📜
ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ
ವುತ್ತೋದಯಂ
೧. ಸಞ್ಞಾಪರಿಭಾಸಾನಿದ್ದೇಸ-ಪಠಮಪರಿಚ್ಛೇದ
ರತನತ್ತಯಪ್ಪಣಾಮ
ನಮ’ತ್ಥು ಜನ ಸನ್ತಾನ, ತಮ ಸನ್ತಾನ ಭೇದಿನೋ;
ಧಮ್ಮು’ಜ್ಜಲನ್ತ ರುಚಿನೋ, ಮುನಿನ್ದೋ’ದಾತ ರೋಚಿನೋ.
ನಿಮಿತ್ತ
ಪಿಙ್ಗಲಾ’ಚರಿಯಾದೀಹಿ, ಛನ್ದಂ ಯ ಮುದಿತಂ ಪುರಾ;
ಸುದ್ಧಮಾಗಧಿಕಾನಂ ತಂ, ನ ಸಾಧೇತಿ ಯಥಿಚ್ಛಿತಂ [ಯ’ದಿಚ್ಛಿತಂ ಯತಿ’ಚ್ಛಿತಂ (ಕ.)].
ಗನ್ಥಪರಿಮಾಣ
ತತೋ ಮಾಗಧಭಾಸಾಯ, ಮತ್ತಾ,ವಣ್ಣ,ವಿಭೇದನಂ;
ಲಕ್ಖ್ಯ ಲಕ್ಖಣ ಸಂಯುತ್ತಂ, ಪಸನ್ನ’ತ್ಥ,ಪದ,ಕ್ಕಮಂ.
ಅಭಿಧಾನಾದಿ
ಇದಂ ವುತ್ತೋದಯಂ ನಾಮ, ಲೋಕಿಯ’ಚ್ಛನ್ದನಿಸ್ಸಿತಂ;
ಆರಭಿಸ್ಸ’ಮಹಂ ದಾನಿ, ತೇಸಂ ಸುಖವಿಬುದ್ಧಿಯಾ.
ಗಣಸಙ್ಕೇತಸಞ್ಞಾ
ಸಬ್ಬಗ್ಲಾ ಮ್ನಾ,’ದಿಗಲಹೂ, ಭ್ಯಾ’,ಮಜ್ಝ’ನ್ತ ಗರೂ ಜಸಾ;
ಮಜ್ಝ’ನ್ತಲಾ ರ,ತೇ’ತೇ’ಟ್ಠ, ಗಣಾ ಗೋ ಗರು,ಲೋ ಲಹು.
ಗಣನಿಯಮ
ಭ,ಜ,ಸಾ ¶ ಸಬ್ಬಗ,ಲಹೂ, ಪಞ್ಚಿ’ಮೇ ಸಣ್ಠಿತಾ ಗಣಾ;
ಅರಿಯಾದಿಮ್ಹಿ ವಿಞ್ಞೇಯ್ಯಾ, ಗಣೋ ಇಧ ಚತು’ಕ್ಕಲೋ.
ಗರು,ಲಹುಸರೂಪ
ಸಂಯೋಗಾ’ದಿ ಚ, ದೀಘೋ ಚ, ನಿಗ್ಗಹೀತಪರೋ ಚ, ಯೋ;
ಗರು, ವಙ್ಕೋ, ಪಾದನ್ತೋ,ವಾ, ರಸ್ಸೋ’ಞ್ಞೋ ಮತ್ತಿಕೋ ಲು’ಜು.
ಪರೇ ಪಾದಾದಿಸಂಯೋಗೇ, ಯೋ ಪುಬ್ಬೋ ಗರುಕ’ಕ್ಖರೋ;
ಲಹು ಸ ಕ್ವಚಿ ವಿಞ್ಞೇಯ್ಯೋ, ತದುದಾಹರಣಂ ಯಥಾ.
ದಸ್ಸನರಸಾ’ನುಭಾವನೇ, ನಿಬದ್ಧಗೇಧಾ ಜಿನಸ್ಸ’ಯಂ ಜನತಾ;
ವಿಮ್ಹಯಜನನೀ ಸಞ್ಞತ, ಕ್ರಿಯಾ ನು ಕಂ ನಾ’ನುರಞ್ಜಯತಿ.
ವಿಞ್ಞೇಯ್ಯಾ ಲೋಕತೋ ಸಞ್ಞಾ, ಸಮುದ್ದೋ,ಸು,ರಸಾದಿನಂ;
ಪಾದೋಞೇಯ್ಯೋ ಚತುತ್ಥಂ’ಸೋ, ಪದಚ್ಛೇದೋ ಯತೀ ಭವೇ.
