ಅಞ್ಞ > ಬ್ಯಾಕರಣ ಗನ್ಥ-ಸಙ್ಗಹೋ > ಅಭಿಧಾನಪ್ಪದೀಪಿಕಾಪಾಠ

MMR Vol 0

Misc. Paragraph

ಅಭಿಧಾನಪ್ಪದೀಪಿಕಾ

ಬುದ್ಧಪ್ಪಣಾಮೋ

ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ

ಸುಪುಞ್ಞಖೇತ್ತಂ ಭುವನೇ ಸುತಂ ಸುತಂ;

ನಾಮಲಿಙ್ಗೇಸು ಕೋಸಲ್ಲ, ಮತ್ಥನಿಚ್ಛಯಕಾರಣಂ;

ಯತೋ ಮಹಬ್ಬಲಂ ಬುದ್ಧ, ವಚನೇ ಪಾಟವತ್ಥಿನಂ.

ನಾಮಲಿಙ್ಗಾನ್ಯ’ತೋ ¶ ಬುದ್ಧ, ಭಾಸಿತಸ್ಸಾ’ರಹಾನ್ಯ’ಹಂ;

ದಸ್ಸಯನ್ತೋ ಪಕಾಸೇಸ್ಸ, ಮಭಿಧಾನಪ್ಪದೀಪಿಕಂ.

ಭಿಯ್ಯೋ ರೂಪನ್ತರಾ ಸಾಹ, ಚರಿಯೇನ ಚ ಕತ್ಥಚಿ;

ಕ್ವಚಾ’ ಹಚ್ಚವಿಧಾನೇನ ಞೇಯ್ಯಂ ಥೀಪುನ್ನಪುಂಸಕಂ.

ಅಭಿನ್ನಲಿಙ್ಗಾನಂಯೇವ, ದ್ವನ್ದೋ ಚ, ಲಿಙ್ಗವಾಚಕಾ;

ಗಾಥಾಪಾದನ್ತಮಜ್ಝಟ್ಠಾ, ಪುಬ್ಬಂ ಯನ್ತ್ಯಪರೇ ಪರಂ.

ಪುಮಿತ್ಥಿಯಂ ಪದಂ ದ್ವೀಸು, ಸಬ್ಬಲಿಙ್ಗೇ ಚ ತೀಸ್ವಿತಿ;

ಅಭಿಧಾನನ್ತರಾರಮ್ಭೇ, ಞೇಯ್ಯಂ ತ್ವ’ನ್ತ ಮಥಾದಿ ಚ.

ಭಿಯ್ಯೋ ಪಯೋಗ ಮಾಗಮ್ಮ, ಸೋಗತೇ ಆಗಮೇ ಕ್ವಚಿ;

ನಿಘಣ್ಡು ಯುತ್ತಿ ಞ್ಚಾನೀಯ, ನಾಮಲಿಙ್ಗಂ ಕಥೀಯತೀತಿ.

ಬುದ್ಧೋ ದಸಬಲೋ ಸತ್ಥಾ, ಸಬ್ಬಞ್ಞೂ ದ್ವಿಪದುತ್ತಮೋ;

ಮುನಿನ್ದೋ ಭಗವಾ ನಾಥೋ, ಚಕ್ಖುಮ’ಙ್ಗೀರಸೋ ಮುನಿ.

ಲೋಕನಾಥೋ’ ನಧಿವರೋ, ಮಹೇಸಿ ಚ ವಿನಾಯಕೋ;

ಸಮನ್ತಚಕ್ಖು ಸುಗತೋ, ಭೂರಿಪಞ್ಞೋ ಚ ಮಾರಜಿ.

ನರಸೀಹೋ ನರವರೋ, ಧಮ್ಮರಾಜಾ ಮಹಾಮುನಿ;

ದೇವದೇವೋ ಲೋಕಗರು, ಧಮ್ಮಸ್ಸಾಮೀ ತಥಾಗತೋ.

ಸಯಮ್ಭೂ ಸಮ್ಮಾಸಮ್ಬುದ್ಧೋ, ವರಪಞ್ಞೋ ಚ ನಾಯಕೋ;

ಜಿನೋ, ಸಕ್ಕೋ ತು ಸಿದ್ಧತ್ಥೋ, ಸುದ್ಧೋದನಿ ಚ ಗೋತಮೋ.

ಸಕ್ಯಸೀಹೋ ತಥಾ ಸಕ್ಯ, ಮುನಿ ಚಾದಿಚ್ಚಬನ್ಧು ಚ;

ಮೋಕ್ಖೋ ನಿರೋಧೋ ನಿಬ್ಬಾನಂ, ದೀಪೋ ತಣ್ಹಕ್ಖಯೋ ಪರಂ;

ತಾಣಂ ಲೇಣ ಮರೂಪಞ್ಚ, ಸನ್ತಂ ಸಚ್ಚ ಮನಾಲಯಂ.

ದುಕ್ಖಕ್ಖಯೋ ¶ ಬ್ಯಾಬಜ್ಝಞ್ಚ [ಬ್ಯಾಪಜ್ಜಂ (ಟೀಕಾ)], ವಿವಟ್ಟಂ ಖೇಮ ಕೇವಲಂ;

ಅಪವಗ್ಗೋ ವಿರಾಗೋ ಚ, ಪಣೀತ ಮಚ್ಚುತಂ ಪದಂ.

ಯೋಗಕ್ಖೇಮೋ ಪಾರ ಮಪಿ, ಮುತ್ತಿ ಸನ್ತಿ ವಿಸುದ್ಧಿಯೋ;

ವಿಮುತ್ಯ’ ಸಙ್ಖತಧಾತು, ಸುದ್ಧಿ ನಿಬ್ಬುತಿಯೋ ಸಿಯುಂ.

ಖೀಣಾಸವೋ ತ್ವ’ಸೇಕ್ಖೋ ಚ, ವೀತರಾಗೋ ತಥಾ’ ರಹಾ;

ತಿದಸಾ ತ್ವ’ಮರಾ ದೇವಾ, ವಿಬುಧಾ ಚ ಸುಧಾಸಿನೋ;

ಸುರಾ ಮರೂ ದಿವೋಕಾ ಚಾ, ಮತಪಾ ಸಗ್ಗವಾಸಿನೋ.

ನಿಜ್ಜರಾ’ ನಿಮಿಸಾ ದಿಬ್ಬಾ, ಅಪುಮೇ ದೇವತಾನಿ ಚ [ದೇವತಾ ಏವ ದೇವತಾನಿ, ಸಕತ್ಥೇ ನಿಪಚ್ಚಯೋ (ಟೀಕಾ)];

ಸಿದ್ಧೋ ಭೂತೋ ಚ ಗನ್ಧಬ್ಬೋ, ಗುಯ್ಹಕೋ ಯಕ್ಖ ರಕ್ಖಸಾ;

ಕುಮ್ಭಣ್ಡೋ ಚ ಪಿಸಾಚಾ’ದೀ, ನಿದ್ದಿಟ್ಠಾ ದೇವಯೋನಿಯೋ.

ಪುಬ್ಬದೇವಾ ಸುರರಿಪೂ, ಅಸುರಾ ದಾನವಾ ಪುಮೇ;

ತಬ್ಬಿಸೇಸಾ ಪಹಾರಾದೋ, ಸಮ್ಬರೋ ಬಲಿಆದಯೋ.

ಪಿತಾಮಹೋ ಪಿತಾ ಬ್ರಹ್ಮಾ, ಲೋಕೇಸೋ ಕಮಲಾಸನೋ;

ತಥಾ ಹಿರಞ್ಞಗಬ್ಭೋ ಚ, ಸುರಜೇಟ್ಠೋ ಪಜಾಪತಿ.

ವಾಸುದೇವೋ ಹರಿ [ಹರೀ (ಟೀಕಾ)] ಕಣ್ಹೋ, ಕೇಸವೋ ಚಕ್ಕಪಾಣ್ಯ’ಥ;

ಮಹಿಸ್ಸರೋ ಸಿವೋ ಸೂಲೀ, ಇಸ್ಸರೋ ಪಸುಪತ್ಯ’ಪಿ.

ಹರೋ ವುತ್ತೋ ಕುಮಾರೋ ತು, ಖನ್ಧೋ ಸತ್ತಿಧರೋ ಭವೇ;

ಸಕ್ಕೋ ಪುರಿನ್ದದೋ ದೇವ, ರಾಜಾ ವಜಿರಪಾಣಿ ಚ;

ಸುಜಮ್ಪತಿ ಸಹಸ್ಸಕ್ಖೋ, ಮಹಿನ್ದೋ ವಜಿರಾವುಧೋ.

ಸುರನಾಥೋ ಚ ವಜಿರ, ಹತ್ಥೋ ಚ ಭೂತಪತ್ಯ’ಪಿ.

ಮಘವಾ ಕೋಸಿಯೋ ಇನ್ದೋ, ವತ್ರಭೂ ಪಾಕಸಾಸನೋ;

ವಿಡೋಜೋ ಥ ಸುಜಾ ತಸ್ಸ [ಸುಜಾತಾ’ಸ್ಸ (ಟೀಕಾ)], ಭರಿಯಾ ಥ ಪುರಂ ಭವೇ.

ಮಸಕ್ಕಸಾರಾ ¶ [ಮಸಕ್ಕಸಾರೋ (ಸೀ.)] ವಸ್ಸೋಕ, ಸಾರಾ ಚೇವಾ’ ಮರಾವತೀ;

ಏರಾವಣೋ ಗಜೋ ಪಣ್ಡು, ಕಮ್ಬಲೋ ತು ಸಿಲಾಸನಂ.

ಸುವೀರೋಚ್ಚಾದಯೋ ಪುತ್ತಾ, ನನ್ದಾ ಪೋಕ್ಖರಣೀ ಭವೇ;

ನನ್ದನಂ ಮಿಸ್ಸಕಂ ಚಿತ್ತ, ಲತಾ ಫಾರುಸಕಂ ವನಾ.

ಅಸನಿ ದ್ವೀಸು ಕುಲಿಸಂ, ವಜಿರಂ ಪುನ್ನಪುಂಸಕೇ;

ಅಚ್ಛರಾಯೋತ್ಥಿಯಂ ವುತ್ತಾ, ರಮ್ಭಾ ಅಲಮ್ಬುಸಾದಯೋ;

ದೇವಿತ್ಥಿಯೋ ಥ ಗನ್ಧಬ್ಬಾ, ಪಞ್ಚಸಿಖೋತಿ ಆದಯೋ.

ವಿಮಾನೋ ನಿತ್ಥಿಯಂ ಬ್ಯಮ್ಹಂ, ಪೀಯೂಸಂ ತ್ವಮತಂ ಸುಧಾ;

ಸಿನೇರು ಮೇರು ತಿದಿವಾ, ಧಾರೋ ನೇರು ಸುಮೇರು ಚ.

ಯುಗನ್ಧರೋ ಈಸಧರೋ, ಕರವೀಕೋ ಸುದಸ್ಸನೋ;

ನೇಮಿನ್ಧರೋ ವಿನತಕೋ, ಅಸ್ಸಕಣ್ಣೋ ಕುಲಾಚಲಾ.

ಮನ್ದಾಕಿನೀ ತಥಾ’ಕಾಸ, ಗಙ್ಗಾ ಸುರನದೀ ಪ್ಯಥ;

ಕೋವಿಳಾರೋ ತಥಾ ಪಾರಿ, ಚ್ಛತ್ತಕೋ ಪಾರಿಜಾತಕೋ;

ಕಪ್ಪರುಕ್ಖೋ ತು ಸನ್ತಾನಾ, ದಯೋ ದೇವದ್ದುಮಾ ಸಿಯುಂ.

ಪಾಚೀ ಪತೀಝು’ ದೀಚಿ’ತ್ಥೀ, ಪುಬ್ಬ ಪಚ್ಛಿಮ ಉತ್ತರಾ;

ದಿಸಾಥ ದಕ್ಖಿಣಾ’ ಪಾಚೀ, ವಿದಿಸಾ’ನುದಿಸಾ ಭವೇ.

ಏರಾವತೋ [ಏರಾವಣೋ (ಸೀ.), ಅಮರಕೋಸೇ ಪನ ಏರಾವತೋ ಏವ ಅತ್ಥಿ] ಪುಣ್ಡರೀಕೋ, ವಾಮನೋ ಕುಮುದೋ’ ಞ್ಜನೋ;

ಪುಪ್ಫದನ್ತೋ ಸಬ್ಬಭುಮ್ಮೋ, ಸುಪ್ಪತೀಕೋ ದಿಸಾಗಜಾ.

ಧತರಟ್ಠೋ ಚ ಗನ್ಧಬ್ಬಾ, ಧಿಪೋ, ಕುಮ್ಭಣ್ಡಸಾಮಿ ತು;

ವಿರುಳ್ಹಕೋ, ವಿರೂಪಕ್ಖೋ, ತು ನಾಗಾಧಿಪತೀರಿತೋ.

ಯಕ್ಖಾಧಿಪೋ ವೇಸ್ಸವಣೋ, ಕುವೇರೋ ನರವಾಹನೋ;

ಅಳಕಾ [ಅಲಕಾ (ಅಮರಕೋಸ)] ಳಕಮನ್ದಾಸ್ಸ, ಪುರೀ, ಪಹರಣಂ ಗದಾ;

ಚತುದ್ದಿಸಾನ ಮಧಿಪಾ, ಪುಬ್ಬಾದೀನಂ ಕಮಾ ಇಮೇ.

ಜಾತವೇದೋ ¶ ಸಿಖೀ ಜೋತಿ, ಪಾವಕೋ ದಹನೋ’ ನಲೋ;

ಹುತಾವಹೋ’ ಚ್ಚಿಮಾ ಧೂಮ, ಕೇತ್ವ’ಗ್ಗಿ ಗಿನಿ ಭಾನುಮಾ.

ತೇಜೋ ಧೂಮಸಿಖೋ ವಾಯು, ಸಖೋ ಚ ಕಣ್ಹವತ್ತನೀ;

ವೇಸ್ಸಾನರೋ ಹುತಾಸೋ ಥ, ಸಿಖಾಜಾಲ’ಚ್ಚಿ ಚಾಪುಮೇ.

ವಿಪ್ಫುಲಿಙ್ಗಂ ಫುಲಿಙ್ಗಞ್ಚ, ಭಸ್ಮಾ [‘ಭಸ್ಮಾ’ ತಿಪದಂ ರಾಜಾದಿಗಣೇ ಪರಿಯಾಪನ್ನಂ (ರೂಪಸಿದ್ಧಿ-ಉಣಾದಿ), ಭಸ್ಮಂ (ಸೀ.)] ತು ಸೇಟ್ಠಿ ಛಾರಿಕಾ;

ಕುಕ್ಕುಳೋ ತು’ಣ್ಹಭಸ್ಮಸ್ಮಿ, ಮಙ್ಗಾರೋ’ಲಾತ ಮುಮ್ಮುಕಂ [ತಿಕಂ ದಿತ್ತಕಟ್ಠಾದಿನ್ಧನೇ (ಟೀಕಾ)];

ಸಮಿಧಾ ಇಧುಮಂ ಚೇ’ಧೋ, ಉಪಾದಾನಂ ತಥಿನ್ಧನಂ.

ಮಾಲುತೋ ಪವನೋ ವಾಯು, ವಾತೋ’ನಿಲ ಸಮೀರಣಾ;

ಗನ್ಧವಾಹೋ ತಥಾ ವಾಯೋ, ಸಮೀರೋ ಚ ಸದಾಗತಿ.

ವಾಯುಭೇದಾ ಇಮೇ ಛು’ದ್ಧ, ಙ್ಗಮೋ ಚಾಧೋಗಮೋ ತಥಾ;

ಕುಚ್ಛಿಟ್ಠೋ ಚ ಕೋಟ್ಠಾಸಯೋ, ಅಸ್ಸಾಸಙ್ಗಾನುಸಾರಿನೋ.

ವೇಗೋ ಜವೋ ರಯೋ ಖಿಪ್ಪಂ, ತು ಸೀಘಂ ತುರಿತಂ ಲಹು;

ಆಸು ತುಣ್ಣ ಮರಂ ಚಾವಿ, ಲಮ್ಬಿತಂ ತುವಟಂಪಿ ಚ.

ಸತತಂ ನಿಚ್ಚ ಮವಿರತಾ, ನಾರತ ಸನ್ತತ ಮನವರತಞ್ಚ ಧುವಂ;

ಭುಸ ಮತಿಸಯೋ ಚ ದಳ್ಹಂ, ತಿಬ್ಬೇ’ಕನ್ತಾ’ತಿಮತ್ತ, ಬಾಳ್ಹಾನಿ;

ಖಿಪ್ಪಾದೀ ಪಣ್ಡಕೇ ದಬ್ಬೇ, ದಬ್ಬಗಾ ತೇಸು ಯೇ ತಿಸು.

ಅವಿಗ್ಗಹೋ ತು ಕಾಮೋ ಚ, ಮನೋಭೂ ಮದನೋ ಭವೇ;

ಅನ್ತಕೋ ವಸವತ್ತೀ ಚ, ಪಾಪಿಮಾ ಚ ಪಜಾಪತಿ.

ಪಮತ್ತಬನ್ಧು ಕಣ್ಹೋ ಚ, ಮಾರೋ ನಮುಚಿ, ತಸ್ಸ ತು;

ತಣ್ಹಾ’ರತೀ ರಗಾ ಧೀತೂ, ಹತ್ಥೀ ತು ಗಿರಿಮೇಖಲೋ.

ಯಮರಾಜಾ ಚ ವೇಸಾಯೀ, ಯಮೋ’ಸ್ಸ ನಯನಾವುಧಂ;

ವೇಪಚಿತ್ತಿ ಪುಲೋಮೋ ಚ, ಕಿಮ್ಪುರಿಸೋ ತು ಕಿನ್ನರೋ.

ಅನ್ತಲಿಕ್ಖಂ ಖ’ಮಾದಿಚ್ಚ, ಪಥೋ’ಬ್ಭಂ ಗಗನ’ಮ್ಬರಂ;

ವೇಹಾಸೋ ಚಾನಿಲಪಥೋ, ಆಕಾಸೋ ನಿತ್ಥಿಯಂ ನಭಂ.

ಮೇಘೋ ವಲಾಹಕೋ ದೇವೋ, ಪಜ್ಜುನ್ನೋ’ಮ್ಬುಧರೋ ಘನೋ;

ಧಾರಾಧರೋ ಚ ಜೀಮೂತೋ, ವಾರಿವಾಹೋ ತಥಾ’ಮ್ಬುದೋ.

ಅಬ್ಭಂ ತೀಸ್ವಥ ವಸ್ಸಞ್ಚ, ವಸ್ಸನಂ ವುಟ್ಠಿ ನಾರಿಯಂ;

ಸತೇರತಾ’ಕ್ಖಣಾ ವಿಜ್ಜು, ವಿಜ್ಜುತಾ ಚಾಚಿರಪ್ಪಭಾ.

ಮೇಘನಾದೇ ತು ಧನಿತಂ, ಗಜ್ಜಿತಂ ರಸಿತಾದಿ ಚ;

ಇನ್ದಾವುಧಂ ಇನ್ದಧನು, ವಾತಕ್ಖಿತ್ತಮ್ಬು ಸೀಕರೋ.

ದುದ್ದಿನಂ ಮೇಘಚ್ಛನ್ನಾಹೇ, ಪಿಧಾನಂ ತ್ವಪಧಾರಣಂ.

ತಿರೋಧಾನ’ನ್ತರಧಾನಾ, ಪಿಧಾನ ಛಾದನಾನಿ ಚ;

ಇನ್ದು ಚನ್ದೋ ಚ ನಕ್ಖತ್ತ, ರಾಜಾ ಸೋಮೋ ನಿಸಾಕರೋ.

ಓಸಧೀಸೋ ಹಿಮರಂಸಿ, ಸಸಙ್ಕೋ ಚನ್ದಿಮಾ ಸಸೀ;

ಸೀತರಂಸಿ ನಿಸಾನಾಥೋ, ಉಳುರಾಜಾ ಚ ಮಾ ಪುಮೇ.

ಕಲಾ ಸೋಳಸಮೋ ಭಾಗೋ, ಬಿಮ್ಬಂ ತು ಮಣ್ಡಲಂ ಭವೇ;

ಅಡ್ಢೋ ತ್ವದ್ಧೋ ಉಪಡ್ಢೋ ಚ, ವಾ ಖಣ್ಡಂ ಸಕಲಂ ಪುಮೇ.

ಅದ್ಧಂ ವುತ್ತಂ ಸಮೇ ಭಾಗೇ, ಪಸಾದೋ ತು ಪಸನ್ನತಾ;

ಕೋಮುದೀ ಚನ್ದಿಕಾ ಜುಣ್ಹಾ, ಕನ್ತಿ ಸೋಭಾ ಜುತಿ ಚ್ಛವಿ.

ಕಲಙ್ಕೋ ಲಞ್ಛನಂ ಲಕ್ಖಂ, ಅಙ್ಕೋ’ಭಿಞ್ಞಾಣ ಲಕ್ಖಣಂ;

ಚಿಹನಂ ಚಾಪಿ ಸೋಭಾ ತು, ಪರಮಾ ಸುಸಮಾ ಥ ಚ.

ಸೀತಂ ಗುಣೇ, ಗುಣಿಲಿಙ್ಗಾ, ಸೀತ ಸಿಸಿರ ಸೀತಲಾ;

ಹಿಮಂ ತುಹಿನ ಮುಸ್ಸಾವೋ, ನೀಹಾರೋ ಮಹಿಕಾ ಪ್ಯಥ.

ನಕ್ಖತ್ತಂ ಜೋತಿ ಭಂ ತಾರಾ, ಅಪುಮೇ ತಾರಕೋ’ಳು ಚ;

ಅಸ್ಸಯುಜೋ ಭರಣಿತ್ಥೀ, ಸಕತ್ತಿಕಾ ರೋಹಿಣೀ ಪಿಚ;

ಮಿಗಸಿರ [ಮಗಸಿರ (ಸೀ.)] ಮದ್ದಾ ಚ ಪುನಬ್ಬಸು, ಫುಸ್ಸೋ [ಪುಸ್ಸೋ (ಟೀ.)] ಚಾಸಿಲೇಸ’ಪಿ.

ಮಾಘಾ [ಮಘ (ಸೀ.)] ಚ ಫಗ್ಗುನೀ ದ್ವೇ ಚ, ಹತ್ಥಾ ಚಿತ್ತಾ ಚ ಸ್ವಾತಿಪಿ;

ವಿಸಾಖಾ’ ನುರಾಧಾ ಜೇಟ್ಠಾ, ಮೂಲಾ’ ಸಾಳ್ಹಾ ದುವೇ ತಥಾ.

ಸವಣೋ ¶ ಚ ಧನಿಟ್ಠಾ ಚ, ಸತಭಿಸಜೋ ಪುಬ್ಬು’ತ್ತರಭದ್ದಪದಾ;

ರೇವತ್ಯಪೀತಿ ಕಮತೋ, ಸತ್ತಾಧಿಕವೀಸನಕ್ಖತ್ತಾ.

ಸೋಬ್ಭಾನು ಕಥಿತೋ ರಾಹು, ಸೂರಾದೀ ತು ನವಗ್ಗಹಾ;

ರಾಸಿ ಮೇಸಾದಿಕೋ ಭದ್ದ, ಪದಾ ಪೋಟ್ಠಪದಾ ಸಮಾ.

ಆದಿಚ್ಚೋ ಸೂರಿಯೋ ಸೂರೋ, ಸತರಂಸಿ ದಿವಾಕರೋ;

ವೇರೋಚನೋ ದಿನಕರೋ, ಉಣ್ಹರಂಸಿ ಪಭಙ್ಕರೋ.

ಅಂಸುಮಾಲೀ ದಿನಪತಿ, ತಪನೋ ರವಿ ಭಾನುಮಾ;

ರಂಸಿಮಾ ಭಾಕರೋ ಭಾನು, ಅಕ್ಕೋ ಸಹಸ್ಸರಂಸಿ ಚ.

ರಂಸಿ ಆಭಾ ಪಭಾ ದಿತ್ತಿ, ರುಚಿ ಭಾ ಜುತಿ ದೀಧಿತಿ;

ಮರೀಚಿ ದ್ವೀಸು ಭಾನ್ವಂ’ಸು, ಮಯೂಖೋ ಕಿರಣೋ ಕರೋ.

ಪರಿಧಿ ಪರಿವೇಸೋ ಥ, ಮರೀಚಿ ಮಿಗತಣ್ಹಿಕಾ;

ಸೂರಸ್ಸೋದಯತೋ ಪುಬ್ಬು’, ಟ್ಠಿತರಂಸಿ ಸಿಯಾ’ ರುಣೋ.

ದಸ ಖಣಮುಹುತ್ತೋ ತೇ, ದಿವಸೋ ತು ಅಹಂ ದಿನಂ.

ಪಭಾತಞ್ಚ ವಿಭಾತಞ್ಚ, ಪಚ್ಚೂಸೋ ಕಲ್ಲ ಮಪ್ಯಥ;

ನಿಸಾ ಚ ರಜನೀ ರತ್ತಿ, ತಿಯಾಮಾ ಸಂವರೀ ಭವೇ;

ಜುಣ್ಹಾ ತು ಚನ್ದಿಕಾಯುತ್ತಾ, ತಮುಸ್ಸನ್ನಾ ತಿಮಿಸಿಕಾ.

ನಿಸೀಥೋ ಮಜ್ಝಿಮಾ ರತ್ತಿ, ಅಡ್ಢರತ್ತೋ ಮಹಾನಿಸಾ;

ಅನ್ಧಕಾರೋ ತಮೋ ನಿತ್ಥೀ, ತಿಮಿಸಂ ತಿಮಿರಂ ಮತಂ.

ಚತುರಙ್ಗತಮಂ ಏವಂ, ಕಾಳಪಕ್ಖಚತುದ್ದಸೀ;

ವನಸಣ್ಡೋ ಘನೋ ಮೇಘ, ಪಟಲಂ ಚಾ’ಡ್ಢರತ್ತಿ ಚ.

ಅನ್ಧತಮಂ ¶ ಘನತಮೇ, ಪಹಾರೋ ಯಾಮ, ಸಞ್ಞಿತೋ;

ಪಾಟಿಪದೋ ತು ದುತಿಯಾ, ತತಿಯಾದೀ ತಿಥೀ [ತಿಥಿ], ತಾಯತಿ ಪಾಲೇತೀತಿ ತಿಥಿ, ತಾ+ಇತಿ (ಣ್ವಾದಿ) ದ್ವಿಸು.

ಪನ್ನರಸೀ ಪಞ್ಚದಸೀ, ಪುಣ್ಣಮಾಸೀ ತು ಪುಣ್ಣಮಾ;

ಅಮಾವಸೀ ಪ್ಯಮಾವಾಸೀ, ಥಿಯಂ ಪನ್ನರಸೀ’ ಪರಾ.

ಘಟಿಕಾ ಸಟ್ಠ್ಯ’ ಹೋರತ್ತೋ, ಪಕ್ಖೋ ತೇ ದಸ ಪಞ್ಚ ಚ;

ಚಿತ್ತೋ ವೇಸಾಖ, ಜೇಟ್ಠೋ ಚಾ, ಸಾಳ್ಹೋ ದ್ವೀಸು ಚ ಸಾವಣೋ;

ಪೋಟ್ಠಪಾದ’ಸ್ಸಯುಜಾ ಚ, ಮಾಸಾ ದ್ವಾದಸ ಕತ್ತಿಕೋ.

ಮಾಗಸಿರೋ ತಥಾ ಫುಸ್ಸೋ, ಕಮೇನ ಮಾಘ ಫಗ್ಗುಣಾ;

ಕತ್ತಿಕ’ಸ್ಸಯುಜಾ ಮಾಸಾ, ಪಚ್ಛಿಮ ಪುಬ್ಬಕತ್ತಿಕಾ.

ಚತುರೋ ಚತುರೋ ಮಾಸಾ, ಕತ್ತಿಕಕಾಳಪಕ್ಖತೋ;

ಕಮಾ ಹೇಮನ್ತ ಗಿಮ್ಹಾನ, ವಸ್ಸಾನಾ ಉತುಯೋ ದ್ವಿಸು.

ಛ ವಾ ವಸನ್ತೋ ಚ ಗಿಮ್ಹ ವಸ್ಸಾನಾ;

ಸರದೋತಿ ಕಮಾ ಮಾಸಾ, ದ್ವೇ ದ್ವೇ ವುತ್ತಾನುಸಾರೇನ.

ಉತೂಹಿ ತೀಹಿ ವಸ್ಸಾನಾ, ದಿಕೇಹಿ ದಕ್ಖಿಣಾಯನಂ.

ಉತ್ತರಾಯನ ಮಞ್ಞೇಹಿ, ತೀಹಿ ವಸ್ಸಾಯನದ್ವಯಂ;

ವಸ್ಸ ಸಂವಚ್ಛರಾ ನಿತ್ಥೀ, ಸರದೋ ಹಾಯನೋ ಸಮಾ.

ಕಪ್ಪಕ್ಖಯೋ ತು ಸಂವಟ್ಟೋ, ಯುಗನ್ತ ಪಲಯಾ ಅಪಿ;

ಅಲಕ್ಖೀ ಕಾಲಕಣ್ಣಿತ್ಥೀ, ಅಥ ಲಕ್ಖೀ ಸಿರಿ’ತ್ಥಿಯಂ.

ದನು ದಾನವಮಾತಾ ಥ, ದೇವಮಾತಾ ಪನಾ’ದಿತಿ;

ಪಾಪಞ್ಚ ಕಿಬ್ಬಿಸಂ ವೇರಾ, ಘಂ ದುಚ್ಚರಿತ ದುಕ್ಕಟಂ;

ಅಪುಞ್ಞಾ’ಕುಸಲಂ ಕಣ್ಹಂ, ಕಲುಸಂ ದುರಿತಾ’ಗು ಚ.

ಕುಸಲಂ ¶ ಸುಕತಂ ಸುಕ್ಕಂ, ಪುಞ್ಞಂ ಧಮ್ಮ ಮನಿತ್ಥಿಯಂ;

ಸುಚರಿತ ಮಥೋ ದಿಟ್ಠ, ಧಮ್ಮಿಕಂ ಇಹಲೋಕಿಕಂ.

ಸನ್ದಿಟ್ಠಿಕ ಮಥೋ ಪಾರ, ಲೋಕಿಕಂ ಸಮ್ಪರಾಯಿಕಂ;

ಹಾಸೋ’ ತ್ತಮನತಾ ಪೀತಿ, ವಿತ್ತಿ ತುಟ್ಠಿ ಚ ನಾರಿಯಂ;

ಆನನ್ದೋ ಪಮುದಾ’ಮೋದೋ, ಸನ್ತೋಸೋ ನನ್ದಿ ಸಮ್ಮದೋ.

ಪಾಮೋಜ್ಜಞ್ಚ ಪಮೋದೋ ಥ, ಸುಖಂ ಸಾತಞ್ಚ ಫಾಸ್ವ’ಥ;

ಭದ್ದಂ ಸೇಯ್ಯೋ ಸುಭಂ ಖೇಮಂ, ಕಲ್ಯಾಣಂ ಮಙ್ಗಲಂ ಸಿವಂ.

ದುಕ್ಖಞ್ಚ ಕಸಿರಂ ಕಿಚ್ಛಂ, ನೀಘೋ ಚ ಬ್ಯಸನಂ ಅಘಂ;

ದಬ್ಬೇ ತು ಪಾಪಪುಞ್ಞಾನಿ, ತೀಸ್ವಾಕಿಚ್ಛಂ ಸುಖಾದಿ ಚ.

ಭಾಗ್ಯಂ ನಿಯತಿ ಭಾಗೋ ಚ, ಭಾಗಧೇಯ್ಯಂ ವಿಧೀ’ರಿತೋ;

ಅಥೋ ಉಪ್ಪತ್ತಿ ನಿಬ್ಬತ್ತಿ, ಜಾತಿ ಜನನ ಮುಬ್ಭವೋ.

ನಿಮಿತ್ತಂ ಕಾರಣಂ ಠಾನಂ, ಪದಂ ಬೀಜಂ ನಿಬನ್ಧನಂ;

ನಿದಾನಂ ಪಭವೋ ಹೇತು, ಸಮ್ಭವೋ ಸೇತು ಪಚ್ಚಯೋ.

ಕಾರಣಂ ಯಂ ಸಮಾಸನ್ನಂ, ಪದಟ್ಠಾನನ್ತಿ ತಂ ಮತಂ;

ಜೀವೋ ತು ಪುರಿಸೋ’ತ್ತಾ ಥ, ಪಧಾನಂ ಪಕತಿತ್ಥಿಯಂ.

ಪಾಣೋ ಸರೀರೀ ಭೂತಂ ವಾ, ಸತ್ತೋ ದೇಹೀ ಚ ಪುಗ್ಗಲೋ;

ರೂಪಂ ಸದ್ದೋ ಗನ್ಧ ರಸಾ, ಫಸ್ಸೋ ಧಮ್ಮೋ ಚ ಗೋಚರಾ;

ಆಲಮ್ಬಾ ವಿಸಯಾ ತೇ ಛಾ, ರಮ್ಮಣಾ ಲಮ್ಬಣಾನಿ ಚ.

ಸಿತಪೀತೇತು ಪಣ್ಡು’ತ್ತೋ, ಈಸಂಪಣ್ಡುತು ಧೂಸರೋ.

ಕಳಾರೋ ಕಪಿಲೋ ನೀಲ, ಪೀತೇ ಥ ರೋಚನಪ್ಪಭೇ;

ಪಿಙ್ಗೋ ಪಿಸಙ್ಗೋ ಪ್ಯಥವಾ, ಕಳಾರಾದೀ ತು ಪಿಙ್ಗಲೇ.

ವಾಚ್ಚಲಿಙ್ಗಾ ಗುಣಿನ್ಯೇತೇ, ಗುಣೇ ಸುಕ್ಕಾದಯೋ ಪುಮೇ.

ನಚ್ಚಂ ನಟ್ಟಞ್ಚ ನಟನಂ, ನತ್ತನಂ ಲಾಸನಂ ಭವೇ;

ನಚ್ಚಂ ತು ವಾದಿತಂ ಗೀತ, ಮಿತಿ ನಾಟುಮಿದಂ ತಯಂ.

ನಚ್ಚಟ್ಠಾನಂ ಸಿಯಾ ರಙ್ಗೋ, ಭಿನಯೋ ಸೂಚ್ಯಸೂಚನಂ;

ಅಙ್ಗಹಾರೋ’ಙ್ಗವಿಕ್ಖೇಪೋ, ನಟ್ಟಕೋ ನಟಕೋ ನಟೋ.

ಸಿಙ್ಗಾರೋ ಕರುಣೋ ವೀರ, ಬ್ಭುತ ಹಸ್ಸ ಭಯಾನಕಾ;

ಸನ್ತೋ ಬೀಭಚ್ಛ ರುದ್ದಾನಿ, ನವ ನಾಟ್ಯರಸಾ ಇಮೇ.

ಪೋಸಸ್ಸ ನಾರಿಯಂ ಪೋಸೇ, ಇತ್ಥಿಯಾ ಸಙ್ಗಮಂ ಪತಿ;

ಯಾ ಪಿಹಾ ಏಸ ಸಿಙ್ಗಾರೋ, ರತಿಕೀಳಾದಿಕಾರಣೋ.

ಉತ್ತಮ ಪ್ಪಕತಿಪ್ಪಾಯೋ, ಇತ್ಥಿಪುರಿಸಹೇತುಕೋ;

ಭಾಸಿತಂ ¶ ಲಪಿತಂ ಭಾಸಾ, ವೋಹಾರೋ ವಚನಂ ವಚೋ;

ಉತ್ತಿ ವಾಚಾ ಗಿರಾ ವಾಣೀ, ಭಾರತೀ ಕಥಿತಾ [ಕಥಾ (ಕತ್ಥಚಿ)] ವಚೀ.

ಏಕಾಖ್ಯಾತೋ ಪದಚಯೋ, ಸಿಯಾ ವಾಕ್ಯಂಸಕಾರಕೋ;

ಆಮೇಡಿತನ್ತಿ ವಿಞ್ಞೇಯ್ಯಂ, ದ್ವತ್ತಿಕ್ಖತ್ತು ಮುದೀರಣಂ.

ಭಯೇ ಕೋಧೇ ಪಸಂಸಾಯಂ, ತುರಿತೇ ಕೋತೂಹಲೇ’ಚ್ಛರೇ;

ಹಾಸೇ ಸೋಕೇ ಪಸಾದೇ ಚ, ಕರೇ ಆಮೇಡಿತಂ ಬುಧೋ.

ಇರು ನಾರೀ ಯಜು ಸಾಮ, ಮಿತಿ ವೇದಾ ತಯೋ ಸಿಯುಂ;

ಏತೇ ಏವ ತಯೀ ನಾರೀ, ವೇದೋ ಮನ್ತೋ ಸುತಿತ್ಥಿಯಂ.

ಅಟ್ಠಕೋ ವಾಮಕೋ ವಾಮ, ದೇವೋ ಚಙ್ಗೀರಸೋ ಭಗು;

ಯಮದಗ್ಗಿ ಚ ವಾಸಿಟ್ಠೋ, ಭಾರದ್ವಾಜೋ ಚ ಕಸ್ಸಪೋ;

ವೇಸ್ಸಾಮಿತ್ತೋತಿ ಮನ್ತಾನಂ, ಕತ್ತಾರೋ ಇಸಯೋ ಇಮೇ.

ಕಪ್ಪೋ ಬ್ಯಾಕರಣಂ ಜೋತಿ, ಸತ್ಥಂ ಸಿಕ್ಖಾ ನಿರುತ್ತಿ ಚ;

ಛನ್ದೋವಿಚಿತಿ ಚೇತಾನಿ, ವೇದಙ್ಗಾನಿ ವದನ್ತಿ ಛ.

ಇತಿಹಾಸೋ ಪುರಾವುತ್ತ, ಪ್ಪಬನ್ಧೋ ಭಾರತಾದಿಕೋ;

ನಾಮಪ್ಪಕಾಸಕಂ ಸತ್ಥಂ, ರುಕ್ಖಾದೀನಂ ನಿಘಣ್ಡು ಸೋ.

ವಿತಣ್ಡಸತ್ಥಂ ವಿಞ್ಞೇಯ್ಯಂ, ಯಂ ತಂ ಲೋಕಾಯತಂ ಇತಿ;

ಕೇಟುಭಂ ತು ಕ್ರಿಯಾಕಪ್ಪ, ವಿಕಪ್ಪೋ ಕವಿನಂ ಹಿತೋ.

ಆಖ್ಯಾಯಿಕೋಪಲದ್ಧತ್ಥಾ, ಪಬನ್ಧಕಪ್ಪನಾ ಕಥಾ;

ದಣ್ಡನೀತ್ಯ’ತ್ಥಸತ್ಥಸ್ಮಿಂ, ವುತ್ತನ್ತೋ ತು ಪವತ್ತಿ ಚ.

ಸಞ್ಞಾ, ಖ್ಯಾ, ವ್ಹಾ ಸಮಞ್ಞಾ ಚಾ, ಭಿಧಾನಂ ನಾಮ ಮವ್ಹಯೋ;

ನಾಮಧೇಯ್ಯಾ’ ಧಿವಚನಂ, ಪಟಿವಾಕ್ಯಂ ತು ಉತ್ತರಂ.

ಪಞ್ಹೋ ತೀಸ್ವ ನುಯೋಗೋ ಚ, ಪುಚ್ಛಾ ಪ್ಯಥ ನಿದಸ್ಸನಂ;

ಉಪೋಗ್ಘಾತೋ ಚ ದಿಟ್ಠನ್ತೋ, ತಥೋ’ದಾಹರಣಂ ಭವೇ.

ಸಮಾ ಸಙ್ಖೇಪ ಸಂಹಾರಾ, ಸಮಾಸೋ ಸಙ್ಗಹೋ ಪ್ಯಥ;

ಸತಂ ಧಾರಯಸೀ ತ್ಯಾದ್ಯ, ಬ್ಭಕ್ಖಾನಂ ತುಚ್ಛಭಾಸನಂ.

ವೋಹಾರೋ ತು ವಿವಾದೋ ಥ, ಸಪನಂ ಸಪಥೋಪಿ ಚ;

ಪಟಿಘೋಸೋ ಪಟಿರವೋ, ಥೋ’ ಪಞ್ಞಾಸೋ ವಚೀಮುಖಂ;

ಕತ್ಥನಾ ಚ ಸಿಲಾಘಾ ಚ, ವಣ್ಣನಾ ಚ ನುತಿ ತ್ಥುತಿ.

ಥೋಮನಞ್ಚ [ಥೋಮನಂ ವಾ (ಕತ್ಥಚಿ ಥೋಮನಂ ಥೋಮನಾ ದ್ವಿಲಿಙ್ಗೇ)] ಪಸಂಸಾಥ, ಕೇಕಾ ನಾದೋ ಸಿಖಣ್ಡಿನಂ;

ಪರಿಯಾಯೋ ವೇವಚನಂ, ಸಾಕಚ್ಛಾ ತು ಚ ಸಂಕಥಾ;

ಉಪವಾದೋ ಚು’ಪಕ್ಕೋಸಾ, ವಣ್ಣವಾದಾ’ನುವಾದೋ ಚ;

ಜನವಾದಾ’ಪವಾದಾಪಿ, ಪರಿವಾದೋ ಚ ತುಲ್ಯತ್ಥಾ.

ಖೇಪೋ ¶ ನಿನ್ದಾ ತಥಾ ಕುಚ್ಛಾ, ಜಿಗುಚ್ಛಾ ಗರಹಾ ಭವೇ;

ನಿನ್ದಾಪುಬ್ಬೋ ಉಪಾರಮ್ಭೋ, ಪರಿಭಾಸನ ಮುಚ್ಚತೇ.

ಅಟ್ಠಾನರಿಯವೋಹಾರ, ವಸೇನ ಯಾ ಪವತ್ತಿತಾ;

ಅಭಿವಾಕ್ಯಂ ಸಿಯಾ ವಾಚಾ, ಸಾ ವೀತಿಕ್ಕಮದೀಪನೀ.

ಮುಹುಂಭಾಸಾ ನುಲಾಪೋಥ, ಪಲಾಪೋ ನತ್ಥಿಕಾ ಗಿರಾ;

ವಿಪ್ಪಲಾಪೋ ವಿರೋಧೋತ್ತಿ, ಸನ್ದೇಸೋತ್ತಿ ತು ವಾಚಿಕಂ;

ಸಮ್ಭಾಸನಂ ತು ಸಲ್ಲಾಪೋ, ವಿರೋಧರಹಿತಂ ಮಿಥು.

ಫರುಸಂ ನಿಟ್ಠುರಂ ವಾಕ್ಯಂ, ಮನುಞ್ಞಂ ಹದಯಙ್ಗಮಂ;

ಸಂಕುಲಂ ತು ಕಿಲಿಟ್ಠಞ್ಚ, ಪುಬ್ಬಾಪರವಿರೋಧಿನೀ.

ಸಮುದಾಯತ್ಥರಹಿತಂ, ಅಬದ್ಧಮಿತಿ [ಅಬನ್ಧ (ಕ.)] ಕಿತ್ತಿತಂ;

ವಿತಥಂ ತು ಮುಸಾ ಚಾಥ [ಆಹತಂ ತು ಮುಸಾತ್ಥಕಂ (ಕತ್ಥಚಿ, ಅಮರಕೋಸೇ)], ಫರುಸಾದೀ ತಿಲಿಙ್ಗಿಕಾ.

ಸಮ್ಮಾ ಬ್ಯಯಞ್ಚಾ ವಿತಥಂ, ಸಚ್ಚಂ ತಚ್ಛಂ ಯಥಾತಥಂ;

ತಬ್ಬನ್ತಾ ತೀಸ್ವ ಲೀಕಂ ತ್ವ, ಸಚ್ಚಂ ಮಿಚ್ಛಾ ಮುಸಾ ಬ್ಯಯಂ.

ವಿಸ್ಸಟ್ಠ ಮಞ್ಜು ವಿಞ್ಞೇಯ್ಯಾ, ಸವನೀಯಾ ವಿಸಾರಿನೋ;

ಬಿನ್ದು ಗಮ್ಭೀರ ನಿನ್ನಾದೀ, ತ್ಯೇವ ಮಟ್ಠಙ್ಗಿಕೋ ಸರೋ.

ತಿರಚ್ಛಾನಗತಾನಞ್ಹಿ, ರುತಂ ವಸ್ಸಿತ ಮುಚ್ಚತೇ;

ಸರಾ ಸತ್ತ ತಯೋ ಗಾಮಾ, ಚೇಕವೀಸತಿ ಮುಚ್ಛನಾ;

ತಾನಾ [ಠಾನಾನಿ (ಬಹೂಸು)] ಚೇಕೂನಪಞ್ಞಾಸ, ಇಚ್ಚೇತಂ ಸರಮಣ್ಡಲಂ.

ಉಸಭೋ ಧೇವತೋ ಚೇವ, ಛಜ್ಜ ಗನ್ಧಾರ ಮಜ್ಝಿಮಾ;

ಪಞ್ಚಮೋ ಚ ನಿಸಾದೋತಿ, ಸತ್ತೇ’ತೇ ಗದಿತಾ ಸರಾ.

ನದನ್ತಿ ¶ ಉಸಭಂ ಗಾವೋ, ತುರಗಾ ಧೇವತಂ ತಥಾ;

ಛಜ್ಜಂ ಮಯೂರಾ ಗನ್ಧಾರ, ಮಜಾ ಕೋಞ್ಚಾ ಚ ಮಜ್ಝಿಮಂ.

ಪಞ್ಚಮಂ ಪರಪುಟ್ಠಾದೀ, ನಿಸಾದಮ್ಪಿ ಚ ವಾರಣಾ;

ಸರೇಸು ತೇಸು ಪಚ್ಚೇಕೇ, ತಿಸ್ಸೋ ತಿಸ್ಸೋ ಹಿ ಮುಚ್ಛನಾ;

ಸಿಯುಂ ತಥೇವ ತಾನಾನಿ [ಠಾನಾನಿ (ಬಹೂಸು)], ಸತ್ತ ಸತ್ತೇವ ಲಬ್ಭರೇ.

ತಿಸ್ಸೋ ದುವೇ ಚತಸ್ಸೋ ಚ, ಚತಸ್ಸೋ ಕಮತೋ ಸರೇ;

ತಿಸ್ಸೋ ದುವೇ ಚತಸ್ಸೋತಿ, ದ್ವಾವೀಸತಿ ಸುತೀ ಸಿಯುಂ.

ಉಚ್ಚತರೇ ರವೇ ತಾರೋ, ಥಾಬ್ಯತ್ತೇ ಮಧುರೇ ಕಲೋ;

ಗಮ್ಭೀರೇ ತು ರವೇ ಮನ್ದೋ, ತಾರಾದೀ ತೀಸ್ವಥೋ ಕಲೇ;

ವೀಣಾ ಚ ವಲ್ಲಕೀ ಸತ್ತ, ತನ್ತೀ ಸಾ ಪರಿವಾದಿನೀ;

ಸುಸಿರಂ ಚೇತಿ ತೂರಿಯಂ, ಪಞ್ಚಙ್ಗಿಕ ಮುದೀರಿತಂ.

ಆತತಂ ನಾಮ ಚಮ್ಮಾವ, ನದ್ಧೇಸು ಭೇರಿಯಾದಿಸು;

ತಲೇ’ಕೇಕಯುತಂ ಕುಮ್ಭ, ಥುಣ ದದ್ದರಿಕಾದಿಕಂ.

ವಿತತಂ ಚೋ’ಭಯತಲಂ, ತೂರಿಯಂ ಮುರಜಾದಿಕಂ;

ಆತತವಿತತಂ ಸಬ್ಬ, ವಿನದ್ಧಂ ಪಣವಾದಿಕಂ.

ಸುಸಿರಂ ವಂಸಸಙ್ಖಾದಿ, ಸಮ್ಮತಾಲಾದಿಕಂ ಘನಂ;

ಆತೋಜ್ಜಂ ತು ಚ ವಾದಿತ್ತಂ, ವಾದಿತಂ ವಜ್ಜ ಮುಚ್ಚತೇ.

ಆಲಮ್ಬರೋ ¶ ತು ಪಣವೋ, ಕೋಣೋ ವೀಣಾದಿವಾದನಂ;

ದದ್ದರೀ ಪಟಹೋ ಭೇರಿ, ಪ್ಪಭೇದಾ ಮದ್ದಲಾದಯೋ.

ಜನಪ್ಪಿಯೇ ವಿಮದ್ದುಟ್ಠೇ, ಗನ್ಧೇ ಪರಿಮಲೋ ಭವೇ;

ಸೋ ತ್ವಾ ಮೋದೋ ದೂರಗಾಮೀ, ವಿಸ್ಸನ್ತಾ ತೀಸ್ವಿತೋ ಪರಂ.

ಇಟ್ಠಗನ್ಧೋ ಚ ಸುರಭಿ, ಸುಗನ್ಧೋ ಚ ಸುಗನ್ಧಿ ಚ;

ಪೂತಿಗನ್ಧಿ ತು ದುಗ್ಗನ್ಧೋ, ಥ ವಿಸ್ಸಂ ಆಮಗನ್ಧಿ ಯಂ.

ಕುಙ್ಕುಮಞ್ಚೇವ ಯವನ, ಪುಪ್ಫಞ್ಚ ತಗರಂ ತಥಾ;

ತುರುಕ್ಖೋತಿ ಚತುಜ್ಜಾತಿ, ಗನ್ಧಾ ಏತೇ ಪಕಾಸಿತಾ.

ಕಸಾವೋ ನಿತ್ಥಿಯಂ ತಿತ್ತೋ, ಮಧುರೋ ಲವಣೋ ಇಮೇ;

ಅಮ್ಬಿಲೋ ಕಟುಕೋ ಚೇತಿ, ಛ ರಸಾ ತಬ್ಬತೀ ತಿಸು.

ನಯನಂ ತ್ವಕ್ಖಿ ನೇತ್ತಞ್ಚ, ಲೋಚನಂ ಚ’ಚ್ಛಿ ಚಕ್ಖು ಚ.

ಸೋತಂ ಸದ್ದಗ್ಗಹೋ ಕಣ್ಣೋ, ಸವನಂ ಸುತಿ ನತ್ಥು ತು;

ನಾಸಾ ಚ ನಾಸಿಕಾ ಘಾನಂ, ಜಿವ್ಹಾತು ರಸನಾ ಭವೇ.

