ಅಞ್ಞ > ಸಙ್ಗಾಯನ-ಪುಚ್ಛ ವಿಸ್ಸಜ್ಜನಾ

ಪುಚ್ಛಾ – ಪಠಮಮಹಾಸಂಗೀತಿಕಾಲೇ ¶ ಆವುಸೋ ಧಮ್ಮಸಂಗಾಹಕಾ ಮಹಾಕಸ್ಸಪಾದಯೋ ಮಹಾಥೇರವರಾ ಪೋರಾಣಸಂಗೀತಿಕಾರಾ ಪಠಮಂ ವಿನಯಪಿಟಕಂ ಸಂಗಾಯಿತ್ವಾ ಸುತ್ತನ್ತಪಿಟಕೇ ಚ ದೀಘಮಜ್ಝಿಮಸಂಯುತ್ತಅಙ್ಗುತ್ತರಸಂಖಾತೇ ಚತ್ತಾರೋ ಮಹಾನಿಕಾಯೇ ಸಂಗಾಯಿತ್ವಾ ತದನನ್ತರಂ ಕಿಂ ನಾಮ ಪಾವಚನಂ ಸಂಗಾಯಿಂಸು.

ವಿಸ್ಸಜ್ಜನಾ – ಪಠಮಮಹಾಸಂಗೀತಿಕಾಲೇ ಭನ್ತೇ ಧಮ್ಮಸಂಗಾಹಕಾ ಮಹಾಕಸ್ಸಪಾದಯೋ ಮಹಾಥೇರವರಾ ಪೋರಾಣಸಂಗೀತಿಕಾರಾ ಪಠಮಂ ವಿನಯಪಿಟಕಂ ಸಂಗಾಯಿತ್ವಾ ಸುತ್ತನ್ತಪಿಟಕೇ ಚ ದೀಘಮಜ್ಝಿಮಸಂಯುತ್ತಅಙ್ಗುತ್ತರಸಂಖಾತೇ ಚತ್ತಾರೋ ನಿಕಾಯೇ ಸಂಗಾಯಿತ್ವಾ ತದನನ್ತರಂ ಅಭಿಧಮ್ಮಪಿಟಕಂ ನಾಮ ಪಾವಚನಂ ಸಂಗಾಯಿಂಸು.

ಪುಚ್ಛಾ – ಇಮಿಸ್ಸಮ್ಪಿ ¶ ಆವುಸೋ ಛಟ್ಠಸಂಗೀತಿಯಂ ಸಕಲಞ್ಚೇವ ವಿನಯಪಿಟಕಂ ಸಂಗೀತಂ, ತೇ ಚ ಚತ್ತಾರೋ ಮಹಾನಿಕಾಯಾ. ಕಾಲೋ ದಾನಿ ಆವುಸೋ ಸಮ್ಪತ್ತೋ ಅಭಿಧಮ್ಮಪಿಟಕಂ ಸಂಗಾಯಿತುಂ, ತಸ್ಮಾಹಂ ತಂ ತತ್ಥ ಪುಚ್ಛಿತಬ್ಬಾನಿ ಪುಚ್ಛಿಸ್ಸಾಮಿ. ಅಭಿಧಮ್ಮೋ ನಾಮೇಸ ಆವುಸೋ ಕೇನಟ್ಠೇನ ಅಭಿಧಮ್ಮೋತಿ ವುಚ್ಚತಿ.

ವಿಸ್ಸಜ್ಜನಾ – ಧಮ್ಮಾತಿರೇಕ ಧಮ್ಮವಿಸೇಸಟ್ಠೇನ ಭನ್ತೇ ಅಭಿಧಮ್ಮೋತಿ ವುಚ್ಚತಿ.

ಪುಚ್ಛಾ – ಸೋ ¶ ಪನೇಸ ಆವುಸೋ ಅಭಿಧಮ್ಮೋ ಕೇನ ಕತ್ಥ ಕದಾ ಚ ಅಧಿಗತೋ.

ವಿಸ್ಸಜ್ಜನಾ – ಸೋ ಖೋ ಭನ್ತೇ ಅಭಿಧಮ್ಮೋ ಸಬ್ಬಞ್ಞುಬುದ್ಧೇನ ಮಹಾಬೋಧಿಮಣ್ಡಮೂಲೇ ವೇಸಾಖಪುಣ್ಣಮಿಯಂ ಯಥಾಭೂತಂ ಅಧಿಗತೋ.

ಪುಚ್ಛಾ – ಕತ್ಥ ಪನೇಸ ಆವುಸೋ ಅಭಿಧಮ್ಮೋ ಭಗವತಾ ಕದಾ ಚ ವಿಚಿತೋ.

ವಿಸ್ಸಜ್ಜನಾ – ಸೋ ಖೋ ಭನ್ತೇ ಅಭಿಧಮ್ಮೋ ಭಗವತಾ ಮಹಾಬೋಧಿಮಣ್ಡೇ ರತನಘರಸತ್ತಾಹೇ ವಿಚಿತೋ.

ಪುಚ್ಛಾ – ಕತ್ಥ ¶ ಪನೇಸ ಆವುಸೋ ಅಭಿಧಮ್ಮೋ ಭಗವತಾ ಕದಾ ಕಸ್ಸತ್ಥಾಯ ಚ ದೇಸಿತೋ.

ವಿಸ್ಸಜ್ಜನಾ – ಸೋ ಖೋ ಭನ್ತೇ ಅಭಿಧಮ್ಮೋ ಭಗವತಾ ದೇವೇಸು ತಾವತಿಂಸೇಸು ಪಾರಿಚ್ಛತ್ತಕಮೂಲಮ್ಹಿ ಪಣ್ಡುಕಮ್ಬಲಸಿಲಾಯಂ ಅಭಿಸಮ್ಬೋಧಿತೋ ಸತ್ತಮೇ ವಸ್ಸೇ ಮಾತರಂ ಪಮುಖಂ ಕತ್ವಾ ದಸಹಿ ಚಕ್ಕವಾಳಸಹಸ್ಸೇಹಿ ಆಗಮ್ಮ ಸನ್ನಿಸಿನ್ನಾನಂ ದೇವತಾನಂ ಚತುರೋಘನಿತ್ಥರಣತ್ಥಾಯ ಅನ್ತೋ ವಸ್ಸಂ ದೇಸಿತೋ.

ಪುಚ್ಛಾ – ಕೇನೇಸ ¶ ಆವುಸೋ ಅಭಿಧಮ್ಮೋ ಪಠಮಂ ಮನುಸ್ಸಲೋಕೇ ಪತಿಗ್ಗಹಿತೋ, ಕಸ್ಸ ಚ ಪುನ ತೇನ ದೇಸಿತೋ.

ವಿಸ್ಸಜ್ಜನಾ – ಆಯಸ್ಮತಾ ಭನ್ತೇ ಸಾರಿಪುತ್ತತ್ಥೇರೇನ ಧಮ್ಮಸೇನಾಪತಿನಾ ಏಸ ಅಭಿಧಮ್ಮೋ ಪಠಮಂ ಮನುಸ್ಸಲೋಕೇ ಪತಿಗ್ಗಹಿತೋ, ತೇನೇವ ಭನ್ತೇ ಆಯಸ್ಮತಾ ಸಾರಿಪುತ್ತತ್ಥೇರೇನ ಅತ್ತನೋ ಸದ್ಧಿವಿಹಾರಿಕಾನಂ ಪಞ್ಚನ್ನಂ ಭಿಕ್ಖುಸತಾನಂ ದೇಸಿತೋ.

ಪುಚ್ಛಾ – ಕೇ ¶ ಆವುಸೋ ಸಿಕ್ಖನ್ತಿ.

ವಿಸ್ಸಜ್ಜನಾ – ಸೇಖಾ ಚ ಭನ್ತೇ ಪುಥುಜ್ಜನಾ ಕಲ್ಯಾಣಕಾ ಚ ಸಿಕ್ಖನ್ತಿ.

ಪುಚ್ಛಾ – ಕೇ ಆವುಸೋ ಸಿಕ್ಖಿತಸಿಕ್ಖಾ.

ವಿಸ್ಸಜ್ಜನಾ – ಅರಹನ್ತೋ ಭನ್ತೇ ಸಿಕ್ಖಿತಸಿಕ್ಖಾ.

ವಿಸ್ಸಜ್ಜನಾ – ಯೇಸಂ ಭನ್ತೇ ವತ್ತತಿ, ತೇ ಧಾರೇನ್ತಿ.

ವಿಸ್ಸಜ್ಜನಾ – ಭಗವತೋ ಭನ್ತೇ ವಚನಂ ಅರಹತೋ ಸಮ್ಮಾಸಮ್ಬುದ್ಧಸ್ಸ.

ವಿಸ್ಸಜ್ಜನಾ – ಪರಂಪರಾಯ ಭನ್ತೇ ಆಭತಂ.

ಪುಚ್ಛಾ – ಸೋ ¶ ಪನೇಸ ಆವುಸೋ ಅಭಿಧಮ್ಮೋ ಧಮ್ಮಸಙ್ಗಣಿವಿಭಙ್ಗಾದಿಪಕರಣಪರಿಚ್ಛೇದವಸೇನ ಸತ್ತವಿಧೋ. ತೇಸು ಪಠಮಂ ಭಗವತಾ ಕತರಂ ಪಕರಣಂ ದೇಸಿತಂ.

ವಿಸ್ಸಜ್ಜನಾ – ಪಠಮಂ ಭನ್ತೇ ಧಮ್ಮಸಙ್ಗಣಿಪಕರಣಂ ಭಗವತಾ ದೇಸಿತಂ.

ಪುಚ್ಛಾ – ಧಮ್ಮಸಙ್ಗಣಿಯಂ ಆವುಸೋ ಅತ್ಥಿ ಮಾತಿಕಾ, ಅತ್ಥಿ ಪದಭಾಜನೀಯಂ. ತೇಸು ಮಾತಿಕಂ ನಿಕ್ಖಿಪನ್ತೇನ ಭಗವತಾ ಕತಂ ನಿಕ್ಖಿತ್ತಾ.

ವಿಸ್ಸಜ್ಜನಾ – ಮಾತಿಕಂ ಭನ್ತೇ ನಿಕ್ಖಿಪನ್ತೇನ ಭಗವತಾ ‘‘ಕುಸಲಾ ಧಮ್ಮಾ ಅಕುಸಲಾ ಧಮ್ಮಾ ಅಬ್ಯಾಕತಾ ಧಮ್ಮಾ. ಸುಖಾಯ ವೇದನಾಯ ಸಮ್ಪಯುತ್ತಾ ಧಮ್ಮಾ ದುಕ್ಖಾಯ ವೇದನಾಯ ಸಮ್ಪಯುತ್ತಾ ಧಮ್ಮಾ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾ ಧಮ್ಮಾ. ವಿಪಾಕಾ ಧಮ್ಮಾ ವಿಪಾಕಧಮ್ಮಧಮ್ಮಾ ನೇವವಿಪಾಕನವಿಪಾಕಧಮ್ಮಧಮ್ಮಾ’’ತಿ ಏವಮಾದಿನಾ ದ್ವಾವೀಸತಿಯಾ ತಿಕಾನಂ ವಸೇನ. ‘‘ಹೇತೂ ಧಮ್ಮಾ ನ ಹೇತೂ ಧಮ್ಮಾ. ಸಹೇತುಕಾ ಧಮ್ಮಾ ಅಹೇತುಕಾ ಧಮ್ಮಾ.

ಹೇತುಸಮ್ಪಯುತ್ತಾ ¶ ಧಮ್ಮಾ ಹೇತುವಿಪ್ಪಯುತ್ತಾ ಧಮ್ಮಾ. ಹೇತೂ ಚೇವ ಧಮ್ಮಾ ಸಹೇತುಕಾ ಚ ಸಹೇತುಕಾ ಚೇವ ಧಮ್ಮಾ ನ ಚ ಹೇತೂ. ಹೇತೂ ಚೇವ ಧಮ್ಮಾ ಹೇತುಸಮ್ಪಯುತ್ತಾ ಚ ಹೇತುಸಮ್ಪಯುತ್ತಾ ಚೇವ ಧಮ್ಮಾ ನ ಚ ಹೇತೂ. ನ ಹೇತೂ ಖೋ ಪನ ಧಮ್ಮಾ ಸಹೇತುಕಾಪಿ ಅಹೇತುಕಾಪೀ’’ತಿ ಏವಮಾದಿನಾ ದುಕಸತಾನಞ್ಚ ವಸೇನ ಮಾತಿಕಾ ನಿಕ್ಖಿತ್ತಾ.

ಪುಚ್ಛಾ – ಅಭಿಧಮ್ಮಪಿಟಕೇ ¶ ಆವುಸೋ ಧಮ್ಮಸಙ್ಗಣಿಯಂ ಪದಭಾಜನೀಯೇ ಚಿತ್ತುಪ್ಪಾದಕಣ್ಡೇ ಕುಸಲಾ ಧಮ್ಮಾತಿಪದಸ್ಸ ಅತ್ಥಂ ವಿಭಜನ್ತೇನ ಭಗವತಾ ಕಥಂ ಕಾಮಾವಚರಕುಸಲಂ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ ಧಮ್ಮಸಙ್ಗಣಿಪಕರಣೇ ಚಿತ್ತುಪ್ಪಾದಕಣ್ಡೇ ಕುಸಲಾ ಧಮ್ಮಾತಿ ಪದಸ್ಸ ಅತ್ಥಂ ವಿಭಜನ್ತೇನ ಭಗವತಾ ‘‘ಕತಮೇ ಧಮ್ಮಾ ಕುಸಲಾ. ಯಸ್ಮಿಂ ಸಮಯೇ ಕಾಮಾವಚರಂ ಕುಸಲಂ ಚಿತ್ತಂ ಉಪ್ಪನ್ನಂ ಹೋತಿ ಸೋಮನಸ್ಸಸಹಗತಂ ಞಾಣಸಮ್ಪಯುತ್ತಂ ರೂಪಾರಮ್ಮಣಂ ವಾ ಸದ್ದಾರಮ್ಮಣಂ ವಾ ಗನ್ಧಾರಮ್ಮಣಂ ವಾ ರಸಾರಮ್ಮಣಂ ವಾ ಫೋಟ್ಠಬ್ಬಾರಮ್ಮಣಂ ವಾ ಧಮ್ಮಾರಮ್ಮಣಂ ವಾ ಯಂ ಯಂ ವಾ ಪನಾರಬ್ಭ. ತಸ್ಮಿಂ ಸಮಯೇ ಫಸ್ಸೋ ಹೋತಿ ವೇದನಾ ಹೋತಿ ಸಞ್ಞಾ ಹೋತಿ ಚೇತನಾ ಹೋತಿ ಚಿತ್ತಂ ಹೋತಿ ವಿತಕ್ಕೋ ಹೋತಿ ವಿಚಾರೋ ಹೋತಿ ಪೀತಿ ಹೋತಿ ಸುಖಂ ಹೋತಿ ಚಿತ್ತಸ್ಸೇಕಗ್ಗತಾ ಹೋತೀ’’ತಿ ಏವಮಾದಿನಾ ಕಾಮಾವಚರಕುಸಲಂ ತೀಹಿ ಮಹಾವಾರೇಹಿ ವಿಭಜಿತ್ವಾ ದೇಸಿತಂ.

ಪುಚ್ಛಾ – ಅಭಿಧಮ್ಮಪಿಟಕೇ ¶ ಆವುಸೋ ಧಮ್ಮಸಙ್ಗಣೀಪಾಳಿಯಂ ಚಿತ್ತುಪ್ಪಾದಕಣ್ಡೇ ಕುಸಲಾ ಧಮ್ಮಾತಿ ಪದಸ್ಸ ಅತ್ಥಂ ವಿಭಜನ್ತೇನ ಭಗವತಾ ಕಥಂ ರೂಪಾವಚರಕುಸಲಞ್ಚ ಅರೂಪಾವಚರಕುಸಲಞ್ಚ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ವಿಸ್ಸಜ್ಜನಾ – ರೂಪಾವಚರಕುಸಲಞ್ಚ ಅರೂಪಾವಚರಕುಸಲಞ್ಚ ಭನ್ತೇ ‘‘ಕತಮೇ ಧಮ್ಮಾ ಕುಸಲಾ. ಯಸ್ಮಿಂ ಸಮಯೇ ರೂಪೂಪಪತ್ತಿಯಾ ಮಗ್ಗಂ ಭಾವೇತಿ ವಿವಿಚ್ಚೇವ ಕಾಮೇಹಿ ವಿವಿಚ್ಚ ಅಕುಸಲೇಹಿ ಧಮ್ಮೇಹಿ ಸವಿತಕ್ಕಂ ಸವಿತಕ್ಕಂ ವಿವೇಕಜಂ ಪೀತಿಸುಖಂ ಪಠಮಂ ಝಾನಂ ಉಪಸಮ್ಪಜ್ಜ ವಿಹರತಿ ಪಥವೀಕಸಿಣ’’ನ್ತಿ ಏವಮಾದಿನಾ ಭಗವತಾ ವಿತ್ಥಾರತೋ ದೇಸಿತಂ.

ಪುಚ್ಛಾ – ಅಭಿಧಮ್ಮಪಿಟಕೇ ¶ ಆವುಸೋ ಧಮ್ಮಸಙ್ಗಣೀಪಾಳಿಯಂ ಚಿತ್ತುಪ್ಪಾದಕಣ್ಡೇ ಕುಸಲಾ ಧಮ್ಮಾತಿ ಪದಸ್ಸ ಅತ್ಥಂ ವಿಭಜನ್ತೇನ ಭಗವತಾ ಕಥಂ ಲೋಕುತ್ತರಕುಸಲಂ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ ಧಮ್ಮಸಙ್ಗಣಿಯಂ ಚಿತ್ತುಪ್ಪಾದಕಣ್ಡೇ ಕುಸಲಾ ಧಮ್ಮಾತಿ ಪದಸ್ಸ ಅತ್ಥಂ ವಿಭಜನ್ತೇನ ಭಗವತಾ ‘‘ಕತಮೇ ಧಮ್ಮಾ ಕುಸಲಾ. ಯಸ್ಮಿಂ ಸಮಯೇ ಲೋಕುತ್ತರಂ ಝಾನಂ ಭಾವೇತಿ ನಿಯ್ಯಾನಿಕಂ ಅಪಚಯಗಾಮಿಂ ದಿಟ್ಠಿಗತಾನಂ ಪಹಾನಾಯ ಪಠಮಾಯ ಭೂಮಿಯಾ ಪತ್ತಿಯಾ ವಿವಿಚ್ಚೇವ ಕಾಮೇಹಿ…ಪೇ… ಪಠಮಂ ಝಾನಂ ಉಪಸಮ್ಪಜ್ಜ ವಿಹರತಿ ದುಕ್ಖಪಟಿಪದಂ ದನ್ಧಾಭಿಞ್ಞ’’ನ್ತಿ ಏವಮಾದಿನಾ ಭಗವತಾ ಲೋಕುತ್ತರಕುಸಲಂ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ಪುಚ್ಛಾ – ತತ್ಥೇವ ¶ ಆವುಸೋ ಅಕುಸಲಾ ಧಮ್ಮಾತಿ ಮಾತಿಕಾಪದಸ್ಸ ಅತ್ಥಂ ವಿಭಜನ್ತೇನ ಭಗವತಾ ಕಥಂ ಅಕುಸಲಂ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ವಿಸ್ಸಜ್ಜನಾ – ತತ್ಥೇವ ಭನ್ತೇ ಅಕುಸಲಾ ಧಮ್ಮಾತಿ ಮಾತಿಕಾಪದಸ್ಸ ಅತ್ಥಂ ವಿಭಜನ್ತೇನ ಭಗವತಾ ‘‘ಕತಮೇ ಧಮ್ಮಾ ಅಕುಸಲಾ. ಯಸ್ಮಿಂ ಸಮಯೇ ಅಕುಸಲಂ ಚಿತ್ತಂ ಉಪ್ಪನ್ನಂ ಹೋತಿ ಸೋಮನಸ್ಸಸಹಗತಂ ದಿಟ್ಠಿಗತಸಮ್ಪಯುತ್ತಂ ರೂಪಾರಮ್ಮಣಂ ವಾ ಸದ್ಧಾರಮ್ಮಣಂ ವಾ ಗನ್ಧಾರಮ್ಮಣಂ ವಾ ರಸಾರಮ್ಮಣಂ ವಾ ಫೋಟ್ಠಬ್ಬಾರಮ್ಮಣಂ ವಾ ಧಮ್ಮಾರಮ್ಮಣಂ ವಾ ಯಂ ಯಂ ವಾ ಪನಾರಬ್ಭ. ತಸ್ಮಿಂ ಸಮಯೇ ಫಸ್ಸೋ ಹೋತಿ ವೇದನಾ ಹೋತಿ ಸಞ್ಞಾ ಹೋತಿ ಚೇತನಾ ಹೋತಿ ಚಿತ್ತಂ ಹೋತೀ’’ತಿ ಏವಮಾದಿನಾ ಅಕುಸಲಂ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ಪುಚ್ಛಾ – ಅಭಿಧಮ್ಮಪಿಟಕೇ ಆವುಸೋ ಧಮ್ಮಸಙ್ಗಣೀಪಾಳಿಯಂ ಚಿತ್ತುಪ್ಪಾದಕಣ್ಡರೂಪಕಣ್ಡೇಸು ಅಬ್ಯಾಕತಾ ಧಮ್ಮಾತಿ ಮಾತಿಕಾಪದಸ್ಸ ಅತ್ಥಂ ವಿಭಜನ್ತೇನ ¶ ಭಗವತಾ ಕಥಂ ಅಬ್ಯಾಕತಾ ಧಮ್ಮಾ ವಿತ್ಥಾರತೋ ವಿಭಜಿತ್ವಾ ದೇಸಿತಾ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ ಧಮ್ಮಸಙ್ಗಣಿಯಂ ಅಬ್ಯಾಕತಾ ಧಮ್ಮಾತಿ ಪದಸ್ಸ ಅತ್ಥಂ ವಿಭಜನ್ತೇನ ಭಗವತಾ ‘‘ಕತಮೇ ಧಮ್ಮಾ ಅಬ್ಯಾಕತಾ. ಯಸ್ಮಿಂ ಸಮಯೇ ಕಾಮಾವಚರಸ್ಸ ಕುಸಲಸ್ಸ ಕಮ್ಮಸ್ಸ ಕತತ್ತಾ ಉಪಚಿತತ್ತಾ ವಿಪಾಕಂ ಚಕ್ಖುವಿಞ್ಞಾಣಂ ಉಪ್ಪನ್ನಂ ಹೋತಿ ಉಪೇಕ್ಖಾಸಹಗತಂ ರೂಪಾರಮ್ಮಣಂ. ತಸ್ಮಿಂ ಸಮಯೇ ಫಸ್ಸೋ ಹೋತಿ ವೇದನಾ ಹೋತಿ ಸಞ್ಞಾ ಹೋತಿ ಚೇತನಾ ಹೋತಿ ಚಿತ್ತಂ ಹೋತೀ’’ತಿ ಏವಮಾದಿನಾ ಚ ಚಿತ್ತುಪ್ಪಾದಕಣ್ಡೇ, ರೂಪಕಣ್ಡೇ ಚ ‘‘ಕತಮೇ ಧಮ್ಮಾ ಅಬ್ಯಾಕತಾ. ಕುಸಲಾಕುಸಲಾನಂ ಧಮ್ಮಾನಂ ವಿಪಾಕಾ ಕಾಮಾವಚರಾ ರೂಪಾವಚರಾ ಅರೂಪಾವಚರಾ ಅಪರಿಯಾಪನ್ನಾ ವೇದನಾಕ್ಖನ್ಧೋ ಸಞ್ಞಾಕ್ಖನ್ಧೋ ಸಙ್ಖಾರಕ್ಖನ್ಧೋ ವಿಞ್ಞಾಣಕ್ಖನ್ಧೋ. ಯೇ ಚ ಧಮ್ಮಾ ಕಿರಿಯಾ ನೇವ ಕುಸಲಾ ನಾಕುಸಲಾ ನ ಚ ಕಮ್ಮವಿಪಾಕಾ. ಸಬ್ಬಞ್ಚ ರೂಪಂ ಅಸಙ್ಖತಾ ಚ ಧಾತು. ಇಮೇ ಧಮ್ಮಾ ಅಬ್ಯಾಕತಾ’’ತಿ ಏವಮಾದಿನಾ ಚ ಅಬ್ಯಾಕತಾ ಧಮ್ಮಾ ವಿತ್ಥಾರತೋ ವಿಭಜಿತ್ವಾ ದೇಸಿತಾ.

ಪುಚ್ಛಾ – ಸತ್ತಸು ¶ ಆವುಸೋ ಅಭಿಧಮ್ಮಪ್ಪಕರಣೇಸು ವಿಭಙ್ಗಪ್ಪಕರಣೇ ಭಗವತಾ ಕತಿ ವಿಭಙ್ಗಾ ದೇಸಿತಾ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ ಸತ್ತಸು ಪಕರಣೇಸು ದುತಿಯೇ ವಿಭಙ್ಗಪ್ಪಕರಣೇ ಖನ್ಧವಿಭಙ್ಗೋ ಆಯತನವಿಭಙ್ಗೋ ಧಾತುವಿಭಙ್ಗೋ ಸಚ್ಚವಿಭಙ್ಗೋ ಇನ್ದ್ರಿಯವಿಭಙ್ಗೋ ಪಟಿಚ್ಚಸಮುಪ್ಪಾದವಿಭಙ್ಗೋ ಸತಿಪಟ್ಠಾನವಿಭಙ್ಗೋ ಸಮ್ಮಪ್ಪಧಾನವಿಭಙ್ಗೋ ಇದ್ಧಿಪಾದವಿಭಙ್ಗೋ ಬೋಜ್ಝಙ್ಗವಿಭಙ್ಗೋ ಮಗ್ಗಙ್ಗವಿಭಙ್ಗೋ ಝಾನವಿಭಙ್ಗೋ ಅಪ್ಪಮಞ್ಞಾವಿಭಙ್ಗೋ ಸಿಕ್ಖಾಪದವಿಭಙ್ಗೋ ಪಟಿಸಮ್ಭಿದಾವಿಭಙ್ಗೋ ಞಾಣವಿಭಙ್ಗೋ ಖುದ್ದಕವತ್ಥುವಿಭಙ್ಗೋ ಧಮ್ಮಹದಯವಿಭಙ್ಗೋತಿ ಭಗವತಾ ಅಟ್ಠಾರಸ ವಿಭಙ್ಗಾ ದೇಸಿತಾ.

