📜

ಥುಪವಂಸೋ ¶

ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ

ಯಸ್ಮಿಂ ಸಯಿಂಸು ಜಿನಧಾತುವರಾ ಸಮನ್ತಾ

ಛಬ್ಬಣ್ಣ ರಂಸಿ ವಿಸರೇಹಿ ಸಮುಜ್ಜಲನ್ತಾ,

ನಿಮ್ಮಾಯ ಲೋಕಹಿತಹೇತು ಜಿನಸ್ಸ ರೂಪಂ

ತಂ ಥುಪಮಬ್ಭುತ ತಮಂ ಸಿರಸಾ ನಮಿತ್ವಾ;

ಚಕ್ಖಾಮಹಂ ಸಕಲ ಲೋಕ ಹಿತಾವಹಸ್ಸ

ಥುಪಸ್ಸ ಸಬ್ಬ ಜನ ನಣ್ದನ ಕಾರಣಸ್ಸ,

ವಂಸಂ ಸುರಾಸುರ ನರಿಣ್ದವರೇಹಿ ನಿಚ್ಚಂ

ಸಮ್ಪೂಜಿತಸ್ಸ ರತನುಜ್ಜಲ ಥೂಪಿಕಸ್ಸ;

ಕಿಞ್ಚಾಪಿ ಸೋ ಯತಿಜನೇನ ಪುರಾತನೇನ

ಅತ್ವಾಯ ಸೀಹಳಜನಸ್ಸ ಕತೋ ಪುರಾಪಿ,

ವಾಕ್ಕೇನ ಸಿಹಳಭವೇನ’ಭಿಸಙ್ಖಮತ್ತಾ

ಅತ್ಥಂ ನ ಸಾಧಹತಿ ಸಬ್ಬಜನಸ್ಸ ಸಮ್ಮಾ;

ಯಸ್ಮಾ ಚ ಮಾಗಧ ನಿರುತ್ತಿಕತೋಪಿ ಥೂಪ-

ವಂಸೋ ವಿರುದ್ಧನಯ ಸದ್ದ ಸಮಾಕುಲೋ ಸೋ,

ವತ್ತಬ್ಬಮೇವ ಚ ಬಹುಮ್ಪಿ ಯತೋ ನ ವುತ್ತಂ

ತಮ್ಹಾ ಅಹಂ ಪುನಪಿ ವಂಸಮಿ’ಮಂ ವದಾಮಿ;

ಸುಣಾಥ ಸಾಧವೋ ಸಬ್ಬೇ ಪರಿಪುಣ್ಣಮನಾಕುಲಂ

ವುಚ್ಚಮಾನಂ ಮಯಾ ಸಾಧು ವಂಸಂ ಥೂಪಸ್ಸ ಸತ್ಥುನೋತಿ;

ತತ್ಥ ಥೂಪಸ್ಸ ವಂಸಂ ವಕ್ಖಾಮೀತಿ ಏತ್ಥ ತಥಾಗತೋ ಅರಹಂ ಸಮ್ಮಾ ಸಮ್ಬುದ್ಧೋ ಥೂಪಾರಹೋ, ಪಚ್ಚೇಕಬುದ್ಧೋ ಥೂಪಾರಹೋ, ತಥಾಗತಸ್ಸ ಸಾವಕೋ ಥೂಪಾರಹೋ, ರಾಜಾ ಚಕ್ಕವತ್ತಿ ಥೂಪಾರಹೋತಿ ವಚನತೋ ಥೂಪಾರಹಾನಂ ಬುದ್ಧಾದೀನಂ ಧಾತುಯೋ ಪತಿಟ್ಠಾಪೇತ್ವಾ ಕತ ಚೇತಿಯಂ ಅಬ್ಭುನನ ತಟ್ಠೇನ ¶ ಥೂಪೋತಿ ವುಚ್ಚತಿ, ಇಧ ಪನ ಕಞ್ಚನ ಮಾಲಿಕ ಮಹಾಥೂಪೋ ಅಧಿಪ್ಪೇತೋ, ಸೋ ಕಸ್ಸ ಧಾತುಯೋ ಪತಿಟ್ಠಾಪೇತ್ವಾ ಕತೋತಿ ಚೇ? ಯೋದೀಪಙ್ಕರಾದೀನಂ ಚತುವೀಸತಿಯಾ ಬುದ್ಧಾನಂ ಸನ್ತಿಕೇ ಲದ್ಧವ್ಯಾಕರಣೋ ಸಮತಿಂಸಪಾರಮಿಯೋ ಪೂರೇತ್ವಾ ಪರಮಾಭಿಸಮ್ಬೋಧಿಂ ಪತ್ವಾ ಧಮ್ಮಚಕ್ಕಪ್ಪವತ್ತನತೋ ಪಟ್ಠಾಯ ಯಾವ ಸುಹದ್ದ ಪರಿಬ್ಬಾಜಕ ವಿನಯಾನ ಸಬ್ಬ ಬುದ್ಧಕಿಚ್ಚಾನಿ ನಿಟ್ಠಾಪೇತ್ವಾ ಅನುಪಾದಿಯೇಸಾಯ ನಿಬ್ಬಾನಧಾತುಯಾ ಪರಿನಿಬ್ಬುತೋ ತಸ್ಸ ಭಗವತೋ ಅರಹತೋ ಸಮ್ಮಾ ಸಮ್ಬುದ್ಧಸ್ಸ ಧಾತುಯೋ ಪತಿಟ್ಠಾಪೇತ್ವಾ ಕತೋ ಅಯಮೇತ್ಥ ಸಙ್ಖೇಪೋ, ವಿತ್ಥಾರೋ ಪನ ವೇದಿತಬ್ಬೋ?

೨. ಇತೋ ಕಿರ ಕಪ್ಪಸತಸಹಸ್ಸಾಧಿಕಾನಂ ಚತುನ್ನಂ ಅಸಙ್ಖೇಯ್ಯಾನಂ ಮತ್ಥಕೇ ಅಮರವತೀ ನಾಮ ನಗರಂ ಅಹೋಸಿ. ತತ್ಥ ಸುಮೇಧೋ ನಾಮ ಬ್ರಾಹ್ಮಣೋ ಪಟಿವಸತಿ. ಸೋ ಅಞ್ಞಂ ಕಮ್ಮಂ ಅಕತ್ವಾ ಬ್ರಹ್ಮಣಸಿಪ್ಪಮೇವ ಉಗ್ಗಣ್ಹಿ ತಸ್ಸ ದಹರಕಾಲೇಯೇವ ಮಾತಾಪಿತರೋ ಕಾಲಮಕಂಸು. ಅಥಸ್ಸ ರಾಸಿವಡ್ಢನಕೋ ಅಮಚ್ಚೋ ಆಯ ಪೋತ್ಥಕಂ ಆಹರಿತ್ವಾ ಸುವಣ್ಣ ರಜತ ಮಣಿಮುತ್ತಾದಿ ಭರಿತೇ ಗಬ್ಭೇ ವಿವರಿತ್ವಾ ಏತ್ತಕಂ ತೇ ಕುಮಾರ ಮಾತು ಸನ್ತಕಂ, ಏತ್ತಕಂ ಪಿತುಸನ್ತಕಂ, ಏತ್ತಕಂ ಅಯ್ಯಕ ಪಯ್ಯಕಾನನ್ತಿ ಯಾವ ಸತ್ತಮಾ ಕುಲಪರಿವಟ್ಟಾ ಧಕಂ ಆಚಿಕ್ಖಿತ್ವಾ ಏತಮ್ಪಟಿಜಗ್ಗಾಹೀತಿ ಆಹ. ಸೋ ಸಾಧೂತಿ ಸಮ್ಪಟಿಚ್ಛಿತ್ವಾ ಅಗಾರಂ ಅಜ್ಝಾವಸನ್ತೋ ಏಕದಿವಸಂ ಚಿನ್ತೇಸಿ.

೩. ಪುನಬ್ಭವೇ ಪಟಿಸಣ್ಧಿಗಹಣಂ ತಾಮ ದುಕ್ಖಂ, ತಥಾ ನಿಬ್ಬತ್ತ ನಿಬ್ಬತ್ತಟ್ಠಾನೇ ಸರೀರಭೇದನಂ ಅಹಞ್ಚ ಜಾನಿಧಮ್ಮೋ ಜರಾಧಮ್ಮೋ ವ್ಯಾಧಿಧಮ್ಮೋ ಮರಣಧಮ್ಮೋ. ಏವಂ ಭೂತೇನ ಮಯಾ ಅಜಾತಿ ಅಜರಂ ಅವ್ಯಾಧಿಂ ಅಮರಣಂ ಸುಖಂ ಸೀತಲಂ ನಿಬ್ಬಾನಂ ಗವೇಸಿತುಂ ವಟ್ಟತೀತಿ ನೇಕ್ಖಮ್ಮಕಾರಣಂ ಚಿನ್ತೇತ್ವಾ ಪುನ ಚಿನ್ತೇಸಿ ಇಮಂ ಧನಂ ಸಬ್ಬಂ ಮಯ್ಹಂ ಪಿತು ಪಿತಾಮಹಾದಯೋ ಪರಲೋಕಂ ಗಚ್ಛನ್ತಾ ಏಕ ಕಹಾಪಣಮ್ಪಿ ಗಹೇತ್ವಾ ನಗತಾ ಮಯಾ ಪನ ಗಹೇತ್ವಾ ಗಮನಕಾರಣಂ ಕಾತುಂ ವಟ್ಟತೀತಿ ನಗರೇ ಭೇರಿಂ ಚರಾಪೇತ್ವಾ ಮಹಾಜನಸ್ಸ ದಾನಂ ದತ್ವಾ ಹಿಮವನ್ತಸ್ಸ ಪವಿಸಿತ್ವಾ ತಾಪಸ ಪಬ್ಬಜ್ಜಂ ಪಬ್ಬಜಿತ್ವಾ ಸತ್ತಾಹಬ್ಭನ್ತರೇಯೇವ ಅಭಿಞ್ಞಾ ಚ ಸಮಾಪತ್ತಿಯೋ ಚ ನಿಬ್ಬತ್ತೇತ್ವ ಸಮಾಪತ್ತಿಸುಖೇನ ವೀತಿನಾಮೇಸಿ.

ತದಾ ದೀಪಙ್ಕರೋ ನಾಮ ಸತ್ಥಾ ಪರಯಾಭಿಸಮ್ಬೋಧಿಂ ಪತ್ವಾ ಸತ್ತ ಸತ್ತಾಹಂ ಬೋಧಿಸಮೀಪೇಚೇವ ವಿತಿನಾಮೇತ್ವಾ ಸುನಣ್ದಾರಾಮೇ ಧಮ್ಮಚಕ್ಕಂ ಪವತ್ತೇತ್ವಾ ಕೋಟಿಸತ್ತಾನಂ ದೇವಮನುಸ್ಸಾನಂ ಧಮ್ಮಮತಂ ಪಾಯೇತ್ವಾ ಚಾತುದ್ದೀಪಿಕ ಮಹಾಮೇಘೋ ವಿಯ ಧಮ್ಮವಸ್ಸಂ ವಸ್ಸೇನ್ತೋ ಚತೂಹಿ ಖೀಣಾಸಯ ಸತಸಹಸ್ಸೇಹಿ ಪರಿವುತೋ ಅನುಪುಬ್ಬೇನ ಚಾರಕಂ ಚರಮಾನೋ ರಮ್ಮ ನಗರಂ ಪತ್ವಾ ಸುದಸ್ಸನ ಮಹಾವಿಹಾರೇ ಪಟಿವಸತಿ ತದಾ ರಮ್ಮನಗರವಾಸಿನೋ ಸಪ್ಪಿ ಫಣಿತಾದೀನಿ ಭೇಸಜ್ಜಾನಿ ಗಹೇತ್ವಾ ಪುಪ್ಫ ಧೂಪ ಗಣ್ಧಹತ್ಥಾ ಯೇನ ಬುದ್ಧೋ ತೇನಪಸಙ್ಕಮಿತ್ವಾ ಸತ್ಥಾರಂ ವನ್ದಿತ್ವಾ ಪುಪ್ಫಾದೀಹಿ ಪೂಜೇತ್ವಾ ಏಕಮನ್ತಂ ನಿಸೀದಿತ್ವಾ ಧಮ್ಮಂ ಸುತ್ವಾ ಸ್ವಾತನಾಯ ಭಗವನ್ತಂ ನಿಮನ್ತೇತ್ವಾ ಉಟ್ಠಾಯಾಸನಾ ದಸಬಲಂ ಪದಕ್ಖೀನಂ ಕತ್ವಾ ಪಕ್ಕಮಿಂಸು.

ತೇ ¶ ಪುನ ದಿವಸೇ ಅಸದಿಸ ಮಹಾದಾನಂ ಸಜ್ಜೇತ್ವಾ ದಸಬಲಸ್ಸ ಆಗಮನ ಮಗ್ಗಂ ಸೋಧೇನ್ತಿ. ತಸ್ಮಿಂ ಕಾಲೇ ಸುಮೇಧತಾಪಸೋ ಅತ್ತನೋ ಅಸ್ಸಮ ಪದತೋ ಉಗ್ಗನ್ತ್ವಾ ರಮ್ಮನಗರವಾಸೀನಂ ತೇಸಂ ಮನುಸ್ಸಾನಂ ಉಪರಿಭಾಗೇನ ಆಕಾಸೇನ ಗಚ್ಛನ್ತಾ ತೇ ಹಟ್ಠಪಹಟ್ಠೇ ಮಗ್ಗಂ ಸೋಧೇನ್ತೇ ದಿಸ್ವಾ ಕಿನ್ನು ಖೋ ಕಾರಣನ್ತಿ ಚಿನ್ತೇನ್ತೋ ಸಬ್ಬೇಸಂ ಪಸ್ಸನ್ತಾನಂಯೇವ ಆಕಾಸತೋ ಓರು ಏಕಮನ್ತೇ ಠತ್ಥಾಯಹ ತೇ ಮನುಸ್ಸೇ ಪುಚ್ಛಿ.’ಹಮ್ಭೋ ಕಸ್ಸ ಪನ ಇಮಂ ಮಗ್ಗಂ ಸೋಧೇಥಾ’ತಿ ತೇ ಆಹಂಸು ಭನ್ತೇ ಸುಮೇಧ ತುಮ್ಹೇ ಕಿಂ ನಂ ಜಾನಾಥ, ದೀಪಙ್ಕರೋ ನಾಮ ಸತ್ಥಾ ಪರಮಾಭಿಸಮ್ಬೋಧಿಂ ಪತ್ವಾ ಪವತ್ತವರ ಧಮ್ಮಚಕ್ಕೋ ಜನಪದ ಚಾರಿಕಂ ಚರಮಾನೋ ಅನುಕ್ಕಮೇನ ಅಮ್ಹಾಕಂ ನಗರಂ ಪತ್ವಾ ಸುದಸ್ಸನ ಮಹಾವಿಹಾರೇ ಪಟಿವಸತಿ. ಮಯಂ ತಂ ಭಗವನ್ತಂ ನಿಮನ್ತಯಿಮ್ಹ ತಸ್ಸ ಭಗವತೋ ಆಗಮನಮಗ್ಗಂ ಸೋಧೇಮಾತಿ. ತಂ ಸುತ್ವಾ ಸುಮೇಧಪಣ್ಡಿತೋ ಚಿನ್ತೇಸಿ. ಬುದ್ಧೋತಿ ಖೋ ಪನೇಸ ಘೋಸೋಪಿ ದುಲ್ಲಭೋ, ಪಗೇವ ಬುದ್ಧುಪ್ಪಾದೋ ತೇನ ಹಿ ಮಯಾಪಿ ಇಮೇಹಿ ಮನುಸ್ಸೇಹಿ ಸದ್ಧಿಂ ದಸಬಲಸ್ಸ ಆಗಮನಮಗ್ಗಂ ಸೋಧೇತುಂ ವಟ್ಟತೀತಿ ಸೋ ತೇ ಮನುಸ್ಸೇ ಆಹ, ಸಚೇ ಭೋ ತುಮ್ಹೇ ಇಮಂ ಮಗ್ಗ ಬುದ್ಧಸ್ಸ ಸೋಧೇಥ - ಸಯಹಮ್ಪಿ ಏಕಂ ಓಕಾಸಂ ಸಮ್ಪಟಿಚ್ಛತ್ವಾ ಅಯಂ ಸುಮೇಧಪಣ್ಡಿತೋ ಮಹಿದ್ಧಿಕೋ ಮಹಾನುಭಾವೋತಿ ಜಾನನ್ತಾ ದುಬ್ಬಿಸೋಧನಂ ಉದಕಸಮ್ಭಿನ್ನಂ ಅತಿವಿಸಮಂ ಏಕಂ ಓಕಾಸಂ ಸಲ್ಲಕ್ಖೇತ್ವಾ ಇಮಂ ಹಕಾಸಂ ತುಮ್ಹೇ ಸೋಧೇಥ. ಅಲಙ್ಕರೋಥಾತಿ ಅದಂಸು.

ಸುಮೇಧಪಣ್ಡಿತೋ ಬುದ್ಧಾರಮ್ಮಣ ಪೀತಿಂ ಉಪ್ಪಾದೇತ್ವಾ ಚಿನ್ತೇಸಿ. ಅಹಮ್ಪನಿಮಂ ಓಕಾಸಂ ಇದ್ಧೀಯಾ ಪರಮದಸ್ಸನೀಯ ಕಾತುಂ ಪಹೋಮಿ ಏವಂ ಕತೋ ಪನ ಮಂ ನ ಪರಿತೋಸೇತಿ ಅಜ್ಜ ಪನ ಮಯಾ ಕಾಯವೇಯ್ಯಾವಚ್ಚಂ ಕಾತುಂ ವಟ್ಟತಿತಿ ಪಂಸುಂ ಆಹರಿತ್ವಾ ತಂ ಪಹೇಸಂ ಪೂರೇನಿ, ತಸ್ಸ ಪನ ತಸ್ಮಿಂ ಪದೇಸೇ ಅಸೋಧಿತೇ ಜಯಸುಮನ ಕುಸುಮ ಸದಿಸಿ ವಣ್ಣಂ ದುಪಟ್ಟಚೀವರಂ ತಿಮಣ್ಡಲಂ ಪಟಿಚ್ಛಾದೇತ್ವಾ ನಿವಾಸೇತ್ವಾ ತಸ್ಸುಪರಿ ಯುಣ್ಣಮಾಪಙ್ಗೇನ ಕುಸುಮಕಲಾಪಂ ಪರಕ್ಖಿಪನ್ತೋ ವಿಯ ವಿಜ್ಜುಲ್ಲತಾ ಸಸ್ಸೀರೀಕಂ ಕಾಯಬಣ್ಧನಂ ಬಣ್ಧಿತ್ವಾ ಕನಕ ಗಿರಿಸಿಖರ ಮತ್ಥಕೇ ಲಾಖಾರಸಂ ಪರಿಸಿಞ್ಚನ್ತೇ ವಿಯ ಸುವಣ್ಣಚೇತಿಯಂ ಪವಾಳಜಾಲೇನ ಪರಿಕ್ಖಿಪನ್ತೋ ವಿಯ ಸುವಣ್ಣಙ್ಘಕಂ ರತ್ತಕಮ್ಬಲೇನ ಪಟಿಮುಞ್ಚನ್ತೋ ವಿಯ ಸರದ ಸಮಯ ರಜನಿಕರಂ ರತ್ತವಲಾಹಕೇನ ಪಟಿಚ್ಛಾದೇನ್ತೋ ವಿಯ ಚ ಲಾಖಾರಸೇನ ತಿನ್ನ ಕಿಂ ಸುಕಕ್ಸುಮವಣ್ಣಂ ರತ್ತವರ ಪಸುಕೂಲ ಚೀವರಂ ಪಾರಿಪಿತ್ವಾ ಗಣ್ಧಕೂಗಿದ್ವ ರತೋ ಕನಕಗುಹಾತೋ ಸೀಹೋ ವಿಯ ನಿಕ್ಖಮಿತ್ವಾ ಜಳಭಿಞ್ಞಾನಂಯೇವ ಚತೂಹಿ ಖೀಣಾಸವ ಸತಸಹಸ್ಸೇಹಿ ಪರಿವುತೋ ಅಮರಗಣ ಪರಿವುತೋ ದಸಸತನಯನೋ ವಿಯ ಬ್ರಹ್ಮಗಣಪರಿವುತೋ ಮಹಾ ಬ್ರಹ್ಮಾ ವಿಯ ಚ ಅಪರಿಮಿತ ಸಮಯ ಸಮುಪಚಿತಾಯ ಕುಸಲಬಲಜನಿತಾಯ ಅನೋಪಮಯಾ ಬುದ್ಧಲೀಲಾಯ ತಾರಾಗಣಪರಿವುತೋ ¶ ಸರದ ಸಮಯ ರಜನಿಕರೋ ವಿಯ ಗಗನತಲಂ ಅಲಙ್ಗತ ಪಟಿಯತ್ತಂ ಮಗ್ಗಂ ಪಟಿಪಜ್ಜಿ.