ಸರೀರಂ ವಪು ಗತ್ತಞ್ಚಾ, ತ್ತಭಾವೋ ಬೋನ್ದಿ ವಿಗ್ಗಹೋ;

ದೇಹಂ ವಾ ಪುರಿಸೇ ಕಾಯೋ, ಥಿಯಂ ತನು ಕಳೇವರಂ.

ಚಿತ್ತಂ ಚೇತೋ ಮನೋ ನಿತ್ಥೀ, ವಿಞ್ಞಾಣಂ ಹದಯಂ ತಥಾ;

ಮಾನಸಂ ಧೀ ತು ಪಞ್ಞಾ ಚ, ಬುದ್ಧಿ ಮೇಧಾ ಮತಿ ಮುತಿ.

ಭೂರೀ ಮನ್ತಾ ಚ ಪಞ್ಞಾಣಂ, ಞಾಣಂ ವಿಜ್ಜಾ ಚ ಯೋನಿ ಚ;

ಪಟಿಭಾನ ಮಮೋಹೋ ಥ, ಪಞ್ಞಾಭೇದಾ ವಿಪಸ್ಸನಾ.

ಸಮ್ಮಾದಿಟ್ಠಿ ಪಭುತಿಕಾ, ವೀಮಂಸಾ ತು ವಿಚಾರಣಾ;

ಸಮ್ಪಜಞ್ಞಂ ತು ನೇಪಕ್ಕಂ, ವೇದಯಿತಂ ತು ವೇದನಾ.

ಏಕಗ್ಗತಾ ತು ಸಮಥೋ, ಅವಿಕ್ಖೇಪೋ ಸಮಾಧಿ ಚ.

ಉಸ್ಸಾಹಾ’ ತಪ್ಪ ಪಗ್ಗಾಹಾ, ವಾಯಾಮೋ ಚ ಪರಕ್ಕಮೋ;

ಪಧಾನಂ ವೀರಿಯಂ ಚೇಹಾ, ಉಯ್ಯಾಮೋ ಚ ಧಿತಿ ತ್ಥಿಯಂ.

ಚತ್ತಾರಿ ವೀರಿಯಙ್ಗಾನಿ, ತಚಸ್ಸ ಚ ನಹಾರುನೋ;

ಅವಸಿಸ್ಸನ ಮಟ್ಠಿಸ್ಸ, ಮಂಸಲೋಹಿತಸುಸ್ಸನಂ.

ಉಸ್ಸೋಳ್ಹೀ ¶ ತ್ವ ಧಿಮತ್ತೇಹಾ, ಸತಿ ತ್ವ ನುಸ್ಸತಿ ತ್ಥಿಯ;

ಲಜ್ಜಾ ಹಿರೀ ಸಮಾನಾ ಥ, ಓತ್ತಪ್ಪಂ ಪಾಪಭೀರುತಾ.

ಮಜ್ಝತ್ತತಾ ತು’ಪೇಕ್ಖಾ ಚ, ಅದುಕ್ಖಮಸುಖಾ ಸಿಯಾ;

ದಯಾ’ ನುಕಮ್ಪಾ ಕಾರುಞ್ಞಂ, ಕರುಣಾ ಚ ಅನುದ್ದಯಾ;

ಥಿಯಂ ವೇರಮಣೀ ಚೇವ, ವಿರತ್ಯಾ’ ರತಿ ಚಾಪ್ಯಥ.

ತಿತಿಕ್ಖಾ ಖನ್ತಿ ಖಮನಂ, ಖಮಾ ಮೇತ್ತಾ ತು ಮೇತ್ಯ’ಥ;

ದಸ್ಸನಂ ದಿಟ್ಠಿ ಲದ್ಧಿತ್ಥೀ, ಸಿದ್ಧನ್ತೋ ಸಮಯೋ ಭವೇ.

ತಣ್ಹಾ ಚ ತಸಿಣಾ ಏಜಾ, ಜಾಲಿನೀ ಚ ವಿಸತ್ತಿಕಾ;

ಛನ್ದೋ ಜಟಾ ನಿಕನ್ತ್ಯಾ’ಸಾ, ಸಿಬ್ಬಿನೀ ಭವನೇತ್ತಿ ಚ.

ಅಭಿಜ್ಝಾ ವನಥೋ ವಾನಂ, ಲೋಭೋ ರಾಗೋ ಚ ಆಲಯೋ;

ಪಿಹಾ ಮನೋರಥೋ ಇಚ್ಛಾ, ಭಿಲಾಸೋ ಕಾಮ ದೋಹಳಾ;

ಆಕಙ್ಖಾ ರುಚಿ ವುತ್ತಾ ಸಾ, ತ್ವಧಿಕಾ ಲಾಲಸಾ ದ್ವಿಸು.

ವೇರಂ ವಿರೋಧೋ ವಿದ್ದೇಸೋ, ದೋಸೋ ಚ ಪಟಿಘಞ್ಚ ವಾ;

ಬದ್ಧವೇರ ಮುಪನಾಹೋ, ಸಿಯಾ ಸೋಕೋ ತು ಸೋಚನಂ;

ರೋದಿತಂ ಕನ್ದಿತಂ ರುಣ್ಣಂ, ಪರಿದೇವೋ ಪರಿದ್ದವೋ.

ಭೀತಿತ್ಥಿ ಭಯ ಮುತ್ತಾಸೋ, ಭೇರವಂ ತು ಮಹಬ್ಭಯಂ;

ಭೇರವಂ ಭೀಸನಂ ಭೀಮಂ, ದಾರುಣಞ್ಚ ಭಯಾನಕಂ;

ಘೋರಂ ಪಟಿಭಯಂ ಭೇಸ್ಮಂ, ಭಯಙ್ಕರ ಮಿಮೇ ತೀಸು.

ಇಸ್ಸಾ ಉಸೂಯಾ ಮಚ್ಛೇರಂ, ತು ಮಚ್ಛರಿಯ ಮಚ್ಛರಂ;

ಮೋಹೋ’ವಿಜ್ಜಾ ತಥಾ’ಞಾಣಂ, ಮಾನೋ ವಿಧಾ ಚ ಉನ್ನತಿ.

ಉದ್ಧಚ್ಚ ಮುದ್ಧಟಂ ಚಾಥ [ಉದ್ಧವಂಉದ್ಧಂ ಧಾವತಿ ಚಿತ್ತ ಮೇತೇನಾತಿ ಉದ್ಧವಂ (ಟೀಕಾ)], ತಾಪೋ ಕುಕ್ಕುಚ್ಚಮೇವ ಚ;

ಪಚ್ಛಾತಾಪೋ ನುತಾಪೋ ಚ, ವಿಪ್ಪಟಿಸಾರೋ ಪಕಾಸಿತೋ.

ಮನೋವಿಲೇಖ ಸನ್ದೇಹಾ, ಸಂಸಯೋ ಚ ಕಥಂಕಥಾ;

ದ್ವೇಳ್ಹಕಂ ವಿಚಿಕಿಚ್ಛಾ ಚ, ಕಙ್ಖಾ ಸಙ್ಕಾ ವಿಮತ್ಯಪಿ.

ಗಬ್ಬೋ ¶ ಭಿಮಾನೋ’ಹಂಕಾರೋ, ಚಿನ್ತಾತು ಝಾನ ಮುಚ್ಚತೇ;

ನಿಚ್ಛಯೋ ನಿಣ್ಣಯೋ ವುತ್ತೋ, ಪಟಿಞ್ಞಾ ತು ಪಟಿಸ್ಸವೋ.

ಅವಮಾನಂ ತಿರಕ್ಕಾರೋ, ಪರಿಭವೋ ಪ್ಯ’ ನಾದರೋ;

ಪರಾಭವೋ ಪ್ಯ’ ವಞ್ಞಾ ಥ, ಉಮ್ಮಾದೋ ಚಿತ್ತವಿಬ್ಭಮೋ.

ಪೇಮಂ ಸಿನೇಹೋ ಸ್ನೇಹೋ ಥ, ಚಿತ್ತಪೀಳಾ ವಿಸಞ್ಞಿತಾ;

ಪಮಾದೋ ಸತಿವೋಸ್ಸಗ್ಗೋ, ಕೋತೂಹಲಂ ಕುತೂಹಲಂ.

ವಿಲಾಸೋ ಲಲಿತಂ ಲೀಲಾ, ಹಾವೋ ಹೇಳಾ ಚ ವಿಬ್ಭಮೋ;

ಇಚ್ಚಾದಿಕಾ ಸಿಯುಂ ನಾರಿ, ಸಿಙ್ಗಾರಭಾವಜಾ ಕಿರಿಯಾ.

ಹಸನಂ ಹಸಿತಂ ಹಾಸೋ, ಮನ್ದೋ ಸೋ ಮಿಹಿತಂ ಸಿತಂ;

ಪರಿಹಾಸೋ ದವೋ ಖಿಡ್ಡಾ, ಕೇಳಿ ಕೀಳಾ ಚ ಕೀಳಿತಂ;

ನಿದ್ದಾ ತು ಸುಪಿನಂ ಸೋಪ್ಪಂ, ಮಿದ್ಧಞ್ಚ ಪಚಲಾಯಿಕಾ.

ಥಿಯಂ ನಿಕತಿ ಕೂಟಞ್ಚ, ದಮ್ಭೋ ಸಾಠ್ಯಞ್ಚ ಕೇತವಂ;

ಸಭಾವೋ ತು ನಿಸ್ಸಗ್ಗೋ ಚ, ಸರೂಪಂ ಪಕತಿತ್ಥಿಯಂ.

ಧಾರೇನ್ತೋ ಜನ್ತು ಸಸ್ನೇಹ, ಮಭಿಧಾನಪ್ಪದೀಪಿಕಂ;

ಖುದ್ದಕಾದ್ಯತ್ಥಜಾತಾನಿ [ಖುದ್ದಕಾನ್ಯತ್ಥಜಾತಾನಿ (ಕ.)], ಸಮ್ಪಸ್ಸತಿ ಯಥಾಸುಖಂ.

ವಗ್ಗಾ ಭೂಮಿ, ಪುರೀ, ಮಚ್ಚ, ಚತುಬ್ಬಣ್ಣ, ವನಾದಿಹಿ;

ಪಾತಾಲೇನ ಚ ವುಚ್ಚನ್ತೇ, ಸಙ್ಗೋ’ಪಙ್ಗೇಹಿ’ಧ’ಕ್ಕಮಾ.

ವಸುನ್ಧರಾ ಛಮಾ ಭೂಮಿ, ಪಥವೀ ಮೇದನೀ ಮಹೀ;

ಉಬ್ಬೀ ವಸುಮತೀ ಗೋ ಕು, ವಸುಧಾ ಧರಣೀ ಧರಾ;

ಪುಥವೀ ಜಗತೀ ಭೂರೀ, ಭೂ ಚ ಭೂತಧರಾ’ ವನೀ.

ಖಾರಾ ¶ ತು ಮತ್ತಿಕಾ ಊಸೋ, ಊಸವಾ ತೂಸರೋ ತಿಸು;

ಥಲಂ ಥಲೀತ್ಥೀ ಭೂಭಾಗೇ, ಥದ್ಧಲೂಖಮ್ಹಿ ಜಙ್ಗಲೋ.

ಪುಬ್ಬವಿದೇಹೋ ಚಾಪರ, ಗೋಯಾನಂ ಜಮ್ಬುದೀಪೋ ಚ;

ಉತ್ತರಕುರು ಚೇತಿ ಸಿಯುಂ, ಚತ್ತಾರೋಮೇ ಮಹಾದೀಪಾ.

ಪುಮ್ಬಹುತ್ತೇ ಕುರೂ ಸಕ್ಕಾ, ಕೋಸಲಾ ಮಗಧಾ ಸಿವೀ;

ಕಲಿಙ್ಗಾ’ವನ್ತಿ ಪಞ್ಚಾಲಾ, ವಜ್ಜೀ ಗನ್ಧಾರ ಚೇತಯೋ.

ವಙ್ಗಾ ವಿದೇಹಾ ಕಮ್ಬೋಜಾ, ಮದ್ದಾ ಭಗ್ಗ’ಙ್ಗ ಸೀಹಳಾ;

ಕಸ್ಮೀರಾ ಕಾಸಿ ಪಣ್ಡವಾದೀ, ಸಿಯುಂ ಜನಪದನ್ತರಾ.

ಲೋಕೋ ಚ ಭುವನಂ ವುತ್ತಂ, ದೇಸೋ ತು ವಿಸಯೋ ಪ್ಯಥ;

ಮಿಲಕ್ಖದೇಸೋ ಪಚ್ಚನ್ತೋ, ಮಜ್ಝದೇಸೋ ತು ಮಜ್ಝಿಮೋ.

ಅನೂಪೋ ಸಲಿಲಪ್ಪಾಯೋ, ಕಚ್ಛಂ ಪುಮ ನಪುಂಸಕೇ;

ಸದ್ದಲೋ ಹರಿತೇ ದೇಸೇ, ತಿಣೇನಾ, ಭಿನವೇನ ಹಿ.

ನದ್ಯಮ್ಬುಜೀವನೋ ದೇಸೋ, ವುಟ್ಠಿನಿಪ್ಪಜ್ಜಸಸ್ಸಕೋ;

ತೀಸ್ವನೂಪಾದ್ಯಥೋ ಚನ್ದ, ಸೂರಾದೋ ಸಸ್ಸತೀರಿತೋ;

ರಟ್ಠಂ ತು ವಿಜಿತಞ್ಚಾಥ, ಪುರಿಸೇ ಸೇತು ಆಲಿಯಂ.

ಉಪಾನ್ತಭೂ ಪರಿಸರೋ, ಗೋಟ್ಠಂ ತು ಗೋಕುಲಂ ವಜೋ;

ಮಗ್ಗೋ ಪನ್ಥೋ ಪಥೋ ಅದ್ಧಾ, ಅಞ್ಜಸಂ ವಟುಮಂ ತಥಾ.

ಪಜ್ಜೋ [ಪಜ್ಜಾ…. (ಕ.)], ಯನಞ್ಚ ಪದವೀ, ವತ್ತನೀ ಪದ್ಧತಿತ್ಥಿಯಂ;

ತಬ್ಭೇದಾ ಜಙ್ಘ, ಸಕಟ, ಮಗ್ಗಾ ತೇ ಚ ಮಹದ್ಧನಿ.

ಏಕಪದ್ಯೇಕಪದಿಕೇ, ಕನ್ತಾರೋ ತು ಚ ದುಗ್ಗಮೇ;

ಪಟಿಮಗ್ಗೋ ಪಟಿಪಥೋ, ಅದ್ಧಾನಂ ದೀಘ ಮಞ್ಜಸಂ;

ಸುಪ್ಪಥೋ ತು ಸುಪನ್ಥೋ ಚ, ಉಪ್ಪಥಂ ತ್ವಪಥಂ ಭವೇ.

ಛತ್ತಿಂಸಪರಮಾಣೂನ, ಮೇಕೋ ಣು ಚ ಛತ್ತಿಂಸ ತೇ;

ತಜ್ಜಾರೀ ತಾಪಿ ಛತ್ತಿಂಸ, ರಥರೇಣು ಛತ್ತಿಂಸ ತೇ.

ಲಿಕ್ಖಾತಾ ಸತ್ತ ಊಕಾ ತಾ, ಧಞ್ಞಮಾಸೋತಿ ಸತ್ತ ತೇ;

ಸತ್ತ ಙ್ಗುಲ’ ಮಮು ದ್ವಿಚ್ಛ, ವಿದತ್ಥಿ ತಾ ದುವೇ ಸಿಯುಂ.

ರತನಂ ¶ ತಾನಿ ಸತ್ತೇವ, ಯಟ್ಠಿ ತಾ ವೀಸತೂ ಸಭಂ;

ಗಾವುತ ಮುಸಭಾಸೀತಿ, ಯೋಜನಂ ಚತುಗಾವುತಂ.

ಧನುಪಞ್ಚಸತಂ ಕೋಸೋ, ಕರೀಸಂ ಚತುರಮ್ಬಣಂ;

ಅಬ್ಭನ್ತರಂ ತು ಹತ್ಥಾನ, ಮಟ್ಠವೀಸ ಪಮಾಣತೋ.

ಪುರಂ ನಗರ ಮಿತ್ಥೀ ವಾ, ಠಾನೀಯಂ ಪುಟಭೇದನಂ;

ಥಿಯಂ ತು ರಾಜಧಾನೀ [ರಾಜಠಾನೀ (ಟೀ.)] ಚ, ಖನ್ಧಾವಾರೋ ಭವೇ ಥ ಚ.

ಸಾಖಾನಗರ ಮಞ್ಞತ್ರ, ಯಂ ತಂ ಮೂಲಪುರಾ ಪುರಂ;

ಬಾರಾಣಸೀ ಚ ಸಾವತ್ಥಿ, ವೇಸಾಲೀ ಮಿಥಿಲಾ, ಳವೀ.

ಕೋಸಮ್ಬು, ಜ್ಜೇನಿಯೋ ತಕ್ಕ, ಸಿಲಾ ಚಮ್ಪಾ ಚ ಸಾಗಲಂ;

ಸುಸುಮಾರಗಿರಂ [ಸಂಸುಮಾರ (ಟೀಕಾ)] ರಾಜ, ಗಹಂ ಕಪಿಲವತ್ಥು ಚ.

ಸಾಕೇತ, ಮಿನ್ದಪತ್ಥಞ್ಚೋ, ಕ್ಕಟ್ಠಾ ಪಾಟಲಿಪುತ್ತಕಂ;

ಜೇತುತ್ತರಞ್ಚ ಸಙ್ಕಸ್ಸಂ, ಕುಸಿನಾರಾದಯೋ ಪುರೀ.

ರಚ್ಛಾ ಚ ವಿಸಿಖಾ ವುತ್ತಾ, ರಥಿಕಾ ವೀಥಿ ಚಾಪ್ಯಥ;

ಬ್ಯೂಹೋ ರಚ್ಛಾ ಅನಿಬ್ಬಿದ್ಧಾ, ನಿಬ್ಬಿದ್ಧಾ ತು ಪಥದ್ಧಿ ಚ.

ಚತುಕ್ಕಂ ಚಚ್ಚರೇ ಮಗ್ಗ, ಸನ್ಧಿ ಸಿಙ್ಘಾಟಕಂ ಭವೇ;

ಪಾಕಾರೋ ವರಣೋ ಚಾಥ, ಉದಾಪೋ [ಉದ್ದಾಪ, ಉದ್ದಾಪ] ಉಪಕಾರಿಕಾ.

ಕುಟ್ಟಂ ತು ಭಿತ್ತಿ ನಾರೀ ಥ, ಗೋಪುರಂ ದ್ವಾರಕೋಟ್ಠಕೋ;

ಏಸಿಕಾ ಇನ್ದಖೀಲೋ ಚ, ಅಟ್ಟೋ ತ್ವಟ್ಟಾಲಕೋ ಭವೇ.

ತೋರಣಂ ತು ಬಹಿದ್ವಾರಂ, ಪರಿಖಾತು ಚ ದೀಘಿಕಾ;

ಮನ್ದಿರಂ ಸದನಾ, ಗಾರಂ, ನಿಕಾಯೋ ನಿಲಯಾ, ಲಯೋ.

ಆವಾಸೋ ಭವನಂ ವೇಸ್ಮಂ, ನಿಕೇತನಂ ನಿವೇಸನಂ;

ಘರಂ ಗಹಞ್ಚಾ, ವಸಥೋ, ಸರಣಞ್ಚ ಪತಿಸ್ಸಯೋ.

ಓಕಂ ಸಾಲಾ ಖಯೋ ವಾಸೋ, ಥಿಯಂ ಕುಟಿ ವಸತ್ಯ’ಪಿ;

ಗೇಹಞ್ಚಾ, ನಿತ್ಥಿ ಸದುಮಂ, ಚೇತಿಯಾ, ಯತನಾನಿ ತು.

ಪಾಸಾದೋ ¶ ಚೇವ ಯೂಪೋ ಥ, ಮುಣ್ಡಚ್ಛದೋ ಚ ಹಮ್ಮಿಯಂ;

ಯೂಪೋತು ಗಜಕುಮ್ಭಮ್ಹಿ, ಹತ್ಥಿನಖೋ ಪತಿಟ್ಠಿತೋ.

ಸುಪಣ್ಣವಙ್ಕಚ್ಛದನ, ಮಡ್ಢಯೋಗೋ ಸಿಯಾ ಥ ಚ;

ಸಭಾಯಞ್ಚ ಸಭಾ ಚಾಥ, ಮಣ್ಡಪಂ ವಾ ಜನಾಲಯೋ;

ಅಥೋ ಆಸನಸಾಲಾಯಂ, ಪಟಿಕ್ಕಮನ ಮೀರಿತಂ.

ಜಿನಸ್ಸ ವಾಸಭವನ, ಮಿತ್ಥೀ ಗನ್ಧಕುಟಿ ಪ್ಯಥ;

ಥಿಯಂ ರಸವತೀ ಪಾಕ, ಟ್ಠಾನಞ್ಚೇವ ಮಹಾನಸಂ.

ಆವೇಸನಂ ಸಿಪ್ಪಸಾಲಾ, ಸೋಣ್ಡಾ ತು ಪಾನಮನ್ದಿರಂ;

ವಚ್ಚಟ್ಠಾನಂ ವಚ್ಚಕುಟಿ, ಮುನೀನಂ ಠಾನ ಮಸ್ಸಮೋ.

ಪಣ್ಯವಿಕ್ಕಯಸಾಲಾ ಕು, ಆಪಣೋ ಪಣ್ಯವೀಥಿಕಾ;

ಉದೋಸಿತೋ ಭಣ್ಡಸಾಲಾ, ಚಙ್ಕಮನಂ ತು ಚಙ್ಕಮೋ.

ಜನ್ತಾಘರಂ ತ್ವಗ್ಗಿಸಾಲಾ, ಪಪಾ ಪಾನೀಯಸಾಲಿಕಾ;

ಗಬ್ಭೋ ಓವರಕೋ ವಾಸಾ, ಗಾರಂ ತು ಸಯನಿಗ್ಗಹಂ.

ಇತ್ಥಾಗಾರಂ ತು ಓರೋಧೋ, ಸುದ್ಧನ್ತೋ’ ನ್ತೇಪುರಮ್ಪಿ ಚ;

ಅಸಬ್ಬವಿಸಯಟ್ಠಾನಂ, ರಞ್ಞಂ ಕಚ್ಛನ್ತರಂ ಮತಂ.

ವಾತಪಾನಂ ಗವಕ್ಖೋ ಚ, ಜಾಲಞ್ಚ ಸೀಹಪಞ್ಜರಂ.

ಆಲೋಕಸನ್ಧಿ ವುತ್ತೋ ಥ, ಲಙ್ಗೀ’ತ್ಥೀ ಪಲಿಘೋ ಭವೇ;

ಕಪಿಸೀಸೋ, ಗ್ಗಲತ್ಥಮ್ಭೋ, ನಿಬ್ಬಂ ತು ಛದ್ದಕೋಟಿಯಂ.

ಛದನಂ ಪಟಲಂ ಛದ್ದ, ಮಜಿರಂ ಚಚ್ಚರೋ, ಙ್ಗಣಂ;

ಪಘಾನೋ ಪಘನಾ, ಲಿನ್ದೋ, ಪಮುಖಂ ದ್ವಾರಬನ್ಧನಂ.

ಪಿಟ್ಠಸಙ್ಘಾಟಕಂ ದ್ವಾರ, ಬಾಹಾ ಕೂಟಂ ತು ಕಣ್ಣಿಕಾ;

ದ್ವಾರಞ್ಚ ಪಟಿಹಾರೋ ಥ, ಉಮ್ಮಾರೋ ದೇಹನೀ, ತ್ಥಿಯಂ.

ಏಳಕೋ ಇನ್ದಖೀಲೋ ಥ, ಥಮ್ಭೋ ಥೂಣೋ ಪುಮಿತ್ಥಿಯಂ;

ಪಾಟಿಕಾ, ಡ್ಢೇನ್ದುಪಾಸಾಣೇ, ಗಿಞ್ಜಕಾ ತು ಚ ಇಟ್ಠಕಾ.

ವಲಭಿಚ್ಛಾದಿದಾರುಮ್ಹಿ, ವಙ್ಕೇ ಗೋಪಾನಸೀ, ತ್ಥಿಯಂ;

ಕಪೋತಪಾಲಿಕಾಯಂ ತು, ವಿಟಙ್ಕೋ ನಿತ್ಥಿಯಂ ಭವೇ.

ಕುಞ್ಚಿಕಾವಿವರಂ ¶ ತಾಳ, ಚ್ಛಿಗ್ಗಲೋ ಪ್ಯಥ ಕುಞ್ಚಿಕಾ;

ತಾಳೋ’ವಾಪುರಣಂ ಚಾಥ, ವೇದಿಕಾ ವೇದಿ ಕಥ್ಯತೇ.

ಸಙ್ಘಾತೋ ಪಕ್ಖಪಾಸೋ ಚ, ಮನ್ದಿರಙ್ಗಾ ತುಲಾ ಅಪಿ;

ಥಿಯಂ ಸಮ್ಮುಜ್ಜನೀ ಚೇವ, ಸಮ್ಮಜ್ಜನೀ ಚ ಸೋಧನೀ.

ಸಙ್ಕಟೀರಂ ತು ಸಙ್ಕಾರ, ಟ್ಠಾನಂ ಸಙ್ಕಾರಕೂಟಕಂ;

ಅಥೋ ಕಚವರೋ, ಕ್ಲಾಪೋ, ಸಙ್ಕಾರೋ ಚ ಕಸಮ್ಬುಪಿ.

ಘರಾದಿಭೂಮಿ ತಂ ವತ್ಥು, ಗಾಮೋ ಸಂವಸಥೋ ಥ ಸೋ;

ಪಾಕಟೋ ನಿಗಮೋ ಭೋಗ, ಮಚ್ಚಾದಿಭ್ಯೋ ಧಿ ತೂದಿತೋ [‘ಅಧಿಭೂ’ತಿ ಈರಿತೋ ಕಥಿತೋ (ಟೀ.)].

ಮನುಸ್ಸೋ ಮಾನುಸೋ ಮಚ್ಚೋ, ಮಾನವೋ ಮನುಜೋ ನರೋ;

ಬುಧೋ ವಿದ್ವಾ ವಿಭಾವೀ ಚ, ಸನ್ತೋ ಸಪ್ಪಞ್ಞ ಕೋವಿದಾ;

ಧೀಮಾ ಸುಧೀ ಕವಿ ಬ್ಯತ್ತೋ, ವಿಚಕ್ಖಣೋ ವಿಸಾರದೋ.

ಮೇಧಾವೀ ಮತಿಮಾ ಪಞ್ಞೋ, ವಿಞ್ಞೂ ಚ ವಿದೂರೋ ವಿದೂ;

ಧೀರೋ ವಿಪಸ್ಸೀ ದೋಸಞ್ಞೂ, ಬುದ್ಧೋ ಚ ದಬ್ಬ ವಿದ್ದಸು.

ಇತ್ಥೀ ಸೀಮನ್ತಿನೀ ನಾರೀ, ಥೀ ವಧೂ ವನಿತಾ, ಙ್ಗನಾ;

ಪಮದಾ ಸುನ್ದರೀ ಕನ್ತಾ, ರಮಣೀ ದಯಿತಾ, ಬಲಾ.

ಮಾತುಗಾಮೋ ಚ ಮಹಿಲಾ, ಲಲನಾ ಭೀರು ಕಾಮಿನೀ;

ಕುಮಾರಿಕಾ ತು ಕಞ್ಞಾ ಥ, ಯುವತೀ ತರುಣೀ ಭವೇ.

ಧವತ್ಥಿನೀ ತು ಸಙ್ಕೇತಂ, ಯಾತಿ ಯಾ ಸಾ, ಭಿಸಾರಿಕಾ.

ಗಣಿಕಾ ¶ ವೇಸಿಯಾ ವಣ್ಣ, ದಾಸೀ ನಗರಸೋಭಿನೀ;

ರೂಪೂಪಜೀವಿನೀ ವೇಸೀ, ಕುಲಟಾ ತು ಚ ಬನ್ಧಕೀ.

ವರಾರೋಹೋ, ತ್ತಮಾ ಮತ್ತ, ಕಾಸಿನೀ ವರವಣ್ಣಿನೀ;

ಪತಿಬ್ಬತಾ ತ್ವಪಿ ಸತೀ, ಕುಲಿತ್ಥೀ ಕುಲಪಾಲಿಕಾ.

ವಿಧವಾ ಪತಿಸುಞ್ಞಾ ಥ, ಪತಿಮ್ಬರಾ ಸಯಮ್ಬರಾ;

ವಿಜಾತಾ ತು ಪಸೂತಾ ಚ, ಜಾತಾಪಚ್ಚಾ ಪಸೂತಿಕಾ.

ದೂತೀ ಸಞ್ಚಾರಿಕಾ ದಾಸೀ, ತು ಚೇಟೀ ಕುಟಧಾರಿಕಾ;

ವಾರುಣೀ, ಕ್ಖಣಿಕಾ ತುಲ್ಯಾ, ಖತ್ತಿಯಾನೀ ತು ಖತ್ತಿಯಾ.

ದಾರೋ ಜಾಯಾ ಕಲತ್ತಞ್ಚ, ಘರಣೀ ಭರಿಯಾ ಪಿಯಾ,

ಪಜಾಪತೀ ಚ ದುತಿಯಾ, ಸಾ ಪಾದಪರಿಚಾರಿಕಾ.

ಸಖೀ ತ್ವಾ’ಲೀ ವಯಸ್ಸಾ ಥ, ಜಾರೀ ಚೇವಾ’ತಿಚಾರಿನೀ;

ಪುಮೇ ತೂ’ತು ರಜೋ ಪುಪ್ಫಂ, ಉತುನೀ ತು ರಜಸ್ಸಲಾ.

ಪುಪ್ಫವತೀ ಗರುಗಬ್ಭಾ, ಪನ್ನಸತ್ತಾ ಚ ಗಬ್ಭಿನೀ;

ಗಬ್ಭಾಸಯೋ ಜಲಾಬುಪಿ, ಕಲಲಂ ಪುನ್ನಪುಂಸಕೇ.

ಧವೋತು ಸಾಮಿಕೋ ಭತ್ತಾ, ಕನ್ತೋ ಪತಿ ವರೋ ಪಿಯೋ;

ತನುಜೋ ತನಯೋ ಸೂನು, ಪುತ್ತಾದೀ ಧೀತರಿ’ತ್ಥಿಯಂ;

ಜಾಯಾಪತೀ ಜನಿಪತೀ, ಜಯಮ್ಪತೀ ತು ದಮ್ಪತೀ [ದಮ್ಪತೀತಿ ಪದಂ ಪುಲ್ಲಿಙ್ಗ ಬಹುವಚನನ್ತಂ ಇಕಾರನ್ತಂ, ತುದಮ್ಪತಿ (ಟೀ.)];

ಅಥ ವಸ್ಸವರೋ ವುತ್ತೋ, ಪಣ್ಡಕೋ ಚ ನಪುಂಸಕಂ.

ಬನ್ಧವೋ ಬನ್ಧು ಸಜನೋ, ಸಗೋತ್ತೋ ಞಾತಿ ಞಾತಕೋ;

ಅಮ್ಮ, ಮ್ಬಾ ಜನನೀ ಮಾತಾ, ಜನೇತ್ತಿ ಜನಿಕಾ ಭವೇ;

ನನನ್ದಾ ¶ ಸಾಮಿಭಗಿನೀ, ಮಾತಾಮಹೀ ತು ಅಯ್ಯಿಕಾ;

ಮಾತುಲೋ ಮಾತುಭಾತಾ,ಸ್ಸ, ಮಾತುಲಾನೀ ಪಜಾಪತಿ.

ಜಾಯಾಪತೀನಂ ಜನನೀ, ಸಸ್ಸು ವುತ್ತಾಥ ತಪ್ಪಿತಾ;

ಸಸುರೋ ಭಾಗಿನೇಯ್ಯೋತು, ಪುತ್ತೋ ಭಗಿನಿಯಾ ಭವೇ.

ನತ್ತಾ ವುತ್ತೋ ಪಪುತ್ತೋ ಥ, ಸಾಮಿಭಾತಾ ತು ದೇವರೋ;

ಮಾತುಚ್ಛಾ ಮಾತುಭಗಿನೀ, ಪಿತುಚ್ಛಾ ಭಗಿನೀ ಪಿತು;

ಸೋದರಿಯೋ ಸಗಬ್ಭೋ ಚ, ಸೋದರೋ ಸಹಜೋ ಪ್ಯಥ;

ಮಾತಾಪಿತೂ ತೇ ಪಿತರೋ, ಪುತ್ತಾ ತು ಪುತ್ತಧೀತರೋ.

ಸಸುರಾ ಸಸ್ಸುಸಸುರಾ, ಭಾತುಭಗಿನೀ ಭಾತರೋ;

ಬಾಲತ್ತಂ ಬಾಲತಾ ಬಾಲ್ಯಂ, ಯೋಬ್ಬಞ್ಞಂತು ಚ ಯೋಬ್ಬನಂ.

ಸುಕ್ಕಾ ತು ಪಲಿತಂ ಕೇಸಾ, ದಯೋ ಥ ಜರತಾ ಜರಾ;

ಪುಥುಕೋ ಪಿಲ್ಲಕೋ ಛಾಪೋ, ಕುಮಾರೋ ಬಾಲ ಪೋತಕಾ.

ಅಥು’ ತ್ತಾನಸಯು’ತ್ತಾನ, ಸೇಯ್ಯಕಾ ಥನಪೋಪಿ ಚ;

ತರುಣೋ ಚ ವಯಟ್ಠೋ ಚ, ದಹರೋ ಚ ಯುವಾ ಸುಸು;

ಮಾಣವೋದಾರಕೋಚಾಥ, ಸುಕುಮಾರೋ ಸುಖೇಧಿತೋ.

ಮಹಲ್ಲಕೋ ಚ ವುದ್ಧೋ ಚ, ಥೇರೋ ಜಿಣ್ಣೋ ಚ ಜಿಣ್ಣಕೋ;

ಅಗ್ಗಜೋ ಪುಬ್ಬಜೋ ಜೇಟ್ಠೋ, ಕನಿಯೋ ಕನಿಟ್ಠೋ ನುಜೋ.

ವಲಿತ್ತಚೋ ತು ವಲಿನೋ; ತೀಸು’ತ್ತಾನಸಯಾದಯೋ;

ಸೀಸೋ’ತ್ತಮಙ್ಗಾನಿ ಸಿರೋ, ಮುದ್ಧಾ ಚ ಮತ್ಥಕೋ ಭವೇ;

ಕೇಸೋ ತು ಕುನ್ತಲೋ ವಾಲೋ, ತ್ತಮಙ್ಗರುಹ ಮುದ್ಧಜಾ.

ಸೀಮನ್ತೋ ತು ಮತೋ ನಾರಿ, ಕೇಸಮಜ್ಝಮ್ಹಿ ಪದ್ಧತಿ.

ಲೋಮಂ ¶ ತನುರುಹಂ ರೋಮಂ, ಪಮ್ಹಂ ಪಖುಮ ಮಕ್ಖಿಗಂ;

ಮಸ್ಸು ವುತ್ತಂ ಪುಮಮುಖೇ, ಭೂ ತ್ವಿತ್ಥೀ ಭಮುಕೋ ಭಮು.

ಬಪ್ಪೋ [ಖಪ್ಪೋ (ಟೀ.)] ನೇತ್ತಜಲ’ಸ್ಸೂನಿ, ನೇತ್ತತಾರಾ ಕನೀನಿಕಾ;

ವದನಂ ತು ಮುಖಂ ತುಣ್ಡಂ, ವತ್ತಂ ಲಪನ ಮಾನನಂ.

ದ್ವಿಜೋ ಲಪನಜೋ ದನ್ತೋ, ದಸನೋ ರದನೋ ರದೋ;

ದಾಠಾ ತುದನ್ತಭೇದಸ್ಮಿಂ, ಅಪಾಙ್ಗೋ ತ್ವಕ್ಖಿಕೋಟಿಸು.

ದನ್ತಾವರಣ ಮೋಟ್ಠೋ ಚಾ, ಪ್ಯ’ಧರೋ ದಸನಚ್ಛದೋ;

ಗಣ್ಡೋ ಕಪೋಲೋ ಹನ್ವಿತ್ಥೀ [ಗಣ್ಡತ್ಥೀ (ಟೀ.) ಹನ್ವತ್ಥೀ=ಹನು+ಇತ್ಥೀ; ಹನ+ಉ (ಣ್ವಾದಿ)],

ಗಲೋ ಚ ಕಣ್ಠೋ ಗೀವಾ ಚ, ಕನ್ಧರಾ ಚ ಸಿರೋಧರಾ;

ಕಮ್ಬುಗೀವಾ ತು ಯಾ ಗೀವಾ, ಸುವಣ್ಣಾಲಿಙ್ಗಸನ್ನಿಭಾ;

ಅಙ್ಕಿತಾ ತೀಹಿ ಲೇಖಾಹಿ, ಕಮ್ಬುಗೀವಾ ಥವಾ ಮತಾ.

ಅಂಸೋ ನಿತ್ಥೀ ಭುಜಸಿರೋ, ಖನ್ಧೋ ತಸ್ಸನ್ಧಿ ಜತ್ತು ತಂ;

ಬಾಹುಮೂಲಂ ತು ಕಚ್ಛೋ, ಧೋ, ತ್ವ’ಸ್ಸ ಪಸ್ಸ ಮನಿತ್ಥಿಯಂ.

ಬಾಹು ಭುಜಾದ್ವೀಸು ಬಾಹಾ, ಹತ್ಥೋ ತು ಕರ ಪಾಣಯೋ;

ಮಣಿಬನ್ಧೋ ಪಕೋಟ್ಠನ್ತೋ, ಕಪ್ಪರೋ ತು ಕಪೋಣ್ಯ’ಥ.

ಮಣಿಬನ್ಧ ಕನಿಟ್ಠಾನಂ, ಪಾಣಿಸ್ಸ ಕರಭೋ,ನ್ತರಂ;

ಕರಸಾಖಾ, ಙ್ಗುಲೀ ತಾ ತು, ಪಞ್ಚ, ಙ್ಗುಟ್ಠೋ ಚ ತಜ್ಜನೀ;

ಮಜ್ಝಿಮಾ ನಾಮಿಕಾ ಚಾಪಿ, ಕನಿಟ್ಠಾ’ತಿ ಕಮಾ ಸಿಯುಂ.

ಪದೇಸೋ ತಾಲಗೋಕಣ್ಣಾ, ವಿದತ್ಥಿ,ತ್ಥೀ ಕಮಾ ತತೇ;

ತಜ್ಜನ್ಯಾದಿಯುತೇ’ಙ್ಗುಟ್ಠೇ, ಪಸತೋ ಪಾಣಿ ಕುಞ್ಚಿತೋ.

ರತನಂ ಕುಕ್ಕು ಹತ್ಥೋ ಥ, ಪುಮೇ ಕರಪುಟೋ,ಞ್ಜಲಿ;

ಕರಜೋ ತು ನಖೋ ನಿತ್ಥೀ, ಖಟಕೋ ಮುಟ್ಠಿ ಚ ದ್ವೀಸು.

ಬ್ಯಾಮೋ ಸಹಕರಾ ಬಾಹು, ದ್ವೇ ಪಸ್ಸದ್ವಯವಿತ್ಥತಾ;

ಉದ್ಧನ್ತತ ಭುಜಪೋಸ, ಪ್ಪಮಾಣೇ ಪೋರಿಸಂ ತಿಸು.

ಚೂಚುಕಂ ತು ಥನಗ್ಗಸ್ಮಿಂ, ಪಿಟ್ಠಂ ತು ಪಿಟ್ಠಿ ನಾರಿಯಂ.

ಮಜ್ಝೋ’ನಿತ್ಥೀ ¶ ವಿಲಗ್ಗೋ ಚ, ಮಜ್ಝಿಮಂ ಕುಚ್ಛಿ [ಚತುಕ್ಕಂ ಉದರೇ; ೯೪೪-ಗಾಥಾಪಿ ಪಸ್ಸಿತಬ್ಬಾ] ತು ದ್ವಿಸು;

ಗಹಣೀತ್ಥ್ಯುದರಂ ಗಬ್ಭೋ, ಕೋಟ್ಠೋನ್ತೋ ಕುಚ್ಛಿಸಮ್ಭವೇ.

ಜಘನಂ ತು ನಿತಮ್ಬೋ ಚ, ಸೋಣೀ ಚ ಕಟಿ ನಾರಿಯಂ;

ಅಙ್ಗಜಾತಂ ರಹಸ್ಸಙ್ಗಂ, ವತ್ಥಗುಯ್ಹಞ್ಚ ಮೇಹನಂ.

ನಿಮಿತ್ತಞ್ಚ ವರಙ್ಗಞ್ಚ, ಬೀಜಞ್ಚ ಫಲಮೇವ ಚ;

ಅಸುಚಿ ಸಮ್ಭವೋ ಸುಕ್ಕಂ, ಪಾಯು ತು ಪುರಿಸೇ ಗುದಂ;

ವಾ ಪುಮೇ ಗೂಥ ಕರೀಸ, ವಚ್ಚಾನಿ ಚ ಮಲಂ ಛಕಂ.

ಉಚ್ಚಾರೋ ಮೀಳ್ಹ ಮುಕ್ಕಾರೋ, ಪಸ್ಸಾವೋ ಮುತ್ತ ಮುಚ್ಚತೇ;

ಪೂತಿಮುತ್ತಞ್ಚ ಗೋಮುತ್ತೇ, ಸ್ಸಾದೀನಂ ಛಕಣಂ ಮಲೇ.

ದ್ವೀಸ್ವಧೋ ನಾಭಿಯಾ ವತ್ಥಿ, ಉಚ್ಛಙ್ಗ’ಙ್ಕಾ ತು’ಭೋ ಪುಮೇ;

ಊರು ಸತ್ಥಿ ಪುಮೇ ಊರು, ಪಬ್ಬಂ ತು ಜಾಣು ಜಣ್ಣು ಚ.

ಗೋಪ್ಫಕೋ ಪಾದಗಣ್ಠಿಪಿ, ಪುಮೇ ತು ಪಣ್ಹಿ ಪಾಸಣಿ;

ಪಾದಗ್ಗಂ ಪಪದೋ ಪಾದೋ, ತು ಪದೋ ಚರಣಞ್ಚ ವಾ.

ಅಙ್ಗಂತ್ವ’ವಯವೋ ವುತ್ತೋ, ಫಾಸುಲಿಕಾ ತು ಫಾಸುಕಾ;

ಪಣ್ಡಕೇ ಅಟ್ಠಿ ಧಾತ್ವಿತ್ಥೀ, ಗಲನ್ತಟ್ಠಿ ತು ಅಕ್ಖಕೋ.

ಕಪ್ಪರೋ ತು ಕಪಾಲಂ ವಾ, ಕಣ್ಡರಾ ತು ಮಹಾಸಿರಾ;

ಪುಮೇ ನ್ಹಾರು ಚಿತ್ಥೀ ಸಿರಾ, ಧಮನೀ ಥ ರಸಗ್ಗಸಾ.

ರಸಹರಣ್ಯ’ಥೋ ಮಂಸ, ಮಾಮಿಸಂ ಪಿಸಿತಂ ಭವೇ;

ತಿಲಿಙ್ಗಿಕಂ ತು ವಲ್ಲೂರ, ಮುತ್ತತ್ತಂ ಅಥ ಲೋಹಿತಂ.

ರುಧಿರಂ ಸೋಣಿತಂ ರತ್ತಂ, ಲಾಲಾ ಖೇಳೋ ಏಲಾ ಭವೇ;

ಪುರಿಸೇ ಮಾಯು ಪಿತ್ತಞ್ಚ, ಸೇಮ್ಹೋ ನಿತ್ಥೀ ಸಿಲೇಸುಮೋ.

ವಸಾ ವಿಲೀನಸ್ನೇಹೋ ಥ, ಮೇದೋ ಚೇವ ವಪಾ ಭವೇ;

ಆಕಪ್ಪೋ ವೇಸೋ ನೇಪಚ್ಛಂ, ಮಣ್ಡನಂ ತು ಪಸಾಧನಂ.

ವಿಭೂಸನಂ ಚಾಭರಣಂ, ಅಲಙ್ಕಾರೋ ಪಿಲನ್ಧನಂ;

ಕಿರೀಟ ಮಕುಟಾ’ನಿತ್ಥೀ, ಚೂಳಾಮಣಿ ಸಿರೋಮಣಿ.

ಸಿರೋವೇಠನ ¶ ಮುಣ್ಹೀಸಂ, ಕುಣ್ಡಲಂ ಕಣ್ಣವೇಠನಂ;

ಕಣ್ಣಿಕಾ ಕಣ್ಣಪೂರೋ ಚ, ಸಿಯಾ ಕಣ್ಣವಿಭೂಸನಂ.

ಕಣ್ಠಭೂಸಾ ತು ಗೀವೇಯ್ಯಂ, ಹಾರೋ ಮುತ್ತಾವಲಿ’ತ್ಥಿಯಂ;

ನಿಯುರೋ ವಲಯೋ ನಿತ್ಥೀ, ಕಟಕಂ ಪರಿಹಾರಕಂ.

ಕಙ್ಕಣಂ ಕರಭೂಸಾ ಥ, ಕಿಙ್ಕಿಣೀ [ಕಿಂಕಣೀ ಕಿಂ ಕಣಿಕಾ (ಕ.)] ಖುದ್ದಘಣ್ಟಿಕಾ;

ಅಙ್ಗುಲೀಯಕ ಮಙ್ಗುಲ್ಯಾ, ಭರಣಂ, ಸಾಕ್ಖರಂ ತು ತಂ.

ಮುದ್ದಿಕಾ’ಙ್ಗುಲಿಮುದ್ದಾ ಥ, ರಸನಾ ಮೇಖಲಾ ಭವೇ;

ಕೇಯೂರ ಮಙ್ಗದಞ್ಚೇವ, ಬಾಹುಮೂಲವಿಭೂಸನಂ.

ಪಾದಙ್ಗದಂ ತು ಮಞ್ಜೀರೋ, ಪಾದಕಟಕ ನೂಪುರಾ;

ಅಲಙ್ಕಾರಪ್ಪಭೇದಾ ತು, ಮುಖಫುಲ್ಲಂ ತಥೋ’ಣ್ಣತಂ;

ಉಗ್ಗತ್ಥನಂ ಗಿಙ್ಗಮಕ, ಮಿಚ್ಚೇವಮಾದಯೋ ಸಿಯುಂ.

ಚೇಲ ಮಚ್ಛಾದನಂ ವತ್ಥಂ, ವಾಸೋ ವಸನ ಮಂಸುಕಂ;

ಅಮ್ಬರಞ್ಚ ಪಟೋ ನಿತ್ಥೀ, ದುಸ್ಸಂ ಚೋಲೋ ಚ ಸಾಟಕೋ.

ಖೋಮಂ ದುಕೂಲಂ ಕೋಸೇಯ್ಯಂ, ಪತ್ತುಣ್ಣಂ ಕಮ್ಬಲೋ ಚ ವಾ;

ಸಾಣಂ ಕೋಟಮ್ಬುರಂ ಭಙ್ಗ, ನ್ತ್ಯಾದಿ ವತ್ಥನ್ತರಂ ಮತಂ.

ನಿವಾಸನ ನ್ತರೀಯಾನ್ಯ, ನ್ತರಮನ್ತರವಾಸಕೋ;

ಪಾವಾರೋ ತು’ತ್ತರಾಸಙ್ಗೋ, ಉಪಸಂಬ್ಯಾನ ಮುತ್ತರಂ.

ಉತ್ತರೀಯ ಮಥೋ ವತ್ಥ, ಮಹತನ್ತಿ ಮತಂ ನವಂ;

ನನ್ತಕಂ ಕಪ್ಪಟೋ ಜಿಣ್ಣ, ವಸನಂ ತು ಪಟಚ್ಚರಂ.

ಕಞ್ಚುಕೋ ವಾರವಾಣಂ ವಾ, ಥ ವತ್ಥಾವಯವೇ ದಸಾ;

ನಾಲಿಪಟ್ಟೋತಿ ಕಥಿತೋ, ಉತ್ತಮಙ್ಗಮ್ಹಿ ಕಞ್ಚುಕೋ.

ಅರಹದ್ಧಜೋ ಚ ಕಾಸಾಯ, ಕಾಸಾವಾನಿ ಚ ಚೀವರಂ;

ಮಣ್ಡಲಂ ತು ತದಙ್ಗಾನಿ, ವಿವಟ್ಟ ಕುಸಿಆದಯೋ.

ಫಲ,ತ್ತಚ, ಕಿಮಿ, ರೋಮಾ, ನ್ಯೇತಾ ವತ್ಥಸ್ಸ ಯೋನಿಯೋ;

ಫಾಲಂ ಕಪ್ಪಾಸಿಕಂ ತೀಸು, ಖೋಮಾದೀ ತು ತಚಬ್ಭವಾ.

ಕೋಸೇಯ್ಯಂ ¶ ಕಿಮಿಜಂ, ರೋಮ, ಮಯಂ ತು ಕಮ್ಬಲಂ ಭವೇ;

ಸಮಾನತ್ಥಾ ಜವನಿಕಾ, ಸಾ ತಿರೋಕರಣೀ ಪ್ಯಥ.

ಪುನ್ನಪುಂಸಕ ಮುಲ್ಲೋಚಂ, ವಿತಾನಂ ದ್ವಯ ಮೀರಿತಂ;

ನಹಾನಞ್ಚ ಸಿನಾನೇ ಥೋ, ಬ್ಬಟ್ಟನು’ಮ್ಮಜ್ಜನಂ ಸಮಂ.

ವಿಸೇಸಕೋ ತು ತಿಲಕೋ, ತ್ಯೂಭೋ ನಿತ್ಥೀ ಚ ಚಿತ್ತಕಂ;

ಚನ್ದನೋ ನಿತ್ಥಿಯಂ ಗನ್ಧ, ಸಾರೋ ಮಲಯಜೋ ಪ್ಯಥ.

ಗೋಸೀಸಂ ತೇಲಪಣ್ಣಿಕಂ, ಪುಮೇ ವಾ ಹರಿಚನ್ದನಂ;

ತಿಲಪಣ್ಣೀ ತು ಪತ್ತಙ್ಗ, ರಞ್ಜನಂ ರತ್ತಚನ್ದನಂ.