ಸಮ,ಮಡ್ಢಸಮಂ, ವುತ್ತಂ, ವಿಸಮಂ ಚಾ’ಪರಂ ತಿಧಾ;
ಸಮಾ ಲಕ್ಖಣತೋ ಪಾದಾ, ಚತ್ತಾರೋ ಯಸ್ಸ ತಂ ಸಮಂ.
ಯಸ್ಸ’ನ್ತಿಮೇನ ದುತಿಯೋ, ತತಿಯೇನಾ’ದಿಮೋ ಸಮೋ;
ತ’ದಡ್ಢಸಮ, ಮಞ್ಞಂ ತು, ಭಿನ್ನ ಲಕ್ಖಣ ಪಾದಿಕಂ.
ಪಾದ’ಮೇಕಕ್ಖರಾ’ರಬ್ಭ, ಯಾವ ಛಬ್ಬೀಸತ’ಕ್ಖರಾ;
ಭವೇ ಪಾದೇಹಿ ತಂ ಛನ್ದಂ, ನಾನಾನಾಮೋ’ದಿತಂ ತತೋ.
ದಣ್ಡಕಾ ಚಣ್ಡವುಟ್ಠ್ಯಾ’ದಿ, ಪಾದೇಹಿ ಛಹಿ, ತೀಹಿ ತು;
‘ಗಾಥಾ’ತಿ ಚ ಪರತ್ಥೇ’ವಂ, ಛನ್ದೋ ಸಞ್ಞಾ ಪಕಾಸಿತಾ.
ಅನನ್ತರೋ’ದಿತಂ ಚ’ಞ್ಞ, ಮೇತಂ ಸಾಮಞ್ಞ ನಾಮತೋ;
‘ಗಾಥಾ’ಇಚ್ಚೇವ ನಿದ್ದಿಟ್ಠಂ, ಮುನಿನ್ದವಚನೇ ಪನ.
ವಿಸೇಸನಾಮತೋ ಕಿಞ್ಚಿ, ಗಹೇತ್ವಾ ಸಬ್ಬಥೋ’ಚಿತಂ;
ದಸ್ಸಯಿಸ್ಸಾಮ’ಹಂ ತೇ’ತ್ಥ, ನಾಮಾನಾ’ವಿ ಭವಿಸ್ಸರೇ.
ಇತಿ ವುತ್ತೋದಯೇ ಛನ್ದಸಿ ಸಞ್ಞಾಪರಿಭಾಸಾ ನಿದ್ದೇಸೋ ನಾಮ
ಪಠಮೋ ಪರಿಚ್ಛೇದೋ.
೨. ಮತ್ತಾವುತ್ತಿನಿದ್ದೇಸ-ದುತಿಯಪರಿಚ್ಛೇದ
ಗಣನಿಯಮ
ಛಟ್ಠೋ’ಖಿಲಲಹು,ಜೋ ¶ ವಾ,
ಗಯುತಾ’ಞ್ಞೇ,ಛ’ಗ್ಗಣಾ,ನ ಜೋ ವಿಸಮೇ,;
ಅರಿಯಾಯ’ನ್ತಡ್ಢೇ ಲೋ, ಛಟ್ಠೋ,’ನ್ತೇ ಗೋ,ಗಣಾ ಛ’ಞ್ಞೇ.
ಯತಿನಿಯಮ
ಪಠಮಡ್ಢೇ ಛಟ್ಠೋ ಚೇ,
ಸಬ್ಬಲಹೇ,’ತ್ಥಾ’ದಿಲಹುನಿ ಭವತಿಯತಿ;
ತಪ್ಪರಕೋ,ನ್ತೇಪಿ, ಸಚೇ, ಚರಿಮೇಪಿ, ಭವತಿ ಚತುತ್ಥೋ’ನ್ತೇ.
೧೯. ಅರಿಯಾಸಾಮಞ್ಞಂ ಚೇ, ಪುಬ್ಬೋ’ದಿತ ಲಕ್ಖಣಂ ಭವೇ ಯಸ್ಸಾ.
೨೦. ಆದಿಮ’ಮಥ ಪಾದಯುಗಂ, ಯಸ್ಸಾ ತ್ಯಂ’ಸೇಹಿ ಸಾ ಪಥ್ಯಾ.
ಯತ್ಥ ಗಣತ್ತಯ ಮುಲ್ಲಙ್ಘಿ,
ಯೋ’ಭಯತ್ಥಾ’ದಿಮೋ ಭವೇ ವಿಪುಲಾ.
೨೨. ಗರುಮಜ್ಝಗೋ ಜಕಾರೋ, ಚತುತ್ಥಕೋ ದುತಿಯಕೋ ಚಪಲಾ.