೫. ಸುಮೇಧತಾಪಸೋಪಿ ತೇನ ಅಲಙ್ಕತ ಪಟಿಯತ್ತೇನ ಮಗ್ಗೇನ ಆಗಚ್ಛನ್ತಸ್ಸ ದೀಪಙ್ಕರಸ್ಸ ಭಗವತೋ ದ್ವತ್ತಿಂಸ ವರಲಕ್ಖಣ ಪತಿಮಣ್ಡಿತಂ ಅಸತಿಯಾ ಅನುಬ್ಯಞ್ಜನೇಹಿ ಅನುಬ್ಯಞ್ಜಿತಂ ಬ್ಯಾಮಪ್ಪಹಾಪರಿಕ್ಖೇಪ ಸಸ್ಸೀರೀಕಂ ಇಣ್ದನೀಲಮಣಿಸಂಕಾಸೋಆಕಾಸೇ ನಾನಪ್ಪಕಾರಾ ವಿಜ್ಜುಲ್ಲತಾ ವಿಯ ಛಬ್ಬಣ್ಣಬುದ್ಧರಂಸಿಯೋ ವಿಸ್ಸಜ್ಜೇನ್ತಂ ರೂಪಗ್ಗಪ್ಪತ್ತಂ ಅತ್ತಭಾವಂ ಓಲೋಕೇತ್ವಾ ಅಜ್ಜ ಮಯಾ ದಸಬಲಸ್ಸ ಜೀವಿತಪರಿಚ್ಚಾಗಂ ಕಾತುಂ ವಟ್ಟತಿ ಮಾ ಭಗವಾ ಕಲಲೇ ಅಕ್ಕಮಿ ಮಣಿಮಯಂ ಲಕಸೇತುಂ ಅಕ್ಕಮನ್ತೋ ವಿಯ ಸದ್ಧಿಂ ಚತೂಹಿ ಖೀಣಾಸವ ಸತಸಹಸ್ಸೇಹಿ ಮಮ ಪಿಟ್ಠಿಂ ಅಕ್ಕಮನ್ತೋ ಗಚ್ಛತು ತಂ ಮೇ ಭವಿಸ್ಸತಿ ದೀಘರತ್ತಂ ಹಿತಾಯ ಸುಖಾಯಾತಿ ಕೇಸೇ ಮೋಚೇತ್ವಾ ಅಜಿನಜಟಾ ವಾಕಚೀರಾನಿ ಕಲೇಲ ಪತ್ಥರಿತ್ವಾ ತತ್ಥೇವ ಕಲಲಪಿಟ್ಠೇ ನಿಪಜ್ಜಿ ನಿಪನ್ನೋ ಚ ಸಚೇ ಅಹಂ ಇಚ್ಛೇಯ್ಯಂ ಸಬ್ಬಕಿಲೇಸೇ ಝಾಪೇತ್ವಾ ಸಙ್ಘನವಕೋ ಹುತ್ವಾ ರಮ್ಮನಗರಂ ಪವಿಸೇಯ್ಯಂ ಅಞ್ಞಾತಕವೇಸೇನ ಪನ ಮೇ ಕಿಲೇಸೇ ಣ್ಧಪೇತ್ವಾ ನಿಬ್ಬಾನಪತ್ತಿಯಾ ಕಿಚ್ಚಂ ನತ್ಥಿ, ಯಂನೂನಾಹಂ ದೀಪಙ್ಕರ ದಸಬಲೋ ವಿಯ ಪರಮಾಭಿಸಮ್ಬೋಧಿಂ ಪತ್ವಾ ಧಮ್ಮನಾವಂ ಆರೋಪೇತ್ವಾ ಮಹಾಜನಂ ಸಂಸಾರಸಾಗರಾ ಉತ್ತಾರೇತ್ವಾ ಪಚ್ಛಾ ಪರಿನಿಬ್ಬಾಯೇಯ್ಯಂ. ಇದಂ ಮೇ ಪತಿರುಪನ್ತಿ ಚಿನ್ತೇತ್ವಾ ಅಟ್ಠಧಮ್ಮೇ ಸಮೋಧಾನೇತ್ವಾ ಬುದ್ಧಭಾವಾಯ ಅಭಿನೀಹಾರಂ ಕತ್ವಾ ನಿಪಜ್ಜ.

ದೀಪಙ್ಕರೋಪಿ ಭಗವಾ ಆಗತ್ತ್ವಾ ಸುಮೇಧಪಣ್ಡಿತಸ್ಸ ಸೀಸಸಾಗೇ ಠತ್ವಾ ಕಲಲಪಿಟ್ಠೇ ನಿಪನ್ನಂ ತಾಪಸಂ ದಿಸ್ವಾ ಅಯಂ ತಾಪಸೋ ಬುದ್ಧತ್ಥಾಯ ಅಭಿನೀಹಾರಂ ಕತ್ವಾ ನಿಪನ್ತೋ, ಇಜ್ಝಿಸ್ಸತಿ ನು ಖೋ ಏತಸ್ಸ ಪತ್ಥನಾ ಉದಾಹು ನೋತಿ ಉಪಧಾರೇನ್ತೋ - ಅನಾಗತೇ ಗೋತಮೋ ನಾಮ ಬುದ್ಧೋ ಭವಿಸ್ಸತೀತಿ ಞತ್ವಾ ಠಿತಕೋವ ಪರಿಸ ಮಜ್ಝೇ ವ್ಯಾಕಾಸಿ, ಪಸ್ಸಥ ನೋ ತುಮ್ಹೇ ಭಿಕ್ಖವೇ ಇಮಂ ಉಗ್ಗತಪಂ ತಾಪಸಂ ಕಲಲಪಿಟ್ಠೇ ನಿಪನ್ನನ್ತಿ. ಏವಂ ಭನ್ತೇ, ಅಯಂ ಯಿದ್ಧತ್ಥಾಯ ಅಭಿನೀಹಾರಂ ಕತ್ವಾ ನಿಪನ್ನೋ ಸಮಿಜ್ಝಿಸ್ಸತಿ ಇಮಸ್ಸ ಪತ್ಥತಾ ಕಪ್ಪಸತ ಸಹಸ್ಸಾಧಿಕಾನಂ ಚತುನ್ತಂ ಅಸಙ್ಖೇಯ್ಯಾನಂ ಮತ್ಥಕೇ ಗೋತಮೋ ನಾಮ ಬುದ್ಧೋ ಭವಿಸ್ಸತೀತಿ ಸಬ್ಬಂ ವ್ಯಾಕಾಸಿ.

ವುತ್ತಞ್ಹೇತಂ ಬುದ್ಧವಂಸೇ.

ದೀಪಙ್ಕರೋ ಲೋಕವಿದೂ - ಆಹುತೀನಂ ಪಟಿಗ್ಗಹೋ,

ಉಸ್ಸೀಸಕೇ ಮಂ ಠತ್ವಾನ - ಇದಂ ವಚನಮಬ್ರವಿ;

ಪಸ್ಸಥ ಇಮಂ ತಾಪಸಂ - ಜಟಿಲ ಉಗ್ಗತಾಪಸಂ ಅಪರಿಮೇಯ್ಯೇ ಇತೋ ಕಪ್ಪೇ - ಅಯಂ ಬುದ್ಧೋ ಭವಿಸ್ಸತಿ. ಅಹು ಕಪಿಲವಹಯಾ ರಮ್ಮಾ - ನಿಕ್ಖಮಿತ್ವಾ ತಥಾಗತೋ. ಪಧಾನಂ ಪದಹಿತ್ವಾನ - ಕತ್ವಾ ದುಕ್ಕರ ಕಾರಿಕಂ

ಬುದ್ಧೇ ಲೋಕೇ - ಕೇಚಿ.

ಅಜಪಾಲ ¶ ರುಕ್ಖಮೂಲಸ್ಮಿಂ - ನಿಸೀದಿತ್ವಾ ತಥಾಗತೋ,

ತತ್ಥ ಪಾಯಾಸಮಗ್ಗಯ್ಹ - ನೇರಞ್ಜರಮುಪೇಹೇತಿ;

ನೇರಞ್ಜರಾಯ ತೀರಮ್ಹಿ - ಪಾಯಾಸಾದಾಯ ಸೋ ಜಿನೋ,

ಪಟಿಯತ್ತವರಮಗ್ಗೇನ - ಬೋಧಿಮೂಲಞ್ಹಿ ಏಹೀತಿ;

ತತೋ ಪದಕ್ಖಿಣಂ ಕತ್ವಾ - ಬೋಧಿಮಣ್ಡಂ ಅನುತ್ತರೋ

ಅಸ್ಸತ್ಥರಾಕ್ಖಮೂಲಮ್ಹಿ - ವುಜ್ಝಿಸ್ಸತಿ ಮಹಾಯಸೋ;

ಇಮಸ್ಸಜನಿಕಾ ಮಾತಾ - ಮಾಯಾ ನಾಮ ಭವಿಸ್ಸತಿ, ಪಿತಾ ಸುದ್ಧೋದನೋ ನಾಮ - ಅಯಂ ಹೇಸ್ಸತಿ ಗೋತಮೋ. ಅನಾಸವಾ ವೀತರಾಗಾ - ಸನ್ತಚಿತ್ತಾ ಸಮಾಹಿತಾ,

ಕೋಲಿತೋ ಉಪತಿಸ್ಸೋ ಚ - ಅಗ್ಗಾ ಹೇಸ್ಸನ್ತಿ ಸಾವಕಾ;

ಆನಣ್ದೋ ನಾಮುಪಟ್ಠಾಕೋ - ಉಪಟ್ಠಿಸ್ಸತೀ’ಮಂ ಜಿನಂ;

ಖೇಮಾ ಉಪ್ಪಲವಣ್ಣಾ ಚ - ಅಗ್ಗಾ ಹೇಸ್ಸನ್ತಿ ಸಾವಿಕಾ;

ಅನಾಸವಾ ವೀತರಾಗಾ - ಸನ್ತಚಿತ್ತಾ ಸಮಾಹಿತಾ;

ಬೋಧಿ ತಸ್ಸ ಭಗವತೋ ಅಸ್ಸತ್ಥೋತಿ ಪವುಚ್ಚತೀ’’ತಿ.

ಅಭಿನೀಹಾರ ಕಥಾ

೬. ತತೋ ದೀಪಙ್ಕರೋ ದಸಬಲೋ ಬೋಧಿಸತ್ತಂ ಪಸಂಸಿತ್ವಾ ಅಟ್ಠಹಿ ಪುಪ್ಫ ಮುಟ್ಠೀಹಿ ಪೂಜೇತ್ವಾ ಪದಕ್ಖಿಣಂ ಕತ್ವಾ ಪಕ್ಕಾಮಿ. ತೇಪಿ ಚತೂಸತ ಸಹಸ್ಸ ಖೀಣಾಸವಾ ಬೋಧಿಸತ್ತಂ ಪುಪ್ಫೇಹಿ ಚ ಗಣ್ಧೇಹಿ ಚ ಪೂಜೇತ್ವಾ ಪದಪ್ಫಣಂ ಕತ್ವಾ ಪಕ್ಕಮಿಂಸು. ದೇವಮನುಸ್ಸಾ ಚ ತಥೇವ ಪೂಜೇತ್ವಾ ವನ್ದಿತ್ವಾ ಅಥ ಖೋ ಬೋಧಿಸತ್ತೋ ದಸಬಲಸ್ಸ ವ್ಯಾಕರಣಂ ಸುತ್ವಾ ಬುದ್ಧಭಾವಂ ಕರತಲಗತಮಿವ ಮಞ್ಞಮಾನೋ ಪಮುದಿತ ಹದಯೋ ಸಬ್ಬೇಸು ಪಟಿಕ್ಕನ್ತೇಸು ಸಯನಾ ವುಟ್ಠಾಯ ಪುಪ್ಫರಾಸಿ ಮತ್ಥಕೇ ಪಲ್ಲಙ್ಕಂ ಆಭುಜಿತ್ವಾ ನಿಸಿನ್ನೋ ಬುದ್ಧಕಾರಕಧಮ್ಮೇ ಉಪಧಾರೇನ್ತೋ ಕಹನನು ಖೋ ಬುದ್ಧಕಾರಕ ಧಮ್ಮಾ, ಕಿಂ ಉದ್ಧಂ ಅಧೋ ದಿಸಾಸು ವೀದೀಯಾಸೂತಿ ಅನುಕ್ಕಮೇನ ಸಕಲಂ ಧಮ್ಮಧಾತುಂ ವಿಚಿನನ್ತೋ ಪೋರಾಣಕಬೋಧಿಸತ್ತೇಹಿ ಆಸೇವಿತ ನಿಸೇವಿತ ಪಠಮಂ ದಾನಪಾರಮಿಂ ದಿಸ್ವಾ ತತ್ಥ ದಳಭಿಸಮಾದಾನ ಕತ್ವಾ ಏವಂ ಅನುಕ್ಕಮೇನ ಸೀಲ - ನೇಕ್ಖಮ್ಮ - ಪಞ್ಞಾ - ವೀರಿಯ - ಖನ್ತಿ - ಸಚ್ಚ - ಅಧಿಟ್ಠಾನ - ಮೇತ್ತಾ - ಉಪೇಕ್ಖಾ ಪಾರಮಿಯೋಚ ದಿಸ್ವಾ ತತ್ಥದಳ್ಹ ಸಮಾದಾನಂ ಕತ್ವಾ ದೇವತಾಹಿ ಅಭಿತ್ಥುತೋ ಆಕಾಸಮಬಭುಗ್ಗನತ್ವ ಹಿಮ ಹಿಮವನ್ತಮೇವ ಅಗಮಾಸಿ.

ದೀಪಙ್ಕರೋಪಿ ಸತ್ಥಾ ಚತೂಹಿ ಖೀಣಾಸವ ಸತಸಹಸ್ಸೇಹಿ ಪರಿವುತೋ ರಮ್ಮನಗರವಾಸೀಹಿ ಪೂಜೀಯಮಾನೋ ದೇವತಾಹಿ ಅಭಿನಣ್ದಿಯಮಾನೋ ಅಲಙ್ಕತ ಪಟಿಯತ್ತೇನ ಮಗ್ಗೇನ ರಮ್ಮನಗರಂ ಪವಿಸಿತ್ವಾ ಪಞ್ಞತ್ತವರಬುದ್ಧಾಸನೇ ನಿಸೀದಿ. ಭಿಕ್ಖುಸಙ್ಘೋಪಿ ಅತ್ತನೋ ಅತ್ತನೋ ಪತ್ತಾಸನೇ ನಿಸೀದಿ. ರಮ್ಮನಗರವಾಸಿನೋಪಿ ಉಪಾಸಕಾ ಬುದ್ಧಪಮುಖಸ್ಸ ಭಿಕ್ಖುಸಙ್ಘಸ್ಸ ಮಹಾದಾನಂ ¶ ದತ್ವಾ ಭಗವನ್ತಂ ಭುತ್ತಾವಿಂ ಓನೀತ ಪತ್ತಪಾಣಿಂ ಮಾಲಾಗಣ್ಧಾದೀಹಿ ಪೂಜೇತ್ವಾ ದಾನಾನುಮೋದನಂ ಸೋತುಕಾಮಾ ನಿಸೀದಿಂಸು. ಭಗವಾಪಿ ತೇಸಂ ಅನುಮೋದನಂ ಕರೋನ್ತೋ ದಾನಕಥಂ ಸೀಲಕಥಂ ಸಗ್ಗಿಕಥಂ ಕಾಮಾನಂ ಆದೀನವಂ ಓಕಾರಂ ಸಂಕಿಲೇಸಂ ನೇಕ್ಖಮ್ಮೇ ಆನಿಸಂಸಞ್ಚ ಪಕಾಸೇತ್ವಾ ಅಮತ ಪರಿಯೋಸಾನಂ ಧಮ್ಮಕಥಂ ಕಥೇಸಿ.

ಏವಂ ತಸ್ಸ ಮಹಜನಸ್ಸ ಧಮ್ಮಂ ದೇಸೇತ್ವಾ ಏಕಚ್ಚೇ ಸರಣೇಸು ಏಕಚ್ಚೇ ಪಞ್ಚಸು ಸೀಲೇಸು ಏಕಚ್ಚೇ ಸೋತಾಪತ್ತಿಫಲೇ ಏಕಚ್ಚೇ ಸಕದಾಗಾಮಿ ಫಲೇ ಏಕಚ್ಚೇ ಅನಾಗಾಮೀ ಫಲೇ ಏಕಚ್ಚೇ ಚತುಸುಪಿ ಫಲೇಸು ಏಕಚ್ಚೇ ತೀಸು ವಿಜ್ಜಾಸು ಏಕಚ್ಚೇ ಛಳಭಿಞ್ಞಾಸು ಏಕಚ್ಚೇ ಅಟ್ಠಸು ಸಮಾಪತ್ತಿಸು ಪತಿಟ್ಠಾಪೇತ್ವಾ ಉಟ್ಠಾಯಾಸನಾ ರಮ್ಮನಗರತೋ ನಿಕ್ಖಮಿತ್ವಾ ಸುದಸ್ಸನ ಮಹಾವಿಹಾರಮೇವ ಪಾವಿಸಿ.

