📜
ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ
ಮಹಾಪಣಾಮಪಾಠ
(ಬುದ್ಧವನ್ದನಾ)
ಸೋ ¶ , ಕೋ; ನೇ, ಸಂ;
ಸತ್ಥಾ, ನೇಸಂ; ಖೇಮಂ, ದಾತಾ;
ಹೇಳಾತ-ಕ್ಕಾರೋ ಸೋ; ಜನ್ತೂನಂ, ನೋ ಮಾ ನು;
ಸೋ ಲೋಕನ್ಧಂ, ಹನ್ತ್ವಾ ನಕ್ಕೋ;
ಸತ್ತಮ್ಬೋಜಂ, ಬೋಧೇತಾ ನು.
ಜಿನಸೂರಿಯೋ, ತಿಭವನಭೇ;
ಮುಹತಿಮಿರಂ, ಅಭಿತಪಯೇ.
ಜೇನೋ ಜಿನಮೂಲೇ, ದಿಸ್ವಾ ಜನಕಾಯಂ;
ಸಂಸಾರನಿಮುಗ್ಗಂ, ಸಬ್ಬಞ್ಞುತ ಮಿಚ್ಛಂ.
ಹಿತ್ವಾ ಕರುಪೇತಂ, ಮೋಕ್ಖಂ ಪಣಿಧಾನಂ;
ವತ್ತೇಸಿ ದಯಾಣಾ, ಯೋ ತಂ ಮುನಿ ವನ್ದೇ.
ಸುತಾಯುಭರಿಯಾ ಮೇ, ಧನಙ್ಗಮಪಿ ಚಜ್ಜಂ.
ಚಿನಂ ಬುಧಿನಿದಾನೇ, ಅಗಾ ಮುನಿಯಂ ಮೇತಂ.
ಸೋ ಸಸಜಾತಿಯ ದೇಹಂ, ಚಜ್ಜಿಯ ದಾನವರಞ್ಚ;
ನಾಗುಸಭೋ ವರಸೀಲಂ, ಪೂರಯಿ ಸಮ್ಪರಿಚಾಗೋ.
ನೇಕ್ಖಮ್ಮಗ್ಗಂ ರಾಜಾ ಹುತ್ವಾ, ಸೇನಬ್ಬಿದ್ವಾ ಪಞ್ಞಾಸೇಟ್ಠಂ;
ವೇದೇಹಿನ್ದೋ ವೀರುಕ್ಕಂಸಂ, ಖನ್ತೀವಾದೀ ಖನ್ತೀಸೇಟ್ಠಂ.
ಸೋ ಸುತಸೋಮೋ ತಥಗಂ, ತೇಮಿಯ ಧಿಟ್ಠಾನವರಂ;
ಏಕಭುಗೋ ಮೇತ್ತವರಂ, ಲೋಮಹಸೋಪೇಕ್ಖತರಂ.
ಪಾರಮೀ ¶ ತಿದುಕ್ಕರಾವ, ಪೂರಿಯಾನ ಸೇಟ್ಠಬೋಧಿ;
ಪಾಪುಣಿತ್ಥ ಯೋ ಅನನ್ತ-ಧಮ್ಮಸಾರದಂ ನಮಾಮಿ.
ಪಹಾಯ ಚಕ್ಕವತ್ತಿಕಂ, ಕರೋಪನೀತ ಮದ್ದಿಯಂ;
ಭುಸಿಧರೇ ಸಸೇನಕಂ, ಅಜೇನಿ ಪಾಪಿಮಂ ನಮೇ.
ಅಥುತ್ತರಂ ಜಯಾಕರಂ, ಬಹೂಪಕಾರತಂ ಜಿನೋ;
ಪಟಿಚ್ಚ ನಿಮ್ಮಿಸಕ್ಖಿಭಿ, ಉದಿಕ್ಖತೇ ನಮಾಮಿ ತಂ.
ಚಙ್ಕಮೇ ಮರುವಿಮತಿ ಯೋ, ಛಿನ್ದಯಂ ಕಮಿ ರತನಿಯೇ;
ಇದ್ಧಿಪಾಟಿಹಿರಣಕರೋ, ಚಕ್ಖುಮಂ ತಮಭಿಪಣಮೇ.
ಅಥ ರತನಘರೇ ಬುದ್ಧೋ, ಛದಿಧಿತಿ ಜನಯಂ ಸಙ್ಖ್ಯಂ;
ಸೀಮೀಸಾ ತಮಭಿಧಮ್ಮಂ ಯೋ, ಸುರನರಮಹಿತಂ ವನ್ದೇ.
ನಿಗ್ರೋಧನ್ತಿಕ ನುಬ್ಭವೀ ಸುಖಂ, ಧಮ್ಮಂ ಯೋ ವಿಚಿನಂ ನಧೀವರೋ;
ಕಿಚ್ಛಾಲದ್ಧ ಮನಞ್ಞಬೋಧಿಯಂ, ವನ್ದೇ ತಂ ಸುಗತಂ ನಿಗ್ರೋಚರಂ.
ಸಬ್ಭೋಗೇಹಿ ಥ ಮುಚಲಿನ್ದೇನ,
ನಾಗಿನ್ದೇನ ರಹಸಿ ಪಾವುತ್ತೋ;
ಸೋಖ್ಯಂ ಯೋ ನುಭವಿ ವಿಮುತ್ತಿಂತಂ,
ವನ್ದೇ ಮಾರಾಜಿ ಅತುಲಪ್ಪಞ್ಞೋ.
ಕಾರುಣಿಕೋ ರಾಜಾಯತನೇ ಯೋ,
ಭೋಜ ಮುಳಾರಂ ಭೋಜ್ಜರಸೇಕಂ;
ವಾಸ ಮಕಾ ನನ್ತಗ್ಗುಣಧಾರೋ,
ಏಕಗತೋ ವನ್ದಾಮಿ ಮಹೇಸೀ.
ಕೇಯ್ಯಂ ಕೇಯ್ಯಂ ಅಭಿಜಯಕೇತುಂ,
ಜೇಯ್ಯಂ ಜೇಯ್ಯಂ ವರಜಯಪಾನಂ;
ಪೇಯ್ಯಂ ಪೇಯ್ಯಂ ಸುವಿಚಿ ನಮೇ ತಂ,
ನೇಯ್ಯಂ ನೇಯ್ಯಂ ಸಮತಮುಪೇಕ್ಖಿಂ.
ಸತ್ತ ಚ ಸತ್ತಾಹೇ ವಿಜಿತಾವೀ,
ಖೇಪಿಯ ನಿಗ್ರೋಧಂ ಪುನ ಗನ್ತ್ವಾ;
ಧಮ್ಮಸುದುದ್ದಸ್ಯಂ ಪತಿ ಜಾತೋ,
ಧಮ್ಮಕಥಾ ಪ್ಪೋಸುಕ್ಕ ವಿತಕ್ಕೋ.
ಮರುಗಣೇಹಿ ¶ ಬ್ರಹ್ಮುನಾ ಸಮಂ,
ರತನದಾಮಮೇರುಣಾ ದದಾ;
ಸಮಭಿಯಾಚಿತೋ ಪಟಿಸ್ಸವಂ,
ದಸಬಲೋ ನಮಾಮಿ ದೇಸಿತುಂ.
ಗನ್ತ್ವಾ ಇಸಿಪ್ಪಾತಕ್ಕಾನನಞ್ಚ,
ಸತ್ಥಾ ಮಿಗದ್ದಾಯಂ ದೇಸಯಿತ್ಥ;
ಸಚ್ಚಪ್ಪಕಾರಂ ಯೋ ಧಮ್ಮಚಕ್ಕ-
ಸುತ್ತಂ ನಮೇ ಛಬ್ಬೀಧಂಸು ತಾವ.
ರಞ್ಞೋ ಮಗಧಸ್ಸ ಕತಪ್ಪಟಿಞ್ಞೋ,
ಗನ್ತ್ವಾನಥ ರಾಜಗಹಂ ವಿನೇತಿ;
ಸತ್ತೇ ಮಲರೋಗಯುತೇ ಗದಗ್ಗಂ,
ಪಾಯೇತುನ ತಂ ಪಣಮೇ ಭಿಸಕ್ಕಂ.
ಸಕ್ಯಾಧಿವಾಸೇ ಕಪಿಲೇ ಸಞ್ಞತಿಂ,
ಮಾನದ್ಧಜಂ ಭಿನ್ದಿಯ ಮಿದ್ಧಿವಾತಾ;
ಧಮ್ಮಾಮತಂ ಪಾಯಿ ಪಿತುಪ್ಪಭುತಿ,
ವನ್ದಾಮಿ ಸಕ್ಯಿನ್ದ ಮನೋಮದಸ್ಸಿಂ.
ಅನಾಥಪಿಣ್ಡೋತಿ ವ್ಹಯೇನ ನನ್ತ-
ದ್ಧನಂ ಚಜಿತ್ವಾ ಸುಕತೇ ವಿಹಾರೇ;
ವಿಹಾಸಿ ಭಿಯ್ಯೋ ಜನತಾ ಹಿತತ್ಥಂ,
ಸುಧಮ್ಮಭೇರಿಂ ವದಯಂ ಭಿವನ್ದೇ.
ಉಪೇತಪುಞ್ಞಂ ವರಲಕ್ಖಣೋಕಂ-
ಣೋಕಂ ವಿಸುದ್ಧಂ ಜಲಿತಪ್ಪದೀಮಂ;
ದೀಪಂ ಪಜಾನಂ ಅನಿಘಂ ನವಜ್ಜಂ-
ನವಜ್ಜವಾಚಂ ಸುಗತಂ ನಮಾಮಿ.
ಮುನಿಭಾನು ಧಮ್ಮಪಭಾಹಿ ಜನ-
ಮ್ಬುಜ ಮುದ್ಧತನ್ಧತಮೋ ಸುತಪೋ;
ಕರುಣಾರುಣೋ ಸಮಬೋಧಯಿ ಯೋ,
ಭವಿಸೀತಲತ್ತಪನೋ ಪಣಮೇ.
ಇನ್ದು ವಿಯಮ್ಬರಮಜ್ಝತಲೇ ಯೋ,
ರಾಜತಿ ತಾರಗಣೇನ ಮುನಿನ್ದೋ;
ಅರಿಯಗಣಪ್ಪರಿತೋ ತಿಭವೇ ತಂ,
ಸಾದರ ಮುಗ್ಗತಸೋಭ ಮವನ್ದಿ.
ಮೂಲಾಮೂಲಾ ¶ ತಿಂಸತಿಪಾರಮಿಯೋ,
ಸಾಖಾಸಾಖಾ ಮಜ್ಝಿಮಜ್ಝಾನಕಾಯಾ;
ಪತ್ತಾಪತ್ತಾ ಬುದ್ಧಚಕ್ಖುನಿ ಯಸ್ಸ,
ಪುಪ್ಫಾಪುಪ್ಫಾ ಕಾರುಣಾ ಮಗ್ಗಖನ್ಧೋ.
ಸಾರಾಸಾರಾ ಯಮಕಾ ಫೇಗ್ಗುಭಿಞ್ಞಾ,
ಸಬ್ಬಾಲಮ್ಬಙ್ಕುರಕಂ ಸೀಲವಣ್ಟಂ;
ಸೇಸಾಧಮ್ಮಾ ಮಧುಪಕ್ಕಪ್ಫಲಾನಿ,
ರಂಸೀಛಲ್ಲೀ ಸುತಚಾ ಲಕ್ಖಣಾನಿ.
ಛಾಯುಪಗಾ ಸುಂ ಪುಥುನರದೇವಾ,
ಮಾರಜಿದೀಪಙ್ಕರ ಮಹಿಜಾತಂ;
ಪತ್ಥತನನ್ತಞ್ಚ ಕುಸಲಬೀಜಂ,
ಏಕರುಹಂ ಪಾದಪಮುನಿ ವನ್ದೇ.