ಕಾಳಾನುಸಾರೀ ಕಾಳಿಯಂ, ಲೋಹಂ ತ್ವಾ’ಗರು ಚಾ’ಗಳು;

ಕಾಳಾಗರುತು ಕಾಳೇ’ಸ್ಮಿಂ, ತುರುಕ್ಖೋತು ಚ ಪಿಣ್ಡಕೋ.

ಕತ್ಥೂರಿಕಾ ಮಿಗಮದೋ, ಕುಟ್ಠಂ ತು ಅಜಪಾಲಕಂ;

ಲವಙ್ಗಂ ದೇವಕುಸುಮಂ, ಕಸ್ಮೀರಜಂ ತು ಕುಙ್ಕುಮಂ.

ಯಕ್ಖಧೂಪೋ ಸಜ್ಜುಲಸೋ, ತಕ್ಕೋಲಂ ತು ಚ ಕೋಲಕಂ;

ಕೋಸಫಲ ಮಥೋ ಜಾತಿ, ಕೋಸಂ ಜಾತಿಫಲಂ ಭವೇ.

ಘನಸಾರೋ ಸಿತಬ್ಭೋ ಚ, ಕಪ್ಪೂರಂ ಪುನ್ನಪುಂಸಕೇ;

ಅಲತ್ತಕೋ ಯಾವಕೋ ಚ, ಲಾಖಾ ಜತು ನಪುಂಸಕೇ.

ಸಿರಿವಾಸೋ ತು ಸರಲ, ದ್ದವೋ’ ಞ್ಜನಂ ತು ಕಜ್ಜಲಂ;

ವಾಸಚುಣ್ಣಂ ವಾಸಯೋಗೋ, ವಣ್ಣಕಂ ತು ವಿಲೇಪನಂ.

ಗನ್ಧಮಾಲ್ಯಾದಿಸಙ್ಖಾರೋ, ಯೋ ತಂ ವಾಸನ ಮುಚ್ಚತೇ;

ಮಾಲಾ ಮಾಲ್ಯಂ ಪುಪ್ಫದಾಮೇ [ಪುಪ್ಫಂ ದಾಮಂ (ಕ.)], ಭಾವಿತಂ ವಾಸಿತಂ ತಿಸು.

ಉತ್ತಂಸೋ ಸೇಖರಾ’ ವೇಳಾ, ಮುದ್ಧಮಾಲ್ಯೇ ವಟಂಸಕೋ;

ಸೇಯ್ಯಾ ಚ ಸಯನಂ ಸೇನಂ, ಪಲ್ಲಙ್ಕೋ ತು ಚ ಮಞ್ಚಕೋ.

ಮಞ್ಚಾಧಾರೋ ಪಟಿಪಾದೋ, ಮಞ್ಚಙ್ಗೇ ತ್ವಟನೀ ತ್ಥಿಯಂ,

ಕುಳೀರಪಾದೋ ಆಹಚ್ಚ, ಪಾದೋ ಚೇವ ಮಸಾರಕೋ;

ಚತ್ತಾರೋ ಬುನ್ದಿಕಾಬದ್ಧೋ, ತಿಮೇ ಮಞ್ಚನ್ತರಾ ಸಿಯುಂ.

ಬಿಬ್ಬೋಹನಂ ಚೋ’ ಪಧಾನಂ, ಪೀಠಿಕಾ ಪೀಠ ಮಾಸನಂ;

ಕೋಚ್ಛಂ ತು ಭದ್ದಪೀಠೇ ಥಾ, ಸನ್ದೀ ಪೀಠನ್ತರೇ ಮತಾ.

ಉಣ್ಣಾಮಯಂ ತ್ವತ್ಥರಣಂ, ಚಿತ್ತಕಂ ವಾನಚಿತ್ತಕಂ.

ಘನಪುಪ್ಫಂ ಪಟಲಿಕಾ, ಸೇತಂ ತು ಪಟಿಕಾ ಪ್ಯಥ;

ದ್ವಿದಸೇಕದಸಾನ್ಯು’ ದ್ದ,ಲೋಮಿ ಏಕನ್ತಲೋಮಿನೋ.

ತದೇವ ಸೋಳಸಿತ್ಥೀನಂ, ನಚ್ಚಯೋಗ್ಗಞ್ಹಿ ಕುತ್ತಕಂ;

ಸೀಹಬ್ಯಗ್ಘಾದಿರೂಪೇಹಿ, ಚಿತ್ತಂ ವಿಕತಿಕಾ ಭವೇ.

ಕಟ್ಟಿಸ್ಸಂ ಕೋಸೇಯ್ಯಂ ರತನ, ಪರಿಸಿಬ್ಬಿತ ಮತ್ಥರಣಂ ಕಮಾ;

ಕೋಸಿಯಕಟ್ಟಿಸ್ಸಮಯಂ, ಕೋಸಿಯಸುತ್ತೇನ ಪಕತಞ್ಚ.

ದೀಪೋ ಪದೀಪೋ ಪಜ್ಜೋತೋ, ಪುಮೇ ತ್ವಾದಾಸ ದಪ್ಪಣಾ;

ಗೇಣ್ಡುಕೋ ಕಣ್ಡುಕೋ ತಾಲ, ವಣ್ಟಂ ತು ಬೀಜನೀತ್ಥಿಯಂ.

ಚಙ್ಕೋಟಕೋ ಕರಣ್ಡೋ ಚ, ಸಮುಗ್ಗೋ ಸಮ್ಪುಟೋ ಭವೇ;

ಗಾಮಧಮ್ಮೋ ಅಸದ್ಧಮ್ಮೋ, ಬ್ಯವಾಯೋ ಮೇಥುನಂ ರತಿ.

ವಿವಾಹೋ ಪಯಮಾ ಪಾಣಿ, ಗ್ಗಹೋ ಪರಿಣಯೋ ಪ್ಯಥ;

ತಿವಗ್ಗೋ ಧಮ್ಮ, ಕಾಮ,ತ್ಥಾ, ಚತುವಗ್ಗೋ ಸಮೋಕ್ಖಕಾ.

ಖುಜ್ಜೋ ಚ ಗಣ್ಡುಲೋ ರಸ್ಸ, ವಾಮನಾ ತು ಲಕುಣ್ಡಕೋ;

ಪಙ್ಗುಲೋ ಪೀಠಸಪ್ಪೀ ಚ, ಪಙ್ಗು ಛಿನ್ನಿರಿಯಾಪಥೋ.

ಕುಣೀ ಹತ್ಥಾದಿವಙ್ಕೋ ಚ, ವಲಿರೋ ತು ಚ ಕೇಕರೋ.

ಬಧಿರೋ ಸುತಿಹೀನೋ ಥ, ಗಿಲಾನೋ ಬ್ಯಾಧಿತಾ’ತುರಾ;

ಉಮ್ಮಾದವತಿ ಉಮ್ಮತ್ತೋ, ಖುಜ್ಜಾದೀ ವಾಚ್ಚಲಿಙ್ಗಿಕಾ.

ಆತಙ್ಕೋ ಆಮಯೋ ಬ್ಯಾಧಿ, ಗದೋ ರೋಗೋ ರುಜಾಪಿ ಚ;

ಪೀನಸೋ [ಪೀನಾಸೋತಿಪಿ ಪಾಠೋ] ¶ ನಾಸಿಕಾರೋಗೋ,

ಞೇಯ್ಯಂ ತ್ವ’ರು ವಣೋ ನಿತ್ಥೀ, ಫೋಟೋ ತು ಪಿಳಕಾ ಭವೇ.

ಪುಬ್ಬೋ ಪೂಯೋ ಥ ರತ್ತಾತಿ, ಸಾರೋ ಪಕ್ಖನ್ದಿಕಾ ಪ್ಯಥ;

ಅಪಮಾರೋ ಅಪಸ್ಮಾರೋ, ಪಾದಫೋಟೋ ವಿಪಾದಿಕಾ.

ವುಡ್ಢಿರೋಗೋ ತು ವಾತಣ್ಡಂ, ಸೀಪದಂ ಭಾರಪಾದತಾ;

ಕಣ್ಡೂ ಕಣ್ಡೂತಿ ಕಣ್ಡೂಯಾ, ಖಜ್ಜು ಕಣ್ಡೂವನಂ ಪ್ಯಥ.

ಪಾಮಂ ವಿತಚ್ಛಿಕಾ ಕಚ್ಛು, ಸೋಥೋ ತು ಸಯಥೂ’ದಿತೋ;

ದುನ್ನಾಮಕಞ್ಚ ಅರಿಸಂ, ಛದ್ದಿಕಾ ವಮಥೂ’ದಿತೋ.

ದವಥು ಪರಿತಾಪೋ ಥ, ತಿಲಕೋ ತಿಲಕಾಳಕೋ;

ವಿಸೂಚಿಕಾ ಇತಿ ಮಹಾ, ವಿರೇಕೋ ಥ ಭಗನ್ದಲೋ [ಭಗನ್ದರೋ (ಕ.)].

ಮೇಹೋ ಜರೋ ಕಾಸ ಸಾಸಾ, ಕುಟ್ಠಂ ಸೂಲಾಮಯನ್ತರಾ;

ವುತ್ತೋ ವೇಜ್ಜೋ ಭಿಸಕ್ಕೋ ಚ, ರೋಗಹಾರೀ ತಿಕಿಚ್ಛಕೋ.

ಸಲ್ಲವೇಜ್ಜೋ ಸಲ್ಲಕತ್ತೋ, ತಿಕಿಚ್ಛಾ ತು ಪತಿಕ್ರಿಯಾ;

ಭೇಸಜ್ಜ ಮಗದೋ ಚೇವ, ಭೇಸಜಂ ಮೋ’ಸಧಂ ಪ್ಯಥ.

ಕುಲಂ ವಂಸೋ ಚ ಸನ್ತಾನಾ, ಭಿಜನಾ ಗೋತ್ತ ಮನ್ವಯೋ;

ಥಿಯಂ ಸನ್ತತ್ಯ ಥೋ ವಣ್ಣಾ, ಚತ್ತಾರೋ ಖತ್ತಿಯಾದಯೋ.

ರಾಜಾ ಭೂಪತಿ ಭೂಪಾಲೋ, ಪತ್ಥಿವೋ ಚ ನರಾಧಿಪೋ.

ಭೂನಾಥೋ ¶ ಜಗತಿಪಾಲೋ, ದಿಸಮ್ಪತಿ ಜನಾಧಿಪೋ;

ರಟ್ಠಾಧಿಪೋ ನರದೇವೋ, ಭೂಮಿಪೋ ಭೂಭುಜೋ ಪ್ಯಥ.

ರಾಜಞ್ಞೋ ಖತ್ತಿಯೋ ಖತ್ತಂ, ಮುದ್ಧಾಭಿಸಿತ್ತ ಬಾಹುಜಾ;

ಸಬ್ಬಭುಮ್ಮೋ ಚಕ್ಕವತ್ತೀ, ಭೂಪೋಞ್ಞೋ ಮಣ್ಡಲಿಸ್ಸರೋ.

ಪುಮೇ ಲಿಚ್ಛವಿ ವಜ್ಜೀ ಚ, ಸಕ್ಯೋ ತು ಸಾಕಿಯೋ ಥ ಚ;

ಭದ್ದಕಚ್ಚಾನಾ [ಭದ್ದಾ ಕಚ್ಚಾನಾ (ಟೀ.)] ರಾಹುಲ, ಮಾತಾ ಬಿಮ್ಬಾ ಯಸೋಧರಾ.

ಕೋಟೀನಂ ಹೇಟ್ಠಿಮನ್ತೇನ, ಸತಂ ಯೇಸಂ ನಿಧಾನಗಂ;

ಕಹಾಪಣಾನಂ ದಿವಸ, ವಳಞ್ಜೋ ವೀಸತಮ್ಬಣಂ.

ತೇ ಖತ್ತಿಯಮಹಾಸಾಲಾ, ಸೀತಿ ಕೋಟಿಧನಾನಿ ತು;

ನಿಧಾನಗಾನಿ ದಿವಸ, ವಳಞ್ಜೋ ಚ ದಸಮ್ಬಣಂ.

ಯೇಸಂ ದ್ವಿಜಮಹಾಸಾಲಾ, ತದುಪಡ್ಢೇ ನಿಧಾನಗೇ;

ವಳಞ್ಜೇ ಚ ಗಹಪತಿ, ಮಹಾಸಾಲಾ ಧನೇ ಸಿಯುಂ.

ಮಹಾಮತ್ತೋ ಪಧಾನಞ್ಚ, ಮತಿಸಜೀವೋ ಮನ್ತಿನೀ;

ಸಜೀವೋ ಸಚಿವಾ, ಮಚ್ಚೋ, ಸೇನಾನೀ ತು ಚಮೂಪತಿ.

ನ್ಯಾಸಾದೀನಂ ವಿವಾದಾನಂ, ಅಕ್ಖದಸ್ಸೋ ಪದಟ್ಠರಿ;

ದೋವಾರಿಕೋ ಪತೀಹಾರೋ, ದ್ವಾರಟ್ಠೋ ದ್ವಾರಪಾಲಕೋ.

ಅನೀಕಟ್ಠೋತಿ ರಾಜೂನಂ, ಅಙ್ಗರಕ್ಖಗಣೋ ಮತೋ;

ಕಞ್ಚುಕೀ ಸೋವಿದಲ್ಲೋ ಚ, ಅನುಜೀವೀ ತು ಸೇವಕೋ.

ಸದೇಸಾನನ್ತರೋ ಸತ್ತು, ಮಿತ್ತೋರಾಜಾ ತತೋ ಪರಂ.

ಅಮಿತ್ತೋ ರಿಪು ವೇರೀ ಚ, ಸಪತ್ತಾ ರಾತಿ ಸತ್ವ’ರಿ; (ಸತ್ತು+ಅರಿ)

ಪಚ್ಚತ್ಥಿಕೋ ಪರಿಪನ್ಥೀ, ಪಟಿಪಕ್ಖಾ ಹಿತಾಪರೋ.

ಪಚ್ಚಾಮಿತ್ತೋ ವಿಪಕ್ಖೋ ಚ, ಪಚ್ಚನೀಕ ವಿರೋಧಿನೋ;

ವಿದ್ದೇಸೀ ಚ ದಿಸೋ ದಿಟ್ಠೋ,ಥಾ ನುರೋಧೋ ನುವತ್ತನಂ.

ಮಿತ್ತೋ ನಿತ್ಥೀ ವಯಸ್ಸೋ ಚ, ಸಹಾಯೋ [ಸುಹಜ್ಜೋ (ಟೀ.)] ಸುಹದೋ ಸಖಾ;

ಸಮ್ಭತ್ತೋ ದಳ್ಹಮಿತ್ತೋ ಥ, ಸನ್ದಿಟ್ಠೋ ದಿಟ್ಠಮತ್ತಕೋ.

ಚರೋ ಚ ಗುಳ್ಹಪುರಿಸೋ, ಪಥಾವೀ ಪಥಿಕೋ’ದ್ಧಗೂ;

ದೂತೋ ತು ಸನ್ದೇಸಹರೋ, ಗಣಕೋ ತು ಮುಹುತ್ತಿಕೋ.

ಲೇಖಕೋ ¶ ಲಿಪಿಕಾರೋ ಚ, ವಣ್ಣೋ ತು ಅಕ್ಖರೋ ಪ್ಯಥ;

ಭೇದೋ ದಣ್ಡೋ ಸಾಮ ದಾನಾ, ನ್ಯುಪಾಯಾ ಚತುರೋ ಇಮೇ.

ಉಪಜಾಪೋತು ಭೇದೋ ಚ, ದಣ್ಡೋ ತು ಸಾಹಸಂ ದಮೋ;

ಸಾಮ್ಯ’ ಮಚ್ಚೋ ಸಖಾ ಕೋಸೋ, ದುಗ್ಗಞ್ಚ ವಿಜಿತಂ ಬಲಂ;

ರಜ್ಜಙ್ಗಾನೀತಿ ಸತ್ತೇತೇ, ಸಿಯುಂ ಪಕತಿಯೋ ಪಿಚ.

ಪಭಾವು’ಸ್ಸಾಹ, ಮನ್ತಾನಂ, ವಸಾ ತಿಸ್ಸೋ ಹಿ ಸತ್ತಿಯೋ;

ಮನ್ತೋ ಚ ಮನ್ತನಂ ಸೋ ತು, ಚತುಕ್ಕಣ್ಣೋ ದ್ವಿಗೋಚರೋ;

ತಿಗೋಚರೋ ತು ಛಕ್ಕಣ್ಣೋ, ರಹಸ್ಸಂ ಗುಯ್ಹ ಮುಚ್ಚತೇ.

ತೀಸು ವಿವಿತ್ತ ವಿಜನ, ಛನ್ನಾ, ರಹೋ ರಹೋ ಬ್ಯಯಂ;

ಓವಾದೋ ಚಾನುಸಿಟ್ಠಿತ್ಥೀ, ಪುಮವಜ್ಜೇ ನುಸಾಸನಂ;

ಆಣಾ ಚ ಸಾಸನಂ ಞೇಯ್ಯಂ, ಉದ್ದಾನಂ ತು ಚ ಬನ್ಧನಂ.

ಆಗು ವುತ್ತ [ಮನ್ತು (ಕ.)] ಮಪರಾಧೋ, ಕರೋ ತು ಬಲಿ ಮುಚ್ಚತೇ;

ಪುಣ್ಣಪತ್ತೋ ತುಟ್ಠಿದಾಯೋ, ಉಪದಾ ತು ಚ ಪಾಭತಂ.

ತಥೋ’ಪಾಯನ ಮುಕ್ಕೋಚೋ, ಪಣ್ಣಾಕಾರೋ ಪಹೇಣಕಂ;

ಸುಙ್ಕಂ ತ್ವನಿತ್ಥೀ ಗುಮ್ಬಾದಿ, ದೇಯ್ಯೇ ಥಾ’ಯೋ ಧನಾಗಮೋ.

ಆತಪತ್ತಂ ತಥಾ ಛತ್ತಂ, ರಞ್ಞಂ ತು ಹೇಮಮಾಸನಂ;

ಸೀಹಾಸನಂ ಅಥೋ ವಾಳ, ಬೀಜನೀತ್ಥೀ ಚ ಚಾಮರಂ.

ಖಗ್ಗೋ ಚ ಛತ್ತ ಮುಣ್ಹೀಸಂ, ಪಾದುಕಾ ವಾಲಬೀಜನೀ;

ಇಮೇ ಕಕುಧಭಣ್ಡಾನಿ, ಭವನ್ತಿ ಪಞ್ಚ ರಾಜುನಂ.

ಭದ್ದಕುಮ್ಭೋ ಪುಣ್ಣಕುಮ್ಭೋ, ಭಿಙ್ಕಾರೋ ಜಲದಾಯಕೋ;

ಹತ್ಥಿ,ಸ್ಸ,ರಥ,ಪತ್ತೀ ತು, ಸೇನಾ ಹಿ ಚತುರಙ್ಗಿನೀ.

ಕುಞ್ಜರೋ ವಾರಣೋ ಹತ್ಥೀ, ಮಾತಙ್ಗೋ ದ್ವಿರದೋ ಗಜೋ;

ಕಾಳಾವಕ ¶ ಗಙ್ಗೇಯ್ಯಾ, ಪಣ್ಡರ ತಮ್ಬಾ ಚ ಪಿಙ್ಗಲೋ ಗನ್ಧೋ;

ಕಲಭೋ ಚೇವ ಭಿಙ್ಕೋಥ, ಪಭಿನ್ನೋ ಮತ್ತ ಗಜ್ಜಿತಾ;

ಹತ್ಥಿಘಟಾ ತು ಗಜತಾ, ಹತ್ಥೀನೀ ತು ಕರೇಣುಕಾ.

ಕುಮ್ಭೋ ಹತ್ಥಿಸಿರೋಪಿಣ್ಡಾ, ಕಣ್ಣಮೂಲಂ ತು ಚೂಲಿಕಾ;

ಆಸನಂ ಖನ್ಧದೇಸಮ್ಹಿ, ಪುಚ್ಛಮೂಲಂ ತು ಮೇಚಕೋ.

ಆಲಾನ ಮಾಳ್ಹಕೋ ಥಮ್ಭೋ, ನಿತ್ಥೀತು ನಿಗಳೋ’ನ್ದುಕೋ;

ಮಜ್ಝಮ್ಹಿ ಬನ್ಧನಂ ಕಚ್ಛಾ, ಕಪ್ಪನೋ ತು ಕುಥಾದಯೋ.

ಓಪವಯ್ಹೋ ರಾಜವಯ್ಹೋ, ಸಜ್ಜಿತೋ ತು ಚ ಕಪ್ಪಿತೋ;

ತೋಮರೋ ನಿತ್ಥಿಯಂ ಪಾದೇ, ಸಿಯಾ ವಿಜ್ಝನಕಣ್ಟಕೋ.

ತುತ್ತಂ ತು ಕಣ್ಣಮೂಲಮ್ಹಿ, ಮತ್ಥಕಮ್ಹಿ ತು ಅಙ್ಕುಸೋ;

ಗಾಮಣೀಯೋ ತು ಮಾತಙ್ಗ, ಹಯಾದ್ಯಾಚರಿಯೋ ಭವೇ;

ಘೋಟಕೋ ತು ಖಳುಙ್ಕೋ ಥ, ಜವನೋ ಚ ಜವಾಧಿಕೋ;

ಮುಖಾಧಾನಂ ಖಲೀನೋ ವಾ, ಕಸಾ ತ್ವ ಸ್ಸಾಭಿತಾಳಿನೀ.

ಕುಸಾ ತು ನಾಸರಜ್ಜುಮ್ಹಿ, ವಳವಾ’ಸ್ಸಾ ಖುರೋ ಸಫಂ;

ಪುಚ್ಛ ಮನಿತ್ಥೀ ನಙ್ಗುಟ್ಠಂ, ವಾಲಹತ್ಥೋ ಚ ವಾಲಧಿ.

ಸನ್ದನೋ ¶ ಚ ರಥೋ ಫುಸ್ಸ, ರಥೋ ತು ನರಣಾಯ ಸೋ;

ಸಿವಿಕಾ ಯಾಪ್ಯಯಾನಞ್ಚಾ, ನಿತ್ಥೀ ತು ಸಕಟೋ ಪ್ಯ’ನಂ [(ಸಕಟೋ ಪಿ+ಅನಂ)];

ಚಕ್ಕಂ ರಥಙ್ಗ ಮಾಖ್ಯಾತಂ, ತಸ್ಸನ್ತೋ ನೇಮಿ ನಾರಿಯಂ.

ತಮ್ಮಜ್ಝೇ ಪಿಣ್ಡಿಕಾ ನಾಭಿ, ಕುಬ್ಬರೋ ತು ಯುಗನ್ಧರೋ;

ಅಕ್ಖಗ್ಗಕೀಲೇ ಆಣೀತ್ಥೀ, ವರುಥೋ ರಥಗುತ್ಯ’ಥ.

ಧುರೋ ಮುಖೇ ರಥಸ್ಸಙ್ಗಾ, ತ್ವ ಕ್ಖೋ ಪಕ್ಖರಆದಯೋ;

ಯಾನಞ್ಚ ವಾಹನಂ ಯೋಗ್ಗಂ, ಸಬ್ಬಹತ್ಥ್ಯಾದಿವಾಹನೇ.

ರಥಚಾರೀ ತು ಸೂತೋ ಚ, ಪಾಜಿತಾ ಚೇವ ಸಾರಥೀ;

ಪದಾತಿ ಪತ್ತೀ ತು ಪುಮೇ, ಪದಗೋ ಪದಿಕೋ ಮತೋ;

ಸನ್ನಾಹೋ ಕಙ್ಕಟೋ ವಮ್ಮಂ, ಕವಚೋ ವಾ ಉರಚ್ಛದೋ.

ಜಾಲಿಕಾ ಥ ಚ ಸನ್ನದ್ಧೋ, ಸಜ್ಜೋ ಚ ವಮ್ಮಿಕೋ ಭವೇ;

ಆಮುಕ್ಕೋ ಪಟಿಮುಕ್ಕೋ ಥ, ಪುರೇಚಾರೀ ಪುರೇಚರೋ.

ಪುಬ್ಬಙ್ಗಮೋ ಪುರೇಗಾಮೀ, ಮನ್ದಗಾಮೀ ತು ಮನ್ಥರೋ;

ಜವನೋ ತುರಿತೋ ವೇಗೀ, ಜೇತಬ್ಬಂ ಜೇಯ್ಯ ಮುಚ್ಚತೇ.

ಸೂರ ವೀರಾ ತು ವಿಕ್ಕನ್ತೋ, ಸಹಾಯೋ ನುಚರೋ ಸಮಾ;

ಸನ್ನದ್ಧಪ್ಪಭುತೀ ತೀಸು, ಪಾಥೇಯ್ಯಂ ತು ಚ ಸಮ್ಬಲಂ.

ವಾಹಿನೀ ಧಜಿನೀ ಸೇನಾ, ಚಮೂ ಚಕ್ಕಂ ಬಲಂ ತಥಾ;

ಚತುಪೋಸೋತಿ ಏತೇನ, ಲಕ್ಖಣೇನಾ ಧಮನ್ತತೋ.

ಹತ್ಥಾನೀಕಂ ಹಯಾನೀಕಂ, ರಥಾನೀಕಂ ತಯೋ ತಯೋ;

ಗಜಾದಯೋ ಸಸತ್ಥಾ ತು, ಪತ್ತಾನೀಕಂ ಚತುಜ್ಜನಾ.

ಸಟ್ಠಿವಂಸಕಲಾಪೇಸು, ¶ ಪಚ್ಚೇಕಂ ಸಟ್ಠಿದಣ್ಡಿಸು;

ಧೂಲೀಕತೇಸು ಸೇನಾಯ, ಯನ್ತಿಯಾ ಕ್ಖೋಭನೀ [ಅಕ್ಖೋಭಿಣೀ (ಕ.)] ತ್ಥಿಯಂ.

ಸಮ್ಪತ್ತಿ ಸಮ್ಪದಾ ಲಕ್ಖೀ, ಸಿರೀ ವಿಪತ್ತಿ ಆಪದಾ;

ಅಥಾ ವುಧಞ್ಚ [ಆಯುಧನ್ತಿಪಿ ಪಾಠೋ] ಹೇತಿ’ತ್ಥೀ, ಸತ್ಥಂ ಪಹರಣಂ ಭವೇ.

ಮುತ್ತಾಮುತ್ತ ಮಮುತ್ತಞ್ಚ, ಪಾಣಿತೋ ಮುತ್ತಮೇವ ಚ;

ಯನ್ತಮುತ್ತನ್ತಿ ಸಕಲಂ, ಆಯುಧಂ ತಂ ಚತುಬ್ಬಿಧಂ.

ಮುತ್ತಾಮುತ್ತಞ್ಚ ಯಟ್ಠ್ಯಾದಿ, ಅಮುತ್ತಂ ಛುರಿಕಾದಿಕಂ;

ಪಾಣಿಮುತ್ತಂ ತು ಸತ್ಯಾದಿ, ಯನ್ತಮುತ್ತಂ ಸರಾದಿಕಂ.

ಇಸ್ಸಾಸೋ ಧನು ಕೋದಣ್ಡಂ, ಚಾಪೋ ನಿತ್ಥೀ ಸರಾಸನಂ;

ವಾಣೋ ಕಣ್ಡ ಮುಸು ದ್ವೀಸು, ಖುರಪ್ಪೋ [ಉರಪ್ಪೋ (ಕ.)] ತೇಜನಾ’ಸನಂ;

ತೂಣೀತ್ಥಿಯಂ ಕಲಾಪೋ ಚ, ತೂಣೋ ತೂಣೀರ ವಾಣಧಿ.

ಪಕ್ಖೋ ತು ವಾಜೋ ದಿದ್ಧೋ ತು, ವಿಸಪ್ಪಿತೋ ಸರೋ ಭವೇ;

ಲಕ್ಖಂ ವೇಜ್ಝಂ ಸರಬ್ಯಞ್ಚ, ಸರಾಭ್ಯಾಸೋ ತು’ಪಾಸನಂ.

ಮಣ್ಡಲಗ್ಗೋ ತು ನೇತ್ತಿಂಸೋ, ಅಸಿ ಖಗ್ಗೋ ಚ ಸಾಯಕೋ;

ಕೋಸಿತ್ಥೀ ತಬ್ಬಿಧಾನೇ ಥೋ, ಥರು ಖಗ್ಗಾದಿಮುಟ್ಠಿಯಂ.

ಖೇಟಕಂ ಫಲಕಂ ಚಮ್ಮಂ, ಇಲ್ಲೀ ತು ಕರಪಾಲಿಕಾ;

ಛುರಿಕಾ ಸತ್ಯ’ಸಿಪುತ್ತೀ, ಲಗುಳೋ ತು ಚ ಮುಗ್ಗರೋ.

ಸಲ್ಲೋ ನಿತ್ಥಿ ಸಙ್ಕು ಪುಮೇ, ವಾಸೀ ತು ತಚ್ಛನೀತ್ಥಿಯಂ;

ಕುಠಾರೀ [ಕುಧಾರೀ (ಟೀ.)] ತ್ಥೀಫರಸುಸೋ, ಟಙ್ಕೋ ಪಾಸಾಣದಾರಣೋ.

ಕಣಯೋ ಭಿನ್ದಿವಾಳೋ ಚ, ಚಕ್ಕಂ ಕುನ್ತೋ ಗದಾ ತಥಾ;

ನಿಯ್ಯಾನಂ ಗಮನಂ ಯಾತ್ರಾ, ಪಟ್ಠಾನಞ್ಚ ಗಮೋ ಗತಿ;

ಚುಣ್ಣೋ ಪಂಸು ರಜೋ ಚೇವ, ಧೂಲೀ’ತ್ಥೀ ರೇಣು ಚ ದ್ವಿಸು.

ಮಾಗಧೋ ¶ ಮಧುಕೋ ವುತ್ತೋ, ವನ್ದೀ ತು ಥುತಿಪಾಠಕೋ;

ಕೇತು ಧಜೋ ಪಟಾಕಾ ಚ, ಕದಲೀ ಕೇತನಂ ಪ್ಯಥ;

ಯೋ’ಹಂಕಾರೋ’ಞ್ಞಮಞ್ಞಸ್ಸ, ಸಾ’ ಹಮಹಮಿಕಾ ಭವೇ.

ಬಲಂ ಥಾಮೋ ಸಹಂ ಸತ್ತಿ, ವಿಕ್ಕಮೋ ತ್ವತಿಸೂರತಾ;

ರಣೇ ಜಿತಸ್ಸ ಯಂ ಪಾನಂ, ಜಯಪಾನನ್ತಿ ತಂ ಮತಂ.

ಸಙ್ಗಾಮೋ ಸಮ್ಪಹಾರೋ ಚಾ, ನಿತ್ಥಿಯಂ ಸಮರಂ ರಣಂ;

ಆಜಿತ್ಥೀ ಆಹವೋ ಯುದ್ಧ, ಮಾಯೋಧನಞ್ಚ ಸಂಯುಗಂ.

ಭಣ್ಡನಂ ತು ವಿವಾದೋ ಚ, ವಿಗ್ಗಹೋ ಕಲಹ ಮೇಧಗಾ;

ಉಪ್ಪಾದೋ [ಉಪ್ಪಾತೋ (ಕ.)೧೦೨೭-ಗಾಥಾ ಪಸ್ಸಿತಬ್ಬಾ] ಭೂತವಿಕತಿ, ಯಾ ಸುಭಾಸುಭಸೂಚಿಕಾ;

ಈತಿ ತ್ವಿತ್ಥೀ ಅಜಞ್ಞಞ್ಚ, ಉಪಸಗ್ಗೋ ಉಪದ್ದವೋ.

ನಿಬ್ಬುದ್ಧಂ [ನಿಯುದ್ಧಂ (ಕ.)] ಮಲ್ಲಯುದ್ಧಮ್ಹಿ, ಜಯೋ ತು ವಿಜಯೋ ಭವೇ;

ಪರಾಜಯೋ ರಣೇ ಭಙ್ಗೋ, ಪಲಾಯನ ಮಪಕ್ಕಮೋ.

ಮಾರಣಂ ಹನನಂ ಘಾತೋ, ನಾಸನಞ್ಚ ನಿಸೂದನಂ;

ಹಿಂಸನಂ ಸರಣಂ ಹಿಂಸಾ, ವಧೋ ಸಸನ ಘಾತನಂ.

ಮರಣಂ ಕಾಲಕಿರಿಯಾ, ಪಲಯೋ ಮಚ್ಚು ಅಚ್ಚಯೋ;

ನಿಧನೋ ನಿತ್ಥಿಯಂ ನಾಸೋ, ಕಾಲೋ’ನ್ತೋ ಚವನಂ ಭವೇ.

ಆಳಹನಂ ಸುಸಾನಞ್ಚಾ, ನಿತ್ಥಿಯಂ ಕುಣಪೋ ಛವೋ.

ಕಬನ್ಧೋ ನಿತ್ಥಿಯಂ ದೇಹೋ, ಸಿರೋಸುಞ್ಞೋ ಸಹಕ್ರಿಯೋ;

ಅಥ ಸಿವಥಿಕಾ ವುತ್ತಾ, ಸುಸಾನಸ್ಮಿಞ್ಹಿ ಆಮಕೇ.

ವನ್ದೀತ್ಥಿಯಂ ಕರಮರೋ, ಪಾಣೋ ತ್ವ’ಸು ಪಕಾಸಿತೋ;

ಕಾರಾ ತು ಬನ್ಧನಾಗಾರಂ, ಕಾರಣಾ ತು ಚ ಯಾತನಾ.

ಬ್ರಹ್ಮಬನ್ಧು ¶ ದ್ವಿಜೋ ವಿಪ್ಪೋ, ಬ್ರಹ್ಮಾ ಭೋವಾದೀ ಬ್ರಾಹ್ಮಣೋ;

ಬ್ರಹ್ಮಚಾರೀ ಗಹಟ್ಠೋ ಚ, ವನಪ್ಪತ್ಥೋ ಚ ಭಿಕ್ಖುತಿ;

ಭವನ್ತಿ ಚತ್ತಾರೋ ಏತೇ, ಅಸ್ಸಮಾ ಪುನ್ನಪುಂಸಕೇ.

ಚರನ್ತಾ ಸಹ ಸೀಲಾದೀ, ಸಬ್ರಹ್ಮಚಾರಿನೋ ಮಿಥು;

ಉಪಜ್ಝಾಯೋ ಉಪಜ್ಝಾ ಥಾ, ಚರಿಯೋ ನಿಸ್ಸಯದಾದಿಕೋ [ನಿಸ್ಸಯದಾಯಕೋ (ಟೀ.)].

ಉಪನೀಯಾ ಥವಾ ಪುಬ್ಬಂ, ವೇದ ಮಜ್ಝಾಪಯೇ ದ್ವಿಜೋ;

ಯೋ ಸಙ್ಗಂ ಸರಹಸ್ಸಞ್ಚಾ, ಚರಿಯೋ ಬ್ರಾಹ್ಮಣೇಸು ಸೋ.

ಪಾರಮ್ಪರಿಯ ಮೇತಿಹ್ಯಂ, ಉಪದೇಸೋ ತಥೇ’ತಿಹಾ;

ಯಾಗೋ ತು ಕತು ಯಞ್ಞೋ ಥ, ವೇದೀತ್ಥೀ ಭೂ ಪರಿಕ್ಖತಾ.

ಅಸ್ಸಮೇಧೋ ಚ ಪುರಿಸ, ಮೇಧೋ ಚೇವ ನಿರಗ್ಗಳೋ;

ಸಮ್ಮಾಪಾಸೋ ವಾಜಪೇಯ್ಯ, ಮಿತಿ ಯಾಗಾ ಮಹಾ ಇಮೇ.

ಇತ್ವಿಜೋ [ಇದಿತ್ವಿಜೋ (ಟೀ.)] ಯಾಜಕೋ ಚಾಥ,

ಪರಿಸಾ ಸಭಾ ಸಮಜ್ಜಾ ಚ, ತಥಾ ಸಮಿತಿ ಸಂಸದೋ.

ಚತಸ್ಸೋ ಪರಿಸಾ ಭಿಕ್ಖು, ಭಿಕ್ಖುನೀ ಚ ಉಪಾಸಕಾ;

ಉಪಾಸಿಕಾಯೋತಿ ಇಮಾ, ಥವಾ ಟ್ಠ ಪರಿಸಾ ಸಿಯುಂ.

ತಾವತಿಂಸ,ದ್ವಿಜ,ಕ್ಖತ್ತ,ಮಾರ,ಗ್ಗಹಪತಿಸ್ಸ ಚ;

ಸಮಣಾನಂ ವಸಾ ಚಾತು, ಮಹಾರಾಜಿಕ, ಬ್ರಹ್ಮುನಂ.

ಗಾಯತ್ತಿಪ್ಪಮುಖಂ ಛನ್ದಂ, ಚತುವೀಸ’ಕ್ಖರಂ ತು ಯಂ;

ವೇದಾನ ಮಾದಿಭೂತಂ ಸಾ, ಸಾವಿತ್ತೀ ತಿಪದಂ ಸಿಯಾ.

ಹಬ್ಯಪಾಕೇ ಚರು ಮತೋ, ಸುಜಾ ತು ಹೋಮದಬ್ಬಿಯಂ;

ಪರಮನ್ನಂ ತು ಪಾಯಾಸೋ, ಹಬ್ಯಂ ತು ಹವಿ ಕಥ್ಯತೇ.

ಯೂಪೋ ಥೂಣಾಯಂ ನಿಮ್ಮನ್ತ್ಯ, ದಾರುಮ್ಹಿ ತ್ವ’ರಣೀ ದ್ವಿಸು;

ಗಾಹಪ್ಪಚ್ಚಾ’ಹವನೀಯೋ, ದಕ್ಖಿಣಗ್ಗಿ ತಯೋ’ ಗ್ಗಯೋ.

ಚಾಗೋ ವಿಸ್ಸಜ್ಜನಂ ದಾನಂ, ವೋಸ್ಸಗ್ಗೋ ಚಾಪದೇಸನಂ;

ವಿಸ್ಸಾಣನಂ ವಿತರಣಂ, ವಿಹಾಯಿತಾ ಪವಜ್ಜನಂ.

ಪಞ್ಚ ¶ ಮಹಾಪರಿಚ್ಚಾಗೋ, ವುತ್ತೋ ಸೇಟ್ಠ, ಧನಸ್ಸ ಚ;

ವಸೇನ ಪುತ್ತ ದಾರಾನಂ, ರಜ್ಜಸ್ಸ’ ಙ್ಗಾನ ಮೇವ ಚ.

ಅನ್ನಂ ಪಾನಂ ಘರಂ ವತ್ಥಂ, ಯಾನಂ ಮಾಲಾ ವಿಲೇಪನಂ;

ಗನ್ಧೋ ಸೇಯ್ಯಾ ಪದೀಪೇಯ್ಯಂ, ದಾನವತ್ಥೂ ಸಿಯುಂ ದಸ.

ಮತತ್ಥಂ ತದಹೇ ದಾನಂ, ತೀಸ್ವೇತ ಮುದ್ಧದೇಹಿಕಂ;

ಪಿತುದಾನಂ ತು ನಿವಾಪೋ, ಸದ್ಧಂ ತು ತಂವ ಸಾತ್ಥತೋ.

ಪುಮೇ ಅತಿಥಿ ಆಗನ್ತು, ಪಾಹುನಾ ವೇಸಿಕಾ ಪ್ಯಥ;

ಅಞ್ಞತ್ಥ ಗನ್ತು ಮಿಚ್ಛನ್ತೋ, ಗಮಿಕೋ ಥಾ ಗ್ಘ ಮಗ್ಘಿಯಂ.

ಪಜ್ಜಂ ಪಾದೋದಕಾದೋ ಥ, ಸತ್ತಾ’ಗನ್ತ್ವಾದಯೋ ತಿಸು;

ಅಪಚಿತ್ಯ’ಚ್ಚನಾ ಪೂಜಾ, ಪಹಾರೋ ಬಲಿ ಮಾನನಾ.

ನಮಸ್ಸಾ ತು ನಮಕ್ಕಾರೋ, ವನ್ದನಾ ಚಾಭಿವಾದನಂ;

ಪತ್ಥನಾ ಪಣಿಧಾನಞ್ಚ, ಪುರಿಸೇ ಪಣಿಧೀರಿತೋ.

ಅಜ್ಝೇಸನಾ ತು ಸಕ್ಕಾರ, ಪುಬ್ಬಙ್ಗಮನಿಯೋಜನಂ;

ಪರಿಯೇಸನಾ ನ್ವೇಸನಾ, ಪರಿಯೇಟ್ಠಿ ಗವೇಸನಾ;

ಉಪಾಸನಂ ತು ಸುಸ್ಸೂಸಾ, ಸಾ ಪಾರಿಚರಿಯಾ ಭವೇ.

ಮೋನ ಮಭಾಸನಂ ತುಣ್ಹೀ, ಭಾವೋ ಥ ಪಟಿಪಾಟಿ ಸಾ;

ಅನುಕ್ಕಮೋ ಪರಿಯಾಯೋ, ಅನುಪುಬ್ಬ್ಯ’ಪುಮೇ ಕಮೋ.

ತಪೋ ಚ ಸಂಯಮೋ ಸೀಲಂ, ನಿಯಮೋ ತು ವತಞ್ಚ ವಾ;

ವೀತಿಕ್ಕಮೋ’ ಜ್ಝಚಾರೋ ಥ, ವಿವೇಕೋ ಪುಥುಗತ್ತತಾ.

ಖುದ್ದಾನುಖುದ್ದಕಂ ಆಭಿ, ಸಮಾಚಾರಿಕ ಮುಚ್ಚತೇ;

ಆದಿಬ್ರಹ್ಮಚರಿಯಂ ತು, ತದಞ್ಞಂ ಸೀಲ ಮೀರಿತಂ.

ಯೋ ಪಾಪೇಹಿ ಉಪಾವತ್ತೋ, ವಾಸೋ ಸದ್ಧಿಂ ಗುಣೇಹಿ ಸೋ;

ಉಪವಾಸೋತಿ ವಿಞ್ಞೇಯ್ಯೋ, ಸಬ್ಬಭೋಗವಿವಜ್ಜಿತೋ.

ತಪಸ್ಸೀ ಭಿಕ್ಖು ಸಮಣೋ, ಪಬ್ಬಜಿತೋ ತಪೋಧನೋ;

ವಾಚಂಯಮೋ ತು ಮುನಿ ಚ, ತಾಪಸೋ ತು ಇಸೀ ರಿತೋ.

ಯೇಸಂಯತಿನ್ದ್ರಿಯಗಣಾ, ಯತಯೋ ವಸಿನೋ ಚ ತೇ;

ಸಾರಿಪುತ್ತೋ’ಪತಿಸ್ಸೋ ತು, ಧಮ್ಮಸೇನಾಪತೀ ರಿತೋ.

ಸೋತಾಪನ್ನಾದಿಕಾ ಸೇಖಾ, ನರಿಯೋ ತು ಪುಥುಜ್ಜನೋ.

ಅಞ್ಞಾ ¶ ತು ಅರಹತ್ತಞ್ಚ, ಥೂಪೋ ತು ಚೇತಿಯಂ ಭವೇ;

ಧಮ್ಮಭಣ್ಡಾಗಾರಿಕೋ ಚ, ಆನನ್ದೋ ದ್ವೇ ಸಮಾ ಥ ಚ.

ವಿಸಾಖಾ ಮಿಗಾರಮಾತಾ, ಸುದತ್ತೋ’ ನಾಥಪಿಣ್ಡಿಕೋ;

ಭಿಕ್ಖುಪಿ ಸಾಮಣೇರೋ ಚ, ಸಿಕ್ಖಮಾನಾ ಚ ಭಿಕ್ಖುನೀ;

ಸಾಮಣೇರೀತಿ ಕಥಿತಾ, ಪಞ್ಚೇತೇ ಸಹಧಮ್ಮಿಕಾ.

ಪತ್ತೋ ತಿಚೀವರಂ ಕಾಯ, ಬನ್ಧನಂ ವಾಸಿ ಸೂಚಿ ಚ;

ಪರಿಸ್ಸಾವನ ಮಿಚ್ಚೇತೇ, ಪರಿಕ್ಖಾರಾ’ಟ್ಠ ಭಾಸಿತಾ.

ಸಾಮಣೇರೋ ಚ ಸಮಣು, ದ್ದೇಸೋ ಚಾಥ ದಿಗಮ್ಬರೋ;

ಅಚೇಳಕೋ ನಿಗಣ್ಠೋ ಚ, ಜಟಿಲೋ ತು ಜಟಾಧರೋ.

ಕುಟೀಸಕಾದಿಕಾ ಚತು, ತ್ತಿಂಸ ದ್ವಾಸಟ್ಠಿ ದಿಟ್ಠಿಯೋ;

ಇತಿ ಛನ್ನವುತಿ ಏತೇ, ಪಾಸಣ್ಡಾ ಸಮ್ಪಕಾಸಿತಾ.

ಪವಿತ್ತೋ ಪಯತೋ ಪೂತೋ, ಚಮ್ಮಂ ತು ಅಜಿನಂ ಪ್ಯಥ;

ದನ್ತಪೋಣೋ ದನ್ತಕಟ್ಠಂ, ವಕ್ಕಲೋ ವಾ ತಿರೀಟಕಂ.

ಪತ್ತೋ ಪಾತಿತ್ಥಿಯಂನಿತ್ಥೀ, ಕಮಣ್ಡಲು ತು ಕುಣ್ಡಿಕಾ;

ಅಥಾಲಮ್ಬಣದಣ್ಡಸ್ಮಿಂ, ಕತ್ತರಯಟ್ಠಿ ನಾರಿಯಂ.

ಯಂ ದೇಹಸಾಧನಾಪೇಕ್ಖಂ, ನಿಚ್ಚಂ ಕಮ್ಮಮಯಂ ಯಮೋ;

ಆಗನ್ತುಸಾಧನಂ ಕಮ್ಮಂ, ಅನಿಚ್ಚಂ ನಿಯಮೋ ಭವೇ.

ವೇಸ್ಸೋ ಚ ವೇಸಿಯಾನೋ ಥ, ಜೀವನಂ ವುತ್ತಿ ಜೀವಿಕಾ;

ಆಜೀವೋ ವತ್ತನಂ ಚಾಥ, ಕಸಿಕಮ್ಮಂ ಕಸಿತ್ಥಿಯಂ.

ವಾಣಿಜ್ಜಞ್ಚ ವಣಿಜ್ಜಾ ಥ, ಗೋರಕ್ಖಾ ಪಸುಪಾಲನಂ;

ವೇಸ್ಸಸ್ಸ ವುತ್ತಿಯೋ ತಿಸ್ಸೋ, ಗಹಟ್ಠಾ’ಗಾರಿಕಾ ಗಿಹಿ.

ಖೇತ್ತಾಜೀವೋ ಕಸ್ಸಕೋ ಥ, ಖೇತ್ತಂ ಕೇದಾರ ಮುಚ್ಚತೇ;

ಲೇಡ್ಡು’ತ್ತೋ ಮತ್ತಿಕಾಖಣ್ಡೋ, ಖಣಿತ್ತಿ’ತ್ಥ್ಯ’ವದಾರಣಂ.

ದಾತ್ತಂ ಲವಿತ್ತ ಮಸಿತಂ [‘‘ಅಸಿತ’’ ಸದ್ದೋ ಪುಂನಪುಂಸಕೇ-೧೦೦೫-ಗಾಥಾ ಪಸ್ಸಿತಬ್ಬಾ], ಪತೋದೋ ತುತ್ತ ಪಾಜನಂ;

ಯೋತ್ತಂ ತು ರಜ್ಜು ರಸ್ಮಿತ್ಥೀ, ಫಾಲೋ ತು ಕಸಕೋ ಭವೇ.

ನಙ್ಗಲಞ್ಚ ಹಲಂ ಸೀರೋ, ಈಸಾ ನಙ್ಗಲದಣ್ಡಕೋ;

ಸಮ್ಮಾ ತು ಯುಗಕೀಲಸ್ಮಿಂ, ಸೀತಾ ತು ಹಲಪದ್ಧತಿ.

ಮುಗ್ಗಾದಿಕೇ ¶ ಪರಣ್ಣಞ್ಚ, ಪುಬ್ಬಣ್ಣಂ ಸಾಲಿಆದಿಕೇ;

ಸಾಲಿ ವೀಹಿ ಚ ಕುದ್ರೂಸೋ, ಗೋಧುಮೋ ವರಕೋ ಯವೋ;

ಕಙ್ಗೂತಿ ಸತ್ತ ಧಞ್ಞಾನಿ, ನೀವಾರಾದೀ ತು ತಬ್ಭಿದಾ.

ಅಥ ಕಙ್ಗು ಪಿಯಙ್ಗು’ತ್ಥೀ, ಉಮ್ಮಾ ತು ಅತಸೀ ಭವೇ;

ಕಿಟ್ಠಞ್ಚ ಸಸ್ಸಂ ಧಞ್ಞಞ್ಚ [ವಿಞ್ಞೇಯ್ಯಂ (ಟೀ.)], ವೀಹಿ ಥಮ್ಬಕರೀ [ಥಮ್ಭಕರೀ (ಕ.)] ರಿತೋ.

ಕಣ್ಡೋ ತು ನಾಳ ಮಥ ಸೋ, ಪಲಾಲಂ ನಿತ್ಥಿ ನಿಪ್ಫಲೋ;

ಭುಸಂ ಕಲಿಙ್ಗರೋ ಚಾಥ, ಥುಸೋ ಧಞ್ಞತ್ತಚೇ ಥ ಚ.

ಖಲೋ ಚ ಧಞ್ಞಕರಣಂ, ಥಮ್ಬೋ [ಥಮ್ಭೋ (ಕ.)] ಗುಮ್ಬೋ ತಿಣಾದಿನಂ.

ಅಯೋಗ್ಗೋ ಮುಸಲೋ ನಿತ್ಥೀ, ಕುಲ್ಲೋ ಸುಪ್ಪ ಮನಿತ್ಥಿಯಂ;

ಅಥೋ’ದ್ಧನಞ್ಚ ಚುಲ್ಲಿ’ತ್ಥೀ, ಕಿಲಞ್ಜೋ ತು ಕಟೋ ಭವೇ.

