📜

ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ

ಅಟ್ಠಕಥಾ

ಸಂಗಾಯನಸ್ಸ ಪುಚ್ಛಾ-ವಿಸ್ಸಜ್ಜನಾ

ಸದೇವಕೋಪಿ ಚೇ ಲೋಕೋ, ಆಗನ್ತ್ವಾ ತಾಸಯೇಯ್ಯ ಮಂ;

ನ ಮೇ ಪಟಿಬಲೋ ಅಸ್ಸ, ಜನೇತುಂ ಭಯಭೇರವಂ.

ಸಚೇಪಿ ತ್ವಂ ಮಹಿಂ ಸಬ್ಬಂ, ಸಸಮುದ್ದಂ ಸಪಬ್ಬತಂ;

ಉಕ್ಖಿಪಿತ್ವಾ ಮಹಾನಾಗ, ಖಿಪೇಯ್ಯಾಸಿ ಮಮೂಪರಿ;

ನೇವ ಮೇ ಸಕ್ಕುಣೇಯ್ಯಾಸಿ, ಜನೇತುಂ ಭಯಭೇರವಂ;

ಅಞ್ಞದತ್ಥು ತವೇವಸ್ಸ, ವಿಘಾತೋ ಉರಗಾಧಿಪ.

ಮಾ ದಾನಿ ಕೋಧಂ ಜನಯಿತ್ಥ, ಇತೋ ಉದ್ಧಂ ಯಥಾ ಪುರೇ;

ಸಸ್ಸಘಾತಞ್ಚ ಮಾಕತ್ಥ, ಸುಖಕಾಮಾ ಹಿ ಪಾಣಿನೋ;

ಕರೋಥ ಮೇತ್ತಂ ಸತ್ತೇಸು, ವಸನ್ತು ಮನುಜಾ ಸುಖಂ.

ಚತ್ತಾರೋ ಆಸೀವಿಸಾ ಉಗ್ಗತೇಜಾ ಘೋರವಿಸಾತಿ ಖೋ ಭಿಕ್ಖವೇ ಚತುನ್ನೇತಂ ಮಹಾಭೂತಾನಂ ಅಧಿವಚನಂ.

ಪಞ್ಚ ವಧಕಾ ಪಚ್ಚತ್ಥಿಕಾತಿ ಖೋ ಭಿಕ್ಖವೇ ಪಞ್ಚನ್ನೇತಂ ಉಪಾದಾನಕ್ಖನ್ಧಾನಂ ಅಧಿವಚನಂ.

ಛಟ್ಠೋ ಅನ್ತರಚರೋ ವಧಕೋ ಉಕ್ಖಿತ್ತಾಸಿಕೋತಿ ಖೋ ಭಿಕ್ಖವೇ ನನ್ದೀರಾಗಸ್ಸೇತಂ ಅಧಿವಚನಂ.

ಸುಞ್ಞೋ ಗಾಮೋತಿ ಖೋ ಭಿಕ್ಖವೇ ಛನ್ನೇತಂ ಅಜ್ಝತ್ತಿಕಾನಂ ಆಯತನಾನಂ ಅಧಿವಚನಂ.

ಚೋರಾ ಗಾಮಘಾತಕಾತಿ ಖೋ ಭಿಕ್ಖವೇ ಛನ್ನೇತಂ ಬಾಹಿರಾನಂ ಆಯತನಾನಂ ಅಧಿವಚನಂ.

ಮಹಾಉದಕಣ್ಣವೋ ಖೋ ಭಿಕ್ಖವೇ ಚತುನ್ನೇತಂ ಓಘಾನಂ ಅಧಿವಚನಂ.

ಓರಿಮಂ ತೀರಂ ಸಾಸಙ್ಕಂ ಸಪ್ಪಟಿಭಯನ್ತಿ ಖೋ ಭಿಕ್ಖವೇ ಸಕ್ಕಾಯಸ್ಸೇತಂ ಅಧಿವಚನಂ.

ಪಾರಿಮಂ ತೀರಂ ಖೇಮಂ ಅಪ್ಪಟಿಭಯನ್ತಿ ಖೋ ಭಿಕ್ಖವೇ ನಿಬ್ಬಾನಸ್ಸೇತಂ ಅಧಿವಚನಂ.

ವೀರಿಯಾರಮ್ಭಸ್ಸೇತಂ ಅಧಿವಚನಂ.

ಗನ್ತ್ವಾ ಕಸ್ಮೀರಗನ್ಧಾರಂ, ಇಸಿ ಮಜ್ಝನ್ತಿಕಾ ತದಾ;

ದುಟ್ಠಂ ನಾಗಂ ಪಸಾದೇತ್ವಾ, ಮೋಚೇಸಿ ಬನ್ಧನಾ ಬಹೂ.

ಪುನಪಿ ಭನ್ತೇ ದಕ್ಖೇಮು ಸಙ್ಗತಿ ಚೇ ಭವಿಸ್ಸತಿ.

ಅಜ್ಜಾಪಿ ಸನ್ತಾನಮಯಂ, ಮಾಲಂ ಗನ್ಥೇನ್ತಿ ನನ್ದನೇ;

ದೇವಪುತ್ತೋ ಜವೋ ನಾಮ, ಯೋ ಮೇ ಮಾಲಂ ಪಟಿಚ್ಛತಿ.

ಮುಹುತ್ತೋವಿಯ ಸೋ ದಿಬ್ಬೋ, ಇಧ ವಸ್ಸಾನಿ ಸೋಳಸ;

ರತ್ತಿನ್ದಿವೋ ಚ ಸೋ ದಿಬ್ಬೋ, ಮಾನುಸಿಂ ಸರದೋ ಸತಂ.

ಇತಿ ಕಮ್ಮಾನಿ ಅನ್ವೇನ್ತಿ, ಅಸಙ್ಖೇಯ್ಯಾಪಿ ಜಾತಿಯೋ;

ಕಲ್ಯಾಣಂ ಯದಿ ವಾ ಪಾಪಂ, ನ ಹಿ ಕಮ್ಮಂ ವಿನಸ್ಸತಿ.

ಯೋ ಇಚ್ಛೇ ಪುರಿಸೋ ಹೋತುಂ, ಜಾತಿ ಜಾತಿ ಪುನಪ್ಪುನಂ;

ಪರದಾರಂ ವಿವಜ್ಜೇಯ್ಯ, ಧೋತಪಾದೋವ ಕದ್ದಮಂ.

ಯಾ ಇಚ್ಛೇ ಪುರಿಸೋ ಹೋತುಂ, ಜಾತಿ ಜಾತಿ ಪುನಪ್ಪುನಂ;

ಸಾಮಿಕಂ ಅಪಚಾಯೇಯ್ಯ, ಇನ್ದಂವ ಪರಿಚಾರಿಕಾ.

ಯೋ ಇಚ್ಛೇ ದಿಬ್ಬಭೋಗಞ್ಚ, ದಿಬ್ಬಮಾಯುಂ ಯಸಂ ಸುಖಂ;

ಪಾಪಾನಿ ಪರಿವಜ್ಜೇತ್ವಾ, ತಿವಿಧಂ ಧಮ್ಮಮಾಚರೇ.

ಯಂ ಭಿಕ್ಖವೇ ಸದೇವಕಸ್ಸ ಲೋಕಸ್ಸ ಸಮಾರಕಸ್ಸ ಸಬ್ರಹ್ಮಕಸ್ಸ ಸಸ್ಸಮಣಬ್ರಾಹ್ಮಣಿಯಾ ಪಜಾಯ ಸದೇವಮನುಸ್ಸಾಯ ದಿಟ್ಠಂ ಸುತಂ ಮುತಂ ವಿಞ್ಞಾತಂ ಪತ್ತಂ ಪರಿಯೇಸಿತಂ ಅನುವಿಚರಿತಂ ಮನಸಾ, ತಮಹಂ ಜಾನಾಮಿ ತಮಹಂ ಅಭಿಞ್ಞಾಸಿಂ, ತಂ ತಥಾಗತಸ್ಸ ವಿದಿತಂ, ತಂ ತಥಾಗತೋ ನ ಉಪಟ್ಠಾತಿ.

ಇತಿ ಖೋ ಭಿಕ್ಖವೇ ತಥಾಗತೋ ದಿಟ್ಠಸುತಮುತವಿಞ್ಞಾತಬ್ಬೇಸು ಧಮ್ಮೇಸು ತಾದೀಯೇವ ತಾದೀ, ತುಮ್ಹಾ ಚ ಪನ ತಾದಿಮ್ಹಾ ಅಞ್ಞೋ ತಾದೀ ಉತ್ತರಿತರೋ ವಾ ಪಣೀತತರೋ ವಾ ನತ್ಥೀತಿ ವದಾಮಿ.

ಸುವಣ್ಣಭೂಮಿಂ ಗನ್ತ್ವಾನ, ಸೋಣುತ್ತರಾ ಮಹಿದ್ಧಿಕಾ;

ಪಿಸಾಚೇ ನಿದ್ಧಮೇತ್ವಾನ, ಬ್ರಹ್ಮಜಾಲಮದೇಸಿಸುಂ.

ಸಮಣಾ ಮಯಂ ಮಹಾರಾಜ, ಧಮ್ಮರಾಜಸ್ಸ ಸಾವಕಾ;

ತವೇವ ಅನುಕಮ್ಪಾಯ, ಜಮ್ಬುದೀಪಾ ಇಧಾಗತಾ.

ಅಹಂ ಬುದ್ಧಞ್ಚ ಧಮ್ಮಞ್ಚ, ಸಙ್ಘಞ್ಚ ಸರಣಂ ಗತೋ,

ಉಪಾಸಕತ್ತಂ ದೇಸೇಸಿಂ, ಸಕ್ಯಪುತ್ತಸ್ಸ ಸಾಸನೇ.

ತೇನ ಸಮಯೇನ ಬುದ್ಧೋ ಭಗವಾ ವೇರಞ್ಜಾಯಂ ವಿಹರತಿ ನಳೇರುಪುಚಿ ಮನ್ದಮೂಲೇ.

ಸಗ್ಗಾರೋಹಣಸೋಪಾಣಂ, ಅಞ್ಞಂ ಸೀಲಸಮಂ ಕುತೋ;

ದ್ವಾರಂ ವಾ ಪನ ನಿಬ್ಬಾನ, ನಗರಸ್ಸ ಪವೇಸನೇ.

ಅಲಮೇವ ಕಾತುಂ ಕಲ್ಯಾಣಂ, ದಾನಂ ದಾತುಂ ಯಥಾರಹಂ;

ಪಾಣಿಂ ಕಾಮದದಂ ದಿಸ್ವಾ, ಕೋ ಪುಞ್ಞಂ ನಕರಿಸ್ಸತಿ.

ದಸ್ಸಾಮನ್ನಞ್ಚ ಪಾನಞ್ಚ, ವತ್ಥಸೇನಾಸನಾನಿ ಚ;

ಪಪಞ್ಚ ಉದಪಾನಞ್ಚ, ದುಗ್ಗೇ ಸಙ್ಕಮನಾನಿ ಚ.

ಮಹಾಅಟ್ಠಕಥಞ್ಚೇವ, ಮಹಾಪಚ್ಚರಿಮೇವಚ;

ಕುರುನ್ದಿಞ್ಚಾತಿ ತಿಸ್ಸೋಪಿ, ಸೀಹಳಟ್ಠಕಥಾ ಇಮಾ;

ಬುದ್ಧಮಿತ್ತೋತಿ ನಾಮೇನ, ವಿಸುತಸ್ಸ ಯಸಸ್ಸಿನೋ;

ವಿನಯಞ್ಞುಸ್ಸ ಧೀರಸ್ಸ, ಸುತ್ವಾ ಥೇರಸ್ಸ ಸನ್ತಿಕೇ.

ಉಪದ್ದವಾಕುಲೇ ಲೋಕೇ, ನಿರುಪದ್ದವತೋ ಅಯಂ;

ಏಕಸಂವಚ್ಛರೇನೇವ, ಯಥಾ ನಿಟ್ಠಂ ಉಪಾಗತಾ;

ಏವಂ ಸಬ್ಬಸ್ಸ ಲೋಕಸ್ಸ, ನಿಟ್ಠಂ ಧಮ್ಮೂಪಸಂಹಿತಾ;

ಸೀಘಂ ಗಚ್ಛನ್ತು ಆರಮ್ಭಾ, ಸಬ್ಬೇಪಿ ನಿರುಪದ್ದವಾ.

ಚಿರಟ್ಠಿತತ್ಥಂ ಧಮ್ಮಸ್ಸ, ಕರೋನ್ತೇನ ಮಯಾ ಇಮಂ;

ಸದ್ಧಮ್ಮಬಹುಮಾನೇನ, ಯಞ್ಚ ಪುಞ್ಞಂ ಸಮಾಚಿತಂ;

ಸಬ್ಬಸ್ಸ ಆನುಭಾವೇನ, ತಸ್ಸ ಸಬ್ಬೇಪಿ ಪಾಣಿನೋ;

ಭವನ್ತು ಧಮ್ಮರಾಜಸ್ಸ, ಸದ್ಧಮ್ಮರಸಸೇವಿನೋ.

ಚಿರಂ ತಿಟ್ಠತು ಸದ್ಧಮ್ಮೋ, ಕಾಲೇ ವಸ್ಸಂ ಚಿರಂ ಪಜಂ;

ತಪ್ಪೇತು ದೇವೋ ಧಮ್ಮೇನ, ರಾಜಾ ರಕ್ಖತು ಮೇದಿನಿಂ.

ತಾವ ತಿಟ್ಠತು ಲೋಕಸ್ಮಿಂ, ಲೋಕನಿತ್ಥರಣೇಸಿನಂ;

ದಸ್ಸೇನ್ತೀ ಕುಲಪುತ್ತಾನಂ, ನಯಂ ಸೀಲವಿಸುದ್ಧಿಯಾ;

ಯಾವ ಬುದ್ಧೋತಿ ನಾಮಮ್ಪಿ, ಸುದ್ಧಚಿತ್ತಸ್ಸ ತಾದಿನೋ;

ಲೋಕಮ್ಹಿ ಲೋಕಜೇಟ್ಠಸ್ಸ, ಪವತ್ತತಿ ಮಹೇಸಿನೋ.

ಕರುಣಾಸೀತಲಹದಯಂ, ಪಞ್ಞಾಪಜ್ಜೋತವಿಹತಮೋಹತಮಂ;

ಸನರಾಮರಲೋಕಗರುಂ, ವನ್ದೇ ಸುಗತಂ ಗತಿವಿಮುತ್ತಂ.

ಬುದ್ಧೋಪಿ ಬುದ್ಧಭಾವಂ, ಭಾವೇತ್ವಾ ಚೇವ ಸಚ್ಛಿಕತ್ವಾಚ;

ಯಂ ಉಪಗತೋ ಗತಮಲಂ, ವನ್ದೇ ತಮನುತ್ತರಂ ಧಮ್ಮಂ.

ಸುಗತಸ್ಸ ಓರಸಾನಂ, ಪುತ್ತಾನಂ ಮಾರಸೇನಮಥನಾನಂ;

ಅಟ್ಠನ್ನಮ್ಪಿ ಸಮೂಹಂ, ಸಿರಸಾ ವನ್ದೇ ಅರಿಯಸಙ್ಘಂ.

ದೀಘಸ್ಸ ದೀಘಸುತ್ತಙ್ಕಿತಸ್ಸ, ನಿಪುಣಸ್ಸ ಆಗಮವರಸ್ಸ;

ಬುದ್ಧಾನುಬುದ್ಧಸಂವಣ್ಣಿತಸ್ಸ, ಸದ್ಧಾವಹಗುಣಸ್ಸ.

ಸಮ್ಮಾಸಮ್ಬುದ್ಧೇನೇವ ಹಿ ತಿಣ್ಣಮ್ಪಿ ಪಿಟಕಾನಂ ಅತ್ಥವಣ್ಣನಾಕ್ಕಮೋ ಭಾಸಿತೋ, ಯಾಪಕಿಣ್ಣಕದೇಸನಾತಿ ವುಚ್ಚತಿ, ತತೋ ಸಂಗಾಯನಾದಿವಸೇನ ಸಾವಕೇಹೀತಿ ಆಚರಿಯಾ ವದನ್ತಿ.

ಅತ್ಥಪ್ಪಕಾಸನತ್ಥಂ, ಅಟ್ಠಕಥಾ ಆದಿತೋ ವಸಿಸತೇಹಿ;

ಪಞ್ಚಹಿ ಯಾಸಙ್ಗೀತಾ, ಅನುಸಙ್ಗೀತಾ ಚ ಪಚ್ಛಾಪಿ.

ಮಜ್ಝೇ ವಿಸುದ್ಧಿಮಗ್ಗಾ, ಏಸ ಚತುನ್ನಮ್ಪಿ ಆಗಮಾನಞ್ಹಿ;

ಠತ್ವಾ ಪಕಾಸಯಿಸ್ಸತಿ, ತತ್ಥ ಯಥಾ ಭಾಸಿತಮತ್ಥಂ;

ಇಚ್ಚೇವ ಕತೋ ತಸ್ಮಾ, ತಮ್ಪಿ ಗಹೇತ್ವಾನ ಸದ್ಧಿಮೇತಾಯ;

ಅಟ್ಠಕಥಾಯ ವಿಜಾನಾಥ, ದೀಘಾಗಮನಿಸ್ಸಿತಂ ಅತ್ಥಂ.

ಅತ್ಥಾನಂ ಸೂಚನತೋ, ಸುವುತ್ತತೋ ಸವನತೋಥಸೂದನತೋ,

ಸುತ್ತಾಣಾ ಸುತ್ತಸಭಾಗತೋಚ, ಸುತ್ತನ್ತಿ ಅಕ್ಖಾತಂ.

ಸುದುದ್ದಸಂ ಸುನಿಪುಣಂ, ಯತ್ಥಕಾಮನಿಪಾತಿನಂ;

ಚಿತ್ತಂ ರಕ್ಖೇಥ ಮೇಧಾವೀ, ಚಿತ್ತಂ ಗುತ್ತಂ ಸುಖಾವಹಂ.

ಸೋ ಏವಂ ಸಮಾಹಿತೇ ಚಿತ್ತೇ ಪರಿಸುದ್ಧೇ ಪರಿಯೋದಾತೇ ಅನಙ್ಗಣೇ ವಿಗತೂಪಕ್ಕಿಲೇಸೇ ಮುದುಭೂತೇ ಕಮ್ಮನಿಯೇ ಠಿತೇ ಆನಞ್ಜಪ್ಪತ್ತೇ ಞಾಣದಸ್ಸನಾಯ ಚಿತ್ತಂ ಅಭಿನೀಹರತಿ ಅಭಿನಿನ್ನಾಮೇತಿ –

ಯಂಹಿತಂ ಭಿಕ್ಖವೇ ಸಮ್ಮಾವದಮಾನೇ ವದೇಯ್ಯ ಸಮನ್ತಪಾಸೋ ಮಾರಸ್ಸಾತಿ, ಮಾತುಗಾಮಂಯೇವ ಸಮ್ಮಾ ವದಮಾನೋ ವದೇಯ್ಯ ಸಮನ್ತಪಾಸೋ ಮಾರಸ್ಸಾತಿ.

ಯೋ ಭಿಕ್ಖು ದಿವಸಂ ಚಙ್ಕಮೇನ ನಿಸಜ್ಜಾಯ ಚ ಆವರಣೀಯೇಹಿ ಧಮ್ಮೇಹಿ ಚಿತ್ತಂ ಪರಿಸೋಧೇತ್ವಾ.

ಇತಿ ಚಿತ್ತಕಿರಿಯವಾಯೋಧಾತುವಿಪ್ಫಾರವಸೇನ ಅಯಂ ಕಾಯಸಮ್ಮತೋ ಅಟ್ಠಿಸಙ್ಘಾತೋ ಅಭಿಕ್ಕಮತಿ.

ಕರುಣಾ ವಿಯ ಸತ್ತೇಸು, ಪಞ್ಞಾ ಯಸ್ಸ ಮಹೇಸಿನೋ;

ಞೇಯ್ಯಧಮ್ಮೇಸು ಸಬ್ಬೇಸು, ಪವತ್ತಿತ್ಥ ಯಥಾರುಚಿ.

ದಸಾಯ ತಾಯ ಸತ್ತೇಸು, ಸಮುಸ್ಸಾಹಿತಮಾನಸೋ;

ಪಾಟಿಹೀರಾವಸಾನಮ್ಹಿ, ವಸನ್ತೋ ತಿದಸಾಲಯೇ;

ಪಾರಿಚ್ಛತ್ತಕಮೂಲಮ್ಹಿ, ಪಣ್ಡುಕಮ್ಬಲನಾಮಕೇ;

ಸಿಲಾಸನೇ ಸನ್ನಿಸಿನ್ನೋ, ಆದಿಚ್ಚೋವ ಯುಗನ್ಧರೇ.

ಚಕ್ಕವಾಳಸಹಸ್ಸೇಹಿ, ದಸಾಹಾಗಮ್ಮ ಸಬ್ಬಸೋ;

ಸನ್ನಿಸಿನ್ನೇನ ದೇವಾನಂ, ಗಣೇನ ಪರಿವಾರಿತೋ;

ಮಾತರಂ ಪಮುಖಂ ಕತ್ವಾ, ತಸ್ಸಾ ಪಞ್ಞಾಯ ತೇಜಸಾ;

ಅಭಿಧಮ್ಮಕಥಾಮಗ್ಗಂ, ದೇವಾನಂ ಸಮ್ಪವತ್ತಯಿ.

ತಸ್ಸ ಪಾದೇ ನಮಸ್ಸಿತ್ವಾ, ಸಮ್ಬುದ್ಧಸ್ಸ ಸಿರೀಮತೋ;

ಸದ್ಧಮ್ಮಞ್ಚಸ್ಸ ಪೂಜೇತ್ವಾ, ಕತ್ವಾ ಸಙ್ಘಸ್ಸ ಚಞ್ಜಲಿಂ.

ಯಂ ದೇವದೇವೋ ದೇವಾನಂ, ದೇಸೇತ್ವಾ ನಯತೋ ಪುನ;

ಥೇರಸ್ಸ ಸಾರಿಪುತ್ತಸ್ಸ, ಸಮಾಚಿಕ್ಖಿ ವಿನಾಯಕೋ.

ಅನೋತತ್ತದಹೇ ಕತ್ವಾ, ಉಪಟ್ಠಾನಂ ಮಹೇಸಿನೋ;

ಯಞ್ಚ ಸುತ್ವಾನ ಸೋ ಥೇರೋ, ಆಹರಿತ್ವಾ ಮಹೀತಲಂ.

ಭಿಕ್ಖೂನಂ ಪರಿರುದಾಹಾಸಿ, ಇತಿ ಭಿಕ್ಖೂಹಿ ಧಾರಿತೋ;

ಸಙ್ಗೀತಿಕಾಲೇ ಸಂಙ್ಗೀತೋ, ವೇದೇಹಮುನಿನಾ ಪುನ.

ಯಂ ಕರೋಮಸಿ ಬ್ರಹ್ಮುನೋ, ಸಮಂ ದೇವೇಹಿ ಮಾರಿಸ;

ತದಜ್ಜ ತುಯ್ಹಂ ಕಸ್ಸಾಮ, ಹನ್ದ ಸಾಮಂ ಕರೋಮ ತೇ.

ಅತ್ಥಂ ಪಕಾಸಯಿಸ್ಸಾಮಿ, ಆಗಮಟ್ಠಕಥಾಸುಪಿ;

ಗಹೇತಬ್ಬಂ ಗಹೇತ್ವಾನ, ತೋಸಯನ್ತೋ ವಿಚಕ್ಖಣೇ.