ಮಾರತಿತ್ಥಿಯರಿಪುಂ ತಮಞ್ಚ ಯೋ,
ಧಂಸಯಂ ನಗರಧಮ್ಮ ಮಾಪಯಂ;
ಸೀಲನೀವರಣ ದ್ವಾರಕೋಟ್ಠಕಂ,
ಏಸಿಕಾಪರಮಸದ್ಧ ಮುತ್ತಮಂ.
ದ್ವಾರಪಾಲಸುಯತಂ ಸತಿಟಾಲಂ,
ಞಾಣಚಚ್ಚರ ಸಿಘಾಟಪದಿದ್ಧಿಂ;
ಧಮ್ಮಮಗ್ಗಕುಟಿಸಾಲ ಸಹಿತ್ತಂ,
ಧಮ್ಮಸೇನಪತಿಸಾರಿಜಭೂತಂ.
ದುತಿಯಸುತಪರೋಹಿತಂ ಮಹಾ-
ಧುತಗುಣಧರಮಗ್ಘ ದಸ್ಸಿಕಂ;
ವಿನಯಚಿನಕ ಧಮ್ಮರಕ್ಖಕಂ,
ತಿಭವಪತಿಕ ಧಮ್ಮರಾಜಿಯಂ.
ಸುತಂ ಸುತಂ ಸಬ್ಬಧಿ ಸಜ್ಜನಂಜನಂ,
ಮಿತಂ ಮಿತಂ ನನ್ತಗುಣಾಲಯಂ ಲಯಂ;
ಹುತಂ ಹುತಂ ಜನ್ತುನಮಾನಮಂ ನಮಂ,
ಭವೇ ಭವೇ ತೇಭವಮಙ್ಗಲಂ ಗಲಂ.
ಲೋಕಾಭಿರಾಮಂ ರಮಣೇಯ್ಯವೇದುರಂ,
ಲೋಕನ್ತಗುಂ ಅನ್ತುಭಯಾನುಪಾಗತಂ;
ಲೋಕದ್ಧಜಂ ಮಾನಧಜಪ್ಪಹಾರಕಂ,
ಲೋಕಗ್ಗರುಂ ಅಗ್ಗರು ಪಚ್ಚಯೇ ನಮೇ.
ಮಕುಟಗ್ಗಫಲಂ ¶ ನಯನಞ್ಚನಿಕಂ,
ಸವನಬ್ಭುಸನಂ ವದನಬ್ಭುಸನಂ;
ಗಲಮಣ್ಡನಮಿದ್ಧಿ ಮನಞ್ಞುರಸಂ,
ಕಿರಿಯಞ್ಞುದರಂ ದ್ವಿಖಣಞ್ಞುಕರಂ.
ಕಟಿವಿಭೂಸನ ಮಜ್ಝಿಮಞ್ಞಣಕಂ,
ದಯವಿಲೇಪನ ಧಾರಣಮಣ್ಡನಂ;
ಪಟಖಿಲಞ್ಞುನಿವತ್ಥ ಮನುತ್ತರಂ,
ಮುನಿಮರುತ್ತಮ ಮೇಕ ಮಹಂ ನಮೇ.
ಸತಿವರ ಸುಚಕಂ ಇಬ್ಭಗ್ಗಪಞ್ಞಂ,
ಸುವೀರಿಯವಸುವಾಹಂ ಪೀತಿಸೇಲಂ;
ಗಹಪತಿಸಮಥಗ್ಗಂ ಥೀಪಸದ್ಧಿಂ,
ಅಸಣಿಯಸುನುಪೇಕ್ಖಂ ಸತ್ತಭೋಗಂ.
ಚತುದಿಸಿಕಿದ್ಧಿಪ್ಪದ ಮಸಹಾಯಂ,
ಸುಪರಿವುತಂ ಖತ್ತಿಯವಿರಜಾನಂ;
ಸುಚಿಪರಿಸಂ ದೇವನರ ಮನಾಪಂ,
ದಸಬಲಚಕ್ಕಾಧಿಪತಿ ಭಿವನ್ದೇ.
ಸಮಾಧಿಬ್ಬಹಿದ್ಧಂ ಸತಿಚ್ಛಟ್ಠಸೇಲಂ,
ವಿರಪ್ಪಞ್ಚಮಾ ಜೀವಮಜ್ಝಂ ಸುಕಮ್ಮ-
ತ್ತತಿಯಂ ಸುವಾಚಾದುತಿಯಂ ಭಿಸೇಟ್ಠಂ,
ಸಮಾತಕ್ಕಪುಬ್ಬಞ್ಚ ಸತ್ತಪ್ಪವಾರಂ.
ವಿವಿಧಞಾಣಪಭುತಿಬ್ಬಸಾಕರಂ,
ಬಹುಮಹಿದ್ಧಿಕ ಮರೂನ ಮಾಸಯಂ;
ಧುಂವಪಭಾಜಲಿತರಾಮಣೇಯ್ಯಕಂ,
ಸುಗತನೇರುನಗರಾಜ ಮಾನಮೇ.
ಸೀಲಜ್ಜಲಂ ರತನಧಮ್ಮ ಮಾಕರಂ,
ಭಿಞ್ಞಾವಿಚಿಂ ಸತಿಕುಲಟ್ಠಿ ಗಮ್ಭಿರಂ;
ವಿತ್ಥಿಣ್ಣಞಾಣ ಮರಿಯೋದಜಾಸಯಂ,
ಅಟ್ಠಮ್ಬೀಧಚ್ಛರಿಯಕಂ ಅಸನ್ದನಂ.
ಬಹುನಜ್ಜಮೋಸರಣ ಮೇಕರಸಂ,
ದುರುಪಗ್ಗಮಂ ಅಚಿತಸಮ್ಭರಿನಂ;
ಪುಥುಪೋತಪುಞ್ಞವತಮೇವ ನಮೇ,
ದ್ವೀಪದುತ್ತಮಣ್ಣವ ನದಿನ್ದವರಂ.
ಅಭಿನಿಹರಧನುಂ ¶ ಗುಣಪಾರಮಿಂ,
ನಳಮತಿಮನಬಾಜರಹಮ್ಮುಖಾ;
ಧಿತಿಸಮಿತಸರೇನ ಸುಧಾರಯಂ,
ಮಲಮ ಗಗಣ ಮೇಕಪವೇದನಾ.
ಯೋ ಪಾವೇಧೇಸಿಂ ಅಗ್ಗಮಗ್ಗಞ್ಚ ತೂಣಿಂ,
ಧಮ್ಮಾಲಙ್ಕಾರಬ್ಬಮ್ಮ ಮೇಕಬ್ಬಲಂ ತಂ;
ನೇತ್ತಿಂಸಾನನ್ತಞಾಣ ಗೀರೇಲ್ಲಿಮನ್ತಂ,
ಸಬ್ಬಞ್ಞುಸ್ಸಾಸಂ ಇದ್ಧಿದಣ್ಡಂ ನಮಾಮಿ.
ವರತಪವುಟ್ಠಿ ಸುಬೀಜಕಸದ್ಧಾ,
ಮತಿಯುಗನಙ್ಗಲ ಹೀರುತಪೀಸಾ;
ಸುಸಮಥರಜ್ಜು ಸತಿದ್ವಿಜತುತ್ತಂ,
ವೀರಿಯದುರಾವಹ ಸಚ್ಚನಿದಾನಂ.
ವತಿಸಂವರಂ ಸೋರತಮೋಚನಞ್ಚಂ,
ಸರಣಾ ನಿವತ್ತಬ್ಬಹನತ್ಥಂ ಯಸ್ಸ;
ಅಮತಪ್ಫಲಂ ನೇಕರಸೇಹುಪೇತಂ,
ಸುಗತಂ ಮಹಾಕಸ್ಸಕ ಮಾಭಿವನ್ದೇ.
ದೇವಗ್ಗೋ ತಿದಸಪುರೇ ವರಾಸನೇ ಯೋ,
ದೇವಾನಂ ಜನಿಕಪಭುತಿನಂ ಭಿಧಮ್ಮಂ;
ಬಾಲಕ್ಕೋವ ಲಳಯಮಾಚಲೇ ತಿಮಾಸಂ,
ದೇಸೇಸ್ಯಾ ಪರವಿಸಯಂ ನಮೇ ಅಜೇಯ್ಯೋ.
ಮಹಾಯಸೋ ವಿವಿಧಸುಭಪ್ಪಕಾಸಕಂ,
ಕುರೂಸು ಯೋ ಅಮಿತಗುಣೋ ತಮೋನುದೋ;
ಪರಪ್ಪವಾದಹರಿ ಸುಭಾನುಯೋಗಿನಂ,
ನಮಾಮಿ ತಂ ಕಥಯಿ ಸತಿಪ್ಪಠಾನಕಂ.
ಸಮಥಕಪಲಿಕೋ ಸಸ್ನೇಹಸಮ್ಮಾಸತಿ,
ಪರಮಮತಿಗಿನೀ ಸವಟ್ಟಿಪರಕ್ಕಮೋ;
ಸಕಲಜುತಿಕರೋ ಸುಧಮ್ಮಪದೀಪಕೋ,
ಇಮ ಮುಪಜಲಿತೋ ಜಿನೇನ ನಮಾಮಹಂ.
ವಿಗತಗತಮಲಂ ಮಲಗತವಿಗತಂ,
ಮಹಿತ ಹಿತಮನಂ ಮನಹಿತಮಹಿತಂ;
ವಿಭವಭವಕರಂ ಕರಭವವಿಭವಂ,
ಸುಜನ ಜನಗುಣಂ ಗುಣಜನಸುಜನಂ.
ಸೀಲಗ್ಗದಣ್ಡವಿಚಿತಂ ¶ ಸುಸಮಾಧಿಪತ್ತಂ,
ಸೋಭಾಸಮುಜ್ಜಲ ಮನನ್ತಗ ಞಾಣಸೀಖಂ;
ಸದ್ಧಮ್ಮಸೇಟ್ಠರತನಞ್ಚ ತಿಲೋಕಕೇತುಂ,
ವನ್ದಾಮಿ ಲೋಚನಭಿಸೇಕ ಸುಸೋಭಯುತ್ತಂ.
ವಿನಯನಯ ಮನಯವಿನಯ ಮನಮಿತಂ,
ವಿಜಯಜಯ ಮಜಯವಿಜಯ ಮತುಲಿತಂ;
ವಿಭಜಭಜ ಮಭಜವಿಭಜ ಮನನಕಂ,
ವಿಸಮಸಮ ಮಸಮವಿಸಮ ಮಭಿನಮೇ.
ಪರಮರಮ ಮರಮಪರಮ ಮತಿಗುಣಂ,
ಪಗಹಗತಿ ಮಗತಿಪಗತ ಮಮಮಕಂ;
ಪಚಯಚಯ ಮಚಯಪಪಯ ಮನಣಕಂ,
ಪಕತಕತ ಮಕತಪಕತ ಮಚಲಕಂ.
ಉಜುಕ ಮಯನಮಗ್ಗೇ ಮೋಕ್ಖದೇಸಂ ನಿಯಾಸಿ,
ವರರಥಕುಜರೇನ ಚಮ್ಮಚಕ್ಕೇನ ಸತ್ಥಾ;
ಹಿರಿತಪದುಕಪಾಲಮ್ಬೇನ ಧಮ್ಮಸ್ಸುತೇನ,
ಸತಿನಿವರಯುತೇನ ಪ್ಪಾಟಿಹಿರದ್ಧಜೇನ.
