📜
ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ.
ವೇಸ್ಸನ್ತರಾಗೀತಿ
[ಕ]
ಬಾತ್ತಿಂಸಲಕ್ಖಣೂಪೇತ ¶ ,
ದಾತಬ್ಬಂ ದದತಂ ವರ;
ವೇಸ್ಸನ್ತರತ್ತ ಮಾಪಾದಿ,
ಸಞ್ಚರಂ ಭವಸಾಗರೇ.
[ಖ]
ದ್ವನ್ದಂದ್ವನ್ದಂ ¶ ಸಞ್ಚರನ್ತೀ,
ಜನಾನನ್ದೇ ಯಸೋಧೀರೇ;
ಮದ್ದಿತ್ತಂ ಸಮುಪಾಗಞ್ಛಿ,
ತ್ವಂಪಿತೇನ ಭವಣ್ಣವೇ.
[ಗ]
ತುಮ್ಹಂದಾನಿ ಪವಕ್ಖಾಮಿ,
ಉಪತ್ತಿಂ ನನ್ದಿನಿಂ ತಹಿಂ;
ದಜ್ಜಹ್ವೋವೋ ಮಮೋಕಾಸಂ,
ಕವಯೋ ಪ್ಯಾಭಿನನ್ದಥ.
ಏಕನವುತೇಹಿತೋ ಕಪ್ಪೇ,
ವಿಪಸ್ಸೀನಾಮ ನಾಯಕೋ;
ವಿನೇಯ್ಯೇ ¶ ತಾರಯಂಖೇಮಂ,
ಲೋಕೇ ಉಪ್ಪಜ್ಜಿಚಕ್ಖುಮಾ.
ಖೇಮಾರಾಮಮ್ಹಿ ಸಮ್ಬುದ್ಧೋ,
ಮಿಗದಾಯೇ ಮನೋರಮೇ;
ನಿಸ್ಸಾಯ ಬನ್ಧುಮತಿಂಸೋ,
ವಿಹಾಸಿ ನಗರಂತದಾ.
ರಜ್ಜಂಧಮ್ಮೇನ ಕಾರೇಸಿ,
ನಗರೇತಮ್ಹಿ ಬನ್ಧುಮಾ;
ರಾಜಾತಸ್ಸ ದುವೇಧೀತಾ,
ಆಸುಂ ಸಬ್ಬಙ್ಗಸೋಭಣಾ.
ಏಕೋಹಿ ¶ ಏಕದಾರಾಜಾ,
ಬನ್ಧುಮಸ್ಸ ಸುಪೇಸಯಿ;
ಸಹಸ್ಸಗ್ಘನಿಕಂ ಸೋಣ್ಣ-
ಮಾಲಞ್ಚಾ ನಗ್ಘ ಚನ್ದನಂ.
ಅದಾಸಿ ಬನ್ಧುಮಾರಾಜಾ,
ಪಿತಾಜೇಟ್ಠಾಯ ಚನ್ದನಂ;
ಸೋಣ್ಣಮಾಲಂ ಕನಿಟ್ಠಾಯ,
ತಹಿಂ ವಿಯಾಯ ಧೀತುಯಾ.
ಉಭೋತಾಪೀತಿ ¶ ಚಿನ್ತೇಸುಂ,
ನತ್ಥತ್ಥೋವತ ತೇಹಿನೋ;
ಭಗ್ಯವನ್ತಸ್ಸ ಪೂಜೇಮ,
ಸಂಪಸಾದೇನ ಚೇತಸಾ.
ತತೋಸಾಚನ್ದನಂ ಚುಣ್ಣಂ-
ಕಾರಾಪೇತ್ವಾನ ಜೇಟ್ಠಕಾ;
ಗನ್ತ್ವಾನ ವಿಹಾರಂ ಸೋಣ್ಣ,
ವಣ್ಣಂಪೂಜೇಸಿ ನಾಯಕಂ.
ವಿಕಿರಿತ್ವಾ ತು ಸಾಗನ್ಧ,
ಕುಟಿಯಂ ಸೇಸಚನ್ದನಂ;
ಏವಞ್ಹಿ ಪತ್ಥನಂ ಕಾಸಿ,
ಬುದ್ಧಮಾತಾ ಭವಾಮಹಂ.
ಕಾರೇತ್ವಾ ¶ ಸೋಣ್ಣಮಾಲಂತು,
ಉರಚ್ಛದ ಪಸಾದನಂ;
ಪೂಜೇಸಿ ಹೇಮವಣ್ಣಂಸಾ,
ಭಗವನ್ತಂ ಕನಿಟ್ಠಕಾ.
ಏವಮ್ಪಿ ಪತ್ಥನಂಕಾಸಿ,
ಇದಂಮಮ ಪಸಾದನಂ;
ಸರೀರೇ ನಿಚ್ಚಲಾ ಠಾತು,
ಚರನ್ತಿಯಾ ಭವಾಭವಂ.
ಉಭೋಪಿ ¶ ರಾಜಕಞ್ಞಾತಾ,
ಠತ್ವಾನ ಯಾವತಾ ಯುಕಂ;
ಉಪಪಜ್ಜಿಂಸು ಸೋವಗ್ಗಂ,
ಚುತಾಸುಖ ಪಮೋದನಂ.
ಮನುಸ್ಸದೇವ ಲೋಕೇಸು,
ಸಂಸರಿಂಸು ಸುಖಂದುವೇ;
ಏಕನವುತಿ ಕಪ್ಪಾನಿ,
ಮುಚ್ಚಿತ್ವಾ ಪಾಯದುಕ್ಖತೋ.
ಕಸ್ಸಪಸ್ಸ ಕಾಲೇತಾಸು,
ಕನಿಟ್ಠಾ ಕಿಕಿರಾಜಿನೋ;
ಧೀತಾ ಉರಚ್ಛದಾನಾಮ,
ಹುತ್ವಾನ ಪರಿನಿಬ್ಬುತಾ.
ಜೇಟ್ಠಕಾ ¶ ಪನ ಧೀತಾಸಿ,
ಕಿಕಿಸ್ಸ ರಾಜಿನೋ ತಹಿಂ;
ಧಮ್ಮಾನಾಮ ದಮಿತಾ ಸಾ,
ಕೋಮಾರ ಬ್ರಹ್ಮಚಾರಿನೀ.
ತತೋಚ ವಿತ್ವಾನ ಸಾ ದೇವ,
ಮನುಸ್ಸೇಸು ಪುನಪ್ಪುನಂ;
ಸಂಸರನ್ತೀ ಮಹೇಸೀಸಿ,
ಪೂರಿನ್ದದಸ್ಸ ಏಕದಾ.
ರತ್ತಚನ್ದನ ¶ ಲೇಪೇನ,
ಲಿಮ್ಪಿತ ದೇಹಿನೀ ಹಿಸಾ;
ಕತಪುಞ್ಞ ವಿಸೇಸೇನ,
ನಾಮೇನ ಫುಸ್ಸತೀಹ್ವಿತಾ.
ದೇವಿನ್ದೋ ಅಞ್ಞದಾದಿಸ್ವಾ,
ಪರಿಕ್ಖೀಣಾಯುಕಂ ವಿಯಂ;
ದೇವಿಂ ತಂ ಪರಿವಾರೇನ,
ಮಹತಾ ನೇಸಿನನ್ದನಂ.
ಸಿರೀಸಯನ ಪಿಟ್ಠಮ್ಹಿ,
ತಂಸಯಾವಿಯ ಮಾಘವಾ;
ಠಿತೋ ¶ ಸಯನಪಸ್ಸಮ್ಹಿ,
ಫುಸ್ಸತಿಂ ಏತದಬ್ರವೀ.
ವರೇತೇದಸದಸ್ಸಾಮಿ,
ಫುಸ್ಸತೇವರವಣ್ಣಿಕೇ;
ತ್ವಂಞ್ಹಿಇಚ್ಛಸಿಯೇಲದ್ಧುಂ,
ಲಭಾಪೇಸ್ಸಾಮಿತೇವರೇ.
ಸುತ್ವಾತಂ ಫುಸ್ಸತೀದೇವೀ,
ಲೋಮಹಂ ಸನರೂಪಿನೀ;
ಖೀಣಾಯುತಮಜಾನನ್ತೀ,
ಅತ್ತನೋ ಏತದಬ್ರವೀ.
ಪಾಪಂನು ¶ ತ್ವಯಿ ದೇವಿಂನ್ದ,
ಕತಂಮೇ ಅಪ್ಪಿಯಾಥತೇ;
ರಮ್ಮಾಮೇ ಚವನಂ ಇಚ್ಛಂ,
ಮಞ್ಞೇಭಣಂತಿ ಈದಿಸಂ.
ನತೇಭದ್ದೇ ಕತಂಪಾಪಂ,
ನಚಮೇ ಅಪ್ಪಿಯಾತುವಂ;
ಪುಞ್ಞಂತುತೇ ಪರಿಕ್ಖೀಣಂ,
ತಸ್ಮಾ ತೇ ವಂವದಾಮಹಂ.
ಸನ್ತಿಕೇ ¶ ಮರಣಂ ತುಯ್ಹಂ,
ವಿನಾಭಾವೋ ಭವಿಸ್ಸತಿ;
ಪಟಿಗ್ಗಣ್ಹಾಹಿ ಮೇ ಏತೇ,
ವರೇದಸ ಪವಚ್ಛತೋ.
ಸಕ್ಕಸ್ಸವಚನಂ ಸುತ್ವಾ,
ಞಾತ್ವಾಮರಣ ಮತ್ತನೋ;
ವರೇಸಾ ಲದ್ಧುಮಿಚ್ಛನ್ತೀ,
ದೇವಿನ್ದಮೇತ ದಬ್ರವೀ.
ಇತೋ ಚುತಾಸಹಸ್ಸಕ್ಖಿ,
ಸೀವಿರಾಜನಿವೇಸನೇ;
ಮಹೇಸೀ ಫುಸ್ಸತೀನಾಮ,
ನೀಲನೇತ್ತಾ ಯಥಾಮಿಗೀ.
ಅಸ್ಸಂ ¶ ನೀಲಭಮುಕಾಹಂ,
ಲಭೇಯ್ಯಂ ಪುತ್ತಮುತ್ತಮಂ;
ಧಾರೇನ್ತಿ ಯಾಚಮೇಗಬ್ಭಂ,
ಮಜ್ಝಿಮಙ್ಗಂ ಅನುನ್ನತಂ.
ಪಲಿತಾನ ವಿರೂಹನ್ತು,
ಅಲಮ್ಬಾಚ ಪಯೋರೋ;
ಕಾಯೇರಜೋ ನಲಿಮ್ಪೇಥ,
ವಜ್ಝಞ್ಚಾಪಿ ಪಮೋಚಯೇ.
ಯೇಯಾಚಿತಾ ¶ ವರಾಭದ್ದೇ,
ತಯಾದಸ ಮಯಾತವ;
ದಿನ್ನಾತೇ ತುಟ್ಠಚಿತ್ತೇನ,
ಸಬ್ಬೇಲಚ್ಛಸಿ ಮಾನುಸೇ.
ತತೋಚವಿತ್ವಾನ ಸಾದೇವ-
ಲೋಕಾ ನಿಬ್ಬತ್ತಿ ಇಚ್ಛಿಯಂ;
ಮಹೇಸಿಯಾ ಪಟಿಸನ್ಧಿ-
ವಸೇನ ಮದ್ದರಾಜಿನೋ.
ದಸಮಾ ¶ ಸಚ್ಚಯೇನೇಸಾ,
ಧೀತರಂ ಮದ್ದರಾಜಿನೀ;
ಹೇಟ್ಠಾಸುಸೇತಚ್ಛತ್ತಸ್ಸ,
ವಿಜಾಯಿ ಸೇಟ್ಠರೂಪಿನಿಂ.
ರತ್ತಚನ್ದನ ಲೇಪೇನ,
ಏಸಾಲಿಮ್ಪಿ ತದೇಹಿನೀ;
ತೇನಸ್ಸಾ ಬ್ರಾಹ್ಮಣಾನಾಮಂ,
ಅಕಂಸು ಫುಸ್ಸತೀಇತಿ.
ಸಞ್ಞಾಕಾರ ದೋಳಾರುಳ-
ಮಙ್ಗಲಾದೀನಿ ಕಾತುನ;
ಮಹತಾ ಪರಿಹಾರೇನ,
ಪೋಸಿಂಸು ಖತ್ತಿಯಾನಿಯೋ.
ಮಧೂರಖೀರ ¶ ಸಮ್ಪನ್ನಾ,
ಸಿನಿದ್ಧಪೀಣ ಯೋಬ್ಬನಾ;
ಧಾತಿಯೋ ಖತ್ತಿಯಾನೀತಂ,
ಖೀರಂಪಾಯಿಂಸು ಯಾಪನಂ.
ಸಙ್ಕಮನ್ತೀವ ವುದ್ಧಾಸಾ,
ಅಙ್ಕಾಅಙ್ಕಂ ಕರಾಕರಂ;
ರಾಜಕಞ್ಞಾಚ ತೋಸಿಂಸು,
ನಚ್ಚಗೀತೇಹಿ ನಾಟಕೀ.
ದೇವಚ್ಛರಾವರೂಪೇನ,
ಸುಭಾಸೋಳಸ ವಸ್ಸಿಕಾ;
ಹರನ್ತೀ ¶ ನೇತ್ತರಸಂಸಾ,
ಪಸ್ಸನ್ತಾನಂಸುಖೇಧಿತಾ.
ಸಿವಿರಟ್ಠೇ ತದಾರಜ್ಜಂ,
ಸಿವಿರಾಜಾ ಜೇತುತ್ತರೇ;
ಕಾರೇಸಿಸಿಞ್ಚಯೋನಾಮ,
ಪುತ್ತೋತಸ್ಸ ಮಹಾಯಸೋ.
ವಯಪ್ಪತ್ತೋ ಭಿರೂಪೋಸಿ,
ದೇವಪುತ್ತೋವ ಸಿಞ್ಚಯೋ;
ಅರೋಹ ಪರಿಣಾಹೇನ,
ನಾನಾಸಿಬ್ಬೇಸು ಕೋವಿದೋ.
ಸಿಞ್ಚಯಸ್ಸ ¶ ನಿಯ್ಯಾದೇಸಿ,
ರಜ್ಜಂಪುತ್ತಸ್ಸ ಅತ್ತನೋ;
ಜೀವನ್ತೋ ಪಸ್ಸಿತುಂರಾಜ-
ಸಿರಿಂಇಚ್ಛಂ ಮಹಾರಹಂ.
ಆನೇತ್ವಾ ಮದ್ದರಾಜಸ್ಸ,
ಧೀತರಂ ಫುಸ್ಸತಿಂತಹಿಂ;
ಸೋಳಸಿತ್ಥಿ ಸಹಸ್ಸಾನಂ,
ಮಹೇಸಿಂಕಾಸಿ ಜೇಟ್ಠಿಕಂ.
ಫುಸ್ಸತೀಸಿಞ್ಚಯೋಞ್ಞೋಞ್ಞ- ¶
ಮುಖಂದ್ವೇಪಿಯಚಕ್ಖುನಾ;
ಪಸ್ಸಮಾನಾವಅಚ್ಛಿಂಸು,
ಅಞ್ಞಮಞ್ಞಪಿಯಂವದಾ.
ಅಥಚಿನ್ತಿ ಯದೇವಿನ್ದೋ,
ದಿನ್ನಾಫುಸ್ಸತಿಯಾಮಯಾ;
ವರಾದಸ ತೇಸುಪುತ್ತ-
ವರೋನಹಿಸಮಿಜ್ಝತಿ.
ಸಮಿಜ್ಝಾ ಪೇಸಾಮಿಏತಂತಿ,
ಅಜೇಯ್ಯೇಭಿದಸಾಲಯೇ;
ಉಪಧಾರಿತ್ಥತಿಸ್ಸಾಯ,
ಪುತ್ತಭಾವಾರಹಂಮರುಂ.
ಚವಿತ್ವಾಹುಉದ್ಧಂಗಾಮೀ ¶ ,
ಬೋಧಿದೇವೋತತೋತಹಿಂ;
ಬ್ರಹ್ಮಂಗನ್ತ್ವಾಸಹಸ್ಸಕ್ಖೀ,
ತಸ್ಸತಂಏತದಬ್ರವೀ.
ಇತೋ ಭೋ ಸುಗತಿಂಗಚ್ಛ,
ಅನುಕಮ್ಪಾಹಿಮರಿಸ;
ಸಿಞ್ಚಯಂದೇವಿಯಂತಸ್ಸ,
ಸನ್ಧಿಂ ಗಣ್ಹಜುತಿನ್ಧರ.
ಅಞ್ಞೇಪಿ ¶ ಸಟ್ಠಿಸಹಸ್ಸ-
ದೇವೇ ಚವನ ಧಮ್ಮಿನೇ;
ಉಪಸಙ್ಕಮ್ಮ ಸೋಯಾಚಿ,
ಗಚ್ಛಹ್ವೋ ಸುಗತಿಂಇತಿ.
ಬೋಧಿಸತ್ತೋಚ ಅಞ್ಞೇಚ,
ಸಾಧೂತಿ ಸಮ್ಪಟಿಚ್ಛಿಸುಂ;
ತತೋಚುತಾ ಚತೇದೇವಾ,
ಆಗುಂ ಮಾನುಸಕಂಇಮಂ.
ಫುಸ್ಸತ್ಯಂಹಿ ¶ ಮಹಾಸತ್ತೋ,
ನಿಬ್ಬತ್ತಿ ಪಟಿಸನ್ಧಿಯಾ;
ಕುಲೇಸ್ವಞ್ಞೇಚ ಮಚ್ಚಾನಂ,
ನಿಬ್ಬತ್ತಿಂಸು ವಿಸುಂವಿಸುಂ.
ಕುಚ್ಛಿಙ್ಗತೇ ಮಹಾಸತ್ತೇ,
ದೇವೀ ದೋ ಹಳಿನೀಅಹು;
ದಾತುಕಾಮಾ ಮಹಾದಾನಂ,
ವಿಸಜ್ಜಿಯ ಬುಹುಂಧನಂ.
ರಾಜಮನ್ದಿರದ್ವಾರಮ್ಹಿ,
ವೇಮಜ್ಝೇನಗರಸ್ಸಚ;
ಚತುದ್ವಾರೇಸುಛದ್ದಾನ-
ಸಾಲಾಯೋ ದೇಯ್ಯಪೂರಿತಾ.
ಕಾರಾಪೇತ್ವಾನ ¶ ಛಸ್ಸತ-
ಸಹಸ್ಸಾನಿ ದಿನೇದಿನೇ;
ವಿಸಜ್ಜಿತ್ವಾನ ಸಬ್ಬೇಸಂ,
ಇಚ್ಛನ್ತೀ ಆಸಿದಾತವೇ.
ಉತ್ವಾತಂ ಕಾರಣಂರಾಜಾ,
ಪಕ್ಕೋಸಾವಿಯ ಬ್ರಾಹ್ಮಣೇ;
ನಿಮಿತ್ತ ಪಾಠಕೇಪುಚ್ಛಿ,
ಕಿಂ ಭವಿಸ್ಸತೀತಿಞಾತವೇ.
ಜಾನಾಮ ನೋ ಮಹಾರಾಜ,
ಗತೋಕುಚ್ಛಿಮ್ಹಿ ದೇವಿಯಾ;
ಹೇಹಿತ್ಯ ¶ ಭಿರತೋದಾನೇ,
ಏವಂವದಿಂಸು ಬ್ರಾಹ್ಮಣಾ.
ಬ್ರಾಹ್ಮಣಾನಂ ವಚೋಸುತ್ವಾ,
ನರಿನ್ದೋ ತುಟ್ಠಮಾನಸೋ;
ದಾನಂಅದಾಸಿ ಛದ್ದಾನ-
ಸಾಲಾಯೋ ಸುಟ್ಠುಮಾವಿಯ.
ಪಟಿಸನ್ಧಿಗ್ಗಹಣಮ್ಹಾ,
ಬೋಧಿಸತ್ತಸ್ಸ ವಿಞ್ಞುನೋ;
ಪಟ್ಠಾಯಣ್ಣವ ವೇಗೋವ,
ಲಾಭೋಳಾರೋ ಅನಪ್ಪಕೋ.
ಪಣ್ಣಾಕಾರಂ ¶ ಪಹಿಣಿಂಸು,
ರಾಜಿನೋ ಜಮ್ಬುಮಣ್ಡಲೇ;
ಬೋಧಿಸತ್ತಾ ನುಭಾವೇನ,
ನಾನಾರಟ್ಠಿನ್ದಖತ್ತಿಯಾ.
ಪರಿಹಾರಂ ಪವಚ್ಛೇಸಿ,
ಮಹೇಸಿಂ ಪಟಿಸನ್ಧಿನಿಂ;
ರಾಜಾಸುಖಂ ವಸಾಪೇಸಿ,
ಕಾರೇಸಿಇಚ್ಛಿತಿಚ್ಛಿತಂ.
ಬುದ್ಧಙ್ಕುರಾನುಭಾವೇನ,
ಜನಾಸುಂ ಮೋದಮಾನಸಾ;
ಕಾಲೇವಸ್ಸತಿಮೇಘೋಪಿ,
ಸುಭಿಕ್ಖೋಸಮಯೋಅಹು.
ಸದ್ಧಿಂಪುತ್ತೇನ ¶ ಜುಣ್ಹಾಯ,
ಕಿಳನ್ತಿಯಾವಮಾತುಯಾ;
ಮಹನ್ತೀರತಿಸಬ್ಬೇಸಂ,
ಜನಾನಂವಿಪುಲಾತಹಿಂ.
ಗಬ್ಭಂಹಿ ಧಾರೇನ್ತೀದೇವೀ,
ದಸಮಾಸಮ್ಹಿಪೂರಿತೇ;
ನಗರಂದಟ್ಠು ಕಾಮಾಸಿ,
ತದಾರೋಚೇಸಿರಾಜಿನೋ.
ಸಾಧುಭದ್ದೇತಿ ¶ ವತ್ವಾನ,
ಪುರಂದೇವ ಪುರಂವಿಯ;
ರಾಜಾ ಅಲಙ್ಕರಾಪೇಸಿ,
ದೇವಿಯಾ ಪಿತಿವಡ್ಢನಂ.
ಆರೋಪಿಯ ತತೋದೇವಿಂ,
ವಿಚಿತ್ತಂ ಲಕ್ಖಿಕಂರಥಂ;
ಪದಕ್ಖಿಣಂ ಕಾರಾಪೇಸಿ,
ನಗರಂ ಸಬ್ಬಲಙ್ಕತಂ.
ವೇಸ್ಸಾನಂ ¶ ವೀಥಿಯಾಮಜ್ಝೇ,
ಠಾನಾಠಾನಂ ಪಥಾಪಥಂ;
ಚಲಿಂಸು ಕಮ್ಮಜಾವಾತಾ,
ಚರನ್ತಿಯಾವ ದೇವಿಯಾ.