ಪುಚ್ಛಾ – ತೇಸು ಆವುಸೋ ಅಟ್ಠಾರಸಸು ವಿಭಙ್ಗೇಸು ಪಠಮೇ ಖನ್ಧವಿಭಙ್ಗೇ ಭಗವತಾ ಕಥಂ ಖನ್ಧಾ ವಿತ್ಥಾರತೋ ವಿಭಜಿತ್ವಾ ದೇಸಿತಾ.

ವಿಸ್ಸಜ್ಜನಾ – ತೇಸು ¶ ಭನ್ತೇ ಅಟ್ಠಾರಸಸು ವಿಭಙ್ಗೇಸು ಪಠಮೇ ಖನ್ಧವಿಭಙ್ಗೇ ‘‘ಪಞ್ಚಕ್ಖನ್ಧಾ ರೂಪಕ್ಖನ್ಧೋ ವೇದನಾಕ್ಖನ್ಧೋ ಸಞ್ಞಾಕ್ಖನ್ಧೋ ಸಙ್ಖಾರಕ್ಖನ್ಧೋ ವಿಞ್ಞಾಣಕ್ಖನ್ಧೋ. ತತ್ಥ ಕತಮೋ ರೂಪಕ್ಖನ್ಧೋ, ಯಂಕಿಞ್ಚಿ ರೂಪಂ ಅತೀತಾನಾಗತಪಚ್ಚುಪ್ಪನ್ನಂ ಅಜ್ಝತ್ತಂ ವಾ ಬಹಿದ್ಧಾ ವಾ ಓಳಾರಿಕಂ ವಾ ಸುಖುಮಂ ವಾ ಹೀನಂ ವಾ ಪಣೀತಂ ವಾ ಯಂ ದೂರೇ ಸನ್ತಿಕೇ ವಾ, ತದೇಕಜ್ಝಂ ಅಭಿಸಞ್ಞೂಹಿತ್ವಾ ಅಭಿಸಙ್ಖಿಪಿತ್ವಾ ಅಯಂ ವುಚ್ಚತಿ ರೂಪಕ್ಖನ್ಧೋ’’ತಿ ಏವಮಾದಿನಾ ಸುತ್ತನ್ತಭಾಜನೀಯಅಭಿಧಮ್ಮಭಾಜನೀಯಪಞ್ಹಾಪುಚ್ಛಕಸಙ್ಖಾತೇಹಿ ತೀಹಿ ಮಹಾನಯೇಹಿ ಭಗವತಾ ಖನ್ಧಾ ವಿತ್ಥಾರತೋ ವಿಭಜಿತ್ವಾ ದೇಸಿತಾ.

ಪುಚ್ಛಾ – ದುತಿಯೇ ¶ ಪನ ಆವುಸೋ ಆಯತನವಿಭಙ್ಗೇ ಭಗವತಾ ಕಥಂ ಆಯತನಾನಿ ವಿತ್ಥಾರತೋ ವಿಭಜಿತ್ವಾ ದೇಸಿತಾನಿ.

ವಿಸ್ಸಜ್ಜನಾ – ದುತಿಯೇ ಭನ್ತೇ ಆಯತನವಿಭಙ್ಗೇ ‘‘ದ್ವಾದಸಾಯತನಾನಿ ಚಕ್ಖಾಯತನಂ ರೂಪಾಯತನಂ ಸೋತಾಯತನಂ ಸದ್ದಾಯತನಂ ಘಾನಾಯತನಂ ಗನ್ಧಾಯತನಂ ಜಿವ್ಹಾಯತನಂ ರಸಾಯತನಂ ಕಾಯಾಯತನಂ ಫೋಟ್ಠಬ್ಬಾಯತನಂ ಮನಾಯತನಂ ಧಮ್ಮಾಯತನಂ. ಚಕ್ಖುಂ ಅನಿಚ್ಚಂ ದುಕ್ಖಂ ಅನತ್ತಾ ವಿಪರಿಣಾಮಧಮ್ಮಂ, ರೂಪಾ ಅನಿಚ್ಚಾ ದುಕ್ಖಾ ಅನತ್ತಾ ವಿಪರಿಣಾಮಧಮ್ಮಾ’’ತಿ ಏವಮಾದಿನಾ ಭಗವತಾ ಸುತ್ತನ್ತಭಾಜನೀಯಅಭಿಧಮ್ಮಭಾಜನೀಯಪಞ್ಹಾಪುಚ್ಛಕಸಙ್ಖಾತೇಹಿ ತೀಹೇವ ಆಯತನಾನಿ ವಿತ್ಥಾರತೋ ವಿಭಜಿತ್ವಾ ದೇಸಿತಾನಿ.

ಪುಚ್ಛಾ – ಅಭಿಧಮ್ಮಪಿಟಕೇ ¶ ಆವುಸೋ ವಿಭಙ್ಗಪ್ಪಕರಣೇ ತತಿಯೇ ಧಾತುವಿಭಙ್ಗೇ ಭಗವತಾ ಕಥಂ ಧಾತುಯೋ ವಿತ್ಥಾರೇನ ವಿಭಜಿತ್ವಾ ದೇಸಿತಾ.

ವಿಸ್ಸಜ್ಜನಾ – ತತಿಯೇ ಭನ್ತೇ ಧಾತುವಿಭಙ್ಗೇ ‘‘ಛ ಧಾತುಯೋ ಪಥವೀಧಾತು ಆಪೋಧಾತು ತೇಜೋಧಾತು ವಾಯೋಧಾತು ಆಕಾಸಧಾತು ವಿಞ್ಞಾಣಧಾತೂ’’ತಿ ಭನ್ತೇ ಸುತ್ತನ್ತಭಾಜನೀಯಅಭಿಧಮ್ಮಭಾಜನೀಯಪಞ್ಹಾಪುಚ್ಛಕಸಙ್ಖಾತೇಹಿ ತೀಹಿ ಮಹಾನಯೇಹಿ ಭಗವತಾ ಧಾತುಯೋ ವಿತ್ಥಾರತೋ ವಿಭಜಿತ್ವಾ ದೇಸಿತಾ.

ಪುಚ್ಛಾ – ಚತುತ್ಥೇ ¶ ಪನ ಆವುಸೋ ಸಚ್ಚವಿಭಙ್ಗೇ ಭಗವತಾ ಕಥಂ ಸಚ್ಚಾನಿ ವಿತ್ಥಾರತೋ ವಿಭಜಿತ್ವಾ ದೇಸಿತಾನಿ.

ವಿಸ್ಸಜ್ಜನಾ – ಚತುತ್ಥೇ ಭನ್ತೇ ಸಚ್ಚವಿಭಙ್ಗೇ ‘‘ಚತ್ತಾರಿ ಅರಿಯಸಚ್ಚಾನಿ ದುಕ್ಖಂ ಅರಿಯಸಚ್ಚಂ, ದುಕ್ಖಸಮುದಯಂ ಅರಿಯಸಚ್ಚಂ, ದುಕ್ಖನಿರೋಧಂ ಅರಿಯಸಚ್ಚಂ, ದುಕ್ಖನಿರೋಧಗಾಮಿನೀ ಪಟಿಪದಾ ಅರಿಯಸಚ್ಚಂ. ತತ್ಥ ಕತಮಂ ದುಕ್ಖಂ ಅರಿಯಸಚ್ಚಂ, ಜಾತಿಪಿ ದುಕ್ಖಾ, ಜರಾಪಿ ದುಕ್ಖಾ, ಮರಣಮ್ಪಿ ದುಕ್ಖಂ, ಸೋಕಪರಿದೇವದುಕ್ಖದೋಮನಸ್ಸುಪಾಯಾಸಾಪಿ ದುಕ್ಖಾ, ಅಪ್ಪಿಯೇಹಿ ಸಮ್ಪಯೋಗೋ ದುಕ್ಖೋ, ಪಿಯೇಹಿ ವಿಪ್ಪಯೋಗೋ ದುಕ್ಖೋ, ಯಮ್ಪಿಚ್ಛಂ ನ ಲಭತಿ, ತಮ್ಪಿ ದುಕ್ಖಂ, ಸಂಖಿತ್ತೇನ ಪಞ್ಚುಪಾದಾನಕ್ಖನ್ಧಾ ದುಕ್ಖಾ’’ತಿ ಏವಮಾದಿನಾ ಸುತ್ತನ್ತಭಾಜನೀಯಅಭಿಧಮ್ಮಭಾಜನೀಯಪಞ್ಹಾಪುಚ್ಛಕಸಙ್ಖಾತೇಹಿ ತೀಹಿ ಮಹಾನಯೇಹಿ ಭಗವತಾ ಸಚ್ಚಾನಿ ವಿತ್ಥಾರತೋ ವಿಭಜಿತ್ವಾ ದೇಸಿತಾನಿ.

ಪುಚ್ಛಾ – ಪಞ್ಚಮೇ ¶ ಪನ ಆವುಸೋ ಇನ್ದ್ರಿಯವಿಭಙ್ಗೇ ಭಗವತಾ ಕಥಂ ಇನ್ದ್ರಿಯಾನಿ ವಿತ್ಥಾರತೋ ವಿಭಜಿತ್ವಾ ದೇಸಿತಾನಿ.

ವಿಸ್ಸಜ್ಜನಾ – ಪಞ್ಚಮೇ ಪನ ಭನ್ತೇ ಇನ್ದ್ರಿಯವಿಭಙ್ಗೇ ‘‘ಬಾವೀಸತಿನ್ದ್ರಿಯಾನಿ ಚಕ್ಖುನ್ದ್ರಿಯಂ ಸೋತಿನ್ದ್ರಿಯಂ ಘಾನಿನ್ದ್ರಿಯಂ ಜಿವ್ಹಿನ್ದ್ರಿಯಂ ಕಾಯಿನ್ದ್ರಿಯಂ ಮನಿನ್ದ್ರಿಯಂ…ಪೇ… ಅಞ್ಞಾತಾವಿನ್ದ್ರಿಯ’’ನ್ತಿ ಏವಮಾದಿನಾ ಅಭಿಧಮ್ಮಭಾಜನೀಯಪಞ್ಹಾಪುಚ್ಛಕಸಙ್ಖಾತೇಹಿ ದ್ವೀಹಿ ಮಹಾನಯೇಹಿ ಭಗವತಾ ಇನ್ದ್ರಿಯಾನಿ ವಿತ್ಥಾರತೋ ವಿಭಜಿತ್ವಾ ದೇಸಿತಾನಿ.

ಪುಚ್ಛಾ – ಅಭಿಧಮ್ಮಪಿಟಕೇ ¶ ಆವುಸೋ ವಿಭಙ್ಗಪ್ಪಕರಣೇ ಛಟ್ಠೇ ಪಟಿಚ್ಚಸಮುಪ್ಪಾದವಿಭಙ್ಗೇ ಭಗವತಾ ಕಥಂ ಪಟಿಚ್ಚಸಮುಪ್ಪಾದೋ ವಿತ್ಥಾರೇನ ವಿಭಜಿತ್ವಾ ದೇಸಿತೋ.

ವಿಸ್ಸಜ್ಜನಾ – ಛಟ್ಠೇ ಭನ್ತೇ ಪಟಿಚ್ಚಸಮುಪ್ಪಾದವಿಭಙ್ಗೇ ‘‘ಅವಿಜ್ಜಾಪಚ್ಚಯಾ ಸಙ್ಖಾರಾ…ಪೇ… ಸಮುದಯೋ ಹೋತೀ’’ತಿ ಏವಮಾದಿನಾ ಭಗವತಾ ಪಟಿಚ್ಚಸಮುಪ್ಪಾದೋ ಸುತ್ತನ್ತಭಾಜನೀಯಅಭಿಧಮ್ಮಭಾಜನೀಯಸಙ್ಖಾತೇಹಿ ದ್ವೀಹಿ ಮಹಾನಯೇಹಿ ವಿತ್ಥಾರತೋ ವಿಭಜಿತ್ವಾ ದೇಸಿತೋ.

ಪುಚ್ಛಾ – ಸತ್ತಮೇ ¶ ಪನ ಆವುಸೋ ಸತಿಪಟ್ಠಾನವಿಭಙ್ಗೇ ಭಗವತಾ ಕಥಂ ಸತಿಪಟ್ಠಾನಾ ವಿತ್ಥಾರತೋ ವಿಭಜಿತ್ವಾ ದೇಸಿತಾ.

ವಿಸ್ಸಜ್ಜನಾ – ಸತ್ತಮೇ ಭನ್ತೇ ಸತಿಪಟ್ಠಾನವಿಭಙ್ಗೇ ‘‘ಚತ್ತಾರೋ ಸತಿಪಟ್ಠಾನಾ ಇಧ ಭಿಕ್ಖು ಅಜ್ಝತ್ತಂ ಕಾಯೇ ಕಾಯಾನುಪಸ್ಸೀ ವಿಹರತಿ, ಬಹಿದ್ಧಾ ಕಾಯೇ ಕಾಯಾನುಪಸ್ಸೀ ವಿಹರತಿ, ಅಜ್ಝತ್ತಬಹಿದ್ಧಾ ಕಾಯೇ ಕಾಯಾನುಪಸ್ಸೀ ವಿಹರತಿ ಆತಾಪೀ ಸಮ್ಪಜಾನೋ ಸತಿಮಾ ವಿನೇಯ್ಯ ಲೋಕೇ ಅಭಿಜ್ಝಾದೋಮನಸ್ಸ’’ನ್ತಿ ಏವಮಾದಿನಾ ಸುತ್ತನ್ತಭಾಜನೀಯಅಭಿಧಮ್ಮಭಾಜನೀಯಪಞ್ಹಾಪುಚ್ಛಕಸಙ್ಖಾತೇಹಿ ತೀಹಿ ಮಹಾನಯೇಹಿ ಭಗವತಾ ಸತಿಪಟ್ಠಾನಾ ವಿತ್ಥಾರತೋ ವಿಭಜಿತ್ವಾ ದೇಸಿತಾ.

ಪುಚ್ಛಾ – ಅಟ್ಠಮೇ ¶ ಪನ ಆವುಸೋ ಸಮ್ಮಪ್ಪಧಾನವಿಭಙ್ಗೇ ಭಗವತಾ ಕಥಂ ಸಮ್ಮಪ್ಪಧಾನಾ ವಿತ್ಥಾರತೋ ವಿಭಜಿತ್ವಾ ದೇಸಿತಾ.

ವಿಸ್ಸಜ್ಜನಾ – ಅಟ್ಠಮೇ ಭನ್ತೇ ಸಮ್ಮಪ್ಪಧಾನವಿಭಙ್ಗೇ ‘‘ಚತ್ತಾರೋ ಸಮ್ಮಪ್ಪಧಾನಾ ಇಧ ಭಿಕ್ಖು ಅನುಪ್ಪನ್ನಾನಂ ಪಾಪಕಾನಂ ಅಕುಸಲಾನಂ ಧಮ್ಮಾನಂ ಅನುಪ್ಪಾದಾಯ ಛನ್ದಂ ಜನೇತಿ ವಾಯಮತಿ ವೀರಿಯಂ ಆರಭತಿ ಚಿತ್ತಂ ಪಗ್ಗಣ್ಹಾತಿ ಪದಹತಿ, ಉಪ್ಪನ್ನಾನಂ ಪಾಪಕಾನಂ ಅಕುಸಲಾನಂ ಧಮ್ಮಾನಂ ಪಹಾನಾಯ ಛನ್ದಂ ಜನೇತಿ ವಾಯಮತಿ ವೀರಿಯಂ ಆರಭತಿ ಚಿತ್ತಂ ಪಗ್ಗಣ್ಹಾತಿ ಪದಹತಿ, ಅನುಪ್ಪನ್ನಾನಂ ಕುಸಲಾನಂ ಧಮ್ಮಾನಂ ಉಪ್ಪಾದಾಯ ಛನ್ದಂ ಜನೇತಿ ವಾಯಮತಿ ವೀರಿಯಂ ಆರಭತಿ ಚಿತ್ತಂ ಪಗ್ಗಣ್ಹಾತಿ ಪದಹತಿ, ಉಪ್ಪನ್ನಾನಂ ಕುಸಲಾನಂ ಧಮ್ಮಾನಂ ಠಿತಿಯಾ ಅಸಮ್ಮೋಸಾಯ ಭಿಯ್ಯೋಭಾವಾಯ ವೇಪುಲ್ಲಾಯ ಭಾವನಾಯ ಪಾರಿಪೂರಿಯಾ ಛನ್ದಂ ಜನೇತಿ ವಾಯಮತಿ ವೀರಿಯಂ ಆರಭತಿ ಚಿತ್ತಂ ಪಗ್ಗಣ್ಹಾತಿ ಪದಹತೀ’’ತಿ ಏವಮಾದಿನಾ ಭಗವತಾ ಸಮ್ಮಪ್ಪಧಾನಾ ವಿತ್ಥಾರತೋ ವಿಭಜಿತ್ವಾ ದೇಸಿತಾ.

ಪುಚ್ಛಾ – ನವಮೇ ¶ ಪನ ಆವುಸೋ ಇದ್ಧಿಪಾದವಿಭಙ್ಗೇ ಭಗವತಾ ಕಥಂ ಇದ್ಧಿಪಾದಾ ವಿತ್ಥಾರತೋ ವಿಭಜಿತ್ವಾ ದೇಸಿತಾ.

ವಿಸ್ಸಜ್ಜನಾ – ನವಮೇ ಭನ್ತೇ ಇದ್ಧಿಪಾದವಿಭಙ್ಗೇ ‘‘ಚತ್ತಾರೋ ಇದ್ಧಿಪಾದಾ ಇಧ ಭಿಕ್ಖು ಛನ್ದಸಮಾಧಿಪಧಾನಸಙ್ಖಾರಸಮನ್ನಾಗತಂ ಇದ್ಧಿಪಾದಂ ಭಾವೇತಿ…ಪೇ… ವೀಮಂಸಾಸಮಾಧಿಪಧಾನಸಙ್ಖಾರಸಮನ್ನಾಗತಂ ಇದ್ಧಿಪಾದಂ ಭಾವೇತೀ’’ತಿ ಏವಮಾದಿನಾ ತೀಹಿ ಮಹಾನಯೇಹಿ ಭಗವತಾ ಇದ್ಧಿಪಾದಾ ವಿತ್ಥಾರತೋ ವಿಭಜಿತ್ವಾ ದೇಸಿತಾ.

ಪುಚ್ಛಾ – ಅಭಿಧಮ್ಮಪಿಟಕೇ ¶ ಆವುಸೋ ವಿಭಙ್ಗಪ್ಪಕರಣೇ ದಸಮೇ ಬೋಜ್ಝಙ್ಗವಿಭಙ್ಗೇ ಭಗವತಾ ಕಥಂ ಬೋಜ್ಝಙ್ಗಾ ವಿತ್ಥಾರತೋ ವಿಭಜಿತ್ವಾ ದೇಸಿತಾ.

ವಿಸ್ಸಜ್ಜನಾ – ದಸಮೇ ಭನ್ತೇ ಬೋಜ್ಝಙ್ಗವಿಭಙ್ಗೇ ‘‘ಸತ್ತ ಬೋಜ್ಝಙ್ಗಾ ಸತಿಸಮ್ಬೋಜ್ಝಙ್ಗೋ ಧಮ್ಮವಿಚಯಸಮ್ಬೋಜ್ಝಙ್ಗೋ ವೀರಿಯಸಮ್ಬೋಜ್ಝಙ್ಗೋ ಪೀತಿಸಮ್ಬೋಜ್ಝಙ್ಗೋ ಪಸ್ಸದ್ಧಿಸಮ್ಬೋಜ್ಝಙ್ಗೋ ಸಮಾಧಿಸಮ್ಬೋಜ್ಝಙ್ಗೋ ಉಪೇಕ್ಖಾಸಮ್ಬೋಜ್ಝಙ್ಗೋ. ತತ್ಥ ಕತಮೋ ಸತಿಸಮ್ಬೋಜ್ಝಙ್ಗೋ, ಇಧ ಭಿಕ್ಖು ಸತಿಮಾ ಹೋತಿ ಪರಮೇನ ಸತಿನೇಪಕ್ಕೇನ ಸಮನ್ನಾಗತೋ ಚಿರಕತಮ್ಪಿ ಚಿರಭಾಸಿತಮ್ಪಿ ಸರಿತಾ ಹೋತಿ ಅನುಸ್ಸರಿತಾ, ಅಯಂ ವುಚ್ಚತಿ ಸತಿಸಮ್ಬೋಜ್ಝಙ್ಗೋ’’ತಿ ಏವಮಾದಿನಾ ಭಗವತಾ ಸುತ್ತನ್ತಭಾಜನೀಯಅಭಿಧಮ್ಮಭಾಜನೀಯಪಞ್ಹಾಪುಚ್ಛಕಸಙ್ಖಾತೇಹಿ ತೀಹಿ ನಯೇಹಿ ಬೋಜ್ಝಙ್ಗಾ ವಿತ್ಥಾರತೋ ವಿಭಜಿತ್ವಾ ದೇಸಿತಾ.

ಪುಚ್ಛಾ – ಏಕಾದಸಮೇ ¶ ಪನ ಆವುಸೋ ಮಗ್ಗಙ್ಗವಿಭಙ್ಗೇ ಭಗವತಾ ಕಥಂ ಮಗ್ಗಙ್ಗಾ ವಿತ್ಥಾರತೋ ವಿಭಜಿತ್ವಾ ದೇಸಿತಾ.

ವಿಸ್ಸಜ್ಜನಾ – ಏಕಾದಸಮೇ ¶ ಭನ್ತೇ ಮಗ್ಗಙ್ಗವಿಭಙ್ಗೇ ‘‘ಅರಿಯೋ ಅಟ್ಠಙ್ಗಿಕೋ ಮಗ್ಗೋ. ಸೇಯ್ಯಥಿದಂ, ಸಮ್ಮಾದಿಟ್ಠಿ ಸಮ್ಮಾಸಙ್ಕಪ್ಪೋ ಸಮ್ಮಾವಾಚಾ ಸಮ್ಮಾಕಮ್ಮನ್ತೋ ಸಮ್ಮಾಆಜೀವೋ ಸಮ್ಮಾವಾಯಾಮೋ ಸಮ್ಮಾಸತಿ ಸಮ್ಮಾಸಮಾಧೀ’’ತಿ ಏವಮಾದಿನಾ ಭಗವತಾ ಸುತ್ತನ್ತಭಾಜನೀಯಅಭಿಧಮ್ಮಭಾಜನೀಯಪಞ್ಹಾಪುಚ್ಛಕಸಙ್ಖಾತೇಹಿ ತೀಹಿ ಮಹಾನಯೇಹಿ ಮಗ್ಗಙ್ಗಾ ವಿತ್ಥಾರತೋ ವಿಭಜಿತ್ವಾ ದೇಸಿತಾ.

ಪುಚ್ಛಾ – ದ್ವಾದಸಮೋ ¶ ಪನ ಆವುಸೋ ಝಾನವಿಭಙ್ಗೋ ಭಗವತಾ ಕಥಂ ವಿತ್ಥಾರೇನ ವಿಭಜಿತ್ವಾ ದೇಸಿತೋ.

ವಿಸ್ಸಜ್ಜನಾ – ದ್ವಾದಸಮೋ ಭನ್ತೇ ಝಾನವಿಭಙ್ಗೋ ‘‘ಇಧ ಭಿಕ್ಖು ಪಾತಿಮೋಕ್ಖಸಂವರಸಂವುತೋ ವಿಹರತಿ ಆಚಾರಗೋಚರಸಮ್ಪನ್ನೋ ಅಣುಮತ್ತೇಸು ವಜ್ಜೇಸು ಭಯದಸ್ಸಾವೀ ಸಮಾದಾಯ ಸಿಕ್ಖತಿ ಸಿಕ್ಖಾಪದೇಸು ಇನ್ದ್ರಿಯೇಸು ಗುತ್ತದ್ವಾರೋ ಭೋಜನೇ ಮತ್ತಞ್ಞೂ ಪುಬ್ಬರತ್ತಾಪರರತ್ತಂ ಜಾಗರಿಯಾನುಯೋಗಮನುಯುತ್ತೋ’’ತಿ ಏವಮಾದಿನಾ ಭಗವತಾ ವಿತ್ಥಾರತೋ ವಿಭಜಿತ್ವಾ ದೇಸಿತೋ.

ಪುಚ್ಛಾ – ತೇರಸಮೇ ¶ ಪನ ಆವುಸೋ ಅಪ್ಪಮಞ್ಞಾವಿಭಙ್ಗೇ ಭಗವತಾ ಕಥಂ ಅಪ್ಪಮಞ್ಞಾಯೋ ವಿತ್ಥಾರತೋ ವಿಭಜಿತ್ವಾ ದೇಸಿತಾ.