ಅವಿಹನನಕ್ಖಿನಾ ಸುಯಮ ನೇಮುಪಕ್ಖರಾ,
ಉದರಿಯಮಬ್ಭಿನಾ ಪರಿಪುರಙ್ಗಸಚ್ಚಿನಾ;
ಕುಸಲವಿಭೂಸಿನಾ ನಿಮದಕುಪ್ಪರೇನ ಯೋ,
ಅಖರನತೇಸಿನಾ ಗುಪಿತಸಿಲನನ್ದನಾ.
ಅನುಸನುಘಾತಿನಾ ಮತಿಪುರೇಜವೇನ ಕಾಲ-
ಞ್ಞುತಮತಿಸಾರಿಕೇ ನ ಚ ವಿಸಾರದತ್ಥಿದಣ್ಡಾ;
ಸತಿತುದ ಧೀತಿರಸ್ಮಿ ಮನದಮ್ಮಸಿನ್ಧವೇನ,
ವಿನಯಗಣೇ ನಮಾಮಿ ತ ಮತುಲ್ಯಸತ್ಥವಾಹಂ.
ಯಮಕ್ಕಗ್ಗಿಜಾಲಂ ಪರವಿಸಯ ಮಚ್ಛೇರಸಹಿತಂ,
ದುದಿಟ್ಠನ್ಧುಬ್ಬಾಹಂ ಯುಗಗಹಣತಿತ್ಥೀನ ಮಕರೀ;
ಬಹೂನಂ ಮಜ್ಝೇ ಯೋ ರತನಕಮನೇ ಪಾಟಿಹರಿಯಂ,
ಜಯಕ್ಕೇತುಸ್ಸಾಪಿ ತ ಮಭಿನಮಿ ಕಣ್ಟಮ್ಬಸಮಿಪೇ.
ನಖಜುತಿರಜಂ ಚಕ್ಕಙ್ಗೋಪೇತ ಪಾದವರಮ್ಬುಜಂ,
ಸುಭಸಿರಿಮತೋ ರಂಸಿಜಾಲಙ್ಗುಲಿದಸಸಂಸುಭಿಂ;
ಪವರಸಿರಸಾ ದೇವಾದೇವಾ ಸದಾ ನ ಪಿಲನ್ಧಯುಂ,
ತ ಮತಿವ ಮನೋರಮ್ಮಂ ತಿತ್ತೀಕರಾ ನಮಿ ಯಸ್ಸ ಕೇ.
ಬುದ್ಧೋಪ್ಯೇಕೋ ¶ ನಿಧನಗುಣಿನೋ ವಣ್ಣಯೇ ಯಾವಜೀವಂ,
ಕಾಮಂ ಅಞ್ಞಂ ಕಥಮಭಣ ಮಾಸುಂ ಖಿಯೇಥಾ ಯುಕಪ್ಪೋ;
ನ ತ್ವೇವಾ ಯಂ ಖಯ ಮುಪವಜ್ಜೇ ಯಸ್ಸ ವಣ್ಣೋ ಅನನ್ತೋ,
ತಂ ಸಬ್ಬಞ್ಞುಂ ಸಕಲರಿರೀ ನೇಕನಾಥಂ ನಮಾಮಿ.
ಪಾದಿದೀಪಾದಂ ದ್ವಿನಯನದಿಜಂ ಧಮ್ಮಕಾಯಂ ಧಿಸೋಣ್ಡಂ,
ಭಾಣೀಸೋಣ್ಡಗ್ಗಂ ಸರಣಸಿರಸಿಂ ಮಗ್ಗಾವಾಲಂ ಸುಭಙ್ಗಂ;
ಸೀಲಾಲಙ್ಕಾರಂ ವಿಮಲಿಭವು ತಂ ಸತ್ತತಿಟ್ಠಿಧಿದಬ್ಬಂ,
ನಾಥೇಭಿನ್ದಗ್ಗಂ ಫಲಕರಿಣುಕಂ ಮೋಕ್ಖಭೋಜಂ ನಮಾಮಿ.
ಮಲಾಲೋಳುಲ್ಲೋಲಂ ಅತಿಭಯಜನಂ ದುಗ್ಗಸಂಸಾರಸಿನ್ದುಂ,
ಫಿಯಬ್ಭಾನಿಗ್ಗಾಹೋ ಸಿವತಟಮುಖೋ ನಾವಿ ಕಜ್ಜೇಟ್ಠನಾಥೋ;
ಪದಪ್ಪಾರಕ್ಕಾಮಂ ಬಹುಜನಗಣಂ ಏಕಮಗ್ಗತ್ತರಮ್ಹಿ,
ಸಮಾರೋಪೇತ್ವಾ ಮತ್ತರಿ ತ ಮತುಲಸಾದರಞ್ಚಾ ಭಿವನ್ದೇ.
ಬ್ಯಾಮಂಸುಗ್ಘನಧಾರ ಮಕ್ಕುಳುಸತಬ್ಭಾಣುಜ್ಜಲನ್ತತ್ತನಂ,
ಉಕ್ಕಂಸಜ್ಜುತಿ ಕೇತುಮಾಲವಿಚಿತಂ ಸದ್ಧಮ್ಮಜೋತಿನ್ಧರಂ;
ಬುನ್ದಿನ್ನಿಗ್ಗತಪಜ್ಜಲನ್ತ ದಿಧಿತಿಂ ಅಜ್ಜತ್ಥನಾ ಯಾವ ಚ,
ವನ್ದೇತಂ ಮುನಿ ಸಕ್ಯಪುಙ್ಗವ ಮಹಂ ಪುಣ್ಣಿನ್ದುವತ್ತಮ್ಪಿ ಚ.
ಸತ್ತಮಂತಮಂ ವಿನಾಸಕಂಸಕಂ ದದಂ ವಿನೇಯ್ಯಕಾನಮೇವ,
ಭಾವನಂವನಂ ಧುಲೀಕರಂ ಕರಂ ತಿದುಕ್ಕರಂ ಪಜಾಭಿಭುಞ್ಜ;
ಗಾರವಂರವಂ ಮನೋಹರಂಹರಂ ನರಾನರಾನಯಂ ನಮಾಮಿ,
ಸಾದರಂದರಂ ವಿನೋದಕಂದಕಂ ಪವಸ್ಸಕಂ ಪಜಾನಮಿವ.
ಬುದ್ಧೋ ನಿಗ್ರೋಧಬಿಮ್ಬೋ ಮುದುಕರಚರಣೋ ಬ್ರಹ್ಮಘೋಸೇಣಿಜಙ್ಘೋ,
ಕೋಸಚ್ಛಾದಙ್ಗಜಾತೋ ಪುನರಪಿ ಸುಗತೋ ಸುಪ್ಪತಿಟ್ಠಿತಪಾದೋ;
ಮುದೋದಾತುಣ್ಣಲೋಮೋ ಅಥಮಪಿ ಸುಗತೋ ಬ್ರಹ್ಮುಜುಗ್ಗತ್ತಭಾವೋ,
ನೀಲಕ್ಖೀ ದೀಘಪಣ್ಹೀ ಸುಖುಮಮಲಛವೀ ಥೋಮ್ಯರಸ್ಸಗ್ಗಸಗ್ಗೀ.
ಚತ್ತಾಲೀಸಗ್ಗದನ್ತೋ ಸಮಕಲಪನಜೋ ಅನ್ತರಂಸಪ್ಪಪೀಣೋ,
ಚಕ್ಕೇನಙ್ಕೀತಪಾದೋ ಅವಿರಳದಸನೋ ಮಾರಜುಸ್ಸಙ್ಖಪಾದೋ;
ತಿಟ್ಠನ್ತೋನೋಮೇನ್ತೋ ಭಯಕರಮುದುನಾ ಜಣ್ಣುಕಾನಾ ಮಸನ್ತೋ,
ವಟ್ಟಕ್ಖನ್ಧೋ ಜಿನೋ ಗೋತರುಣಪಖುಮಕೋ ಸೀಹಪುಬ್ಬಡ್ಢುಕಾಯೋ.
ಸತ್ತಪ್ಪೀಣೋ ಚ ದೀಘಙ್ಗುಲಂ ಮಥ ಸುಗತೋ ಲೋಮಕೂಪೇಕಲೋಮೋ,
ಸಮ್ಪನ್ನೋದಾತದಾಠೋ ಕನಕಸಮತಚೋ ನೀಲಮುದ್ಧಗ್ಗಲೋಮೋ;
ಸಮ್ಬುದ್ಧೋ ಥೂಲಜಿವ್ಹೋ ಅಥ ಸೀಹಹನುಕೋ ಜಾಲಿಕಪ್ಪಾದಹತ್ಥೋ,
ನಾಥೋ ಉಣ್ಹೀಸಸೀಸೋ ಇತಿ ಗುಣಸಹಿತಂ ತಂ ಮಹೇಸಿಂ ನಮಾಮಿ.
ವಟ್ಟಚಿತಾನುಪುಬ್ಬಕಸುಭಙ್ಗುಲೀ ¶ ರುಹಿರಮಟ್ಠತುಙ್ಗನಖಕೋ,
ನಿಗ್ಗುಳಗೋಪ್ಫಕೋ ಸಮಪದೋ ಸೀಹೋಸಭಿಭ ಹಂಸಸನ್ನಿಭಕಮೋ;
ದಕ್ಖಿಣತಾವತಕ್ಕಮಿ ಸಮನ್ತಮಣ್ಡಲ ನಿಗಣ್ಠಿ ಜಾಣುಸುಭಕೋ,
ಬ್ಯಞ್ಜನಪುಣ್ಣಪೋಸತನು ನಾಭಿಗಮ್ಭೀರ ಅಛಿದ್ದದಕ್ಖಿಣವಟೋ.
ದ್ವಿರದಕರಪ್ಪಕಾಸುರುಭುಜೋ ಸುವಿಬ್ಭಜನುಪುಬ್ಬಮಟ್ಠಅನುನಾ-
ನುನಅಲಿನಾನುಪುಬ್ಬರುಚಿರ ತ್ತಿಲಾದಿರಹಿತಬ್ಬಿಸುದ್ಧತನುಕೋ;
ದಸಸತಕೋಟಿ ಹತ್ಥಿಬಲಧಾರಣೋ ಕನಕತುಙ್ಗನಾಸಿಕಸುಭೋ,
ಸುರುಹಿರದನ್ತಮಂಸಥ ಸುಚಿಸಿನಿದ್ಧದಸನೋ ಥ ಲೋಕಸರಣೋ.
ಸುದ್ಧಪಸಾದಿನ್ದ್ರಿ ಚ ವಟ್ಟತರದಾಠೋ ರುಹಿರೋಟ್ಠ ಚ ಸುರನರನಾಥೋ,
ಆಯತಸೋಭಬ್ಬದನೋ ಥ ಮುನಿ ಗಮ್ಭೀರುಜುಕಾಯತಸುರುಚಿರಲೇಖೋ;
ಬ್ಯಾಮಪಭಾಮಣ್ಡಲಬುನ್ದಿ ಸುಪುರಗ್ಗಣ್ಣಿ ಚ ಆಯತವಿಸಟಸುಭಕ್ಖೀ,
ಪಞ್ಚಪಸಾದಕ್ಖಿ ಚ ಕುಞ್ಚಿಕಸುಭಗ್ಗಪಖುಮೋ ಮುದುತನುರುಣಜಿವ್ಹೋ.
ಸೋಮ್ಮಸಿನಿದ್ಧ ತ್ಯುಜ್ಜಲಕೋಮಲ ವರುಣವಿಮಲತನು ಚ ಅಮಿತಗುಣೋ,
ಕೋಮಲ ದಕ್ಖಿಣಾವಟ ಅಞ್ಜನಭಿದಸರಿಸನಿಲಕ ಮುದುತನುರುಹೋ;
ದಕ್ಖಿಣವಟ್ಟಕೋಮಲ ಸಣುಸಮಸುನಿಲ ಅಲುಲಿತ ಸಿರರುಹಿ ಜಿನೋ,
ಸೋಭಣಸಣ್ಠಾನೋ ಥ ಸಿನಿದ್ಧಸಿರರುಹಿ ಚ ಸುಪಚಿತಸತಕುಸಲ ಜೋ.