ಉತ್ವಾಮಚ್ಚಾಪವತ್ತಿಂತಂ,
ರಞ್ಞೋರೋಚಿಂಸುಸೀಘಸೋ;
ಸುತಿಗೇಹಂಕಾರಾಪೇಸಿ,
ತಂವೀಥಿಯಂವಸಿಞ್ಚಯೋ.
ತತ್ಥಸಾವಸಮಾನಾವ,
ವಿಜಾಯಿಅಕುತೋಭಯಾ;
ನಿಮ್ಮಲಂಸುಸುದ್ಧಂಪುತ್ತಂ,
ಸುವಣ್ಣಕ್ಖನ್ಧಸನ್ನಿಭಂ.
ಅಕ್ಖೀನಿಉಮ್ಮಿಲಿತ್ವಾನ ¶ ,
ನಿಕ್ಖನ್ತೋಮಾತು ಕುಚ್ಛಿತೋ;
ಪಸನ್ನಪ್ಪಿಯಾಕಾರೇನ,
ಪಸ್ಸಿತ್ತಮಾತುಯಾಮುಖಂ.
ಅಮ್ಮ ದಾನಂ ದದಿಸ್ಸಾಮಿ,
ಅತ್ಥಿನು ಕಿಞ್ಚಿ ತೇಧನಂ;
ಹತ್ತಂಸೋ ಪಸಾರೇತ್ವಾನ,
ಇತಿಬ್ರವಿತಹಿಂ ಮುಹುಂ.
ಸುತ್ವಾಮೋದಿಯ ¶ ತಂಮಾತಾ,
ದೇಹಿದಾನಂ ಯಥಿಚ್ಛಿತಂ;
ತಾತಾತಿ ತಸ್ಸಪಾದಾಸಿ,
ಸಹಸ್ಸತ್ಥವಿಕಂತಹಿಂ.
ಮಹೋಸಧ ವೇಸ್ಸನ್ತರ-
ಮಹಾಸಿದ್ಧತ್ಥ ಜಾತಿಸು;
ಕಥೇಸಿ ಮಾತರಾಬೋಧಿ-
ಸಸತ್ತೋ ಜಾತಕ್ಖಣೇತಿಸು.
ಅಚ್ಛೇರ ಮಬ್ಭುತಂದಿಸ್ವಾ,
ಜನಾಮೋದಿಂ ಸುತಾವದೇ;
ಅಪ್ಫೋಟೇನ್ತೋ ಹಸನ್ತಾಚ,
ಜಯನಾದಂ ಪನಾದಯುಂ.
ವೇಸ್ಸನ್ತರೋತಿ ¶ ಹ್ವಾಯಿಂಸು,
ನಾಮಗ್ಗಹಣ ಮಙ್ಗಲಂ;
ಸಙ್ಖತಾ ಬ್ರಾಹ್ಮಣಾತಸ್ಸ,
ಜಾತತ್ತಾ ವೇಸ್ಸವೀಥಿಯಂ.
ವಿಜಾತ ದಿವಸೇತಸ್ಸ,
ಏಕಾಆಕಾಸಚಾರಿನೀ;
ಹತ್ಥಿನೀಹಿ ಸಬ್ಬಸೇತಂ,
ಏಕಂ ಕುಞ್ಜರಪೋಸಕಂ.
ಬೋಧಿಸತ್ತಾ ನುಭಾವೇನ,
ಆನೇತ್ವಾ ಮಙ್ಗಲಸಮ್ಮತಂ;
ಥಪೇತ್ವಾನ ಪಕ್ಕಾಮಿ,
ಹತ್ಥಿಸಾಲಾಯ ಸಾಧುಕಂ.
ಉಪ್ಪನ್ನತ್ತಾಮಹಾಸತ್ತಂ ¶ ,
ತಸ್ಸಕತ್ವಾನಪಚ್ಚಯಂ;
ಅಕಂಸುನಾಗರಾನಾಮಂ,
ಸಮಗ್ಗಾಪಚ್ಚಯೋಇತಿ.
ತದ್ದಿನೇವವಿಜಾಯಿಂಸು,
ಅಮಚ್ಚಾನಂಕುಮಾರಕಾ;
ಗೇಹೇಸುಸಠಿಸಹಸ್ಸಾ,
ಮಹಾಸತ್ತಸಜಾತಕಾ.
ಅತಿದೀಘಾದಯೋದೋಸೇ ¶ ,
ವಿವಜ್ಜೇತ್ವಾನಸಿಞ್ಚಯೋ;
ಕುಮಾರಂಚತುಸ್ಸಠಿಕಾ,
ಉಪಟ್ಠಾಪೇಸಿಧಾತಿಯೋ.
ಅಲಮ್ಬತ್ಥನಿಯೋಚೇತಾ,
ಭಿರೂಪಾಯೋಬ್ಬನೇಠಿತಾ;
ಆಸುಂಮಧುರಥಞ್ಞಾಯೋ,
ಸಂಸುದ್ಧಾಸೇಟ್ಠಕೋಲಿಯೋ.
ಸುಸುಸಟ್ಠಿಸಹಸ್ಸಾನಂ ¶ ,
ಏಕೇಕಾಧಾತಿಯೋತಥಾ;
ಬುದ್ಧಙ್ಕುರಸಜಾತಾನಂ,
ಉಪಟ್ಠಾಪೇಸಿಸುಂನ್ದರಾ.
ಸದ್ಧಿಂ ಸಟ್ಠಿಸಹಸ್ಸೇಹಿ,
ಕುಮಾರೇಹಿಮಹಾಯಸೋ;
ಮಹತಾಪರಿವಾರೇನ,
ಸಂವಡ್ಢಿಬೋಧಿಸತ್ತವೋ.
ರಾಜಾಸತಸಹಸ್ಸಗ್ಘ-
ನಿಕಂ ಸುಸುಪಿಳನ್ಧನಂ;
ಕಾರಾಪೇತ್ವಾವಿಭೂಸೇಸಿ,
ಅತ್ತಜಂದಾನನನ್ದನಂ.
ಓಮುಞ್ಚಿತ್ವಾನಧಾತೀನಂ ¶ ,
ತಂಚತುಪ್ಪಞ್ಚವಸ್ಸಿಕೋ;
ಅದಾಸಿಸೋಮಹಾಸತ್ತೋ,
ಬೋಧಿಂ ಅಪೇಕ್ಖಮಾನಸೋ.
ಪುನತಂತಾಹಿಧಾತೀಹಿ,
ದಿಯ್ಯಮಾನಂಪಿಸಾದರಂ;
ನಸೋಗಣ್ಹಿತ್ಥಕುಮಾರೋ,
ದಿನ್ನೇಸುಅನಪೇಖವಾ.
ಆರೋಚಿಂಸುಪವತ್ತಿಂತಂ ¶ ,
ರಞ್ಞೋತಾಧಾತಿಯೋತದಾ;
ಸುತ್ವಾಮುದಿತಚಿತ್ತೇನ,
ತಂಸೋಥೋಮಿತ್ಥಅತ್ತಜಂ.
ಪುತ್ತೇನಮಮದಿನ್ನಂತಂ,
ಬ್ರಹ್ಮದೇಯ್ಯಂಪಿಳನ್ಧನಂ;
ತುಮ್ಹಾಕಂಸನ್ತಕಂಹೋತು,
ಇಚ್ಚಾಪಿಬ್ರವಿಸಿಞ್ಚಯೋ.
ಪುನಾಪರಂಪಿಕಾರೇತ್ವಾ,
ಪಾದಾಸಿಪುತ್ತನನ್ದನೋ;
ಪುತ್ತಸ್ಸದಾತುಕಾಮಸ್ಸ,
ಸುವಿಚಿತ್ತಪಿಳನ್ಧನಂ.
ಓಮುಞ್ಚಿತ್ವಾನಏತಂಪಿ ¶ ,
ಧಾತೀನಂದಾಸಿದಾಯಕೋ;
ದಾರಕೋತುಟ್ಠಚಿತ್ತೇನ,
ಸಬ್ಬಞ್ಞುತಪ್ಪಿಯಾಯನೋ.
ಏವಂವುತ್ತ ನಯೇನೇವ,
ನವ ವಾರೇ ಪಿಳನ್ಧನಂ;
ದಹರೋದಾಸಿ ಧಾತೀನಂ,
ನಾಥಾನಾಥ ಪರಾಯನೋ.
ಅಟ್ಠವಸ್ಸಿ ¶ ಕಕಾಲೇತು,
ಏವಂಚಿನ್ತೇಸಿ ಬುದ್ಧಿಮಾ;
ನಿಸಿನ್ನೋ ಸಿರಿಸಯನೋ,
ಪಾಸಾದೋ ಪರಿಮಣ್ಡಲೇ.
ದೇಮಿಬಾಹಿರ ದಾನಂವ,
ನತಾವ ಮಮ ಮಾನಸಂ;
ಪರಿತೋ ಸೇತಿಏವಞ್ಹಿ,
ಅಜ್ಝತ್ತಿಕಂದದಾಮಹಂ.
ಸಚೇಮಂ ಕೋಚಿಯಾಚೇಯ್ಯ,
ಸೀಸಂಸ ಮೋಳಿಮುತ್ತಧಂ;
ಛಿಜ್ಜ ತಂ ತಸ್ಸದಜ್ಜೇಯ್ಯಂ,
ನಹೇಯ್ಯಂ ಲೀನಚೇತಸೋ.
ಹದಯಂಮಮ ¶ ಯಾಚೇಯ್ಯ,
ಭಿನ್ದಿತ್ವಾ ಅಸಿನಾಉರಂ;
ನೀಹರಿತ್ವಾನತಂತಸ್ಸ,
ದಜ್ಜೇಯ್ಯಂ ತುಟ್ಠಮಾನಸಾ.
ಅಕ್ಖೀನಿ ಮಮಯಾಚೇಯ್ಯ,
ಉಪ್ಪಾಟೇತ್ವಾನ ತಾವದೇ;
ಸತ್ಥೇನ ತಸ್ಸದಜ್ಜೇಯ್ಯಂ,
ಸಲೋಹಿತಾನಿ ತಾನಿಮೇ.
ಹತ್ಥೇಪಾದೇಚಕಣ್ಣೇಚ ¶ ,
ಯಾಚೇಯ್ಯಮಮಸಾಧುಕಂ;
ಛಿನ್ದಿತ್ವಾ ತಾನಿದಜ್ಜೇಯ್ಯಂ,
ತಸ್ಸಪೂರೇ ಮನೋರಥಂ.
ಮಂಸಂಮೇಕೋಚಿಯಾಚೇಯ್ಯ,
ಸೀಘಂಸಬ್ಬಸರೀರತೋ;
ಖಣ್ಡಾಖಣ್ಡಂ ಛಿನ್ದಿತ್ವಾನ,
ದಜ್ಜೇ ಮಂಸಂ ಸಲೋಹಿತಂ.
ಹೋಹಿತ್ವಂಮಮದಾಸೋತಿ,
ವದೇಯ್ಯಕೋಚಿಚೇತಹಿಂ;
ಸಯಂಆಮಾತಿಸಾವೇತ್ವಾ,
ಅತ್ತಾನಂಪಿ ದದಾಮಹಂ.
ತಸ್ಸೇವಂ ¶ ಚಿನ್ತಯನ್ತಸ್ಸ,
ಕಮ್ಪಿತ್ಥ ಪಥವೀಮಹಾ;
ಸಮನ್ತಾಗಜ್ಜಮಾನಾಯಂ,
ಮತ್ತೋವ ಕುಞ್ಜರೋವನೇ.
ಮೇರುರಾಜೋ ನಮಿತ್ವಾನ-
ಭಿಮುಖೋವ ಜೇತುತ್ತರಂ;
ನಗರಂ ಠಾಸಿ ಸೇರಿತ-
ವೇತ್ತಙ್ಕುರೋವ ತಾವದೇ.
ಮಹೀಸದ್ದಸನ್ತಾಸೇನ ¶ ,
ಮೇಘೋಪಾವಸ್ಸಿ ತಾವದೇ;
ಘನವಸ್ಸಂಮಹಾಧಾರಂ,
ಗಜ್ಜಮಾನೋ ದಿಸೋದಿಸಂ.
ನಿಚ್ಛರಿಂಸು ಬಹೂವಿಜ್ಜು-
ಲತಾಯೋಚ ಸಮನ್ತತೋ;
ಇನ್ದಚಾಪಾ ಉಟ್ಠಹಿಂಸು,
ಉಕ್ಕಾಪಾತೋ ತದಾ ಅಹು.
ಅಪ್ಫೋಟೇಸಿ ತಹಿಂದೇವ-
ರಾಜಾತುಟ್ಠೋ ಸುಜಮ್ಪತಿ;
ಸಾಧುಸಾಧೂತಿ ಸಾವೇಸಿ,
ಮಹಾಬ್ರಹ್ಮಾ ಕತಞ್ಚಲೀ.
ಬ್ರಹ್ಮಲೋಕಾ ¶ ತದಾಯಾವ,
ಇತೋಪಥವಿ ಮಣ್ಡಲಾ;
ಅಚ್ಛೇರಂ ಅಬ್ಭುತಂ ಆಸಿ,
ಏಕಕೋಲಾಹಲಂ ಮಹಾ.
ಏವಂಞ್ಹಿ ನೇಕಬ್ಭೂತಾನಿ,
ಜನೇತ್ವಾನ ಮಹಾಜನಂ;
ಹಾಸಯಂ ಸುಸುಖಂವಡ್ಢ-
ಮಾನೋಸೋಳಸ ವಸ್ಸಿಕೋ.
ಕುಮಾರೋ ¶ ಸಬ್ಬಸಿಬ್ಬೇಸು,
ಕೋವಿದೋಚ ಪಾರಙ್ಗತೋ;
ಫುಲ್ಲಸಾಲೋವ ಸೋಭನ್ತೋ,
ವಣ್ಣೇನ ವಯಸಾ ತದಾ.
ಅಥಸ್ಸ ದಾತುಕಾಮೋವ,
ರಜ್ಜಂಮನ್ತಿಯ ದೇವಿಯಾ;
ಪಿತಾಸಿ ಸಿಞ್ಚಿರಾಜತ್ತೇ,
ಪುತ್ತಂಸೋಳಸ ವಸ್ಸಿಕಂ.
ಮದ್ದರಟ್ಠೇ ತದಾಮದ್ದ-
ರಾಜಕುಲಾ ಭಿವಣ್ಣಿನಿಂ;
ನೇತ್ವಾಮಹೇ ಸಿತ್ತೇಮದ್ದಿಂ-
ಭಿಸಿಞ್ಚಿ ಧಮ್ಮಚಾರಿನಿಂ.
ಮದ್ದೀಮಾತುಲಧೀತಾಸಾ ¶ ,
ಭಗಿನೀ ಮನ್ದಹಾಸಿನೀ;
ವೇಸ್ಸನ್ತರಕುಮಾರಸ್ಸ,
ಸೇಟ್ಠಲಕ್ಖಣಧಾರಿನೀ.
ಪುಬ್ಬಉಟ್ಠಾಯಿನೀ ಮದ್ದೀ,
ನಿಚ್ಚಂ ಪಚ್ಛಾನಿಪಾತಿನೀ;
ಮನಾಪಚಾರಿನೀ ದೇವೀ,
ಕಿಂಕಾರ ಪಟಿಸಾವಿನೀ.
ಸೋಳಸಿತ್ಥಿ ¶ ಸಹಸ್ಸಾತಂ,
ಮದ್ದಿಂಸಬ್ಬಙ್ಗ ಸೋಭಣಂ;
ನಚ್ಚವಾದಿತ ಗೀತೇಹಿ,
ಪರಿಚಾರಿಂಸು ಸಬ್ಬದಾ.
ವೇಸ್ಸನ್ತರೋ ಮಹಾರಾಜಾ,
ರಜ್ಜೇಭಿ ಸಿತ್ತಕಾಲತೋ;
ಪಠಾಯ ದಾನಸಾಲಾಯೋ,
ಛದ್ದಾನಂ ದಾಸಿಕಾರಿಯ.
ಮಹಾದಾನಂ ಪವತ್ತೇಸಿ,
ವಿಸ್ಸಜ್ಜನ್ತೋ ದಿನೇದಿನೇ;
ಸಮ್ಮೋದಮಾನೋ ಛಸ್ಸತ-
ಸಹಸ್ಸಾನಿ ಧನಾನಿಸೋ.
ಏವಂದಾನೇ ¶ ರಮನ್ತಸ್ಸ,
ಮಹೇಸೀತಸ್ಸರಾಜಿನೋ;
ಪುತ್ತಂವಿಜಾಯಿಅಪರ-
ಭಾಗೇಮದ್ದೀ ಸುದಸ್ಸನಂ.
ಸಮ್ಪಟಿಚ್ಛಿಂಸು ವಿಜಾತ-
ಕಾಲೇತಂ ಸೋಣ್ಣಸನ್ನಿತಂ;
ಸೋಣ್ಣ ಜಾಲೇನತೇನಸ್ಸ,
ನಾಮಂಜಾಲೀತಿ ವೋಹರುಂ.
ಪದಸಾ ¶ ಗಮನೇ ಕಾಲೇ,
ಪುತ್ತಸ್ಸ ತಸ್ಸಜಾಲಿನೋ;
ವಿಜಾಯಿ ಧೀತರಂಏಕಂ,
ನಾರೀನಂ ಸೇಟ್ಠಂಸಮ್ಮತಂ.
ಕಣ್ಹಾಜಿನೇನ ಧೀತಂತಂ,
ಸಮ್ಪಟಿಚ್ಛಿಂಸು ಸಾದರಂ;
ತೇನಸ್ಸಾ ಧಿತುಯಾನಾಮಂ,
ಕಣ್ಹಾಜಿನಾತಿ ವೋಹರುಂ.
ಮಹತಾ ಪರಿವಾರೇನ,
ವುದ್ಧಿಂನ್ವಾಯಿಂಸು ತೇದುವೇ;
ಸಯನ್ತಾ ನಚ್ಚಗೀತೇನ,
ನಚ್ಚಗೀತ ಪಬೋಧನಾ.
ಮಹಾಸತ್ತೋಹಿ ¶ ಮಾಸಸ್ಸ,
ಛಕ್ಖತ್ತುಂ ದಾನಮಣ್ಡಪೇ;
ಓಲೋಕೇಸಿ ಅಲಙ್ಕತ-
ಹತ್ಥಿಕ್ಖನ್ಧ ವರೇಠಿತೋ.
ತಹಿಂ ಕಲಿಙ್ಕರಟ್ಠಮ್ಹಿ,
ದುಬ್ಬುಟ್ಠಿಕಾ ಭಯಾನಕಾ;
ಸಸ್ಸಾನಿ ನಸಮ್ಪಜ್ಜಿಂಸು,
ದುಬ್ಭಿಕ್ಖೋ ಸಮಯೋಅಹು.
ಚೋರಕಮ್ಮಂ ¶ ಅಕರಿಂಸು,
ಅಸಕ್ಕೋನ್ತಾವ ಜೀವಿತುಂ;
ಜನಾ ನಿಗಮಗಾಮೇಸು,
ವಿಲುಮ್ಪನ್ತಿ ದಾಮರಿಕಾ.
ಕಲಿಙ್ಕರಟ್ಠಂ ಸಕಲಂ,
ದುಬ್ಭಿಕ್ಖಭಯಪೀಳಿತಂ;
ಘಟೇ ವಿಲೋಲಪಾರೀವ,
ಸಙ್ಖುಮ್ಭಿತ್ಥ ಅನಾಥಕಂ.
ನೇಗಮಾ ಜಾನಪದಾಸಬ್ಬೇ,
ನಾಗರಾಚ ಸಮಗ್ಗತಾ;
ರಾಜಙ್ಗಣೇ ಉಕ್ಕೋಸಿಂಸು,
ದುಬ್ಭಿಕ್ಖಭಯ ಚೋದಿತಾ.
ತದಾಸುತ್ವಾನ ¶ ತಂರಾಜಾ,
ಸೀಘಂಉಬ್ಬಿಗ್ಗ ಮಾನಸಾ;
ಕೋಯಂಸದ್ದೋತಿ ಪುಚ್ಛಿತ್ಥ,
ಮಹಾಮಚ್ಚೇ ಸಕನ್ತಿಕೇ.
ಆರೋಚಯಿಂಸು ರಾಜಾನಂ,
ಪವತ್ತಿಂ ತಂಅಸೇಸತೋ;
ರಾಜಾಪಿ ಪಟಿಜಾನಾಸಿ,
ಮೇಘಂ ವಸ್ಸಾಪಯೇ-ಇತಿ.
ತತೋಸೋ ಪತ್ಥನಂಕಾಸಿ,
ಸಮಾದಿಯ ಉಪೋಸಥಂ;
ದೇವಂ ವಸ್ಸಾಪನತ್ಥಾಯ,
ಸತ್ತಾಹಂಸತ್ತಕಾರುಣೋ.
ನಹಿಏವಂಪಿಸೋಸಕ್ಖಿ ¶ ,
ವಸ್ಸಾಪೇತುಂ ನರಿಸ್ಸರೋ;
ಮೇಘಂಕಲಿಙ್ಕ ರಟ್ಠಮ್ಹಿ,
ದುಬ್ಬುಟ್ಠಿಕಾವ ಜಾಯಹಿ.
ತತೋಸೋ ಸನ್ನಿಪಾತೇತ್ವಾ,
ನಾಗರೇ ಏತದಬ್ರವೀ;
ವಸಾಪೇತುಂ ನಸಕ್ಕೋಮಿ,
ದೇವಂ ಕಿಂ ನುಕರೇ-ಇತಿ.
ತದಾಏವಮವೋಚಿಂಸು ¶ ,
ನರಾಕಲಿಙ್ಕರಾಜಿನೋ;
ದೇವಂ ವಸ್ಸಾಪನತ್ಥಾಯ,
ಸುಭಿಕ್ಖಕಾಲಕಾಮಿನೋ.
ಸಿವಿರಟ್ಠೇಮಹಾರಾಜ,
ರಜ್ಜೇಧಮ್ಮೇನಯೋಠಿತೋ;
ಜೇತುತ್ತರೇಮಹಾವೇಸ್ಸ-
ನ್ತರೋ ಸಿಞ್ಚಯಓರಸೋ.
ದಾನೇಸುಭಿರತೋಹೇಸ,
ಕಿರಮಙ್ಗಲಕುಞ್ಜರೋ;
ತಸ್ಸತ್ಥಿಪಚ್ಚಯೋನಾಮ,
ಪವರೋಸಬ್ಬಪಣ್ಡರೋ.
ಗತಠಾನೇಕುಞ್ಜರಸ್ಸ ¶ ,
ತಸ್ಸೇಕನ್ತೇನಖತ್ತಿಯ;
ಪಾವಸ್ಸಿಕಿರಗಜ್ಜನ್ತೋ,
ಮಹಾಮೇಘೋಸವಿಜ್ಜುಕೋ.
ಪೇಸೇತ್ವಾಬ್ರಾಹ್ಮಾಣೇರಾಜ,
ಯಾಚಾಪೇತುಂಸುಪಣ್ಡರಂ;
ಹತ್ಥಿಂವಟ್ಟತಿತಂತೇನ,
ಸೀಘಂಪೇಸೇಹಿಬ್ರಾಹ್ಮಣೇ.