ಚಪಲಾ’ಗತಾ’ಖಿಲಂ ಚೇ, ದಲಾ’ದಿಮಂ ಲಕ್ಖಣಂ ಭಜತಿ ಯಸ್ಸಾ;
ಪಥ್ಯಾಲಕ್ಖಣ’ಮಞ್ಞಂ, ಮುಖಚಪಲಾ ನಾಮ ಸಾ ಭವತಿ.
ಪಥ್ಯಾಯ ಲಕ್ಖಣಂ ಚೇ, ಪಠಮಡ್ಢೇ ಲಕ್ಖಣಂ ತು ಚಪಲಾಯ;
ದುತಿಯೇ ದಲೇ’ಥ ಯಸ್ಸಾ, ಪಕಿತ್ತಿತಾ ಸಾ ಜಘನಚಪಲಾ.
ಅರಿಯಾಜಾತಿಯೋ.
ಸಬ್ಬಂಪಠಮದಲೇ ಯದಿ, ಲಕ್ಖಣ’ಮರಿಯಾಯ ವುತ್ತ’ಮುಭಯೇಸು;
ಯಸ್ಸಾ ದಲೇಸು ಯುತ್ತಂ,
ವುತ್ತಾ ಸಾ ಗೀತಿ ವುತ್ತ ಯತಿ ಲಲಿತಾ.
ಅರಿಯಾಯಂ ದುತಿಯ’ಡ್ಢೇ, ಗದಿತಾ’ಖಿಲಲಕ್ಖಣಂ ಯಂ ತಂ;
ಭವತಿ ದಲೇಸು’ಭಯೇಸುಪಿ,
ಯದಿ ಯಸ್ಸಾ ಸಾ’ಯ ಮುಪಗೀತಿ.
ಅರಿಯಾಯ’ಡ್ಢದ್ವಿತಯಂ, ಪುಬ್ಬೋದಿತ ಲಕ್ಖಣೋ’ಪೇತಂ;
ವಿಪರಿಯಯೇನಾ’ಭಿಹಿತಂ,
ಯಸ್ಸಾ ಸಮ್ಭವತಿ ಚೇ’ಹ ಸೋ’ಗ್ಗೀತಿ.
ಅರಿಯಾಪುಬ್ಬ’ಡ್ಢಂ ¶ ಯದಿ, ಗರುನೇ’ಕೇನಾ’ಧಿಕೇನ ನಿಧನೇ ಯುತ್ತಂ;
ಯದಿ ಪುಬ್ಬ’ಡ್ಢಸಮಾನಂ, ದಲ ಮಿತರಂ ಚೋ’ದಿತಾ’ಯ’ಮರಿಯಾಗೀತಿ.
ಗೀತಿಜಾತಿಯೋ.
ವಿಸಮೇ ಛ ಸಿಯುಂ ಕಲಾ ಮುಖೇ,
ಸಮೇ ತ್ವ’ಟ್ಠ, ರ,ಲ,ಗಾ, ತತೋ’ಪರಿ;
ವೇತಾಲೀಯಂ ತ ಮುಚ್ಚತೇ, ಲಹು ಛಕ್ಕಂ ನ ನಿರನ್ತರಂ ಸಮೇ.
ವೇತಾಲೀಯೋಪಮಂ ಮುಖೇ ತಂ,
ಓಪಚ್ಛನ್ದಸಕಂ ರ,ಯಾ ಯ’ದನ್ತೇ.
೩೧. ಆಪಾತಲಿಕಾ ಕಥಿತಾ’ಯಂ, ಭಗಗಾ’ನ್ತೇ ಯದಿ ಪುಬ್ಬಮಿವ’ಞ್ಞಂ.
ಯದಾ’ದಿತೋ ದಕ್ಖಿಣನ್ತಿಕಾ,
ಠಿತೇ’ತ್ಥ ಪಾದೇಸ್ವಾ’ಖಿಲೇಸು ಜೋ.
‘ಉದಿಚ್ಚವುತ್ತೀ’ತಿ ವುಚ್ಚತೇ,
ಜೋ ಚಾ’ದೋ ವಿಸಮೇಸು ಸಣ್ಠಿತೋ.
೩೪. ಪುಬ್ಬತ್ಥ, ಸಮೇಸು ಚೇ ಗ, ಜಾ, ‘ಪಚ್ಚವುತ್ತಿ’ ರುದಿತಾ’ತಿ ಸಣ್ಠಿತಾ.
ಸಮಾಸಮಾ’ತ್ರಾ’ದಿನಂ ಸಮಾ,
ಸಂಯುತಾ ಭವತಿ ತಂ ಪವತ್ತಕಂ.