ಕುಮ್ಭೀ’ತ್ಥೀ ಪಿಠರೋ ಕುಣ್ಡಂ, ಖಳೋಪ್ಯು’ಕ್ಖಲಿ ಥಾಲ್ಯು’ಖಾ;

ಕೋಲಮ್ಬೋ ಚಾಥ ಮಣಿಕಂ, ಭಾಣಕೋ ಚ ಅರಞ್ಜರೋ.

ಘಟೋ ದ್ವೀಸು ಕುಟೋ ನಿತ್ಥೀ, ಕುಮ್ಭೋ ಕಲಸ, ವಾರಕಾ;

ಕಂಸೋ ಭುಞ್ಜನಪತ್ತೋ ಥಾ, ಮತ್ತಂ ಪತ್ತೋ ಚ ಭಾಜನಂ.

ಅಣ್ಡುಪಕಂ ಚುಮ್ಬಟಕಂ, ಸರಾವೋ ತು ಚ ಮಲ್ಲಕೋ;

ಪುಮೇ ಕಟಚ್ಛುದಬ್ಬಿ’ತ್ಥೀ, ಕುಸೂಲೋ ಕೋಟ್ಠ ಮುಚ್ಚತೇ.

ಸಾಕೋ ಅನಿತ್ಥಿಯಂ ಡಾಕೋ, ಸಿಙ್ಗೀವೇರಂತು ಅದ್ದಕಂ;

ಮಹೋಸಧಂ ತು ತಂ ಸುಕ್ಖಂ, ಮರಿಚಂ ತು ಚ ಕೋಲಕಂ.

ಸೋವೀರಂ ಕಞ್ಜಿಯಂ ವುತ್ತಂ, ಆರನಾಳಂ ಥುಸೋದಕಂ;

ಧಞ್ಞಮ್ಬಿಲಂ ಬಿಳಙ್ಗೋ ಥ, ಲವಣಂ ಲೋಣ ಮುಚ್ಚತೇ.

ಸಾಮುದ್ದಂ ಸಿನ್ಧವೋ ನಿತ್ಥೀ, ಕಾಳಲೋಣಂ ತು ಉಬ್ಭಿದಂ;

ಬಿಳಕಂ [ಬಿಳಾಲ (ಕ.)] ಚೇತಿ ಪಞ್ಚೇತೇ, ಪಭೇದಾ ಲವಣಸ್ಸ ಹಿ.

ಗುಳೋ ಚ ಫಾಣಿತಂ ಖಣ್ಡೋ, ಮಚ್ಛಣ್ಡೀ ಸಕ್ಖರಾ ಇತಿ;

ಇಮೇ ಉಚ್ಛುವಿಕಾರಾ ಥ, ಗುಳಸ್ಮಿಂ ವಿಸಕಣ್ಟಕಂ.

ಲಾಜಾ ¶ ಸಿಯಾ’ಕ್ಖತಂ ಚಾಥ, ಧಾನಾ ಭಟ್ಠಯವೇ ಭವೇ;

ಅಬದ್ಧಸತ್ತು ಮನ್ಥೋ ಚ, ಪೂಪಾ’ ಪೂಪಾ ತು ಪಿಟ್ಠಕೋ.

ಭತ್ತಕಾರೋ ಸೂಪಕಾರೋ, ಸೂದೋ ಆಳಾರಿಕೋ ತಥಾ;

ಓದನಿಕೋ ಚ ರಸಕೋ, ಸೂಪೋ ತು ಬ್ಯಞ್ಜನಂ ಭವೇ.

ಓದನೋ ವಾ ಕುರಂ ಭತ್ತಂ, ಭಿಕ್ಖಾ ಚಾ’ನ್ನ ಮಥಾ ಸನಂ;

ಖಜ್ಜಂ ತು ಭೋಜ್ಜ ಲೇಯ್ಯಾನಿ, ಪೇಯ್ಯನ್ತಿ ಚತುಧಾ’ಸನಂ;

ಮಣ್ಡೋ ನಿತ್ಥೀರಸಗ್ಗಸ್ಮಿಂ, ವಿಘಾಸೋ ಭುತ್ತಸೇಸಕೇ;

ವಿಘಾಸಾದೋ ಚ ದಮಕೋ, ಪಿಪಾಸಾ ತು ಚ ತಸ್ಸನಂ.

ಖುದ್ದಾ ಜಿಘಚ್ಛಾ, ಮಂಸಸ್ಸ, ಪಟಿಚ್ಛಾದನಿಯಂ ರಸೋ;

ಉದ್ರೇಕೋ ಚೇವ ಉಗ್ಗಾರೋ, ಸೋಹಿಚ್ಚಂ ತಿತ್ತಿ ತಪ್ಪನಂ.

ಕಾಮಂ ತ್ವಿಟ್ಠಂ ನಿಕಾಮಞ್ಚ, ಪರಿಯತ್ತಂ ಯಥಚ್ಛಿತಂ;

ಕಯವಿಕ್ಕಯಿಕೋ ಸತ್ಥ,ವಾಹಾ’ ಪಣಿಕ ವಾಣಿಜಾ.

ಉತ್ತಮಣ್ಣೋ ಚ ಧನಿಕೋ, ಧಮಣ್ಣೋ ತು ಇಣಾಯಿಕೋ.

ಉದ್ಧಾರೋ ತು ಇಣಂ ವುತ್ತಂ, ಮೂಲಂ ತು ಪಾಭತಂ ಭವೇ;

ಸಚ್ಚಾಪನಂ ಸಚ್ಚಂಕಾರೋ, ವಿಕ್ಕೇಯ್ಯಂ ಪಣಿಯ್ಯಂ ತಿಸು.

ಪಟಿದಾನಂ ಪರಿವತ್ತೋ, ನ್ಯಾಸೋ ತೂ’ಪನಿಧೀ ರಿತೋ;

ಅಟ್ಠಾರಸನ್ತಾ ಸಙ್ಖ್ಯೇಯ್ಯೇ, ಸಙ್ಖ್ಯಾ ಏಕಾದಯೋ ತಿಸು;

ಸಙ್ಖ್ಯಾನೇ ತು ಚ ಸಙ್ಖ್ಯೇಯ್ಯೇ, ಏಕತ್ತೇ ವೀಸತಾದಯೋ;

ವಗ್ಗಭೇದೇ ಬಹುತ್ತೇಪಿ, ತಾ ಆನವುತಿ ನಾರಿಯಂ.

ಸತಂ ಸಹಸ್ಸಂ ನಿಯುತಂ [ನಹುತಂ-ನಯುತಂ (ಕತ್ಥಚಿ)], ಲಕ್ಖಂ ಕೋಟಿ ಪಕೋಟಿಯೋ;

ಕೋಟಿಪಕೋಟಿ ನಹುತಂ, ತಥಾ ನಿನ್ನಹುತಮ್ಪಿ ಚ.

ಅಕ್ಖೋಭನೀತ್ಥಿಯಂ ¶ [ಅಕ್ಖೋಭಿಣೀ (ಕ.)] ಬಿನ್ದು, ಅಬ್ಬುದಞ್ಚ ನಿರಬ್ಬುದಂ;

ಅಹಹಂ ಅಬಬಂ ಚೇವಾ, ಟಟಂ ಸೋಗನ್ಧಿ ಕುಪ್ಪಲಂ.

ಕುಮುದಂ ಪುಣ್ಡರೀಕಞ್ಚ, ಪದುಮಂ ಕಥಾನಮ್ಪಿ ಚ;

ಮಹಾಕಥಾನಾ’ಸಙ್ಖ್ಯೇಯ್ಯಾ, ನಿ’ಚ್ಚೇತಾಸು ಸತಾದಿ ಚ.

ಕೋಟ್ಯಾದಿಕಂ ದಸಗುಣಂ, ಸತಲಕ್ಖಗುಣಂ ಕಮಾ;

ತುಲಾ, ಪತ್ಥ, ಙ್ಗುಲಿ, ವಸಾ, ತಿಧಾ ಮಾನ ಮಥೋ ಸಿಯಾ.

ದ್ವೇ ಅಕ್ಖಾ ಮಾಸಕಾ ಪಞ್ಚ, ಕ್ಖಾನಂ ಧರಣಮಟ್ಠಕಂ.

ಸುವಣ್ಣೋ ಪಞ್ಚಧರಣಂ, ನಿಕ್ಖಂ ತ್ವನಿತ್ಥಿ ಪಞ್ಚ ತೇ;

ಪಾದೋ ಭಾಗೇ ಚತುತ್ಥೇ ಥ, ಧರಣಾನಿ ಪಲಂ ದಸ.

ತುಲಾ ಪಲಸತಂ ಚಾಥ, ಭಾರೋ ವೀಸತಿ ತಾ ತುಲಾ;

ಅಥೋ ಕಹಾಪಣೋ ನಿತ್ಥೀ, ಕಥ್ಯತೇ ಕರಿಸಾಪಣೋ.

ಆಳ್ಹಕೋ ಚತುರೋ ಪತ್ಥಾ, ದೋಣಂ ವಾಚತುರಾ’ಳ್ಹಕಂ.

ಮಾನಿಕಾ ಚತುರೋ ದೋಣಾ, ಖಾರೀತ್ಥೀ ಚತುಮಾನಿಕಾ;

ಆಳ್ಹಕೋ ನಿತ್ಥಿಯಂ ತುಮ್ಭೋ, ಪತ್ಥೋತು ನಾಳಿ ನಾರಿಯಂ;

ದಬ್ಬಂ ವಿತ್ತಂ ಸಾಪತೇಯ್ಯಂ, ವಸ್ವ’ತ್ಥೋ ವಿಭವೋ ಭವೇ.

ಕೋಸೋ ¶ ಹಿರಞ್ಞಞ್ಚ ಕತಾ, ಕತಂ ಕಞ್ಚನ, ರೂಪಿಯಂ;

ಕುಪ್ಪಂ ತದಞ್ಞಂ ತಮ್ಬಾದಿ, ರೂಪಿಯಂ ದ್ವಯ ಮಾಹತಂ.

ಸುವಣ್ಣಂ ಕನಕಂ ಜಾತ, ರೂಪಂ ಸೋಣ್ಣಞ್ಚ ಕಞ್ಚನಂ;

ಸತ್ಥುವಣ್ಣೋ ಹರೀ ಕಮ್ಬು, ಚಾರು ಹೇಮಞ್ಚ ಹಾಟಕಂ.

ತಪನಿಯಂ ಹಿರಞ್ಞಂ ತ, ಬ್ಭೇದಾ ಚಾಮೀಕರಮ್ಪಿ ಚ;

ಸಾತಕುಮ್ಭಂ ತಥಾ ಜಮ್ಬು, ನದಂ ಸಿಙ್ಗೀ ಚ ನಾರಿಯಂ.

ರೂಪಿಯಂ ರಜತಂ ಸಜ್ಝು, ರೂಪೀ ಸಜ್ಝಂ ಅಥೋ ವಸು;

ರತನಞ್ಚ ಮಣಿ ದ್ವೀಸು, ಪುಪ್ಫರಾಗಾದೀ ತಬ್ಭಿದಾ.

ಸುವಣ್ಣಂ ರಜತಂ ಮುತ್ತಾ, ಮಣಿ ವೇಳುರಿಯಾನಿ ಚ;

ವಜಿರಞ್ಚ ಪವಾಳನ್ತಿ, ಸತ್ತಾ’ಹು ರತನಾನಿ’ ಮೇ.

ಲೋಹಿತಙ್ಕೋ ಚ ಪದುಮ, ರಾಗೋ ರತ್ತಮಣಿ ಪ್ಯಥ;

ವಂಸವಣ್ಣೋ ವೇಳುರಿಯಂ, ಪವಾಳಂ ವಾ ಚ ವಿದ್ದುಮೋ.

ಮಸಾರಗಲ್ಲಂ ಕಬರಮಣಿ, ಅಥ ಮುತ್ತಾ ಚ ಮುತ್ತಿಕಂ;

ರೀತಿ [ರೀರೀ (ಟೀ.)] ತ್ಥೀ ಆರಕೂಟೋ ವಾ, ಅಮಲಂ ತ್ವ’ಬ್ಭಕಂ ಭವೇ.

ಕಾಳತಿಪು ತು ಸೀಸಞ್ಚ, ಹರಿತಾಲಂ ತು ಪೀತನಂ.

ಚಿನಪಿಟ್ಠಞ್ಚ ಸಿನ್ದೂರಂ, ಅಥ ತೂಲೋ ತಥಾ ಪಿಚು;

ಖುದ್ದಜಂ ತು ಮಧು ಖುದ್ದಂ, ಮಧುಚ್ಛಿಟ್ಠಂ ತು ಸಿತ್ಥಕಂ.

ಉಸಭೋ ಬಲೀಬದ್ಧೋ [ಬಲಿಬದ್ದ (ಕ.)] ಚ, ಗೋಣೋ ಗೋವಸಭೋ ವುಸೋ.

ವುದ್ಧೋ ಜರಗ್ಗವೋ ಸೋ ಥ, ದಮ್ಮೋ ವಚ್ಛತರೋ ಸಮಾ;

ಧುರವಾಹೀ ತು ಧೋರಯ್ಹೋ, ಗೋವಿನ್ದೋ ಧಿಕತೋ ಗವಂ.

ವಹೋ ಚ ಖನ್ಧದೇಸೋ ಥ, ಕಕುಧೋ [ಕಕುದೋ (ಕ.)] ಕಕು ವುಚ್ಚತೇ;

ಅಥೋ ವಿಸಾಣಂ ಸಿಙ್ಗಞ್ಚ, ರತ್ತಗಾವೀ ತು ರೋಹಿಣೀ.

ಗಾವೀ ಚ ಸಿಙ್ಗಿನೀ ಗೋ ಚ, ವಞ್ಝಾ ತು ಕಥ್ಯತೇ ವಸಾ;

ನವಪ್ಪಸೂತಿಕಾ ಧೇನು, ವಚ್ಛಕಾಮಾ ತು ವಚ್ಛಲಾ.

ಗಗ್ಗರೀ ¶ ಮನ್ಥನೀತ್ಥೀ ದ್ವೇ, ಸನ್ದಾನಂ ದಾಮಮುಚ್ಚತೇ;

ಗೋಮಿಳ್ಹೋ ಗೋಮಯೋ ನಿತ್ಥೀ, ಅಥೋ ಸಪ್ಪಿ ಘತಂ ಭವೇ.

ನವುದ್ಧಟಂ ತು ನೋನೀತಂ, ದಮಿಮಣ್ಡಂ ತು ಮತ್ಥು ಚ,

ಖೀರಂ ದುದ್ಧಂ ಪಯೋ ಥಞ್ಞಂ, ತಕ್ಕಂ ತು ಮಥಿತಂ ಪ್ಯಥ.

ಖೀರಂ ದಧಿ ಘತಂ ತಕ್ಕಂ, ನೋನೀತಂ ಪಞ್ಚ ಗೋರಸಾ;

ಉರಬ್ಭೋ ಮೇಣ್ಡ ಮೇಸಾ ಚ, ಉರಣೋ ಅವಿ ಏಳಕೋ.

ಗದ್ರಭೋ ತು ಖರೋ ವುತ್ತೋ, ಉರಣೀ ತು ಅಜೀ ಅಜಾ.

ಸುದ್ದೋ’ನ್ತವಣ್ಣೋ ವಸಲೋ, ಸಂಕಿಣ್ಣಾ ಮಾಗಧಾದಯೋ;

ಮಾಗಧೋ ಸುದ್ದಖತ್ತಾಜೋ, ಉಗ್ಗೋ ಸುದ್ದಾಯ ಖತ್ತಜೋ.

ದ್ವಿಜಾಖತ್ತಿಯಜೋ ಸೂತೋ, ಕಾರುತು ಸಿಪ್ಪಿಕೋಪುಮೇ;

ಸಙ್ಘಾತೋತು ಸಜಾತೀನಂ, ತೇಸಂ ಸೇಣೀ ದ್ವಿಸುಚ್ಚತೇ.

ತಚ್ಛಕೋ ತನ್ತವಾಯೋ ಚ, ರಜಕೋ ಚ ನಹಾಪಿತೋ;

ಪಞ್ಚಮೋ ಚಮ್ಮಕಾರೋತಿ, ಕಾರವೋ ಪಞ್ಚಿಮೇ ಸಿಯುಂ.

ತಚ್ಛಕೋ ವಡ್ಢಕೀ ಮತೋ, ಪಲಗಣ್ಡೋ ಥಪತ್ಯಪಿ;

ರಥಕಾರೋ ಥ ಸುವಣ್ಣ, ಕಾರೋ ನಾಳಿನ್ಧಮೋ ಭವೇ.

ಚಮ್ಮಕಾರೋ ರಥಕಾರೋ, ಕಪ್ಪಕೋ ತು ನಹಾಪಿತೋ;

ರಙ್ಗಾಜೀವೋ ಚಿತ್ತಕಾರೋ, ಪುಕ್ಕುಸೋ ಪುಪ್ಫಛಡ್ಡಕೋ.

ವೇನೋ ವಿಲೀವಕಾರೋ ಚ, ನಳಕಾರೋ ಸಮಾ ತಯೋ;

ನಿನ್ನೇಜಕೋ ಚ ರಜಕೋ, ನೇತ್ತಿಕೋ ಉದಹಾರಕೋ;

ವೀಣಾವಾದೀ ವೇಣಿಕೋ ಥ, ಉಸುಕಾರೋ’ ಸುವಡ್ಢಕೀ.

ಪಾಣಿವಾದೋ ತು ಪಾಣಿಘೋ [ಪಾಣಿಯೋ (ಕತ್ಥಚಿ)];

ಪೂಪಿಯೋ ಪೂಪಪಣಿಯೋ, ಸೋಣ್ಡಿಕೋ ಮಜ್ಜವಿಕ್ಕಯೀ.

ಮಾಯಾ ತು ಸಮ್ಬರೀ ಮಾಯಾ, ಕಾರೋ ತು ಇನ್ದಜಾಲಿಕೋ;

ಓರಬ್ಭಿಕಾ ಸೂಕರಿಕಾ, ಮಾಗವಿಕಾ ತೇ ಚ ಸಾಕುಣಿಕಾ;

ಹನ್ತ್ವಾ ಜೀವನ್ತೇ’ಳಕ, ಸೂಕರ, ಮಿಗ, ಪಕ್ಖಿನೋ ಕಮತೋ.

ವೇತನಿಕೋ ತು ಭತಕೋ, ಕಮ್ಮಕರೋ ಥ ಕಿಂ ಕರೋ;

ದಾಸೋ ಚ ಚೇಟಕೋ ಪೇಸ್ಸೋ, ಭಚ್ಚೋ ಚ ಪರಿಚಾರಿಕೋ.

ಅನ್ತೋಜಾತೋ ಧನಕ್ಕೀತೋ, ದಾಸಬ್ಯೋ’ಪಗತೋ ಸಯಂ;

ದಾಸಾ ಕರಮರಾನೀತೋ, ಚ್ಚೇವಂ ತೇ ಚತುಧಾ ಸಿಯುಂ.

ಸಪಾಕೋ ಚೇವ ಚಣ್ಡಾಲೋ, ಮಾತಙ್ಗೋ ಸಪಚೋ ಭವೇ;

ತಬ್ಭೇದಾ ಮಿಲಕ್ಖಜಾತೀ, ಕಿರಾತ, ಸವರಾದಯೋ.

ಸಾರಮೇಯ್ಯೋ ಚ ಸುನಖೋ, ಸುನೋ ಸೋಣೋ ಚ ಕುಕ್ಕುರೋ.

ಉಮ್ಮತ್ತಾದಿತ ಮಾಪನ್ನೋ, ಅಳಕ್ಕೋತಿ ಸುನೋ ಮತೋ.

ಸಾಬನ್ಧನಂ ತು ಗದ್ದೂಲೋ, ದೀಪಕೋ ತು ಚ ಚೇತಕೋ;

ಬನ್ಧನಂ ಗಣ್ಠಿ ಪಾಸೋ ಥ, ವಾಗುರಾ [ವಾಕರಾ (ಸೀ. ಟೀ.)] ಮಿಗಬನ್ಧನೀ.

ಥಿಯಂ ಕುವೇಣೀ ಕುಮೀನಂ, ಆನಯೋ ಜಾಲ ಮುಚ್ಚತೇ;

ಆಘಾತನಂ ವಧಟ್ಠಾನಂ, ಸೂನಾ ತು ಅಧಿಕೋಟ್ಟನಂ.

ಸುತ್ತಂ ತನ್ತು ಪುಮೇ ತನ್ತಂ, ಪೋತ್ಥಂ ಲೇಪ್ಯಾದಿಕಮ್ಮನಿ;

ಪಞ್ಚಾಲಿಕಾ ಪೋತ್ಥಲಿಕಾ, ವತ್ಥದನ್ತಾದಿನಿಮ್ಮಿತಾ.

ಉಗ್ಘಾಟನಂ ಘಟೀಯನ್ತಂ, ಕೂಪಮ್ಬುಬ್ಬಾಹನಂ ಭವೇ;

ಮಞ್ಜೂಸಾ ಪೇಳಾ ಪಿಟಕೋ, ತ್ವಿತ್ಥಿಯಂ ಪಚ್ಛಿ ಪೇಟಕೋ.

ಬ್ಯಾಭಙ್ಗೀ ತ್ವಿತ್ಥಿಯಂ ಕಾಜೋ, ಸಿಕ್ಕಾ ತ್ವತ್ರಾ’ವಲಮ್ಬನಂ;

ಉಪಾಹನೋ ವಾ ಪಾದು’ತ್ಥೀ, ತಬ್ಭೇದಾ ಪಾದುಕಾ ಪ್ಯಥ.

ವರತ್ತಾ ವದ್ಧಿಕಾ ನದ್ಧಿ, ಭಸ್ತಾ ಚಮ್ಮಪಸಿಬ್ಬಕಂ;

ಕಮ್ಮಾರಭಣ್ಡಾ ಸಣ್ಡಾಸೋ, ಮುಟ್ಠ್ಯಾ’ಧಿಕರಣೀತ್ಥೀಯಂ;

ತಬ್ಭಸ್ತಾ ಗಗ್ಗರೀ ನಾರೀ, ಸತ್ತಂ ತು ಪಿಪ್ಫಲಂ ಭವೇ.

ಖರೋ ಚ ಕಕಚೋ ನಿತ್ಥೀ, ಸಿಪ್ಪಂ ಕಮ್ಮಂ ಕಲಾದಿಕಂ.

ಪಟಿಮಾ ಪಟಿಬಿಮ್ಬಞ್ಚ, ಬಿಮ್ಬೋ ಪಟಿನಿಧೀರಿತೋ;

ತೀಸು ಸಮೋ ಪಟಿಭಾಗೋ, ಸನ್ನಿಕಾಸೋ ಸರಿಕ್ಖಕೋ.

ಓಪಮ್ಮ ಮುಪಮಾನಂ ಚು, ಪಮಾ ಭತಿ ತು ನಾರಿಯಂ.

ನಿಬ್ಬೇಸೋ ವೇತನಂ ಮೂಲ್ಯಂ, ಜೂತಂ ತ್ವನಿತ್ಥಿ ಕೇತವಂ;

ಧುತ್ತೋ’ಕ್ಖಧುತ್ತೋ ಕಿತವೋ, ಜೂತಕಾರ, ಕ್ಖದೇವಿನೋ.

ಪಾಟಿಭೋಗೋತು ಪಟಿಭೂ, ಅಕ್ಖೋ ತು ಪಾಸಕೋ ಭವೇ;

ಪುಮೇವಾ’ ಟ್ಠಪದಂ [ಅಟ್ಠಾಪದಂ (ಟೀ. ಸೀ.)] ಸಾರಿ, ಫಲಕೇ ಥ ಪಣೋ, ಬ್ಭುತೋ.

ಕಿಣ್ಣಂ ¶ ತು ಮದಿರಾಬೀಜೇ, ಮಧು ಮಧ್ವಾಸವೇ ಮತಂ;

ಮದಿರಾ ವಾರುಣೀ ಮಜ್ಜಂ, ಸುರಾ ಭವೋ ತು ಮೇರಯಂ.

ಸರಕೋ ಚಸಕೋ ನಿತ್ಥೀ, ಆಪಾನಂ ಪಾನಮಣ್ಡಲಂ;

ಯೇ’ತ್ರ ಭೂರಿಪ್ಪಯೋಗತ್ತಾ, ಯೋಗಿಕೇಕಸ್ಮಿ ಮೀರಿತಾ;

ಲಿಙ್ಗನ್ತರೇಪಿ ತೇ ಞೇಯ್ಯಾ, ತದ್ಧಮ್ಮತ್ತಾ’ಞ್ಞವುತ್ತಿಯನ್ತಿ.

ಅರಞ್ಞಂ ಕಾನನಂ ದಾಯೋ, ಗಹನಂ ವಿಪಿನಂ ವನಂ;

ಅಟವೀ’ತ್ಥೀ ಮಹಾರಞ್ಞಂ, ತ್ವ, ರಞ್ಞಾನೀತ್ಥಿಯಂ ಭವೇ.

ನಗರಾ ನಾತಿದೂರಸ್ಮಿಂ, ಸನ್ತೇಹಿ ಯೋ ಭಿರೋಪಿತೋ;

ತರುಸಣ್ಡೋ ಸ ಆರಾಮೋ, ತಥೋ ಪವನ ಮುಚ್ಚತೇ.

ಸಬ್ಬಸಾಧಾರಣಾ’ರಞ್ಞಂ, ರಞ್ಞ ಮುಯ್ಯಾನ ಮುಚ್ಚತೇ;

ಞೇಯ್ಯಂ ತದೇವ ಪಮದ, ವನ ಮನ್ತೇಪುರೋಚಿತಂ.

ಪನ್ತಿ ವೀಥ್ಯಾ’ವಲಿ ಸೇಣೀ, ಪಾಳಿ ಲೇಖಾ ತು ರಾಜಿ ಚ;

ಪಾದಪೋ ವಿಟಪೀ ರುಕ್ಖೋ, ಅಗೋ ಸಾಲೋ ಮಹೀರುಹೋ.

ದುಮೋ ತರು ಕುಜೋ ಸಾಖೀ, ಗಚ್ಛೋ ತು ಖುದ್ದಪಾದಪೋ;

ಫಲನ್ತಿ ಯೇ ವಿನಾ ಪುಪ್ಫಂ, ತೇ ವುಚ್ಚನ್ತಿ ವನಪ್ಪತೀ.

ತೀಸು ವಞ್ಚ್ಯಾ’ಫಲಾ ಚಾಥ, ಫಲಿನೋ ಫಲವಾ ಫಲೀ.

ಸಮ್ಫುಲ್ಲಿತೋ ತು ವಿಕಚೋ, ಫುಲ್ಲೋ ವಿಕಸಿತೋ ತಿಸು;

ಸಿರೋ’ಗ್ಗಂ ಸಿಖರೋ ನಿತ್ಥೀ, ಸಾಖಾ ತು ಕಥಿತಾ ಲತಾ.

ದಲಂ ಪಲಾಸಂ ಛದನಂ, ಪಣ್ಣಂ ಪತ್ತಂ ಛದೋ ಪ್ಯಥ;

ಪಲ್ಲವೋ ವಾ ಕಿಸಲಯಂ, ನವುಬ್ಭಿನ್ನೇ ತು ಅಙ್ಕುರೋ.

ಮಕುಲಂ ವಾ ಕುಟುಮಲೋ, ಖಾರಕೋ ತು ಚ ಜಾಲಕಂ;

ಕಲಿಕಾ ಕೋರಕೋ ನಿತ್ಥೀ, ವಣ್ಟಂ ಪುಪ್ಫಾದಿಬನ್ಧನಂ.

ಪಸವೋ ¶ ಕುಸುಮಂ ಪುಪ್ಫಂ, ಪರಾಗೋ ಪುಪ್ಫಜೋ ರಜೋ;

ಮಕರನ್ದೋ ಮಧು ಮತಂ, ಥವಕೋ ತು ಚ ಗೋಚ್ಛಕೋ.

ಚಮ್ಪಕ’ಮ್ಬಾದಿಕುಸುಮ, ಫಲನಾಮಂ ನಪುಂಸಕೇ.

ಮಲ್ಲಿಕಾದೀ ತು ಕುಸುಮೇ, ಸಲಿಙ್ಗಾ ವೀಹಯೋ ಫಲೇ;

ಜಮ್ಬೂ’ತ್ಥೀ ಜಮ್ಬವಂ ಜಮ್ಬೂ, ವಿಟಪೋ ವಿಟಭೀ’ತ್ಥಿಯಂ.

ಮೂಲ ಮಾರಬ್ಭ ಸಾಖನ್ತೋ, ಖನ್ಧೋ ಭಾಗೋ ತರುಸ್ಸ ಥ;

ಕೋಟರೋ ನಿತ್ಥಿಯಂ ರುಕ್ಖ, ಚ್ಛಿದ್ದೇ ಕಟ್ಠಂ ತು ದಾರು ಚ.

ಬುನ್ದೋ ಮೂಲಞ್ಚ ಪಾದೋ ಥ, ಸಙ್ಕು’ತ್ತೋ ಖಾಣುನಿತ್ಥಿಯಂ;

ಕರಹಾಟಂ ತು ಕನ್ದೋ ಥ, ಕಳೀರೋ ಮತ್ಥಕೋ ಭವೇ.

ವಲ್ಲರೀ ಮಞ್ಜರೀ ನಾರೀ, ವಲ್ಲೀ ತು ಕಥಿತಾ ಲತಾ;

ಥಮ್ಭೋ ಗುಮ್ಬೋ ಚ ಅಕ್ಖನ್ಧೇ, ಲತಾ ವಿರೂ ಪತಾನಿನೀ.

ಅಸ್ಸತ್ಥೋ ಬೋಧಿ ಚ ದ್ವೀಸು, ನಿಗ್ರೋಧೋ ತು ವಟೋ ಭವೇ;

ಕಬಿಟ್ಠೋ ಚ ಕಪಿತ್ಥೋ ಚ, ಯಞ್ಞಙ್ಗೋ ತು ಉದುಮ್ಬರೋ.

ಕೋವಿಳಾರೋ ಯುಗಪತ್ತೋ, ಉದ್ದಾಲೋ ವಾತಘಾತಕೋ;

ರಾಜರುಕ್ಖೋ ಕತಮಾಲೀ, ನ್ದೀವರೋ ಬ್ಯಾಧಿಘಾತಕೋ.

ದನ್ತಸಠೋ ಚ ಜಮ್ಭೀರೋ, ವರಣೋ ತು ಕರೇರಿ ಚ;

ಕಿಂ ಸುಕೋ ಪಾಲಿಭದ್ದೋಥ, ವಞ್ಜುಲೋ ತು ಚ ವೇತಸೋ.

ಅಮ್ಬಾಟಕೋಪೀತನಕೋ, ಮಧುಕೋ ತು ಮಧುದ್ದುಮೋ;

ಅಥೋ ಗುಳಫಲೋ ಪೀಲು, ಸೋಭಞ್ಜನೋ ಚ ಸಿಗ್ಗು ಚ.

ಸತ್ತಪಣ್ಣಿ ಛತ್ತಪಣ್ಣೋ, ತಿನಿಸೋ ತ್ವ ತಿಮುತ್ತಕೋ;

ಮಾಲೂರ ಬೇಲುವಾಬಿಲ್ಲೋ, ಪುನ್ನಾಗೋ ತು ಚ ಕೇಸರೋ;

ಸಾಲವೋ ತು ಚ ಲೋದ್ದೋ ಥ, ಪಿಯಾಲೋ ಸನ್ನಕದ್ದು ಚ.

ಪುಣ್ಡರೀಕೋ ¶ ಚ ಸೇತಮ್ಬೋ, ಸೇಲು ತು ಬಹುವಾರಕೋ;

ಸೇಪಣ್ಣೀ ಕಾಸ್ಮಿರೀ ಚಾಥ, ಕೋಲೀ ಚ ಬದರೀತ್ಥಿಯಂ.

ಕೋಲಂ ಚಾನಿತ್ಥೀ ಬದರೋ, ಪಿಲಕ್ಖೋ ಪಿಪ್ಪಲೀ’ತ್ಥಿಯಂ;

ಪಾಟಲೀ ಕಣ್ಹವನ್ತಾ ಚ, ಸಾದುಕಣ್ಟೋ ವಿಕಙ್ಕತೋ.

ತಿನ್ದುಕೋ ಕಾಳಕ್ಖನ್ಧೋ ಚ, ತಿಮ್ಬರೂಸಕ ತಿಮ್ಬರೂ;

ಏರಾವತೋ ತು ನಾರಙ್ಗೋ, ಕುಲಕೋ ಕಾಕತಿನ್ದುಕೋ.

ಕದಮ್ಬೋ ಪಿಯಕೋ ನೀಪೋ, ಭಲ್ಲೀ ಭಲ್ಲಾತಕೋ ತಿಸು;

ಝಾವುಕೋ ಪಿಚುಲೋ ಚಾಥ, ತಿಲಕೋ ಖುರಕೋ ಭವೇ.

ಚಿಞ್ಚಾ ಚ ತಿನ್ತಿಣೀ ಚಾಥ, ಗದ್ದಭಣ್ಡೋ ಕಪೀತನೋ;

ನಿಚುಲೋ ಮುಚಲಿನ್ದೋ ಚ, ನೀಪೋ ಥ ಪಿಯಕೋ ತಥಾ;

ಖೀರಿಕಾ ರಾಜಾಯತನಂ, ಕುಮ್ಭೀ ಕುಮುದಿಕಾ ಭವೇ;

ಯೂಪೋ [ಪೂಗೋ (ಕ.)] ತು ಕಮುಕೋ ಚಾಥ, ಪಟ್ಟಿ ಲಾಖಾಪಸಾದನೋ.

ಇಙ್ಗುದೀ ತಾಪಸತರು, ಭುಜಪತ್ತೋ ತು ಆಭುಜೀ;

ಪಿಚ್ಛಿಲಾ ಸಿಮ್ಬಲೀ ದ್ವೀಸು, ರೋಚನೋ ಕೋಟಸಿಮ್ಬಲೀ.

ಪಕಿರಿಯೋ ಪೂತಿಕೋ ಥ, ರೋಹೀ ರೋಹಿತಕೋ ಭವೇ;

ಏರಣ್ಡೋ ತು ಚ ಆಮಣ್ಡೋ, ಅಥ ಸತ್ತುಫಲಾ ಸಮೀ.

ನತ್ತಮಾಲೋ ಕರಞ್ಜೋ ಥ, ಖದಿರೋ ದನ್ತಧಾವನೋ;

ಸೋಮವಕ್ಕೋ ತು ಕದರೋ, ಸಲ್ಲೋತು ಮದನೋ ಭವೇ.

ಅಥಾಪಿ ಇನ್ದಸಾಲೋ ಚ, ಸಲ್ಲಕೀ ಖಾರಕೋ ಸಿಯಾ;

ದೇವದಾರು ಭದ್ದದಾರು, ಚಮ್ಪೇಯ್ಯೋ ತು ಚ ಚಮ್ಪಕೋ.

ಪನಸೋ ಕಣ್ಟಕಿಫಲೋ, ಅಭಯಾ ತು ಹರೀತಕೀ;

ಅಕ್ಖೋ ವಿಭೀತಕೋ ತೀಸು, ಅಮತಾ’ಮಲಕೀ ತಿಸು.

ಲಬುಜೋ ಲಿಕುಚೋ ಚಾಥ, ಕಣಿಕಾರೋ ದುಮುಪ್ಪಲೋ;

ನಿಮ್ಬೋ’ರಿಟ್ಠೋ ಪುಚಿಮನ್ದೋ, ಕರಕೋ ತು ಚ ದಾಳಿಮೋ.

ಸರಲೋ ¶ ಪೂತಿಕಟ್ಠಞ್ಚ, ಕಪಿಲಾ ತು ಚ ಸಿಂಸಪಾ;

ಸಾಮಾ ಪಿಯಙ್ಗು ಕಙ್ಗುಪಿ, ಸಿರೀಸೋ ತು ಚ ಭಣ್ಡಿಲೋ.

ಕಾಕೋದುಮ್ಬರಿಕಾ ಫೇಗ್ಗು, ನಾಗೋ ತು ನಾಗಮಾಲಿಕಾ.

ಅಸೋಕೋ ವಞ್ಜುಲೋ ಚಾಥ, ತಕ್ಕಾರೀ ವೇಜಯನ್ತಿಕಾ;

ತಾಪಿಞ್ಛೋ ಚ ತಮಾಲೋ ಥ, ಕುಟಜೋ ಗಿರಿಮಲ್ಲಿಕಾ.

ಇನ್ದಯವೋ ಫಲೇ ತಸ್ಸಾ, ಗ್ಗಿಮನ್ಥೋ ಕಣಿಕಾ ಭವೇ;

ನಿಗುಣ್ಠಿ’ತ್ಥೀ ಸಿನ್ದುವಾರೋ, ತಿಣಸುಞ್ಞಂ [ತಿಣಸೂಲಂ (ಟೀ.)] ತು ಮಲ್ಲಿಕಾ.

ಸೇಫಾಲಿಕಾ ನೀಲಿಕಾ ಥ, ಅಪ್ಫೋಟಾ ವನಮಲ್ಲಿಕಾ;

ಬನ್ಧುಕೋ ಜಯಸುಮನಂ, ಭಣ್ಡಿಕೋ ಬನ್ಧುಜೀವಕೋ.

ಸುಮನಾ ಜಾತಿಸುಮನಾ, ಮಾಲತೀ ಜಾತಿ ವಸ್ಸಿಕೀ;

ಯೂಥಿಕಾ ಮಾಗಧೀ ಚಾಥ, ಸತ್ತಲಾ ನವಮಲ್ಲಿಕಾ.

ವಾಸನ್ತೀ,ತ್ಥೀ ಅತಿಮುತ್ತೋ, ಕರವೀರೋ’ಸ್ಸಮಾರಕೋ;

ಮಾತುಲುಙ್ಗೋ ಬೀಜಪೂರೋ, ಉಮ್ಮತ್ತೋ ತು ಚ ಮಾತುಲೋ.

ಕರಮನ್ದೋ ಸುಸೇನೋ ಚ, ಕುನ್ದಂ ತು ಮಾಘ್ಯ ಮುಚ್ಚತೇ;

ದೇವತಾಸೋ [ದೇವತಾಡೋ (ಸೀ. ಅಮರಕೋಸ)] ತು ಜೀಮೂತೋ,

ಅಜ್ಜುಕೋ ಸಿತಪಣ್ಣಾಸೋ, ಸಮೀರಣೋ ಫಣಿಜ್ಜಕೋ.

ರುಕ್ಖಾದನೀ ಚ ವನ್ದಾಕಾ, ಚಿತ್ತಕೋ ತ್ವ’ಗ್ಗಿಸಞ್ಞಿತೋ.

ಪೂತಿಲತಾ ಗಳೋಚೀ ಚ, ಮುಬ್ಬಾ ಮಧುರಸಾ ಪ್ಯಥ.

ಕಪಿಕಚ್ಛು ದುಫಸ್ಸೋ ಥ, ಮಞ್ಜಿಟ್ಠಾ ವಿಕಸಾ ಭವೇ;

ಅಮ್ಬಟ್ಠಾ ಚ ತಥಾ ಪಾಠಾ, ಕಟುಕಾ ಕಟುರೋಹಿಣೀ.

ಅಪಾಮಗ್ಗೋ ¶ ಸೇಖರಿಕೋ, ಪಿಪ್ಪಲೀ ಮಾಗಧೀ ಮತಾ;

ಗೋಕಣ್ಟಕೋ ಚ ಸಿಙ್ಘಾಟೋ, ಕೋಲವಲ್ಲೀ’ಭಪಿಪ್ಪಲೀ.

ಗೋಲೋಮೀ ತು ವಚಾ ಚಾಥ, ಗಿರಿಕಣ್ಯ’ಪರಾಜಿತಾ;

ಸೀಹಪುಚ್ಛೀ ಪಞ್ಹಿಪಣ್ಣೀ, ಸಾಲಪಣ್ಣೀ ತು ಚ’ತ್ಥಿರಾ; (ಚಥಿರಾ).

ನಿದಿದ್ಧಿಕಾ ತು ಬ್ಯಗ್ಘೀ ಚ, ಅಥ ನೀಲೀ ಚ ನೀಲಿನೀ;

ಜಿಞ್ಜುಕೋ [ಜಿಞ್ಜುಕಾ (ಕ.)] ಚೇವ ಗುಞ್ಜಾ ಥ, ಸತಮೂಲೀ ಸತಾವರೀ.

ಮಹೋಸಧಂ ತ್ವ’ತಿವಿಸಾ, ಬಾಕುಚೀ ಸೋಮವಲ್ಲಿಕಾ;

ದಾಬ್ಬೀ ದಾರುಹಲಿದ್ದಾ ಥ, ಬಿಳಙ್ಗಂ ಚಿತ್ರತಣ್ಡುಲಾ.

ನುಹೀ ಚೇವ ಮಹಾನಾಮೋ, ಮುದ್ದಿಕಾ ತು ಮಧುರಸಾ;

ಅಥಾಪಿ ಮಧುಕಂ ಯಟ್ಠಿ, ಮಧುಕಾಮಧುಯಟ್ಠಿಕಾ [ಮಧುಲಟ್ಠಿಕಾ (ಸೀ. ಟೀ.)].

ವಾತಿಙ್ಗಣೋ ಚ ಭಣ್ಡಾಕೀ, ವಾತ್ತಾಕೀ ಬ್ರಹತೀ ಪ್ಯಥ;

ನಾಗಬಲಾ ಚೇವ ಝಸಾ, ಲಾಙ್ಗಲೀ ತು ಚ ಸಾರದೀ.

ರಮ್ಭಾ ಚ ಕದಲೀ ಮೋಚೋ, ಕಪ್ಪಾಸೀ ಬದರಾ ಭವೇ;

ನಾಗಲತಾ ತು ತಮ್ಬೂಲೀ, ಅಗ್ಗಿಜಾಲಾ ತು ಧಾತಕೀ.

ತಿವುತಾ ತಿಪುಟಾ ಚಾಥ, ಸಾಮಾ ಕಾಳಾ ಚ ಕಥ್ಯತೇ;

ಅಥೋ ಸಿಙ್ಗೀ ಚ ಉಸಭೋ, ರೇಣುಕಾ ಕಪಿಳಾ ಭವೇ.

ಹಿರಿವೇರಞ್ಚ ವಾಲಞ್ಚ, ರತ್ತಫಲಾ ತು ಬಿಮ್ಬಿಕಾ;

ಸೇಲೇಯ್ಯ’ ಮಸ್ಮಪುಪ್ಫಞ್ಚ, ಏಲಾ ತು ಬಹುಲಾ ಭವೇ.

ಕುಟ್ಠಞ್ಚ ಬ್ಯಾಧಿ ಕಥಿತೋ, ವಾನೇಯ್ಯಂ ತು ಕುಟನ್ನಟಂ;

ಓಸಧಿ ಜಾತಿಮತ್ತಮ್ಹಿ, ಓಸಧಂ ಸಬ್ಬ’ ಮಜಾತಿಯಂ.

ಮೂಲಂ ಪತ್ತಂ ಕಳೀರ’ಗ್ಗಂ, ಕನ್ದಂ ಮಿಞ್ಜಾ ಫಲಂ ತಥಾ;

ತಚೋ ಪುಪ್ಫಞ್ಚ ಛತ್ತನ್ತಿ, ಸಾಕಂ ದಸವಿಧಂ ಮತಂ.

ಜೀವನ್ತಿ ಜೀವನೀ ಚಾಥ, ಮಧುರಕೋ ಚ ಜೀವಕೋ.

ಮಹಾಕನ್ದೋ ಚ ಲಸುಣಂ, ಪಲಣ್ಡು ತು ಸುಕನ್ದಕೋ;

ಪಟೋಲೋ ತಿತ್ತಕೋ ಚಾಥ, ಭಿಙ್ಗರಾಜೋ ಚ ಮಕ್ಕವೋ.

ಪುನನ್ನವಾ ¶ ಸೋಥಘಾತೀ, ವಿತುನ್ನಂ ಸುನಿಸಣ್ಣಕಂ;

ಕಾರವೇಲ್ಲೋ ತು ಸುಸವೀ, ತುಮ್ಬ್ಯಾ’ಲಾಬು ಚ ಲಾಬು ಸಾ.

ಏಳಾಲುಕಞ್ಚ ಕಕ್ಕಾರೀ, ಕುಮ್ಭಣ್ಡೋ ತು ಚ ವಲ್ಲಿಭೋ;

ಇನ್ದವಾರುಣೀ ವಿಸಾಲಾ, ವತ್ಥುಕಂ ವತ್ಥುಲೇಯ್ಯಕೋ.

ಮೂಲಕೋ ನಿತ್ಥಿಯಂ ಚುಚ್ಚು, ತಮ್ಬಕೋ ಚ ಕಲಮ್ಬಕೋ;

ಸಾಕಭೇದಾ ಕಾಸಮದ್ದ, ಝಜ್ಝರೀ ಫಗ್ಗವಾ’ದಯೋ.

ಸದ್ದಲೋ ಚೇವ ದುಬ್ಬಾ ಚ, ಗೋಲೋಮೀ ಸಾ ಸಿತಾ ಭವೇ;

ಗುನ್ದಾ ಚ ಭದ್ದಮುತ್ತಞ್ಚ, ರಸಾಲೋ ತು’ಚ್ಛು ವೇಳು ತು.

ತಚಸಾರೋ ವೇಣು ವಂಸೋ, ಪಬ್ಬಂ ತು ಫಲು ಗಣ್ಠಿಸೋ;

ಕೀಚಕಾ ತೇ ಸಿಯುಂ ವೇಣೂ, ಯೇ ನದನ್ತ್ಯಾ’ನಿಲದ್ಧುತಾ.

ನಳೋ ಚ ಧಮನೋ ಪೋಟ, ಗಲೋ ತು ಕಾಸ ಮಿತ್ಥಿ ನ;

ತೇಜನೋ ತು ಸರೋ, ಮೂಲಂ, ತೂ’ ಸೀರಂ ಬೀರಣಸ್ಸ ಹಿ.

ಕುಸೋ ವರಹಿಸಂ ದಬ್ಬೋ, ಭೂತಿಣಕಂ ತು ಭೂತಿಣಂ;

ತಾಲೋ ವಿಭೇದಿಕಾ ಚಾಥ, ಖಜ್ಜುರೀ ಸಿನ್ದಿ ವುಚ್ಚತಿ;

ಹಿನ್ತಾಲ, ತಾಲ, ಖಜ್ಜೂರೀ, ನಾಲಿಕೇರಾ ತಥೇವ ಚ;

ತಾಲೀ ಚ ಕೇತಕೀ ನಾರೀ, ಪೂಗೋ ಚ ತಿಣಪಾದಪಾತಿ.

ಪಬ್ಬತೋ ಗಿರಿ ಸೇಲೋ’ದ್ದಿ, ನಗಾ’ಚಲ, ಸಿಲುಚ್ಚಯಾ;

ಸಿಖರೀ ಭೂಧರೋಥ ಬ್ಭ, ಪಾಸಾಣಾ’ಸ್ಮೋ’ಪಲೋ ಸಿಲಾ.

ಗಿಜ್ಝಕೂಟೋ ಚ ವೇಭಾರೋ, ವೇಪುಲ್ಲೋ’ಸಿಗಿಲೀ ನಗಾ;

ವಿಞ್ಝೋ ಪಣ್ಡವ ವಙ್ಕಾದೀ, ಪುಬ್ಬಸೇಲೋ ತು ಚೋ’ದಯೋ;

ಮನ್ದರೋ ಪರಸೇಲೋ’ತ್ಥೋ, ಹಿಮವಾ ತು ಹಿಮಾಚಲೋ.

ಗನ್ಧಮಾದನ ಕೇಲಾಸ, ಚಿತ್ತಕೂಟ ಸುದಸ್ಸನಾ;

ಕಾಲಕೂಟೋ ತಿಕೂಟಾ’ಸ್ಸ, ಪತ್ಥೋ ತು ಸಾನು ನಿತ್ಥಿಯಂ.

ಕೂಟೋ ¶ ವಾ ಸಿಖರಂ ಸಿಙ್ಗಂ, ಪಪಾತೋ ತು ತಟೋ ಭವೇ;

ನಿತಮ್ಬೋ ಕಟಕೋ ನಿತ್ಥೀ, ನಿಜ್ಝರೋ ಪಸವೋ’ಮ್ಬುನೋ.

ದರೀ’ತ್ಥೀ ಕನ್ದರೋ ದ್ವೀಸು, ಲೇಣಂ ತು ಗಬ್ಭರಂ ಗುಹಾ;

ಸಿಲಾಪೋಕ್ಖರಣೀ ಸೋಣ್ಡೀ, ಕುಞ್ಜಂ ನಿಕುಞ್ಜ ಮಿತ್ಥಿ ನ.

ಉದ್ಧ ಮಧಿಚ್ಚಕಾ ಸೇಲ, ಸ್ಸಾಸನ್ನಾ ಭೂಮ್ಯು ಪಚ್ಚಕಾ;

ಮಿಗಿನ್ದೋ ಕೇಸರೀ ಸೀಹೋ, ತರಚ್ಛೋ ತು ಮಿಗಾದನೋ;

ಬ್ಯಗ್ಘೋ ತು ಪುಣ್ಡರೀಕೋ ಥ, ಸದ್ದೂಲೋ ದೀಪಿನೀ’ರಿತೋ.

ಖಗ್ಗ ಖಗ್ಗವಿಸಾಣಾ ತು, ಪಲಾಸಾದೋ ಚ ಗಣ್ಡಕೋ;

ಬ್ಯಗ್ಘಾದಿಕೇ ವಾಳಮಿಗೋ, ಸಾಪದೋ ಥ ಪ್ಲವಙ್ಗಮೋ.

ಮಕ್ಕಟೋ ವಾನರೋ ಸಾಖಾ, ಮಿಗೋ ಕಪಿ ವಲೀಮುಖೋ;

ಗೋನಙ್ಗುಲೋ [ಗೋನಙ್ಗಲೋ (ಟೀ.)] ತಿ ಸೋ ಮತೋ.

ಸಿಙ್ಗಾಲೋ [ಸಿಗಾಲೋ (ಸೀ.)] ಜಮ್ಬುಕೋ ಕೋತ್ಥು, ಭೇರವೋ ಚ ಸಿವಾ ಪ್ಯಥ;

ಬಿಳಾರೋ ಬಬ್ಬು ಮಞ್ಜಾರೋ, ಕೋಕೋ ತು ಚ ವಕೋ ಭವೇ.