ಸಮ್ಪಟಿಚ್ಛಿಯಸಾಧೂತಿ,
ಸುತ್ವಾತಂತುಟ್ಠಮಾನಸೋ;
ರಾಜಙ್ಗಣಮ್ಹಿರಾಜಾಸೋ,
ಸನ್ನಿಪಾತೇಸಿಬ್ರಾಹ್ಮಣೇ.
ಗುಣವಣ್ಣೇಹಿಸಮ್ಪನ್ನೇ ¶ ,
ವಿಚಿನಿತ್ವಾನಬ್ರಹ್ಮಣೇ;
ಅಟ್ಠತೇಸುರಾಜಾತೇಸಂ,
ನೇಕಂದಾಸಿಪರಿಬ್ಬಯಂ.
ಆನೇಥಕುಞ್ಜರಂಭೋನ್ತೋ,
ವೇಸ್ಸನ್ತರಸ್ಸಸನ್ತಿಕಂ;
ಗನ್ತ್ವಾಯಾಚಿಯ-ಏವಂತೇ,
ರಾಜಾವತ್ವಾನಪೇಸಯಿಂ.
ಬ್ರಾಹ್ಮಾಣಾ ¶ ಅಟ್ಠರಾಜಾನಂ,
ತೇಕತ್ವಾನ ಪದಕ್ಖಿಣಂ;
ಗಞ್ಛಿಂಸು ಜೇತುತ್ತರಂ ನಾಗಂ,
ನೇಥುಂ ಸಬ್ಬಙ್ಗಸುನ್ದರಂ.
ಅನುಪುಬ್ಬೇನ ಗನ್ತ್ವಾನ,
ತೇಪಾಪುಣಿಂಸು ಬ್ರಾಹ್ಮಣಾ;
ಜೇತುತ್ತರಂ ಭುಞ್ಜಮಾನಾ,
ದಾನಸಾಲಾಸು ಅಚ್ಛಯುಂ.
ತತೋಪುಣ್ಣ ಮದಿನಮ್ಹಿ,
ಕತ್ವಾಸರೀರಮತ್ತನೋ;
ತೇಪಂಸುಮಕ್ಖಿತಂಆಗುಂ,
ಪಾಚೀನದ್ವಾರಮಣ್ಡಲಂ.
ಸಂಯಾಚಿಸ್ಸಾಮನಾಗನ್ತಿ ¶ ,
ಚಿನ್ತಮಾನಾವರಾಜಿನೋ;
ಆಗಮೇನ್ತಾಆಗಮನಂ,
ತತ್ಥಅಚ್ಛಿಂ ಸುಬ್ರಾಹ್ಮಾಣಾ.
ದಾನಗ್ಗಂ ಓಲೇಕೇಯ್ಯನ್ತಿ,
ತದಾಸುರ ಸಭೋಜನೋ;
ಪಾತೋನೂತ್ವಾ ಮಹಾಸತ್ತೋ,
ಅಲಙ್ಕಾರೇನ ಲಙ್ಕರಿ.
ಅಲಙ್ಕತ ಹತ್ಥಿಕ್ಖನ್ಧಂ,
ಅರುಯ್ಹ ಅಗಮಾತತೋ;
ರಾಜಾ ¶ ಪುರತ್ಥಿಮಂ ದ್ವಾರಂ,
ಪರಿಸಾಯ ಮಹನ್ತಿಯಾ.
ಮಹನ್ತಿಂ ಪರಿಸಂದಿಸ್ವಾ,
ಭಿತಾ ಉಬ್ಬಿಗ್ಗ ಮಾನಸಾ;
ತತ್ಥೋಕಾಸಂ ನಲಭಿಂಸು,
ಯಾಚಿತುಂ ಬ್ರಾಹ್ಮಣಾ ತಹಿಂ.
ತಮ್ಹಾ ದಕ್ಖಿಣದ್ವಾರಂ ತೇ,
ಸಙ್ಕಮಿತ್ವಾನ ಉನ್ನತೇ;
ಪದೇಸೇ ಸೇಟ್ಠರಾಜಾನಂ,
ಆಗಮೇಸುಂ ಠಿತಾ ತತೋ.
ಓಲೋಕೇತ್ವಾನ ¶ ಪಾಚೀನ-
ದಾರಮ್ಹಿ ದಾನಮಣ್ಡಪೇ;
ಹತ್ಥಿಕ್ಖನ್ಧಗತೋ ರಾಜಾ,
ದ್ವಾರಮಾ ಗಞ್ಚಿದಕ್ಖಿಣಂ.
ರಾಜಾನಂ ಆಗತಂ ದಿಸ್ವಾ,
ಪಸಾರೇತ್ವಾನ ಬ್ರಾಹ್ಮಣಾ;
ಹತ್ಥೇ ‘‘ವೇಸ್ಸನ್ತರೋಜೇತು’’
ತಿಕ್ಖತ್ತುಂ ಇತಿಭಾಸಿಂಸು.
ಜಯಸದ್ದಂ ಪನಾದನ್ತೇ,
ರಾಜಾದಿಸ್ವಾನ ಬ್ರಾಹ್ಮಣೇ;
ಹತ್ಥಿಂ ತೇಸಂ ಠಿತಠಾನಂ,
ಪಾಜೇಸಿ ದಾನಮಾನಸಾ.
ಹತ್ಥಿಕ್ಖನ್ಧೇ ¶ ನಿಸಿನ್ನೋವ,
ಪಸನ್ನೇನ ಮುಖೇನಸೋ;
ಮ್ಹಿತಪುಬ್ಬಂ ತತೋವೋಚ,
ಗಿರೇವಂ ಹದಯಙ್ಗಮಂ.
ದಕ್ಖಿಣಾವಟ್ಟಸಙ್ಖೇನ,
ಬಾಹುಂಪಗ್ಗಯ್ಹ ದಕ್ಖಿಣ;
ಪುರತೋ ಮಮ ತಿಟ್ಠನ್ತಾ,
ಕಿಂ ಮಂಯಾಚನ್ತಿ ಬ್ರಾಹ್ಮಣಾ.
ಏವಂಸೀಘಮ ¶ ವೋಚಿಂಸು,
ಪಹಟ್ಠಾ ಬ್ರಾಹ್ಮಣಾ ತಹಿಂ;
ರತನಂರಾಜ ಯಾಚಾಮ,
ಕುಞ್ಜರಂ ಸಬ್ಬಪಣ್ಡರಂ.
ಇದಂಸುತ್ವಾನಸೋಚಿನ್ತಿ,
ಅಜ್ಝತ್ತಿಕಂ ಪಿದಾತವೇ;
ಅಹಮಿಚ್ಛಾಮಿತೇದಾನಿ,
ಮಮಂ ಯಾಚನ್ತಿ ಬಾಹಿರಂ.
ಇದಾನಿ ಪೂರಯಿಸ್ಸಾಮಿ,
ಯಾಚನ್ತಾನಂ ಮನೋರಥಂ;
ಏವಂಚಿನ್ತಿಯಸೋಭಾಸಿ ¶ ,
ಹತ್ಥಿಕ್ಖನ್ಧಠಿತೋ ಇತಿ.
ದೇಮಿತಂ ನವಿಕಮ್ಪಾಮಿ,
ಯಂಮಂಯಾಚನ್ತಿ ಬ್ರಾಹ್ಮಣಾ;
ಕೇಲಾಸ ಸದಿಸಂ ಸೇತಂ,
ಅಲಙ್ಕತಂ ಗಜುತ್ತಮಂ.
ಹತ್ಥಿಕ್ಖನ್ಧಾ ತತೋ ರುಯ್ಹ,
ರಾಜಾ ಚಾಗಾಧಿಮಾನಸೋ;
ಓಲೋಕೇಸಿತಿಕ್ಖತ್ತುಂತಂ,
ಕತ್ವಾ ನಾಗಂ ಪದಕ್ಖಿಣಂ.
ಗಹೇತ್ವಾ ¶ ಸೋಣ್ಣಭಿಙ್ಗಾರಂ,
ಸುಗನ್ಧೋದಕ ಪೂರಿತಂ;
ಅಹ್ವಾಯಿ ಏಥ ಭೋನ್ತೋತಿ,
ಕುಞ್ಜರಂಏಸ ದಾತವೇ.
ಗಹೇತ್ವಾ ರಜತದಾಮ-
ಸದಿಸಂ ಸೇತ ಹತ್ತಿನೋ;
ಸೋಣ್ಡಂಟ್ಠಪಿಯ ಹತ್ಥೇಸು,
ಬ್ರಾಹ್ಮಣಾನಂ ಗಜಿಸ್ಸರೋ.
ಸಾಲಙ್ಕತಂ ಮಹಾನಾಗಂ,
ಪಾತೇತ್ವಾ ದಕ್ಖಿಣೋದಕಂ;
ಅದಾಸಿ ಸೇಟ್ಠದನ್ತಿಂತಂ,
ಅಸಲ್ಲಿನೇನ ಚೇತಸಾ.
ಸದ್ಧಿಂ ¶ ವೀಸತಿಲಕ್ಖೇನ,
ಚತುಲಕ್ಖಾನಿ ಅಗ್ಘತಿ;
ಅಲಙ್ಕಾರೋಹಿ ನಾಗಸ್ಸ,
ನಾನಾರತನಚಿತ್ತಿತೋ.
ಅಥಾಪಿಅನಗ್ಘಾ ಹೋನ್ತಿ,
ಛಳೇವ ಅಙ್ಕುಸಾದಿಸು;
ಮಣಯೋ ವಾರಣೋಚಾಪಿ,
ಅನಙ್ಘೋ ಸತ್ತನಗ್ಘಿಕಾ.
ಯತಾವುತ್ತ ರತನೇಹಿ,
ಸದ್ಧಿಂ ಅದಾಸಿ ಕುಞ್ಜರಂ;
ನಾಗೋಪಿಯೋಪಿ ತೇನೇವ,
ತತೋ ಸಬ್ಬಞ್ಞುತಂ ಪಿಯಂ.
ಅಥಾಪಿ ¶ ಪಞ್ಚಸತಾನಿ,
ಪರಿಚಾರಾನಿ ಹತ್ಥಿನೋ;
ಕುಲಾನಿ ಹತ್ಥಿಗೋಪೇಹಿ,
ಸದ್ಧಿಂ ಅದಾಸಿ ಸಾದರಂ.
ವೇಸ್ಸನ್ತರೇನ ದಿನ್ನಮ್ಹಿ,
ಸೇತ ಮಙ್ಗಲ ಕುಞ್ಜರೇ;
ಅಚೇತನಾಪಿನಾದೇನ್ತೀ,
ಮೇದನೀ ಸಮ್ಪ ಕಮ್ಪಥ.
ತಹಿಂ ¶ ಭೀಸನಕಂ ಆಸಿ,
ನಾನಂ ಲೋಮಹಂಸನಂ;
ಮಹನ್ತೋ ವಿಪುಲೋ ಘೋಸೋ,
ಖುಮ್ಭಿತ್ಥ ಸಕಲಂ ಪುರಂ.
ಮಹೀಸದ್ದಸನ್ತಾಸೇನ,
ಮೇಘೋ ಪಾವಸ್ಸಿ ತಾವದೇ;
ಘನವಸ್ಸಂ ಮಹಾಧಾರಂ,
ಗಜ್ಜಮಾನೋ ದಿಸೋ ದಿಸಂ.
ನಿಚ್ಛರಿಂಸು ಬಹೂವಿಜ್ಜು-
ಲತಾ ಯೋಚ ಸಮನ್ತತೋ;
ಇನ್ದಚಾಪಾ ಉಟ್ಠಹೀಂಸು,
ಉಕ್ಕಾಪಾತೋ ತದಾ ಅಹು.
ಹತ್ಥಿಂ ¶ ಲದ್ಧಾನತೇ ತುಟ್ಠಾ,
ಬ್ರಾಹ್ಮಣಾ ಕಿರದಕ್ಖಿಣಾ-
ದ್ವಾರಾ ನಗರ ಮಜ್ಝೇನ,
ಗಜಕ್ಖನ್ಧ ಗತಾನಯುಂ.
ಮಹಾಜನಪರಿವಾರೇ,
ಗಜಾರುಳ್ಹೇಟ್ಠ ಬ್ರಾಹ್ಮಣೇ;
ಪಸ್ಸಿಂ ಸುನಾಗರಾ ಸಬ್ಬೇ,
ತದಾತೇ ಏತದಬ್ರವುಂ.
ಅಮ್ಹಾಕಂ ¶ ಕುಞ್ಜರಂ ಹಮ್ಭೋ,
ಆರುಳ್ಹಾ ವೋ ಇಧಾಗತಾ;
ದಿನ್ನೋಯಂ ಕೇನ ತುಮ್ಹಾಕಂ,
ಕದಾ ಲದ್ಧೋ ಕುತೋ-ಇತಿ.
ವೇಸ್ಸನ್ತರೇನ ದಿನ್ನೋ ನೋ,
ಕಥಂತುಮ್ಹೇ ವದಿಸ್ಸಥ;
ನಕಥೇಯ್ಯಾಮ ವಿತ್ಥಾರಂ,
ಗಚ್ಛೇಮ ನಗರಂ ಮಯಂ.
ಏವಂವತ್ವಾ ನಿಕ್ಖಮಿಂಸು,
ದ್ವಾರೇನ ಉತ್ತರೇನತೇ;
ಚಿತ್ತಂವಿಲೋಲ ¶ ಮಾನಾವ,
ನಾಗರಾನಂ ಕಲಿಙ್ಕಜಾ.
ತದಾಹಿ ನಾಗರಾ ಸಬ್ಬೇ,
ಬೋಧಿಸತ್ತಸ್ಸ ಕುಜ್ಝಿತಾ;
ರಾಜದ್ವಾರೇ ಸನ್ನಿಪಚ್ಚ,
ಉಪಕ್ಕೋಸಮಕಂಸು ತೇ.
ಅಧಮ್ಮೇನೇವಭೋನ್ತ್ತೋನೋ,
ನಾಗಂ ರಟ್ಠಸ್ಸ ಪೂಜಿತಂ;
ಅದಾವೇಸ್ಸನ್ತರೋದುಟ್ಠ-
ಬ್ರಾಹ್ಮಣಾನಮಲಙ್ಕತಂ.
ಸಙ್ಖುಮ್ಭಿತಚಿತ್ತಾ ¶ ಸಬ್ಬೇ,
ತತೋನಗರವಾಸಿನೋ;
ಗನ್ತ್ವಾ ಸಿಞ್ಚಯರಾಜಸ್ಸ,
ಸನ್ತಿಕಂ ಏವಮಬ್ರವುಂ.
ವಿಧಮಂದೇವತೇರಟ್ಠಂ,
ಪುತ್ತೋವೇಸ್ಸನ್ತರೋತವ;
ಕತಂಸೋಕುಞ್ಜರಂದಾಸಿ,
ಸಿವಿರಟ್ಠಸ್ಸಪೂಜಿತಂ.
ಕಥಂಸೋ ¶ ವಾರಣಂದಾಸಿ,
ಸೇತಂ ಕೇಲಾಸಸನ್ನಿಭಂ;
ಪಣ್ಡುಕಮ್ಪಲಸಞ್ಛನ್ನಂ,
ಜಯ ಭೂಮಿ ವಿಜನಾನಂ.
ಸಚೇ ಸೋ ದಾತುಮಿಚ್ಛೇಯ್ಯ,
ಅನ್ನಂಪಾಣಞ್ಚಭೋಜನಂ;
ವತ್ಥಂ ಸೇನಾಸನಂ ಸೋಣ್ಣಂ,
ಯುತ್ತಂದಾತುಂ ಯಥಿಚ್ಛಿತಂ.
ಸಚೇತ್ವಂ ನಕರಿಸ್ಸಸಿ,
ಸಿವೀನಂ ವಚನಂಇದಂ;
ಮಞ್ಞೇತಂ ಸಹಪುತ್ತೇನ,
ಸಿವೀಹತ್ಥೇ ಕರಿಸ್ಸರೇ.
ತಜ್ಜಮಾನಾಹಿ ¶ ಏವಞ್ಹಿ,
ಸುತ್ವಾ ಸಿವೀಹಿ ಭಾಸಿತಂ;
ಮಞ್ಞಿತ್ಥ ಸಿಞ್ಚಯೋ ಪುತ್ತಂ,
ಮಾರೇತುಂ ಇಚ್ಛರೇಇತಿ.
ಏವಂಬ್ಯಾಕಾಸಿ ತೇನೇವ,
ಸೀಘಂವಿಬ್ಭನ್ತ ಮಾನಸೋ;
ಪುತ್ತಪೇಮ ಚೋದಿತೋ ಸೋ,
ಸೋಕಸಲ್ಲ ಸಮಪ್ಪಿತೋ.
ಕಾಮಂ ¶ ಜನಪದೋ ಸಬ್ಬಂ,
ರಟ್ಠಞ್ಚಾಪಿ ವಿನಸ್ಸತು;
ನಾಹಂ ಸಿವೀನಂವಚನಾ,
ಪಬ್ಬಾಜೇಯ್ಯಂ ಮಮತ್ರಜಂ.
ಕಥಂ ಹಂ ತಮ್ಹಿ ದುಬ್ಭೇಯ್ಯಂ,
ಸನ್ತೋಸೋ ಸುದ್ಧಚೇತಸೋ;
ಪುತ್ತಂಕಥಞ್ಚ ನಿದ್ದೋಸಂ,
ಸತ್ಥೇನ ಘಾತಯೇ ಮಮ.
ಸಿವಯೋ ತಸ್ಸ ಸುತ್ವಾನ,
ಭಾಸಿತಂ ಪುತ್ತಗಿದ್ಧಿನೋ;
ಅವೋಚುಂ ವಿಸಟ್ಠಾ ವೀತ-
ಭಹಾಏವಂ ಯಥಾತಥಂ.
ಮಾನಂ ¶ ದಣ್ಡೇನ ಸತ್ಥೇನ,
ನಾಪಿ ಸೋ ಬನ್ಧನಾರಹೋ;
ಪಬ್ಬಾಜೇಹಿ ವನಂ ರಟ್ಠಾ,
ವಙ್ಕೇ ವಸತು ಪಬ್ಬತೇ.
ತದಾಚಿನ್ತಯಿ ಸೋರಾಜಾ,
ನಯುತ್ತಂ ಪನೂದೇತವೇ;
ಛನ್ದಂ ಹಿ ಸಿವಿನಂ ದಾನಿ,
ತತೋ ವೋಚ ಸುಭಾಸಿತಂ.
ಯಥಾಛನ್ದಂ ¶ ಕರೇಯ್ಯಾಮಿ,
ರಟ್ಠ ಪಬ್ಬಾಜಯೇಥ ತಂ;
ಏಕೋಕಾಸಞ್ಚ ಯಾಚಾಮ,
ರತ್ತಿಂ ಸೋ ವಸತಂ ಇಮಂ.
ಅಮನ್ತೇತು ಯಥಾಕಾಮಂ,
ಕಣ್ಹಾಜಿನಾಯ ಜಾಲಿನಾ;
ತಥಾಚ ಮದ್ದಿಯಾ ಸದ್ಧಿಂ,
ಕಾಮೇಚ ಪರಿಭುಞ್ಜತು.
ತತೋ ರತ್ಯಾ ವಿವಸಾನೇ,
ಸೂರಿಯುಗ್ಗಮನೇಸತಿ;
ಸಮಗ್ಗಾ ಸಿವಯೋ ಹುತ್ವಾ,
ರಟ್ಠಾ ಪಬ್ಬಜಯನ್ತು ತಂ.
ಪಚ್ಚಾಗಞ್ಛುಂ ¶ ತದಾ ಸಬ್ಬೇ,
ಸಿವಯೋ ತುಟ್ಠಮಾನಸಾ;
ಸಮ್ಪಟಿಚ್ಛಿತ್ವಾನ ಸಾಧೂತಿ,
ವಚನಂ ಸಿವಿರಾಜಿನೋ.
ತತೋಸೋ ಸಿಞ್ಚಯೋಏಕಂ,
ಕತ್ತಾರಂ ಪುತ್ತಸನ್ತಿಕಂ;
ಸಾಸನಂ ಪೇಸನತ್ಥಾಯ,
ತುರಿತಂ ಏವಮಬ್ರವೀ.
ಉಟ್ಠೇಹಿ ಕತ್ತೇ ತರಮಾನೋ,
ಗನ್ತ್ವಾ ವಸ್ಸನ್ತರಂ ವದ;
ಸಿವಯೋ ದೇವ ತೇಕುದ್ಧಾ,
ನೇಗಮಾಚ ಸಮಾಗತಾ.
ಅಸ್ಮಾ ¶ ರತ್ಯಾ ವಿವಸಾನೇ,
ಸೂರಿಯುಗ್ಗಮನೇ ಸತಿ;
ಸಮಗ್ಗಾ ಸಿವಯೋ ಹುತ್ವಾ,
ರಟ್ಠಾ ಪಬ್ಬಾಜಯನ್ತಿತಂ.
ಸಕತ್ತಾ ತರಮಾನೋವ,
ಸಿವಿರಾಜೇನ ಪೇಸಿತೋ;
ಉಪಾಗಮಿ ಪುರಂರಮ್ಮಂ,
ವೇಸ್ಸನ್ತರ ನಿವೇಸನಂ.
ತತ್ಥದ್ದಸ ¶ ಕುರಂಸೋ,
ರಮಮಾನಂ ಸಕೇ ಪುರೇ;
ಪರಿಕಿಣ್ಣಂ ಅಮಚ್ಚೇಹಿ,
ತಿದಸಾನಂವ ವಾಸವಂ.
ವನ್ದಿತ್ವಾ ರೋದಮಾನೋಸೋ,
ಕತ್ತಾ ವೇಸ್ಸನ್ತರಂ ಬ್ರವೀ;
ದುಕ್ಖಂ ತೇ ವೇದಯಿಸ್ಸಾಮಿ,
ಮಾಮೇಕುಜ್ಝ ರಥೇಸಭ.
ಅಸ್ಮಾರತ್ಯಾ ವಿವಸಾನೇ,
ಸೂರಿಯುಗ್ಗಮನೇ ಸತಿ;
ಸಿವಯೋ ದೇವ ತೇಕುದ್ಧಾ,
ರಟ್ಠಾ ಪಬ್ಬಾಜಯನ್ತಿತಂ.
ಸುತ್ವಾನ ¶ ಭಾಸಿತಂ ಏತಂ,
ಹಸಮಾನೋ ಪಮೋದಯಂ;
ಏವಂಪುಚ್ಛಿತ್ಥ ಕತ್ತಾರಂ,
ವೇಸ್ಸನ್ತರೋ ಸುಧೀತಿಮಾ.
ಕಿಸ್ಮಿಂ ಮೇ ಸಿವಯೋ ಕುದ್ಧಾ,
ಯಂ ನಪಸ್ಸಾಮಿ ದುಕ್ಕಟಂ;
ತಂಮೇ ಕತ್ತೇ ವಿಯಾಚಿಕ್ಖ,
ಕಸ್ಮಾ ಪಬ್ಬಾಜಯನ್ತಿ ಮಂ.