ನಿಗ್ಗುಳೋನಿಗ್ಗನ್ತಿಚ್ಛತ್ತಸ್ಸರಿಸಅತಿಸುಭಗಸಿರ ಚಾಯತಾರುಚಿ ಕಣ್ಣಕೋ,
ಸೋಸಣ್ಠಾನಸ್ಸಣ್ಹಾಹಾರಾನುಕಮಪಹುತಭಮುಥ ಸುಆಯತಬ್ಭಮುಕೋ ಚ ಸೋ;
ಸುಗ್ಗನ್ಧಗ್ಗತ್ತೋ ಮುದ್ಧಿಚಾಥ ವದನಿ ಚ ಪುಥುಲಕನಲಾಟ ಆಯತಸೋಭಣೋ,
ಅಸ್ಸಾಸಪ್ಪಸ್ಸಾಸಾತಿಸ್ಸಣು ಧರಮಸಮಸಮ ನಮಿ ಕೇತುಮಾಲವಿಚಿತ್ತಕಂ.
ಬುದ್ಧುಪ್ಪಾದೋ ಕಿಮಙ್ಗಂ ಅತಿದುಲಭತರಂ ಘೋಸಮತ್ತಮ್ಪಿ ಲೋಕೇ,
ತಸ್ಮಾ ನಾನಪ್ಪಕಾರಂ ಸಪರಹಿತಸುಖಂ ವಿದ್ಧಸೂ ಪತ್ಥಯನ್ತಾ;
ಯಾತಿಟ್ಠತ್ಥಾವ ಹಂ ತಂ ಸುರನರಸರಣಂ ಅನ್ತರಾಯಪ್ಪಹಾನಂ,
ಪುಞ್ಞಕ್ಖೇತ್ತೇಕಭೂತಂ ಸುಗತಮವಿರತಂ ಸಾಧು ವನ್ದನ್ತು ಸನ್ತೋ.
ಖೇತ್ತವರಙ್ಗತತ್ಥುತಿಪುರೇ ಜವಪಣಮ ತೇಜಸಾ ಇಧ ಭವೇ,
ರೋಗಭಯಾದ್ಯುಪದ್ದವಹತೋ ಅನುನಸುಖ ಭೋಗಪುಞ್ಞಮತಿಕೋ;
ದೇವಮನುಸ್ಸಭೋಗಪವರಂ ಪರತ್ಥನುಭಾವಞ್ಚ ಅನ್ತಿಮಭವೇ,
ಅಞ್ಞತರೋ ತಿಬೋಧಿಪವರೇ ಭವಿಸ್ಸತಿ ಯಥಾಸಯಂ ಕತನತೋ.
ಪುಞ್ಞೇನಾನೇನ ¶ ಸೋಹಂ ನಿಪುಣಜವಮತಿ ಪೇಮವಾಚೋ ಸಖೀಲೋ,
ಸದ್ಧೋ ಕಲ್ಯಾಣಮಿತ್ತೋತಿಸರಣಗಮನೋ ಸೀಲವಾ ಚಾಗಯೋಗೋ;
ಹಿರೋತ್ತಪ್ಪೀ ಸುದಕ್ಖೋ ಅವಿತಸುಚರಿತೋ ಧಿತಿಮಾ ಸಚ್ಚಭಾಣೀ,
ಬಾಹುಸ್ಸಚ್ಚಿ ವಿಭಾಗಿ ಸಪರಹಿತಕರೋ ವಗ್ಗುರಾವೋ ಭಿರುಪೋ.
ದೀಘಜ್ಜೀವಿ ನಿರೋಗೋ ಸುಚಿಕುಲಪಸ್ಸುತೋ ಧಮ್ಮರತ್ತೋ ವಿರತ್ತೋ,
ನಿಚ್ಚಾಪಲ್ಯೋ ಕತಞ್ಞು ಅತಿಮುದುಜುಮನೋ ಸಾಧುಭಾವಾದಿವಿಞ್ಞೂ;
ಧಮ್ಮಾಜೀವೋ ಭವೇಯ್ಯಂ ಬಹುಕುಸಲರತೋ ಅಪ್ಪಕೋಧೋ ಅಲುದ್ಧೋ,
ಏವಞ್ಚಞ್ಞಂ ಕರೇಯ್ಯಂ ಪಣಿಧಿ ಚರಿಮಕೇ ಮೋಕ್ಖನಿಬ್ಬಾನಭಾಗೀ.
(೧) ಮಹಾಕಥಂ ಬುದ್ಧಘೋಸೋ, ತನುಮೇವ ಕರಂಅಪಿ;
ಚಜಂ ಹೇಯ್ಯಾ ದಿಯಾ ದೇಯ್ಯಂ, ಅಕರಿತ್ಥ ಯಥಾ ತಥಾ.
(೨) ಮಹಾಪಣಾಮಪೋರಾಣಂ, ಕಿಞ್ಚಿ ಏವ ಪುನಪ್ಪುನಂ;
ಕಾಮೋಕ್ಕಮಂ ದುಧಾರಞ್ಚ, ಚಜಂ ದೇಯ್ಯಾ ದಿಯಞ್ಞತ್ಥ.
(೩) ಸುತಜ್ಜಯ ಅನುಭವ-ಟ್ಠಪನತ್ಥೇನ ಲಞ್ಛಿನಾ;
ಸುತೇನ ಗರುನಾನೇನ, ಕತೋಯಂ ಪಣಾಮೋ ನವೋ.
(೪) ಏಕಕ್ಖರಾಯ ಗಾಥಾಯೋ, ಯಾವ ಛಬ್ಬಿಸತಕ್ಖರಾ;
ಜಾತಿಯ ಪಜ್ಜಸತ್ತತ್ಯಾ, ಸಙ್ಖತೋ ಚತುರಾಧಿಕಾ.
(೫) ಅಟ್ಠಾಧಿಕಾ ಸಹೇವುಯ್ಯೋ- ಜನಾದೀಹಿ ಮಿದಂ ನತಂ;
ಯಥಾವುತ್ತತ್ಥಕಾ ಕಾಮಾ, ಯೇ ನಿಚ್ಚಂ ಧಾರಯನ್ತು ತೇ.
ರಾಜಾತಿರಾಜಾತಿಮನೋಹರೋ ಯೋ,
ದೇವಾತಿದೇವಾತಿಗುಣೋಘಧಾರೀ;
ಬ್ರಹ್ಮಾತಿಬ್ರಹ್ಮಾತಿಭವನ್ತಗೂ ತಂ,
ಸಙ್ಘಾತಿಸಙ್ಘಾತಿವಿರಾವ ವನ್ದೇ.
ಅನಙ್ಗನಙ್ಗಂ ನರದೇವದೇವಂ,
ಅನಿಞ್ಜನಿಞ್ಜಂ ಭಯತಾಣತಾಣಂ;
ಅನಣ್ಡನಣ್ಡಞ್ಚ ಅನಾಥನಾಥಂ,
ಖಯನ್ತಯನ್ತಂ ಪಣಮಾಮಿ ಮಾಮಿ.
ತಮ್ಬಸಿನಿದ್ಧತುಙ್ಗನಖಕೋ ನುಂವಟ್ಟಸುಚಿತುರಙ್ಗುಲಿ ಚ ಮುನಿಸೋ,
ಸೀಹುಸಭೋಭಹಂಸಸಮಗೋ ನಿಗೂಳಸಮ ಗೋಪ್ಫಕಾಯತಮುಖೋ;
ಕೋಮಲದಕ್ಖಾಣಾವಟತನುರುಹೋ ಸುಚಿಮಲುಜ್ಜಲಾಭಸರಿರೋ,
ಪಞ್ಚಪಸಾದಯುತ್ತನಯನೋ ಸುಗನ್ಧಮುಖತುಙ್ಗನಾಸಿಕಯುತೋ.
ಕೋಟಿಸಹಸ್ಸನಾಗಬಲಿಕೋ ¶ ಸುರತ್ತಮಧರೋ ಸುವಟ್ಟದಸನೋ,
ಆಯತಸಣುಲೋಮಭಮೂಕೋ ಮುದುತ್ತನುಕರತ್ತ ಜಿವ್ಹಸಹಿತೋ;
ಛತ್ತಸಮಾನಸೋಭಣಸಿರೋ ಸುಕೇಸವರ ಕೇತುಮಾಲವಿಚಿತೋ,
ಇಚ್ಚನುಬ್ಯಞ್ಜನೇಭಿ ಸಹಿತಂ ಮುನಿನ್ದಪವರಂ ನಮಾಮಿ ಸಿರಸಾ.
ಸಕಲಮಲೇಹಿ ಸೋ ಮುನಿ ಸುದೂರತಾಯ ಚ ಮಲಾರಿನಿಂ ಹತತಯಾ,
ತಿಭವರಥೇ ಸಮಾನಿತಮನಾರಕಾನಿ ಚ ನಮಾಲಯೋ ನರವರೋ;
ಮಲಕರಣೇ ರಹಾರಹ ಮನನ್ತಞೇಯ್ಯ ಮಭಿಜಾನನಾ ಮುನಿ ತಥಾ,
ಚರಣಯುತೋ ತಿವಿಜ್ಜಿ ಚ ಸುವಾಚತಾ ಸುಗಮನಾ ಜನೇಸು ಸುಗತೋ.
ಲೋಕವಿದೂ ಸೋ ನಿತಲೋಕತಯತಾ ಸಾಕಲತೋ ಅಸಮನರದಮಾ ಸೋ,
ಸಾರಥಿ ಜಿನೋ ಅನುಸಾಸನಕರೋ ಸತ್ಥವಹೋ ದುಪಥತರಣಸತ್ತಾ;
ಬುಜ್ಝತಿ ಸಾಮಂ ಚತುಸಚ್ಚಮಖಿಲಂ ಬೋಧಯಿ ಜನ್ತುಗಣಮಿತಿ ಚ ಬುದ್ಧೋ,
ಭಾಕರಆಭಾಫುಟಪಙ್ಕಜಸಮೋ ಮಗ್ಗಿಯಞಾಣಫುವಿಕಸಿತೋ ಚ.
ಭಗ್ಗಕಿಲೇಸೋ ಸೋ ಭಗವಾ ತಿಭವ ವಮಿತ ಗಮನ ಸುಜನ ಭಜನತೋ,
ಸೋ ಭಜಿ ಸದ್ಧಮ್ಮೇ ಪವಿಭತ್ತ ಸರಸ ಛಭಗಯುತ ಗರುಕರಣಿಯತೋ;
ಸತ್ತನಿಕಾಯೇ ಕೇನಪಿತುಲ್ಯಗುಣಮಪಮಿತ ಸಿರಿಘಂನಜುತಿಸುಸುಭಂ,
ದೇವನರಾನಂ ಏಕಪತಿಟ್ಠ ಮವಿತಥುತಿಯಸ ಮಸಕಿ ಮಭಂನಮೇ.
ಬುದ್ಧುಪ್ಪಾದೋ ಕಿಮ್ಮಙ್ಗಂ ಭೋ ಅತಿದುಲಭತರಮಿಧ ಭವೇ ಸುಘೋಸ ಮಪಾಪರೋ,
ತಸ್ಮಾ ಪತ್ಥೇನ್ತಾ ಸಬ್ಬಞ್ಞುಂ ವಿವಿಧಹಿತಸುಖ ಮನಧಿಕಂ ನಮನ್ತು ಚ ಸಾಧವೋ;
ಪುಞ್ಞೇನಾನೇನೇತೇ ದಿಟ್ಠೇ ಭಯಅಘಂಪೀಳನಟ್ಠ ವಿರಹಿತಾ ಪರತ್ಥ ಚುಭೋ ಸುಭೇ,
ಭುತ್ವಾನನ್ತೇ ವೇ ಹೇಸ್ಸನ್ತೇ ಅವಿಕಲಸುಖಸಿರಿಮತಿಕಾ ಅನುತ್ತರ ಭಾಗಿನೋ.