ಹರಿಣೋ ಮಿಗ ಸಾರಙ್ಗಾ, ಮಗೋ ಅಜಿನಯೋನಿ ಚ;

ಏಣೇಯ್ಯೋ ¶ ಏಣೀಮಿಗೋ ಚ, ಪಮ್ಪಟಕೋ ತು ಪಮ್ಪಕೋ;

ವಾತಮಿಗೋ ತು ಚಲನೀ, ಮೂಸಿಕೋ ತ್ವಾ’ಖು ಉನ್ದುರೋ.

ಚಮರೋ ಪಸದೋ ಚೇವ, ಕುರುಙ್ಗೋ ಮಿಗಮಾತುಕಾ;

ರುರು ರಙ್ಕು ಚ ನೀಕೋ ಚ, ಸರಭಾದೀ ಮಿಗನ್ತರಾ.

ಪಿಯಕೋ ಚಮೂರು ಕದಲೀ, ಮಿಗಾದೀ ಚಮ್ಮಯೋನಯೋ;

ಮಿಗಾ ತು ಪಸವೋ ಸೀಹಾ, ದಯೋ ಸಬ್ಬಚತುಪ್ಪದಾ.

ಲೂತಾ ತು ಲೂತಿಕಾ ಉಣ್ಣ, ನಾಭಿ ಮಕ್ಕಟಕೋ ಸಿಯಾ;

ವಿಚ್ಛಿಕೋ ತ್ವಾ’ಳಿ ಕಥಿತೋ, ಸರಬೂ ಘರಗೋಳಿಕಾ.

ಗೋಧಾ ಕುಣ್ಡೋ ಪ್ಯಥೋ ಕಣ್ಣ, ಜಲೂಕಾ ಸತಪದ್ಯಥ;

ಕಲನ್ದಕೋ ಕಾಳಕಾ ಥ, ನಕುಲೋ ಮಙ್ಗುಸೋ ಭವೇ.

ಕಕಣ್ಟಕೋ ಚ ಸರಟೋ, ಕೀಟೋ ತು ಪುಳವೋ ಕಿಮಿ;

ವಿಹಙ್ಗೋ ವಿಹಗೋ ಪಕ್ಖೀ, ವಿಹಙ್ಗಮ ಖಗ’ಣ್ಡಜಾ;

ಸಕುಣೋ ಚ ಸಕುನ್ತೋ ವಿ, ಪತಙ್ಗೋ ಸಕುಣೀ ದ್ವಿಜೋ.

ವಕ್ಕಙ್ಗೋ ಪತ್ತಯಾನೋ ಚ, ಪತನ್ತೋ ನೀಳಜೋ ಭವೇ;

ತಬ್ಭೇದಾ ವಟ್ಟಕಾ ಜೀವ, ಞ್ಜೀವೋ ಚಕೋರ ತಿತ್ತಿರಾ.

ಸಾಳಿಕಾ ಕರವೀಕೋ ಚ, ರವಿಹಂಸೋ ಕುಕುತ್ಥಕೋ;

ಕಾರಣ್ಡವೋ ಚ ಪಿಲವೋ [ಬಿಲವೋ (ಟೀ.)], ಪೋಕ್ಖರಸಾತಕಾ’ದಯೋ.

ಪತತ್ತಂ ಪೇಖುಣಂ ಪತ್ತಂ, ಪಕ್ಖೋ ಪಿಞ್ಛಂ ಛದೋ ಗರು;

ಅಣ್ಡಂ ತು ಪಕ್ಖಿಬೀಜೇ ಥ, ನೀಳೋ ನಿತ್ಥೀ ಕುಲಾವಕಂ.

ಸುಪಣ್ಣಮಾತಾ ವಿನತಾ, ಮಿಥುನಂ ಥೀಪುಮದ್ವಯಂ;

ಯುಗಂ ತು ಯುಗಲಂ ದ್ವನ್ದಂ, ಯಮಕಂ ಯಮಲಂ ಯಮಂ.

ಸಮೂಹೋ ಗಣ ಸಙ್ಘಾತಾ, ಸಮುದಾಯೋ ಚ ಸಞ್ಚಯೋ;

ಸನ್ದೋಹೋ ನಿವಹೋ ಓಘೋ, ವಿಸರೋ ನಿಕರೋ ಚಯೋ.

ಕಾಯೋ ಖನ್ಧೋ ಸಮುದಯೋ, ಘಟಾ ಸಮಿತಿ ಸಂಹತಿ;

ರಾಸಿ ಪುಞ್ಜೋ ಸಮವಾಯೋ, ಪೂಗೋ ಜಾತಂ ಕದಮ್ಬಕಂ.

ಬ್ಯೂಹೋ ¶ ವಿತಾನ ಗುಮ್ಬಾ ಚ, ಕಲಾಪೋ ಜಾಲ ಮಣ್ಡಲಂ;

ಸಜಾತಿಕಾನಂ ತು ಕುಲಂ, ನಿಕಾಯೋ ತು ಸಧಮ್ಮಿನಂ;

ಯೂಥೋ ನಿತ್ಥೀ ಸಜಾತಿಯ, ತಿರಚ್ಛಾನಾನಮುಚ್ಚತೇ.

ಸುಪಣ್ಣೋ ವೇನತೇಯ್ಯೋ ಚ, ಗರುಳೋ ವಿಹಗಾಧಿಪೋ;

ಪರಪುಟ್ಠೋ ಪರಭತೋ, ಕುಣಾಲೋ ಕೋಕಿಲೋ ಪಿಕೋ.

ಮೋರೋ ಮಯೂರೋ ವರಹೀ, ನೀಲಗೀವ ಸಿಖಣ್ಡಿನೋ;

ಕಲಾಪೀ ಚ ಸಿಖೀ ಕೇಕೀ, ಚೂಳಾ ತು ಚ ಸಿಖಾ ಭವೇ.

ಸಿಖಣ್ಡೋ ವರಹಞ್ಚೇವ, ಕಲಾಪೋ ಪಿಞ್ಛ ಮಪ್ಯಥ;

ಚನ್ದಕೋ ಮೇಚಕೋ ಚಾಥ, ಛಪ್ಪದೋ ಚ ಮಧುಬ್ಬತೋ.

ಮಧುಲೀಹೋ ಮಧುಕರೋ, ಮಧುಪೋ ಭಮರೋ ಅಲಿ;

ಪಾರಾವತೋ ಕಪೋತೋ ಚ, ಕಕುಟೋ ಚ ಪಾರೇವತೋ.

ಗಿಜ್ಝೋ ಗದ್ಧೋಥ ಕುಲಲೋ, ಸೇನೋ ಬ್ಯಗ್ಘೀನಸೋ ಪ್ಯಥ;

ತಬ್ಭೇದಾ ಸಕುಣಗ್ಘಿ’ತ್ಥೀ, ಆಟೋ ದಬ್ಬಿಮುಖದ್ವಿಜೋ.

ಉಹುಙ್ಕಾರೋ ಉಲೂಕೋ ಚ, ಕೋಸಿಯೋ ವಾಯಸಾರಿ ಚ;

ಕಾಕೋ ತ್ವ’ರಿಟ್ಠೋ ಧಙ್ಕೋ ಚ, ಬಲಿಪುಟ್ಠೋ ಚ ವಾಯಸೋ.

ವಾರಣೋ ಹತ್ಥಿಲಿಙ್ಗೋ ಚ, ಹತ್ಥಿಸೋಣ್ಡವಿಹಙ್ಗಮೋ.

ಉಕ್ಕುಸೋ ಕುರರೋ ಕೋಲ,ಟ್ಠಿಪಕ್ಖಿಮ್ಹಿ ಚ ಕುಕ್ಕುಹೋ;

ಸುವೋ ತು ಕೀರೋ ಚ ಸುಕೋ, ತಮ್ಬಚೂಳೋ ತು ಕುಕ್ಕುಟೋ.

ವನಕುಕ್ಕುಟೋ ಚ ನಿಜ್ಜಿವ್ಹೋ, ಅಥ ಕೋಞ್ಚಾ ಚ ಕುನ್ತನೀ;

ಚಕ್ಕವಾಕೋ ತು ಚಕ್ಕವ್ಹೋ, ಸಾರಙ್ಗೋತು ಚ ಚಾತಕೋ.

ಲೋಹಪಿಟ್ಠೋ ತಥಾ ಕಙ್ಕೋ, ಖಞ್ಜರೀಟೋ ತು ಖಞ್ಜನೋ;

ಕಲವಿಙ್ಕೋ ತು ಚಾಟಕೋ, ದಿನ್ದಿಭೋ ತು ಕಿಕೀ ಭವೇ.

ಕಾದಮ್ಬೋ ¶ ಕಾಳಹಂಸೋಥ, ಸಕುನ್ತೋ ಭಾಸಪಕ್ಖಿನಿ;

ಖುದ್ದಾದೀ ಮಕ್ಖಿಕಾಭೇದಾ, ಡಂಸೋ ಪಿಙ್ಗಲಮಕ್ಖಿಕಾ;

ಆಸಾಟಿಕಾ ಮಕ್ಖಿಕಾಣ್ಡಂ, ಪತಙ್ಗೋ ಸಲಭೋ ಭವೇ.

ಸೂಚಿಮುಖೋ ಚ ಮಕಸೋ, ಚೀರೀ ತು ಝಲ್ಲಿಕಾ [ಝಿಲ್ಲಿಕಾ (ಕ.)] ಥ ಚ;

ಜತುಕಾ ಜಿನಪತ್ತಾ ಥ, ಹಂಸೋ ಸೇತಚ್ಛದೋ ಭವೇ.

ತೇ ರಾಜಹಂಸಾ ರತ್ತೇಹಿ, ಪಾದತುಣ್ಡೇಹಿ ಭಾಸಿತಾ;

ಮಲ್ಲಿಕಾ’ಖ್ಯಾ ಧತರಟ್ಠಾ, ಮಲೀನೇಹ್ಯ’ಸಿತೇಹಿ ಚ.

೬೪೮. ತಿರಚ್ಛೋ ತು ತಿರಚ್ಛಾನೋ, ತಿರಚ್ಛಾನಗತೋ ಸಿಯಾತಿ.

ಅಧೋಭುವನಂ ಪಾತಾಲಂ, ನಾಗಲೋಕೋ ರಸಾತಲಂ;

ರನ್ಧಂ ತು ವಿವರಂ ಛಿದ್ದಂ, ಕುಹರಂ ಸುಸಿರಂ ಬಿಲಂ.

ಸುಸಿ’ತ್ಥೀ ಛಿಗ್ಗಲಂ ಸೋಬ್ಭಂ, ಸಚ್ಛಿದ್ದೇ ಸುಸಿರಂ ತಿಸು;

ಥಿಯಂ ತು ಕಾಸು ಆವಾಟೋ, ಸಪ್ಪರಾಜಾ ತು ವಾಸುಕೀ.

ಅನನ್ತೋ ನಾಗರಾಜಾ ಥ, ವಾಹಸೋ’ಜಗರೋ ಭವೇ;

ಕಮ್ಬಲೋ’ಸ್ಸತರೋ ಮೇರು, ಪಾದೇ ನಾಗಾಥ ಧಮ್ಮನೀ;

ಸಿಲುತ್ತೋ ಘರಸಪ್ಪೋ ಥ, ನೀಲಸಪ್ಪೋ ಸಿಲಾಭು ಚ.

ಆಸಿವಿಸೋ ಭುಜಙ್ಗೋ’ಹಿ, ಭುಜಗೋ ಚ ಭುಜಙ್ಗಮೋ;

ಸರೀಸಪೋ ಫಣೀ ಸಪ್ಪಾ, ಲಗದ್ದಾ ಭೋಗಿ ಪನ್ನಗಾ.

ದ್ವಿಜಿವ್ಹೋ ಉರಗೋ ವಾಳೋ, ದೀಘೋ ಚ ದೀಘಪಿಟ್ಠಿಕೋ;

ಪಾದೂದರೋ ವಿಸಧರೋ, ಭೋಗೋ ತು ಫಣಿನೋ ತನು.

ಆಸೀ’ತ್ಥೀ ¶ ಸಪ್ಪದಾಠಾ ಥ, ನಿಮ್ಮೋಕೋ ಕಞ್ಚುಕೋ ಸಮಾ;

ವಿಸಂ ತ್ವ’ನಿತ್ಥೀ ಗರಳಂ, ತಬ್ಭೇದಾ ವಾ ಹಲಾಹಲೋ.

ಕಾಳಕೂಟಾದಯೋ ಚಾಥ, ವಾಳಗ್ಗಾತ್ಯ’ಹಿತುಣ್ಡಿಕೋ;

ನಿರಯೋ ದುಗ್ಗತಿ’ತ್ಥೀ ಚ, ನರಕೋ, ಸೋ ಮಹಾ’ಟ್ಠಧಾ;

ಸಞ್ಜೀವೋ ಕಾಳಸುತ್ತೋ ಚ, ಮಹಾರೋರುವ ರೋರುವಾ;

ಪತಾಪನೋ ಅವೀಚಿ’ತ್ಥೀ, ಸಙ್ಘಾತೋ ತಾಪನೋ ಇತಿ.

ಥಿಯಂ ವೇತರಣೀ ಲೋಹ, ಕುಮ್ಭೀ ತತ್ಥ ಜಲಾಸಯಾ;

ಅಣ್ಣವೋ ಸಾಗರೋ ಸಿನ್ಧು, ಸಮುದ್ದೋ ರತನಾಕರೋ;

ಜಲನಿಝು’ ದಧಿ, ತಸ್ಸ, ಭೇದಾ ಖೀರಣ್ಣವಾದಯೋ.

ಥೇವೋ ತು ಬಿನ್ದು ಫುಸಿತಂ, ಭಮೋ ತು ಜಲನಿಗ್ಗಮೋ.

ಆಪೋ ಪಯೋ ಜಲಂ ವಾರಿ, ಪಾನೀಯಂ ಸಲಿಲಂ ದಕಂ;

ಅಣ್ಣೋ ನೀರಂ ವನಂ ವಾಲಂ, ತೋಯಂ ಅಮ್ಬು’ದಕಞ್ಚ ಕಂ.

ತರಙ್ಗೋ ಚ ತಥಾ ಭಙ್ಗೋ, ಊಮಿ ವೀಚಿ ಪುಮಿತ್ಥಿಯಂ;

ಉಲ್ಲೋಲೋ ತು ಚ ಕಲ್ಲೋಲೋ, ಮಹಾವೀಚೀಸು ಕಥ್ಯತೇ.

ಜಮ್ಬಾಲೋ ಕಲಲಂ ಪಙ್ಕೋ, ಚಿಕ್ಖಲ್ಲಂ ಕದ್ದಮೋ ಪ್ಯಥ;

ಪುಲಿನಂ ವಾಲುಕಾ ವಣ್ಣು, ಮರೂ’ರು ಸಿಕತಾ ಭವೇ.

ಅನ್ತರೀಪಞ್ಚ ದೀಪೋ ವಾ, ಜಲಮಜ್ಝಗತಂ ಥಲಂ;

ತೀರಂ ತು ಕೂಲಂ ರೋಧಞ್ಚ, ಪತೀರಞ್ಚ ತಟಂ ತಿಸು.

ಪಾರಂ ಪರಮ್ಹಿ ತೀರಮ್ಹಿ, ಓರಂ ತ್ವ’ಪಾರ ಮುಚ್ಚತೇ;

ಉಳುಮ್ಪೋ [ಉಳುಪೋ (ಕ.)] ತು ಪ್ಲವೋ ಕುಲ್ಲೋ, ತರೋ ಚ ಪಚ್ಚರೀ’ತ್ಥಿಯಂ.

ತರಣೀ ತರಿ ನಾವಾ ಚ, ಕೂಪಕೋ ತು ಚ ಕುಮ್ಭಕಂ;

ಪಚ್ಛಾಬನ್ಧೋ ಗೋಟವಿಸೋ, ಕಣ್ಣಧಾರೋ ತು ನಾವಿಕೋ.

ಸಂಯತ್ತಿಕಾ ತು ನಾವಾಯ, ವಾಣಿಜ್ಜಮಾಚರನ್ತಿ ಯೇ.

ನಾವಾಯ’ಙ್ಗಾ’ ¶ ಲಙ್ಕಾರೋ ಚ, ವಟಾಕಾರೋ ಫಿಯಾದಯೋ;

ಪೋತೋ ಪವಹನಂ ವುತ್ತಂ, ದೋಣಿ ತ್ವಿ’ತ್ಥೀ ತಥಾ’ಮ್ಬಣಂ [ಅಮ್ಮಣಂ (ಸೀ.)].

ಗಭೀರ ನಿನ್ನ ಗಮ್ಭೀರಾ, ಥೋ ತ್ತಾನಂ ತಬ್ಬಿಪಕ್ಖಕೇ;

ಅಗಾಧಂ ತ್ವ’ತಲಮ್ಫಸ್ಸಂ, ಅನಚ್ಛೋ ಕಲುಸಾ’ವಿಲಾ.

ಅಚ್ಛೋ ಪಸನ್ನೋ ವಿಮಲೋ, ಗಭೀರಪ್ಪಭುತೀ ತಿಸು;

ಧೀವರೋ ಮಚ್ಛಿಕೋ ಮಚ್ಛ, ಬನ್ಧ ಕೇವಟ್ಟ ಜಾಲಿಕಾ.

ಮಚ್ಛೋ ಮೀನೋ ಜಲಚರೋ, ಪುಥುಲೋಮೋ’ಮ್ಬುಜೋ ಝಸೋ;

ರೋಹಿತೋ ಮಗ್ಗುರೋ ಸಿಙ್ಗೀ, ಬಲಜೋ ಮುಞ್ಜ ಪಾವುಸಾ.

ಸತ್ತವಙ್ಕೋ ಸವಙ್ಕೋ ಚ, ನಳಮೀನೋ ಚ ಗಣ್ಡಕೋ;

ಸುಸುಕಾ ಸಫರೀ ಮಚ್ಛ, ಪ್ಪಭೇದಾ ಮಕರಾದಯೋ.

ಮಹಾಮಚ್ಛಾ ತಿಮಿ ತಿಮಿ, ಙ್ಗಲೋ ತಿಮಿರಪಿಙ್ಗಲೋ;

ಆನನ್ದೋ ತಿಮಿನನ್ದೋ ಚ, ಅಜ್ಝಾರೋಹೋ ಮಹಾತಿಮಿ.

ಪಾಸಾಣಮಚ್ಛೋ ಪಾಠೀನೋ, ವಙ್ಕೋ ತು ಬಳಿಸೋ ಭವೇ;

ಸುಸುಮಾರೋ [ಸಂಸುಮಾರೋ (ಟೀ.), ಸುಂಸುಮಾರೋ (ಸೀ.)] ತು ಕುಮ್ಭೀಲೋ,

ಕಕ್ಕಟಕೋ ಕುಳೀರೋ ಚ, ಜಲೂಕಾ ತು ಚ ರತ್ತಪಾ;

ಅಥ ಸಿಪ್ಪೀ ಚ ಸುತ್ತಿ’ತ್ಥೀ, ಸಙ್ಖೇ ತು ಕಮ್ಬು’ನಿತ್ಥಿಯಂ;

ಖುದ್ದಸಙ್ಖ್ಯೇ ಸಙ್ಖನಖೋ, ಜಲಸುತ್ತಿ ಚ ಸಮ್ಬುಕೋ.

ಜಲಾಸಯೋ ಜಲಾಧಾರೋ, ಗಮ್ಭೀರೋ ರಹದೋ ಥ ಚ;

ಉದಪಾನೋ ಪಾನಕೂಪೋ, ಖಾತಂ ಪೋಕ್ಖರಣೀ’ತ್ಥಿಯಂ.

ತಳಾಕೋ ಚ ಸರೋ’ನಿತ್ಥೀ, ವಾಪೀ ಚ ಸರಸೀ’ತ್ಥಿಯಂ;

ದಹೋ’ಮ್ಬುಜಾಕರೋ ಚಾಥ, ಪಲ್ಲಲಂ ಖುದ್ದಕೋ ಸರೋ.

ಅನೋತತ್ತೋ ತಥಾ ಕಣ್ಣ, ಮುಣ್ಡೋ ಚ ರಥಕಾರಕೋ;

ಛದ್ದನ್ತೋ ಚ ಕುಣಾಲೋ ಚ, ವುತ್ತಾ ಮನ್ದಾಕಿನೀ’ತ್ಥಿಯಂ.

ತಥಾ ಸೀಹಪ್ಪಪಾತೋತಿ, ಏತೇ ಸತ್ತ ಮಹಾಸರಾ;

ಆಹಾವೋ ತು ನಿಪಾನಞ್ಚಾ, ಖಾತಂ ತು ದೇವಖಾತಕಂ.

ಸವನ್ತೀ ¶ ನಿನ್ನಗಾ ಸಿನ್ಧು, ಸರಿತಾ ಆಪಗಾ ನದೀ;

ಭಾಗೀರಥೀ ತು ಗಙ್ಗಾ ಥ, ಸಮ್ಭೇದೋ ಸಿನ್ಧುಸಙ್ಗಮೋ.

ಗಙ್ಗಾ’ಚಿರವತೀ ಚೇವ, ಯಮುನಾ ಸರಭೂ (ಸರಬೂ [ಸರಯೂ (ಕ.)] ) ಮಹೀ;

ಇಮಾ ಮಹಾನದೀ ಪಞ್ಚ, ಚನ್ದಭಾಗಾ ಸರಸ್ಸತೀ [ಸರಸ್ವತೀ (ಸೀ. ಟೀ.)].

ನೇರಞ್ಜರಾ ಚ ಕಾವೇರೀ, ನಮ್ಮದಾದೀ ಚ ನಿನ್ನಗಾ;

ವಾರಿಮಗ್ಗೋ ಪಣಾಲೀ’ತ್ಥೀ [ಪನಾಳೀ (ಟೀ.)], ಪುಮೇ ಚನ್ದನಿಕಾ ತು ಚ.

ಜಮ್ಬಾಲೀ ಓಲಿಗಲ್ಲೋ ಚ, ಗಾಮದ್ವಾರಮ್ಹಿ ಕಾಸುಯಂ;

ಸರೋರುಹಂ ಸತಪತ್ತಂ, ಅರವಿನ್ದಞ್ಚ ವಾರಿಜಂ.

ಅನಿತ್ಥೀ ಪದುಮಂ ಪಙ್ಕೇ, ರುಹಂ ನಲಿನ ಪೋಕ್ಖರಂ;

ಮುಳಾಲಪುಪ್ಫಂ ಕಮಲಂ, ಭಿಸಪುಪ್ಫಂ ಕುಸೇಸಯಂ.

ಪುಣ್ಡರೀಕಂ ಸಿತಂ, ರತ್ತಂ, ಕೋಕನದಂ ಕೋಕಾಸಕೋ;

ಕಿಞ್ಜಕ್ಖೋ ಕೇಸರೋ ನಿತ್ಥೀ, ದಣ್ಡೋ ತು ನಾಲ ಮುಚ್ಚತೇ.

ಭಿಸಂ ಮುಳಾಲೋ ನಿತ್ಥೀ ಚ, ಬೀಜಕೋಸೋ ತು ಕಣ್ಣಿಕಾ;

ಪದುಮಾದಿಸಮೂಹೇ ತು, ಭವೇ ಸಣ್ಡಮನಿತ್ಥಿಯಂ.

ಉಪ್ಪಲಂ ಕುವಲಯಞ್ಚ, ನೀಲಂ ತ್ವಿ’ನ್ದೀವರಂ ಸಿಯಾ;

ಸೇತೇತು ಕುಮುದಞ್ಚಸ್ಸ, ಕನ್ದೋ ಸಾಲೂಕ ಮುಚ್ಚತೇ.

ಸೋಗನ್ಧಿಕಂ ಕಲ್ಲಹಾರಂ, ದಕಸೀತಲಿಕಂ ಪ್ಯಥ;

ಸೇವಾಲೋ ನೀಲಿಕಾ ಚಾಥ, ಭಿಸಿನ್ಯ’ಮ್ಬುಜಿನೀ ಭವೇ.

೬೯೦. ಸೇವಾಲಾ ತಿಲಬೀಜಞ್ಚ, ಸಙ್ಖೇ ಚ ಪಣಕಾದಯೋತಿ.

ವಿಸೇಸ್ಯಾಧೀನ ಸಂಕಿಣ್ಣಾ, ನೇಕತ್ಥೇಹ್ಯ’ಬ್ಯಯೇಹಿ ಚ;

ಸಾ’ಙ್ಗೋ’ಪಾಙ್ಗೇಹಿ ಕಥ್ಯನ್ತೇ, ಕಣ್ಡೇ ವಗ್ಗಾ ಇಹ ಕ್ಕಮಾ.

ಗುಣದಬ್ಬಕ್ರಿಯಾಸದ್ದಾ, ¶ ಸಿಯುಂ ಸಬ್ಬೇ ವಿಸೇಸನಾ;

ವಿಸೇಸ್ಯಾಧೀನಭಾವೇನ, ವಿಸೇಸ್ಯಸಮಲಿಙ್ಗಿನೋ.

ಸೋಭನಂ ರುಚಿರಂ ಸಾಧು, ಮನುಞ್ಞಂ ಚಾರು ಸುನ್ದರಂ;

ವಗ್ಗು ಮನೋರಮಂ ಕನ್ತಂ, ಹಾರೀ ಮಞ್ಜು ಚ ಪೇಸಲಂ.

ಭದ್ದಂ ವಾಮಞ್ಚ ಕಲ್ಯಾಣಂ, ಮನಾಪಂ ಲದ್ಧಕಂ ಸುಭಂ;

ಉತ್ತಮೋ ಪವರೋ ಜೇಟ್ಠೋ, ಪಮುಖಾ’ನುತ್ತರೋ ವರೋ.

ಮುಖ್ಯೋ ಪಧಾನಂ ಪಾಮೋಕ್ಖೋ, ಪರ ಮಗ್ಗಞ್ಞ ಮುತ್ತರಂ;

ಪಣೀತಂ ಪರಮಂ ಸೇಯ್ಯೋ, ಗಾಮಣೀ ಸೇಟ್ಠ ಸತ್ತಮಾ.

ವಿಸಿಟ್ಠಾ’ರಿಯ ನಾಗೇ’ಕೋ, ಸಭಗ್ಗಾ ಮೋಕ್ಖ ಪುಙ್ಗವಾ;

ಸೀಹ ಕುಞ್ಜರ ಸದ್ದೂಲಾ, ದೀ ತು ಸಮಾಸಗಾ ಪುಮೇ.

ಚಿತ್ತ’ಕ್ಖಿ ಪೀತಿಜನನ, ಮಬ್ಯಾಸೇಕ ಮಸೇಚನಂ;

ಇಟ್ಠಂ ತು ಸುಭಗಂ ಹಜ್ಜಂ, ದಯಿತಂ ವಲ್ಲಭಂ ಪಿಯಂ.

ತುಚ್ಛಞ್ಚ ರಿತ್ತಕಂ ಸುಞ್ಞಂ, ಅಥಾ’ಸಾರಞ್ಚ ಫೇಗ್ಗು ಚ;

ಮೇಜ್ಝಂ ಪೂತಂ ಪವಿತ್ತೋ ಥ, ಅವಿರದ್ಧೋ ಅಪಣ್ಣಕೋ.

ಉಕ್ಕಟ್ಠೋ ಚ ಪಕಟ್ಠೋ ಥ, ನಿಹೀನೋ ಹೀನ ಲಾಮಕಾ;

ಪತಿಕಿಟ್ಠಂ ನಿಕಿಟ್ಠಞ್ಚ, ಇತ್ತರಾ’ವಜ್ಜ ಕುಚ್ಛಿತಾ.

ಬ್ರಹಾ ಮಹನ್ತಂ ವಿಪುಲಂ, ವಿಸಾಲಂ ಪುಥುಲಂ ಪುಥು.

ಗರು’ರು ವಿತ್ಥಿಣ್ಣ ಮಥೋ, ಪೀನಂ ಥೂಲಞ್ಚ ಪೀವರಂ;

ಥುಲ್ಲಞ್ಚ ವಠರಞ್ಚಾ ಥ, ಆಚಿತಂ ನಿಚಿತಂ ಭವೇ.

ಸಬ್ಬಂ ಸಮತ್ತ ಮಖಿಲಂ, ನಿಖಿಲಂ ಸಕಲಂ ತಥಾ;

ನಿಸ್ಸೇಸಂ ಕಸಿಣಾ’ಸೇಸಂ, ಸಮಗ್ಗಞ್ಚ ಅನೂನಕಂ,

ಭೂರಿ ಪಹುತಂ ಪಚುರಂ, ಭಿಯ್ಯೋ ಸಮ್ಬಹುಲಂ ಬಹು;

ಯೇಭುಯ್ಯಂ ಬಹುಲಂ ಚಾಥ, ಬಾಹಿರಂ ಪರಿಬಾಹಿರಂ.

ಪರೋಸತಾದೀ ತೇ, ಯೇಸಂ, ಪರಂ ಮತ್ತಂ ಸತಾದಿತೋ;

ಪರಿತ್ತಂ ಸುಖುಮಂ ಖುದ್ದಂ, ಥೋಕ ಮಪ್ಪಂ ಕಿಸಂ ತನು.

ಸಮೀಪಂ ನಿಕಟಾ’ಸನ್ನೋ, ಪಕಟ್ಠಾ’ಭ್ಯಾಸ ಸನ್ತಿಕಂ.

ಅವಿದೂರಞ್ಚ ¶ ಸಾಮನ್ತಂ, ಸನ್ನಿಕಟ್ಠ ಮುಪನ್ತಿಕಂ;

ಸಕಾಸಂ ಅನ್ತಿಕಂ ಞತ್ತಂ, ದೂರಂ ತು ವಿಪ್ಪಕಟ್ಠಕಂ.

ನಿರನ್ತರಂ ಘನಂ ಸನ್ದಂ, ವಿರಳಂ ಪೇಲವಂ ತನು;

ಅಥಾ ಯತಂ ದೀಘ ಮಥೋ, ನಿತ್ತಲಂ ವಟ್ಟ ವಟ್ಟುಲಂ.

ಉಚ್ಚೋ ತು ಉನ್ನತೋ ತುಙ್ಗೋ, ಉದಗ್ಗೋ ಚೇವ ಉಚ್ಛಿತೋ;

ನೀಚೋ ರಸ್ಸೋ ವಾಮನೋ ಥ, ಅಜಿಮ್ಹೋ ಪಗುಣೋ ಉಜು.

ಅಳಾರಂ ವೇಲ್ಲಿತಂ ವಙ್ಕಂ, ಕುಟಿಲಂ ಜಿಮ್ಹ ಕುಞ್ಚಿತಂ;

ಧುವೋ ಚ ಸಸ್ಸತೋ ನಿಚ್ಚೋ, ಸದಾತನ ಸನನ್ತನಾ.

ಕೂಟಟ್ಠೋ ತ್ವೇ’ಕರೂಪೇನ, ಕಾಲಬ್ಯಾಪೀ ಪಕಾಸಿತೋ;

ಲಹು ಸಲ್ಲಹುಕಂ ಚಾಥ, ಸಙ್ಖ್ಯಾತಂ ಗಣಿತಂ ಮಿತಂ.

ತಿಣ್ಹಂ ತು ತಿಖಿಣಂ ತಿಬ್ಬಂ, ಚಣ್ಡಂ ಉಗ್ಗಂ ಖರಂ ಭವೇ;

ಜಙ್ಗಮಞ್ಚ ಚರಞ್ಚೇವ, ತಸಂ ಞೇಯ್ಯಂ ಚರಾಚರಂ.

ಕಮ್ಪನಂ ಚಲನಂ ಚಾಥ, ಅತಿರಿತ್ತೋ ತಥಾ’ಧಿಕೋ;

ಥಾವರೋ ಜಙ್ಗಮಾ ಅಞ್ಞೋ, ಲೋಲಂ ತು ಚಞ್ಚಲಂ ಚಲಂ.

ತರಲಞ್ಚ ಪುರಾಣೋ ತು, ಪುರಾತನ ಸನನ್ತನಾ;

ಚಿರನ್ತನೋ ಥ ಪಚ್ಚಗ್ಘೋ, ನೂತನೋ’ಭಿನವೋ ನವೋ.

ಕುರೂರಂ ಕಠಿನಂ ದಳ್ಹಂ, ನಿಟ್ಠುರಂ ಕಕ್ಖಳಂ ಭವೇ;

ಅನಿತ್ಥ್ಯ’ನ್ತೋ ಪರಿಯನ್ತೋ, ಪನ್ತೋ ಚ ಪಚ್ಛಿಮ’ನ್ತಿಮಾ.

ಜಿಘಞ್ಞಂ ಚರಿಮಂ ಪುಬ್ಬಂ, ತ್ವ’ಗ್ಗಂ ಪಠಮ ಮಾದಿ ಸೋ;

ಪತಿರೂಪೋ ನುಚ್ಛವಿಕಂ, ಅಥ ಮೋಘಂ ನಿರತ್ಥಕಂ.

ಬ್ಯತ್ತಂ ಪುಟ [ಫುಟಂ (ಸೀ.)] ಞ್ಚ ಮುದು ತು, ಸುಕುಮಾರಞ್ಚ ಕೋಮಲಂ;

ಪಚ್ಚಕ್ಖಂ ಇನ್ದ್ರಿಯಗ್ಗಯ್ಹಂ, ಅಪಚ್ಚಕ್ಖಂ ಅತಿನ್ದ್ರಿಯಂ.

ಇತರಾ’ಞ್ಞತರೋ ಏಕೋ, ಅಞ್ಞೋ ಬಹುವಿಧೋ ತು ಚ;

ನಾನಾರೂಪೋ ಚ ವಿವಿಧೋ, ಅಬಾಧಂ ತು ನಿರಗ್ಗಲಂ.

ಅಥೇ’ಕಾಕೀ ಚ ಏಕಚ್ಚೋ, ಏಕೋ ಚ ಏಕಕೋ ಸಮಾ;

ಸಾಧಾರಣಞ್ಚ ಸಾಮಞ್ಞಂ, ಸಮ್ಬಾಧೋ ತು ಚ ಸಂಕಟಂ.

ವಾಮಂ ಕಳೇವರಂ ಸಬ್ಯಂ; ಅಪಸಬ್ಯಂ ತು ದಕ್ಖಿಣಂ;

ಪಟಿಕೂಲಂ ತ್ವ’ಪಸಬ್ಯಂ, ಗಹನಂ ಕಲಿಲಂ ಸಮಾ.

ಉಚ್ಚಾವಚಂ ¶ ಬಹುಭೇದಂ, ಸಂಕಿಣ್ಣಾ’ ಕಿಣ್ಣ ಸಂಕುಲಾ;

ಕತಹತ್ಥೋ ಚ ಕುಸಲೋ, ಪವೀಣಾ’ಭಿಞ್ಞ ಸಿಕ್ಖಿತಾ.

ನಿಪುಣೋ ಚ ಪಟು ಛೇಕೋ, ಚಾತುರೋ ದಕ್ಖ ಪೇಸಲಾ;

ಬಾಲೋ ದತ್ತು ಜಲೋ ಮೂಳ್ಹೋ, ಮನ್ದೋ ವಿಞ್ಞೂ ಚ ಬಾಲಿಸೋ.

ಪುಞ್ಞವಾ ಸುಕತೀ ಧಞ್ಞೋ, ಮಹುಸ್ಸಾಹೋ ಮಹಾಧಿತಿ;

ಮಹಾತಣ್ಹೋ ಮಹಿಚ್ಛೋ ಥ, ಹದಯೀ ಹದಯಾಲು ಚ.

ಸುಮನೋ ಹಟ್ಠಚಿತ್ತೋ ಥ, ದುಮ್ಮನೋ ವಿಮನೋ ಪ್ಯಥ;

ವದಾನಿಯೋ ವದಞ್ಞೂ ಚ, ದಾನಸೋಣ್ಡೋ ಬಹುಪ್ಪದೋ.

ವಿಸ್ಸುತೋ ವಿದಿತೋ ಚೇವ, ಪಸಿದ್ಧೋ ಪಾಕಟೋ ಭವೇ.

ಇಸ್ಸರೋ ನಾಯಕೋ ಸಾಮೀ, ಪತೀ’ಸಾ’ಧಿಪತೀ ಪಭೂ;

ದಾನಾರಹೋ ದಕ್ಖಿಣೇಯ್ಯೋ, ಸಿನಿದ್ಧೋ ತು ಚ ವಚ್ಛಲೋ;

ಕಾರುಣಿಕೋ ದಯಾಲುಪಿ, ಸೂರತೋ ಉಸ್ಸುಕೋ ತು ಚ;

ಇಟ್ಠತ್ಥೇ ಉಯ್ಯುತೋ ಚಾಥ, ದೀಘಸುತ್ತೋ ಚಿರಕ್ರಿಯೋ.

ಪರಾಧೀನೋ ಪರಾಯತ್ತೋ, ಆಯತ್ತೋ ತು ಚ ಸನ್ತಕೋ;

ಪರಿಗ್ಗಹೋ ಅಧೀನೋ ಚ, ಸಚ್ಛನ್ದೋ ತು ಚ ಸೇರಿನಿ.

ಅನಿಸಮ್ಮಕಾರೀ ಜಮ್ಮೋ, ಅತಿತಣ್ಹೋ ತು ಲೋಲುಪೋ;

ಕಾಮಯಿತಾ ತು ಕಮಿತಾ, ಕಾಮನೋ ಕಾಮಿ ಕಾಮುಕೋ;

ಪಗಬ್ಭೋ ¶ ಪಟಿಭಾಯುತ್ತೋ, ಭೀಸೀಲೋ ಭೀರು ಭೀರುಕೋ;

ಸಹನೋ ಖಮನೋ ಖನ್ತಾ, ತಿತಿಕ್ಖವಾ ಚ ಖನ್ತಿಮಾ.

ಸದ್ಧಾಯುತ್ತೋ ತು ಸದ್ಧಾಲು, ಧಜವಾ ತು ಧಜಾಲು ಚ [ಲಜ್ಜಾಲುತು ಚ ಲಜ್ಜವಾ (ಕ.)];

ನಿದ್ದಾಲು ನಿದ್ದಾಸೀಲೋ ಥ, ಭಸ್ಸರೋ ಭಾಸುರೋ ಭವೇ.

ನಗ್ಗೋ ದಿಗಮ್ಬರೋ’ವತ್ಥೋ, ಘಸ್ಮರೋ ತು ಚ ಭಕ್ಖಕೋ;

ಏಳಮೂಗೋ ತು ವತ್ತುಞ್ಚ, ಸೋತುಂ ಚಾ’ಕುಸಲೋ ಭವೇ.

ಮುಖರೋ ದುಮ್ಮುಖಾ’ಬದ್ಧ, ಮುಖಾ ಚಾಪ್ಪಿಯವಾದಿನಿ;

ವಾಚಾಲೋ ಬಹುಗಾರಯ್ಹ, ವಚೇ ವತ್ತಾ ತು ಸೋ ವದೋ.

ಸೀಸಚ್ಛೇಜ್ಜಮ್ಹಿ ವಜ್ಝೋ ಥ, ನಿಕತೋ ಚ ಸಠೋ’ನುಜು;

ಅನಿಸಮ್ಮ ಹಿ ಯೋ ಕಿಚ್ಚಂ, ಪುರಿಸೋ ವಧಬನ್ಧನಾದಿ ಮಾಚರತಿ;

ಅವಿನಿಚ್ಛಿತಕಾರಿತ್ತಾ, ಸೋಖಲು ಚಪಲೋತಿ ವಿಞ್ಞೇಯ್ಯೋ.

ಖುದ್ದೋ ಕದರಿಯೋ ಥದ್ಧ, ಮಚ್ಛರೀ ಕಪಣೋ ಪ್ಯಥ;

ಅಕಿಞ್ಚನೋ ದಲಿದ್ದೋ ಚ, ದೀನೋ ನಿದ್ಧನ ದುಗ್ಗತಾ.

ಅಸಮ್ಭಾವಿತಸಮ್ಪತ್ತಂ, ಕಾಕತಾಲಿಯ ಮುಚ್ಚತೇ;

ಅಥ ಯಾಚನಕೋ ಅತ್ಥೀ, ಯಾಚಕೋ ಚ ವನಿಬ್ಬಕೋ.

ಅಣ್ಡಜಾ ಪಕ್ಖಿಸಪ್ಪಾದೀ, ನರಾದೀ ತು ಜಲಾಬುಜಾ;

ಸೇದಜಾ ಕಿಮಿಡಂಸಾದೀ, ದೇವಾದೀ ತ್ವೋ’ ಪಪಾತಿಕಾ.

ಜಣ್ಣುತಗ್ಘೋ ¶ ಜಣ್ಣುಮತ್ತೋ, ಕಪ್ಪೋ ತು ಕಿಞ್ಚಿದೂನಕೇ;

ಅನ್ತಗ್ಗತಂ ಭು ಪರಿಯಾ, ಪನ್ನ ಮನ್ತೋಗಧೋ’ಗಧಾ.

ರಾಧಿತೋ ಸಾಧಿತೋ ಚಾಥ, ನಿಪ್ಪಕ್ಕಂ ಕುಥಿತಂ ಭವೇ;

ಆಪನ್ನೋ ತ್ವಾ’ಪದಪ್ಪತ್ತೋ, ವಿವಸೋ ತ್ವವಸೋ ಭವೇ.

ನುಣ್ಣೋ ನುತ್ತಾ’ತ್ತ, ಖಿತ್ತಾ ಚೇ’, ರಿತಾ ವಿದ್ಧಾ ಥ ಕಮ್ಪಿತೋ;

ಧೂತೋ ಆಧೂತ ಚಲಿತಾ, ನಿಸಿತಂ ತು ಚ ತೇಜಿತಂ.

ಪತ್ತಬ್ಬಂ ಗಮ್ಮ ಮಾಪಜ್ಜಂ [ಆಸಜ್ಜಂ (ಕ.)], ಪಕ್ಕಂ ಪರಿಣತಂ ಸಮಾ;

ವೇಠಿತಂ ತು ವಲಯಿತಂ, ರುದ್ಧಂ ಸಂವುತ ಮಾವುತಂ.

ಪರಿಕ್ಖಿತ್ತಞ್ಚ ನಿವುತಂ, ವಿಸಟಂ ವಿತ್ಥತಂ ತತಂ;

ಲಜ್ಜಿತೋ ಹೀಳಿತೋ ಚಾಥ, ಸನಿತಂ ಧನಿತಂ ಪ್ಯಥ;

ಸಿದ್ಧೇ ನಿಪ್ಫನ್ನ ನಿಬ್ಬತ್ತಾ, ದಾರಿತೇ ಭಿನ್ನ ಭೇದಿತಾ;

ಛನ್ನೋ ತು ಛಾದಿತೇ ಚಾಥ, ವಿದ್ಧೇ ಛಿದ್ದಿತ ವೇಧಿತಾ.

ಅಪಚಾಯಿತೋ ಮಹಿತೋ, ಪೂಜಿತಾ’ರಹಿತೋ’ಚ್ಚಿತೋ;

ಮಾನಿತೋ ಚಾ’ಪಚಿತೋ ಚ, ತಚ್ಛಿತಂ ತುತನೂಕತೇ.

ಭಟ್ಠಂ ತು ಗಲಿತಂ ಪನ್ನಂ, ಚುತಞ್ಚ ಧಂಸಿತಂ ಭವೇ.

ತಿನ್ತೋ’ಲ್ಲ’ದ್ದ ¶ ಕಿಲಿನ್ನೋ’ನ್ನಾ, ಮಗ್ಗಿತಂ ಪರಿಯೇಸಿತಂ;

ಅನ್ವೇಸಿತಂ ಗವೇಸಿತಂ, ಲದ್ಧಂ ತು ಪತ್ತ ಮುಚ್ಚತೇ.

ರಕ್ಖಿತಂ ಗೋಪಿತಂ ಗುತ್ತಂ, ತಾತಂ ಗೋಪಾಯಿತಾ’ವಿತಾ;

ಪಾಲಿತಂ ಅಥ ಓಸ್ಸಟ್ಠಂ, ಚತ್ತಂ ಹೀನಂ ಸಮುಜ್ಝಿತಂ.

ಭಾಸಿತಂ ಲಪಿತಂ ವುತ್ತಾ, ಭಿಹಿತಾ’ಖ್ಯಾತ ಜಪ್ಪಿತಾ;

ಉದೀರಿತಞ್ಚ ಕಥಿತಂ, ಗದಿತಂ ಭಣಿತೋ’ದಿತಾ.

ಅವಞ್ಞಾತಾ’ವಗಣಿತಾ, ಪರಿಭೂತಾ’ವಮಾನಿತಾ;

ಬುದ್ಧಂ ಞಾತಂ ಪಟಿಪನ್ನಂ, ವಿದಿತಾ’ವಗತಂ ಮತಂ;

ಞೇಯ್ಯಂ ಲಿಙ್ಗ ಮಿಹ ಕ್ವಾಪಿ, ಪಚ್ಚಯತ್ಥವಸೇನ ಚ;

ದಮೋ ಚ ದಮಥೋ ದನ್ತಿ, ವತ್ತಂ ತು ಸುದ್ಧಕಮ್ಮನಿ;

ಅಥೋ ಆಸಙ್ಗವಚನಂ, ತೀಸು ವುತ್ತಂ ಪರಾಯಣಂ.

ಭೇದೋ ವಿದಾರೋ ಫುಟನಂ, ತಪ್ಪನಂ ತು ಚ ಪೀಣನಂ;

ನಿನ್ನಿಮಿತ್ತಂ ಯದಿಚ್ಛಾ ಥಾ’, ಪುಚ್ಛನಾ ನನ್ದನಾನಿ ಚ;

ಕಿಲಮಥೋ ಕಿಲಮನಂ, ಪಸವೋ ತು ಪಸೂತಿಯಂ;

ಪಚಾ ಪಾಕೋ ಹವೋ ಹುತಿ [ಹೂಭಿ (ಸೀ. ಅಮರಕೋಸ)],

ಜೀರಣಂ ಜಾನಿ ತಾಣಂ ತು, ರಕ್ಖಣಂ ಪಮಿತಿಪ್ಪಮಾ;

ನಿಗಾದೋ ನಿಗದೋ ಮಾದೋ, ಮದೋ ಪಸಿತಿ ಬನ್ಧನಂ;

ಪವಿಸಿಲೇಸೋ ವಿಧುರಂ, ಉಪವೇಸನಮಾಸನಂ.

ಅಜ್ಝಾಸಯೋ ಅಧಿಪ್ಪಾಯೋ, ಆಸಯೋ ಚಾಭಿಸನ್ಧಿ ಚ;

ಮಜ್ಝನ್ಹಿಕೋ [ಮಜ್ಝನ್ತಿಕೋ (ಟೀ. ಸೀ. ಪೀ.)] ತು ಮಜ್ಝನ್ಹೋ, ವೇಮತ್ತಂ ತು ಚ ನಾನತಾ.

ವಾ ಜಾಗರೋ ಜಾಗರಿಯಂ [ಜಾಗರಿಯೋ (ಟೀ.)], ಪವಾಹೋ ತು ಪವತ್ತಿ ಚ;

ಸಮ್ಬಾಹನಂ ಮದ್ದನಞ್ಚ, ಪಸರೋ ತು ವಿಸಪ್ಪನಂ;

ಸನ್ನಿಧಿ ಸನ್ನಿಕಟ್ಠಮ್ಹಿ, ವಿನಾಸೋ ತು ಅದಸ್ಸನಂ;

ಓಸಾನಂ ¶ ಪರಿಯೋಸಾನಂ, ಉಕ್ಕಂಸೋ’ತಿಸಯೋ ಭವೇ [ಅವಸಾನಂ ಸಮಾಪನಂ (?)];

ಸನ್ನಿವೇಸೋ ಚ ಸಣ್ಠಾನಂ, ಅಥಾ’ಬ್ಭನ್ತರ ಮನ್ತರಂ.

ಪಾಟಿಹೀರಂ ಪಾಟಿಹೇರಂ, ಪಾಟಿಹಾರಿಯ ಮುಚ್ಚತೇ;

ಕಿಚ್ಚಂ ತು ಕರಣೀಯಞ್ಚ, ಸಙ್ಖಾರೋ ವಾಸನಾ ಭವೇ.

ಪವನಂ ಪವ ನಿಪ್ಪಾವಾ, ತಸರೋ ಸುತ್ತವೇಠನಂ;

ಸಙ್ಕಮೋ ದುಗ್ಗಸಞ್ಚಾರೋ, ಪಕ್ಕಮೋ ತು ಉಪಕ್ಕಮೋ.

ಪಾಠೋ ನಿಪಾಠೋ ನಿಪಠೋ, ವಿಚಯೋ ಮಗ್ಗನಾ ಪುಮೇ;

ಆಲಿಙ್ಗನಂ ಪರಿಸ್ಸಙ್ಗೋ, ಸಿಲೇಸೋ ಉಪಗೂಹನಂ.

ಆಲೋಕನಞ್ಚ ನಿಜ್ಝಾನಂ, ಇಕ್ಖಣಂ ದಸ್ಸನಂ ಪ್ಯಥ;

ಪಚ್ಚಾದೇಸೋ ನಿರಸನಂ, ಪಚ್ಚಕ್ಖಾನಂ ನಿರಾಕತಿ.

ವಿಪಲ್ಲಾಸೋ’ಞ್ಞಥಾಭಾವೋ, ಬ್ಯತ್ತಯೋ ವಿಪರೀಯಯೋ;

ವಿಪರಿಯಾಸೋ’ತಿಕ್ಕಮೋ, ತ್ವ’ತಿಪಾತೋ ಉಪಚ್ಚಯೋ.

ಅನೇಕತ್ಥೇ ಪವಕ್ಖಾಮಿ, ಗಾಥಾ’ದ್ಧಪಾದತೋ ಕಮಾ;

ಏತ್ಥ ಲಿಙ್ಗವಿಸೇಸತ್ಥ, ಮೇಕಸ್ಸ ಪುನರುತ್ತತಾ.

ಸಮಯೋ ಸಮವಾಯೇ ಚ, ಸಮೂಹೇ ಕಾರಣೇ ಖಣೇ;

ಪಟಿವೇಧೇ ಸಿಯಾ ಕಾಲೇ, ಪಹಾನೇ ಲಾಭ ದಿಟ್ಠಿಸು.