ತಹಿಂ ¶ ಕತ್ತಾ ಇದಂವೋಚ,
ಹತ್ಥಿದಾನೇನ ಕುಜ್ಝರೇ;
ಖೀಯನ್ತಿ ಸಿವಯೋ ರಾಜ,
ತಸ್ಮಾ ಪಬ್ಬಾಜಯನ್ತಿ ತಂ.
ತಂಸುತ್ವಾನ ಮಹಾಸತ್ತೋ,
ದಾನೇಸು ಥೀರಮಾನಸೋ;
ವಚನಂ ಮ್ಹಿತಪುಬ್ಬಂ ಸೋ,
ಕತ್ತಾರಂ ಏತದಬ್ರವೀ.
ಹದಯಂ ¶ ಚಕ್ಖುಮಹಂ ದಜ್ಜಂ,
ಬಾಹುಂಪಿ ದಕ್ಖಿಣಂ ಮಮ;
ಹಿರಞ್ಞ ಮಣಿಸೋಣ್ಣಾದಿಂ,
ನಕಿಂ ಬಾಹಿರಕಂ ಧನಂ.
ಕಾಮಂಮಂಸಿ ವಯೋಸಬ್ಬೇ,
ಪಬ್ಬಾಜೇನ್ತು ಹನನ್ತುವಾ;
ನೇವದಾನಾ ವಿರಮಿಸ್ಸಂ,
ಕಾಮಂಛಿನ್ದನ್ತು ಸತ್ತಧಾ.
ತತೋಸೋ ದೇವತಾವಿಟ್ಠೋ,
ಕತ್ತಾಮಗ್ಗಮ ದೇಸಯಿ;
ಪಬ್ಬಾಜಿತಾನಂ ಸಬ್ಬೇಸಂ,
ಗತಪುಬ್ಬಂ ಪುರಾಣಕಂ.
ಕೋನ್ತೀಮಾರಾಯ ¶ ತೀರೇನ,
ಗೀರಿಮಾ ರಞ್ಚರಂ ಪತಿ;
ಯೇನಪಬ್ಬಾಜಿತಾಯನ್ತಿ,
ತೇನಗಚ್ಛತು ಸುಬ್ಬತೋ.
ತಂಸುತ್ವಾನ ಬೋಧಿಸತ್ತೋ,
ಸಾಧೂತಿ ಸಮ್ಪಟಿಚ್ಛಿಯ;
ಏಕೋಕಾಸಂ ನಾಗರಾನಂ,
ಯಾಚೇತುಂ ಏವಮಬ್ರವೀ.
ದಾನಂಸತ್ತಸತಕಂಹಂ ¶ ,
ಕತ್ತೇದಜ್ಜಂ ಸುವೇತತೋ;
ಪರಸ್ವೇ ನಿಕ್ಖಮಿಸ್ಸಾಮಿ,
ರತ್ತಿಂದಿವಂ ಖಮನ್ತುಮೇ.
ಸಾಧುದೇವಪವಕ್ಖಾಮಿ,
ಖಮಾಪೇತುಂನಿಸಾದಿವಂ;
ನಾಗರಾನಂತಿವತ್ವಾನ,
ತದಾಕತ್ತಾಪಿಪಕ್ಕಮಿ.
ಮಹಾಸತ್ತೋಮಹಾಯೇನ- ¶
ಕುತ್ತಂಸಕಲಕಮ್ಮಿಕಂ;
ಪಕ್ಕೋಸಾವಿಯಸ್ವೇದಾನಂ,
ಏವಂಬ್ಯಾಕಾಸಿದಾತವೇ.
ಹತ್ಥೀಅಸ್ಸೇರತೇಇತ್ಥೀ,
ದಾಸೀದಾಸೇಚಧೇನುಯೋ;
ಪಟಿಯಾದೇಹಿತ್ವಂಸತ್ತ-
ಸತೇಚಾಗಾಯಮಾರಿಸ.
ಅಥೋನಾನಪ್ಪಕಾರಾನಿ,
ಅನ್ನಪಾನಾನಿಸಬ್ಬಸೋ;
ಸುರಂಪಿ ಪಟಿಯಾದೇಹಿ,
ಸಬ್ಬಂದಾತಬ್ಬಯುತ್ತಕಂ.
ಏವಂಸೋಬ್ಯಾಕರಿತ್ವಾನ ¶ ,
ಪೇಮಚಿತ್ತೇನಚೋದಿತೋ;
ಏಕೋವಮದ್ದಿಯಾರಮ್ಮಂ,
ಪಾಸಾದಮಭಿರೂಹಥ.
ರತ್ತಚನ್ದನ ಗನ್ಧೇಹಿ,
ಗನ್ಧೋದಕೇಹಿವಾಸಿತಂ;
ಸೋಪಾವೇಕ್ಖಿಸಿರೀಗಬ್ಭಂ,
ಮದ್ದೀದೇವೀನಿವಾಸನಂ.
ಮದ್ದೀದಿಸ್ವಾನಆಯನ್ತಂ ¶ ,
ಮ್ಹಿತಾನನೇನಸಾಮಿಕಂ;
ಉಟ್ಠಾಸಿಆಸನಾಸೀಘಂ,
ರೇಣುಮತ್ತಾವಕಿನ್ನರೀ.
ಉಟ್ಠಾಹಿತ್ವಾನಸಾಮದ್ದೀ,
ವಾಮಹತ್ಥೇಸು ರಾಜಿನೋ;
ದಕ್ಖಿಣೇ ನಸಹತ್ಥೇನ,
ಗಣ್ಹಿತ್ಥಮನ್ದಹಾಸಿನೀ.
ತತೋಸಿರಿಸಯನಮ್ಹಿ ¶ ,
ನಸಿನ್ನಂಸಕಸಾಮಿಕಂ;
ಬೀಜಯನ್ತೀವಸಾಟ್ಠಾಸಿ,
ಮದ್ದೀಸಞ್ಞತವಾಸಿನೀ.
ಮದ್ದಿಂಅಙ್ಕೇಟ್ಠಪೇತ್ವಾಥ,
ಗಣ್ಹಂಹತ್ತೇಸುದೇವಿಯಾ;
ಮುಖಂಮುಖೇನಕತ್ವಾನ,
ರಾಜಾಮನ್ದಮಭಾಸಥ.
ಯಂತೇಸಚೇಮಯಾದಿನ್ನಂ,
ಯಞ್ಚತೇಪೇತ್ತಿಕಂಧನಂ;
ಸಬ್ಬಂತಂನಿದಹೇಯ್ಯಾಸಿ,
ಭದ್ದೇಕೋಮಾರಪೇಮಿಕೇ.
ತಹಿಂನವುತ್ತಪುಬ್ಬಂಮೇ ¶ ,
ಸಾಮಿಕೇನಮಮೀದಿಸಂ;
ಕದಾಚಿಏತ್ಥಕಂಕಾಲಂ,
ಮದ್ದೀಏವಞ್ಹಿಚಿನ್ತಯಿ.
ತತೋ ಉಬ್ಬಿಗ್ಗಚಿತ್ತೇನ,
ಮದ್ದೀಏವ ಮಭಾಸಥ;
ಕುಹಿಂ ದೇವ ನಿದಹಾಮಿ,
ತಂಮೇ ಅಕ್ಖಾಹಿ ಪುಚ್ಛಿತೋ.
ಸೀಲವನ್ತೇಸು ¶ ದುಜ್ಜಾಸಿ,
ದಾನಂ ಮದ್ದೀ ಯಥಾರಹಂ;
ನಹಿದಾನಾ ಪರಂಅತ್ಥಿ,
ಪತಿಟ್ಠಾ ಸಬ್ಬಪಾಣಿನಂ.
ನಿಧಾನಂ ನಾಮ ಏತಂವ,
ಧನಾನಂ ನನ್ದಿವಡ್ಢನೇ;
ದಾನಂಹಿ ನಿಧಿ ಸತ್ತಾನಂ,
ಏವಂಬ್ಯಾಕಾಸಿ ಖತ್ತಿಯೋ.
ಮದ್ದೀವತ್ವಾನ ¶ ಸಾಧೂತಿ,
ಓನಮಿತ್ವಾ ಸಿರುತ್ತಮಂ;
ಸಮ್ಪಟಿಚ್ಛಿ ತತೋ ರಾಜಾ,
ಪುನಾಪಿ ಏವಮಬ್ರವೀ.
ಜಾಲಿಮ್ಹಿಮದ್ದಿದಯೇಸಿ,
ಸಾಧುಕಣ್ಹಾಜಿನಾಯಚ;
ಗಾರವಂನಿವಾತಂಕಾಸಿ,
ಸಸ್ಸುಯಾಸಸ್ಸುರಮ್ಹಿಚ.
ಯೋಹಿತಂ ಪೇಮ ಚಿತ್ತೇನ,
ಮಯಾವಿಪ್ಪವಸೇನ ತೇ;
ಇಚ್ಛೇ ಚೇಭವಿತುಂ ಅತ್ತಾ,
ಸಕ್ಕಚ್ಚಂ ತಂಉಪಟ್ಠಹೇ.
ಸಚೇ ¶ ಏವಂ ನಭವೇಯ್ಯ,
ಭತ್ತಾರಂ ಮಾದಿಸಂ ವಿಯಂ;
ಪರಿರೇ ಸೇಹಿ ಅಞ್ಞಂ ತ್ವಂ,
ಮಾಕಿ ಸ್ಸಿತ್ಥೋ ಮಯಾವಿನಾ.
ತದಾಹಿ ದುಮ್ಮುಖೀ ಮದ್ದೀ,
ರಾಜಾನ ಮೇವ ಮಬ್ರವೀ;
ದುಸ್ಸುತಂ ವತ ಸುಣೋಮಿ,
ಈದಿಸಂ ಕಿನ್ನುಭಾಸಸಿ.
ವಿಯಾಚಿಕ್ಖಾಮಿ ¶ ಮೇಭ ದ್ದೇ,
ಸಕಲಂ ದಾನಿ ಕಾರಿಣಂ;
ಹತ್ಥಿದಾನೇನಕುಜ್ಝನ್ತಿ,
ಸಮಗ್ಗಾ ಸಿವಯೋ ಮಮ.
ಪಬ್ಬಾಜೇನ್ತಿ ಮಮಂ ತೇನ,
ಸಿವಯೋ ಸಿವಿರಟ್ಠತೋ;
ಮಹಾದಾನಂ ದದಿಸ್ಸಾಮಿ,
ಸುವೇ ಕೋಮಾರಸಙ್ಗಮೇ.
ಪರಸ್ವೇ ನಿಕ್ಖಮಿಸ್ಸಾಮಿ,
ರಟ್ಠಾ ಏಕೋವ ಸೋಭಣೇ;
ನಾನಾಭಯೇಹಿ ಸಂಕಿಣ್ಣಂ
ವಙ್ಕಂ ಗಚ್ಛಾಮಿ ಪಬ್ಬತ.
ಪಾಣೀಕತಪಿಯೇ ¶ ಜಾಲಿಂ,
ಕಣ್ಹಾಜಿನಞ್ಚ ಅತ್ತಜಂ;
ತಞ್ಚಓಹಾಯ ಗಚ್ಛೇಯ್ಯಂ,
ವಸೇಯ್ಯಂ ಏಕಕೋವನೇ.
ರಞ್ಞೋ ಸುತ್ವಾನ ಸಙ್ಕಮ್ಪಿ,
ವಚನಂಸೋಕವಡ್ಢನಂ;
ಮಾಲುತೇರಿತಪತ್ತಂವ,
ಮದ್ದೀಯಾ ಹದಯಂ ತದಾ.
ಮಾಮಮೇವಮವಚುತ್ಥ ¶ ,
ಕಮ್ಪೇಸಿ ಹದಯಂ ಮಮ;
ತತ್ತತೇಲೇನಸಿತ್ತಂವ,
ಸರಿರಂ ರಾಜ ದಯ್ಹತೇ.
ನೇಸಧಮ್ಮೋ ಮಹಾರಾಜ,
ಯಂ ತ್ವಂ ಗಚ್ಛೇಯ್ಯ ಏಕಕೋ;
ಅಹಂಪಿ ತೇನ ಗಚ್ಛಾಮಿ,
ಯೇನಗಚ್ಛಸಿ ಖತ್ತಿಯ.
ಮರಣಂವಾ ¶ ತಯಾ ಸದ್ಧಿಂ,
ಜೀವಿತಂವಾ ತಯಾ ವಿನಾ;
ತದೇವ ಮರಣಂ ಸೇಯ್ಯೋ,
ಯಞ್ಚೇಜೀವೇ ತಯಾಪಿನಾ.
ಅಗ್ಗಿಂ ಉಜ್ಜಾಲಯಿತ್ವಾನ,
ಏಕಜಾಲ ಸಮಾಹಿತಂ;
ತತ್ಥೇ ವಮರಣಂ ಸೇಯ್ಯೋ,
ಯಞ್ಚೇ ಜೀವೇ ತಯಾ ವಿನಾ.
ಚರನ್ತಾ ರಞ್ಞನಾಗಂವ,
ದುಗ್ಗೇಸ್ವನ್ವೇತ್ತಿ ಹತ್ಥಿನೀ;
ಏವಂತಂ ¶ ಅನುಗಚ್ಛಾಮಿ,
ಪುತ್ತೇಆದಾಯಪಚ್ಛತೋ.
ವಿಮಂಸೇತುಂ ತದಾ ರಾಜಾ,
ಮಾನಸಂ ಮದ್ದಿದೇವಿಯಾ;
ನಾನಾಭಯಂ ಪಕಾಸೇನ್ತೋ,
ಏವಂಬ್ರವಿ ಭಯಾಪಯಂ.
ವಿಯಾಚಿಕ್ಖಾಮಿ ¶ ತೇಸಚ್ಚಂ,
ವನಮ್ಹಿ ಮುದುಮಾನಸೇ;
ನಾನಾಭಯಂ ಖರಂ ಘೋರಂ,
ಹೇಸ್ಮಂ ಹದಯಕಮ್ಪನಂ.
ಕೇಸರೀನಾಮ ಯೇಭದ್ದೇ,
ಮಿಗರಾಜಾ ಖರಸ್ಸರಾ;
ಹಿಂ ಸನ್ತಿಂ ತೇ ಸಸದ್ದೇನ,
ಮಿಗೇತಿಕ್ಖಗ್ಗ ದಾಠಿನೋ.
ದೀಪೀಬ್ಯಗ್ಘಾಕಣ್ಹಾಚ್ಛಾಚ,
ತಿಕ್ಖಗ್ಗ ನಖ ಧಾರಿನೋ;
ಖಗ್ಗಾ ¶ ವನಮಹಿಂಸಾಚ,
ತಿಕ್ಖಗ್ಗಸಿಙ್ಗಧಾರಿನೋ.
ತಿಕ್ಖಗ್ಗ ನಖ ಸಿಙ್ಗೇಹಿ,
ಏತೇ ಪೋಸಂಪಿ ಛಿನ್ದಿಯ;
ಖಣ್ಡಾಖಣ್ಡಂ ಕರಿತ್ವಾನ,
ಮೂಲಾಲಂವಿಯ ಭಕ್ಖರೇ.
ಯಾಚಯಕ್ಖಿನಿಯೋಯಕ್ಖಾ,
ಬಹೂಮನುಸ್ಸಖಾದಕಾ;
ನರಂನಾರಿಂ ಗವೇಸನ್ತಿ,
ದುಮ್ಮುಖಾ ಖಗ್ಗಪಾಣಿನೋ.
ಅಥೋ ¶ ಅಜಗರಾಸಪ್ಪಾ,
ಘೋರವೀಸಾಚ ವಿಜ್ಜರೇ;
ವಿಂಸಾಚಾ ರಕ್ಖಸಾವಾಳಾ,
ಸಜ್ಜುಲೋಹಿತಭೋಜನಾ.
ಅಞ್ಞೇಪಿ ಬಹವೋಸನ್ತಿ,
ಭಯಾಭೇಸ್ಮಕಾರಕಾ;
ಕಿಂನಭಾಯಸಿ ಏತೇಸಂ,
ಭಯಾನಂ ಭಯಮಾನಸೇ.
ಮಾ ¶ ಮಮಂ ತ್ವಂ ನುಗಚ್ಛಾಹಿ,
ಗಚ್ಛನ್ತಂ ಭಯಸಂಯುತಂ;
ವನಂ ಇಧೇವ ಅಚ್ಛಾಹಿ,
ವುತ್ತೇಹಿಸಹಭೀರುಕೇ.
ತ್ವೇಕದಾಸಿರಿಗಬ್ಭಮ್ಹಿ,
ವಸನ್ತೀ ಸಹಮೇ ಸುಭೇ;
ಸುತ್ವಾಗವೇಸಿತಾಣಙ್ಕೇ,
ಕಿಂಮೇ ಮಞ್ಜಾರಗಜ್ಜಿತಂ.
ತ್ವೇಕದಾಕಿಂವಿಬೋಧೇಸಿ ¶ ,
ಭೇಮಿಭೇಮೀತಿ ಭಾಸಿಯ;
ರತ್ತಿಯಂ ಹಿ ಸಯನ್ತಂ ಮಂ,
ಸುತ್ವಾ ನುಲುಙ್ಕವಸ್ಸಿತಂ.
ತ್ವೇಕದಾ ಮೇಘಸದ್ದಂಹಿ,
ಸುತ್ವಾದಿವಾ ಮಮನ್ತಿಕಂ;
ಧಾವಿತ್ವಾಮಂ ಪರಿಸ್ಸಜ್ಜ,
ಕಿಂ ಮುಚ್ಛಿಲೋಮಹಂಸೀನೀ.
ಏವಂಭಯ ¶ ಚಞ್ಚಲಾಯ,
ಸುಖುಮಾಲಾಯ ದೇವಿಯಾ;
ನಾಲಂಹಿ ವಸಿತುಂರಞ್ಞೇ,
ಭೇಸ್ಮೇ ಅವನವಾಸಿಕೇ.
ಮದ್ದೀಸುತ್ವಾನ ರಾಜಸ್ಸ,
ಭಾಸಿತ್ತಂ ಥೀರಮಾನಸಾ;
ವಿಸಾರದೇನ ಚಿತ್ತೇನ,
ಸಾಮಿಕಂ ಏವಮಬ್ರವೀ.
ತಯಿಮೇ ಪೇಮ ಚಿತ್ತಞ್ಚ,
ಅರಞ್ಞೇ ಭಯಮಾನಸಂ;
ತಯಿತೇಸುಮಹಾರಾಜ ¶ ,
ಸುತಿಕ್ಖಂ ಪೇಮ ಚೇತಸಂ.
ಸನ್ದತೇ ಸೀಘಸೋತಂಮೇ,
ತಯಿಸಾಗರ ಸನ್ನಿಭೇ;
ನಿಚ್ಚಂಪೇಮೋದಕಂರಾಜ,
ಗಙ್ಗೋದಕಂವ ಸಾಗರೇ.
ಮರಣಂಪೇಮಚಿತ್ತೇನ,
ಜೀವಿತಂ ಭಯ ಚೇತಸಾ;
ತದೇವ ಮರಣಂಸೇಯ್ಯೋ,
ಯಞ್ಚೇತಂ ಜೀವಿತಂಚಿರಂ.
ಪಾಕಾರಂ ¶ ಮಮೂರಂರಾಜ,
ಕತ್ವಾನ ಪುರತೋವನಂ;
ನಾನಾಭಯಂ ನಿವಾರೇನ್ತೀ,
ಗಚ್ಛಂ ಹಂವೇರಹಿಂಸಿನೀ.
ತಯಿಹಂ ಪೇಮಚಿತ್ತಾಸಿಂ,
ಗಹೇತ್ತ್ವಾ ವಙ್ಕಪಬ್ಬತೇ;
ಫಲಾಫಲಂಗವೇಸನ್ತೀ,
ವಸೇಯ್ಯಾಮಿ ತಯಾಸಹ.
ಏವಂಞ್ಹಿ ¶ ಸೂರಭಾವಂ ಸಾ,
ದಸ್ಸಯಿತ್ವಾನ ಅತ್ತನೋ;
ಹಿಮವನ್ತ ವಾಸಿನೀವ-
ರಾಜಾನಂ ವೀತಿತೋಸಯಿ.
ಯದಾದಕ್ಖಸಿನಚ್ಚನ್ತೇ,
ಕುಮಾರೇ ಮಾಲಧಾರಿನೇ;
ಕೀಳನ್ತೇ ಅಸ್ಸಮೇರಮ್ಮೇ,
ನರಜ್ಜಸ್ಸ ಸರಿಸ್ಸಸಿ.
ಯದಾದಕ್ಖಸಿಗಾಯನ್ತೇ ¶ ,
ಅಞ್ಞೋಞ್ಞಮುಖದಸ್ಸಿನೇ;
ಕುಮಾರೇವನಗುಮ್ಬಮ್ಹಿ,
ನರಜ್ಜಸ್ಸ ಸರಿಸ್ಸಸಿ.
ಯದಾದಕ್ಖಸಿಮಾತಙ್ಗಂ,
ಸಾಯಂಪಾತಂಬ್ರಹಾವನೇ;
ಅಸಹಾಯಂವಿಚರನ್ತಂ,
ನರಜ್ಜಸ್ಸ ಸರಿಸ್ಸಸಿ.
ನಾದಂಕರೇಣುಸಙ್ಘಸ್ಸ ¶ ,
ನದಮಾನಸ್ಸಪೂರತೋ;
ನಾಗಸ್ಸವಜತೋಸುತ್ವಾ,
ನರಜ್ಜಸ್ಸಸರಿಸ್ಸಸಿ.
ಮಿಗಂದಿಸ್ವಾನಸಾಯನ್ಹಂ,
ಪಞ್ಚಮಾಲಿನಮಾಗತಂ;
ಕಿಂ ಪೂರಿಸೇಚನಚ್ಚನ್ತೇ,
ನರಜ್ಝಸ್ಸಸರಿಸ್ಸಸಿ.
ಯದಾಸುಸ್ಸಸಿನಿಗ್ಘೋಸಂ ¶ ,
ಸನ್ದಮಾನಾಯಸಿನ್ಧುಯಾ;
ಗೀತಂಕಿಂಪುರಿಸಾನಞ್ಚ,
ನರಜ್ಜಸ್ಸಸರಿಸ್ಸಸಿ.
ಸರತಸ್ಸಚಸೀಹಸ್ಸ,
ಬ್ಯಗ್ಘಸ್ಸಚ್ಛಸ್ಸದಿವಿನೋ;
ಸದ್ದಂ ಸುತ್ವಾನಖಗ್ಗಸ್ಸ,
ನರಜ್ಜಸ್ಸಸರಿಸ್ಸಸಿ.
ಯದಾಮೋರೀಹಿಪರಿಕಿಣ್ಣಂ ¶ ,
ವಿಚಿತ್ರಪುಚ್ಛಪಕ್ಖಿನಂ;
ಮೋರಂದಕ್ಖಸಿನಚ್ಚನ್ತಂ,
ನರಜ್ಜಸ್ಸ ಸರಿಸ್ಸಸಿ.