ವೇತಾಲೀಯಜಾತಿಯೋ.
೩೮. ದ್ವಿಕ ವಿಹತ ವಸು ಲಹು ಅಚಲಧಿತಿ ರಿ’ಹ.
೪೦. ಜೋ ನ್ಲಾ’ ಥವಾ’ಣ್ಣವಾ ವಿಸಿಲೋಕೋ.
೪೨. ಪಞ್ಚ,ಟ್ಠ,ನವಸು ಯದಿ ಲೋ ಚಿತ್ರಾ.
೪೩. ಗ,ಲ್ಯಾ’ಟ್ಠಹಿ ಚೇ’ಸಾ ವು’ಪಚಿತ್ರಾ.
ಯ’ಮತೀತ ಲಕ್ಖಣ ವಿಸೇಸ ಯುತಂ, (ಚಿತ್ರಾ)
ಮತ್ತಾ ಸಮಾ’ದಿ ಪಾದಾ’ಭಿಹಿತಂ; (ವಿಸಿಲೋಕ)
ಅನಿಯತ ವುತ್ತ ಪರಿಮಾಣ ಸಹಿತಂ, (ವಾನವಾಸಿಕಾ)
ಪಥಿತಂ ಜನೇಸು ಪಾದಾಕುಲಕಂ. (ವಿಸಿಲೋಕ)
ಮತ್ತಾಸಮಕ ಜಾತಿಯೋ.
ವಿನಾ ¶ ವಣ್ಣೇಹಿ ಮತ್ತಾ ಗಾ, ವಿನಾ ವಣ್ಣಾ ಗರೂಹಿ ತು;
ವಿನಾ ಲಹೂಹಿ ಗರವೋ, ದಲೇ ಪಥ್ಯಾದಿನೋ ಮತಾ.
ಇತಿ ವುತ್ತೋದಯೇ ಛನ್ದಸಿ ಮತ್ತಾವುತ್ತಿನಿದ್ದೇಸೋ ನಾಮ
ದುತಿಯೋ ಪರಿಚ್ಛೇದೋ.
೩. ಸಮವುತ್ತಿನಿದ್ದೇಸ-ತತಿಯಪರಿಚ್ಛೇದ
ಗಾಯತ್ತೀ.
ಉಣ್ಹಿಕಾ.
ಅನುಟ್ಠುಭಾ.
ಬ್ರಹತೀ.
೫೫. ಮ್ಸಾಜ್ಗಾ ಸುದ್ಧವಿರಾಜಿತಂ ಮತಂ.
೫೬. ಮ್ನಾ ಯೋ ಗೋ ಯದಿ ಪಣವೋ ಖ್ಯಾತೋ.
೫೭. ಮ್ಭಾ ಸ,ಗಯುತ್ತಾ ರುಮ್ಮವತೀ ಸಾ.
೫೮. ಞೇಯ್ಯಾ ಮತ್ತಾ ಮ, ಭ, ಸ, ಗಯುತ್ತಾ.
೫೯. ಚಮ್ಪಕಮಾಲಾ ಚೇ ಭ, ಮ, ಸಾ ಗೋ [ಇದಂ ನಾಮನ್ತರಞಾಪನತ್ಥಮೇವ ಪುನ ವುತ್ತಂ (ಟೀ.)].
೬೧. ಉಬ್ಭಾಸಕಂ ತಂ ಚೇ ತೋ ಮ, ರಾ ಲ್ಚ.
ಪನ್ತಿ.
೬೩. ಇನ್ದಾದಿಕಾ ¶ ತಾ ವಜಿರಾ ಜ, ಗಾ ಗೋ.
೬೪. ಉಪಾದಿಕಾ ಸಾ’ವ ಜ,ತಾ ಜ,ಗಾ ಗೋ.
ಅನನ್ತರೋ’ದೀರಿತ ಲಕ್ಖಣಾ ಚೇ, (ಉಪೇನ್ದವಜಿರ)
ಪಾದಾ ವಿಮಿಸ್ಸಾ ಉಪಜಾತಿಯೋ ತಾ; (ಇನ್ದವಜಿರ)
ಏವಂ ಕಿಲ’ಞ್ಞಾಸುಪಿ ಮಿಸ್ಸಿತಾಸು, (ಇನ್ದವಜಿರ)
ವದನ್ತಿ ಜಾತಿಸ್ವಿದ’ ಮೇವ ನಾಮಂ. (ಉಪೇನ್ದವಜಿರ)
೬೬. ನ, ಜ, ಜ, ಲ, ಗಾ ಗದಿತಾ ಸುಮುಖೀ.
