ್ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. (೩)

ಆರಮ್ಮಣಪಚ್ಚಯೋ

೮. ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಸವಿತಕ್ಕಸವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. ಪಟಿಸನ್ಧಿಕ್ಖಣೇ…ಪೇ…. (೧)

ಸವಿತಕ್ಕಸವಿಚಾರಂ ¶ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಸವಿತಕ್ಕಸವಿಚಾರೇ ಖನ್ಧೇ ಪಟಿಚ್ಚ ವಿತಕ್ಕೋ. ಪಟಿಸನ್ಧಿಕ್ಖಣೇ…ಪೇ…. (೨)

ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಆರಮ್ಮಣಪಚ್ಚಯಾ – ಸವಿತಕ್ಕಸವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ವಿತಕ್ಕೋ ಚ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ವಿತಕ್ಕೋ ಚ. ಪಟಿಸನ್ಧಿಕ್ಖಣೇ…ಪೇ…. (೩)

೯. ಅವಿತಕ್ಕವಿಚಾರಮತ್ತಂ ¶ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ¶ ಆರಮ್ಮಣಪಚ್ಚಯಾ – ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. ಪಟಿಸನ್ಧಿಕ್ಖಣೇ…ಪೇ…. (೧)

ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ವಿತಕ್ಕಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ. ಪಟಿಸನ್ಧಿಕ್ಖಣೇ…ಪೇ…. (೨)

ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಅವಿತಕ್ಕವಿಚಾರಮತ್ತೇ ಖನ್ಧೇ ಪಟಿಚ್ಚ ವಿಚಾರೋ. ಪಟಿಸನ್ಧಿಕ್ಖಣೇ…ಪೇ…. (೩)

ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ಆರಮ್ಮಣಪಚ್ಚಯಾ – ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ವಿಚಾರೋ ಚ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ವಿಚಾರೋ ಚ ಪಟಿಸನ್ಧಿಕ್ಖಣೇ…ಪೇ…. (೪)

೧೦. ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಅವಿತಕ್ಕಅವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. ಪಟಿಸನ್ಧಿಕ್ಖಣೇ ಅವಿತಕ್ಕಅವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಖನ್ಧಾ, ವತ್ಥುಂ ಪಟಿಚ್ಚ ವಿಚಾರೋ. (೧)

ಅವಿತಕ್ಕಅವಿಚಾರಂ ¶ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ. (೨)

ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ವಿಚಾರಂ ಪಟಿಚ್ಚ ಅವಿತಕ್ಕವಿಚಾರಮತ್ತಾ ಖನ್ಧಾ. ಪಟಿಸನ್ಧಿಕ್ಖಣೇ ವಿಚಾರಂ ಪಟಿಚ್ಚ ಅವಿತಕ್ಕವಿಚಾರಮತ್ತಾ ಖನ್ಧಾ ¶ . ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಅವಿತಕ್ಕವಿಚಾರಮತ್ತಾ ಖನ್ಧಾ. ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ವಿತಕ್ಕೋ. (೩)

ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ಆರಮ್ಮಣಪಚ್ಚಯಾ – ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಅವಿತಕ್ಕವಿಚಾರಮತ್ತಾ ಖನ್ಧಾ ವಿಚಾರೋ ಚ. (೪)

ಅವಿತಕ್ಕಅವಿಚಾರಂ ¶ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಆರಮ್ಮಣಪಚ್ಚಯಾ – ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ. (೫)

೧೧. ಸವಿತಕ್ಕಸವಿಚಾರಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ದ್ವೇ ಖನ್ಧಾ. (೧)

ಸವಿತಕ್ಕಸವಿಚಾರಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ವಿತಕ್ಕೋ. (೨)

ಸವಿತಕ್ಕಸವಿಚಾರಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಆರಮ್ಮಣಪಚ್ಚಯಾ – ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ ವಿತಕ್ಕೋ ಚ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ದ್ವೇ ಖನ್ಧಾ ವಿತಕ್ಕೋ ಚ. (೩)

೧೨. ಅವಿತಕ್ಕವಿಚಾರಮತ್ತಞ್ಚ ¶ ¶ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಪಟಿಸನ್ಧಿಕ್ಖಣೇ ವಿತಕ್ಕಞ್ಚ ವತ್ಥುಞ್ಚ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ. (೧)

ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಞ್ಚ ವಿಚಾರಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವಿಚಾರಞ್ಚ ಪಟಿಚ್ಚ ದ್ವೇ ಖನ್ಧಾ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಞ್ಚ ವಿಚಾರಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವಿಚಾರಞ್ಚ ಪಟಿಚ್ಚ ದ್ವೇ ಖನ್ಧಾ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ದ್ವೇ ಖನ್ಧಾ. (೨)

ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ವಿಚಾರೋ. (೩)

ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ಆರಮ್ಮಣಪಚ್ಚಯಾ – ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಂ ¶ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ ವಿಚಾರೋ ಚ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ದ್ವೇ ಖನ್ಧಾ ವಿಚಾರೋ ಚ. (೪)

೧೩. ಸವಿತಕ್ಕಸವಿಚಾರಞ್ಚ ಅವಿತಕ್ಕವಿಚಾರಮತ್ತಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಸವಿತಕ್ಕಸವಿಚಾರಂ ಏಕಂ ¶ ಖನ್ಧಞ್ಚ ವಿತಕ್ಕಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವಿತಕ್ಕಞ್ಚ ಪಟಿಚ್ಚ ದ್ವೇ ಖನ್ಧಾ. ಪಟಿಸನ್ಧಿಕ್ಖಣೇ…ಪೇ…. (೧)

ಸವಿತಕ್ಕಸವಿಚಾರಞ್ಚ ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಂ ಏಕಂ ¶ ಖನ್ಧಞ್ಚ ವಿತಕ್ಕಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವಿತಕ್ಕಞ್ಚ ವತ್ಥುಞ್ಚ ಪಟಿಚ್ಚ ದ್ವೇ ಖನ್ಧಾ. (೧)

(ದ್ವೇ ಪಚ್ಚಯಾ ಸಜ್ಝಾಯಮಗ್ಗೇನ ವಿಭತ್ತಾ, ಏವಂ ಅವಸೇಸಾ ವೀಸತಿಪಚ್ಚಯಾ ವಿಭಜಿತಬ್ಬಾ.)

ವಿಪ್ಪಯುತ್ತಪಚ್ಚಯೋ

೧೪. ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ವಿಪ್ಪಯುತ್ತಪಚ್ಚಯಾ – ಸವಿತಕ್ಕಸವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ವತ್ಥುಂ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ವತ್ಥುಂ ವಿಪ್ಪಯುತ್ತಪಚ್ಚಯಾ. (೧)

ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ವಿಪ್ಪಯುತ್ತಪಚ್ಚಯಾ – ಸವಿತಕ್ಕಸವಿಚಾರೇ ಖನ್ಧೇ ಪಟಿಚ್ಚ ವಿತಕ್ಕೋ; ವತ್ಥುಂ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ…ಪೇ…. (೨)

ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ವಿಪ್ಪಯುತ್ತಪಚ್ಚಯಾ – ಸವಿತಕ್ಕಸವಿಚಾರೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ, ಖನ್ಧೇ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ…ಪೇ…. (೩)

ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ವಿಪ್ಪಯುತ್ತಪಚ್ಚಯಾ – ಸವಿತಕ್ಕಸವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ಖನ್ಧಾ ವತ್ಥುಂ ವಿಪ್ಪಯುತ್ತಪಚ್ಚಯಾ ¶ . ಚಿತ್ತಸಮುಟ್ಠಾನಂ ರೂಪಂ ಖನ್ಧೇ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ…ಪೇ…. (೪)

ಸವಿತಕ್ಕಸವಿಚಾರಂ ¶ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ವಿಪ್ಪಯುತ್ತಪಚ್ಚಯಾ – ಸವಿತಕ್ಕಸವಿಚಾರೇ ಖನ್ಧೇ ಪಟಿಚ್ಚ ವಿತಕ್ಕೋ ಚ ಚಿತ್ತಸಮುಟ್ಠಾನಞ್ಚ ¶ ರೂಪಂ. ವಿತಕ್ಕೋ ವತ್ಥುಂ ವಿಪ್ಪಯುತ್ತಪಚ್ಚಯಾ. ಚಿತ್ತಸಮುಟ್ಠಾನಂ ರೂಪಂ ಖನ್ಧೇ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ…ಪೇ…. (೫)

ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ವಿಪ್ಪಯುತ್ತಪಚ್ಚಯಾ – ಸವಿತಕ್ಕಸವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ವಿತಕ್ಕೋ ಚ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ವಿತಕ್ಕೋ ಚ, ವತ್ಥುಂ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ…ಪೇ…. (೬)

ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ವಿಪ್ಪಯುತ್ತಪಚ್ಚಯಾ – ಸವಿತಕ್ಕಸವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ವಿತಕ್ಕೋ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ವಿತಕ್ಕೋ ಚ ಚಿತ್ತಸಮುಟ್ಠಾನಞ್ಚ ರೂಪಂ. ಖನ್ಧಾ ಚ ವಿತಕ್ಕೋ ಚ ವತ್ಥುಂ ವಿಪ್ಪಯುತ್ತಪಚ್ಚಯಾ. ಚಿತ್ತಸಮುಟ್ಠಾನಂ ರೂಪಂ ಖನ್ಧೇ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ…ಪೇ…. (೭)

೧೫. ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ…ಪೇ… ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ವತ್ಥುಂ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ…ಪೇ…. (೧)

ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ವಿಪ್ಪಯುತ್ತಪಚ್ಚಯಾ – ವಿತಕ್ಕಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ, ವತ್ಥುಂ ವಿಪ್ಪಯುತ್ತಪಚ್ಚಯಾ ¶ . ಪಟಿಸನ್ಧಿಕ್ಖಣೇ…ಪೇ…. (೨)

ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ವಿಪ್ಪಯುತ್ತಪಚ್ಚಯಾ – ಅವಿತಕ್ಕವಿಚಾರಮತ್ತೇ ಖನ್ಧೇ ಪಟಿಚ್ಚ ವಿಚಾರೋ ಚ ಚಿತ್ತಸಮುಟ್ಠಾನಞ್ಚ ರೂಪಂ, ವಿಚಾರೋ ವತ್ಥುಂ ವಿಪ್ಪಯುತ್ತಪಚ್ಚಯಾ. ಚಿತ್ತಸಮುಟ್ಠಾನಂ ರೂಪಂ ಖನ್ಧೇ ವಿಪ್ಪಯುತ್ತಪಚ್ಚಯಾ. ವಿತಕ್ಕಂ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ, ವಿತಕ್ಕಂ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ…ಪೇ…. (೩)

ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ವಿಪ್ಪಯುತ್ತಪಚ್ಚಯಾ – ವಿತಕ್ಕಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ, ಖನ್ಧಾ ವತ್ಥುಂ ವಿಪ್ಪಯುತ್ತಪಚ್ಚಯಾ. ಚಿತ್ತಸಮುಟ್ಠಾನಂ ರೂಪಂ ವಿತಕ್ಕಂ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ…ಪೇ…. (೪)

ಅವಿತಕ್ಕವಿಚಾರಮತ್ತಂ ¶ ¶ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ವಿಪ್ಪಯುತ್ತಪಚ್ಚಯಾ – ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ವಿಚಾರೋ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ವಿಚಾರೋ ಚ ಚಿತ್ತಸಮುಟ್ಠಾನಞ್ಚ ರೂಪಂ. ಖನ್ಧಾ ಚ ವಿಚಾರೋ ಚ ವತ್ಥುಂ ವಿಪ್ಪಯುತ್ತಪಚ್ಚಯಾ. ಚಿತ್ತಸಮುಟ್ಠಾನಂ ರೂಪಂ ಖನ್ಧೇ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ…ಪೇ…. (೫)

೧೬. ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ವಿಪ್ಪಯುತ್ತಪಚ್ಚಯಾ – ಅವಿತಕ್ಕಅವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಖನ್ಧಾ ವತ್ಥುಂ ವಿಪ್ಪಯುತ್ತಪಚ್ಚಯಾ, ಚಿತ್ತಸಮುಟ್ಠಾನಂ ರೂಪಂ ಖನ್ಧೇ ವಿಪ್ಪಯುತ್ತಪಚ್ಚಯಾ. ವಿಚಾರಂ ¶ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ, ವಿಚಾರಂ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ…ಪೇ… ಪಟಿಸನ್ಧಿಕ್ಖಣೇ ವಿಚಾರಂ ಪಟಿಚ್ಚ ಕಟತ್ತಾರೂಪಂ, ವಿಚಾರಂ ವಿಪ್ಪಯುತ್ತಪಚ್ಚಯಾ. ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ. ಖನ್ಧಾ ವತ್ಥುಂ ವಿಪ್ಪಯುತ್ತಪಚ್ಚಯಾ. ವತ್ಥು ಖನ್ಧೇ ವಿಪ್ಪಯುತ್ತಪಚ್ಚಯಾ. ವಿಚಾರಂ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ವಿಚಾರೋ, ವಿಚಾರೋ ವತ್ಥುಂ ವಿಪ್ಪಯುತ್ತಪಚ್ಚಯಾ. ವತ್ಥು ವಿಚಾರಂ ವಿಪ್ಪಯುತ್ತಪಚ್ಚಯಾ; ಏಕಂ ಮಹಾಭೂತಂ ಪಟಿಚ್ಚ ತಯೋ ಮಹಾಭೂತಾ…ಪೇ… ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ, ಖನ್ಧೇ ವಿಪ್ಪಯುತ್ತಪಚ್ಚಯಾ. (೧)

ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ವಿಪ್ಪಯುತ್ತಪಚ್ಚಯಾ – ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ, ವತ್ಥುಂ ವಿಪ್ಪಯುತ್ತಪಚ್ಚಯಾ. (೨)

ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ವಿಪ್ಪಯುತ್ತಪಚ್ಚಯಾ – ವಿಚಾರಂ ಪಟಿಚ್ಚ ಅವಿತಕ್ಕವಿಚಾರಮತ್ತಾ ಖನ್ಧಾ, ವತ್ಥುಂ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ ವಿಚಾರಂ ಪಟಿಚ್ಚ ಅವಿತಕ್ಕವಿಚಾರಮತ್ತಾ ಖನ್ಧಾ, ವತ್ಥುಂ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಅವಿತಕ್ಕವಿಚಾರಮತ್ತಾ ಖನ್ಧಾ, ವತ್ಥುಂ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ವಿತಕ್ಕೋ, ವತ್ಥುಂ ವಿಪ್ಪಯುತ್ತಪಚ್ಚಯಾ. (೩)

ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ¶ ಉಪ್ಪಜ್ಜನ್ತಿ ವಿಪ್ಪಯುತ್ತಪಚ್ಚಯಾ – ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ, ಮಹಾಭೂತೇ ಪಟಿಚ್ಚ ಕಟತ್ತಾರೂಪಂ, ಖನ್ಧಾ ವತ್ಥುಂ ವಿಪ್ಪಯುತ್ತಪಚ್ಚಯಾ. ಕಟತ್ತಾರೂಪಂ ಖನ್ಧೇ ವಿಪ್ಪಯುತ್ತಪಚ್ಚಯಾ. (೪)

ಅವಿತಕ್ಕಅವಿಚಾರಂ ¶ ¶ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ವಿಪ್ಪಯುತ್ತಪಚ್ಚಯಾ – ವಿಚಾರಂ ಪಟಿಚ್ಚ ಅವಿತಕ್ಕವಿಚಾರಮತ್ತಾ ಖನ್ಧಾ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ಖನ್ಧಾ ವತ್ಥುಂ ವಿಪ್ಪಯುತ್ತಪಚ್ಚಯಾ. ಚಿತ್ತಸಮುಟ್ಠಾನಂ ರೂಪಂ ವಿಚಾರಂ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ ವಿಚಾರಂ ಪಟಿಚ್ಚ ಅವಿತಕ್ಕವಿಚಾರಮತ್ತಾ ಖನ್ಧಾ ಚ ಕಟತ್ತಾ ಚ ರೂಪಂ, ಖನ್ಧಾ ವತ್ಥುಂ ವಿಪ್ಪಯುತ್ತಪಚ್ಚಯಾ. ಕಟತ್ತಾರೂಪಂ ವಿಚಾರಂ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಅವಿತಕ್ಕವಿಚಾರಮತ್ತಾ ಖನ್ಧಾ ಮಹಾಭೂತೇ ಪಟಿಚ್ಚ ಕಟತ್ತಾರೂಪಂ, ಖನ್ಧಾ ವತ್ಥುಂ ವಿಪ್ಪಯುತ್ತಪಚ್ಚಯಾ. ಕಟತ್ತಾರೂಪಂ ಖನ್ಧೇ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ವಿತಕ್ಕೋ, ಮಹಾಭೂತೇ ಪಟಿಚ್ಚ ಕಟತ್ತಾರೂಪಂ, ವಿತಕ್ಕೋ ವತ್ಥುಂ ವಿಪ್ಪಯುತ್ತಪಚ್ಚಯಾ. ಕಟತ್ತಾರೂಪಂ ಖನ್ಧೇ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿಚಾರೋ ಚ, ವತ್ಥುಂ ವಿಪ್ಪಯುತ್ತಪಚ್ಚಯಾ. (೫)

ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ವಿಪ್ಪಯುತ್ತಪಚ್ಚಯಾ – ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ, ವತ್ಥುಂ ವಿಪ್ಪಯುತ್ತಪಚ್ಚಯಾ. (೬)

ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ವಿಪ್ಪಯುತ್ತಪಚ್ಚಯಾ – ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ, ಮಹಾಭೂತೇ ಪಟಿಚ್ಚ ಕಟತ್ತಾರೂಪಂ, ಖನ್ಧಾ ಚ ವಿತಕ್ಕೋ ಚ, ವತ್ಥುಂ ವಿಪ್ಪಯುತ್ತಪಚ್ಚಯಾ. ಕಟತ್ತಾರೂಪಂ ಖನ್ಧೇ ವಿಪ್ಪಯುತ್ತಪಚ್ಚಯಾ. (೭)

೧೭. ಸವಿತಕ್ಕಸವಿಚಾರಞ್ಚ ¶ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ವಿಪ್ಪಯುತ್ತಪಚ್ಚಯಾ – ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ, ವತ್ಥುಂ ವಿಪ್ಪಯುತ್ತಪಚ್ಚಯಾ. (೧)

ಸವಿತಕ್ಕಸವಿಚಾರಞ್ಚ ¶ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಧಮ್ಮೋ…ಪೇ… ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ವಿತಕ್ಕೋ, ವತ್ಥುಂ ವಿಪ್ಪಯುತ್ತಪಚ್ಚಯಾ. (೨)

ಸವಿತಕ್ಕಸವಿಚಾರಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ…ಪೇ… ಸವಿತಕ್ಕಸವಿಚಾರೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ, ಖನ್ಧೇ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ…ಪೇ…. (೩)

ಸವಿತಕ್ಕಸವಿಚಾರಞ್ಚ ¶ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ…ಪೇ… ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ದ್ವೇ ಖನ್ಧಾ, ಸವಿತಕ್ಕಸವಿಚಾರೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ, ಖನ್ಧಾ ವತ್ಥುಂ ವಿಪ್ಪಯುತ್ತಪಚ್ಚಯಾ. ಕಟತ್ತಾರೂಪಂ ಖನ್ಧೇ ವಿಪ್ಪಯುತ್ತಪಚ್ಚಯಾ. (೪)

ಸವಿತಕ್ಕಸವಿಚಾರಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ…ಪೇ… ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ವಿತಕ್ಕೋ, ಸವಿತಕ್ಕಸವಿಚಾರೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ, ವಿತಕ್ಕೋ ವತ್ಥುಂ ವಿಪ್ಪಯುತ್ತಪಚ್ಚಯಾ. ಕಟತ್ತಾರೂಪಂ ಖನ್ಧೇ ವಿಪ್ಪಯುತ್ತಪಚ್ಚಯಾ. (೫)

ಸವಿತಕ್ಕಸವಿಚಾರಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ¶ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ…ಪೇ… ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ ವಿತಕ್ಕೋ ಚ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ದ್ವೇ ಖನ್ಧಾ ವಿತಕ್ಕೋ ಚ, ವತ್ಥುಂ ವಿಪ್ಪಯುತ್ತಪಚ್ಚಯಾ. (೬)

ಸವಿತಕ್ಕಸವಿಚಾರಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ…ಪೇ… ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ ವಿತಕ್ಕೋ ಚ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ದ್ವೇ ಖನ್ಧಾ ವಿತಕ್ಕೋ ಚ. ಸವಿತಕ್ಕಸವಿಚಾರೇ ಖನ್ಧೇ ಚ ಮಹಾಭೂತೇ ಚ ¶ ಪಟಿಚ್ಚ ಕಟತ್ತಾರೂಪಂ. ಖನ್ಧಾ ಚ ವಿತಕ್ಕೋ ಚ, ವತ್ಥುಂ ವಿಪ್ಪಯುತ್ತಪಚ್ಚಯಾ. ಕಟತ್ತಾರೂಪಂ ಖನ್ಧೇ ವಿಪ್ಪಯುತ್ತಪಚ್ಚಯಾ. (೭)

೧೮. ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ…ಪೇ… ಪಟಿಸನ್ಧಿಕ್ಖಣೇ ವಿತಕ್ಕಞ್ಚ ವತ್ಥುಞ್ಚ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ, ವತ್ಥುಂ ವಿಪ್ಪಯುತ್ತಪಚ್ಚಯಾ. (೧)

ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಧಮ್ಮೋ…ಪೇ… ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಞ್ಚ ವಿಚಾರಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ…ಪೇ… ವತ್ಥುಂ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಞ್ಚ ವಿಚಾರಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ…ಪೇ… ವತ್ಥುಂ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ¶ ಖನ್ಧೇ ಚ…ಪೇ… ವತ್ಥುಂ ವಿಪ್ಪಯುತ್ತಪಚ್ಚಯಾ. (೨)

ಅವಿತಕ್ಕವಿಚಾರಮತ್ತಞ್ಚ ¶ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ…ಪೇ… ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವಿಚಾರಞ್ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಖನ್ಧೇ ಚ ವಿಚಾರಞ್ಚ ವಿಪ್ಪಯುತ್ತಪಚ್ಚಯಾ. ಅವಿತಕ್ಕವಿಚಾರಮತ್ತೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಖನ್ಧೇ ವಿಪ್ಪಯುತ್ತಪಚ್ಚಯಾ. ವಿತಕ್ಕಞ್ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ವಿತಕ್ಕಂ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವಿಚಾರಞ್ಚ ಪಟಿಚ್ಚ ಕಟತ್ತಾರೂಪಂ. ಖನ್ಧೇ ಚ ವಿಚಾರಞ್ಚ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. ಖನ್ಧೇ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ ವಿತಕ್ಕಞ್ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. ವಿತಕ್ಕಂ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ವಿಚಾರೋ. ವತ್ಥುಂ ವಿಪ್ಪಯುತ್ತಪಚ್ಚಯಾ. (೩)

ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ವಿಪ್ಪಯುತ್ತಪಚ್ಚಯಾ – ಪಟಿಸನ್ಧಿಕ್ಖಣೇ ವಿತಕ್ಕಞ್ಚ ವತ್ಥುಞ್ಚ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ. ವಿತಕ್ಕಞ್ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. ಖನ್ಧಾ ವತ್ಥುಂ ವಿಪ್ಪಯುತ್ತಪಚ್ಚಯಾ. ಕಟತ್ತಾರೂಪಂ ವಿತಕ್ಕಂ ವಿಪ್ಪಯುತ್ತಪಚ್ಚಯಾ. (೪)

ಅವಿತಕ್ಕವಿಚಾರಮತ್ತಞ್ಚ ¶ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ…ಪೇ… ಅವಿತಕ್ಕವಿಚಾರಮತ್ತಂ ¶ ಏಕಂ ಖನ್ಧಞ್ಚ ವಿಚಾರಞ್ಚ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ಖನ್ಧಾ ವತ್ಥುಂ ವಿಪ್ಪಯುತ್ತಪಚ್ಚಯಾ. ಚಿತ್ತಸಮುಟ್ಠಾನಂ ರೂಪಂ ಖನ್ಧೇ ಚ ವಿಚಾರಞ್ಚ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಞ್ಚ ವಿಚಾರಞ್ಚ ಪಟಿಚ್ಚ ತಯೋ ಖನ್ಧಾ ಕಟತ್ತಾ ಚ ರೂಪಂ…ಪೇ… ಖನ್ಧಾ ವತ್ಥುಂ ವಿಪ್ಪಯುತ್ತಪಚ್ಚಯಾ. ಕಟತ್ತಾರೂಪಂ ಖನ್ಧೇ ಚ ವಿಚಾರಞ್ಚ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ…ಪೇ… ಅವಿತಕ್ಕವಿಚಾರಮತ್ತೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. ಖನ್ಧಾ ವತ್ಥುಂ ವಿಪ್ಪಯುತ್ತಪಚ್ಚಯಾ. ಕಟತ್ತಾರೂಪಂ ಖನ್ಧೇ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ ವಿಚಾರೋ ಚ…ಪೇ… ದ್ವೇ ಖನ್ಧೇ ಚ…ಪೇ… ವತ್ಥುಂ ವಿಪ್ಪಯುತ್ತಪಚ್ಚಯಾ. (೫)

೧೯. ಸವಿತಕ್ಕಸವಿಚಾರಞ್ಚ ಅವಿತಕ್ಕವಿಚಾರಮತ್ತಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ…ಪೇ… ಸವಿತಕ್ಕಸವಿಚಾರಂ ಏಕಂ ಖನ್ಧಞ್ಚ ವಿತಕ್ಕಞ್ಚ ಪಟಿಚ್ಚ ತಯೋ ¶ ಖನ್ಧಾ…ಪೇ… ದ್ವೇ ಖನ್ಧೇ ಚ…ಪೇ… ವತ್ಥುಂ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ…ಪೇ… ವತ್ಥುಂ ವಿಪ್ಪಯುತ್ತಪಚ್ಚಯಾ. (೧)

ಸವಿತಕ್ಕಸವಿಚಾರಞ್ಚ ಅವಿತಕ್ಕವಿಚಾರಮತ್ತಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ…ಪೇ… ಸವಿತಕ್ಕಸವಿಚಾರೇ ಖನ್ಧೇ ಚ ವಿತಕ್ಕಞ್ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಖನ್ಧೇ ಚ ವಿತಕ್ಕಞ್ಚ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಚ ವಿತಕ್ಕಞ್ಚ ವಿಪ್ಪಯುತ್ತಪಚ್ಚಯಾ. (೨)

ಸವಿತಕ್ಕಸವಿಚಾರಞ್ಚ ಅವಿತಕ್ಕವಿಚಾರಮತ್ತಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ¶ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ…ಪೇ… ಸವಿತಕ್ಕಸವಿಚಾರಂ ಏಕಂ ಖನ್ಧಞ್ಚ ವಿತಕ್ಕಞ್ಚ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಖನ್ಧಾ ವತ್ಥುಂ ವಿಪ್ಪಯುತ್ತಪಚ್ಚಯಾ. ಚಿತ್ತಸಮುಟ್ಠಾನಂ ರೂಪಂ ಖನ್ಧೇ ಚ ವಿತಕ್ಕಞ್ಚ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ…ಪೇ… ಖನ್ಧಾ ವತ್ಥುಂ ವಿಪ್ಪಯುತ್ತಪಚ್ಚಯಾ. ಕಟತ್ತಾರೂಪಂ ಖನ್ಧೇ ಚ ವಿತಕ್ಕಞ್ಚ ವಿಪ್ಪಯುತ್ತಪಚ್ಚಯಾ. (೩)

೨೦. ಸವಿತಕ್ಕಸವಿಚಾರಞ್ಚ ¶ ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ…ಪೇ… ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಂ ಏಕಂ ಖನ್ಧಞ್ಚ ವಿತಕ್ಕಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಖನ್ಧಾ ವತ್ಥುಂ ವಿಪ್ಪಯುತ್ತಪಚ್ಚಯಾ. (೧)

ಸವಿತಕ್ಕಸವಿಚಾರಞ್ಚ ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ…ಪೇ… ಸವಿತಕ್ಕಸವಿಚಾರೇ ಖನ್ಧೇ ಚ ವಿತಕ್ಕಞ್ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಖನ್ಧೇ ಚ ವಿತಕ್ಕಞ್ಚ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಚ ವಿತಕ್ಕಞ್ಚ ವಿಪ್ಪಯುತ್ತಪಚ್ಚಯಾ. (೨)

ಸವಿತಕ್ಕಸವಿಚಾರಞ್ಚ ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ವಿಪ್ಪಯುತ್ತಪಚ್ಚಯಾ – ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಂ ಏಕಂ ಖನ್ಧಞ್ಚ ವಿತಕ್ಕಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ…ಪೇ… ಸವಿತಕ್ಕಸವಿಚಾರೇ ಖನ್ಧೇ ಚ ವಿತಕ್ಕಞ್ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ ¶ . ಖನ್ಧಾ ವತ್ಥುಂ ವಿಪ್ಪಯುತ್ತಪಚ್ಚಯಾ. ಕಟತ್ತಾರೂಪಂ ಖನ್ಧೇ ಚ ವಿತಕ್ಕಞ್ಚ ವಿಪ್ಪಯುತ್ತಪಚ್ಚಯಾ. (೩)

ಅತ್ಥಿ-ಅವಿಗತಪಚ್ಚಯಾ

೨೧. ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ಅತ್ಥಿಪಚ್ಚಯಾ…ಪೇ… ನತ್ಥಿಪಚ್ಚಯಾ, ವಿಗತಪಚ್ಚಯಾ, ಅವಿಗತಪಚ್ಚಯಾ (ಸಂಖಿತ್ತಂ).

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೨೨. ಹೇತುಯಾ ¶ ಸತ್ತತಿಂಸ, ಆರಮ್ಮಣೇ ಏಕವೀಸ, ಅಧಿಪತಿಯಾ ತೇವೀಸ, ಅನನ್ತರೇ ಏಕವೀಸ, ಸಮನನ್ತರೇ ¶ ಏಕವೀಸ, ಸಹಜಾತೇ ಸತ್ತತಿಂಸ, ಅಞ್ಞಮಞ್ಞೇ ಅಟ್ಠವೀಸ, ನಿಸ್ಸಯೇ ಸತ್ತತಿಂಸ, ಉಪನಿಸ್ಸಯೇ ಏಕವೀಸ, ಪುರೇಜಾತೇ ಏಕಾದಸ, ಆಸೇವನೇ ಏಕಾದಸ, ಕಮ್ಮೇ ಸತ್ತತಿಂಸ, ವಿಪಾಕೇ ಸತ್ತತಿಂಸ, ಆಹಾರೇ ಇನ್ದ್ರಿಯೇ ಝಾನೇ ಮಗ್ಗೇ ಸತ್ತತಿಂಸ, ಸಮ್ಪಯುತ್ತೇ ಏಕವೀಸ, ವಿಪ್ಪಯುತ್ತೇ ಸತ್ತತಿಂಸ, ಅತ್ಥಿಯಾ ಸತ್ತತಿಂಸ, ನತ್ಥಿಯಾ ಏಕವೀಸ, ವಿಗತೇ ಏಕವೀಸ, ಅವಿಗತೇ ಸತ್ತತಿಂಸ.

ದುಕಂ

ಹೇತುಪಚ್ಚಯಾ ಆರಮ್ಮಣೇ ಏಕವೀಸ…ಪೇ… ಅವಿಗತೇ ಸತ್ತತಿಂಸ (ಸಂಖಿತ್ತಂ).

(ಯಥಾ ಕುಸಲತ್ತಿಕೇ ಗಣನಾ, ಏವಂ ಗಣೇತಬ್ಬಂ).

ಅನುಲೋಮಂ.

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೨೩. ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಸವಿತಕ್ಕಸವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. ಅಹೇತುಕಪಟಿಸನ್ಧಿಕ್ಖಣೇ…ಪೇ… ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೧)

ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ¶ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕೇ ಸವಿತಕ್ಕಸವಿಚಾರೇ ಖನ್ಧೇ ಪಟಿಚ್ಚ ವಿತಕ್ಕೋ. ಅಹೇತುಕಪಟಿಸನ್ಧಿಕ್ಖಣೇ…ಪೇ…. (೨)

ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕೇ ಸವಿತಕ್ಕಸವಿಚಾರೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಅಹೇತುಕಪಟಿಸನ್ಧಿಕ್ಖಣೇ…ಪೇ…. (೩)

ಸವಿತಕ್ಕಸವಿಚಾರಂ ¶ ¶ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಂ ಸವಿತಕ್ಕಸವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ. ಅಹೇತುಕಪಟಿಸನ್ಧಿಕ್ಖಣೇ…ಪೇ…. (೪)

ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕೇ ಸವಿತಕ್ಕಸವಿಚಾರೇ ಖನ್ಧೇ ಪಟಿಚ್ಚ ವಿತಕ್ಕೋ ಚ ಚಿತ್ತಸಮುಟ್ಠಾನಞ್ಚ ರೂಪಂ. ಅಹೇತುಕಪಟಿಸನ್ಧಿಕ್ಖಣೇ…ಪೇ…. (೫)

ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಂ ಸವಿತಕ್ಕಸವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ವಿತಕ್ಕೋ ಚ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ವಿತಕ್ಕೋ ಚ. ಅಹೇತುಕಪಟಿಸನ್ಧಿಕ್ಖಣೇ…ಪೇ…. (೬)

ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಂ ಸವಿತಕ್ಕಸವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ವಿತಕ್ಕೋ ¶ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ಅಹೇತುಕಪಟಿಸನ್ಧಿಕ್ಖಣೇ…ಪೇ…. (೭)

೨೪. ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ವಿತಕ್ಕಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ. ಅಹೇತುಕಪಟಿಸನ್ಧಿಕ್ಖಣೇ ವಿತಕ್ಕಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ; ವಿಚಿಕಿಚ್ಛಾಸಹಗತಂ ಉದ್ಧಚ್ಚಸಹಗತಂ ವಿತಕ್ಕಂ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೧)

ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ವಿತಕ್ಕಂ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಅಹೇತುಕಪಟಿಸನ್ಧಿಕ್ಖಣೇ ವಿತಕ್ಕಂ ಪಟಿಚ್ಚ ಕಟತ್ತಾರೂಪಂ. (೨)

ಅವಿತಕ್ಕವಿಚಾರಮತ್ತಂ ¶ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಂ ವಿತಕ್ಕಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ. ಅಹೇತುಕಪಟಿಸನ್ಧಿಕ್ಖಣೇ ವಿತಕ್ಕಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ ಕಟತ್ತಾ ಚ ರೂಪಂ. (೩)

ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಅವಿತಕ್ಕಅವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ, ತಯೋ ¶ ಖನ್ಧೇ ಪಟಿಚ್ಚ ಏಕೋ ಖನ್ಧೋ, ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ; ಏಕಂ ಮಹಾಭೂತಂ ಪಟಿಚ್ಚ ತಯೋ ಮಹಾಭೂತಾ…ಪೇ… ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ; ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ ಪಟಿಚ್ಚ…ಪೇ… ಮಹಾಭೂತೇ ಪಟಿಚ್ಚ ಕಟತ್ತಾರೂಪಂ ಉಪಾದಾರೂಪಂ. (೧)

ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಪಟಿಸನ್ಧಿಕ್ಖಣೇ ¶ ವತ್ಥುಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ. (೨)

ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ವಿತಕ್ಕೋ. (೩)

ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ; ಮಹಾಭೂತೇ ಪಟಿಚ್ಚ ಕಟತ್ತಾರೂಪಂ. (೪)

ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ವಿತಕ್ಕೋ; ಮಹಾಭೂತೇ ಪಟಿಚ್ಚ ಕಟತ್ತಾರೂಪಂ. (೫)

ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ. (೬)

ಅವಿತಕ್ಕಅವಿಚಾರಂ ¶ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ; ಮಹಾಭೂತೇ ಪಟಿಚ್ಚ ಕಟತ್ತಾರೂಪಂ. (೭)

೨೫. ಸವಿತಕ್ಕಸವಿಚಾರಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ದ್ವೇ ಖನ್ಧಾ. (೧)

ಸವಿತಕ್ಕಸವಿಚಾರಞ್ಚ ¶ ಅವಿತಕ್ಕಅವಿಚಾರಞ್ಚ ¶ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ವಿತಕ್ಕೋ. (೨)

ಸವಿತಕ್ಕಸವಿಚಾರಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕೇ ಸವಿತಕ್ಕಸವಿಚಾರೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಅಹೇತುಕಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. (೩)

ಸವಿತಕ್ಕಸವಿಚಾರಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ದ್ವೇ ಖನ್ಧಾ; ಸವಿತಕ್ಕಸವಿಚಾರೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. (೪)

ಸವಿತಕ್ಕಸವಿಚಾರಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ವಿತಕ್ಕೋ; ಸವಿತಕ್ಕಸವಿಚಾರೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. (೫)

ಸವಿತಕ್ಕಸವಿಚಾರಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ¶ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ ವಿತಕ್ಕೋ ಚ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ದ್ವೇ ಖನ್ಧಾ ವಿತಕ್ಕೋ ಚ. (೬)

ಸವಿತಕ್ಕಸವಿಚಾರಞ್ಚ ¶ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ ವಿತಕ್ಕೋ ಚ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ ಪಟಿಚ್ಚ ದ್ವೇ ಖನ್ಧಾ ವಿತಕ್ಕೋ ಚ; ಸವಿತಕ್ಕಸವಿಚಾರೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. (೭)

೨೬. ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಪಟಿಸನ್ಧಿಕ್ಖಣೇ ವಿತಕ್ಕಞ್ಚ ವತ್ಥುಞ್ಚ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ. (೧)

ಅವಿತಕ್ಕವಿಚಾರಮತ್ತಞ್ಚ ¶ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ವಿತಕ್ಕಞ್ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಅಹೇತುಕಪಟಿಸನ್ಧಿಕ್ಖಣೇ ವಿತಕ್ಕಞ್ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. (೨)

ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಪಟಿಸನ್ಧಿಕ್ಖಣೇ ವಿತಕ್ಕಞ್ಚ ವತ್ಥುಞ್ಚ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ; ವಿತಕ್ಕಞ್ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. (೩)

೨೭. ಸವಿತಕ್ಕಸವಿಚಾರಞ್ಚ ಅವಿತಕ್ಕವಿಚಾರಮತ್ತಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಸವಿತಕ್ಕಸವಿಚಾರಂ ಏಕಂ ಖನ್ಧಞ್ಚ ವಿತಕ್ಕಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ¶ ಚ ವಿತಕ್ಕಞ್ಚ ಪಟಿಚ್ಚ ದ್ವೇ ಖನ್ಧಾ. ಅಹೇತುಕಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಂ ಏಕಂ ಖನ್ಧಞ್ಚ ವಿತಕ್ಕಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವಿತಕ್ಕಞ್ಚ ಪಟಿಚ್ಚ ದ್ವೇ ಖನ್ಧಾ; ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಚ ವಿತಕ್ಕಞ್ಚ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೧)

ಸವಿತಕ್ಕಸವಿಚಾರಞ್ಚ ¶ ಅವಿತಕ್ಕವಿಚಾರಮತ್ತಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕೇ ಸವಿತಕ್ಕಸವಿಚಾರೇ ಖನ್ಧೇ ಚ ವಿತಕ್ಕಞ್ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಅಹೇತುಕಪಟಿಸನ್ಧಿಕ್ಖಣೇ…ಪೇ…. (೨)

ಸವಿತಕ್ಕಸವಿಚಾರಞ್ಚ ಅವಿತಕ್ಕವಿಚಾರಮತ್ತಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಂ ಸವಿತಕ್ಕಸವಿಚಾರಂ ಏಕಂ ಖನ್ಧಞ್ಚ ವಿತಕ್ಕಞ್ಚ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಚ ವಿತಕ್ಕಞ್ಚ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ. ಅಹೇತುಕಪಟಿಸನ್ಧಿಕ್ಖಣೇ…ಪೇ…. (೩)

೨೮. ಸವಿತಕ್ಕಸವಿಚಾರಞ್ಚ ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಂ ಏಕಂ ಖನ್ಧಞ್ಚ ವಿತಕ್ಕಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವಿತಕ್ಕಞ್ಚ ವತ್ಥುಞ್ಚ ಪಟಿಚ್ಚ ದ್ವೇ ಖನ್ಧಾ. (೧)

ಸವಿತಕ್ಕಸವಿಚಾರಞ್ಚ ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕೇ ಸವಿತಕ್ಕಸವಿಚಾರೇ ¶ ಖನ್ಧೇ ಚ ವಿತಕ್ಕಞ್ಚ ¶ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಅಹೇತುಕಪಟಿಸನ್ಧಿಕ್ಖಣೇ…ಪೇ…. (೨)

ಸವಿತಕ್ಕಸವಿಚಾರಞ್ಚ ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಂ ಏಕಂ ಖನ್ಧಞ್ಚ ವಿತಕ್ಕಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವಿತಕ್ಕಞ್ಚ ವತ್ಥುಞ್ಚ ಪಟಿಚ್ಚ ದ್ವೇ ಖನ್ಧಾ; ಸವಿತಕ್ಕಸವಿಚಾರೇ ಖನ್ಧೇ ಚ ವಿತಕ್ಕಞ್ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. (೩)

ನಆರಮ್ಮಣಪಚ್ಚಯೋ

೨೯. ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ ¶ – ಸವಿತಕ್ಕಸವಿಚಾರೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರೇ ಖನ್ಧೇ ಪಟಿಚ್ಚ ಕಟತ್ತಾರೂಪಂ. (೧)

ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಅವಿತಕ್ಕವಿಚಾರಮತ್ತೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ, ವಿತಕ್ಕಂ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತೇ ಖನ್ಧೇ ಪಟಿಚ್ಚ ಕಟತ್ತಾರೂಪಂ. ಪಟಿಸನ್ಧಿಕ್ಖಣೇ ವಿತಕ್ಕಂ ಪಟಿಚ್ಚ ಕಟತ್ತಾರೂಪಂ. (೧)

ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಅವಿತಕ್ಕಅವಿಚಾರೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ, ವಿಚಾರಂ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ ಅವಿತಕ್ಕಅವಿಚಾರೇ ¶ ಖನ್ಧೇ ಪಟಿಚ್ಚ ಕಟತ್ತಾರೂಪಂ, ವಿಚಾರಂ ಪಟಿಚ್ಚ ಕಟತ್ತಾರೂಪಂ, ಖನ್ಧೇ ಪಟಿಚ್ಚ ವತ್ಥು, ವಿಚಾರಂ ಪಟಿಚ್ಚ ವತ್ಥು; ಏಕಂ ಮಹಾಭೂತಂ ಪಟಿಚ್ಚ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ ಪಟಿಚ್ಚ…ಪೇ…. (೧)

೩೦. ಸವಿತಕ್ಕಸವಿಚಾರಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಸವಿತಕ್ಕಸವಿಚಾರೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. (೧)

ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವಿಚಾರಞ್ಚ ಪಟಿಚ್ಚ ¶ ಚಿತ್ತಸಮುಟ್ಠಾನಂ ರೂಪಂ, ಅವಿತಕ್ಕವಿಚಾರಮತ್ತೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ, ವಿತಕ್ಕಞ್ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವಿಚಾರಞ್ಚ…ಪೇ… ಕಟತ್ತಾರೂಪಂ. (೧)

ಸವಿತಕ್ಕಸವಿಚಾರಞ್ಚ ಅವಿತಕ್ಕವಿಚಾರಮತ್ತಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ¶ ನಆರಮ್ಮಣಪಚ್ಚಯಾ – ಸವಿತಕ್ಕಸವಿಚಾರೇ ಖನ್ಧೇ ಚ ವಿತಕ್ಕಞ್ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ…ಪೇ…. (೧)

ಸವಿತಕ್ಕಸವಿಚಾರಞ್ಚ ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ ¶ – ಸವಿತಕ್ಕಸವಿಚಾರೇ ಖನ್ಧೇ ಚ ವಿತಕ್ಕಞ್ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ…ಪೇ… ಕಟತ್ತಾರೂಪಂ. (೧)

ನಅಧಿಪತಿಪಚ್ಚಯೋ

೩೧. ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ…ಪೇ… ಸತ್ತ.

ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಅವಿತಕ್ಕವಿಚಾರಮತ್ತೇ ಖನ್ಧೇ ಪಟಿಚ್ಚ ಅವಿತಕ್ಕವಿಚಾರಮತ್ತಾ ಅಧಿಪತಿ, ವಿಪಾಕಂ ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ವಿತಕ್ಕಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ. ಪಟಿಸನ್ಧಿಕ್ಖಣೇ…ಪೇ…. (೨)

ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ವಿಪಾಕೇ ಅವಿತಕ್ಕವಿಚಾರಮತ್ತೇ ಖನ್ಧೇ ಪಟಿಚ್ಚ ವಿಚಾರೋ ಚ ಚಿತ್ತಸಮುಟ್ಠಾನಞ್ಚ ರೂಪಂ. ಪಟಿಸನ್ಧಿಕ್ಖಣೇ…ಪೇ…. (೩)

ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ನಅಧಿಪತಿಪಚ್ಚಯಾ – ವಿತಕ್ಕಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ. ಪಟಿಸನ್ಧಿಕ್ಖಣೇ…ಪೇ…. (೪)

ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ನಅಧಿಪತಿಪಚ್ಚಯಾ – ವಿಪಾಕಂ ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ವಿಚಾರೋ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ಪಟಿಸನ್ಧಿಕ್ಖಣೇ…ಪೇ…. (೫)

೩೨. ಅವಿತಕ್ಕಅವಿಚಾರಂ ¶ ¶ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ¶ ನಅಧಿಪತಿಪಚ್ಚಯಾ – ಅವಿತಕ್ಕಅವಿಚಾರೇ ಖನ್ಧೇ ಪಟಿಚ್ಚ ಅವಿತಕ್ಕಅವಿಚಾರಾ ಅಧಿಪತಿ, ವಿಪಾಕಂ ಅವಿತಕ್ಕಅವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ. (೨)

ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ವಿಚಾರಂ ಪಟಿಚ್ಚ ಅವಿತಕ್ಕವಿಚಾರಮತ್ತಾ ಅಧಿಪತಿ, ವಿಪಾಕಂ ವಿಚಾರಂ ಪಟಿಚ್ಚ ಅವಿತಕ್ಕವಿಚಾರಮತ್ತಾ ಖನ್ಧಾ. ಪಟಿಸನ್ಧಿಕ್ಖಣೇ…ಪೇ…. (೩)

ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ… ಸತ್ತ.

೩೩. ಸವಿತಕ್ಕಸವಿಚಾರಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ… ಸತ್ತ (ಸಂಖಿತ್ತಂ).

ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ…ಪೇ… ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ, ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವಿಚಾರಞ್ಚ ಪಟಿಚ್ಚ ಅವಿತಕ್ಕವಿಚಾರಮತ್ತಾ ಅಧಿಪತಿ, ವಿಪಾಕಂ ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಞ್ಚ ವಿಚಾರಞ್ಚ ಪಟಿಚ್ಚ (ಸಂಖಿತ್ತಂ).

ನಅನನ್ತರಪಚ್ಚಯಾದಿ

೩೪. ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ನಅನನ್ತರಪಚ್ಚಯಾ… ನಸಮನನ್ತರಪಚ್ಚಯಾ… ನಅಞ್ಞಮಞ್ಞಪಚ್ಚಯಾ… ನಉಪನಿಸ್ಸಯಪಚ್ಚಯಾ (ನಆರಮ್ಮಣಸದಿಸಂ).

ನಪುರೇಜಾತಪಚ್ಚಯೋ

೩೫. ಸವಿತಕ್ಕಸವಿಚಾರಂ ¶ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ… ಸತ್ತ.

ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ¶ ನಪುರೇಜಾತಪಚ್ಚಯಾ – ಅರೂಪೇ ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಂ ಪಟಿಚ್ಚ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ಅವಿತಕ್ಕವಿಚಾರಮತ್ತಂ ¶ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ವಿತಕ್ಕಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ. ಪಟಿಸನ್ಧಿಕ್ಖಣೇ…ಪೇ…. (೨)

ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ಅವಿತಕ್ಕವಿಚಾರಮತ್ತೇ ಖನ್ಧೇ ಪಟಿಚ್ಚ ವಿಚಾರೋ, ಅವಿತಕ್ಕವಿಚಾರಮತ್ತೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ, ವಿತಕ್ಕಂ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ…ಪೇ…. (೩)

ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ನಪುರೇಜಾತಪಚ್ಚಯಾ – ಪಟಿಸನ್ಧಿಕ್ಖಣೇ ವಿತಕ್ಕಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ ಕಟತ್ತಾ ಚ ರೂಪಂ. (೪)

ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ನಪುರೇಜಾತಪಚ್ಚಯಾ…ಪೇ… ಅರೂಪೇ ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ವಿಚಾರೋ ಚ…ಪೇ… ಪಟಿಸನ್ಧಿಕ್ಖಣೇ…ಪೇ…. (೫)

೩೬. ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ಅವಿತಕ್ಕಅವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ಅವಿತಕ್ಕಅವಿಚಾರೇ ¶ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ, ವಿಚಾರಂ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ…ಪೇ…. (೧)

ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ. (೨)

ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ ¶ – ಅರೂಪೇ ವಿಚಾರಂ ಪಟಿಚ್ಚ ಅವಿತಕ್ಕವಿಚಾರಮತ್ತಾ ಖನ್ಧಾ. ಪಟಿಸನ್ಧಿಕ್ಖಣೇ…ಪೇ… (ಸಂಖಿತ್ತಂ). (೭)

ಸವಿತಕ್ಕಸವಿಚಾರಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ… ಸತ್ತ.

೩೭. ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಞ್ಚ ವಿಚಾರಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ಪಟಿಸನ್ಧಿಕ್ಖಣೇ…ಪೇ… (ಸಂಖಿತ್ತಂ). (೭)

ಅವಿತಕ್ಕವಿಚಾರಮತ್ತಞ್ಚ ¶ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ…ಪೇ… ಪಟಿಸನ್ಧಿಕ್ಖಣೇ…ಪೇ… (ಸಂಖಿತ್ತಂ).

(ನಪುರೇಜಾತಮೂಲಕೇ ಯಥಾ ಸುದ್ಧಿಕಂ ಅರೂಪಂ, ತಥಾ ಅರೂಪಾ ಕಾತಬ್ಬಾ).

ನಪಚ್ಛಾಜಾತಪಚ್ಚಯಾದಿ

೩೮. ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ನಪಚ್ಛಾಜಾತಪಚ್ಚಯಾ…ಪೇ… ನಆಸೇವನಪಚ್ಚಯಾ… ಸತ್ತ.

ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ – ವಿಪಾಕಂ ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಂ ಪಟಿಚ್ಚ… (ಸಂಖಿತ್ತಂ). (೫)

ಅವಿತಕ್ಕಅವಿಚಾರಂ ¶ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ – ವಿಪಾಕಂ ಅವಿತಕ್ಕಅವಿಚಾರಂ ಏಕಂ ಖನ್ಧಂ ಪಟಿಚ್ಚ… (ಸಂಖಿತ್ತಂ).

(ನಆಸೇವನಮೂಲಕೇ ಅವಿತಕ್ಕವಿಚಾರಮತ್ತಂ ವಿಪಾಕೇನ ಸಹ ಗಚ್ಛನ್ತೇನ ನಪುರೇಜಾತಸದಿಸಂ ಕಾತಬ್ಬಂ, ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕವಿಚಾರಮತ್ತಗಚ್ಛನ್ತೇನ ವಿಪಾಕೋ ದಸ್ಸೇತಬ್ಬೋ.)

ನಕಮ್ಮಪಚ್ಚಯೋ

೩೯. ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಸವಿತಕ್ಕಸವಿಚಾರೇ ಖನ್ಧೇ ಪಟಿಚ್ಚ ಸವಿತಕ್ಕಸವಿಚಾರಾ ಚೇತನಾ. (೧)

ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ¶ ನಕಮ್ಮಪಚ್ಚಯಾ – ಅವಿತಕ್ಕವಿಚಾರಮತ್ತೇ ಖನ್ಧೇ ಪಟಿಚ್ಚ ಅವಿತಕ್ಕವಿಚಾರಮತ್ತಾ ಚೇತನಾ. (೧)

ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ವಿತಕ್ಕಂ ಪಟಿಚ್ಚ ಸವಿತಕ್ಕಸವಿಚಾರಾ ಚೇತನಾ. (೨)

ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಅವಿತಕ್ಕಅವಿಚಾರೇ ಖನ್ಧೇ ಪಟಿಚ್ಚ ಅವಿತಕ್ಕಅವಿಚಾರಾ ಚೇತನಾ; ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ ಏಕಂ ಮಹಾಭೂತಂ ಪಟಿಚ್ಚ…ಪೇ…. (೧)

ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ವಿಚಾರಂ ಪಟಿಚ್ಚ ಅವಿತಕ್ಕವಿಚಾರಮತ್ತಾ ಚೇತನಾ. (೨)

ಅವಿತಕ್ಕವಿಚಾರಮತ್ತಞ್ಚ ¶ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವಿಚಾರಞ್ಚ ಪಟಿಚ್ಚ ಅವಿತಕ್ಕವಿಚಾರಮತ್ತಾ ಚೇತನಾ. (೧)

ಸವಿತಕ್ಕಸವಿಚಾರಞ್ಚ ¶ ಅವಿತಕ್ಕವಿಚಾರಮತ್ತಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಸವಿತಕ್ಕಸವಿಚಾರೇ ಖನ್ಧೇ ಚ ವಿತಕ್ಕಞ್ಚ ಪಟಿಚ್ಚ ಸವಿತಕ್ಕಸವಿಚಾರಾ ಚೇತನಾ. (೧)

ನವಿಪಾಕಪಚ್ಚಯಾದಿ

೪೦. ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ…ಪೇ… ನಆಹಾರಪಚ್ಚಯಾ – ಬಾಹಿರಂ… ಉತುಸಮುಟ್ಠಾನಂ…ಪೇ… ನಇನ್ದ್ರಿಯಪಚ್ಚಯಾ – ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ…ಪೇ… ಅಸಞ್ಞಸತ್ತಾನಂ ಮಹಾಭೂತೇ ಪಟಿಚ್ಚ ರೂಪಜೀವಿತಿನ್ದ್ರಿಯಂ…ಪೇ… ನಝಾನಪಚ್ಚಯಾ – ಪಞ್ಚವಿಞ್ಞಾಣಸಹಗತಂ ಏಕಂ ಖನ್ಧಂ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ¶ ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ… ನಮಗ್ಗಪಚ್ಚಯಾ… ನಸಮ್ಪಯುತ್ತಪಚ್ಚಯಾ….

ನವಿಪ್ಪಯುತ್ತಪಚ್ಚಯೋ

೪೧. ನವಿಪ್ಪಯುತ್ತಪಚ್ಚಯಾ… ಅರೂಪೇ ಸವಿತಕ್ಕಸವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. (೧)

ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ನವಿಪ್ಪಯುತ್ತಪಚ್ಚಯಾ – ಅರೂಪೇ ಸವಿತಕ್ಕಸವಿಚಾರೇ ಖನ್ಧೇ ಪಟಿಚ್ಚ ವಿತಕ್ಕೋ. (೨)

ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ನವಿಪ್ಪಯುತ್ತಪಚ್ಚಯಾ – ಅರೂಪೇ ಸವಿತಕ್ಕಸವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ವಿತಕ್ಕೋ ಚ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ವಿತಕ್ಕೋ ಚ. (೩)

೪೨. ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ನವಿಪ್ಪಯುತ್ತಪಚ್ಚಯಾ – ಅರೂಪೇ ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. (೧)

ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ನವಿಪ್ಪಯುತ್ತಪಚ್ಚಯಾ – ಅರೂಪೇ ವಿತಕ್ಕಂ ಪಟಿಚ್ಚ ಸವಿತಕ್ಕಸವಿಚಾರಾ ಖನ್ಧಾ. (೨)

ಅವಿತಕ್ಕವಿಚಾರಮತ್ತಂ ¶ ¶ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ನವಿಪ್ಪಯುತ್ತಪಚ್ಚಯಾ – ಅರೂಪೇ ಅವಿತಕ್ಕವಿಚಾರಮತ್ತೇ ಖನ್ಧೇ ಪಟಿಚ್ಚ ವಿಚಾರೋ. (೩)

ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ ನವಿಪ್ಪಯುತ್ತಪಚ್ಚಯಾ – ಅರೂಪೇ ಅವಿತಕ್ಕವಿಚಾರಮತ್ತಂ ¶ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ವಿಚಾರೋ ಚ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ವಿಚಾರೋ ಚ. (೪)

ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ನವಿಪ್ಪಯುತ್ತಪಚ್ಚಯಾ – ಅರೂಪೇ ಅವಿತಕ್ಕಅವಿಚಾರಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ; ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ ಪಟಿಚ್ಚ…ಪೇ…. (೧)

ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ನವಿಪ್ಪಯುತ್ತಪಚ್ಚಯಾ – ಅರೂಪೇ ವಿಚಾರಂ ಪಟಿಚ್ಚ ಅವಿತಕ್ಕವಿಚಾರಮತ್ತಾ ಖನ್ಧಾ. (೨)

ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ನವಿಪ್ಪಯುತ್ತಪಚ್ಚಯಾ – ಅರೂಪೇ ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಞ್ಚ ವಿಚಾರಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವಿಚಾರಞ್ಚ ಪಟಿಚ್ಚ ದ್ವೇ ಖನ್ಧಾ. (೧)

ಸವಿತಕ್ಕಸವಿಚಾರಞ್ಚ ಅವಿತಕ್ಕವಿಚಾರಮತ್ತಞ್ಚ ಧಮ್ಮಂ ಪಟಿಚ್ಚ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ನವಿಪ್ಪಯುತ್ತಪಚ್ಚಯಾ – ಅರೂಪೇ ಸವಿತಕ್ಕಸವಿಚಾರಂ ಏಕಂ ಖನ್ಧಞ್ಚ ವಿತಕ್ಕಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವಿತಕ್ಕಞ್ಚ ಪಟಿಚ್ಚ ದ್ವೇ ಖನ್ಧಾ. (೧)

ನೋನತ್ಥಿ-ನೋವಿಗತಪಚ್ಚಯಾ

೪೩. ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ನೋನತ್ಥಿಪಚ್ಚಯಾ… ನೋವಿಗತಪಚ್ಚಯಾ… (ಸಂಖಿತ್ತಂ).

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

ಸುದ್ಧಂ

೪೪. ನಹೇತುಯಾ ¶ ತೇತ್ತಿಂಸ, ನಆರಮ್ಮಣೇ ಸತ್ತ, ನಅಧಿಪತಿಯಾ ಸತ್ತತಿಂಸ ¶ , ನಅನನ್ತರೇ ಸತ್ತ, ನಸಮನನ್ತರೇ ಸತ್ತ, ನಅಞ್ಞಮಞ್ಞೇ ಸತ್ತ, ನಉಪನಿಸ್ಸಯೇ ಸತ್ತ, ನಪುರೇಜಾತೇ ಸತ್ತತಿಂಸ, ನಪಚ್ಛಾಜಾತೇ ಸತ್ತತಿಂಸ, ನಆಸೇವನೇ ಸತ್ತತಿಂಸ, ನಕಮ್ಮೇ ಸತ್ತ, ನವಿಪಾಕೇ ತೇವೀಸ, ನಆಹಾರೇ ಏಕಂ ¶ ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ತೇತ್ತಿಂಸ, ನಸಮ್ಪಯುತ್ತೇ ಸತ್ತ, ನವಿಪ್ಪಯುತ್ತೇ ಏಕಾದಸ, ನೋನತ್ಥಿಯಾ ಸತ್ತ, ನೋವಿಗತೇ ಸತ್ತ (ಸಂಖಿತ್ತಂ).

(ಯಥಾ ಕುಸಲತ್ತಿಕೇ ಪಚ್ಚನೀಯಗಣನಾ, ಏವಂ ಗಣೇತಬ್ಬಂ.)

ಪಚ್ಚನೀಯಂ.

೩. ಪಚ್ಚಯಾನುಲೋಮಪಚ್ಚನೀಯಂ

೪೫. ಹೇತುಪಚ್ಚಯಾ ನಆರಮ್ಮಣೇ ಸತ್ತ…ಪೇ… ನೋವಿಗತೇ ಸತ್ತ.

(ಯಥಾ ಕುಸಲತ್ತಿಕೇ ಅನುಲೋಮಪಚ್ಚನೀಯಗಣನಾ, ಏವಂ ಗಣೇತಬ್ಬಂ.)

೪. ಪಚ್ಚಯಪಚ್ಚನೀಯಾನುಲೋಮಂ

ನಹೇತುದುಕಂ

೪೬. ನಹೇತುಪಚ್ಚಯಾ ಆರಮ್ಮಣೇ ಚುದ್ದಸ, ಅನನ್ತರೇ ಸಮನನ್ತರೇ ಚುದ್ದಸ, ಸಹಜಾತೇ ತೇತ್ತಿಂಸ, ಅಞ್ಞಮಞ್ಞೇ ಬಾವೀಸ, ನಿಸ್ಸಯೇ ತೇತ್ತಿಂಸ, ಉಪನಿಸ್ಸಯೇ ಚುದ್ದಸ, ಪುರೇಜಾತೇ ಛ, ಆಸೇವನೇ ಪಞ್ಚ, ಕಮ್ಮೇ ತೇತ್ತಿಂಸ…ಪೇ… ಝಾನೇ ತೇತ್ತಿಂಸ, ಮಗ್ಗೇ ತೀಣಿ, ಸಮ್ಪಯುತ್ತೇ ಚುದ್ದಸ, ವಿಪ್ಪಯುತ್ತೇ ತೇತ್ತಿಂಸ…ಪೇ… ಅವಿಗತೇ ತೇತ್ತಿಂಸ (ಸಂಖಿತ್ತಂ).

(ಯಥಾ ¶ ಕುಸಲತ್ತಿಕೇ ಪಚ್ಚನೀಯಾನುಲೋಮಗಣನಾ, ಏವಂ ಗಣೇತಬ್ಬಂ.)

ಪಟಿಚ್ಚವಾರೋ.

೨. ಸಹಜಾತವಾರೋ

(ಸಹಜಾತವಾರೋಪಿ ಪಟಿಚ್ಚವಾರಸದಿಸೋ ಕಾತಬ್ಬೋ.)

೩. ಪಚ್ಚಯವಾರೋ

೧. ಪಚ್ಚಯಾನುಲೋಮಂ

ಹೇತುಪಚ್ಚಯೋ

೪೭. ಸವಿತಕ್ಕಸವಿಚಾರಂ ಧಮ್ಮಂ ಪಚ್ಚಯಾ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸವಿತಕ್ಕಸವಿಚಾರಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧಾ… ಸತ್ತ.

ಅವಿತಕ್ಕವಿಚಾರಮತ್ತಂ ¶ ಧಮ್ಮಂ ಪಚ್ಚಯಾ… ಪಞ್ಚ (ಪಟಿಚ್ಚವಾರಸದಿಸಾ).

ಅವಿತಕ್ಕಅವಿಚಾರಂ ಧಮ್ಮಂ ಪಚ್ಚಯಾ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅವಿತಕ್ಕಅವಿಚಾರಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ¶ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಪಚ್ಚಯಾ…ಪೇ… ವಿಚಾರಂ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ…ಪೇ… ವತ್ಥುಂ ಪಚ್ಚಯಾ ಅವಿತಕ್ಕಅವಿಚಾರಾ ಖನ್ಧಾ, ವತ್ಥುಂ ಪಚ್ಚಯಾ ವಿಚಾರೋ. (೧)

ಅವಿತಕ್ಕಅವಿಚಾರಂ ಧಮ್ಮಂ ಪಚ್ಚಯಾ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ…ಪೇ… ವತ್ಥುಂ ಪಚ್ಚಯಾ ಸವಿತಕ್ಕಸವಿಚಾರಾ ಖನ್ಧಾ. ಪಟಿಸನ್ಧಿಕ್ಖಣೇ…ಪೇ…. (೨)

ಅವಿತಕ್ಕಅವಿಚಾರಂ ಧಮ್ಮಂ ಪಚ್ಚಯಾ ಅವಿತಕ್ಕವಿಚಾರಮತ್ತೋ ಧಮ್ಮೋ…ಪೇ… ವಿಚಾರಂ ಪಚ್ಚಯಾ ಅವಿತಕ್ಕವಿಚಾರಮತ್ತಾ ಖನ್ಧಾ, ವತ್ಥುಂ ಪಚ್ಚಯಾ ಅವಿತಕ್ಕವಿಚಾರಮತ್ತಾ ¶ ಖನ್ಧಾ, ವತ್ಥುಂ ಪಚ್ಚಯಾ ವಿತಕ್ಕೋ. ಪಟಿಸನ್ಧಿಕ್ಖಣೇ…ಪೇ…. (೩)

ಅವಿತಕ್ಕಅವಿಚಾರಂ ಧಮ್ಮಂ ಪಚ್ಚಯಾ ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ…ಪೇ… ವತ್ಥುಂ ಪಚ್ಚಯಾ ಸವಿತಕ್ಕಸವಿಚಾರಾ ಖನ್ಧಾ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ…ಪೇ…. (೪)

ಅವಿತಕ್ಕಅವಿಚಾರಂ ಧಮ್ಮಂ ಪಚ್ಚಯಾ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ…ಪೇ… ವಿಚಾರಂ ಪಚ್ಚಯಾ ಅವಿತಕ್ಕವಿಚಾರಮತ್ತಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ, ವತ್ಥುಂ ಪಚ್ಚಯಾ ಅವಿತಕ್ಕವಿಚಾರಮತ್ತಾ ಖನ್ಧಾ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ವತ್ಥುಂ ಪಚ್ಚಯಾ ವಿತಕ್ಕೋ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ವತ್ಥುಂ ಪಚ್ಚಯಾ ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿಚಾರೋ ಚ. ಪಟಿಸನ್ಧಿಕ್ಖಣೇ…ಪೇ…. (೫)

ಅವಿತಕ್ಕಅವಿಚಾರಂ ಧಮ್ಮಂ ಪಚ್ಚಯಾ ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ…ಪೇ… ವತ್ಥುಂ ಪಚ್ಚಯಾ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ. ಪಟಿಸನ್ಧಿಕ್ಖಣೇ…ಪೇ…. (೬)

ಅವಿತಕ್ಕಅವಿಚಾರಂ ಧಮ್ಮಂ ಪಚ್ಚಯಾ ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ¶ ಚ ಧಮ್ಮಾ…ಪೇ… ವತ್ಥುಂ ಪಚ್ಚಯಾ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ…ಪೇ…. (೭)

೪೮. ಸವಿತಕ್ಕಸವಿಚಾರಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಚ್ಚಯಾ ಸವಿತಕ್ಕಸವಿಚಾರೋ ಧಮ್ಮೋ…ಪೇ… ಸವಿತಕ್ಕಸವಿಚಾರಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ ¶ …ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… ಸವಿತಕ್ಕಸವಿಚಾರಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಚ್ಚಯಾ ಅವಿತಕ್ಕವಿಚಾರಮತ್ತೋ ಧಮ್ಮೋ…ಪೇ… (ಪಠಮಉದಾಹರಣೇ ಪವತ್ತೇ ಪಟಿಸನ್ಧಿಕ್ಖಣೇ ಸತ್ತ ಪಞ್ಹಾ ಕಾತಬ್ಬಾ).

ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಚ್ಚಯಾ ಸವಿತಕ್ಕಸವಿಚಾರೋ ಧಮ್ಮೋ ¶ …ಪೇ… ವಿತಕ್ಕಞ್ಚ ವತ್ಥುಞ್ಚ ಪಚ್ಚಯಾ ಸವಿತಕ್ಕಸವಿಚಾರಾ ಖನ್ಧಾ. ಪಟಿಸನ್ಧಿಕ್ಖಣೇ…ಪೇ…. (೧)

ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಚ್ಚಯಾ ಅವಿತಕ್ಕವಿಚಾರಮತ್ತೋ ಧಮ್ಮೋ…ಪೇ… ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಞ್ಚ ವಿಚಾರಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಞ್ಚ ವಿಚಾರಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ…. (೨)

ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಚ್ಚಯಾ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ…ಪೇ… ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವಿಚಾರಞ್ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ಅವಿತಕ್ಕವಿಚಾರಮತ್ತೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ವಿತಕ್ಕಞ್ಚ ¶ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ವಿಚಾರೋ (ಏವಂ ಪಟಿಸನ್ಧಿಕ್ಖಣೇ ಚತ್ತಾರೋ). (೩)

ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಚ್ಚಯಾ ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ…ಪೇ… ವಿತಕ್ಕಞ್ಚ ವತ್ಥುಞ್ಚ ಪಚ್ಚಯಾ ಸವಿತಕ್ಕಸವಿಚಾರಾ ಖನ್ಧಾ, ವಿತಕ್ಕಞ್ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ…ಪೇ…. (೪)

ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಚ್ಚಯಾ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಉಪ್ಪಜ್ಜನ್ತಿ…ಪೇ… ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಞ್ಚ ವಿಚಾರಞ್ಚ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ಅವಿತಕ್ಕವಿಚಾರಮತ್ತೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ ವಿಚಾರೋ ಚ…ಪೇ… ಪಟಿಸನ್ಧಿಕ್ಖಣೇ ತಯೋ ಖನ್ಧಾ…ಪೇ…. (೫)

(ಅವಸೇಸೇಸು ದ್ವೀಸು ಘಟನೇಸು ಪವತ್ತಿ ಪಟಿಸನ್ಧಿ ವಿತ್ಥಾರೇತಬ್ಬಾ.)

ಹೇತುಪಚ್ಚಯೋ.

(ಹೇತುಪಚ್ಚಯಂ ¶ ¶ ಅನುಮಜ್ಜನ್ತೇನ ಪಚ್ಚಯವಾರೋ ವಿತ್ಥಾರೇತಬ್ಬೋ. ಯಥಾ ಪಟಿಚ್ಚಗಣನಾ ಏವಂ ಗಣೇತಬ್ಬಾ. ಅಧಿಪತಿಯಾ ಸತ್ತತಿಂಸ, ಪುರೇಜಾತೇ ಚ ಆಸೇವನೇ ಚ ಏಕವೀಸ, ಅಯಂ ಏತ್ಥ ವಿಸೇಸೋ.)

೨. ಪಚ್ಚಯಪಚ್ಚನೀಯಂ

೪೯. ಪಚ್ಚನೀಯೇ – ನಹೇತುಯಾ ತೇತ್ತಿಂಸ ಪಞ್ಹಾ, ಸತ್ತಸು ಠಾನೇಸು ಸತ್ತ ¶ ಮೋಹಾ ಉದ್ಧರಿತಬ್ಬಾ ಮೂಲಪದೇಸುಯೇವ. ನಆರಮ್ಮಣೇ ಸತ್ತ ಚಿತ್ತಸಮುಟ್ಠಾನಾ ಉದ್ಧರಿತಬ್ಬಾ.

ನಅಧಿಪತಿಪಚ್ಚಯೋ

೫೦. ಸವಿತಕ್ಕಸವಿಚಾರಮೂಲಕಾ ಸತ್ತ ಪಞ್ಹಾ ನಅಧಿಪತಿಯಾ ಕಾತಬ್ಬಾ.

ಅವಿತಕ್ಕವಿಚಾರಮತ್ತಂ ಧಮ್ಮಂ ಪಚ್ಚಯಾ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಅವಿತಕ್ಕವಿಚಾರಮತ್ತೇ ಖನ್ಧೇ ಪಚ್ಚಯಾ ಅವಿತಕ್ಕವಿಚಾರಮತ್ತಾ ಅಧಿಪತಿ, ವಿಪಾಕಂ ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ಅವಿತಕ್ಕವಿಚಾರಮತ್ತಂ ಧಮ್ಮಂ ಪಚ್ಚಯಾ (ಯಥಾ ಪಟಿಚ್ಚನಯೇ ತಥಾ ಪಞ್ಚ ಪಞ್ಹಾ ಕಾತಬ್ಬಾ).

೫೧. ಅವಿತಕ್ಕಅವಿಚಾರಂ ಧಮ್ಮಂ ಪಚ್ಚಯಾ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ…ಪೇ… ಅವಿತಕ್ಕಅವಿಚಾರೇ ಖನ್ಧೇ ಪಚ್ಚಯಾ ಅವಿತಕ್ಕಅವಿಚಾರಾ ಅಧಿಪತಿ, ವಿಪಾಕಂ ಅವಿತಕ್ಕಅವಿಚಾರಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ವಿಪಾಕಂ ವಿಚಾರಂ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ…ಪೇ… ವತ್ಥುಂ ಪಚ್ಚಯಾ ಅವಿತಕ್ಕಅವಿಚಾರಾ ಅಧಿಪತಿ, ವತ್ಥುಂ ಪಚ್ಚಯಾ ವಿಪಾಕಾ ಅವಿತಕ್ಕಅವಿಚಾರಾ ಖನ್ಧಾ ಚ ವಿಚಾರೋ ಚ…ಪೇ…. (೧)

ಅವಿತಕ್ಕಅವಿಚಾರಂ ಧಮ್ಮಂ ಪಚ್ಚಯಾ ಸವಿತಕ್ಕಸವಿಚಾರೋ ಧಮ್ಮೋ…ಪೇ… ವತ್ಥುಂ ಪಚ್ಚಯಾ ಸವಿತಕ್ಕಸವಿಚಾರಾ ಖನ್ಧಾ. ಪಟಿಸನ್ಧಿಕ್ಖಣೇ…ಪೇ…. (೨)

ಅವಿತಕ್ಕಅವಿಚಾರಂ ¶ ಧಮ್ಮಂ ಪಚ್ಚಯಾ ಅವಿತಕ್ಕವಿಚಾರಮತ್ತೋ ಧಮ್ಮೋ…ಪೇ… ವಿಚಾರಂ ಪಚ್ಚಯಾ ಅವಿತಕ್ಕವಿಚಾರಮತ್ತಾ ಅಧಿಪತಿ, ವತ್ಥುಂ ಪಚ್ಚಯಾ ಅವಿತಕ್ಕವಿಚಾರಮತ್ತಾ ಅಧಿಪತಿ, ವಿಪಾಕಂ ವಿಚಾರಂ ಪಚ್ಚಯಾ ಅವಿತಕ್ಕವಿಚಾರಮತ್ತಾ ಖನ್ಧಾ, ವತ್ಥುಂ ಪಚ್ಚಯಾ ವಿಪಾಕಾ ಅವಿತಕ್ಕವಿಚಾರಮತ್ತಾ ಖನ್ಧಾ. ಪಟಿಸನ್ಧಿಕ್ಖಣೇ…ಪೇ…. (೩)

ಅವಿತಕ್ಕಅವಿಚಾರಂ ¶ ಧಮ್ಮಂ ಪಚ್ಚಯಾ ಸವಿತಕ್ಕಸವಿಚಾರೋ ¶ ಚ ಅವಿತಕ್ಕಅವಿಚಾರೋ ಚ ಧಮ್ಮಾ…ಪೇ… ವತ್ಥುಂ ಪಚ್ಚಯಾ ಸವಿತಕ್ಕಸವಿಚಾರಾ ಖನ್ಧಾ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ…ಪೇ…. (೪)

ಅವಿತಕ್ಕಅವಿಚಾರಂ ಧಮ್ಮಂ ಪಚ್ಚಯಾ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ…ಪೇ… ವಿಪಾಕಂ ವಿಚಾರಂ ಪಚ್ಚಯಾ ಅವಿತಕ್ಕವಿಚಾರಮತ್ತಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ, ವತ್ಥುಂ ಪಚ್ಚಯಾ ವಿಪಾಕಾ ಅವಿತಕ್ಕವಿಚಾರಮತ್ತಾ ಖನ್ಧಾ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ವತ್ಥುಂ ಪಚ್ಚಯಾ ವಿತಕ್ಕೋ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ವತ್ಥುಂ ಪಚ್ಚಯಾ ವಿಪಾಕಾ ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿಚಾರೋ ಚ. ಪಟಿಸನ್ಧಿಕ್ಖಣೇ…ಪೇ…. (೫)

ಅವಿತಕ್ಕಅವಿಚಾರಂ ಧಮ್ಮಂ ಪಚ್ಚಯಾ ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ…ಪೇ… ವತ್ಥುಂ ಪಚ್ಚಯಾ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ. ಪಟಿಸನ್ಧಿಕ್ಖಣೇ…ಪೇ…. (೬)

(ಪಠಮಘಟನಾಯಂ ಸಮ್ಪುಣ್ಣಾ ಸತ್ತ ಪಞ್ಹಾ ಕಾತಬ್ಬಾ.)

೫೨. ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಚ್ಚಯಾ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ…ಪೇ… ವಿತಕ್ಕಞ್ಚ ವತ್ಥುಞ್ಚ ಪಚ್ಚಯಾ ಸವಿತಕ್ಕಸವಿಚಾರಾ ಖನ್ಧಾ. ಪಟಿಸನ್ಧಿಕ್ಖಣೇ…ಪೇ….

ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಚ್ಚಯಾ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ…ಪೇ… ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವಿಚಾರಞ್ಚ ಪಚ್ಚಯಾ ಅವಿತಕ್ಕವಿಚಾರಮತ್ತಾ ಅಧಿಪತಿ, ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ಅವಿತಕ್ಕವಿಚಾರಮತ್ತಾ ¶ ಅಧಿಪತಿ, ವಿಪಾಕಂ ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಞ್ಚ ವಿಚಾರಞ್ಚ ಪಚ್ಚಯಾ…ಪೇ… ವಿಪಾಕಂ ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ….

(ಪಟಿಸನ್ಧಿಕ್ಖಣೇ ಪಞ್ಚ ಪಞ್ಹಾ ಕಾತಬ್ಬಾ. ಯತ್ಥ ¶ ಅವಿತಕ್ಕವಿಚಾರಮತ್ತಂ ಆಗಚ್ಛತಿ ತತ್ಥ ವಿಪಾಕಂ ಕಾತಬ್ಬಂ. ನಅಧಿಪತಿಮೂಲಕೇ ಸತ್ತತಿಂಸ ಪಞ್ಹಾ ಕಾತಬ್ಬಾ.)

ನಅನನ್ತರಪಚ್ಚಯಾದಿ

೫೩. ನಅನನ್ತರಮ್ಪಿ [ನಅನನ್ತರೇಪಿ (ಕ.)] ನಸಮನನ್ತರಮ್ಪಿ ನಅಞ್ಞಮಞ್ಞಮ್ಪಿ ನಉಪನಿಸ್ಸಯಮ್ಪಿ ಸತ್ತ ಪಞ್ಹಾ ರೂಪಂಯೇವ. ನಪುರೇಜಾತೇ ಸತ್ತತಿಂಸ ಪಟಿಚ್ಚವಾರಪಚ್ಚನೀಯಸದಿಸಂ. ನಪಚ್ಛಾಜಾತೇ ಸತ್ತತಿಂಸ ¶ , ನಆಸೇವನೇಪಿ ಸದಿಸಂ. ಯತ್ಥ ಅವಿತಕ್ಕವಿಚಾರಮತ್ತೋಪಿ ಆಗಚ್ಛತಿ, ತತ್ಥ ವಿಪಾಕಾ ಕಾತಬ್ಬಾ.

ನಕಮ್ಮಪಚ್ಚಯೋ

೫೪. ಸವಿತಕ್ಕಸವಿಚಾರಂ ಧಮ್ಮಂ ಪಚ್ಚಯಾ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಸವಿತಕ್ಕಸವಿಚಾರೇ ಖನ್ಧೇ ಪಚ್ಚಯಾ ಸವಿತಕ್ಕಸವಿಚಾರಾ ಚೇತನಾ. (೧)

ಅವಿತಕ್ಕವಿಚಾರಮತ್ತಂ ಧಮ್ಮಂ ಪಚ್ಚಯಾ ಅವಿತಕ್ಕವಿಚಾರಮತ್ತೋ ಧಮ್ಮೋ…ಪೇ… ಅವಿತಕ್ಕವಿಚಾರಮತ್ತೇ ಖನ್ಧೇ ಪಚ್ಚಯಾ ಅವಿತಕ್ಕವಿಚಾರಮತ್ತಾ ಚೇತನಾ. ಸವಿತಕ್ಕಸವಿಚಾರೋ ಧಮ್ಮೋ…ಪೇ… ವಿತಕ್ಕಂ ಪಚ್ಚಯಾ ಸವಿತಕ್ಕಸವಿಚಾರಾ ಚೇತನಾ. (೨)

ಅವಿತಕ್ಕಅವಿಚಾರಂ ಧಮ್ಮಂ ಪಚ್ಚಯಾ ಅವಿತಕ್ಕಅವಿಚಾರೋ ಧಮ್ಮೋ…ಪೇ… ಅವಿತಕ್ಕಅವಿಚಾರಾ ಚೇತನಾ…ಪೇ… (ಪರಿಪುಣ್ಣಂ ಕಾತಬ್ಬಂ) ಸವಿತಕ್ಕಸವಿಚಾರೋ…ಪೇ… ವತ್ಥುಂ ಪಚ್ಚಯಾ ಸವಿತಕ್ಕಸವಿಚಾರಾ ಚೇತನಾ. ಅವಿತಕ್ಕವಿಚಾರಮತ್ತೋ…ಪೇ… ವಿಚಾರಂ ಪಚ್ಚಯಾ ಅವಿತಕ್ಕವಿಚಾರಮತ್ತಾ ಚೇತನಾ. ವತ್ಥುಂ ಪಚ್ಚಯಾ ಅವಿತಕ್ಕವಿಚಾರಮತ್ತಾ ಚೇತನಾ. (೩)

೫೫. ಸವಿತಕ್ಕಸವಿಚಾರಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಚ್ಚಯಾ ಸವಿತಕ್ಕಸವಿಚಾರೋ ಧಮ್ಮೋ…ಪೇ… ಸವಿತಕ್ಕಸವಿಚಾರೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ಸವಿತಕ್ಕಸವಿಚಾರಾ ಚೇತನಾ. (೧)

ಅವಿತಕ್ಕವಿಚಾರಮತ್ತಞ್ಚ ¶ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಚ್ಚಯಾ ಸವಿತಕ್ಕಸವಿಚಾರೋ ಧಮ್ಮೋ…ಪೇ… ವಿತಕ್ಕಞ್ಚ ವತ್ಥುಞ್ಚ ಪಚ್ಚಯಾ ಸವಿತಕ್ಕಸವಿಚಾರಾ ಚೇತನಾ. (೧)

ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಚ್ಚಯಾ ಅವಿತಕ್ಕವಿಚಾರಮತ್ತೋ ಧಮ್ಮೋ…ಪೇ… ಅವಿತಕ್ಕವಿಚಾರಮತ್ತೇ ¶ ಖನ್ಧೇ ಚ ವಿಚಾರಞ್ಚ ಪಚ್ಚಯಾ ಅವಿತಕ್ಕವಿಚಾರಮತ್ತಾ ಚೇತನಾ. ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ಅವಿತಕ್ಕವಿಚಾರಮತ್ತಾ ಚೇತನಾ. (೨)

ಸವಿತಕ್ಕಸವಿಚಾರಞ್ಚ ಅವಿತಕ್ಕವಿಚಾರಮತ್ತಞ್ಚ ಧಮ್ಮಂ ಪಚ್ಚಯಾ ಸವಿತಕ್ಕಸವಿಚಾರೋ ಧಮ್ಮೋ…ಪೇ… ಸವಿತಕ್ಕಸವಿಚಾರೇ ಖನ್ಧೇ ಚ ವಿತಕ್ಕಞ್ಚ ಪಚ್ಚಯಾ ಸವಿತಕ್ಕಸವಿಚಾರಾ ಚೇತನಾ. (೧)

ಸವಿತಕ್ಕಸವಿಚಾರಞ್ಚ ¶ ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಚ್ಚಯಾ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಸವಿತಕ್ಕಸವಿಚಾರೇ ಖನ್ಧೇ ಚ ವಿತಕ್ಕಞ್ಚ ವತ್ಥುಞ್ಚ ಪಚ್ಚಯಾ ಸವಿತಕ್ಕಸವಿಚಾರಾ ಚೇತನಾ. (೧)

(ನವಿಪಾಕೇ ಸತ್ತತಿಂಸ ಪಞ್ಹಾ ಕಾತಬ್ಬಾ. ನಆಹಾರ-ನಇನ್ದ್ರಿಯ-ನಝಾನ-ನಮಗ್ಗ-ನಸಮ್ಪಯುತ್ತನವಿಪ್ಪಯುತ್ತ-ನೋನತ್ಥಿ-ನೋವಿಗತಪಚ್ಚಯಾ ವಿತ್ಥಾರೇತಬ್ಬಾ.)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

ಸುದ್ಧಂ

೫೬. ನಹೇತುಯಾ ತೇತ್ತಿಂಸ, ನಆರಮ್ಮಣೇ ಸತ್ತ, ನಅಧಿಪತಿಯಾ ಸತ್ತತಿಂಸ, ನಅನನ್ತರೇ ನಸಮನನ್ತರೇ ನಅಞ್ಞಮಞ್ಞೇ ನಉಪನಿಸ್ಸಯೇ ಸತ್ತ, ನಪುರೇಜಾತೇ ನಪಚ್ಛಾಜಾತೇ ನಆಸೇವನೇ ಸತ್ತತಿಂಸ, ನಕಮ್ಮೇ ಏಕಾದಸ, ನವಿಪಾಕೇ ಸತ್ತತಿಂಸ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ತೇತ್ತಿಂಸ, ನಸಮ್ಪಯುತ್ತೇ ಸತ್ತ, ನವಿಪ್ಪಯುತ್ತೇ ಏಕಾದಸ, ನೋನತ್ಥಿಯಾ ಸತ್ತ, ನೋವಿಗತೇ ಸತ್ತ.

೩. ಪಚ್ಚಯಾನುಲೋಮಪಚ್ಚನೀಯಂ

೫೭. ಹೇತುಪಚ್ಚಯಾ ¶ ನಆರಮ್ಮಣೇ ಸತ್ತ…ಪೇ… ನೋವಿಗತೇ ಸತ್ತ.

ಅನುಲೋಮಪಚ್ಚನೀಯಂ.

೪. ಪಚ್ಚಯಪಚ್ಚನೀಯಾನುಲೋಮಂ

೫೮. ನಹೇತುಪಚ್ಚಯಾ ಆರಮ್ಮಣೇ ಅನನ್ತರೇ ಸಮನನ್ತರೇ ಚುದ್ದಸ, ಸಹಜಾತೇ ತೇತ್ತಿಂಸ, ಅಞ್ಞಮಞ್ಞೇ ಬಾವೀಸ, ನಿಸ್ಸಯೇ ತೇತ್ತಿಂಸ, ಉಪನಿಸ್ಸಯೇ ಪುರೇಜಾತೇ ಚುದ್ದಸ, ಆಸೇವನೇ ತೇರಸ, ಕಮ್ಮೇ ವಿಪಾಕೇ ಆಹಾರೇ ಇನ್ದ್ರಿಯೇ ಝಾನೇ ತೇತ್ತಿಂಸ, ಮಗ್ಗೇ ಪಞ್ಚ, ಸಮ್ಪಯುತ್ತೇ ಚುದ್ದಸ, ವಿಪ್ಪಯುತ್ತೇ ಅತ್ಥಿಯಾ ತೇತ್ತಿಂಸ…ಪೇ… ಅವಿಗತೇ ತೇತ್ತಿಂಸ.

ಪಚ್ಚನೀಯಾನುಲೋಮಂ.

ಪಚ್ಚಯವಾರೋ.

೪. ನಿಸ್ಸಯವಾರೋ

(ನಿಸ್ಸಯಮ್ಪಿ ನಿನ್ನಾನಂ)

೫. ಸಂಸಟ್ಠವಾರೋ

೧. ಪಚ್ಚಯಾನುಲೋಮಂ

ಹೇತುಪಚ್ಚಯೋ

೫೯. ಸವಿತಕ್ಕಸವಿಚಾರಂ ¶ ¶ ¶ ಧಮ್ಮಂ ಸಂಸಟ್ಠೋ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸವಿತಕ್ಕಸವಿಚಾರಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ಸವಿತಕ್ಕಸವಿಚಾರಂ ಧಮ್ಮಂ ಸಂಸಟ್ಠೋ ಅವಿತಕ್ಕವಿಚಾರಮತ್ತೋ ಧಮ್ಮೋ…ಪೇ… ಸವಿತಕ್ಕಸವಿಚಾರೇ ಖನ್ಧೇ ಸಂಸಟ್ಠೋ ವಿತಕ್ಕೋ. ಪಟಿಸನ್ಧಿಕ್ಖಣೇ…ಪೇ…. (೨)

ಸವಿತಕ್ಕಸವಿಚಾರಂ ಧಮ್ಮಂ ಸಂಸಟ್ಠೋ ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ…ಪೇ… ಸವಿತಕ್ಕಸವಿಚಾರಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ ವಿತಕ್ಕೋ ಚ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ…. (೩)

೬೦. ಅವಿತಕ್ಕವಿಚಾರಮತ್ತಂ ಧಮ್ಮಂ ಸಂಸಟ್ಠೋ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ಅವಿತಕ್ಕವಿಚಾರಮತ್ತಂ ಧಮ್ಮಂ ಸಂಸಟ್ಠೋ ಸವಿತಕ್ಕಸವಿಚಾರೋ ಧಮ್ಮೋ…ಪೇ… ವಿತಕ್ಕಂ ಸಂಸಟ್ಠಾ ಸವಿತಕ್ಕಸವಿಚಾರಾ ಖನ್ಧಾ. ಪಟಿಸನ್ಧಿಕ್ಖಣೇ…ಪೇ…. (೨)

ಅವಿತಕ್ಕವಿಚಾರಮತ್ತಂ ಧಮ್ಮಂ ಸಂಸಟ್ಠೋ ಅವಿತಕ್ಕಅವಿಚಾರೋ ಧಮ್ಮೋ…ಪೇ… ಅವಿತಕ್ಕವಿಚಾರಮತ್ತೇ ಖನ್ಧೇ ಸಂಸಟ್ಠೋ ವಿಚಾರೋ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತೇ ಖನ್ಧೇ ಸಂಸಟ್ಠೋ ವಿಚಾರೋ. (೩)

ಅವಿತಕ್ಕವಿಚಾರಮತ್ತಂ ಧಮ್ಮಂ ಸಂಸಟ್ಠೋ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ¶ …ಪೇ… ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ ವಿಚಾರೋ ಚ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ…. (೪)

೬೧. ಅವಿತಕ್ಕಅವಿಚಾರಂ ಧಮ್ಮಂ ಸಂಸಟ್ಠೋ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅವಿತಕ್ಕಅವಿಚಾರಂ ಏಕಂ ಖನ್ಧಂ ಸಂಸಟ್ಠಾ ¶ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಸಂಸಟ್ಠಾ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ಅವಿತಕ್ಕಅವಿಚಾರಂ ¶ ಧಮ್ಮಂ ಸಂಸಟ್ಠೋ ಅವಿತಕ್ಕವಿಚಾರಮತ್ತೋ ಧಮ್ಮೋ…ಪೇ… ವಿಚಾರಂ ಸಂಸಟ್ಠಾ ಅವಿತಕ್ಕವಿಚಾರಮತ್ತಾ ಖನ್ಧಾ. ಪಟಿಸನ್ಧಿಕ್ಖಣೇ ವಿಚಾರಂ ಸಂಸಟ್ಠಾ…ಪೇ…. (೨)

ಅವಿತಕ್ಕವಿಚಾರಮತ್ತಞ್ಚ ಅವಿತಕ್ಕಅವಿಚಾರಞ್ಚ ಧಮ್ಮಂ ಸಂಸಟ್ಠೋ ಅವಿತಕ್ಕವಿಚಾರಮತ್ತೋ ಧಮ್ಮೋ…ಪೇ… ಅವಿತಕ್ಕವಿಚಾರಮತ್ತಂ ಏಕಂ ಖನ್ಧಞ್ಚ ವಿಚಾರಞ್ಚ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ಸವಿತಕ್ಕಸವಿಚಾರಞ್ಚ ಅವಿತಕ್ಕವಿಚಾರಮತ್ತಞ್ಚ ಧಮ್ಮಂ ಸಂಸಟ್ಠೋ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸವಿತಕ್ಕಸವಿಚಾರಂ ಏಕಂ ಖನ್ಧಞ್ಚ ವಿತಕ್ಕಞ್ಚ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವಿತಕ್ಕಞ್ಚ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

(ಹೇತುಪಚ್ಚಯಂ ಅನುಮಜ್ಜನ್ತೇನ ಸಬ್ಬೇ ಪಚ್ಚಯಾ ವಿತ್ಥಾರೇತಬ್ಬಾ).

ಸುದ್ಧಂ

೬೨. ಹೇತುಯಾ ಏಕಾದಸ, ಆರಮ್ಮಣೇ ಅಧಿಪತಿಯಾ ಅನನ್ತರೇ ಸಮನನ್ತರೇ ಸಹಜಾತೇ ಅಞ್ಞಮಞ್ಞೇ ನಿಸ್ಸಯೇ ಉಪನಿಸ್ಸಯೇ ಪುರೇಜಾತೇ ಆಸೇವನೇ ಕಮ್ಮೇ ವಿಪಾಕೇ ಆಹಾರೇ ಇನ್ದ್ರಿಯೇ ಝಾನೇ ಮಗ್ಗೇ ಸಮ್ಪಯುತ್ತೇ ವಿಪ್ಪಯುತ್ತೇ ಅತ್ಥಿಯಾ ನತ್ಥಿಯಾ ವಿಗತೇ ಅವಿಗತೇ ಸಬ್ಬತ್ಥ ಏಕಾದಸ.

ಅನುಲೋಮಂ.

೨. ಪಚ್ಚಯಪಚ್ಚನೀಯಂ

(ಪಚ್ಚನೀಯಂ ¶ ಕಾತಬ್ಬಂ ಅಸಮ್ಮೋಹನ್ತೇನ.)

೬೩. ನಹೇತುಯಾ ಛ, ನಅಧಿಪತಿಯಾ ಏಕಾದಸ, ನಪುರೇಜಾತೇ ಏಕಾದಸ, ನಪಚ್ಛಾಜಾತೇ ಏಕಾದಸ, ನಆಸೇವನೇ ಏಕಾದಸ, ನಕಮ್ಮೇ ಸತ್ತ, ನವಿಪಾಕೇ ¶ ಏಕಾದಸ, ನಝಾನೇ ಏಕಂ, ನಮಗ್ಗೇ ಛ, ನವಿಪ್ಪಯುತ್ತೇ ಏಕಾದಸ.

ಪಚ್ಚನೀಯಂ.

೩. ಪಚ್ಚಯಾನುಲೋಮಪಚ್ಚನೀಯಂ

ದುಕಂ

೬೪. ಹೇತುಪಚ್ಚಯಾ ¶ ನಅಧಿಪತಿಯಾ ಏಕಾದಸ…ಪೇ… ನವಿಪ್ಪಯುತ್ತೇ ಏಕಾದಸ (ಸಂಖಿತ್ತಂ).

ಅನುಲೋಮಪಚ್ಚನೀಯಂ.

೪. ಪಚ್ಚಯಪಚ್ಚನೀಯಾನುಲೋಮಂ

೬೫. ನಹೇತುಪಚ್ಚಯಾ ಆರಮ್ಮಣೇ ಛ…ಪೇ… ಪುರೇಜಾತೇ ಛ, ಆಸೇವನೇ ಪಞ್ಚ, ಕಮ್ಮೇ ಛ…ಪೇ… ಝಾನೇ ಛ, ಮಗ್ಗೇ ತೀಣಿ, ಸಮ್ಪಯುತ್ತೇ ಛ…ಪೇ… ಅವಿಗತೇ ಛ.

ಪಚ್ಚನೀಯಾನುಲೋಮಂ

೬. ಸಮ್ಪಯುತ್ತವಾರೋ

(ಸಮ್ಪಯುತ್ತವಾರೋಪಿ ವಿತ್ಥಾರೇತಬ್ಬೋ).