ವಿಸ್ಸಜ್ಜನಾ – ತೇರಸಮೇ ಭನ್ತೇ ಅಪ್ಪಮಞ್ಞಾವಿಭಙ್ಗೇ ‘‘ಚತಸ್ಸೋ ಅಪ್ಪಮಞ್ಞಾಯೋ ಇಧ ಭಿಕ್ಖು ಮೇತ್ತಾಸಹಗತೇನ ಚೇತಸಾ ಏಕಂ ದಿಸಂ ಫರಿತ್ವಾ ವಿಹರತಿ, ತಥಾ ದುತಿಯಂ. ತಥಾ ತತಿಯಂ. ತಥಾ ಚತುತ್ಥಂ. ಇತಿ ಉದ್ಧಮಧೋ ತಿರಿಯಂ ಸಬ್ಬಧಿ ಸಬ್ಬತ್ತತಾಯ ಸಬ್ಬಾವನ್ತಂ ಲೋಕಂ ಮೇತ್ತಾಸಹಗತೇನ ಚೇತಸಾ ವಿಪುಲೇನ ಮಹಗ್ಗತೇನ ಅಪ್ಪಮಾಣೇನ ಅವೇರೇನ ಅಬ್ಯಾಪಜ್ಜೇನ ಫರಿತ್ವಾ ವಿಹರತೀ’’ತಿ ಏವಮಾದಿನಾ ಭಗವತಾ ಸುತ್ತನ್ತಭಾಜನೀಯಅಭಿಧಮ್ಮಭಾಜನೀಯಪಞ್ಹಾಪುಚ್ಛಕಸಙ್ಖಾತೇಹಿ ತೀಹಿ ಮಹಾನಯೇಹಿ ಅಪ್ಪಮಞ್ಞಾಯೋ ವಿತ್ಥಾರತೋ ವಿಭಜಿತ್ವಾ ದೇಸಿತಾ.

ಪುಚ್ಛಾ – ಅಭಿಧಮ್ಮಪಿಟಕೇ ¶ ಆವುಸೋ ವಿಭಙ್ಗಪ್ಪಕರಣೇ ಚುದ್ದಸಮೇ ಸಿಕ್ಖಾಪದವಿಭಙ್ಗೇ ಭಗವತಾ ಕಥಂ ಸಿಕ್ಖಾಪದಾನಿ ವಿತ್ಥಾರತೋ ವಿಭಜಿತ್ವಾ ದೇಸಿತಾನಿ.

ವಿಸ್ಸಜ್ಜನಾ – ಚುದ್ದಸಮೇ ಭನ್ತೇ ಸಿಕ್ಖಾಪದವಿಭಙ್ಗೇ ‘‘ಪಞ್ಚ ಸಿಕ್ಖಾಪದಾನಿ ಪಾಣಾತಿಪಾತಾ ವೇರಮಣೀ ಸಿಕ್ಖಾಪದಂ, ಅದಿನ್ನಾದಾನಾ ವೇರಮಣೀ ಸಿಕ್ಖಾಪದಂ, ಕಾಮೇಸುಮಿಚ್ಛಾಚಾರಾ ವೇರಮಣೀ ಸಿಕ್ಖಾಪದಂ, ಮುಸಾವಾದಾ ವೇರಮಣೀ ಸಿಕ್ಖಾಪದಂ, ಸುರಾಮೇರಯಮಜ್ಜಪಮಾದಟ್ಠಾನಾ ವೇರಮಣೀ ಸಿಕ್ಖಾಪದಂ. ತತ್ಥ ಕತಮಂ ಪಾಣಾತಿಪಾತಾ ವೇರಮಣೀ ಸಿಕ್ಖಾಪದಂ, ಯಸ್ಮಿಂ ಸಮಯೇ ಕಾಮಾವಚರಂ ಕುಸಲಂ ಚಿತ್ತಂ ಉಪ್ಪನ್ನಂ ಹೋತಿ ಸೋಮನಸ್ಸಸಹಗತಂ ಞಾಣಸಮ್ಪಯುತ್ತಂ ಪಾಣಾತಿಪಾತಾ ವಿರಮನ್ತಸ್ಸಾ’’ತಿ ಏವಮಾದಿನಾ ಅಭಿಧಮ್ಮಭಾಜನೀಯಪಞ್ಹಾಪುಚ್ಛಕಸಙ್ಖಾತೇಹಿ ದ್ವೀಹಿ ಮಹಾನಯೇಹಿ ಭಗವತಾ ಸಿಕ್ಖಾಪದಾನಿ ವಿತ್ಥಾರತೋ ವಿಭಜಿತ್ವಾ ದೇಸಿತಾನಿ.

ಪುಚ್ಛಾ – ಪನ್ನರಸಮೇ ¶ ಪನ ಆವುಸೋ ಪಟಿಸಮ್ಭಿದಾವಿಭಙ್ಗೇ ಭಗವತಾ ಕಥಂ ಪಟಿಸಮ್ಭಿದಾಯೋ ವಿತ್ಥಾರತೋ ವಿಭಜಿತ್ವಾ ದೇಸಿತಾ.

ವಿಸ್ಸಜ್ಜನಾ – ಪನ್ನರಸಮೇ ಭನ್ತೇ ಪಟಿಸಮ್ಭಿದಾವಿಭಙ್ಗೇ ‘‘ಚತಸ್ಸೋ ಪಟಿಸಮ್ಭಿದಾ ಅತ್ಥಪಟಿಸಮ್ಭಿದಾ ಧಮ್ಮಪಟಿಸಮ್ಭಿದಾ ನಿರುತ್ತಿಪಟಿಸಮ್ಭಿದಾ ಪಟಿಭಾನಪಟಿಸಮ್ಭಿದಾ. ಅತ್ಥೇ ಞಾಣಂ ಅತ್ಥಪಟಿಸಮ್ಭಿದಾ, ಧಮ್ಮೇ ಞಾಣಂ ಧಮ್ಮಪಟಿಸಮ್ಭಿದಾ, ತತ್ರ ಧಮ್ಮನಿರುತ್ತಾಭಿಲಾಪೇ ಞಾಣಂ ನಿರುತ್ತಿಪಟಿಸಮ್ಭಿದಾ, ಞಾಣೇಸು ಞಾಣಂ ಪಟಿಭಾನಪಟಿಸಮ್ಭಿದಾ’’ತಿ ಏವಮಾದಿನಾ ಭಗವತಾ ಚತಸ್ಸೋ ಪಟಿಸಮ್ಭಿದಾಯೋ ಸುತ್ತನ್ತಭಾಜನೀಯಅಭಿಧಮ್ಮಭಾಜನೀಯಪಞ್ಹಾಪುಚ್ಛಕಸಙ್ಖಾತೇಹಿ ¶ ತೀಹಿ ಮಹಾನಯೇಹಿ ವಿತ್ಥಾರತೋ ವಿಭಜಿತ್ವಾ ದೇಸಿತಾ.

ಪುಚ್ಛಾ – ಸೋಳಸಮೇ ಪನ ಆವುಸೋ ಞಾಣವಿಭಙ್ಗೇ ಭಗವತಾ ಕಥಂ ಞಾಣಾನಿ ವಿತ್ಥಾರತೋ ವಿಭಜಿತ್ವಾ ದೇಸಿತಾನಿ.

ವಿಸ್ಸಜ್ಜನಾ – ಸೋಳಸಮೇ ಭನ್ತೇ ಞಾಣವಿಭಙ್ಗೇ ‘‘ಏಕವಿಧೇನ ಞಾಣವತ್ಥು ಪಞ್ಚವಿಞ್ಞಾಣಾ ನ ಹೇತೂ, ಅಹೇತುಕಾ, ಹೇತುವಿಪ್ಪಯುತ್ತಾ, ಸಪ್ಪಚ್ಚಯಾ ¶ , ಸಙ್ಖತಾ, ಅರೂಪಾ, ಲೋಕಿಯಾ, ಸಾಸವಾ’’ತಿ ಏವಮಾದಿನಾ ಏಕಕತೋ ಪಟ್ಠಾಯ ಯಾವ ದಸಕಾ ಭಗವತಾ ಞಾಣಾನಿ ವಿತ್ಥಾರತೋ ವಿಭಜಿತ್ವಾ ದೇಸಿತಾನಿ.

ಪುಚ್ಛಾ – ಅಭಿಧಮ್ಮಪಿಟಕೇ ಆವುಸೋ ವಿಭಙ್ಗಪ್ಪಕರಣೇ ಸತ್ತರಸಮೋ ಖುದ್ದಕವತ್ಥುವಿಭಙ್ಗೋ ಭಗವತಾ ಕಥಂ ದೇಸಿತೋ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ ದುತಿಯೇ ವಿಭಙ್ಗಪ್ಪಕರಣೇ ಸತ್ತರಸಮೋ ಖುದ್ದಕವತ್ಥುವಿಭಙ್ಗೋ ‘‘ಜಾತಿಮದೋ, ಗೋತ್ತಮದೋ, ಆರೋಗ್ಯಮದೋ, ಯೋಬ್ಬನಮದೋ, ಜೀವಿತಮದೋ’’ತಿ ಏವಮಾದಿನಾ ಏಕಕತೋ ಪಟ್ಠಾಯ ಯಾವ ಅಟ್ಠಸತತಣ್ಹಾವಿಚರಿತಂ ಭಗವತಾ ವಿತ್ಥಾರತೋ ವಿಭಜಿತ್ವಾ ದೇಸಿತೋ.

ಪುಚ್ಛಾ – ತತ್ಥ ¶ ಆವುಸೋ ಅಟ್ಠಾರಸಮೋ ಧಮ್ಮಹದಯವಿಭಙ್ಗೋ ಭಗವತಾ ಕಥಂ ವಿಭಜಿತ್ವಾ ದೇಸಿತೋ.

ವಿಸ್ಸಜ್ಜನಾ – ಅಟ್ಠಾರಸಮೋ ¶ ಭನ್ತೇ ಧಮ್ಮಹದಯವಿಭಙ್ಗೋ ‘‘ಕತಿ ಖನ್ಧಾ, ಕತಿ ಆಯತನಾನಿ, ಕತಿ ಧಾತುಯೋ, ಕತಿ ಸಚ್ಚಾನಿ, ಕತಿ ಇನ್ದ್ರಿಯಾನಿ, ಕತಿ ಹೇತೂ, ಕತಿ ಆಹಾರಾ, ಕತಿ ಫಸ್ಸಾ, ಕತಿ ವೇದನಾ, ಕತಿ ಸಞ್ಞಾ, ಕತಿ ಚೇತನಾ, ಕತಿ ಚಿತ್ತಾನಿ. ಪಞ್ಚಕ್ಖನ್ಧಾ, ದ್ವಾದಸಾಯತನಾನಿ, ಅಟ್ಠಾರಸ ಧಾತುಯೋ, ಚತ್ತಾರಿ ಸಚ್ಚಾನಿ, ಬಾವೀಸತಿನ್ದ್ರಿಯಾನಿ, ನವ ಹೇತೂ, ಚತ್ತಾರೋ ಆಹಾರಾ, ಸತ್ತ ಫಸ್ಸಾ, ಸತ್ತ ವೇದನಾ, ಸತ್ತ ಸಞ್ಞಾ, ಸತ್ತ ಚೇತನಾ, ಸತ್ತ ಚಿತ್ತಾನೀ’’ತಿ ಏವಮಾದಿನಾ ಸಬ್ಬಸಙ್ಗಾಹಕಾದೀಹಿ ದಸಹಿ ವಾರೇಹಿ ಭಗವತಾ ವಿತ್ಥಾರೇನ ವಿಭಜಿತ್ವಾ ದೇಸಿತೋ.

ಪುಚ್ಛಾ – ಕಥಞ್ಚಾವುಸೋ ತತ್ಥ ಭಗವತಾ ಉಪ್ಪಾದಕಕಮ್ಮಆಯುಪ್ಪಮಾಣವಾರೋ ವಿತ್ಥಾರೇನ ವಿಭಜಿತ್ವಾ ದೇಸಿತೋ.

ವಿಸ್ಸಜ್ಜನಾ – ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ಕತ್ಥ ಉಪಪಜ್ಜನ್ತಿ. ದಾನಂ ದತ್ವಾ, ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ¶ ಅಪ್ಪೇಕಚ್ಚೇ ಖತ್ತಿಯಮಹಾಸಾಲಾನಂ ಸಹಬ್ಯತಂ ಉಪಪಜ್ಜನ್ತಿ, ಅಪ್ಪೇಕಚ್ಚೇ ಬ್ರಾಹ್ಮಣಮಹಾಸಾಲಾನಂ, ಅಪ್ಪೇಕಚ್ಚೇ ಗಹಪತಿಮಹಾಸಾಲಾನಂ, ಅಪ್ಪೇಕಚ್ಚೇ ಚಾತುಮಹಾರಾಜಿಕಾನಂ ದೇವಾನಂ, ಅಪ್ಪೇಕಚ್ಚೇ ತಾವತಿಂಸಾನಂ ದೇವಾನಂ, ಅಪ್ಪೇಕಚ್ಚೇ ಯಾಮಾನಂ ದೇವಾನಂ, ಅಪ್ಪೇಕಚ್ಚೇ ತುಸಿತಾನಂ ದೇವಾನಂ ಸಹಬ್ಯತಂ ಉಪಪಜ್ಜನ್ತೀತಿ ಏವಮಾದಿನಾ ಭನ್ತೇ ತತ್ಥ ಭಗವತಾ ಉಪ್ಪಾದಕಕಮ್ಮಆಯುಪ್ಪಮಾಣವಾರೋ ವಿತ್ಥಾರೇನ ವಿಭಜಿತ್ವಾ ದೇಸಿತೋ.

ಉಕ್ಖಿತ್ತಾ ¶ ಪುಞ್ಞತೇಜೇನ, ಕಾಮರೂಪಗತಿಂ ಗತಾ;

ಭವಗ್ಗತಮ್ಪಿ ಸಮ್ಪತ್ತಾ, ಪುನಾಗಚ್ಛನ್ತಿ ದುಗ್ಗತಿಂ –

ಪುಚ್ಛಾ – ತೇನಾವುಸೋ ¶ ಭಗವತಾ ಅಟ್ಠಾರಸಹಿ ಬುದ್ಧಧಮ್ಮೇಹಿ ಸಮನ್ನಾಗತೇನ ಅಭಿಧಮ್ಮೇ ಅಟ್ಠಾರಸಹಿ ವಿಭಙ್ಗೇಹಿ ಪಟಿಮಣ್ಡಿತಂ ದುತಿಯಂ ವಿಭಙ್ಗಪ್ಪಕರಣಂ ದೇಸೇತ್ವಾ ತದನನ್ತರಂ ಧಾತುಕಥಂ ನಾಮ ತತಿಯಂ ಪಕರಣಂ ಕಥಂ ವಿಭಜಿತ್ವಾ ದೇಸಿತಂ.

ವಿಸ್ಸಜ್ಜನಾ – ತತಿಯಂ ಭನ್ತೇ ಧಾತುಕಥಂ ನಾಮ ಅಭಿಧಮ್ಮಪಿಟಕಂ ‘‘ಸಙ್ಗಹೋ ಅಸಙ್ಗಹೋ, ಸಙ್ಗಹಿತೇನ ಅಸಙ್ಗಹಿತಂ, ಅಸಙ್ಗಹಿತೇನ ಸಙ್ಗಹಿತಂ, ಸಙ್ಗಹಿತೇನ ಸಙ್ಗಹಿತಂ, ಅಸಙ್ಗಹಿತೇನ ಅಸಙ್ಗಹಿತಂ. ಸಮ್ಪಯೋಗೋ ವಿಪ್ಪಯೋಗೋ, ಸಮ್ಪಯುತ್ತೇನ ವಿಪ್ಪಯುತ್ತಂ, ವಿಪ್ಪಯುತ್ತೇನ ಸಮ್ಪಯುತ್ತಂ, ಸಮ್ಪಯುತ್ತೇನ ಸಮ್ಪಯುತ್ತಂ, ವಿಪ್ಪಯುತ್ತೇನ ವಿಪ್ಪಯುತ್ತಂ. ಸಙ್ಗಹಿತೇನ ಸಮ್ಪಯುತ್ತಂ ವಿಪ್ಪಯುತ್ತಂ, ಸಮ್ಪಯುತ್ತೇನ ಸಙ್ಗಹಿತಂ ಅಸಙ್ಗಹಿತಂ, ಅಸಙ್ಗಹಿತೇನ ಸಮ್ಪಯುತ್ತಂ ವಿಪ್ಪಯುತ್ತಂ, ವಿಪ್ಪಯುತ್ತೇನ ಸಙ್ಗಹಿತಂ ಅಸಙ್ಗಹಿತ’’ನ್ತಿ ಏವಮಾದಿನಾ ಪಞ್ಚ ಮಾತಿಕಾಯೋ ಪಠಮಂ ನಿಕ್ಖಿಪಿತ್ವಾ ಸಙ್ಗಹಾಸಙ್ಗಹಾದೀಹಿ ಚುದ್ದಸಹಿ ನಯೇಹಿ ಭಗವತಾ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ಪುಚ್ಛಾ – ತೇನಾವುಸೋ ¶ ಭಗವತಾ ಸಬ್ಬಧಾತುಕುಸಲೇನ ಅಭಿಧಮ್ಮಪಿಟಕೇ ತತಿಯಂ ಧಾತುಕಥಾಪಕರಣಂ ದೇಸೇತ್ವಾ ತದನನ್ತರಂ ಚತುತ್ಥಂ ಪುಗ್ಗಲಪಞ್ಞತ್ತಿಪ್ಪಕರಣಂ ಕಥಂ ವಿಭಜಿತ್ವಾ ದೇಸಿತಂ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ ಚತುತ್ಥಂ ಪುಗ್ಗಲಪಞ್ಞತ್ತಿಪ್ಪಕರಣಂ ‘‘ಛ ಪಞ್ಞತ್ತಿಯೋ ಖನ್ಧಪಞ್ಞತ್ತಿ ಆಯತನಪಞ್ಞತ್ತಿ ಧಾತುಪಞ್ಞತ್ತಿ ಸಚ್ಚಪಞ್ಞತ್ತಿ ಇನ್ದ್ರಿಯಪಞ್ಞತ್ತಿ ಪುಗ್ಗಲಪಞ್ಞತ್ತಿ. ಕಿತ್ತಾವತಾ ಖನ್ಧಾನಂ ಖನ್ಧಪಞ್ಞತ್ತಿ, ಯಾವತಾ ಪಞ್ಚಕ್ಖನ್ಧಾ, ರೂಪಕ್ಖನ್ಧೋ ವೇದನಾಕ್ಖನ್ಧೋ ಸಞ್ಞಾಕ್ಖನ್ಧೋ ಸಙ್ಖಾರಕ್ಖನ್ಧೋ ವಿಞ್ಞಾಣಕ್ಖನ್ಧೋ. ಏತ್ತಾವತಾ ಖನ್ಧಾನಂ ಖನ್ಧಪಞ್ಞತ್ತೀ’’ತಿ ಏವಮಾದಿನಾ ಖನ್ಧಾಯತನಧಾತುಸಚ್ಚಇನ್ದ್ರಿಯಪಞ್ಞತ್ತಿಯೋ ಸಂಖಿತ್ತೇನ ಉದ್ದಿಸಿತ್ವಾ ಪುಗ್ಗಲಪಞ್ಞತ್ತಿಂ ಚ ಏಕಕದುಕತಿಕಚತುಕ್ಕಪಞ್ಚಕಛಕ್ಕಸತ್ತಕಅಟ್ಠಕನವಕದಸಕವಸೇನ ವಿತ್ಥಾರತೋ ವಿಭಜಿತ್ವಾ ಭಗವತಾ ದೇಸಿತಾ.

ಪುಚ್ಛಾ – ತೇನಾವುಸೋ ¶ ಭಗವತಾ ಸಬ್ಬಪರಮತ್ಥಪಞ್ಞತ್ತಿಧಮ್ಮಕುಸಲೇನ ಅಭಿಧಮ್ಮಪಿಟಕೇ ಚತುತ್ಥಂ ಪುಗ್ಗಲಪಞ್ಞತ್ತಿಪ್ಪಕರಣಂ ದೇಸೇತ್ವಾ ತದನನ್ತರಂ ಪಞ್ಚಮಂ ಕಥಾವತ್ಥುಪ್ಪಕರಣಂ ಕಥಂ ದೇಸಿತಂ.

ವಿಸ್ಸಜ್ಜನಾ – ಸಬ್ಬಪರಮತ್ಥಪಞ್ಞತ್ತಿಧಮ್ಮಕುಸಲೇನ ಭನ್ತೇ ಭಗವತಾ ಲೋಕೇ ಅಗ್ಗಪುಗ್ಗಲೇನ ಅಭಿಧಮ್ಮಪಿಟಕೇ ಚತುತ್ಥಂ ಪುಗ್ಗಲಪಞ್ಞತ್ತಿಪ್ಪಕರಣಂ ದೇಸೇತ್ವಾ ತದನನ್ತರಂ ಕಥಾವತ್ಥುದೇಸನಾಯ ವಾರೇ ಸಮ್ಪತ್ತೇ ‘‘ಅನಾಗತೇ ಮಮ ಸಾವಕೋ ಮೋಗ್ಗಲಿಪುತ್ತತಿಸ್ಸತ್ಥೇರೋ ನಾಮ ಉಪ್ಪನ್ನಂ ಸಾಸನಮಲಂ ಸೋಧೇತ್ವಾ ತತಿಯಸಙ್ಗೀತಿಂ ಕರೋನ್ತೋ ಭಿಕ್ಖುಸಙ್ಘಸ್ಸ ಮಜ್ಝೇ ನಿಸಿನ್ನೋ ಸಕವಾದೇ ಪಞ್ಚ ಸುತ್ತಸತಾನಿ ಪರವಾದೇ ಪಞ್ಚಾತಿ ಸುತ್ತಸಹಸ್ಸಂ ಸಮೋಧಾನೇತ್ವಾ, ಇಮಂ ಪಕರಣಂ ಭಾಜೇಸ್ಸತೀ’’ತಿ ತಸ್ಸೋಕಾಸಂ ಕರೋನ್ತೇನ ಪುಗ್ಗಲವಾರೇ ಅಟ್ಠಮುಖಾ ವಾದಯುತ್ತಿಂ ಆದಿಂ ಕತ್ವಾ ಸಬ್ಬಕಥಾಮಗ್ಗೇಸು ಅಸಮ್ಪುಣ್ಣಭಾಣವಾರತ್ಥಾಯ ತನ್ತಿಯಾ ಮಾತಿಕಾ ನಿಕ್ಖೇಪಮತ್ತೇನ ಪಞ್ಚಮಂ ಕಥಾವತ್ಥುಪ್ಪಕರಣಂ ಸಂಖೇಪತೋ ದೇಸಿತಂ.

ಪುಚ್ಛಾ – ಅಧುನಾ ¶ ಪಾಕಟಂ ಪನಾವುಸೋ ವಿತ್ಥಾರಂ ಕಥಾವತ್ಥುಪ್ಪಕರಣಂ ಕದಾ ಕೇನ ಕತ್ಥ ಕಥಞ್ಚ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ವಿಸ್ಸಜ್ಜನಾ – ತಂ ಖೋ ಭನ್ತೇ ಭಗವತೋ ನಯಮುಖಂ ನಿಸ್ಸಾಯ ಆಯಸ್ಮತಾ ಮಹಾಮೋಗ್ಗಲಿಪುತ್ತತಿಸ್ಸತ್ಥೇರೇನ ತತಿಯಸಂಗೀತಿಕಾಲೇ ಪಾಟಲಿಪುತ್ತೇ ಅಸೋಕಾರಾಮೇ ಸಟ್ಠಿಭಿಕ್ಖುಸತಸಹಸ್ಸಾನಂ ಸಮಾಗಮೇ ಭಗವತಾ ದಿನ್ನನಯವಸೇನ ತಥಾಗತೇನ ಠಪಿತಮಾತಿಕಂ ವಿಭಜನ್ತೇನ ಸಕವಾದೇ ಪಞ್ಚಸುತ್ತಸತಾನಿ ಪರವಾದೇ ಪಞ್ಚಾತಿ ಸುತ್ತಸಹಸ್ಸಂ ಆಹರಿತ್ವಾ ಇದಂ ಪರವಾದಮಥನಂ ಅಧುನಾ ಪಾಕಟಂ ಕಥಾವತ್ಥುಪ್ಪಕರಣಂ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ಪುಚ್ಛಾ – ಕತಿ ¶ ಆವುಸೋ ತತ್ಥ ಕಥಾಯೋ ತೇನ ಆಯಸ್ಮತಾ ಮಹಾಮೋಗ್ಗಲಿಪುತ್ತತಿಸ್ಸತ್ಥೇರೇನ ವಿತ್ಥಾರತೋ ವಿಭಜಿತ್ವಾ ಕಥಿತಾ.

ವಿಸ್ಸಜ್ಜನಾ – ತತ್ಥ ಭನ್ತೇ ವಾಚನಾಮಗ್ಗತೋ ದ್ವೇ ಚ ಸತಾನಿ ಸತ್ತವೀಸತಿ ಚ ಕಥಾಯೋ ಆಯಸ್ಮತಾ ಮಹಾಮೋಗ್ಗಲಿಪುತ್ತತಿಸ್ಸತ್ಥೇರೇನ ವಿತ್ಥಾರತೋ ವಿಭಜಿತ್ವಾ ಕಥಿತಾ.

ಪುಚ್ಛಾ – ಕಥಞ್ಚಾವುಸೋ ¶ ತತ್ಥ ಪಠಮಾ ಪುಗ್ಗಲಕಥಾ ಆಯಸ್ಮತಾ ಮಹಾಮೋಗ್ಗಲಿಪುತ್ತತಿಸ್ಸತ್ಥೇರೇನ ವಿತ್ಥಾರತೋ ವಿಭಜಿತ್ವಾ ಕಥಿತಾ.