ಇತಿಮೇ ಭಾಸಮಾನಸ್ಸ, ಅಭಿಧಮ್ಮಕಥಂ ಇಮಂ;

ಅವಿಕ್ಖಿತ್ತಾ ನಿಸಾಮೇಥ, ದುಲ್ಲಭಾಹಿಅಯಂಕಥಾ.

ಏತ್ಥೇತೇ ಪಾಪಕಾ ಅಕುಸಲಾ ಧಮ್ಮಾ ಅಪರಿಸೇಸಾ ನಿರುಜ್ಝನ್ತಿ.

ಚಕ್ಖುಂ ಚಾವುಸೋ ಪಟಿಚ್ಚ ರೂಪೇಚ ಉಪ್ಪಜ್ಜತಿ ಚಕ್ಖುವಿಞ್ಞಾಣಂ, ತಿಣ್ಣಂ ಸಙ್ಗತಿ ಫಸ್ಸೋ, ಫಸ್ಸಪಚ್ಚಯಾ ವೇದನಾ, ಯಂ ವೇದೇತಿ, ತಂ ಸಞ್ಜಾನಾತಿ. ಯಂ ಸಞ್ಜಾನಾತಿ, ತಂ ವಿತಕ್ಕೇತಿ, ಯಂ ವಿತಕ್ಕೇತಿ, ತಂ ಪಪಞ್ಚೇತಿ, ಯಂ ಪಪಞ್ಚೇತಿ, ತತೋ ನಿದಾನಂ ಪುರಿಸಂ ಪಪಞ್ಚಸಞ್ಞಾಸಙ್ಖಾ ಸಮುದಾಚರನ್ತಿ ಅತೀತಾನಾಗತಪಚ್ಚುಪ್ಪನ್ನೇಸು ಚಕ್ಖುವಿಞ್ಞೇಯ್ಯಸು ರೂಪೇಸು –

ಪುರಿಮಾ ಭಿಕ್ಖವೇ ಕೋಟಿ ನ ಪಞ್ಞಾಯತಿ ಅವಿಜ್ಜಾಯ.

ಅತ್ಥೇವ ಗಮ್ಭೀರಗತಂ ಸುದುಬ್ಬುಧಂ,

ಸಯಂ ಅಭಿಞ್ಞಾಯ ಸಹೇತುಸಮ್ಭವಂ;

ಯಥಾನುಪುಬ್ಬಂ ನಿಖಿಲೇನ ದೇಸಿತಂ,

ಮಹೇಸಿನಾ ರೂಪಗತಂವ ಪಸ್ಸತಿ.

ಅಭಿಕ್ಕಮಿಸ್ಸಾಮಿ ಪಟಿಕ್ಕಮಿಸ್ಸಾಮೀತಿ ಹಿ ಚಿತ್ತಂ ಉಪ್ಪಜ್ಜಮಾನಂ ರೂಪಂ ಸಮುಟ್ಠಾಪೇತಿ.

ನ ಅನ್ತಲಿಕ್ಖೇನ ನ ಸಮುದ್ದಮಜ್ಝೇ,

ನ ಪಬ್ಬತಾನಂ ವಿವರಂ ಪವಿಸ್ಸ;

ನ ವಿಜ್ಜತೇ ಸೋ ಜಗತಿಪ್ಪದೇಸೋ,

ಯತ್ಥಟ್ಠಿತೋ ಮುಚ್ಚೇಯ್ಯ ಪಾಪಕಮ್ಮಾ.

ಯಂ ಪತ್ತಂ ಕುಸಲಂ ತಸ್ಸ, ಆನುಭಾವೇನ ಪಾಣಿನೋ;

ಸಬ್ಬೇ ಸದ್ಧಮ್ಮರಾಜಸ್ಸ, ಞತ್ವಾ ಧಮ್ಮಂ ಸುಖಾವಹಂ;

ಪಾಪುಣನ್ತು ವಿಸುದ್ಧಾಯ, ಸುಖಾಯ ಪಟಿಪತ್ತಿಯಾ;

ಅಸೋಕಮನುಪಾಯಾಸಂ, ನಿಬ್ಬಾನಸುಖಮುತ್ತಮಂ.

ಚಿರಂ ತಿಟ್ಠತು ಸದ್ಧಮ್ಮೋ, ಧಮ್ಮೇ ಹೋನ್ತು ಸಗಾರವಾ;

ಸಬ್ಬೇಪಿ ಸತ್ತಾ ಕಾಲೇನ, ಸಮ್ಮಾ ದೇವೋ ಪವಸ್ಸತು;

ಯಥಾ ರಕ್ಖಿಂಸು ಪೋರಾಣಾ, ಸುರಾಜಾನೋ ತಥೇವಿಮಂ;

ರಾಜಾ ರಕ್ಖತು ಧಮ್ಮೇನ, ಅತ್ತನೋವ ಪಜಂಪಜಂ.

ತಾವ ತಿಟ್ಠತು ಲೋಕಸ್ಮಿಂ, ಲೋಕನಿತ್ಥರಣೇಸಿನಂ;

ದಸ್ಸೇನ್ತೀ ಕುಲಪುತ್ತಾನಂ, ನಯಂ ಪಞ್ಞಾವಿಸುದ್ಧಿಯಾ;

ಯಾವ ಬುದ್ಧೋತಿ ನಾಮಮ್ಪಿ, ಸುದ್ಧಚಿತ್ತಸ್ಸ ತಾದಿನೋ;

ಲೋಕಮ್ಹಿ ಲೋಕಜೇಟ್ಠಸ್ಸ, ಪವತ್ತತಿ ಮಹೇಸಿನೋ.

ದುತಿಯಸನ್ನಿಪಾತ

ಮಹಾಪದಾನಸುತ್ತ ಅಟ್ಠಕಥಾ

ಪುಚ್ಛಾ – ಅಟ್ಠಕಥಾ ಸಂಗೀತಿಯಾ ಆವುಸೋ ಪಠಮೇ ಸನ್ನಿಪಾತೇ ಸಕಲಾ ಚ ವಿನಯಸಂವಣ್ಣನಾ ದೀಘನಿಕಾಯೇ ಚ ಸೀಲಕ್ಖನ್ಧವಗ್ಗವಣ್ಣನಾ ಅಭಿಧಮ್ಮೇ ಚ ಧಮ್ಮಸಙ್ಗಹಸಂವಣ್ಣನಾ ಸಂಗೀತಾ ಥೇರೇಹಿ ಛಟ್ಠಸಂಗೀತಿಕಾರೇಹಿ. ಇದಾನಿ ಪನ ದುತಿಯೇ ಸನ್ನಿಪಾತೇ ದೀಘನಿಕಾಯೇ ಮಹಾವಗ್ಗವಣ್ಣನಾತೋ ಪಟ್ಠಾಯ ತದವಸೇಸಾನಂ ಯಥಾವವತ್ಥಿತಸಂವಣ್ಣನಾನಂ ಸಂಗಾಯನೋಕಾಸೋ ಅನುಪ್ಪತ್ತೋ. ತಸ್ಮಾ ಇಮಿಸ್ಸಾ ದುತಿಯಸನ್ನಿಪಾತಸಂಗೀತಿಯಾ ಪುಬ್ಬಕಿಚ್ಚವಸೇನ ಯಥಾನುಪ್ಪತ್ತಾಯ ಮಹಾವಗ್ಗೇ ಮಹಾಪದಾನಸುತ್ತಸಂವಣ್ಣನಾಯ ಪುಚ್ಛಾವಿಸ್ಸಜ್ಜನಂ ಕಾತುಂ ಸಮಾರಭಾಮ. ಮಹಾಪದಾನಸುತ್ತಸ್ಸ ಆವುಸೋ ನಿದಾನೇ ಪರಿಯಾಪನ್ನಸ್ಸ ‘‘ಕರೇರಿಕುಟಿಕಾಯ’’ನ್ತಿಪದಸ್ಸ ಅತ್ಥೋ ಕಥಂ ಅಟ್ಠಕಥಾಚರಿಯೇನ ಕಥಿತೋ.

ವಿಸ್ಸಜ್ಜನಾ – ಮಹಾಪದಾನಸುತ್ತಸ್ಸ ಭನ್ತೇ ನಿದಾನೇ ಪರಿಯಾಪನ್ನಸ್ಸ ಕರೇರಿಕುಟಿಕಾಯನ್ತಿಪದಸ್ಸ ಅತ್ಥೋ ‘‘ಕರೇರಿಕುಟಿಕಾಯ’’ನ್ತಿ ಕರೇರೀತಿ ವರುಣರುಕ್ಖಸ್ಸ ನಾಮಂ. ಕರೇರಿಮಣ್ಡಪೋ ತಸ್ಸಾ ಕುಟಿಕಾಯ ದ್ವಾರೇ ಠಿತೋ, ತಸ್ಮಾ ಕರೇರಿಕುಟಿಕಾತಿ ವುಚ್ಚತಿ. ಯಥಾ ಕೋಸಮ್ಬರುಕ್ಖಸ್ಸ ದ್ವಾರೇಠಿತತ್ತಾ ಕೋಸಮ್ಬಕುಟಿಕಾತಿ ಏವಮಾದಿನಾ ಭನ್ತೇ ಅಟ್ಠಕಥಾಚರಿಯೇನ ಕಥಿತೋ.

ಕರೇರಿಕುಟಿಕಾಯನ್ತಿ ಕರೇರೀತಿ ವರುಣರುಕ್ಖಸ್ಸ ನಾಮಂ.

ಕರೇರಿಮಣ್ಡಪೋ ತಸ್ಸಾ ಕುಟಿಕಾಯ ದ್ವಾರೇ ಠಿತೋ, ತಸ್ಮಾ ಕರೇರಿಕುಟಿಕಾತಿ ವುಚ್ಚತಿ. ಯಥಾ ಕೋಸಮ್ಬರುಕ್ಖಸ್ಸ ದ್ವಾರೇ ಠಿತತ್ತಾ ಏಕಾಸಮ್ಬಕುಟಿಕಾತಿ.

ಅನ್ತೋಜೇತವನೇ ಕಿರ ಕರೇರಿಕುಟಿ ಕೋಸಮ್ಬಕುಟಿ ಗನ್ಧಕುಟಿ ಸಲಳಾಗಾರನ್ತಿ ಚತ್ತಾರಿ ಮಹಾಗೇಹಾನಿ –

ಏಕೇಕಂ ಸತಸಹಸ್ಸಪರಿಚ್ಚಾಗೇನ ನಿಪ್ಫನ್ನಂ.

ತೇಸು ಸಲಳಾಗಾರಂ ರಞ್ಞಾ ಪಸೇನದಿನಾ ಕಾರಿತಂ.

ಪುಬ್ಬೇನಿವಾಸ

ಪುಚ್ಛಾ – ತತ್ಥೇವ ಆವುಸೋ ನಿದಾನೇ ಪುಬ್ಬೇನಿವಾಸಪಟಿಸಂಯುತ್ತಾ ಧಮ್ಮೀಕಥಾ ಉದಪಾದೀತಿವಚನಸ್ಸ ಅತ್ಥೋ ಕಥಂ ಅಟ್ಠಕಥಾಚರಿಯೇನ ಕಥಿತೋ.

ವಿಸ್ಸಜ್ಜನಾ – ತತ್ಥೇವ ಭನ್ತೇ ನಿದಾನೇ ಪುಬ್ಬೇನಿವಾಸಪಟಿಸಂಯುತ್ತಾ ಧಮ್ಮೀಕಥಾ ಉದಪಾದೀತಿ ವಚನಸ್ಸ ಅತ್ಥೋ ಪುಬ್ಬೇನಿವಾಸಪಟಿಸಂಯುತ್ತಾತಿ ಏಕಮ್ಪಿಜಾತಿಂ ದ್ವೇಪಿ ಜಾತಿಯೋತಿ ಏವಂ ನಿಬದ್ಧೇನ ಪುಬ್ಬೇನಿವುಟ್ಠಖನ್ಧಸನ್ತಾನಸಙ್ಖಾತೇನ ಪುಬ್ಬೇನಿವಾಸೇನ ಸದ್ಧಿಂ ಯೋಜೇತ್ವಾ ಪವತ್ತಿತಾ. ಧಮ್ಮೀತಿ ಧಮ್ಮಸಂಯುತ್ತಾ. ಉದಪಾದೀತಿ ಅಹೋ ಅಚ್ಛರಿಯಂ ದಸಬಲಸ್ಸ ಪುಬ್ಬೇನಿವಾಸಞಾಣಂ. ಪುಬ್ಬೇನಿವಾಸಂ ನಾಮ ಕೇ ಅನುಸ್ಸರನ್ತಿ ಕೇ ನಾನುಸ್ಸರನ್ತೀತಿ ದಿಟ್ಠಿಯಾ ಅನುಸ್ಸರನ್ತಿ, ಸಾವಕಾ ಸ ಪಚ್ಚೇಕಬುದ್ಧಾ ಚ ಬುದ್ಧಾ ಚ ಅನುಸ್ಸರನ್ತಿ. ಕತರದಿಟ್ಠಿಯೋ ಅನುಸ್ಸರನ್ತಿ. ಯೇ ಅಗ್ಗಪತ್ತಾ ಕಮ್ಮವಾದಿನೋ ತೇಪಿ ಚತ್ತಾಲೀಸಂಯೇವ ಕಪ್ಪೇ ಅನುಸ್ಸರನ್ತಿ, ನ ತತೋ ಪರನ್ತಿ ಏವಮಾದಿನಾ ಭನ್ತೇ ಅಟ್ಠಕಥಾಚರಿಯೇನ ಕಥಿತೋ.

ಪುಬ್ಬೇನಿವಾಸಪಟಿಸಂಯುತ್ತಾತಿ ಏಕಮ್ಪಿ ಜಾತಿಂ ದ್ವೇಪಿ ಜಾತಿಯೋತಿ ಏವಂ ನಿಬದ್ಧೇನ ಪುಬ್ಬೇನಿವುಟ್ಠಖನ್ಧಸನ್ತಾನಸಙ್ಖಾತೇನ ಪುಬ್ಬೇನಿವಾಸೇನ ಸದ್ಧಿಂ ಯೋಜೇತ್ವಾ ಪವತ್ತಿತಾ.

ಕಪ್ಪಪರಿಚ್ಛೇದವಾರ

ಪುಚ್ಛಾ – ತಸ್ಮಿಂ ಆವುಸೋ ಮಹಾಪದಾನಸುತ್ತೇ ಉದ್ದೇಸವಾರೇ ನವಸು ಪರಿಚ್ಛೇದವಾರೇಸು ಪಠಮೇ ಕಪ್ಪಪರಿಚ್ಛೇದವಾರೇ ಭದ್ದಕಪ್ಪೇತಿ ಪದಸ್ಸ ಅತ್ಥೋ ಅಟ್ಠಕಥಾಚರಿಯೇನ ಕಥಂ ಕಥಿತೋ.

ವಿಸ್ಸಜ್ಜನಾ – ತಸ್ಮಿಂ ಭನ್ತೇ ಮಹಾಪದಾನಸುತ್ತೇ ಉದ್ದೇಸವಾರೇ ನವಸು ಪರಿಚ್ಛೇದವಾರೇಸು ಪಠಮೇ ಕಪ್ಪಪರಿಚ್ಛೇದವಾರೇ ಭದ್ದಕಪ್ಪೇತಿ ಪದಸ್ಸ ಅತ್ಥೋ ಭದ್ದಕಪ್ಪೇತಿ ಪಞ್ಚಬುದ್ಧುಪ್ಪಾದಪಟಿಮಣ್ಡಿತತ್ತಾ ಸುನ್ದರಕಪ್ಪೇ ಸಾರಕಪ್ಪೇತಿ ಭಗವಾ ಇಮಂ ಕಪ್ಪಂ ಥೋಮೇನ್ತೋ ಏವಮಾಹ. ಯತೋ ಪಟ್ಠಾಯ ಕಿರ ಅಮ್ಹಾಕಂ ಭಗವಾ ಅಭಿನೀಹಾರೋ ಕತೋ, ಏಕಸ್ಮಿಂ ಅನ್ತರೇ ಏಕಸ್ಮಿಮ್ಪಿ ಕಪ್ಪೇ ಪಞ್ಚಬುದ್ಧಾ ನಿಬ್ಬತ್ತಾ ನಾಮ ನತ್ಥೀತಿ ಏವಮಾದಿನಾ ಭನ್ತೇ ಅಟ್ಠಕಥಾಚರಿಯೇನ ಕಥಿತೋ.

ವಿಪಸ್ಸಿಸ್ಸ ಭಿಕ್ಖವೇ ಭಗವತೋ ಇತೋ ಸೋ ಭಿಕ್ಖವೇ ಛನವುತಿಕಪ್ಪೇ ಯಂ ವಿಪಸ್ಸೀ ಭಗವಾ ಅರಹಂ ಸಮ್ಮಾಸಮ್ಬುದ್ಧೋ ಲೋಕೇ ಉದಪಾದಿ –

ಸದ್ದಕಪ್ಪೇತಿ ಪಞ್ಚಬುದ್ಧುಪ್ಪಾದಪಟಿಮಣ್ಡಿತತ್ತಾ ಸುನ್ದರಕಪ್ಪೇ ಸಾರಕಪ್ಪೇತಿ ಭಗವಾ ಇಮಂ ಕಪ್ಪಂ ಥೋಮೇನ್ತೋ ಏವಮಾಹ –

‘‘ಯತೋ ಪಟ್ಠಾಯ ಕಿರ ಅಮ್ಹಾಕಂ ಭಗವತಾಭಿನೀಹಾರೋ ಕತೋ, ಏತಸ್ಮಿಂ ಅನ್ತರೇ ಏಕಸ್ಮಿಮ್ಪಿ ಕಪ್ಪೇ ಪಞ್ಚಬುದ್ಧಾ ನಿಬ್ಬತ್ತಾ ನಾಮ ನತ್ಥಿ’’ –

ಆಯುಪರಿಚ್ಛೇದವಾರ

ಪುಚ್ಛಾ – ಚತುತ್ಥೇ ಪನಾವುಸೋ ಆಯುಪರಿಚ್ಛೇದವಾರೇ ಅಪ್ಪಂ ವಾ ಭಿಯ್ಯೋತಿ ಏತೇಸಂ ಪದಾನಂ ಅತ್ಥೋ ಕಥಂ ಅಟ್ಠಕಥಾಚರಿಯೇನ ಕಥಿತೋ.

ವಿಸ್ಸಜ್ಜನಾ – ಚತುತ್ಥೇ ಪನ ಭನ್ತೇ ಆಯುಪರಿಚ್ಛೇದವಾರೇ ಅಪ್ಪಂ ವಾ ಭಿಯ್ಯೋತಿ ಏತೇಸಂ ಪದಾನಂ ಅತ್ಥೋ ‘‘ಅಪ್ಪಂ ವಾ ಭಿಯ್ಯೋತಿ ವಸ್ಸಸತತೋ ವಾ ಉಪರಿ ಅಪ್ಪಂ, ಅಞ್ಞಂ ವಸ್ಸಸತಂ ಅಪತ್ವಾ ವೀಸಂ ವಾ ತಿಂಸಂ ವಾ ಚತ್ತಾಲೀಸಂ ವಾ ಪಣ್ಣಾಸಂ ವಾ ಸಟ್ಠಿ ವಾ ವಸ್ಸಾನಿ ಜೀವತಿ. ಏವಂ ದೀಘಾಯುಕೋ ಪನ ಅತಿದುಲ್ಲಭೋ, ಅಸುಕೋ ಕಿರ ಏವಂ ಚಿರಂ ಜೀವತೀತಿ ತತ್ಥ ತತ್ಥ ಗನ್ತ್ವಾ ದಟ್ಠಬ್ಬೋ ಹೋತೀ’’ತಿ ಏವಮಾದಿನಾ ಭನ್ತೇ ತತ್ಥ ಅಟ್ಠಕಥಾಚರಿಯೇನ ಕಥಿತೋ.

ಮಯ್ಹಂ ಭಿಕ್ಖವೇ ಏತರಹಿ ಅಪ್ಪಕಂ ಆಯುಪ್ಪಮಾಣಂ ಪರಿತ್ತಂ ಲಹುಕಂ ಯೋ ಚಿರಂ ಜೀವತಿ ಸೋ ವಸ್ಸಸತಂ ಅಪ್ಪಂ ವಾ ಭಿಯ್ಯೋ.

ಅಪ್ಪಂ ವಾ ಭಿಯ್ಯೋತಿ ವಸ್ಸಸತತೋ ವಾ ಉಪರಿ ಅಪ್ಪಂ, ಅಯ್ಯಂ ವಸ್ಸಸತಂ ಅಪತ್ವಾ ವೀಸಂ ವಾ ತಿಂಸಂ ವಾ ಚತ್ತಾಲೀಸಂವಾ ವಾ ಪಣ್ಣಾಸಂ ವಾ ಸಟ್ಠಿ ವಾ ವಸ್ಸಾನಿ ಜೀವತಿ–

ಉಪಟ್ಠಾಕಪರಿಚ್ಛೇದವಾರ

ಪುಚ್ಛಾ – ಅಟ್ಠಮೇ ಪನಾವುಸೋ ಉಪಟ್ಠಾಕಪರಿಚ್ಛೇದವಾರೇ ಆನನ್ದೋತಿಪದೇ ಕಥಂ ಅಟ್ಠಕಥಾಚರಿಯೇನ ವಣ್ಣಿತೋ.

ವಿಸ್ಸಜ್ಜನಾ – ಅಟ್ಠಮೇ ಪನ ಭನ್ತೇ ಉಪಟ್ಠಾಕಪರಿಚ್ಛೇದೇ ಪನ ಆನನ್ದೋತಿ ನಿಬದ್ಧುಪಟ್ಠಾಕಭಾವಂ ಸನ್ಧಾಯ ವುತ್ತನ್ತಿ ಏವಮಾದಿನಾ ಭನ್ತೇ ಅಟ್ಠಕಥಾಚರಿಯೇನ ವಣ್ಣಿತೋ.

ಮಯ್ಹಂ ಭಿಕ್ಖವೇ ಏತರಹಿ ಆನನ್ದೋ ನಾಮ ಭಿಕ್ಖು ಉಪಟ್ಠಾಕೋ ಅಹೋಸಿ ಅಗ್ಗುಪಟ್ಠಾಕೋ–

ಭಗವತೋಹಿ ಪಠಮಬೋಧಿಯಂ ಅನಿಬದ್ಧಾ ಉಪಟ್ಠಾಕಾ ಅಹೇಸುಂ.

ಏಕದಾ ನಾಗಸಮಾಲೋ ಪತ್ತಚೀವರಂ ಗಹೇತ್ವಾ ವಿಚರಿ.

ಇದಮೇವ ತೇ ಕಾರಣಂ ಸಲ್ಲಕ್ಖೇತ್ವಾ ನಿವಾರಯಿಮ್ಹ.

ಏಕಚ್ಚೇ ಭಿಕ್ಖೂ ಇಮಿನಾ ಮಗ್ಗೇನ ಗಚ್ಛಾಮಾತಿ ವುತ್ತೇ ಅಞ್ಞೇನ ಗಚ್ಛನ್ತಿ.

ಉಟ್ಠೇಹಿ ಆವುಸೋ ಆನನ್ದ, ಉಟ್ಠೇಹಿ ಆವುಸೋ ಆನನ್ದ.

ಕಂ ಪನೇತ್ಥ ಆನನ್ದ ಆದೀನವಂ ಪಸ್ಸಸಿ.

ಕಂ ಪನೇತ್ಥ ಆನನ್ದ ಆನಿಸಂಸಂ ಪಸ್ಸಸಿ.