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೬೬. ಸವಿತಕ್ಕಸವಿಚಾರೋ ¶ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೧)

ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾ ಹೇತೂ ವಿತಕ್ಕಸ್ಸ ಹೇತುಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೨)

ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾ ಹೇತೂ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಾ ಹೇತೂ ಕಟತ್ತಾರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೩)

ಸವಿತಕ್ಕಸವಿಚಾರೋ ¶ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಾ ಹೇತೂ ಸಮ್ಪಯುತ್ತಕಾನಂ ¶ ಖನ್ಧಾನಂ ಕಟತ್ತಾ ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೪)

ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾ ಹೇತೂ ವಿತಕ್ಕಸ್ಸ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಾ ಹೇತೂ ವಿತಕ್ಕಸ್ಸ ಕಟತ್ತಾ ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೫)

ಸವಿತಕ್ಕಸವಿಚಾರೋ ¶ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ವಿತಕ್ಕಸ್ಸ ಚ ಹೇತುಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ವಿತಕ್ಕಸ್ಸ ಚ ಹೇತುಪಚ್ಚಯೇನ ಪಚ್ಚಯೋ. (೬)

ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ವಿತಕ್ಕಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ವಿತಕ್ಕಸ್ಸ ಚ ಕಟತ್ತಾ ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೭)

೬೭. ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಾ ಹೇತೂ ¶ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತಾ ಹೇತೂ ವಿಚಾರಸ್ಸ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಾ ಹೇತೂ ವಿಚಾರಸ್ಸ ಚ ಕಟತ್ತಾ ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೨)

ಅವಿತಕ್ಕವಿಚಾರಮತ್ತೋ ¶ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ವಿಚಾರಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ವಿಚಾರಸ್ಸ ಚ ಕಟತ್ತಾ ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೩)

೬೮. ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಅವಿತಕ್ಕಅವಿಚಾರಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ¶ ಪಚ್ಚಯೋ. ಪಟಿಸನ್ಧಿಕ್ಖಣೇ ಅವಿತಕ್ಕಅವಿಚಾರಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೧)

ಆರಮ್ಮಣಪಚ್ಚಯೋ

೬೯. ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ; ಪುಬ್ಬೇ ಸುಚಿಣ್ಣಾನಿ ಪಚ್ಚವೇಕ್ಖತಿ; ಸವಿತಕ್ಕಸವಿಚಾರಾ ¶ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ, ಫಲಾ ವುಟ್ಠಹಿತ್ವಾ ಫಲಂ ಪಚ್ಚವೇಕ್ಖತಿ. ಅರಿಯಾ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ ಪಚ್ಚವೇಕ್ಖನ್ತಿ, ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ ಜಾನನ್ತಿ. ಸವಿತಕ್ಕಸವಿಚಾರೇ ಖನ್ಧೇ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸನ್ತಿ ಅಸ್ಸಾದೇನ್ತಿ ಅಭಿನನ್ದನ್ತಿ; ತಂ ಆರಬ್ಭ ರಾಗೋ ಉಪ್ಪಜ್ಜತಿ…ಪೇ… ದೋಮನಸ್ಸಂ ಉಪ್ಪಜ್ಜತಿ. ಸವಿತಕ್ಕಸವಿಚಾರೇ ಖನ್ಧೇ ಆರಬ್ಭ ಸವಿತಕ್ಕಸವಿಚಾರಾ ಖನ್ಧಾ ಉಪ್ಪಜ್ಜನ್ತಿ. (೧)

ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ; ತಂ ಆರಬ್ಭ ವಿತಕ್ಕೋ ಉಪ್ಪಜ್ಜತಿ. ಪುಬ್ಬೇ ಸುಚಿಣ್ಣಾನಿ ಪಚ್ಚವೇಕ್ಖತಿ; ಸವಿತಕ್ಕಸವಿಚಾರಾ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ, ಫಲಾ ವುಟ್ಠಹಿತ್ವಾ ಫಲಂ ಪಚ್ಚವೇಕ್ಖತಿ; ತಂ ಆರಬ್ಭ ವಿತಕ್ಕೋ ಉಪ್ಪಜ್ಜತಿ. ಅರಿಯಾ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ ಪಚ್ಚವೇಕ್ಖನ್ತಿ, ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ ಜಾನನ್ತಿ. ಸವಿತಕ್ಕಸವಿಚಾರೇ ಖನ್ಧೇ ಅನಿಚ್ಚತೋ ದುಕ್ಖತೋ ¶ ಅನತ್ತತೋ ವಿಪಸ್ಸನ್ತಿ ಅಸ್ಸಾದೇನ್ತಿ ಅಭಿನನ್ದನ್ತಿ; ತಂ ಆರಬ್ಭ ವಿತಕ್ಕೋ ಉಪ್ಪಜ್ಜತಿ. ಸವಿತಕ್ಕಸವಿಚಾರೇ ಖನ್ಧೇ ಆರಬ್ಭ ವಿತಕ್ಕೋ ಉಪ್ಪಜ್ಜತಿ. (೨)

ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಚೇತೋಪರಿಯಞಾಣೇನ ಸವಿತಕ್ಕಸವಿಚಾರಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ; ಸವಿತಕ್ಕಸವಿಚಾರಾ ಖನ್ಧಾ ಚೇತೋಪರಿಯಞಾಣಸ್ಸ ¶ , ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಸವಿತಕ್ಕಸವಿಚಾರೇ ಖನ್ಧೇ ಆರಬ್ಭ ಅವಿತಕ್ಕಅವಿಚಾರಾ ಖನ್ಧಾ ಉಪ್ಪಜ್ಜನ್ತಿ. (೩)

ಸವಿತಕ್ಕಸವಿಚಾರೋ ¶ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ; ತಂ ಆರಬ್ಭ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ. ಪುಬ್ಬೇ ಸುಚಿಣ್ಣಾನಿ ಪಚ್ಚವೇಕ್ಖತಿ; ಸವಿತಕ್ಕಸವಿಚಾರಾ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ, ಫಲಾ ವುಟ್ಠಹಿತ್ವಾ ಫಲಂ ಪಚ್ಚವೇಕ್ಖತಿ; ತಂ ಆರಬ್ಭ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ. ಅರಿಯಾ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ ಪಚ್ಚವೇಕ್ಖನ್ತಿ, ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ ಜಾನನ್ತಿ. ಸವಿತಕ್ಕಸವಿಚಾರೇ ಖನ್ಧೇ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸನ್ತಿ ಅಸ್ಸಾದೇನ್ತಿ ಅಭಿನನ್ದನ್ತಿ; ತಂ ಆರಬ್ಭ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ. ಸವಿತಕ್ಕಸವಿಚಾರೇ ಖನ್ಧೇ ಆರಬ್ಭ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ. (೪)

೭೦. ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತಾ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ, ಫಲಾ ವುಟ್ಠಹಿತ್ವಾ ಫಲಂ ಪಚ್ಚವೇಕ್ಖತಿ; ತಂ ಆರಬ್ಭ ವಿತಕ್ಕೋ ಉಪ್ಪಜ್ಜತಿ. ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವಿತಕ್ಕಞ್ಚ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ; ತಂ ಆರಬ್ಭ ವಿತಕ್ಕೋ ¶ ಉಪ್ಪಜ್ಜತಿ. ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವಿತಕ್ಕಞ್ಚ ಆರಬ್ಭ ವಿತಕ್ಕೋ ಉಪ್ಪಜ್ಜತಿ. (೧)

ಅವಿತಕ್ಕವಿಚಾರಮತ್ತೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತಾ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ, ಫಲಾ ವುಟ್ಠಹಿತ್ವಾ ಫಲಂ ಪಚ್ಚವೇಕ್ಖನ್ತಿ; ತಂ ಆರಬ್ಭ ಸವಿತಕ್ಕಸವಿಚಾರಾ ಖನ್ಧಾ ಉಪ್ಪಜ್ಜನ್ತಿ. ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವಿತಕ್ಕಞ್ಚ ಅನಿಚ್ಚತೋ ದುಕ್ಖತೋ ಅನತ್ತತೋ ¶ ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ; ತಂ ಆರಬ್ಭ ರಾಗೋ ಉಪ್ಪಜ್ಜತಿ…ಪೇ… ದೋಮನಸ್ಸಂ ಉಪ್ಪಜ್ಜತಿ. ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವಿತಕ್ಕಞ್ಚ ಆರಬ್ಭ ಸವಿತಕ್ಕಸವಿಚಾರಾ ಖನ್ಧಾ ಉಪ್ಪಜ್ಜನ್ತಿ. (೨)

ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಚೇತೋಪರಿಯಞಾಣೇನ ಅವಿತಕ್ಕವಿಚಾರಮತ್ತಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ. ಅವಿತಕ್ಕವಿಚಾರಮತ್ತಾ ಖನ್ಧಾ ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ ¶ ಆರಮ್ಮಣಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವಿತಕ್ಕಞ್ಚ ಆರಬ್ಭ ಅವಿತಕ್ಕಅವಿಚಾರಾ ಖನ್ಧಾ ಉಪ್ಪಜ್ಜನ್ತಿ. (೩)

ಅವಿತಕ್ಕವಿಚಾರಮತ್ತೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತಾ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ, ಫಲಾ ವುಟ್ಠಹಿತ್ವಾ ಫಲಂ ಪಚ್ಚವೇಕ್ಖತಿ; ತಂ ಆರಬ್ಭ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ. ಅವಿತಕ್ಕವಿಚಾರಮತ್ತೇ ¶ ಖನ್ಧೇ ಚ ವಿತಕ್ಕಞ್ಚ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ; ತಂ ಆರಬ್ಭ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ. ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವಿತಕ್ಕಞ್ಚ ಆರಬ್ಭ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ. (೪)

೭೧. ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ನಿಬ್ಬಾನಂ ಅವಿತಕ್ಕಅವಿಚಾರಸ್ಸ ಮಗ್ಗಸ್ಸ ಫಲಸ್ಸ ವಿಚಾರಸ್ಸ ಚ ಆರಮ್ಮಣಪಚ್ಚಯೇನ ಪಚ್ಚಯೋ. ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ಚೇತೋಪರಿಯಞಾಣೇನ ಅವಿತಕ್ಕಅವಿಚಾರಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ. ಆಕಾಸಾನಞ್ಚಾಯತನಂ ವಿಞ್ಞಾಣಞ್ಚಾಯತನಸ್ಸ…ಪೇ… ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಅವಿತಕ್ಕಅವಿಚಾರಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಅವಿತಕ್ಕಅವಿಚಾರೇ ಖನ್ಧೇ ಚ ವಿಚಾರಞ್ಚ ಆರಬ್ಭ ಅವಿತಕ್ಕಅವಿಚಾರಾ ಖನ್ಧಾ ಉಪ್ಪಜ್ಜನ್ತಿ. (೧)

ಅವಿತಕ್ಕಅವಿಚಾರೋ ¶ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಅವಿತಕ್ಕಅವಿಚಾರಾ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ, ಫಲಾ ವುಟ್ಠಹಿತ್ವಾ ಫಲಂ ಪಚ್ಚವೇಕ್ಖನ್ತಿ; ತಂ ಆರಬ್ಭ ಸವಿತಕ್ಕಸವಿಚಾರಾ ಖನ್ಧಾ ಉಪ್ಪಜ್ಜನ್ತಿ. ಅರಿಯಾ ನಿಬ್ಬಾನಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ¶ ಗೋತ್ರಭುಸ್ಸ ವೋದಾನಸ್ಸ ಸವಿತಕ್ಕಸವಿಚಾರಸ್ಸ ಮಗ್ಗಸ್ಸ ಫಲಸ್ಸ ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. ಚಕ್ಖುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ; ತಂ ಆರಬ್ಭ ರಾಗೋ ಉಪ್ಪಜ್ಜತಿ…ಪೇ… ದೋಮನಸ್ಸಂ ಉಪ್ಪಜ್ಜತಿ. ಸೋತಂ… ಘಾನಂ ¶ … ಜಿವ್ಹಂ… ಕಾಯಂ… ರೂಪೇ… ಸದ್ದೇ… ಗನ್ಧೇ… ರಸೇ… ಫೋಟ್ಠಬ್ಬೇ… ವತ್ಥುಂ… ಅವಿತಕ್ಕಅವಿಚಾರೇ ಖನ್ಧೇ ಚ ವಿಚಾರಞ್ಚ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ; ತಂ ಆರಬ್ಭ ರಾಗೋ ಉಪ್ಪಜ್ಜತಿ…ಪೇ… ದೋಮನಸ್ಸಂ ಉಪ್ಪಜ್ಜತಿ. ಅವಿತಕ್ಕಅವಿಚಾರೇ ಖನ್ಧೇ ಚ ವಿಚಾರಞ್ಚ ಆರಬ್ಭ ಸವಿತಕ್ಕಸವಿಚಾರಾ ಖನ್ಧಾ ಉಪ್ಪಜ್ಜನ್ತಿ. (೨)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಅವಿತಕ್ಕಅವಿಚಾರಾ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ, ಫಲಾ ವುಟ್ಠಹಿತ್ವಾ ಫಲಂ ಪಚ್ಚವೇಕ್ಖನ್ತಿ; ತಂ ಆರಬ್ಭ ವಿತಕ್ಕೋ ಉಪ್ಪಜ್ಜತಿ. ಅರಿಯಾ ನಿಬ್ಬಾನಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ಅವಿತಕ್ಕವಿಚಾರಮತ್ತಸ್ಸ ಮಗ್ಗಸ್ಸ ಫಲಸ್ಸ ವಿತಕ್ಕಸ್ಸ ಚ ಆರಮ್ಮಣಪಚ್ಚಯೇನ ಪಚ್ಚಯೋ. ಚಕ್ಖುಂ ಅನಿಚ್ಚತೋ ದುಕ್ಖತೋ ಅನತ್ತತೋ…ಪೇ… ವತ್ಥುಂ… ಅವಿತಕ್ಕಅವಿಚಾರೇ ಖನ್ಧೇ ಚ ವಿಚಾರಞ್ಚ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ; ತಂ ಆರಬ್ಭ ವಿತಕ್ಕೋ ಉಪ್ಪಜ್ಜತಿ. ಅವಿತಕ್ಕಅವಿಚಾರೇ ಖನ್ಧೇ ಚ ವಿಚಾರಞ್ಚ ಆರಬ್ಭ ವಿತಕ್ಕೋ ಉಪ್ಪಜ್ಜತಿ. (೩)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ನಿಬ್ಬಾನಂ ಅವಿತಕ್ಕವಿಚಾರಮತ್ತಸ್ಸ ಮಗ್ಗಸ್ಸ ಫಲಸ್ಸ ವಿಚಾರಸ್ಸ ಚ ಆರಮ್ಮಣಪಚ್ಚಯೇನ ¶ ಪಚ್ಚಯೋ. (೪)

ಅವಿತಕ್ಕಅವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಅವಿತಕ್ಕಅವಿಚಾರಾ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ, ಫಲಾ ವುಟ್ಠಹಿತ್ವಾ ಫಲಂ ಪಚ್ಚವೇಕ್ಖನ್ತಿ; ತಂ ಆರಬ್ಭ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ. ಅರಿಯಾ ನಿಬ್ಬಾನಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗೋತ್ರಭುಸ್ಸ ವಿತಕ್ಕಸ್ಸ ಚ ವೋದಾನಸ್ಸ ವಿತಕ್ಕಸ್ಸ ಚ ಸವಿತಕ್ಕಸವಿಚಾರಸ್ಸ ಮಗ್ಗಸ್ಸ ವಿತಕ್ಕಸ್ಸ ಚ ಸವಿತಕ್ಕಸವಿಚಾರಸ್ಸ ಫಲಸ್ಸ ವಿತಕ್ಕಸ್ಸ ಚ ಆವಜ್ಜನಾಯ ವಿತಕ್ಕಸ್ಸ ಚ ಆರಮ್ಮಣಪಚ್ಚಯೇನ ¶ ಪಚ್ಚಯೋ. ಚಕ್ಖುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ; ತಂ ಆರಬ್ಭ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ. ಸೋತಂ…ಪೇ… ಫೋಟ್ಠಬ್ಬಂ… ವತ್ಥುಂ… ಅವಿತಕ್ಕಅವಿಚಾರೇ ಖನ್ಧೇ ಚ ವಿಚಾರಞ್ಚ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ; ತಂ ಆರಬ್ಭ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ. (೫)

೭೨. ಅವಿತಕ್ಕವಿಚಾರಮತ್ತೋ ¶ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವಿಚಾರಞ್ಚ ಆರಬ್ಭ ಸವಿತಕ್ಕಸವಿಚಾರಾ ಖನ್ಧಾ ಉಪ್ಪಜ್ಜನ್ತಿ. (೧)

ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವಿಚಾರಞ್ಚ ಆರಬ್ಭ ವಿತಕ್ಕೋ ಉಪ್ಪಜ್ಜತಿ. (೨)

ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ¶ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿಚಾರೋ ಚ ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವಿಚಾರಞ್ಚ ಆರಬ್ಭ ಅವಿತಕ್ಕಅವಿಚಾರಾ ಖನ್ಧಾ ಉಪ್ಪಜ್ಜನ್ತಿ. (೩)

ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವಿಚಾರಞ್ಚ ಆರಬ್ಭ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ. (೪)

೭೩. ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರೇ ಖನ್ಧೇ ಚ ವಿತಕ್ಕಞ್ಚ ಆರಬ್ಭ ಸವಿತಕ್ಕಸವಿಚಾರಾ ಖನ್ಧಾ ಉಪ್ಪಜ್ಜನ್ತಿ. (೧)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರೇ ಖನ್ಧೇ ಚ ವಿತಕ್ಕಞ್ಚ ಆರಬ್ಭ ವಿತಕ್ಕೋ ಉಪ್ಪಜ್ಜತಿ. (೨)

ಸವಿತಕ್ಕಸವಿಚಾರೋ ¶ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ ¶ , ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಸವಿತಕ್ಕಸವಿಚಾರೇ ಖನ್ಧೇ ಚ ವಿತಕ್ಕಞ್ಚ ಆರಬ್ಭ ಅವಿತಕ್ಕಅವಿಚಾರಾ ¶ ಖನ್ಧಾ ಉಪ್ಪಜ್ಜನ್ತಿ. (೩)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರೇ ಖನ್ಧೇ ಚ ವಿತಕ್ಕಞ್ಚ ಆರಬ್ಭ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ. (೪)

ಅಧಿಪತಿಪಚ್ಚಯೋ

೭೪. ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಗರುಂ ಕತ್ವಾ ಪಚ್ಚವೇಕ್ಖತಿ; ಪುಬ್ಬೇ ಸುಚಿಣ್ಣಾನಿ ಗರುಂ ಕತ್ವಾ ಪಚ್ಚವೇಕ್ಖತಿ. ಸವಿತಕ್ಕಸವಿಚಾರಾ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ, ಫಲಾ ವುಟ್ಠಹಿತ್ವಾ ಫಲಂ ಗರುಂ ಕತ್ವಾ ಪಚ್ಚವೇಕ್ಖತಿ. ಸವಿತಕ್ಕಸವಿಚಾರೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ; ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. ಸಹಜಾತಾಧಿಪತಿ – ಸವಿತಕ್ಕಸವಿಚಾರಾ ಅಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಗರುಂ ಕತ್ವಾ ಪಚ್ಚವೇಕ್ಖತಿ; ತಂ ಗರುಂ ಕತ್ವಾ ವಿತಕ್ಕೋ ಉಪ್ಪಜ್ಜತಿ. ಪುಬ್ಬೇ ಸುಚಿಣ್ಣಾನಿ ಗರುಂ ಕತ್ವಾ ಪಚ್ಚವೇಕ್ಖತಿ. ಸವಿತಕ್ಕಸವಿಚಾರಾ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ, ಫಲಾ ವುಟ್ಠಹಿತ್ವಾ ಫಲಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ ¶ ; ತಂ ಗರುಂ ಕತ್ವಾ ವಿತಕ್ಕೋ ಉಪ್ಪಜ್ಜತಿ. ಸವಿತಕ್ಕಸವಿಚಾರೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ; ತಂ ಗರುಂ ಕತ್ವಾ ವಿತಕ್ಕೋ ಉಪ್ಪಜ್ಜತಿ. ಸಹಜಾತಾಧಿಪತಿ – ಸವಿತಕ್ಕಸವಿಚಾರಾ ಅಧಿಪತಿ ವಿತಕ್ಕಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. (೨)

ಸವಿತಕ್ಕಸವಿಚಾರೋ ¶ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ ¶ – ಸವಿತಕ್ಕಸವಿಚಾರಾ ಅಧಿಪತಿ ಚಿತ್ತಸಮುಟ್ಠಾನಾನಂ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೩)

ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಸವಿತಕ್ಕಸವಿಚಾರಾ ಅಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೪)

ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಸವಿತಕ್ಕಸವಿಚಾರಾ ಅಧಿಪತಿ ವಿತಕ್ಕಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೫)

ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ, ಉಪೋಸಥಕಮ್ಮಂ ಕತ್ವಾ ತಂ ಗರುಂ ಕತ್ವಾ ಪಚ್ಚವೇಕ್ಖತಿ; ತಂ ಗರುಂ ಕತ್ವಾ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ. ಪುಬ್ಬೇ ಸುಚಿಣ್ಣಾನಿ ಗರುಂ ¶ ಕತ್ವಾ ಪಚ್ಚವೇಕ್ಖತಿ, ಸವಿತಕ್ಕಸವಿಚಾರಾ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ, ಫಲಾ ವುಟ್ಠಹಿತ್ವಾ ಫಲಂ ಗರುಂ ಕತ್ವಾ ಪಚ್ಚವೇಕ್ಖತಿ; ತಂ ಗರುಂ ಕತ್ವಾ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ. ಸವಿತಕ್ಕಸವಿಚಾರೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ; ತಂ ಗರುಂ ಕತ್ವಾ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ. ಸಹಜಾತಾಧಿಪತಿ – ಸವಿತಕ್ಕಸವಿಚಾರಾ ಅಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ವಿತಕ್ಕಸ್ಸ ಚ ಅಧಿಪತಿಪಚ್ಚಯೇನ ಪಚ್ಚಯೋ. (೬)

ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಸವಿತಕ್ಕಸವಿಚಾರಾ ಅಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ವಿತಕ್ಕಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೭)

೭೫. ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ ¶ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಅವಿತಕ್ಕವಿಚಾರಮತ್ತಾ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ, ಫಲಾ ¶ ವುಟ್ಠಹಿತ್ವಾ ಫಲಂ ಗರುಂ ಕತ್ವಾ ಪಚ್ಚವೇಕ್ಖತಿ; ತಂ ಗರುಂ ಕತ್ವಾ ವಿತಕ್ಕೋ ಉಪ್ಪಜ್ಜತಿ. ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವಿತಕ್ಕಞ್ಚ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ; ತಂ ಗರುಂ ಕತ್ವಾ ವಿತಕ್ಕೋ ಉಪ್ಪಜ್ಜತಿ. ಸಹಜಾತಾಧಿಪತಿ – ಅವಿತಕ್ಕವಿಚಾರಮತ್ತಾ ಅಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕವಿಚಾರಮತ್ತೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ¶ ಪಚ್ಚಯೋ. ಆರಮ್ಮಣಾಧಿಪತಿ – ಅವಿತಕ್ಕವಿಚಾರಮತ್ತಾ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ, ಫಲಾ ವುಟ್ಠಹಿತ್ವಾ ಫಲಂ ಗರುಂ ಕತ್ವಾ ಪಚ್ಚವೇಕ್ಖತಿ; ತಂ ಗರುಂ ಕತ್ವಾ ಸವಿತಕ್ಕಸವಿಚಾರಾ ಖನ್ಧಾ ಉಪ್ಪಜ್ಜನ್ತಿ. ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವಿತಕ್ಕಞ್ಚ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ; ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. (೨)

ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಅವಿತಕ್ಕವಿಚಾರಮತ್ತಾ ಅಧಿಪತಿ ವಿಚಾರಸ್ಸ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೩)

ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಅವಿತಕ್ಕವಿಚಾರಮತ್ತಾ ಅಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ವಿಚಾರಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೪)

ಅವಿತಕ್ಕವಿಚಾರಮತ್ತೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಅವಿತಕ್ಕವಿಚಾರಮತ್ತಾ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ, ಫಲಾ ವುಟ್ಠಹಿತ್ವಾ ಫಲಂ ಗರುಂ ಕತ್ವಾ ಪಚ್ಚವೇಕ್ಖತಿ; ತಂ ಗರುಂ ಕತ್ವಾ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ. ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವಿತಕ್ಕಞ್ಚ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ; ತಂ ಗರುಂ ಕತ್ವಾ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ. (೫)

೭೬. ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ¶ ¶ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ನಿಬ್ಬಾನಂ ಅವಿತಕ್ಕಅವಿಚಾರಸ್ಸ ಮಗ್ಗಸ್ಸ ಫಲಸ್ಸ ವಿಚಾರಸ್ಸ ಚ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಅವಿತಕ್ಕಅವಿಚಾರಾ ಅಧಿಪತಿ ¶ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕಅವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಅರಿಯಾ ಅವಿತಕ್ಕಅವಿಚಾರಾ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ, ಫಲಾ ವುಟ್ಠಹಿತ್ವಾ ಫಲಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ; ತಂ ಗರುಂ ಕತ್ವಾ ಸವಿತಕ್ಕಸವಿಚಾರಾ ಖನ್ಧಾ ಉಪ್ಪಜ್ಜನ್ತಿ, ಅರಿಯಾ ನಿಬ್ಬಾನಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ; ನಿಬ್ಬಾನಂ ಗೋತ್ರಭುಸ್ಸ ವೋದಾನಸ್ಸ ಸವಿತಕ್ಕಸವಿಚಾರಸ್ಸ ಮಗ್ಗಸ್ಸ ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಚಕ್ಖುಂ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ; ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. ಸೋತಂ… ಘಾನಂ… ಜಿವ್ಹಂ… ಕಾಯಂ… ರೂಪೇ… ಸದ್ದೇ… ಗನ್ಧೇ… ರಸೇ… ಫೋಟ್ಠಬ್ಬೇ… ವತ್ಥುಂ… ಅವಿತಕ್ಕಅವಿಚಾರೇ ಖನ್ಧೇ ಚ ವಿಚಾರಞ್ಚ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ; ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. (೨)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಅರಿಯಾ ಅವಿತಕ್ಕಅವಿಚಾರಾ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ, ಫಲಾ ವುಟ್ಠಹಿತ್ವಾ ಫಲಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ; ತಂ ಗರುಂ ಕತ್ವಾ ವಿತಕ್ಕೋ ಉಪ್ಪಜ್ಜತಿ, ಅರಿಯಾ ನಿಬ್ಬಾನಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ ¶ ; ನಿಬ್ಬಾನಂ ಅವಿತಕ್ಕವಿಚಾರಮತ್ತಸ್ಸ ಮಗ್ಗಸ್ಸ ಫಲಸ್ಸ ವಿತಕ್ಕಸ್ಸ ಚ ಅಧಿಪತಿಪಚ್ಚಯೇನ ಪಚ್ಚಯೋ. ಚಕ್ಖುಂ…ಪೇ… ವತ್ಥುಂ… ಅವಿತಕ್ಕಅವಿಚಾರೇ ಖನ್ಧೇ ಚ ವಿಚಾರಞ್ಚ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ; ತಂ ಗರುಂ ಕತ್ವಾ ವಿತಕ್ಕೋ ಉಪ್ಪಜ್ಜತಿ. (೩)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ನಿಬ್ಬಾನಂ ಅವಿತಕ್ಕವಿಚಾರಮತ್ತಸ್ಸ ಮಗ್ಗಸ್ಸ ಫಲಸ್ಸ ವಿಚಾರಸ್ಸ ಚ ಅಧಿಪತಿಪಚ್ಚಯೇನ ಪಚ್ಚಯೋ. (೪)

ಅವಿತಕ್ಕಅವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಅರಿಯಾ ಅವಿತಕ್ಕಅವಿಚಾರಾ ಝಾನಾ ವುಟ್ಠಹಿತ್ವಾ ¶ , ಮಗ್ಗಾ ವುಟ್ಠಹಿತ್ವಾ, ಫಲಾ ವುಟ್ಠಹಿತ್ವಾ ಫಲಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ; ತಂ ಗರುಂ ಕತ್ವಾ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ, ಅರಿಯಾ ನಿಬ್ಬಾನಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ; ನಿಬ್ಬಾನಂ ಗೋತ್ರಭುಸ್ಸ ವಿತಕ್ಕಸ್ಸ ಚ ವೋದಾನಸ್ಸ ವಿತಕ್ಕಸ್ಸ ಚ ಸವಿತಕ್ಕಸವಿಚಾರಸ್ಸ ಮಗ್ಗಸ್ಸ ¶ ವಿತಕ್ಕಸ್ಸ ಚ ಸವಿತಕ್ಕಸವಿಚಾರಸ್ಸ ಫಲಸ್ಸ ವಿತಕ್ಕಸ್ಸ ಚ ಅಧಿಪತಿಪಚ್ಚಯೇನ ಪಚ್ಚಯೋ. ಚಕ್ಖುಂ ಗರುಂ ಕತ್ವಾ…ಪೇ… ವತ್ಥುಂ… ಅವಿತಕ್ಕಅವಿಚಾರೇ ಖನ್ಧೇ ಚ ವಿಚಾರಞ್ಚ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ; ತಂ ಗರುಂ ಕತ್ವಾ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ. (೫)

೭೭. ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಅವಿತಕ್ಕವಿಚಾರಮತ್ತೇ ¶ ಖನ್ಧೇ ಚ ವಿಚಾರಞ್ಚ ಗರುಂ ಕತ್ವಾ ಸವಿತಕ್ಕಸವಿಚಾರಾ ಖನ್ಧಾ ಉಪ್ಪಜ್ಜನ್ತಿ. (೧)

ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವಿಚಾರಞ್ಚ ಗರುಂ ಕತ್ವಾ ವಿತಕ್ಕೋ ಉಪ್ಪಜ್ಜತಿ. (೨)

ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಅವಿತಕ್ಕವಿಚಾರಮತ್ತೇ ಖನ್ಧೇ ಚ ವಿಚಾರಞ್ಚ ಗರುಂ ಕತ್ವಾ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ. (೩)

೭೮. ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಸವಿತಕ್ಕಸವಿಚಾರೇ ಖನ್ಧೇ ಚ ವಿತಕ್ಕಞ್ಚ ಗರುಂ ಕತ್ವಾ ಸವಿತಕ್ಕಸವಿಚಾರಾ ಖನ್ಧಾ ಉಪ್ಪಜ್ಜನ್ತಿ. (೧)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಸವಿತಕ್ಕಸವಿಚಾರೇ ಖನ್ಧೇ ಚ ವಿತಕ್ಕಞ್ಚ ಗರುಂ ಕತ್ವಾ ವಿತಕ್ಕೋ ಉಪ್ಪಜ್ಜತಿ. (೨)

ಸವಿತಕ್ಕಸವಿಚಾರೋ ¶ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಸವಿತಕ್ಕಸವಿಚಾರೇ ಖನ್ಧೇ ಚ ವಿತಕ್ಕಞ್ಚ ಗರುಂ ಕತ್ವಾ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ ¶ . (೩)

ಅನನ್ತರಪಚ್ಚಯೋ

೭೯. ಸವಿತಕ್ಕಸವಿಚಾರೋ ¶ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸವಿತಕ್ಕಸವಿಚಾರಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಸವಿತಕ್ಕಸವಿಚಾರಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. ಅನುಲೋಮಂ ಗೋತ್ರಭುಸ್ಸ… ಅನುಲೋಮಂ ವೋದಾನಸ್ಸ… ಗೋತ್ರಭು ಸವಿತಕ್ಕಸವಿಚಾರಸ್ಸ ಮಗ್ಗಸ್ಸ… ವೋದಾನಂ ಸವಿತಕ್ಕಸವಿಚಾರಸ್ಸ ಮಗ್ಗಸ್ಸ… ಸವಿತಕ್ಕಸವಿಚಾರೋ ಮಗ್ಗೋ ಸವಿತಕ್ಕಸವಿಚಾರಸ್ಸ ಫಲಸ್ಸ… ಸವಿತಕ್ಕಸವಿಚಾರಂ ಫಲಂ ಸವಿತಕ್ಕಸವಿಚಾರಸ್ಸ ಫಲಸ್ಸ… ಅನುಲೋಮಂ ಸವಿತಕ್ಕಸವಿಚಾರಾಯ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ. (೧)

ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸವಿತಕ್ಕಸವಿಚಾರಾ ಖನ್ಧಾ ಪಚ್ಛಿಮಸ್ಸ ಪಚ್ಛಿಮಸ್ಸ ವಿತಕ್ಕಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ಸವಿತಕ್ಕಸವಿಚಾರಂ ಚುತಿಚಿತ್ತಂ ಅವಿತಕ್ಕವಿಚಾರಮತ್ತಸ್ಸ ಉಪಪತ್ತಿಚಿತ್ತಸ್ಸ…ಪೇ… ಸವಿತಕ್ಕಸವಿಚಾರಾ ಖನ್ಧಾ ಅವಿತಕ್ಕವಿಚಾರಮತ್ತಸ್ಸ ವುಟ್ಠಾನಸ್ಸ ವಿತಕ್ಕಸ್ಸ ಚ…ಪೇ… ಅವಿತಕ್ಕವಿಚಾರಮತ್ತಸ್ಸ ಝಾನಸ್ಸ ಪರಿಕಮ್ಮಂ ಅವಿತಕ್ಕವಿಚಾರಮತ್ತಸ್ಸ ಝಾನಸ್ಸ… ಗೋತ್ರಭು ಅವಿತಕ್ಕವಿಚಾರಮತ್ತಸ್ಸ ಮಗ್ಗಸ್ಸ… ವೋದಾನಂ ಅವಿತಕ್ಕವಿಚಾರಮತ್ತಸ್ಸ ಮಗ್ಗಸ್ಸ… ಅನುಲೋಮಂ ಅವಿತಕ್ಕವಿಚಾರಮತ್ತಾಯ ಫಲಸಮಾಪತ್ತಿಯಾ ವಿತಕ್ಕಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. (೨)

ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಂ ಚುತಿಚಿತ್ತಂ ಅವಿತಕ್ಕಅವಿಚಾರಸ್ಸ ಉಪಪತ್ತಿಚಿತ್ತಸ್ಸ ವಿಚಾರಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ – ಆವಜ್ಜನಾ ಪಞ್ಚನ್ನಂ ವಿಞ್ಞಾಣಾನಂ ಅನನ್ತರಪಚ್ಚಯೇನ ¶ ಪಚ್ಚಯೋ. ಸವಿತಕ್ಕಸವಿಚಾರಾ ಖನ್ಧಾ ಅವಿತಕ್ಕಅವಿಚಾರಸ್ಸ ವುಟ್ಠಾನಸ್ಸ ವಿಚಾರಸ್ಸ ಚ…ಪೇ… ದುತಿಯಸ್ಸ ಝಾನಸ್ಸ ಪರಿಕಮ್ಮಂ ದುತಿಯೇ ಝಾನೇ ವಿಚಾರಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ತತಿಯಸ್ಸ ಝಾನಸ್ಸ ಪರಿಕಮ್ಮಂ ¶ …ಪೇ… ಚತುತ್ಥಸ್ಸ ಝಾನಸ್ಸ ಪರಿಕಮ್ಮಂ…ಪೇ… ಆಕಾಸಾನಞ್ಚಾಯತನಸ್ಸ ಪರಿಕಮ್ಮಂ…ಪೇ… ವಿಞ್ಞಾಣಞ್ಚಾಯತನಸ್ಸ ಪರಿಕಮ್ಮಂ…ಪೇ… ಆಕಿಞ್ಚಞ್ಞಾಯತನಸ್ಸ ಪರಿಕಮ್ಮಂ…ಪೇ… ನೇವಸಞ್ಞಾನಾಸಞ್ಞಾಯತನಸ್ಸ ಪರಿಕಮ್ಮಂ…ಪೇ… ದಿಬ್ಬಸ್ಸ ಚಕ್ಖುಸ್ಸ ಪರಿಕಮ್ಮಂ…ಪೇ… ದಿಬ್ಬಾಯ ಸೋತಧಾತುಯಾ ಪರಿಕಮ್ಮಂ…ಪೇ… ಇದ್ಧಿವಿಧಞಾಣಸ್ಸ ಪರಿಕಮ್ಮಂ…ಪೇ… ಚೇತೋಪರಿಯಞಾಣಸ್ಸ ಪರಿಕಮ್ಮಂ…ಪೇ… ಪುಬ್ಬೇನಿವಾಸಾನುಸ್ಸತಿಞಾಣಸ್ಸ ಪರಿಕಮ್ಮಂ…ಪೇ… ಯಥಾಕಮ್ಮೂಪಗಞಾಣಸ್ಸ ಪರಿಕಮ್ಮಂ…ಪೇ… ಅನಾಗತಂಸಞಾಣಸ್ಸ ಪರಿಕಮ್ಮಂ…ಪೇ… ಗೋತ್ರಭು ಅವಿತಕ್ಕಅವಿಚಾರಸ್ಸ ಮಗ್ಗಸ್ಸ ವಿಚಾರಸ್ಸ ಚ… ವೋದಾನಂ ಅವಿತಕ್ಕಅವಿಚಾರಸ್ಸ ಮಗ್ಗಸ್ಸ ¶ ವಿಚಾರಸ್ಸ ಚ… ಅನುಲೋಮಂ ಅವಿತಕ್ಕಅವಿಚಾರಾಯ ಫಲಸಮಾಪತ್ತಿಯಾ ವಿಚಾರಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. (೩)

ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಂ ಚುತಿಚಿತ್ತಂ ಅವಿತಕ್ಕವಿಚಾರಮತ್ತಸ್ಸ ಉಪಪತ್ತಿಚಿತ್ತಸ್ಸ ವಿಚಾರಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. ಸವಿತಕ್ಕಸವಿಚಾರಾ ಖನ್ಧಾ ಅವಿತಕ್ಕವಿಚಾರಮತ್ತಸ್ಸ ವುಟ್ಠಾನಸ್ಸ ವಿಚಾರಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತಸ್ಸ ಝಾನಸ್ಸ ಪರಿಕಮ್ಮಂ ಅವಿತಕ್ಕವಿಚಾರಮತ್ತಸ್ಸ ಝಾನಸ್ಸ ವಿಚಾರಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. ಗೋತ್ರಭು ಅವಿತಕ್ಕವಿಚಾರಮತ್ತಸ್ಸ ¶ ಮಗ್ಗಸ್ಸ ವಿಚಾರಸ್ಸ ಚ… ವೋದಾನಂ ಅವಿತಕ್ಕವಿಚಾರಮತ್ತಸ್ಸ ಮಗ್ಗಸ್ಸ ವಿಚಾರಸ್ಸ ಚ… ಅನುಲೋಮಂ ಅವಿತಕ್ಕವಿಚಾರಮತ್ತಾಯ ಫಲಸಮಾಪತ್ತಿಯಾ ವಿಚಾರಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. (೪)

ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸವಿತಕ್ಕಸವಿಚಾರಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಸವಿತಕ್ಕಸವಿಚಾರಾನಂ ಖನ್ಧಾನಂ ವಿತಕ್ಕಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. ಅನುಲೋಮಂ ಗೋತ್ರಭುಸ್ಸ ವಿತಕ್ಕಸ್ಸ ಚ… ಅನುಲೋಮಂ ವೋದಾನಸ್ಸ ವಿತಕ್ಕಸ್ಸ ಚ… ಗೋತ್ರಭು ಸವಿತಕ್ಕಸವಿಚಾರಸ್ಸ ಮಗ್ಗಸ್ಸ ವಿತಕ್ಕಸ್ಸ ಚ… ವೋದಾನಂ ಸವಿತಕ್ಕಸವಿಚಾರಸ್ಸ ಮಗ್ಗಸ್ಸ ವಿತಕ್ಕಸ್ಸ ಚ… ಸವಿತಕ್ಕಸವಿಚಾರೋ ಮಗ್ಗೋ ಸವಿತಕ್ಕಸವಿಚಾರಸ್ಸ ಫಲಸ್ಸ ವಿತಕ್ಕಸ್ಸ ಚ… ಸವಿತಕ್ಕಸವಿಚಾರಂ ಫಲಂ ಸವಿತಕ್ಕಸವಿಚಾರಸ್ಸ ಫಲಸ್ಸ ವಿತಕ್ಕಸ್ಸ ಚ… ಅನುಲೋಮಂ ಸವಿತಕ್ಕಸವಿಚಾರಾಯ ಫಲಸಮಾಪತ್ತಿಯಾ ವಿತಕ್ಕಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. (೫)

೮೦. ಅವಿತಕ್ಕವಿಚಾರಮತ್ತೋ ¶ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮೋ ಪುರಿಮೋ ವಿತಕ್ಕೋ ಪಚ್ಛಿಮಸ್ಸ ಪಚ್ಛಿಮಸ್ಸ ವಿತಕ್ಕಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ಪುರಿಮಾ ಪುರಿಮಾ ಅವಿತಕ್ಕವಿಚಾರಮತ್ತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತೋ ಮಗ್ಗೋ ಅವಿತಕ್ಕವಿಚಾರಮತ್ತಸ್ಸ ಫಲಸ್ಸ… ಅವಿತಕ್ಕವಿಚಾರಮತ್ತಂ ಫಲಂ ಅವಿತಕ್ಕವಿಚಾರಮತ್ತಸ್ಸ ಫಲಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕವಿಚಾರಮತ್ತೋ ¶ ¶ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮೋ ಪುರಿಮೋ ವಿತಕ್ಕೋ ಪಚ್ಛಿಮಾನಂ ಪಚ್ಛಿಮಾನಂ ಸವಿತಕ್ಕಸವಿಚಾರಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತಂ ಚುತಿಚಿತ್ತಂ ಸವಿತಕ್ಕಸವಿಚಾರಸ್ಸ ಉಪಪತ್ತಿಚಿತ್ತಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತಂ ಭವಙ್ಗಂ ಆವಜ್ಜನಾಯ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತಾ ಖನ್ಧಾ ಸವಿತಕ್ಕಸವಿಚಾರಸ್ಸ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೨)

ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಅವಿತಕ್ಕವಿಚಾರಮತ್ತಾ ಖನ್ಧಾ ಪಚ್ಛಿಮಸ್ಸ ಪಚ್ಛಿಮಸ್ಸ ವಿಚಾರಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತಂ ಚುತಿಚಿತ್ತಂ ವಿತಕ್ಕೋ ಚ ಅವಿತಕ್ಕಅವಿಚಾರಸ್ಸ ಉಪಪತ್ತಿಚಿತ್ತಸ್ಸ ವಿಚಾರಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತಾ ಖನ್ಧಾ ವಿತಕ್ಕೋ ಚ ಅವಿತಕ್ಕಅವಿಚಾರಸ್ಸ ವುಟ್ಠಾನಸ್ಸ ವಿಚಾರಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. (೩)

ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಅವಿತಕ್ಕವಿಚಾರಮತ್ತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ವಿಚಾರಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತೋ ಮಗ್ಗೋ ಅವಿತಕ್ಕವಿಚಾರಮತ್ತಸ್ಸ ಫಲಸ್ಸ ವಿಚಾರಸ್ಸ ಚ… ಅವಿತಕ್ಕವಿಚಾರಮತ್ತಂ ಫಲಂ ಅವಿತಕ್ಕವಿಚಾರಮತ್ತಸ್ಸ ಫಲಸ್ಸ ವಿಚಾರಸ್ಸ ಚ ಅನನ್ತರಪಚ್ಚಯೇನ ¶ ಪಚ್ಚಯೋ. (೪)

ಅವಿತಕ್ಕವಿಚಾರಮತ್ತೋ ¶ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮೋ ಪುರಿಮೋ ವಿತಕ್ಕೋ ಪಚ್ಛಿಮಾನಂ ಪಚ್ಛಿಮಾನಂ ಸವಿತಕ್ಕಸವಿಚಾರಾನಂ ಖನ್ಧಾನಂ ವಿತಕ್ಕಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತಂ ಚುತಿಚಿತ್ತಂ ಸವಿತಕ್ಕಸವಿಚಾರಸ್ಸ ಉಪಪತ್ತಿಚಿತ್ತಸ್ಸ ವಿತಕ್ಕಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತಂ ಭವಙ್ಗಂ ಆವಜ್ಜನಾಯ ವಿತಕ್ಕಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತಾ ಖನ್ಧಾ ಸವಿತಕ್ಕಸವಿಚಾರಸ್ಸ ವುಟ್ಠಾನಸ್ಸ ವಿತಕ್ಕಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. (೫)

೮೧. ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮೋ ಪುರಿಮೋ ವಿಚಾರೋ ಪಚ್ಛಿಮಸ್ಸ ಪಚ್ಛಿಮಸ್ಸ ವಿಚಾರಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ಪುರಿಮಾ ಪುರಿಮಾ ಅವಿತಕ್ಕಅವಿಚಾರಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ¶ ಅವಿತಕ್ಕಅವಿಚಾರಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕಅವಿಚಾರೋ ಮಗ್ಗೋ ಅವಿತಕ್ಕಅವಿಚಾರಸ್ಸ ಫಲಸ್ಸ… ಅವಿತಕ್ಕಅವಿಚಾರಂ ಫಲಂ ಅವಿತಕ್ಕಅವಿಚಾರಸ್ಸ ಫಲಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ನಿರೋಧಾ ವುಟ್ಠಹನ್ತಸ್ಸ ನೇವಸಞ್ಞಾನಾಸಞ್ಞಾಯತನಂ ಅವಿತಕ್ಕಅವಿಚಾರಾಯ ಫಲಸಮಾಪತ್ತಿಯಾ ವಿಚಾರಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕಅವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಅವಿತಕ್ಕಅವಿಚಾರಂ ಚುತಿಚಿತ್ತಂ ವಿಚಾರೋ ಚ ಸವಿತಕ್ಕಸವಿಚಾರಸ್ಸ ¶ ಉಪಪತ್ತಿಚಿತ್ತಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕಅವಿಚಾರಂ ಭವಙ್ಗಂ ವಿಚಾರೋ ಚ ಆವಜ್ಜನಾಯ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕಅವಿಚಾರಾ ಖನ್ಧಾ ವಿಚಾರೋ ಚ ಸವಿತಕ್ಕಸವಿಚಾರಸ್ಸ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ನಿರೋಧಾ ವುಟ್ಠಹನ್ತಸ್ಸ ನೇವಸಞ್ಞಾನಾಸಞ್ಞಾಯತನಂ ಸವಿತಕ್ಕಸವಿಚಾರಾಯ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ. (೨)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮೋ ಪುರಿಮೋ ವಿಚಾರೋ ಪಚ್ಛಿಮಾನಂ ಪಚ್ಛಿಮಾನಂ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕಅವಿಚಾರಂ ಚುತಿಚಿತ್ತಂ ವಿಚಾರೋ ಚ ಅವಿತಕ್ಕವಿಚಾರಮತ್ತಸ್ಸ ಉಪಪತ್ತಿಚಿತ್ತಸ್ಸ ವಿತಕ್ಕಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕಅವಿಚಾರಾ ಖನ್ಧಾ ವಿಚಾರೋ ಚ ಅವಿತಕ್ಕವಿಚಾರಮತ್ತಸ್ಸ ವುಟ್ಠಾನಸ್ಸ ವಿತಕ್ಕಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. ನಿರೋಧಾ ¶ ವುಟ್ಠಹನ್ತಸ್ಸ ನೇವಸಞ್ಞಾನಾಸಞ್ಞಾಯತನಂ ಅವಿತಕ್ಕವಿಚಾರಮತ್ತಾಯ ಫಲಸಮಾಪತ್ತಿಯಾ ವಿತಕ್ಕಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. (೩)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮೋ ಪುರಿಮೋ ವಿಚಾರೋ ಪಚ್ಛಿಮಾನಂ ಪಚ್ಛಿಮಾನಂ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ವಿಚಾರಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕಅವಿಚಾರಂ ಚುತಿಚಿತ್ತಂ ಅವಿತಕ್ಕವಿಚಾರಮತ್ತಸ್ಸ ಉಪಪತ್ತಿಚಿತ್ತಸ್ಸ ವಿಚಾರಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕಅವಿಚಾರಾ ಖನ್ಧಾ ಅವಿತಕ್ಕವಿಚಾರಮತ್ತಸ್ಸ ವುಟ್ಠಾನಸ್ಸ ವಿಚಾರಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. ನಿರೋಧಾ ವುಟ್ಠಹನ್ತಸ್ಸ ¶ ನೇವಸಞ್ಞಾನಾಸಞ್ಞಾಯತನಂ ಅವಿತಕ್ಕವಿಚಾರಮತ್ತಾಯ ಫಲಸಮಾಪತ್ತಿಯಾ ವಿಚಾರಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. (೪)

ಅವಿತಕ್ಕಅವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಅವಿತಕ್ಕಅವಿಚಾರಂ ಚುತಿಚಿತ್ತಂ ವಿಚಾರೋ ¶ ಚ ಸವಿತಕ್ಕಸವಿಚಾರಸ್ಸ ಉಪಪತ್ತಿಚಿತ್ತಸ್ಸ ವಿತಕ್ಕಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕಅವಿಚಾರಂ ಭವಙ್ಗಞ್ಚ ವಿಚಾರೋ ಚ ಆವಜ್ಜನಾಯ ವಿತಕ್ಕಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕಅವಿಚಾರಾ ಖನ್ಧಾ ವಿಚಾರೋ ಚ ಸವಿತಕ್ಕಸವಿಚಾರಸ್ಸ ವುಟ್ಠಾನಸ್ಸ ವಿತಕ್ಕಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. ನಿರೋಧಾ ವುಟ್ಠಹನ್ತಸ್ಸ ನೇವಸಞ್ಞಾನಾಸಞ್ಞಾಯತನಂ ಸವಿತಕ್ಕಸವಿಚಾರಾಯ ಫಲಸಮಾಪತ್ತಿಯಾ ವಿತಕ್ಕಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. (೫)

೮೨. ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತಂ ಚುತಿಚಿತ್ತಞ್ಚ ವಿಚಾರೋ ಚ ಸವಿತಕ್ಕಸವಿಚಾರಸ್ಸ ಉಪಪತ್ತಿಚಿತ್ತಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತಂ ಭವಙ್ಗಞ್ಚ ವಿಚಾರೋ ಚ ಆವಜ್ಜನಾಯ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿಚಾರೋ ಚ ಸವಿತಕ್ಕಸವಿಚಾರಸ್ಸ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ¶ ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿಚಾರೋ ಚ ಪಚ್ಛಿಮಾನಂ ಪಚ್ಛಿಮಾನಂ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತೋ ¶ ಮಗ್ಗೋ ಚ ವಿಚಾರೋ ಚ ಅವಿತಕ್ಕವಿಚಾರಮತ್ತಸ್ಸ ಫಲಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತಂ ಫಲಞ್ಚ ವಿಚಾರೋ ಚ ಅವಿತಕ್ಕವಿಚಾರಮತ್ತಸ್ಸ ಫಲಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೨)

ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿಚಾರೋ ಚ ಪಚ್ಛಿಮಸ್ಸ ಪಚ್ಛಿಮಸ್ಸ ವಿಚಾರಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತಂ ಚುತಿಚಿತ್ತಞ್ಚ ವಿಚಾರೋ ಚ ಅವಿತಕ್ಕಅವಿಚಾರಸ್ಸ ಉಪಪತ್ತಿಚಿತ್ತಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿಚಾರೋ ಚ ಅವಿತಕ್ಕಅವಿಚಾರಸ್ಸ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೩)

ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿಚಾರೋ ಚ ಪಚ್ಛಿಮಾನಂ ಪಚ್ಛಿಮಾನಂ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ವಿಚಾರಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತೋ ಮಗ್ಗೋ ಚ ವಿಚಾರೋ ಚ ಅವಿತಕ್ಕವಿಚಾರಮತ್ತಸ್ಸ ಫಲಸ್ಸ ವಿಚಾರಸ್ಸ ¶ ಚ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತಂ ಫಲಞ್ಚ ವಿಚಾರೋ ಚ ಅವಿತಕ್ಕವಿಚಾರಮತ್ತಸ್ಸ ಫಲಸ್ಸ ಚ ವಿಚಾರಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. (೪)

ಅವಿತಕ್ಕವಿಚಾರಮತ್ತೋ ¶ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತಂ ಚುತಿಚಿತ್ತಞ್ಚ ವಿಚಾರೋ ಚ ಸವಿತಕ್ಕಸವಿಚಾರಸ್ಸ ಉಪಪತ್ತಿಚಿತ್ತಸ್ಸ ವಿತಕ್ಕಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತಂ ಭವಙ್ಗಞ್ಚ ವಿಚಾರೋ ಚ ಆವಜ್ಜನಾಯ ವಿತಕ್ಕಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿಚಾರೋ ಚ ಸವಿತಕ್ಕಸವಿಚಾರಸ್ಸ ವುಟ್ಠಾನಸ್ಸ ವಿತಕ್ಕಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. (೫)

೮೩. ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ¶ ಪಚ್ಛಿಮಾನಂ ಪಚ್ಛಿಮಾನಂ ಸವಿತಕ್ಕಸವಿಚಾರಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. ಅನುಲೋಮಞ್ಚ ವಿತಕ್ಕೋ ಚ ಗೋತ್ರಭುಸ್ಸ… ಅನುಲೋಮಞ್ಚ ವಿತಕ್ಕೋ ಚ ವೋದಾನಸ್ಸ… ಗೋತ್ರಭು ಚ ವಿತಕ್ಕೋ ಚ ಸವಿತಕ್ಕಸವಿಚಾರಸ್ಸ ಮಗ್ಗಸ್ಸ… ವೋದಾನಞ್ಚ ವಿತಕ್ಕೋ ಚ ಸವಿತಕ್ಕಸವಿಚಾರಸ್ಸ ಮಗ್ಗಸ್ಸ… ಸವಿತಕ್ಕಸವಿಚಾರೋ ಮಗ್ಗೋ ಚ ವಿತಕ್ಕೋ ಚ ಸವಿತಕ್ಕಸವಿಚಾರಸ್ಸ ಫಲಸ್ಸ… ಸವಿತಕ್ಕಸವಿಚಾರಂ ಫಲಞ್ಚ ವಿತಕ್ಕೋ ಚ ಸವಿತಕ್ಕಸವಿಚಾರಸ್ಸ ಫಲಸ್ಸ… ಅನುಲೋಮಞ್ಚ ವಿತಕ್ಕೋ ಚ ಸವಿತಕ್ಕಸವಿಚಾರಾಯ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ. (೧)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ¶ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಪಚ್ಛಿಮಸ್ಸ ಪಚ್ಛಿಮಸ್ಸ ವಿತಕ್ಕಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ಸವಿತಕ್ಕಸವಿಚಾರಂ ಚುತಿಚಿತ್ತಞ್ಚ ವಿತಕ್ಕೋ ಚ ಅವಿತಕ್ಕವಿಚಾರಮತ್ತಸ್ಸ ಉಪಪತ್ತಿಚಿತ್ತಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಅವಿತಕ್ಕವಿಚಾರಮತ್ತಸ್ಸ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತಸ್ಸ ಝಾನಸ್ಸ ಪರಿಕಮ್ಮಞ್ಚ ವಿತಕ್ಕೋ ಚ ಅವಿತಕ್ಕವಿಚಾರಮತ್ತಸ್ಸ ಝಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ಗೋತ್ರಭು ಚ ವಿತಕ್ಕೋ ಚ ಅವಿತಕ್ಕವಿಚಾರಮತ್ತಸ್ಸ ಮಗ್ಗಸ್ಸ… ವೋದಾನಞ್ಚ ವಿತಕ್ಕೋ ಚ ಅವಿತಕ್ಕವಿಚಾರಮತ್ತಸ್ಸ ಮಗ್ಗಸ್ಸ ¶ … ಅನುಲೋಮಞ್ಚ ವಿತಕ್ಕೋ ಚ ಅವಿತಕ್ಕವಿಚಾರಮತ್ತಾಯ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ. (೨)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಂ ಚುತಿಚಿತ್ತಞ್ಚ ವಿತಕ್ಕೋ ಚ ಅವಿತಕ್ಕಅವಿಚಾರಸ್ಸ ಉಪಪತ್ತಿಚಿತ್ತಸ್ಸ ವಿಚಾರಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. ಆವಜ್ಜನಾ ಚ ವಿತಕ್ಕೋ ಚ ಪಞ್ಚನ್ನಂ ವಿಞ್ಞಾಣಾನಂ ಅನನ್ತರಪಚ್ಚಯೇನ ಪಚ್ಚಯೋ. ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಅವಿತಕ್ಕಅವಿಚಾರಸ್ಸ ವುಟ್ಠಾನಸ್ಸ ಚ ವಿಚಾರಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. ದುತಿಯಸ್ಸ ಝಾನಸ್ಸ ಪರಿಕಮ್ಮಞ್ಚ ವಿತಕ್ಕೋ ಚ ದುತಿಯೇ ಝಾನೇ ವಿಚಾರಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ತತಿಯಸ್ಸ ಝಾನಸ್ಸ ಪರಿಕಮ್ಮಞ್ಚ ವಿತಕ್ಕೋ ಚ…ಪೇ… ಚತುತ್ಥಸ್ಸ ಝಾನಸ್ಸ ಪರಿಕಮ್ಮಞ್ಚ ವಿತಕ್ಕೋ ಚ…ಪೇ… ಆಕಾಸಾನಞ್ಚಾಯತನಸ್ಸ ಪರಿಕಮ್ಮಞ್ಚ ವಿತಕ್ಕೋ ಚ…ಪೇ… ವಿಞ್ಞಾಣಞ್ಚಾಯತನಸ್ಸ ¶ ಪರಿಕಮ್ಮಞ್ಚ ವಿತಕ್ಕೋ ಚ…ಪೇ… ಆಕಿಞ್ಚಞ್ಞಾಯತನಸ್ಸ ಪರಿಕಮ್ಮಞ್ಚ ವಿತಕ್ಕೋ ಚ…ಪೇ… ನೇವಸಞ್ಞಾನಾಸಞ್ಞಾಯತನಸ್ಸ ಪರಿಕಮ್ಮಞ್ಚ ವಿತಕ್ಕೋ ಚ ¶ …ಪೇ… ದಿಬ್ಬಸ್ಸ ಚಕ್ಖುಸ್ಸ ಪರಿಕಮ್ಮಞ್ಚ ವಿತಕ್ಕೋ ಚ…ಪೇ… ದಿಬ್ಬಾಯ ಸೋತಧಾತುಯಾ ಪರಿಕಮ್ಮಞ್ಚ ವಿತಕ್ಕೋ ಚ…ಪೇ… ಇದ್ಧಿವಿಧಞಾಣಸ್ಸ ಪರಿಕಮ್ಮಞ್ಚ ವಿತಕ್ಕೋ ಚ…ಪೇ… ಚೇತೋಪರಿಯಞಾಣಸ್ಸ ಪರಿಕಮ್ಮಞ್ಚ ವಿತಕ್ಕೋ ಚ…ಪೇ… ಪುಬ್ಬೇನಿವಾಸಾನುಸ್ಸತಿಞಾಣಸ್ಸ ಪರಿಕಮ್ಮಞ್ಚ ವಿತಕ್ಕೋ ಚ…ಪೇ… ಯಥಾಕಮ್ಮೂಪಗಞಾಣಸ್ಸ ಪರಿಕಮ್ಮಞ್ಚ ವಿತಕ್ಕೋ ಚ…ಪೇ… ಅನಾಗತಂಸಞಾಣಸ್ಸ ಪರಿಕಮ್ಮಞ್ಚ ವಿತಕ್ಕೋ ಚ…ಪೇ… ಗೋತ್ರಭು ಚ ವಿತಕ್ಕೋ ಚ ಅವಿತಕ್ಕಅವಿಚಾರಸ್ಸ ಮಗ್ಗಸ್ಸ ವಿಚಾರಸ್ಸ ಚ… ವೋದಾನಞ್ಚ ವಿತಕ್ಕೋ ಚ ಅವಿತಕ್ಕಅವಿಚಾರಸ್ಸ ಮಗ್ಗಸ್ಸ ವಿಚಾರಸ್ಸ ಚ… ಅನುಲೋಮಞ್ಚ ವಿತಕ್ಕೋ ಚ ಅವಿತಕ್ಕಅವಿಚಾರಾಯ ಫಲಸಮಾಪತ್ತಿಯಾ ವಿಚಾರಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. (೩)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಂ ಚುತಿಚಿತ್ತಞ್ಚ ವಿತಕ್ಕೋ ಚ ಅವಿತಕ್ಕವಿಚಾರಮತ್ತಸ್ಸ ಉಪಪತ್ತಿಚಿತ್ತಸ್ಸ ಚ ವಿಚಾರಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಅವಿತಕ್ಕವಿಚಾರಮತ್ತಸ್ಸ ವುಟ್ಠಾನಸ್ಸ ಚ ವಿಚಾರಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತಸ್ಸ ಝಾನಸ್ಸ ಪರಿಕಮ್ಮಞ್ಚ ವಿತಕ್ಕೋ ಚ ಅವಿತಕ್ಕವಿಚಾರಮತ್ತಸ್ಸ ಝಾನಸ್ಸ ಚ ವಿಚಾರಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. ಗೋತ್ರಭು ಚ ವಿತಕ್ಕೋ ಚ ಅವಿತಕ್ಕವಿಚಾರಮತ್ತಸ್ಸ ಮಗ್ಗಸ್ಸ ಚ ವಿಚಾರಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. ವೋದಾನಞ್ಚ ವಿತಕ್ಕೋ ಚ ಅವಿತಕ್ಕವಿಚಾರಮತ್ತಸ್ಸ ¶ ಮಗ್ಗಸ್ಸ ಚ ವಿಚಾರಸ್ಸ ¶ ಚ… ಅನುಲೋಮಞ್ಚ ವಿತಕ್ಕೋ ಚ ಅವಿತಕ್ಕವಿಚಾರಮತ್ತಾಯ ಫಲಸಮಾಪತ್ತಿಯಾ ಚ ವಿಚಾರಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. (೪)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಪಚ್ಛಿಮಾನಂ ಪಚ್ಛಿಮಾನಂ ಸವಿತಕ್ಕಸವಿಚಾರಾನಂ ಖನ್ಧಾನಂ ವಿತಕ್ಕಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. ಅನುಲೋಮಞ್ಚ ವಿತಕ್ಕೋ ಚ ಗೋತ್ರಭುಸ್ಸ ಚ ವಿತಕ್ಕಸ್ಸ ಚ… ಅನುಲೋಮಞ್ಚ ವಿತಕ್ಕೋ ಚ ವೋದಾನಸ್ಸ ಚ ವಿತಕ್ಕಸ್ಸ ಚ… ಗೋತ್ರಭು ಚ ವಿತಕ್ಕೋ ಚ ಸವಿತಕ್ಕಸವಿಚಾರಸ್ಸ ಚ ಮಗ್ಗಸ್ಸ ಚ ವಿತಕ್ಕಸ್ಸ ಚ… ವೋದಾನಞ್ಚ ವಿತಕ್ಕೋ ಚ ಸವಿತಕ್ಕಸವಿಚಾರಸ್ಸ ಮಗ್ಗಸ್ಸ ಚ ವಿತಕ್ಕಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. ಸವಿತಕ್ಕಸವಿಚಾರೋ ಮಗ್ಗೋ ಚ ವಿತಕ್ಕೋ ಚ ಸವಿತಕ್ಕಸವಿಚಾರಸ್ಸ ಫಲಸ್ಸ ಚ ವಿತಕ್ಕಸ್ಸ ಚ ¶ … ಸವಿತಕ್ಕಸವಿಚಾರಂ ಫಲಞ್ಚ ವಿತಕ್ಕೋ ಚ ಸವಿತಕ್ಕಸವಿಚಾರಸ್ಸ ಫಲಸ್ಸ ಚ ವಿತಕ್ಕಸ್ಸ ಚ… ಅನುಲೋಮಞ್ಚ ವಿತಕ್ಕೋ ಚ ಸವಿತಕ್ಕಸವಿಚಾರಾಯ ಫಲಸಮಾಪತ್ತಿಯಾ ಚ ವಿತಕ್ಕಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. (೫)

ಸಮನನ್ತರಪಚ್ಚಯೋ

೮೪. ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಸಮನನ್ತರಪಚ್ಚಯೇನ ಪಚ್ಚಯೋ (ಅನನ್ತರಪಚ್ಚಯೋಪಿ ಸಮನನ್ತರಪಚ್ಚಯೋಪಿ ಸದಿಸೋ).

ಸಹಜಾತಪಚ್ಚಯೋ

೮೫. ಸವಿತಕ್ಕಸವಿಚಾರೋ ¶ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಸಹಜಾತಪಚ್ಚಯೇನ ಪಚ್ಚಯೋ. ತಯೋ ಖನ್ಧಾ ಏಕಸ್ಸ ಖನ್ಧಸ್ಸ ಸಹಜಾತಪಚ್ಚಯೇನ ಪಚ್ಚಯೋ. ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ ಸಹಜಾತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ…ಪೇ… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ…ಪೇ…. (೧)

ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾ ಖನ್ಧಾ ವಿತಕ್ಕಸ್ಸ ಸಹಜಾತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೨)

ಸವಿತಕ್ಕಸವಿಚಾರೋ ¶ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾ ಖನ್ಧಾ ಚಿತ್ತಸಮುಟ್ಠಾನಾನಂ ರೂಪಾನಂ ಸಹಜಾತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ… ಕಟತ್ತಾರೂಪಾನಂ…ಪೇ…. (೩)

ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಸಹಜಾತಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಸಹಜಾತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೪)

ಸವಿತಕ್ಕಸವಿಚಾರೋ ¶ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾ ¶ ಖನ್ಧಾ ವಿತಕ್ಕಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಸಹಜಾತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೫)

ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ವಿತಕ್ಕಸ್ಸ ಚ ಸಹಜಾತಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ ವಿತಕ್ಕಸ್ಸ ಚ ಸಹಜಾತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೬)

ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ವಿತಕ್ಕಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಸಹಜಾತಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ ವಿತಕ್ಕಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ…ಪೇ… ಪಟಿಸನ್ಧಿಕ್ಖಣೇ…ಪೇ…. (೭)

೮೬. ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಸಹಜಾತಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ಅವಿತಕ್ಕವಿಚಾರಮತ್ತೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ವಿತಕ್ಕೋ ಸವಿತಕ್ಕಸವಿಚಾರಾನಂ ಖನ್ಧಾನಂ ಸಹಜಾತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೨)

ಅವಿತಕ್ಕವಿಚಾರಮತ್ತೋ ¶ ¶ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತಾ ಖನ್ಧಾ ವಿಚಾರಸ್ಸ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಸಹಜಾತಪಚ್ಚಯೇನ ಪಚ್ಚಯೋ, ವಿತಕ್ಕೋ ಚಿತ್ತಸಮುಟ್ಠಾನಾನಂ ರೂಪಾನಂ ಸಹಜಾತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೩)

ಅವಿತಕ್ಕವಿಚಾರಮತ್ತೋ ¶ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ವಿತಕ್ಕೋ ಸವಿತಕ್ಕಸವಿಚಾರಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಸಹಜಾತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೪)

ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ವಿಚಾರಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಸಹಜಾತಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ ವಿಚಾರಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ…ಪೇ… ಪಟಿಸನ್ಧಿಕ್ಖಣೇ…ಪೇ…. (೫)

೮೭. ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ಅವಿತಕ್ಕಅವಿಚಾರೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಸಹಜಾತಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಸಹಜಾತಪಚ್ಚಯೇನ ಪಚ್ಚಯೋ. ವಿಚಾರೋ ಚಿತ್ತಸಮುಟ್ಠಾನಾನಂ ರೂಪಾನಂ…ಪೇ… ಪಟಿಸನ್ಧಿಕ್ಖಣೇ ಅವಿತಕ್ಕಅವಿಚಾರೋ ¶ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಕಟತ್ತಾ ಚ ರೂಪಾನಂ…ಪೇ… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ ಕಟತ್ತಾ ಚ ರೂಪಾನಂ…ಪೇ… ವಿಚಾರೋ ಕಟತ್ತಾರೂಪಾನಂ…ಪೇ… ಖನ್ಧಾ ವತ್ಥುಸ್ಸ…ಪೇ… ವತ್ಥು ಖನ್ಧಾನಂ…ಪೇ… ವಿಚಾರೋ ವತ್ಥುಸ್ಸ…ಪೇ… ವತ್ಥು ವಿಚಾರಸ್ಸ…ಪೇ… ಏಕಂ ಮಹಾಭೂತಂ ತಿಣ್ಣನ್ನಂ ಮಹಾಭೂತಾನಂ…ಪೇ… ಮಹಾಭೂತಾ ಚಿತ್ತಸಮುಟ್ಠಾನಾನಂ ರೂಪಾನಂ ಕಟತ್ತಾರೂಪಾನಂ ಉಪಾದಾರೂಪಾನಂ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ…ಪೇ… ಮಹಾಭೂತಾ ಕಟತ್ತಾರೂಪಾನಂ ಉಪಾದಾರೂಪಾನಂ ಸಹಜಾತಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕಅವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ವತ್ಥು ಸವಿತಕ್ಕಸವಿಚಾರಾನಂ ಖನ್ಧಾನಂ ಸಹಜಾತಪಚ್ಚಯೇನ ಪಚ್ಚಯೋ. (೨)

ಅವಿತಕ್ಕಅವಿಚಾರೋ ¶ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ವಿಚಾರೋ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ಸಹಜಾತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ವಿಚಾರೋ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ಸಹಜಾತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ವತ್ಥು ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ಸಹಜಾತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ವತ್ಥು ವಿತಕ್ಕಸ್ಸ ಸಹಜಾತಪಚ್ಚಯೇನ ಪಚ್ಚಯೋ. (೩)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ವಿಚಾರೋ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಸಹಜಾತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ವಿಚಾರೋ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ¶ ಕಟತ್ತಾ ಚ ರೂಪಾನಂ…ಪೇ… ಪಟಿಸನ್ಧಿಕ್ಖಣೇ ವತ್ಥು ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ವಿಚಾರಸ್ಸ ಚ ಸಹಜಾತಪಚ್ಚಯೇನ ಪಚ್ಚಯೋ. (೪)

ಅವಿತಕ್ಕಅವಿಚಾರೋ ¶ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ವತ್ಥು ಸವಿತಕ್ಕಸವಿಚಾರಾನಂ ಖನ್ಧಾನಂ ವಿತಕ್ಕಸ್ಸ ಚ ಸಹಜಾತಪಚ್ಚಯೇನ ಪಚ್ಚಯೋ. (೫)

೮೮. ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ಸಹಜಾತಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ ವತ್ಥು ಚ ದ್ವಿನ್ನಂ ಖನ್ಧಾನಂ ಸಹಜಾತಪಚ್ಚಯೇನ ಪಚ್ಚಯೋ. (೧)

ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಾ ಖನ್ಧಾ ಚ ವತ್ಥು ಚ ವಿತಕ್ಕಸ್ಸ ಸಹಜಾತಪಚ್ಚಯೇನ ಪಚ್ಚಯೋ. (೨)

ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾ ಖನ್ಧಾ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಸಹಜಾತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಾ ಖನ್ಧಾ ಚ ಮಹಾಭೂತಾ ಚ ಕಟತ್ತಾರೂಪಾನಂ ಸಹಜಾತಪಚ್ಚಯೇನ ಪಚ್ಚಯೋ. (೩)

ಸವಿತಕ್ಕಸವಿಚಾರೋ ¶ ¶ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ವಿತಕ್ಕಸ್ಸ ಚ…ಪೇ… ದ್ವೇ ಖನ್ಧಾ ಚ ವತ್ಥು ಚ ದ್ವಿನ್ನಂ ಖನ್ಧಾನಂ ವಿತಕ್ಕಸ್ಸ ಚ ಸಹಜಾತಪಚ್ಚಯೇನ ಪಚ್ಚಯೋ. (೪)

೮೯. ಅವಿತಕ್ಕವಿಚಾರಮತ್ತೋ ¶ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ವಿತಕ್ಕೋ ಚ ವತ್ಥು ಚ ಸವಿತಕ್ಕಸವಿಚಾರಾನಂ ಖನ್ಧಾನಂ ಸಹಜಾತಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ಚ ವಿಚಾರೋ ಚ ತಿಣ್ಣನ್ನಂ ಖನ್ಧಾನಂ…ಪೇ… ದ್ವೇ ಖನ್ಧಾ ಚ ವಿಚಾರೋ ಚ ದ್ವಿನ್ನಂ ಖನ್ಧಾನಂ ಸಹಜಾತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ಚ ವಿಚಾರೋ ಚ ತಿಣ್ಣನ್ನಂ ಖನ್ಧಾನಂ…ಪೇ… ದ್ವೇ ಖನ್ಧಾ ಚ ವಿಚಾರೋ ಚ ದ್ವಿನ್ನಂ ಖನ್ಧಾನಂ…ಪೇ… ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ಸಹಜಾತಪಚ್ಚಯೇನ ಪಚ್ಚಯೋ. (೨)

ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿಚಾರೋ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಸಹಜಾತಪಚ್ಚಯೇನ ¶ ಪಚ್ಚಯೋ. ಅವಿತಕ್ಕವಿಚಾರಮತ್ತಾ ಖನ್ಧಾ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ…ಪೇ… ವಿತಕ್ಕೋ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ…ಪೇ… ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿಚಾರೋ ಚ ಕಟತ್ತಾರೂಪಾನಂ…ಪೇ… ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಾ ಖನ್ಧಾ ಚ ಮಹಾಭೂತಾ ಚ ಕಟತ್ತಾರೂಪಾನಂ…ಪೇ… ಪಟಿಸನ್ಧಿಕ್ಖಣೇ ವಿತಕ್ಕೋ ಚ ಮಹಾಭೂತಾ ಚ ಕಟತ್ತಾರೂಪಾನಂ…ಪೇ… ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವತ್ಥು ಚ ವಿಚಾರಸ್ಸ ಸಹಜಾತಪಚ್ಚಯೇನ ಪಚ್ಚಯೋ. (೩)

ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ಚ ವಿಚಾರೋ ಚ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಸಹಜಾತಪಚ್ಚಯೇನ ಪಚ್ಚಯೋ. ತಯೋ ಖನ್ಧಾ ಚ ವಿಚಾರೋ ಚ ಏಕಸ್ಸ ಖನ್ಧಸ್ಸ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಸಹಜಾತಪಚ್ಚಯೇನ ಪಚ್ಚಯೋ. ದ್ವೇ ¶ ಖನ್ಧಾ ಚ ವಿಚಾರೋ ಚ ದ್ವಿನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಸಹಜಾತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ಚ ವಿಚಾರೋ ಚ ತಿಣ್ಣನ್ನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಸಹಜಾತಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ…ಪೇ… ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ವಿಚಾರಸ್ಸ ಚ ¶ ಸಹಜಾತಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ ವತ್ಥು ಚ ದ್ವಿನ್ನಂ ಖನ್ಧಾನಂ ವಿಚಾರಸ್ಸ ಚ ಸಹಜಾತಪಚ್ಚಯೇನ ಪಚ್ಚಯೋ. (೪)

೯೦. ಸವಿತಕ್ಕಸವಿಚಾರೋ ¶ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರೋ ಏಕೋ ಖನ್ಧೋ ಚ ವಿತಕ್ಕೋ ಚ ತಿಣ್ಣನ್ನಂ ಖನ್ಧಾನಂ ಸಹಜಾತಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ ವಿತಕ್ಕೋ ಚ ದ್ವಿನ್ನಂ ಖನ್ಧಾನಂ ಸಹಜಾತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೧)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಸಹಜಾತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೨)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರೋ ಏಕೋ ಖನ್ಧೋ ಚ ವಿತಕ್ಕೋ ಚ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಸಹಜಾತಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ ವಿತಕ್ಕೋ ಚ ದ್ವಿನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಸಹಜಾತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೩)

೯೧. ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರೋ ಏಕೋ ಖನ್ಧೋ ಚ ವಿತಕ್ಕೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ಸಹಜಾತಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ ವಿತಕ್ಕೋ ಚ ವತ್ಥು ಚ ದ್ವಿನ್ನಂ ಖನ್ಧಾನಂ ಸಹಜಾತಪಚ್ಚಯೇನ ಪಚ್ಚಯೋ. (೧)

ಸವಿತಕ್ಕಸವಿಚಾರೋ ¶ ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಸಹಜಾತಪಚ್ಚಯೇನ ¶ ಪಚ್ಚಯೋ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಮಹಾಭೂತಾ ಚ ಕಟತ್ತಾರೂಪಾನಂ ಸಹಜಾತಪಚ್ಚಯೇನ ಪಚ್ಚಯೋ. (೨)

ಅಞ್ಞಮಞ್ಞಪಚ್ಚಯೋ

೯೨. ಸವಿತಕ್ಕಸವಿಚಾರೋ ¶ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ…ಪೇ… ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. (೧)

ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾ ಖನ್ಧಾ ವಿತಕ್ಕಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೨)

ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಾ ಖನ್ಧಾ ವತ್ಥುಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. (೩)

ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರೋ ¶ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ವತ್ಥುಸ್ಸ ಚ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ ವತ್ಥುಸ್ಸ ಚ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. (೪)

ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಾ ಖನ್ಧಾ ವಿತಕ್ಕಸ್ಸ ಚ ವತ್ಥುಸ್ಸ ಚ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. (೫)

ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ವಿತಕ್ಕಸ್ಸ ಚ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ ವಿತಕ್ಕಸ್ಸ ಚ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೬)

ಸವಿತಕ್ಕಸವಿಚಾರೋ ¶ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ವಿತಕ್ಕಸ್ಸ ಚ ¶ ವತ್ಥುಸ್ಸ ಚ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ ವಿತಕ್ಕಸ್ಸ ಚ ವತ್ಥುಸ್ಸ ಚ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. (೭)

೯೩. ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ತಿಣ್ಣನ್ನಂ ¶ ಖನ್ಧಾನಂ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೧)

ಅವಿತಕ್ಕವಿಚಾರಮತ್ತೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ – ವಿತಕ್ಕೋ ಸವಿತಕ್ಕಸವಿಚಾರಾನಂ ಖನ್ಧಾನಂ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೨)

ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತಾ ಖನ್ಧಾ ವಿಚಾರಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಾ ಖನ್ಧಾ ವಿಚಾರಸ್ಸ ಚ ವತ್ಥುಸ್ಸ ಚ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ವಿತಕ್ಕೋ ವತ್ಥುಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. (೩)

ಅವಿತಕ್ಕವಿಚಾರಮತ್ತೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ವಿತಕ್ಕೋ ಸವಿತಕ್ಕಸವಿಚಾರಾನಂ ಖನ್ಧಾನಂ ವತ್ಥುಸ್ಸ ಚ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. (೪)

ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ವಿಚಾರಸ್ಸ ಚ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ ವಿಚಾರಸ್ಸ ಚ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ¶ ವಿಚಾರಸ್ಸ ಚ ವತ್ಥುಸ್ಸ ¶ ಚ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ ವಿಚಾರಸ್ಸ ಚ ವತ್ಥುಸ್ಸ ಚ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. (೫)

೯೪. ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ – ಅವಿತಕ್ಕಅವಿಚಾರೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಅವಿತಕ್ಕಅವಿಚಾರೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ವತ್ಥುಸ್ಸ ¶ ಚ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ ವತ್ಥುಸ್ಸ ಚ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. ಖನ್ಧಾ ವತ್ಥುಸ್ಸ…ಪೇ… ವತ್ಥು ಖನ್ಧಾನಂ…ಪೇ… ವಿಚಾರೋ ವತ್ಥುಸ್ಸ…ಪೇ… ವತ್ಥು ವಿಚಾರಸ್ಸ…ಪೇ… ಏಕಂ ಮಹಾಭೂತಂ ತಿಣ್ಣನ್ನಂ ಮಹಾಭೂತಾನಂ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ…ಪೇ…. (೧)

ಅವಿತಕ್ಕಅವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ವತ್ಥು ಸವಿತಕ್ಕಸವಿಚಾರಾನಂ ಖನ್ಧಾನಂ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. (೨)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ – ವಿಚಾರೋ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ವಿಚಾರೋ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ವತ್ಥು ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ¶ ವತ್ಥು ವಿತಕ್ಕಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. (೩)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ವಿಚಾರೋ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ವತ್ಥುಸ್ಸ ಚ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ವತ್ಥು ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ವಿಚಾರಸ್ಸ ಚ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. (೪)

ಅವಿತಕ್ಕಅವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ¶ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ವತ್ಥು ಸವಿತಕ್ಕಸವಿಚಾರಾನಂ ಖನ್ಧಾನಂ ವಿತಕ್ಕಸ್ಸ ಚ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. (೫)

೯೫. ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ…ಪೇ… ದ್ವೇ ಖನ್ಧಾ ಚ ವತ್ಥು ಚ ದ್ವಿನ್ನಂ ಖನ್ಧಾನಂ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. (೧)

ಸವಿತಕ್ಕಸವಿಚಾರೋ ¶ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಾ ಖನ್ಧಾ ಚ ವತ್ಥು ಚ ವಿತಕ್ಕಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. (೨)

ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಅಞ್ಞಮಞ್ಞಪಚ್ಚಯೇನ ¶ ಪಚ್ಚಯೋ – ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ವಿತಕ್ಕಸ್ಸ ಚ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ ವತ್ಥು ಚ ದ್ವಿನ್ನಂ ಖನ್ಧಾನಂ ವಿತಕ್ಕಸ್ಸ ಚ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. (೩)

೯೬. ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ವಿತಕ್ಕೋ ಚ ವತ್ಥು ಚ ಸವಿತಕ್ಕಸವಿಚಾರಾನಂ ಖನ್ಧಾನಂ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ಚ ವಿಚಾರೋ ಚ ತಿಣ್ಣನ್ನಂ ಖನ್ಧಾನಂ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ ವಿಚಾರೋ ಚ ದ್ವಿನ್ನಂ ಖನ್ಧಾನಂ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ಚ ವಿಚಾರೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ…ಪೇ… ದ್ವೇ ಖನ್ಧಾ ಚ ವಿಚಾರೋ ಚ ವತ್ಥು ಚ ದ್ವಿನ್ನಂ ಖನ್ಧಾನಂ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. (೨)

ಅವಿತಕ್ಕವಿಚಾರಮತ್ತೋ ¶ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿಚಾರೋ ಚ ವತ್ಥುಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವತ್ಥು ಚ ವಿಚಾರಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. (೩)

ಅವಿತಕ್ಕವಿಚಾರಮತ್ತೋ ¶ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ಚ ವಿಚಾರೋ ಚ ತಿಣ್ಣನ್ನಂ ಖನ್ಧಾನಂ ವತ್ಥುಸ್ಸ ಚ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ ವಿಚಾರೋ ಚ ದ್ವಿನ್ನಂ ಖನ್ಧಾನಂ ವತ್ಥುಸ್ಸ ಚ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ವಿಚಾರಸ್ಸ ಚ ಅಞ್ಞಮಞ್ಞಪಚ್ಚಯೇನ ¶ ಪಚ್ಚಯೋ…ಪೇ… ದ್ವೇ ಖನ್ಧಾ ಚ ವತ್ಥು ಚ ದ್ವಿನ್ನಂ ಖನ್ಧಾನಂ ವಿಚಾರಸ್ಸ ಚ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. (೪)

೯೭. ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರೋ ಏಕೋ ಖನ್ಧೋ ಚ ವಿತಕ್ಕೋ ಚ ತಿಣ್ಣನ್ನಂ ಖನ್ಧಾನಂ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ ವಿತಕ್ಕೋ ಚ ದ್ವಿನ್ನಂ ಖನ್ಧಾನಂ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೧)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ವತ್ಥುಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. (೨)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಅಞ್ಞಮಞ್ಞಪಚ್ಚಯೇನ ¶ ಪಚ್ಚಯೋ – ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರೋ ಏಕೋ ಖನ್ಧೋ ಚ ವಿತಕ್ಕೋ ಚ ತಿಣ್ಣನ್ನಂ ಖನ್ಧಾನಂ ವತ್ಥುಸ್ಸ ಚ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ ವಿತಕ್ಕೋ ಚ ದ್ವಿನ್ನಂ ಖನ್ಧಾನಂ ವತ್ಥುಸ್ಸ ಚ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. (೩)

ಸವಿತಕ್ಕಸವಿಚಾರೋ ¶ ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ – ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರೋ ಏಕೋ ಖನ್ಧೋ ಚ ವಿತಕ್ಕೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ ವಿತಕ್ಕೋ ಚ ವತ್ಥು ಚ ದ್ವಿನ್ನಂ ಖನ್ಧಾನಂ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ. (೧)

ನಿಸ್ಸಯಪಚ್ಚಯೋ

೯೮. ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ನಿಸ್ಸಯಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ (ಸಂಖಿತ್ತಂ) ಸತ್ತ.

ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ನಿಸ್ಸಯಪಚ್ಚಯೇನ ಪಚ್ಚಯೋ (ಸಂಖಿತ್ತಂ) ಪಞ್ಚ.

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ನಿಸ್ಸಯಪಚ್ಚಯೇನ ಪಚ್ಚಯೋ – ಅವಿತಕ್ಕಅವಿಚಾರೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ¶ ರೂಪಾನಂ ನಿಸ್ಸಯಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ನಿಸ್ಸಯಪಚ್ಚಯೇನ ಪಚ್ಚಯೋ. ವಿಚಾರೋ ಚಿತ್ತಸಮುಟ್ಠಾನಾನಂ ರೂಪಾನಂ ನಿಸ್ಸಯಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಅವಿತಕ್ಕಅವಿಚಾರೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಕಟತ್ತಾ ¶ ಚ ರೂಪಾನಂ ನಿಸ್ಸಯಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ…ಪೇ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ…ಪೇ… ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ… ವತ್ಥು ಅವಿತಕ್ಕಅವಿಚಾರಾನಂ ಖನ್ಧಾನಂ ವಿಚಾರಸ್ಸ ಚ ನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕಅವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ನಿಸ್ಸಯಪಚ್ಚಯೇನ ಪಚ್ಚಯೋ – ವತ್ಥು ಸವಿತಕ್ಕಸವಿಚಾರಾನಂ ಖನ್ಧಾನಂ ನಿಸ್ಸಯಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ವತ್ಥು…ಪೇ…. (೨)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ನಿಸ್ಸಯಪಚ್ಚಯೇನ ಪಚ್ಚಯೋ – ವಿಚಾರೋ ¶ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ನಿಸ್ಸಯಪಚ್ಚಯೇನ ಪಚ್ಚಯೋ, ವತ್ಥು ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ವಿತಕ್ಕಸ್ಸ ಚ ನಿಸ್ಸಯಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ವಿಚಾರೋ…ಪೇ…. (೩)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ನಿಸ್ಸಯಪಚ್ಚಯೇನ ಪಚ್ಚಯೋ – ವಿಚಾರೋ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ…ಪೇ… ವತ್ಥು ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ವಿಚಾರಸ್ಸ ಚ ನಿಸ್ಸಯಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ವಿಚಾರೋ…ಪೇ…. (೪)

ಅವಿತಕ್ಕಅವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ನಿಸ್ಸಯಪಚ್ಚಯೇನ ಪಚ್ಚಯೋ – ವತ್ಥು ಸವಿತಕ್ಕಸವಿಚಾರಾನಂ ಖನ್ಧಾನಂ ವಿತಕ್ಕಸ್ಸ ಚ ನಿಸ್ಸಯಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ವತ್ಥು…ಪೇ…. (೫)

೯೯. ಸವಿತಕ್ಕಸವಿಚಾರೋ ¶ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ನಿಸ್ಸಯಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ನಿಸ್ಸಯಪಚ್ಚಯೇನ ಪಚ್ಚಯೋ…ಪೇ… (ಪವತ್ತಿಪಿ, ಪಟಿಸನ್ಧಿಪಿ ದೀಪೇತಬ್ಬಾ). (೧)

ಸವಿತಕ್ಕಸವಿಚಾರೋ ¶ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ನಿಸ್ಸಯಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾ ಖನ್ಧಾ ಚ ವತ್ಥು ಚ ವಿತಕ್ಕಸ್ಸ…ಪೇ… ಪಟಿಸನ್ಧಿಕ್ಖಣೇ…ಪೇ…. (೨)

ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ನಿಸ್ಸಯಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾ ಖನ್ಧಾ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ ನಿಸ್ಸಯಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೩)

ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ನಿಸ್ಸಯಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರೋ ಏಕೋ ಖನ್ಧೋ ¶ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ವಿತಕ್ಕಸ್ಸ ಚ ನಿಸ್ಸಯಪಚ್ಚಯೇನ ಪಚ್ಚಯೋ…ಪೇ… ಪಟಿಸನ್ಧಿಕ್ಖಣೇ…ಪೇ…. (೪)

೧೦೦. ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ನಿಸ್ಸಯಪಚ್ಚಯೇನ ಪಚ್ಚಯೋ – ವಿತಕ್ಕೋ ಚ ವತ್ಥು ಚ ಸವಿತಕ್ಕಸವಿಚಾರಾನಂ ಖನ್ಧಾನಂ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ನಿಸ್ಸಯಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತೋ ಏಕೋ ¶ ಖನ್ಧೋ ಚ ವಿಚಾರೋ ಚ ತಿಣ್ಣನ್ನಂ ಖನ್ಧಾನಂ…ಪೇ… ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ…ಪೇ… ಪಟಿಸನ್ಧಿಕ್ಖಣೇ…ಪೇ…. (೨)

ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ನಿಸ್ಸಯಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿಚಾರೋ ಚ ಚಿತ್ತಸಮುಟ್ಠಾನಾನಂ ರೂಪಾನಂ ನಿಸ್ಸಯಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತಾ ಖನ್ಧಾ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ…ಪೇ… ವಿತಕ್ಕೋ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ…ಪೇ… ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವತ್ಥು ಚ ವಿಚಾರಸ್ಸ ನಿಸ್ಸಯಪಚ್ಚಯೇನ ಪಚ್ಚಯೋ (ಪಟಿಸನ್ಧಿಕಾನಿ ಚತ್ತಾರಿ. ಸಂಖಿತ್ತಂ). (೩)

ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ನಿಸ್ಸಯಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ಚ ವಿಚಾರೋ ಚ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ನಿಸ್ಸಯಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ ವಿಚಾರೋ ಚ ¶ ದ್ವಿನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ನಿಸ್ಸಯಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ವಿಚಾರಸ್ಸ ಚ…ಪೇ… ದ್ವೇ ಖನ್ಧಾ ಚ ವತ್ಥು ಚ ದ್ವಿನ್ನಂ ಖನ್ಧಾನಂ ವಿಚಾರಸ್ಸ ಚ ನಿಸ್ಸಯಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೪)

೧೦೧. ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ¶ …ಪೇ… ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ…ಪೇ… ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ…ಪೇ… ತೀಣಿ.

ಸವಿತಕ್ಕಸವಿಚಾರೋ ¶ ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ…ಪೇ… ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ನಿಸ್ಸಯಪಚ್ಚಯೇನ ಪಚ್ಚಯೋ (ದ್ವೇ ವಾರಾ ವಿತ್ಥಾರೇತಬ್ಬಾ).

ಉಪನಿಸ್ಸಯಪಚ್ಚಯೋ

೧೦೨. ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸವಿತಕ್ಕಸವಿಚಾರಂ ಸದ್ಧಂ ಉಪನಿಸ್ಸಾಯ ದಾನಂ ದೇತಿ, ಸೀಲಂ ಸಮಾದಿಯತಿ, ಉಪೋಸಥಕಮ್ಮಂ ಕರೋತಿ, ಸವಿತಕ್ಕಸವಿಚಾರಂ ಝಾನಂ ಉಪ್ಪಾದೇತಿ, ವಿಪಸ್ಸನಂ ಉಪ್ಪಾದೇತಿ, ಮಗ್ಗಂ…ಪೇ… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ. ಸವಿತಕ್ಕಸವಿಚಾರಂ ಸೀಲಂ… ಸುತಂ… ಚಾಗಂ… ಪಞ್ಞಂ… ರಾಗಂ… ದೋಸಂ… ಮೋಹಂ… ಮಾನಂ… ದಿಟ್ಠಿಂ… ಪತ್ಥನಂ ಉಪನಿಸ್ಸಾಯ ದಾನಂ ದೇತಿ, ಸೀಲಂ ಸಮಾದಿಯತಿ, ಉಪೋಸಥಕಮ್ಮಂ ಕರೋತಿ, ಸವಿತಕ್ಕಸವಿಚಾರಂ ಝಾನಂ ಉಪ್ಪಾದೇತಿ, ವಿಪಸ್ಸನಂ ಉಪ್ಪಾದೇತಿ, ಮಗ್ಗಂ…ಪೇ… ಸಮಾಪತ್ತಿಂ…ಪೇ… ಪಾಣಂ ಹನತಿ…ಪೇ… ಸಙ್ಘಂ ಭಿನ್ದತಿ. ಸವಿತಕ್ಕಸವಿಚಾರಾ ಸದ್ಧಾ… ಸೀಲಂ… ಸುತಂ… ಚಾಗೋ… ಪಞ್ಞಾ… ರಾಗೋ… ದೋಸೋ… ಮೋಹೋ… ಮಾನೋ… ದಿಟ್ಠಿ… ಪತ್ಥನಾ ಸವಿತಕ್ಕಸವಿಚಾರಾಯ ಸದ್ಧಾಯ… ಸೀಲಸ್ಸ… ಸುತಸ್ಸ… ಚಾಗಸ್ಸ… ಪಞ್ಞಾಯ… ರಾಗಸ್ಸ… ದೋಸಸ್ಸ… ಮೋಹಸ್ಸ… ಮಾನಸ್ಸ… ದಿಟ್ಠಿಯಾ… ಪತ್ಥನಾಯ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸವಿತಕ್ಕಸವಿಚಾರಂ ಸದ್ಧಂ ಉಪನಿಸ್ಸಾಯ ಅವಿತಕ್ಕವಿಚಾರಮತ್ತಂ ಝಾನಂ ಉಪ್ಪಾದೇತಿ, ಮಗ್ಗಂ…ಪೇ… ಸಮಾಪತ್ತಿಂ…ಪೇ… ಸವಿತಕ್ಕಸವಿಚಾರಂ ¶ ಸೀಲಂ ¶ …ಪೇ… ಪತ್ಥನಂ ಉಪನಿಸ್ಸಾಯ ಅವಿತಕ್ಕವಿಚಾರಮತ್ತಂ ಝಾನಂ ಉಪ್ಪಾದೇತಿ, ಮಗ್ಗಂ…ಪೇ… ಸಮಾಪತ್ತಿಂ…ಪೇ… ಸವಿತಕ್ಕಸವಿಚಾರಾ ಸದ್ಧಾ…ಪೇ… ಪತ್ಥನಾ ಅವಿತಕ್ಕವಿಚಾರಮತ್ತಾಯ ಸದ್ಧಾಯ… ಸೀಲಸ್ಸ… ಸುತಸ್ಸ… ಚಾಗಸ್ಸ… ಪಞ್ಞಾಯ ವಿತಕ್ಕಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಸವಿತಕ್ಕಸವಿಚಾರೋ ¶ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸವಿತಕ್ಕಸವಿಚಾರಂ ಸದ್ಧಂ ಉಪನಿಸ್ಸಾಯ ಅವಿತಕ್ಕಅವಿಚಾರಂ ಝಾನಂ ಉಪ್ಪಾದೇತಿ, ಮಗ್ಗಂ…ಪೇ… ಅಭಿಞ್ಞಂ…ಪೇ… ಸಮಾಪತ್ತಿಂ ಉಪ್ಪಾದೇತಿ. ಸವಿತಕ್ಕಸವಿಚಾರಂ ಸೀಲಂ…ಪೇ… ಪತ್ಥನಂ ಉಪನಿಸ್ಸಾಯ ಅವಿತಕ್ಕಅವಿಚಾರಂ ಝಾನಂ ಉಪ್ಪಾದೇತಿ, ಮಗ್ಗಂ…ಪೇ… ಅಭಿಞ್ಞಂ…ಪೇ… ಸಮಾಪತ್ತಿಂ ಉಪ್ಪಾದೇತಿ. ಸವಿತಕ್ಕಸವಿಚಾರಾ ಸದ್ಧಾ…ಪೇ… ಪತ್ಥನಾ ಅವಿತಕ್ಕಅವಿಚಾರಾಯ ಸದ್ಧಾಯ… ಸೀಲಸ್ಸ… ಸುತಸ್ಸ… ಚಾಗಸ್ಸ… ಪಞ್ಞಾಯ ವಿಚಾರಸ್ಸ ಚ… ಕಾಯಿಕಸ್ಸ ಸುಖಸ್ಸ ಕಾಯಿಕಸ್ಸ ದುಕ್ಖಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸವಿತಕ್ಕಸವಿಚಾರಾ ಸದ್ಧಾ…ಪೇ… ಪತ್ಥನಾ ಅವಿತಕ್ಕವಿಚಾರಮತ್ತಾಯ ಸದ್ಧಾಯ… ಸೀಲಸ್ಸ… ಸುತಸ್ಸ… ಚಾಗಸ್ಸ… ಪಞ್ಞಾಯ ವಿಚಾರಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೪)

ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ ¶ , ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸವಿತಕ್ಕಸವಿಚಾರಾ ಸದ್ಧಾ…ಪೇ… ಪತ್ಥನಾ ಸವಿತಕ್ಕಸವಿಚಾರಾಯ ಸದ್ಧಾಯ…ಪೇ… ಪತ್ಥನಾಯ ವಿತಕ್ಕಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೫)

೧೦೩. ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಅವಿತಕ್ಕವಿಚಾರಮತ್ತಂ ಸದ್ಧಂ ಉಪನಿಸ್ಸಾಯ ಅವಿತಕ್ಕವಿಚಾರಮತ್ತಂ ಝಾನಂ ಉಪ್ಪಾದೇತಿ, ಮಗ್ಗಂ…ಪೇ… ಸಮಾಪತ್ತಿಂ ಉಪ್ಪಾದೇತಿ. ಅವಿತಕ್ಕವಿಚಾರಮತ್ತಂ ಸೀಲಂ… ಸುತಂ… ಚಾಗಂ… ಪಞ್ಞಂ… ವಿತಕ್ಕಂ ಉಪನಿಸ್ಸಾಯ ಅವಿತಕ್ಕವಿಚಾರಮತ್ತಂ ಝಾನಂ ಉಪ್ಪಾದೇತಿ, ಮಗ್ಗಂ…ಪೇ… ಸಮಾಪತ್ತಿಂ ಉಪ್ಪಾದೇತಿ. ಅವಿತಕ್ಕವಿಚಾರಮತ್ತಾ ಸದ್ಧಾ… ಸೀಲಂ… ಸುತಂ… ಚಾಗೋ… ಪಞ್ಞಾ ವಿತಕ್ಕೋ ಚ ಅವಿತಕ್ಕವಿಚಾರಮತ್ತಾಯ ¶ ಸದ್ಧಾಯ… ಸೀಲಸ್ಸ… ಸುತಸ್ಸ… ಚಾಗಸ್ಸ… ಪಞ್ಞಾಯ ವಿತಕ್ಕಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕವಿಚಾರಮತ್ತೋ ¶ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಅವಿತಕ್ಕವಿಚಾರಮತ್ತಂ ಸದ್ಧಂ ಉಪನಿಸ್ಸಾಯ ದಾನಂ ದೇತಿ, ಸೀಲಂ ಸಮಾದಿಯತಿ, ಉಪೋಸಥಕಮ್ಮಂ ಕರೋತಿ, ಸವಿತಕ್ಕಸವಿಚಾರಂ ಝಾನಂ ಉಪ್ಪಾದೇತಿ, ವಿಪಸ್ಸನಂ…ಪೇ… ಮಗ್ಗಂ…ಪೇ… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ. ಅವಿತಕ್ಕವಿಚಾರಮತ್ತಂ ಸೀಲಂ… ಸುತಂ… ಚಾಗಂ… ಪಞ್ಞಂ… ವಿತಕ್ಕಂ ಉಪನಿಸ್ಸಾಯ ದಾನಂ ದೇತಿ, ಸೀಲಂ ಸಮಾದಿಯತಿ, ಉಪೋಸಥಕಮ್ಮಂ ಕರೋತಿ, ಸವಿತಕ್ಕಸವಿಚಾರಂ ಝಾನಂ ಉಪ್ಪಾದೇತಿ, ವಿಪಸ್ಸನಂ ಉಪ್ಪಾದೇತಿ, ಮಗ್ಗಂ ಉಪ್ಪಾದೇತಿ ¶ , ಸಮಾಪತ್ತಿಂ ಉಪ್ಪಾದೇತಿ, ಪಾಣಂ ಹನತಿ…ಪೇ… ಸಙ್ಘಂ ಭಿನ್ದತಿ. ಅವಿತಕ್ಕವಿಚಾರಮತ್ತಾ ಸದ್ಧಾ… ಸೀಲಂ… ಸುತಂ… ಚಾಗೋ… ಪಞ್ಞಾ ವಿತಕ್ಕೋ ಚ ಸವಿತಕ್ಕಸವಿಚಾರಾಯ ಸದ್ಧಾಯ…ಪೇ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಅವಿತಕ್ಕವಿಚಾರಮತ್ತಂ ಸದ್ಧಂ ಉಪನಿಸ್ಸಾಯ ಅವಿತಕ್ಕಅವಿಚಾರಂ ಝಾನಂ ಉಪ್ಪಾದೇತಿ, ಮಗ್ಗಂ…ಪೇ… ಅಭಿಞ್ಞಂ…ಪೇ… ಸಮಾಪತ್ತಿಂ ಉಪ್ಪಾದೇತಿ. ಅವಿತಕ್ಕವಿಚಾರಮತ್ತಂ ಸೀಲಂ… ಸುತಂ… ಚಾಗಂ… ಪಞ್ಞಂ… ವಿತಕ್ಕಂ ಉಪನಿಸ್ಸಾಯ ಅವಿತಕ್ಕಅವಿಚಾರಂ ಝಾನಂ ಉಪ್ಪಾದೇತಿ, ಮಗ್ಗಂ…ಪೇ… ಅಭಿಞ್ಞಂ…ಪೇ… ಸಮಾಪತ್ತಿಂ ಉಪ್ಪಾದೇತಿ. ಅವಿತಕ್ಕವಿಚಾರಮತ್ತಾ ಸದ್ಧಾ… ಸೀಲಂ… ಸುತಂ… ಚಾಗೋ… ಪಞ್ಞಾ ವಿತಕ್ಕೋ ಚ ಅವಿತಕ್ಕಅವಿಚಾರಾಯ ಸದ್ಧಾಯ… ಸೀಲಸ್ಸ… ಸುತಸ್ಸ… ಚಾಗಸ್ಸ… ಪಞ್ಞಾಯ ವಿಚಾರಸ್ಸ ಚ… ಕಾಯಿಕಸ್ಸ ಸುಖಸ್ಸ ಕಾಯಿಕಸ್ಸ ದುಕ್ಖಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಅವಿತಕ್ಕವಿಚಾರಮತ್ತಾ ಸದ್ಧಾ… ಸೀಲಂ… ಸುತಂ… ಚಾಗೋ… ಪಞ್ಞಾ ವಿತಕ್ಕೋ ಚ ಅವಿತಕ್ಕವಿಚಾರಮತ್ತಾಯ ಸದ್ಧಾಯ… ಸೀಲಸ್ಸ… ಸುತಸ್ಸ… ಚಾಗಸ್ಸ… ಪಞ್ಞಾಯ ವಿಚಾರಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೪)

ಅವಿತಕ್ಕವಿಚಾರಮತ್ತೋ ¶ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ¶ ಚ ಧಮ್ಮಸ್ಸ ¶ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಅವಿತಕ್ಕವಿಚಾರಮತ್ತಾ ಸದ್ಧಾ… ಸೀಲಂ… ಸುತಂ… ಚಾಗೋ… ಪಞ್ಞಾ ವಿತಕ್ಕೋ ಚ ಸವಿತಕ್ಕಸವಿಚಾರಾಯ ಸದ್ಧಾಯ…ಪೇ… ಪತ್ಥನಾಯ ವಿತಕ್ಕಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೫)

೧೦೪. ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಅವಿತಕ್ಕಅವಿಚಾರಂ ಸದ್ಧಂ ಉಪನಿಸ್ಸಾಯ ಅವಿತಕ್ಕಅವಿಚಾರಂ ಝಾನಂ ಉಪ್ಪಾದೇತಿ, ಮಗ್ಗಂ…ಪೇ… ಅಭಿಞ್ಞಂ…ಪೇ… ಸಮಾಪತ್ತಿಂ ಉಪ್ಪಾದೇತಿ. ಅವಿತಕ್ಕಅವಿಚಾರಂ ಸೀಲಂ… ಸುತಂ… ಚಾಗಂ… ಪಞ್ಞಂ… ವಿಚಾರಂ… ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ… ಉತುಂ… ಭೋಜನಂ… ಸೇನಾಸನಂ ಉಪನಿಸ್ಸಾಯ ಅವಿತಕ್ಕಅವಿಚಾರಂ ಝಾನಂ ಉಪ್ಪಾದೇತಿ, ಮಗ್ಗಂ…ಪೇ… ಅಭಿಞ್ಞಂ…ಪೇ… ಸಮಾಪತ್ತಿಂ ಉಪ್ಪಾದೇತಿ. ಅವಿತಕ್ಕಅವಿಚಾರಾ ಸದ್ಧಾ… ಸೀಲಂ… ಸುತಂ… ಚಾಗೋ… ಪಞ್ಞಾ… ವಿಚಾರೋ… ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ… ಉತು… ಭೋಜನಂ… ಸೇನಾಸನಂ ಅವಿತಕ್ಕಅವಿಚಾರಾಯ ಸದ್ಧಾಯ… ಸೀಲಸ್ಸ… ಸುತಸ್ಸ… ಚಾಗಸ್ಸ… ಪಞ್ಞಾಯ… ವಿಚಾರಸ್ಸ… ಕಾಯಿಕಸ್ಸ ಸುಖಸ್ಸ ಕಾಯಿಕಸ್ಸ ದುಕ್ಖಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕಅವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಅವಿತಕ್ಕಅವಿಚಾರಂ ಸದ್ಧಂ ಉಪನಿಸ್ಸಾಯ ದಾನಂ ದೇತಿ, ಸೀಲಂ ಸಮಾದಿಯತಿ, ಉಪೋಸಥಕಮ್ಮಂ ಕರೋತಿ, ಸವಿತಕ್ಕಸವಿಚಾರಂ ಝಾನಂ ¶ ಉಪ್ಪಾದೇತಿ, ವಿಪಸ್ಸನಂ…ಪೇ… ಮಗ್ಗಂ…ಪೇ… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ. ಅವಿತಕ್ಕಅವಿಚಾರಂ ಸೀಲಂ… ಸುತಂ… ಚಾಗಂ… ಪಞ್ಞಂ… ವಿಚಾರಂ… ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ… ಉತುಂ… ಭೋಜನಂ… ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ, ಸೀಲಂ ಸಮಾದಿಯತಿ, ಉಪೋಸಥಕಮ್ಮಂ ಕರೋತಿ, ಸವಿತಕ್ಕಸವಿಚಾರಂ ಝಾನಂ ಉಪ್ಪಾದೇತಿ, ವಿಪಸ್ಸನಂ…ಪೇ… ಮಗ್ಗಂ…ಪೇ… ಸಮಾಪತ್ತಿಂ ಉಪ್ಪಾದೇತಿ, ಪಾಣಂ ಹನತಿ…ಪೇ… ಸಙ್ಘಂ ಭಿನ್ದತಿ. ಅವಿತಕ್ಕಅವಿಚಾರಾ ಸದ್ಧಾ…ಪೇ… ಸೇನಾಸನಂ ಸವಿತಕ್ಕಸವಿಚಾರಾಯ ಸದ್ಧಾಯ… ಸೀಲಸ್ಸ…ಪೇ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ ¶ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ ¶ …ಪೇ…. ಪಕತೂಪನಿಸ್ಸಯೋ – ಅವಿತಕ್ಕಅವಿಚಾರಂ ಸದ್ಧಂ ಉಪನಿಸ್ಸಾಯ ಅವಿತಕ್ಕವಿಚಾರಮತ್ತಂ ಝಾನಂ ಉಪ್ಪಾದೇತಿ, ವಿಪಸ್ಸನಂ…ಪೇ… ಮಗ್ಗಂ…ಪೇ… ಸಮಾಪತ್ತಿಂ ಉಪ್ಪಾದೇತಿ. ಅವಿತಕ್ಕಅವಿಚಾರಂ ಸೀಲಂ…ಪೇ… ಸೇನಾಸನಂ ಉಪನಿಸ್ಸಾಯ ಅವಿತಕ್ಕವಿಚಾರಮತ್ತಂ ಝಾನಂ ಉಪ್ಪಾದೇತಿ, ವಿಪಸ್ಸನಂ…ಪೇ… ಮಗ್ಗಂ…ಪೇ… ಸಮಾಪತ್ತಿಂ ಉಪ್ಪಾದೇತಿ. ಅವಿತಕ್ಕಅವಿಚಾರಾ ಸದ್ಧಾ…ಪೇ… ಸೇನಾಸನಂ ಅವಿತಕ್ಕವಿಚಾರಮತ್ತಾಯ ಸದ್ಧಾಯ… ಸೀಲಸ್ಸ… ಸುತಸ್ಸ… ಚಾಗಸ್ಸ… ಪಞ್ಞಾಯ ವಿತಕ್ಕಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಅವಿತಕ್ಕಅವಿಚಾರಾ ¶ ಸದ್ಧಾ…ಪೇ… ಸೇನಾಸನಂ ಅವಿತಕ್ಕವಿಚಾರಮತ್ತಾಯ ಸದ್ಧಾಯ… ಸೀಲಸ್ಸ… ಸುತಸ್ಸ… ಚಾಗಸ್ಸ… ಪಞ್ಞಾಯ ವಿಚಾರಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೪)

ಅವಿತಕ್ಕಅವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಅವಿತಕ್ಕಅವಿಚಾರಾ ಸದ್ಧಾ…ಪೇ… ಸೇನಾಸನಂ ಸವಿತಕ್ಕಸವಿಚಾರಾಯ ಸದ್ಧಾಯ… ಸೀಲಸ್ಸ…ಪೇ… ಪತ್ಥನಾಯ ವಿತಕ್ಕಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೫)

