ಅಞ್ಞ > ಬ್ಯಾಕರಣ ಗನ್ಥ-ಸಙ್ಗಹೋ > ಕಚ್ಚಾಯನಬ್ಯಾಕರಣಂ

೨೭೭, ೩೦೩. ಸಿಲಾಘ ಹನು ಠಾ ಸಪ ಧಾರ ಪಿಹ ಕುಧ ದುಹಿಸ್ಸೋ ಸ್ಸೂಯ ರಾಧಿಕ್ಖ ಪಚ್ಚಾಸುಣ ಅನುಪತಿಗಿಣ ಪುಬ್ಬಕತ್ತಾರೋಚನತ್ಥ ತದತ್ಥ ತುಮತ್ಥಾಲಮತ್ಥ ಮಞ್ಞಾನಾದರಪ್ಪಾಣಿನಿ ಗತ್ಯತ್ಥಕಮ್ಮನಿಆಸಿಸತ್ಥಸಮ್ಮುತಿಭಿಯ್ಯಸತ್ತಮ್ಯತ್ಥೇಸು ಚ.

೨೮೩, ೩೧೬. ಯಸ್ಸ ¶ ವಾ ಪರಿಗ್ಗಹೋ ತಂ ಸಾಮೀ.

೨೯೮. ೨೮೭. ಕಾಲದ್ಧಾನಮಚ್ಚನ್ತಸಂಯೋಗೇ.

೩೦೦, ೨೮೬. ಗತಿ ಬುದ್ಧಿ ಭುಜ ಪಠ ಹರ ಕರ ಸಯಾದೀನಂಕಾ ರಿತೇ ವಾ.

೩೦೩, ೩೨೧. ಸಾಮಿಸ್ಸರಾಧಿಪತಿ ದಾಯಾದ ಸಕ್ಖೀ ಪಥಿಭೂ ಪಸುತ ಕುಸಲೇಹಿ ಚ.

೩೦೬, ೨೮೯. ಕ್ವಚಿ ದುತಿಯಾ ಛಟ್ಠೀನಮತ್ಥೇ.

೩೧೦, ೩೨೪. ಕಮ್ಮಕರಣನಿಮಿತ್ತತ್ಥೇಸು ಸತ್ತಮೀ.

೩೧೪, ೩೨೮. ಉಪ’ಧ್ಯಾಧಿಕಿಸ್ಸರವಚನೇ.

೩೧೫, ೩೨೯. ಮಣ್ಡಿತುಸ್ಸುಕ್ಕೇಸು ತತಿಯಾ ಚ.

ಇತಿ ನಾಮಕಪ್ಪೇ ಕಾರಕಕಪ್ಪೋ ಛಟ್ಠೋ ಕಣ್ಡೋ.

೩೧೬, ೩೩೧. ನಾಮಾನ ಸಮಾಸೋ ಯುತ್ತತ್ಥೋ.

೩೧೭, ೩೩೨. ತೇಸಂ ವಿಭತ್ತಿಯೋ ಲೋಪಾ ಚ.

೩೧೯, ೩೩೦. ಉಪಸಗ್ಗನಿಪಾತಪುಬ್ಬಕೋ ¶ ಅಬ್ಯಯೀಭಾವೋ.

೩೨೨, ೩೫೯. ತಥಾ ದ್ವನ್ದೇ ಪಾಣಿ ತೂರಿಯೇ ಯೋಗ್ಗ ಸೇನಙ್ಗ ಖುದ್ದಜನ್ತುಕ ವಿವಿಧ ವಿರುದ್ಧ ವಿಸಭಾಗತ್ಥಾದೀನಞ್ಚ.

೩೨೩, ೩೬೦. ವಿಭಾಸಾ ರುಕ್ಖ ತಿಣ ಪಸು ಧನ ಧಞ್ಞ ಜನಪದಾ ದೀನಞ್ಚ.

೩೨೪, ೩೩೯. ದ್ವಿಪದೇ ತುಲ್ಯಾಧಿಕರಣೇ ಕಮ್ಮಧಾರಯೋ.

೩೨೮, ೩೫೨. ಅಞ್ಞಪದತ್ಥೇಸು ಬಹುಬ್ಬೀಹಿ.

೩೨೯, ೩೫೭. ನಾಮಾನಂ ಸಮುಚ್ಚಯೋ ದ್ವನ್ದೋ.

೩೩೦, ೩೪೦. ಮಹತಂ ಮಹಾ ತುಲ್ಯಾಧಿಕರಣೇ ಪದೇ.

೩೩೧, ೩೫೩. ಇತ್ಥಿಯಂ ಭಾಸಿತಪುಮಿತ್ಥೀ ಪುಮಾವ ಚೇ.

೩೩೭, ೩೫೦. ಕ್ವಚಿ ¶ ಸಮಾಸನ್ತ ಗತಾನಮಕಾರನ್ತೋ.

೩೩೯, ೩೫೮. ಜಾಯಾಯ ತುದಂ ಜಾನಿ ಪತಿಮ್ಹಿ.

೩೪೧, ೩೩೬. ಅಂವಿಭತ್ತೀನಮಕಾರನ್ತಾ ಅಬ್ಯಾಯಿತಾವಾ.

ಇತಿ ನಾಮಕಪ್ಪೇ ಸಮಾಸಕಪ್ಪೋ ಸತ್ತಮೋ ಕಣ್ಡೋ.

೩೫೦, ೩೭೩. ಯೇನ ವಾ ಸಂಸಟ್ಠಂ ತರತಿ ಚರತಿ ವಹತಿ ಣಿಕೋ.

೩೫೧, ೩೭೪. ತಮಧೀತೇ ತೇನಕತಾಧಿ ಸನ್ನಿಧಾನನಿಯೋಗ ಸಿಪ್ಪ ಭಣ್ಡ ಜೀವಿಕತ್ಥೇಸು ಚ.

೩೫೨, ೩೭೬. ಣ ¶ ರಾಗಾ ತಸ್ಸೇದಮಞ್ಞತ್ಥೇಸು ಚ.

೩೫೫, ೩೮೦. ಗಾಮ ಜನ ಬನ್ಧು ಸಹಾಯಾದೀಹಿ ತಾ.

೩೬೩, ೩೯೦. ವಿಸೇಸೇ ತರತಮಿಸಿಕಿಯಿಟ್ಠಾ.

೩೭೧, ೪೦೪. ಆಯುಸ್ಸುಕಾರಾಸ ಮನ್ತುಮ್ಹಿ.

೩೮೦, ೨೫೫. ವೀಸತಿ ದಸೇಸು ಬಾ ದ್ವಿಸ್ಸ ತು.

೩೮೧, ೨೫೪. ಏಕಾದಿತೋ ದಸ್ಸ ರ ಸಙ್ಖ್ಯಾನೇ.

೩೮೭, ೪೧೧. ತೇಸಮಡ್ಢೂಪಪದೇನ ಅಡ್ಢುಡ್ಢದಿವಡ್ಢ ದಿಯಡ್ಢ’ ಡ್ಢತಿಯಾ.

೩೮೯, ೪೧೩. ಗಣನೇದಸಸ್ಸ ದ್ವಿ ತಿ ಚತು ಪಞ್ಚ ಛ ಸತ್ತ ಅಟ್ಠನವಕಾನಂ ವೀ ತಿ ಚತ್ತಾರ ಪಞ್ಞಾ ಛ ಸತ್ತಾಸನವಾ ಯೋಸು ಯೋನಞ್ಚೀಸಮಾಸಂಠಿರಿತೀತುತಿ.

೩೯೦, ೨೫೬. ಚತೂಪಪದಸ್ಸ ¶ ಲೋಪೋ ತು’ತ್ತರಪದಾದಿಚಸ್ಸ ಚು ಚೋಪಿ ನವಾ.

೩೯೧, ೪೨೩. ಯದನುಪಪನ್ನಾ ನಿಪಾತನಾ ಸಿಜ್ಝನ್ತಿ.

೩೯೨, ೪೧೮. ದ್ವಾದಿತೋ ಕೋ’ನೇಕತ್ಥೇ ಚ.

೩೯೩, ೪೧೫. ದಸದಸಕಂ ಸತಂ ದಸಕಾನಂ ಸತಂ ಸಹಸ್ಸಞ್ಚ ಯೋಮ್ಹಿ.

೩೯೪, ೪೧೬. ಯಾವ ತದುತ್ತರಿ ದಸಗುಣಿತಞ್ಚ.

೩೯೮, ೪೨೧. ಸಬ್ಬನಾಮೇಹಿ ಪಕಾರವಚನೇ ತು ಥಾ.

೪೦೦, ೩೬೪. ವುದ್ಧಾದಿಸರಸ್ಸ ವಾ’ಸಂಯೋಗನ್ತಸ್ಸ ಸಣೇ ಚ.

೪೦೩, ೩೫೪. ಕ್ವಚಾದಿಮಜ್ಝುತ್ತರಾನಂ ದೀಘರಸ್ಸ ಪಚ್ಚಯೇಸು ಚ.

೪೦೪, ೩೭೦. ತೇಸು ವುದ್ಧಿ ಲೋಪಾಗಮ ವಿಕಾರ ವಿಪರಿತಾದೇಸಾ ಚ.

೪೦೫, ೩೬೫. ಅಯುವಣ್ಣಾನಞ್ಚಾಯೋ ವುದ್ಧಿ.

ಇತಿ ನಾಮಕಪ್ಪೇ ತದ್ಧಿತಕಪ್ಪೋ ಅಟ್ಠಮೋ ಕಣ್ಡೋ.

೪೦೬, ೪೨೯. ಅಥ ¶ ಪುಬ್ಬಾನಿ-ವಿಭತ್ತೀನಂ ಛ ಪರಸ್ಸಪದಾನಿ.

೪೦೮, ೪೩೦. ದ್ವೇ ದ್ವೇ ಪಠಮಮಜ್ಝಿಮುತ್ತಮಪುರಿಸಾ.

೪೦೯, ೪೪೧. ಸಬ್ಬೇಸಮೇಕಾಭಿಧಾನೇ ಪರೋ ಪುರಿಸೋ.

೪೧೦, ೪೩೨. ನಾಮಮ್ಹಿ ಪಯುಜ್ಜಮಾನೇಪಿ ತುಲ್ಯಾಧಿಕರಣೇ ಪಠಮೋ.

೪೧೪, ೪೨೮. ವತ್ತಮಾನಾ ಪಚ್ಚುಪ್ಪನ್ನೇ.

೪೧೫, ೪೫೧. ಆಣಾತ್ಯಾಸಿಟ್ಠೇ’ನುತ್ತಕಾಲೇ ಪಞ್ಚಮೀ.

೪೧೬, ೪೫೪. ಅನುಮತಿಪರಿಕಪ್ಪೇತ್ಥೇಸು ಸತ್ತಮೀ.

೪೧೭, ೪೬೦. ಅಪಚ್ಚಕ್ಖೇ ಪರೋಕ್ಖಾ’ತೀತೇ.

೪೧೮, ೪೫೬. ಹಿಯ್ಯೋಪಭುತಿ ಪಚ್ಚಕ್ಖೇ ಹಿಯ್ಯತ್ತನೀ.

೪೨೨, ೪೭೫. ಕ್ರಿಯಾತಿಪನ್ನೇ’ತೀತೇ ಕಾಲಾತಿಪತ್ತಿ.

೪೨೩, ೪೨೬. ವತ್ತಮಾನಾ ತೀ ಅನ್ತಿ, ಸಿ ಥ, ಮಿ ಮ ತೇ ಅನ್ತೇ, ಸೇವ್ಹೇ, ಏ ಮ್ಹೇ.

೪೨೪, ೪೫೦. ಪಞ್ಚಮೀ ¶ ತು ಅನ್ತು, ಹಿ ಥ, ಮಿ ಮ, ತಂ ಅನ್ತಂ, ಸ್ಸು ವ್ಹೋ, ಏ ಆಮಸೇ.

೪೨೫, ೪೫೩. ಸತ್ತಮೀ ಏಯ್ಯ ಏಯ್ಯುಂ, ಏಯ್ಯಾಸಿ ಏಯ್ಯಾಥ, ಏಯ್ಯಾಮಿ ಏಯ್ಯಾಮ, ಏಥ ಏರಂ, ಏಥೋ ಏಯ್ಯಾವ್ಹೋ, ಏಯ್ಯಂ ಏಯ್ಯಾಮ್ಹೇ.

೪೨೬, ೪೫೯. ಪರೋಕ್ಖಾ ಅ ಉ, ಏ ತ್ಥ, ಅಂ ಮ್ಹ, ತ್ಥ ರೇ, ತ್ಥೋ ವ್ಹೋ, ಇಂ ಮ್ಹೇ.

೪೨೭, ೪೫೫. ಹಿಯ್ಯತ್ತನೀ ಆ ಊ, ಓ ತ್ಥ, ಅಂ ಮ್ಹಾ, ತ್ಥ ತ್ಥುಂ, ಸೇವ್ಹಂ, ಇಂ ಮ್ಹಸೇ.

೪೨೮, ೪೬೮. ಅಜ್ಜತನೀ ಈಞಂ ಓತ್ಥ, ಇಂ ಮ್ಹಾ, ಆ ಊ, ಸೇ ವ್ಹಂ, ಅಂ ಮ್ಹೇ.

೪೨೯, ೪೭೨. ಸ್ಸವಿಸ್ಸನ್ತೀ ಸ್ಸತಿ ಸ್ಸನ್ತಿ, ಸ್ಸಸಿ ಸ್ಸಥ, ಸ್ಸಾಮಿ ಸ್ಸಾಮ, ಸ್ಸತೇ ಸ್ಸನ್ತೇ, ಸ್ಸಸೇ ಸ್ಸವ್ಹೇ, ಸ್ಸಂ ಸ್ಸಾಮ್ಹೇ.

೪೩೦, ೪೭೪. ಕಾಲಾತಿಪತ್ತಿ ಸ್ಸಾ ಸ್ಸಂಸು, ಸ್ಸೇ ಸ್ಸಥ, ಸ್ಸಂ ಸ್ಸಾಮಾ, ಸ್ಸಥ ಸ್ಸಿಸು, ಸ್ಸಸೇ ಸ್ಸವ್ಹೇ, ಸ್ಸಿಂ ಸ್ಸಾಮ್ಹಸೇ.

೪೩೧, ೪೨೮. ಹಿಯ್ಯತ್ತನೀ ಸತ್ತಮೀ ಪಞ್ಚಮೀ ವತ್ತಮಾನಾ ಸಬ್ಬಧಾತುಕಂ.

೪೩೨, ೩೬೨. ಧಾತುಲಿಙ್ಗೇಹಿ ಪರಾ ಪಚ್ಚಯಾ.

೪೩೩, ೫೨೮. ತಿಜಗುಪಕಿತಮಾನೇಹಿ ಖಛಸಾ ವಾ.

೪೩೪, ೫೩೪. ಭುಜಘಸಹರಸುಪಾದೀಹಿತುಮಿಚ್ಛತ್ಥೇಸು.

೪೩೫, ೫೩೬. ಆಯ ¶ ನಾಮತೋ ಕತ್ತೂಪಮಾನಾದಾಚಾರೇ.

೪೩೭, ೫೩೮. ನಾಮಮ್ಹಾ’ತ್ತಿಚ್ಛತ್ಥೇ.

೪೩೮, ೫೪೦. ಧಾತೂಹಿ ಣೇ ಣಯ ಣಾಪೇ ಣಾಪಯಾ ಕಾರಿತಾನಿ ಹೇತ್ವತ್ಥೇ.

೪೩೯, ೫೩೯. ಧಾತುರೂಪೇ ನಾಮಸ್ಮಾ ಣ ಯೋ ಚ.

೪೪೧, ೪೪೭. ತಸ್ಸ ಚವಗ್ಗಯಕಾರವಕಾರತ್ತಂ ಸಧಾತ್ವನ್ತಸ್ಸ.

೪೪೬, ೫೦೯. ರುಧಾದಿತೋ ನಿಗ್ಗಹಿತಪುಬ್ಬಞ್ಚ.

೪೫೩, ೪೪೪. ಅತ್ತನೋಪದಾನಿ ಭಾವೇ ಚ ಕಮ್ಮನಿ.

೪೫೫, ೫೩೦. ಧಾತುಪ್ಪಚ್ಚಯೇಹಿ ¶ ವಿಭತ್ತಿಯೋ.

೪೫೮, ೪೬೧. ಕ್ವಚಾದಿವಣ್ಣಾನಮೇಕಸ್ಸರಾನಂ ದ್ವೇಭಾವೋ.

೪೬೧, ೪೬೪. ದುತಿಯಚತುತ್ಥಾನಂ ಪಠಮತತಿಯಾ.

೪೬೫, ೪೬೩. ಅನ್ತಸ್ಸಿವಣ್ಣಾಕಾರೋ ವಾ.

೪೬೭, ೫೩೩. ತತೋ ಪಾಮಾನಾನಂ ವಾಮಂ ಸೇಸು.

೪೭೧, ೪೮೩. ದಿಸಸ್ಸ ಪಸ್ಸ ದಿಸ್ಸ ದಕ್ಖಾ ವಾ.

೪೭೨, ೫೩೧. ಬ್ಯಞ್ಜನನ್ತಸ್ಸ ಚೋ ಛಪ್ಪಚ್ಚಯೇಸು ಚ.

೪೭೫, ೪೬೫. ಬ್ರೂಭೂನಮಾಹಭೂವಾ ¶ ಪರೋಕ್ಖಾಯಂ.

೪೭೬, ೪೪೨. ಗಮಿಸ್ಸನ್ತೋ ಚ್ಛೋ ವಾ ಸಬ್ಬಾಸು.

೪೭೭, ೪೭೯. ವಚಸ್ಸ’ಜ್ಜತನಿಮ್ಹಿ ಮಕಾರಾ ಓ.

೪೮೦, ೪೯೦. ಹೋತಿಸ್ಸರೇ’ ಹೋ’ಹೇ ಭವಿಸ್ಸನ್ತಿಮ್ಹಿ ಸ್ಸಸ್ಸ ಚ.

೪೮೧, ೫೨೪. ಕರಸ್ಸ ಸಪ್ಪಚ್ಚಯಸ್ಸ ಕಾಹೋ.

೪೮೩, ೫೨೭. ಅಸಂಯೋಗನ್ತಸ್ಸ ವುದ್ಧಿ ಕಾರಿತೇ.

೪೮೭, ೪೭೮. ವಚ ವಸ ವಹಾದೀನಮುಕಾರೋ ವಸ್ಸಯೇ.

೪೯೧, ೫೨೩. ಕರಸ್ಸ ಕಾಸತ್ತಮಜ್ಜತನಿಮ್ಹಿ.

೪೯೨, ೪೯೯. ಅಸಸ್ಮಾ ಮಿಮಾನಂ ಮಿಮ್ಹಾ’ನ್ತಲೋಪೋ ಚ.

೪೯೪, ೪೯೫. ತಿಸ್ಸ ¶ ತಿಸ್ಸ ತ್ಥಿತ್ಥಂ.

೫೦೨, ೪೯೩. ಯಮ್ಹಿ ದಾ ಧಾ ಮಾ ಠಾ ಹಾ ಪಾ ಮಹ ಮಥಾದೀನಮೀ.

೫೦೫, ೪೮೨. ಜರಮರಾನಂ ಜೀರ ಜೀಯ್ಯ ಮೀಯ್ಯಾ ವಾ.

೫೦೬, ೪೯೬. ಸಬ್ಬತ್ಥಾ’ಸಸ್ಸಾದಿಲೋಪೋ ಚ.

೫೧೬, ೪೬೬. ಇಕಾರಾಗಮೋ ಅಸಬ್ಬಧಾತುಕಮ್ಹಿ.

೫೧೭, ೪೮೮. ಕ್ವಚಿ ಧಾತುವಿಭತ್ತಿಪ್ಪಚ್ಚಯಾನಂ ದೀಘವಿಪರೀತಾದೇಸ ಲೋಪಾಗಮಾ ಚ.

೫೧೮, ೪೪೬. ಅತ್ತನೋಪದಾನಿ ಪರಸ್ಸಪದತ್ತಂ.

೫೧೯, ೪೫೭. ಅಕಾರಾಗಮೋ ಹಿಯ್ಯತ್ಥನೀಅಜ್ಜತನೀಕಾಲಾತಿಪತ್ತೀಸು.

೫೨೧, ೪೨೫. ಧಾತುಸ್ಸನ್ತೋ ಲೋಪೋ’ ನೇಕಸರಸ್ಸ.

ಇತಿ ಆಖ್ಯಾತಕಪ್ಪೇ ಚತುತ್ಥೋ ಕಣ್ಡೋ.

೫೨೪, ೫೬೧. ಧಾತುಯಾ ಕಮ್ಮಾದಿಮ್ಹಿ ಣೋ.

೫೨೭, ೫೬೮. ಸಬ್ಬತೋ ಣ್ವುತ್ವಾ’ವೀ ವಾ.

೫೩೨, ೫೯೦. ತಸ್ಸೀಲಾದೀಸು ಣೀ ತ್ವಾ ವೀ ಚ.

೫೩೩, ೫೯೧. ಸದ್ದ ಕುಧ ಚಲ ಮಣ್ಡತ್ಥ ರುಚಾದೀಹಿ ಯು.

೫೪೦, ೫೪೫. ಭಾವಕಮ್ಮೇಸು ತಬ್ಬಾ’ನೀಯಾ.

೫೪೪, ೫೫೬. ವದ ಮದ ಗಮು ಯುಜ ಗರಹಾಕಾರಾದೀಹಿ ಜ್ಜ ಮ್ಮಗ್ಗಯ್ಹೇಯ್ಯಾವಾರೋ ವಾ.

ಇತಿ ಕಿಬ್ಬಿಧಾನಕಪ್ಪೇ ಪಠಮೋ ಕಣ್ಡೋ.

೫೬೧, ೬೩೬. ಇಚ್ಛತ್ಥೇಸು ಸಮಾನಕತ್ತುಕೇಸು ತವೇ ತುಂ ವಾ.

೫೬೪, ೬೪೦. ಪುಬ್ಬಕಾಲೇ’ಕಕತ್ತುಕಾನಂ ತುನ ತ್ವಾನ ತ್ವಾ ವಾ.

ಇತಿ ಕಿಬ್ಬಿಧಾನಕಪ್ಪೇ ದುತಿಯೋ ಕಣ್ಡೋ.

೫೭೧, ೬೨೪. ಪಚ್ಚಯಾದನಿಟ್ಠಾ ನಿಪಾತನಾ ಸಿಜ್ಝನ್ತಿ.

೫೭೨, ೬೨೫. ಸಾಸದಿಸತೋ ತಸ್ಸ ರಿಟ್ಠೋ ಚ.

೫೭೩, ೬೨೬. ಸಾದಿಸನ್ತ ಪುಚ್ಛ ಭನ್ಜ ಹನ್ತಾದೀಹಿ ಟ್ಠೋ.

೫೭೮, ೫೬೦. ಭುಜಾದೀನಮನ್ತೋ ನೋ ದ್ವಿ ಚ.

೫೮೨, ೬೩೧. ಭಿದಾದಿತೋ ಇನ್ನ ಅನ್ನ ಈಣಾ ವಾ.

೫೮೯, ೬೨೧. ಹನ್ತೇಹಿ ಹೋ ಹಸ್ಸ ಳೋ ವಾ ಅದಹನಹಾನಂ.

ಇತಿ ಕಿಬ್ಬಿಧಾನಕಪ್ಪೇ ತತಿಯೋ ಕಣ್ಡೋ.

೫೯೦, ೫೭೯. ಣಮ್ಹಿ ರನ್ಜಸ್ಸ ಜೋ ಭಾವಕರಣೇಸು.

೫೯೪, ೫೮೨. ಪುರಸಮುಪಪರೀಹಿ ಕರೋತಿಸ್ಸ ಖ ಖರಾ ವಾ ತಪ್ಪಚ್ಚಯೇಸು ಚ.

೫೯೬, ೫೫೧. ಗಮಖನಹನಾದೀನಂ ತುಂತಬ್ಬಾದೀಸು ನ.

೫೯೯, ೬೪೪. ದಿಸಾ ಸ್ವಾನಸ್ವನ್ತಲೋಪೋ ಚ.

೬೦೦, ೬೪೫. ಮಹದಭೇಹಿ ಮ್ಮ ಯ್ಹ ಜ್ಜ ಬ್ಭ ದ್ಧಾ ಚ.

೬೦೧, ೩೩೪. ತದ್ಧಿತಸಮಾಸಕಿತಕಾ ನಾಮಂ ವಾ’ತವೇತುನಾದೀಸು ಚ.

ಇತಿ ಕಿಬ್ಬಿಧಾನಕಪ್ಪೇ ಚತುತ್ಥೋ ಕಣ್ಡೋ.

೬೧೧, ೬೦೮. ಹಚತುತ್ಥಾನಮನ್ತಾನಂ ದೋ ಧೇ.

೬೧೫, ೫೮೬. ಧಾತ್ವನ್ತಸ್ಸ ಲೋಪೋ ಕ್ವಿಮ್ಹಿ.

೬೧೭, ೬೩೩. ನ ಮ ಕ ರಾನಮನ್ತಾನಂ ನಿಯುತ್ತತಮ್ಹಿ.

೬೧೮, ೫೭೧. ನ ಕ ವತ್ಥಂ ಚ ಜಾ ಣ್ವುಮ್ಹಿ.

೬೧೯, ೫೭೩. ಕರಸ್ಸ ಚ ತತ್ತಂ ಥುಸ್ಮಿಂ.

೬೨೧, ೫೫೩. ಕಾರಿತಂ ¶ ವಿಯ ಣಾನುಬನ್ಧೋ.

ಇತಿ ಕಿಬ್ಬಿಧಾನಕಪ್ಪೇ ಪಞ್ಚಮೋ ಕಣ್ಡೋ.

೬೨೫, ೬೦೫. ಭಾವಕಮ್ಮೇಸು ಕಿಚ್ಚತ್ತಕ್ಖತ್ಥಾ.

೬೩೦, ೬೫೪. ಮಸುಸ್ಸ ಸುಸ್ಸ ಚ್ಛರಚ್ಛೇರಾ.

೬೩೫, ೫೫೯. ಪೇಸಾತಿಸಗ್ಗಪತ್ತಕಾಲೇಸು ಕಿಚ್ಚಾ.

೬೩೮, ೬೬೮. ವಜಾದೀಹಿ ಪಬ್ಬಜ್ಜಾದಯೋ ನಿಪ್ಪಜ್ಜನ್ತೇ.

೬೪೧, ೫೭೨. ನುದಾದೀಹಿ ಯು ಣ್ವೂನ ಮನಾ ನ ನಾ ಕಾ ನ ನ ಕಾ ಸಕಾರಿತೇಹಿ ಚ.

೬೪೨, ೫೮೮. ಇ ಯ ತ ಮ ಕಿಂ ಏಸಾನಮನ್ತಸ್ಸರೋ ದೀಘಂ ಕ್ವಚಿ ದುಸಸ್ಸ ಗುಣಂ ದೋರಂ ಸ ಕ್ಖೀ ಚ.

೬೪೩, ೬೩೫. ಭ್ಯಾದೀಹಿ ಮತಿ ಬುಧಿ ಪೂಜಾದೀಹಿ ಚ ತ್ತೋ.

೬೪೪, ೬೬೧. ವೇಪು ಸೀ ದವ ವಮು ಕು ದಾ ಭೂತ್ವಾದೀಹಿ ಥುತ್ತಿಮ ಣಿಮಾ ನಿಬ್ಬತ್ತೇ.

೬೪೬, ೪೧೯. ಏಕಾದಿತೋ ಸಕಿಸ್ಸ ಕ್ಖತ್ತುಂ.

೬೪೭, ೬೬೩. ಸುನಸ್ಸುನಸ್ಸೋ ಣ ವಾನುವಾನೂನನಖುನಾನಾ.

೬೪೯, ೬೬೫. ಯುವಸ್ಸುವಸ್ಸುವುವಾನನೂನಾ.

೬೫೦, ೬೫೧. ಕಾಲೇ ವತ್ತಮಾನಾತೀತೇ ಣ್ವಾದಯೋ.

೬೫೧, ೬೪೭. ಭವಿಸ್ಸತಿ ಗಮಾದೀಹಿ ಣೀ ಘಿಣ.

೬೫೫, ೬೫೦. ಸೇಸೇ ಸ್ಸಂ ನ್ತು ಮಾನಾನಾ.

೬೫೯, ೬೬೯. ಉಸುರನ್ಜದಸಾನಂ ¶ ದಂಸಸ್ಸ ದಡ್ಢೋ ಢಠಾ ಚ.

೬೬೦, ೬೭೦. ಸೂವುಸಾನಮೂವುಸಾನಮತೋ ಥೋ ಚ.

೬೬೧, ೬೭೧. ರನ್ಜುದಾದೀಹಿ ಧದಿದ್ದಕಿರಾ ಕ್ವಚಿ ಜದಲೋಪೋ ಚ.

೬೬೨, ೬೭೨. ಪಟಿತೋ ಹಿಸ್ಸ ಹೇರಣ ಹೀರಣ.

೬೬೪, ೬೭೪. ಖಾದಾಮಗಮಾನಂ ಖನ್ಧನ್ಧಗನ್ಧಾ.

೬೭೩, ೬೮೩. ಮನುಪೂರಸುಣಾದೀಹಿ ಉಸ್ಸನುಸಿಸಾ.

ಇತಿ ಕಿಬ್ಬಿಧಾನಕಪ್ಪೇ ಉಣಾದಿಕಪ್ಪೋ ಛಟ್ಠೋ ಕಣ್ಡೋ.

ಸೇಟ್ಠಂ ¶ ತಿಲೋಕಮಹಿತಂ ಅಭಿವನ್ದಿಯಗ್ಗಂ,

ಬುದ್ಧಞ್ಚ ಧಮ್ಮಮಮಲಂ ಗಣಮುತ್ತಮಞ್ಚ;

ಸತ್ಥುಸ್ಸ ತಸ್ಸ ವಚನತ್ಥವರಂ ಸುಬುದ್ಧುಂ,

ವಕ್ಖಾಮಿ ಸುತ್ತಹಿತಮೇತ್ಥ ಸುಸನ್ಧಿಕಪ್ಪಂ.

ಸೇಯ್ಯಂ ಜಿನೇರಿತನಯೇನ ಬುಧಾ ಲಭನ್ತಿ,

ಸೇಯ್ಯತ್ಥಿಕೋ ಪದಮತೋ ವಿವಿಧಂ ಸುಣೇಯ್ಯಂ.

ಸಬ್ಬವಚನಾನಮತ್ಥೋ ಅಕ್ಖರೇಹೇವ ಸಞ್ಞಾಯತೇ. ಅಕ್ಖರವಿಪತ್ತಿಯಂ ಹಿ ಅತ್ಥಸ್ಸ ದುನ್ನಯಥಾ ಹೋತಿ, ತಸ್ಮಾ ಅಕ್ಖರಕೋಸಲ್ಲಂ ಬಹೂಪಕಾರಂ ಸುತ್ತನ್ತೇಸು.

೨, ೨. ಅಕ್ಖರಾಪಾದಯೋ ¶ ಏಕಚತ್ತಾಲೀಸಂ.

ತೇ ಚ ಖೋ ಅಕ್ಖರಾ ಅಪಿ ಅಕಾರಾದಯೋ ಏಕಚತ್ತಾ ಲೀಸ ಸುತ್ತನ್ತೇಸು ಸೋಪಕಾರಾ.

ತಂ ಯಥಾ? ಅ ಆ ಇ ಈ ಉ ಊ ಏ ಓ, ಕ ಖ ಗ ಘ ಙ, ಚ ಛ ಜ ಝ ಞ, ಟ ಠ ಡ ಢ ಣ, ತ ಥ ದ ಧ ನ, ಪ ಫ ಬ ಭ ಮ, ಯ ರ ಲ ವ ಸ ಹ ಳ ಅಂ, ಇತಿ ಅಕ್ಖರಾ ನಾಮ.

ತೇನ ಕ್ವತ್ಥೋ? ಅತ್ಥೋ ಅಕ್ಖರಸಞ್ಞಾತೋ.

ತತ್ಥ ಅಕ್ಖರೇಸು ಅಕಾರಾದೀಸು ಓದನ್ತಾ ಅಟ್ಠ ಅಕ್ಖರಾ ಸರಾ ನಾಮ ಹೋನ್ತಿ.

ತಂ ಯಥಾ? ಅ ಆ ಇ ಈ ಉ ಊ ಏ ಓ, ಇತಿ ಸರಾ ನಾಮ.

ತತ್ಥ ಅಟ್ಠಸು ಸರೇಸು ಲಹುಮತ್ತಾ ತಯೋ ಸರಾ ರಸ್ಸಾ ನಾಮ ಹೋನ್ತಿ.

ತತ್ಥ ಅಟ್ಠಸು ಸರೇಸು ರಸ್ಸೇಹಿ ಅಞ್ಞೇ ಪಞ್ಚ ಸರಾ ದೀಘಾ ನಾಮ ಹೋನ್ತಿ.

ಠಪೇತ್ವಾ ಅಟ್ಠ ಸರೇ ಸೇಸಾ ಅಕ್ಖರಾ ಕಕಾರಾದಯೋ ನಿಗ್ಗಹಿತನ್ತಾ ಬ್ಯಞ್ಜನಾ ನಾಮ ಹೋನ್ತಿ.

ತಂ ಯಥಾ? ಕ ಖ ಗ ಘ ಙ, ಚ ಛ ಜ ಝ ಞ, ಟ ಠ ಡ ಢ ಣ, ತ ಥ ದ ಧ ನ, ಪ ಫ ಬ ಭ ಮ, ಯ ರ ಲ ವ ಸ ಹ ಳ ಅಂ, ಇತಿ ಬ್ಯಞ್ಜನಾ ನಾಮ.

ತೇನ ಕ್ವತ್ಥೋ? ಸರಾ ಪಕತಿ ಬ್ಯಞ್ಜನೇ.

ತೇಸಂ ಖೋ ಬ್ಯಞ್ಜನಾನಂ ಕಕಾರಾದಯೋ ಮಕಾರನ್ತಾ ಪಞ್ಚಪಞ್ಚಸೋ ಅಕ್ಖರವನ್ತೋ ವಗ್ಗಾ ನಾಮ ಹೋನ್ತಿ.

ತಂ ಯಥಾ? ಕ ಖ ಗ ಘ ಙ, ಚ ಛ ಜ ಝ ಞ, ಟ ಠ ಡ ಢ ಣ, ತ ಥ ದ ಧ ನ, ಪ ಫ ಬ ಭ ಮ, ಇತಿ ವಗ್ಗಾ ನಾಮ.

ತೇನ ಕ್ವತ್ಥೋ? ವಗ್ಗನ್ತಂ ವಾ ವಗ್ಗೇ.

ತೇನ ಕ್ವತ್ಥೋ? ಅಂ ಬ್ಯಞ್ಜನೇ ನಿಗ್ಗಹಿತಂ.

ಯಾ ಚ ಪನ ಪರೇಸು ಸಕ್ಕತಗನ್ಥೇಸು ಸಮಞ್ಞಾ ಘೋಸಾತಿ ವಾ ಅಘೋಸಾತಿ ವಾ, ತಾ ಪಯೋಗೇ ಸತಿ ಏತ್ಥಾಪಿ ಯುಜ್ಜನ್ತೇ.

ತತ್ಥ ಘೋಸಾ ನಾಮ-ಗ ಘ ಙ, ಜ ಝ ಞ, ಡ ಢ ಣ, ದ ಧ ನ, ಬ ಭ ಮ, ಯ ರ ಲ ವ ಹ ಳ, ಇತಿ ಘೋಸಾ ನಾಮ. ಅಘೋಸಾ ನಾಮ-ಕ ಖ, ಚ ಛ, ಟ ಠ, ತ ಥ, ಪ ಫ, ಸ, ಇತಿ ಅಘೋಸಾ ನಾಮ.

ತೇನ ಕ್ವತ್ಥೋ? ವಗ್ಗೇ ಘೋಸಾಘೋಸಾನಂ ತತಿಯಪಠಮಾ.

೧೦, ೧೨. ಪುಬ್ಬಮಧೋಠಿತ ಮಸ್ಸರಂ ಸರೇನ ವಿಯೋಜಯೇ.

ತತ್ಥ ಸನ್ಧಿಂ ಕತ್ತುಕಾಮೋ ಪುಬ್ಬಬ್ಯಞ್ಜನಂ ಅಧೋಠಿತಂ ಅಸ್ಸರಂ ಕತ್ವಾ ಸರಞ್ಚ ಉಪರಿ ಕತ್ವಾ ಸರೇನ ವಿಯೋಜಯೇ.

ಅಸ್ಸರಂ ಖೋ ಬ್ಯಞ್ಜನಂ ಅಧೋಠತಂ ಪರಕ್ಖರಂ ನಯೇ ಯುತ್ತೇ. ತತ್ರಾಭಿರತಿಮಿಚ್ಛೇಯ್ಯ.

ಯುತ್ತೇತಿಕಸ್ಮಾ? ಅಕ್ಕೋಚ್ಛಿ ಮಂ ಅವಧಿ ಮಂ, ಅಜಿನಿ ಮಂ ಅಹಾಸಿ ಮೇ. ಏತ್ಥ ಪನ ಯುತ್ತಂ ನ ಹೋತಿ.

ಯಸ್ಸಿನ್ದ್ರಿಯಾನಿ ಸಮಥಙ್ಗತಾನಿ. ನೋ ಹೇತಂ ಭನ್ತೇ ಸಮೇತಾಯಸ್ಮಾ ಸಙ್ಘೇನ.

ಸರಮ್ಹಾ ಅಸರೂಪಾ ಪರೋ ಸರೋ ಲೋಪಂ ಪಪ್ಪೋತಿ ವಾ.

ಚತ್ತಾರೋ’ಮೇ ಭಿಕ್ಖವೇ ಧಮ್ಮಾ, ಕಿನ್ನು’ ಮಾವಸಮಣಿಯೋ. ವಾತಿ ಕಸ್ಮಾ? ಪಞ್ಚಿನ್ದ್ರಿಯಾನಿ, ತಯಸ್ಸು ಧಮ್ಮಾ ಜಹಿತಾ ಭವನ್ತಿ.

೧೪, ೧೬. ಕ್ವಚಾಸಚಣ್ಣಂ ¶ ಲುತ್ತೇ.

ಸರೋ ಖೋ ಪರೋ ಪುಬ್ಬಸರೇ ಲುತ್ತೇ ಕ್ವಚಿ ಅಸವಣ್ಣಂ ಪಪ್ಪೋತಿ.

ಸಙ್ಖ್ಯಂ ನೋಪೇತಿ ವೇದಗೂ, ಬನ್ಧುಸ್ಸೇವ ಸಮಾಗಮೋ.

ಕ್ವಚೀತಿ ಕಸ್ಮಾ? ಯಸ್ಸಿನ್ದ್ರಿಯಾನಿ, ತಥೂಪಮಂ ಧಮ್ಮವರಂ ಅದೇಸಯಿ.

ಸರೋ ಖೋ ಪರೋ ಪುಬ್ಬಸರೇ ಲುತ್ತೇ ಕ್ವಚಿ ದೀಘಂ ಪಪ್ಪೋತಿ. ಸದ್ಧೀಧ ವಿತ್ತಂ ಪುರಿಸಸ್ಸ ಸೇಟ್ಠಂ, ಅನಾಗಾರೇಹಿ ಚೂಭಯಂ.

ಕ್ವಚೀತಿ ಕಸ್ಮಾ? ಪಞ್ಚಹುಪಾಲಿ ಅಙ್ಗೇಹಿ ಸಮನ್ನಾಗತೋ. ನತ್ಥಞ್ಞಂ ಕಿಞ್ಚಿ.

ಪುಬ್ಬೋ ಚ ಸರೋ ಪರಸರಲೋಪೇ ಕತೇ ಕ್ವಚಿ ದೀಘಂ ಪಪ್ಪೋತಿ.

ಕಿಂಸೂಧ ವಿತ್ತಂ ಪುರಿಸಸ್ಸ ಸೇಟ್ಠಂ, ಸಾಧೂತಿ ಪಟಿಸ್ಸುಣಿತ್ವಾ, ಕ್ವಚೀತಿ ಕಸ್ಮಾ? ಇತಿಸ್ಸ ಮುಹುತ್ತಮ್ಪಿ.

ಏಕಾರಸ್ಸ ಅನ್ತಭೂತಸ್ಸ ಸರೇ ಪರೇ ಕ್ವಚಿ ಯಕಾರಾದೇಸೋ ಹೋತಿ.

ಅಧಿಗತೋ ಖೋ ಮ್ಯಾಯಂ ಧಮ್ಮೋ, ತ್ಯಾಹಂ ಏವಂ ವದೇಯ್ಯಂ, ತ್ಯಾಸ್ಸ ಪಹೀನಾ ಹೋನ್ತಿ.

ಕ್ವಚೀತಿ ಕಸ್ಮಾ? ನೇ’ನಾಗತಾ, ಇತಿ ನೇತ್ಥ.

ಓಕಾರುಕಾರಾನಂ ಅನ್ತಭೂತಾನಂ ಸರೇ ಪರೇ ಕ್ವಚಿ ವಕಾರಾದೇಸೋ ಹೋತಿ.

ಅಥ ಖ್ವಸ್ಸ, ಸ್ವಸ್ಸ ಹೋತಿ, ಬಹ್ವಾಬಾಧೋ, ವತ್ಥ್ವೇತ್ಥ ವಿಹಿತಂ ನಿಚ್ಚಂ ಚಕ್ಖಾಪಾಥಮಾಗಚ್ಛತಿ.

ಕ್ವಚೀತಿಕಸ್ಮಾ? ಚತ್ತಾರೋ’ಮೇ ಭಿಕ್ಖವೇ ಧಮ್ಮಾ, ಕಿನ್ನುಮಾವ ಸಮಣಿಯೋ.

ಸಬ್ಬೋ ಇಚ್ಚೇಸೋ ತಿಸದ್ದೋ ಬ್ಯಞ್ಜನೋ ಸರೇ ಪರೇ ಕ್ವಚಿ ಚಕಾರಂ ಪಪ್ಪೋತಿ.

ಇಚ್ಚೇತಂ ¶ ಕುಸಲಂ, ಇಚ್ಚಸ್ಸ ವಚನೀಯಂ, ಪಚ್ಚುತ್ತರಿತ್ವಾ, ಪಚ್ಚಾಹರತಿ.

ಕ್ವಚೀತಿ ಕಸ್ಮಾ? ಇತಿಸ್ಸ ಮುಹುತ್ತಮ್ಪಿ.

ಧಇಚ್ಚೇತಸ್ಸ ಸರೇ ಪರೇ ಕ್ವಚಿ ದಕಾರಾದೇಸೋ ಹೋತಿ.

ಕ್ವಚೀತಿ ಕಸ್ಮಾ? ಇಧೇವ ಮರಣಂ ಭವಿಸ್ಸತಿ.

ವಗ್ಗಹಣೇನ ಧಕಾರಸ್ಸ ಹಕಾರಾದೇಸೋ ಹೋತಿ ಸಾಹು ದಸ್ಸನ ಮರಿಯಾನಂ.

ಖೋ ಕಸ್ಸ, ಯಥಾ? ನಿಕ್ಖಮತಿ. ಇಚ್ಚೇವಮಾದೀ ಯೋಜೇತಬ್ಬಾ.

ಪುಬ್ಬೋ ಇವಣ್ಣೋ ಸರೇ ಪರೇ ಯಕಾರಂ ಪಪ್ಪೋತಿ ನವಾ. ಪಟಿಸುನ್ಥಾರವುತ್ಯಸ್ಸ, ಸಬ್ಬಾ ವಿತ್ಯಾನುಭೂಯತೇ.

ನವಾತಿ ಕಸ್ಮಾ? ಪಞ್ಚಹಙ್ಗೇಹಿ ಸಮನ್ನಾಗತೋ, ಮುತ್ತಚಾಗೀ ಅನುದ್ಧತೋ.

೨೨, ೨೮. ಏವಾದಿಸ್ಸ ರಿ ಪುಬ್ಬೋ ಚ ರಸ್ಸೋ.

ಸರಮ್ಹಾ ಪರಸ್ಸ ಏವಸ್ಸ ಏಕಾರಸ್ಸ ಆದಿಸ್ಸ ರಿಕಾರೋ ಹೋತಿ, ಪುಬ್ಬೋ ಚ ಸರೋ ರಸ್ಸೋ ಹೋತಿ ನವಾ.

ಯಥರಿವ ¶ ವಸುಧಾತಲಞ್ಚ ಸಬ್ಬಂ, ತಥರಿವ ಗುಣವಾ ಸುಪೂಜನಿಯೋ.

ಸರಾ ಖೋ ಬ್ಯಞ್ಜನೇ ಪರೇ ಪಕತಿರೂಪಾನಿ ಹೋನ್ತಿ.

ಮನೋಪುಬ್ಬಙ್ಗಮಾ ಧಮ್ಮಾ, ಪಮಾದೋ ಮಚ್ಚುನೋ ಪದಂ, ತಿಣ್ಣೋ ಪಾರಙ್ಗತೋ ಅಹು.

ಸರಾ ಖೋ ಸರೇ ಪರೇ ಕ್ವಚಿ ಪಕತಿರೂಪಾನಿ ಹೋನ್ತಿ.

ಕ್ವಚೀತಿ ಕಸ್ಮಾ? ಅಪ್ಪಸ್ಸುತಾಯಂ ಪುರಿಸೋ.

ಸರಾ ಖೋ ಬ್ಯಞ್ಜನೇ ಪರೇ ಕ್ವಚಿ ದೀಘಂ ಪಪ್ಪೋನ್ತಿ.

ಸಮ್ಮಾ ¶ ಧಮ್ಮಂ ವಿಪಸ್ಸತೋ, ಏವಂ ಗಾಮೇ ಮುನೀ ಚರೇ, ಖನ್ತೀ ಪರಮಂ ತಪೋ ತಿತಿಕ್ಖಾ.

ಕ್ವಚೀತಿ ಕಸ್ಮಾ? ಇಧ ಮೋದತಿ ಪೇಚ್ಚ ಮೋದತಿ, ಪತಿಲೀಯತಿ, ಪಟಿಹಞ್ಞತಿ.

ಸರಾ ಖೋ ಬ್ಯಞ್ಜನೇ ಪರೇ ಕ್ವಚಿ ರಸ್ಸಂ ಪಪ್ಪೋನ್ತಿ.

ಭೋವಾದಿನಾಮ ಸೋ ಹೋತಿ, ಯಥಾಭಾವಿ ಗುಣೇನ ಸೋ.

ಕ್ವಚೀತಿ ಕಸ್ಮಾ? ಸಮ್ಮಾಸಮಾಧಿ, ಸಾವಿತ್ತೀ ಛನ್ದಸೋ ಮುಖಂ, ಉಪನೀಯತಿ ಜೀವಿತಮಪ್ಪಮಾಯು.

ಸರಾ ಖೋ ಬ್ಯಞ್ಜನೇ ಪರೇ ಕ್ವಚಿ ಲೋಪಂ ಪಪ್ಪೋನ್ತಿ. ತತ್ರ ಚ ಲೋಪೇ ಕತೇ ಅಕಾರಾಗಮೋ ಹೋತಿ.

ಸ ಸೀಲವಾ. ಸ ಪಞ್ಞವಾ ಏಸ ಧಮ್ಮೋ ಸನನ್ತನೋ, ಸ ವೇ ಕಸಾವಮರಹತಿ, ಸ ಮಾನಕಾಮೋಪಿ ಭವೇಯ್ಯ, ಸ ವೇ ಮುನಿ ಜಾತಿಭಯಂ ಅದಸ್ಸಿ.

ಕ್ವಚೀತಿ ¶ ಕಸ್ಮಾ? ಸೋ ಮುನಿ, ಏಸೋ ಧಮ್ಮೋ ಪದಿಸ್ಸತಿ, ನ ಸೋ ಕಾಸಾವಮರಹತಿ.

ಸರಮ್ಹಾ ಪರಸ್ಸ ಬ್ಯಞ್ಜನಸ್ಸ ದ್ವೇಭಾವೋ ಹೋತಿ ಠಾನೇ.

ಇಧಪ್ಪಮಾದೋ, ಪುರಿಸಸ್ಸ ಜನ್ತುನೋ, ಪಬ್ಬಜ್ಜಂ ಕಿತ್ತಯಿಸ್ಸಾಮಿ, ಚಾತುದ್ದಸಿ, ಪಞ್ಚದ್ದಸಿ, ಅಭಿಕ್ಕನ್ತತರೋ ಚನ್ದೋ.

ಠಾನೇತಿ ಕಸ್ಮಾ? ಇಧ ಮೋದತಿ ಪೇಚ್ಚ ಮೋದತಿ.

೨೯, ೪೨. ವಗ್ಗೇ ಘೋಸಾಘೋಸಾನಂ ತತಿಯಪಠಮಾ.

ವಗ್ಗೇ ಖೋ ಪುಬ್ಬೇಸಂ ಬ್ಯಞ್ಜನಾನಂ ಘೋಸಾಘೋಸಭೂತಾನಂ ಸರಮ್ಹಾ ಯಥಾಸಙ್ಖ್ಯಂ ತತಿಯಪಠಮಕ್ಖರಾ ದ್ವೇಭಾವಂ ಗಚ್ಛನ್ತಿ ಠಾನೇ.

ಏಸೇವ ಚಜ್ಝಾನಪ್ಫಲೋ, ಯತ್ರಟ್ಠಿತಂ ನಪ್ಪಸಹೇಯ್ಯ ಮಚ್ಚು, ಸೇಲೇ ಯಥಾ ಪಬ್ಬತಮುದ್ಧನಿಟ್ಠಿತೋ, ಚತ್ತಾರಿಟ್ಠಾನಾನಿ ನರೋ ಪಮತ್ತೋ.

ಠಾನೇತಿ ಕಸ್ಮಾ? ಇಧ ಚೇತಸೋ ದಳ್ಹಂ ಗಣ್ಹಾತಿ ಥಾಮಸಾ.

೩೦, ೫೮. ಅಂ ¶ ಬ್ಯಞ್ಜನೇ ನಿಗ್ಗಹಿತಂ.

ನಿಗ್ಗಹಿತಂ ಖೋ ಬ್ಯಞ್ಜನೇ ಪರೇ ಅಂ ಇತಿ ಹೋತಿ.

ಏವಂ ವುತ್ತೇ, ತಂ ಸಾಧೂತಿ ಪಟಿಸ್ಸುಣಿತ್ವಾ.

ವಗ್ಗಭೂತೇ ಬ್ಯಞ್ಜನೇ ಪರೇ ನಿಗ್ಗಹಿತಂ ಖೋ ವಗ್ಗನ್ತಂ ವಾ ಪಪ್ಪೋತಿ.

ತನ್ನಿಚ್ಚುತಂ, ಧಮ್ಮಞ್ಚರೇ ಸುಚರಿತಂ, ಚಿರಪ್ಪವಾಸಿಂ ಪುರಿಸಂ. ಸನ್ತನ್ತಸ್ಸ ಮನಂ ಹೋತಿ, ತಙ್ಕಾರುಣಿಕಂ, ಏವಙ್ಖೋ ಭಿಕ್ಖವೇ ಸಿಕ್ಖಿತಬ್ಬಂ.

ವಾಗ್ಗಹಣೇನನಿಗ್ಗಹಿತಂ ಖೋ ಲಕಾರಾದೇಸೋ ಹೋತಿ. ಪುಗ್ಗಲಂ.

ವಾತಿ ಕಸ್ಮಾ? ನ ತಂ ಕಮ್ಮಂ ಕತಂ ಸಾಧು.

ಏಕಾರಹಕಾರೇ ಪರೇ ನಿಗ್ಗಹಿತಂ ಖೋ ಞಕಾರಂ ಪಪ್ಪೋತಿ ವಾ.

ಪಚ್ಚತ್ತಞ್ಞೇವ ಪರಿನಿಬ್ಬಾಯಿಸ್ಸಾಮಿ, ತಞ್ಞೇವೇತ್ಥ ಪಟಿಪುಚ್ಛಿಸ್ಸಾಮಿ, ಏವಞ್ಹಿ ವೋ ಭಿಕ್ಖವೇ ಸಿಕ್ಖಿತಬ್ಬಂ. ತಞ್ಹಿ ತಸ್ಸ ಮುಸಾ ಹೋತಿ.

ವಾತಿ ¶ ಕಸ್ಮಾ? ಏವಮೇತಂ ಅಭಿಞ್ಞಾಯ, ಏವಂ ಹೋತಿ ಸುಭಾಸಿತಂ.

ನಿಗ್ಗಹಿತಂ ಖೋ ಯಕಾರೇ ಪರೇ ಸಹ ಯಕಾರೇನ ಞಕಾರಂ ಪಪ್ಪೋತಿ ವಾ.

ನಿಗ್ಗಹಿತಸ್ಸ ಖೋ ಸರೇ ಪರೇ ಮಕಾರದಕಾರಾದೇಸಾ ಹೋನ್ತಿ ವಾ.

ತಮಹಂ ಬ್ರೂಮಿ ಬ್ರಾಹ್ಮಣಂ, ಏತದವೋಚ ಸತ್ಥಾ.

ವಾತಿ ಕಸ್ಮಾ? ಅಕ್ಕೋಚ್ಛಿ ಮಂ ಅವಧಿ ಮಂ, ಅಜಿನಿ ಮಂ ಅಹಾಸಿ ಮೇ.

ಸರೇ ಪರೇ ಯಕಾರೋ ವಕಾರೋ ಮಕಾರೋ ದಕಾರೋ ನಕಾರೋ ತಕಾರೋ ರಕಾರೋ ಲಕಾರೋ ಇಮೇ ಆಗಮಾ ಹೋನ್ತಿ ವಾ.

ನಯಿಮಸ್ಸ ವಿಜ್ಜಾ, ಯಥಯಿದಂ ಚಿತ್ತಂ. ಮಿಗೀ ಭನ್ತಾ ವುದಿಕ್ಖತಿ, ಸಿತ್ತಾ ತೇ ಲಹು ಮೇಸ್ಸತಿ, ಅಸಿತ್ತಾ ತೇ ಗರು ಮೇಸ್ಸತಿ. ಅಸ್ಸೋ ¶ ಭದ್ರೋ ಕಸಾಮಿವ, ಸಮ್ಮದಞ್ಞಾ ವಿಮುತ್ತಾನಂ. ಮನಸಾದಞ್ಞಾ ವಿಮುತ್ತಾನಂ, ಅತ್ತದತ್ಥಮಭಿಞ್ಞಾಯ. ಚಿರಂನಾಯತಿ, ಇತೋ ನಾಯತಿ. ಯಸ್ಮಾತಿಹ ಭಿಕ್ಖವೇ, ತಸ್ಮಾತಿಹ ಭಿಕ್ಖವೇ, ಅಜ್ಜತಗ್ಗೇ ಪಾಣುಪೇತಂ. ಸಬ್ಭಿರೇವ ಸಮಾಸೇಥ, ಆರಗ್ಗೇರಿವ ಸಾಸಪೋ, ಸಾಸಪೋರಿವ ಆರಗ್ಗಾ. ಛಳಭಿಞ್ಞಾ, ಸಳಾಯತನಂ.

ವಾತಿ ಕಸ್ಮಾ? ಏವಂ ಮಹಿದ್ಧಿಯಾ ಏಸಾ, ಅಕ್ಕೋಚ್ಛಿ ಮಂ ಅವಧಿ ಮಂ, ಅಜಿನಿ ಮಂ ಅಹಾಸಿ ಮೇ, ಅಜೇಯ್ಯೋ ಅನುಗಾಮಿಕೋ.

ಚಗ್ಗಹಣೇನ ಇಧೇವ ಮಕಾರಸ್ಸ ಪಕಾರೋ ಹೋತಿ. ಚಿರಪ್ಪವಾಸಿಂ ಪುರಿಸಂ.

ಕಕಾರಸ್ಸ ಚ ದಕಾರೋ ಹೋತಿ. ಸದತ್ಥಪಸುತೋ ಸಿಯಾ.

ಬ್ಯಞ್ಜನೇ ಪರೇ ಕ್ವಚಿ ಓಕಾರಾಗಮೋ ಹೋತಿ.

ಅತಿಪ್ಪಗೋ ಖೋ ತಾವ ಸಾವತ್ಥಿಯಂ ಪಿಣ್ಡಾಯ ಚರಿತುಂ. ಪರೋಸಹಸ್ಸಂ.

ಕ್ವಚೀಕಿ ¶ ಕಸ್ಮಾ? ಏಥ ಪಸ್ಸಥಿಮಂ ಲೋಕಂ, ಅನ್ಧೀಭೂತೋ ಅಯಂ ಲೋಕೋ.

ನಿಗ್ಗಹಿತಞ್ಚಾಗಮೋ ಹೋತಿ ಸರೇ ವಾ ಬ್ಯಞ್ಜನೇ ವಾ ಪರೇ ಕ್ವಚಿ.

ಚಕ್ಖುಂಉದಪಾದಿ, ಅವಂಸಿರೋ, ಯಾವಞ್ಚಿಧ ಭಿಕ್ಖವೇ ಪುರಿಮಂ ಜಾತಿಂ ಸರಾಮಿ, ಅಣುಂಥೂಲಾನಿ ಸಬ್ಬಸೋ, ಮನೋಪುಬ್ಬಙ್ಗಮಾ ಧಮ್ಮಾ.

ಕ್ವಚೀತಿ ಕಸ್ಮಾ? ಇಧೇವ ನಂ ಪಸಂಸನ್ತಿ, ಪೇಚ್ಚ ಸಗ್ಗೇ ಪಮೋದತಿ, ನ ಹಿ ಏತೇಹಿ ಯಾನೇಹಿ, ಗಚ್ಛೇಯ್ಯ ಅಗತಂ ದಿಸಂ.

ಚಗ್ಗಹಣೇನ ವಿಸದ್ದಸ್ಸ ಚ ಪಕಾರೋ ಹೋತಿ. ಪಚೇಸ್ಸತಿ, ವಿಚೇಸ್ಸತಿ ವಾ.

ನಿಗ್ಗಹಿತಂ ಖೋ ಸರೇ ಪರೇ ಕ್ವಚಿ ಲೋಪಂ ಪಪ್ಪೋತಿ.

ಕ್ವಚೀತಿ ಕಸ್ಮಾ? ಅಹಮೇವ ನೂನ ಬಾಲೋ ಏತಮತ್ಥಂ ವಿದಿತ್ವಾನ.

ನಿಗ್ಗಹಿತಂ ಖೋ ಬ್ಯಞ್ಜನೇ ಪರೇ ಕ್ವಚಿ ಲೋಪಂ ಪಪ್ಪೋತಿ.

ಅರಿಯಸಚ್ಚಾನದಸ್ಸನಂ, ಏತಂ ಬುದ್ಧಾನಸಾಸನಂ.

ಕ್ವಚೀತಿ ಕಸ್ಮಾ? ಏತಂ ಮಙ್ಗಲಮುತ್ತಮಂ, ತಂ ವೋ ವದಾಮಿ ಭದ್ದನ್ತೇ.

ನಿಗ್ಗಹಿತಮ್ಹಾ ಪರೋ ಸರೋ ಲೋಪಂ ಪಪ್ಪೋತಿ ವಾ.

ಭಾಸಿತಂ ಅಭಿನನ್ದುನ್ತಿ, ಉತ್ತತ್ತಂವ, ಯಥಾಬೀಜಂವ, ಯಥಾಧಞ್ಞಂವ.

ವಾತಿ ಕಸ್ಮಾ? ಅಹಮೇವ ನೂನ ಬಾಲೋ, ಏತದಹೋಸಿ.

ನಿಗ್ಗಹಿತಮ್ಹಾ ಪರಸ್ಮಿಂ ಸರೇ ಲುತ್ತೇ ಯದಿ ಬ್ಯಞ್ಜನೋ ಸಸಞ್ಞೋಗೋ ವಿಸಞ್ಞೋಗೋ ಹೋತಿ.

ಏವಂಸ ತೇ ಆಸವೋ, ಪುಪ್ಫಂಸಾ ಉಪ್ಪಜ್ಜಿ.

ಲುತ್ತೇತಿ ಕಸ್ಮಾ? ಏವಮಸ್ಸ ವಿದೂನಗ್ಗಮಿತಿ.

ಚಗ್ಗಹಣೇನ ¶ ತಿಣ್ಣಂ ಬ್ಯಞ್ಜನಾನಮನ್ತರೇ ಯೇ ಸರೂಪಾ, ತೇಸಮ್ಪಿ ಲೋಪೋ ಹೋತಿ. ಅಗ್ಯಾಗಾರಂ, ಪಟಿಸನ್ಥಾರವುತ್ಯಸ್ಸ.

೪೨, ೩೨. ಗೋಸರೇ ಪುಥಸ್ಸಾಗಮೋ ಕ್ವಚಿ.

ಪುಥಇಚ್ಚೇತಸ್ಸ ಅನ್ತೇ ಸರೇ ಪರೇ ಕ್ವಚಿ ಗಕಾರಾಗಮೋ ಹೋತಿ.

ಪಾಇಚ್ಚೇತಸ್ಸ ಅನ್ತೇ ಸರೇ ಪರೇ ಕ್ವಚಿ ಗಕಾರಾಗಮೋ ಹೋತಿ, ಅನ್ತೋ ಚ ಸರೋ ರಸ್ಸೋ ಹೋತಿ.

ಕ್ವಚೀತಿ ಕಸ್ಮಾ? ಪಾ ಏವ ವುತ್ಯಸ್ಸ.

ಅಭಿಇಚ್ಚೇತಸ್ಸ ಸರೇ ಪರೇ ಅಬ್ಭಾದೇಸೋ ಹೋತಿ. ಅಬ್ಭುದೀರಿತಂ, ಅಬ್ಭುಗ್ಗಚ್ಛತಿ.

ಅಧಿಇಚ್ಚೇತಸ್ಸ ಸರೇ ಪರೇ ಅಜ್ಝಾದೇಸೋ ಹೋತಿ.

ತೇ ಚ ಖೋ ಅಭಿಅಧಿಇಚ್ಚೇತೇ ಇವಣ್ಣೇ ಪರೇ ಅಬ್ಭೋ ಅಜ್ಝೋಇತಿವುತ್ತರೂಪಾ ನಂ ಹೋನ್ತಿ ವಾ.

ವಾತಿ ಕಸ್ಮಾ? ಅಬ್ಭೀರಿತಂ, ಅಜ್ಝಿಣಮುತ್ತೋ.

ಅತಿಇಚ್ಚೇತಸ್ಸ ಅನ್ತಭೂತಸ್ಸ ತಿಸದ್ದಸ್ಸ ಇವಣ್ಣೇ ಪರೇ ‘‘ಸಬ್ಬೋ ಚಂ ತೀ’’ತಿ ವುತ್ತರೂಪಂ ನ ಹೋತಿ.

ಪತಿಇಚ್ಚೇತಸ್ಸ ಸರೇ ವಾ ಬ್ಯಞ್ಜನೇ ವಾ ಪರೇ ಕ್ವಚಿ ಪಟಿಆದೇಸೋ ಹೋತಿ.

ಕ್ವಚೀತಿ ¶ ಕಸ್ಮಾ? ಪಚ್ಚನ್ತಿಮೇಸು ಜನಪದೇಸು, ಪತಿಲೀಯತಿ, ಪತಿರೂಪದೇಸವಾಸೋ ಚ.

ಪುಥಇಚ್ಚೇತಸ್ಸ ಅನ್ತೋ ಸರೋ ಬ್ಯಞ್ಜನೇ ಪರೇ ಉಕಾರೋ ಹೋತಿ.

ಅನ್ತಗ್ಗಹಣೇನ ಅಪುಥಸ್ಸಾಪಿ ಸರೇ ಪರೇ ಅನ್ತಸ್ಸ ಉಕಾರೋ ಹೋತಿ, ಮನುಞ್ಞಂ.

ಅವಇಚ್ಚೇತಸ್ಸ ಬ್ಯಞ್ಜನೇ ಪರೇ ಕ್ವಚಿ ಓಕಾರೋ ಹೋತಿ.

ಕ್ವಚೀತಿ ಕಸ್ಮಾ? ಅವಸುಸ್ಸತು ಮೇ ಸರೀರೇ ಮಂಸಲೋಹಿತಂ.

೫೧, ೫೯. ಅನುಪದಿಟ್ಠಾನಂ ವುತ್ತಯೋಗತೋ.

ಅನುಪದಿಟ್ಠಾನಂ ಉಪಸಗ್ಗನಿಪಾತಾನಂ ಸರಸನ್ಧೀಹಿ ಬ್ಯಞ್ಜನಸನ್ಧೀಹಿ ವುತ್ತಸನ್ಧೀಹಿ ಚ ಯಥಾಯೋಗಂ ಯೋಜೇತಬ್ಬಂ.

ಪಾಪನಂ ¶ , ಪರಾಯಣಂ, ಉಪಾಯನಂ, ಉಪಾಹನಂ, ನ್ಯಾಯೋಗೋ, ನಿಗುಪಧಿ, ಅನುಬೋಧೋ, ದುವೂಪಸನ್ತಂ, ಸುವೂಪಸನ್ತಂ, ದ್ವಾಲಯೋ, ಸ್ವಾಲಯೋ, ದುರಾಖ್ಯಾತಂ, ಸ್ವಾಖ್ಯಾತೋ, ಉದೀರಿತಂ, ಸಮುದ್ದಿಟ್ಠಂ, ವಿಯಗ್ಗಂ, ವಿಜ್ಝಗ್ಗಂ, ಬ್ಯಗ್ಗಂ, ಅವಯಾಗಮನಂ, ಅನ್ವೇತಿ, ಅನುಪಘಾತೋ, ಅನಚ್ಛರಿಯಂ, ಪರಿಯೇಸನಾ, ಪರಾಮಾಸೋ, ಏವಂ ಸರೇ ಚ ಹೋನ್ತಿ.

ಪರಿಗ್ಗಹೋ, ಪಗ್ಗಹೋ, ಪಕ್ಕಮೋ, ಪರಕ್ಕಮೋ, ನಿಕ್ಕಮೋ, ನಿಕ್ಕಸಾವೋ, ನಿಲ್ಲಯನಂ, ದುಲ್ಲಯನಂ, ದುಮ್ಭಿಕ್ಖಂ, ದುಬ್ಬುತ್ತಂ, ಸನ್ದಿಟ್ಠಂ, ದುಗ್ಗಹೋ, ವಿಗ್ಗಹೋ, ನಿಗ್ಗತೋ, ಅಭಿಕ್ಕಮೋ, ಪಟಿಕ್ಕಮೋ, ಏವಂ ಬ್ಯಞ್ಜನೇ ಚ. ಸೇಸಾ ಸಬ್ಬೇ ಯೋಜೇತಬ್ಬಾ.

‘‘ಜಿನವಚನಯುತ್ತಂ ಹಿ’’ ಇಚ್ಚೇತಂ ಅಧಿಕಾರತ್ಥಂ ವೇದಿತಬ್ಬಂ.

ಯಥಾ ಯಥಾ ಜಿನವಚನಯುತ್ತಂ ಹಿ ಲಿಙ್ಗಂ, ತಥಾ ತಥಾ ಇಧ ಲಿಙ್ಗಞ್ಚ ನಿಪ್ಪಜ್ಜತೇ.

ತಂ ಯಥಾ? ಏಸೋ ನೋ ಸತ್ಥಾ, ಬ್ರಹ್ಮಾ ಅತ್ತಾ, ಸಖಾ, ರಾಜಾ.

ತತೋ ಜಿನವಚನಯುತ್ತೇಹಿ ಲಿಙ್ಗೇಹಿ ವಿಭತ್ತಿಯೋ ಪರಾ ಹೋನ್ತಿ.

೫೫, ೬೩. ಸಿ ಯೋ, ಅಂ ಯೋ, ನಾ ಹಿ, ಸ ನಂ, ಸ್ಮಾ ಹಿ, ಸ ನಂ, ಸ್ಮಿಂ ಸು.

ಕಾ ಚ ಪನ ತಾಯೋ ವಿಭತ್ತಿಯೋ? ಸಿ, ಯೋ ಇತಿ ಪಠಮಾ, ಅಂ, ಯೋಇತಿ ದುತಿಯಾ, ನಾ ಹಿ ಇತಿ ತತಿಯಾ, ಸ, ನಂಇತಿ ಚತುತ್ಥೀ, ಸ್ಮಾ, ಹಿ ಇತಿ ಪಞ್ಚಮೀ, ಸ, ನಂ ಇತಿ ಛಟ್ಠೀ, ಸ್ಮಿಂ, ಸು ಇತಿ ಸತ್ತಮೀ.

ವಿಭತ್ತಿಇಚ್ಚನೇನ ¶ ಕ್ವತ್ಥೋ? ಅಮ್ಹಸ್ಸ ಮಮಂ ಸವಿಭತ್ತಿಸ್ಸ ಸೇ.

ಯಥಾ ಯಥಾ ತೇಸಂ ಜಿನವಚನಾನಂ ಅನುಪರೋಧೋ. ತಥಾ ತಥಾ ಇಧ ಲಿಙ್ಗಞ್ಚ ನಿಪ್ಪಜ್ಜತೇ.

ಭೋತಿ ಅಯ್ಯೇ, ಭೋತಿ ಕಞ್ಞೇ, ಭೋತಿ ಖರಾದಿಯೇ.

ಇವಣ್ಣುವಣ್ಣಾಇಚ್ಚೇತೇ ಝಲಸಞ್ಞಾ ಹೋನ್ತಿ ಯಥಾಸಙ್ಖ್ಯಂ.

ಇಸಿನೋ ¶ , ಅಗ್ಗಿನೋ, ಗಹಪತಿನೋ, ದಣ್ಡಿನೋ. ಸೇತುನೋ, ಕೇತುನೋ, ಭಿಕ್ಖುನೋ. ಸಯಮ್ಭುನೋ, ಅಭಿಭುನೋ.

ಝಲಇಚ್ಚನೇನ ಕ್ವತ್ಥೋ? ಝಲತೋ ಸಸ್ಸ ನೋ ವಾ.

ತೇ ಇವಣ್ಣುವಣ್ಣಾ ಯದಾ ಇತ್ಥಿಖ್ಯಾ, ತದಾ ಪಸಞ್ಞಾ ಹೋನ್ತಿ.

ರತ್ತಿಯಾ, ಇತ್ಥಿಯಾ, ಧೇನುಯಾ, ವಧುಯಾ.

ಇತ್ಥಿಖ್ಯಾತಿ ಕಿಮತ್ಥಂ? ಇಸಿನಾ, ಭಿಕ್ಖುನಾ.

ಆಕಾರೋ ಯದಾ ಇತ್ಥಿಖ್ಯೋ, ತದಾ ಘಸಞ್ಞೋ ಹೋತಿ.

ಸದ್ಧಾಯ, ಕಞ್ಞಾಯ, ವೀಣಾಯ, ಗಙ್ಗಾಯ, ದಿಸಾಯ ಸಾಲಾಯ, ಮಾಲಾಯ, ತುಲಾಯ, ದೋಲಾಯ, ಪಭಾಯ, ಸೋಭಾಯ, ಪಞ್ಞಾಯ, ಕರುಣಾಯ ನಾವಾಯ, ಕಪಾಲಿಕಾಯ.

ಇತ್ಥಿಖ್ಯೋತಿ ಕಿಮತ್ಥಂ? ಸತ್ಥಾರಾ ದೇಸಿತೋ ಅಯಂ ಧಮ್ಮೋ.

ಪುರಿಸಸ್ಸ, ಅಗ್ಗಿಸ್ಸ, ಇಸಿಸ್ಸ, ದಣ್ಡಿಸ್ಸ, ಭಿಕ್ಖುಸ್ಸ, ಸಯಮ್ಭುಸ್ಸ, ಅಭಿಭುಸ್ಸ.

ಸಂಸಾಸು ಏಕವಚನೇಸು ವಿಭತ್ತಾದೇಸೇಸು ಸಕಾರಾಗಮೋ ಹೋತಿ.

ಏತಿಸ್ಸಂ, ಏತಿಸ್ಸಾ ಇಮಿಸ್ಸಂ, ಇಮಿಸ್ಸಾ, ತಿಸ್ಸಂ, ತಿಸ್ಸಾ,

ತಸ್ಸಂ ತಸ್ಸಾ, ಯಸ್ಸಂ, ಯಸ್ಸಾ, ಅಮುಸ್ಸಂ, ಅಮುಸ್ಸಾ.

ಸಂಸಾಸ್ವೀತಿ ಕಿಮತ್ಥಂ? ಅಗ್ಗಿನಾ, ಪಾಣಿನಾ.

ಏಕವಚನೇಸ್ವೀತಿ ಕಿಮತ್ಥಂ? ತಾಸಂ, ಸಬ್ಬಾಸಂ.

ವಿಭತ್ತಾದೇಸೇಸ್ವೀತಿ ಕಿಮತ್ಥಂ? ಮನಸಾ, ವಚಸಾ, ಥಾಮಸಾ.

ಏತಾಇಮಾಇಚ್ಚೇತೇಸಮನ್ತೋ ಸರೋ ಇಕಾರೋ ಹೋತಿ ಸಂಸಾಸು ಏಕವಚನೇಸು ವಿಭತ್ತಾದೇಸೇಸು.

ಏತಿಸ್ಸಂ, ಏತಿಸ್ಸಾ, ಇಮಿಸ್ಸಂ, ಇಮಿಸ್ಸಾ.

ಸಂಸಾಸ್ವೀತಿ ¶ ಕಿಮತ್ಥಂ? ಏತಾಯ, ಇಮಾಯ.

ಏಕವಚನೇಸ್ವೀತಿ ಕಿಮತ್ಥಂ? ಏತಾಸಂ, ಇಮಾಸಂ.

ತಸ್ಸಾ ಇತ್ಥಿಯಂ ವತ್ತಮಾನಸ್ಸ ಅನ್ತಸ್ಸ ಆಕಾರಸ್ಸ ಇಕಾರೋ ಹೋತಿ ವಾ ಸಂಸಾಸು ಏಕವಚನೇಸು ವಿಭತ್ತಾದೇಸೇಸು.

ತತೋ ತಾ ಏತಾ ಇಮಾತೋ ಸಸ್ಸ ವಿಭತ್ತಿಸ್ಸ ಸ್ಸಾಯಾದೇಸೋ ಹೋತಿ ವಾ.

ವಾತಿ ಕಿಮತ್ಥಂ? ತಿಸ್ಸಾ, ಏತಿಸ್ಸಾ, ಇಮಿಸ್ಸಾ.

ಘೋ ರಸ್ಸಮಾಪಜ್ಜತೇ ಸಂಸಾಸು ಏಕವಚನೇಸು ವಿಭತ್ತಾದೇಸೇಸು.

ತಸ್ಸಂ, ತಸ್ಸಾ, ಯಸ್ಸಂ, ಯಸ್ಸಾ, ಸಬ್ಬಸ್ಸಂ, ಸಬ್ಬಸ್ಸಾ.

ಸಂಸಾಸ್ವೀತಿ ಕಿಮತ್ಥಂ? ತಾಯ, ಸಬ್ಬಾಯ.

ಏಕವಚನೇಸ್ವೀತಿ ಕಿಮತ್ಥಂ? ತಾಸಂ, ಸಬ್ಬಾಸಂ.

೬೭, ೨೨೯. ನೋ ¶ ಚ ದ್ವಾದಿತೋ ನಂಮ್ಹಿ.

ದ್ವಿಇಚ್ಚೇವಮಾದಿತೋ ಸಙ್ಖ್ಯಾತೋ ನಕಾರಾಗಮೋ ಹೋತಿ ನಂಮ್ಹಿ ವಿಭತ್ತಿಮ್ಹಿ.

ದ್ವಿನ್ನಂ, ತಿನ್ನಂ, ಚತುನ್ನಂ, ಪಞ್ಚನ್ನಂ, ಛನ್ನಂ, ಸತ್ತನ್ನಂ, ಅಟ್ಠನ್ನಂ, ನವನ್ನಂ, ದಸನ್ನಂ.

ದ್ವಾದಿತೋತಿ ಕಿಮತ್ಥಂ? ಸಹಸ್ಸಾನಂ.

ನಂಮ್ಹೀತಿ ಕಿಮತ್ಥಂ? ದ್ವೀಸು, ತೀಸು.

ಚಗ್ಗಹಣೇನಸ್ಸಞ್ಚಾಗಮೋ ಹೋತಿ. ಚತಸ್ಸನ್ನಂ ಇತ್ಥೀನಂ ತಿಸ್ಸನ್ನಂ ವೇದನಾನಂ.

೬೮, ೧೮೪. ಅಮಾ ಪತೋ ಸ್ಮಿಂಸ್ಮಾನಂ ವಾ.

ಪಇಚ್ಚೇತಸ್ಮಾ ಸ್ಮಿಂಸ್ಮಾಇಚ್ಚೇತೇಸಂ ಅಂಆಆದೇಸಾ ಹೋನ್ತಿ ವಾ ಯಥಾಸಙ್ಖ್ಯಂ.

ಮತ್ಯಂ, ಮತಿಯಂ, ಮತ್ಯಾ, ಮತಿಯಾ, ನಿಕತ್ಯಂ. ನಿಕತಿಯಂ, ನಿಕತ್ಯಾ, ನಿಕತಿಯಾ, ವಿಕತ್ಯಂ, ವಿಕತಿಯಂ, ವಿಕತ್ಯಾ, ವಿಕತಿಯಾ, ವಿರತ್ಯಂ, ವಿರತಿಯಂ, ವಿರತ್ಯಾ, ವಿರತಿಯಾ, ರತ್ಯಂ, ರತಿಯಂ, ರತ್ಯಾ, ರತಿಯಾ, ಪುಥಬ್ಯಂ, ಪುಥವಿಯಂ, ಪುಥಬ್ಯಾ, ಪುಥವಿಯಾ, ಪವತ್ಯಂ, ಪವತ್ಯಾ, ಪವತ್ತಿಯಂ, ಪವತ್ತಿಯಾ.

ಆದಿಇಚ್ಚೇತಸ್ಮಾ ಸ್ಮಿಂವಚನಸ್ಸ ಅಂಓಆದೇಸಾ ಹೋನ್ತಿ ವಾ.

ವಾತಿ ಕಿಮತ್ಥಂ? ಆದಿಸ್ಮಿಂ, ಆದಿಮ್ಹಿ ನಾಥಂ ನಮಸ್ಸಿತ್ವಾನ,

ಚಗ್ಗಹಣೇನ ಅಞ್ಞಸ್ಮಾಪಿ ಸ್ಮಿಂ ವಚನಸ್ಸ ಆ ಓ ಅಂಆದೇಸಾ ಹೋನ್ತಿ. ದಿವಾ ಚ ರತ್ತೋ ಚ ಹರನ್ತಿ ಯೇ ಬಲಿ. ಬಾರಾಣಸಿಂ ಅಹು ರಾಜಾ.

ಝಲಇಚ್ಚೇತೇಸಂ ಇಯ ಉವಇಚ್ಚೇತೇ ಆದೇಸಾ ಹೋನ್ತಿ ವಾ ಸರೇ ಪರೇ ಯಥಾಸಙ್ಖ್ಯಂ.

ತಿಯನ್ತಂ ಪಚ್ಛಿಯಾಗಾರೇ, ಅಗ್ಗಿಯಾಗಾರೇ, ಭಿಕ್ಖುವಾಸನೇ ನಿಸೀದತಿ, ವುಥುವಾಸನೇ ನಿಸೀದತಿ.

ಸರೇತಿ ಕಿಮತ್ಥಂ? ತಿಮಲಂ, ತಿಫಲಂ, ತಿಚತುಕ್ಕಂ, ತಿದಣ್ಡಂ, ತಿಲೋಕಂ, ತಿನಯನಂ, ತಿಪಾಸಂ, ತಿಹಂಸಂ, ತಿಭವಂ, ತಿಖನ್ಧಂ, ತಿಪಿಟಕಂ, ತಿವೇದನಂ, ಚತುದ್ದಿಸಂ, ಪುಥುಭೂತಂ.

ವಾತಿ ಕಿಮತ್ಥಂ? ಪಞ್ಚಹಙ್ಗೇಹಿ ತೀಹಾಕಾರೇಹಿ. ಚಕ್ಖಾಯತನಂ.

ವಾತಿ ವಿಕಪ್ಪನತ್ಥಂ, ಇಕಾರಸ್ಸ ಅಯಾದೇಸೋ ಹೋತಿ, ವತ್ಥುತ್ತಯಂ.

ಝಲಾನಂ ಯಕಾರ ವಕಾರಾದೇಸಾ ಹೋನ್ತಿ ಸರೇ ಪರೇ ಯಥಾಸಙ್ಖ್ಯಂ.

ಅಗ್ಯಾಗಾರಂ ¶ , ಪಕ್ಖಾಯತನಂ, ಸ್ವಾಗತಂ, ತೇ ಮಹಾವೀರ.

ಪಸಞ್ಞಸ್ಸ ಚ ಇವಣ್ಣಸ್ಸ ವಿಭತ್ತಾದೇಸೇ ಸರೇ ಪರೇ ಯಕಾರಾದೇಸೋ ಹೋತಿ.

ಗೋಇಚ್ಚೇತಸ್ಸ ಓಕಾರಸ್ಸ ಆವಾದೇಸೋ ಹೋತಿ ಸೇ ವಿಭತ್ತಿಮ್ಹಿ.

ಗೋಇಚ್ಚೇತಸ್ಸ ಓಕಾರಸ್ಸ ಆವಾದೇಸೋ ಹೋತಿ ಯೋಇಚ್ಚೇತೇಸು ಪರೇಸು.

ಗಾವೋ ಗಚ್ಛನ್ತಿ, ಗಾವೋ ಪಸ್ಸನ್ತಿ, ಗಾವೀ ಗಚ್ಛನ್ತಿ, ಗಾವೀ ಪಸ್ಸನ್ತಿ.

ಚಗ್ಗಹಣಂ ಕಿಮತ್ಥಂ? ನಾಸ್ಮಾಸ್ಮಿಂಸು ವಚನೇಸು ಆವಾ ದೇಸೋ ಹೋತಿ.