ಸಮವತ್ತಕ್ಖನ್ಧೋ ಅತುಲೋ, ಸುಪ್ಪಬುದ್ಧೋ ಚ ಉತ್ತರೋ;

ಸತ್ತವಾಹೋ ವಿಜಿತಸೇನೋ, ರಾಹುಲೋ ಭವತಿ ಸತ್ತಮೋ –

ಸುತನಾ ಸಬ್ಬಕಾಮಾಚ, ಸುಚಿತ್ತಾ ಅಥ ರೋಚಿನೀ;

ರುಚಗ್ಗತೀ ಸುನನ್ದಾಚ, ಬಿಮ್ಬಾ ಭವತಿ ಸತ್ತಮಾ.

ಅನೇಕಜಾತಿಸಂಸಾರಂ, ಸನ್ಧಾವಿಸ್ಸಂ ಅನಿಬ್ಬಿಸಂ;

ಗಹಕಾರಂ ಗವೇಸನ್ತೋ, ದುಕ್ಖಾ ಜಾತಿ ಪುನಪ್ಪುನಂ;

ಗಹಕಾರಕ ದಿಟ್ಠೋಸಿ, ಪುನ ಗೇಹಂ ನ ಕಾಹಸಿ.

ಸಬ್ಬಾ ತೇ ಫಾಸುಕಾ ಭಗ್ಗಾ, ಗಹಕೂಟಂ ವಿಸಙ್ಖತಂ;

ವಿಸಙ್ಖಾರಗತಂ ಚಿತ್ತಂ, ತಣ್ಹಾನಂ ಖಯಮಜ್ಝಗಾ.

ಅಯೋಘನಹತಸ್ಸೇವ, ಜಲತೋ ಜಾತವೇದಸೋ;

ಅನುಪುಬ್ಬೂಪಸನ್ತಸ್ಸ, ಯಥಾ ನ ಞಾಞತೇ ಗತಿ;

ಏವಂ ಸಮ್ಮಾವಿಮುತ್ತಾನಂ, ಕಾಮಬನ್ಧೋಘತಾರಿನಂ;

ಪಞ್ಞಾಪೇತುಂ ಗತಿ ನತ್ಥಿ, ಪತ್ತಾನಂ ಅಚಲಂ ಸುಖಂ.

ನ ಪನ ಭಗವಾ ಮಿಲಕ್ಖುಸದಿಸೋ ಹೋತಿ ನಾಪಿ ಆಮುತ್ತಮಣಿಕುಣ್ಡಲೋ.

ತೇ ಪನ ಅತ್ತನೋ ಸಮಾನಸಣ್ಠಾನಮೇವ ಪಸ್ಸನ್ತಿ.

ನ ಖೋ ಆನನ್ದ ಏತ್ತಾವತಾ ತಥಾಗತೋ ಸಕ್ಕತೋ ವಾ ಹೋತಿ ಗರುಕತೋ ವಾ ಮಾನಿತೋ ವಾ ಪೂಜಿತೋ ವಾ ಅಪಚಿತೋ ವಾ.

ಕಸ್ಮಾ ಪನ ಭಗವಾ ಅಞ್ಞತ್ಥ ಏಕಂ ಉಮಾಪುಪ್ಫಮತ್ತಮ್ಪಿ ಗಹೇತ್ವಾ ಬುದ್ಧ ಗುಣೇ ಆವಜ್ಜೇತ್ವಾ ಕತಾಯ ಪೂಜಾಯ ಬುದ್ಧಞಾಣೇನಾಪಿ ಅಪರಿಚ್ಛಿನ್ನಂ ವಿಪಾಕಂ ವಣ್ಣೇತ್ವಾ–

ಯೋ ಖೋ ಆನನ್ದ ಭಿಕ್ಖು ವಾ ಭಿಕ್ಖುನೀ ವಾ ಉಪಾಸಕೋ ವಾ ಉಪಾಸಿಕಾ ವಾ ಧಮ್ಮಾನುಧಮ್ಮಪ್ಪಟಿಪನ್ನೋ ವಿಹರತಿ ಸಾಮೀಚಿಪ್ಪಟಿಪನ್ನೋ ಅನುಧಮ್ಮಚಾರೀ ಸೋ ತಥಾ ಗತಂ ಸಕ್ಕರೋತಿ ಗರುಕರೋತಿ ಮಾನೇತಿ ಪೂಜೇತಿ ಅಪಚಿಯತಿ ಪರಮಾಯ –

ಸಿಯಾ ಖೋ ಪನಾನನ್ದ ತುಮ್ಹಾಕಂ ಏವಮಸ್ಸ ‘ಅತೀತಸತ್ಥುಕಂ ಪಾವಚನಂ, ನತ್ಥಿ ನೋ ಸತ್ಥಾ’ತಿ.

ನ ಖೋ ಪನೇತಂ ಆನನ್ದ ಏವಂ ದಟ್ಠಬ್ಬಂ.

ಧಮ್ಮೋಪಿ ದೇಸಿತೋ ಚೇವ ಪಞ್ಞತ್ತೋಚ, ವಿನಯೋಪಿ ದೇಸಿತೋ ಚೇವ ಪಞ್ಞತ್ತೋ ಚ–

ಅಸ್ಸೋಸಿ ಖೋ ರಾಜಾ ಮಾಗಧೋ ಅಜಾತಸತ್ತು ವೇದೇಹಿಪುತ್ತೋ ಭಗವಾ ಕಿರ ಕುಸಿನಾರಾಯಂ ಪರಿನಿಬ್ಬುತೋತಿ.

ಸತ್ಥಾ ನಾಮ ಪರಿನಿಬ್ಬುತೋ, ನ ಸೋ ಸಕ್ಕಾ ಪುನ ಆಹರಿತುಂ, ಪೋಥುಜ್ಜನಿಕಸದ್ಧಾಯ ಪನ ಅಮ್ಹಾಕಂ ರಞ್ಞಾ ಸದಿಸೋ ನತ್ಥಿ, ಸಚೇ ಏಸ ಇಮಿನಾವ ನಿಯಾಮೇನ ಸುಣಿಸ್ಸತಿ, ಹದಯಮಸ್ಸ ಫಲಿಸ್ಸತಿ. ರಾಜಾ ಖೋ ಪನ ಅಮ್ಹೇಹಿ ಅನುರಕ್ಖಿತಬ್ಬೋತಿ.

ದೇವ ಅಮ್ಹೇಹಿ ಸುಪಿನಕೋ ದಿಟ್ಠೋ, ತಸ್ಸ ಪಟಿಘಾತತ್ಥಂ ತುಮ್ಹೇಹಿ ದುಕೂಲದುಪಟ್ಟಂ ನಿವಾಸೇತ್ವಾ ಯಥಾ ನಾಸಾಪುಟಮತ್ತಂ ಪಞ್ಞಾಯತಿ, ಏವಂ ಚತುಮಧುರದೋಣಿಯಾ ನಿಪಜ್ಜಿತುಂ ವಟ್ಟತೀತಿ.

ದೇವ ಮರಣತೋ ಮುಚ್ಚನಕಸತ್ತೋ ನಾಮ ನತ್ಥಿ, ಅಮ್ಹಾಕಂ ಆಯುವಡ್ಢನೋ ಚೇತಿಯಟ್ಠಾನಂ ಪುಞ್ಞಕ್ಖೇತ್ತಂ ಅಭಿಸೇಕಸಿಞ್ಚಕೋ ಸೋ ಭಗವಾ ಸತ್ಥಾ ಕುಸಿನಾರಾಯ ಪರಿನಿಬ್ಬುತೋತಿ.

ಭಗವಾ ಸಬ್ಬಞ್ಞು ನನು ಇಮಸ್ಮಿಂ ಠಾನೇ ನಿಸೀದಿತ್ವಾ ಧಮ್ಮಂ ದೇಸಯಿತ್ಥ, ಸೋಕಸಲ್ಲಂ ಮೇ ವಿನೋದಯಿತ್ಥ, ತುಮ್ಹೇ ಮಯ್ಹಂ ಸೋಕಸಲ್ಲಂ ನೀಹರಿತ್ಥ, ಅಹಂ ತುಮ್ಹಾಕಂ ಸರಣಂ ಗತೋ, ಇದಾನಿ ಪನ ಮೇ ಪಟಿವಚನಮ್ಪಿ ನ ದೇಥ ಭಗವಾತಿ.

ನನು ಭಗವಾ ಅಹಂ ಅಞ್ಞದಾ ಏವರೂಪೇ ಕಾಲೇ ತುಮ್ಹೇ ಮಹಾಭಿಕ್ಖು ಸಙ್ಘಪರಿವಾರಾ ಜಮ್ಬುದೀಪತಲೇ ಚಾರಿಕಂ ಚರಥಾತಿ ಸುಣೋಮಿ.

ಮಮ ಪರಿದೇವಿತೇನೇವ ನ ಸಿಜ್ಝತಿ, ದಸಬಲಸ್ಸ ಧಾತುಯೋ ಆಹರಾಪೇಸ್ಸಾಮೀತಿ ಏವಂ ಅಸ್ಸೋಸಿ.

ಸಚೇ ದಸ್ಸನ್ತಿ, ಸುನ್ದರಂ. ನೋ ಚೇ ದಸ್ಸನ್ತಿ, ಆಹರಣುಪಾಯೇನ ಆಹರಿಸ್ಸಾಮೀತಿ ಚತುರಙ್ಗಿನಿಂ ಸೇನಂ ಸನ್ನಯ್ಹಿತ್ವಾ ಸಯಮ್ಪಿ ನಿಕ್ಖನ್ತೋಯೇವ.

ಯಥಾ ಚ ಅಜಾತಸತ್ತು, ಏವಂ ಲಿಚ್ಛವೀ ಆದಯೋಪಿ.

ಅಮ್ಹಾಕಂ ಧಾತುಯೋ ವಾ ದೇನ್ತು, ಯುದ್ಧಂ ವಾತಿ ಕುಸಿನಾರಾನಗರಂ ಪರಿವಾರೇತ್ವಾ ಠಿತೇ ಏತಂ ಭಗವಾ ಅಮ್ಹಾಕಂ ಗಾಮಕ್ಖೇತ್ತೇಹಿ ಪಟಿವಚನಂ ಅವೋಚುಂ.

ನ ಮಯಂ ಸತ್ಥು ಸಾಸನಂ ಪಹಿಣಿಮ್ಹ, ನಾಪಿ ಗನ್ತ್ವಾ ಆನಯಿಮ್ಹ. ಸತ್ಥಾ ಪನ ಸಯಮೇವ ಆಗನ್ತ್ವಾ ಸಾಸನಂ ಪೇಸೇತ್ವಾ ಅಮ್ಹೇ ಪಕ್ಕೋಸಾಪೇಸಿ. ತುಮ್ಹೇಪಿ ಖೋ ಪನ ಯಂ ತುಮ್ಹಾಕಂ ಗಾಮಕ್ಖೇತ್ತೇ ರತನಂ ಉಪ್ಪಜ್ಜತಿ. ನ ತಂ ಅಮ್ಹಾಕಂ ದೇಥ. ಸದೇವಕೇ ಚ ಲೋಕೇ ಬುದ್ಧರತನಸಮಂ ರತನಂ ನಾಮ ನತ್ಥಿ, ಏವರೂಪಂ ಉತ್ತಮರತನಂ ಲಭಿತ್ವಾ ಮಯಂ ನದಸ್ಸಾಮ, ನ ಖೋ ಪನ ತುಮ್ಹೇಹಿಯೇವ ಮಾತುಥನತೋ ಖೀರಂ ಪೀತಂ. ಅಮ್ಹೇಹಿಪಿ ಮಾತುಥನತೋ ಖೀರಂ ಪೀತಂ, ನ ತುಮ್ಹೇಯೇವ ಪುರಿಸಾ, ಅಮ್ಹೇಪಿ ಪುರಿಸಾ. ಹೋತೂತಿ ಅಞ್ಞಮಞ್ಞಂ ಅಹಂಕಾರಂ ಕತ್ವಾ ಸಾಸನಪಟಿಸಾಸನಂ ಪೇಸೇನ್ತಿ. ಅಞ್ಞಮಞ್ಞಂ ಮಾನಗಜ್ಜಿತಂ ಗಜ್ಜನ್ತಿ.

ಏತೇ ರಾಜಾನೋ ಭಗವತೋ ಪರಿನಿಬ್ಬುತಟ್ಠಾನೇ ವಿವಾದಂ ಕರೋನ್ತಿ, ನ ಖೋ ಪನೇತಂ ಪತಿರೂಪಂ, ಅಲಂ ಇಮಿನಾ ಕಲಹೇನ, ವೂಪಸಮೇಸ್ಸಾಮಿ ನನ್ತಿ.

ಆಚರಿಯಸ್ಸ ವಿಯ ಭೋ ಸದ್ದೋ, ಆಚರಿಯಸ್ಸ ವಿಯ ಭೋ ಸದ್ದೋತಿ ಸಬ್ಬೇ ನಿರವಾ ಅಹೇಸುಂ.

(೧)

ಸುಣನ್ತು ಭೋನ್ತೋ ಮಮ ಏಕವಾಚಂ,

ಅಮ್ಹಾಕ ಬುದ್ಧೋ ಅಹು ಖನ್ತಿವಾದೋ;

ನಹಿ ಸಾಧುಯಂ ಉತ್ತಮಪುಗ್ಗಲಸ್ಸ,

ಸರೀರಭಾಗೇ ಸಿಯಾ ಸಮ್ಪಹಾರೋ.

(೨)

ಸಬ್ಬೇವ ಭೋನ್ತೋ ಸಹಿತಾ ಸಮಗ್ಗಾ,

ಸಮ್ಮೋದಮಾನಾ ಕರೋಮಟ್ಠಭಾಗೇ;

ವಿತ್ಥಾರಿಕಾ ಹೋನ್ತು, ದಿಸಾಸು ಥೂಪಾ;

ಬಹೂ ಜನಾ ಚಕ್ಖುಮತೋ ಪಸನ್ನಾ.

ನ ಹಿ ಸಾಧುಕಂ ಉತ್ತಮಪುಗ್ಗಲಸ್ಸ, ಸರೀರಭಾಗೇ ಸಿಯಾ ಸಮ್ಪಹಾರೋತಿ ನ ಹಿ ಸಾಧುಯನ್ತಿ ನ ಹಿ ಸಾಧು ಅಯಂ –

ಭಗವಾ ಸಬ್ಬಸು ಪುಬ್ಬೇ ಮಯಂ ತುಮ್ಹಾಕಂ ದ್ವತ್ತಿಂಸಮಹಾಪುರಿಸಲಕ್ಖಣಪಟಿಮಣ್ಡಿತಂ ಛಬ್ಬಣ್ಣಬುದ್ಧರಸ್ಮಿಖಚಿತಂ ಅಸೀತಿಅನುಬ್ಯಞ್ಜನಸಮುಜ್ಜಲಿತಸೋಭಂ ಸುವಣ್ಣವಣ್ಣಂ ಸರೀರಂ ಅದ್ದಸಾಮ, ಇದಾನಿ ಪನ ಸುವಣ್ಣವಣ್ಣಾವ ಧಾತುಯೋ ಅವಸಿಟ್ಠಾ ಜಾತಾ, ನಯುತ್ತಮಿದಂ ಭಗವಾ ತುಮ್ಹಾಕನ್ತಿ ಪರಿದೇವಿಂಸು.

ಕೇನ ನು ಖೋ ಸದೇವಕಸ್ಸ ಲೋಕಸ್ಸ ಕಙ್ಖಚ್ಛೇದನತ್ಥಾಯ ಚತುಸಚ್ಚಕಥಾಯ ಪಚ್ಚಯಭೂತಾ ಭಗವತೋ ದಕ್ಖಿಣದಾಠಾ ಗಹಿತಾತಿ ಓಲೋಕೇನ್ತೋ ಬ್ರಾಹ್ಮಣೇನ ಗಹಿತಾತಿ ದಿಸ್ವಾ ಬ್ರಾಹ್ಮಣೋಪಿ ದಠಾಯ ಅನುಚ್ಛವಿಕಂ ಸಕ್ಕಾರಂ ನಸಕ್ಖಿಸ್ಸತಿ ಗಣ್ಹಾಮಿ ನತ್ಥಿ ವೇಟ್ಠನ್ತರತೋ ಗಹೇತ್ವಾ ಸುವಣ್ಣಚಙ್ಕೋಟಕೇ ಠಪೇತ್ವಾ ದೇವಲೋಕಂ ನೇತ್ವಾ ಚೂಳಾಮಣಿಚೇತಿಯೇ ಪತಿಟ್ಠಪೇಸಿ –

ರಾಜಗಹೇ ಭಗವತೋ ಸರೀರಾನಂ ಥೂಪಞ್ಚ ಮಹಞ್ಚ ಅಕಾಸಿ.

ಸಮಣಸ್ಸ ಗೋತಮಸ್ಸ ಪರಿನಿಬ್ಬುತಕಾಲತೋ ಪಟ್ಠಾಯ ಬಲಕ್ಕಾರೇನ ಸಾಧುಕೀಳಿತಾಯ ಉಪದ್ದುತುಮ್ಹ, ಸಬ್ಬೇ ನೋ ಕಮ್ಮನ್ತಾ ನಟ್ಠಾತಿ.

ಮಹಾಜನೋ ಮನಂ ಪದೋಸೇತ್ವಾ ಅಪಾಯೇ ನಿಬ್ಬತ್ತೀತಿ ದಿಸ್ವಾ ಸಕ್ಕಂ ದೇವರಾಜಾನಂ ಧಾತುಆಹರಣೂಪಾಯಂ ಕಾರೇಸ್ಸಾಮಾತಿ ತಸ್ಸ ಸನ್ತಿಕಂ ಗನ್ತ್ವಾ ತಮತ್ಥಂ ಆರೋಚೇತ್ವಾ ಧಾತುಆಹರಣೂಪಾಯಂ ಕರೋಮಿ ಮಹಾರಾಜಾತಿ ಆಹಂಸು.

ಭನ್ತೇ ಪುಥುಜ್ಜನೋ ನಾಮ ಅಜಾತಸತ್ತುನಾ ಸಮೋ ಸದ್ಧೋ ನಾಮ ನತ್ಥಿ, ನ ಸೋ ಮಮ ವಚನಂ ಕರಿಸ್ಸತಿ, ಅಪಿಚ ಖೋ ಮಾರವಿಭಿಂ ಸಕಸದಿಸಂ ವಿಭಿಂಸಕಂ ದಸ್ಸೇಸ್ಸಾಮಿ ಮಹಾಸದ್ದಂ ಸಾವೇಸ್ಸಾಮಿ ಯಕ್ಖಗಾಹಕಖಿಪಿತಕಅರೋಚಕೇ ಕರಿಸ್ಸಾಮಿ, ತುಮ್ಹೇ ಅಮನುಸ್ಸಾ ಮಹಾರಾಜ ಕುಪಿತಾ ಧಾತುಯೋ ಆಹರಾಪೇಥಾತಿ ವದೇಯ್ಯಾಥ, ಏವಂ ಸೋ ಆಹರಾಪೇಸ್ಸತೀತಿ–

ಮಹಾರಾಜ ಅಮನುಸ್ಸಾ ಕುಪಿತಾ, ಧಾತುಯೋ ಆಹರಾಪೇಹೀತಿ ಭಣಿಂಸು.

ನ ತಾವ ಭನ್ತೇ ಮಯ್ಹಂ ಚಿತ್ತಂ ತುಸ್ಸತಿ, ಏವಂ ಸನ್ತೇಪಿ ಆಹರನ್ತೂತಿ ಆಹ.

ಮಹಾರಾಜ ಏಕಂ ಧಾತುನಿಧಾನಂ ಕಾತುಂ ವಟ್ಟತೀತಿ ಆಹ.

ಅನಾಗತೇ ಲಙ್ಕಾದೀಪೇ ಮಹಾವಿಹಾರೇ ಮಹಾಚೇತಿಯಮ್ಹಿ ನಿದಹಿಸ್ಸನ್ತಿ.

ಮಹಾಸಾವಕ ಚೇತೀ

ಇಮಸ್ಮಿಂ ಠಾನೇ ಯೋ ಪಾಸಾಣೋ ಅತ್ಥಿ, ಸೋ ಅನ್ತರಧಾಯತು, ಪಂಸು ಸುವಿಸುದ್ಧಾ ಹೋತು, ಉದಕಂ ಮಾ ಉಟ್ಠಹತೂತಿ ಅಧಿಟ್ಠಾಸಿ.

ಇಧ ರಾಜಾ ಕಿಂ ಕಾರೇತೀತಿ ಪುಚ್ಛನ್ತಾನಮ್ಪಿ ಮಹಾಸಾವಕಾನಂ ಚೇತಿಯಾನೀತಿ ವದನ್ತಿ.

ಮಾಲಾ ಮಾ ಮಿಲಾಯನ್ತು, ಗನ್ಧಾ ಮಾ ವಿನಸ್ಸನ್ತು, ದೀಪಾ ಮಾ ವಿಜ್ಝಾಯನ್ತೂತಿ ಅಧಿಟ್ಠಹಿತ್ವಾ ಸುವಣ್ಣಪಟ್ಟೇ ಅಕ್ಖರಾನಿ ಛಿನ್ದಾಪೇಸಿ –

ಅನಾಗತೇ ಪಿಯದೋಸೋ ನಾಮ ಕುಮಾರೋ ಛತ್ತಂ ಉಸ್ಸಾಪೇತ್ವಾ ಅಸೋಕೋ ಧಮ್ಮರಾಜಾ ಭವಿಸ್ಸತಿ, ಸೋ ಇಮಾ ಧಾತುಯೋ ವಿತ್ಥಾರಿಕಾ ಕರಿಸ್ಸತೀತಿ.

ಅನಾಗತೇ ದಲಿದ್ದರಾಜಾ ಇಮಂ ಮಣಿಂ ಗಹೇತ್ವಾ ಧಾತೂನಂ ಸಕ್ಕಾರಂ ಕರೋತೂತಿ ಅಕ್ಖರಂ ಛಿನ್ದಾಪೇಸಿ.

ತಾತ ಅಜಾತಸತ್ತುನಾ ಧಾತುನಿಧಾನಂ ಕತಂ, ಏತ್ಥ ಆರಕ್ಖಂ ಪಟ್ಠಪೇಹೀತಿ ಪಹಿಣಿ.

ಪರಿಕ್ಖೀಣೋದಾನಿ ಮೇ ಆಯೂತಿ ಅಞ್ಞಾಸಿ.

ಯೇಸಞ್ಚ ದೇವಪುತ್ತಾನಂ ಮರಣನಿಮಿತ್ತಾನಿ ಆವಿ ಭವನ್ತಿ.

ನಸ್ಸತಿ ವತ ಭೋ ಮೇ ಅಯಂ ಸಮ್ಪತ್ತೀತಿ ಭಯಾಭಿಭೂತೋ ಅಹೋಸಿ.

ಅತ್ಥಿ ನು ಖೋ ಕೋಚಿ ಸಮಣೋ ವಾ ಬ್ರಾಹ್ಮಣೋ ವಾ ಲೋಕಪಿತಾ ಮಹೋ ಮಹಾಬ್ರಹ್ಮಾವಾ, ಯೋ ಮೇ ಹದಯನಿಸ್ಸಿತಂ ಸೋಕಸಲ್ಲಂ ಸಮುದ್ಧರಿತ್ವಾ ಇಮಂ ಸಮ್ಪತ್ತಿಂ ಥಾವರಂ ಕರೇಯ್ಯಾತಿ ಓಲೋಕೇನ್ತೋ ಕಞ್ಚಿ ಅದಿಸ್ವಾ ಪುನ ಅದ್ದಸ ಮಾದಿಸಾನಂ ಸತಸಹಸ್ಸಾನಮ್ಪಿ ಉಪ್ಪನ್ನಂ ಸೋಕಸಲ್ಲಂ ಸಮ್ಮಾಸಮ್ಬುದ್ಧೋ ಉದ್ಧರಿತುಂ ಪಟಿಬಲೋತಿ.