೧೦೫. ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಅವಿತಕ್ಕವಿಚಾರಮತ್ತಾ ಸದ್ಧಾ… ಸೀಲಂ… ಸುತಂ… ಚಾಗೋ… ಪಞ್ಞಾ ವಿಚಾರೋ ಚ ಸವಿತಕ್ಕಸವಿಚಾರಾಯ ಸದ್ಧಾಯ…ಪೇ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ ¶ …ಪೇ…. ಪಕತೂಪನಿಸ್ಸಯೋ – ಅವಿತಕ್ಕವಿಚಾರಮತ್ತಾ ಸದ್ಧಾ… ಸೀಲಂ… ಸುತಂ… ಚಾಗೋ… ಪಞ್ಞಾ ವಿಚಾರೋ ಚ ಅವಿತಕ್ಕವಿಚಾರಮತ್ತಾಯ ಸದ್ಧಾಯ… ಸೀಲಸ್ಸ… ಸುತಸ್ಸ… ಚಾಗಸ್ಸ… ಪಞ್ಞಾಯ ವಿತಕ್ಕಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಅವಿತಕ್ಕವಿಚಾರಮತ್ತೋ ¶ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ ¶ , ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಅವಿತಕ್ಕವಿಚಾರಮತ್ತಾ ಸದ್ಧಾ… ಸೀಲಂ… ಸುತಂ… ಚಾಗೋ… ಪಞ್ಞಾ ವಿಚಾರೋ ಚ ಅವಿತಕ್ಕಅವಿಚಾರಾಯ ಸದ್ಧಾಯ… ಸೀಲಸ್ಸ… ಸುತಸ್ಸ… ಚಾಗಸ್ಸ… ಪಞ್ಞಾಯ ವಿಚಾರಸ್ಸ ಚ… ಕಾಯಿಕಸ್ಸ ಸುಖಸ್ಸ ಕಾಯಿಕಸ್ಸ ದುಕ್ಖಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಅವಿತಕ್ಕವಿಚಾರಮತ್ತಾ ಸದ್ಧಾ… ಸೀಲಂ… ಸುತಂ… ಚಾಗೋ… ಪಞ್ಞಾ ವಿಚಾರೋ ಚ ಅವಿತಕ್ಕವಿಚಾರಮತ್ತಾಯ ಸದ್ಧಾಯ… ಸೀಲಸ್ಸ… ಸುತಸ್ಸ… ಚಾಗಸ್ಸ… ಪಞ್ಞಾಯ ವಿಚಾರಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೪)

ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಅವಿತಕ್ಕವಿಚಾರಮತ್ತಾ ಸದ್ಧಾ… ಸೀಲಂ… ಸುತಂ… ಚಾಗೋ… ಪಞ್ಞಾ ವಿಚಾರೋ ಚ ಸವಿತಕ್ಕಸವಿಚಾರಾಯ ಸದ್ಧಾಯ… ಸೀಲಸ್ಸ… ಸುತಸ್ಸ… ಚಾಗಸ್ಸ… ಪಞ್ಞಾಯ… ರಾಗಸ್ಸ… ದೋಸಸ್ಸ… ಮೋಹಸ್ಸ… ಮಾನಸ್ಸ… ದಿಟ್ಠಿಯಾ… ಪತ್ಥನಾಯ ವಿತಕ್ಕಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೫)

೧೦೬. ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸವಿತಕ್ಕಸವಿಚಾರಾ ¶ ಸದ್ಧಾ… ಸೀಲಂ… ಸುತಂ… ಚಾಗೋ… ಪಞ್ಞಾ… ರಾಗೋ… ದೋಸೋ… ಮೋಹೋ… ಮಾನೋ… ದಿಟ್ಠಿ… ಪತ್ಥನಾ ವಿತಕ್ಕೋ ಚ ಸವಿತಕ್ಕಸವಿಚಾರಾಯ ಸದ್ಧಾಯ ಸೀಲಸ್ಸ…ಪೇ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಸವಿತಕ್ಕಸವಿಚಾರೋ ¶ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸವಿತಕ್ಕಸವಿಚಾರಾ ¶ ಸದ್ಧಾ ಸೀಲಂ…ಪೇ… ಪತ್ಥನಾ ವಿತಕ್ಕೋ ಚ ಅವಿತಕ್ಕವಿಚಾರಮತ್ತಾಯ ಸದ್ಧಾಯ… ಸೀಲಸ್ಸ… ಸುತಸ್ಸ… ಚಾಗಸ್ಸ… ಪಞ್ಞಾಯ ವಿತಕ್ಕಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸವಿತಕ್ಕಸವಿಚಾರಾ ಸದ್ಧಾ… ಸೀಲಂ… ಸುತಂ… ಚಾಗೋ… ಪಞ್ಞಾ…ಪೇ… ಪತ್ಥನಾ ವಿತಕ್ಕೋ ಚ ಅವಿತಕ್ಕಅವಿಚಾರಾಯ ಸದ್ಧಾಯ… ಸೀಲಸ್ಸ… ಸುತಸ್ಸ… ಚಾಗಸ್ಸ… ಪಞ್ಞಾಯ ವಿಚಾರಸ್ಸ ಚ… ಕಾಯಿಕಸ್ಸ ಸುಖಸ್ಸ ಕಾಯಿಕಸ್ಸ ದುಕ್ಖಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸವಿತಕ್ಕಸವಿಚಾರಾ ಸದ್ಧಾ… ಸೀಲಂ… ಸುತಂ… ಚಾಗೋ… ಪಞ್ಞಾ…ಪೇ… ಪತ್ಥನಾ ¶ ವಿತಕ್ಕೋ ಚ ಅವಿತಕ್ಕವಿಚಾರಮತ್ತಾಯ ಸದ್ಧಾಯ… ಸೀಲಸ್ಸ… ಸುತಸ್ಸ… ಚಾಗಸ್ಸ… ಪಞ್ಞಾಯ ವಿಚಾರಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೪)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸವಿತಕ್ಕಸವಿಚಾರಾ ಸದ್ಧಾ… ಸೀಲಂ… ಸುತಂ… ಚಾಗೋ… ಪಞ್ಞಾ… ರಾಗೋ… ದೋಸೋ… ಮೋಹೋ… ಮಾನೋ… ದಿಟ್ಠಿ… ಪತ್ಥನಾ ವಿತಕ್ಕೋ ಚ ಸವಿತಕ್ಕಸವಿಚಾರಾಯ ಸದ್ಧಾಯ…ಪೇ… ಪತ್ಥನಾಯ ವಿತಕ್ಕಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೫)

ಪುರೇಜಾತಪಚ್ಚಯೋ

೧೦೭. ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ ¶ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ. ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ… ವತ್ಥು ಅವಿತಕ್ಕಅವಿಚಾರಾನಂ ಖನ್ಧಾನಂ ವಿಚಾರಸ್ಸ ಚ ಪುರೇಜಾತಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕಅವಿಚಾರೋ ¶ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ…ಪೇ… ಫೋಟ್ಠಬ್ಬೇ… ¶ ವತ್ಥುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ…ಪೇ… ದೋಮನಸ್ಸಂ ಉಪ್ಪಜ್ಜತಿ. ವತ್ಥುಪುರೇಜಾತಂ – ವತ್ಥು ಸವಿತಕ್ಕಸವಿಚಾರಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೨)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ವಿತಕ್ಕೋ ಉಪ್ಪಜ್ಜತಿ…ಪೇ… ವತ್ಥುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ವಿತಕ್ಕೋ ಉಪ್ಪಜ್ಜತಿ. ವತ್ಥುಪುರೇಜಾತಂ – ವತ್ಥು ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ವಿತಕ್ಕಸ್ಸ ಚ ಪುರೇಜಾತಪಚ್ಚಯೇನ ಪಚ್ಚಯೋ. (೩)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ. ವತ್ಥುಪುರೇಜಾತಂ – ವತ್ಥು ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ವಿಚಾರಸ್ಸ ಚ ಪುರೇಜಾತಪಚ್ಚಯೇನ ಪಚ್ಚಯೋ. (೪)

ಅವಿತಕ್ಕಅವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ. ಸೋತಂ… ಘಾನಂ… ¶ ಜಿವ್ಹಂ… ಕಾಯಂ… ರೂಪೇ… ಸದ್ದೇ… ಗನ್ಧೇ… ರಸೇ… ಫೋಟ್ಠಬ್ಬೇ… ವತ್ಥುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ ಅಸ್ಸಾದೇತಿ ¶ ಅಭಿನನ್ದತಿ, ತಂ ಆರಬ್ಭ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ. ವತ್ಥುಪುರೇಜಾತಂ – ವತ್ಥು ಸವಿತಕ್ಕಸವಿಚಾರಾನಂ ಖನ್ಧಾನಂ ವಿತಕ್ಕಸ್ಸ ಚ ಪುರೇಜಾತಪಚ್ಚಯೇನ ಪಚ್ಚಯೋ. (೫)

ಪಚ್ಛಾಜಾತಪಚ್ಚಯೋ

೧೦೮. ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ಸವಿತಕ್ಕಸವಿಚಾರಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕವಿಚಾರಮತ್ತೋ ¶ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿತಕ್ಕೋ ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ಅವಿತಕ್ಕಅವಿಚಾರಾ ಖನ್ಧಾ ಚ ವಿಚಾರೋ ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿಚಾರೋ ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೧)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ¶ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೧)

ಆಸೇವನಪಚ್ಚಯೋ

೧೦೯. ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ ¶ – ಪುರಿಮಾ ಪುರಿಮಾ ಸವಿತಕ್ಕಸವಿಚಾರಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಸವಿತಕ್ಕಸವಿಚಾರಾನಂ ಖನ್ಧಾನಂ ಆಸೇವನಪಚ್ಚಯೇನ ಪಚ್ಚಯೋ. ಅನುಲೋಮಂ ಗೋತ್ರಭುಸ್ಸ… ಅನುಲೋಮಂ ವೋದಾನಸ್ಸ… ಗೋತ್ರಭು ಸವಿತಕ್ಕಸವಿಚಾರಸ್ಸ ಮಗ್ಗಸ್ಸ… ವೋದಾನಂ ಸವಿತಕ್ಕಸವಿಚಾರಸ್ಸ ಮಗ್ಗಸ್ಸ ಆಸೇವನಪಚ್ಚಯೇನ ಪಚ್ಚಯೋ. (೧)

ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸವಿತಕ್ಕಸವಿಚಾರಾ ಖನ್ಧಾ ಪಚ್ಛಿಮಸ್ಸ ಪಚ್ಛಿಮಸ್ಸ ವಿತಕ್ಕಸ್ಸ ಆಸೇವನಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತಸ್ಸ ಝಾನಸ್ಸ ಪರಿಕಮ್ಮಂ ಅವಿತಕ್ಕವಿಚಾರಮತ್ತಸ್ಸ ಝಾನಸ್ಸ ಆಸೇವನಪಚ್ಚಯೇನ ಪಚ್ಚಯೋ. ಗೋತ್ರಭು ಅವಿತಕ್ಕವಿಚಾರಮತ್ತಸ್ಸ ಮಗ್ಗಸ್ಸ ಆಸೇವನಪಚ್ಚಯೇನ ಪಚ್ಚಯೋ. ವೋದಾನಂ ಅವಿತಕ್ಕವಿಚಾರಮತ್ತಸ್ಸ ಮಗ್ಗಸ್ಸ ಆಸೇವನಪಚ್ಚಯೇನ ಪಚ್ಚಯೋ. (೨)

ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ದುತಿಯಸ್ಸ ಝಾನಸ್ಸ ಪರಿಕಮ್ಮಂ ದುತಿಯೇ ಝಾನೇ ವಿಚಾರಸ್ಸ ಆಸೇವನಪಚ್ಚಯೇನ ¶ ಪಚ್ಚಯೋ. ತತಿಯಸ್ಸ ಝಾನಸ್ಸ ಪರಿಕಮ್ಮಂ ತತಿಯಸ್ಸ ಝಾನಸ್ಸ…ಪೇ… ಚತುತ್ಥಸ್ಸ ಝಾನಸ್ಸ ಪರಿಕಮ್ಮಂ ಚತುತ್ಥಸ್ಸ ಝಾನಸ್ಸ…ಪೇ… ¶ ಆಕಾಸಾನಞ್ಚಾಯತನಸ್ಸ ಪರಿಕಮ್ಮಂ ಆಕಾಸಾನಞ್ಚಾಯತನಸ್ಸ…ಪೇ… ವಿಞ್ಞಾಣಞ್ಚಾಯತನಸ್ಸ ಪರಿಕಮ್ಮಂ ವಿಞ್ಞಾಣಞ್ಚಾಯತನಸ್ಸ…ಪೇ… ಆಕಿಞ್ಚಞ್ಞಾಯತನಸ್ಸ ಪರಿಕಮ್ಮಂ ಆಕಿಞ್ಚಞ್ಞಾಯತನಸ್ಸ…ಪೇ… ನೇವಸಞ್ಞಾನಾಸಞ್ಞಾಯತನಸ್ಸ ಪರಿಕಮ್ಮಂ ನೇವಸಞ್ಞಾನಾಸಞ್ಞಾಯತನಸ್ಸ…ಪೇ… ದಿಬ್ಬಸ್ಸ ಚಕ್ಖುಸ್ಸ ಪರಿಕಮ್ಮಂ ದಿಬ್ಬಸ್ಸ ಚಕ್ಖುಸ್ಸ…ಪೇ… ದಿಬ್ಬಾಯ ಸೋತಧಾತುಯಾ ಪರಿಕಮ್ಮಂ ದಿಬ್ಬಾಯ ಸೋತಧಾತುಯಾ…ಪೇ… ಇದ್ಧಿವಿಧಞಾಣಸ್ಸ ಪರಿಕಮ್ಮಂ…ಪೇ… ಚೇತೋಪರಿಯಞಾಣಸ್ಸ ಪರಿಕಮ್ಮಂ…ಪೇ… ಪುಬ್ಬೇನಿವಾಸಾನುಸ್ಸತಿಞಾಣಸ್ಸ ಪರಿಕಮ್ಮಂ…ಪೇ… ಯಥಾಕಮ್ಮೂಪಗಞಾಣಸ್ಸ ಪರಿಕಮ್ಮಂ…ಪೇ… ಅನಾಗತಂಸಞಾಣಸ್ಸ ಪರಿಕಮ್ಮಂ…ಪೇ… ಗೋತ್ರಭು ಅವಿತಕ್ಕಅವಿಚಾರಸ್ಸ ಮಗ್ಗಸ್ಸ ವಿಚಾರಸ್ಸ ಚ… ವೋದಾನಂ ಅವಿತಕ್ಕಅವಿಚಾರಸ್ಸ ಮಗ್ಗಸ್ಸ ವಿಚಾರಸ್ಸ ಚ ಆಸೇವನಪಚ್ಚಯೇನ ಪಚ್ಚಯೋ. (೩)

ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತಸ್ಸ ಝಾನಸ್ಸ ಪರಿಕಮ್ಮಂ ಅವಿತಕ್ಕವಿಚಾರಮತ್ತಸ್ಸ ಝಾನಸ್ಸ ವಿಚಾರಸ್ಸ ಚ ಆಸೇವನಪಚ್ಚಯೇನ ಪಚ್ಚಯೋ. ಗೋತ್ರಭು ಅವಿತಕ್ಕವಿಚಾರಮತ್ತಸ್ಸ ¶ ಮಗ್ಗಸ್ಸ ವಿಚಾರಸ್ಸ ಚ… ವೋದಾನಂ ಅವಿತಕ್ಕವಿಚಾರಮತ್ತಸ್ಸ ಮಗ್ಗಸ್ಸ ವಿಚಾರಸ್ಸ ಚ ಆಸೇವನಪಚ್ಚಯೇನ ಪಚ್ಚಯೋ. (೪)

ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸವಿತಕ್ಕಸವಿಚಾರಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಸವಿತಕ್ಕಸವಿಚಾರಾನಂ ಖನ್ಧಾನಂ ¶ ವಿತಕ್ಕಸ್ಸ ಚ ಆಸೇವನಪಚ್ಚಯೇನ ಪಚ್ಚಯೋ. ಅನುಲೋಮಂ ಗೋತ್ರಭುಸ್ಸ ವಿತಕ್ಕಸ್ಸ ಚ… ಅನುಲೋಮಂ ವೋದಾನಸ್ಸ ವಿತಕ್ಕಸ್ಸ ಚ… ಗೋತ್ರಭು ಸವಿತಕ್ಕಸವಿಚಾರಸ್ಸ ಮಗ್ಗಸ್ಸ ವಿತಕ್ಕಸ್ಸ ಚ… ವೋದಾನಂ ಸವಿತಕ್ಕಸವಿಚಾರಸ್ಸ ಮಗ್ಗಸ್ಸ ವಿತಕ್ಕಸ್ಸ ಚ ಆಸೇವನಪಚ್ಚಯೇನ ಪಚ್ಚಯೋ. (೫)

೧೧೦. ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮೋ ಪುರಿಮೋ ವಿತಕ್ಕೋ ಪಚ್ಛಿಮಸ್ಸ ಪಚ್ಛಿಮಸ್ಸ ವಿತಕ್ಕಸ್ಸ ಆಸೇವನಪಚ್ಚಯೇನ ಪಚ್ಚಯೋ. ಪುರಿಮಾ ಪುರಿಮಾ ಅವಿತಕ್ಕವಿಚಾರಮತ್ತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ಆಸೇವನಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕವಿಚಾರಮತ್ತೋ ¶ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮೋ ಪುರಿಮೋ ವಿತಕ್ಕೋ ಪಚ್ಛಿಮಾನಂ ಪಚ್ಛಿಮಾನಂ ಸವಿತಕ್ಕಸವಿಚಾರಾನಂ ಖನ್ಧಾನಂ ಆಸೇವನಪಚ್ಚಯೇನ ಪಚ್ಚಯೋ. (೨)

ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಅವಿತಕ್ಕವಿಚಾರಮತ್ತಾ ಖನ್ಧಾ ಪಚ್ಛಿಮಸ್ಸ ಪಚ್ಛಿಮಸ್ಸ ವಿಚಾರಸ್ಸ ಆಸೇವನಪಚ್ಚಯೇನ ಪಚ್ಚಯೋ. (೩)

ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಅವಿತಕ್ಕವಿಚಾರಮತ್ತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ವಿಚಾರಸ್ಸ ಚ ಆಸೇವನಪಚ್ಚಯೇನ ಪಚ್ಚಯೋ. (೪)

ಅವಿತಕ್ಕವಿಚಾರಮತ್ತೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ¶ ಚ ಧಮ್ಮಸ್ಸ ¶ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮೋ ಪುರಿಮೋ ವಿತಕ್ಕೋ ಪಚ್ಛಿಮಾನಂ ಪಚ್ಛಿಮಾನಂ ಸವಿತಕ್ಕಸವಿಚಾರಾನಂ ಖನ್ಧಾನಂ ವಿತಕ್ಕಸ್ಸ ಚ ಆಸೇವನಪಚ್ಚಯೇನ ಪಚ್ಚಯೋ. (೫)

೧೧೧. ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮೋ ಪುರಿಮೋ ವಿಚಾರೋ ಪಚ್ಛಿಮಸ್ಸ ಪಚ್ಛಿಮಸ್ಸ ವಿಚಾರಸ್ಸ ಆಸೇವನಪಚ್ಚಯೇನ ಪಚ್ಚಯೋ. ಪುರಿಮಾ ಪುರಿಮಾ ಅವಿತಕ್ಕಅವಿಚಾರಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಅವಿತಕ್ಕಅವಿಚಾರಾನಂ ಖನ್ಧಾನಂ ಆಸೇವನಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮೋ ಪುರಿಮೋ ವಿಚಾರೋ ಪಚ್ಛಿಮಾನಂ ಪಚ್ಛಿಮಾನಂ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ಆಸೇವನಪಚ್ಚಯೇನ ಪಚ್ಚಯೋ. (೨)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮೋ ಪುರಿಮೋ ವಿಚಾರೋ ಪಚ್ಛಿಮಾನಂ ಪಚ್ಛಿಮಾನಂ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ವಿಚಾರಸ್ಸ ಚ ಆಸೇವನಪಚ್ಚಯೇನ ಪಚ್ಚಯೋ. (೩)

೧೧೨. ಅವಿತಕ್ಕವಿಚಾರಮತ್ತೋ ¶ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿಚಾರೋ ಚ ಪಚ್ಛಿಮಾನಂ ಪಚ್ಛಿಮಾನಂ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ಆಸೇವನಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ¶ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿಚಾರೋ ಚ ಪಚ್ಛಿಮಸ್ಸ ಪಚ್ಛಿಮಸ್ಸ ವಿಚಾರಸ್ಸ ಆಸೇವನಪಚ್ಚಯೇನ ಪಚ್ಚಯೋ. (೨)

ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿಚಾರೋ ಚ ಪಚ್ಛಿಮಾನಂ ಪಚ್ಛಿಮಾನಂ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ವಿಚಾರಸ್ಸ ಚ ಆಸೇವನಪಚ್ಚಯೇನ ಪಚ್ಚಯೋ. (೩)

೧೧೩. ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಪಚ್ಛಿಮಾನಂ ಪಚ್ಛಿಮಾನಂ ಸವಿತಕ್ಕಸವಿಚಾರಾನಂ ಖನ್ಧಾನಂ ಆಸೇವನಪಚ್ಚಯೇನ ಪಚ್ಚಯೋ. ಅನುಲೋಮಞ್ಚ ವಿತಕ್ಕೋ ಚ ಗೋತ್ರಭುಸ್ಸ… ಅನುಲೋಮಞ್ಚ ವಿತಕ್ಕೋ ಚ ವೋದಾನಸ್ಸ… ಗೋತ್ರಭು ಚ ವಿತಕ್ಕೋ ಚ ಸವಿತಕ್ಕಸವಿಚಾರಸ್ಸ ಮಗ್ಗಸ್ಸ… ವೋದಾನಞ್ಚ ವಿತಕ್ಕೋ ಚ ಸವಿತಕ್ಕಸವಿಚಾರಸ್ಸ ಮಗ್ಗಸ್ಸ ಆಸೇವನಪಚ್ಚಯೇನ ಪಚ್ಚಯೋ. (೧)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಪಚ್ಛಿಮಸ್ಸ ಪಚ್ಛಿಮಸ್ಸ ವಿತಕ್ಕಸ್ಸ ಆಸೇವನಪಚ್ಚಯೇನ ಪಚ್ಚಯೋ. ಅವಿತಕ್ಕವಿಚಾರಮತ್ತಸ್ಸ ಝಾನಸ್ಸ ಪರಿಕಮ್ಮಞ್ಚ ವಿತಕ್ಕೋ ಚ ಅವಿತಕ್ಕವಿಚಾರಮತ್ತಸ್ಸ ಝಾನಸ್ಸ ಆಸೇವನಪಚ್ಚಯೇನ ಪಚ್ಚಯೋ. ಗೋತ್ರಭು ಚ ವಿತಕ್ಕೋ ಚ ಅವಿತಕ್ಕ ವಿಚಾರಮತ್ತಸ್ಸ ಮಗ್ಗಸ್ಸ… ವೋದಾನಞ್ಚ ವಿತಕ್ಕೋ ಚ ಅವಿತಕ್ಕವಿಚಾರಮತ್ತಸ್ಸ ಮಗ್ಗಸ್ಸ ಆಸೇವನಪಚ್ಚಯೇನ ಪಚ್ಚಯೋ. (೨)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ದುತಿಯಸ್ಸ ಝಾನಸ್ಸ ಪರಿಕಮ್ಮಞ್ಚ ವಿತಕ್ಕೋ ¶ ಚ ದುತಿಯೇ ಝಾನೇ ವಿಚಾರಸ್ಸ ಆಸೇವನಪಚ್ಚಯೇನ ಪಚ್ಚಯೋ…ಪೇ… ನೇವಸಞ್ಞಾನಾಸಞ್ಞಾಯತನಸ್ಸ ಪರಿಕಮ್ಮಞ್ಚ ವಿತಕ್ಕೋ ಚ…ಪೇ… ದಿಬ್ಬಸ್ಸ ಚಕ್ಖುಸ್ಸ ಪರಿಕಮ್ಮಞ್ಚ ವಿತಕ್ಕೋ ಚ…ಪೇ… ಅನಾಗತಂಸಞಾಣಸ್ಸ ಪರಿಕಮ್ಮಞ್ಚ ವಿತಕ್ಕೋ ಚ ಅನಾಗತಂಸಞಾಣಸ್ಸ ಆಸೇವನಪಚ್ಚಯೇನ ¶ ಪಚ್ಚಯೋ. ಗೋತ್ರಭು ಚ ವಿತಕ್ಕೋ ಚ ಅವಿತಕ್ಕಅವಿಚಾರಸ್ಸ ಮಗ್ಗಸ್ಸ ವಿಚಾರಸ್ಸ ಚ ಆಸೇವನಪಚ್ಚಯೇನ ಪಚ್ಚಯೋ. ವೋದಾನಞ್ಚ ವಿತಕ್ಕೋ ಚ ಅವಿತಕ್ಕಅವಿಚಾರಸ್ಸ ಮಗ್ಗಸ್ಸ ವಿಚಾರಸ್ಸ ಚ ಆಸೇವನಪಚ್ಚಯೇನ ಪಚ್ಚಯೋ. (೩)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತಸ್ಸ ಝಾನಸ್ಸ ¶ ಪರಿಕಮ್ಮಞ್ಚ ವಿತಕ್ಕೋ ಚ ಅವಿತಕ್ಕವಿಚಾರಮತ್ತಸ್ಸ ಝಾನಸ್ಸ ವಿಚಾರಸ್ಸ ಚ… ಗೋತ್ರಭು ಚ ವಿತಕ್ಕೋ ಚ ಅವಿತಕ್ಕವಿಚಾರಮತ್ತಸ್ಸ ಮಗ್ಗಸ್ಸ ವಿಚಾರಸ್ಸ ಚ… ವೋದಾನಞ್ಚ ವಿತಕ್ಕೋ ಚ ಅವಿತಕ್ಕವಿಚಾರಮತ್ತಸ್ಸ ಮಗ್ಗಸ್ಸ ವಿಚಾರಸ್ಸ ಚ ಆಸೇವನಪಚ್ಚಯೇನ ಪಚ್ಚಯೋ. (೪)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ ¶ – ಪುರಿಮಾ ಪುರಿಮಾ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಪಚ್ಛಿಮಾನಂ ಪಚ್ಛಿಮಾನಂ ಸವಿತಕ್ಕಸವಿಚಾರಾನಂ ಖನ್ಧಾನಂ ವಿತಕ್ಕಸ್ಸ ಚ ಆಸೇವನಪಚ್ಚಯೇನ ಪಚ್ಚಯೋ. ಅನುಲೋಮಞ್ಚ ವಿತಕ್ಕೋ ಚ ಗೋತ್ರಭುಸ್ಸ ವಿತಕ್ಕಸ್ಸ ಚ… ಅನುಲೋಮಞ್ಚ ವಿತಕ್ಕೋ ಚ ವೋದಾನಸ್ಸ ವಿತಕ್ಕಸ್ಸ ಚ… ಗೋತ್ರಭು ಚ ವಿತಕ್ಕೋ ಚ ಸವಿತಕ್ಕಸವಿಚಾರಸ್ಸ ಮಗ್ಗಸ್ಸ ವಿತಕ್ಕಸ್ಸ ಚ… ವೋದಾನಞ್ಚ ವಿತಕ್ಕೋ ಚ ಸವಿತಕ್ಕಸವಿಚಾರಸ್ಸ ಮಗ್ಗಸ್ಸ ವಿತಕ್ಕಸ್ಸ ಚ ಆಸೇವನಪಚ್ಚಯೇನ ಪಚ್ಚಯೋ. (೫)

ಕಮ್ಮಪಚ್ಚಯೋ

೧೧೪. ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಸವಿತಕ್ಕಸವಿಚಾರಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ. ನಾನಾಕ್ಖಣಿಕಾ – ಸವಿತಕ್ಕಸವಿಚಾರಾ ಚೇತನಾ ವಿಪಾಕಾನಂ ಸವಿತಕ್ಕಸವಿಚಾರಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ. (೧)

ಸವಿತಕ್ಕಸವಿಚಾರೋ ¶ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಸವಿತಕ್ಕಸವಿಚಾರಾ ಚೇತನಾ ವಿತಕ್ಕಸ್ಸ ಕಮ್ಮಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಾ ಚೇತನಾ ವಿತಕ್ಕಸ್ಸ ಕಮ್ಮಪಚ್ಚಯೇನ ಪಚ್ಚಯೋ. ನಾನಾಕ್ಖಣಿಕಾ – ಸವಿತಕ್ಕಸವಿಚಾರಾ ಚೇತನಾ ವಿಪಾಕಸ್ಸ ವಿತಕ್ಕಸ್ಸ ಕಮ್ಮಪಚ್ಚಯೇನ ಪಚ್ಚಯೋ. (೨)

ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ¶ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಸವಿತಕ್ಕಸವಿಚಾರಾ ಚೇತನಾ ಚಿತ್ತಸಮುಟ್ಠಾನಾನಂ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಾ ಚೇತನಾ ಕಟತ್ತಾ ರೂಪಾನಂ ಕಮ್ಮಪಚ್ಚಯೇನ ¶ ಪಚ್ಚಯೋ. ನಾನಾಕ್ಖಣಿಕಾ – ಸವಿತಕ್ಕಸವಿಚಾರಾ ಚೇತನಾ ವಿಪಾಕಾನಂ ಅವಿತಕ್ಕಅವಿಚಾರಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೩)

ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಸವಿತಕ್ಕಸವಿಚಾರಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. ನಾನಾಕ್ಖಣಿಕಾ – ಸವಿತಕ್ಕಸವಿಚಾರಾ ಚೇತನಾ ವಿಪಾಕಾನಂ ಸವಿತಕ್ಕಸವಿಚಾರಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೪)

ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಸವಿತಕ್ಕಸವಿಚಾರಾ ಚೇತನಾ ವಿತಕ್ಕಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಾ ಚೇತನಾ ವಿತಕ್ಕಸ್ಸ ಚ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. ನಾನಾಕ್ಖಣಿಕಾ – ಸವಿತಕ್ಕಸವಿಚಾರಾ ಚೇತನಾ ವಿಪಾಕಸ್ಸ ¶ ವಿತಕ್ಕಸ್ಸ ಚ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೫)

ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಸವಿತಕ್ಕಸವಿಚಾರಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ವಿತಕ್ಕಸ್ಸ ಚ ಕಮ್ಮಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಾ ಚೇತನಾ ಸಮ್ಪಯುತ್ತಕಾನಂ ¶ ಖನ್ಧಾನಂ ವಿತಕ್ಕಸ್ಸ ಚ ಕಮ್ಮಪಚ್ಚಯೇನ ಪಚ್ಚಯೋ. ನಾನಾಕ್ಖಣಿಕಾ – ಸವಿತಕ್ಕಸವಿಚಾರಾ ಚೇತನಾ ವಿಚಾಕಾನಂ ಸವಿತಕ್ಕಸವಿಚಾರಾನಂ ಖನ್ಧಾನಂ ವಿತಕ್ಕಸ್ಸ ಚ ಕಮ್ಮಪಚ್ಚಯೇನ ಪಚ್ಚಯೋ. (೬)

ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಸವಿತಕ್ಕಸವಿಚಾರಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ವಿತಕ್ಕಸ್ಸ ಚ ಚಿತ್ತಸಮುಟ್ಠಾನಾನಞ್ಚ ¶ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ವಿತಕ್ಕಸ್ಸ ಚ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. ನಾನಾಕ್ಖಣಿಕಾ – ಸವಿತಕ್ಕಸವಿಚಾರಾ ಚೇತನಾ ವಿಪಾಕಾನಂ ಸವಿತಕ್ಕಸವಿಚಾರಾನಂ ಖನ್ಧಾನಂ ವಿತಕ್ಕಸ್ಸ ಚ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೭)

೧೧೫. ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಅವಿತಕ್ಕವಿಚಾರಮತ್ತಾ ¶ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. ನಾನಾಕ್ಖಣಿಕಾ – ಅವಿತಕ್ಕವಿಚಾರಮತ್ತಾ ಚೇತನಾ ವಿಪಾಕಾನಂ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಅವಿತಕ್ಕವಿಚಾರಮತ್ತಾ ಚೇತನಾ ವಿಚಾರಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಾ ಚೇತನಾ ವಿಪಾಕಸ್ಸ ವಿಚಾರಸ್ಸ ಚ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. ನಾನಾಕ್ಖಣಿಕಾ – ಅವಿತಕ್ಕವಿಚಾರಮತ್ತಾ ಚೇತನಾ ವಿಪಾಕಸ್ಸ ವಿಚಾರಸ್ಸ ಚ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೨)

ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಅವಿತಕ್ಕವಿಚಾರಮತ್ತಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ವಿಚಾರಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ವಿಚಾರಸ್ಸ ಚ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. ನಾನಾಕ್ಖಣಿಕಾ ¶ – ಅವಿತಕ್ಕವಿಚಾರಮತ್ತಾ ಚೇತನಾ ವಿಪಾಕಾನಂ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ವಿಚಾರಸ್ಸ ಚ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೩)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ¶ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಅವಿತಕ್ಕಅವಿಚಾರಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ¶ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಅವಿತಕ್ಕಅವಿಚಾರಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. ನಾನಾಕ್ಖಣಿಕಾ – ಅವಿತಕ್ಕಅವಿಚಾರಾ ಚೇತನಾ ವಿಪಾಕಾನಂ ಅವಿತಕ್ಕಅವಿಚಾರಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೧)

ವಿಪಾಕಪಚ್ಚಯೋ

೧೧೬. ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ – ವಿಪಾಕೋ ಸವಿತಕ್ಕಸವಿಚಾರೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ವಿಪಾಕಪಚ್ಚಯೇನ ಪಚ್ಚಯೋ…ಪೇ… ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ವಿಪಾಕಪಚ್ಚಯೇನ ಪಚ್ಚಯೋ…ಪೇ….

ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ – ವಿಪಾಕಾ ಸವಿತಕ್ಕಸವಿಚಾರಾ ಖನ್ಧಾ ವಿತಕ್ಕಸ್ಸ ವಿಪಾಕಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ….

(ಸವಿತಕ್ಕಸವಿಚಾರಮೂಲಕಾ ಸತ್ತಪಿ ಪಞ್ಹಾ ಪರಿಪುಣ್ಣಾ.)

ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ – ವಿಪಾಕೋ ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ವಿಪಾಕಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ…ಪೇ… ಪಟಿಸನ್ಧಿಕ್ಖಣೇ ವಿಪಾಕೋ ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ…ಪೇ….

(ಅವಿತಕ್ಕವಿಚಾರಮತ್ತಮೂಲಕಾ ¶ ಪಞ್ಚ ಪಞ್ಹಾ ಕಾತಬ್ಬಾ, ವಿಪಾಕನ್ತಿ ನಿಯಾಮೇತಬ್ಬಾ.)

೧೧೭. ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ – ವಿಪಾಕೋ ಅವಿತಕ್ಕಅವಿಚಾರೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ವಿಪಾಕಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ¶ …ಪೇ… ವಿಪಾಕೋ ವಿಚಾರೋ ಚಿತ್ತಸಮುಟ್ಠಾನಾನಂ ¶ ರೂಪಾನಂ ವಿಪಾಕಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ… ಖನ್ಧಾ ವತ್ಥುಸ್ಸ ವಿಪಾಕಪಚ್ಚಯೇನ ಪಚ್ಚಯೋ. ವಿಚಾರೋ ವತ್ಥುಸ್ಸ ವಿಪಾಕಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ – ವಿಪಾಕೋ ವಿಚಾರೋ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ವಿಪಾಕಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ವಿಪಾಕೋ ವಿಚಾರೋ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ವಿಪಾಕಪಚ್ಚಯೇನ ಪಚ್ಚಯೋ. (೨)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ – ವಿಪಾಕೋ ವಿಚಾರೋ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ವಿಪಾಕಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ವಿಪಾಕೋ ವಿಚಾರೋ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ವಿಪಾಕಪಚ್ಚಯೇನ ಪಚ್ಚಯೋ. (೩)

೧೧೮. ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ – ವಿಪಾಕೋ ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ಚ ವಿಚಾರೋ ಚ ತಿಣ್ಣನ್ನಂ ಖನ್ಧಾನಂ ವಿಪಾಕಪಚ್ಚಯೇನ ¶ ಪಚ್ಚಯೋ…ಪೇ… ದ್ವೇ ಖನ್ಧಾ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ – ವಿಪಾಕಾ ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿಚಾರೋ ಚ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪಾಕಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿಚಾರೋ ಚ ಕಟತ್ತಾರೂಪಾನಂ ವಿಪಾಕಪಚ್ಚಯೇನ ಪಚ್ಚಯೋ. (೨)

ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ – ವಿಪಾಕೋ ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ಚ ವಿಚಾರೋ ಚ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ವಿಪಾಕಪಚ್ಚಯೇನ ಪಚ್ಚಯೋ…ಪೇ… ಪಟಿಸನ್ಧಿಕ್ಖಣೇ ವಿಪಾಕೋ ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ಚ ವಿಚಾರೋ ಚ ತಿಣ್ಣನ್ನಂ ಖನ್ಧಾನಂ ಕಟತ್ತಾ ಚ ರೂಪಾನಂ ವಿಪಾಕಪಚ್ಚಯೇನ ಪಚ್ಚಯೋ. (೩)

ಸವಿತಕ್ಕಸವಿಚಾರೋ ¶ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ – ವಿಪಾಕೋ ಸವಿತಕ್ಕಸವಿಚಾರೋ ಏಕೋ ¶ ಖನ್ಧೋ ಚ ವಿತಕ್ಕೋ ಚ ತಿಣ್ಣನ್ನಂ ಖನ್ಧಾನಂ ವಿಪಾಕಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ – ವಿಪಾಕಾ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪಾಕಪಚ್ಚಯೇನ ¶ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೨)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ – ವಿಪಾಕೋ ಸವಿತಕ್ಕಸವಿಚಾರೋ ಏಕೋ ಖನ್ಧೋ ಚ ವಿತಕ್ಕೋ ಚ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ವಿಪಾಕಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೩)

ಆಹಾರಪಚ್ಚಯೋ

೧೧೯. ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾ ಆಹಾರಾ ಸಮ್ಪಯುತ್ತಕಾನಂ ಖನ್ಧಾನಂ ಆಹಾರಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೧)

ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾ ಆಹಾರಾ ವಿತಕ್ಕಸ್ಸ ಆಹಾರಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ….

(ಸವಿತಕ್ಕಸವಿಚಾರಮೂಲಕಾ ಇಮಿನಾ ಕಾರಣೇನ ಸತ್ತ ಪಞ್ಹಾ ವಿಭಜಿತಬ್ಬಾ.)

ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತಾ ಆಹಾರಾ ಸಮ್ಪಯುತ್ತಕಾನಂ ಖನ್ಧಾನಂ ಆಹಾರಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೧)

ಅವಿತಕ್ಕವಿಚಾರಮತ್ತೋ ¶ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತಾ ಆಹಾರಾ ವಿಚಾರಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಆಹಾರಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೨)

ಅವಿತಕ್ಕವಿಚಾರಮತ್ತೋ ¶ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತಾ ಆಹಾರಾ ¶ ಸಮ್ಪಯುತ್ತಕಾನಂ ಖನ್ಧಾನಂ ವಿಚಾರಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಆಹಾರಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೩)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ಅವಿತಕ್ಕಅವಿಚಾರಾ ಆಹಾರಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಆಹಾರಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ… ಕಬಳೀಕಾರೋ ಆಹಾರೋ ಇಮಸ್ಸ ಕಾಯಸ್ಸ ಆಹಾರಪಚ್ಚಯೇನ ಪಚ್ಚಯೋ.

ಇನ್ದ್ರಿಯಪಚ್ಚಯೋ

೧೨೦. ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾ ಇನ್ದ್ರಿಯಾ ಸಮ್ಪಯುತ್ತಕಾನಂ ಖನ್ಧಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೧)

ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾ ಇನ್ದ್ರಿಯಾ ವಿತಕ್ಕಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೭)

(ಸವಿತಕ್ಕಸವಿಚಾರಮೂಲಕಾ ಸತ್ತ ಪಞ್ಹಾ ಇಮಿನಾ ಕಾರಣೇನ ವಿಭಜಿತಬ್ಬಾ.)

ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತಾ ಇನ್ದ್ರಿಯಾ ಸಮ್ಪಯುತ್ತಕಾನಂ ಖನ್ಧಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೧)

ಅವಿತಕ್ಕವಿಚಾರಮತ್ತೋ ¶ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಇನ್ದ್ರಿಯಪಚ್ಚಯೇನ ¶ ಪಚ್ಚಯೋ – ಅವಿತಕ್ಕವಿಚಾರಮತ್ತಾ ಇನ್ದ್ರಿಯಾ ವಿಚಾರಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೨)

ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತಾ ಇನ್ದ್ರಿಯಾ ಸಮ್ಪಯುತ್ತಕಾನಂ ಖನ್ಧಾನಂ ವಿಚಾರಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೩)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ – ಅವಿತಕ್ಕಅವಿಚಾರಾ ಇನ್ದ್ರಿಯಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ… ಚಕ್ಖುನ್ದ್ರಿಯಂ ಚಕ್ಖುವಿಞ್ಞಾಣಸ್ಸ ¶ …ಪೇ… ಕಾಯಿನ್ದ್ರಿಯಂ ಕಾಯವಿಞ್ಞಾಣಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ. ರೂಪಜೀವಿತಿನ್ದ್ರಿಯಂ ಕಟತ್ತಾರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ. (೧)

ಝಾನಪಚ್ಚಯೋ

೧೨೧. ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಝಾನಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾನಿ ಝಾನಙ್ಗಾನಿ ಸಮ್ಪಯುತ್ತಕಾನಂ ಖನ್ಧಾನಂ ಝಾನಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೭)

(ಸವಿತಕ್ಕಸವಿಚಾರಮೂಲಕಾ ಸತ್ತ ಪಞ್ಹಾ ಇಮಿನಾ ಕಾರಣೇನ ವಿಭಜಿತಬ್ಬಾ.)

ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಝಾನಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತಾನಿ ಝಾನಙ್ಗಾನಿ ಸಮ್ಪಯುತ್ತಕಾನಂ ಖನ್ಧಾನಂ ಝಾನಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೫)

(ಅವಿತಕ್ಕವಿಚಾರಮತ್ತಮೂಲಕಾ ¶ ಪಞ್ಚ ಪಞ್ಹಾ ಇಮಿನಾ ಕಾರಣೇನ ವಿಭಜಿತಬ್ಬಾ.)

ಅವಿತಕ್ಕಅವಿಚಾರೋ ¶ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಝಾನಪಚ್ಚಯೇನ ಪಚ್ಚಯೋ – ಅವಿತಕ್ಕಅವಿಚಾರಾನಿ ಝಾನಙ್ಗಾನಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಝಾನಪಚ್ಚಯೇನ ಪಚ್ಚಯೋ. ವಿಚಾರೋ ಚಿತ್ತಸಮುಟ್ಠಾನಾನಂ ರೂಪಾನಂ ಝಾನಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ವಿಚಾರೋ ಕಟತ್ತಾರೂಪಾನಂ ಝಾನಪಚ್ಚಯೇನ ಪಚ್ಚಯೋ. ವಿಚಾರೋ ವತ್ಥುಸ್ಸ ಝಾನಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಝಾನಪಚ್ಚಯೇನ ಪಚ್ಚಯೋ – ವಿಚಾರೋ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ಝಾನಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ವಿಚಾರೋ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ಝಾನಪಚ್ಚಯೇನ ಪಚ್ಚಯೋ. (೨)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಝಾನಪಚ್ಚಯೇನ ಪಚ್ಚಯೋ – ವಿಚಾರೋ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಝಾನಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ವಿಚಾರೋ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಝಾನಪಚ್ಚಯೇನ ಪಚ್ಚಯೋ. (೩)

೧೨೨. ಅವಿತಕ್ಕವಿಚಾರಮತ್ತೋ ¶ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಝಾನಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತಾನಿ ಝಾನಙ್ಗಾನಿ ವಿಚಾರೋ ಚ ಸಮ್ಪಯುತ್ತಕಾನಂ ಖನ್ಧಾನಂ ಝಾನಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೧)

ಅವಿತಕ್ಕವಿಚಾರಮತ್ತೋ ¶ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಝಾನಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತಾನಿ ಝಾನಙ್ಗಾನಿ ವಿಚಾರೋ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಝಾನಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೨)

ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಝಾನಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತಾನಿ ಝಾನಙ್ಗಾನಿ ವಿಚಾರೋ ಚ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಝಾನಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಾನಿ ಝಾನಙ್ಗಾನಿ ವಿಚಾರೋ ಚ ಸಮ್ಪಯುತ್ತಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಝಾನಪಚ್ಚಯೇನ ಪಚ್ಚಯೋ. (೩)

ಸವಿತಕ್ಕಸವಿಚಾರೋ ¶ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಝಾನಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾನಿ ಝಾನಙ್ಗಾನಿ ವಿತಕ್ಕೋ ಚ ಸಮ್ಪಯುತ್ತಕಾನಂ ಖನ್ಧಾನಂ ಝಾನಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೧)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಝಾನಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾನಿ ಝಾನಙ್ಗಾನಿ ವಿತಕ್ಕೋ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಝಾನಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೨)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಝಾನಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾನಿ ¶ ಝಾನಙ್ಗಾನಿ ವಿತಕ್ಕೋ ಚ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಝಾನಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೩)

ಮಗ್ಗಪಚ್ಚಯೋ

೧೨೩. ಸವಿತಕ್ಕಸವಿಚಾರೋ ¶ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಮಗ್ಗಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾನಿ ಮಗ್ಗಙ್ಗಾನಿ ಸಮ್ಪಯುತ್ತಕಾನಂ ಖನ್ಧಾನಂ ಮಗ್ಗಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ….

(ಸವಿತಕ್ಕಸವಿಚಾರಮೂಲಕಾ ಸತ್ತ ಪಞ್ಹಾ ಇಮಿನಾ ಕಾರಣೇನ ವಿಭಜಿತಬ್ಬಾ.)

ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಮಗ್ಗಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತಾನಿ ¶ ಮಗ್ಗಙ್ಗಾನಿ ಸಮ್ಪಯುತ್ತಕಾನಂ ಖನ್ಧಾನಂ ಮಗ್ಗಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ….

(ಅವಿತಕ್ಕವಿಚಾರಮತ್ತಮೂಲಕಾ ಪಞ್ಚ ಪಞ್ಹಾ ಇಮಿನಾ ಕಾರಣೇನ ವಿಭಜಿತಬ್ಬಾ.)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಮಗ್ಗಪಚ್ಚಯೇನ ಪಚ್ಚಯೋ – ಅವಿತಕ್ಕಅವಿಚಾರಾನಿ ಮಗ್ಗಙ್ಗಾನಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಮಗ್ಗಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೧)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಮಗ್ಗಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾನಿ ಮಗ್ಗಙ್ಗಾನಿ ವಿತಕ್ಕೋ ಚ ಸಮ್ಪಯುತ್ತಕಾನಂ ಖನ್ಧಾನಂ ಮಗ್ಗಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೧)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಮಗ್ಗಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾನಿ ಮಗ್ಗಙ್ಗಾನಿ ¶ ವಿತಕ್ಕೋ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಮಗ್ಗಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೨)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಮಗ್ಗಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾನಿ ಮಗ್ಗಙ್ಗಾನಿ ವಿತಕ್ಕೋ ಚ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಮಗ್ಗಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೩)

ಸಮ್ಪಯುತ್ತಪಚ್ಚಯೋ

೧೨೪. ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಸಮ್ಪಯುತ್ತಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ¶ ಸಮ್ಪಯುತ್ತಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಸಮ್ಪಯುತ್ತಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾ ಖನ್ಧಾ ವಿತಕ್ಕಸ್ಸ ಸಮ್ಪಯುತ್ತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೨)

ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಸಮ್ಪಯುತ್ತಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ವಿತಕ್ಕಸ್ಸ ಚ ¶ ಸಮ್ಪಯುತ್ತಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ ವಿತಕ್ಕಸ್ಸ ಚ…ಪೇ… ಪಟಿಸನ್ಧಿಕ್ಖಣೇ…ಪೇ…. (೩)

೧೨೫. ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಸಮ್ಪಯುತ್ತಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ತಿಣ್ಣನ್ನಂ ¶ ಖನ್ಧಾನಂ ಸಮ್ಪಯುತ್ತಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ಅವಿತಕ್ಕವಿಚಾರಮತ್ತೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಸಮ್ಪಯುತ್ತಪಚ್ಚಯೇನ ಪಚ್ಚಯೋ – ವಿತಕ್ಕೋ ಸವಿತಕ್ಕಸವಿಚಾರಾನಂ ಖನ್ಧಾನಂ ಸಮ್ಪಯುತ್ತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೨)

ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಸಮ್ಪಯುತ್ತಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತಾ ಖನ್ಧಾ ವಿಚಾರಸ್ಸ ಸಮ್ಪಯುತ್ತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೩)

ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಸಮ್ಪಯುತ್ತಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ವಿಚಾರಸ್ಸ ಚ ಸಮ್ಪಯುತ್ತಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ ವಿಚಾರಸ್ಸ ಚ…ಪೇ… ಪಟಿಸನ್ಧಿಕ್ಖಣೇ…ಪೇ…. (೪)

೧೨೬. ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಸಮ್ಪಯುತ್ತಪಚ್ಚಯೇನ ಪಚ್ಚಯೋ – ಅವಿತಕ್ಕಅವಿಚಾರೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಸಮ್ಪಯುತ್ತಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ಅವಿತಕ್ಕಅವಿಚಾರೋ ¶ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಸಮ್ಪಯುತ್ತಪಚ್ಚಯೇನ ಪಚ್ಚಯೋ – ವಿಚಾರೋ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ಸಮ್ಪಯುತ್ತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೨)

ಅವಿತಕ್ಕವಿಚಾರಮತ್ತೋ ¶ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ¶ ಧಮ್ಮಸ್ಸ ಸಮ್ಪಯುತ್ತಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ಚ ವಿಚಾರೋ ಚ ತಿಣ್ಣನ್ನಂ ಖನ್ಧಾನಂ ಸಮ್ಪಯುತ್ತಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ ವಿಚಾರೋ ಚ ದ್ವಿನ್ನಂ ಖನ್ಧಾನಂ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಸಮ್ಪಯುತ್ತಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರೋ ಏಕೋ ಖನ್ಧೋ ಚ ವಿತಕ್ಕೋ ಚ ತಿಣ್ಣನ್ನಂ ಖನ್ಧಾನಂ ಸಮ್ಪಯುತ್ತಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ ವಿತಕ್ಕೋ ಚ ದ್ವಿನ್ನಂ ಖನ್ಧಾನಂ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ವಿಪ್ಪಯುತ್ತಪಚ್ಚಯೋ

೧೨೭. ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ. ಸಹಜಾತಾ – ಸವಿತಕ್ಕಸವಿಚಾರಾ ಖನ್ಧಾ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಾ ಖನ್ಧಾ ಕಟತ್ತಾರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಸವಿತಕ್ಕಸವಿಚಾರಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ. ಸಹಜಾತಾ – ಅವಿತಕ್ಕವಿಚಾರಮತ್ತಾ ಖನ್ಧಾ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ, ವಿತಕ್ಕೋ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಾ ಖನ್ಧಾ ಕಟತ್ತಾರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ವಿತಕ್ಕೋ ಕಟತ್ತಾರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿತಕ್ಕೋ ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೧)

೧೨೮. ಅವಿತಕ್ಕಅವಿಚಾರೋ ¶ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ. ಸಹಜಾತಾ ¶ – ಅವಿತಕ್ಕಅವಿಚಾರಾ ಖನ್ಧಾ ಚಿತ್ತಸಮುಟ್ಠಾನಾನಂ ¶ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ವಿಚಾರೋ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಅವಿತಕ್ಕಅವಿಚಾರಾ ಖನ್ಧಾ ಕಟತ್ತಾರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ವಿಚಾರೋ ಕಟತ್ತಾರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ; ಖನ್ಧಾ ವತ್ಥುಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ, ವತ್ಥು ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ; ವಿಚಾರೋ ವತ್ಥುಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ; ವತ್ಥು ವಿಚಾರಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ, ವತ್ಥು ಅವಿತಕ್ಕಅವಿಚಾರಾನಂ ಖನ್ಧಾನಂ ವಿಚಾರಸ್ಸ ಚ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಅವಿತಕ್ಕಅವಿಚಾರಾ ಖನ್ಧಾ ಚ ವಿಚಾರೋ ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕಅವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತಂ – ಪಟಿಸನ್ಧಿಕ್ಖಣೇ ವತ್ಥು ಸವಿತಕ್ಕಸವಿಚಾರಾನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ವತ್ಥು ಸವಿತಕ್ಕಸವಿಚಾರಾನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೨)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ¶ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತಂ – ಪಟಿಸನ್ಧಿಕ್ಖಣೇ ವತ್ಥು ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ವಿತಕ್ಕಸ್ಸ ಚ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ವತ್ಥು ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ವಿತಕ್ಕಸ್ಸ ಚ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೩)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತಂ – ಪಟಿಸನ್ಧಿಕ್ಖಣೇ ವತ್ಥು ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ವಿಚಾರಸ್ಸ ಚ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ವತ್ಥು ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ವಿಚಾರಸ್ಸ ಚ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೪)

ಅವಿತಕ್ಕಅವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತಂ – ಪಟಿಸನ್ಧಿಕ್ಖಣೇ ವತ್ಥು ಸವಿತಕ್ಕಸವಿಚಾರಾನಂ ಖನ್ಧಾನಂ ವಿತಕ್ಕಸ್ಸ ಚ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ವತ್ಥು ಸವಿತಕ್ಕಸವಿಚಾರಾನಂ ¶ ಖನ್ಧಾನಂ ವಿತಕ್ಕಸ್ಸ ಚ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೫)

೧೨೯. ಅವಿತಕ್ಕವಿಚಾರಮತ್ತೋ ¶ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ. ಸಹಜಾತಾ – ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿಚಾರೋ ಚ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿಚಾರೋ ಚ ಕಟತ್ತಾರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿಚಾರೋ ¶ ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೧)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ. ಸಹಜಾತಾ – ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಕಟತ್ತಾರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೧)

ಅತ್ಥಿಪಚ್ಚಯೋ

೧೩೦. ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರಾ ಖನ್ಧಾ ವಿತಕ್ಕಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೨)

ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ ¶ , ಪಚ್ಛಾಜಾತಂ. ಸಹಜಾತಾ – ಸವಿತಕ್ಕಸವಿಚಾರಾ ಖನ್ಧಾ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಾ ಖನ್ಧಾ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಸವಿತಕ್ಕಸವಿಚಾರಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. (೩)

(ಸವಿತಕ್ಕಸವಿಚಾರಮೂಲಕೇ ಅವಸೇಸಾ ¶ ಪಞ್ಹಾ ಸಹಜಾತಪಚ್ಚಯಸದಿಸಾ.)

೧೩೧. ಅವಿತಕ್ಕವಿಚಾರಮತ್ತೋ ¶ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ಅವಿತಕ್ಕವಿಚಾರಮತ್ತೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ವಿತಕ್ಕೋ ಸವಿತಕ್ಕಸವಿಚಾರಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೨)

ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ. ಸಹಜಾತಾ – ಅವಿತಕ್ಕವಿಚಾರಮತ್ತಾ ಖನ್ಧಾ ವಿಚಾರಸ್ಸ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ವಿತಕ್ಕೋ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಾ ಖನ್ಧಾ ವಿಚಾರಸ್ಸ ಕಟತ್ತಾ ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ; ವಿತಕ್ಕೋ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿತಕ್ಕೋ ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. (೩)

(ಅವಿತಕ್ಕವಿಚಾರಮತ್ತಮೂಲಕಾ ಪಞ್ಚ ಪಞ್ಹಾ. ಅವಸೇಸಾ ಸಹಜಾತಪಚ್ಚಯಸದಿಸಾ.)

೧೩೨. ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. ಸಹಜಾತೋ – ಅವಿತಕ್ಕಅವಿಚಾರೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ¶ ದ್ವಿನ್ನಂ ಖನ್ಧಾನಂ…ಪೇ… ವಿಚಾರೋ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ¶ ಅವಿತಕ್ಕಅವಿಚಾರೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ಖನ್ಧಾ ವತ್ಥುಸ್ಸ ಅತ್ಥಿಪಚ್ಚಯೇನ ಪಚ್ಚಯೋ, ವತ್ಥು ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ; ವಿಚಾರೋ ವತ್ಥುಸ್ಸ ಅತ್ಥಿಪಚ್ಚಯೇನ ಪಚ್ಚಯೋ, ವತ್ಥು ವಿಚಾರಸ್ಸ ಅತ್ಥಿಪಚ್ಚಯೇನ ಪಚ್ಚಯೋ; ಏಕಂ ಮಹಾಭೂತಂ ತಿಣ್ಣನ್ನಂ ಮಹಾಭೂತಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ಮಹಾಭೂತಾ ಚಿತ್ತಸಮುಟ್ಠಾನಾನಂ ರೂಪಾನಂ ಕಟತ್ತಾರೂಪಾನಂ ಉಪಾದಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ; ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ ತಿಣ್ಣನ್ನಂ ಮಹಾಭೂತಾನಂ…ಪೇ… ಮಹಾಭೂತಾ ಕಟತ್ತಾರೂಪಾನಂ ಉಪಾದಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪುರೇಜಾತಂ – ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ¶ ಸದ್ದಂ ಸುಣಾತಿ, ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ ಅತ್ಥಿಪಚ್ಚಯೇನ ಪಚ್ಚಯೋ, ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ವತ್ಥು ಅವಿತಕ್ಕಅವಿಚಾರಾನಂ ಖನ್ಧಾನಂ ವಿಚಾರಸ್ಸ ಚ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಅವಿತಕ್ಕಅವಿಚಾರಾ ಖನ್ಧಾ ಚ ವಿಚಾರೋ ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಕಬಳೀಕಾರೋ ಆಹಾರೋ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ರೂಪಜೀವಿತಿನ್ದ್ರಿಯಂ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕಅವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತಂ – ಪಟಿಸನ್ಧಿಕ್ಖಣೇ ವತ್ಥು ¶ ಸವಿತಕ್ಕಸವಿಚಾರಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪುರೇಜಾತಂ – ಚಕ್ಖುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ…ಪೇ… ದೋಮನಸ್ಸಂ ಉಪ್ಪಜ್ಜತಿ. ಸೋತಂ… ಘಾನಂ… ಜಿವ್ಹಂ… ಕಾಯಂ… ರೂಪೇ… ಸದ್ದೇ… ಗನ್ಧೇ… ರಸೇ… ಫೋಟ್ಠಬ್ಬೇ… ವತ್ಥುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ…ಪೇ… ದೋಮನಸ್ಸಂ ಉಪ್ಪಜ್ಜತಿ. ವತ್ಥು ಸವಿತಕ್ಕಸವಿಚಾರಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೨)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತೋ – ವಿಚಾರೋ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ವಿಚಾರೋ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ವತ್ಥು ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ವಿತಕ್ಕಸ್ಸ ಚ ಅತ್ಥಿಪಚ್ಚಯೇನ ಪಚ್ಚಯೋ. ಪುರೇಜಾತಂ – ಚಕ್ಖುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ¶ ವಿತಕ್ಕೋ ಉಪ್ಪಜ್ಜತಿ. ಸೋತಂ… ಘಾನಂ… ಜಿವ್ಹಂ… ಕಾಯಂ… ರೂಪೇ… ಸದ್ದೇ… ಗನ್ಧೇ… ರಸೇ… ಫೋಟ್ಠಬ್ಬೇ… ವತ್ಥುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ವಿತಕ್ಕೋ ಉಪ್ಪಜ್ಜತಿ. ವತ್ಥು ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ವಿತಕ್ಕಸ್ಸ ಚ ಅತ್ಥಿಪಚ್ಚಯೇನ ಪಚ್ಚಯೋ. (೩)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತೋ – ವಿಚಾರೋ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ¶ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ವಿಚಾರೋ ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ¶ ಕಟತ್ತಾ ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ವತ್ಥು ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ವಿಚಾರಸ್ಸ ಚ ಅತ್ಥಿಪಚ್ಚಯೇನ ಪಚ್ಚಯೋ. ಪುರೇಜಾತಂ – ವತ್ಥು ಅವಿತಕ್ಕವಿಚಾರಮತ್ತಾನಂ ಖನ್ಧಾನಂ ವಿಚಾರಸ್ಸ ಚ ಅತ್ಥಿಪಚ್ಚಯೇನ ಪಚ್ಚಯೋ. (೪)

ಅವಿತಕ್ಕಅವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತಂ – ಪಟಿಸನ್ಧಿಕ್ಖಣೇ ವತ್ಥು ಸವಿತಕ್ಕಸವಿಚಾರಾನಂ ಖನ್ಧಾನಂ ವಿತಕ್ಕಸ್ಸ ಚ ಅತ್ಥಿಪಚ್ಚಯೇನ ಪಚ್ಚಯೋ. ಪುರೇಜಾತಂ – ಚಕ್ಖುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ. ಸೋತಂ… ಘಾನಂ… ಜಿವ್ಹಂ… ಕಾಯಂ…ಪೇ… ವತ್ಥುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಉಪ್ಪಜ್ಜನ್ತಿ. ವತ್ಥು ಸವಿತಕ್ಕಸವಿಚಾರಾನಂ ಖನ್ಧಾನಂ ವಿತಕ್ಕಸ್ಸ ಚ ಅತ್ಥಿಪಚ್ಚಯೇನ ಪಚ್ಚಯೋ. (೫)

೧೩೩. ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತೋ – ಸವಿತಕ್ಕಸವಿಚಾರೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ ವತ್ಥು ಚ ದ್ವಿನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರೋ ¶ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ ವತ್ಥು ಚ ದ್ವಿನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೧)

ಸವಿತಕ್ಕಸವಿಚಾರೋ ¶ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತಾ – ಸವಿತಕ್ಕಸವಿಚಾರಾ ಖನ್ಧಾ ಚ ವತ್ಥು ಚ ವಿತಕ್ಕಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಾ ಖನ್ಧಾ ಚ ವತ್ಥು ಚ ವಿತಕ್ಕಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. (೨)

ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. ಸಹಜಾತಾ – ಸವಿತಕ್ಕಸವಿಚಾರಾ ಖನ್ಧಾ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಾ ಖನ್ಧಾ ಚ ಮಹಾಭೂತಾ ಚ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ ¶ – ಸವಿತಕ್ಕಸವಿಚಾರಾ ಖನ್ಧಾ ಚ ಕಬಳೀಕಾರೋ ಆಹಾರೋ ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಸವಿತಕ್ಕಸವಿಚಾರಾ ಖನ್ಧಾ ಚ ರೂಪಜೀವಿತಿನ್ದ್ರಿಯಞ್ಚ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೩)

ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತೋ – ಸವಿತಕ್ಕಸವಿಚಾರೋ ಏಕೋ ಖನ್ಧೋ ¶ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ವಿತಕ್ಕಸ್ಸ ಚ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ ವತ್ಥು ಚ ದ್ವಿನ್ನಂ ಖನ್ಧಾನಂ ವಿತಕ್ಕಸ್ಸ ಚ ಅತ್ಥಿಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೪)

೧೩೪. ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತೋ – ವಿತಕ್ಕೋ ಚ ವತ್ಥು ಚ ಸವಿತಕ್ಕಸವಿಚಾರಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ವಿತಕ್ಕೋ ಚ ವತ್ಥು ಚ ಸವಿತಕ್ಕಸವಿಚಾರಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತೋ – ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ಚ ವಿಚಾರೋ ಚ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ ವಿಚಾರೋ ಚ ದ್ವಿನ್ನಂ ಖನ್ಧಾನಂ… ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ ವತ್ಥು ಚ ದ್ವಿನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ಚ ವಿಚಾರೋ ಚ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ¶ ಪಚ್ಚಯೋ…ಪೇ… ದ್ವೇ ಖನ್ಧಾ ಚ ವಿಚಾರೋ ಚ ದ್ವಿನ್ನಂ ಖನ್ಧಾನಂ…ಪೇ… ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ…ಪೇ… ದ್ವೇ ಖನ್ಧಾ ಚ ವತ್ಥು ಚ ದ್ವಿನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೨)

ಅವಿತಕ್ಕವಿಚಾರಮತ್ತೋ ¶ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. ಸಹಜಾತಾ – ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿಚಾರೋ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಸಹಜಾತಾ ¶ – ಅವಿತಕ್ಕವಿಚಾರಮತ್ತಾ ಖನ್ಧಾ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಸಹಜಾತೋ – ವಿತಕ್ಕೋ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಸಹಜಾತಾ – ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವತ್ಥು ಚ ವಿಚಾರಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿಚಾರೋ ಚ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಾ ಖನ್ಧಾ ಚ ಮಹಾಭೂತಾ ಚ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ವಿತಕ್ಕೋ ಚ ಮಹಾಭೂತಾ ಚ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವತ್ಥು ಚ ವಿಚಾರಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿಚಾರೋ ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿತಕ್ಕೋ ಚ ಕಬಳೀಕಾರೋ ಆಹಾರೋ ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಅವಿತಕ್ಕವಿಚಾರಮತ್ತಾ ಖನ್ಧಾ ಚ ವಿತಕ್ಕೋ ಚ ರೂಪಜೀವಿತಿನ್ದ್ರಿಯಞ್ಚ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೩)

ಅವಿತಕ್ಕವಿಚಾರಮತ್ತೋ ¶ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತೋ – ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ಚ ವಿಚಾರೋ ಚ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ ವಿಚಾರೋ ಚ…ಪೇ… ಅವಿತಕ್ಕವಿಚಾರಮತ್ತೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ವಿಚಾರಸ್ಸ ಚ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ ವತ್ಥು ಚ…ಪೇ… ಪಟಿಸನ್ಧಿಕ್ಖಣೇ…ಪೇ…. (೪)

೧೩೫. ಸವಿತಕ್ಕಸವಿಚಾರೋ ¶ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರೋ ಏಕೋ ಖನ್ಧೋ ಚ ವಿತಕ್ಕೋ ಚ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ ವಿತಕ್ಕೋ ಚ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ. ಸಹಜಾತಾ – ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ¶ ಚ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. (೨)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ¶ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸವಿತಕ್ಕಸವಿಚಾರೋ ಏಕೋ ಖನ್ಧೋ ಚ ವಿತಕ್ಕೋ ಚ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ ವಿತಕ್ಕೋ ಚ ದ್ವಿನ್ನಂ ಖನ್ಧಾನಂ…ಪೇ… ಪಟಿಸನ್ಧಿಕ್ಖಣೇ…ಪೇ…. (೩)

೧೩೬. ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತೋ – ಸವಿತಕ್ಕಸವಿಚಾರೋ ಏಕೋ ಖನ್ಧೋ ಚ ವಿತಕ್ಕೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. ಸಹಜಾತಾ – ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. ಪಚ್ಛಾಜಾತಾ – ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ಕಬಳೀಕಾರೋ ಆಹಾರೋ ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ¶ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಸವಿತಕ್ಕಸವಿಚಾರಾ ಖನ್ಧಾ ಚ ವಿತಕ್ಕೋ ಚ ರೂಪಜೀವಿತಿನ್ದ್ರಿಯಞ್ಚ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೨)

ನತ್ಥಿವಿಗತಾವಿಗತಪಚ್ಚಯಾ

೧೩೭. ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ನತ್ಥಿಪಚ್ಚಯೇನ ಪಚ್ಚಯೋ… ವಿಗತಪಚ್ಚಯೇನ ಪಚ್ಚಯೋ.

(ನತ್ಥಿಪಚ್ಚಯಞ್ಚ ¶ ವಿಗತಪಚ್ಚಯಞ್ಚ ಅನನ್ತರಸದಿಸಂ, ಅವಿಗತಂ ಅತ್ಥಿಸದಿಸಂ.)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೧೩೮. ಹೇತುಯಾ ¶ ಏಕಾದಸ, ಆರಮ್ಮಣೇ ಏಕವೀಸ, ಅಧಿಪತಿಯಾ ತೇವೀಸ, ಅನನ್ತರೇ ಪಞ್ಚವೀಸ, ಸಮನನ್ತರೇ ಪಞ್ಚವೀಸ, ಸಹಜಾತೇ ತಿಂಸ, ಅಞ್ಞಮಞ್ಞೇ ಅಟ್ಠವೀಸ, ನಿಸ್ಸಯೇ ತಿಂಸ, ಉಪನಿಸ್ಸಯೇ ಪಞ್ಚವೀಸ, ಪುರೇಜಾತೇ ಪಞ್ಚ, ಪಚ್ಛಾಜಾತೇ ಪಞ್ಚ, ಆಸೇವನೇ ಏಕವೀಸ, ಕಮ್ಮೇ ಏಕಾದಸ, ವಿಪಾಕೇ ಏಕವೀಸ, ಆಹಾರೇ ಏಕಾದಸ, ಇನ್ದ್ರಿಯೇ ಏಕಾದಸ, ಝಾನೇ ಏಕವೀಸ, ಮಗ್ಗೇ ಸೋಳಸ, ಸಮ್ಪಯುತ್ತೇ ಏಕಾದಸ, ವಿಪ್ಪಯುತ್ತೇ ನವ, ಅತ್ಥಿಯಾ ತಿಂಸ, ನತ್ಥಿಯಾ ಪಞ್ಚವೀಸ, ವಿಗತೇ ಪಞ್ಚವೀಸ, ಅವಿಗತೇ ತಿಂಸ.

(ಘಟನಾ ಕುಸಲತ್ತಿಕಸದಿಸಾಯೇವ. ಪಞ್ಹಾವಾರಗಣನಂ ಏವಂ ಅಸಮ್ಮೋಹನ್ತೇನ ಗಣೇತಬ್ಬಂ.)

ಅನುಲೋಮಂ.

ಪಚ್ಚನೀಯುದ್ಧಾರೋ

೧೩೯. ಸವಿತಕ್ಕಸವಿಚಾರೋ ¶ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೧)

ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೨)

ಸವಿತಕ್ಕಸವಿಚಾರೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ¶ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೩)

ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೪)

ಸವಿತಕ್ಕಸವಿಚಾರೋ ¶ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೫)

ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೬)

ಸವಿತಕ್ಕಸವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೭)

೧೪೦. ಅವಿತಕ್ಕವಿಚಾರಮತ್ತೋ ¶ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕವಿಚಾರಮತ್ತೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ¶ ಪಚ್ಚಯೋ. (೨)

ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೩)

ಅವಿತಕ್ಕವಿಚಾರಮತ್ತೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ. (೪)

ಅವಿತಕ್ಕವಿಚಾರಮತ್ತೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೫)

ಅವಿತಕ್ಕವಿಚಾರಮತ್ತೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೬)

೧೪೧. ಅವಿತಕ್ಕಅವಿಚಾರೋ ¶ ಧಮ್ಮೋ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕಅವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ¶ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ. (೨)

ಅವಿತಕ್ಕಅವಿಚಾರೋ ¶ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ. (೩)

ಅವಿತಕ್ಕಅವಿಚಾರೋ ಧಮ್ಮೋ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ. (೪)

ಅವಿತಕ್ಕಅವಿಚಾರೋ ಧಮ್ಮೋ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ. (೫)

೧೪೨. ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಸಹಜಾತಂ… ಪುರೇಜಾತಂ. (೧)

ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಸಹಜಾತಂ… ಪುರೇಜಾತಂ. (೨)

ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಸಹಜಾತಂ… ಪಚ್ಛಾಜಾತಂ… ಆಹಾರಂ… ಇನ್ದ್ರಿಯಂ. (೩)

ಸವಿತಕ್ಕಸವಿಚಾರೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಸಹಜಾತಂ… ಪುರೇಜಾತಂ ¶ . (೪)

೧೪೩. ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ. (೧)

ಅವಿತಕ್ಕವಿಚಾರಮತ್ತೋ ¶ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ¶ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ. (೨)

ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ. (೩)

ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ. (೪)

ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ¶ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೫)

೧೪೪. ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೩)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ. (೪)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಅವಿತಕ್ಕವಿಚಾರಮತ್ತಸ್ಸ ಚ ಅವಿತಕ್ಕಅವಿಚಾರಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೫)

ಸವಿತಕ್ಕಸವಿಚಾರೋ ¶ ¶ ಚ ಅವಿತಕ್ಕವಿಚಾರಮತ್ತೋ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಚ ಅವಿತಕ್ಕವಿಚಾರಮತ್ತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೬)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ¶ ಚ ಧಮ್ಮಾ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಸಹಜಾತಂ… ಪುರೇಜಾತಂ. (೧)

ಸವಿತಕ್ಕಸವಿಚಾರೋ ಚ ಅವಿತಕ್ಕವಿಚಾರಮತ್ತೋ ಚ ಅವಿತಕ್ಕಅವಿಚಾರೋ ಚ ಧಮ್ಮಾ ಅವಿತಕ್ಕಅವಿಚಾರಸ್ಸ ಧಮ್ಮಸ್ಸ ಸಹಜಾತಂ… ಪಚ್ಛಾಜಾತಂ… ಆಹಾರಂ… ಇನ್ದ್ರಿಯಂ. (೨)

ಪಚ್ಚನೀಯುದ್ಧಾರೋ.

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

ಸುದ್ಧಂ

೧೪೫. ನಹೇತುಯಾ ಪಞ್ಚತಿಂಸ, ನಆರಮ್ಮಣೇ ಪಞ್ಚತಿಂಸ, ನಅಧಿಪತಿಯಾ ಪಞ್ಚತಿಂಸ, ನಅನನ್ತರೇ ಪಞ್ಚತಿಂಸ, ನಸಮನನ್ತರೇ ಪಞ್ಚತಿಂಸ, ನಸಹಜಾತೇ ಏಕೂನತಿಂಸ, ನಅಞ್ಞಮಞ್ಞೇ ಏಕೂನತಿಂಸ, ನನಿಸ್ಸಯೇ ಏಕೂನತಿಂಸ, ನಉಪನಿಸ್ಸಯೇ ಚತುತ್ತಿಂಸ, ನಪುರೇಜಾತೇ ಪಞ್ಚತಿಂಸ, ನಪಚ್ಛಾಜಾತೇ ನಆಸೇವನೇ ನಕಮ್ಮೇ ನವಿಪಾಕೇ ನಆಹಾರೇ ನಇನ್ದ್ರಿಯೇ ನಝಾನೇ ನಮಗ್ಗೇ ಪಞ್ಚತಿಂಸ, ನಸಮ್ಪಯುತ್ತೇ ಏಕೂನತಿಂಸ, ನವಿಪ್ಪಯುತ್ತೇ ಸತ್ತವೀಸ, ನೋಅತ್ಥಿಯಾ ಸತ್ತವೀಸ, ನೋನತ್ಥಿಯಾ ಪಞ್ಚತಿಂಸ, ನೋವಿಗತೇ ಪಞ್ಚತಿಂಸ, ನೋಅವಿಗತೇ ಸತ್ತವೀಸ.

(ಪಚ್ಚನೀಯಂ ಗಣೇನ್ತೇನ ಇಮಾನಿ ಪದಾನಿ ಅನುಮಜ್ಜನ್ತೇನ ಗಣೇತಬ್ಬಾನಿ.)

ಪಚ್ಚನೀಯಂ.

೩. ಪಚ್ಚಯಾನುಲೋಮಪಚ್ಚನೀಯಂ

ಹೇತುದುಕಂ

೧೪೬. ಹೇತುಪಚ್ಚಯಾ ¶ ನಆರಮ್ಮಣೇ ಏಕಾದಸ, ನಅಧಿಪತಿಯಾ ಏಕಾದಸ, ನಅನನ್ತರೇ ನಸಮನನ್ತರೇ ಏಕಾದಸ, ನಅಞ್ಞಮಞ್ಞೇ ತೀಣಿ, ನಉಪನಿಸ್ಸಯೇ ಏಕಾದಸ, ನಪುರೇಜಾತೇ ನಪಚ್ಛಾಜಾತೇ ನಆಸೇವನೇ ನಕಮ್ಮೇ ನವಿಪಾಕೇ ನಆಹಾರೇ ¶ ನಇನ್ದ್ರಿಯೇ ನಝಾನೇ ನಮಗ್ಗೇ ಸಬ್ಬೇ ಏಕಾದಸ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ಸತ್ತ, ನೋನತ್ಥಿಯಾ ಏಕಾದಸ, ನೋವಿಗತೇ ಏಕಾದಸ ¶ .

(ಅನುಲೋಮಪಚ್ಚನೀಯಗಣನಾ ಇಮಿನಾ ಕಾರಣೇನ ಗಣೇತಬ್ಬಾ.)

ಅನುಲೋಮಪಚ್ಚನೀಯಂ.

೪. ಪಚ್ಚಯಪಚ್ಚನೀಯಾನುಲೋಮಂ

ನಹೇತುದುಕಂ

೧೪೭. ನಹೇತುಪಚ್ಚಯಾ ಆರಮ್ಮಣೇ ಏಕವೀಸ, ಅಧಿಪತಿಯಾ ತೇವೀಸ, ಅನನ್ತರೇ ಪಞ್ಚವೀಸ, ಸಮನನ್ತರೇ ಪಞ್ಚವೀಸ, ಸಹಜಾತೇ ತಿಂಸ, ಅಞ್ಞಮಞ್ಞೇ ಅಟ್ಠವೀಸ, ನಿಸ್ಸಯೇ ತಿಂಸ, ಉಪನಿಸ್ಸಯೇ ಪಞ್ಚವೀಸ, ಪುರೇಜಾತೇ ಪಞ್ಚ, ಪಚ್ಛಾಜಾತೇ ಪಞ್ಚ, ಆಸೇವನೇ ಏಕವೀಸ, ಕಮ್ಮೇ ಏಕಾದಸ, ವಿಪಾಕೇ ಏಕವೀಸ, ಆಹಾರೇ ಏಕಾದಸ, ಇನ್ದ್ರಿಯೇ ಏಕಾದಸ, ಝಾನೇ ಏಕವೀಸ, ಮಗ್ಗೇ ಸೋಳಸ, ಸಮ್ಪಯುತ್ತೇ ಏಕಾದಸ, ವಿಪ್ಪಯುತ್ತೇ ನವ, ಅತ್ಥಿಯಾ ತಿಂಸ, ನತ್ಥಿಯಾ ಪಞ್ಚವೀಸ, ವಿಗತೇ ಪಞ್ಚವೀಸ, ಅವಿಗತೇ ತಿಂಸ.

(ಪಚ್ಚನೀಯಾನುಲೋಮಂ ಇಮಿನಾ ಕಾರಣೇನ ವಿಭಜಿತಬ್ಬಂ.)

ಪಚ್ಚನೀಯಾನುಲೋಮಂ.

ವಿತಕ್ಕತ್ತಿಕಂ ನಿಟ್ಠಿತಂ.

೭. ಪೀತಿತ್ತಿಕಂ

೧. ಪಟಿಚ್ಚವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧. ಪೀತಿಸಹಗತಂ ¶ ¶ ¶ ಧಮ್ಮಂ ಪಟಿಚ್ಚ ಪೀತಿಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪೀತಿಸಹಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ, ತಯೋ ಖನ್ಧೇ ಪಟಿಚ್ಚ ಏಕೋ ಖನ್ಧೋ, ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. ಪಟಿಸನ್ಧಿಕ್ಖಣೇ ಪೀತಿಸಹಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. (೧)

ಪೀತಿಸಹಗತಂ ಧಮ್ಮಂ ಪಟಿಚ್ಚ ಸುಖಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪೀತಿಸಹಗತಂ ಏಕಂ ಖನ್ಧಂ ಪಟಿಚ್ಚ ಸುಖಸಹಗತಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. ಪಟಿಸನ್ಧಿಕ್ಖಣೇ ಪೀತಿಸಹಗತಂ ಏಕಂ ಖನ್ಧಂ ಪಟಿಚ್ಚ ಸುಖಸಹಗತಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. (೨)

ಪೀತಿಸಹಗತಂ ಧಮ್ಮಂ ಪಟಿಚ್ಚ ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಪೀತಿಸಹಗತಂ ಏಕಂ ಖನ್ಧಂ ಪಟಿಚ್ಚ ಪೀತಿಸಹಗತಾ ಚ ಸುಖಸಹಗತಾ ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. ಪಟಿಸನ್ಧಿಕ್ಖಣೇ ಪೀತಿಸಹಗತಂ ಏಕಂ ಖನ್ಧಂ ಪಟಿಚ್ಚ ಪೀತಿಸಹಗತಾ ಚ ಸುಖಸಹಗತಾ ಚ ತಯೋ ಖನ್ಧಾ ¶ …ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. (೩)

೨. ಸುಖಸಹಗತಂ ಧಮ್ಮಂ ಪಟಿಚ್ಚ ಸುಖಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸುಖಸಹಗತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ ¶ ಪಟಿಚ್ಚ ಏಕೋ ಖನ್ಧೋ. ಪಟಿಸನ್ಧಿಕ್ಖಣೇ ಸುಖಸಹಗತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ. (೧)

ಸುಖಸಹಗತಂ ಧಮ್ಮಂ ಪಟಿಚ್ಚ ಪೀತಿಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸುಖಸಹಗತಂ ಏಕಂ ಖನ್ಧಂ ಪಟಿಚ್ಚ ಪೀತಿಸಹಗತಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. ಪಟಿಸನ್ಧಿಕ್ಖಣೇ ಸುಖಸಹಗತಂ ಏಕಂ ಖನ್ಧಂ ಪಟಿಚ್ಚ ಪೀತಿಸಹಗತಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. (೨)

ಸುಖಸಹಗತಂ ಧಮ್ಮಂ ಪಟಿಚ್ಚ ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಸುಖಸಹಗತಂ ಏಕಂ ಖನ್ಧಂ ಪಟಿಚ್ಚ ಪೀತಿಸಹಗತಾ ಚ ಸುಖಸಹಗತಾ ಚ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ. ಪಟಿಸನ್ಧಿಕ್ಖಣೇ ಸುಖಸಹಗತಂ ¶ ಏಕಂ ಖನ್ಧಂ ಪಟಿಚ್ಚ ಪೀತಿಸಹಗತಾ ಚ ಸುಖಸಹಗತಾ ಚ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ. (೩)

೩. ಉಪೇಕ್ಖಾಸಹಗತಂ ಧಮ್ಮಂ ಪಟಿಚ್ಚ ಉಪೇಕ್ಖಾಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉಪೇಕ್ಖಾಸಹಗತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ. ಪಟಿಸನ್ಧಿಕ್ಖಣೇ…ಪೇ…. (೧)

ಪೀತಿಸಹಗತಞ್ಚ ಸುಖಸಹಗತಞ್ಚ ಧಮ್ಮಂ ಪಟಿಚ್ಚ ಪೀತಿಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪೀತಿಸಹಗತಞ್ಚ ಸುಖಸಹಗತಞ್ಚ ಏಕಂ ಖನ್ಧಂ ಪಟಿಚ್ಚ ಪೀತಿಸಹಗತಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. ಪಟಿಸನ್ಧಿಕ್ಖಣೇ ಪೀತಿಸಹಗತಞ್ಚ ಸುಖಸಹಗತಞ್ಚ ಏಕಂ ಖನ್ಧಂ ಪಟಿಚ್ಚ ಪೀತಿಸಹಗತಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. (೧)

ಪೀತಿಸಹಗತಞ್ಚ ಸುಖಸಹಗತಞ್ಚ ಧಮ್ಮಂ ಪಟಿಚ್ಚ ಸುಖಸಹಗತೋ ಧಮ್ಮೋ ಉಪ್ಪಜ್ಜತಿ ¶ ಹೇತುಪಚ್ಚಯಾ – ಪೀತಿಸಹಗತಞ್ಚ ಸುಖಸಹಗತಞ್ಚ ಏಕಂ ಖನ್ಧಂ ಪಟಿಚ್ಚ ಸುಖಸಹಗತಾ ದ್ವೇ ಖನ್ಧಾ, ದ್ವೇ ಖನ್ಧೇ ¶ ಪಟಿಚ್ಚ ಏಕೋ ಖನ್ಧೋ. ಪಟಿಸನ್ಧಿಕ್ಖಣೇ ಪೀತಿಸಹಗತಞ್ಚ ಸುಖಸಹಗತಞ್ಚ ಏಕಂ ಖನ್ಧಂ ಪಟಿಚ್ಚ ಸುಖಸಹಗತಾ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ. (೨)

ಪೀತಿಸಹಗತಞ್ಚ ಸುಖಸಹಗತಞ್ಚ ಧಮ್ಮಂ ಪಟಿಚ್ಚ ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಪೀತಿಸಹಗತಞ್ಚ ಸುಖಸಹಗತಞ್ಚ ಏಕಂ ಖನ್ಧಂ ಪಟಿಚ್ಚ ಪೀತಿಸಹಗತಾ ಚ ಸುಖಸಹಗತಾ ಚ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ. ಪಟಿಸನ್ಧಿಕ್ಖಣೇ ಪೀತಿಸಹಗತಞ್ಚ ಸುಖಸಹಗತಞ್ಚ ಏಕಂ ಖನ್ಧಂ ಪಟಿಚ್ಚ ಪೀತಿಸಹಗತಾ ಚ ಸುಖಸಹಗತಾ ಚ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ. (೩)

ಆರಮ್ಮಣಪಚ್ಚಯಾದಿ

೪. ಪೀತಿಸಹಗತಂ ಧಮ್ಮಂ ಪಟಿಚ್ಚ ಪೀತಿಸಹಗತೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ… ಅಧಿಪತಿಪಚ್ಚಯಾ… (ಪಟಿಸನ್ಧಿಕ್ಖಣೇ ನತ್ಥಿ) ಅನನ್ತರಪಚ್ಚಯಾ… ಸಮನನ್ತರಪಚ್ಚಯಾ… ಸಹಜಾತಪಚ್ಚಯಾ… ಅಞ್ಞಮಞ್ಞಪಚ್ಚಯಾ… ನಿಸ್ಸಯಪಚ್ಚಯಾ… ಉಪನಿಸ್ಸಯಪಚ್ಚಯಾ… ಪುರೇಜಾತಪಚ್ಚಯಾ… (ಪುರೇಜಾತೇ ಪಟಿಸನ್ಧಿಕ್ಖಣೇ ನತ್ಥಿ) ಆಸೇವನಪಚ್ಚಯಾ… (ಆಸೇವನೇ ವಿಪಾಕಂ ನತ್ಥಿ) ಕಮ್ಮಪಚ್ಚಯಾ… ವಿಪಾಕಪಚ್ಚಯಾ… ಆಹಾರ…ಪೇ… ಇನ್ದ್ರಿಯ… ಝಾನ… ಮಗ್ಗ… ಸಮ್ಪಯುತ್ತ… ವಿಪ್ಪಯುತ್ತ… ಅತ್ಥಿ… ನತ್ಥಿ… ವಿಗತ… ಅವಿಗತಪಚ್ಚಯಾ.

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೫. ಹೇತುಯಾ ¶ ¶ ದಸ, ಆರಮ್ಮಣೇ ದಸ, ಅಧಿಪತಿಯಾ ದಸ, ಅನನ್ತರೇ ಸಮನನ್ತರೇ ಸಹಜಾತೇ ಅಞ್ಞಮಞ್ಞೇ ನಿಸ್ಸಯೇ ಉಪನಿಸ್ಸಯೇ ಪುರೇಜಾತೇ ಆಸೇವನೇ ಕಮ್ಮೇ ವಿಪಾಕೇ ಆಹಾರೇ ಇನ್ದ್ರಿಯೇ ಝಾನೇ ಮಗ್ಗೇ ಸಮ್ಪಯುತ್ತೇ ವಿಪ್ಪಯುತ್ತೇ ಅತ್ಥಿಯಾ ನತ್ಥಿಯಾ ವಿಗತೇ ಅವಿಗತೇ ಸಬ್ಬತ್ಥ ದಸ.

(ಏವಂ ಅನುಲೋಮಗಣನಾ ಗಣೇತಬ್ಬಾ.)

ಅನುಲೋಮಂ.

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೬. ಪೀತಿಸಹಗತಂ ¶ ಧಮ್ಮಂ ಪಟಿಚ್ಚ ಪೀತಿಸಹಗತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಪೀತಿಸಹಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. (೧)

ಪೀತಿಸಹಗತಂ ಧಮ್ಮಂ ಪಟಿಚ್ಚ ಸುಖಸಹಗತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಪೀತಿಸಹಗತಂ ಏಕಂ ಖನ್ಧಂ ಪಟಿಚ್ಚ ಸುಖಸಹಗತಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. (೨)

ಪೀತಿಸಹಗತಂ ಧಮ್ಮಂ ಪಟಿಚ್ಚ ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಂ ಪೀತಿಸಹಗತಂ ಏಕಂ ಖನ್ಧಂ ಪಟಿಚ್ಚ ಪೀತಿಸಹಗತಾ ಚ ಸುಖಸಹಗತಾ ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. (೩)

೭. ಸುಖಸಹಗತಂ ಧಮ್ಮಂ ಪಟಿಚ್ಚ ಸುಖಸಹಗತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಸುಖಸಹಗತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ. (೧)

ಸುಖಸಹಗತಂ ಧಮ್ಮಂ ಪಟಿಚ್ಚ ಪೀತಿಸಹಗತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಸುಖಸಹಗತಂ ಏಕಂ ಖನ್ಧಂ ಪಟಿಚ್ಚ ಪೀತಿಸಹಗತಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ¶ ಖನ್ಧಾ. (೨)

ಸುಖಸಹಗತಂ ¶ ಧಮ್ಮಂ ಪಟಿಚ್ಚ ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಂ ಸುಖಸಹಗತಂ ಏಕಂ ಖನ್ಧಂ ಪಟಿಚ್ಚ ಪೀತಿಸಹಗತಾ ಚ ಸುಖಸಹಗತಾ ಚ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ. (೩)

೮. ಉಪೇಕ್ಖಾಸಹಗತಂ ಧಮ್ಮಂ ಪಟಿಚ್ಚ ಉಪೇಕ್ಖಾಸಹಗತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ¶ ಉಪೇಕ್ಖಾಸಹಗತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ. ಅಹೇತುಕಪಟಿಸನ್ಧಿಕ್ಖಣೇ ಉಪೇಕ್ಖಾಸಹಗತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ. ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೧)

೯. ಪೀತಿಸಹಗತಞ್ಚ ಸುಖಸಹಗತಞ್ಚ ಧಮ್ಮಂ ಪಟಿಚ್ಚ ಪೀತಿಸಹಗತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಪೀತಿಸಹಗತಞ್ಚ ಸುಖಸಹಗತಞ್ಚ ಏಕಂ ಖನ್ಧಂ ಪಟಿಚ್ಚ ಪೀತಿಸಹಗತಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. (೧)

ಪೀತಿಸಹಗತಞ್ಚ ಸುಖಸಹಗತಞ್ಚ ಧಮ್ಮಂ ಪಟಿಚ್ಚ ಸುಖಸಹಗತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಪೀತಿಸಹಗತಞ್ಚ ಸುಖಸಹಗತಞ್ಚ ಏಕಂ ಖನ್ಧಂ ಪಟಿಚ್ಚ ಸುಖಸಹಗತಾ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ. (೨)

ಪೀತಿಸಹಗತಞ್ಚ ಸುಖಸಹಗತಞ್ಚ ಧಮ್ಮಂ ಪಟಿಚ್ಚ ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಂ ಪೀತಿಸಹಗತಞ್ಚ ಸುಖಸಹಗತಞ್ಚ ಏಕಂ ಖನ್ಧಂ ಪಟಿಚ್ಚ ಪೀತಿಸಹಗತಾ ಚ ಸುಖಸಹಗತಾ ಚ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ¶ ಏಕೋ ಖನ್ಧೋ. (೩)

ನಅಧಿಪತಿ-ನಆಸೇವನಪಚ್ಚಯಾ

೧೦. ಪೀತಿಸಹಗತಂ ಧಮ್ಮಂ ಪಟಿಚ್ಚ ಪೀತಿಸಹಗತೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ (ನಅಧಿಪತಿಪಟಿಸನ್ಧಿಕ್ಖಣೇ ಪರಿಪುಣ್ಣಂ)… ನಪುರೇಜಾತಪಚ್ಚಯಾ… (‘‘ಅರೂಪೇ’’ತಿ ನಿಯಾಮೇತಬ್ಬಂ ‘‘ಪಟಿಸನ್ಧಿಕ್ಖಣೇ’’ತಿ ಚ) ನಪಚ್ಛಾಜಾತಪಚ್ಚಯಾ… ನಆಸೇವನಪಚ್ಚಯಾ.

ನಕಮ್ಮಪಚ್ಚಯೋ

೧೧. ಪೀತಿಸಹಗತಂ ಧಮ್ಮಂ ಪಟಿಚ್ಚ ಪೀತಿಸಹಗತೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಪೀತಿಸಹಗತೇ ಖನ್ಧೇ ಪಟಿಚ್ಚ ಪೀತಿಸಹಗತಾ ಚೇತನಾ.

ಪೀತಿಸಹಗತಂ ¶ ¶ ಧಮ್ಮಂ ಪಟಿಚ್ಚ ಸುಖಸಹಗತೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಪೀತಿಸಹಗತೇ ಖನ್ಧೇ ಪಟಿಚ್ಚ ಸುಖಸಹಗತಾ ಚೇತನಾ.

(ಇಮಿನಾ ಕಾರಣೇನ ದಸ ಪಞ್ಹಾ ವಿತ್ಥಾರೇತಬ್ಬಾ.)

ನವಿಪಾಕಪಚ್ಚಯೋ

೧೨. ಪೀತಿಸಹಗತಂ ಧಮ್ಮಂ ಪಟಿಚ್ಚ ಪೀತಿಸಹಗತೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ…ಪೇ… (ಪರಿಪುಣ್ಣಂ, ಪಟಿಸನ್ಧಿ ನತ್ಥಿ).

ನಝಾನಪಚ್ಚಯಾದಿ

೧೩. ಸುಖಸಹಗತಂ ಧಮ್ಮಂ ಪಟಿಚ್ಚ ಸುಖಸಹಗತೋ ಧಮ್ಮೋ ಉಪ್ಪಜ್ಜತಿ ನಝಾನಪಚ್ಚಯಾ – ಸುಖಸಹಗತಂ ಕಾಯವಿಞ್ಞಾಣಸಹಗತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ. (೧)

ಉಪೇಕ್ಖಾಸಹಗತಂ ಧಮ್ಮಂ ಪಟಿಚ್ಚ ಉಪೇಕ್ಖಾಸಹಗತೋ ಧಮ್ಮೋ ಉಪ್ಪಜ್ಜತಿ ನಝಾನಪಚ್ಚಯಾ – ಚತುವಿಞ್ಞಾಣಸಹಗತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ. (೧)

(ನಮಗ್ಗಪಚ್ಚಯಾ ನಹೇತುಪಚ್ಚಯಸದಿಸಂ. ಮೋಹೋ ನತ್ಥಿ. ನವಿಪ್ಪಯುತ್ತಪಚ್ಚಯಾ ಪರಿಪುಣ್ಣಂ ಅರೂಪಪಞ್ಹಮೇವ.)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

ಸುದ್ಧಂ

೧೪. ನಹೇತುಯಾ ¶ ¶ ದಸ, ನಅಧಿಪತಿಯಾ ದಸ, ನಪುರೇಜಾತೇ ನಪಚ್ಛಾಜಾತೇ ನಆಸೇವನೇ ನಕಮ್ಮೇ ನವಿಪಾಕೇ ದಸ, ನಝಾನೇ ದ್ವೇ, ನಮಗ್ಗೇ ದಸ, ನವಿಪ್ಪಯುತ್ತೇ ದಸ (ಪಚ್ಚನೀಯಂ ಪರಿಪುಣ್ಣಂ ಕಾತಬ್ಬಂ).

ಪಚ್ಚನೀಯಂ.

೩. ಪಚ್ಚಯಾನುಲೋಮಪಚ್ಚನೀಯಂ

ದುಕಂ

೧೫. ಹೇತುಪಚ್ಚಯಾ ¶ ನಅಧಿಪತಿಯಾ ದಸ, ನಪುರೇಜಾತೇ ದಸ, ನಪಚ್ಛಾಜಾತೇ ನಆಸೇವನೇ ನಕಮ್ಮೇ ನವಿಪಾಕೇ ನವಿಪ್ಪಯುತ್ತೇ ದಸ.

(ಅನುಲೋಮಪಚ್ಚನೀಯಂ ವಿತ್ಥಾರೇನ ಗಣೇತಬ್ಬಂ.)

ಅನುಲೋಮಪಚ್ಚನೀಯಂ.

೪. ಪಚ್ಚಯಪಚ್ಚನೀಯಾನುಲೋಮಂ

ದುಕಂ

೧೬. ನಹೇತುಪಚ್ಚಯಾ ಆರಮ್ಮಣೇ ದಸ, ಅನನ್ತರೇ ದಸ, ಸಮನನ್ತರೇ ದಸ, ಸಹಜಾತೇ ಅಞ್ಞಮಞ್ಞೇ ನಿಸ್ಸಯೇ ¶ ಉಪನಿಸ್ಸಯೇ ಪುರೇಜಾತೇ ಆಸೇವನೇ ಕಮ್ಮೇ ವಿಪಾಕೇ ಆಹಾರೇ ಇನ್ದ್ರಿಯೇ ಝಾನೇ ಸಬ್ಬೇ ದಸ, ಮಗ್ಗೇ ಏಕಂ, ಸಮ್ಪಯುತ್ತೇ ದಸ, ವಿಪ್ಪಯುತ್ತೇ ಅತ್ಥಿಯಾ ನತ್ಥಿಯಾ ವಿಗತೇ ಅವಿಗತೇ ಸಬ್ಬೇ ದಸ.

ಪಚ್ಚನೀಯಾನುಲೋಮಂ.

ಪಟಿಚ್ಚವಾರೋ.

೨-೬. ಸಹಜಾತ-ಪಚ್ಚಯ-ನಿಸ್ಸಯ-ಸಂಸಟ್ಠ-ಸಮ್ಪಯುತ್ತವಾರೋ

(ಸಹಜಾತವಾರೋಪಿ ಪಚ್ಚಯವಾರೋಪಿ ನಿಸ್ಸಯವಾರೋಪಿ ಸಂಸಟ್ಠವಾರೋಪಿ ಸಮ್ಪಯುತ್ತವಾರೋಪಿ ಪಟಿಚ್ಚವಾರಸದಿಸಾ.)

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧೭. ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಪೀತಿಸಹಗತಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಪೀತಿಸಹಗತಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ¶ ಪಚ್ಚಯೋ. (೧)

ಪೀತಿಸಹಗತೋ ¶ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಪೀತಿಸಹಗತಾ ಹೇತೂ ಸಮ್ಪಯುತ್ತಕಾನಂ ಸುಖಸಹಗತಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೨)

ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ ¶ – ಪೀತಿಸಹಗತಾ ಹೇತೂ ಸಮ್ಪಯುತ್ತಕಾನಂ ಪೀತಿಸಹಗತಾನಞ್ಚ ಸುಖಸಹಗತಾನಞ್ಚ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೩)

೧೮. ಸುಖಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ…ಪೇ… ಪೀತಿಸಹಗತಸ್ಸ ಧಮ್ಮಸ್ಸ…ಪೇ… ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ…ಪೇ… (ಸುಖಮೂಲೇ ತೀಣಿ).