ಗೋಇಚ್ಚೇತಸ್ಸ ಓಕಾರಸ್ಸ ಆವಅವಇಚ್ಚೇತೇ ಆದೇಸಾ ಹೋನ್ತಿ ಅಂಮ್ಹಿ ವಿಭತ್ತಿಮ್ಹಿ.

ಚಗ್ಗಹಣೇನ ಸಾದಿಸೇಸೇಸು ಪುಬ್ಬುತ್ತವಚನೇಸು ಗೋಇಚ್ಚೇತಸ್ಸ ಓಕಾರಸ್ಸ ಅವಾದೇಸೋ ಹೋತಿ.

ಗವಸ್ಸ, ಗವೋ, ಗವೇನ, ಗವಾ, ಗವೇ, ಗವೇಸು.

ಆವಇಚ್ಚೇತಸ್ಸ ಗಾವಾದೇಸಸ್ಸ ಅನ್ತ ಸರಸ್ಸ ಉಕಾರಾದೇಸೋ ಹೋತಿ ವಾ ಅಂಮ್ಹಿ ವಿಭತ್ತಿಮ್ಹಿ.

ಆವಸ್ಸೇತಿ ಕಿಮತ್ಥಂ? ಗಾವೋ ತಿಟ್ಠನ್ತಿ.

೭೭, ೧೭೫. ತತೋ ನಮಂ ಪತಿಮ್ಹಾ ಲುತ್ತೇ ಚ ಸಮಾಸೇ.

ತತೋ ಗೋಸದ್ದತೋ ನಂವಚನಸ್ಸ ಅಂಆದೇಸೋ ಹೋತಿ, ಗೋಇಚ್ಚೇತಸ್ಸ ಓಕಾರಸ್ಸ ಅವಾದೇಸೋ ಹೋತಿ ಪತಿಮ್ಹಿ ಪರೇ ಅಲುತ್ತೇ ಚ ಸಮಾಸೇ.

ಚಗ್ಗಹಣೇನ ಅಸಮಾಸೇಪಿ ನಂವಚನಸ್ಸ ಅಂಆದೇಸೋ ಹೋತಿ, ಗೋಇಚ್ಚೇತಸ್ಸ ಓಕಾರಸ್ಸ ಅವಾದೇಸೋ ಹೋತಿ.

ಗೋಇಚ್ಚೇತಸ್ಸ ಓಕಾರಸ್ಸ ಅವಾದೇಸೋ ಹೋತಿ ಸಮಾಸೇ ಚ ಸರೇ ಪರೇ.

ಚಗ್ಗಹಣೇನ ಉವಣ್ಣಇಚ್ಚೇವಮನ್ತಾನಂ ಲಿಙ್ಗಾನಂ ಉವಅವಉರಾದೇಸಾ ಹೋನ್ತಿ ಸ್ಮಿಂಯೋಇಚ್ಚೇತೇಸು ಕ್ವಚಿ.

ಸರೇತಿ ಕಿಮತ್ಥಂ? ಗೋಧನೋ, ಗೋವಿನ್ದೋ.

೭೯, ೪೬. ತಬ್ಬಿಪರೀತೂಪಪದೇ ಬ್ಯಞ್ಜನೇ ಚ.

ತಸ್ಸ ಅವಸದ್ದಸ್ಸ ಯದಾ ಉಪಪದೇ ತಿಟ್ಠಮಾನಸ್ಸ ತಸ್ಸ ಓಕಾರಸ್ಸ ವಿಪರೀತೋ ಹೋತಿ ಬ್ಯಞ್ಜನೇ ಪರೇ.

ಉಗ್ಗತೇ ಸೂರಿಯೇ, ಉಗ್ಗಚ್ಛತಿ, ಉಗ್ಗಹೇತ್ವಾ.

ಚಗ್ಗಹಣಮವಧಾರಣತ್ಥಂ. ಅವಸಾನೇ, ಅವಕಿರಣೇ, ಅವಕಿರತಿ.

ಸಬ್ಬಸ್ಸೇವ ಗೋಸದ್ದಸ್ಸ ಗೋಣಾದೇಸೋ ಹೋತಿ ವಾ ನಂಮ್ಹಿ ವಿಭತ್ತಿಮ್ಹಿ.

ಗೋನಞ್ಚೇ ತರಮಾನಾನಂ, ಉಜುಂ ಗಚ್ಛತಿ ಪುಙ್ಗವೋ.

ಸಬ್ಬಾ ಗಾವೀ ಉಜುಂ ಯನ್ತಿ, ನೇತ್ತೇ ಉಜುಂ ಗತೇ ಸತಿ.

ಯೋಗವಿಭಾಗೇನ ಅಞ್ಞತ್ರಾಪಿ ಗೋಣಾದೇಸೋ ಹೋತಿ. ಗೋಣಭೂತಾನಂ.

ಸುಹಿನಾಇಚ್ಚೇತೇಸು ಸಬ್ಬಸ್ಸ ಗೋಸದ್ದಸ್ಸ ಗೋಣಾದೇಸೋ ಹೋತಿ ವಾ.

ವಾತಿ ಕಿಮತ್ಥಂ? ಗೋಸು, ಗೋಹಿ, ಗೋಭಿ, ಗವೇನ.

ಚಗ್ಗಹಣೇನ ಸ್ಯಾದಿಸೇಸೇಸು ಪುಬ್ಬುತ್ತರವಚನೇಸುಪಿ ಗೋಣ ಗು ಗವಯಾದೇಸಾ ಹೋನ್ತಿ. ಗೋಣೋ, ಗೋಣಾ, ಗೋಣಂ, ಗೋಣೇ, ಗೋಣಸ್ಸ, ಗೋಣಮ್ಹಾ. ಗೋಣಮ್ಹಿ, ಗುನ್ನಂ, ಗವಯೇಹಿ, ಗವಯೇಭಿ.

೮೨, ೧೪೯. ಅಂಮೋ ¶ ನಿಗ್ಗಹಿತಂ ಝಲಪೇಹಿ.

ಅಂವಚನಸ್ಸ ಮಕಾರಸ್ಸ ಚ ಝಲಪಇಚ್ಚೇತೇಹಿ ನಿಗ್ಗಹಿತಂ ಹೋತಿ

ಅಗ್ಗಿಂ, ಇಸಿಂ, ಗಹಪತಿಂ, ದಣ್ಡಿಂ, ಮಹೇಸಿಂ, ಭಿಕ್ಖುಂ, ಪಟುಂ, ಸಯಮ್ಭುಂ, ಅಭಿಭುಂ, ರತ್ತಿಂ, ಇತ್ಥಿಂ, ವಧುಂ, ಪುಲ್ಲಿಙ್ಗಂ, ಪುಮ್ಭಾವೋ, ಪುಙ್ಕೋಕಿಲೋ.

ಅಂಮೋತಿ ಕಿಮತ್ಥಂ? ಅಗ್ಗಿನಾ, ಪಾಣಿನಾ, ಭಿಕ್ಖುನಾ, ರತ್ತಿಯಾ, ಇತ್ಥಿಯಾ, ವಧುಯಾ.

ಝಲಪೇಹೀತಿ ಕಿಮತ್ಥಂ? ಸುಖಂ, ದುಕ್ಖಂ.

ಪುನಾರಮ್ಭ ಹಣಂ ವಿಭಾಸಾನಿವತ್ತನತ್ಥಂ. ಅಗ್ಗಿಂ, ಪಟುಂ, ಬುದ್ಧಿಂ, ವಧುಂ.

೮೩, ೬೭. ಸರಲೋಪೋ’ ಮಾದೇಸ ಪಚ್ಚಯಾದಿಮ್ಹಿ ಸರಲೋಪೇ ತು ಪಕತಿ.

ಸರಲೋಪೋ ಹೋತಿ ಅಮಾದೇಸಪಚ್ಚಯಾದಿಮ್ಹಿ ಸರ ಲೋಪೇ ತು ಪಕತಿ ಹೋತಿ.

ಪುರಿಸಂ, ಪುರಿಸೇ, ಪಾಪಂ, ಪಾಪೇ, ಪಾಪಿಯೋ, ಪಾಪಿಟ್ಠೋ.

ಅಮಾದೇಸಪಚ್ಚಯಾದಿಮ್ಹೀತಿ ಕಿ ತ್ಥಂ? ಅಪ್ಪಮಾದೋ ಅಮತಂ ಪದಂ.

ಸರಲೋಪೇತಿ ಕಿಮತ್ಥಂ? ಪುರಿಸಸ್ಸ, ದಣ್ಡಿನಂ.

ತುಗ್ಗಹಣಮವಧಾರಣತ್ಥಂ. ಭಿಕ್ಖುನೀ, ಗಹಪತಾನೀ.

ಪಕತಿಗ್ಗಹಣಸಾಮತ್ಥೇನ ¶ ಪುನ ಸನ್ಧಿಭಾವೋ ಚ ಹೋತಿ. ಸೇಯ್ಯೋ, ಸೇಟ್ಠೋ, ಜೇಯ್ಯೋ, ಜೇಟ್ಠೋ.

೮೪, ೧೪೪. ಅಘೋರಸ್ಸಮೇಕವಚನಯೋಸ್ವಪಿ ಚ.

ಅಘೋ ಸರೋ ರಸ್ಸಮಾಪಜ್ಜತೇ ಏಕವಚನಯೋಇಚ್ಚೇತೇಸು.

ಇತ್ಥಿಂ, ಇತ್ಥಿಯೋ, ಇತ್ಥಿಯಾ. ವಧುಂ, ವಧುಯೋ, ವಧುಯಾ. ದಣ್ಡಿಂ, ದಣ್ಡಿನೋ, ದಣ್ಡಿನಾ. ಸಯಮ್ಭುಂ, ಸಯಮ್ಭುವೋ, ಸಯಮ್ಭುನಾ.

ಅಘೋತಿ ಕಿಮತ್ಥಂ? ಕಞ್ಞಂ, ಕಞ್ಞಾಯೋ, ಕಞ್ಞಾಯ.

ಏಕವಚನಯೋಸ್ವೀತಿ ಕಿಮತ್ಥಂ? ಇತ್ಥೀಹಿ, ಸಯಮ್ಭೂಹಿ.

ಚಗ್ಗಹಣಮವಧಾರಣತ್ಥಂ. ನದಿಂ, ನದಿಯೋ, ನದಿಯಾ.

ಅಪಿಗ್ಗಹಣೇನ ನ ರಸ್ಸಮಾಪಜ್ಜತೇ. ಇತ್ಥೀ, ಭಿಕ್ಖುನೀ.

ಸಿಸ್ಮಿಂ ಅನಪುಂಸಕಾನಿ ಲಿಙ್ಗಾನಿ ನ ರಸ್ಸಮಾಪಜ್ಜನ್ತೇ. ಇತ್ಥೀ, ಭಿಕ್ಖುನೀ, ವಧೂ, ದಣ್ಡೀ, ಸಯಮ್ಭೂ.

ಸಿಸ್ಮಿಂನ್ತಿ ಕಿಮತ್ಥಂ? ಭೋತಿ ಇತ್ಥಿ, ಭೋತಿ ವಧು, ಭೋ ದಣ್ಡಿ, ಭೋ ಸಯಮ್ಭು.

ಅನಪುಂಸಕಾನೀತಿ ¶ ಕಿಮತ್ಥಂ? ಸುಖಕಾರಿ ದಾನಂ, ಸುಖಕಾರಿ ಸೀಲಂ, ಸೀಘಯಾಯಿ ಚಿತ್ತಂ.

ಉಭಇಚ್ಚೇವಮಾದಿತೋ ಸಙ್ಖ್ಯಾತೋ ನಂವಚನಸ್ಸ ಇನ್ನಂ ಹೋತಿ.

೮೭, ೨೩೧. ಇಣ್ಣಮಿಣ್ಣನ್ನಂ ತೀಹಿ ಸಙ್ಖ್ಯಾಹಿ.

ನಂವಚನಸ್ಸ ಇಣ್ಣಂ ಇಣ್ಣನ್ನಂ ಇಚ್ಚೇತೇ ಆದೇಸಾ ಹೋನ್ತಿ ತೀಹಿ ಸಙ್ಖ್ಯಾಹಿ.

೮೮, ೧೪೭. ಯೋಸು ಕತನಿಕಾರಲೋಪೇಸು ದೀಘಂ.

ಸಬ್ಬೇ ಸರಾ ಯೋಸು ಕತನಿಕಾರಲೋಪೇಸು ದೀಘಮಾಪಜ್ಜನ್ತೇ.

ಅಗ್ಗೀ, ಭಿಕ್ಖೂ, ರತ್ತೀ, ಯಾಗೂ, ಅಟ್ಠೀ, ಅಟ್ಠೀನಿ, ಆಯೂ, ಆಯೂನಿ, ಸಬ್ಬಾನಿ, ಯಾನಿ, ತಾನಿ, ಕಾನಿ, ಕತಮಾನಿ, ಏತಾನಿ, ಅಪೂನಿ, ಇಮಾನಿ.

ಯೋಸ್ವೀತಿ ¶ ಕಿಮತ್ಥಂ? ಅಗ್ಗಿ, ಭಿಕ್ಖು, ರತ್ತಿ, ಯಾಗು, ಸಬ್ಬೋ, ಯೋ, ಸೋ, ಕೋ, ಅಮುಕೋ.

ಕತನಿಕಾರಲೋಪೇಸ್ವೀತಿ ಕಿಮತ್ಥಂ? ಇತ್ಥಿಯೋ, ವಧುಯೋ, ಸಯಮ್ಭುವೋ.

ಪುನಾರಮ್ಭಗ್ಗಹಣಂ ಕಿಮತ್ಥಂ? ನಿಚ್ಚದೀಪನತ್ಥಂ. ಅಗ್ಗೀ, ಭಿಕ್ಖೂ, ರತ್ತೀ, ಯಾನಿ, ತಾನಿ, ಕತಮಾನಿ.

ಸುನಂಹಿಇಚ್ಚೇತೇಸು ಸಬ್ಬೇ ಸರಾ ದೀಘಮಾಪಜ್ಜನ್ತೇ.

ಅಗ್ಗೀಸು, ಅಗ್ಗೀನಂ, ಅಗ್ಗೀಹಿ, ರತ್ತೀಸು, ರತ್ತೀನಂ, ರತ್ತೀಹಿ. ಭಿಕ್ಖೂಸು, ಭಿಕ್ಖೂನಂ, ಭಿಕ್ಖೂಹಿ. ಪುರಿಸಾನಂ.

ಏತೇಸ್ವೀತೀ ಕಿಮತ್ಥಂ? ಅಗ್ಗಿನಾ, ಪಾಣಿನಾ, ದಣ್ಡಿನಾ.

ಚಗ್ಗಹಣಮವಧಾರಣತ್ಥಂ. ಸುಖೇತ್ತೇಸು ಬ್ರಹ್ಮಚಾರಿಸು, ಧಮ್ಮಮಕ್ಖಾಸಿ ಭಗವಾ ಭಿಕ್ಖುನಂ ದತ್ವಾ ಸಕೇಹಿ ಪಾಣಿಭಿ.

ಪಞ್ಚಾದೀನಂ ಸಙ್ಖ್ಯಾನಂ ಅನ್ತೋ ಅತ್ತಮಾಪಜ್ಜತೇ ಸುನಂಹಿಇಚ್ಚೇತೇಸು.

ಪಞ್ಚಸು, ಪಞ್ಚನ್ನಂ, ಪಞ್ಚಹಿ, ಛಸು, ಛನ್ನಂ, ಛಹಿ, ಸತ್ತಸು, ಸತ್ತನ್ನಂ, ಸತ್ತಹಿ, ಅಟ್ಠಸು, ಅಟ್ಠನ್ನಂ, ಅಟ್ಠಹಿ, ನವಸು, ನವನ್ನಂ, ನವಹಿ, ದಸಸು, ದಸನ್ನಂ, ದಸಹಿ.

ಪಞ್ಚಾದೀನಮೀತಿ ಕಿಮತ್ಥಂ? ದ್ವೀಸು, ದ್ವಿನ್ನಂ, ದ್ವೀಹಿ.

ಅತ್ತಮಿತಿಭಾವನಿದ್ದೇಸೋ ¶ ಉಭಯಸ್ಸಾಗಮನತ್ಥಂ, ಅನ್ತೋ ಉಕಾರೋ ಅತ್ತಮಾಪಜ್ಜತೇ. ಚತಸ್ಸನ್ನಂ ಇತ್ಥೀನಂ. ತಿಸ್ಸನ್ನಂ ವೇದನಾನಂ.

ಪತಿಸ್ಸನ್ತೋ ಅತ್ತಮಾಪಜ್ಜತೇ ಇನೀಮ್ಹಿ ಪಚ್ಚಯೇ ಪರೇ.

ನ್ತುಪಚ್ಚಯಸ್ಸ ಅನ್ತೋ ಅತ್ತಮಾಪಜ್ಜತೇ ಸುನಂಹಿಯೋಇಚ್ಚೇತೇಸು ಪರೇಸು.

ಗುಣವನ್ತೇಸು, ಗುಣವನ್ತಾನಂ, ಗುಣವನ್ತೇಹಿ, ಗುಣವನ್ತಾ, ಗುಣವನ್ತೇ.

ಚಗ್ಗಹಣೇನ ಅಞ್ಞೇಸು ವಚನೇಸು ಅತ್ತಞ್ಚ ಹೋತಿ. ಗುಣವನ್ತಸ್ಮಿಂ, ಗುಣವನ್ತೇನ.

ಅನ್ತಗ್ಗಹಣೇನ ನ್ತುಪಚ್ಚಯಸ್ಸ ಅನ್ತೋ ಅತ್ತಮಾಪಜ್ಜತೇ, ಯೋನಞ್ಚ ಇಕಾರೋ ಹೋತಿ. ಗುಣವನ್ತಿ.

ಸಬ್ಬಸ್ಸೇವ ನ್ತುಪಚ್ಚಯಸ್ಸ ಅತ್ತಂ ಹೋತಿ ವಾ ಅಂಸಇಚ್ಚೇತೇಸು.

ಸತಿಮಂ ಭಿಕ್ಖು, ಸತಿಮನ್ತಂ ಭಿಕ್ಖುಂ ವಾ, ಬನ್ಧುಮಂ ರಾಜಾನಂ, ಬನ್ಧುಮನ್ತಂ ರಾಜಾನಂ ವಾ, ಸತಿಮಸ್ಸ ಭಿಕ್ಖುನೋ, ಸತಿಮತೋ ಭಿಕ್ಖುನೋ ವಾ, ಬನ್ಧುಮಸ್ಸ ರಞ್ಞೋ ಸುಙ್ಕಂ, ಬನ್ಧುಮತೋ ರಞ್ಞೋ ವಾ ಸುಙ್ಕಂ ದೇತಿ.

ಏತೇಸ್ವೀತಿ ಕಿಮತ್ಥಂ? ಸತಿಮಾ ಭಿಕ್ಖು, ಬನ್ಧುಮಾ ರಾಜಾ.

ನ್ತುಪಚ್ಚಯಸ್ಸ ಅನ್ತಸ್ಸ ಅತ್ತಂ ಹೋತಿ ವಾ ಸಿಮ್ಹಿ ವಿಭತ್ತಿಮ್ಹಿ.

ಅಗ್ಗಿಸ್ಸನ್ತಸ್ಸ ಇನಿ ಹೋತಿ ವಾ ಸಿಮ್ಹಿ ವಿಭತ್ತಿಮ್ಹಿ.

ಪುರತೋ ಅಗ್ಗಿನಿ, ಪಚ್ಛತೋ ಅಗ್ಗಿನಿ, ದಕ್ಖಿಣತೋ ಅಗ್ಗಿನಿ, ವಾಮತೋ ಅಗ್ಗಿನಿ.

ಯೋಸು ಅಕತರಸ್ಸೋ ಝೋ ಅತ್ತಮಾಪಜ್ಜತೇ.

ಅಕತರಸ್ಸೋತಿ ಕಿಮತ್ಥಂ? ದಣ್ಡಿನೋ.

ವೇವೋಇಚ್ಚೇತೇಸು ಅಕತರಸ್ಸೋ ಲೋ ಅತ್ತಮಾಪಜ್ಜತೇ.

ಅಕತರಸ್ಸೋತಿ ಕಿಮತ್ಥಂ? ಸಯಮ್ಭುವೋ, ವೇಸ್ಸಭುವೋ, ಪರಾಭಿಭುವೋ.

ವೇವೋಸ್ವೀತಿ ಕಿಮತ್ಥಂ? ಹೇತುನಾ, ಕೇತುನಾ, ಸೇತುನಾ.

೯೮, ೧೮೬. ಮಾತುಲಾದೀನಮಾನತ್ತಮೀಕಾರೇ.

ಮಾತುಲಇಚ್ಚೇವಮಾದೀನಂ ಅನ್ತೋ ಆನತ್ತಮಾಪಜ್ಜತೇ ಈಕಾರೇ ಪಚ್ಚಯೇ ಪರೇ.

ಈಕಾರೇತಿ ಕಿಮತ್ಥಂ? ಭಿಕ್ಖುನೀ, ರಾಜಿನೀ, ಜಾಲಿನೀ, ಗಹಪತಾನೀ.

ಆನತ್ತಗ್ಗಹಣೇನ ನದೀಇಚ್ಚೇತಸ್ಸ ದೀಸದ್ದಸ್ಸ ಜ್ಜೋಜ್ಜಾ ಆದೇಸಾ ಹೋನ್ತಿ ಸಹ ವಿಭತ್ತಿಯಾ ಯೋನಾಸಇಚ್ಚೇತೇಸು. ನಜ್ಜೋ ಸನ್ದನ್ತಿ, ನಜ್ಜಾ ಕತಂ ತರಙ್ಗಂ, ನಜ್ಜಾ ನೇರಞ್ಜರಾಯ ತೀರೇ.

೯೯, ೮೧. ಸ್ಮಾಹಿಸ್ಮಿಂನಂಮ್ಹಾಭಿಮ್ಹಿವಾ.

ಸಬ್ಬತೋ ಲಿಙ್ಗತೋ ಸ್ಮಾಹಿಸ್ಮಿಂ ಇಚ್ಚೇತೇಸಂ ಮ್ಹಾಭಿಮ್ಹಿಇಚ್ಚೇತೇ ಆದೇಸಾ ಹೋನ್ತಿ ವಾ ಯಥಾಸಙ್ಖ್ಯಂ.

ಪುರಿಸಮ್ಹಾ, ಪುರಿಸಸ್ಮಾ, ಪುರಿಸೇಭಿ, ಪುರಿಸೇಹಿ, ಪುರಿಸಮ್ಹಿ, ಪುರಿಸಸ್ಮಿಂ.

ಸ್ಮಾಹಿಸ್ಮಿಂನಮಿತಿ ಕಿಮತ್ಥಂ? ವಣ್ಣವನ್ತಂ ಅಗನ್ಧಕಂ ವಿರುಳ್ಹಪುಪ್ಫಂ, ಮಹನ್ತಂ ಛತ್ತಂ ಮಹಾಛತ್ತಂ, ಮಹನ್ತಂ ಧಜಂ ಮಹಾಧಜಂ.

ತ ಇಮಇಚ್ಚೇತೇಹಿ ಕತಾಕಾರೇಹಿ ಸ್ಮಾಸ್ಮಿಂ ನಂಮ್ಹಾಮ್ಹಿಇಚ್ಚೇತೇ ಆದೇಸಾ ನೇವ ಹೋನ್ತಿ.

ಅಸ್ಮಾ ಠಾನಾ ಭಯಂ ಉಪ್ಪಜ್ಜತಿ, ಅಸ್ಮಿಂ ಠಾನೇ ಭಯಂ ತಿಟ್ಠತಿ, ಅಸ್ಮಾ, ಅಸ್ಮಿಂ.

ಕತಾಕಾರೇಹೀತಿ ¶ ಕಿಮತ್ಥಂ? ತಮ್ಹಾ, ತಮ್ಹಿ, ಇಮಮ್ಹಾ, ಇಮಮ್ಹಿ.

ಸುಹಿಇಚ್ಚೇತೇಸು ಅಕಾರೋ ಏತ್ತಮಾಪಜ್ಜತೇ.

ಸಬ್ಬೇಸು, ಯೇಸು, ತೇಸು, ಕೇಸು, ಪುರಿಸೇಸು, ಇಮೇಸು, ಕುಸಲೇಸು, ತುಮ್ಹೇಸು, ಅಮ್ಹೇಸು, ಸಬ್ಬೇಹಿ, ಯೇಹಿ, ತೇಹಿ, ಕೇಹಿ, ಪುರಿಸೇಹಿ, ಇಮೇಹಿ, ಕುಸಲೇಹಿ, ತುಮ್ಹೇಹಿ, ಅಮ್ಹೇಹಿ.

೧೦೨, ೨೦೨. ಸಬ್ಬನಾಮಾನಂ ನಂಮ್ಹಿ ಚ.

ಸಬ್ಬೇಸಂ ಸಬ್ಬನಾಮಾನಂ ಅನ್ತೋ ಅಕಾರೋ ಏತ್ತಮಾಪಜ್ಜತೇ ನಂಮ್ಹಿ ವಿಭತ್ತಿಮ್ಹಿ.

ಸಬ್ಬೇಸಂ, ಸಬ್ಬೇಸಾನಂ, ಯೇಸಂ, ಯೇಸಾನಂ, ತೇಸಂ, ತೇಸಾನಂ, ಇಮೇಸಂ, ಇಮೇಸಾನಂ, ಕೇಸಂ, ಕೇಸಾನಂ, ಇತರೇಸಂ, ಇತರೇಸಾನಂ, ಕತಮೇಸಂ, ಕತಮೇಸಾನಂ. ಸಬ್ಬನಾಮಾನಮಿತಿ ಕಿಮತ್ಥಂ? ಬುದ್ಧಾನಂ ಭಗವನ್ತಾನಂ ಆಚಿಣ್ಣಸಮಾಚಿಣ್ಣೋ.

ಅಕಾರೋತಿ ಕಿಮತ್ಥಂ? ಅಮೂಸಂ, ಅಮೂಸಾನಂ.

ತಸ್ಮಾ ಅಕಾರತೋ ನಾವಚನಸ್ಸ ಏನಾದೇಸೋ ಹೋತಿ.

ಸಬ್ಬೇನ, ಯೇನ, ತೇನ, ಕೇನ, ಅನೇನ, ಪುರಿಸೇನ, ರೂಪೇನ.

ಅತೋತಿ ಕಿಮತ್ಥಂ? ಮುನಿನಾ, ಅಮುನಾ, ಭಿಕ್ಖುನಾ.

ತಸ್ಮಾ ಅಕಾರತೋ ಸಿವಚನಸ್ಸ ಓಕಾರಾದೇಸೋ ಹೋತಿ.

ತಸ್ಮಾ ಅಕಾರತೋ ನಾವಚನಸ್ಸ ಸೋಆದೇಸೋ ಹೋತಿ ವಾ.

ಅತ್ಥಸೋ ಧಮ್ಮಂ ಜಾನಾತಿ, ಬ್ಯಞ್ಜನಸೋ ಅತ್ಥಂ ಜಾನಾತಿ, ಅಕ್ಖರಸೋ, ಸುತ್ತಸೋ, ಪದಸೋ, ಯಸಸೋ. ಉಪಾಯಸೋ, ಸಬ್ಬಸೋ, ಥಾಮಸೋ, ಠಾನಸೋ.

ವಾತಿ ¶ ಕಿಮತ್ಥಂ? ಪಾದೇನ ವಾ ಪಾದಾರಹೇನ ವಾ ಅತಿರೇಕಪಾದೇನ ವಾ ಯೋ ಭಿಕ್ಖು ಥೇಯ್ಯಚಿತ್ತೇನ ಪರಸ್ಸ ಭಣ್ಡಂ ಗಣ್ಹಾತಿ, ಸೋ ಭಿಕ್ಖು ಪಾರಾಜಿಕೋ ಹೋತಿ ಅಸಂವಾಸೋ.

ದೀಘಓರಇಚ್ಚೇತೇಹಿ ಸ್ಮಾವಚನಸ್ಸ ಸೋಆದೇಸೋ ಹೋತಿ ವಾ.

ದೀಘೋರೇಹಿತಿ ಕಿಮತ್ಥಂ? ಸರಮ್ಹಾ, ವಚನಮ್ಹಾ.

ತಸ್ಮಾ ಅಕಾರತೋ ಸಬ್ಬೇಸಂ ಯೋನೀನಂಆಏ ಆದೇಸಾ ಹೋನ್ತಿ ವಾ ಯಥಾಸಙ್ಖ್ಯಂ.

ವಾತಿ ಕಿಮತ್ಥಂ? ಅಗ್ಗಯೋ, ಮುನಯೋ, ಇಸಯೋ.

ಯೋನೀನನ್ತಿ ಕಿಮತ್ಥಂ? ಪುರಿಸಸ್ಸ, ರೂಪಸ್ಸ.

ಅಕಾರತೋತಿ ಕಿಮತ್ಥಂ? ದಣ್ಡಿನೋ, ಅಟ್ಠೀನಿ, ಅಗ್ಗೀ ಪಜ್ಜಲನ್ತಿ, ಮುನೀ ಚರನ್ತಿ.

ತಸ್ಮಾ ಅಕಾರತೋ ಸಬ್ಬೇಸಂ ಸ್ಮಾಸ್ಮಿಂಇಚ್ಚೇತೇಸಂ ಆ ಏ ಆದೇಸಾ ಹೋನ್ತಿ ವಾ ಯಥಾಸಙ್ಖ್ಯಂ.

ಪುರಿಸಾ ¶ , ಪುರಿಸಸ್ಮಾ, ಪುರಿಸೇ, ಪುರಿಸಸ್ಮಿಂ.

ಅಕಾರತೋತಿ ಕಿಮತ್ಥಂ? ದಣ್ಡಿನಾ, ದಣ್ಡಿಸ್ಮಿಂ, ಭಿಕ್ಖುನಾ, ಭಿಕ್ಖುಸ್ಮಿಂ.

೧೦೯, ೩೦೪. ಆಯ ಚತುತ್ಥೇಕವಚನಸ್ಸತು.

ತಸ್ಮಾ ಅಕಾರತೋ ಚತುತ್ಥೇಕವಚನಸ್ಸ ಆಯಾದೇಸೋ ಹೋತಿ ವಾ.

ಅತ್ಥಾಯ ಹಿತಾಯ ಸುಖಾಯ ದೇವಮನುಸ್ಸಾನಂ ಬುದ್ಧೋ ಲೋಕೇ ಉಪ್ಪಜ್ಜತಿ.

ಚತುತ್ಥೀತಿ ಕಿಮತ್ಥಂ? ಪುರಿಸಸ್ಸ ಮುಖಂ.

ಏಕವಚನಸ್ಸೇತಿ ಕಿಮತ್ಥಂ? ಪುರಿಸಾನಂ ದದಾತಿ.

ವಾತಿ ಕಿಮತ್ಥಂ? ದಾತಾ ಹೋತಿ ಸಮಣಸ್ಸ ವಾ ಬ್ರಾಹ್ಮಣಸ್ಸ ವಾ.

ತುಗ್ಗಹಣೇನತ್ಥಞ್ಚ ಹೋತಿ. ಅತ್ಥತ್ಥಂ, ಹಿತತ್ಥಂ, ಸುಖತ್ಥಂ.

೧೧೦, ೨೦೧. ತಯೋ ನೇವ ಚ ಸಬ್ಬನಾಮೇಹಿ.

ತೇಹಿ ಸಬ್ಬನಾಮೇಹಿ ಅಕಾರನ್ತೇಹಿ ಸ್ಮಾಸ್ಮಿಂ ಸಇಚ್ಚೇತೇಸಂ ತಯೋ ಆ ಏ ಆಯಾದೇಸಾ ನೇವ ಹೋನ್ತಿ.

ಸಬ್ಬಸ್ಮಾ ¶ , ಸಬ್ಬಸ್ಮಿಂ, ಸಬ್ಬಸ್ಸ. ಯಸ್ಮಾ, ಯಸ್ಮಿಂ, ಯಸ್ಸ. ತಸ್ಮಾ, ತಸ್ಮಿಂ, ತಸ್ಸ. ಕಸ್ಮಾ, ಕಸ್ಮಿಂ, ಕಸ್ಸ. ಇಮಸ್ಮಾ, ಇಮಸ್ಮಿಂ, ಇಮಸ್ಸ.

ಸಬ್ಬನಾಮೇಹೀತಿ ಕಿಮತ್ಥಂ? ಪಾಪಾ, ಪಾಪೇ, ಪಾಪಾಯ.

ತಸ್ಮಾ ಘತೋ ನಾದೀನಮೇಕವಚನಾನಂ ವಿಭತ್ತಿಗಣಾನಂ ಆಯಾದೇಸೋ ಹೋತಿ.

ಕಞ್ಞಾಯ ಕತಂ ಕಮ್ಮಂ, ಕಞ್ಞಾಯ ದೀಯತೇ, ಕಞ್ಞಾಯ ನಿಸ್ಸಟಂ ವತ್ಥಂ. ಕಞ್ಞಾಯ ಪರಿಗ್ಗಹೋ, ಕಞ್ಞಾಯ ಪತಿಟ್ಠಿತಂ ಸೀಲಂ.

ಘತೋತಿ ಕಿಮತ್ಥಂ? ರತ್ತಿಯಾ, ಇತ್ಥಿಯಾ, ಧೇನುಯಾ, ವಧುಯಾ.

ನಾದೀನಮಿತಿ ಕಿಮತ್ಥಂ? ಕಞ್ಞಂ ಪಸ್ಸತಿ, ವಿಜ್ಜಂ, ವೀಣಂ, ಗಙ್ಗಂ.

ಏಕವಚನಾನಮಿತಿ ಕಿಮತ್ಥಂ? ಸಬ್ಬಾಸು, ಯಾಸು, ತಾಸು, ಕಾಸು, ಇಮಾಸು, ಪಭಾಸು.

ತಸ್ಮಾ ಪತೋ ನಾದೀನಮೇಕವಚನಾನಂ ವಿಭತ್ತಿಗಣಾನಂ ಯಾಆದೇಸೋ ಹೋತಿ.

ರತ್ತಿಯಾ ¶ , ಇತ್ಥಿಯಾ, ದೇವಿಯಾ, ಧೇನುಯಾ, ಯಾಗುಯಾ, ವಧುಯಾ.

ನಾದೀನಮಿತಿ ಕಿಮತ್ಥಂ? ರತ್ತೀ, ರತ್ತಿಂ, ಇತ್ಥೀ, ಇತ್ಥಿಂ.

ಪತೋತಿ ಕಿಮತ್ಥಂ? ಕಞ್ಞಾಯ, ವೀಣಾಯ, ಗಙ್ಗಾಯ, ಪಭಾಯ, ಸೋಭಾಯ.

ಏಕವಚನಾನಮಿತಿ ಕಿಮತ್ಥಂ? ರತ್ತೀನಂ, ಇತ್ಥೀನಂ.

ತಸ್ಮಾ ಸಖತೋ ಗಸ್ಸ ಅಕಾರ ಆಕಾರ ಇಕಾರ ಈಕಾರ ಏಕಾರಾದೇಸಾ ಹೋನ್ತಿ ವಾ.

ಭೋ ಸಖ, ಭೋ ಸಖಾ, ಭೋ ಸಖಿ, ಭೋ ಸಖೀ, ಭೋ ಸಖೇ.

ತಸ್ಮಾ ಘತೋ ಗಸ್ಸ ಏಕಾರಾದೇಸೋ ಹೋತಿ.

ಭೋತಿ ಅಯ್ಯೇ, ಭೋತಿ ಕಞ್ಞೇ, ಭೋತಿ ಖರಾದಿಯೇ.

ಚಗ್ಗಹಣಮವಧಾರಣತ್ಥಂ, ಸನ್ನಿಟ್ಠಾನಂ.

ತತೋ ಅಮ್ಮಾದಿತೋ ಗಸ್ಸ ಏಕಾರತ್ತಂ ನ ಹೋತಿ.

ಭೋತಿ ¶ ಅಮ್ಮಾ, ಭೋತಿ ಅನ್ನಾ, ಭೋತಿ ಅಮ್ಬಾ, ಭೋತಿ ತಾತಾ.

ಅಮ್ಮಾದಿತೋತಿ ಕಿಮತ್ಥಂ? ಭೋತಿ ಕಞ್ಞೇ.

೧೧೬, ೧೫೭. ಅಕತರಸ್ಸಾ ಲತೋ ಯ್ವಾಲಪನಸ್ಸ ವೇವೋ.

ತಸ್ಮಾ ಅಕತರಸ್ಸಾ ಲತೋ ಯ್ವಾಲಪನಸ್ಸ ವೇವೋಆದೇಸಾ ಹೋನ್ತಿ.

ಅಕತರಸ್ಸಾತಿ ಕಿಮತ್ಥಂ? ಸಯಮ್ಭುವೋ.

ಲತೋತಿ ಕಿಮತ್ಥಂ? ನಾಗಿಯೋ, ಧೇನುಯೋ, ಯಾಗುಯೋ.

ಆಲಪನಸ್ಸೇತಿ ಕಿಮತ್ಥಂ? ತೇ ಹೇತವೋ, ತೇ ಭಿಕ್ಖವೋ.

ತಸ್ಮಾ ಝಲತೋ ಸಸ್ಸ ವಿಭತ್ತಿಸ್ಸ ನೋ ಆದೇಸೋ ಹೋತಿ ವಾ.

ಅಗ್ಗಿನೋ, ಅಗ್ಗಿಸ್ಸ, ಸಖಿನೋ, ಸಖಿಸ್ಸ, ದಣ್ಡಿನೋ, ದಣ್ಡಿಸ್ಸ, ಭಿಕ್ಖುನೋ, ಭಿಕ್ಖುಸ್ಸ, ಸಯಮ್ಭುನೋ, ಸಯಮ್ಭುಸ್ಸ.

ಸಸ್ಸೇತಿ ಕಿಮತ್ಥಂ? ಇಸಿನಾ, ಭಿಕ್ಖುನಾ.

ತೇಹಿ ಘಪಝಲಇಚ್ಚೇತೇಹಿ ಯೋನಂ ಲೋಪೋ ಹೋತಿ ವಾ.

ಕಞ್ಞಾ, ಕಞ್ಞಾಯೋ. ರತ್ತೀ, ರತ್ತಿಯೋ, ಇತ್ಥೀ, ಇತ್ಥಿಯೋ, ಯಾಗೂ, ಯಾಗುಯೋ, ವಧೂ, ವಧುಯೋ. ಅಗ್ಗೀ, ಅಗ್ಗಯೋ. ಭಿಕ್ಖೂ, ಭಿಕ್ಖವೋ. ಸಯಮ್ಭೂ, ಸಯಮ್ಭುವೋ. ಅಟ್ಠೀ, ಅಟ್ಠೀನಿ, ಆಯೂ, ಆಯೂನಿ.

ತಸ್ಮಾ ಲತೋ ಯೋನಂ ವೋಕಾರೋ ಹೋತಿ ವಾ.

ಭಿಕ್ಖವೋ, ಭಿಕ್ಖೂ, ಸಯಮ್ಭುವೋ, ಸಯಮ್ಭೂ.

ಕಾರಗ್ಗಹಣಂ ಕಿಮತ್ಥಂ? ಯೋನಂ ನೋ ಚ ಹೋತಿ. ಜನ್ತುನೋ.

ಚಗ್ಗಹಣಮವಧಾರಣತ್ಥಂ, ಅಮೂ ಪುರಿಸಾ ತಿಟ್ಠನ್ತಿ, ಅಮೂ ಪುರಿಸೇ ಪಸ್ಸಥ.

೧೨೦, ೨೪೩. ಅಮ್ಹಸ್ಸ ಮಮಂ ಸಪಿಭತ್ತಿಸ್ಸ ಸೇ.

ಸಬ್ಬಸ್ಸೇವ ಅಮ್ಹಸದ್ದಸ್ಸ ಸವಿಭತ್ತಿಸ್ಸ ಮಮಂ ಆದೇಸೋ ಹೋತಿ ಸೇ ವಿಭತ್ತಿಮ್ಹಿ.

ಮಮಂ ¶ ದೀಯತೇ ಪುರಿಸೇನ, ಮಮಂ ಪರಿಗ್ಗಹೋ.

ಸಬ್ಬಸ್ಸೇವ ಅಮ್ಹಸದ್ದಸ್ಸ ಸವಿಭತ್ತಿಸ್ಸ ಮಯಂಆದೇಸೋ ಹೋತಿ ಯೋಮ್ಹಿ ಪಠಮೇ.

ಅಮ್ಹಸ್ಸೇತಿ ಕಿಮತ್ಥಂ? ಪುರಿಸಾ ತಿಟ್ಠನ್ತಿ.

ಯೋಮ್ಹೀತಿ ಕಿಮತ್ಥಂ? ಅಹಂ ಗಚ್ಛಾಮಿ.

ಪಠಮೇತಿ ಕಿಮತ್ಥಂ? ಅಮ್ಹಾಕಂ ಪಸ್ಸಸಿ ತ್ವಂ.

ಸಬ್ಬಸ್ಸೇವ ನ್ತುಪಚ್ಚಯಸ್ಸ ಸವಿಭತ್ತಿಸ್ಸ ನ್ತೋಆದೇಸೋ ಹೋತಿ ಯೋಮ್ಹಿ ಪಠಮೇ.

ನ್ತುಸ್ಸೇತಿ ಕಿಮತ್ಥಂ? ಸಬ್ಬೇ ಸತ್ತಾ ಗಚ್ಛನ್ತಿ.

ಪಠಮೇತಿ ಕಿಮತ್ಥಂ? ಗುಣವನ್ತೇ ಪಸ್ಸನ್ತಿ ಜನಾ.

ಸಬ್ಬಸ್ಸೇವ ನ್ತುಪಚ್ಚಯಸ್ಸ ಸವಿಭತ್ತಿಸ್ಸ ನ್ತಸ್ಸಾದೇಸೋ ಹೋತಿ ವಾ ಸೇ ವಿಭತ್ತಿಮ್ಹಿ.

ಸೀಲವನ್ತಸ್ಸ ಝಾಯಿನೋ, ಸೀಲವತೋ ಝಾಯಿನೋ ವಾ.

ಸಬ್ಬಸ್ಸೇವನ್ತುಪಚ್ಚಯಸ್ಸ ಸವಿಭತ್ತಿಸ್ಸ ಆಆದೇಸೋ ಹೋತಿ ಸಿಮ್ಹಿ ವಿಭತ್ತಿಮ್ಹಿ.

ಗುಣವಾ, ಪಞ್ಞವಾ, ಸೀಲವಾ, ಬಲವಾ, ಧನವಾ, ಮತಿಮಾ, ಸತಿಮಾ, ಧಿತಿಮಾ.

ನ್ತುಸ್ಸೇತಿ ಕಿಮತ್ಥಂ? ಪುರಿಸೋ ತಿಟ್ಠತಿ.

ಸಿಮ್ಹೀತಿ ಕಿಮತ್ಥಂ? ಸೀಲವನ್ತೋ ತಿಟ್ಠನ್ತಿ.

ಸಬ್ಬಸ್ಸೇವ ನ್ತುಪಚ್ಚಯಸ್ಸ ಸವಿಭತ್ತಿಸ್ಸ ಅಂಆದೇಸೋ ಹೋತಿ ಸಿಮ್ಹಿ ವಿಭತ್ತಿಮ್ಹಿ ನಪುಂಸಕೇ ವತ್ತಮಾನಸ್ಸ.

ಗುಣವಂ ಚಿತ್ತಂ ತಿಟ್ಠತಿ, ರುಚಿಮಂ ಪುಪ್ಫಂ ವಿರೋಚತಿ.

ಸಿಮ್ಹಿತಿ ಕಿಮತ್ಥಂ? ವಣ್ಣವನ್ತಂ ಅಗನ್ಧಕಂ ವಿರೂಳ್ಹಪುಪ್ಫಂ ಪಸ್ಸಸಿ ತ್ವಂ.

ಸಬ್ಬಸ್ಸೇವ ನ್ತುಪಚ್ಚಯಸ್ಸ ಸವಿಭತ್ತಿಸ್ಸ ಅಂ ಅವಣ್ಣಾ ಚ ಹೋನ್ತಿ ಗೇ ಪರೇ.

೧೨೭, ೧೦೨. ತೋ ¶ ತಿ ತಾ ಸ ಸ್ಮಿಂ ನಾಸು.

ಸಬ್ಬಸ್ಸೇವ ನ್ತುಪಚ್ಚಯಸ್ಸ ಸವಿಭತ್ತಿಸ್ಸ ತೋತಿತಾಆದೇಸಾ ಹೋನ್ತಿ ವಾ ಸಸ್ಮಿಂ ನಾಇಚ್ಚೇತೇಸು ಯಥಾಸಙ್ಖ್ಯಂ.

ಗುಣವತೋ, ಗುಣವನ್ತಸ್ಸ, ಗುಣವತಿ, ಗುಣವನ್ತಸ್ಮಿಂ, ಗುಣವತಾ, ಗುಣವನ್ತೇನ, ಸತಿಮತೋ, ಸತಿಮನ್ತಸ್ಸ, ಸತಿಮತಿ, ಸತಿಮನ್ತಸ್ಮಿಂ, ಸತಿಮತಾ, ಸತಿಮನ್ತೇನ.

ಏತೇಸ್ವೀತಿ ಕಿಮತ್ಥಂ? ಗುಣವಾ. ಸತಿಮಾ.

ಸಬ್ಬಸ್ಸೇವ ನ್ತುಪಚ್ಚಯಸ್ಸ ಸವಿಭತ್ತಿಸ್ಸ ತಂಆದೇಸೋ ಹೋತಿ ವಾ ನಂಮ್ಹಿ ವಿಭತ್ತಿಮ್ಹಿ.

ಗುಣವತಂ, ಗುಣವನ್ತಾನಂ, ಸತಿಮತಂ, ಸತಿಮನ್ತಾನಂ.

ನಂಮ್ಹೀತಿ ಕಿಮತ್ಥಂ? ಗುಣವನ್ತೋ ತಿಟ್ಠನ್ತಿ, ಸತಿಮನ್ತೋ ತಿಟ್ಠನ್ತಿ.

೧೨೯, ೨೨೨. ಇಮಸ್ಸಿದಮಂಸಿಸು ನಪುಂಸಕೇ.

ಸಬ್ಬಸ್ಸೇವ ಇಮಸದ್ದಸ್ಸ ಸವಿಭತ್ತಿಸ್ಸ ಇದಂಆದೇಸೋ ಹೋತಿ ವಾ ಅಂಸಿಸು ನಪುಂಸಕೇ ವತ್ತಮಾನಸ್ಸ.

ಇದಂ ಚಿತ್ತಂ ಪಸ್ಸಸಿ, ಇದಂ ಚಿತ್ತಂ ತಿಟ್ಠತಿ, ಇಮಂ ಚಿತ್ತಂ ಪಸ್ಸಸಿ. ಇಮಂ ಚಿತ್ತಂ ತಿಟ್ಠತಿ.

ನಥುಂಸಕೇತಿ ¶ ಕಿಮತ್ಥಂ? ಇಮಂ ಪುರಿಸಂ ಪಸ್ಸಸಿ. ಅಯಂ ಪುರಿಸೋ ತಿಟ್ಠತಿ.

ಸಬ್ಬಸ್ಸೇವ ಅಮುಸದ್ದಸ್ಸ ಸವಿಭತ್ತಿಸ್ಸ ಅದುಂಆದೇಸೋ ಹೋತಿ ಅಂಸಿಸು ನಪುಂಸಕೇ ವತ್ತಮಾನಸ್ಸ.

ಅದುಂ ಪುಪ್ಫಂ ಪಸ್ಸಸಿ, ಅದುಂ ಪುಪ್ಫಂ ವಿರೋಚತಿ.

ನಪುಂಸಕೇತಿ ಕಿಮತ್ಥಂ? ಅಮುಂ ರಾಜಾನಂ ಪಸ್ಸಸಿ, ಅಸು ರಾಜಾ ತಿಟ್ಠತಿ.

೧೩೧, ೦. ಇತ್ಥಿಪುಮನಪುಂಸಕಸಙ್ಖ್ಯಂ.

‘‘ಇತ್ಥಿಪುಮನಪುಂಸಕಸಙ್ಖ್ಯಂ’’ ಇಚ್ಚೇತಂ ಅಧಿಕಾರತ್ಥಂ ವೇದಿತಬ್ಬಂ.

೧೩೨, ೨೨೮. ಯೋಸು ದ್ವಿನ್ನಂ ದ್ವೇ ಚ.

ದ್ವಿನ್ನಂ ಸಙ್ಖ್ಯಾನಂ ಇತ್ಥಿಪುಮನಪುಂಸಕೇ ವತ್ತಮಾನಾನಂ ಸವಿಭತ್ತೀನಂ ದ್ವೇ ಹೋತಿ ಯೋಇಚ್ಚೇತೇಸು.

ದ್ವೇ ಇತ್ಥಿಯೋ, ದ್ವೇ ಧಮ್ಮಾ. ದ್ವೇ ರೂಪಾನಿ.

ಚಗ್ಗಹಣೇನ ದುವೇ ದ್ವಯ ಉಭ ಉಭಯ ದುವಿ ಚ ಹೋನ್ತಿ ಯೋನಾಅನಮಿಚ್ಚೇತೇಸು. ದುವೇ ಸಮಣಾ. ದುವೇ ಬ್ರಾಹ್ಮಣಾ ¶ , ದುವೇ ಜನಾ, ದ್ವಯೇನ, ದ್ವಯಂ, ಉಭಿನ್ನಂ, ಉಭಯೇಸಂ ದುವಿನ್ನಂ.

೧೩೩, ೨೩೦. ತಿ ಚತುನ್ನಂ ತಿಸ್ಸೋ ಚತಸ್ಸೋ ತಯೋ ಚತ್ತಾರೋ ತೀಣಿ ಚತ್ತಾರಿ.

ತಿಚತುನ್ನಂ ಸಙ್ಖ್ಯಾನಂ ಇತ್ಥಿಪುಮನಪುಂಸಕೇ ವತ್ತಮಾನಾನಂ ಸವಿಭತ್ತೀನಂ ತಿಸ್ಸೋ ಚತಸ್ಸೋ ತಯೋ ಚತ್ತಾರೋ ತೀಣಿ ಚತ್ತಾರಿಇಚ್ಚೇತೇ ಆದೇಸಾ ಹೋನ್ತಿ ಯಥಾಸಙ್ಖ್ಯಂ ಯೋಇಚ್ಚೇತೇಸು.

ತಿಸ್ಸೋ ವೇದನಾ ಚತಸ್ಸೋ ದಿಸಾ, ತಯೋ ಜನಾ, ಜನೇ, ಚತ್ತಾರೋ ಪುರಿಸಾ, ಪುರಿಸೇ, ತೀಣಿ ಆಯತನಾನಿ, ಚತ್ತಾರಿ ಅರಿಯಸಚ್ಚಾನಿ.

ಯೋಸ್ವೀತಿ ಕಿಮತ್ಥಂ? ತೀಸು, ಚತೂಸು.

ಪಞ್ಚಾದೀನಂ ಸಙ್ಖ್ಯಾನಂ ಇತ್ಥಿಪುಮನಪುಂಸಕೇ ವತ್ತಮಾನಾನಂ ಸವಿಭತ್ತಿಸ್ಸ ಅನ್ತಸ್ಸ ಸರಸ್ಸ ಅಕಾರೋ ಹೋತಿ ಯೋಇಚ್ಚೇತೇಸು.

ಪಞ್ಚ, ಪಞ್ಚ, ಛ, ಛ, ಸತ್ತ, ಸತ್ತ, ಅಟ್ಠ, ಅಟ್ಠ, ನವ, ನವ, ದಸ, ದಸ.

ಪಞ್ಚಾದೀನಮಿತಿ ಕಿಮತ್ಥಂ? ದ್ವೇ, ತಯೋ.

೧೩೫, ೧೧೮. ರಾಜಸ್ಸ ¶ ರಞ್ಞೋ ರಾಜಿನೋ ಸೇ.

ಸಬ್ಬಸ್ಸೇವ ರಾಜಸದ್ದಸ್ಸ ಸವಿಭತ್ತಿಸ್ಸ ರಞ್ಞೋ ರಾಜಿನೋಇಚ್ಚೇತೇ ಆದೇಸಾ ಹೋನ್ತಿ ಸೇ ವಿಭತ್ತಿಮ್ಹಿ.

ಸಬ್ಬಸ್ಸೇವ ರಾಜಸದ್ದಸ್ಸ ಸವಿಭತ್ತಿಸ್ಸ ರಞ್ಞಂಆದೇಸೋ ಹೋತಿ ವಾ ನಂಮ್ಹಿ ವಿಭತ್ತಿಮ್ಹಿ.

ಸಬ್ಬಸ್ಸೇವ ರಾಜಸದ್ದಸ್ಸ ಸವಿಭತ್ತಿಸ್ಸ ರಞ್ಞಾಆದೇಸೋ ಹೋತಿ ವಾ ನಾಮ್ಹಿ ವಿಭತ್ತಿಮ್ಹಿ.

ನಾಮ್ಹೀತಿ ಕಿಮತ್ಥಂ? ರಞ್ಞೋ ಸನ್ತಕಂ.

೧೩೮, ೧೨೧. ಸ್ಮಿಂಮ್ಹಿ ರಞ್ಞೇ ರಾಜಿನಿ.

ಸಬ್ಬಸ್ಸೇವ ರಾಜಸದ್ದಸ್ಸ ಸವಿಭತ್ತಿಸ್ಸ ರಞ್ಞೇರಾಜಿನಿಇಚ್ಚೇತೇ ಆದೇಸಾ ಹೋನ್ತಿ ಸ್ಮಿಂಮ್ಹಿವಿಭತ್ತಿಮ್ಹಿ.

ಸಬ್ಬೇಸಂ ತುಮ್ಹ ಅಮ್ಹ ಸದ್ದಾನಂ ಸವಿಭತ್ತೀನಂ ತಯಿ ಮಯಿಇಚ್ಚೇತೇ ಆದೇಸೋ ಹೋನ್ತಿ ಯಥಾಸಙ್ಖ್ಯಂ ಸ್ಮಿಂಮ್ಹಿ ವಿಭತ್ತಿಮ್ಹಿ.

ಸ್ಮಿಂಮ್ಹೀತಿ ಕಿಮತ್ಥಂ? ತ್ವಂ ಭವಸಿ, ಅಹಂ ಭವಾಮಿ.

ಸಬ್ಬೇಸಂ ತುಮ್ಹ ಅಮ್ಹಸದ್ದಾನಂ ಸವಿಭತ್ತೀನಂ ತ್ವಂ ಅಹಂಇಚ್ಚೇತೇ ಆದೇಸಾ ಹೋನ್ತಿ ಯಥಾಸಙ್ಖ್ಯಂ ಸಿಮ್ಹಿ ವಿಭತ್ತಿಮ್ಹಿ.

ಚಗ್ಗಹಣೇನ ತುವಂ ಚ ಹೋತಿ. ತುವಂ ಸತ್ಥಾ.

ಸಬ್ಬೇಸಂ ತುಮ್ಹ ಅಮ್ಹಸದ್ದಾನಂ ಸವಿಭತ್ತೀನಂ ತವಮಮಇಚ್ಚೇತೇ ಆದೇಸಾ ಹೋನ್ತಿ ಯಥಾಸಙ್ಖ್ಯಂ ಸೇ ವಿಭತ್ತಿಮ್ಹಿ.

ಸಬ್ಬೇಸಂ ತುಮ್ಹ ಅಮ್ಹಸದ್ದಾನಂ ಸವಿಭತ್ತೀನಂ ತುಯ್ಹಂ ಮಯ್ಹಂಇಚ್ಚೇತೇ ಆದೇಸಾ ಹೋನ್ತಿ ಯಥಾಸಙ್ಖ್ಯಂ ಸೇ ವಿಭತ್ತಿಮ್ಹಿ.

ಸಬ್ಬೇಸಂ ತುಮ್ಹ ಅಮ್ಹಸದ್ದಾನಂ ಸವಿಭತ್ತೀನಂ ತಂ ಮಇಚ್ಚೇತೇ ಆದೇಸಾ ಹೋನ್ತಿ ಯಥಾಸಙ್ಖ್ಯಂ ಅಂಮ್ಹಿ ವಿಭತ್ತಿಮ್ಹಿ.

ಸಬ್ಬೇಸಂ ತುಮ್ಹ ಅಮ್ಹಸದ್ದಾನಂ ಸವಿಭತ್ತೀನಂ ತವಂ ಮಮಂಇಚ್ಚೇತೇ ಆದೇಸಾ ಹೋನ್ತಿ ನವಾ ಯಥಾಸಙ್ಖ್ಯಂ ಅಂಮ್ಹಿ ವಿಭತ್ತಿಮ್ಹಿ.

ಸಬ್ಬೇಸಂ ತುಮ್ಹ ಅಮ್ಹಸದ್ದಾನಂ ಸವಿಭತ್ತೀನಂ ತಯಾ ಮಯಾಇಚ್ಚೇತೇ ಆದೇಸಾ ಹೋನ್ತಿ ಯಥಾಸಙ್ಖ್ಯಂ ನಾಮ್ಹಿ ವಿಭತ್ತಿಮ್ಹಿ.

ನಾಮ್ಹಿತಿ ಕಿಮತ್ಥಂ? ತುಮ್ಹೇಹಿ, ಅಮ್ಹೇಹಿ.

೧೪೬, ೨೩೬. ತುಮ್ಹಸ್ಸ ತುವಂ ತ್ವಮಂಮ್ಹಿ.

ಸಬ್ಬಸ್ಸ ತುಮ್ಹಸದ್ದಸ್ಸ ಸವಿಭತ್ತಿಸ್ಸ ತುವಂ ತ್ವಂ ಇಚ್ಚೇತೇ ಆದೇಸಾ ಹೋನ್ತಿ ಅಂಮ್ಹಿ ವಿಭತ್ತಿಮ್ಹಿ.

ಕಲಿಙ್ಗರಸ್ಸ ತುವಂ ಮಞ್ಞೇ, ಕಟ್ಠಸ್ಸ ತ್ವಂ ಮಞ್ಞೇ.

೧೪೭, ೨೪೬. ಪದತೋ ದುತಿಯಾ ಚತುತ್ಥೀ ಛಟ್ಠೀಸು ವೋನೋ.

ಸಬ್ಬೇಸಂ ತುಮ್ಹಅಮ್ಹಸದ್ದಾನಂ ಸವಿಭತ್ತೀನಂ ಯದಾ ಪದಸ್ಮಾ ಪರೇಸಂ ವೋ ನೋಆದೇಸಾ ಹೋನ್ತಿ ನವಾ ಯಥಾಸಙ್ಖ್ಯಂ ದುತಿಯಾ ಚತುತ್ಥೀಛಟ್ಠೀಇಚ್ಚೇತೇಸು ಬಹುವಚನೇಸು.

ಪಹಾಯ ವೋ ಭಿಕ್ಖವೇ ಗಮಿಸ್ಸಾಮಿ, ಮಾ ನೋ ಅಜ್ಜ ವಿಕನ್ತಿಂಸು, ರಞ್ಞೋ ಸೂದಾ ಮಹಾನಸೇ, ಏವಂ ದುತಿಯತ್ಥೇ.

ಧಮ್ಮಂ ವೋ ಭಿಕ್ಖವೇ ದೇಸೇಸ್ಸಾಮಿ, ಸಂವಿಭಜೇಥ ನೋ ರಜ್ಜೇನ, ಏವಂ ಚತುತ್ಥ್ಯತ್ಥೇ.

ತುಟ್ಠೋಸ್ಮಿ ವೋ ಭಿಕ್ಖವೇ ಪಕತಿಯಾ, ಸತ್ಥಾ ನೋ ಭಗವಾ ಅನುಪ್ಪತ್ತೋ, ಏವಂ ಛಟ್ಠ್ಯತ್ಥೇ.

ನವಾತಿ ¶ ಕಿಮತ್ಥಂ? ಏಸೋ ಅಮ್ಹಾಕಂ ಸತ್ಥಾ.

ತುಮ್ಹಮ್ಹಾಕಮಿತಿ ಕಿಮತ್ಥಂ? ಏತೇ ಇಸಯೋ ಪಸ್ಸಸಿ.

ಪದತೋತಿ ಕಿಮತ್ಥಂ? ತುಮ್ಹಾಕಂ ಸತ್ಥಾ.

ಏತೇಸ್ವೀತಿ ಕಿಮತ್ಥಂ? ಗಚ್ಛಥ ತುಮ್ಹೇ.

ಸಬ್ಬೇಸಂ ತುಮ್ಹ ಅಮ್ಹಸದ್ದಾನಂ ಸವಿಭತ್ತೀನಂ ಯದಾ ಪದಸ್ಮಾ ಪರೇಸಂ ತೇ ಮೇ ಆದೇಸಾ ಹೋನ್ತಿ ಯಥಾಸಙ್ಖ್ಯಂ ಚತುತ್ಥೀಛಟ್ಠೀಇಚ್ಚೇತೇಸು ಏಕವಚನೇಸು.

ದದಾಮಿ ತೇ ಗಾಮವರಾನಿ ಪಞ್ಚ, ದದಾಹಿ ಮೇ ಗಾಮವರಂ, ಇದಂ ತೇ ರಟ್ಠಂ, ಅಯಂ ಮೇ ಪುತ್ತೋ.

ಪದತೋತಿ ಕಿಮತ್ಥಂ? ತವ ಞಾತಿ, ಮಮ ಞಾತಿ.

ಸಬ್ಬೇಸಂ ತುಮ್ಹ ಅಮ್ಹಸದ್ದಾನಂ ಸವಿಭತ್ತೀನಂ ಯದಾ ಪದಸ್ಮಾ ಪರೇಸಂ ತೇ ಮೇಆದೇಸಾ ನ ಹೋನ್ತಿ ಅಂಮ್ಹಿ ವಿಭತ್ತಿಮ್ಹಿ.

ಪಸ್ಸೇಯ್ಯ ತಂ ವಸ್ಸಸತಂ ಅರೋಗಂ, ಸೋ ಮಂ ಬ್ರವೀತಿ.

ಸಬ್ಬೇಸಂ ತುಮ್ಹಅಮ್ಹಸದ್ದಾನಂ ಸವಿಭತ್ತೀನಂ ಯದಾ ಪದಸ್ಮಾ ಪರೇಸಂ ತೇಮೇಆದೇಸಾ ಹೋನ್ತಿ ವಾ ಯಥಾಸಙ್ಖ್ಯಂ ತತಿಯೇಕವಚನೇ ಪರೇ.

ಕತಂ ತೇ ಪಾಪಂ, ಕತಂ ಮೇ ಪಾಪಂ, ಕತಂ ತಯಾ ಪಾಪಂ, ಕತಂ ಮಯಾ ಪಾಪಂ.

ಪದತೋತಿ ಕಿಮತ್ಥಂ? ತಯಾ ಕತಂ, ಮಯಾ ಕತಂ.

ಸಬ್ಬೇಸಂ ತುಮ್ಹಅಮ್ಹಸದ್ದಾನಂ ಸವಿಭತ್ತೀನಂ ಯದಾ ಪದಸ್ಮಾ ಪರೇಸಂ ವೋನೋಆದೇಸಾ ಹೋನ್ತಿ ಯಥಾಸಙ್ಖ್ಯಂ ತತಿಯಾಬಹುವಚನೇಸು ಪರೇಸು.

ಪದತೋತಿ ಕಿಮತ್ಥಂ? ತುಮ್ಹೇಹಿ ಕತಂ, ಅಮ್ಹೇಹಿ ಕತಂ.

ಬಹುವಚನಗ್ಗಹಣೇನ ಯೋಮ್ಹಿ ಪಠಮೇ ವೋ ನೋಆದೇಸಾ ಹೋನ್ತಿ. ಗಾಮಂ ವೋ ಗಚ್ಛೇಯ್ಯಾಥ, ಗಾಮಂ ನೋ ಗಚ್ಛೇಯ್ಯಾಮ.

ಪುಮಇಚ್ಚೇವಮನ್ತಸ್ಸ ಸವಿಭತ್ತಿಸ್ಸ ಆಆದೇಸೋ ಹೋತಿ ಸಿಮ್ಹಿ ವಿಭತ್ತಿಮ್ಹಿ.

ಸಿಮ್ಹೀತಿ ಕಿಮತ್ಥಂ? ಪುಮಾನೋ ತಿಟ್ಠನ್ತಿ.

ಅನ್ತಗ್ಗಹಣೇನ ಮಘವ ಯುವಇಚ್ಚೇವಮಾದೀನಮನ್ತಸ್ಸಸವಿಭತ್ತಿಸ್ಸ ಆಆದೇಸೋ ಹೋತಿ. ಮಘವಾ, ಯುವಾ.

ಪುಮಇಚ್ಚೇವಮನ್ತಸ್ಸ ಸವಿಭತ್ತಿಸ್ಸ ಅಂಆದೇಸೋ ಹೋತಿ ಆಲಪನೇಕವಚನೇ ಪರೇ.

ಪುಮಇಚ್ಚೇವಮನ್ತಸ್ಸ ಸಮಾಸೇ ಚ ಅಂಆದೇಸೋ ಹೋತಿ ವಿಭಾಸಾ ಸಮಾಸೇ ಕತೇ.

ಇತ್ಥೀ ಚ ಪುಮಾ ಚ ನಪುಂಸಕಂ ಚ ಇತ್ಥಿಪುಮನಪುಂಸಕಾನಿ. ಇತ್ಥಿಪುಮನಪುಂಸಕಾನಂ ಸಮೂಹೋ ಇತ್ಥಿಪುಮನಪುಂಸಕಸಮೂಹೋ.

ವಿಭಾಸಾತಿ ಕಿಮತ್ಥಂ? ಇತ್ಥಿಪುಮನಪುಂಸಕಾನಿ.

ಪುಮಇಚ್ಚೇವಮನ್ತಸ್ಸ ಸವಿಭತ್ತಿಸ್ಸ ಆನೋಆದೇಸೋ ಹೋತಿ ಯೋಸು ವಿಭತ್ತೀಸು.

ಪುಮಇಚ್ಚೇವಮನ್ತಸ್ಸ ಸವಿಭತ್ತಿಸ್ಸ ಆನೇ ಆದೇಸೋ ಹೋತಿ ವಾ ಸ್ಮಿಂಮ್ಹಿ ವಿಭತ್ತಿಮ್ಹಿ.

ಪುಮಇಚ್ಚೇವಮನ್ತಸ್ಸ ಹಿವಿಭತ್ತಿಮ್ಹಿ ಚ ಆನೇಆದೇಸೋ ಹೋತಿ.

ಪುನ ವಿಭತ್ತಿಗ್ಗಹಣಂ ಕಿಮತ್ಥಂ? ಸವಿಭತ್ತಿಗ್ಗಹಣನಿವತ್ತನತ್ಥಂ. ಪುಮಾನೇಹಿ.

ಚಗ್ಗಹಣೇನ ಮಘವ ಯುವಇಚ್ಚೇವಮಾದೀನಮನ್ತಸ್ಸ ಆನಆದೇಸೋ ಹೋತಿ ಸಿ ಯೋ ಅಂಯೋ ಇಚ್ಚೇತೇಸು ವಿಭತ್ತೀಸು, ಪುಮಕಮ್ಮಥಾಮನ್ತಸ್ಸ ಚುಕಾರೋ ಹೋತಿ ಸಸ್ಮಾ ಸು ವಿಭತ್ತೀಸು. ಮಘವಾನೋ, ಮಘವಾನಾ. ಮಘವಾನಂ, ಮಘವಾನೇ ¶ . ಯುವಾನೋ, ಯುವಾನಾ, ಯುವಾನಂ, ಯುವಾನೇ, ಪುಮುನೋ, ಪುಮುನಾ. ಕಮ್ಮುನೋ, ಕಮ್ಮುನಾ, ಥಾಮುನೋ, ಥಾಮುನಾ.

ಪುಮಇಚ್ಚೇವಮನ್ತಸ್ಸ ಸುಇಚ್ಚೇತಸ್ಮಿಂವಿಭತ್ತಿಮ್ಹಿ ಆಆದೇಸೋ ಹೋತಿ ವಾ.

ಪುಮಇಚ್ಚೇವಮನ್ತಸ್ಸ ಆಉಆದೇಸಾ ಹೋನ್ತಿ ವಾ ನಾಮ್ಹಿ ವಿಭತ್ತಿಮ್ಹಿ.

ಕಮ್ಮಇಚ್ಚೇವಮನ್ತಸ್ಸ ಚ ಉಅ ಆದೇಸಾ ಹೋನ್ತಿ ವಾ ನಾಮ್ಹಿ ವಿಭತ್ತಿಮ್ಹಿ.

ಚಗ್ಗಹಣೇನ ಮಘವಯುವಇಚ್ಚೇವಮನ್ತಸ್ಸ ಆಆದೇ ಸೋ ಹೋತಿ ಕ್ವಚಿ ನಾಸುಇಚ್ಚೇತೇಸು ವಿಭತ್ತೀಸು. ಮಘವಾನಾ, ಮಘವಾಸು, ಮಘವೇಸು, ಮಘವೇನ ವಾ. ಯುವಾನಾ, ಯುವಾಸು, ಯುವೇಸು, ಯುವೇನ ವಾ.

೧೬೧, ೨೪೪. ತುಮ್ಹ’ಮ್ಹೇಹಿ ¶ ನಮಾಕಂ.

ತೇಹಿ ತುಮ್ಹಅಮ್ಹೇಹಿ ನಂವಚನಸ್ಸ ಆಕಂ ಹೋತಿ.

ನಮಿತಿ ಕಿಮತ್ಥಂ? ತುಮ್ಹೇಹಿ, ಅಮ್ಹೇಹಿ.

ತೇಹಿ ತುಮ್ಹಅಮ್ಹೇಹಿ ಯೋ ಅಪ್ಪಠಮೋ ಆಕಂಹೋತಿ ವಾ.

ತುಮ್ಹಾಕಂ ಪಸ್ಸಾಮಿ, ತುಮ್ಹೇ ಪಸ್ಸಾಮಿ ವಾ. ಅಮ್ಹಾಕಂ ಪಸ್ಸಸಿ, ಅಮ್ಹೇ ಪಸ್ಸಸಿ ವಾ.

ಯೋತಿ ಕಿಮತ್ಥಂ? ತುಮ್ಹೇಹಿ, ಅಮ್ಹೇಹಿ.

ಅಪ್ಪಠಮೋತಿ ಕಿಮತ್ಥಂ? ಗಚ್ಛಥ ತುಮ್ಹೇ, ಗಚ್ಛಾಮ ಮಯಂ.

ವಾತಿವಿಕಪ್ಪನತ್ಥೇನ ಯೋನಂ ಅಂ ಆನಂ ಹೋನ್ತಿ. ತುಮ್ಹಂ ತುಮ್ಹಾನಂ. ಅಮ್ಹಂ, ಅಮ್ಹಾನಂ.

ತೇಹಿ ಹುಮ್ಹಅಮ್ಹೇಹಿ ಸಸ್ಸ ವಿಭತ್ತಿಸ್ಸ ಅಂ ಆದೇಸೋ ಹೋತಿ ವಾ.

ತುಮ್ಹಂ ದೀಯತೇ, ತವ ದೀಯತೇ. ತುಮ್ಹಂ ಪರಿಗ್ಗಹೋ, ತವ ಪರಿಗ್ಗಹೋ. ಅಮ್ಹಂ ದೀಯತೇ, ಮಮ ದೀಯತೇ. ಅಮ್ಹಂ ಪರಿಗ್ಗಹೋ, ಮಮ ಪರಿಗ್ಗಹೋ.

ಸಸ್ಸೇತಿ ¶ ಕಿಮತ್ಥಂ? ತುಮ್ಹೇಸು, ಅಮ್ಹೇಸು.

ಸಬ್ಬೇಸಂ ಸಬ್ಬನಾಮಾನಂ ಅಕಾರತೋ ಯೋ ಪಠಮೋ ಏತ್ತಮಾಪಜ್ಜತೇ.

ಸಬ್ಬೇ, ಯೇ, ತೇ, ಕೇ, ತುಮ್ಹೇ, ಅಮ್ಹೇ, ಇಮೇ.

ಸಬ್ಬನಾಮಾತಿ ಕಿಮತ್ಥಂ? ದೇವಾ, ಅಸುರಾ, ನಾಗಾ, ಗನ್ಧಬ್ಬಾ, ಮನುಸ್ಸಾ.

ಅಕಾರತೋತಿ ಕಿಮತ್ಥಂ? ಅಮೂ ಪುರಿಸಾ ತಿಟ್ಠನ್ತಿ.

ಯೋತಿ ಕಿಮತ್ಥಂ? ಸಬ್ಬೋ, ಯೋ, ಸೋ, ಕೋ, ಅಯಂ.

ತಸ್ಮಾ ಸಬ್ಬನಾಮ’ಕಾರತೋ ದ್ವನ್ದಟ್ಠಾ ಯೋ ಪಠಮೋ ಏತ್ತಮಾಪಜ್ಜತೇ ವಾ.

ಸಬ್ಬನಾಮಾತಿ ಕಿಮತ್ಥಂ? ದೇವಾಸುರನಾಗ ಗನ್ಧಬ್ಬಮನುಸ್ಸಾ.

ದ್ವನ್ದಟ್ಠಾತಿ ಕಿಮತ್ಥಂ ತೇ, ಸಬ್ಬೇ.

೧೬೬, ೨೦೯. ನಾಞ್ಞಂ ¶ ಸಬ್ಬನಾಮಿಕಂ.

ಸಬ್ಬನಾಮಿಕಾನಂ ದ್ವನ್ದಟ್ಠೇ ನಾಞ್ಞಂ ಕಾರಿಯಂ ಹೋತಿ,

ಪುಬ್ಬಾಪರಾನಂ, ಪುಬ್ಬುತ್ತರಾನಂ, ಅಧರುತ್ತರಾನಂ.

ಬಹುಬ್ಬೀಹಿಮ್ಹಿ ಚ ಸಮಾಸೇ ಸಬ್ಬನಾಮವಿಧಾನಞ್ಚ ನಾಞ್ಞಂ ಕಾರಿಯಂ ಹೋತಿ.

ಪಿಯಪುಬ್ಬಾಯ, ಪಿಯಪುಬ್ಬಾನಂ, ಪಿಯಪುಬ್ಬೇ, ಪಿಯಪುಬ್ಬಸ್ಸ.

ಚೇತಿ ಕಿಮತ್ಥಂ? ಸಬ್ಬನಾಮವಿಧಾನಂ ಹೋತಿ, ದಕ್ಖಿಣ ಪುಬ್ಬಸ್ಸಂ, ದಕ್ಖಿಣಪುಬ್ಬಸ್ಸಾ, ಉತ್ತರಪುಬ್ಬಸ್ಸಂ, ಉತ್ತರಪುಬ್ಬಸ್ಸಾ.

ಸಬ್ಬತೋ ಸಬ್ಬನಾಮತೋ ನಂವಚನಸ್ಸ ಸಂಸಾನಂಇಚ್ಚೇತೇ ಆದೇಸಾ ಹೋನ್ತಿ.

ಸಬ್ಬೇಸಂ, ಸಬ್ಬೇಸಾನಂ, ಸಬ್ಬಾಸಂ, ಸಬ್ಬಾಸಾನಂ. ಯೇಸಂ, ಯೇಸಾನಂ, ಯಾಸಂ, ಯಾಸಾನಂ. ತೇಸಂ, ತೇಸಾನಂ, ತಾಸಂ, ತಾಸಾನಂ. ಕೇಸಂ, ಕೇಸಾನಂ, ಕಾಸಂ, ಕಾಸಾನಂ. ಇಮೇಸಂ, ಇಮೇಸಾನಂ, ಇಮಾಸಂ, ಇಮಾಸಾನಂ. ಅಮೂಸಂ, ಅಮೂಸಾನಂ.

ನಮಿತಿ ಕಿಮತ್ಥಂ? ಸಬ್ಬಸ್ಸ, ಯಸ್ಸ, ತಸ್ಸ, ಕಸ್ಸ. ಏವಂ ಸಬ್ಬತ್ಥ.

೧೬೯, ೧೧೭. ರಾಜಸ್ಸ ¶ ರಾಜು ಸುನಂಹಿಸು ಚ.

ಸಬ್ಬಸ್ಸೇವ ರಾಜಸದ್ದಸ್ಸ ರಾಜುಆದೇಸೋ ಹೋತಿ ಸುನಂಹಿಇಚ್ಚೇತೇಸು.

ಚಗ್ಗಹಣಮವಧಾರಣತ್ಥಂ. ರಾಜೇಸು, ರಾಜಾನಂ, ರಾಜೇಹಿ ರಾಜೇಭಿ.

ಸಬ್ಬಸ್ಸೇವ ಇಮಸದ್ದಸ್ಸ ಏಕಾರೋ ಹೋತಿ ವಾ ಸುನಂಹಿಇಚ್ಚೇತೇಸು.

ಏಸು, ಇಮೇಸು, ಏಸಂ, ಇಮೇಸಂ, ಏಹಿ, ಏಭಿ, ಇಮೇಹಿ, ಇಮೇಭಿ.

ಇಮಸ್ಸೇತಿ ಕಿಮತ್ಥಂ? ಏತೇಸು, ಏತೇಸಂ, ಏತೇಹಿ, ಏತೇಭಿ.

ಇಮಸದ್ದಸ್ಸ ಸಬ್ಬಸ್ಸೇವ ಅನ ಇಮಿಇಚ್ಚೇತೇ ಆದೇಸಾ ಹೋನ್ತಿ ನಾಮ್ಹಿ ವಿಭತ್ತಿಮ್ಹಿ.

ಅನೇನ ಧಮ್ಮದಾನೇನ. ಸುಖಿತಾ ಹೋತು ಸಾ ಪಜಾ.

ಇಮಿನಾ ಬುದ್ಧಪೂಜೇನ, ಪತ್ವಾನ ಅಮತಂ ಪದಂ.

ನಾಮ್ಹೀತಿ ಕಿಮತ್ಥಂ? ಇಮೇಸು, ಇಮೇಸಂ, ಇಮೇಹಿ, ಇಮೇಭಿ.

೧೭೨, ೨೧೮. ಅನಪುಂಸಕಸ್ಸಾ ¶ ಯಂ ಸಿಮ್ಹಿ.

ಇಮಸದ್ದಸ್ಸ ಸಬ್ಬಸ್ಸೇವ ಅನಪುಂಸಕಸ್ಸ ಅಯಂಆದೇಸೋ ಹೋತಿ ಸಿಮ್ಹಿ ವಿಭತ್ತಿಮ್ಹಿ.

ಅನಪುಂಸಕಸ್ಸೇತಿ ಕಿಮತ್ಥಂ? ಇದಂ ಚಿತ್ತಂ ತಿಟ್ಠತಿ.

ಸಿಮ್ಹಿತಿ ಕಿಮತ್ಥಂ? ಇಮಂ ಪುರಿಸಂ ಪಸ್ಸಸಿ ತ್ವಂ.

ಅಮುಸದ್ದಸ್ಸ ಅನಪುಂಸಕಸ್ಸ ಮಕಾರೋ ಸಕಾರಮಾಪಜ್ಜತೇ ವಾ ಸಿಮ್ಹಿ ವಿಭತ್ತಿಮ್ಹಿ.

ಅಸು ರಾಜಾ, ಅಸು ಇತ್ಥೀ, ಅಮುಕೋ ರಾಜಾ, ಅಮುಕಾ ಇತ್ಥೀ.

ಅನಪುಂಸಕಸ್ಸೇತಿ ಕಿಮತ್ಥಂ? ಅದುಂ ಪುಪ್ಫಂ ವಿರೋಚತಿ.

ಅಮುಸ್ಸೇತಿ ಕಿಮತ್ಥಂ? ಅಯಂ ಪುರಿಸೋ ತಿಟ್ಠತಿ.

ಸಿಮ್ಹಿತಿ ಕಿಮತ್ಥಂ? ಅಮ್ಹಂ ಪುರಿಸಂ ಪಸ್ಸಸಿ.

ಏತ ತಇಚ್ಚೇತೇಸಂ ಅನಪುಂಸಕಾನಂ ತಕಾರೋ ಸಕಾರಮಾಪಜ್ಜತೇ ಸಿಮ್ಹಿ ವಿಭತ್ತಿಮ್ಹಿ.

ಏಸೋ ಪುರಿಸೋ, ಏಸಾ ಇತ್ಥೀ, ಸೋ ಪುರಿಸೋ, ಸಾ ಇತ್ಥೀ.

ಏತತೇಸಮಿತಿ ¶ ಕಿಮತ್ಥಂ? ಇತರೋ ಪುರಿಸೋ, ಇತರಾ ಇತ್ಥೀ.

ಅನಪುಂಸಕಾನಮಿತಿ ಕಿಮತ್ಥಂ? ಏತಂ ಚಿತ್ತಂ, ಏತಂ ರೂಪಂ. ತಂ ಚಿತ್ತಂ, ತಂ ರೂಪಂ.

೧೫೭, ೨೧೨. ತಸ್ಸ ವಾ ನತ್ತಂ ಸಬ್ಬತ್ಥ.

ತಸ್ಸ ಸಬ್ಬನಾಮಸ್ಸ ತಕಾರಸ್ಸ ನತ್ತಂ ಹೋತಿ ವಾ ಸಬ್ಬತ್ಥ ಲಿಙ್ಗೇಸು.

ನಾಯ, ತಾಯ, ನಂ, ತಂ, ನೇ, ತೇ, ನೇಸು, ತೇಸು, ನಮ್ಹಿ, ತಮ್ಹಿ, ನಾಹಿ, ತಾಹಿ, ನಾಭಿ, ತಾಭಿ.

೧೭೬, ೨೧೩. ಸಸ್ಮಾಸ್ಮಿಂಸಂಸಾಸ್ವತ್ತಂ.

ತಸ್ಸ ಸಬ್ಬನಾಮಸ್ಸ ತಕಾರಸ್ಸ ಸಬ್ಬಸ್ಸೇವ ಅತ್ತಂ ಹೋತಿ ವಾ ಸಸ್ಮಾಸ್ಮಿಂ ಸಂಸಾಇಚ್ಚೇತೇಸು ಸಬ್ಬತ್ಥ ಲಿಙ್ಗೇಸು.