ಅಪರಿಪಕ್ಕಂ ತಾವಸ್ಸ ಞಾಣಂ, ಕತಿಪಾಹಂ ಪನ ಅತಿಕ್ಕಮಿತ್ವಾ ಮಯಿ ಇನ್ದಸಾಲಗುಹಾಯಂ ವಿಹರನ್ತೇ ಪಞ್ಚ ಪುಬ್ಬನಿಮಿತ್ತಾನಿ ದಿಸ್ವಾ ಮರಣಭಯಭೀತೋ ದ್ವೀಸು ದೇವಲೋಕೇಸು ದೇವತಾಹಿ ಸದ್ಧಿಂ ಉಪಸಙ್ಕಮಿತ್ವಾ ಚುದ್ದಸ ಪಞ್ಹೇ ಪುಚ್ಛಿತ್ವಾ ಉಪೇಕ್ಖಾಪಞ್ಹವಿಸ್ಸಜ್ಜನಾವಸಾನೇ ಅಸೀತಿಯಾ ದೇವತಾಸಹಸ್ಸೇಹಿ ಸದ್ಧಿಂ ಸೋತಾಪತ್ತಿಫಲೇ ಪತಿಟ್ಠಹಿಸ್ಸತೀತಿ ಚಿನ್ತೇತ್ವಾ ಓಕಾಸಂ ನಾಕಾಸಿ.

ಮಮ ಪುಬ್ಬೇಪಿ ಏಕಕಸ್ಸ ಗತತ್ತಾ ಸತ್ಥಾರಾ ಓಕಾಸೋ ನಕತೋ, ಅದ್ಧಾ ಮೇ ನತ್ಥಿ ಮಗ್ಗಫಲಸ್ಸ ಉಪನಿಸ್ಸಯೋ, ಏಕಸ್ಸ ಪನ ಉಪನಿಸ್ಸಯೇ ಸತಿ ಚಕ್ಕವಾಳಪರಿಯನ್ತಾಯಪಿ ಪರಿಸಾಯ ಭಗವಾ ಧಮ್ಮಂ ದೇಸೇತಿಯೇವ. ಅವಸ್ಸಂ ಖೋ ಪನ ದ್ವೀಸು ದೇವಲೋಕೇಸು ಕಸ್ಸಚಿ ದೇವಸ್ಸ ಉಪನಿಸ್ಸಯೋ ಭವಿಸ್ಸತಿ, ತಂ ಸನ್ಧಾಯ ಸತ್ಥಾ ದಮ್ಮಂ ದೇಸೇಸ್ಸತಿ. ತಂ ಸುತ್ವಾ ಅಹಮ್ಪಿ ಅತ್ತನೋ ದೋಮನಸ್ಸಂ ವೂಪಸಮೇಸ್ಸಾಮೀತಿ.

ದ್ವೀಸು ದೇವಲೋಕೇಸು ದೇವತಾ ಗಹೇತ್ವಾ ಧುರೇನ ಪಹರನ್ತಸ್ಸ ವಿಯ ಸತ್ಥಾರಂ ಉಪಸಙ್ಕಮಿತುಂ ನಯುತ್ತಂ, ಅಯಂಪನ ಪಞ್ಚಸಿಖೋ ದಸಬಲಸ್ಸ ಉಪಟ್ಠಾಕೋ ವಲ್ಲಭೋ ಇಚ್ಛಿತಿಚ್ಛಿತಕ್ಖಣೇ ಗನ್ತ್ವಾ ಪಞ್ಹಂ ಪುಚ್ಛಿತ್ವಾ ಧಮ್ಮಂ ಸುಣಾತಿ, ಇಮಂ ಪುರತೋ ಪೇಸೇತ್ವಾ ಓಕಾಸಂ ಕಾರೇತ್ವಾ ಇಮಿನಾ ಕತೋಕಾಸೇ ಉಪಸಙ್ಕಮಿತ್ವಾ ಪಞ್ಹಂ ಪುಚ್ಛಿಸ್ಸಾಮೀತಿ ಓಕಾಸಕರಣತ್ಥಂ ಆಮನ್ತೇಸಿ.

ಏವಂ ಮಹಾರಾಜ ಹೋತು, ಭದ್ದಂ ತವ ಯೋ ತ್ವಂ ಮಂ ಏಹಿ ಮಾರಿಸ ಉಯ್ಯಾನ ಕೀಳಾದೀನಿ ವಾ ನಟಸಮಜ್ಜಾದೀನಿ ವಾ ದಸ್ಸನಾಯ ಗಚ್ಛಾಮಾತಿ ಅವತ್ವಾ ಬುದ್ಧಂ ಪಸ್ಸಿಸ್ಸಾಮ ಧಮ್ಮಂ ಸೋಸ್ಸಾಮಾತಿ ವದಸೀತಿ ದಳ್ಹತರಂ ಉಪತ್ಥಮ್ಭೇನ್ತೋ ದೇವಾನಮಿನ್ದಸ್ಸ ವಚನಂ ಪಟಿಸ್ಸುತ್ವಾ ಅನುಚರಿಯಂ ಸಹಚರಣಂ ಏಕತೋ ಗಮನಂ ಉಪಾಗಮಿ.

ವನ್ದೇ ತೇ ಪಿತರಂ ಭದ್ದೇ, ತಿಮ್ಬರುಂ ಸೂರಿಯವಚ್ಛಸೇ;

ಯೇನ ಜಾತಾಸಿ ಕಲ್ಯಾಣೀ, ಆನನ್ದಜನನೀ ಮಮ.

ಏವಂ ವುತ್ತೇ ಭಗವಾ ಪಞ್ಚಸಿಖಂ ಗನ್ಧಬ್ಬದೇವಪುತ್ತಂ ಏತದವೋಚ. ಸಂಸನ್ದತಿ ಖೋ ತೇ ಪಞ್ಚಸಿಖ ತನ್ತಿಸ್ಸರೋ ಗೀತಸ್ಸರೇನ ಗೀತಸ್ಸರೋ ಚ ತನ್ತಿಸ್ಸರೇನ, ನಚ ಪನ ತೇ ಪಞ್ಚಸಿಖ ತನ್ತಿಸ್ಸರೋ ಗೀತಸ್ಸರಂ ಅತಿವತ್ತತಿ ಗೀತಸ್ಸರೋ ಚ ತನ್ತಿಸ್ಸರಂ. ಕದಾ ಸಂಯೂಳ್ಹಾ ಪನ ತೇ ಪಞ್ಚಸಿಖ ವ್ಮಿ ಗಾಥಾ ಬುದ್ಧೂಪಸಞ್ಹಿತಾ ಧಮ್ಮೂಪಸಞ್ಹಿತಾ ಸಂಯೂಪಸಞ್ಹಿತಾ ಅರಹನ್ತೂಪಸಞ್ಹಿತಾ ಕಾಮೂಪಸಞ್ಹಿತಾತಿ –

ಭಗವತಾ ಪಞ್ಚಸಿಖಸ್ಸ ಓಕಾಸೋ ನಕತೋತಿ ದೇವತಾ ಗಹೇತ್ವಾ ತತೋವ ಪಟಿನಿವತ್ತೇಯ್ಯ. ತತೋ ಮಹಾಜಾನಿಯೋ ಭವೇಯ್ಯ, ವಣ್ಣೇ ಪನ ಕಥಿತೇ ಕತೋ ಭಗವತಾ ಪಞ್ಚಸಿಖಸ್ಸ ಓಕಾಸೋತಿ ದೇವತಾಹಿ ಸದ್ಧಿಂ ಉಪಸಙ್ಕಮಿತ್ವಾ ಪಞ್ಹಂ ಪುಚ್ಛಿತ್ವಾ ವಿಸ್ಸಜ್ಜನಾವಸಾನೇ ಅಸೀತಿಯಾ ದೇವತಾಸಹಸ್ಸೇಹಿ ಸದ್ಧಿಂ ಸೋತಾಪತ್ತಿಫಲೇ ಪತಿಟ್ಠಹಿಸ್ಸತೀತಿ ಞತ್ವಾ ವಣ್ಣಂ ಕಥೇಸಿ.

ಅಥ ಖೋ ಭಗವಾ ಸಕ್ಕಂ ದೇವಾನಮಿನ್ದಂ ಏತದವೋಚ ‘‘ಅಚ್ಛರಿಯಮಿದಂ ಆಯಸ್ಮತೋ ಕೋಸಿಯಸ್ಸ, ಅಬ್ಭುತಮಿದಂ ಆಯಸ್ಮತೋ ಕೋಸಿಯಸ್ಸ ತಾವ ಬಹುಕಿಚ್ಚಸ್ಸ ಬಹುಕರಣೀಯಸ್ಸ ಯದಿದಂ ಇಧಾಗಮನ’’ನ್ತಿ.

ಚಿರಪಟಿಕಾಹಂ ಭನ್ತೇ ಭಗವನ್ತಂ ದಸ್ಸನಾಯ ಉಪಸಙ್ಕಮಿತುಕಾಮೋ, ಅಪಿ ಚ ದೇವಾನಂ ತಾವತಿಂಸಾನಂ ಕೇಹಿಚಿ ಕೇಹಿಚಿ ಕಿಚ್ಚಕರಣೀಯೇಹಿ ಬ್ಯಾವಟೋ, ಏವಾಹಂ ನಾಸಕ್ಖಿಂ ಭಗವನ್ತಂ ದಸ್ಸನಾಯ ಉಪಸಙ್ಕಮಿತುಂ.

ತೇ ‘‘ತವ ಸನ್ತಕಾ, ಮಮ ಸನ್ತಕಾ’’ತಿ ನಿಚ್ಛೇತುಂ ಅಸಕ್ಕೋನ್ತಾ ಅಡ್ಡಂ ಕರೋನ್ತಿ, ಸಕ್ಕಂ ದೇವರಾಜಾನಂ ಪುಚ್ಛನ್ತಿ, ಸೋ ‘‘ಯಸ್ಸ ವಿಮಾನಂ ಆಸನ್ನತರಂ, ತಸ್ಸ ಸನ್ತಕಾ’’ತಿ ವದತಿ.

ಯಸ್ಸ ವಿಮಾನಂ ಓಲೋಕೇನ್ತೀ ಠಿತಾ, ತಸ್ಸ ಸನ್ತಕಾತಿ ವದತಿ.

ಇಧೇವ ಭನ್ತೇ ಕಪಿಲವತ್ಥುಸ್ಮಿಂ ಗೋಪಿಕಾ ನಾಮ ಸಕ್ಯಧೀತಾ ಅಹೋಸಿ ಬುದ್ಧೇ ಪಸನ್ನಾ ಧಮ್ಮೇ ಪಸನ್ನಾ ಸಙ್ಘೇ ಪಸನ್ನಾ ಸೀಲೇಸು ಪರಿಪೂರಕಾರಿನೀ, ಸಾ ಇತ್ಥಿತ್ತಂ ವಿರಾಜೇತ್ವಾ ಪುರಿಸತ್ತಂ ಭಾವೇತ್ವಾ ಕಾಯಸ್ಸ ಭೇದಾ ಪರಂ ಮರಣಾ ಸುಗತಿಂ ಸಗ್ಗಂ ಲೋಕಂ ಉಪಪನ್ನಾ.

ತಸ್ಸ ಧಮ್ಮಸ್ಸ ಪತ್ತಿಯಾ, ಆಗತಮ್ಹಾಸಿ ಮಾರಿಸ;

ಕತಾವಕಾಸಾ ಭಗವತಾ, ಪಞ್ಹಂ ಪುಚ್ಛೇಮು ಮಾರಿಸ.

ಪುಚ್ಛ ವಾಸವ ಮಂ ಪಞ್ಹಂ, ಯಂ ಕಿಞ್ಚಿ ಮನಸಿಚ್ಛಸಿ;

ತಸ್ಸ ತಸ್ಸೇವ ಪಞ್ಹಸ್ಸ, ಅಹಂ ಅನ್ತಂ ಕರೋಮಿ ತೇ.

ಕಿಂ ಸಂಯೋಜನಾ ನು ಖೋ ಮಾರಿಸ ದೇವಾ ಮನುಸ್ಸಾ ಅಸುರಾ ನಾಗಾ ಗನ್ಧಬ್ಬಾ ಯೇ ಚಞ್ಞೇ ಸನ್ತಿ ಪುಥುಕಾಯಾ, ತೇ ಅವೇರಾ ಅದಣ್ಡಾ ಅಸಪತ್ತಾ ಅಬ್ಯಾಪಜ್ಜಾ ವಿಹರೇಮು ಅವೇರಿನೋತಿ ಇತಿ ಚ ನೇಸಂ ಹೋತಿ. ಅಥ ಚ ಪನ ಸವೇರಾ ಸದಣ್ಡಾ ಸಸಪತ್ತಾ ಸಬ್ಯಾಪಜ್ಜಾ ವಿಹರನ್ತಿ ಸವೇರಿನೋತಿ.

ಇಸ್ಸಾಮಚ್ಛರಿಯಸಂಯೋಜನಾ ಖೋ ದೇವಾನಮಿನ್ದ ದೇವಾ ಮನುಸ್ಸಾ ಅಸುರಾ ನಾಗಾ ಗನ್ಧಬ್ಬಾ ಯೇಚಞ್ಞೇ ಸನ್ತಿ ಪುಥುಕಾಯಾ, ತೇ ಅವೇರಾ ಅದಣ್ಡಾ ಅಸಪತ್ತಾ ಅಬ್ಯಾಪಜ್ಜಾ ವಿಹರೇಮು ಅವೇರಿನೋತಿ ಇತಿ ಚ ನೇಸಂಹೋತಿ, ಅಥ ಚ ಪನ ಸವೇರಾ ಸದಣ್ಡಾ ಸಸಪತ್ತಾ ಸಬ್ಯಾಪಜ್ಜಾ ವಿಹರನ್ತಿ ಸವೇರಿನೋತಿ.

ಇಸ್ಸತೀತಿ ಇಸ್ಸಾ, ಸಾ ಪರಸಮ್ಪತ್ತೀನಂ ಉಸೂಯನಲಕ್ಖಣಾ, ತತ್ಥೇವ ಅನಭಿರತಿರಸಾ, ತತೋ ವಿಮುಖಭಾವಪಚ್ಚುಪಟ್ಠಾನಾ, ಪರಸಮ್ಪತ್ತಿ ಪದಟ್ಠಾನಾ, ಸಂಯೋಜನನ್ತಿ ದಟ್ಠಬ್ಬಾ.

ಮಚ್ಛೇರಭಾವೋ ಮಚ್ಛರಿಯಂ, ತಂಲದ್ಧಾನಂ ವಾ ಲಭಿತಬ್ಬಾನಂ ವಾ ಅತ್ತನೋ ಸಮ್ಪತ್ತೀನಂ ನಿಗೂಹನಲಕ್ಖಣಂ, ತಾಸಂಯೇವ ಪರೇಹಿ ಸಾಧಾರಣಭಾವ ಅಕ್ಖಮನರಸಂ, ಸಙ್ಕೋಚನಪಚ್ಚುಪಟ್ಠಾನಂ, ಕಟುಕಞ್ಚುಕತಾ ಪಚ್ಚುಪಟ್ಠಾನಂ ವಾ, ಅತ್ತಸಮ್ಪತ್ತಿಪದಟ್ಠಾನಂ, ಚೇತಸೋ ವಿರೂಪಭಾವೋತಿ ದಟ್ಠಬ್ಬಂ.

ಕಿಂ ವಣ್ಣೋ ಏಸೋತಿ ತಂ ತಂ ದೋಸಂ ವದನ್ತೋ ಪರಿಯತ್ತಿಞ್ಚ ಕಸ್ಸಚಿ ಕಿಞ್ಚಿ ಅದೇನ್ತೋ ದುಬ್ಬಣ್ಣೋ ಚೇವ ಏಳಮೂಗೋಚ ಹೋತಿ.

ಯಾವ ತಂ ನಪ್ಪಹೀಯತಿ, ತಾವ ದೇವಮನುಸ್ಸಾ ಅವೇರತಾದೀನಿ ಪತ್ಥಯನ್ತಾಪಿ ವೇರಾದೀನಿ ನಪರಿಮುಚ್ಚನ್ತಿಯೇವ.

ಅಥ ಖೋ ಸಕ್ಕೋ ದೇವಾನಮಿನ್ದೋ ಭಗವನ್ತಂ ಉತ್ತರಿ ಪಞ್ಹಂ ಅಪುಚ್ಛಿ–

ಇಸ್ಸಾಮಚ್ಛರಿಯಂ ಪನ ಮಾರಿಸ ಕಿಂ ನಿದಾನಂ ಕಿಂ ಸಮುದಯಂ ಕಿಂ ಜಾತಿಕಂ ಕಿಂ ಪಭವಂ, ಕಿಸ್ಮಿಂ ಸತಿ ಇಸ್ಸಾಮಚ್ಛರಿಯಂ ಹೋತಿ, ಕಿಸ್ಮಿಂ ಅಸತಿ ಇಸ್ಸಾಮಚ್ಛರಿಯಂ ನ ಹೋತೀತಿ.

ಇಸ್ಸಾಮಚ್ಛರಿಯಂ ಖೋ ದೇವಾನಮಿನ್ದ ಪಿಯಾಪ್ಪಿಯನಿದಾನಂ ಪಿಯಾಪ್ಪಿಯಸಮುದಯಂ ಪಿಯಾಪ್ಪಿಯಜಾತಿಕಂ ಪಿಯಾಪ್ಪಿಯಪಭವಂ, ಪಿಯಾಪ್ಪಿಯೇ ಸತಿ ಇಸ್ಸಾಮಚ್ಛರಿಯಂ ಹೋತಿ, ಪಿಯಾಪ್ಪಿಯೇ ಅಸತಿ ಇಸ್ಸಾಮಚ್ಛರಿಯಂ ನಹೋತೀತಿ.

ನ ಸಕ್ಕಾ ದಾತುಂ, ಕಿಲಮಿಸ್ಸತಿ ವಾ ಉಕ್ಕಣ್ಠಿಸ್ಸತಿ ವಾತಿಆದೀನಿ ವತ್ವಾ ಮಚ್ಛರಿಯಂ ಕರೋತಿ.

ಅಹೋ ವತಸ್ಸ ಏವರೂಪಂ ನ ಭವೇಯ್ಯಾತಿ ಇಸ್ಸಂ ಕರೋತಿ.

ಮಯಮ್ಪೇತಂ ಮಮಾಯನ್ತಾ ನ ಪರಿಭುಞ್ಜಾಮ, ನ ಸಕ್ಕಾ ದಾತುನ್ತಿ ಮಚ್ಛರಿಯ ಕರೋತಿ.

ಠಪೇತ್ವಾ ಮಂ ಕೋ ಅಞ್ಞೋ ಏವರೂಪಸ್ಸ ಲಾಭೀತಿ ಇಸ್ಸಂ ವಾ ಕರೋತಿ, ಯಾಚಿತೋ ತಾವಕಾಲಿಕಮ್ಪಿ ಅದದಮಾನೋ ಮಚ್ಛರಿಯಂ ವಾ ಕರೋತಿ.

ಪಿಯಾಪ್ಪಿಯಂ ಖೋ ಪನ ಮಾರಿಸ ಕಿಂನಿದಾನಂ ಕಿಂಸಮುದಯಂ ಕಿಂಜಾತಿಕಂ ಕಿಂಪಭವಂ, ಕಿಸ್ಮಿಂ ಸತಿ ಪಿಯಾಪ್ಪಿಯಂ ಹೋತಿ, ಕಿಸ್ಮಿಂ ಅಸತಿ ಪಿಯಾಪ್ಪಿಯಂ ನ ಹೋತೀತಿ.

ಪಿಯಾಪ್ಪಿಯಂ ಖೋ ದೇವಾನಮಿನ್ದ ಛನ್ದನಿದಾನಂ ಛನ್ದಸಮುದಯಂ ಛನ್ದಜಾತಿಕಂ ಛನ್ದಪಭವಂ, ಛನ್ದೇ ಸತಿ ಪಿಯಾಪ್ಪಿಯಂ ಹೋತಿ, ಛನ್ದೇ ಅಸತಿ ಪಿಯಾಪ್ಪಿಯಂ ನ ಹೋತೀತಿ.

ಛನ್ದನಿದಾನನ್ತಿಏತ್ಥ ಪರಿಯೇಸನಛನ್ದೋ, ಪಟಿಲಾಭಛನ್ದೋ, ಪರಿಭೋಗ ಛನ್ದೋ, ಸನ್ನಿಧಿಛನ್ದೋ, ವಿಸ್ಸಜ್ಜನಛನ್ದೋತಿ ಪಞ್ಚವಿಧೋ ಛನ್ದೋ.

ಇಮೇ ಮಂ ರಕ್ಖಿಸ್ಸನ್ತಿ ಗೋಪಿಸ್ಸನ್ತಿ ಮಮಾಯಿಸ್ಸನ್ತಿ ಸಮ್ಪರಿವಾರಯಿಸ್ಸನ್ತೀತಿ.

ಛನ್ದೋ ಖೋ ಪನ ಮಾರಿಸ ಕಿಂನಿದಾನೋ ಕಿಂಸಮುದಯೋ ಕಿಂಜಾತಿಕೋ ಕಿಂಪಭವೋ, ಕಿಸ್ಮಿಂ ಸತಿ ಛನ್ದೋ ಹೋತಿ, ಕಿಸ್ಮಿಂ ಅಸತಿ ಛನ್ದೋ ನಹೋತೀತಿ. ಛನ್ದೋ ಖೋ ದೇವಾನಮಿನ್ದ ವಿತಕ್ಕನಿದಾನೋ ವಿತಕ್ಕಸಮುದಯೋ ವಿತಕ್ಕಜಾತಿಕೋ ವಿತಕ್ಕಪಭವೋ, ವಿತಕ್ಕೇ ಸತಿ ಛನ್ದೋ ಹೋತಿ, ವಿತಕ್ಕೇ ಅಸತಿ ಛನ್ದೋ ನ ಹೋತೀತಿ.

ಏತ್ತಕಂ ರೂಪಸ್ಸ ಭವಿಸ್ಸತಿ, ಏತ್ತಕಂ ಸದ್ದಸ್ಸ, ಏತ್ತಕಂ ಗನ್ಧಸ್ಸ, ಏತ್ತಕಂ ರಸಸ್ಸ, ಏತ್ತಕಂ ಫೋಟ್ಠಬ್ಬಸ್ಸ ಭವಿಸ್ಸತಿ, ಏತ್ತಕಂ ಮಯ್ಹಂ ಭವಿಸ್ಸತಿ, ಏತ್ತಕಂ ಪರಸ್ಸ ಭವಿಸ್ಸತಿ, ಏತ್ತಕಂ ನಿದಹಿಸ್ಸಾಮಿ, ಏತ್ತಕಂ ಪರಸ್ಸ ದಸ್ಸಾಮೀತಿ ವವತ್ಥಾನಂ ವಿತಕ್ಕವಿನಿಚ್ಛಯೇನ ಹೋತಿ. ತೇನಾಹ ಛನ್ದೋ ಖೋ ದೇವಾನಮಿನ್ದ ವಿತಕ್ಕನಿದಾನೋತಿ.

ಕಥಂ ಪಟಿಪನ್ನೋ ಪನ ಮಾರಿಸ ಭಿಕ್ಖು ಪಪಞ್ಚಸಞ್ಞಾಸಙ್ಖಾನಿರೋಧಸಾರುಪ್ಪಗಾಮಿನಿಂ ಪಟಿಪದಂ ಪಟಿಪನ್ನೋ ಹೋತೀತಿ.