ವುತ್ತಞ್ಹೇತಂ

‘‘ತದಾ ತೇ ಭೋಜಯಿತ್ವಾನ - ಸಸಙ್ಘಂ ಲೋಕನಾಯಕಂ,

ಉಫಗಛುಞ್ಞಂ ಸರಣಂ ತಸ್ಸ - ದೀಪಙ್ಕರಸ್ಸ ಸತ್ಥುನೋ,

ಸರಣಾಗಮನೇ ಕಞ್ಚಿ - ನಿವಸೇತಿ ತಥಾಗತೋ

ಕಞ್ಚಿ ಪಞ್ಚಸು ಸೀಲೇಸು - ಸೀಲೇ ದಸವಿಧೇ ಪರಂ;

ಕಸ್ಸಚಿ ದೇತಿ ಸಾಮಞ್ಞಂ - ಚತುರೋ ಫಲಮುತ್ತಮೇ,

ಕಸ್ಸಚಿ ಅಸಥೇ ಧಮ್ಮೇ - ದೇತಿ ಸೋ ಪಟಿಸಮ್ಭಿದಾ;

ಕಸ್ಸಚಿ ವರಸಮಾಪತ್ತಿಯೋ - ಅಟ್ಠ ದೇತಿ ನರಾಸಭೋ,

ತಿಸ್ಸೋ ಕಸ್ಸಚಿ ವಿಜ್ಜಾಯೋ - ಛಳಭಿಞ್ಞ ಪವೇಚ್ಛತಿ;

ತೇನ ಯೋಗೇನ ಜನಕಾಯಂ - ಓವದೇತಿ ಮಹಾಮುನಿ,

ತೇನ ವಿತ್ಥಾರಿಕಂ ಆಸೀ - ಲೋಕನಾಥಸ್ಸ ಸಾಸನಂ;

ಮಹಾಹನೂಸಭಕ್ಖಣ್ಧೋ - ದೀಪಙ್ಕರಸನಾಮಕೋ,

ಬಹೂ ಜನೇ ತಾರಯತಿ - ಪರಿಮೋಚೇತಿ ದುಗ್ಗತಿಂ;

ಬೋಧನೇಯ್ಯಂ ಜನಂ ದಿಸ್ವಾ - ಸತಸಹಸ್ಸೇಪಿ ಯೋಜನೇ

ಖಣೇನ ಉಪಗನ್ತ್ವಾನ - ಬೋಧೇತಿ ತಂ ಮಹಾಮುನೀ’’ತಿ;

ಇತಿ ಸೋ ದೀಪಙ್ಕರೋ ಸತ್ಥಾ ವಸ್ಸಸತ ಸಹಸ್ಸಾನಿ ಠತ್ವಾ ಸತ್ತಾನಂ ಬಣ್ಧನಮೋಕ್ಖಂ ಕುರುಮಾನೋ ಸಬ್ಬಬುದ್ಧಕಿಚ್ಚಾನಿ ನಿಟ್ಠಾಪೇತ್ವಾ ನಣ್ದಾರಾಮೇ ಅನುಪಾದಿಸೇಸಾಯ ನಿಬ್ಬಾನಧಾತುಯಾ ಪರಿನಿಬ್ಬಾಯಿನಹೇವ ಧಾತುಯೋ ತಸ್ಸ - ಸತ್ಥುನೋ ವಿಕಿರಿಂಸು ತಾ. ಠಿತಾ ಏಕಘನಾ ಹುತ್ವಾ - ಸುವಣ್ಣಪಟಿಮಾ ವಿಯ ಸಕಲಜಮ್ಬುದೀಪವಾಸಿನೋ ಮನುಸ್ಸಾ ಘನಕೋಟಿಟಿಮಸುವಣ್ಣಟ್ಠಿಕಾಹಿ ಏವಂ ಛತ್ತಿಂಸ ಯೋಜನಿಕಂ ಮಹಾಥೂಪಮಕಂಸು ನಿವೇದಸಿ - ಕೇಚಿ.

ತೇನ ¶ ವುತ್ತಂ

‘‘ದೀಪಙ್ಕರೋ ಜಿನೋ ಸತ್ಥಾ - ನಣ್ದಾರಾಮಮ್ಹಿ ನಿಬ್ಬುತೋ,

ತತ್ಥೇವ ತಸ್ಸ ಜಿನಥೂಪೋ - ಛತ್ತಿಂಸುಬ್ಬೇಧ ಯೋಜನೋ‘‘;

‘‘ಪತ್ತ ಚೀವರ ಪರಿಕ್ಖಾರ - ಪರಿಭೋಗಞ್ಜ ಸತ್ಥುನೋ,

ಬೋಧಿಮೂಲೇ ತದಾ ಥೂಪೋ - ತೀಣಿ ಯೋಜನಮುಗ್ಗತೋ’’ತಿ;

೭. ದೀಪಙ್ಕರಸ್ಸ ಪನ ಭಗವತೋ ಅಪರಭಾಗೋ ಏಕಂ ಅಸಙ್ಖೇಯ್ಯಂ ಅತಿಕ್ಕಮಿತ್ವಾ ಕೋಣ್ಡಞ್ಞೋ ನಾಮ ಸತ್ಥಾ ಉದಪಾದಿ. ತದಾ ಬೋಧಿಸತ್ತೋ ವಿಜಿತಾವಿ ನಾಮ ಚಕ್ಕವತ್ತಿ ಹುತ್ವಾ ಕೋಟಿಸತಸಹಸ್ಸ ಸಙ್ಖಸ್ಸ ಬುದ್ಧ ಪಮುಖಸ್ಸ ಭಿಕ್ಖುಸಙ್ಘಸ್ಸ ಮಹಾದಾನಂ ಅದಾಯಿ ಸತ್ಥಾ ಬೋಧಿಸತ್ತಂ ಬುದ್ಧೋ ಭವಿಸ್ಸತೀತಿ ವ್ಯಾಕರಿತ್ವಾ ಧಮ್ಮಂ ದೇಸೇಸಿ ಸೋ ಸತ್ಥು ಧಮ್ಮಂಕಥಂ ಸುತ್ವಾ ರಜ್ಜಿ ನಿಯ್ಯಾದೇತ್ವಾ ಪಬ್ಬಜಿ ಸೋ ತೀಣಿ ಪಿಟಕಾನಿ ಉಗ್ಗಹೇತ್ವಾ ಅಟ್ಠ ಸಮಾಪತ್ತಿಯೋ ಪಞ್ಚಅಭಿಞ್ಞಾಯೋಚ ಉಪ್ಪಾದೇತ್ವಾ ಅಪರಿಹೀನಜ್ಝಾನೋ ಬ್ರಹ್ಮಲೋಕೇ ನಿಬ್ಬತ್ತಿ. ಸೋಪಿ ಬುದ್ಧೋ ವಸ್ಸಸತಸಹಸ್ಸಾನಿ ಠತ್ವಾ ಸಬ್ಬಬುದ್ಧಕಿಚ್ಚಾನಿ ನಿಟ್ಠಾಪೇತ್ವಾ ಚಣ್ದಾರಾಮೇ ಪರಿನಿಬ್ಬಾಯಿ ತಸ್ಸಾಪಿ ಭಗವತೋ ಧಾತುಯಾ ನ ವಿಕಿರಿಂಸು ಸಕಲಜಮ್ಬುದೀಪವಾಸಿನೋ ಮನುಸ್ಸಾ ಸಮಾಗನ್ತ್ವಾ ಸತ್ತಯೋಜನಿಕಾಸತ್ತರತನಮಯಂ ಹರಿತಾಲಮನೋಸಿಲಾಯಮತ್ತಿಕಾಕಿಚ್ಚಂ ತೇಲ ಸಪ್ಪೀಹಿ ಉದಕಕಿಚ್ಚಂ ಕತ್ವಾ ಚೇತಿಯಂ ನಿಟ್ಠಾಪೇಸುಂ

ಕೋಣ್ಡಞ್ಞೇ ಕಿರ ಸಮ್ಬುದ್ಧೋ - ಚಣ್ದಾರಾಮೇ ಮನೋರಮೇ,

ನಿಬ್ಬಾಯಿ ಚೇತಿಯೋ ತಸ್ಸ - ಸತ್ತಯೋಜನಿಕೋ ಕತೋತಿ;

ತಸ್ಸ ಅಪರಭಾಗೇ ಏಕಂ ಅಸಂಙ್ಖಯ್ಯಂ ಅತಿಕ್ಕಮಿತ್ವಾ ಏಕಸ್ಮಿಂಯೇವ ಕಪ್ಪೇ ಚತ್ತಾರೋ ಬುದ್ಧಾ ಉಪ್ಪಜ್ಜಿಂಸು - ಮಙ್ಗಲೋ ಸುಮನೋ ರೇವತೋ ಯೋಹಿತೋತಿ. ಮಙ್ಗಲಸ್ಸ ಪನ ಭಗವತೋ ಕಾಲೇ ಬೋಧಿಸತ್ತೋ ಸುರುಚಿ ನಾಮ ಬ್ರಾಹ್ಮಣೋ ಹುತ್ವಾ ಸತ್ಥಾರಂ ನಿಮನ್ತೇಸ್ಸಾಮೀತಿ ಉಪಸಙ್ಕಮಿತ್ವಾ ಮಧುರ ಧಮ್ಮಂಕತಂ ಸುತ್ವಾ ಸ್ವಾತನಾಯ ನಿಮನ್ತೇತ್ವಾ ಕೋಟಿಸತಸಹಸ್ಸ ಸಙ್ಖಸ್ಸ ಬುದ್ಧಪಮುಖಸ್ಸ ಸಙ್ಘಸ್ಸ ಸತ್ತಾಹಂ ಗವಪಾನಂ ನಾಮ ದಾನಮದಾಸಿ ಸತ್ಥಾ ಅನುಮೋದನಂ ಕರೋನ್ತೋ ಮಹಾಪುರಿಸಂ ಆಮನ್ತೇತ್ವಾ ತ್ವಂ ಕಪ್ಪಸತಸಹಸ್ಸಾಧಿಕಾನಂ ದ್ವನ್ನಂ ಅಸಙ್ಖೇಯ್ಯಾನಂ ಮತ್ಥಕೇ ಗೋತಮೋ ನಾಮ ಬುದ್ಧೋ ಭವಿಸ್ಸಸೀತಿ ವ್ಯಾಕಾಸಿ ಮಹಾಪುರಿಸೋ ವ್ಯಾಕರಣಂ ಸುತ್ವಾ ಅಹಂ ಕಿರ ಬುದ್ಧೋ ಭವಿಸ್ಸಾಮಿ ಕೋ ಮೇ ಘರಾವಾಸೇನ ಅತ್ಥೋ ಪಬ್ಬಜಿಸ್ಸಮೀತಿ ಚಿನ್ತತ್ವಾ ತಥಾರೂಪಂ ಸಮ್ಪತ್ತಿಂ ಕೇಳಪಿಣ್ಡಂ ವೀಯ ಪಹಾಯ ಸತ್ಥು ಸನ್ತಿಕೇ ಪಬ್ಬಜಿತ್ವಾ ಬುದ್ಧವಚನಂ ಉಗ್ಗಣ್ಹಿತ್ವಾ ಅಭಿಞ್ಞಾ ಚ ಸಮಾಪತ್ತಿಯೋ ಚ ನಿಬ್ಬತ್ತೇತ್ವಾ ಆಯುಪರಿಯೋಸಾನೇ ಬ್ರಹ್ಮಲೋಕೇ ನಿಬ್ಬತ್ತಿ, ತಸ್ಮಿಮ್ಪಿ ಬುದ್ಧೇ ಪರಿನಿಬ್ಬುತೇ ಧಾತುಯೋ ನ ವಿಕಿರಿಂಸು, ಜಮ್ಬುದೀಪವಾಸಿನೋ ಪುಬ್ಬೇ ವಿಯ ತಿಂಸಯೋಜನಕಂ ಥೂಪಮಕಂಸು.

ತೇನ ¶ ವುತ್ತಂ ‘‘ಉಯ್ಯಾನೇ ವಸಭೋ ನಾಮ - ಬುದ್ಧೋ ನಿಬ್ಬಾಯಿ ಮಙ್ಗಲೋ, ತತ್ಥೇವ ತಸ್ಸ ಜಿನಥೂಪೋ - ತಿಂಸಯೋಜನಮುಗ್ಗಿತೋ’’ತಿ.

ತಸ್ಸ ಅಪರಭಾಗೇ ಸುಮನೋ ನಾಮ ಸತ್ಥಾ ಉದಪಾದಿ ತದಾ ಮಹಾಸತ್ತೋ ಅತುಲೋ ನಾಮ ನಾಗರಾಜಾ ಹುತ್ವಾ ನಿಬ್ಬತ್ತಿ-ಮಹಿದ್ಧಿಕೋ ಮಹಾನುಭಾವೋ ಸೋ ಬುದ್ಧೋ ಉಪ್ಪನ್ನೋತಿ ಸುತ್ವಾ ಞಾತಿಸಙ್ಘಪರಿವುತೋ ನಾಗಭವನಾ ನಿಕ್ಖಮಿತ್ವಾ ಕೋಟಿಸತಸಹಸ್ಸ ಭಿಕ್ಖುಪರಿವಾರಸ್ಸ ತಸ್ಸ ಭಗವತೋ ದಿಬ್ಬತುರಿಯೇಹಿ ಉಪಹಾರಂ ಕಾರೇತ್ವಾ ಮಹಾದಾನಂ ಪವತ್ತೇತ್ವಾ ಪಚ್ಚೇಕಂ ದುಸ್ಸಯುಗಾನಿ ದತ್ವಾ ಸರಣೇಸು ಪತಿಟ್ಠಾಸಿ ಸೋಪಿ ನಂ ಸತ್ಥಾ ಅನಾಗತೇ ಬುದ್ಧೋ ಭವಿಸ್ಸಸೀತಿ ವ್ಯಾಕಾಸಿ ತಸ್ಮಿಮ್ಪಿ ಬುದ್ಧೇ ಪರಿನಿಬ್ಬುತೇ ಧಾತುಯೋ ನ ವಿಕಿರಿಂಸು ಜಮ್ಬುದೀಪವಾಸನೋ ಪುಬ್ಬೇ ವಿಯ ಚತುಯೋಜನಿಕಂ ಥೂಪಮಕಂಸು.

ತೇನ ವುತ್ತಂ

‘‘ಸುಮನೋ ಯಸಧರೋ - ಬುದ್ಧೋ ಅಗ್ಗಾರಾಮಮ್ಹ ನಿಬ್ಬುತೋ,

ತತ್ಥೇವ ತಸ್ಸ ಜಿನಥೂಪೋ - ಚತುಯೋಜನಮುಗ್ಗತೋ’’ತಿ;

ತಸ್ಸ ಅಪರಭಾಗೇ ರೇವತೋ ನಾಮ ಸತ್ಥಾ ಉದಪಾದಿ ತದಾ ಬೋಧಿಸತ್ತೋ ಅತಿದೇವೋ ನಾಮ ಬ್ರಾಹ್ಮಣೋ ಹುತ್ವಾ ಸತ್ಥು ಧಮ್ಮದೇಸನ ಸುತ್ವಾ ಸರಣೇಸು ಪತಿಟ್ಠಾಯ ಸಿರಸಿ ಅಞ್ಜಲಿಂ ಪಗ್ಗಹೇತ್ವಾ ತಸ್ಸ ಸತ್ಥುನೋ ಕಿಲೇಸಪ್ಪಹಾನೇ ವಣ್ಣಂ ವತ್ವಾ ಉತ್ತರಾಸಙ್ಘೇನ ಪೂಜಮಕಾಸಿ. ಸೋಪಿ ನಂ ಸತ್ಥಾ ಬುದ್ಧೋ ಭವಿಸ್ಸತಿತಿ ವ್ಯಾಕಾಸಿ ತಸ್ಮಿಂ ಪನ ಬುದ್ಧೇ ಪರಿನಿಬ್ಬುತೇ ಧಾತುಯೋ ವಿಕಿರಿಂಸು.

ತೇನ ವುತ್ತಂ

‘‘ರೇವತೋ ಪವರೋ ಬುದ್ಧೋ - ನಿಬ್ಬುತೋ ಸೋ ಮಹಾಪುರೇ,

ಧಾತು ವಿತ್ಥಾರಿಕಂ ಆಸೀ - ತೇಸು ತೇಸು ಪದೇಸತೋ’’ತಿ;

ತಸ್ಸ ಅಪರಭಾಗೇ ಸೋಭಿತೋ ನಾಮ ಸತ್ಥಾ ಉದಪಾದಿ ತದಾ ಬೋಧಿಸತ್ತೋ ಅಜಿತೋ ನಾಮ ಬ್ರಾಹ್ಮಣೋ ಹುತ್ವಾ ಸತ್ಥು ಧಮ್ಮದೇಸನಂ ಸುತ್ವಾ ಸರಣೇಸು ಪತಿಟ್ಟಾಯ ಬುದ್ಧಪಮುಖಸ್ಸ ಸಙ್ಘಸ್ಸ ಮಹಾದಾನಂ ಅದಾಸಿ. ಸೋಪಿ ನಂ ಸತ್ಥಾ ಬುದ್ಧೋ ಭವಿಸ್ಸಸೀತಿ ವ್ಯಾಕಾಸಿ ತಸ್ಸಾಪಿ ಭಗವತೋ ಧಾತುಯೋ ವಿಕಿರಿಂಸು.

ತೇನ ವುತ್ತಂ

‘‘ಸೋಭಿತೋ ವರಸಮ್ಬುದ್ಧೋ - ಸೀಹರಾಮಮ್ಹಿ ನಿಬ್ಬುತೋ,

ಧಾತುವಿತ್ಥಾರಿಕಂ ಆಸೀ - ತೇಸು ತೇಸು ಪದೇಸತೋ’’ತಿ;

ತಸ್ಸ ಅಪರಭಾಗೇ ಏಕಮಸಙ್ಖೇಯ್ಯಂ ಅತಿಕ್ಕಮಿತ್ವಾ ಏಕಸ್ಮಿಂಯೇವ ಕಪ್ಪೇ ತಯೋ ಬುದ್ಧಾ ನಿಬ್ಬತ್ತಿಂಸು - ಅನೋಮದಸ್ಸಿ ಪದುಮೋ ನಾರದೋತಿ. ಅನೋಮದಸ್ಸಿಸ್ಸ ಭಗವತೋ ಕಾಲೇ ಬೋಧಿಸತ್ತೋ ಏಕೋ

೧. ಯಸವರೋ ಧೀರೋ - ಕೇಚಿ.