ಉಪೇಕ್ಖಾಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಉಪೇಕ್ಖಾಸಹಗತಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೧)

ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಪೀತಿಸಹಗತಸ್ಸ ಧಮ್ಮಸ್ಸ…ಪೇ… ಸುಖಸಹಗತಸ್ಸ ಧಮ್ಮಸ್ಸ…ಪೇ… ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಪೀತಿಸಹಗತಾ ಚ ಸುಖಸಹಗತಾ ಚ ಹೇತೂ ಸಮ್ಪಯುತ್ತಕಾನಂ ಪೀತಿಸಹಗತಾನಞ್ಚ ಸುಖಸಹಗತಾನಞ್ಚ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೨)

ಆರಮ್ಮಣಪಚ್ಚಯೋ

೧೯. ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ¶ ಪಚ್ಚಯೋ – ಪೀತಿಸಹಗತೇನ ಚಿತ್ತೇನ ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಪೀತಿಸಹಗತೇನ ಚಿತ್ತೇನ ಪಚ್ಚವೇಕ್ಖತಿ, ಪೀತಿಸಹಗತಾ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ, ಫಲಾ ವುಟ್ಠಹಿತ್ವಾ ತಂ ಪೀತಿಸಹಗತೇನ ಚಿತ್ತೇನ ಪಚ್ಚವೇಕ್ಖತಿ. ಅರಿಯಾ ಪೀತಿಸಹಗತೇನ ಚಿತ್ತೇನ ಪೀತಿಸಹಗತೇ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ ಪಚ್ಚವೇಕ್ಖನ್ತಿ, ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ ಜಾನನ್ತಿ. ಪೀತಿಸಹಗತೇ ಖನ್ಧೇ ಪೀತಿಸಹಗತೇನ ಚಿತ್ತೇನ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸನ್ತಿ ಅಸ್ಸಾದೇನ್ತಿ ಅಭಿನನ್ದನ್ತಿ; ತಂ ಆರಬ್ಭ ಪೀತಿಸಹಗತೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. ಪೀತಿಸಹಗತೇ ಖನ್ಧೇ ಆರಬ್ಭ ಪೀತಿಸಹಗತಾ ಖನ್ಧಾ ಉಪ್ಪಜ್ಜನ್ತಿ. (೧)

ಪೀತಿಸಹಗತೋ ¶ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಪೀತಿಸಹಗತೇನ ಚಿತ್ತೇನ ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಸುಖಸಹಗತೇನ ಚಿತ್ತೇನ ಪಚ್ಚವೇಕ್ಖತಿ, ಪೀತಿಸಹಗತಾ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ, ಫಲಾ ವುಟ್ಠಹಿತ್ವಾ ತಂ ಸುಖಸಹಗತೇನ ¶ ಚಿತ್ತೇನ ಪಚ್ಚವೇಕ್ಖತಿ. ಅರಿಯಾ ಸುಖಸಹಗತೇನ ಚಿತ್ತೇನ ಪೀತಿಸಹಗತೇ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ ಪಚ್ಚವೇಕ್ಖನ್ತಿ, ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ ಜಾನನ್ತಿ. ಪೀತಿಸಹಗತೇ ಖನ್ಧೇ ಸುಖಸಹಗತೇನ ಚಿತ್ತೇನ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸನ್ತಿ ಅಸ್ಸಾದೇನ್ತಿ ಅಭಿನನ್ದನ್ತಿ; ತಂ ಆರಬ್ಭ ಸುಖಸಹಗತೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. ಪೀತಿಸಹಗತೇ ಖನ್ಧೇ ಆರಬ್ಭ ಸುಖಸಹಗತಾ ಖನ್ಧಾ ಉಪ್ಪಜ್ಜನ್ತಿ. (೨)

ಪೀತಿಸಹಗತೋ ¶ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಪೀತಿಸಹಗತೇನ ಚಿತ್ತೇನ ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಉಪೇಕ್ಖಾಸಹಗತೇನ ಚಿತ್ತೇನ ಪಚ್ಚವೇಕ್ಖತಿ, ಪೀತಿಸಹಗತಾ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ, ಫಲಾ ವುಟ್ಠಹಿತ್ವಾ ತಂ ಉಪೇಕ್ಖಾಸಹಗತೇನ ಚಿತ್ತೇನ ಪಚ್ಚವೇಕ್ಖತಿ. ಅರಿಯಾ ಉಪೇಕ್ಖಾಸಹಗತೇನ ಚಿತ್ತೇನ ಪೀತಿಸಹಗತೇ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ ಪಚ್ಚವೇಕ್ಖನ್ತಿ, ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ ಜಾನನ್ತಿ. ಪೀತಿಸಹಗತೇ ಖನ್ಧೇ ಉಪೇಕ್ಖಾಸಹಗತೇನ ಚಿತ್ತೇನ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸನ್ತಿ ಅಸ್ಸಾದೇನ್ತಿ ಅಭಿನನ್ದನ್ತಿ; ತಂ ಆರಬ್ಭ ಉಪೇಕ್ಖಾಸಹಗತೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ವಿಚಿಕಿಚ್ಛಾ ಉಪ್ಪಜ್ಜತಿ, ಉದ್ಧಚ್ಚಂ ಉಪ್ಪಜ್ಜತಿ. ಚೇತೋಪರಿಯಞಾಣೇನ ಪೀತಿಸಹಗತಚಿತ್ತಸಮಙ್ಗಿಸ್ಸ ಚಿತ್ತಂ ಜಾನನ್ತಿ, ಪೀತಿಸಹಗತಾ ಖನ್ಧಾ ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. ಪೀತಿಸಹಗತೇ ಖನ್ಧೇ ಆರಬ್ಭ ಉಪೇಕ್ಖಾಸಹಗತಾ ಖನ್ಧಾ ಉಪ್ಪಜ್ಜನ್ತಿ. (೩)

ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಪೀತಿಸಹಗತೇನ ಚಿತ್ತೇನ ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ¶ ಪಚ್ಚವೇಕ್ಖತಿ, ಪೀತಿಸಹಗತಾ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ, ಫಲಾ ವುಟ್ಠಹಿತ್ವಾ ತಂ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ಪಚ್ಚವೇಕ್ಖತಿ. ಅರಿಯಾ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ಪೀತಿಸಹಗತೇ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ ಪಚ್ಚವೇಕ್ಖನ್ತಿ ¶ , ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ ಜಾನನ್ತಿ. ಪೀತಿಸಹಗತೇ ಖನ್ಧೇ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸನ್ತಿ ಅಸ್ಸಾದೇನ್ತಿ ಅಭಿನನ್ದನ್ತಿ; ತಂ ಆರಬ್ಭ ಪೀತಿಸಹಗತೋ ಚ ಸುಖಸಹಗತೋ ಚ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. ಪೀತಿಸಹಗತೇ ಖನ್ಧೇ ಆರಬ್ಭ ಪೀತಿಸಹಗತಾ ಚ ಸುಖಸಹಗತಾ ಚ ಖನ್ಧಾ ಉಪ್ಪಜ್ಜನ್ತಿ. (೪)

೨೦. ಸುಖಸಹಗತೋ ¶ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸುಖಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ…ಪೇ… ಉಪೇಕ್ಖಾಸಹಗತಸ್ಸ ಧಮ್ಮಸ್ಸ…ಪೇ… ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಸುಖಸಹಗತೇ ಖನ್ಧೇ ಆರಬ್ಭ ಪೀತಿಸಹಗತಾ ಚ ಸುಖಸಹಗತಾ ಚ ಖನ್ಧಾ ಉಪ್ಪಜ್ಜನ್ತಿ. (೪)

ಉಪೇಕ್ಖಾಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಉಪೇಕ್ಖಾಸಹಗತೇನ ಚಿತ್ತೇನ ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಉಪೇಕ್ಖಾಸಹಗತೇನ ಚಿತ್ತೇನ ಪಚ್ಚವೇಕ್ಖತಿ, ಉಪೇಕ್ಖಾಸಹಗತಾ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ, ಫಲಾ ವುಟ್ಠಹಿತ್ವಾ ತಂ ಉಪೇಕ್ಖಾಸಹಗತೇನ ಚಿತ್ತೇನ ಪಚ್ಚವೇಕ್ಖತಿ. ಅರಿಯಾ ಉಪೇಕ್ಖಾಸಹಗತೇನ ಚಿತ್ತೇನ ಉಪೇಕ್ಖಾಸಹಗತೇ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ ಪಚ್ಚವೇಕ್ಖನ್ತಿ, ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ ಜಾನನ್ತಿ. ಉಪೇಕ್ಖಾಸಹಗತೇ ಖನ್ಧೇ ಉಪೇಕ್ಖಾಸಹಗತೇನ ಚಿತ್ತೇನ ಅನಿಚ್ಚತೋ ದುಕ್ಖತೋ ಅನತ್ತತೋ ¶ ವಿಪಸ್ಸನ್ತಿ ಅಸ್ಸಾದೇನ್ತಿ ಅಭಿನನ್ದನ್ತಿ; ತಂ ಆರಬ್ಭ ಉಪೇಕ್ಖಾಸಹಗತೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ವಿಚಿಕಿಚ್ಛಾ ಉಪ್ಪಜ್ಜತಿ, ಉದ್ಧಚ್ಚಂ ಉಪ್ಪಜ್ಜತಿ. ಚೇತೋಪರಿಯಞಾಣೇನ ಉಪೇಕ್ಖಾಸಹಗತಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ. ಆಕಾಸಾನಞ್ಚಾಯತನಂ ವಿಞ್ಞಾಣಞ್ಚಾಯತನಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ…ಪೇ… ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಉಪೇಕ್ಖಾಸಹಗತಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. ಉಪೇಕ್ಖಾಸಹಗತೇ ಖನ್ಧೇ ಆರಬ್ಭ ಉಪೇಕ್ಖಾಸಹಗತಾ ಖನ್ಧಾ ಉಪ್ಪಜ್ಜನ್ತಿ. (೧)

ಉಪೇಕ್ಖಾಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ…ಪೇ… ಸುಖಸಹಗತಸ್ಸ ಧಮ್ಮಸ್ಸ…ಪೇ… ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಉಪೇಕ್ಖಾಸಹಗತೇನ ಚಿತ್ತೇನ ದಾನಂ ದತ್ವಾ ಸೀಲಂ ¶ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ಪಚ್ಚವೇಕ್ಖತಿ, ಉಪೇಕ್ಖಾಸಹಗತಾ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ ಫಲಾ ವುಟ್ಠಹಿತ್ವಾ, ತಂ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ಪಚ್ಚವೇಕ್ಖತಿ. ಅರಿಯಾ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ಉಪೇಕ್ಖಾಸಹಗತೇ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ ಪಚ್ಚವೇಕ್ಖನ್ತಿ, ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ ಜಾನನ್ತಿ. ಉಪೇಕ್ಖಾಸಹಗತೇ ಖನ್ಧೇ ಪೀತಿಸಹಗತೇನ ಚ ಸುಖಸಹಗತೇನ ಚ ¶ ಚಿತ್ತೇನ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸನ್ತಿ ಅಸ್ಸಾದೇನ್ತಿ ¶ ಅಭಿನನ್ದನ್ತಿ; ತಂ ಆರಬ್ಭ ಪೀತಿಸಹಗತೋ ಚ ಸುಖಸಹಗತೋ ಚ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. ಉಪೇಕ್ಖಾಸಹಗತೇ ಖನ್ಧೇ ಆರಬ್ಭ ಪೀತಿಸಹಗತಾ ಚ ಸುಖಸಹಗತಾ ಚ ಖನ್ಧಾ ಉಪ್ಪಜ್ಜನ್ತಿ. (೩)

೨೧. ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಪೀತಿಸಹಗತಸ್ಸ ಧಮ್ಮಸ್ಸ…ಪೇ… ಸುಖಸಹಗತಸ್ಸ ಧಮ್ಮಸ್ಸ…ಪೇ… ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ…ಪೇ… ಪೀತಿಸಹಗತೇ ಚ ಸುಖಸಹಗತೇ ಚ ಖನ್ಧೇ ಉಪೇಕ್ಖಾಸಹಗತೇನ ಚಿತ್ತೇನ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ; ತಂ ಆರಬ್ಭ ಉಪೇಕ್ಖಾಸಹಗತೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ವಿಚಿಕಿಚ್ಛಾ ಉಪ್ಪಜ್ಜತಿ, ಉದ್ಧಚ್ಚಂ ಉಪ್ಪಜ್ಜತಿ. ಚೇತೋಪರಿಯಞಾಣೇನ ಪೀತಿಸಹಗತಸುಖಸಹಗತಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ. ಪೀತಿಸಹಗತಾ ಚ ಸುಖಸಹಗತಾ ಚ ಖನ್ಧಾ ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. ಪೀತಿಸಹಗತೇ ಚ ಸುಖಸಹಗತೇ ಚ ಖನ್ಧೇ ಆರಬ್ಭ ಉಪೇಕ್ಖಾಸಹಗತಾ ಖನ್ಧಾ ಉಪ್ಪಜ್ಜನ್ತಿ. (೩)

ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ (ಸಂಖಿತ್ತಂ). (೪)

ಅಧಿಪತಿಪಚ್ಚಯೋ

೨೨. ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಪೀತಿಸಹಗತೇನ ¶ ಚಿತ್ತೇನ ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ¶ ಪೀತಿಸಹಗತೇನ ಚಿತ್ತೇನ ತಂ ಗರುಂ ಕತ್ವಾ ಪಚ್ಚವೇಕ್ಖತಿ, ಪೀತಿಸಹಗತಾ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ, ಫಲಾ ವುಟ್ಠಹಿತ್ವಾ ಪೀತಿಸಹಗತೇನ ಚಿತ್ತೇನ ತಂ ಗರುಂ ಕತ್ವಾ ಪಚ್ಚವೇಕ್ಖತಿ. ಪೀತಿಸಹಗತೇ ಖನ್ಧೇ ಪೀತಿಸಹಗತೇನ ಚಿತ್ತೇನ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ; ತಂ ಗರುಂ ಕತ್ವಾ ಪೀತಿಸಹಗತೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. ಸಹಜಾತಾಧಿಪತಿ – ಪೀತಿಸಹಗತಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಪೀತಿಸಹಗತೋ ¶ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಪೀತಿಸಹಗತೇನ ಚಿತ್ತೇನ ದಾನಂ ದತ್ವಾ…ಪೇ…. ಸಹಜಾತಾಧಿಪತಿ – ಪೀತಿಸಹಗತಾಧಿಪತಿ ಸಮ್ಪಯುತ್ತಕಾನಂ ಸುಖಸಹಗತಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೨)

ಪೀತಿಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಪೀತಿಸಹಗತೇನ ಚಿತ್ತೇನ ದಾನಂ ದತ್ವಾ…ಪೇ… ಉಪೇಕ್ಖಾಸಹಗತೇನ ಚಿತ್ತೇನ (ಸಂಖಿತ್ತಂ). (೩)

ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಪೀತಿಸಹಗತೇನ ಚಿತ್ತೇನ ದಾನಂ ದತ್ವಾ…ಪೇ…. ಸಹಜಾತಾಧಿಪತಿ – ಪೀತಿಸಹಗತಾಧಿಪತಿ ಸಮ್ಪಯುತ್ತಕಾನಂ ಪೀತಿಸಹಗತಾನಞ್ಚ ಸುಖಸಹಗತಾನಞ್ಚ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೪)

೨೩. ಸುಖಸಹಗತೋ ¶ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಸುಖಸಹಗತೇನ ಚಿತ್ತೇನ ದಾನಂ ದತ್ವಾ…ಪೇ…. ಸಹಜಾತಾಧಿಪತಿ – ಸುಖಸಹಗತಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಸುಖಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ…ಪೇ…. ಸಹಜಾತಾಧಿಪತಿ – ಸುಖಸಹಗತಾಧಿಪತಿ ಸಮ್ಪಯುತ್ತಕಾನಂ ಪೀತಿಸಹಗತಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೨)

ಸುಖಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ (ಸಂಖಿತ್ತಂ). (೩)

ಸುಖಸಹಗತೋ ¶ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ ¶ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ…ಪೇ…. ಸಹಜಾತಾಧಿಪತಿ – ಸುಖಸಹಗತಾಧಿಪತಿ ಸಮ್ಪಯುತ್ತಕಾನಂ ಪೀತಿಸಹಗತಾನಞ್ಚ ಸುಖಸಹಗತಾನಞ್ಚ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೪)

೨೪. ಉಪೇಕ್ಖಾಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ…ಪೇ…. ಸಹಜಾತಾಧಿಪತಿ – ಉಪೇಕ್ಖಾಸಹಗತಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಉಪೇಕ್ಖಾಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ (ಸಂಖಿತ್ತಂ). (೨)

ಉಪೇಕ್ಖಾಸಹಗತೋ ¶ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ (ಸಂಖಿತ್ತಂ). (೩)

ಉಪೇಕ್ಖಾಸಹಗತೋ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ (ಸಂಖಿತ್ತಂ). (೪)

೨೫. ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಪೀತಿಸಹಗತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ…ಪೇ…. ಸಹಜಾತಾಧಿಪತಿ – ಪೀತಿಸಹಗತಾ ಚ ಸುಖಸಹಗತಾ ಚ ಅಧಿಪತಿ ಸಮ್ಪಯುತ್ತಕಾನಂ ಪೀತಿಸಹಗತಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಸುಖಸಹಗತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ…ಪೇ…. ಸಹಜಾತಾಧಿಪತಿ – ಪೀತಿಸಹಗತಾ ಚ ಸುಖಸಹಗತಾ ಚ ಅಧಿಪತಿ ಸಮ್ಪಯುತ್ತಕಾನಂ ಸುಖಸಹಗತಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೨)

ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ (ಸಂಖಿತ್ತಂ). (೩)

ಪೀತಿಸಹಗತೋ ¶ ಚ ಸುಖಸಹಗತೋ ಚ ಧಮ್ಮಾ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ ¶ …ಪೇ…. ಸಹಜಾತಾಧಿಪತಿ – ಪೀತಿಸಹಗತಾ ಚ ಸುಖಸಹಗತಾ ಚ ಅಧಿಪತಿ ಸಮ್ಪಯುತ್ತಕಾನಂ ಪೀತಿಸಹಗತಾನಞ್ಚ ಸುಖಸಹಗತಾನಞ್ಚ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೪)

ಅನನ್ತರಪಚ್ಚಯೋ

೨೬. ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ¶ ಪಚ್ಚಯೋ – ಪುರಿಮಾ ಪುರಿಮಾ ಪೀತಿಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಪೀತಿಸಹಗತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. ಪೀತಿಸಹಗತಂ ಅನುಲೋಮಂ ಗೋತ್ರಭುಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (ಇಮಿನಾ ಕಾರಣೇನ ಸಬ್ಬೇಸಂ ಪದಾನಂ ಪಚ್ಚಯೋತಿ ದೀಪೇತಬ್ಬೋ). ಅನುಲೋಮಂ ವೋದಾನಸ್ಸ… ಗೋತ್ರಭು ಮಗ್ಗಸ್ಸ… ವೋದಾನಂ ಮಗ್ಗಸ್ಸ… ಮಗ್ಗೋ ಫಲಸ್ಸ… ಫಲಂ ಫಲಸ್ಸ… ಅನುಲೋಮಂ ಪೀತಿಸಹಗತಾಯ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ. (೧)

ಪೀತಿಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಪೀತಿಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಸುಖಸಹಗತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. ಪೀತಿಸಹಗತಂ ಅನುಲೋಮಂ ಸುಖಸಹಗತಸ್ಸ ಗೋತ್ರಭುಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ಪೀತಿಸಹಗತಂ ಅನುಲೋಮಂ ಸುಖಸಹಗತಸ್ಸ ವೋದಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ಪೀತಿಸಹಗತಂ ಅನುಲೋಮಂ ಸುಖಸಹಗತಾಯ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ. (೨)

ಪೀತಿಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪೀತಿಸಹಗತಂ ಚುತಿಚಿತ್ತಂ ಉಪೇಕ್ಖಾಸಹಗತಸ್ಸ ಉಪಪತ್ತಿಚಿತ್ತಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ಪೀತಿಸಹಗತಂ ಭವಙ್ಗಂ ಆವಜ್ಜನಾಯ ಅನನ್ತರಪಚ್ಚಯೇನ ಪಚ್ಚಯೋ. ಪೀತಿಸಹಗತಾ ವಿಪಾಕಮನೋವಿಞ್ಞಾಣಧಾತು ಕಿರಿಯಮನೋವಿಞ್ಞಾಣಧಾತುಯಾ ಅನನ್ತರಪಚ್ಚಯೇನ ಪಚ್ಚಯೋ. ಪೀತಿಸಹಗತಂ ಭವಙ್ಗಂ ಉಪೇಕ್ಖಾಸಹಗತಸ್ಸ ಭವಙ್ಗಸ್ಸ ಅನನ್ತರಪಚ್ಚಯೇನ ಪಚ್ಚಯೋ ¶ . ಪೀತಿಸಹಗತಂ ಕುಸಲಾಕುಸಲಂ ಉಪೇಕ್ಖಾಸಹಗತಸ್ಸ ವುಟ್ಠಾನಸ್ಸ… ಕಿರಿಯಂ ವುಟ್ಠಾನಸ್ಸ… ಫಲಂ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೩)

ಪೀತಿಸಹಗತೋ ¶ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಪೀತಿಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಪೀತಿಸಹಗತಾನಞ್ಚ ಸುಖಸಹಗತಾನಞ್ಚ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ ¶ . ಪೀತಿಸಹಗತಂ ಅನುಲೋಮಂ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಗೋತ್ರಭುಸ್ಸ ಅನನ್ತರಪಚ್ಚಯೇನ ಪಚ್ಚಯೋ…ಪೇ… ಪೀತಿಸಹಗತಂ ಅನುಲೋಮಂ ಪೀತಿಸಹಗತಾಯ ಚ ಸುಖಸಹಗತಾಯ ಚ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ. (೪)

೨೭. ಸುಖಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸುಖಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಸುಖಸಹಗತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. ಸುಖಸಹಗತಂ ಅನುಲೋಮಂ ಸುಖಸಹಗತಸ್ಸ ಗೋತ್ರಭುಸ್ಸ ಅನನ್ತರಪಚ್ಚಯೇನ ಪಚ್ಚಯೋ…ಪೇ… ಸುಖಸಹಗತಂ ಅನುಲೋಮಂ ಸುಖಸಹಗತಾಯ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ. (೧)

ಸುಖಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸುಖಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಪೀತಿಸಹಗತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ…ಪೇ… ಸುಖಸಹಗತಂ ಅನುಲೋಮಂ ಪೀತಿಸಹಗತಾಯ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ. (೨)

ಸುಖಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ¶ ಪಚ್ಚಯೋ – ಸುಖಸಹಗತಂ ಚುತಿಚಿತ್ತಂ ಉಪೇಕ್ಖಾಸಹಗತಸ್ಸ ಉಪಪತ್ತಿಚಿತ್ತಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ಸುಖಸಹಗತಂ ಭವಙ್ಗಂ ಆವಜ್ಜನಾಯ ಅನನ್ತರಪಚ್ಚಯೇನ ಪಚ್ಚಯೋ. ಸುಖಸಹಗತಂ ಕಾಯವಿಞ್ಞಾಣಂ ವಿಪಾಕಮನೋಧಾತುಯಾ ಅನನ್ತರಪಚ್ಚಯೇನ ಪಚ್ಚಯೋ. ಸುಖಸಹಗತಾ ವಿಪಾಕಮನೋವಿಞ್ಞಾಣಧಾತು ಕಿರಿಯಮನೋವಿಞ್ಞಾಣಧಾತುಯಾ ಅನನ್ತರಪಚ್ಚಯೇನ ಪಚ್ಚಯೋ ಸುಖಸಹಗತಂ ಭವಙ್ಗಂ ಉಪೇಕ್ಖಾಸಹಗತಸ್ಸ ಭವಙ್ಗಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ಸುಖಸಹಗತಂ ಕುಸಲಾಕುಸಲಂ ಉಪೇಕ್ಖಾಸಹಗತಸ್ಸ ವುಟ್ಠಾನಸ್ಸ… ಕಿರಿಯಂ ವುಟ್ಠಾನಸ್ಸ… ಫಲಂ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೩)

ಸುಖಸಹಗತೋ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸುಖಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಪೀತಿಸಹಗತಾನಞ್ಚ ಸುಖಸಹಗತಾನಞ್ಚ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ…ಪೇ… ಸುಖಸಹಗತಂ ಅನುಲೋಮಂ ಪೀತಿಸಹಗತಾಯ ಚ ಸುಖಸಹಗತಾಯ ಚ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ. (೪)

೨೮. ಉಪೇಕ್ಖಾಸಹಗತೋ ¶ ¶ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಉಪೇಕ್ಖಾಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಉಪೇಕ್ಖಾಸಹಗತಾನಂ ಖನ್ಧಾನಂ…ಪೇ… ಆವಜ್ಜನಾ ಪಞ್ಚನ್ನಂ ವಿಞ್ಞಾಣಾನಂ ಅನನ್ತರಪಚ್ಚಯೇನ ಪಚ್ಚಯೋ. ಉಪೇಕ್ಖಾಸಹಗತಂ ಅನುಲೋಮಂ ಉಪೇಕ್ಖಾಸಹಗತಾಯ ಫಲಸಮಾಪತ್ತಿಯಾ… ನಿರೋಧಾ ವುಟ್ಠಹನ್ತಸ್ಸ ನೇವಸಞ್ಞಾನಾಸಞ್ಞಾಯತನಂ ಉಪೇಕ್ಖಾಸಹಗತಾಯ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ. (೧)

ಉಪೇಕ್ಖಾಸಹಗತೋ ¶ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಉಪೇಕ್ಖಾಸಹಗತಂ ಚುತಿಚಿತ್ತಂ ಪೀತಿಸಹಗತಸ್ಸ ಉಪಪತ್ತಿಚಿತ್ತಸ್ಸ…ಪೇ… ಆವಜ್ಜನಾ ಪೀತಿಸಹಗತಾನಂ ಖನ್ಧಾನಂ…ಪೇ… ವಿಪಾಕಮನೋಧಾತು ಪೀತಿಸಹಗತಾಯ ವಿಪಾಕಮನೋವಿಞ್ಞಾಣಧಾತುಯಾ…ಪೇ… ಉಪೇಕ್ಖಾಸಹಗತಂ ಭವಙ್ಗಂ ಪೀತಿಸಹಗತಸ್ಸ ಭವಙ್ಗಸ್ಸ…ಪೇ… ಉಪೇಕ್ಖಾಸಹಗತಂ ಕುಸಲಾಕುಸಲಂ ಪೀತಿಸಹಗತಸ್ಸ ವುಟ್ಠಾನಸ್ಸ… ಕಿರಿಯಂ ವುಟ್ಠಾನಸ್ಸ… ಫಲಂ ವುಟ್ಠಾನಸ್ಸ… ನಿರೋಧಾ ವುಟ್ಠಹನ್ತಸ್ಸ ನೇವಸಞ್ಞಾನಾಸಞ್ಞಾಯತನಂ ಪೀತಿಸಹಗತಾಯ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ. (೨)

ಉಪೇಕ್ಖಾಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ…ಪೇ… ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೪)

(ತಾನಿಯೇವ ಚ ಗಮನಾನಿ ನಿಯಾಮೇತಬ್ಬಾನಿ.)

೨೯. ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಪೀತಿಸಹಗತಸ್ಸ ಧಮ್ಮಸ್ಸ…ಪೇ… ಸುಖಸಹಗತಸ್ಸ ಧಮ್ಮಸ್ಸ…ಪೇ… ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪೀತಿಸಹಗತಞ್ಚ ಸುಖಸಹಗತಞ್ಚ ಚುತಿಚಿತ್ತಂ ಉಪೇಕ್ಖಾಸಹಗತಸ್ಸ ಉಪಪತ್ತಿಚಿತ್ತಸ್ಸ…ಪೇ… ಪೀತಿಸಹಗತಞ್ಚ ಸುಖಸಹಗತಞ್ಚ ಭವಙ್ಗಂ ಆವಜ್ಜನಾಯ…ಪೇ… ಪೀತಿಸಹಗತಾ ಚ ಸುಖಸಹಗತಾ ಚ ವಿಪಾಕಮನೋವಿಞ್ಞಾಣಧಾತು ಕಿರಿಯಮನೋವಿಞ್ಞಾಣಧಾತುಯಾ…ಪೇ… ಪೀತಿಸಹಗತಞ್ಚ ಸುಖಸಹಗತಞ್ಚ ಭವಙ್ಗಂ ಉಪೇಕ್ಖಾಸಹಗತಸ್ಸ ಭವಙ್ಗಸ್ಸ…ಪೇ… ಪೀತಿಸಹಗತಞ್ಚ ಸುಖಸಹಗತಞ್ಚ ಕುಸಲಾಕುಸಲಂ ಉಪೇಕ್ಖಾಸಹಗತಸ್ಸ ವುಟ್ಠಾನಸ್ಸ… ಕಿರಿಯಂ ವುಟ್ಠಾನಸ್ಸ… ಫಲಂ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೩)

ಪೀತಿಸಹಗತೋ ¶ ¶ ಚ ಸುಖಸಹಗತೋ ಚ ಧಮ್ಮಾ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಪೀತಿಸಹಗತಾ ¶ ಚ ಸುಖಸಹಗತಾ ಚ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಪೀತಿಸಹಗತಾನಞ್ಚ ಸುಖಸಹಗತಾನಞ್ಚ ಖನ್ಧಾನಂ…ಪೇ… ಪೀತಿಸಹಗತಞ್ಚ ಸುಖಸಹಗತಞ್ಚ ಅನುಲೋಮಂ ಪೀತಿಸಹಗತಾಯ ಚ ಸುಖಸಹಗತಾಯ ಚ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ. (೪)

ಸಮನನ್ತರಪಚ್ಚಯೋ

೩೦. ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಸಮನನ್ತರಪಚ್ಚಯೇನ ಪಚ್ಚಯೋ (ಅನನ್ತರಪಚ್ಚಯಸದಿಸಂ).

ಸಹಜಾತಪಚ್ಚಯೋ

೩೧. ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ಪೀತಿಸಹಗತೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಸಹಜಾತಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ ಸಹಜಾತಪಚ್ಚಯೇನ ಪಚ್ಚಯೋ…ಪೇ… (ಪಟಿಚ್ಚಸದಿಸಂ ಸಹಜಾತೇ ದಸ ಪಞ್ಹಾ).

ಅಞ್ಞಮಞ್ಞ-ನಿಸ್ಸಯಪಚ್ಚಯಾ

೩೨. ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ನಿಸ್ಸಯಪಚ್ಚಯೇನ ಪಚ್ಚಯೋ (ದಸ ಪಞ್ಹಾ ಕಾತಬ್ಬಾ).

ಉಪನಿಸ್ಸಯಪಚ್ಚಯೋ

೩೩. ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಪೀತಿಸಹಗತಂ ಸದ್ಧಂ ಉಪನಿಸ್ಸಾಯ ಪೀತಿಸಹಗತೇನ ಚಿತ್ತೇನ ದಾನಂ ದೇತಿ, ಸೀಲಂ ಸಮಾದಿಯತಿ, ಉಪೋಸಥಕಮ್ಮಂ ಕರೋತಿ, ಪೀತಿಸಹಗತಂ ಝಾನಂ ಉಪ್ಪಾದೇತಿ, ವಿಪಸ್ಸನಂ ಉಪ್ಪಾದೇತಿ, ಮಗ್ಗಂ ಉಪ್ಪಾದೇತಿ, ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ. ಪೀತಿಸಹಗತಂ ಸೀಲಂ… ಸುತಂ… ಚಾಗಂ… ಪಞ್ಞಂ ¶ ¶ ಉಪನಿಸ್ಸಾಯ ಪೀತಿಸಹಗತೇನ ಚಿತ್ತೇನ ದಾನಂ ದೇತಿ, ಸೀಲಂ ಸಮಾದಿಯತಿ…ಪೇ… ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ. ಪೀತಿಸಹಗತಂ ರಾಗಂ… ಮೋಹಂ… ಮಾನಂ… ದಿಟ್ಠಿಂ… ಪತ್ಥನಂ ಉಪನಿಸ್ಸಾಯ ಪೀತಿಸಹಗತೇನ ಚಿತ್ತೇನ ದಾನಂ ದೇತಿ, ಸೀಲಂ ಸಮಾದಿಯತಿ, ಉಪೋಸಥಕಮ್ಮಂ ಕರೋತಿ, ಪೀತಿಸಹಗತಂ ಝಾನಂ ಉಪ್ಪಾದೇತಿ…ಪೇ… ಸಮಾಪತ್ತಿಂ ಉಪ್ಪಾದೇತಿ. ಪೀತಿಸಹಗತೇನ ಚಿತ್ತೇನ ಅದಿನ್ನಂ ಆದಿಯತಿ, ಮುಸಾ ಭಣತಿ ¶ , ಪಿಸುಣಂ ಭಣತಿ, ಸಮ್ಫಂ ಪಲಪತಿ, ಸನ್ಧಿಂ ಛಿನ್ದತಿ, ನಿಲ್ಲೋಪಂ ಹರತಿ, ಏಕಾಗಾರಿಕಂ ಕರೋತಿ, ಪರಿಪನ್ಥೇ ತಿಟ್ಠತಿ, ಪರದಾರಂ ಗಚ್ಛತಿ, ಗಾಮಘಾತಂ ಕರೋತಿ, ನಿಗಮಘಾತಂ ಕರೋತಿ. ಪೀತಿಸಹಗತಾ ಸದ್ಧಾ… ಸೀಲಂ… ಸುತಂ… ಚಾಗೋ… ಪಞ್ಞಾ… ರಾಗೋ… ಮೋಹೋ… ಮಾನೋ… ದಿಟ್ಠಿ… ಪತ್ಥನಾ ಪೀತಿಸಹಗತಾಯ ಸದ್ಧಾಯ… ಸೀಲಸ್ಸ… ಸುತಸ್ಸ… ಚಾಗಸ್ಸ… ಪಞ್ಞಾಯ… ರಾಗಸ್ಸ… ಮೋಹಸ್ಸ… ಮಾನಸ್ಸ… ದಿಟ್ಠಿಯಾ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಪೀತಿಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಪೀತಿಸಹಗತಂ ಸದ್ಧಂ ಉಪನಿಸ್ಸಾಯ ಸುಖಸಹಗತೇನ ಚಿತ್ತೇನ ದಾನಂ ದೇತಿ…ಪೇ… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ. ಪೀತಿಸಹಗತಂ ಸೀಲಂ… ಸುತಂ… ಚಾಗಂ… ಪಞ್ಞಂ… ರಾಗಂ… ಮೋಹಂ… ಮಾನಂ… ದಿಟ್ಠಿಂ… ಪತ್ಥನಂ ಉಪನಿಸ್ಸಾಯ ಸುಖಸಹಗತೇನ ಚಿತ್ತೇನ ದಾನಂ ದೇತಿ…ಪೇ… ಸಮಾಪತ್ತಿಂ ಉಪ್ಪಾದೇತಿ. ಸುಖಸಹಗತೇನ ಚಿತ್ತೇನ ಅದಿನ್ನಂ ಆದಿಯತಿ…ಪೇ… ನಿಗಮಘಾತಂ ಕರೋತಿ. ಪೀತಿಸಹಗತಾ ಸದ್ಧಾ…ಪೇ… ಪತ್ಥನಾ ಸುಖಸಹಗತಾಯ ಸದ್ಧಾಯ…ಪೇ… ಪತ್ಥನಾಯ ಸುಖಸಹಗತಸ್ಸ ಕಾಯವಿಞ್ಞಾಣಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಪೀತಿಸಹಗತೋ ¶ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಪೀತಿಸಹಗತಂ ಸದ್ಧಂ ಉಪನಿಸ್ಸಾಯ ಉಪೇಕ್ಖಾಸಹಗತೇನ ಚಿತ್ತೇನ ದಾನಂ ದೇತಿ…ಪೇ… ಅಭಿಞ್ಞಂ ಉಪ್ಪಾದೇತಿ, ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ. ಪೀತಿಸಹಗತಂ ಸೀಲಂ…ಪೇ… ಪತ್ಥನಂ ಉಪನಿಸ್ಸಾಯ ಉಪೇಕ್ಖಾಸಹಗತೇನ ಚಿತ್ತೇನ ದಾನಂ ದೇತಿ…ಪೇ… ನಿಗಮಘಾತಂ ಕರೋತಿ. ಪೀತಿಸಹಗತಾ ಸದ್ಧಾ…ಪೇ… ಪತ್ಥನಾ ಉಪೇಕ್ಖಾಸಹಗತಾಯ ಸದ್ಧಾಯ…ಪೇ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

ಪೀತಿಸಹಗತೋ ¶ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಪೀತಿಸಹಗತಂ ಸದ್ಧಂ ಉಪನಿಸ್ಸಾಯ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ದಾನಂ ದೇತಿ…ಪೇ… ದಿಟ್ಠಿಂ ಗಣ್ಹಾತಿ. ಪೀತಿಸಹಗತಂ ಸೀಲಂ…ಪೇ… ಪತ್ಥನಂ ಉಪನಿಸ್ಸಾಯ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ದಾನಂ ದೇತಿ…ಪೇ… ನಿಗಮಘಾತಂ ಕರೋತಿ. ಪೀತಿಸಹಗತಾ ¶ ಸದ್ಧಾ…ಪೇ… ಪತ್ಥನಾ ಪೀತಿಸಹಗತಾಯ ಚ ಸುಖಸಹಗತಾಯ ಚ ಸದ್ಧಾಯ…ಪೇ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೪)

೩೪. ಸುಖಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸುಖಸಹಗತಂ ಸದ್ಧಂ ಉಪನಿಸ್ಸಾಯ ಸುಖಸಹಗತೇನ ಚಿತ್ತೇನ ದಾನಂ ದೇತಿ…ಪೇ… ದಿಟ್ಠಿಂ ಗಣ್ಹಾತಿ. ಸುಖಸಹಗತಂ ಸೀಲಂ…ಪೇ… ಪತ್ಥನಂ ಸುಖಸಹಗತಂ ¶ ಕಾಯವಿಞ್ಞಾಣಂ ಉಪನಿಸ್ಸಾಯ ಸುಖಸಹಗತೇನ ಚಿತ್ತೇನ ದಾನಂ ದೇತಿ…ಪೇ… ನಿಗಮಘಾತಂ ಕರೋತಿ. ಸುಖಸಹಗತಾ ಸದ್ಧಾ…ಪೇ… ಪತ್ಥನಾ ಸುಖಸಹಗತಂ ಕಾಯವಿಞ್ಞಾಣಂ ಸುಖಸಹಗತಾಯ ಸದ್ಧಾಯ…ಪೇ… ಪತ್ಥನಾಯ ಸುಖಸಹಗತಸ್ಸ ಕಾಯವಿಞ್ಞಾಣಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಸುಖಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸುಖಸಹಗತಂ ಸದ್ಧಂ ಉಪನಿಸ್ಸಾಯ ಪೀತಿಸಹಗತೇನ ಚಿತ್ತೇನ ದಾನಂ ದೇತಿ…ಪೇ… ದಿಟ್ಠಿಂ ಗಣ್ಹಾತಿ. ಸುಖಸಹಗತಂ ಸೀಲಂ…ಪೇ… ಪತ್ಥನಂ ಸುಖಸಹಗತಂ ಕಾಯವಿಞ್ಞಾಣಂ ಉಪನಿಸ್ಸಾಯ ಪೀತಿಸಹಗತೇನ ಚಿತ್ತೇನ ದಾನಂ ದೇತಿ…ಪೇ… ನಿಗಮಘಾತಂ ಕರೋತಿ. ಸುಖಸಹಗತಾ ಸದ್ಧಾ…ಪೇ… ಪತ್ಥನಾ ಸುಖಸಹಗತಂ ಕಾಯವಿಞ್ಞಾಣಂ ಪೀತಿಸಹಗತಾಯ ಸದ್ಧಾಯ…ಪೇ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಸುಖಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸುಖಸಹಗತಂ ಸದ್ಧಂ ಉಪನಿಸ್ಸಾಯ ಉಪೇಕ್ಖಾಸಹಗತೇನ ಚಿತ್ತೇನ ದಾನಂ ದೇತಿ…ಪೇ… ಅಭಿಞ್ಞಂ ಉಪ್ಪಾದೇತಿ…ಪೇ… ದಿಟ್ಠಿಂ ಗಣ್ಹಾತಿ. ಸುಖಸಹಗತಂ ಸೀಲಂ…ಪೇ… ಪತ್ಥನಂ ಸುಖಸಹಗತಂ ಕಾಯವಿಞ್ಞಾಣಂ ಉಪನಿಸ್ಸಾಯ ಉಪೇಕ್ಖಾಸಹಗತೇನ ಚಿತ್ತೇನ ದಾನಂ ದೇತಿ…ಪೇ… ನಿಗಮಘಾತಂ ಕರೋತಿ. ಸುಖಸಹಗತಾ ಸದ್ಧಾ…ಪೇ… ಪತ್ಥನಾ ಸುಖಸಹಗತಂ ಕಾಯವಿಞ್ಞಾಣಂ ಉಪೇಕ್ಖಾಸಹಗತಾಯ ಸದ್ಧಾಯ…ಪೇ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

ಸುಖಸಹಗತೋ ¶ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ ¶ …ಪೇ…. ಪಕತೂಪನಿಸ್ಸಯೋ – ಸುಖಸಹಗತಂ ಸದ್ಧಂ ಉಪನಿಸ್ಸಾಯ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ದಾನಂ ದೇತಿ…ಪೇ… ದಿಟ್ಠಿಂ ಗಣ್ಹಾತಿ. ಸುಖಸಹಗತಂ ಸೀಲಂ…ಪೇ… ಪತ್ಥನಂ ಸುಖಸಹಗತಂ ಕಾಯವಿಞ್ಞಾಣಂ ¶ ಉಪನಿಸ್ಸಾಯ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ದಾನಂ ದೇತಿ…ಪೇ… ನಿಗಮಘಾತಂ ಕರೋತಿ. ಸುಖಸಹಗತಾ ಸದ್ಧಾ…ಪೇ… ಪತ್ಥನಾ ಸುಖಸಹಗತಂ ಕಾಯವಿಞ್ಞಾಣಂ ಪೀತಿಸಹಗತಾಯ ಚ ಸುಖಸಹಗತಾಯ ಚ ಸದ್ಧಾಯ…ಪೇ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೪)

೩೫. ಉಪೇಕ್ಖಾಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಉಪೇಕ್ಖಾಸಹಗತಂ ಸದ್ಧಂ ಉಪನಿಸ್ಸಾಯ ಉಪೇಕ್ಖಾಸಹಗತೇನ ಚಿತ್ತೇನ ದಾನಂ ದೇತಿ…ಪೇ… ಅಭಿಞ್ಞಂ ಉಪ್ಪಾದೇತಿ…ಪೇ… ದಿಟ್ಠಿಂ ಗಣ್ಹಾತಿ. ಉಪೇಕ್ಖಾಸಹಗತಂ ಸೀಲಂ…ಪೇ… ಪತ್ಥನಂ ಉಪನಿಸ್ಸಾಯ ಉಪೇಕ್ಖಾಸಹಗತೇನ ಚಿತ್ತೇನ ದಾನಂ ದೇತಿ…ಪೇ… ನಿಗಮಘಾತಂ ಕರೋತಿ. ಉಪೇಕ್ಖಾಸಹಗತಾ ಸದ್ಧಾ…ಪೇ… ಪತ್ಥನಾ ಉಪೇಕ್ಖಾಸಹಗತಾಯ ಸದ್ಧಾಯ…ಪೇ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಉಪೇಕ್ಖಾಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಉಪೇಕ್ಖಾಸಹಗತಂ ಸದ್ಧಂ ಉಪನಿಸ್ಸಾಯ ಪೀತಿಸಹಗತೇನ ¶ ಚಿತ್ತೇನ ದಾನಂ ದೇತಿ…ಪೇ… ದಿಟ್ಠಿಂ ಗಣ್ಹಾತಿ. ಉಪೇಕ್ಖಾಸಹಗತಂ ಸೀಲಂ…ಪೇ… ಪತ್ಥನಂ ಉಪನಿಸ್ಸಾಯ ಪೀತಿಸಹಗತೇನ ಚಿತ್ತೇನ ದಾನಂ ದೇತಿ…ಪೇ… ನಿಗಮಘಾತಂ ಕರೋತಿ. ಉಪೇಕ್ಖಾಸಹಗತಾ ಸದ್ಧಾ…ಪೇ… ಪತ್ಥನಾ ಪೀತಿಸಹಗತಾಯ ಸದ್ಧಾಯ…ಪೇ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಉಪೇಕ್ಖಾಸಹಗತೋ ¶ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಉಪೇಕ್ಖಾಸಹಗತಂ ಸದ್ಧಂ ಉಪನಿಸ್ಸಾಯ ಸುಖಸಹಗತೇನ ಚಿತ್ತೇನ ದಾನಂ ದೇತಿ…ಪೇ… ದಿಟ್ಠಿಂ ಗಣ್ಹಾತಿ. ಉಪೇಕ್ಖಾಸಹಗತಂ ಸೀಲಂ…ಪೇ… ಪತ್ಥನಂ ಉಪನಿಸ್ಸಾಯ ಸುಖಸಹಗತೇನ ಚಿತ್ತೇನ ದಾನಂ ದೇತಿ…ಪೇ… ನಿಗಮಘಾತಂ ಕರೋತಿ. ಉಪೇಕ್ಖಾಸಹಗತಾ ಸದ್ಧಾ…ಪೇ… ಪತ್ಥನಾ ಸುಖಸಹಗತಾಯ ಸದ್ಧಾಯ…ಪೇ… ಪತ್ಥನಾಯ ಸುಖಸಹಗತಸ್ಸ ಕಾಯವಿಞ್ಞಾಣಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

ಉಪೇಕ್ಖಾಸಹಗತೋ ¶ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಉಪೇಕ್ಖಾಸಹಗತಂ ಸದ್ಧಂ ಉಪನಿಸ್ಸಾಯ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ದಾನಂ ದೇತಿ…ಪೇ… ದಿಟ್ಠಿಂ ಗಣ್ಹಾತಿ. ಉಪೇಕ್ಖಾಸಹಗತಂ ಸೀಲಂ…ಪೇ… ಪತ್ಥನಂ ಉಪನಿಸ್ಸಾಯ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ದಾನಂ ದೇತಿ…ಪೇ… ನಿಗಮಘಾತಂ ಕರೋತಿ. ಉಪೇಕ್ಖಾಸಹಗತಾ ಸದ್ಧಾ…ಪೇ… ಪತ್ಥನಾ ಪೀತಿಸಹಗತಾಯ ಚ ಸುಖಸಹಗತಾಯ ಚ ಸದ್ಧಾಯ…ಪೇ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೪)

೩೬. ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಪೀತಿಸಹಗತಸ್ಸ ಧಮ್ಮಸ್ಸ ¶ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಪೀತಿಸಹಗತಞ್ಚ ಸುಖಸಹಗತಞ್ಚ ಸದ್ಧಂ ಉಪನಿಸ್ಸಾಯ ಪೀತಿಸಹಗತೇನ ಚಿತ್ತೇನ ದಾನಂ ದೇತಿ…ಪೇ… ದಿಟ್ಠಿಂ ಗಣ್ಹಾತಿ. ಪೀತಿಸಹಗತಞ್ಚ ಸುಖಸಹಗತಞ್ಚ ಸೀಲಂ…ಪೇ… ಪತ್ಥನಂ ಉಪನಿಸ್ಸಾಯ ಪೀತಿಸಹಗತೇನ ಚಿತ್ತೇನ ದಾನಂ ದೇತಿ…ಪೇ… ನಿಗಮಘಾತಂ ಕರೋತಿ. ಪೀತಿಸಹಗತಾ ಚ ಸುಖಸಹಗತಾ ಚ ಸದ್ಧಾ…ಪೇ… ಪತ್ಥನಾ ಪೀತಿಸಹಗತಾಯ ಸದ್ಧಾಯ…ಪೇ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಸುಖಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಪೀತಿಸಹಗತಞ್ಚ ಸುಖಸಹಗತಞ್ಚ ಸದ್ಧಂ ಉಪನಿಸ್ಸಾಯ ಸುಖಸಹಗತೇನ ಚಿತ್ತೇನ ದಾನಂ ದೇತಿ…ಪೇ… ದಿಟ್ಠಿಂ ಗಣ್ಹಾತಿ. ಪೀತಿಸಹಗತಞ್ಚ ಸುಖಸಹಗತಞ್ಚ ಸೀಲಂ…ಪೇ… ಪತ್ಥನಂ ಉಪನಿಸ್ಸಾಯ ಸುಖಸಹಗತೇನ ಚಿತ್ತೇನ ದಾನಂ ದೇತಿ…ಪೇ… ನಿಗಮಘಾತಂ ಕರೋತಿ. ಪೀತಿಸಹಗತಾ ಚ ಸುಖಸಹಗತಾ ¶ ಚ ಸದ್ಧಾ…ಪೇ… ಪತ್ಥನಾ ಸುಖಸಹಗತಾಯ ಸದ್ಧಾಯ…ಪೇ… ಪತ್ಥನಾಯ ಸುಖಸಹಗತಸ್ಸ ಕಾಯವಿಞ್ಞಾಣಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಪೀತಿಸಹಗತಞ್ಚ ಸುಖಸಹಗತಞ್ಚ ಸದ್ಧಂ ಉಪನಿಸ್ಸಾಯ ಉಪೇಕ್ಖಾಸಹಗತೇನ ಚಿತ್ತೇನ ದಾನಂ ದೇತಿ ¶ …ಪೇ… ಅಭಿಞ್ಞಂ ಉಪ್ಪಾದೇತಿ…ಪೇ… ದಿಟ್ಠಿಂ ಗಣ್ಹಾತಿ. ಪೀತಿಸಹಗತಞ್ಚ ಸುಖಸಹಗತಞ್ಚ ಸೀಲಂ…ಪೇ… ¶ ಪತ್ಥನಂ ಉಪನಿಸ್ಸಾಯ ಉಪೇಕ್ಖಾಸಹಗತೇನ ಚಿತ್ತೇನ ದಾನಂ ದೇತಿ…ಪೇ… ನಿಗಮಘಾತಂ ಕರೋತಿ. ಪೀತಿಸಹಗತಾ ಚ ಸುಖಸಹಗತಾ ಚ ಸದ್ಧಾ…ಪೇ… ಪತ್ಥನಾ ಉಪೇಕ್ಖಾಸಹಗತಾಯ ಸದ್ಧಾಯ…ಪೇ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಪೀತಿಸಹಗತಞ್ಚ ಸುಖಸಹಗತಞ್ಚ ಸದ್ಧಂ ಉಪನಿಸ್ಸಾಯ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ದಾನಂ ದೇತಿ, ಸೀಲಂ ಸಮಾದಿಯತಿ, ಉಪೋಸಥಕಮ್ಮಂ ಕರೋತಿ. ಪೀತಿಸಹಗತಞ್ಚ ಸುಖಸಹಗತಞ್ಚ ಝಾನಂ ಉಪ್ಪಾದೇತಿ, ವಿಪಸ್ಸನಂ ಉಪ್ಪಾದೇತಿ, ಮಗ್ಗಂ ಉಪ್ಪಾದೇತಿ, ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ. ಪೀತಿಸಹಗತಞ್ಚ ಸುಖಸಹಗತಞ್ಚ ಸೀಲಂ… ಸುತಂ… ಚಾಗಂ… ಪಞ್ಞಂ… ರಾಗಂ… ಮೋಹಂ… ಮಾನಂ… ದಿಟ್ಠಿಂ… ಪತ್ಥನಂ ಉಪನಿಸ್ಸಾಯ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ದಾನಂ ದೇತಿ, ಸೀಲಂ ಸಮಾದಿಯತಿ, ಉಪೋಸಥಕಮ್ಮಂ ಕರೋತಿ. ಪೀತಿಸಹಗತಞ್ಚ ಸುಖಸಹಗತಞ್ಚ ಝಾನಂ ಉಪ್ಪಾದೇತಿ…ಪೇ… ಸಮಾಪತ್ತಿಂ ಉಪ್ಪಾದೇತಿ. ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ಅದಿನ್ನಂ ಆದಿಯತಿ, ಮುಸಾ ಭಣತಿ, ಪಿಸುಣಂ ಭಣತಿ, ಸಮ್ಫಂ ಪಲಪತಿ, ಸನ್ಧಿಂ ಛಿನ್ದತಿ, ನಿಲ್ಲೋಪಂ ಹರತಿ, ಏಕಾಗಾರಿಕಂ ಕರೋತಿ, ಪರಿಪನ್ಥೇ ತಿಟ್ಠತಿ, ಪರದಾರಂ ಗಚ್ಛತಿ, ಗಾಮಘಾತಂ ಕರೋತಿ, ನಿಗಮಘಾತಂ ಕರೋತಿ. ಪೀತಿಸಹಗತಾ ಚ ಸುಖಸಹಗತಾ ಚ ಸದ್ಧಾ…ಪೇ… ಪತ್ಥನಾ ಪೀತಿಸಹಗತಾಯ ಚ ಸುಖಸಹಗತಾಯ ಚ ಸದ್ಧಾಯ…ಪೇ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೪)

ಆಸೇವನಪಚ್ಚಯೋ

೩೭. ಪೀತಿಸಹಗತೋ ¶ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ¶ ಪಚ್ಚಯೋ – ಪುರಿಮಾ ಪುರಿಮಾ ಪೀತಿಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಪೀತಿಸಹಗತಾನಂ ಖನ್ಧಾನಂ ಆಸೇವನಪಚ್ಚಯೇನ ಪಚ್ಚಯೋ. ಪೀತಿಸಹಗತಂ ಅನುಲೋಮಂ ಪೀತಿಸಹಗತಸ್ಸ ಗೋತ್ರಭುಸ್ಸ… ಅನುಲೋಮಂ ವೋದಾನಸ್ಸ… ಗೋತ್ರಭು ಮಗ್ಗಸ್ಸ… ವೋದಾನಂ ಮಗ್ಗಸ್ಸ ಆಸೇವನಪಚ್ಚಯೇನ ಪಚ್ಚಯೋ. (೧)

ಪೀತಿಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಪೀತಿಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಸುಖಸಹಗತಾನಂ ¶ ಖನ್ಧಾನಂ ಆಸೇವನಪಚ್ಚಯೇನ ಪಚ್ಚಯೋ. ಪೀತಿಸಹಗತಂ ಅನುಲೋಮಂ ಸುಖಸಹಗತಸ್ಸ ಗೋತ್ರಭುಸ್ಸ ಆಸೇವನಪಚ್ಚಯೇನ ಪಚ್ಚಯೋ. ಪೀತಿಸಹಗತಂ ಅನುಲೋಮಂ ಸುಖಸಹಗತಸ್ಸ ವೋದಾನಸ್ಸ ಆಸೇವನಪಚ್ಚಯೇನ ಪಚ್ಚಯೋ. ಪೀತಿಸಹಗತಂ ಗೋತ್ರಭು ಸುಖಸಹಗತಸ್ಸ ಮಗ್ಗಸ್ಸ… ಪೀತಿಸಹಗತಂ ವೋದಾನಂ ಸುಖಸಹಗತಸ್ಸ ಮಗ್ಗಸ್ಸ ಆಸೇವನಪಚ್ಚಯೇನ ಪಚ್ಚಯೋ. (೨)

ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಪೀತಿಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಪೀತಿಸಹಗತಾನಞ್ಚ ಸುಖಸಹಗತಾನಞ್ಚ ಆಸೇವನಪಚ್ಚಯೇನ ಪಚ್ಚಯೋ…ಪೇ… ಪೀತಿಸಹಗತಂ ವೋದಾನಂ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಮಗ್ಗಸ್ಸ ಆಸೇವನಪಚ್ಚಯೇನ ಪಚ್ಚಯೋ. (೩)

೩೮. ಸುಖಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ…ಪೇ… ಪೀತಿಸಹಗತಸ್ಸ ಧಮ್ಮಸ್ಸ…ಪೇ… ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ (ಸಂಖಿತ್ತಂ. ಪೀತಿನಯಂ ಪಸ್ಸಿತ್ವಾ ಕಾತಬ್ಬಂ).

ಉಪೇಕ್ಖಾಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ¶ ಪಚ್ಚಯೋ – ಪುರಿಮಾ ಪುರಿಮಾ ಉಪೇಕ್ಖಾಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಉಪೇಕ್ಖಾಸಹಗತಾನಂ ಖನ್ಧಾನಂ…ಪೇ… ಉಪೇಕ್ಖಾಸಹಗತಂ ವೋದಾನಂ ಉಪೇಕ್ಖಾಸಹಗತಸ್ಸ ಮಗ್ಗಸ್ಸ ಆಸೇವನಪಚ್ಚಯೇನ ಪಚ್ಚಯೋ. (೧)

೩೯. ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಪೀತಿಸಹಗತಸ್ಸ ಧಮ್ಮಸ್ಸ…ಪೇ… ಸುಖಸಹಗತಸ್ಸ ¶ ಧಮ್ಮಸ್ಸ…ಪೇ… ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಪೀತಿಸಹಗತಾ ಚ ಸುಖಸಹಗತಾ ಚ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಪೀತಿಸಹಗತಾನಞ್ಚ ಸುಖಸಹಗತಾನಞ್ಚ ಖನ್ಧಾನಂ ಆಸೇವನಪಚ್ಚಯೇನ ಪಚ್ಚಯೋ…ಪೇ… ಪೀತಿಸಹಗತಞ್ಚ ಸುಖಸಹಗತಞ್ಚ ವೋದಾನಂ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಮಗ್ಗಸ್ಸ ಆಸೇವನಪಚ್ಚಯೇನ ಪಚ್ಚಯೋ. (೩)

ಕಮ್ಮಪಚ್ಚಯೋ

೪೦. ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ [ನಾನಾಖಣಿಕಾ (ಸ್ಯಾ. ಕ.)]. ಸಹಜಾತಾ – ಪೀತಿಸಹಗತಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಪೀತಿಸಹಗತಾ ¶ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ. ನಾನಾಕ್ಖಣಿಕಾ – ಪೀತಿಸಹಗತಾ ಚೇತನಾ ವಿಪಾಕಾನಂ ಪೀತಿಸಹಗತಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ. (೧)

ಪೀತಿಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಪೀತಿಸಹಗತಾ ಚೇತನಾ ಸಮ್ಪಯುತ್ತಕಾನಂ ಸುಖಸಹಗತಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ಪೀತಿಸಹಗತಾ ಚೇತನಾ ಸಮ್ಪಯುತ್ತಕಾನಂ ಸುಖಸಹಗತಾನಂ ಖನ್ಧಾನಂ ಕಮ್ಮಪಚ್ಚಯೇನ ¶ ಪಚ್ಚಯೋ. ನಾನಾಕ್ಖಣಿಕಾ – ಪೀತಿಸಹಗತಾ ಚೇತನಾ ವಿಪಾಕಾನಂ ಸುಖಸಹಗತಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ. (೨)

ಪೀತಿಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ. ನಾನಾಕ್ಖಣಿಕಾ – ಪೀತಿಸಹಗತಾ ಚೇತನಾ ವಿಪಾಕಾನಂ ಉಪೇಕ್ಖಾಸಹಗತಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ. (೩)

ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಪೀತಿಸಹಗತಾ ಚೇತನಾ ಸಮ್ಪಯುತ್ತಕಾನಂ ಪೀತಿಸಹಗತಾನಞ್ಚ ಸುಖಸಹಗತಾನಞ್ಚ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ¶ …ಪೇ…. ನಾನಾಕ್ಖಣಿಕಾ – ಪೀತಿಸಹಗತಾ ಚೇತನಾ ವಿಪಾಕಾನಂ ಪೀತಿಸಹಗತಾನಞ್ಚ ಸುಖಸಹಗತಾನಞ್ಚ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ. (೪)

೪೧. ಸುಖಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ (ಚತ್ತಾರಿಪಿ ಗಣನಾನಿ ಪಸ್ಸಿತ್ವಾ ಕಾತಬ್ಬಾನಿ).

೪೨. ಉಪೇಕ್ಖಾಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ…ಪೇ….

ಉಪೇಕ್ಖಾಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ. ನಾನಾಕ್ಖಣಿಕಾ – ಉಪೇಕ್ಖಾಸಹಗತಾ ಚೇತನಾ…ಪೇ….

ಉಪೇಕ್ಖಾಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ. ನಾನಾಕ್ಖಣಿಕಾ – ಉಪೇಕ್ಖಾಸಹಗತಾ ಚೇತನಾ…ಪೇ….

ಉಪೇಕ್ಖಾಸಹಗತೋ ¶ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ. ನಾನಾಕ್ಖಣಿಕಾ – ಉಪೇಕ್ಖಾಸಹಗತಾ ಚೇತನಾ…ಪೇ…. (೪)

ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಪೀತಿಸಹಗತಸ್ಸ ಧಮ್ಮಸ್ಸ (ಚತ್ತಾರಿ ¶ ಕಾತಬ್ಬಾನಿ, ಪೀತಿಸಹಗತಂ ಅನುಮಜ್ಜನ್ತೇನ ವಿಭಜಿತಬ್ಬಂ). (೪)

ವಿಪಾಕಪಚ್ಚಯೋ

೪೩. ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ – ಪೀತಿಸಹಗತೋ ವಿಪಾಕೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ವಿಪಾಕಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ…ಪೇ… ಪಟಿಸನ್ಧಿಕ್ಖಣೇ ಪೀತಿಸಹಗತೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ…ಪೇ… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ…ಪೇ….

(ಯಥಾ ¶ ಪಟಿಚ್ಚವಾರೇ ಹೇತುಪಚ್ಚಯೇ ಏವಂ ವಿತ್ಥಾರೇತಬ್ಬಾ ದಸ ಪಞ್ಹಾ.)

ಆಹಾರಪಚ್ಚಯಾದಿ

೪೪. ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ… ಝಾನಪಚ್ಚಯೇನ ಪಚ್ಚಯೋ… ಮಗ್ಗಪಚ್ಚಯೇನ ಪಚ್ಚಯೋ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ಅತ್ಥಿಪಚ್ಚಯೇನ ಪಚ್ಚಯೋ… (ದಸ ಪಞ್ಹಾ ವಿತ್ಥಾರೇತಬ್ಬಾ) ನತ್ಥಿಪಚ್ಚಯೇನ ಪಚ್ಚಯೋ… ವಿಗತಪಚ್ಚಯೇನ ಪಚ್ಚಯೋ… (ನತ್ಥಿಪಿ ವಿಗತಮ್ಪಿ ಅನನ್ತರಸದಿಸಂ) ಅವಿಗತಪಚ್ಚಯೇನ ಪಚ್ಚಯೋ.

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೪೫. ಹೇತುಯಾ ದಸ, ಆರಮ್ಮಣೇ ಸೋಳಸ, ಅಧಿಪತಿಯಾ ಸೋಳಸ, ಅನನ್ತರೇ ಸೋಳಸ, ಸಮನನ್ತರೇ ಸೋಳಸ, ಸಹಜಾತೇ ದಸ, ಅಞ್ಞಮಞ್ಞೇ ದಸ, ನಿಸ್ಸಯೇ ದಸ, ಉಪನಿಸ್ಸಯೇ ಸೋಳಸ, ಆಸೇವನೇ ದಸ, ಕಮ್ಮೇ ಸೋಳಸ, ವಿಪಾಕೇ ದಸ, ಆಹಾರೇ ಇನ್ದ್ರಿಯೇ ಝಾನೇ ಮಗ್ಗೇ ಸಮ್ಪಯುತ್ತೇ ಅತ್ಥಿಯಾ ದಸ, ನತ್ಥಿಯಾ ಸೋಳಸ, ವಿಗತೇ ಸೋಳಸ, ಅವಿಗತೇ ದಸ.

(ಕುಸಲತ್ತಿಕಂ ಅನುಲೋಮಂ ಅನುಮಜ್ಜನ್ತೇನ ಗಣೇತಬ್ಬಂ.)

ಅನುಲೋಮಂ.

ಪಚ್ಚನೀಯುದ್ಧಾರೋ

೪೬. ಪೀತಿಸಹಗತೋ ¶ ¶ ¶ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೧)

ಪೀತಿಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೨)

ಪೀತಿಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೩)

ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೪)

೪೭. ಸುಖಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೧)

ಸುಖಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೨)

ಸುಖಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೩)

ಸುಖಸಹಗತೋ ¶ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೪)

೪೮. ಉಪೇಕ್ಖಾಸಹಗತೋ ¶ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೧)

ಉಪೇಕ್ಖಾಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೨)

ಉಪೇಕ್ಖಾಸಹಗತೋ ¶ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೩)

ಉಪೇಕ್ಖಾಸಹಗತೋ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೪)

೪೯. ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಪೀತಿಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೧)

ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಸುಖಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ¶ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೨)

ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೩)

ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೪)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

ಸುದ್ಧಂ

೫೦. ನಹೇತುಯಾ ¶ ಸೋಳಸ, ನಆರಮ್ಮಣೇ ನಅಧಿಪತಿಯಾ ನಅನನ್ತರೇ ನಸಮನನ್ತರೇ ನಸಹಜಾತೇ ನಅಞ್ಞಮಞ್ಞೇ ನನಿಸ್ಸಯೇ ನಉಪನಿಸ್ಸಯೇ ನಪುರೇಜಾತೇ ನಪಚ್ಛಾಜಾತೇ ನಆಸೇವನೇ ನಕಮ್ಮೇ ನವಿಪಾಕೇ ನಆಹಾರೇ ನಇನ್ದ್ರಿಯೇ ನಝಾನೇ ನಮಗ್ಗೇ ನಸಮ್ಪಯುತ್ತೇ ನವಿಪ್ಪಯುತ್ತೇ ನೋಅತ್ಥಿಯಾ ನೋನತ್ಥಿಯಾ ನೋವಿಗತೇ ನೋಅವಿಗತೇ ಸಬ್ಬತ್ಥ ಸೋಳಸ.

(ಪಚ್ಚನೀಯಂ ಅನುಮಜ್ಜನ್ತೇನ ಗಣೇತಬ್ಬಂ.)

ಪಚ್ಚನೀಯಂ.

೩. ಪಚ್ಚಯಾನುಲೋಮಪಚ್ಚನೀಯಂ

ದುಕಂ

೫೧. ಹೇತುಪಚ್ಚಯಾ ¶ ನಆರಮ್ಮಣೇ ದಸ, ನಅಧಿಪತಿಯಾ ದಸ, ನಅನನ್ತರೇ ನಸಮನನ್ತರೇ ನಉಪನಿಸ್ಸಯೇ ನಪುರೇಜಾತೇ ನಪಚ್ಛಾಜಾತೇ ನಆಸೇವನೇ ನಕಮ್ಮೇ ನವಿಪಾಕೇ ನಆಹಾರೇ ನಇನ್ದ್ರಿಯೇ ನಝಾನೇ ನಮಗ್ಗೇ ನವಿಪ್ಪಯುತ್ತೇ ನೋನತ್ಥಿಯಾ ನೋವಿಗತೇ ಸಬ್ಬತ್ಥ ದಸ.

(ಅನುಲೋಮಪಚ್ಚನೀಯಂ ಅನುಮಜ್ಜನ್ತೇನ ಗಣೇತಬ್ಬಂ.)

ಅನುಲೋಮಪಚ್ಚನೀಯಂ.

೪. ಪಚ್ಚಯಪಚ್ಚನೀಯಾನುಲೋಮಂ

ದುಕಂ

೫೨. ನಹೇತುಪಚ್ಚಯಾ ¶ ¶ ಆರಮ್ಮಣೇ ಸೋಳಸ, ಅಧಿಪತಿಯಾ ಅನನ್ತರೇ ಸಮನನ್ತರೇ ಸೋಳಸ, ಸಹಜಾತೇ ದಸ, ಅಞ್ಞಮಞ್ಞೇ ದಸ, ನಿಸ್ಸಯೇ ದಸ, ಉಪನಿಸ್ಸಯೇ ಸೋಳಸ, ಆಸೇವನೇ ದಸ, ಕಮ್ಮೇ ಸೋಳಸ, ವಿಪಾಕೇ ದಸ, ಆಹಾರೇ ದಸ, ಇನ್ದ್ರಿಯೇ ದಸ, ಝಾನೇ ದಸ, ಮಗ್ಗೇ ದಸ, ಸಮ್ಪಯುತ್ತೇ ದಸ, ಅತ್ಥಿಯಾ ದಸ, ನತ್ಥಿಯಾ ಸೋಳಸ, ವಿಗತೇ ಸೋಳಸ, ಅವಿಗತೇ ದಸ.

(ಪಚ್ಚನೀಯಾನುಲೋಮಂ ಅನುಮಜ್ಜನ್ತೇನ ಗಣೇತಬ್ಬಂ.)

ಪಚ್ಚನೀಯಾನುಲೋಮಂ.

ಪೀತಿತ್ತಿಕಂ ನಿಟ್ಠಿತಂ.

೮. ದಸ್ಸನೇನಪಹಾತಬ್ಬತ್ತಿಕಂ

೧. ಪಟಿಚ್ಚವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧. ದಸ್ಸನೇನ ¶ ¶ ¶ ಪಹಾತಬ್ಬಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಸ್ಸನೇನ ಪಹಾತಬ್ಬಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. (೧)

ದಸ್ಸನೇನ ಪಹಾತಬ್ಬಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಸ್ಸನೇನ ಪಹಾತಬ್ಬೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೨)

ದಸ್ಸನೇನ ಪಹಾತಬ್ಬಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ದಸ್ಸನೇನ ಪಹಾತಬ್ಬಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ. (೩)

೨. ಭಾವನಾಯ ಪಹಾತಬ್ಬಂ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ ¶ – ಭಾವನಾಯ ಪಹಾತಬ್ಬಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. (೧)

ಭಾವನಾಯ ಪಹಾತಬ್ಬಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಭಾವನಾಯ ಪಹಾತಬ್ಬೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೨)

ಭಾವನಾಯ ಪಹಾತಬ್ಬಂ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಚ ಧಮ್ಮಾ ಉಪ್ಪಜ್ಜನ್ತಿ ¶ ಹೇತುಪಚ್ಚಯಾ – ಭಾವನಾಯ ಪಹಾತಬ್ಬಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ. (೩)

೩. ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ¶ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ. ಪಟಿಸನ್ಧಿಕ್ಖಣೇ ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಕಟತ್ತಾ ಚ ರೂಪಂ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ಕಟತ್ತಾ ಚ ರೂಪಂ, ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ; ಏಕಂ ಮಹಾಭೂತಂ ಪಟಿಚ್ಚ ತಯೋ ಮಹಾಭೂತಾ…ಪೇ… ದ್ವೇ ಮಹಾಭೂತೇ ಪಟಿಚ್ಚ ದ್ವೇ ಮಹಾಭೂತಾ, ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ. (೧)

೪. ದಸ್ಸನೇನ ಪಹಾತಬ್ಬಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಞ್ಚ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಸ್ಸನೇನ ಪಹಾತಬ್ಬೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಭಾವನಾಯ ಪಹಾತಬ್ಬಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಞ್ಚ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಭಾವನಾಯ ಪಹಾತಬ್ಬೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ¶ ಚಿತ್ತಸಮುಟ್ಠಾನಂ ರೂಪಂ. (೧)

ಆರಮ್ಮಣಪಚ್ಚಯೋ

೫. ದಸ್ಸನೇನ ¶ ಪಹಾತಬ್ಬಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ದಸ್ಸನೇನ ಪಹಾತಬ್ಬಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. (೧)

ಭಾವನಾಯ ಪಹಾತಬ್ಬಂ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಭಾವನಾಯ ಪಹಾತಬ್ಬಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. ಪಟಿಸನ್ಧಿಕ್ಖಣೇ ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. ವತ್ಥುಂ ಪಟಿಚ್ಚ ಖನ್ಧಾ. (೧)

ಅಧಿಪತಿಪಚ್ಚಯೋ

೬. ದಸ್ಸನೇನ ಪಹಾತಬ್ಬಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ… ತೀಣಿ.

ಭಾವನಾಯ ¶ ಪಹಾತಬ್ಬಂ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ… ತೀಣಿ.

ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ ¶ ; ಏಕಂ ಮಹಾಭೂತಂ ಪಟಿಚ್ಚ ತಯೋ ಮಹಾಭೂತಾ…ಪೇ… ದ್ವೇ ಮಹಾಭೂತೇ ಪಟಿಚ್ಚ ದ್ವೇ ಮಹಾಭೂತಾ, ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಉಪಾದಾರೂಪಂ. (೧)

೭. ದಸ್ಸನೇನ ¶ ಪಹಾತಬ್ಬಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಞ್ಚ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ – ದಸ್ಸನೇನ ಪಹಾತಬ್ಬೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಭಾವನಾಯ ಪಹಾತಬ್ಬಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಞ್ಚ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ – ಭಾವನಾಯ ಪಹಾತಬ್ಬೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಅನನ್ತರ-ಸಮನನ್ತರಪಚ್ಚಯಾ

೮. ದಸ್ಸನೇನ ಪಹಾತಬ್ಬಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಅನನ್ತರಪಚ್ಚಯಾ… ಸಮನನ್ತರಪಚ್ಚಯಾ (ಆರಮ್ಮಣಸದಿಸಂ).

ಸಹಜಾತಪಚ್ಚಯೋ

೯. ದಸ್ಸನೇನ ಪಹಾತಬ್ಬಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಸಹಜಾತಪಚ್ಚಯಾ… ತೀಣಿ.

ಭಾವನಾಯ ಪಹಾತಬ್ಬಂ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಸಹಜಾತಪಚ್ಚಯಾ… ತೀಣಿ.

ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಸಹಜಾತಪಚ್ಚಯಾ…ಪೇ… ಏಕಂ ಮಹಾಭೂತಂ ಪಟಿಚ್ಚ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ…ಪೇ…. (೧)

೧೦. ದಸ್ಸನೇನ ¶ ಪಹಾತಬ್ಬಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಞ್ಚ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಸಹಜಾತಪಚ್ಚಯಾ – ದಸ್ಸನೇನ ಪಹಾತಬ್ಬೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ.

ಭಾವನಾಯ ¶ ಪಹಾತಬ್ಬಞ್ಚ ನೇವದಸ್ಸನೇನ ನಭಾವನಾಯ ¶ ಪಹಾತಬ್ಬಞ್ಚ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಸಹಜಾತಪಚ್ಚಯಾ – ಭಾವನಾಯ ಪಹಾತಬ್ಬೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಅಞ್ಞಮಞ್ಞಪಚ್ಚಯೋ

೧೧. ದಸ್ಸನೇನ ಪಹಾತಬ್ಬಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಅಞ್ಞಮಞ್ಞಪಚ್ಚಯಾ… ಏಕಂ.

ಭಾವನಾಯ ಪಹಾತಬ್ಬಂ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಸಹಜಾತಪಚ್ಚಯಾ… ಏಕಂ.

ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಅಞ್ಞಮಞ್ಞಪಚ್ಚಯಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. ಪಟಿಸನ್ಧಿಕ್ಖಣೇ ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ವತ್ಥು ಚ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ವತ್ಥು ಚ, ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ; ಏಕಂ ಮಹಾಭೂತಂ ಪಟಿಚ್ಚ ತಯೋ ಮಹಾಭೂತಾ…ಪೇ… ದ್ವೇ ಮಹಾಭೂತೇ ಪಟಿಚ್ಚ ದ್ವೇ ಮಹಾಭೂತಾ; ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ… ದ್ವೇ ಮಹಾಭೂತೇ ಪಟಿಚ್ಚ ದ್ವೇ ಮಹಾಭೂತಾ.

ನಿಸ್ಸಯಪಚ್ಚಯಾದಿ

೧೨. ದಸ್ಸನೇನ ಪಹಾತಬ್ಬಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಿಸ್ಸಯಪಚ್ಚಯಾ… (ಹೇತುಪಚ್ಚಯಸದಿಸಂ) ಉಪನಿಸ್ಸಯಪಚ್ಚಯಾ… ತೀಣಿ… ಪುರೇಜಾತಪಚ್ಚಯಾ… ತೀಣಿ (ಪಟಿಸನ್ಧಿ ನತ್ಥಿ)… ಆಸೇವನಪಚ್ಚಯಾ… (ವಿಪಾಕಪಟಿಸನ್ಧಿ ನತ್ಥಿ) ಕಮ್ಮಪಚ್ಚಯಾ (ಪರಿಪುಣ್ಣಂ. ಅಜ್ಝತ್ತಿಕಾ ಚ ಅಸಞ್ಞಸತ್ತಾನಞ್ಚ ಮಹಾಭೂತಾ).

ವಿಪಾಕಪಚ್ಚಯೋ

೧೩. ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ವಿಪಾಕಪಚ್ಚಯಾ – ವಿಪಾಕಂ ಏಕಂ ಖನ್ಧಂ ಪಟಿಚ್ಚ ¶ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ; ಏಕಂ ಮಹಾಭೂತಂ…ಪೇ… ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ. (೧)

ಆಹಾರಪಚ್ಚಯಾದಿ

೧೪. ದಸ್ಸನೇನ ಪಹಾತಬ್ಬಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಆಹಾರಪಚ್ಚಯಾ (ಪರಿಪುಣ್ಣಂ, ಅಜ್ಝತ್ತಿಕಾ ಮಹಾಭೂತಾ ಚ ಆಹಾರಸಮುಟ್ಠಾನಞ್ಚ)… ಇನ್ದ್ರಿಯಪಚ್ಚಯಾ (ಕಮ್ಮಪಚ್ಚಯಸದಿಸಂ)… ಝಾನಪಚ್ಚಯಾ… ಮಗ್ಗಪಚ್ಚಯಾ (ಹೇತುಪಚ್ಚಯಸದಿಸಂ)… ಸಮ್ಪಯುತ್ತಪಚ್ಚಯಾ (ಆರಮ್ಮಣಪಚ್ಚಯಸದಿಸಂ)… ವಿಪ್ಪಯುತ್ತಪಚ್ಚಯಾ (ಕುಸಲತ್ತಿಕೇ ವಿಪ್ಪಯುತ್ತಪಚ್ಚಯಸದಿಸಂ)… ಅತ್ಥಿಪಚ್ಚಯಾ (ಸಹಜಾತಪಚ್ಚಯಸದಿಸಂ)… ನತ್ಥಿಪಚ್ಚಯಾ… ವಿಗತಪಚ್ಚಯಾ… ಅವಿಗತಪಚ್ಚಯಾ.

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೧೫. ಹೇತುಯಾ ನವ, ಆರಮ್ಮಣೇ ತೀಣಿ, ಅಧಿಪತಿಯಾ ನವ, ಅನನ್ತರೇ ತೀಣಿ, ಸಮನನ್ತರೇ ತೀಣಿ, ಸಹಜಾತೇ ನವ, ಅಞ್ಞಮಞ್ಞೇ ತೀಣಿ, ನಿಸ್ಸಯೇ ನವ, ಉಪನಿಸ್ಸಯೇ ತೀಣಿ, ಪುರೇಜಾತೇ ತೀಣಿ, ಆಸೇವನೇ ತೀಣಿ, ಕಮ್ಮೇ ನವ, ವಿಪಾಕೇ ಏಕಂ, ಆಹಾರೇ ನವ, ಇನ್ದ್ರಿಯೇ ನವ, ಝಾನೇ ನವ, ಮಗ್ಗೇ ನವ, ಸಮ್ಪಯುತ್ತೇ ತೀಣಿ, ವಿಪ್ಪಯುತ್ತೇ ನವ, ಅತ್ಥಿಯಾ ನವ, ನತ್ಥಿಯಾ ತೀಣಿ, ವಿಗತೇ ತೀಣಿ, ಅವಿಗತೇ ನವ (ಇಮಾನಿ ಪದಾನಿ ಅನುಮಜ್ಜನ್ತೇನ ಅನುಲೋಮಂ ಗಣೇತಬ್ಬಂ).

ಅನುಲೋಮಂ.

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೧೬. ದಸ್ಸನೇನ ¶ ¶ ಪಹಾತಬ್ಬಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಮೋಹೋ. (೧)

ಭಾವನಾಯ ¶ ಪಹಾತಬ್ಬಂ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ಉದ್ಧಚ್ಚಸಹಗತೋ ಮೋಹೋ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಪಟಿಚ್ಚ…ಪೇ… ಅಹೇತುಕಪಟಿಸನ್ಧಿಕ್ಖಣೇ ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಕಟತ್ತಾ ಚ ರೂಪಂ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ; ಏಕಂ ಮಹಾಭೂತಂ ಪಟಿಚ್ಚ ತಯೋ ಮಹಾಭೂತಾ…ಪೇ… ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ; ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ ಪಟಿಚ್ಚ ತಯೋ ಮಹಾಭೂತಾ…ಪೇ… ಮಹಾಭೂತೇ ಪಟಿಚ್ಚ ಕಟತ್ತಾರೂಪಂ ಉಪಾದಾರೂಪಂ. (೧)

ನಆರಮ್ಮಣಪಚ್ಚಯೋ

೧೭. ದಸ್ಸನೇನ ಪಹಾತಬ್ಬಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ದಸ್ಸನೇನ ಪಹಾತಬ್ಬೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಭಾವನಾಯ ¶ ಪಹಾತಬ್ಬಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಭಾವನಾಯ ಪಹಾತಬ್ಬೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ ನೇವದಸ್ಸನೇನ ನಭಾವನಾಯ ಪಹಾತಬ್ಬೇ ಖನ್ಧೇ ಪಟಿಚ್ಚ ಕಟತ್ತಾರೂಪಂ, ಖನ್ಧೇ ಪಟಿಚ್ಚ ವತ್ಥು; ಏಕಂ ಮಹಾಭೂತಂ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ…ಪೇ…. (೧)

೧೮. ದಸ್ಸನೇನ ಪಹಾತಬ್ಬಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಞ್ಚ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ ¶ – ದಸ್ಸನೇನ ಪಹಾತಬ್ಬೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಭಾವನಾಯ ಪಹಾತಬ್ಬಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಞ್ಚ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಭಾವನಾಯ ಪಹಾತಬ್ಬೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ನಅಧಿಪತಿಪಚ್ಚಯಾದಿ

೧೯. ದಸ್ಸನೇನ ಪಹಾತಬ್ಬಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ… (ಪರಿಪುಣ್ಣಂ ಹೇತುಪಚ್ಚಯಸದಿಸಂ) ನಅನನ್ತರಪಚ್ಚಯಾ… ¶ ನಸಮನನ್ತರಪಚ್ಚಯಾ… ನಅಞ್ಞಮಞ್ಞಪಚ್ಚಯಾ… ನಉಪನಿಸ್ಸಯಪಚ್ಚಯಾ.

ನಪುರೇಜಾತಪಚ್ಚಯೋ

೨೦. ದಸ್ಸನೇನ ಪಹಾತಬ್ಬಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ದಸ್ಸನೇನ ಪಹಾತಬ್ಬಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ…. (೧)

ದಸ್ಸನೇನ ಪಹಾತಬ್ಬಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ದಸ್ಸನೇನ ಪಹಾತಬ್ಬೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೨)

ಭಾವನಾಯ ¶ ಪಹಾತಬ್ಬಂ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬೋ…ಪೇ… ಅರೂಪೇ ಭಾವನಾಯ ಪಹಾತಬ್ಬಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. (೧)

ಭಾವನಾಯ ಪಹಾತಬ್ಬಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ…ಪೇ… ಭಾವನಾಯ ಪಹಾತಬ್ಬೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೨)

೨೧. ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ, ನೇವದಸ್ಸನೇನ ನಭಾವನಾಯ ಪಹಾತಬ್ಬೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಏಕಂ ¶ ಖನ್ಧಂ ಪಟಿಚ್ಚ ತಯೋ ಖನ್ಧಾ ಕಟತ್ತಾ ಚ ರೂಪಂ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ಕಟತ್ತಾ ಚ ರೂಪಂ, ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ; ಏಕಂ ಮಹಾಭೂತಂ ಪಟಿಚ್ಚ ತಯೋ ಮಹಾಭೂತಾ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ…ಪೇ…. (೧)

ದಸ್ಸನೇನ ¶ ಪಹಾತಬ್ಬಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಞ್ಚ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ…ಪೇ… ದಸ್ಸನೇನ ಪಹಾತಬ್ಬೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಭಾವನಾಯ ಪಹಾತಬ್ಬಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಞ್ಚ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಭಾವನಾಯ ಪಹಾತಬ್ಬೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ನಪಚ್ಛಾಜಾತಪಚ್ಚಯಾದಿ

೨೨. ದಸ್ಸನೇನ ಪಹಾತಬ್ಬಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಪಚ್ಛಾಜಾತಪಚ್ಚಯಾ… ನಆಸೇವನಪಚ್ಚಯಾ.

ನಕಮ್ಮಪಚ್ಚಯೋ

೨೩. ದಸ್ಸನೇನ ¶ ಪಹಾತಬ್ಬಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ದಸ್ಸನೇನ ಪಹಾತಬ್ಬೇ ಖನ್ಧೇ ಪಟಿಚ್ಚ ದಸ್ಸನೇನ ಪಹಾತಬ್ಬಾ ಚೇತನಾ. (೧)

ಭಾವನಾಯ ಪಹಾತಬ್ಬಂ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಭಾವನಾಯ ಪಹಾತಬ್ಬೇ ಖನ್ಧೇ ಪಟಿಚ್ಚ ಭಾವನಾಯ ಪಹಾತಬ್ಬಾ ಚೇತನಾ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬೇ ಖನ್ಧೇ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಾ ಚೇತನಾ; ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ…ಪೇ…. (೧)

ನವಿಪಾಕಪಚ್ಚಯೋ

೨೪. ದಸ್ಸನೇನ ¶ ಪಹಾತಬ್ಬಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ (ನಅಧಿಪತಿಪಚ್ಚಯಸದಿಸಂ, ಪಟಿಸನ್ಧಿ ನತ್ಥಿ).

ನಆಹಾರಪಚ್ಚಯೋ

೨೫. ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಆಹಾರಪಚ್ಚಯಾ – ಬಾಹಿರಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ…ಪೇ….

ನಇನ್ದ್ರಿಯಪಚ್ಚಯೋ

೨೬. ನೇವದಸ್ಸನೇನ ನಭಾವನಾಯ ಪಹಾತಬ್ಬಂ…ಪೇ… ನಇನ್ದ್ರಿಯಪಚ್ಚಯಾ – ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನ… ಏಕಂ ಮಹಾಭೂತಂ…ಪೇ… ಅಸಞ್ಞಸತ್ತಾನಂ ಮಹಾಭೂತೇ ಪಟಿಚ್ಚ ರೂಪಜೀವಿತಿನ್ದ್ರಿಯಂ.

ನಝಾನಪಚ್ಚಯೋ

೨೭. ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಂ ಧಮ್ಮಂ…ಪೇ… ನಝಾನಪಚ್ಚಯಾ – ಪಞ್ಚವಿಞ್ಞಾಣಸಹಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ…ಪೇ…. ಉತುಸಮುಟ್ಠಾನಂ, ಅಸಞ್ಞಸತ್ತಾನಂ ಏಕಂ ಮಹಾಭೂತಂ…ಪೇ….

ನಮಗ್ಗಪಚ್ಚಯೋ

೨೮. ನೇವದಸ್ಸನೇನ ನಭಾವನಾಯ ಪಹಾತಬ್ಬಂ…ಪೇ… ನಮಗ್ಗಪಚ್ಚಯಾ – ಅಹೇತುಕಂ ನೇವದಸ್ಸನೇನ ನಭಾವನಾಯ ಪಹಾತಬ್ಬಂ…ಪೇ… ಅಹೇತುಕಪಟಿಸನ್ಧಿಕ್ಖಣೇ…ಪೇ… ಏಕಂ ಮಹಾಭೂತಂ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ…ಪೇ….

ನಸಮ್ಪಯುತ್ತಪಚ್ಚಯೋ

೨೯. ದಸ್ಸನೇನ ಪಹಾತಬ್ಬಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಸಮ್ಪಯುತ್ತಪಚ್ಚಯಾ (ನಆರಮ್ಮಣಸದಿಸಂ).

ನವಿಪ್ಪಯುತ್ತಪಚ್ಚಯೋ

೩೦. ದಸ್ಸನೇನ ಪಹಾತಬ್ಬಂ…ಪೇ… ನವಿಪ್ಪಯುತ್ತಪಚ್ಚಯಾ – ಅರೂಪೇ ದಸ್ಸನೇನ ಪಹಾತಬ್ಬಂ ಏಕಂ ಖನ್ಧಂ ಪಟಿಚ್ಚ…ಪೇ…. (೧)

ಭಾವನಾಯ ¶ ಪಹಾತಬ್ಬಂ…ಪೇ… ನವಿಪ್ಪಯುತ್ತಪಚ್ಚಯಾ – ಅರೂಪೇ ಭಾವನಾಯ ಪಹಾತಬ್ಬಂ ಏಕಂ ಖನ್ಧಂ…ಪೇ…. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಂ…ಪೇ… ನವಿಪ್ಪಯುತ್ತಪಚ್ಚಯಾ ¶ – ಅರೂಪೇ ನೇವದಸ್ಸನೇನ ನಭಾವನಾಯ ¶ ಪಹಾತಬ್ಬಂ ಏಕಂ ಖನ್ಧಂ ಪಟಿಚ್ಚ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ…. (೧)

ನೋನತ್ಥಿ-ನೋವಿಗತಪಚ್ಚಯಾ

೩೧. ದಸ್ಸನೇನ ಪಹಾತಬ್ಬಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ…ಪೇ… ನೋನತ್ಥಿಪಚ್ಚಯಾ… ನೋವಿಗತಪಚ್ಚಯಾ (ನಆರಮ್ಮಣಸದಿಸಂ).

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೩೨. ನಹೇತುಯಾ ತೀಣಿ, ನಆರಮ್ಮಣೇ ಪಞ್ಚ, ನಅಧಿಪತಿಯಾ ನವ, ನಅನನ್ತರೇ ಪಞ್ಚ, ನಸಮನನ್ತರೇ ಪಞ್ಚ, ನಅಞ್ಞಮಞ್ಞೇ ಪಞ್ಚ, ನಉಪನಿಸ್ಸಯೇ ಪಞ್ಚ, ನಪುರೇಜಾತೇ ಸತ್ತ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ತೀಣಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ಪಞ್ಚ, ನವಿಪ್ಪಯುತ್ತೇ ತೀಣಿ, ನೋನತ್ಥಿಯಾ ಪಞ್ಚ, ನೋವಿಗತೇ ಪಞ್ಚ.

(ಞತ್ವಾ ಗಣೇತಬ್ಬಂ.)

ಪಚ್ಚನೀಯಂ.

೩. ಪಚ್ಚಯಾನುಲೋಮಪಚ್ಚನೀಯಂ

ಹೇತುದುಕಂ

೩೩. ಹೇತುಪಚ್ಚಯಾ ನಆರಮ್ಮಣೇ ಪಞ್ಚ, ನಅಧಿಪತಿಯಾ ನವ, ನಅನನ್ತರೇ ಪಞ್ಚ, ನಸಮನನ್ತರೇ ಪಞ್ಚ, ನಅಞ್ಞಮಞ್ಞೇ ಪಞ್ಚ, ನಉಪನಿಸ್ಸಯೇ ಪಞ್ಚ, ನಪುರೇಜಾತೇ ಸತ್ತ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ತೀಣಿ, ನವಿಪಾಕೇ ನವ, ನಸಮ್ಪಯುತ್ತೇ ಪಞ್ಚ, ನವಿಪ್ಪಯುತ್ತೇ ತೀಣಿ, ನೋನತ್ಥಿಯಾ ಪಞ್ಚ, ನೋವಿಗತೇ ಪಞ್ಚ.

(ಏವಂ ಅನುಮಜ್ಜನ್ತೇನ ಗಣೇತಬ್ಬಂ.)

ಅನುಲೋಮಪಚ್ಚನೀಯಂ.

೪. ಪಚ್ಚಯಪಚ್ಚನೀಯಾನುಲೋಮಂ

ನಹೇತುದುಕಂ

೩೪. ನಹೇತುಪಚ್ಚಯಾ ¶ ¶ ¶ ಆರಮ್ಮಣೇ ತೀಣಿ, ಅನನ್ತರೇ ತೀಣಿ, ಸಮನನ್ತರೇ ತೀಣಿ, ಸಹಜಾತೇ ತೀಣಿ, ಅಞ್ಞಮಞ್ಞೇ ತೀಣಿ, ನಿಸ್ಸಯೇ ತೀಣಿ, ಉಪನಿಸ್ಸಯೇ ತೀಣಿ, ಪುರೇಜಾತೇ ತೀಣಿ, ಆಸೇವನೇ ತೀಣಿ, ಕಮ್ಮೇ ತೀಣಿ, ವಿಪಾಕೇ ಏಕಂ, ಆಹಾರೇ ತೀಣಿ, ಇನ್ದ್ರಿಯೇ ತೀಣಿ, ಝಾನೇ ತೀಣಿ, ಮಗ್ಗೇ ದ್ವೇ, ಸಮ್ಪಯುತ್ತೇ ತೀಣಿ, ವಿಪ್ಪಯುತ್ತೇ ತೀಣಿ, ಅತ್ಥಿಯಾ ತೀಣಿ, ನತ್ಥಿಯಾ ತೀಣಿ, ವಿಗತೇ ತೀಣಿ, ಅವಿಗತೇ ತೀಣಿ.

(ಏವಂ ಅನುಮಜ್ಜನ್ತೇನ ಗಣೇತಬ್ಬಂ.)

ಪಚ್ಚನೀಯಾನುಲೋಮಂ.

ಪಟಿಚ್ಚವಾರೋ.

೨. ಸಹಜಾತವಾರೋ

೧-೪. ಪಚ್ಚಯಾನುಲೋಮಾದಿ

೩೫. ದಸ್ಸನೇನ ಪಹಾತಬ್ಬಂ ಧಮ್ಮಂ ಸಹಜಾತೋ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಸ್ಸನೇನ ಪಹಾತಬ್ಬಂ ಏಕಂ ಖನ್ಧಂ ಸಹಜಾತಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಸಹಜಾತಾ…ಪೇ….

(ಸಹಜಾತವಾರೋ ಪಟಿಚ್ಚವಾರಸದಿಸೋ.)

೩. ಪಚ್ಚಯವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೩೬. ದಸ್ಸನೇನ ¶ ಪಹಾತಬ್ಬಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಭಾವನಾಯ ಪಹಾತಬ್ಬಂ ಧಮ್ಮಂ ಪಚ್ಚಯಾ ಭಾವನಾಯ… ತೀಣಿ.

೩೭. ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಂ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ¶ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಕಟತ್ತಾ ಚ ರೂಪಂ…ಪೇ… ದ್ವೇ ಖನ್ಧೇ ಪಚ್ಚಯಾ ದ್ವೇ ಖನ್ಧಾ…ಪೇ… ಖನ್ಧೇ ಪಚ್ಚಯಾ ವತ್ಥು, ವತ್ಥುಂ ಪಚ್ಚಯಾ ಖನ್ಧಾ. ಏಕಂ ಮಹಾಭೂತಂ ಪಚ್ಚಯಾ ತಯೋ ಮಹಾಭೂತಾ…ಪೇ… ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ. ವತ್ಥುಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಾ ಖನ್ಧಾ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ದಸ್ಸನೇನ ಪಹಾತಬ್ಬಾ ಖನ್ಧಾ. (೨)

ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ಭಾವನಾಯ ಪಹಾತಬ್ಬಾ ಖನ್ಧಾ. (೩)

ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬೋ ಚ ನೇವದಸ್ಸನೇನ ನಭಾವನಾಯ ¶ ಪಹಾತಬ್ಬೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ದಸ್ಸನೇನ ಪಹಾತಬ್ಬಾ ಖನ್ಧಾ; ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೪)

ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ಭಾವನಾಯ ಪಹಾತಬ್ಬಾ ಖನ್ಧಾ; ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೫)

೩೮. ದಸ್ಸನೇನ ಪಹಾತಬ್ಬಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಞ್ಚ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ ¶ – ದಸ್ಸನೇನ ಪಹಾತಬ್ಬಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ದ್ವೇ ಖನ್ಧಾ. (೧)

ದಸ್ಸನೇನ ಪಹಾತಬ್ಬಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಞ್ಚ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ ¶ – ದಸ್ಸನೇನ ಪಹಾತಬ್ಬೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೨)

ದಸ್ಸನೇನ ಪಹಾತಬ್ಬಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಞ್ಚ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ದಸ್ಸನೇನ ಪಹಾತಬ್ಬಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ದ್ವೇ ಖನ್ಧಾ, ದಸ್ಸನೇನ ಪಹಾತಬ್ಬೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೩)

೩೯. ಭಾವನಾಯ ಪಹಾತಬ್ಬಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಞ್ಚ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಭಾವನಾಯ ಪಹಾತಬ್ಬಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ…ಪೇ…. (೧)

ಭಾವನಾಯ ಪಹಾತಬ್ಬಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಞ್ಚ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಭಾವನಾಯ ಪಹಾತಬ್ಬೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೨)

ಭಾವನಾಯ ¶ ಪಹಾತಬ್ಬಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಞ್ಚ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಚ ಧಮ್ಮಾ ಉಪ್ಪಜ್ಜನ್ತಿ ¶ ಹೇತುಪಚ್ಚಯಾ – ಭಾವನಾಯ ಪಹಾತಬ್ಬಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ…ಪೇ… ಭಾವನಾಯ ಪಹಾತಬ್ಬೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೩)

ಆರಮ್ಮಣಪಚ್ಚಯೋ

೪೦. ದಸ್ಸನೇನ ಪಹಾತಬ್ಬಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ದಸ್ಸನೇನ ಪಹಾತಬ್ಬಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ…. (೧)

ಭಾವನಾಯ ಪಹಾತಬ್ಬಂ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಭಾವನಾಯ ಪಹಾತಬ್ಬಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ…ಪೇ…. (೧)

ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಂ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ…. ಪಟಿಸನ್ಧಿಕ್ಖಣೇ ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ವತ್ಥುಂ ಪಚ್ಚಯಾ ಖನ್ಧಾ, ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ, ವತ್ಥುಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಾ ಖನ್ಧಾ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ವತ್ಥುಂ ಪಚ್ಚಯಾ ದಸ್ಸನೇನ ಪಹಾತಬ್ಬಾ ಖನ್ಧಾ. (೨)

ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ ¶ – ವತ್ಥುಂ ಪಚ್ಚಯಾ ಭಾವನಾಯ ಪಹಾತಬ್ಬಾ ಖನ್ಧಾ. (೩)

೪೧. ದಸ್ಸನೇನ ಪಹಾತಬ್ಬಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಞ್ಚ ಧಮ್ಮಂ ಪಚ್ಚಯಾ ದಸ್ಸನೇನ ¶ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ದಸ್ಸನೇನ ಪಹಾತಬ್ಬಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ…ಪೇ…. (೧)

ಭಾವನಾಯ ಪಹಾತಬ್ಬಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಞ್ಚ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಭಾವನಾಯ ಪಹಾತಬ್ಬಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ದ್ವೇ ಖನ್ಧಾ. (೧)

ಅಧಿಪತಿಪಚ್ಚಯಾದಿ

೪೨. ದಸ್ಸನೇನ ಪಹಾತಬ್ಬಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ… (ಪರಿಪುಣ್ಣಂ, ಪಟಿಸನ್ಧಿ ನತ್ಥಿ) ಅನನ್ತರಪಚ್ಚಯಾ… ಸಮನನ್ತರಪಚ್ಚಯಾ (ಆರಮ್ಮಣಸದಿಸಂ).

ಸಹಜಾತಪಚ್ಚಯೋ

ದಸ್ಸನೇನ ¶ ಪಹಾತಬ್ಬಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಸಹಜಾತಪಚ್ಚಯಾ – ದಸ್ಸನೇನ ಪಹಾತಬ್ಬಂ ಏಕಂ ಖನ್ಧಂ… ತೀಣಿ.

ಭಾವನಾಯ ಪಹಾತಬ್ಬಂ ಧಮ್ಮಂ ಪಚ್ಚಯಾ… ತೀಣಿ.

೪೩. ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಸಹಜಾತಪಚ್ಚಯಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಪಚ್ಚಯಾ ದ್ವೇ ಖನ್ಧಾ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಚ್ಚಯಾ ವತ್ಥು, ವತ್ಥುಂ ಪಚ್ಚಯಾ ಖನ್ಧಾ; ಏಕಂ ಮಹಾಭೂತಂ ಪಚ್ಚಯಾ ತಯೋ ಮಹಾಭೂತಾ…ಪೇ… ಮಹಾಭೂತೇ ಪಚ್ಚಯಾ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ ¶ ಏಕಂ…ಪೇ… ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ, ವತ್ಥುಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಾ ಖನ್ಧಾ.

ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಸಹಜಾತಪಚ್ಚಯಾ (ಅವಸೇಸಾ ಹೇತುಪಚ್ಚಯಸದಿಸಾ).

ಅಞ್ಞಮಞ್ಞಪಚ್ಚಯಾದಿ

೪೪. ದಸ್ಸನೇನ ಪಹಾತಬ್ಬಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಅಞ್ಞಮಞ್ಞಪಚ್ಚಯಾ… ನಿಸ್ಸಯಪಚ್ಚಯಾ… ಉಪನಿಸ್ಸಯಪಚ್ಚಯಾ… ಪುರೇಜಾತಪಚ್ಚಯಾ (ಪಟಿಸನ್ಧಿ ನತ್ಥಿ)… ಆಸೇವನಪಚ್ಚಯಾ… (ಪಟಿಸನ್ಧಿ ನತ್ಥಿ, ವಿಪಾಕಞ್ಚ) ಕಮ್ಮಪಚ್ಚಯಾ… ವಿಪಾಕಪಚ್ಚಯಾ… ಆಹಾರಪಚ್ಚಯಾ… ಇನ್ದ್ರಿಯಪಚ್ಚಯಾ… ಝಾನಪಚ್ಚಯಾ… ಮಗ್ಗಪಚ್ಚಯಾ… ಸಮ್ಪಯುತ್ತಪಚ್ಚಯಾ… ವಿಪ್ಪಯುತ್ತಪಚ್ಚಯಾ… ಅತ್ಥಿಪಚ್ಚಯಾ… ನತ್ಥಿಪಚ್ಚಯಾ… ವಿಗತಪಚ್ಚಯಾ… ಅವಿಗತಪಚ್ಚಯಾ.

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೪೫. ಹೇತುಯಾ ಸತ್ತರಸ, ಆರಮ್ಮಣೇ ಸತ್ತ, ಅಧಿಪತಿಯಾ ಸತ್ತರಸ, ಅನನ್ತರೇ ಸತ್ತ, ಸಮನನ್ತರೇ ಸತ್ತ, ಸಹಜಾತೇ ಸತ್ತರಸ, ಅಞ್ಞಮಞ್ಞೇ ಸತ್ತ, ನಿಸ್ಸಯೇ ಸತ್ತರಸ, ಉಪನಿಸ್ಸಯೇ ಸತ್ತ, ಪುರೇಜಾತೇ ಸತ್ತ, ಆಸೇವನೇ ¶ ಸತ್ತ, ಕಮ್ಮೇ ಸತ್ತರಸ, ವಿಪಾಕೇ ಏಕಂ, ಆಹಾರೇ ಸತ್ತರಸ, ಇನ್ದ್ರಿಯೇ ಸತ್ತರಸ, ಝಾನೇ ಸತ್ತರಸ, ಮಗ್ಗೇ ಸತ್ತರಸ, ಸಮ್ಪಯುತ್ತೇ ಸತ್ತ, ವಿಪ್ಪಯುತ್ತೇ ಸತ್ತರಸ, ಅತ್ಥಿಯಾ ಸತ್ತರಸ, ನತ್ಥಿಯಾ ಸತ್ತ, ವಿಗತೇ ಸತ್ತ, ಅವಿಗತೇ ಸತ್ತರಸ (ಏವಂ ಗಣೇತಬ್ಬಂ).

ಅನುಲೋಮಂ.

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೪೬. ದಸ್ಸನೇನ ¶ ¶ ಪಹಾತಬ್ಬಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಖನ್ಧೇ ಪಚ್ಚಯಾ ವಿಚಿಕಿಚ್ಛಾಸಹಗತೋ ಮೋಹೋ. (೧)

ಭಾವನಾಯ ಪಹಾತಬ್ಬಂ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಉದ್ಧಚ್ಚಸಹಗತೇ ಖನ್ಧೇ ಪಚ್ಚಯಾ ಉದ್ಧಚ್ಚಸಹಗತೋ ಮೋಹೋ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಅಹೇತುಕಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಚ್ಚಯಾ ವತ್ಥು, ವತ್ಥುಂ ಪಚ್ಚಯಾ ಖನ್ಧಾ; ಏಕಂ ಮಹಾಭೂತಂ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ… ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ, ವತ್ಥುಂ ಪಚ್ಚಯಾ ಅಹೇತುಕಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಾ ಖನ್ಧಾ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವತ್ಥುಂ ಪಚ್ಚಯಾ ವಿಚಿಕಿಚ್ಛಾಸಹಗತೋ ಮೋಹೋ. (೨)

ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವತ್ಥುಂ ಪಚ್ಚಯಾ ಉದ್ಧಚ್ಚಸಹಗತೋ ಮೋಹೋ. (೩)

೪೭. ದಸ್ಸನೇನ ¶ ಪಹಾತಬ್ಬಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಞ್ಚ ¶ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ವಿಚಿಕಿಚ್ಛಾಸಹಗತೋ ಮೋಹೋ. (೧)

ಭಾವನಾಯ ¶ ಪಹಾತಬ್ಬಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಞ್ಚ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಉದ್ಧಚ್ಚಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ಉದ್ಧಚ್ಚಸಹಗತೋ ಮೋಹೋ. (೧)

ನಆರಮ್ಮಣಪಚ್ಚಯೋ

೪೮. ದಸ್ಸನೇನ ಪಹಾತಬ್ಬಂ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ದಸ್ಸನೇನ ಪಹಾತಬ್ಬೇ ಖನ್ಧೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೧)

ಭಾವನಾಯ ಪಹಾತಬ್ಬಂ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಭಾವನಾಯ ಪಹಾತಬ್ಬೇ ಖನ್ಧೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬೇ ಖನ್ಧೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ ನೇವದಸ್ಸನೇನ ನಭಾವನಾಯ ಪಹಾತಬ್ಬೇ ಖನ್ಧೇ ಪಚ್ಚಯಾ ಕಟತ್ತಾರೂಪಂ, ಖನ್ಧೇ ಪಚ್ಚಯಾ ವತ್ಥು; ಏಕಂ ಮಹಾಭೂತಂ ಪಚ್ಚಯಾ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ…. (೧)

೪೯. ದಸ್ಸನೇನ ಪಹಾತಬ್ಬಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಞ್ಚ ¶ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ದಸ್ಸನೇನ ಪಹಾತಬ್ಬೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೧)

ಭಾವನಾಯ ಪಹಾತಬ್ಬಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಞ್ಚ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಭಾವನಾಯ ಪಹಾತಬ್ಬೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೧)

ನಅಧಿಪತಿಪಚ್ಚಯಾದಿ

೫೦. ದಸ್ಸನೇನ ¶ ಪಹಾತಬ್ಬಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ ¶ (ಸಹಜಾತಸದಿಸಂ)… ನಅನನ್ತರಪಚ್ಚಯಾ… ನಸಮನನ್ತರಪಚ್ಚಯಾ… ನಅಞ್ಞಮಞ್ಞಪಚ್ಚಯಾ… ನಉಪನಿಸ್ಸಯಪಚ್ಚಯಾ.