ಸೋ ಚಕ್ಕೋಪೇತಪಾದೋ ಮುದುಭುಜಚರಣೋ ಸುಪ್ಪತಿಟ್ಠಿತಪಾದೋ,
ಏಣೀಜಙ್ಘೋ ಚ ಬುದ್ಧೋ ಕನಕನಿಭತಚೋ ಆಯತಪಣ್ಹಿ ನಾಥೋ;
ಕೋಸೋನದ್ಧಙ್ಗಜಾತೋ ಅತಿಸುಧುಮಛವೀ ಜಾಲಿಕಪ್ಪಾನಹೇಟ್ಠಾ,
ಉಸ್ಸಙ್ಖಪಾದಯುತ್ತೋ ಅಭಿನಿಲನಯನೋ ಆಯತಙ್ಗುಲಿಯೋಗೋ.
ಠಿತೋ ¶ ಖೋ ನೋ ನಮನ್ತೋ ಕಿರುಭಯಪುಥುನಾಜಾಣುಯೋ ಆಮಸನ್ತೋ,
ಲೋಮಕೂಪೇಕೇಕಲೋಮೋ ಸಮತಲದಸನೋ ಅಞ್ಜನುದ್ಧಗ್ಗಲೋಮೋ;
ಬ್ರಹ್ಮದ್ದೇಹುಜ್ಜುಗತ್ತೋ ಅವಿರಳಮುಖತೋ ಸತ್ತಕಙ್ಗುಸ್ಸದೋ ಸೋ,
ನಿಗ್ರೋಧಪ್ಪಾರಿಬಿಮ್ಬೋ ಮಿಗಪತಿಹನುಕೋ ಸೀಹಪುಬ್ಬಡ್ಢಕಾಯೋ.
ಪುಣ್ಣತ್ತಾಲೀಸದನ್ತೋ ಸುಪಹುತರಸನೋ ಸೋಭಣೋದಾತದಾಠೋ,
ಸಣ್ಹೋದಾತುಣ್ಣಲೋಮೋ ಸಮವಟಲಗಲೋ ಅನ್ತರಂಸಪಿಣೋ ಸೋ;
ಬ್ರಹ್ಮಗ್ಘೋಸೋ ಮುನಿನ್ದೋ ಪುನಪಿ ಗುಪಖುಮೋ ಉಣ್ಹಿಸಸಮ್ಫುಲ್ಲಸೀಸೋ,
ಬಾತ್ತಿಂಸಙ್ಗೋಪಸೋಭಂ ಮುದುರಸಹಣೀ ಲೋಕಜೇಟ್ಠಂ ನಮೇ ತಂ.
ಮಹಾಪಣಾಮ ನಿಟ್ಠಿತಾ.
ತಿಗುಮ್ಬಚೇತಿಯ ಥೋಮನಾ
ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ
ಯೋ ¶ ದೀಪಙ್ಕರಮೂಲಮ್ಹಿ, ಪದಂ ಹತ್ತಗತಂ ಚಜಿ;
ಸಮ್ಮಾಸಮ್ಬೋಧಿ ಮಾಕಙ್ಖಂ, ವನ್ದೇ ತಸ್ಸ ಸಿರೋರುಹಂ.
(ಪಥ್ಯಾವತ್ತಗಾಥಾ).
ಪೂರೇತ್ವಾ ಬೋಧಿಸಮ್ಭಾರ-ಮಹೇಸಂ ಯೋ ಅನುತ್ತರಂ;
ಅಲತ್ಥ ಬುದ್ಧತ್ತಂ ತಸ್ಸ, ಕೇಸಧಾತುವರಂ ನಮೇ.
(ಪಥ್ಯಾವತ್ತಗಾಥಾ).
ಲದ್ಧಾ ಬುದ್ಧತ್ತಂ ಛಠಾನ-ಮತಿಕ್ಕಮ್ಮ ಪವೇದಯಿ;
ವಿಮುತ್ತಿಂ ರಾಜಾಯತನೇ, ತಸ್ಸ ಕೇಸವರಂ ನಮೇ.
(ರಕಾರ ಭಕಾರವಿಪುಲಾ ಪಥ್ಯಾವತ್ತಗಾಥಾ).
ತತ್ಥ ಸಕ್ಕದತ್ತಿಯಮ್ಪಿ, ನಾಗಲತಂ ಹರೀತಕಂ;
ಅನೋತತ್ತೋದಕಂ ಭುಞ್ಜಿ, ವನ್ದೇ ತಸ್ಸ ಸಿರೋರುಹಂ.
(ರಕಾರವಿಪುಲಾ ಪಥ್ಯಾವತ್ತಗಾಥಾ).
ತದಾ ¶ ಮುಗ್ಗಸೇಲಪತ್ತಂ, ಮಹಾರಾಜೂಹಿ ದಿನ್ನಕಂ;
ತಥಾಗತೋ ಪಟಿಗ್ಗಣ್ಹಿ, ವನ್ದಾಮಿ ತಸ್ಸ ಸೀಸಜಂ.
(ರಕಾರವಿಪುಲಾ ಪಥ್ಯಾವತ್ತಗಾಥಾ).
ತದಾ ದ್ವಿನ್ನಂ ದ್ವೇಭಾತಿಕ-ಜನೇಹಿ ಮಧುಪಿಣ್ಡಿಕಂ;
ಪರಿಭುಞ್ಜೇಸಿ ಮನ್ಥಮ್ಪಿ, ತಸ್ಸ ಸೀಸಸಿರಿಂ ನಮೇ.
(ತಕಾರವಿಪುಲಾ ಪಥ್ಯಾವತ್ತಗಾಥಾ).
ಯೋ ತಪುಸ್ಸಭಲ್ಲಿಕಾನಂ, ತದಾ ದ್ವಿಸರಣಂ ಅದಾ;
ಲೋಕಮ್ಹಿ ಸಬ್ಬಪಠಮಂ, ತಸ್ಸ ಸೀರಿವಹಂ ನಮೇ.
(ರಕಾರ ನಕಾರ ವಿಪುಲಾಪಥ್ಯಾವತ್ತಗಾಥಾ).
ತದಾ ¶ ತತ್ಥುಪಟ್ಠಕಾನಂ, ತೇಸಂ ಕೇಸೇ ಅದಾ ಅಠ;
ಲೋಕಹಿತ ಮಪೇಕ್ಖನ್ತೋ, ನಾಥೋ ಯೋ ತಸ್ಸ ತೇ ನಮೇ.
(ರಕಾರವಿಪುಲಾ ಪಥ್ಯಾವತ್ತಗಾಥಾ).
ತೇಪಿ ತಂ ಆಹಾರಿತ್ವಾನ, ಪೋಕ್ಖರಬ್ಬತಿಯಂ ಕರುಂ;
ಸಜೀವಕೇಸ ಚೇತಿಯಂ, ನಮೇತಂ ಸಬ್ಬಪುಬ್ಬಕಂ.
(ಮಕಾರವಿಪುಲಾ ಪಥ್ಯಾವತ್ತಗಾಥಾ).
ಉಪೋಸಥುಪೋಸಥಮ್ಹಿ, ಮುಞ್ಚನ್ತಂ ನೀಲರಸ್ಮಿಯೋ;
ಭಗವಾವ ಲೋಕಅತ್ಥಂ, ಕರೋನ್ತಂ ತಂ ಸದಾ ನಮೇ.
(ರಕಾರವಿಪುಲಾ ಪಥ್ಯಾವತ್ತಗಾಥಾ).
ಚೂಳಾಮಣಿದುಸ್ಸಚೇತ್ಯಂ ¶ , ಕಾಲಮ್ಹಿ ಬೋಧಿಸತ್ತಕೇ;
ಬುದ್ಧಕಾಲೇ ಇದಂ ಸಬ್ಬ-ಪಠಮಂ ತಂ ನಮಾಮಹಂ.
(ರಕಾರವಿಪುಲಾ ಪಥ್ಯಾವತ್ತಗಾಥಾ).
ನಮಾಮಹಂ ವನ್ದಾಮಹಂ, ಪೂಜೇಮಹಂ ಸಿರೋರುಹಂ;
ಪುಞ್ಞಮಿದಂ ಭವತು ಮೇ, ಪಚ್ಚಯೋ ಆಸವಕ್ಖಯೇ.
(ತಕಾರ ನಕಾರವಿಪುಲಾ ಪಥ್ಯಾವತ್ತಗಾಥಾ).
ತಿಗುಮ್ಬಚೇತಿಯಥೋಮನಾ ನಿಟ್ಠಿತಾ.
ವಾಸಮಾಲಿನೀಕ್ಯ
ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ
ವುಡ್ಢೋಪಿ ¶ ಜಿನಾನಂ, ಬುದ್ಧೋಸಿ ವಿಜಾನಂ;
ಪುಬ್ಬೋದಿತಿ ಮಾಹಂ, ಕುಬ್ಬೋಮಿ ವಿಮಾನಂ.
(ತನುಮಜ್ಝಾಗಾಥಾ)
ಮಹಾಸಮತಕೂಲಂ, ನರಾಪವರಪೂಜಂ;
ಜಹಾ ಅಭಯಪೂರಂ, ನಮಾ ಕನಕರೂಪಂ.
(ಕುಮಾರಲಲಿತಾಗಾಥಾ)
ನರಾಸಭಸುಬುದ್ಧಂ ¶ , ಪಜಾಮತನುರುತ್ತಂ;
ದಯಾಕರಮುದುತ್ತಂ, ನಮಾಮ ಹ ಉಸುಕ್ಕಂ.
(ಕುಮಾರಲಲಿತಾಗಾಥಾ)
ಹಿತಂ ವಹಸುಸೀಲೋ, ಪಮೋದತಿ ಸುಖತ್ತೇ;
ನಮೇ ತಮಪಬುದ್ಧಂ, ಜಿನಂ ಗತಸುಖನ್ತಂ.
(ಕುಮಾರಲಲಿತಾಗಾಥಾ)
ಬನ್ಧು ಚ ಸನ್ತಕಿಲೇಸೋ, ಯೋ ಪಿತವಣ್ಣಪಭಾಸೋ;
ಗೋತಮಗೋತ್ತಸುಞ್ಞತೋ, ತಸ್ಸ ನಮೋ ನರಸೀಹೋ.
(ಚಿತ್ರಪದಾಗಾಥಾ)
ಬುದ್ಧಂ ¶ ಸುದ್ಧಂ ಲೋಕೇಸೀತಂ, ಉಕ್ಕಂ ಯುತ್ತಂ ಯೋಗೇ ಹಂ;
ವನ್ತಾತೀತಂ ಓಘೇ ಸೀದಂ, ವನ್ದಾಪೀಹಂ ಸೋಕೇಹೀಹಂ.
(ವಿಜ್ಜುಮ್ಮಾಲಾಗಾಥಾ)
ಭೋಗವತೀ ಯೋಪಖಮೀ, ಸೀತದಯಾ ಲೋಕಸಖಾ;
ಧಾತುತಯೇ ಕಿತ್ತಿ ಸ ವೇ, ದಾತು ಜಯೇ-ತಸ್ಸ ಚ ಮೇ;
(ಮಾಣವಕಗಾಥಾ)
ಮಾನಿತೋ ಲುಖೋ ರುತೋಥ, ಸನ್ನಿಭೋ ಸುಭೋ ಸುಖೋ ಚ;
ಜಾನಿತೋ ಧರೋ ನಮೋ ಚ, ತಸ್ಸ ಯೋ ಥುತೋ ಗುಣೋವ.