೬೭. ದೋಧಕ ಮಿಚ್ಛತಿ ಚೇ ಭ,ಭ,ಭಾ ಗಾ.
೬೮. ವೇದ,ಸ್ಸೇಹಿ,ಧ್ತಾ ತ್ಗಗಾ,ಸಾಲಿನೀ ಸಾ.
೬೯. ವಾತೋಮ್ಮೀ ಸಾ, ಯತಿ ಸಾ ಮ್ಭಾ ತ, ಗಾ ಗೋ.
೭೦. ಭಾ ತ, ನ, ಗಾ ಗೋ’ಸು, ರಸ ಸಿರೀ ಸಾ.
೭೧. ರೋ ನ, ರಾ ಇಹ ರಥೋದ್ಧತಾ ಲ, ಗಾ.
೭೨. ಸ್ವಾಗತೇ’ತಿ ರ, ನ, ಭಾ ಗರುಕಾ ದ್ವೇ.
ತಿಟ್ಠುಭಾ.
೭೪. ವದನ್ತಿ ವಂಸಟ್ಠಮಿ’ದಂ ಜ, ತಾ ಜ, ರಾ.
೭೫. ಸಾ ಇನ್ದವಂಸಾ ಖಲು ಯತ್ಥ ತಾ ಜ,ರಾ.
೭೬. ಇಧ ತೋಟಕ ಮಮ್ಬುಧಿ,ಸೇಹಿ ಮಿತಂ.
೭೭. ದುತವಿಲಮ್ಬಿತ ಮಾಹ ನ, ಭಾ ಭ,ರಾ.
೭೮. ವಸು ಯುಗ ವಿರತೀ ನಾ,ಮ್ಯಾ’ ಪುಟೋ’ಯಂ.
೭೯. ನ, ಯ, ಸಹಿತಾ ನ್ಯಾ’ ಕುಸುಮವಿಚಿತ್ತಾ.
೮೦. ಭುಜಙ್ಗ’ಪ್ಪಯಾತಂ ಭವೇ ವೇದ, ಯೇಹಿ.
೮೧. ನ, ಭ, ಜ, ರೇಹಿ ಭವತಿ’ಪ್ಪಿಯಂವದಾ.
೮೨. ವುತ್ತಾ ಸುಧೀಹಿ ಲಲಿತಾ ತ, ಭಾ ಜ, ರಾ.
೮೩. ಪಮಿತಕ್ಖರಾ ಸ, ಜ, ಸ,ಸೇಹು’ದಿತಾ.
೮೪. ನ,ನ,ಭ,ರ,ಸಹಿತಾ’ಭಿಹಿತು’ಜ್ಜಲಾ.
೮೫. ಪಞ್ಚ’ಸ್ಸ’ಚ್ಛಿನ್ನಾ, ವೇಸ್ಸದೇವೀ ಮ,ಮಾ ಯಾ.
೮೬. ಭವತಿ ¶ ಹಿ ತಾಮರಸಂ ನ, ಜ, ಜಾ ಯೋ.
೮೭. ‘ಕಮಲಾ’ತಿ ಞೇಯ್ಯಾ ಸ,ಯ,ಸೇಹಿ ಯೋ ಚೇ.
ಜಗತೀ.
೮೮. ಮ್ನಾ ಜ್ರಾ ಗೋ, ತಿದಸಯತಿ’ಪ್ಪಹಸ್ಸಿಣೀ ಸಾ.
೮೯. ಚತು,ಗ್ಗಹೇ,ಹಿ’ಹ ರುಚಿರಾ, ಜ,ಭಾ ಸ್ಜ,ಗಾ.
ಅತಿಜಗತೀ.
೯೦. ನ,ನ,ರ,ಸ,ಲಹು,ಗಾ,ಸರೇಹಿ’ಪರಾಜಿತಾ.
೯೧. ನ,ನ,ಭ,ನ,ಲ,ಗಿ’ತಿ,ಪ್ಪಹರಣಕಲಿಕಾ.
೯೨. ವುತ್ತಾ ವಸನ್ತತಿಲಕಾ ತ,ಭ,ಜಾ ಜ,ಗಾ ಗೋ.
ಸಕ್ಕರೀ.
೯೩. ದ್ವಿಹತ ಹಯ ಲಹು ರ’ಥ ಗಿ’ತಿ ಸಸಿಕಲಾ.
೯೪. ವಸು,ಹಯ,ಯತಿ ರಿ’ಹ,ಮಣಿಗುಣನಿಕರೋ.
೯೫. ನ,ನ,ಮ,ಯ,ಯ,ಯುತಾ’ಯಂ,ಮಾಲಿನೀ ಭೋಗಿ’ಸೀಹಿ.