ಅಸ್ಸ, ತಸ್ಸ, ಅಸ್ಮಾ, ತಸ್ಮಾ, ಅಸ್ಮಿಂ, ತಸ್ಮಿಂ, ಅಸ್ಸಂ, ತಸ್ಸಂ, ಅಸ್ಸಾ, ತಸ್ಸಾ.

ತಕಾರಸ್ಸೇತಿ ಕಿಮತ್ಥಂ? ಅಮುಸ್ಸಂ, ಅಮುಸ್ಸಾ.

ಏತೇಸ್ವೀತಿ ಕಿಮತ್ಥಂ? ನೇಸು, ತೇಸು.

ಇಮಸದ್ದಸ್ಸ ಚ ಸಬ್ಬಸ್ಸೇವ ಅತ್ತಂ ಹೋತಿ ವಾ ಸಸ್ಮಾಸ್ಮಿಂ ಸಂ ಸಾಇಚ್ಚೇತೇಸು ಸಬ್ಬತ್ಥ ಲಿಙ್ಗೇಸು.

ಅಸ್ಸ ¶ , ಇಮಸ್ಸ, ಅಸ್ಮಾ, ಇಮಸ್ಮಾ, ಅಸ್ಮಿಂ, ಇಮಸ್ಮಿಂ, ಅಸ್ಸಂ, ಇಮಿಸ್ಸಂ, ಅಸ್ಸಾ, ಇಮಿಸ್ಸಾ.

ಇಮಸದ್ದಸ್ಸೇತಿ ಕಿಮತ್ಥಂ? ಏತಿಸ್ಸಂ, ಏತಿಸ್ಸಾ.

ಸಬ್ಬತೋ ಸಬ್ಬನಾಮತೋ ಕಕಾರಾಗಮೋ ಹೋತಿ ವಾ ಸಿಮ್ಹಿ ವಿಭತ್ತಿಮ್ಹಿ.

ಸಬ್ಬನಾಮತೋತಿ ಕಿಮತ್ಥಂ? ಪುರಿಸೋ.

ಪುನ ಸಬ್ಬತೋಗ್ಗಹಣೇನ ಅಞ್ಞಸ್ಮಾಪಿ ಕಕಾರಾಗಮೋ ಹೋತಿ, ಹೀನಕೋ, ಪೋತಕೋ.

೧೭೯, ೨೦೪. ಯಪತೋ ಸ್ಮಿಂಸಾನಂ ಸಂಸಾ.

ಸಬ್ಬತೋ ಸಬ್ಬನಾಮತೋ ಘಪಸಞ್ಞತೋ ಸ್ಮಿಂಸಇಚ್ಚೇತೇಸಂ ಸಂಸಾ ಆದೇಸಾ ಹೋನ್ತಿ ವಾ ಯಥಾಸಙ್ಖ್ಯಂ.

ಸಬ್ಬಸ್ಸಂ, ಸಬ್ಬಸ್ಸಾ, ಸಬ್ಬಾಯಂ, ಸಬ್ಬಾಯ, ಇಮಿಸ್ಸಂ, ಇಮಿಸ್ಸಾ, ಇಮಾಯಂ, ಇಮಾಯ, ಅಮುಸ್ಸಂ, ಅಮುಸ್ಸಾ, ಅಮುಯಂ, ಅಮುಯಾ.

ಸಬ್ಬನಾಮತೋತಿ ಕಿಮತ್ಥಂ? ಇತ್ಥಿಯಂ, ಇತ್ಥಿಯಾ.

ಸ್ಮಿಂಸಾನಮಿತಿ ಕಿಮತ್ಥಂ? ಅಮುಯೋ.

೧೮೦, ೨೦೭. ನೇತಾಹಿ ¶ ಸ್ಮಿಮಾಯ ಯಾ.

ಏತೇಹಿ ಸಬ್ಬನಾಮೇಹಿ ಘಪಸಞ್ಞೇಹಿ ಸ್ಮಿಂವಚನಸ್ಸ ನೇವ ಆಯ ಯಾಆದೇಸಾ ಹೋನ್ತಿ.

ಏತಿಸ್ಸಂ, ಏತಾಯಂ, ಇಮಿಸ್ಸಂ, ಇಮಾಯಂ, ಅಮುಸ್ಸಂ, ಅಮುಯಂ.

ಸ್ಮಿಂನ್ತಿ ಕಿಮತ್ಥಂ? ತಾಯ ಇತ್ಥಿಯಾ ಮುಖಂ.

ಏತಾಹೀತಿ ಕಿಮತ್ಥಂ? ಕಞ್ಞಾಯ, ವೀಣಾಯ, ಗಙ್ಗಾಯ, ಕಪಾಲಿಕಾಯ.

೧೮೧, ೯೫. ಮನೋಗಣಾದಿತೋ ಸ್ಮಿಂನಾನಮಿಆ.

ತಸ್ಮಾ ಮನೋಗಣಾದಿತೋ ಸ್ಮಿಂನಾಇಚ್ಚೇತೇಸಂ ಇಕಾರಆಕಾರಾದೇಸಾ ಹೋನ್ತಿ ವಾ ಯಥಾಸಙ್ಖ್ಯಂ.

ಮನಸಿ, ಮನುಸ್ಮಿಂ, ಸಿರಸಿ, ಸಿರಸ್ಮಿಂ, ಮನಸಾ, ಮನೇನ, ವಚಸಾ, ವಚೇನ, ಸಿರಸಾ, ಸಿರೇನ, ಸರಸಾ, ಸರೇನ, ತಪಸಾ, ತಪೇನ, ವಯಸಾ, ವಯೇನ, ಯಸಸಾ, ಯಸೇನ, ತೇಜಸಾ, ತೇಜೇನ, ಉರಸಾ, ಉರೇನ, ಥಾಮಸಾ, ಥಾಮೇನ.

ಸ್ಮಿಂನಾನಮಿತಿ ಕಿಮತ್ಥಂ? ಮನೋ, ಸಿರೋ, ತಮೋ, ತಪೋ, ತೇಜೋ.

ಆದಿಗ್ಗಹಣೇನ ಅಞ್ಞಾಸ್ಮಾಪಿ ಸ್ಮಿಂನಾನಂ ಇಕಾರಆಕಾರಾದೇಸಾ ಹೋನ್ತಿ, ಬಿಲಸಿ, ಬಿಲಸಾ, ಪದಸಿ, ಪದಸಾ.

ತಸ್ಮಾ ಮನೋಗಣಾದಿತೋ ಸಸ್ಸ ಚ ಓಕಾರೋ ಹೋತಿ.

ಏತೇಸಂ ಮನೋಗಣಾದೀನಂ ಅನ್ತೋ ಓತ್ತಮಾಪಜ್ಜತೇ ವಿಭತ್ತಿಲೋಪೇ ಕತೇ.

ಮನೋಮಯಂ, ಅಯೋಮಯಂ, ತೇಜೋಸಮೇನ, ತಪೋಗುಣೇನ, ಸಿರೋರುಹೇನ.

ಆದಿಗ್ಗಹಣಂಕಿಮತ್ಥಂ? ಅಞ್ಞೇಸಮನ್ತೋ ಓತ್ತಮಾಪಜ್ಜತೇ. ಆಪೋಸಮೇನ, ವಾಯೋಸಮೇನ.

ಲೋಪೇತಿ ಕಿಮತ್ಥಂ? ಪದಯಾ, ತಪಸಾ, ಯಸಸಾ, ವಚಸಾ, ಮನಸಾ, ಏವಮಞ್ಞೇಪಿ ಯೋಜೇತಬ್ಬಾ.

ಏತೇಹೇವ ಮನೋಗಣಾದೀಹಿ ವಿಭತ್ತಾದೇಸೇ ಸರೇ ಪರೇ ಸಕಾರಾಗಮೋ ಹೋತಿ ವಾ.

ವಾತಿ ಕಿಮತ್ಥಂ? ಮನೇನ, ತೇಜೇನ, ವಸೇನ,

ಸರೇತಿ ¶ ಕಿಮತ್ಥಂ? ಮನೋ, ತೇಜೋ, ಯಸೋ.

ಪುನ ಆದಿಗ್ಗಹಣೇನ ಅಞ್ಞಸ್ಮಿಮ್ಪಿ ಪಚ್ಚಯೇ ಪರೇ ಸಕಾರಾಗಮೋ ಹೋತಿ. ಮಾನಸಿಕಂ, ವಾಚಸಿಕಂ.

೧೮೫, ೧೧೨. ಸನ್ತಸದ್ದಸ್ಸ ಸೋ ತೇ ಬೋ ಚನ್ತೇ.

ಸಬ್ಬಸ್ಸ ಸನ್ತಸದ್ದಸ್ಸ ಸಕಾರಾದೇಸೋ ಹೋತಿ ಭಕಾರೇ ಪರೇ, ಅನ್ತೇ ಚ ಬಕಾರಾಗಮೋ ಹೋತಿ.

ಭೇತಿ ಕಿಮತ್ಥಂ? ಸನ್ತೇಹಿ ಪೂಜಿತೋ ಭಗವಾ.

ಚಗ್ಗಹಣಂ ಕ್ವಚಿ ಸಕಾರಸ್ಸೇವ ಪಸಿದ್ಧತ್ಥಂ. ಸಕ್ಕಾರೋ, ಸಕ್ಕತೋ.

೧೯೬, ೧೦೭. ಸಿಮ್ಹಿಗಚ್ಛನ್ತಾದೀನಂ ¶ ನ್ತಸದ್ದೋ ಅಂ.

ಸಿಮ್ಹಿ ಗಚ್ಛನ್ತಾದೀನಂ ನ್ತಸದ್ದೋ ಅಮಾಪಜ್ಜತೇ ವಾ.

ಗಚ್ಛಂ, ಗಚ್ಛನ್ತೋ, ಮಹಂ, ಮಹನ್ತೋ, ಚರಂ, ಚರನ್ತೋ, ಖಾದಂ, ಖಾದನ್ತೋ.

ಗಚ್ಛನ್ತಾದೀನಮಿತಿ ಕಿಮತ್ಥಂ? ಅನ್ತೋ, ದನ್ತೋ, ವನ್ತೋ, ಸನ್ತೋ.

ಗಚ್ಛನ್ತಾದೀನಂನ್ತಸದ್ದೋನ್ತುಪ್ಪಚ್ಚಯೋವ ದಟ್ಠಬ್ಬೋ ಸೇಸೇಸು ವಿಭತ್ತಿಪ್ಪಚ್ಚಯೇಸು.

ಗಚ್ಛತೋ, ಮಹತೋ, ಗಚ್ಛತಿ, ಮಹತಿ, ಗಚ್ಛತಾ, ಮಹತಾ.

ಸೇಸೇಸೂತಿ ಕಿಮತ್ಥಂ? ಗಚ್ಛಂ, ಮಹಂ, ಚರಂ, ಖಾದಂ.

೧೮೮, ೧೧೫. ಬ್ರಹ್ಮತ್ತ ಸಖ ರಾಜಾದಿತೋ ಅಮಾನಂ.

ಬ್ರಹ್ಮ ಅತ್ತ ಸಖ ರಾಜಇಚ್ಚೇವಮಾದಿತೋ ಅಂವಚನಸ್ಸ ಆನಂ ಹೋತಿ ವಾ.

ಬ್ರಹ್ಮಾನಂ, ಬ್ರಹ್ಮಂ, ಅತ್ತಾನಂ, ಅತ್ತಂ, ಸಖಾನಂ, ಸಖಂ, ರಾಜಾನಂ, ರಾಜಂ.

ಬ್ರಹ್ಮ ಅತ್ತ ಸಖ ರಾಜಇಚ್ಚೇವಮಾದಿತೋ ಸಿವಚನಸ್ಸ ಆ ಚ ಹೋತಿ.

ಬ್ರಹ್ಮಾ, ಅತ್ತಾ, ಸಖಾ, ರಾಜಾ, ಆತುಮಾ.

ಬ್ರಹ್ಮಅತ್ತ ಸಖ ರಾಜಇಚ್ಚೇವಮಾದಿತೋ ಯೋನಂ ಆನೋಆದೇಸೋ ಹೋತಿ.

ಬ್ರಹ್ಮಾನೋ, ಅತ್ತಾನೋ, ಸಖಾನೋ, ರಾಜಾನೋ, ಆತುಮಾನೋ.

ತಸ್ಮಾ ಸಖತೋ ಚ ಯೋನಂ ಆಯೋ ನೋ ಆದೇಸಾ ಹೋನ್ತಿ.

ತಸ್ಮಾ ಸಖತೋ ಸ್ಮಿಂವಚನಸ್ಸ ಏಕಾರೋ ಹೋತಿ. ಸಖೇ.

ತಸ್ಮಾ ಬ್ರಹ್ಮತೋ ಗಸ್ಸ ಚ ಏಕಾರೋ ಹೋತಿ. ಹೇ ಬ್ರಹ್ಮೇ.

೧೯೪, ೧೩೧. ಸಖನ್ತಸ್ಸಿ ನೋ ನಾ ನಂ ಸೇಸು.

ತಸ್ಸ ಸಖನ್ತಸ್ಸ ಇಕಾರೋ ಹೋತಿ ನೋನಾನಂಸಇಚ್ಚೇತೇಸು.

ತಸ್ಸ ಸಖನ್ತಸ್ಸ ಆರೋ ಹೋತಿ ವಾ ಹಿಮ್ಹಿ ವಿಭತ್ತಿಮ್ಹಿ. ಸಖಾರೇಹಿ, ಸಖೇಹಿ.

ತಸ್ಸ ಸಖನ್ತಸ್ಸ ಆರೋ ಹೋತಿ ವಾ ಸುನಂ ಅಂಇಚ್ಚೇತೇಸು.

ಸಖಾರೇಸು, ಸಖೇಸು, ಸಖಾರಾನಂ, ಸಖೀನಂ, ಸಖಾರಂ, ಸಖಂ.

೧೯೭, ೧೨೫. ಬ್ರಹ್ಮತೋ ತು ಸ್ಮಿಂ ನಿ.

ತಸ್ಮಾ ಬ್ರಹ್ಮತೋ ಸ್ಮಿಂವಚನಸ್ಸ ನಿಆದೇಸೋ ಹೋತಿ. ಬ್ರಹ್ಮನಿ.

ತುಗ್ಗಹಣೇನ ¶ ಅಬ್ರಹ್ಮತೋಪಿ ಸ್ಮಿಂ ವಚನಸ್ಸ ನಿ ಹೋತಿ. ಕಮ್ಮನಿ, ಚಮ್ಮನಿ, ಮುದ್ಧನಿ.

ತಸ್ಸ ಬ್ರಹ್ಮಸದ್ದಸ್ಸ ಅನ್ತೋ ಉತ್ತಮಾಪಜ್ಜತೇ ಸನಾಇಚ್ಚೇತೇಸು.

೧೯೯, ೧೫೮. ಸತ್ಥುಪಿತಾದೀನಮಾ ಸಿಸ್ಮಿಂಸಿಲೋಪೋಚ.

ಸತ್ಥುಪಿತುಆದೀನಮನ್ತೋ ಅತ್ತಮಾಪಜ್ಜತೇ ಸಿಸ್ಮಿಂ, ಸಿಲೋಪೋ ಚ ಹೋತಿ.

ಸಿಸ್ಮಿನ್ತಿ ಕಿಮತ್ಥಂ? ಸತ್ಥುಸ್ಸ, ಪಿತುಸ್ಸ, ಮಾತುಸ್ಸ, ಭಾತುಸ್ಸ, ಕತ್ತುಸ್ಸ.

ಸತ್ಥುಪಿತುಆದೀನಮನ್ತೋ ಅಞ್ಞೇಸು ವಚನೇಸು ಆರತ್ತಮಾಪಜ್ಜತೇ.

ಸತ್ಥಾರಂ, ಪಿತರಂ, ಮಾತರಂ, ಭಾತರಂ, ಕತ್ತಾರಂ, ಸತ್ಥಾರೇಹಿ, ಪಿತರೇಹಿ, ಮಾತರೇಹಿ, ಭಾತರೇಹಿ, ಕತ್ತಾರೇಹಿ.

ಅಞ್ಞೇಸ್ವೀತಿ ¶ ಕಿಮತ್ಥಂ? ಸತ್ಥಾ, ಪಿತಾ, ಮಾತಾ, ಭಾತಾ, ಕತ್ತಾ.

ಸತ್ಥುಪಿತುಆದೀನಮನ್ತೋ ಆರತ್ತಮಾಪಜ್ಜತೇ ವಾ ನಂಮ್ಹಿ ವಿಭತ್ತಿಮ್ಹಿ.

ಸತ್ಥಾರಾನಂ, ಪಿತರಾನಂ, ಮಾತರಾನಂ, ಭಾತರಾನಂ.

ವಾತಿ ಕಿಮತ್ಥಂ? ಸತ್ಥಾನಂ, ಪಿತೂನಂ, ಮಾತೂನಂ, ಭಾತೂನಂ.

ತಸ್ಸ ಸತ್ಥುಸದ್ದಸ್ಸ ಅನ್ತೋ ಅತ್ತಮಾಪಜ್ಜತೇ ವಾ ನಂಮ್ಹಿ ವಿಭತ್ತಿಮ್ಹಿ.

ಸತ್ಥಾನಂ, ಪಿತಾನಂ, ಮಾತಾನಂ, ಭಾತಾನಂ, ಕತ್ತಾನಂ.

ವಾತಿ ಕಿಮತ್ಥಂ? ಸತ್ಥಾರಾನಂ, ಪಿತರಾನಂ, ಮಾತರಾನಂ, ಭಾತರಾನಂ, ಧೀತರಾನಂ.

ಚಗ್ಗಹಣಂ ಅಞ್ಞೇಸಮ್ಪಿ ಸಙ್ಗಹಣತ್ಥಂ.

ಸತ್ಥುಪಿತುಇಚ್ಚೇವಮಾದೀನಮನ್ತಸ್ಸ ಉತ್ತಂ ಹೋತಿ ವಾ ಸಸ್ಮಿಂ, ಸಲೋಪೋ ಚ.

ಸತ್ಥು ¶ , ಸತ್ಥುಸ್ಸ, ಸತ್ಥುನೋ ದೀಯತೇ, ಪರಿಗ್ಗಹೋ ವಾ. ಪಿತು, ಪಿತುಸ್ಸ, ಪಿತುನೋ ದೀಯತೇ, ಪರಿಗ್ಗಹೋ ವಾ. ಭಾತು, ಭಾತುಸ್ಸ, ಭಾತುನೋ ದೀಯತೇ, ಪರಿಗ್ಗಹೋ ವಾ.

ಚಗ್ಗಹಣಂ ದುತಿಯಸಮ್ಪಿಣ್ಡನತ್ಥಂ.

ಸಕ್ಕಮನ್ಧಾತುಇಚ್ಚೇವಮಾದೀನಮನ್ತೋ ಉತ್ತಮಾಪಜ್ಜತೇ ಸಸ್ಮಿಂ, ಸಲೋಪೋ ಚ ಹೋತಿ.

ಸಕ್ಕಮನ್ಧಾತು ಇವ ಅಸ್ಸ ರಾಜಿನೋ ವಿಭವೋ. ಏವಂ ಕತ್ತು, ಗನ್ತು, ದಾತು ಇಚ್ಚೇವಮಾದೀ.

ಪುನಾರಮ್ಭಗ್ಗಹಣಂ ಕಿಮತ್ಥಂ? ನಿಚ್ಚದೀಪನತ್ಥಂ. ಸಕ್ಕಮನ್ಧಾತು.

ಚಗ್ಗಹಣಂ ದುತಿಯಸಮ್ಪಿಣ್ಡನತ್ಥಂ.

ತತೋ ಆರಾದೇಸತೋ ಸಬ್ಬೇಸಂ ಯೋ ನಂ ಓಕಾರಾದೇಸೋ ಹೋತಿ.

ಸತ್ಥಾರೋ, ಪಿತರೋ, ಮಾತರೋ, ಭಾತರೋ, ಕತ್ತಾರೋ, ವತ್ತಾರೋ.

ತುಗ್ಗಹಣೇನ ಅಞ್ಞಸ್ಮಾಪಿ ಯೋನಂ ಓಕಾರೋ ಹೋತಿ. ಚತುರೋ ಜನಾ, ಗಾವೋ, ಉಭೋ ಪುರಿಸಾ.

ತತೋ ಆರಾದೇಸತೋ ಸ್ಮಿಂವಚನಸ್ಸ ಇಕಾರಾದೇಸೋ ಹೋತಿ.

ಸತ್ಥರಿ, ಪಿತರಿ, ಮಾತರಿ, ಧೀತರಿ, ಭಾತರಿ, ಕತ್ತರಿ, ವತ್ತರಿ.

ಪುನ ತತೋಗಹಣೇನ ಅಞ್ಞಸ್ಮಾಪಿ ಸ್ಮಿಂವಚನಸ್ಸ ಇಕಾರೋ ಹೋತಿ. ಭುವಿ.

ತತೋ ಆರಾದೇಸತೋ ನಾವಚನಸ್ಸ ಆಆದೇಸೋ ಹೋತಿ.

ಸತ್ಥಾರಾ, ಪಿತರಾ, ಮಾತರಾ, ಭಾತರಾ, ಧೀತರಾ, ಕತ್ತಾರಾ, ವತ್ತಾರಾ.

ಆರಾದೇಸೋ ರಸ್ಸಮಾಪಜ್ಜತೇ ಇಕಾರೇ ಪರೇ.

ಸತ್ಥರಿ, ಪಿತರಿ, ಮಾತರಿ, ಧೀತರಿ, ಕತ್ತರಿ, ವತ್ತರಿ.

ಪಿತಾದೀನ ಮಾರಾದೇಸೋ ರಸ್ಸಮಾಪಜ್ಜತೇ ಅಸಿಮ್ಹಿ ವಿಭತ್ತಿಮ್ಹಿ.

ಪಿತರಾ, ಮಾತರಾ, ಭಾತರಾ, ಮೀತರಾ ಪಿತರೋ, ಮಾತರೋ, ಭಾತರೋ, ಧೀತರೋ.

ಅಸಿಮ್ಹಿಗ್ಗಹಣಂ ¶ ತೋಮ್ಹಿ ಪರೇ ಇಕಾರಾದೇಸಞಾಪನತ್ಥಂ. ಮಾತಿತೋ, ಪಿತಿತೋ, ಭಾತಿತೋ, ದುಹಿತಿತೋ.

೨೧೦, ೨೩೯. ತಯಾತಯೀನಂ ತಕಾರೋ ತ್ವತ್ತಂ ವಾ.

ತಯಾತಯಿ ಇಚ್ಚೇತೇಸಂ ತಕಾರೋ ತ್ವತ್ತಮಾಪಜ್ಜತೇ ವಾ.

೨೧೧, ೧೨೬. ಅತ್ತನ್ತೋ ಹಿಸ್ಮಿ’ಮನತ್ತಂ.

ತಸ್ಸ ಅತ್ತನೋ ಅನ್ತೋ ಅನತ್ತಮಾಪಜ್ಜತೇ ಹಿಮ್ಹಿ ವಿಭತ್ತಿಮ್ಹಿ.

ಅತ್ತನ್ತೋತಿ ಕಿಮತ್ಥಂ? ರಾಜೇಹಿ, ರಾಜೇಭಿ.

ಅನತ್ತಮಿತಿಭಾವನಿದ್ದೇಸೇನ ಅತ್ತಸದ್ದಸ್ಸ ಸಕಾದೇಸೋ ಹೋತಿ ಸಬ್ಬಾಸು ವಿಭತ್ತೀಸು. ಸಕೋ, ಸಕಾ, ಸಕಂ, ಸಕೇ.

ತತೋ ಅತ್ತತೋ ಸ್ಮಿಂವಚನಸ್ಸ ನಿ ಹೋತಿ. ಅತ್ತನಿ.

ತತೋಅತ್ತತೋ ಸಸ್ಸ ವಿಭತ್ತಿಸ್ಸ ನೋ ಹೋತಿ, ಅತ್ತನೋ.

ತತೋ ಅತ್ತತೋ ಸ್ಮಾ ವಚನಸ್ಸ ನಾ ಹೋತಿ. ಅತ್ತನಾ.

ಪುನ ತತೋಗಹಣೇನ ತಸ್ಸ ಅತ್ತನೋ ತಕಾರಸ್ಸೇವ ರಕಾರೋ ಹೋತಿ ಸಬ್ಬೇಸು ವಚನೇಸು. ಅತ್ರಜೋ, ಅತ್ರಜಂ.

ಝಲಇಚ್ಚೇತೇಹಿ ಸ್ಮಾವಚನಸ್ಸ ನಾ ಹೋತಿ.

ಅಗ್ಗಿನಾ, ದಣ್ಡಿನಾ, ಭಿಕ್ಖುನಾ, ಸಯಮ್ಭುನಾ.

ಸ್ಮಾತಿ ಕಿಮತ್ಥಂ? ಅಗ್ಗಯೋ, ಮುನಯೋ, ಇಸಯೋ.

ತಸ್ಮಾ ಘಪತೋ ಸ್ಮಿಂ ವಚನಸ್ಸ ಯಂ ಹೋತಿ ವಾ.

ಕಞ್ಞಾಯಂ ¶ , ಕಞ್ಞಾಯ. ರತ್ತಿಯಂ, ರತ್ತಿಯಾ. ಇತ್ಥಿಯಂ, ಇತ್ಥಿಯಾ. ಯಾಗುಯಂ, ಯಾಗುಯಾ. ವಖುಯಂ, ವಧುಯಾ.

ಸಬ್ಬೇಸಂ ಯೋನಂ ನಿ ಹೋತಿ ವಾ ನಪುಂಸಕೇಹಿ ಲಿಙ್ಗೇಹಿ.

ನಪುಂಸಕೇಹೀತಿ ಕಿಮತ್ಥಂ? ಇತ್ಥಿಯೋ.

ಅಕಾರನ್ತೇಹಿ ನಪುಂಸಕಲಿಙ್ಗೇಹಿ ಯೋನಂ ನಿ ಹೋತಿ ನಿಚ್ಚಂ.

ಯಾನಿ, ಯಾನಿ. ತಾನಿ, ತಾನಿ. ಕಾನಿ, ಕಾನಿ. ಭಯಾನಿ, ಭಯಾನಿ. ರೂಪಾನಿ, ರೂಪಾನಿ.

ಅಕಾರನ್ತೇಹಿ ನಪುಂಸಕಲಿಙ್ಗೇಹಿ ಸಿವಚನಸ್ಸ ಅಂ ಹೋತಿ ನಿಚ್ಚಂ.

ತತೋ ನಿದ್ದಿಟ್ಠೇಹಿ ಲಿಗೇಹಿ ಸೇಸಖತಾ ಗಸಿಇಚ್ಚೇತೇ ಲೋಪಮಾಪಜ್ಜನ್ತೇ.

ಭೋತಿ ¶ ಇತ್ಥಿ, ಸಾ ಇತ್ಥೀ. ಭೋ ದಣ್ಡಿ, ಸೋ ದಣ್ಡೀ. ಭೋ ಸತ್ಥ, ಸೋ ಸತ್ಥಾ. ಭೋ ರಾಜ, ಸೋ ರಾಜಾ. ಸೇಸತೋತಿ ಕಿಮತ್ಥಂ? ಪುರಿಸೋ ಗಚ್ಛತಿ.

ಗಸೀತಿ ಕಿಮತ್ಥಂ? ಇತ್ಥಿಯಾ, ಸತ್ಥುಸ್ಸ.

೨೨೧, ೨೮೨. ಸಬ್ಬಾಸಮಾವುಸೋ ಪಸಗ್ಗನಿಪಾತಾದೀಹಿ ಚ.

ಸಬ್ಬಾಸಂ ವಿಭತ್ತೀನಂ ಏಕವಚನಬಹುವಚನಾನಂ ಪಠಮಾ ದುತಿಯಾತತಿಯಾ ಚತುತ್ಥೀ ಪಞ್ಚಮೀ ಛಟ್ಠೀ ಸತ್ತಮೀನಂ ಲೋಪೋ ಹೋತಿ, ಆವುಸೋ ಉಪಸಗ್ಗ ನಿಪಾತಇಚ್ಚೇವಮಾದೀಹಿ ಚ,

ತ್ವಂ ಪನಾವುಸೋ, ತುಮ್ಹೇ ಪನಾವುಸೋ, ಪದಸೋ ಧಮ್ಮಂ ವಾಚೇಯ್ಯ, ವಿಹಾರಂ ಸ್ವೇ ಉಪಗಚ್ಛೇಯ್ಯ.

ಪ, ಪರಾ, ನಿ, ನೀ, ಉ, ದು, ಸಂ, ವಿ, ಅವ, ಅನು, ಪರಿ, ಅಧಿ, ಅಭಿ, ಪತಿ, ಸು, ಆ, ಅತಿ, ಅಪಿ, ಅಪ, ಉಪ, ಪಹಾರೋ, ಪರಾಭವೋ, ನಿಹಾರೋ, ನೀಹಾರೋ, ಉಹಾರೋ, ದುಹಾರೋ, ಸಂಹಾರೋ, ವಿಹಾರೋ, ಅವಹಾರೋ, ಅನುಹಾರೋ, ಪರಿಹಾರೋ, ಅಧಿಹಾರೋ, ಅಭಿಹಾರೋ, ಪತಿಹಾರೋ, ಸುಹಾರೋ, ಆಹಾರೋ, ಅತಿಹಾರೋ, ಅಪಿಹಾರೋ, ಅಪಹಾರೋ, ಉಪಹಾರೋ, ಏವಂ ವೀಸತಿ ಉಪಸಗ್ಗೇಹಿ ಚ.

ಯಥಾ, ತಥಾ, ಏವಂ, ಖಲು, ಖೋ, ತತ್ರ, ಅಥೋ, ಅಥ, ಹಿ, ತು ಚ, ವಾ, ವೋ, ಹಂ, ಅಭಂ, ಅಲಂ, ಏವ, ಹೋ ಅಹೋ, ಹೇ ¶ , ಅಹೇ, ರೇ, ಅರೇ, ಏವಮಾದೀಹಿ ನಿಪಾತೇಹಿ ಚ ಯೋಜೇತಬ್ಬಾನಿ.

೨೨೨, ೩೪೨. ಪುಮಸ್ಸ ಲಿಙ್ಗಾದೀಸು ಸಮಾಸೇಸು.

ಪುಮಇಚ್ಚೇತಸ್ಸ ಅನ್ತೋ ಲೋಪಮಾಪಜ್ಜತೇ ಲಿಙ್ಗಾದೀಸು ಪರಪದೇಸು ಸಮಾಸೇಸು.

ಪುಲ್ಲಿಙ್ಗಂ, ಪುಮ್ಭಾವೋ, ಪುಙ್ಕೋಕಿಲೋ.

ಪುಮಸ್ಸೇತಿ ಕಿಮತ್ಥಂ? ಇತ್ಥಿಲಿಙ್ಗಂ, ನಪುಂಸಕಲಿಙ್ಗಂ.

ಲಿಙ್ಗಾದೀಸೂತಿ ಕಿಮತ್ಥಂ? ಪುಮಿತ್ಥೀ.

ಸಮಾಸೇಸೂತಿ ಕಿಮತ್ಥಂ? ಪುಮಸ್ಸ ಲಿಙ್ಗಂ.

ಅಂ ವಚನಸ್ಸ ಯಂ ಹೋತಿ ವಾ ಈತೋ ಪಸಞ್ಞತೋ.

ಪಸಞ್ಞತೋತಿ ಕಿಮತ್ಥಂ? ದಣ್ಡಿನಂ, ಭೋಗಿನಂ.

ತಸ್ಮಾ ಝತೋ ಕತರಸ್ಸಾ ಅಂ ವಚನಸ್ಸ ನಂ ಹೋತಿ.

ಸಬ್ಬೇಸಂ ಯೋನಂ ಝತೋ ಕತರಸ್ಸಾ ನೋ ಹೋತಿ.

ದಣ್ಡಿನೋ ಭೋಗಿನೋ, ಹೇ ದಣ್ಡಿನೋ, ಹೇ ಭೋಗಿನೋ.

ಕತರಸ್ಸಾತಿ ಕಿಮತ್ಥಂ? ಅಗ್ಗಯೋ, ಮುನಯೋ, ಇಸಯೋ.

ಯೋನನ್ತಿ ಕಿಮತ್ಥಂ? ದಣ್ಡಿನಾ, ಭೋಗಿನಾ.

ತಸ್ಮಾ ಝತೋ ಕತರಸ್ಸಾ ಸ್ಮಿಂವಚನಸ್ಸ ನಿಆದೇ ಸೋ ಹೋತಿ.

ಕತರಸ್ಸಾತಿ ಕಿಮತ್ಥಂ? ಬ್ಯಾಧಿಮ್ಹಿ.

ಕಿಮಿಚ್ಚೇತಸ್ಸ ಕೋ ಚ ಹೋತಿ ವಪಚ್ಚಯೇ ಪರೇ.

ಕ್ವ ¶ ಗತೋಸಿ ತ್ವಂ ದೇವಾನಂ ಪಿಯತಿಸ್ಸ.

ಚಗ್ಗಹಣೇನ ಅವಪಚ್ಚಯೇ ಪರೇಪಿ ಕೋ ಚ ಹೋತಿ. ಕೋ ತಂನಿನ್ದಿತು ಮರಹತಿ, ಕಥಂ ಬೋಧಯಿತುಂ ಧಮ್ಮಂ.

ವೇತಿ ಕಿಮತ್ಥಂ? ಕುತೋ ಆಗತೋಸಿ ತ್ವಂ.

ಕಿಮಿಚ್ಚೇತಸ್ಸ ಕು ಹೋತಿ ಹಿಂ ಹಂಇಚ್ಚೇತೇಸು ಚ. ಕುಹಿಂ ಗಚ್ಛಸಿ, ಕುಲಂ ಗಚ್ಛಸಿ.

ಚಗ್ಗಹಣೇನ ಹಿಞ್ಚನಂದಾಚನಂ ಪಚ್ಚಯೇಸು ಪರೇಸು ಅಞ್ಞತ್ಥಾಪಿ ಕು ಹೋತಿ. ಕುಹಿಞ್ಚನಂ, ಕುದಾಚನಂ.

ಕಿಮಿಚ್ಚೇತಸ್ಸ ಕೋ ಹೋತಿ ಸೇಸೇಸು ವಿಭತ್ತಿಪಚ್ಚಯೇಸು ಪರೇಸು.

ಕಿಮಿಚ್ಚೇತಸ್ಸ ಕು ಹೋತಿ ತ್ರತೋಥ ಇಚ್ಚೇತೇಸು ಚ.

೨೩೧, ೨೬೩. ಸಬ್ಬಸ್ಸೇತಸ್ಸ ¶ , ಕಾರೋ ವಾ.

ಸಬ್ಬಸ್ಸ ಏತಸದ್ದಸ್ಸ ಅಕಾರೋ ಹೋತಿ ವಾ ತೋಥಇಚ್ಚೇತೇಸು.

ಸಬ್ಬಸ್ಸ ಏತಸದ್ದಸ್ಸ ಅಕಾರೋ ಹೋತಿ ನಿಚ್ಚಂ ತ್ರಪಚ್ಚಯೇ ಪರೇ.

ಸಬ್ಬಸ್ಸ ಏತಸದ್ದಸ್ಸ ಏಕಾರೋ ಹೋತಿ ವಾ ತೋಥಇಚ್ಚೇತೇಸು.

೨೩೪, ೨೬೫. ಇಮಸ್ಸಿ ಥಂ ದಾನಿ ಹ ತೋ ಧೇಸು ಚ.

ಇಮಸದ್ದಸ್ಸ ಸಬ್ಬಸ್ಸೇವ ಇಕಾರೋ ಹೋತಿ ಥಂ ದಾನಿಹತೋ ಧಇಚ್ಚೇತೇಸು.

ಇಮಸದ್ದಸ್ಸ ಸಬ್ಬಸ್ಸೇವ ಅಕಾರೋ ಹೋತಿ ಧುನಾಮ್ಹಿ ಪಚ್ಚಯೇ ಪರೇ.

ಸಬ್ಬಸ್ಸೇವ ಇಮಸದ್ದಸ್ಸ ಏತಾದೇಸೋ ಹೋತಿ ರಹಿಮ್ಹಿ ಪಚ್ಚಯೇ ಪರೇ.

ಇತ್ಥಿಯಂ ವತ್ತಮಾನಾಯ ಅಕಾರತೋ ಆಪಚ್ಚಯೋ ಹೋತಿ.

ನದಾದಿತೋ ವಾಅನದಾದಿತೋವಾ ಇತ್ಥಿಯಂ ವತ್ತಮಾನಾಯ ಈಪಚ್ಚಯೋ ಹೋತಿ.

ನದೀ, ಮಹೀ, ಕುಮಾರೀ, ತರುಣೀ, ಸಖೀ, ಇತ್ಥೀ.

೨೩೯, ೧೯೦. ಣವ ¶ ಣಿಕ ಣೇಯ್ಯ ಣ ನ್ತುಹಿ.

ಣವ ಣಿಕ ಣೇಯ್ಯ ಣ ನ್ತುಇಚ್ಚೇತೇಹಿ ಇತ್ಥಿಯಂ ವತ್ತಮಾನೇಹಿ ಈಪಚ್ಚಯೋ ಹೋತಿ.

ಮಾಣವೀ, ಪಣ್ಡವೀ, ನಾವಿಕೀ, ವೇನತೇಯ್ಯೀ, ಕುನ್ತೇಯ್ಯೀ, ಗೋತಮೀ, ಗುಣವತೀ, ಸಾಮಾವತೀ.

೨೪೦, ೧೯೩. ಪತಿ ಭಿಕ್ಖುರಾಜೀಕಾರನ್ತೇಹಿ ಇನೀ.

ಪತಿ ಭಿಕ್ಖು ರಾಜೀಕಾರನ್ತೇಹಿ ಇತ್ಥಿಯಂ ವತ್ತಮಾನೇಹಿ ಇನೀಪಚ್ಚಯೋ ಹೋತಿ.

ಗಹಪತಾನೀ, ಭಿಕ್ಖುನೀ, ರಾಜಿನೀ, ಹತ್ಥಿನೀ, ದಣ್ಡಿನೀ, ಮೇಧಾವಿನೀ, ತಪಸ್ಸಿನೀ.

ಸಬ್ಬಸ್ಸೇವ ನ್ತುಪಚ್ಚಯಸ್ಸ ತಕಾರೋ ಹೋತಿ ವಾ ಈಕಾರೇ ಪರೇ.

ಗುಣವತೀ, ಗುಣವನ್ತೀ, ಕುಲವತೀ, ಕುಲವನ್ತೀ, ಸತಿಮತೀ. ಸತಿಮನ್ತೀ, ಮಹತೀ, ಮಹನ್ತೀ, ಗೋತ್ತಮತೀ, ಗೋತ್ತಮನ್ತೀ.

ಸಬ್ಬಸ್ಸೇವ ಭವನ್ತಸದ್ದಸ್ಸ ಭೋತಾದೇಸೋ ಹೋತಿ ಈಕಾರೇ ಇತ್ಥಿಗತೇ ಪರೇ.

ಭೋತಿ ಅಯ್ಯೇ, ಭೋತಿ ಕಞ್ಞೇ, ಭೋತಿ ಖರಾದಿಯೇ.

ಸಬ್ಬಸ್ಸೇವ ಭವನ್ತಸದ್ದಸ್ಸ ಭೋಆದೇಸೋ ಹೋತಿ ಗೇ ಪರೇ.

ಭೋ ಪುರಿಸ, ಭೋ ಅಗ್ಗಿ, ಭೋ ರಾಜ, ಭೋ ಸತ್ಥ, ಭೋ ದಣ್ಡಿ, ಭೋ ಸಯಮ್ಭು.

ತುಗ್ಗಹಣೇನ ಅಞ್ಞಸ್ಮಿಮ್ಪಿ ವಚನೇ ಸಬ್ಬಸ್ಸ ಭವನ್ತಸದ್ದಸ್ಸ ಭೋನ್ತ ಭನ್ತೇ ಭೋನ್ತೋ ಭದ್ದೇ ಭೋತಾ ಭೋ ತೋಇಚ್ಚೇತೇ ಆದೇಸಾ ಹೋನ್ತಿ.

ಭೋನ್ತ, ಭನ್ತೇ, ಭೋನ್ತೋ, ಭದ್ದೇ, ಭೋತಾ, ಭೋತೋ.

ಅಕಾರೋ ಚ ಪಿತಾದೀನಮನ್ತೋ ಚ ಅತ್ತಮಾಪಜ್ಜತೇ ಗೇ ಪರೇ.

ಭೋ ಪುರಿಸಾ, ಭೋ ರಾಜಾ, ಭೋ ಪಿತಾ, ಭೋ ಮಾತಾ, ಭೋ ಸತ್ಥಾ.

ಝಲಪಇಚ್ಚೇತೇ ರಸ್ಸಮಾಪಜ್ಜನ್ತೇ ಗೇ ಪರೇ.

ಭೋ ದಣ್ಡಿ, ಭೋ ಸಯಮ್ಭು, ಭೋತಿ ಇತ್ಥಿ, ಭೋತಿವಧು,

ಭೋ ರಾಜ, ಭೋ ರಾಜಾ, ಭೋ ಅತ್ತ, ಭೋ ಅತ್ತಾ, ಭೋ ಸಖ, ಭೋ ಸಖಾ, ಭೋ ಸತ್ಥ, ಭೋ ಸತ್ಥಾ.

೨೪೭, ೨೬೧. ತ್ವಾದಯೋ ವಿಭತ್ತಿಸಞ್ಞಾಯೋ.

ತೋಆದಿ ಯೇಸಂ ಪಚ್ಚಯಾನಂ, ತೇ ಹೋನ್ತಿ ತ್ವಾದಯೋ. ತೇ ಪಚ್ಚಯಾ ತ್ವಾದಯೋ ವಿಭತ್ತಿಸಞ್ಞಾವ ದಟ್ಠಬ್ಬಾ.

ಸಬ್ಬತೋ, ಯತೋ, ತತೋ, ಕುತೋ, ಅತೋ, ಇತೋ, ಸಬ್ಬದಾ, ಯದಾ, ತದಾ, ಕದಾ, ಇಧ, ಇದಾನಿ.

೨೪೮, ೨೬೦. ಕ್ವಚಿ ತೋ ಪಞ್ಚಮ್ಯತ್ಥೇ.

ಕ್ವಚಿ ತೋಪಚ್ಚಯೋ ಹೋತಿ ಪಞ್ಚಮ್ಯತ್ಥೇ.

ಕ್ವಚೀತಿ ಕಿಮತ್ಥಂ? ಸಬ್ಬಸ್ಮಾ, ಇಮಸ್ಮಾ.

೨೪೯, ೨೬೬. ತ್ರ ¶ ಥ ಸತ್ತಮಿಯಾ ಸಬ್ಬನಾಮೇಹಿ.

ತ್ರಥಇಚ್ಚೇತೇ ಪಚ್ಚಯಾ ಹೋನ್ತಿ ಸತ್ತಮ್ಯತ್ಥೇ ಸಬ್ಬ ನಾಮೇಹಿ.

ಸಬ್ಬತ್ರ, ಸಬ್ಬತ್ಥ, ಯತ್ರ, ಯತ್ಥ, ತತ್ರ, ತತ್ಥ.

ಸಬ್ಬಇಚ್ಚೇತಸ್ಮಾ ಧಿಪಚ್ಚಯೋ ಹೋತಿ ಕ್ವಚಿ ಸತ್ತಮ್ಯತ್ಥೇ. ಸಬ್ಬಧಿ, ಸಬ್ಬಸ್ಮಿಂ.

ಕಿಮಿಚ್ಚೇತಸ್ಮಾ ವಪಚ್ಚಯೋ ಹೋತಿ ಸತ್ತಮ್ಯತ್ಥೇ.

ಕಿಮಿಚ್ಚೇತಸ್ಮಾ ಹಿಂಹಂಹಿಞ್ಚನಂಇಚ್ಚೇತೇ ಪಚ್ಚಯಾ ಹೋನ್ತಿ ಸತ್ತಮ್ಯತ್ಥೇ.

ತಮ್ಹಾ ಚ ಹಿ ಹಂಇಚ್ಚೇತೇ ಪಚ್ಚಯಾ ಹೋನ್ತಿ ಸತ್ತಮ್ಯತ್ಥೇ. ತಹಿಂ, ತಹಂ.

ಚಗ್ಗಹಣಂ ¶ ಹಿಞ್ಚನಗ್ಗಹಣನಿವತ್ತನತ್ಥಂ.

ಇಮಸ್ಮಾ ಹಧಇಚ್ಚೇತೇ ಪಚ್ಚಯಾ ಹೋನ್ತಿ ಸತ್ತಮ್ಯತ್ಥೇ. ಇಹ, ಇಧ.

ತಸ್ಮಾ ಯತೋ ಹಿಂಪಚ್ಚಯೋ ಹೋತಿ ಸತ್ತಮ್ಯತ್ಥೇ. ಯಹಿಂ.

‘‘ಕಾಲೇ’’ಇಚ್ಚೇತಂ ಅಧಿಕಾರತ್ಥಂ ವೇದಿತಬ್ಬಂ.

೨೫೭, ೨೭೯. ಕಿಂಸಬ್ಬಞ್ಞೇಕಯಕುಹಿದಾದಾಚನಂ.

ಕಿಂ ಸಬ್ಬಅಞ್ಞ ಏಕ ಯ ಕುಇಚ್ಚೇತೇಹಿ ದಾ ದಾಚನಂಇಚ್ಚೇತೇ ಪಚ್ಚಯಾ ಹೋನ್ತಿ ಕಾಲೇ ಸತ್ತಮ್ಯತ್ಥೇ.

ಕದಾ, ಸಬ್ಬದಾ, ಅಞ್ಞದಾ, ಏಕದಾ, ಯದಾ, ಕುದಾಚನಂ.

ತಇಚ್ಚೇತಸ್ಮಾ ದಾನಿ ದಾಇಚ್ಚೇತೇ ಪಚ್ಚಯಾ ಹೋನ್ತಿ, ಕಾಲೇ ಸತ್ತಮ್ಯತ್ಥೇ.

೨೫೯, ೨೭೯. ಇಮಸ್ಮಾ ರಹಿ ಧುನಾ ದಾನಿ ಚ.

ಇಮಸ್ಮಾ ರಹಿ ಧುನಾ ದಾನಿಇಚ್ಚೇತೇ ಪಚ್ಚಯಾ ಹೋನ್ತಿ ಕಾಲೇ ಸತ್ತಮ್ಯತ್ಥೇ.

೨೬೦, ೨೭೭. ಸಬ್ಬಸ್ಸ ಸೋ ದಾಮ್ಹಿ ವಾ.

ಸಬ್ಬಇಚ್ಚೇತಸ್ಸ ಸಕಾರಾದೇಸೋ ಹೋತಿ ವಾ ದಾಮ್ಹಿ ಪಚ್ಚಯೇ ಪರೇ.

ಅವಣ್ಣೋ ಯೇ ಪಚ್ಚಯೇ ಪರೇ ಲೋಪಮಾಪಜ್ಜತೇ.

ಬಾಹುಸ್ಸಚ್ಚಂ, ಪಣ್ಡಿಚ್ಚಂ, ವೇಪುಲ್ಲಂ, ಕಾರುಞ್ಞಂ, ಕೋಸಲ್ಲಂ, ಸಾಮಞ್ಞಂ, ಸೋಹಜ್ಜಂ.

೨೬೨, ೩೯೧. ವುಡ್ಢಸ್ಸ ಜೋ ಇಯಿಟ್ಠೇಸು.

ಸಬ್ಬಸ್ಸೇವ ವುಡ್ಢಸದ್ದಸ್ಸ ಜೋಆದೇಸೋ ಹೋತಿ ಇಯ ಇಟ್ಠಇಚ್ಚೇತೇಸು ಪಚ್ಚಯೇಸು.

ಸಬ್ಬಸ್ಸೇವ ಪಸತ್ಥಸದ್ದಸ್ಸ ಸೋಆದೇಸೋ ಹೋತಿ, ಜಾದೇಸೋ ಚ ಇಯಇಟ್ಠಇಚ್ಚೇತೇಸು ಪಚ್ಚಯೇಸು.

ಸಬ್ಬಸ್ಸ ಅನ್ತಿಕಸದ್ದಸ್ಸ ನೇದಾದೇಸೋ ಹೋತಿ ಇಯ ಇಟ್ಠಇಚ್ಚೇತೇಸು ಪಚ್ಚಯೇಸು.

ಸಬ್ಬಸ್ಸ ಬಾಳ್ಹಸದ್ದಸ್ಸ ಸಾಧಾದೇಸೋ ಹೋತಿ ಇಯ ಇಟ್ಠಇಚ್ಚೇತೇಸು ಪಚ್ಚಯೇಸು.

ಸಬ್ಬಸ್ಸ ಅಪ್ಪಸದ್ದಸ್ಸ ಕಣ ಆದೇಸೋ ಹೋತಿ ಇಯ ಇಟ್ಠಇಚ್ಚೇತೇಸು ಪಚ್ಚಯೇಸು.

ಸಬ್ಬಸ್ಸ ಯುವಸದ್ದಸ್ಸ ಕಣ ಆದೇಸೋ ಹೋತಿ ಇಯ ಇಟ್ಠಇಚ್ಚೇತೇಸು ಪಚ್ಚಯೇಸು.

೨೬೮, ೩೯೭. ವನ್ತುಮನ್ತು ವೀನಞ್ಚ ಲೋಪೋ.

ವನ್ತುಮನ್ತುವೀಇಚ್ಚೇತೇಸಂ ಪಚ್ಚಯಾನಂ ಲೋಪೋ ಹೋತಿ ಇಯಇಟ್ಠಇಚ್ಚೇತೇಸು ಪಚ್ಚಯೇಸು.

ಗುಣಿಯೋ, ಗುಣಿಟ್ಠೋ, ಸತಿಯೋ, ಸತಿಟ್ಠೋ, ಮೇಧಿಯೋ, ಮೇಧಿಟ್ಠೋ.

೨೬೯, ೪೦೧. ಯವತಂ ತ ಲ ಣ ದಕಾರಾನಂ ಬ್ಯಞ್ಜನಾನಿ ಚ ಲ ಞ ಜಕಾರತ್ತಂ.

ಯಕಾರವನ್ತಾನಂ ತ ಲ ಣ ದಕಾರಾನಂ ಬ್ಯಞ್ಜನಾನಿ ಚ ಲ ಞ ಜಕಾರತ್ತಮಾಪಜ್ಜನ್ತೇ ಯಥಾಸಙ್ಖ್ಯಂ.

ಬಾಹುಸ್ಸಚ್ಚಂ, ಪಣ್ಡಿಚ್ಚಂ, ವೇಪುಲ್ಲಂ, ಕಾರುಞ್ಞಂ, ಕೋಸಲ್ಲಂ, ನೇಪುಞ್ಞಂ, ಸಾಮಞ್ಞಂ, ಸೋಹಜ್ಜಂ.

ತ ಲ ಣ ದಕಾರಾನಮಿತಿ ಕಿಮತ್ಥಂ? ಆಲಸ್ಯಂ, ಆರೋಗ್ಯಂ.

ಬ್ಯಞ್ಜನಾನಮಿತಿ ¶ ಕಿಮತ್ಥಂ? ಮಚ್ಚುನಾ.

ಕಾರಗ್ಗಹಣಂ ಕಿಮತ್ಥಂ? ಯಕಾರಸ್ಸ ಮಕಾರಾದೇಸಞಾಪನತ್ಥಂ. ಓಪಮ್ಮಂ.

೨೭೦, ೧೨೦. ಅಮ್ಹ ತುಮ್ಹನ್ತುರಾಜ ಬ್ರಹ್ಮತ್ತ ಸಖಸತ್ಥು ಪಿತಾದೀಹಿಸ್ಮಾ ನಾವ.

ಅಮ್ಹ ತುಮ್ಹನ್ತುರಾಜ ಬ್ರಹ್ಮ ಅತ್ತ ಸಖ ಸತ್ಥು ಪಿತುಇಚ್ಚೇವಮಾದೀಹಿ ಸ್ಮಾವಚನಂ ನಾವ ದಟ್ಠಬ್ಬಂ.

ಮಯಾ, ತಯಾ, ಗುಣವತಾ, ರಞ್ಞಾ, ಬ್ರಹ್ಮುನಾ, ಅತ್ತನಾ, ಸಖಿನಾ, ಸತ್ಥಾರಾ, ಪಿತರಾ, ಮಾತರಾ, ಭಾತರಾ, ಧೀತರಾ, ಕತ್ತಾರಾ, ವತ್ತಾರಾ.

೨೭೧, ೮೮, ೩೦೮. ಯಸ್ಮಾ ¶ ದಪೇತಿ ಭಯಮಾದತ್ತೇ ವಾ ತದಪಾದಾನಂ.

ಯಸ್ಮಾ ವಾ ಅಪೇತಿ, ಯಸ್ಮಾ ವಾ ಭಯಂ ಜಾಯತೇ, ಯಸ್ಮಾ ವಾ ಆದತ್ತೇ, ತಂ ಕಾರಕಂ ಅಪಾದಾನಸಞ್ಞಂ ಹೋತಿ.

ತಂ ಯಥಾ? ಗಾಮಾ ಅಪೇನ್ತಿ ಮುನಯೋ, ನಗರಾ ನಿಗ್ಗತೋ ರಾಜಾ, ಚೋರಾ ಭಯಂ ಜಾಯತೇ, ಆಚರಿಯುಪಜ್ಝಾಯೇಹಿ ಸಿಕ್ಖಂ ಗಣ್ಹಾತಿ ಸಿಸ್ಸೋ.

ಅಪಾದಾನಮಿಚ್ಚನೇನ ಕ್ವತ್ಥೋ? ಅಪಾದಾನೇ ಪಞ್ಚಮೀ.

೨೭೨, ೩೦೯. ಧಾತುನಾ ಮಾನಮುಪಸಗ್ಗಯೋಗಾದ್ವೀಸ್ವಪಿ ಚ.

ಧಾತುನಾಮಾನಂ ಪಯೋಗೇ ಚ ಉಪಸಗ್ಗಯೋಗಾದೀಸ್ವಪಿ ಚ ತಂ ಕಾರಕಂ ಅಪಾದಾನಸಞ್ಞಂ ಹೋತಿ.

ಧಾತೂನಂ ಪಯೋಗೇ ತಾವ ಜಿಇಚ್ಚೇತಸ್ಸ ಧಾತುಸ್ಸ ಪರಾಪುಬ್ಬಸ್ಸ ಪಯೋಗೇ ಯೋ ಅಸಹೋ, ಸೋ ಅಪಾದಾನಸಞ್ಞೋ ಹೋತಿ.

ತಂ ಯಥಾ? ಬುದ್ಧಸ್ಮಾ ಪರಾಜೇನ್ತಿ ಅಞ್ಞತಿತ್ಥಿಯಾ.

ಭೂಇಚ್ಚೇತಸ್ಸ ¶ ಧಾತುಸ್ಸ ಪಪುಬ್ಬಸ್ಸ ಪಯೋಗೇ ಯತೋ ಅಚ್ಛಿನ್ನಪ್ಪಭವೋ, ಸೋ ಅಪಾದಾನಸಞ್ಞೋ ಹೋತಿ.

ತಂ ಯಥಾ? ಹಿಮವತಾ ಪಭವನ್ತಿ ಪಞ್ಚ ಮಹಾನದಿಯೋ, ಅನವತತ್ತಮ್ಹಾ ಪಭವನ್ತಿ ಮಹಾಸರಾ, ಅಚಿರವತಿಯಾ ಪಭವನ್ತಿ ಕುನ್ನದಿಯೋ.

ನಾಮಪ್ಪಯೋಗೇಪಿ ತಂ ಕಾರಕಂ ಅಪಾದಾನಸಞ್ಞಂ ಹೋತಿ.

ತಂ ಯಥಾ? ಉರಸ್ಮಾ ಜಾತೋ ಪುತ್ತೋ, ಭೂಮಿತೋ ನಿಗ್ಗತೋ ರಸೋ, ಉಭತೋ ಸುಜಾತೋ ಪುತ್ತೋ ಮಾತಿತೋ ಚ ಪಿತಿತೋ ಚ.

ಉಪಸಗ್ಗಯೋಗೇ ತಂ ಕಾರಕಂ ಅಪಾದಾನಸಞ್ಞಂ ಹೋತಿ.

ತಂ ಯಥಾ? ಅಪಸಾಲಾಯ ಆಯನ್ತಿ ವಾಣಿಜಾ, ಆಬ್ರಹ್ಮಲೋಕಾ ಸದ್ದೋ ಅಬ್ಭುಗ್ಗಚ್ಛತಿ ಉಪರಿ ಪಬ್ಬತಾ ದೇವೋ ವಸ್ಸತಿ, ಬುದ್ಧಸ್ಮಾ ಪತಿ ಸಾರಿಪುತ್ತೋ ಧಮ್ಮದೇಸನಾಯ ಭಿಕ್ಖೂ ಆಲಪತಿ ತೇಮಾಸಂ, ಘತಮಸ್ಸ ತೇಲಸ್ಮಾ ಪತಿ ದದಾತಿ, ಉಪ್ಪಲಮಸ್ಸ ಪದುಮಸ್ಮಾ ಪತಿ ದದಾತಿ, ಕನಕಮಸ್ಸ ಹಿರಞ್ಞಸ್ಮಾ ಪತಿ ದದಾತಿ.

ಆದಿಗ್ಗಹಣೇನ ಕಾರಕಮಜ್ಝೇಪಿ ಪಞ್ಚಮೀವಿಭತ್ತಿ ಹೋತಿ. ಇತೋ ಪಕ್ಖಸ್ಮಾ ವಿಜ್ಝತಿ ಮಿಗಂ ಲುದ್ದಕೋ, ಕೋಸಾ ವಿಜ್ಝತಿ ಕುಞ್ಜರಂ, ಮಾಸಸ್ಮಾ ಭುಞ್ಜತಿ ಭೋಜನಂ.

ಅಪಿಗ್ಗಹಣೇನ ನಿಪಾತಪಯೋಗೇಪಿ ಪಞ್ಚಮೀವಿಭತ್ತಿ ಹೋತಿ ದುತಿಯಾ ಚ ತತಿಯಾ ಚ. ರಹಿತಾ ಮಾತುಜಾ ಪುಞ್ಞಂ ಕತ್ವಾ ¶ ದಾನಂ ದೇತಿ, ರಹಿತಾ ಮಾತುಜಂ, ರಹಿತಾ ಮಾತುಜೇನ ವಾ. ರಿತೇ ಸದ್ಧಮ್ಮಾ ಕುತೋ ಸುಖಂ ಲಭತಿ, ರಿತೇ ಸದ್ಧಮ್ಮಂ, ರಿತೇ ಸದ್ಧಮ್ಮೇನ ವಾ. ತೇ ಭಿಕ್ಖೂ ನಾನಾ ಕುಲಾ ಪಬ್ಬಜಿತಾ, ವಿನಾ ಸದ್ಧಮ್ಮಾ ನತ್ಥಞ್ಞೋ ಕೋಚಿ ನಾಥೋ ಲೋಕೇ ವಿಜ್ಜತಿ, ವಿನಾ ಸದ್ಧಮ್ಮಂ, ವಿನಾ ಸದ್ಧಮ್ಮೇನ ವಾ. ವಿನಾ ಬುದ್ಧಸ್ಮಾ, ವಿನಾ ಬುದ್ಧಂ, ವಿನಾ ಬುದ್ಧೇನ ವಾ.

ಚಗ್ಗಹಣೇನ ಅಞ್ಞತ್ಥಾಪಿ ಪಞ್ಚಮೀವಿಭತ್ತಿ ಹೋತಿ. ಯತೋಹಂ ಭಗಿನಿ ಅರಿಯಾಯ ಜಾತಿಯಾ ಜಾತೋ. ಯತೋ ಸರಾಮಿ ಅತ್ತಾನಂ, ಯತೋ ಪತ್ತೋಸ್ಮಿ ವಿಞ್ಞುತಂ, ಯತ್ವಾಧಿಕರಣಮೇನಂ ಚಕ್ಖುನ್ದ್ರಿಯಂ ಅಸಂವುತಂ ವಿಹರನ್ತಂ ಅಭಿಜ್ಝಾದೋಮನಸ್ಸಾ ಪಾಪಕಾ ಅಕುಸಲಾ ಧಮ್ಮಾ ಅನ್ವಾಸವೇಯ್ಯುಂ.

೨೭೩, ೩೧೦. ರಕ್ಖಣತ್ಥಾನಮಿಚ್ಛಿತಂ.

ರಕ್ಖಣತ್ಥಾನಂ ಧಾತೂನಂ ಪಯೋಗೇ ಯಂ ಇಚ್ಛಿತಂ, ತಂ ಕಾರಕಂ ಅಪಾದಾನಸಞ್ಞಂ ಹೋತಿ.

ಕಾಕೇ ರಕ್ಖನ್ತಿ ತಣ್ಡುಲಾ, ಯವಾ ಪಟಿಸೇಧೇನ್ತಿ ಗಾವೋ.

ಯೇನ ವಾ ಅದಸ್ಸನಮಿಚ್ಛಿತಂ, ತಂ ಕಾರಕಂ ಅಪಾದಾನಸಞ್ಞಂ ಹೋತಿ.

ಉಪಜ್ಝಾಯಾ ಅನ್ತರಧಾಯತಿ ಸಿಸ್ಸೋ, ಮಾತರಾ ಚ ಪಿತರಾ ಚ ಅನ್ತರಧಾಯತಿ ಪುತ್ತೋ.

ವಾತಿ ¶ ಕಿಮತ್ಥಂ? ಸತ್ತಮೀವಿಭತ್ಯತ್ತಂ. ಜೇತವನೇ ಅನ್ತರಧಾಯತಿ ಭಗವಾ.

೨೭೫, ೩೧೨. ದೂರನ್ತಿ ಕದ್ಧ ಕಾಲ ನಿಮ್ಮಾನ ತ್ವಾಲೋಪ ದಿಸಾಯೋಗವಿಭತ್ತಾರಪ್ಪಯೋಗ ಸುದ್ಧಪ್ಪಮೋಚನ ಹೇತು ವಿವಿತ್ತಪ್ಪಮಾಣ ಪುಬ್ಬಯೋಗಬನ್ಧನ ಗುಣವಚನ ಪಞ್ಹ ಕಥನ ಥೋಕಾಕತ್ತೂಸು ಚ.

ದೂರತ್ಥೇ, ಅನ್ತಿಕತ್ಥೇ, ಅದ್ಧನಿಮ್ಮಾನೇ, ಕಾಲನಿಮ್ಮಾನೇ, ತ್ವಾಲೋಪೇ, ದಿಸಾಯೋಗೇ, ವಿಭತ್ತೇ, ಆರಪ್ಪಯೋಗೇ, ಸುದ್ಧೇ, ಪಮೋಚನೇ, ಹೇತ್ವತ್ಥೇ, ವಿವಿತ್ತತ್ಥೇ, ಪಮಾಣೇ, ಪುಬ್ಬಯೋಗೇ, ಬನ್ಧನತ್ಥೇ, ಗುಣವಚನೇ, ಪಞ್ಹೇ, ಕಥನೇ, ಥೋಕೇ, ಅಕತ್ತರಿ ಚ ಇಚ್ಚೇತೇಸ್ವತ್ಥೇಸು, ಪಯೋಗೇಸು ಚ, ತಂ ಕಾರಕಂ ಅಪಾದಾನಸಞ್ಞಂ ಹೋತಿ.

ದೂರತ್ಥೇತಾವ – ಕೀವ ದೂರೋ ಇತೋ ನಳಕಾರಗಾಮೋ, ದೂರತೋ ವಾ ಗಮ್ಮ, ಆರಕಾ ತೇ ಮೋಘಪುರಿಸಾ ಇಮಸ್ಮಾ ಧಮ್ಮವಿನಯಾ. ದುತಿಯಾ ಚ ತತಿಯಾ ಚ, ದೂರಂ ಗಾಮಂ ಆವತೋ, ದೂರೇನ ಗಾಮೇನ ವಾ ಆಗತೋ. ಆರಕಾ ಇಮಂ ಧಮ್ಮವಿನಯಂ, ಅನೇನ ಧಮ್ಮವಿನಯೇನ ವಾ ಇಚ್ಚೇವಮಾದಿ.

ಅನ್ತಿಕತ್ಥೇ – ಅನ್ತಿಕಂ ಗಾಮಾ, ಆಸನ್ನಂ ಗಾಮಾ, ಸಮೀಪಂ ಗಾಮಾ, ಸಮೀಪಂ ಸದ್ಧಮ್ಮಾ. ದುತಿಯಾ ಚ ತತಿಯಾ ಚ, ಅನ್ತಿಕಂ ಗಾಮಂ, ಅನ್ತಿಕಂ ಗಾಮೇನ ವಾ. ಆಸನ್ನಂ ಗಾಮಂ, ಆಸನ್ನಂ ಗಾಮೇನ ವಾ. ಸಮೀಪಂ ಗಾಮಂ. ಸಮೀಪಂ ಗಾಮೇನ ವಾ. ಸಮೀಪಂ ಸದ್ಧಮ್ಮಂ, ಸಮೀಪಂ ಸದ್ಧಮ್ಮೇನ ವಾ ಇಚ್ಚೇವಮಾದಿ.

ಅದ್ಧನಿಮ್ಮಾನೇ ¶ – ಇತೋ ಮಥುರಾಯ ಚತೂಸು ಯೋಜನೇಸು ಸಙ್ಕಸ್ಸಂ ನಾಮ ನಗರಂ ಅತ್ಥಿ, ತತ್ಥ ಬಹೂ ಜನಾ ವಸನ್ತಿ ಇಚ್ಚೇವಮಾದಿ.

ಕಾಲನಿಮ್ಮಾನೇ – ಇತೋ ಭಿಕ್ಖವೇ ಏಕನವುತಿಕಪ್ಪೇ ವಿಪಸ್ಸೀ ನಾಮ ಭಗವಾ ಲೋಕೇ ಉದಪಾದಿ, ಇತೋ ತಿಣ್ಣಂ ಮಾಸಾನಂ ಅಚ್ಚಯೇನ ಪರಿನಿಬ್ಬಾಯಿಸ್ಸತಿ ಇಚ್ಚೇವಮಾದಿ.

ತ್ವಾಲೋಪೇ ಕಮ್ಮಾಧಿಕರಣೇಸು – ಪಾಸಾದಾ ಸಙ್ಕಮೇಯ್ಯ, ಪಾಸಾದಂ ಅಭಿರುಹಿತ್ವಾ ವಾ. ಪಬ್ಬತಾ ಸಙ್ಕಮೇಯ್ಯ, ಪಬ್ಬತಂ ಅಭಿರುಹಿತ್ವಾ ವಾ. ಹತ್ಥಿಕ್ಖನ್ಧಾ ಸಙ್ಕಮೇಯ್ಯ, ಹತ್ಥಿಕ್ಖನ್ಧಂ ಅಭಿರುಹಿತ್ವಾ ವಾ. ಆಸನಾ ವುಟ್ಠಹೇಯ್ಯ. ಆಸನೇ ನಿಸೀದಿತ್ವಾ ವಾ ಇಚ್ಚೇವಮಾದಿ.

ದಿಸಾಯೋಗೇ – ಅವಿಚಿತೋ ಯಾವ ಉಪರಿಭವಗ್ಗಮನ್ತರೇ ಬಹೂ ಸತ್ತನಿಕಾಯಾ ವಸನ್ತಿ, ಯತೋ ಖೇಮಂ ತತೋ ಭಯಂ, ಪುರತ್ಥಿಮತೋ, ದಕ್ಖಿಣತೋ, ಪಚ್ಛಿಮತೋ, ಉತ್ತರತೋ ಅಗ್ಗೀ ಪಜ್ಜಲನ್ತಿ, ಯತೋ ಅಸ್ಸೋಸುಂ ಭಗವನ್ತಂ, ಉದ್ಧಂ ಪಾದತಲಾ ಅಧೋ ಕೇಸಮತ್ಥಕಾ ಇಚ್ಚೇವಮಾದಿ.

ವಿಭತ್ತೇ – ಯತೋ ಪಣೀತತರೋ ವಾ ವಿಸಿಟ್ಠತರೋ ವಾ ನತ್ಥಿ. ಛಟ್ಠೀ ಚ, ಛನ್ನವುತೀನಂ ಪಾಸಣ್ಡಾನಂ, ಧಮ್ಮಾನಂ ಪವರಂ ಯದಿದಂ ಸುಗತವಿನಯೋ ಇಚ್ಚೇವಮಾದಿ.

ಆರಪ್ಪಯೋಗೇ – ¶ ಗಾಮಧಮ್ಮಾ ವಸಲಧಮ್ಮಾ ಅಸದ್ಧಮ್ಮಾ ಆರತಿ ವಿರತಿ ಪಟಿವಿರತಿ, ಪಾಣಾತಿಪಾತಾ ವೇರಮಣೀ ಇಚ್ಚೇವಮಾದಿ.

ಸುದ್ಧೇ – ಲೋಭನಿಯೇಹಿ ಧಮ್ಮೇಹಿ ಸುದ್ಧೋ ಅಸಂಸಟ್ಠೋ, ಮಾತಿತೋ ಚ ಪಿತಿತೋ ಚ ಸುದ್ಧೋ ಅಸಂಸಟ್ಠೋ ಅನುಪಕುದ್ಧೋ ಅಗರಹಿತೋ ಇಚ್ಚೇವಮಾದಿ.

ಪಮೋಚನೇ – ಪರಿಮುತ್ತೋ ದುಕ್ಖಸ್ಮಾತಿ ವದಾಮಿ, ಮುತ್ತೋಸ್ಮಿ ಮಾರಬನ್ಧನಾ, ನ ತೇ ಮುಚ್ಚನ್ತಿ ಮಚ್ಚುನಾ ಇಚ್ಚೇವಮಾದಿ.

ಹೇತ್ವತ್ಥೇ – ಕಸ್ಮಾ ಹೇತುನಾ, ಕೇನ ಹೇತುನಾ, ಕಿಸ್ಸ ಹೇತುನಾ, ಕಸ್ಮಾ ನು ತುಮ್ಹಂ ದಹರಾ ನ ಮೀಯರೇ, ಕಸ್ಮಾ ಇಧೇವ ಮರಣಂ ಭವಿಸ್ಸತಿ ಇಚ್ಚೇವಮಾದಿ.

ವಿವಿತ್ತತ್ಥೇ – ವಿವಿತ್ತೋ ಪಾಪಕಾ ಧಮ್ಮಾ, ವಿವಿಚ್ಚೇವ ಕಾಮೇಹಿ ವಿವಿಚ್ಚ ಅಕುಸಲೇಹಿ ಧಮ್ಮೇಹಿ ಇಚ್ಚೇವಮಾದಿ.

ಪಮಾಣೇ – ದೀಘಸೋ ನವವಿದತ್ಥಿಯೋ ಸುಗತವಿದತ್ಥಿಯಾ ಪಮಾಣಿಕಾ ಕಾರೇತಬ್ಬಾ, ಮಜ್ಝಿಮಸ್ಸ ಪುರಿಸಸ್ಸ ಅಡ್ಢ ತೇಳಸಹತ್ಥಾ ಇಚ್ಚೇವಮಾದಿ.

ಪುಬ್ಬಯೋಗೇ – ಪುಬ್ಬೇವ ಸಮ್ಮೋಧಾ ಇಚ್ಚೇವಮಾದಿ.

ಬನ್ಧನತ್ಥೇ – ಸತಸ್ಮಾ ಬನ್ಧೋ ನರೋ. ತತಿಯಾ ಚ, ಸತೇನ ಬನ್ಧೋ ನರೋ ರಞ್ಞಾ ಇಣತ್ಥೇನ ಇಚ್ಚೇವಮಾದಿ.

ಗುಣವಚನೇ ¶ – ಪುಞ್ಞಾಯ ಸುಗತಿಂ ಯನ್ತಿ, ಚಾಗಾಯ ವಿಪುಲಂ ಧನಂ, ಪಞ್ಞಾಯ ವಿಮುತ್ತಿಮನೋ, ಇಸ್ಸರಿಯಾಯ ಜನಂ ರಕ್ಖತಿ ರಾಜಾ ಇಚ್ಚೇವಮಾದಿ.

ಪಞ್ಹೇ ತ್ವಾಲೋಪೇ ಕಮ್ಮಾಧಿಕರಣೇಸು – ಅಭಿಧಮ್ಮಾ ಪುಚ್ಛನ್ತಿ, ಅಭಿಧಮ್ಮಂ ಸುತ್ವಾ, ಅಭಿಧಮ್ಮೇ ಠತ್ವಾ ವಾ. ವಿನಯಾ ಪುಚ್ಛನ್ತಿ, ವಿನಯಂ ಸುತ್ವಾ, ವಿನಯೇ ಠತ್ವಾ ವಾ. ದುತಿಯಾ ಚ ತತಿಯಾ ಚ, ಅಭಿಧಮ್ಮಂ, ಅಭಿಧಮ್ಮೇನ ವಾ. ವಿನಯಂ, ವಿನಯೇನ ವಾ. ಏವ ಸುತ್ತಾ, ಗೇಯ್ಯಾ, ಗಾಥಾಯ, ವೇಯ್ಯಾಕರಣಾ, ಉದಾನಾ, ಇತಿವುತ್ತಕಾ, ಜಾತಕಾ, ಅಬ್ಭುತಧಮ್ಮಾ, ವೇದಲ್ಲಾ ಇಚ್ಚೇವಮಾದಿ.

ಕಥನೇ ತ್ವಾಲೋಪೇ ಕಮ್ಮಾಧಿಕರಣೇಸು – ಅಭಿಧಮ್ಮಾ ಕಥಯನ್ತಿ, ಅಭಿಧಮ್ಮಂ ಸುತ್ವಾ, ಅಭಿಧಮ್ಮೇ ಠತ್ವಾ ವಾ. ವಿನಯಾ ಕಥಯನ್ತಿ, ವಿನಯಂ ಸುತ್ವಾ, ವಿನಯೇ ಠತ್ವಾ ವಾ. ದುತಿಯಾ ಚ ತತಿಯಾ ಚ, ಅಭಿಧಮ್ಮಂ, ಅಭಿಧಮ್ಮೇನ ವಾ. ವಿನಯಂ ವಿನಯೇನ ವಾ. ಏವಂ ಸುತ್ತಾ, ಗೇಯ್ಯಾ, ಗಾಥಾಯ, ವೇಯ್ಯಾಕರಣಾ, ಉದಾನಾ, ಇತಿವುತ್ತಕಾ, ಜಾತಕಾ, ಅಬ್ಭುತಧಮ್ಮಾ, ವೇದಲ್ಲಾ ಇಚ್ಚೇವಮಾದಿ.

ಥೋಕೇ – ಥೋಕಾ ಮುಚ್ಚನ್ತಿ. ಅಪ್ಪಮತ್ತಕಾ ಮುಚ್ಚನ್ತಿ, ಕಿಚ್ಛಾ ಮುಚ್ಚನ್ತಿ. ತತಿಯಾ ಚ. ಥೋಕೇನ, ಅಪ್ಪಮತ್ತಕೇನ, ಕಿಚ್ಛೇನ ವಾ ಇಚ್ಚೇವಮಾದಿ.

ಅಕತ್ತರಿಚ – ಕಮ್ಮಸ್ಸ ಕತತ್ತಾ ಉಪಚಿತತ್ತಾ ಉಸ್ಸನ್ನತ್ತಾ ವಿಪುಲತ್ತಾ ಚಕ್ಖುವಿಞ್ಞಾಣಂ ಉಪ್ಪನ್ನಂ ಹೋತಿ ಇಚ್ಚೇವಮಾದಿ.

ಚಗ್ಗಹಣೇನ ¶ ಸೇಸೇಸುಪಿ ಯೇ ಮಯಾ ನೋಪದಿಟ್ಠಾ ಅಪಾದಾನಪಯೋಗಿಕಾ, ತೇ ಪಯೋಗವಿಚಕ್ಖಣೇಹಿ ಯಥಾಯೋಗಂ ಯೋಜೇತಬ್ಬಾ.

೨೭೬, ೩೦೨. ಯಸ್ಸ ದಾತುಕಾಮೋ ರೋಚತೇ ಧಾರಯತೇ ವಾ ತಂ ಸಮ್ಪದಾನಂ.

ಯಸ್ಸ ವಾ ದಾತುಕಾಮೋ ಯಸ್ಸ ವಾರೋಚತೇ, ಯಸ್ಸ ವಾ ಧಾರಯತೇ, ತಂ ಕಾರಕಂ ಸಮ್ಪದಾನಸಞ್ಞಂ ಹೋತಿ.

ಸಮಣಸ್ಸ ಚೀವರಂ ದದಾತಿ, ಸಮಣಸ್ಸ ರೋಚತೇ ಸಚ್ಚಂ, ದೇವದತ್ತಸ್ಸ ಸುವಣ್ಣಚ್ಛತ್ತಂ ಧಾರಯತೇ ಯಞ್ಞದತ್ತೋ.

ಸಮ್ಪದಾನಮಿಚ್ಚನೇನ ಕ್ವತ್ಥೋ? ಸಮ್ಪದಾನೇ ಚತುತ್ಥೀ.

ವಾತಿ ವಿಕಪ್ಪನತ್ಥಂ, ಧಾತುನಾಮಾನಂ ಪಯೋಗೇ ವಾ ಉಪಸಗ್ಗಪ್ಪಯೋಗೇ ವಾ ನಿಪಾತಪ್ಪಯೋಗೇ ವಾ ಸತಿ ಅತ್ಥವಿಕಪ್ಪನತ್ಥಂ ವಾತಿ ಪದಂ ಪಯುಜ್ಜತಿ.

೨೭೭, ೩೦೩. ಸಿಲಾಘ ಹನು ಠಾ ಸಪ ಧಾರ ಪಿಹ ಕುಧ ದುಹಿಸ್ಸೋಸೂಯ ರಾಧಿಕ್ಖ ಪಚ್ಚಾಸುಣ ಅನುಪತಿಗಿಣ ಪುಬ್ಬಕತ್ತಾರೋಚನತ್ಥ ತದತ್ಥ ತುಮತ್ಥಾಲಮತ್ಥ ಮಞ್ಞಾನಾದರಪ್ಪಾಣಿನಿ, ಗತ್ಯತ್ಥಕಮ್ಮನಿ, ಆಸೀಸತ್ಥ ಸಮ್ಮುತಿ ಭಿಯ್ಯ ಸತ್ತಮ್ಯತ್ಥೇಸು ಚ.

ಸಿಲಾಘ ಹನು ಠಾ ಸಪ ಧಾರ ಪಿಹ ಕುಧ ದುಹ ಇಸ್ಸಇಚ್ಚೇತೇಸಂ ಧಾತೂನಂ ಪಯೋಗೇ, ಉಸೂಯತ್ಥಾನಞ್ಚ ಪಯೋಗೇ, ರಾಧಿಕ್ಖಪ್ಪಯೋಗೇ, ಪಚ್ಚಾಸುಣಅನುಪತಿಗಿಣಾನಂ ಪುಬ್ಬಕತ್ತರಿ, ಆರೋಚನತ್ಥೇ ¶ , ತದತ್ಥೇ, ತುಮತ್ಥೇ, ಅಲಮತ್ಥೇ, ಮಞ್ಞತಿಪ್ಪಯೋಗೇ ಅನಾದರೇ ಅಪ್ಪಾಣಿನಿ, ಗತ್ಯತ್ಥಾನಂ ಧಾತೂನಂ ಕಮ್ಮನಿ, ಆಸೀಸತ್ಥೇ ಚ ಸಮ್ಮುತಿ ಭಿಯ್ಯ ಸತ್ತಮ್ಯತ್ಥೇಸು ಚ, ತಂ ಕಾರಕಂ ಸಮ್ಪದಾನಸಞ್ಞಂ ಹೋತಿ.

ಸಿಲಾಘಪ್ಪಯೋಗೇ ತಾವ – ಬುದ್ಧಸ್ಸ ಸಿಲಾಘತೇ, ಧಮ್ಮಸ್ಸ ಸಿಲಾಘತೇ, ಸಙ್ಘಸ್ಸ ಸಿಲಾಘತೇ, ಸಕಂಉಪಜ್ಝಾಯಸ್ಸ ಸಿಲಾಘತೇ, ತವ ಸಿಲಾಘತೇ ಮಮ ಸಿಲಾಘತೇ ಇಚ್ಚೇವಮಾದಿ.

ಹನುಪ್ಪಯೋಗೇ – ಹನುತೇ ತುಯ್ಹಮೇವ, ಹನುತೇ ಮಯ್ಹಮೇವ ಇಚ್ಚೇವಮಾದಿ.

ಠಾಪಯೋಗೇ – ಉಪತಿಟ್ಠೇಯ್ಯ ಸಕ್ಯಪುತ್ತಾನಂ ವಡ್ಢಕೀ, ಭಿಕ್ಖುಸ್ಸ ಭುಞ್ಜನ್ತಸ್ಸ ಪಾನೀಯೇನ ವಾ ವಿಧೂಪನೇನ ವಾ ಉಪತಿಟ್ಠೇಯ್ಯ ಭಿಕ್ಖುನೀ ಇಚ್ಚೇವಮಾದಿ.

ಸಪಪ್ಪಯೋಗೇ – ತುಯ್ಹಂ ಸಪತೇ, ಮಯ್ಹಂ ಸಪತೇ ಇಚ್ಚೇವಮಾದಿ.

ಧಾರಪ್ಪಯೋಗೇ – ಸುವಣ್ಣಂ ತೇ ಧಾರಯತೇ ಇಚ್ಚೇವಮಾದಿ.

ಪಿಹಪ್ಪಯೋಗೇ – ಬುದ್ಧಸ್ಸ ಅಞ್ಞತಿತ್ಥಿಯಾ ಪಿಹಯನ್ತಿ, ದೇವಾ ದಸ್ಸನಕಾಮಾ ತೇ, ಯತೋ ಇಚ್ಛಾಮಿ ಭದ್ದನ್ತಸ್ಸ, ಸಮಿದ್ಧಾನಂ ಪಿಹಯನ್ತಿ ದಲಿದ್ದಾ ಇಚ್ಚೇವಮಾದಿ.