(ಸಮಾನಿಕಾಗಾಥಾ)
ಜಯಂ ¶ ಧಜಂ ಪಜಾಪುಗೇ, ಠಿತಂ ಲಿಲಂ ಮಹಾಸುಖೇ;
ಸುಭಂ ಫುಟಂ ಪಭಂ ನಮೇ, ಹಿತಂ ಸುಖಂ ದದಾತು ಮೇ.
(ಪಮಾಣಿಕಾಗಾಥಾ)
ಪುಣ್ಣಪುಞ್ಞಜನಿತಸುಭಂ, ಜಾತಿಞಾತಿಥುತಿಯಗುಣಂ;
ಭೇದವೇರವಿಮಲಜಿನಂ, ಞಾಣಪಾದಚರಣ-ಮಹಂ.
(ಹಲಮುಖೀಗಾಥಾ)
ಸತಿ ಮತಿ ಸುಚಿ ಯೋ-ಭಾಸೋ, ಥುತಿ ಮುನಿ ಸುಖಿತೋ ಕಾಯೋ;
ಮನುಜಪುಮಸುತೋ ನಾಥೋ, ಜಯವರ ಮು-ಸಭೋ ದಾತೋ.
(ಭುಜಗಸುಸುಗಾಥಾ)
ಯೋ ¶ ಬುದ್ಧೋ ಪವರೋ ಲಿಲೋ ಪುಗೇ,
ಲೋಕುತ್ತೋ ಅಭಯೋ ಠಿತೋ ಸುಖೇ;
ಉತ್ತಿಣ್ಣಂ ನಿಸಭಂ ಹಿತಂ ವಹೇ,
ಮೋನಿನ್ದಂ ವಿಮಲಂ ಜಿನಂ ನಮೇ.
(ಸುದ್ಧವಿರಾಜಿತಗಾಥಾ)
ದೇವಿನ್ದಂ ವರಗಣಥೇರಿನ್ದಂ,
ನಿಟ್ಠಾನಂ ಭವಜನನಿಬ್ಬಾನಂ;
ನಿದ್ದೋಸಂ ರಣರಜನಿಪ್ಫೋಟಂ,
ವನ್ದೇ-ಹಂ ಸುಭಮುಖಸೋಣ್ಣೇಮಂ.
(ಪಣವಗಾಥಾ)
ಗೋತಮಗೋತ್ತೇ ¶ ಕೇತುವ ಞಾತಂ,
ಲೋಕಜಖೇತ್ತೇ ಮೇರುವ ಜಾತಂ;
ಥನ್ದಿಲಜೇಟ್ಠೇ ಭೇದಿತಮಾರಂ,
ಪಣ್ಡಿತಮಜ್ಝೇ ಮೇಧಿವ ಭಾಣಂ;
ಮನ್ತಿಯ ವನ್ದೇ ಸೇವಿತನಾಥಂ.
(ರುಮ್ಮವತೀಗಾಥಾ)
ಬುದ್ಧೋ ಸುಕ್ಕೋ ಅಮಿತಗುಣೀಸೋ,
ಯುತ್ತೋ ಮುತ್ತೋ ಸಸಿವ ತಿಮೀತೋ;
ಖೇ ಯೋ ತೇಜೋ ತಪಸಿವ ಅಕ್ಕೋ,
ಫೇಲೋ ಥೇತೋ ತವ ನಮಕಾರೋ.
(ಮತ್ತಾಗಾಥಾ)
ಯೋ ¶ ಜಿತಮಾರೇ ವೇ ಅಜಿ ಸಬ್ಬಂ,
ಥೋ ಮಿತಸಾರೇ ಹೇ-ಧಿತಪತ್ತಂ;
ಸಂಸಿತಪುಣ್ಣೋ ಸೋ ನಮಿ ತಸ್ಸ,
ಪಣ್ಡಿತಫುಲ್ಲೋ ಸೋ ಮತಿಕಸ್ಸ.
(ಚಮ್ಪಕಮಾಲಾಗಾಥಾ)
ಕನಕರೂಪ ¶ ಮೂಪಮೇಯ್ಯಕಂ,
ಪವರಸೂರ ಪೂಜಸೇವತಂ;
ಕಮಲಭೂಮ ಧೂರದೇಸಕಂ,
ನರಮರೂಪ ರೂ ನಮೇ ತ-ಹಂ.
(ಮನೋರಮಾಗಾಥಾ)
ದೇವೇ ಗತೇ ದ್ವೇವಾರಾ ಗಮಾಸಿ,
ಸೇಲೇ ಚಲೇ ಯೇ ಞಾತಾ ಪಚಾಯಿ;
ಉದ್ಧಂ ತಲೇ ತೇವಾಸಂ ಅಕಾಸಿ,
ಬುದ್ಧಂ ಮತೇ ಏಸಾಹಂ ನಮಾಮಿ.
(ಉಬ್ಭಾಸಕನ್ತಗಾಥಾ)
ಉಕ್ಕೇ ಸುನುತಂ ಪುಥುಕಞ್ಚ ಥೇರಂ,
ವುತ್ತೇ ಸುಖುಮಂ ಉಜುಕಂ ತಥೇತಂ;
ದಿಬ್ಬೇ ಪಟಿಮಂ ಕಿರಿಯಂ ವದೇತಂ,
ಇದ್ಧೇ ಮಹಿತಂ ಕಥಿತಂ ನಮೇಹಂ.
(ಉಪಟ್ಠಿತಗಾಥಾ)
೨೦. ದಿಬ್ಬಸ್ಸ ¶ ಪೂರೇ ಪವರೇಹಿ ಗುತ್ತೋ,
ಸಿದ್ಧತ್ಥ ಭೂತೇ ನಗರೇಹಿ ವುಟ್ಠೋ;
ಸಙ್ಕಸ್ಸ ಪೂರೇ ಮ-ಗಣೇಹಿ ಬುದ್ಧೋ,
ಅಞ್ಞತ್ಥ ಪೂಜೇ ಪನಮೇ ನಿ ಕುಬ್ಬೋ.
(ಇನ್ದವಜಿರಾಗಾಥಾ)
ಸುಭಂ ಥುತಂ ಯೋ ರಜತಂ ಬಲತ್ಥಂ,
ಯುಗಂ ಹುತಂ ಸೋ ಕನಕಂ ಕಮತ್ಥಂ;
ಚಿತಂ ಠಿತಂ ಲೋಹಿತಕಂ ಮನಾಪಂ,
ಲಿಲಂ ಇತಂ ಸೋರಚಿ ತಂ ನಮಾಹಂ.
(ಉಪೇನ್ದವಜಿರಾಗಾಥಾ)
ಪಿನಿತಂ ¶ ವಿಣಂ ಸಖಿಲಂ ಯಜಿ ತಂ,
ಸುಸುಖಂ ಧುಜಂ ಬಿಲುವಂ ನಿಯುತಂ;
ಠಪಿಯಂ ಸಿಮಂ ಥುನುತಂ ಪುಥುಲಂ,
ನಮಿ ಹಂ ಖಿಣಂ ಸುಖುಮಂ ಮುದುಕಂ.
(ಸುಮುಖೀಗಾಥಾ)
ಸೋಗತಿ ¶ ಬೋಧಯಿಂ ಗಾಹಿಯ ಪತ್ತಂ,
ಓತರಿ ಸೋನಮಿ ಜಾನಿತ ಅತ್ಥಂ;
ಭೂಪತಿ ಪೂಜಯಿ ಸಾಕಿಯ ವಂಸಂ,
ಸೂಜಧಿ ಊಪಧಿ ಭಾಸಿತ ಧಮ್ಮಂ.
(ದೋಧಕಗಾಥಾ)
ಚತ್ತಾರೋ-ಮೇ ಯಾಚಿತೇ ಸೋ ಪವುತ್ಥೇ,
ಲದ್ಧಾ ಭೋಗೇ ಕಾಮಿತೇ ಓಘಮುತ್ತೇ;
ಕತ್ತಾ ತೋಸೇ-ತಂ ನಮೇ ಚೋಲಯುತ್ತೇ,
ತತ್ಥಾ-ಲೋಕೇ ತಂಪತೇ ಖೋ ಪದುಕ್ಕೇ.
(ಸಾಲಿನೀಗಾಥಾ)
ಸತ್ತಾ-ಲೋಕೋ ¶ ಸರಿತೋ ಯೋ ಧಜುಕ್ಕಂ,
ತತ್ಥಾ-ಗೋಪೋ ರಚಿಯೋ-ನೋಜ-ಮುದ್ಧಂ;
ಭದ್ದಾ-ಸೋಕೋ-ಪಚಿತೋ-ಭೋ ಪಬುದ್ಧಂ,
ಸದ್ಧಾಯೋಗೋ ಭಜಿ ಸೋ-ಹೋ-ನಮುಚ್ಚಂ.
(ವಾತೋಮ್ಪೀಗಾಥಾ)
ಞಾತಮರೂನಂ ಉಪರಿ ಠಿತಾನಂ,
ವಾಲಪಸೂಕಂ ಹುವತಿ ಜಿನಾನಂ;
ದೇವಸುಯಾಮೋ ಜಿನಮಿತಿ ಞಾತೋ,
ತೇನ ಸುಖಾ-ಭೋ ವಿನಮಿ ಇದಾ ಸೋ.
(ಸಿರೀಗಾಥಾ)
ಪುಣ್ಣಕೇನ ¶ ಕುಸುಮೇನ ಸೇವತಂ,
ಕುಞ್ಜರೇವ ಥುನುತೇನ ಖೇ ಗತಂ;
ಸುನ್ದರೇನ ನಮಿ ತೇನ ಮೇ ಜಯಂ,
ಪುಞ್ಞತೇಜಕರಿ-ಧೇಸ ವೇ ದದಂ.
(ರಥೋದ್ಧತಾಗಾಥಾ)
ಮಾತು ಆಯು ಖಿಣು-ಕೇ ಇಹ ಪುಬ್ಬೇ,
ತಾಸು ಸಾಧು ವಿಸುತೇ-ದಿಸಕುಚ್ಚೇ;
ವಾತ ತಾಲ ಖಚಿತೇನಿ-ಧ ಸೋಣ್ಣೇ,
‘‘ತಾತ ತಾತ’’ ಯಜಿ ತೇ-ತಿಸ ವನ್ದೇ.
(ಸ್ವಾಗತಗಾಥಾ)
ಉಪರಿ ¶ ಕಮಲಯೋನಿ ಸೋಭಿತಂ,
ಜುಹತಿ ಧವಲಜೋತಿ-ದೋಸಿತಂ;
ಸುಕರಿ ಯ-ಮತಬೋಧಿ-ಮೋಚಿತಂ,
ಸುನಮಿ ಚರಣಲೋಕಿ-ಧೋ-ರಿಮಂ.
(ಭದ್ದಿಕಾಗಾಥಾ)
ವನೇ ¶ ಜಿನೋ ಯೋ ವಿನಯಂ ಸುಪೇಕ್ಖಿ-ಮಂ,
ಮತೇ ಠಿತೋ-ಭೋ ದಿಜಕಂ ದುಬಜ್ಜಿತಂ;
ಅಘೇ-ನಿಧೋ ಖೋಭಿ-ತರಂ ಮುನೇ-ಚ್ಛಿ-ದಂ,
ನಮೇ-ಭಿತೋ ಬೋಧಿಮಹಂ ಲುಖ-ಜ್ಝಿತಂ.