ಸೋಮನಸ್ಸಂಪಾಹಂ ದೇವಾನಮಿನ್ದ ದುವಿಧೇನ ವದಾಮಿ ಸೇವಿತಬ್ಬಂಪಿ ಅಸೇವಿತಬ್ಬಂಪಿ. ದೋಮನಸ್ಸಂಪಾಹಂ ದೇವಾನಮಿನ್ದ ದುವಿಧೇನ ವದಾಮಿ ಸೇವಿತಬ್ಬಂಪಿ ಅಸೇವಿತಬ್ಬಂಪಿ. ಉಪೇಕ್ಖಂಪಾಹಂ ದೇವಾನಮಿನ್ದ ದುವಿಧೇನ ವದಾಮಿ ಸೇವಿತಬ್ಬಂಪಿ ಅಸೇವಿತಬ್ಬಂಪಿ.

ಕಿಂ ಪನ ಭಗವತಾ ಪುಚ್ಛಿತಂ ಕಥಿತಂ ಅಪುಚ್ಛಿತಂ, ಸಾನುಸನ್ಧಿಕಂ ಅನನುಸನ್ಧಿಕನ್ತಿ.

ಪುಚ್ಛಿತಮೇವ ಕಥಿತಂ ನೋ ಅಪುಚ್ಛಿತಂ. ಸಾನುಸನ್ಧಿಕಮೇವ ನೋ ಅನನುಸನ್ಧಿಕಂ.

ಇಮೇ ಪಞ್ಚಕ್ಖನ್ಧಾ ಕಿಂ ಹೇತುಕಾತಿ ಉಪಪರಿಕ್ಖನ್ಧೋ ಅವಿಜ್ಜಾದಿಹೇತುಕಾತಿ ಪಸ್ಸತಿ.

ಅಹೋಸುಖಂ ಅಹೋಸುಖನ್ತಿ ವಾಚಂ ನಿಚ್ಛಾರಯಮಾನವಸೇನ ಉಪ್ಪಜ್ಜತಿ.

ಅಹೋದುಕ್ಖಂ ಅಹೋದುಕ್ಖನ್ತಿ ವಿಪ್ಪಲಾಪಯಮಾನಮೇವ ಉಪ್ಪಜ್ಜತಿ.

‘‘ಸೋಮನಸ್ಸಂಪಾಹಂ ದೇವಾನಮಿನ್ದ ದುವಿಧೇನ ವದಾಮಿ ಸೇವಿತಬ್ಬಂಪಿ ಅಸೇವಿತಬ್ಬಂಪೀ’’ತಿ ಇತಿಖೋ ಪನೇತಂ ವುತ್ತಂ, ಕಿಞ್ಚೇತಂ ಪಟಿಚ್ಚ ವುತ್ತಂ. ತತ್ಥ ಯಂ ಜಞ್ಞಾ ಸೋಮನಸ್ಸಂ ‘‘ಇಮಂ ಖೋ ಮೇ ಸೋಮನಸ್ಸಂ ಸೇವತೋ ಅಕುಸಲಾ ಧಮ್ಮಾ ಅಭಿವಡ್ಢನ್ತಿ, ಕುಸಲಾ ಧಮ್ಮಾ ಪರಿಹಾಯನ್ತೀ’’ತಿ, ಏವರೂಪಂ ಸೋಮನಸ್ಸಂ ನ ಸೇವಿತಬ್ಬಂ. ತತ್ಥ ಯಂ ಜಞ್ಞಾ ಸೋಮನಸ್ಸಂ ‘‘ಇಮಂ ಖೋ ಮೇ ಸೋಮನಸ್ಸಂ ಸೇವತೋ ಅಕುಸಲಾ ಧಮ್ಮಾ ಪರಿಹಾಯನ್ತಿ, ಕುಸಲಾ ಧಮ್ಮಾ ಅಭಿವಡ್ಢನ್ತೀ’’ತಿ, ಏವರೂಪಂ ಸೋಮನಸ್ಸಂ ಸೇವಿತಬ್ಬಂ. ತತ್ಥ ಯಂ ಚೇ ಸವಿತಕ್ಕಂ ಸವಿಚಾರಂ, ಯಂಚೇ ಅವಿತಕ್ಕಂ ಅವಿಚಾರಂ, ಯೇ ಅವಿತಕ್ಕೇ ಅವಿಚಾರೇ, ತೇ ಪಣೀತತರೇ. ‘‘ಸೋಮನಸ್ಸಂಪಾಹಂ ದೇವಾನಮಿನ್ದ ದುವಿಧೇನ ವದಾಮಿ ಸೇವಿತಬ್ಬಂಪಿ ಅಸೇವಿತಬ್ಬಂಪೀ’’ತಿ ಇತಿ ಯಂ ತಂ ವುತ್ತಂ, ಇದಮೇತಂ ಪಟಿಚ್ಚ ವುತ್ತಂ.

ನ ಲದ್ಧಂ ವತ ಮೇ ಸಬ್ರಹ್ಮಚಾರೀಹಿ ಸದ್ಧಿಂ ವಿಸುದ್ಧಿಪವಾರಣಂ ಪವಾರೇತುನ್ತಿ ಆವಜ್ಜತೋ ದೋಮನಸ್ಸಂ ಉಪ್ಪಜ್ಜತಿ, ಅಸ್ಸುಧಾರಾ ಪವತ್ತನ್ತಿ ಗಾಮನ್ತ ಪಬ್ಭಾರವಾಸೀ ಮಹಾಸೀವತ್ಥೇರಸ್ಸ ವಿಯ.

ಅಮ್ಹಾಕಂ ಆಚರಿಯೋ ಅಞ್ಞೇಸಂ ಅವಸ್ಸಯೋ ಹೋತಿ, ಅತ್ತನೋ ಭವಿತುಂ ನ ಸಕ್ಕೋತಿ, ಓವಾದಮಸ್ಸ ದಸ್ಸಾಮೀತಿ ಆಕಾಸೇನ ಗನ್ತ್ವಾ ವಿಹಾರಸಮೀಪೇ ಓತರಿತ್ವಾ ದಿವಾಟ್ಠಾನೇ ನಿಸಿನ್ನಂ ಆಚರಿಯಂ ಉಪಸಙ್ಕಮಿತ್ವಾ ವತ್ತಂ ದಸ್ಸೇತ್ವಾ ಏಕಮನ್ತಂ ನಿಸೀದಿ.

ಕಿಂ ಕಾರಣಾ ಆಗತೋಸಿ ಪಿಣ್ಡಪಾತಿಕಾತಿ ಆಹ.

ನ ತೇ ತುಮ್ಹಾಕಂ ಅನುಮೋದನಾಯ ಅತ್ಥೋತಿ ಆಕಾಸೇ ಉಪ್ಪತಿತ್ವಾ ಅಗಮಾಸಿ.

ಇಮಸ್ಸ ಭಿಕ್ಖುನೋ ಪರಿಯತ್ತಿಯಾ ಕಮ್ಮಂ ನತ್ಥಿ, ಮಯ್ಹಂ ಪನ ಅಙ್ಕುಸಕೋ ಭವಿಸ್ಸಾಮೀತಿ ಆಗತೋತಿ ಞತ್ವಾ ಇದಾನಿ ಓಕಾಸೋ ನ ಭವಿಸ್ಸತಿ, ಪಚ್ಚೂಸಕಾಲೇ ಗಮಿಸ್ಸಾಮೀತಿ ಪತ್ತಚೀವರಂ ಸಮೀಪೇ ಕತ್ವಾ ಸಬ್ಬಂ ದಿವಸಭಾಗಂ ಪಠಮಯಾಮ ಮಜ್ಝಿಮಯಾಮಞ್ಚ ಧಮ್ಮಂ ವಾಚೇತ್ವಾ ಪಚ್ಛಿಮಯಾಮೇ ಏಕಸ್ಮಿಂ ಥೇರೇ ಉದ್ದೇಸಂ ಗಹೇತ್ವಾ ನಿಕ್ಖನ್ತೇ ಪತ್ತಚೀವರಂ ಗಹೇತ್ವಾ ತೇನೇವ ಸದ್ಧಿಂ ನಿಕ್ಖನ್ತೋ.

ತತೋ ‘‘ನ ಮಞ್ಚೇ ಮಯ್ಹಂ ಚತೂಹಿ ಇರಿಯಾಪಥೇಹಿ ಮಗ್ಗಫಲಂ ಉಪ್ಪಜ್ಜಿಸ್ಸತಿ ಅರಹತ್ತಂ ಅಪತ್ವಾ ನೇವ ಮಞ್ಚೇ ಪಿಟ್ಠಿಂ ಪಸಾರೇಸ್ಸಾಮಿ, ನ ಪಾದೇ ಧೋವಿಸ್ಸಾಮೀತಿ ಮಞ್ಚಂ ಉಸ್ಸಾಪೇತ್ವಾ ಠಪೇಸಿ.

ಇದಾನಿ ಮೇ ತಿಂಸವಸ್ಸಾನಿ ಸಮಣಧಮ್ಮಂ ಕರೋನ್ತಸ್ಸ, ನಾಸಕ್ಖಿಂ ಅರಹತ್ತಂ ಪಾಪುಣಿತುಂ, ಅದ್ಧಾ ಮೇ ಇಮಸ್ಮಿಂ ಅತ್ತಭಾವೇ ಮಗ್ಗೋವಾ ಫಲಂವಾ ನತ್ಥಿ, ನ ಮೇ ಲದ್ಧಂ ಸಬ್ರಹ್ಮಚಾರೀಹಿ ಸದ್ಧಿಂ ವಿಸುದ್ಧಿಪವಾರಣಂ ಪವಾರೇತುನ್ತಿ ಚಿನ್ತೇಸಿ.

ಭೋ ಮಹಾಸೀವತ್ಥೇರ ದೇವತಾಪಿ ತಯಾ ಸದ್ಧಿಂ ಕೇಳಿಂ ಕರೋನ್ತಿ, ಅನುಚ್ಛವಿಕಂ ನು ಖೋ ತೇ ಏತನ್ತಿ ವಿಪಸ್ಸನಂ ವಡ್ಢೇತ್ವಾ ಸಹ ಪಟಿಸಮ್ಭಿದಾಹಿ ಅರಹತ್ತಂ ಅಗ್ಗಹೇಸಿ. ಸೋ ಇದಾನಿ ನಿಪಜ್ಜಿಸ್ಸಾಮೀತಿ ಸೇನಾಸನಂ ಪಟಿಜಗ್ಗಿತ್ವಾ ಮಞ್ಚಕಂ ಪಞ್ಞಪೇತ್ವಾ ಉದಕಟ್ಠಾನೇ ಉದಕಂ ಪಚ್ಚುಪಟ್ಠಪೇತ್ವಾ ಪಾದೇ ಧೋವಿಸ್ಸಾಮೀತಿ ಸೋಪಾನಫಲಕೇ ನಿಸೀದಿ.

ಅಪೇಥ ಭನ್ತೇ ಮಾತುಗಾಮೋತಿ ಓಕಾಸಂ ಕಾರೇತ್ವಾ ಥೇರಂ ಉಪಸಙ್ಕಮಿತ್ವಾ ವನ್ದಿತ್ವಾ ಪುರತೋ ಉಕ್ಕುಟಿಕೋ ನಿಸೀದಿತ್ವಾ ಪಾದೇ ಧೋವಿಸ್ಸಾಮೀತಿ ಆಹ.

ತೇ ಪಣೀತತರಾ ದೇವಾ,

ಅಕನಿಟ್ಠಾ ಯಸಸ್ಸಿನೋ;

ಅನ್ತಿಮೇ ವತ್ತಮಾನಮ್ಹಿ,

ಸೋ ನಿವಾಸೋ ಭವಿಸ್ಸತಿ;

ಧಮ್ಮದಾಯಾದಾ ಮೇ ಭಿಕ್ಖವೇ ಭವಥ, ಮಾ ಆಮಿಸದಾಯಾದಾ, ಅತ್ಥಿ ಮೇ ತುಮ್ಹೇಸು ಅನುಕಮ್ಪಾ, ಕಿನ್ತಿ ಮೇ ಸಾವಕಾ ಧಮ್ಮದಾಯಾದಾ ಭವೇಯ್ಯುಂ, ನೋ ಆಮಿಸದಾಯಾದಾತಿ. ತುಮ್ಹೇ ಚ ಭಿಕ್ಖವೇ ಆಮಿಸದಾಯಾದಾ ಭವೇಯ್ಯಾಥ, ನೋ ಧಮ್ಮದಾಯಾದಾ. ತುಮ್ಹೇಪಿ ತೇನ ಆದಿಯಾ ಭವೇಯ್ಯಾಥ, ಆಮಿಸ ದಾಯಾದಾ ಸತ್ಥುಸಾವಕಾ ವಿಹರನ್ತಿ, ನೋ ಧಮ್ಮದಾಯಾದಾತಿ. ಅಹಮ್ಪಿತೇನ ಆದಿಯೋ ಭವೇಯ್ಯಂ ಆಮಿಸದಾಯಾದಾ ಸತ್ಥು ಸಾವಕಾ ವಿಹರನ್ತಿ, ನೋ ಧಮ್ಮದಾಯಾದಾತಿ. ತುಮ್ಹೇ ಚ ಮೇ ಭಿಕ್ಖವೇ ಧಮ್ಮದಾಯಾದಾ ಭವೇಯ್ಯಾಥ ನೋ ಆಮಿಸದಾಯಾದಾ. ತುಮ್ಹೇಪಿ ತೇನ ಆದಿಯಾ ಭವೇಯ್ಯಾಥ ಧಮ್ಮದಾಯಾದಾ ಸತ್ಥು ಸಾವಕಾ ವಿಹರನ್ತಿ, ನೋ ಆಮಿಸದಾಯಾದಾತಿ. ಅಹಮ್ಪಿ ತೇನ ನ ಆದಿಯೋ ಭವೇಯ್ಯಂ. ಧಮ್ಮದಾಯಾದಾ ಸತ್ಥು ಸಾವಕಾ ವಿಹರನ್ತಿ, ನೋ ಆಮಿಸದಾಯಾದಾತಿ. ತಸ್ಮಾತಿಹ ಮೇ ಭಿಕ್ಖವೇ ಧಮ್ಮದಾಯಾದಾ ಭವಥ, ಮಾ ಆಮಿಸದಾಯಾದಾ, ಅತ್ಥಿಮೇ ತುಮ್ಹೇಸು ಅನುಕಮ್ಪಾ, ಕಿನ್ತಿ ಮೇ ಸಾವಕಾ ಧಮ್ಮದಾಯಾದಾ ಭವೇಯ್ಯುಂ, ನೋ ಆಮಿಸದಾಯಾದಾತಿ.

ಕಹಂ ಬುದ್ಧೋ ಕಹಂ ಭಗವಾ ಕಹಂ ದೇವದೇವೋ ನರಾಸಭೋ ಪುರಿಸಸೀಹೋತಿ ಭಗವನ್ತಂ ಪರಿಯೇಸನ್ತಿ.

ವುತ್ತಮ್ಪಿಚೇತಂ ‘‘ತೇನ ಖೋ ಪನ ಸಮಯೇನ ಭಗವಾ ಸಕ್ಕತೋ ಹೋತಿ ಗರುಕತೋ ಮಾನಿತೋ ಪೂಜಿತೋ ಅಪಚಿತೋ ಲಾಭೀ ಚೀವರ ಪಿಣ್ಡಪಾತಸೇನಾಸನಗಿಲಾನಪಚ್ಚಯಭೇಸಜ್ಜಪರಿಕ್ಖಾರಾನಂ, ಭಿಕ್ಖುಸಙ್ಘೋಪಿ ಖೋ ಸಕ್ಕತೋ ಹೋತಿ…ಪೇ… ಪರಿಕ್ಖಾರಾನ’’ನ್ತಿ.

ಯಾವತಾ ಖೋ ಚುನ್ದ ಏತರಹಿ ಸಙ್ಘೋ ವಾ ಗಣೋ ವಾ ಲೋಕೇ ಉಪ್ಪನ್ನೋ, ನಾಹಂ ಚುನ್ದ ಅಞ್ಞಂ ಏಕಸಙ್ಘಮ್ಪಿ ಸಮನುಪಸ್ಸಾಮಿ, ಏವಂ ಲಾಭಗ್ಗ ಯಸಗ್ಗಪತ್ತಂ, ಯಥರಿವ ಚುನ್ದ ಭಿಕ್ಖುಸಙ್ಘೋತಿ.

ಅಮ್ಹಾಕಂ ಆಚರಿಯಸ್ಸ ದೇಥ, ಉಪಜ್ಝಾಯಸ್ಸ ದೇಥಾತಿ ಉಚ್ಚಾಸದ್ದ ಮಹಾಸದ್ದಂ ಕರೋನ್ತಿ. ಸಾ ಚ ನೇಸಂ ಪವತ್ತಿ ಭಗವತೋಪಿ ಪಾಕಟಾ ಅಹೋಸಿ. ತತೋ ಭಗವಾ ಅನನುಚ್ಛವಿಕನ್ತಿ ಧಮ್ಮಸಂವೇಗಂ ಉಪ್ಪಾದೇತ್ವಾ ಚಿನ್ತೇಸಿ.

ಪಚ್ಚಯಾ ಅಕಪ್ಪಿಯಾತಿ ನ ಸಕ್ಕಾ ಸಿಕ್ಖಾಪದಂ ಪಞ್ಞಪೇತುಂ. ಪಚ್ಚಯಪಟಿಬದ್ಧಾ ಹಿ ಕುಲಪುತ್ತಾನಂ ಸಮಣಧಮ್ಮವುತ್ತಿ. ಹನ್ದಾಹಂ ಧಮ್ಮದಾಯಾದಪಟಿಪದಂ ದೇಸೇಮಿ.

ಸಾ ಸಿಕ್ಖಾಕಾಮಾನಂ ಕುಲಪುತ್ತಾನಂ ಸಿಕ್ಖಾಪದಪಞ್ಞತ್ತಿ ವಿಯ ಭವಿಸ್ಸತಿ ನಗರದ್ವಾರೇ ಠಪಿತಸಬ್ಬಕಾಯಿಕಆದಾಸೋ ವಿಯ ಚ, ಯಥಾ ಹಿ ನಗರ ದ್ವಾರೇ ಠಪಿತೇ ಸಬ್ಬಕಾಯಿಕೇ ಆದಾಸೇ ಚತ್ತಾರೋ ವಣ್ಣಾ ಅತ್ತನೋ ಛಾಯಂ ದಿಸ್ವಾ ವಜ್ಜಂ ಪಹಾಯ ನಿದ್ದೋಸಾ ಹೋನ್ತಿ.

ಸೋ ಹಿ ಬ್ರಾಹ್ಮಣ ಭಗವಾ ಅನುಪ್ಪನ್ನಸ್ಸ ಮಗ್ಗಸ್ಸ ಉಪ್ಪಾದೇತಾ, ಅಸಞ್ಜಾತಸ್ಸ ಮಗ್ಗಸ್ಸ ಸಞ್ಜನೇತಾ, ಅನಕ್ಖಾತಸ್ಸ ಮಗ್ಗಸ್ಸ ಅಕ್ಖಾತಾ, ಮಗ್ಗಞ್ಞೂ ಮಗ್ಗವಿದೂ ಮಗ್ಗಕೋವಿದೋತಿಚ. ಸೋ ಹಾವುಸೋ ಭಗವಾ ಜಾನಂ ಜಾನಾತಿ, ಪಸ್ಸಂ ಪಸ್ಸತಿ ಚಕ್ಖುಭೂತೋ ಞಾಣಭೂತೋ ಧಮ್ಮಭೂತೋ ಬ್ರಹ್ಮಭೂತೋ ವತ್ತಾ ಪವತ್ತಾ ಅತ್ಥಸ್ಸ ನಿನ್ನೇತಾ ಅಮತಸ್ಸ ದಾತಾ ಧಮ್ಮಸ್ಸಾಮೀ ತಥಾಗತೋತಿಚ, ….

ಪಣೀತೇನ ಖಾದನೀಯೇನ ಭೋಜನೀಯೇನ ಸಹತ್ಥಾ ಸನ್ತಪ್ಪೇಸಿ ಸಮ್ಪವಾರೇಸಿ.

ಅರೇ ತ್ವಂ ಸುಗತಾತಿರಿತ್ತಮ್ಪಿ ಪಿಣ್ಡಪಾತಂ ಪಟಿಕ್ಖಿಪಿತ್ವಾ ಈದಿಸಂ ಇಚ್ಛಂ ಉಪ್ಪಾದೇಸಿ.

ದುಬ್ಭರೋ ಭಿಕ್ಖು ನ ಸಕ್ಕಾ ಪೋಸಿತುಂ.

ಅಮ್ಹಾಕಂ ಭದನ್ತೋ ಸುಭರೋ ಥೋಕೇನಪಿ ತುಸ್ಸತಿ, ಮಯಮೇವ ನಂ ಪೋಸಿಸ್ಸಾಮಾತಿ ಪಟಿಞ್ಞಂ ಕತ್ವಾ ಪೋಸೇನ್ತಿ.

‘‘ಅರೇ ತ್ವಂ ನಾಮ ತದಾ ಸುಗತಾತಿರಿತ್ತಮ್ಪಿ ಪಿಣ್ಡಪಾತಂ ಪಟಿಕ್ಖಿಪಿತ್ವಾ ತಥಾ ಜಿಘಚ್ಛಾದುಬ್ಬಲ್ಯಪರೇತೋಪಿ ಸಮಣಧಮ್ಮಂ ಕತ್ವಾ ಅಜ್ಜ ಕೋಸಜ್ಜಮನುಯುಞ್ಜಸಿ’’ –

ಯಾ ಚ ಖೋ ಆನನ್ದಕಥಾ ಅಭಿಸಲ್ಲೇಖಿತಾ ಚೇತೋವಿನೀವರಣಸಪ್ಪಾಯಾ ಏಕನ್ತನಿಬ್ಬಿದಾಯ ವಿರಾಗಾಯ ನಿರೋಧಾಯ ಉಪಸಮಾಯ ಅಭಿಞ್ಞಾಯ ಸಮ್ಬೋಧಾಯ ನಿಬ್ಬಾನಾಯ ಸಂವತ್ತತಿ. ಸೇಯ್ಯಥಿದಂ ಅಪ್ಪಿಚ್ಛಕಥಾತಿ …,.

ಇದಮವೋಚ ಭಗವಾ, ಇದಂ ವತ್ವಾನ ಸುಗತೋ ಉಟ್ಠಾಯಾಸನಾ ವಿಹಾರಂ ಪಾವಿಸಿ.

ಇಮಂ ಮಯಾ ಸಂಖಿತ್ತೇನ ಉದ್ದೇಸಂ ಉದ್ದಿಟ್ಠಂ ವಿತ್ಥಾರೇನ ಅವಿಭತ್ತಂ, ಧಮ್ಮಪಟಿಗ್ಗಾಹಕಾ ಭಿಕ್ಖೂ ಉಗ್ಗಹೇತ್ವಾ ಆನನ್ದಂ ವಾ ಕಚ್ಚಾನಂ ವಾ ಉಪಸಙ್ಕಮಿತ್ವಾ ಪುಚ್ಛಿಸ್ಸನ್ತಿ, ತೇ ಮಯ್ಹಂ ಞಾಣೇನ ಸಂಸನ್ದೇತ್ವಾ ಕಥೇಸ್ಸನ್ತಿ, ತತೋ ಧಮ್ಮಪಟಿಗ್ಗಾಹಕಾ ಪುನ ಮಂ ಪುಚ್ಛಿಸ್ಸನ್ತಿ, ತೇಸಂ ಅಹಂ ಸುಕಥಿತಂ ಭಿಕ್ಖವೇ ಆನನ್ದೇನ, ಸುಕಥಿತಂ ಕಚ್ಚಾನೇನ, ಮಂ ಚೇಪಿ ತುಮ್ಹೇ ಏಕಮತ್ಥಂ ಪುಚ್ಛೇಯ್ಯಾಥ, ಅಹಮ್ಪಿ ನಂ ಏವಮೇವ ಬ್ಯಾಕರೇಯ್ಯನ್ತಿ.