ಯಕ್ಖ ¶ ಸೇನಾಪತಿ ಅಹೋಸಿ ಮಹಿದ್ಧಿಕೋ ಮಹಾನುಭಾವೋ ಅನೇಕ ಕೋಟಿಸತಸಹಸ್ಸಾನಂ ಯಕ್ಖಾನಂ ಅಧಿಪತಿ. ಸೋ ಬುದ್ಧೋ ಉಪ್ಪನ್ನೋತಿ ಸುತ್ವಾ ಆಗನ್ತ್ವಾ ಬುದ್ಧಪಮುಖಸ್ಸ ಸಙ್ಘಸ್ಸ ಮಹಾದಾನಮದಾಸಿ ಸತ್ಥಾಪಿ ತಂ ಅನಾಗತೇ ಬುದ್ಧೋ ಭವಿಸ್ಸಸೀತಿ ವ್ಯಾಕಾಸಿ. ಅನೋಮದಸ್ಸಿಮ್ಹಿ ಪನ ಭಗವತಿ ಪರಿನಿಬ್ಬುತೇ ಧಾತುಯೋ ನ ವಿಕಿರಿಂಸು ಜಮ್ಬುದೀಪವಾಸಿನೋ ಪಞ್ಚವೀಸಯೋಜನಕಂ ಥೂಪಂ ಕರಿಂಸು

ತೇನ ವುತ್ತಂ

‘‘ಅನೋಮದಸ್ಸಿ ಜಿನೋ ಸತ್ಥಾ - ಧಮ್ಮಾರಾಮಮ್ಹಿ ನಿಬ್ಬುತೋ,

ತತ್ಥೇವ ತಸ್ಸ ಜಿನಥೂಪೋ - ಉಬ್ಬೇಧಾ ಪಣ್ಣುವೀಸತೀ’ತಿ;

ತಸ್ಸ ಅಪರಭಾಗೇ ಪದುಮೋ ನಾಮ ಸತ್ಥಾ ಉದಪಾದಿ ತಥಾಗತೇ ಅಗಾಮಕಾರಞ್ಞೇ ವಿಹರೇನ್ತಾ ಬೋಧಿಸತ್ತೋ ಸೀಹೋ ಹುತ್ವಾ ಸತ್ಥಾರಂ ನಿರೋಧಸಮಾಪತ್ತಿಯಾ ಸಮಾಪನ್ನಂ ದಿಸ್ವಾ ಪಸನ್ನಚಿತ್ತೋ ವನ್ದಿತ್ವಾ ಪದಕ್ಖಿಣಂ ಕತ್ವಾ ಪೀತಿಸೋಮನಸ್ಸಜಾತೋ ತಿಕ್ಖತ್ತುಂ ಸೀಹನಾದಂ ನದಿತ್ವಾ ಸತ್ತಾಹಂ ಬುದ್ಧಾರಮ್ಮಣಂ ಪೀತಿಂ ಅವಿಜಹಿತ್ವಾ ಪೀತಿಸುಖೇನೇವ ಗೋಚರಾಯ ಅಪಕ್ಕಮಿತ್ವಾ ಜಿವಿತಪರಿಚ್ಚಾಗಂ ಕತ್ವಾ ಪಯಿರುಪಾಸಮಾನೋ ಅಟ್ಠಾಸಿ ಸತ್ಥಾ ಸತ್ತಾಹಚ್ಚಯೇನ ನಿರೋಧಾ ವುಟ್ಠಿತೋ ಸೀಹಂ ಓಲೋಕೇತ್ವಾ ಭಿಕ್ಖುಸಙ್ಘೇಪಿ ಚಿತ್ತಂ ಪಸಾದೇತ್ವಾ ಸಙ್ಘಂ ವನ್ದಿಸ್ಸತೀ‘‘ತಿ ಭಿಕ್ಖುಸಙ್ಘೋ ಆಗಚ್ಛತೂತಿ ಚಿನ್ತೇಸಿ ಭಿಕ್ಖು ತಾವದೇವ ಆಗಮಿಂಸು ಸೀಹೋ ಸಙ್ಘೇ ಚಿತ್ತಂ ಪಸಾದೇಸಿ. ಸತ್ಥಾ ತಸ್ಸ ಮನಂ ಓಲೋಕೇತ್ವಾ ಅನಾಗತೇ ಬುದ್ಧೋ ಭವಿಸ್ಸತೀತಿ ವ್ಯಾಕಾಸಿ ತಸ್ಸ ಪನ ಭಗವತೋ ಧಾತುಯೋ ವಿಕಿರಿಂಸು.

ತೇನ ವುತ್ತಂ

‘‘ಪದುಮೋ ಜಿನವರೋ ಸತ್ಥಾ - ಧಮ್ಮಾರಾಮಮ್ಹಿ ನಿಬ್ಬುತೋ,

ಧಾತು ವಿತ್ಥಾರಿಕಂ ಆಸಿ - ತೇಸು ತೇಸು ಪದೇಸತೋ’’ತಿ;

ತಸ್ಸ ಅಪರಭಾಗೇ ನಾರದೋ ನಾಮ ಸತ್ಥಾ ಅಹೋಸಿ ತದಾ ಬೋಧಿಸತ್ತೋ, ಇಸಿಪಬ್ಬಜ್ಜಂ ಪಬ್ಬಜಿತ್ವಾ ಪಞ್ಚಸು ಅಭಿಞ್ಞಾಸು ಅಟ್ಠಸುಚ ಸಮಾಪತ್ತಿಸುಚಿಣ್ಣವಸೀ ಹುತ್ವಾ ಬುದ್ಧಪಮುಖಸ್ಸ ಸಙ್ಘಸ್ಸ ಮಹಾದಾನಂ ದತ್ವಾ ಲೋಹಿತ ಚಣ್ದನೇನ ಪೂಜಮಕಾಸಿ ಸೋಪಿ ನಂ ಅನಾಗತೋ ಬುದ್ಧೋ ಭವಿಸ್ಸತೀತಿ ವ್ಯಾಕಾಸಿ ನಾರದ ಪನ ಭಗವತೋ ಧಾತುಯೋ ಏಕಘನಾ ಅಹೇಸುಂ. ಸಬ್ಬೇ ದೇವ ಮನುಸ್ಸಾ ಸನ್ನಿಪತಿತ್ವಾ ಚತುಯೋಜನಿಕಂ ಥೂಪಂ ಕರಿಂಸು.

ತೇನ ವುತ್ತಂ

‘‘ನಾರದೋ ಜಿನವಸಭೋ - ನಿಬ್ಬುತೋ ಸುದಸ್ಸನೇ ಪುರೇ,

ತತ್ಥೇವ ತಸ್ಸ ಥೂಪವರೋ - ಚತುಯೋಜನಮುಗ್ಗತೋ’’ತಿ;

ತಸ್ಸ ಅಪರಭಾಗೇ ಏಕಮಸಙ್ಖೇಯ್ಯಮತಿಕ್ಕಮಿತ್ವಾ ಇತೋ ಕಪ್ಪಸತಸಹಸ್ಸ ಮತ್ಥಕೇ ಏಕಸ್ಮಿಂ ಕಪ್ಪೇ ಪದುಮುತ್ತರೋ ನಾಮ ಸತ್ಥಾ ಉದಪಾದಿ. ತದಾ ಬೋಧಿಸತ್ತೋ ಜಟಿಲೋ ನಾಮ ಮಹಾರಟ್ಠಿಕೋ ಹುತ್ವಾ ಬುದ್ಧಪಮುಖಸ್ಸ ಸಙ್ಘಸ್ಸ ಚಿವರದಾನಮದಾಸಿ. ಸೋಪಿ ತಂ ಅನಾಗತೋ ಬುದ್ಧೋ ಭವಿಸ್ಸತೀತಿ ವ್ಯಾಕಾಸಿ. ¶ ಪದುಮುತ್ತರಸ್ಸಾಪಿ ಭಗವತೋ ಧಾತುಯೋ ಏಕಘನಾ ಅಹೇಸುಂ. ಸಬ್ಬೇ ದೇವಮನುಸ್ಸಾ ಸನ್ನಿಪತಿತ್ವಾ ದ್ವಾದಸ ಯೋಜನಿಕಂ ಮಹಾಥೂಪಮಕಂಸು.

ತೇನ ವುತ್ತಂ

‘‘ಪದುಮುತ್ತರೋ ಜಿನೋ ಬುದ್ಧೋ - ನಣ್ದಾರಾಮಮ್ಹಿ ನಿಬ್ಬುತೋ,

ತತ್ಥೇವ ತಸ್ಸ ಥೂಪವರೋ - ದ್ವಾದಸುಬ್ಬೇಧಯೋಜನೋ’’ತಿ;

ತಸ್ಸ ಅಪರಭಾಗೇ ತಿಂಸಕಪ್ಪ ಸಹಸ್ಸಾನಿ ಅತಿಕ್ಕಮಿತ್ವಾ ಸುಮೇಧೋ ಸುಜಾತೋ ಚಾತಿ ಏಕಸ್ಮಿಂ ಕಪ್ಪೇ ದ್ವೇ ಬುದ್ಧಾ ನಿಬ್ಬತ್ತಿಂಸು ಸುಮೇಧಸ್ಸ ಪನ ಭಗವತೋ ಕಾಲೇ ಬೋಧಿಸತ್ತೋ ಉತ್ತರೋ ನಾಮ ಮಾನವೋ ಹುತ್ವಾ ನಿದಹಿತ್ವಾ ಠಪಿತಂಯೇವ ಅಸೀತಿಕೋಟಿಧನಂ ವಿಸ್ಸಜ್ಜೇತ್ವಾ ಬುದ್ಧಪಮುಖಸ್ಸ ಸಙ್ಘಸ್ಸ ಮಹಾದಾನಂ ದತ್ವಾ ಧಮ್ಮಂ ಸುತ್ವಾ ಸರಣೇಸು ಪತಿಟ್ಠಾಯ ನಿಕ್ಖಮಿತ್ವಾ ಪಬ್ಬಜಿ ಸೋಪಿ ನಂ ಅನಾಗತೇ ಬುದ್ಧೋ ಭವಿಸ್ಸತೀತಿ ವ್ಯಾಕಾಸಿ. ಸುಮ್ಧೇಸ್ಸ ಪನ ಭಗವತೋ ಧಾತುಯೋ ವಿಕಿರಿಂಸು

ತೇನ ವುತ್ತಂ

‘‘ಸುಮೇಧೋ ಜಿನವರೋ ಬುದ್ಧೋ - ಮೇಧಾರಾಮಮ್ಹಿ ನಿಬ್ಬುತೋ,

ಧಾತುವಿತ್ಥಾರಿಕಂ ಆಸಿ - ತೇಸು ತೇಸು ಪದೇಸತೋ’’ತಿ;

ತಸ್ಸ ಅಪರಭಾಗೇ ಸುಜಾತೋ ನಾಮ ಸತ್ಥಾ ಉದಪಾದಿ. ತದಾ ಬೋಧಿಸತ್ತೋಚಕ್ಕವತ್ತಿರಾಜಾ ಹುತ್ವಾ ಬುದ್ಧೋ ಉಪ್ಪನ್ನೋತಿ ಸುತ್ವಾ ಉಪಸಂಕಮಿತ್ವಾ ಧಮ್ಮಂ ಸುತ್ವಾ ಬುದ್ಧಪಮುಖಸ್ಸ ಸಙ್ಘಸ್ಸ ಸದ್ಧಿಂ ಸತ್ತಹಿ ರತನೇಹಿ ಚತುಮಹಾದೀಪಂ ರಜ್ಜಂ ದತ್ವಾ ಸತ್ಥು ಸನ್ತಿಕೇ ಪಬ್ಬಜಿ ಸಕಲರಟ್ಠವಾಸಿನೋ ರಟ್ಠುಪ್ಪಾದಂ ಗಹೇತ್ವಾ ಆರಾಮಿಕ ಕಿಚ್ಚಂ ಸಾಧೇನ್ತಾ ಬುದ್ಧಪಮುಖಸ್ಸ ಸಙ್ಘಸ್ಸ ನಿಚ್ಚಂ ಮಹಾದಾನಮದಂಸು. ಸೋಪಿ ನಂ ಸತ್ಥಾ ಅನಾಗತೇ ಬುದ್ಧೋಭವಿಸ್ಸತೀತಿ ವ್ಯಾಕಾಸಿ ಸುಜಾತಸ್ಸ ಪನ ಭಗವತೋ ಧಾತುಯೋ ಏಕಘನಾ ಅಹೇಸುಂ ಜಮ್ಬುದೀಪವಾಸಿನೋ ತಿಗಾವುತಂ ಥೂಪಮಕಂಸು

ತೇನ ವುತ್ತಂ

‘‘ಸುಜಾತೋ ಜಿನವರೋ ಬುದ್ಧೋ ಸೀಲಾರಾಮಮ್ಹಿ ನಿಬ್ಬುತೋ,

ತತ್ಥೇವ ಚೇತಿಯೋ ತಸ್ಸ - ತೀಣಿ ಗಾವುತಮುಗ್ಗತೋ’’ತಿ;

ತಸ್ಸ ಅಪರಭಾಗೇ ಅಟ್ಠಾರಸ ಕಪ್ಪಸತಮತ್ಥಕೇ ಏಕಸ್ಮಿಂ ಕಪ್ಪೇ ಪಿಯದಸ್ಸಿ ಅತ್ಥದಸ್ಸಿ ಧಮ್ಮದಸ್ಸಿತಿ ತಯೋ ಬುದ್ಧಾ ನಿಬ್ಬತ್ತಿಂಸು ಪಿಯದಸ್ಸಿ ಬುದ್ಧಕಾಲೇ ಬೋಧಿಸತ್ತೋ ಕಸ್ಸಪೋ ನಾಮ ಮಾಣವೋ ತಿಣ್ಣಂ ವೇದಾನಂ ಪಾರಗತೋ ಹುತ್ವಾ ಸತ್ಥು ಧಮ್ಮದೇಸನಂ ಸುತ್ವಾ ಕೋಟಿಸತಸಹಸ್ಸ ಧನ ಪರಿಚ್ಚಾಗೇನ ಸಙ್ಘಾರಾಮಂ ಕಾರೇತ್ವಾ ಸರಣೇಸು ಚ ಸೀಲೇಸು ಚ ಪತಿಟ್ಠಾಸಿ ಅಥ ನಂ ಸತ್ಥಾ ಅಟ್ಠಾರಸ ಕಪ್ಪ ಸತಚ್ಚಯೇನ ಬುದ್ಧೋ ಭವಿಸ್ಸತೀತಿ ವ್ಯಾಕಾಸಿ ಪಿಯದಸ್ಸಿಸ್ಸ ಭಗವತೋಪಿ ಧಾತುಯೋ ಏಕಘನಾವ ಅಹೇಸುಂ ಜಮ್ಬುದೀಪವಾಸಿನೋ ಸನ್ನಿಪತಿತ್ವಾ ತಿಯೋಜನಿಕಂ ಮಹಾಥೂಪಮಕಂಸು.

ತೇನ ¶ ವುತ್ತಂ

‘‘ಪಿಯದಸ್ಸಿ ಮುನಿವರೋ - ಸಲಲಾರಾಮಮ್ಹಿ ನಿಬ್ಬುತೋ,

ತತ್ಥೇವ ತಸ್ಸ ಜಿನಥೂಪೋ - ತೀಣಿ ಯೋಜನಮುಗ್ಗತೋ’’ತಿ;

ತಸ್ಸ ಅಪರಭಾಗೇ ಅತ್ಥದಸ್ಸಿ ನಾಮ ಭಗವಾ ಉದಪಾದಿ ತದಾ ಬೋಧಿಸತ್ತೋ ಮಹಿದ್ಧಿಕೋ ಮಹಾನುಭಾವೋ ಸುಸಿಮೋ ನಾಮ ತಾಪಸೋ ಹುತ್ವಾ ಭಗವತೋ ಸನ್ತಿಕೇ ಧಮ್ಮಂ ಸುತ್ವಾ ಪಸೀದಿತ್ವಾ ದಿಬ್ಬಾನಿ ಮಣ್ದಾರವ ಪದುಮಪಾರಿಚ್ಛತ್ತಕಾದೀನಿ ಪುಪ್ಫಾನಿ ಆಹರಿತ್ವಾ ಚಾತುದ್ವೀಪಿಕ ಮಹಾಮೇಘೋ ವಿಯ ಪುಪ್ಫವಸ್ಸಂ ವಸ್ಸೇತ್ವಾ ಸಮನ್ತತೋ ಪುಪ್ಫಮಣ್ಡಪ ಪುಪ್ಫಅಗಘಿಯ ತೋರಣಾದೀನಿ ಕತ್ವಾ ಮಣ್ದಾರವ ಪುಪ್ಫಚ್ಛತ್ತೇನ ದಸಬಲಂ ಪೂಜೇಸಿ ಸೋಪಿ ನಂ ಭಗವಾ ಅನಾಗತೋ ಗೋತಮೋ ನಾಮ ಬುದ್ಧೋ ಭವಿಸ್ಸತೀತಿ ವಾಕಾಸಿ. ತಸ್ಸ ಪನ ಭಗವತೋ ಧಾತುಯೋ ವಿಕಿರಿಂಸು.

ತೇನ ವುತ್ತಂ

‘‘ಅತ್ಥದಸ್ಸಿ ಜಿನವರೋ - ಅನೋಮಾರಾಮಮ್ಹಿ ನಿಬ್ಬುತೋ,

ಧಾತುವಿತ್ಥಾರಿಕಂ ಆಸಿ - ತೇಸು ತೇಸು ಚ ರಟ್ಠತೋ’’ತಿ;

ತಸ್ಸ ಅಪರಭಾಗೇ ಧಮ್ಮದಸ್ಸಿ ನಾಮ ಸತ್ಥಾ ಉದಪಾದಿ. ತದಾ ಬೋಧಿಸತ್ತೋ ಸಕ್ಕಾ ದೇವರಾಜಾ ದಿಬ್ಬಗಣ್ಧಪುಪ್ಫೇಹಿ ಚ ದಿಬ್ಬತುರಿಯೇಹಿ ಚ ಪೂಜಂ ಅಕಾಸಿ ಸೋಪಿ ನಂ ಬುದ್ಧೋ ಭವಿಸ್ಸತೀತಿ ವ್ಯಾಕಾಸಿ. ಧಮ್ಮದಸ್ಸಿಸ್ಸ ಪನ ಭಗವತೋ ಧಾತುಯೋ ಏಕಘನಾ ಅಹೇಸುಂ. ಜಮ್ಬುದೀಪವಾಸಿನೋ ತಿಯೋಜನಿಕಂ ಥೂಪಮಕಂಸು.

ತೇನ ವುತ್ತಂ

‘‘ಧಮ್ಮದಸ್ಸಿ ಮಹಾವೀರೋ-ಕೇಲಾಸಾರಮಮ್ಹಿ ನಿಬ್ಬುತೋ,

ತತ್ಥೇವ ಥೂಪವರೋ ತಸ್ಸ-ತೀಣಿ ಯೋಜನಮುಗ್ಗತೋ’’ತಿ;

ತಸ್ಸ ಅಪರಭಾಗೇ ಚತುನವುತಿಕಪ್ಪ ಮತ್ಥಕೇ ಏಕಸ್ಮಿಂ ಕಪ್ಪೇ ಏಕೋವ ಸಿದ್ಧತ್ಥೋ ನಾಮ ಸತ್ಥಾ ಉದಪಾದಿ. ತದಾ ಬೋಧಿಸತ್ತೋ ಉಗ್ಗತೇಜೋ ಅಭಿಞ್ಞಾಬಲ ಸಮ್ಪನ್ನೋ ಮಙ್ಗಲೋ ನಾಮ ತಾಪಸೋ ಹುತ್ವಾ ಮಹಾಜಮ್ಬುಫಲಂ ಆಹರಿತ್ವಾ ತಥಾಗಸ್ಸ ಅದಾಸಿ ಸತ್ಥಾ ತಂ ಫಲಂ ಪರಿಭುಞ್ಜಿತ್ವಾ ಚತುನವುತಿ ಕಪ್ಪಮತ್ಥಕೇ ಬುದ್ಧೋ ಭವಿಸ್ಸತೀತಿ ವ್ಯಾಕಾಸಿ ತಸ್ಸಾಪಿ ಭಗವತೋ ಧಾತುಯೋ ನ ವಿಕಿರಿಂಸು, ಚತುಯೋಜನಿಕಂ ರತನಮಯಂ ಥೂಪಮಕಂಸು.