ವಿಸ್ಸಜ್ಜನಾ – ಪುಗ್ಗಲೋ ಉಪಲಬ್ಭತಿ ಸಚ್ಚಿಕಟ್ಠಪರಮತ್ಥೇನಾತಿ, ಆಮನ್ತಾ. ಯೋ ಸಚ್ಚಿಕಟ್ಠೋ ಪರಮತ್ಥೋ, ತತೋ ಸೋ ಪುಗ್ಗಲೋ ಉಪಲಬ್ಭತಿ ಸಚ್ಚಿಕಟ್ಠಪರಮತ್ಥೇನಾತಿ, ನ ಹೇವಂ ವತ್ತಬ್ಬೇ. ಆಜಾನಾಹಿ ನಿಗ್ಗಹಂ ಹಞ್ಚಿ ಪುಗ್ಗಲೋ ಉಪಲಬ್ಭತಿ ಸಚ್ಚಿಕಟ್ಠಪರಮತ್ಥೇನ, ತೇನ ವತ ರೇ ವತ್ತಬ್ಬೇ ‘‘ಯೋ ಸಚ್ಚಿಕಟ್ಠೋ ಪರಮತ್ಥೋ, ತತೋ ಸೋ ಪುಗ್ಗಲೋ ಉಪಲಬ್ಭತಿ ಸಚ್ಚಿಕಟ್ಠಪರಮತ್ಥೇನಾ’’ತಿ. ಯಂ ತತ್ಥ ವದೇಸಿ ‘‘ವತ್ತಬ್ಬೇ ಖೋ ‘ಪುಗ್ಗಲೋ ಉಪಲಬ್ಭತಿ ಸಚ್ಚಿಕಟ್ಠಪರಮತ್ಥೇನ’, ನೋ ಚ ವತ್ತಬ್ಬೇ ‘ಯೋ ಸಚ್ಚಿಕಟ್ಠೋ ಪರಮತ್ಥೋ, ತತೋ ಸೋ ಪುಗ್ಗಲೋ ಉಪಲಬ್ಭತಿ ಸಚ್ಚಿಕಟ್ಠಪರಮತ್ಥೇನಾ’’ತಿ, ಮಿಚ್ಛಾತಿ ಏವಮಾದಿನಾ ಭನ್ತೇ ತತ್ಥ ಪಠಮಾ ಪುಗ್ಗಲಕಥಾ ಪಞ್ಚ ಭಾಣವಾರಮತ್ತಾಯ ತನ್ತಿಯಾ ಆಯಸ್ಮತಾ ಮಹಾಮೋಗ್ಗಲಿಪುತ್ತತಿಸ್ಸತ್ಥೇರೇನ ವಿತ್ಥಾರತೋ ವಿಭಜಿತ್ವಾ ಕಥಿತಾ.

ಪುಚ್ಛಾ – ಅಭಿಧಮ್ಮಪಿಟಕೇ ¶ ಆವುಸೋ ಕಥಾವತ್ಥುಪ್ಪಕರಣೇ ದುತಿಯವಗ್ಗೇ ದುತಿಯಾ ಅಞ್ಞಾಣಕಥಾ ಆಯಸ್ಮತಾ ಮಹಾಮೋಗ್ಗಲಿಪುತ್ತತಿಸ್ಸತ್ಥೇರೇನ ಕಥಂ ವಿತ್ಥಾರತೋ ವಿಭಜಿತ್ವಾ ಕಥಿತಾ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ ಪಞ್ಚಮೇ ಕಥಾವತ್ಥುಪ್ಪಕರಣೇ ದುತಿಯವಗ್ಗೇ ದುತಿಯಾ ಅಞ್ಞಾಣಕಥಾ ‘‘ಅತ್ಥಿ ಅರಹತೋ ಅಞ್ಞಾಣನ್ತಿ, ಆಮನ್ತಾ. ಅತ್ಥಿ ಅರಹತೋ ಅವಿಜ್ಜಾ ಅವಿಜ್ಜೋಘೋ ಅವಿಜ್ಜಾಯೋಗೋ ಅವಿಜ್ಜಾನುಸಯೋ ಅವಿಜ್ಜಾಪರಿಯುಟ್ಠಾನಂ ಅವಿಜ್ಜಾಸಂಯೋಜನಂ ಅವಿಜ್ಜಾನೀವರಣನ್ತಿ, ನ ಹೇವಂ ವತ್ತಬ್ಬೇ. ನತ್ಥಿ ಅರಹತೋ ಅವಿಜ್ಜಾ ಅವಿಜ್ಜೋಘೋ ಅವಿಜ್ಜಾಯೋಗೋ ಅವಿಜ್ಜಾನುಸಯೋ ಅವಿಜ್ಜಾಪರಿಯುಟ್ಠಾನಂ ಅವಿಜ್ಜಾಸಂಯೋಜನಂ ಅವಿಜ್ಜಾನಿವರಣನ್ತಿ, ಆಮನ್ತಾ. ಹಞ್ಚಿ ನತ್ಥಿ ಅರಹತೋ ಅವಿಜ್ಜಾ ಅವಿಜ್ಜೋಘೋ ಅವಿಜ್ಜಾಯೋಗೋ ಅವಿಜ್ಜಾನುಸಯೋ ಅವಿಜ್ಜಾಪರಿಯುಟ್ಠಾನಂ ಅವಿಜ್ಜಾಸಂಯೋಜನಂ ಅವಿಜ್ಜಾನೀವರಣಂ, ನೋ ಚ ವತ ರೇ ವತ್ತಬ್ಬೇ ‘‘ಅತ್ಥಿ ಅರಹತೋ ಅಞ್ಞಾಣ’’ನ್ತಿ ಏವಮಾದಿನಾ ಆಯಸ್ಮತಾ ಮಹಾಮೋಗ್ಗಲಿಪುತ್ತತಿಸ್ಸತ್ಥೇರೇನ ವಿತ್ಥಾರತೋ ವಿಭಜಿತ್ವಾ ಭಾಸಿತಾ.

ಪುಚ್ಛಾ – ಅಭಿಧಮ್ಮಪಿಟಕೇ ¶ ಆವುಸೋ ಪಞ್ಚಮೇ ಕಥಾವತ್ಥುಪ್ಪಕರಣೇ ತತಿಯವಗ್ಗೇ ಏಕಾದಸಮಾ ಅಸಞ್ಞಕಥಾ ಆಯಸ್ಮತಾ ಮಹಾಮೋಗ್ಗಲಿಪುತ್ತತಿಸ್ಸತ್ಥೇರೇನ ಕಥಂ ವಿತ್ಥಾರತೋ ವಿಭಜಿತ್ವಾ ಕಥಿತಾ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ ಪಞ್ಚಮೇ ಕಥಾವತ್ಥುಪ್ಪಕರಣೇ ತತಿಯವಗ್ಗೇ ಏಕಾದಸಮಾ ಅಸಞ್ಞಕಥಾ ‘‘ಅಸಞ್ಞಸತ್ತೇಸು ಸಞ್ಞಾ ಅತ್ಥೀತಿ, ಆಮನ್ತಾ. ಸಞ್ಞಾಭವೋ ಸಞ್ಞಾಗತಿ ಸಞ್ಞಾಸತ್ತಾವಾಸೋ ಸಞ್ಞಾಸಂಸಾರೋ ಸಞ್ಞಾಯೋನಿ ಸಞ್ಞತ್ತಭಾವಪಟಿಲಾಭೋತಿ, ನ ಹೇವಂ ವತ್ತಬ್ಬೇ’’ತಿ ಏವಮಾದಿನಾ ಆಯಸ್ಮತಾ ಮಹಾಮೋಗ್ಗಲಿಪುತ್ತತಿಸ್ಸತ್ಥೇರೇನ ವಿತ್ಥಾರತೋ ವಿಭಜಿತ್ವಾ ಕಥಿತಾ.

ಸಞ್ಞಾಭವೋ ¶ ಸಞ್ಞಾಗತಿ ಸಞ್ಞಾಸತ್ತಾವಾಸೋ ಸಞ್ಞಾಸಂಸಾರೋ ಸಞ್ಞಾಯೋನಿ ಸಞ್ಞತ್ತಭಾವಪಟಿಲಾಭೋ.

ನನು ಅಸಞ್ಞಭವೋ ಅಸಞ್ಞಗತಿ ಅಸಞ್ಞಸತ್ತಾವಾಸೋ ಅಸಞ್ಞಸಂಸಾರೋ ಅಸಞ್ಞಯೋನಿ ಅಸಞ್ಞತ್ತಭಾವಪಟಿಲಾಭೋ.

ಹಞ್ಚಿ ¶ ಅಸಞ್ಞಭವೋ ಅಸಞ್ಞಗತಿ ಅಸಞ್ಞಸತ್ತಾವಾಸೋ ಅಸಞ್ಞಸಂಸಾರೋ ಅಸಞ್ಞಯೋನಿ ಅಸಞ್ಞತ್ತಭಾವಪಟಿಲಾಭೋ, ನೋ ಚ ವತ ರೇ ವತ್ತಬ್ಬೇ ಅಸಞ್ಞಸತ್ತೇಸು ಸಞ್ಞಾ ಅತ್ಥಿ.

ಪಞ್ಚವೋಕಾರಭವೋ ಗತಿ ಸತ್ತಾವಾಸೋ ಸಂಸಾರೋ ಯೋನಿ ಅತ್ತಭಾವಪಟಿಲಾಭೋ.

ನನು ¶ ಏಕವೋಕಾರಭವೋ ಗತಿ ಸತ್ತಾವಾಸೋ ಸಂಸಾರೋ ಯೋನಿ ಅತ್ತಭಾವಪಟಿಲಾಭೋ.

ಹಞ್ಚಿ ಏಕವೋಕಾರಭವೋ ಗತಿ ಸತ್ತಾವಾಸೋ ಸಂಸಾರೋ ಯೋನಿ ಅತ್ತಭಾವಪಟಿಲಾಭೋ, ನೋ ಚ ವತ ರೇ ವತ್ತಬ್ಬೇ ಅಸಞ್ಞಸತ್ತೇಸು ಸಞ್ಞಾ ಅತ್ಥಿ.

ಪುಚ್ಛಾ – ಛಟ್ಠವಗ್ಗೇ ¶ ಪನ ಆವುಸೋ ಅಟ್ಠಮಾ ಪಥವೀಧಾತು ಸನಿದಸ್ಸನಾತಿಆದಿಕಥಾ ಆಯಸ್ಮತಾ ಮಹಾಮೋಗ್ಗಲಿಪುತ್ತತಿಸ್ಸತ್ಥೇರೇನ ಕಥಂ ವಿತ್ಥಾರತೋ ವಿಭಜಿತ್ವಾ ಕಥಿತಾ.

ವಿಸ್ಸಜ್ಜನಾ – ಛಟ್ಠವಗ್ಗೇ ಭನ್ತೇ ಅಟ್ಠಮಾ ಪಥವೀಧಾತು ಸನಿದಸ್ಸನಾತಿಆದಿಕಥಾ ‘‘ಪಥವೀಧಾತು ಸನಿದಸ್ಸನಾತಿ ಆಮನ್ತಾ. ರೂಪಂ ರೂಪಾಯತನಂ ರೂಪಧಾತು ನೀಲಂ ಪೀತಕಂ ಲೋಹಿತಕಂ ಓದಾತಂ ಚಕ್ಖುವಿಞ್ಞೇಯ್ಯಂ ಚಕ್ಖುಸ್ಮಿಂ ಪಟಿಹಞ್ಞತಿ ಚಕ್ಖುಸ್ಸ ಆಪಾಥಂ ಆಗಚ್ಛತೀತಿ, ನ ಹೇವಂ ವತ್ತಬ್ಬೇ’’ತಿ ಏವಮಾದಿನಾ ಆಯಸ್ಮತಾ ಮಹಾಮೋಗ್ಗಲಿ ಪುತ್ತತಿಸ್ಸತ್ಥೇರೇನ ವಿತ್ಥಾರತೋ ವಿಭಜಿತ್ವಾ ಕಥಿತಾ.

ಚಕ್ಖುಞ್ಚ ¶ ಪಟಿಚ್ಚ ಪಥವೀಧಾತುಞ್ಚ ಉಪ್ಪಜ್ಜತಿ ಚಕ್ಖುವಿಞ್ಞಾಣಂ.

ತೇನ ¶ ಹಿ ನ ವತ್ತಬ್ಬಂ ಚಕ್ಖುಞ್ಚ ಪಟಿಚ್ಚ ಪಥವೀಧಾತುಞ್ಚ ಉಪ್ಪಜ್ಜತಿ ಚಕ್ಖುವಿಞ್ಞಾಣಂ.

ಪುಚ್ಛಾ – ಅಭಿಧಮ್ಮಪಿಟಕೇ ಆವುಸೋ ಪಞ್ಚಮೇ ಕಥಾವತ್ಥುಪ್ಪಕರಣೇ ಅಟ್ಠಮವಗ್ಗೇ ದುತಿಯಾ ಅನ್ತರಾಭವಕಥಾ ಆಯಸ್ಮತಾ ಮಹಾಮೋಗ್ಗಲಿಪುತ್ತತಿಸ್ಸತ್ಥೇರೇನ ¶ ಕಥಂ ವಿತ್ಥಾರತೋ ವಿಭಜಿತ್ವಾ ಕಥಿತಾ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ ಪಞ್ಚಮೇ ಕಥಾವತ್ಥುಪ್ಪಕರಣೇ ಅಟ್ಠಮವಗ್ಗೇ ದುತಿಯಾ ಅನ್ತರಾಭವಕಥಾ ‘‘ಅತ್ಥಿ ಅನ್ತರಾಭವೋತಿ, ಆಮನ್ತಾ. ಕಾಮಭವೋತಿ, ನ ಹೇವಂ ವತ್ತಬ್ಬೇ…ಪೇ… ಅತ್ಥಿ ಅನ್ತರಾಭವೋತಿ, ಆಮನ್ತಾ. ರೂಪಭವೋತಿ, ನ ಹೇವಂ ವತ್ತಬ್ಬೇ…ಪೇ… ಅತ್ಥಿ ಅನ್ತರಾಭವೋತಿ, ಆಮನ್ತಾ. ಅರೂಪಭವೋತಿ, ನ ಹೇವಂ ವತ್ತಬ್ಬೇ’’ತಿ ಏವಮಾದಿನಾ ಆಯಸ್ಮತಾ ಮಹಾಮೋಗ್ಗಲಿಪುತ್ತತಿಸ್ಸತ್ಥೇರೇನ ವಿತ್ಥಾರತೋ ವಿಭಜಿತ್ವಾ ಕಥಿತಾ.

ಕಾಮಭವಸ್ಸ ¶ ಚ ರೂಪಭವಸ್ಸ ಚ ಅನ್ತರೇ ಅತ್ಥಿ ಅನ್ತರಾಭವೋ.

ರೂಪಭವಸ್ಸ ಚ ಅರೂಪಭವಸ್ಸ ಚ ಅನ್ತರೇ ಅತ್ಥಿ ಅನ್ತರಾಭವೋ.

ಕಾಮಭವಸ್ಸ ಚ ರೂಪಭವಸ್ಸ ಚ ಅನ್ತರೇ ನತ್ಥಿ ಅನ್ತರಾಭವೋ.

ಹಞ್ಚಿ ¶ ಕಾಮಭವಸ್ಸ ಚ ರೂಪಭವಸ್ಸ ಚ ಅನ್ತರೇ ನತ್ಥಿ ಅನ್ತರಾಭವೋ, ನೋ ಚ ವತ ರೇ ವತ್ತಬ್ಬೇ ಅತ್ಥಿ ಅನ್ತರಾಭವೋ.

ಪುಚ್ಛಾ – ಅಭಿಧಮ್ಮಪಿಟಕೇ ಆವುಸೋ ಪಞ್ಚಮೇ ಕಥಾವತ್ಥುಪ್ಪಕರಣೇ ಚುದ್ದಸಮವಗ್ಗೇ ದುತಿಯಾ ಸಳಾಯತನುಪ್ಪತ್ತಿಕಥಾ ಆಯಸ್ಮತಾ ಮಹಾಮೋಗ್ಗಲಿಪುತ್ತತಿಸ್ಸತ್ಥೇರೇನ ಕಥಂ ವಿತ್ಥಾರತೋ ವಿಭಜಿತ್ವಾ ದೇಸಿತಾ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ ಪಞ್ಚಮೇ ಕಥಾವತ್ಥುಪ್ಪಕರಣೇ ಚುದ್ದಸಮೇವಗ್ಗೇ ದುತಿಯಾ ಸಳಾಯತನುಪ್ಪತ್ತಿಕಥಾ ‘‘ಸಳಾಯತನಂ ಅಪುಬ್ಬಂ ಅಚರಿಮಂ ಮಾತುಕುಚ್ಛಿಸ್ಮಿಂ ಸಣ್ಠಾತೀತಿ, ಆಮನ್ತಾ. ಸಬ್ಬಙ್ಗಪಚ್ಚಙ್ಗೀ ಅಹೀನಿನ್ದ್ರಿಯೋ ಮಾತುಕುಚ್ಛಿಸ್ಮಿಂ ಓಕ್ಕಮತೀತಿ, ನ ಹೇವಂ ವತ್ತಬ್ಬೇ’’ತಿ ಏವಮಾದಿನಾ ¶ ಆಯಸ್ಮತಾ ಮಹಾಮೋಗ್ಗಲಿಪುತ್ತತಿಸ್ಸತ್ಥೇರೇನ ವಿತ್ಥಾರತೋ ವಿಭಜಿತ್ವಾ ಕಥಿತಾ.

ಸಳಾಯತನಂ ¶ ಅಪುಬ್ಬಂ ಅಚರಿಮಂ ಮಾತುಕುಚ್ಛಿಸ್ಮಿಂ ಸಣ್ಠಾತಿ.

ಸಬ್ಬಙ್ಗಪ್ಪಚ್ಚಙ್ಗೀ ಅಹೀನಿನ್ದ್ರಿಯೋ ಮಾತುಕುಚ್ಛಿಸ್ಮಿಂ ಓಕ್ಕಮತಿ.

ಉಪಪತ್ತೇಸಿಯೇನ ಚಿತ್ತೇನ ಚಕ್ಖಾಯತನಂ ಸಣ್ಠಾತಿ.

ಉಪಪತ್ತೇಸಿಯೇನ ಚಿತ್ತೇನ ಹತ್ಥಾ ಸಣ್ಠನ್ತಿ, ಪಾದಾ ಸಣ್ಠನ್ತಿ, ಸೀಸಂ ಸಣ್ಠಾತಿ, ಕಣ್ಣೋ ಸಣ್ಠಾತಿ, ನಾಸಿಕಾ ಸಣ್ಠಾತಿ, ಮುಖಂ ಸಣ್ಠಾತಿ, ದನ್ತಾ ಸಣ್ಠನ್ತಿ.

ಪುಚ್ಛಾ – ತೇನಾವುಸೋ ¶ ಭಗವತಾ ಯಮಕಪಾಟಿಹೀರಾವಸಾನೇ ತಾವತಿಂಸದೇವಲೋಕಂ ಗನ್ತ್ವಾ ದಸಸಹಸ್ಸಲೋಕಧಾತೂಹಿ ಆಗಮ್ಮ ಸನ್ನಿಸಿನ್ನಾನಂ ದೇವಾನಂ ಅಭಿಧಮ್ಮದೇಸನಂ ದೇಸೇನ್ತೇನ ಪಠಮಂ ಅಭಿಧಮ್ಮಪಿಟಕೇ ಪಞ್ಚಪ್ಪಕರಣಾನಿ ದೇಸೇತ್ವಾ ತದನನ್ತರಂ ಛಟ್ಠಂ ಯಮಕಪ್ಪಕರಣಂ ದೇಸೇನ್ತೇನ ಕತಿ ಯಮಕಪ್ಪಕರಣಾನಿ ವಿಭಜಿತ್ವಾ ದೇಸಿತಾನಿ.

ವಿಸ್ಸಜ್ಜನಾ – ಭಗವತಾ ಭನ್ತೇ ಯಮಸ್ಸ ವಿಸಯಾತೀತೇನ ಯಮಕಪಾಟಿಹೀರಾವಸಾನೇ ತಾವತಿಂಸದೇವಲೋಕಂ ಗನ್ತ್ವಾ ತತ್ಥ ದಸಸಹಸ್ಸಲೋಕಧಾತೂಹಿ ಆಗಮ್ಮ ಸನ್ನಿಸಿನ್ನಾನಂ ದೇವತಾನಂ ಅಭಿಧಮ್ಮಪಿಟಕಂ ದೇಸೇನ್ತೇನ ಅಭಿಧಮ್ಮಪಿಟಕೇ ಪೂರಿಮಾನಿ ಪಞ್ಚಪ್ಪಕರಣಾನಿ ದೇಸೇತ್ವಾ ತದನನ್ತರಂ ಛಟ್ಠಂ ಯಮಕಪ್ಪಕರಣಂ ಮೂಲಯಮಕಂ ಖನ್ಧಯಮಕಂ ಆಯತನಯಮಕಂ ಧಾತುಯಮಕಂ ಸಚ್ಚಯಮಕಂ ಸಙ್ಖಾರಯಮಕಂ ಅನುಸಯಯಮಕಂ ಚಿತ್ತಯಮಕಂ ಧಮ್ಮಯಮಕಂ ಇನ್ದ್ರಿಯಯಮಕನ್ತಿ ದಸ ಯಮಕಪ್ಪಕರಣಾನಿ ವಿತ್ಥಾರತೋ ವಿಭಜಿತ್ವಾ ದೇಸಿತಾನಿ.

ಪುಚ್ಛಾ – ಕಥಞ್ಚಾವುಸೋ ¶ ತತ್ಥ ಭಗವತಾ ಪಠಮಂ ಮೂಲಯಮಕಂ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ವಿಸ್ಸಜ್ಜನಾ – ಯೇ ಕೇಚಿ ಕುಸಲಾ ಧಮ್ಮಾ, ಸಬ್ಬೇ ತೇ ಕುಸಲಮೂಲಾ. ಯೇ ವಾ ಪನ ಕುಸಲಮೂಲಾ, ಸಬ್ಬೇ ತೇ ಧಮ್ಮಾ ಕುಸಲಾ. ಯೇ ಕೇಚಿ ಕುಸಲಾ ಧಮ್ಮಾ, ಸಬ್ಬೇ ತೇ ಕುಸಲಮೂಲೇನ ಏಕಮೂಲಾ. ಯೇ ವಾ ¶ ಪನ ಕುಸಲಮೂಲೇನ ಏಕಮೂಲಾ, ಸಬ್ಬೇ ತೇ ಧಮ್ಮಾ ಕುಸಲಾ. ಯೇ ಕೇಚಿ ಕುಸಲಮೂಲೇನ ಏಕಮೂಲಾ ಧಮ್ಮಾ, ಸಬ್ಬೇ ತೇ ಧಮ್ಮಾ ಕುಸಲಮೂಲೇನ ಅಞ್ಞಮಞ್ಞಮೂಲಾ. ಯೇ ವಾ ಪನ ಕುಸಲಮೂಲೇನ ಅಞ್ಞಮಞ್ಞಮೂಲಾ, ಸಬ್ಬೇ ತೇ ಧಮ್ಮಾ ಕುಸಲಾತಿ ಏವಮಾದಿನಾ ಭನ್ತೇ ತತ್ಥ ಭಗವತಾ ಪಠಮಂ ಮೂಲಯಮಕಂ ಬಾವೀಸತಿಯಾ ಚ ತಿಕೇಹಿ ದುಕಸತೇನ ಚ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ಯೇ ಕೇಚಿ ಕುಸಲಾ ಧಮ್ಮಾ, ಸಬ್ಬೇ ತೇ ಕುಸಲಮೂಲಾ.