ವಣ್ಣೋ ಸಣ್ಠಾನ ರೂಪೇಸು, ಜಾತಿ,ಚ್ಛವೀಸು ಕಾರಣೇ;

ಪಮಾಣೇ ಚ ಪಸಂಸಾಯಂ, ಅಕ್ಖರೇ ಚ ಯಸೇ ಗುಣೇ.

ಉದ್ದೇಸೇ ಪಾತಿಮೋಕ್ಖಸ್ಸ, ಪಣ್ಣತ್ತಿಯ ಮುಪೋಸಥೋ;

ಉಪವಾಸೇ ಚ ಅಟ್ಠಙ್ಗೇ, ಉಪೋಸಥದಿನೇ ಸಿಯಾ.

ರಥಙ್ಗೇ ಲಕ್ಖಣೇ ಧಮ್ಮೋ, ರಚಕ್ಕೇ’ಸ್ವೀರಿಯಾಪಥೇ;

ಚಕ್ಕಂ ಸಮ್ಪತ್ತಿಯಂ ಚಕ್ಕ, ರತನೇ ಮಣ್ಡಲೇ ಬಲೇ.

ಕುಲಾಲಭಣ್ಡೇ ಆಣಾಯ, ಮಾಯುಧೇ ದಾನ ರಾಸಿಸು;

ದಾನಸ್ಮಿಂ ¶ ಬ್ರಹ್ಮಚರಿಯ, ಮಪ್ಪಮಞ್ಞಾಸು ಸಾಸನೇ;

ಮೇಥುನಾರತಿಯಂ ವೇಯ್ಯಾ, ವಚ್ಚೇ ಸದಾರತುಟ್ಠಿಯಂ;

ಪಞ್ಚಸೀಲಾ’ರಿಯಮಗ್ಗೋ, ಪೋಸಥಙ್ಗ ಧಿತೀಸು [ಠಿತೀಸು (ಕ.)] ಚ.

ಅತ್ಥೋ ಪಯೋಜನೇ ಸದ್ದಾ, ಭಿಧೇಯ್ಯೇ ವುದ್ಧಿಯಂ ಧನೇ;

ವತ್ಥುಮ್ಹಿ ಕಾರಣೇ ನಾಸೇ, ಹಿತೇ ಪಚ್ಛಿಮಪಬ್ಬತೇ.

ಯೇಭುಯ್ಯತಾ’ಬ್ಯಾಮಿಸ್ಸೇಸು, ವಿಸಂಯೋಗೇ ಚ ಕೇವಲಂ;

ದಳ್ಹತ್ಥೇ’ನತಿರೇಕೇ ಚಾ, ನವಸೇಸಮ್ಹಿ ತಂ ತಿಸು.

ಗುಣೋ ಪಟಲ ರಾಸೀಸು, ಆನಿಸಂಸೇ ಚ ಬನ್ಧನೇ;

ಅಪ್ಪಧಾನೇ ಚ ಸೀಲಾದೋ, ಸುಕ್ಕಾದಿಮ್ಹಿ ಜಿಯಾಯ ಚ.

ರುಕ್ಖಾದೋ ವಿಜ್ಜಮಾನೇ ಚಾ, ರಹನ್ತೇ ಖನ್ಧಪಞ್ಚಕೇ;

ಭೂತೋ ಸತ್ತ ಮಹಾಭೂತಾ, ಮನುಸ್ಸೇಸು ನ ನಾರಿಯಂ.

ವಾಚ್ಚಲಿಙ್ಗೋ ಅತೀತಸ್ಮಿಂ, ಜಾತೇ ಪತ್ತೇ ಸಮೇ ಮತೋ;

ಸುನ್ದರೇ ದಳ್ಹಿಕಮ್ಮೇ ಚಾ, ಯಾಚನೇ ಸಮ್ಪಟಿಚ್ಛನೇ;

ಸಜ್ಜನೇ ಸಮ್ಪಹಂಸಾಯಂ, ಸಾಧ್ವಾ’ಭಿಧೇಯ್ಯಲಿಙ್ಗಿಕಂ.

ಅನ್ತೋ ನಿತ್ಥೀ ಸಮೀಪೇ ಚಾ, ವಸಾನೇ ಪದಪೂರಣೇ;

ದೇಹಾವಯವೇ ಕೋಟ್ಠಾಸೇ, ನಾಸ ಸೀಮಾಸು ಲಾಮಕೇ.

ನಿಕಾಯೇ ಸನ್ಧಿ ಸಾಮಞ್ಞ, ಪ್ಪಸೂತೀಸು ಕುಲೇ ಭವೇ;

ವಿಸೇಸೇ ಸುಮನಾಯಞ್ಚ, ಜಾತಿ ಸಙ್ಖತಲಕ್ಖಣೇ.

ಭವಭೇದೇ ಪತಿಟ್ಠಾಯಂ, ನಿಟ್ಠಾ’ಜ್ಝಾಸಯಬುದ್ಧಿಸು;

ವಾಸಟ್ಠಾನೇ ಚ ಗಮನೇ, ವಿಸಟತ್ತೇ [ವಿಸರತ್ತ ವಿಸದತ್ತೇ] ಗತೀರಿತಾ.

ಫಲೇ ವಿಪಸ್ಸನಾ ದಿಬ್ಬ, ಚಕ್ಖು ಸಬ್ಬಞ್ಞುತಾಸು ಚ;

ಪಚ್ಚವೇಕ್ಖಣಞಾಣಮ್ಹಿ, ಮಗ್ಗೇ ಚ ಞಾಣದಸ್ಸನಂ.

ಕಮ್ಮಾರುದ್ಧನ ಅಙ್ಗಾರ, ಕಪಲ್ಲ ದೀಪಿಕಾಸು ಚ;

ಸುವಣ್ಣಕಾರಮೂಸಾಯಂ, ಉಕ್ಕಾ ವೇಗೇ ಚ ವಾಯುನೋ.

ಕೇಸೋಹಾರಣ, ¶ ಜೀವಿತ, ವುತ್ತಿಸು ವಪನೇ ಚ ವಾಪಸಮಕರಣೇ;

ಕಥನೇ ಪಮುತ್ತಭಾವ, ಜ್ಝೇನಾದೋ [ಜ್ಝೇಸನಾದೋ (ಸೀ.)] ವುತ್ತ ಮಪಿ ತೀಸು.

ಗಮನೇ ವಿಸ್ಸುತೇ ಚಾ’ವ, ಧಾರಿತೋ’ಪಚಿತೇಸು ಚ;

ಅನುಯೋಗೇ ಕಿಲಿನ್ನೇ ಚ, ಸುತೋ’ ಭಿಧೇಯ್ಯಲಿಙ್ಗಿಕೋ.

ಸೋತವಿಞ್ಞೇಯ್ಯ ಸತ್ಥೇಸು, ಸುತಂ ಪುತ್ತೇ ಸುತೋ ಸಿಯಾ;

ಕಪ್ಪೋ ಕಾಲೇ ಯುಗೇ ಲೇಸೇ, ಪಞ್ಞತ್ತಿ ಪರಮಾಯುಸು;

ಸದಿಸೇ ತೀಸು ಸಮಣ, ವೋಹಾರ ಕಪ್ಪಬಿನ್ದುಸು;

ಸಮನ್ತತ್ಥೇ’ನ್ತರಕಪ್ಪಾ, ದಿಕೇ ತಕ್ಕೇ ವಿಧಿಮ್ಹಿ ಚ.

ನಿಬ್ಬಾನ ಮಗ್ಗ ವಿರತಿ, ಸಪಥೇ ಸಚ್ಚಭಾಸಿತೇ;

ತಚ್ಛೇ ಚಾ’ರಿಯಸಚ್ಚಮ್ಹಿ, ದಿಟ್ಠಿಯಂ ಸಚ್ಚ ಮೀರಿತಂ.

ಸಞ್ಜಾತಿದೇಸೇ ಹೇತುಮ್ಹಿ, ವಾಸಟ್ಠಾನಾ’ಕರೇಸು ಚ;

ಸಮೋಸರಣಟ್ಠಾನೇ ಚಾ, ಯತನಂ ಪದಪೂರಣೇ.

ಅನ್ತರಂ ಮಜ್ಝ ವತ್ಥ’ಞ್ಞ, ಖಣೋ’ಕಾಸೋ’ಧಿ ಹೇತುಸು;

ಬ್ಯವಧಾನೇ ವಿನಟ್ಠೇ ಚ, ಭೇದೇ ಛಿದ್ದೇ ಮನಸ್ಯ’ಪಿ.

ಆರೋಗ್ಯೇ ಕುಸಲಂ ಇಟ್ಠ, ವಿಪಾಕೇ ಕುಸಲೋ ತಥಾ;

ಅನವಜ್ಜಮ್ಹಿ ಛೇಕೇ ಚ, ಕಥಿತೋ ವಾಚ್ಚಲಿಙ್ಗಿಕೋ.

ದ್ರವಾ’ಚಾರೇಸು ವೀರಿಯೇ, ಮಧುರಾದೀಸು ಪಾರದೇ;

ಸಿಙ್ಗಾರಾದೋ ಧಾತುಭೇದೇ, ಕಿಚ್ಚೇ ಸಮ್ಪತ್ತಿಯಂ ರಸೋ.

ಬೋಧಿ ಸಬ್ಬಞ್ಞುತಞ್ಞಾಣೇ, ರಿಯಮಗ್ಗೇ ಚ ನಾರಿಯಂ;

ಪಞ್ಞತ್ತಿಯಂ ಪುಮೇ’ ಸ್ಸತ್ಥ, ರುಕ್ಖಮ್ಹಿ ಪುರಿಸಿತ್ಥಿಯಂ.

ಸೇವಿತೋ ಯೇನ ಯೋ ನಿಚ್ಚಂ, ತತ್ಥಾಪಿ ವಿಸಯೋ ಸಿಯಾ;

ರೂಪಾದಿಕೇ ಜನಪದೇ, ತಥಾ ದೇಸೇ ಚ ಗೋಚರೇ.

ಭಾವೋ ಪದತ್ಥೇ ಸತ್ತಾಯ, ಮಧಿಪ್ಪಾಯ ಕ್ರಿಯಾಸು ಚ;

ಸಭಾವಸ್ಮಿಞ್ಚ ಲೀಲಾಯಂ, ಪುರಿಸಿ’ತ್ಥಿನ್ದ್ರಿಯೇಸು ಚ.

ಸೋ ಬನ್ಧವೇ’ತ್ತನಿ ಚ ಸಂ, ಸೋ ಧನಸ್ಮಿ ಮನಿತ್ಥಿಯಂ;

ಸಾ ಪುಮೇ ಸುನಖೇ ವುತ್ತೋ, ತ್ತನಿಯೇ ಸೋ ತಿಲಿಙ್ಗಿಕೋ.

ಸುವಣ್ಣಂ ಕನಕೇ ವುತ್ತಂ, ಸುವಣ್ಣೋ ಗರುಳೇ ತಥಾ;

ಪಞ್ಚಧರಣಮತ್ತೇ ಚ, ಛವಿ ಸಮ್ಪತ್ತಿಯಮ್ಪಿ ಚ.

ವರೋ ¶ ದೇವಾದಿಕಾ [ದೇವಾದಿತೋ (ಸೀ.)] ಇಟ್ಠೇ, ಜಾಮಾತರಿ ಪತಿಮ್ಹಿ ಚ,

ಉತ್ತಮೇ ವಾಚ್ಚಲಿಙ್ಗೋ ಸೋ, ವರಂ ಮನ್ದಪ್ಪಿಯೇ ಬ್ಯಯಂ.

ಮಕುಲೇ ಧನರಾಸಿಮ್ಹಿ, ಸಿಯಾ ಕೋಸ ಮನಿತ್ಥಿಯಂ;

ನೇತ್ತಿಂಸಾದಿ ಪಿಧಾನೇ ಚ, ಧನುಪಞ್ಚಸತೇಪಿ ಚ.

ಪಿತಾಮಹೇ ಜಿನೇ ಸೇಟ್ಠೇ, ಬ್ರಾಹ್ಮಣೇ ಚ ಪಿತೂಸ್ವಪಿ;

ಬ್ರಹ್ಮಾ ವುತ್ತೋ ತಥಾ ಬ್ರಹ್ಮಂ, ವೇದೇ ತಪಸಿ ವುಚ್ಚತೇ.

ಹತ್ಥೀನಂ ಮಜ್ಝಬನ್ಧೇ ಚ, ಪಕೋಟ್ಠೇ ಕಚ್ಛಬನ್ಧನೇ;

ಮೇಖಲಾಯಂ ಮತಾ ಕಚ್ಛಾ, ಕಚ್ಛೋ ವುತ್ತೋ ಲತಾಯ ಚ.

ತಥೇವ ಬಾಹುಮೂಲಮ್ಹಿ, ಅನೂಪಮ್ಹಿ ತಿಣೇಪಿ ಚ;

ಪಮಾಣಂ ಹೇತು ಸತ್ಥೇಸು, ಮಾನೇ ಚ ಸಚ್ಚವಾದಿನಿ;

ಪಮಾತರಿ ಚ ನಿಚ್ಚಮ್ಹಿ, ಮರಿಯಾದಾಯ ಮುಚ್ಚತೇ.

ಸತ್ತಂ ದಬ್ಬ’ತ್ತಭಾವೇಸು, ಪಾಣೇಸು ಚ ಬಲೇ, ಸಿಯಾ [ಬಲೇ ಸಕ್ಕಾ (ಟೀ.)];

ಸತ್ತಾಯಞ್ಚ, ಜನೇಸತ್ತೋ, ಆಸತ್ತೇ ಸೋ ತಿಲಿಙ್ಗಿಕೋ.

ಸೇಮ್ಹಾದೋ ರಸರತ್ತಾದೋ, ಮಹಾಭೂತೇ ಪಭಾದಿಕೇ;

ಧಾತು ದ್ವೀಸ್ವ’ಟ್ಠಿಚಕ್ಖಾ’ದಿ, ಭ್ವಾ’ದೀಸು ಗೇರಿಕಾದಿಸು.

ಅಮಚ್ಚಾದೋ ಸಭಾವೇ ಚ, ಯೋನಿಯಂ ಪಕತೀ’ರಿತಾ;

ಸತ್ವಾದಿಸಾಮ್ಯಾ’ವತ್ಥಾಯಂ, ಪಚ್ಚಯಾ ಪಠಮೇಪಿ ಚ.

ಪದಂ ಠಾನೇ ಪರಿತ್ತಾಣೇ, ನಿಬ್ಬಾನಮ್ಹಿ ಚ ಕಾರಣೇ;

ಸದ್ದೇ ವತ್ಥುಮ್ಹಿ ಕೋಟ್ಠಾಸೇ, ಪಾದೇ ತಲ್ಲಞ್ಛನೇ ಮತಂ.

ಲೋಹಮುಗ್ಗರ ಮೇಘೇಸು, ಘನೋ, ತಾಲಾದಿಕೇ ಘನಂ,;

ನಿರನ್ತರೇ ಚ ಕಠಿನೇ, ವಾಚ್ಚಲಿಙ್ಗಿಕ ಮುಚ್ಚತೇ.

ಖುದ್ದಾ ಚ ಮಕ್ಖಿಕಾಭೇದೇ, ಮಧುಮ್ಹಿ ಖುದ್ದ, ಮಪ್ಪಕೇ;

ಅಧಮೇ ಕಪಣೇ ಚಾಪಿ, ಬಹುಮ್ಹಿ ಚತೂಸು ತ್ತಿಸು.

ತಕ್ಕೇ ಮರಣಲಿಙ್ಗೇ ಚ, ಅರಿಟ್ಠಂ ಅಸುಭೇ ಸುಭೇ,;

ಅರಿಟ್ಠೋ ಆಸವೇ ಕಾಕೇ, ನಿಮ್ಬೇ ಚ ಫೇನಿಲದ್ದುಮೇ.

ಮಾನಭಣ್ಡೇ ಪಲಸತೇ, ಸದಿಸತ್ತೇ ತುಲಾ ತಥಾ;

ಗೇಹಾನಂ ದಾರುಬನ್ಧತ್ಥ, ಪೀಠಿಕಾಯಞ್ಚ ದಿಸ್ಸತಿ.

ಮಿತ್ತಕಾರೇ ¶ ಲಞ್ಜದಾನೇ, ಬಲೇ ರಾಸಿ ವಿಪತ್ತಿಸು [ಬಲರಾಸಿ ವಿಪತ್ತಿಸು (ಕ.)];

ಯುದ್ಧೇ ಚೇವ ಪಟಿಞ್ಞಾಯಂ, ಸಙ್ಗರೋ ಸಮ್ಪಕಾಸಿತೋ.

ಖನ್ಧೇ ಭವೇ ನಿಮಿತ್ತಮ್ಹಿ, ರೂಪಂ ವಣ್ಣೇ ಚ ಪಚ್ಚಯೇ;

ಸಭಾವ ಸದ್ದ ಸಣ್ಠಾನ, ರೂಪಜ್ಝಾನ ವಪೂಸು ಚ.

ವತ್ಥು ಕಿಲೇಸ ಕಾಮೇಸು, ಇಚ್ಛಾಯಂ ಮದನೇ ರತೇ;

ಕಾಮೋ, ಕಾಮಂ ನಿಕಾಮೇ, ಚಾ, ನುಞ್ಞಾಯಂ ಕಾಮ ಮಬ್ಯಯಂ.

ಪೋಕ್ಖರಂ ಪದುಮೇ ದೇಹೇ, ವಜ್ಜಭಣ್ಡಮುಖೇಪಿ ಚ;

ಸುನ್ದರತ್ತೇ ಚ ಸಲಿಲೇ, ಮಾತಙ್ಗಕರಕೋಟಿಯಂ.

ರಾಸಿನಿಚ್ಚಲ ಮಾಯಾಸು, ದಮ್ಭಾ’ಸಚ್ಚೇಸ್ವ’ಯೋಘನೇ;

ಗಿರಿಸಿಙ್ಗಮ್ಹಿ ಸೀರಙ್ಗೇ, ಯನ್ತೇ ಕೂಟ ಮನಿತ್ಥಿಯಂ.

ವುದ್ಧಿಯಂ ಜನನೇ ಕಾಮ, ಧಾತ್ವಾದೀಮ್ಹಿ ಚ ಪತ್ತಿಯಂ;

ಸತ್ತಾಯಞ್ಚೇವ ಸಂಸಾರೇ, ಭವೋ ಸಸ್ಸತದಿಟ್ಠಿಯಂ.

ಪಟಿವಾಕ್ಯೋ’ತ್ತರಾಸಙ್ಗೇ, ಸು’ತ್ತರಂ ಉತ್ತರೋ ತಿಸು;

ಸೇಟ್ಠೇ ದಿಸಾದಿಭೇದೇ ಚ, ಪರಸ್ಮಿ ಮುಪರೀ’ರಿತೋ.

ನೇಕ್ಖಮ್ಮಂ ಪಠಮಜ್ಝಾನೇ, ಪಬ್ಬಜ್ಜಾಯಂ ವಿಮುತ್ತಿಯಂ;

ವಿಪಸ್ಸನಾಯ ನಿಸ್ಸೇಸ, ಕುಸಲಮ್ಹಿ ಚ ದಿಸ್ಸತಿ.

ಸಙ್ಖಾರೋ ಸಙ್ಖತೇ ಪುಞ್ಞಾ, ಭಿಸಙ್ಖಾರಾದಿಕೇಪಿ ಚ;

ಪಯೋಗೇ ಕಾಯಸಙ್ಖಾರಾ, ದ್ಯ’ಭಿಸಙ್ಖರಣೇಸು ಚ.

ಆರಮ್ಮಣೇ ಚ ಸಂಸಟ್ಠೇ, ವೋಕಿಣ್ಣೇ ನಿಸ್ಸಯೇ ತಥಾ;

ತಬ್ಭಾವೇ ಚಾಪ್ಯಭಿಧೇಯ್ಯ, ಲಿಙ್ಗೋ ಸಹಗತೋ ಭವೇ.

ತೀಸು ಛನ್ನಂ ಪತಿರೂಪೇ, ಛಾದಿತೇ ಚ ನಿಗೂಹಿತೇ;

ನಿವಾಸನ ಪಾರುಪನೇ, ರಹೋ ಪಞ್ಞತ್ತಿಯಂ ಪುಮೇ.

ಬುದ್ಧಸಮನ್ತಚಕ್ಖೂಸು, ಚಕ್ಖು ಪಞ್ಞಾಯ ಮೀರಿತಂ;

ಧಮ್ಮಚಕ್ಖುಮ್ಹಿ ಚ ಮಂಸ, ದಿಬ್ಬಚಕ್ಖುದ್ವಯೇಸು ಚ.

ವಾಚ್ಚಲಿಙ್ಗೋ ಅಭಿಕ್ಕನ್ತೋ, ಸುನ್ದರಮ್ಹಿ ಅಭಿಕ್ಕಮೇ;

ಅಭಿರೂಪೇ ಖಯೇ ವುತ್ತೋ, ತಥೇವ’ಬ್ಭನುಮೋದನೇ.

ಕಾರಣೇ ದೇಸನಾಯಞ್ಚ, ವಾರೇ ವೇವಚನೇಪಿ ಚ;

ಪಾಕಾರಸ್ಮಿಂ [ಪಕಾರಸ್ಮಿಂ (ಕ.)] ಅವಸರೇ, ಪರಿಯಾಯೋ ಕಥೀಯತಿ.

ವಿಞ್ಞಾಣೇ ¶ ಚಿತ್ತಕಮ್ಮೇ ಚ, ವಿಚಿತ್ತೇ ಚಿತ್ತ ಮುಚ್ಚತೇ;

ಪಞ್ಞತ್ತಿ ಚಿತ್ತಮಾಸೇಸು, ಚಿತ್ತೋ, ತಾರನ್ತರೇ ಥಿಯಂ.

ಸಾಮಂ ವೇದನ್ತರೇ ಸಾನ್ತ್ವೇ, ತಂ ಪೀತೇ ಸಾಮಲೇ ತಿಸು;

ಸಯಮತ್ಥೇ ಬ್ಯಯಂ ಸಾಮಂ, ಸಾಮಾ ಚ ಸಾರಿವಾಯಪಿ.

ಪುಮೇ ಆಚರಿಯಾದಿಮ್ಹಿ, ಗರು [ಗುರು (ಕ. ಟೀ.)] ಮಾತಾಪಿತೂಸ್ವಪಿ;

ಗರು ತೀಸು ಮಹನ್ತೇ ಚ, ದುಜ್ಜರಾ’ಲಹುಕೇಸು ಚ.

ಅಚ್ಚಿತೇ ವಿಜ್ಜಮಾನೇ ಚ, ಪಸತ್ಥೇ ಸಚ್ಚ ಸಾಧುಸು;

ಖಿನ್ನೇ ಚ ಸಮಿತೇ ಚೇವ, ಸನ್ತೋಭಿಧೇಯ್ಯಲಿಙ್ಗಿಕೋತಿ.

ದೇವೋ ವಿಸುದ್ಧಿದೇವಾ’ದೋ, ಮೇಘ ಮಚ್ಚು ನಭೇಸು ಚ;

ಅಥೋಪಿ ತರುಣೇ ಸತ್ತೇ, ಚೋರೇಪಿ ಮಾಣವೋ ಭವೇ.

ಆದಿ ಕೋಟ್ಠಾಸ ಕೋಟೀಸು, ಪುರತೋ’ಗ್ಗಂವರೇ ತೀಸು;

ಪಚ್ಚನೀಕೋ’ತ್ತಮೇಸ್ವ’ಞ್ಞೇ, ಪಚ್ಛಾಭಾಗೇ ಪರೋ ತಿಸು.

ಯೋನಿ ಕಾಮ ಸಿರಿ’ಸ್ಸರೇ, ಧಮ್ಮು’ಯ್ಯಾಮ ಯಸೇ ಭಗಂ;

ಉಳಾರೋ ತೀಸು ವಿಪುಲೇ, ಸೇಟ್ಠೇ ಚ ಮಧುರೇ ಸಿಯಾ.

ಸಮ್ಪನ್ನೋ ತೀಸು ಸಮ್ಪುಣ್ಣೇ, ಮಧುರೇ ಚ ಸಮಙ್ಗಿನಿ;

ಸಙ್ಖಾ ತು ಞಾಣೇ ಕೋಟ್ಠಾಸ, ಪಞ್ಞತ್ತಿ ಗಣನೇಸು ಚ.

ಠಾನಂ ಇಸ್ಸರಿಯೋ’ಕಾಸ, ಹೇತೂಸು ಠಿತಿಯಮ್ಪಿ ಚ;

ಅಥೋ ಮಾನೇ ಪಕಾರೇಚ, ಕೋಟ್ಠಾಸೇಚ ವಿಧೋ ದ್ವಿಸು.

ಪಞ್ಞೋ’ಪವಾಸ ಖನ್ತೀಸು, ದಮೋ ಇನ್ದ್ರಿಯಸಂವರೇ;

ಞಾಣೇ ಚ ಸೋಮನಸ್ಸೇಚ, ವೇದೋ ಛನ್ದಸಿ ಚೋ’ಚ್ಚತೇ.

ಖನ್ಧಕೋಟ್ಠಾಸ, ಪಸ್ಸಾವ, ಮಗ್ಗ, ಹೇತೂಸು ಯೋನಿ ಸಾ [ಯೋನಿ ಸೋ (ಟೀ.)];

ಕಾಲೇ ತು ಕೂಲೇ ಸೀಮಾಯಂ, ವೇಲಾ ರಾಸಿಮ್ಹಿ ಭಾಸಿತಾ.

ವೋಹಾರೋ ಸದ್ದ ಪಣ್ಣತ್ತಿ, ವಣಿಜ್ಜಾ ಚೇತನಾಸು ಚ;

ನಾಗೋ ತು’ರಗ ಹತ್ಥೀಸು, ನಾಗರುಕ್ಖೇ ತಥು’ತ್ತಮೇ.

ರಾಗೇ ತು ಮಾನಸೋ ಚಿತ್ತಾ, ರಹತ್ತೇಸು ಚ ಮಾನಸಂ.

ಮೂಲಂ ¶ ಭೇ ಸನ್ತಿಕೇ ಮೂಲ, ಮೂಲೇ ಹೇತುಮ್ಹಿ ಪಾಭತೇ;

ರೂಪಾದ್ಯಂ’ಸ ಪಕಣ್ಡೇಸು, ಖನ್ಧೋ ರಾಸಿ ಗುಣೇಸು ಚ.

ಆರಮ್ಭೋ ವೀರಿಯೇ ಕಮ್ಮೇ, ಆದಿಕಮ್ಮೇ ವಿಕೋಪನೇ;

ಅಥೋ ಹದಯವತ್ಥುಮ್ಹಿ, ಚಿತ್ತೇ ಚ ಹದಯಂ ಉರೇ.

ಪಚ್ಛಾತಾಪಾ’ನುಬನ್ಧೇಸು, ರಾಗಾದೋ’ನುಸಯೋ ಭವೇ;

ಮಾತಙ್ಗಮುದ್ಧಪಿಣ್ಡೇ ತು, ಘಟೇ ಕುಮ್ಭೋ ದಸಮ್ಬಣೇ.

ಪರಿವಾರೋ ಪರಿಜನೇ, ಖಗ್ಗಕೋಸೇ ಪರಿಚ್ಛದೇ;

ಆಲಮ್ಬರೋ ತು ಸಾರಮ್ಭೇ, ಭೇರಿಭೇದೇ ಚ ದಿಸ್ಸತಿ.

ಖಣೋ ಕಾಲವಿಸೇಸೇ ಚ, ನಿಬ್ಯಾಪಾರಟ್ಠಿತಿಮ್ಹಿ ಚ;

ಕುಲೇ ತ್ವ’ಭಿಜನೋ ವುತ್ತೋ, ಉಪ್ಪತ್ತಿಭೂಮಿಯಮ್ಪಿ ಚ.

ಆಹಾರೋ ಕಬಳೀಕಾರಾ, ಹಾರಾದೀಸು ಚ ಕಾರಣೇ;

ವಿಸ್ಸಾಸೇ ಯಾಚನಾಯಞ್ಚ, ಪೇಮೇ ಚ ಪಣಯೋ ಮತೋ.

ಣಾದೋ ಸದ್ಧಾ, ಚೀವರಾದಿ, ಹೇತ್ವಾ’ಧಾರೇಸು ಪಚ್ಚಯೋ;

ಕೀಳಾ ದಿಬ್ಬವಿಹಾರಾದೋ, ವಿಹಾರೋ ಸುಗತಾಲಯೇ.

ಸಮತ್ಥನೇ ಮತೋ ಚಿತ್ತೇ, ಕಗ್ಗತಾಯಂ ಸಮಾಧಿ ಚ;

ಯೋಗೋ ಸಙ್ಗತಿ [ಸಙ್ಗೇ ಚ (ಟೀ.)] ಕಾಮಾದೋ,

ಭೋಗೋ ಸಪ್ಪಫಣ’ಙ್ಗೇಸು, ಕೋಟಿಲ್ಲೇ ಭುಞ್ಜನೇ ಧನೇ;

ಭೂಮಿಭಾಗೇ ಕಿಲೇಸೇ ಚ, ಮಲೇ ಚಾ’ಙ್ಗಣ ಮುಚ್ಚತೇ.

ಧನಾದಿದಪ್ಪೇ ಪಞ್ಞಾಯ, ಅಭಿಮಾನೋ ಮತೋ ಥ ಚ;

ಅಪದೇಸೋ ನಿಮಿತ್ತೇ ಚ, ಛಲೇ ಚ ಕಥನೇ ಮತೋ.

ಚಿತ್ತೇ ಕಾಯೇ ಸಭಾವೇ ಚ, ಸೋ ಅತ್ತಾ ಪರಮ’ತ್ತನಿ;

ಅಥ ಗುಮ್ಬೋ ಚ ಥಮ್ಬಸ್ಮಿಂ [ಥಮ್ಭಸ್ಮಿಂ (ಟೀ.)], ಸಮೂಹೇ ಬಲಸಜ್ಜನೇ.

ಅನ್ತೋಘರೇ ಕುಸೂಲೇ ಚ, ಕೋಟ್ಠೋ ನ್ತೋಕುಚ್ಛಿಯಂ ಪ್ಯಥ;

ಸೋಪಾನಙ್ಗಮ್ಹಿ ಉಣ್ಹೀಸೋ, ಮಕುಟೇ ಸೀಸವೇಠನೇ.

ನಿಯ್ಯಾಸೇ ಸೇಖರೇ ದ್ವಾರೇ, ನಿಯ್ಯೂಹೋ ನಾಗದನ್ತಕೇ;

ಅಥೋ ಸಿಖಣ್ಡೇ ತೂಣೀರೇ, ಕಲಾಪೋ ನಿಕರೇ ಮತೋ.

ಚೂಳಾ ಸಂಯತಕೇಸೇಸು, ಮಕುಟೇ ಮೋಳಿ ಚ ದ್ವಿಸು;

ಸಙ್ಖೋ ತ್ವ’ನಿತ್ಥಿಯಂ ಕಮ್ಬು, ನಲಾಟ’ಟ್ಠೀಸು [ಲಲಾಟಟ್ಠೀಸು (ಸೀ.)] ಗೋಪ್ಫಕೇ.

ಪಕ್ಖೋ ¶ ಕಾಲೇ ಬಲೇ ಸಾಧ್ಯೇ, ಸಖೀ ವಾಜೇಸು ಪಙ್ಗುಲೇ;

ದೇಸೇ’ಣ್ಣವೇ ಪುಮೇ ಸಿನ್ಧು, ಸರಿತಾಯಂ ಸ ನಾರಿಯಂ.

ಗಜೇ ಕರೇಣು ಪುರಿಸೇ, ಸೋ ಹತ್ಥಿನಿಯ ಮಿತ್ಥಿಯಂ;

ರತನೇ ವಜಿರೋ ನಿತ್ಥೀ, ಮಣಿವೇಧಿ’ನ್ದಹೇತಿಸು.

ವಿಸಾಣಂ ತೀಸು ಮಾತಙ್ಗ, ದನ್ತೇ ಚ ಪಸುಸಿಙ್ಗಕೇ;

ಕೋಟಿಯಂ ತು ಮತೋ ಕೋಣೋ, ತಥಾ ವಾದಿತ್ತವಾದನೇ.

ವಣಿಪ್ಪಥೇ ಚ ನಗರೇ, ವೇದೇ ಚ ನಿಗಮೋ ಥ ಚ;

ವಿವಾದಾದೋ’ ಧಿಕರಣಂ, ಸಿಯಾ’ಧಾರೇ ಚ ಕಾರಣೇ.

ಪಸುಮ್ಹಿ ವಸುಧಾಯಞ್ಚ, ವಾಚಾದೋ ಗೋ ಪುಮಿತ್ಥಿಯಂ;

ಹರಿತೇ ತು ಸುವಣ್ಣೇ ಚ, ವಾಸುದೇವೇ ಹರೀ’ರಿತೋ.

ಆಯತ್ತೇ ಪರಿವಾರೇ ಚ, ಭರಿಯಾಯಂ ಪರಿಗ್ಗಹೋ;

ಉತ್ತಂಸೋ ತ್ವ’ ವತಂಸೋ ಚ, ಕಣ್ಣಪೂರೇ ಚ ಸೇಖರೇ.

ವಿಜ್ಜುಯಂ ವಜಿರೇ ಚೇವಾ, ಸನಿ’ತ್ಥಿಪುರಿಸೇ ಪ್ಯಥ;

ಕೋಣೇ ಸಙ್ಖ್ಯಾವಿಸೇಸಸ್ಮಿಂ, ಉಕ್ಕಂಸೇ ಕೋಟಿ ನಾರಿಯಂ.

ಚೂಳಾ ಜಾಲಾ ಪಧಾನ’ಗ್ಗ, ಮೋರಚೂಳಾಸು ಸಾ ಸಿಖಾ;

ಸಪ್ಪದಾಠಾಯ ಮಾಸೀ’ತ್ಥೀ, ಇಟ್ಠಸ್ಸಾ’ಸೀಸನಾಯಪಿ.

ವಸಾ ವಿಲೀನ ತೇಲಸ್ಮಿಂ, ವಸಗಾ ವಞ್ಝಗಾವಿಸು;

ಅಭಿಲಾಸೇ ತು ಕಿರಣೇ, ಅಭಿಸಙ್ಗೇ ರುಚಿ’ತ್ಥಿಯಂ.

ಸಞ್ಞಾ ಸಞ್ಜಾನನೇ ನಾಮೇ, ಚೇತನಾಯಞ್ಚ ದಿಸ್ಸತಿ;

ಅಂಸೇ ಸಿಪ್ಪೇ ಕಲಾ ಕಾಲೇ, ಭಾಗೇ ಚನ್ದಸ್ಸ ಸೋಳಸೇ.

ಬೀಜಕೋಸೇ ಘರಕೂಟೇ, ಕಣ್ಣಭೂಸಾಯ ಕಣ್ಣಿಕಾ;

ಆಗಾಮಿಕಾಲೇ ದೀಘತ್ತೇ, ಪಭಾವೇ ಚ ಮತಾ’ಯತಿ.

ಉಣ್ಣಾ ಮೇಸಾದಿಲೋಮೇ, ಚ, ಭೂಮಜ್ಝೇ ರೋಮಧಾತುಯಂ;

ವಾರುಣೀ ತ್ವಿತ್ಥಿಯಂ ವುತ್ತಾ, ನಟ್ಟಕೀ ಮದಿರಾದಿಸು.

ಕ್ರಿಯಚಿತ್ತೇ ಚ ಕರಣೇ, ಕಿರಿಯಂ ಕಮ್ಮನಿ ಕ್ರಿಯಾ;

ಸುನಿಸಾಯಂ ತು ಕಞ್ಞಾಯ, ಜಾಯಾಯ ಚ ವಧೂ ಮತಾ.

ಪಮಾಣಿ’ಸ್ಸರಿಯೇ ಮತ್ತಾ, ಅಕ್ಖರಾವಯವೇ’ಪ್ಪಕೇ;

ಸುತ್ತಂ ಪಾವಚನೇ ರಿಟ್ಠೇ [ಸಿದ್ಧೇ (ಟೀ.)], ತನ್ತೇ ತಂ ಸುಪಿತೇ ತಿಸು.

ರಾಜಲಿಙ್ಗೋ’ಸಭಙ್ಗೇಸು, ¶ ರುಕ್ಖೇ ಚ ಕಕುದೋ [ಕಕುಧೋ (ಟೀ. ಸೀ.)] ಪ್ಯಥ;

ನಿಮಿತ್ತ’ಕ್ಖರ ಸೂಪೇಸು, ಬ್ಯಞ್ಜನಂ ಚಿಹನೇ ಪದೇ.

ವೋಹಾರೇ ಜೇತು ಮಿಚ್ಛಾಯಂ, ಕೀಳಾದೋ ಚಾಪಿ ದೇವನಂ;

ಭರಿಯಾಯಂ ತು ಕೇದಾರೇ, ಸರೀರೇ ಖೇತ್ತ ಮೀರಿತಂ.

ಸುಸ್ಸೂಸಾಯಞ್ಚ ವಿಞ್ಞೇಯ್ಯಂ, ಇಸ್ಸಾಭ್ಯಾಸೇ ಪ್ಯು’ಪಾಸನಂ;

ಸೂಲಂ ತು ನಿತ್ಥಿಯಂ ಹೇತಿ, ಭೇದೇ ಸಂಕು ರುಜಾಸು ಚ.

ತನ್ತಿ ವೀಣಾಗುಣೇ, ತನ್ತಂ, ಮುಖ್ಯಸಿದ್ಧನ್ತ ತನ್ತುಸು;

ರಥಾದ್ಯಙ್ಗೇ ತು ಚ ಯುಗೋ, ಕಪ್ಪಮ್ಹಿ ಯುಗಲೇ ಯುಗಂ.

ಇತ್ಥಿಪುಪ್ಫೇ ಚ ರೇಣುಮ್ಹಿ, ರಜೋ ಪಕತಿಜೇ ಗುಣೇ;

ನ್ಯಾಸಪ್ಪಣೇ ತು ದಾನಮ್ಹಿ, ನಿಯ್ಯಾತನ ಮುದೀರಿತಂ.

ಗರು’ಪಾಯಾ’ವತಾರೇಸು, ತಿತ್ಥಂ ಪೂತಮ್ಬು ದಿಟ್ಠಿಸು;

ಪಣ್ಡಕೇ ಜೋತಿ ನಕ್ಖತ್ತ, ರಂಸೀಸ್ವ’ಗ್ಗಿಮ್ಹಿ ಜೋತಿ ಸೋ.

ಕಣ್ಡೋ ನಿತ್ಥೀ ಸರೇ ದಣ್ಡೇ, ವಗ್ಗೇ ಚಾವಸರೇ ಪ್ಯಥ;

ಉದ್ಧಂಬಾಹುದ್ವಯಮಾನೇ [ಬಾಹುದ್ವಯುಮ್ಮಾನೇ (ಸೀ. ಕ.)], ಸೂರತ್ತೇಪಿ ಚ ಪೋರಿಸಂ.

ಉಟ್ಠಾನಂ ಪೋರಿಸೇ’ಹಾಸು, ನಿಸಿನ್ನಾದ್ಯು’ಗ್ಗಮೇ ಪ್ಯಥ;

ಅನಿಸ್ಸಯಮಹೀಭಾಗೇ, ತ್ವಿ’ರೀಣಂ ಊಸರೇ ಸಿಯಾ.

ಆರಾಧನಂ ಸಾಧನೇ ಚ, ಪತ್ತಿಯಂ ಪರಿತೋಸನೇ;

ಪಧಾನೇ ತು ಚ ಸಾನುಮ್ಹಿ, ವಿಸಾಣೇ ಸಿಙ್ಗ ಮುಚ್ಚತೇ.

ದಿಟ್ಠಾ’ದಿಮಗ್ಗೇ ಞಾಣ’ಕ್ಖಿ, ಕ್ಖಣ ಲದ್ಧೀಸು ದಸ್ಸನಂ;

ಹೇಮೇ ಪಞ್ಚಸುವಣ್ಣೇ ಚ, ನಿಕ್ಖೋ ನಿತ್ಥೀ ಪಸಾಧನೇ.

ತಿಥಿಭೇದೇ ಚ ಸಾಖಾದಿ, ಫಳುಮ್ಹಿ ಪಬ್ಬ ಮುಚ್ಚತೇ;

ನಾಗಲೋಕೇ ತು ಪಾತಾಲಂ, ಭಾಸಿತಂ ಬಲವಾಮುಖೇ.

ಕಾಮಜೇ ಕೋಪಜೇ ದೋಸೇ, ಬ್ಯಸನಞ್ಚ ವಿಪತ್ತಿಯಂ;

ಅಥೋ’ಪಕರಣೇ ಸಿದ್ಧಿ, ಕಾರಕೇಸು ಚ ಸಾಧನಂ.

ತೀಸ್ವೀರಿತೋ [ತೀಸ್ವಿತೋ (ಟೀ.)] ದಾನಸೀಲೇ, ವದಞ್ಞೂ ವಗ್ಗುವಾದಿನಿ;

ಪುರಕ್ಖತೋ ಭಿಸಿತ್ತೇ ಚ, ಪೂಜಿತೇ ಪುರತೋಕತೇ.

ಮನ್ದೋ ಭಾಗ್ಯವಿಹೀನೇ ಚಾ, ಪ್ಪಕೇ ಮೂಳ್ಹಾ’ಪಟೂಸ್ವಪಿ;

ವುದ್ಧಿಯುತ್ತೇ ಸಮುನ್ನದ್ಧೇ, ಉಪ್ಪನ್ನೇ ಉಸ್ಸಿತಂ ಭವೇ.

ರಥಙ್ಗೇ’ಕ್ಖೋ ¶ ಸುವಣ್ಣಸ್ಮಿಂ, ಪಾಸಕೇ, ಅಕ್ಖ ಮಿನ್ದ್ರಿಯೇ;

ಸಸ್ಸತೇ ಚ ಧುವೋ ತೀಸು, ಧುವಂ ತಕ್ಕೇ ಚ ನಿಚ್ಛಿತೇ.

ಹರೇ ಸಿವೋ, ಸಿವಂ ಭದ್ದ, ಮೋಕ್ಖೇಸು, ಜಮ್ಬುಕೇ ಸಿವಾ;

ಸೇನಾಯಂ ಸತ್ತಿಯಞ್ಚೇವ, ಥೂಲತ್ತೇ ಚ ಬಲಂ ಭವೇ.

ಸಙ್ಖ್ಯಾ ನರಕಭೇದೇಸು, ಪದುಮಂ ವಾರಿಜೇ ಪ್ಯಥ;

ದೇವಭೇದೇ ವಸು ಪುಮೇ, ಪಣ್ಡಕಂ ರತನೇ ಧನೇ.

ನಿಬ್ಬಾನಂ ಅತ್ಥಗಮನೇ, ಅಪವಗ್ಗೇ ಸಿಯಾ ಥ ಚ;

ಸೇತಮ್ಬುಜೇ ಪುಣ್ಡರೀಕಂ, ಬ್ಯಗ್ಘೇ ರುಕ್ಖನ್ತರೇ ಪುಮೇ.

ಉಪಹಾರೇ ಬಲಿ ಪುಮೇ, ಕರಸ್ಮಿಂಚಾ’ಸುರನ್ತರೇ;

ಸುಕ್ಕಂ ತು ಸಮ್ಭವೇ, ಸುಕ್ಕೋ, ಧವಲೇ, ಕುಸಲೇ ತಿಸು.

ದಾಯೋ ದಾನೇ ವಿಭತ್ತಬ್ಬ, ಧನೇ ಚ ಪಿತುನಂ ವನೇ [ಧನೇ (ಟೀ.)];

ಪಭುತ್ತಾ’ಯತ್ತತಾ’ಯತ್ತಾ’, ಭಿಲಾಸೇಸು ವಸೋ ಭವೇ.

ಪರಿಭಾಸನ ಮಕ್ಕೋಸೇ, ನಿಯಮೇ ಭಾಸನೇ ಥ ಚ,

ಧನಮ್ಹಿ ಸೇಳನಂ ಯೋಧ, ಸೀಹನಾದಮ್ಹಿ ದಿಸ್ಸತಿ.

ಪಭವೋ ಜಾತಿಹೇತುಮ್ಹಿ, ಠಾನೇ ಚಾದ್ಯುಪಲದ್ಧಿಯಂ;

ಅಥೋ’ತು ನಾರಿಪುಪ್ಫಸ್ಮಿಂ, ಹೇಮನ್ತಾದಿಮ್ಹಿ ಚ ದ್ವಿಸು.

ಕರಣಂ ಸಾಧಕತಮೇ, ಕ್ರಿಯಾ ಗತ್ತೇಸು ಇನ್ದ್ರಿಯೇ;

ತಾತೋ [ತಾಳೋ (ಸೀ.)] ತು ಕುಞ್ಚಿಕಾಯಞ್ಚ, ತೂರಿಯಙ್ಗೇ ದುಮನ್ತರೇ.

ಪುಪ್ಫೇ ಫಲೇ ಚ ಪಸವೋ, ಉಪ್ಪಾದೇ ಗಬ್ಭಮೋಚನೇ;

ಗಾಯನೇ ಗಾಯಕೇ ಅಸ್ಸೇ, ಗನ್ಧಬ್ಬೋ ದೇವತಾನ್ತರೇ.

ವಿನಾ ಪುಪ್ಫಂ ಫಲಗ್ಗಾಹಿ, ರುಕ್ಖೇ ವನಪ್ಪತಿ;

ಆಹತೇ ಹೇಮರಜತೇ, ರೂಪಿಯಂ ರಜತೇಪಿ ಚ.

ಖಗಾದಿಬನ್ಧನೇ ಪಾಸೋ, ಕೇಸಪುಬ್ಬೋ ಚಯೇ ಪ್ಯಥ;

ತಾರಾ’ಕ್ಖಿಮಜ್ಝೇ ನಕ್ಖತ್ತೇ, ತಾರೋ ಉಚ್ಚತರಸ್ಸರೇ.

ಪತ್ತೇ ಚ ಲೋಹಭೇದಸ್ಮಿಂ, ಕಂಸೋ ಚತುಕಹಾಪಣೇ;

ಮಜ್ಝಿಮೋ ದೇಹಮಜ್ಝಸ್ಮಿಂ, ಮಜ್ಝಭವೇ ಚ ಸೋ ತಿಸು.

ಆವೇಸನಂಭೂತಾವೇಸೇ, ಸಿಪ್ಪಸಾಲಾ ಘರೇಸು ಚ;

ಸೋಭಾ ಸಮ್ಪತ್ತೀಸು ಸಿರೀ, ಲಕ್ಖೀತ್ಥೀ ದೇವತಾಯ ಚ.

ಕುಮಾರೋ ¶ ಯುವರಾಜೇ ಚ, ಖನ್ದೇ ವುತ್ತೋ ಸುಸುಮ್ಹಿ ಚ;

ಅಥಾ’ನಿತ್ಥೀ ಪವಾಳೋ ಚ, ಮಣಿಭೇದೇ ತಥಾ’ಙ್ಕುರೇ.

ಪಣೋ ವೇತನ ಮೂಲೇಸು, ವೋಹಾರೇ ಚ ಧನೇ ಮತೋ;

ಪಟಿಗ್ಗಹೋ ತು ಗಹಣೇ, ಕಥಿತೋ ಭಾಜನನ್ತರೇ.

ಅಸುಭೇ ಚ ಸುಭೇ ಕಮ್ಮೇ, ಭಾಗ್ಯಂ ವುತ್ತಂ ದ್ವಯೇ ಪ್ಯಥ;

ಪಿಪ್ಫಲಂ ತರುಭೇದೇ ಚ, ವತ್ಥಚ್ಛೇದನಸತ್ಥಕೇ.

ಅಪವಗ್ಗೋ ಪರಿಚ್ಚಾಗಾ’, ವಸಾನೇಸು ವಿಮುತ್ತಿಯಂ;

ಲಿಙ್ಗಂ ತು ಅಙ್ಗಜಾತಸ್ಮಿಂ, ಪುಮತ್ತಾದಿಮ್ಹಿ ಲಕ್ಖಣೇ.

ಚಾಗೇ ಸಭಾವೇ ನಿಮ್ಮಾನೇ, ಸಗ್ಗೋ ಜ್ಝಾಯೇ ದಿವೇಪ್ಯಥ;

ರೋಹಿತೋ ಲೋಹಿತೇ ಮಚ್ಛ, ಭೇದೇ ಚೇವ ಮಿಗನ್ತರೇ.

ನಿಟ್ಠಾ ನಿಪ್ಫತ್ತಿಯಂ ಚೇವಾ, ವಸಾನಮ್ಹಿ ಅದಸ್ಸನೇ;

ಕಣ್ಟಕೋ ತು ಸಪತ್ತಸ್ಮಿಂ, ರುಕ್ಖಙ್ಗೇ ಲೋಮಹಂಸನೇ.

ಮುಖ್ಯೋ’ಪಾಯೇಸು ವದನೇ, ಆದಿಸ್ಮಿಂ ಮುಖ ಮೀರಿತಂ;

ದಬ್ಬಂ ಭಬ್ಬೇ ಗುಣಾಧಾರೇ, ವಿತ್ತೇ ಚ ಬುಧ ದಾರುಸು.

ಮಾನಂ ಪಮಾಣೇ ಪತ್ಥಾದೋ, ಮಾನೋ ವುತ್ತೋ ವಿಧಾಯ ಚ;

ಅಥೋ ಪರಿಸ್ಸಮೇ ವುತ್ತೋ, ವಾಯಾಮೋ ವೀರಿಯೇಪಿ ಚ.

ಸರೋರುಹೇ ಸತಪತ್ತಂ, ಸತಪತ್ತೋ ಖಗನ್ತರೇ;

ಛಿದ್ದೇ ತು ಛಿದ್ದವನ್ತೇ ಚ, ಸುಸಿರಂ ತೂರಿಯನ್ತರೇ.

ಏಕಸ್ಮಿಂ ಸದಿಸೇ ಸನ್ತೇ, ಸಮಾನಂ ವಾಚ್ಚಲಿಙ್ಗಿಕಂ;

ಅಥೋ ಗಾರವ ಭೀತೀಸು, ಸಂವೇಗೇ ಸಮ್ಭಮೋ ಮತೋ.