ನಪುರೇಜಾತಪಚ್ಚಯೋ

೫೧. ದಸ್ಸನೇನ ಪಹಾತಬ್ಬಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ದಸ್ಸನೇನ ಪಹಾತಬ್ಬಂ ಏಕಂ ಖನ್ಧಂ ಪಚ್ಚಯಾ…ಪೇ…. (೧)

ದಸ್ಸನೇನ ಪಹಾತಬ್ಬಂ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ದಸ್ಸನೇನ ಪಹಾತಬ್ಬೇ ಖನ್ಧೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೨)

ಭಾವನಾಯ ಪಹಾತಬ್ಬಂ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ಭಾವನಾಯ ಪಹಾತಬ್ಬಂ ಏಕಂ ಖನ್ಧಂ ಪಚ್ಚಯಾ…ಪೇ…. (೧)

ಭಾವನಾಯ ಪಹಾತಬ್ಬಂ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಭಾವನಾಯ ಪಹಾತಬ್ಬೇ ಖನ್ಧೇ ಪಚ್ಚಯಾ ¶ ಚಿತ್ತಸಮುಟ್ಠಾನಂ ರೂಪಂ. (೨)

೫೨. ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ…ಪೇ… ನೇವದಸ್ಸನೇನ ನಭಾವನಾಯ ಪಹಾತಬ್ಬೇ ಖನ್ಧೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಚ್ಚಯಾ ಕಟತ್ತಾರೂಪಂ, ಖನ್ಧೇ ಪಚ್ಚಯಾ ವತ್ಥು, ವತ್ಥುಂ ಪಚ್ಚಯಾ ಖನ್ಧಾ; ಏಕಂ ಮಹಾಭೂತಂ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ, ಅಸಞ್ಞಸತ್ತಾನಂ…ಪೇ…. (೧)

ದಸ್ಸನೇನ ಪಹಾತಬ್ಬಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಞ್ಚ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ದಸ್ಸನೇನ ಪಹಾತಬ್ಬೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೧)

ಭಾವನಾಯ ¶ ¶ ಪಹಾತಬ್ಬಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಞ್ಚ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಭಾವನಾಯ ಪಹಾತಬ್ಬೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೧)

ನಪಚ್ಛಾಜಾತಪಚ್ಚಯಾದಿ

೫೩. ದಸ್ಸನೇನ ಪಹಾತಬ್ಬಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಪಚ್ಛಾಜಾತಪಚ್ಚಯಾ… ನಆಸೇವನಪಚ್ಚಯಾ.

ನಕಮ್ಮಪಚ್ಚಯೋ

೫೪. ದಸ್ಸನೇನ ಪಹಾತಬ್ಬಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ದಸ್ಸನೇನ ಪಹಾತಬ್ಬೇ ಖನ್ಧೇ ಪಚ್ಚಯಾ ದಸ್ಸನೇನ ಪಹಾತಬ್ಬಾ ಚೇತನಾ. (೧)

ಭಾವನಾಯ ಪಹಾತಬ್ಬಂ ಧಮ್ಮಂ…ಪೇ… ನಕಮ್ಮಪಚ್ಚಯಾ – ಭಾವನಾಯ ಪಹಾತಬ್ಬೇ ಖನ್ಧೇ ಪಚ್ಚಯಾ ಭಾವನಾಯ ಪಹಾತಬ್ಬಾ ಚೇತನಾ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ…ಪೇ… ನಕಮ್ಮಪಚ್ಚಯಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬೇ ಖನ್ಧೇ ಪಚ್ಚಯಾ ನೇವದಸ್ಸನೇನ ನಭಾವನಾಯ ¶ ಪಹಾತಬ್ಬಾ ಚೇತನಾ; ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ…ಪೇ…. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ವತ್ಥುಂ ಪಚ್ಚಯಾ ದಸ್ಸನೇನ ಪಹಾತಬ್ಬಾ ಚೇತನಾ. (೨)

ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ವತ್ಥುಂ ಪಚ್ಚಯಾ ಭಾವನಾಯ ಪಹಾತಬ್ಬಾ ಚೇತನಾ. (೩)

೫೫. ದಸ್ಸನೇನ ಪಹಾತಬ್ಬಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಞ್ಚ ಧಮ್ಮಂ ಪಚ್ಚಯಾ ದಸ್ಸನೇನ ¶ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ದಸ್ಸನೇನ ಪಹಾತಬ್ಬೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ದಸ್ಸನೇನ ಪಹಾತಬ್ಬಾ ಚೇತನಾ. (೧)

ಭಾವನಾಯ ಪಹಾತಬ್ಬಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಞ್ಚ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಭಾವನಾಯ ¶ ಪಹಾತಬ್ಬೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ಭಾವನಾಯ ಪಹಾತಬ್ಬಾ ಚೇತನಾ. (೧)

ನವಿಪಾಕಪಚ್ಚಯಾದಿ

೫೬. ದಸ್ಸನೇನ ಪಹಾತಬ್ಬಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ (ಪರಿಪುಣ್ಣಂ, ಪಟಿಸನ್ಧಿ ನತ್ಥಿ), ನಆಹಾರಪಚ್ಚಯಾ – ಬಾಹಿರಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ… ನಇನ್ದ್ರಿಯಪಚ್ಚಯಾ – ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ… ಮಹಾಭೂತೇ ಪಚ್ಚಯಾ ರೂಪಜೀವಿತಿನ್ದ್ರಿಯಂ… ನಝಾನಪಚ್ಚಯಾ – ಪಞ್ಚವಿಞ್ಞಾಣಂ…ಪೇ… ಬಾಹಿರಂ…ಪೇ… ಅಸಞ್ಞಸತ್ತಾನಂ…ಪೇ… ನಮಗ್ಗಪಚ್ಚಯಾ – ಅಹೇತುಕಂ ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ¶ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ಅಹೇತುಕಪಟಿಸನ್ಧಿಕ್ಖಣೇ…ಪೇ… ಏಕಂ ಮಹಾಭೂತಂ…ಪೇ… ಅಸಞ್ಞಸತ್ತಾನಂ…ಪೇ… ನಸಮ್ಪಯುತ್ತಪಚ್ಚಯಾ, ನವಿಪ್ಪಯುತ್ತಪಚ್ಚಯಾ – ಅರೂಪೇ ದಸ್ಸನೇನ ಪಹಾತಬ್ಬಂ ಏಕಂ ಖನ್ಧಂ ಪಚ್ಚಯಾ…ಪೇ… ಅರೂಪೇ ಭಾವನಾಯ ಪಹಾತಬ್ಬಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ…ಪೇ… ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಪಚ್ಚಯಾ ನೇವದಸ್ಸನೇನ…ಪೇ… ಅರೂಪೇ ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ… ನೋನತ್ಥಿಪಚ್ಚಯಾ… ನೋವಿಗತಪಚ್ಚಯಾ.

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೫೭. ನಹೇತುಯಾ ಸತ್ತ, ನಆರಮ್ಮಣೇ ಪಞ್ಚ, ನಅಧಿಪತಿಯಾ ಸತ್ತರಸ, ನಅನನ್ತರೇ ಪಞ್ಚ, ನಸಮನನ್ತರೇ ಪಞ್ಚ, ನಅಞ್ಞಮಞ್ಞೇ ಪಞ್ಚ, ನಉಪನಿಸ್ಸಯೇ ಪಞ್ಚ, ನಪುರೇಜಾತೇ ಸತ್ತ, ನಪಚ್ಛಾಜಾತೇ ಸತ್ತರಸ, ನಆಸೇವನೇ ಸತ್ತರಸ, ನಕಮ್ಮೇ ಸತ್ತ, ನವಿಪಾಕೇ ಸತ್ತರಸ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ ¶ , ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ಪಞ್ಚ, ನವಿಪ್ಪಯುತ್ತೇ ತೀಣಿ, ನೋನತ್ಥಿಯಾ ಪಞ್ಚ, ನೋವಿಗತೇ ಪಞ್ಚ.

ಪಚ್ಚನೀಯಂ.

೩. ಪಚ್ಚಯಾನುಲೋಮಪಚ್ಚನೀಯಂ

೫೮. ಹೇತುಪಚ್ಚಯಾ ನಆರಮ್ಮಣೇ ಪಞ್ಚ, ನಅಧಿಪತಿಯಾ ಸತ್ತರಸ, ನಅನನ್ತರೇ ಪಞ್ಚ, ನಸಮನನ್ತರೇ ಪಞ್ಚ, ನಅಞ್ಞಮಞ್ಞೇ ಪಞ್ಚ, ನಉಪನಿಸ್ಸಯೇ ಪಞ್ಚ, ನಪುರೇಜಾತೇ ¶ ಸತ್ತ, ನಪಚ್ಛಾಜಾತೇ ಸತ್ತರಸ, ನಆಸೇವನೇ ಸತ್ತರಸ ¶ , ನಕಮ್ಮೇ ಸತ್ತ, ನವಿಪಾಕೇ ಸತ್ತರಸ, ನಸಮ್ಪಯುತ್ತೇ ಪಞ್ಚ, ನವಿಪ್ಪಯುತ್ತೇ ತೀಣಿ, ನೋನತ್ಥಿಯಾ ಪಞ್ಚ, ನೋವಿಗತೇ ಪಞ್ಚ.

ಅನುಲೋಮಪಚ್ಚನೀಯಂ.

೪. ಪಚ್ಚಯಪಚ್ಚನೀಯಾನುಲೋಮಂ

೫೯. ನಹೇತುಪಚ್ಚಯಾ ಆರಮ್ಮಣೇ ಸತ್ತ, ಅನನ್ತರೇ ಸತ್ತ, ಸಮನನ್ತರೇ ಸತ್ತ, ಸಹಜಾತೇ ಸತ್ತ, ಅಞ್ಞಮಞ್ಞೇ ಸತ್ತ, ನಿಸ್ಸಯೇ ಸತ್ತ, ಉಪನಿಸ್ಸಯೇ ಸತ್ತ, ಪುರೇಜಾತೇ ಸತ್ತ, ಆಸೇವನೇ ಸತ್ತ, ಕಮ್ಮೇ ಸತ್ತ, ವಿಪಾಕೇ ಏಕಂ, ಆಹಾರೇ ಸತ್ತ, ಇನ್ದ್ರಿಯೇ ಸತ್ತ, ಝಾನೇ ಸತ್ತ, ಮಗ್ಗೇ ಛ, ಸಮ್ಪಯುತ್ತೇ ಸತ್ತ, ವಿಪ್ಪಯುತ್ತೇ ಸತ್ತ, ಅತ್ಥಿಯಾ ಸತ್ತ, ನತ್ಥಿಯಾ ಸತ್ತ, ವಿಗತೇ ಸತ್ತ, ಅವಿಗತೇ ಸತ್ತ (ಏವಂ ಗಣೇತಬ್ಬಂ).

ಪಚ್ಚನೀಯಾನುಲೋಮಂ.

ಪಚ್ಚಯವಾರೋ.

೪. ನಿಸ್ಸಯವಾರೋ

(ನಿಸ್ಸಯವಾರೋ ¶ ಪಚ್ಚಯಸದಿಸೋ ಕಾತಬ್ಬೋ.)

೫. ಸಂಸಟ್ಠವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೬೦. ದಸ್ಸನೇನ ಪಹಾತಬ್ಬಂ ಧಮ್ಮಂ ಸಂಸಟ್ಠೋ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಸ್ಸನೇನ ಪಹಾತಬ್ಬಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಸಂಸಟ್ಠಾ ದ್ವೇ ಖನ್ಧಾ. (೧)

ಭಾವನಾಯ ಪಹಾತಬ್ಬಂ ಧಮ್ಮಂ ಸಂಸಟ್ಠೋ ಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಭಾವನಾಯ ಪಹಾತಬ್ಬಂ ಏಕಂ ಖನ್ಧಂ ಸಂಸಟ್ಠಾ…ಪೇ…. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಸಂಸಟ್ಠೋ ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೇವದಸ್ಸನೇನ ನಭಾವನಾಯ ¶ ಪಹಾತಬ್ಬಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ… ಪಟಿಸನ್ಧಿಕ್ಖಣೇ ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಏಕಂ ಖನ್ಧಂ ಸಂಸಟ್ಠಾ…ಪೇ…. (೧)

ಆರಮ್ಮಣಪಚ್ಚಯೋ

೬೧. ದಸ್ಸನೇನ ಪಹಾತಬ್ಬಂ ಧಮ್ಮಂ ಸಂಸಟ್ಠೋ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ (ಸಬ್ಬಾನಿ ಪದಾನಿ ವಿತ್ಥಾರೇತಬ್ಬಾನಿ ತೀಣಿ, ತೀಣಿ).

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೬೨. ಹೇತುಯಾ ¶ ತೀಣಿ, ಆರಮ್ಮಣೇ ತೀಣಿ, ಅಧಿಪತಿಯಾ ತೀಣಿ, ಅನನ್ತರೇ ತೀಣಿ, ಸಮನನ್ತರೇ ತೀಣಿ, ಸಹಜಾತೇ ತೀಣಿ, ಅಞ್ಞಮಞ್ಞೇ ತೀಣಿ, ನಿಸ್ಸಯೇ ತೀಣಿ, ಉಪನಿಸ್ಸಯೇ ತೀಣಿ, ಪುರೇಜಾತೇ ತೀಣಿ, ಆಸೇವನೇ ತೀಣಿ, ಕಮ್ಮೇ ತೀಣಿ, ವಿಪಾಕೇ ಏಕಂ, ಆಹಾರೇ ತೀಣಿ, ಇನ್ದ್ರಿಯೇ ತೀಣಿ, ಝಾನೇ ತೀಣಿ, ಮಗ್ಗೇ ತೀಣಿ, ಸಮ್ಪಯುತ್ತೇ ತೀಣಿ, ವಿಪ್ಪಯುತ್ತೇ ತೀಣಿ, ಅತ್ಥಿಯಾ ತೀಣಿ, ನತ್ಥಿಯಾ ತೀಣಿ, ವಿಗತೇ ತೀಣಿ, ಅವಿಗತೇ ತೀಣಿ.

ಅನುಲೋಮಂ.

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೬೩. ದಸ್ಸನೇನ ಪಹಾತಬ್ಬಂ ಧಮ್ಮಂ ಸಂಸಟ್ಠೋ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಖನ್ಧೇ ಸಂಸಟ್ಠೋ ವಿಚಿಕಿಚ್ಛಾಸಹಗತೋ ಮೋಹೋ. (೧)

ಭಾವನಾಯ ಪಹಾತಬ್ಬಂ ಧಮ್ಮಂ ಸಂಸಟ್ಠೋ ಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಉದ್ಧಚ್ಚಸಹಗತೇ ಖನ್ಧೇ ಸಂಸಟ್ಠೋ ಉದ್ಧಚ್ಚಸಹಗತೋ ಮೋಹೋ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಸಂಸಟ್ಠೋ ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ… ಅಹೇತುಕಪಟಿಸನ್ಧಿಕ್ಖಣೇ…ಪೇ…. (೧)

ನಅಧಿಪತಿಪಚ್ಚಯಾದಿ

೬೪. ದಸ್ಸನೇನ ¶ ¶ ಪಹಾತಬ್ಬಂ ಧಮ್ಮಂ ಸಂಸಟ್ಠೋ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ… ನಪುರೇಜಾತಪಚ್ಚಯಾ… ನಪಚ್ಛಾಜಾತಪಚ್ಚಯಾ… ನಆಸೇವನಪಚ್ಚಯಾ… ನಕಮ್ಮಪಚ್ಚಯಾ… ನವಿಪಾಕಪಚ್ಚಯಾ… – ನೇವದಸ್ಸನೇನ ನಭಾವನಾಯ…ಪೇ… ನಝಾನಪಚ್ಚಯಾ – ಪಞ್ಚವಿಞ್ಞಾಣಂ…ಪೇ… ನಮಗ್ಗಪಚ್ಚಯಾ – ಅಹೇತುಕಂ…ಪೇ… ನೇವದಸ್ಸನೇನ ನಭಾವನಾಯ ಪಹಾತಬ್ಬೋ…ಪೇ… ನವಿಪ್ಪಯುತ್ತಪಚ್ಚಯಾ… ತೀಣಿ.

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೬೫. ನಹೇತುಯಾ ತೀಣಿ, ನಅಧಿಪತಿಯಾ ತೀಣಿ, ನಪುರೇಜಾತೇ ತೀಣಿ, ನಪಚ್ಛಾಜಾತೇ ತೀಣಿ, ನಆಸೇವನೇ ತೀಣಿ, ನಕಮ್ಮೇ ತೀಣಿ, ನವಿಪಾಕೇ ತೀಣಿ, ನಝಾನೇ ಏಕಂ, ನಮಗ್ಗೇ ಏಕಂ, ನವಿಪ್ಪಯುತ್ತೇ ತೀಣಿ.

ಪಚ್ಚನೀಯಂ.

೩. ಪಚ್ಚಯಾನುಲೋಮಪಚ್ಚನೀಯಂ

೬೬. ಹೇತುಪಚ್ಚಯಾ ನಅಧಿಪತಿಯಾ ತೀಣಿ, ನಪುರೇಜಾತೇ ತೀಣಿ, ನಪಚ್ಛಾಜಾತೇ ತೀಣಿ, ನಆಸೇವನೇ ತೀಣಿ, ನಕಮ್ಮೇ ತೀಣಿ, ನವಿಪಾಕೇ ತೀಣಿ, ನವಿಪ್ಪಯುತ್ತೇ ತೀಣಿ.

ಅನುಲೋಮಪಚ್ಚನೀಯಂ.

೪. ಪಚ್ಚಯಪಚ್ಚನೀಯಾನುಲೋಮಂ

೬೭. ನಹೇತುಪಚ್ಚಯಾ ಆರಮ್ಮಣೇ ತೀಣಿ, ಅನನ್ತರೇ ತೀಣಿ, ಸಮನನ್ತರೇ ತೀಣಿ, ಸಹಜಾತೇ ತೀಣಿ ¶ , ಅಞ್ಞಮಞ್ಞೇ ತೀಣಿ, ನಿಸ್ಸಯೇ ತೀಣಿ, ಉಪನಿಸ್ಸಯೇ ತೀಣಿ, ಪುರೇಜಾತೇ ತೀಣಿ, ಆಸೇವನೇ ತೀಣಿ, ಕಮ್ಮೇ ತೀಣಿ, ವಿಪಾಕೇ ಏಕಂ, ಆಹಾರೇ ತೀಣಿ, ಇನ್ದ್ರಿಯೇ ¶ ತೀಣಿ, ಝಾನೇ ತೀಣಿ, ಮಗ್ಗೇ ದ್ವೇ, ಸಮ್ಪಯುತ್ತೇ ತೀಣಿ, ವಿಪ್ಪಯುತ್ತೇ ತೀಣಿ, ಅತ್ಥಿಯಾ ತೀಣಿ, ನತ್ಥಿಯಾ ತೀಣಿ, ವಿಗತೇ ತೀಣಿ, ಅವಿಗತೇ ತೀಣಿ.

ಪಚ್ಚನೀಯಾನುಲೋಮಂ.

ಸಂಸಟ್ಠವಾರೋ.

೬. ಸಮ್ಪಯುತ್ತವಾರೋ

೧. ಪಚ್ಚಯಾನುಲೋಮಾದಿ

೬೮. ದಸ್ಸನೇನ ¶ ಪಹಾತಬ್ಬಂ ಧಮ್ಮಂ ಸಮ್ಪಯುತ್ತೋ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಮ್ಪಯುತ್ತವಾರೋ ಸಂಸಟ್ಠವಾರಸದಿಸೋ).

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೬೯. ದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ. (೧)

ದಸ್ಸನೇನ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬಾ ಹೇತೂ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೨)

ದಸ್ಸನೇನ ¶ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೩)

೭೦. ಭಾವನಾಯ ಪಹಾತಬ್ಬೋ ಧಮ್ಮೋ…ಪೇ… ಧಮ್ಮಸ್ಸ ¶ ಹೇತುಪಚ್ಚಯೇನ ಪಚ್ಚಯೋ – ಭಾವನಾಯ ಪಹಾತಬ್ಬಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ. (೧)

ಭಾವನಾಯ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ…ಪೇ… ಭಾವನಾಯ ಪಹಾತಬ್ಬಾ ಹೇತೂ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೨)

ಭಾವನಾಯ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಚ ಧಮ್ಮಸ್ಸ…ಪೇ… ಭಾವನಾಯ ಪಹಾತಬ್ಬಾ ಹೇತೂ ¶ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೩)

ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ…ಪೇ… ನೇವದಸ್ಸನೇನ ನಭಾವನಾಯ ಪಹಾತಬ್ಬಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ನೇವದಸ್ಸನೇನ ನಭಾವನಾಯ ಪಹಾತಬ್ಬಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೧)

ಆರಮ್ಮಣಪಚ್ಚಯೋ

೭೧. ದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬಂ ರಾಗಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ದಸ್ಸನೇನ ಪಹಾತಬ್ಬೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ವಿಚಿಕಿಚ್ಛಾ ಉಪ್ಪಜ್ಜತಿ. ದಸ್ಸನೇನ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ, ದಿಟ್ಠಿಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ದಸ್ಸನೇನ ಪಹಾತಬ್ಬೋ ¶ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ವಿಚಿಕಿಚ್ಛಾ ಉಪ್ಪಜ್ಜತಿ ¶ . ದಸ್ಸನೇನ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ, ವಿಚಿಕಿಚ್ಛಂ ಆರಬ್ಭ ವಿಚಿಕಿಚ್ಛಾ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ದಸ್ಸನೇನ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ. ದಸ್ಸನೇನ ಪಹಾತಬ್ಬಂ ದೋಮನಸ್ಸಂ ಆರಬ್ಭ ದಸ್ಸನೇನ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ವಿಚಿಕಿಚ್ಛಾ ಉಪ್ಪಜ್ಜತಿ. (೧)

ದಸ್ಸನೇನ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ದಸ್ಸನೇನ ಪಹಾತಬ್ಬೇ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ ಜಾನನ್ತಿ. ದಸ್ಸನೇನ ಪಹಾತಬ್ಬೇ ಖನ್ಧೇ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸನ್ತಿ. ಚೇತೋಪರಿಯಞಾಣೇನ ದಸ್ಸನೇನ ಪಹಾತಬ್ಬಚಿತ್ತಸಮಙ್ಗಿಸ್ಸ ಚಿತ್ತಂ ಜಾನನ್ತಿ. ದಸ್ಸನೇನ ಪಹಾತಬ್ಬಾ ಖನ್ಧಾ ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೨)

೭೨. ಭಾವನಾಯ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಭಾವನಾಯ ಪಹಾತಬ್ಬಂ ರಾಗಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಭಾವನಾಯ ಪಹಾತಬ್ಬೋ ರಾಗೋ ಉಪ್ಪಜ್ಜತಿ, ಉದ್ಧಚ್ಚಂ ಉಪ್ಪಜ್ಜತಿ ¶ . ಭಾವನಾಯ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ, ಉದ್ಧಚ್ಚಂ ಆರಬ್ಭ ಉದ್ಧಚ್ಚಂ ಉಪ್ಪಜ್ಜತಿ. ಭಾವನಾಯ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ, ಭಾವನಾಯ ಪಹಾತಬ್ಬಂ ದೋಮನಸ್ಸಂ ಆರಬ್ಭ ಭಾವನಾಯ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ, ಉದ್ಧಚ್ಚಂ ಉಪ್ಪಜ್ಜತಿ. (೧)

ಭಾವನಾಯ ¶ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಭಾವನಾಯ ಪಹಾತಬ್ಬಂ ರಾಗಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ದಸ್ಸನೇನ ಪಹಾತಬ್ಬೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ವಿಚಿಕಿಚ್ಛಾ ಉಪ್ಪಜ್ಜತಿ, ದಸ್ಸನೇನ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ. ಉದ್ಧಚ್ಚಂ ಆರಬ್ಭ ದಿಟ್ಠಿ ಉಪ್ಪಜ್ಜತಿ, ವಿಚಿಕಿಚ್ಛಾ ಉಪ್ಪಜ್ಜತಿ, ದಸ್ಸನೇನ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ. ಭಾವನಾಯ ಪಹಾತಬ್ಬಂ ದೋಮನಸ್ಸಂ ಆರಬ್ಭ ದಸ್ಸನೇನ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ವಿಚಿಕಿಚ್ಛಾ ಉಪ್ಪಜ್ಜತಿ. (೨)

ಭಾವನಾಯ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಭಾವನಾಯ ಪಹಾತಬ್ಬೇ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ ಪಚ್ಚವೇಕ್ಖನ್ತಿ, ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ ಜಾನನ್ತಿ. ಭಾವನಾಯ ಪಹಾತಬ್ಬೇ ಖನ್ಧೇ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸನ್ತಿ, ಚೇತೋಪರಿಯಞಾಣೇನ ಭಾವನಾಯ ಪಹಾತಬ್ಬಚಿತ್ತಸಮಙ್ಗಿಸ್ಸ ಚಿತ್ತಂ ಜಾನನ್ತಿ. ಭಾವನಾಯ ಪಹಾತಬ್ಬಾ ಖನ್ಧಾ ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ ¶ , ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೩)

೭೩. ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ, ಪುಬ್ಬೇ ಸುಚಿಣ್ಣಾನಿ ಪಚ್ಚವೇಕ್ಖತಿ, ಝಾನಾ ವುಟ್ಠಹಿತ್ವಾ ಝಾನಂ ಪಚ್ಚವೇಕ್ಖತಿ. ಅರಿಯಾ ¶ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ, ಫಲಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ಪಚ್ಚವೇಕ್ಖನ್ತಿ; ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. ಚಕ್ಖುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ; ಸೋತಂ… ಘಾನಂ… ಜಿವ್ಹಂ… ಕಾಯಂ… ರೂಪೇ… ಸದ್ದೇ… ಗನ್ಧೇ… ರಸೇ… ಫೋಟ್ಠಬ್ಬೇ… ವತ್ಥುಂ… ನೇವದಸ್ಸನೇನ ನಭಾವನಾಯ ಪಹಾತಬ್ಬೇ ಖನ್ಧೇ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ಚೇತೋಪರಿಯಞಾಣೇನ ನೇವದಸ್ಸನೇನ ನಭಾವನಾಯ ಪಹಾತಬ್ಬಚಿತ್ತಸಮಙ್ಗಿಸ್ಸ ಚಿತ್ತಂ ಜಾನನ್ತಿ ¶ , ಆಕಾಸಾನಞ್ಚಾಯತನಂ ವಿಞ್ಞಾಣಞ್ಚಾಯತನಸ್ಸ…ಪೇ… ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ…ಪೇ… ರೂಪಾಯತನಂ ಚಕ್ಖುವಿಞ್ಞಾಣಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ…ಪೇ… ನೇವದಸ್ಸನೇನ ನಭಾವನಾಯ ಪಹಾತಬ್ಬಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ದಸ್ಸನೇನ ಪಹಾತಬ್ಬೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ವಿಚಿಕಿಚ್ಛಾ ಉಪ್ಪಜ್ಜತಿ, ದಸ್ಸನೇನ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ. ಪುಬ್ಬೇ ಸುಚಿಣ್ಣಾನಿ ಅಸ್ಸಾದೇತಿ ಅಭಿನನ್ದತಿ…ಪೇ… ಝಾನಾ ವುಟ್ಠಹಿತ್ವಾ ಝಾನಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ¶ ದಸ್ಸನೇನ ಪಹಾತಬ್ಬೋ ರಾಗೋ…ಪೇ… ದಿಟ್ಠಿ…ಪೇ… ವಿಚಿಕಿಚ್ಛಾ…ಪೇ… ಝಾನೇ ಪರಿಹೀನೇ ವಿಪ್ಪಟಿಸಾರಿಸ್ಸ ದಸ್ಸನೇನ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ. ಚಕ್ಖುಂ ಅಸ್ಸಾದೇತಿ ಅಭಿನನ್ದತಿ…ಪೇ… ಸೋತಂ… ಘಾನಂ… ಜಿವ್ಹಂ… ಕಾಯಂ… ರೂಪೇ… ಸದ್ದೇ… ಗನ್ಧೇ… ರಸೇ… ಫೋಟ್ಠಬ್ಬೇ… ವತ್ಥುಂ… ನೇವದಸ್ಸನೇನ ನಭಾವನಾಯ ಪಹಾತಬ್ಬೇ ಖನ್ಧೇ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ¶ ದಸ್ಸನೇನ ಪಹಾತಬ್ಬೋ ರಾಗೋ…ಪೇ… ದಿಟ್ಠಿ…ಪೇ… ವಿಚಿಕಿಚ್ಛಾ…ಪೇ… ದಸ್ಸನೇನ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ. (೨)

ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಭಾವನಾಯ ಪಹಾತಬ್ಬೋ ರಾಗೋ ಉಪ್ಪಜ್ಜತಿ, ಉದ್ಧಚ್ಚಂ ಉಪ್ಪಜ್ಜತಿ, ಭಾವನಾಯ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ. ಪುಬ್ಬೇ ಸುಚಿಣ್ಣಾನಿ…ಪೇ… ಝಾನಾ ವುಟ್ಠಹಿತ್ವಾ…ಪೇ… ಚಕ್ಖುಂ…ಪೇ… ವತ್ಥುಂ… ನೇವದಸ್ಸನೇನ ನಭಾವನಾಯ ಪಹಾತಬ್ಬೇ ಖನ್ಧೇ ಅಸ್ಸಾದೇತಿ…ಪೇ… ತಂ ಆರಬ್ಭ ಭಾವನಾಯ ಪಹಾತಬ್ಬೋ ರಾಗೋ ಉಪ್ಪಜ್ಜತಿ, ಉದ್ಧಚ್ಚಂ ಉಪ್ಪಜ್ಜತಿ, ಭಾವನಾಯ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ. (೩)

ಅಧಿಪತಿಪಚ್ಚಯೋ

೭೪. ದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ ¶ – ದಸ್ಸನೇನ ಪಹಾತಬ್ಬಂ ರಾಗಂ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ದಸ್ಸನೇನ ಪಹಾತಬ್ಬೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ; ದಿಟ್ಠಿಂ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ದಸ್ಸನೇನ ಪಹಾತಬ್ಬೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. ಸಹಜಾತಾಧಿಪತಿ ¶ – ದಸ್ಸನೇನ ಪಹಾತಬ್ಬಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ದಸ್ಸನೇನ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ದಸ್ಸನೇನ ಪಹಾತಬ್ಬಾಧಿಪತಿ ಚಿತ್ತಸಮುಟ್ಠಾನಾನಂ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೨)

ದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ದಸ್ಸನೇನ ಪಹಾತಬ್ಬಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೩)

೭೫. ಭಾವನಾಯ ¶ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಭಾವನಾಯ ಪಹಾತಬ್ಬಂ ರಾಗಂ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ಭಾವನಾಯ ಪಹಾತಬ್ಬೋ ರಾಗೋ ಉಪ್ಪಜ್ಜತಿ. ಸಹಜಾತಾಧಿಪತಿ – ಭಾವನಾಯ ಪಹಾತಬ್ಬಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಭಾವನಾಯ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಭಾವನಾಯ ಪಹಾತಬ್ಬಂ ರಾಗಂ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ದಸ್ಸನೇನ ಪಹಾತಬ್ಬೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. (೨)

ಭಾವನಾಯ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ¶ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಭಾವನಾಯ ಪಹಾತಬ್ಬಾಧಿಪತಿ ಚಿತ್ತಸಮುಟ್ಠಾನಾನಂ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೩)

ಭಾವನಾಯ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಭಾವನಾಯ ಪಹಾತಬ್ಬಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೪)

೭೬. ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಗರುಂ ಕತ್ವಾ ಪಚ್ಚವೇಕ್ಖತಿ, ಪುಬ್ಬೇ ಸುಚಿಣ್ಣಾನಿ…ಪೇ… ಝಾನಾ ವುಟ್ಠಹಿತ್ವಾ ಝಾನಂ ಗರುಂ ಕತ್ವಾ ಪಚ್ಚವೇಕ್ಖತಿ, ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ಫಲಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ; ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ನೇವದಸ್ಸನೇನ ನಭಾವನಾಯ ಪಹಾತಬ್ಬಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಗರುಂ ಕತ್ವಾ ಅಸ್ಸಾದೇತಿ ¶ ಅಭಿನನ್ದತಿ, ತಂ ಗರುಂ ಕತ್ವಾ ದಸ್ಸನೇನ ಪಹಾತಬ್ಬೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. ಪುಬ್ಬೇ ಸುಚಿಣ್ಣಾನಿ ಗರುಂ ಕತ್ವಾ…ಪೇ… ಝಾನಾ ವುಟ್ಠಹಿತ್ವಾ ಝಾನಂ ಗರುಂ ಕತ್ವಾ…ಪೇ… ಚಕ್ಖುಂ…ಪೇ… ವತ್ಥುಂ… ನೇವದಸ್ಸನೇನ ನಭಾವನಾಯ ಪಹಾತಬ್ಬೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ದಸ್ಸನೇನ ಪಹಾತಬ್ಬೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. (೨)

ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ಭಾವನಾಯ ಪಹಾತಬ್ಬೋ ರಾಗೋ ಉಪ್ಪಜ್ಜತಿ. ಪುಬ್ಬೇ…ಪೇ… ನೇವದಸ್ಸನೇನ ನಭಾವನಾಯ ಪಹಾತಬ್ಬೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ಭಾವನಾಯ ಪಹಾತಬ್ಬೋ ರಾಗೋ ಉಪ್ಪಜ್ಜತಿ. (೩)

ಅನನ್ತರಪಚ್ಚಯೋ

೭೭. ದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ದಸ್ಸನೇನ ಪಹಾತಬ್ಬಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ದಸ್ಸನೇನ ಪಹಾತಬ್ಬಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ.

ದಸ್ಸನೇನ ¶ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬಾ ಖನ್ಧಾ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೨)

ಭಾವನಾಯ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಭಾವನಾಯ ಪಹಾತಬ್ಬಾ ಖನ್ಧಾ ಪಚ್ಛಿಮಾನಂ ¶ ಪಚ್ಛಿಮಾನಂ ಭಾವನಾಯ ಪಹಾತಬ್ಬಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೧)

ಭಾವನಾಯ ¶ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಭಾವನಾಯ ಪಹಾತಬ್ಬಾ ಖನ್ಧಾ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೨)

ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ನೇವದಸ್ಸನೇನ ನಭಾವನಾಯ ಪಹಾತಬ್ಬಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. ಅನುಲೋಮಂ ಗೋತ್ರಭುಸ್ಸ… ಅನುಲೋಮಂ ವೋದಾನಸ್ಸ… ಗೋತ್ರಭು ಮಗ್ಗಸ್ಸ… ವೋದಾನಂ ಮಗ್ಗಸ್ಸ… ಮಗ್ಗೋ ಫಲಸ್ಸ… ಫಲಂ ಫಲಸ್ಸ… ಅನುಲೋಮಂ ಫಲಸಮಾಪತ್ತಿಯಾ… ನಿರೋಧಾ ವುಟ್ಠಹನ್ತಸ್ಸ ನೇವಸಞ್ಞಾನಾಸಞ್ಞಾಯತನಂ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ…ಪೇ… ಆವಜ್ಜನಾ ದಸ್ಸನೇನ ಪಹಾತಬ್ಬಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೨)

ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಆವಜ್ಜನಾ ಭಾವನಾಯ ಪಹಾತಬ್ಬಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೩)

ಸಮನನ್ತರಪಚ್ಚಯೋ

೭೮. ದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ¶ ಸಮನನ್ತರಪಚ್ಚಯೇನ ಪಚ್ಚಯೋ (ಅನನ್ತರಸದಿಸಂ).

ಸಹಜಾತಪಚ್ಚಯೋ

೭೯. ದಸ್ಸನೇನ ¶ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ತೀಣಿ.

ಭಾವನಾಯ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ… ತೀಣಿ.

ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ¶ ಪಚ್ಚಯೋ – ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಸಹಜಾತಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧಾ ವತ್ಥುಸ್ಸ ಸಹಜಾತಪಚ್ಚಯೇನ ಪಚ್ಚಯೋ. ವತ್ಥು ಖನ್ಧಾನಂ…ಪೇ… ಏಕಂ ಮಹಾಭೂತಂ ತಿಣ್ಣನ್ನಂ ಮಹಾಭೂತಾನಂ…ಪೇ… ಮಹಾಭೂತಾ ಚಿತ್ತಸಮುಟ್ಠಾನಾನಂ ರೂಪಾನಂ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ…. (೧)

ದಸ್ಸನೇನ ಪಹಾತಬ್ಬೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಚ ಧಮ್ಮಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬಾ ಖನ್ಧಾ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಸಹಜಾತಪಚ್ಚಯೇನ ಪಚ್ಚಯೋ. (೧)

ಭಾವನಾಯ ಪಹಾತಬ್ಬೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಚ ಧಮ್ಮಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ಭಾವನಾಯ ಪಹಾತಬ್ಬಾ ಖನ್ಧಾ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಸಹಜಾತಪಚ್ಚಯೇನ ಪಚ್ಚಯೋ. (೧)

ಅಞ್ಞಮಞ್ಞಪಚ್ಚಯೋ

೮೦. ದಸ್ಸನೇನ ¶ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ…ಪೇ…. (೧)

ಭಾವನಾಯ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ…ಪೇ… ಭಾವನಾಯ ಪಹಾತಬ್ಬೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ…ಪೇ…. (೧)

ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ…ಪೇ… ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ…ಪೇ… ಪಟಿಸನ್ಧಿಕ್ಖಣೇ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ವತ್ಥುಸ್ಸ ಚ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ…ಪೇ… ಖನ್ಧಾ ವತ್ಥುಸ್ಸ…ಪೇ… ವತ್ಥು ಖನ್ಧಾನಂ…ಪೇ… ಏಕಂ ಮಹಾಭೂತಂ ತಿಣ್ಣನ್ನಂ ಮಹಾಭೂತಾನಂ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ…ಪೇ… ಅಸಞ್ಞಸತ್ತಾನಂ…ಪೇ…. (೧)

ನಿಸ್ಸಯಪಚ್ಚಯೋ

೮೧. ದಸ್ಸನೇನ ¶ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ನಿಸ್ಸಯಪಚ್ಚಯೇನ ಪಚ್ಚಯೋ… ತೀಣಿ.

ಭಾವನಾಯ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ… ತೀಣಿ.

ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ನಿಸ್ಸಯಪಚ್ಚಯೇನ ಪಚ್ಚಯೋ – ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ…ಪೇ… ದ್ವೇ ಖನ್ಧಾ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧಾ ವತ್ಥುಸ್ಸ…ಪೇ… ವತ್ಥು ಖನ್ಧಾನಂ…ಪೇ… ಏಕಂ ಮಹಾಭೂತಂ…ಪೇ… ಅಸಞ್ಞಸತ್ತಾನಂ…ಪೇ… ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ… ¶ ವತ್ಥು…ಪೇ…. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ನಿಸ್ಸಯಪಚ್ಚಯೇನ ಪಚ್ಚಯೋ – ವತ್ಥು ದಸ್ಸನೇನ ಪಹಾತಬ್ಬಾನಂ ಖನ್ಧಾನಂ ನಿಸ್ಸಯಪಚ್ಚಯೇನ ಪಚ್ಚಯೋ. (೨)

ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ನಿಸ್ಸಯಪಚ್ಚಯೇನ ಪಚ್ಚಯೋ – ವತ್ಥು ಭಾವನಾಯ ಪಹಾತಬ್ಬಾನಂ ಖನ್ಧಾನಂ ನಿಸ್ಸಯಪಚ್ಚಯೇನ ಪಚ್ಚಯೋ. (೩)

೮೨. ದಸ್ಸನೇನ ಪಹಾತಬ್ಬೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಚ ಧಮ್ಮಾ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ನಿಸ್ಸಯಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ನಿಸ್ಸಯಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ…ಪೇ…. (೧)

ದಸ್ಸನೇನ ಪಹಾತಬ್ಬೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಚ ಧಮ್ಮಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ನಿಸ್ಸಯಪಚ್ಚಯೇನ ಪಚ್ಚಯೋ ¶ – ದಸ್ಸನೇನ ಪಹಾತಬ್ಬಾ ಖನ್ಧಾ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ ನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಭಾವನಾಯ ¶ ಪಹಾತಬ್ಬೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಚ ಧಮ್ಮಾ ಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ನಿಸ್ಸಯಪಚ್ಚಯೇನ ಪಚ್ಚಯೋ – ಭಾವನಾಯ ಪಹಾತಬ್ಬೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ನಿಸ್ಸಯಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ…ಪೇ…. (೧)

ಭಾವನಾಯ ಪಹಾತಬ್ಬೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಚ ಧಮ್ಮಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ನಿಸ್ಸಯಪಚ್ಚಯೇನ ¶ ಪಚ್ಚಯೋ – ಭಾವನಾಯ ಪಹಾತಬ್ಬಾ ಖನ್ಧಾ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ ನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಉಪನಿಸ್ಸಯಪಚ್ಚಯೋ

೮೩. ದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ದಸ್ಸನೇನ ಪಹಾತಬ್ಬಂ ರಾಗಂ ಉಪನಿಸ್ಸಾಯ ಪಾಣಂ ಹನತಿ, ಅದಿನ್ನಂ ಆದಿಯತಿ…ಪೇ… ಸಙ್ಘಂ ಭಿನ್ದತಿ. ದಸ್ಸನೇನ ಪಹಾತಬ್ಬಂ ದೋಸಂ… ಮೋಹಂ… ದಿಟ್ಠಿಂ… ಪತ್ಥನಂ ಉಪನಿಸ್ಸಾಯ ಪಾಣಂ ಹನತಿ…ಪೇ… ಸಙ್ಘಂ ಭಿನ್ದತಿ. ದಸ್ಸನೇನ ಪಹಾತಬ್ಬೋ ರಾಗೋ… ದೋಸೋ… ಮೋಹೋ… ದಿಟ್ಠಿ… ಪತ್ಥನಾ ದಸ್ಸನೇನ ಪಹಾತಬ್ಬಸ್ಸ ರಾಗಸ್ಸ.. ದೋಸಸ್ಸ… ಮೋಹಸ್ಸ… ದಿಟ್ಠಿಯಾ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ದಸ್ಸನೇನ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ದಸ್ಸನೇನ ಪಹಾತಬ್ಬಂ ರಾಗಂ ಉಪನಿಸ್ಸಾಯ ದಾನಂ ದೇತಿ, ಸೀಲಂ ಸಮಾದಿಯತಿ, ಉಪೋಸಥಕಮ್ಮಂ ಕರೋತಿ…ಪೇ… ಸಮಾಪತ್ತಿಂ ಉಪ್ಪಾದೇತಿ. ದಸ್ಸನೇನ ಪಹಾತಬ್ಬಂ ದೋಸಂ…ಪೇ… ಪತ್ಥನಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಮಾಪತ್ತಿಂ ಉಪ್ಪಾದೇತಿ. ದಸ್ಸನೇನ ಪಹಾತಬ್ಬೋ ರಾಗೋ… ದೋಸೋ… ಮೋಹೋ… ದಿಟ್ಠಿ… ಪತ್ಥನಾ ಸದ್ಧಾಯ…ಪೇ… ಪಞ್ಞಾಯ ಕಾಯಿಕಸ್ಸ ಸುಖಸ್ಸ, ಕಾಯಿಕಸ್ಸ ದುಕ್ಖಸ್ಸ ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

೮೪. ಭಾವನಾಯ ¶ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ ¶ , ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಭಾವನಾಯ ¶ ಪಹಾತಬ್ಬೋ ರಾಗೋ… ದೋಸೋ… ಮೋಹೋ… ಮಾನೋ… ಪತ್ಥನಾ ಭಾವನಾಯ ಪಹಾತಬ್ಬಸ್ಸ ರಾಗಸ್ಸ… ದೋಸಸ್ಸ… ಮೋಹಸ್ಸ… ಮಾನಸ್ಸ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಭಾವನಾಯ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಭಾವನಾಯ ಪಹಾತಬ್ಬಂ ರಾಗಂ ಉಪನಿಸ್ಸಾಯ ಪಾಣಂ ಹನತಿ…ಪೇ… ಸಙ್ಘಂ ಭಿನ್ದತಿ. ಭಾವನಾಯ ಪಹಾತಬ್ಬಂ ದೋಸಂ… ಮೋಹಂ… ಮಾನಂ… ಪತ್ಥನಂ ಉಪನಿಸ್ಸಾಯ ಪಾಣಂ ಹನತಿ…ಪೇ… ಸಙ್ಘಂ ಭಿನ್ದತಿ. ಭಾವನಾಯ ಪಹಾತಬ್ಬೋ ರಾಗೋ… ದೋಸೋ… ಮೋಹೋ… ಮಾನೋ… ಪತ್ಥನಾ ದಸ್ಸನೇನ ಪಹಾತಬ್ಬಸ್ಸ ರಾಗಸ್ಸ… ದೋಸಸ್ಸ… ಮೋಹಸ್ಸ… ದಿಟ್ಠಿಯಾ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಸಕಭಣ್ಡೇ ಛನ್ದರಾಗೋ ಪರಭಣ್ಡೇ ಛನ್ದರಾಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಸಕಪರಿಗ್ಗಹೇ ಛನ್ದರಾಗೋ ಪರಪರಿಗ್ಗಹೇ ಛನ್ದರಾಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಭಾವನಾಯ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಭಾವನಾಯ ಪಹಾತಬ್ಬಂ ರಾಗಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಮಾಪತ್ತಿಂ ಉಪ್ಪಾದೇತಿ. ಭಾವನಾಯ ಪಹಾತಬ್ಬಂ ದೋಸಂ… ಮೋಹಂ… ಮಾನಂ… ಪತ್ಥನಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಮಾಪತ್ತಿಂ ಉಪ್ಪಾದೇತಿ. ಭಾವನಾಯ ಪಹಾತಬ್ಬೋ ರಾಗೋ… ದೋಸೋ… ಮೋಹೋ… ಮಾನೋ… ¶ ಪತ್ಥನಾ ಸದ್ಧಾಯ…ಪೇ… ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

೮೫. ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಮಾಪತ್ತಿಂ ಉಪ್ಪಾದೇತಿ. ಸೀಲಂ… ಸುತಂ… ಚಾಗಂ… ಪಞ್ಞಂ… ಕಾಯಿಕಂ… ಸುಖಂ… ಕಾಯಿಕಂ ದುಕ್ಖಂ… ಉತುಂ… ಭೋಜನಂ… ಸೇನಾಸನಂ… ಉಪನಿಸ್ಸಾಯ ದಾನಂ ದೇತಿ…ಪೇ… ಸಮಾಪತ್ತಿಂ ಉಪ್ಪಾದೇತಿ. ಸದ್ಧಾ… ಸೀಲಂ… ಸುತಂ… ಚಾಗೋ ¶ … ಪಞ್ಞಾ… ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ… ಉತು… ಭೋಜನಂ… ಸೇನಾಸನಂ… ಸದ್ಧಾಯ…ಪೇ… ಪಞ್ಞಾಯ ಕಾಯಿಕಸ್ಸ ಸುಖಸ್ಸ, ಕಾಯಿಕಸ್ಸ ದುಕ್ಖಸ್ಸ ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ದಿಟ್ಠಿಂ ಗಣ್ಹಾತಿ. ಸೀಲಂ…ಪೇ… ಸೇನಾಸನಂ ಉಪನಿಸ್ಸಾಯ ಪಾಣಂ ಹನತಿ…ಪೇ… ಸಙ್ಘಂ ಭಿನ್ದತಿ. ಸದ್ಧಾ…ಪೇ… ಸೇನಾಸನಂ ದಸ್ಸನೇನ ಪಹಾತಬ್ಬಸ್ಸ ರಾಗಸ್ಸ… ದೋಸಸ್ಸ… ಮೋಹಸ್ಸ… ದಿಟ್ಠಿಯಾ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ¶ ಮಾನಂ ಜಪ್ಪೇತಿ. ಸೀಲಂ…ಪೇ… ಪಞ್ಞಂ… ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ… ಉತುಂ… ಭೋಜನಂ… ಸೇನಾಸನಂ… ಉಪನಿಸ್ಸಾಯ ಮಾನಂ ಜಪ್ಪೇತಿ. ಸದ್ಧಾ…ಪೇ… ಪಞ್ಞಾ… ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ… ಉತು… ಭೋಜನಂ… ಸೇನಾಸನಂ ಭಾವನಾಯ ಪಹಾತಬ್ಬಸ್ಸ ರಾಗಸ್ಸ… ದೋಸಸ್ಸ… ಮೋಹಸ್ಸ… ಮಾನಸ್ಸ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

ಪುರೇಜಾತಪಚ್ಚಯೋ

೮೬. ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ, ಸೋತಂ… ಘಾನಂ… ಜಿವ್ಹಂ… ಕಾಯಂ… ರೂಪೇ… ಸದ್ದೇ… ಗನ್ಧೇ… ರಸೇ… ಫೋಟ್ಠಬ್ಬೇ… ವತ್ಥುಂ…ಪೇ… ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ. ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ… ವತ್ಥು ನೇವದಸ್ಸನೇನ ನಭಾವನಾಯ ಪಹಾತಬ್ಬಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೧)

ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ ಅಸ್ಸಾದೇತಿ ಅಭಿನನ್ದತಿ; ತಂ ಆರಬ್ಭ ದಸ್ಸನೇನ ಪಹಾತಬ್ಬೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ವಿಚಿಕಿಚ್ಛಾ ¶ ಉಪ್ಪಜ್ಜತಿ, ದಸ್ಸನೇನ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ…ಪೇ… ¶ ವತ್ಥುಂ ಅಸ್ಸಾದೇತಿ ಅಭಿನನ್ದತಿ; ತಂ ಆರಬ್ಭ ದಸ್ಸನೇನ ಪಹಾತಬ್ಬೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ವಿಚಿಕಿಚ್ಛಾ ಉಪ್ಪಜ್ಜತಿ, ದಸ್ಸನೇನ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ. ವತ್ಥುಪುರೇಜಾತಂ – ವತ್ಥು ದಸ್ಸನೇನ ಪಹಾತಬ್ಬಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೨)

ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ ಅಸ್ಸಾದೇತಿ ಅಭಿನನ್ದತಿ; ತಂ ಆರಬ್ಭ ಭಾವನಾಯ ಪಹಾತಬ್ಬೋ ರಾಗೋ ಉಪ್ಪಜ್ಜತಿ… ಉದ್ಧಚ್ಚಂ ಉಪ್ಪಜ್ಜತಿ… ಭಾವನಾಯ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ, ಸೋತಂ…ಪೇ… ಕಾಯಂ… ರೂಪೇ…ಪೇ… ಫೋಟ್ಠಬ್ಬೇ… ವತ್ಥುಂ ಅಸ್ಸಾದೇತಿ ಅಭಿನನ್ದತಿ; ತಂ ಆರಬ್ಭ ಭಾವನಾಯ ಪಹಾತಬ್ಬೋ ರಾಗೋ ಉಪ್ಪಜ್ಜತಿ, ಉದ್ಧಚ್ಚಂ ಉಪ್ಪಜ್ಜತಿ, ಭಾವನಾಯ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ. ವತ್ಥುಪುರೇಜಾತಂ – ವತ್ಥು ಭಾವನಾಯ ಪಹಾತಬ್ಬಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೩)

ಪಚ್ಛಾಜಾತಪಚ್ಚಯೋ

೮೭. ದಸ್ಸನೇನ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ದಸ್ಸನೇನ ಪಹಾತಬ್ಬಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೧)

ಭಾವನಾಯ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ಭಾವನಾಯ ಪಹಾತಬ್ಬಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ¶ ಪಚ್ಚಯೋ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ¶ ನೇವದಸ್ಸನೇನ ನಭಾವನಾಯ ಪಹಾತಬ್ಬಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೧)

ಆಸೇವನಪಚ್ಚಯೋ

೮೮. ದಸ್ಸನೇನ ¶ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ದಸ್ಸನೇನ ಪಹಾತಬ್ಬಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ…ಪೇ… ಆಸೇವನಪಚ್ಚಯೇನ ಪಚ್ಚಯೋ. (೧)

ಭಾವನಾಯ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಭಾವನಾಯ ಪಹಾತಬ್ಬಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ…ಪೇ… ಆಸೇವನಪಚ್ಚಯೇನ ಪಚ್ಚಯೋ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ…ಪೇ… ಆಸೇವನಪಚ್ಚಯೇನ ಪಚ್ಚಯೋ. ಅನುಲೋಮಂ ಗೋತ್ರಭುಸ್ಸ… ಅನುಲೋಮಂ ವೋದಾನಸ್ಸ… ಗೋತ್ರಭು ಮಗ್ಗಸ್ಸ… ವೋದಾನಂ ಮಗ್ಗಸ್ಸ ಆಸೇವನಪಚ್ಚಯೇನ ಪಚ್ಚಯೋ. (೧)

ಕಮ್ಮಪಚ್ಚಯೋ

೮೯. ದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ. (೧)

ದಸ್ಸನೇನ ¶ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ದಸ್ಸನೇನ ಪಹಾತಬ್ಬಾ ಚೇತನಾ ಚಿತ್ತಸಮುಟ್ಠಾನಾನಂ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. ನಾನಾಕ್ಖಣಿಕಾ – ದಸ್ಸನೇನ ಪಹಾತಬ್ಬಾ ಚೇತನಾ ವಿಪಾಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೨)

ದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೩)

ಭಾವನಾಯ ¶ ¶ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಭಾವನಾಯ ಪಹಾತಬ್ಬಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ. (೧)

ಭಾವನಾಯ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಭಾವನಾಯ ಪಹಾತಬ್ಬಾ ಚೇತನಾ ಚಿತ್ತಸಮುಟ್ಠಾನಾನಂ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೨)

ಭಾವನಾಯ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಭಾವನಾಯ ಪಹಾತಬ್ಬಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೩)

ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ನೇವದಸ್ಸನೇನ ನಭಾವನಾಯ ಪಹಾತಬ್ಬಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ…ಪೇ…. ನಾನಾಕ್ಖಣಿಕಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬಾ ಚೇತನಾ ವಿಪಾಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೧)

ವಿಪಾಕಪಚ್ಚಯೋ

೯೦. ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ – ವಿಪಾಕೋ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ವಿಪಾಕಪಚ್ಚಯೇನ ಪಚ್ಚಯೋ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧಾ ವತ್ಥುಸ್ಸ ವಿಪಾಕಪಚ್ಚಯೇನ ಪಚ್ಚಯೋ.

ಆಹಾರಪಚ್ಚಯಾದಿ

೯೧. ದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ (ಸಂಖಿತ್ತಂ) ಕಬಳೀಕಾರೋ… ಸತ್ತ ಪಞ್ಹಾ… ಇನ್ದ್ರಿಯಪಚ್ಚಯೇನ ¶ ಪಚ್ಚಯೋ… ಚಕ್ಖುನ್ದ್ರಿಯಞ್ಚ…ಪೇ… ರೂಪಜೀವಿತಿನ್ದ್ರಿಯಞ್ಚ ¶ …ಪೇ… ಸತ್ತ ಪಞ್ಹಾ ಝಾನಪಚ್ಚಯೇನ ಪಚ್ಚಯೋ… ಮಗ್ಗಪಚ್ಚಯೇನ ಪಚ್ಚಯೋ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ.

ವಿಪ್ಪಯುತ್ತಪಚ್ಚಯೋ

೯೨. ದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ. ಸಹಜಾತಾ – ದಸ್ಸನೇನ ಪಹಾತಬ್ಬಾ ಖನ್ಧಾ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ ¶ . ಪಚ್ಛಾಜಾತಾ – ದಸ್ಸನೇನ ಪಹಾತಬ್ಬಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೧)

ಭಾವನಾಯ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಇದಮ್ಪಿ ದಸ್ಸನೇನ ಸದಿಸಂ).

ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ. ಸಹಜಾತಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬಾ ಖನ್ಧಾ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ನೇವದಸ್ಸನೇನ ನಭಾವನಾಯ ಪಹಾತಬ್ಬಾ ಖನ್ಧಾ ಕಟತ್ತಾರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ, ಖನ್ಧಾ ವತ್ಥುಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ, ವತ್ಥು ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ… ವತ್ಥು ನೇವದಸ್ಸನೇನ ನಭಾವನಾಯ ಪಹಾತಬ್ಬಾನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಪುರೇಜಾತಂ ವತ್ಥು ದಸ್ಸನೇನ ಪಹಾತಬ್ಬಾನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೨)

ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ¶ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಪುರೇಜಾತಂ ವತ್ಥು ಭಾವನಾಯ ಪಹಾತಬ್ಬಾನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೩)

ಅತ್ಥಿಪಚ್ಚಯೋ

೯೩. ದಸ್ಸನೇನ ¶ ¶ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ…ಪೇ…. (೧)

ದಸ್ಸನೇನ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ. ಸಹಜಾತಾ – ದಸ್ಸನೇನ ಪಹಾತಬ್ಬಾ ಖನ್ಧಾ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ದಸ್ಸನೇನ ಪಹಾತಬ್ಬಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. (೨)

ದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ…ಪೇ… ದ್ವೇ ಖನ್ಧಾ…ಪೇ…. (೩)

ಭಾವನಾಯ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ… ತೀಣಿ (ದಸ್ಸನೇನ ಸದಿಸಂ ಕಾತಬ್ಬಂ).

೯೪. ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. ಸಹಜಾತೋ – ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧಾ ¶ ವತ್ಥುಸ್ಸ…ಪೇ… ವತ್ಥು ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ; ಏಕಂ ಮಹಾಭೂತಂ…ಪೇ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ…ಪೇ…. ಪುರೇಜಾತಂ – ಚಕ್ಖುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ, ಸೋತಂ…ಪೇ… ಕಾಯಂ… ರೂಪೇ…ಪೇ… ಫೋಟ್ಠಬ್ಬೇ… ವತ್ಥುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ… ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ… ವತ್ಥು ನೇವದಸ್ಸನೇನ ನಭಾವನಾಯ ಪಹಾತಬ್ಬಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬಾ ¶ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ¶ ಪಚ್ಚಯೋ. ಕಬಳೀಕಾರೋ ಆಹಾರೋ ಇಮಸ್ಸ ಕಾಯಸ್ಸ…ಪೇ… ರೂಪಜೀವಿತಿನ್ದ್ರಿಯಂ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಪುರೇಜಾತಂ ಚಕ್ಖುಂ ಅಸ್ಸಾದೇತಿ ಅಭಿನನ್ದತಿ; ತಂ ಆರಬ್ಭ ದಸ್ಸನೇನ ಪಹಾತಬ್ಬೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ವಿಚಿಕಿಚ್ಛಾ ಉಪ್ಪಜ್ಜತಿ, ದಸ್ಸನೇನ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ, ಸೋತಂ…ಪೇ… ವತ್ಥುಂ ಅಸ್ಸಾದೇತಿ…ಪೇ… ವತ್ಥು ದಸ್ಸನೇನ ಪಹಾತಬ್ಬಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೨)

ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಪುರೇಜಾತಂ ಚಕ್ಖುಂ ಅಸ್ಸಾದೇತಿ ಅಭಿನನ್ದತಿ; ತಂ ಆರಬ್ಭ ಭಾವನಾಯ ಪಹಾತಬ್ಬೋ ರಾಗೋ ಉಪ್ಪಜ್ಜತಿ ¶ , ಉದ್ಧಚ್ಚಂ ಉಪ್ಪಜ್ಜತಿ, ಭಾವನಾಯ ಪಹಾತಬ್ಬಂ ದೋಮನಸ್ಸಂ ಉಪ್ಪಜ್ಜತಿ, ಸೋತಂ…ಪೇ… ವತ್ಥುಂ ಅಸ್ಸಾದೇತಿ ಅಭಿನನ್ದತಿ…ಪೇ… ವತ್ಥು ಭಾವನಾಯ ಪಹಾತಬ್ಬಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೩)

೯೫. ದಸ್ಸನೇನ ಪಹಾತಬ್ಬೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಚ ಧಮ್ಮಾ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತೋ – ದಸ್ಸನೇನ ಪಹಾತಬ್ಬೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ ವತ್ಥು ಚ…ಪೇ…. (೧)

ದಸ್ಸನೇನ ಪಹಾತಬ್ಬೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಚ ಧಮ್ಮಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. ಸಹಜಾತಾ – ದಸ್ಸನೇನ ಪಹಾತಬ್ಬಾ ಖನ್ಧಾ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ದಸ್ಸನೇನ ಪಹಾತಬ್ಬಾ ಖನ್ಧಾ ಚ ಕಬಳೀಕಾರೋ ಆಹಾರೋ ಚ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ದಸ್ಸನೇನ ಪಹಾತಬ್ಬಾ ಖನ್ಧಾ ಚ ರೂಪಜೀವಿತಿನ್ದ್ರಿಯಞ್ಚ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೨)

ಭಾವನಾಯ ¶ ಪಹಾತಬ್ಬೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಚ ಧಮ್ಮಾ ಭಾವನಾಯ ಪಹಾತಬ್ಬಸ್ಸ…ಪೇ… (ದ್ವೇ ಪಞ್ಹಾ ಕಾತಬ್ಬಾ).

ನತ್ಥಿವಿಗತಾವಿಗತಪಚ್ಚಯಾ

೯೬. ದಸ್ಸನೇನ ¶ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ¶ ನತ್ಥಿಪಚ್ಚಯೇನ ಪಚ್ಚಯೋ… ವಿಗತಪಚ್ಚಯೇನ ಪಚ್ಚಯೋ… ಅವಿಗತಪಚ್ಚಯೇನ ಪಚ್ಚಯೋ.

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೯೭. ಹೇತುಯಾ ಸತ್ತ, ಆರಮ್ಮಣೇ ಅಟ್ಠ, ಅಧಿಪತಿಯಾ ದಸ, ಅನನ್ತರೇ ಸತ್ತ, ಸಮನನ್ತರೇ ಸತ್ತ, ಸಹಜಾತೇ ನವ, ಅಞ್ಞಮಞ್ಞೇ ತೀಣಿ, ನಿಸ್ಸಯೇ ತೇರಸ, ಉಪನಿಸ್ಸಯೇ ಅಟ್ಠ, ಪುರೇಜಾತೇ ತೀಣಿ, ಪಚ್ಛಾಜಾತೇ ತೀಣಿ, ಆಸೇವನೇ ತೀಣಿ, ಕಮ್ಮೇ ಸತ್ತ, ವಿಪಾಕೇ ಏಕಂ, ಆಹಾರೇ ಸತ್ತ, ಇನ್ದ್ರಿಯೇ ಸತ್ತ, ಝಾನೇ ಸತ್ತ, ಮಗ್ಗೇ ಸತ್ತ, ಸಮ್ಪಯುತ್ತೇ ತೀಣಿ, ವಿಪ್ಪಯುತ್ತೇ ಪಞ್ಚ, ಅತ್ಥಿಯಾ ತೇರಸ, ನತ್ಥಿಯಾ ಸತ್ತ, ವಿಗತೇ ಸತ್ತ, ಅವಿಗತೇ ತೇರಸ (ಏವಂ ಗಣೇತಬ್ಬಂ).

ಅನುಲೋಮಂ.

ಪಚ್ಚನೀಯುದ್ಧಾರೋ

೯೮. ದಸ್ಸನೇನ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ದಸ್ಸನೇನ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೨)

ದಸ್ಸನೇನ ¶ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ. (೩)

೯೯. ಭಾವನಾಯ ¶ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಭಾವನಾಯ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಭಾವನಾಯ ¶ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೩)

ಭಾವನಾಯ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ. (೪)

೧೦೦. ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ. (೨)

ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಭಾವನಾಯ ಪಹಾತಬ್ಬಸ್ಸ ¶ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ. (೩)

೧೦೧. ದಸ್ಸನೇನ ¶ ಪಹಾತಬ್ಬೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಚ ಧಮ್ಮಾ ದಸ್ಸನೇನ ಪಹಾತಬ್ಬಸ್ಸ ಧಮ್ಮಸ್ಸ ಸಹಜಾತಂ, ಪುರೇಜಾತಂ. (೧)

ದಸ್ಸನೇನ ಪಹಾತಬ್ಬೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಚ ಧಮ್ಮಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. (೨)

ಭಾವನಾಯ ಪಹಾತಬ್ಬೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಚ ಧಮ್ಮಾ ಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಸಹಜಾತಂ, ಪುರೇಜಾತಂ. (೧)

ಭಾವನಾಯ ಪಹಾತಬ್ಬೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಚ ಧಮ್ಮಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಸ್ಸ ಧಮ್ಮಸ್ಸ ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. (೨)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೧೦೨. ನಹೇತುಯಾ ¶ ಚುದ್ದಸ, ನಆರಮ್ಮಣೇ ಚುದ್ದಸ, ನಅಧಿಪತಿಯಾ ಚುದ್ದಸ, ನಅನನ್ತರೇ ಚುದ್ದಸ, ನಸಮನನ್ತರೇ ಚುದ್ದಸ, ನಸಹಜಾತೇ ದಸ, ನಅಞ್ಞಮಞ್ಞೇ ದಸ, ನನಿಸ್ಸಯೇ ದಸ, ನಉಪನಿಸ್ಸಯೇ ಚುದ್ದಸ, ನಪುರೇಜಾತೇ ದ್ವಾದಸ, ನಪಚ್ಛಾಜಾತೇ ಚುದ್ದಸ, ನಆಸೇವನೇ ಚುದ್ದಸ, ನಕಮ್ಮೇ ಚುದ್ದಸ, ನವಿಪಾಕೇ ಚುದ್ದಸ, ನಆಹಾರೇ ಚುದ್ದಸ, ನಇನ್ದ್ರಿಯೇ ಚುದ್ದಸ, ನಝಾನೇ ಚುದ್ದಸ, ನಮಗ್ಗೇ ಚುದ್ದಸ, ನಸಮ್ಪಯುತ್ತೇ ದಸ, ನವಿಪ್ಪಯುತ್ತೇ ¶ ಅಟ್ಠ, ನೋಅತ್ಥಿಯಾ ಅಟ್ಠ, ನೋನತ್ಥಿಯಾ ಚುದ್ದಸ, ನೋವಿಗತೇ ಚುದ್ದಸ, ನೋಅವಿಗತೇ ಅಟ್ಠ (ಏವಂ ಗಣೇತಬ್ಬಂ).

ಪಚ್ಚನೀಯಂ.

೩. ಪಚ್ಚಯಾನುಲೋಮಪಚ್ಚನೀಯಂ

೧೦೩. ಹೇತುಪಚ್ಚಯಾ ನಆರಮ್ಮಣೇ ಸತ್ತ, ನಅಧಿಪತಿಯಾ ಸತ್ತ, ನಅನನ್ತರೇ ಸತ್ತ, ನಸಮನನ್ತರೇ ¶ ಸತ್ತ, ನಅಞ್ಞಮಞ್ಞೇ ತೀಣಿ, ನಉಪನಿಸ್ಸಯೇ ಸತ್ತ, ನಪುರೇಜಾತೇ ಸತ್ತ, ನಪಚ್ಛಾಜಾತೇ ಸತ್ತ, ನಆಸೇವನೇ ಸತ್ತ, ನಕಮ್ಮೇ ಸತ್ತ, ನವಿಪಾಕೇ ಸತ್ತ, ನಆಹಾರೇ ಸತ್ತ, ನಇನ್ದ್ರಿಯೇ ಸತ್ತ, ನಝಾನೇ ಸತ್ತ, ನಮಗ್ಗೇ ಸತ್ತ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ತೀಣಿ, ನೋನತ್ಥಿಯಾ ಸತ್ತ, ನೋವಿಗತೇ ಸತ್ತ (ಏವಂ ಗಣೇತಬ್ಬಂ).

ಅನುಲೋಮಪಚ್ಚನೀಯಂ.

೪. ಪಚ್ಚಯಪಚ್ಚನೀಯಾನುಲೋಮಂ

೧೦೪. ನಹೇತುಪಚ್ಚಯಾ ಆರಮ್ಮಣೇ ಅಟ್ಠ, ಅಧಿಪತಿಯಾ ದಸ, ಅನನ್ತರೇ ಸತ್ತ, ಸಮನನ್ತರೇ ಸತ್ತ, ಸಹಜಾತೇ ನವ, ಅಞ್ಞಮಞ್ಞೇ ತೀಣಿ, ನಿಸ್ಸಯೇ ತೇರಸ, ಉಪನಿಸ್ಸಯೇ ಅಟ್ಠ, ಪುರೇಜಾತೇ ತೀಣಿ, ಪಚ್ಛಾಜಾತೇ ತೀಣಿ, ಆಸೇವನೇ ತೀಣಿ, ಕಮ್ಮೇ ಸತ್ತ, ವಿಪಾಕೇ ಏಕಂ, ಆಹಾರೇ ಸತ್ತ, ಇನ್ದ್ರಿಯೇ ಸತ್ತ, ಝಾನೇ ಸತ್ತ, ಮಗ್ಗೇ ಸತ್ತ, ಸಮ್ಪಯುತ್ತೇ ತೀಣಿ, ವಿಪ್ಪಯುತ್ತೇ ಪಞ್ಚ, ಅತ್ಥಿಯಾ ತೇರಸ, ನತ್ಥಿಯಾ ಸತ್ತ, ವಿಗತೇ ಸತ್ತ, ಅವಿಗತೇ ತೇರಸ (ಏವಂ ಗಣೇತಬ್ಬಂ ).

ಪಚ್ಚನೀಯಾನುಲೋಮಂ.

ದಸ್ಸನೇನಪಹಾತಬ್ಬತ್ತಿಕಂ ನಿಟ್ಠಿತಂ.

೯. ದಸ್ಸನೇನಪಹಾತಬ್ಬಹೇತುಕತ್ತಿಕಂ

೧. ಪಟಿಚ್ಚವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧. ದಸ್ಸನೇನ ¶ ¶ ¶ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧಾ. (೧)

ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೨)

ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧಾ…ಪೇ…. (೩)

೨. ಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಭಾವನಾಯ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧಾ. (೧)

ಭಾವನಾಯ ¶ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಭಾವನಾಯ ಪಹಾತಬ್ಬಹೇತುಕೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೨)

ಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ¶ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಭಾವನಾಯ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ…. (೩)

೩. ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ¶ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ; ವಿಚಿಕಿಚ್ಛಾಸಹಗತಂ ಉದ್ಧಚ್ಚಸಹಗತಂ ಮೋಹಂ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಕಟತ್ತಾ ಚ ರೂಪಂ…ಪೇ… ದ್ವೇ ಖನ್ಧಾ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ; ಏಕಂ ಮಹಾಭೂತಂ ಪಟಿಚ್ಚ…ಪೇ… ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವಿಚಿಕಿಚ್ಛಾಸಹಗತಂ ಮೋಹಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ. (೨)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉದ್ಧಚ್ಚಸಹಗತಂ ಮೋಹಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ. (೩)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ವಿಚಿಕಿಚ್ಛಾಸಹಗತಂ ಮೋಹಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ. (೪)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಉದ್ಧಚ್ಚಸಹಗತಂ ಮೋಹಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ. (೫)

೪. ದಸ್ಸನೇನ ¶ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವಿಚಿಕಿಚ್ಛಾಸಹಗತಂ ಏಕಂ ಖನ್ಧಞ್ಚ ಮೋಹಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ಮೋಹಞ್ಚ ಪಟಿಚ್ಚ ದ್ವೇ ಖನ್ಧಾ. (೧)

ದಸ್ಸನೇನ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ವಿಚಿಕಿಚ್ಛಾಸಹಗತೇ ಖನ್ಧೇ ಚ ಮೋಹಞ್ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೨)

ದಸ್ಸನೇನ ¶ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ವಿಚಿಕಿಚ್ಛಾಸಹಗತಂ ಏಕಂ ಖನ್ಧಞ್ಚ ಮೋಹಞ್ಚ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಚ ಮೋಹಞ್ಚ ಪಟಿಚ್ಚ ದ್ವೇ ಖನ್ಧಾ…ಪೇ…. (೩)

೫. ಭಾವನಾಯ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉದ್ಧಚ್ಚಸಹಗತಂ ಏಕಂ ಖನ್ಧಞ್ಚ ಮೋಹಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ಮೋಹಞ್ಚ ಪಟಿಚ್ಚ ದ್ವೇ ಖನ್ಧಾ. (೧)

ಭಾವನಾಯ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಟಿಚ್ಚ ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಭಾವನಾಯ ಪಹಾತಬ್ಬಹೇತುಕೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಉದ್ಧಚ್ಚಸಹಗತೇ ಖನ್ಧೇ ಚ ಮೋಹಞ್ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೨)

ಭಾವನಾಯ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಉದ್ಧಚ್ಚಸಹಗತಂ ಏಕಂ ಖನ್ಧಞ್ಚ ಮೋಹಞ್ಚ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ…. (೩)

ಆರಮ್ಮಣಪಚ್ಚಯೋ

೬. ದಸ್ಸನೇನ ¶ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. (೧)

ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ವಿಚಿಕಿಚ್ಛಾಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಮೋಹೋ. (೨)

ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಆರಮ್ಮಣಪಚ್ಚಯಾ – ವಿಚಿಕಿಚ್ಛಾಸಹಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚ ಮೋಹೋ ಚ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ಚ ಮೋಹೋ ಚ. (೩)

ಭಾವನಾಯ ¶ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ… ತೀಣಿ. (ದಸ್ಸನೇನ ಸದಿಸಂ ವಿಭಜಿತಬ್ಬಂ.)

೭. ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. ಪಟಿಸನ್ಧಿಕ್ಖಣೇ…ಪೇ… ವತ್ಥುಂ ಪಟಿಚ್ಚ ಖನ್ಧಾ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ವಿಚಿಕಿಚ್ಛಾಸಹಗತಂ ಮೋಹಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ. (೨)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಉದ್ಧಚ್ಚಸಹಗತಂ ಮೋಹಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ. (೩)

೮. ದಸ್ಸನೇನ ¶ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ವಿಚಿಕಿಚ್ಛಾಸಹಗತಂ ಏಕಂ ಖನ್ಧಞ್ಚ ಮೋಹಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ಮೋಹಞ್ಚ ಪಟಿಚ್ಚ ದ್ವೇ ಖನ್ಧಾ. (೧)

ಭಾವನಾಯ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಉದ್ಧಚ್ಚಸಹಗತಂ ಏಕಂ ಖನ್ಧಞ್ಚ ಮೋಹಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ಮೋಹಞ್ಚ ಪಟಿಚ್ಚ ದ್ವೇ ಖನ್ಧಾ. (೧)

ಅಧಿಪತಿಪಚ್ಚಯೋ

೯. ದಸ್ಸನೇನ ¶ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ… ತೀಣಿ (ಹೇತುಸದಿಸಾ).

ಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ…ಪೇ… ತೀಣಿ (ಹೇತುಸದಿಸಾ, ಅಧಿಪತಿಯಾ ಮೋಹೋ ನತ್ಥಿ).

ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧಾ. ಏಕಂ ಮಹಾಭೂತಂ ಪಟಿಚ್ಚ ತಯೋ ಮಹಾಭೂತಾ…ಪೇ… ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಉಪಾದಾರೂಪಂ. (೧)

೧೦. ದಸ್ಸನೇನ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಭಾವನಾಯ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಟಿಚ್ಚ ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ – ಭಾವನಾಯ ಪಹಾತಬ್ಬಹೇತುಕೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಅನನ್ತರ-ಸಮನನ್ತರಪಚ್ಚಯಾ

೧೧. ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಅನನ್ತರಪಚ್ಚಯಾ. ಸಮನನ್ತರಪಚ್ಚಯಾ (ಆರಮ್ಮಣಸದಿಸಂ).

ಸಹಜಾತಪಚ್ಚಯೋ

೧೨. ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಸಹಜಾತಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕಂ ¶ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. (೧)

ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಸಹಜಾತಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ವಿಚಿಕಿಚ್ಛಾಸಹಗತೇ ಖನ್ಧೇ ಪಟಿಚ್ಚ ಮೋಹೋ ಚಿತ್ತಸಮುಟ್ಠಾನಞ್ಚ ರೂಪಂ. (೨)

ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಸಹಜಾತಪಚ್ಚಯಾ ¶ – ದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ; ವಿಚಿಕಿಚ್ಛಾಸಹಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಮೋಹೋ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ…. (೩)

೧೩. ಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಸಹಜಾತಪಚ್ಚಯಾ – ಭಾವನಾಯ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. (೧)

ಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ¶ ಸಹಜಾತಪಚ್ಚಯಾ – ಭಾವನಾಯ ಪಹಾತಬ್ಬಹೇತುಕೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ಮೋಹೋ ಚ ಚಿತ್ತಸಮುಟ್ಠಾನಞ್ಚ ರೂಪಂ. (೨)

ಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಸಹಜಾತಪಚ್ಚಯಾ ¶ – ಭಾವನಾಯ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ; ಉದ್ಧಚ್ಚಸಹಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಮೋಹೋ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ…. (೩)

೧೪. ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಸಹಜಾತಪಚ್ಚಯಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ವಿಚಿಕಿಚ್ಛಾಸಹಗತಂ ಉದ್ಧಚ್ಚಸಹಗತಂ ಮೋಹಂ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ; ಏಕಂ ಮಹಾಭೂತಂ ಪಟಿಚ್ಚ ತಯೋ ಮಹಾಭೂತಾ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ ಏಕಂ…ಪೇ…. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಸಹಜಾತಪಚ್ಚಯಾ – ವಿಚಿಕಿಚ್ಛಾಸಹಗತಂ ಮೋಹಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ. (೨)

ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಸಹಜಾತಪಚ್ಚಯಾ (ಸಂಖಿತ್ತಂ. ಹೇತುಸದಿಸಂ ಕಾತಬ್ಬಂ). (೩)

ಅಞ್ಞಮಞ್ಞಪಚ್ಚಯಾದಿ

೧೫. ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಅಞ್ಞಮಞ್ಞಪಚ್ಚಯಾ, ನಿಸ್ಸಯಪಚ್ಚಯಾ, ಉಪನಿಸ್ಸಯಪಚ್ಚಯಾ, ಪುರೇಜಾತಪಚ್ಚಯಾ, ಆಸೇವನಪಚ್ಚಯಾ, ಕಮ್ಮಪಚ್ಚಯಾ, ವಿಪಾಕಪಚ್ಚಯಾ, ಆಹಾರಪಚ್ಚಯಾ, ಇನ್ದ್ರಿಯಪಚ್ಚಯಾ, ಝಾನಪಚ್ಚಯಾ, ಮಗ್ಗಪಚ್ಚಯಾ, ಸಮ್ಪಯುತ್ತಪಚ್ಚಯಾ ¶ ¶ , ವಿಪ್ಪಯುತ್ತಪಚ್ಚಯಾ, ಅತ್ಥಿಪಚ್ಚಯಾ, ನತ್ಥಿಪಚ್ಚಯಾ, ವಿಗತಪಚ್ಚಯಾ, ಅವಿಗತಪಚ್ಚಯಾ.

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೧೬. ಹೇತುಯಾ ಸತ್ತರಸ, ಆರಮ್ಮಣೇ ಏಕಾದಸ, ಅಧಿಪತಿಯಾ ನವ, ಅನನ್ತರೇ ಏಕಾದಸ, ಸಮನನ್ತರೇ ಏಕಾದಸ, ಸಹಜಾತೇ ಸತ್ತರಸ, ಅಞ್ಞಮಞ್ಞೇ ಏಕಾದಸ, ನಿಸ್ಸಯೇ ಸತ್ತರಸ, ಉಪನಿಸ್ಸಯೇ ಏಕಾದಸ, ಪುರೇಜಾತೇ ಏಕಾದಸ, ಆಸೇವನೇ ಏಕಾದಸ, ಕಮ್ಮೇ ಸತ್ತರಸ, ವಿಪಾಕೇ ಏಕಂ, ಆಹಾರೇ ಸತ್ತರಸ, ಇನ್ದ್ರಿಯೇ ಸತ್ತರಸ, ಝಾನೇ ಸತ್ತರಸ, ಮಗ್ಗೇ ಸತ್ತರಸ, ಸಮ್ಪಯುತ್ತೇ ಏಕಾದಸ, ವಿಪ್ಪಯುತ್ತೇ ಸತ್ತರಸ, ಅತ್ಥಿಯಾ ಸತ್ತರಸ, ನತ್ಥಿಯಾ ಏಕಾದಸ, ವಿಗತೇ ಏಕಾದಸ, ಅವಿಗತೇ ಸತ್ತರಸ (ಏವಂ ಗಣೇತಬ್ಬಂ).

ಅನುಲೋಮಂ.

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೧೭. ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಮೋಹೋ. (೧)

ಭಾವನಾಯ ¶ ¶ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ಉದ್ಧಚ್ಚಸಹಗತೋ ಮೋಹೋ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಏಕಂ ಖನ್ಧಂ ¶ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧಾ; ಅಹೇತುಕಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ; ಏಕಂ ಮಹಾಭೂತಂ ಪಟಿಚ್ಚ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ…. (೧)

ನಆರಮ್ಮಣಪಚ್ಚಯೋ

೧೮. ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಭಾವನಾಯ ಪಹಾತಬ್ಬಹೇತುಕೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ವಿಚಿಕಿಚ್ಛಾಸಹಗತಂ ಉದ್ಧಚ್ಚಸಹಗತಂ ಮೋಹಂ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೇ ಖನ್ಧೇ ಪಟಿಚ್ಚ ಕಟತ್ತಾರೂಪಂ, ಖನ್ಧೇ ಪಟಿಚ್ಚ ವತ್ಥು…ಪೇ… ಏಕಂ ಮಹಾಭೂತಂ…ಪೇ… ಅಸಞ್ಞಸತ್ತಾನಂ…ಪೇ…. (೧)

೧೯. ದಸ್ಸನೇನ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ¶ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ದಸ್ಸನೇನ ¶ ಪಹಾತಬ್ಬಹೇತುಕೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ವಿಚಿಕಿಚ್ಛಾಸಹಗತೇ ಖನ್ಧೇ ಚ ಮೋಹಞ್ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಭಾವನಾಯ ¶ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಭಾವನಾಯ ಪಹಾತಬ್ಬಹೇತುಕೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಉದ್ಧಚ್ಚಸಹಗತೇ ಖನ್ಧೇ ಚ ಮೋಹಞ್ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ನಅಧಿಪತಿಪಚ್ಚಯಾದಿ

೨೦. ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ… (ಸಹಜಾತಸದಿಸಂ) ನಅನನ್ತರಪಚ್ಚಯಾ… ನಸಮನನ್ತರಪಚ್ಚಯಾ… ನಅಞ್ಞಮಞ್ಞಪಚ್ಚಯಾ… ನಉಪನಿಸ್ಸಯಪಚ್ಚಯಾ.

ನಪುರೇಜಾತಪಚ್ಚಯೋ

೨೧. ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಟಿಚ್ಚ…ಪೇ…. (೧)

ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ವಿಚಿಕಿಚ್ಛಾಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಮೋಹೋ; ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೨)

ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ¶ ಉಪ್ಪಜ್ಜನ್ತಿ ನಪುರೇಜಾತಪಚ್ಚಯಾ – ಅರೂಪೇ ವಿಚಿಕಿಚ್ಛಾಸಹಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಮೋಹೋ ಚ…ಪೇ… ದ್ವೇ ಖನ್ಧೇ…ಪೇ…. (೩)

ಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ… ತೀಣಿ (ದಸ್ಸನೇನ ಸದಿಸಂ).

೨೨. ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧಾ, ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ವಿಚಿಕಿಚ್ಛಾಸಹಗತಂ ಉದ್ಧಚ್ಚಸಹಗತಂ ¶ ಮೋಹಂ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ…ಪೇ… ಅಸಞ್ಞಸತ್ತಾನಂ…ಪೇ…. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ವಿಚಿಕಿಚ್ಛಾಸಹಗತಂ ಮೋಹಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ. (೨)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ಉದ್ಧಚ್ಚಸಹಗತಂ ಮೋಹಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ. (೩)

೨೩. ದಸ್ಸನೇನ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ವಿಚಿಕಿಚ್ಛಾಸಹಗತಂ ಏಕಂ ಖನ್ಧಞ್ಚ ಮೋಹಞ್ಚ ಪಟಿಚ್ಚ ತಯೋ ಖನ್ಧಾ…ಪೇ…. (೧)

ದಸ್ಸನೇನ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಟಿಚ್ಚ ¶ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ವಿಚಿಕಿಚ್ಛಾಸಹಗತೇ ಖನ್ಧೇ ಚ ಮೋಹಞ್ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೨)

ಭಾವನಾಯ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ (ಇಮೇಪಿ ದ್ವೇ ಕಾತಬ್ಬಾ).

ನಪಚ್ಛಾಜಾತಪಚ್ಚಯಾದಿ

೨೪. ದಸ್ಸನೇನ ¶ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಪಚ್ಛಾಜಾತಪಚ್ಚಯಾ… ನಆಸೇವನಪಚ್ಚಯಾ.

ನಕಮ್ಮಪಚ್ಚಯೋ

೨೫. ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕಾ ಚೇತನಾ. (೧)

ಭಾವನಾಯ ¶ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಭಾವನಾಯ ಪಹಾತಬ್ಬಹೇತುಕೇ ಖನ್ಧೇ ಪಟಿಚ್ಚ ಭಾವನಾಯ ಪಹಾತಬ್ಬಹೇತುಕಾ ಚೇತನಾ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೇ ಖನ್ಧೇ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಾ ಚೇತನಾ; ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ…ಪೇ…. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ವಿಚಿಕಿಚ್ಛಾಸಹಗತಂ ಮೋಹಂ ಪಟಿಚ್ಚ ಸಮ್ಪಯುತ್ತಕಾ ಚೇತನಾ. (೨)

ನೇವದಸ್ಸನೇನ ನಭಾವನಾಯ ¶ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಉದ್ಧಚ್ಚಸಹಗತಂ ಮೋಹಂ ಪಟಿಚ್ಚ ಸಮ್ಪಯುತ್ತಕಾ ಚೇತನಾ. (೩)

೨೬. ದಸ್ಸನೇನ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ವಿಚಿಕಿಚ್ಛಾಸಹಗತೇ ಖನ್ಧೇ ಚ ಮೋಹಞ್ಚ ಪಟಿಚ್ಚ ಸಮ್ಪಯುತ್ತಕಾ ಚೇತನಾ. (೧)

ಭಾವನಾಯ ¶ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಉದ್ಧಚ್ಚಸಹಗತೇ ಖನ್ಧೇ ಚ ಮೋಹಞ್ಚ ಪಟಿಚ್ಚ ಸಮ್ಪಯುತ್ತಕಾ ಚೇತನಾ. (೧)

ನವಿಪಾಕಪಚ್ಚಯೋ

೨೭. ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ (ಪಟಿಸನ್ಧಿ ನತ್ಥಿ).

ನಆಹಾರಪಚ್ಚಯಾದಿ

೨೮. ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಆಹಾರಪಚ್ಚಯಾ – ಬಾಹಿರಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ… ನಇನ್ದ್ರಿಯಪಚ್ಚಯಾ – ಬಾಹಿರಂ… ಆಹಾರಸಮುಟ್ಠಾನಂ… ¶ ಉತುಸಮುಟ್ಠಾನಂ, ಅಸಞ್ಞಸತ್ತಾನಂ…ಪೇ… ಮಹಾಭೂತೇ ಪಟಿಚ್ಚ ರೂಪಜೀವಿತಿನ್ದ್ರಿಯಂ… ನಝಾನಪಚ್ಚಯಾ – ಪಞ್ಚವಿಞ್ಞಾಣಂ…ಪೇ… (ಮಹಾಭೂತಾ ಕಾತಬ್ಬಾ) ನಮಗ್ಗಪಚ್ಚಯಾ – ಅಹೇತುಕಂ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಏಕಂ ಖನ್ಧಂ…ಪೇ… ಅಸಞ್ಞಸತ್ತಾನಂ…ಪೇ… ನಸಮ್ಪಯುತ್ತಪಚ್ಚಯಾ.

ನವಿಪ್ಪಯುತ್ತಪಚ್ಚಯಾದಿ

೨೯. ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ¶ ಧಮ್ಮೋ ಉಪ್ಪಜ್ಜತಿ ನವಿಪ್ಪಯುತ್ತಪಚ್ಚಯಾ – ಅರೂಪೇ ದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ…. (೧)

ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನವಿಪ್ಪಯುತ್ತಪಚ್ಚಯಾ – ಅರೂಪೇ ವಿಚಿಕಿಚ್ಛಾಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಮೋಹೋ. (೨)

ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ¶ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ನವಿಪ್ಪಯುತ್ತಪಚ್ಚಯಾ – ಅರೂಪೇ ವಿಚಿಕಿಚ್ಛಾಸಹಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಮೋಹೋ ಚ…ಪೇ… ದ್ವೇ ಖನ್ಧೇ…ಪೇ…. (೩)

ಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನವಿಪ್ಪಯುತ್ತಪಚ್ಚಯಾ – ಅರೂಪೇ ಭಾವನಾಯ… ತೀಣಿ.

೩೦. ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನವಿಪ್ಪಯುತ್ತಪಚ್ಚಯಾ – ಅರೂಪೇ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ; ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ…. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನವಿಪ್ಪಯುತ್ತಪಚ್ಚಯಾ – ಅರೂಪೇ ವಿಚಿಕಿಚ್ಛಾಸಹಗತಂ ಮೋಹಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ. (೨)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ¶ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನವಿಪ್ಪಯುತ್ತಪಚ್ಚಯಾ – ಅರೂಪೇ ಉದ್ಧಚ್ಚಸಹಗತಂ ಮೋಹಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ. (೩)

೩೧. ದಸ್ಸನೇನ ¶ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಟಿಚ್ಚ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನವಿಪ್ಪಯುತ್ತಪಚ್ಚಯಾ – ಅರೂಪೇ ವಿಚಿಕಿಚ್ಛಾಸಹಗತಂ ಏಕಂ ಖನ್ಧಞ್ಚ ಮೋಹಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧಾ. (೧)

ಭಾವನಾಯ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಟಿಚ್ಚ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನವಿಪ್ಪಯುತ್ತಪಚ್ಚಯಾ – ಅರೂಪೇ ಉದ್ಧಚ್ಚಸಹಗತಂ ಏಕಂ ಖನ್ಧಞ್ಚ ಮೋಹಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧಾ… ನೋನತ್ಥಿಪಚ್ಚಯಾ… ನೋವಿಗತಪಚ್ಚಯಾ.

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

ಸುದ್ಧಂ

೩೨. ನಹೇತುಯಾ ¶ ತೀಣಿ, ನಆರಮ್ಮಣೇ ಪಞ್ಚ, ನಅಧಿಪತಿಯಾ ಸತ್ತರಸ, ನಅನನ್ತರೇ ಪಞ್ಚ, ನಸಮನನ್ತರೇ ಪಞ್ಚ, ನಅಞ್ಞಮಞ್ಞೇ ಪಞ್ಚ, ನಉಪನಿಸ್ಸಯೇ ಪಞ್ಚ, ನಪುರೇಜಾತೇ ತೇರಸ, ನಪಚ್ಛಾಜಾತೇ ಸತ್ತರಸ, ನಆಸೇವನೇ ಸತ್ತರಸ, ನಕಮ್ಮೇ ಸತ್ತ, ನವಿಪಾಕೇ ಸತ್ತರಸ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ಪಞ್ಚ, ನವಿಪ್ಪಯುತ್ತೇ ಏಕಾದಸ, ನೋನತ್ಥಿಯಾ ಪಞ್ಚ, ನೋವಿಗತೇ ಪಞ್ಚ (ಏವಂ ಗಣೇತಬ್ಬಂ).

ಪಚ್ಚನೀಯಂ.

೩. ಪಚ್ಚಯಾನುಲೋಮಪಚ್ಚನೀಯಂ

೩೩. ಹೇತುಪಚ್ಚಯಾ ¶ ನಆರಮ್ಮಣೇ ಪಞ್ಚ, ನಅಧಿಪತಿಯಾ ಸತ್ತರಸ, ನಅನನ್ತರೇ ಪಞ್ಚ, ನಸಮನನ್ತರೇ ಪಞ್ಚ, ನಅಞ್ಞಮಞ್ಞೇ ಪಞ್ಚ, ನಉಪನಿಸ್ಸಯೇ ಪಞ್ಚ, ನಪುರೇಜಾತೇ ತೇರಸ, ನಪಚ್ಛಾಜಾತೇ ಸತ್ತರಸ, ನಆಸೇವನೇ ಸತ್ತರಸ, ನಕಮ್ಮೇ ಸತ್ತ, ನವಿಪಾಕೇ ಸತ್ತರಸ, ನಸಮ್ಪಯುತ್ತೇ ಪಞ್ಚ, ನವಿಪ್ಪಯುತ್ತೇ ಏಕಾದಸ, ನೋನತ್ಥಿಯಾ ಪಞ್ಚ, ನೋವಿಗತೇ ಪಞ್ಚ (ಏವಂ ಗಣೇತಬ್ಬಂ).

ಅನುಲೋಮಪಚ್ಚನೀಯಂ.

೪. ಪಚ್ಚಯಪಚ್ಚನೀಯಾನುಲೋಮಂ

೩೪. ನಹೇತುಪಚ್ಚಯಾ ¶ ಆರಮ್ಮಣೇ ತೀಣಿ, ಅನನ್ತರೇ ತೀಣಿ, ಸಮನನ್ತರೇ ತೀಣಿ, ಸಹಜಾತೇ ತೀಣಿ, ಅಞ್ಞಮಞ್ಞೇ ತೀಣಿ, ನಿಸ್ಸಯೇ ತೀಣಿ, ಉಪನಿಸ್ಸಯೇ ತೀಣಿ, ಪುರೇಜಾತೇ ತೀಣಿ, ಆಸೇವನೇ ತೀಣಿ, ಕಮ್ಮೇ ತೀಣಿ, ವಿಪಾಕೇ ಏಕಂ, ಆಹಾರೇ ತೀಣಿ, ಇನ್ದ್ರಿಯೇ ತೀಣಿ, ಝಾನೇ ತೀಣಿ, ಮಗ್ಗೇ ದ್ವೇ, ಸಮ್ಪಯುತ್ತೇ ¶ ತೀಣಿ, ವಿಪ್ಪಯುತ್ತೇ ತೀಣಿ, ಅತ್ಥಿಯಾ ತೀಣಿ, ನತ್ಥಿಯಾ ತೀಣಿ, ವಿಗತೇ ತೀಣಿ, ಅವಿಗತೇ ತೀಣಿ (ಏವಂ ಗಣೇತಬ್ಬಂ).

ಪಚ್ಚನೀಯಾನುಲೋಮಂ.

ಪಟಿಚ್ಚವಾರೋ.

೨. ಸಹಜಾತವಾರೋ

(ಸಹಜಾತವಾರೋ ಪಟಿಚ್ಚವಾರಸದಿಸೋ.)

೩. ಪಚ್ಚಯವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೩೫. ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಪಟಿಚ್ಚವಾರಸದಿಸಂ).

ಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ… ತೀಣಿ (ಪಟಿಚ್ಚವಾರಸದಿಸಂ).

ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ… ಏಕಂ (ಪಟಿಚ್ಚವಾರಸದಿಸಂ). ವತ್ಥುಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಾ ಖನ್ಧಾ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ; ವಿಚಿಕಿಚ್ಛಾಸಹಗತಂ ಮೋಹಂ ಪಚ್ಚಯಾ ಸಮ್ಪಯುತ್ತಕಾ ಖನ್ಧಾ. (೨)

ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕಾ ¶ ಖನ್ಧಾ; ಉದ್ಧಚ್ಚಸಹಗತಂ ಮೋಹಂ ಪಚ್ಚಯಾ ಸಮ್ಪಯುತ್ತಕಾ ಖನ್ಧಾ. (೩)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ; ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ವಿಚಿಕಿಚ್ಛಾಸಹಗತಂ ಮೋಹಂ ಪಚ್ಚಯಾ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ. (೪)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕಾ ಖನ್ಧಾ; ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ಉದ್ಧಚ್ಚಸಹಗತಂ ಮೋಹಂ ಪಚ್ಚಯಾ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ. (೫)

೩೬. ದಸ್ಸನೇನ ¶ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ…ಪೇ… ವಿಚಿಕಿಚ್ಛಾಸಹಗತಂ ಏಕಂ ಖನ್ಧಞ್ಚ ಮೋಹಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ಮೋಹಞ್ಚ ಪಚ್ಚಯಾ ದ್ವೇ ಖನ್ಧಾ. (೧)

ದಸ್ಸನೇನ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ವಿಚಿಕಿಚ್ಛಾಸಹಗತೇ ಖನ್ಧೇ ಚ ಮೋಹಞ್ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೨)

ದಸ್ಸನೇನ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ¶ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ದ್ವೇ ಖನ್ಧಾ; ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ವಿಚಿಕಿಚ್ಛಾಸಹಗತಂ ಏಕಂ ಖನ್ಧಞ್ಚ ಮೋಹಞ್ಚ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ…. (೩)

ಭಾವನಾಯ ¶ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಆರಮ್ಮಣಪಚ್ಚಯೋ

೩೭. ದಸ್ಸನೇನ ¶ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ… ತೀಣಿ (ಪಟಿಚ್ಚವಾರೇ ಆರಮ್ಮಣಸದಿಸಾ).

ಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ… ತೀಣಿ (ಪಟಿಚ್ಚವಾರಸದಿಸಾ).

೩೮. ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧಾ. ಪಟಿಸನ್ಧಿಕ್ಖಣೇ…ಪೇ… ವತ್ಥುಂ ಪಚ್ಚಯಾ ಖನ್ಧಾ. ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ; ವತ್ಥುಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಾ ಖನ್ಧಾ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ವತ್ಥುಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ; ವಿಚಿಕಿಚ್ಛಾಸಹಗತಂ ಮೋಹಂ ಪಚ್ಚಯಾ ಸಮ್ಪಯುತ್ತಕಾ ಖನ್ಧಾ. (೨)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ವತ್ಥುಂ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕಾ ಖನ್ಧಾ; ಉದ್ಧಚ್ಚಸಹಗತಂ ಮೋಹಂ ಪಚ್ಚಯಾ ಸಮ್ಪಯುತ್ತಕಾ ಖನ್ಧಾ. (೩)

ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಆರಮ್ಮಣಪಚ್ಚಯಾ – ವತ್ಥುಂ ಪಚ್ಚಯಾ ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ. (೪)

ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕೋ ಚ ¶ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಆರಮ್ಮಣಪಚ್ಚಯಾ – ವತ್ಥುಂ ಪಚ್ಚಯಾ ಉದ್ಧಚ್ಚಸಹಗತಾ ಖನ್ಧಾ ಚ ಮೋಹೋ ಚ. (೫)

೩೯. ದಸ್ಸನೇನ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧಾ; ವಿಚಿಕಿಚ್ಛಾಸಹಗತಂ ಏಕಂ ಖನ್ಧಞ್ಚ ಮೋಹಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ಮೋಹಞ್ಚ ಪಚ್ಚಯಾ ದ್ವೇ ಖನ್ಧಾ. (೧)

ದಸ್ಸನೇನ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ವಿಚಿಕಿಚ್ಛಾಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ವಿಚಿಕಿಚ್ಛಾಸಹಗತೋ ಮೋಹೋ. (೨)

ದಸ್ಸನೇನ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಆರಮ್ಮಣಪಚ್ಚಯಾ – ವಿಚಿಕಿಚ್ಛಾಸಹಗತಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ ಮೋಹೋ ಚ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ…ಪೇ…. (೩)

೪೦. ಭಾವನಾಯ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಭಾವನಾಯ ಪಹಾತಬ್ಬಹೇತುಕಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧಾ; ಉದ್ಧಚ್ಚಸಹಗತಂ ¶ ಏಕಂ ಖನ್ಧಞ್ಚ ಮೋಹಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧಾ. (೧)

ಭಾವನಾಯ ¶ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಉದ್ಧಚ್ಚಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ಉದ್ಧಚ್ಚಸಹಗತೋ ಮೋಹೋ. (೨)

ಭಾವನಾಯ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ¶ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಆರಮ್ಮಣಪಚ್ಚಯಾ – ಉದ್ಧಚ್ಚಸಹಗತಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ ಮೋಹೋ ಚ…ಪೇ… ದ್ವೇ ಖನ್ಧೇ ಚ…ಪೇ…. (೩)

ಅಧಿಪತಿಪಚ್ಚಯಾದಿ

೪೧. ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ… ತೀಣಿ.

ಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ… ತೀಣಿ.

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ – ಏಕಂ…ಪೇ… ವತ್ಥುಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಾ ಖನ್ಧಾ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ – ವತ್ಥುಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ. (೨)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ – ವತ್ಥುಂ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕಾ ಖನ್ಧಾ. (೩)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ¶ ಚ ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಅಧಿಪತಿಪಚ್ಚಯಾ – ವತ್ಥುಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ; ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೪)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಅಧಿಪತಿಪಚ್ಚಯಾ – ವತ್ಥುಂ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕಾ ಖನ್ಧಾ; ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೫)

೪೨. ದಸ್ಸನೇನ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ…ಪೇ…. (೧)

ದಸ್ಸನೇನ ¶ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೨)

ದಸ್ಸನೇನ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಅಧಿಪತಿಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ…ಪೇ… ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೩)

ಭಾವನಾಯ ¶ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ – ಭಾವನಾಯ ಪಹಾತಬ್ಬಹೇತುಕಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ತೀಣಿ… (ದಸ್ಸನೇನ ಸದಿಸಾ) ಅನನ್ತರಪಚ್ಚಯಾ… ಸಮನನ್ತರಪಚ್ಚಯಾ.