ಯೇ ಕೇಚಿ ಕುಸಲಾ ಧಮ್ಮಾ, ಸಬ್ಬೇ ತೇ ಕುಸಲಮೂಲಾತಿ, ತೀಣೇವ ಕುಸಲಮೂಲಾನಿ ಅವಸೇಸಾ ಕುಸಲಾ ಧಮ್ಮಾ, ನ ಕುಸಲಮೂಲಾ, ಯೇ ವಾ ಪನ ಕುಸಲಮೂಲಾ, ಸಬ್ಬೇ ತೇ ಧಮ್ಮಾ ಕುಸಲಾತಿ, ಆಮನ್ತಾ –

ಪುಚ್ಛಾ – ಅಭಿಧಮ್ಮಪಿಟಕೇ ¶ ಆವುಸೋ ಛಟ್ಠೇ ಯಮಕಪ್ಪಕರಣೇ ದುತಿಯಂ ಖನ್ಧಯಮಕಂ ಭಗವತಾ ಕಥಂ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ ಛಟ್ಠೇ ಯಮಕಪ್ಪಕರಣೇ ದುತಿಯಂ ಖನ್ಧಯಮಕಂ ‘‘ಪಞ್ಚಕ್ಖನ್ಧಾ – ರೂಪಕ್ಖನ್ಧೋ ವೇದನಾಕ್ಖನ್ಧೋ ಸಞ್ಞಾಕ್ಖನ್ಧೋ ಸಙ್ಖಾರಕ್ಖನ್ಧೋ ವಿಞ್ಞಾಣಕ್ಖನ್ಧೋ. ರೂಪಂ ರೂಪಕ್ಖನ್ಧೋ, ರೂಪಕ್ಖನ್ಧೋ ರೂಪಂ. ವೇದನಾ ವೇದನಾಕ್ಖನ್ಧೋ, ವೇದನಾಕ್ಖನ್ಧೋ ವೇದನಾ. ಸಞ್ಞಾ ಸಞ್ಞಾಕ್ಖನ್ಧೋ, ಸಞ್ಞಾಕ್ಖನ್ಧೋ ಸಞ್ಞಾ. ಸಙ್ಖಾರಾ ಸಙ್ಖಾರಕ್ಖನ್ಧೋ, ಸಙ್ಖಾರಕ್ಖನ್ಧೋ ಸಙ್ಖಾರಾ. ವಿಞ್ಞಾಣಂ ವಿಞ್ಞಾಣಕ್ಖನ್ಧೋ, ವಿಞ್ಞಾಣಕ್ಖನ್ಧೋ ವಿಞ್ಞಾಣ’’ನ್ತಿ ಏವಮಾದಿನಾ ಭಗವತಾ ಪಣ್ಣತ್ತಿವಾರಪವತ್ತಿವಾರಪರಿಞ್ಞಾವಾರಸಙ್ಖಾತೇಹಿ ತೀಹಿ ವಾರೇಹಿ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ಪುಚ್ಛಾ – ಅಭಿಧಮ್ಮಪಿಟಕೇ ¶ ಆವುಸೋ ಛಟ್ಠೇ ಯಮಕಪ್ಪಕರಣೇ ತತಿಯಂ ಆಯತನಯಮಕಂ ಭಗವತಾ ಕಥಂ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ ಛಟ್ಠೇ ಯಮಕಪ್ಪಕರಣೇ ತತಿಯಂ ಆಯತನಯಮಕಂ ‘‘ದ್ವಾದಸಾಯತನಾನಿ – ಚಕ್ಖಾಯತನಂ ಸೋತಾಯತನಂ ಘಾನಾಯತನಂ ಜಿವ್ಹಾಯತನಂ ಕಾಯಾಯತನಂ ರೂಪಾಯತನಂ ಸದ್ದಾಯತನಂ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ ಮನಾಯತನಂ ಧಮ್ಮಾಯತನಂ. ಚಕ್ಖು ಚಕ್ಖಾಯತನಂ, ಚಕ್ಖಾಯತನಂ ಚಕ್ಖು. ಸೋತಂ ಸೋತಾಯತನಂ, ಸೋತಾಯತನಂ ಸೋತ’’ನ್ತಿ ಏವಮಾದಿನಾ ಪಣ್ಣತ್ತಿವಾರಪವತ್ತಿವಾರಪರಿಞ್ಞಾವಾರಸಙ್ಖಾತೇಹಿ ತೀಹಿ ವಾರೇಹಿ ಭಗವತಾ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ಪುಚ್ಛಾ – ಅಭಿಧಮ್ಮಪಿಟಕೇ ¶ ಆವುಸೋ ಛಟ್ಠೇ ಯಮಕಪ್ಪಕರಣೇ ದಸಸು ಯಮಕೇಸು ಚತುತ್ಥಂ ಧಾತುಯಮಕಂ ಭಗವತಾ ಕಥಂ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ¶ ಭನ್ತೇ ಛಟ್ಠೇ ಯಮಕಪ್ಪಕರಣೇ ದಸಸು ಯಮಕೇಸು ಚತುತ್ಥಂ ಧಾತುಯಮಕಂ ‘‘ಅಟ್ಠಾರಸ ಧಾತುಯೋ – ಚಕ್ಖುಧಾತು ಸೋತಧಾತು ಘಾನಧಾತು ಜಿವ್ಹಾಧಾತು ಕಾಯಧಾತು ರೂಪಧಾತು ಸದ್ದಧಾತು ಗನ್ಧಧಾತು ರಸಧಾತು ಫೋಟ್ಠಬ್ಬಧಾತು ಚಕ್ಖುವಿಞ್ಞಾಣಧಾತು ಸೋತವಿಞ್ಞಾಣಧಾತು ಘಾನವಿಞ್ಞಾಣಧಾತು ಜಿವ್ಹಾವಿಞ್ಞಾಣಧಾತು ಕಾಯವಿಞ್ಞಾಣಧಾತು ಮನೋಧಾತು ಮನೋವಿಞ್ಞಾಣಧಾತು ಧಮ್ಮಧಾತೂ’’ತಿ ಏವಮಾದಿನಾ ಭಗವತಾ ಪಣ್ಣತ್ತಿವಾರಪವತ್ತಿವಾರಪರಿಞ್ಞಾವಾರಸಙ್ಖಾತೇಹಿ ತೀಹಿ ಮಹಾವಾರೇಹಿ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ಪುಚ್ಛಾ – ಅಭಿಧಮ್ಮಪಿಟಕೇ ¶ ಆವುಸೋ ಛಟ್ಠೇ ಯಮಕಪ್ಪಕರಣೇ ದಸಸು ಯಮಕೇಸು ಪಞ್ಚಮಂ ಸಚ್ಚಯಮಕಂ ಭಗವತಾ ಕಥಂ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ ಛಟ್ಠೇ ಯಮಕಪ್ಪಕರಣೇ ದಸಸು ಯಮಕೇಸು ಪಞ್ಚಮಂ ಸಚ್ಚಯಮಕಂ ‘‘ಚತ್ತಾರಿ ಸಚ್ಚಾನಿ – ದುಕ್ಖಸಚ್ಚಂ ಸಮುದಯಸಚ್ಚಂ ನಿರೋಧಸಚ್ಚಂ ಮಗ್ಗಸಚ್ಚಂ. ದುಕ್ಖಂ ದುಕ್ಖಸಚ್ಚಂ, ದುಕ್ಖಸಚ್ಚಂ ದುಕ್ಖಂ. ಸಮುದಯೋ ಸಮುದಯಸಚ್ಚಂ, ಸಮುದಯಸಚ್ಚಂ ಸಮುದಯೋ. ನಿರೋಧೋ ನಿರೋಧಸಚ್ಚಂ, ನಿರೋಧಸಚ್ಚಂ ನಿರೋಧೋ. ಮಗ್ಗೋ ಮಗ್ಗಸಚ್ಚಂ, ಮಗ್ಗಸಚ್ಚಂ ಮಗ್ಗೋ’’ತಿ ಏವಮಾದಿನಾ ಭಗವತಾ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ಪುಚ್ಛಾ – ಅಭಿಧಮ್ಮಪಿಟಕೇ ¶ ಆವುಸೋ ಛಟ್ಠೇ ಯಮಕಪ್ಪಕರಣೇ ದಸಸು ಯಮಕೇಸು ಛಟ್ಠಂ ಸಙ್ಖಾರಯಮಕಂ ಭಗವತಾ ಕಥಂ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ ಛಟ್ಠೇ ಯಮಕಪ್ಪಕರಣೇ ದಸಸು ಯಮಕೇಸು ಛಟ್ಠಂ ಸಙ್ಖಾರಯಮಕಂ ‘‘ತಯೋ ಸಙ್ಖಾರಾ – ಕಾಯಸಙ್ಖಾರೋ ವಚೀಸಙ್ಖಾರೋ ¶ , ಚಿತ್ತಸಙ್ಖಾರೋ. ಅಸ್ಸಾಸಪಸ್ಸಾಸಾ ಕಾಯಸಙ್ಖಾರೋ, ವಿತಕ್ಕವಿಚಾರಾ ವಚೀಸಙ್ಖಾರಾ, ಸಞ್ಞಾ ಚ ವೇದನಾ ಚ ಚಿತ್ತಸಙ್ಖಾರೋ ಠಪೇತ್ವಾ ವಿತಕ್ಕವಿಚಾರೇ ಸಬ್ಬೇಪಿ ಚಿತ್ತಸಮ್ಪಯುತ್ತಕಾ ಧಮ್ಮಾ ಚಿತ್ತಸಙ್ಖಾರೋ’’ತಿ ಏವಮಾದಿನಾ ಭಗವತಾ ಪಣ್ಣತ್ತಿವಾರಪವತ್ತಿವಾರಪರಿಞ್ಞಾವಾರಸಙ್ಖಾತೇಹಿ ತೀಹಿ ಮಹಾವಾರೇಹಿ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ಪುಚ್ಛಾ – ಅಭಿಧಮ್ಮಪಿಟಕೇ ¶ ಆವುಸೋ ಛಟ್ಠೇ ಯಮಕಪ್ಪಕರಣೇ ದಸಸು ಯಮಕೇಸು ಸತ್ತಮಂ ಅನುಸಯಯಮಕಂ ಭಗವತಾ ಕಥಂ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ ಛಟ್ಠೇ ಯಮಕಪ್ಪಕರಣೇ ದಸಸು ಯಮಕೇಸು ಸತ್ತಮಂ ಅನುಸಯಯಮಕಂ ‘‘ಸತ್ತ ಅನುಸಯಾ – ಕಾಮರಾಗಾನುಸಯೋ ಪಟಿಘಾನುಸಯೋ ಮಾನಾನುಸಯೋ ದಿಟ್ಠಾನುಸಯೋ ವಿಚಿಕಿಚ್ಛಾನುಸಯೋ ಭವರಾಗಾನುಸಯೋ ಅವಿಜ್ಜಾನುಸಯೋ. ಕತ್ಥ ಕಾಮರಾಗಾನುಸಯೋ ಅನುಸೇತಿ, ಕಾಮಧಾತುಯಾ ದ್ವೀಸು ವೇದನಾಸು ಏತ್ಥ ಕಾಮರಾಗಾನುಸಯೋ ಅನುಸೇತೀ’’ತಿ ಏವಮಾದಿನಾ ಭಗವತಾ ಉಪ್ಪತ್ತಿಟ್ಠಾನವಾರ ಅನುಸಯವಾರ ಸಾನುಸಯವಾರ ಪಜಹನವಾರ ಪರಿಞ್ಞಾವಾರ ಪಹೀನವಾರ ಉಪ್ಪಜ್ಜನವಾರ ಧಾತುವಾರಸಙ್ಖಾತೇಹಿ ಅಟ್ಠಹಿ ಮಹಾವಾರೇಹಿ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ಪುಚ್ಛಾ – ಅಭಿಧಮ್ಮಪಿಟಕೇ ¶ ಆವುಸೋ ಛಟ್ಠೇ ಯಮಕಪ್ಪಕರಣೇ ದಸಸು ಯಮಕೇಸು ಅಟ್ಠಮಂ ಚಿತ್ತಯಮಕಂ ಭಗವತಾ ಕಥಂ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ ಛಟ್ಠೇ ಯಮಕಪ್ಪಕರಣೇ ದಸಸು ಯಮಕೇಸು ಅಟ್ಠಮಂ ಚಿತ್ತಯಮಕಂ ‘‘ಯಸ್ಸ ಚಿತ್ತಂ ಉಪ್ಪಜ್ಜತಿ ನ ನಿರುಜ್ಝತಿ, ತಸ್ಸ ಚಿತ್ತಂ ನಿರುಜ್ಝಿಸ್ಸತಿ ನ ಉಪ್ಪಜ್ಜಿಸ್ಸತಿ. ಯಸ್ಸ ವಾ ಪನ ಚಿತ್ತಂ ನಿರುಜ್ಝಿಸ್ಸತಿ ನ ಉಪ್ಪಜ್ಜಿಸ್ಸತಿ, ತಸ್ಸ ಚಿತ್ತಂ ಉಪ್ಪಜ್ಜತಿ ನ ನಿರುಜ್ಝತೀ’’ತಿ ಏವಮಾದಿನಾ ಭಗವತಾ ಸುದ್ಧಚಿತ್ತಸಾಮಞ್ಞಸುತ್ತನ್ತಚಿತ್ತಮಿಸ್ಸಕವಿಸೇಸಅಭಿಧಮ್ಮಚಿತ್ತಮಿಸ್ಸಕವಿಸೇಸ- ಸಙ್ಖಾತೇಹಿ ತೀಹಿ ಮಹಾನಯೇತಿ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ಪುಚ್ಛಾ – ಅಭಿಧಮ್ಮಪಿಟಕೇ ¶ ಆವುಸೋ ಛಟ್ಠೇ ಯಮಕಪ್ಪಕರಣೇ ದಸಸು ಯಮಕೇಸು ನವಮಂ ಧಮ್ಮಯಮಕಂ ಭಗವತಾ ಕಥಂ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ ಛಟ್ಠೇ ಯಮಕಪ್ಪಕರಣೇ ದಸಸು ಯಮಕೇಸು ನವಮಂ ಧಮ್ಮಯಮಕಂ ‘‘ಕುಸಲಾ ಕುಸಲಾ ಧಮ್ಮಾ, ಕುಸಲಾ ಧಮ್ಮಾ ಕುಸಲಾ. ಅಕುಸಲಾ ಅಕುಸಲಾ ಧಮ್ಮಾ, ಅಕುಸಲಾ ಧಮ್ಮಾ ಅಕುಸಲಾ. ಅಬ್ಯಾಕತಾ ಅಬ್ಯಾಕತಾ ಧಮ್ಮಾ, ಅಬ್ಯಾಕತಾ ಧಮ್ಮಾ ಅಬ್ಯಾಕತಾ’’ತಿ ಏವಮಾದಿನಾ ಭಗವತಾ ಪಣ್ಣತ್ತಿವಾರಪವತ್ತಿವಾರಪರಿಞ್ಞಾವಾರಸಙ್ಖಾತೇಹಿ ತೀಹಿ ಮಹಾವಾರೇಹಿ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ಪುಚ್ಛಾ – ಅಭಿಧಮ್ಮಪಿಟಕೇ ¶ ಆವುಸೋ ಛಟ್ಠೇ ಯಮಕಪ್ಪಕರಣೇ ದಸಸು ಯಮಕೇಸು ದಸಮಂ ಇನ್ದ್ರಿಯಯಮಕಂ ಭಗವತಾ ಕಥಂ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ ಛಟ್ಠೇ ಯಮಕಪ್ಪಕರಣೇ ದಸಸು ಯಮಕೇಸು ದಸಮಂ ಇನ್ದ್ರಿಯಯಮಕಂ ‘‘ಬಾವೀಸತಿನ್ದ್ರಿಯಾನಿ – ಚಕ್ಖುನ್ದ್ರಿಯಂ ಸೋತಿನ್ದ್ರಿಯಂ ಘಾನಿನ್ದ್ರಿಯಂ ಜಿವ್ಹಿನ್ದ್ರಿಯಂ ಕಾಯಿನ್ದ್ರಿಯಂ ಇತ್ಥಿನ್ದ್ರಿಯಂ ಪುರಿಸಿನ್ದ್ರಿಯಂ ಜೀವಿತಿನ್ದ್ರಿಯಂ ಮನಿನ್ದ್ರಿಯಂ ಸುಖಿನ್ದ್ರಿಯಂ ದುಕ್ಖಿನ್ದ್ರಿಯಂ ಸೋಮನಸ್ಸಿನ್ದ್ರಿಯಂ ದೋಮನಸ್ಸಿನ್ದ್ರಿಯಂ ಉಪೇಕ್ಖಿನ್ದ್ರಿಯಂ ಸದ್ಧಿನ್ದ್ರಿಯಂ ವೀರಿಯಿನ್ದ್ರಿಯಂ ಸಮಾಧಿನ್ದ್ರಿಯಂ ಪಞ್ಞಿನ್ದ್ರಿಯಂ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಅಞ್ಞಿನ್ದ್ರಿಯಂ ಅಞ್ಞಾತಾವಿನ್ದ್ರಿಯ’’ನ್ತಿ ಏವಮಾದಿನಾ ಭಗವತಾ ಪಣ್ಣತ್ತಿವಾರ ಪವತ್ತಿವಾರ ಪರಿಞ್ಞಾವಾರಸಙ್ಖಾತೇಹಿ ತೀಹಿ ಮಹಾವಾರೇಹಿ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ಪುಚ್ಛಾ – ಅಭಿಧಮ್ಮಪಿಟಕೇ ¶ ಆವುಸೋ ಇನ್ದ್ರಿಯಯಮಕೇ ತೀಸು ಮಹಾವಾರೇಸು ಪವತ್ತಿವಾರೇ ಉಪ್ಪಾದಅತೀತವಾರೋ ಭಗವತಾ ಕಥಂ ವಿತ್ಥಾರೇನ ವಿಭಜಿತ್ವಾ ದೇಸಿತೋ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ¶ ಭನ್ತೇ ಇನ್ದ್ರಿಯಯಮಕೇ ತೀಸು ಮಹಾವಾರೇಸು ಪವತ್ತಿವಾರೇ ಉಪ್ಪಾದಅತೀತವಾರೋ ‘‘ಯಸ್ಸ ಚಕ್ಖುನ್ದ್ರಿಯಂ ಉಪ್ಪಜ್ಜಿತ್ತ, ತಸ್ಸ ಸೋತಿನ್ದ್ರಿಯಂ, ಘಾನಿನ್ದ್ರಿಯಂ, ಜಿವ್ಹಿನ್ದ್ರಿಯಂ, ಕಾಯಿನ್ದ್ರಿಯಂ, ಇತ್ಥಿನ್ದ್ರಿಯಂ, ಪುರಿಸಿನ್ದ್ರಿಯಂ, ಜೀವಿತಿನ್ದ್ರಿಯಂ, ಸೋಮನಸ್ಸಿನ್ದ್ರಿಯಂ, ಉಪೇಕ್ಖಿನ್ದ್ರಿಯಂ, ಸದ್ಧಿನ್ದ್ರಿಯಂ, ವೀರಿಯಿನ್ದ್ರಿಯಂ, ಸತಿನ್ದ್ರಿಯಂ, ಸಮಾಧಿನ್ದ್ರಿಯಂ, ಪಞ್ಞಿನ್ದ್ರಿಯಂ, ಮನಿನ್ದ್ರಿಯಂ, ಉಪ್ಪಜ್ಜಿತ್ಥಾತಿ, ಆಮನ್ತಾ. ಯಸ್ಸ ವಾ ಪನ ಮನಿನ್ದ್ರಿಯಂ ಉಪ್ಪಜ್ಜಿತ್ಥ, ತಸ್ಸ ಚಕ್ಖುನ್ದ್ರಿಯಂ ಉಪ್ಪಜ್ಜಿತ್ಥಾತಿ, ಆಮನ್ತಾ’’ತಿ ಏವಮಾದಿನಾ ಭಗವತಾ ವಿಭಜಿತ್ವಾ ದೇಸಿತೋ.

ಪುಚ್ಛಾ – ಅಭಿಧಮ್ಮಪಿಟಕೇ ¶ ಆವುಸೋ ಇನ್ದ್ರಿಯಯಮಕೇ ತೀಸು ಮಹಾವಾರೇಸು ಪವತ್ತಿವಾರೇ ಉಪ್ಪಾದಅನಾಗತವಾರೋ ಭಗವತಾ ಕಥಂ ವಿತ್ಥಾರೇನ ವಿಭಜಿತ್ವಾ ದೇಸಿತೋ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ ಇನ್ದ್ರಿಯಯಮಕೇ ತೀಸು ಮಹಾವಾರೇಸು ಪವತ್ತಿವಾರೇ ಉಪ್ಪಾದಅನಾಗತವಾರೋ ‘‘ಯಸ್ಸ ಚಕ್ಖುನ್ದ್ರಿಯಂ ಉಪ್ಪಜ್ಜಿಸ್ಸತಿ, ತಸ್ಸ ಸೋತಿನ್ದ್ರಿಯಂ ಉಪ್ಪಜ್ಜಿಸ್ಸತೀತಿ, ಆಮನ್ತಾ. ಯಸ್ಸ ವಾ ಪನ ಸೋತಿನ್ದ್ರಿಯಂ ಉಪ್ಪಜ್ಜಿಸ್ಸತಿ, ತಸ್ಸ ಚಕ್ಖುನ್ದ್ರಿಯಂ ಉಪ್ಪಜ್ಜಿಸ್ಸತೀ’’ತಿ ಆಮನ್ತಾ. ಯಸ್ಸ ಚಕ್ಖುನ್ದ್ರಿಯಂ ಉಪ್ಪಜ್ಜಿಸ್ಸತಿ, ತಸ್ಸ ಘಾನಿನ್ದ್ರಿಯಂ, ಜಿವ್ಹಿನ್ದ್ರಿಯಂ, ಕಾಯಿನ್ದ್ರಿಯಂ ಉಪ್ಪಜ್ಜಿಸ್ಸತೀತಿ, ಯೇ ರೂಪಾವಚರಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ, ತೇಸಂ ಚಕ್ಖುನ್ದ್ರಿಯಂ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ಕಾಯಿನ್ದ್ರಿಯಂ ಉಪ್ಪಜ್ಜಿಸ್ಸತಿ, ಇತರೇಸಂ ತೇಸಂ ಚಕ್ಖುನ್ದ್ರಿಯಞ್ಚ ಉಪ್ಪಜ್ಜಿಸ್ಸತಿ ಕಾಯಿನ್ದ್ರಿಯಞ್ಚ ಉಪ್ಪಜ್ಜಿಸ್ಸತೀ’’ತಿ ಏವಮಾದಿನಾ ಭಗವತಾ ವಿತ್ಥಾರತೋ ವಿಭಜಿತ್ವಾ ದೇಸಿತೋ.

ಯಸ್ಸ ¶ ಚಕ್ಖುನ್ದ್ರಿಯಂ ಉಪ್ಪಜ್ಜಿಸ್ಸತಿ, ತಸ್ಸ ಇತ್ಥಿನ್ದ್ರಿಯಂ ಉಪ್ಪಜ್ಜಿಸ್ಸತೀತಿ. ಯೇ ರೂಪಾವಚರಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ, ಯೇ ಚ ಪುರಿಸಾ ಏತೇನೇವ ಭಾವೇನ ಕತಿಚಿ ಭವೇ ದಸ್ಸೇತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚಕ್ಖುನ್ದ್ರಿಯಂ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ಇತ್ಥಿನ್ದ್ರಿಯಂ ಉಪ್ಪಜ್ಜಿಸ್ಸತಿ, ಇತರೇಸಂ ತೇಸಂ ಚಕ್ಖುನ್ದ್ರಿಯಞ್ಚ ಉಪ್ಪಜ್ಜಿಸ್ಸತಿ ಇತ್ಥಿನ್ದ್ರಿಯಞ್ಚ ಉಪ್ಪಜ್ಜಿಸ್ಸತಿ.

ಯಸ್ಸ ¶ ಚಕ್ಖುನ್ದ್ರಿಯಂ ಉಪ್ಪಜ್ಜಿಸ್ಸತಿ, ತಸ್ಸ ಪುರಿಸಿನ್ದ್ರಿಯಂ ಉಪ್ಪಜ್ಜಿಸ್ಸತೀತಿ, ಯೇ ರೂಪಾವಚರಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ, ಯಾ ಚ ಇತ್ಥಿಯೋ ಏತೇನೇವ ಭಾವೇನ ಕತಿಚಿ ಭವೇ ದಸ್ಸೇತ್ವಾ ಪರಿನಿಬ್ಬಾಯಿಸ್ಸನ್ತಿ, ತೇಸಂ ಚಕ್ಖುನ್ದ್ರಿಯಂ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ಪುರಿಸಿನ್ದ್ರಿಯಂ ಉಪ್ಪಜ್ಜಿಸ್ಸತಿ. ಇತರೇಸಂ ತೇಸಂ ಚಕ್ಖುನ್ದ್ರಿಯಞ್ಚ ಉಪ್ಪಜ್ಜಿಸ್ಸತಿ ಪುರಿಸಿನ್ದ್ರಿಯಞ್ಚ ಉಪ್ಪಜ್ಜಿಸ್ಸತಿ.

ಯಸ್ಸ ಇತ್ಥಿನ್ದ್ರಿಯಂ ಉಪ್ಪಜ್ಜಿಸ್ಸತಿ, ತಸ್ಸ ಪುರಿಸಿನ್ದ್ರಿಯಂ ಉಪ್ಪಜ್ಜಿಸ್ಸತೀತಿ, ಯಾ ಇತ್ಥಿಯೋ ಏತೇನೇವ ಭಾವೇನ ಕತಿಚಿ ಭವೇ ದಸ್ಸೇತ್ವಾ ಪರಿನಿಬ್ಬಾಯಿಸ್ಸನ್ತಿ, ತಾಸಂ ¶ ಇತ್ಥಿನ್ದ್ರಿಯಂ ಉಪ್ಪಜ್ಜಿಸ್ಸತಿ, ನೋ ಚ ತಾಸಂ ಪುರಿಸಿನ್ದ್ರಿಯಂ ಉಪ್ಪಜ್ಜಿಸ್ಸತಿ. ಇತರೇಸಂ ತೇಸಂ ಇತ್ಥಿನ್ದ್ರಿಯಞ್ಚ ಉಪ್ಪಜ್ಜಿಸ್ಸತಿ ಪುರಿಸಿನ್ದ್ರಿಯಞ್ಚ ಉಪ್ಪಜ್ಜಿಸ್ಸತಿ.

ಪುಚ್ಛಾ – ತೇನಾವುಸೋ ¶ ಭಗವತಾ ಜಾನತಾ ಪಸ್ಸತಾ ಅರಹತಾ ಸಮ್ಮಾಸಮ್ಬುದ್ಧೇನ ಅಭಿಸಮ್ಬುದ್ಧಕಾಲತೋ ಸತ್ತಮವಸ್ಸೇ ಮನುಸ್ಸಲೋಕೇ ಯಮಕಪಾಟಿಹೀರಂ ದಸ್ಸೇತ್ವಾ ತದನನ್ತರಂ ತಾವತಿಂಸದೇವಲೋಕಂ ಗನ್ತ್ವಾ ತತ್ಥ ಪಣ್ಡುಕಮ್ಬಲಸಿಲಾಯಂ ಸನ್ನಿಸೀದಿತ್ವಾ ದಸಹಿ ಚಕ್ಕವಾಳಸಹಸ್ಸೇಹಿ ಆಗಮ್ಮ ಸನ್ನಿಸಿನ್ನಾನಂ ದೇವಾನಂ ಅಭಿಧಮ್ಮದೇಸನಂ ದೇಸೇನ್ತೇನ ಯಾವ ಯಮಕಪ್ಪಕರಣಾ ಪುರಿಮಾನಿ ಛ ಅಭಿಧಮ್ಮಪ್ಪಕರಣಾನಿ ದೇಸೇತ್ವಾ ತದನನ್ತರಂ ಕಿಂನಾಮ ಪಕರಣಂ ದೇಸಿತಂ.