ಜುಣ್ಹಾ ಚನ್ದಪ್ಪಭಾಯಞ್ಚ, ತದುಪೇತನಿಸಾಯ ಚ;

ವಿಮಾನಂ ದೇವತಾವಾಸೇ, ಸತ್ತಭೂಮಿಘರಮ್ಹಿ ಚ.

ಮಾಸೇ ಜೇಟ್ಠೋ, ತಿವುದ್ಧಾ’ತಿ, ಪ್ಪಸತ್ಥೇಸು ಚ ತೀಸು ಸೋ;

ಧಮ್ಮೇ ಚ ಮಙ್ಗಲೇ ಸೇಯ್ಯೋ, ಸೋ ಪಸತ್ಥತರೇ ತಿಸು.

ಆದಿಚ್ಚಾದಿಮ್ಹಿ ಗಹಣೇ, ನಿಬನ್ಧೇ ಚ ಘರೇ ಗಹೋ;

ಕಾಚೋ ತು ಮತ್ತಿಕಾಭೇದೇ, ಸಿಕ್ಕಾಯಂ ನಯನಾಮಯೇ.

ತೀಸು ಗಾಮಣಿ ಸೇಟ್ಠಸ್ಮಿಂ, ಅಧಿಪೇ ಗಾಮಜೇಟ್ಠಕೇ;

ಬಿಮ್ಬಂ ತು ಪಟಿಬಿಮ್ಬೇ ಚ, ಮಣ್ಡಲೇ ಬಿಮ್ಬಿಕಾಫಲೇ.

ಭಾಜನಾದಿ ಪರಿಕ್ಖಾರೇ, ಭಣ್ಡಂ ಮೂಲಧನೇಪಿ ಚ;

ಮಗ್ಗೋ ತ್ವರಿಯಮಗ್ಗೇ ಚ, ಸಮ್ಮಾದಿಟ್ಠಾದಿಕೇ, ಪಥೇ.

ಸಮಾ ¶ ವಸ್ಸೇ, ಸಮೋ ಖೇದ, ಸನ್ತೀಸು, ಸೋ ನಿಭೇ ತಿಸು;

ಚಾಪೇತ್ವಿಸ್ಸಾಸ, ಮುಸುನೋ, ಇಸ್ಸಾಸೋ ಖೇಪಕಮ್ಹಿ ಚ.

ಬಾಲೋ ತೀಸ್ವಾ’ದಿವಯಸಾ, ಸಮಙ್ಗಿನಿ ಅಪಣ್ಡಿತೇ;

ರತ್ತಂ ತು ಸೋಣಿತೇ, ತಮ್ಬಾ, ನುರತ್ತ, ರಞ್ಜಿತೇ ತಿಸು.

ತಚೇ ಕಾಯೇ ಚ ತನ್ವಿತ್ಥೀ, ತೀಸ್ವ’ಪ್ಪೇ ವಿರಳೇ ಕಿಸೇ;

ಉತುಭೇದೇ ತು ಸಿಸಿರೋ, ಹಿಮೇ ಸೋ ಸೀತಲೇ ತಿಸು.

ಸಕ್ಖರಾ ಗುಳಭೇದೇ ಚ, ಕಥಲೇಪಿ ಚ ದಿಸ್ಸತಿ;

ಅನುಗ್ಗಹೇ ತು ಸಙ್ಖೇಪೇ, ಗಹಣೇ ಸಙ್ಗಹೋ ಮತೋ.

ದಕ್ಖೇ ಚ ತಿಖಿಣೇ ಬ್ಯತ್ತೇ, ರೋಗಮುತ್ತೇ ಪಟುತ್ತಿಸು;

ರಾಜಾ ತು ಖತ್ತಿಯೇ ವುತ್ತೋ, ನರನಾಥೇ ಪಭುಮ್ಹಿ ಚ.

ಖಲಞ್ಚ ಧಞ್ಞಕರಣೇ, ಕಕ್ಕೇ ನೀಚೇ ಖಲೋ ಭವೇ;

ಅಥು’ಪ್ಪಾದೇ ಸಮುದಯೋ, ಸಮೂಹೇ ಪಚ್ಚಯೇಪಿ ಚ.

ಬ್ರಹ್ಮಚಾರೀ ಗಹಟ್ಠಾದೋ, ಅಸ್ಸಮೋ ಚ ತಪೋವನೇ;

ಭಯಙ್ಕರೇ ತು ಕಠಿನೇ, ಕುರೂರೋ ತೀಸು ನಿದ್ದಯೇ.

ಕನಿಟ್ಠೋ ಕನಿಯೋ ತೀಸು, ಅತ್ಯಪ್ಪೇ’ತಿಯುವೇ ಪ್ಯಥ;

ಸೀಘಮ್ಹಿ ಲಹು ತಂ, ಇಟ್ಠ, ನಿಸ್ಸಾರಾ’ಗರುಸುತ್ತಿಸು.

ಅಧರೋ ತೀಸ್ವಧೋ ಹೀನೇ, ಪುಮೇ ದನ್ತಚ್ಛದೇ ಪ್ಯಥ;

ಸುಸ್ಸುಸಾ ಸೋತು ಮಿಚ್ಛಾಯ, ಸಾ ಪಾರಿಚರಿಯಾಯ ಚ.

ಹತ್ಥೋ ಪಾಣಿಮ್ಹಿ ರತನೇ, ಗಣೇ ಸೋಣ್ಡಾಯ ಭನ್ತರೇ;

ಆವಾಟೇ ಉದಪಾನೇ ಚ, ಕೂಪೋ ಕುಮ್ಭೇ ಚ ದಿಸ್ಸತಿ.

ಆದೋ ಪಧಾನೇ ಪಠಮಂ, ಪಮುಖಞ್ಚ ತಿಲಿಙ್ಗಿಕಂ;

ವಜ್ಜಭೇದೇ ಚ ವಿತ ತಂ, ತಂ ವಿತ್ಥಾರೇ ತಿಲಿಙ್ಗಿಕಂ.

ಸಾರೋ ಬಲೇ ಥಿರಂಸೇ ಚ, ಉತ್ತಮೇ ಸೋ ತಿಲಿಙ್ಗಿಕೋ;

ಭಾರೋ ತು ಖನ್ಧಭಾರಾದೋ, ದ್ವಿಸಹಸ್ಸಪಲೇಪಿ ಚ.

ಮನ್ದಿರೇ ರೋಗಭೇದೇ ಚ, ಖಯೋ ಅಪಚಯಮ್ಹಿ ಚ;

ವಾಳೋ ತು ಸಾಪದೇ ಸಪ್ಪೇ, ಕುರೂರೇ ಸೋ ತಿಲಿಙ್ಗಿಕೋ.

ಸಾಲೋ ಸಜ್ಜದ್ದುಮೇ ರುಕ್ಖೇ, ಸಾಲಾಗೇಹೇ ಚ ದಿಸ್ಸತಿ;

ಸೋತೇ ತು ಸವನಂ ವುತ್ತಂ, ಯಜನೇ ಸುತಿಯಮ್ಪಿ ಚ.

ತೀಸು ಪತೋ ಪರೇತೋ ಚ, ಮತೇ ಚ ಪೇತಯೋನಿಜೇ;

ಖ್ಯಾತೇ ತು ಹಟ್ಠೇ ವಿಞ್ಞಾತೇ, ಪತೀತಂ ವಾಚ್ಚಲಿಙ್ಗಿಕಂ.

ಅಧಿಪ್ಪಾಯೇ ¶ ಚ ಆಧಾರೇ, ಆಸಯೋ ಕಥಿತೋ ಥ ಚ;

ಪತ್ತಂ ಪಕ್ಖೇ ದಲೇ, ಪತ್ತೋ, ಭಾಜನೇ ಸೋ ಗತೇ ತಿಸು.

ಕುಸಲೇ ಸುಕತಂ, ಸುಟ್ಠು, ಕತೇ ಚ ಸುಕತೋ ತಿಸು;

ತಪಸ್ಸೀ ತ್ವ’ನುಕಮ್ಪಾಯಾ, ರಹೇ ವುತ್ತೋ ತಪೋಧನೇ.

ತೀಸು ಸುರಾದಿಲೋಲಸ್ಮಿಂ, ಸೋಣ್ಡೋ ಹತ್ಥಿಕರೇ ದ್ವಿಸು;

ಅಸ್ಸಾದನೇ ತು ರಸನಂ, ಜಿವ್ಹಾಯಞ್ಚ ಧನಿಮ್ಹಿ ಚ.

ಪಣೀತೋ ತೀಸು ಮಧುರೇ, ಉತ್ತಮೇ ವಿಹಿತೇ ಪ್ಯಥ;

ಅಞ್ಜಸೇ ವಿಸಿಖಾಯಞ್ಚ, ಪನ್ತಿಯಂ ವೀಥಿ ನಾರಿಯಂ.

ಪಾಪಸ್ಮಿಂ ಗಗನೇ ದುಕ್ಖೇ, ಬ್ಯಸನೇ ಚಾ’ಘ ಮುಚ್ಚತೇ;

ಸಮೂಹೇ ಪಟಲಂ ನೇತ್ತ, ರೋಗೇ ವುತ್ತಂ ಛದಿಮ್ಹಿ ಚ.

ಸನ್ಧಿ ಸಙ್ಘಟ್ಟನೇ ವುತ್ತೋ, ಸನ್ಧಿ’ತ್ಥಿ ಪಟಿಸನ್ಧಿಯಂ;

ಸತ್ತನ್ನಂ ಪೂರಣೇ ಸೇಟ್ಠೇ, ತಿಸನ್ತೇ ಸತ್ತಮೋ ತಿಸು.

ಓಜಾ ತು ಯಾಪನಾಯಞ್ಚ, ಓಜೋ ದಿತ್ತಿ ಬಲೇಸು ಚ;

ಅಥೋ ನಿಸಾಮನಂ ವುತ್ತಂ, ದಸ್ಸನೇ ಸವನೇಪಿ ಚ.

ಗಬ್ಭೋ ಕುಚ್ಛಿಟ್ಠಸತ್ತೇ ಚ, ಕುಚ್ಛಿ ಓವರಕೇಸು ಚ;

ಖಣ್ಡನೇ ತ್ವ’ಪದಾನಞ್ಚ, ಇತಿವುತ್ತೇ ಚ ಕಮ್ಮನಿ.

ಚಿತ್ತಕೇ ರುಕ್ಖಭೇದೇ ಚ, ತಿಲಕೋ ತಿಲಕಾಳಕೇ;

ಸೀಲಾದೋ ಪಟಿಪತ್ತಿ’ತ್ಥೀ, ಬೋಧೇ ಪತ್ತಿ ಪವತ್ತಿಸು.

ಅಸುಮ್ಹಿ [ಆಯುಮ್ಹಿ (ಟೀ.), ೪೦೭-ಗಾಥಾ ಪಸ್ಸಿತಬ್ಬಾ] ಚ ಬಲೇ ಪಾಣೋ, ಸತ್ತೇ ಹದಯಗಾ’ನಿಲೇ;

ಛನ್ದೋ ವಸೇ ಅಧಿಪ್ಪಾಯೇ, ವೇದೇ’ಚ್ಛಾ’ನುಟ್ಠುಭಾದಿಸು.

ಕಾಮೋಘಾದೋ, ಸಮೂಹಸ್ಮಿಂ, ಓಘೋವೇಗೇ ಜಲಸ್ಸ ಚ;

ಕಪಾಲಂ ಸಿರಸಟ್ಠಿಮ್ಹಿ, ಘಟಾದಿ ಸಕಲೇಪಿ ಚ.

ವೇಣ್ವಾದಿಸಾಖಾಜಾಲಸ್ಮಿಂ, ಲಗ್ಗಕೇಸೇ ಜಟಾ’ಲಯೇ;

ಸರಣಂ ತು ವಧೇ ಗೇಹೇ, ರಕ್ಖಿತಸ್ಮಿಞ್ಚ ರಕ್ಖಣೇ.

ಥಿಯಂ ಕನ್ತಾ ಪಿಯೇ, ಕನ್ತೋ, ಮನುಞ್ಞೇ, ಸೋ ತಿಲಿಙ್ಗಿಕೋ;

ಗವಕ್ಖೇ ತು ಸಮೂಹೇ ಚ, ಜಾಲಂ ಮಚ್ಛಾದಿಬನ್ಧನೇ.

ಪುಚ್ಛಾಯಂ ಗರಹಾಯಞ್ಚಾ, ನಿಯಮೇ ಕಿಂ ತಿಲಿಙ್ಗಿಕಂ;

ಸಸದ್ಧೇ ತೀಸು ನಿವಾಪೇ, ಸದ್ಧಂ, ಸದ್ಧಾ ಚ ಪಚ್ಚಯೇ.

ಬೀಜಂ ¶ ಹೇತುಮ್ಹಿ ಅಟ್ಠಿಸ್ಮಿಂ, ಅಙ್ಗಜಾತೇ ಚ ದಿಸ್ಸತಿ;

ಪುಬ್ಬೋ ಪೂಯೇ’ಗ್ಗತೋ [ಅಗ್ಗತೇ (ಟೀ.)] ಆದೋ,

ಫಲಚಿತ್ತೇ ಹೇತುಕತೇ, ಲಾಭೇ ಧಞ್ಞಾದಿಕೇ ಫಲಂ;

ಆಗಮನೇ ತು ದೀಘಾದಿ, ನಿಕಾಯೇಸು ಚ ಆಗಮೋ.

ಸನ್ತಾನೋ ದೇವರುಕ್ಖೇ ಚ, ವುತ್ತೋ ಸನ್ತತಿಯಂ ಪ್ಯಥ;

ಉತ್ತರವಿಪರೀತೇ ಚ, ಸೇಟ್ಠೇ ಚಾ’ನುತ್ತರಂ ತಿಸು.

ಸತ್ತಿಸಮ್ಪತ್ತಿಯಂ ವುತ್ತೋ, ಕನ್ತಿಮತ್ತೇ ಚ ವಿಕ್ಕಮೋ;

ಛಾಯಾ ತು ಆತಪಾಭಾವೇ, ಪಟಿಬಿಮ್ಬೇ ಪಭಾಯ ಚ.

ಗಿಮ್ಹೇ ಘಮ್ಮೋ ನಿದಾಘೋ ಚ, ಉಣ್ಹೇ ಸೇದಜಲೇ ಪ್ಯಥ;

ಕಪ್ಪನಂ ಕನ್ತನೇ ವುತ್ತಂ, ವಿಕಪ್ಪೇ ಸಜ್ಜನೇ’ತ್ಥಿಯಂ.

ಅಙ್ಗಾ ದೇಸೇ ಬಹುಮ್ಹ’ಙ್ಗಂ, ಅಙ್ಗೋ ದೇಸೇ ವಪುಮ್ಹ’[ಙ್ಗ (ಟೀ.)] ತಥಾ’ವಯವಹೇತುಸು;

ದೇವಾಲಯೇ ಚ ಥೂಪಸ್ಮಿಂ, ಚೇತಿಯಂ ಚೇತಿಯ’ದ್ದುಮೇ.

ಸಜ್ಜನೋ ಸಾಧುಪುರಿಸೇ, ಸಜ್ಜನಂ ಕಪ್ಪನೇ ಪ್ಯಥ;

ಸುಪಿನಂ ಸುಪಿನೇ ಸುತ್ತ, ವಿಞ್ಞಾಣೇ ತ ಮನಿತ್ಥಿಯಂ.

ಪಚ್ಚಕ್ಖೇ ಸನ್ನಿಧಾನೇ ಚ, ಸನ್ನಿಧಿ ಪರಿಕಿತ್ತಿತೋ;

ಭಿಯ್ಯೋ ಬಹುತರತ್ಥೇ ಸೋ, ಪುನರತ್ಥೇ’ಬ್ಯಯಂ ಭವೇ.

ವಿಸಲಿತ್ತಸರೇ ದಿದ್ಧೋ, ದಿದ್ಧೋ ಲಿತ್ತೇ ತಿಲಿಙ್ಗಿಕೋ;

ವಾಸೇ ಧೂಮಾದಿಸಙ್ಖಾರೇ, ಧಿವಾಸೋ ಸಮ್ಪಟಿಚ್ಛನೇ.

ವುತ್ತೋ ವಿಸಾರದೋ ತೀಸು, ಸುಪ್ಪಗಬ್ಭೇ ಚ ಪಣ್ಡಿತೇ;

ಅಥ ಸಿತ್ಥಂ ಮಧುಚ್ಛಿಟ್ಠೇ, ವುತ್ತಂ ಓದನಸಮ್ಭವೇ.

ದ್ರವೇ ವಣ್ಣೇ ರಸಭೇದೇ, ಕಸಾಯೋ ಸುರಭಿಮ್ಹಿ ಚ;

ಅಥೋ ಉಗ್ಗಮನಂ ವುತ್ತಂ, ಉಪ್ಪತ್ತು’ದ್ಧಗತೀಸು ಚ.

ಲೂಖೇ ನಿಟ್ಠುರವಾಚಾಯಂ, ಫರುಸಂ ವಾಚ್ಚಲಿಙ್ಗಿಕಂ;

ಪವಾಹೋ ತ್ವ’ಮ್ಬುವೇಗೇ ಚ, ಸನ್ದಿಸ್ಸತಿ ಪವತ್ತಿಯಂ.

ನಿಸ್ಸಯೇ ತಪ್ಪರೇ ಇಟ್ಠೇ, ಪರಾಯಣಪದಂ ತಿಸು;

ಕವಚೇ ವಾರವಾಣೇ ಚ, ನಿಮ್ಮೋಕೇಪಿ ಚ ಕಞ್ಚುಕೋ.

ಲೋಹಭೇದೇ ¶ ಮತಂ ತಮ್ಬಂ, ತಮ್ಬೋ ರತ್ತೇ ತಿಲಿಙ್ಗಿಕೋ;

ತೀಸು ತ್ವ’ವಸಿತಂ ಞಾತೇ, ಅವಸಾನಗತೇ ಮತಂ.

ಬೋಧನೇ ಚ ಪದಾನೇ ಚ, ವಿಞ್ಞೇಯ್ಯಂ ಪಟಿಪಾದನಂ;

ಸೇಲೇ ನಿಜ್ಜಲದೇಸೇ ಚ, ದೇವತಾಸು ಮರೂ’ರಿತೋ.

ಸತ್ಥಂ ಆಯುಧ ಗನ್ಥೇಸು, ಲೋಹೇ, ಸತ್ಥೋ ಚ ಸಞ್ಚಯೇ;

ಜೀವಿಕಾಯಂ ವಿವರಣೇ, ವತ್ತನೇ ವುತ್ತಿ ನಾರಿಯಂ.

ವೀರಿಯೇ ಸೂರಭಾವೇ ಚ, ಕಥೀಯತಿ ಪರಕ್ಕಮೋ;

ಅಥ ಕಮ್ಬು ಮತೋ ಸಙ್ಖೇ, ಸುವಣ್ಣೇ ವಲಯೇಪಿ ಚ.

ಸರೋ ಕಣ್ಡೇ ಅಕಾರಾದೋ, ಸದ್ದೇ ವಾಪಿಮ್ಹಿ’ನಿತ್ಥಿಯಂ;

ದುಪ್ಫಸ್ಸೇ ತಿಖಿಣೇ ತೀಸು, ಗದ್ರಭೇ ಕಕಚೇ ಖರೋ.

ಸುರಾಯು’ಪದ್ದವೇ ಕಾಮಾ, ಸವಾದಿಮ್ಹಿ ಚ ಆಸವೋ;

ದೇಹೇ ವುತ್ತೋ ರಥಙ್ಗೇ ಚ, ಚತುರೋ’ಪಧಿಸೂ’ಪಧಿ.

ವತ್ಥು’ತ್ತಂ ಕಾರಣೇ ದಬ್ಬೇ, ಭೂಭೇದೇ ರತನತ್ತಯೇ;

ಯಕ್ಖೋ ದೇವೇ ಮಹಾರಾಜೇ, ಕುವೇರಾ’ನುಚರೇ ನರೇ.

ದಾರುಕ್ಖನ್ಧೇ ಪೀಠಿಕಾಯಂ, ಆಪಣೇ ಪೀಠ ಮಾಸನೇ;

ಪರಿವಾರೇ ಪರಿಕ್ಖಾರೋ, ಸಮ್ಭಾರೇ ಚ ವಿಭೂಸನೇ.

ವೋಹಾರಸ್ಮಿಞ್ಚ ಠಪನೇ, ಪಞ್ಞತ್ತಿ’ತ್ಥೀ ಪಕಾಸನೇ;

ಪಟಿಭಾನಂ ತು ಪಞ್ಞಾಯಂ, ಉಪಟ್ಠಿತ ಗಿರಾಯ ಚ.

ವಚನಾವಯವೇ ಮೂಲೇ, ಕಥಿತೋ ಹೇತು ಕಾರಣೇ;

ಉದರೇ ತು ತಥಾ ಪಾಚಾ, ನಲಸ್ಮಿಂ ಗಹಣೀ’ತ್ಥಿಯಂ.

ಪಿಯೋ ಭತ್ತರಿ, ಜಾಯಾಯಂ, ಪಿಯಾ, ಇಟ್ಠೇ ಪಿಯೋ ತಿಸು;

ಯಮರಾಜೇ ತು ಯುಗಳೇ, ಸಂಯಮೇ ಚ ಯಮೋ ಭವೇ.

ಮುದ್ದಿಕಸ್ಸ ಚ ಪುಪ್ಫಸ್ಸ, ರಸೇ ಖುದ್ದೇ ಮಧೂ’ರಿತಂ;

ಉಲ್ಲೋಚೇ ತು ಚ ವಿತ್ಥಾರೇ, ವಿತಾನಂ ಪುನ್ನಪುಂಸಕೇ.

ಅಪವಗ್ಗೇ ಚ ಸಲಿಲೇ, ಸುಧಾಯಂ ಅಮತಂ ಮತಂ;

ಮೋಹೇ ತು ತಿಮಿರೇ ಸಙ್ಖ್ಯಾ, ಗುಣೇ ತಮ ಮನಿತ್ಥಿಯಂ.

ಖರೇ ಚಾ’ಕಾರಿಯೇ ತೀಸು, ರಸಮ್ಹಿ ಪುರಿಸೇ ಕಟು;

ಪಣ್ಡಕೇ ಸುಕತೇ, ಪುಞ್ಞಂ, ಮನುಞ್ಞೇ ಪವನೇ ತಿಸು.

ರುಕ್ಖೋ ದುಮಮ್ಹಿ, ಫರುಸಾ, ಸಿನಿದ್ಧೇಸು ಚ ಸೋ ತಿಸು;

ಉಪ್ಪತ್ತಿಯಂ ತು ಹೇತುಮ್ಹಿ, ಸಙ್ಗೇ ಸುಕ್ಕೇ ಚ ಸಮ್ಭವೋ.

ನಿಮಿತ್ತಂ ¶ ಕಾರಣೇ ವುತ್ತಂ, ಅಙ್ಗಜಾತೇ ಚ ಲಞ್ಛನೇ;

ಆದಿ ಸೀಮಾಪಕಾರೇಸು, ಸಮೀಪೇ’ವಯವೇ ಮತೋ.

ವೇದೇ ಚ ಮನ್ತನೇ ಮನ್ತೋ, ಮನ್ತಾ ಪಞ್ಞಾಯ ಮುಚ್ಚತೇ;

ಅನಯೋ ಬ್ಯಸನೇ ಚೇವ, ಸನ್ದಿಸ್ಸತಿ ವಿಪತ್ತಿಯಂ.

ಅರುಣೋ ರಂಸಿಭೇದೇ ಚಾ, ಬ್ಯತ್ತರಾಗೇ ಚ ಲೋಹಿತೇ;

ಅನುಬನ್ಧೋ ತು ಪಕತಾ, ನಿವತ್ತೇ ನಸ್ಸನಕ್ಖರೇ.

ಅವತಾರೋ’ವತರಣೇ, ತಿತ್ಥಮ್ಹಿ ವಿವರೇ ಪ್ಯಥ;

ಆಕಾರೋ ಕಾರಣೇ ವುತ್ತೋ, ಸಣ್ಠಾನೇ ಇಙ್ಗಿತೇಪಿ ಚ.

ಸುದ್ದಿತ್ಥಿ ತನಯೇ ಖತ್ತಾ, ಉಗ್ಗೋ, ತಿಬ್ಬಮ್ಹಿ ಸೋ ತಿಸು;

ಪಧಾನಂ ತು ಮಹಾಮತ್ತೇ, ಪಕತ್ಯ’ಗ್ಗ’ಧಿತೀಸು ಚ.

ಕಲ್ಲಂ ಪಭಾತೇ, ನಿರೋಗ, ಸಜ್ಜದಕ್ಖೇಸು [ಯುತ್ತದಕ್ಖೇಸು (ಕ.)] ತೀಸು ತಂ;

ಕುಹನಾ ಕೂಟಚರಿಯಾಯಂ, ಕುಹನೋ ಕುಹಕೇ ತಿಸು.

ಕಪೋತೋ ಪಕ್ಖಿಭೇದೇ ಚ, ದಿಟ್ಠೋ ಪಾರಾವತೇ ಥ ಚ;

ಸಾರದೋ ಸಾರದಬ್ಭೂತೇ, ಅಪಗಬ್ಭೇ ಮತೋ ತಿಸು.

ತೀಸು ಖರೇ ಚ ಕಠಿನೇ, ಕಕ್ಕಸೋ ಸಾಹಸಪ್ಪಿಯೇ [ಸಾಹಸಪ್ಪಿಯೇ=ಸಾಹಸ+ಅಪ್ಪಿಯೇ (ಟೀ.)];

ಅಕಾರಿಯೇ ತು ಗುಯ್ಹಙ್ಗೇ, ಚೀರೇ ಕೋಪೀನ ಮುಚ್ಚತೇ.

ಮಿಗಭೇದೇ ಪಟಾಕಾಯಂ, ಮೋಚೇ ಚ ಕದಲೀ’ತ್ಥಿಯಂ;

ದಕ್ಖಿಣಾ ದಾನಭೇದಸ್ಮಿಂ, ವಾಮತೋ’ಞ್ಞಮ್ಹಿ ದಕ್ಖಿಣೋ.

ದುತಿಯಾ ಭರಿಯಾಯಞ್ಚ, ದ್ವಿನ್ನಂ ಪೂರಣಿಯಂ ಮತಾ;

ಅಥುಪ್ಪಾದೇ ಸಿಯಾ ಧೂಮ, ಕೇತು ವೇಸ್ಸಾನರೇಪಿ ಚ.

ಭವನಿಗ್ಗಮನೇ ಯಾನೇ, ದ್ವಾರೇ ನಿಸ್ಸರಣಂ ಸಿಯಾ;

ನಿಯಾಮಕೋ ಪೋತವಾಹೇ, ತಿಲಿಙ್ಗೋ ಸೋ ನಿಯನ್ತರಿ.

ಅಪವಗ್ಗೇ ವಿನಾಸೇ ಚ, ನಿರೋಧೋ ರೋಧನೇ ಪ್ಯಥ;

ಭಯೇ ಪಟಿಭಯಂ ವುತ್ತಂ, ತಿಲಿಙ್ಗಂ ತಂ ಭಯಂಕರೇ.

ಪಿಟಕಂ ಭಾಜನೇ ವುತ್ತಂ, ತಥೇವ ಪರಿಯತ್ತಿಯಂ;

ಜರಾಸಿಥಿಲಚಮ್ಮಸ್ಮಿಂ, ಉದರಙ್ಗೇ ಮತಾ ವಲಿ.

ಭಿನ್ನಂ ವಿದಾರಿತೇ’ಞ್ಞಸ್ಮಿಂ, ನಿಸ್ಸಿತೇ ವಾಚ್ಚಲಿಙ್ಗಿಕಂ;

ಉಪಜಾಪೇ ಮತೋ ಭೇದೋ, ವಿಸೇಸೇ ಚ ವಿದಾರಣೇ.

ಮಣ್ಡಲಂ ¶ ಗಾಮಸನ್ದೋಹೇ, ಬಿಮ್ಬೇ ಪರಿಧಿರಾಸಿಸು;

ಆಣಾಯ ಮಾಗಮೇ ಲೇಖೇ; ಸಾಸನಂ ಅನುಸಾಸನೇ.

ಅಗ್ಗೇ ತು ಸಿಖರಂ ಚಾ’ಯೋ, ಮಯವಿಜ್ಝನಕಣ್ಟಕೇ;

ಗುಣುಕ್ಕಂಸೇ ಚ ವಿಭವೇ, ಸಮ್ಪತ್ತಿ ಚೇವ ಸಮ್ಪದಾ.

ಭೂಖನ್ತೀಸು ಖಮಾ, ಯೋಗ್ಯೇ, ಹಿತೇ ಸಕ್ಕೇ [ಯುತ್ತೇ (ಟೀ.) ೧೦೦೧-ಗಾಥಾ ಪಸ್ಸಿತಬ್ಬಾ] ಖಮೋ ತಿಸು;

ಅದ್ಧೋ ಭಾಗೇ ಪಥೇ ಕಾಲೇ, ಏಕಂಸೇ’ದ್ಧೋ’ಬ್ಯಯಂ ಭವೇ;

ಅಥೋ ಕರೀಸಂ ವಚ್ಚಸ್ಮಿಂ, ವುಚ್ಚತೇ ಚತುರಮ್ಬಣೇ.

ಉಸಭೋ’ಸಧ ಗೋ [ಉಸಭೋ ಉಸಭೇ (ಟೀ.)] ಸೇಟ್ಠೇ, ಸೂ’ಸಭಂ ವೀಸಯಟ್ಠಿಯಂ;

ಸೇತುಸ್ಮಿಂ ತನ್ತಿ ಪನ್ತೀಸು, ನಾರಿಯಂ ಪಾಳಿ ಕಥ್ಯತೇ.

ಕಟೋ ಜಯೇ’ತ್ಥಿನಿಮಿತ್ತೇ, ಕಿಲಞ್ಜೇ ಸೋ ಕತೇ ತಿಸು;

ಮಹಿಯಂ ಜಗತೀ ವುತ್ತಾ, ಮನ್ದಿರಾಲಿನ್ದವತ್ಥುಮ್ಹಿ.

ವಿತಕ್ಕೇ ಮಥಿತೇ ತಕ್ಕೋ, ತಥಾ ಸೂಚಿಫಲೇ ಮತೋ;

ಸುದಸ್ಸನಂ ಸಕ್ಕಪುರೇ, ತೀಸು ತಂ ದುದ್ದಸೇ’ತರೇ.

ದೀಪೋ’ನ್ತರೀಪ ಪಜ್ಜೋತ, ಪತಿಟ್ಠಾ ನಿಬ್ಬುತೀಸು ಚ;

ಬದ್ಧನಿಸ್ಸಿತ ಸೇತೇಸು, ತೀಸು ತಂ ಮಿಹಿತೇ ಸಿತಂ.

ಥಿಯಂ ಪಜಾಪತಿ ದಾರೇ, ಬ್ರಹ್ಮೇ ಮಾರೇ ಸುರೇ ಪುಮೇ;

ವಾಸುದೇವೇ’ನ್ತಕೇ ಕಣ್ಹೋ, ಸೋ ಪಾಪೇ ಅಸಿತೇ ತಿಸು.

ಉಪಚಾರೋ ಉಪಟ್ಠಾನೇ, ಆಸನ್ನೇ ಅಞ್ಞರೋಪನೇ;

ಸಕ್ಕೋ ಇನ್ದೇ ಜನಪದೇ, ಸಾಕಿಯೇ, ಸೋ ಖಮೇ ತಿಸು.

ವಜ್ಜನೇ ಪರಿಹಾರೋ ಚ, ಸಕ್ಕಾರೇ ಚೇವ ರಕ್ಖಣೇ;

ಸೋತಾಪನ್ನಾದಿಕೇ ಅಗ್ಗೇ, ಅರಿಯೋ ತೀಸು, ದ್ವಿಜೇ ಪುಮೇ.

ಸುಸುಕೋ ಸುಸುಮಾರೇ ಚ, ಬಾಲಕೇ ಚ ಉಲೂಪಿನಿ;

ಇನ್ದೀವರಂ ಮತಂ ನೀಲು, ಪ್ಪಲೇ ಉದ್ದಾಲಪಾದಪೇ.

ಅಸನೋ ಪಿಯಕೇ ಕಣ್ಡೇ, ಭಕ್ಖಣೇ ಖಿಪನೇ’ ಸನಂ;

ಯುಗೇ’ಧಿಕಾರೇ [ವಿಕಾರೇ (ಟೀ.)] ವೀರಿಯೇ, ಪಧಾನೇ ಚಾ’ನ್ತಿಕೇ ಧುರೋ.

ಕಾಳೇ ಚ ಭಕ್ಖಿತೇ ತೀಸು, ಲವಿತ್ತೇ ಅಸಿತೋ ಪುಮೇ;

ಪವಾರಣಾ ಪಟಿಕ್ಖೇಪೇ, ಕಥಿತಾ’ಜ್ಝೇಸನಾಯ ಚ.

ಉಮ್ಮಾರೇ ¶ ಏಸಿಕತ್ಥಮ್ಭೇ, ಇನ್ದಖೀಲೋ ಮತೋ ಥ ಚ;

ಪೋತ್ಥಕಂ ಮಕಚಿವತ್ಥೇ, ಗನ್ಥೇ ಲೇಪ್ಯಾದಿ ಕಮ್ಮನಿ.

ಧಞ್ಞಂ ಸಾಲ್ಯಾದಿಕೇ ವುತ್ತಂ, ಧಞ್ಞೋ ಪುಞ್ಞವತಿ ತ್ತಿಸು;

ಪಾಣಿ ಹತ್ಥೇ ಚ ಸತ್ತೇ ಭೂ, ಸಣ್ಹಕರಣಿಯಂ ಮತೋ.

ತೀಸು ಪೀತಂ ಹಲಿದ್ಯಾಭೇ, ಹಟ್ಠೇ ಚ ಪಾಯಿತೇ ಸಿಯಾ;

ಬ್ಯೂಹೋ ನಿಬ್ಬಿದ್ಧರಚ್ಛಾಯಂ, ಬಲನ್ಯಾಸೇ ಗಣೇ ಮತೋ.

ಲೋಹಿತಾದಿಮ್ಹಿ ಲೋಭೇ ಚ, ರಾಗೋ ಚ ರಞ್ಜನೇ ಮತೋ;

ಪದರೋ ಫಲಕೇ ಭಙ್ಗೇ, ಪವುದ್ಧ ದರಿಯಂ ಪಿಚ.

ಸಿಙ್ಘಾಟಕಂ ಕಸೇರುಸ್ಸ, ಫಲೇ, ಮಗ್ಗಸಮಾಗಮೇ;

ಬಹುಲಾಯಞ್ಚ ಖೇಳಮ್ಹಿ, ಏಳಾ, ದೋಸೇ’ಳ ಮೀರಿತಂ.

ಆಧಾರೋ ಚಾ’ಧಿಕರಣೇ, ಪತ್ತಾಧಾರೇ’ ಲವಾಲಕೇ;

ಕಾರೋ’ ಗಭೇದೇ ಸಕ್ಕಾರೇ, ಕಾರಾ ತು ಬನ್ಧನಾಲಯೇ.

ಕರಕಾ ಮೇಘಪಾಸಾಣೇ, ಕರಕೋ ಕುಣ್ಡಿಕಾಯ ಚ;

ಪಾಪನೇ ಚ ಪದಾತಿಸ್ಮಿಂ, ಗಮನೇ ಪತ್ತಿ ನಾರಿಯಂ.

ಛಿದ್ದಂ ರನ್ಧಞ್ಚ ವಿವರಂ, ಸುಸಿರೇ ದೂಸನೇಪಿ ಚ;

ಮುತ್ತಾ ತು ಮುತ್ತಿಕೇ, ಮುತ್ತಂ, ಪಸ್ಸಾವೇ, ಮುಚ್ಚಿತೇ ತಿಸು.

ನಿಸೇಧೇ ವಾರಣಂ, ಹತ್ಥಿ, ಲಿಙ್ಗ ಹತ್ಥೀಸು ವಾರಣೋ;

ದಾನಂ ಚಾಗೇ ಮದೇ ಸುದ್ಧೇ, ಖಣ್ಡನೇ ಲವನೇ ಖಯೇ.

ಮನೋತೋಸೇ ಚ ನಿಬ್ಬಾನೇ, ತ್ಥಙ್ಗಮೇ ನಿಬ್ಬುತಿ’ತ್ಥಿಯಂ;

ನೇಗಮೋ ನಿಗಮುಬ್ಭೂತೇ, ತಥಾ’ಪಣೋಪಜೀವಿನಿ.

ಹರಿತಸ್ಮಿಞ್ಚ ಪಣ್ಣೇ ಚ, ಪಲಾಸೋ ಕಿಂ ಸುಕದ್ದುಮೇ;

ಪಕಾಸೋ ಪಾಕಟೇತೀಸು, ಆಲೋಕಸ್ಮಿಂ ಪುಮೇ ಮತೋ.

ಪಕ್ಕಂ ಫಲಮ್ಹಿ, ತಂ ನಾಸು, ಮ್ಮುಖೇ [ನಾಸಮುಖೇ (ಕ.)] ಪರಿಣತೇ ತಿಸು;

ಪಿಣ್ಡೋ ಆಜೀವನೇ ದೇಹೇ, ಪಿಣ್ಡನೇ ಗೋಳಕೇ ಮತೋ.

ವಟ್ಟೋ ಪರಿಬ್ಬಯೇ ಕಮ್ಮಾ, ದಿಕೇ, ಸೋ ವಟ್ಟುಲೇ ತಿಸು;

ಪಚ್ಚಾಹಾರೇ ಪಟಿಹಾರೋ, ದ್ವಾರೇ ಚ ದ್ವಾರಪಾಲಕೇ.

ನಾರಿಯಂ ಭೀರು ಕಥಿತಾ, ಭೀರುಕೇ ಸೋ ತಿಲಿಙ್ಗಿಕೋ;

ವಿಕಟಂ ಗೂಥಮುತ್ತಾದೋ, ವಿಕಟೋ ವಿಕತೇ ತಿಸು.

ವಾಮಂ ¶ ಸಬ್ಯಮ್ಹಿ, ತಂ ಚಾರು, ವಿಪರೀತೇಸು ತೀಸ್ವ’ಥ;

ಸಙ್ಖ್ಯಾಭೇದೇ ಸರಬ್ಯೇ ಚ, ಚಿಹಣೇ ಲಕ್ಖ ಮುಚ್ಚತೇ.

ಸೇಣೀ’ತ್ಥೀ ಸಮಸಿಪ್ಪೀನಂ, ಗಣೇ ಚಾ’ವಲಿಯಂ ಪಿಚ;

ಸುಧಾಯಂ ಧೂಲಿಯಂ ಚುಣ್ಣೋ, ಚುಣ್ಣಞ್ಚ ವಾಸಚುಣ್ಣಕೇ.

ಜೇತಬ್ಬೇ’ತಿಪ್ಪಸತ್ಥೇ’ತಿ, ವುದ್ಧೇ ಜೇಯ್ಯಂ ತಿಸೂ’ರಿತಂ;

ಅಬ್ಭುತೋ’ಚ್ಛರಿಯೇ ತೀಸು, ಪಣೇ ಚೇವಾ’ಬ್ಭುತೋ ಪುಮೇ;

ಮೇಚಕೋ ಪುಚ್ಛಮೂಲಮ್ಹಿ, ಕಣ್ಹೇಪಿ ಮೇಚಕೋ ತಿಸು.

ವಸವತ್ತೀ ಪುಮೇ ಮಾರೇ, ವಸವತ್ತಾಪಕೇ ತಿಸು;

ಸಮ್ಭವೇ ಚಾ’ಸುಚಿ ಪುಮೇ, ಅಮೇಜ್ಝೇ ತೀಸು ದಿಸ್ಸತಿ.

ಅಚ್ಛೋ ಇಕ್ಕೇ ಪುಮೇ ವುತ್ತೋ, ಪಸನ್ನಮ್ಹಿ ತಿಲಿಙ್ಗಿಕೋ;

ಬಳಿಸೇ ಸೇಲಭೇದೇ ಚ, ವಙ್ಕೋ, ಸೋ ಕುಟಿಲೇ ತಿಸು.

ಸಬ್ಬಸ್ಮಿಂ ಸಕಲೋ ತೀಸು, ಅದ್ಧಮ್ಹಿ ಪುರಿಸೇ ಸಿಯಾ.

ಚನ್ದಗ್ಗಾಹಾದಿಕೇ ಚೇವು, ಪ್ಪಾದೋ ಉಪ್ಪತ್ತಿಯಂ ಪಿಚ;

ಪದುಸ್ಸನೇ ಪದೋಸೋ ಚ, ಕಥಿತೋ ಸಂವರೀಮುಖೇ.

ರುಧಿರೇ ಲೋಹಿತಂ ವುತ್ತಂ, ರತ್ತಮ್ಹಿ ಲೋಹಿತೋ ತಿಸು;

ಉತ್ತಮಙ್ಗೇ ಪುಮೇ ಮುದ್ಧಾ, ಮುದ್ಧೋ ಮೂಳ್ಹೇ ತಿಲಿಙ್ಗಿಕೋ.

ರಟ್ಠಮ್ಹಿ ವಿಜಿತಂ ವುತ್ತಂ, ಜಿತೇ ಚ ವಿಜಿತೋ ತಿಸು;

ಪರಿತ್ತಂ ತು ಪರಿತ್ತಾಣೇ, ಪರಿತ್ತೋ ತೀಸು ಅಪ್ಪಕೇ.

ಕುಮ್ಭಣ್ಡೋ ದೇವಭೇದೇ ಚ, ದಿಸ್ಸತಿ ವಲ್ಲಿಜಾತಿಯಂ;

ಚತುತ್ಥಂಸೇ ಪದೇ ಪಾದೋ, ಪಚ್ಚನ್ತಸೇಲರಂಸಿಸು.

ವಙ್ಗೋ ಲೋಹನ್ತರೇ ವಙ್ಗಾ, ದೇಸೇ ಪುಮೇ ಬಹುಮ್ಹಿ ಚ;

ಕಮ್ಮಾರಭಣ್ಡಭೇದೇ ಚ, ಖಟಕೇ ಮುಟ್ಠಿ ಚ ದ್ವಿಸು.

ಅಮ್ಬಣಂ ದೋಣಿಯಂ ಚೇ’ಕಾ, ದಸದೋಣಪ್ಪಮಾಣಕೇ;

ಅಧಿಟ್ಠಿತಿಯ ಮಾಧಾರೇ, ಠಾನೇ’ಧಿಟ್ಠಾನ ಮುಚ್ಚತೇ.

ಪುಮೇ ಮಹೇಸೀ ಸುಗತೇ, ದೇವಿಯಂ ನಾರಿಯಂ ಮತಾ;

ಉಪದ್ದವೇ ಉಪಸಗ್ಗೋ, ದಿಸ್ಸತಿ ಪಾದಿಕೇಪಿ ಚ.

ವಕ್ಕಂ ¶ ಕೋಟ್ಠಾಸಭೇದಸ್ಮಿಂ, ವಕ್ಕೋ ವಙ್ಕೇ ತಿಸು’ಚ್ಚತೇ;

ವಿಜ್ಜಾ ವೇದೇ ಚ ಸಿಪ್ಪೇ ಚ, ತಿವಿಜ್ಜಾದೋ ಚ ಬುದ್ಧಿಯಂ.

ಸಮಾಧಿಮ್ಹಿ ಪುಮೇ’ಕಗ್ಗೋ, ನಾಕುಲೇ ವಾಚ್ಚಲಿಙ್ಗಿಕೋ;

ಪಜ್ಜಂ ಸಿಲೋಕೇ, ಪಜ್ಜೋ’ದ್ಧೇ, ಪಜ್ಜೋ ಪಾದಹಿತೇ ತಿಸು.

ಕತಕೋ ರುಕ್ಖಭೇದಸ್ಮಿಂ, ಕತಕೋ ಕಿತ್ತಿಮೇ ತಿಸು;

ವಿಧೇಯ್ಯೇ ಅಸ್ಸವೋ ತೀಸು, ಪುಬ್ಬಮ್ಹೀ ಪುರಿಸೇ ಸಿಯಾ.

ಕಲ್ಯಾಣೇ ಕಥಿತಂ ಖೇಮಂ, ತೀಸು ಲದ್ಧತ್ಥರಕ್ಖಣೇ;

ಅಥೋ ನಿಯೋಜನೇ ವುತ್ತಂ, ಕಾರಿಯೇಪಿ ಪಯೋಜನಂ.

ಅಸ್ಸತ್ಥೋ ತೀಸು ಅಸ್ಸಾಸ, ಪ್ಪತ್ತೇ, ಬೋಧಿದ್ದುಮೇ ಪುಮೇ;

ತೀಸು ಲುದ್ದೋ ಕುರೂರೇ ಚ, ನೇಸಾದಮ್ಹಿ ಪುಮೇ ಸಿಯಾ.

ವಿಲಗ್ಗೋ ತೀಸು ಲಗ್ಗಸ್ಮಿಂ, ಪುಮೇ ಮಜ್ಝಮ್ಹಿ ದಿಸ್ಸತಿ;

ಅಡ್ಢೋ ತ್ವನಿತ್ಥಿಯಂ ಭಾಗೇ, ಧನಿಮ್ಹಿ ವಾಚ್ಚಲಿಙ್ಗಿಕೋ.

ಕಟ್ಠಂ ದಾರುಮ್ಹಿ, ತಂ ಕಿಚ್ಛೇ, ಗಹನೇ ಕಸಿತೇ ತಿಸು;

ಸಸನ್ತಾನೇ ಚ ವಿಸಯೇ, ಗೋಚರೇ’ ಜ್ಝತ್ತ ಮುಚ್ಚತೇತಿ.

ಭುವನೇ ಚ ಜನೇ ಲೋಕೋ, ಮೋರೇತ್ವಗ್ಗಿಮ್ಹಿ ಸೋ ಸಿಖೀ;

ವಟಬ್ಯಾಮೇಸು ನಿಗ್ರೋಧೋ, ಧಙ್ಕೋ ತು ವಾಯಸೇ ಬಕೇ;

ವಾರೋ ತ್ವ’ವಸರಾ’ಹೇಸು, ಕುಚೇತ್ವಬ್ಭೇ ಪಯೋಧರೋ.

ಉಚ್ಛಙ್ಗೇ ಲಕ್ಖಣೇ ಚಾ’ಙ್ಕೋ, ರಸ್ಮಿ’ತ್ಥೀ ಜುತಿ ರಜ್ಜುಸು;

ಸೂರಂ’ಸೂಸು ಪುಮೇ ಭಾನೂ, ದಣ್ಡೋ ತು ಮುಗ್ಗರೇ ದಮೇ;

ದೇವಮಚ್ಛೇಸ್ವ’ನಿಮಿಸೋ, ಪತ್ಥೋ ತು ಮಾನಸಾನುಸು.

ಮಿಗೋ ಪಸು ಕುರುಙ್ಗೇಸು, ಉಲೂಕಿ’ನ್ದೇಸು ಕೋಸಿಯೋ.

ವಿಗ್ಗಹೋ ¶ ಕಲಹೇ ಕಾಯೇ, ಪುರಿಸೋ ಮಾಣವ’ತ್ತಸು;

ದಾಯಾದೋ ಬನ್ಧವೇ ಪುತ್ತೇ, ಸಿರೇ ಸೀಸಂ ತಿಪುಮ್ಹಿ ಚ.

ಬಲಿಹತ್ಥಂ’ಸೂಸು ಕರೋ, ದನ್ತೇ ವಿಪ್ಪೇ’ಣ್ಡಜೇ ದ್ವಿಜೋ;

ವತ್ತಂ ಪಜ್ಜಾ’ನನಾ’ಚಾರೇ, ಧಞ್ಞಙ್ಗೇ ಸುಖುಮೇ ಕಣೋ.

ಥಮ್ಭೋ ಥೂಣ ಜಳತ್ತೇಸು, ಸೂಪೋ ಕುಮ್ಮಾಸ ಬ್ಯಞ್ಜನೇ;

ಗಣ್ಡೋ ಫೋಟೇ ಕಪೋಲಮ್ಹಿ, ಅಗ್ಘೋ ಮೂಲ್ಯೇ ಚ ಪೂಜನೇ.

ಪಕಾರೋ ತುಲ್ಯ ಭೇದೇಸು, ಸಕುನ್ತೋ ಭಾಸಪಕ್ಖಿಸು;

ಭಾಗ್ಯೇ ವಿಧಿ ವಿಧಾನೇ ಚ, ಸರೇ ಖಗ್ಗೇ ಚ ಸಾಯಕೋ.

ಸಾರಙ್ಗೋ ಚಾತಕೇ ಏಣೇ, ಪತ್ತೀ ತು ಸರಪಕ್ಖಿಸು;

ಸಂವಟ್ಟೇ ಪಲಯೋ ನಾಸೇ, ಪೂಗೋ ಕಮುಕರಾಸಿಸು.

ಅಮತೇ ತು ಸುಧಾ ಲೇಪೇ, ಅಭಿಖ್ಯಾ ನಾಮ ರಂಸಿಸು;

ಸತ್ತಿ ಸಾಮತ್ಥಿಯೇ ಸತ್ಥೇ, ಮಹೀ ನಜ್ಜನ್ತರೇ ಭುವಿ;

ಞಾಣೇ ಲಾಭೇ ಉಪಲದ್ಧಿ, ಪವೇಣೀ ಕುಥವೇಣಿಸು;

ಪವತ್ತಿ ವುತ್ತಿ ವತ್ತಾಸು, ವೇತನೇ ಭರಣೇ ಭತಿ.

ಆಚಾರೇಪಿ ಮರಿಯಾದಾ, ಭೂತಿ ಸತ್ತಾ ಸಮಿದ್ಧಿಸು;

ಸೋಪ್ಪೇ ಪಮಾದೇ ತನ್ದೀ ಚ, ಯಾತ್ರಾ ಗಮನ ವುತ್ತಿಸು.

ನಿನ್ದಾ ಕುಚ್ಛಾ’ಪವಾದೇಸು, ಕಙ್ಗು ಧಞ್ಞ ಪಿಯಙ್ಗುಸು;

ಮೋಕ್ಖೇಸಿವೇ ಸಮೇಸನ್ತಿ, ವಿಭಾಗೇ ಭತ್ತಿ ಸೇವನೇ.