ತೇನ ವುತ್ತಂ

‘‘ಸಿದ್ಧತ್ತೋ ಮುನಿವರೋ ಬುದ್ಧೋ ಅನೋಮಾರಮಮ್ಹಿ ನಿಬ್ಬುತೋ,

ತತ್ಥೇವ ತಸ್ಸ ಥೂಪವರೋ-ಚತುಯೋಜನಮುಗ್ಗತೋ’’ತಿ;

ತಸ್ಸ ಅಪರಭಾಗೇ ಇತೋ ದ್ವಾನವುತಿ ಕಪ್ಪಮತ್ಥಕೇ ತಿಸ್ಸೋ ಫುಸ್ಸೋತಿ ಏಕಸ್ಮಿಂ ಕಪ್ಪೇ ದೇವ ಬುದ್ಧಾ ನಿಬ್ಬತ್ತಿಂಸು ತಿಸ್ಸಸ್ಸ ಭಗವತೋ ಕಾಲೇ ಬೋಧಿಸತ್ತಾ ಮಹಾಭೋಗೋ ಮಹಾಯಸೋ ಸುಜಾತೋ ನಾಮ ಖತ್ತಿಯೋ ಹುತ್ವಾ ಇಸಿಪಬ್ಬಜ್ಜಂ ಪಬ್ಬಜಿತ್ವಾ ಮಹಿದ್ಧಿಕಭಾವಂ ಪತ್ವಾ ಬುದ್ಧೋ ¶ ಉಪ್ಪನ್ನೋತಿ ಸುತ್ವಾ ದಿಬ್ಬಮಣ್ದಾರವ ಪದುಮ ಪಾರಿಚ್ಛತ್ತ ಪುಪ್ಫಾನಿ ಆದಾಯ ಚತುಪರಿಸಮಜ್ಝೇ ಗಚ್ಛನ್ತಂ ತಥಾಗತಂ ಪೂಜೇಸಿ. ಆಕಾಸೇ ಪುಪ್ಫವಿತಾನಮಿವ ಅಟ್ಠಾಸಿ ಸೋಪಿ ನಂ ಸತ್ಥಾ ಇತೋ ದ್ವಾನವುತಿ ಕಪ್ಪಮತ್ಥಕೇ ಬುದ್ಧೋ ಭವಿಸ್ಸತೀತಿ ವ್ಯಾಕಾಸಿ. ತಸ್ಸಾಪಿ ಭಗವತೋ ಧಾತುಯೋ ನ ವಿಕಿರಿಂಸು ಧಾತುಯೋ ಗಹೇತ್ವಾ ತಿಯೋಜನಿಕಂ ಥೂಪಮಕಂಸು.

ತೇನ ವುತ್ತಂ

‘‘ತಿಸ್ಸೋ ಜಿನವರೋ ಬುದ್ಧೋ-ನಣ್ದಾರಾಮಮ್ಹಿ ನಿಬ್ಬುತೋ

ತತ್ಥೇವ ತಸ್ಸ ಥೂಪವರೋ-ತೀಣಿ ಯೋಜನಮುಸ್ಸಿತೋ’’ತಿ;

ತಸ್ಸ ಅಪರಭಾಗೇ ಫುಸ್ಸೋ ನಾಮ ಬುದ್ಧೋ ಉದಪಾದಿ ತದಾ ಬೋಧಿಸತ್ತೋ ವಿಜಿತಾವಿ ನಾಮ ಖತ್ತಿಯೋ ಹುತ್ವಾ ಮಹಾರಜ್ಜಂ ಪಹಾಯ ಸತ್ಥು ಸನ್ತಿಕೇ ಪಬ್ಬಜಿತ್ವಾ ತೀಣಿ ಪಿಟಕಾನಿ ಉಗ್ಗಹೇತ್ವಾ ಮಹಾಜನಸ್ಸ ಧಮ್ಮಕಥಂ ಕಥೇತ್ವಾ ಸೀಲಪಾರಮಿಞ್ಚ ಪೂರೇಸಿ. ಸೋಪಿ ನಂ ಬುದ್ಧೋ ತಥೇವ ವ್ಯಾಕಾಸಿ ತಸ್ಸ ಪನ ಭಗವತೋ ಧಾತುಯೋ ವಿಕಿರಿಂಸು.

ತೇನ ವುತ್ತಂ

‘‘ಫುಸ್ಸೋ ಜಿನವರೋ ಸತ್ಥಾ-ಸುನನ್ದಾರಾಮಮ್ಹಿ ನಿಬ್ಬುತೋ

ಧಾತುವಿತ್ಥಾರಿಕಂ ಆಸಿ-ತೇಸು ತೇಸು ಪದೇಸತೋ’’ತಿ;

ತಸ್ಸ ಅಪರಭಾಗೇ ಇತೋ ಏಕನವುತಿ ಕಪ್ಪಮತ್ಥಕೇ ವಿಪಸ್ಸಿ ನಾಮ ಬುದ್ಧೋ ಉದಪಾದಿ ತದಾ ಬೋಧಿಸತ್ತೋ ಮಹಿದ್ಧಿಕೋ ಮಹಾನುಭಾವೋ ಅತುಲೋ ನಾಮ ನಾಗರಾಜಾ ಹುತ್ವಾ ಸತ್ತರತನ ಖಚಿತಂ ಸೋವಣ್ಣಮಹಾಪೀಠಂ ಭಗವತೋ ಅದಾಸಿ ಸೋಪಿ ನಂ ಇತೋ ಏಕನವುತಿಕಪ್ಪಮತ್ಥಕೇ ಬುದ್ಧೋ ಭವಿಸ್ಸತೀತಿ ವ್ಯಾಕಾಸಿ ತಸ್ಸ ಪನ ಭಗವತೋ ಧಾತುಯೋ ನ ವಿಕಿರಿಂಸು ಸಬ್ಬೇ ದೇವಮನುಸ್ಸಾ ಸನ್ತಿಪತಿತ್ವಾ ಧಾತುಯೋ ಗಹೇತ್ವಾ ಸತ್ತಯೋಜನಿಕಂ ಥೂಪಮಕಂಸು.

ತೇನ ವುತ್ತಂ

‘‘ವಿಪಸ್ಸಿ ಜಿನವರೋ ವೀರೋ-ಸುಮಿತ್ತಾರಾಮಮ್ಹಿ ನಿಬ್ಬುತೋ,

ತತ್ಥೇವ ಸೋ ಥೂಪವರೋ-ಸತ್ತಯೋಜನಿಕೋ ಕತೋ’’ತಿ;

ತಸ್ಸ ಅಪರಭಾಗೇ ಇತೋ ಏಕತಿಂಸ ಕಪ್ಪಮತ್ಥಕೇ ಸಿಖೀ ವೇಸ್ಸಭೂತಿ ದ್ವೇ ಬುದ್ಧಾ ನಿಬ್ಬತ್ತಿಂಸು ಸಿಖಿಸ್ಸ ಭಗವತೋ ಕಾಲೇ ಬೋಧಿಸತ್ತೋ ಅರಿಣ್ದಮೋ ನಾಮ ರಾಜಾ ಹುತ್ವಾ ಬುದ್ಧಪಮುಖಸ್ಸ ಸಙ್ಘಸ್ಸ ಸಚಿವರಂ ಮಹಾದಾನಂ ಪವತ್ತೇತ್ವಾ ಸತ್ತರತನ ಪತಿಮಣ್ಡಿತಂ ಹತ್ಥಿರತನಂ ದತ್ವಾ ಹತ್ಥಿಪ್ಪಮಾಣಂ ಕತ್ವಾ ಕಪ್ಪಿಯ ಭಣ್ಡಮದಾಸಿ ಸೋಪಿ ನಂ ಇತೋ ಏಕತಿಂಸ ಕಪ್ಪೇ ಬುದ್ಧೋ ಭವಿಸ್ಸತೀತಿ ವ್ಯಾಕಾಸಿ, ಸಿಖಿಸ್ಸ ಭಗವತೋ ಧಾತುಯೋ ಏಕಘನಾ ಹುತ್ವಾ ಅಟ್ಠಂಸು, ಸಕಲ ಜಮ್ಬುದೀಪವಾಸಿನೋ ಪನ ಮನುಸ್ಸಾ ಧಾತುಯೋ ಗಹೇತ್ವಾ ತಿಯೋಜನುಬ್ಬೇಧಂ ಸತ್ತರತನಮಯಂ ಹಿಮಗಿರಿ ಸದಿಸ ಸೋಭಂ ಥೂಪಮಕಂಸು.

ಸಿಖೀ ¶ ಮುನಿವರೋ ಬುದ್ಧೋ-ದುಸ್ಸಾರಾಮಮ್ಹಿ ನಿಬ್ಬುತೋ,

ತತ್ಥೇವ ತಸ್ಸ ಥೂಪವರೋ-ತೀಣಿ ಯೋಜನಮುಗ್ಗತೋ’’ತಿ;

ತಸ್ಸ ಅಪರಭಾಗೇ ವೇಸ್ಸಭೂ ನಾಮ ಸತ್ಥಾ ಉದಪಾದಿ. ತದಾ ಬೋಧಿಸತ್ತೋ ಸುದಸ್ಸನೋ ನಾಮ ರಾಜಾ ಹುತ್ವಾ ಬುದ್ಧಪಮುಖಸ್ಸ ಸಙ್ಘಸ್ಸ ಸಚೀವರಮಹಾದಾನಂ ದತ್ವಾ ತಸ್ಸ ಸನ್ತಿಕೇ ಪಬ್ಬಜಿತ್ವಾ ಆಚಾರಗುಣಸಮ್ಪನ್ನೋ ಬುದ್ಧರತನೇ ಚಿತತೀಕಾರ ಪೀತಿ ಬಹುಲೋ ಅಹೋಸಿ ಸೇಪಿ ನಂ ಸತ್ಥಾ ಇತೋ ಏಕತಿಂಸಕಪ್ಪೇ ಬುದ್ಧೋ ಭವಿಸ್ಸತೀತಿ ವ್ಯಾಕಾಸಿ ವೇಸ್ಸಭುಸ್ಸ ಪನ ಭಗವತೋ ಧಾತುಯೋ ವಿಕಿರಿಂಸು.

ತೇನ ವುತ್ತಂ

‘‘ವೇಸ್ಸಭೂ ಜಿನವರೋ ಸತ್ಥಾ-ಖೇಮಾರಾಮಮ್ಹಿ ನಿಬ್ಬುತೋ;

ಧಾತುವಿತ್ಥಾರಿಕಂ ಆಸಿ-ತೇಸು ತೇಸು ಪದೇಸತೋ’’ತಿ;

ತಸ್ಸ ಅಪರಭಾಗೇ ಇಮಸ್ಮಿಂ ಕಪ್ಪೇ ಚತ್ತಾರೋ ಬುದ್ಧಾ ನಿಬ್ಬತ್ತಿಂಸು ಕಕುಸಣ್ಧೋ ಕೋನಾಗಮನೋ ಕಸ್ಸಪೋ ಅಮ್ಹಾಕಂ ಭಗವಾತಿ ಕತುಸಣ್ಧಸ್ಸ ಪನ ಭಗವತೋ ಕಾಲೋ ಬೋಧಿಸತ್ತೋ ಖೇಮೋ ನಾಮ ರಾಜಾ ಹುತ್ವಾ ಬುದ್ಧಪಮುಖಸ್ಸ ಸಙ್ಘಸ್ಸ ಸಪತ್ತಚೀವರಂ ದಾನಞ್ಚೇವ ಅಞ್ಜನಾದಿ ಭೇಸಜ್ಜಾನಿ ಚ ದತ್ವಾ ಸತ್ಥು ಧಮ್ಮದೇಸನಂ ಸುತ್ವಾ ಪಬ್ಬಜಿ ಸೋಪಿ ನಂ ಸತ್ಥಾ ವ್ಯಾಕಾಸಿ ತಸ್ಸ ಪನ ಭಗವತೋ ಧಾತುಯೋ ನ ವಿಕಿರಿಂಸು ಸಬ್ಬೇ ಸನ್ನಿಪತಿತ್ವಾ ಧಾತುಯೋ ಗಹೇತ್ವಾ ಗಾವುತುಬ್ಬೇಧಂ ಥೂಪಮಕಂಸು.

ತೇನ ವುತ್ತಂ

‘‘ಕಕುಸಣ್ಧೋ ಜಿನವರೋ - ಖೇಮಾರಾಮಮ್ಹಿ ನಿಬ್ಬುತೋ,

ತತ್ಥೇವ ತಸ್ಸ ಥೂಪವರೋ-ಗಾವುತಂ ನಭಮುಗ್ಗತೋ’’ತಿ;

ತಸ್ಸ ಅಪರಭಾಗೇ ಕೋನಾಗಮನೋ ನಾಮ ಸತ್ಥಾ ಉದಪಾದಿ ತದಾ ಬೋಧಿಸತ್ತೋ ಪಬ್ಬತೋ ನಾಮ ರಜಾ ಹುತ್ವಾ ಅಮಚ್ಚಗಣ ಪರಿವುತೋ ಸತ್ಥು ಸನ್ತಿಕೇ ಗನ್ತ್ವಾ ಧಮ್ಮದೇಸನಂ ಸುತ್ವಾ ಬುದ್ಧಪಮುಖಂ ಭಿಕ್ಖುಸಙ್ಘಂ ನಿಮನ್ತೇತ್ವಾ ಮಹಾದಾನಂ ಪವತ್ತೇತ್ವಾ ಪತ್ತುಣ್ಣಚೀನಪಟ್ಟ ಕೋಸೇಯ್ಯ ಕಮ್ಬಲ ದುಕುಲಾನಿ ಚೇವ ಸುವಣ್ಣಪಟ್ಟಕಞ್ಚ ದತ್ವಾ ಸತ್ಥು ಸನ್ತಿಕೇ ಪಬ್ಬಜಿ. ಸೋಪಿ ನಂ ಸತ್ಥಾ ವ್ಯಾಕಾಸಿ ತಸ್ಸ ಭಗವತೋ ಧಾತುಯೋ ವಿಕಿರಿಂಸು

ತೇನ ವುತ್ತಂ

‘‘ಕೋನಾಗಮನೋ ಸಮ್ಬುದ್ಧೋ ಪಬ್ಬತಾರಾಮಮ್ಹಿ ನಿಬ್ಬುತೋ,

ಧಾತು ವಿತ್ಥಾರಿಕಂ ಆಸಿ-ತೇಸು ತೇಸು ಪದೇಸತೋ’’ತಿ;

ತಸ್ಸ ಅಪರಭಾಗೇ ಕಸ್ಸಪೋ ನಾಮ ಸತ್ಥಾ ಉದಪಾದಿ. ತದಾ ಬೋಧಿಸತ್ತೋ ಜೋತಿಪಾಲೋ ನಾಮ ಮಾಣವೋ ಹುತ್ವಾ ತಿಣ್ಣಂ ವೇದಾನಂ ಪಾರಗುಭೂಮಿಯಞ್ಚೇವ ಅನ್ತಲಿಕ್ಖೇವ ಪಾಕಟೋ ಘಟೀಕಾರಸ್ಸ ಕುಮ್ಭಕಾರಸ್ಸ ಮಿತ್ತೋ ಅಹೋಸಿ. ಸೋ ತೇನ ಸದ್ಧಿಂ ಸತ್ಥಾರಂ ಉಪಸಙ್ಕಮಿತ್ವಾ ಧಮ್ಮ

ಕಥಂ ¶ ಸುತ್ವಾ ಪಬ್ಬಜಿತ್ವಾ ಆರದ್ಧವೀರಿಯೋ ತೀಣಿ ಪಿಟಕಾನಿ ಉಗ್ಗಹೇತ್ವಾ ವತ್ತಾ ವತ್ತಸಮ್ಪತ್ತಿಯಾ ಬುದ್ಧಸಾಸನಂ ಸೋಭೇಸಿ. ಸೋಪಿ ನಂ ಸತ್ಥಾ ವ್ಯಾಕಾಸಿ. ಕಸ್ಸಪಸ್ಸ ಪನ ಸತ್ಥುನೋ ಧಾತುಯೋ ನ ವಿಕಿರಿಂಸು ಸಕಲ ಜಮ್ಬುದೀಪವಾಸಿನೋ ಮನುಸ್ಸಾ ಸನ್ನಿಪತಿತ್ವಾ ಏಕೇಕಂ ಸುವಣ್ಣಟ್ಠಿಕಂ ಕೋಟಿ ಅಗ್ಘನಕಂ ರತನವಿಚಿತ್ತಂ ಬಹಿ ರಚನತ್ಥಂ ಏಕೇಕಂ ಅಡ್ಢಕೋಟಿ ಅಗ್ಘನಕಂ ಅಬ್ಭನ್ತರ ಪೂರಣತ್ಥಂ ಮನೋಸಿಲಾಯ ಮತ್ತಿಕಾಕಿಚ್ಚಂ ತೇಲೇನ ಉದಕಕಿಚ್ಚಂ ಕರೋನ್ತಾ ಯೋಜನುಬ್ಬೇಧಂ ಥುಪಮಕಂಸು.

ತೇನ ವುತ್ತಂ

‘‘ಮಹಾಕಸ್ಸಪೋ ಜಿನೋ ಸತ್ಥಾ-ಸೇತವ್ಯಾಯಞ್ಹಿ ನಿಬ್ಬುತೋ,

ತತ್ಥೇವ ತಸ್ಸ ಜಿನಥುಪೋ-ಯೋಜನುಬ್ಬೇಧಮುಗ್ಗತೋ’’ತಿ;

ಏತ್ಥ ಚ

ದೀಪಙ್ಕರೋ ಚ ಕೋಣ್ಡಞ್ಞೋ-ಮಙ್ಗಲೋ ಸುಮನೋ ತಥಾ,

ಅನೋಮದಸ್ಸೀ ಬುದ್ಧೋ ಚ-ನಾರದೋ ಪದುಮುತ್ತರೋ;

ಸುಜಾತೋ ಪಿಯದಸ್ಸೀ ಚ-ಧಮ್ಮದಸ್ಸಿ ನರುತ್ತಮೋ,

ಸಿದ್ಧತ್ಥಬುದ್ಧೋ ತಿಸ್ಸೋ ಚ-ವಿಪಸ್ಸಿ ಚ ಸಿಖೀ ತಥಾ;

ಕಕುಸಣ್ಧೋ ಕಸ್ಸಪೋ ಚಾತಿ-ಸೋಳಸೇತೇ ಮಹೇಸಯೋ,

ಥುಪಪ್ಪಮಾಣಮೇತೇಸಂ ಪಾಲಿಯಂಯೇವ ದಸ್ಸಿತಂ;

ಯಸ್ಮಾ ತಸ್ಮಾ ಮಯಾ ಸಾಧೂ-ತೇ ಸಬ್ಬೇಪಿ ಪಕಾಸಿತಾ,

ಥೂಪಾ ಸದ್ಧಾ ಜನಾ ಸಾಧೂ-ತೇ ವನ್ದೇಯ್ಯಥ ಸಾದರಂ;

ಯೇಸಾನಂ ಪನ ಅಟ್ಠನ್ನಂ - ಸುಗತಾನಂ ಹಿತೇಸಿನಂ

ಧಾತು ವಿತ್ಥಾರಿಕಾ ಆಸುಂ - ತೇಸು ತೇಸು ಪದೇಸತೋತಿ;

ಸಾಧುಜನ ಮನೋಪಸಾದನತ್ಥಾಯ ಕತೇ ಥೂಪವಂಸೇ ವಿಜ್ಜಮಾನಥೂಪಾನಂ ಬುದ್ಧಾನಂ ಥೂಪಕಥಾ ಚೇವ ಸಬ್ಬೇಸಂ ಸನ್ತಿಕೇ ಅಭಿನಿಹಾರಕತಾಚೇ. ಸಮತ್ತಾ.