೯೬. ಭವತಿ ನ,ಜಾ,ಭ,ಜಾ ರಸಹಿತಾ ಪಭದ್ದಕಂ.
ಅತಿಸಕ್ಕರೀ.
೯೭. ನ,ಜ,ಭ,ಜ,ರಾ ಸದಾ ಭವತಿ ವಾಣಿನೀ ಗ, ಯುತ್ತಾ.
ಅಟ್ಠಿ.
೯೮. ಯ, ಮಾ ನೋ ಸೋ ಭಲ್ಗಾ, ರಸ, ಹರವಿರಾಮಾ ಸಿಖರಣೀ.
೯೯. ರಸ, ಯುಗಿ, ಸಿತೋ, ನೋ ಸೋ ಮ್ರಾ ಸ್ಲಾ, ಗ್ಯ’ದಾ ಹರಿಣೀ ತದಾ.
೧೦೦. ಮನ್ದಕ್ಕನ್ತಾ, ಮ,ಭ,ನ,ತ,ತ,ಗಾ, ಗೋ ಯುಗು,ತ್ವ,ಸ್ಸಕೇಹಿ.
ಅಚ್ಚಟ್ಠಿ.
೧೦೧. ಮೋ ತೋ ನೋ ಯೋ ಯಾ, ಕುಸುಮಿತಲತಾ, ವೇಲ್ಲಿತಾ’ ಕ್ಖು,ತ್ವಿ,ಸೀಹಿ.
ಧುತಿ.
೧೦೨. ರಸು,ತ್ವ,ಸ್ಸೇಹಿ ಯ್ಮಾ, ನ,ಸ,ರ,ರ,ಗರೂ, ಮೇಘವಿಪ್ಫುಜ್ಜಿತಾ ಸಾ.
೧೦೩. ಅಕ್ಕಸ್ಸೇಹಿ ಯತಿ ಮ್ಸ,ಜಾಸ,ತ,ತ,ಗಾ, ಸದ್ದೂಲವಿಕ್ಕೀಳಿತಂ.
ಅತಿಧುತಿ.
೧೦೪. ವುತ್ತ ¶ ಮೀದಿಸಂ ತು ನಾಮತೋ ರ,ಜಾ ರ,ಜಾ ರ,ಜಾ ಗರೂ,ಲಹೂ ಚ.
ಕತಿ.
೧೦೫. ಮ್ರಾ ಭ್ನಾ ಯೋ ಯೋ’ತ್ರ ಯೇನ,ತ್ತಿ,ಮುನಿ, ಯತಿಯುತಾ, ಸನ್ಧರಾ ಕಿತ್ತಿತಾ’ಯಂ.
ಪಕತಿ.
೧೦೬. ಓ ನ,ರ,ನಾ ರ,ನಾ ಚ ಥ ಗರೂ ದಸ,ಕ್ಕ,ವಿರಮಞ್ಹಿ ಭದ್ದಕ’ಮಿದಂ.
ಆಕತಿ.
ಇತಿ ವುತ್ತೋದಯೇ ಛನ್ದಸಿ ಸಮವುತ್ತಿನಿದ್ದೇಸೋ ನಾಮ
ತತಿಯೋ ಪರಿಚ್ಛೇದೋ.
೪. ಅಡ್ಢಸಮವುತ್ತಿನಿದ್ದೇಸ-ಚತುತ್ಥಪರಿಚ್ಛೇದ
ವಿಸಮೇ ಯದಿ ಸಾ ಸ,ಲ,ಗಾ ಸಮೇ,
ಭ,ತ್ತಯತೋ ಗರುಕಾ ವು’ಪಚಿತ್ತಂ.
ಭ,ತ್ತಯತೋ ಯದಿ ಗಾ ದುತಮಜ್ಝಾ;
ಯದಿ ಪುನರೇ’ವ ಭವನ್ತಿ ನ, ಜಾ ಜ್ಯಾ.
ಯದಿ ಸ,ತ್ತಿತಯಂ ಗರುಯುತ್ತಂ,
ವೇಗವತೀ ಯದಿ ಭ,ತ್ತಿತಯಾ ಗಾ.
ತೋ ಜೋ ವಿಸಮೇ ರತೋ ಗರೂ ಚೇ;
ಸ್ಮಾ ಜ್ಗಾ ಭದ್ದವಿರಾಜ ಮೇತ್ಥ ಗೋ ಚೇ.
ವಿಸಮೇ ಸ, ಜಾ ಸ,ಗರು,ಯುತ್ತಾ;
ಕೇತುಮತೀ ಸಮೇ ಭ,ರ,ನ,ಗಾ ಗೋ.