ಯದಾದಕ್ಖಸಿ ಹೇಮನ್ತೇ,
ಪುಪ್ಫಿತೇಧರಣೀರುಹೇ;
ಸುರಬ್ಭಿಸಮ್ಪವಾಯನ್ತೇ,
ನರಜ್ಜಸ್ಸ ಸರಿಸ್ಸಸಿ.
ಯದಾ ¶ ಹೇಮನ್ತಿ ಕೇಮಾಸೇ,
ಹರಿತಂ ದಕ್ಖಸಿ ಮೇದನಿಂ;
ಇನ್ದಗೋಪಕ ಸಞ್ಛನ್ನಂ,
ನರಜ್ಜಸ್ಸ ಸರಿಸ್ಸಸಿ.
ತದಾಹಿಫುಸ್ಸತೀದೇವೀ,
ಠಿತಾಸಿ ಪುತ್ತಸೋಕಿನೀ;
ಸೀರೀಪಗಬ್ಭಸ್ಸದ್ವಾರಮ್ಹಿ,
ವಿಮಂಸನ್ತೀಕಥಾಕಥಂ.
ಕಲುನಂಪರಿದೇವಿತ್ಥ ¶ ,
ಅಞ್ಞೋಞ್ಞಾಭಾಸಿತಂಗಿರಂ;
ಸುತ್ವಾನಫುಸ್ಸತೀದೇವೀ,
ವುತ್ತಸ್ಸಸುಣಿಸಾಯಚ.
ವಿಸಂಮೇಖಾದಿತಂಸೇಯ್ಯೋ,
ಪಬ್ಬತಾಚ ಪಪಾತನಂ;
ಮತಞ್ಚರಜ್ಜುಯಾಬಜ್ಝ,
ನತ್ಥತ್ಥೋಜೀವಿತೇನಮೇ.
ಅಜ್ಝಾಯಕಂ ¶ ದಾನ ಪತಿಂ,
ಯಸಸ್ಸಿನಂ ಅಮಚ್ಛರಿಂ;
ಕಸ್ಮಾ ವೇಸ್ಸರಂ ಪುತ್ತಂ,
ಪಬ್ಬಾಜನ್ತಿ ಅದೂಸಕಂ.
ಪೂಜಿತಂ ಪತಿರಾ ಜೂಹಿ,
ಸಬ್ಬಲೋಕಹಿ ತೇಸಿನಂ;
ಕಸ್ಮಾ ವೇಸ್ಸನ್ತರಂ ವುತ್ತಂ,
ಪಬ್ಬಾಜೇನ್ತಿಅದೂಸಕಂ.
ಕಲುನಂ ಪರಿ ದೇವಿತ್ವಾ,
ಅಸ್ಸಾ ಸೇತ್ವಾನ ಫುಸ್ಸತೀ;
ವುತ್ತಞ್ಚ ಸುಣಿಸಂ ಸೀಘಂ,
ಅಗಾ ಸಿಞ್ಚಯ ಸನ್ತಿಕಂ.
ತತೋತಂ ¶ ಸಿಞ್ಚಯಂದೇವೀ,
ವಿಸಟ್ಠಾ ಏತದಬ್ರವೀ;
ನಾನೂಪಾಯಂ ಪಕಾಸೇನ್ತೀ,
ವಿಚಿತ್ತ ವಾದ ವಿಞ್ಞುನೀ.
ಮಧೂನಿವ ಪಲಾ ತಾನಿ,
ಅಮ್ಬಾವಪತಿ ತಾಛಮಾ;
ಏವಂಹೇ ಸ್ಸತಿತೇ ರಟ್ಠಂ,
ಪಬ್ಬಾಜಿತೇಅದೂಸಕೇ.
ಹಂಸೋ ¶ ನಿಖೀಣ ಪತ್ತೋವ,
ಪಲ್ಲಸ್ಮಿಂ ಅನೂದಕೇ;
ಅಪವಿಟ್ಠೋ ಅಮಚ್ಚೇಹಿ,
ಏಕೋರಾಜಾವಿಹಿಯ್ಯಸಿ.
ತನ್ತಂಬ್ರೂಮಿ ಮಹಾರಾಜ,
ಅತ್ಥೋತೇಮಾ ಉಪಚ್ಚಗಾ;
ಮಾನಂಸಿವೀನಂವಚನಾ,
ಪಬ್ಬಾಜೇಸಿಅದೂಸಕಂ.
ದೇವಿಯಾವಚನಂಸುತ್ವಾ ¶ ,
ಧಮ್ಮರಾಜಾಧಮ್ಮಞ್ಚರೋ;
ಧಮ್ಮೇನಧಮ್ಮಿಕಂಬ್ರೂಸಿ,
ಮಹೇಸಿಂ ಪುತ್ತಸೋಕಿನಿಂ.
ಏಸೋವೇಸ್ಸನ್ತರೋಭದ್ದೇ,
ಪಾಣಾಪಿಯತರೋಹಿಮೇ;
ತಥಾಪಿನಂ ಪಬ್ಬಾಜೇಮಿ,
ಧಮ್ಮಸತ್ಥವಸಾನುಗೋ.
ಸೀವಿರಟ್ಠಮ್ಹಿಪೋರಾಣ- ¶
ರಾಜೂನಂಧಮ್ಮತನ್ತಿಯಾ;
ಅಹಞ್ಹಿಪಚಿತಿಂಕುಮ್ಮಿ,
ವಿನಯನ್ತೋಮಮೋರಸಂ.
ರಞ್ಞೋತಂ ವಚನಂಸುತ್ವಾ,
ಖಿನ್ನಾಹದಯಕಮ್ಪಿನೀ;
ಪುನಸಾಪರಿದೇವನ್ತೀ,
ಏವಂವಿಲವಿಫುಸ್ಸತೀ.
ಯಸ್ಸಪುಬ್ಬೇಧಜಗ್ಗಾನಿ,
ಕಣಿಕಾರಾವಪುಪ್ಫಿತಾ;
ಯಾಯನ್ತಮನುಯಾಯನ್ತಿ,
ಸ್ವಜ್ಜೇಕೋವಗಮಿಸ್ಸತಿ.
ಇನ್ದಗೋಪಕವಣ್ಣಾಭಾ ¶ ,
ಗನ್ಧಾರಾ ಪಣ್ಡುಕಮ್ಪಲಾ;
ಯಾಯನ್ತಮನುಯಾಯನ್ತಿ,
ಸ್ವಜ್ಜೇಕೋವಗಮಿಸ್ಸಸಿ.
ಯೋಪುಬ್ಬೇಹತ್ಥಿನಾಯಾತಿ,
ಸಿವಿಕಾಯರಥೇನಚ;
ಸ್ವಜ್ಜವೇಸ್ಸರೋರಾಜಾ,
ಕಥಂಗಚ್ಛತಿಪತ್ಥಿಕಾ.
ಕಥಂಚನ್ದನಲಿತ್ತಙ್ಗೋ ¶ ,
ನಚ್ಚಗೀತಪಬೋಧನೋ;
ಖುರಾಜಿನಂ ಫರುಸಞ್ಚ,
ಖಾರಿಕಾಜಞ್ಚಹಾಹಿತಿ.
ಪವೀಸನ್ತೋ ಬ್ರಹಾರಞ್ಞಂ,
ಕಾಸಾವಂ ಅಜಿನಾ ನಿವಾ;
ಖರಂ ಕುಸ ಮಯಂ ಚೀರಂ,
ಕಥಂ ಪರಿ ದಹಿಸ್ಸತಿ.
ಕಾಸಿಯಾನಿಚ ¶ ಧರೇತ್ವಾ,
ಖೋಮಕೋ ಟುಮ್ಪರಾನಿಚ;
ಕುಸಚೀರಾನಿ ಧಾರೇನ್ತೀ,
ಕಥಂಮದ್ದೀಕರಿಸ್ಸತಿ.
ವಯ್ಹಾಹಿ ಪರಿಯಾಯಿತ್ವಾ,
ಸಿವಿಕಾಯ ರಥೇನಚ,
ಸಾಕಥಜ್ಜ ಅನುಜ್ಝಙ್ಗೀ,
ಪಥಂ ಗಚ್ಛತಿ ಪತ್ಥಿಕಾ.
ಸುಖೇಧಿತಾಹಿಹಿರಞ್ಞ- ¶
ಪಾದುಕಾರುಳ್ಹಗಾಮಿನೀ,
ಸಾಕಥಜ್ಜಸುಖಾನನ್ದೀ,
ಪಥಂಗಚ್ಛತಿಪತ್ಥಿಕಾ.
ಗನ್ತ್ವಾಇತ್ಥಿಸಹಸ್ಸಾನಂ,
ಪೂರತೋಯಾಹಿಮಾಲಿನೀ;
ಸಾಕಥಜ್ಜಯಸಾನನ್ದೀ,
ವನಂಗಚ್ಛತಿಏಕಿಕಾ.
ಸದ್ದಂಸಿವಾಯಸುತ್ವಾಯಾ ¶ ,
ಮುಹುಂಉತ್ತಸ್ಸತೇಪುರೇ;
ವಸನ್ತೀಸಾಬ್ರಹಾರಞ್ಞೇ,
ಕಥಂ ವಚ್ಛತಿಭೀರುಕಾ.
ಸದ್ದಂಸುತ್ವಾನುಲುಙ್ಕಸ್ಸ,
ಮುಹುಂಉತ್ತಸತೇಪುರೇ;
ವಸನ್ತೀಸಾಬ್ರಹಾರಞ್ಞೇ,
ಕಥಂವಚ್ಛತಿಭೀರುಕಾ.
ಸಕುಣೀಹತ ¶ ಪುತ್ತಾವ,
ಸುಞ್ಞಂದಿಸ್ವಾ ಕುಲಾವಕಂ;
ಚೀರಂದುಕ್ಖೇನ ಝಾಯಿಸ್ಸಂ,
ಸುಞ್ಞಂಆಗಮ್ಮಿಮಂಪುರಂ.
ಕುರುರೀ ಹತಛಾಪಾವ,
ಸುಞ್ಞಂದಿಸ್ವಾ ಕುಲಾವಕಂ;
ತೇನತೇನ ಪಧಾವಿಸ್ಸಂ,
ಪಿಯೇಪುತ್ತೇಅಪಸ್ಸತೀ.
ಏವಂಮೇವಿಲ ¶ ಪನ್ತಿಯಾ,
ರಾಜಪುತ್ತಂ ಅದೂಸಕಂ;
ಪಬ್ಬಾಜೇಸಿ ವನಂರಟ್ಠಾ,
ಮಞ್ಞೇಹಿಸ್ಸಾಮಿಜೀವಿತಂ.
ಫುಸ್ಸತ್ಯಾ ಲವಿತಂಸುತ್ವಾ,
ಸಬ್ಬಾ ಸಿಞ್ಚಯರಾ ಜಿನೋ;
ಬಾಹಾಪಗ್ಗಯ್ಹ ಪಕ್ಕನ್ದುಂ,
ಸಿವಿಕಞ್ಞಾ ಸಮಾಗತಾ.
ಪಕ್ಕನ್ದಿತರವಂತಾಸಂ ¶ ,
ಸುತ್ವಾ ಸೋಕಪಮದ್ದಿತಾ;
ಸಿವಿಕಞ್ಞಾಚ ಪಕ್ಕನ್ದುಂ,
ವೇಸ್ಸನ್ತರನಿವೇಸನೇ.
ಓರೋಧಾಚ ಕುಮಾರಾಚ,
ವೇಸಿಯಾನಾ ಬ್ರಹ್ಮಣಾ;
ಬಾಹಾಪಗ್ಗಯ್ಹಪಕ್ಕನ್ದುಂ,
ವೇಸ್ಸನ್ತರನಿವೇಸನೇ.
ಹತ್ಥಾರೋಹಾಅನೀಕಟ್ಠಾ ¶ ,
ರಥಿಕಾ ಪತ್ಥಿಕಾರಕಾ;
ಬಾಹಾಪಗ್ಗಯ್ಹ ಪಕ್ಕನ್ದುಂ,
ವೇಸ್ಸನ್ತರ ನಿವೇಸನೇ.
ತಸ್ಸಾರತ್ಯಾ ಅಚ್ಚಯೇನ,
ಸೂರಿಯೇ ಉಗ್ಗತೇಸತಿ;
ಆರೋಚಯಿಂಸು ರಾಜಾನಂ,
ದಾನಗ್ಗಂ ಉಪಗನ್ತವೇ.
ಅಥಪಾತೋವ ಸೋರಾಜಾ,
ನ್ಹತ್ವಾಭೂಸನ ಭೂಸಿತೋ;
ದಾನಸಾಲ ಮುಪಾಗಞ್ಛಿ,
ಮಹಾಜನ ಪುರಕ್ಖತೋ.
ದಾನಸಾಲಾಸು ¶ ದಾತಬ್ಬಂ,
ದಿಸ್ವಾನ ಪಟಿಯಾದಿತಂ;
ಅಮಚ್ಚೇವ ಮಾಣಾಪೇಸಿ,
ರಾಜಾಭಿ ತುಟ್ಠಮಾನತೋ.
ವತ್ತಾನಿವತ್ಥಕಾಮಾನಂ,
ಸೋಣ್ಡಾನಂ ದೇಥವಾರುಣಿಂ;
ಭೋಜನಂ ಭೋಜನತ್ಥಿನಂ,
ಸಮ್ಮದೇವ ಪವಚ್ಛಥ.
ಯೇಯಂಯಂ ¶ ಲದ್ಧುಮಿಚ್ಛನ್ತಿ,
ತಂತಂತಸ್ಸಪವಚ್ಛಥ;
ಮಾಯಾಚಕೇ ನಿವಾರೇಥ,
ದಾನಸಾಲಾಸು ಆಗತೇ.
ತದಾಸಿಯಂ ಭೀಸನಕಂ,
ತದಾಸಿ ಲೋಮಹಂಸನಂ;
ಮಹಾದಾನೇ ಪದಿನ್ನಮ್ಹಿ
ಮೇದಿನೀ ಸಮ್ಪಕಮ್ಪಥ.
ಪರಿದೇವಿಂಸು ವೇಸ್ಸನ್ತ್ತ-
ರರಾಜಂ ಪತಿತಾವದೇ;
ಪಕಿತ್ತೇತ್ವಾನ ನಾನಪ್ಪ-
ಕಾರಂ ಏವಂ ವಣಿಬ್ಬಕಾ.
ಅಮ್ಹೇಹಿತ್ವಾನ ¶ ವೇಸ್ಸನ್ತ-
ರರಾಜಾ ದಾನದಾಯಕೋ;
ಅಚಿರೇ ನೇವ ರಟ್ಠಮ್ಹಾ,
ನಿಕ್ಖಮಿಸ್ಸತಿಕಾನನಂ.
ಸತ್ತಹತ್ಥಿಸತೇದತ್ವಾ,
ಸಬ್ಬಾಲಙ್ಕಾರ ಭೂಸಿತೇ;
ಏಸವೇಸ್ಸನ್ತರೋ ಸಮ್ಹಾ,
ರಟ್ಠಮ್ಹಾ ನಿಕ್ಖಮಿಸ್ಸತಿ.
ಸತ್ತಅಸ್ಸ ಸತೇ ದತ್ವಾ,
ಸಿನ್ಧವೇ ಸೀಘ ವಾಹನೇ;
ಏಸ ವೇಸ್ಸನ್ತರೋಸಮ್ಹಾ,
ರಟ್ಠಮ್ಹಾ ನಿಕ್ಖಮಿಸ್ಸತಿ.
ರಥೇಸತ್ತಸತೇದತ್ವಾ ¶ ,
ಸನ್ನನ್ಧೇ ಉಸ್ಸಿತದ್ಧಜೇ;
ಏಸ ವೇಸ್ಸನ್ತರೋಸಮ್ಹಾ,
ರಟ್ಠಮ್ಹಾ ನಿಕ್ಖಮಿಸ್ಸತಿ.
ಸತ್ತಕಞ್ಞಾ ಸತೇದತ್ವಾ,
ಸುರೂಪಿನೀ ವಿಭೂಸಿತಾ;
ಏಸ ವೇಸ್ಸನ್ತರೋಸಮ್ಹಾ,
ರಟ್ಠಮ್ಹಾ ನಿಕ್ಖಮಿಸ್ಸತಿ.
ಸತ್ತಧೇನು ¶ ಸತೇ ದತ್ವಾ,
ಸಬ್ಬಾಕಂಸು ಪಧಾರಣಾ;
ಏಸವೇಸ್ಸನ್ತರೋರಾಜಾ,
ಸಮ್ಹಾರಟ್ಠಾನಿರಚ್ಛತಿ.
ಸತ್ತದಾಸಿ ಸತೇ ದತ್ವಾ,
ಸತ್ತದಾಸ ಸತಾನಿಚ;
ಏಸವೇಸ್ಸನ್ತರೋರಾಜಾ,
ಸಮ್ಹಾರಟ್ಠಾನಿರಚ್ಛತಿ.
ಅಥೇತ್ಥವತ್ತತೇಸದ್ದೋ,
ತುಮುಲೋಭೇ ರವೋಮಹಾ;
ಸಮಾಕುಲಂ ಪುರಂಆಸಿ,
ಅಹೋಸಿ ಲೋಮಹಂಸನಂ.
ಸೋದತ್ವಾನ ¶ ಮಹಾದಾನಂ,
ವೇಸ್ಸನ್ತರೋ ಅಮಚ್ಛರೀ;
ಪುರಕ್ಖತೋ ಅಮಚ್ಚೇಹಿ,
ಅಗಾಸಕನಿವೇಸನಂ.
ತತೋಹಿ ಮದ್ದಿಯಾಸದ್ಧಿಂ,
ಮಾತಾಪಿತೂನ ಸನ್ತಿಕಂ;
ವನ್ದನತ್ಥಾಯ ಅಗಞ್ಛಿ,
ಅಲಙ್ಕತ ರಥೇನಸೋ.
ವನ್ದಿತ್ವಾ ¶ ಪಿತರಂಬೋಧಿ-
ಸತ್ತೋಬ್ರವಿಕತಞ್ಜಲೀ;
ಏವಂಆವೀಕರೋನ್ತೋವ,
ಗಮಿಸ್ಸಮಾನಅಞ್ಜಸಂ.
ಮಮಂತಾತ ಪಬ್ಬಾಜೇಸಿ,
ಯಮ್ಹಾರಟ್ಠಾ ಅದೂಸಕಂ;
ಸಿವೀನಂ ವಚನತ್ಥೇನ,
ತೇನಂ-ಗಚ್ಛಾಮಿ ಕಾನನಂ.
ಸುವೇಅಹಂ ಮಹಾರಾಜ,
ಸೂರಿಯುಗ್ಗ ಮನೇ ಸತಿ,
ನಿಕ್ಖಮಿಸ್ಸಾಮಿ ರಟ್ಠಮ್ಹಾ,
ವಙ್ಕಂ ಗಚ್ಛಾಮಿ ಪಬ್ಬತಂ.
ವನೇವಾಳ ¶ ಮಿಗಾಕಿಣ್ಣೇ,
ಖಗ್ಗದೀಪಿನಿಇಸೇ ವಿತೇ;
ಅಹಂಪುಞ್ಞಾನಿ ಕರೋಮಿ,
ತುಮ್ಹೇ ಪಙ್ಕಮ್ಹೀ ಸೀದಥ.
ತತೋಸೋತರಮಾನೋವ,
ಗನ್ತ್ವಾನಮಾಕುಸನ್ತಿಕಂ;
ವನ್ದಮಾನೋಆರೋಚಿತ್ತ,
ಏವಂಞ್ಹಿಸಕಮಾತುಯಾ.
ಅನುಜಾನಾಹಿಮಂಅಮ್ಮಾ,
ಗಚ್ಛಾಮಿವಙ್ಕಪಬ್ಬತಂ;
ವನೇಪುಞ್ಞಾನಿಕಾಹಾಮಿ ¶ ,
ಪಬ್ಬಜ್ಜಾಮಮರುಚ್ಚತಿ.
ತಂಸುತ್ತ್ವಾರುಣ್ಣಮುಖೇನ,
ಜನನೀಏವಮಬ್ರವೀ;
ಅನುಜಾನಾಮಿತಂವುತ್ತಂ,
ಪಬ್ಬಜ್ಜಾತೇಸಮಿಜ್ಝಭು.
ಅಯಞ್ಹಿವುತ್ತ ಮೇಮದ್ದೀ,
ಸುಣ್ಹಾ ಸುಖುಮವದ್ಧಿನೀ;
ಅಚ್ಛತಂ ಸಹ ವುತ್ತೇಹಿ,
ಕಿಂ ಅರಞ್ಞೇಕರಿಸ್ಸತಿ.
ಮಾತುಯಾವಚನಂಸುತ್ವಾ ¶ ,
ವೇಸ್ಸನ್ತರೋ ಕತಞ್ಜಲೀ;
ಮ್ಹಿತಪುಬ್ಬಮಭಾ ಸಿತ್ತ,
ಞಾಪೇನ್ತೋಅತ್ತನೋಮತಿಂ.
ನಾಹಂಅಕಾ ಮಾದಾಸಂವಿ,
ಅರಞ್ಞಂನೇತು ಮುಸ್ಸಹೇ;
ಸಚೇಇಚ್ಛ ತಿಅನ್ವೇತು,
ಸಚೇನಿಚ್ಛತಿ ಅಚ್ಛತು.
ತತೋಸುಣ್ಹಂಮಹಾರಾಜಾ ¶ ,
ಯಾಚಿತುಂಪಟಿಪಜ್ಜಥ;
ಮಾಚನ್ದನಸಮಾಚಾರೇ,
ರಜೋಜಲ್ಲಂಮಧಾರಯಿ.
ಕಾಸಿಯಾನಿಚಧಾರೇತ್ವಾ,
ಕುಸಚೀರಮಧಾರಯಿ;
ದುಕ್ಖೋವಾಸೋಅರಞ್ಞಸ್ಮಿಂ,
ಮಾಹಿತ್ವಂಲಕ್ಖಣೇಗಮಿ.
ತತೋ ¶ ಪತಿಬ್ಬತಾ ಸುಣ್ಹಾ,
ಸಸ್ಸುರಂ ಏವಮಬ್ರವೀ;
ನಾಹಂ ತಂಸುಖಮಿಚ್ಛಯ್ಯಂ,
ಯಂಮೇ ವೇಸ್ಸನ್ತರಂ ವಿನಾ.
ತತೋ ಸುಣ್ಹಂ ಮಹಾರಾಜಾ,
ದುಸ್ಸಹಾನಿ ಬ್ರಹಾವನೇ;
ನಾನಾಭಯಾನಿ ಞಾಪೇನ್ತೋ,
ವನಂ ಯಾಚಿ ಅಗನ್ತವೇ.
ಯಾನ ಸನ್ತಿ ಮಹಾರಾಜ,
ಭಯಾನಿತಾನಿ ಕಾನನೇ;
ಸಬ್ಬಾನಿ ¶ ಹಂ ಸಹಿಸ್ಸಮಿ,
ಅನುಗಚ್ಛಾಮಿ ಮೇಪತಿಂ.