ಚೂಳಗೋಸಿಙ್ಗಸುತ್ತ

ಏವಂ ಮೇ ಸುತಂ ಏಕಂ ಸಮಯಂ ಭಗವಾ ನಾತಿಕೇ ವಿಹರತಿ ಗಿಞ್ಜಕಾವಸಥೇ, ತೇನ ಖೋ ಪನ ಸಮಯೇನ ಆಯಸ್ಮಾ ಚ ಅನುರುದ್ಧೋ ಆಯಸ್ಮಾ ಚ ನನ್ದಿಯೋ ಆಯಸ್ಮಾ ಚ ಕಿಮಿಲೋ ಗೋಸಿಙ್ಗಸಾಲವನದಾಯೇ ವಿಹರನ್ತಿ. ಅಥಖೋ ಭಗವಾ ಸಾಯನ್ಹಸಮಯಂ ಪಟಿಸಲ್ಲಾನಾ ವುಟ್ಠಿತೋ ಯೇನ ಗೋಸಿಙ್ಗಸಾಲವನದಾಯೋ, ತೇನುಪಸಙ್ಕಮಿ. ಅದ್ದಸಾ ಖೋ ದಾಯಪಾಲೋ ಭಗವನ್ತಂ ದೂರತೋವ ಆಗಚ್ಛನ್ತಂ. ದಿಸ್ವಾನ ಭಗವನ್ತಂ ಏತದವೋಚ ‘‘ಮಾ ಮಹಾಸಮಣ ಏತಂ ದಾಯಂ ಪಾವಿಸಿ, ಸನ್ತೇತ್ಥ ತಯೋ ಕುಲಪುತ್ತಾ ಅತ್ತಕಾಮರೂಪಾ ವಿಹರನ್ತಿ, ಮಾ ತೇಸಂ ಅಫಾಸುಕಮಕಾಸೀ’’ತಿ.

ಅಹಂ ಇಮೇ ಕುಲಪುತ್ತೇ ಪಗ್ಗಣ್ಹಿತ್ವಾ ಉಕ್ಕಂಸಿತ್ವಾ ಪಟಿಸನ್ಥಾರಂ ಕತ್ವಾ ಧಮ್ಮಂ ನೇಸಂ ದೇಸೇಸ್ಸಾಮೀತಿ.

ಅಸ್ಸೋಸಿ ಖೋ ಆಯಸ್ಮಾ ಅನುರುದ್ಧೋ ದಾಯಪಾಲಸ್ಸ ಭಗವತಾ ಸದ್ಧಿಂ ಮನ್ತಯಮಾನಸ್ಸ. ಸುತ್ವಾನ ದಾಯಪಾಲಂ ಏತದವೋಚ, ಮಾ ಆವುಸೋ ದಾಯಪಾಲ ಭಗವನ್ತಂ ವಾರೇಸಿ, ಸತ್ಥಾ ನೋ ಭಗವಾ ಅನುಪ್ಪತ್ತೋತಿ.

ಮಯಂ ತಯೋ ಜನಾ ಇಧ ವಿಹರಾಮ, ಅಞ್ಞೇ ಪಬ್ಬಜಿತಾ ನಾಮ ನತ್ಥಿ, ಅಯಞ್ಚ ದಾಯಪಾಲೋ ಪಬ್ಬಜಿತೇನ ವಿಯ ಸದ್ಧಿಂ ಕಥೇತಿ, ಕೋ ನು ಖೋ ಭವಿಸ್ಸತೀತಿ.

ಅಯಂ ದಾಯಪಾಲೋ ಫಣಕತಂ ಆಸಿವಿಸಂ ಗೀವಾಯ ಗಹೇತುಂ ಹತ್ಥಂ ಪಸಾರೇನ್ತೋವಿಯ ಲೋಕೇ ಅಗ್ಗಪುಗ್ಗಲೇನ ಸದ್ಧಿಂ ಕಥೇನ್ತೋವ ನ ಜಾನಾತಿ, ಅಞ್ಞತರಭಿಕ್ಖುನಾ ವಿಯ ಸದ್ಧಿಂ ಕಥೇತೀತಿ.

ಮಯಂ ತಯೋ ಜನಾ ಸಮಗ್ಗವಾಯಂ ವಸಾಮ. ಸಚಾಹಂ ಏಕಕೋವ ಪಚ್ಚುಗ್ಗಮನಂ ಕರಿಸ್ಸಾಮಿ. ಸಮಗ್ಗವಾಸೋ ನಾಮ ನ ಭವಿಸ್ಸತೀತಿ ಪಿಯಮಿತ್ತೇ ಗಹೇತ್ವಾವ ಪಚ್ಚುಗ್ಗಮನಂ ಕರಿಸ್ಸಾಮಿ. ಯಥಾ ಚ ಭಗವಾ ಮಯ್ಹಂ ಪಿಯೋ, ಏವಂ ಸಹಾಯಾನಮ್ಪಿ ಮೇ ಪಿಯೋತಿ, ತೇಹಿ ಸದ್ಧಿಂ ಪಚ್ಚುಗ್ಗಮನಂ ಕಾತುಕಾಮೋ ಸಯಂ ಅಕತ್ವಾವ ಉಪಸಙ್ಕಮಿ.

ತಸ್ಸ ಮಯ್ಹಂ ಭನ್ತೇ ಏವಂ ಹೋತಿ, ಯಂ ನೂನಾಹಂ ಸಕಂ ಚಿತ್ತಂ ನಿಕ್ಖಿಪಿತ್ವಾ ಇಮೇಸಂಯೇವ ಆಯಸ್ಮನ್ತಾನಂ ಚಿತ್ತಸ್ಸ ವಸೇನ ವತ್ತೇಯ್ಯನ್ತಿ. ಸೋ ಖೋ ಅಹಂ ಭನ್ತೇ ಸಕಂ ಚಿತ್ತಂ ನಿಕ್ಖಿಪಿತ್ವಾ ಇಮೇಸಂಯೇವ ಆಯಸ್ಮನ್ತಾನಂ ಚಿತ್ತಸ್ಸ ವಸೇನ ವತ್ತಾಮಿ, ನಾನಾಹಿ ಖೋ ನೋ ಭನ್ತೇ ಕಾಯಾ ಏಕಞ್ಚ ಪನ ಮಞ್ಞೇ ಚಿತ್ತನ್ತಿ.

ಸಾಧು ಸಾಧು ಅನುರುದ್ಧಾ, ಕಚ್ಚಿ ಪನ ವೋ ಅನುರುದ್ಧಾ ಅಪ್ಪಮತ್ತಾ ಆತಾಪಿನೋ ಪಹಿತತ್ತಾ ವಿಹರಥಾತಿ.

ತಗ್ಘ ಮಯಂ ಭನ್ತೇ ಅಪ್ಪಮತ್ತಾ ಆತಾಪಿನೋ ಪಹಿತತ್ತಾ ವಿಹರಾಮಾತಿ.

ಯಥಾ ಕಥಂ ಪನ ತುಮ್ಹೇ ಅನುರುದ್ಧಾ ಅಪ್ಪಮತ್ತಾ ಆತಾಪಿನೋ ಪಹಿತತ್ತಾ ವಿಹರಥಾತಿ.

ಅತ್ಥಿ ಪನ ವೋ ಅನುರುದ್ಧಾ ಏವಂ ಅಪ್ಪಮತ್ತಾನಂ ಆತಾಪೀನಂ ಪಹಿತತ್ತಾನಂ ವಿಹರನ್ತಾನಂ ಉತ್ತರಿಮನುಸ್ಸಧಮ್ಮಾ ಅಲಮರಿಯಞಾಣದಸ್ಸನವಿಸೇಸೋ ಅಧಿಗತೋ ಫಾಸುವಿಹಾರೋತಿ.

ಕಿಂ ಹಿ ನೋ ಸಿಯಾ ಭನ್ತೇ. ಇಧ ಮಯಂ ಭನ್ತೇ ಯಾವದೇವ ಆಕಙ್ಖಾಮ, ವಿವಿಚ್ಚೇವ ಕಾಮೇಹಿ ವಿವಿಚ್ಚ ಅಕುಸಲೇಹಿ ಧಮ್ಮೇಹಿ ಸವಿತಕ್ಕಂ ಸವಿಚಾರಂ ವಿವೇಕಜಂ ಪೀತಿಸುಖಂ ಪಠಮಂ ಝಾನಂ ಉಪಸಮ್ಪಜ್ಜ ವಿಹರಾಮ, ಅಯಂ ಖೋ ನೋ ಭನ್ತೇ ಅಮ್ಹಾಕಂ ಅಪ್ಪಮತ್ತಾನಂ ಆತಾಪೀನಂ ಪಹಿತತ್ತಾನಂ ವಿಹರನ್ತಾನಂ ಉತ್ತರಿಮನುಸ್ಸಧಮ್ಮಾ ಅಲಮರಿಯಞಾಣದಸ್ಸನವಿಸೇಸೋ ಅಧಿಗತೋ ಫಾಸುವಿಹಾರೋತಿ.

ಸಗಾಥಾವಗ್ಗಸಂಯುತ್ತ ಅಟ್ಠಕಥಾ

ಯಕ್ಖಸಂಯುತ್ತ

ಆಳವಕಸುತ್ತ

ಏವಂ ಮೇ ಸುತಂ ಏಕಂ ಸಮಯಂ ಭಗವಾ ಆಳವಿಯಂ ವಿಹರತಿ ಆಳವಕಸ್ಸ ಯಕ್ಖಸ್ಸ ಭವನೇ.

ನಾಸಕ್ಖಿ ಮಿಗಂ ಗಹೇತುನ್ತಿ ಅಪವಾದಮೋಚನತ್ಥಂ ಕಾಜೇನಾದಾಯ ಆಗಚ್ಛನ್ತೋ ನಗರಸ್ಸಾವಿದೂರೇ ಬಹಲಪತ್ತಪಲಾಸಂ ಮಹಾನಿಗ್ರೋಧಂ ದಿಸ್ವಾ ಪರಿಸ್ಸಮವಿನೋದನತ್ಥಂ ತಸ್ಸ ಮೂಲಮುಪಗತೋ.

ಯೇ ಯೇ ವಜ್ಜಾ ಹೋನ್ತಿ, ತೇ ತೇ ಸನ್ಧಾಯ ‘‘ಯೋ ಜೀವಿತತ್ಥಿಕೋ, ಸೋ ನಿಕ್ಖಮತೂ’’ತಿ ಭಣತಿ.

ರಾಜಾ ಚೋರೇ ಗಹೇತ್ವಾ ಯಕ್ಖಸ್ಸ ದೇತೀತಿ ಮನುಸ್ಸಾ ಚೋರಕಮ್ಮ ತೋ ಪಟಿವಿರತಾ. ತತೋ ಅಪರೇನ ಸಮಯೇನ ನವಚೋರಾನಂ ಅಭಾವೇನ ಪುರಾಣಚೋರಾನಞ್ಚ ಪರಿಕ್ಖಯೇನ ಬನ್ಧನಾಗಾರಾನಿ ಸುಞ್ಞಾನಿ ಅಹೇಸುಂ.

ರಾಜಾ ಅಮ್ಹಾಕಂ ಪಿತರಂ ಅಮ್ಹಾಕಂ ಪಿತಾಮಹಂ ಪೇಸೇತೀತಿ ಮನುಸ್ಸಾ ಖೋಭಂ ಕರಿಸ್ಸನ್ತಿ, ಮಾ ವೋ ಏತಂ ರುಚ್ಚೀತಿ ವಾರೇಸಿ.

ನತ್ಥಿ ದೇವ ನಗರೇ ದಾರಕೋ ಠಪೇತ್ವಾ ಅನ್ತೇಪುರೇ ತವ ಪುತ್ತಂ ಆಳವಕಕುಮಾರನ್ತಿ.

ಅಥ ಖೋ ಆಳವಕೋ ಯಕ್ಖೋ ಯೇನ ಭಗವಾ ತೇನುಪಸಙ್ಕಮಿ, ಉಪಸಙ್ಕಮಿತ್ವಾ ಭಗವನ್ತಂ ಏತದವೋಚ ನಿಕ್ಖಮ ಸಮಣಾತಿ. ಸಾಧಾವುಸೋತಿ ಭಗವಾ ನಿಕ್ಖಮಿ. ಪವಿಸ ಸಮಣಾತಿ. ಸಾಧಾವುಸೋತಿ ಭಗವಾ ಪಾವಿಸಿ. ದುತಿಯಮ್ಪಿ ಖೋ ಓಳವಕೋ ಯಕ್ಖೋ ಭಗವನ್ತಂ ಏತದವೋಚ ನಿಕ್ಖಮ ಸಮಣಾತಿ. ಸಾಧಾವುಸೋತಿ ಭಗವಾ ನಿಕ್ಖಮಿ. ಪವಿಸ ಸಮಣಾತಿ. ಸಾಧಾವುಸೋತಿ ಭಗವಾ ಪಾವಿಸಿ. ತತಿಯಮ್ಪಿ ಖೋ ಆಳವಕೋ ಯಕ್ಖೋ ಭಗವನ್ತಂ ಏತದವೋಚ ನಿಕ್ಖಮ ಸಮಣಾತಿ. ಸಾಧಾವುಸೋತಿ ಭಗವಾ ನಿಕ್ಖಮಿ. ಪವಿಸ ಸಮಣಾತಿ. ಸಾಧಾವುಸೋತಿ ಭಗವಾ ಪಾವಿಸಿ. ಚತುತ್ಥಮ್ಪಿ ಖೋ ಆಳವಕೋ ಯಕ್ಖೋ ಭಗವನ್ತಂ ಏತದವೋಚ ನಿಕ್ಖಮ ಸಮಣಾತಿ. ನ ಖ್ವಾಹಂ ತಂ ಆವುಸೋ ನಿಕ್ಖಮಿಸ್ಸಾಮಿ. ಯಂ ತೇ ಕರಣೀಯಂ, ತಂ ಕರೋಹೀತಿ. ಪಞ್ಹಂ ತಂ ಸಮಣ ಪುಚ್ಛಿಸ್ಸಾಮಿ, ಸಚೇ ಮೇ ನ ಬ್ಯಾಕರಿಸ್ಸಸಿ, ಚಿತ್ತಂ ವಾ ತೇ ಖಿಪಿಸ್ಸಾಮಿ, ಹದಯಂ ವಾ ತೇ ಫಾಲೇಸ್ಸಾಮಿ, ಪಾದೇಸು ವಾ ಗಹೇತ್ವಾ ಪಾರಗಙ್ಗಾಯ ಖಿಪಿಸ್ಸಾಮೀತಿ. ನ ಖ್ವಾಹಂ ತಂ ಆವುಸೋ ಪಸ್ಸಾಮಿ ಸದೇವಕೇ ಲೋಕೇ ಸಮಾರಕೇ ಸಬ್ರಹ್ಮಕೇ ಸಸ್ಸಮಣಬ್ರಾಹ್ಮಣಿಯಾ ಪಜಾಯ ಸದೇವಮನುಸ್ಸಾಯ, ಯೋ ಮೇ ಚಿತ್ತಂ ವಾ ಖಿಪೇಯ್ಯ ಹದಯಂ ವಾ ಫಾಲೇಯ್ಯ ಪಾದೇಸು ವಾ ಗಹೇತ್ವಾ ಪಾರಗಙ್ಗಾಯ ಖಿಪೇಯ್ಯ. ಅಪಿಚ ತ್ವಂ ಆವುಸೋ ಪುಚ್ಛ ಯದಾ ಕಙ್ಖಸೀತಿ.

ಕೋ ಸೋ ಭಗವಾನಾಮ, ಯೋ ಮಮ ಭವನಂ ಪವಿಟ್ಠೋತಿ ಆಹ.

ನ ತ್ವಂ ಆವುಸೋ ಜಾನಾಸಿ ಭಗವನ್ತಂ ಅಮ್ಹಾಕಂ ಸತ್ಥಾರಂ, ಯೋ ತುಸಿತಭವನೇ ಠಿತೋ ಪಞ್ಚಮಹಾವಿಲೋಕಿತಂ ವಿಲೋಕೇತ್ವಾತಿಆದಿನಾ ನಯೇನ ಯಾವ ದಮ್ಮಚಕ್ಕಪವತ್ತನಾ ಕಥೇನ್ತಾ ಪಟಿಸನ್ಧಿಆದೀಸು ದ್ವತ್ತಿಂಸಪುಬ್ಬನಿಮಿತ್ತಾನಿ ವತ್ವಾ ಇಮಾನಿಪಿ ತ್ವಂ ಆವುಸೋ ಅಚ್ಛರಿಯಾನಿ ನಾದ್ದಸಾತಿ ಚೋದೇಸುಂ.

ಪಸ್ಸಥ ದಾನಿ ತುಮ್ಹಾಕಂ ವಾ ಸತ್ಥಾ ಮಹಾನುಭಾವೋ, ಅಹಂ ವಾತಿ ದಕ್ಖಿಣಪಾದೇನ ಸಟ್ಠಿಯೋಜನಮತ್ತಂ ಕೇಲಾಸಪಬ್ಬತಕೂಟಂ ಅಕ್ಕಮಿ.

ಯಂ ನೂನಾಹಂ ಕೇನಚಿ ಅಜೇಯ್ಯಂ ದುಸ್ಸಾವುಧಂ ಮುಞ್ಚೇಯ್ಯನ್ತಿ.

ಇದಂ ಕಾರಣಂ ಮೇತ್ತಾವಿಹಾರಯುತ್ತೋ ಸಮಣೋ, ಹನ್ದ ನಂ ರೋಸೇತ್ವಾ ಮೇತ್ತಾಯ ವಿಯೋಜೇಮೀತಿ ಇಮಿನಾ ಸಮ್ಬನ್ಧೇನೇತಂ ವುತ್ತಂ, ಅಥ ಖೋ ಆಳವಕೋ ಯಕ್ಖೋ ಯೇನ ಭಗವಾ…ಪೇ… ನಿಕ್ಖಮ ಸಮಣಾತಿ.

‘‘ಸುಬ್ಬಚೋ ವತಾಯಂ ಸಮಣೋ ಏಕವಚನೇನೇವ ನಿಕ್ಖನ್ತೋ, ಏವಂ ನಾಮ ನಿಕ್ಖಮೇತುಂ ಸುಖಂ ಸಮಣಂ ಅಕಾರಣೇನೇವಾಹಂ ಸಕಲರತ್ತಿಂ ಯುದ್ಧೇನ ಅಬ್ಭುಯ್ಯಾಸಿನ್ತಿ ಮುದುಚಿತ್ತೋ ಹುತ್ವಾ ಪುನ ಚಿನ್ತೇಸಿ –

ಸುಬ್ಬಚೋ ಅಯಂ ಸಮಣೋ ನಿಕ್ಖಮಾತಿ ವುತ್ತೋ ನಿಕ್ಖಮತಿ. ಪವಿಸಾತಿ ವುತ್ತೋ ಪವಿಸತಿ. ಯಂನೂನಾಹಂ ಇಮಂ ಸಮಣಂ ಏವಮೇವ ಸಕಲರತ್ತಿಂ ಕಿಲಮೇತ್ವಾ ಪಾದೇ ಗಹೇತ್ವಾ ಪಾರಗಙ್ಗಾಯ ಖಿಪೇಯ್ಯನ್ತಿ ಪಾಪಕಂ ಚಿತ್ತಂ ಉಪ್ಪಾದೇತ್ವಾ ಚತುತ್ಥವಾರಂ ಆಹ ನಿಕ್ಖಮ ಸಮಣಾತಿ.

ಕಿಂ ಸೂಧ ವಿತ್ತಂ ಪುರಿಸಸ್ಸ ಸೇಟ್ಠಂ,

ಕಿಂಸು ಸುಚಿಣ್ಣಂ ಸುಖಮಾವಹಾತಿ;

ಕಿಂಸು ಹವೇ ಸಾದುತರಂ ರಸಾನಂ,

ಕಥಂ ಜೀವಿಂ ಜೀವಿತಮಾಹು ಸೇಟ್ಠನ್ತಿ;

ಸದ್ಧೀಧ ವಿತ್ತಂ ಪುರಿಸಸ್ಸ ಸೇಟ್ಠಂ,

ಧಮ್ಮೋ ಸುಚಿಣ್ಣೋ ಸುಖಮಾವಹಾತಿ;

ಸಚ್ಚಂ ಹವೇ ಸಾದುತರಂ ರಸಾನಂ,

ಪಞ್ಞಾಜೀವಿಂ ಜೀವಿತಮಾಹು ಸೇಟ್ಠನ್ತಿ.

ಸದ್ಧೋ ಸೀಲೇನ ಸಮ್ಪನ್ನೋ,

ಯಸೋ ಭೋಗಸಮಪ್ಪಿತೋ;

ಯಂ ಯಂ ಪದೇಸಂ ಭಜತಿ,

ತತ್ಥ ತತ್ಥೇವ ಪೂಜಿತೋತಿ ವಚನತೋ –

ಸಚ್ಚೇನ ವಾಚೇನುದಕಮ್ಪಿ ಧಾವತಿ,

ವಿಸಮ್ಪಿ ಸಚ್ಚೇನ ಹನನ್ತಿ ಪಣ್ಡಿತಾ;

ಸಚ್ಚೇನ ದೇವೋ ಥನಯಂ ಪವಸ್ಸತಿ,

ಸಚ್ಚೇ ಠಿತಾ ನಿಬ್ಬುತಿಂ ಪತ್ಥಯನ್ತಿ.

ಯೇಕೇಚಿಮೇ ಅತ್ಥಿ ರಸಾ ಪಥಬ್ಯಾ,

ಸಚ್ಚಂ ತೇಸಂ ಸಾದುತರಂ ರಸಾನಂ;

ಸಚ್ಚೇ ಠಿತಾ ಸಮಣಬ್ರಾಹ್ಮಣಾ ಚ,

ತರನ್ತಿ ಜಾತಿಮರಣಸ್ಸ ಪಾರನ್ತಿ.

ಕಥಂಸು ತರತಿ ಓಘಂ, ಕಥಂಸು ತರತಿ ಅಣ್ಣವಂ;

ಕಥಂಸು ದುಕ್ಖಮಚ್ಚೇತಿ, ಕಥಂಸು ಪರಿಸುಜ್ಝತಿ.

ಸದ್ಧಾಯ ತರತಿ ಓಘಂ, ಅಪ್ಪಮಾದೇನ ಅಣ್ಣವಂ;

ವೀರಿಯೇನ ದುಕ್ಖಮಚ್ಚೇತಿ, ಪಞ್ಞಾಯ ಪರಿಸುಜ್ಝತಿ.

ಕಥಂಸು ಲಭತೇ ಪಞ್ಞಂ, ಕಥಂಸು ವಿನ್ದತೇ ಧನಂ;

ಕಥಂಸು ಕಿತ್ತಿಂ ಪಪ್ಪೋತಿ, ಕಥಂ ಮಿತ್ತಾನಿ ಗನ್ಥತಿ;

ಅಸ್ಮಾ ಲೋಕಾ ಪರಂ ಲೋಕಂ, ಕಥಂ ಪೇಚ್ಚ ನ ಸೋಚತೀತಿ–

ಸದ್ದಹಾನೋ ಅರಹತಂ, ಧಮ್ಮಂ ನಿಬ್ಬಾನಪತ್ತಿಯಾ;

ಸುಸ್ಸೂಸಂ ಲಭತೇ ಪಞ್ಞಂ, ಅಪ್ಪಮತ್ತೋ ವಿಚಕ್ಖಣೋ.