ಸಹಜಾತಪಚ್ಚಯೋ

೪೩. ದಸ್ಸನೇನ ¶ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಸಹಜಾತಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ…ಪೇ…. (೧)

ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಸಹಜಾತಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ವಿಚಿಕಿಚ್ಛಾಸಹಗತೇ ಖನ್ಧೇ ಪಚ್ಚಯಾ ವಿಚಿಕಿಚ್ಛಾಸಹಗತೋ ಮೋಹೋ ಚಿತ್ತಸಮುಟ್ಠಾನಞ್ಚ ರೂಪಂ. (೨)

ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಸಹಜಾತಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ವಿಚಿಕಿಚ್ಛಾಸಹಗತಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಮೋಹೋ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ…. (೩)

ಭಾವನಾಯ ¶ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ… ತೀಣಿ (ಸಂಖಿತ್ತಂ. ದಸ್ಸನೇನ ಸದಿಸಾ ).

೪೪. ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಸಹಜಾತಪಚ್ಚಯಾ ¶ – ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ವಿಚಿಕಿಚ್ಛಾಸಹಗತಂ ಉದ್ಧಚ್ಚಸಹಗತಂ ಮೋಹಂ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಚ್ಚಯಾ ವತ್ಥು, ವತ್ಥುಂ ಪಚ್ಚಯಾ ಖನ್ಧಾ; ಏಕಂ ಮಹಾಭೂತಂ ಪಚ್ಚಯಾ ತಯೋ ಮಹಾಭೂತಾ…ಪೇ… ಅಸಞ್ಞಸತ್ತಾನಂ…ಪೇ… ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ; ವತ್ಥುಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಾ ಖನ್ಧಾ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಸಹಜಾತಪಚ್ಚಯಾ – ವತ್ಥುಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ; ವಿಚಿಕಿಚ್ಛಾಸಹಗತಂ ಮೋಹಂ ಪಚ್ಚಯಾ ಸಮ್ಪಯುತ್ತಕಾ ಖನ್ಧಾ. (೨)

ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಸಹಜಾತಪಚ್ಚಯಾ – ವತ್ಥುಂ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕಾ ಖನ್ಧಾ; ಉದ್ಧಚ್ಚಸಹಗತಂ ಮೋಹಂ ಪಚ್ಚಯಾ ಸಮ್ಪಯುತ್ತಕಾ ಖನ್ಧಾ. (೩)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಸಹಜಾತಪಚ್ಚಯಾ – ವತ್ಥುಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ; ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ವಿಚಿಕಿಚ್ಛಾಸಹಗತಂ ಮೋಹಂ ಪಚ್ಚಯಾ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ; ವತ್ಥುಂ ಪಚ್ಚಯಾ ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ. (೪)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಸಹಜಾತಪಚ್ಚಯಾ – ವತ್ಥುಂ ¶ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕಾ ಖನ್ಧಾ; ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ಉದ್ಧಚ್ಚಸಹಗತಂ ಮೋಹಂ ¶ ಪಚ್ಚಯಾ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ; ವತ್ಥುಂ ಪಚ್ಚಯಾ ಉದ್ಧಚ್ಚಸಹಗತಾ ಖನ್ಧಾ ಚ ಮೋಹೋ ಚ. (೫)

೪೫. ದಸ್ಸನೇನ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಸಹಜಾತಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ವಿಚಿಕಿಚ್ಛಾಸಹಗತಂ ಏಕಂ ಖನ್ಧಞ್ಚ ಮೋಹಞ್ಚ ಪಚ್ಚಯಾ ತಯೋ ಖನ್ಧಾ…ಪೇ…. (೧)

ದಸ್ಸನೇನ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಸಹಜಾತಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ವಿಚಿಕಿಚ್ಛಾಸಹಗತೇ ಖನ್ಧೇ ಚ ಮೋಹಞ್ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ವಿಚಿಕಿಚ್ಛಾಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ವಿಚಿಕಿಚ್ಛಾಸಹಗತೋ ಮೋಹೋ. (೨)

ದಸ್ಸನೇನ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ದಸ್ಸನೇನ ¶ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಸಹಜಾತಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ವಿಚಿಕಿಚ್ಛಾಸಹಗತಂ ಏಕಂ ಖನ್ಧಞ್ಚ ಮೋಹಞ್ಚ ಪಚ್ಚಯಾ ತಯೋ ಖನ್ಧಾ; ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ವಿಚಿಕಿಚ್ಛಾಸಹಗತಂ ಏಕಂ ಖನ್ಧಞ್ಚ ¶ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ ಮೋಹೋ ಚ…ಪೇ… ದ್ವೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ದ್ವೇ ಖನ್ಧಾ ಮೋಹೋ ಚ. (೩)

ಭಾವನಾಯ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಸಹಜಾತಪಚ್ಚಯಾ… ತೀಣಿ.

ಅಞ್ಞಮಞ್ಞಪಚ್ಚಯಾದಿ

೪೬. ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಅಞ್ಞಮಞ್ಞಪಚ್ಚಯಾ… ನಿಸ್ಸಯಪಚ್ಚಯಾ… ಉಪನಿಸ್ಸಯಪಚ್ಚಯಾ… ಪುರೇಜಾತಪಚ್ಚಯಾ… ಆಸೇವನಪಚ್ಚಯಾ… ಕಮ್ಮಪಚ್ಚಯಾ… ವಿಪಾಕಪಚ್ಚಯಾ… ಆಹಾರಪಚ್ಚಯಾ… ಇನ್ದ್ರಿಯಪಚ್ಚಯಾ… ಝಾನಪಚ್ಚಯಾ… ಮಗ್ಗಪಚ್ಚಯಾ… ಸಮ್ಪಯುತ್ತಪಚ್ಚಯಾ.

ವಿಪ್ಪಯುತ್ತಪಚ್ಚಯೋ

೪೭. ದಸ್ಸನೇನ ¶ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ವಿಪ್ಪಯುತ್ತಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧಾ, ಖನ್ಧಾ ವತ್ಥುಂ ವಿಪ್ಪಯುತ್ತಪಚ್ಚಯಾ. (೧)

ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ವಿಪ್ಪಯುತ್ತಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ಖನ್ಧೇ ವಿಪ್ಪಯುತ್ತಪಚ್ಚಯಾ. ವಿಚಿಕಿಚ್ಛಾಸಹಗತೇ ಖನ್ಧೇ ಪಚ್ಚಯಾ ಮೋಹೋ ಚಿತ್ತಸಮುಟ್ಠಾನಞ್ಚ ರೂಪಂ, ಮೋಹೋ ವತ್ಥುಂ ವಿಪ್ಪಯುತ್ತಪಚ್ಚಯಾ. ಚಿತ್ತಸಮುಟ್ಠಾನಂ ರೂಪಂ ಖನ್ಧೇ ವಿಪ್ಪಯುತ್ತಪಚ್ಚಯಾ. (೨)

ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ¶ ದಸ್ಸನೇನ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ¶ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ವಿಪ್ಪಯುತ್ತಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಖನ್ಧಾ ವತ್ಥುಂ ವಿಪ್ಪಯುತ್ತಪಚ್ಚಯಾ. ಚಿತ್ತಸಮುಟ್ಠಾನಂ ರೂಪಂ ಖನ್ಧೇ ವಿಪ್ಪಯುತ್ತಪಚ್ಚಯಾ. ವಿಚಿಕಿಚ್ಛಾಸಹಗತಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಮೋಹೋ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಖನ್ಧಾ ಚ ಮೋಹೋ ಚ ವತ್ಥುಂ ವಿಪ್ಪಯುತ್ತಪಚ್ಚಯಾ. ಚಿತ್ತಸಮುಟ್ಠಾನಂ ರೂಪಂ ಖನ್ಧೇ ವಿಪ್ಪಯುತ್ತಪಚ್ಚಯಾ. (೩)

ಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ವಿಪ್ಪಯುತ್ತಪಚ್ಚಯಾ… ತೀಣಿ (ದಸ್ಸನೇನ ಸದಿಸಾ).

೪೮. ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ವಿಪ್ಪಯುತ್ತಪಚ್ಚಯಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ… ದ್ವೇ ಖನ್ಧೇ…ಪೇ… ಖನ್ಧಾ ವತ್ಥುಂ ವಿಪ್ಪಯುತ್ತಪಚ್ಚಯಾ. ಚಿತ್ತಸಮುಟ್ಠಾನಂ ರೂಪಂ ಖನ್ಧೇ ವಿಪ್ಪಯುತ್ತಪಚ್ಚಯಾ. ವಿಚಿಕಿಚ್ಛಾಸಹಗತಂ ಉದ್ಧಚ್ಚಸಹಗತಂ ಮೋಹಂ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ಮೋಹಂ ವಿಪ್ಪಯುತ್ತಪಚ್ಚಯಾ. ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಚ್ಚಯಾ ವತ್ಥು, ವತ್ಥುಂ ಪಚ್ಚಯಾ ಖನ್ಧಾ. ಖನ್ಧಾ ವತ್ಥುಂ ವಿಪ್ಪಯುತ್ತಪಚ್ಚಯಾ. ವತ್ಥು ಖನ್ಧೇ ವಿಪ್ಪಯುತ್ತಪಚ್ಚಯಾ. ಏಕಂ ಮಹಾಭೂತಂ ಪಚ್ಚಯಾ ತಯೋ ಮಹಾಭೂತಾ…ಪೇ… ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ ¶ , ಖನ್ಧೇ ವಿಪ್ಪಯುತ್ತಪಚ್ಚಯಾ. ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ; ವತ್ಥುಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಾ ಖನ್ಧಾ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ¶ ಉಪ್ಪಜ್ಜತಿ ವಿಪ್ಪಯುತ್ತಪಚ್ಚಯಾ – ವತ್ಥುಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ, ವತ್ಥುಂ ವಿಪ್ಪಯುತ್ತಪಚ್ಚಯಾ. ವಿಚಿಕಿಚ್ಛಾಸಹಗತಂ ಮೋಹಂ ಪಚ್ಚಯಾ ಸಮ್ಪಯುತ್ತಕಾ ಖನ್ಧಾ, ವತ್ಥುಂ ವಿಪ್ಪಯುತ್ತಪಚ್ಚಯಾ. (೨)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ವಿಪ್ಪಯುತ್ತಪಚ್ಚಯಾ – ವತ್ಥುಂ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕಾ ಖನ್ಧಾ, ವತ್ಥುಂ ವಿಪ್ಪಯುತ್ತಪಚ್ಚಯಾ ¶ . ಉದ್ಧಚ್ಚಸಹಗತಂ ಮೋಹಂ ಪಚ್ಚಯಾ ಸಮ್ಪಯುತ್ತಕಾ ಖನ್ಧಾ, ವತ್ಥುಂ ವಿಪ್ಪಯುತ್ತಪಚ್ಚಯಾ. (೩)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ವಿಪ್ಪಯುತ್ತಪಚ್ಚಯಾ – ವತ್ಥುಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ; ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ಖನ್ಧಾ ವತ್ಥುಂ ವಿಪ್ಪಯುತ್ತಪಚ್ಚಯಾ. ಚಿತ್ತಸಮುಟ್ಠಾನಂ ರೂಪಂ, ಖನ್ಧೇ ವಿಪ್ಪಯುತ್ತಪಚ್ಚಯಾ. ವಿಚಿಕಿಚ್ಛಾಸಹಗತಂ ಮೋಹಂ ಪಚ್ಚಯಾ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ, ಖನ್ಧಾ ವತ್ಥುಂ ವಿಪ್ಪಯುತ್ತಪಚ್ಚಯಾ. ಚಿತ್ತಸಮುಟ್ಠಾನಂ ರೂಪಂ ಮೋಹಂ ವಿಪ್ಪಯುತ್ತಪಚ್ಚಯಾ. ವತ್ಥುಂ ಪಚ್ಚಯಾ ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ, ವತ್ಥುಂ ವಿಪ್ಪಯುತ್ತಪಚ್ಚಯಾ. (೪)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ವಿಪ್ಪಯುತ್ತಪಚ್ಚಯಾ – ವತ್ಥುಂ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕಾ ಖನ್ಧಾ…ಪೇ… (ದಸ್ಸನೇನ ಸದಿಸಂ). (೫)

೪೯. ದಸ್ಸನೇನ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ವಿಪ್ಪಯುತ್ತಪಚ್ಚಯಾ – ದಸ್ಸನೇನ ¶ ಪಹಾತಬ್ಬಹೇತುಕಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ವತ್ಥುಂ ವಿಪ್ಪಯುತ್ತಪಚ್ಚಯಾ. ವಿಚಿಕಿಚ್ಛಾಸಹಗತಂ ಏಕಂ ಖನ್ಧಞ್ಚ ಮೋಹಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ವತ್ಥುಂ ವಿಪ್ಪಯುತ್ತಪಚ್ಚಯಾ. (೧)

ದಸ್ಸನೇನ ¶ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ವಿಪ್ಪಯುತ್ತಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ಖನ್ಧೇ ವಿಪ್ಪಯುತ್ತಪಚ್ಚಯಾ. ವಿಚಿಕಿಚ್ಛಾಸಹಗತೇ ಖನ್ಧೇ ಚ ಮೋಹಞ್ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ಖನ್ಧೇ ಚ ಮೋಹಞ್ಚ ವಿಪ್ಪಯುತ್ತಪಚ್ಚಯಾ. ವಿಚಿಕಿಚ್ಛಾಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ವಿಚಿಕಿಚ್ಛಾಸಹಗತೋ ಮೋಹೋ, ವತ್ಥುಂ ವಿಪ್ಪಯುತ್ತಪಚ್ಚಯಾ. (೨)

ದಸ್ಸನೇನ ¶ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ವಿಪ್ಪಯುತ್ತಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ಖನ್ಧಾ ವತ್ಥುಂ ವಿಪ್ಪಯುತ್ತಪಚ್ಚಯಾ. ಚಿತ್ತಸಮುಟ್ಠಾನಂ ರೂಪಂ ಖನ್ಧೇ ವಿಪ್ಪಯುತ್ತಪಚ್ಚಯಾ. ವಿಚಿಕಿಚ್ಛಾಸಹಗತಂ ಏಕಂ ಖನ್ಧಞ್ಚ ಮೋಹಞ್ಚ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಚ…ಪೇ… ಖನ್ಧಾ ವತ್ಥುಂ ವಿಪ್ಪಯುತ್ತಪಚ್ಚಯಾ. ಚಿತ್ತಸಮುಟ್ಠಾನಂ ರೂಪಂ, ಖನ್ಧೇ ಚ ಮೋಹಞ್ಚ ವಿಪ್ಪಯುತ್ತಪಚ್ಚಯಾ. ವಿಚಿಕಿಚ್ಛಾಸಹಗತಂ ಏಕಂ ಖನ್ಧಞ್ಚ ವತ್ಥುಞ್ಚ ¶ ಪಚ್ಚಯಾ ತಯೋ ಖನ್ಧಾ ಮೋಹೋ ಚ…ಪೇ… ದ್ವೇ ಖನ್ಧೇ ಚ…ಪೇ… ವತ್ಥುಂ ವಿಪ್ಪಯುತ್ತಪಚ್ಚಯಾ. (೩)

ಭಾವನಾಯ ಪಹಾತಬ್ಬಹೇತುಕಞ್ಚ…ಪೇ… ತೀಣಿ (ದಸ್ಸನೇನ ಸದಿಸಾ).

ಅತ್ಥಿಪಚ್ಚಯಾದಿ

೫೦. ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಅತ್ಥಿಪಚ್ಚಯಾ… ನತ್ಥಿಪಚ್ಚಯಾ… ವಿಗತಪಚ್ಚಯಾ… ಅವಿಗತಪಚ್ಚಯಾ.

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೫೧. ಹೇತುಯಾ ಸತ್ತರಸ, ಆರಮ್ಮಣೇ ಸತ್ತರಸ, ಅಧಿಪತಿಯಾ ಸತ್ತರಸ, ಅನನ್ತರೇ ಸತ್ತರಸ, ಸಮನನ್ತರೇ ಸತ್ತರಸ, ಸಹಜಾತೇ ಸತ್ತರಸ, ಅಞ್ಞಮಞ್ಞೇ ಸತ್ತಾರಸ ನಿಸ್ಸಯೇ ಸತ್ತರಸ, ಉಪನಿಸ್ಸಯೇ ಸತ್ತರಸ, ಪುರೇಜಾತೇ ¶ ಸತ್ತರಸ, ಆಸೇವನೇ ಸತ್ತರಸ, ಕಮ್ಮೇ ಸತ್ತರಸ, ವಿಪಾಕೇ ಏಕಂ, ಆಹಾರೇ ಸತ್ತರಸ, ಇನ್ದ್ರಿಯೇ ಸತ್ತರಸ, ಝಾನೇ ಸತ್ತರಸ, ಮಗ್ಗೇ ಸತ್ತರಸ, ಸಮ್ಪಯುತ್ತೇ ಸತ್ತರಸ, ವಿಪ್ಪಯುತ್ತೇ ಸತ್ತರಸ, ಅತ್ಥಿಯಾ ಸತ್ತರಸ, ನತ್ಥಿಯಾ ಸತ್ತರಸ, ವಿಗತೇ ಸತ್ತರಸ, ಅವಿಗತೇ ಸತ್ತರಸ (ಏವಂ ಗಣೇತಬ್ಬಂ).

ಅನುಲೋಮಂ.

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೫೨. ದಸ್ಸನೇನ ¶ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಖನ್ಧೇ ಪಚ್ಚಯಾ ವಿಚಿಕಿಚ್ಛಾಸಹಗತೋ ಮೋಹೋ. (೧)

ಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಉದ್ಧಚ್ಚಸಹಗತೇ ಖನ್ಧೇ ಪಚ್ಚಯಾ ಉದ್ಧಚ್ಚಸಹಗತೋ ಮೋಹೋ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ಅಹೇತುಕಪಟಿಸನ್ಧಿಕ್ಖಣೇ (ಪರಿಪುಣ್ಣಂ) ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ; ವತ್ಥುಂ ಪಚ್ಚಯಾ ಅಹೇತುಕಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಾ ಖನ್ಧಾ; ವತ್ಥುಂ ಪಚ್ಚಯಾ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೧)

೫೩. ದಸ್ಸನೇನ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ವಿಚಿಕಿಚ್ಛಾಸಹಗತೋ ಮೋಹೋ. (೧)

ಭಾವನಾಯ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ¶ ಉಪ್ಪಜ್ಜತಿ ನಹೇತುಪಚ್ಚಯಾ – ಉದ್ಧಚ್ಚಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ಉದ್ಧಚ್ಚಸಹಗತೋ ಮೋಹೋ. (೧)

ನಆರಮ್ಮಣಪಚ್ಚಯೋ

೫೪. ದಸ್ಸನೇನ ¶ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೧)

ಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಭಾವನಾಯ ಪಹಾತಬ್ಬಹೇತುಕೇ ಖನ್ಧೇ ಪಚ್ಚಯಾ ಚಿತ್ತಸಮುಟ್ಠಾನಂ ¶ ರೂಪಂ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೇ ಖನ್ಧೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೇ ಖನ್ಧೇ ಪಚ್ಚಯಾ ಕಟತ್ತಾರೂಪಂ; ಖನ್ಧೇ ಪಚ್ಚಯಾ ವತ್ಥು…ಪೇ… ಏಕಂ ಮಹಾಭೂತಂ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ…. (೧)

೫೫. ದಸ್ಸನೇನ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ವಿಚಿಕಿಚ್ಛಾಸಹಗತೇ ಖನ್ಧೇ ಚ ಮೋಹಞ್ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೧)

ಭಾವನಾಯ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಭಾವನಾಯ ಪಹಾತಬ್ಬಹೇತುಕೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ; ಉದ್ಧಚ್ಚಸಹಗತೇ ಖನ್ಧೇ ಚ ಮೋಹಞ್ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೧)

ನಅಧಿಪತಿಪಚ್ಚಯಾದಿ

೫೬. ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ ¶ (ಸಹಜಾತಸದಿಸಂ)… ನಅನನ್ತರಪಚ್ಚಯಾ ¶ … ನಸಮನನ್ತರಪಚ್ಚಯಾ… ನಅಞ್ಞಮಞ್ಞಪಚ್ಚಯಾ… ನಉಪನಿಸ್ಸಯಪಚ್ಚಯಾ… ¶ ನಪುರೇಜಾತಪಚ್ಚಯಾ (ಪಟಿಚ್ಚವಾರೇ ಪಚ್ಚನೀಯಸದಿಸಂ, ತೇರಸ ಪಞ್ಹಾ. ನಿನ್ನಾನಂ)… ನಪಚ್ಛಾಜಾತಪಚ್ಚಯಾ… ನಆಸೇವನಪಚ್ಚಯಾ.

ನಕಮ್ಮಪಚ್ಚಯೋ

೫೭. ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕಾ ಚೇತನಾ. (೧)

ಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಭಾವನಾಯ ಪಹಾತಬ್ಬಹೇತುಕೇ ಖನ್ಧೇ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕಾ ಚೇತನಾ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೇ ಖನ್ಧೇ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಾ ಚೇತನಾ; ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ…ಪೇ… ವತ್ಥುಂ ಪಚ್ಚಯಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಾ ಚೇತನಾ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ವತ್ಥುಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕಾ ಚೇತನಾ; ವಿಚಿಕಿಚ್ಛಾಸಹಗತಂ ಮೋಹಂ ಪಚ್ಚಯಾ ಸಮ್ಪಯುತ್ತಕಾ ಚೇತನಾ. (೨)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ವತ್ಥುಂ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕಾ ಚೇತನಾ; ಉದ್ಧಚ್ಚಸಹಗತಂ ಮೋಹಂ ಪಚ್ಚಯಾ ಸಮ್ಪಯುತ್ತಕಾ ಚೇತನಾ. (೩)

೫೮. ದಸ್ಸನೇನ ¶ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ¶ ಚ ವತ್ಥುಞ್ಚ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕಾ ಚೇತನಾ; ವಿಚಿಕಿಚ್ಛಾಸಹಗತೇ ಖನ್ಧೇ ಚ ಮೋಹಞ್ಚ ಪಚ್ಚಯಾ ಸಮ್ಪಯುತ್ತಕಾ ಚೇತನಾ. (೧)

ಭಾವನಾಯ ¶ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಭಾವನಾಯ ಪಹಾತಬ್ಬಹೇತುಕೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ಭಾವನಾಯ ಪಹಾತಬ್ಬಹೇತುಕಾ ಚೇತನಾ; ಉದ್ಧಚ್ಚಸಹಗತೇ ಖನ್ಧೇ ಚ ಮೋಹಞ್ಚ ಪಚ್ಚಯಾ ಸಮ್ಪಯುತ್ತಕಾ ಚೇತನಾ. (೧)

ನವಿಪಾಕಪಚ್ಚಯಾದಿ

೫೯. ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ (ಪರಿಪುಣ್ಣಂ, ಪಟಿಸನ್ಧಿ ನತ್ಥಿ), ನಆಹಾರಪಚ್ಚಯಾ – ಬಾಹಿರಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ… ನಇನ್ದ್ರಿಯಪಚ್ಚಯಾ – ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ… ಮಹಾಭೂತೇ ಪಚ್ಚಯಾ ರೂಪಜೀವಿತಿನ್ದ್ರಿಯಂ… ನಝಾನಪಚ್ಚಯಾ – ಪಞ್ಚವಿಞ್ಞಾಣಸಹಗತಂ ಏಕಂ ಖನ್ಧಂ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ… ನಮಗ್ಗಪಚ್ಚಯಾ – ಅಹೇತುಕಂ ಏಕಂ…ಪೇ… ನಸಮ್ಪಯುತ್ತಪಚ್ಚಯಾ… ನವಿಪ್ಪಯುತ್ತಪಚ್ಚಯಾ… (ಪಟಿಚ್ಚವಾರಪಚ್ಚನೀಯೇ ನವಿಪ್ಪಯುತ್ತಸದಿಸಂ, ನಿನ್ನಾನಂ. ಏಕಾದಸ). ನೋನತ್ಥಿಪಚ್ಚಯಾ… ನೋವಿಗತಪಚ್ಚಯಾ.

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೬೦. ನಹೇತುಯಾ ¶ ಪಞ್ಚ, ನಆರಮ್ಮಣೇ ಪಞ್ಚ, ನಅಧಿಪತಿಯಾ ಸತ್ತರಸ, ನಅನನ್ತರೇ ಪಞ್ಚ, ನಸಮನನ್ತರೇ ಪಞ್ಚ, ನಅಞ್ಞಮಞ್ಞೇ ಪಞ್ಚ, ನಉಪನಿಸ್ಸಯೇ ಪಞ್ಚ, ನಪುರೇಜಾತೇ ತೇರಸ, ನಪಚ್ಛಾಜಾತೇ ಸತ್ತರಸ, ನಆಸೇವನೇ ಸತ್ತರಸ, ನಕಮ್ಮೇ ಸತ್ತ, ನವಿಪಾಕೇ ಸತ್ತರಸ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ಪಞ್ಚ, ನವಿಪ್ಪಯುತ್ತೇ ಏಕಾದಸ, ನೋನತ್ಥಿಯಾ ಪಞ್ಚ, ನೋವಿಗತೇ ಪಞ್ಚ (ಏವಂ ಗಣೇತಬ್ಬಂ).

ಪಚ್ಚನೀಯಂ.

೩. ಪಚ್ಚಯಾನುಲೋಮಪಚ್ಚನೀಯಂ

ಹೇತುದುಕಂ

೬೧. ಹೇತುಪಚ್ಚಯಾ ¶ ನಆರಮ್ಮಣೇ ಪಞ್ಚ, ನಅಧಿಪತಿಯಾ ಸತ್ತರಸ, ನಅನನ್ತರೇ ಪಞ್ಚ, ನಸಮನನ್ತರೇ ಪಞ್ಚ, ನಅಞ್ಞಮಞ್ಞೇ ಪಞ್ಚ, ನಉಪನಿಸ್ಸಯೇ ಪಞ್ಚ, ನಪುರೇಜಾತೇ ¶ ತೇರಸ, ನಪಚ್ಛಾಜಾತೇ ಸತ್ತರಸ, ನಆಸೇವನೇ ಸತ್ತರಸ, ನಕಮ್ಮೇ ಸತ್ತ, ನವಿಪಾಕೇ ಸತ್ತರಸ, ನಸಮ್ಪಯುತ್ತೇ ಪಞ್ಚ, ನವಿಪ್ಪಯುತ್ತೇ ಏಕಾದಸ, ನೋನತ್ಥಿಯಾ ಪಞ್ಚ, ನೋವಿಗತೇ ಪಞ್ಚ ( ಏವಂ ಗಣೇತಬ್ಬಂ).

ಅನುಲೋಮಪಚ್ಚನೀಯಂ.

೪. ಪಚ್ಚಯಪಚ್ಚನೀಯಾನುಲೋಮಂ

ನಹೇತುದುಕಂ

೬೨. ನಹೇತುಪಚ್ಚಯಾ ಆರಮ್ಮಣೇ ಪಞ್ಚ, ಅನನ್ತರೇ ಪಞ್ಚ, ಸಮನನ್ತರೇ ಪಞ್ಚ, ಸಹಜಾತೇ ಪಞ್ಚ, ಅಞ್ಞಮಞ್ಞೇ ಪಞ್ಚ, ನಿಸ್ಸಯೇ ಪಞ್ಚ, ಉಪನಿಸ್ಸಯೇ ಪಞ್ಚ, ಪುರೇಜಾತೇ ಪಞ್ಚ, ಆಸೇವನೇ ಪಞ್ಚ, ಕಮ್ಮೇ ಪಞ್ಚ, ವಿಪಾಕೇ ಏಕಂ, ಆಹಾರೇ ಪಞ್ಚ, ಇನ್ದ್ರಿಯೇ ಪಞ್ಚ, ಝಾನೇ ಪಞ್ಚ, ಮಗ್ಗೇ ಪಞ್ಚ, ಸಮ್ಪಯುತ್ತೇ ಪಞ್ಚ, ವಿಪ್ಪಯುತ್ತೇ ಪಞ್ಚ, ಅತ್ಥಿಯಾ ಪಞ್ಚ, ನತ್ಥಿಯಾ ¶ ಪಞ್ಚ, ವಿಗತೇ ಪಞ್ಚ, ಅವಿಗತೇ ಪಞ್ಚ (ಏವಂ ಗಣೇತಬ್ಬಂ).

ಪಚ್ಚನೀಯಾನುಲೋಮಂ.

ಪಚ್ಚಯವಾರೋ.

೪. ನಿಸ್ಸಯವಾರೋ

(ನಿಸ್ಸಯವಾರೋ ಪಚ್ಚಯವಾರಸದಿಸೋ.)

೫. ಸಂಸಟ್ಠವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೬೩. ದಸ್ಸನೇನ ¶ ಪಹಾತಬ್ಬಹೇತುಕಂ ಧಮ್ಮಂ ಸಂಸಟ್ಠೋ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಸಂಸಟ್ಠಾ ದ್ವೇ ಖನ್ಧಾ. (೧)

ಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಸಂಸಟ್ಠೋ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಭಾವನಾಯ ಪಹಾತಬ್ಬಹೇತುಕಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಸಂಸಟ್ಠಾ ದ್ವೇ ಖನ್ಧಾ. (೧)

ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಸಂಸಟ್ಠೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಸಂಸಟ್ಠೋ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವಿಚಿಕಿಚ್ಛಾಸಹಗತಂ ಮೋಹಂ ಸಂಸಟ್ಠಾ ಸಮ್ಪಯುತ್ತಕಾ ಖನ್ಧಾ. (೨)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಸಂಸಟ್ಠೋ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉದ್ಧಚ್ಚಸಹಗತಂ ಮೋಹಂ ಸಂಸಟ್ಠಾ ಸಮ್ಪಯುತ್ತಕಾ ಖನ್ಧಾ. (೩)

೬೪. ದಸ್ಸನೇನ ¶ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಸಂಸಟ್ಠೋ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವಿಚಿಕಿಚ್ಛಾಸಹಗತಂ ಏಕಂ ಖನ್ಧಞ್ಚ ಮೋಹಞ್ಚ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧಾ. (೧)

ಭಾವನಾಯ ¶ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉದ್ಧಚ್ಚಸಹಗತಂ ಏಕಂ ಖನ್ಧಞ್ಚ ಮೋಹಞ್ಚ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧಾ. (೧)

ಆರಮ್ಮಣಪಚ್ಚಯೋ

೬೫. ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಸಂಸಟ್ಠೋ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧಾ. (೧)

ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಸಂಸಟ್ಠೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ವಿಚಿಕಿಚ್ಛಾಸಹಗತೇ ಖನ್ಧೇ ಸಂಸಟ್ಠೋ ವಿಚಿಕಿಚ್ಛಾಸಹಗತೋ ಮೋಹೋ. (೨)

ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಸಂಸಟ್ಠೋ ದಸ್ಸನೇನ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಉಪ್ಪಜ್ಜನ್ತಿ ಆರಮ್ಮಣಪಚ್ಚಯಾ – ವಿಚಿಕಿಚ್ಛಾಸಹಗತಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ ಮೋಹೋ ಚ…ಪೇ… ದ್ವೇ ಖನ್ಧೇ…ಪೇ…. (೩)

ಭಾವನಾಯ ¶ ಪಹಾತಬ್ಬಹೇತುಕಂ ಧಮ್ಮಂ ಸಂಸಟ್ಠೋ… ತೀಣಿ.

೬೬. ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಸಂಸಟ್ಠೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ನೇವದಸ್ಸನೇನ ನಭಾವನಾಯ ¶ ಪಹಾತಬ್ಬಹೇತುಕಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಸಂಸಟ್ಠಾ ದ್ವೇ ಖನ್ಧಾ. ಪಟಿಸನ್ಧಿಕ್ಖಣೇ…ಪೇ…. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಸಂಸಟ್ಠೋ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ವಿಚಿಕಿಚ್ಛಾಸಹಗತಂ ಮೋಹಂ ಸಂಸಟ್ಠಾ ಸಮ್ಪಯುತ್ತಕಾ ಖನ್ಧಾ. (೨)

ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಸಂಸಟ್ಠೋ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಉದ್ಧಚ್ಚಸಹಗತಂ ಮೋಹಂ ಸಂಸಟ್ಠಾ ಸಮ್ಪಯುತ್ತಕಾ ಖನ್ಧಾ. (೩)

ದಸ್ಸನೇನ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಸಂಸಟ್ಠೋ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ವಿಚಿಕಿಚ್ಛಾಸಹಗತಂ ಏಕಂ ಖನ್ಧಞ್ಚ ಮೋಹಞ್ಚ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಚ ಮೋಹಞ್ಚ ಸಂಸಟ್ಠಾ ದ್ವೇ ಖನ್ಧಾ. (೧)

ಭಾವನಾಯ ಪಹಾತಬ್ಬಹೇತುಕಞ್ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಞ್ಚ ಧಮ್ಮಂ ಸಂಸಟ್ಠೋ ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಉದ್ಧಚ್ಚಸಹಗತಂ ಏಕಂ ಖನ್ಧಞ್ಚ ಮೋಹಞ್ಚ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧಾ. (೧)

ಅಧಿಪತಿಪಚ್ಚಯಾದಿ

೬೭. ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಸಂಸಟ್ಠೋ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ – ದಸ್ಸನೇನ ಪಹಾತಬ್ಬಹೇತುಕಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧಾ. (೧)

ಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಸಂಸಟ್ಠೋ… ಏಕಂ.

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಸಂಸಟ್ಠೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ¶ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧಾ; ಅನನ್ತರಪಚ್ಚಯಾ… ಸಮನನ್ತರಪಚ್ಚಯಾ.

ಸಹಜಾತಪಚ್ಚಯಾದಿ

೬೮. ದಸ್ಸನೇನ ¶ ಪಹಾತಬ್ಬಹೇತುಕಂ ಧಮ್ಮಂ ಸಂಸಟ್ಠೋ ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಸಹಜಾತಪಚ್ಚಯಾ… ಅಞ್ಞಮಞ್ಞಪಚ್ಚಯಾ… ನಿಸ್ಸಯಪಚ್ಚಯಾ… ಉಪನಿಸ್ಸಯಪಚ್ಚಯಾ… ಪುರೇಜಾತಪಚ್ಚಯಾ… ಆಸೇವನಪಚ್ಚಯಾ… ಕಮ್ಮಪಚ್ಚಯಾ… ವಿಪಾಕಪಚ್ಚಯಾ… ಆಹಾರಪಚ್ಚಯಾ… ಇನ್ದ್ರಿಯಪಚ್ಚಯಾ ¶ … ಝಾನಪಚ್ಚಯಾ… ಮಗ್ಗಪಚ್ಚಯಾ… ಸಮ್ಪಯುತ್ತಪಚ್ಚಯಾ… ವಿಪ್ಪಯುತ್ತಪಚ್ಚಯಾ… ಅತ್ಥಿಪಚ್ಚಯಾ… ನತ್ಥಿಪಚ್ಚಯಾ… ವಿಗತಪಚ್ಚಯಾ… ಅವಿಗತಪಚ್ಚಯಾ….

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೬೯. ಹೇತುಯಾ ಸತ್ತ, ಆರಮ್ಮಣೇ ಏಕಾದಸ, ಅಧಿಪತಿಯಾ ತೀಣಿ, ಅನನ್ತರೇ ಏಕಾದಸ, ಸಮನನ್ತರೇ ಏಕಾದಸ, ಸಹಜಾತೇ ಏಕಾದಸ, ಅಞ್ಞಮಞ್ಞೇ ಏಕಾದಸ, ನಿಸ್ಸಯೇ ಏಕಾದಸ, ಉಪನಿಸ್ಸಯೇ ಏಕಾದಸ, ಪುರೇಜಾತೇ ಏಕಾದಸ, ಆಸೇವನೇ ಏಕಾದಸ, ಕಮ್ಮೇ ಏಕಾದಸ, ವಿಪಾಕೇ ಏಕಂ, ಆಹಾರೇ ಏಕಾದಸ, ಇನ್ದ್ರಿಯೇ ಏಕಾದಸ, ಝಾನೇ ಏಕಾದಸ, ಮಗ್ಗೇ ಏಕಾದಸ, ಸಮ್ಪಯುತ್ತೇ ಏಕಾದಸ, ವಿಪ್ಪಯುತ್ತೇ ಏಕಾದಸ, ಅತ್ಥಿಯಾ ಏಕಾದಸ, ನತ್ಥಿಯಾ ಏಕಾದಸ, ವಿಗತೇ ಏಕಾದಸ, ಅವಿಗತೇ ಏಕಾದಸ (ಏವಂ ಗಣೇತಬ್ಬಂ).

ಅನುಲೋಮಂ.

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೭೦. ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಸಂಸಟ್ಠೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ¶ ಖನ್ಧೇ ಸಂಸಟ್ಠೋ ವಿಚಿಕಿಚ್ಛಾಸಹಗತೋ ಮೋಹೋ.(೧)

ಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಸಂಸಟ್ಠೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಉದ್ಧಚ್ಚಸಹಗತೇ ಖನ್ಧೇ ಸಂಸಟ್ಠೋ ಉದ್ಧಚ್ಚಸಹಗತೋ ಮೋಹೋ. (೧)

ನೇವದಸ್ಸನೇನ ¶ ¶ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಸಂಸಟ್ಠೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಸಂಸಟ್ಠಾ ದ್ವೇ ಖನ್ಧಾ. ಅಹೇತುಕಪಟಿಸನ್ಧಿಕ್ಖಣೇ…ಪೇ…. (೧)

ನಅಧಿಪತಿಪಚ್ಚಯಾದಿ

೭೧. ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಸಂಸಟ್ಠೋ…ಪೇ… ನಅಧಿಪತಿಪಚ್ಚಯಾ (ಸಹಜಾತಸದಿಸಂ)… ನಪುರೇಜಾತಪಚ್ಚಯಾ… ನಪಚ್ಛಾಜಾತಪಚ್ಚಯಾ, ನಆಸೇವನಪಚ್ಚಯಾ… ನಕಮ್ಮಪಚ್ಚಯಾ… ಸತ್ತ, ನವಿಪಾಕಪಚ್ಚಯಾ… ನಝಾನಪಚ್ಚಯಾ… ನಮಗ್ಗಪಚ್ಚಯಾ… ನವಿಪ್ಪಯುತ್ತಪಚ್ಚಯಾ….

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೭೨. ನಹೇತುಯಾ ತೀಣಿ, ನಅಧಿಪತಿಯಾ ಏಕಾದಸ, ನಪುರೇಜಾತೇ ಏಕಾದಸ, ನಪಚ್ಛಾಜಾತೇ ಏಕಾದಸ, ನಆಸೇವನೇ ಏಕಾದಸ, ನಕಮ್ಮೇ ಸತ್ತ, ನವಿಪಾಕೇ ಏಕಾದಸ, ನಝಾನೇ ಏಕಂ, ನಮಗ್ಗೇ ಏಕಂ, ನವಿಪ್ಪಯುತ್ತೇ ಏಕಾದಸ (ಏವಂ ಗಣೇತಬ್ಬಂ).

ಪಚ್ಚನೀಯಂ.

೩. ಪಚ್ಚಯಾನುಲೋಮಪಚ್ಚನೀಯಂ

೭೩. ಹೇತುಪಚ್ಚಯಾ ನಅಧಿಪತಿಯಾ ಸತ್ತ, ನಪುರೇಜಾತೇ ಸತ್ತ, ನಪಚ್ಛಾಜಾತೇ ಸತ್ತ, ನಆಸೇವನೇ ಸತ್ತ, ನಕಮ್ಮೇ ಸತ್ತ, ನವಿಪಾಕೇ ಸತ್ತ ¶ , ನವಿಪ್ಪಯುತ್ತೇ ಸತ್ತ (ಏವಂ ಗಣೇತಬ್ಬಂ).

ಅನುಲೋಮಪಚ್ಚನೀಯಂ.

೪. ಪಚ್ಚಯಪಚ್ಚನೀಯಾನುಲೋಮಂ

೭೪. ನಹೇತುಪಚ್ಚಯಾ ¶ ಆರಮ್ಮಣೇ ತೀಣಿ, ಅನನ್ತರೇ ತೀಣಿ, ಸಮನನ್ತರೇ ತೀಣಿ, ಸಹಜಾತೇ ತೀಣಿ, ಅಞ್ಞಮಞ್ಞೇ ತೀಣಿ, ನಿಸ್ಸಯೇ ತೀಣಿ, ಉಪನಿಸ್ಸಯೇ ತೀಣಿ, ಪುರೇಜಾತೇ ತೀಣಿ, ಆಸೇವನೇ ತೀಣಿ, ಕಮ್ಮೇ ತೀಣಿ, ವಿಪಾಕೇ ಏಕಂ ¶ , ಆಹಾರೇ ತೀಣಿ, ಇನ್ದ್ರಿಯೇ ತೀಣಿ, ಝಾನೇ ತೀಣಿ, ಮಗ್ಗೇ ದ್ವೇ, ಸಮ್ಪಯುತ್ತೇ ತೀಣಿ, ವಿಪ್ಪಯುತ್ತೇ ತೀಣಿ, ಅತ್ಥಿಯಾ ತೀಣಿ, ನತ್ಥಿಯಾ ತೀಣಿ, ವಿಗತೇ ತೀಣಿ, ಅವಿಗತೇ ತೀಣಿ (ಏವಂ ಗಣೇತಬ್ಬಂ).

ಪಚ್ಚನೀಯಾನುಲೋಮಂ.

ಸಂಸಟ್ಠವಾರೋ.

೬. ಸಮ್ಪಯುತ್ತವಾರೋ

(ಸಮ್ಪಯುತ್ತವಾರೋ ಸಂಸಟ್ಠವಾರಸದಿಸೋ).

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೭೫. ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬಹೇತುಕಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ. (೧)

ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬಹೇತುಕಾ ಹೇತೂ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೨)

ದಸ್ಸನೇನ ¶ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬಹೇತುಕಾ ಹೇತೂ ಸಮ್ಪಯುತ್ತಕಾನಂ ¶ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೩)

ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ… ತೀಣಿ.

೭೬. ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ…ಪೇ….

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ವಿಚಿಕಿಚ್ಛಾಸಹಗತೋ ಮೋಹೋ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ. (೨)

ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಉದ್ಧಚ್ಚಸಹಗತೋ ಮೋಹೋ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ. (೩)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ವಿಚಿಕಿಚ್ಛಾಸಹಗತೋ ಮೋಹೋ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೪)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಉದ್ಧಚ್ಚಸಹಗತೋ ಮೋಹೋ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೫)

ಆರಮ್ಮಣಪಚ್ಚಯೋ

೭೭. ದಸ್ಸನೇನ ¶ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬಹೇತುಕಂ ರಾಗಂ ಅಸ್ಸಾದೇತಿ ಅಭಿನನ್ದತಿ; ತಂ ಆರಬ್ಭ ದಸ್ಸನೇನ ಪಹಾತಬ್ಬಹೇತುಕೋ ¶ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ವಿಚಿಕಿಚ್ಛಾ ಉಪ್ಪಜ್ಜತಿ, ದಸ್ಸನೇನ ಪಹಾತಬ್ಬಹೇತುಕಂ ದೋಮನಸ್ಸಂ ಉಪ್ಪಜ್ಜತಿ. ದಿಟ್ಠಿಂ ಅಸ್ಸಾದೇತಿ ಅಭಿನನ್ದತಿ; ತಂ ಆರಬ್ಭ ದಸ್ಸನೇನ ಪಹಾತಬ್ಬಹೇತುಕೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ವಿಚಿಕಿಚ್ಛಾ ಉಪ್ಪಜ್ಜತಿ, ದಸ್ಸನೇನ ಪಹಾತಬ್ಬಹೇತುಕಂ ದೋಮನಸ್ಸಂ ಉಪ್ಪಜ್ಜತಿ. ವಿಚಿಕಿಚ್ಛಂ ಆರಬ್ಭ ವಿಚಿಕಿಚ್ಛಾ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ದಸ್ಸನೇನ ಪಹಾತಬ್ಬಹೇತುಕಂ ದೋಮನಸ್ಸಂ ಉಪ್ಪಜ್ಜತಿ. ದಸ್ಸನೇನ ಪಹಾತಬ್ಬಹೇತುಕಂ ದೋಮನಸ್ಸಂ ಆರಬ್ಭ ದಸ್ಸನೇನ ಪಹಾತಬ್ಬಹೇತುಕಂ ದೋಮನಸ್ಸಂ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ವಿಚಿಕಿಚ್ಛಾ ಉಪ್ಪಜ್ಜತಿ. (೧)

ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ದಸ್ಸನೇನ ಪಹಾತಬ್ಬಹೇತುಕೇ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ ಜಾನನ್ತಿ, ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಅನಿಚ್ಚತೋ…ಪೇ… ಚೇತೋಪರಿಯಞಾಣೇನ…ಪೇ… ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ ¶ ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ ಅನಾಗತಂಸಞಾಣಸ್ಸ, ಆವಜ್ಜನಾಯ ಮೋಹಸ್ಸ ಚ ಆರಮ್ಮಣಪಚ್ಚಯೇನ ಪಚ್ಚಯೋ. (೨)

ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬಹೇತುಕೇ ಖನ್ಧೇ ಆರಬ್ಭ ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ಉಪ್ಪಜ್ಜನ್ತಿ. (೩)

೭೮. ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ¶ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಭಾವನಾಯ ಪಹಾತಬ್ಬಹೇತುಕಂ ರಾಗಂ ಅಸ್ಸಾದೇತಿ ಅಭಿನನ್ದತಿ; ತಂ ಆರಬ್ಭ ಭಾವನಾಯ ಪಹಾತಬ್ಬಹೇತುಕೋ ರಾಗೋ ಉಪ್ಪಜ್ಜತಿ, ಉದ್ಧಚ್ಚಂ ಉಪ್ಪಜ್ಜತಿ, ಭಾವನಾಯ ಪಹಾತಬ್ಬಹೇತುಕಂ ದೋಮನಸ್ಸಂ ಉಪ್ಪಜ್ಜತಿ. ಉದ್ಧಚ್ಚಂ ಆರಬ್ಭ ಉದ್ಧಚ್ಚಂ ಉಪ್ಪಜ್ಜತಿ, ಭಾವನಾಯ ಪಹಾತಬ್ಬಹೇತುಕಂ ¶ ದೋಮನಸ್ಸಂ ಉಪ್ಪಜ್ಜತಿ. ಭಾವನಾಯ ಪಹಾತಬ್ಬಹೇತುಕಂ ದೋಮನಸ್ಸಂ ಆರಬ್ಭ ಭಾವನಾಯ ಪಹಾತಬ್ಬಹೇತುಕಂ ದೋಮನಸ್ಸಂ ಉಪ್ಪಜ್ಜತಿ, ಉದ್ಧಚ್ಚಂ ಉಪ್ಪಜ್ಜತಿ. (೧)

ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಭಾವನಾಯ ಪಹಾತಬ್ಬಹೇತುಕಂ ರಾಗಂ ಅಸ್ಸಾದೇತಿ ಅಭಿನನ್ದತಿ; ತಂ ಆರಬ್ಭ ದಸ್ಸನೇನ ಪಹಾತಬ್ಬಹೇತುಕೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ವಿಚಿಕಿಚ್ಛಾ ಉಪ್ಪಜ್ಜತಿ, ದಸ್ಸನೇನ ಪಹಾತಬ್ಬಹೇತುಕಂ ದೋಮನಸ್ಸಂ ಉಪ್ಪಜ್ಜತಿ. ಉದ್ಧಚ್ಚಂ ಆರಬ್ಭ ದಿಟ್ಠಿ ಉಪ್ಪಜ್ಜತಿ, ವಿಚಿಕಿಚ್ಛಾ ಉಪ್ಪಜ್ಜತಿ, ದಸ್ಸನೇನ ಪಹಾತಬ್ಬಹೇತುಕಂ ದೋಮನಸ್ಸಂ ಉಪ್ಪಜ್ಜತಿ. ಭಾವನಾಯ ಪಹಾತಬ್ಬಹೇತುಕಂ ದೋಮನಸ್ಸಂ ಆರಬ್ಭ ದಸ್ಸನೇನ ಪಹಾತಬ್ಬಹೇತುಕಂ ದೋಮನಸ್ಸಂ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ವಿಚಿಕಿಚ್ಛಾ ಉಪ್ಪಜ್ಜತಿ. (೨)

ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಭಾವನಾಯ ಪಹಾತಬ್ಬಹೇತುಕೇ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ ಪಚ್ಚವೇಕ್ಖನ್ತಿ, ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ ಜಾನನ್ತಿ, ಭಾವನಾಯ ಪಹಾತಬ್ಬಹೇತುಕೇ ಖನ್ಧೇ ಅನಿಚ್ಚತೋ…ಪೇ… ಚೇತೋಪರಿಯಞಾಣೇನ…ಪೇ… ಭಾವನಾಯ ¶ ಪಹಾತಬ್ಬಹೇತುಕಾ ಖನ್ಧಾ ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ ¶ , ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಮೋಹಸ್ಸ ಚ ಆರಮ್ಮಣಪಚ್ಚಯೇನ ಪಚ್ಚಯೋ. (೩)

ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಭಾವನಾಯ ಪಹಾತಬ್ಬಹೇತುಕೇ ಖನ್ಧೇ ಆರಬ್ಭ ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ಉಪ್ಪಜ್ಜನ್ತಿ. (೪)

ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಭಾವನಾಯ ಪಹಾತಬ್ಬಹೇತುಕೇ ಖನ್ಧೇ ಆರಬ್ಭ ಉದ್ಧಚ್ಚಸಹಗತಾ ಖನ್ಧಾ ಚ ಮೋಹೋ ಚ ಉಪ್ಪಜ್ಜನ್ತಿ. (೫)

೭೯. ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ¶ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ…(ವಿತ್ಥಾರೇತಬ್ಬಂ ದಸ್ಸನತ್ತಿಕಸದಿಸಂ) ಆವಜ್ಜನಾಯ ಮೋಹಸ್ಸ ಚ ಆರಮ್ಮಣಪಚ್ಚಯೇನ ಪಚ್ಚಯೋ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ… (ಯಥಾ ದಸ್ಸನತ್ತಿಕಂ). (೨)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ… (ಯಥಾ ದಸ್ಸನತ್ತಿಕಂ). (೩)

ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಚಕ್ಖುಂ ಆರಬ್ಭ ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ಉಪ್ಪಜ್ಜನ್ತಿ. ಸೋತಂ…ಪೇ… ವತ್ಥುಂ… ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೇ ಖನ್ಧೇ ಆರಬ್ಭ ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ಉಪ್ಪಜ್ಜನ್ತಿ. (೪)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ¶ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಚಕ್ಖುಂ…ಪೇ… ವತ್ಥುಂ… ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೇ ಖನ್ಧೇ ಆರಬ್ಭ ಉದ್ಧಚ್ಚಸಹಗತಾ ಖನ್ಧಾ ಚ ಮೋಹೋ ಚ ಉಪ್ಪಜ್ಜನ್ತಿ. (೫)

೮೦. ದಸ್ಸನೇನ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ವಿಚಿಕಿಚ್ಛಾಸಹಗತೇ ಖನ್ಧೇ ಚ ಮೋಹಞ್ಚ ಆರಬ್ಭ ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ ಉಪ್ಪಜ್ಜನ್ತಿ. (೧)

ದಸ್ಸನೇನ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ವಿಚಿಕಿಚ್ಛಾಸಹಗತೇ ಖನ್ಧೇ ಚ ಮೋಹಞ್ಚ ಆರಬ್ಭ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಾ ಖನ್ಧಾ ಚ ಮೋಹೋ ಚ ಉಪ್ಪಜ್ಜನ್ತಿ. (೨)

ದಸ್ಸನೇನ ¶ ¶ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ವಿಚಿಕಿಚ್ಛಾಸಹಗತೇ ಖನ್ಧೇ ಚ ಮೋಹಞ್ಚ ಆರಬ್ಭ ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ಉಪ್ಪಜ್ಜನ್ತಿ. (೩)

೮೧. ಭಾವನಾಯ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಉದ್ಧಚ್ಚಸಹಗತೇ ಖನ್ಧೇ ಚ ಮೋಹಞ್ಚ ಆರಬ್ಭ ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ ಉಪ್ಪಜ್ಜನ್ತಿ. (೧)

ಭಾವನಾಯ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಉದ್ಧಚ್ಚಸಹಗತೇ ಖನ್ಧೇ ಚ ಮೋಹಞ್ಚ ಆರಬ್ಭ ಭಾವನಾಯ ಪಹಾತಬ್ಬಹೇತುಕಾ ಖನ್ಧಾ ಉಪ್ಪಜ್ಜನ್ತಿ. (೨)

ಭಾವನಾಯ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಉದ್ಧಚ್ಚಸಹಗತೇ ಖನ್ಧೇ ಚ ಮೋಹಞ್ಚ ಆರಬ್ಭ ¶ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಾ ಖನ್ಧಾ ಚ ಮೋಹೋ ಚ ಉಪ್ಪಜ್ಜನ್ತಿ. (೩)

ಭಾವನಾಯ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಉದ್ಧಚ್ಚಸಹಗತೇ ಖನ್ಧೇ ಚ ಮೋಹಞ್ಚ ಆರಬ್ಭ ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ಉಪ್ಪಜ್ಜನ್ತಿ. (೪)

ಭಾವನಾಯ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಭಾವನಾಯ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಉದ್ಧಚ್ಚಸಹಗತೇ ಖನ್ಧೇ ಚ ಮೋಹಞ್ಚ ಆರಬ್ಭ ಉದ್ಧಚ್ಚಸಹಗತಾ ಖನ್ಧಾ ಚ ಮೋಹೋ ಚ ಉಪ್ಪಜ್ಜನ್ತಿ. (೫)

ಅಧಿಪತಿಪಚ್ಚಯೋ

೮೨. ದಸ್ಸನೇನ ¶ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ (ದಸ್ಸನತ್ತಿಕಸದಿಸಂ, ದಸ ಪಞ್ಹಾ).

ಅನನ್ತರಪಚ್ಚಯೋ

೮೩. ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ದಸ್ಸನೇನ ಪಹಾತಬ್ಬಹೇತುಕಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೧)

ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ವಿಚಿಕಿಚ್ಛಾಸಹಗತಾ ಖನ್ಧಾ ಪಚ್ಛಿಮಸ್ಸ ಪಚ್ಛಿಮಸ್ಸ ಮೋಹಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೨)

ದಸ್ಸನೇನ ¶ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ¶ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ವಿಚಿಕಿಚ್ಛಾಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ವಿಚಿಕಿಚ್ಛಾಸಹಗತಾನಂ ಖನ್ಧಾನಂ ಮೋಹಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. (೩)

೮೪. ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಭಾವನಾಯ ಪಹಾತಬ್ಬಹೇತುಕಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಭಾವನಾಯ ಪಹಾತಬ್ಬಹೇತುಕಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೧)

ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಉದ್ಧಚ್ಚಸಹಗತಾ ಖನ್ಧಾ ಪಚ್ಛಿಮಸ್ಸ ಪಚ್ಛಿಮಸ್ಸ ಮೋಹಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ಭಾವನಾಯ ಪಹಾತಬ್ಬಹೇತುಕಾ ಖನ್ಧಾ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೨)

ಭಾವನಾಯ ¶ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಉದ್ಧಚ್ಚಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಉದ್ಧಚ್ಚಸಹಗತಾನಂ ಖನ್ಧಾನಂ ಮೋಹಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. (೩)

೮೫. ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮೋ ಪುರಿಮೋ ವಿಚಿಕಿಚ್ಛಾಸಹಗತೋ ¶ ಉದ್ಧಚ್ಚಸಹಗತೋ ಮೋಹೋ ಪಚ್ಛಿಮಸ್ಸ ಪಚ್ಛಿಮಸ್ಸ ವಿಚಿಕಿಚ್ಛಾಸಹಗತಸ್ಸ ಉದ್ಧಚ್ಚಸಹಗತಸ್ಸ ಮೋಹಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ಪುರಿಮಾ ಪುರಿಮಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಅನುಲೋಮಂ ಗೋತ್ರಭುಸ್ಸ… ಅನುಲೋಮಂ ವೋದಾನಸ್ಸ…ಪೇ… ನಿರೋಧಾ ವುಟ್ಠಹನ್ತಸ್ಸ ನೇವಸಞ್ಞಾನಾಸಞ್ಞಾಯತನಂ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮೋ ಪುರಿಮೋ ವಿಚಿಕಿಚ್ಛಾಸಹಗತೋ ¶ ಮೋಹೋ ಪಚ್ಛಿಮಾನಂ ಪಚ್ಛಿಮಾನಂ ವಿಚಿಕಿಚ್ಛಾಸಹಗತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಆವಜ್ಜನಾ ದಸ್ಸನೇನ ಪಹಾತಬ್ಬಹೇತುಕಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೨)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮೋ ಪುರಿಮೋ ಉದ್ಧಚ್ಚಸಹಗತೋ ಮೋಹೋ ಪಚ್ಛಿಮಾನಂ ಪಚ್ಛಿಮಾನಂ ಉದ್ಧಚ್ಚಸಹಗತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಆವಜ್ಜನಾ ಭಾವನಾಯ ಪಹಾತಬ್ಬಹೇತುಕಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೩)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮೋ ಪುರಿಮೋ ವಿಚಿಕಿಚ್ಛಾಸಹಗತೋ ಮೋಹೋ ಪಚ್ಛಿಮಾನಂ ¶ ಪಚ್ಛಿಮಾನಂ ವಿಚಿಕಿಚ್ಛಾಸಹಗತಾನಂ ಖನ್ಧಾನಂ ಮೋಹಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ; ಆವಜ್ಜನಾ ವಿಚಿಕಿಚ್ಛಾಸಹಗತಾನಂ ಖನ್ಧಾನಂ ಮೋಹಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. (೪)

ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮೋ ಪುರಿಮೋ ಉದ್ಧಚ್ಚಸಹಗತೋ ಮೋಹೋ ಪಚ್ಛಿಮಾನಂ ಪಚ್ಛಿಮಾನಂ ಉದ್ಧಚ್ಚಸಹಗತಾನಂ ಖನ್ಧಾನಂ ಮೋಹಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ; ಆವಜ್ಜನಾ ಉದ್ಧಚ್ಚಸಹಗತಾನಂ ಖನ್ಧಾನಂ ಮೋಹಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. (೫)

೮೬. ದಸ್ಸನೇನ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ಪಚ್ಛಿಮಾನಂ ಪಚ್ಛಿಮಾನಂ ವಿಚಿಕಿಚ್ಛಾಸಹಗತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೧)

ದಸ್ಸನೇನ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ಪಚ್ಛಿಮಸ್ಸ ಪಚ್ಛಿಮಸ್ಸ ಮೋಹಸ್ಸ ಅನನ್ತರಪಚ್ಚಯೇನ ¶ ಪಚ್ಚಯೋ; ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೨)

ದಸ್ಸನೇನ ¶ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ಪಚ್ಛಿಮಾನಂ ಪಚ್ಛಿಮಾನಂ ವಿಚಿಕಿಚ್ಛಾಸಹಗತಾನಂ ಖನ್ಧಾನಂ ಮೋಹಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. (೩)

ಭಾವನಾಯ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ… ತೀಣಿ (ದಸ್ಸನೇನ ಸದಿಸಂ ಗಮನಂ).

ಸಮನನ್ತರಪಚ್ಚಯಾದಿ

೮೭. ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಸಮನನ್ತರಪಚ್ಚಯೇನ ಪಚ್ಚಯೋ… (ಅನನ್ತರಸದಿಸಂ) ಸಹಜಾತಪಚ್ಚಯೇನ ಪಚ್ಚಯೋ… (ಸಂಖಿತ್ತಂ. ಪಟಿಚ್ಚವಾರೇ ¶ ಸಹಜಾತಸದಿಸಂ) ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… (ಸಂಖಿತ್ತಂ. ಪಟಿಚ್ಚವಾರೇ ಅಞ್ಞಮಞ್ಞಸದಿಸಂ) ನಿಸ್ಸಯಪಚ್ಚಯೇನ ಪಚ್ಚಯೋ… (ಸಂಖಿತ್ತಂ. ಪಚ್ಚಯವಾರೇ ನಿಸ್ಸಯವಾರಸದಿಸಂ. ವಿಸುಂ ಘಟನಾ ನತ್ಥಿ).

ಉಪನಿಸ್ಸಯಪಚ್ಚಯೋ

೮೮. ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ೫೧ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ದಸ್ಸನೇನ ಪಹಾತಬ್ಬಹೇತುಕಂ ರಾಗಂ ಉಪನಿಸ್ಸಾಯ ಪಾಣಂ ಹನತಿ…ಪೇ… ಸಙ್ಘಂ ಭಿನ್ದತಿ. ದಸ್ಸನೇನ ಪಹಾತಬ್ಬಹೇತುಕಂ ದೋಸಂ… ಮೋಹಂ… ದಿಟ್ಠಿಂ… ಪತ್ಥನಂ ಉಪನಿಸ್ಸಾಯ ಪಾಣಂ ಹನತಿ…ಪೇ… ಸಙ್ಘಂ ಭಿನ್ದತಿ. ದಸ್ಸನೇನ ಪಹಾತಬ್ಬಹೇತುಕೋ ರಾಗೋ… ದೋಸೋ… ಮೋಹೋ… ¶ ದಿಟ್ಠಿ… ಪತ್ಥನಾ ದಸ್ಸನೇನ ಪಹಾತಬ್ಬಹೇತುಕಸ್ಸ ರಾಗಸ್ಸ…ಪೇ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ದಸ್ಸನೇನ ¶ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ದಸ್ಸನೇನ ಪಹಾತಬ್ಬಹೇತುಕಂ ರಾಗಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಮಾಪತ್ತಿಂ ಉಪ್ಪಾದೇತಿ. ದಸ್ಸನೇನ ಪಹಾತಬ್ಬಹೇತುಕಂ ದೋಸಂ… ಮೋಹಂ… ದಿಟ್ಠಿಂ… ಪತ್ಥನಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಮಾಪತ್ತಿಂ ಉಪ್ಪಾದೇತಿ. ದಸ್ಸನೇನ ಪಹಾತಬ್ಬಹೇತುಕೋ ರಾಗೋ…ಪೇ… ಪತ್ಥನಾ… ಸದ್ಧಾಯ…ಪೇ… ಪಞ್ಞಾಯ… ಕಾಯಿಕಸ್ಸ ಸುಖಸ್ಸ, ಕಾಯಿಕಸ್ಸ ದುಕ್ಖಸ್ಸ ಫಲಸಮಾಪತ್ತಿಯಾ ಮೋಹಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ದಸ್ಸನೇನ ಪಹಾತಬ್ಬಹೇತುಕೋ ರಾಗೋ… ದೋಸೋ… ಮೋಹೋ… ದಿಟ್ಠಿ… ಪತ್ಥನಾ ವಿಚಿಕಿಚ್ಛಾಸಹಗತಾನಂ ಖನ್ಧಾನಂ ಮೋಹಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

೮೯. ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ¶ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಭಾವನಾಯ ಪಹಾತಬ್ಬಹೇತುಕೋ ರಾಗೋ… ದೋಸೋ… ಮೋಹೋ… ಮಾನೋ… ಪತ್ಥನಾ ಭಾವನಾಯ ಪಹಾತಬ್ಬಹೇತುಕಸ್ಸ ¶ ರಾಗಸ್ಸ… ದೋಸಸ್ಸ… ಮೋಹಸ್ಸ… ಮಾನಸ್ಸ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಭಾವನಾಯ ಪಹಾತಬ್ಬಹೇತುಕಂ ರಾಗಂ ಉಪನಿಸ್ಸಾಯ ಪಾಣಂ ಹನತಿ…ಪೇ… ಸಙ್ಘಂ ಭಿನ್ದತಿ. ಭಾವನಾಯ ಪಹಾತಬ್ಬಹೇತುಕಂ ದೋಸಂ… ಮೋಹಂ… ಮಾನಂ… ಪತ್ಥನಂ ಉಪನಿಸ್ಸಾಯ ಪಾಣಂ ಹನತಿ…ಪೇ… ಸಙ್ಘಂ ಭಿನ್ದತಿ. ಭಾವನಾಯ ಪಹಾತಬ್ಬಹೇತುಕೋ ರಾಗೋ…ಪೇ… ಪತ್ಥನಾ ದಸ್ಸನೇನ ಪಹಾತಬ್ಬಹೇತುಕಸ್ಸ ರಾಗಸ್ಸ… ದೋಸಸ್ಸ… ಮೋಹಸ್ಸ… ದಿಟ್ಠಿಯಾ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಸಕಭಣ್ಡೇ ಛನ್ದರಾಗೋ ಪರಭಣ್ಡೇ ¶ ಛನ್ದರಾಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಸಕಪರಿಗ್ಗಹೇ ಛನ್ದರಾಗೋ ಪರಪರಿಗ್ಗಹೇ ಛನ್ದರಾಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಭಾವನಾಯ ಪಹಾತಬ್ಬಹೇತುಕಂ ರಾಗಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಮಾಪತ್ತಿಂ ಉಪ್ಪಾದೇತಿ. ಭಾವನಾಯ ಪಹಾತಬ್ಬಹೇತುಕಂ ದೋಸಂ… ಮೋಹಂ… ಮಾನಂ… ಪತ್ಥನಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಮಾಪತ್ತಿಂ ಉಪ್ಪಾದೇತಿ. ಭಾವನಾಯ ಪಹಾತಬ್ಬಹೇತುಕೋ ರಾಗೋ…ಪೇ… ಪತ್ಥನಾ ಸದ್ಧಾಯ…ಪೇ… ಪಞ್ಞಾಯ… ಕಾಯಿಕಸ್ಸ ಸುಖಸ್ಸ, ಕಾಯಿಕಸ್ಸ ದುಕ್ಖಸ್ಸ ಫಲಸಮಾಪತ್ತಿಯಾ ಮೋಹಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

ಭಾವನಾಯ ¶ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ…. ಪಕತೂಪನಿಸ್ಸಯೋ – ಭಾವನಾಯ ಪಹಾತಬ್ಬಹೇತುಕೋ ರಾಗೋ…ಪೇ… ಪತ್ಥನಾ ವಿಚಿಕಿಚ್ಛಾಸಹಗತಾನಂ ಖನ್ಧಾನಂ ಮೋಹಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೪)

ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ¶ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಭಾವನಾಯ ಪಹಾತಬ್ಬಹೇತುಕೋ ರಾಗೋ…ಪೇ… ಪತ್ಥನಾ ಉದ್ಧಚ್ಚಸಹಗತಾನಂ ಖನ್ಧಾನಂ ಮೋಹಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೫)

೯೦. ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಮಾಪತ್ತಿಂ ಉಪ್ಪಾದೇತಿ. ಸೀಲಂ…ಪೇ… ಪಞ್ಞಂ… ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ… ಉತುಂ… ಭೋಜನಂ… ಸೇನಾಸನಂ… ಮೋಹಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸದ್ಧಾ…ಪೇ… ಮೋಹೋ ಸದ್ಧಾಯ…ಪೇ… ಫಲಸಮಾಪತ್ತಿಯಾ ಮೋಹಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸದ್ಧಂ ¶ ಉಪನಿಸ್ಸಾಯ ದಿಟ್ಠಿಂ ಗಣ್ಹಾತಿ. ಸೀಲಂ…ಪೇ… ಪಞ್ಞಂ… ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ…ಪೇ… ಸೇನಾಸನಂ… ಮೋಹಂ ಉಪನಿಸ್ಸಾಯ ಪಾಣಂ ಹನತಿ…ಪೇ… ಸಙ್ಘಂ ಭಿನ್ದತಿ. ಸದ್ಧಾ…ಪೇ… ಸೇನಾಸನಂ ಮೋಹೋ ಚ ದಸ್ಸನೇನ ಪಹಾತಬ್ಬಹೇತುಕಸ್ಸ ರಾಗಸ್ಸ…ಪೇ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ಮಾನಂ ಜಪ್ಪೇತಿ…ಪೇ… ಮೋಹಂ ಉಪನಿಸ್ಸಾಯ ಮಾನಂ ಜಪ್ಪೇತಿ. ಸದ್ಧಾ…ಪೇ… ಸೇನಾಸನಂ ಮೋಹೋ ಚ ಭಾವನಾಯ ಪಹಾತಬ್ಬಹೇತುಕಸ್ಸ ರಾಗಸ್ಸ…ಪೇ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸದ್ಧಾ…ಪೇ… ಪಞ್ಞಾ… ಕಾಯಿಕಂ ¶ ಸುಖಂ… ಕಾಯಿಕಂ ದುಕ್ಖಂ…ಪೇ… ಸೇನಾಸನಂ ಮೋಹೋ ಚ ವಿಚಿಕಿಚ್ಛಾಸಹಗತಾನಂ ಖನ್ಧಾನಂ ಮೋಹಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೪)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸದ್ಧಾ…ಪೇ… ಸೇನಾಸನಂ ಮೋಹೋ ಚ ಉದ್ಧಚ್ಚಸಹಗತಾನಂ ¶ ಖನ್ಧಾನಂ ಮೋಹಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೫)

೯೧. ದಸ್ಸನೇನ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ದಸ್ಸನೇನ ಪಹಾತಬ್ಬಹೇತುಕಸ್ಸ ¶ ರಾಗಸ್ಸ…ಪೇ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ದಸ್ಸನೇನ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ಸದ್ಧಾಯ…ಪೇ… ಪಞ್ಞಾಯ… ಕಾಯಿಕಸ್ಸ ಸುಖಸ್ಸ, ಕಾಯಿಕಸ್ಸ ದುಕ್ಖಸ್ಸ ಫಲಸಮಾಪತ್ತಿಯಾ ಮೋಹಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ದಸ್ಸನೇನ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ವಿಚಿಕಿಚ್ಛಾಸಹಗತಾನಂ ಖನ್ಧಾನಂ ಮೋಹಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

೯೨. ಭಾವನಾಯ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ¶ ಪಚ್ಚಯೋ. ಪಕತೂಪನಿಸ್ಸಯೋ – ಉದ್ಧಚ್ಚಸಹಗತಾ ¶ ಖನ್ಧಾ ಚ ಮೋಹೋ ಚ ದಸ್ಸನೇನ ಪಹಾತಬ್ಬಹೇತುಕಸ್ಸ ರಾಗಸ್ಸ…ಪೇ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಭಾವನಾಯ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಉದ್ಧಚ್ಚಸಹಗತಾ ಖನ್ಧಾ ಚ ಮೋಹೋ ಚ ಭಾವನಾಯ ಪಹಾತಬ್ಬಹೇತುಕಸ್ಸ ರಾಗಸ್ಸ…ಪೇ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಭಾವನಾಯ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಉದ್ಧಚ್ಚಸಹಗತಾ ಖನ್ಧಾ ಚ ಮೋಹೋ ¶ ಚ ಸದ್ಧಾಯ…ಪೇ… ಫಲಸಮಾಪತ್ತಿಯಾ ಮೋಹಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

ಭಾವನಾಯ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಪಕತೂಪನಿಸ್ಸಯೋ – ಉದ್ಧಚ್ಚಸಹಗತಾ ಖನ್ಧಾ ಚ ಮೋಹೋ ಚ ವಿಚಿಕಿಚ್ಛಾಸಹಗತಾನಂ ಖನ್ಧಾನಂ ಮೋಹಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೪)

ಭಾವನಾಯ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ¶ ಚ ಧಮ್ಮಾ ಭಾವನಾಯ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಉದ್ಧಚ್ಚಸಹಗತಾ ಖನ್ಧಾ ಚ ಮೋಹೋ ಚ ಉದ್ಧಚ್ಚಸಹಗತಾನಂ ಖನ್ಧಾನಂ ಮೋಹಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೫)

ಪುರೇಜಾತಪಚ್ಚಯೋ

೯೩. ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ ¶ – ಚಕ್ಖುಂ ಅನಿಚ್ಚತೋ…ಪೇ… ವಿಪಸ್ಸತಿ, ಸೋತಂ…ಪೇ… ವತ್ಥುಂ ಅನಿಚ್ಚತೋ…ಪೇ… ವಿಪಸ್ಸತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ. ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ… ವತ್ಥು ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಾನಂ ಖನ್ಧಾನಂ ಮೋಹಸ್ಸ ಚ ಪುರೇಜಾತಪಚ್ಚಯೇನ ಪಚ್ಚಯೋ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅಸ್ಸಾದೇತಿ ಅಭಿನನ್ದತಿ; ತಂ ಆರಬ್ಭ ದಸ್ಸನೇನ ಪಹಾತಬ್ಬಹೇತುಕೋ ರಾಗೋ…ಪೇ… ದಿಟ್ಠಿ…ಪೇ… ವಿಚಿಕಿಚ್ಛಾ…ಪೇ… ದಸ್ಸನೇನ ಪಹಾತಬ್ಬಹೇತುಕಂ ದೋಮನಸ್ಸಂ ಉಪ್ಪಜ್ಜತಿ ¶ . ವತ್ಥುಪುರೇಜಾತಂ – ವತ್ಥು ದಸ್ಸನೇನ ಪಹಾತಬ್ಬಹೇತುಕಾನಂ ಖನ್ಧಾನಂ ಪುರೇಜಾತಪಚ್ಚಯೇನ ¶ ಪಚ್ಚಯೋ. (೨)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅಸ್ಸಾದೇತಿ ಅಭಿನನ್ದತಿ; ತಂ ಆರಬ್ಭ ಭಾವನಾಯ ಪಹಾತಬ್ಬಹೇತುಕೋ ರಾಗೋ ಉಪ್ಪಜ್ಜತಿ, ಉದ್ಧಚ್ಚಂ ಉಪ್ಪಜ್ಜತಿ, ಭಾವನಾಯ ಪಹಾತಬ್ಬಹೇತುಕಂ ದೋಮನಸ್ಸಂ ಉಪ್ಪಜ್ಜತಿ. ವತ್ಥುಪುರೇಜಾತಂ – ವತ್ಥು ಭಾವನಾಯ ಪಹಾತಬ್ಬಹೇತುಕಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೩)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಆರಬ್ಭ ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ಉಪ್ಪಜ್ಜನ್ತಿ. ವತ್ಥುಪುರೇಜಾತಂ – ವತ್ಥು ವಿಚಿಕಿಚ್ಛಾಸಹಗತಾನಂ ಖನ್ಧಾನಂ ಮೋಹಸ್ಸ ಚ ಪುರೇಜಾತಪಚ್ಚಯೇನ ಪಚ್ಚಯೋ. (೪)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಆರಬ್ಭ ಉದ್ಧಚ್ಚಸಹಗತಾ ¶ ಖನ್ಧಾ ಚ ಮೋಹೋ ಚ ಉಪ್ಪಜ್ಜನ್ತಿ. ವತ್ಥುಪುರೇಜಾತಂ – ವತ್ಥು ¶ ಉದ್ಧಚ್ಚಸಹಗತಾನಂ ಖನ್ಧಾನಂ ಮೋಹಸ್ಸ ಚ ಪುರೇಜಾತಪಚ್ಚಯೇನ ಪಚ್ಚಯೋ. (೫)

ಪಚ್ಛಾಜಾತಪಚ್ಚಯೋ

೯೪. ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೧)

ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ಭಾವನಾಯ ¶ ಪಹಾತಬ್ಬಹೇತುಕಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೧)

ದಸ್ಸನೇನ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೧)

ಭಾವನಾಯ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ¶ ಚ ಧಮ್ಮಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ಉದ್ಧಚ್ಚಸಹಗತಾ ಖನ್ಧಾ ಚ ಮೋಹೋ ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೧)

ಆಸೇವನಪಚ್ಚಯೋ

೯೫. ದಸ್ಸನೇನ ¶ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ದಸ್ಸನೇನ ಪಹಾತಬ್ಬಹೇತುಕಾನಂ ಖನ್ಧಾನಂ ಆಸೇವನಪಚ್ಚಯೇನ ಪಚ್ಚಯೋ. (೧)

ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ವಿಚಿಕಿಚ್ಛಾಸಹಗತಾ ಖನ್ಧಾ ಪಚ್ಛಿಮಸ್ಸ ಪಚ್ಛಿಮಸ್ಸ ಮೋಹಸ್ಸ ಆಸೇವನಪಚ್ಚಯೇನ ಪಚ್ಚಯೋ. (೨)

ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ವಿಚಿಕಿಚ್ಛಾಸಹಗತಾ ಖನ್ಧಾ ಪಚ್ಛಿಮಾನಂ ¶ ಪಚ್ಛಿಮಾನಂ ವಿಚಿಕಿಚ್ಛಾಸಹಗತಾನಂ ಖನ್ಧಾನಂ ಮೋಹಸ್ಸ ಚ ಆಸೇವನಪಚ್ಚಯೇನ ಪಚ್ಚಯೋ.

ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ (ಸಂಖಿತ್ತಂ) ತೀಣಿ.

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ…ಪೇ…. (ಆಸೇವನಮೂಲಕೇ ವುಟ್ಠಾನಸ್ಸಪಿ ಆವಜ್ಜನಾಯಪಿ ಪಹಾತಬ್ಬಂ, ಸತ್ತರಸ ಪಞ್ಹಾ ಪರಿಪುಣ್ಣಾ, ಅನನ್ತರಸದಿಸಾ).

ಕಮ್ಮಪಚ್ಚಯೋ

೯೬. ದಸ್ಸನೇನ ¶ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬಹೇತುಕಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ. (೧)

ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ ದಸ್ಸನೇನ ಪಹಾತಬ್ಬಹೇತುಕಾ ಚೇತನಾ ಮೋಹಸ್ಸ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. ನಾನಾಕ್ಖಣಿಕಾ – ದಸ್ಸನೇನ ¶ ಪಹಾತಬ್ಬಹೇತುಕಾ ಚೇತನಾ ವಿಪಾಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೨)

ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬಹೇತುಕಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಮೋಹಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೩)

೯೭. ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಭಾವನಾಯ ಪಹಾತಬ್ಬಹೇತುಕಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ. (೧)

ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಭಾವನಾಯ ಪಹಾತಬ್ಬಹೇತುಕಾ ಚೇತನಾ ಮೋಹಸ್ಸ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೨)

ಭಾವನಾಯ ¶ ¶ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಭಾವನಾಯ ಪಹಾತಬ್ಬಹೇತುಕಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಮೋಹಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೩)

೯೮. ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. ನಾನಾಕ್ಖಣಿಕಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಾ ಚೇತನಾ ವಿಪಾಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೧)

ವಿಪಾಕಪಚ್ಚಯೋ

೯೯. ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ (ಪವತ್ತಿಪಟಿಸನ್ಧಿ) ವಿಪಾಕಾ ಖನ್ಧಾ ವತ್ಥುಸ್ಸ…ಪೇ….

ಆಹಾರಪಚ್ಚಯೋ

೧೦೦. ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬಹೇತುಕಾ ಆಹಾರಾ ಸಮ್ಪಯುತ್ತಕಾನಂ ಖನ್ಧಾನಂ ಆಹಾರಪಚ್ಚಯೇನ ಪಚ್ಚಯೋ. (೧)

ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬಹೇತುಕಾ ಆಹಾರಾ ¶ ಮೋಹಸ್ಸ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಆಹಾರಪಚ್ಚಯೇನ ಪಚ್ಚಯೋ. (೨)

ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬಹೇತುಕಾ ಆಹಾರಾ ಸಮ್ಪಯುತ್ತಕಾನಂ ಖನ್ಧಾನಂ ಮೋಹಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಆಹಾರಪಚ್ಚಯೇನ ಪಚ್ಚಯೋ. (೩)

ಭಾವನಾಯ ¶ ಪಹಾತಬ್ಬಹೇತುಕೋ ಧಮ್ಮೋ… ತೀಣಿ (ದಸ್ಸನೇನ ಸದಿಸಂ).

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಾ ಆಹಾರಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಆಹಾರಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ… ಕಬಳೀಕಾರೋ ಆಹಾರೋ ಇಮಸ್ಸ ಕಾಯಸ್ಸ ಆಹಾರಪಚ್ಚಯೇನ ಪಚ್ಚಯೋ.

ಇನ್ದ್ರಿಯಪಚ್ಚಯಾದಿ

೧೦೧. ದಸ್ಸನೇನ ¶ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ… ತೀಣಿ (ಆಹಾರಸದಿಸಂ. ಮೋಹೋ ಕಾತಬ್ಬೋ).

ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ… ತೀಣಿ.

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ – ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಾ ಇನ್ದ್ರಿಯಾ ಸಮ್ಪಯುತ್ತಕಾನಂ ಖನ್ಧಾನಂ…ಪೇ… ಚಕ್ಖುನ್ದ್ರಿಯಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಿನ್ದ್ರಿಯಂ ಕಾಯವಿಞ್ಞಾಣಸ್ಸ…ಪೇ… ರೂಪಜೀವಿತಿನ್ದ್ರಿಯಂ ಕಟತ್ತಾರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ… ಝಾನಪಚ್ಚಯೇನ ಪಚ್ಚಯೋ… ¶ ಮಗ್ಗಪಚ್ಚಯೇನ ಪಚ್ಚಯೋ… (ಇಮೇ ಸಹೇತುಕಾ ಕಾತಬ್ಬಾ) ಸಮ್ಪಯುತ್ತಪಚ್ಚಯೇನ ಪಚ್ಚಯೋ (ಪಟಿಚ್ಚವಾರೇ ಸಮ್ಪಯುತ್ತವಾರಸದಿಸಂ).

ವಿಪ್ಪಯುತ್ತಪಚ್ಚಯೋ

೧೦೨. ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ದಸ್ಸನತ್ತಿಕಸದಿಸಂ).

ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ದಸ್ಸನತ್ತಿಕಸದಿಸಂ).

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ (ದಸ್ಸನತ್ತಿಕಸದಿಸಂ). ಪಚ್ಛಾಜಾತಾ – ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಹೇತುಕಾ ಖನ್ಧಾ ಚ ಮೋಹೋ ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ…ಪೇ…. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ವತ್ಥು ದಸ್ಸನೇನ ಪಹಾತಬ್ಬಹೇತುಕಾನಂ ಖನ್ಧಾನಂ…ಪೇ…. (೨)

ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ವತ್ಥು ಭಾವನಾಯ ಪಹಾತಬ್ಬಹೇತುಕಾನಂ ಖನ್ಧಾನಂ…ಪೇ…. (೩)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ¶ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ವತ್ಥು ವಿಚಿಕಿಚ್ಛಾಸಹಗತಾನಂ ಖನ್ಧಾನಂ ಮೋಹಸ್ಸ ಚ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೪)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ವತ್ಥು ಉದ್ಧಚ್ಚಸಹಗತಾನಂ ಖನ್ಧಾನಂ ಮೋಹಸ್ಸ ಚ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೫)

೧೦೩. ದಸ್ಸನೇನ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ. ಸಹಜಾತಾ – ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೧)

ಭಾವನಾಯ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ. ಸಹಜಾತಾ – ಉದ್ಧಚ್ಚಸಹಗತಾ ಖನ್ಧಾ ಚ ಮೋಹೋ ಚ ಚಿತ್ತಸಮುಟ್ಠಾನಾನಂ ರೂಪಾನಂ…ಪೇ…. ಪಚ್ಛಾಜಾತಾ – ಉದ್ಧಚ್ಚಸಹಗತಾ ಖನ್ಧಾ ಚ ಮೋಹೋ ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೧)

ಅತ್ಥಿಪಚ್ಚಯಾದಿ

೧೦೪. ದಸ್ಸನೇನ ¶ ¶ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬಹೇತುಕೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ…ಪೇ…. (೧)

ದಸ್ಸನೇನ ¶ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ. ಸಹಜಾತಾ – ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಸಹಜಾತಾ – ವಿಚಿಕಿಚ್ಛಾಸಹಗತಾ ಖನ್ಧಾ ಮೋಹಸ್ಸ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. (೨)

ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ದಸ್ಸನೇನ ಪಹಾತಬ್ಬಹೇತುಕೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ವಿಚಿಕಿಚ್ಛಾಸಹಗತೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಮೋಹಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ…. (೩)

ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ… ತೀಣಿ.

೧೦೫. ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. ಸಹಜಾತೋ – ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಹೇತುಕೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ… ಅಸಞ್ಞಸತ್ತಾನಂ…ಪೇ…. ಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅನಿಚ್ಚತೋ…ಪೇ… ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ… ಚಕ್ಖಾಯತನಂ…ಪೇ… ಕಾಯಾಯತನಂ…ಪೇ… ವತ್ಥು ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಾನಂ ಖನ್ಧಾನಂ ಮೋಹಸ್ಸ ಚ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಾ ¶ ಖನ್ಧಾ ಚ ಮೋಹೋ ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ; ಕಬಳೀಕಾರೋ ಆಹಾರೋ ಇಮಸ್ಸ ಕಾಯಸ್ಸ…ಪೇ… ರೂಪಜೀವಿತಿನ್ದ್ರಿಯಂ ಕಟತ್ತಾರೂಪಾನಂ…ಪೇ…. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ¶ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತೋ – ವಿಚಿಕಿಚ್ಛಾಸಹಗತೋ ಮೋಹೋ ಸಮ್ಪಯುತ್ತಕಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅಸ್ಸಾದೇತಿ ಅಭಿನನ್ದತಿ; ತಂ ಆರಬ್ಭ ದಸ್ಸನೇನ ಪಹಾತಬ್ಬಹೇತುಕೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ವಿಚಿಕಿಚ್ಛಾ ಉಪ್ಪಜ್ಜತಿ, ದಸ್ಸನೇನ ಪಹಾತಬ್ಬಹೇತುಕಂ ದೋಮನಸ್ಸಂ ಉಪ್ಪಜ್ಜತಿ, ವತ್ಥು ದಸ್ಸನೇನ ಪಹಾತಬ್ಬಹೇತುಕಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೨)

ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತೋ – ಉದ್ಧಚ್ಚಸಹಗತೋ ಮೋಹೋ ಸಮ್ಪಯುತ್ತಕಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅಸ್ಸಾದೇತಿ ಅಭಿನನ್ದತಿ…ಪೇ… ವತ್ಥು ಭಾವನಾಯ ಪಹಾತಬ್ಬಹೇತುಕಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೩)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತೋ – ವಿಚಿಕಿಚ್ಛಾಸಹಗತೋ ಮೋಹೋ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪುರೇಜಾತಂ – ಚಕ್ಖುಂ ಆರಬ್ಭ ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ಉಪ್ಪಜ್ಜನ್ತಿ…ಪೇ… ವತ್ಥುಂ ಆರಬ್ಭ…ಪೇ… ವತ್ಥು ವಿಚಿಕಿಚ್ಛಾಸಹಗತಾನಂ ಖನ್ಧಾನಂ ಮೋಹಸ್ಸ ಚ ಅತ್ಥಿಪಚ್ಚಯೇನ ಪಚ್ಚಯೋ. (೪)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತೋ – ಉದ್ಧಚ್ಚಸಹಗತೋ ಮೋಹೋ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪುರೇಜಾತಂ – ಚಕ್ಖುಂ ಆರಬ್ಭ ಉದ್ಧಚ್ಚಸಹಗತಾ ¶ ಖನ್ಧಾ ಚ ಮೋಹೋ ಚ ಉಪ್ಪಜ್ಜನ್ತಿ…ಪೇ… ವತ್ಥುಂ ಆರಬ್ಭ…ಪೇ… ವತ್ಥು ಉದ್ಧಚ್ಚಸಹಗತಾನಂ ಖನ್ಧಾನಂ ಮೋಹಸ್ಸ ಚ ಅತ್ಥಿಪಚ್ಚಯೇನ ಪಚ್ಚಯೋ. (೫)

೧೦೬. ದಸ್ಸನೇನ ¶ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತೋ – ದಸ್ಸನೇನ ಪಹಾತಬ್ಬಹೇತುಕೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ ¶ …ಪೇ… ದ್ವೇ ಖನ್ಧಾ…ಪೇ… ವಿಚಿಕಿಚ್ಛಾಸಹಗತೋ ಏಕೋ ಖನ್ಧೋ ಚ ಮೋಹೋ ಚ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ…ಪೇ…. (೧)

ದಸ್ಸನೇನ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. ಸಹಜಾತಾ – ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಸಹಜಾತಾ – ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಸಹಜಾತಾ – ವಿಚಿಕಿಚ್ಛಾಸಹಗತಾ ಖನ್ಧಾ ಚ ವತ್ಥು ಚ ಮೋಹಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ವಿಚಿಕಿಚ್ಛಾಸಹಗತಾ ಖನ್ಧಾ ಚ ಮೋಹೋ ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ ಚ ಕಬಳೀಕಾರೋ ಆಹಾರೋ ಚ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ದಸ್ಸನೇನ ಪಹಾತಬ್ಬಹೇತುಕಾ ಖನ್ಧಾ ಚ ರೂಪಜೀವಿತಿನ್ದ್ರಿಯಞ್ಚ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೨)

ದಸ್ಸನೇನ ¶ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತೋ – ವಿಚಿಕಿಚ್ಛಾಸಹಗತೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ಮೋಹಸ್ಸ ಚ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ…ಪೇ… ವಿಚಿಕಿಚ್ಛಾಸಹಗತೋ ಏಕೋ ಖನ್ಧೋ ಚ ಮೋಹೋ ಚ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ ಮೋಹೋ ಚ…ಪೇ…. (೩)

ಭಾವನಾಯ ¶ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ (ಸಂಖಿತ್ತಂ. ತಿಸ್ಸೋ ಪಞ್ಹಾ, ದಸ್ಸನೇನ ನಯೇನ ವಿಭಜಿತಬ್ಬಾ, ‘‘ಉದ್ಧಚ್ಚ’’ನ್ತಿ ನಿಯಾಮೇತಬ್ಬಂ) ನತ್ಥಿಪಚ್ಚಯೇನ ಪಚ್ಚಯೋ… ವಿಗತಪಚ್ಚಯೇನ ಪಚ್ಚಯೋ… ಅವಿಗತಪಚ್ಚಯೇನ ಪಚ್ಚಯೋ….

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೧೦೭. ಹೇತುಯಾ ¶ ಏಕಾದಸ, ಆರಮ್ಮಣೇ ಏಕವೀಸ, ಅಧಿಪತಿಯಾ ದಸ, ಅನನ್ತರೇ ಸತ್ತರಸ, ಸಮನನ್ತರೇ ಸತ್ತರಸ, ಸಹಜಾತೇ ಸತ್ತರಸ, ಅಞ್ಞಮಞ್ಞೇ ಏಕಾದಸ, ನಿಸ್ಸಯೇ ಸತ್ತರಸ, ಉಪನಿಸ್ಸಯೇ ಏಕವೀಸ, ಪುರೇಜಾತೇ ಪಞ್ಚ, ಪಚ್ಛಾಜಾತೇ ಪಞ್ಚ, ಆಸೇವನೇ ಸತ್ತರಸ, ಕಮ್ಮೇ ಸತ್ತ, ವಿಪಾಕೇ ಏಕಂ, ಆಹಾರೇ ಸತ್ತ, ಇನ್ದ್ರಿಯೇ ಸತ್ತ, ಝಾನೇ ಸತ್ತ, ಮಗ್ಗೇ ಸತ್ತ, ಸಮ್ಪಯುತ್ತೇ ಏಕಾದಸ, ವಿಪ್ಪಯುತ್ತೇ ನವ, ಅತ್ಥಿಯಾ ಸತ್ತರಸ, ನತ್ಥಿಯಾ ಸತ್ತರಸ, ವಿಗತೇ ಸತ್ತರಸ, ಅವಿಗತೇ ಸತ್ತರಸ (ಏವಂ ಗಣೇತಬ್ಬಂ).

ಅನುಲೋಮಂ.

ಪಚ್ಚನೀಯುದ್ಧಾರೋ

೧೦೮. ದಸ್ಸನೇನ ¶ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೨)

ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

೧೦೯. ಭಾವನಾಯ ¶ ¶ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ¶ ಪಚ್ಚಯೋ. (೩)

ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೪)

ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೫)

೧೧೦. ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ. (೧)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ. (೨)

ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ¶ ಪಚ್ಚಯೋ… ಸಹಜಾತಪಚ್ಚಯೇನ ¶ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ. (೩)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ. (೪)

ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಭಾವನಾಯ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ. (೫)

೧೧೧. ದಸ್ಸನೇನ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

(ಇಧ ಸಹಜಾತಂ, ಪುರೇಜಾತಂ, ಮಿಸ್ಸಗತಂ ಅತ್ಥಿ, ಪಾಳಿಯಂ ಕಾತಬ್ಬಂ. ಗಣನಾಯ ಉಪಧಾರೇತ್ವಾ ಗಣೇತಬ್ಬಂ.)

ದಸ್ಸನೇನ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. (೨)

(ಇಧಾಪಿ ಆರಮ್ಮಣಪಚ್ಚಯಾ ಉಪನಿಸ್ಸಯಪಚ್ಚಯಾ ಅತ್ಥಿ, ಪಾಳಿಯಂ ನತ್ಥಿ. ಗಣೇನ್ತೇನ ಉಪಧಾರೇತ್ವಾ ಗಣೇತಬ್ಬಂ.)

ದಸ್ಸನೇನ ¶ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

(ಇಧಾಪಿ ¶ ‘‘ಸಹಜಾತಂ, ಪುರೇಜಾತಂ’’ ಯಂ ಮಿಸ್ಸಕಪಞ್ಹಾ ಅತ್ಥಿ, ಪಾಳಿಯಂ ಕಾತಬ್ಬಂ).

೧೧೨. ಭಾವನಾಯ ¶ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ದಸ್ಸನೇನ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಭಾವನಾಯ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ (ಇಧಾಪಿ ‘‘ಸಹಜಾತಂ, ಪುರೇಜಾತಂ’’ ಯಂ ಮಿಸ್ಸಕಪಞ್ಹಾ ಅತ್ಥಿ ). (೨)

ಭಾವನಾಯ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಧಮ್ಮಸ್ಸ ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ (ಇಧಾಪಿ ಆರಮ್ಮಣಉಪನಿಸ್ಸಯಾ ಅತ್ಥಿ). (೩)

ಭಾವನಾಯ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ದಸ್ಸನೇನ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ¶ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೪)

ಭಾವನಾಯ ಪಹಾತಬ್ಬಹೇತುಕೋ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಚ ಧಮ್ಮಾ ಭಾವನಾಯ ಪಹಾತಬ್ಬಹೇತುಕಸ್ಸ ಚ ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೫)

(ಇಧಾಪಿ ಸಹಜಾತಂ, ಪುರೇಜಾತಂ ಅತ್ಥಿ. ಯೇ ತೇ ಪಞ್ಹಾ ನ ಲಿಖಿತಾ, ತೇ ಪಾಳಿಯಂ ಗಣೇನ್ತಾನಂ ಬ್ಯಞ್ಜನೇನ ನ ಸಮೇನ್ತಿ. ತೇ ಪಾಳಿಯಂ ನ ಲಿಖಿತಾ ಗಣನಾ ಪಾಕಟಾ ಹೋನ್ತಿ. ಯದಿ ಸಂಸಯೋ ಉಪ್ಪಜ್ಜತಿ, ಅನುಲೋಮೇ ಅತ್ಥಿಪಚ್ಚಯೇ ಪೇಕ್ಖಿತಬ್ಬಂ.)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

ಸುದ್ಧಂ

೧೧೩. ನಹೇತುಯಾ ¶ ಏಕವೀಸ, ನಆರಮ್ಮಣೇ ನಅಧಿಪತಿಯಾ ನಅನನ್ತರೇ ನಸಮನನ್ತರೇ ನಸಹಜಾತೇ ನಅಞ್ಞಮಞ್ಞೇ ನನಿಸ್ಸಯೇ ನಉಪನಿಸ್ಸಯೇ ನಪುರೇಜಾತೇ ¶ ನಪಚ್ಛಾಜಾತೇ ನಆಸೇವನೇ ನಕಮ್ಮೇ ನವಿಪಾಕೇ ನಆಹಾರೇ ನಇನ್ದ್ರಿಯೇ ನಝಾನೇ ನಮಗ್ಗೇ ನಸಮ್ಪಯುತ್ತೇ ನವಿಪ್ಪಯುತ್ತೇ ನೋಅತ್ಥಿಯಾ ನೋನತ್ಥಿಯಾ ನೋವಿಗತೇ ನೋಅವಿಗತೇ ಸಬ್ಬತ್ಥ ಏಕವೀಸ (ಏವಂ ಗಣೇತಬ್ಬಂ).

ಪಚ್ಚನೀಯಂ.

೩. ಪಚ್ಚಯಾನುಲೋಮಪಚ್ಚನೀಯಂ

ಹೇತುದುಕಂ

೧೧೪. ಹೇತುಪಚ್ಚಯಾ ನಆರಮ್ಮಣೇ ಏಕಾದಸ, ನಅಧಿಪತಿಯಾ ನಅನನ್ತರೇ ನಸಮನನ್ತರೇ ಏಕಾದಸ, ನಅಞ್ಞಮಞ್ಞೇ ತೀಣಿ, ನಉಪನಿಸ್ಸಯೇ ನಪುರೇಜಾತೇ ನಪಚ್ಛಾಜಾತೇ ನಆಸೇವನೇ ನಕಮ್ಮೇ ನವಿಪಾಕೇ ನಆಹಾರೇ ನಇನ್ದ್ರಿಯೇ ನಝಾನೇ ನಮಗ್ಗೇ ಏಕಾದಸ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ಪಞ್ಚ ¶ , ನೋನತ್ಥಿಯಾ ಏಕಾದಸ, ನೋವಿಗತೇ ಏಕಾದಸ (ಏವಂ ಗಣೇತಬ್ಬಂ).

ಅನುಲೋಮಪಚ್ಚನೀಯಂ.

೪. ಪಚ್ಚಯಪಚ್ಚನೀಯಾನುಲೋಮಂ

ನಹೇತುದುಕಂ

೧೧೫. ನಹೇತುಪಚ್ಚಯಾ ¶ ಆರಮ್ಮಣೇ ಏಕವೀಸ, ಅಧಿಪತಿಯಾ ದಸ, ಅನನ್ತರೇ ಸತ್ತರಸ, ಸಮನನ್ತರೇ ಸತ್ತರಸ, ಸಹಜಾತೇ ಸತ್ತರಸ, ಅಞ್ಞಮಞ್ಞೇ ಏಕಾದಸ, ನಿಸ್ಸಯೇ ಸತ್ತರಸ, ಉಪನಿಸ್ಸಯೇ ಏಕವೀಸ, ಪುರೇಜಾತೇ ಪಞ್ಚ, ಪಚ್ಛಾಜಾತೇ ಪಞ್ಚ, ಆಸೇವನೇ ಸತ್ತರಸ, ಕಮ್ಮೇ ಸತ್ತ, ವಿಪಾಕೇ ಏಕಂ, ಆಹಾರೇ ಸತ್ತ, ಇನ್ದ್ರಿಯೇ ಸತ್ತ, ಝಾನೇ ಸತ್ತ, ಮಗ್ಗೇ ಸತ್ತ, ಸಮ್ಪಯುತ್ತೇ ಏಕಾದಸ, ವಿಪ್ಪಯುತ್ತೇ ನವ, ಅತ್ಥಿಯಾ ಸತ್ತರಸ, ನತ್ಥಿಯಾ ಸತ್ತರಸ, ವಿಗತೇ ಸತ್ತರಸ, ಅವಿಗತೇ ಸತ್ತರಸ (ಏವಂ ಗಣೇತಬ್ಬಂ).

ಪಚ್ಚನೀಯಾನುಲೋಮಂ.

ಪಞ್ಹಾವಾರೋ.

ದಸ್ಸನೇನಪಹಾತಬ್ಬಹೇತುಕತ್ತಿಕಂ ನಿಟ್ಠಿತಂ.

೧೦. ಆಚಯಗಾಮಿತ್ತಿಕಂ

೧. ಪಟಿಚ್ಚವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧. ಆಚಯಗಾಮಿಂ ¶ ¶ ¶ ಧಮ್ಮಂ ಪಟಿಚ್ಚ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಆಚಯಗಾಮಿಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. (೧)

ಆಚಯಗಾಮಿಂ ಧಮ್ಮಂ ಪಟಿಚ್ಚ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಆಚಯಗಾಮೀ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೨)

ಆಚಯಗಾಮಿಂ ಧಮ್ಮಂ ಪಟಿಚ್ಚ ಆಚಯಗಾಮೀ ಚ ನೇವಾಚಯಗಾಮಿನಾಪಚಯಗಾಮೀ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಆಚಯಗಾಮಿಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ. (೩)

೨. ಅಪಚಯಗಾಮಿಂ ಧಮ್ಮಂ ಪಟಿಚ್ಚ ಅಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಪಚಯಗಾಮಿಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. (೧)

ಅಪಚಯಗಾಮಿಂ ಧಮ್ಮಂ ಪಟಿಚ್ಚ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಪಚಯಗಾಮೀ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೨)

ಅಪಚಯಗಾಮಿಂ ¶ ಧಮ್ಮಂ ಪಟಿಚ್ಚ ಅಪಚಯಗಾಮೀ ಚ ನೇವಾಚಯಗಾಮಿನಾಪಚಯಗಾಮೀ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಅಪಚಯಗಾಮಿಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ. (೩)

೩. ನೇವಾಚಯಗಾಮಿನಾಪಚಯಗಾಮಿಂ ಧಮ್ಮಂ ಪಟಿಚ್ಚ ನೇವಾಚಯಗಾಮಿನಾಪಚಯಗಾಮೀ ¶ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೇವಾಚಯಗಾಮಿನಾಪಚಯಗಾಮಿಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ ನೇವಾಚಯಗಾಮಿನಾಪಚಯಗಾಮಿಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಕಟತ್ತಾ ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ; ಏಕಂ ಮಹಾಭೂತಂ ಪಟಿಚ್ಚ ತಯೋ ಮಹಾಭೂತಾ…ಪೇ… ದ್ವೇ ಮಹಾಭೂತೇ ಪಟಿಚ್ಚ ದ್ವೇ ಮಹಾಭೂತಾ; ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ. (೧)

ಆಚಯಗಾಮಿಞ್ಚ ¶ ನೇವಾಚಯಗಾಮಿನಾಪಚಯಗಾಮಿಞ್ಚ ಧಮ್ಮಂ ಪಟಿಚ್ಚ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಆಚಯಗಾಮೀ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಅಪಚಯಗಾಮಿಞ್ಚ ನೇವಾಚಯಗಾಮಿನಾಪಚಯಗಾಮಿಞ್ಚ ಧಮ್ಮಂ ಪಟಿಚ್ಚ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಪಚಯಗಾಮೀ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಆರಮ್ಮಣಪಚ್ಚಯೋ

೪. ಆಚಯಗಾಮಿಂ ¶ ಧಮ್ಮಂ ಪಟಿಚ್ಚ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಆಚಯಗಾಮಿಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ…. (೧)

ಅಪಚಯಗಾಮಿಂ ಧಮ್ಮಂ ಪಟಿಚ್ಚ ಅಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಅಪಚಯಗಾಮಿಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ…. (೧)

ನೇವಾಚಯಗಾಮಿನಾಪಚಯಗಾಮಿಂ ಧಮ್ಮಂ ಪಟಿಚ್ಚ ನೇವಾಚಯಗಾಮಿನಾಪಚಯಗಾಮೀ ¶ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ನೇವಾಚಯಗಾಮಿನಾಪಚಯಗಾಮಿಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. ಪಟಿಸನ್ಧಿಕ್ಖಣೇ…ಪೇ… ವತ್ಥುಂ ಪಟಿಚ್ಚ ಖನ್ಧಾ. (೧)

ಅಧಿಪತಿಪಚ್ಚಯೋ

೫. ಆಚಯಗಾಮಿಂ ಧಮ್ಮಂ ಪಟಿಚ್ಚ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ… ತೀಣಿ.