ಪೂರತೋಹಂ ಗಮಿಸ್ಸಾಮಿ,
ದದನ್ತೀ ಭತ್ಥುನೋ ಪಥಂ;
ಉರಸಾ ಪನುದಹಿತ್ವಾನ,
ಕುಸ ನಳ ವನಾದಯೋ.
ಬಹೂಹಿ ವತವರಿಯಾಹಿ,
ಕುಮಾರೀ ವಿನ್ದತೇ ಪತಿಂ;
ವೇಧಬ್ಯಂ ಕಟುಕಂ ಲೋಕೇ,
ಗಚ್ಛಞ್ಞೇವ ರಥೇಸಭ.
ನಾನಾಕಾರೇಹಿ ¶ ಪೀಳೇನ್ತಿ,
ಅನಾಥಂವಿಧವಂ ಜನಾ;
ಅತಿವಾಕ್ಯೇನ ಭಾಸನ್ತಿ,
ಮಿತ್ತಾಚಾಪಿ ಸಲೋಹಿತಾ.
ನಗ್ಗಾ ನದೀ ಅನೂದಕಾ,
ನಗ್ಗಂ ರಟ್ಠಂ ಅರಾಜಕಂ;
ಇತ್ಥೀಪಿ ವಿಧವಾ ನಗ್ಗಾ,
ಯಸ್ಸಾಸುಂದಸ ಭಾತರೋ.
ಧಜೋ ¶ ರಥಸ್ಸ ಪಞ್ಞಾನಂ,
ಧುಮೋ ಪಞ್ಞಾ ನಮಗ್ಗಿನೋ;
ರಾಜಾ ರಟ್ಠಸ್ಸ ಪಞ್ಞಾನಂ,
ಭತ್ತಾ ಪಞ್ಞಾನಮಿತ್ಥಿಯಾ.
ಯಾ ದಲಿದ್ದಸ್ಸ ಪೋಸಸ್ಸ,
ದಲಿದ್ದೀ ಭರಿಯಾ ಸಿಯಾ;
ಅಡ್ಢಾ ಅಡ್ಢಸ್ಸ ರಾಜಿನ್ದ,
ತಂ ವೇ ದೇವಾ ಪಸಂಸರೇ.
ಕಥಂ ನುತಾಸಂ ಹದಯಂ,
ಸುಖರಾವತ ಇತ್ಥಿಯೋ;
ಯಾ ¶ ಸಾಮಿಕೇ ದುಕ್ಖಿತಮ್ಹಿ,
ಸುಖಮಿಚ್ಛನ್ತಿ ಅತ್ತನೋ.
ಅಪಿಸಾಗರಪರಿಯನ್ತಂ,
ಬಹುವಿತ್ತಧರಂಮಹಿಂ;
ನಾನಾರತನಪರಿಪೂರಂ,
ನಿಚ್ಛೇವೇಸ್ಸನ್ತರಂವಿನಾ.
ಸಾಮಿಕಂ ಅನುಗಚ್ಛಿಸ್ಸಂ,
ಅಹಂ ಕಾಸಾಯವಾಸಿನೀ;
ಧೀರತ್ಥುತಂ ¶ ನಿಸ್ಸೀರಿಕಂ,
ವೇಧಬ್ಯಂಯಞ್ಚ ನಾರಿಯಾ.
ಸುಣ್ಹಾಯ ಭಾಸಿತಂ ಸುತ್ವಾ,
ಸಸ್ಸುರೋ ನಿಕ್ಖಿಪೇತವೇ;
ದುವೇ ಇಧೇವ ನತ್ತಾರೋ,
ಸುಣ್ಹಂಸೋ ಏವ ಮಬ್ರವೀ.
ಇಮೇತೇ ದಹರಾಪುತ್ತಾ,
ಜಾಲೀಕಣ್ಹಾಜಿನಾ ಚುಭೋ;
ನಿಕ್ಖಿಪ್ಪ ಲಕ್ಖಣೇ ಗಚ್ಛ,
ಮಯಂತೇ ಪೋಸಿಸಾಮಸೇ.
ಪಿಯಾಮೇ ¶ ಪುತ್ತಕಾ ದೇವ,
ಜಾಲೀ ಕಣ್ಹಾಜಿನಾ ಚುಭೋ;
ತ್ಯಮ್ಹಂ ತತ್ಥ ರಮೇಸ್ಸನ್ತಿ,
ಅರಞ್ಞೇ ಜೀವಿಸೋ ಕಿನಂ.
ಪುತ್ತೇನೇತ್ವಾನ ಗಚ್ಛಾಮ,
ದ್ವೇಮಯಂ ವಙ್ಕಪಬ್ಬತಂ,
ದಕ್ಖಮಾನಾ ವಸಿಸ್ಸಾಮ,
ಏತೇ ಪಮೋದಮಾನಸಾ.
ಸುಣಮಾನಾ ¶ ವಸಿಸ್ಸಾಮ,
ಗೀತಞ್ಚ ವಿಯಭಾಣಿನಂ;
ಏತೇಸಂ ನಚ್ಚಮಾನಾನಂ,
ಅರಞ್ಞೇ ಮಾಲಧಾರಿನಂ.
ಸುಣ್ಹಾಯ ಭಾಸಿತಂಸುತ್ವಾ,
ಸಸ್ಸುರೋಖಿನ್ನ ಮಾನಸೋ;
ಏವಞ್ಹಿಸೋ ವಿಲವಿತ್ಥ,
ಪಟಿಚ್ಚದಾರಕೇ ದುವೇ.
ಸಾಲಿನಂ ¶ ಓದನಂ ಭುತ್ವಾ,
ಸುಚಿಂ ಮಂಸುಪಸೇಚನಂ;
ರುಕ್ಖಫಲಾನಿ ಭುಞ್ಜನ್ತಾ,
ಕಥಂಕಾಹನ್ತಿ ದಾರಕಾ.
ಭುತ್ವಾ ಸತಪಲೇ ಕಂಸೇ,
ಸೋವಣ್ಣೇ ಸತರಾಜಿತೇ;
ರುಕ್ಖಪತ್ತೇಸು ಭುಞ್ಜನ್ತಾ,
ಕಥಂಕಾಹನ್ತಿ ದಾರಕಾ.
ಕಾಸಿಯಾನಿಚ ಧಾರೇತ್ವಾ,
ಖೋಮ ಕೋಟುಮ್ಪರಾನಿಚ;
ಕುಸಚೀರಾನಿ ¶ ಧಾರೇನ್ತಾ,
ಕಥಂ ಕಾಹನ್ತಿ ದಾರಕಾ.
ವಯ್ಹಾಹಿಪರಿಯಾಯಿತ್ವಾ,
ಸಿವಿಕಾಯ ರಥೇನಚ;
ಪತ್ಥಿಕಾ ಪರಿಧಾವನ್ತಾ,
ಕಥಂ ಕಾಹನ್ತಿ ದಾರಕಾ.
ಕುಟಾಗಾರೇ ಸಯಿತ್ವಾನ,
ನಿವಾತೇ ಫುಸಿತಗ್ಗಲೇ;
ಸಯನ್ತಾ ರುಕ್ಖಮೂಲಸ್ಮಿಂ,
ಕಥಂಕಾಹನ್ತಿ ದಾರಕಾ.
ಪಲ್ಲಙ್ಕೇಸು ¶ ಸಯಿತ್ವಾನ,
ಗೋನಕೇ ಚಿತ್ತಸನ್ಥತೇ;
ಸಯನ್ತಾ ತಿಣಸನ್ಥಾರೇ,
ಕಥಂಕಾಹನ್ತಿ ದಾರಕಾ.
ಗನ್ಧಕೇನ ವಿಲಿಮ್ಪೇತ್ವಾ,
ಅಗಲುಚನ್ದನೇನಚ;
ರಜೋಜಲ್ಲಾನಿ ಧಾರೇನ್ತಾ,
ಕಥಂಕಾಹನ್ತಿ ದಾರಕಾ.
ಚಾಮರೀ ¶ ಮೋರ ಹತ್ಥೇಹಿ,
ಬೀಜಿತಙ್ಗಾ ಸುಖೇಧಿತಾ;
ಫುಟ್ಠಾ ಡಂಸೇಹಿ ಮಕಸೇಹಿ,
ಕಥಂಕಾಹನ್ತಿ ದಾರಕಾ.
ತಹಿಂವಂಬ್ರವಿ ರಾಜಾನಂ,
ವಿಲಪನ್ತಂ ಸೋಕಟ್ಟಿತಂ;
ಪಟಿಚ್ಚ ದಾರಕೇ ಸುಣ್ಹಾ,
ವೇಸ್ಸನ್ತರಪಿಯಞ್ಜನಾ.
ಮಾ ¶ ದೇವ ಪರಿದೇವೇಸಿ,
ಮಾಚ ತ್ವಂ ವಿಮನೋಅಹು;
ಯಥಾಮಯಂ ಭವಿಸ್ಸಾಮ,
ತಥಾ ಹೇಸ್ಸನ್ತಿ ದಾರಕಾ.
ಏವಞ್ಹಿ ಸಲ್ಲಪನ್ತಾನಂ,
ತೇಸಂ ಖತ್ತಿಯಜಾತಿನಂ;
ಅಞ್ಞೋಞ್ಞಂ ವಿಭಾತಾ ರತ್ತಿ,
ಸಮುಗ್ಗಞ್ಛಿತ್ಥ ಸೂರಿಯೋ.
ತದಾನೇತ್ವಾ ¶ ಠಪಯಿಂಸು,
ಚತುಸಿನ್ಧವಯುಞ್ಜಿತಂ;
ಅಲಙ್ಕತ ರಥಂರಾಜ-
ದ್ವಾರೇ ಮಙ್ಗಲಸಮ್ಮತಂ.
ವನ್ದಿತ್ವಾ ಸಸ್ಸುರೇ ಮದ್ದೀ,
ಆದಾಯ ಪುತ್ತಕೇ ದುವೇ;
ಭತ್ತುನೋ ಪುರತೋ ಗನ್ತ್ವಾ,
ಪಥಮಂ ರಥಮಾರುಹಿ.
ತತೋವೇಸ್ಸನ್ತರೋಮಾತಾ-
ಪಿತರೋ ಅತಿವನ್ದಿಯ;
ಪದಕ್ಖಿಣಞ್ಚ ಕತ್ವಾನ,
ಸೀಘಸೋ ರಥಮಾರುಹಿ.
ತತೋ ¶ ಮಙ್ಗಲದ್ವಾರೇನ,
ರಥಂ ಪೇಸೇಸಿ ಲಙ್ಕತಂ;
ತೋಸಾಪಯಂ ಮಹಾಸತ್ತೋ,
ಮದ್ದಿಂ ಜಾಲಿಸ್ಸ ಮಾತರಂ.
ಪಥನ್ತೇಸು ಭಿವನ್ದನ್ತಿ,
ಸಕ್ಕಚ್ಚಂ ಬಹವೋ ಜನಾ;
ವೇಸ್ಸನ್ತರಞ್ಚ ಮದ್ದಿಞ್ಚ,
ಪಸ್ಸಮಾನಾ ಕತಞ್ಚಲೀ.
ಆಪುಚ್ಛನ್ತೋಚ ¶ ಪಕ್ಕಾಮಿ,
ಗಚ್ಛಿಸ್ಸಾಮೀಹಿ ಪತ್ಥಯಂ;
ನಿದುಕ್ಖಾ ಸುಖಿತಾಹೋಥ,
ಇತಿಸೋ ವನ್ದಕೇ ಜನೇ.
ರಥೇ ಠಿತೋವ ಸೋರಾಜಾ,
ಓವದನ್ತೋ ಅಪಕ್ಕಮಿ;
ದಾನಆದೀನಿ ಪುಞ್ಞಾನಿ,
ಕರೋಥಾತಿ ಮಹಾಜನಂ.
ಗಚ್ಛನ್ತೇ ಬೋಧಿಸತ್ತಮ್ಹಿ,
ಮಾತಾ ಏವಞ್ಹಿ ಚಿನ್ತಯಿ;
ದಾತುಕಾಮೋಸಿ ಮೇವುತ್ತೋ,
ಪಟ್ಠಾಯ ಜಾತಕಾಲತೋ.
ತತೋದಾನಂ ¶ ದದೋಪೇತುಂ,
ಪುತ್ತಂರತನ ಪೂರಿತೇ;
ಪುತ್ತಸ್ಸುಭೋಸು ಪಸ್ಸೇಸು,
ಪೇಸೇಸಿ ಸಕಟೇಬಹೂ.
ವೇಸ್ಸನ್ತರೋಹಿ ಸಮ್ಪರೋಹಿ ಸಮ್ಪತ್ತ-
ಯಾಚಕಾನಂ ಅಸೇಸಕಂ;
ಅಟ್ಠಾರಸವಾರೇ ದಾಸಿ,
ಕಾಯಾರುಳ್ಹಂಪಿಅತ್ತನೋ.
ನಗರಾ ¶ ನಿಕ್ಖಮನ್ತಮ್ಹಿ,
ವೇಸ್ಸನ್ತರೇಸ ಪೇತ್ತಿಕಂ;
ನಗರಂ ದಟ್ಠುಕಾಮೋಸಿ,
ತದಾ ಸಙ್ಕಮ್ಪಿ ಮೇದನೀ.
ತಹಿಂ ರಥಪ್ಪಮಾಣಮ್ಹಿ,
ಠಾನೇ ಭಿಜ್ಜಿಯ ಮೇದನೀ,
ಪರಿವತ್ತಿತ್ಥ ಕುಲಾಲ-
ಚಕ್ಕಂವನಗರಾಮುಖೀ.
ನಗರಂ ಓಲೋಕೇತ್ವಾನ,
ನಗರಾಭಿಮುಖೇ ರಥೇ,
ಠಿತೋಮದ್ದಿಂಪಿ ದಕ್ಖೇತುಂ,
ಏವಂಸೋಬ್ರವಿ ಹಾಸಯಂ.
ಇಙ್ಘ ¶ ಮದ್ದಿ ನಿಸಾಮೇಹಿ,
ರಮ್ಮರೂಪಂವ ದಿಸ್ಸತಿ;
ಆವಾಸೋ ಸಿವಿಸೇಟ್ಠಸ್ಸ,
ಪೇತ್ತಿಕಂ ಭವನಂ ಮಮ.
ಸಹಜಾತಅಮಚ್ಚೇಚ,
ನಿವತ್ತೇತ್ವಾ ಮಹಾಜನಂ;
ರಥಂ ಪಾಜೇಸಿ ಸೋ ಸೀಘಂ,
ಮೋದನ್ತೋಮದ್ದಿಯಾತತೋ.
ಅನ್ವಾಗಮಿಂಸು ¶ ಪಾಜೇನ್ತಂ,
ಚತ್ತಾರೋ ಬ್ರಹ್ಮಣಾ ತಹಿಂ;
ಯಾಚಿತುಂ ಸಿನ್ಧವೇ ಏತೇ,
ಮದ್ದೀ ಪಸ್ಸಿತ್ಥ ತಾವದೇ.
ಮದ್ದೀಪಿ ಮನ್ದಸದ್ದೇನ,
ಯಾಚಕಾ ವಿಯ ಆಗತಾ;
ಇತ್ಯಾರೋಚೇಸಿ ಭತ್ತಾರಂ,
ಗಣ್ಹನ್ತೀ ತಸ್ಸ ಪಿಟ್ಠಿಯಂ.
ಸಾಧು ¶ ಭದ್ದೇತಿ ವತ್ವಾನ,
ರಥಸ್ಸಾಗಮನಂ ಅಕಾ;
ಬ್ರಹ್ಮಣಾ ಉಪಗನ್ತ್ವಾನ,
ಯಾಚಿಂಸು ಸಿನ್ಧವೇ ತಹಿಂ.
ಮೋದಮಾನೋವ ಸೋದಾಸಿ,
ಬ್ರಹ್ಮಣಾನಂ ಸುಸಿನ್ಧವೇ;
ಬ್ರಹ್ಮಣಾದಾಯ ಗಞ್ಛಿಂಸು,
ಅಸ್ಸೇಸಕ ನಿವೇಸನಂ.
ಅಸ್ಸೇಸು ಪನ ದಿನ್ನೇಸು,
ಚತ್ತಾರೋ ದೇವಪುತ್ತಕಾ;
ರೋಹಿಚ್ಚಮಿಗವಣ್ಣೇನ,
ರಥಂ ವಹಿಯ ಗಞ್ಛಿಸುಂ.
ದೇವಾ ¶ ರೋಹಿಚ್ಚವಣ್ಣೇನ,
ವಹನ್ತೀತಿ ಸುಬುದ್ಧಿಮಾ;
ವಿಜಾನಿತ್ವಾನ ಮದ್ದಿಂಪಿ,
ಞಾಪೇನ್ತೋ ಏವಮಬ್ರವೀ.
ಇಙ್ಘಪ್ಮದ್ದಿ ನಿಸಾಮೇಹಿ,
ಚಿತ್ತರೂಪಂವ ದಿಸ್ಸತಿ;
ಮಿಗರೋ ಹಿಚ್ಚವಣ್ಣೇನ,
ದಕ್ಖಿಣಸ್ಸಾವಹನ್ತಿಮಂ.
ಮದ್ದೀಚೇವಂ ¶ ನಿಚ್ಛಾರೇಸಿ,
ಗಿರಂ ಅಚ್ಛೇರರೂಪಿನೀ;
ವೇಸ್ಸನ್ತರಸ್ಸತೇಜೇನ,
ರಥಂವಹನ್ತಿದೇವತಾ.
ಆಗನ್ತ್ವಾನ ರಥಂ ಯಾಚಿ,
ಅಪರೋ ಬ್ರಾಹ್ಮಣೋ ತತೋ;
ಬೋಧಿಸತ್ತೋಪಿಸೋದಾಸಿ,
ರಥಂ ತಸ್ಸ ಅನಿಗ್ಘಿಯಂ.
ಸಕಪ್ಪಿಯೇ ದದನ್ತಮ್ಹಿ,
ಮದ್ದೀ ಪಹಟ್ಠಮಾನಸಾ;
ಸಾಧುಕಾರಂ ಪವತ್ತೇಸಿ,
ಸದಾ ಮಚ್ಛೇರಹಿಂಸಿನೀ.
ದಿನ್ನೇ ¶ ರಥಮ್ಹಿ ಅನ್ತರ-
ಧಾರಿಯಿಂಸು ದೇವಪುತ್ತಕಾ;
ಸಬ್ಬೇ ತೇ ಪತ್ಥಿಕಾ ಆಸುಂ,
ರಾಜಾಮದ್ದಿಂ ತದಾಬ್ರವೀ.
ತ್ವಂ ಮದ್ದಿ ಕಣ್ಹಂಗಣ್ಹಾಹಿ,
ಲಹುಏಸಾ ಕನಿಟ್ಠಕಾ;
ಅಹಂ ಜಾಲಿಂ ಗಹೇಸ್ಸಾಮಿ,
ಗರುಕೋ ಭಾತಿಕೋಹಿಸೋ.
ರಾಜಾ ¶ ಕುಮಾರಮಾದಾಯ,
ರಾಜಪುತ್ತೀಚ ದಾರಿಕಂ;
ಸಮ್ಮೋದಮಾನಾ ಪಕ್ಕಾಮುಂ,
ಅಞ್ಞಮಞ್ಞ ಪಿಯಂ ವದಾ.
ಆಗಚ್ಛನ್ತೇ ಪಟಿಪಥಂ,
ದಿಸ್ವಾನ ಅದ್ಧಿಕೇಜನೇ;
ಏವಂ ಪುಚ್ಛಿಯಗಞ್ಛಿಂಸು,
ಕುಹಿಂ ವಙ್ಕತಪಬ್ಬತೋ.
ಕಲುಣಂ ¶ ಪರಿದೇವಿತ್ವಾ,
ಪುಚ್ಛಿತಾ ಅದ್ಧಿಕಾಜನಾ;
ಏವಂ ತೇ ಪಟಿವೇದೇಸುಂ,
ದೂರೇವಙ್ಕತಪಬ್ಬತೋ.
ಮಗ್ಗಾಸನ್ನೇಸು ಪಸ್ಸನ್ತಾ,
ದಾರಕಾ ಫಲಿನೇ ದುಮೇ;
ತೇಸಂಫಲಾನಂ ಹೇತುಮ್ಹಿ,
ಪಿತರೋ ಉಪರೋದರೇ.
ರೋದನ್ತೇ ದಾರಕೇ ದಿಸ್ವಾ,
ಉಬ್ಬಿಗ್ಗಾ ವಿಪುಲಾ ದುಮಾ;
ಯಸಮೇವೋನಮಿತ್ವಾನ,
ಉಪಗಚ್ಛನ್ತಿ ದಾರಕೇ.
ಇದಂ ¶ ಅಚ್ಛೇರಕಂ ದಿಸ್ವಾ,
ಮದ್ದೀ ಸಸಙ್ಕಸನ್ನಿಭಾ;
ಪಿತಿಪುಣ್ಣೇನ ಕಾಯೇನ,
ಏವಂಗಾಯಿತ್ಥ ನನ್ದನಾ.
ಅಚ್ಛೇರಂ ವತ ಲೋಕಸ್ಮಿಂ,
ಅಬ್ಭೂತಂ ಲೋಮಹಂಸನಂ,
ವೇಸ್ಸನ್ತರಸ್ಸ ತೇಜೇನ;
ಸಯಮೇ ವೋನತಾ ದುಮಾ.
ಸಂಖಿಪಿಂಸು ¶ ಪಥಂ ಯಕ್ಖಾ,
ಅನುಕಮ್ಪಾಯ ದಾರಕೇ;
ನಿಕ್ಖನ್ತದಿವಸೇನೇವ,
ಜೇತರಟ್ಠಮುಪಾಗಮುಂ.
ಏಕಾಹೇನೇವತೇ ತಿಂಸ-
ಯೋಜನಾನಿ ಅತಿಕ್ಕಮುಂ;
ಸಾಯನ್ಹೇ ಮಾತುಲಂನಾಮ,
ಸಮ್ಪತ್ತಾ ನಗರಂ ಸುಭಂ.
ನಗರಸ್ಸಸ್ಸ ದ್ವಾರಮ್ಹಿ,
ಸಾಲಾಯಂ ನಿಸಿದಿಂ ಸುತೇ;
ಖೇದಂ ವಿನೋದಮಾನಾವ,
ತೋಸೇನ್ತಾ ದಾರಕೇ ದುವೇ.
ಮದ್ದೀಪಿ ¶ ಬೋಧಿಸತ್ತಸ್ಸ,
ರಜಂ ಪಾದೇಸು ಪುಞ್ಛಿಯ;
ಸಮ್ಬಹಿತ್ವಾನ ಪಾದೇಚ,
ವಿಜಯನ್ತೀ ಠಿತಾ ತದಾ.
ಸಾಲಾಯ ನಿಕ್ಖಮಿತ್ವಾನ,
ಭತ್ತುಚಕ್ಖುಪಥೇ ಠಿತಾ;
ದಿಸೋದಿಸಂ ಓಲೋಕೇಸಿ,
ಮದ್ದೀ ಕನ್ತಾರಖೇದಿನೀ.