ಕುಧದುಹಇಸ್ಸಉಸೂಯಪ್ಪಯೋಗೇ – ಕೋಧಯತಿ ದೇವ ದತ್ತಸ್ಸ, ತಸ್ಸ ಕುಜ್ಝ ಮಹಾವೀರ, ಮಾ ರಟ್ಠಂ ವಿನಸ್ಸ ಇದಂ. ದುಹಯತಿ ¶ ದಿಸಾನಂ ಮೇಘೋ, ತಿತ್ಥಿಯಾ ಸಮಣಾನಂ ಇಸ್ಸಯನ್ತಿ ಗುಣಗಿದ್ಧೇನ, ತಿತ್ಥಿಯಾ ಸಮಣಾನಂ ಇಸ್ಸಯನ್ತಿ ಲಾಭಗಿದ್ಧೇನ, ದುಜ್ಜನಾ ಗುಣವನ್ತಾನಂ ಉಸೂಯನ್ತಿ ಗುಣಗಿದ್ಧೇನ, ಕಾ ಉಸೂಯಾ ವಿಜಾನತಂ ಇಚ್ಚೇವಮಾದಿ.

ರಾಧ ಇಕ್ಖ ಇಚ್ಚೇತೇಸಂ ಧಾತೂನಂ ಪಯೋಗೇ ಯಸ್ಸ ಅಕಥಿತಸ್ಸ ಪುಚ್ಛನಂ ಕಮ್ಮವಿಕ್ಖ್ಯಾಪನತ್ಥಞ್ಚ, ತಂ ಕಾರಕಂ ಸಮ್ಪದಾನಸಞ್ಞಂ ಹೋತಿ, ದುತಿಯಾ ಚ.

ಆರಾಧೋಹಂ ರಞ್ಞೋ, ಆರಾಧೋಹಂ ರಾಜಾನಂ, ಕ್ಯಾಹಂ ಅಯ್ಯಾನಂ ಅಪರಜ್ಝಾಮಿ, ಕ್ಯಾಹಂ ಅಯ್ಯೇ ಅಪರಜ್ಝಾಮಿ, ಚಕ್ಖುಂ ಜನಸ್ಸ ದಸ್ಸನಾಯ ತಂ ವಿಯ ಮಞ್ಞೇ, ಆಯಸ್ಮತೋ ಉಪಾಲಿತ್ಥೇರಸ್ಸ ಉಪಸಮ್ಪದಾಪೇಕ್ಖೋ ಉಪತಿಸ್ಸೋ, ಆಯಸ್ಮನ್ತಂ ವಾ ಇಚ್ಚೇವಮಾದಿ.

ಪಚ್ಚಾಸುಣ ಅನುಪತಿಗಿಣಾನಂ ಪುಬ್ಬಕತ್ತರಿ ಸುಣೋತಿಸ್ಸ ಪಚ್ಚಾಯೋಗೇ ಯಸ್ಸ ಕಮ್ಮುನೋ ಪುಬ್ಬಸ್ಸ ಯೋ ಕತ್ತಾ, ಸೋ ಸಮ್ಪದಾನಸಞ್ಞೋ ಹೋತಿ.

ಭಿಕ್ಖೂತಿ ಅಕಥೀತ ಕಮ್ಮಂ, ಏತನ್ತಿ ಕಥಿತಕಮ್ಮಂ. ಯಸ್ಸ ಕಮ್ಮುನೋ ಪುಬ್ಬಸ್ಸ ಯೋ ಕತ್ತಾ, ಸೋ‘ಭಗವಾ’ತಿ ‘‘ಯೋ ಕರೋತಿ ಸ ಕತ್ತಾ’’ತಿ ಸುತ್ತವಚನೇನ ಕತ್ತುಸಞ್ಞೋ. ಏವಂ ಯಸ್ಸ ¶ ಕಮ್ಮುನೋ ಪುಬ್ಬಸ್ಸ ಯೋ ಕತ್ತಾ, ಸೋ ಸಮ್ಪದಾನಸಞ್ಞೋ ಹೋತಿ.

ತಂ ಯಥಾ? ತೇ ಭಿಕ್ಖೂ ಭಗವತೋ ಪಚ್ಚಸ್ಸೋಸುಂ, ಆಸುಣನ್ತಿ ಬುದ್ಧಸ್ಸ ಭಿಕ್ಖೂ.

ಗಿಣಸ್ಸ ಅನುಪತಿಯೋಗೇ ಯಸ್ಸ ಕಮ್ಮುನೋ ಪುಬ್ಬಸ್ಸ ಯೋ ಕತ್ತಾ, ಸೋ ಸಮ್ಪದಾನಸಞ್ಞೋ ಹೋತಿ.

ತಂ ಯಥಾ? ಭಿಕ್ಖು ಜನಂ ಧಮ್ಮಂ ಸಾವೇತಿ, ತಸ್ಸ ಭಿಕ್ಖುನೋ ಜನೋ ಅನುಗಿಣಾತಿ, ತಸ್ಸ ಭಿಕ್ಖುನೋ ಜನೋ ಪತಿಗಿಣಾತಿ.

ಆರೋಚನತ್ಥೇ – ಆರೋಚಯಾಮಿ ವೋ ಭಿಕ್ಖವೇ, ಆಮನ್ತಯಾಮಿ ವೋ ಭಿಕ್ಖವೇ, ಪಟಿವೇದಯಾಮಿ ವೋ ಭಿಕ್ಖವೇ, ಆರೋಚಯಾಮಿ ತೇ ಮಹಾರಾಜ, ಆಮನ್ತಯಾಮಿ ತೇ ಮಹಾರಾಜ, ಪಟಿವೇದಯಾಮಿ ತೇ ಮಹಾರಾಜ ಇಚ್ಚೇವಮಾದಿ.

ತದತ್ಥೇ – ಊನಸ್ಸ ಪಾರಿಪೂರಿಯಾ ತಂ ಚೀವರಂ ನಿಕ್ಖಿಪಿತಬ್ಬಂ. ಬುದ್ಧಸ್ಸ ಅತ್ಥಾಯ, ಧಮ್ಮಸ್ಸ ಅತ್ಥಾಯ, ಸಙ್ಘಸ್ಸ ಅತ್ಥಾಯ, ಜೀವಿತಂ ಪರಿಚ್ಚಜಾಮಿ ಇಚ್ಚೇವಮಾದಿ.

ತುಮತ್ಥೇ ¶ -ಲೋಕಾನುಕಮ್ಪಾಯ ಅತ್ಥಾಯ ಹಿತಾಯ ಸುಖಾಯ ದೇವಮನುಸ್ಸಾನಂ ಬುದ್ಧೋ ಲೋಕೇ ಉಪ್ಪಜ್ಜತಿ. ಭಿಕ್ಖೂನಂ ಫಾಸುವಿಹಾರಾಯ ವಿನಯೋ ಪಞ್ಞತ್ತೋ ಇಚ್ಚೇವಮಾದಿ.

ಅಲಮತ್ಥಪ್ಪಯೋಗೇ-ಅಲಮಿತಿ ಅರಹತಿ ಪಟಿಕ್ಖಿತ್ತೇಸು. ಅಲಂ ಮೇ ಬುದ್ಧೋ, ಅಲಂ ಮೇ ರಜ್ಜಂ, ಅಲಂ ಭಿಕ್ಖು ಪತ್ತಸ್ಸ, ಅಲಂ ಮಲ್ಲೋ ಮಲ್ಲಸ್ಸ, ಅರಹತಿ ಮಲ್ಲೋ ಮಲ್ಲಸ್ಸ. ಪಟಿಕ್ಖಿತ್ತೇ ಅಲಂ ತೇ ರೂಪಂ ಕರಣೀಯಂ, ಅಲಂ ಮೇ ಹಿರಞ್ಞಸುವಣ್ಣೇನ ಇಚ್ಚೇವಮಾದಿ.

ಮಞ್ಞತಿಪ್ಪಯೋಗೇ ಅನಾದರೇ ಅಪ್ಪಾಣಿನಿ-ಕಟ್ಠಸ್ಸ ತುವಂ ಮಞ್ಞೇ, ಕಲಿಙ್ಗರಸ್ಸ ತುವಂ ಮಞ್ಞೇ.

ಅನಾದರೇತಿ ಕಿಮತ್ಥಂ? ಸುವಣ್ಣಂ ವಿಯ ತಂ ಮಞ್ಞೇ.

ಅಪ್ಪಾಣಿನೀತಿ ಕಿಮತ್ಥಂ? ಗದ್ರಭಂ ತುವಂ ಮಞ್ಞೇ ಇಚ್ಚೇವಮಾದಿ.

ಗತ್ಯತ್ಥಕಮ್ಮನಿ-ಗಾಮಸ್ಸ ಪಾದೇನ ಗತೋ, ನಗರಸ್ಸ ಪಾದೇನ ಗತೋ, ಅಪ್ಪೋ ಸಗ್ಗಾಯ ಗಚ್ಛತಿ, ಸಗ್ಗಸ್ಸ ಗಮನೇನ ವಾ, ಮೂಲಾಯ ಪಟಿಕಸ್ಸೇಯ್ಯ ಸಙ್ಘೋ. ದುತಿಯಾ ಚ, ಗಾಮಂ ಪಾದೇನ ಗತೋ, ನಗರಂ ಪಾದೇನ ಗತೋ, ಅಪ್ಪೋ ಸಗ್ಗಂ ಗಚ್ಛತಿ, ಸಗ್ಗಂ ಗಮನೇನ ವಾ, ಮೂಲಂ ಪಟಿಕಸ್ಸೇಯ್ಯ ಸಙ್ಘೋ ಇಚ್ಚೇವಮಾದಿ.

ಆಸೀಸತ್ಥೇ-ಆಯಸ್ಮತೋ ದೀಘಾಯುಕೋ ಹೋತು, ಭದ್ದಂ ಭವತೋ ಹೋತು, ಕುಸಲಂ ಭವತೋ ಹೋತು, ಅನಾಮಯಂ ¶ ಭವತೋ ಹೋತು, ಸುಖಂ ಭವತೋ ಹೋತು, ಸ್ವಾಗತಂ ಭವತೋ ಹೋತು, ಅತ್ಥೋ ಭವತೋ ಹೋತು, ಹಿತಂ ಭವತೋ ಹೋತು ಇಚ್ಚೇವಮಾದಿ.

ಸಮ್ಮುತಿಪ್ಪಯೋಗೇ– ಅಞ್ಞತ್ರ ಸಙ್ಘಸಮ್ಮುತಿಯಾ ಭಿಕ್ಖುಸ್ಸ ವಿಪ್ಪವತ್ಥುಂ ನ ವಟ್ಟತಿ, ಸಾಧು ಸಮ್ಮುತಿ ಮೇ ತಸ್ಸ ಭಗವತೋ ದಸ್ಸನಾಯ ಇಚ್ಚೇವಮಾದಿ.

ಭಿಯ್ಯಪ್ಪಯೋಗೇ – ಭಿಯ್ಯೋಸೋ ಮತ್ತಾಯಂ ಇಚ್ಚೇವಮಾದಿ.

ಸತ್ತಮ್ಯತ್ಥೇ – ತುಯ್ಹಞ್ಚಸ್ಸ ಆವಿ ಕರೋಮಿ, ತಸ್ಸ ಮೇ ಸಕ್ಕೋ ಪಾತುರಹೋಸಿ ಇಚ್ಚೇವಮಾದಿ.

ಅತ್ಥಗ್ಗಹಣೇನ ಬಹೂಸು ಅಕ್ಖರಪ್ಪಯೋಗೇಸು ದಿಸ್ಸತಿ.

ತಂ ಯಥಾ? ಉಪಮಂ ಮತ ಕರಿಸ್ಸಾಮಿ, ಧಮ್ಮಂ ವೋ ದೇಸೇಸ್ಸಾಮಿ.

ಸಾರತ್ಥೇ ಚ – ದೇಸೇತು ಭನ್ತೇ ಭಗವಾ ಧಮ್ಮಂ ಭಿಕ್ಖೂನಂ. ತಸ್ಸ ಫಾಸು ವಿಹಾರಾಯ ಹೋತಿ, ಏತಸ್ಸ ಪಹಿಣೇಯ್ಯ, ಯಥಾ ನೋ ಭಗವಾ ಬ್ಯಾಕರೇಯ್ಯ, ತಥಾಪಿ ತೇಸಂ ಬ್ಯಾಕರಿಸ್ಸಾಮ ¶ , ಕಪ್ಪತಿ ಸಮಣಾನಂ ಆಯೋಗೋ, ಅಮ್ಹಾಕಂ ಮಣಿನಾ ಅತ್ಥೋ, ಕಿಮತ್ಥೋ ಮೇ ಬುದ್ಧೇನ, ಸೇಯ್ಯೋ ಮೇ ಅತ್ಥೋ, ಬಹೂಪಕಾರಾ ಭನ್ತೇ ಮಹಾಪಜಾ ಪತಿಗೋತಮೀ ಭಗವತೋ, ಬಹೂಪಕಾರಾ ಭಿಕ್ಖವೇ ಮಾತಾಪಿತರೋ ಪುತ್ತಾನಂ ಇಚ್ಚೇವಮಾದಿ.

ಸೇಸೇಸು ಅಕ್ಖರಪ್ಪಯೋಗೇಸುಪಿ ಅಞ್ಞೇಪಿ ಪಯೋಗಾ ಪಯೋಗವಿಚಕ್ಖಣೇಹಿ ಯೋಜೇತಬ್ಬಾ.

ಚಗ್ಗಹಣಂ ವಿಕಪ್ಪನತ್ಥವಾಗ್ಗಹಣಾನುಕಡ್ಢನತ್ಥಂ. ಯೇ ಕೇಚಿ ಸದ್ದಾ ಸಮ್ಪದಾನಪ್ಪಯೋಗಿಕಾ ಮಯಾ ನೋಪದಿಟ್ಠಾ, ತೇಸಂ ಗಹಣತ್ಥಂ ಇಧ ವಿಕಪ್ಪೀಯತಿ ವಾಸದ್ದೋ.

ತಂ ಯಥಾ? ಭಿಕ್ಖುಸಙ್ಘಸ್ಸ ಪಭೂ ಅಯಂ ಭಗವಾ, ದೇಸಸ್ಸ ಪಭೂ ಅಯಂ ರಾಜಾ. ಖೇತ್ತಸ್ಸ ಪಭೂ ಅಯಂ ಗಹಪತಿ, ಅರಞ್ಞಸ್ಸ ಪಭೂ ಅಯಂ ಲುದ್ದಕೋ ಇಚ್ಚೇವಮಾದಿ. ಕ್ವಚಿ ದುತಿಯಾ ತತಿಯಾ ಪಞ್ಚಮೀ ಛಟ್ಠೀ ಸತ್ತಮ್ಯತ್ಥೇಸು ಚ.

ಯೋ ಆಧಾರೋ, ತಂ ಓಕಾಸಸಞ್ಞಂ ಹೋತಿ. ಸ್ವಾಧಾರೋ ಚತುಬ್ಬಿಧೋ ಬ್ಯಾಪಿಕೋ, ಓಪಸಿಲೇಸಿಕೋ, ವೇಸಯಿಕೋ ಸಾಮೀಪಿಕೋ ಚಾತಿ.

ತತ್ಥ ¶ ಬ್ಯಾಪಿಕೋ ತಾವ–ಜಲೇಸು ಖೀರಂ ತಿಟ್ಠತಿ, ತಿಲೇಸು ತೇಲಂ, ಉಚ್ಛೂಸು ರಸೋ.

ಓಪಸಿಲೇಸಿಕೋ–ಪರಿಯಙ್ಕೇ ರಾಜಾ ಸೇತಿ, ಆಸನೇ ಉಪವಿಟ್ಠೋ ಸಙ್ಘೋ.

ವೇಸಯಿಕೋ–ಭೂಮೀಸು ಮನುಸ್ಸಾ ಚರನ್ತಿ, ಅನ್ತಲಿಕ್ಖೇ ವಾಯೂ ವಾಯನ್ತಿ. ಆಕಾಸೇ ಸಕುಣಾ ಪಕ್ಖನ್ದನ್ತಿ.

ಸಾಮೀಪಿಕೋ–ವನೇ ಹತ್ಥಿನೋ ಚರನ್ತಿ, ಗಙ್ಗಾಯಂ ಘೋಸೋ ತಿಟ್ಠತಿ, ವಜೇ ಗಾವೋ ದುಹನ್ತಿ, ಸಾವತ್ಥಿಯಂ ವಿಹರತಿ ಜೇತವನೇ.

ಓಕಾಸಮಿಚ್ಚನೇನ ಕ್ವತ್ಥೋ? ಓಕಾಸೇ ಸತ್ತಮೀ.

೨೭೯, ೨೯೨. ಯೇನ ವಾ ಕಯಿರತೇ ತಂ ಕರಣಂ.

ಯೇನ ವಾ ಕಯಿರತೇ, ಯೇನ ವಾ ಪಸ್ಸತಿ, ಯೇನ ವಾ ಸುಣಾತಿ, ತಂ ಕಾರಕಂ ಕರಣಸಞ್ಞಂ ಹೋತಿ.

ದತ್ತೇನ ವಿಹಿಂ ಲುನಾತಿ, ವಾಸಿಯಾ ಕಟ್ಠಂ ತಚ್ಛತಿ, ಫರಸುನಾ ರುಕ್ಖಂ ಛಿನ್ದತಿ, ಕುದಾಲೇನ ಪಥವಿಂ ಖಣತಿ, ಸತ್ಥೇನ ಕಮ್ಮಂ ಕರೋತಿ. ಚಕ್ಖುನಾ ರೂಪಂ ಪಸ್ಸತಿ.

ಕರಣಮಿಚ್ಚನೇನ ಕ್ವತ್ಥೋ? ಕರಣೇ ತತಿಯಾ.

ಯಂ ವಾ ಕರೋತಿ, ಯಂ ವಾ ಪಸ್ಸತಿ, ಯಂ ವಾ ಸುಣಾತಿ, ತಂ ಕಾರಕಂ ಕಮ್ಮಸಞ್ಞಂ ಹೋತಿ.

ಛತ್ತಂ ಕರೋತಿ, ರಥಂ ಕರೋತಿ, ರೂಪಂ ಪಸ್ಸತಿ, ಸದ್ದಂ ಸುಣಾತಿ, ಕಣ್ಟಕಂ ಮದ್ದತಿ, ವಿಸಂ ಗಿಲತಿ.

ಕಮ್ಮಮಿಚ್ಚನೇನ ಕ್ವತ್ಥೋ? ಕಮ್ಮತ್ಥೇ ದುತಿಯಾ.

ಅಹಿನಾ ದಟ್ಠೋ ನರೋ, ಗರುಳೇನ ಹತೋ ನಾಗೋ. ಬುದ್ಧೇನ ಜಿತೋ ಮಾರೋ, ಉಪಗುತ್ತೇನ ಮಾರೋ ಬನ್ಧೋ.

ಕತ್ತುಇಚ್ಚನೇನ ಕ್ವತ್ಥೋ? ಕತ್ತರಿ ಚ.

ಯೋ ಕತ್ತಾರಂ ಕಾರೇತಿ, ಸೋ ಹೇತುಸಞ್ಞೋ ಹೋತಿ, ಕತ್ತಾ ಚ.

ಸೋ ಪುರಿಸೋ ತಂ ಪುರಿಸಂ ಕಮ್ಮಂ ಕಾರೇತಿ ಸೋ ಪುರಿಸೋ ತೇನ ಪುರಿಸೇನ ಕಮ್ಮಂ ಕಾರೇತಿ, ಸೋ ಪುರಿಸೋ ತಸ್ಸ ಪುರಿಸಸ್ಸ ಕಮ್ಮಂ ಕಾರೇತಿ. ಏವಂ ಹಾರೇತಿ ಪಾಠೇತಿ ಪಾಚೇತಿ, ಧಾರೇತಿ.

ಹೇತುಇಚ್ಚನೇನ ಕ್ವತ್ಥೋ? ಧಾತೂಹಿ ಣೇ ಣಯ ಣಾಪೇ ಣಾಪಯಾ ಕಾರಿತಾನಿ ಹೇತ್ವತ್ಥೇ.

೨೮೩, ೩೧೬. ಯಸ್ಸ ¶ ವಾ ಪರಿಗ್ಗಹೋ ತಂ ಸಾಮೀ.

ಯಸ್ಸ ವಾ ಪರಿಗ್ಗಹೋ, ತಂ ಸಾಮೀಸಞ್ಞಂ ಹೋತಿ.

ತಸ್ಸ ಭಿಕ್ಖುನೋ ಪಟಿವೀಸೋ, ತಸ್ಸ ಭಿಕ್ಖುನೋ ಪತ್ತೋ, ತಸ್ಸ ಭಿಕ್ಖುನೋ ಚೀವರಂ, ಅತ್ತನೋ ಮುಖಂ.

ಸಾಮೀಇಚ್ಚನೇನ ಕ್ವತ್ಥೋ? ಸಾಮಿಸ್ಮಿಂ ಛಟ್ಠೀ.

ಲಿಙ್ಗತ್ಥಾಭಿಧಾನಮತ್ತೇ ಪಠಮಾವಿಭತ್ತಿ ಹೋತಿ.

ಪುರಿಸೋ, ಪುರಿಸಾ, ಏಕೋ, ದ್ವೇ, ಚ, ವಾ, ಹೇ, ಅಹೇ, ರೇ, ಅರೇ.

ಆಲಪನತ್ಥಾ ಧಿಕೇ ಲಿಙ್ಗತ್ಥಾಭಿಧಾನಮತ್ತೇ ಚ ಪಠಮಾವಿಭತ್ತಿ ಹೋತಿ.

ಭೋ ಪುರಿಸ, ಭವನ್ತೋ ಪುರಿಸಾ, ಭೋ ರಾಜ, ಭವನ್ತೋ ರಾಜಾನೋ, ಹೇ ಸಖೇ, ಹೇ ಸಖಿನೋ.

ಅಗ್ಗಿನಾ ಕುಟಿಂ ಝಾಪೇತಿ, ಮನಸಾ ಚೇ ಪದುಟ್ಠೇನ, ಮನಸಾ ಚೇ ಪಸನ್ನೇನ, ಕಾಯೇನ ಕಮ್ಮಂ ಕರೋತಿ.

ಸಹಾದಿಯೋಗತ್ಥೇ ಚ ತತಿಯಾವಿಭತ್ತಿ ಹೋತಿ.

ಸಹಾಪಿ ಗಗ್ಗೇನ ಸಙ್ಘೋ ಉಪೋಸಥಂ ಕರೇಯ್ಯ, ವಿನಾಪಿ ಗಗ್ಗೇನ, ಮಹತಾ ಭಿಕ್ಖುಸಙ್ಘೇನ ಸದ್ಧಿಂ, ಸಹಸ್ಸೇನ ಸಮಂ ಮಿತಾ.

ರಞ್ಞಾ ಹತೋ ಪೋಸೋ, ಯಕ್ಖೇನ ದಿನ್ನೋ ವರೋ, ಅಹಿನಾ ದಟ್ಠೋ ನರೋ.

ಹೇತ್ವತ್ಥೇ ಚ ತತಿಯಾವಿಭತ್ತಿ ಹೋತಿ.

ಅನ್ನೇನ ವಸತಿ, ಧಮ್ಮೇನ ವಸತಿ, ವಿಜ್ಜಾಯ ವಸತಿ, ಸಕ್ಕಾರೇನ ವಸತಿ.

ಸತ್ತಮ್ಯತ್ಥೇ ಚ ತತಿಯಾವಿಭತ್ತಿ ಹೋತಿ.

ತೇನ ¶ ಕಾಲೇನ, ತೇನ ಸಮಯೇನ. (ಯೇನ ಕಾಲೇನ, ಯೇನ ಸಮಯೇನ,) ತೇನ ಖೋ ಪನ ಸಮಯೇನ.

ಯೇನ ಬ್ಯಾಧಿಮತಾ ಅಙ್ಗೇನ ಅಙ್ಗಿನೋ ವಿಕಾರೋ ಲಕ್ಖೀಯತೇ. ತತ್ಥ ತತಿಯಾವಿಭತ್ತಿ ಹೋತಿ.

ಅಕ್ಖಿನಾ ಕಾಣೋ, ಹತ್ಥೇನ ಕುಣೀ, ಕಾಣಂ ಪಸ್ಸತಿ ನೇತ್ತೇನ, ಪಾದೇನ ಖಞ್ಜೋ, ಪಿಟ್ಠಿಯಾ ಖುಜ್ಜೋ.

ವಿಸೇಸನತ್ಥೇ ಚ ತತಿಯಾವಿಭತ್ತಿ ಹೋತಿ.

ಗೋತ್ತೇನ ಗೋತಮೋ ನಾಥೋ, ಸುವಣ್ಣೇನ ಅಭಿರೂಪೋ, ತಪಸಾ ಉತ್ತಮೋ.

ಸಮ್ಪದಾನಕಾರಕೇ ಚತುತ್ಥೀವಿಭತ್ತಿ ಹೋತಿ.

ಬುದ್ಧಸ್ಸ ವಾ ಧಮ್ಮಸ್ಸ ವಾ ಸಙ್ಘಸ್ಸ ವಾ ದಾನಂ ದೇತಿ, ದಾತಾ ಹೋತಿ ಸಮಣಸ್ಸ ವಾ ಬ್ರಾಹ್ಮಣಸ್ಸ ವಾ.

ನಮೋಯೋಗಾದೀಸ್ವಪಿ ಚ ಚತುತ್ಥೀವಿಭತ್ತಿ ಹೋತಿ.

ನಮೋ ¶ ತೇ ಬುದ್ಧ ವೀರತ್ಥು, ಸೋತ್ಥಿ ಪಜಾನಂ, ನಮೋ ಕರೋಹಿ ನಾಗಸ್ಸ, ಸ್ವಾಗತಂ ತೇ ಮಹಾರಾಜ.

ಅಪಾದಾನಕಾರಕೇ ಪಞ್ಚಮೀವಿಭತ್ತಿ ಹೋತಿ.

ಪಾಪಾ ಚಿತ್ತಂ ನಿವಾರಯೇ, ಅಬ್ಭಾ ಮುತ್ತೋವ ಚನ್ದಿಮಾ, ಭಯಾ ಮುಚ್ಚತಿ ಸೋ ನರೋ.

ಕಾರಣತ್ಥೇ ಚ ಪಞ್ಚಮೀವಿಭತ್ತಿ ಹೋತಿ.

ಅನನುಬೋಧಾ ಅಪ್ಪಟಿವೇಧಾ ಚತುನ್ನಂ ಅರಿಯಸಚ್ಚಾನಂ ಯಥಾಭೂತಂ ಅದಸ್ಸನಾ.

ಗಾವಂ ಹನತಿ, ವೀಹಯೋ ಲುನಾತಿ, ಸತ್ಥಂ ಕರೋತಿ, ಘಟಂ ಕರೋತಿ, ರಥಂ ಕರೋತಿ, ಧಮ್ಮಂ ಸುಣಾತಿ, ಬುದ್ಧಂ ಪೂಜೇತಿ, ವಾಚಂ ಭಾಸತೀ, ತಣ್ಡುಲಂ ವಚತಿ, ಚೋರಂ ಘಾತೇತಿ.

೨೯೮, ೨೮೭. ಕಾಲದ್ಧಾನಮಚ್ಚನ್ತಸಂಯೋಗೇ.

ಕಾಲದ್ಧಾನಂ ಅಚ್ಚನ್ತಸಂಯೋಗೇ ದುತಿಯಾವಿಭತ್ತಿ ಹೋತಿ.

ಮಾಸಂ ¶ ಮಂಸೋದನಂ ಭುಞ್ಜತಿ, ಸರದಂ ರಮಣೀಯಾ ನದೀ, ಮಾಸಂ ಸಜ್ಝಾಯತಿ, ಯೋಜನಂ ವನರಾಜಿ, ಯೋಜನಂ ದೀಘೋ ಪಬ್ಬತೋ, ಕೋಸಂ ಸಜ್ಝಾಯತಿ.

ಅಚ್ಚನ್ತಸಂಯೋಗೇತಿ ಕಿಮತ್ಥಂ? ಸಂವಚ್ಛರೇ ಭೋಜನಂ ಭುಞ್ಜತಿ.

೨೯೯, ೨೮೮. ಕಮ್ಮಪ್ಪವಧನೀಯಯುತ್ತೇ.

ಕಮ್ಮಪ್ಪವಚನೀಯಯುತ್ತೇ ದುತಿಯಾವಿಭತ್ತಿ ಹೋತಿ.

ತಂ ಖೋ ಪನ ಭವನ್ತಂ ಗೋತಮಂ ಏವಂ ಕಲ್ಯಾಣೋ ಕಿತ್ತಿಸದ್ದೋ ಅಬ್ಭುಗ್ಗತೋ, ಪಬ್ಬಜಿತಮನುಪಬ್ಬಜಿಂಸು.

೩೦೦, ೨೮೬. ಗತಿ ಬುದ್ಧಿ ಭುಜ ಪಠ ಹರ ಕರ ಸಯಾದೀನಂ ಕಾರಿತೇ ವಾ.

ಗತಿ ಬುದ್ಧಿ ಭುಜ ಪಠ ಹರ ಕರ ಸಯಾದೀನಂ ಪಯೋಗೇ ಕಾರಿತೇ ದುತಿಯಾವಿಭತ್ತಿ ಹೋತಿ ವಾ.

ಪುರಿಸೋ ಪುರಿಸಂ (ಗಾಮಂ) ಗಾಮಯತಿ, ಪುರಿಸೋ ಪುರಿಸೇನ ವಾ, ಪುರಿಸೋ ಪುರಿಸಸ್ಸ ವಾ. ಏವಂ ಬೋಧಯತಿ, ಭೋಜಯತಿ, ಪಾಠಯತಿ, ಹಾರಯತಿ, ಕಾರಯತಿ, ಸಯಾಪಯತಿ. ಏವಂ ಸಬ್ಬತ್ಥ ಕಾರಿತೇ.

ತಸ್ಸ ¶ ಭಿಕ್ಖುನೋ ಪಟಿವೀಸೋ, ತಸ್ಸ ಭಿಕ್ಖುನೋ ಪತ್ತೋ, ತಸ್ಸ ಭಿಕ್ಖುನೋ ಚೀವರಂ, ಅತ್ತನೋ ಮುಖಂ.

ಓಕಾಸಕಾರಕೇ ಸತ್ತಮೀವಿಭತ್ತಿ ಹೋತಿ.

ಗಮ್ಭೀರೇ ಓದಕನ್ತಿಕೇ, ಪಾಪಸ್ಮಿಂ ರಮತಿ ಮನೋ, ಭಗವತಿ ಬ್ರಹ್ಮಚರಿಯಂ ವುಸ್ಸತಿ ಕುಲಪುತ್ತೋ.

೩೦೩, ೩೨೧. ಸಾಮಿಸ್ಸರಾಧಿಪತಿ ದಾಯಾದ ಸಕ್ಖೀಪತಿಭೂ ಪಸುತಕುಸಲೇಹಿ ಚ.

ಸಾಮೀ ಇಸ್ಸರ ಅಧಿಪತಿ ದಾಯಾದ ಸಕ್ಖೀಪತಿಭೂ ಪಸುತಕುಸಲ ಇಚ್ಚೇತೇಹಿ ಪಯೋಗೇ ಛಟ್ಠೀವಿಭತ್ತಿ ಹೋತಿ, ಸತ್ತಮೀ ಚ.

ಗೋಣಾನಂ ಸಾಮೀ, ಗೋಣೇಸು ಸಾಮೀ, ಗೋಣಾನಂ ಇಸ್ಸರೋ, ಗೋಣೇಸು ಇಸ್ಸರೋ. ಗೋಣಾನಂ ಅಧಿಪತಿ, ಗೋಣೇಸು ಅಧಿಪತಿ. ಗೋಣಾನಂ ದಾಯಾದೋ, ಗೋಣೇಸು ದಾಯಾದೋ. ಗೋಣಾನಂ ಸಕ್ಖೀ, ಗೋಣೇಸು ಸಕ್ಖೀ, ಗೋಣಾನಂ ಪತಿಭೂ, ಗೋಣೇಸು ಪತಿಭೂ. ಗೋಣಾನಂ ಪಸುತೋ, ಗೋಣೇಸು ಪಸುತೋ. ಗೋಣಾನಂ ಕುಸಲೋ, ಗೋಣೇಸು ಕುಸಲೋ.

ನಿದ್ಧಾರಣತ್ಥೇ ಚ ಛಟ್ಠೀವಿಭತ್ತಿ ಹೋತಿ, ಸತ್ತಮೀ ಚ.

ಕಣ್ಹಾ ¶ ಗಾವೀನಂ ಸಮ್ಪನ್ನಖೀರತಮಾ, ಕಣ್ಹಾ ಗಾವೀಸು ಸಮ್ಪನ್ನಖೀರತಮಾ. ಸಾಮಾ ನಾರೀನಂ ದಸ್ಸನೀಯತಮಾ, ಸಾಮಾ ನಾರೀಸು ದಸ್ಸನೀಯತಮಾ. ಮನುಸ್ಸಾನಂ ಖತ್ತಿಯೋ ಸೂರತಮೋ, ಮನುಸ್ಸೇಸು ಖತ್ತಿಯೋ ಸೂರತಮೋ. ಪಥಿಕಾನಂ ಧಾವನ್ತೋ ಸೀಘತಮೋ, ಪಥಿಕೇಸು ಧಾವನ್ತೋ ಸೀಘತಮೋ.

ಅನಾದರೇ ಛಟ್ಠೀವಿಭತ್ತಿ ಹೋತಿ, ಸತ್ತಮೀ ಚ.

ರುದತೋ ದಾರಕಸ್ಸ ಪಬ್ಬಜಿ, ರುದನ್ತಸ್ಮಿಂ ದಾರಕೇ ಪಬ್ಬಜಿ.

೩೦೬, ೨೮೯. ಕ್ವಚಿ ದುತಿಯಾ ಛಟ್ಠೀನಮತ್ಥೇ.

ಛಟ್ಠೀನಮತ್ಥೇ ಕ್ವಚಿ ದುತಿಯಾವಿಭತ್ತಿ ಹೋತಿ.

ಅಪಿಸ್ಸು ಮಂ ಅಗ್ಗಿವೇಸ್ಸನ ತಿಸ್ಸೋ ಉಪಮಾ ಪಟಿಭಂಸು.

ತತಿಯಾಸತ್ತಮೀನಂ ಅತ್ಥೇ ಚ ಕ್ವಚಿ ದುತಿಯಾವಿಭತ್ತಿ ಹೋತಿ.

ಸಚೇ ಮಂ ಸಮಣೋ ಗೋತಮೋ ಆಲಪಿಸ್ಸತಿ, ತ್ವಞ್ಚ ಮಂ ನಾಭಿಭಾಸಸಿ. ಏವಂ ತತಿಯತ್ಥೇ.

ಪುಬ್ಬಣ್ಹಸಮಯಂ ನಿವಾಸೇತ್ವಾ, ಏಕಂ ಸಮಯಂ ಭಗವಾ. ಏವಂ ಸತ್ತಮ್ಯತ್ಥೇ.

ತತಿಯಾಸತ್ತಮೀನಂ ಅತ್ಥೇ ಚ ಕ್ವಚಿ ಛಟ್ಠೀವಿಭತ್ತಿ ಹೋತಿ.

ಕತೋ ಮೇ ಕಲ್ಯಾಣೋ, ಕತಂ ಮೇ ಪಾಪಂ. ಏವಂ ತತಿಯತ್ಥೇ.

ಕುಸಲಾ ನಚ್ಚಗೀತಸ್ಸ ಸಿಕ್ಖಿತಾ ಚಾತುರಿತ್ಥಿಯೋ, ಕುಸಲೋ ತ್ವಂ ರಥಸ್ಸ ಅಙ್ಗಪಚ್ಚಙ್ಗಾನಂ. ಏವಂ ಸತ್ತಮ್ಯತ್ಥೇ.

ಕ್ವಚೀತಿ ಕಿಮತ್ಥಂ? ಯೋ ವೋ ಆನನ್ದ ಮಯಾ ಧಮ್ಮೋ ಚ ವಿನಯೋ ಚ ದೇಸಿತೋ ಪಞ್ಞತ್ತೋ, ಆನನ್ದೋ ಅತ್ಥೇಸು ವಿಚಕ್ಖಣೋ.

ದುತಿಯಾಪಞ್ಚಮೀನಞ್ಚ ಅತ್ಥೇ ಕ್ವಚಿ ಛಟ್ಠೀವಿಭತ್ತಿ ಹೋತಿ.

ತಸ್ಸ ಭವನ್ತಿ ವತ್ತಾರೋ, ಸಹಸಾ ಕಮ್ಮಸ್ಸ ಕತ್ತಾರೋ, ಏವಂ ದುತಿಯತ್ಥೇ.

ಅಸ್ಸವನತಾ ಧಮ್ಮಸ್ಸ ಪರಿಹಾಯನ್ತಿ, ಕಿನ್ನು ಖೋ ಅಹಂ ತಸ್ಸ ಸುಖಸ್ಸ ಭಾಯಾಮಿ, ಸಬ್ಬೇ ತಸನ್ತಿ ದಣ್ಡಸ್ಸ, ಸಬ್ಬೇ ಭಾಯನ್ತಿ ಮಚ್ಚುನೋ, ಭೀತೋ ಚತುನ್ನಂ ಆಸೀವಿಸಾನಂ ಘೋರವಿಸಾನಂ, ಭಾಯಾಮಿ ಘೋರವಿಸಸ್ಸ ನಾಗಸ್ಸ. ಏವಂ ಪಞ್ಚಮ್ಯತ್ಥೇ.

೩೧೦, ೩೨೪. ಕಮ್ಮ ¶ ಕರಣ ನಿಮಿತ್ತತ್ಥೇಸು ಸತ್ತಮೀ.

ಕಮ್ಮಕರಣನಿಮಿತ್ತತ್ಥೇಸು ಸತ್ತಮೀವಿಭತ್ತಿ ಹೋತಿ.

ಸುನ್ದರಾವುಸೋ ಇಮೇ ಆಜೀವಕಾ ಭಿಕ್ಖೂಸು ಅಭಿವಾದೇನ್ತಿ. ಏವಂ ಕಮ್ಮತ್ಥೇ.

ಹತ್ಥೇಸು ಪಿಣ್ಡಾಯ ಚರನ್ತಿ, ಪತ್ತೇಸು ಪಿಣ್ಡಾಯ ಚರನ್ತಿ, ಪಥೇಸು ಗಚ್ಛನ್ತಿ. ಏವಂ ಕರಣತ್ಥೇ.

ದೀಪಿ ಚಮ್ಮೇಸು ಹಞ್ಞತೇ, ಕುಞ್ಜರೋ ದನ್ತೇಸು ಹಞ್ಞತೇ, ಏವಂ ನಿಮಿತ್ತತ್ಥೇ.

ಸಮ್ಪದಾನೇ ಚ ಸತ್ತಮೀವಿಭತ್ತಿ ಹೋತಿ.

ಸಙ್ಘೇ ದಿನ್ನಂ ಮಹಪ್ಫಲ, ಸಙ್ಘೇ ಗೋತಮೀ ದೇಹಿ, ಸಙ್ಘೇ ತೇ ದಿನ್ನೇ ಅಹಞ್ಚೇವ ಪೂಜಿತೋ ಭವಿಸ್ಸಾಮಿ.

ಪಞ್ಚಮ್ಯತ್ಥೇ ಚ ಸತ್ತಮೀವಿಭತ್ತಿ ಹೋತಿ.

ಕಾಲಭಾವೇಸು ಚ ಕತ್ತರಿ ಪಯುಜ್ಜಮಾನೇ ಸತ್ತಮೀವಿಭತ್ತಿ ಹೋತಿ.

ಪುಬ್ಬಣ್ಹಸಮಯೇ ¶ ಗತೋ, ಸಾಯನ್ಹಸಮಯೇ ಆಗತೋ. ಭಿಕ್ಖೂಸು ಭೋಜೀಯಮಾನೇಸು ಗತೋ, ಭುತ್ತೇಸು ಆಗತೋ. ಗೋಸುದುಯ್ಹಮಾನೇಸು ಗತೋ, ದುದ್ಧಾಸು ಆಗತೋ.

ಉಪಅಧಿಇಚ್ಚೇತೇಸಂ ಪಯೋಗೇ ಅಧಿಕಇಸ್ಸರವಚನೇ ಸತ್ತಮೀವಿಭತ್ತಿ ಹೋತಿ.

ಉಪ ಖಾರಿಯಂ ದೋಣೋ, ಉಪ ನಿಕ್ಖೇ ಕಹಾಪಣಂ. ಅಧಿ ಬ್ರಹ್ಮದತ್ತೇ ಪಞ್ಚಾಲಾ, ಅಧಿ ನಚ್ಚೇಸು ಗೋತಮೀ, ಅಧಿ ದೇವೇಸು ಬುದ್ಧೋ.

೩೧೫, ೩೨೯. ಮಣ್ಡಿತು’ಸ್ಸುಕ್ಕೇಸು ತತಿಯಾ.

ಮಣ್ಡಿತಉಸ್ಸುಕ್ಕಇಚ್ಚೇತೇಸ್ವತ್ಥೇಸು ತತಿಯಾವಿಭತ್ತಿ ಹೋತಿ, ಸತ್ತಮೀ ಚ.

ಞಾಣೇನ ಪಸೀದಿತೋ, ಞಾಣಸ್ಮಿಂ ವಾ ಪಸೀದಿತೋ, ಞಾಣೇನ ಉಸ್ಸುಕ್ಕೋ, ಞಾಣಸ್ಮಿಂ ವಾ ಉಸ್ಸುಕ್ಕೋ ತಥಾಗತೋ ವಾ ತಥಾಗತಗೋತ್ತೋ ವಾ.

ಇತಿ ನಾಮಕಪ್ಪೇ ಕಾರಕಕಪ್ಪೋ ಛಟ್ಠೋ ಕಣ್ಡೋ.

೩೧೬, ೩೩೧. ನಾಮಾನಂ ¶ ಸಮಾಸೋ ಯುತ್ತತ್ಥೋ.

ತೇಸಂ ನಾಮಾನಂ ಪಯುಜ್ಜಮಾನಪದತ್ಥಾನಂ ಯೋ ಯುತ್ತತ್ಥೋ, ಸೋ ಸಮಾಸಸಞ್ಞೋ ಹೋತಿ.

ಕಥಿನದುಸ್ಸಂ, ಆಗನ್ತುಕಭತ್ತಂ, ಜೀವಿತಿನ್ದ್ರಿಯಂ, ಸಮಣಬ್ರಾಹ್ಮಣಾ, ಸಾರಿಪುತ್ತಮೋಗ್ಗಲ್ಲಾನಾ, ಬ್ರಾಹ್ಮಣ ಗಹಪತಿಕಾ.

ನಾಮಾನಮಿತಿ ಕಿಮತ್ಥಂ? ದೇವದತ್ತೋ ಪಚತಿ, ಯಞ್ಞದತ್ತೋ ಪಚತಿ.

ಯುತ್ತತ್ಥೋತಿ ಕಿಮತ್ಥಂ? ಭತೋ ರಞ್ಞೋ ಪುತ್ತೋ ದೇವದತ್ತಸ್ಸ.

ಸಮಾಸಇಚ್ಚನೇನ ಕ್ವತ್ಥೋ? ಕ್ವಚಿ ಸಮಾಸನ್ತಗತಾನಮಕಾರನ್ತೋ.

೩೧೭, ೩೩೨. ತೇಸಂ ವಿಭತ್ತಿಯೋ ಲೋಪಾ ಚ.

ತೇಸಂ ಯುತ್ತತ್ಥಾನಂ ಸಮಾಸಾನಂ ವಿಭತ್ತಿಯೋ ಲೋಪಾ ಚ ಹೋನ್ತಿ.

ತೇಸಂಗಹಣೇನ ಸಮಾಸತದ್ಧಿತಾಖ್ಯಾತಕಿತಕಾನಂ ವಿಭತ್ತಿಪಚ್ಚಯಪದಕ್ಖರಾಗಮಾ ಚ ಲೋಪಾ ಹೋನ್ತಿ. ವಾಸಿಟ್ಠೋ, ವೇನತೇಯ್ಯೋ.

ಚಗ್ಗಹಣ ಮವಧಾರಣತ್ಥಂ, ಪಭಙ್ಕರೋ, ಅಮತದ್ದದೋ, ಮೇಧಙ್ಕರೋ, ದೀಪಙ್ಕರೋ.

ಲುತ್ತಾಸು ವಿಭತ್ತೀಸು ಅಸ್ಸ ಸರನ್ತಸ್ಸ ಲಿಙ್ಗಸ್ಸ ಪಕತಿರೂಪಾನಿ ಹೋನ್ತಿ.

ಚಕ್ಖುಸೋತಂ, ಮುಖನಾಸಿಕಂ, ರಾಜಪುತ್ತೋ, ರಾಜಪುರಿಸೋ.

೩೧೯, ೩೩೦. ಉಪಸಗ್ಗನಿಪಾತಪುಬ್ಬಕೋ ಅಬ್ಯಯೀಭಾವೋ.

ಉಪಸಗ್ಗನಿಪಾತಪುಬ್ಬಕೋ ಸಮಾಸೋ ಅಬ್ಯಯೀಭಾವಸಞ್ಞೋ ಹೋತಿ.

ನಗರಸ್ಸ ¶ ಸಮೀಪೇ ಪವತ್ತತಿ ಕಥಾ ಇತಿ ಉಪನಗರಂ, ದರಥಾನಂ ಅಭಾವೋ ನಿದ್ದರಥಂ, ಮಕಸಾನಂ ಅಭಾವೋ ನಿಮ್ಮಕಸಂ, ವುಡ್ಢಾನಂ ಪಟಿಪಾಟಿ ಯಥಾವುಡ್ಢಂ, ಯೇ ಯೇ ವುಡ್ಢಾ ವಾ ಯಥಾವುಡ್ಢಂ, ಜೀವಸ್ಸ ಯತ್ತಕೋ ಪರಿಚ್ಛೇದೋ ಯಾವಜೀವಂ, ಚಿತ್ತಮಧಿಕಿಚ್ಚ ಪವತ್ತನ್ತಿ ತೇ ಧಮ್ಮಾತಿ ಅಧಿಚಿತ್ತಂ, ಪಬ್ಬತಸ್ಸ ತಿರೋ ತಿರೋಪಬ್ಬತಂ, ಸೋತಸ್ಸ ಪತಿ ಪವತ್ತತಿ ನಾವಾ ಇತಿ ಪತಿಸೋತಂ, ಪಾಸಾದಸ್ಸ ಅನ್ತೋ ಅನ್ತೋಪಾಸಾದಂ.

ಅಬ್ಯಯೀಭಾವಮಿಚ್ಚನೇನ ಕ್ವತ್ಥೋ? ಅಂವಿಭತ್ತೀನ ಮಕಾರನ್ತಾ ಅಬ್ಯಯೀಭಾವಾ.

ಸೋ ಅಬ್ಯಯೀಭಾವಸಮಾಸೋ ನಪುಂಸಕಲಿಙ್ಗೋವ ದಟ್ಠಬ್ಬೋ.

ಕುಮಾರೀಸು ಅಧಿಕಿಚ್ಚ ಪವತ್ತತಿ ಕಥಾ ಇತಿ ಅಧಿಕುಮಾರಿ, ವಧುಯಾ ಸಮೀಪೇ ಪವತ್ತತಿ ಕಥಾ ಇತಿ ಉಪವಧು, ಗಙ್ಗಾಯ ಸಮೀಪೇ ಪವತ್ತತಿ ಕಥಾ ಇತಿ ಉಪಗಙ್ಗಂ, ಮಣಿಕಾಯ ಸಮೀಪೇ ಪವತ್ತತಿ ಕಥಾ ಇತಿ ಉಪಮಣಿಕಂ.

ದಿಗುಸ್ಸ ಸಮಾಸಸ್ಸ ಏಕತ್ತಂ ಹೋತಿ, ನಪುಂಸಕಲಿಙ್ಗತ್ತಞ್ಚ.

ತಯೋ ¶ ಲೋಕಾ ತಿಲೋಕಂ, ತಯೋ ದಣ್ಡಾ ತಿದಣ್ಡಂ, ತೀಣಿ ನಯನಾನಿ ತಿನಯನಂ, ತಯೋ ಸಿಙ್ಗಾ ತಿಸಿಙ್ಗಂ. ಚತಸ್ಸೋ ದಿಸಾ ಚತುದ್ದಿಸಂ, ಪಞ್ಚ ಇನ್ದ್ರಿಯಾನಿ ಪಞ್ಚಿನ್ದ್ರಿಯಂ.

೩೨೨, ೩೫೯. ತಥಾ ದ್ವನ್ದೇ ಪಾಣಿ ತೂರಿಯ ಯೋಗ್ಗಸೇನಙ್ಗಖುದ್ದಜನ್ತುಕ ವಿವಿಧವಿರುದ್ಧ ವಿಸಭಾಗತ್ಥಾದೀನಞ್ಚ.

ತಥಾ ದ್ವನ್ದೇ ಸಮಾಸೇ ಪಾಣಿ ತೂರಿಯ ಯೋಗ್ಗ ಸೇನಙ್ಗಖುದ್ದಜನ್ತುಕ ವಿವಿಧವಿರುದ್ಧ ವಿಸಭಾಗತ್ಥಇಚ್ಚೇವಮಾದೀನಂ ಏಕತ್ತಂ ಹೋತಿ, ನಪುಂಸಕಲಿಙ್ಗತ್ತಞ್ಚ.

ತಂ ಯಥಾ? ಚಕ್ಖು ಚ ಸೋತಞ್ಚ ಚಕ್ಖುಸೋತಂ, ಮುಖಞ್ಚ ನಾಸಿಕಾ ಚ ಮುಖನಾಸಿಕಂ, ಛವಿ ಚ ಮಂಸಞ್ಚ ಲೋಹಿತಞ್ಚ ಛವಿಮಂಸಲೋಹಿತಂ. ಏವಂ ಪಾಣ್ಯಙ್ಗತ್ಥೇ.

ಸಙ್ಖೋ ಚ ಪಣವೋ ಚ ಸಙ್ಖಪಣವಂ, ಗೀತಞ್ಚ ವಾದಿತಞ್ಚ ಗೀತವಾದಿತಂ, ದದ್ದರಿ ಚ ಡಿಣ್ಡಿಮೋ ಚ ದದ್ದರಿಡಿಣ್ಡಿಮಂ. ಏವಂ ತೂರಿಯಙ್ಗತ್ಥೇ.

ಫಾಲೋ ಚ ಪಾಚನಞ್ಚ ಫಾಲಪಾಚನಂ, ಯುಗಞ್ಚ ನಙ್ಗಲಞ್ಚ ಯುಗನಙ್ಗಲಂ. ಏವಂ ಯೋಗ್ಗಙ್ಗತ್ಥೇ.

ಅಸಿ ಚ ಚಮ್ಮಞ್ಚ ಅಸಿಚಮ್ಮಂ, ಧನು ಚ ಕಲಾಪೋ ಚ ಧನುಕಲಾಪಂ, ಹತ್ಥೀ ಚ ಅಸ್ಸೋ ಚ ಹತ್ಥಿಅಸ್ಸಂ, ರಥೋ ಚ ಪತ್ತಿಕೋ ಚ ರಥಪತ್ತಿಕಂ. ಏವಂ ಸೇನಙ್ಗತ್ಥೇ.

ಡಂಸಾ ¶ ಚ ಮಕಸಾ ಚ ಡಂಸಮಕಸಂ, ಕುನ್ಥೋ ಚ ಕಿಪಿಲ್ಲಿಕೋ ಚ ಕುನ್ಥಕಿಪಿಲ್ಲಿಕಂ, ಕೀಟೋ ಚ ಸರೀಸಪೋ ಚ ಕೀಟಸರೀಸಪಂ. ಏವಂ ಖುದ್ದಜನ್ತುಕತ್ಥೇ.

ಅಹಿ ಚ ನಕುಲೋ ಚ ಅಹಿನಕುಲಂ, ಬಿಳಾರೋ ಚ ಮೂಸಿಕೋ ಚ ಬಿಳಾರಮೂಸಿಕಂ, ಕಾಕೋ ಚ ಉಲೂಕೋ ಚ ಕಾಕೋಲೂಕಂ. ಏವಂ ವಿವಿಧವಿರುದ್ಧತ್ಥೇ.

ಸೀಲಞ್ಚ ಪಞ್ಞಾಣಞ್ಚ ಸೀಲಪಞ್ಞಾಣಂ, ಸಮಥೋ ಚ ವಿಪಸ್ಸನಾ ಚ ಸಮಥವಿಪಸ್ಸನಂ, ವಿಜ್ಜಾ ಚ ಚರಣಞ್ಚ ವಿಜ್ಜಾಚರಣಂ. ಏವಂ ವಿಸಭಾಗತ್ಥೇ.

ಆದಿಗ್ಗಹಣಂ ಕಿಮತ್ಥಂ? ದಾಸೀ ಚ ದಾಸೋ ಚ ದಾಸಿದಾಸಂ, ಇತ್ಥೀ ಚ ಪುಮಾ ಚ ಇತ್ಥಿಪುಮಂ, ಪತ್ತೋ ಚ ಚೀವರಞ್ಚ ಪತ್ತಚೀವರಂ, ಛತ್ತಞ್ಚ ಉಪಾಹನಾ ಚ ಛತ್ತುಪಾಹನಂ, ತಿಕಞ್ಚ ಚತುಕ್ಕಞ್ಚ ತಿಕಚತುಕ್ಕಂ, ವೇನೋ ಚ ರಥಕಾರೋ ಚ ವೇನರಥಕಾರಂ, ಸಾಕುಣಿಕೋ ಚ ಮಾಗವಿಕೋ ಚ ಸವಕುಣಿಕಮಾಗವಿಕಂ, ದೀಘೋ ಚ ಮಜ್ಝಿಮೋ ಚ ದೀಘಮಜ್ಝಿಮಂ ಇಚ್ಚೇವಮಾದಿ.

೩೨೩, ೩೬೦. ವಿಭಾಸಾ ರುಕ್ಖ ತಿಣ ಪಸುಖ ನ ಧಞ್ಞ ಜನಪದಾದೀನಞ್ಚ.

ರುಕ್ಖತಿಣ ಪಸು ಧನ ಧಞ್ಞ ಜನಪದಇಚ್ಚೇವಮಾದೀನಂ ವಿಭಾಸಾ ಏಕತ್ತಂ ಹೋತಿ, ನಪುಂಸಕಲಿಙ್ಗತ್ತಞ್ಚ ದ್ವನ್ದೇ ಸಮಾಸೇ. ಅಸ್ಸತ್ಥೋ ¶ ಚ ಕಪೀತನೋ ಚ ಅಸ್ಸತ್ಥಕಪೀತನಂ, ಅಸ್ಸತ್ಥಕಪೀತನಾ ವಾ. ಉಸೀರಞ್ಚ ಬೀರಣಞ್ಚ ಉಸೀರಬೀರಣಂ, ಉಸೀರಬೀರಣಾ ವಾ. ಅಜೋ ಚ ಏಳಕೋ ಚ ಅಜೇಳಕಂ, ಅಜೇಳಕಾ ವಾ. ಹಿರಞ್ಞಞ್ಚ ಸುವಣ್ಣಞ್ಚ ಹಿರಞ್ಞಸುವಣ್ಣಂ, ಹಿರಞ್ಞಸುವಣ್ಣಾ ವಾ. ಸಾಲಿ ಚ ಯವೋ ಚ ಸಾಲಿಯವಂ, ಸಾಲಿಯವಾ ವಾ. ಕಾಸೀ ಚ ಕೋಸಲಾ ಚ ಕಾಸಿಕೋಸಲಂ, ಕಾಸಿಕೋಸಲಾ ವಾ.

ಆದಿಗ್ಗಹಣಂ ಕಿಮತ್ಥಂ? ಸಾವಜ್ಜಞ್ಚ ಅನವಜ್ಜಞ್ಚ ಸಾವಜ್ಜಾನವಜ್ಜಂ, ಸಾವಜ್ಜಾ ನವಜ್ಜಾ ವಾ. ಹೀನಞ್ಚ ಪಣೀತಞ್ಚ ಹೀನಪಣೀತಂ. ಹೀನಪಣೀತಾ ವಾ. ಕಣ್ಹೋ ಚ ಸುಕ್ಕೋ ಚ ಕಣ್ಹಸುಕ್ಕಂ, ಕಣ್ಹಸುಕ್ಕಾ ವಾ.

೩೨೪, ೩೩೯. ದ್ವಿಪದೇ ತುಲ್ಯಾಧಿಕರಣೇ ಕಮ್ಮಧಾರಯೋ.

ದ್ವೇ ಪದಾನಿ ತುಲ್ಯಾಧಿಕರಣಾನಿ ಯದಾ ಸಮಸ್ಯನ್ತೇ, ತದಾ ಸೋ ಸಮಾಸೋ ಕಮ್ಮಧಾರಯಸಞ್ಞೋ ಹೋತಿ.

ಮಹನ್ತೋ ¶ ಚ ಸೋ ಪುರಿಸೋ ಚಾತಿ ಮಹಾಪುರಿಸೋ, ಕಣ್ಹೋ ಚ ಸೋ ಸಪ್ಪೋ ಚಾತಿ ಕಣ್ಹಸಪ್ಪೋ, ನೀಲಞ್ಚ ತಂ ಉಪ್ಪಲಞ್ಚಾತಿ ನೀಲುಪ್ಪಲಂ, ಲೋಹಿತಞ್ಚ ತಂ ಚನ್ದನಞ್ಚಾತಿ ಲೋಹಿತಚನ್ದನಂ, ಬ್ರಾಹ್ಮಣೀ ಚ ಸಾ ದಾರಿಕಾ ಚಾತಿ ಬ್ರಾಹ್ಮಣದಾರಿಕಾ, ಖತ್ತಿಯಾ ಚ ಸಾ ಕಞ್ಞಾ ಚಾತಿ ಖತ್ತಿಯಕಞ್ಞಾ.

ಕಮ್ಮಧಾರಯಇಚ್ಚನೇನ ಕ್ವತ್ಥೋ? ಕಮ್ಮಧಾರಯಸಞ್ಞೇ ಚ.

ಸಙ್ಖ್ಯಾಪುಬ್ಬೋ ಕಮ್ಮಧಾರಯಸಮಾಸೋ ದಿಗುಸಞ್ಞೋ ಹೋತಿ.

ತೀಣಿ ಮಲಾನಿ ತಿಮಲಂ, ತೀಣಿ ಫಲಾನಿ ತಿಫಲಂ, ತಯೋ ಲೋಕಾ ತಿಲೋಕಂ, ತಯೋ ದಣ್ಡಾ ತಿದಣ್ಡಂ, ಚತಸ್ಸೋ ದಿಸಾ ಚತುದ್ದಿಸಂ, ಪಞ್ಚ ಇನ್ದ್ರಿಯಾನಿ ಪಞ್ಚಿನ್ದ್ರಿಯಂ, ಸತ್ತ ಗೋದಾವರಿಯೋ ಸತ್ತಗೋದಾವರಂ.

ದಿಗುಇಚ್ಚನೇನ ಕ್ವತ್ಥೋ? ದಿಗುಸ್ಸೇ ಕತ್ತಂ.

ಉಭೇ ದಿಗುಕಮ್ಮಧಾರಯಸಮಾಸಾ ತಪ್ಪುರಿಸಸಞ್ಞಾ ಹೋನ್ತಿ.

ನ ಬ್ರಾಹ್ಮಣೋ ಅಬ್ರಾಹ್ಮಣೋ, ನ ವಸಲೋ ಅವಸಲೋ, ನ ಭಿಕ್ಖು ಅಭಿಕ್ಖು, ನ ಪಞ್ಚವಸ್ಸಂ ಅಪಞ್ಚವಸ್ಸಂ, ನ ¶ ಪಞ್ಚಪೂಲೀ ಅಪಞ್ಚಪೂಲೀ, ನ ಸತ್ತಗೋದಾವರಂಅಸತ್ತಗೋದಾವರಂ, ನ ದಸಗವಂ ಅದಸಗವಂ, ನ ಪಞ್ಚಗವಂ ಅಪಞ್ಚಗವಂ.

ತಪ್ಪುರಿಸಇಚ್ಚನೇನ ಕ್ವತ್ಥೋ? ಅತ್ತಂ ನಸ್ಸ ತಪ್ಪುರಿಸೇ.

ತಾ ಅಮಾದಯೋ ನಾಮೇಹಿ ಪರಪದೇಭಿ ಯದಾ ಸಮಸ್ಯನ್ತೇ, ತದಾ ಸೋ ಸಮಾಸೋ ತಪ್ಪುರಿಸಸಞ್ಞೋ ಹೋತಿ.

ಭೂಮಿಂ ಗತೋ ಭೂಮಿಗತೋ, ಸಬ್ಬರತ್ತಿಂ ಸೋಭಣೋ ಸಬ್ಬರತ್ತಿಸೋಭಣೋ. ಅಪಾಯಂ ಗತೋ ಅಪಾಯಗತೋ, ಇಸ್ಸರೇನ ಕತಂ ಇಸ್ಸರಕತಂ, ಸಲ್ಲೇನ ವಿದ್ಧೋ ಸಲ್ಲವಿದ್ಧೋ, ಕಥಿನಸ್ಸ ದುಸ್ಸಂ ಕಥಿನದುಸ್ಸಂ, ಆಗನ್ತುಕಸ್ಸ ಭತ್ತಂ ಆಗನ್ತುಕಭತ್ತಂ, ಮೇಥುನಾ ಅಪೇತೋ ಮೇಥುನಾಪೇತೋ, ಚೋರಾ ಭಯಂ ಚೋರಭಯಂ, ರಞ್ಞೋ ಪುತ್ತೋ ರಾಜಪುತ್ತೋ, ಧಞ್ಞಾನಂ ರಾಸಿ ಧಞ್ಞರಾಸಿ, ರೂಪೇ ಸಞ್ಞಾ ರೂಪಸಞ್ಞಾ, ಸಂಸಾರೇ ದುಕ್ಖಂ ಸಂಸಾರದುಕ್ಖಂ.

೩೨೮, ೩೫೨. ಅಞ್ಞಪದತ್ಥೇಸು ಬಹುಬ್ಬೀಹಿ.

ಅಞ್ಞೇಸಂ ಪದಾನಂ ಅತ್ಥೇಸು ದ್ವೇ ನಾಮಾನಿ ಬಹೂನಿ ನಾಮಾನಿ ಯದಾ ಸಮಸ್ಯನ್ತೇ, ತದಾ ಸೋ ಸಮಾಸೋ ಬಹುಬ್ಬೀಹಿ ಸಞ್ಞೋ ಹೋತಿ.

ಆಗತಾ ¶ ಸಮಣಾ ಇಮಂ ಸಙ್ಘಾರಾಮಂ ಸೋಯಂ ಆಗತಸಮಣೋ, ಸಙ್ಘಾರಾಮೋ. ಜಿತಾನಿ ಇನ್ದ್ರಿಯಾನಿ ಅನೇನ ಸಮಣೇನ ಸೋಯಂ ಜಿತಿನ್ದ್ರಿಯೋ, ಸಮಣೋ. ದಿನ್ನೋ ಸುಙ್ಕೋ ಯಸ್ಸ ರಞ್ಞೋ ಸೋಯಂ ದಿನ್ನಸುಙ್ಕೋ, ರಾಜಾ. ನಿಗ್ಗತಾ ಜನಾ ಅಸ್ಮಾ ಗಾಮಾ ಸೋಯಂ ನಿಗ್ಗತಜನೋ, ಗಾಮೋ. ಛಿನ್ನೋ ಹತ್ತೋ ಯಸ್ಸ ಪುರಿಸಸ್ಸ ಸೋಯಂ ಛಿನ್ನಹತ್ಥೋ, ಪುರಿಸೋ. ಸಮ್ಪನ್ನಾನಿ ಸಸ್ಸಾನಿ ಯಸ್ಮಿಂ ಜನಪದೇ ಸೋಯಂ ಸಮ್ಪನ್ನಸಸ್ಸೋ, ಜನಪದೋ.

ನಿಗ್ರೋಧಸ್ಸ ಪರಿಮಣ್ಡಲೋ ನಿಗ್ರೋಧಪರಿಮಣ್ಡಲೋ, ನಿಗ್ರೋಧಪರಿಮಣ್ಡಲೋ ಇವ ಪರಿಮಣ್ಡಲೋ ಯೋ ರಾಜಕುಮಾರೋ ಸೋಯಂ ನಿಗ್ರೋಧಪರಿಮಣ್ಡಲೋ. ಅಥ ವಾ ನಿಗ್ರೋಧಪರಿಮಣ್ಡಲೋ ಇವ ಪರಿಮಣ್ಡಲೋ ಯಸ್ಸ ರಾಜಕುಮಾರಸ್ಸ ಸೋಯಂ ನಿಗ್ರೋಧಪರಿಮಣ್ಡಲೋ, ರಾಜಕುಮಾರೋ.

ಚಕ್ಖುನೋ ಭೂತೋ ಚಕ್ಖುಭೂತೋ, ಚಕ್ಖುಭೂತೋ ಇವ ಭೂತೋ ಯೋ ಭಗವಾ ಸೋಯಂ ಚಕ್ಖುಭೂತೋ, ಭಗವಾ.

ಸುವಣ್ಣಸ್ಸ ವಣ್ಣೋ ಸುವಣ್ಣವಣ್ಣೋ, ಸುವಣ್ಣವಣ್ಣೋ ವಿಯ ವಣ್ಣೋ ಯಸ್ಸ ಭಗವತೋ ಸೋಯಂ ಸುವಣ್ಣವಣ್ಣೋ, ಭಗವಾ.

ಬ್ರಹ್ಮುನೋ ಸರೋ ಬ್ರಹ್ಮಸ್ಸರೋ, ಬ್ರಹ್ಮಸ್ಸರೋ ವಿಯ ಸರೋ ಯಸ್ಸ ಭಗವತೋ ಸೋಯಂ ಬ್ರಹ್ಮಸ್ಸರೋ, ಭಗವಾ.

ಸಯಂ ¶ ಪತಿತ ಪಣ್ಣ ಪುಪ್ಫಫಲವಾಯುತೋಯಾಹಾರಾತಿ ಪಣ್ಣಞ್ಚ ಪುಪ್ಫಞ್ಚ ಫಲಞ್ಚ ಪಣ್ಣಪುಪ್ಫಫಲಾನಿ, ಸಯಮೇವ ಪತಿತಾನಿ ಸಯಂಪತಿತಾನಿ, ಸಯಂಪತಿತಾನಿ ಚ ತಾನಿ ಪಣ್ಣಪುಪ್ಫಫಲಾನಿ ಚೇತಿ ಸಯಂಪತಿತಪಣ್ಣಪುಪ್ಫಫಲಾನಿ ವಾಯು ಚ ತೋಯಞ್ಚ ವಾಯುತೋಯಾನಿ, ಸಯಂಪತಿತಪಣ್ಣಪುಪ್ಫಫಲಾನಿ ಚ ವಾಯುತೋಯಾನಿ ಚ ಸಯಂಪತಿತಪಣ್ಣಪುಪ್ಫಫಲವಾಯುತೋಯಾನಿ. ಸಯಂಪತಿತಪಣ್ಣಪುಪ್ಫಫಲವಾಯುತೋಯಾನಿ ಆಹಾರಾ ಯೇಸಂ ತೇ ಸಯಂಪತಿತಪಣ್ಣಪುಪ್ಫಫಲವಾಯುತೋಯಾಹಾರಾ, ಇಸಯೋ. ಯಮೇತ್ಥ ವತ್ತಬ್ಬಂ, ತಂ ಹೇಟ್ಠಾ ವುತ್ತಮೇವ. ಅಯಂ ಪನ ದ್ವನ್ದಕಮ್ಮಧಾರಯಗಬ್ಭೋ ತುಲ್ಯಾಧಿಕರಣಪಹುಬ್ಬೀಹಿ.

ಅಥ ವಾ – ಸಯಂಪತಿತಪಣ್ಣಪುಪ್ಫಫಲವಾಯುತೋಯೇಹಿ ಆಹಾರಾ ಯೇಸಂ ತೇ ಸಯಂಪತಿತಪಣ್ಣಪುಪ್ಫಫಲವಾಯುತೋಯಾಹಾರಾ. ಅಯಂ ಪನ ಭಿನ್ನಾಧಿಕರಣಬಹುಬ್ಬೀಹಿ.

ನಾನಾ ದುಮಪತಿತ ಪುಪ್ಫವಾಸಿತ ಸಾನೂತಿ ನಾನಾಪಕಾರಾ ದುಮಾ ನಾನಾದುಮಾ, ನಾನಾದುಮೇಹಿ ಪತಿತಾನಿ ನಾನಾದುಮಪತಿ ತಾನಿ, ನಾನಾದುಮಪತಿತಾನಿ ಚ ತಾನಿ ಪುಪ್ಫಾನಿ ಚೇತಿ ನಾನಾದುಮಪತಿತಪುಪ್ಫಾನಿ, ನಾನಾದುಮಪತಿತಪುಪ್ಫೇಹಿ ವಾಸಿತಾ ನಾನಾದುಮಪತಿತಪುಪ್ಫವಾಸಿತಾ, ನಾನಾದುಮಪತಿತಪುಪ್ಫವಾಸಿತಾ ಸಾನೂ ಯಸ್ಸ ಪಬ್ಬತರಾಜಸ್ಸ ಸೋಯಂ ನಾನಾದುಮಪತಿತಪುಪ್ಫವಾಸಿತಸಾನು, ಪಬ್ಬತರಾಜಾ. ಅಯಂ ಪನ ಕಮ್ಮಧಾರಯತಪ್ಪುರಿಸಗಬ್ಭೋ ತುಲ್ಯಾಧಿಕರಣಬಹುಬ್ಬೀಹಿ.

ಅಥ ¶ ವಾ – ವಾಸಿತಾ ಸಾನೂ ವಾಸಿತಸಾನು, ಸಾಪೇಕ್ಖತ್ತೇ ಸತಿಪಿ ಗಮಕತ್ತಾ ಸಮಾಸೋ. ನಾನಾದುಮಪತಿತಪುಪ್ಫೇಹಿ ವಾಸಿತಸಾನೂ ಯಸ್ಸ ಪಬ್ಬತರಾಜಸ್ಸ ಸೋಯಂ ನಾನಾದುಮಪತಿತಪುಪ್ಫವಾಸಿತಸಾನು, ಪಬ್ಬತರಾಜಾ. ಅಯಂ ಪನ ಭಿನ್ನಾಧಿಕರಣಬಹುಬ್ಬೀಹಿ.

ಬ್ಯಾಲಮ್ಬಮ್ಬುಧರಬಿನ್ದುಚುಮ್ಬಿತಕೂಟೋತಿ ಅಮ್ಬುಂ ಧಾರೇತೀತಿ ಅಮ್ಬುಧರೋ, ಕೋ ಸೋ? ಪಜ್ಜುನ್ನೋ. ವಿವಿಧಾ ಆಲಮ್ಬೋ ಬ್ಯಾಲಮ್ಬೋ, ಬ್ಯಾಲಮ್ಬೋ ಚ ಸೋ ಅಮ್ಬುಧರೋ ಚಾತಿ ಬ್ಯಾಲಮ್ಬಮ್ಬುಧರೋ, ಬ್ಯಾಲಮ್ಬಮ್ಬುಧರಸ್ಸ ಬಿನ್ದೂ ಬ್ಯಾಲಮ್ಬಮ್ಬುಧರಬಿನ್ದೂ, ಬ್ಯಾಲಮ್ಬಮ್ಬುಧರಬಿನ್ದೂಹಿ ಚುಮ್ಬಿತೋ ಬ್ಯಾಲಮ್ಬಮ್ಬುಧರಬಿನ್ದುಚುಮ್ಬಿತೋ, ಬ್ಯಾಲಮ್ಬಮ್ಬುರೇಬಿನ್ದುಚುಮ್ಬಿತೋ ಕೂಟೋ ಯಸ್ಸ ಪಬ್ಬತರಾಜಸ್ಸ ಸೋಯಂ ಬ್ಯಾಲಮ್ಬಮ್ಬುಧರಬಿನ್ದುಚುಮ್ಬಿತಕೂಟೋ. ಅಯಂ ಪನ ಕಮ್ಮಧಾರಯತಪ್ಪುರಿಸಗಬ್ಭೋ ತುಲ್ಯಾಧಿಕರಣಬಹುಬ್ಬೀಹಿ.

ಅಥ ವಾ – ಚುಮ್ಬಿತೋ ಕೂಟೋ ಚುಮ್ಬಿತಕೂಟೋ, ಸಾಪೇಕ್ಖತ್ತೇ ಸತಿಪಿ ಗಮಕತ್ತಾ ಸಮಾಸೋ. ಬ್ಯಾಲಮ್ಬಮ್ಬುಧರಬಿನ್ದೂಹಿ ಚುಮ್ಬಿತಕೂಟೋ ಯಸ್ಸ ಪಬ್ಬತರಾಜಸ್ಸ ಸೋಯಂ ಬ್ಯಾಲಮ್ಬಮ್ಬುಧರಬಿನ್ದುಚುಮ್ಬಿತಕೂಟೋ. ಅಯಂ ಪನ ಭಿನ್ನಾಧಿಕರಣಬಹುಬ್ಬೀಹಿ.

ಅಮಿತ ಬಲ ಪರಕ್ಕಮಜುತೀತಿ ನ ಮಿತಾ ಅಮಿತಾ, ಬಲಞ್ಚ ಪರಕ್ಕಮೋ ಚ ಜುತಿ ಚ ಬಲಪರಕ್ಕಮಜುತಿಯೋ, ಅಮಿತಾ ಬಲಪರಕ್ಕಮಜುತಿಯೋ ಯಸ್ಸ ಸೋಯಂ ಅಮಿತಬಲಪರಕ್ಕಮಜುತಿ, ಅಯಂ ಪನ ಕಮ್ಮಧಾರಯದ್ವನ್ದಗಬ್ಭೋ ತುಲ್ಯಾಧಿಕರಣಬಹುಬ್ಬೀಹಿ.

ಪೀಣೋರಕ್ಖಂಸ ¶ ಬಾಹೂತಿ ಉರೋ ಚ ಅಕ್ಖಞ್ಚ ಅಂಸೋ ಚ ಬಾಹು ಚ ಉರಕ್ಖಂಸಬಾಹವೋ, ಪೀಣಾ ಉರಕ್ಖಂಸಬಾಹವೋ ಯಸ್ಸ ಭಗವತೋ ಸೋಯಂ ಪೀಣೋರಕ್ಖಂಸಬಾಹು. ಅಯಂ ಪನ ದ್ವನ್ದವಬ್ಭೋ ತುಲ್ಯಾಧಿಕರಣಬಹುಬ್ಬೀಹಿ.

ಪೀಣ ಗಣ್ಡ ವದನ ಥನೂರುಜಘನಾತಿ ಗಣ್ಡೋ ಚ ವದನಞ್ಚ ಥನೋ ಚ ಊರು ಚ ಜಘನಞ್ಚ ಗಣ್ಡವದನಥನೂರುಜಘನಾ, ಪೀಣಾ ಗಣ್ಡವದನಥನೂರುಜಘನಾ ಯಸ್ಸಾ ಸಾಯಂ ಪೀಣಗಣ್ಡವದನಥನೂರುಜಘನಾ. ಅಯಮ್ಪಿ ದ್ವನ್ದಗಬ್ಭೋ ತುಲ್ಯಾಧಿಕರಣಬಹುಬ್ಬೀಹಿ.

ವವರ ಸುರಾಸುರ ಗರುಡ ಮನುಜ ಭುಜಗ ಗನ್ಧಬ್ಬ ಮಕುಟ ಕೂಟ ಚುಮ್ಬಿತ ಸೇಲಸಙ್ಘಟ್ಟಿತ ಚರಣೋತಿ ಸುರಾ ಚ ಅಸುರಾ ಚ ಗರುಡಾ ಚ ಮನುಜಾ ಚ ಭುಜಗಾ ಚ ಗನ್ಧಬ್ಬಾ ಚ ಸುರಾಸುರಗರುಡಮನುಜಭುಜಗಗನ್ಧಬ್ಬಾ, ಪವರಾ ಚ ತೇ ಸುರಾಸುರಗರುಡಮನುಜಭುಜಗ ಗನ್ಧಬ್ಬಾ ಚೇತಿ ಪವರಸುರಾಸುರಗರುಡಮನುಜಭುಜಗಗನ್ಧಬ್ಬಾ, ಪವರಸುರಾಸುರಗರುಡಮನುಜಭುಜಗಗನ್ಧಬ್ಬಾನಂ ಮಕುಟಾನಿ ಪವರಸುರಾಸುರಗರುಡಮನುಜಭುಜಗಗನ್ಧಬ್ಬಮಕುಟಾನಿ, ಪವರಸುರಾಸುರಗರುಡಮನುಜಭುಜಗಗನ್ಧಬ್ಬಮಕುಟಾನಂ ಕೂಟಾನಿ ಪವರಸುರಾಸುರಗರುಡಮನುಜಭುಜಗಗನ್ಧಬ್ಬಮಕುಟಕೂಟಾನಿ, ಪವರಸುರಾಸುರಗರುಡಮನುಜಭುಜಗಗನ್ಧಬ್ಬಮಕುಟಕೂಟೇಸು ಚುಮ್ಬಿತಾ ಪವರಸುರಾಸುರಗರುಡಮನುಜಭುಜಗಗನ್ಧಬ್ಬಮಕುಟಕೂಟಚುಮ್ಬಿತಾ, ಪವರಸುರಾಸುರಗರುಡಮನುಜಭುಜಗಗನ್ಧಬ್ಬಮಕುಟಕೂಟಚುಮ್ಬಿತಾ ಚ ತೇ ಸೇಲಾ ಚಾತಿ ಪವರಸುರಾಸುರಗರುಡಮನುಜಭುಜಗಗನ್ಧಬ್ಬಮಕುಟಕೂಟಚುಮ್ಬಿತಸೇಲಾ, ಪವರಸುರಾಸುರ ಗರುಡಮನುಜಭುಜಗಗನ್ಧಬ್ಬಮಕುಟಕೂಟಚುಮ್ಬಿತಸೇಲೇಹಿ ಸಙ್ಘಟ್ಟಿತಾ ಪವರಸುರಾಸುರ ಗರುಡಮನುಜಭುಜಗಗನ್ಧಬ್ಬಮಕುಟಕೂಟಚುಮ್ಬಿತಸೇಲಸಙ್ಘಟ್ಟಿತಾ, ಪವರಸುರಾಸುರಗರುಡಮನುಜಭುಜಗಗನ್ಧಬ್ಬಮಕುಟಕೂಟಚುಮ್ಬಿತಸೇಲಸಙ್ಘಟ್ಟಿತಾ ಚರಣಾ ಯಸ್ಸ ತಥಾಗತಸ್ಸ ಸೋಯಂ ¶ ಪವರಸುರಾಸುರಗರುಡಮನುಜಭುಜಗಗನ್ಧಬ್ಬಮಕುಟಕೂಟಚುಮ್ಬಿತಸೇಲಸಙ್ಘಟ್ಟಿತಚರಣೋ, ತಥಾಗತೋ, ಅಯಂ ಪನ ದ್ವನ್ದಕಮ್ಮಧಾರಯತಪ್ಪುರಿಸಗಬ್ಭೋ ತುಲ್ಯಾಧಿಕರಣಬಹುಬ್ಬೀಹಿ.

ಅಥ ವಾ–ಸಙ್ಘಟ್ಟಿತಾ ಚರಣಾ ಸಙ್ಘಟ್ಟಿತಚರಣಾ, ಸಾಪೇಕ್ಖತ್ತೇ ಸತಿಪಿ ಗಮಕತ್ತಾ ಸಮಾಸೋ. ಪವರಸುರಾಸುರ ಗರುಡಮನುಜಭುಜಗ ಗನ್ಧಬ್ಬಮಕುಟಕೂಟಚುಮ್ಬಿತಸೇಲೇಹಿ ಸಙ್ಘಟ್ಟಿತಚರಣಾ ಯಸ್ಸ ತಥಾಗತಸ್ಸ ಸೋಯಂ ಪವರಸುರಾಸುರಗರುಡ ಮನುಜಭುಜಗ ಗನ್ಧಬ್ಬಮಕುಟಕೂಟಚುಮ್ಬಿತಸೇಲಸಙ್ಘಟ್ಟಿತ ಚರಣೋ. ಅಯಂ ಪನ ಭಿನ್ನಾಧಿಕರಣಬಹುಬ್ಬೀಹಿ.

ಚತುದ್ದಿಸೋತಿ ಚತಸ್ಸೋ ದಿಸಾ ಯಸ್ಸ ಸೋಯಂ ಚತುದ್ದಿಸೋ, ಭಗವಾ.

ಪಞ್ಚಚಕ್ಖೂತಿ ಪಞ್ಚ ಚಕ್ಖೂನಿ ಯಸ್ಸ ತಥಾಗತಸ್ಸ ಸೋಯಂ ಪಞ್ಚಚಕ್ಖು, ತಥಾಗತೋ.

ದಸಬಲೋತಿ ದಸ ಬಲಾನಿ ಯಸ್ಸ ಸೋಯಂ ದಸಬಲೋ, ಭಗವಾ.

ಅನನ್ತಞಾಣೋತಿ ನಸ್ಸ ಅನ್ತೋ ಅನನ್ತಂ, ಅನನ್ತಂ ಞಾಣಂ ಯಸ್ಸ ತಥಾಗತಸ್ಸ ಸೋಯಂ ಅನನ್ತಞಾಣೋ, ತಥಾಗತೋ.

ಅಮಿತ ಘನ ಸರೀರೋತಿ ನ ಮಿತಂ ಅಮಿತಂ, ಘನಂ ಏವ ಸರೀರಂ ಘನಸರೀರಂ, ಅಮಿತಂ ಘನಸರೀರಂ ಯಸ್ಸ ತಥಾಗತಸ್ಸ ಸೋಯಂ ಅಮಿತಘನಸರೀರೋ, ತಥಾಗತೋ.