ಅಪಚಯಗಾಮಿಂ ಧಮ್ಮಂ ಪಟಿಚ್ಚ ಅಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ… ತೀಣಿ.

ನೇವಾಚಯಗಾಮಿನಾಪಚಯಗಾಮಿಂ ಧಮ್ಮಂ ಪಟಿಚ್ಚ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ… ಏಕಂ (ಪಟಿಸನ್ಧಿ ನತ್ಥಿ); ಏಕಂ ಮಹಾಭೂತಂ ಪಟಿಚ್ಚ ತಯೋ ಮಹಾಭೂತಾ…ಪೇ… ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಉಪಾದಾರೂಪಂ. (೧)

ಆಚಯಗಾಮಿಞ್ಚ ನೇವಾಚಯಗಾಮಿನಾಪಚಯಗಾಮಿಞ್ಚ ಧಮ್ಮಂ ಪಟಿಚ್ಚ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ – ಆಚಯಗಾಮೀ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಅಪಚಯಗಾಮಿಞ್ಚ ¶ ನೇವಾಚಯಗಾಮಿನಾಪಚಯಗಾಮಿಞ್ಚ ಧಮ್ಮಂ ಪಟಿಚ್ಚ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ – ಅಪಚಯಗಾಮೀ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಅನನ್ತರಪಚ್ಚಯಾದಿ

೬. ಆಚಯಗಾಮಿಂ ಧಮ್ಮಂ ಪಟಿಚ್ಚ, ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ಅನನ್ತರಪಚ್ಚಯಾ… ಸಮನನ್ತರಪಚ್ಚಯಾ ¶ … ಸಹಜಾತಪಚ್ಚಯಾ (ಸಬ್ಬೇಪಿ ಮಹಾಭೂತಾ ಕಾತಬ್ಬಾ)… ಅಞ್ಞಮಞ್ಞಪಚ್ಚಯಾ (ಚಿತ್ತಸಮುಟ್ಠಾನಮ್ಪಿ ಕಟತ್ತಾರೂಪಮ್ಪಿ ಉಪಾದಾರೂಪಮ್ಪಿ ನತ್ಥಿ)… ನಿಸ್ಸಯಪಚ್ಚಯಾ… ಉಪನಿಸ್ಸಯಪಚ್ಚಯಾ… ಪುರೇಜಾತಪಚ್ಚಯಾ… ಆಸೇವನಪಚ್ಚಯಾ… ಕಮ್ಮಪಚ್ಚಯಾ… ವಿಪಾಕಪಚ್ಚಯಾ… ಆಹಾರಪಚ್ಚಯಾ… ಇನ್ದ್ರಿಯಪಚ್ಚಯಾ… ಝಾನಪಚ್ಚಯಾ… ಮಗ್ಗಪಚ್ಚಯಾ… ಸಮ್ಪಯುತ್ತಪಚ್ಚಯಾ… ¶ ವಿಪ್ಪಯುತ್ತಪಚ್ಚಯಾ… ಅತ್ಥಿಪಚ್ಚಯಾ… ನತ್ಥಿಪಚ್ಚಯಾ… ವಿಗತಪಚ್ಚಯಾ… ಅವಿಗತಪಚ್ಚಯಾ….

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೭. ಹೇತುಯಾ ನವ, ಆರಮ್ಮಣೇ ತೀಣಿ, ಅಧಿಪತಿಯಾ ನವ, ಅನನ್ತರೇ ತೀಣಿ, ಸಮನನ್ತರೇ ತೀಣಿ, ಸಹಜಾತೇ ನವ, ಅಞ್ಞಮಞ್ಞೇ ತೀಣಿ, ನಿಸ್ಸಯೇ ನವ, ಉಪನಿಸ್ಸಯೇ ತೀಣಿ, ಪುರೇಜಾತೇ ತೀಣಿ, ಆಸೇವನೇ ತೀಣಿ, ಕಮ್ಮೇ ನವ, ವಿಪಾಕೇ ಏಕಂ, ಆಹಾರೇ ನವ, ಇನ್ದ್ರಿಯೇ ನವ, ಝಾನೇ ನವ, ಮಗ್ಗೇ ನವ, ಸಮ್ಪಯುತ್ತೇ ತೀಣಿ, ವಿಪ್ಪಯುತ್ತೇ ನವ, ಅತ್ಥಿಯಾ ನವ, ನತ್ಥಿಯಾ ತೀಣಿ, ವಿಗತೇ ತೀಣಿ, ಅವಿಗತೇ ನವ (ಏವಂ ಗಣೇತಬ್ಬಂ).

ಅನುಲೋಮಂ.

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೮. ಆಚಯಗಾಮಿಂ ಧಮ್ಮಂ ಪಟಿಚ್ಚ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೧)

ನೇವಾಚಯಗಾಮಿನಾಪಚಯಗಾಮಿಂ ¶ ¶ ಧಮ್ಮಂ ಪಟಿಚ್ಚ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನೇವಾಚಯಗಾಮಿನಾಪಚಯಗಾಮಿಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಅಹೇತುಕಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ; ಏಕಂ ಮಹಾಭೂತಂ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ…ಪೇ…. (೧)

ನಆರಮ್ಮಣಪಚ್ಚಯೋ

೯. ಆಚಯಗಾಮಿಂ ಧಮ್ಮಂ ಪಟಿಚ್ಚ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ¶ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಆಚಯಗಾಮೀ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಅಪಚಯಗಾಮಿಂ ಧಮ್ಮಂ ಪಟಿಚ್ಚ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಅಪಚಯಗಾಮೀ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ನೇವಾಚಯಗಾಮಿನಾಪಚಯಗಾಮಿಂ ಧಮ್ಮಂ ಪಟಿಚ್ಚ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ನೇವಾಚಯಗಾಮಿನಾಪಚಯಗಾಮೀ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಟಿಚ್ಚ ವತ್ಥು…ಪೇ… ಏಕಂ ಮಹಾಭೂತಂ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ…. (೧)

ಆಚಯಗಾಮಿಞ್ಚ ನೇವಾಚಯಗಾಮಿನಾಪಚಯಗಾಮಿಞ್ಚ ಧಮ್ಮಂ ಪಟಿಚ್ಚ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಆಚಯಗಾಮೀ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಅಪಚಯಗಾಮಿಞ್ಚ ನೇವಾಚಯಗಾಮಿನಾಪಚಯಗಾಮಿಞ್ಚ ಧಮ್ಮಂ ಪಟಿಚ್ಚ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಅಪಚಯಗಾಮೀ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ನಅಧಿಪತಿಪಚ್ಚಯೋ

೧೦. ಆಚಯಗಾಮಿಂ ¶ ಧಮ್ಮಂ ಪಟಿಚ್ಚ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ… ತೀಣಿ.

ಅಪಚಯಗಾಮಿಂ ಧಮ್ಮಂ ಪಟಿಚ್ಚ ಅಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಅಪಚಯಗಾಮೀ ಖನ್ಧೇ ಪಟಿಚ್ಚ ಅಪಚಯಗಾಮೀ ಅಧಿಪತಿ. (೧)

ನೇವಾಚಯಗಾಮಿನಾಪಚಯಗಾಮಿಂ ¶ ಧಮ್ಮಂ ಪಟಿಚ್ಚ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ನೇವಾಚಯಗಾಮಿನಾಪಚಯಗಾಮಿಂ ಏಕಂ ¶ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ; ಏಕಂ ಮಹಾಭೂತಂ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ…ಪೇ…. (೧)

ಆಚಯಗಾಮಿಞ್ಚ ನೇವಾಚಯಗಾಮಿನಾಪಚಯಗಾಮಿಞ್ಚ ಧಮ್ಮಂ ಪಟಿಚ್ಚ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಆಚಯಗಾಮೀ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ನಅನನ್ತರಪಚ್ಚಯಾದಿ

೧೧. ಆಚಯಗಾಮಿಂ ಧಮ್ಮಂ ಪಟಿಚ್ಚ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಅನನ್ತರಪಚ್ಚಯಾ… ನಸಮನನ್ತರಪಚ್ಚಯಾ… ನಅಞ್ಞಮಞ್ಞಪಚ್ಚಯಾ… ನಉಪನಿಸ್ಸಯಪಚ್ಚಯಾ… ನಪುರೇಜಾತಪಚ್ಚಯಾ (ಕುಸಲತ್ತಿಕಸದಿಸಾ ಸತ್ತ ಪಞ್ಹಾ)… ನಪಚ್ಛಾಜಾತಪಚ್ಚಯಾ.

ನಆಸೇವನಪಚ್ಚಯೋ

೧೨. ಆಚಯಗಾಮಿಂ ಧಮ್ಮಂ ಪಟಿಚ್ಚ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ… ತೀಣಿ.

ಅಪಚಯಗಾಮಿಂ ¶ ಧಮ್ಮಂ ಪಟಿಚ್ಚ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ – ಅಪಚಯಗಾಮೀ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ನೇವಾಚಯಗಾಮಿನಾಪಚಯಗಾಮಿಂ ಧಮ್ಮಂ ಪಟಿಚ್ಚ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ (ಏಕಾ ಪಞ್ಹಾ ಸಬ್ಬೇ ಮಹಾಭೂತಾ ಕಾತಬ್ಬಾ).

ಆಚಯಗಾಮಿಞ್ಚ ನೇವಾಚಯಗಾಮಿನಾಪಚಯಗಾಮಿಞ್ಚ ಧಮ್ಮಂ ಪಟಿಚ್ಚ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ – ಆಚಯಗಾಮೀ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಅಪಚಯಗಾಮಿಞ್ಚ ನೇವಾಚಯಗಾಮಿನಾಪಚಯಗಾಮಿಞ್ಚ ಧಮ್ಮಂ ಪಟಿಚ್ಚ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ¶ ಉಪ್ಪಜ್ಜತಿ ನಆಸೇವನಪಚ್ಚಯಾ – ಅಪಚಯಗಾಮೀ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ನಕಮ್ಮಪಚ್ಚಯೋ

೧೩. ಆಚಯಗಾಮಿಂ ¶ ಧಮ್ಮಂ ಪಟಿಚ್ಚ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಆಚಯಗಾಮೀ ಖನ್ಧೇ ಪಟಿಚ್ಚ ಆಚಯಗಾಮೀ ಚೇತನಾ. (೧)

ಅಪಚಯಗಾಮಿಂ ಧಮ್ಮಂ ಪಟಿಚ್ಚ ಅಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಅಪಚಯಗಾಮೀ ಖನ್ಧೇ ಪಟಿಚ್ಚ ಅಪಚಯಗಾಮೀ ಚೇತನಾ. (೧)

ನೇವಾಚಯಗಾಮಿನಾಪಚಯಗಾಮಿಂ ಧಮ್ಮಂ ಪಟಿಚ್ಚ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ನೇವಾಚಯಗಾಮಿನಾಪಚಯಗಾಮೀ ಖನ್ಧೇ ಪಟಿಚ್ಚ ನೇವಾಚಯಗಾಮಿನಾಪಚಯಗಾಮೀ ಚೇತನಾ; ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಏಕಂ ಮಹಾಭೂತಂ…ಪೇ…. (೧)

ನವಿಪಾಕಪಚ್ಚಯಾದಿ

೧೪. ಆಚಯಗಾಮಿಂ ಧಮ್ಮಂ ಪಟಿಚ್ಚ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ (ಪರಿಪುಣ್ಣಂ ¶ , ಪಟಿಸನ್ಧಿ ನತ್ಥಿ)… ನಆಹಾರಪಚ್ಚಯಾ… ನಇನ್ದ್ರಿಯಪಚ್ಚಯಾ… ನಝಾನಪಚ್ಚಯಾ… ನಮಗ್ಗಪಚ್ಚಯಾ… ನಸಮ್ಪಯುತ್ತಪಚ್ಚಯಾ… ನವಿಪ್ಪಯುತ್ತಪಚ್ಚಯಾ (ತೀಣಿ)… ನೋನತ್ಥಿಪಚ್ಚಯಾ… ನೋವಿಗತಪಚ್ಚಯಾ.

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

ಸುದ್ಧಂ

೧೫. ನಹೇತುಯಾ ದ್ವೇ, ನಆರಮ್ಮಣೇ ಪಞ್ಚ, ನಅಧಿಪತಿಯಾ ಛ, ನಅನನ್ತರೇ ಪಞ್ಚ, ನಸಮನನ್ತರೇ ಪಞ್ಚ, ನಅಞ್ಞಮಞ್ಞೇ ಪಞ್ಚ, ನಉಪನಿಸ್ಸಯೇ ಪಞ್ಚ, ನಪುರೇಜಾತೇ ಸತ್ತ, ನಪಚ್ಛಾಜಾತೇ ನವ, ನಆಸೇವನೇ ಸತ್ತ, ನಕಮ್ಮೇ ತೀಣಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ಪಞ್ಚ, ನವಿಪ್ಪಯುತ್ತೇ ತೀಣಿ, ನೋನತ್ಥಿಯಾ ಪಞ್ಚ, ನೋವಿಗತೇ ಪಞ್ಚ (ಏವಂ ಗಣೇತಬ್ಬಂ) ¶ .

ಪಚ್ಚನೀಯಂ.

೩. ಪಚ್ಚಯಾನುಲೋಮಪಚ್ಚನೀಯಂ

ಹೇತುದುಕಂ

೧೬. ಹೇತುಪಚ್ಚಯಾ ನಆರಮ್ಮಣೇ ಪಞ್ಚ, ನಅಧಿಪತಿಯಾ ಛ, ನಅನನ್ತರೇ ಪಞ್ಚ, ನಸಮನನ್ತರೇ ಪಞ್ಚ, ನಅಞ್ಞಮಞ್ಞೇ ಪಞ್ಚ, ನಉಪನಿಸ್ಸಯೇ ಪಞ್ಚ, ನಪುರೇಜಾತೇ ಸತ್ತ ¶ , ನಪಚ್ಛಾಜಾತೇ ನವ, ನಆಸೇವನೇ ಸತ್ತ, ನಕಮ್ಮೇ ತೀಣಿ, ನವಿಪಾಕೇ ನವ, ನಸಮ್ಪಯುತ್ತೇ ಪಞ್ಚ, ನವಿಪ್ಪಯುತ್ತೇ ತೀಣಿ, ನೋನತ್ಥಿಯಾ ಪಞ್ಚ, ನೋವಿಗತೇ ಪಞ್ಚ (ಏವಂ ಗಣೇತಬ್ಬಂ).

ಅನುಲೋಮಪಚ್ಚನೀಯಂ.

೪. ಪಚ್ಚಯಪಚ್ಚನೀಯಾನುಲೋಮಂ

ನಹೇತುದುಕಂ

೧೭. ನಹೇತುಪಚ್ಚಯಾ ¶ ಆರಮ್ಮಣೇ ದ್ವೇ, ಅನನ್ತರೇ ದ್ವೇ, ಸಮನನ್ತರೇ ದ್ವೇ, ಸಹಜಾತೇ ದ್ವೇ, ಅಞ್ಞಮಞ್ಞೇ ನಿಸ್ಸಯೇ ಉಪನಿಸ್ಸಯೇ ಪುರೇಜಾತೇ ಆಸೇವನೇ ಕಮ್ಮೇ ದ್ವೇ, ವಿಪಾಕೇ ಏಕಂ, ಆಹಾರೇ ದ್ವೇ, ಇನ್ದ್ರಿಯೇ ದ್ವೇ, ಝಾನೇ ದ್ವೇ, ಮಗ್ಗೇ ಏಕಂ, ಸಮ್ಪಯುತ್ತೇ ದ್ವೇ, ವಿಪ್ಪಯುತ್ತೇ ಅತ್ಥಿಯಾ ನತ್ಥಿಯಾ ವಿಗತೇ ಅವಿಗತೇ ದ್ವೇ (ಏವಂ ಗಣೇತಬ್ಬಂ).

ಪಚ್ಚನೀಯಾನುಲೋಮಂ.

ಪಟಿಚ್ಚವಾರೋ.

೨. ಸಹಜಾತವಾರೋ

(ಸಹಜಾತವಾರೋ ಪಟಿಚ್ಚವಾರಸದಿಸೋ.)

೩. ಪಚ್ಚಯವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧೮. ಆಚಯಗಾಮಿಂ ಧಮ್ಮಂ ಪಚ್ಚಯಾ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಆಚಯಗಾಮಿಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಚ್ಚಯಾ ದ್ವೇ ಖನ್ಧಾ. (೧)

ಆಚಯಗಾಮಿಂ ¶ ಧಮ್ಮಂ ಪಚ್ಚಯಾ ನೇವಾಚಯಗಾಮಿನಾಪಚಯಗಾಮೀ ¶ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಆಚಯಗಾಮೀ ಖನ್ಧೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೨)

ಆಚಯಗಾಮಿಂ ¶ ಧಮ್ಮಂ ಪಚ್ಚಯಾ ಆಚಯಗಾಮೀ ಚ ನೇವಾಚಯಗಾಮಿನಾಪಚಯಗಾಮೀ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಆಚಯಗಾಮಿಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ…. (೩)

ಅಪಚಯಗಾಮಿಂ ಧಮ್ಮಂ ಪಚ್ಚಯಾ ಅಪಚಯಗಾಮೀ ಧಮ್ಮೋ… ತೀಣಿ.

೧೯. ನೇವಾಚಯಗಾಮಿನಾಪಚಯಗಾಮಿಂ ಧಮ್ಮಂ ಪಚ್ಚಯಾ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೇವಾಚಯಗಾಮಿನಾಪಚಯಗಾಮಿಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಚ್ಚಯಾ ವತ್ಥು, ವತ್ಥುಂ ಪಚ್ಚಯಾ ಖನ್ಧಾ; ಏಕಂ ಮಹಾಭೂತಂ ಪಚ್ಚಯಾ…ಪೇ… ವತ್ಥುಂ ಪಚ್ಚಯಾ ನೇವಾಚಯಗಾಮಿನಾಪಚಯಗಾಮೀ ಖನ್ಧಾ. (೧)

ನೇವಾಚಯಗಾಮಿನಾಪಚಯಗಾಮಿಂ ಧಮ್ಮಂ ಪಚ್ಚಯಾ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ಆಚಯಗಾಮೀ ಖನ್ಧಾ. (೨)

ನೇವಾಚಯಗಾಮಿನಾಪಚಯಗಾಮಿಂ ಧಮ್ಮಂ ಪಚ್ಚಯಾ ಅಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ಅಪಚಯಗಾಮೀ ಖನ್ಧಾ. (೩)

ನೇವಾಚಯಗಾಮಿನಾಪಚಯಗಾಮಿಂ ಧಮ್ಮಂ ಪಚ್ಚಯಾ ಆಚಯಗಾಮೀ ಚ ನೇವಾಚಯಗಾಮಿನಾಪಚಯಗಾಮೀ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ಆಚಯಗಾಮೀ ಖನ್ಧಾ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೪)

ನೇವಾಚಯಗಾಮಿನಾಪಚಯಗಾಮಿಂ ಧಮ್ಮಂ ಪಚ್ಚಯಾ ಅಪಚಯಗಾಮೀ ಚ ನೇವಾಚಯಗಾಮಿನಾಪಚಯಗಾಮೀ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ಅಪಚಯಗಾಮೀ ಖನ್ಧಾ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೫)

೨೦. ಆಚಯಗಾಮಿಞ್ಚ ¶ ನೇವಾಚಯಗಾಮಿನಾಪಚಯಗಾಮಿಞ್ಚ ಧಮ್ಮಂ ಪಚ್ಚಯಾ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಆಚಯಗಾಮಿಂ ಏಕಂ ಖನ್ಧಞ್ಚ ವತ್ಥುಞ್ಚ ¶ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ…. (೧)

ಆಚಯಗಾಮಿಞ್ಚ ನೇವಾಚಯಗಾಮಿನಾಪಚಯಗಾಮಿಞ್ಚ ಧಮ್ಮಂ ಪಚ್ಚಯಾ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಆಚಯಗಾಮೀ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೨)

ಆಚಯಗಾಮಿಞ್ಚ ನೇವಾಚಯಗಾಮಿನಾಪಚಯಗಾಮಿಞ್ಚ ಧಮ್ಮಂ ಪಚ್ಚಯಾ ಆಚಯಗಾಮೀ ಚ ನೇವಾಚಯಗಾಮಿನಾಪಚಯಗಾಮೀ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಆಚಯಗಾಮಿಂ ಏಕಂ ¶ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಆಚಯಗಾಮೀ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೩)

ಅಪಚಯಗಾಮಿಞ್ಚ ನೇವಾಚಯಗಾಮಿನಾಪಚಯಗಾಮಿಞ್ಚ ಧಮ್ಮಂ ಪಚ್ಚಯಾ ಅಪಚಯಗಾಮೀ ಧಮ್ಮೋ… ತೀಣಿ.

ಆರಮ್ಮಣಪಚ್ಚಯೋ

೨೧. ಆಚಯಗಾಮಿಂ ಧಮ್ಮಂ ಪಚ್ಚಯಾ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಆಚಯಗಾಮಿಂ ಏಕಂ ಖನ್ಧಂ ಪಚ್ಚಯಾ…ಪೇ…. (೧)

ಅಪಚಯಗಾಮಿಂ ಧಮ್ಮಂ ಪಚ್ಚಯಾ ಅಪಚಯಗಾಮೀ ಧಮ್ಮೋ… ಏಕಂ.

ನೇವಾಚಯಗಾಮಿನಾಪಚಯಗಾಮಿಂ ಧಮ್ಮಂ ಪಚ್ಚಯಾ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ… ನೇವಾಚಯಗಾಮಿನಾಪಚಯಗಾಮಿಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… ವತ್ಥುಂ ಪಚ್ಚಯಾ ಖನ್ಧಾ, ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ. ವತ್ಥುಂ ಪಚ್ಚಯಾ ನೇವಾಚಯಗಾಮಿನಾಪಚಯಗಾಮೀ ಖನ್ಧಾ. (೧)

ನೇವಾಚಯಗಾಮಿನಾಪಚಯಗಾಮಿಂ ¶ ಧಮ್ಮಂ ಪಚ್ಚಯಾ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ವತ್ಥುಂ ಪಚ್ಚಯಾ ಆಚಯಗಾಮೀ ಖನ್ಧಾ. (೨)

ನೇವಾಚಯಗಾಮಿನಾಪಚಯಗಾಮಿಂ ಧಮ್ಮಂ ಪಚ್ಚಯಾ ಅಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ವತ್ಥುಂ ಪಚ್ಚಯಾ ಅಪಚಯಗಾಮೀ ಖನ್ಧಾ. (೩)

ಆಚಯಗಾಮಿಞ್ಚ ¶ ನೇವಾಚಯಗಾಮಿನಾಪಚಯಗಾಮಿಞ್ಚ ಧಮ್ಮಂ ಪಚ್ಚಯಾ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಆಚಯಗಾಮಿಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ…. (೧)

ಅಪಚಯಗಾಮಿಞ್ಚ ನೇವಾಚಯಗಾಮಿನಾಪಚಯಗಾಮಿಞ್ಚ ಧಮ್ಮಂ ಪಚ್ಚಯಾ ಅಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಅಪಚಯಗಾಮಿಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ…. (೧)

ಅಧಿಪತಿಪಚ್ಚಯೋ

೨೨. ಆಚಯಗಾಮಿಂ ಧಮ್ಮಂ ಪಚ್ಚಯಾ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ… ತೀಣಿ.

ಅಪಚಯಗಾಮಿಂ ಧಮ್ಮಂ ಪಚ್ಚಯಾ ಅಪಚಯಗಾಮೀ ಧಮ್ಮೋ… ತೀಣಿ.

ನೇವಾಚಯಗಾಮಿನಾಪಚಯಗಾಮಿಂ ¶ ಧಮ್ಮಂ ಪಚ್ಚಯಾ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ… ಏಕಂ…ಪೇ… ವತ್ಥುಂ ಪಚ್ಚಯಾ ನೇವಾಚಯಗಾಮಿನಾಪಚಯಗಾಮೀ ಖನ್ಧಾ.

ನೇವಾಚಯಗಾಮಿನಾಪಚಯಗಾಮಿಂ ಧಮ್ಮಂ ಪಚ್ಚಯಾ ಆಚಯಗಾಮೀ ಧಮ್ಮೋ…ಪೇ… (ಇಧಾಪಿ ಘಟನಾ ಹೇತುಸದಿಸಾ).

ಅನನ್ತರಪಚ್ಚಯಾದಿ

೨೩. ಆಚಯಗಾಮಿಂ ¶ ಧಮ್ಮಂ ಪಚ್ಚಯಾ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ಅನನ್ತರಪಚ್ಚಯಾ… ಸಮನನ್ತರಪಚ್ಚಯಾ… ಸಹಜಾತಪಚ್ಚಯಾ… ತೀಣಿ.

ಅಪಚಯಗಾಮಿಂ ಧಮ್ಮಂ ಪಚ್ಚಯಾ ಅಪಚಯಗಾಮೀ ಧಮ್ಮೋ… ತೀಣಿ.

ನೇವಾಚಯಗಾಮಿನಾಪಚಯಗಾಮಿಂ ಧಮ್ಮಂ ಪಚ್ಚಯಾ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ಸಹಜಾತಪಚ್ಚಯಾ – ನೇವಾಚಯಗಾಮಿನಾಪಚಯಗಾಮಿಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ…ಪೇ… ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ. ವತ್ಥುಂ ಪಚ್ಚಯಾ…ಪೇ…. (೧)

ನೇವಾಚಯಗಾಮಿನಾಪಚಯಗಾಮಿಂ ಧಮ್ಮಂ ಪಚ್ಚಯಾ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ಸಹಜಾತಪಚ್ಚಯಾ (ಸಂಖಿತ್ತಂ, ಸಬ್ಬೇ ಘಟನಾ ಕಾತಬ್ಬಾ).

ಅಞ್ಞಮಞ್ಞಪಚ್ಚಯಾದಿ

೨೪. ಅಪಚಯಗಾಮಿಂ ¶ ಧಮ್ಮಂ ಪಚ್ಚಯಾ ಅಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ಅಞ್ಞಮಞ್ಞಪಚ್ಚಯಾ… ನಿಸ್ಸಯಪಚ್ಚಯಾ… ಉಪನಿಸ್ಸಯಪಚ್ಚಯಾ… ಪುರೇಜಾತಪಚ್ಚಯಾ… ಆಸೇವನಪಚ್ಚಯಾ… ಕಮ್ಮಪಚ್ಚಯಾ… ವಿಪಾಕಪಚ್ಚಯಾ… ಆಹಾರಪಚ್ಚಯಾ… ಇನ್ದ್ರಿಯಪಚ್ಚಯಾ… ಝಾನಪಚ್ಚಯಾ… ಮಗ್ಗಪಚ್ಚಯಾ… ಸಮ್ಪಯುತ್ತಪಚ್ಚಯಾ… ವಿಪ್ಪಯುತ್ತಪಚ್ಚಯಾ… ಅತ್ಥಿಪಚ್ಚಯಾ… ನತ್ಥಿಪಚ್ಚಯಾ… ವಿಗತಪಚ್ಚಯಾ… ಅವಿಗತಪಚ್ಚಯಾ.

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೨೫. ಹೇತುಯಾ ಸತ್ತರಸ, ಆರಮ್ಮಣೇ ಸತ್ತ, ಅಧಿಪತಿಯಾ ಸತ್ತರಸ, ಅನನ್ತರೇ ಸತ್ತ, ಸಮನನ್ತರೇ ಸತ್ತ, ಸಹಜಾತೇ ಸತ್ತರಸ, ಅಞ್ಞಮಞ್ಞೇ ಸತ್ತ, ನಿಸ್ಸಯೇ ಸತ್ತರಸ, ಉಪನಿಸ್ಸಯೇ ಸತ್ತ, ಪುರೇಜಾತೇ ¶ ಸತ್ತ, ಆಸೇವನೇ ¶ ಸತ್ತ, ಕಮ್ಮೇ ಸತ್ತರಸ, ವಿಪಾಕೇ ಏಕಂ, ಆಹಾರೇ ಸತ್ತರಸ, ಇನ್ದ್ರಿಯೇ ಝಾನೇ ಮಗ್ಗೇ ಸತ್ತರಸ, ಸಮ್ಪಯುತ್ತೇ ಸತ್ತ, ವಿಪ್ಪಯುತ್ತೇ ಸತ್ತರಸ, ಅತ್ಥಿಯಾ ಸತ್ತರಸ, ನತ್ಥಿಯಾ ಸತ್ತ, ವಿಗತೇ ಸತ್ತ, ಅವಿಗತೇ ಸತ್ತರಸ (ಏವಂ ಗಣೇತಬ್ಬಂ).

ಅನುಲೋಮಂ.

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೨೬. ಆಚಯಗಾಮಿಂ ಧಮ್ಮಂ ಪಚ್ಚಯಾ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಚ್ಚಯಾ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೧)

ನೇವಾಚಯಗಾಮಿನಾಪಚಯಗಾಮಿಂ ಧಮ್ಮಂ ಪಚ್ಚಯಾ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನೇವಾಚಯಗಾಮಿನಾಪಚಯಗಾಮಿಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಅಹೇತುಕಪಟಿಸನ್ಧಿಕ್ಖಣೇ…ಪೇ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ…ಪೇ… ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ… ¶ ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ. ವತ್ಥುಂ ಪಚ್ಚಯಾ ಅಹೇತುಕಾ ನೇವಾಚಯಗಾಮಿನಾಪಚಯಗಾಮೀ ಖನ್ಧಾ. (೧)

ನೇವಾಚಯಗಾಮಿನಾಪಚಯಗಾಮಿಂ ಧಮ್ಮಂ ಪಚ್ಚಯಾ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವತ್ಥುಂ ಪಚ್ಚಯಾ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೨)

ಆಚಯಗಾಮಿಞ್ಚ ನೇವಾಚಯಗಾಮಿನಾಪಚಯಗಾಮಿಞ್ಚ ಧಮ್ಮಂ ಪಚ್ಚಯಾ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೧)

ನಆರಮ್ಮಣಪಚ್ಚಯೋ

೨೭. ಆಚಯಗಾಮಿಂ ¶ ಧಮ್ಮಂ ಪಚ್ಚಯಾ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ (ಸಂಖಿತ್ತಂ. ಪಟಿಚ್ಚವಾರಸದಿಸಂ).

ನಅಧಿಪತಿಪಚ್ಚಯೋ

೨೮. ಆಚಯಗಾಮಿಂ ¶ ಧಮ್ಮಂ ಪಚ್ಚಯಾ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ… ತೀಣಿ.

ಅಪಚಯಗಾಮಿಂ ಧಮ್ಮಂ ಪಚ್ಚಯಾ ಅಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಅಪಚಯಗಾಮೀ ಖನ್ಧೇ ಪಚ್ಚಯಾ ಅಪಚಯಗಾಮೀ ಅಧಿಪತಿ. (೧)

ನೇವಾಚಯಗಾಮಿನಾಪಚಯಗಾಮಿಂ ಧಮ್ಮಂ ಪಚ್ಚಯಾ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ…ಪೇ… ಅಸಞ್ಞಸತ್ತಾನಂ…ಪೇ… ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ. ವತ್ಥುಂ ಪಚ್ಚಯಾ ನೇವಾಚಯಗಾಮಿನಾಪಚಯಗಾಮೀ ಖನ್ಧಾ. (೧)

ನೇವಾಚಯಗಾಮಿನಾಪಚಯಗಾಮಿಂ ಧಮ್ಮಂ ಪಚ್ಚಯಾ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ವತ್ಥುಂ ಪಚ್ಚಯಾ ಆಚಯಗಾಮೀ ಖನ್ಧಾ. (೨)

ನೇವಾಚಯಗಾಮಿನಾಪಚಯಗಾಮಿಂ ಧಮ್ಮಂ ಪಚ್ಚಯಾ ಅಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ವತ್ಥುಂ ಪಚ್ಚಯಾ ಅಪಚಯಗಾಮೀ ಅಧಿಪತಿ. (೩)

ನೇವಾಚಯಗಾಮಿನಾಪಚಯಗಾಮಿಂ ಧಮ್ಮಂ ಪಚ್ಚಯಾ ಆಚಯಗಾಮೀ ಚ ನೇವಾಚಯಗಾಮಿನಾಪಚಯಗಾಮೀ ¶ ಚ ಧಮ್ಮಾ ಉಪ್ಪಜ್ಜನ್ತಿ ನಅಧಿಪತಿಪಚ್ಚಯಾ – ವತ್ಥುಂ ಪಚ್ಚಯಾ ಆಚಯಗಾಮೀ ಖನ್ಧಾ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೪)

೨೯. ಆಚಯಗಾಮಿಞ್ಚ ನೇವಾಚಯಗಾಮಿನಾಪಚಯಗಾಮಿಞ್ಚ ಧಮ್ಮಂ ಪಚ್ಚಯಾ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ¶ ನಅಧಿಪತಿಪಚ್ಚಯಾ – ಆಚಯಗಾಮಿಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ…. (೧)

ಆಚಯಗಾಮಿಞ್ಚ ನೇವಾಚಯಗಾಮಿನಾಪಚಯಗಾಮಿಞ್ಚ ಧಮ್ಮಂ ಪಚ್ಚಯಾ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಆಚಯಗಾಮೀ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೨)

ಆಚಯಗಾಮಿಞ್ಚ ನೇವಾಚಯಗಾಮಿನಾಪಚಯಗಾಮಿಞ್ಚ ಧಮ್ಮಂ ಪಚ್ಚಯಾ ಆಚಯಗಾಮೀ ಚ ನೇವಾಚಯಗಾಮಿನಾಪಚಯಗಾಮೀ ಚ ಧಮ್ಮಾ ಉಪ್ಪಜ್ಜನ್ತಿ ನಅಧಿಪತಿಪಚ್ಚಯಾ – ಆಚಯಗಾಮಿಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಆಚಯಗಾಮೀ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೩)

ಅಪಚಯಗಾಮಿಞ್ಚ ¶ ನೇವಾಚಯಗಾಮಿನಾಪಚಯಗಾಮಿಞ್ಚ ಧಮ್ಮಂ ಪಚ್ಚಯಾ ಅಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಅಪಚಯಗಾಮೀ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ಅಪಚಯಗಾಮೀ ಅಧಿಪತಿ. (೧)

ನಅನನ್ತರಪಚ್ಚಯಾದಿ

೩೦. ನಅನನ್ತರಪಚ್ಚಯಾ… ನಸಮನನ್ತರಪಚ್ಚಯಾ… ನಅಞ್ಞಮಞ್ಞಪಚ್ಚಯಾ… ನಉಪನಿಸ್ಸಯಪಚ್ಚಯಾ… ನಪುರೇಜಾತಪಚ್ಚಯಾ (ಪಟಿಚ್ಚವಾರಸದಿಸಾ, ಸತ್ತ ಪಞ್ಹಾ)… ನಪಚ್ಛಾಜಾತಪಚ್ಚಯಾ (ಪರಿಪುಣ್ಣಂ).

ನಆಸೇವನಪಚ್ಚಯೋ

೩೧. ಆಚಯಗಾಮಿಂ ಧಮ್ಮಂ ಪಚ್ಚಯಾ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ… ತೀಣಿ.

ಅಪಚಯಗಾಮಿಂ ಧಮ್ಮಂ ಪಚ್ಚಯಾ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ – ಅಪಚಯಗಾಮೀ ಖನ್ಧೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೧)

ನೇವಾಚಯಗಾಮಿನಾಪಚಯಗಾಮಿಂ ¶ ಧಮ್ಮಂ ಪಚ್ಚಯಾ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ¶ ಉಪ್ಪಜ್ಜತಿ ನಆಸೇವನಪಚ್ಚಯಾ – ಅಸಞ್ಞಸತ್ತಾನಂ…ಪೇ… ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ. ವತ್ಥುಂ ಪಚ್ಚಯಾ ನೇವಾಚಯಗಾಮಿನಾಪಚಯಗಾಮೀ ಖನ್ಧಾ. (೧)

ನೇವಾಚಯಗಾಮಿನಾಪಚಯಗಾಮಿಂ ಧಮ್ಮಂ ಪಚ್ಚಯಾ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ – ವತ್ಥುಂ ಪಚ್ಚಯಾ ಆಚಯಗಾಮೀ ಖನ್ಧಾ. (೨)

ನೇವಾಚಯಗಾಮಿನಾಪಚಯಗಾಮಿಂ ಧಮ್ಮಂ ಪಚ್ಚಯಾ ಆಚಯಗಾಮೀ ಚ ನೇವಾಚಯಗಾಮಿನಾಪಚಯಗಾಮೀ ಚ ಧಮ್ಮಾ ಉಪ್ಪಜ್ಜನ್ತಿ ನಆಸೇವನಪಚ್ಚಯಾ – ವತ್ಥುಂ ಪಚ್ಚಯಾ ಆಚಯಗಾಮೀ ಖನ್ಧಾ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೩)

ಆಚಯಗಾಮಿಞ್ಚ ನೇವಾಚಯಗಾಮಿನಾಪಚಯಗಾಮಿಞ್ಚ ಧಮ್ಮಂ ಪಚ್ಚಯಾ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ – ಆಚಯಗಾಮಿಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ…. (೧)

ಆಚಯಗಾಮಿಞ್ಚ ನೇವಾಚಯಗಾಮಿನಾಪಚಯಗಾಮಿಞ್ಚ ಧಮ್ಮಂ ಪಚ್ಚಯಾ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ – ಆಚಯಗಾಮೀ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೨)

ಆಚಯಗಾಮಿಞ್ಚ ¶ ನೇವಾಚಯಗಾಮಿನಾಪಚಯಗಾಮಿಞ್ಚ ಧಮ್ಮಂ ಪಚ್ಚಯಾ ಆಚಯಗಾಮೀ ಚ ನೇವಾಚಯಗಾಮಿನಾಪಚಯಗಾಮೀ ಚ ಧಮ್ಮಾ ಉಪ್ಪಜ್ಜನ್ತಿ ನಆಸೇವನಪಚ್ಚಯಾ – ಆಚಯಗಾಮಿಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಆಚಯಗಾಮೀ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೩)

ಅಪಚಯಗಾಮಿಞ್ಚ ನೇವಾಚಯಗಾಮಿನಾಪಚಯಗಾಮಿಞ್ಚ ಧಮ್ಮಂ ಪಚ್ಚಯಾ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ – ಅಪಚಯಗಾಮೀ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೧)

ನಕಮ್ಮಪಚ್ಚಯೋ

೩೨. ಆಚಯಗಾಮಿಂ ¶ ಧಮ್ಮಂ ಪಚ್ಚಯಾ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ ¶ – ಆಚಯಗಾಮೀ ಖನ್ಧೇ ಪಚ್ಚಯಾ ಆಚಯಗಾಮೀ ಚೇತನಾ. (೧)

ಅಪಚಯಗಾಮಿಂ ಧಮ್ಮಂ ಪಚ್ಚಯಾ ಅಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಅಪಚಯಗಾಮೀ ಖನ್ಧೇ ಪಚ್ಚಯಾ ಅಪಚಯಗಾಮೀ ಚೇತನಾ. (೧)

ನೇವಾಚಯಗಾಮಿನಾಪಚಯಗಾಮಿಂ ಧಮ್ಮಂ ಪಚ್ಚಯಾ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ನೇವಾಚಯಗಾಮಿನಾಪಚಯಗಾಮೀ ಖನ್ಧೇ ಪಚ್ಚಯಾ ನೇವಾಚಯಗಾಮಿನಾಪಚಯಗಾಮೀ ಚೇತನಾ; ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ…ಪೇ… ವತ್ಥುಂ ಪಚ್ಚಯಾ ನೇವಾಚಯಗಾಮಿನಾಪಚಯಗಾಮೀ ಚೇತನಾ. (೧)

ನೇವಾಚಯಗಾಮಿನಾಪಚಯಗಾಮಿಂ ಧಮ್ಮಂ ಪಚ್ಚಯಾ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ವತ್ಥುಂ ಪಚ್ಚಯಾ ಆಚಯಗಾಮೀ ಚೇತನಾ. (೨)

ನೇವಾಚಯಗಾಮಿನಾಪಚಯಗಾಮಿಂ ಧಮ್ಮಂ ಪಚ್ಚಯಾ ಅಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ವತ್ಥುಂ ಪಚ್ಚಯಾ ಅಪಚಯಗಾಮೀ ಚೇತನಾ. (೩)

ಆಚಯಗಾಮಿಞ್ಚ ನೇವಾಚಯಗಾಮಿನಾಪಚಯಗಾಮಿಞ್ಚ ಧಮ್ಮಂ ಪಚ್ಚಯಾ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಆಚಯಗಾಮೀ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ಆಚಯಗಾಮೀ ಚೇತನಾ. (೧)

ಅಪಚಯಗಾಮಿಞ್ಚ ನೇವಾಚಯಗಾಮಿನಾಪಚಯಗಾಮಿಞ್ಚ ಧಮ್ಮಂ ಪಚ್ಚಯಾ ಅಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಅಪಚಯಗಾಮೀ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ಅಪಚಯಗಾಮೀ ಚೇತನಾ. (೧)

ನವಿಪಾಕಪಚ್ಚಯಾದಿ

೩೩. ಆಚಯಗಾಮಿಂ ¶ ಧಮ್ಮಂ ಪಚ್ಚಯಾ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ (ಪರಿಪುಣ್ಣಂ ಕಾತಬ್ಬಂ, ಪಟಿಸನ್ಧಿಕ್ಖಣೇ ನತ್ಥಿ).

ನೇವಾಚಯಗಾಮಿನಾಪಚಯಗಾಮಿಂ ¶ ಧಮ್ಮಂ ಪಚ್ಚಯಾ ನೇವಾಚಯಗಾಮಿನಾಪಚಯಗಾಮೀ ¶ ಧಮ್ಮೋ ಉಪ್ಪಜ್ಜತಿ ನಆಹಾರಪಚ್ಚಯಾ – ಬಾಹಿರಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ… ನಇನ್ದ್ರಿಯಪಚ್ಚಯಾ – ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ… ಮಹಾಭೂತೇ ಪಚ್ಚಯಾ ರೂಪಜೀವಿತಿನ್ದ್ರಿಯಂ… ನಝಾನಪಚ್ಚಯಾ – ಪಞ್ಚವಿಞ್ಞಾಣಂ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ… ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ…ಪೇ… ನಮಗ್ಗಪಚ್ಚಯಾ – ಅಹೇತುಕಾ ನೇವಾಚಯಗಾಮಿನಾಪಚಯಗಾಮೀ…ಪೇ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ…ಪೇ… ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ, ವತ್ಥುಂ ಪಚ್ಚಯಾ ಅಹೇತುಕಾ ನೇವಾಚಯಗಾಮಿನಾಪಚಯಗಾಮೀ…ಪೇ… ನಸಮ್ಪಯುತ್ತಪಚ್ಚಯಾ… ನವಿಪ್ಪಯುತ್ತಪಚ್ಚಯಾ (ಪಟಿಚ್ಚವಾರಸದಿಸಂ, ತೀಣಿ)… ನೋನತ್ಥಿಪಚ್ಚಯಾ… ನೋವಿಗತಪಚ್ಚಯಾ.

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

ಸುದ್ಧಂ

೩೪. ನಹೇತುಯಾ ಚತ್ತಾರಿ, ನಆರಮ್ಮಣೇ ಪಞ್ಚ, ನಅಧಿಪತಿಯಾ ದ್ವಾದಸ, ನಅನನ್ತರೇ ಪಞ್ಚ, ನಸಮನನ್ತರೇ ನಅಞ್ಞಮಞ್ಞೇ ನಉಪನಿಸ್ಸಯೇ ಪಞ್ಚ, ನಪುರೇಜಾತೇ ಸತ್ತ, ನಪಚ್ಛಾಜಾತೇ ಸತ್ತರಸ, ನಆಸೇವನೇ ಏಕಾದಸ, ನಕಮ್ಮೇ ಸತ್ತ, ನವಿಪಾಕೇ ಸತ್ತರಸ, ನಆಹಾರೇ ನಇನ್ದ್ರಿಯೇ ನಝಾನೇ ನಮಗ್ಗೇ ಏಕಂ, ನಸಮ್ಪಯುತ್ತೇ ಪಞ್ಚ, ನವಿಪ್ಪಯುತ್ತೇ ತೀಣಿ, ನೋನತ್ಥಿಯಾ ನೋವಿಗತೇ ಪಞ್ಚ (ಏವಂ ಗಣೇತಬ್ಬಂ).

ಪಚ್ಚನೀಯಂ.

೩. ಪಚ್ಚಯಾನುಲೋಮಪಚ್ಚನೀಯಂ

ಹೇತುದುಕಂ

೩೫. ಹೇತುಪಚ್ಚಯಾ ನಆರಮ್ಮಣೇ ಪಞ್ಚ, ನಅಧಿಪತಿಯಾ ದ್ವಾದಸ, ನಅನನ್ತರೇ ¶ ನಸಮನನ್ತರೇ ನಅಞ್ಞಮಞ್ಞೇ ¶ ನಉಪನಿಸ್ಸಯೇ ಪಞ್ಚ, ನಪುರೇಜಾತೇ ಸತ್ತ, ನಪಚ್ಛಾಜಾತೇ ¶ ಸತ್ತರಸ, ನಆಸೇವನೇ ಏಕಾದಸ, ನಕಮ್ಮೇ ಸತ್ತ, ನವಿಪಾಕೇ ಸತ್ತರಸ, ನಸಮ್ಪಯುತ್ತೇ ಪಞ್ಚ, ನವಿಪ್ಪಯುತ್ತೇ ತೀಣಿ, ನೋನತ್ಥಿಯಾ ನೋವಿಗತೇ ಪಞ್ಚ (ಏವಂ ಗಣೇತಬ್ಬಂ).

ಅನುಲೋಮಪಚ್ಚನೀಯಂ.

೪. ಪಚ್ಚಯಪಚ್ಚನೀಯಾನುಲೋಮಂ

ನಹೇತುದುಕಂ

೩೬. ನಹೇತುಪಚ್ಚಯಾ ಆರಮ್ಮಣೇ ಚತ್ತಾರಿ, ಅನನ್ತರೇ ಸಮನನ್ತರೇ ಸಹಜಾತೇ ಅಞ್ಞಮಞ್ಞೇ ನಿಸ್ಸಯೇ ಉಪನಿಸ್ಸಯೇ ಪುರೇಜಾತೇ ಆಸೇವನೇ ಕಮ್ಮೇ ಚತ್ತಾರಿ, ವಿಪಾಕೇ ಏಕಂ, ಆಹಾರೇ ಚತ್ತಾರಿ, ಇನ್ದ್ರಿಯೇ ಝಾನೇ ಚತ್ತಾರಿ, ಮಗ್ಗೇ ತೀಣಿ, ಸಮ್ಪಯುತ್ತೇ ವಿಪ್ಪಯುತ್ತೇ ಅತ್ಥಿಯಾ ನತ್ಥಿಯಾ ವಿಗತೇ ಚತ್ತಾರಿ, ಅವಿಗತೇ ಚತ್ತಾರಿ (ಏವಂ ಗಣೇತಬ್ಬಂ).

ಪಚ್ಚನೀಯಾನುಲೋಮಂ.

ಪಚ್ಚಯವಾರೋ.

೪. ನಿಸ್ಸಯವಾರೋ

(ನಿಸ್ಸಯವಾರೋ ಪಚ್ಚಯವಾರಸದಿಸೋ).

೫. ಸಂಸಟ್ಠವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೩೭. ಆಚಯಗಾಮಿಂ ¶ ಧಮ್ಮಂ ಸಂಸಟ್ಠೋ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಆಚಯಗಾಮಿಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಸಂಸಟ್ಠಾ ದ್ವೇ ಖನ್ಧಾ. (೧)

ಅಪಚಯಗಾಮಿಂ ಧಮ್ಮಂ ಸಂಸಟ್ಠೋ ಅಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಪಚಯಗಾಮಿಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ…. (೧)

ನೇವಾಚಯಗಾಮಿನಾಪಚಯಗಾಮಿಂ ¶ ¶ ಧಮ್ಮಂ ಸಂಸಟ್ಠೋ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೇವಾಚಯಗಾಮಿನಾಪಚಯಗಾಮಿಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ಆರಮ್ಮಣಪಚ್ಚಯಾದಿ

೩೮. ಆಚಯಗಾಮಿಂ ಧಮ್ಮಂ ಸಂಸಟ್ಠೋ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ… ಅಧಿಪತಿಪಚ್ಚಯಾ… ಅನನ್ತರಪಚ್ಚಯಾ… ಸಮನನ್ತರಪಚ್ಚಯಾ… ಸಹಜಾತಪಚ್ಚಯಾ… ಅಞ್ಞಮಞ್ಞಪಚ್ಚಯಾ… ನಿಸ್ಸಯಪಚ್ಚಯಾ… ಉಪನಿಸ್ಸಯಪಚ್ಚಯಾ… ಪುರೇಜಾತಪಚ್ಚಯಾ… ಆಸೇವನಪಚ್ಚಯಾ… ಕಮ್ಮಪಚ್ಚಯಾ… ವಿಪಾಕಪಚ್ಚಯಾ… ಆಹಾರಪಚ್ಚಯಾ… ಇನ್ದ್ರಿಯಪಚ್ಚಯಾ… ಝಾನಪಚ್ಚಯಾ… ಮಗ್ಗಪಚ್ಚಯಾ… ಸಮ್ಪಯುತ್ತಪಚ್ಚಯಾ… ವಿಪ್ಪಯುತ್ತಪಚ್ಚಯಾ… ಅತ್ಥಿಪಚ್ಚಯಾ… ನತ್ಥಿಪಚ್ಚಯಾ… ವಿಗತಪಚ್ಚಯಾ… ಅವಿಗತಪಚ್ಚಯಾ.

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೩೯. ಹೇತುಯಾ ¶ ತೀಣಿ, ಆರಮ್ಮಣೇ ಅಧಿಪತಿಯಾ ಅನನ್ತರೇ ಸಮನನ್ತರೇ ಸಹಜಾತೇ ಅಞ್ಞಮಞ್ಞೇ ನಿಸ್ಸಯೇ ಉಪನಿಸ್ಸಯೇ ಪುರೇಜಾತೇ ಆಸೇವನೇ ಕಮ್ಮೇ ಸಬ್ಬತ್ಥ ತೀಣಿ, ವಿಪಾಕೇ ಏಕಂ, ಆಹಾರೇ ತೀಣಿ, ಇನ್ದ್ರಿಯೇ ಝಾನೇ ಮಗ್ಗೇ ಸಮ್ಪಯುತ್ತೇ ವಿಪ್ಪಯುತ್ತೇ ಅತ್ಥಿಯಾ ನತ್ಥಿಯಾ ವಿಗತೇ ಅವಿಗತೇ ತೀಣಿ (ಏವಂ ಗಣೇತಬ್ಬಂ).

ಅನುಲೋಮಂ.

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೪೦. ಆಚಯಗಾಮಿಂ ಧಮ್ಮಂ ಸಂಸಟ್ಠೋ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಸಂಸಟ್ಠೋ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೧)

ನೇವಾಚಯಗಾಮಿನಾಪಚಯಗಾಮಿಂ ಧಮ್ಮಂ ಸಂಸಟ್ಠೋ ನೇವಾಚಯಗಾಮಿನಾಪಚಯಗಾಮೀ ¶ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನೇವಾಚಯಗಾಮಿನಾಪಚಯಗಾಮಿಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಅಹೇತುಕಪಟಿಸನ್ಧಿಕ್ಖಣೇ…ಪೇ…. (೧)

ನಅಧಿಪತಿಪಚ್ಚಯಾದಿ

೪೧. ಆಚಯಗಾಮಿಂ ¶ ¶ ಧಮ್ಮಂ ಸಂಸಟ್ಠೋ ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ… ನಪುರೇಜಾತಪಚ್ಚಯಾ… ನಪಚ್ಛಾಜಾತಪಚ್ಚಯಾ… ನಆಸೇವನಪಚ್ಚಯಾ… ಆಚಯಗಾಮಿಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ….

ನೇವಾಚಯಗಾಮಿನಾಪಚಯಗಾಮಿಂ ಧಮ್ಮಂ ಸಂಸಟ್ಠೋ ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ – ನೇವಾಚಯಗಾಮಿನಾಪಚಯಗಾಮಿಂ ಏಕಂ ಖನ್ಧಂ ಸಂಸಟ್ಠಾ…ಪೇ… ಪಟಿಸನ್ಧಿಕ್ಖಣೇ…ಪೇ… ನಕಮ್ಮಪಚ್ಚಯಾ… ನವಿಪಾಕಪಚ್ಚಯಾ… ನಝಾನಪಚ್ಚಯಾ… ನಮಗ್ಗಪಚ್ಚಯಾ… ನವಿಪ್ಪಯುತ್ತಪಚ್ಚಯಾ.

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

ಸುದ್ಧಂ

೪೨. ನಹೇತುಯಾ ದ್ವೇ, ನಅಧಿಪತಿಯಾ ತೀಣಿ, ನಪುರೇಜಾತೇ ತೀಣಿ, ನಪಚ್ಛಾಜಾತೇ ತೀಣಿ, ನಆಸೇವನೇ ದ್ವೇ, ನಕಮ್ಮೇ ತೀಣಿ, ನವಿಪಾಕೇ ತೀಣಿ, ನಝಾನೇ ಏಕಂ, ನಮಗ್ಗೇ ಏಕಂ, ನವಿಪ್ಪಯುತ್ತೇ ತೀಣಿ (ಏವಂ ಗಣೇತಬ್ಬಂ).

ಪಚ್ಚನೀಯಂ.

೩. ಪಚ್ಚಯಾನುಲೋಮಪಚ್ಚನೀಯಂ

೪೩. ಹೇತುಪಚ್ಚಯಾ ನಅಧಿಪತಿಯಾ ತೀಣಿ, ನಪುರೇಜಾತೇ ತೀಣಿ, ನಪಚ್ಛಾಜಾತೇ ತೀಣಿ, ನಆಸೇವನೇ ದ್ವೇ, ನಕಮ್ಮೇ ತೀಣಿ, ನವಿಪಾಕೇ ತೀಣಿ, ನವಿಪ್ಪಯುತ್ತೇ ತೀಣಿ (ಏವಂ ಗಣೇತಬ್ಬಂ).

ಅನುಲೋಮಪಚ್ಚನೀಯಂ.

೪. ಪಚ್ಚಯಪಚ್ಚನೀಯಾನುಲೋಮಂ

೪೪. ನಹೇತುಪಚ್ಚಯಾ ¶ ಆರಮ್ಮಣೇ ದ್ವೇ, ಅನನ್ತರೇ ಸಮನನ್ತರೇ ಸಹಜಾತೇ ಅಞ್ಞಮಞ್ಞೇ ನಿಸ್ಸಯೇ ಉಪನಿಸ್ಸಯೇ ಪುರೇಜಾತೇ ಆಸೇವನೇ ಕಮ್ಮೇ ¶ ¶ ಸಬ್ಬತ್ಥ ದ್ವೇ, ವಿಪಾಕೇ ಏಕಂ, ಆಹಾರೇ ದ್ವೇ, ಇನ್ದ್ರಿಯೇ ದ್ವೇ, ಝಾನೇ ದ್ವೇ, ಮಗ್ಗೇ ಏಕಂ, ಸಮ್ಪಯುತ್ತೇ ದ್ವೇ, ವಿಪ್ಪಯುತ್ತೇ ಅತ್ಥಿಯಾ ನತ್ಥಿಯಾ ವಿಗತೇ ಅವಿಗತೇ ದ್ವೇ (ಏವಂ ಗಣೇತಬ್ಬಂ).

ಪಚ್ಚನೀಯಾನುಲೋಮಂ.

ಸಂಸಟ್ಠವಾರೋ.

೬. ಸಮ್ಪಯುತ್ತವಾರೋ

(ಸಮ್ಪಯುತ್ತವಾರೋ ಸಂಸಟ್ಠವಾರಸದಿಸೋ.)

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೪೫. ಆಚಯಗಾಮೀ [ಆಚಯಗಾಮಿ (ಸೀ. ಸ್ಯಾ.) ಏವಮುಪರಿಪಿ] ಧಮ್ಮೋ ಆಚಯಗಾಮಿಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಆಚಯಗಾಮೀ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ. (೧)

ಆಚಯಗಾಮೀ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಆಚಯಗಾಮೀ ಹೇತೂ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೨)

ಆಚಯಗಾಮೀ ¶ ಧಮ್ಮೋ ಆಚಯಗಾಮಿಸ್ಸ ಚ ನೇವಾಚಯಗಾಮಿನಾಪಚಯಗಾಮಿಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಆಚಯಗಾಮೀ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೩)

ಅಪಚಯಗಾಮೀ ಧಮ್ಮೋ ಅಪಚಯಗಾಮಿಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ¶ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ನೇವಾಚಯಗಾಮಿನಾಪಚಯಗಾಮೀ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ನೇವಾಚಯಗಾಮಿನಾಪಚಯಗಾಮೀ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೧)

ಆರಮ್ಮಣಪಚ್ಚಯೋ

೪೬. ಆಚಯಗಾಮೀ ¶ ಧಮ್ಮೋ ಆಚಯಗಾಮಿಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ, ಪುಬ್ಬೇ ಸುಚಿಣ್ಣಾನಿ ಪಚ್ಚವೇಕ್ಖತಿ, ಝಾನಾ ವುಟ್ಠಹಿತ್ವಾ ಝಾನಂ ಪಚ್ಚವೇಕ್ಖತಿ. ಸೇಕ್ಖಾ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ ಪಚ್ಚವೇಕ್ಖನ್ತಿ, ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ ಜಾನನ್ತಿ. ಸೇಕ್ಖಾ ವಾ ಪುಥುಜ್ಜನಾ ವಾ ಆಚಯಗಾಮೀ ಖನ್ಧೇ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸನ್ತಿ, ಅಸ್ಸಾದೇನ್ತಿ ಅಭಿನನ್ದನ್ತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ, ದಿಟ್ಠಿ…ಪೇ… ವಿಚಿಕಿಚ್ಛಾ…ಪೇ… ಉದ್ಧಚ್ಚಂ…ಪೇ… ದೋಮನಸ್ಸಂ ಉಪ್ಪಜ್ಜತಿ, ಚೇತೋಪರಿಯಞಾಣೇನ ಆಚಯಗಾಮಿಚಿತ್ತಸಮಙ್ಗಿಸ್ಸ ಚಿತ್ತಂ ಜಾನನ್ತಿ, ಆಕಾಸಾನಞ್ಚಾಯತನಕುಸಲಂ ವಿಞ್ಞಾಣಞ್ಚಾಯತನಕುಸಲಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಆಕಿಞ್ಚಞ್ಞಾಯತನಕುಸಲಂ ನೇವಸಞ್ಞಾನಾಸಞ್ಞಾಯತನಕುಸಲಸ್ಸ…ಪೇ… ಆಚಯಗಾಮೀ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೧)

ಆಚಯಗಾಮೀ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಹಾ ಪಹೀನೇ ಕಿಲೇಸೇ ಪಚ್ಚವೇಕ್ಖತಿ, ಪುಬ್ಬೇ ¶ ಸಮುದಾಚಿಣ್ಣೇ ಕಿಲೇಸೇ ಜಾನಾತಿ, ಆಚಯಗಾಮೀ ಖನ್ಧೇ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ; ಚೇತೋಪರಿಯಞಾಣೇನ ಆಚಯಗಾಮಿಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ ¶ . ಸೇಕ್ಖಾ ವಾ ಪುಥುಜ್ಜನಾ ವಾ ಆಚಯಗಾಮೀ ಖನ್ಧೇ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸನ್ತಿ, ಕುಸಲೇ ನಿರುದ್ಧೇ ವಿಪಾಕೋ ತದಾರಮ್ಮಣತಾ ಉಪ್ಪಜ್ಜತಿ, ಆಚಯಗಾಮೀ ಖನ್ಧೇ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ…ಪೇ… ದೋಮನಸ್ಸಂ ಉಪ್ಪಜ್ಜತಿ, ಅಕುಸಲೇ ನಿರುದ್ಧೇ ವಿಪಾಕೋ ತದಾರಮ್ಮಣತಾ ಉಪ್ಪಜ್ಜತಿ, ಆಕಾಸಾನಞ್ಚಾಯತನಕುಸಲಂ ವಿಞ್ಞಾಣಞ್ಚಾಯತನವಿಪಾಕಸ್ಸ ಚ ಕಿರಿಯಸ್ಸ ಚ ಆರಮ್ಮಣಪಚ್ಚಯೇನ ಪಚ್ಚಯೋ. ಆಕಿಞ್ಚಞ್ಞಾಯತನಕುಸಲಂ ನೇವಸಞ್ಞಾನಾಸಞ್ಞಾಯತನವಿಪಾಕಸ್ಸ ಚ ಕಿರಿಯಸ್ಸ ಚ ಆರಮ್ಮಣಪಚ್ಚಯೇನ ಪಚ್ಚಯೋ. ಆಚಯಗಾಮೀ ಖನ್ಧಾ ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೨)

೪೭. ಅಪಚಯಗಾಮೀ ಧಮ್ಮೋ ಆಚಯಗಾಮಿಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಸೇಕ್ಖಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ, ಚೇತೋಪರಿಯಞಾಣೇನ ಅಪಚಯಗಾಮಿಚಿತ್ತಸಮಙ್ಗಿಸ್ಸ ¶ ಚಿತ್ತಂ ಜಾನನ್ತಿ, ಅಪಚಯಗಾಮೀ ಖನ್ಧಾ ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಅನಾಗತಂಸಞಾಣಸ್ಸ, ಆರಮ್ಮಣಪಚ್ಚಯೇನ ಪಚ್ಚಯೋ. (೧)

ಅಪಚಯಗಾಮೀ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಹಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖತಿ ¶ , ಚೇತೋಪರಿಯಞಾಣೇನ ಅಪಚಯಗಾಮಿಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ಅಪಚಯಗಾಮೀ ಖನ್ಧಾ ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೨)

೪೮. ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಹಾ ಫಲಂ ಪಚ್ಚವೇಕ್ಖತಿ, ನಿಬ್ಬಾನಂ ಪಚ್ಚವೇಕ್ಖತಿ, ನಿಬ್ಬಾನಂ ಫಲಸ್ಸ ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. ಅರಹಾ ಚಕ್ಖುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ, ಸೋತಂ…ಪೇ… ವತ್ಥುಂ… ನೇವಾಚಯಗಾಮಿನಾಪಚಯಗಾಮೀ ಖನ್ಧೇ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ, ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ಚೇತೋಪರಿಯಞಾಣೇನ ನೇವಾಚಯಗಾಮಿನಾಪಚಯಗಾಮಿಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ಆಕಾಸಾನಞ್ಚಾಯತನಕಿರಿಯಂ ವಿಞ್ಞಾಣಞ್ಚಾಯತನಕಿರಿಯಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಆಕಿಞ್ಚಞ್ಞಾಯತನಕಿರಿಯಂ ನೇವಸಞ್ಞಾನಾಸಞ್ಞಾಯತನಕಿರಿಯಸ್ಸ…ಪೇ… ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ… ನೇವಾಚಯಗಾಮಿನಾಪಚಯಗಾಮೀ ಖನ್ಧಾ ¶ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಅನಾಗತಂಸಞಾಣಸ್ಸ ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೧)

ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಆಚಯಗಾಮಿಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಸೇಕ್ಖಾ ಫಲಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ ¶ . ಸೇಕ್ಖಾ ವಾ ಪುಥುಜ್ಜನಾ ವಾ ಚಕ್ಖುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸನ್ತಿ, ಅಸ್ಸಾದೇನ್ತಿ ಅಭಿನನ್ದನ್ತಿ; ತಂ ಆರಬ್ಭ ರಾಗೋ ಉಪ್ಪಜ್ಜತಿ…ಪೇ… ದೋಮನಸ್ಸಂ ಉಪ್ಪಜ್ಜತಿ. ಸೋತಂ…ಪೇ… ವತ್ಥುಂ… ನೇವಾಚಯಗಾಮಿನಾಪಚಯಗಾಮೀ ಖನ್ಧೇ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸನ್ತಿ, ಅಸ್ಸಾದೇನ್ತಿ ಅಭಿನನ್ದನ್ತಿ; ತಂ ಆರಬ್ಭ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ವಿಚಿಕಿಚ್ಛಾ…ಪೇ… ಉದ್ಧಚ್ಚಂ…ಪೇ… ದೋಮನಸ್ಸಂ…ಪೇ… ದಿಬ್ಬೇನ ಚಕ್ಖುನಾ ರೂಪಂ ಪಸ್ಸನ್ತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣನ್ತಿ, ಚೇತೋಪರಿಯಞಾಣೇನ ¶ ನೇವಾಚಯಗಾಮಿನಾಪಚಯಗಾಮಿಚಿತ್ತಸಮಙ್ಗಿಸ್ಸ ಚಿತ್ತಂ ಜಾನನ್ತಿ, ನೇವಾಚಯಗಾಮಿನಾಪಚಯಗಾಮೀ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಅನಾಗತಂಸಞಾಣಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೨)

ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಅಪಚಯಗಾಮಿಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ನಿಬ್ಬಾನಂ ಮಗ್ಗಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೩)

ಅಧಿಪತಿಪಚ್ಚಯೋ

೪೯. ಆಚಯಗಾಮೀ ಧಮ್ಮೋ ಆಚಯಗಾಮಿಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಗರುಂ ಕತ್ವಾ ಪಚ್ಚವೇಕ್ಖತಿ, ಪುಬ್ಬೇ ಸುಚಿಣ್ಣಾನಿ ಗರುಂ ಕತ್ವಾ ಪಚ್ಚವೇಕ್ಖತಿ, ಝಾನಾ ವುಟ್ಠಹಿತ್ವಾ ಝಾನಂ ಗರುಂ ಕತ್ವಾ ಪಚ್ಚವೇಕ್ಖತಿ, ಆಚಯಗಾಮೀ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ; ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. ಸಹಜಾತಾಧಿಪತಿ – ಆಚಯಗಾಮೀ ಅಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ¶ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಆಚಯಗಾಮೀ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ ¶ – ಆಚಯಗಾಮೀ ಅಧಿಪತಿ ಚಿತ್ತಸಮುಟ್ಠಾನಾನಂ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೨)

ಆಚಯಗಾಮೀ ಧಮ್ಮೋ ಆಚಯಗಾಮಿಸ್ಸ ಚ ನೇವಾಚಯಗಾಮಿನಾಪಚಯಗಾಮಿಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಆಚಯಗಾಮೀ ಅಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೩)

೫೦. ಅಪಚಯಗಾಮೀ ಧಮ್ಮೋ ಅಪಚಯಗಾಮಿಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಅಪಚಯಗಾಮೀ ಅಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಅಪಚಯಗಾಮೀ ಧಮ್ಮೋ ಆಚಯಗಾಮಿಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಸೇಕ್ಖಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ. (೨)

ಅಪಚಯಗಾಮೀ ¶ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಅರಹಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖತಿ. ಸಹಜಾತಾಧಿಪತಿ – ಅಪಚಯಗಾಮೀ ಅಧಿಪತಿ ಚಿತ್ತಸಮುಟ್ಠಾನಾನಂ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೩)

ಅಪಚಯಗಾಮೀ ಧಮ್ಮೋ ಅಪಚಯಗಾಮಿಸ್ಸ ಚ ನೇವಾಚಯಗಾಮಿನಾಪಚಯಗಾಮಿಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಅಪಚಯಗಾಮೀ ¶ ಅಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೪)

೫೧. ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಅರಹಾ ಫಲಂ ಗರುಂ ಕತ್ವಾ ಪಚ್ಚವೇಕ್ಖತಿ, ನಿಬ್ಬಾನಂ ಗರುಂ ಕತ್ವಾ ಪಚ್ಚವೇಕ್ಖತಿ, ನಿಬ್ಬಾನಂ ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ನೇವಾಚಯಗಾಮಿನಾಪಚಯಗಾಮೀ ಅಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ನೇವಾಚಯಗಾಮಿನಾಪಚಯಗಾಮೀ ¶ ಧಮ್ಮೋ ಆಚಯಗಾಮಿಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಸೇಕ್ಖಾ ಫಲಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಚಕ್ಖುಂ ಗರುಂ ಕತ್ವಾ ಅಸ್ಸಾದೇತಿ…ಪೇ… ವತ್ಥುಂ… ನೇವಾಚಯಗಾಮಿನಾಪಚಯಗಾಮೀ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ; ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. (೨)

ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಅಪಚಯಗಾಮಿಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ನಿಬ್ಬಾನಂ ಮಗ್ಗಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. (೩)

ಅನನ್ತರಪಚ್ಚಯೋ

೫೨. ಆಚಯಗಾಮೀ ಧಮ್ಮೋ ಆಚಯಗಾಮಿಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಆಚಯಗಾಮೀ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ¶ ಆಚಯಗಾಮೀನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. ಅನುಲೋಮಂ ಗೋತ್ರಭುಸ್ಸ… ಅನುಲೋಮಂ ವೋದಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೧)

ಆಚಯಗಾಮೀ ¶ ಧಮ್ಮೋ ಅಪಚಯಗಾಮಿಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಗೋತ್ರಭು ಮಗ್ಗಸ್ಸ… ವೋದಾನಂ ಮಗ್ಗಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೨)

ಆಚಯಗಾಮೀ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಆಚಯಗಾಮೀ ಖನ್ಧಾ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ಸೇಕ್ಖಾನಂ ಅನುಲೋಮಂ ಫಲಸಮಾಪತ್ತಿಯಾ, ನಿರೋಧಾ ವುಟ್ಠಹನ್ತಸ್ಸ ನೇವಸಞ್ಞಾನಾಸಞ್ಞಾಯತನಕುಸಲಂ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ. (೩)

ಅಪಚಯಗಾಮೀ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಮಗ್ಗೋ ಫಲಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೧)

ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ನೇವಾಚಯಗಾಮಿನಾಪಚಯಗಾಮೀ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ನೇವಾಚಯಗಾಮಿನಾಪಚಯಗಾಮೀನಂ ¶ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. ಭವಙ್ಗಂ ಆವಜ್ಜನಾಯ… ಕಿರಿಯಂ ವುಟ್ಠಾನಸ್ಸ… ಅರಹತೋ ಅನುಲೋಮಂ ಫಲಸಮಾಪತ್ತಿಯಾ… ನಿರೋಧಾ ವುಟ್ಠಹನ್ತಸ್ಸ ನೇವಸಞ್ಞಾನಾಸಞ್ಞಾಯತನಕಿರಿಯಂ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ. (೧)

ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಆಚಯಗಾಮಿಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಆವಜ್ಜನಾ ಆಚಯಗಾಮೀನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೨)

ಸಮನನ್ತರಪಚ್ಚಯಾದಿ

೫೩. ಆಚಯಗಾಮೀ ಧಮ್ಮೋ ಆಚಯಗಾಮಿಸ್ಸ ಧಮ್ಮಸ್ಸ ಸಮನನ್ತರಪಚ್ಚಯೇನ ¶ ಪಚ್ಚಯೋ…ಪೇ… (ಅನನ್ತರಸದಿಸಂ). (ಸಹಜಾತಪಚ್ಚಯೇ ಪಟಿಚ್ಚವಾರೇ ಸಹಜಾತವಾರಸದಿಸಾ ನವ ಪಞ್ಹಾ. ಅಞ್ಞಮಞ್ಞಪಚ್ಚಯೇ ಪಟಿಚ್ಚವಾರೇ ಅಞ್ಞಮಞ್ಞಸದಿಸಂ ತೀಣಿ. ನಿಸ್ಸಯಪಚ್ಚಯೇ ಪಚ್ಚಯವಾರೇ ನಿಸ್ಸಯವಾರಸದಿಸಂ. ಚತ್ತಾರಿಪಿ ಹಿ ವಿಸುಂ ಘಟನಾ ನತ್ಥಿ. ತೇರಸ ಪಞ್ಹಾ.)

ಉಪನಿಸ್ಸಯಪಚ್ಚಯೋ

೫೪. ಆಚಯಗಾಮೀ ಧಮ್ಮೋ ಆಚಯಗಾಮಿಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಆಚಯಗಾಮಿಂ ಸದ್ಧಂ ಉಪನಿಸ್ಸಾಯ ದಾನಂ ದೇತಿ, ಸೀಲಂ…ಪೇ… ಉಪೋಸಥಕಮ್ಮಂ…ಪೇ… ಝಾನಂ…ಪೇ… ವಿಪಸ್ಸನಂ…ಪೇ… ಅಭಿಞ್ಞಂ…ಪೇ… ಸಮಾಪತ್ತಿಂ ¶ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ, ಆಚಯಗಾಮಿಂ ಸೀಲಂ… ಸುತಂ… ಚಾಗಂ… ಪಞ್ಞಂ… ರಾಗಂ… ದೋಸಂ… ಮೋಹಂ… ಮಾನಂ… ದಿಟ್ಠಿಂ… ಪತ್ಥನಂ ಉಪನಿಸ್ಸಾಯ ದಾನಂ ದೇತಿ. ಸೀಲಂ…ಪೇ… ಉಪೋಸಥಕಮ್ಮಂ…ಪೇ… ಝಾನಂ…ಪೇ… ವಿಪಸ್ಸನಂ…ಪೇ… ಅಭಿಞ್ಞಂ…ಪೇ… ಸಮಾಪತ್ತಿಂ…ಪೇ… ಪಾಣಂ ಹನತಿ…ಪೇ… ಸಙ್ಘಂ ಭಿನ್ದತಿ. ಆಚಯಗಾಮೀ ಸದ್ಧಾ…ಪೇ… ಪಞ್ಞಾ, ರಾಗೋ…ಪೇ… ಪತ್ಥನಾ ಆಚಯಗಾಮಿಯಾ ಸದ್ಧಾಯ…ಪೇ… ಪಞ್ಞಾಯ, ರಾಗಸ್ಸ…ಪೇ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಪಠಮಸ್ಸ ಝಾನಸ್ಸ ಪರಿಕಮ್ಮಂ ಪಠಮಸ್ಸ ಝಾನಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ…ಪೇ…. ನೇವಸಞ್ಞಾನಾಸಞ್ಞಾಯತನಸ್ಸ ಪರಿಕಮ್ಮಂ ನೇವಸಞ್ಞಾನಾಸಞ್ಞಾಯತನಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಪಠಮಂ ಝಾನಂ ದುತಿಯಸ್ಸ ಝಾನಸ್ಸ…ಪೇ… ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಆಚಯಗಾಮೀ ¶ ಧಮ್ಮೋ ಅಪಚಯಗಾಮಿಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ¶ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಪಠಮಸ್ಸ ಮಗ್ಗಸ್ಸ ಪರಿಕಮ್ಮಂ ಪಠಮಸ್ಸ ಮಗ್ಗಸ್ಸ…ಪೇ… ಚತುತ್ಥಸ್ಸ ಮಗ್ಗಸ್ಸ ಪರಿಕಮ್ಮಂ ಚತುತ್ಥಸ್ಸ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಆಚಯಗಾಮೀ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಆಚಯಗಾಮಿಂ ಸದ್ಧಂ ಉಪನಿಸ್ಸಾಯ ಅತ್ತಾನಂ ಆತಾಪೇತಿ ಪರಿತಾಪೇತಿ ಪರಿಯಿಟ್ಠಿಮೂಲಕಂ ದುಕ್ಖಂ ಪಚ್ಚನುಭೋತಿ. ಆಚಯಗಾಮಿಂ ಸೀಲಂ…ಪೇ… ಪಞ್ಞಂ. ರಾಗಂ…ಪೇ… ಪತ್ಥನಂ ಉಪನಿಸ್ಸಾಯ ಅತ್ತಾನಂ ಆತಾಪೇತಿ ಪರಿತಾಪೇತಿ ಪರಿಯಿಟ್ಠಿಮೂಲಕಂ ದುಕ್ಖಂ ಪಚ್ಚನುಭೋತಿ. ಆಚಯಗಾಮೀ ಸದ್ಧಾ…ಪೇ… ಪಞ್ಞಾ. ರಾಗೋ…ಪೇ… ಪತ್ಥನಾ, ಕಾಯಿಕಸ್ಸ ಸುಖಸ್ಸ, ಕಾಯಿಕಸ್ಸ ದುಕ್ಖಸ್ಸ ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಕುಸಲಾಕುಸಲಂ ಕಮ್ಮಂ ವಿಪಾಕಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

೫೫. ಅಪಚಯಗಾಮೀ ಧಮ್ಮೋ ಅಪಚಯಗಾಮಿಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಪಕತೂಪನಿಸ್ಸಯೋ – ಪಠಮೋ ಮಗ್ಗೋ ದುತಿಯಸ್ಸ ಮಗ್ಗಸ್ಸ…ಪೇ… ತತಿಯೋ ಮಗ್ಗೋ ಚತುತ್ಥಸ್ಸ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಅಪಚಯಗಾಮೀ ಧಮ್ಮೋ ಆಚಯಗಾಮಿಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸೇಕ್ಖಾ ಮಗ್ಗಂ ಉಪನಿಸ್ಸಾಯ ಅನುಪ್ಪನ್ನಂ ಕುಸಲಸಮಾಪತ್ತಿಂ ಉಪ್ಪಾದೇನ್ತಿ, ಉಪ್ಪನ್ನಂ ಸಮಾಪಜ್ಜನ್ತಿ ¶ , ಸಙ್ಖಾರೇ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸನ್ತಿ, ಮಗ್ಗೋ ಸೇಕ್ಖಾನಂ ಅತ್ಥಪ್ಪಟಿಸಮ್ಭಿದಾಯ…ಪೇ… ¶ ಪಟಿಭಾನಪಟಿಸಮ್ಭಿದಾಯ ಠಾನಾಠಾನಕೋಸಲ್ಲಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಅಪಚಯಗಾಮೀ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಅರಹಾ ಮಗ್ಗಂ ಉಪನಿಸ್ಸಾಯ ಅನುಪ್ಪನ್ನಂ ಕಿರಿಯಸಮಾಪತ್ತಿಂ ಉಪ್ಪಾದೇತಿ, ಉಪ್ಪನ್ನಂ ಸಮಾಪಜ್ಜತಿ…ಪೇ… ಠಾನಾಠಾನಕೋಸಲ್ಲಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಮಗ್ಗೋ ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

೫೬. ನೇವಾಚಯಗಾಮಿನಾಪಚಯಗಾಮೀ ¶ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಕಾಯಿಕಂ ಸುಖಂ ಉಪನಿಸ್ಸಾಯ ಅತ್ತಾನಂ ಆತಾಪೇತಿ ಪರಿತಾಪೇತಿ ಪರಿಯಿಟ್ಠಿಮೂಲಕಂ ದುಕ್ಖಂ ಪಚ್ಚನುಭೋತಿ. ಕಾಯಿಕಂ ದುಕ್ಖಂ… ಉತುಂ… ಭೋಜನಂ… ಸೇನಾಸನಂ ಉಪನಿಸ್ಸಾಯ ಅತ್ತಾನಂ ಆತಾಪೇತಿ ಪರಿತಾಪೇತಿ…ಪೇ… ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ… ಉತು… ಭೋಜನಂ… ಸೇನಾಸನಂ ಕಾಯಿಕಸ್ಸ ಸುಖಸ್ಸ, ಕಾಯಿಕಸ್ಸ ದುಕ್ಖಸ್ಸ ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಅರಹಾ ಕಾಯಿಕಂ ಸುಖಂ ಉಪನಿಸ್ಸಾಯ ಅನುಪ್ಪನ್ನಂ ಕಿರಿಯಸಮಾಪತ್ತಿಂ ಉಪ್ಪಾದೇತಿ…ಪೇ… ವಿಪಸ್ಸತಿ. ಕಾಯಿಕಂ ದುಕ್ಖಂ… ಉತುಂ… ಭೋಜನಂ… ಸೇನಾಸನಂ ಉಪನಿಸ್ಸಾಯ…ಪೇ… ವಿಪಸ್ಸತಿ. (೧)

ನೇವಾಚಯಗಾಮೀನಾಪಚಯಗಾಮೀ ಧಮ್ಮೋ ಆಚಯಗಾಮಿಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ… ¶ . ಪಕತೂಪನಿಸ್ಸಯೋ – ಕಾಯಿಕಂ ಸುಖಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಮಾಪತ್ತಿಂ ಉಪ್ಪಾದೇತಿ, ಪಾಣಂ ಹನತಿ…ಪೇ… ಸಙ್ಘಂ ಭಿನ್ದತಿ. ಕಾಯಿಕಂ ದುಕ್ಖಂ… ಉತುಂ… ಭೋಜನಂ… ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಙ್ಘಂ ಭಿನ್ದತಿ, ಕಾಯಿಕಂ ಸುಖಂ…ಪೇ… ಸೇನಾಸನಂ ಆಚಯಗಾಮಿಯಾ ಸದ್ಧಾಯ…ಪೇ… ಪಞ್ಞಾಯ, ರಾಗಸ್ಸ…ಪೇ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಅಪಚಯಗಾಮಿಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಕಾಯಿಕಂ ಸುಖಂ ಉಪನಿಸ್ಸಾಯ ಮಗ್ಗಂ ಉಪ್ಪಾದೇತಿ. ಕಾಯಿಕಂ ದುಕ್ಖಂ ¶ …ಪೇ… ಸೇನಾಸನಂ ಉಪನಿಸ್ಸಾಯ ಮಗ್ಗಂ ಉಪ್ಪಾದೇತಿ, ಕಾಯಿಕಂ ಸುಖಂ, ಕಾಯಿಕಂ ದುಕ್ಖಂ…ಪೇ… ಸೇನಾಸನಂ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

ಪುರೇಜಾತಪಚ್ಚಯೋ

೫೭. ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಅರಹಾ ಚಕ್ಖುಂ…ಪೇ… ವತ್ಥುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ, ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ¶ ಕಾಯವಿಞ್ಞಾಣಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ. ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ… ವತ್ಥು ನೇವಾಚಯಗಾಮಿನಾಪಚಯಗಾಮೀನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೧)

ನೇವಾಚಯಗಾಮಿನಾಪಚಯಗಾಮೀ ¶ ಧಮ್ಮೋ ಆಚಯಗಾಮಿಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಸೇಕ್ಖಾ ವಾ ಪುಥುಜ್ಜನಾ ವಾ ಚಕ್ಖುಂ…ಪೇ… ವತ್ಥುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸನ್ತಿ, ಅಸ್ಸಾದೇನ್ತಿ ಅಭಿನನ್ದನ್ತಿ; ತಂ ಆರಬ್ಭ ರಾಗೋ ಉಪ್ಪಜ್ಜತಿ…ಪೇ… ದೋಮನಸ್ಸಂ ಉಪ್ಪಜ್ಜತಿ, ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ವತ್ಥುಪುರೇಜಾತಂ – ವತ್ಥು ಆಚಯಗಾಮೀನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೨)

ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಅಪಚಯಗಾಮಿಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ. ವತ್ಥುಪುರೇಜಾತಂ – ವತ್ಥು ಅಪಚಯಗಾಮೀನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೩)

ಪಚ್ಛಾಜಾತಪಚ್ಚಯೋ

೫೮. ಆಚಯಗಾಮೀ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ಆಚಯಗಾಮೀ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೧)

ಅಪಚಯಗಾಮೀ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ಅಪಚಯಗಾಮೀ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೧)

ನೇವಾಚಯಗಾಮಿನಾಪಚಯಗಾಮೀ ¶ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ನೇವಾಚಯಗಾಮಿನಾಪಚಯಗಾಮೀ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ.

ಆಸೇವನಪಚ್ಚಯೋ

೫೯. ಆಚಯಗಾಮೀ ¶ ¶ ಧಮ್ಮೋ ಆಚಯಗಾಮಿಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಆಚಯಗಾಮೀ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಆಚಯಗಾಮೀನಂ ಖನ್ಧಾನಂ ಆಸೇವನಪಚ್ಚಯೇನ ಪಚ್ಚಯೋ. ಅನುಲೋಮಂ ಗೋತ್ರಭುಸ್ಸ… ಅನುಲೋಮಂ ವೋದಾನಸ್ಸ ಆಸೇವನಪಚ್ಚಯೇನ ಪಚ್ಚಯೋ. (೧)

ಆಚಯಗಾಮೀ ಧಮ್ಮೋ ಅಪಚಯಗಾಮಿಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಗೋತ್ರಭು ಮಗ್ಗಸ್ಸ… ವೋದಾನಂ ಮಗ್ಗಸ್ಸ ಆಸೇವನಪಚ್ಚಯೇನ ಪಚ್ಚಯೋ. (೨)

ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ನೇವಾಚಯಗಾಮಿನಾಪಚಯಗಾಮೀ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ನೇವಾಚಯಗಾಮಿನಾಪಚಯಗಾಮೀನಂ ಖನ್ಧಾನಂ ಆಸೇವನಪಚ್ಚಯೇನ ಪಚ್ಚಯೋ. (೧)

ಕಮ್ಮಪಚ್ಚಯೋ

೬೦. ಆಚಯಗಾಮೀ ಧಮ್ಮೋ ಆಚಯಗಾಮಿಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಆಚಯಗಾಮೀ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ. (೧)

ಆಚಯಗಾಮೀ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಆಚಯಗಾಮೀ ಚೇತನಾ ಚಿತ್ತಸಮುಟ್ಠಾನಾನಂ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. ನಾನಾಕ್ಖಣಿಕಾ – ಆಚಯಗಾಮೀ ಚೇತನಾ ವಿಪಾಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೨)

ಆಚಯಗಾಮೀ ಧಮ್ಮೋ ಆಚಯಗಾಮಿಸ್ಸ ಚ ನೇವಾಚಯಗಾಮಿನಾಪಚಯಗಾಮಿಸ್ಸ ¶ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಆಚಯಗಾಮೀ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೩)

೬೧. ಅಪಚಯಗಾಮೀ ಧಮ್ಮೋ ಅಪಚಯಗಾಮಿಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಅಪಚಯಗಾಮೀ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ. (೧)

ಅಪಚಯಗಾಮೀ ¶ ¶ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಅಪಚಯಗಾಮೀ ಚೇತನಾ ಚಿತ್ತಸಮುಟ್ಠಾನಾನಂ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. ನಾನಾಕ್ಖಣಿಕಾ – ಅಪಚಯಗಾಮೀ ಚೇತನಾ ವಿಪಾಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ. (೨)

ಅಪಚಯಗಾಮೀ ಧಮ್ಮೋ ಅಪಚಯಗಾಮಿಸ್ಸ ಚ ನೇವಾಚಯಗಾಮಿನಾಪಚಯಗಾಮಿಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಅಪಚಯಗಾಮೀ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೩)

ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ನೇವಾಚಯಗಾಮಿನಾಪಚಯಗಾಮೀ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ನೇವಾಚಯಗಾಮಿನಾಪಚಯಗಾಮೀ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೧)

ವಿಪಾಕಪಚ್ಚಯೋ

೬೨. ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ – ವಿಪಾಕೋ ನೇವಾಚಯಗಾಮಿನಾಪಚಯಗಾಮೀ ¶ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧಾ ವತ್ಥುಸ್ಸ ವಿಪಾಕಪಚ್ಚಯೇನ ಪಚ್ಚಯೋ. (೧)

ಆಹಾರಪಚ್ಚಯಾದಿ

೬೩. ಆಚಯಗಾಮೀ ಧಮ್ಮೋ ಆಚಯಗಾಮಿಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ… ಝಾನಪಚ್ಚಯೇನ ಪಚ್ಚಯೋ… ಮಗ್ಗಪಚ್ಚಯೇನ ಪಚ್ಚಯೋ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ.

ವಿಪ್ಪಯುತ್ತಪಚ್ಚಯೋ

೬೪. ಆಚಯಗಾಮೀ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ ¶ – ಸಹಜಾತಂ, ಪಚ್ಛಾಜಾತಂ. ಸಹಜಾತಾ – ಆಚಯಗಾಮೀ ಖನ್ಧಾ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಆಚಯಗಾಮೀ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೧)

ಅಪಚಯಗಾಮೀ ¶ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ. ಸಹಜಾತಾ – ಅಪಚಯಗಾಮೀ ಖನ್ಧಾ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಅಪಚಯಗಾಮೀ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೧)

ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ. ಸಹಜಾತಾ – ನೇವಾಚಯಗಾಮಿನಾಪಚಯಗಾಮೀ ಖನ್ಧಾ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ನೇವಾಚಯಗಾಮಿನಾಪಚಯಗಾಮೀ ಖನ್ಧಾ ಕಟತ್ತಾರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ ¶ . ಖನ್ಧಾ ವತ್ಥುಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ವತ್ಥು ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ… ವತ್ಥು ನೇವಾಚಯಗಾಮಿನಾಪಚಯಗಾಮೀನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ನೇವಾಚಯಗಾಮಿನಾಪಚಯಗಾಮೀ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ…ಪೇ…. (೧)

ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಆಚಯಗಾಮಿಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ವತ್ಥು ಆಚಯಗಾಮೀನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೨)

ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಅಪಚಯಗಾಮಿಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ವತ್ಥು ಅಪಚಯಗಾಮೀನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೩)

ಅತ್ಥಿಪಚ್ಚಯಾದಿ

೬೫. ಆಚಯಗಾಮೀ ಧಮ್ಮೋ ಆಚಯಗಾಮಿಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಆಚಯಗಾಮೀ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ…ಪೇ…. (೧)

ಆಚಯಗಾಮೀ ¶ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ. ಸಹಜಾತಾ – ಆಚಯಗಾಮೀ ಖನ್ಧಾ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಆಚಯಗಾಮೀ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. (೨)

ಆಚಯಗಾಮೀ ¶ ಧಮ್ಮೋ ಆಚಯಗಾಮಿಸ್ಸ ಚ ನೇವಾಚಯಗಾಮಿನಾಪಚಯಗಾಮಿಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಆಚಯಗಾಮೀ ಏಕೋ ಖನ್ಧೋ ¶ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ…ಪೇ…. (೩)

ಅಪಚಯಗಾಮೀ ಧಮ್ಮೋ… ತೀಣಿ (ಆಚಯಗಾಮಿನಯೇನ ಕಾತಬ್ಬಂ).

೬೬. ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. ಸಹಜಾತೋ – ನೇವಾಚಯಗಾಮಿನಾಪಚಯಗಾಮೀ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧಾ ವತ್ಥುಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ವತ್ಥು ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಏಕಂ ಮಹಾಭೂತಂ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ…. ಪುರೇಜಾತಂ – ಅರಹಾ ಚಕ್ಖುಂ…ಪೇ… ವತ್ಥುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ, ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ… ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ… ವತ್ಥು ನೇವಾಚಯಗಾಮಿನಾಪಚಯಗಾಮೀನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ನೇವಾಚಯಗಾಮಿನಾಪಚಯಗಾಮೀ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಕಬಳೀಕಾರೋ ಆಹಾರೋ ಇಮಸ್ಸ ಕಾಯಸ್ಸ…ಪೇ… ರೂಪಜೀವಿತಿನ್ದ್ರಿಯಂ ಕಟತ್ತಾರೂಪಾನಂ…ಪೇ…. (೧)

ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಆಚಯಗಾಮಿಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪುರೇಜಾತಂ – ಸೇಕ್ಖಾ ವಾ ಪುಥುಜ್ಜನಾ ವಾ ಚಕ್ಖುಂ ಅನಿಚ್ಚತೋ ¶ ದುಕ್ಖತೋ ಅನತ್ತತೋ ವಿಪಸ್ಸನ್ತಿ, ಅಸ್ಸಾದೇನ್ತಿ ಅಭಿನನ್ದನ್ತಿ; ತಂ ಆರಬ್ಭ ರಾಗೋ…ಪೇ… ದೋಮನಸ್ಸಂ ಉಪ್ಪಜ್ಜತಿ, ಸೋತಂ…ಪೇ… ವತ್ಥುಂ ¶ ಅನಿಚ್ಚತೋ…ಪೇ… ವಿಪಸ್ಸನ್ತಿ, ಅಸ್ಸಾದೇನ್ತಿ ಅಭಿನನ್ದನ್ತಿ; ತಂ ಆರಬ್ಭ ರಾಗೋ…ಪೇ… ದೋಮನಸ್ಸಂ ಉಪ್ಪಜ್ಜತಿ, ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ವತ್ಥು ಆಚಯಗಾಮೀನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೨)

ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಅಪಚಯಗಾಮಿಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪುರೇಜಾತಂ – ವತ್ಥು ಅಪಚಯಗಾಮೀನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೩)

೬೭. ಆಚಯಗಾಮೀ ¶ ಚ ನೇವಾಚಯಗಾಮಿನಾಪಚಯಗಾಮೀ ಚ ಧಮ್ಮಾ ಆಚಯಗಾಮಿಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ ಸಹಜಾತಂ, ಪುರೇಜಾತಂ. ಸಹಜಾತೋ – ಆಚಯಗಾಮೀ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ…ಪೇ…. (೧)

ಆಚಯಗಾಮೀ ಚ ನೇವಾಚಯಗಾಮಿನಾಪಚಯಗಾಮೀ ಚ ಧಮ್ಮಾ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. ಸಹಜಾತಾ – ಆಚಯಗಾಮೀ ಖನ್ಧಾ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಆಚಯಗಾಮೀ ಖನ್ಧಾ ಚ ಕಬಳೀಕಾರೋ ಆಹಾರೋ ಚ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಆಚಯಗಾಮೀ ಖನ್ಧಾ ಚ ರೂಪಜೀವಿತಿನ್ದ್ರಿಯಞ್ಚ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೨)

ಅಪಚಯಗಾಮೀ ಚ ನೇವಾಚಯಗಾಮಿನಾಪಚಯಗಾಮೀ ಚ ಧಮ್ಮಾ ಅಪಚಯಗಾಮಿಸ್ಸ ¶ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ (ದ್ವೇ ಕಾತಬ್ಬಾ ದಸ್ಸಿತನಯೇನ), ನತ್ಥಿಪಚ್ಚಯೇನ ಪಚ್ಚಯೋ, ವಿಗತಪಚ್ಚಯೇನ ಪಚ್ಚಯೋ, ಅವಿಗತಪಚ್ಚಯೇನ ಪಚ್ಚಯೋ.

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೬೮. ಹೇತುಯಾ ಸತ್ತ, ಆರಮ್ಮಣೇ ಸತ್ತ, ಅಧಿಪತಿಯಾ ದಸ, ಅನನ್ತರೇ ಛ, ಸಮನನ್ತರೇ ಛ, ಸಹಜಾತೇ ¶ ನವ, ಅಞ್ಞಮಞ್ಞೇ ತೀಣಿ, ನಿಸ್ಸಯೇ ತೇರಸ, ಉಪನಿಸ್ಸಯೇ ನವ, ಪುರೇಜಾತೇ ತೀಣಿ, ಪಚ್ಛಾಜಾತೇ ತೀಣಿ, ಆಸೇವನೇ ತೀಣಿ, ಕಮ್ಮೇ ಸತ್ತ, ವಿಪಾಕೇ ಏಕಂ, ಆಹಾರೇ ಸತ್ತ, ಇನ್ದ್ರಿಯೇ ಸತ್ತ, ಝಾನೇ ಸತ್ತ, ಮಗ್ಗೇ ಸತ್ತ, ಸಮ್ಪಯುತ್ತೇ ತೀಣಿ, ವಿಪ್ಪಯುತ್ತೇ ಪಞ್ಚ, ಅತ್ಥಿಯಾ ತೇರಸ, ನತ್ಥಿಯಾ ಛ, ವಿಗತೇ ಛ, ಅವಿಗತೇ ತೇರಸ.

ಅನುಲೋಮಂ.

ಪಚ್ಚನೀಯುದ್ಧಾರೋ

೬೯. ಆಚಯಗಾಮೀ ಧಮ್ಮೋ ಆಚಯಗಾಮಿಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಆಚಯಗಾಮೀ ¶ ಧಮ್ಮೋ ಅಪಚಯಗಾಮಿಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಆಚಯಗಾಮೀ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೩)

ಆಚಯಗಾಮೀ ¶ ಧಮ್ಮೋ ಆಚಯಗಾಮಿಸ್ಸ ಚ ನೇವಾಚಯಗಾಮಿನಾಪಚಯಗಾಮಿಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ. (೪)

೭೦. ಅಪಚಯಗಾಮೀ ಧಮ್ಮೋ ಅಪಚಯಗಾಮಿಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಅಪಚಯಗಾಮೀ ಧಮ್ಮೋ ಆಚಯಗಾಮಿಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಅಪಚಯಗಾಮೀ ¶ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೩)

ಅಪಚಯಗಾಮೀ ಧಮ್ಮೋ ಅಪಚಯಗಾಮಿಸ್ಸ ಚ ನೇವಾಚಯಗಾಮಿನಾಪಚಯಗಾಮಿಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ. (೪)

೭೧. ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ. (೧)

ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಆಚಯಗಾಮಿಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ. (೨)

ನೇವಾಚಯಗಾಮಿನಾಪಚಯಗಾಮೀ ಧಮ್ಮೋ ಅಪಚಯಗಾಮಿಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ¶ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ. (೩)

೭೨. ಆಚಯಗಾಮೀ ¶ ಚ ನೇವಾಚಯಗಾಮಿನಾಪಚಯಗಾಮೀ ಚ ಧಮ್ಮಾ ಆಚಯಗಾಮಿಸ್ಸ ಧಮ್ಮಸ್ಸ ಸಹಜಾತಂ, ಪುರೇಜಾತಂ. (೧)

ಆಚಯಗಾಮೀ ಚ ನೇವಾಚಯಗಾಮಿನಾಪಚಯಗಾಮೀ ಚ ಧಮ್ಮಾ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. (೨)

ಅಪಚಯಗಾಮೀ ಚ ನೇವಾಚಯಗಾಮಿನಾಪಚಯಗಾಮೀ ಚ ಧಮ್ಮಾ ಅಪಚಯಗಾಮಿಸ್ಸ ಧಮ್ಮಸ್ಸ ಸಹಜಾತಂ, ಪುರೇಜಾತಂ. (೧)

ಅಪಚಯಗಾಮೀ ಚ ನೇವಾಚಯಗಾಮಿನಾಪಚಯಗಾಮೀ ಚ ಧಮ್ಮಾ ನೇವಾಚಯಗಾಮಿನಾಪಚಯಗಾಮಿಸ್ಸ ಧಮ್ಮಸ್ಸ ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. (೨)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

ಸುದ್ಧಂ

೭೩. ನಹೇತುಯಾ ¶ ಪನ್ನರಸ, ನಆರಮ್ಮಣೇ ನಅಧಿಪತಿಯಾ ನಅನನ್ತರೇ ನಸಮನನ್ತರೇ ಪನ್ನರಸ, ನಸಹಜಾತೇ ಏಕಾದಸ, ನಅಞ್ಞಮಞ್ಞೇ ಏಕಾದಸ, ನನಿಸ್ಸಯೇ ಏಕಾದಸ, ನಉಪನಿಸ್ಸಯೇ ಚುದ್ದಸ, ನಪುರೇಜಾತೇ ತೇರಸ, ನಪಚ್ಛಾಜಾತೇ ಪನ್ನರಸ, ನಆಸೇವನೇ ನಕಮ್ಮೇ ನವಿಪಾಕೇ ನಆಹಾರೇ ನಇನ್ದ್ರಿಯೇ ನಝಾನೇ ನಮಗ್ಗೇ ಪನ್ನರಸ, ನಸಮ್ಪಯುತ್ತೇ ಏಕಾದಸ, ನವಿಪ್ಪಯುತ್ತೇ ನವ, ನೋಅತ್ಥಿಯಾ ನವ, ನೋನತ್ಥಿಯಾ ಪನ್ನರಸ, ನೋವಿಗತೇ ಪನ್ನರಸ, ನೋಅವಿಗತೇ ನವ (ಏವಂ ಗಣೇತಬ್ಬಂ).

ಪಚ್ಚನೀಯಂ.

೩. ಪಚ್ಚಯಾನುಲೋಮಪಚ್ಚನೀಯಂ

ಹೇತುದುಕಂ

೭೪. ಹೇತುಪಚ್ಚಯಾ ನಆರಮ್ಮಣೇ ಸತ್ತ, ನಅಧಿಪತಿಯಾ ನಅನನ್ತರೇ ನಸಮನನ್ತರೇ ¶ ಸತ್ತ, ನಅಞ್ಞಮಞ್ಞೇ ತೀಣಿ, ನಉಪನಿಸ್ಸಯೇ ಸತ್ತ, ನಪುರೇಜಾತೇ ನಪಚ್ಛಾಜಾತೇ ನಆಸೇವನೇ ನಕಮ್ಮೇ ನವಿಪಾಕೇ ನಆಹಾರೇ ನಇನ್ದ್ರಿಯೇ ನಝಾನೇ ನಮಗ್ಗೇ ಸತ್ತ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ತೀಣಿ, ನೋನತ್ಥಿಯಾ ಸತ್ತ, ನೋವಿಗತೇ ಸತ್ತ (ಏವಂ ಗಣೇತಬ್ಬಂ).

ಅನುಲೋಮಪಚ್ಚನೀಯಂ.

೪. ಪಚ್ಚಯಪಚ್ಚನೀಯಾನುಲೋಮಂ

ನಹೇತುದುಕಂ

೭೫. ನಹೇತುಪಚ್ಚಯಾ ¶ ¶ ಆರಮ್ಮಣೇ ಸತ್ತ, ಅಧಿಪತಿಯಾ ದಸ, ಅನನ್ತರೇ ಛ, ಸಮನನ್ತರೇ ಛ, ಸಹಜಾತೇ ನವ, ಅಞ್ಞಮಞ್ಞೇ ತೀಣಿ, ನಿಸ್ಸಯೇ ತೇರಸ, ಉಪನಿಸ್ಸಯೇ ನವ, ಪುರೇಜಾತೇ ತೀಣಿ, ಪಚ್ಛಾಜಾತೇ ತೀಣಿ, ಆಸೇವನೇ ತೀಣಿ, ಕಮ್ಮೇ ಸತ್ತ, ವಿಪಾಕೇ ಏಕಂ, ಆಹಾರೇ ಸತ್ತ, ಇನ್ದ್ರಿಯೇ ಝಾನೇ ಮಗ್ಗೇ ಸತ್ತ, ಸಮ್ಪಯುತ್ತೇ ತೀಣಿ, ವಿಪ್ಪಯುತ್ತೇ ಪಞ್ಚ, ಅತ್ಥಿಯಾ ತೇರಸ, ನತ್ಥಿಯಾ ಛ, ವಿಗತೇ ಛ, ಅವಿಗತೇ ತೇರಸ (ಏವಂ ಗಣೇತಬ್ಬಂ).