ಕಸ್ಸಪಸ್ಸ ಪನ ಭಗವತೋ ಅಪರಭಾಗೇ ಠಪೇತ್ವಾ ಇಮಂ ಸಮ್ಮಾ ಸಮ್ಬುದ್ಧಂ ಅಞ್ಞೋ ಬುದ್ಧೋ ನಾಮ ನತ್ಥಿ. ಏವಂ ದೀಪಙ್ಕರಾದೀನಂ ಚತುವೀಸತಿಯಾ ಬುದ್ಧಾನಂ ಸನ್ತಿಕೇ ಲದ್ಧವ್ಯಾಕರಣೋ ಬೋಧಿಸತ್ತೋ ಪಾರಮಿಯೋ ಪೂರೇತ್ವಾ ವೇಸ್ಸನ್ತರತ್ತಭಾವೇ ಠಿತೋ-

‘‘ಅಚೇತನಾಯಂ ಪಥವೀ-ಅವಿಞ್ಞಾಯ ಸುಖಂ ದುಖಂ,

ಸಾಪಿ ದಾನಬಲೋ ಮಯ್ಹಂ-ಸತ್ತಕ್ಕತ್ತುಂ ಪಕಮ್ಪಥಾ’’ತಿ;

ಏವಂ ಮಹಾಪಥವಿ ಕಮ್ಪನಾನಿ ಪುಞ್ಞಾನಿ ಕತ್ವಾ ಆಯುಪರಿಯೋಸಾನೇ ತತೋ ಚುತೋ ತುಸಿತಭವನೇ ನಿಬ್ಬತ್ತಿ ತತ್ಥ ಅಞ್ಞೇ ದೇವೇ ದಸಹಿ ಠಾನೇಹಿ ಅಧಿಗಣ್ಹಿತ್ವಾ ಯಾವತಾಯುಕಂ ದಿಬ್ಬಸಮ್ಪತ್ತಿಂ ಅನುಭವನ್ತೋ ಮನುಸ್ಸಗಣನಾಯ ¶ ಸತ್ತಹಿ ದಿವಸೇಹಿ ಆಯುಕ್ಖಯಂ ಪಾಪುಣಿಸ್ಸತಿತಿ ವತ್ಥಾನಿ ಕಿಳಿಸ್ಸನ್ತಿ, ಮಾಲಾ ಮಿಲಾಯನ್ತಿ, ಕಚ್ಛೇಹಿ ಸೇದಾ ಮುಚ್ಚನ್ತಿ, ಕಾಯೇಚೇವ ದುಬ್ಬಣ್ಣಿಯಂ ಓಕ್ಕಮತಿ. ದೇವೋ ದೇವಾಸನೇ ನಾಭಿರಮತೀತಿ ಇಮೇಸು ಪಞ್ಚಸು ಪುಬ್ಬನಿಮಿತ್ತೇಸು ಉಪ್ಪನ್ನೇಸು ತಾನಿ ದಿಸ್ವಾಸುಞ್ಞಾವತ ನೋ ಸಗ್ಗಾ ಭವಿಸ್ಸನ್ತಿತಿ ಸಂವೇಗಜಾತಾಹಿ ದೇವತಾಹಿ ಮಹಾಸತ್ತಸ್ಸ ಪಾರಮಿನಂ ಪೂರಿತಭಾವಂ ಞತ್ವಾ ಇಮಸ್ಮಿಂ ಇದಾನಿ ಅಞ್ಞಂ ದೇವಲೋಕಂ ಅನುಪಗನ್ತ್ವಾ ಮನುಸ್ಸಲೋಕೇ ಉಪ್ಪಜ್ಜಿತ್ವಾ ಬುದ್ಧಭಾವಂ ಪತ್ತೇ ಪುಞ್ಞಾನಿ ಕತ್ವಾ ಚುತ ಚುತಾ ದೇವಲೋಕಂ ಪೂರೇಸ್ಸನ್ತೀತಿ ಚಿನ್ತೇತ್ವಾ.

‘‘ಯತೋಹಂ ತುಸಿತೇ ಕಾಯೇ-ಸನ್ತುಸಿತೋ ನಾಮಹಂ ತದಾ,

ದಸಸಹಸ್ಸಿ ಸಮಾಗನ್ತ್ವಾ-ಯಾಚನ್ತಿ ಪಞ್ಜಲೀ ಮಮಂ;

ಕಾಲೋಯಂತೇ ಮಹಾವೀರ-ಉಪ್ಪಜ್ಜ ಮಾತುಕುಚ್ಛಿಯಂ,

ಸದೇವಕಂ ತಾರಯನ್ತೋ-ಬುಜ್ಝಸ್ಸು ಅಮತಂ ಪದನ್ತಿ’’;

ಏವಂ ಬುದ್ಧಭಾವತ್ಥಾಯ ಆಯಾಚಿತೋ ಕಾಲಂ-ದೀಪಂ-ದೇಸಂ ಕುಲಂ-ಜನೇತ್ತಿಯಾ ಆಯುಪ್ಪಮಾಣನ್ತಿ ಇಮಾನಿ ಪಞ್ಚ ಮಹಾವಿಲೋಕನಾನಿ ವಿಲೋಕೇತ್ವಾ ಕತಸನ್ನಿಟ್ಠಾನೋ ತತೋ ಚುತೋ ಸಕ್ಯರಾಜಕುಲೇ ಪಟಿಸಣ್ಧಿಂಗಹೇತ್ವಾ ತತ್ಥ ಮಹಾಸಮ್ಪತ್ತಿಯಾ ಪರಿಹರಿಯಮಾನೋ ಅನುಕ್ಕಮೇನ ಭದ್ದಂ ಯೋಬ್ಬನಂ ಅನುಪಾಪುಣಿತ್ವಾ ತಿಣ್ಣಂ ಉತೂನಂ ಅನುಚ್ಛವಿಕೇಸು ತೀಸು ಪಾಸಾದೇಸು ದೇವಲೋಕಸಿರಿಂ ವಿಯ ರಜ್ಜಸಿರಿಂ ಅನುಭವಮಾನೋ ಉಯ್ಯಾನಕೀಳಾಯ ಗಮನಸಮಯೇ ಅನುಕ್ಕಮೇನ ಜಿಣ್ಣ - ವ್ಯಾಧಿ - ಮತಸಙ್ಖಾತೇ ತಯೋ ದೇವದೂತೇ ದಿಸ್ವಾ ಸಂಜಾತ ಸಂವೇಗಾ ನಿವತ್ತಿತ್ವಾ ಚತುತ್ಥೇ ವಾರೇ ಪಬ್ಬಜಿತಂ ದಿಸ್ವಾ ಸಾಧು ಪಬ್ಬಜ್ಜಾತಿ ಪಬ್ಬಜ್ಜಾಯ ರುಚಿಂ ಉಪ್ಪಾದೇತ್ವಾ ಉಯ್ಯಾನಂ ಗನ್ತ್ವಾ ತತ್ಥ ದಿವಸಂ ಖೇಪೇತ್ವಾ ಮಙ್ಗಲ ಪೋಕ್ಖರಣಿತೀರೇ ನಿಸಿನ್ನೋ ಕಪ್ಪಕ ವೇಸಂ ಗಹೇತ್ವಾ ಆಗತೇನ ವಿಸ್ಸಕಮ್ಮ ದೇವಪುತ್ತೇನ ಅಲಙ್ಕತ ಪಟಿಯತ್ತೋ ರಾಹುಲಕುಮಾರಸ್ಸ ಪಾತಸಾಸನಂ ಸುತ್ವಾ ಪುತ್ತಸಿನೇಹಸ್ಸ ಬಲವಭಾವಂ ಞತ್ವಾ ಯಾವ ಇಮಂ ಬಣ್ಧನಂ ನ ವಡ್ಢತಿ ತಾವದೇವನಂ ಛಿಣ್ದಿಸ್ಸಾಮೀತಿ ಚಿನ್ತೇತ್ವಾ ಸಾಯಂ ನಗರಂ ಪವಿಸನ್ತೋ-

‘‘ನಿಬ್ಬುತಾ ನೂನ ಸಾ ಮಾತಾ - ನಿಬ್ಬುತೋ ನೂನ ಸೋ ಪಿತಾ,

ನಿಬ್ಬುತಾ ನೂನ ಸಾ ನಾರೀ - ಯಸ್ಸಾಯಂ ಈದಿಸೋ ಪತಿ’’ತಿ;

ಕಿಸಾಗೋತಮಿಯಾ ನಾಮ ಪಿತುಚ್ಛಾ ಧೀತಾಯ ಭಾಸಿತಂ ಇಮಂ ಗಾಥಾ ಸುತ್ವಾ ಇಹಂ ಇಮಾಯ ನಿಬ್ಬುತಪದಂ ಸಾವಿತೋತಿ ಗೀವತೋ ಸತಸಹಸ್ಸಗ್ಘನಕಂ ಮುತ್ತಾಹಾರಂ ಓಮುಞ್ಚಿತ್ವಾ ತಸ್ಸಾ ಪೇಸೇತ್ವಾ ಅತ್ತನೋ ಭವನಂ ಪವಿಸಿತ್ವಾ ಸಿರೀಸಯನೇ ನಿಪನ್ನೋ ನಿದ್ದಾವಸ ಗತಾನಂ ನಾಟಕಾನಂ ವಿಪ್ಪಕಾರಂ ದಿಸ್ವಾ ನಿಬ್ಬಿನ್ನಹದಯೋ ಛನ್ನಂ ಉಟ್ಠಾಪೇತ್ವಾ ಕಣ್ಥಕಂ ಆಹಾರಾಪೇತ್ವಾ ತಂ ಆರುಯ್ಹ ಛನ್ನಸಹಾಯೋ ದಸಸಹಸ್ಸ ಚಕ್ಕವಾಳ ದೇವತಾಹಿ ಕತ ಪರಿವಾರೋ ಮಹಾಭಿನಿಕ್ಖಮನಾ ನಿಕ್ಖಮಿತ್ವಾ ತೇನೇವ ರತ್ತಾವಸೇಸೇನ ತೀಣಿ ರಜ್ಜಾನಿ ಅತಿಕ್ಕಮ್ಮ ಅನೋಮಾಯ ನದಿಯಾ ಪರತೀರಂ ಪತ್ವಾ ಅಸ್ಸಾಪಿಟ್ಠಿತೋ ಓರುಯ್ಹ ¶ ಮುತ್ತರಾಸಿ ಸದಿಸೇ ಚಾಲಿಕಾಪುಲಿಣೇ ಠತ್ವಾ ಛನ್ನತ್ವಂ ಮಯ್ಹಂ ಆಭರಣಾನಿ ಚೇವ ಕಣ್ಥಕಞ್ಚ ಆದಾಯ ಗಚ್ಛಾಹಿ ಆಭರಣಾನಿ ಚ ಕಣ್ಥಕಞ್ಚ ಪಟಿಚ್ಛಾಪೇತ್ವಾ ದಕ್ಖಿಣ ಹತ್ಥೇನ ಮಙ್ಗಲಖಗ್ಗಮಾದಾಯ ವಾಮಹತ್ಥೇನ ಮೋಲಿಯಾ ಸದ್ಧಿಂ ಚೂಳಂ ಛಿಣ್ದಿತ್ವಾ ಸಚೇ ಅಹಂ ಬುದ್ಧೋ ಭವಿಸ್ಸಾಮಿ ಆಕಾಸೇ ತಿಟ್ಠತು ನೋ ಚೇ ಭೂಮಿಯಂ ಪತತೂತಿ ಆಕಾಸೇ ಖಿಪಿ ಚುಳಾಮಣೀ ಬಣ್ಧನಂ ಯೋಜನಪ್ಪಮಾಣಂ ಠಾನಂಗನ್ತ್ವಾ ಆಕಾಸೇ ಅಟ್ಠಾಸಿ ಅಥ ಸಕ್ಕೋ ದೇವರಾಜಾ ಯೋಜನಿಕೇನ ರತನಚಙ್ಗೋಟಕೇನ ಪಟಿಗ್ಗಹೇಸಿ.

ಯಥಾಹ

ಛೇತ್ವಾನ ಮೋಲಿಂ ವರಗನ್ಧವಾಸಿತಂ

ವೇಹಾಸಯಂ ಉಕ್ಖಿಪಿ ಸಕ್ಯಪುಙ್ಗಯವೋ,

ಸಹಸ್ಸನೇತ್ತೋ ಸಿರಸಾ ಪಟಿಗ್ಗಹಿ

ಸುವಣ್ಣ ವಙ್ಗೋಟವರೇನ ವಾಸವೋ’ತಿ;

ಪಟಿಗ್ಗಹೇತ್ವಾ ಚ ಪನ ದೇವಲೋಕಂ ನೇತ್ವಾ ಸುನೇರು ಮುದ್ಧನಿ ತಿಯೋಜನಪ್ಪಮಾಣಂ ಇಣ್ದನೀಲಮಣಿಮಯಂ ಚುಳಾಮಣಿ ಚೇತಿಯಂ ನಾಮ ಅಕಾಸಿ ಅಥ ಕಸ್ಸಪ ಬುದ್ಧಕಾಲೇ ಪೋರಾಣ ಸಹಾಯಕೋ ಘಟಿಕಾರ ಮಹಾಬ್ರಹ್ಮಾ ಏಕಂ ಬುದ್ಧನ್ತರಂ ವಿನಾವಾಸಭಾವಪ್ಪತ್ತೇನ ಮತ್ತಭಾವೋ ಚಿತ್ತೇಸಿ. ಅಜ್ಜ ಮೇ ಸಹಾಯಕೋ ಮಹಾಭಿನಿಕ್ಖಮನಂ ನಿಕ್ಖನ್ತೋ ಸಮಣ ಪರಿಕ್ಖಾರಮಸ್ಸ ಗಹೇತ್ವಾ ಗಚ್ಛಾಮೀತಿ-

‘‘ತಿಚೀವರಞ್ಚ ಪತ್ತೋ ಚ ವಾಸಿ ಸೂಚಿ ಚ ಬಣ್ಧನಂ,

ಪರಿಸ್ಸಾವನ ಅಟ್ಠೇತೇನ-ಯುತ್ತಯೋಗಸ್ಸ ಭಿಕ್ಖುನೋ’’ತಿ;

ಇಮೇ ಸಮಣಪರಿಕ್ಖಾರೇ ಆಹರಿತ್ವಾ ಅದಾಸಿ ಮಹಾಪುರಿಸೋ ಅರಹದ್ಧಜಂ ನಿವಾಸೇತ್ವಾ ಉತ್ತಮಂ ಪಬ್ಬಜ್ಜಾವೇಸಂ ಗಣ್ಹಿತ್ವಾ ಸಾಟಕಯುಗಲಂ ಆಕಾಸೇ ಖಿಪಿ ತಂ ಬ್ರಹ್ಮಾ ಪಟಿಗ್ಗಹೇತ್ವಾ ಬ್ರಹ್ಮಲೋಕೇ ದ್ವಾದಸಯೋಜನಿಕಂ ಸಬ್ಬರತನಮಯಂ ದುಸ್ಸಚೇತಿಯಮಕಾಸಿ.

‘‘ಕಿಲೇಸ ಅಪ್ಪಹೀಣೇಪಿ=ಮಹಾಸತ್ತಸ್ಸ ತಂ ಖಣೇ,

ಯಸ್ಸಾನುಭಾವತೋ ಏವಂ ದುಸ್ಸಚೂಳಾ ಹಿ ಪೂಜಿತಾ

ತಸ್ಮಾ ತಮ್ಮ ಮಹಾಬೋಧಿ-ಸತ್ತಾನಂ ಪಟಿಪತ್ತಿಯಂ,

ನ ಕರೇಯ್ಯ ಮಹುಸ್ಸಾಹಂವ-ಕೋ ಹಿ ನಾಮ ಬುಧೋ ಜನೋ’’ತಿ;

ಚೂಳಾಮಣಿದುಸ್ಸ ಥುಪದ್ವಯಕಥಾ

೯. ಬೋಧಿಸತ್ತೋ ಪಬ್ಬಜಿತ್ವಾ ಅನುಕ್ಕಮೇನ ರಾಜಗಹಂ ಗನ್ತ್ವಾ ತತ್ಥ ಪಿಣ್ಡಾಯ ಚರಿತ್ವಾ ಪಣ್ಡವ ಪಬ್ಬತಪಬ್ಭಾರೇ ನಿಸಿನ್ನೋ ಮಗಧರಾಜೇನ ರಜ್ಜೇನ ನಿಮನ್ತಿಯಮಾನೋ ತಂ ಪಟಿಕ್ಖಿಪಿತ್ವಾ ಸಬ್ಬಞ್ಞುತಂ ಪತ್ವಾ ತಿಸ್ಸವಿಜಿತಂ ಆಗಮನತ್ಥಾಯತೇನಗಹಿತ ಪಟಿಞ್ಞೋ ಆಳಾರಂ-ಉದ್ದಕಞ್ಚ ಉಪಸಙ್ಕಮಿತ್ವಾ ¶ ತೇಸಂ ಸನ್ತಿಕೇ ಅಧಿಗತವಿಸೇಸೇನ ಅಪರಿತುಟ್ಠೋ ಛಬ್ಬಸ್ಸಾನಿ ಮಹಾಪಧಾನಂ ಪದಹಿತ್ವಾ ವಿಸಾಖ ಪುಣ್ಣಮ ದಿವಸೇ ಸೇನಾನಿನಿಗಮೇ ಸುಜಾತಾಯ ದಿನ್ನಪಾಯಾಸಂ ಪರಿಭುಞ್ಜಿತ್ವಾ ನೇರಞ್ಜರಾಯ ನದಿಯಾ ಸುವಣ್ಣಪಾತಿಂ ಪವಾಹೇತ್ವಾ ನೇರಞ್ಜರಾಯ ತೀರೇ ಮಹಾವನಸಣ್ಡೇ ನಾನಾಸಮಾಪತ್ತೀಹಿ ದಿವಾಭಾಗಂ ವಿತಿನಾಮೇತ್ವಾ ಸಾಯಣ್ಹ ಸಮಯೇ ಸೋತ್ಥಿಯೇನ ದಿನ್ನಂ ತಿಣಮುಟ್ಠಿಂ ಗಹೇತ್ವಾ ಕಾಳೇನ ನಾಗರಾಜೇನ ಅಭಿತ್ಥುತಗುಣೋ ಬೋಧಿಮಣ್ಡಂ ಆರುಯ್ಹ ತಿಣಾನಿ. ಸತ್ಥರಿತ್ವಾ ನ ತಾವೀಮಂ ಪಲ್ಲಙ್ಕಂ ಭಿಣ್ದಿಸ್ಸಾಮಿ ಯಾವ ಮೇ ಅನುಪಾದಾಯ ಆಸವೇಹಿ ಚಿತ್ತಂ ವಿಮುಚ್ಚಿಸ್ಸತೀ’’ತಿ ಪಟಿಞ್ಞಂ ಕತ್ವಾ ಪಾಚೀನ ದಾಸಾಭಿಮುಖೋ ನಿಸೀದಿತ್ವಾ-ಸೂರಿಯೇ ಅನತ್ಥಮಿತೇಯೇವ ಮಾರಬಲಂ ವಿಧಮೇತ್ವಾ ಪಠಮಯಾಮೇ ಪುಬ್ಬೇ ನಿವಾಸಞಾಣಂ ಮಜ್ಝಿಮಯಾಮೇ ಚುತೂಪಪಾತಞಾಣಂ ಪತ್ವಾ ಪಚ್ಛಿಮಯಾಮಾವಸಾನೇ ದಸಬಲ ಚತುವೇಸಾರಜ್ಜಾದಿ ಸಬ್ಬಗುಣಪತಿಮಣ್ಡಿತಂಸಬ್ಬಞ್ಞುತಞಾಣಂ ಪಟಿವಿಜ್ಝಿತ್ವಾ ಸತ್ತ ಸತ್ತಾಹಂ ಬೋಧಿಸಮೀಪೇಯೇವ ವೀತಿನಾಮೇತ್ವಾ ಅಟ್ಠಮೇ ಸತ್ತಾಹೇ ಅಜಪಾಲ ನಿಗ್ರೋಧಮೂಲೇ ನಿಸಿನ್ನೋ ಧಮ್ಮಗಮ್ಭೀರತಾ ಪಚ್ಚವೇಕ್ಖನೇನ ಅಪ್ಪೋಸ್ಸುಕ್ಕತಂ ಆಪಜ್ಜಮಾನೋ ದಸದಹಸ್ಸೀ ಮಹಾಬ್ರಹ್ಮ ಪರಿವಾರೇನ ಸಹಮ್ಪತಿ ಮಹಾಬ್ರಹ್ಮುನಾ ಆಯಾಚಿತ ಧಮ್ಮದೇಸನೋ ಬುದ್ಧಚಕ್ಖುನಾ ಲೋಕಂ ಓಲೋಕೇನ್ತೋ ಬ್ರಹ್ಮುನೋ ಅಜ್ಝೇಸನಂ ಆದಾಯ ಕಸ್ಸ ನು ಖೋ ಪಠಮಂ ಧಮ್ಮಂ ದೇಸೇಯ್ಯನ್ತಿ ಓಲೋಕೇನ್ತೋ ಆಳಾರುದ್ದಕಾನಂ ಕಾಲಕತಭಾವಂ ಞತ್ವಾ ಪಞ್ಚವಗ್ಗೀಯಾನಂ ಭಿಕ್ಖುನಂ ಬಹೂಪಕಾರತಂ ಅನುಸ್ಸರಿತ್ವಾ ಉಟ್ಠಾಯಾಸನಾ ಕಾಸಿಪುರಂ ಗಚ್ಛನ್ತೋ ಅನ್ತರಾಮಗ್ಗೇ ಉಪಕೇನ ಸದ್ಧಿಂ ಮನ್ತೇತ್ವಾ ಆಸಾಳಹಿಪುಣ್ಣಮ ದಿವಸೇ ಇಸಿಪತನೇ ಮಿಗದಾಯೇ ಪಞ್ಚ ವಗ್ಗಿಯಾನಂ ಭಿಕ್ಖುನಂ ವಸನಟ್ಠಾನಂ ಪತ್ವಾ ತೇ ಅನನುಚ್ಛವಿಕೇನ ಆವುಸೋ ವಾದೇನ ಸಮುದಾಚರನ್ತೇ ಅಞ್ಞಾಪೇತ್ವಾ ಧಮ್ಮಚಕ್ಕಂ ಪವತ್ತೇನ್ತೋ ಅಞ್ಞಾಕೋಣ್ಡಞ್ಞತ್ಥೇರಪಮುಖೇ ಅಟ್ಠಾರಸ ಕೋಟಿಯೋ ಅಮತಪಾನಂ ಪಾಯೇಸಿ.