(ವಂಸಟ್ಠಗಾಥಾ)
ಯೋ ಜಾತಿ-ದೋಮಾನೀ-ಮುಪಾಸಿ ಲಮ್ಬಿ ತಂ,
ಕೋಧೇಹಿ ಲೋಕೇಹಿ ದುಭಾಸಿ ಪಣ್ಡಿತಂ;
ಪೂರೇಪಿ ಮೂಲೇಪಿ ಪಹಾಸಿ ದಿಟ್ಠಿಕಂ,
ಸಬ್ಬೇಹಿ ಪತ್ತೇಹಿ ನಮಾಮಿ ಇಚ್ಛಿತಂ.
(ಇನ್ದವಂಸಾಗಾಥಾ)
ವೇರಞ್ಜಕೇ ¶ ಪೂರವರೇ ವಿಭೂಸಿತೇ,
ನೇಲಞ್ಜನೇ ದೂಮವನೇ ವಿಕೂಜಿತೇ;
ಖೇಮಙ್ಕರೇ ಥೂಲತರೇ ವಿದೂ ಸಿತೇ,
ಏತ-ಙ್ಗಮೇ ಪೂನ ನಮೇ ವಿರೂಪಿ ವೇ.
(ಇನ್ದವಂಸಾಗಾಥಾ)
ಅಧುನಾಪಿ ಸ ಸಾರಿಸುತೋ ನಿಮಲಂ,
ತಮುಪಾಸಿ ಮತಾಪಿ ಕುತೋ ಚಿ ನಯಂ;
ಕರುಣಾಯಿ ಧ ಯಾಚಿ ಬುಧೋ ವಿನಯಂ,
ಗರುಕಾಪಿ ನಮಾಮಿ ಸು-ಯೋ ಜಿತ-ಹಂ.
(ತೋಟಕಗಾಥಾ)
ಜನವರೋ ¶ ಮುನಿ ಸೋ ಸರಿತೋ ವನೇ,
ವಸಭತೋ ಉದಿತೋ-ಪರಿ ಗೋತಮೇ;
ಗಮನಸೋ ಗುಣಿಕೋ ಗಮಿ-ತೋ ನಮೇ,
ನಗರ-ದೋ ಜುತಿ-ಮೋ ಘತಿತೋ-ಸಥೇ.
(ದುತವಿಲಮ್ಬಿತಗಾಥಾ)
ಭಗವತಿ ¶ ಕುಟಿಗಾರೇ ಯೋ ನಿಸಿನ್ನೇ,
ಧನವತಿ ಸುವಿಸಾಲೇ-ಕೋ ಇಸಿನ್ದೇ;
ಯ-ಮಲಭಿ ಮುನಿ ಲಾಭೇ ಮೋಲಿಛಿನ್ನೇ,
ಸ ಪನಮಿ ಜುತಿ-ಮಾಸೇ-ತೋ ಕಿಲಿನ್ನೇ.
(ಪುಟಗಾಥಾ)
ಪಠಪಿತ-ಮಿಚ್ಚಸ್ಸ ಸಿದತು ಸಬ್ಬಂ,
ಪಠಮಿ-ಧ ಸಿಕ್ಖಸ್ಸ ಹಿತಸುಖತ್ಥಂ;
ಪವದಿಯ ಗಿದ್ಧಸ್ಸ ಖಿಣಲುಖತ್ಥಂ,
ಪನಮಿ ಚ ಕಿಚ್ಚಸ್ಸ ಸಿಖಮುಕಪ್ಪಂ.
(ಕುಸುಮವಿಚಿತ್ತಾಗಾಥಾ)
ನಿಲೋಭಾಸಿ ¶ ಧೂಮೇಹಿ ಯು-ಚ್ಚೋ ವಿಲಾಸೇ,
ಠಿತೋ ಚಾ-ಭಿ ಭೂ ತೇಹಿ ರುಕ್ಖೋ-ದಿಗಾಹೇ;
ಯಿ-ತೋ ತಾನಿ ಪೂರೇಪಿ ಲುದ್ಧೋ ದ್ವಿವಾರೇ,
ಜಿನೋ-ಕಾಸಿ ಪೂಜೇಮಿ ಬುದ್ಧೋ ಹಿತಾ-ಸೇ.
(ಭುಜಙ್ಗಪ್ಪಯಾತಗಾಥಾ)
ಜನರಮೇ ¶ ದಸಸರೇ ವಿಸಾಲಕೇ,
ಮುನಿವರೇ ಕುಟಿಘರೇ-ರಿಯಾಪಥೇ;
ಧುತತರೇ-ಸುಭಕಥೇ ಚಜಿ ಸ ವೇ,
ತತಿಯಕೇ-ತ-ಮಿಧ ವೇ ಠಪಿ ನಮೇ.
(ಪಿಯಂವದಾಗಾಥಾ)
ವೇಸಾಲಿಕೇ ತು ವಸಿ ಕಾತು ಚಾತುಕಂ,
ತೇ ಞಾಹಿ ತೇಸು ಲಭಿ-ಧಾ-ಮುಕಾ-ಮುಕಂ;
ನೇಗಾಮಿಕೇಸು ಭಜಿ ಫಾಸು ಸಾ-ಯುಕಂ,
ಏತಾ-ಧಿಕೇಸು ನಮಿ-ಕಾಸು-ದಾ-ತುಲಂ.
(ಲಲಿತಾಗಾಥಾ)
ವದಿ ¶ ಸುಪ್ಪಿಯೋ ದುವಚನಂ ತಮತೋ,
ಸಹಿ ಮುತ್ತಿಕೋ ಗುಣಕಥಂ ತಥತೋ;
ಗಮಿ ಮಾಣವೋ ದುರಪಥಂ ಚರತೋ,
ನಮಿ ಸಾಧವೋ ಬುಧವರಂ ಪರಸೋ.
(ಪಮಿತಕ್ಖರಾಗಾಥಾ)
ಯು-ಪಗಮಿ ವಿಮಲೋ ಸಖಿಲೋ ತದಾ,
ಯುವವತಿ-ಪಿವನೋ ರಮಿ ಯೋ ಬ್ರಹ್ಮಾ;
ಏಕಸಯಿ ¶ ಠಿತತೋ ಕಥಿ ಖೋ ಗುಣೇ,
ಏಸ ನಮಿ ಜಿನ-ಮೋ ಪಧಿ-ದೋ-ಜುಕೇ.
(ಉಜ್ಜಲಾಗಾಥಾ)
ಜಾನಂ ಸಬ್ಬೇಸಂ ದೇಸಿ ಯೋ ಖೋ-ಧಿಮುತ್ತಂ,
ಆನನ್ದತ್ಥೇರಂ ವೇದಿತೋ ಚೋಳಿಸುತ್ತಂ;
ಕಾಯಸ್ಸಮ್ಮುಖೇ ಕಾತುನೋ-ಲೋಕಿಯಂ-ಸೇ,
ಠಾನ-ಸ್ಸ-ಪ್ಪುಗೇ ಕಾರುಣೋ ಹೋತಿ ವನ್ದೇ.
(ವೇಸ್ಸದೇವೀ ಗಾಥಾ)
ಸುಕಥಿಯ ¶ ಮಜ್ಝಿಮಸೀಲ-ಮಪರಂ,
ಯು-ಪಚಿತ-ಮೇತ್ಥಿ-ಧ ಚೀರ-ಮನಯಂ;
ಬುಧಯಿ ಚ ಭಜ್ಜಿತ-ಮೀಣವತರಂ,
ಸುನಮಿ ಪವಜ್ಜಿತ-ಮೀಹ-ಮಮಲಂ.
(ತಾಮರಸಗಾಥಾ)
ಮಹಕಞ್ಹಿ ಸೀಲಮ್ಪಿ ಅಭಾಸಿ ಕನ್ತೇ,
ಬ್ರಹ್ಮಥನ್ದಿಲೀ ಮಮ್ಹಿ ಮನಾಪಿ ರಮ್ಮೇ;
ಚಲಕಮ್ಪಿ ಗೀರಮ್ಪಿ ಕದಾಚಿ ಅಮ್ಬೇ,
ವರಪಣ್ಡಿ ಖೀಣಮ್ಪಿ ನಮಾಮಿ ತಂ ವೇ.
(ಕಮಲಾಗಾಥಾ)
ಮೋಹನ್ತೇ ¶ ಜಿನಿ ಪಠಮೇ ಜಯೇ ಜಿತಾಯಂ,
ಸೋರಮ್ಮೇ ಇಸಿಪತನೇ ವನೇ ನಿವಾಸಂ.
ಖೋಭನ್ತೇ ಕಿರಿ ಸಕಲೇ ವದೇ ವಿಲಾಸಂ,
ಘೋರಂವೇ ವಿನಿದಮನೇ ನಮೇ ಜಿನಾ-ಹಂ.
(ಪಹಾಸಿನೀಗಾಥಾ)
ದಿವಾರಕಂ ಬಜನಗರಂ ಫಿತಂ ವಸೇ,
ನಿಸಾಯ ತಂ ಜನಗಣನಂ ಠಿತಂ ಮತೇ;
ವಿಜಾನಕಂ ತಮಜಟಕಂ ಸಿತಂ ವನೇ,
ಹಿತಾವಹಂ ನರಪವರಂ ಇಮಂ ನಮೇ.
(ರುಚಿರಗಾಥಾ)
ರಚಿತ-ಮವಿರಲಂ ¶ ಮನುಸ್ಸ ಮಥಾ ಪಣಂ,
ಪಸಿಯ ತತಿಯಕಂ ಚತುತ್ಥ ಮಕಾ ಸಯಂ;
ಕರಿತ-ಮಧಿಕತಂ ಅಖುಬ್ಭಮಲಾ ಸಭಂ,
ಜಹಿತಗತಿಪರಂ ಪನುಜ್ಜ ನಮಾಮ-ಹಂ.
(ಪರಾಜಿತಾಗಾಥಾ)
ನಗರ-ಮಜಯ-ಮೇಸ ನಿವಸಿ ಥ ಪರೇ,
ಮಹತಿ ಸ ಮಣಿಕೇ ಸಕುಣಕುಜವನೇ;
ಯಪತಿ ವಸತಿ ವೇ ಹಿತಸಿವವಹನೇ,
ಸುರತ ಮುಭಯಮೇ-ಸಿತ ಮಿಮ ಪನಮೇ.
(ಪಹರಣಕಲಿಕಾಗಾಥಾ)
ಛಟ್ಠಂ ¶ ವಸೇ ಅಥು-ದ ತತ್ಥ ವನೇ ಮುನೇ ಸಂ,
ಸಬ್ಬಂ ಧರೇ ಮಕುಲಪಬ್ಬತಕೇ ಉಪೇದಂ;
ಚತ್ತಂ ಮಲೇ ಮನುಜ ಮತ್ಥವಸೇ ಸುದೇಸಂ,
ಭತ್ತಂ ನಮೇ ಲಹುಕ ಮಪ್ಪ ಮರೇ ಧುನೇ ತಂ.
(ವಸನ್ತತಿಲಕಗಾಥಾ)
ನುನ ¶ ಉಪವಸತಿ ಇಧ ಥ ಪುನ ಪರಿಮೇ,
ಸುಖಗುಣಮಹತಿ ತಿದಸಪುರ ಅಜಿತೇ;
ಯುಗನುತ ಮವದಿ ವಿತಥ ಮುಘತರಿ ವೇ,
ಹುತಥುನ ಮನಮಿ ಸಿಮದ ತುಲ ಮರಿಯೇ.