ವಿಸ್ಸಜ್ಜನಾ – ತೇನ ಭನ್ತೇ ಭಗವತಾ ಜಾನತಾ ಪಸ್ಸತಾ ಅರಹತಾ ಸಮ್ಮಾಸಮ್ಬುದ್ಧೇನ ಅಭಿಸಮ್ಬುದ್ಧಕಾಲತೋ ಸತ್ತಮೇ ವಸ್ಸೇ ಮನುಸ್ಸಲೋಕೇ ಸಾವತ್ಥಿಯಂ ಕಣ್ಡಮ್ಬಮೂಲೇ ಯಮಕಪಾಟಿಹೀರಂ ದಸ್ಸೇತ್ವಾ ತದನನ್ತರಂ ತಾವತಿಂಸದೇವಲೋಕಂ ಗನ್ತ್ವಾ ತತ್ಥ ಪಣ್ಡುಕಮ್ಬಲಸಿಲಾಯಂ ಸನ್ನಿಪತಿತ್ವಾ ದಸಹಿ ಚಕ್ಕವಾಳಸಹಸ್ಸೇಹಿ ಆಗಮ್ಮ ಸನ್ನಿಸಿನ್ನಾನಂ ದೇವಾನಂ ಅಭಿಧಮ್ಮದೇಸನಂ ದೇಸೇನ್ತೇನ ಪುರಿಮಾನಿ ಛ ಅಭಿಧಮ್ಮಪ್ಪಕರಣಾನಿ ದೇಸೇತ್ವಾ ತದನನ್ತರಂ ಅನನ್ತನಯಸಮನ್ತಪಟ್ಠಾನಂ ನಾಮ ಸತ್ತಮಂ ಮಹಾಪಕರಣಂ ದೇಸಿತಂ.

ಪುಚ್ಛಾ – ತಂ ¶ ಪನೇತಂ ಆವುಸೋ ಪಟ್ಠಾನಂ ಕೇನಟ್ಠೇನ ಪಟ್ಠಾನನ್ತಿ ವುಚ್ಚತಿ.

ವಿಸ್ಸಜ್ಜನಾ – ತಂ ಪನೇತಂ ಭನ್ತೇ ಪಟ್ಠಾನಂ ನಾನಪ್ಪಕಾರಪಚ್ಚಯಟ್ಠೇನ ವಿಭಜನಟ್ಠೇನ ಪಟ್ಠಿತಟ್ಠೇನ ಚ ಪಟ್ಠಾನನ್ತಿ ವುಚ್ಚತಿ.

ಪುಚ್ಛಾ – ತಞ್ಚಾವುಸೋ ¶ ಭಗವತಾ ಪಟ್ಠಾನಮಹಾಪಕರಣಂ ದೇಸೇನ್ತೇನ ಕತಿಹಿ ವಾರೇಹಿ ವಿಭಜಿತ್ವಾ ದೇಸಿತಂ.

ವಿಸ್ಸಜ್ಜನಾ – ತಂ ಖೋ ಭನ್ತೇ ಭಗವತಾ ಪಟ್ಠಾನಮಹಾಪಕರಣಂ ದೇಸೇನ್ತೇನ ಮಾತಿಕಾನಿಕ್ಖೇಪವಾರಸಙ್ಖಾತೋ ಪಚ್ಚಯುದ್ದೇಸೋ ಪಚ್ಚಯನಿದ್ದೇಸೋ ಮಹಾವಾರೇತಿ ದ್ವೀಹಿ ಪರಿಚ್ಛೇದವಾರೇಹಿ ವಿಭಜಿತ್ವಾ ದೇಸಿತಂ.

ಪುಚ್ಛಾ – ತೇಸು ¶ ಆವುಸೋ ವಾರೇಸು ಪಠಮೇ ಮಾತಿಕಾನಿಕ್ಖೇಪವಾರೇ ಪಚ್ಚಯುದ್ದೇಸವಾರೋ ಭಗವತಾ ಕಥಂ ದೇಸಿತೋ.

ವಿಸ್ಸಜ್ಜನಾ – ತೇಸು ಭನ್ತೇ ದ್ವೀಸು ಪರಿಚ್ಛೇದವಾರೇಸು ಪಠಮೇ ಮಾತಿಕಾನಿಕ್ಖೇಪವಾರೇ ಪಚ್ಚಯುದ್ದೇಸೇ ಹೇತುಪಚ್ಚಯೋ ಆರಮ್ಮಣಪಚ್ಚಯೋ ಅಧಿಪತಿಪಚ್ಚಯೋ ಅನನ್ತರಪಚ್ಚಯೋ ಸಮನನ್ತರಪಚ್ಚಯೋ ಸಹಜಾತಪಚ್ಚಯೋ ಅಞ್ಞಮಞ್ಞಪಚ್ಚಯೋ ನಿಸ್ಸಯಪಚ್ಚಯೋ…ಪೇ… ಅವಿಗತಪಚ್ಚಯೋ’’ತಿ. ಏವಂ ಖೋ ಭನ್ತೇ ಭಗವತಾ ವಿಭಜಿತ್ವಾ ದೇಸಿತೋ.

ಪುಚ್ಛಾ – ತದನನ್ತರಂ ¶ ಪನ ಆವುಸೋ ಪಚ್ಚಯನಿದ್ದೇಸವಾರೋ ಭಗವತಾ ಕಥಂ ವಿಭಜಿತ್ವಾ ದೇಸಿತೋ.

ವಿಸ್ಸಜ್ಜನಾ – ತದನನ್ತರಂ ಪನ ಭನ್ತೇ ಪಚ್ಚಯನಿದ್ದೇಸವಾರೋ ‘‘ಹೇತುಪಚ್ಚಯೋತಿ – ಹೇತೂ ಹೇತುಸಮ್ಪಯುತ್ತಕಾನಂ ಧಮ್ಮಾನಂ ತಂಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. ಆರಮ್ಮಣಪಚ್ಚಯೋತಿ – ರೂಪಾರಮ್ಮಣಂ ಚಕ್ಖುವಿಞ್ಞಾಣಧಾತುಯಾ ತಂಸಮ್ಪಯುತ್ತಕಾನಞ್ಚ ಧಮ್ಮಾನಂ ಆರಮ್ಮಣಪಚ್ಚಯೇನ ಪಚ್ಚಯೋ. ಸದ್ಧಾಯತನಂ ಸೋತವಿಞ್ಞಾಣಧಾತುಯಾ…. ಗನ್ಧಾಯತನಂ ಘಾನವಿಞ್ಞಾಣಧಾತುಯಾ…. ರಸಾಯತನಂ ಜಿವ್ಹಾವಿಞ್ಞಾಣಧಾತುಯಾ…. ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಧಾತುಯಾ ತಂಸಮ್ಪಯುತ್ತಕಾನಞ್ಚ ಧಮ್ಮಾನಂ ಆರಮ್ಮಣಪಚ್ಚಯೇನ ಪಚ್ಚಯೋ. ರೂಪಾಯತನಂ ಸದ್ದಾಯತನಂ ಗನ್ಧಾಯತನಂ ರಸಾಯತನಂ ಫೋಟ್ಠಬ್ಬಾಯತನಂ ಮನೋಧಾತುಯಾ ತಂಸಮ್ಪಯುತ್ತಕಾನಞ್ಚ ಧಮ್ಮಾನಂ ಆರಮ್ಮಣಪಚ್ಚಯೇನ ಪಚ್ಚಯೋ. ಸಬ್ಬೇ ಧಮ್ಮಾ ಮನೋವಿಞ್ಞಾಣಧಾತುಯಾ ತಂಸಮ್ಪಯುತ್ತಕಾನಞ್ಚ ಧಮ್ಮಾನಂ ಆರಮ್ಮಣಪಚ್ಚಯೇನ ಪಚ್ಚಯೋ. ಯಂ ಯಂ ಧಮ್ಮಂ ಆರಬ್ಭ ಯೇ ಯೇ ಧಮ್ಮಾ ಉಪ್ಪಜ್ಜನ್ತಿ ಚಿತ್ತಚೇತಸಿಕಾ ಧಮ್ಮಾ, ತೇ ತೇ ಧಮ್ಮಾ ತೇಸಂ ತೇಸಂ ಧಮ್ಮಾನಂ ಆರಮ್ಮಣಪಚ್ಚಯೇನ ಪಚ್ಚಯೋ’’ತಿ ಏವಮಾದಿನಾ ಭಗವತಾ ವಿಭಜಿತ್ವಾ ದೇಸಿತೋ.

ಪುಚ್ಛಾ – ತೇನಾವುಸೋ…ಪೇ… ¶ ಸಮ್ಮಾಸಮ್ಬುದ್ಧೇನ ಅಭಿಧಮ್ಮಪಿಟಕೇ ಸತ್ತಮೇ ಮಹಾಪಕರಣೇ ದ್ವೀಸು ಪಧಾನವಾರೇಸು ದುತಿಯೇ ಮಹಾವಾರೇ ಕತಿ ಠಾನಾನಿ ವಿಭಜಿತ್ವಾ ದೇಸಿತಾನಿ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ ಸತ್ತಸು ಪಕರಣೇಸು ಸತ್ತಮೇ ಅನನ್ತನಯಸಮನ್ತಪಟ್ಠಾನೇ ಮಹಾಪಕರಣೇ ದ್ವೀಸು ಪಧಾನಪರಿಚ್ಛೇದವಾರೇಸು ದುತಿಯೇ ಮಹಾವಾರೇ ಧಮ್ಮಾನುಲೋಮೇ ಛ ಪಟ್ಠಾನಾನಿ, ತಥಾ ಧಮ್ಮಪಚ್ಚನೀಯೇ ಧಮ್ಮಾನುಲೋಮಪಚ್ಚನೀಯೇ ಧಮ್ಮಪಚ್ಚನೀಯಾನುಲೋಮೇತಿ ಚತುವೀಸತಿ ಪಟ್ಠಾನಾನಿ ಭಗವತಾ ವಿಭಜಿತ್ವಾ ದೇಸಿತಾನಿ.

ಪುಚ್ಛಾ – ತೇಸುಪಿ ¶ ಆವುಸೋ ಚತುವೀಸತಿಯಾ ಪಟ್ಠಾನೇಸು ಪಠಮೇ ಧಮ್ಮಾನುಲೋಮತಿಕಪಟ್ಠಾನೇ ದ್ವಾವೀಸತಿತಿಕಾ ಭಗವತಾ ಕತಿಹಿ ವಾರೇಹಿ ವಿಭಜಿತ್ವಾ ದೇಸಿತಾ.

ವಿಸ್ಸಜ್ಜನಾ – ತೇಸು ಭನ್ತೇ ಚತುವೀಸತಿಯಾ ಮಹಾಪಟ್ಠಾನೇಸು ಪಠಮೇ ಧಮ್ಮಾನುಲೋಮತಿಕಪಟ್ಠಾನೇ ದ್ವಾವೀಸತಿತಿಕಾ ಪಟಿಚ್ಚವಾರೋ ಸಹಜಾತವಾರೋ ಪಚ್ಚಯವಾರೋ ನಿಸ್ಸಯವಾರೋ ಸಂಸಟ್ಠವಾರೋ ಸಮ್ಪಯುತ್ತವಾರೋ ಪಞ್ಹಾವಾರೋತಿ ಸತ್ತಹಿ ಸತ್ತಹಿ ವಾರೇಹಿ ವಿಭಜಿತ್ವಾ ಭಗವತಾ ದೇಸಿತಾ.

ಪುಚ್ಛಾ – ತೇಸು ¶ ಚಾವುಸೋ ದ್ವಾವೀಸತಿಯಾ ತಿಕೇಸು ಪಠಮೇ ಕುಸಲತ್ತಿಕೇ ಸತ್ತಸು ಮಹಾವಾರೇಸು ಪಠಮೋ ಪಟಿಚ್ಚಮಹಾವಾರೋ ಭಗವತಾ ಕಥಂ ವಿಭಜಿತ್ವಾ ದೇಸಿತೋ.

ವಿಸ್ಸಜ್ಜನಾ – ತೇಸು ಭನ್ತೇ ದ್ವಾವೀಸತಿಯಾ ತಿಕೇಸು ಪಠಮೇ ಕುಸಲತ್ತಿಕೇ ಸತ್ತಸು ಮಹಾವಾರೇಸು ಪಠಮೋ ಪಟಿಚ್ಚಮಹಾವಾರೋ ಸಿಯಾ ಕುಸಲಂ ಧಮ್ಮಂ ಪಟಿಚ್ಚ ಕುಸಲೋ ಧಮ್ಮೋ ಉಪ್ಪಜ್ಜೇಯ್ಯ ಹೇತುಪಚ್ಚಯಾ. ಸಿಯಾ ಕುಸಲಂ ಧಮ್ಮಂ ಪಟಿಚ್ಚ ಅಕುಸಲೋ ಧಮ್ಮೋ ಉಪ್ಪಜ್ಜೇಯ್ಯ ಹೇತುಪಚ್ಚಯಾ. ಸಿಯಾ ಕುಸಲಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಧಮ್ಮೋ ಉಪ್ಪಜ್ಜೇಯ್ಯ ಹೇತುಪಚ್ಚಯಾ. ಸಿಯಾ ಕುಸಲಂ ಧಮ್ಮಂ ಪಟಿಚ್ಚ ಕುಸಲಾ ಚ ಅಬ್ಯಾಕತಾ ಚ ಧಮ್ಮಾ ಉಪ್ಪಜ್ಜೇಯ್ಯುಂ ಹೇತುಪಚ್ಚಯಾ. ಸಿಯಾ ಕುಸಲಂ ಧಮ್ಮಂ ಪಟಿಚ್ಚ ಅಕುಸಲೋ ಚ ಅಬ್ಯಾಕತೋ ಚ ಧಮ್ಮಾ ಉಪ್ಪಜ್ಜೇಯ್ಯುಂ ಹೇತುಪಚ್ಚಯಾ. ಸಿಯಾ ಕುಸಲಂ ಧಮ್ಮಂ ಪಟಿಚ್ಚ ಕುಸಲೋ ಚ ಅಕುಸಲೋ ಚ ಧಮ್ಮಾ ಉಪ್ಪಜ್ಜೇಯ್ಯುಂ ಹೇತುಪಚ್ಚಯಾ. ಸಿಯಾ ಕುಸಲಂ ಧಮ್ಮಂ ಪಟಿಚ್ಚ ಕುಸಲೋ ಚ ಅಕುಸಲೋ ಚ ಅಬ್ಯಾಕತೋ ಚ ಧಮ್ಮಾ ಉಪ್ಪಜ್ಜೇಯ್ಯುಂ ಹೇತುಪಚ್ಚಯಾ’’ತಿ ಏವಮಾದಿನಾ ಪುಚ್ಛಾವಾರೇನ ಚ. ‘‘ಕುಸಲಂ ಧಮ್ಮಂ ಪಟಿಚ್ಚ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಕುಸಲಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ, ತಯೋ ಖನ್ಧೇ ಪಟಿಚ್ಚ ಏಕೋ ಖನ್ಧೋ, ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. ಕುಸಲಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಕುಸಲೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಕುಸಲಂ ಧಮ್ಮಂ ಪಟಿಚ್ಚ ಕುಸಲೋ ಚ ಅಬ್ಯಾಕತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ಕುಸಲಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ, ತಯೋ ಖನ್ಧೇ ಪಟಿಚ್ಚ ಏಕೋ ಖನ್ಧೋ ಚಿತ್ತಸಮುಟ್ಠಾನಞ್ಚ ರೂಪಂ, ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪ’’ನ್ತಿ ಏವಮಾದಿನಾ ವಿಸ್ಸಜ್ಜನಾ ವಿಸ್ಸಜ್ಜನಾವಾರೇನ ಚ. ‘‘ಹೇತುಯಾ ನವ, ಆರಮ್ಮಣೇ ತೀಣಿ, ಅಧಿಪತಿಯಾ ನವ, ಅನನ್ತರೇ ಸಮನನ್ತರೇ ತೀಣಿ, ಸಹಜಾತೇ ನವ, ಅಞ್ಞಮಞ್ಞೇ ತೀಣಿ, ನಿಸ್ಸಯೇ ನವ, ಉಪನಿಸ್ಸಯೇ ತೀಣಿ, ಪುರೇಜಾತೇ ತೀಣಿ, ಆಸೇವನೇ ತೀಣಿ, ಕಮ್ಮೇ ನವ, ವಿಪಾಕೇ ಏಕಂ, ಆಹಾರೇ ಝಾನೇ ಇನ್ದ್ರಿಯೇ ¶ ಮಗ್ಗೇ ನವ, ಸಮ್ಪಯುತ್ತೇ ತೀಣಿ, ವಿಪ್ಪಯುತ್ತೇ ಅತ್ಥಿಯಾ ನವ, ನತ್ಥಿಯಾ ವಿಗತೇ ತೀಣಿ, ಅವಿಗತೇ ನವಾ’’ತಿ ಏವಮಾದಿನಾ ಸಙ್ಖ್ಯಾವಾರೇನ ಚ ಭಗವತಾ ವಿತ್ಥಾರತೋ ವಿಭಜಿತ್ವಾ ದೇಸಿತೋ.

ಸಿಯಾ ಕುಸಲಂ ಧಮ್ಮಂ ಪಟಿಚ್ಚ ಕುಸಲೋ ಧಮ್ಮೋ ಉಪ್ಪಜ್ಜೇಯ್ಯ ಹೇತುಪಚ್ಚಯಾ.

ಪುಚ್ಛಾ – ತೇನಾವುಸೋ ¶ ಭಗವತಾ…ಪೇ… ಸಮ್ಮಾಸಮ್ಬುದ್ಧೇನ ಅಭಿಧಮ್ಮಪಿಟಕೇ ಮಹಾಪಕರಣೇ ಚತುವೀಸತಿಯಾ ಪಟ್ಠಾನೇಸು ಪಠಮೇ ಧಮ್ಮಾನುಲೋಮತಿಕಪಟ್ಠಾನೇ ದ್ವಾವೀಸತಿಯಾ ತಿಕೇಸು ಪಠಮೇ ಕುಸಲತ್ತಿಕೇ ಸತ್ತಸು ಮಹಾವಾರೇಸು ದುತಿಯೋ ಸಹಜಾತವಾರೋ ಕಥಂ ವಿತ್ಥಾರೇನ ವಿಭಜಿತ್ವಾ ದೇಸಿತೋ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ ಅನನ್ತನಯಪಟ್ಠಾನೇ ಮಹಾಪಕರಣೇ ಚತುವೀಸತಿಯಾ ಪಟ್ಠಾನೇಸು ಪಠಮೇ ಧಮ್ಮಾನುಲೋಮತಿಕಪಟ್ಠಾನೇ ದ್ವಾವೀಸತಿಯಾ ತಿಕೇಸು ಪಠಮೇ ಕುಸಲತ್ತಿಕೇ ಸತ್ತಸು ಮಹಾವಾರೇಸು ದುತಿಯೋ ಸಹಜಾತಾವಾರೋ ‘‘ಕುಸಲಂ ಧಮ್ಮಂ ಸಹಜಾತೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ, ಕುಸಲಂ ಏಕಂ ಖನ್ಧಂ ಸಹಜಾತಾ ತಯೋ ಖನ್ಧಾ, ತಯೋ ಖನ್ಧೇ ಸಹಜಾತೋ ಏಕೋ ಖನ್ಧೋ, ದ್ವೇ ಖನ್ಧೇ ಸಹಜಾತಾ ದ್ವೇ ಖನ್ಧಾ. ಕುಸಲಂ ಧಮ್ಮಂ ಸಹಜಾತೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ, ಕುಸಲೇ ಖನ್ಧೇ ಸಹಜಾತಂ ಚಿತ್ತಸಮುಟ್ಠಾನಂ ರೂಪಂ. ಕುಸಲಂ ಧಮ್ಮಂ ಸಹಜಾತೋ ಕುಸಲೋ ಚ ಅಬ್ಯಾಕತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ, ಕುಸಲಂ ಏಕಂ ಖನ್ಧಂ ಸಹಜಾತಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ, ತಯೋ ಖನ್ಧೇ ಸಹಜಾತೋ ಏಕೋ ಖನ್ಧೋ ಚಿತ್ತಸಮುಟ್ಠಾನಞ್ಚ ರೂಪಂ, ದ್ವೇ ಖನ್ಧೇ ಚಿತ್ತಸಮುಟ್ಠಾನಞ್ಚ ರೂಪ’’ನ್ತಿ ಏವಮಾದಿನಾ ವಿಸ್ಸಜ್ಜನಾವಾರೇನ ಚ. ಹೇತುಯಾ ನವ, ಆರಮ್ಮಣೇ ತೀಣಿ, ಅಧಿಪತಿಯಾ ನವ, ಅನನ್ತರೇ ಸಮನನ್ತರೇ ತೀಣೀ’’ತಿ ಏವಮಾದಿನಾ ಸಙ್ಖ್ಯಾವಾರೇನ ಚ ವಾಚನಾಮಗ್ಗತೋ ದ್ವೀಹಿ ವಾರೇಹಿ ಪಟಿಮಣ್ಡಿತ್ವಾ ಭಗವತಾ ವಿತ್ಥಾರತೋ ವಿಭಜಿತ್ವಾ ದೇಸಿತೋ.

ಪುಚ್ಛಾ – ತೇನಾವುಸೋ ¶ ಭಗವತಾ…ಪೇ… ಸಮ್ಮಾಸಮ್ಬುದ್ಧೇನ ಪಟ್ಠಾನಮಹಾಪಕರಣೇ ಚತುವೀಸತಿಯಾ ಪಟ್ಠಾನೇಸು ಪಠಮೇ ಧಮ್ಮಾನುಲೋಮತಿಕಪಟ್ಠಾನೇ ದ್ವಾವೀಸತಿಯಾ ತಿಕೇಸು ಪಠಮೇ ಕುಸಲತ್ತಿಕೇ ಸತ್ತಸು ಮಹಾವಾರೇಸು ತತಿಯೋ ಪಚ್ಚಯವಾರೋ ಕಥಂ ವಿಭಜಿತ್ವಾ ವಿತ್ಥಾರೇನ ದೇಸಿತೋ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ ಸತ್ತಸು ಪಕರಣೇಸು ಸತ್ತಮೇ ಅನನ್ತನಯಸಮನ್ತಪಟ್ಠಾನೇ ಮಹಾಪಕರಣೇ ಚತುವೀಸತಿಯಾ ಪಟ್ಠಾನೇಸು ಪಠಮೇ ಧಮ್ಮಾನುಲೋಮತಿಕಪಟ್ಠಾನೇ ಬಾವೀಸತಿಯಾ ತಿಕೇಸು ಪಠಮೇ ಕುಸಲತ್ತಿಕೇ ಸತ್ತಸು ಮಹಾವಾರೇಸು ತತಿಯೋ ಪಚ್ಚಯವಾರೋ ‘‘ಸಿಯಾ ಕುಸಲಂ ಧಮ್ಮಂ ಪಚ್ಚಯಾ ಕುಸಲೋ ಧಮ್ಮೋ ಉಪ್ಪಜ್ಜೇಯ್ಯ ಹೇತುಪಚ್ಚಯಾ, ಸಿಯಾ ಕುಸಲಂ ಧಮ್ಮಂ ಪಚ್ಚಯಾ ಅಕುಸಲೋ ಧಮ್ಮೋ ಉಪ್ಪಜ್ಜೇಯ್ಯ ಹೇತುಪಚ್ಚಯಾ, ಸಿಯಾ ಕುಸಲಂ ಧಮ್ಮಂ ಪಚ್ಚಯಾ ಅಬ್ಯಾಕತೋ ಧಮ್ಮೋ ಉಪ್ಪಜ್ಜೇಯ್ಯ ಹೇತುಪಚ್ಚಯಾ’’ತಿ ಏವಮಾದಿನಾ ಪುಚ್ಛಾವಾರೇನ ಚ. ‘‘ಕುಸಲಂ ಧಮ್ಮಂ ಪಚ್ಚಯಾ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ, ಕುಸಲಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ, ತಯೋ ಖನ್ಧೇ ಪಚ್ಚಯಾ ಏಕೋ ಖನ್ಧೋ, ದ್ವೇ ಖನ್ಧೇ ಪಚ್ಚಯಾ ದ್ವೇ ಖನ್ಧಾ’’ತಿ ಏವಮಾದಿನಾ ವಿಸ್ಸಜ್ಜನಾವಾರೇನ ಚ. ‘‘ಹೇತುಯಾ ಸತ್ತರಸ, ಆರಮ್ಮಣೇ ಸತ್ತ, ಅಧಿಪತಿಯಾ ಸತ್ತರಸ, ಅನನ್ತರೇ ಸಮನನ್ತರೇ ಸತ್ತ, ಸಹಜಾತೇ ಸತ್ತರಸ. ಅಞ್ಞಮಞ್ಞೇ ಸತ್ತಾ’’ತಿ ಏವಮಾದಿನಾ ಸಙ್ಖ್ಯಾವಾರೇನ ಚ. ಪಚ್ಚಯಾನುಲೋಮ ಪಚ್ಚಯ ಪಚ್ಚನಿಯ ಪಚ್ಚಯಾನುಲೋಮ ಪಚ್ಚನೀಯ ಪಚ್ಚಯ ಪಚ್ಚನೀಯಾನುಲೋಮಸಙ್ಖಾತೇಹಿ ¶ ಚತೂಹಿ ನಯೇಹಿ ವಿಭಜಿತ್ವಾ ಭಗವತಾ ದೇಸಿತೋ.