ಪತಿರೂಪಕಾರೀ ಧುರವಾ, ಉಟ್ಠಾತಾ ವಿನ್ದತೇ ಧನಂ;

ಸಚ್ಚೇನ ಕಿತ್ತಿಂ ಪಪ್ಪೋತಿ, ದದಂ ಮಿತ್ತಾನಿ ಗನ್ಥತಿ.

ಅಸ್ಮಾ ಲೋಕೋ ಪರಂ ಲೋಕಂ, ಏವಂ ಪೇಚ್ಚ ನ ಸೋಚತಿ.

ಯಸ್ಸೇತೇ ಚತುರೋ ಧಮ್ಮಾ,

ಸದ್ಧಸ್ಸ ಘರಮೇಸಿನೋ;

ಸಚ್ಚಂ ದಮ್ಮೋ ಧಿತಿ ಚಾಗೋ,

ಸ ವೇ ಪೇಚ್ಚ ನ ಸೋಚತಿ;

ಇಙ್ಘ ಅಞ್ಞೇಪಿ ಪುಚ್ಛಸ್ಸು,

ಪುಥೂ ಸಮಣಬ್ರಾಹ್ಮಣೇ;

ಯದಿ ಸಚ್ಚಾ ಧಮ್ಮಾ ಚಾಗಾ,

ಖನ್ತ್ಯಾ ಭಿಯ್ಯೋಧ ವಿಜ್ಝತಿ.

ಕಥಂ ನು ದಾನಿ ಪುಚ್ಛೇಯ್ಯಂ, ಪುಥೂ ಸಮಣಬ್ರಾಹ್ಮಣೇ;

ಯೋಹಂ ಅಜ್ಜ ಪಜಾನಾಮಿ, ಯೋ ಅತ್ಥೋ ಸಮ್ಪರಾಯಿಕೋ.

ಅತ್ಥಾಯ ವತ ಮೇ ಬುದ್ಧೋ, ವಾಸಾಯಾಳವಿಮಾಗಮಾ;

ಯೋಹಂ ಅಜ್ಜ ಪಜಾನಾಮಿ, ಯತ್ಥ ದಿನ್ನಂ ಮಹಪ್ಫಲಂ.

ಸೋ ಅಹಂ ವಿಚರಿಸ್ಸಾಮಿ, ಗಾಮಾ ಗಾಮಂ ಪುರಾ ಪುರಂ;

ನಮಸ್ಸಮಾನೋ ಸಮ್ಬುದ್ಧಂ, ಧಮ್ಮಸ್ಸ ಚ ಸುಧಮ್ಮತಂ.

ಇಮಂ ಕುಮಾರಂ ಸತಪುಞ್ಞಲಕ್ಖಣಂ,

ಸಬ್ಬಙ್ಗುಪೇತಂ ಪರಿಪುಣ್ಣಬ್ಯಞ್ಜನಂ;

ಉದಗ್ಗಚಿತ್ತೋ ಸುಮನೋ ದದಾಮಿ ತೇ,

ಪಟಿಗ್ಗಹ ಲೋಕಹಿತಾಯ ಚಕ್ಖುಮಾತಿ.

ದೀಘಾಯುಕೋ ಹೋತು ಅಯಂ ಕುಮಾರೋ,

ತುವಞ್ಚ ಯಕ್ಖ ಸುಖಿತೋ ಭವಾಹಿ;

ಅಬ್ಯಾಧಿತಾ ಲೋಕಹಿತಾಯ ತಿಟ್ಠಥ;

ಅಯಂ ಕುಮಾರೋ ಸರಣಮುಪೇತಿ ಬುದ್ಧಂ…ಪೇ… ಧಮ್ಮಂ…ಪೇ… ಸಙ್ಘಂ.

ಮಹಾವಗ್ಗಸಂಯುತ್ತ ಅಟ್ಠಕಥಾ

ಏಕಂ ಸಮಯಂ ಭಗವಾ ಸಾವತ್ಥಿಯಂ ವಿಹರತಿ ಜೇತವನೇ ಅನಾಥಪಿಣ್ಡಿಕಸ್ಸ ಆರಾಮೇ. ತೇನ ಖೋ ಪನ ಸಮಯೇನ ಆಯಸ್ಮಾ ಸಾರಿಪುತ್ತೋ ಮಗಧೇಸು ವಿಹರತಿ ನಾಲಕಗಾಮಕೇ ಆಬಾಧಿಕೋ ದುಕ್ಖಿತೋ ಬಾಳ್ಹಗಿಲಾನೋ. ಚುನ್ದೋ ಚ ಸಮಣುದ್ದೇಸೋ ಆಯಸ್ಮತೋ ಸಾರಿಪುತ್ತಸ್ಸ ಉಪಟ್ಠಾಕೋ ಹೋತಿ.

ಅಥ ಖೋ ಆಯಸ್ಮಾ ಸಾರಿಪುತ್ತೋ ತೇನೇವ ಆಬಾಧೇನ ಪರಿನಿಬ್ಬಾಯಿ. ಅಥ ಖೋ ಚುನ್ದೋ ಸಮಣುದ್ದೇಸೋ ಆಯಸ್ಮತೋ ಸಾರಿಪುತ್ತಸ್ಸ ಪತ್ತಚೀವರಮಾದಾಯ ಯೇನ ಸಾವತ್ಥಿ ಜೇತವನಂ ಅನಾಥಪಿಣ್ಡಿಕಸ್ಸ ಆರಾಮೋ, ಯೇನಾ ಯಸ್ಮಾ ಆನನ್ದೋ ತೇನುಪಸಙ್ಕಮಿ, ಉಪಸಙ್ಕಮಿತ್ವಾ ಆಯಸ್ಮನ್ತಂ ಆನನ್ದಂ ಅಭಿವಾದೇತ್ವಾ ಏಕಮನ್ತಂ ನಿಸೀದಿ, ಏಕಮನ್ತಂ ನಿಸಿನ್ನೋ ಖೋ ಚುನ್ದೋ ಸಮಣುದ್ದೇಸೋ ಆಯಸ್ಮನ್ತಂ ಆನನ್ದಂ ಏತದವೋಚ ‘‘ಆಯಸ್ಮಾ ಭನ್ತೇ ಸಾರಿಪುತ್ತೋ ಪರಿನಿಬ್ಬುತೋ, ಇದಮಸ್ಸ ಪತ್ತಚೀವರ’’ನ್ತಿ. ಅತ್ಥಿ ಖೋ ಇದಂ ಆವುಸೋ ಚುನ್ದ ಕಥಾ ಪಾಭತಂ ಭಗವನ್ತಂ ದಸ್ಸನಾಯ, ಆಯಾಮಾವುಸೋ ಚುನ್ದ, ಯೇನ ಭಗವಾ ತೇನುಪಸಙ್ಕಮಿಸ್ಸಾಮ, ಉಪಸಙ್ಕಮಿತ್ವಾ ಭಗವತೋ ಏತಮತ್ಥಂ ಆರೋಚೇಸ್ಸಾಮಾತಿ. ‘‘ಏವಂ ಭನ್ತೇ’’ತಿ ಖೋ ಚುನ್ದೋ ಸಮಣುದ್ದೇಸೋ ಆಯಸ್ಮತೋ ಆನನ್ದಸ್ಸ ಪಚ್ಚಸ್ಸೋಸಿ.

ಬುದ್ಧಾ ನು ಖೋ ಪಠಮಂ ಪರಿನಿಬ್ಬಾಯನ್ತಿ, ಉದಾಹು ಅಗ್ಗಸಾವಕಾತಿ.

ಅನುಜಾನಾತು ಮೇ ಭನ್ತೇ ಭಗವಾ, ಅನುಜಾನಾತು ಸುಗತೋ. ಪರಿನಿಬ್ಬಾನ ಕಾಲೋ ಮೇ, ಓಸ್ಸಟ್ಠೋ ಮೇ ಆಯುಸಙ್ಖಾರೋತಿ.

ಕತ್ಥ ಪರಿನಿಬ್ಬಾಯಿಸ್ಸಸಿ ಸಾರಿಪುತ್ತಾತಿ.

ಅತ್ಥಿ ಭನ್ತೇ ಮಗಧೇಸು ನಾಲಕಗಾಮೇ ಜಾತೋವರಕೋ, ತತ್ಥಾಹಂ ಪರಿನಿಬ್ಬಾಯಿಸ್ಸಾಮೀತಿ.

ಯಸ್ಸ ದಾನಿ ತ್ವಂ ಸಾರಿಪುತ್ತ ಕಾಲಂ ಮಞ್ಞಸಿ, ಇದಾನಿ ಪನ ತೇ ಜೇಟ್ಠಕನಿಟ್ಠ ಭಾತಿಕಾನಂ ತಾದಿಸಸ್ಸ ಭಿಕ್ಖುನೋ ದಸ್ಸನಂ ದುಲ್ಲಭಂ ಭವಿಸ್ಸತಿ, ದೇಸೇಹಿ ನೇಸಂ ಧಮ್ಮನ್ತಿ ಆಹ.

ಅಥಖೋ ಆಯಸ್ಮಾ ಚ ಆನನ್ದೋ ಚುನ್ದೋ ಚ ಸಮಣುದ್ದೇಸೋ ಯೇನ ಭಗವಾ ತೇನುಪಸಙ್ಕಮಿಂಸು, ಉಪಸಙ್ಕಮಿತ್ವಾ ಭಗವನ್ತಂ ಅಭಿವಾದೇತ್ವಾ ಏಕಮನ್ತಂ ನಿಸೀದಿಂಸು, ಏಕಮನ್ತಂ ನಿಸಿನ್ನೋ ಖೋ ಆಯಸ್ಮಾ ಆನನ್ದೋ ಭಗವನ್ತಂ ಏತದವೋಚ ‘‘ಅಯಂ ಭನ್ತೇ ಚುನ್ದೋ ಸಮಣುದ್ದೇಸೋ ‘ಏವಮಾಹ ಆಯಸ್ಮಾ ಭನ್ತೇ ಸಾರಿಪುತ್ತೋ ಪರಿನಿಬ್ಬುತೋ, ಇದಮಸ್ಸ ಪತ್ತಚೀವರ’ನ್ತಿ. ಅಪಿಚ ಮೇ ಭನ್ತೇ ‘ಮಧುರಕ ಜಾತೋ ವಿಯ ಕಾಯೋ, ದಿಸಾಪಿ ಮೇ ನ ಪಕ್ಖಾಯನ್ತಿ, ಧಮ್ಮಾಪಿ ಮಂ ನಪ್ಪಟಿಭನ್ತಿ ಆಯಸ್ಮಾ ಸಾರಿಪುತ್ತೋ ಪರಿನಿಬ್ಬುತೋ’ತಿ’’ ಸುತ್ವಾ–

ಅಪ್ಪಕೇನಪಿ ಮೇಧಾವೀ, ಪಾಭತೇನ ವಿಚಕ್ಖಣೋ;

ಸಮುಟ್ಠಾಪೇತಿ ಅತ್ತಾನಂ, ಅಣುಂ ಅಗ್ಗಿಂವ ಸನ್ಧಮನ್ತಿ.

ಯೋ ಪಬ್ಬಜೀ ಜಾತಿಸತಾನಿ ಪಞ್ಚ,

ಪಹಾಯ ಕಾಮಾನಿ ಮನೋರಮಾನಿ;

ತಂವೀತರಾಗಂ ಸುಸಮಾಹಿತಿನ್ದ್ರಿಯಂ;

ಪರಿನಿಬ್ಬುತಂ ವನ್ದಥ ಸಾರಿಪುತ್ತಂ.

ಖನ್ತಿಬಲೋ ಪಥವಿಸಮೋ ನ ಕುಪ್ಪತಿ,

ನಚಾಪಿ ಚಿತ್ತಸ್ಸ ವಸೇನ ವತ್ತತಿ;

ಅನುಕಮ್ಪಕೋ ಕಾರುಣಿಕೋ ಚ ನಿಬ್ಬುತೋ,

ಪರಿನಿಬ್ಬುತಂ ವನ್ದಥ ಸಾರಿಪುತ್ತಂ.

ಚಣ್ಡಾಲಪುತ್ತೋ ಯಥಾ ನಗರಂ ಪವಿಟ್ಠೋ,

ನೀಚಮನೋ ಚರತಿ ಕಳೋಪಿಹತ್ಥೋ;

ತಥಾ ಅಯಂ ವಿಹರತಿ ಸಾರಿಪುತ್ತೋ,

ಪರಿನಿಬ್ಬುತಂ ವನ್ದಥ ಸಾರಿಪುತ್ತಂ.

ಉಸಭೋ ಯಥಾ ಛಿನ್ನವಿಸಾಣಕೋ,

ಅಹೇಟ್ಠಯನ್ತೋ ಚರತಿ ಪುರನ್ತರೇ ವನೇ;

ತಥಾ ಅಯಂ ವಿಹರತಿ ಸಾರಿಪುತ್ತೋ;

ಪರಿನಿಬ್ಬುತಂ ವನ್ದಥ ಸಾರಿಪುತ್ತನ್ತಿ.

ಅಪಿಚ ಮೇ ಭನ್ತೇ ಮಧುರಕಜಾತೋ ವಿಯ ಕಾಯೋ.

ಕಿಂ ನುಖೋ ತೇ ಆನನ್ದ ಸಾರಿಪುತ್ತೋ ಸೀಲಕ್ಖನ್ಧಂ ವಾ ಆದಾಯ ಪರಿನಿಬ್ಬುತೋ, ಸಮಾಧಿಕ್ಖನ್ಧಂ ವಾ ಆದಾಯ ಪರಿನಿಬ್ಬುತೋ, ಪಞ್ಞಾಕ್ಖನ್ಧಂ ವಾ ಆದಾಯ ಪರಿನಿಬ್ಬುತೋ, ವಿಮುತ್ತಿಕ್ಖನ್ಧಂ ವಾ ಆದಾಯ ಪರಿನಿಬ್ಬುತೋ, ವಿಮುತ್ತಿ ಞಾಣದಸ್ಸನಕ್ಖನ್ಧಂ ವಾ ಆದಾಯ ಪರಿನಿಬ್ಬುತೋತಿ.

ನನು ತಂ ಆನನ್ದ ಮಯಾ ಪಟಿಕಚ್ಚೇವ ಅಕ್ಖಾತಂ ಸಬ್ಬೇಹಿ ಪಿಯೇಹಿ ಮನಾ ಪೇಹಿ ನಾನಾಭಾವೋ ವಿನಾಭಾವೋ ಅಞ್ಞಥಾಭಾವೋ, ತಂ ಕುತೇತ್ಥ ಆನನ್ದ ಲಬ್ಭಾ ‘‘ಯಂ ತಂ ಜಾತಂ ಭೂತಂ ಸಙ್ಖತಂ ಪಲೋಕಧಮ್ಮಂ, ತಂ ವತ ಮಾಪಲುಜ್ಜೀ’’ತಿ ನೇತಂ ಠಾನಂ ವಿಜ್ಜತಿ.

ದಸಕನಿದ್ದೇಸ

ತತ್ಥ ಕತಮಂ ತಥಾಗತಸ್ಸ ಠಾನಞ್ಚ ಠಾನತೋ ಅಟ್ಠಾನಞ್ಚ ಅಟ್ಠಾನತೋ ಯಥಾಭೂತಂ ಞಾಣಂ. ಇಧ ತಥಾಗತೋ ‘‘ಅಟ್ಠಾನಮೇತಂ ಅನವಕಾಸೋ ಯಂ ದಿಟ್ಠಿಸಮ್ಪನ್ನೋ ಪುಗ್ಗಲೋ ಕಞ್ಚಿ ಸಙ್ಖಾರಂ ನಿಚ್ಚತೋ ಉಪಗಚ್ಛೇಯ್ಯ ನೇತಂ ಠಾನಂ ವಿಜ್ಜತೀ’’ತಿ ಪಜಾನಾತಿ, ‘‘ಠಾನಞ್ಚ ಖೋ ಏತಂ ವಿಜ್ಜತಿ ಯಂ ಪುಥುಜ್ಜನೋ ಕಞ್ಚಿ ಸಙ್ಖಾರಂ ನಿಚ್ಚತೋ ಉಪಗಚ್ಛೇಯ್ಯ ಠಾನಮೇತಂ ವಿಜ್ಜತೀ’’ತಿ –

ಕಮ್ಮತೋ ದ್ವಾರತೋ ಚೇವ;

ಕಪ್ಪಟ್ಠಿತಿಯತೋ ತಥಾ;

ಪಾಕಸಾಧಾರಣಾದೀಹಿ;

ವಿಞ್ಞಾತಬ್ಬೋ ವಿನಿಚ್ಛಯೋ.

ಮಯಾ ಭನ್ತೇ ಉಪ್ಪನ್ನೋ ಚೋರೋ ನ ಸಕ್ಕಾ ಪಟಿಬಾಹಿತುಂ, ಸಙ್ಘೋ ಪರಸಮುದ್ದಂ ಗಚ್ಛತು, ಅಹಂ ಸಮುದ್ದಾರಕ್ಖಂ ಕರಿಸ್ಸಾಮೀತಿ.

ಆವುಸೋ ಮಹಾಸೋಣ ಅಭಿರುಹ ಮಹಾಉಲುಮ್ಪನ್ತಿ.

ನಾಹಂ ಭನ್ತೇ ತುಮ್ಹೇಸು ಅಗಚ್ಛನ್ತೇಸು ಗಮಿಸ್ಸಾಮೀತಿ ಯಾವತತಿಯಂ ಕಥೇತ್ವಾಪಿ ಥೇರಂ ಆರೋಪೇತುಂ ಅಸಕ್ಕೋನ್ತಾ ನಿವತ್ತಿಂಸು.

ಏವರೂಪಸ್ಸ ನಾಮ ಲಾಭಗ್ಗಯಸಗ್ಗಪ್ಪತ್ತಸ್ಸ ಸರೀರಧಾತುನಿಚಯಟ್ಠಾನಂ ಅನಾಥಂ ಜಾತನ್ತಿ ಚಿನ್ತಯಮಾನೋ ನಿಸೀದಿ.

ಭನ್ತೇ ಏತಂ ಪಣ್ಣಖಾದಕಮನುಸ್ಸಾನಂ ವಸನಟ್ಠಾನಂ, ಧೂಮೋ ಪಞ್ಞಾಯತಿ, ಅಹಂ ಪುರತೋ ಗಮಿಸ್ಸಾಮೀತಿ ಥೇರಂ ವನ್ದಿತ್ವಾ ಅತ್ತನೋ ಭವನಂ ಅಗಮಾಸಿ. ಥೇರೋ ಸಬ್ಬಮ್ಪಿ ಭಯಕಾಲಂ ಪಣ್ಣಖಾದಕಮನುಸ್ಸೇ ನಿಸ್ಸಾಯ ವಸಿ.

ಆವುಸೋ ಮಹಾಸೋಣ ಭಿಕ್ಖಾಹಾರೋ ಪಞ್ಞಾಯತೀತಿ ವತ್ವಾ ಪತ್ತಚೀವರಂ ಆರೋಪೇತ್ವಾ ಚೀವರಂ ಪಾರುಪಿತ್ವಾ ಪತ್ತಂ ನೀಹರಿತ್ವಾ ಅಟ್ಠಾಸಿ.

ಮಹಾಸೋಣತ್ಥೇರೋ ಪಞ್ಚಭಿಕ್ಖುಸತಪರಿವಾರೋ ಮಣ್ಡಲಾರಾಮವಿಹಾರಂ ಪತ್ತೋ, ಏಕೇಕೋ ನವಹತ್ಥಸಾಟಕೇನ ಸದ್ಧಿಂ ಏಕೇಕಕಹಾಪಣಗ್ಘನಕಂ ಪಿಣ್ಡಪಾತಂ ದೇತೂತಿ ಮನುಸ್ಸೇ ಅವೋಚುಂ.

ಅನಾಯತನೇ ನಟ್ಠಾನಂ ಅತ್ತಭಾವಾನಂ ಪಮಾಣಂ ನತ್ಥಿ, ಬುದ್ಧಾನಂ ಉಪಟ್ಠಾನಂ ಕರಿಸ್ಸಾಮೀತಿ ಚೇತಿಯಙ್ಗಣಂ ಗನ್ತ್ವಾ ಅಪ್ಪಹರಿತಂ ಕರೋತಿ.

ಮಯಂ ತಾವ ಮಹಲ್ಲಕಾ, ಇದಂ ನಾಮ ಭವಿಸ್ಸತೀತಿ ನ ಸಕ್ಕಾ ಜಾನಿತುಂ, ತುವಂ ಅತ್ತಾನಂ ರಕ್ಖೇಯ್ಯಾಸೀತಿ.

ಕಹಂ ವತ್ತಬ್ಬಕನಿಗ್ರೋಧತ್ಥೇರೋ, ಕಹಂ ವತ್ತಬ್ಬಕನಿಗ್ರೋಧತ್ಥೇರೋತಿ ಪುಚ್ಛಿತ್ವಾ ತಸ್ಸ ಸನ್ತಿಕಂ ಅಗಮಂಸು.

ಕಿಂ ಥೇರೋ ಪಿಯಾಯತೀತಿ.

ಕೀದಿಸೋ ಥೇರೋತಿ.

ಧಮ್ಮಸಕಟಸ್ಸ ಅಕ್ಖೋ ಭಿಜ್ಜತಿ ಅಕ್ಖೋ ಭಿಜ್ಜತೀತಿ ಪರಿದೇವಮಾನೋ ವಿಚರಿ.

೮. ಸಮ್ಮಪ್ಪಧಾನವಿಭಙ್ಗ

೧. ಸುತ್ತನ್ತಭಾಜನೀಯವಣ್ಣನಾ

ಚತ್ತಾರೋಮೇ ಆವುಸೋ ಸಮ್ಮಪ್ಪಧಾನಾ. ಕತಮೇ ಚತ್ತಾರೋ. ಇಧಾವುಸೋ ಭಿಕ್ಖು ಅನುಪ್ಪನ್ನಾ ಮೇ ಪಾಪಕಾ ಅಕುಸಲಾ ಧಮ್ಮಾ ಉಪ್ಪಜ್ಜಮಾನಾ ಅನತ್ಥಾಯ ಸಂವತ್ತೇಯ್ಯುನ್ತಿ ಆತಪ್ಪಂ ಕರೋತಿ, ಉಪ್ಪನ್ನಾ ಮೇ ಪಾಪಕಾ ಅಕುಸಲಾ ಧಮ್ಮಾ ಅಪ್ಪಹೀಯಮಾನಾ ಅನತ್ಥಾಯ ಸಂವತ್ತೇಯ್ಯುನ್ತಿ ಆತಪ್ಪಂ ಕರೋತಿ, ಅನುಪ್ಪನ್ನಾ ಮೇ ಕುಸಲಾ ಧಮ್ಮಾ ಅನುಪ್ಪಜ್ಜಮಾನಾ ಅನತ್ಥಾಯ ಸಂವತ್ತೇಯ್ಯುನ್ತಿ ಆತಪ್ಪಂ ಕರೋತಿ, ಅನುಪ್ಪನ್ನಾ ಮೇ ಕುಸಲಾ ಧಮ್ಮಾ ಅನುಪ್ಪಜ್ಜಮಾನಾ ಅನತ್ಥಾಯ ಸಂವತ್ತೇಯ್ಯುನ್ತಿ ಆತಪ್ಪಂ ಕರೋತಿ, ಉಪ್ಪನ್ನಾ ಮೇ ಕುಸಲಾ ಧಮ್ಮಾ ನಿರುಜ್ಝಮಾನಾ ಅನತ್ಥಾಯ ಸಂವತ್ತೇಯ್ಯುನ್ತಿ ಆತಪ್ಪಂ ಕರೋತೀತಿ.