ಅಮಿತ ಬಲ ಪರಕ್ಕಮ ಪತ್ತೋತಿ ನ ಮಿತಾ ಅಮಿತಾ, ಬಲಞ್ಚ ಪರಕ್ಕಮೋ ಚ ಬಲಪರಕ್ಕಮಾ, ಅಮಿತಾ ಏವ ಬಲಪರಕ್ಕಮಾ ಅಮಿತಬಲಪರಕ್ಕಮಾ ¶ , ಅಮಿತಬಲಪರಕ್ಕಮಾ ಪತ್ತಾ ಯೇನ ಸೋಯಂ ಅಮಿತಬಲಪರಕ್ಕಮಪತ್ತೋ, ಭಗವಾ. ಅಯಂ ಪನ ಕಮ್ಮಧಾರಯದ್ವನ್ದಗಬ್ಭೋ ತುಲ್ಯಾಧಿಕರಣಬಹುಬ್ಬೀಹಿ.

ಮತ್ತ ಭಮರ ಗಣ ಚುಮ್ಬಿತ ವಿಕಸಿತಪುಪ್ಫವಲ್ಲಿನಾಗರುಕ್ಖೋ ಪಸೋಭಿತ ಕನ್ದರೋತಿ ಮತ್ತಾ ಏವ ಭಮರಾ ಮತ್ತಭಮರಾ, ಮತ್ತಭಮರಾನಂ ಗಣಾ ಮತ್ತಭಮರಗಣಾ, ಮತ್ತಭಮರಗಣೇಹಿ ಚುಮ್ಬಿತಾನಿ ಮತ್ತಭಮರಣಚುಮ್ಬಿತಾನಿ, ವಿಕಸಿತಾನಿ ಏವ ಪುಪ್ಫಾನಿ ವಿಕಸಿತಪುಪ್ಫಾನಿ, ಮತ್ತಭಮರಗಣಚುಮ್ಬಿತಾನಿ ವಿಕಸಿತಪುಪ್ಫಾನಿ ಯೇಸಂ ತೇಹಿ ಮತ್ತಭಮರಗಣಚುಮ್ಬಿತವಿಕಸಿತಪುಪ್ಫಾ, ವಲ್ಲಿ ಚ ನಾಗರುಕ್ಖೋ ಚ ಮಲ್ಲಿನಾಗರುಕ್ಖಾ, ಮತ್ತಭಮರಗಣಚುಮ್ಬಿತವಿಕಸಿತಪುಪ್ಫಾ ಚ ತೇ ವಲ್ಲಿನಾಗರುಕ್ಖಾ ಚೇತಿ ಮತ್ತಭಮರಗಣಚುಮ್ಬಿತವಿಕಸಿತಪುಪ್ಫವಲ್ಲಿನಾಗರುಕ್ಖಾ, ಮತ್ತಭಮರಗಣಚುಮ್ಬಿತವಿಕಸಿತಪುಪ್ಫವಲ್ಲಿನಾಗರುಕ್ಖೇಹಿ ಉಪಸೋಭಿತಾನಿ ಮತ್ತಭಮರಗಣಚುಮ್ಬಿತವಿಕಸಿತಪುಪ್ಫವಲ್ಲಿನಾಗರುಕ್ಖೋ ಪಸೋಭಿತಾನಿ, ಮತ್ತಭಮರಗಣಚುಮ್ಬಿತವಿಕಸಿತಪುಪ್ಫವಲ್ಲಿನಾಗರುಕ್ಖೋ ಪಸೋಭಿತಾನಿ ಕನ್ದರಾನಿ ಯಸ್ಸ ಪಬ್ಬತರಾಜಸ್ಸ ಸೋಯಂ ಮತ್ತಭಮರಗಣಚುಮ್ಬಿತವಿಕಸಿತಪುಪ್ಫ ವಲ್ಲಿನಾಗರುಕ್ಖೋ ಪಸೋ ಭಿತಕನ್ದರೋ, ಪಬ್ಬತರಾಜಾ. ಅಯಂ ಪನ ದ್ವನ್ದಕಮ್ಮಧಾರಯತಪ್ಪುರಿಸಗಬ್ಭೋ ತುಲ್ಯಾಧಿಕರಣಬಹುಬ್ಬೀಹಿ.

ಅಥ ವಾ–ಉಪಸೋಭಿತಾನಿ ಕನ್ದರಾನಿ ಉಪಸೋಭಿತಕನ್ದರಾನಿ, ಸಾಪೇಕ್ಖತ್ತೇ ಸತಿಪಿ ಗಮಕತ್ತಾ ಸಮಾಸೋ. ಮತ್ತಭಮರಗಣಚುಮ್ಬಿತವಿಕಸಿತಪುಪ್ಫವಲ್ಲಿನಾಗರುಕ್ಖೇಹಿ ಉಪಸೋಭಿತಕನ್ದರಾನಿ ಯಸ್ಸ ಪಬ್ಬತರಾಜಸ್ಸ ಸೋಯಂ ಮತ್ತಭಮರಗಣಚುಮ್ಬಿತವಿಕಸಿತಪುಪ್ಫವಲ್ಲಿನಾಗರುಕ್ಖೋ ಪಸೋಭಿತಕನ್ದರೋ, ಪಬ್ಬತರಾಜಾ. ಅಯಂ ಪನ ಭಿನ್ನಾಧಿಕರಣಬಹುಬ್ಬೀಹಿ.

ನಾನಾ ¶ ರುಕ್ಖ ತಿಣ ಪತಿತ ಪುಪ್ಫೋಪಸೋಭಿತ ಕನ್ದರೋತಿ ರುಕ್ಖೋ ಚ ತಿಣಞ್ಚ ರುಕ್ಖತಿಣಾನಿ, ನಾನಾ ಪಕಾರಾನಿ ಏವ ರುಕ್ಖತಿಣಾನಿ ನಾನಾರುಕ್ಖತಿಣಾನಿ, ನಾನಾರುಕ್ಖತಿಣೇಹಿ ಪತಿತಾನಿ ನಾನಾರುಕ್ಖತಿಣಪತಿತಾನಿ, ನಾನಾರುಕ್ಖತಿಣಪತಿತಾನಿ ಚ ತಾನಿ ಪುಪ್ಫಾನಿ ಚೇತಿ ನಾನಾರುಕ್ಖತಿಣಪತಿತಪುಪ್ಫಾನಿ, ನಾನಾರುಕ್ಖತಿಣಪತಿತಪುಪ್ಫೇಹಿ ಉಪಸೋಭಿತಾನಿ ನಾನಾರುಕ್ಖತಿಣಪತಿತ ಪುಪ್ಫೋಪಸೋಭಿತಾನಿ, ನಾನಾರುಕ್ಖತಿಣಪತಿತಪುಪ್ಫೋಪಸೋಭಿತಾನಿ ಕನ್ದರಾನಿ ಯಸ್ಸ ಪಬ್ಬತರಾಜಸ್ಸ ಸೋಯಂ ನಾನಾರುಕ್ಖತಿಣಪತಿತಪುಪ್ಫೋಪಸೋಭಿತಕನ್ದರೋ, ಪಬ್ಬತರಾಜಾ. ಅಯಂ ಪನ ದ್ವನ್ದಕಮ್ಮಧಾರಯತಪ್ಪುರಿಸಗಬ್ಭೋ ತುಲ್ಯಾಧಿಕರಣಬಹುಬ್ಬೀಹಿ.

ಅಥ ವಾ–ಉಪಸೋಭಿತಾನಿ ಏವ ಕನ್ದರಾನಿ ಉಪಸೋಭಿತಕನ್ದರಾನಿ, (ಸಾಪೇಕ್ಖತ್ತೇ ಸತಿಪಿ ಗಮಕತ್ತಾ ಸಮಾಸೋ.) ನಾನಾರುಕ್ಖತಿಣಪತಿತಪುಪ್ಫೇಹಿ ಉಪಸೋಭಿತಕನ್ದರಾನಿ ಯಸ್ಸ ಪಬ್ಬತರಾಜಸ್ಸ ಸೋಯಂ ನಾನಾರುಕ್ಖತಿಣಪತಿತಪುಪ್ಫೋಪಸೋಭಿತಕನ್ದರೋ, ಪಬ್ಬತರಾಜಾ. ಅಯಂ ಪನ ಭಿನ್ನಾಧಿಕರಣಬಹುಬ್ಬೀಹಿ.

ನಾನಾ ಮುಸಲ ಫಾಲ ಪಬ್ಬತ ತರು ಕಲಿಙ್ಗರ ಸರ ಧನುಗದಾಸಿ ತೋಮರಹತ್ಥಾತಿ ಮುಸಲೋ ಚ ಫಾಲೋ ಚ ಪಬ್ಬತೋ ಚ ತರು ಚ ಕಲಿಙ್ಗರೋ ಚ ಸರೋ ಚ ಧನು ಚ ಗದಾ ಚಅಸಿ ಚ ತೋಮರೋ, ಚ ಮುಸಲಫಾಲಪಬ್ಬತತರುಕಲಿಙ್ಗರಸರಧನುಗದಾಸಿತೋಮರಾ, ನಾನಾ ಪಕಾರಾ ಏವ ಮುಸಲಫಾಲಪಬ್ಬತತರುಕಲಿಙ್ಗರಸರಧನುಗದಾಸಿತೋಮರಾ ನಾನಾಮುಸಲಫಾಲಪಬ್ಬತತರುಕಲಿಙ್ಗರಸರಧನುಗದಾಸಿತೋಮರಾ, ನಾನಾಮುಸಲಫಾಲಪಬ್ಬತತರುಕಲಿಙ್ಗರಸರಧನುಗದಾಸಿತೋಮರಾ ಹತ್ಥೇಸು ¶ ಯೇಸಂ ತೇ ನಾನಾಮುಸಲಫಾಲಪಬ್ಬತತರುಕಲಿಙ್ಗರ ಸರಧನುಗದಾಸಿತೋಮರಹತ್ಥಾ. ಅಯಂ ಪನ ದ್ವನ್ದಕಮ್ಮಧಾರಯಗಬ್ಭೋ ಭಿನ್ನಾಧಿಕರಣಬಹುಬ್ಬೀಹಿ.

ಬಹುಬ್ಬೀಹಿ ಇಚ್ಚನೇನ ಕ್ವತ್ಥೋ? ಬಹುಬ್ಬೀಹಿಮ್ಹಿ ಚ.

೩೨೯, ೩೫೭. ನಾಮಾನಂ ಸಮುಚ್ಚಯೋ ದ್ವನ್ದೋ.

ನಾಮಾನಂ ಏಕವಿಭತ್ತಿಕಾನಂ ಯೋ ಸಮುಚ್ಚಯೋ, ಸೋ ದ್ವನ್ದಸಞ್ಞೋ ಹೋತಿ.

ಚನ್ದಿಮಾ ಚ ಸೂರಿಯೋ ಚ ಚನ್ದಿಮಸೂರಿಯಾ, ಸಮಣೋ ಚ ಬ್ರಾಹ್ಮಣೋ ಚ ಸಮಣಬ್ರಾಹ್ಮಣಾ, ಸಾರಿಪುತ್ತೋ ಚ ಮೋಗ್ಗಲ್ಲಾನೋ ಚ ಸಾರಿಪುತ್ತಮೋಗ್ಗಲ್ಲಾನಾ, ಬ್ರಾಹ್ಮಣೋ ಚ ಗಹಪತಿಕೋ ಚ ಬ್ರಾಹ್ಮಣಗಹಪತಿಕಾ, ಯಮೋ ಚ ವರುಣೋ ಚ ಯಮವರುಣಾ, ಕುವೇರೋ ಚ ವಾಸವೋ ಚ ಕುವೇರವಾಸವಾ.

ದ್ವನ್ದಇಚ್ಚನೇನ ಕ್ವತ್ಥೋ? ದ್ವನ್ದಟ್ಠಾ ವಾ.

೩೩೦, ೩೪೦. ಮಹತಂ ಮಹಾ ತುಲ್ಯಾಧಿಕರಣೇ ಪದೇ.

ತೇಸಂ ಮಹನ್ತಸದ್ದಾನಂ ಮಹಾಆದೇಸೋ ಹೋತಿ ತುಲ್ಯಾಧಿಕರಣೇ ಪದೇ.

ಮಹನ್ತೋ ¶ ಚ ಸೋ ಪುರಿಸೋ ಚಾತಿ ಮಹಾಪುರಿಸೋ, ಮಹನ್ತೀ ಚ ಸಾ ದೇವೀ ಚಾತಿ ಮಹಾದೇವೀ, ಮಹನ್ತಞ್ಚ ತಂ ಬಲಞ್ಚಾತಿ ಮಹಾಬಲಂ, ಮಹನ್ತೋ ಚ ಸೋ ನಾಗೋ ಚಾತಿ ಮಹಾನಾಗೋ, ಮಹನ್ತೋ ಚ ಸೋ ಯಸೋ ಚಾತಿ ಮಹಾಯಸೋ, ಮಹನ್ತಞ್ಚ ತಂ ಪದುಮವನಞ್ಚಾತಿ ಮಹಾಪದುಮವನಂ, ಮಹನ್ತೀ ಚ ಸಾ ನದೀ ಚಾತಿ ಮಹಾನದೀ, ಮಹನ್ತೋ ಚ ಸೋ ಮಣಿ ಚಾತಿ ಮಹಾಮಣಿ, ಮಹನ್ತೋ ಚ ಸೋ ಗಹಪತಿಕೋ ಚಾತಿ ಮಹಾಗಹಪತಿಕೋ, ಮಹನ್ತಞ್ಚ ತಂ ಧನಞ್ಚಾತಿ ಮಹಾಧನಂ, ಮಹನ್ತೋ ಚ ಸೋ ಪುಞ್ಞೋ ಚಾತಿ ಮಹಾಪುಞ್ಞೋ.

ಬಹುವಚನಗ್ಗಹಣೇನ ಕ್ವಚಿ ಮಹನ್ತ ಸದ್ದಸ್ಸ ಮಹಾದೇಸೋ ಹೋತಿ. ಮಹನ್ತಞ್ಚ ತಂ ಫಲಞ್ಚಾತಿ ಮಹಪ್ಫಲಂ, ಮಹಬ್ಬಲಂ, ಏವಂ ಮಹದ್ಧನಂ, ಮಹಬ್ಭಯಂ.

೩೩೧, ೩೫೩. ಇತ್ಥಿಯಂ ಭಾಸಿತಪುಮಿತ್ಥೀ ಪುಮಾವ ಚೇ.

ಇತ್ಥಿಯಂ ತುಲ್ಯಾಧಿಕರಣೇ ಪದೇ ಚೇ ಭಾಸಿತಪುಮಿತ್ಥೀ ಪುಮಾವ ದಟ್ಠಬ್ಬಾ.

ದೀಘಾ ಜಙ್ಘಾ ಯಸ್ಸ ಸೋಯಂ ದೀಘಜಙ್ಘೋ, ಕಲ್ಯಾಣಭರಿಯೋ, ಪಹೂತಪಞ್ಞೋ.

ಭಾಸಿತಪುಪೇತಿ ¶ ಕಿಮತ್ಥಂ? ಬ್ರಾಹ್ಮಣಬನ್ಧು ಚ ಸಾ ಭರಿಯಾ ಚಾತಿಬ್ರಾಹ್ಮಣಬನ್ಧುಭರಿಯಾ.

ಕಮ್ಮಧಾರಯಸಞ್ಞೇ ಚ ಸಮಾಸೇ ಇತ್ಥಿಯಂ ತುಲ್ಯಾಧಿಕರಣೇ ಪದೇ ಪುಬ್ಬೇ ಭಾಸಿತಪುಮಿತ್ಥೀ ಚೇ, ಪುಮಾವ ದಟ್ಠಬ್ಬಾ. ಬ್ರಾಹ್ಮಣದಾರಿಕಾ, ಖತ್ತಿಯಕಞ್ಞಾ, ಖತ್ತಿಯಕುಮಾರಿಕಾ.

ಭಾಸಿತಪುಮೇತಿ ಕಿಮತ್ಥಂ? ಖತ್ತಿಯಬನ್ಧುದಾರಿಕಾ, ಬ್ರಾಹ್ಮಣಬನ್ಧುದಾರಿಕಾ.

೩೩೩, ೩೪೪. ಅತ್ತಂ ನಸ್ಸ ತಪ್ಪುರಿಸೇ.

ನಸ್ಸ ಪದಸ್ಸ ತಪ್ಪುರಿಸೇ ಉತ್ತರಪದೇ ಅತ್ತಂ ಹೋತಿ.

ನಬ್ರಾಹ್ಮಣೋ ಅಬ್ರಾಹ್ಮಣೋ, ಅವಸಲೋ, ಅಭಿಕ್ಖು, ಅಪಞ್ಚವಸ್ಸಂ, ಅಪಞ್ಚಗವಂ.

ನಸ್ಸ ಪದಸ್ಸ ತಪ್ಪುರಿಸೇ ಅನ ಆದೇಸೋ ಹೋತಿ ಸರೇ ಪರೇ.

ನ ಅಸ್ಸೋ ಅನಸ್ಸೋ, ಅನಿಸ್ಸರೋ, ಅನರಿಯೋ.

ಕುಚ್ಛಿತಂ ಅನ್ನಂ ಕದನ್ನಂ, ಕುಚ್ಛಿತಂ ಅಸನಂ ಕದಸ್ಸನಂ.

ಸರೇತಿ ಕಿಮತ್ಥಂ? ಕುಚ್ಛಿತಾ ದಾರಾ ಯೇಸಂ (ಅಪುಞ್ಞಕಾರಾನಂ) ತೇ ಹೋನ್ತೀತಿ ಕುದಾರಾ, ಕುಜನಾ. ಏವಂ ಕುಪುತ್ತಾ, ಕುಗೇಹಾ, ಕುವತ್ಥಾ, ಕುದಾಸಾ.

ಕುಇಚ್ಚೇತಸ್ಸ ಕಾ ಹೋತಿ ಅಪ್ಪತ್ಥೇಸು ಚ.

ಬಹುವಚನಗ್ಗಹಣಂ ಕಿಮತ್ಥಂ? ಕುಇಚ್ಚೇತಸ್ಸ ಅನಪ್ಪತತ್ಥೇಸುಪಿ ಕ್ವಚಿ ಕಾ ಹೋತಿ, ಕಾಪುರಿಸಾ.

೩೩೭, ೩೫೦. ಕ್ವಚಿ ಸಮಾಸನ್ತಗತಾನಮಕಾರನ್ತೋ.

ಸಮಾಸನ್ತಗತಾನಂ ನಾಮಾನಮನ್ತೋ ಸರೋ ಕ್ವಚಿ ಅಕಾರೋ ಹೋತಿ.

ದೇವಾನಂ ರಾಜಾ ದೇವರಾಜೋ, ದೇವರಾಜಾ, ದೇವಾನಂ ಸಖಾ ದೇವಸಖೋ, ದೇವಸಖಾ, ಪಞ್ಚ ಅಹಾನಿ ಪಞ್ಚಾಹಂ, ಸತ್ತಾಹಂ, ಪಞ್ಚಗವಂ, ಛತ್ತುಪಾಹನಂ, ಉಪಸರದಂ, ವಿಸಾಲಕ್ಖೋ, ವಿಮುಖೋ.

ಕಾರಗ್ಗಹಣಂ ¶ ಕಿಮತ್ಥಂ? ಆಕಾರನ್ತ ಇಕಾರನ್ತಾ ಚ ಹೋನ್ತಿ, ಪಚ್ಚಕ್ಖಾ ಧಮ್ಮಾ ಯಸ್ಸ ಸೋಯನ್ತಿ ಪಚ್ಚಕ್ಖಧಮ್ಮಾ, ಸುರಭಿನೋ ಗನ್ಧೋ ಸುರಭಿಗನ್ಧಿ, ಸುನ್ದರೋ ಗನ್ಧೋ ಸುಗನ್ಧಿ, ಪೂತಿನೋ ಗನ್ಧೋ ಪೂತಿಗನ್ಧಿ, ಕುಚ್ಛಿತೋ ಗನ್ಧೋ ಕುಗನ್ಧಿ, ದುಟ್ಠು ಗನ್ಧೋ ಯಸ್ಸ ಸೋಯನ್ತಿ ದುಗನ್ಧಿ, ಪೂತಿ ಏವ ಗನ್ಧೋ ಪೂತಿಗನ್ಧಿ.

ನದೀಅನ್ತಾ ಚ ಕತ್ತುಅನ್ತಾ ಚ ಕಪಚ್ಚಯೋ ಹೋತಿ ಸಮಾಸನ್ತೇ.

ಬಹೂ ನದಿಯೋ ಯಸ್ಮಿಂ ಸೋಯಂ ಬಹುನದಿಕೋ, ಜನಪದೋ. ಬಹವೋ ಕತ್ತಾರೋ ಯಸ್ಸ ಸೋಯಂ ಬಹುಕತ್ತುಕೋ, ಪುರಿಸೋ.

ನದಿಮ್ಹಾ ಚ ಕಪಚ್ಚಯೋ ಹೋತಿ ಸಮಾಸನ್ತೇ.

ಬಹೂ ನದಿಯೋ ಯಸ್ಮಿಂ ಸೋಯನ್ತಿ ಬಹುನದಿಕೋ. ಬಹೂ ಕನ್ತಿಯೋ ಯಸ್ಸ ಸೋಯನ್ತಿ ಬಹುಕನ್ತಿಕೋ. ಬಹುನಾರಿಕೋ.

೩೩೯, ೩೫೮. ಜಾಯಾಯ ತುದಂ ಜಾನಿ ಪತಿಮ್ಹಿ.

ಜಾಯಾಇಚ್ಚೇತಾಯ ತುದಂ ಜಾನಿಇಚ್ಚೇತೇ ಆದೇಸಾ ಹೋನ್ತಿ ಪತಿಮ್ಹಿ ಪರೇ.

ಧನುಮ್ಹಾ ಚ ಆಪಚ್ಚಯೋ ಹೋತಿ ಸಮಾಸನ್ತೇ.

ಗಾಣ್ಡೀವೋ ¶ ಧನು ಯಸ್ಸ ಸೋಯಂ ಗಾಣ್ಡೀವಧನ್ವಾ.

೩೪೧, ೩೩೬. ಅಂ ವಿಭತ್ತೀನಮಕಾರನ್ತಾ ಅಬ್ಯಯೀಭಾವಾ.

ತಸ್ಮಾ ಅಕಾರನ್ತಾ ಅಬ್ಯಯೀಭಾವಸಮಾಸಾ ಪರಾಸಂ ವಿಭತ್ತೀನಂ ಕ್ವಚಿ ಅಂ ಹೋತಿ.

ಅಧಿಚಿತ್ತಂ, ಯಥಾವುಡ್ಢಂ, ಉಪಕುಮ್ಭಂ, ಯಾವಜೀವಂ, ತಿರೋಪಬ್ಬತಂ, ತಿರೋಪಾಕಾರಂ, ತಿರೋಕುಟ್ಟಂ, ಅನ್ತೋಪಾಸಾದಂ.

ಕ್ವಚೀತಿ ಕಿಮತ್ಥಂ? ಅಧಿಚಿತ್ತಸ್ಸ ಭಿಕ್ಖುನೋ.

ನಪುಂಸಕೇ ವತ್ತಮಾನಸ್ಸ ಅಬ್ಯಯೀಭಾವಸಮಾಸಸ್ಸ ಲಿಙ್ಗಸ್ಸ ಸರೋ ರಸ್ಸೋ ಹೋತಿ.

ಕುಮಾರೀಸು ಅಧಿಕಿಚ್ಚ ಪವತ್ತತಿ ಕಥಾ ಇತಿ ಅಧಿಕುಮಾರಿ. ಉಪವಧು, ಉಪಗಙ್ಗಂ, ಉಪಮಣಿಕಂ.

ಅಞ್ಞಸ್ಮಾ ಅಬ್ಯಯೀಭಾವಸಮಾಸಾ ಅನಕಾರನ್ತಾ ಪರಾಸಂ ವಿಭತ್ತೀನಂ ಲೋಪೋ ಚ ಹೋತಿ.

ಇತಿ ನಾಮಕಪ್ಪೇ ಸಮಾಸಕಪ್ಪೋ ಸತ್ತಮೋ ಕಣ್ಡೋ.

ಣಪಚ್ಚಯೋ ಹೋತಿ ವಾ ‘‘ತಸ್ಸಾಪಚ್ಚ’’ ಮಿಚ್ಚೇತಸ್ಮಿಂ ಅತ್ಥೇ.

ವಸಿಟ್ಠಸ್ಸ ಅಪಚ್ಚಂ ವಾಸಿಟ್ಠೋ, ವಸಿಟ್ಠಸ್ಸ ಅಪಚ್ಚಂ ವಾ, ವಸಿಟ್ಠಸ್ಸ ಅಪಚ್ಚಂ ವಾಸಿಟ್ಠೀ, ವಸಿಟ್ಠಸ್ಸ ಅಪಚ್ಚಂ ವಾಸಿಟ್ಠಂ. ಏವಂ ಭಾರದ್ವಾಜೋ, ಭಾರದ್ವಾಜೀ, ಭಾರದ್ವಾಜಂ. ಗೋತಮೋ, ಗೋತಮೀ, ಗೋತಮಂ. ವಾಸುದೇವೋ, ವಾಸುದೇವೀ, ವಾಸುದೇವಂ. ಬಾಲದೇವೋ, ಬಾಲದೇವೀ, ಬಾಲದೇವಂ. ವೇಸಾಮಿತ್ತೋ, ವೇಸಾಮಿತ್ತೀ ವೇಸಾಮಿತ್ತಂ.

ತಸ್ಮಾ ವಚ್ಛಾದಿತೋ ಗೋತ್ತಗಣತೋ ಣಾಯನಣಾನಪಚ್ಚಯಾ ಹೋನ್ತಿ ವಾ ‘‘ತಸ್ಸಾಪಚ್ಚ’’ಮಿಚ್ಚೇತಸ್ಮಿಂ ಅತ್ಥೇ.

ವಚ್ಛಸ್ಸ ಅಪಚ್ಚಂವಚ್ಛಾಯನೋ, ವಚ್ಛಾನೋ, ವಚ್ಛಸ್ಸ ಅಪಚ್ಚಂ ವಾ, ವಚ್ಛಸ್ಸ ಅಪಚ್ಚಂ ವಚ್ಛಾಯನೀ, ವಚ್ಛಾನೀ, ವಚ್ಛಸ್ಸ ಅಪಚ್ಚಂ ವಚ್ಛಾಯನಂ, ವಚ್ಛಾನಂ. ಸಕಟಸ್ಸ ಅಪಚ್ಚಂ ಸಾಕಟಾಯನೋ, ಸಾಕಟಾನೋ ¶ , ಸಕಟಸ್ಸ ಅಪಚ್ಚಂ ವಾ, ಸಾಕಟಾಯನೀ, ಸಾ ಕಟಾನೀ, ಸಾಕಟಾಯನಂ, ಸಾಕಟಾನಂ. ಏವಂ ಕಣ್ಹಾಯನೋ, ಕಣ್ಹಾನೋ, ಕಣ್ಹಸ್ಸ ಅಪಚ್ಚಂ ವಾ. ಕಣ್ಹಾಯನೀ, ಕಣ್ಹಾನೀ, ಕಣ್ಹಾಯನಂ, ಕಣ್ಹಾನಂ. ಅಗ್ಗಿವೇಸ್ಸಾಯನೋ, ಅಗ್ಗಿವೇಸ್ಸಾನೋ, ಅಗ್ಗಿವೇಸ್ಸಾಯನೀ, ಅಗ್ಗಿವೇಸ್ಸಾನೀ, ಅಗ್ಗಿವೇಸ್ಸಾಯನಂ, ಅಗ್ಗಿವೇಸ್ಸಾನಂ. ಗಚ್ಛಾಯನೋ, ಗಚ್ಛಾನೋ, ಗಚ್ಛಾಯನೀ, ಗಚ್ಛಾನೀ, ಗಚ್ಛಾಯನಂ, ಗಚ್ಛಾನಂ. ಕಪ್ಪಾಯನೋ, ಕಪ್ಪಾನೋ, ಕಪ್ಪಾಯನೀ, ಕಪ್ಪಾನೀ, ಕಪ್ಪಾಯನಂ, ಕಪ್ಪಾನಂ. ಮೋಗ್ಗಲ್ಲಾಯನೋ, ಮೋಗ್ಗಲ್ಲಾನೋ, ಮೋಗ್ಗಲ್ಲಾಯನೀ, ಮೋಗ್ಗಲ್ಲಾನೀ, ಮೋಗ್ಗಲ್ಲಾಯನಂ, ಮೋಗ್ಗಲ್ಲಾನಂ. ಮುಞ್ಚಾಯನೋ, ಮುಞ್ಚಾನೋ, ಮುಞ್ಚಾಯನೀ, ಮುಞ್ಚಾನೀ, ಮುಞ್ಚಾಯನಂ, ಮುಞ್ಚಾನಂ. ಸಙ್ಘಾಯನೋ, ಸಙ್ಘಾನೋ, ಸಙ್ಘಾಯನೀ, ಸಙ್ಘಾನೀ, ಸಙ್ಘಾಯನಂ, ಸಙ್ಘಾನಂ. ಲೋಮಾಯನೋ, ಲೋಮಾನೋ, ಲೋಮಾಯನೀ, ಲೋಮಾನೀ, ಲೋಮಾಯನಂ, ಲೋಮಾನಂ, ಸಾಕಮಾಯನೋ, ಸಾಕಮಾನೋ, ಸಾಕಮಾಯನೀ, ಸಾಕಮಾನೀ, ಸಾಕಮಾಯನಂ, ಸಾಕಮಾನಂ. ನಾರಾಯನೋ, ನಾರಾನೋ, ನಾರಾಯನೀ, ನಾರಾನೀ, ನಾರಾಯನಂ, ನಾರಾನಂ. ಚೋರಾಯನೋಚೋರಾನೋ, ಚೋರಾಯನೀ, ಚೋರಾನೀ, ಚೋರಾಯನಂ, ಚೋರಾನಂ, ಆವಸಾಲಾಯನೋ, ಆವಸಾಲಾನೋ, ಆವಸಾಲಾಯನೀ, ಆವಸಾಲಾನೀ, ಆವಸಾಲಾಯನಂ, ಆವಸಾಲಾನಂ. ದ್ವೇಪಾಯನೋ, ದ್ವೇಪಾನೋ, ದ್ವೇಪಾಯನೀ, ದ್ವೇಪಾನೀ, ದ್ವೇಪಾಯನಂ, ದ್ವೇಪಾನಂ. ಕುಞ್ಚಾಯನೋ, ಕುಞ್ಚಾನೋ, ಕುಞ್ಚಾಯನೀ, ಕುಞ್ಚಾನೀ, ಕುಞ್ಚಾಯನಂ, ಕುಞ್ಚಾನಂ. ಕಚ್ಚಾಯನೋ, ಕಚ್ಚಾನೋ, ಕಚ್ಚಾಯನೀ, ಕಚ್ಚಾನೀ, ಕಚ್ಚಾಯನಂ, ಕಚ್ಚಾನಂ.

೩೪೬, ೩೬೭. ಣೇಯ್ಯೋ ¶ ಕತ್ತಿಕಾದೀಹಿ.

ತೇಹಿ ಗೋತ್ತಗಣೇಹಿ ಕತ್ತಿಕಾದೀಹಿ ಣೇಯ್ಯಪಚ್ಚಯೋ ಹೋತಿ ವಾ ‘‘ತಸ್ಸಾಪಚ್ಚ’’ಮಿಚ್ಚೇತಸ್ಮಿಂ ಅತ್ಥೇ.

ಕತ್ತಿಕಾಯ ಅಪಚ್ಚಂ ಕತ್ತಿಕೇಯ್ಯೋ, ಕತ್ತಿಕಾಯ ಅಪಚ್ಚಂ ವಾ. ಏವಂ ವೇನತೇಯ್ಯೋ, ರೋಹಿಣೇಯ್ಯೋ, ಗಙ್ಗೇಯ್ಯೋ, ಕದ್ದಮೇಯ್ಯೋ, ನಾದೇಯ್ಯೋ, ಆಲೇಯ್ಯೋ, ಆಹೇಯೋ, ಕಾಮೇಯ್ಯೋ, ಸುಚಿಯಾ ಅಪಚ್ಚಂ ಸೋಚೇಯ್ಯೋ, ಸಾಲೇಯ್ಯೋ, ಬಾಲೇಯ್ಯೋ, ಮಾಲೇಯ್ಯೋ, ಕಾಲೇಯ್ಯೋ.

ತಸ್ಮಾ ಅಕಾರತೋ ಣಿಪಚ್ಚಯೋ ಹೋತಿ ವಾ ‘‘ತಸ್ಸಾಪಚ್ಚ’’ಮಿಚ್ಚೇತಸ್ಮಿಂ ಅತ್ಥೇ.

ದಕ್ಖಸ್ಸ ಅಪಚ್ಚಂ ದಕ್ಖಿ, ದಕ್ಖಸ್ಸ ಅಪಚ್ಚಂ ವಾ. ದುಣಸ್ಸ ಅಪಚ್ಚಂ ದೋಣಿ, ದುಣಸ್ಸ ಅಪಚ್ಚಂ ವಾ, ಏವಂ ವಾಸವಿ, ಸಕ್ಯಪುತ್ತಿ, ನಾಟಪುತ್ತಿ, ದಾಸಪುತ್ತಿ, ದಾಸವಿ, ವಾರುಣಿ, ಗಣ್ಡಿ, ಬಾಲದೇವಿ, ಪಾವಕಿ, ಜೇನದತ್ತಿ, ಬುದ್ಧಿ, ಧಮ್ಮಿ, ಸಙ್ಘಿ, ಕಪ್ಪಿ, ಅನುರುದ್ಧಿ.

ವಾತಿ ವಿಕಪ್ಪನತ್ಥೇನ ಣಿಕಪಚ್ಚಯೋ ಹೋತಿ ‘‘ತಸ್ಸಾಪಚ್ಚ’’ಮಿಚ್ಚೇತಸ್ಮಿಂ ಅತ್ಥೇ. ಸಕ್ಯಪುತ್ತಸ್ಸ ಅಪಚ್ಚಂ ಸಕ್ಯಪುತ್ತಿಕೋ. ಏವಂ ನಾಟಪುತ್ತಿಕೋ, ಜೇನದತ್ತಿಕೋ.

ಉಪಕುಇಚ್ಚೇವಮಾದೀಹಿ ಣವಪಚ್ಚಯೋ ಹೋತಿ ವಾ ‘‘ತಸ್ಸಾಪಚ್ಚ’’ಮಿಚ್ಚೇತಸ್ಮಿಂ ಅತ್ಥೇ.

ಉಪಕುಸ್ಸ ಅಪಚ್ಚಂ ಓಪಕವೋ, ಉಪಕುಸ್ಸ ಅಪಚ್ಚಂ ವಾ. ಮನುನೋ ಅಪಚ್ಚಂ ಮಾನವೋ, ಮನುನೋ ಅಪಚ್ಚಂ ವಾ. ಭಗ್ಗುಸ್ಸ ಅಪಚ್ಚಂ ಭಗ್ಗವೋ, ಭಗ್ಗುಸ್ಸ ಅಪಚ್ಚಂ ವಾ, ಪಣ್ಡುಸ್ಸ ಅಪಚ್ಚಂ ಪಣ್ಡವೋ, ಪಣ್ಡುಸ್ಸ ಅಪಚ್ಚಂ ವಾ, ಬಹುಸ್ಸ ಅಪಚ್ಚಂ ಬಾಹವೋ, ಬಹುಸ್ಸ ಅಪಚ್ಚಂ ವಾ.

ತಸ್ಮಾ ವಿಧವಾದಿತೋ ಣೇರಪಚ್ಚಯೋ ಹೋತಿ ವಾ ‘‘ತಸ್ಸಾಪಚ್ಚ’’ಮಿಚ್ಚೇತಸ್ಮಿಂ ಅತ್ಥೇ.

ವಿಧವಾಯ ಅಪಚ್ಚಂ ವೇಧವೇರೋ, ವಿಧವಾಯ ಅಪಚ್ಚಂ ವಾ. ಬನ್ಧುಕಿಯಾ ಅಪಚ್ಚಂ ಬನ್ಧುಕೇರೋ, ಬನ್ಧುಕಿಯಾ ಅಪಚ್ಚಂ ವಾ. ಸಮಣಸ್ಸ ಅಪಚ್ಚಂ ಸಾಮಣೇರೋ, ಸಮಣಸ್ಸ ಅಪಚ್ಚಂ ವಾ. ಏವಂ ಸಾಮಣೇರೀ, ಸಾಮಣೇರಂ, ನಾಳಿಕೇರೋ, ನಾಳಿಕೇರೀ, ನಾಳಿಕೇರಂ.

೩೫೦, ೩೭೩. ಯೇನ ವಾ ಸಂಸಟ್ಠಂ ತರತಿ ಚರತಿ ವಹತಿ ಣಿಕೋ.

ಯೇನ ವಾ ಸಂಸಟ್ಠಂ, ಯೇನ ವಾ ತರತಿ, ಯೇನ ವಾ ಚರತಿ, ಯೇನ ವಾ ವಹತಿ ಇಚ್ಚೇತೇಸ್ವತ್ಥೇಸು ಣಿಕಪಚ್ಚಯೋ ಹೋತಿ ವಾ.

ತಿಲೇನ ¶ ಸಂಸಟ್ಠಂ ಭೋಜನಂ ತೇಲಿಕಂ, ತಿಲೇನ ಸಂಸಟ್ಠಂ ವಾ. ಏವಂ ಗೋಳಿಕಂ, ಘಾತಿಕಂ.

ನಾವಾಯ ತರತೀತಿ ನಾವಿಕೋ, ನಾವಾಯ ತರತಿ ವಾ. ಏವಂ ಓಳುಮ್ಪಿಕೋ.

ಸಕಟೇನ ಚರತೀತಿ ಸಾಕಟಿಕೋ, ಸಕಟೇನ ಚರತಿ ವಾ. ಏವಂ ಪತ್ತಿಕೋ, ದಣ್ಡಿಕೋ, ಧಮ್ಮಿಕೋ, ಪಾದಿಕೋ.

ಸೀಸೇನ ವಹತೀತಿ ಸೀಸಿಕೋ, ಸೀಸೇನ ವಹತಿ ವಾ. ಅಂಸೇನ ವಹತೀತಿ ಅಂಸಿಕೋ, ಅಂಸೇನ ವಹತಿ ವಾ. ಏವಂ ಖನ್ಧಿಕೋ, ಅಙ್ಗುಲಿಕೋ.

ವಾತಿ ವಿಕಪ್ಪನತ್ಥೇನ ಅಞ್ಞೇಸುಪಿ ಣಿಕಪಚ್ಚಯೋ ಹೋತಿ. ರಾಜಗಹೇ ವಸತೀತಿ ರಾಜಗಹಿಕೋ, ರಾಜಗಹೇ ವಸತಿ ವಾ. ರಾಜಗಹೇ ಜಾತೋ ರಾಜಗಹಿಕೋ, ರಾಜಗಹೇ ಜಾತೋ ವಾ. ಏವಂ ಮಾಗಧಿಕೋ, ಸಾವತ್ಥಿಕೋ, ಕಾಪಿಲ ವತ್ಥಿಕೋ, ಪಾಟಲಿಪುತ್ತಿಕೋ, ವೇಸಾಲಿಕೋ.

೩೫೧, ೩೭೪. ತಮಧೀತೇ ತೇನಕತಾದಿ ಸನ್ನಿಧಾನ ನಿಯೋಗ ಸಿಪ್ಪ ಭಣ್ಡ ಜೀವಿಕತ್ಥೇಸು ಚ.

ತಮಧೀತೇ, ತೇನಕತಾದಿಅತ್ಥೇ, ತಮ್ಹಿ ಸನ್ನಿಧಾನಾ, ತತ್ಥ ನಿಯುತ್ತೋ, ತಮಸ್ಸ ಸಿಪ್ಪಂ, ತಮಸ್ಸ ಭಣ್ಡಂ, ತಮಸ್ಸ ಜೀವಿಕಂ ಇಚ್ಚೇತೇಸ್ವತ್ಥೇಸು ಚ ಣಿಕಪಚ್ಚಯೋ ಹೋತಿ ವಾ.

ವಿನಯಮಧೀತೇ ¶ ವೇನಯಿಕೋ, ವಿನಯಮಧೀತೇ ವಾ. ಏವಂ ಸುತ್ತನ್ತಿಕೋ, ಆಭಿಧಮ್ಮಿಕೋ, ವೇಯ್ಯಾಕರಣಿಕೋ.

ಕಾಯೇನ ಕತಂ ಕಮ್ಮಂ ಕಾಯಿಕಂ, ಕಾಯೇನ ಕತಂ ಕಮ್ಮಂ ವಾ. ಏವಂ ವಾಚಸಿಕಂ, ಮಾನಸಿಕಂ.

ಸರೀರೇ ಸನ್ನಿಧಾನಾ ವೇದನಾ ಸಾರೀರಿಕಾ, ಸರೀರೇ ಸನ್ನಿಧಾನಾ ವಾ, ಏವಂ ಮಾನಸಿಕಾ.

ದ್ವಾರೇ ನಿಯುತ್ತೋ ದೋವಾರಿಕೋ, ದ್ವಾರೇ ನಿಯುತ್ತೋ ವಾ. ಏವಂ ಭಣ್ಡಾಗಾರಿಕೋ, ನಾಗರಿಕೋ, ನಾವಕಮ್ಮಿಕೋ.

ವೀಣಾ ಅಸ್ಸ ಸಿಪ್ಪಂ ವೇಣಿಕೋ, ವೀಣಾ ಅಸ್ಸ ಸಿಪ್ಪಂ ವಾ. ಏವಂ ಪಾಣವಿಕೋ, ಮೋದಿಙ್ಗಿಕೋ, ವಂಸಿಕೋ.

ಗನ್ಧೋ ಅಸ್ಸ ಭಣ್ಡಂ ಗನ್ಧಿಕೋ, ಗನ್ಧೋ ಅಸ್ಸ ಭಣ್ಡಂ ವಾ. ಏವಂ ತೇಲಿಕೋ, ಗೋಳಿಕೋ.

ಉರಬ್ಭಂ ಹನ್ತ್ವಾ ಜೀವತೀತಿ ಓರಬ್ಭಿಕೋ, ಉರಬ್ಭಂ ಹನ್ತ್ವಾ ಜೀವತಿ ವಾ. ಮಗಂ ಹನ್ತ್ವಾ ಜೀವತೀತಿ ಮಾಗವಿಕೋ, ಮಗಂ ಹನ್ತ್ವಾ ಜೀವತಿ ವಾ. ಏವಂ ಸೋಕರಿಕೋ, ಸಾಕುಣಿಕೋ.

ಆದಿಗ್ಗಹಣೇನ ಅಞ್ಞತ್ಥಾಪಿ ಣಿಕ ಪಚ್ಚಯೋ ಯೋಜೇತಬ್ಬೋ. ಜಾಲೇನ ಹತೋ ಜಾಲಿಕೋ, ಜಾಲೇನ ಹತೋ ವಾ.

ಸುತ್ತೇನ ಬನ್ಧೋ ಸುತ್ತಿಕೋ, ಸುತ್ತೇನ ಬನ್ಧೋ ವಾ.

ಚಾಪೋ ¶ ಅಸ್ಸ ಆವುಧೋ ಚಾಪಿಕೋ, ಚಾಪೋ ಅಸ್ಸ ಆವುಧೋ ವಾ. ಏವಂ ತೋಮರಿಕೋ, ಮುಗ್ಗರಿಕೋ, ಮೋಸಲಿಕೋ.

ವಾತೋ ಅಸ್ಸ ಆಬಾಧೋ ವಾತಿಕೋ, ವಾತೋ ಅಸ್ಸ ಆಬಾಧೋ ವಾ. ಏವಂ ಸೇಮ್ಹಿಕೋ, ಪಿತ್ತಿಕೋ.

ಬುದ್ಧೇ ಪಸನ್ನೋ ಬುದ್ಧಿಕೋ, ಬುದ್ಧೇ ಪಸನ್ನೋ ವಾ. ಏವಂ ಧಮ್ಮಿಕೋ, ಸಙ್ಘಿಕೋ.

ಬುದ್ಧಸ್ಸ ಸನ್ತಕಂ ಬುದ್ಧಿಕಂ, ಬುದ್ಧಸ್ಸ ಸನ್ತಕಂ ವಾ. ಏವಂ ಧಮ್ಮಿಕಂ, ಸಙ್ಘಿಕಂ.

ವತ್ಥೇನ ಕೀತಂ ಭಣ್ಡಂ ವತ್ಥಿಕಂ, ವತ್ಥೇನ ಕೀತಂ ಭಣ್ಡಂ ವಾ. ಏವಂ ಕುಮ್ಭಿಕಂ, ಫಾಲಿಕಂ, ಕಿಂ ಕಣಿಕಂ, ಸೋವಣ್ಣಿಕಂ.

ಕುಮ್ಭೋ ಅಸ್ಸ ಪರಿಮಾಣಂ ಕುಮ್ಭಿಕಂ, ಕುಮ್ಭೋ ಅಸ್ಸ ಪರಿಮಾಣಂ ವಾ.

ಕುಮ್ಭಸ್ಸ ರಾಸಿ ಕುಮ್ಭಿಕಂ, ಕುಮ್ಭಸ್ಸ ರಾಸಿ ವಾ.

ಕುಮ್ಭಂ ಅರಹತೀತಿ ಕುಮ್ಭಿಕೋ, ಕುಮ್ಭಂ ಅರಹತಿ ವಾ.

ಅಕ್ಖೇನ ದಿಬ್ಬತೀತಿ ಅಕ್ಖಿಕೋ, ಅಕ್ಖೇನ ದಿಬ್ಬತಿ ವಾ. ಏವಂ ಸಾಲಾಕಿಕೋ, ತಿನ್ದುಕಿಕೋ, ಅಮ್ಬಫಲಿಕೋ. ಕಪಿಟ್ಠಫಲಿಕೋ, ನಾಳಿಕೇರಿಕೋ ಇಚ್ಚೇವಮಾದಿ.

೩೫೨, ೩೭೬. ಣ ರಾಗಾ ತಸ್ಸೇ ದಮಞ್ಞತ್ಥೇಸು ಚ.

ಣಪಚ್ಚಯೋ ಹೋತಿ ವಾ ರಾಗಮ್ಹಾ ‘‘ತೇನ ರತ್ತಂ’’ ಇಚ್ಚೇತಸ್ಮಿಂ ಅತ್ಥೇ, ‘‘ತಸ್ಸೇದಂ’’ ಅಞ್ಞತ್ಥೇಸು ಚ.

ಕಸಾವೇನ ¶ ರತ್ತಂ ವತ್ಥಂ ಕಾಸಾವಂ, ಕಸಾವೇನ ರತ್ತಂ ವತ್ಥಂ ವಾ. ಏವಂ ಕೋಸುಮ್ಭಂ, ಹಾಲಿದ್ದಂ, ಪಾಟಙ್ಗಂ, ರತ್ತಙ್ಗ, ಮಞ್ಜಿಟ್ಠಂ, ಕುಙ್ಕುಮಂ.

ಸೂಕರಸ್ಸ ಇದಂ ಮಂಸಂ ಸೋಕರಂ, ಸೂಕರಸ್ಸ ಇದಂ ಮಂಸಂ ವಾ. ಏವಂ ಮಾಹಿಸಂ.

ಉದುಮ್ಬರಸ್ಸ ಅವಿದೂರೇ ಪವತ್ತಂ ವಿಮಾನಂ ಓದುಮ್ಬರಂ, ಉದುಮ್ಬರಸ್ಸ ಅವಿದೂರೇ ಪವತ್ತಂ ವಿಮಾನಂ ವಾ.

ವಿದಿಸಾಯ ಅವಿದೂರೇ ನಿವಾಸೋ ವೇದಿಸೋ, ವಿದಿಸಾಯ ಅವಿದೂರೇ ನಿವಾಸೋ ವಾ.

ಮಥುರಾಯ ಜಾತೋ ಮಾಥುರೋ, ಮಥುರಾಯ ಜಾತೋ ವಾ.

ಮಥುರಾಯ ಆಗತೋ ಮಾಥುರೋ, ಮಥುರಾಯ ಆಗತೋ ವಾ.

ಕತ್ತಿಕಾಯ ನಿಯುತ್ತೋ ಮಾಸೋ ಕತ್ತಿಕೋ, ಕತ್ತಿಕಾಯ ನಿಯುತ್ತೋ ಮಾಸೋ ವಾ. ಏವಂ ಮಾಗಸಿರೋ, ಫುಸ್ಸೋ, ಮಾಘೋ, ಫಗ್ಗುನೋ, ಚಿತ್ತೋ, ವೇಸಾಖೋ, ಜೇಟ್ಠೋ, ಆಸಳ್ಹೋ, ಸಾವಣೋ, ಭದ್ದೋ, ಅಸ್ಸಯುಜೋ.

ನ ವುದ್ಧಿ ನೀಲಪೀತಾದೋ, ಪಚ್ಚಯೇ ಸಣಕಾರಕೇ.

ಫಕಾರೋ ಫುಸ್ಸಸದ್ದಸ್ಸ, ‘‘ಸಿರೋ’’ತಿ ಸಿರಸಂ ವದೇ.

ಸಿಕ್ಖಾನಂ ¶ ಸಮೂಹೋ ಸಿಕ್ಖೋ, ಭಿಕ್ಖಾನಂ ಸಮೂಹೋ ಭಿಕ್ಖೋ. ಏವಂ ಕಾಪೋತೋ, ಮಾಯೂರೋ, ಕೋಕಿಲೋ.

ಬುದ್ಧೇ, ಅಸ್ಸ ದೇವತಾ ಬುದ್ಧೋ. ಏವಂ ಭದ್ದೋ, ಮಾರೋ, ಮಾಹಿನ್ದೋ, ವೇಸ್ಸವಣೋ, ಯಾಮೋ, ಸೋಮೋ, ನಾರಾಯಣೋ.

ಸಂವಚ್ಛರಮಧೀತೇ ಸಂವಚ್ಛರೋ. ಏವಂ ಮೋಹುತ್ತೋ, ನೇಮಿತ್ತೋ, ಅಙ್ಗವಿಜ್ಜೋ, ವೇಯ್ಯಾಕರಣೋ, ಛನ್ದೋ, ಭಾಸ್ಸೋ, ಚನ್ದೋ.

ವಸಾದಾನಂ ವಿಸಯೋ ದೇಸೋ ವಾಸಾದೋ. ಏವಂ ಕುಮ್ಭೋ, ಸಾಕುನ್ತೋ, ಆತಿಸಾರೋ.

ಉದುಮ್ಬರಾ ಅಸ್ಮಿಂ ಪದೇಸೇ ಸನ್ತೀತಿ ಓದುಮ್ಬರೋ. ಸಾಗರೇಹಿ ನಿಬ್ಬತ್ತೋ ಸಾಗರೋ. ಸಾಗಲಮಸ್ಸ ನಿವಾಸೋ ಸಾಗಲೋ. ಮಥುರಾ ಅಸ್ಸ ನಿವಾಸೋ ಮಾಥುರೋ. ಮಥುರಾಯ ಇಸ್ಸರೋ ಮಾಥುರೋ. ಇಚ್ಚೇವಮಾದಯೋ ಯೋಜೇತಬ್ಬಾ.

ಜಾತಇಚ್ಚೇವಮಾದೀನಮತ್ಥೇ ಇಮಇಯಪಚ್ಚಯಾ ಹೋನ್ತಿ.

ಪಚ್ಛಾ ಜಾತೋ ಪಚ್ಛಿಮೋ. ಏವಂ ಅನ್ತಿಮೋ, ಮಜ್ಝಿಮೋ, ಪುರಿಮೋ, ಉಪರಿಮೋ, ಹೇಟ್ಠಿಮೋ, ಗೋಪ್ಫಿಮೋ. ಬೋಧಿಸತ್ತಜಾತಿಯಾ ಜಾತೋ ಬೋಧಿಸತ್ತಜಾತಿಯೋ, ಏವಂ ¶ ಅಸ್ಸಜಾತಿಯೋ, ಹತ್ಥಿಜಾತಿಯೋ, ಮನುಸ್ಸಜಾತಿಯೋ.

ಆದಿಗ್ಗಹಣೇನ ನಿಯುತ್ತತ್ಥಾದಿತೋಪಿ ತದಸ್ಸತ್ಥಾದಿತೋಪಿ ಇಮ ಇಯ ಇಕ ಇಚ್ಚೇತೇ ಪಚ್ಚಯಾ ಹೋನ್ತಿ. ಅನ್ತೋ ನಿಯುತ್ತೋ ಅನ್ತಿಮೋ. ಏವಂ ಅನ್ತಿಯೋ, ಅನ್ತಿಕೋ.

ಪುತ್ತೋ ಅಸ್ಸ ಅತ್ಥಿ, ತಸ್ಮಿಂ ವಾ ವಿಜ್ಜತೀತಿ ಪುತ್ತಿಮೋ. ಏವಂ ಪುತ್ತಿಯೇವ, ಪುತ್ತಿಕೋ, ಕಪ್ಪಿಮೋ, ಕಪ್ಪಿಯೋ, ಕಪ್ಪಿಕೋ.

ಚಗ್ಗಹಣೇನ ಕಿಯಪಚ್ಚಯೋ ಹೋತಿ ನಿಯುತ್ತತ್ಥೇ. ಜಾತಿಯಂ ನಿಯುತ್ತೋ ಜಾತಿಕಿಯೋ, ಅನ್ಧೇ ನಿಯುತ್ತೋ ಅನ್ಧಕಿಯೋ, ಜಾತಿಯಾ ಅನ್ಧೋ ಜಚ್ಚನ್ಧೋ, ಜಚ್ಚನ್ಧೇ ನಿಯುತ್ತೋ ಜಚ್ಚನ್ಧಕಿಯೋ.

ಸಮೂಹತ್ಥೇ ಕಣ ಣಇಚ್ಚೇತೇ ಪಚ್ಚಯಾ ಹೋನ್ತಿ.

ರಾಜಪುತ್ತಾನಂ ಸಮೂಹೋ ರಾಜಪುತ್ತಕೋ. ಏವಂ ರಾಜಪುತ್ತೋ, ಮಾನುಸ್ಸಕೋ, ಮಾನುಸ್ಸೋ, ಮಾಯೂರಕೋ, ಮಾಯೂರೋ, ಮಾಹಿಂಸಕೋ, ಮಾಹಿಂಸೋ.

೩೫೫, ೩೮೦. ಗಾಮ ಜನ ಬನ್ಧು ಸಹಾಯಾದೀಹಿತಾ.

ಗಾಮ ಜನ ಬನ್ಧು ಸಹಾಯಇಚ್ಚೇವಮಾದೀಹಿ ತಾಪಚ್ಚಯೋ ಹೋತಿ ಸಮೂಹತ್ಥೇ.

ಗಾಮಾನಂ ¶ ಸಮೂಹೋ ಗಾಮತಾ. ಏವಂ ಜನತಾ, ಬನ್ಧುತಾ, ಸಹಾಯತಾ, ನಗರತಾ.

‘‘ತದಸ್ಸ ಠಾನ’’ ಮಿಚ್ಚೇತಸ್ಮಿಂ ಅತ್ಥೇ ಇಯಪಚ್ಚಯೋ ಹೋತಿ.

ಮದನಸ್ಸ ಠಾನಂ ಮದನಿಯಂ, ಬನ್ಧನಸ್ಸ ಠಾನಂ ಬನ್ಧನಿಯಂ, ಮುಚ್ಛನಸ್ಸ ಠಾನಂ ಮುಚ್ಛನಿಯಂ, ಏವಂ ರಜನಿಯಂ, ಕಮನಿಯಂ, ಗಮನಿಯಂ, ದುಸ್ಸನಿಯಂ, ದಸ್ಸನಿಯಂ.

ಧೂಮೋ ವಿಯ ದಿಸ್ಸತಿ ಅದುಂ ವನಂ ತದಿದಂ ಧೂಮಾಯಿತತ್ತಂ, ತಿಮಿರಂ ವಿಯ ದಿಸ್ಸತಿ ಅದುಂ ವನಂ ತದಿದಂ ತಿಮಿರಾಯಿತತ್ತಂ.

‘‘ತನ್ನಿಸ್ಸಿತತ್ಥೇ, ತದಸ್ಸ ಠಾನ’’ಮಿಚ್ಚೇತಸ್ಮಿಂ ಅತ್ಥೇ ಚ ಲಪಚ್ಚಯೋ ಹೋತಿ.

ದುಟ್ಠು ¶ ನಿಸ್ಸಿತಂ ದುಟ್ಠುಲ್ಲಂ, ವೇದಂ ನಿಸ್ಸಿತಂ ವೇದಲ್ಲಂ, ದುಟ್ಠು ಠಾನಂ ದುಟ್ಠುಲ್ಲಂ, ವೇದಸ್ಸ ಠಾನಂ ವೇದಲ್ಲಂ.

ಅಭಿಜ್ಝಾ ಅಸ್ಸ ಪಕತಿ ಅಭಿಜ್ಝಾಲು, ಅಭಿಜ್ಝಾ ಅಸ್ಸ ಬಹುಲಾ ವಾ ಅಭಿಜ್ಝಾಲು. ಏವಂ ಸೀತಾಲು, ಧಜಾಲು, ದಯಾಲು.

ಣ್ಯತ್ತತಾಇಚ್ಚೇತೇ ಪಚ್ಚಯಾ ಹೋನ್ತಿ ಭಾವತ್ಥೇ.

ಅಲಸಸ್ಸ ಭಾವೋ ಆಲಸ್ಯಂ, ಅರೋಗಸ್ಸ ಭಾವೋ ಆರೋಗ್ಯಂ. ಪಂಸುಕೂಲಿಕಸ್ಸ ಭಾವೋ ಪಂಸುಕೂಲಿಕತ್ತಂ, ಅನೋದರಿಕಸ್ಸ ಭಾವೋ ಅನೋದರಿಕತ್ತಂ. ಸಙ್ಗಣಿಕಾರಾಮಸ್ಸ ಭಾವೋ ಸಙ್ಗಣಿಕಾರಾಮತಾ, ನಿದ್ದಾರಾಮಸ್ಸ ಭಾವೋ ನಿದ್ದಾರಾಮತಾ.

ತುಗ್ಗಹಣೇನ ತ್ತನಪಚ್ಚಯೋ ಹೋತಿ. ಪುಥುಜ್ಜನತ್ತನಂ, ವೇದನತ್ತನಂ.

ಣಪಚ್ಚಯೋ ಹೋತಿ ವಿಸಮಾದೀಹಿ ‘‘ತಸ್ಸ ಭಾವೋ’’ಇಚ್ಚೇತಸ್ಮಿಂ ಅತ್ಥೇ.

ವಿಸಮಸ್ಸ ಭಾವೋ ವೇಸಮಂ, ಸುಚಿಸ್ಸ ಭಾವೋ ಸೋಚಂ.

ರಮಣೀಯಇಚ್ಚೇವಮಾದಿತೋ ಕಣ ಪಚ್ಚಯೋ ಹೋತಿ ‘‘ತಸ್ಸ ಭಾವೋ’’ಇಚ್ಚೇತಸ್ಮಿಂ ಅತ್ಥೇ.

ರಮಣೀಯಸ್ಸ ಭಾವೋ ರಾಮಣೀಯಕಂ, ಮನುಞ್ಞಸ್ಸ ಭಾವೋ ಮಾನುಞ್ಞಕಂ.

೩೬೩, ೩೯೦. ವಿಸೇಸೇ ತರತಮಿಸಿಕಿಯಿಟ್ಠಾ.

ವಿಸೇಸತ್ಥೇ ತರ ತಮ ಇಸಿಕ ಇಯ ಇಟ್ಠಇಚ್ಚೇತೇ ಪಚ್ಚಯಾ ಹೋನ್ತಿ.

ಸಬ್ಬೇ ಇಮೇ ಪಾಪಾ, ಅಯಮಿಮೇಸಂ ವಿಸೇಸೇನ ಪಾಪೋತಿ ಪಾಪತರೋ. ಏವಂ ಪಾಪತಮೋ, ಪಾಪಿಸಿಕೋ, ಪಾಪಿಯೋ, ಪಾಪಿಟ್ಠೋ.

‘‘ತದಸ್ಸತ್ಥಿ’’ಇಚ್ಚೇತಸ್ಮಿಂ ಅತ್ಥೇ ವೀಪಚ್ಚಯೋ ಹೋತಿ.

ಮೇಧಾ ¶ ಯಸ್ಸ ಅತ್ಥಿ, ತಸ್ಮಿಂ ವಾ ವಿಜ್ಜತೀತಿಮೇಧಾವೀ. ಏವಂ ಮಾಯಾವೀ.

ಚಗ್ಗಹಣೇನ ಸೋಪಚ್ಚಯೋ ಹೋತಿ. ಸುಮೇಧಾ ಯಸ್ಸ ಅತ್ಥಿ, ತಸ್ಮಿಂ ವಾ ವಿಜ್ಜತೀತಿ ಸುಮೇಧಸೋ.

ತಪಾದಿತೋ ಸೀಪಚ್ಚಯೋ ಹೋತಿ ‘‘ತದಸ್ಸತ್ಥಿ’’ಇಚ್ಚೇತಸ್ಮಿಂ ಅತ್ಥೇ.

ತಪೋ ಯಸ್ಸ ಅತ್ಥಿ ತಸ್ಮಿಂ ವಾ ವಿಜ್ಜತೀತಿ ತಪಸ್ಸೀ. ಏವಂ ಯಸಸ್ಸೀ, ತೇಜಸ್ಸೀ.

ದಣ್ಡಾದಿತೋ ಇಕ ಈಇಚ್ಚೇತೇ ಪಚ್ಚಯಾ ಹೋನ್ತಿ ‘‘ತದಸ್ಸತ್ಥಿ’’ಇಚ್ಚೇತಸ್ಮಿಂ ಅತ್ಥೇ.

ದಣ್ಡೋ ಯಸ್ಸ ಅತ್ಥಿ, ತಸ್ಮಿಂ ವಾ ವಿಜ್ಜತೀತಿ ದಣ್ಡಿಕೋ, ದಣ್ಡೀ. ಏವಂ ಮಾಲಿಕೋ, ಮಾಲೀ.

ಮಧುಇಚ್ಚೇವಮಾದಿತೋ ರಪಚ್ಚಯೋ ಹೋತಿ ‘‘ತದಸ್ಸತ್ಥಿ’’ಇಚ್ಚೇತಸ್ಮಿಂ ಅತ್ಥೇ.

ಮಧು ¶ ಯಸ್ಸ ಅತ್ಥಿ, ತಸ್ಮಿಂ ವಾ ವಿಜ್ಜತೀತಿ ಮಧುರೋ. ಏವಂ ಕುಞ್ಜರೋ, ಮುಗ್ಗರೋ, ಮುಖರೋ, ಸುಸಿರೋ, (ಸೀಸರೋ, ಸುಕರೋ, ಸುಙ್ಕರೋ), ಸುಭರೋ, ಸುಚಿರೋ, ರುಚಿರೋ.

ಗುಣಇಚ್ಚೇವಮಾದಿತೋ ವನ್ತುಪಚ್ಚಯೋ ಹೋತಿ ‘‘ತದಸ್ಸತ್ಥಿ’’ಇಚ್ಚೇತಸ್ಮಿಂ ಅತ್ಥೇ.

ಗುಣೋ ಯಸ್ಸ ಅತ್ಥಿ, ತಸ್ಮಿಂ ವಾ ವಿಜ್ಜತೀತಿ ಗುಣವಾ. ಏವಂ ಯಸವಾ, ಧನವಾ, ಪಞ್ಞವಾ, ಬಲವಾ, ಭಗವಾ.

ಸತಿಇಚ್ಚೇವಮಾದೀಹಿ ಮನ್ತುಪಚ್ಚಯೋಹೋತಿ ‘‘ತದಸ್ಸತ್ಥಿ’’ ಇಚ್ಚೇತಸ್ಮಿಂ ಅತ್ಥೇ.

ಸತಿ ಯಸ್ಸ ಅತ್ಥಿ, ತಸ್ಮಿಂ ವಾ ವಿಜ್ಜತೀತಿ ಸತಿಮಾ, ಏವಂ ಜುತಿಮಾ, ರುಚಿಮಾ, ಥುತಿಮಾ, ಧಿತಿಮಾ, ಮತಿಮಾ, ಭಾಣುಮಾ.

ಸದ್ಧಾಇಚ್ಚೇವಮಾದಿತೋ ಣ ಪಚ್ಚಯೋ ಹೋತಿ ‘‘ತದಸ್ಸತ್ಥಿ’’ಇಚ್ಚೇತಸ್ಮಿಂ ಅತ್ಥೇ.

ಸದ್ಧಾ ¶ ಯಸ್ಸ ಅತ್ಥಿ, ತಸ್ಮಿಂ ವಾ ವಿಜ್ಜತೀಭಿ ಸದ್ಧೋ, ಏವಂ ಪಞ್ಞೋ, ಅಮಚ್ಛರೋ.

೩೭೧, ೪೦೪. ಆಯುಸ್ಸುಕಾರಾಸ ಮನ್ತುಮ್ಹಿ.

ಆಯುಸ್ಸ ಅನ್ತೋ ಉಕಾರೋ ಅಸಾದೇಸೋ ಹೋತಿಮನ್ತುಮ್ಹಿ ಪಚ್ಚಯೇ ಪರೇ.

ಆಯು ಅಸ್ಸ ಅತ್ಥಿ, ತಸ್ಮಿಂ ವಾ ವಿಜ್ಜತೀತಿ ಆಯಸ್ಮಾ.

ತಪ್ಪಕತಿವಚನತ್ಥೇ ಮಯಪಚ್ಚಯೋ ಹೋತಿ.

ಸುವಣ್ಣೇನ ಪಕತಂ ಕಮ್ಮಂ ಸೋವಣ್ಣಮಯಂ. ಏವಂ ರೂಪಿಯಮಯಂ ಜತುಮಯಂ, ರಜತಮಯಂ, ಇಟ್ಠಕಮಯಂ, ಅಯೋಮಯಂ, ಮತ್ತಿಕಾ ಮಯಂ, ದಾರುಮಯಂ, ಗೋಮಯಂ.

ಸಙ್ಖ್ಯಾಪೂರಣತ್ಥೇ ಮಪಚ್ಚಯೋ ಹೋತಿ.

ಪಞ್ಚನ್ನಂ ಪೂರಣೋ ಪಞ್ಚಮೋ, ಏವಂ ಸತ್ತಮೋ, ಅಟ್ಠಮೋ, ನವಮೋ, ದಸಮೋ.

ಛಸ್ಸ ಸಕಾರಾದೇಸೋ ಹೋತಿ ವಾ ಸಙ್ಖ್ಯಾಪೂರಣತ್ಥೇ.

ಏಕಾದಿತೋ ದಸಸ್ಸ ಅನ್ತೇ ಈಪಚ್ಚಯೋ ಹೋತಿ ವಾ ಸಙ್ಖ್ಯಾಪೂರಣತ್ಥೇ.

ಏಕೋ ಚ ದಸ ಚ ಏಕಾದಸ, ಏಕಾದಸನ್ನಂ ಪೂರಣೀ ಏಕಾದಸೀ. ಪಞ್ಚಚ ದಸ ಚ ಪಞ್ಚದಸ, ಪಞ್ಚದಸನ್ನಂ ಪೂರಣೀ ಪಞ್ಚದಸೀ. ಚತ್ತಾರೋ ಚ ದಸ ಚ ಚತುದ್ದಸ, ಚತುದ್ದಸನ್ನಂ ಪೂರಣೀ ಚಾತುದ್ದಸೀ.

ಪೂರಣೇತಿ ಕಿಮತ್ಥಂ? ಏಕಾದಸ, ಪಞ್ಚದಸ.

ದಸಸದ್ದೇ ಪರೇ ನಿಚ್ಚಂ ಛಸ್ಸ ಸೋ ಹೋತಿ.

ತಾಸಂ ಸಙ್ಖ್ಯಾನಂ ಅನ್ತೇ ನಿಗ್ಗಹಿತಾಗಮೋ ಹೋತಿ.

ತಾಸಂ ಸಙ್ಖ್ಯಾನಂ ಅನ್ತೇ ತಿಕಾರಾಗಮೋ ಹೋತಿ. ವೀಸತಿ, ತಿಂಸತಿ.

ದಕಾರ ರಕಾರಾನಂ ಸಙ್ಖ್ಯಾನಂ ಲಕಾರಾದೇಸೋ ಹೋತಿ. ಸೋಳಸ, ಚತ್ತಾಲೀಸಂ.

೩೮೦, ೨೫೫. ವೀಸತಿ ದಸೇಸು ಬಾ ದ್ವಿಸ್ಸ ತು.

ವೀಸತಿ ದಸಇಚ್ಚೇತೇಸು ದ್ವಿಸ್ಸ ಬಾ ಹೋತಿ.

ಬಾವೀಸತಿನ್ದ್ರಿಯಾನಿ, ಬಾರಸ ಮನುಸ್ಸಾ.

ತುಗ್ಗಹಣೇನ ದ್ವಿಸ್ಸ ದು ದಿ ದೋ ಆದೇಸಾ ಚ ಹೋನ್ತಿ. ದುರತ್ತಂ, ದಿರತ್ತಂ, ದಿಗುಣಂ, ದೋಹಳಿನೀ.

೩೮೧, ೨೫೪. ಏಕಾದಿತೋ ದಸ್ಸ ರ ಸಙ್ಖ್ಯಾನೇ.

ಏಕಾದಿತೋ ದಸಸ್ಸ ದಕಾರಸ್ಸ ರಕಾರೋ ಹೋತಿ ವಾ ಸಙ್ಖ್ಯಾನೇ.

ಸಙ್ಖ್ಯಾನೇತಿ ಕಿಮತ್ಥಂ? ದ್ವಾದಸಾಯತನಾನಿ.

ಅಟ್ಠಇಚ್ಚೇವಮಾದಿತೋ ಚ ದಸಸದ್ದಸ್ಸ ದಕಾರಸ್ಸ ರಕಾರಾದೇಸೋ ಹೋತಿ ವಾ ಸಙ್ಖ್ಯಾನೇ.

ಅಟ್ಠಾದಿತೋತಿ ಕಿಮತ್ಥಂ? ಪಞ್ಚದಸ, ಸೋಳಸ.

ಸಙ್ಖ್ಯಾನೇತಿ ಕಿಮತ್ಥಂ? ಅಟ್ಠದಸಿಕೋ.

೩೮೩, ೨೫೩. ದ್ವೇಕಟ್ಠಾನಮಾಕಾರೋ ವಾ.

ದ್ವಿ ಏಕ ಅಟ್ಠಇಚ್ಚೇತೇಸಮನ್ತೋ ಆಕಾರೋ ಹೋತಿ ವಾ ಸಙ್ಖ್ಯಾನೇ.

ಸಙ್ಖ್ಯಾನೇತಿ ಕಿಮತ್ಥಂ? ದ್ವಿದನ್ತೋ, ಏಕದನ್ತೋ, ಏಕಚ್ಛನ್ನೋ, ಅಟ್ಠತ್ಥಮ್ಭೋ.

ಚತು ಛಇಚ್ಚೇತೇಹಿ ಥ ಠಇಚ್ಚೇತೇ ಪಚ್ಚಯಾ ಹೋನ್ತಿ ಸಙ್ಖ್ಯಾಪೂರಣತ್ಥೇ.

ದ್ವಿ ತಿಇಚ್ಚೇತೇಹಿ ತಿಯಪಚ್ಚಯೋ ಹೋತಿ ಸಙ್ಖ್ಯಾಪೂರಣತ್ಥೇ.

ದ್ವಿ ತಿಇಚ್ಚೇತೇಸಂ ದು ತಇಚ್ಚೇತೇ ಆದೇಸಾ ಹೋನ್ತಿ ತಿಯಪಚ್ಚಯೇ ಪರೇ.

ಅಪಿಗ್ಗಹಣೇನ ಅಞ್ಞೇಸುಪಿ ದ್ವಿಇಚ್ಚೇತಸ್ಸ ದುಆದೇಸೋ ಹೋತಿ. ದುರತ್ತಂ.

ಚಗ್ಗಹಣೇನ ದ್ವಿಇಚ್ಚೇತಸ್ಸ ದಿಕಾರೋ ಹೋತಿ. ದಿರತ್ತಂ, ದಿಗುಣಂ ಸಙ್ಘಾಟಿಂ ಪಾರುಪೇತ್ವಾ.

೩೮೭, ೪೧೧. ತೇಸಮಡ್ಢೂಪಪದೇನ ಅಡ್ಢುಡ್ಢ ದಿವಡ್ಢ ದಿಯಡ್ಢಡ್ಢತಿಯಾ.

ತೇಸಂ ¶ ಚತುತ್ಥ ದುತಿಯ ತತಿಯಾನಂ ಅಡ್ಢೂಪಪದಾನಂ ಅಡ್ಢಡ್ಢುದಿವಡ್ಢ ದಿಯಡ್ಢ ಅಡ್ಢತಿಯಾದೇಸಾ ಹೋನ್ತಿ, ಅಡ್ಢೂಪಪದೇನ ಸಹನಿಪ್ಪಜ್ಜನ್ತೇ.

ಅಡ್ಢೇನ ಚತುತ್ಥೋ ಅಡ್ಢುಡ್ಢೋ, ಅಡ್ಢೇನ ದುತಿಯೋ ದಿವಡ್ಢೋ, ಅಡ್ಢೇನ ದುತಿಯೋ ದಿಯಡ್ಢೋ, ಅಡ್ಢೇನ ತತಿಯೋ ಅಡ್ಢತಿಯೋ.

ಸರೂಪಾನಂ ಪದಬ್ಯಞ್ಜನಾನಂ ಏಕಸೇಸೋ ಹೋತಿ ಅಸಕಿಂ. ಪುರಿಸೋ ಚ ಪುರಿಸೋ ಚ ಪುರಿಸಾ.

ಸರೂಪಾನಮಿತಿ ಕಿಮತ್ಥಂ? ಹತ್ಥೀ ಚ ಅಸ್ಸೋ ಚ ರಥೋ ಚ ಪತ್ತಿಕೋ ಚ ಹತ್ಥಿಅಸ್ಸರಥಪತ್ತಿಕಾ,

೩೮೯, ೪೧೩. ಗಣನೇ ದಸಸ್ಸ ದ್ವಿತಿಚತುಪಞ್ಚಛಸತ್ತಅಟ್ಠನವಕಾನಂ ವೀ ತಿ ಚತ್ತಾರ ಪಞ್ಞಾ ಛ ಸತ್ತಾಸನವಾ ಯೋಸು, ಯೋನಞ್ಚೀಸಮಾಸಂ ಠಿ ರಿ ತೀ ತುತಿ.

ಗಣನೇ ದಸಸ್ಸ ದ್ವಿಕ ತಿಕ ಚತುಕ್ಕ ಪಞ್ಚಕ ಛಕ್ಕ ಸತ್ತಕಅಟ್ಠಕ ನವಕಾನಂ ಸರೂಪಾನಂ ಕತೇಕಸೇಸಾನಂ ಯಥಾಸಙ್ಖ್ಯಂ ವೀ ತಿ ಚತ್ತಾರ ಪಞ್ಞಾ ಛ ಸತ್ತ ಅಸ ನವಇಚ್ಚಾದೇಸಾ ಹೋನ್ತಿ ಅಸಕಿಂ ಯೋಸು, ಯೋನಞ್ಚ ಈಸಂ ಆಸಂ ಠಿ ರಿ ತಿ ಈತಿ ಉತಿಇಚ್ಚಾದೇಸಾ ಹೋನ್ತಿ. ಪಚ್ಛಾ ಪುನ ನಿಪ್ಪಜ್ಜನ್ತೇ.

ವೀಸಂ ¶ , ತಿಂಸಂ, ಚತ್ತಾಲೀಸಂ, ಪಞ್ಞಾಸಂ, ಸಟ್ಠಿ, ಸತ್ತರಿ, ಸತ್ತತಿ, ಅಸೀತಿ, ನವುತಿ.

ಗಣನೇತಿ ಕಿಮತ್ಥಂ? ದಸದಸಕಾ ಪುರಿಸಾ.

೩೯೦, ೨೫೬. ಚತೂಪಪದಸ್ಸ ಲೋಪೋ ತುತ್ತರಪದಾದಿಚಸ್ಸ ಚುಚೋಪಿ ನವಾ.

ಚತೂಪಪದಸ್ಸ ಗಣನೇ ಪರಿಯಾಪನ್ನಸ್ಸ ತುಕಾರಸ್ಸ ಲೋಪೋ ಹೋತಿ, ಉತ್ತರಪದಾದಿಚಕಾರಸ್ಸ ಚುಚೋಪಿ ಆದೇಸಾ ಹೋನ್ತಿ ನವಾ.

ಅಪಿಗ್ಗಹಣೇನ ಅನುಪಪದಸ್ಸಾಪಿ ಪದಾದಿಚಕಾರಸ್ಸ. ಲೋಪೋಹೋತಿ ನವಾ, ಚಸ್ಸ ಚುಚೋಪಿ ಹೋನ್ತಿ. ತಾಲೀಸಂ, ಚತ್ತಾಲೀಸಂ, ಚುತ್ತಾಲೀಸಂ, ಚೋತ್ತಾಲೀಸಂ.

೩೯೧, ೪೨೩. ಯದನುಪಪನ್ನಾ ನಿಪಾತನಾ ಸಿಜ್ಝನ್ತಿ.

ಯೇ ಸದ್ದಾ ಅನಿದ್ದಿಟ್ಠಲಕ್ಖಣಾ, ಅಕ್ಖರಪದಬ್ಯಞ್ಜನತೋ, ಇತ್ಥಿಪುಮನಪುಂಸಕಲಿಙ್ಗತೋ ¶ , ನಾಮುಪಸಗ್ಗನಿಪಾತತೋ, ಅಬ್ಯಯೀಭಾವಸಮಾಸತದ್ಧಿತಾಖ್ಯಾತತೋ, ಗಣನಸಙ್ಖ್ಯಾಕಾಲಕಾರಕಪ್ಪಯೋಗಸಞ್ಞಾತೋ, ಸನ್ಧಿಪಕತಿವುದ್ಧಿಲೋಪಾಗಮವಿಕಾರವಿಪರಿತತೋ, ವಿಭತ್ತಿವಿಭಜನತೋ ಚ, ತೇ ನಿಪಾತನಾ ಸಿಜ್ಝನ್ತಿ.

೩೯೨, ೪೧೮. ದ್ವಾದಿತೋ ಕೋ’ನೇಕತ್ಥೇಚ.

ದ್ವಿಇಚ್ಚೇವಮಾದಿತೋ ಕಪಚ್ಚಯೋ ಹೋತಿ ಅನೇಕತ್ಥೇ ಚ, ನಿಪಾತನಾ ಸಿಜ್ಝನ್ತಿ.

ಸತಸ್ಸ ದ್ವಿಕಂ ದ್ವಿಸತಂ, ಸತಸ್ಸ ತಿಕಂ ತಿಸತಂ, ಸತಸ್ಸ ಚತುಕ್ಕಂ ಚತುಸತಂ, ಸತಸ್ಸ ಪಞ್ಚಕಂ ಪಞ್ಚಸತಂ, ಸತಸ್ಸ ಛಕ್ಕಂ ಛಸತಂ, ಸತಸ್ಸ ಸತ್ತಕಂ ಸತ್ತಸತಂ, ಸತಸ್ಸ ಅಟ್ಠಕಂ ಅಟ್ಠಸತಂ, ಸತಸ್ಸ ನವಕಂ ನವಸತಂ, ಸತಸ್ಸ ದಸಕಂ ದಸಸತಂ, ಸಹಸ್ಸಂ ಹೋತಿ.

೩೯೩, ೪೧೫. ದಸದಸಕಂ ಸತಂ ದಸಕಾನಂ ಸತಂ ಸಹಸ್ಸಞ್ಚ ಯೋಮ್ಹಿ.

ಗಣನೇ ಪರಿಯಾಪನ್ನಸ್ಸ ದಸದಸಕಸ್ಸ ಸತಂ ಹೋತಿ, ಸತದಸಕಸ್ಸ ಸಹಸ್ಸಂ ಹೋತಿ ಯೋಮ್ಹಿ ಪರೇ.

ದ್ವಿಕಾದೀನಂ ತದುತ್ತರಪದಾನಞ್ಚ ನಿಪ್ಪಜ್ಜನ್ತೇ ಯಥಾಸಙ್ಖ್ಯಂ. ಸತಸ್ಸ ದ್ವಿಕಂ (ತದಿದಂ ಹೋತಿ) ದ್ವಿಸತಂ, ಏವಂ ತಿಸತಂ, ಚತುಸತಂ ¶ , ಪಞ್ಚಸತಂ, ಛಸತಂ, ಸತ್ತಸತಂ, ಅಟ್ಠಸತಂ, ನವಸತಂ, ದಸಸತಂ, ಸಹಸ್ಸಂ ಹೋತಿ.

೩೯೪, ೪೧೬. ಯಾವ ತದುತ್ತರಿ ದಸಗುಣಿತಞ್ಚ.

ಯಾವ ತಾಸಂ ಸಙ್ಖ್ಯಾನಂ ಉತ್ತರಿ ದಸಗುಣಿತಞ್ಚ ಕಾತಬ್ಬಂ.