ಆಖ್ಯಾನಕೀ ತಾ ವಿಸಮೇ ಜ, ಗಾ ಗೋ; (ಇನ್ದವಜಿರ)
ಜ,ತಾ ಜ,ಗಾ ಗೋ ತು ಸಮೇ’ಥ ಪಾದೇ. (ಉಪೇನ್ದವಜಿರ)
ಜ,ತಾ ಜ,ಗಾ ಗೋ ವಿಸಮೇ ಸಮೇ ತು; (ಉಪೇನ್ದವಜಿರ)
ತಾ ಜೋ ಗ,ಗಾ ಚೇ ವಿಪರೀತಪುಬ್ಬಾ. (ಇನ್ದವಜಿರ)
ಸ,ಸ,ತೋ ಸ,ಲ,ಗಾ ವಿಸಮೇ ಸಮೇ;
ನ,ಭ,ಭ,ರಾ ಭವತೇ ಹರಿಣಪ್ಲುತಾ.
ಯದಿ ನ,ನ,ರ,ಲ,ಗಾ ನ,ಜಾ ಜ,ರಾ,
ಯದಿ ಚ ತದಾ’ಪರವತ್ತ ಮಿಚ್ಛತಿ.
ವಿಸಮ ¶ ಮುಪಗತಾ ನ,ನಾ ರ,ಯಾ ಚೇ;
ನ,ಜ,ಜ,ರ,ಗಾ ಸಮಕೇ ಚ ಪುಪ್ಫಿತಗ್ಗಾ.
ದ್ವಯಂ ಮಿದಂ ವೇತಾಲೀಯ’ಪ್ಪಭೇದೋ.
ಸಾ ಯವಾದಿಕಾ ಮತೀ ರ,ಜಾ ರ,ಜಾ ತ್ವ,
ಸಮೇ ಸಮೇ ಜ,ರಾ ಜ,ರಾ ಗರೂ ಭವೇಯ್ಯುಂ.
ಇತಿ ವುತ್ತೋದಯೇ ಛನ್ದಸಿ ಅಡ್ಢಸಮವುತ್ತಿನಿದ್ದೇಸೋ ನಾಮ
ಚತುತ್ಥೋ ಪರಿಚ್ಛೇದೋ.
೫. ವಿಸಮವುತ್ತಿನಿದ್ದೇಸ-ಪಞ್ಚಮಪರಿಚ್ಛೇದ
೧೧೮. ನ’ಟ್ಠಕ್ಖರೇಸು ಪಾದೇಸು, ಸ್ನಾ’ದಿಮ್ಹಾ ಯೋ’ಣ್ಣವಾ ವತ್ತಂ.
೧೧೯. ಸಮೇಸು ಸಿನ್ಧುತೋ ಜೇನ, ಪಥ್ಯಾವತ್ತಂ ಪಕಿತ್ತಿತಂ.
೧೨೦. ಓಜೇಸು ಜೇನ ಸಿನ್ಧುತೋ, ತ’ಮೇವ ವೀಪರೀತಾ’ದಿ.
೧೨೧. ನ,ಕಾರೋ ಚೇ ಜಲಧಿತೋ, ಚಪಲಾವತ್ತ’ಮಿಚ್ಚೇ’ತಂ.
೧೨೨. ಸಮೇ ಲೋ ಸತ್ತಮೋ ಯಸ್ಸಾ, ವಿಪುಲಾ ಪಿಙ್ಗಲಸ್ಸ ಸಾ.
ವತ್ತ’ಪ್ಪಭೇದೋ.
ನದಿಸ್ಸತೇ’ತ್ಥ ಯಂ ಛನ್ದಂ, ಪಯೋಗೇ ದಿಸ್ಸತೇ ಯದಿ;
ವಿಸಮ’ಕ್ಖರಪಾದಂ ತಂ, ಗಾಥಾ ಸಾಮಞ್ಞನಾಮತೋ.
ಇತಿ ವುತ್ತೋದಯೇ ಛನ್ದಸಿ ವಿಸಮವುತ್ತಿ ನಿದ್ದೇಸೋ ನಾಮ
ಪಞ್ಚಮೋ ಪರಿಚ್ಛೇದೋ.
೬. ಛಪ್ಪಚ್ಚಯವಿಭಾಗ-ಛಟ್ಠಪರಿಚ್ಛೇದ
ಪತ್ಥಾರನಯ
ಪತ್ಥಾರೇ ¶ ಸಬ್ಬಗೇ ಪಾದೇ, ಪುಬ್ಬಗಾ’ಧೋ ಲ್ಪ’ರೇ ಸಮಾ;
ಪುಬ್ಬೇ ಗರು ತೇ ಚ ಮಿಮೇ, ಕತ್ತಬ್ಬಾ ಯಾವ ಸಬ್ಬಲಾ.