ತತೋ ಪಟ್ಠಾಯ ಚತ್ತಾಲೀಸ ಸಂವಚ್ಛರಾನಿ ಠತ್ವಾ ಚತುರಾಸೀತಿ ಧಮ್ಮಕ್ಖಣ್ಧ ಸಹಸ್ಸಾನಿ ದೇಸೇತ್ವಾ ಗಣನಪಥಮತೀತೇ ಸತ್ತೇ ಭವಕನ್ತಾರತೋ ಸನ್ತಾರೇತ್ವಾ ಸಬ್ಬಬುದ್ಧಕಿಚ್ಚಾನಿ ನಿಟ್ಠಪೇತ್ವಾ ಕುಸಿನಾರಾಯಂ ಉಪವತ್ತನೇ ಮಲ್ಲಾನಂ ಸಾಲವನೇ ಯಮಕಸಾಲಾನ ಮನ್ತರೇ ಉತ್ತಸೀಸಕಂ ಪಞ್ಞತ್ತೇ ಮಞ್ಚಕೇ ವಿಸಾಖಪುಣ್ಣಮ ದಿವಸೇ ದಕ್ಖಿಣೇನ ಪಸ್ಸೇನ ಸತೋ ಸಮ್ಪಜಾನೋ ಅನುಟ್ಠಾನಸೇಯ್ಯಾಯ ನಿಪಜ್ಜಿ. ತದಾ ಕಿರ ಭಗವತೋ ಪೂಜಾಯ ಯಮಕಸಾಲಾ ಸಬ್ಬಪಾಲಿಫುಲ್ಲಾ ಮೂಲತೋ ಪಟ್ಠಾಯ ಯಾವ ಅಗ್ಗಾ ಏಕಚ್ಛನ್ನಾ ಅಹೇಸುಂ. ನ ಕೇವಲಞ್ಚ ಯಮಕಸಾಲಾಯೇವ ಸಬ್ಬೇಪಿ ರುಕ್ಖಸಾಖಾ ಸಬ್ಬಪಾಲಿಫುಲ್ಲಾವ ಅಹೇಸುಂ.

ನ ಕೇವಲಞ್ಚ ತಸ್ಮಿಂಯೇವ ಉಯ್ಯಾನೇ ಸಕಲೇಪಿ ದಸಸಹಸ್ಸ ಚಕ್ಕವಾಳೇ ಫಲುಪಗ ರುಕ್ಖಾ ಫಲಂ ಗಣ್ಹಿಂಸು. ಸಬ್ಬರುಕ್ಖಾನಂ ಖಣ್ಧೇಸು ಖಣ್ಧ ಪದುಮಾನಿ, ¶ ವಲಲೀಸು ವಲಲಿಪದುಮಾನಿ. ಆಕಾಸೇ ಉಲ್ಲೋಕಪದುಮಾನಿ, ಪಥವಿತಲಂ ಭಿಣ್ದಿತ್ವಾ ದಣ್ಡಕಪದುಮಾನಿ ಪುಪ್ಫಿಂಸು. ಸಬ್ಬೋ ಮಹಾ ಸಮುದ್ದೋ ಪಞ್ಚವಣ್ಣ ಪದುಮಸಞ್ಛನ್ನೋ ಅಹೋಸಿ ತಿಯೋಜನ ಸಹಸ್ಸವಿತ್ಥತೋ ಪನ ಹಿಮವಾ ಘನಬದ್ಧಮೋರಪಿಞ್ಛಕಲಾಪೋ ವಿಯ ನಿರನ್ತರಂ ಮಾಲಾದಾಮಗವಕ್ಖಿತೋ ವಿಯ ಸುಟ್ಠು ಪೀಳೇತ್ವಾ ಆಬದ್ಧಪುಪ್ಫವಟಂಸಕೋ ವಿಯ ಸುಪೂರಿತ ಪುಪ್ಫಚಙ್ಗೇಟಕಂ ವಿಯ ಚ ಅತಿರಮಣೀಯೋ ಅಹೋಸಿ.

ಯಮಕಸಾಲಾ ಭುಮ್ಮದೇವತಾನಿ ಸಞ್ಚಾಲಿತಕ್ಖವಿಣ್ಧಟಪಾ ತಥಾಗತಸರೀರಸ್ಸ ಉಪರಿಪುಪ್ಫಾನಿ ವಿಕಿರನ್ತಿ. ದಿಬ್ಬಾನಿಪಿ ಮಣ್ದಾರವ ಪುಪ್ಫಾನಿ ಅನ್ತಲಿಕ್ಖಾ ಪತನ್ತಿ. ತಾನಿ ಹೋನ್ತಿ ಸುವಣ್ಣ ವಣ್ಣಾನಿ ಪಣ್ಣಚ್ಛತ್ತಪ್ಪಮಾಣಾನಿ ಮಹಾತುಮ್ಬಮತ್ತಂ ರೇಣು ಗಣ್ಹನ್ತಿ ನ ಕೇವಲಞ್ಚ ಮಣ್ದಾರವ ಪುಪ್ಫಾನೇಚ, ಅಞ್ಞಾನಿಪಿ ಸಬ್ಬಾನಿ ಪಾರಿಚ್ಛತ್ತಕ ಪುಪ್ಫಾದೀನಿ ಸುವಣ್ಣವಙ್ಗೋಟಕಾನಿ ರಜತಚಙ್ಗೋಟಕಾನಿ ಚ ಪೂರೇತ್ವಾ ಪೂರೇತ್ವಾ ತಿದಸ ಪುರೇಪಿ ಬ್ರಹ್ಮಲೋಕೇಪಿ ಠಿತಾಹಿ ದೇವತಾಹಿ ವಿವಿಧಾನಿ ಅನ್ತರಾ ಅವಿಪ್ಪಕಿಣ್ಣಾನೇವ ಹುತ್ವಾ ಆಗನ್ತ್ವಾ ಪತ್ತಕಿಂಜಕ್ಖ ರೇಣು ಚುಣ್ಣೇಹಿ ತಥಾಗತಸ್ಸ ಸರೀರಮೇವ ಓಕೀರನ್ತಿ ನ ಕೇವಲಞ್ಚ ದೇವತಾನಂಯೇವ ನಾಗ ಸುಪಣ್ಣ ಮನುಸ್ಸಾನಮ್ಪಿ ಉಪಕಪ್ಪನ ಚಣ್ದನ ಚುಣ್ಣಾನಿ ನ ಕೇವಲಞ್ಚ ಚಣ್ದನಚುಣ್ಣಾನೇವ ಕಾಳಾನುಸಾರೀ ತಗರ ಲೋಹಿತಚಣ್ದನಾದಿ ಸಬ್ಬಗನ್ಧಜಾತಚುಣ್ಣಾನಿ, ಹರಿತಾಲಞ್ಜನ ಸುವಣ್ಣ ರಜತ ಚುಣ್ಣಾನಿ, ಸಬ್ಬಗನ್ಧವಾಸ ವಿಕತಿಯೋ ಸುವಣ್ಣ ರಜತಾದಿಸಮುಗ್ಗೇ ಪೂರೇತ್ವಾ ಚಕ್ಕವಾಳ ಮುಖವಟ್ಟಿಆದಿಸು ಠಿತಾಹಿ ದೇವತಾಹಿ ಪವಿದ್ಧಾ ಅನ್ತರಾ ಅವಿಪ್ಪಕಿರಿತ್ವಾ ತಥಾಗತಸ್ಸೇವ ಸರೀರಂ ಓಕಿರನ್ತಿ ದಿಬ್ಬಾನಿಪಿ ತುರಿಯಾನಿ ಅನ್ತಲಿಕ್ಖೇ ವಜ್ಜನ್ತಿ. ನ ಕೇವಲಞ್ಚ ತಾನಿಯೇವ ಸಬ್ಬಾನಿಪಿ ತನ್ತಿಬದ್ಧ ಚಮ್ಮಪರಿಯೋನದ್ಧ ಸುಸಿರಾದಿ ಭೇದಾನಿ ದಸಸಹಸ್ಸಚಕ್ಕವಾಳೇ ದೇವ-ನಾಗವ-ಸುಪಣ್ಣ-ಮನುಸ್ಸಾನಂ ತುರಿಯಾನಿ ಏಕಚಕ್ಕವಾಳೇ ಸನ್ನಿಪತಿತ್ವಾ ಅನ್ತಲಿಕ್ಖೇ ವಜ್ಜನ್ತಿ.

ವರಚಾರಣದೇವತಾ ಕಿರ ನಾಮೇಕಾ ದೀಘಾಯುಕಾ ದೇವತಾ ಮಹಾಪುರಿಸೋ ಮನುಸ್ಸಪಥೇ ನಿಬ್ಬತ್ತಿತ್ವಾ ಬುದ್ಧೋ ಭವಿಸ್ಸತೀತಿ ಸುತ್ವ ಪಟಿಸಣ್ಧಿದಿವಸೇ ಗಣ್ಹಿತ್ವಾ ಗಮಿಸ್ಸಾಮಾತಿ ಮಾಲಾ ಗನ್ಥಿತುಂ ಆರಭಿಂಸು ತಾ ಗಣ್ಥಮಾನಾವ ಮಹಾಪುರಿಸೇ ಮಾತುಕುಚ್ಛಿಯಂ ನಿಬ್ಬತ್ತೇ ತುಮ್ಭೇ ಕಸ್ಸ ಗಣ್ಥಥಾತಿ ವುತ್ತಾ ನ ತಾವ ತಿಟ್ಠಾತಿ ಕುಚ್ಛಿತೋ ನಿಕ್ಖಮನ ದಿವಸೇ ಗಹೇತ್ವಾ ಗಮಿಸ್ಸಾಮಾತಿ ಆಹಂಸು ಪುನ ನಿಕ್ಖೇನ್ತೋತಿ ಸುತ್ವಾ ಮಹಾಭಿನಿಕ್ಖಮನದಿವಸೇ ಗಮಿಸ್ಸಾಮಾತಿ ಮಹಾಭಿನಿಕ್ಖಮನಂ ನಿಕ್ಖನ್ತೋತಿ ಸುತ್ವಾ ಅಭಿಸಮ್ಬೋಧಿ ದಿವಸೇ ಗಮಿಸ್ಸಾಮಾತಿ. ಅಜ್ಜ ಅಭಿಸಮ್ಬುದ್ಧೋತಿ ಸುತ್ವಾ ಧಮ್ಮಚಕ್ಕಪ್ಪವತ್ತನದಿವಸೇ ಗಮಿಸ್ಸಾಮಾತಿ ಧಮ್ಮಚಕ್ಕಂ ಪವತ್ತಯೀತಿ ಸುತ್ವಾ ಯಮಕಪಾಟಿಹಾರಿಯದಿವಸೇ ಗಮಿಸ್ಸಾಮಾತಿ. ಅಜ್ಜ ಯಮಕಪಾಟಿಹಾರಿಯಂ ಕರೀತಿ ಸುತ್ವಾ ದೇವೋ ರೋಹನದಿವಸೇ ಗಮಿಸ್ಸಾಮಾತಿ. ಅಜ್ಜ ದೇವೋರೋಹನಂ ಕರೀತಿ ಸುತ್ವಾ ಆಯುಸಙ್ಖಾರೋಸ್ಸಜ್ಜನೇ ಗಮಿಸ್ಸಾಮಾತಿ ಆಯುಸಙ್ಖಾರಂ ಓಸ್ಸಜೀತಿ ಸುತ್ವಾ ನ ತಾವ ನಿಟ್ಠಾತಿ ಪರಿನಿಬ್ಬಾನದಿವಸೇ ಗಮಿಸ್ಸಾಮಾತಿ?

ಅಜ್ಜ ¶ ಭಗವಾ ಯಮಕಸಾಲಾನಮನ್ತರೇ ದಕ್ಖಿಣೇನ ಪಸ್ಸೇನ ಸತೋ ಸಮ್ಪಜಾನೋ ಸೀಹಸೇಯ್ಯಂ ಉಪಗತೋ ಬಲವ ಪಚ್ಚುಸಮಯೇ ಪರಿನಿಬ್ಬಾಯಿಸ್ಸತಿ ತುಮ್ಹೇ ಕಸ್ಸ ಗಣ್ಥಥಾತಿ ವುತ್ತಾ ಪನ ಕಿನ್ನಾಮೇತಂ ಅಜ್ಜೇವ ಮಾತುಕುಚ್ಛಿಯಂ ಪಟಿಸಣ್ಧಿಂ ಗಣ್ಹಿ ಅಜ್ಜೇವ ಕುಚ್ಛಿತೋ ನಿಕ್ಖನ್ತೋ, ಅಜ್ಜೇವ ಮಹಾಭಿನಿಕ್ಖಮನಂ ನಿಕ್ಖಮಿ. ಅಜ್ಜೇವಬುದ್ಧೋ ಅಹೋಸಿ ಅಜ್ಜೇವ ಧಮ್ಮಚಕ್ಕಂ ಪವತ್ತಯಿ. ಅಜ್ಜೇವ ಯಮಕಪಾಟಿಹಾರಿಯಂ ಅಕಾಸಿ. ಅಜ್ಜೇವ ದೇವಲೋಕಾ ಓತಿನಣ್ಣಾ. ಅಜ್ಜೇವ ಆಯುಸಙ್ಖರಂ ಓಸ್ಸಜಿ. ಅಜ್ಜೇವ ಕಿರ ಪರಿನಿಬ್ಬುತೋ. ನನು ನಾಮ ದುತಿಯ ದಿವಸೇ ಯಾಗುಪಾನ ಕಾಲಮತ್ತಮ್ಪಿ ಠಾತಬ್ಬಂ ಅಸ್ಸ, ದಸ ಪಾರಮಿಯೋ ಪೂರೇತ್ವಾ ಬುದ್ಧತ್ತಂ ಪತ್ತಸ್ಸ ನಾಮ ಅನನುಚ್ಛವಿಕನ್ತಿ ಅಪರಿ ನಿಟ್ಠಿತಾವ ಮಾಲಾಯೋ ಗಹೇತ್ವಾ ಆಗಮ್ಮ ಅನ್ತೋ ಚಕ್ಕವಾಳೇ ಓಕಾಸಂ ಆಲಭಮಾನಾ ಚಕ್ಕವಾಳ ಮುಖವಟ್ಟಿಯಂ ಲಭಿತ್ವಾ ಆಧಾವನ್ತಿಯೋ ಹತ್ಥೇನ ಹತ್ಥಂ ಗೀವಾಯ ಗೀವಂ ಗಹೇತ್ವಾ ತೀಣಿ ರತನಾನಿ ಆರಬ್ಭದ್ವತ್ತಿಂಸಮಹಪುರಿಸಲಕ್ಖಣಾನಿ ಛಬ್ಬಣ್ಣರಂಸಿಯೋ ದಸಪಾರಮಿಯೋ ಅದ್ಧಚ್ಛಟ್ಠಾನಿ ಜಾತಕಸತಾನಿ ಚುದ್ದಸ್ಸ ಬುದ್ಧಞಾಣಾನಿ ಆರಬ್ಭ ಗಾಯಿತ್ವಾ ತಸ್ಸ ತಸ್ಸ ಅವಸಾನೇ ಸಹಾಯ ಹೇ ಸಹಾಯ ಹೇತಿ ವದನ್ತಿ. ಇದಮೇತಂ ಪಟಿಚ್ಚವುತ್ತಂ-ದಿಬ್ಬಾನಿಪಿ ಸಂಗೀತಾನಿ ಅನ್ತಲಿಕ್ಖೇ ವತ್ತನ್ತಿತಿ.