ತಂ ಯಥಾ? ದಸಸ್ಸ ಗಣನಸ್ಸ ದಸಗುಣಿತಂ ಕತ್ವಾ ಸತಂ ಹೋತಿ, ಸತಸ್ಸ ದಸಗುಣಿತಂ ಕತ್ವಾ ಸಹಸ್ಸಂ ಹೋತಿ, ಸಹಸ್ಸಸ್ಸ ದಸಗುಣಿತಂ ಕತ್ವಾ ದಸಸಹಸ್ಸಂ ಹೋತಿ, ದಸಸಹಸ್ಸಸ್ಸ ದಸಗುಣಿತಂ ಕತ್ವಾಸತಸಹಸ್ಸಂ ಹೋತಿ, ಸತಸಹಸ್ಸಸ್ಸ ದಸಗುಣಿತಂ ಕತ್ವಾದಸಸತಸಹಸ್ಸಂ ಹೋತಿ, ದಸಸತಸಹಸ್ಸಸ್ಸದಸಗುಣಿತಂ ಕತ್ವಾ ಕೋಟಿ ಹೋತಿ, ಕೋಟಿಸತಸಹಸ್ಸಸ್ಸ ಸತಗುಣಿತಂ ಕತ್ವಾ ಪಕೋಟಿ ಹೋತಿ. ಏವಂ ಸೇಸಾಪಿ ಯೋಜೇತಬ್ಬಾ.

ಯಾಸಂ ಪನ ಸಙ್ಖ್ಯಾನಂ ಅನಿದ್ದಿಟ್ಠನಾಮಧೇಯ್ಯಾನಂ ಸಕೇಹಿ ಸಕೇಹಿ ನಾಮೇಹಿ ನಿಪ್ಪಜ್ಜನ್ತೇ.

ಸತಸಹಸ್ಸಾನಂ ಸತಂ ಕೋಟಿ, ಕೋಟಿಸತಸಹಸ್ಸಾನಂ ಸತಂ ಪಕೋಟಿ, ಪಕೋಟಿಸತಸಹಸ್ಸಾನಂ ಸತಂ ಕೋಟಿಪಕೋಟಿ ¶ , ಕೋಟಿಪಕೋಟಿಸತಸಹಸ್ಸಾನಂ ಸತಂ ನಹುತಂ, ನಹುತಸತಸಹಸ್ಸಾನಂ ಸತಂ ನಿನ್ನಹುತಂ, ನಿನ್ನಹುತಸತಸಹಸ್ಸಾನಂ ಸತಂ ಅಕ್ಖೋಭಿಣೀ. ತಥಾ ಬಿನ್ದು, ಅಬ್ಬುದಂ, ನಿರಬ್ಬುದಂ, ಅಹಹಂ, ಅಬಬಂ, ಅಟಟಂ, ಸೋಗನ್ಧಿಕಂ, ಉಪ್ಪಲಂ, ಕುಮುದಂ, ಪದುಮಂ, ಪುಣ್ಡರಿಕಂ, ಕಥಾನಂ, ಮಹಾಕಥಾನಂ, ಅಸಙ್ಖ್ಯೇಯ್ಯಂ.

ಗೋತಮಸ್ಸ ಅಪಚ್ಚಂ ಗೋತಮೋ. ಏವಂ ವಾಸಿಟ್ಠೋ. ವೇನತೇಯ್ಯೋ, ಆಲಸ್ಯಂ, ಆರೋಗ್ಯಂ.

ಏಕೇನ ವಿಭಾಗೇನ ಏಕಧಾ. ಏವಂ ದ್ವಿಧಾ, ತಿಧಾ, ಚತುಧಾ, ಪಞ್ಚಧಾ, ಛಧಾ.

ಚೇತಿ ಕಿಮತ್ಥಂ? ಸೋಪಚ್ಚಯೋ ಹೋತಿ. ಸುತ್ತಸೋ, ಬ್ಯಞ್ಜನಸೋ, ಪದಸೋ.

೩೯೮, ೪೨೧. ಸಬ್ಬನಾಮೇಹಿ ¶ ಪಕಾರವಚನೇ ತು ಥಾ.

ಸಬ್ಬನಾಮೇಹಿ ಪಕಾರವಚನತ್ಥೇ ಥಾಪಚ್ಚಯೋ ಹೋತಿ.

ಸೋ ಪಕಾರೋ ತಥಾ, ತಂ ಪಕಾರಂ ತಥಾ, ತೇನ ಪಕಾರೇನ ತಥಾ, ತಸ್ಸ ಪಕಾರಸ್ಸ ತಥಾ, ತಸ್ಮಾ ಪಕಾರಾ ತಥಾ, ತಸ್ಸ ಪಕಾರಸ್ಸ ತಥಾ, ತಸ್ಮಿಂ ಪಕಾರೇ ತಥಾ. ಏವಂ ಯಥಾ, ಸಬ್ಬಥಾ, ಅಞ್ಞಥಾ, ಇತರಥಾ.

ತುಗ್ಗಹಣಂ ಕಿಮತ್ಥಂ? ತತ್ಥಾಪಚ್ಚಯೋ ಹೋತಿ. ಸೋ ಪಕಾರೋ ತಥತ್ಥಾ. ಏವಂ ಯಥತ್ಥಾ. ಸಬ್ಬಥತ್ಥಾ, ಅಞ್ಞಥತ್ಥಾ, ಇತರಥತ್ಥಾ.

ಕಿಂ ಇಮಇಚ್ಚೇತೇಹಿ ಥಂಪಚ್ಚಯೋ ಹೋತಿ ಪಕಾರವಚನತ್ಥೇ.

ಕೋ ಪಕಾರೋ ಕಥಂ, ಕಂ ಪಕಾರಂ ಕಥಂ, ಕೇನ ಪಕಾರೇನ ಕಥಂ, ಕಸ್ಸ ಪಕಾರಸ್ಸ ಕಥಂ, ಕಸ್ಮಾ ಪಕಾರಾ ಕಥಂ. ಕಸ್ಸ ಪಕಾರಸ್ಸ ಕಥಂ, ಕಸ್ಮಿಂ ಪಕಾರೇ ಕಥಂ, ಅಯಂ ಪಕಾರೋ ಇತ್ಥಂ, ಇಮಂ ಪಕಾರಂ ಇತ್ಥಂ, ಇಮಿನಾ ಪಕಾರೇನ ಇತ್ಥಂ, ಇಮಸ್ಸ ಪಕಾರಸ್ಸ ಇತ್ಥಂ, ಇಮಸ್ಮಾ ಪಕಾರಾ ಇತ್ಥಂ, ಇಮಸ್ಸ ಪಕಾರಸ್ಸ ಇತ್ಥಂ, ಇಮಸ್ಮಿಂ ಪಕಾರೇ ಇತ್ಥಂ.

೪೦೦, ೩೬೪. ವುದ್ಧಾದಿಸರಸ್ಸ ¶ ವಾ’ಸಂಯೋಗನ್ತಸ್ಸ ಸಣೇ ಚ.

ಆದಿಸರಸ್ಸ ವಾ ಅಸಂಯೋಗನ್ತಸ್ಸ ಆದಿಬ್ಯಞ್ಜನಸ್ಸ ವಾ ಸರಸ್ಸ ವುದ್ಧಿ ಹೋತಿ ಸಣಕಾರಕೇ ಪಚ್ಚಯೇ ಪರೇ.

ಆಭಿಧಮ್ಮಿಕೋ, ವೇನತೇಯ್ಯೋ, ವಾಸಿಟ್ಠೋ, ಆಲಸ್ಯಂ, ಆರೋಗ್ಯಂ.

ಅಸಂಯೋಗನ್ತಸ್ಸೇತಿ ಕಿಮತ್ಥಂ? ಭಗ್ಗವೋ, ಮನ್ತೇಯ್ಯೋ, ಕುನ್ತೇಯ್ಯೋ.

ಇಉಇಚ್ಚೇತೇಸಂ ಆದಿಭೂತಾನಂ ಮಾ ವುದ್ಧಿ ಹೋತಿ. ತೇಸು ಚ ಏ ಓ ವುದ್ಧಾಗಮೋ ಹೋತಿ ಠಾನೇ.

ಬ್ಯಾಕರಣಮಧೀತೇ ವೇಯ್ಯಾಕರಣಿಕೋ, ನ್ಯಾಯಮಧೀತೇ ನೇಯ್ಯಾಯಿಕೋ, ಬ್ಯಾವಚ್ಛಸ್ಸ ಅಪಚ್ಚಂ ವೇಯ್ಯಾವಚ್ಛೋ, ದ್ವಾರೇ ನಿಯುತ್ತೋ ದೋವಾರಿಕೋ.

ಇಉಇಚ್ಚೇತೇಸಂ ಆತ್ತಞ್ಚ ಹೋತಿ, ರಿಕಾರಾಗಮೋ ಚ ಠಾನೇ.

ಇಸಿಸ್ಸ ಭಾವೋ ಆರಿಸ್ಯಂ, ಇಣಸ್ಸ ಭಾವೋ ಆಣ್ಯಂ, ಉಸಭಸ್ಸ ಭಾವೋ ಆಸಭಂ, ಉಜುನೋ ಭಾವೋ ಅಜ್ಜವಂ, ಇಚ್ಚೇವಮಾದೀ ಯೋಜೇತಬ್ಬಾ.

ಯೂನಮಿತಿ ಕಿಮತ್ಥಂ? ಅಪಾಯೇಸು ಜಾತೋ ಆಪಾಯಿ ಕೋ.

ಠಾನೇತಿ ಕಿಮತ್ಥಂ? ವೇಮತಿಕೋ, ಓಪನಯಿಕೋ, ಓಪಮಾಯಿಕೋ, ಓಪಾಯಿಕೋ.

೪೦೩, ೩೫೪. ಕ್ವಚಾದಿಮಜ್ಝುತ್ತರಾನಂ ದೀಘರಸ್ಸಾ ಪಚ್ಚಯೇಸು ಚ.

ಕ್ವಚಿ ಆದಿಮಜ್ಝಉತ್ತರಇಚ್ಚೇತೇಸಂ ದೀಘರಸ್ಸಾ ಹೋನ್ತಿ ಪಚ್ಚಯೇಸು ಚ ಅಪಚ್ಚಯೇಸು ಚ.

ಆದಿದೀಘೋ ತಾವ – ಪಾಕಾರೋ, ನೀವಾರೋ, ಪಾಸಾದೋ, ಪಾಕಟೋ, ಪಾತಿಮೋಕ್ಖೋ, ಪಾಟಿಕಙ್ಖೋ ಇಚ್ಚೇವಮಾದಿ.

ಮಜ್ಝೇದೀಘೋ ¶ ತಾವ – ಅಙ್ಗಮಾಗಧಿಕೋ, ಓರಬ್ಭಮಾಗವೀಕೋ ಇಚ್ಚೇವಮಾದಿ.

ಉತ್ತರದೀಘೋ ತಾವ – ಖನ್ತೀ ಪರಮಂ ತಪೋ ತಿತಿಕ್ಖಾ, ಅಞ್ಜನಾ ಗಿರಿ, ಕೋಟರಾ ವನಂ, ಅಙ್ಗುಲೀ ಇಚ್ಚೇವಮಾದಿ.

ಆದಿರಸ್ಸೋ ತಾವ – ಪಗೇವ ಇಚ್ಚೇವಮಾದಿ.

ಮಜ್ಝೇರಸ್ಸೋ ತಾವ – ಸುಮೇಧಸೋ ಸುವಣ್ಣಧರೇಹಿ ಇಚ್ಚೇವಮಾದಿ.

ಉತ್ತರರಸ್ಸೋ ತಾವ – ಭೋವಾದಿ ನಾಮ ಸೋ ಹೋತಿ, ಯಥಾಭಾವಿ ಗುಣೇನ ಸೋ ಇಚ್ಚೇವಮಾದಿ. ಅಞ್ಞೇಪಿ ಯಥಾಜಿನವಚನಾನುಪರೋಧೇನ ಯೋಜೇತಬ್ಬಾ.

ಚಗ್ಗಹಣೇನ ಅಪಚ್ಚಯೇಸು ಚಾತಿ ಅತ್ಥಂ ಸಮುಚ್ಚೇತಿ,

೪೦೪, ೩೭೦. ತೇಸು ವುದ್ಧಿಲೋಪಾಗಮವಿಕಾರವಿಪರೀತಾದೇಸಾ ಚ.

ತೇಸು ಆದಿಮಜ್ಝುತ್ತರೇಸು ಯಥಾಜಿನವಚನಾನುಪರೋಧೇನ ಕ್ವಚಿ ವುದ್ಧಿ ಹೋತಿ, ಕ್ವಚಿ ಲೋಪೋ ಹೋತಿ, ಕ್ವಚಿ ಆಗಮೋ ಹೋತಿ, ಕ್ವಚಿ ವಿಕಾರೋ ಹೋತಿ, ಕ್ವಚಿ ವಿಪರೀತೋ ಹೋತಿ, ಕ್ವಚಿ ಆದೇಸೋ ಹೋತಿ.

ಆದಿವುದ್ಧಿ ತಾವ – ಆಭಿಧಮ್ಮಿಕೋ, ವೇನತೇಯ್ಯೋ ಇಚ್ಚೇವಮಾದಿ.

ಮಜ್ಝೇವುದ್ಧಿ ¶ ತಾವ – ಸುಖಸೇಯ್ಯಂ, ಸುಖಕಾರಿ ದಾನಂ, ಸುಖಕಾರಿ ಸೀಲಂ ಇಚ್ಚೇವಮಾದಿ.

ಉತ್ತರವುದ್ಧಿ ತಾವ – ಕಾಲಿಙ್ಗೋ, ಮಾಗಧಿಕೋ, ಪಚ್ಚಕ್ಖಧಮ್ಮಾ ಇಚ್ಚೇವಮಾದಿ.

ಆದಿಲೋಪೋ ತಾವ – ತಾಲೀಸಂ ಇಚ್ಚೇವಮಾದಿ.

ಮಜ್ಝೇಲೋಪೋ ತಾವ – ಕತ್ತುಕಾಮೋ, ಕುಮ್ಭಕಾರಪುತ್ತೋ, ವೇದಲ್ಲಂ ಇಚ್ಚೇವಮಾದಿ.

ಉತ್ತರಲೋಪೋ ತಾವ – ಭಿಕ್ಖು, ಭಿಕ್ಖುನೀ ಇಚ್ಚೇವಮಾದಿ.

ಆದಿಆಗಮೋ ತಾವ – ವುತ್ತೋ ಭಗವತಾ ಇಚ್ಚೇವಮಾದಿ.

ಮಜ್ಝೇಆಗಮೋ ತಾವ – ಸಸೀಲವಾ, ಸಪಞ್ಞವಾಇಚ್ಚೇವಮಾದಿ.

ಉತ್ತರಆಗಮೋ ತಾವ – ವೇದಲ್ಲಂ ಇಚ್ಚೇವಮಾದಿ.

ಆದಿವಿಕಾರೋ ತಾವ – ಆರಿಸ್ಯಂ, ಆಣ್ಯಂ, ಆಸಭಂ, ಅಜ್ಜವಂ ಇಚ್ಚೇವಮಾದಿ.

ಮಜ್ಝೇವಿಕಾರೋ ತಾವ – ವರಾರಿಸ್ಯಂ, ಪರಾರಿಸ್ಯಂ ಇಚ್ಚೇವಮಾದಿ.

ಉತ್ತರವಿಕಾರೋ ತಾವ – ಯಾನಿ, ತಾನಿ, ಸುಖಾನಿ ಇಚ್ಚೇವಮಾದಿ.

ಆದಿವಿಪರೀತೋ ¶ ತಾವ – ಉಗ್ಗತೇ ಸೂರಿಯೇ ಉಗ್ಗಚ್ಛತಿ ಇಚ್ಚೇವಮಾದಿ.

ಮಜ್ಝೇವಿಪರೀತೋ ತಾವ – ಸಮುಗ್ಗಚ್ಛತಿ, ಸಮುಗ್ಗತೇ ಸೂರಿಯೇ ಇಚ್ಚೇವಮಾದಿ.

ಉತ್ತರವಿಪರೀತೋ ತಾವ – ದಿಗು, ದಿಗುಣಂ ಇಚ್ಚೇವಮಾದಿ.

ಆದಿಆದೇಸೋ ತಾವ – ಯೂನಂ ಇಚ್ಚೇವಮಾದಿ.

ಮಜ್ಝೇಆದೇಸೋ ತಾವ – ನ್ಯಾಯೋಗಾ ಇಚ್ಚೇವಮಾದಿ.

ಉತ್ತರಆದೇಸೋ ತಾವ – ಸಬ್ಬಸೇಯ್ಯೋ, ಸಬ್ಬಸೇಟ್ಠೋ, ಚಿತ್ತಂ ಇಚ್ಚೇವಮಾದಿ. ಏವಂ ಯಥಾಜಿನವಚನಾನುಪರೋಧೇನ ಸಬ್ಬತ್ಥ ಯೋಜೇತಬ್ಬಾ.

೪೦೫, ೩೬೫. ಅಯುವಣ್ಣಾನಞ್ಚಾಯೋ ವುದ್ಧಿ.

ಅ ಇತಿ ಅಕಾರೋ, ಇ ಈಇತಿ ಇವಣ್ಣೋ, ಉ ಊಇತಿ ಉವಣ್ಣೋ, ತೇಸಂ ಅಕಾರಇವಣ್ಣುವಣ್ಣಾನಂ ಆ ಏ ಓವುದ್ಧಿಯೋ ಹೋನ್ತಿ ಯಥಾಸಙ್ಖ್ಯಂ, ಆ ಈ ಊವುದ್ಧಿ ಚ.

ಆಭಿಧಮ್ಮಿಕೋ, ವೇನತೇಯ್ಯೋ, ಓಳುಮ್ಪಿಕೋ.

ಪುನ ವುದ್ಧಿಗ್ಗಹಣಂ ಕಿಮತ್ಥಂ? ಉತ್ತರಪದವುದ್ಧಿಭಾವತ್ಥಂ, ಅಙ್ಗಮಗಧೇಹಿ ಆಗತಾತಿ ಅಙ್ಗಮಾಗಧಿಕಾ. ನಿಗಮಜನಪದೇಸು ಜಾತಾತಿ ¶ ನೇಗಮಜಾನಪದಾ. ಪುರಿಮಜನಪದೇಸು ಜಾತಾತಿ ಪೋರಿಮಜಾನಪದಾ. ಸತ್ತಾಹೇ ನಿಯುತ್ತೋತಿ ಸತ್ತಾಹಿಕಾ, ಚತುವಿಜ್ಜೇ ನಿಯುತ್ತೋತಿ ಚಾತುವಿಜ್ಜಿಕಾ. ಇಚ್ಚೇವಮಾದೀ ಯೋಜೇತಬ್ಬಾ.

ವುದ್ಧಿಇಚ್ಚನೇನ ಕ್ವತ್ಥೋ? ವುದ್ಧಾದಿಸರಸ್ಸ ವಾ’ಸಂಯೋಗನ್ತಸ್ಸ ಸಣೇ ಚ.

ಇತಿ ನಾಮಕಪ್ಪೇ ತದ್ಧಿತಕಪ್ಪೋ ಅಟ್ಠಮೋ ಕಣ್ಡೋ.

ಧೀರಾ ತರನ್ತಿ ಕವಿನೋ ಪುಥುಬುದ್ಧಿನಾವಾ.

ಅಧಿಕಾರೇ ಮಙ್ಗಲೇ ಚೇವ, ನಿಪ್ಫನ್ನೇ ಚಾವಧಾರಣೇ;

ಅನನ್ತರೇ ಚ ಪಾದಾನೇ, ಅಥಸದ್ದೋ ಪವತ್ತತಿ.

೪೧೬, ೪೨೯. ಅಥ ಪುಬ್ಬಾನಿ ವಿಭತ್ತೀನಂ ಛ ಪರಸ್ಸಪದಾನಿ.

ಅಥ ಸಬ್ಬಾಸಂ ವಿಭತ್ತೀನಂ ಯಾನಿ ಯಾನಿ ಪುಬ್ಬಕಾನಿ ಛ ಪದಾನಿ, ತಾನಿ ತಾನಿ ಪರಸ್ಸಪದಸಞ್ಞಾನಿ ಹೋನ್ತಿ.

ಪರಸ್ಸಪದಮಿಚ್ಚನೇನ ಕ್ವತ್ಥೋ? ಕತ್ತರಿ ಪರಸ್ಸಪದಂ.

ಸಬ್ಬಾಸಂ ವಿಭತ್ತೀನಂ ಯಾನಿ ಯಾನಿ ಪರಾನಿ ಛ ಪದಾನಿ. ತಾನಿ ತಾನಿ ಅತ್ತನೋಪದಸಞ್ಞಾನಿ ಹೋನ್ತಿ.

ತಂ ಯಥಾ? ತೇ ಅನ್ತೇ, ಸೇ ವ್ಹೇ, ಏ ಮ್ಹೇ.

ಅತ್ತನೋಪದಮಿಚ್ಚನೇನ ಕ್ವತ್ಥೋ? ಅತ್ತನೋಪದಾನಿ ಭಾವೇ ಚ ಕಮ್ಮನಿ.

೪೦೮, ೪೩೧. ದ್ವೇ ದ್ವೇ ಪಠಮ ಮಜ್ಝಿಮುತ್ತಮಪುರಿಸಾ.

ತಾಸಂ ಸಬ್ಬಾಸಂ ವಿಭತ್ತೀನಂ ಪರಸ್ಸಪದಾನಂ, ಅತ್ತನೋಪದಾನಞ್ಚ ದ್ವೇ ದ್ವೇ ಪದಾನಿ ಪಠಮಮಜ್ಝಿಮುತ್ತಮಪುರಿಸಸಞ್ಞಾನಿ ಹೋನ್ತಿ.

ತಂ ಯಥಾ? ತಿ ಅನ್ತಿ ಇತಿ ಪಠಮಪುರಿಸಾ, ಸಿ ಥ ಇತಿ ಮಜ್ಝಿಮಪುರಿಸಾ, ಮಿ ಮ ಇತಿ ಉತ್ತಮಪುರಿಸಾ. ಅತ್ತನೋಪದಾನಮ್ಪಿ ತೇ ಅನ್ತೇ ಇತಿ ಪಠಮಪುರಿಸಾ, ಸೇ ವ್ಹೇ ಇತಿ ಮಜ್ಝಿಮಪುರಿಸಾ, ಏ ಮ್ಹೇ ಇತಿ ಉತ್ತಮಪುರಿಸಾ. ಏವಂ ಸಬ್ಬತ್ಥ.

ಪಠಮಮಜ್ಝಿಮುತ್ತಮಪುರಿಸಮಿಚ್ಚನೇನ ಕ್ವತ್ಥೋ? ನಾಮಮ್ಹಿ ಪಯುಜ್ಜಮಾನೇಪಿ ತುಲ್ಯಾಧಿಕರಣೇ ಪಠಮೋ, ತುಮ್ಹೇ ಮಜ್ಝಿಮೋ, ಅಮ್ಹೇ ಉತ್ತಮೋ.

೪೦೯, ೪೪೧. ಸಬ್ಬೇಸಮೇಕಾಭಿಧಾನೇ ಪರೋ ಪುರಿಸೋ.

ಸಬ್ಬೇಸಂ ತಿಣ್ಣಂ ಪಠಮಮಜ್ಝಿಮುತ್ತಮ ಪುರಿಸಾನಂ ಏಕಾಭಿಧಾನೇ ಪರೋ ಪುರಿಸೋ ಗಹೇತಬ್ಬೋ.

ಸೋ ¶ ಚ ಪಠತಿ, ತ್ವಞ್ಚ ಪಠಸಿ, ತುಮ್ಹೇ ಪಠಥ. ಸೋ ಚ ಪಚತಿ, ತ್ವಞ್ಚ ಪಚಸಿ. ತುಮ್ಹೇ ಪಚಥ. ಏವಂ ಸೇಸಾಸು ವಿಭತ್ತೀಸು ಪರೋ ಪುರಿಸೋ ಯೋಜೇತಬ್ಬೋ.

೪೧೦, ೪೩೨. ನಾಮಮ್ಹಿ ಪಯುಜ್ಜಮಾನೇಪಿ ತುಲ್ಯಾಧಿಕರಣೇ ಪಠಮೋ.

ನಾಮಮ್ಹಿ ಪಯುಜ್ಜಮಾನೇಪಿ ಅಪ್ಪಯುಜ್ಜಮಾನೇಪಿ ತುಲ್ಯಾಧಿಕರಣೇ ಪಠಮಪುರಿಸೋ ಹೋತಿ.

ಅಪ್ಪಯುಜ್ಜಮಾನೇಪಿ – ಗಚ್ಛತಿ, ಗಚ್ಛನ್ತಿ.

ತುಲ್ಯಾಧಿಕರಣೇತಿ ಕಿಮತ್ಥಂ? ತೇನ ಹಞ್ಞಸೇ ತ್ವಂ ದೇವದತ್ತೇನ.

ತುಮ್ಹೇ ಪಯುಜ್ಜಮಾನೇಪಿ ಅಪ್ಪಯುಜ್ಜಮಾನೇಪಿ ತುಲ್ಯಾಧಿಕರಣೇ ಮಜ್ಝಿಮಪುರಿಸೋ ಹೋತಿ.

ತುಲ್ಯಾಧಿಕರಣೇತಿ ಕಿಮತ್ಥಂ? ತಯಾ ಪಚ್ಚತೇ ಓದನೋ.

ಅಮ್ಹೇ ಪಯುಜ್ಜಮಾನೇಪಿ ಅಪ್ಪಯುಜ್ಜಮಾನೇಪಿ ತುಲ್ಯಾಧಿಕರಣೇ ಉತ್ತಮಪುರಿಸೋ ಹೋತಿ.

ಅಪ್ಪಯುಜ್ಜಮಾನೇಪಿ – ಯಜಾಮಿ, ಯಜಾಮ.

ತುಲ್ಯಾಧಿಕರಣೇತಿ ಕಿಮತ್ಥಂ? ಮಯಾ ಇಜ್ಜತೇ ಬುದ್ಧೋ.

‘‘ಕಾಲೇ’’ ಇಚ್ಚೇತಂ ಅಧಿಕಾರತ್ಥಂ ವೇದಿತಬ್ಬಂ.

೪೧೪, ೪೨೮. ವತ್ತಮಾನಾ ಪಚ್ಚುಪ್ಪನ್ನೇ.

ಪಚ್ಚುಪ್ಪನ್ನೇ ಕಾಲೇ ವತ್ತಮಾನಾವಿಭತ್ತಿ ಹೋತಿ.

ಪಾಟಲಿಪುತ್ತಂ ಗಚ್ಛತಿ, ಸಾವತ್ಥಿಂ ಪವಿಸತಿ.

೪೧೫, ೪೫೧. ಆಣತ್ಯಾ ಸಿಟ್ಠೇ’ನುತ್ತಕಾಲೇ ಪಞ್ಚಮೀ.

ಆಣತ್ಯತ್ಥೇ ಚ ಆಸೀಸತ್ಥೇ ಚ ಅನುತ್ತಕಾಲೇ ಪಞ್ಚಮೀ ವಿಭತ್ತಿ ಹೋತಿ.

೪೧೬, ೪೫೪. ಅನುಮತಿಪರಿಕಪ್ಪತ್ಥೇಸು ಸತ್ತಮೀ.

ಅನುಮತ್ಯತ್ಥೇ ಚ ಪರಿಕಪ್ಪತ್ಥೇ ಚ ಅನುತ್ತಕಾಲೇ ಸತ್ತಮೀ ವಿಭತ್ತಿ ಹೋತಿ.

ತ್ವಂ ¶ ಗಚ್ಛೇಯ್ಯಾಸಿ, ಕಿಮಹಂ ಕರೇಯ್ಯಾಮಿ.

೪೧೭, ೪೬೦. ಅಪಚ್ಚಕ್ಖೇ ಪರೋಕ್ಖಾತೀತೇ.

ಅಪಚ್ಚಕ್ಖೇ ಅತೀತೇ ಕಾಲೇ ಪರೋಕ್ಖಾವಿಭತ್ತಿ ಹೋತಿ.

ಸುಪಿನೇ ಕಿಲಮಾಹ, ಏವಂ ಕಿಲ ಪೋರಾಣಾಹು.

೪೧೮, ೪೫೬. ಹಿಯ್ಯೋಪಭುತಿ ಪಚ್ಚಕ್ಖೇ ಹಿಯ್ಯತ್ತನೀ.

ಹಿಯ್ಯೋಪಭುತಿ ಅತೀತೇ ಕಾಲೇ ಪಚ್ಚಕ್ಖೇ ವಾ ಅಪಚ್ಚಕ್ಖೇ ವಾ ಹಿಯ್ಯತ್ತನೀ ವಿಭತ್ತಿ ಹೋತಿ.

ಅಜ್ಜಪ್ಪಭುತಿ ಅತೀತೇ ಕಾಲೇ ಪಚ್ಚಕ್ಖೇ ವಾ ಅಪಚ್ಚಕ್ಖೇ ವಾ ಸಮೀಪೇ ಅಜ್ಜತನೀವಿಭತ್ತಿ ಹೋತಿ.

ಹಿಯ್ಯತ್ತನೀಅಜ್ಜತನೀಇಚ್ಚೇತಾ ವಿಭತ್ತಿಯೋ ಯದಾ ಮಾಯೋಗಾ, ತದಾ ಸಬ್ಬಕಾಲೇ ಚ ಹೋನ್ತಿ.

ಚಗ್ಗಹಣೇನ ¶ ಪಞ್ಚಮೀವಿಭತ್ತಿಪಿ ಹೋತಿ. ಮಾ ಗಚ್ಛಾಹಿ.

ಅನಾಗತೇ ಕಾಲೇ ಭವಿಸ್ಸನ್ತೀ ವಿಭತ್ತಿ ಹೋತಿ.

ಸೋ ಗಚ್ಛಿಸ್ಸತಿ, ಕರಿಸ್ಸತಿ. ತೇ ಗಚ್ಛಿಸ್ಸನ್ತಿ, ಕರಿಸ್ಸನ್ತಿ.

೪೨೨, ೪೭೫. ಕ್ರಿಯಾತಿಪನ್ನೇ’ತೀತೇ ಕಾಲಾತಿಪತ್ತಿ.

ಕ್ರಿಯಾತಿಪನ್ನಮತ್ತೇ ಅತೀತೇ ಕಾಲೇ ಕಾಲಾತಿಪತ್ತಿ ವಿಭತ್ತಿ ಹೋತಿ.

ಸೋ ಚೇ ತಂ ಯಾನಂ ಅಲಭಿಸ್ಸಾ, ಅಗಚ್ಛಿಸ್ಸಾ. ತೇ ಚೇ ತಂ ಯಾನಂ ಅಲಭಿಸ್ಸಂಸು, ಅಗಚ್ಛಿಸ್ಸಂಸು.

೪೨೩, ೪೨೬. ವತ್ತಮಾನಾ ತಿ ಅನ್ತಿ, ಸಿ ಥ, ಮಿ ಮ, ತೇ ಅನ್ತೇ, ಸೇ ವ್ಹೇ, ಏ ಮ್ಹೇ.

ವತ್ತಮಾನಾ ಇಚ್ಚೇಸಾ ಸಞ್ಞಾ ಹೋತಿ ತಿ ಅನ್ತಿ, ಸಿ ಥ, ಮಿ ಮ, ತೇ ಅನ್ತೇ, ಸೇ ವ್ಹೇ, ಏ ಮ್ಹೇ ಇಚ್ಚೇತೇಸಂ ದ್ವಾದಸನ್ನಂ ಪದಾನಂ.

ವತ್ತಮಾನಾ ಇಚ್ಚನೇನ ಕ್ವತ್ಥೋ? ವತ್ತಮಾನಾ ಪಚ್ಚುಪ್ಪನ್ನೇ.

೪೨೪, ೪೫೦. ಪಞ್ಚಮೀ ತು ಅನ್ತು, ಹಿಥ, ಮಿಮ, ತಂ ಅನ್ತಂ, ಸ್ಸು ವ್ಹೋ, ಏ ಆಮಸೇ.

ಪಞ್ಚಮೀಇಚ್ಚೇಸಾ ¶ ಸಞ್ಞಾ ಹೋತಿ ತು ಅನ್ತು, ಹಿ ಥ, ಮಿಮ, ತಂ ಅನ್ತಂ, ಸ್ಸು ವ್ಹೋ, ಏ ಆಮಸೇ ಇಚ್ಚೇತೇಸಂ ದ್ವಾದಸನ್ನಂ ಪದಾನಂ.

ಪಞ್ಚಮೀಇಚ್ಚನೇನ ಕ್ವತ್ಥೋ? ಆಣತ್ಯಾಸಿಟ್ಠೇ, ನುತ್ತಕಾಲೇ ಪಞ್ಚಮೀ.

೪೨೫, ೪೫೩. ಸತ್ತಮೀ ಏಯ್ಯ ಏಯ್ಯುಂ, ಏಯ್ಯಾ ಸಿ ಏಯ್ಯಾ ಥ, ಏಯ್ಯಾಮಿ ಏಯ್ಯಾಮ, ಏಥ ಏರಂ, ಏಥೋ ಏಯ್ಯಾವ್ಹೋ, ಏಯ್ಯಂ ಏಯ್ಯಾಮ್ಹೇ.

ಸತ್ತಮೀ ಇಚ್ಚೇಸಾ ಸಞ್ಞಾ ಹೋತಿ ಏಯ್ಯ ಏಯ್ಯುಂ, ಏಯ್ಯಾಸಿ ಏಯ್ಯಾಥ, ಏಯ್ಯಾಮಿ ಏಯ್ಯಾಮ, ಏಥ ಏರಂ, ಏಥೋ, ಏಯ್ಯಾವ್ಹೋ, ಏಯ್ಯಂ ಏಯ್ಯಾಮ್ಹೇ ಇಚ್ಚೇತೇಸಂ ದ್ವಾದಸನ್ನಂ ಪದಾನಂ.

ಸತ್ತಮೀ ಇಚ್ಚನೇನ ಕ್ವತ್ಥೋ? ಅನುಮತಿಪರಿಕಪ್ಪತ್ಥೇಸು ಸತ್ತಮೀ.

೪೨೬, ೪೫೯. ಪರೋಕ್ಖಾ ಅಉ ಏತ್ಥ, ಅಂಮ್ಹ, ತ್ಥರೇ, ತ್ಥೋ ವ್ಹೋ, ಇಂ ಮ್ಹೇ.

ಪರೋಕ್ಖಾ ಇಚ್ಚೇಸಾ ಸಞ್ಞಾ ಹೋತಿ ಅ ಉ, ಏತ್ಥ, ಅಂ ಮ್ಹ, ತ್ಥ ರೇ ತ್ಥೋ ವ್ಹೋ, ಇಂ ಮ್ಹೇ ಇಚ್ಚೇತೇಸಂ ದ್ವಾದಸನ್ನಂ ಪದಾನಂ.

ಪರೋಕ್ಖಾ ಇಚ್ಚನೇನ ಕ್ವತ್ಥೋ? ಅಪಚ್ಚಕ್ಖೇ ಪರೋಕ್ಖಾತೀತೇ.

೪೨೭, ೪೫೫. ಹಿಯ್ಯತ್ತನೀ ¶ ಆಊ, ಓತ್ಥ, ಅಂಮ್ಹಾ, ತ್ಥತ್ಥುಂ, ಸೇ ವ್ಹಂ, ಇಂ ಮ್ಹಸೇ.

ಹಿಯ್ಯತ್ತನೀ ಇಚ್ಚೇಸಾ ಸಞ್ಞಾ ಹೋತಿ ಆ ಊ, ಓ ತ್ಥ, ಅಂ ಮ್ಹಾ, ತ್ಥ ತ್ಥುಂ, ಸೇ ವ್ಹಂ, ಇಂ ಮ್ಹಸೇ ಇಚ್ಚೇತೇಸಂ ದ್ವಾದಸನ್ನಂ ಪದಾನಂ.

ಹಿಯ್ಯತ್ತನೀ ಇಚ್ಚನೇನ ಕ್ವತ್ಥೋ? ಹಿಯ್ಯೋಪಭುತಿ ಪಚ್ಚಕ್ಖೇ ಹಿಯ್ಯತ್ತನೀ.

೪೨೮, ೪೬೮. ಅಜ್ಜತನೀ ಈ ಉಂ, ಓ ತ್ಥ, ಇಂ ಮ್ಹಾ, ಆ ಊ, ಸೇ ವ್ಹಂ, ಅಂ ಮ್ಹೇ.

ಅಜ್ಜತನೀ ಇಚ್ಚೇಸಾ ಸಞ್ಞಾ ಹೋತಿ ಈ ಉಂ, ಓ ತ್ಥ, ಇಂಮ್ಹಾ, ಆ ಊ, ಸೇವ್ಹಂ, ಅಂ ಮ್ಹೇ ಇಚ್ಚೇತೇಸಂ ದ್ವಾದಸನ್ನಂ ಪದಾನಂ.

ಅಜ್ಜತನೀ ಇಚ್ಚನೇನ ಕ್ವತ್ಥೋ? ಸಮೀಪೇಜ್ಜತನೀ.

೪೨೯, ೪೭೨. ಭವಿಸ್ಸನ್ತೀ ಸ್ಸತಿ ಸ್ಸನ್ತಿ, ಸ್ಸಸಿ ಸ್ಸಥ, ಸ್ಸಾಮಿ ಸ್ಸಾಮ, ಸ್ಸತೇ ಸ್ಸನ್ತೇ, ಸ್ಸಸೇ ಸ್ಸವ್ಹೇ, ಸ್ಸಂ ಸ್ಸಾಮ್ಹೇ.

ಭವಿಸ್ಸನ್ತೀ ಇಚ್ಚೇಸಾ ಸಞ್ಞಾ ಹೋತಿ ಸ್ಸತಿ ಸ್ಸನ್ತಿ, ಸ್ಸಸಿ ಸ್ಸಥ, ಸ್ಸಾಮಿ ಸ್ಸಾಮ, ಸ್ಸತೇ ಸ್ಸನ್ತೇ, ಸ್ಸಸೇ ಸ್ಸವ್ಹೇ, ಸ್ಸಂ ಸ್ಸಾಮ್ಹೇ ಇಚ್ಚೇತೇಸಂ ದ್ವಾದಸನ್ನಂ ಪದಾನಂ.

ಭವಿಸ್ಸನ್ತೀ ಇಚ್ಚನೇನ ಕ್ವತ್ಥೋ? ಅನಾಗತೇ ಭವಿಸ್ಸನ್ತೀ.

೪೩೦, ೩೭೩. ಕಾಲಾತಿಪತ್ತಿ ¶ ಸ್ಸಾ ಸ್ಸಂಸು, ಸ್ಸೇ ಸ್ಸಥ, ಸ್ಸಂ ಸ್ಸಾಮ್ಹಾ, ಸ್ಸಥ ಸಿಸ್ಸು, ಸ್ಸಸೇ ಸ್ಸವ್ಹೇ, ಸ್ಸಿಂ ಸ್ಸಾಮ್ಹಸೇ.

ಕಾಲಾತಿಪತ್ತಿ ಇಚ್ಚೇಸಾ ಸಞ್ಞಾ ಹೋತಿ ಸ್ಸಾ ಸ್ಸಂಸು, ಸ್ಸೇ ಸ್ಸಥ, ಸ್ಸಂ ಸ್ಸಾಮ್ಹಾ, ಸ್ಸಥ ಸ್ಸಿಸು, ಸ್ಸಸೇ ಸ್ಸವ್ಹೇ, ಸ್ಸಿಂ ಸ್ಸಾಮ್ಹಸೇ ಇಚ್ಚೇತೇಸಂ ದ್ವಾದಸನ್ನಂ ಪದಾನಂ.

ಕಾಲಾತಿಪತ್ತಿ ಇಚ್ಚನೇನ ಕ್ವತ್ಥೋ? ಕ್ರಿಯಾತಿಪನ್ನೇ’ ತೀತೇ ಕಾಲಾತಿಪತ್ತಿ.

೪೩೧, ೪೫೮. ಹಿಯ್ಯತ್ತನೀ ಸತ್ತಮೀ ಪಞ್ಚಮೀ ವತ್ತಮಾನಾ ಸಬ್ಬಧಾತುಕಂ.

ಹಿಯ್ಯತ್ತನಾದಯೋ ಚತಸ್ಸೋ ವಿಭತ್ತಿಯೋ ಸಬ್ಬಧಾತುಕ ಸಞ್ಞಾ ಹೋನ್ತಿ.

ಸಬ್ಬಧಾತುಕ ಇಚ್ಚನೇನ ಕ್ವತ್ಥೋ? ಇಕಾರಾಗಮೋ ಅಸಬ್ಬಧಾತುಕಮ್ಹಿ.

೪೩೨, ೩೬೨. ಧಾತುಲಿಙ್ಗೇಹಿ ¶ ಪರಾ ಪಚ್ಚಯಾ.

ಧಾತುಲಿಙ್ಗಇಚ್ಚೇತೇಹಿ ಪರಾ ಪಚ್ಚಯಾ ಹೋನ್ತಿ.

ಕರೋತಿ, ಗಚ್ಛತಿ. ಯೋ ಕೋಚಿ ಕರೋತಿ, ತಂ ಅಞ್ಞೋ ‘‘ಕರೋಹಿ ಕರೋಹಿ’’ ಇಚ್ಚೇವಂ ಬ್ರವೀತಿ, ಅಥ ವಾ ಕರೋನ್ತಂ ಪಯೋಜಯತಿ = ಕಾರೇತಿ. ಸಙ್ಘೋ ಪಬ್ಬತಮಿವ ಅತ್ತಾನಮಾಚರತಿ = ಪಬ್ಬತಾಯತಿ. ತಳಾಕಂ ಸಮುದ್ದಮಿವ ಅತ್ತಾನಮಾಚರತಿ = ಸಮುದ್ದಾಯತಿ, ಸದ್ದೋ ಚಿಚ್ಚಿಟಮಿವ ಅತ್ತಾನಮಾಚರತಿ = ಚಿಚ್ಚಿಟಾಯತಿ, ವಸಿಟ್ಠಸ್ಸ ಅಪಚ್ಚಂ ವಾಸಿಟ್ಠೋ. ಏವಮಞ್ಞೇಪಿ ಯೋಜೇತಬ್ಬಾ.

೪೩೩, ೫೨೮. ತಿಜ ಗುಪ ಕಿತ ಮಾನೇ ಹಿ ಖ ಛ ಸಾ ವಾ.

ತಿಜ ಗುಪ ಕಿತ ಮಾನು ಇಚ್ಚೇತೇಹಿ ಧಾತೂಹಿ ಖ ಛ ಸ ಇಚ್ಚೇತೇ ಪಚ್ಚಯಾ ಹೋನ್ತಿ ವಾ.

ತಿತಿಕ್ಖತಿ, ಜಿಗುಚ್ಛತಿ, ತಿಕಿಚ್ಛತಿ, ವೀಮಂಸತಿ.

ವಾತಿ ಕಿಮತ್ಥಂ? ತೇಜತಿ, ಗೋಪತಿ, ಮಾನೇತಿ.

೪೩೪, ೫೩೪. ಭುಜ ಘಸ ಹರ ಸು ಪಾದೀಹಿ ತುಮಿಚ್ಛತ್ಥೇಸು.

ಭುಜ ¶ ಘಸ ಹರ ಸು ಪಾಇಚ್ಚೇವಮಾದೀಹಿ ಧಾತೂಹಿ ತುಮಿಚ್ಛತ್ಥೇಸು ಖ ಛ ಸಇಚ್ಚೇತೇ ಪಚ್ಚಯಾ ಹೋನ್ತಿ ವಾ.

ಭೋತ್ತುಮಿಚ್ಛತಿ=ಬುಭುಕ್ಖತಿ, ಘಸಿತುಮಿಚ್ಛತಿ=ಜಿಘಚ್ಛತಿ, ಹರಿತುಮಿಚ್ಛತಿ=ಜಿಗೀಸತಿ, ಸೋತುಮಿಚ್ಛತಿ=ಸುಸ್ಸುಸತಿ, ಪಾತುಮಿಚ್ಛತಿ=ಪಿವಾಸತಿ.

ತುಮಿಚ್ಛತ್ಥೇಸೂತಿ ಕಿಮತ್ಥಂ? ಭುಞ್ಜತಿ.

೪೩೫, ೫೩೬. ಆಯ ನಾಮತೋ ಕತ್ತೂಪಮಾನಾದಾಚಾರೇ.

ನಾಮತೋ ಕತ್ತೂಪಮಾನಾ ಆಚಾರತ್ಥೇ ಆಯಪಚ್ಚಯೋ ಹೋತಿ.

ಸಙ್ಘೋ ಪಬ್ಬತಮಿವ ಅತ್ತಾನಮಾಚರತಿ = ಪಬ್ಬತಾಯತಿ, ತಳಾಕಂ ಸಮುದ್ದಮಿವ ಅತ್ತಾನಮಾಚರತಿ = ಸಮುದ್ದಾಯತಿ, ಸದ್ದೋ ಚಿಚ್ಚಿಟಮಿವ ಅತ್ತಾನಮಾಚರತಿ = ಚಿಚ್ಚಿಟಾಯತಿ. ಏವಮಞ್ಞೇಪಿ ಯೋಜೇತಬ್ಬಾ.

ನಾಮತೋ ಉಪಮಾನಾ ಆಚಾರತ್ಥೇ ಚ ಈಯಪಚ್ಚಯೋ ಹೋತಿ.

ಅಛತ್ತಂ ¶ ಛತ್ತಮಿವ ಆಚರತಿ =ಛತ್ತೀಯತಿ, ಅಪುತ್ತಂ ಪುತ್ತಮಿವ ಆಚರತಿ=ಪುತ್ತೀಯತಿ.

ಉಪಮಾನಾತಿ ಕಿಮತ್ಥಂ? ಧಮ್ಮಂ ಆಚರತಿ.

ಆಚಾರೇತಿ ಕಿಮತ್ಥಂ? ಅಛತ್ತಂ ಛತ್ತಮಿವ ರಕ್ಖತಿ. ಏವಮಞ್ಞೇಪಿ ಯೋಜೇತಬ್ಬಾ.

೪೩೭, ೫೩೮. ನಾಮಮ್ಹಾ’ತ್ತಿಚ್ಛತ್ಥೇ.

ನಾಮಮ್ಹಾ ಅತ್ತನೋ ಇಚ್ಛತ್ಥೇ ಈಯಪಚ್ಚಯೋ ಹೋತಿ.

ಅತ್ತನೋ ಪತ್ತಮಿಚ್ಛತಿ = ಪತ್ತೀಯತಿ. ಏವಂ ವತ್ಥೀಯತಿ, ಪರಿಕ್ಖಾರೀಯತಿ, ಚೀವರೀಯತಿ, ಧನೀಯತಿ, ಘಟೀಯತಿ.

ಅತ್ತಿಚ್ಛತ್ಥೇತಿ ಕಿಮತ್ಥಂ? ಅಞ್ಞಸ್ಸ ಪತ್ತಮಿಚ್ಛತಿ. ಏವಮಞ್ಞೇಪಿ ಯೋಜೇತಬ್ಬಾ.

೪೩೮, ೫೪೦. ಧಾತೂಹಿ ಣೇ ಣಯ ಣಾಪೇ ಣಾಪಯಾ ಕಾರಿತಾನಿ ಹೇತ್ವತ್ಥೇ.

ಸಬ್ಬೇಹಿ ಧಾತೂಹಿ ಣೇಣಯ ಣಾಪೇ ಣಾಪಯಇಚ್ಚೇತೇ ಪಚ್ಚಯಾ ಹೋನ್ತಿ ಕಾರಿತಸಞ್ಞಾ ಚ ಹೇತ್ವತ್ಥೇ.

ಯೋ ಕೋಚಿ ಕರೋತಿ, ತಂ ಅಞ್ಞೋ ‘‘ಕರೋಹಿ ಕರೋಹಿ’’ ಇಚ್ಚೇವಂ ಬ್ರವೀತಿ, ಅಥ ವಾ ಕರೋನ್ತಂ ಪಯೋಜಯತಿ ¶ = ಕಾರೇತಿ, ಕಾರಯತಿ, ಕಾರಾಪೇತಿ, ಕಾರಾ ಪಯತಿ. ಯೇ ಕೇಚಿ ಕರೋನ್ತಿ, ತೇ ಅಞ್ಞೇ ‘‘ಕರೋಥ ಕರೋಥ’’ ಇಚ್ಚೇವಂ ಬ್ರುವನ್ತಿ = ಕಾರೇನ್ತಿ, ಕಾರಯನ್ತಿ, ಕಾರಾಪೇನ್ತಿ, ಕಾರಾಪಯನ್ತಿ. ಯೋ ಕೋಚಿ ಪಚತಿ, ತಂ ಅಞ್ಞೋ ‘‘ಪಚಾಹಿ ಪಚಾಹಿ’’ಇಚ್ಚೇವಂ ಬ್ರವೀತಿ, ಅಥ ವಾ ಪಚನ್ತಂ ಪಯೋಜಯತಿ = ಪಾಚೇತಿ, ಪಾಚಯತಿ, ಪಾಚಾಪೇತಿ, ಪಾಚಾಪಯತಿ. ಯೇ ಕೇಚಿ ಪಚನ್ತಿ, ತೇ ಅಞ್ಞೇ ‘‘ಪಚಥ ಪಚಥ’’ ಇಚ್ಚೇವಂ ಬ್ರುವನ್ತಿ = ಪಾಚೇನ್ತಿ, ಪಾಚಯನ್ತಿ, ಪಾಚಾಪೇನ್ತಿ. ಪಾಚಾಪಯನ್ತಿ. ಏವಂ ಭಣೇತಿ, ಭಣಯತಿ, ಭಣಾಪೇತಿ, ಭಣಾಪಯತಿ. ಭಣೇನ್ತಿ, ಭಣಯನ್ತಿ, ಭಣಾಪೇನ್ತಿ, ಭಣಾಪಯನ್ತಿ. ತಥರಿವ ಅಞ್ಞೇಪಿ ಯೋಜೇತಬ್ಬಾ.

ಹೇತ್ವತ್ಥೇತಿ ಕಿಮತ್ಥಂ? ಕರೋತಿ, ಪಚತಿ.

ಅತ್ಥಗ್ಗಹಣೇನ ಅಲಪಚ್ಚಯೋ ಹೋತಿ, ಜೋತಲತಿ.

೪೩೯, ೫೩೯. ಧಾತುರೂಪೇ ನಾಮಸ್ಮಾ ಣಯೋ ಚ.

ತಸ್ಮಾ ನಾಮಸ್ಮಾ ಣಯಪಚ್ಚಯೋ ಹೋತಿ ಕಾರಿತಸಞ್ಞೋ ಚ ಧಾತುರೂಪೇ ಸತಿ.

ಹತ್ಥಿನಾ ಅತಿಕ್ಕಮತಿ ಮಗ್ಗಂ = ಅತಿಹತ್ಥಯತಿ, ವೀಣಾಯ ಉಪಗಾಯತಿ ಗೀತಂ = ಉಪವೀಣಯತಿ, ದಳ್ಹಂ ಕರೋತಿ ವೀರಿಯಂ ¶ = ದಳ್ಹಯತಿ, ವಿಸುದ್ಧಾ ಹೋತಿ ರತ್ತಿ = ವಿಸುದ್ಧಯತಿ.

ಚಗ್ಗಹಣೇನ ಆರ ಆಲಇಚ್ಚೇತೇ ಪಚ್ಚಯಾ ಹೋನ್ತಿ. ಸನ್ತಂ ಕರೋತಿ = ಸನ್ತಾರತಿ, ಉಪಕ್ಕಮಂ ಕರೋತಿ = ಉಪಕ್ಕಮಾಲತಿ.

ಸಬ್ಬೇಹಿ ಧಾತೂಹಿ ಭಾವಕಮ್ಮೇಸು ಯಪಚ್ಚಯೋ ಹೋತಿ.

ಠೀಯತೇ, ಬುಜ್ಝತೇ, ಪಚ್ಚತೇ, ಲಬ್ಭತೇ, ಕರೀಯತೇ, ಯುಜ್ಜತೇ, ಉಚ್ಚತೇ.

ಭಾವಕಮ್ಮೇಸೂತಿ ಕಿಮತ್ಥಂ? ಕರೋತಿ, ಪಚತಿ, ಪಠತಿ.

೪೪೧, ೪೪೭. ತಸ್ಸ ಚವಗ್ಗಯಕಾರವಕಾರತ್ತಂ ಸಧಾತ್ವನ್ತಸ್ಸ.

ತಸ್ಸ ಯಪಚ್ಚಯಸ್ಸ ಚವಗ್ಗಯಕಾರವಕಾರತ್ತಂ ಹೋತಿ ಧಾತೂನಂ ಅನ್ತೇನ ಸಹ ಯಥಾಸಮ್ಭವಂ.

ವುಚ್ಚತೇ, ವುಚ್ಚನ್ತೇ, ಉಚ್ಚತೇ, ಉಚ್ಚನ್ತೇ, ಪಚ್ಚತೇ, ಪಚ್ಚನ್ತೇ. ಮಜ್ಜತೇ, ಮಜ್ಜನ್ತೇ, ಯುಜ್ಜತೇ, ಯುಜ್ಜನ್ತೇ. ಬುಜ್ಝತೇ, ಬುಜ್ಝನ್ತೇ, ಕುಜ್ಝತೇ, ಕುಜ್ಝನ್ತೇ, ಉಜ್ಝತೇ, ಉಜ್ಝನ್ತೇ. ಹಞ್ಞತೇ, ಹಞ್ಞನ್ತೇ. ಕಯ್ಯತೇ, ಕಯ್ಯನ್ತೇ. ದಿಬ್ಬತೇ, ದಿಬ್ಬನ್ತೇ.

ಸಬ್ಬೇಹಿ ಧಾತೂಹಿ ಯಮ್ಹಿ ಪಚ್ಚಯೇ, ಪರೇ ಇವಣ್ಣಾಗಮೋ ಹೋತಿ ವಾ.

ಕರೀಯತೇ, ಕರೀಯತಿ, ಗಚ್ಛೀಯತೇ, ಗಚ್ಛೀಯತಿ.

ಸಬ್ಬೇಹಿ ಧಾತೂಹಿ ಯಪಚ್ಚಯೋ ಪುಬ್ಬರೂಪಮಾಪಜ್ಜತೇ ವಾ.

ವುಡ್ಢತೇ, ಫಲ್ಲತೇ, ದಮ್ಮತೇ, ಸಕ್ಕತೇ, ಲಬ್ಭತೇ, ದಿಸ್ಸತೇ.

ಯಥಾ ಹೇಟ್ಠಾ ಭಾವಕಮ್ಮೇಸು ಯಪಚ್ಚಯಸ್ಸ ಆದೇಸೋ ಹೋತಿ ತಥಾ ಕತ್ತರಿಪಿ ಯಪಚ್ಚಯಸ್ಸ ಆದೇಸೋ ಕಾತಬ್ಬೋ.

ಬುಜ್ಝತಿ, ವಿಜ್ಝತಿ, ಮಞ್ಞತಿ, ಸಿಬ್ಬತಿ.

ಭೂಇಚ್ಚೇವಮಾದಿತೋ ಧಾತುಗಣತೋ ಅಪಚ್ಚಯೋ ಹೋತಿ ಕತ್ತರಿ.

೪೪೬, ೫೦೯. ರುಧಾದಿತೋ ನಿಗ್ಗಹಿತಪುಬ್ಬಞ್ಚ.

ರುಧಇಚ್ಚೇವಮಾದಿತೋ ಧಾತುಗಣತೋ ಅಪಚ್ಚಯೋ ಹೋತಿ ಕತ್ತರಿ, ಪುಬ್ಬೇ ನಿಗ್ಗಹಿತಾಗಮೋ ಹೋತಿ.

ಚಗ್ಗಹಣೇನ ಇ ಈ ಏ ಓಇಚ್ಚೇತೇ ಪಚ್ಚಯಾ ಹೋನ್ತಿ ನಿಗ್ಗಹಿತಪುಬ್ಬಞ್ಚ.

ರುನ್ಧಿತಿ, ರುನ್ಧೀತಿ, ರುನ್ಧೇತಿ, ರುನ್ಧೋತಿ, ಸುಮ್ಭೋತಿ, ಪರಿಸುಮ್ಭೋತಿ.

ದಿವುಇಚ್ಚೇವಮಾದಿತೋ ಧಾತುಗಣತೋ ಯಪಚ್ಚಯೋ ಹೋತಿ ಕತ್ತರಿ.

ದಿಬ್ಬತಿ, ಥಿಬ್ಬತಿ, ಯುಜ್ಝತಿ, ವಿಜ್ಝತಿ, ಬುಜ್ಝತಿ.

ಸುಇಚ್ಚೇವಮಾದಿತೋ ಧಾತುಗಣತೋ ಣು ಣಾ ಉ ಣಾಇಚ್ಚೇತೇ ಪಚ್ಚಯಾ ಹೋನ್ತಿ ಕತ್ತರಿ.

ಅಭಿಸುಣೋತಿ ¶ , ಅಭಿಸುಣಾತಿ, ಸಂವುಣೋತಿ, ಸಂವುಣಾತಿ, ಆವುಣೋತಿ, ಆವುಣಾತಿ, ಪಾಪುಣೋತಿ, ಪಾಪುಣಾತಿ.

ಕೀಇಚ್ಚೇವಮಾದಿತೋ ಧಾತುಗಣತೋ ನಾಪಚ್ಚಯೋ ಹೋತಿ ಕತ್ತರಿ.

ಕಿಣಾತಿ, ಜಿನಾತಿ, ಧುನಾತಿ, ಮುನಾತಿ, ಲುನಾತಿ, ಪುನಾತಿ.

ಗಹಇಚ್ಚೇವಮಾದಿತೋ ಧಾತುಗಣತೋ ಪ್ಪಣ್ಹಾಇಚ್ಚೇತೇ ಪಚ್ಚಯಾ ಹೋನ್ತಿ ಕತ್ತರಿ.

ತನುಇಚ್ಚೇವಮಾದಿತೋ ಧಾತುಗಣತೋ ಓ ಯಿರಇಚ್ಚೇತೇ ಪಚ್ಚಯಾ ಹೋನ್ತಿ ಕತ್ತರಿ.

ತನೋತಿ ¶ , ತನೋಹಿ, ಕರೋತಿ, ಕರೋಹಿ, ಕಯಿ ರತಿ, ಕಯಿರಾಹಿ.

ಚುರಇಚ್ಚೇವಮಾದಿತೋ ಧಾತುಗಣತೋ ಣೇ ಣಯಇಚ್ಚೇತೇ ಪಚ್ಚಯಾ ಹೋನ್ತಿ ಕತ್ತರಿ, ಕಾರಿತಸಞ್ಞಾ ಚ.

ಚೋರೇತಿ, ಚೋರಯತಿ, ಚಿನ್ತೇತಿ, ಚಿನ್ತಯತಿ, ಮನ್ತೇತಿ, ಮನ್ತಯತಿ.

೪೫೩, ೪೪೪. ಅತ್ತನೋಪದಾನಿ ಭಾವೇ ಚ ಕಮ್ಮನಿ.

ಭಾವೇ ಚ ಕಮ್ಮನಿ ಚ ಅತ್ತನೋಪದಾನಿ ಹೋನ್ತಿ.

ಉಚ್ಚತೇ, ಉಚ್ಚನ್ತೇ, ಮಜ್ಜತೇ, ಮಜ್ಜನ್ತೇ, ಯುಜ್ಜತೇ, ಯುಜ್ಜನ್ತೇ, ಕುಜ್ಝತೇ, ಕುಜ್ಝನ್ತೇ, ಲಬ್ಭತೇ, ಲಬ್ಭನ್ತೇ, ಕಯ್ಯತೇ, ಕಯ್ಯನ್ತೇ.

ಮಞ್ಞತೇ, ರೋಚತೇ, ಸೋಚತೇ, ಬುಜ್ಝತೇ, ಜಾಯತೇ.

೪೫೫, ೫೩೦. ಧಾತುಪ್ಪಚ್ಚಯೇಹಿ ವಿಭತ್ತಿಯೋ.

ಧಾತುನಿದ್ದಿಟ್ಠೇಹಿ ಪಚ್ಚಯೇಹಿ ಖಾದಿಕಾರಿತನ್ತೇಹಿ ವಿಭತ್ತಿಯೋ ಹೋನ್ತಿ.

ತಿತಿಕ್ಖತಿ ¶ , ಜಿಗುಚ್ಛತಿ, ವೀಮಂಸತಿ, ಸಮುದ್ದಾಯತಿ, ಪುತ್ತೀಯತಿ, ಕಾರೇತಿ, ಪಾಚೇತಿ.

ಭೂಇಚ್ಚೇವಮಾದಯೋ ಯೇ ಸದ್ದಗಣಾ, ತೇ ಧಾತುಸಞ್ಞಾ ಹೋನ್ತಿ.

ಭವತಿ, ಭವನ್ತಿ, ಚರತಿ, ಚರನ್ತಿ, ಪಚತಿ, ಪಚನ್ತಿ, ಚಿನ್ತಯತಿ, ಚಿನ್ತಯನ್ತಿ, ಹೋತಿ, ಹೋನ್ತಿ, ಗಚ್ಛತಿ, ಗಚ್ಛನ್ತಿ.

೪೫೮, ೪೬೧. ಕ್ವಚಾದಿವಣ್ಣಾನಮೇಕಸ್ಸರಾನಂ ದ್ವೇಭಾವೋ.

ಆದಿಭೂತಾನಂ ವಣ್ಣಾನಂ ಏಕಸ್ಸರಾನಂ ಕ್ವಚಿ ದ್ವೇಭಾವೋ ಹೋತಿ.

ತಿತಿಕ್ಖತಿ ¶ , ಜಿಗುಚ್ಛತಿ, ತಿಕಿಚ್ಛತಿ, ವೀಮಂಸತಿ, ಬುಭುಕ್ಖತಿ, ಪಿವಾಸತಿ, ದದ್ದಲ್ಲತಿ, ದದಾತಿ, ಜಹಾತಿ, ಚಙ್ಕಮತಿ.

ಕ್ವಚೀತಿ ಕಿಮತ್ಥಂ? ಕಮ್ಪತಿ, ಚಲತಿ.

ದ್ವೇಭೂತಸ್ಸ ಧಾತುಸ್ಸ ಯೋ ಪುಬ್ಬೋ, ಸೋ ಅಬ್ಭಾಸಸಞ್ಞೋ ಹೋತಿ.

ಅಬ್ಭಾಸೇ ವತ್ತಮಾನಸ್ಸ ಸರಸ್ಸ ರಸ್ಸೋ ಹೋತಿ. ದಧಾತಿ, ಜಹಾತಿ.

೪೬೧, ೪೬೪. ದುತಿಯಚತುತ್ಥಾನಂ ಪಠಮತತಿಯಾ.

ಅಬ್ಭಾಸಗತಾನಂ ದುತಿಯಚತುತ್ಥಾನಂ ಪಠಮತತಿಯಾ ಹೋನ್ತಿ.

ಚಿಚ್ಛೇದ, ಬುಭುಕ್ಖತಿ, ಬಭೂವ, ದಧಾತಿ.

ಅಬ್ಭಾಸೇ ವತ್ತಮಾನಸ್ಸ ಕವಗ್ಗಸ್ಸ ಚ ವಗ್ಗೋ ಹೋತಿ.

ಚಿಕಿಚ್ಛತಿ ¶ , ಜಿಗುಚ್ಛತಿ, ಜಿಘಚ್ಛತಿ, ಜಿಗೀಸತಿ, ಜಙ್ಗಮತಿ, ಚಙ್ಕಮತಿ.

೪೬೩, ೫೩೨. ಮಾನಕಿತಾನಂ ವತತ್ತಂ ವಾ.

ಮಾನಕಿತಇಚ್ಚೇತೇಸಂ ಧಾತೂನಂ ಅಬ್ಭಾಸಗತಾನಂ ವಕಾರ ತಕಾರತ್ತಂ ಹೋತಿ ವಾ ಯಥಾಸಙ್ಖ್ಯಂ.

ಅಬ್ಭಾಸೇ ವತ್ತಮಾನಸ್ಸ ಹಕಾರಸ್ಸ ಜೋ ಹೋತಿ.

೪೬೫, ೪೬೩. ಅನ್ತಸ್ಸಿವಣ್ಣಾಕಾರೋ ವಾ.

ಅಬ್ಭಾಸಸ್ಸ ಅನ್ತಸ್ಸ ಇವಣ್ಣೋ ಹೋತಿ, ಅಕಾರೋ ವಾ.

ಜಿಗುಚ್ಛತಿ, ಪಿವಾಸತಿ, ವೀಮಂಸತಿ, ಜಿಘಚ್ಛತಿ, ಬಭೂವ, ದಧಾತಿ.

ಅಬ್ಭಾಸಸ್ಸ ಅನ್ತೇ ನಿಗ್ಗಹಿತಾಗಮೋ ಹೋತಿ ವಾ.

ವಾತಿ ಕಿಮತ್ಥಂ? ಪಿವಾಸತಿ, ದದ್ದಲ್ಲತಿ.

೪೬೭, ೫೩೩. ತತೋ ಪಾಮಾನಾನಂ ವಾ ಮಂ ಸೇಸು.

ತತೋ ಅಬ್ಭಾಸತೋ ಪಾಮಾನಇಚ್ಚೇತೇಸಂ ಧಾತೂನಂ ವಾಮಂಇಚ್ಚೇತೇ ಆದೇಸಾ ಹೋನ್ತಿ ಯಥಾಸಙ್ಖ್ಯಂ ಸಪಚ್ಚಯೇ ಪರೇ.

ಠಾಇಚ್ಚೇತಸ್ಸ ಧಾತುಸ್ಸ ತಿಟ್ಠಾದೇಸೋ ಹೋತಿ ವಾ.

ತಿಟ್ಠತಿ, ತಿಟ್ಠತು, ತಿಟ್ಠೇಯ್ಯ, ತಿಟ್ಠೇಯ್ಯುಂ.

ಪಾಇಚ್ಚೇತಸ್ಸ ಧಾತುಸ್ಸ ಪಿವಾದೇಸೋ ಹೋತಿ ವಾ.

ಪಿವತಿ, ಪಿವತು, ಪಿವೇಯ್ಯ, ಪಿವೇಯ್ಯುಂ.

ಞಾಇಚ್ಚೇತಸ್ಸ ಧಾತುಸ್ಸ ಜಾ ಜಂ ನಾಆದೇಸಾ ಹೋನ್ತಿ ವಾ.

ಜಾನಾತಿ, ಜಾನೇಯ್ಯ, ಜಾನಿಯಾ, ಜಞ್ಞಾ, ನಾಯತಿ.

೪೭೧, ೪೮೩. ದಿಸಸ್ಸ ಪಸ್ಸ ದಿಸ್ಸ ದಕ್ಖಾ ವಾ.

ದಿಸಇಚ್ಚೇತಸ್ಸ ಧಾತುಸ್ಸ ಪಸ್ಸ ದಿಸ್ಸ ದಕ್ಖಇಚ್ಚೇತೇ ಆದೇಸಾ ಹೋನ್ತಿ ವಾ.

೪೭೨, ೫೩೧. ಬ್ಯಞ್ಜನನ್ತಸ್ಸ ಚೋ ಛಪಚ್ಚಯೇಸು ಚ.

ಬ್ಯಞ್ಜನನ್ತಸ್ಸ ಧಾತುಸ್ಸ ಚೋ ಹೋತಿ ಛಪಚ್ಚಯೇಸು ಪರೇಸು.

ಜಿಗುಚ್ಛತಿ, ತಿಕಿಚ್ಛತಿ, ಜಿಘಚ್ಛತಿ.

ಬ್ಯಞ್ಜನನ್ತಸ್ಸ ಧಾತುಸ್ಸ ಕೋ ಹೋತಿ ಖಪಚ್ಚಯೇ ಪರೇ.

ಹರಇಚ್ಚೇತಸ್ಸ ಧಾತುಸ್ಸ ಸಬ್ಬಸ್ಸೇವ ಗೀಆದೇಸೋ ಹೋತಿ ಸಪಚ್ಚಯೇ ಪರೇ.

೪೭೫, ೫೬೫. ಬ್ರೂಭೂನಮಾಹಭೂವಾ ಪರೋಕ್ಖಾಯಂ.

ಬ್ರೂಭೂಇಚ್ಚೇತೇಸಂ ಧಾತೂನಂ ಆಹಭೂವಇಚ್ಚೇತೇ ಆದೇಸಾ ಹೋನ್ತಿ ಯಥಾಸಙ್ಖ್ಯಂ ಪರೋಕ್ಖಾಯಂ ವಿಭತ್ತಿಯಂ.

ಪರೋಕ್ಖಾಯಮಿತಿ ಕಿಮತ್ಥಂ? ಅಬ್ರಚುಂ.

೪೭೬, ೪೪೨. ಗಮಿಸ್ಸನ್ತೋ ಚ್ಛೋ ವಾ ಸಬ್ಬಾಸು.

ಗಮುಇಚ್ಚೇತಸ್ಸ ಧಾತುಸ್ಸ ಅನ್ತೋ ಮಕಾರೋ ಚ್ಛೋ ಹೋತಿ ವಾ ಸಬ್ಬಾಸು ಪಚ್ಚಯವಿಭತ್ತೀಸು.

ಗಚ್ಛಮಾನೋ, ಗಚ್ಛನ್ತೋ. ಗಚ್ಛತಿ, ಗಮೇತಿ. ಗಚ್ಛತು, ಗಮೇತು. ಗಚ್ಛೇಯ್ಯ. ಗಮೇಯ್ಯ. ಅಗಚ್ಛಾ, ಅಗಮಾ. ಅಗಚ್ಛೀ, ಅಗಮೀ. ಗಚ್ಛಿಸ್ಸತಿ, ಗಮಿಸ್ಸತಿ. ಅಗಚ್ಛಿಸ್ಸಾ, ಅಗಮಿಸ್ಸಾ.

೪೭೭, ೪೭೯. ವಚಸ್ಸಜ್ಜತನಿಮ್ಹಿ ಮಕಾರೋ ಓ.

ವಚಇಚ್ಚೇತಸ್ಸ ಧಾತುಸ್ಸ ಅಕಾರೋ ಓತ್ತಮಾಪಜ್ಜತೇ ಅಜ್ಜತನಿಮ್ಹಿ ವಿಭತ್ತಿಮ್ಹಿ.

ಅಜ್ಜತನಿಮ್ಹೀತಿ ಕಿಮತ್ಥಂ? ಅವಚ, ಅವಚೂ.

೪೭೮, ೪೩೮. ಅಕಾರೋ ದೀಘಂ ಹಿ ಮಿ ಮೇಸು.

ಅಕಾರೋ ದೀಘಮಾಪಜ್ಜತೇ ಹಿಮಿಮಇಚ್ಚೇತೇಸು ವಿಭತ್ತೀಸು.

ಗಚ್ಛಾಹಿ, ಗಚ್ಛಾಮಿ, ಗಚ್ಛಾಮ, ಗಚ್ಛಾಮ್ಹೇ.

ಮಿಕಾರಗ್ಗಹಣೇನ ಹಿವಿಭತ್ತಿಮ್ಹಿ ಅಕಾರೋ ಕ್ವಚಿ ನ ದೀಘಮಾಪಜ್ಜತೇ. ಗಚ್ಛಹಿ.

ಗಚ್ಛ, ಗಚ್ಛಾಹಿ, ಗಮ, ಗಮಾಹಿ, ಗಮಯ, ಗಮಯಾಹಿ.

೪೮೦, ೪೯೦. ಹೋತಿಸ್ಸರೇಹೋಹೇ ಭವಿಸ್ಸನ್ತಿಮ್ಹಿಸ್ಸಸ್ಸ ಚ.

ಹೂಇಚ್ಚೇತಸ್ಸ ¶ ಧಾತುಸ್ಸ ಸರೋ ಏ ಹ ಓಹ ಏತ್ತಮಾಪಜ್ಜ ತೇ ಭವಿಸ್ಸನ್ತಿಮ್ಹಿ, ಸ್ಸಸ್ಸ ಚ ಲೋಪೋ ಹೋತಿ ವಾ.

ಹೇಹಿತಿ, ಹೇಹಿನ್ತಿ, ಹೋಹಿತಿ, ಹೋಹಿನ್ತಿ, ಹೇತಿ, ಹೇನ್ತಿ, ಹೇಹಿಸ್ಸತಿ, ಹೇಹಿಸ್ಸನ್ತಿ, ಹೋಹಿಸ್ಸತಿ, ಹೋಹಿಸ್ಸನ್ತಿ, ಹೇಸ್ಸತಿ, ಹೇಸ್ಸನ್ತಿ.

ಹೂತಿ ಕಿಮತ್ಥಂ? ಭವಿಸ್ಸತಿ, ಭವಿಸ್ಸನ್ತಿ.

ಭವಿಸ್ಸನ್ತಿಮ್ಹೀತಿ ಕಿಮತ್ಥಂ? ಹೋತಿ.

೪೮೧, ೫೨೪. ಕರಸ್ಸ ಸಪಚ್ಚಯಸ್ಸ ಕಾಹೋ.

ಕರಇಚ್ಚೇತಸ್ಸ ಧಾತುಸ್ಸ ಸಪಚ್ಚಯಸ್ಸ ಕಾಹಾದೇಸೋ ಹೋತಿ ವಾ ಭವಿಸ್ಸನ್ತಿಮ್ಹಿ ವಿಭತ್ತಿಮ್ಹಿ, ಸಸ್ಸ ಚ ನಿಚ್ಚಂ ಲೋಪೋ ಹೋತಿ.

ಕಾಹತಿ, ಕಾಹಿತಿ, ಕಾಹಸಿ, ಕಾಹಿಸಿ, ಕಾಹಾಮಿ, ಕಾಹಾಮ.

ವಾತಿ ಕಿಮತ್ಥಂ? ಕರಿಸ್ಸತಿ, ಕರಿಸ್ಸನ್ತಿ.

ಸಪಚ್ಚಯಗ್ಗಹಣೇನ ಅಞ್ಞೇಹಿಪಿ ಭವಿಸ್ಸನ್ತಿಯಾ ವಿಭತ್ತಿಯಾ ಖಾಮಿ ಖಾಮ ಛಾಮಿ ಛಾಮಇಚ್ಚಾದಯೋ ಆದೇಸಾ ಹೋನ್ತಿ. ವಕ್ಖಾಮಿ, ವಕ್ಖಾಮ, ವಚ್ಛಾಮಿ, ವಚ್ಛಾಮ.

೪೮೨, ೫೦೮. ದಾದನ್ತಸ್ಸಂ ¶ ಮಿ ಮೇಸು.

ದಾಇಚ್ಚೇತಸ್ಸ ಧಾತುಸ್ಸ ಅನ್ತಸ್ಸ ಅಂ ಹೋತಿ ಮಿಮಇಚ್ಚೇತೇಸು.

೪೮೩, ೫೨೭. ಅಸಂಯೋಗನ್ತಸ್ಸ ವುದ್ಧಿ ಕಾರಿತೇ.

ಅಸಂಯೋಗನ್ತಸ್ಸ ಧಾತುಸ್ಸ ಕಾರಿತೇ ವುದ್ಧಿ ಹೋತಿ.

ಕಾರೇತಿ, ಕಾರೇನ್ತಿ, ಕಾರಯತಿ, ಕಾರಯನ್ತಿ, ಕಾರಾಪೇತಿ, ಕಾರಾಪೇನ್ತಿ, ಕಾರಾಪಯತಿ, ಕಾರಾಪಯನ್ತಿ.

ಅಸಂಯೋಗನ್ತಸ್ಸೇತಿ ಕಿಮತ್ಥಂ? ಚಿನ್ತಯತಿ, ಮನ್ತಯತಿ.

ಘಟಾದೀನಂ ಧಾತೂನಂ ಅಸಂಯೋಗನ್ತಾನಂ ವುದ್ಧಿ ಹೋತಿ ವಾ ಕಾರಿತೇ.

ಘಾಟೇತಿ, ಘಟೇತಿ, ಘಾಟಯತಿ, ಘಟಯತಿ, ಘಾಟಾಪೇತಿ, ಘಟಾಪೇತಿ, ಘಾಟಾಪಯತಿ, ಘಟಾಪಯತಿ, ಗಾಮೇತಿ, ಗಮೇತಿ, ಗಾಮಯತಿ, ಗಮಯತಿ, ಗಾಮಾಪೇತಿ, ಗಮಾಪೇತಿ. ಗಾಮಾಪಯತಿ, ಗಮಾಪಯತಿ.

ಅಞ್ಞೇಸು ಚ ಪಚ್ಚಯೇಸು ಸಬ್ಬೇಸಂ ಧಾತೂನಂ ಅಸಂಯೋಗನ್ತಾನಂ ವುದ್ಧಿ ಹೋತಿ.

ಚಗ್ಗಹಣೇನ ಣುಪಚ್ಚಯಸ್ಸಾಪಿ ವುದ್ಧಿ ಹೋತಿ. ಅಭಿಸುಣೋತಿ.

ಗುಹ ದುಸಇಚ್ಚೇತೇಸಂ ಧಾತೂನಂ ಸರೋ ದೀಘಮಾಪಜ್ಜತೇ ಕಾರಿತೇ.

೪೮೭, ೪೭೮. ವಚ ವಸ ವಹಾದೀನಮುಕಾರೋ ವಸ್ಸ ಯೇ.

ವಚ ವಸ ವಹಇಚ್ಚೇವಮಾದೀನಂ ಧಾತೂನಂ ವಕಾರಸ್ಸ ಉಕಾರೋ ಹೋತಿ ಯಪಚ್ಚಯೇ ಪರೇ.

ಉಚ್ಚತೇ, ವುಚ್ಚತಿ, ಗುಸ್ಸತಿ, ವುಯ್ಹತಿ.

ಹಕಾರಸ್ಸ ವಿಪರಿಯಯೋ ಹೋತಿ ಯಪಚ್ಚಯೇ ಪರೇ, ಯಪಚ್ಚಯಸ್ಸ ಚ ಲೋ ಹೋತಿ ವಾ.

ಗಹಇಚ್ಚೇತಸ್ಸ ಧಾತುಸ್ಸ ಸಬ್ಬಸ್ಸ ಘೇಕಾರೋ ಹೋತಿ ಪ್ಪಪಚ್ಚಯೇ ಪರೇ.

ಗಹಇಚ್ಚೇತಸ್ಸ ಧಾತುಸ್ಸ ಹಕಾರಸ್ಸ ಲೋಪೋ ಹೋತಿ ಣ್ಹಾಮ್ಹಿ ಪಚ್ಚಯೇ ಪರೇ.

೪೯೧, ೫೨೩. ಕರಸ್ಸ ಕಾಸತ್ತಮಜ್ಜತನಿಮ್ಹಿ.

ಕರಇಚ್ಚೇತಸ್ಸ ಧಾತುಸ್ಸ ಸಬ್ಬಸ್ಸ ಕಾಸತ್ತಂ ಹೋತಿ ವಾ ಅಜ್ಜತನಿಮ್ಹಿ ವಿಭತ್ತಿಮ್ಹಿ.

ಕಾಸತ್ತಮಿತಿಭಾವನಿದ್ದೇಸೇನ ಅಞ್ಞತ್ಥಾಪಿ ಸಾಗಮೋ ಹೋತಿ. ಅಹೋಸಿ, ಅದಾಸಿ.

೪೯೨, ೪೯೯. ಅಸಸ್ಮಾ ಮಿಮಾನಂ ಮ್ಹಿಮ್ಹಾ’ ನ್ತಲೋಪೋ ಚ.

ಅಸಇಚ್ಚೇತಾಯ ಧಾತುಯಾ ಮಿಮಇಚ್ಚೇತೇಸಂ ವಿಭತ್ತೀನಂ ಮ್ಹಿಮ್ಹಾದೇಸಾ ಹೋನ್ತಿ ವಾ, ಧಾತ್ವನ್ತಸ್ಸ ಲೋಪೋ ಚ.

ಅಸಇಚ್ಚೇತಾಯ ಧಾತುಯಾ ಥಸ್ಸ ವಿಭತ್ತಿಸ್ಸ ತ್ಥತ್ತಂ ಹೋತಿ, ಧಾತ್ವನ್ತಸ್ಸ ಲೋಪೋ ಚ.

ಅಸಇಚ್ಚೇತಾಯ ಧಾತುಯಾ ತಿಸ್ಸ ವಿಭತ್ತಿಸ್ಸ ತ್ಥಿತ್ತಂ ಹೋತಿ, ಧಾತ್ವನ್ತಸ್ಸ ಲೋಪೋ ಚ.

ಅಸಇಚ್ಚೇತಾಯ ಧಾತುಯಾ ತುಸ್ಸ ವಿಭತ್ತಿಸ್ಸ ತ್ಥುತ್ತಂ ಹೋತಿ, ಧಾತ್ವನ್ತಸ್ಸ ಲೋಪೋ ಚ.

ಅಸಸ್ಸೇವ ಧಾತುಸ್ಸ ಸಿಮ್ಹಿ ವಿಭತ್ತಿಮ್ಹಿ ಅನ್ತಸ್ಸ ಲೋಪೋ ಚ ಹೋತಿ.

೪೯೭, ೪೭೭. ಲಭಸ್ಮಾ ¶ ಈ ಇಂನಂ ತ್ಥ ತ್ಥಂ.

ಲಭಇಚ್ಚೇತಾಯ ಧಾತುಯಾ ಈ ಇಂನಂ ವಿಭತ್ತೀನಂ ತ್ಥ ತ್ಥಂಆದೇಸಾ ಹೋನ್ತಿ, ಧಾತ್ವನ್ತಸ್ಸ ಲೋಪೋ ಚ.

ಕುಸಇಚ್ಚೇತಾಯ ಧಾತುಯಾ ಈವಿಭತ್ತಿಸ್ಸ ಚ್ಛಿಹೋತಿ, ಧಾತ್ವನ್ತಸ್ಸ ಲೋಪೋ ಚ.

ದಾಇಚ್ಚೇತಸ್ಸ ಧಾತುಸ್ಸ ಸಬ್ಬಸ್ಸ ದಜ್ಜಾದೇಸೋ ಹೋತಿ ವಾ.

ದಜ್ಜಾಮಿ, ದಜ್ಜೇಯ್ಯ, ದದಾಮಿ, ದದೇಯ್ಯ.

ವದಇಚ್ಚೇತಸ್ಸ ಧಾತುಸ್ಸ ಸಬ್ಬಸ್ಸ ವಜ್ಜಾದೇಸೋ ಹೋತಿ ವಾ.