ಕುಸಲಂ ಧಮ್ಮಂ ಪಚ್ಚಯಾ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಕುಸಲಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ, ತಯೋ ಖನ್ಧೇ ಪಚ್ಚಯಾ ಏಕೋ ಖನ್ಧೋ, ದ್ವೇ ಖನ್ಧೇ ಪಚ್ಚಯಾ ದ್ವೇ ಖನ್ಧಾ- ….

ಪುಚ್ಛಾ – ತೇನಾವುಸೋ ¶ ಭಗವತಾ…ಪೇ… ಸಮ್ಮಾಸಮ್ಬುದ್ಧೇನ ಅಭಿಧಮ್ಮಪಿಟಕೇ ಸತ್ತಸು ಮಹಾಪಕರಣೇಸು ಸತ್ತಮೇ ಪಟ್ಠಾನಮಹಾಪಕರಣೇ ಚತುವೀಸತಿಯಾ ಪಟ್ಠಾನೇಸು ಪಠಮೇ ಧಮ್ಮಾನುಲೋಮತಿಕಪಟ್ಠಾನೇ ದ್ವಾವೀಸತಿಯಾ ತಿಕೇಸು ಪಠಮೇ ಕುಸಲತ್ತಿಕೇ ಸತ್ತಸು ಮಹಾವಾರೇಸು ಸತ್ತಮೋ ಪಞ್ಹಾವಾರೋ ಕಥಂ ವಿತ್ಥಾರೇನ ವಿಭಜಿತ್ವಾ ದೇಸಿತೋ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ ಸತ್ತಸು ಪಕರಣೇಸು ಸತ್ತಮೇ ಅನನ್ತನಯಸಮನ್ತಪಟ್ಠಾನೇ ಮಹಾಪಕರಣೇ ಚತುವೀಸತಿಯಾ ಪಟ್ಠಾನೇಸು ಪಠಮೇ ಧಮ್ಮಾನುಲೋಮತಿಕಪಟ್ಠಾನೇ ದ್ವಾವೀಸತಿಯಾ ತಿಕೇಸು ಪಠಮೇ ಕುಸಲತ್ತಿಕೇ ಸತ್ತಸು ಮಹಾವಾರೇಸು ಸತ್ತಮೋ ಪಞ್ಹಾವಾರೋ ‘‘ಸಿಯಾ ಕುಸಲೋ ಧಮ್ಮೋ ಕುಸಲಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. ಸಿಯಾ ಕುಸಲೋ ಧಮ್ಮೋ ಅಕುಸಲಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. ಸಿಯಾ ಕುಸಲೋ ಧಮ್ಮೋ ಅಬ್ಯಾಕತಸ್ಸ ¶ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ’’ತಿ ಏವಮಾದಿನಾ ಪುಚ್ಛಾವಾರೇನ ಚ. ‘‘ಕುಸಲೋ ಧಮ್ಮೋ ಕುಸಲಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ, ಕುಸಲಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ. ಕುಸಲೋ ಧಮ್ಮೋ ಅಬ್ಯಾಕತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ, ಕುಸಲಾ ಹೇತೂ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ’’ತಿ ಏವಮಾದಿನಾ ವಿಸ್ಸಜ್ಜನಾವಾರೇನ ಚ ‘‘ಹೇತುಯಾ ಸತ್ತ, ಆರಮ್ಮಣೇ ನವ, ಅಧಿಪತಿಯಾ ದಸ, ಅನನ್ತರೇ ಸಮನನ್ತರೇ ಸತ್ತ, ಸಹಜಾತೇ ನವ, ಅಞ್ಞಮಞ್ಞೇ ತೀಣಿ, ನಿಸ್ಸಯೇ ತೇರಸ, ಉಪನಿಸ್ಸಯೇ ನವ, ಪುರೇಜಾತೇ ಪಚ್ಛಾಜಾತೇ ಆಸೇವನೇ ತೀಣಿ, ಕಮ್ಮೇ ಸತ್ತ, ವಿಪಾಕೇ ಏಕಂ. ಆಹಾರೇ ಇನ್ದ್ರಿಯೇ ಝಾನೇ ಮಗ್ಗೇ ಸತ್ತ, ಸಮ್ಪಯುತ್ತೇ ತೀಣಿ, ವಿಪ್ಪಯುತ್ತೇ ಪಞ್ಚ, ಅತ್ಥಿಯಾ ತೇರಸ, ನತ್ಥಿಯಾ ವಿಗತೇ ಸತ್ತ, ಅವಿಗತೇ ತೇರಸಾ’’ತಿ ಏವಮಾದಿನಾ ಸಙ್ಖ್ಯಾವಾರೇನ ಚ ಪಚ್ಚಯಾನುಲೋಮಪಚ್ಚಯಪಚ್ಚನೀಯಪಚ್ಚಯಾನುಲೋಮಪಚ್ಚನೀಯಪಚ್ಚಯಪಚ್ಚನೀಯಾನುಲೋಮಸಙ್ಖಾತೇಹಿ ಚತೂಹಿ ನಯೇಹಿ ಭಗವತಾ ವಿತ್ಥಾರತೋ ವಿಭಜಿತ್ವಾ ದೇಸಿತೋ.

ಕುಸಲೋ ¶ ಧಮ್ಮೋ ಕುಸಲಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ, ಕುಸಲಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ. ಕುಸಲೋ ಧಮ್ಮೋ ಅಬ್ಯಾಕತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ, ಕುಸಲಾ ಹೇತೂ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. ಕುಸಲೋ ಧಮ್ಮೋ ಕುಸಲಸ್ಸ ಚ ಅಬ್ಯಾಕತಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ, ಕುಸಲಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ ….

ಪುಚ್ಛಾ – ತೇನಾವುಸೋ ¶ ಭಗವತಾ…ಪೇ… ಸಮ್ಮಾಸಮ್ಬುದ್ಧೇನ ಅಭಿಧಮ್ಮಪಿಟಕೇ ಸತ್ತಸು ಪಕರಣೇಸು ಸತ್ತಮೇ ಪಟ್ಠಾನಮಹಾಪಕರಣೇ ಚತುವೀಸತಿಯಾ ಪಟ್ಠಾನೇಸು ಪಠಮೇ ಧಮ್ಮಾನುಲೋಮತಿಕಪಟ್ಠಾನೇ ದ್ವಾವೀಸತಿಯಾ ತಿಕೇಸು ಪಠಮೇ ಕುಸಲತ್ತಿಕೇ ಸತ್ತಸು ಮಹಾವಾರೇಸು ಸತ್ತಮೇ ಪಞ್ಹಾವಾರೇ ಪುಚ್ಛಾವಿಸ್ಸಜ್ಜನಾಸಙ್ಖ್ಯಾವಾರಸಙ್ಖಾತೇಸು ತೀಸು ವಾರೇಸು ವಿಸ್ಸಜ್ಜನಾವಾರೇ ಹೇತುಪಚ್ಚಯವಿಭಙ್ಗೋ ಕಥಂ ವಿತ್ಥಾರೇನ ವಿಭಜಿತ್ವಾ ದೇಸಿತೋ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ ಸತ್ತಸು ಪಕರಣೇಸು ಸತ್ತಮೇ ಅನನ್ತನಯಸಮನ್ತಪಟ್ಠಾನೇ ಮಹಾಪಕರಣೇ ಚತುವೀಸತಿಯಾ ಪಟ್ಠಾನೇಸು ಪಠಮೇ ಧಮ್ಮಾನುಲೋಮತಿಕಪಟ್ಠಾನೇ ದ್ವಾವೀಸತಿಯಾ ತಿಕೇಸು ಪಠಮೇ ಕುಸಲತ್ತಿಕೇ ಸತ್ತಸು ಮಹಾವಾರೇಸು ಸತ್ತಮೇ ಪಞ್ಹಾವಾರೇ ಪಚ್ಚಯಾನುಲೋಮಪಚ್ಚಯಪಚ್ಚನೀಯ ಪಚ್ಚಯಾನುಲೋಮ ಪಚ್ಚನೀಯಪಚ್ಚಯ ಪಚ್ಚಯನೀಯಾನುಲೋಮಸಙ್ಖಾತೇಸು ಚತೂಸು ನಯೇಸು ಪಠಮೇ ಪಚ್ಚಯಾನುಲೋಮನಯೇ ಪುಚ್ಛಾವಾರವಿಸ್ಸಜ್ಜನಾವಾರಸಙ್ಖ್ಯಾವಾರಸಙ್ಖಾತೇಸು ತೀಸುಪಿ ವಾರೇಸು ದುತಿಯೇ ವಿಸ್ಸಜ್ಜನಾವಾರೇ ಹೇತುಪಚ್ಚಯವಿಭಙ್ಗೋ ‘‘ಕುಸಲೋ ಧಮ್ಮೋ ಕುಸಲಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ, ಕುಸಲಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ. ಕುಸಲೋ ಧಮ್ಮೋ ಅಬ್ಯಾಕತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. ಕುಸಲಾ ಹೇತೂ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ¶ ಪಚ್ಚಯೋ. ಕುಸಲೋ ಧಮ್ಮೋ ಕುಸಲಸ್ಸ ಚ ಅಬ್ಯಾಕತಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ, ಕುಸಲಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ’’ತಿ ಏವಮಾದಿನಾ ಭಗವತಾ ವಿತ್ಥಾರತೋ ವಿಭಜಿತ್ವಾ ದೇಸಿತೋ.

… ‘‘ಕುಸಲೋ ¶ ಧಮ್ಮೋ ಕುಸಲಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ, ಕುಸಲಾ ಹೇತೂ ಸಮ್ಪಯತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ. ಕುಸಲೋ ಧಮ್ಮೋ ಅಬ್ಯಾಕತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ, ಕುಸಲಾ ಹೇತೂ ಚಿತ್ತಸಮುಟ್ಠಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. ಕುಸಲೋ ಧಮ್ಮೋ ಕುಸಲಸ್ಸ ಚ ಅಬ್ಯಾಕತಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ, ಕುಸಲಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ’’.

ಪುಚ್ಛಾ – ತೇನಾವುಸೋ…ಪೇ… ಸಮ್ಮಾಸಮ್ಬುದ್ಧೇನ ಅಭಿಧಮ್ಮಪಿಟಕೇ ಸತ್ತಸು ಪಕರಣೇಸು ಸತ್ತಮೇ ಪಟ್ಠಾನಮಹಾಪಕರಣೇ ಚತುವೀಸತಿಯಾ ಪಟ್ಠಾನೇಸು ಪಠಮೇ ಧಮ್ಮಾನುಲೋಮತಿಕಪಟ್ಠಾನೇ ದ್ವಾವೀಸತಿಯಾ ತಿಕೇಸು ಪಠಮೇ ಕುಸಲತ್ತಿಕೇ ಸತ್ತಸು ಮಹಾವಾರೇಸು ಸತ್ತಮೇ ಪಞ್ಹಾವಾರೇ ಚತೂಸು ನಯೇಸು ಪಠಮೇ ಪಚ್ಚಯಾನುಲೋಮನಯೇ ಪುಚ್ಛಾವಿಸ್ಸಜ್ಜನಾಸಙ್ಖ್ಯಾವಾರಸಙ್ಖಾತೇಸು ತೀಸು ವಾರೇಸು ದುತಿಯೇ ವಿಸ್ಸಜ್ಜನಾವಾರೇ ಹೇತುಪಚ್ಚಯವಿಭಙ್ಗಾದೀಸು ಚತುವೀಸತಿಯಾ ವಿಭಙ್ಗೇಸು ದುತಿಯೋ ಆರಮ್ಮಣಪಚ್ಚಯವಿಭಙ್ಗೋ ಕಥಂ ವಿತ್ಥಾರೇನ ವಿಭಜಿತ್ವಾ ದೇಸಿತೋ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ¶ ಭನ್ತೇ ಸತ್ತಸು ಪಕರಣೇಸು ಸತ್ತಮೇ ಅನನ್ತನಯಸಮನ್ತಪಟ್ಠಾನೇ ಮಹಾಪಕರಣೇ ಚತುವೀಸತಿಯಾ ಪಟ್ಠಾನೇಸು ಪಠಮೇ ಧಮ್ಮಾನುಲೋಮತಿಕಪಟ್ಠಾನೇ ದ್ವಾವೀಸತಿಯಾ ತಿಕೇಸು ಪಠಮೇ ಕುಸಲತ್ತಿಕೇ ಸತ್ತಸು ಮಹಾವಾರೇಸು ಸತ್ತಮೇ ಪಞ್ಹಾವಾರೇ ಚತೂಸು ನಯೇಸು ಪಠಮೇ ಪಚ್ಚಯಾನುಲೋಮನಯೇ ತೀಸು ಚ ವಾರೇಸು ದುತಿಯೇ ವಿಭಙ್ಗವಾರೇ ಹೇತುಪಚ್ಚಯವಿಭಙ್ಗಾದೀಸು ಚತುವೀಸತಿಯಾ ವಿಭಙ್ಗೇಸು ದುತಿಯೋ ಆರಮ್ಮಣಪಚ್ಚಯವಿಭಙ್ಗೋ ‘‘ಕುಸಲೋ ಧಮ್ಮೋ ಕುಸಲಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ, ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ, ಪುಬ್ಬೇ ಸುಚಿಣ್ಣಾನಿ ಪಚ್ಚವೇಕ್ಖತಿ, ಝಾನಾ ವುಟ್ಠಹಿತ್ವಾ ಝಾನಂ ಪಚ್ಚವೇಕ್ಖತಿ, ಸೇಕ್ಖಾ ಗೋತ್ರಭುಂ ಪಚ್ಚವೇಕ್ಖನ್ತಿ, ವೋದಾನಂ ಪಚ್ಚವೇಕ್ಖನ್ತಿ, ಸೇಕ್ಖಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ, ಸೇಕ್ಖಾ ವಾ ಪುಥುಜ್ಜನಾ ವಾ ಕುಸಲಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸನ್ತಿ, ಚೇತೋಪರಿಯಞಾಣೇನ ಕುಸಲಚಿತ್ತಸಮಙ್ಗಿಸ್ಸ ಚಿತ್ತಂ ಜಾನನ್ತಿ, ಆಕಾಸಾನಞ್ಚಾಯತನಕುಸಲಂ ವಿಞ್ಞಾಣಞ್ಚಾಯತನಕುಸಲಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಆಕಿಞ್ಚಞ್ಞಾಯತನಕುಸಲಂ ನೇವಸಞ್ಞಾನಾಸಞ್ಞಾಯತನಕುಸಲಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಕುಸಲಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮುಪಗಞಾಣಸ್ಸ, ಅನಾಗತಂಸಞಾಣಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ’’ತಿ ಏವಮಾದಿನಾ ಭಗವತಾ ವಿತ್ಥಾರತೋ ವಿಭಜಿತ್ವಾ ದೇಸಿತೋ.

ಪುಚ್ಛಾ – ಅಭಿಧಮ್ಮಪಿಟಕೇ ¶ ಆವುಸೋ ಸತ್ತಸು ಪಕರಣೇಸು ಸತ್ತಮೇ ಪಟ್ಠಾನಮಹಾಪಕರಣೇ ಚತುವೀಸತಿಯಾ ಪಟ್ಠಾನೇಸು ಪಠಮೇ ಧಮ್ಮಾನುಲೋಮತಿಕಪಟ್ಠಾನೇಸು ಬಾವೀಸತಿಯಾ ತಿಕೇಸು ಪಠಮೇ ಕುಸಲತ್ತಿಕೇ ಸತ್ತಸು ಮಹಾವಾರೇಸು ಸತ್ತಮೇ ಪಞ್ಹಾವಾರೇ ಚತೂಸು ನಯೇಸು ಪಠಮೇ ಪಚ್ಚಯಾನುಲೋಮನಯೇ ಪುಚ್ಛಾವಿಸ್ಸಜ್ಜನಾಸಙ್ಖ್ಯಾಸಙ್ಖಾತೇಸು ತೀಸು ವಾರೇಸು ದುತಿಯೇ ವಿಸ್ಸಜ್ಜನಾಸಙ್ಖಾತೇ ವಿಭಙ್ಗವಾರೇ ಹೇತುಪಚ್ಚಯವಿಭಙ್ಗಾದೀಸು ಚತುವೀಸತಿಯಾ ವಿಭಙ್ಗೇಸು ತತಿಯೋ ಅಧಿಪತಿಪಚ್ಚಯವಿಭಙ್ಗೋ ಕಥಂ ವಿತ್ಥಾರೇನ ವಿಭಜಿತ್ವಾ ದೇಸಿತೋ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ ಸತ್ತಸು ಪಕರಣೇಸು ಸತ್ತಮೇ ಅನನ್ತನಯಸಮನ್ತಪಟ್ಠಾನೇ ಮಹಾಪಕರಣೇ ಚತುವೀಸತಿಯಾ ಪಟ್ಠಾನೇಸು ಪಠಮೇ ಧಮ್ಮಾನುಲೋಮತಿಕಪಟ್ಠಾನೇ ಬಾವೀಸತಿಯಾ ತಿಕೇಸು ಪಠಮೇ ಕುಸಲತ್ತಿಕೇ ಸತ್ತಸು ಮಹಾವಾರೇಸು ಸತ್ತಮೇ ಪಞ್ಹಾವಾರೇ ಚತೂಸು ನಯೇಸು ಪಠಮೇ ಪಚ್ಚಯಾನುಲೋಮನಯೇ ಪುಚ್ಛಾವಿಸ್ಸಜ್ಜನಾಸಙ್ಖ್ಯಾಸಙ್ಖಾತೇಸು ತೀಸು ವಾರೇಸು ದುತಿಯೇ ವಿಸ್ಸಜ್ಜನಾಸಙ್ಖಾತೇ ವಿಭಙ್ಗವಾರೇ ಹೇತುಪಚ್ಚಯವಿಭಙ್ಗಾದೀಸು ಚತುವೀಸತಿಯಾ ವಿಭಙ್ಗೇಸು ತತಿಯೋ ಅಧಿಪತಿಪಚ್ಚಯವಿಭಙ್ಗೋ ‘‘ಕುಸಲೋ ಧಮ್ಮೋ ಕುಸಲಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ–ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಗರುಂ ಕತ್ವಾ ಪಚ್ಚವೇಕ್ಖತಿ. ಪುಬ್ಬೇ ಸುಚಿಣ್ಣಾನಿ ಗರುಂ ಕತ್ವಾ ಪಚ್ಚವೇಕ್ಖತಿ, ಝಾನಾ ವುಟ್ಠಹಿತ್ವಾ ಝಾನಂ ಗರುಂ ಕತ್ವಾ ಪಚ್ಚವೇಕ್ಖತಿ, ಸೇಕ್ಖಾ ಗೋತ್ರಭುಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ವೋದಾನಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ಸೇಕ್ಖಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ. ಸಹಜಾತಾಧಿಪತಿ–ಕುಸಲಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ’’ತಿ ಏವಮಾದಿನಾ ಭಗವತಾ ವಿತ್ಥಾರತೋ ವಿಭಜಿತ್ವಾ ದೇಸಿತೋ.

ಪುಚ್ಛಾ – ತೇನಾವುಸೋ ¶ ಭಗವತಾ…ಪೇ… ಚತುತ್ಥೋ ಅನನ್ತರಪಚ್ಚಯವಿಭಙ್ಗೋ ಕಥಂ ವಿತ್ಥಾರೇನ ವಿಭಜಿತ್ವಾ ದೇಸಿತೋ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ…ಪೇ… ಚತುತ್ಥೋ ಅನನ್ತರಪಚ್ಚಯವಿಭಙ್ಗೋ ‘‘ಕುಸಲೋ ಧಮ್ಮೋ ಕುಸಲಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ, ಪುರಿಮಾ ಪುರಿಮಾ ಕುಸಲಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಕುಸಲಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. ಅನುಲೋಮಂ ಗೋತ್ರಭುಸ್ಸ, ಅನುಲೋಮಂ ವೋದಾನಸ್ಸ, ಗೋತ್ರಭು ಮಗ್ಗಸ್ಸ, ವೋದಾನಂ ಮಗ್ಗಸ್ಸ ಅನನ್ತರಪಚ್ಚಯೇನ ಪಚ್ಚಯೋ’’ತಿ ಏವಮಾದಿನಾ ಭಗವತಾ ವಿತ್ಥಾರತೋ ವಿಭಜಿತ್ವಾ ದೇಸಿತೋ.

ಪುಚ್ಛಾ – ತೇನಾವುಸೋ…ಪೇ… ¶ ಛಟ್ಠೋ ಸಹಜಾತಪಚ್ಚಯವಿಭಙ್ಗೋ ಕಥಂ ವಿತ್ಥಾರೇನ ವಿಭಜಿತ್ವಾ ದೇಸಿತೋ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ¶ ಭನ್ತೇ…ಪೇ… ಛಟ್ಠೋ ಸಹಜಾತಪಚ್ಚಯವಿಭಙ್ಗೋ ‘‘ಕುಸಲೋ ಧಮ್ಮೋ ಕುಸಲಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ, ಕುಸಲೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಸಹಜಾತಪಚ್ಚಯೇನ ಪಚ್ಚಯೋ, ತಯೋ ಖನ್ಧಾ ಏಕಸ್ಸ ಖನ್ಧಸ್ಸ ಸಹಜಾತಪಚ್ಚಯೇನ ಪಚ್ಚಯೋ, ದ್ವೇ ದ್ವಿನ್ನಂ ಖನ್ಧಾನಂ ಸಹಜಾತಪಚ್ಚಯೇನ ಪಚ್ಚಯೋ. ಕುಸಲೋ ಧಮ್ಮೋ ಅಬ್ಯಾಕತಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ, ಕುಸಲಾ ಖನ್ಧಾ ಚಿತ್ತಸಮುಟ್ಠಾನಾನಂ ರೂಪಾನಂ ಸಹಜಾತಪಚ್ಚಯೇನ ಪಚ್ಚಯೋ’’ತಿ ಏವಮಾದಿನಾ ಭಗವತಾ ವಿತ್ಥಾರತೋ ವಿಭಜಿತ್ವಾ ದೇಸಿತೋ.

ಪುಚ್ಛಾ – ತೇನಾವುಸೋ ¶ ಭಗವತಾ…ಪೇ… ನವಮೋ ಉಪನಿಸ್ಸಯಪಚ್ಚಯವಿಭಙ್ಗೋ ಕಥಂ ವಿತ್ಥಾರೇನ ವಿಭಜಿತ್ವಾ ದೇಸಿತೋ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ…ಪೇ… ನವಮೋ ಉಪನಿಸ್ಸಯಪಚ್ಚಯವಿಭಙ್ಗೋ ‘‘ಕುಸಲೋ ಧಮ್ಮೋ ಕುಸಲಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ. ಆರಮ್ಮಣೂಪನಿಸ್ಸಯೋ–ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ಕಂ ಗರುಂ ಕತ್ವಾ ಪಚ್ಚವೇಕ್ಖತಿ…ಪೇ…

ಪಕತೂಪನಿಸ್ಸಯೋ – ಸದ್ಧಂ ¶ ಉಪನಿಸ್ಸಾಯ ದಾನಂ ದೇತಿ ಸೀಲಂ ಸಮಾದಿಯತಿ ಉಪೋಸಥಕಮ್ಮಂ ಕರೋತಿ, ಝಾನಂ ಉಪ್ಪಾದೇತಿ, ವಿಪಸ್ಸನಂ ಉಪ್ಪಾದೇತಿ, ಮಗ್ಗಂ ಉಪ್ಪಾದೇತಿ, ಅಭಿಞ್ಞಂ ಉಪ್ಪಾದೇತಿ, ಸಮಾಪತ್ತಿಂ ಉಪ್ಪಾದೇತೀ’’ತಿ ಏವಮಾದಿನಾ ಭಗವತಾ ವಿತ್ಥಾರತೋ ವಿಭಜಿತ್ವಾ ದೇಸಿತೋ.

ಪುಚ್ಛಾ – ತೇನಾವುಸೋ…ಪೇ… ¶ ದಸಮೋ ಪುರೇಜಾತಪಚ್ಚಯವಿಭಙ್ಗೋ ಕಥಂ ವಿತ್ಥಾರೇನ ವಿಭಜಿತ್ವಾ ದೇಸಿತೋ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ…ಪೇ… ದಸಮೋ ಪುರೇಜಾತಪಚ್ಚಯವಿಭಙ್ಗೋ ‘‘ಅಬ್ಯಾಕತೋ ಧಮ್ಮೋ ಅಬ್ಯಾಕತಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ. ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ–ಅರಹಾ ಚಕ್ಖುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ. ಘಾನಂ, ಜಿವ್ಹಂ, ಕಾಯಂ, ರೂಪೇ, ಸದ್ದೇ, ಗನ್ಧೇ, ರಸೇ, ಫೋಟ್ಠಬ್ಬೇ, ವತ್ಥುಂ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ. ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ರೂಪಾಯತನಂ ಚಕ್ಖುವಿಞ್ಞಾಣಸ್ಸ, ಸದ್ದಾಯತನಂ ಸೋತವಿಞ್ಞಾಣಸ್ಸ, ಗನ್ಧಾಯತನಂ ಘಾನವಿಞ್ಞಾಣಸ್ಸ, ರಸಾಯತನಂ ಜಿವ್ಹಾವಿಞ್ಞಾಣಸ್ಸ, ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ. ವತ್ಥುಪುರೇಜಾತಂ–ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ, ಸೋತಾಯತನಂ ಸೋತವಿಞ್ಞಾಣಸ್ಸ, ಘಾನಾಯತನಂ ಘಾನವಿಞ್ಞಾಣಸ್ಸ, ಜಿವ್ಹಾಯತನಂ ಜಿವ್ಹಾವಿಞ್ಞಾಣಸ್ಸ, ಕಾಯಾಯತನಂ ಕಾಯವಿಞ್ಞಾಣಸ್ಸ, ವತ್ಥು ವಿಪಾಕಾಬ್ಯಾಕತಾನಂ ಕ್ರಿಯಾಬ್ಯಾಕತಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ’’ತಿ ಏವಮಾದಿನಾ ಭಗವತಾ ವಿತ್ಥಾರತೋ ವಿಭಜಿತ್ವಾ ದೇಸಿತೋ.