ಇಚ್ಛಾಯಂ ಜುತಿಯಂ ಕನ್ತಿ, ರಞ್ಜನೇ ಸೂರತೇ ರತಿ;

ಗೇಹೇ ವಸತಿ ವಾಸೇ ಥ, ನದೀ ಸೇನಾಸು ವಾಹಿನೀ.

ಪತ್ಥೇ ನಾಳೇ ಚ ನಾಳಿ’ತ್ಥೀ, ಗಣೇ ಸಮಿತಿ ಸಙ್ಗಮೇ;

ತಣ್ಹಾ ಲೋಭೇ ಪಿಪಾಸಾಯಂ, ಮಗ್ಗ ವುತ್ತೀಸು ವತ್ತನೀ.

ಪಾಣ್ಯಙ್ಗೇ ನಾಭಿ ಚಕ್ಕನ್ತೇ, ಯಾಚೇ ವಿಞ್ಞತ್ತಿ ಞಾಪನೇ;

ವಿತ್ತಿ ತೋಸೇ ವೇದನಾಯಂ, ಠಾನೇ ತು ಜೀವಿತೇ ಠಿತಿ.

ತರಙ್ಗೇ ¶ ಚಾ’ನ್ತರೇ ವೀಚಿ, ಧೀರತ್ತೇ ಧಾರಣೇ ಧಿತಿ;

ಭೂ ಭೂಮಿಯಞ್ಚ ಭಮುಕೇ, ಸದ್ದೇ ವೇದೇ ಸವೇ ಸುತಿ.

ಗೋತ್ತಂ ನಾಮೇ ಚ ವಂಸೇ ಥ, ನಗರೇ ಚ ಘರೇ ಪುರಂ;

ಓಕಂ ತು ನಿಸ್ಸಯೇ ಗೇಹೇ, ಕುಲಂ ತು ಗೋತ್ತರಾಸಿಸು.

ಹೇಮೇ ವಿತ್ತೇ ಹಿರಞ್ಞಞ್ಚ, ಪಞ್ಞಾಣಂ ತ್ವ’ಙ್ಕ ವುದ್ಧಿಸು;

ಅಥಾ’ಮ್ಬರಞ್ಚ ಖೇ ವತ್ಥೇ, ಗುಯ್ಹಂ ಲಿಙ್ಗೇ ರಹಸ್ಯ’ಪಿ.

ತಪೋ ಧಮ್ಮೇ ವತೇ ಚೇವ, ಪಾಪೇ ತ್ವಾ’ಗುಮ್ಹಿ ಕಿಬ್ಬಿಸಂ;

ರತನಂ ಮಣಿ ಸೇಟ್ಠೇಸು, ವಸ್ಸಂ ಹಾಯನ ವುಟ್ಠಿಸು.

ವನಂ ಅರಞ್ಞ ವಾರೀಸು, ಖೀರಮ್ಹಿ ತು ಜಲೇ ಪಯೋ;

ಅಕ್ಖರಂ ಲಿಪಿ ಮೋಕ್ಖೇಸು, ಮೇಥೂನಂ ಸಙ್ಗಮೇ ರತೇ.

ಸೋತಂ ಕಣ್ಣೇ ಪಯೋವೇಗೇ, ರಿಟ್ಠಂ ಪಾಪಾ’ಸುಭೇಸು ಚ;

ಆಗು ಪಾಪಾ’ಪರಾಧೇಸು, ಕೇತುಮ್ಹಿ ಚಿಹನೇ ಧಜೋ.

ಗೋಪುರಂ ದ್ವಾರಮತ್ತೇಪಿ, ಮನ್ದಿರಂ ನಗರೇ ಘರೇ;

ವಾಚ್ಚಲಿಙ್ಗಾ ಪರಮಿತೋ, ಬ್ಯತ್ತೋ ತು ಪಣ್ಡಿತೇ ಫುಟೇ.

ವಲ್ಲಭೋ ದಯಿತೇ’ಜ್ಝಕ್ಖೇ, ಜಲೇ ಥೂಲೋ ಮಹತ್ಯಪಿ;

ಬೀಭಚ್ಛೋ ವಿಕತೇ ಭೀಮೇ, ಕೋಮಲೇ ತಿಖಿಣೇ ಮುದು;

ಇಟ್ಠೇ ಚ ಮಧುರೇ ಸಾದು, ಸಾದುಮ್ಹಿ ಮಧುರೋ ಪಿಯೇ.

ಸಿತೇ ತು ಸುದ್ಧೇ ಓದಾತೋ, ದ್ವಿಜಿವ್ಹೋ ಸೂಚಕಾ’ಹಿಸು;

ಸಕ್ಕೇ ಸಮತ್ಥೋ ಸಮ್ಬನ್ಧೇ, ಸಮತ್ತಂ ನಿಟ್ಠಿತಾ’ಖಿಲೇ.

ಸುದ್ಧೋ ಕೇವಲ ಪೂತೇಸು, ಜಿಘಞ್ಞೋ’ನ್ತಾ’ಧಮೇಸು ಚ;

ಪೋಣೋ’ಪನತ ನಿನ್ನೇಸು, ಅಞ್ಞ ನೀಚೇಸು ಚೇ’ತರೋ.

ಸುಚಿ ಸುದ್ಧೇ ಸಿತೇ ಪೂತೇ, ಪೇಸಲೋ ದಕ್ಖಚಾರುಸು;

ಅಧಮೋ ಕುಚ್ಛಿತೇ ಊನೇ, ಅಪ್ಪಿಯೇ ಪ್ಯ’ಲಿಕೋ ಭವೇ.

ಬ್ಯಾಪೇ ಅಸುದ್ಧೇ ಸಂಕಿಣ್ಣೋ, ಭಬ್ಬಂ ಯೋಗ್ಯೇ ಚ ಭಾವಿನಿ;

ಸುಖುಮೋ ಅಪ್ಪಕಾ’ಣೂಸು, ವುದ್ಧೋ ಥೇರೇ ಚ ಪಣ್ಡಿತೇ.

ಸುಭೇ ಸಾಧುಮ್ಹಿ ಭದ್ದೋ ಥ, ತ್ಯಾ’ದೋ ಚ ವಿಪುಲೇ ಬಹು;

ಧೀರೋ ಬುಧೇ ಧಿತಿಮನ್ತೇ, ವೇಲ್ಲಿತಂ ಕುಟಿಲೇ ಧುತೇ.

ವಿಸದೋ ¶ ಬ್ಯತ್ತ ಸೇತೇಸು, ತರುಣೋ ತು ಯುವೇ ನವೇ;

ಬುಧೇ’ಭಿಜಾತೋ ಕುಲಜೇ, ವುದ್ಧೋ’ರೂಸು ಮಹಲ್ಲಕೋ;

ಕಲ್ಯಾಣಂ ಸುನ್ದರೇ ಚಾಪಿ, ಹಿಮೋ ತು ಸೀತಲೇಪಿ ಚ.

ಲೋಲೇ ತು ಸೀಘೇ ಚಪಲೋ, ವುತ್ತೇ ಉದಿತ ಮುಗ್ಗತೇ;

ಆದಿತ್ತೇ ಗಬ್ಬಿತೇ ದಿತ್ತೋ, ಪಿಟ್ಠಂ ತು ಚುಣ್ಣಿತೇಪಿ ಚ.

ವಿಗತೇ ವಾಯಿತೇ [ವಾಯನೇ (ಕ.)] ವೀತಂ, ಭಾವಿತಂ ವಡ್ಢಿತೇಪಿ ಚ;

ಭಜ್ಜಿತೇ ಪತಿತೇ ಭಟ್ಠೋ, ಪುಟ್ಠೋ ಪುಚ್ಛಿತ ಪೋಸಿತೇ.

ಸೂರೋ ವೀರೇ ರವಿಸೂರೇ, ದುಟ್ಠೋ ಕುದ್ಧೇ ಚ ದೂಸಿತೇ.

ದಿಟ್ಠೋ’ರಿಮ್ಹಿ’ಕ್ಖಿತೇ ದಿಟ್ಠೋ [ದಿಟ್ಠಂ (ಕ.)],

ನಿನ್ದಾಯಂ ಖೇಪನೇ ಖೇಪೋ, ನಿಯಮೋ ನಿಚ್ಛಯೇ ವತೇ.

ಲೇಪ ಗಬ್ಬೇಸ್ವ’ವಲೇಪೋ, ಅಣ್ಡಜೋ ಮೀನಪಕ್ಖಿಸು.

ಬಿಲಾಲೇ ನಕುಲೇ ಬಬ್ಬು, ಮನ್ಥೋ ಮನ್ಥನಸತ್ತುಸು;

ಗೋಪಗಾಮೇ ರವೇ ಘೋಸೋ, ಸೂತೋ ಸಾರಥಿವನ್ದಿಸು;

ಮಾಲ್ಯಂ ತು ಪುಪ್ಫೇ ತದ್ದಾಮೇ, ವಾಹೋ ತು ಸಕಟೇ ಹಯೇ.

ಖಯೇ’ಚ್ಚನೇ ಚಾ’ಪಚಯೋ, ಕಾಲೋ ಸಮಯ ಮಚ್ಚುಸು;

ಭೇ ತಾರಕಾ ನೇತ್ತಮಜ್ಝೇ, ಸೀಮಾ’ ವಧಿ, ಟ್ಠಿತೀಸು ಚ.

ಸತ್ತೇ ಥೂಲೇ ತೀಸು ದಳ್ಹೋ, ಲತಾ ಸಾಖಾಯ ವಲ್ಲಿಯಂ.

ನೀಚೇ ಪುಥುಜ್ಜನೋ ಮೂಳ್ಹೇ, ಭತ್ತಾ ಸಾಮಿನಿ ಧಾರಕೇ.

ಸಿಖಾ, ಪಿಞ್ಛೇಸು ಸಿಖಣ್ಡೋ, ಸತ್ತೇ ತ್ವ’ತ್ತನಿ ಪುಗ್ಗಲೋ;

ವಚ್ಚೋ ರೂಪೇ ಕರೀಸೇ ಥ, ಜುತಿ’ತ್ಥೀ ಕನ್ತಿರಂಸಿಸು;

ಲಬ್ಭಂ ಯುತ್ತೇ ಚ ಲದ್ಧಬ್ಬೇ, ಖಣ್ಡೇ ಪಣ್ಣೇ ದಲಂ ಮತಂ;

ಸಲ್ಲಂ ಕಣ್ಡೇ ಸಲಾಕಾಯಂ, ಸುಚಿತ್ತೇ ಧಾವನಂ ಗತೇ;

ಭನ್ತತ್ಥೇ ವಿಬ್ಭಮೋ ಹಾವೇ, ಮೋಹೋ’ವಿಜ್ಜಾಯ ಮುಚ್ಛನೇ.

ಮಿತ್ತೇ ಸಹಾಯೇ ಚ ಸಖಾ, ವಿಭೂ ನಿಚ್ಚಪ್ಪಭೂಸು ಸೋ.

ಖಗ್ಗೇ ಕುರೂರೇ ನೇತ್ತಿಂಸೋ, ಪರಸ್ಮಿಂ ಅತ್ರ ತೀಸ್ವ’ಮು;

ಪಜ್ಜೇ ಗಾಥಾ ವಚೀಭೇದೇ, ವಂಸೋ ತ್ವ’ನ್ವಯವೇಣುಸು;

ಯಾನಂ ರಥಾದೋ ಗಮನೇ, ಸರೂಪಸ್ಮಿಂ ಅಧೋ ತಲಂ.

ಮಜ್ಝೋ ವಿಲಗ್ಗೇ ವೇಮಜ್ಝೇ, ಪುಪ್ಫಂ ತು ಕುಸುಮೋ’ತುಸು;

ಸೀಲಂ ಸಭಾವೇ ಸುಬ್ಬತೇ, ಪುಙ್ಗವೋ ಉಸಭೇ ವರೇ.

ಕೋಸೇ ಖಗಾದಿಬೀಜೇ’ಣ್ಡಂ, ಕುಹರಂ ಗಬ್ಭರೇ ಬಿಲೇ;

ನೇತ್ತಿಂಸೇ ಗಣ್ಡಕೇ ಖಗ್ಗೋ, ಕದಮ್ಬೋ ತು ದುಮೇ ಚಯೇ.

ಭೇ’ಧೇನುಯಂ ರೋಹಿಣೀ’ತ್ಥೀ, ವರಙ್ಗಂ ಯೋನಿಯಂ ಸಿರೇ;

ಅಕ್ಕೋಸೇ ಸಪಥೇ ಸಾಪೋ, ಪಙ್ಕಂ ಪಾಪೇ ಚ ಕದ್ದಮೇ.

ಭೋಗವತ್ಯು’ರಗೇ ಭೋಗೀ, ಸ್ಸರೋ ತು ಸಿವಸಾಮಿಸು;

ಬಲೇ ಪಭಾವೇ ವೀರಿಯಂ, ತೇಜೋ ತೇಸು ಚ ದಿತ್ತಿಯಂ.

ಧಾರಾ ಸನ್ತತಿ ಖಗ್ಗಙ್ಗೇ, ವಾನಂ ತಣ್ಹಾಯ ಸಿಬ್ಬನೇ;

ಖತ್ತಾ ಸೂತೇ ಪಟಿಹಾರೇ, ವಿತ್ತಿ ಪೀಳಾಸು ವೇದನಾ.

ಥಿಯಂ ¶ ಮತಿ’ಚ್ಛಾಪಞ್ಞಾಸು, ಪಾಪೇ ಯುದ್ಧೇ ರವೇ ರಣೋ;

ಲವೋತು ಬಿನ್ದು’ಚ್ಛೇದೇಸು, ಪಲಾಲೇ’ [ಪಲಾಸೇ (ಟೀ.), ಪಲಾಪೇ-ಟೀ (೪೫೩-೧೧೨೪) ಗಾಥಾ ಪಸ್ಸಿತಬ್ಬಾ] ತಿಸಯೇ ಭುಸಂ.

ಬಾಧಾ ದುಕ್ಖೇ ನಿಸೇಧೇ ಚ, ಮೂಲಪದೇಪಿ ಮಾತಿಕಾ;

ಕೇತುಸ್ಮಿಂ ಕೇತನಂ ಗೇಹೇ, ಠಾನೇ ಭೂಮಿ’ತ್ಥಿಯಂ ಭುವಿ;

ಲೇಖ್ಯೇ ಲೇಖೋ ರಾಜಿ ಲೇಖಾ, ಪೂಜಿತೇ ಭಗವಾ ಜಿನೇ.

ಗದಾ ಸತ್ಥೇ ಗದೋ ರೋಗೇ, ನಿಸಜ್ಜಾ ಪೀಠೇಸ್ವಾ’ಸನಂ;

ಬಿಲಂ ಕೋಟ್ಠಾಸ ಛಿದ್ದೇಸು, ವಜ್ಜಂ ದೋಸೇ ಚ ಭೇರಿಯಂ;

ಕಾಲೇ ದೀಘಞ್ಜಸೇ’ದ್ಧಾನಂ, ಆಲಿಯಂ ಸೇತು ಕಾರಣೇ.

ಯೂಪೋ ಥಮ್ಭೇ ಚ ಪಾಸಾದೇ, ಅಯನಂ ಗಮನೇ ಪಥೇ.

ಛದನೇ’ಚ್ಛಾದನಂ ವತ್ಥೇ, ನಿಕಾಯೋ ಗೇಹರಾಸಿಸು;

ಅನ್ನಾದೋ ಆಮಿಸಂ ಮಂಸೇ; ದಿಕ್ಖಾ ತು ಯಜನೇ’ಚ್ಚನೇ.

ಕುಸುಮಂ ಥೀರಜೇ ಪುಪ್ಫೇ, ವಾನರೇ ತು ಬುಧೇ ಕವಿ.

ಅಧರೇ ¶ ಖರಭೇ ಓಟ್ಠೋ, ಲುದ್ದೋ ತು ಲುದ್ದಕೇಪಿ ಚ;

ಕಲುಸಂ ತ್ವಾ’ವಿಲೇ ಪಾಪೇ, ಪಾಪೇ ಕಲಿ ಪರಾಜಯೇ.

ಕನ್ತಾರೋ ವನ, ದುಗ್ಗೇಸು, ಚರೋ ಚಾರಮ್ಹಿ ಚಞ್ಚಲೇ;

ಜನಾವಾಸೇ ಗಣೇ ಗಾಮೋ, ಚಮ್ಮಂ ತು ಫಲಕೇ ತಚೇ.

ಸತ್ತಾಯಂ ಭವನಂ ಗೇಹೇ, ಲೇಸೇ ತು ಖಲಿತೇ ಛಲಂ.

ವೇರಂ ಪಾಪೇ ಚ ಪಟಿಘೇ, ತಚೋ ಚಮ್ಮನಿ ವಕ್ಕಲೇ;

ಉಚ್ಚೇ’ಧಿರೋಹೇ ಆರೋಹೋ, ನೇತ್ತಂ ವತ್ಥನ್ತರ’ಕ್ಖಿಸು.

ಪಟಿಹಾರೇ ಮುಖೇ ದ್ವಾರಂ, ಪೇತೇ ಞಾತೇ ಮತೋ ತಿಸು;

ಮಾಸೋ ಪರಣ್ಣ ಕಾಲೇಸು, ನಗ್ಗೋ ತ್ವ’ಚೇಲಕೇಪಿ ಚ.

ದೋಸೇ ಘಾತೇ ಚ ಪಟಿಘೋ, ಮಿಗಾದೋ ಛಗಲೇ ಪಸು;

ಅರೂಪೇ ಚಾ’ವ್ಹಯೇ ನಾಮಂ, ದರೋ ದರಥ ಭೀತಿಸು.

ದಬ್ಬಿ’ನ್ದಜಾಯಾಸು ಸುಜಾ, ಮೇಘೇ ತ್ವ’ಬ್ಭಂ ವಿಹಾಯಸೇ.

ಮೋದಕೋ ಖಜ್ಜಭೇದೇಪಿ, ಮಣಿಕೇ ರತನೇ ಮಣಿ;

ಹವಿ ಸಪ್ಪಿಮ್ಹಿ ಹೋತಬ್ಬೇ, ಸಿರೋ ಸೇಟ್ಠೇ ಚ ಮುದ್ಧನಿ;

ವಿಚಾರೇಪಿ ವಿವೇಕೋ ಥ, ಸಿಖರೀ ಪಬ್ಬತೇ ದುಮೇ.

ವೇಗೋ ಜವೇ ಪವಾಹೇ ಚ, ಸಙ್ಕು ತು ಖಿಲಹೇತಿಸು;

ನಿಗ್ಗಹೀತೇ ಕಣೇ ಬಿನ್ದು, ವರಾಹೋ ಸೂಕರೇ ಗಜೇ.

ನೇತ್ತನ್ತೇ ಚಿತ್ತಕೇ’ಪಾಙ್ಗಂ, ಸಿದ್ಧತ್ಥೋ ಸಾಸಪೇ ಜಿನೇ;

ಸ್ವಪ್ಪೇ’ವಧಾರಣೇ ಮತ್ತಂ, ಅಪಚಿತ್ಯ’ಚ್ಚನೇ ಖಯೇ.

ವತ್ಥೇ ಗನ್ಧೇ ಘರೇ ವಾಸೋ, ಚುಲ್ಲೋ ಖುದ್ದೇ ಚ ಉದ್ಧನೇ.

ಸೇಯ್ಯಾ ಸೇನಾಸನೇ ಸೇನೇ, ಚುನ್ದಭಣ್ಡಮ್ಹಿ ಚ’ಬ್ಭಮೋ;

ವತ್ಥಾದಿಲೋಮಂ’ಸು ಕರೇ, ನಿಪಾತೋ ಪತನೇ’ಬ್ಯಯೇ.

ಸಾಖಾಯಂ ವಿಟಪೋ ಥಮ್ಭೇ, ಸತ್ತು ಖಜ್ಜನ್ತರೇ ದಿಸೇ;

ಸಾಮಿಕೋ ಪತಿ’ಯಿರೇಸು, ಪಟ್ಠಾನಂ ಗತಿ ಹೇತುಸು.

ರಾಗೇ ರಙ್ಗೋ ನಚ್ಚಟ್ಠಾನೇ, ಪಾನಂ ಪೇಯ್ಯೇ ಚ ಪೀತಿಯಂ;

ಇಣು’ಕ್ಖೇಪೇಸು ಉದ್ಧಾರೋ, ಉಮ್ಮಾರೇ ಏಳಕೋ ಅಜೇ.

ಪಲಾಲೋ [ಪಲಾಪೋ (ಕ.) ೪೫೩-ಗಾಥಾ ಪಸ್ಸಿತಬ್ಬಾ] ತು ಭುಸಮ್ಹಿ ಚ.

ಮತಾ’ವಾಟೇ ಚಯೇ ಕಾಸು, ಪನಿಸಾ ಕಾರಣೇ ರಹೋ;

ಯುತ್ಯ’ಟ್ಟಾಲ’ಟ್ಟಿತೇಸ್ವ’ಟ್ಟೋ, ಕೀಳಾಯಂ ಕಾನನೇ ದವೋ;

ಉಪ್ಪತ್ತಿಯಂ ಚೋ’ಪ್ಪತನಂ, ಉಯ್ಯಾನಂ ಗಮನೇ ವನೇ.

ವೋಕಾರೋ ಲಾಮಕೇ ಖನ್ಧೇ, ಮೂಲೋ’ಪದಾಸು ಪಾಭತಂ;

ದಸಾ’ ವತ್ಥಾ ಪಟನ್ತೇಸು, ಕಾರಣಂ ಘಾತ, ಹೇತುಸು.

ಹತ್ಥಿದಾನೇ ¶ ಮದೋ ಗಬ್ಬೇ, ಘಟಾ ಘಟನ ರಾಸಿಸು;

ಉಪಹಾರೋ’ಭಿಹಾರೇಪಿ, ಚಯೋ ಬನ್ಧನ ರಾಸಿಸು.

ಪಾನೇ ಪಮೋದೇ ಪೀತಿ’ತ್ಥೀ, ಇಣೇ ಗಿವಾ ಗಲೇಪಿ ಚ.

ಪತಿಟ್ಠಾ ನಿಸ್ಸಯೇ ಠಾನೇ, ಬಲಕ್ಕಾರೇಪಿ ಸಾಹಸಂ;

ಭಙ್ಗೋ ಭೇದೇ ಪಟೇ ಭಙ್ಗಂ, ಛತ್ತಂ ತು ಛವಕೇಪಿ ಚ.

ಞಾಣೇ ಭುವಿ ಚ ಭೂರಿ’ತ್ತೀ, ಅನಙ್ಗೇ ಮದನೋ ದುಮೇ;

ಪಮಾತರಿಪಿ ಮಾತಾ ಥ, ವೇಠು’ಣೀಸೇಸು ವೇಠನಂ.

ಇನ್ದೋ’ಧಿಪತಿ ಸಕ್ಕೇಸ್ವಾ, ರಮ್ಮಣಂ ಹೇತು ಗೋಚರೇ.

ಖೇತ್ತೇ [ವಪ್ಪೇ (ಪಾಕಾರಮೂಲೇ ನೇತ್ತಜಲೇ ಉಸುಮೇ ಚ ವಪ್ಪೋ-ಟೀ)] ವಪ್ಪೋ ತಟೇಪಿ ಚ;

ಸಮ್ಮುತ್ಯ’ನುಞ್ಞಾ ವೋಹಾರೇ, ಸ್ವ’ಥ ಲಾಜಾಸು ಚಾ’ಕ್ಖತಂ.

ಸಙ್ಘಾತೋ ಯುಗಗೇಹಙ್ಗೇ, ಖಾರೋ ಊಸೇ ಚ ಭಸ್ಮನಿ.

ಅಬ್ಯಯಂ ವುಚ್ಚತೇ ದಾನಿ, ಚಿರಸ್ಸಂ ತು ಚಿರಂ ತಥಾ;

ಚಿರೇನ ಚಿರರತ್ತಾಯ, ಸಹ ಸದ್ಧಿಂ ಸಮಂ ಅಮಾ.

ಪುನಪ್ಪುನಂ ¶ ಅಭಿಣ್ಹಞ್ಚಾ, ಸಕಿಂ ಚಾ’ಭಿಕ್ಖಣಂ ಮುಹುಂ;

ವಜ್ಜನೇ ತು ವಿನಾ ನಾನಾ, ಅನ್ತರೇನ ರಿತೇ ಪುಥು.

ಬಲವಂ ಸುಟ್ಠು ಚಾ’ತೀವಾ, ತಿಸಯೇ ಕಿಮುತ ಸ್ವ’ತಿ;

ಅಹೋ ತು ಕಿಂ ಕಿಮೂ’ ದಾಹು, ವಿಕಪ್ಪೇ ಕಿಮುತೋ’ದ ಚ.

ಹೇ ಹರೇ ಥ ಕಥಂ ಕಿಂಸು, ನನು ಕಚ್ಚಿ ನು ಕಿಂ ಸಮಾ.

ಅಧುನೇ’ತರಹೀ’ದಾನಿ, ಸಮ್ಪತಿ ಅಞ್ಞದತ್ಥು ತು;

ತಗ್ಘೇ’ ಕಂಸೇ ಸಸಕ್ಕಞ್ಚಾ, ದ್ಧಾ ಕಾಮಂ ಜಾತು ವೇ ಹವೇ.

ಯಾವತಾ ತಾವತಾ ಯಾವ, ತಾವ ಕಿತ್ತಾವತಾ ತಥಾ;

ಏತ್ತಾವತಾ ಚ ಕೀವೇ’ತಿ, ಪರಿಚ್ಛೇದತ್ಥವಾಚಕಾ.

ಯಥಾ ತಥಾ ಯಥೇವೇ’ವಂ, ಯಥಾನಾಮ ಯಥಾಹಿ ಚ;

ಸೇಯ್ಯಥಾಪ್ಯೇ’ವಮೇವಂ, ವಾ, ತಥೇವ ಚ ಯಥಾಪಿ ಚ.

ಏವಮ್ಪಿ ಚ ಸೇಯ್ಯಥಾಪಿ, ನಾಮ ಯಥರಿವಾ’ಪಿ ಚ;

ಪಟಿಭಾಗತ್ಥೇ ಯಥಾಚ, ವಿಯ ತಥರಿವಾ’ಪಿ ಚ.

ಸಂ ಸಾಮಞ್ಚ ಸಯಂ ಚಾಥ, ಆಮ ಸಾಹು ಲಹೂ’ಪಿ ಚ;

ಓಪಾಯಿಕಂ ಪತಿರೂಪಂ, ಸಾಧ್ವೇ’ವಂ ಸಮ್ಪಟಿಚ್ಛನೇ.

ಅಸಾಕಲ್ಯೇ ತು ಚನ ಚಿ, ನಿಪ್ಫಲೇ ತು ಮುಧಾ ಭವೇ.

ಕದಾಚಿ ಜಾತು ತುಲ್ಯಾ’ಥ, ಸಬ್ಬತೋ ಚ ಸಮನ್ತತೋ;

ಪರಿತೋ ಚ ಸಮನ್ತಾಪಿ, ಅಥ ಮಿಚ್ಛಾ ಮುಸಾ ಭವೇ.

ನಿಸೇಧೇ ನ ಅನೋಮಾ’ಲಂ, ನಹಿ ಚೇತು ಸಚೇ ಯದಿ;

ನತ್ತಂ [ರತ್ತಂ (ಟೀ.)] ದೋಸೋ ದಿವಾ ತ್ವ’ಹೇ.

ಈಸಂ ಕಿಞ್ಚಿ ಮನಂ ಅಪ್ಪೇ, ಸಹಸಾ ತು ಅತಕ್ಕಿತೇ;

ಪುರೇ ಗ್ಗತೋ ತು ಪುರತೋ, ಪೇಚ್ಚಾ’ಮುತ್ರಭವನ್ತರೇ.

ತಙ್ಖಣೇ ಸಜ್ಜು ಸಪದಿ, ಬಲಕ್ಕಾರೇ ಪಸಯ್ಹ ಚ.

ಸುದಂ ಖೋ [ವೋ (ಕ.)] ಅಸ್ಸು ಯಗ್ಘೇ ವೇ,ಹಾ’ದಯೋ ಪದಪೂರಣೇ;

ಅನ್ತರೇನ’ನ್ತರಾ ಅನ್ತೋ, ವಸ್ಸಂ ನೂನ ಚ ನಿಚ್ಛಯೇ.

ಆನನ್ದೇ ಸಞ್ಚ ದಿಟ್ಠಾ ಥ, ವಿರೋಧಕಥನೇ ನನು;

ಕಾಮಪ್ಪವೇದನೇ ಕಚ್ಚಿ, ಉಸೂಯೋಪಗಮೇ’ತ್ಥು ಚ.

ಏವಾ’ವಧಾರಣೇ ಞೇಯ್ಯಂ, ಯಥಾತ್ತಂ ತು ಯಥಾತಥಂ;

ನೀಚಂ ಅಪ್ಪೇ, ಮಹತ್ಯು’ಚ್ಚಂ, ಅಥ ಪಾತೋ ಪಗೇ ಸಮಾ.

ಬಹಿದ್ಧಾ ಬಾಹಿರಾ ಬಾಹ್ಯೇ, ಸೀಘೇತು ಸಣಿಕಂ ಭವೇ.

ಅತ್ಥಂ ಅದಸ್ಸನೇ ದುಟ್ಠು, ನಿನ್ದಾಯಂ, ವನ್ದನೇ ನಮೋ;

ಸಮ್ಮಾ ಸುಟ್ಠು ಪಸಂಸಾಯಂ, ಅಥೋ ಸತ್ತಾಯ ಮತ್ಥಿ ಚ.

ತತೋ ಪರೇ ಪರಸುವೇ, ಹಿಯ್ಯೋತು ದಿವಸೇ ಗತೇ.

ಯತ್ಥ ಯತ್ರ ಯಹಿಂಚಾಥ, ತತ್ಥ ತತ್ರ ತಹಿಂತಹಂ;

ಅಥೋ ಉದ್ಧಞ್ಚ ಉಪರಿ, ಹೇಟ್ಠಾ ತು ಚ ಅಧೋ ಸಮಾ.

ಚೋದನೇ ಇಙ್ಘ ಹನ್ದಾ’ಥ, ಆರಾದೂರಾ ಚ ಆರಕಾ;

ಪರಮ್ಮುಖಾ ತು ಚ ರಹೋ, ಸಮ್ಮುಖಾ ತ್ವಾ’ವಿ ಪಾತು ಚ.

ಸಂಸಯತ್ಥಮ್ಹಿ ಅಪ್ಪೇವ, ಅಪ್ಪೇವನಾಮ ನೂ’ತಿ ಚ;

ನಿದಸ್ಸನೇ ಇತಿ’ತ್ಥಞ್ಚ, ಏವಂ, ಕಿಚ್ಛೇ ಕಥಞ್ಚಿ ಚ.

ತಿರೋ ತು ತಿರಿಯಂ ಚಾಥ, ಕುಚ್ಛಾಯಂ ದುಟ್ಠು ಕು’ಚ್ಚತೇ.

ಸುವತ್ಥಿ ಆಸಿಟ್ಠತ್ಥಮ್ಹಿ, ನಿನ್ದಾಯಂ ತು ಧೀ [ಧಿ (ಕ.)] ಕಥ್ಯತೇ;

ಕುಹಿಞ್ಚನಂ ಕುಹಿಂ ಕುತ್ರ, ಕುತ್ಥ ಕತ್ಥ ಕಹಂ ಕ್ವ ಥ.

ಕದಾ ಕುದಾಚನಂ ಚಾಥ, ತದಾನಿ ಚ ತದಾ ಸಮಾ.

ಆದಿಕಮ್ಮೇ ಭುಸತ್ಥೇ ಚ, ಸಮ್ಭವೋ’ತಿಣ್ಣ ತಿತ್ತಿಸು;

ನಿಯೋಗಿ’ಸ್ಸರಿಯ’ಪ್ಪೀತಿ, ದಾನ ಪೂಜಾ’ಗ್ಗ, ಸನ್ತಿಸು.

ದಸ್ಸನೇ ತಪ್ಪರೇ ಸಙ್ಗೇ, ಪಸಂಸಾ, ಗತಿ, ಸುದ್ಧಿಸು;

ಹಿಂಸಾ, ಪಕಾರನ್ತೋ’ಭಾವ, ವಿಯೋಗಾ’ವಯವೇಸು ಚ;

ಪೋ’ಪಸಗ್ಗೋ ದಿಸಾಯೋಗೇ, ಪತ್ಥನಾ, ಧಿತಿಆದಿಸು.

ಪರಾಸದ್ದೋ ಪರಿಹಾನಿ, ಪರಾಜಯ ಗತೀಸು ಚ;

ಭುಸತ್ಥೇ ಪಟಿಲೋಮತ್ಥೇ, ವಿಕ್ಕಮಾ’ಮಸನಾದಿಸು.

ನಿಸ್ಸೇಸಾ’ಭಾವ ಸನ್ಯಾಸ, ಭುಸತ್ಥ ಮೋಕ್ಖ ರಾಸಿಸು;

ಗೇಹಾ’ದೇಸೋ’ಪಮಾಹೀನ, ಪಸಾದನಿಗ್ಗತಾ’ಚ್ಚಯೇ.

ದಸ್ಸನೋ’ಸಾನನಿಕ್ಖನ್ತಾ, ಧೋಭಾಗೇಸ್ವ’ವಧಾರಣೇ;

ಸಾಮೀಪ್ಯೇ ಬನ್ಧನೇ ಛೇಕ, ನ್ತೋಭಾಗೋ’ಪರತೀಸು ಚ.

ಪಾತುಭಾವೇ ವಿಯೋಗೇ ಚ, ನಿಸೇಧಾದೋ ನಿ ದಿಸ್ಸತಿ;

ಅಥೋ ನೀಹರಣೇ ಚೇವಾ, ವರಣಾದೋ ಚ ನೀ ಸಿಯಾ.

ಉದ್ಧಕಮ್ಮ ವಿಯೋಗ ತ್ತ, ಲಾಭ ತಿತ್ತಿ ಸಮಿದ್ಧಿಸು;

ಪಾತುಭಾವ’ಚ್ಚಯಾಭಾವ, ಪಬಲತ್ತೇ ಪಕಾಸನೇ;

ದಕ್ಖ’ಗ್ಗತಾಸು ಕಥನೇ, ಸತ್ತಿಮೋಕ್ಖಾದಿಕೇ ಉ ಚ.

ದು ಕುಚ್ಛಿತೇ’ಸದತ್ಥೇಸು, ವಿರೂಪತ್ತೇ ಪ್ಯ’ಸೋಭನೇ;

ಸಿಯಾ’ಭಾವಾ’ಸಮಿದ್ಧೀಸು, ಕಿಚ್ಛೇ ಚಾ’ನನ್ದನಾದಿಕೇ.

ಸಂ ಸಮೋಧಾನ ಸಙ್ಖೇಪ, ಸಮನ್ತತ್ತ ಸಮಿದ್ಧಿಸು;

ಸಮ್ಮಾ ಭುಸ ಸಹ ಪ್ಪತ್ಥಾ, ಭಿಮುಖತ್ಥೇಸು ಸಙ್ಗತೇ;

ವಿಧಾನೇ ಪಭವೇ ಪೂಜಾ, ಪುನಪ್ಪುನಕ್ರಿಯಾದಿಸು.

ವಿವಿಧಾ’ತಿಸಯಾ’ಭಾವ, ಭುಸತ್ತಿ’ಸ್ಸರಿಯಾ’ಚ್ಚಯೇ;

ವಿಯೋಗೇ ಕಲಹೇ ಪಾತು, ಭಾವೇ ಭಾಸೇ ಚ ಕುಚ್ಛನೇ.

ದೂರಾ’ನಭಿಮುಖತ್ತೇಸು, ಮೋಹಾ’ನವಟ್ಠಿತೀಸು ಚ;

ಪಧಾನ ದಕ್ಖತಾ ಖೇದ, ಸಹತ್ಥಾದೋ ವಿ ದಿಸ್ಸತಿ.

ವಿಯೋಗೇ ¶ ಜಾನನೇ ಚಾ’ಧೋ,ಭಾಗ ನಿಚ್ಛಯ [ಭಾಗ’ನಿಚ್ಛಯ (ಭಾಗ+ಅನಿಚ್ಛಯ-ಟೀ)] ಸುದ್ಧಿಸು;

ಈಸದತ್ಥೇ ಪರಿಭವೇ, ದೇಸ ಬ್ಯಾಪನ ಹಾನಿಸು;

ವಚೋಕ್ರಿಯಾಯ ಥೇಯ್ಯೇ ಚ, ಞಾಣಪ್ಪತ್ತಾದಿಕೇ ಅವ.

ಪಚ್ಛಾ ಭುಸತ್ತ ಸಾದಿಸ್ಯಾ, ನುಪಚ್ಛಿನ್ನಾ’ನುವತ್ತಿಸು;

ಹೀನೇ ಚ ತತಿಯತ್ಥಾ’ಧೋ, ಭಾಗೇಸ್ವ’ನುಗತೇ ಹಿತೇ;

ದೇಸೇ ಲಕ್ಖಣ ವಿಚ್ಛೇ’ತ್ಥ, ಮ್ಭೂತ ಭಾಗಾದಿಕೇ ಅನು.

ಸಮನ್ತತ್ಥೇ ಪರಿಚ್ಛೇದೇ, ಪೂಜಾ’ಲಿಙ್ಗನ ವಜ್ಜನೇ;

ದೋಸಕ್ಖಾನೇ ನಿವಾಸನಾ, ವಞ್ಞಾ’ಧಾರೇಸು ಭೋಜನೇ;

ಸೋಕ ಬ್ಯಾಪನ ತತ್ವೇಸು, ಲಕ್ಖಣಾದೋ ಸಿಯಾ ಪರಿ.

ಆಭಿಮುಖ್ಯ ವಿಸಿಟ್ಠು’ದ್ಧ, ಕಮ್ಮಸಾರುಪ್ಪವುದ್ಧಿಸು;

ಪೂಜಾ’ಧಿಕ ಕುಲಾ’ಸಚ್ಚ, ಲಕ್ಖಣಾದಿಮ್ಹಿ ಚಾಪ್ಯ’ಭಿ.

ಅಧಿಕಿ’ಸ್ಸರ, ಪಾಠಾ’ಧಿ, ಟ್ಠಾನ, ಪಾಪುಣನೇಸ್ವ’ಧಿ;

ನಿಚ್ಛಯೇ ಚೋಪರಿತ್ತಾ’ಧಿ, ಭವನೇ ಚ ವಿಸೇಸನೇ.

ಪಟಿದಾನನಿಸೇಧೇಸು, ವಾಮಾ’ದಾನನಿವತ್ತಿಸು;

ಸಾದಿಸೇ ಪಟಿನಿಧಿಮ್ಹಿ, ಆಭಿಮುಖ್ಯಗತೀಸು ಚ.

ಪತಿಬೋಧೇ ಪತಿಗತೇ, ತಥಾ ಪುನಕ್ರಿಯಾಯ ಚ;

ಸಮ್ಭಾವನೇ ಪಟಿಚ್ಚತ್ಥೇ, ಪತೀತಿ ಲಕ್ಖಣಾದಿಕೇ;

ಸು ಸೋಭನೇ ಸುಖೇ ಸಮ್ಮಾ, ಭುಸ ಸುಟ್ಠು ಸಮಿದ್ಧಿಸು.

ಆಭಿಮುಖ್ಯ, ಸಮೀಪಾ’ದಿ, ಕಮ್ಮಾ’ಲಿಙ್ಗನ ಪತ್ತಿಸು;

ಮರಿಯಾದು’ದ್ಧಕಮ್ಮಿ’ಚ್ಛಾ, ಬನ್ಧನಾ’ಭಿವಿಧೀಸು ಆ.

ನಿವಾಸಾ’ವ್ಹಾನ ಗಹಣ, ಕಿಚ್ಛೇ’ಸತ್ಥ ನಿವತ್ತಿಸು;

ಅಪ್ಪಸಾದಾ’ಸಿ ಸರಣ, ಪತಿಟ್ಠಾ’ವಿಮ್ಹಯಾದಿಸು.

ಅನ್ತೋಭಾವ ಭುಸತ್ತಾ’ತಿ, ಸಯ ಪೂಜಾಸ್ವ’ತಿಕ್ಕಮೇ;

ಭೂತಭಾವೇ ಪಸಂಸಾಯಂ, ದಳ್ಹತ್ಥಾದೋ ಸಿಯಾ ಅತಿ.

ಸಮ್ಭಾವನೇ ಚ ಗರಹಾ, ಪೇಕ್ಖಾಸು ಚ ಸಮುಚ್ಚಯೇ;

ಪಞ್ಹೇ ಸಂವರಣೇ ಚೇವ, ಆಸೀಸತ್ಥೇ ಅಪೀ’ರಿತಂ.

ನಿದ್ದೇಸೇ ವಜ್ಜನೇ ಪೂಜಾ, ಪಗತೇ ವಾರಣೇಪಿ ಚ;

ಪದುಸ್ಸನೇ ಚ ಗರಹಾ, ಚೋರಿಕಾ’ದೋ ಸಿಯಾ ಅಪ.

ಸಮೀಪಪೂಜಾ ¶ ಸಾದಿಸ್ಸ, ದೋಸಕ್ಖಾನೋ’ಪಪತ್ತಿಸು;

ಭುಸತ್ತೋ’ಪಗಮಾ’ಧಿಕ್ಯ, ಪುಬ್ಬಕಮ್ಮನಿವತ್ತಿಸು;

ಗಯ್ಹಾಕಾರೋ’ಪರಿತ್ತೇಸು, ಉಪೇ’ತ್ಯ [ಉಪೇತ್ಯ=ಉಪ+ಇತಿ]’ನಸನಾ’ದಿಕೇ.

ಏವಂ ನಿದಸ್ಸನಾ’ಕಾರೋ, ಪಮಾಸು ಸಮ್ಪಹಂಸನೇ;

ಉಪದೇಸೇ ಚ ವಚನ, ಪಟಿಗ್ಗಾಹೇ’ವಧಾರಣೇ;

ಗರಹಾಯೇ’ದಮತ್ಥೇ ಚ, ಪರಿಮಾನೇ ಚ ಪುಚ್ಛನೇ.

ಸಮುಚ್ಚಯೇ ಸಮಾಹಾರೇ, ನ್ವಾಚಯೇ ಚೇ’ತರೀತರೇ;

ಪದಪೂರಣಮತ್ತೇ ಚ, ಚಸದ್ದೋ ಅವಧಾರಣೇ.

ಇತಿ ಹೇತುಪಕಾರೇಸು, ಆದಿಮ್ಹಿ ಚಾ’ವಧಾರಣೇ;

ನಿದಸ್ಸನೇ ಪದತ್ಥಸ್ಸ, ವಿಪಲ್ಲಾಸೇ ಸಮಾಪನೇ.

ಸಮುಚ್ಚಯೇ ಚೋ’ಪಮಾಯಂ, ಸಂಸಯೇ ಪದಪೂರಣೇ;

ವವತ್ಥಿತವಿಭಾಸಾಯಂ, ವಾ’ವಸ್ಸಗ್ಗೇ ವಿಕಪ್ಪನೇ.

ಭೂಸನೇ ವಾರಣೇ ಚಾ’ಲಂ, ವುಚ್ಚತೇ ಪರಿಯತ್ತಿಯಂ;

ಅಥೋ’ಥಾ’ನನ್ತರಾ’ರಮ್ಭ, ಪಞ್ಹೇಸು ಪದಪೂರಣೇ.

ಪಸಂಸಾಗರಹಾಸಞ್ಞಾ, ಸೀಕಾರಾದೋ [ಸ್ವೀಕಾರ (ಟೀ.)] ಪಿ ನಾಮ ಥ;

ನಿಚ್ಛಯೇ ಚಾ’ನುಮಾನಸ್ಮಿಂ, ಸಿಯಾ ನೂನ ವಿತಕ್ಕನೇ.

ಪುಚ್ಛಾ’ವಧಾರಣಾ’ನುಞ್ಞಾ, ಸಾನ್ತ್ವನಾ’ಲಪನೇ [ಸನ್ತನಾಲಪನೇ (ಕ.)] ನನು;

ವತೇ’ಕಂಸ, ದಯಾ, ಹಾಸ, ಖೇದಾ’ಲಪನ, ವಿಮ್ಹಯೇ.

ವಾಕ್ಯಾರಮ್ಭ, ವಿಸಾದೇಸು, ಹನ್ದ ಹಾಸೇ’ನುಕಮ್ಪನೇ;

ಯಾವ ತು ತಾವ ಸಾಕಲ್ಯ, ಮಾನಾ’ವಧ್ಯ’ವಧಾರಣೇ.

ಪಾಚೀ, ಪುರ, ಙ್ಗತೋತ್ಥೇಸು, ಪುರತ್ಥಾ ಪಠಮೇ ಪ್ಯಥ;

ಪಬನ್ಧೇ ಚ ಚಿರಾತೀತೇ, ನಿಕಟಾಗಾಮಿಕೇ ಪುರಾ.

ನಿಸೇಧವಾಕ್ಯಾಲಙ್ಕಾರಾ, ವಧಾರಣಪಸಿದ್ಧಿಸು;

ಕಾಮಂ ಯದ್ಯಪಿಸದ್ದತ್ಥೇ, ಏಕಂಸತ್ಥೇ ಚ ದಿಸ್ಸತಿ;

ಅಥೋ ಪನ ವಿಸೇಸಸ್ಮಿಂ, ತಥೇವ ಪದಪೂರಣೇ.

ಹಿ ¶ ಕಾರಣೇ ವಿಸೇಸಾ’ವ, ಧಾರಣೇ ಪದಪೂರಣೇ;

ತು ಹೇತುವಜ್ಜೇ ತತ್ಥಾ’ಥ, ಕು ಪಾಪೇ’ಸತ್ಥ’ಕುಚ್ಛನೇ.

ನು ಸಂಸಯೇ ಚ ಪಞ್ಹೇ ಥ, ನಾನಾ’ ನೇಕತ್ಥ ವಜ್ಜನೇ;

ಕಿಂ ತು ಪುಚ್ಛಾಜಿಗುಚ್ಛಾಸು, ಕಂ ತು ವಾರಿಮ್ಹಿ ಮುದ್ಧನಿ.

ಅಮಾ ಸಹಸಮೀಪೇ ಥ, ಭೇದೇ ಅಪ್ಪಠಮೇ ಪುನ;

ಕಿರಾ’ನುಸ್ಸವಾ’ರುಚಿಸು, ಉದಾ’ಪ್ಯತ್ಥೇ ವಿಕಪ್ಪನೇ.

ಪತೀಚೀ ಚರಿಮೇ ಪಚ್ಛಾ, ಸಾಮಿ ತ್ವದ್ಧೇ ಜಿಗುಚ್ಛನೇ;

ಹಾ ಖೇದಸೋಕದುಕ್ಖೇಸು, ಖೇದೇ ತ್ವ’ಹಹ ವಿಮ್ಹಯೇ;

ಭಿಂಸಾಪನೇ [ಹಿಂಸಾಪನೇ (ಟೀ.)] ಧೀ [ಧಿ (ಕ.)] ನಿನ್ದಾಯಂ, ಪಿಧಾನೇ ತಿರಿಯಂ ತಿರೋ.

ತುನ ತ್ವಾನ ತವೇ ತ್ವಾ ತುಂ, ಧಾ ಸೋ ಥಾ ಕ್ಖತ್ತು, ಮೇವ ಚ;

ತೋ ಥ ತ್ರ ಹಿಞ್ಚನಂ ಹಿಂಹಂ, ಧಿ ಹ ಹಿ ಧ ಧುನಾ ರಹಿ.

ದಾನಿ ವೋದಾಚನಂ ದಾಜ್ಜ, ಥಂ ತತ್ತಂ ಜ್ಝ ಜ್ಜು ಆದಯೋ;

ಸಗ್ಗಕಣ್ಡೋ ¶ ಚ ಭೂಕಣ್ಡೋ, ತಥಾ ಸಾಮಞ್ಞಕಣ್ಡಿತಿ;

ಕಣ್ಡತ್ತಯಾನ್ವಿತಾ ಏಸಾ, ಅಭಿಧಾನಪ್ಪದೀಪಿಕಾ.

ಪರಕ್ಕಮಭುಜೋ ನಾಮ, ಭೂಪಾಲೋ ಗುಣಭೂಸನೋ;

ಲಙ್ಕಾಯ ಮಾಸಿ ತೇಜಸ್ಸೀ, ಜಯೀ ಕೇಸರಿವಿಕ್ಕಮೋ.

ವಿಭಿನ್ನಂ ಚಿರಂ ಭಿಕ್ಖುಸಙ್ಘಂ ನಿಕಾಯ-

ತ್ತಯಸ್ಮಿಞ್ಚ ಕಾರೇಸಿ ಸಮ್ಮಾ ಸಮಗ್ಗೇ;

ಯೇನ ಲಙ್ಕಾ ವಿಹಾರೇಹಿ, ಗಾಮಾ’ರಾಮಪುರೀಹಿ ಚ;

ಕಿತ್ತಿಯಾ ವಿಯ ಸಮ್ಬಾಧೀ, ಕತಾ ಖೇತ್ತೇಹಿ ವಾಪಿಹಿ.

ಯಸ್ಸಾ’ಸಾಧಾರಣಂ ಪತ್ವಾ, ನುಗ್ಗಹಂ ಸಬ್ಬಕಾಮದಂ;

ಅಹಮ್ಪಿ ಗನ್ಥಕಾರತ್ತಂ, ಪತ್ತೋ ವಿಬುಧಗೋಚರಂ.

ಕಾರಿತೇ ತೇನ ಪಾಸಾದ, ಗೋಪುರಾದಿವಿಭೂಸಿತೇ;

ಸಗ್ಗಖಣ್ಡೇ’ವ ತತ್ತೋಯಾ, ಸಯಸ್ಮಿಂ ಪತಿಬಿಮ್ಬಿತೇ.

ಮಹಾಜೇತವನಾ’ಖ್ಯಮ್ಹಿ, ವಿಹಾರೇ ಸಾಧುಸಮ್ಮತೇ;

ಸರೋಗಾಮಸಮೂಹಮ್ಹಿ, ವಸತಾ ಸನ್ತವುತ್ತಿನಾ.

ಸದ್ಧಮ್ಮಟ್ಠಿತಿಕಾಮೇನ, ಮೋಗ್ಗಲ್ಲಾನೇನ ಧೀಮತಾ;

ಥೇರೇನ ರಚಿತಾ ಏಸಾ, ಅಭಿಧಾನಪ್ಪದೀಪಿಕಾತಿ.