ವಜ್ಜಾಮಿ, ವಜ್ಜೇಯ್ಯ, ವದಾಮಿ, ವದೇಯ್ಯ.

ಗಮುಇಚ್ಚೇತಸ್ಸ ಧಾತುಸ್ಸ ಸಬ್ಬಸ್ಸ ಘಮ್ಮಾದೇಸೋ ಹೋತಿ ವಾ.

ವಾತಿ ಕಿಮತ್ಥಂ? ಗಚ್ಛತು, ಗಚ್ಛಾಹಿ, ಗಚ್ಛಾಮಿ.

೫೦೨, ೪೯೩. ಯಮ್ಹಿ ದಾ ಧಾ ಮಾ ಠಾ ಹಾ ಪಾ ಮಹಮಥಾದೀನಮೀ.

ಯಮ್ಹಿ ಪಚ್ಚಯೇ ಪರೇ ದಾ ಧಾ ಮಾ ಠಾ ಹಾ ಪಾ ಮಹ ಮಥ ಇಚ್ಚೇವಮಾದೀನಂ ಧಾತೂನಂ ಅನ್ತೋ ಈಕಾರಮಾಪಜ್ಜತೇ.

ದೀಯತಿ, ಧೀಯತಿ, ಮೀಯತಿ, ಠೀಯತಿ, ಹೀಯತಿ, ಪೀಯತಿ, ಮಹೀಯತಿ, ಮಥೀಯತಿ.

ಯಜಇಚ್ಚೇತಸ್ಸ ಧಾತುಸ್ಸ ಆದಿಸ್ಸ ಇಕಾರಾದೇಸೋ ಹೋತಿ ಯಪಚ್ಚಯೇ ಪರೇ.

ಸಬ್ಬೇಹಿ ಧಾತೂಹಿ ಉಂವಿಭತ್ತಿಸ್ಸ ಇಂಸುಆದೇಸೋ ಹೋತಿ.

೫೦೫, ೪೮೨. ಜರ ಮರಾನಂ ಜೀರ ಜಿಯ್ಯ ಮಿಯ್ಯಾ ವಾ.

ಜರ ಮರ ಇಚ್ಚೇತೇಸಂ ಧಾತೂನಂ ಜೀರ ಜಿಯ್ಯ ಮಿಯ್ಯಾದೇಸಾ ಹೋನ್ತಿ ವಾ.

ಜೀರತಿ, ಜೀರನ್ತಿ, ಜಿಯ್ಯತಿ, ಜಿಯ್ಯನ್ತಿ, ಮಿಯ್ಯತಿ, ಮಿಯ್ಯನ್ತಿ, ಮರತಿ, ಮರನ್ತಿ.

೫೦೬, ೪೯೬. ಸಬ್ಬತ್ಥಾ’ ಸಸ್ಸಾದಿಲೋಪೋ ಚ.

ಸಬ್ಬತ್ಥ ವಿಭತ್ತಿಪಚ್ಚಯೇಸು ಅಸಇಚ್ಚೇತಸ್ಸ ಧಾತುಸ್ಸ ಆದಿಸ್ಸ ಲೋಪೋ ಹೋತಿ ವಾ.

ಅಸಸ್ಸೇವ ಧಾತುಸ್ಸ ಭೂಹೋತಿ ವಾ ಅಸಬ್ಬಧಾತುಕೇ.

೫೦೮, ೫೧೫. ಏಯ್ಯಸ್ಸ ¶ ಞಾತೋ ಇಯಾ ಞಾ.

ಏಯ್ಯಸ್ಸ ವಿಭತ್ತಿಸ್ಸ ಞಾಇಚ್ಚೇತಾಯ ಧಾತುಯಾ ಪರಸ್ಸ ಇಯಾ ಞಾಆದೇಸಾ ಹೋನ್ತಿ ವಾ.

೫೦೯, ೫೧೬. ನಾಸ್ಸ ಲೋಪೋ ಯಕಾರತ್ತಂ.

ಞಾಇಚ್ಚೇತಾಯ ಧಾತುಯಾ ಪರಸ್ಸ ನಾಪಚ್ಚಯಸ್ಸ ಲೋಪೋ ಹೋತಿ ವಾ, ಯಕಾರತ್ತಞ್ಚ.

ಅಕಾರಪಚ್ಚಯೋ ಲೋಪಮಾಪಜ್ಜತೇ, ಏತ್ತಞ್ಚ ಹೋತಿ ವಾ.

ಕರಇಚ್ಚೇತಸ್ಸ ಧಾತುಸ್ಸ ಅಕಾರೋ ಉತ್ತಮಾಪಜ್ಜತೇ ವಾ.

ಕುರುತೇ, ತರೋತಿ, ತುಬ್ಬನ್ತಿ, ಕಯಿರತಿ.

ಓಕಾರಸ್ಸ ಧಾತ್ವನ್ತಸ್ಸ ಸರೇ ಪರೇ ಅವಾದೇಸೋ ಹೋತಿ.

ಏಕಾರಸ್ಸ ಧಾತ್ವನ್ತಸ್ಸ ಸರೇ ಪರೇ ಅಯಾದೇಸೋ ಹೋತಿ.

ತೇ ಓ ಏಇಚ್ಚೇತೇ ಆವ ಆಯಾದೇಸೇ ಪಾಪುಣನ್ತಿ ಕಾರಿತೇ.

ಯೋಗವಿಭಾಗೇನ ಅಞ್ಞಸ್ಮಿಮ್ಪಿ ಏಕಾರಸ್ಸ ಆಯಾದೇಸೋ ಹೋತಿ. ಗಾಯತಿ, ಗಾಯನ್ತಿ.

೫೧೬, ೪೬೬. ಇಕಾರಾಗಮೋ ಅಸಬ್ಬಧಾತುಕಮ್ಹಿ.

ಸಬ್ಬಸ್ಮಿಂ ಅಸಬ್ಬಧಾತುಕಮ್ಹಿ ಇಕಾರಾಗಮೋ ಹೋತಿ.

ಗಮಿಸ್ಸತಿ, ಕರಿಸ್ಸತಿ, ಲಭಿಸ್ಸತಿ, ಪಚಿಸ್ಸತಿ.

ಅಸಬ್ಬಧಾತುಕಮ್ಹೀತಿ ಕಿಮತ್ಥಂ? ಗಚ್ಛತಿ, ಕರೋತಿ, ಲಭತಿ, ಪಚತಿ.

೫೧೭, ೪೮೮. ಕ್ವಚಿ ಧಾತುವಿಭತ್ತಿಪಚ್ಚಯಾನಂ ದೀಘ ವಿಪರೀತಾದೇಸಲೋಪಾಗಮಾ ಚ.

ಇಧ ಆಖ್ಯಾತೇ ಅನಿದ್ದಿಟ್ಠೇಸು ಸಾಧನೇಸು ಕ್ವಚಿ ಧಾತುವಿಭತ್ತಿಪಚ್ಚಯಾನಂ ದೀಘವಿಪರೀತಾದೇಸಲೋಪಾಗಮಇಚ್ಚೇತಾನಿ ಕಾರಿಯಾನಿ ಜಿನವಚನಾನುರೂಪಾನಿ ಕಾತಬ್ಬಾನಿ.

ಜಾಯತಿ ¶ , ಕರೇಯ್ಯ, ಜಾನಿಯಾ, ಸಿಯಾ, ಕರೇ, ಗಚ್ಛೇ, ಜಞ್ಞಾ, ವಕ್ಖೇಥ, ದಕ್ಖೇಥ, ದಿಚ್ಛತಿ, ಅಗಚ್ಛಿ, ಅಗಚ್ಛುಂ, ಅಹೋಸಿ, ಅಹೇಸುಂ ಇಚ್ಚೇವಮಾದೀನಿ ಅಞ್ಞಾನಿಪಿ ಸಾಧನಾನಿ ಯೋಜೇತಬ್ಬಾನಿ.

೫೧೮, ೪೪೬. ಅತ್ತನೋಪದಾನಿ ಪರಸ್ಸಪದತ್ತಂ.

ಅತ್ತನೋಪದಾನಿ ಕ್ವಚಿ ಪರಸ್ಸಪದತ್ತಮಾಪಜ್ಜನ್ತೇ.

ಕ್ವಚೀತಿ ಕಿಮತ್ಥಂ? ಕರೀಯತೇ, ಲಬ್ಭತೇ, ಪಚ್ಚತೇ.

೫೧೯, ೪೫೭. ಅಕಾರಾಗಮೋ ಹಿಯ್ಯತ್ತನೀಅಜ್ಜತನೀಕಾಲಾತಿಪತ್ತೀಸು.

ಕ್ವಚಿ ಅಕಾರಾಗಮೋ ಹೋತಿ ಹಿಯ್ಯತ್ತನೀ ಅಜ್ಜತನೀಕಾಲಾತಿಪತ್ತಿಇಚ್ಚೇತಾಸು ವಿಭತ್ತೀಸು.

ಕ್ವಚೀತಿ ಕಿಮತ್ಥಂ? ಗಮಾ, ಗಮೀ, ಗಮಿಸ್ಸಾ.

ಬ್ರೂಇಚ್ಚೇತಾಯ ಧಾತುಯಾ ಈಕಾರಾಗಮೋ ಹೋತಿ ತಿಮ್ಹಿ ವಿಭತ್ತಿಮ್ಹಿ.

೫೨೧, ೪೨೫. ಧಾತುಸ್ಸನ್ತೋ ¶ ಲೋಪೋ’ನೇಕಸರಸ್ಸ.

ಧಾತುಸ್ಸ ಅನ್ತೋ ಕ್ವಚಿ ಲೋಪೋ ಹೋತಿ ಅನೇಕಸರಸ್ಸ.

ಅನೇಕಸರಸ್ಸೇತಿ ಕಿಮತ್ಥಂ? ಪಾತಿ, ಯಾತಿ, ವಾತಿ.

ಕ್ವಚೀತಿ ಕಿಮತ್ಥಂ? ಮಹೀಯತಿ, ಮಥೀಯತಿ.

೫೨೨, ೪೭೬. ಇಸುಯಮೂನಮನ್ತೋ ಚ್ಛೋ ವಾ.

ಇಸು ಯಮು ಇಚ್ಚೇತೇಸಂ ಧಾತೂನಂ ಅನ್ತೋ ಚ್ಛೋ ಹೋತಿ ವಾ. ಇಚ್ಛತಿ, ನಿಯಚ್ಛತಿ.

ಕಾರಿತಇಚ್ಚೇತೇಸಂ ಪಚ್ಚಯಾನಂ ಣೋ ಲೋಪಮಾಪಜ್ಜತೇ.

ಕಾರೇತಿ, ಕಾರಯತಿ, ಕಾರಾಪೇತಿ, ಕಾರಾಪಯತಿ.

ಸಾಸನತ್ಥಂ ಸಮುದ್ದಿಟ್ಠಂ, ಮಯಾಖ್ಯಾತಂ ಸಮಾಸತೋ;

ಸಕಂ ಬುದ್ಧಿವಿಸೇಸೇನ, ಚಿನ್ತಯನ್ತು ವಿಚಕ್ಖಣಾ.

ಇತಿ ಆಖ್ಯಾತಕಪ್ಪೇ ಚತುತ್ಥೋ ಕಣ್ಡೋ.

ಬುದ್ಧಂ ¶ ಞಾಣಸಮುದ್ದಂ, ಸಬ್ಬಞ್ಞುಂ ಲೋಕಹೇತು’ಖೀಣಮತಿಂ;

ವನ್ದಿತ್ವಾ ಪುಬ್ಬಮಹಂ, ವಕ್ಖಾಮಿ ಸಸಾಧನಂ ಹಿ ಕಿತಕಪ್ಪಂ.

ತಸ್ಮಾ ಸಂರಕ್ಖಣತ್ಥಂ, ಮುನಿವಚನತ್ಥಸ್ಸ ದುಲ್ಲಭಸ್ಸಾಹಂ;

ವಕ್ಖಾಮಿ ಸಿಸ್ಸಕಹಿತಂ, ಕಿತಕಪ್ಪಂ ಸಾಧನೇನ ಯುತಂ.

೫೨೪, ೫೬೧. ಧಾತುಯಾ ಕಮ್ಮಾದಿಮ್ಹಿ ಣೋ.

ಧಾತುಯಾ ಕಮ್ಮಾದಿಮ್ಹಿ ಣಪಚ್ಚಯೋ ಹೋತಿ.

ಕಮ್ಮಂ ಕರೋತೀತಿ ಕಮ್ಮಕಾರೋ, ಏವಂ ಕುಮ್ಭಕಾರೋ, ಮಾಲಾಕಾರೋ, ಕಟ್ಠಕಾರೋ, ರಥಕಾರೋ, ರಜತಕಾರೋ ¶ , ಸುವಣ್ಣಕಾರೋ, ಪತ್ತಗ್ಗಾಹೋ, ತನ್ತವಾಯೋ, ಧಞ್ಞಮಾಯೋ, ಧಮ್ಮಕಾಮೋ, ಧಮ್ಮಚಾರೋ.

ಸಞ್ಞಾಯಮಭಿಧೇಯ್ಯಾಯಂ ಧಾತುಯಾ ಕಮ್ಮಾದಿಮ್ಹಿ ಅಕಾರಪಚ್ಚಯೋ ಹೋತಿ, ನಾಮಮ್ಹಿ ಚ ನುಕಾರಾಗಮೋ ಹೋತಿ.

ಅರಿಂ ದಮೇತೀತಿ ಅರಿನ್ದಮೋ, ರಾಜಾ. ವೇಸ್ಸಂ ತರತೀತಿ ವೇಸ್ಸನ್ತರೋ, ರಾಜಾ. ತಣ್ಹಂ ಕರೋತೀತಿ ತಣ್ಹಙ್ಕರೋ, ಭಗವಾ. ಮೇಧಂ ಕರೋತೀತಿ ಮೇಧಙ್ಕರೋ, ಭಗವಾ. ಸರಣಂ ಕರೋತೀತಿ ಸರಣಙ್ಕರೋ, ಭಗವಾ. ದೀಪಂ ಕರೋತೀತಿ ದೀಪಙ್ಕರೋ, ಭಗವಾ.

ಪುರಸದ್ದೇ ಆದಿಮ್ಹಿ ದದಇಚ್ಚೇತಾಯ ಧಾತುಯಾ ಅಕಾರಪಚ್ಚಯೋ ಹೋತಿ, ಪುರಸದ್ದಸ್ಸ ಅಕಾರಸ್ಸ ಚ ಇಂ ಹೋತಿ.

ಪುರೇ ದಾನಂ ಅದಾಸೀತಿ ಪುರಿನ್ದದೋ ದೇವರಾಜಾ.

೫೨೭, ೫೬೮. ಸಬ್ಬತೋ ಣ್ವು ತ್ವಾವೀ ವಾ.

ಸಬ್ಬತೋ ಧಾತುತೋ ಕಮ್ಮಾದಿಮ್ಹಿ ವಾ ಅಕಮ್ಮಾದಿಮ್ಹಿ ವಾ ಅಕಾರ ಣ್ವು ತು ಆವೀಇಚ್ಚೇತೇ ಪಚ್ಚಯಾ ಹೋನ್ತಿ.

ತಂ ¶ ಕರೋತೀತಿ ತಕ್ಕರೋ, ಹಿತಂ ಕರೋತೀತಿ ಹಿತಕರೋ, ವಿನೇತಿ ಏತ್ಥ, ಏತೇನಾತಿ ವಾ ವಿನಯೋ ನಿಸ್ಸಾಯ ನಂ ವಸತೀತಿ ನಿಸ್ಸಯೋ.

ಣ್ವುಮ್ಹಿ – ರಥಂ ಕರೋತೀತಿ ರಥಕಾರಕೋ, ಅನ್ನಂ, ದದಾತೀತಿ ಅನ್ನದಾಯಕೋ, ವಿನೇತಿ ಸತ್ತೇತಿ ವಿನಾಯಕೋ, ಕರೋತೀತಿ ಕಾರಕೋ, ದದಾತೀತಿ ದಾಯಕೋ, ನೇತೀತಿ ನಾಯಕೋ.

ತುಮ್ಹಿ – ತಂ ಕರೋತೀತಿ ತಕ್ಕತ್ತಾ, ತಸ್ಸ ಕತ್ತಾತಿ ವಾ ತಕ್ಕತ್ತಾ. ಭೋಜನಂ ದದಾತೀತಿ ಭೋಜನದಾತಾ, ಭೋಜನಸ್ಸ ದಾತಾತಿ ವಾ ಭೋಜನದಾತಾ. ಕರೋತೀತಿ ಕತ್ತಾ. ಸರತೀತಿ ಸರಿತಾ.

ಆವೀಮ್ಹಿ – ಭಯಂ ಪಸ್ಸತೀತಿ ಭಯದಸ್ಸಾವೀ ಇಚ್ಚೇವಮಾದಿ.

ವಿಸ ರುಜ ಪದಇಚ್ಚೇವಮಾದೀಹಿ ಧಾತೂಹಿ ಣ ಪಚ್ಚಯೋ ಹೋತಿ.

ಪವಿಸತೀತಿ ಪವೇಸೋ, ರುಜತೀತಿ ರೋಗೋ, ಉಪ್ಪಜ್ಜತೀತಿ ಉಪ್ಪಾದೋ, ಫುಸತೀತಿ ಫಸ್ಸೋ, ಉಚತೀತಿ ಓಕೋ, ಭವತೀತಿ ಭಾವೋ, ಅಯತೀತಿ ಆಯೋ, ಸಮ್ಮಾ ಬುಜ್ಝತೀತಿ ಸಮ್ಬೋಧೋ, ವಿಹರತೀತಿ ವಿಹಾರೋ.

ಭಾವತ್ಥಾಭಿಧೇಯ್ಯೇ ಸಬ್ಬಧಾತೂಹಿ ಣಪಚ್ಚಯೋ ಹೋತಿ.

ಪಚ್ಚತೇ, ಪಚನಂ ವಾ ಪಾತೋ, ಚಜತೇ, ಚಜನಂ ವಾ ಚಾಗೋ, ಏವಂ ಯಾಗೋ, ಯೋಗೋ, ಭಾಗೋ, ಪರಿದಾಹೋ.

ಸಮ್ಭವತೀತಿ ಸಮ್ಭೂ, ವಿಸೇಸೇನ ಭವತೀತಿ ವಿಭೂ, ಭುಜೇನ ಗಚ್ಛತೀತಿ ಭುಜಗೋ, ಸಂ ಅತ್ತಾನಂ ಖನತಿ, ಸಂ ಸಟ್ಠು ಖನತೀತಿ ವಾ ಸಙ್ಖೋ.

ಧರಇಚ್ಚೇವಮಾದೀಹಿ ಧಾತೂಹಿ ರಮ್ಮಪಚ್ಚಯೋ ಹೋತಿ.

ಧರತಿ ತೇನಾತಿ ಧಮ್ಮೋ, ಕರೀಯತೇ ತನ್ತಿ ಕಮ್ಮಂ.

೫೩೨, ೫೯೦. ತಸ್ಸೀಲಾದೀಸು ಣೀತ್ವಾವೀ ಚ.

ಸಬ್ಬೇಹಿ ಧಾತೂಹಿ ತಸ್ಸೀಲಾದೀಸ್ವತ್ಥೇಸು ಣೀ ತು ಆವೀ ಇಚ್ಚೇತೇ ಪಚ್ಚಯಾ ಹೋನ್ತಿ.

ಪಿಯಂ ಪಸಂಸಿತುಂ ಸೀಲಂ ಯಸ್ಸ ರಞ್ಞೋ, ಸೋ ಹೋತಿ ರಾಜಾ ಪಿಯಪಸಂಸೀ, ಬ್ರಹ್ಮಂ ಚರಿತುಂ ಸೀಲಂ ಯಸ್ಸ ಪುಗ್ಗಲಸ್ಸ ಸೋ ¶ ಹೋತಿ ಪುಗ್ಗಲೋ ಬ್ರಹ್ಮಚಾರೀ, ಪಸಯ್ಹ ಪವತ್ತಿತುಂ ಸೀಲಂ ಯಸ್ಸ ರಞ್ಞೋ, ಸೋ ಹೋತಿ ರಾಜಾ ಪಸಯ್ಹಪವತ್ಥಾ, ಭಯಂ ಪಸ್ಸಿತುಂ ಸೀಲಂ ಯಸ್ಸ ಸಮಣಸ್ಸ, ಸೋ ಹೋತಿ ಸಮಣೋ ಭಯದಸ್ಸಾವೀ ಇಚ್ಚೇವಮಾದಿ.

೫೩೩, ೫೯೧. ಸದ್ದ ಕು ಧ ಚಲ ಮಣ್ಡತ್ಥರುಧಾದೀಹಿಯು.

ಸದ್ದ ಕುಧ ಚಲ ಮಣ್ಡತ್ಥೇಹಿ ಚ ರುಚಾದೀಹಿ ಚ ಧಾತೂಹಿ ಯುಪಚ್ಚಯೋ ಹೋತಿ ತಸ್ಸೀಲಾದೀಸ್ವತ್ಥೇಸು.

ಘೋಸನಸೀಲೋ ಘೋಸನೋ, ಭಾಸನಸೀಲೋ ಭಾಸನೋ. ಏವಂ ವಿಗ್ಗಹೋ ಕಾತಬ್ಬೋ. ಕೋಧನೋ, ದೋಸನೋ, ಚಲನೋ, ಕಮ್ಪನೋ, ಫನ್ದನೋ, ಮಣ್ಡನೋ, ವಿಭೂಸನೋ, ರೋಚನೋ, ಜೋತನೋ, ವಡ್ಢನೋ.

ಗಮುಇಚ್ಚೇತಮ್ಹಾ ಧಾತುಮ್ಹಾ ಪಾರಸದ್ದಾದಿಮ್ಹಾ ರೂಪಚ್ಚಯೋ ಹೋತಿ ತಸ್ಸೀಲಾದೀಸ್ವತ್ಥೇಸು.

ಭವಸ್ಸ ಪಾರಂ ಭವಪಾರಂ, ಭವಪಾರಂ ಗನ್ತುಂ ಸೀಲಂ ಯಸ್ಸ ಪುರಿಸಸ್ಸ, ಸೋ ಹೋತಿ ಪುರಿಸೋ ಭವಪಾರಗೂ.

ತಸ್ಸೀಲಾದೀಸ್ವೀತಿ ಕಿಮತ್ಥಂ? ಪಾರಙ್ಗತೋ.

ಪಾರಾದಿಗಮಿಮ್ಹಾತಿ ಕಿಮತ್ಥಂ? ಅನುಗಾಮೀ.

ಭಿಕ್ಖಇಚ್ಚೇವಮಾದೀಹಿ ಧಾತೂಹಿ ರೂಪಚ್ಚಯೋ ಹೋತಿ ತಸ್ಸೀಲಾದೀಸ್ವತ್ಥೇಸು.

ಭಿಕ್ಖನಸೀಲೋ ಯಾಚನಸೀಲೋ ಭಿಕ್ಖು, ವಿಜಾನನಸೀಲೋ ವಿಞ್ಞೂ.

ಹನತ್ಯಾದೀನಂ ಧಾತೂನಂ ಅನ್ತೇ ಣುಕಪಚ್ಚಯೋ ಹೋತಿ ತಸ್ಸೀಲಾದೀಸ್ವತ್ಥೇಸು.

ಆಹನನಸೀಲೋ ಆಘಾತುಕೋ, ಕರಣಸೀಲೋ ಕಾರುಕೋ.

೫೩೭, ೫೬೬. ನು ನಿಗ್ಗಹಿತಂ ಪದನ್ತೇ.

ಪದನ್ತೇ ನುಕಾರಾಗಮೋ ನಿಗ್ಗಹಿತಮಾಪಜ್ಜತೇ.

ಅರಿಂ ದಮೇತೀತಿ ಅರಿನ್ದಮೋ, ರಾಜಾ. ವೇಸ್ಸಂ ತರತೀತಿ ವೇಸ್ಸನ್ತರೋ, ರಾಜಾ. ಪಭಂ ಕರೋತೀತಿ ಪಭಙ್ಕರೋ, ಭಗವಾ.

ಸಂಪುಬ್ಬಾಯ ಹನಇಚ್ಚೇತಾಯ ಧಾತುಯಾ, ಅಞ್ಞಾಯ ವಾ ಧಾತುಯಾ ರಪಚ್ಚಯೋ, ಹನಸ್ಸ ಚ ಘೋ ಹೋತಿ.

ಸಮಗ್ಗಂ ¶ ಕಮ್ಮಂ ಸಮುಪಗಚ್ಛತೀತಿ ಸಙ್ಘೋ, ಸಮನ್ತತೋ ನಗರಸ್ಸ ಮಾಹಿರೇ ಖಞ್ಞತೀತಿ ಪರಿಖಾ, ಅನ್ತಂ ಕರೋತೀತಿ ಅನ್ತಕೋ.

ರಮ್ಹಿ ಪಚ್ಚಯೇ ಪರೇ ಸಬ್ಬೋ ಧಾತ್ವನ್ತೋ ರಕಾರಾದಿ ಲೋಪೋ ಹೋತಿ.

ಅನ್ತಕೋ, ಪಾರಗೂ, ಸತ್ಥಾ, ದಿಟ್ಠೋ ಇಚ್ಚೇವಮಾದಿ.

೫೪೦, ೫೪೫. ಭಾವಕಮ್ಮೇಸು ತಬ್ಬಾನೀಯಾ.

ಭಾವಕಮ್ಮಇಚ್ಚೇತೇಸ್ವತ್ಥೇಸು ತಬ್ಬ ಅನೀಯಇಚ್ಚೇತೇ ಪಚ್ಚಯಾ ಹೋನ್ತಿ ಸಬ್ಬಧಾತೂಹಿ.

ಭವಿತಬ್ಬಂ, ಭವನೀಯಂ, ಆಸಿತಬ್ಬಂ, ಆಸನೀಯಂ, ಪಜ್ಜಿತಬ್ಬಂ, ಪಜ್ಜನೀಯಂ, ಕತ್ತಬ್ಬಂ, ಕರಣೀಯಂ, ಗನ್ತಬ್ಬಂ, ಗಮನೀಯಂ.

ಭಾವಕಮ್ಮೇಸು ಸಬ್ಬಧಾತೂಹಿ ಣ್ಯಪಚ್ಚಯೋ ಹೋತಿ.

ಕತ್ತಬ್ಬಂ ಕಾರಿಯಂ, ಜೇತಬ್ಬಂ ಜೇಯ್ಯಂ, ನೇತಬ್ಬಂ ನೇಯ್ಯಂ, ಇಚ್ಚೇವಮಾದಿ.

ಚಗ್ಗಹಣೇನ ¶ ತೇಯ್ಯಪಚ್ಚಯೋ ಹೋತಿ. ಞಾತಬ್ಬಂ ಞಾತೇಯ್ಯಂ, ದಟ್ಠೇಯ್ಯಂ, ಪತ್ತೇಯ್ಯಂ ಇಚ್ಚೇವಮಾದಿ.

ಕರಇಚ್ಚೇತಮ್ಹಾ ಧಾತುಮ್ಹಾ ರಿಚ್ಚಪಚ್ಚಯೋ ಹೋತಿ ಭಾವಕಮ್ಮೇಸು.

ಭೂಇಚ್ಚೇತಾಯ ಧಾತುಯಾ ಣ್ಯಪಚ್ಚಯಸ್ಸ ಊಕಾರೇನ ಸಹ ಅಬ್ಬಾದೇಸೋ ಹೋತಿ ಭಾವಕಮ್ಮೇಸು.

ಭವಿತಬ್ಬೋ ಭಬ್ಬೋ, ಭವಿತಬ್ಬಂ ಭಬ್ಬಂ.

೫೪೪, ೫೫೬. ವದ ಮದ ಗಮು ಯುಜ ಗರಹಾಕಾರಾದೀಹಿ ಜ್ಜ ಮ್ಮ ಗ್ಗ ಯ್ಹೇಯ್ಯಾ ಗಾರೋ ವಾ.

ವದ ಮದ ಗಮು ಯುಜ ಗರಹಾಕಾರನ್ತಇಚ್ಚೇವಮಾದೀಹಿ ಧಾತೂಹಿ ಣ್ಯಪಚ್ಚಯಸ್ಸ ಯಥಾಸಙ್ಖ್ಯಂ ಜ್ಜ ಮ್ಮ ಗ್ಗ ಯ್ಹ ಏಯ್ಯಾದೇಸಾ ಹೋನ್ತಿ ವಾ ಧಾತ್ವನ್ತೇನ ಸಹ, ಗರಸ್ಸಂ ಚ ಗಾರೋ ಹೋತಿ ಭಾವಕಮ್ಮೇಸು.

ವತ್ತಬ್ಬಂ ವಜ್ಜಂ, ಮದನೀಯಂ ಮಜ್ಜಂ, ಗಮನೀಯಂ ಗಮ್ಮಂ, ಯೋಜನೀಯಂ ಯೋಗ್ಗಂ, ಗರಹಿತಬ್ಬಂ ಗಾರಯ್ಹಂ, ದಾತಬ್ಬಂ ದೇಯ್ಯಂ, ಪಾತಬ್ಬಂ ಪೇಯ್ಯಂ, ಹಾತಬ್ಬಂ ¶ ಹೇಯ್ಯಂ, ಮಾತಬ್ಬಂ ಮೇಯ್ಯಂ, ಞಾತಬ್ಬಂ ಞೇಯ್ಯಂ, ಇಚ್ಚೇವಮಾದಿ.

ಯೇ ಪಚ್ಚಯಾ ತಬ್ಬಾದಯೋ ರಿಚ್ಚನ್ತಾ, ತೇ ಕಿಚ್ಚಸಞ್ಞಾತಿ ವೇದಿತಬ್ಬಾ.

ಕಿಚ್ಚಸಞ್ಞಾಯ ಕಿಂಪಯೋಜನಂ? ಭಾವಕಮ್ಮೇಸು ಕಿಚ್ಚತ್ತಖತ್ಥಾ.

ಅಞ್ಞೇ ಪಚ್ಚಯಾ ಕಿತ ಏವ ಸಞ್ಞಾ ಹೋನ್ತಿ.

ಕಿತ ಸಞ್ಞಾಯ ಕಿಂಪಯೋಜನಂ? ಕತ್ತರಿ ಕಿತ.

ನನ್ದಾದೀಹಿ ಧಾತೂಹಿ ಯುಪಚ್ಚಯೋ ಹೋತಿ ಭಾವಕಮ್ಮೇಸು.

ನನ್ದೀಯತೇ ನನ್ದನಂ, ನಿನ್ದಿತಬ್ಬಂ ವಾ ನನ್ದನಂ, ಗಹಣೀಯಂ ಗಹಣಂ, ಚರಿತಬ್ಬಂ ಚರಣಂ, ಏವಂ ಸಬ್ಬತ್ಥ ಯೋಜೇತಬ್ಬಾ.

ಕತ್ತುಕರಣಪದೇಸಇಚ್ಚೇತೇಸ್ವತ್ಥೇಸು ಚ ಯುಪಚ್ಚಯೋ ಹೋತಿ.

ಕತ್ತರಿ ¶ ತಾವ – ರಜಂ ಹರತೀತಿ ರಜೋಹರಣಂ ತೋಯಂ.

ಪದೇಸೇ ತಾವ – ತಿಟ್ಠನ್ತಿ ತಸ್ಮಿನ್ತಿ ಠಾನಂ. ಏವಂ ಸಬ್ಬತ್ಥ ಯೋಜೇತಬ್ಬಾ.

ರಕಾರಹಕಾರಾದ್ಯನ್ತೇಹಿ ಧಾತೂಹಿ ಅನಾದೇಸಸ್ಸ ನಸ್ಸ ಣೋ ಹೋತಿ.

ಕರೋತಿ ತೇನಾತಿ ಕರಣಂ, ಪೂರೇತಿ ತೇನಾತಿ ಪೂರಣಂ. ಗಹಣೀಯಂ ತೇನಾತಿ ಗಹಣಂ. ಏವಮಞ್ಞೇಪಿ ಯೋಜೇತಬ್ಬಾ.

ಇತಿ ಕಿಬ್ಬಿಧಾನಕಪ್ಪೇ ಪಠಮೋ ಕಣ್ಡೋ.

ಣಾದಯೋ ಪಚ್ಚಯಾ ಯುಪಚ್ಚಯನ್ತಾ ತೇಕಾಲಿಕಾತಿ ವೇದಿತಬ್ಬಾ.

ಕುಮ್ಭಂ ಕರೋತಿ ಅಕಾಸಿ ಕರಿಸ್ಸತೀತಿ ಕುಮ್ಭಕಾರೋ, ಕರೋತಿ ಅಕಾಸಿ ಕರಿಸ್ಸತಿ ತೇನಾತಿ ಕರಣಂ. ಏವಮಞ್ಞೇಪಿ ಯೋಜೇತಬ್ಬಾ.

ಸಞ್ಞಾಯಮಭಿಧೇಯ್ಯಾಯಂ ದಾ ಧಾತೋ ಇಪಚ್ಚಯೋ ಹೋತಿ.

ಪಠಮಂ ಆದೀಯತೀತಿ ಆದಿ, ಉದಕಂ ದಧಾತೀತಿ ಉದಮಿ, ಮಹೋದಕಾನಿ ದಧಾತೀತಿ ಮಹೋದಧಿ, ವಾಲಾನಿ ದಧಾತಿ ತಸ್ಮಿನ್ತಿ ವಾಲಧಿ, ಸಮ್ಮಾ ಧೀಯತೀತಿ ಸನ್ಧಿ.

ಸಞ್ಞಾಯಮಭಿಧೇಯ್ಯಾಯಂ ಸಬ್ಬಧಾತೂಹಿ ತಿಪಚ್ಚಯೋ ಹೋತಿ, ಕಿತ ಚ ಆಸಿಟ್ಠೇ.

ಜಿನೋ ಜನಂ ಬುಜ್ಝತೂತಿ ಜಿನಬುದ್ಧಿ, ಧನಂ ಅಸ್ಸ ಭವತೂತಿ ಧನಭೂತಿ, ಭವತೂತಿ ಭೂತೋ, ಭವತೂತಿ ಭಾವೋ, ಧಮ್ಮೋ ಜನಂ ದದಾತೂತಿ ಧಮ್ಮದಿನ್ನೋ, ವಡ್ಢತೂತಿ ವಡ್ಢಮಾನೋ. ಏವಮಞ್ಞೇಪಿ ಯೋಜೇತಬ್ಬಾ.

ಇತ್ಥಿಯಮಭಿಧೇಯ್ಯಾಯಂ ಸಬ್ಬಧಾತೂಹಿ ಅಕಾರ ತಿ ಯು ಇಚ್ಚೇತೇ ಪಚ್ಚಯಾ ಹೋನ್ತಿ ವಾ.

ಜೀರತೀತೀ ಜರಾ, ಮಞ್ಞತೀತಿ ಮತಿ, ಚೇತಯತೀತಿ ಚೇತನಾ, ವೇದಯತೀತಿ ವೇದನಾ. ಏವಮಞ್ಞೇಪಿ ಯೋಜೇತಬ್ಬಾ.

ಕರತೋ ಇತ್ಥಿಯಮನಿತ್ಥಿಯಂ ವಾ ಅಭಿಖೇಯ್ಯಾಯಂ ರಿರೀಯಪಚ್ಚಯೋ ಹೋತಿ ವಾ.

ಕತ್ತಬ್ಬಾ ಕಿರಿಯಾ, ಕರಣೀಯಂ ಕಿರಿಯಂ.

ಅತೀತೇ ಕಾಲೇ ಸಬ್ಬಧಾತೂಹಿ ತತವನ್ತುತಾವೀಇಚ್ಚೇತೇ ಪಚ್ಚಯಾ ಹೋನ್ತಿ.

ಹುತೋ, ಹುತವಾ, ಹುತಾವೀ. ವುಸಿತೋ, ವುಸಿತವಾ, ವುಸಿತಾವೀ. ಭುತ್ತೋ, ಭುತ್ತವಾ, ಭುತ್ತಾವೀ.

ಭಾವಕಮ್ಮೇಸು ಅತೀತೇ ಕಾಲೇ ತಪಚ್ಚಯೋ ಹೋತಿ ಸಬ್ಬಧಾತೂಹಿ.

ಭಾವೇ ತಾವ – ತಸ್ಸ ಗೀತಂ, ನಚ್ಚಂ, ನಟ್ಟಂ, ಹಸಿತಂ.

ಕಮ್ಮನಿ ತಾವ – ತೇನ ಭಾಸಿತಂ, ದೇಸಿತಂ.

೫೫೭, ೬೦೬. ಬುಧಗಮಾದಿತ್ಥೇ ಕತ್ತರಿ.

ಬುಧಗಮುಇಚ್ಚೇವಮಾದೀಹಿ ಧಾತೂಹಿ ತದತ್ಥೇ ಗಮ್ಯಮಾನೇ ತಪಚ್ಚಯೋ ಹೋತಿ ಕತ್ತರಿ ಸಬ್ಬಕಾಲೇ.

ಸಬ್ಬೇ ¶ ಸಙ್ಖತಾಸಙ್ಖತೇ ಧಮ್ಮೇ ಬುಜ್ಝತಿ ಅಬುಜ್ಝಿ ಬುಜ್ಝಿಸ್ಸತೀತಿ ಬುದ್ಧೋ, ಸರಣಙ್ಗತೋ, ಸಮಥಙ್ಗತೋ, ಅಮಥಙ್ಗತೋ, ಜಾನಾತಿ ಅಜಾನಿ ಜಾನಿಸ್ಸತೀತಿ ಞಾತೋ, ಇಚ್ಚೇವಮಾದಿ.

ಜಿಇಚ್ಚೇತಾಯ ಧಾತುಯಾ ಇನಪಚ್ಚಯೋ ಹೋತಿ ಸಬ್ಬಕಾಲೇ ಕತ್ತರಿ.

ಪಾಪಕೇ ಅಕುಸಲೇ ಧಮ್ಮೇ ಜಿನಾತಿ ಅಜಿನಿ ಜಿನಿಸ್ಸತೀತಿ ಜಿನೋ.

ಸುಪಇಚ್ಚೇತಾಯ ಧಾತುಯಾ ಇನಪಚ್ಚಯೋ ಹೋತಿ ಕತ್ತರಿ, ಭಾವೇ ಚ.

ಸುಪತೀತಿ ಸುಪಿನಂ, ಸುಪೀಯತೇ ಸುಪಿನಂ.

ಈಸಂದುಸುಸದ್ದಾದೀಹಿ ಸಬ್ಬಧಾತೂಹಿ ಖಪಚ್ಚಯೋ ಹೋತಿ.

ಈಸಸ್ಸಯೋ, ದುಸ್ಸಯೋ, ಸುಸ್ಸಯೋ ಭವತಾ, ಈಸಕ್ಕರಂ, ದುಕ್ಕರಂ, ಸುಕರಂ, ಭವತಾ.

೫೬೧, ೬೩೬. ಇಚ್ಛತ್ಥೇಸು ¶ ಸಮಾನಕತ್ತುಕೇಸು ತವೇ ತುಂ ವಾ.

ಇಚ್ಛತ್ಥೇಸು ಸಮಾನಕತ್ತುಕೇಸು ಸಬ್ಬಧಾತೂಹಿತವೇತುಂಇಚ್ಚೇತೇ ಪಚ್ಚಯಾ ಹೋನ್ತಿ ಸಬ್ಬಕಾಲೇ ಕತ್ತರಿ.

ಪುಞ್ಞಾನಿ ಕಾತವೇ, ಸದ್ಧಮ್ಮಂ ಸೋತು ಮಿಚ್ಛತಿ.

ಅರಹಸಕ್ಕಾದೀಸು ಚ ಅತ್ಥೇಸು ಸಬ್ಬಧಾತೂಹಿ ತುಂಪಚ್ಚಯೋ ಹೋತಿ.

ಕೋ ತಂ ನಿನ್ದಿತುಮರಹತಿ, ಸಕ್ಕಾ ಜೇತುಂ ಧನೇನ ವಾ. ಏವಮಞ್ಞೇಪಿ ಯೋಜೇತಬ್ಬಾ.

೫೬೩, ೬೩೯. ಪತ್ತವಚನೇ ಅಲಮತ್ಥೇಸು ಚ.

ಪತ್ತವಚನೇ ಅಲಮತ್ಥೇಸು ಸಬ್ಬಧಾತೂಹಿ ತುಂಪಚ್ಚಯೋ ಹೋತಿ.

ಅಲಮೇವ ದಾನಾನಿ ದಾತುಂ, ಅಲಮೇವ ಪುಞ್ಞಾನಿ ಕಾತುಂ.

೫೬೪, ೬೪೦. ಪುಬ್ಬಕಾಲೇ’ ಕಕತ್ತುಕಾನಂ ತುನ ತ್ವಾನ ತ್ವಾವಾ.

ಪುಬ್ಬಕಾಲೇ ಏಕಕತ್ತುಕಾನಂ ಧಾತೂನಂ ತುನತ್ವಾನ ತ್ವಾಇಚ್ಚೇತೇ ಪಚ್ಚಯಾ ಹೋನ್ತಿ ವಾ.

ಕಾತುನ ¶ ಕಮ್ಮಂ ಗಚ್ಛತಿ, ಅಕಾತುನ ಪುಞ್ಞಂ ಕಿಲಿಸ್ಸತಿ, ಸತ್ತಾ ಸುತ್ವಾನ ಧಮ್ಮಂ ಮೋದನ್ತಿ, ರಿಪುಂ ಜಿತ್ವಾನ ವಸತಿ, ಧಮ್ಮಂ ಸುತ್ವಾನ’ಸ್ಸ ಏತದಹೋಸಿ, ಇತೋ ಸುತ್ವಾನ ಅಮುತ್ರ ಕಥಯನ್ತಿ, ಸುತ್ವಾ ಜಾನಿಸ್ಸಾಮ. ಏವಂ ಸಬ್ಬತ್ಥ ಯೋಜೇತಬ್ಬಾ.

ವತ್ತಮಾನೇ ಕಾಲೇ ಸಬ್ಬಧಾತೂಹಿ ಮಾನಅನ್ತಇಚ್ಚೇತೇ ಪಚ್ಚಯಾ ಹೋನ್ತಿ.

ಸರಮಾನೋ ರೋದತಿ. ಗಚ್ಛನ್ತೋ ಗಣ್ಹಾತಿ.

ಸಾಸಇಚ್ಚೇವಮಾದೀಹಿ ಧಾತೂಹಿ ರತ್ಥುಪಚ್ಚಯೋ ಹೋತಿ.

ಸಾಸತೀತಿ ಸತ್ಥಾ, ಸಾಸತಿ ಹಿಂಸತೀತಿ ವಾ ಸತ್ಥಾ.

ಪಾಇಚ್ಚೇತಾಯ ಧಾತುಯಾ ರಿತುಪಚ್ಚಯೋ ಹೋತಿ.

ಮಾನಇಚ್ಚೇವಮಾದೀಹಿ ಧಾತೂಹಿ ರಾತುಪಚ್ಚಯೋ ಹೋತಿ, ರಿತು ಪಚ್ಚಯೋ ಚ.

ಧಮ್ಮೇನ ಪುತ್ತಂ ಮಾನೇತೀತಿ ಮಾತಾ, ಪುಬ್ಬೇ ಭಾಸತೀತಿ ಭಾತಾ, ಮಾತಾಪಿತೂಹಿ ಧಾರೀಯತೀತಿ ಧೀತಾ.

ಆಇಚ್ಚಾದಿಮ್ಹಾ ಗಮಿತೋ ತುಕಪಚ್ಚಯೋ ಹೋತಿ.

ಗಮುಇಚ್ಚೇತಮ್ಹಾ ಧಾತುಮ್ಹಾ ಇಕಪಚ್ಚಯೋ ಹೋತಿ ಭಬ್ಬೇ. ಗಮಿಸ್ಸತಿ ಗನ್ತುಂ ಭಬ್ಬೋತಿ ಗಮಿಕೋ, ಭಿಕ್ಖು.

ಇತಿ ಕಿಬ್ಬಿಧಾನಕಪ್ಪೇ ದುತಿಯೋ ಕಣ್ಡೋ.

೫೭೧, ೬೨೪. ಪಚ್ಚಯಾದನಿಟ್ಠಾ ನಿಪಾತನಾ ಸಿಜ್ಝನ್ತಿ,

ಸಙ್ಖ್ಯಾನಾಮಸಮಾಸತದ್ಧಿತಾಖ್ಯಾತಕಿತಕಪ್ಪಮ್ಹಿ ಸಪ್ಪಚ್ಚಯಾ ಯೇ ಸದ್ದಾ ಅನಿಟ್ಠಙ್ಗತಾ, ತೇ ಸಾಧನೇನ ನಿರಕ್ಖಿತ್ವಾ ಸಕೇಹಿ ಸಕೇಹಿ ನಾಮೇಹಿ ನಿಪಾತನಾ ಸಿಜ್ಝನ್ತಿ.

ಸಙ್ಖ್ಯಾಯಂ ¶ ತಾವ – ಏಕಸ್ಸ ಏತಾ ಹೋತಿ, ದಸಸ್ಸ ಚ ದಕಾರಸ್ಸ ರಕಾರಾದೇಸೋ ಹೋತಿ. ಏಕೋ ಚ ದಸ ಚ ಏಕಾರಸ.

ದ್ವಿಸ್ಸ ಬಾ ಹೋತಿ, ದಸಸ್ಸ ಚ ದಕಾರಸ್ಸ ರಕಾರಾದೇಸೋ ಹೋತಿ, ದ್ವೇ ಚ ದಸ ಚ ಬಾರಸ.

ದ್ವಿಸ್ಸ ಬಾ ಹೋತಿ, ದಸಸ್ಸ ಚ ವೀಸಂ ಹೋತಿ. ದ್ವೇ ಚ ವೀಸಞ್ಚ ಬಾವೀಸಂ.

ಛಸ್ಸ ಸೋ ಹೋತಿ, ದಸಸ್ಸ ಚ ದಕಾರಸ್ಸ ಳೋ ಹೋತಿ, ಛ ಚ ದಸ ಚ ಸೋಳಸ.

ಛಆಯತನಮ್ಹಿ ಛಸ್ಸ ಸಳೋ ಹೋತಿ, ಸಳಾಯತನಂ. ಏವಂ ಸೇಸಾ ಸಙ್ಖ್ಯಾ ಕಾತಬ್ಬಾ.

ನಾಮಿಕೇ ತಾವ-ಇಮ ಸಮಾನ ಅಪರಇಚ್ಚೇತೇಹಿ ಜ್ಜಜ್ಜು ಪಚ್ಚಯಾ ಹೋನ್ತಿ, ಇಮ ಸಮಾನಸದ್ದಾನಞ್ಚ ಅಕಾರಸಕಾರಾದೇಸಾ ಹೋನ್ತಿ. ಇಮಸ್ಮಿಂ ಕಾಲೇ ಅಜ್ಜ, ಅಜ್ಜು, ಸಮಾನೇ ಕಾಲೇ ಸಜ್ಜ, ಸಜ್ಜು, ಅಪರಸ್ಮಿಂ ಕಾಲೇ ಅಪರಜ್ಜ, ಅಪರಜ್ಜು.

ಸಮಾಸೇ ತಾವ – ಭೂಮಿಗತೋ, ಅಪಾಯಗತೋ, ಇಸ್ಸರಕತಂ. ಸಲ್ಲವಿದ್ಧೋ, ಕಥಿನದುಸ್ಸಂ, ಚೋರಭಯಂ, ಧಞ್ಞರಾಸಿ, ಸಂಸಾರದುಕ್ಖಂ, ಪುಬ್ಬಾಪರಂ.

ತದ್ಧಿತೇ ¶ ತಾವ – ವಾಸಿಟ್ಠೋ, ಭಾರದ್ವಾಜೋ, ಭಗ್ಗವೋ, ಪಣ್ಡವೋ, ಕಾಲೇಯ್ಯೋ.

ಆಖ್ಯಾತೇ ತಾವ – ‘‘ಅಸ ಭಾವೇ’’ತಿ ಧಾತುತೋ ವತ್ತಮಾನೇಸು ಏಕವಚನಬಹುವಚನೇಸು ಏಕವಚನಸ್ಸ ತಿಸ್ಸ ಸ್ಸೋ ಹೋತಿ ಅನ್ತೇನ ಸಹ, ಬಹುವಚನಸ್ಸ ಅನ್ತಿಸ್ಸ ಸ್ಸು ಹೋತಿ ಅನ್ತೇನ ಸಹ. ಏವಮಸ್ಸ ವಚನೀಯೋ, ಏವಮಸ್ಸು ವಚನೀಯಾ.

ಆಣತ್ತಿಯಂ ಹಿಸ್ಸ ಸ್ಸು ಹೋತಿ ವಾ, ಗಚ್ಛಸ್ಸು, ಗಚ್ಛಾಹಿ.

ಕಿತಕೇ ತಾವ – ವದ ಹನಇಚ್ಚೇವಮಾದೀಹಿ ಧಾತೂಹಿ ಕಪಚ್ಚಯೋ ಹೋತಿ, ವದಸ್ಸ ಚ ವಾದೋ ಹೋತಿ, ಹನಸ್ಸ ಚ ಘಾತೋ ಹೋತಿ. ವಾದಕೋ, ಘಾತಕೋ.

ನಟಧಾತುತೋ ತಪಞ್ಚಯಸ್ಸ ಚ್ಚ ಟ್ಟಾದೇಸಾ ಹೋನ್ತಿ ಅನ್ತೇನ ಸಹ. ನಚ್ಚಂ, ನಟ್ಟಂ. ಇಚ್ಚೇವಮಾದಯೋ ನಿಪಾತನಾ ಸಿಜ್ಝನ್ತಿ.

೫೭೨, ೬೨೫. ಸಾಸ ದಿಸತೋ ತಸ್ಸ ರಿಟ್ಠೋ ಚ.

ಸಾಸ ದಿಸಇಚ್ಚೇವಮಾದೀಹಿ ಧಾತೂಹಿ ತಪಚ್ಚಯಸ್ಸ ರಿಟ್ಠಾದೇಸೋ ಹೋತಿ ಠಾನೇ.

ಅನುಸಿಟ್ಠೋ ಸೋ ಮಯಾ, ದಿಟ್ಠಂ ಮೇ ರೂಪಂ.

ಚಗ್ಗಹಣೇನ ¶ ಕಿಚ್ಚತಕಾರಸ್ಸ ಚ ತುಂ ಪಚ್ಚಯಸ್ಸ ಚ ರಟ್ಠರಟ್ಠುಂಆದೇಸಾ ಹೋನ್ತಿ. ದಸ್ಸನೀಯಂ ದಟ್ಠಬ್ಬಂ. ದಟ್ಠುಂ ವಿಹಾರಂ ಗಚ್ಛನ್ತಿ ಸಮಣಾನಂ.

೫೭೩, ೬೨೬. ಸಾದಿಸನ್ತ ಪುಚ್ಛ ಭನ್ಜ ಹನ್ಸಾದೀಹಿಟ್ಠೋ.

ಸಕಾರನ್ತ ಪುಚ್ಛ ಭನ್ಜ ಹನ್ಸ ಇಚ್ಚೇವಮಾದೀಹಿ ಧಾತೂಹಿ ತಪಚ್ಚಯಸ್ಸ ಸಹಾದಿಬ್ಯಞ್ಜನೇನ ಟ್ಠಾದೇಸೋ ಹೋತಿ ಠಾನೇ.

ತುಟ್ಠೋ, ಅಹಿನಾ ದಟ್ಠೋ ನರೋ, ಮಯಾ ಪುಟ್ಠೋ, ಭಟ್ಠೋ, ಪಭಟ್ಠೋ, ಹಟ್ಠೋ, ಪಹಟ್ಠೋ, ಯಿಟ್ಠೋ. ಏವಮಞ್ಞೇಪಿ ಧಾತವೋ ಸಬ್ಬತ್ಥ ಯೋಜೇತಬ್ಬಾ.

ವಸಇಚ್ಚೇತಮ್ಹಾ ಧಾತುಮ್ಹಾ ತಕಾರಪಚ್ಚಯಸ್ಸ ಸಹಾದಿಬ್ಯಞ್ಜನೇನ ಉಟ್ಠಾದೇಸೋ ಹೋತಿ ಠಾನೇ.

ವಸಸ್ಸೇವ ಧಾತುಸ್ಸ ತಪಚ್ಚಯೇ ಪರೇ ವಕಾರಸ್ಸ ಉಕಾರಾದೇಸೋ ಹೋತಿ ವಾ.

ವುಸಿತಂ ಬ್ರಹ್ಮಚರಿಯಂ, ಉಟ್ಠೋ. ವುಠೋ ವಾ.

ಧ ಢ ಭ ಹಇಚ್ಚೇವಮನ್ತೇಹಿ ಧಾತೂಹಿ ತಕಾರಪಚ್ಚಯಸ್ಸ ಯಥಾಕ್ಕಮಂ ಧ ಢಾದೇಸಾ ಹೋನ್ತಿ.

ಯಥಾ? ಬುದ್ಧೋ ಭಗವಾ, ವಡ್ಢೋ ಭಿಕ್ಖು, ಲದ್ಧಂ ಮೇ ಪತ್ಥಚೀವರಂ, ಅಗ್ಗಿನಾ ದಡ್ಢಂ ವನಂ.

ಭನ್ಜತೋ ಧಾತುಮ್ಹಾ ತಕಾರಪಚ್ಚಯಸ್ಸ ಗ್ಗೋ ಆದೇಸೋ ಹೋತಿ ಸಹಾದಿಬ್ಯಞ್ಜನೇನ.

೫೭೮, ೫೬೦. ಭುಜಾದೀನಮನ್ತೋ ನೋ ದ್ವಿ ಚ.

ಭುಜಇಚ್ಚೇವಮಾದೀನಂ ಧಾತೂನಂ ಅನ್ತೋ ನೋ ಹೋತಿ, ತಪಚ್ಚಯಸ್ಸ ಚ ದ್ವಿತಾವೋ ಹೋತಿ.

ಭುತ್ತೋ, ಭುತ್ತಾವೀ, ಚತ್ತೋ, ಸತ್ತೋ, ರತ್ತೋ, ಯುತ್ತೋ, ವಿವಿತ್ತೋ.

ವಚಇಚ್ಚೇತಸ್ಸ ¶ ಧಾತ್ವಸ್ಸ ವಕಾರಸ್ಸ ಉಕಾರಾದೇಸೋ ಹೋತಿ ಅನ್ತೋ ಚಕಾರೋ ನೋ ಹೋತಿ, ತಪಚ್ಚಯಸ್ಸ ಚ ದ್ವೇಭಾವೋ ಹೋತಿ ವಾ.

ಗುಪಇಚ್ಚೇವಮಾದೀನಂ ಧಾತೂನಂ ಅನ್ತೋ ಚ ಬ್ಯಞ್ಜನೋ ನೋ ಹೋತಿ, ತಪಚ್ಚಯಸ್ಸ ಚ ದ್ವೇಭಾವೋ ಹೋತಿ.

ಸುಗುತ್ತೋ, ಚತ್ತೋ, ಲಿತ್ತೋ, ಸನ್ತತ್ತೋ, ಉತ್ತೋ, ವಿವಿತ್ತೋ, ಸಿತ್ತೋ. ಏವಮಞ್ಞೇಪಿ ಯೋಜೇತಬ್ಬಾ.

ತರಇಚ್ಚೇವಮಾದೀಹಿ ಧಾತೂಹಿ ತಪಚ್ಚಯಸ್ಸ ಇಣ್ಣಾದೇಸೋ ಹೋತಿ, ಅನ್ತೋ ಚ ಬ್ಯಞ್ಜನೋ ನೋ ಹೋತಿ.

ತರತೀತಿ ತಿಣ್ಣೋ, ಉತ್ತರತೀತಿ ಉತ್ತಿಣ್ಣೋ, ಸಂಪೂರತೀತಿ ಸಮ್ಪುಣ್ಣೋ, ತುರತೀತಿ ತುಣ್ಣೋ, ಪರಿಜೀರತೀತಿ ಪರಿಜಿಣ್ಣೋ, ಆಕಿರತೀತಿ ಆಕಿಣ್ಣೋ.

೫೮೨, ೬೩೧. ಭಿದಾದಿತೋ ¶ ಇನ್ನ ಅನ್ನ ಈಣಾವಾ.

ಭಿದಿಇಚ್ಚೇವಮಾದೀಹಿ ಧಾತೂಹಿ ತಪಚ್ಚಯಸ್ಸ ಇನ್ನ ಅನ್ನ ಈಣಾದೇಸಾ ಹೋನ್ತಿ ವಾ, ಅನ್ತೋ ಚ ಬ್ಯಞ್ಜನೋ ನೋ ಹೋತಿ.

ಭಿನ್ದಿತಬ್ಬೋತಿ ಭಿನ್ನೋ, ಛಿನ್ದೀಯತೀತಿ ಛಿನ್ನೋ, ಉಚ್ಛಿನ್ದೀಯಿತ್ಥಾತಿ ಉಚ್ಛಿನ್ನೋ, ದೀಯತೀತಿ ದಿನ್ನೋ, ನಿಸೀದತೀತಿ ನಿಸಿನ್ನೋ, ಸುಟ್ಠು ಛಾದೀಯತೀತಿ ಸುಛನ್ನೋ, ಖಿದತೀತಿ ಖಿನ್ನೋ, ರೋದತೀತಿ ರುನ್ನೋ, ಖೀಣಾ ಜಾತಿ.

ವಾತಿ ಕಿಮತ್ಥಂ? ಭಿಜ್ಜತೀತಿ ಭಿತ್ತಿ.

೫೮೩, ೬೧೭. ಸುಸ ಪಚ ಸಕತೋ ಕ್ಖ ಕ್ಕಾ ಚ.

ಸುಸ ಪಚ ಸಕಇಚ್ಚೇವಮಾದೀಹಿ ಧಾತೂಹಿ ತಪಚ್ಚಯಸ್ಸ ಕ್ಖಕ್ಕಾದೇಸಾ ಹೋನ್ತಿ, ಅನ್ತೋ ಚ ಬ್ಯಞ್ಜನೋ ನೋ ಹೋತಿ.

ಸುಸ್ಸತೀತಿ ಸುಕ್ಖಂ, ಕಟ್ಠಂ, ಪಚ್ಚತೀತಿ ಪಕ್ಕಂ, ಫಲಂ. ಸಕತಿ ಸಮತ್ಥೇತಿ, ಪೂಜೇತೀತಿ ವಾ ಸಕ್ಕೋ, ಸುಜಮ್ಪತಿ.

ಪಕ್ಕಮಇಚ್ಚೇವಮಾದೀಹಿ ಧಾತೂಹಿ ತಪಚ್ಚಯಸ್ಸ ನ್ತೋಆದೇಸೋ ಹೋತಿ, ಅನ್ತೋ ಚ ನೋ ಹೋತಿ.

ಪಕ್ಕಮತೀತಿ ¶ ಪಕ್ಕನ್ತೋ, ವಿಬ್ಭಮತೀತಿ ವಿಬ್ಭನ್ತೋ, ಸಙ್ಕನ್ತೋ, ಖನ್ತೋ, ಸನ್ತೋ, ದನ್ತೋ, ವನ್ತೋ.

ಚಗ್ಗಹಣಂ ಕಿಮತ್ಥಂ? ತೇಹೇವ ಧಾತೂಹಿ ತಪಚ್ಚಯಸ್ಸನ್ತಿ ಹೋತಿ. ಅನ್ತೋ ಚ ನೋ ಹೋತಿ. ಕನ್ತಿ, ಖನ್ತಿ. ಏವಂ ಸಬ್ಬತ್ಥ.

ಜನಇಚ್ಚೇವಮಾದೀನಂ ಧಾತೂನಂ ಅನ್ತಸ್ಸ ಬ್ಯಞ್ಜನಸ್ಸ ಆತ್ತಂ ಹೋತಿ ತಪಚ್ಚಯೇ ಪರೇ, ತಿಮ್ಹಿ ಚ.

ತಿಮ್ಹೀತಿ ಕಿಮತ್ಥಂ? ಅಞ್ಞಸ್ಮಿಮ್ಪಿ ಪಚ್ಚಯೇ ಪರೇ ಆಕಾರನಿವತ್ತನತ್ಥಂ. ಜನಿತ್ವಾ, ಜನಿತಾ, ಜನಿತುಂ, ಜನಿತಬ್ಬಂ ಇಚ್ಚೇವಮಾದಿ.

೫೮೬, ೬೦೦. ಗಮ ಖನ ಹನ ರಮಾದೀನಮನ್ತೋ.

ಗಮ ಖನ ಹನ ರಮುಇಚ್ಚೇವಮಾದೀನಂ ಧಾತೂನಂ ಅನ್ತೋ ಬ್ಯಞ್ಜನೋ ನೋ ಹೋತಿ ವಾ ತಪಚ್ಚಯೇ ಪರೇ ತಿಮ್ಹಿ ಚ.

ಸುನ್ದರಂ ನಿಬ್ಬಾನಂ ಗಚ್ಛತೀತಿ ಸುಗತೋ. ಸುನ್ದರಂ ನಿಬ್ಬಾನಂ ಗಚ್ಛತೀತಿ ಸುಗತಿ, ಖತಂ, ಖತಿ. ಉಪಹತಂ, ಉಪಹತಿ. ರತೋ, ರತಿ, ಮತೋ, ಮತಿ.

ರಕಾರೋ ಚ ಧಾತೂನಮನ್ತಭೂತೋ ನೋ ಹೋತಿ ತಪಚ್ಚಯೇ, ಪರೇ ತಿಮ್ಹಿ ಚ.

ಪಕಾರೇನ ಕರೀಯತೀತಿ ಪಕತೋ, ಪಠಮಂ ಕರೀಯತೀತಿ ಪಕತಿ, ವಿಸರೀಯತೀತಿ ವಿಸತೋ, ವಿಸತಿ.

ಠಾ ಪಾಇಚ್ಚೇತೇಸಂ ಧಾತೂನಂ ಅನ್ತಸ್ಸ ಆಕಾರಸ್ಸ ಇಕಾರ ಈಕಾರಾದೇಸಾ ಹೋನ್ತಿ ಯಥಾಸಙ್ಖ್ಯಂ ತಪಚ್ಚಯೇ ಪರೇ, ತಿಮ್ಹಿ ಚ.

೫೮೯, ೬೨೧. ಹನ್ತೇಹಿ ಹೋ ಹಸ್ಸ ಳೋ ವಾ ಅದಹನಹಾನಂ.

ಹಕಾರನ್ತೇಹಿ ಧಾತೂಹಿ ತಪಚ್ಚಯಸ್ಸ ಹಕಾರಾದೇಸೋ ಹೋತಿ, ಹಕಾರಸ್ಸ ಧಾತ್ವನ್ತಸ್ಸ ಳೋ ಹೋತಿ ವಾ ಅದಹನಹಾನಂ.

ಆರುಹಿತ್ಥಾತಿ ಆರುಳ್ಹೋ. ಗಾಳ್ಹೋ, ಬಾಳ್ಹೋ. ಮೂಳೋ.

ಅದಹನಹಾನಮಿತಿ ¶ ಕಿಮತ್ಥಂ? ದಯ್ಹತೀತಿ ದಡ್ಢೋ, ಸಂಸುಟ್ಠು ನಯ್ಹತೀತಿ ಸನ್ನದ್ಧೋ.

ಇತಿ ಕಿಬ್ಬಿಧಾನಕಪ್ಪೇ ತತಿಯೋ ಕಣ್ಡೋ.

೫೯೦, ೫೭೯. ಣಮ್ಹಿರನ್ಜಸ್ಸ ಜೋ ಭಾವಕರಣೇಸು.

ಣಮ್ಹಿ ಪಚ್ಚಯೇ ಪರೇ ರನ್ಜಇಚ್ಚೇತಸ್ಸ ಧಾತುಸ್ಸ ಅನ್ತಭೂತಸ್ಸ ನ್ಜಕಾರಸ್ಸ ಜೋಆದೇಸೋ ಹೋತಿ ಭಾವಕರಣೇಸು.

ರಞ್ಜನಂ ರಾಗೋ, ರನ್ಜನ್ತಿ ಏತೇನಾತಿ ರಾಗೋ.

ಭಾವಕರಣೇಸೂತಿ ಕಿಮತ್ಥಂ? ರನ್ಜತೀತಿ ರಙ್ಗೋ.

ಹನಇಚ್ಚೇತಸ್ಸ ಧಾತುಸ್ಸ ಸಬ್ಬಸ್ಸ ಘಾತಾದೇಸೋ ಹೋತಿ ಣಮ್ಹಿ ಪಚ್ಚಯೇ ಪರೇ.

ಉಪಹನತೀತಿ ಉಪಘಾತೋ, ಗಾವೋ ಹನತೀತಿ ಗೋಘಾತಕೋ.

ಹನಇಚ್ಚೇತಸ್ಸ ಧಾತುಸ್ಸ ವಧಾದೇಸೋ ಹೋತಿ ವಾ ಸಬ್ಬತ್ಥ ಠಾನೇಸು.

ಆಕಾರನ್ತಾನಂ ಧಾತೂನಂ ಅನ್ತಸ್ಸ ಆಕಾರಸ್ಸ ಆಯಾದೇಸೋ ಹೋತಿ ಣಮ್ಹಿ ಪಚ್ಚಯೇ ಪರೇ.

ದದಾತೀತಿ ದಾಯಕೋ, ದಾನಂ ದಾತುಂ ಸೀಲಂ ಯಸ್ಸಾತಿ ದಾನದಾಯೀ, ಮಜ್ಜಂ ದಾತುಂ ಸೀಲಂ ಯಸ್ಸಾತಿ ಮಜ್ಜದಾಯೀ, ನಗರಂ ಯಾತುಂ ಸೀಲಂ ಯಸ್ಸಾತಿ ನಗರಯಾಯೀ.

೫೯೪, ೫೮೨. ಪುರ ಸಮುಪ ಪರೀಹಿ ಕರೋತಿಸ್ಸ ಖ ಖರಾ ವಾ ತಪ್ಪಚ್ಚಯೇಸುಚ.

ಪುರ ಸಂ ಉಪ ಪರಿಇಚ್ಚೇತೇಹಿ ಕರೋತಿಸ್ಸ ಧಾತುಸ್ಸ ಖ ಖರಾದೇಸಾ ಹೋನ್ತಿ ವಾ ತಪಚ್ಚಯೇ ಪರೇ, ಣಮ್ಹಿ ಚ.

ಪುರೇ ಕರೀಯತೀತಿ ಪುರಕ್ಖತೋ, ಸಮ್ಮಾ ಕರೀಯತೀತಿ ಸಙ್ಖತೋ, ಉಪಗನ್ತ್ವಾ ಕರೀಯತೀತಿ ಉಪಕ್ಖತೋ, ಪರಿಸಮನ್ತತೋ ಕರೋತೀತಿ ಪರಿಕ್ಖಾರೋ, ಸಂಕರೀಯತೀತಿ ಸಙ್ಖಾರೋ.

ವಾತಿ ಕಿಮತ್ಥಂ? ಉಪಗನ್ತ್ವಾ ಕರೋತೀತಿ ಉಪಕಾರೋ.

ತವೇ ತುನಇಚ್ಚೇವಮಾದೀಸು ಪಚ್ಚಯೇಸು ಕರೋತಿಸ್ಸ ಧಾತುಸ್ಸ ಕಾಆದೇಸೋ ಹೋತಿ ವಾ.

ಕಾತವೇ, ಕಾತುಂ, ಕತ್ತುಂ ವಾ, ಕಾತುನ, ಕತ್ತುನ ವಾ.

೫೯೬, ೫೫೧. ಗಮ ಖನ ಹನಾದೀನಂ ತುಂ ತಬ್ಬಾದೀಸು ನ.

ಗಮ ಖನ ಹನಇಚ್ಚೇವಮಾದೀನಂ ಧಾತೂನಂ ಅನ್ತಸ್ಸ ನಕಾರೋ ಹೋತಿ ವಾ ತುಂ ತಬ್ಬಾದೀಸು ಪಚ್ಚಯೇಸು.

ಗನ್ತುಂ, ಗಮಿತುಂ, ಗನ್ತಬ್ಬಂ, ಗಮಿತಬ್ಬಂ. ಖನ್ತುಂ. ಖನಿತುಂ, ಖನ್ತಬ್ಬಂ, ಖನಿತಬ್ಬಂ. ಹನ್ತುಂ, ಹನಿತುಂ, ಹನ್ತಬ್ಬಂ. ಹನಿತಬ್ಬಂ. ಮನ್ತುಂ, ಮನಿತುಂ, ಮನ್ತಬ್ಬಂ, ಮನಿತಬ್ಬಂ.

ಆದಿಗ್ಗಹಣಂ ಕಿಮತ್ಥಂ? ತುನಗ್ಗಹಣತ್ಥಂ. ಗನ್ತುನ, ಖನ್ತುನ, ಹನ್ತುನ, ಮನ್ತುನ.

೫೯೭, ೬೪೧. ಸಬ್ಬೇಹಿ ತುನಾದೀನಂ ಯೋ.

ಸಬ್ಬೇಹಿ ಧಾತೂಹಿ ತುನಾದೀನಂ ಪಚ್ಚಯಾನಂ ಯಕಾರಾದೇಸೋ ಹೋತಿ ವಾ.

ಅಭಿವನ್ದಿಯ, ಅಭಿವನ್ದಿತ್ವಾ, ಓಹಾಯ, ಓಹಿತ್ವಾ, ಉಪನೀಯ, ಉಪನೇತ್ವಾ, ಪಸ್ಸಿಯ, ಪಸ್ಸಿತ್ವಾ, ಉದ್ದಿಸ್ಸ, ಉದ್ದಿಸಿತ್ವಾ, ಆದಾಯ, ಆದಿಯಿತ್ವಾ.

ಚಕಾರನಕಾರನ್ತೇಹಿ ಧಾತೂಹಿ ತುನಾದೀನಂ ಪಚ್ಚಯಾನಂ ರಚ್ಚಾದೇಸೋ ಹೋತಿ ವಾ.

೫೯೯, ೬೪೪. ದಿಸಾ ಸ್ವಾನ ಸ್ವಾನ್ತಲೋಪೋ ಚ.

ದಿಸಇಚ್ಚೇತಾಯ ಧಾತುಯಾ ತುನಾದೀನಂ ಪಚ್ಚಯಾನಂ ಸ್ವಾನಸ್ವಾದೇಸಾ ಹೋನ್ತಿ, ಅನ್ತಲೋಪೋ ಚ.

೬೦೦, ೬೪೫. ಮ ಹ ದ ಭೇಹಿ ಮ್ಮ ಯ್ಹ ಜ್ಜ ಬ್ಭ ದ್ಧಾ ಚ.

ಮ ಹ ದ ಭ ಇಚ್ಚೇವಮನ್ತೇಹಿ ಧಾತೂಹಿ ತುನಾದೀನಂ ಪಚ್ಚಯಾನಂ ಮ್ಮ ಯ್ಹ ಜ್ಜ ಬ್ಭ ದ್ಧಾ ಆದೇಸಾ ಹೋನ್ತಿ ವಾ ಅನ್ತಲೋಪೋ ಚ.

ಆಗಮ್ಮ, ಆಗಮಿತ್ವಾ, ಓಕ್ಕಮ್ಮ. ಓಕ್ಕಮಿತ್ವಾ, ಪಗ್ಗಯ್ಹ, ಪಗ್ಗಣ್ಹಿತ್ವಾ, ಉಪ್ಪಜ್ಜ, ಉಪ್ಪಜ್ಜಿತ್ವಾ, ಆರಬ್ಭ, ಆರಭಿತ್ವಾ, ಆರದ್ಧ, ಆರಭಿತ್ವಾ.

೬೦೧, ೩೩೪. ತದ್ಧಿತಸಮಾಸಕಿತಕಾ ¶ ನಾಮಂ ವಾ’ ತವೇ ತುನಾದೀಸು ಚ.

ತದ್ಧಿತಸಮಾಸಕಿತಕಇಚ್ಚೇವಮನ್ತಾ ಸದ್ದಾನಾಮಂವ ದಟ್ಠಬ್ಬಾ ತವೇ ತುನ ತ್ವಾನ ತ್ವಾದಿಪಚ್ಚಯನ್ತೇ ವಜ್ಜೇತ್ವಾ.

ವಾಸಿಟ್ಠೋ, ಪತ್ತಧಮ್ಮೋ, ಕುಮ್ಭಕಾರೋ ಇಚ್ಚೇವಮಾದಿ.

ದುಮ್ಹಿ ಅಕ್ಖರೇ ಯೋ ಪುಬ್ಬೋ ಅಕ್ಖರೋ, ಸೋ ಗರುಕೋವ ದಟ್ಠಬ್ಬೋ.

ಆಹಾರೋ, ನದೀ, ವಧೂ, ತೇ ಧಮ್ಮಾ, ಓಪನಯಿಕೋ.

ಅಕ್ಖರತ್ಥೇಹಿ ಅಕ್ಖರಾಭಿಧೇಯ್ಯೇಹಿ ಕಾರಪಚ್ಚಯೋ ಹೋತಿ ಪಯೋಗೇ ಸತಿ.

ಅ ಏವ ಅಕಾರೋ, ಆ ಏವ ಆಕಾರೋ, ಯ ಏವ ಯಕಾರೋ.

ಯಥಾಗಮಂ ಸಬ್ಬಧಾತೂಹಿ ಸಬ್ಬಪಚ್ಚಯೇಸು ಇಕಾರಾಗಮೋ ಹೋತಿ.

ಕಾರಿಯಂ, ಭವಿತಬ್ಬಂ, ಜನಿತಬ್ಬಂ, ವಿದಿತಬ್ಬಂ, ಕರಿತ್ವಾ, ಇಚ್ಛಿತಂ.

ದಕಾರಧಕಾರನ್ತಾಯ ಧಾತುಯಾ ಯಥಾಗಮಂ ಯಕಾರಾಗಮೋ ಹೋತಿ ಕ್ವಚಿ ತುನಾದೀಸು ಪಚ್ಚಯೇಸು.

ಬುದ್ಧೋ ಲೋಕೇ ಉಪ್ಪಜ್ಜಿತ್ವಾ, ಧಮ್ಮಂ ಬುಜ್ಝಿತ್ವಾ.

ಕ್ವಚೀತಿ ಕಿಮತ್ಥಂ? ಉಪ್ಪಾದೇತ್ವಾ.

ಇತಿ ಕಿಬ್ಬಿಧಾನಕಪ್ಪೇ ಚತುತ್ಥೋ ಕಣ್ಡೋ.

೬೦೭, ೫೭೮. ನಿಗ್ಗಹಿತ ಸಂಯೋಗಾದಿನೋ.

ಸಂಯೋಗಾದಿಭೂತೋ ನಕಾರೋ ನಿಗ್ಗಹಿತಮಾಪಜ್ಜತೇ.

ಗೇಇಚ್ಚೇತಸ್ಸ ಧಾತುಸ್ಸ ಗೀಆದೇಸೋ ಹೋತಿ ಸಬ್ಬತ್ಥ ಠಾನೇ.

ಸದಇಚ್ಚೇತಸ್ಸ ಧಾತುಸ್ಸ ಸೀದಾದೇಸೋ ಹೋತಿ ಸಬ್ಬತ್ಥ ಠಾನೇ.

ಯಜಇಚ್ಚೇತಸ್ಸ ಧಾತುಸ್ಸ ಸರಸ್ಸ ಇಕಾರಾದೇಸೋ ಹೋತಿ ಟ್ಠೇ ಪರೇ.

೬೧೧, ೬೦೮. ಹಚತುತ್ಥಾನಮನ್ತಾನಂ ದೋ ಧೇ.

ಹಚತುತ್ಥಾನಂ ಧಾತ್ವನ್ತಾನಂ ದೋ ಆದೇಸೋ ಹೋತಿ ಧೇ ಪರೇ.

ಸನ್ನದ್ಧೋ, ಕುದ್ಧೋ, ಯುದ್ಧೋ, ಸಿದ್ಧೋ, ಲದ್ಧೋ, ಆರದ್ಧೋ.

ಹಚತುತ್ಥಾನಂ ಧಾತ್ವನ್ತಾನಂ ಡೋ ಆದೇಸೋ ಹೋತಿ ಢಕಾರೇ ಪರೇ.

ದಯ್ಹತೀತಿ ದಡ್ಢೋ, ವಡ್ಢತೀತಿ ವುಡ್ಢೋ.

ಗಹಇಚ್ಚೇತಸ್ಸ ಧಾತುಸ್ಸ ಸಬ್ಬಸ್ಸ ಘರಾದೇಸೋ ಹೋತಿ ವಾ ಣಪಚ್ಚಯೇ ಪರೇ.

ದಹಇಚ್ಚೇತಸ್ಸ ಧಾತುಸ್ಸ ದಕಾರೋ ಳತ್ತಮಾಪಜ್ಜತೇ ವಾ ಣಪಚ್ಚಯೇ ಪರೇ.

೬೧೫, ೫೮೬. ಧಾತ್ವನ್ತಸ್ಸ ಲೋಪೋ ಕ್ವಿಮ್ಹಿ.

ಧಾತ್ವನ್ತಸ್ಸ ಬ್ಯಞ್ಜನಸ್ಸ ಲೋಪೋ ಹೋತಿ ಕ್ವಿಮ್ಹಿ ಪಚ್ಚಯೇ ಪರೇ.

ಭುಜೇನ ¶ ಗಚ್ಛತೀತಿ, ಭುಜಗೋ. ಉರೇನ ಗಚ್ಛತೀತಿ ಉರಗೋ, ತುರಗೋ, ಸಙ್ಖೋ.

ವಿದಇಚ್ಚೇತಸ್ಸ ಧಾತುಸ್ಸ ಅನ್ತೇ ಊಕಾರಾಗಮೋ ಹೋತಿ ಕ್ವಿಮ್ಹಿ ಪಚ್ಚಯೇ ಪರೇ.

೬೧೭, ೬೩೩. ನ ಮ ಕ ರಾನಮನ್ತಾನಂ ನಿಯುತ್ತತಮ್ಹಿ.

ನಕಾರ ಮಕಾರ ಕಕಾರ ರಕಾರಾನಂ ಧಾತ್ವನ್ತಾನಂ ಲೋಪೋ ನ ಹೋತಿ ಇಕಾರಯುತ್ತೇ ತಪಚ್ಚಯೇ ಪರೇ.

ಹನಿಭುಂ, ಗಮಿತೋ, ರಮಿತೋ, ಸಕಿತೋ, ಸರಿತೋ, ಕರಿತ್ವಾ.

ಇಯುತ್ತತಮ್ಹೀತಿ ಕಿಮತ್ಥಂ? ಗತೋ, ಸತೋ.

೬೧೮, ೫೭೧. ನ ಕ ಗತ್ತಂ ಚ ಜಾಣ್ವುಮ್ಹಿ.

ಚಕಾರ ಜಕಾರಾ ಕಕಾರ ಗಕಾರತ್ತಂ ನಾಪಜ್ಜನ್ತೇ ಣ್ವುಮ್ಹಿ ಪಚ್ಚಯೇ ಪರೇ.

೬೧೯, ೫೭೩. ಕರಸ್ಸ ¶ ಚ ತತ್ತಂ ತುಸ್ಮಿಂ.

ಕರಇಚ್ಚೇತಸ್ಸ ಧಾತುಸ್ಸ ಅನ್ತಸ್ಸ ರಕಾರಸ್ಸ ತಕಾರತ್ತಂ ಹೋತಿ ತುಪಚ್ಚಯೇ ಪರೇ.

ಕರೋತೀತಿ ಕತ್ತಾ, ಕರೋನ್ತೀತಿ ಕತ್ತಾರೋ.

ಕರಇಚ್ಚೇತಸ್ಸ ಧಾತುಸ್ಸ ಅನ್ತಸ್ಸ ರಕಾರಸ್ಸ ತಕಾರತ್ತಂ ಹೋತಿ ವಾ ತುಂ ತುನ ತಬ್ಬಇಚ್ಚೇತೇಸು ಪಚ್ಚಯೇಸು.

ಕತ್ತುಂ, ಕಾತುಂ, ಕತ್ತುನ. ಕಾತುನ, ಕತ್ತಬ್ಬಂ, ಕಾತಬ್ಬಂ.

೬೨೧, ೫೫೩. ಕಾರಿತಂ ವಿಯ ಣಾನುಬನ್ಧೋ.

ಣಕಾರಾನುಬನ್ಧೋ ಪಚ್ಚಯೋ ಕಾರಿತಂ ವಿಯ ದಟ್ಠಬ್ಬೋ ವಾ.

ದಾಹೋ, ದೇಹೋ, ವಾಹೋ, ಬಾಹೋ, ಚಾಗೋ, ವಾರೋ, ಚಾರೋ, ಪರಿಕ್ಖಾರೋ, ದಾಯಕೋ, ನಾಯಕೋ, ಲಾವಕೋ, ಭಾವಕೋ, ಕಾರೀ, ಘಾತೀ, ದಾಯೀ.

ಯುಣ್ವುಇಚ್ಚೇತೇಸಂ ಪಚ್ಚಯಾನಂ ಅನ ಅಕಇಚ್ಚೇತೇ ಆದೇಸಾ ಹೋನ್ತಿ.

ಚ ಜಇಚ್ಚೇತೇಸಂ ಧಾತ್ವನ್ತಾನಂ ಕಕಾರಗಕಾರಾದೇಸಾ ಹೋನ್ತಿ ಣಾನುಬನ್ಧೇ ಪಚ್ಚಯೇ ಪರೇ.

ಇತಿ ಕಿಬ್ಬಿಧಾನಕಪ್ಪೇ ಪಞ್ಚಮೋ ಕಣ್ಡೋ.

ಕತ್ತುಇಚ್ಚೇತಸ್ಮಿಂ ಅತ್ಥೇ ಕಿತ ಪಚ್ಚಯಾ ಹೋನ್ತಿ.

ಕಾರು, ಕಾರುಕೋ, ಕಾರಕೋ, ಪಾಚಕೋ, ಕತ್ತಾ, ಜನಿತಾ, ಪಚಿತಾ, ನೇತಾ.

೬೨೫, ೬೦೫. ಭಾವಕಮ್ಮೇಸು ಕಿಚ್ಚತ್ತ ಖತ್ಥಾ.