ಪುಚ್ಛಾ – ತೇನಾವುಸೋ ¶ ಭಗವತಾ…ಪೇ… ತೇರಸಮೋ ಕಮ್ಮಪಚ್ಚಯವಿಭಙ್ಗೋ ಕಥಂ ವಿತ್ಥಾರೇನ ವಿಭಜಿತ್ವಾ ದೇಸಿತೋ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ…ಪೇ… ತೇರಸಮೋ ಕಮ್ಮಪಚ್ಚಯವಿಭಙ್ಗೋ ‘‘ಕುಸಲೋ ಧಮ್ಮೋ ಕುಸಲಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ, ಕುಸಲಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ. ಕುಸಲೋ ಧಮ್ಮೋ ಅಬ್ಯಾಕತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ. ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ–ಕುಸಲಾ ಚೇತನಾ ಚಿತ್ತಸಮುಟ್ಠಾನಾನಂ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. ನಾನಾಕ್ಖಣಿಕಾ–ಕುಸಲಾ ಚೇತನಾ ವಿಪಾಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. ಕುಸಲೋ ಧಮ್ಮೋ ಕುಸಲಸ್ಸ ಚ ಅಬ್ಯಾಕತಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ. ಕುಸಲಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ’’ತಿ ಏವಮಾದಿನಾ ಭಗವತಾ ವಿತ್ಥಾರತೋ ವಿಭಜಿತ್ವಾ ದೇಸಿತೋ.

ಪುಚ್ಛಾ – ತೇನಾವುಸೋ…ಪೇ… ¶ ಪನ್ನರಸಮೋ ಆಹಾರಪಚ್ಚಯವಿಭಙ್ಗೋ ಕಥಂ ವಿತ್ಥಾರೇನ ವಿಭಜಿತ್ವಾ ದೇಸಿತೋ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ…ಪೇ… ಪನ್ನರಸಮೋ ಆಹಾರಪಚ್ಚಯವಿಭಙ್ಗೋ ‘‘ಕುಸಲೋ ಧಮ್ಮೋ ಕುಸಲಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ. ಕುಸಲಾ ಆಹಾರಾ ಸಮ್ಪಯುತ್ತಕಾನಂ ಖನ್ಧಾನಂ ಆಹಾರಪಚ್ಚಯೇನ ಪಚ್ಚಯೋ. ಕುಸಲೋ ಧಮ್ಮೋ ಅಬ್ಯಾಕತಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ. ಕುಸಲಾ ಆಹಾರಾ ಚಿತ್ತಸಮುಟ್ಠಾನಾನಂ ರೂಪಾನಂ ಆಹಾರಪಚ್ಚಯೇನ ಪಚ್ಚಯೋ’’ತಿ ಏವಮಾದಿನಾ ಭಗವತಾ ವಿತ್ಥಾರತೋ ವಿಭಜಿತ್ವಾ ದೇಸಿತೋ.

ಪುಚ್ಛಾ – ತೇನಾವುಸೋ ¶ ಭಗವತಾ…ಪೇ… ಸೋಳಸಮೋ ಇನ್ದ್ರಿಯಪಚ್ಚಯವಿಭಙ್ಗೋ ಕಥಂ ವಿತ್ಥಾರೇನ ವಿಭಜಿತ್ವಾ ದೇಸಿತೋ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ…ಪೇ… ಸೋಳಸಮೋ ಇನ್ದ್ರಿಯಪಚ್ಚಯವಿಭಙ್ಗೋ ‘‘ಕುಸಲೋ ಧಮ್ಮೋ ಕುಸಲಸ್ಸ ಧಮ್ಮಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ, ಕುಸಲೋ ಇನ್ದ್ರಿಯಾ ಸಮ್ಪಯುತ್ತಕಾನಂ ಖನ್ಧಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ. ಕುಸಲೋ ಧಮ್ಮೋ ಅಬ್ಯಾಕತಸ್ಸ ಧಮ್ಮಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ, ಕುಸಲಾ ಇನ್ದ್ರಿಯಾ ಚಿತ್ತಸಮುಟ್ಠಾನಾನಂ ¶ ರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ’’ತಿ ಏವಮಾದಿನಾ ಭಗವತಾ ವಿತ್ಥಾರತೋ ವಿಭಜಿತ್ವಾ ದೇಸಿತೋ.

ಪುಚ್ಛಾ – ತೇನಾವುಸೋ…ಪೇ… ¶ ಪುಚ್ಛಾವಿಸ್ಸಜ್ಜನಾಸಙ್ಖ್ಯಾವಾರಸಙ್ಖಾತೇಸು ತೀಸು ವಾರೇಸು ತತಿಯೋ ಸಙ್ಖ್ಯಾವಾರೋ ಕಥಂ ವಿತ್ಥಾರತೋ ವಿಭಜಿತ್ವಾ ದೇಸಿತೋ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ…ಪೇ… ತತಿಯೋ ಸಙ್ಖ್ಯಾವಾರೋ ‘‘ಹೇತುಯಾ ಸತ್ತ, ಆರಮ್ಮಣೇ ನವ, ಅಧಿಪತಿಯಾ ದಸ, ಅನನ್ತರ ಸಮನನ್ತರೇ ಸತ್ತ, ಸಹಜಾತೇ ನವ, ಅಞ್ಞಮಞ್ಞೇ ತೀಣಿ, ನಿಸ್ಸಯೇ ತೇರಸ, ಉಪನಿಸ್ಸಯೇ ನವ, ಪುರೇಜಾತೇ ಪಚ್ಛಾಜಾತೇ ಆಸೇವನೇ ತೀಣಿ ¶ , ಕಮ್ಮೇ ಸತ್ತ, ವಿಪಾಕೇ ಏಕಂ, ಆಹಾರೇ ಇನ್ದ್ರಿಯೇ ಝಾನೇ ಮಗ್ಗೇ ಸತ್ತ, ಸಮ್ಪಯುತ್ತೇ ತೀಣಿ, ವಿಪ್ಪಯುತ್ತೇ ಪಞ್ಚ, ಅತ್ಥಿಯಾ ತೇರಸ, ನತ್ಥಿಯಾ ವಿಗತೇ ಸತ್ತ, ಅವಿಗತೇ ತೇರಸಾ’’ತಿ ಏವಮಾದಿನಾ ಭಗವತಾ ವಿತ್ಥಾರತೋ ವಿಭಜಿತ್ವಾ ದೇಸಿತೋ.

ಹೇತು ¶ ಸಹಜಾತ ನಿಸ್ಸಯ ಅತ್ಥಿ ಅವಿಗತನ್ತಿ ಸತ್ತ, ಹೇತು ಸಹಜಾತ ಅಞ್ಞಮಞ್ಞ ನಿಸ್ಸಯ ಅತ್ಥಿ ಅವಿಗತನ್ತಿ ತೀಣಿ, ಹೇತು ಸಹಜಾತ ಅಞ್ಞಮಞ್ಞ ನಿಸ್ಸಯ ಸಮ್ಪಯುತ್ತ ಅತ್ಥಿ ಅವಿಗತನ್ತಿ ತೀಣಿ …

ಪುಚ್ಛಾ – ತೇನಾವುಸೋ ಭಗವತಾ…ಪೇ… ಪಠಮಂ ಕುಸಲತ್ತಿಕಂ ವಿತ್ಥಾರತೋ ವಿಭಜಿತ್ವಾ ತದನನ್ತರಂ ಅವಸೇಸಾ ವೇದನಾತ್ತಿಕಾದಯೋ ಏಕವೀಸತಿತಿಕಾ ಕಥಂ ವಿತ್ಥಾರತೋ ವಿಭಜಿತ್ವಾ ದೇಸಿತಾ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ…ಪೇ… ಪಠಮಂ ಕುಸಲತ್ತಿಕಂ ವಿತ್ಥಾರತೋ ವಿಭಜಿತ್ವಾ ತದನನ್ತರಂ ಅವಸೇಸಾ ವೇದನಾತ್ತಿಕಾದಯೋ ಏಕವೀಸತಿತಿಕಾ ¶ ‘‘ಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಸುಖಾಯ ವೇದನಾಯ ಸಮ್ಪಯುತ್ತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ, ಪಟಿಸನ್ಧಿಕ್ಖಣೇ ಸುಖಾಯ ವೇದನಾಯ ಸಮ್ಪಯುತ್ತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ’’ತಿ ಏವಮಾದಿನಾ ಚ. ವಿಪಾಕಂ ಧಮ್ಮಂ ಪಟಿಚ್ಚ ವಿಪಾಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ವಿಪಾಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ, ತಯೋ ಖನ್ಧೇ ಪಟಿಚ್ಚ ಏಕೋ ಖನ್ಧೋ, ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ, ಪಟಿಸನ್ಧಿಕ್ಖಣೇ ವಿಪಾಕಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ, ತಯೋ ಖನ್ಧೇ ಪಟಿಚ್ಚ ಏಕೋ ಖನ್ಧೋ, ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. ವಿಪಾಕಂ ಧಮ್ಮಂ ಪಟಿಚ್ಚ ನೇವವಿಪಾಕನವಿಪಾಕಧಮ್ಮಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ, ವಿಪಾಕೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನರೂಪಂ, ಪಟಿಸನ್ಧಿಕ್ಖಣೇ ವಿಪಾಕೇ ಖನ್ಧೇ ಪಟಿಚ್ಚ ಕಟತ್ತಾರೂಪಂ, ಖನ್ಧೇ ಪಟಿಚ್ಚ ವತ್ಥೂ’’ತಿ ಏವಮಾದಿನಾ ಚ ಏಕೇಕಸ್ಮಿಂ ತಿಕೇ ಸತ್ತಹಿ ಸತ್ತಹಿ ಮಹಾವಾರೇಹಿ ಏಕೇಕಸ್ಮಿಞ್ಚ ಮಹಾವಾರೇ ಚತೂಹಿ ಚತೂಹಿ ನಯೇಹಿ ಭಗವತಾ ವಿತ್ಥಾರತೋ ವಿಭಜಿತ್ವಾ ದೇಸಿತಾ.

ಪುಚ್ಛಾ – ತೇನಾವುಸೋ…ಪೇ… ¶ ತಿಕಪಟ್ಠಾನಾದೀಸು ಛಸು ಅನ್ತೋಗಧಪಟ್ಠಾನಾದೀಸು ಪಠಮಂ ತಿಕಪಟ್ಠಾನಂ ದೇಸೇತ್ವಾ ತದನನ್ತರಂ ದುಕಪಟ್ಠಾನಂ ಕಥಂ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ…ಪೇ… ತಿಕಪಟ್ಠಾನಾದೀಸು ಛಸು ಅನ್ತೋಗಧಪಟ್ಠಾನಾದೀಸು ಪಠಮಂ ತಿಕಪಟ್ಠಾನಂ ವಿಭಜಿತ್ವಾ ತದನನ್ತರಂ ದುಕಪಟ್ಠಾನಂ ‘‘ಹೇತುಂ ಧಮ್ಮಂ ಪಟಿಚ್ಚ ಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ, ಅಲೋಭಂ ಪಟಿಚ್ಚ ಅದೋಸೋ ಅಮೋಹೋ, ಅದೋಸಂ ಪಟಿಚ್ಚ ಅಲೋಭೋ ಅಮೋಹೋ, ಅಮೋಹಂ ಪಟಿಚ್ಚ ಅಲೋಭೋ ಅದೋಸೋ. ಲೋಭಂ ಪಟಿಚ್ಚ ಮೋಹೋ, ಮೋಹಂ ಪಟಿಚ್ಚ ಲೋಭೋ, ದೋಸಂ ಪಟಿಚ್ಚ ಮೋಹೋ, ಮೋಹಂ ಪಟಿಚ್ಚ ದೋಸೋ’’ತಿ ಏವಮಾದಿನಾ ಚ. ಸರಣಂ ಧಮ್ಮಂ ಪಟಿಚ್ಚ ಸರಣೋ ದಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ, ಸರಣಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ, ತಯೋ ಖನ್ಧೇ ಪಟಿಚ್ಚ ಏಕೋ ಖನ್ಧೋ, ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. ಸರಣಂ ಧಮ್ಮಂ ಪಟಿಚ್ಚ ಅರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ, ಸರಣೋ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. ಸರಣಂ ಧಮ್ಮಂ ಪಟಿಚ್ಚ ಸರಣೋ ಚ ಅರಣೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ಸರಣಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ, ತಯೋ ಖನ್ಧೇ ಪಟಿಚ್ಚ ಏಕೋ ಖನ್ಧೋ ಚಿತ್ತಸಮುಟ್ಠಾನಞ್ಚ ರೂಪಂ, ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ¶ ರೂಪ’’ನ್ತಿ ಏವಮಾದಿನಾ ಚ. ಏಕೇಕಸ್ಮಿಂ ದುಕೇ ಸತ್ತಹಿ ಸತ್ತಹಿ ಮಹಾವಾರೇಹಿ ಏಕೇಕಸ್ಮಿಞ್ಚ ಮಹಾವಾರೇ ಚತೂಹಿ ಚತೂಹಿ ನಯೇಹಿ ಭಗವತಾ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ಸರಣಂ ಧಮ್ಮಂ ಪಟಿಚ್ಚ ಸರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ, ಸರಣಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ, ತಯೋ ಖನ್ಧೇ ಪಟಿಚ್ಚ ಏಕೋ ಖನ್ಧೋ, ದ್ವೇ

ಪುಚ್ಛಾ – ತೇನಾವುಸೋ…ಪೇ… ತಿಕಪಟ್ಠಾನಾದೀಸು ಛಸು ಅನ್ತೋಗಧಪಟ್ಠಾನೇಸು ಪಠಮಂ ತಿಕಪಟ್ಠಾನಞ್ಚ ದುತಿಯಂ ದುಕಪಟ್ಠಾನಞ್ಚ ವಿಭಜಿತ್ವಾ ತದವಸೇಸಾನಿ ದುಕತಿಕಪಟ್ಠಾನಾದೀನಿ ಚತ್ತಾರೋ ಪಟ್ಠಾನಾನಿ ಕಥಂ ವಿಭಜಿತ್ವಾ ದೇಸಿತಾನಿ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ…ಪೇ… ತಿಕಪಟ್ಠಾನಾದೀಸು ಛಸು ಅನ್ತೋಗಧಪಟ್ಠಾನೇಸು ಪಠಮಂ ತಿಕಪಟ್ಠಾನಞ್ಚ ದುತಿಯಂ ದುಕಪಟ್ಠಾನಞ್ಚ ವಿಭಜಿತ್ವಾ ತದವಸೇಸಾ ¶ ದುಕತಿಕಪಟ್ಠಾನಾದಯೋ ‘‘ಹೇತುಂ ಕುಸಲಂ ಧಮ್ಮಂ ಪಟಿಚ್ಚ ಹೇತು ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಂ ಕುಸಲಂ ಧಮ್ಮಂ ಪಟಿಚ್ಚ ನಹೇತು ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಂ ಕುಸಲಂ ಧಮ್ಮಂ ಪಟಿಚ್ಚ ಹೇತು ಕುಸಲೋ ಚ ನಹೇತು ಕುಸಲೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ, ನಹೇತುಂ ಕುಸಲಂ ಧಮ್ಮಂ ಪಟಿಚ್ಚ ನಹೇತು ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ, ನಹೇತುಂ ಕುಸಲಂ ಧಮ್ಮಂ ಪಟಿಚ್ಚ ಹೇತು ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ, ನಹೇತುಂ ಕುಸಲಂ ಧಮ್ಮಂ ಪಟಿಚ್ಚ ಹೇತು ಕುಸಲೋ ಚ ನಹೇತು ಕುಸಲೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ’’ತಿ ಏವಮಾದಿನಾ ವಿತ್ಥಾರತೋ ವಿಭಜಿತ್ವಾ ದೇಸಿತಾನಿ.

ಪುಚ್ಛಾ – ತೇನಾವುಸೋ ¶ ಭಗವತಾ…ಪೇ… ಪಠಮಂ ಧಮ್ಮಾನುಲೋಮಪಟ್ಠಾನಂ ವಿಭಜಿತ್ವಾ ತದನನ್ತರಂ ದುತಿಯಂ ಧಮ್ಮಪಚ್ಚನೀಯಪಟ್ಠಾನಂ ಕಥಂ ವಿಭಜಿತ್ವಾ ದೇಸಿತಂ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ…ಪೇ… ಪಠಮಂ ಧಮ್ಮಾನುಲೋಮಪಟ್ಠಾನಂ ವಿಭಜಿತ್ವಾ ತದನನ್ತರಂ ದುತಿಯಂ ಧಮ್ಮಪಚ್ಚನೀಯಪಟ್ಠಾನಂ ‘‘ನಕುಸಲಂ ಧಮ್ಮಂ ಪಟಿಚ್ಚ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅಕುಸಲಾಬ್ಯಾಕತಂ ಏಕಂ ಖನ್ಧಂ ಪಟಿಚ್ಚ ಅಕುಸಲಾಬ್ಯಾಕತಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ. ತಯೋ ಖನ್ಧೇ ಪಟಿಚ್ಚ ಏಕೋ ಖನ್ಧೋ ಚಿತ್ತಸಮುಟ್ಠಾನಞ್ಚ ರೂಪಂ. ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ. ನಕುಸಲಂ ಧಮ್ಮಂ ಪಟಿಚ್ಚ ನಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತು ಪಚ್ಚಯಾ. ವಿಪಾಕಾಬ್ಯಾಕತಂ ಕಿರಿಯಾಬ್ಯಾಕತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ. ತಯೋ ಖನ್ಧೇ ಪಟಿಚ್ಚ ಏಕೋ ಖನ್ಧೋ ಚಿತ್ತಸಮುಟ್ಠಾನಞ್ಚ ರೂಪಂ. ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ¶ ರೂಪಂ. ಪಟಿಸನ್ಧಿಕ್ಖಣೇ…ಪೇ… ನಕುಸಲಂ ಧಮ್ಮಂ ಪಟಿಚ್ಚ ನಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅಕುಸಲಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ, ತಯೋ ಖನ್ಧೇ ಪಟಿಚ್ಚ ಏಕೋ ಖನ್ಧೋ, ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ’’ತಿ ಏವಮಾದಿನಾ ತಿಕಪಟ್ಠಾನಾದೀಹಿ ಛಹಿ ಅನ್ತೋಗಧಪಟ್ಠಾನೇಹಿ ಏಕೇಕಸ್ಮಿಞ್ಚ ತಿಕಪಟ್ಠಾನೇ ದುಕಪಟ್ಠಾನೇ ದುಕತಿಕಪಟ್ಠಾನೇ ತಿಕದುಕಪಟ್ಠಾನೇ ತಿಕತಿಕಪಟ್ಠಾನೇ ದುಕದುಕಪಟ್ಠಾನೇ ಸತ್ತಹಿ ಸತ್ತಹಿ ಮಹಾವಾರೇಹಿ ಏಕೇಕಸ್ಮಿಞ್ಚ ಮಹಾವಾರೇ ಚತೂಹಿ ಚತೂಹಿ ನಯೇಹಿ ಭಗವತಾ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ಪುಚ್ಛಾ – ತೇನಾವುಸೋ ¶ ಭಗವತಾ…ಪೇ… ತತಿಯಂ ಧಮ್ಮಾನುಲೋಮಪಚ್ಚನೀಯಪಟ್ಠಾನಂ ಕಥಂ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ…ಪೇ… ತತಿಯಂ ಧಮ್ಮಾನುಲೋಮಪಚ್ಚನೀಯಪಟ್ಠಾನಂ ‘‘ಕುಸಲಂ ಧಮ್ಮಂ ಪಟಿಚ್ಚ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಕುಸಲೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನರೂಪಂ. ಕುಸಲಂ ಧಮ್ಮಂ ಪಟಿಚ್ಚ ನಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಕುಸಲಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ. ತಯೋ ಖನ್ಧೇ ಪಟಿಚ್ಚ ಏಕೋ ಖನ್ಧೋ ಚಿತ್ತಸಮುಟ್ಠಾನಞ್ಚ ರೂಪಂ. ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ. ಕುಸಲಂ ಧಮ್ಮಂ ಪಟಿಚ್ಚ ನಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಕುಸಲಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ, ತಯೋ ಖನ್ಧೇ ಪಟಿಚ್ಚ ಏಕೋ ಖನ್ಧೋ, ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. ಕುಸಲಂ ಧಮ್ಮಂ ಪಟಿಚ್ಚ ನಅಕುಸಲೋ ಚ ನಅಬ್ಯಾಕತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ಕುಸಲಂ ಏಕಂ ಖನ್ಧಂ ಪಟಿಚ್ಚ ¶ ತಯೋ ಖನ್ಧಾ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. ಕುಸಲಂ ಧಮ್ಮಂ ಪಟಿಚ್ಚ ನಕುಸಲೋ ಚ ನಅಕುಸಲೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ಕುಸಲೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನರೂಪ’’ನ್ತಿ ಏವಮಾದಿನಾ ಭನ್ತೇ ತಿಕಪಟ್ಠಾನಾದೀಹಿ ಛಹಿ ಅನ್ತೋಗಧಪಟ್ಠಾನೇಹಿ ಏಕೇಕಸ್ಮಿಞ್ಚ ತಿಕಪಟ್ಠಾನೇ ದುಕಪಟ್ಠಾನೇ ತಿಕದುಕಪಟ್ಠಾನೇ ದುಕತಿಕಪಟ್ಠಾನೇ ತಿಕತಿಕಪಟ್ಠಾನೇ ದುಕದುಕಪಟ್ಠಾನೇ ಸತ್ತಹಿ ಸತ್ತಹಿ ಮಹಾವಾರೇಹಿ ಏಕೇಕಸ್ಮಿಞ್ಚ ಮಹಾವಾರೇ ಚತೂಹಿ ಚತೂಹಿ ನಯೇಹಿ ಭಗವತಾ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ಪುಚ್ಛಾ – ತೇನಾವುಸೋ ¶ ಭಗವತಾ…ಪೇ… ಧಮ್ಮಾನುಲೋಮಾದೀಸು ಪಧಾನಭೂತೇಸು ಚತೂಸು ಪಟ್ಠಾನೇಸು ಚತುತ್ಥಂ ಪರಿಯೋಸಾನಭೂತಂ ಧಮ್ಮಪಚ್ಚನೀಯಾನುಲೋಮಪಟ್ಠಾನಂ ಕಥಂ ವಿತ್ಥಾರತೋ ವಿಭಜಿತ್ವಾ ದೇಸಿತಂ.

ವಿಸ್ಸಜ್ಜನಾ – ಅಭಿಧಮ್ಮಪಿಟಕೇ ಭನ್ತೇ…ಪೇ… ಧಮ್ಮಾನುಲೋಮಪಟ್ಠಾನಾದೀಸು ಚತೂಸು ಪಧಾನಭೂತೇಸು ಮಹಾಪಟ್ಠಾನೇಸು ಚತುತ್ಥಂ ಪರಿಯೋಸಾನಭೂತಂ ಧಮ್ಮಪಚ್ಚನೀಯಾನುಲೋಮಪಟ್ಠಾನಂ ‘‘ನಕುಸಲಂ ಧಮ್ಮಂ ಪಟಿಚ್ಚ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ, ಅಕುಸಲಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ, ತಯೋ ಖನ್ಧೇ ಪಟಿಚ್ಚ ಏಕೋ ಖನ್ಧೋ, ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ. ನಕುಸಲಂ ಧಮ್ಮಂ ಪಟಿಚ್ಚ ನಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅಕುಸಲೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನರೂಪಂ, ವಿಪಾಕಾಬ್ಯಾಕತಂ ಕ್ರಿಯಾಬ್ಯಾಕತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ. ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ. ನಕುಸಲಂ ಧಮ್ಮಂ ಪಟಿಚ್ಚ ನಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ, ಅಕುಸಲಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ, ತಯೋ ಖನ್ಧೇ ಪಟಿಚ್ಚ ಏಕೋ ಖನ್ಧೋ, ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ’’ತಿ ಏವಮಾದಿನಾ ತಿಕಪಟ್ಠಾನಾದೀಹಿ ಚಾತಿ ಅನ್ತೋಗಧಪಭೇದಪಟ್ಠಾನೇಹಿ ಏಕೇಕಸ್ಮಿಞ್ಚ ತಿಕಪಟ್ಠಾನೇ ದುಕಪಟ್ಠಾನೇ ದುಕತಿಕತಿಕದುಕತಿಕತಿಕದುಕದುಕಪಟ್ಠಾನೇ ಪಟಿಚ್ಚವಾರಾದೀಹಿ ಸತ್ತಹಿ ಮಹಾವಾರೇಹಿ ಏಕೇಕಸ್ಮಿಞ್ಚ ಮಹಾವಾರೇ ಪಚ್ಚಯಾನುಲೋಮಾದೀಹಿ ಚತೂಹಿ ಚತೂಹಿ ನಯೇಹಿ ಭಗವತಾ ವಿತ್ಥಾರತೋ ವಿಭಜಿತ್ವಾ ದೇಸಿತಂ.