(ಸಸಿಕಲಾಗಾಥಾ)
ಜಿನಪತಿ ಸುಸುಮಾರಂ ಭೇಸಕಲ್ಲಾವನೇ-ಸಂ,
ನಿವಸತಿ ಪುಥುಞಾಣಂ ಖ್ವೇ-ಸ ನನ್ದಾಲಯೇ-ತಂ;
ವಿಮಲ-ಮಿ ಧು-ಜುಕಾಯಂ ಭೇದಸನ್ತಾಪ-ಸೇಸಂ,
ವಿಜಹ-ಪಿ ಸುಖುಮಾಲಂ ಏಸಮನ್ತಾ ನಮೇ-ಹಂ.
(ಮಾಲಿನೀಗಾಥಾ)
ಮಹತಿ ¶ ಸುಕನ್ತಿಯೇ ಅಥ ಚ ತತ್ಥ ಸೀತಲೇ,
ವಸತಿ ಕುಸಮ್ಬಿಯೇ ನವಮವಸ್ಸ-ಪೀ-ತರೇ;
ಅವಹಿ ಸುಖ-ನ್ತಿಮೇ ಪಜಹ-ಮತ್ಥ-ಮೀ-ಧ ವೇ,
ಪನಮಿ ನುದಂ ಹಿನೇ ಸಕಲಸತ್ಥವಸಯೇ.
(ಪಭದ್ದಕಗಾಥಾ)
ಯುಧವತಿ ಪಾಲಿಲೇಯ್ಯಕ ವನೇ ಪಹಾಯ ನಾಗೇ,
ಉಪಠಹಿ ನಾಗಿ-ಧೇ-ಸ ದಸಮೇ ಜಹಾಯ ಬಾಲೇ;
ಸುಖವಸಿ ಕಾಯಿಕೇ ಚ ಮನಕೇ ತದಾಸ ಸಾತೇ,
ಯುತ-ಮಧಿ ವಾಹಿತೇ ಚ ಪನಮೇ ಪಯಾತ ಮಾರೇ.
(ವಾಣಿನೀಗಾಥಾ)
ಇತೋ ¶ ಪತ್ತೇ ನಾಳೇ ವಸತಿ ದಿಜಗಾಮೇಪಿ ದಸಮೇ,
ಹಿತೋಪತ್ಥೇನಾ-ಯೇಕ ಅಧಿಕಿ-ಧ ವಾದೇಹಿ ವದಕೇ;
ವಿಲೋಮತ್ಥೇಹಾ-ನೇಕ-ಸಹಿ ಠಿತ-ಮಾಘೇಪಿ ಸಮಯೇ,
ವಿಯೋಗತ್ಥೇ-ತಾ-ನೇಜ-ಮಪಿ ಪಿಹವಾಸೇಹಿ ಪನಮೇ.
(ಸಿಖರಣೀಗಾಥಾ)
ದ್ವಿಅಧಿಕಿ-ತರೇ ¶ ವೇರಞ್ಜಾಯಂ ತತೋ ದಸಮಂ ಪರೇ,
ನಿವಸಿ ನಿಲಕೇ ಖೇದಙ್ಘಾತಂ ಕರೋ ಪರಮಂ ವನೇ;
ಕಿಲಮಿ ಇಧ ವೇ ವೇಹಙ್ಗಾನಂ ಮನೋರಮಕಂ ವಸೇ,
ವಿರಜಿ-ಸಿಗಣೇ ಮೇಧಙ್ಕಾರಂ ಅಸೋಕದದಂ ನಮೇ.
(ಹಿರಿಣೀಗಾಥಾ)
ಯೋ ಸಮ್ಪುಣ್ಣೇ ಉಪರಿ ತಿರಸೇ ಚಾಲಿಯೇ ಪಬ್ಬತೇಪಿ,
ಸೋಭಂ ಫುಲ್ಲೇ ಸುವಸಿ ಇತರೇ ಕಾಮಿತೇ ಅಪ್ಪಮೇಹಿ;
ಸಾವತ್ಥಿಕ್ಕೇನು-ದ ಚತುದಸೇ ಕಾರಿತೇ ಆಲಯೇಪಿ,
ಕಾಮೋ-ಚ್ಛಿದ್ದೇ ತು ಭಯ ಮುನಮೇ ಞಾತಿಮೇ ದ್ವಾರಕೇಹಿ.
(ಮನ್ದಕ್ಕನ್ತಾಗಾಥಾ)
ಸಕ್ಕೋ ¶ ಕಪ್ಪಿಲೇ ಕರಿಯ ಮದಕೇ ನಿಗ್ಗಹೋ ಯೋತಿ ಪಞ್ಚೇ,
ದಕ್ಖೋ ಕಪ್ಪಿಯೇ ವಸಿಧ ಯಮಕೇ ಇದ್ಧಕೋ ಭೋಹಿ ಅಞ್ಞೇ;
ಯಕ್ಖೋ ದಬ್ಬಿಕೇ ದಮಿಯ ನಗರೇ ಸೋಳಸೇ-ತೋಪಿ ವಙ್ಕೇ,
ಅಗ್ಗೋ-ಘತ್ತಿತೇ ಪಚಿಯ ಪನಮೇ ಬೋಧಕೇ ಮೋನಿಪಞ್ಞೇ.
(ಕುಸುಮಿತಲತಾವೇಲ್ಲಿತಗಾಥಾ)
ದುಲದ್ಧೇ ¶ ಪೂರೇ ಯೋಪರಿ ಚ ದಸತೋ ರಾಜಗೇಹಂ ಭಜನ್ತೋ,
ತು ಸತ್ತೇ ಕೂಲೇ ಖೋ ಕರಿ ಧ ಯಪತೋ ವಾಸಮೇಜಂ ಜಹನ್ತೋ;
ದುಮಟ್ಠೇ ಪೂನೇಸೋ ರಮಿತ-ಚಲತೋ ಟ್ಠಾರಸೇತಂ ದದಂ ಸೋ,
ಗುಣಸ್ಸೇ ವೂಪೇತೋ ನಮಿಧ ಕರಭೋ ಕಾಯಖೇದಂ ಸಹನ್ತೋ.
(ಮೇಘವಿಪ್ಫುಜ್ಜಿತಗಾಥಾ)
ಚಾಲೀಯೇ ¶ ಪರಿಮೇ ತಥೇವ ಅಚಲೇ-ಕೂನೇಪಿ ವೀಸೇ ಲಿಲಂ,
ಭಾಗೀ ಚೇ ಸ ಹಿತೇ ಪಗೇವ ಪವಸೇ ಸೂರೇಹಿ ನಿಸೇವಿತಂ;
ಕಾರಿತೇ ರಮಿಕೇ ಪರೇ ಚ ನಗರೇ ಪೂರೇಪಿ ವೀಸೇ ಇಮಂ,
ಹಾರಿತೇ ವಸಿಮೇ ಜಹೇನ ಪನಮೇ ಮೂಲೇಪಿ ಖೀಣೇ ಜಿತಂ.
(ಸದ್ದೂಲವಿಕ್ಕೀಲಿತಗಾಥಾ)
ಪಞ್ಚಪಞ್ಚ-ಮಾಕರೇ ತತೋಪಿ ಪಿಣ್ಡಕೇನ ಜೇತಕಾನನೇ ಚ,
ಅಞ್ಞಮಞ್ಞ-ಮಾದರೇನ ಯೋ ನಿಸಿನ್ನಕೇನ ತೇ ಚ ಮಾಪಯೇವ;
ಪುಬ್ಬಪುಬ್ಬಆರಾಮೇ ಪಯೋಜಿ-ಪಾಸಿಕಾಯ ವಾರಮಾವಸೇಧ,
ಸುದ್ಧಸುದ್ಧ-ಮಾಮಲೇನ ಪೋರಿಯಾತಿಮಾಯ ಮಾನಸಾ ನಮೇಸ.
(ವುತ್ತಗಾಥಾ)
ಪುಞ್ಞೇನಾ’ನೇನ ¶ ಸಂಸಾರಮುಪಧಿ ಸುಚಿ ಸಪ್ಪೂರಿಸೇ ವೋ ಪಸೇವೇ,
ತೇಹಾ ದಿನ್ನಂ ಸುಗಾಹೋ ಸುಚಿಪರಿಸಉಪೇತೋ ಅರೋಗೋ ಭವೇಯ್ಯಂ;
ದೀಘಾಯೂಕೋ ಮಹಾಪಞ್ಞ ಯಸಧನಸುಲಾಭೋ ಚ ಕಲ್ಯಾಣಮಿತ್ತೋ,
ಲೋಕಾದಿಬ್ಬೋ ಚ ಮಗ್ಗೋ ಸಮಮತಿಪರಿವಾರೋವ ನಿಬ್ಬಾನಪತ್ತೋ.
(ಸದ್ಧರಾಗಾಥಾ)
ಕ.
ನಸ್ಸತಿ ¶ ಸಾಸನೇ ಛನವುತಾಧಿಕೇ ಚ ತಿವಿಸೇ ಸತೇ ಕಲಿಯುಗೇ,
ದ್ವೇಸತಚುದ್ದಸಾಧಿಕಸಹಸ್ಸಕೇ ಸಕಲರಟ್ಠಕಂ ಖುಭಿ ಗತೇ;
ಭಾತಿಕಯುದ್ಧಕೇನ ನಗರಂ ತದಾ ಭವತಿ ಛಾರಿಕಾ ಯತಿಗಣೋ,
ದುಕ್ಖಗತೋ ಮಹಾಪಹರಣೇಹಿ ಜಿವಿತಖಯಮ್ಪಿ ಏತಿ ಪಿಟಕೇ.
(ಭದ್ದಕಗಾಥಾ)
ಖ.
ಉದಿಸಕ ¶ ಚೇತ್ಯಕೇಪಿ ವಿಕಿರಿಯ ನಾಸತಿ ಧ ಸೋ ಥಿರೋ ಸಗಣತೋ,
ವಿಜಹಿಯ ಪುರತೋ ತ್ತರವನೇಕ ಕುಮ್ಭಕರಗಾಮಕಂ ನಿವಸಯೇ;
ಸತಗಣಕೇಹಿ ತತ್ಥ ಜನಕೋಪಿ ‘‘ಭೋತ ಇಧ ವಾಸ ಸಬ್ಬಯತಿನಂ,
ಉಪಟ್ಠಹಮೀ’’ತಿ ತಮ್ಹಿ ಕತಿಪಾಹನಂ ವಸತಿ ಖೋ ವಿಮಂಸಿಯ ಸುಖಂ.
(ಲಲಿತಗಾಥಾ)
ಗ.
ತತ್ಥ ಅರಞ್ಞೇ ರಮಿತೋ ಸುಚರಿ ಸದ್ಧಮ್ಮ-ತಿಮಾನಿ ಸುಯತೀಹಿ ತಿಪೀಕೋ,
ಧೂರಸುಯುತ್ತೋ ಪರಿಗಾಹಿಯ ಸುಜಾತೋ ಸುಪಟ್ಠಾತಿ ಕುನದಿತ-ಮುಯಾನಂ;
ಸೋ ಸತಮಚ್ಚೇಹಿ ಕತಂ ನಗರಿ ದಂ ತಸ್ಸ ಚ ಪಾಚಿನ ರಹ ಧಿಕಕೋಸೇ,
ಪಚ್ಚಯನಾಯಾಸು ದ ಛಾಯಬಹುಕೋ ಸುದ್ಧಯತಿಪಿ ಇಧ ವಸನಕಾಲೇ.
(ತನುಗಾಥಾ)
ಘ.
ಫಗ್ಗುಣಮಾಸೇ ಛದಿನೇ ರಚಿಯ ನಿಟ್ಠಂವ ಗತೋ ಪರಮರಿ ಇಮಿನಾ-ಯಂ,
ಸಿಜ್ಝತು ಪೇಮಂ ವತ ರಕ್ಖತು ಸುದೇವೋ ಉದ ವಡ್ಢತು ಜಿನವಚನೇ ತಂ;
ವಾಸಮಾಲಿನೀ ನಿಟ್ಠಿತಾ.