ಜೇತಿಯೋ ¶ ಪರಿವಾರಿಂಸು,
ದಿಸ್ವಾನ ಅಸಹಾಯಿಕಂ
ಮದ್ದಿಂ ಏವಂಉಗ್ಘೋಸಿಂಸು,
ಇತ್ಥೀ ಇಚ್ಛೇರರೂವಿನೀ.
ವಯ್ಹಾಹಿ ಪರಿಯಾಯಿತ್ವಾ,
ಸಿವಿಕಾಯ ರಥೇನಚ;
ಸಾಜ್ಜ ಮದ್ದೀಅರಞ್ಞಸ್ಮಿ,
ಪತ್ಥಿಕಾ ಪರಿಧಾವತಿ.
ಅನಾಥಾಗಮನಂ ಮದ್ದಿಂ,
ಭತ್ತಾರಾ ಪುತ್ತಕೇಹಿಚ,
ದಿಸ್ವಾಗನ್ತ್ವಾನಾ ಚಿಕ್ಖಂಸು,
ಜೇತಿನ್ದಾನಂ ಖಣೇನ ತಾ.
ತಂ ¶ ಸುತ್ವಾ ಜೇತಪಾಮೋಕ್ಖಾ,
ರೋದಮಾನಾ ಉಪಾಗಮುಂ;
ವೇಸ್ಸನ್ತರಸ್ಸ ಪಾದೇಸ,
ನಿಪಚ್ಚ ಇತಿ ಪುಚ್ಛಿಸುಂ.
ಕಿಚ್ಚಿನು ದೇವ ಕುಸಲಂ,
ಕಿಚ್ಚಿ ದೇವ ಅನಾಮಯಂ;
ಕಿಚ್ಚಿಪಿತಾ ಅರೋಗೋತೇ,
ಸಿವೀನಞ್ಚ ಅನಾಮಯಂ;
ಕೋ ತೇ ಬಲಂ ಮಹಾರಾಜ,
ಕೋನು ತೇ ರಥಮಣ್ಡಲಂ.
ಅನಸ್ಸಕೋ ¶ ಅರಥಕೋ,
ದೀಘಮದ್ಧಾನ ಮಾಗತೋ;
ಕಿಚ್ಚಾಮಿತ್ತೇಹಿ ಪಕತೋ,
ಅನುಪ್ಪತ್ತೋ ಸಿಮಂದಿಸಂ.
ಅಥ ವೇಸ್ಸನ್ತರೋರಾಜಾ,
ಆಗತಹೇತುಮತ್ತನೋ;
ಞಾಪೇತುಂ ಜೇತರಾಜೂನಂ,
ಇಮಾಗಾಥಾ ಅಭಾಸಥ.
ಕುಸಲಞ್ಚೇವ ¶ ಮೇಸಮ್ಮ,
ಅಥೋ ಸಮ್ಮ ಅನಾಮಯಂ;
ಅಥೋ ವಿಭಾ ಅರೋಗೋಮೇ,
ಸಿವೀನಞ್ಚ ಆನಾಮಯಂ.
ಅಹಞ್ಹಿಕುಞ್ಜರಂ ದಜ್ಜಂ,
ಸಬ್ಬಸೇತಂ ಗಜುತ್ತಮಂ;
ಬ್ರಾಹ್ಮಣಾನಂ ಸಾಲಙ್ಕಾರಂ,
ಖೇತ್ತಞ್ಞುಂ ರಠಪೂಜಿತಂ.
ತಸ್ಮಿಂ ಮೇ ಸಿವಯೋಕುದ್ಧಾ,
ವಿಭಾ ಉಪಹತೋಮನೋ;
ಅವರುದ್ಧಸಿ ಮಂ ರಾಜಾ,
ವಙ್ಕಂಗಚ್ಛಾಮಿಪಬ್ಬತಂ.
ತದಾ ¶ ತೇ ಜೇತರಾಜಾನೋ,
ಬಲಾನುಪ್ಪದಮಾನಸಾ;
ಏವಂ ತೋಸಿಂಸು ರಾಜಾನಂ,
ನಿಕ್ಖನ್ತಂ ಸಕರಠತೋ.
ಸ್ವಾಗತನ್ತೇ ಮಹಾರಾಜ,
ಅಥೋತೇಅದುರಾಗತಂ;
ಇಸ್ಸರೋ ಸಿಅನುಪ್ಪತ್ತೋ,
ಯಂಇಧತ್ಥಿಪವೇದಯ.
ಇಧೇವ ¶ ತಾವ ಅಚ್ಛಸ್ಸು,
ಜೇತರಟ್ಠೇ ರಥೇಸಭ;
ಯಾವ ಜೇತಾ ಗಮಿಸ್ಸನ್ತಿ,
ರಞ್ಞೋ ಸನ್ತಿಕ ಯಾಚಿತುಂ.
ತದಾ ವೇಸ್ಸನ್ತರೋ ಆಹ,
ಮಾವೋಗಮಿತ್ಥ ಸನ್ತಿಕಂ;
ಯಾಚಿತುಂ ಮಮ ಪಿತುಸ್ಸ,
ರಾಜಾಪಿ ತತ್ಥ ನಿಸ್ಸರೋ.
ಅಚ್ಚುಗ್ಗತಾಹಿ ಸಿವಯೋ,
ಬಲಗ್ಗಾನೇ ಗಮಾಚಯೇ,
ತೇಪಅಧಂಸಿ ತುಮಿಚ್ಛನ್ತಿ,
ರಾಜಾನಂ ಮಮ ಕಾರಣಾ.
ಸಚೇಏವಂ ¶ ಮಹಾರಾಜ,
ಸಿಯಾ ಜೇತುತ್ತರೇ ಪುರೇ;
ಇಧೇವರಜ್ಜಂ ಕಾರೇಹಿ,
ಜೇತೇಹಿ ಪರಿವಾರಿತೋ.
ಇದ್ಧಂ ಫಿತಞ್ಚಿದಂರಟ್ಠಂ,
ಇದ್ಧೋ ಜನಪದೋ ಮಹಾ;
ಮತಿಂ ಕರೋಹಿ ತ್ವಂ ದೇವ,
ರಜ್ಜಸ್ಸ ಮನುಸ್ಸತಿತುಂ.
ಅಲಂ ¶ ಮೇ ರಜ್ಜಸುಖೇನ,
ಪಬ್ಬಾಜಿತಸ್ಸ ರಟ್ಠತೋ;
ಅತುಟ್ಠಾ ಸಿವಯೋಚಾಸುಂ,
ಮಞ್ಚೇರಜ್ಜೇಭಿಸೇಚಯ್ಯೂಂ.
ಅಸಮ್ಮೋದನೀ ಯಮ್ಪಿವೋಅಸ್ಸ,
ಅಚ್ಚನ್ತಂ ಮಮಕಾರಣಾ;
ಸಿವೀಹಿ ಭಣ್ಡನಞ್ಚಾವಿ,
ವಿಗ್ಗಹೋ ಮೇ ನರುಚ್ಚತಿ.
ಪಟಿಗ್ಗಹಿತಂ ಯಂ ದಿನ್ನಂ,
ಸಬ್ಬಸ್ಸ ಅಗ್ಘಿಯಂ ಕತಂ;
ಅವರುದ್ಧಸಿ ಮಂ ರಾಜಾ,
ವಙ್ಕ ಗಚ್ಛಾಮಿಪಬ್ಬತಂ.
ಅನೇಕ ¶ ಪರಿಯಾಯೇನ,
ಜೇತರಾಜೂಹಿ ಯಾಚಿತೋ;
ಅನಿಚ್ಛನ್ತೋ ಪಟಿಕ್ಖೀಪಿ,
ರಜ್ಜಂ ಸೋ ಜೇತರಟ್ಠಕೇ.
ನಗರಂ ಅಪವೀಸಿತ್ವಾ,
ಸಾಲಂ ಸಾಣಿಪರಿಕ್ಖಿಪಂ;
ಕಾರೇತ್ವಾ ಏಕರತ್ತಿಂಸೋ,
ಸಯೀ ಸಪುತ್ತದಾರಕೋ.
ಪುಬ್ಬಣ್ಹಸಮಯೇ ¶ ಭುತ್ವಾ,
ನಾನಗ್ಗಂ ರಸಭೋಜನಂ;
ನೂತ್ವಾ ಸೋ ಜೇತರಾಜೂಹಿ,
ಪರಿವುತೋವ ನಿಕ್ಖಮಿ.
ಜೇತರಾಜಾ ಪನ್ನರಸ-
ಯೋಜನಂ ಜೇತರಟ್ಠತೋ;
ಗನ್ತ್ವಾನ ವನದ್ವಾರಮ್ಹಿ
ಠಿತಾಮಗ್ಗ ಮಭಾಸಿಸುಂ.
ಏಸಸೇಲೋಮಹಾರಾಜ,
ಪಬ್ಬತೋ ಗನ್ಧಮಾದನೋ;
ಯತ್ತ ತ್ವಂ ಸಹ ಪುತ್ತೇಹಿ,
ಸಹಭರಿಯಾಯ ವಚ್ಛಸಿ.
ತಂ ¶ ಜೇತಾ ಅನುಸಾಸಿಂಸು,
ಅಸ್ಸುನೇತ್ತಾ ರುದಮ್ಮುಖಾ;
ಇತೋ ಗಚ್ಛಂಮಹಾರಾಜ,
ಉಜುಂ ಯೇನುತ್ತರಾಭಿಮುಖೋ.
ಅಥ ದಕ್ಖಸಿ ಭದ್ದನ್ತೇ,
ವೇಪುಲ್ಲಂನಾಮ ಪಬ್ಬತಂ;
ನಾನಾದುಮಗಣಾಕಿಣ್ಣಂ,
ಸೀತಚ್ಛಾಯಂ ಮನೋರಮಂ.
ತಮತಿಕ್ಕಮಭದ್ದನ್ತೇ ¶ ,
ಅಥದಕ್ಖಸಿಆಪಗಂ;
ನದಿಂಕೇತುಮದಿಂನಾಮ,
ಗಮ್ಭೀರಂಗಿರಿಗಬ್ಭರಂ.
ಪುಥುಲೋಮಚ್ಛಆಕಿಣ್ಣಂ,
ಸುಪ್ಪತಿತ್ಥಂಮಹೋದಕಂ;
ಥತ್ತನೂತ್ವಾಪಿವಿತ್ವಾಚ,
ಅಸ್ಸಾಸೇತ್ವಾಸಪುತ್ತಕೇ.
ಅಥದಕ್ಖಸಿಭದ್ದನ್ತೇ,
ನಗ್ರೋಧಂಮಧುವಿಪ್ಫಲಂ;
ರಮ್ಮಕೇ ಸಿಖರೇಜಾತಂ,
ಸೀತಚ್ಛಾಯಂಮನೋರಮಂ.
ಅಥ ¶ ದಕ್ಖಸಿ ಭದ್ದನ್ತೇ,
ನಾಳಿಕಂನಾಮ ಪಬ್ಬತಂ;
ನಾನಾದಿಜ ಗಣಾಕಿಣ್ಣಂ,
ಸೇಲಂ ಕಿಂ ಪುರಿಸಾಯುತಂ.
ತಸ್ಸಉತ್ತರಪುಬ್ಬೇನ,
ಮುಚಲಿನ್ದೋನಾಮಸೋಸರೋ;
ಪುಣ್ಡರಿಕೇಹಿಸಞ್ಛನ್ನೋ,
ಸೇತಸೋಗನ್ಧಿಕೇಹಿಚ.
ಸೋವನಂ ಮೇಘಸಙ್ಕಾಸಂ,
ಧುವಂ ಹರಿತಸದ್ದಲಂ;
ಸೀಹೋವಾ ಮಿಸಪೇಕ್ಖೀವ,
ವನಸಣ್ಡಂ ವಿಗಾಹಯ.
ತತ್ಥ ¶ ಬಿನ್ದುಸ್ಸರಾ ವಗ್ಗೂ,
ನಾನಾವಣ್ಣಾ ಬಹೂದಿಜಾ;
ಕೂಜನ್ತಿ ಮುಪಕೂಜನ್ತಿ,
ಉತುಸಂಪುಪ್ಫಿತೇ ದುಮೇ.
ಗನ್ತ್ವಾ ಗಿರಿವಿದುಗ್ಗಾನಂ,
ನದೀನಂ ಪಭವಾನಿಚ;
ಸೋ ಅದ್ದಸ ಪೋಕ್ಖರಣಿಂ,
ಕರಞ್ಚ-ಕ ಕುಧಾಯುತಂ.
ಪುಥುಲೋ ಮಚ್ಛಆಕಿಣ್ಣಂ,
ಸುಪ್ಪತಿತ್ಥಂ ಮಹೋದಕಂ;
ಸಮಞ್ಚ ಚತುರಂ ಸಞ್ಚ,
ಸಾದುಂ ಅಪ್ಪತಿಗನ್ಧಿಯಂ.
ತಸ್ಸಾ ¶ ಉತ್ತರಪುಬ್ಬೇನ,
ಪಣ್ಣಸಾಲಂ ಅಮಾಪಯ;
ಪಣ್ಣಸಾಲಂ ಅಮಾಪೇತ್ವಾ,
ಉಞ್ಛಾಚರಿಯಾಯ ಈಹಥ.
ಏವಞ್ಹಿ ಜೇತರಾಜಾನೋ,
ಆಚಿಕ್ಖಿತ್ವಾನ ಅಞ್ಜಸಂ;
ಏಕಂ ಜೇತಪುತ್ತಂ ಬ್ಯತ್ತಂ,
ಆಮನ್ತೇಸುಂ ಸುಸಿಕ್ಖಿತಂ.
ಗಚ್ಛನ್ತೇಚಾ ¶ ಗಚ್ಛನ್ತೇಚ,
ಪರಿಗ್ಗಣ್ಹಸ್ಸು ಲುದ್ಧಕ;
ಇಚ್ಚೇವಂ ಸಞ್ಞಾಪೇತ್ವಾನ,
ವನದ್ವಾರೇ ಠಪಿಂ ಸುತಂ.
ನಾನಾಭಯ ವಿನೋದಾಯ,
ವೇಸ್ಸನ್ತರಸ್ಸ ರಾಜಿನೋ;
ಆರಕ್ಖಂ ತೇ ಠಪೇತ್ವಾನ,
ಆಗಮಿಂಸು ಸಕಂಪುರಂ.
ವೇಸ್ಸನ್ತರೋಚ ಗಚ್ಛನ್ತೋ,
ಗನ್ಧ ಮಾದನಪಬ್ಬತಂ;
ಸಪುತ್ತ ¶ ದಾರಕೋ ಪತ್ತೋ;
ವಿಸ್ಸಮೀ ದಿವಸಂ ತಹಿಂ.
ತತೋತ್ತರಾಹಿ ಮುಖೋಸೋ,
ಗಚ್ಛ ವೇಪುಲ್ಲ ಪಬ್ಬತಂ;
ಪತ್ವಾ ತಪ್ಪಾದ ಮಗ್ಗೇನ,
ಪತ್ತೋ ಕೇತುಮತಿಂ ನದಿಂ.
ತಿಸ್ಸಾ ತೀರೇ ನಿಸೀದಿತ್ವಾ,
ಮಂಸಂಖಾದಿಯ ಸುನ್ದರಂ;
ದಿನ್ನಮೇಕೇನ ಲುದ್ಧೇನ,
ನೂತ್ವಾ ಪಿತ್ವಾಚ ವಿಸ್ಸಮೀ.
ಸೋಣ್ಣಸೂಚಿಂ ¶ ಲುದ್ಧಕಸ್ಸ,
ದತ್ವಾನ ಸೋ ತತೋಪರಂ;
ಗಚ್ಛನ್ತೋ ದಕ್ಖಿನಿಗ್ರೋಧಂ,
ಪಬ್ಬತಸಿಖರೇ ಠಿತಂ.
ತಸ್ಸಮೂಲೇ ನಿಸೀದಿತ್ವಾ,
ಥೋಕಂಫಲಾನಿ ಭುಞ್ಜಿಯ;
ತತೋಪರಂ ಸ ಗಚ್ಛನ್ತೋ,
ಪತ್ತೋ ನಾಳಿಕಪಬ್ಬತಂ.
ನಾಳಿಕಂ ಪರಿಹರಿತ್ವಾ,
ಗಚ್ಛನ್ತೋ ಸೋ ಮಹಾಸರಂ;
ಮುಚಲಿನ್ದಂ ಉಪಾಗಞ್ಛಿ,
ನಾನಾಕಮಲ ಭೂಸಿತಂ.
ತಸ್ಸ ¶ ಪುಬ್ಬಉತ್ತರೇನ,
ಖುದ್ದಮಗ್ಗೇನ ಗಚ್ಛತಾ;
ದಿಟ್ಠಂ ಬ್ರಹಾವನಂ ರಮ್ಮಂ,
ಫಲ ಪುಪ್ಫಾನ ಪೂರಿತಂ.
ತಮತಿಕ್ಕಮ್ಮ ಗಚ್ಛನ್ತೋ,
ಅನುಪುಬ್ಬೇನ ಖತ್ಥಿಯೋ;
ಚತುರಂಸ ಪೋಕ್ಖರಣಿಂ,
ಸಮ್ಪತ್ತೋ, ಸಿ ಮಹೋದಕಂ.
ವೇಸ್ಸನ್ತರೋಚ ¶ ಮದ್ದೀಚ,
ಜಾಲೀಕಣ್ಹಾಜಿನಾ ಚುಭೋ;
ತತ್ಥೇವ ತೇ ವಿಸ್ಸಮಿಂಸು,
ಅಞ್ಞಮಞ್ಞಪಿಯಂವದಾ.
ಆವಜ್ಜನ್ತೋ ತದಾ ಸಕ್ಕೋ,
ಪಸ್ಸಿತ್ಥ ದೇವಕುಞ್ಜರೋ;
ಹಿಮವನ್ತಂ ಮಹಾಸತ್ತಂ,
ಪವಿಟ್ಠಂಭಯಭೇರವಂ.
ವಿಸ್ಸುಕಮ್ಮಂ ದೇವಪುತ್ತಂ,
ಪಕ್ಕೋಸಾಪಿಯ ಸೋ ತತೋ;
ಅಸ್ಸಮಂ ಮಾಪನತ್ಥಾಯ,
ಪೇಸೇಸಿ ವಙ್ಕಪಬ್ಬತಂ.
ವಿಸ್ಸುಕಮ್ಮೋಪಿ ¶ ಸೋ ಸೀಘಂ,
ಓತರಿತ್ವಾ ದೇವಲೋಕತೋ;
ವಙ್ಕಪಬ್ಬತ ಕುಚ್ಛಿಮ್ಹಿ,
ಮಾಪೇಸಿ ಅಸ್ಸಮೇ ದುವೇ.
ದುವೇಚ ಚಙ್ಕಮೇರತ್ತಿ-
ದಿವಾ ಠಾನಾನಿಮಾಪಯಿ;
ಪಟಿರೂಪೇಸು ಠಾನೇಸು,
ಪುಪ್ಫಿತೇ ಫಲಿತೇ ದುಮೇ.
ಪಟಿಯಾದಿಯಿತ್ವಾ ಸಮಣ-
ಪರಿಕ್ಖಾರೇ ಅಸೇಸತೋ;
ಅಕ್ಖರಾನಿಪಿ ಸೋಕಾಸಿ,
ಏವಂಅಸ್ಸಮ ಭಿತ್ತಿಯಂ.
ಪಬ್ಬಜ್ಜಂ ¶ ಇಚ್ಛಮಾನಾಚೇ,
ಯೋತೇ ಇಮೇ ಗಣ್ಹನ್ತುವೇ;
ಪಬ್ಬಜಿತ್ವಾನ ಅಚ್ಛನ್ತು,
ಇಮಮ್ಹಿಅಸ್ಸಮೇ ಸುಖಂ.
ಏವಂಲಿಖಿತ್ವಾನ ಸೋದೇವೋ,
ಅಮನುಸ್ಸೇಚ ಭೇರವೇ;
ಮಿಗೇ ಖಗೇ ಪಲಾಪೇತ್ವಾ,
ಸಕಠಾನ ಗತೋ ಅಹು.
ಸೋ ¶ ಏಕಪದಿಕಂ ಮಗ್ಗಂ,
ದಿಸ್ವಾ ವೇಸ್ಸನ್ತರೋ ತತೋ;
ಪಬ್ಬಜಿತಾನ ಮಾವಾಸೋ,
ಅಯಂ ಹೇಹೀತಿ ಚಿನ್ತಿಯ.
ಮದ್ದಿಂ ಅಸ್ಸಮ ದ್ವಾರಮ್ಹಿ,
ಠಪೇತ್ವಾ ಪುತ್ತಕೇಪಿಚ;
ಅಸ್ಸಮಂ ಪವಿಸಿತ್ವಾನ,
ಪಸ್ಸಿತ್ಥ ಅಕ್ಖರಾನಿಸೋ.
ಇದಂಸಕ್ಕೇನ ದಿನ್ನಂತಿ,
ಉತ್ವಾ ಸೋ ತುಟ್ಠಮಾನಸೋ;
ಪಣ್ಣಸಾಲಂ ಪವಿಸಿತ್ಥ,
ಏಕಕೋ ಪಬ್ಬಜೇತವೇ.
ತಹಿಂ ¶ ಧನುಞ್ಚ ಖಗ್ಗಞ್ಚ,
ಅಪನೇತ್ವಾ ಸಸಾಟಕೇ;
ಓಮುಞ್ಚಿತ್ವಾನ ಸೋರತ್ತ-
ವಾಕಚೀರಂ ನಿವಾಸಯಿ.
ಅಂಸೇ ಕತ್ವಾನ ಅಜಿನ-
ಚಮ್ಮಞ್ಚ ಸಕ್ಕದತ್ತಿಯಂ;
ಗಣ್ಹಿತ್ಥ ಇಸಿವೇಸಂಸೋ,
ಬನ್ಧಿತ್ವಾ ಜಟಮಣ್ಡಲಂ.
ದಣ್ಡಮಾದಾಯ ¶ ನಿಕ್ಖಮ್ಮ,
ಪಣ್ಣಸಾಲಾಯ ಚಙ್ಕಮಂ;
ಆರುಯ್ಹ ಉದ, ನೇತ್ವಾನಂ,
ಚಙ್ಕಮೀ ಅಪರಾಪರಂ.
ತತೋಸೋ ಪುತ್ತದಾರಾನಂ,
ಸನ್ತಿಕಂ ಸಂವುತಿನ್ದ್ರಿಯೋ;
ಆಗಞ್ಛಿ ಸಟ್ಠಿ ವಸ್ಸೋವ,
ಥೇರೋ ಓರುಯ್ಹ ಚಙ್ಕಮಾ.
ಮದ್ದೀದಿಸ್ವಾ ಮಹಾಸತ್ತಂ,
ಕಲುನಂ ಪರಿದೇವಯಿ;
ನಿಪಚ್ಚ ತಸ್ಸ ಪಾದೇಸು,
ಪುರಾಣಾನಿ ಅನುತ್ಥುನಂ.