ಭಾವಕಮ್ಮಇಚ್ಚೇತೇಸ್ವತ್ಥೇಸು ಕಿಚ್ಚ ತ್ತ ಖತ್ಥಇಚ್ಚೇತೇ ಪಚ್ಚಯಾ ಹೋನ್ತಿ.

ಉಪಸಮ್ಪಾದೇತಬ್ಬಂ ಉಪಸಮ್ಪಾದನೀಯಂ ಭವತಾ, ಸಯಿತಬ್ಬಂ ಭವತಾ, ಕತ್ತಬ್ಬಂ ಭವತಾ, ಭೋತ್ತಬ್ಬೋ ಓದನೋ ಭವತಾ, ಅಸಿತಬ್ಬಂ ಭೋಜನಂ ಭವತಾ, ಅಸಿತಂ ಭವತಾ, ಸಯಿತಂ ಭವತಾ, ಪಚಿತಂ ಭವತಾ, ಅಸಿತಂ ಅಸನಂ ಭವತಾ, ಸಯಿತಂ ಸಯನಂ ಭವತಾ, ಪಚಿತೋ ಓದನೋ ಭವತಾ, ಕಿಞ್ಚಿಸ್ಸಯೋ, ಈಸಸ್ಸಯೋ, ದುಸ್ಸಯೋ, ಸುಸ್ಸಯೋ ಭವತಾ.

೬೨೬, ೬೩೪. ಕಮ್ಮನಿ ¶ ದುತಿಯಾಯ ತ್ತೋ.

ಕಮ್ಮನಿ ಇಚ್ಚೇತಸ್ಮಿಂ ಅತ್ಥೇ ದುತಿಯಾಯಂ ವಿಭತ್ತಿಯಂ ಕತ್ತರಿ ತ್ತಪಚ್ಚಯೋ ಹೋತಿ.

ದಾನಂ ದಿನ್ನೋ ದೇವದತ್ತೋ, ಸೀಲಂ ರಕ್ಖಿತೋ ದೇವದತ್ತೋ, ಭತ್ತಂ ಭುತ್ತೋ ದೇವದತ್ತೋ, ಗರುಂ ಉಪಾಸಿತೋ ದೇವದತ್ತೋ.

೬೨೭, ೬೫೨. ಖ್ಯಾದೀಹಿ ಮಾನ ಮ ಚ ತೋ ವಾ.

ಖಿ ಭೀ ಸು ರು ಹು ವಾ ಧೂ ಹಿ ಲೂ ಪೀ ಅದಇಚ್ಚೇವಮಾದೀಹಿ ಧಾತೂಹಿ ಮನ ಪಚ್ಚಯೋ ಹೋತಿ, ಮಸ್ಸ ಚ ತೋ ಹೋತಿ ವಾ.

ಖೀಯನ್ತಿ ಉಪದ್ದವಾ ಏತ್ಥಾತಿ ಖೇಮೋ, ಭಾಯಿತಬ್ಬೋತಿ ಭೇಮೋ, ಭಾಯನ್ತಿ ಏತಸ್ಮಾತಿ ವಾ ಭೇಮೋ, ರಂಸಿಯೋ ಅಭಿಸ್ಸವೇತೀತಿ ಸೋಮೋ, ರವತಿ ಗಚ್ಛತೀತಿ ರೋಮೋ, ಹುವತಿ ಜುಹ್ವತಿ ಏತೇನಾತಿ ಹೋಮೋ, ಪಟಿಲೋಮವಸೇನ ವಾತಿ ಗಚ್ಛತೀತಿ ವಾಮೋ, ಲಾಮಕವಸೇನ ವಾತಿ ಗಚ್ಛತಿ ಪವತ್ತತೀತಿ ವಾ ವಾಮೋ, ಧುನಾತಿ ಕಮ್ಪತೀತಿ ಧೂಮೋ, ಸೇಟ್ಠಭಾವೇನ ಹಿನೋತಿ ಪವತ್ತತಿ ಚಿತ್ತಂ ಏತಸ್ಮಿನ್ತಿ ಹೇಮೋ, ಲುನಿತಬ್ಬೋತಿ ಲೋಮೋ, ಮಂಸಚಮ್ಮಾನಿ ಲುನಾತಿ ಛಿನ್ದತೀತಿ ವಾ ಲೋಮೋ, ಪಿಯನಂ ಪೇಮೋ, ಪಿಯಾಯಿತಬ್ಬೋತಿ ವಾ ಪೇಮೋ, ಸುಖದುಕ್ಖಂ ಅದತಿ ಭಕ್ಖತೀತಿ ಅತ್ತಾ, ಜಾತಿಜರಾಮರಣಾದೀಹಿ ಅದೀಯತೇ ಭಕ್ಖೀಯತೇತಿ ವಾ ಅತ್ತಾ, ಆತುಮಾ.

ಸಮು ದಮು ದರ ರಹ ದು ಹಿ ಸಿ ಭೀ ದಾ ಯಾ ಸಾ ಠಾಭಸಇಚ್ಚೇವಮಾದೀಹಿ ಧಾತೂಹಿ ಥ ಮ ಪಚ್ಚಯಾ ಹೋನ್ತಿ.

ಸಮೇತೀತಿ ಸಮಥೋ, ದಮತೀತಿ ದಮಥೋ, ದಮನಂ ವಾ ದಮಥೋ, ದಮಿತಬ್ಬೋತಿ ವಾ ದಮಥೋ, ದರತೀತಿ ದರಥೋ, ಜಿಣ್ಣಭಾವಂ ರಹಿಸ್ಸತಿ ಗಣ್ಹಿಸ್ಸತೀತಿ ರಥೋ, ದಬ್ಬಸಮ್ಭಾರೇ ರಹತಿ ಗಣ್ಹಾತೀತಿ ವಾ ರಥೋ, ದವತಿ ಗಚ್ಛತೀತಿ ದುಮೋ, ದವತಿ ವುದ್ಧಿ ವಿರುಳ್ಹಿ ಗಚ್ಛತಿ ಪವತ್ತತೀತಿ ಉದ್ಧಂ ವಾ ದುಮೋ, ಪಥವೀಪಬ್ಬತಾದೀಸು ಗಚ್ಛತಿ ಪತತೀತಿ ಹಿಮೋ, ಕಮ್ಮವಾಚಾಯ ಬನ್ಧತಿ ಏತ್ಥಾತಿ ಸೀಮಾ. ಬನ್ಧಿತಬ್ಬಾತಿ ವಾ ಸೀಮಾ. ಭಾಯನ್ತಿ ಏತಸ್ಮಾತಿ ಭೀಮೋ, ಸತ್ತೇ ಅವಖಣ್ಡೇನ್ತಿ ನಿವಾರೇನ್ತಿ ಏತೇನಾತಿ ದಾಮೋ, ಮೂಸಿಕಾದೀಹಿ ಖಾದೀಯತಿ ಅವಖಣ್ಡೀಯತೀತಿ ವಾ ದಾಮೋ, ಯಾತಿ ಗಚ್ಛತೀತಿ ಯಾಮೋ, ಪರೇಸಂ ಚಿತ್ತಂ ಗಣ್ಹಿತುಂ ಸಮತ್ಥೇತೀತಿ ಸಾಮೋ, ತಿಟ್ಠನ್ತಿ ಏತೇನಾತಿ ಥಾಮೋ, ಭಸತಿ ಭಸ್ಮೀಕರೀಯತೀತಿ ಭಸ್ಮಾ.

ಗಹಇಚ್ಚೇತಸ್ಸ ಧಾತುಸ್ಸ ಉಪಧಸ್ಸ ಅಕಾರಸ್ಸ ಏತ್ತ ಹೋತಿ ವಾ.

ದಬ್ಬಸಮ್ಭಾರ ಗಣ್ಹಾತೀತಿ ಗೇಹಂ, ಗಹಂ.

೬೩೦, ೬೫೪. ಮಸುಸ್ಸ ¶ ಸುಸ್ಸ ಚ್ಛರ ಚ್ಛೇರಾ.

ಮಸುಇಚ್ಚೇತಸ್ಸ ಪಾಟಿಪದಿಕಸ್ಸ ಸುಸ್ಸ ಚ್ಛರಚ್ಛೇರಾದೇಸಾ ಹೋನ್ತಿ.

ಮಚ್ಛರತೀತಿ ಮಚ್ಛರೋ, ಏವಂ ಮಚ್ಛೇರೋ.

ಆಪುಬ್ಬಸ್ಸ ಚರಇಚ್ಚೇತಸ್ಸ ಧಾತುಸ್ಸ ಚ್ಛರಿಯಚ್ಛರಚ್ಛೇರಾ ದೇಸಾ ಹೋನ್ತಿ, ಆಪುಬ್ಬಸ್ಸ ಚ ರಸ್ಸೋ ಹೋತಿ.

ಆಭುಸೋ ಚರಿತಬ್ಬನ್ತಿ ಅಚ್ಛರಿಯಂ. ಏವಂ ಅಚ್ಛರಂ, ಅಚ್ಛೇರಂ.

ಚಗ್ಗಹಣೇನ ಮಸುಸ್ಸ ಸುಸ್ಸಾಪಿ ಚ್ಛರಿಯಾದೇಸೋ ಹೋತಿ, ಮಚ್ಛರಿಯಂ.

ಅಲ ಕಲ ಸಲಇಚ್ಚೇತೇಹಿ ಧಾತೂಹಿ ಲ ಯಪಚ್ಚಯಾ ಹೋನ್ತಿ.

ಅಲತಿ ಸಮತ್ಥೇತೀತಿ ಅಲ್ಲಂ, ಕಲಿತಬ್ಬಂ ಸಙ್ಖ್ಯಾತಬ್ಬನ್ತಿ ಕಲ್ಲಂ, ಸಲತಿ ಗಚ್ಛತಿ ಪವಿಸತೀತಿ ಸಲ್ಲಂ. ಏವಂ ಅಲ್ಯಂ, ಕಲ್ಯಂ, ಸಲ್ಯಂ.

ತೇಹಿ ಕಲ ಸಲಇಚ್ಚೇತೇಹಿ ಧಾತೂಹಿ ಯಾಣ ಲಾಣಪಚ್ಚಯಾ ಹೋನ್ತಿ.

ಕಲಿತಬ್ಬಂ ಸಙ್ಖ್ಯಾತಬ್ಬನ್ತಿ ಕಲ್ಯಾಣಂ, ಗಣತೋ ಪಟಿಕ್ಕಮಿತ್ವಾ ಸಲನ್ತಿ ಏತ್ಥಾತಿ ಪಟಿಸಲ್ಯಾಣಂ. ಏವಂ ಸಲ್ಲಾಣೋ, ಪಟಿಸಲ್ಲಾಣೋ.

ಮಥಇಚ್ಚೇತಸ್ಸ ಧಾತುಸ್ಸ ಥಸ್ಸ ಲಾದೇಸೋಹೋತಿ. ಅಞ್ಞಮಞ್ಞಂ ಮಥತಿ ವಿಲೋಳತೀತಿ ಮಲ್ಲೋ, ಮಲ್ಲಂ.

ಚಗ್ಗಹಣೇನ ಲತೋ ಕೋ ಚ ಆಗಮೋ ಹೋತಿ. ಮಲ್ಲಕೋ, ಮಲ್ಲಕಂ.

೬೩೫, ೫೫೯. ಪೇಸಾತಿಸಗ್ಗಪತ್ತಕಾಲೇಸುಕಿಚ್ಚಾ.

ಪೇಸ ಅತಿಸಗ್ಗ ಪತ್ತಕಾಲಇಚ್ಚೇತೇಸ್ವತ್ಥೇಸು ಕಿಚ್ಚಪಚ್ಚಯಾ ಹೋನ್ತಿ.

ಕತ್ತಬ್ಬಂ ಕಮ್ಮಂ ಭವತಾ, ಕರಣೀಯಂ ಕಿಚ್ಚಂ ಭವತಾ, ಭೋತ್ತಬ್ಬಂ ಭೋಜನಂ ಭವತಾ, ಭೋಜನೀಯಂ ಭೋಜನಂ ಭವತಾ, ಅಜ್ಝಯಿತಬ್ಬಂ ಅಜ್ಝೇಯ್ಯಂ ಭವತಾ, ಅಜ್ಝಯನೀಯಂ ಅಜ್ಝೇಯ್ಯಂ ಭವತಾ.

೬೩೬, ೬೫೯. ಅವಸ್ಸಕಾ’ಧಮಿಣೇಸು ¶ ಣೀ ಚ.

ಅವಸ್ಸಕ ಅಧಮಿಣಇಚ್ಚೇತೇಸ್ವತ್ಥೇಸು ಣೀಪಚ್ಚಯೋ ಹೋತಿ, ಕಿಚ್ಚಾ ಚ.

ಅವಸ್ಸತೇ ತಾವ – ಕಾರೀಸಿ ಮೇ ಕಮ್ಮಂ ಅವಸ್ಸಂ ಹಾರೀಸಿ ಮೇ ಭಾರಂ ಅವಸ್ಸಂ.

ಅಧಮಿಣೇ – ದಾಯೀಸಿ ಮೇ ಸತಂ ಇಣಂ, ಧಾರೀಸಿ ಮೇ ಸಹಸ್ಸಂ ಇಣಂ.

ಕಿಚ್ಚಾ ಚ – ದಾತಬ್ಬಂ ಮೇ ಭವತಾ ಸತಂ ಇಣಂ. ಧಾರಯಿತಬ್ಬಂ ಮೇ ಭವತಾ ಸಹಸ್ಸಂ ಇಣಂ, ಕತ್ತಬ್ಬಂ ಮೇ ಭವತಾ ಗೇಹಂ, ಕರಣೀಯಂ ಮೇ ಭವತಾ ಕಿಚ್ಚಂ, ಕಾರಿಯಂ ಮೇ ಭವತಾ ಸಯನಂ.

ಅರಹ ಸಕ್ಕ ಭಬ್ಬಇಚ್ಚೇವಮಾದೀಹಿ ಪಯೋಗೇ ಸತಿ ಸಬ್ಬಧಾತೂಹಿ ತುಂಪಚ್ಚಯೋ ಹೋತಿ.

ಅರಹಾ ಭವಂ ವತ್ತುಂ, ಅರಹಾ ಭವಂ ಕತ್ತುಂ, ಸಕ್ಕಾ ಭವಂ ಹನ್ತುಂ, ಸಕ್ಕಾ ಭವಂ ಜನೇತುಂ, ಜನಿತುಂ, ಭವಿತುಂ, ಸಕ್ಕಾ ಭವಂ ದಾತುಂ, ಸಕ್ಕಾ ಭವಂ ಗನ್ತುಂ, ತಬ್ಬೋ ಭವಂ ಜನೇತುಂ ಇಚ್ಚೇವಮಾದಿ.

೬೩೮, ೬೬೦. ವಜಾದೀಹಿಪಬ್ಬಜ್ಜಾದಯೋ ¶ ನಿಪ್ಪಜ್ಜನ್ತೇ.

ವಜಇಚ್ಚೇವಮಾದೀಹಿ ಧಾತೂಹಿ, ಉಪಸಗ್ಗಪಚ್ಚಯಾದೀಹಿ ಚ ಪಬ್ಬಜ್ಜಾದಯೋ ಸದ್ದಾ ನಿಪ್ಪಜ್ಜನ್ತೇ.

ಪಠಮಮೇವ ವಜಿತಬ್ಬಾತಿ ಪಬ್ಬಜ್ಜಾ, ಇಞ್ಜನಂ ಏಜ್ಜಾ, ಸಮಜ್ಜನಂ ಸಮಜ್ಜಾ, ನಿಸೀದನಂ ನಿಸಜ್ಜಾ, ವಿಜಾನನಂ ವಿಜ್ಜಾ ವಿಸಜ್ಜನಂ ವಿಸಜ್ಜಾ, ಪದನಂ ಪಜ್ಜಾ, ಹನನಂ ವಜ್ಝಾ, ಏಸನಂ ಇಚ್ಛಾ, ಅತಿಏಸನಂ ಅತಿಚ್ಛಾ, ಸದನಂ ಸಜ್ಜಾ, ಸಯನ್ತಿ ಏತ್ಥಾತಿ ಸೇಯ್ಯಾ, ಸಮ್ಮಾ ಚಿತ್ತಂ ನಿಧೇತಿ ಏತಾಯಾತಿ ಸದ್ಧಾ, ಚರಿತಬ್ಬಾ ಚರಿಯಾ, ಕರಣಂ ಕಿರಿಯಾ, ರುಜನಂ ರುಚ್ಛಾ, ಪದನಂ ಪಚ್ಛಾ, ರಿಞ್ಚನಂ ರಿಚ್ಛಾ, ತಿಕಿಚ್ಛನಂ ತಿತಿಚ್ಛಾ, ಸಂಕೋಚನಂ ಸಂಕುಚ್ಛಾ, ಮದನಂ ಮಚ್ಛಾ, ಲಭನಂ ಲಚ್ಛಾ, ರದಿಹಬ್ಬಾತಿ ರಚ್ಛಾ, ರದನಂ ವಿಲೇಖನಂ ವಾರಚ್ಛಾ, ಅಧೋ ಭಾಗೇನ ಗಚ್ಛತೀತಿ ತಿರಚ್ಛಾ, ತಿರಚ್ಛಾನೋ, ಅಜನಂ ಅಚ್ಛಾ, ತಿತಿಕ್ಖತೀತಿ ತಿತಿಕ್ಖಾ, ಸಹ ಆಗಮನಂ ಸಾಗಚ್ಛಾ, ದುಟ್ಠು ಭಕ್ಖನಂ ದೋಭಚ್ಛಾ, ದುಟ್ಠು ರೋಸನಂ ದುರುಚ್ಛಾ, ಪುಚ್ಛನಂ ಪುಚ್ಛಾ, ಮುಹನಂ ಮುಚ್ಛಾ, ವಸನಂ ವಚ್ಛಾ, ಕಚನಂ ಕಚ್ಛಾ, ಸಹ ಕಥನಂ ಸಾಕಚ್ಛಾ, ತುದನಂ ತುಚ್ಛಾ, ವಿಸನಂ ವಿಚ್ಛಾ, ಪಿಸನಂ ಪಿಚ್ಛಿಲ್ಲಾ, ಸುಖದುಕ್ಖಂ ಮುದತಿ ಭಕ್ಖತೀತಿ ಮಚ್ಛೋ ¶ , ಸತ್ತಾನಂ ಪಾಣಂ ಮುಸೇತಿ ಚಜೇತೀತಿ ಮಚ್ಚು, ಸತನಂ ಸಚ್ಚಂ, ಉದ್ಧಂ ಧುನಾತಿ ಕಮ್ಪತೀತಿ ಉದ್ಧಚ್ಚಂ, ನಟನಂ ನಚ್ಚಂ, ನಿತನಂ ನಿಚ್ಚಂ, ತಥನಂ ತಚ್ಛಂ ಇಚ್ಚೇವಮಾದಿ.

ಕ್ವಿಲೋಪೋ ಹೋತಿ, ಪುನ ಚ ನಿಪ್ಪಜ್ಜನ್ತೇ.

ವಿವಿಧೇಹಿ ಸೀಲಾದಿಗುಣೇಹಿ ಭವತೀತಿ ವಿಭೂ, ವಿಸೇಸೇನ ವಾ ಭವತೀತಿ ವಿಭೂ, ಸಯಂ ಅತ್ತನಾ ಭವತೀತಿ ಸಯಮ್ಭೂ, ಅಭಿವಿತ್ವಾ ಭವತೀತಿ ಅಭಿಭೂ, ಸಂ ಸುಟ್ಠು ಧುನಾತಿ ಕಮ್ಪತೀತಿ ಸನ್ಧೂ, ವಿಸೇಸೇನ ಭಾತಿ ದಿಬ್ಬತೀತಿ ವಿಭಾ, ನಿಸ್ಸೇಸೇನ ಭಾತಿ ದಿಬ್ಬತೀತಿ ನಿಭಾ, ಪಕಾರೇನ ಭಾತಿ ದಿಬ್ಬತೀತಿ ಪಭಾ, ಸಹ ಭಾಸನ್ತಿ ಏತ್ಥಾತಿ ಸಭಾ, ಆಭುಸೋ ಭಾತಿ ದಿಬ್ಬತೀತಿ ಆಭಾ, ಭುಜೇನ ಕುಟಿಲೇನ ಗಚ್ಛತೀತಿ ಭುಜಗೋ, ತುರಿತತುರಿತೋ ಗಚ್ಛತೀತಿ ತುರಗೋ, ಸಂ ಸುಟ್ಠು ಪಥವಿಂ ಖನತೀತಿ ಸಙ್ಖೋ, ವಿಸೇಸೇನ ಯಮತಿ ಉಪರಮತೀತಿ ವಿಯೋ, ಸುಟ್ಠು ಮನತಿ ಜಾನಾತೀತಿ ಸುಮೋ, ಪರಿ ಸಮನ್ತತೋ ತನೋತಿ ವಿತ್ಥಾರೇತೀತಿ ಪರಿತೋ ಇಚ್ಚೇವಮಾದಿ.

ಸಚ ಜಾನಂ ಧಾತೂನಮನ್ತಾನಂ ಚಜಾನಂ ಕಗಾದೇಸಾ ಹೋನ್ತಿ ಯಥಾಸಙ್ಖ್ಯಂ ಣಾನುಬನ್ಧೇ ಪಚ್ಚಯೇ ಪರೇ.

ಓಕೋ ¶ , ಪಾಕೋ, ಸೇಕೋ, ಸೋಕೋ, ವಿವೇಕೋ, ಚಾಗೋ, ಯೋಗೋ, ಭೋಗೋ, ರೋಗೋ, ರಾಗೋ, ಭಾಗೋ, ಭಙ್ಗೋ, ರಙ್ಗೋ, ಸಙ್ಗೋ.

೬೪೧, ೫೭೨. ನುದಾದೀಹಿ ಯುಣ್ವೂನಮನಾನನಾಕಾನನಕಾ ಸಕಾರಿತೇಹಿ ಚ.

ನುದ ಸೂದ ಜನ ಸು ಲೂ ಹು ಪು ಭೂ ಞಾ ಅ ಸ ಸಮುಇಚ್ಚೇವಮಾದೀಹಿ ಧಾತೂಹಿ, ಫನ್ದ ಚಿತಿ ಆಣ ಇಚ್ಚೇವಮಾದೀಹಿ ಸಕಾರಿತೇಹಿ ಚ ಯುಣ್ವೂನಂ ಪಚ್ಚಯಾನಂ ಅನ ಆನನ ಅಕ ಆನನಕಾದೇಸಾ ಹೋನ್ತಿ ಯಥಾಸಙ್ಖ್ಯಂ ಕತ್ತರಿ, ಭಾವಕರಣೇಸು ಚ.

ಕತ್ತರಿ ತಾವ – ಪನುದತೀತಿ ಪನೂದನೋ. ಏವಂ ಸೂದನೋ, ಜನನೋ, ಸವಣೋ, ಲವನೋ, ಹವನೋ, ಪವನೋ, ಭವನೋ, ಞಾಣೋ, ಅಸನೋ, ಸಮಣೋ.

ಭಾವೇ ಚ – ಪನುದತೇ ಪನೂದನಂ. ಏವಂ ಸೂದನಂ, ಜನನಂ, ಸವಣಂ, ಲವನಂ, ಹವನಂ, ಪವನಂ, ಭವನಂ, ಞಾಣಂ, ಅಸನಂ, ಸಮಣಂ, ಸಞ್ಜಾನನಂ, ಕುಯತೇ ಕಾನನಂ.

ಕಾರಿತೇ ಚ – ಫನ್ದಾಪೀಯತೇ ಫನ್ದಾಪನಂ, ಚೇತಾಪೀಯತೇ ಚೇತಾಪನಂ, ಆಣಾಪೀಯತೇ ಆಣಾಪನಂ.

ಕರಣೇ – ನುದನ್ತಿ ಅನೇನಾತಿ ನೂದನಂ, ಏವಂ ಸೂದನಂ, ಜನನಂ, ಸವಣಂ, ಲವಣಂ, ಹವನಂ, ಪವನಂ, ಭಗನಂ, ಞಾಣಂ, ಅಸನಂ, ಸವಣಂ.

ಪುನ ¶ ಕತ್ತರಿ – ನುದತೀತಿ ನೂದಕೋ, ಸೂದತೀತಿ ಸೂದಧಕಾ, ಜನೇತೀತಿ ಜನಕೋ, ಸುಣೋತೀತಿ ಸಾವಕೋ, ಲುನಾತೀತಿ ಲಾವಕೋ, ಜುಹೋತೀತಿ ಹಾವಕೋ, ಪುನಾತೀತಿ ಪಾವಕೋ, ಭವತೀತಿ ಭಾವಕೋ, ಜಾನಾತೀತಿ ಜಾನಕೋ, ಅಸತೀತಿ ಅಸಕೋ, ಉಪಾಸತೀತಿ ಉಪಾಸಕೋ, ಸಮೇತೀತಿ ಸಮಕೋ.

ಕಾರಿತೇ ತು – ಫನ್ದಾಪಯತೀತಿ ಫನ್ದಾಪಯಕೋ. ಏವಂ ಆಣಾಪಯಕೋ, ಚೇತಾಪಯಕೋ, ಸಞ್ಜಾನನಕೋ.

೬೪೨, ೫೮೮. ಇ ಯ ತ ಮ ಕಿ ಏ ಸಾನ’ಮನ್ತಸ್ಸರೋ ದೀಘಂ ಕ್ವಚಿ ದು ಸ ಸ್ಸ ಗುಣಂ ದೋ ರಂ ಸಕ್ಖೀ ಚ.

ಇಯ ತ ಮ ಕಿ ಏ ಸಇಚ್ಚೇತೇಸಂ ಸಬ್ಬನಾಮಾನಮನ್ತೋ ಸರೋ ದೀಘಮಾಪಜ್ಜತೇ, ಕ್ವಚಿ ದುಸಇಚ್ಚೇತಸ್ಸ ಧಾತುಸ್ಸ ಉಕಾರೋ ಗುಣಮಾಪಜ್ಜತೇ, ದಕಾರೋ ರಕಾರಮಾಪಜ್ಜತೇ, ಧಾತ್ವನ್ತಸ್ಸ ಸಸ್ಸ ಚ ಸ ಕ್ಖ ಈಇಚ್ಚೇತೇ ಆದೇಸಾ ಹೋನ್ತಿ ಯಥಾಸಮ್ಭವಂ. ಏತೇ ಸದ್ದಾ ಸಕೇನ ಸಕೇನ ನಾಮೇನ ಯಥಾನುಪರೋಧೇನ ಬುದ್ಧಸಾಸನೇ ಪಚ್ಛಾ ಪುನ ನಿಪ್ಪಜ್ಜನ್ತೇ.

ಇಮಮಿವ ನಂ ಪಸ್ಸತೀತಿ ಈದಿಸೋ, ಯಮಿವ ನಂ ಪಸ್ಸತೀತಿ ಯಾದಿಸೋ, ತಮಿವ ನಂ ಪಸ್ಸತೀತಿ ತಾದಿಸೋ, ಮಮಿವ ನಂ ಪಸ್ಸತೀತಿ ಮಾದಿಸೋ, ಕಿಮಿವ ನಂ ಪಸ್ಸತೀತಿ ಕೀದಿಸೋ, ಏತಮಿವ ನಂ ಪಸ್ಸತೀತಿ ಏದಿಸೋ, ಸಮಾನಮಿವ ನಂ ಪಸ್ಸತೀತಿ ಸಾದಿಸೋ ¶ . ಇಮಮಿವ ನಂ ಪಸ್ಸತೀತಿ ಈರಿಸೋ, ಯಮಿವ ನಂ ಪಸ್ಸತೀತಿ ಯಾರಿಸೋ, ತಮಿವ ನಂ ಪಸ್ಸತೀತಿ ತಾರಿಸೋ, ಮಮಿವ ನಂ ಪಸ್ಸತೀತಿ ಮಾರಿಸೋ, ಕಿಮಿವ ನಂ ಪಸ್ಸತೀತಿ ಕೀರಿಸೋ, ಏತಮಿವ ನಂ ಪಸ್ಸತೀತಿ ಏರಿಸೋ, ಸಮಾನಮಿವ ನಂ ಪಸ್ಸತೀತಿ ಸಾರಿಸೋ. ಇಮಮಿವ ನಂ ಪಸ್ಸತೀತಿ ಈದಿಕ್ಖೋ, ಯಮಿವ ನಂ ಪಸ್ಸತೀತಿ ಯಾದಿಕ್ಖೋ, ತಮಿವ ನಂ ಪಸ್ಸತೀತಿ ತಾದಿಕ್ಖೋ, ಏವಂ ಮಾದಿಕ್ಖೋ, ಕೀದಿಕ್ಖೋ, ಏದಿಕ್ಖೋ, ಸಾದಿಕ್ಖೋ. ಈದೀ, ಯಾದೀ, ತಾದೀ, ಮಾದೀ, ಕೀದೀ, ಏದೀ, ಸಾದೀ.

ಚಗ್ಗಹಣೇನ ತೇಸಮೇವ ಸದ್ದಾನಂ ಇಯಇಚ್ಚೇವಮಾದೀನಮನ್ತೋ ಚ ಸರೋ ಕ್ವಚಿ ದೀಘತ್ಥಮಾಹು. ಈದಿಕ್ಖೋ, ಯಾದಿಕ್ಖೋ, ತಾದಿಕ್ಖೋ, ಮಾದಿಕ್ಖೋ, ಕೀದಿಕ್ಖೋ, ಏದಿಕ್ಖೋ, ಸಾದಿಕ್ಖೋ. ಇದಿಸೋ, ಸದಿಸೋ, ಸರಿಸೋ, ಸರಿಕ್ಖೋ.

೬೪೩, ೬೩೫. ಭ್ಯಾದೀಹಿ ಮತಿ ಬುಧಿ ಪೂಜಾದೀಹಿ ಚ ತ್ತೋ.

ಭೀಇಚ್ಚೇವಮಾದೀಹಿ ಧಾತೂಹಿ, ಮತಿ. ಬುಧಿ ಪೂಜಾದಿತೋ ಚ ತ್ತ ಪಚ್ಚಯೋ ಹೋತಿ.

ಭಾಯಿತಬ್ಬೋತಿ ಭೀತೋ, ಸುಪಿತಬ್ಬೋತಿ ಸುತ್ತೋ, ಮಿಜ್ಜಿತಬ್ಬೋ ಸಿನೇಹೇತಬ್ಬೋತಿ ಮಿತ್ತೋ, ಸಮ್ಮನ್ನಿತಬ್ಬೋತಿ ಸಮ್ಮತೋ, ಸಂ ಸುಟ್ಠು ಮಾನಿತಬ್ಬೋ ಪೂಜೇತಬ್ಬೋತಿ ಸಮ್ಮತೋ, ಸಮ್ಮಾನೀಯಿತ್ಥಾತಿ ಸಮ್ಮತೋ, ಸಂಕಪ್ಪೀಯತೇತಿ ಸಙ್ಕಪ್ಪಿತೋ ¶ , ಸಂಕಪ್ಪೀಯಿತ್ಥಾತಿ ಸಙ್ಕಪ್ಪಿತೋ, ಸಮ್ಪಾದೀಯತೇತಿ ಸಮ್ಪಾದಿತೋ, ಸಮ್ಪಾದೀಯಿತ್ಥಾತಿ ಸಮ್ಪಾದಿತೋ, ಅವಧಾರೀಯತೇತಿ ಅವಧಾರಿತೋ, ಅವಧಾರೀಯಿತ್ಥಾತಿ ಅವಧಾರಿತೋ, ಬುಜ್ಝಿತಬ್ಬೋ ಞಾತಬ್ಬೋತಿ ಬುದ್ಧೋ, ಅಜ್ಝಯಿತಬ್ಬೋತಿ ಇತೋ, ಏತಬ್ಬೋ ಗನ್ತಬ್ಬೋತಿ ಇತೋ, ವಿದಿತಬ್ಬೋ ಞಾತಬ್ಬೋತಿ ವಿದಿತೋ, ತಕ್ಕೀಯತೇತಿ ತಕ್ಕಿತೋ, ಪೂಜೀಯತೇತಿ ಪೂಜಿತೋ, ಪೂಜೀಯಿತ್ಥಾತಿ ಪೂಜಿತೋ, ಅಪಚಾಯಿತಬ್ಬೋತಿ ಅಪಚಾಯಿತೋ, ಮಾನಿತಬ್ಬೋ ಪೂಜೇತಬ್ಬೋತಿ ಮಾನಿತೋ, ಅಪಚೀಯತೇತಿ ಅಪಚಿತೋ, ವನ್ದೀಯತೇತಿ ವನ್ದಿತೋ, ವನ್ದೀಯಿತ್ಥಾತಿ ವನ್ದಿತೋ, ಸಕ್ಕರೀಯತೇತಿ ಸಕ್ಕಾರಿತೋ, ಸಕ್ಕರೀಯಿತ್ಥಾತಿ ಸಕ್ಕಾರಿತೋ.

೬೪೪, ೬೬೧. ವೇಪು ಸೀ ದವ ವಮು ಕು ದಾ ಭೂ ಹ್ವಾದೀಹಿ ಥು ತ್ತಿಮ ಣಿಮಾ ನಿಬ್ಬತ್ತೇ.

ವೇಪು ಸೀ ದವ ವಮು ಕು ದಾ ಭೂ ಹುಇಚ್ಚೇವಮಾದೀಹಿ ಧಾತೂಹಿ ಯಥಾಸಮ್ಭವಂ ಥು ತ್ತಿಮ ಣಿಮಪಚ್ಚಯಾ ಹೋನ್ತಿ ನಿಬ್ಬತ್ತತ್ಥೇ.

ವೇಪನಂ ವೇಪೋ, ತೇನ ನಿಬ್ಬತ್ತೋ ವೇಪಥು, ಸಯನಂ ಸಯೋ, ತೇನ ನಿಬ್ಬತ್ತೋ ಸಯಥು, ದವನಂ ದವೋ, ತೇನ ನಿಬ್ಬತ್ತೋ ದವಥು. ವಮನಂ ವಮೋ, ತೇನ ನಿಬ್ಬತ್ತೋ ವಮಥು. ಕುತ್ತಿ ಕರಣಂ, ತೇನ ನಿಬ್ಬತ್ತಂ ಕುತ್ತಿಮಂ. ದಾತಿ ದಾನಂ, ತೇನ ನಿಬ್ಬತ್ತಂ ದತ್ತಿಮಂ. ಭೂತಿ ಭವನಂ, ತೇನ ನಿಬ್ಬತ್ತಂ ಭೋತ್ತಿಮಂ. ಅವಹುತಿ ಅವಹನಂ, ತೇನ ನಿಬ್ಬತ್ತಂ ಓಹಾವಿಮಂ.

ಅಕ್ಕೋಸಇಚ್ಚೇತಸ್ಮಿಂ ಅತ್ಥೇ ನಮ್ಹಿ ಪಟಿಸೇಧಯುತ್ತೇ ಆನಿಪಚ್ಚಯೋ ಹೋತಿ ಧಾತೂಹಿ.

ನ ಗಮಿತಬ್ಬಂ ಅಗಮಾನಿ ತೇ ಜಮ್ಮ ದೇಸಂ, ನ ಕತ್ತಬ್ಬಂ ಅಕರಾಣಿ ತೇ ಜಮ್ಮ ಕಮ್ಮಂ.

ನಮ್ಹೀತಿ ಕಿಮತ್ಥಂ? ವಿಪತ್ತಿ ತೇ ಜಮ್ಮ, ವಿಕತಿ ತೇ ಜಮ್ಮ.

ಅಕ್ಕೋಸೇತಿ ಕಿಮತ್ಥಂ? ನ ಗನ್ತಬ್ಬಾ ಅಗತಿ ತೇ.

೬೪೬, ೪೧೯. ಏಕಾದಿತೋ ಸಕಿಸ್ಸ ಕ್ಖತ್ತುಂ.

ಏಕಾದಿತೋ ಸಕಿಸ್ಸ ಕ್ಖತ್ತುಂ ಹೋತಿ.

ಏಕಸ್ಸ ಪದತ್ಥಸ್ಸ ಸಕಿಂ ವಾರಂ ಏಕಕ್ಖತ್ತುಂ, ದ್ವಿನ್ನಂ ಪದತ್ಥಾನಂ ಸಕಿಂ ವಾರಂ ದ್ವಿಕ್ಖತ್ತುಂ, ತಿಣ್ಣಂ ಪದತ್ಥಾನಂ ಸಕಿಂ ವಾರಂ ತಿಕ್ಖತ್ತುಂ, ಏವಂ ಚತುಕ್ಖತ್ತುಂ, ಪಞ್ಚಕ್ಖತ್ತುಂ, ಛಕ್ಖತ್ತುಂ, ಸತ್ತಕ್ಖತ್ತುಂ, ಅಟ್ಠಕ್ಖತ್ತುಂ, ನವಕ್ಖತ್ತುಂ, ದಸಕ್ಖತ್ತುಂ. ಇಚ್ಚೇವಮಾದಯೋ ಸದ್ದಾ ಯೋಜೇತಬ್ಬಾ.

೬೪೭, ೬೬೩. ಸುನಸ್ಸುನಸ್ಸೋಣ ವಾನುವಾನೂನುನಖುನಾನಾ.

ಸುನಇಚ್ಚೇತಸ್ಸ ಪಾಟಿಪದಿಕಸ್ಸ ಉನಸ್ಸ ಓಣ ವಾನ ಉವಾನ ಊನ ಉನಖ ಉನ ಆ ಆನಾದೇಸಾ ಹೋನ್ತಿ.

ಸಾಮಿಕಸ್ಸ ¶ ಸದ್ದಂ ಸುಣಾತೀತಿ ಸೋಣೋ, ಸಾಮಿಕಸ್ಸ ಸದ್ದಂ ಸುಣಾತೀತಿ ಸ್ವಾನೋ, ಏವಂ ಸುವಾನೋ, ಸೂನೋ, ಸುನಖೋ, ಸುನೋ, ಸಾ, ಸಾನೋ.

ತರುಣಇಚ್ಚೇತಸ್ಸ ಪಾಟಿಪದಿಕಸ್ಸ ಸುಸು ಆದೇಸೋ ಹೋತಿ.

೬೪೯, ೬೬೫. ಯುವಸ್ಸುವಸ್ಸುವುವಾನುನೂನಾ.

ಯುವಇಚ್ಚೇತಸ್ಸ ಪಾಟಿಪದಿಕಸ್ಸ ಉವಸ್ಸ ಉವಉವಾನ ಉನಊನಾದೇಸಾ ಹೋನ್ತಿ.

೬೫೦, ೬೫೧. ಕಾಲೇ ವತ್ತಮಾನಾತೀತೇ ಣ್ವಾದಯೋ.

ಕಾಲೇ ವತ್ತಮಾನತ್ಥೇ ಚ ಅತೀತತ್ಥೇ ಚ ಣು ಯು ತಪಚ್ಚಯಾ ಹೋನ್ತಿ.

ಅಕಾಸಿ, ಕರೋತೀತಿ ಕಾರು, ಅಗಚ್ಛಿ, ಗಚ್ಛತೀತಿ, ವಾಯು, ಅಭವಿ, ಭವತೀತಿ ಭೂತಂ.

೬೫೧, ೬೪೭. ತವಿಸ್ಸತಿ ¶ ಗಮಾದೀಹಿ ಣೀ ಘಿಣ.

ಭವಿಸ್ಸತಿಕಾಲತ್ಥೇ ಗಮು ಭಜ ಸು ಠಾಇಚ್ಚೇವಮಾದೀಹಿ ಧಾತೂಹಿ ಣೀ ಘಿಣ ಪಚ್ಚಯಾ ಹೋನ್ತಿ.

ಆಯತಿಂ ಗಮಿತುಂ ಸೀಲಂ ಯಸ್ಸ, ಸೋ ಹೋತೀತಿ ಗಾಮೀ, ಆಯತಿಂ ಭಜಿತುಂ ಸೀಲಂ ಯಸ್ಸ, ಸೋ ಹೋತೀತಿ ಭಾಜೀ, ಆಯತಿಂ ಪಸ್ಸಾಪಿತುಂ ಸೀಲಂ ಯಸ್ಸ, ಸೋ ಹೋತೀತಿ ಪಸ್ಸಾವಿ, ಆಯತಿಂ ಪಟ್ಠಾಯಿತುಂ ಸೀಲಂ ಯಸ್ಸ, ಸೋ ಹೋತೀತಿ ಪಟ್ಠಾಯಿ.

ಕ್ರಿಯಾಯಮತ್ಥೇ ಣ್ವು ತುಇಚ್ಚೇತೇ ಪಚ್ಚಯಾ ಹೋನ್ತಿ ಭವಿಸ್ಸತಿಕಾಲೇ.

‘‘ಕರಿಸ್ಸ’’ನ್ತಿ ಕಾರಕೋ ವಜತಿ, ‘‘ಭುಞ್ಜಿಸ್ಸ’’ನ್ತಿ ಭೋತ್ತಾ ವಜತಿ.

೬೫೩, ೩೦೬. ಭಾವವಾಚಿಮ್ಹಿ ಚತುತ್ಥೀ.

ಭಾವವಾಚಿಮ್ಹಿ ಚತುತ್ಥೀವಿಭತ್ತಿ ಹೋತಿ ಭವಿಸ್ಸತಿಕಾಲೇ,

ಪಚಿಸ್ಸತೇ, ಪಚನಂ ವಾ ಪಾಕೋ, ಪಾಕಾಯ ವಜತಿ. ಭುಞ್ಜಿಸ್ಸತೇ, ಭೋಜನಂ ವಾ ಭೋಗೋ, ಭೋಗಾಯ ವಜತಿ. ನಚ್ಚಿಸ್ಸತೇ, ನಚ್ಚನಂ ವಾ ನಚ್ಚಂ, ನಚ್ಚಾಯ ವಜತಿ.

ಕಮ್ಮನಿ ಉಪಪದೇ ಣಪಚ್ಚಯೋ ಹೋತಿ ಭವಿಸ್ಸತಿಕಾಲೇ.

ನಗರಂ ಕರಿಸ್ಸತಿ ನಗರಕಾರೋ ವಜತಿ, ಸಾಲಿಂ ಲಾವಿಸ್ಸತಿ ಸಾಲಿಲಾವೋ ವಜತಿ, ಧಞ್ಞಂ ವಪಿಸ್ಸತಿ ಧಞ್ಞವಾಪೋ ವಜತಿ, ಭೋಗಂ ದದಿಸ್ಸತಿ ಭೋಗದಾಯೋ ವಜತಿ, ಸಿನ್ಧುಂ ಪಿವಿಸ್ಸತಿ ಸಿನ್ಧುಪಾಯೋ ವಜತಿ.

೬೫೫, ೬೫೦. ಸೇಸೇ ಸ್ಸಂ ನ್ತುಮಾನಾನಾ.

ಸೇಸಇಚ್ಚೇತಸ್ಮಿಂ ಅತ್ಥೇ ಸ್ಸಂ ನ್ತು ಮಾನ ಆನ ಇಚ್ಚೇತೇ ಪಚ್ಚಯಾ ಹೋನ್ತಿ ಭವಿಸ್ಸತಿಕಾಲೇ ಕಮ್ಮೂಪಪದೇ.

ಕಮ್ಮಂ ಕರಿಸ್ಸತಿ ಕಮ್ಮಂ ಕರಿಸ್ಸಂ, ಏವಂ ಕಮ್ಮಂ ಕರೋನ್ತೋ, ಕಮ್ಮಂ ಕುರುಮಾನೋ, ಕಮ್ಮಂ ಕರಾನೋ ವಜತಿ. ಭೋಜನಂ ಭುಞ್ಜಿಸ್ಸತಿ ಭೋಜನಂ ಭುಞ್ಜಿಸ್ಸಂ, ಏವಂ ಭೋಜನಂ ಭುಞ್ಜನ್ತೋ, ಭೋಜನಂ ಭುಞ್ಜಮಾನೋ, ಭೋಜನಂ ಭುಞ್ಜಾನೋ ವಜತಿ. ಖಾದನಂ ಖಾದಿಸ್ಸತಿ ಖಾದನಂ ಖಾದಿಸ್ಸಂ, ಏವಂ ಖಾದನಂ ಖಾದನ್ತೋ, ಖಾದನಂ ಖಾದಮಾನೋ, ಖಾದನಂ ಖಾದಾನೋ ವಜತಿ. ಮಗ್ಗಂ ಚರಿಸ್ಸತಿ ಮಗ್ಗಂ ಚರಿಸ್ಸಂ, ಏವಂ ಮಗ್ಗಂ ಚರನ್ತೋ, ಮಗ್ಗಂ ಚರಮಾನೋ, ಮಗ್ಗಂ ಚರಾನೋ ವಜತಿ. ಭಿಕ್ಖಂ ಭಿಕ್ಖಿಸ್ಸತಿ ಭಿಕ್ಖಂ ಭಿಕ್ಖಿಸ್ಸಂ, ಏವಂ ಭಿಕ್ಖಂ ಭಿಕ್ಖನ್ತೋ, ಭಿಕ್ಖಂ ಭಿಕ್ಖಮಾನೋ, ಭಿಕ್ಖಂ ಭಿಕ್ಖಾನೋ ವಜತಿ.

ಛ ದ ಚಿ ತಿ ಸು ನೀ ವಿ ದ ಪದ ತನು ಯತ ಅದ ಮದ ಯುಜ ವತುಮಿದ ಮಾ ಪು ಕ ಲ ವರ ವೇ ಪು ಗುಪ ದಾ ಇಚ್ಚೇವಮಾದೀಹಿ ಧಾತೂಹಿ ತತ್ರಣ ಇಚ್ಚೇತೇ ಪಚ್ಚಯಾ ಹೋನ್ತಿ ಯಥಾಸಮ್ಭವಂ.

ಆತಪಂ ಛಾದೇತೀತಿ ಛತ್ತಂ, ಛತ್ರಂ. ಆರಮ್ಮಣಂ ಚಿನ್ತೇತೀತಿ ಚಿತ್ತಂ, ಚಿತ್ರಂ. ಚಿನ್ತೇನ್ತಿ ಸಮ್ಪಯುತ್ತಧಮ್ಮಾ ಏಥೇನಾತಿ ವಾ ಚಿತ್ತಂ, ಚಿತ್ರಂ. ಅತ್ಥೇ ಅಭಿಸ್ಸವೇತೀತಿ ಸುತ್ತಂ, ಸುತ್ರಂ. ಅತ್ಥೇ ಸೂಚೇತೀತಿ ವಾ ಸುತ್ತಂ, ಸುತ್ರಂ. ಸತ್ತೇ ನೇತೀತಿ ನೇತ್ತಂ, ನೇತ್ರಂ. ಸತ್ತೇ ಇಚ್ಛಿತಟ್ಠಾನಂ ನೇನ್ತಿ ಏತೇನಾತಿ ವಾ ನೇತ್ತಂ, ನೇತ್ರಂ. ಪಕಾರೇನ ವಿದತೀತಿ ಪವಿತ್ತಂ, ಪವಿತ್ರಂ. ವಿವಿಧೇನ ಆಕಾರೇನ ಮಙ್ಗ ಪಾಪಂ ಪುನಾತಿ, ಸೋಧೇತೀತಿ ಪವಿತ್ತಂ, ಪವಿತ್ರಂ. ಸುಚಿಭಾವಂ ವಾ ಪಾಪುಣಾತೀತಿ ಪವಿತ್ತಂ, ಪವಿತ್ರಂ. ಪದತಿ ಪಾಪುಣಾತೀತಿ ಪತ್ತೋ, ಪತ್ರೋ. ಆಹಾರಾ ಪತನ್ತಿ ಏತ್ಥ ಭಾಜನೇತಿ ಪತ್ತಂ, ಪತ್ರಂ. ಪದತಿ ಪವತ್ತತೀತಿ ವಾ ಪತ್ತಂ, ಪತ್ರಂ. ತನೋತಿ ವಿತ್ಥಾರೇತೀತಿ ತನ್ತಂ, ತನ್ತ್ರಂ, ತನಿತಬ್ಬಂ ವಿತ್ಥಾರೇತಬ್ಬನ್ತಿ ವಾ ತನ್ತಂ, ತನ್ತ್ರ. ಯತತೀತಿ ಯತ್ತಂ, ಯತ್ರಂ. ಯತತಿ ವೀರಿಯಂ ಕರೋತಿ ಏತೇನಾತಿ ವಾ ಯತ್ತಂ, ಯತ್ರಂ. ಯತನಂ ವಾ ಯತ್ತಂ, ಯತ್ರಂ. ಸುಖದುಕ್ಖಂ ಅದತಿ ಭಕ್ಖತೀತಿ ಅತ್ತಾ, ಅತ್ರಾ. ಮದತೀತಿ ಮತ್ತಂ, ಮತ್ರಂ. ವತ್ಥುಂ ಯುಜ್ಜನ್ತಿ ಏತೇನಾತಿ ಯೋತ್ತಂ, ಯೋತ್ರಂ. ವತ್ತತೀತಿ ವತ್ತಂ, ವತ್ರಂ. ಮಿದತಿ ¶ ಸಿನೇಹಂ ಕರೋತೀತಿ ಮಿತ್ತಂ. ಮಿತ್ರಂ. ಮಿದತಿ ಸಿನೇಹತಿ ಏತಾಯಾತಿ ಮೇತ್ತಾ, ಮೇತ್ರಾ. ಪರಿ ಸಮನ್ತ ತೋ ಸಬ್ಬಾಕಾರೇನ ಮಿನನ್ತಿ ಏತಾಯಾತಿ ಮತ್ತಾ, ಮತ್ರಾ. ಮಾನನಂ ವಾ ಮತ್ತಂ, ಮತ್ರಂ. ಅತ್ತನೋ ಕುಲಂ ಪುನಾತಿ ಸೋಧೇತೀತಿ ಪುತ್ತೋ, ಪುತ್ರೋ. ಕಲಿತಬ್ಬಂ ಸಙ್ಖ್ಯಾತಬ್ಬನ್ತಿ ಕಲತ್ತಂ, ಕಲತ್ರಂ. ಸಂಸುಟ್ಠು ವಾರೇತಿ ಏತೇನಾತಿ ವರತ್ತಂ, ವರತ್ರಂ. ವೇಪತಿ ಕಮ್ಪತೀತಿ ವೇತ್ತಂ, ವೇತ್ರಂ. ಗೋಪಿತಬ್ಬಂ ರಕ್ಖಿತಬ್ಬನ್ತಿ ಗುತ್ತಂ. ಗುತ್ರಂ, ಗೋತ್ತಂ, ಗೋತ್ರಂ. ದಾತಿ ಅವಖಣ್ಡತಿ ಏತೇನಾತಿ ದಾತ್ತಂ, ದಾತ್ರಂ ಇಚ್ಚೇವಮಾದಿ.

ವದ ಚರ ವರಇಚ್ಚೇವಮಾದೀಹಿ ಧಾತೂಹಿ ಣಿತ್ತಪಚ್ಚಯೋ ಹೋತಿ ಗಣತ್ಥೇ.

ವಾದಿತಾನಂ ಗಣೋ ವಾದಿತ್ತಂ. ಏವಂ ಚಾರಿತ್ತಂ, ವಾರಿತ್ತಂ, ಇಚ್ಚೇವಮಾದಿ.

ಮಿದ ಪದ ರನ್ಜ ತನು ಧಾಇಚ್ಚೇವಮಾದೀಹಿ ಧಾತೂಹಿ ತ್ತಿ ತಿ ಇಚ್ಚೇತೇ ಪಚ್ಚಯಾ ಹೋನ್ತಿ.

ಮಿದತಿ ಸಿನೇಹತೀತಿ ಮೇತ್ತಿ, ಪದತಿ ಗಚ್ಛತೀತಿ ಪತ್ತಿ, ರನ್ಜತಿ ಏತ್ಥಾತಿ ರತ್ತಿ, ತನೋತಿ ವಿತ್ಥಾರೇತೀತಿ ತನ್ತಿ, ಅತ್ತನೋ ¶ ಕುಲಂ ತನೋತಿ ವಿತ್ಥಾರೇತೀತಿ ವಾ ತನ್ತಿ, ಪರೇಸಂ ಇತ್ಥೀನಂ ಪುತ್ತಂ ಧಾರೇತೀತಿ ಧಾತಿ, ಖೀರಂ ಧಾರೇತೀತಿ ವಾ ಧಾತಿ, ಅತ್ತನೋ ಸಭಾವಂ ಧಾರೇತೀತಿ ವಾ ಧಾತಿ ಇಚ್ಚೇವಮಾದಿ.

೬೫೯, ೬೬೯. ಉಸು ರನ್ಜ ದಂಸಾನಂ ದಂಸಸ್ಸ ದಡ್ಢೋಢ ಠಾ ಚ.

ಉಸು ರನ್ಜ ದಂಸಇಚ್ಚೇತೇಸಂ ಧಾತೂನಂ ದಂಸಸ್ಸ ದಡ್ಢಾದೇಸೋ ಹೋತಿ, ಢ ಠಪಚ್ಚಯಾ ಚ ಹೋನ್ತಿ.

ಉಸೀಯತೇ ಉಡ್ಢೋ, ರನ್ಜನ್ತಿ ಏತ್ಥಾತಿ ರಟ್ಠಂ, ದಂಸೀಯತೇತಿ ದಡ್ಢೋ.

೬೬೦, ೬೭೦. ಸೂವುಸಾನಮೂವುಸಾನಮತೋಥೋಚ.

ಸೂವು ಅಸಇಚ್ಚೇತೇಸಂ ಧಾತೂನಂ ಊಉಅಸಾನಂ ಅತಾದೇಸೋ ಹೋತಿ, ಥಪಚ್ಚಯೋ ಚ.

ಸವತಿ ಹಿಂಸತಿ ಏತೇನಾತಿ ಸತ್ಥಂ, ಹಿರೋತ್ತಪ್ಪಂ ಸಂವರತಿ ಏತೇನಾತಿವತ್ಥಂ, ಸದ್ದಾನುರೂಪಂ ಅಸತಿಭವತೀತಿ ಅತ್ಥೋ,

೬೬೧, ೬೭೧. ರನ್ಜುದಾದೀಹಿ ¶ ಧ ದಿದ್ದ ಕಿರಾ ಕ್ವಚಿ ಜದಲೋಪೋಚ.

ರನ್ಜ ಉದ ಇದಿ ಚದಿ ಮದಿ ಖುದ ಛಿದಿ ರುದಿ ದಲ ಸುಸ ಸುಚ ವಚ ವಜ ಇಚ್ಚೇವಮಾದೀಹಿ ಧಾತೂಹಿ ಧ ದ ಇದ್ದ ಕ ಇರಇಚ್ಚೇತೇ ಪಚ್ಚಯಾ ಹೋನ್ತಿ, ಕ್ವಚಿ ಜ ದ ಲೋಪೋ ಚ, ಪುನ ನಿಪ್ಪಜ್ಜನ್ತೇ.

ರಞ್ಜಿತಬ್ಬನ್ತಿ ರನ್ಧಂ, ರನ್ಜಯಿತ್ಥಾತಿ ವಾ ರನ್ಧಂ, ಅತ್ತನಿ ಸನ್ನಿಸ್ಸಿತಾನಂ ಮಚ್ಛಮಕರಾನಂ ಪೀತಿಸೋಮನಸ್ಸಂ ಉನ್ದತಿ ಪಸವತಿ ಜನೇತೀತಿ ಸಮುದ್ದೋ, ಇನ್ದತಿ ಪರಮಿಸ್ಸರಿಯಂ ಕರೋತೀತಿ ಇನ್ದೋ, ಇನ್ದತ್ತಂ ಅಧಿಪತಿಭಾವಂ ಕರೋತೀತಿ ವಾ ಇನ್ದೋ, ಚನ್ದಿತಬ್ಬೋ ಇಚ್ಛಿತಬ್ಬೋತಿ ಚನ್ದೋ, ಮನ್ದತಿ ಹಾಸೇತೀತಿ ಮನ್ದೋ, ಮದಿತಬ್ಬೋ ಹಾಸೇತಬ್ಬೋತಿ ವಾ ಮನ್ದೋ, ಖುದತಿ ಪಿಪಾಸೇತೀತಿ ಖುದ್ದೋ, ಛಿನ್ದಿತಬ್ಬೋತಿ ಛಿದ್ದೋ, ರುದತಿ ಹಿಂಸತೀತಿ ರುದ್ದೋ, ದಲತಿ ದುಗ್ಗತಭಾವಂ ಗಚ್ಛತೀತಿ ದಲಿದ್ದೋ, ಸುಸ್ಸತೀತಿ ಸುಕ್ಕಂ, ಸುಚತೀತಿಸೋಕೋ, ವಚಿತಬ್ಬನ್ತಿ ವಕ್ಕಂ, ಅಪ್ಪಟಿಹತೋ ಹುತ್ವಾ ವಜತಿ ಗಚ್ಛತೀತಿ ವಜಿರಂ ಇಚ್ಚೇವಮಾದಿ.

೬೬೨, ೬೭೨. ಪಟಿತೋ ಹಿಸ್ಸ ಹೇರಣ ಹೀರಣ.

ಪಟಿಇಚ್ಚೇತಸ್ಮಾ ಹಿಸ್ಸ ಧಾತುಸ್ಸ ಹೇರಣ ಹೀರಣ ಆದೇಸಾ ಹೋನ್ತಿ.

ಪಟಿಪಕ್ಖೇಮದ್ದಿತ್ವಾಗಚ್ಛತಿ ಪವತ್ತತೀತಿ ಪಾಟಿಹೇರಂ, ಪಾಟಿಹೀರಂ.

ಕಡಿ ಘಡಿ ವಡಿ ಕರಡಿ ಮಡಿ ಸಡಿ ಕುಠಿ ಭಡಿ ಪಡಿ ದಡಿ ರಡಿ ತಡಿ ಇಸಿಡಿ ಚಡಿ ಗಡಿ ಅಡಿ ಲಡಿ ಮೇಡಿ ಏರಡಿ ಖಡಿ ಇಚ್ಚೇವಮಾದೀಹಿ ಧಾತೂಹಿ ಕಪಚ್ಚಯೋ ಹೋತಿ ಸಹ ಪಚ್ಚಯೇನ ಚ ನಿಪ್ಪಜ್ಜನ್ತೇ ಯಥಾಸಮ್ಭವಂ.

ಕಣ್ಡಿತಬ್ಬೋ ಛಿನ್ದಿತಬ್ಬೋತಿ ಕಣ್ಡೋ, ಘಣ್ಡಿತಬ್ಬೋ ಘಟೇತಬ್ಬೋತಿ ಘಣ್ಡೋ, ವಣ್ಡನ್ತಿ ಏತ್ಥಾತಿ ವಣ್ಡೋ, ಕರಣ್ಡಿತಬ್ಬೋ ಭಾಜೇತಬ್ಬೋತಿ ಕರಣ್ಡೋ, ಮಣ್ಡೀಯತೇ ವಿಭೂಸೀಯತೇ ಏತೇನಾತಿ ಮಣ್ಡೋ, ಸಣ್ಡನ್ತಿ ಗುಮ್ಬನ್ತಿ ಏತ್ಥಾತಿ ಸಣ್ಡೋ, ಅಙ್ಗಮಙ್ಗಾನಿ ಕುಣ್ಠತಿ ಛಿನ್ದತೀತಿ ಕುಟ್ಠಂ, ಭಣ್ಡಿತಬ್ಬನ್ತಿ ಭಣ್ಡಂ, ಪಣ್ಡತಿ ಲಿಙ್ಗವೇಕಲ್ಲಭಾವಂ ಗಚ್ಛತೀತಿ ಪಣ್ಡಕೋ. ದಣ್ಡತಿ ಆಣಂ ಕರೋತಿ ಏತೇನಾತಿ ದಣ್ಡೋ, ರಣ್ಡತಿ ಹಿಂಸತೀತಿ ರಣ್ಡೋ, ವಿಸೇಸೇನ ತಣ್ಡತಿ ಚಾಲೇತಿ ಪರೇಸಂ ವಿಞ್ಞೂನಂ ಹದಯಂ ಕಮ್ಪೇತೀತಿ ವಿತಣ್ಡೋ, ಇಸಿಣ್ಡತಿ ಪರೇಸಂ ಮದ್ದತೀತಿ ಇಸಿಣ್ಡೋ, ಚಣ್ಡತಿ ಚಣ್ಡಿಕ್ಕಭಾವಂ ಕರೋತೀತಿ ಚಣ್ಡೋ, ಗಣ್ಡತಿ ಸನ್ನಿಚಯತಿ ಸಮೂಹಂ ಕರೋತಿ ಏತ್ಥಾತಿ ಗಣ್ಡೋ, ಅಣ್ಡೀಯತಿ ನಿಬ್ಬತ್ತೀಯತೀತಿ ಅಣ್ಡೋ, ಲಣ್ಡಿತಬ್ಬೋ ಜಿಗುಚ್ಛಿತಬ್ಬೋತಿ ಲಣ್ಡೋ, ಮೇಣ್ಡತಿ ¶ ಕುಟಿಲಭಾವಂ ಗಚ್ಛತೀತಿ ಮೇಣ್ಡೋ, ಏರಣ್ಡತಿ ರೋಗಂ ಹಿಂಸತೀತಿ ಏರಣ್ಡೋ, ಖಣ್ಡಿತಬ್ಬೋ ಛಿನ್ದಿತಬ್ಬೋತಿ ಖಣ್ಡೋ ಇಚ್ಚೇವಮಾದಿ.

೬೬೪, ೬೭೪. ಖಾದಾಮಗಮಾನಂ ಖ ನ್ಧ’ನ್ಧ ಗನ್ಧಾ.

ಖಾದ ಅಮ ಗಮುಇಚ್ಚೇತೇಸಂ ಧಾತೂನಂ ಖನ್ಧ ಅನ್ಧ ಗನ್ಧಾದೇಸಾ ಹೋನ್ತಿ, ಕಪಚ್ಚಯೋ ಚ ಹೋತಿ.

ಜಾತಿಜರಾಮರಣಾದೀಹಿ ಸಂಸಾರದುಕ್ಖೇಹಿ ಖಾದಿತಬ್ಬೋತಿ ಖನ್ಧೋ, ಅಮತಿ ಅಙ್ಗಮಙ್ಗಸ್ಸ ರುಜ್ಜನಭಾವಂ ಗಚ್ಛತೀತಿ ಅನ್ಧೋ, ಚಕ್ಖುನಾ ಅಮತಿ ರುಜ್ಜತೀತಿ ವಾ ಅನ್ಧೋ, ತಂ ತಂ ಠಾನಂ ವಾತೇನ ಗಚ್ಛತೀತಿ ಗನ್ಧೋ. ಏವಂ ಖನ್ಧಕೋ, ಅನ್ಧಕೋ, ಗನ್ಧಕೋ.

ಪಟ ಕಲ ಕುಸ ಕದ ಭಗನ್ದ ಮೇಖ ವಕ್ಕ ತಕ್ಕ ಪಲ್ಲ ಸದ್ದ ಮೂಲ ಬಿಲ ವಿದ ಚಡಂ ಪಞ್ಚ ವಾ ವಸ ಪಚಿ ಮಚ ಮುಸ ಗೋತ್ಥು ಪುಥು ಬಹು ಮಙ್ಗ ಬಹ ಕಮ್ಬ ಸಮ್ಬ ಅಗ್ಗಇಚ್ಚೇವಮಾದೀಹಿ ಧಾತೂಹಿ ಪಾಟಿ ಪದಿಕೇಹಿ ಚ ಉತ್ತರಪದೇಸು ಅಲಪಚ್ಚಯೋ ಹೋತಿ, ಪಚ್ಛಾ ಪುನ ನಿಪ್ಪಜ್ಜನ್ತೇ.

ಪಟೇ ಅಲನ್ತಿ ಪಟಲಂ, ಕಲೇ ಅಲನ್ತಿ ಕಲಲಂ, ಪಾಪಕೇ ಅಕುಸಲೇ ಧಮ್ಮೇ ಕುಸತಿ ಛಿನ್ದತೀತಿ ಕುಸಲಂ, ಕುಸಭೂತೇ ಯಥಾಸಭಾವಧಮ್ಮೇ ಅಲನ್ತಿ ವಾ ಕುಸಲಂ, ಕುಸೇ ಉದ್ದಿಸ್ಸ ದಾನೇ ಅಲನ್ತಿ ವಾ ಕುಸಲಂ, ಕುಸೇ ಸಞ್ಚಯೇ ಧಮ್ಮಸಮುದಾಯೇ ಅಲನ್ತಿ ¶ ವಾ ಕುಸಲಂ, ಕದ್ದೇ ಮದ್ದೇ ಅಲನ್ತಿ ಕದಲಂ, ಭಗನ್ದೇ ಸೇಚನೇ ಅಲನ್ತಿ ಭಗನ್ದಲಂ, ಭಗನ್ದೇ ಮುತ್ತಕರೀಸಹರಣೇ ಅಲನ್ತಿ ವಾ ಭಗನ್ದಲಂ, ಮೇಖೇ ಕಟಿವಿಚಿತ್ತೇ ಅಲನ್ತಿ ಮೇಖಲಂ, ವಕ್ಕೇ ರುಕ್ಖತಚೇ ಅಲನ್ತಿ ವಕ್ಕಲಂ, ತಕ್ಕೇ ರುಕ್ಖಸಿಲೇಸೇ ಅಲನ್ತಿ ತಕ್ಕಲಂ, ಪಲ್ಲೇ ನಿನ್ನಟ್ಠಾನೇ ಅಲನ್ತಿ ಪಲ್ಲಲಂ, ಸದ್ದೇ ಹರಿತೇ ಅಲನ್ತಿ ಸದ್ದಲಂ, ಮೂಲೇ ಪತಿಟ್ಠಾನೇ ಅಲನ್ತಿ ಮುಲಾಲಂ, ಬಿಳೇ ನಿಸ್ಸಯೇ ಅಲನ್ತಿ ಬಿಲಾಲಂ, ವಿದೇ ವಿಜ್ಜಮಾನೇ ಅಲನ್ತಿ ವಿದಲಂ, ಚಣ್ಡೇ ಅಲನ್ತಿ ಚಣ್ಡಾಲೋ, ಪಞ್ಚನ್ನಂ ರಾಜೂನಂ ಅಲನ್ತಿ ಪಞ್ಚಾಲೋ, ವಾ ಗತಿಗನ್ಧನೇಸು ಅಲನ್ತಿ ವಾಲಂ, ವಾ ಪದಗಮನೇ ಅಲನ್ತಿ ವಾ ವಾಳೋ, ವಸೇ ಅಚ್ಛಾದನೇ ಅಲನ್ತಿ ವಸಲೋ, ಪಚೇ ವಿತ್ಥಾರೇ ಅಲನ್ತಿ ಪಚಲೋ, ಮಚೇ ಚೋರಕಮ್ಮೇ ಅಲನ್ತಿ ಮಚಲೋ, ಮುಸೇ ಥೇಯ್ಯೇ, ಮುಸೇ ಪಾಣಚಾಗೇ ವಾ ಅಲನ್ತಿ ಮುಸಲೋ, ಗೋತ್ತೇ ವಂಸೇ ಸಿಙ್ಗಾಲಜಾತಿಯಂ ಅಲನ್ತಿ ಗೋತ್ಥುಲೋ, ಪುಥುಮ್ಹಿ ವಿತ್ಥಾರೇ ಅಲನ್ತಿ ಪುಥುಲೋ, ಬಹುಮ್ಹಿ ಸಙ್ಖ್ಯಾನೇ ಅಲನ್ತಿ ಬಹುಲೋ, ಬಹುಮ್ಹಿ ವುದ್ಧಿಮ್ಹಿ ಅಲನ್ತಿ ವಾ ಬಹುಲೋ, ಮಙ್ಗಮ್ಹಿ ಗಮನೇ ಅಲನ್ತಿ ಮಙ್ಗಲಂ, ಬಹುಮ್ಹಿ ವುದ್ಧಿಮ್ಹಿ ಅಲನ್ತಿ ಬಹಲಂ, ಕಮ್ಬಮ್ಹಿ ಸಞ್ಚಲನೇ ಅಲನ್ತಿ ¶ ಕಮ್ಬಲಂ. ಸಮ್ಬಮ್ಹಿ ಮಣ್ಡಲೇ ಅಲನ್ತಿ ಸಮ್ಬಲಂ, ಅಗ್ಗೇ ಗತಿಕೋಟಿಲ್ಲೇ ಅಲನ್ತಿ ಅಗ್ಗಳಂ. ಇಚ್ಚೇವಮಾದಯೋ ಅಞ್ಞೇಪಿ ಸದ್ದಾ ಭವನ್ತಿ.

೬೬೬, ೬೭೬. ಪುಥಸ್ಸ ಪುಥು ಪಥಾ ಮೋ ವಾ.

ಪುಥಇಚ್ಚೇತಸ್ಸ ಪಾಟಿಪದಿಕಸ್ಸ ಪುಥು ಪಥಾದೇಸಾ ಹೋನ್ತಿ, ಕ್ವಚಿ ಅಮಪಚ್ಚಯೋ ಹೋತಿ.

ಪುಥ ಹುತ್ವಾ ಜಾತನ್ತಿ ಪುಥವೀ ಪಥಮೇ ಜಾತೋ ಪಥಮೋ, ಪಥವೀ, ಪಠಮೋ ವಾ, ಪುಥು ಕಿಲೇಸೇ ಜನೇತೀತಿ ಪುಥುಜ್ಜನೋ, ಪುಥು ಹುತ್ವಾ ಜಾತನ್ತಿ ಪಥವೀ, ಪಥವೀ ವಾ.

ಸಸು ದದ ಅದ ಮದಇಚ್ಚೇವಮಾದೀಹಿ ಧಾತೂಹಿ ತು ದುಇಚ್ಚೇತೇ ಪಚ್ಚಯಾ ಹೋನ್ತಿ.

ಅಞ್ಞೇ ಸತ್ತೇ ಸಸತಿ ಹಿಂಸತೀತಿ ಸತ್ತು, ದುಕ್ಖಂ ದದಾತೀತಿ ದದ್ದು, ದುಕ್ಖೇನ ಅದತಿ ಭಕ್ಖತಿ ಏತ್ಥಾತಿ ಅದ್ದು, ದುಕ್ಖಂ ಅದತಿ ಅನುಭವತಿ ಜನೋ ಏತೇನಾತಿ ವಾ ಅದ್ದು, ದುಕ್ಖಂ ಭಾಜನಂ ¶ ಆಧಾರಂ ಭಾವತೀತಿ ವಾ ಅದ್ದು, ಮದತಿ ಉಮ್ಮತ್ತಂ ಕರೋತೀತಿ ಮದ್ದು, ಮದತಿ ಮದ್ದಭಾವಂ ಕರೋತೀತಿ ವಾ ಮದ್ದು.

ಚಿ ಪಾ ಧಾಇಚ್ಚೇವಮಾದೀಹಿ ಧಾತೂಹಿ ಈವರಪಚ್ಚಯೋಹೋತಿ.

ಚೀಯತೀತಿ ಚೀವರಂ, ಪಿವತೀತಿ ಪೀವರೋ, ಪಾತಬ್ಬಂ ರಕ್ಖಿತಬ್ಬನ್ತಿ ವಾ ಪೀವರಂ. ಧಾರೇತಿ ಧಾರೇತ್ವಾ ಜೀವಿತಂ ಕಪ್ಪೇತೀತಿ ಧೀವರೋ, ಧೀವರಂ.

ಮುನ ಯತ ಅಗ್ಗ ಪತ ಕವ ಸುಚ ರುಚ ಮಹಾಲ ಭದ್ದಾಲ ಮನಇಇಚ್ಚೇವಮಾದೀಹಿ ಧಾತೂಹಿ, ಪಾಟಿಪದಿಕೇಹಿ ಚ ಇಪಚ್ಚಯೋ ಹೋತಿ.

ಅತ್ಥಾನತ್ಥಂ ಮುನಾತಿ, ಞೇಯ್ಯಧಮ್ಮಂ ಲಕ್ಖಣಾದಿವಸೇನ ವಾ ಜಾನಾತೀತಿ ಮುನಿ, ಯತತಿ ವೀರಿಯಂ ಕರೋತೀತಿ ಯತಿ, ಅಗ್ಗತಿ ಕುಟಿಲಭಾವಂ ಗಚ್ಛತೀತಿ ಅಗ್ಗಿ, ಪತತಿ ಸೇಟ್ಠೋ ಹುತ್ವಾ ಪುರತೋ ಗಚ್ಛತೀತಿ ಪತಿ, ಕಬ್ಯಂ ಬನ್ಧತೀತಿ ಕವಿ, ಕನ್ತಂ ಮನಾಪವಚನಂ ವದತೀತಿ ವಾ ಕವಿ. ಸುಚತಿ ಪರಿಸುದ್ಧಂ ಭವತೀತಿ ಸುಚಿ, ರುಚತಿ ದಿಬ್ಬತೀತಿ ರುಚಿ, ಮಹನ್ತಂ ವಿಭಾವಂ ಭೋಗಕ್ಖನ್ಧಂ ಲಾತೀತಿ ಮಹಾಲಿ, ಭದ್ದಂ ಯಸಂ ಲಾತೀತಿ ಭದ್ದಾಲಿ, ಮನಂ ತತ್ಥ ರತನೇ ನಯತೀತಿ ಮಣಿ.

ವಿದ ವಲ್ಲ ಮಸ ಸಿದ ದುಕುಕಪು ಮಯ ಉದಿ ಖಜ್ಜ ಕುರಇಚ್ಚೇವಮಾದೀಹಿ ಧಾತೂಹಿ, ಪಾಟಿಪದಿಕೇಹಿ ಚ ಊರಪಚ್ಚಯೋಹೋತಿ.

ವಿದಿತುಂ ಅಲನ್ತಿ ವಿದೂರೋ, ವಿದೂರಟ್ಠಾನೇ ಜಾತೋ ವೇದೂರೋ, ವಲ್ಲತಿ ವಲ್ಲಭಾವೇನ ಭವತೀತಿ ವಲ್ಲೂರೋ, ವಲ್ಲತಿ ಅಞ್ಞಮಞ್ಞಂ ಬನ್ಧತೀತಿ ವಾ ವಲ್ಲೂರೋ, ಆಮಸಿತಬ್ಬೋತಿ ಮಸೂರೋ, ಸಿನ್ದತಿ ಸಿಙ್ಗಾರಭಾವಂ ಗಚ್ಛತೀತಿ ಸಿನ್ದೂರೋ, ಸಿನ್ದತಿ ವಿರೋಚತೀತಿ ವಾ ಸಿನ್ದೂರೋ, ಗಮಿತುಂ ಅಲಂ ಅನಾಸನ್ನತ್ತಾತಿ ದೂರೋ, ಕುತಿ ಸದ್ದಂ ಕರೋತೀತಿ ಕೂರೋ, ಅತ್ತನೋ ಗನ್ಧೇನ ಅಞ್ಞಂ ಗನ್ಧಂ ಕಪತಿ ಹನತಿ ಹಿಂಸತೀತಿ ಕಪ್ಪೂರೋ, ಕಪ್ಪತಿ ರೋಗಾಪನಯನೇ ಸಮತ್ಥೇತೀತಿ ವಾ ಕಪ್ಪೂರೋ, ಮಹಿಯಂ ರವತೀತಿ ಮಯೂರೋ, ಮಹಿಯಂ ಯಾತಿ ಗಚ್ಛತೀತಿ ಮಯೂರೋ, ಪಂಸುಂ ಉನ್ದತಿ ಪಸವತೀತಿ ಉನ್ದೂರೋ, ಖಜ್ಜಿತಬ್ಬೋ ಖಾದಿತಬ್ಬೋತಿ ಖಜ್ಜೂರೋ, ಕುರತಿ ಅಕ್ಕೋಸತೀತಿ ಕುರೂರೋ.

ಹನ ಜನ ಭಾರಿ ಖನು ಅಮ ವೇ ವೇಧಾ ಸಿಕಿ ಹಿ ಇಚ್ಚೇವಮಾದೀಹಿ ಧಾತೂಹಿ ನು ಣು ಕುಇಚ್ಚೇತೇ ಪಚ್ಚಯಾ ಹೋನ್ತಿ.

ಭೋಜನಂ ¶ ಹನತಿ ಹಿಂಸತಿ ಏತೇನಾತಿ ಹಣು, ಹನು ವಾ. ಗಮನಂ ಜನೇತೀತೀ ಜಾಣು, ಭಾಣು ದಿಬ್ಬತೀತಿ ಭಾಣು, ನಿವಾತೇ ರಿತಿ ಗಚ್ಛತೀತೀ ರೇಣು, ಖಣಿತಬ್ಬೋ ಅವದಾರಿತಬ್ಬೋತಿ ಖಾಣು. ಅಙ್ಗಮಙ್ಗಸ್ಸ ರುಜ್ಜನಭಾವಂ ವಿಜ್ಝನಭಾವಂ ಅಮತಿ ಗಚ್ಛತೀತಿ ಅಣು, ವೇಣು, ವೇತಿ ತನ್ತಸನ್ತಾನೇ ಭವತೀತೀ ವೇಣು, ಬಹಿಸಾರೇಅಲನ್ತಿವಾವೇಣು ವಚ್ಛಂ, ಪಾಯೇತೀತೀ ಧೇನು, ಅತ್ಥಂ ಧಾರೇತೀತೀ ಧಾತು, ಗಮನಪಚನಾದಿಕಂ ಕ್ರಿಯಂ ಧಾರೇತೀತೀ ವಾ ಧಾತು, ಸೀಯತೀ ಬನ್ಧೀಯತೀತೀ ಸೇತು, ಉದ್ಧಂ ಗಚ್ಛತಿ ಪವತ್ತತೀತೀ ಕೇತು, ಅತ್ತನೋ ಫಲಂ ಹಿನೋತಿ ಪವತ್ತತೀತೀ ಹೇತು.

ಕುಟ ಕುಸ ಕಟಇಚ್ಚೇವಮಾದೀಹಿ ಧಾತೂಹಿ, ಪಾಟಿಪದಿಕೇಹಿ ಚ ಠಪಚ್ಚಯೋ ಹೋತೀ.

ಅಙ್ಗಮಙ್ಗಂ ಕುಟತಿ ಛಿನ್ದತೀತೀ ಕುಟ್ಠಂ, ಧಞ್ಞೇನ ಛಾದೇತಬ್ಬೋ ಪೂರೇತಬ್ಬೋತೀ ಕೋಟ್ಠೋ, ಕಟಿತಬ್ಬಂ ಮದ್ದಿತಬ್ಬನ್ತಿ, ಕಟ್ಠಂ.

೬೭೩, ೬೮೩. ಮನು ಪೂರ ಸುಣಾದೀಹಿ ಉಸ್ಸ ನುಸಿಸಾ.

ಮನು ಪೂರ ಸುಣ ಕುಸು ಇಲ ಅಲ ಮಹ ಸಿ ಕಿ ಇಚ್ಚೇವಮಾದೀಹಿ ಧಾತೂಹಿ, ಪಾಟಿಪದಿಕೇಹಿ ಚ ಉಸ ನುಸ ಇಸಇಚ್ಚೇತೇ ಪಚ್ಚಯಾ ಹೋನ್ತಿ, ಪುನ ನಿಪ್ಪಜ್ಜನ್ತೇ.

ಕುಸಲಾಕುಸಲೇ ¶ ಧಮ್ಮೇ ಮನತಿ ಜಾನಾತೀತಿ ಮನುಸ್ಸೋ, ಮಾನುಸೋ. ಕಾರಣಾ ಕಾರಣಂ ಮನತಿ ಜಾನಾತೀತಿ ವಾ ಮನುಸ್ಸೋ, ಮಾನುಸ್ಸೋ. ಅತ್ಥಾನತ್ಥಂ ಮನತಿ ಜಾನಾತೀತಿ ವಾ ಮನುಸ್ಸೋ, ಮಾನುಸ್ಸೋ. ಮಾತಾಪಿತೂನಂ ಹದಯಂ ಪೂರೇತೀತಿ ಪುರಿಸೋ, ಅತ್ತನೋ ಮನೋರಥಂ ಪೂರೇತೀತಿ ವಾ ಪುರಿಸೋ, ಪೂರೇತೀತಿ ವಾ ಪೋಸೋ, ಸಸುರೇಹಿ ಸುಣಿತಬ್ಬಾ ಹಿಂಸಿತಬ್ಬಾತಿ ಸುಣಿಸಾ, ದ್ವಿನ್ನಂ ಜಾನಾನಂ ಕುಲಸನ್ತಾನಂ ಕರೋತೀತಿ ವಾ ಸುಣಿಸಾ, ಕುಚ್ಛಿತಬ್ಬನ್ತಿ ಕರೀಸಂ, ಗಬ್ಭಂ ವಿಮೋಚೇತೀತಿ ಸುರಿಸೋ, ತಮನ್ಧಕಾರವಿಧಮನೇನ ಸತ್ತಾನಂ ಭಯಂ ಸುರತಿ ಹಿಂಸತೀತಿ ಸೂರಿಯೋ, ರೋಗಂ ಹಿಂಸತೀತಿ ಸಿರೀಸೋ, ಇಲತಿ ಕಮ್ಪತೀತಿ ಇಲ್ಲಿಸೋ, ತಣ್ಹಾಯ ದುಬ್ಬಲೋ ಹುತ್ವಾ ಇಲತಿ ಕಮ್ಪತೀತಿ ವಾ ಇಲ್ಲಿಘೋ, ಪಾಪಕರಣೇ ಅಲತಿ ಸಮತ್ಥೇತೀತಿ ಅಲಸೋ, ಮಹಿತಬ್ಬೋ ಪೂಜೇತಬ್ಬೋತಿ ಮಹಿಸೋ, ಸೀಯತಿ ಬನ್ಧೀಯತೀತಿ ಸೀಸಂ, ಕಿತಬ್ಬಂ ಹಿಂಸಿತಬ್ಬನ್ತಿ ಕಿಸಂ, ಇಚ್ಚೇವಮಾದಿ.

ಇತಿ ಕಿಬ್ಬಿಧಾನಕಪ್ಪೇ ಉಣಾದಿಕಪ್ಪೋ ಛಟ್ಠೋ ಕಣ್ಡೋ.