ಉಪಜ್ಝಾಯೋ ಮೇ ಅತಿವಿಯ ಪಸನ್ನಚಿತ್ತೋ ವನ್ದತಿ, ಕಿಂ ನು ಖೋ ಪುಪ್ಫಾನಿ ಲಭಿತ್ವಾ ಪೂಜಂ ಕರೇಯ್ಯಾಸೀತಿ ಚಿನ್ತೇಸಿ.

‘‘ಕದಾ ಆಗತೋಸೀತಿ ಪುಚ್ಛಿ’’

ತ್ವಂ ಅಮ್ಹೇ ಉಚ್ಚಾಕುಲಾತಿ ಸಲ್ಲಕ್ಖೇಸಿ.

೧೬. ಞಾಣವಿಭಙ್ಗ

೧೦. ದಸಕನಿದ್ದೇಸವಣ್ಣನಾ

ಏಕಿಸ್ಸಾ ಲೋಕಧಾತುಯಾ

ಅಟ್ಠಾನಮೇತಂ ಅನವಕಾಸೋ ಯಂ ಏಕಿಸ್ಸಾ ಲೋಕಧಾತುಯಾ ದ್ವೇ ಅರಹನ್ತೋ ಸಮ್ಮಾಸಮ್ಬುದ್ಧಾ ಅಪುಬ್ಬಂ ಅಚರಿಮಂ ಉಪ್ಪಜ್ಜೇಯ್ಯುಂ, ನೇತಂ ಠಾನಂ ವಿಜ್ಜತೀತಿ ಪಜಾನಾತಿ.

ಅಜ್ಜ ಸತ್ಥಾ ಪರಿನಿಬ್ಬಾಯತಿ, ಅಜ್ಜ ಸಾಸನಂ ಓಸಕ್ಕತಿ, ಪಚ್ಛಿಮದಸ್ಸನಂ ದಾನಿ ಇದಂ ಅಮ್ಹಾಕನ್ತಿ ದಸಬಲಸ್ಸ ಪರಿನಿಬ್ಬುತದಿವಸತೋ ಮಹನ್ತತರಂ ಕಾರುಞ್ಞಂ ಕರಿಸ್ಸನ್ತಿ.

ಏಕಪುಗ್ಗಲೋ ಭಿಕ್ಖವೇ ಲೋಕೇ ಉಪ್ಪಜ್ಜಮಾನೋ ಉಪ್ಪಜ್ಜತಿ ಅಚ್ಛರಿಯಮನುಸ್ಸೋ, ಕತಮೋ ಏಕಪುಗ್ಗಲೋ ತಥಾಗತೋ ಭಿಕ್ಖವೇ ಅರಹಂ ಸಮ್ಮಾಸಮ್ಬುದ್ಧೋತಿ.

ಝಾನವಿಭಙ್ಗ

ಸುತ್ತನ್ತಭಾಜನೀಯ

ಅಭಿಕ್ಕನ್ತೇ ಪಟಿಕ್ಕನ್ತೇ ಸಮ್ಪಜಾನಕಾರೀ ಹೋತಿ.

ಸತೋ ಸಮ್ಪಜಾನೋ ಅಭಿಕ್ಕಮತಿ,

ಸತೋ ಸಮ್ಪಜಾನೋ ಪಟಿಕ್ಕಮತೀತಿ ವುತ್ತಂ.

ಕಿನ್ನೂ ಮೇ ಏತ್ಥ ಗತೇನ ಅತ್ಥೋ ಅತ್ಥಿ ನತ್ಥೀತಿ ಅತ್ಥಾನತ್ಥಂ ಪರಿಗ್ಗಹೇತ್ವಾ ಅತ್ಥಪರಿಗ್ಗಣ್ಹನಂ ಸಾತ್ಥಕಸಮ್ಪಜಞ್ಞಂ.

ಆಮಿಸತೋಪಿ ವಡ್ಢಿ ಅತ್ಥೋಯೇವ, ತಂ ನಿಸ್ಸಾಯ ಬ್ರಹ್ಮಚರಿಯಾ ನುಗ್ಗಹಾಯ ಪಟಿಪನ್ನತ್ತಾತಿ ವದನ್ತಿ.

ಮಯಾ ಪಬ್ಬಜಿತದಿವಸತೋ ಪಟ್ಠಾಯ ಭಿಕ್ಖುನಾ ಸದ್ಧಿಂ ದ್ವೇಕಥಾ ನಾಮ ನಕಥಿತಪುಬ್ಬಾ, ಅಞ್ಞಸ್ಮಿಂ ದಿವಸೇ ಉಪರಿವಿಸೇಸಂ ನಿಬ್ಬತ್ತೇಸ್ಸಾಮೀತಿ ಚಿನ್ತೇತ್ವಾ ‘‘ಕಿಂ ಭನ್ತೇ’’ತಿ ಪಟಿವಚನಂ ಅದಾಸಿ.

ಭನ್ತೇ ಏತೇ ಮನುಸ್ಸಾ ತುಮ್ಹಾಕಂ ಕಿಂಹೋನ್ತಿ, ಮಾತಿಪಕ್ಖತೋ ಸಮ್ಬನ್ಧಾ ಪಿತಿಪಕ್ಖತೋತಿ.

ಆವುಸೋಯಂ ಮಾತಾಪಿತೂಹಿಪಿ ದುಕ್ಕರಂ, ತಂ ಏತೇ ಮನುಸ್ಸಾ ಅಮ್ಹಾಕಂ ಕರೋನ್ತಿ, ಪತ್ತಚೀವರಮ್ಪಿ ನೋ ಏತೇಸಂ ಸನ್ತಕಮೇವ, ಏತೇಸಂ ಆನುಭಾವೇನ ನೇವ ಭಯೇ ಭಯಂ ನ ಛಾತಕೇ ಛಾತಕಂ ಜಾನಾಮ, ಏದಿಸಾನಾಮ ಅಮ್ಹಾಕಂ ಉಪಕಾರಿನೋ ನತ್ಥೀತಿ ತೇಸಂ ಗುಣೇ ಕಥೇನ್ತೋ ಗಚ್ಛತಿ.

ಕಮ್ಮಟ್ಠಾನಂ ನಾಮ ಅತ್ಥೀತಿಪಿ ಸಞ್ಞಂ ಅಕತ್ವಾ ಗಾಮಂ ಪಿಣ್ಡಾಯ ಪವಿಸಿತ್ವಾ ಅನನುಲೋಮಿಕೇನ ಗಿಹಿಸಂಸಗ್ಗೇನ ಸಂಸಟ್ಠೋ ಚರಿತ್ವಾ ಚ ಭುಞ್ಜಿತ್ವಾ ಚ ತುಚ್ಛೋ ನಿಕ್ಖಮತಿ.

ಆವುಸೋ ತುಮ್ಹೇ ನ ಇಣಟ್ಟಾ ನ ಭಯಟ್ಟಾ ನ ಆಜೀವಿಕಾ ಪಕತಾ ಪಬ್ಬಜಿತಾ, ದುಕ್ಖಾ ಮುಚ್ಚಿತುಕಾಮಾ ಪನೇತ್ಥ ಪಬ್ಬಜಿತಾ. ತಸ್ಮಾ ಗಮನೇ ಉಪ್ಪನ್ನಕಿಲೇಸಂ ಗಮನೇಯೇವ ನಿಗಣ್ಹಥ. ಠಾನೇ, ನಿಸಜ್ಜಾಯ, ಸಯನೇ ಉಪ್ಪನ್ನಕಿಲೇಸಂ ಸಯನೇಯೇವ ನಿಗ್ಗಣ್ಹಥಾತಿ.

ಅಯಂ ಭಿಕ್ಖು ತುಯ್ಹಂ ಉಪ್ಪನ್ನಂ ವಿತಕ್ಕಂ ಜಾನಾತಿ, ಅನನುಚ್ಛವಿಕಂ ತೇ ಏತನ್ತಿ ಅತ್ತಾನಂ ಪಟಿಚೋದೇತ್ವಾ ವಿಪಸ್ಸನಂ ವಡ್ಢೇತ್ವಾ ಅರಿಯಭೂಮಿಂ ಓಕ್ಕಮತಿ.

ಅಯಂ ಥೇರೋ ಪುನಪ್ಪುನಂ ನಿವತ್ತಿತ್ವಾ ಗಚ್ಛತಿ, ಕಿಂ ನುಖೋ ಮಗ್ಗಮೂಳ್ಹೋ ಉದಾಹು ಕಿಞ್ಚಿ ಪಮುಟ್ಠೋತಿ ಸಮುಲ್ಲಪನ್ತಿ.

ಕಿನ್ನೂ ಖೋ ಏತೇ ಅಮ್ಹೇಹೇವ ಸದ್ಧಿಂ ನ ಸಲ್ಲಪನ್ತಿ ಉದಾಹು ಅಞ್ಞ ಮಞ್ಞಮ್ಪಿ, ಯದಿ ಅಞ್ಞಮಞ್ಞಮ್ಪಿ ನ ಸಲ್ಲಪನ್ತಿ, ಅದ್ಧಾ ವಿವಾದಜಾತಾ ಭವಿಸ್ಸನ್ತಿ.

ಅಞ್ಞಂ ಉಪ್ಪಜ್ಜತೇ ಚಿತ್ತಂ, ಅಞ್ಞಂ ಚಿತ್ತಂ ನಿರುಜ್ಝತಿ;

ಅವೀಚಿ ಮನುಸಮ್ಬನ್ಧೋ, ನದೀ ಸೋತೋವ ವತ್ತತಿ.

ಆಲೋಕಿತೇ ವಿಲೋಕಿತೇ ಸಮ್ಪಜಾನಕಾರೀ ಹೋತಿ.

ಸಚೇ ಭಿಕ್ಖವೇ ನನ್ದಸ್ಸ ಪುರತ್ಥಿಮಾ ದಿಸಾ ಆಲೋಕೇತಬ್ಬಾ ಹೋತಿ, ಸಬ್ಬಂ ಚೇತಸಾ ಸಮನ್ನಾಹರಿತ್ವಾ ನನ್ದೋ ಪುರತ್ಥಿಮಂ ದಿಸಂ ಆಲೋಕೇತಿ ‘ಏವಂ ಮೇ ಪುರತ್ಥಿಮಂ ದಿಸಂ ಆಲೋಕಯತೋ ನಾಭಿಜ್ಝಾ ದೋಮನಸ್ಸಾ ಪಾಪಕಾ ಅಕುಸಲಾ ಧಮ್ಮಾ ಅನ್ವಾಸ್ಸವಿಸ್ಸನ್ತೀ’ತಿ. ಇತಿಹ ಸಾತ್ಥಕ ಸಮ್ಪಜಾನೋ ಹೋತಿ. ಸಚೇ ಭಿಕ್ಖವೇ ನನ್ದಸ್ಸ ಪಚ್ಛಿಮಾ ದಿಸಾ, ಉತ್ತರಾ ದಿಸಾ, ದಕ್ಖಿಣಾ ದಿಸಾ, ಉದ್ಧಂ, ಅಧೋ, ಅನುದಿಸಾ ಅನುವಿಲೋಕೇತಬ್ಬಾ ಹೋತಿ, ಸಬ್ಬಂ ಚೇತಸಾ ಸಮನ್ನಾಹರಿತ್ವಾ ನನ್ದೋ ಅನುದಿಸಂ ಅನುವಿಲೋಕೇತಿ ‘ಏವಂ ಮೇ ಅನುದಿಸಂ ಅನುವಿಲೋಕಯತೋ…ಪೇ… ಸಮ್ಪಜಾನೋ ಹೋತೀತಿ….

ಭವಙ್ಗಾ ವಜ್ಜನಞ್ಚೇವ, ದಸ್ಸನಂ ಸಮ್ಪಟಿಚ್ಛನಂ;

ಸನ್ತೀರಣಂ ವೋಟ್ಠಬ್ಬನಂ, ಜವನಂ ಭವತಿ ಸತ್ತಮಂ.

ಸಮಿಞ್ಜಿತೇ ಪಸಾರಿತೇ ಸಮ್ಪಜಾನಕಾರೀ ಹೋತಿ.

ಸಮಿಞ್ಜಿತೇ ಪಹಾರಿತೇತಿ ಪಬ್ಬಾನಂ ಸಮಿಞ್ಜನ ಪಸಾರಣೇ.

ಕಸ್ಮಾ ಭನ್ತೇ ಸಹಸಾ ಹತ್ಥಂ ಸಮಿಞ್ಜಿತ್ವಾ ಪುನ ಯಥಾಠಾನೇ ಠಪೇತ್ವಾ ಸಣಿಕಂ ಸಮಿಞ್ಜಿತ್ಥಾತಿ.

ಯತೋ ಪಟ್ಠಾಯ ಮಯಾ ಆವುಸೋ ಕಮ್ಮಟ್ಠಾನಂ ಮನಸಿಕಾತುಂ ಆರದ್ಧೋ, ನ ಮೇ ಕಮ್ಮಟ್ಠಾನಂ ಮುಞ್ಜಿತ್ವಾ ಹತ್ಥೋ ಸಮಿಞ್ಜಿತಪುಬ್ಬೋ, ಇದಾನಿ ಪನ ಮೇ ತುಮ್ಹೇಹಿ ಸದ್ಧಿಂ ಕಥಯಮಾನೇನ ಕಮ್ಮಟ್ಠಾನಂ ಮುಞ್ಚಿತ್ವಾ ಸಮಿಞ್ಜಿತೋ, ತಸ್ಮಾ ಪುನ ಯಥಾ ಠಾನೇ ಠಪೇತ್ವಾ ಸಮಿಞ್ಜೇಸಿನ್ತಿ.

ಸಾಧು ಭನ್ತೇ ಭಿಕ್ಖುನಾ ನಾಮ ಏವರೂಪೇನ ಭವಿತಬ್ಬನ್ತಿ.

ಸಙ್ಘಾಟಿಪತ್ತಚೀವರಧಾರಣೇ ಸಮ್ಪಜಾನಕಾರೀ ಹೋತಿ.

ಪುಗ್ಗಲಪಞ್ಞತ್ತಿಅಟ್ಠಕಥಾ

ಏಕಕನಿದ್ದೇಸ

ಕತಮೋ ಚ ಪುಗ್ಗಲೋ ಸಮಯವಿಮುತ್ತೋ, ಇಧೇಕಚ್ಚೋ ಪುಗ್ಗಲೋ ಕಾಲೇನ ಕಾಲಂ ಸಮಯೇನ ಸಮಯಂ ಅಟ್ಠ ವಿಮೋಕ್ಖೇ ಕಾಯೇನ ಫುಸಿತ್ವಾ ವಿಹರತಿ, ಪಞ್ಞಾಯ ಚಸ್ಸ ದಿಸ್ವಾ ಏಕಚ್ಚೇ ಆಸವಾ ಪರಿಕ್ಖೀಣಾ ಹೋನ್ತಿ. ಅಯಂ ವುಚ್ಚತಿ ಪುಗ್ಗಲೋ ಸಮಯವಿಮುತ್ತೋ.

ಅಸಮಯವಿಮುತ್ತ

ಕತಮೋ ಚ ಪುಗ್ಗಲೋ ಅಸಮಯವಿಮುತ್ತೋ, ಇಧೇಕಚ್ಚೋ ಪುಗ್ಗಲೋ ನಹೇವ ಖೋ ಕಾಲೇನ ಕಾಲಂ ಸಮಯೇನ ಸಮಯಂ ಅಟ್ಠವಿಮೋಕ್ಖೇ ಕಾಯೇನ ಫುಸಿತ್ವಾ ವಿಹರತಿ, ಪಞ್ಞಾಯ ಚಸ್ಸ ದಿಸ್ವಾ ಆಸವಾ ಪರಿಕ್ಖೀಣಾ ಹೋನ್ತಿ. ಅಯಂ ವುಚ್ಚತಿ ಪುಗ್ಗಲೋ ಅಸಮಯವಿಮುತ್ತೋ. ಸಬ್ಬೇಪಿ ಅರಿಯ ಪುಗ್ಗಲಾ ಅರಿಯೇ ವಿಮೋಕ್ಖೇ ಅಸಮಯವಿಮುತ್ತಾ.

ಕುಪ್ಪಾಕುಪ್ಪನಿದ್ದೇಸ

ಕತಮೋ ಚ ಪುಗ್ಗಲೋ ಕುಪ್ಪಧಮ್ಮೋ, ಇಧೇಕಚ್ಚೋ ಪುಗ್ಗಲೋ ಲಾಭೀ ಹೋತಿ ರೂಪಸಹಗತಾನಂ ವಾ ಅರೂಪಸಹಗತಾನಂ ವಾ ಸಮಾಪತ್ತೀನಂ, ಸೋ ಚ ಖೋ ನ ನಿಕಾಮಲಾಭೀ ಹೋತಿ ನ ಅಕಿಚ್ಛಲಾಭೀ ನ ಅಕಸಿರ ಲಾಭೀ, ನ ಯತ್ಥಿಚ್ಛಕಂ ಯದಿಚ್ಛಕಂ ಯಾವತಿಚ್ಛಕಂ ಸಮಾಪಜ್ಜತಿಪಿ ವುಟ್ಠಾತಿಪಿ, ಠಾನಂ ಖೋ ಪನೇತಂ ವಿಜ್ಝತಿ, ಯಂ ತಸ್ಸ ಪುಗ್ಗಲಸ್ಸ ಪಮಾದಮಾಗಮ್ಮ ತಾ ಸಮಾಪತ್ತಿಯೋ ಕುಪ್ಪೇಯ್ಯುಂ. ಅಯಂ ವುಚ್ಚತಿ ಪುಗ್ಗಲೋ ಕುಪ್ಪಧಮ್ಮೋ.

ಸತ್ತಕ್ಖತ್ತುಪರಮ ಸೋತಾಪನ್ನ

ಕತಮೋ ಚ ಪುಗ್ಗಲೋ ಸತ್ತಕ್ಖತ್ತುಪರಮೋ, ಇಧೇಕಚ್ಚೋ ಪುಗ್ಗಲೋ ತಿಣ್ಣಂ ಸಂಯೋಜನಾನಂ ಪರಿಕ್ಖಯಾ ಸೋತಾಪನ್ನೋ ಹೋತಿ ಅವಿನಿಪಾತ ಧಮ್ಮೋ ನಿಯತೋ ಸಮ್ಬೋಧಿಪರಾಯಣೋ, ಸೋ ಸತ್ತಕ್ಖತ್ತುಂ ದೇವೇ ಚ ಮಾನುಸೇ ಚ ಸನ್ಧಾವಿತ್ವಾ ಸಂಸರಿತ್ವಾ ದುಕ್ಖಸ್ಸನ್ತಂ ಕರೋತಿ, ಅಯಂ ವುಚ್ಚತಿ ಪುಗ್ಗಲೋ ಸತ್ತಕ್ಖತ್ತುಪರಮೋ.

ಸೋತಾಪನ್ನ ಅಧಿಪ್ಪಾಯ್ಯ

ಸೋತೋ ಸೋತೋತಿ ಹಿದಂ ಸಾರಿಪುತ್ತ ವುಚ್ಚತಿ, ಕತಮೋ ನುಖೋ ಸಾರಿಪುತ್ತ ಸೋತೋತಿ. ಅಯಮೇವ ಹಿ ಭನ್ತೇ ಅರಿಯೋ ಅಟ್ಠಙ್ಗಿಕೋ ಮಗ್ಗೋ ಸೋತೋ. ಸೇಯ್ಯಥಿದಂ, ಸಮ್ಮಾದಿಟ್ಠಿ…ಪೇ… ಸಮ್ಮಾಸಮಾಧೀತಿ. ಸೋತಾಪನ್ನೋ ಸೋತಾಪನ್ನೋತಿ ಹಿದಂ ಸಾರಿಪುತ್ತ ವುಚ್ಚತಿ, ಕತಮೋ ನುಖೋ ಸಾರಿಪುತ್ತ ಸೋತಾಪನ್ನೋತಿ. ಯೋ ಹಿ ಭನ್ತೇ ಇಮಿನಾ ಅರಿಯೇನ ಅಟ್ಠಙ್ಗಿಕೇನ ಮಗ್ಗೇನ ಸಮನ್ನಾಗತೋ, ಅಯಂ ವುಚ್ಚತಿ ಸೋತಾಪನ್ನೋ, ಸ್ವಾಯಂ ಆಯಸ್ಮಾ ಏವಂನಾಮೋ ಏವಂಗೋತ್ತೋ ಇತಿ ವಾತಿ, ಇತಿವಾ….

ಕೋಲಂ ಕೋಲ ಸೋತಾಪನ್ನ

ಕತಮೋ ಚ ಪುಗ್ಗಲೋ ಕೋಲಂ ಕೋಲೋ. ಇಧೇಕಚ್ಚೋ ಪುಗ್ಗಲೋ ತಿಣ್ಣಂ ಸಂಯೋಜನಾನಂ ಪರಿಕ್ಖಯಾ ಸೋತಾಪನ್ನೋ ಹೋತಿ ಅವಿನಿಪಾತಧಮ್ಮೋ ನಿಯತೋ ಸಮ್ಬೋಧಿಪರಾಯಣೋ, ಸೋ ದ್ವೇ ವಾ ತೀಣಿ ವಾ ಕುಲಾನಿ ಸನ್ಧಾವಿತ್ವಾ ಸಂಸರಿತ್ವಾ ದುಕ್ಖಸ್ಸನ್ತಂ ಕರೋತಿ, ಅಯಂ ವುಚ್ಚತಿ ಕೋಲಂ ಕೋಲೋ.

ಏಕಬೀಜೀ ಸೋತಾಪನ್ನ

ಕತಮೋ ಚ ಪುಗ್ಗಲೋ ಏಕಬೀಜೀ, ಇಧೇಕಚ್ಚೋ ಪುಗ್ಗಲೋ ತಿಣ್ಣಂ ಸಂಯೋಜನಾನಂ ಪರಿಕ್ಖಯಾ ಸೋತಾಪನ್ನೋ ಹೋತಿ ಅವಿನಿಪಾತಧಮ್ಮೋ ನಿಯತೋ ಸಮ್ಬೋಧಿಪರಾಯಣೋ, ಸೋ ಏಕಂಯೇವ ಮಾನುಸಕಂ ಭವಂ ನಿಬ್ಬತ್ತೇತ್ವಾ ದುಕ್ಖಸ್ಸನ್ತಂ ಕರೋತಿ, ಅಯಂ ವುಚ್ಚತಿ ಪುಗ್ಗಲೋ ಏಕಬೀಜೀ.

ಸಕದಾಗಾಮಿನಿದ್ದೇಸ

ಕತಮೋ ಚ ಪುಗ್ಗಲೋ ಸಕದಾಗಾಮೀ, ಇಧೇ ಕಚ್ಚೋ ಪುಗ್ಗಲೋ ತಿಣ್ಣಂ ಸಂಯೋಜನಾನಂ ಪರಿಕ್ಖಯಾ ರಾಗದೋಸಮೋಹಾನಂ ತನುತ್ತಾ ಸಕದಾಗಾಮೀ ಹೋತಿ ಸಕಿದೇವ ಇಮಂ ಲೋಕಂ ಆಗನ್ತ್ವಾ ದುಕ್ಖಸ್ಸನ್ತಂ ಕರೋತಿ. ಅಯಂ ವುಚ್ಚತಿ ಪುಗ್ಗಲೋ ಸಕದಾಗಾಮೀ.