ಪಚ್ಚನೀಯಾನುಲೋಮಂ.

ಆಚಯಗಾಮಿತ್ತಿಕಂ ನಿಟ್ಠಿತಂ.

೧೧. ಸೇಕ್ಖತ್ತಿಕಂ

೧. ಪಟಿಚ್ಚವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧. ಸೇಕ್ಖಂ ¶ ¶ ¶ ಧಮ್ಮಂ ಪಟಿಚ್ಚ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ…. (೧)

ಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ [ನೇವಸೇಖಾನಾಸೇಖೋ (ಸೀ.), ನೇವಸೇಕ್ಖಾನಾಸೇಕ್ಖೋ (ಸ್ಯಾ. ಕ.)] ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸೇಕ್ಖೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೨)

ಸೇಕ್ಖಂ ಧಮ್ಮಂ ಪಟಿಚ್ಚ ಸೇಕ್ಖೋ ಚ ನೇವಸೇಕ್ಖನಾಸೇಕ್ಖೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ…. (೩)

೨. ಅಸೇಕ್ಖಂ ಧಮ್ಮಂ ಪಟಿಚ್ಚ ಅಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ…. (೧)

ಅಸೇಕ್ಖಂ ¶ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಸೇಕ್ಖೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೨)

ಅಸೇಕ್ಖಂ ಧಮ್ಮಂ ಪಟಿಚ್ಚ ಅಸೇಕ್ಖೋ ಚ ನೇವಸೇಕ್ಖನಾಸೇಕ್ಖೋ ಚ ಧಮ್ಮಾ…ಪೇ… ಅಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ…. (೩)

೩. ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೇವಸೇಕ್ಖನಾಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ …ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ಏಕಂ ಮಹಾಭೂತಂ ಪಟಿಚ್ಚ ¶ ತಯೋ ಮಹಾಭೂತಾ…ಪೇ… ದ್ವೇ ಮಹಾಭೂತೇ ಪಟಿಚ್ಚ ದ್ವೇ ಮಹಾಭೂತಾ, ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ. (೧)

ಸೇಕ್ಖಞ್ಚ ¶ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸೇಕ್ಖೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಅಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಸೇಕ್ಖೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಆರಮ್ಮಣಪಚ್ಚಯಾದಿ

೪. ಸೇಕ್ಖಂ ಧಮ್ಮಂ ಪಟಿಚ್ಚ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ… ಅಧಿಪತಿಪಚ್ಚಯಾ (ಪಟಿಸನ್ಧಿ ನತ್ಥಿ)… ಅನನ್ತರಪಚ್ಚಯಾ… ಸಮನನ್ತರಪಚ್ಚಯಾ… ಸಹಜಾತಪಚ್ಚಯಾ (ಸಬ್ಬೇ ಮಹಾಭೂತಾ ಕಾತಬ್ಬಾ)… ಅಞ್ಞಮಞ್ಞಪಚ್ಚಯಾ… ನಿಸ್ಸಯಪಚ್ಚಯಾ… ಉಪನಿಸ್ಸಯಪಚ್ಚಯಾ… ಪುರೇಜಾತಪಚ್ಚಯಾ… ಆಸೇವನಪಚ್ಚಯಾ – ಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ….

ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಆಸೇವನಪಚ್ಚಯಾ – ನೇವಸೇಕ್ಖನಾಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ¶ …ಪೇ… ಕಮ್ಮಪಚ್ಚಯಾ, ವಿಪಾಕಪಚ್ಚಯಾ – ವಿಪಾಕಂ ಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… (ತೀಣಿ, ಪರಿಪುಣ್ಣಂ).

ಅಸೇಕ್ಖಂ ಧಮ್ಮಂ ಪಟಿಚ್ಚ ಅಸೇಕ್ಖೋ ಧಮ್ಮೋ ಉಪ್ಪಜ್ಜತಿ ವಿಪಾಕಪಚ್ಚಯಾ ¶ – ಅಸೇಕ್ಖಂ ಏಕಂ ಖನ್ಧಂ ಪಟಿಚ್ಚ… ತೀಣಿ.

ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ವಿಪಾಕಪಚ್ಚಯಾ – ವಿಪಾಕಂ ನೇವಸೇಕ್ಖನಾಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ಏಕಂ ಮಹಾಭೂತಂ…ಪೇ…. (೧)

ಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ವಿಪಾಕಪಚ್ಚಯಾ – ವಿಪಾಕೇ ಸೇಕ್ಖೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಅಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ವಿಪಾಕಪಚ್ಚಯಾ – ಅಸೇಕ್ಖೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಆಹಾರಪಚ್ಚಯಾದಿ

೫. ಸೇಕ್ಖಂ ¶ ಧಮ್ಮಂ ಪಟಿಚ್ಚ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಆಹಾರಪಚ್ಚಯಾ… ಇನ್ದ್ರಿಯಪಚ್ಚಯಾ… ಝಾನಪಚ್ಚಯಾ… ಮಗ್ಗಪಚ್ಚಯ… ಸಮ್ಪಯುತ್ತಪಚ್ಚಯಾ… ವಿಪ್ಪಯುತ್ತಪಚ್ಚಯಾ… ಅತ್ಥಿಪಚ್ಚಯಾ… ನತ್ಥಿಪಚ್ಚಯಾ… ವಿಗತಪಚ್ಚಯಾ… ಅವಿಗತಪಚ್ಚಯಾ.

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೬. ಹೇತುಯಾ ¶ ನವ, ಆರಮ್ಮಣೇ ತೀಣಿ, ಅಧಿಪತಿಯಾ ನವ, ಅನನ್ತರೇ ತೀಣಿ, ಸಮನನ್ತರೇ ತೀಣಿ, ಸಹಜಾತೇ ನವ, ಅಞ್ಞಮಞ್ಞೇ ತೀಣಿ, ನಿಸ್ಸಯೇ ನವ, ಉಪನಿಸ್ಸಯೇ ತೀಣಿ, ಪುರೇಜಾತೇ ತೀಣಿ, ಆಸೇವನೇ ದ್ವೇ, ಕಮ್ಮೇ ನವ, ವಿಪಾಕೇ ಆಹಾರೇ ಇನ್ದ್ರಿಯೇ ಝಾನೇ ಮಗ್ಗೇ ನವ, ಸಮ್ಪಯುತ್ತೇ ತೀಣಿ, ವಿಪ್ಪಯುತ್ತೇ ನವ, ಅತ್ಥಿಯಾ ನವ, ನತ್ಥಿಯಾ ¶ ತೀಣಿ, ವಿಗತೇ ತೀಣಿ, ಅವಿಗತೇ ನವ (ಏವಂ ಗಣೇತಬ್ಬಂ).

ಅನುಲೋಮಂ.

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೭. ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನೇವಸೇಕ್ಖನಾಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಅಹೇತುಕಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ಏಕಂ ಮಹಾಭೂತಂ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ…ಪೇ… ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೧)

ನಆರಮ್ಮಣಪಚ್ಚಯೋ

೮. ಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಸೇಕ್ಖೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಅಸೇಕ್ಖಂ ¶ ¶ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಅಸೇಕ್ಖೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ನೇವಸೇಕ್ಖನಾಸೇಕ್ಖೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಟಿಚ್ಚ ವತ್ಥು…ಪೇ… ಏಕಂ ಮಹಾಭೂತಂ…ಪೇ… ಅಸಞ್ಞಸತ್ತಾನಂ…ಪೇ…. (೧)

ಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಸೇಕ್ಖೇ ಖನ್ಧೇ ಚ ಮಹಾಭೂತೇ ¶ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಅಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಅಸೇಕ್ಖೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ನಅಧಿಪತಿಪಚ್ಚಯಾದಿ

೯. ಸೇಕ್ಖಂ ಧಮ್ಮಂ ಪಟಿಚ್ಚ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಸೇಕ್ಖೇ ಖನ್ಧೇ ಪಟಿಚ್ಚ ಸೇಕ್ಖೋ ಅಧಿಪತಿ. (೧)

ಅಸೇಕ್ಖಂ ಧಮ್ಮಂ ಪಟಿಚ್ಚ ಅಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಅಸೇಕ್ಖೇ ಖನ್ಧೇ ಪಟಿಚ್ಚ ಅಸೇಕ್ಖೋ ಅಧಿಪತಿ. (೧)

ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ… (ಪರಿಪುಣ್ಣಂ, ಪಟಿಸನ್ಧಿಪಿ ಮಹಾಭೂತಾಪಿ ಸಬ್ಬೇ) ನಅನನ್ತರಪಚ್ಚಯಾ… ನಸಮನನ್ತರಪಚ್ಚಯಾ… ನಅಞ್ಞಮಞ್ಞಪಚ್ಚಯಾ… ನಉಪನಿಸ್ಸಯಪಚ್ಚಯಾ… ನಪುರೇಜಾತಪಚ್ಚಯಾ… ಸತ್ತ (ಕುಸಲತ್ತಿಕಸದಿಸಾ)… ನಪಚ್ಛಾಜಾತಪಚ್ಚಯಾ…ಪೇ… ನಆಸೇವನಪಚ್ಚಯಾ. ವಿಪಾಕಂ ಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ…. (೧)

೧೦. ಸೇಕ್ಖಂ ¶ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ – ಸೇಕ್ಖೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೨)

ಸೇಕ್ಖಂ ಧಮ್ಮಂ ಪಟಿಚ್ಚ ಸೇಕ್ಖೋ ಚ ನೇವಸೇಕ್ಖನಾಸೇಕ್ಖೋ ಚ ಧಮ್ಮಾ ಉಪ್ಪಜ್ಜನ್ತಿ ನಆಸೇವನಪಚ್ಚಯಾ – ವಿಪಾಕಂ ಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ…. (೩)

ಅಸೇಕ್ಖಂ ¶ ಧಮ್ಮಂ ಪಟಿಚ್ಚ ಅಸೇಕ್ಖೋ ಧಮ್ಮೋ… ತೀಣಿ.

ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ… ನೇವಸೇಕ್ಖನಾಸೇಕ್ಖಂ ¶ (ಏಕಂ, ಪರಿಪುಣ್ಣಂ, ಸೇಕ್ಖಞ್ಚ, ನೇವಸೇಕ್ಖನಾಸೇಕ್ಖಞ್ಚ, ಘಟನಾ ಪರಿಪುಣ್ಣಾ, ದ್ವೇಪಿ ಕಾತಬ್ಬಾ. ನವ) ನಕಮ್ಮಪಚ್ಚಯಾ – ಸೇಕ್ಖೇ ಖನ್ಧೇ ಪಟಿಚ್ಚ ಸೇಕ್ಖಾ ಚೇತನಾ.

ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ನೇವಸೇಕ್ಖನಾಸೇಕ್ಖೇ ಖನ್ಧೇ ಪಟಿಚ್ಚ ನೇವಸೇಕ್ಖನಾಸೇಕ್ಖಾ ಚೇತನಾ; ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಏಕಂ ಮಹಾಭೂತಂ…ಪೇ….

ನವಿಪಾಕಪಚ್ಚಯೋ

೧೧. ಸೇಕ್ಖಂ ಧಮ್ಮಂ ಪಟಿಚ್ಚ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ – ಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ…. (೧)

ಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ – ಸೇಕ್ಖೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ.(೨)

ಸೇಕ್ಖಂ ಧಮ್ಮಂ ಪಟಿಚ್ಚ ಸೇಕ್ಖೋ ಚ ನೇವಸೇಕ್ಖನಾಸೇಕ್ಖೋ ಚ ಧಮ್ಮಾ ಉಪ್ಪಜ್ಜನ್ತಿ ನವಿಪಾಕಪಚ್ಚಯಾ – ಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ…. (೩)

೧೨. ನೇವಸೇಕ್ಖನಾಸೇಕ್ಖಂ ¶ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ (ಪರಿಪುಣ್ಣಂ, ಪಟಿಸನ್ಧಿ ನತ್ಥಿ ).

ಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ – ಸೇಕ್ಖೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ನಆಹಾರಪಚ್ಚಯಾದಿ

೧೩. ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಆಹಾರಪಚ್ಚಯಾ… ನಇನ್ದ್ರಿಯಪಚ್ಚಯಾ… ನಝಾನಪಚ್ಚಯಾ… ನಮಗ್ಗಪಚ್ಚಯಾ ¶ .

ನಸಮ್ಪಯುತ್ತಪಚ್ಚಯೋ

೧೪. ಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಸಮ್ಪಯುತ್ತಪಚ್ಚಯಾ…ಪೇ… (ನಆರಮ್ಮಣಪಚ್ಚಯಸದಿಸಂ).

ನವಿಪ್ಪಯುತ್ತಪಚ್ಚಯಾದಿ

ಸೇಕ್ಖಂ ¶ ಧಮ್ಮಂ ಪಟಿಚ್ಚ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನವಿಪ್ಪಯುತ್ತಪಚ್ಚಯಾ. ಅರೂಪೇ ಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ…. (೧)

ಅಸೇಕ್ಖಂ ಧಮ್ಮಂ ಪಟಿಚ್ಚ ಅಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನವಿಪ್ಪಯುತ್ತಪಚ್ಚಯಾ – ಅರೂಪೇ ಅಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ…. (೧)

ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನವಿಪ್ಪಯುತ್ತಪಚ್ಚಯಾ – ಅರೂಪೇ ನೇವಸೇಕ್ಖನಾಸೇಕ್ಖಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ… ನೋನತ್ಥಿಪಚ್ಚಯಾ… ನೋವಿಗತಪಚ್ಚಯಾ.

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

ಸುದ್ಧಂ

೧೫. ನಹೇತುಯಾ ¶ ಏಕಂ, ನಆರಮ್ಮಣೇ ಪಞ್ಚ, ನಅಧಿಪತಿಯಾ ತೀಣಿ, ನಅನನ್ತರೇ ನಸಮನನ್ತರೇ ನಅಞ್ಞಮಞ್ಞೇ ನಉಪನಿಸ್ಸಯೇ ಪಞ್ಚ, ನಪುರೇಜಾತೇ ಸತ್ತ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ದ್ವೇ, ನವಿಪಾಕೇ ಪಞ್ಚ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ಪಞ್ಚ, ನವಿಪ್ಪಯುತ್ತೇ ತೀಣಿ, ನೋನತ್ಥಿಯಾ ಪಞ್ಚ, ನೋವಿಗತೇ ಪಞ್ಚ (ಏವಂ ಗಣೇತಬ್ಬಂ).

ಪಚ್ಚನೀಯಂ.

೩. ಪಚ್ಚಯಾನುಲೋಮಪಚ್ಚನೀಯಂ

ಹೇತುದುಕಂ

೧೬. ಹೇತುಪಚ್ಚಯಾ ನಆರಮ್ಮಣೇ ಪಞ್ಚ, ನಅಧಿಪತಿಯಾ ತೀಣಿ, ನಅನನ್ತರೇ ನಸಮನನ್ತರೇ ನಅಞ್ಞಮಞ್ಞೇ ನಉಪನಿಸ್ಸಯೇ ಪಞ್ಚ, ನಪುರೇಜಾತೇ ಸತ್ತ, ನಪಚ್ಛಾಜಾತೇ ನಆಸೇವನೇ ನವ, ನಕಮ್ಮೇ ದ್ವೇ, ನವಿಪಾಕೇ ಪಞ್ಚ, ನಸಮ್ಪಯುತ್ತೇ ಪಞ್ಚ, ನವಿಪ್ಪಯುತ್ತೇ ತೀಣಿ, ನೋನತ್ಥಿಯಾ ಪಞ್ಚ, ನೋವಿಗತೇ ¶ ಪಞ್ಚ (ಏವಂ ಗಣೇತಬ್ಬಂ).

ಅನುಲೋಮಪಚ್ಚನೀಯಂ.

೪. ಪಚ್ಚಯಪಚ್ಚನೀಯಾನುಲೋಮಂ

ನಹೇತುದುಕಂ

೧೭. ನಹೇತುಪಚ್ಚಯಾ ¶ ¶ ಆರಮ್ಮಣೇ ಏಕಂ, ಅನನ್ತರೇ ಸಮನನ್ತರೇ ಸಹಜಾತೇ ಅಞ್ಞಮಞ್ಞೇ ನಿಸ್ಸಯೇ ಉಪನಿಸ್ಸಯೇ ಪುರೇಜಾತೇ ಆಸೇವನೇ ಕಮ್ಮೇ ವಿಪಾಕೇ ಆಹಾರೇ ಇನ್ದ್ರಿಯೇ ಝಾನೇ ಮಗ್ಗೇ ಸಮ್ಪಯುತ್ತೇ ವಿಪ್ಪಯುತ್ತೇ ಅತ್ಥಿಯಾ ನತ್ಥಿಯಾ ವಿಗತೇ ಅವಿಗತೇ ಏಕಂ (ಏವಂ ಗಣೇತಬ್ಬಂ).

ಪಚ್ಚನೀಯಾನುಲೋಮಂ.

ಪಟಿಚ್ಚವಾರೋ.

೨. ಸಹಜಾತವಾರೋ

(ಸಹಜಾತವಾರೋ ಪಟಿಚ್ಚವಾರಸದಿಸೋ.)

೩. ಪಚ್ಚಯವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧೮. ಸೇಕ್ಖಂ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಪಟಿಚ್ಚವಾರಸದಿಸಂ).

ಅಸೇಕ್ಖಂ ¶ ಧಮ್ಮಂ ಪಚ್ಚಯಾ ಅಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಪಟಿಚ್ಚವಾರಸದಿಸಂ).

೧೯. ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಪರಿಪುಣ್ಣಂ), ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ, ವತ್ಥುಂ ಪಚ್ಚಯಾ ನೇವಸೇಕ್ಖನಾಸೇಕ್ಖಾ ಖನ್ಧಾ. (೧)

ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ಸೇಕ್ಖಾ ಖನ್ಧಾ. (೨)

ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ಅಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ಅಸೇಕ್ಖಾ ಖನ್ಧಾ. (೩)

ನೇವಸೇಕ್ಖನಾಸೇಕ್ಖಂ ¶ ಧಮ್ಮಂ ಪಚ್ಚಯಾ ಸೇಕ್ಖೋ ಚ ನೇವಸೇಕ್ಖನಾಸೇಕ್ಖೋ ¶ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ಸೇಕ್ಖಾ ಖನ್ಧಾ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೪)

ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ಅಸೇಕ್ಖೋ ಚ ನೇವಸೇಕ್ಖನಾಸೇಕ್ಖೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ವತ್ಥುಂ ಪಚ್ಚಯಾ ಅಸೇಕ್ಖಾ ಖನ್ಧಾ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೫)

೨೦. ಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸೇಕ್ಖಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧಾ. (೧)

ಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಚ್ಚಯಾ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸೇಕ್ಖೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೨)

ಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಚ್ಚಯಾ ಸೇಕ್ಖೋ ಚ ನೇವಸೇಕ್ಖನಾಸೇಕ್ಖೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಸೇಕ್ಖಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧಾ. ಸೇಕ್ಖೇ ಖನ್ಧೇ ಚ ಮಹಾಭೂತೇ ಚ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ. (೩)

ಅಸೇಕ್ಖಞ್ಚ ¶ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಚ್ಚಯಾ… ತೀಣಿ (ಸೇಕ್ಖಸದಿಸಾ).

ಆರಮ್ಮಣಪಚ್ಚಯೋ

೨೧. ಸೇಕ್ಖಂ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ… ಏಕಂ.

ಅಸೇಕ್ಖಂ ಧಮ್ಮಂ ಪಚ್ಚಯಾ ಅಸೇಕ್ಖೋ ಧಮ್ಮೋ… ಏಕಂ.

ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ… ಏಕಂ, ವತ್ಥುಂ ಪಚ್ಚಯಾ ನೇವಸೇಕ್ಖನಾಸೇಕ್ಖಾ ಖನ್ಧಾ, ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ, ವತ್ಥುಂ ಪಚ್ಚಯಾ ನೇವಸೇಕ್ಖನಾಸೇಕ್ಖಾ ಖನ್ಧಾ. (೧)

ನೇವಸೇಕ್ಖನಾಸೇಕ್ಖಂ ¶ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ವತ್ಥುಂ ಪಚ್ಚಯಾ ಸೇಕ್ಖಾ ಖನ್ಧಾ. (೨)

ನೇವಸೇಕ್ಖನಾಸೇಕ್ಖಂ ¶ ಧಮ್ಮಂ ಪಚ್ಚಯಾ ಅಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ವತ್ಥುಂ ಪಚ್ಚಯಾ ಅಸೇಕ್ಖಾ ಖನ್ಧಾ. (೩)

ಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಸೇಕ್ಖಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧಾ. (೧)

ಅಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಚ್ಚಯಾ ಅಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಅಸೇಕ್ಖಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧಾ. (೧)

ಅಧಿಪತಿಪಚ್ಚಯಾದಿ

೨೨. ಸೇಕ್ಖಂ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ… ಅನನ್ತರಪಚ್ಚಯಾ… ಸಮನನ್ತರಪಚ್ಚಯಾ… ಸಹಜಾತಪಚ್ಚಯಾ… ಅಞ್ಞಮಞ್ಞಪಚ್ಚಯ… ನಿಸ್ಸಯಪಚ್ಚಯಾ ¶ … ಉಪನಿಸ್ಸಯಪಚ್ಚಯಾ… ಪುರೇಜಾತಪಚ್ಚಯಾ… ಆಸೇವನಪಚ್ಚಯಾ – ಸೇಕ್ಖಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ…ಪೇ…

ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಆಸೇವನಪಚ್ಚಯಾ – ನೇವಸೇಕ್ಖನಾಸೇಕ್ಖಂ ಏಕಂ ಖನ್ಧಂ ಪಚ್ಚಯಾ…ಪೇ… ವತ್ಥುಂ ಪಚ್ಚಯಾ ನೇವಸೇಕ್ಖನಾಸೇಕ್ಖಾ ಖನ್ಧಾ. (೧)

ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಆಸೇವನಪಚ್ಚಯಾ – ವತ್ಥುಂ ಪಚ್ಚಯಾ ಸೇಕ್ಖಾ ಖನ್ಧಾ. (೨)

ಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಆಸೇವನಪಚ್ಚಯಾ ¶ – ಸೇಕ್ಖಂ ಏಕಂ ಖನ್ಧಞ್ಚ ವತ್ಥುಞ್ಚ ಪಚ್ಚಯಾ ತಯೋ ಖನ್ಧಾ…ಪೇ… ದ್ವೇ ಖನ್ಧಾ. (೧)

ಕಮ್ಮಪಚ್ಚಯಾದಿ

೨೩. ಸೇಕ್ಖಂ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಕಮ್ಮಪಚ್ಚಯಾ… ವಿಪಾಕಪಚ್ಚಯಾ – ವಿಪಾಕಂ ಸೇಕ್ಖಂ ಏಕಂ ಖನ್ಧಂ…ಪೇ… ಆಹಾರಪಚ್ಚಯಾ… ಇನ್ದ್ರಿಯಪಚ್ಚಯಾ… ಝಾನಪಚ್ಚಯಾ… ಮಗ್ಗಪಚ್ಚಯಾ… ಸಮ್ಪಯುತ್ತಪಚ್ಚಯಾ… ವಿಪ್ಪಯುತ್ತಪಚ್ಚಯಾ… ಅತ್ಥಿಪಚ್ಚಯಾ… ನತ್ಥಿಪಚ್ಚಯಾ… ವಿಗತಪಚ್ಚಯಾ… ಅವಿಗತಪಚ್ಚಯಾ.

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೨೪. ಹೇತುಯಾ ¶ ಸತ್ತರಸ, ಆರಮ್ಮಣೇ ಸತ್ತ, ಅಧಿಪತಿಯಾ ಸತ್ತರಸ, ಅನನ್ತರೇ ಸತ್ತ, ಸಮನನ್ತರೇ ಸತ್ತ, ಸಹಜಾತೇ ಸತ್ತರಸ, ಅಞ್ಞಮಞ್ಞೇ ಸತ್ತ, ನಿಸ್ಸಯೇ ಸತ್ತರಸ, ಉಪನಿಸ್ಸಯೇ ಸತ್ತ, ಪುರೇಜಾತೇ ಸತ್ತ, ಆಸೇವನೇ ಚತ್ತಾರಿ, ಕಮ್ಮೇ ಸತ್ತರಸ, ವಿಪಾಕೇ ಸತ್ತರಸ, ಆಹಾರೇ ಸತ್ತರಸ, ಇನ್ದ್ರಿಯೇ ಝಾನೇ ¶ ಮಗ್ಗೇ ಸತ್ತರಸ, ಸಮ್ಪಯುತ್ತೇ ಸತ್ತ, ವಿಪ್ಪಯುತ್ತೇ ಸತ್ತರಸ, ಅತ್ಥಿಯಾ ಸತ್ತರಸ, ನತ್ಥಿಯಾ ಸತ್ತ, ವಿಗತೇ ಸತ್ತ, ಅವಿಗತೇ ಸತ್ತರಸ (ಏವಂ ಗಣೇತಬ್ಬಂ).

ಅನುಲೋಮಂ.

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೨೫. ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನೇವಸೇಕ್ಖನಾಸೇಕ್ಖಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧಾ. ಅಹೇತುಕಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಚ್ಚಯಾ ವತ್ಥು, ವತ್ಥುಂ ಪಚ್ಚಯಾ ಖನ್ಧಾ, ಏಕಂ ಮಹಾಭೂತಂ ಪಚ್ಚಯಾ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ… ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ, ವತ್ಥುಂ ಪಚ್ಚಯಾ ಅಹೇತುಕಾ ನೇವಸೇಕ್ಖನಾಸೇಕ್ಖಾ ಖನ್ಧಾ, ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ¶ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೧)

ನಆರಮ್ಮಣಪಚ್ಚಯಾದಿ

೨೬. ಸೇಕ್ಖಂ ಧಮ್ಮಂ ಪಚ್ಚಯಾ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ…ಪೇ…. (೧)

ಸೇಕ್ಖಂ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಸೇಕ್ಖೇ ಖನ್ಧೇ ಪಚ್ಚಯಾ ಸೇಕ್ಖೋ ಅಧಿಪತಿ. (೧)

ಅಸೇಕ್ಖಂ ¶ ¶ ಧಮ್ಮಂ ಪಚ್ಚಯಾ ಅಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಅಸೇಕ್ಖೇ ಖನ್ಧೇ ಪಚ್ಚಯಾ ಅಸೇಕ್ಖೋ ಅಧಿಪತಿ. (೧)

ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ (ಪರಿಪುಣ್ಣಂ) ಅಸಞ್ಞಸತ್ತಾನಂ…ಪೇ… ಚಕ್ಖಾಯತನಂ…ಪೇ… ವತ್ಥುಂ ಪಚ್ಚಯಾ ನೇವಸೇಕ್ಖನಾಸೇಕ್ಖಾ ಖನ್ಧಾ. (೧)

ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ವತ್ಥುಂ ಪಚ್ಚಯಾ ಸೇಕ್ಖೋ ಅಧಿಪತಿ. (೨)

ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ಅಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ವತ್ಥುಂ ಪಚ್ಚಯಾ ಅಸೇಕ್ಖೋ ಅಧಿಪತಿ. (೩)

ಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಸೇಕ್ಖೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ಸೇಕ್ಖೋ ಅಧಿಪತಿ. (೧)

ಅಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಚ್ಚಯಾ ಅಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಅಸೇಕ್ಖೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ಅಸೇಕ್ಖೋ ಅಧಿಪತಿ. (೧)

ನಅನನ್ತರಪಚ್ಚಯಾದಿ

೨೭. ಸೇಕ್ಖಂ ಧಮ್ಮಂ ಪಚ್ಚಯಾ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಅನನ್ತರಪಚ್ಚಯಾ… ನಸಮನನ್ತರಪಚ್ಚಯಾ… ನಅಞ್ಞಮಞ್ಞಪಚ್ಚಯಾ… ನಉಪನಿಸ್ಸಯಪಚ್ಚಯಾ… ನಪುರೇಜಾತಪಚ್ಚಯಾ… ನಪಚ್ಛಾಜಾತಪಚ್ಚಯಾ (ಸತ್ತ)… ನಆಸೇವನಪಚ್ಚಯಾ… ¶ ನಕಮ್ಮಪಚ್ಚಯಾ – ಸೇಕ್ಖೇ ಖನ್ಧೇ ಪಚ್ಚಯಾ ಸೇಕ್ಖಾ ಚೇತನಾ.

ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ನೇವಸೇಕ್ಖನಾಸೇಕ್ಖೇ ¶ ಖನ್ಧೇ ಪಚ್ಚಯಾ ನೇವಸೇಕ್ಖನಾಸೇಕ್ಖಾ ಚೇತನಾ. ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ…ಪೇ… ವತ್ಥುಂ ಪಚ್ಚಯಾ ನೇವಸೇಕ್ಖನಾಸೇಕ್ಖಾ ಚೇತನಾ. (೧)

ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ವತ್ಥುಂ ಪಚ್ಚಯಾ ಸೇಕ್ಖಾ ಚೇತನಾ. (೨)

ಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಸೇಕ್ಖೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ಸೇಕ್ಖಾ ಚೇತನಾ. (೧)

ನವಿಪಾಕಪಚ್ಚಯೋ

೨೮. ಸೇಕ್ಖಂ ¶ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ (ಸೇಕ್ಖಮೂಲಕೇ ತೀಣಿ).

ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ (ನೇವಸೇಕ್ಖನಾಸೇಕ್ಖಮೂಲಕೇ ತೀಣಿ).

ಸೇಕ್ಖಞ್ಚ ನೇವಸೇಕ್ಖನಾಸೇಕ್ಖಞ್ಚ ಧಮ್ಮಂ ಪಚ್ಚಯಾ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ (ಸೇಕ್ಖಘಟನೇಸು ತೀಣಿ).

ನಆಹಾರಪಚ್ಚಯಾದಿ

೨೯. ನೇವಸೇಕ್ಖನಾಸೇಕ್ಖಂ ಧಮ್ಮಂ ಪಚ್ಚಯಾ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಆಹಾರಪಚ್ಚಯಾ… ನಇನ್ದ್ರಿಯಪಚ್ಚಯಾ… ನಝಾನಪಚ್ಚಯಾ… ನಮಗ್ಗಪಚ್ಚಯಾ… ನಸಮ್ಪಯುತ್ತಪಚ್ಚಯಾ… ನವಿಪ್ಪಯುತ್ತಪಚ್ಚಯಾ… ನೋನತ್ಥಿಪಚ್ಚಯಾ… ನೋವಿಗತಪಚ್ಚಯಾ…ಪೇ….

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

ಸುದ್ಧಂ

೩೦. ನಹೇತುಯಾ ¶ ಏಕಂ, ನಆರಮ್ಮಣೇ ಪಞ್ಚ, ನಅಧಿಪತಿಯಾ ಸತ್ತ, ನಅನನ್ತರೇ ಪಞ್ಚ, ನಸಮನನ್ತರೇ ಪಞ್ಚ, ನಅಞ್ಞಮಞ್ಞೇ ಪಞ್ಚ, ನಉಪನಿಸ್ಸಯೇ ¶ ಪಞ್ಚ, ನಪುರೇಜಾತೇ ಸತ್ತ, ನಪಚ್ಛಾಜಾತೇ ಸತ್ತರಸ, ನಆಸೇವನೇ ಸತ್ತರಸ, ನಕಮ್ಮೇ ಚತ್ತಾರಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ಪಞ್ಚ, ನವಿಪ್ಪಯುತ್ತೇ ತೀಣಿ, ನೋನತ್ಥಿಯಾ ಪಞ್ಚ, ನೋವಿಗತೇ ಪಞ್ಚ (ಏವಂ ಗಣೇತಬ್ಬಂ).

ಪಚ್ಚನೀಯಂ.

೩. ಪಚ್ಚಯಾನುಲೋಮಪಚ್ಚನೀಯಂ

ಹೇತುದುಕಂ

೩೧. ಹೇತುಪಚ್ಚಯಾ ನಆರಮ್ಮಣೇ ಪಞ್ಚ, ನಅಧಿಪತಿಯಾ ಸತ್ತ, ನಅನನ್ತರೇ ನಸಮನನ್ತರೇ ನಅಞ್ಞಮಞ್ಞೇ ನಉಪನಿಸ್ಸಯೇ ಪಞ್ಚ, ನಪುರೇಜಾತೇ ಸತ್ತ, ನಪಚ್ಛಾಜಾತೇ ¶ ಸತ್ತರಸ, ನಆಸೇವನೇ ಸತ್ತರಸ, ನಕಮ್ಮೇ ಚತ್ತಾರಿ, ನವಿಪಾಕೇ ನವ, ನಸಮ್ಪಯುತ್ತೇ ಪಞ್ಚ, ನವಿಪ್ಪಯುತ್ತೇ ತೀಣಿ, ನೋನತ್ಥಿಯಾ ಪಞ್ಚ, ನೋವಿಗತೇ ಪಞ್ಚ (ಏವಂ ಗಣೇತಬ್ಬಂ).

ಅನುಲೋಮಪಚ್ಚನೀಯಂ.

೪. ಪಚ್ಚಯಪಚ್ಚನೀಯಾನುಲೋಮಂ

೩೨. ನಹೇತುಪಚ್ಚಯಾ ¶ ಆರಮ್ಮಣೇ ಏಕಂ, ಅನನ್ತರೇ ಸಮನನ್ತರೇ ಸಹಜಾತೇ ಅಞ್ಞಮಞ್ಞೇ ಏಕಂ…ಪೇ… ಅವಿಗತೇ ಏಕಂ (ಏವಂ ಗಣೇತಬ್ಬಂ).

ಪಚ್ಚನೀಯಾನುಲೋಮಂ.

ಪಚ್ಚಯವಾರೋ.

೪. ನಿಸ್ಸಯವಾರೋ

(ನಿಸ್ಸಯವಾರೋ ಪಚ್ಚಯವಾರಸದಿಸೋ.)

೫. ಸಂಸಟ್ಠವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೩೩. ಸೇಕ್ಖಂ ಧಮ್ಮಂ ಸಂಸಟ್ಠೋ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ ¶ – ಸೇಕ್ಖಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ…. (೧)

ಅಸೇಕ್ಖಂ ಧಮ್ಮಂ ಸಂಸಟ್ಠೋ ಅಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಸೇಕ್ಖಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ…. (೧)

ನೇವಸೇಕ್ಖನಾಸೇಕ್ಖಂ ಧಮ್ಮಂ ಸಂಸಟ್ಠೋ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೇವಸೇಕ್ಖನಾಸೇಕ್ಖಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ಆರಮ್ಮಣಪಚ್ಚಯಾದಿ

೩೪. ಸೇಕ್ಖಂ ¶ ¶ ಧಮ್ಮಂ ಸಂಸಟ್ಠೋ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ… ಅಧಿಪತಿಪಚ್ಚಯಾ…ಪೇ… ಪುರೇಜಾತಪಚ್ಚಯಾ… ಆಸೇವನಪಚ್ಚಯಾ (ದ್ವೇ ಕಾತಬ್ಬಾ)…ಪೇ… ಅವಿಗತಪಚ್ಚಯಾ.

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೩೫. ಹೇತುಯಾ ತೀಣಿ, ಆರಮ್ಮಣೇ ತೀಣಿ, ಅಧಿಪತಿಯಾ ತೀಣಿ, ಅನನ್ತರೇ ಸಮನನ್ತರೇ ಸಹಜಾತೇ ಅಞ್ಞಮಞ್ಞೇ ನಿಸ್ಸಯೇ ಉಪನಿಸ್ಸಯೇ ಪುರೇಜಾತೇ ತೀಣಿ, ಆಸೇವನೇ ದ್ವೇ, ಕಮ್ಮೇ ತೀಣಿ…ಪೇ… ಅವಿಗತೇ ತೀಣಿ (ಏವಂ ಗಣೇತಬ್ಬಂ).

ಅನುಲೋಮಂ.

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೩೬. ನೇವಸೇಕ್ಖನಾಸೇಕ್ಖಂ ಧಮ್ಮಂ ಸಂಸಟ್ಠೋ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನೇವಸೇಕ್ಖನಾಸೇಕ್ಖಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಅಹೇತುಕಪಟಿಸನ್ಧಿಕ್ಖಣೇ…ಪೇ… ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಸಂಸಟ್ಠೋ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೧)

ನಅಧಿಪತಿಪಚ್ಚಯೋ

೩೭. ಸೇಕ್ಖಂ ¶ ಧಮ್ಮಂ ಸಂಸಟ್ಠೋ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ ¶ – ಸೇಕ್ಖೇ ಖನ್ಧೇ ಸಂಸಟ್ಠೋ ಸೇಕ್ಖೋ ಅಧಿಪತಿ. (೧)

ಅಸೇಕ್ಖಂ ಧಮ್ಮಂ ಸಂಸಟ್ಠೋ ಅಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಅಸೇಕ್ಖೇ ಖನ್ಧೇ ಸಂಸಟ್ಠೋ ಅಸೇಕ್ಖೋ ಅಧಿಪತಿ. (೧)

ನೇವಸೇಕ್ಖನಾಸೇಕ್ಖಂ ಧಮ್ಮಂ ಸಂಸಟ್ಠೋ ನೇವಸೇಕ್ಖನಾಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ (ಪರಿಪುಣ್ಣಂ, ಏಕಂ).

ನಪುರೇಜಾತಪಚ್ಚಯಾದಿ

೩೮. ಸೇಕ್ಖಂ ¶ ಧಮ್ಮಂ ಸಂಸಟ್ಠೋ ಸೇಕ್ಖೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ… ನಪಚ್ಛಾಜಾತಪಚ್ಚಯಾ… ನಆಸೇವನಪಚ್ಚಯಾ… ನಕಮ್ಮಪಚ್ಚಯಾ (ದ್ವೇ ಕಾತಬ್ಬಾ)… ನವಿಪಾಕಪಚ್ಚಯಾ (ದ್ವೇ ಕಾತಬ್ಬಾ)… ನಝಾನಪಚ್ಚಯಾ… ನಮಗ್ಗಪಚ್ಚಯಾ… ನವಿಪ್ಪಯುತ್ತಪಚ್ಚಯಾ…ಪೇ….

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೩೯. ನಹೇತುಯಾ ಏಕಂ, ನಅಧಿಪತಿಯಾ ತೀಣಿ, ನಪುರೇಜಾತೇ ತೀಣಿ, ನಪಚ್ಛಾಜಾತೇ ತೀಣಿ, ನಆಸೇವನೇ ತೀಣಿ, ನಕಮ್ಮೇ ದ್ವೇ, ನವಿಪಾಕೇ ದ್ವೇ, ನಝಾನೇ ಏಕಂ, ನಮಗ್ಗೇ ಏಕಂ, ನವಿಪ್ಪಯುತ್ತೇ ತೀಣಿ (ಏವಂ ಗಣೇತಬ್ಬಂ).

ಪಚ್ಚನೀಯಂ.

೩. ಪಚ್ಚಯಾನುಲೋಮಪಚ್ಚನೀಯಂ

೪೦. ಹೇತುಪಚ್ಚಯಾ ನಅಧಿಪತಿಯಾ ತೀಣಿ, ನಪುರೇಜಾತೇ ತೀಣಿ, ನಪಚ್ಛಾಜಾತೇ ನಆಸೇವನೇ ತೀಣಿ, ನಕಮ್ಮೇ ದ್ವೇ, ನವಿಪಾಕೇ ದ್ವೇ, ನವಿಪ್ಪಯುತ್ತೇ ತೀಣಿ (ಏವಂ ಗಣೇತಬ್ಬಂ).

ಅನುಲೋಮಪಚ್ಚನೀಯಂ.

೪. ಪಚ್ಚಯಪಚ್ಚನೀಯಾನುಲೋಮಂ

೪೧. ನಹೇತುಪಚ್ಚಯಾ ¶ ಆರಮ್ಮಣೇ ಏಕಂ, ಅನನ್ತರೇ ಸಮನನ್ತರೇ ಸಹಜಾತೇ ಅಞ್ಞಮಞ್ಞೇ ನಿಸ್ಸಯೇ ಉಪನಿಸ್ಸಯೇ ಪುರೇಜಾತೇ ಆಸೇವನೇ ಕಮ್ಮೇ ವಿಪಾಕೇ ಆಹಾರೇ ಇನ್ದ್ರಿಯೇ ಝಾನೇ ಮಗ್ಗೇ ಸಮ್ಪಯುತ್ತೇ ವಿಪ್ಪಯುತ್ತೇ ಅತ್ಥಿಯಾ ¶ ನತ್ಥಿಯಾ ವಿಗತೇ ಅವಿಗತೇ ಏಕಂ (ಏವಂ ಗಣೇತಬ್ಬಂ).

ಪಚ್ಚನೀಯಾನುಲೋಮಂ.

ಸಂಸಟ್ಠವಾರೋ.

೬. ಸಮ್ಪಯುತ್ತವಾರೋ

(ಸಮ್ಪಯುತ್ತವಾರೋ ಸಂಸಟ್ಠವಾರಸದಿಸೋ.)

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೪೨. ಸೇಕ್ಖೋ ¶ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಸೇಕ್ಖಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ. (೧)

ಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಸೇಕ್ಖಾ ಹೇತೂ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೨)

ಸೇಕ್ಖೋ ¶ ಧಮ್ಮೋ ಸೇಕ್ಖಸ್ಸ ಚ ನೇವಸೇಕ್ಖನಾಸೇಕ್ಖಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಸೇಕ್ಖಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೩)

ಅಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ (ತೀಣಿ).

ನೇವಸೇಕ್ಖನಾಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ನೇವಸೇಕ್ಖನಾಸೇಕ್ಖಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. (೧)

ಆರಮ್ಮಣಪಚ್ಚಯೋ

೪೩. ಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ, ಸೇಕ್ಖಂ ಫಲಂ ಪಚ್ಚವೇಕ್ಖನ್ತಿ, ಚೇತೋಪರಿಯಞಾಣೇನ ಸೇಕ್ಖಚಿತ್ತಸಮಙ್ಗಿಸ್ಸ ¶ ಚಿತ್ತಂ ಜಾನನ್ತಿ, ಸೇಕ್ಖಾ ಖನ್ಧಾ ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೧)

ಅಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಹಾ ಅಸೇಕ್ಖಂ ಫಲಂ ಪಚ್ಚವೇಕ್ಖತಿ, ಚೇತೋಪರಿಯಞಾಣೇನ ಅಸೇಕ್ಖಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ಅಸೇಕ್ಖಾ ಖನ್ಧಾ ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೧)

೪೪. ನೇವಸೇಕ್ಖನಾಸೇಕ್ಖೋ ¶ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ, ಪುಬ್ಬೇ ಸುಚಿಣ್ಣಾನಿ…ಪೇ… ಝಾನಾ ವುಟ್ಠಹಿತ್ವಾ ಝಾನಂ ಪಚ್ಚವೇಕ್ಖತಿ, ಅರಿಯಾ ನಿಬ್ಬಾನಂ ಪಚ್ಚವೇಕ್ಖನ್ತಿ. ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. ಅರಿಯಾ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ ವಿಕ್ಖಮ್ಭಿತೇ ಕಿಲೇಸೇ ಪಚ್ಚವೇಕ್ಖನ್ತಿ, ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ ಜಾನನ್ತಿ, ಚಕ್ಖುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸನ್ತಿ, ಅಸ್ಸಾದೇನ್ತಿ ಅಭಿನನ್ದನ್ತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ…ಪೇ… ದೋಮನಸ್ಸಂ ಉಪ್ಪಜ್ಜತಿ, ಸೋತಂ…ಪೇ… ವತ್ಥುಂ ನೇವಸೇಕ್ಖನಾಸೇಕ್ಖೇ ¶ ಖನ್ಧೇ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸನ್ತಿ, ಅಸ್ಸಾದೇನ್ತಿ…ಪೇ… ದೋಮನಸ್ಸಂ ಉಪ್ಪಜ್ಜತಿ, ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ಚೇತೋಪರಿಯಞಾಣೇನ ನೇವಸೇಕ್ಖನಾಸೇಕ್ಖಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ಆಕಾಸಾನಞ್ಚಾಯತನಂ ¶ ವಿಞ್ಞಾಣಞ್ಚಾಯತನಸ್ಸ…ಪೇ… ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ… ನೇವಸೇಕ್ಖನಾಸೇಕ್ಖಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೧)

ನೇವಸೇಕ್ಖನಾಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ನಿಬ್ಬಾನಂ ಮಗ್ಗಸ್ಸ, ಸೇಕ್ಖಸ್ಸ ಫಲಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೨)

ನೇವಸೇಕ್ಖನಾಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ನಿಬ್ಬಾನಂ ಅಸೇಕ್ಖಸ್ಸ ಫಲಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೩)

ಅಧಿಪತಿಪಚ್ಚಯೋ

೪೫. ಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಸೇಕ್ಖಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ಸೇಕ್ಖಂ ಫಲಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ ¶ . ಸಹಜಾತಾಧಿಪತಿ – ಸೇಕ್ಖಾಧಿಪತಿ ಚಿತ್ತಸಮುಟ್ಠಾನಾನಂ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೨)

ಸೇಕ್ಖೋ ¶ ಧಮ್ಮೋ ಸೇಕ್ಖಸ್ಸ ಚ ನೇವಸೇಕ್ಖನಾಸೇಕ್ಖಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಸೇಕ್ಖಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೩)

೪೬. ಅಸೇಕ್ಖೋ ¶ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಅಸೇಕ್ಖಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಅಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಅರಹಾ ಅಸೇಕ್ಖಂ ಫಲಂ ಗರುಂ ಕತ್ವಾ ಪಚ್ಚವೇಕ್ಖತಿ. ಸಹಜಾತಾಧಿಪತಿ – ಅಸೇಕ್ಖಾಧಿಪತಿ ಚಿತ್ತಸಮುಟ್ಠಾನಾನಂ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೨)

ಅಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಚ ನೇವಸೇಕ್ಖನಾಸೇಕ್ಖಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಅಸೇಕ್ಖಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೩)

೪೭. ನೇವಸೇಕ್ಖನಾಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಗರುಂ ಕತ್ವಾ ಪಚ್ಚವೇಕ್ಖತಿ, ಪುಬ್ಬೇ ಸುಚಿಣ್ಣಾನಿ ಗರುಂ ಕತ್ವಾ ಪಚ್ಚವೇಕ್ಖತಿ, ಝಾನಾ ವುಟ್ಠಹಿತ್ವಾ ¶ ಝಾನಂ ಗರುಂ ಕತ್ವಾ ಪಚ್ಚವೇಕ್ಖತಿ, ಅರಿಯಾ ನಿಬ್ಬಾನಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಚಕ್ಖುಂ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. ಸೋತಂ…ಪೇ… ವತ್ಥುಂ ನೇವಸೇಕ್ಖನಾಸೇಕ್ಖೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. ಸಹಜಾತಾಧಿಪತಿ – ನೇವಸೇಕ್ಖನಾಸೇಕ್ಖಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ನೇವಸೇಕ್ಖನಾಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ನಿಬ್ಬಾನಂ ಮಗ್ಗಸ್ಸ, ಸೇಕ್ಖಸ್ಸ ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. (೨)

ನೇವಸೇಕ್ಖನಾಸೇಕ್ಖೋ ¶ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ನಿಬ್ಬಾನಂ ಅಸೇಕ್ಖಸ್ಸ ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. (೩)

ಅನನ್ತರಪಚ್ಚಯೋ

೪೮. ಸೇಕ್ಖೋ ¶ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸೇಕ್ಖಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಸೇಕ್ಖಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. ಮಗ್ಗೋ ಸೇಕ್ಖಸ್ಸ ಫಲಸ್ಸ… ಸೇಕ್ಖಂ ಫಲಂ ಸೇಕ್ಖಸ್ಸ ಫಲಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೧)

ಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಮಗ್ಗೋ ಅಸೇಕ್ಖಸ್ಸ ಫಲಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೨)

ಸೇಕ್ಖೋ ¶ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಸೇಕ್ಖಂ ಫಲಂ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೩)

೪೯. ಅಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಅಸೇಕ್ಖಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಅಸೇಕ್ಖಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. ಅಸೇಕ್ಖಂ ಫಲಂ ಅಸೇಕ್ಖಸ್ಸ ಫಲಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೧)

ಅಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಅಸೇಕ್ಖಂ ಫಲಂ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೨)

೫೦. ನೇವಸೇಕ್ಖನಾಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ನೇವಸೇಕ್ಖನಾಸೇಕ್ಖಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ನೇವಸೇಕ್ಖನಾಸೇಕ್ಖಾನಂ ಖನ್ಧಾನಂ…ಪೇ… ಅನುಲೋಮಂ ಗೋತ್ರಭುಸ್ಸ… ಅನುಲೋಮಂ ವೋದಾನಸ್ಸ… ಆವಜ್ಜನಾ ನೇವಸೇಕ್ಖನಾಸೇಕ್ಖಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೧)

ನೇವಸೇಕ್ಖನಾಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಗೋತ್ರಭು ಮಗ್ಗಸ್ಸ… ವೋದಾನಂ ಮಗ್ಗಸ್ಸ… ಅನುಲೋಮಂ ಸೇಕ್ಖಾಯ ಫಲಸಮಾಪತ್ತಿಯಾ… ನಿರೋಧಾ ವುಟ್ಠಹನ್ತಸ್ಸ ನೇವಸಞ್ಞಾನಾಸಞ್ಞಾಯತನಕುಸಲಂ ಸೇಕ್ಖಾಯ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ. (೨)

ನೇವಸೇಕ್ಖನಾಸೇಕ್ಖೋ ¶ ¶ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಅನುಲೋಮಂ ಅಸೇಕ್ಖಾಯ ಫಲಸಮಾಪತ್ತಿಯಾ… ನಿರೋಧಾ ವುಟ್ಠಹನ್ತಸ್ಸ ¶ ನೇವಸಞ್ಞಾನಾಸಞ್ಞಾಯತನಕಿರಿಯಂ ಅಸೇಕ್ಖಾಯ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ. (೩)

ಸಮನನ್ತರಪಚ್ಚಯೋ

೫೧. ಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಸಮನನ್ತರಪಚ್ಚಯೇನ ಪಚ್ಚಯೋ…ಪೇ… (ಅನನ್ತರಸದಿಸಂ, ಅಟ್ಠ ಪಞ್ಹಾ).

ಸಹಜಾತಪಚ್ಚಯಾದಿ

೫೨. ಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ…ಪೇ… (ಪಟಿಚ್ಚವಾರೇ ಸಹಜಾತಸದಿಸಂ, ನವ ಪಞ್ಹಾ) ಅಞ್ಞಮಞ್ಞಪಚ್ಚಯೇನ ಪಚ್ಚಯೋ (ಪಟಿಚ್ಚವಾರೇ ಅಞ್ಞಮಞ್ಞಸದಿಸಂ, ತೀಣಿ. ನಿಸ್ಸಯಪಚ್ಚಯೇ ಕುಸಲತ್ತಿಕೇ ನಿಸ್ಸಯಪಚ್ಚಯಸದಿಸಂ, ತೇರಸ ಪಞ್ಹಾ).

ಉಪನಿಸ್ಸಯಪಚ್ಚಯೋ

೫೩. ಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಪಠಮೋ ಮಗ್ಗೋ ದುತಿಯಸ್ಸ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ದುತಿಯೋ ಮಗ್ಗೋ ತತಿಯಸ್ಸ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ತತಿಯೋ ಮಗ್ಗೋ ಚತುತ್ಥಸ್ಸ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಮಗ್ಗೋ ಸೇಕ್ಖಾಯ ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಮಗ್ಗೋ ಅಸೇಕ್ಖಾಯ ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಅರಿಯಾ ಮಗ್ಗಂ ¶ ಉಪನಿಸ್ಸಾಯ ಅನುಪ್ಪನ್ನಂ ಕುಸಲಸಮಾಪತ್ತಿಂ ¶ ಉಪ್ಪಾದೇನ್ತಿ, ಉಪ್ಪನ್ನಂ ಸಮಾಪಜ್ಜನ್ತಿ, ಸಙ್ಖಾರೇ ಅನಿಚ್ಚತೋ…ಪೇ… ವಿಪಸ್ಸನ್ತಿ, ಮಗ್ಗೋ ಅರಿಯಾನಂ ಅತ್ಥಪ್ಪಟಿಸಮ್ಭಿದಾಯ…ಪೇ… ಪಟಿಭಾನಪ್ಪಟಿಸಮ್ಭಿದಾಯ… ಠಾನಾಠಾನಕೋಸಲ್ಲಸ್ಸ ¶ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಸೇಕ್ಖಾ ಫಲಸಮಾಪತ್ತಿಯಾ ಕಾಯಿಕಸ್ಸ ಸುಖಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

೫೪. ಅಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಅನನ್ತರೂಪನಿಸ್ಸಯೋ – ಪುರಿಮಾ ಪುರಿಮಾ ಅಸೇಕ್ಖಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಅಸೇಕ್ಖಾನಂ ಖನ್ಧಾನಂ…ಪೇ… ಅಸೇಕ್ಖಂ ಫಲಂ ಅಸೇಕ್ಖಸ್ಸ ಫಲಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಅಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಅಸೇಕ್ಖಾ ಫಲಸಮಾಪತ್ತಿ ಕಾಯಿಕಸ್ಸ ಸುಖಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

೫೫. ನೇವಸೇಕ್ಖನಾಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ನೇವಸೇಕ್ಖನಾಸೇಕ್ಖಂ ಸದ್ಧಂ ಉಪನಿಸ್ಸಾಯ ದಾನಂ ದೇತಿ. ಸೀಲಂ…ಪೇ… ಉಪೋಸಥಕಮ್ಮಂ…ಪೇ… ಝಾನಂ…ಪೇ… ವಿಪಸ್ಸನಂ…ಪೇ… ಅಭಿಞ್ಞಂ…ಪೇ… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ. ನೇವಸೇಕ್ಖನಾಸೇಕ್ಖಂ ಸೀಲಂ…ಪೇ… ಪಞ್ಞಂ… ರಾಗಂ…ಪೇ… ಪತ್ಥನಂ… ಕಾಯಿಕಂ ಸುಖಂ…ಪೇ… ಉತುಂ… ಭೋಜನಂ… ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ, ಸೀಲಂ…ಪೇ… ಸಮಾಪತ್ತಿಂ ಉಪ್ಪಾದೇತಿ, ಪಾಣಂ ಹನತಿ…ಪೇ… ಸಙ್ಘಂ ಭಿನ್ದತಿ. ನೇವಸೇಕ್ಖನಾಸೇಕ್ಖಾ ಸದ್ಧಾ…ಪೇ… ಪಞ್ಞಾ, ರಾಗೋ…ಪೇ… ಪತ್ಥನಾ, ಕಾಯಿಕಂ ಸುಖಂ…ಪೇ… ¶ ಸೇನಾಸನಂ ನೇವಸೇಕ್ಖನಾಸೇಕ್ಖಾಯ ಸದ್ಧಾಯ…ಪೇ… ಪಞ್ಞಾಯ, ರಾಗಸ್ಸ…ಪೇ… ಪತ್ಥನಾಯ, ಕಾಯಿಕಸ್ಸ ಸುಖಸ್ಸ, ಕಾಯಿಕಸ್ಸ ದುಕ್ಖಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಪಠಮಸ್ಸ ಝಾನಸ್ಸ ಪರಿಕಮ್ಮಂ ಪಠಮಸ್ಸ ಝಾನಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ…ಪೇ… ನೇವಸಞ್ಞಾನಾಸಞ್ಞಾಯತನಸ್ಸ ಪರಿಕಮ್ಮಂ ನೇವಸಞ್ಞಾನಾಸಞ್ಞಾಯತನಸ್ಸ…ಪೇ… ಪಠಮಂ ಝಾನಂ ದುತಿಯಸ್ಸ ಝಾನಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ…ಪೇ… ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ನೇವಸೇಕ್ಖನಾಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ ¶ , ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಪಠಮಸ್ಸ ಮಗ್ಗಸ್ಸ ಪರಿಕಮ್ಮಂ ಪಠಮಸ್ಸ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ…ಪೇ… ಚತುತ್ಥಸ್ಸ ಮಗ್ಗಸ್ಸ ಪರಿಕಮ್ಮಂ ಚತುತ್ಥಸ್ಸ ಮಗ್ಗಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ನೇವಸೇಕ್ಖನಾಸೇಕ್ಖೋ ¶ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ… ಉತುಂ… ಭೋಜನಂ… ಸೇನಾಸನಂ ಅಸೇಕ್ಖಾಯ ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

ಪುರೇಜಾತಪಚ್ಚಯೋ

೫೬. ನೇವಸೇಕ್ಖನಾಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ ಅನಿಚ್ಚತೋ…ಪೇ… ವಿಪಸ್ಸತಿ, ಅಸ್ಸಾದೇತಿ ಅಭಿನನ್ದತಿ; ತಂ ಆರಬ್ಭ ರಾಗೋ ಉಪ್ಪಜ್ಜತಿ…ಪೇ… ದೋಮನಸ್ಸಂ ಉಪ್ಪಜ್ಜತಿ. ಸೋತಂ…ಪೇ… ವತ್ಥುಂ ಅನಿಚ್ಚತೋ ದುಕ್ಖತೋ ¶ ಅನತ್ತತೋ ವಿಪಸ್ಸತಿ…ಪೇ… ದೋಮನಸ್ಸಂ ಉಪ್ಪಜ್ಜತಿ, ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ. ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ, ವತ್ಥು ನೇವಸೇಕ್ಖನಾಸೇಕ್ಖಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೧)

ನೇವಸೇಕ್ಖನಾಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ. ವತ್ಥುಪುರೇಜಾತಂ – ವತ್ಥು ಸೇಕ್ಖಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೨)

ನೇವಸೇಕ್ಖನಾಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ. ವತ್ಥುಪುರೇಜಾತಂ – ವತ್ಥು ಅಸೇಕ್ಖಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೩)

ಪಚ್ಛಾಜಾತಪಚ್ಚಯೋ

೫೭. ಸೇಕ್ಖೋ ¶ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ಸೇಕ್ಖಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೧)

ಅಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ಅಸೇಕ್ಖಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೧)

ನೇವಸೇಕ್ಖನಾಸೇಕ್ಖೋ ¶ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ನೇವಸೇಕ್ಖನಾಸೇಕ್ಖಾ ¶ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೧)

ಆಸೇವನಪಚ್ಚಯೋ

೫೮. ನೇವಸೇಕ್ಖನಾಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ನೇವಸೇಕ್ಖನಾಸೇಕ್ಖಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ನೇವಸೇಕ್ಖನಾಸೇಕ್ಖಾನಂ ಖನ್ಧಾನಂ ಆಸೇವನಪಚ್ಚಯೇನ ಪಚ್ಚಯೋ. ಅನುಲೋಮಂ ಗೋತ್ರಭುಸ್ಸ… ಅನುಲೋಮಂ ವೋದಾನಸ್ಸ ಆಸೇವನಪಚ್ಚಯೇನ ಪಚ್ಚಯೋ. (೧)

ನೇವಸೇಕ್ಖನಾಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಗೋತ್ರಭು ಮಗ್ಗಸ್ಸ… ವೋದಾನಂ ಮಗ್ಗಸ್ಸ ಆಸೇವನಪಚ್ಚಯೇನ ಪಚ್ಚಯೋ. (೨)

ಕಮ್ಮಪಚ್ಚಯೋ

೫೯. ಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಸೇಕ್ಖಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ. ನಾನಾಕ್ಖಣಿಕಾ – ಸೇಕ್ಖಾ ಚೇತನಾ ವಿಪಾಕಾನಂ ಸೇಕ್ಖಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ. (೧)

ಸೇಕ್ಖೋ ¶ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ. ನಾನಾಕ್ಖಣಿಕಾ – ಸೇಕ್ಖಾ ಚೇತನಾ ಅಸೇಕ್ಖಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ. (೨)

ಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ. ಸಹಜಾತಾ – ಸೇಕ್ಖಾ ಚೇತನಾ ಚಿತ್ತಸಮುಟ್ಠಾನಾನಂ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೩)

ಸೇಕ್ಖೋ ಧಮ್ಮೋ ಸೇಕ್ಖಸ್ಸ ಚ ನೇವಸೇಕ್ಖನಾಸೇಕ್ಖಸ್ಸ ಚ ಧಮ್ಮಸ್ಸ ¶ ಕಮ್ಮಪಚ್ಚಯೇನ ಪಚ್ಚಯೋ – ಸೇಕ್ಖಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೪)

೬೦. ಅಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಅಸೇಕ್ಖಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ. (೧)

ಅಸೇಕ್ಖೋ ¶ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಅಸೇಕ್ಖಾ ಚೇತನಾ ಚಿತ್ತಸಮುಟ್ಠಾನಾನಂ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೨)

ಅಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಚ ನೇವಸೇಕ್ಖನಾಸೇಕ್ಖಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಅಸೇಕ್ಖಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೩)

೬೧. ನೇವಸೇಕ್ಖನಾಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ನೇವಸೇಕ್ಖನಾಸೇಕ್ಖಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ…ಪೇ…. ನಾನಾಕ್ಖಣಿಕಾ – ನೇವಸೇಕ್ಖನಾಸೇಕ್ಖಾ ಚೇತನಾ ವಿಪಾಕಾನಂ ನೇವಸೇಕ್ಖನಾಸೇಕ್ಖಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೧)

ವಿಪಾಕಪಚ್ಚಯೋ

೬೨. ಸೇಕ್ಖೋ ¶ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ – ವಿಪಾಕೋ ಸೇಕ್ಖೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ…ಪೇ… (ಸೇಕ್ಖಮೂಲಕೇ ತೀಣಿ ).

ಅಸೇಕ್ಖೋ ¶ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ – ಅಸೇಕ್ಖೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ…ಪೇ… (ಅಸೇಕ್ಖಮೂಲಕೇ ತೀಣಿ).

ನೇವಸೇಕ್ಖನಾಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ – ವಿಪಾಕೋ ನೇವಸೇಕ್ಖನಾಸೇಕ್ಖೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧಾ ವತ್ಥುಸ್ಸ ವಿಪಾಕಪಚ್ಚಯೇನ ಪಚ್ಚಯೋ. (೧)

ಆಹಾರಪಚ್ಚಯಾದಿ

೬೩. ಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ… ಝಾನಪಚ್ಚಯೇನ ಪಚ್ಚಯೋ… ಮಗ್ಗಪಚ್ಚಯೇನ ಪಚ್ಚಯೋ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ…ಪೇ….

ವಿಪ್ಪಯುತ್ತಪಚ್ಚಯೋ

೬೪. ಸೇಕ್ಖೋ ¶ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ. ಸಹಜಾತಾ – ಸೇಕ್ಖಾ ಖನ್ಧಾ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಸೇಕ್ಖಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ (೧).

ಅಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸೇಕ್ಖಸದಿಸಂ).

ನೇವಸೇಕ್ಖನಾಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ ¶ , ಪುರೇಜಾತಂ, ಪಚ್ಛಾಜಾತಂ. ಸಹಜಾತಾ – ನೇವಸೇಕ್ಖನಾಸೇಕ್ಖಾ ಖನ್ಧಾ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಟಿಸನ್ಧಿಕ್ಖಣೇ ನೇವಸೇಕ್ಖನಾಸೇಕ್ಖಾ ಖನ್ಧಾ ಕಟತ್ತಾರೂಪಾನಂ ¶ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಖನ್ಧಾ ವತ್ಥುಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ವತ್ಥು ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ, ವತ್ಥು ನೇವಸೇಕ್ಖನಾಸೇಕ್ಖಾನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ನೇವಸೇಕ್ಖನಾಸೇಕ್ಖಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೧)

ನೇವಸೇಕ್ಖನಾಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ವತ್ಥು ಸೇಕ್ಖಾನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೨)

ನೇವಸೇಕ್ಖನಾಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ವತ್ಥು ಅಸೇಕ್ಖಾನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೩)

ಅತ್ಥಿಪಚ್ಚಯೋ

೬೫. ಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸೇಕ್ಖೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ…ಪೇ…. (೧)

ಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ. ಸಹಜಾತಾ – ಸೇಕ್ಖಾ ಖನ್ಧಾ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಸೇಕ್ಖಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. (೨)

ಸೇಕ್ಖೋ ¶ ಧಮ್ಮೋ ಸೇಕ್ಖಸ್ಸ ಚ ನೇವಸೇಕ್ಖನಾಸೇಕ್ಖಸ್ಸ ಚ ಧಮ್ಮಸ್ಸ ¶ ಅತ್ಥಿಪಚ್ಚಯೇನ ಪಚ್ಚಯೋ – ಸೇಕ್ಖೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ…ಪೇ…. (೩)

ಅಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ತೀಣಿ (ಸೇಕ್ಖಸದಿಸಂ).

೬೬. ನೇವಸೇಕ್ಖನಾಸೇಕ್ಖೋ ¶ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. ಸಹಜಾತೋ – ನೇವಸೇಕ್ಖನಾಸೇಕ್ಖೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧಾ ವತ್ಥುಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ವತ್ಥು ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ, ಏಕಂ ಮಹಾಭೂತಂ…ಪೇ… ಬಾಹಿರಂ…ಪೇ… ಅಸಞ್ಞಸತ್ತಾನಂ…ಪೇ…. ಪುರೇಜಾತಂ – ಚಕ್ಖುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ; ಅಸ್ಸಾದೇತಿ ಅಭಿನನ್ದತಿ; ತಂ ಆರಬ್ಭ ರಾಗೋ ಉಪ್ಪಜ್ಜತಿ…ಪೇ… ದೋಮನಸ್ಸಂ ಉಪ್ಪಜ್ಜತಿ. ಸೋತಂ…ಪೇ… ವತ್ಥುಂ ಅನಿಚ್ಚತೋ…ಪೇ… ವಿಪಸ್ಸತಿ, ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ… ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ… ವತ್ಥು ನೇವಸೇಕ್ಖನಾಸೇಕ್ಖಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ನೇವಸೇಕ್ಖನಾಸೇಕ್ಖಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಕಬಳೀಕಾರೋ ಆಹಾರೋ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ರೂಪಜೀವಿತಿನ್ದ್ರಿಯಂ ¶ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೧)

ನೇವಸೇಕ್ಖನಾಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪುರೇಜಾತಂ – ವತ್ಥು ಸೇಕ್ಖಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೨)

ನೇವಸೇಕ್ಖನಾಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪುರೇಜಾತಂ – ವತ್ಥು ಅಸೇಕ್ಖಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೩)

೬೭. ಸೇಕ್ಖೋ ಚ ನೇವಸೇಕ್ಖನಾಸೇಕ್ಖೋ ಚ ಧಮ್ಮಾ ಸೇಕ್ಖಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತೋ – ಸೇಕ್ಖೋ ¶ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ…ಪೇ…. (೧)

ಸೇಕ್ಖೋ ಚ ನೇವಸೇಕ್ಖನಾಸೇಕ್ಖೋ ಚ ಧಮ್ಮಾ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. ಸಹಜಾತಾ – ಸೇಕ್ಖಾ ಖನ್ಧಾ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಸೇಕ್ಖಾ ಖನ್ಧಾ ಚ ಕಬಳೀಕಾರೋ ¶ ಆಹಾರೋ ಚ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಸೇಕ್ಖಾ ಖನ್ಧಾ ಚ ರೂಪಜೀವಿತಿನ್ದ್ರಿಯಞ್ಚ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೨)

ಅಸೇಕ್ಖೋ ಚ ನೇವಸೇಕ್ಖನಾಸೇಕ್ಖೋ ಚ ಧಮ್ಮಾ ಅಸೇಕ್ಖಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… (ದ್ವೇ ಪಞ್ಹಾ ಕಾತಬ್ಬಾ, ಸೇಕ್ಖಸದಿಸಾ).

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೬೮. ಹೇತುಯಾ ¶ ಸತ್ತ, ಆರಮ್ಮಣೇ ಪಞ್ಚ, ಅಧಿಪತಿಯಾ ನವ, ಅನನ್ತರೇ ಅಟ್ಠ, ಸಮನನ್ತರೇ ಅಟ್ಠ, ಸಹಜಾತೇ ನವ, ಅಞ್ಞಮಞ್ಞೇ ತೀಣಿ, ನಿಸ್ಸಯೇ ತೇರಸ, ಉಪನಿಸ್ಸಯೇ ಅಟ್ಠ, ಪುರೇಜಾತೇ ತೀಣಿ, ಪಚ್ಛಾಜಾತೇ ತೀಣಿ, ಆಸೇವನೇ ದ್ವೇ, ಕಮ್ಮೇ ಅಟ್ಠ, ವಿಪಾಕೇ ಆಹಾರೇ ಇನ್ದ್ರಿಯೇ ಝಾನೇ ಮಗ್ಗೇ ಸತ್ತ, ಸಮ್ಪಯುತ್ತೇ ತೀಣಿ, ವಿಪ್ಪಯುತ್ತೇ ಪಞ್ಚ, ಅತ್ಥಿಯಾ ತೇರಸ, ನತ್ಥಿಯಾ ಅಟ್ಠ, ವಿಗತೇ ಅಟ್ಠ, ಅವಿಗತೇ ತೇರಸ (ಏವಂ ಗಣೇತಬ್ಬಂ).

ಅನುಲೋಮಂ.

೨. ಪಚ್ಚನೀಯುದ್ಧಾರೋ

೬೯. ಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೩)

ಸೇಕ್ಖೋ ಧಮ್ಮೋ ಸೇಕ್ಖಸ್ಸ ಚ ನೇವಸೇಕ್ಖನಾಸೇಕ್ಖಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ. (೪)

೭೦. ಅಸೇಕ್ಖೋ ¶ ¶ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಅಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ¶ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೨)

ಅಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಚ ನೇವಸೇಕ್ಖನಾಸೇಕ್ಖಸ್ಸ ಚ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ. (೩)

೭೧. ನೇವಸೇಕ್ಖನಾಸೇಕ್ಖೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ. (೧)

ನೇವಸೇಕ್ಖನಾಸೇಕ್ಖೋ ಧಮ್ಮೋ ಸೇಕ್ಖಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ. (೨)

ನೇವಸೇಕ್ಖನಾಸೇಕ್ಖೋ ಧಮ್ಮೋ ಅಸೇಕ್ಖಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ. (೩)

೭೨. ಸೇಕ್ಖೋ ಚ ನೇವಸೇಕ್ಖನಾಸೇಕ್ಖೋ ಚ ಧಮ್ಮಾ ಸೇಕ್ಖಸ್ಸ ಧಮ್ಮಸ್ಸ ಸಹಜಾತಂ, ಪುರೇಜಾತಂ. (೧)

ಸೇಕ್ಖೋ ಚ ನೇವಸೇಕ್ಖನಾಸೇಕ್ಖೋ ಚ ಧಮ್ಮಾ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. (೨)

ಅಸೇಕ್ಖೋ ಚ ನೇವಸೇಕ್ಖನಾಸೇಕ್ಖೋ ಚ ಧಮ್ಮಾ ಅಸೇಕ್ಖಸ್ಸ ಧಮ್ಮಸ್ಸ ಸಹಜಾತಂ, ಪುರೇಜಾತಂ. (೧)

ಅಸೇಕ್ಖೋ ¶ ಚ ನೇವಸೇಕ್ಖನಾಸೇಕ್ಖೋ ಚ ಧಮ್ಮಾ ನೇವಸೇಕ್ಖನಾಸೇಕ್ಖಸ್ಸ ಧಮ್ಮಸ್ಸ ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. (೨)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೭೩. ನಹೇತುಯಾ ¶ ಚುದ್ದಸ, ನಆರಮ್ಮಣೇ ನಅಧಿಪತಿಯಾ ನಅನನ್ತರೇ ನಸಮನನ್ತರೇ ಚುದ್ದಸ, ನಸಹಜಾತೇ ದಸ, ನಅಞ್ಞಮಞ್ಞೇ ದಸ, ನನಿಸ್ಸಯೇ ದಸ ¶ , ನಉಪನಿಸ್ಸಯೇ ತೇರಸ, ನಪುರೇಜಾತೇ ದ್ವಾದಸ, ನಪಚ್ಛಾಜಾತೇ ಚುದ್ದಸ, ನಆಸೇವನೇ ನಕಮ್ಮೇ ಚುದ್ದಸ, ನವಿಪಾಕೇ ದ್ವಾದಸ, ನಆಹಾರೇ ನಇನ್ದ್ರಿಯೇ ನಝಾನೇ ನಮಗ್ಗೇ ಚುದ್ದಸ, ನಸಮ್ಪಯುತ್ತೇ ದಸ, ನವಿಪ್ಪಯುತ್ತೇ ಅಟ್ಠ, ನೋಅತ್ಥಿಯಾ ಅಟ್ಠ, ನೋನತ್ಥಿಯಾ ಚುದ್ದಸ, ನೋವಿಗತೇ ಚುದ್ದಸ, ನೋಅವಿಗತೇ ಅಟ್ಠ (ಏವಂ ಗಣೇತಬ್ಬಂ).

ಪಚ್ಚನೀಯಂ.

೩. ಪಚ್ಚಯಾನುಲೋಮಪಚ್ಚನೀಯಂ

ಹೇತುದುಕಂ

೭೪. ಹೇತುಪಚ್ಚಯಾ ನಆರಮ್ಮಣೇ ಸತ್ತ, ನಅಧಿಪತಿಯಾ ಸತ್ತ, ನಅನನ್ತರೇ ಸತ್ತ, ನಸಮನನ್ತರೇ ಸತ್ತ, ನಅಞ್ಞಮಞ್ಞೇ ತೀಣಿ, ನಉಪನಿಸ್ಸಯೇ ನಪುರೇಜಾತೇ ನಪಚ್ಛಾಜಾತೇ ನಆಸೇವನೇ ನಕಮ್ಮೇ ಸತ್ತ, ನವಿಪಾಕೇ ಚತ್ತಾರಿ, ನಆಹಾರೇ ನಇನ್ದ್ರಿಯೇ ನಝಾನೇ ನಮಗ್ಗೇ ಸತ್ತ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ತೀಣಿ, ನೋನತ್ಥಿಯಾ ಸತ್ತ, ನೋವಿಗತೇ ಸತ್ತ (ಏವಂ ಗಣೇತಬ್ಬಂ).

ಅನುಲೋಮಪಚ್ಚನೀಯಂ.

೪. ಪಚ್ಚಯಪಚ್ಚನೀಯಾನುಲೋಮಂ

ನಹೇತುದುಕಂ

೭೫. ನಹೇತುಪಚ್ಚಯಾ ¶ ಆರಮ್ಮಣೇ ಪಞ್ಚ, ಅಧಿಪತಿಯಾ ನವ, ಅನನ್ತರೇ ಅಟ್ಠ, ಸಮನನ್ತರೇ ಅಟ್ಠ, ಸಹಜಾತೇ ನವ, ಅಞ್ಞಮಞ್ಞೇ ತೀಣಿ, ನಿಸ್ಸಯೇ ತೇರಸ, ಉಪನಿಸ್ಸಯೇ ಅಟ್ಠ, ಪುರೇಜಾತೇ ತೀಣಿ, ಪಚ್ಛಾಜಾತೇ ತೀಣಿ, ಆಸೇವನೇ ದ್ವೇ, ಕಮ್ಮೇ ಅಟ್ಠ, ವಿಪಾಕೇ ಆಹಾರೇ ಇನ್ದ್ರಿಯೇ ಝಾನೇ ಮಗ್ಗೇ ಸತ್ತ, ಸಮ್ಪಯುತ್ತೇ ತೀಣಿ, ವಿಪ್ಪಯುತ್ತೇ ಪಞ್ಚ, ಅತ್ಥಿಯಾ ತೇರಸ, ನತ್ಥಿಯಾ ¶ ಅಟ್ಠ, ವಿಗತೇ ಅಟ್ಠ, ಅವಿಗತೇ ತೇರಸ (ಏವಂ ಗಣೇತಬ್ಬಂ).

ಪಚ್ಚನೀಯಾನುಲೋಮಂ.

ಪಞ್ಹಾವಾರೋ.

ಸೇಕ್ಖತ್ತಿಕಂ ನಿಟ್ಠಿತಂ.

೧೨. ಪರಿತ್ತತ್ತಿಕಂ

೧. ಪಟಿಚ್ಚವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧. ಪರಿತ್ತಂ ¶ ¶ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪರಿತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ ಪರಿತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಕಟತ್ತಾ ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ಏಕಂ ಮಹಾಭೂತಂ ಪಟಿಚ್ಚ ತಯೋ ಮಹಾಭೂತಾ…ಪೇ… ದ್ವೇ ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ…ಪೇ…. (೧)

ಪರಿತ್ತಂ ಧಮ್ಮಂ ಪಟಿಚ್ಚ ಮಹಗ್ಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಮಹಗ್ಗತಾ ಖನ್ಧಾ. (೨)

ಪರಿತ್ತಂ ಧಮ್ಮಂ ಪಟಿಚ್ಚ ಪರಿತ್ತೋ ಚ ಮಹಗ್ಗತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಮಹಗ್ಗತಾ ಖನ್ಧಾ, ಮಹಾಭೂತೇ ಪಟಿಚ್ಚ ಕಟತ್ತಾರೂಪಂ. (೩)

೨. ಮಹಗ್ಗತಂ ¶ ಧಮ್ಮಂ ಪಟಿಚ್ಚ ಮಹಗ್ಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಮಹಗ್ಗತಂ ¶ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ಮಹಗ್ಗತಂ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಮಹಗ್ಗತೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ ಮಹಗ್ಗತೇ ಖನ್ಧೇ ಪಟಿಚ್ಚ ಕಟತ್ತಾರೂಪಂ. (೨)

ಮಹಗ್ಗತಂ ಧಮ್ಮಂ ಪಟಿಚ್ಚ ಪರಿತ್ತೋ ಚ ಮಹಗ್ಗತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಮಹಗ್ಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ಪಟಿಸನ್ಧಿಕ್ಖಣೇ ಮಹಗ್ಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಕಟತ್ತಾ ಚ ರೂಪಂ…ಪೇ… ದ್ವೇ ಖನ್ಧೇ…ಪೇ…. (೩)

೩. ಅಪ್ಪಮಾಣಂ ಧಮ್ಮಂ ಪಟಿಚ್ಚ ಅಪ್ಪಮಾಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಪ್ಪಮಾಣಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ…. (೧)

ಅಪ್ಪಮಾಣಂ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಪ್ಪಮಾಣೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೨)

ಅಪ್ಪಮಾಣಂ ¶ ಧಮ್ಮಂ ಪಟಿಚ್ಚ ಪರಿತ್ತೋ ಚ ಅಪ್ಪಮಾಣೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಅಪ್ಪಮಾಣಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ…. (೩)

೪. ಪರಿತ್ತಞ್ಚ ಅಪ್ಪಮಾಣಞ್ಚ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಪ್ಪಮಾಣೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಪರಿತ್ತಞ್ಚ ಮಹಗ್ಗತಞ್ಚ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಮಹಗ್ಗತೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ…ಪೇ…. (೧)

ಪರಿತ್ತಞ್ಚ ಮಹಗ್ಗತಞ್ಚ ಧಮ್ಮಂ ಪಟಿಚ್ಚ ಮಹಗ್ಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ¶ ಮಹಗ್ಗತಂ ಏಕಂ ¶ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ…. (೨)

ಪರಿತ್ತಞ್ಚ ಮಹಗ್ಗತಞ್ಚ ಧಮ್ಮಂ ಪಟಿಚ್ಚ ಪರಿತ್ತೋ ಚ ಮಹಗ್ಗತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಪಟಿಸನ್ಧಿಕ್ಖಣೇ ಮಹಗ್ಗತಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಮಹಗ್ಗತೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. (೩)

ಆರಮ್ಮಣಪಚ್ಚಯೋ

೫. ಪರಿತ್ತಂ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಪರಿತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… ವತ್ಥುಂ ಪಟಿಚ್ಚ ಖನ್ಧಾ. (೧)

ಪರಿತ್ತಂ ಧಮ್ಮಂ ಪಟಿಚ್ಚ ಮಹಗ್ಗತೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಮಹಗ್ಗತಾ ಖನ್ಧಾ. (೨)

ಮಹಗ್ಗತಂ ಧಮ್ಮಂ ಪಟಿಚ್ಚ ಮಹಗ್ಗತೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಮಹಗ್ಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ಅಪ್ಪಮಾಣಂ ಧಮ್ಮಂ ಪಟಿಚ್ಚ ಅಪ್ಪಮಾಣೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಅಪ್ಪಮಾಣಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ…. (೧)

ಪರಿತ್ತಞ್ಚ ಮಹಗ್ಗತಞ್ಚ ಧಮ್ಮಂ ಪಟಿಚ್ಚ ಮಹಗ್ಗತೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಪಟಿಸನ್ಧಿಕ್ಖಣೇ ಮಹಗ್ಗತಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ…. (೧)

ಅಧಿಪತಿಪಚ್ಚಯೋ

೬. ಪರಿತ್ತಂ ¶ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ – ಪರಿತ್ತಂ ¶ ಏಕಂ ಖನ್ಧಂ ¶ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ, ದ್ವೇ ಖನ್ಧೇ…ಪೇ… ಏಕಂ ಮಹಾಭೂತಂ ಪಟಿಚ್ಚ ತಯೋ ಮಹಾಭೂತಾ…ಪೇ… ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಉಪಾದಾರೂಪಂ. (೧)

ಮಹಗ್ಗತಂ ಧಮ್ಮಂ ಪಟಿಚ್ಚ ಮಹಗ್ಗತೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ – ಮಹಗ್ಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ…. (೧)

ಮಹಗ್ಗತಂ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ – ಮಹಗ್ಗತೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೨)

ಮಹಗ್ಗತಂ ಧಮ್ಮಂ ಪಟಿಚ್ಚ ಪರಿತ್ತೋ ಚ ಮಹಗ್ಗತೋ ಚ ಧಮ್ಮಾ ಉಪ್ಪಜ್ಜನ್ತಿ ಅಧಿಪತಿಪಚ್ಚಯಾ – ಮಹಗ್ಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ…. (೩)

ಅಪ್ಪಮಾಣಂ ಧಮ್ಮಂ ಪಟಿಚ್ಚ ಅಪ್ಪಮಾಣೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ – ಅಪ್ಪಮಾಣಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ…. (೧)

ಅಪ್ಪಮಾಣಂ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ – ಅಪ್ಪಮಾಣೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೨)

ಅಪ್ಪಮಾಣಂ ಧಮ್ಮಂ ಪಟಿಚ್ಚ ಪರಿತ್ತೋ ಚ ಅಪ್ಪಮಾಣೋ ಚ ಧಮ್ಮಾ ಉಪ್ಪಜ್ಜನ್ತಿ ಅಧಿಪತಿಪಚ್ಚಯಾ – ಅಪ್ಪಮಾಣಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ…. (೩)

೭. ಪರಿತ್ತಞ್ಚ ಅಪ್ಪಮಾಣಞ್ಚ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ – ಅಪ್ಪಮಾಣೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಪರಿತ್ತಞ್ಚ ಮಹಗ್ಗತಞ್ಚ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ¶ ಉಪ್ಪಜ್ಜತಿ ಅಧಿಪತಿಪಚ್ಚಯಾ – ಮಹಗ್ಗತೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಅನನ್ತರಪಚ್ಚಯಾದಿ

೮. ಪರಿತ್ತಂ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ಅನನ್ತರಪಚ್ಚಯಾ… ಸಮನನ್ತರಪಚ್ಚಯಾ… ಸಹಜಾತಪಚ್ಚಯಾ (ಸಬ್ಬೇಪಿ ಮಹಾಭೂತಾ ಕಾತಬ್ಬಾ)… ಅಞ್ಞಮಞ್ಞಪಚ್ಚಯಾ… ನಿಸ್ಸಯಪಚ್ಚಯಾ… ಉಪನಿಸ್ಸಯಪಚ್ಚಯಾ ¶ … ಪುರೇಜಾತಪಚ್ಚಯಾ (ತಿಸ್ಸೋ ¶ ಪಞ್ಹಾ ಕಾತಬ್ಬಾ)… ಆಸೇವನಪಚ್ಚಯಾ (ತಿಸ್ಸೋ ಪಞ್ಹಾ ಕಾತಬ್ಬಾ)… ಕಮ್ಮಪಚ್ಚಯಾ… ವಿಪಾಕಪಚ್ಚಯಾ (ತೇರಸ ಪಞ್ಹಾ)… ಆಹಾರಪಚ್ಚಯಾ… ಇನ್ದ್ರಿಯಪಚ್ಚಯಾ… ಝಾನಪಚ್ಚಯಾ… ಮಗ್ಗಪಚ್ಚಯಾ,… ಸಮ್ಪಯುತ್ತಪಚ್ಚಯಾ… ವಿಪ್ಪಯುತ್ತಪಚ್ಚಯಾ… ಅತ್ಥಿಪಚ್ಚಯಾ… ನತ್ಥಿಪಚ್ಚಯಾ… ವಿಗತಪಚ್ಚಯಾ… ಅವಿಗತಪಚ್ಚಯಾ.

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೯. ಹೇತುಯಾ ತೇರಸ, ಆರಮ್ಮಣೇ ಪಞ್ಚ, ಅಧಿಪತಿಯಾ ನವ, ಅನನ್ತರೇ ಪಞ್ಚ, ಸಮನನ್ತರೇ ಪಞ್ಚ, ಸಹಜಾತೇ ತೇರಸ, ಅಞ್ಞಮಞ್ಞೇ ಸತ್ತ, ನಿಸ್ಸಯೇ ತೇರಸ, ಉಪನಿಸ್ಸಯೇ ಪಞ್ಚ, ಪುರೇಜಾತೇ ತೀಣಿ, ಆಸೇವನೇ ತೀಣಿ, ಕಮ್ಮೇ ತೇರಸ, ವಿಪಾಕೇ ತೇರಸ, ಆಹಾರೇ ಇನ್ದ್ರಿಯೇ ಝಾನೇ ಮಗ್ಗೇ ತೇರಸ, ಸಮ್ಪಯುತ್ತೇ ಪಞ್ಚ, ವಿಪ್ಪಯುತ್ತೇ ತೇರಸ, ಅತ್ಥಿಯಾ ತೇರಸ, ನತ್ಥಿಯಾ ಪಞ್ಚ, ವಿಗತೇ ಪಞ್ಚ, ಅವಿಗತೇ ತೇರಸ.

ಅನುಲೋಮಂ.

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೧೦. ಪರಿತ್ತಂ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಪರಿತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ¶ ರೂಪಂ…ಪೇ… ದ್ವೇ ಖನ್ಧೇ…ಪೇ… ಅಹೇತುಕಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ; ಏಕಂ ಮಹಾಭೂತಂ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ…ಪೇ… ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೧)

ನಆರಮ್ಮಣಪಚ್ಚಯೋ

೧೧. ಪರಿತ್ತಂ ¶ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಪರಿತ್ತೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ ಪರಿತ್ತೇ ಖನ್ಧೇ ಪಟಿಚ್ಚ ಕಟತ್ತಾರೂಪಂ, ಖನ್ಧೇ ಪಟಿಚ್ಚ ವತ್ಥು…ಪೇ… ಏಕಂ ಮಹಾಭೂತಂ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ…ಪೇ…. (೧)

ಮಹಗ್ಗತಂ ¶ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಮಹಗ್ಗತೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ ಮಹಗ್ಗತೇ ಖನ್ಧೇ ಪಟಿಚ್ಚ ಕಟತ್ತಾರೂಪಂ. (೧)

ಅಪ್ಪಮಾಣಂ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಅಪ್ಪಮಾಣೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಪರಿತ್ತಞ್ಚ ಅಪ್ಪಮಾಣಞ್ಚ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಅಪ್ಪಮಾಣೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಪರಿತ್ತಞ್ಚ ಮಹಗ್ಗತಞ್ಚ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಮಹಗ್ಗತೇ ಖನ್ಧೇ ಚ ಮಹಾಭೂತೇ ¶ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ ಮಹಗ್ಗತೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. (೧)

ನಅಧಿಪತಿಪಚ್ಚಯೋ

೧೨. ಪರಿತ್ತಂ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಪರಿತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ; ಏಕಂ ಮಹಾಭೂತಂ…ಪೇ… ಅಸಞ್ಞಸತ್ತಾನಂ…ಪೇ…. (೧)

ಪರಿತ್ತಂ ಧಮ್ಮಂ ಪಟಿಚ್ಚ ಮಹಗ್ಗತೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಮಹಗ್ಗತಾ ಖನ್ಧಾ. (೨)

ಪರಿತ್ತಂ ¶ ಧಮ್ಮಂ ಪಟಿಚ್ಚ ಪರಿತ್ತೋ ಚ ಮಹಗ್ಗತೋ ಚ ಧಮ್ಮಾ ಉಪ್ಪಜ್ಜನ್ತಿ ನಅಧಿಪತಿಪಚ್ಚಯಾ – ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಮಹಗ್ಗತಾ ಖನ್ಧಾ, ಮಹಾಭೂತೇ ಪಟಿಚ್ಚ ಕಟತ್ತಾರೂಪಂ. (೩)

೧೩. ಮಹಗ್ಗತಂ ಧಮ್ಮಂ ಪಟಿಚ್ಚ ಮಹಗ್ಗತೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಮಹಗ್ಗತೇ ಖನ್ಧೇ ಪಟಿಚ್ಚ ಮಹಗ್ಗತಾಧಿಪತಿ, ವಿಪಾಕಂ ಮಹಗ್ಗತಂ ಏಕಂ ಖನ್ಧಂ ಪಟಿಚ್ಚ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ಮಹಗ್ಗತಂ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ವಿಪಾಕೇ ಮಹಗ್ಗತೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ ಮಹಗ್ಗತೇ ಖನ್ಧೇ ಪಟಿಚ್ಚ ಕಟತ್ತಾರೂಪಂ. (೨)

ಮಹಗ್ಗತಂ ಧಮ್ಮಂ ಪಟಿಚ್ಚ ಪರಿತ್ತೋ ಚ ಮಹಗ್ಗತೋ ಚ ಧಮ್ಮಾ ಉಪ್ಪಜ್ಜನ್ತಿ ನಅಧಿಪತಿಪಚ್ಚಯಾ – ವಿಪಾಕಂ ಮಹಗ್ಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ…. (೩)

೧೪. ಅಪ್ಪಮಾಣಂ ¶ ¶ ಧಮ್ಮಂ ಪಟಿಚ್ಚ ಅಪ್ಪಮಾಣೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಅಪ್ಪಮಾಣೇ ಖನ್ಧೇ ಪಟಿಚ್ಚ ಅಪ್ಪಮಾಣಾಧಿಪತಿ. (೧)

ಪರಿತ್ತಞ್ಚ ಮಹಗ್ಗತಞ್ಚ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ವಿಪಾಕೇ ಮಹಗ್ಗತೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ ಮಹಗ್ಗತೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. (೧)

ಪರಿತ್ತಞ್ಚ ಮಹಗ್ಗತಞ್ಚ ಧಮ್ಮಂ ಪಟಿಚ್ಚ ಮಹಗ್ಗತೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ – ಪಟಿಸನ್ಧಿಕ್ಖಣೇ ಮಹಗ್ಗತಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ…. (೨)

ಪರಿತ್ತಞ್ಚ ಮಹಗ್ಗತಞ್ಚ ಧಮ್ಮಂ ಪಟಿಚ್ಚ ಪರಿತ್ತೋ ಚ ಮಹಗ್ಗತೋ ಚ ಧಮ್ಮಾ ಉಪ್ಪಜ್ಜನ್ತಿ ನಅಧಿಪತಿಪಚ್ಚಯಾ – ಪಟಿಸನ್ಧಿಕ್ಖಣೇ ಮಹಗ್ಗತಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಮಹಗ್ಗತೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. (೩)

ನಅನನ್ತರಪಚ್ಚಯಾದಿ

೧೫. ಪರಿತ್ತಂ ¶ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ನಅನನ್ತರಪಚ್ಚಯಾ… ನಸಮನನ್ತರಪಚ್ಚಯಾ… ನಅಞ್ಞಮಞ್ಞಪಚ್ಚಯಾ… ನಉಪನಿಸ್ಸಯಪಚ್ಚಯಾ.

ನಪುರೇಜಾತಪಚ್ಚಯೋ

೧೬. ಪರಿತ್ತಂ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ಪರಿತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಪರಿತ್ತೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ ಪರಿತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಕಟತ್ತಾ ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… (ಸಬ್ಬೇ ಮಹಾಭೂತಾ ವಿತ್ಥಾರೇತಬ್ಬಾ, ಅರೂಪೇ ಪರಿತ್ತಮೂಲಕೇ ತಿಸ್ಸೋ ಪಞ್ಹಾ).

ಮಹಗ್ಗತಂ ¶ ಧಮ್ಮಂ ಪಟಿಚ್ಚ ಮಹಗ್ಗತೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಮಹಗ್ಗತಂ ಏಕಂ ಖನ್ಧಂ…ಪೇ… ಪಟಿಸನ್ಧಿಕ್ಖಣೇ…ಪೇ…. (೧)

ಮಹಗ್ಗತಂ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಮಹಗ್ಗತೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ ಮಹಗ್ಗತೇ ಖನ್ಧೇ ಪಟಿಚ್ಚ ಕಟತ್ತಾರೂಪಂ. (೨)

ಮಹಗ್ಗತಂ ಧಮ್ಮಂ ಪಟಿಚ್ಚ ಪರಿತ್ತೋ ಚ ಮಹಗ್ಗತೋ ಚ ಧಮ್ಮಾ ಉಪ್ಪಜ್ಜನ್ತಿ ನಪುರೇಜಾತಪಚ್ಚಯಾ – ಪಟಿಸನ್ಧಿಕ್ಖಣೇ ಮಹಗ್ಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಕಟತ್ತಾ ಚ ರೂಪಂ…ಪೇ… ದ್ವೇ ಖನ್ಧೇ…ಪೇ…. (೩)

೧೭. ಅಪ್ಪಮಾಣಂ ¶ ಧಮ್ಮಂ ಪಟಿಚ್ಚ ಅಪ್ಪಮಾಣೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ಅಪ್ಪಮಾಣಂ ಏಕಂ ಖನ್ಧಂ…ಪೇ…. (೧)

ಅಪ್ಪಮಾಣಂ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅಪ್ಪಮಾಣೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ.(೨)

ಪರಿತ್ತಞ್ಚ ¶ ಅಪ್ಪಮಾಣಞ್ಚ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅಪ್ಪಮಾಣೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೩)

ಪರಿತ್ತಞ್ಚ ಮಹಗ್ಗತಞ್ಚ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಮಹಗ್ಗತೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ…ಪೇ…. (೧)

ಪರಿತ್ತಞ್ಚ ಮಹಗ್ಗತಞ್ಚ ಧಮ್ಮಂ ಪಟಿಚ್ಚ ಮಹಗ್ಗತೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಪಟಿಸನ್ಧಿಕ್ಖಣೇ ಮಹಗ್ಗತಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ…. (೨)

ಪರಿತ್ತಞ್ಚ ಮಹಗ್ಗತಞ್ಚ ಧಮ್ಮಂ ಪಟಿಚ್ಚ ಪರಿತ್ತೋ ಚ ಮಹಗ್ಗತೋ ಚ ಧಮ್ಮಾ ಉಪ್ಪಜ್ಜನ್ತಿ ನಪುರೇಜಾತಪಚ್ಚಯಾ ¶ – ಪಟಿಸನ್ಧಿಕ್ಖಣೇ ಮಹಗ್ಗತಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಮಹಗ್ಗತೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. (೩)

ನಪಚ್ಛಾಜಾತಪಚ್ಚಯಾದಿ

೧೮. ಪರಿತ್ತಂ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ನಪಚ್ಛಾಜಾತಪಚ್ಚಯಾ… ನಆಸೇವನಪಚ್ಚಯಾ – ಪರಿತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ; ಏಕಂ ಮಹಾಭೂತಂ…ಪೇ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ…ಪೇ….(೧)

ಪರಿತ್ತಂ ಧಮ್ಮಂ ಪಟಿಚ್ಚ ಮಹಗ್ಗತೋ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ – ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಮಹಗ್ಗತಾ ಖನ್ಧಾ. (೨)

ಪರಿತ್ತಂ ಧಮ್ಮಂ ಪಟಿಚ್ಚ ಪರಿತ್ತೋ ಚ ಮಹಗ್ಗತೋ ಚ ಧಮ್ಮಾ ಉಪ್ಪಜ್ಜನ್ತಿ ನಆಸೇವನಪಚ್ಚಯಾ – ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಮಹಗ್ಗತಾ ಖನ್ಧಾ, ಮಹಾಭೂತೇ ಪಟಿಚ್ಚ ಕಟತ್ತಾರೂಪಂ. (೩)

೧೯. ಮಹಗ್ಗತಂ ಧಮ್ಮಂ ಪಟಿಚ್ಚ ಮಹಗ್ಗತೋ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ – ವಿಪಾಕಂ ಮಹಗ್ಗತಂ ¶ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ ಮಹಗ್ಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ…. (೧) ಮಹಗ್ಗತಂ ¶ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ – ಮಹಗ್ಗತೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ…ಪೇ…. (೨)

ಮಹಗ್ಗತಂ ಧಮ್ಮಂ ಪಟಿಚ್ಚ ಪರಿತ್ತೋ ಚ ಮಹಗ್ಗತೋ ಚ ಧಮ್ಮಾ ಉಪ್ಪಜ್ಜನ್ತಿ ನಆಸೇವನಪಚ್ಚಯಾ – ವಿಪಾಕಂ ಮಹಗ್ಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ¶ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ ಮಹಗ್ಗತಂ ಏಕಂ ಖನ್ಧಂ…ಪೇ…. (೩)

೨೦. ಅಪ್ಪಮಾಣಂ ಧಮ್ಮಂ ಪಟಿಚ್ಚ ಅಪ್ಪಮಾಣೋ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ – ವಿಪಾಕಂ ಅಪ್ಪಮಾಣಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. (೧)

ಅಪ್ಪಮಾಣಂ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ – ಅಪ್ಪಮಾಣೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೨)

ಅಪ್ಪಮಾಣಂ ಧಮ್ಮಂ ಪಟಿಚ್ಚ ಪರಿತ್ತೋ ಚ ಅಪ್ಪಮಾಣೋ ಚ ಧಮ್ಮಾ ಉಪ್ಪಜ್ಜನ್ತಿ ನಆಸೇವನಪಚ್ಚಯಾ – ವಿಪಾಕಂ ಅಪ್ಪಮಾಣಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ…. (೩)

೨೧. ಪರಿತ್ತಞ್ಚ ಅಪ್ಪಮಾಣಞ್ಚ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ – ಅಪ್ಪಮಾಣೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ಪರಿತ್ತಞ್ಚ ಮಹಗ್ಗತಞ್ಚ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ – ಮಹಗ್ಗತೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಪಟಿಸನ್ಧಿಕ್ಖಣೇ ಮಹಗ್ಗತೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. (೧)

ಪರಿತ್ತಞ್ಚ ಮಹಗ್ಗತಞ್ಚ ಧಮ್ಮಂ ಪಟಿಚ್ಚ ಮಹಗ್ಗತೋ ಧಮ್ಮೋ ಉಪ್ಪಜ್ಜತಿ ನಆಸೇವನಪಚ್ಚಯಾ – ಪಟಿಸನ್ಧಿಕ್ಖಣೇ ¶ ಮಹಗ್ಗತಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ…. (೨)

ಪರಿತ್ತಞ್ಚ ಮಹಗ್ಗತಞ್ಚ ಧಮ್ಮಂ ಪಟಿಚ್ಚ ಪರಿತ್ತೋ ಚ ಮಹಗ್ಗತೋ ಚ ಧಮ್ಮಾ ಉಪ್ಪಜ್ಜನ್ತಿ ನಆಸೇವನಪಚ್ಚಯಾ – ಪಟಿಸನ್ಧಿಕ್ಖಣೇ ಮಹಗ್ಗತಂ ಏಕಂ ಖನ್ಧಞ್ಚ ವತ್ಥುಞ್ಚ ಪಟಿಚ್ಚ ತಯೋ ¶ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಮಹಗ್ಗತೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಕಟತ್ತಾರೂಪಂ. (೩)

ನಕಮ್ಮಪಚ್ಚಯೋ

೨೨. ಪರಿತ್ತಂ ¶ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಪರಿತ್ತೇ ಖನ್ಧೇ ಪಟಿಚ್ಚ ಪರಿತ್ತಾ ಚೇತನಾ. ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಏಕಂ ಮಹಾಭೂತಂ…ಪೇ…. (೧)

ಮಹಗ್ಗತಂ ಧಮ್ಮಂ ಪಟಿಚ್ಚ ಮಹಗ್ಗತೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಮಹಗ್ಗತೇ ಖನ್ಧೇ ಪಟಿಚ್ಚ ಮಹಗ್ಗತಾ ಚೇತನಾ. (೧)

ಅಪ್ಪಮಾಣಂ ಧಮ್ಮಂ ಪಟಿಚ್ಚ ಅಪ್ಪಮಾಣೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಕುಸಲೇ ಅಪ್ಪಮಾಣೇ ಖನ್ಧೇ ಪಟಿಚ್ಚ ಅಪ್ಪಮಾಣಾ ಚೇತನಾ. (೧)

ನವಿಪಾಕಪಚ್ಚಯೋ

೨೩. ಪರಿತ್ತಂ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ – ಪರಿತ್ತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಏಕಂ ಮಹಾಭೂತಂ ಪಟಿಚ್ಚ ತಯೋ ಮಹಾಭೂತಾ…ಪೇ… ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಉಪಾದಾರೂಪಂ; ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ ಏಕಂ ಮಹಾಭೂತಂ…ಪೇ…. (೧)

ಮಹಗ್ಗತಂ ಧಮ್ಮಂ ಪಟಿಚ್ಚ ಮಹಗ್ಗತೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ – ಮಹಗ್ಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ…. (೧)

ಮಹಗ್ಗತಂ ¶ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ – ಮಹಗ್ಗತೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೨)

ಮಹಗ್ಗತಂ ಧಮ್ಮಂ ಪಟಿಚ್ಚ ಪರಿತ್ತೋ ಚ ಮಹಗ್ಗತೋ ಚ ಧಮ್ಮಾ ಉಪ್ಪಜ್ಜನ್ತಿ ನವಿಪಾಕಪಚ್ಚಯಾ – ಮಹಗ್ಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ¶ ರೂಪಂ…ಪೇ… ದ್ವೇ ಖನ್ಧೇ…ಪೇ…. (೩)

ಅಪ್ಪಮಾಣಂ ಧಮ್ಮಂ ಪಟಿಚ್ಚ ಅಪ್ಪಮಾಣೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ – ಕುಸಲಂ ಅಪ್ಪಮಾಣಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ…. (೧)

ಅಪ್ಪಮಾಣಂ ಧಮ್ಮಂ ಪಟಿಚ್ಚ ಪರಿತ್ತೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ – ಕುಸಲೇ ಅಪ್ಪಮಾಣೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೨)