ನಟ್ಠನಯ
ನಟ್ಠಸ್ಸ ಯೋ ಭವೇಯ್ಯ’ಙ್ಕೋ, ತಸ್ಮಿಂ ಲೋ’ದ್ಧಿಕತೇ ಸಮೇ;
ವಿಸಮೇ ತ್ವೇ’ಕಸಹಿತೇ, ಭವೇಯ್ಯ’ದ್ಧಿಕತೇ ಗರು.
ಉದ್ದಿಟ್ಠನಯ
ಏಕಾ’ದಿನುಕ್ಕಮೇನ’ಙ್ಕೇ, ಪುಬ್ಬಾಧೋ ದ್ವಿಗುಣೇ ಲಿಖೇ;
ಮಿಸ್ಸಕೇಹಿ ಲಹುಟ್ಠೇಹಿ, ಸೇ’ಕೇಹು’ದ್ದಿಟ್ಠಕಂ ಭವೇ.
ಸಬ್ಬಗಲಕ್ರಿಯನಯ
ವುತ್ತ’ಕ್ಖರ ಸಮಾ ಸಙ್ಖ್ಯಾ, ಲಿಕ್ಖ್ಯ ಸೇಕೋ’ಪರೂ’ಪರಿ;
ಏಕೇಕಹೀನ ಮೇಕಾದಿ, ನು’ಟ್ಠಾನೇ ಸಬ್ಬಗಾದಿಕಂ.
ವುತ್ತಸಙ್ಖ್ಯಾನಯ
ಗರುಕ್ರಿಯಾ’ಙ್ಕ ಸನ್ದೋಹೇ, ಭವೇ ಸಙ್ಖ್ಯಾ ವಿಮಿಸ್ಸಿತೇ;
ಉದ್ದಿಟ್ಠ’ಙ್ಕ ಸಮಾಹಾರೋ, ಸೇ’ಕೋ ವೇ’ಮಂ ಸಮಾ’ನಯೇ.
ವುತ್ತಅದ್ಧಾನಯ
ಸಙ್ಖ್ಯೇವ ದ್ವಿಗುಣೇ’ಕೂನಾ, ವಿತ್ಥಾರಾ’ಯಾಮಸಮ್ಭವಾ;
ವುತ್ತಸ್ಸ’ದ್ಧ’ನ್ತರಾನಞ್ಚ, ಗರುಲಾನಞ್ಚ ಅಙ್ಗುಲಂ.
ಇತಿ ವುತ್ತೋದಯೇ ಛನ್ದಸಿ ಛಪ್ಪಚ್ಚಯವಿಭಾಗೋ ನಾಮ
ಛಟ್ಠೋ ಪರಿಚ್ಛೇದೋ.
ನಿಗಮನ
ಸೇಲ’ನ್ತರಾ’ಯತನ ¶ ವಾಸಿಕ ಸೀಲ’ತ್ಥೇರ,
ಪಾದೋ ಗರು ಗ್ಗುಣಗರು ಜ್ಜಯತಂ ಮಮೇ’ಸೋ;
ಯಸ್ಸ ಪ್ಪಭಾವ’ಮವಲಮ್ಬ ಮಯೇ’ದಿಸೋಪಿ,
ಸಮ್ಪಾದಿತೋ’ಭಿಮತ ಸಿದ್ಧಿಕರೋ ಪರತ್ಥೋ.
ಪರತ್ಥ ಸಮ್ಪಾದನತೋ, ಪುಞ್ಞೇನಾ’ಧಿಗತೇನ’ಹಂ;
ಪರತ್ಥ ಸಮ್ಪಾದನಕೋ, ಭವೇಯ್ಯಂ ಜಾತಿ ಜಾತಿಯಂ.
ಅವಲೋಕಿತ ಮತ್ತೇನ, ಯಥಾ ಛಪ್ಪಚ್ಚಯಾ ಮಯಾ;
ಸಾಧಿತಾ ಸಾಧಯನ್ತೇ’ವ, ಮಿಚ್ಛಿತತ್ಥಮ್ಪಿ ಪಾಣಿನೋತಿ.
ಇತಿ ಸಙ್ಘರಕ್ಖಿತಮಹಾಸಾಮಿತ್ಥೇರೇನ ವಿರಚಿತಂ
ವುತ್ತೋದಯಪ್ಪಕರಣಂ ಪರಿನಿಟ್ಠಿತಂ.