ತತೋ ¶ ಸಾ ಬೋಧಿಸತ್ತೇನ,
ಸದ್ಧಿಂ ಪವಿಸಿ ಅಸ್ಸಮಂ;
ಗನ್ತ್ವಾ ಸಕಪಣ್ಣಸಾಲಂ,
ಇಸಿವೇಸಗ್ಗಹಾ ಅಹು.
ಪಚ್ಛಾಪುತ್ತೇಪಿ ತಾಪಸ-
ಕುಮಾರಕೇ ಕರಿಂಸುತೇ;
ವಸಿಂಸು ವಙ್ಕಕುಚ್ಛಿಮ್ಹಿ,
ಚತ್ತಾರೋ ಖತ್ತಿಯಾಜನಾ.
ಅಥಮದ್ದೀ ವರಂಯಾಚಿ,
ಮಹಾಸತ್ತಂ ಮಹಾಇಸಿಂ;
ಮಾತುಮ್ಹೇ ದೇವಗಞ್ಛಿತ್ಥ,
ಫಲಾಫಲ ಗವೇಸನಂ.
ಇಧಪುತ್ತೇ ¶ ಗಹೇತ್ವಾನ,
ವಸೇಯ್ಯಾಥ ಯಥಾಸುಖಂ;
ಅಹಮೇವಾ ಹರಿಸ್ಸಾಮಿ,
ಮೂಲಾಲೇಚ ಫಲಾಫಲೇ.
ಏವಂವರಂ ಯಾಚಿತ್ವಾನ,
ಅರಞ್ಞತೋ ಫಲಾಫಲಂ;
ಆಹರಿತ್ವಾನ ಪೋಸೇಸಿ,
ಜಟಿನೀಸಾ ತಯೋಜನೇ.
ಬೋಧಿಸತ್ತೋಪಿ ¶ ಯಾಚಿತ್ತ,
ವರಂಮದ್ದಿಂ ಸುಚಾರಿನಿಂ;
ಮಾಗಚ್ಛ ಆಕಾಲೇಭದ್ದೇ,
ಪಟ್ಠಾಯಿತೋ ಮಮನ್ತಿಕಂ.
ಇತ್ಥೀಚ ಬ್ರಹ್ಮಚರಿಯ-
ಮಲಂನಾಮ ಸುಮೇಧಸೇ;
ಬ್ರಹ್ಮಚಾರಿಂಹಿ ನಾಸೇನ್ತಿ,
ತಸ್ಮಾ ಯಾಚಾಮಿ ಮಂವರಂ.
ಸಮ್ಪಟಿಚ್ಛಿತ್ಥ ಸಾಧೂತಿ,
ಸಾಮದ್ದೀ ಬ್ರಹ್ಮಚಾರಿನೀ;
ಸಕಟ್ಠಾನೇ ತೇ ವಸಿಂಸು,
ಭಾವೇನ್ತಾ ಪಿಯ ಭಾವನಂ.
ಮೇತ್ತಾಯ ¶ ಆನುಭಾವೇನ,
ಮಹೇಸಿಸ್ಸ ತಿಯೋಜನೇ;
ಅಞ್ಞಮಞ್ಞಂ ಮೇತ್ತಾಯಿಂಸು,
ಸಮನ್ತಾ ಸಬ್ಬಪಾಣಿನೋ.
ಪಾತೋವುಟ್ಠಾಯ ಮದ್ದೀಪಿ,
ಉಪಟ್ಠಾಪಿಯ ಪಾನಿಯಂ;
ಪರಿಭೋಜನಿಯಞ್ಚೇವ,
ಮುಖೋದಕಞ್ಚ ಆಹರಿ.
ದನ್ತಕಟ್ಠಞ್ಚ ¶ ಪಾದಾಸಿ,
ತತೋ ಅಸ್ಸಮಮಣ್ಡಲಂ;
ಸಮ್ಮಜಿತ್ವಾನ ದ್ವೇಪುತ್ತೇ,
ಠಪೇತ್ವಾ ಪಿತುಸನ್ತಿಕೇ.
ಖಣಿತ್ತಿಂ ಪಚ್ಛಿ ಮಾದಾಯ,
ಅಙ್ಕುಸಞ್ಚಾಪಿ ಗಣ್ಹಿಯ;
ವನಮೂಲಫಲತ್ಥಾಯ,
ಪಾವೇಕ್ಖಿ ಏಕಿಕಾವನಂ.
ಸಾಯನ್ಹಸಮಯೇ ಪಚ್ಛಿಂ,
ಮೂಲಾಲೇಹಿ ಫಲೇಹಿಚ;
ಪೂರಾಪೇತ್ವಾನ ಸಾಗಞ್ಛಿ,
ಪಣ್ಣಸಾಲಂ ಅರಞ್ಞತೋ.
ಫಲಪಚ್ಛಿಂ ¶ ನಿಕ್ಖಿಪೇತ್ವಾ,
ಸಯಂ ನ್ಹಾತ್ವಾನ ಪುತ್ತಕೇ;
ನ್ಹಾಪೇತ್ವಾಚ ಭುಞ್ಜಿಂಸು,
ಮೋದೇನ್ತಾ ಚತುರೋಜನಾ.
ಭುತ್ವಾ ನಲ್ಲಾಪ ಸಲ್ಲಾಪಂ,
ಕತ್ವಾನ ಪುತ್ತಕೇ ದುವೇ;
ಮದ್ದೀಆದಾಯ ಪಾವೀಸಿ,
ಸಾಪಣ್ಣಸಾಲಮತ್ತನೋ.
ಏವಂವುತ್ತನಿಯಾಮೇನ,
ಚತ್ತಾರೋಖತ್ತಿಯಾಜನಾ;
ವಙ್ಕಪಬ್ಬತಕುಚ್ಛಿಮ್ಹಿ,
ಸತ್ತಮಾಸೇವಸಿಂಸುತೇ.
ತದಾಕಲಿಙ್ಗರಟ್ಠಮ್ಹಿ ¶ ,
ಗಾಮಮ್ಹಿದುನ್ನಿವಿಟ್ಠಕೇ;
ಬ್ರಹ್ಮಣೋಜೂಚಕೋನಾಮ,
ಭಿಕ್ಖಾಚಾರೋ ಅಲಕ್ಖಿಕೋ.
ಕಹಾಪಣಸತಂಲದ್ಧಾ,
ಭಿಕ್ಖಾಚಾರೇನಬ್ರಾಹ್ಮಣೋ;
ಏಕಬ್ರಾಹ್ಮಣಕುಲಮ್ಹಿ,
ಥಪೇತ್ವಾಪುನಸೋಗತೋ.
ಅನಾಗನ್ತ್ವಾಚಿರಾಯನ್ತೇ,
ಜೂಚಕಮ್ಹಿಗಹಾಪಣಂ,
ಖೀಣಂಬ್ರಾಹ್ಮಣಗೇಹಮ್ಹಿ,
ವಲಞ್ಜೇತ್ವಾಅಸೇಸತೋ.
ಚೋದೇಸಿಗಹಾಪಣಂಸೋ ¶ ,
ಪಚ್ಛಾಗನ್ತ್ವಾನಜೂಚಕೋ;
ಕಹಾಪಣಸ್ಸಖೀಣತ್ತಾ,
ದಾತುಂನಾಸಕ್ಖಿಬ್ರಾಹ್ಮಣೋ.
ಧೀತಾ ತಸ್ಸ ಬ್ರಾಹ್ಮಣಸ್ಸ,
ನಾಮೇನಾಮಿತ್ತತಾಪನಾ;
ಯುವತೀರೂಪವನ್ತೀಚ,
ಜೂಚಕಸ್ಸಅದಂಸುತಂ.
ವಸಿತ್ಥದುನ್ನಿವಿಟ್ಠಮ್ಹಿ ¶ ,
ಆದಾಯಾಮಿತ್ತತಾಪನಂ;
ದಹರಿಂಜಿಣ್ಣಕೋಪಾಪೋ,
ಜೂಚಕೋಯಾಚಜೀವಕೋ.
ಅಮಿತ್ತತಾಪನಾಸಮ್ಮಾ,
ಗರುಂಕತ್ವಾನಬ್ರಾಹ್ಮಣಂ;
ಪಟಿಜಗ್ಗತಿಇನ್ದಂವ,
ಸೂಜಾಉಟ್ಠಾನಸೀಲಿನೀ.
ಯುವಾನೋಬ್ರಾಹ್ಮಣಾಅಞ್ಞೇ,
ದಿಸ್ವಾನಾಮಿತ್ತತಾಪನಂ;
ಜಾಯಾವತ್ತೇನಸಮ್ಪನ್ನಂ,
ಸದಾರೇಇತಿತಜ್ಜರೇ.
ಅಯಂಮಹಲ್ಲಕಂಸಮ್ಮಾ ¶ ,
ಪಟಿಜಗ್ಗತಿಜೂಚಕಂ;
ಕಿಂ ಪಮಜ್ಜಥ ಅಮ್ಹಾಕಂ,
ಯುವಾನಾನಂತು ವೋ ಸತಂ.
ಪಟಿಜಗ್ಗಥನೋಬಾಲಾ,
ಪಸ್ಸಿತ್ವಾ ಮಿತ್ತತಾಪನಂ;
ನೋಚೇಪಟಿಜಗ್ಗೇಯ್ಯಾಥ,
ದಣ್ಡೇಸ್ಸಾಮಖರಂಭುಸಂ.
ತಜ್ಜಿತಾ ¶ ಭರಿಯಾಸಬ್ಬಾ,
ಪತೀಹಿ ಭಯಮಾನಸಾ;
ಸನ್ನಿಸಿನ್ನಾ ಮನ್ತಲಿಂಸು;
ಆರಬ್ಭಾಮಿತ್ತತಾಪನಂ.
ಪಲಾಪೇಸ್ಸಾಮ ಅಯ್ಯಾಯೋ,
ಇಮಮ್ಹಾದುನ್ನಿ ವಿಟ್ಠತೋ;
ಏವಂಸುಖಂ ವಿಹಿಸ್ಸಾಮ,
ಜೂಚಕಸ್ಸ ಪಜಾಪತಿಂ.
ಮನ್ತಯಿತ್ವಾನತಾ ಏವಂ,
ನದಿಂ ಉದಕಹಾರಿಯಾ;
ಸಮಾಗನ್ತಾ ಉಜ್ಝಾಯಿಂಸು,
ತಿತ್ಥೇ ಅಮಿತ್ತತಾಪನಂ.
ಅಮಿತ್ತಾನುನತೇಮಾತಾ ¶ ,
ಅಮಿತ್ತೋನುನತೇಪಿತಾ;
ಯೇಸಂಜಿಣ್ಣಸ್ಸಪಾದಂಸು,
ಏವಂ ದಹರಿಯಂ ಸತಿಂ.
ಅಹಿತಂವತತೇಞ್ಞಾತೀ,
ಮನ್ತಯಿಂಸು ರಹೋಗತಾ;
ಯೇತಂಜಿಣ್ಣಸ್ಸ ಪಾದಂಸು,
ಏವಂ ದಹರಿಯಂಸತಿಂ.
ಅಮನಾಪವಾಸಂವಸತಿ ¶ ,
ಜಿಣ್ಣೇನಪತಿನಾಸಹ;
ಯಾತ್ವಂವಸಸಿಜಿಣ್ಣಸ್ಸ,
ಮತನ್ತೇಜೀವಿತಾವರಂ.
ನಹಿನುನತೇವಿನ್ದಿಂಸು,
ಮಾತಾಪಿತಾಚಸೋಭಣೇ;
ತುಯ್ಹತ್ಥಾಯಜೂಚಕಮ್ಹಾ,
ಪತಿಂಅಞ್ಞಂಸುಯೋಬ್ಬನಂ.
ದುಯಿಟ್ಠಂತೇನವಮಿಯಾ,
ಅಕತಂಅಗ್ಗಿಹುತಕಂ;
ಯೇತಂಜಿಣ್ಣಸ್ಸಪಾದಂಸು,
ಏವಂದಹರಿಯಂಸತಿಂ.
ಸಮಣೇ ¶ ಬ್ರಾಹ್ಮಣೇ ಸುದ್ಧೇ,
ಅಕ್ಕೋಸಿ ಬ್ರಾಹ್ಮಚಾರಿನೇ;
ಯೇನತೇನದಹರೀತ್ವಂ,
ಮಞ್ಞೇಜಿಣ್ಣೇನಸಙ್ಗಮೀ.
ನದುಕ್ಖಂಅಹಿನಾದಟ್ಠಂ,
ನದುಕ್ಖಂಸತ್ತಿಯಾಹತಂ;
ತಞ್ಚದುಕ್ಖಞ್ಚತಿಬ್ಬಞ್ಚ,
ಯಂಪಸ್ಸೇಜಿಣ್ಣಕಂಪತಿಂ.
ನತ್ಥಿಖಿಟ್ಟಾನತ್ಥಿರತಿ ¶ ,
ಜಿಣ್ಣೇನಪತಿನಾಸಹ;
ನತ್ಥಿಅಲ್ಲಾಪಸಲ್ಲಾಪೋ,
ಜಗ್ಘಿತುಂವಿನಸೋಭತಿ.
ಯದಾದಹರೋದಹರೀ,
ಮನ್ತಯಿಂಸುರಹೋಗತಾ;
ಸಬ್ಬಸೋಕಾವಿನಸ್ಸನ್ತಿ,
ಯೇಕೇಚಿಹದಯಸ್ಸಿತಾ.
ದಹರೀತ್ವಂರೂಪಾತೀ,
ಪುರಿಸಾತ್ವಮಭಿಪತ್ಥಿತಾ;
ಗಚ್ಛ ಞಾತಿಕುಲೇ ಅಚ್ಛ,
ಕಿಂ ಜಿಣ್ಣೋ ರಮಯಿಸ್ಸತಿ.
ರೋದಮಾನಾವಆಗಞ್ಛಿ ¶ ,
ಸಾಘರಂಪರಿಭಾಸಿತಾ;
ಬ್ರಾಹ್ಮಣೀಹಿ ಹಿರಾಯನ್ತೀ,
ಘಟಮಾದಾಯಸೀಘಸೋ.
ರೋದನ್ತಿಂ ಆಗತಂಜಾಯಂ,
ದಿಸ್ವಾಕಿಂ ಭೋತಿರೋದಿಯ;
ಆಗಚ್ಛ ಸೀತಿಪುಚ್ಛಿತ್ಥ,
ಪಚ್ಚುಗ್ಗಚ್ಛಂ ವಜೂಚಕೋ.
ನತೇಬ್ರಾಹ್ಮಣ ¶ ಗಚ್ಛಾಮಿ,
ನದಿಂ ಉದಕಹಾರಿಯಾ;
ಥಿಯೋಮಂಪರಿಭಾಸಿಂಸು,
ತಯಾಜಿಣ್ಣೇನಬ್ರಾಹ್ಮಣ.
ಬ್ರಾಹ್ಮಣ್ಯಾಭಾಸಮಾನಾಯ,
ಕಥಂಸುತ್ವಾನಬ್ರಾಹ್ಮಣೋ;
ತೋಸೇನ್ತೋಭರಿಯಂರುಣ್ಣಂ,
ಜಿಣ್ಣೋಸೋಏತದಬ್ರವೀ.
ಮಾಮೇತ್ವಂಅಕರಾಕಮ್ಮಂ,
ಮಮೇಉದಕಮಾಹರಿ;
ಅಹಂಉದಕಮಾಹಿಸ್ಸಂ,
ಮಾಭೋತಿಕುಪಿತಾಅಹು.
ನಾಹಂತಮ್ಹಿಕುಲೇಜಾತಾ ¶ ,
ಯಂತ್ವಂಉದಕಮಾಹರಿ;
ಏವಂಬ್ರಾಹ್ಮಣಜಾನಾಹಿ,
ನತೇವಚ್ಛಾಮಿಹಂಘರೇ.
ಸಚೇಮೇದಾಸಂದಾಸಿಂ ವಾ,
ನಾನಯಿಸ್ಸಸಿಬ್ರಾಹ್ಮಣ;
ಏವಂಬ್ರಾಹ್ಮಣಜಾನಾಹಿ,
ನತೇವಚ್ಛಾಮಸನ್ತಿಕೇ.
ನತ್ಥಿಮೇ ¶ ಸಿಬ್ಬಟ್ಠಾನಂವಾ,
ಧನಧಞ್ಞಞ್ಚ ಬ್ರಹ್ಮಣಿ;
ಕುತೋತಂ ದಾಸಂದಾಸಿಂ ವಾ,
ಆನಯಿಸ್ಸಾಮಿ ಭೋತಿಯಾ,
ಅಹಂಭೋತಿಂ ಉಪಟ್ಠಿಸ್ಸಂ,
ಮಾಭೋತಿಕು ಪಿತಾಅಹು.
ಏಹಿತೇ ಅಹ ಮಕ್ಖಿಸ್ಸಂ,
ಯಥಾಮೇವಚನಂಸುತಂ;
ಏಸವೇಸ್ಸನ್ತರೋ ರಾಜಾ,
ವಙ್ಕೇವಸತಿ ಪಬ್ಬತೇ.
ತಂತ್ವಂಗನ್ತ್ವಾನ ಯಾಚಸ್ಸು,
ದಾಸಂದಾಸಿಞ್ಚ ಬ್ರಹ್ಮಣ;
ಸೋತೇದಸ್ಸತಿ ಯಾಚಿತೋ,
ದಾಸಂದಾಸಿಞ್ಚ ಖತ್ಥಿಯೋ.
ಜಿಣ್ಣೋಹಸ್ಮಿ ¶ ದುಬ್ಬಲೋ,
ದೀಘೋಚದ್ಧಾಸು ದುಗ್ಗಮೋ;
ಕಥಂಗನ್ತುಂ ಸಕ್ಖಿಸ್ಸಮಿ,
ಉಪಠಿಸ್ಸಾಮಿ ತಂ ಅಹಂ.
ಯಥಾಅಗನ್ತ್ವಾ ಸಙ್ಗಾಮಂ,
ಅಯುದ್ಧೋವ ಪರಾಜಿತೋ,
ಏವಮೇವ ತುವಂಬ್ರಹ್ಮೇ,
ಅಗನ್ತ್ವಾವ ಪರಾಜಿತೋ.
ಸಚೇಮೇ ¶ ದಾಸಂದಾಸಿಂ ವಾ,
ನಾನಯಿಸ್ಸಸಿ ಬ್ರಹ್ಮಣ;
ಏವಂ ಬ್ರಹ್ಮಣ ಜಾನಾಹಿ,
ನತೇವಚ್ಛಾ ಮಹಂಘರೇ;
ಅಮನಾಪಂ ತೇಕರಿಸ್ಸಾಮಿ,
ತಂತೇದುಕ್ಖಂ ಭವಿಸ್ಸತಿ.
ನಕ್ಖತ್ತೇ ಉತುಪುಪ್ಫೇಸು,
ಯದಾಮಂದಕ್ಖಸಿ ಲಙ್ಕತಂ;
ಅಞ್ಞೇಹಿ ಸದ್ಧಿಂ ರಮಮಾನಂ,
ತನ್ತೇದುಕ್ಖಂ ಭವಿಸ್ಸತಿ.
ಅದಸ್ಸನೇನ ¶ ಮಯ್ಹಂತೇ,
ಜಿಣ್ಣಸ್ಸ ಪರಿದೇವತೋ;
ಭಿಯ್ಯೋವಙ್ಕಾ ಪಲಿತಾಚ,
ಬಹೂಹೇಸ್ಸನ್ತಿ ಬ್ರಹ್ಮಣ.
ತತೋ ಸೋ ಬ್ರಹ್ಮಣೋ ಭೀತೋ,
ಬ್ರಹ್ಮಣಿಯಾವ ಸಾನುಗೋ;
ಅಟ್ಟಿತೋ ಕಾಮರಾಗೇನ,
ಬ್ರಹ್ಮಣಿಂ ಏತದಬ್ರವೀ.
ಪಾಥೇಯ್ಯಂಮೇಕರೋಹಿತ್ವಂ ¶ ,
ಸಂಕುಲ್ಯಾಸಕಲಾನಿಚ;
ಮಧುಪಿಣ್ಡಿಕಾಚಸುಕತಾಯೋ,
ಸತ್ಥು ಭತ್ತಞ್ಚಬ್ರಹ್ಮಣಿ.
ಆನಯಿಸ್ಸಂ ಮೇಥುನಕೇ,
ಉಭೋದಾಸಕುಮಾರಕೇ;
ತೇತಂಪರಿಚರಿಸ್ಸನ್ತಿ,
ರತ್ತಿಂದಿವಮತನ್ದಿತಾ.
ಸಾಖಿಪ್ಪಂಪಟಿಯಾದೇಸಿ ¶ ,
ಪಾಥೇಯ್ಯಂಮಿತ್ತತಾಪನಾ;
ಪಟಿಯಾದಿತನ್ತಿ ಆಚಿಕ್ಖಿ,
ಬ್ರಹ್ಮಣಸ್ಸಅಲಕ್ಖಿನೋ.
ಗೇಹೇದುಬ್ಬಲಠಾನಂಸೋ,
ಥಿರಂಕತ್ವಾನಬ್ರಹ್ಮಣೋ;
ಭರಿಯಾಯಗೋಪನತ್ಥಂ,
ಗುತ್ತದ್ವಾರಞ್ಚಸಙ್ಖರಿ.
ದಾರೂನಿಆಹರಿತ್ವಾನ,
ಘಟೇಪೂರೇಸಿವಾರಿನಾ;
ಜಾಯಾಯಸುಖವಾಸತ್ಥಂ,
ಅನಿಕ್ಖನ್ತುಂಚಗೇಹತೋ.
ಪಚ್ಚಕ್ಖೇಯೇವ ¶ ಜಾಯಾಯ,
ಇಸಿವೇಸಂಸಮಾದಿಯ;
ಪಸ್ಸಿತ್ವಾಭರಿಯಂಏವಂ,
ಓವದೇಸಿಸಜೂಚಕೋ.
ಇತೋಪಠಾಯತ್ವಂಭದ್ದೇ,
ವಿಕಾಲೇಮಾಸ್ಸುನಿಕ್ಖಮಿ;
ಮಮಆಗಮನಾಯಾವ,
ವಸೇಸಿಅಪ್ಪಮತ್ತಕಾ.
ಇದಂವತ್ವಾನಲಗ್ಗಿತ್ವಾ ¶ ,
ಸೋಪಾಥೇಯ್ಯಪಸಿಬ್ಬಹಂ;
ಉಪಾಹನಞ್ಚಆರುಯ್ಹ,
ಗಣ್ಹೀಕತ್ತರದಣ್ಡಕಂ.
ತತೋಸೋರುಣ್ಣಮುಖೇನ,
ಭರಿಯಂಕತ್ವಾಪದಕ್ಖಿಣಂ;
ಸೋಚಮಾನೋ ವಪಕ್ಕಾಮಿ,
ದಾಸಕೇ ಪರಿಯೇಸಿತುಂ.