ಭಗವಾ ಪನ ಏವಂ ಮಹತಿಯಾ ಪೂಜಾಯ ವತ್ತಮಾನಯಾ ಪಠಮಯಾಮೇ ಮಲ್ಲಾನಂ ಧಮ್ಮಂ ದೇಸೇಸಿ ಮಜ್ಝಿಮಯಾಮೇ ಸುಭದ್ದಸ್ಸ ಧಮ್ಮಂ ದೇಸೇತ್ವಾ ತಂ ಮಗ್ಗಫಲೇ ಪತಿಟ್ಠಾಪೇಸಿ ಪಚ್ಛಿಮಯಾಮೇ ಭಿಕ್ಖು ಓವದಿತ್ವಾ ಬಲವ ಪಚ್ಚೂಸ ಸಮಯೇ ಮಹಾಪಥವಿಂ ಕಮ್ಪೇನ್ತೋ ಅನುಪಾದಿಸೇಸಾಯ ನಿಬ್ಬಾನಧಾತುಯಾ ಪರಿನಿಬ್ಬಾಯಿ ಪರಿನಿಬ್ಬುತೇ ಪನ ಭಗವತಿ ಲೋಕನಾಥೇ ಆನಣ್ದತ್ಥೇರೋ ಮಲ್ಲರಾಜುನಂ ತಂ ಪವತ್ತಿಂ ಆರೋಚೇತಿ ತೇ ಸುತ್ವಾವ ಗಣ್ಧಮಾಲಂ ಸಬ್ಬಞ್ಚ ತಾಲಾವಚರಂ ಪಞ್ಚ ಚ ದುಸ್ಸಯುಗಸತಾನಿ ಆದಾಯ ಗನ್ತ್ವಾ ಭಗವತೋ ಸರೀರಂ ನಚ್ಚೇಹಿ - ಗೀತೇಹಿ - ವಾದಿತೇಹಿ - ಮಾಲೇಹಿ - ಗಣ್ಧೇಹಿ ಸಕ್ಕರೋನ್ತಾ ಗರುಕರೋನ್ತಾ ಮಾನೇನ್ತಾ - ಪೂಜೇನ್ತಾ ಚೇಲವಿತಾನಾನಿ ಕರೋನ್ತಾ ಮಣ್ಡಲ ಮಾಲಾನಿ ಪಟಿಯಾದೇನ್ತಾ ಏವಂ ತಾ ದಿವಸಂ ವೀತಿನಾಮೇಸುಂ.

ಅಥ ದೇವತಾನಞ್ಚ ಕೋಸಿನಾರಕಾನಂ ಮಲ್ಲಾನಞ್ಚ ಏತದಹೋಸಿ-ಅತಿವಿಕಾಲೋ ಖೋ ಅಜ್ಜ ಭಗವತೋ ಸರೀರ ಝಾಪೇತುಂ, ಸ್ವೇದಾನಿ ಭಗವತೋ ಸರೀರಂ ಝಪೇಸ್ಸಾಮಾತಿ ತಥಾ ದುತಿಯಮ್ಪಿ ದಿವಸಂ ವೀತಿನಾಮೇಸುಂ. ತಥಾ ತತಿಯಂ ಚತುತ್ಥಂ ಪಞ್ಚಮಂ ಛಟ್ಠಮ್ಪಿ ದಿವಸಂ ವೀತಿನಾಮೇಸುಂ ಸತ್ತ ಮೇ ದಿವಸೇ ದೇವತಾ ಚ ದೋಸಿನಾರಕಾ ಮಲ್ಲಾ ಚ ಭಗವತೋ ಸರೀರಂ ದಿಬ್ಬೇಹಿ ಮಾನುಸಕೇಹಿ ಚ ನಚ್ಛೇಹಿ - ಗೀತೇಹಿ - ವಾದಿತೇಹಿ - ಮಾಲೇಹಿ - ಗಣ್ಧೇಹಿ ಸಕ್ಕಾರೋನ್ತೋ ಗರುಕರೋನ್ತಾ ಮಾನೇನ್ತಾ ಪೂಜೇನ್ತಾ ನಗರಮಜ್ಝೇನ ನೀಹರಿತ್ವಾ ಯತ್ಥ ಮಕುಟಬಣ್ಧನಂ ನಾಮ ಮಲ್ಲಾನಂ ಚೇತಿಯಂ ತತ್ಥ ನಿಕ್ಖಿಪಿಂಸು

ತೇನ ಖೋ ಪನ ಸಮಯೇನ ಕುಸಿನಾರಾ ಯಾವ ಸನ್ಧಿಸಮಲ ಸಂಕಟೀರಾಜನ್ನುಮತ್ತೇನ ಓಧಿನಾ ಮಣ್ದಾರವ ಪುಪ್ಫೇನ ಸತ್ಥತಾ ಹೋತಿ ಅಥ ಖೋ ಕೋಸಿನಾರಕಾ ¶ ಮಲ್ಲಾ ಭಗವತೋ ಸರೀರಂ ಚಕ್ಕವತ್ತಿಸ್ಸ ಸರೀರಂ ವಿಯ ಅಹತೇನ ವತ್ಥೇನ ವೇಠೇಸುಂ ಅಹತೇನ ವತ್ಥೇನ ವೇಠೇತ್ವಾ ವಿಹತೇನ ಕಪ್ಪಾಸೇನ ವೇಠೇಸುಂ ವಿಹತೇನ ಕಪ್ಪಾಸೇನ ವೇಠೇತ್ವಾ ಅಹತೇನ ವತ್ಥೇನ ವೇಠೇಸುಂ. ಏತೇನೇವ ನಯೇನ ಪಞ್ಚಹಿಯುಗಸತೇಹಿ ವೇಠೇತ್ವಾ ಆಯಸಾಯ ತೇಲದೋಣಿಯಾ ಪಕ್ಖಿಪಿತ್ವಾ ಅಞ್ಞಿಸ್ಸಾ ಆಯಸಾಯ ದೋಣಿಯಾ ಪಟಿಕುಜ್ಜೇತ್ವಾ ಸಬ್ಬಗನ್ಧಾನಂ ಚಿತಕಂ ಕರಿತ್ವಾ ಭಗವತೋ ಸರೀರಂ ಚಿತಕಂ ಆರೋಪೇಸುಂ. ತೇನ ಖೋ ಪನ ಸಮಯೇನ ಆಯಸ್ಮಾ ಮಹಾ ಕಸ್ಸಪೋ ಪಾವಾಯ ಕುಸಿನಾರಂ ಅದ್ಧಾನಮಗ್ಗ ಪಟಿಪನ್ನೋ ಹೋತಿ ಮಹತಾಭಿಕ್ಖುಸಙ್ಘೇನ ಸದ್ಧಿಂ ಪಞ್ಚಮತ್ತೇಹಿ ಭಿಕ್ಖುಸತೇಹಿ ತೇನ ಖೋ ಪನ ಸಮಯೇನ ಥೇರೇ ಚಿತ್ತಂ ಪಸಾದೇತ್ವಾ ಸಗ್ಗೇ ನಿಬ್ಬತ್ತಾ ದೇವತಾ ತಸ್ಮಿಂ ಸಮಾಗಮೇ ಥೇರಂ ಅದಿಸ್ವಾ ಕುಹಿನ್ನು ಖೋ ಅಮ್ಹಾಕಂ ಕುಲುಪಗ ಥೇರೋತಿ ಆವಜ್ಜೇನ್ತೋ ಅನ್ತರಾಮಗ್ಗಪಟಿಪನ್ನಂ ದಿಸ್ವಾ ಅಮ್ಹಾಕಂ ಕುಲುಪಗ ಥೇರೇ ಅವಣ್ದಿತೇ ಚಿತಕೋ ಮಾ ಪಜ್ಜಲಿತ್ಥಾತಿ ಅಧಿಟ್ಠಿಹಿಂಸು.

ಅಥ ಖೋ ಚತ್ತಾರೋ ಮಲ್ಲಪಾಮೋಕ್ಖಾ ಸೀಸಂ ನಹಾತಾ ಅಹತಾನಿ ವತ್ಥಾನಿ ನಿಚತ್ಥಾ ವೀ ಸಂರತನಸತಿಕಂ ಚಣ್ದನಚಿತಕಂ ಆಲಿಮ್ಪೇಸ್ಸಾಮಾತಿ ಅಟ್ಠಪಿ ಸೋಲಸಪಿ ದ್ವತ್ತಿಂಸಾಪಿ ಜನಾ ಹುತ್ವಾ ಯಮಕ ಉಕ್ಕಯೋ ಗಹೇತ್ವಾ ತಾಲವಣೇಟಹಿ ವಿಜನ್ತಾ ಭಸ್ತಾನಿ ಧಮನ್ತಾ ನ ಸಕ್ಕೋನ್ತಿಯೇವ ಅಗ್ಗಿಂ ಗಾಹಾಪೇತುಂ. ಅಥ ಖೋ ಕೋಸಿನಾರಕಾ ಮಲ್ಲಾ ಚಿತಕಸ್ಸ ಅಪಜ್ಜಲನ ಕಾರಣಂ ಆಯಸ್ಮನ್ತಂ ಅನುರುದ್ಧಂ ಪುಚ್ಛಿತ್ವಂ ದೇವತಾನಂ ಅಭಿಪ್ಪಾಯಂ ಸುತ್ವಾ ಮಹಾಕಸ್ಸಪೋ ಕಿರ ಭೋ ಪಞ್ಚಹಿ ಭಿಕ್ಖುಸತೇಹಿ ಸದ್ಧಿಂ ದಸಬಲಸ್ಸ ಪಾದೇ ವನ್ದಿಸ್ಸಾಮೀತಿ ಆಗಚ್ಛತಿ ತಸ್ಮಿಂ ಕಿರ ಅನಾಗತೇ ಚಿತಕೋ ನ ಪಜ್ಜಲತಿ ಕೀದಿಸೋ ಭೋಸೋ ಭಿಕ್ಖು ಕಾಲೋ ಓದಾತೋ ದೀಘೋ ರಸ್ಸೋ ಏವರೂಪೇ ನಾಮ ಭೋ ಭಿಕ್ಖುಮ್ಹಿ ಠಿತೋ ಕಿಂ ದಸಬಲಸ್ಸ ಪರಿನಿಬ್ಬಾನಂ ನಾಮಾತಿ ದೇಚಿ ಗಣ್ಧಮಾಲಾದಿ ಹತ್ಥಾ ಪಟಿಪಥಂ ಗಚ್ಛಿಂಸು ಕೇಚಿ ವೀಥಿಯೋ ವಿಚಿತ್ತಾ ಕತ್ವಾ ಆಗಮನಮಗ್ಗಂ ಓಲೋಕಯಮಾನಾ ಅಟ್ಠಂಸು. ಅಥ ಖೋ ಆಯಸ್ಮಾ ಮಹಾಕಸ್ಸಪೋ ಯೇನ ಕುಸಿನಾರಾ ಮಕೂಟಬಣ್ಧನಂ ನಾಮ ಮಲ್ಲಾನಂ ಚೇತಿಯಂ, ಯೇನ ಭಗವತೋ ಚಿತಕೋ ತೇನುಪಸಙ್ಕಮಿ. ಉಪಸಙ್ಕಮಿತ್ವಾ ಏಕಂಸಂ ಚೀವರಂ ಕತ್ವಾ ತಿಕ್ಖತ್ತುಂ ಚಿತಕಂ ಪದಕ್ಖಿಣಂ ಕತ್ವಾ ಆವಜ್ಜೇನ್ತೋವ ಸಲ್ಲಕ್ಖೇಸಿ-ಇಮಸ್ಮಿಂ ಠಾನೇ ಪಾದಾತಿ ತತೇ ಪಾದಸಮೀಪೇ ಠತ್ವಾ ಅಭಿಞ್ಞಾಪಾದಕಂ ಚತುತ್ಥಜ್ಝಾನಂ ಸಮಾಪಜ್ಜಿತ್ವಾ ವುಟ್ಠಾಯ ಅರಸಹಸ್ಸ ಪತಿಮಣ್ಡಿತಾ ದಸಬಲಸ್ಸ ಪಾದಾ ಸದ್ಧಿಂ ಕಪ್ಪಾಸ ಪಟಲೇಹಿ ಪಞ್ಚದುಸ್ಸಯುಗಸತಾನಿ ಸುವಣ್ಣದೋಣಿಂ ವಣ್ದನಚಿತಕಞ್ಚ ದ್ವೇಧಾ ಕತ್ವಾ ಮಯ್ಹಂ ಉತ್ತಮಙ್ಗೇ ಸಿರಸಿ ಪತಿಟ್ಠಹನ್ತೂತಿ ಅಧಿಟ್ಠಾಸಿ ಸಹ ಅಧಿಟ್ಠಾನ ಚಿತ್ತೇನ ತಾನಿ ದುಸ್ಸಯುಗಾದಿನಿ ದ್ವೇಧಾ ಕತ್ವಾ ವಲಾಹಕನ್ತರಾ ಪುಣ್ಣಚಣ್ದೋ ವಿಯ ಪಾದಾ ನಿಕ್ಖಮಿಂಸು.

ಥೇರೋ ವಿಕಸಿತ ರತ್ತಪದುಮ ಸದಿಸೇ ಹತ್ಥೇ ಪಸಾರೇತ್ವಾ ಸುವಣ್ಣವಣ್ಣೇ ಸತ್ಥು ಪಾದೇ ಯಾವ ಗೋಪ್ಫಕಾ ಬಾಳ್ಹಂ ಗಹೇತ್ವ ಅತ್ತನೋ ಸಿರವರೇ ಪತಿಟ್ಠಾಪೇಸಿ ಮಹಾಜನೋ ತಂ ಅಚ್ಛರಿಯಂ ದಿಸ್ವಾ ಏಕಪ್ಪಹಾರೇ ನೇವ ಮಹಾನಾದಂ ನದಿ. ಗಣ್ಧಮಾಲಾದೀಹಿ ಪೂಜೇತ್ವಾ ಯಥಾರುಚಿಂ ವಣ್ದಿ. ಏವ ಪನ ¶ ಥೇರೇನ ಚ ಮಹಾಜನೇನ ಚ ತೇಹಿ ಚ ಪಞ್ಚಹಿ ಭಿಕ್ಖುಸತೇಹಿ ವಣ್ದಿತ ಮತ್ತೇಥೇರಸ್ಸ ಹತ್ಥತೋ ಮುಞ್ಚಿತ್ವಾ ಅಲತ್ತಕ ವಣ್ಣಾನಿ ಭಗವತೋ ಪಾದತಾಲಾನಿ ದಾರುಆದಿಸು ಕಿಞ್ಚಿ ಅಚಾಲೇತ್ವಾವ ಯಥಾಟ್ಠಾನೇ ಪತಿಟ್ಠಹಿಂಸು. ಭಗವತೋ ಪಾದೇಸು ನಿಕ್ಖಮನ್ತೇಸು ವಾ ಪವಿಸನ್ತೇಸು ವಾ ಕಪ್ಪಾಸಅಂಸು ವಾ ದಸಾತನ್ತು ವಾ ತೇಲಬಿಣ್ದು ವಾ ದಾರುಖಣ್ಡಂ ವಾ ಠಾನಾ ಚಲಿತಂ ನಾಮ ನಾಹೋಸಿ. ಸಬ್ಬಂ ಯಥಾಟ್ಠಾನೇ ಠಿತಮೇವ ಅಹೋಸಿ. ಉಟ್ಠಹಿತ್ವಾ ಪನ ಅತ್ಥಙ್ಗತೇ ಚಣ್ದೇ ವಿಯ ಸೂರಿಯೇ ವಿಯ ಚ ತಥಾಗತಸ್ಸ ಪಾದೇಸು ಅನ್ತರಹಿತೇಸು ಮಹಾಜನೋ ಮಹಾಕಣ್ದಿತಂ ಕಣ್ದಿ. ಪರಿನಿಬ್ಬುತಕಾಲತೋ ಅಧಿಕತರಂ ಕಾರುಞ್ಞಂ ಅಹೋಸಿ ಅಥ ಖೋ ದೇವಾತಾನುಭಾವೇನ ಪನೇಸ ಚಿತಕೇ ಸಮನ್ತತೋ ಏಕಪ್ಪಹಾರೇನೇವ ಪಜ್ಜಲಿ. ಝಾಯಮಾನಸ್ಸ ಭಗವತೋ ಸರೀರಸ್ಸ ಛವಿ ಚಮ್ಮ ಮಂಸಾದೀನಂ ನೇವ ಛಾರಿಕಾಮತ್ತಮ್ಪಿ ಅನ್ತಮಸೋ ಪಞ್ಞಾಯಿತ್ಥ ನ ಮಸಿ, ಸುಮನ ಮಕುಲ ಸದಿಸಾ ಪನ ಧೋತಮುತ್ತ ಸದಿಸಾ ಸುವಣ್ಣಸದಿಸಾ ಚ ಧಾತುಯೋ ಅವಸಿಸ್ಸಿಂಸು.

ದೀಘಾಯುಕ ಬುದ್ಧಾನಞ್ಹಿ ಸರೀರಂ ಸುವಣ್ಣಕ್ಖಣ್ಧಸದಿಸಂ ಏಕಘನಮೇವ ಹೋತಿ. ಭಗವಾ ಪನ ಅಹಂನ ಚಿರಂ ಠತ್ವಾ ಠತ್ವಾ ಪರಿನಿಬ್ಬಾಯಾಮಿ. ಮಯ್ಹಂ ಸಾಸನಂ ನ ತಾವ ಸಬ್ಬತ್ಥ ವಿತ್ಥಾರಿತಂ, ತಸ್ಮಾ ಪರಿನಿಬ್ಬುತಸ್ಸಪಿ ಮೇ ಸಾಸಸಮತ್ತಮ್ಪಿ ಧಾತುಂ ಗಹೇತ್ವಾ ಅತ್ತನೋ ಅತ್ತನೋ ವಸನಟ್ಠಾನೇ ಚೇತಿಯಂ ಕತ್ವಾ ಪರಿಚರನ್ತೋ ಮಹಾಜನೋ ಸಗ್ಗಪರಾಯನೋ ಹೋತಿತಿ ಧಾತೂನಂ ವಿಕಿರಣಂ ಅಧಿಟ್ಠಾಸಿ. ಕತಿ ಪನಸ್ಸ ಧಾತುಯೋ ವಿಪ್ಪಕಿಣ್ಣಾ, ಕತಿ ನ ವಿಪ್ಪಕಿಣ್ಣಾತಿ ಚತಸ್ಸೋ ದಾಟ್ಠಾ, ದ್ವೇ ಅಕ್ಖಕಾ, ಉಣ್ಹೀಸನ್ತಿ ಇಮಾ ಸತ್ತಧಾತುಯೋ ನ ವಿಪ್ಪಕಿಣ್ಣಾ. ಸೇಸಾ ವಿಪ್ಪಕಿರಿಂಸು. ತತ್ಥ ಸಬ್ಬಖುದ್ದಕಾ ಧಾತು ಸಾಸಪ ಬೀಜಮತ್ತಾ ಅಹೋಸಿ ಮಹಾಧಾತು ಮಜ್ಝೇ ಭಿನ್ನ ತಣ್ಡುಲಮತ್ತಾ. ಅತಿಮಹತೀ ಮಜ್ಝೇ ಭಿನ್ನಮುಗ್ಗ ಬೀಜಮತ್ತಾ ಅಹೋಸಿ.

ದಡ್ಢೇ ಖೋ ಪನ ಭಗವತೋ ಸರೀರೇ ಆಕಾಸತೋ ಅಗ್ಗಬಾಹುಮತ್ತಾಪಿ ಜಙ್ಘಮತ್ತಾಪಿ ತಾಲಕ್ಖಣ್ಧಮತ್ತಾಪಿ ಉದಕಧಾರಾ ಪತಿತ್ವಾ ಚಿತಕಂ ನಿಬ್ಬಾಪೇಸಿ ನ ಕೇವಲಂ ಆಕಾಸತೋಯೇವ ಪರಿವಾರೇತ್ವಾ ಠಿತಸಾಲರುಕ್ಖಾನಮ್ಪಿ ಸಾಖತ್ತರ ವಿಟಪನ್ತರೇಹಿ ಉದಕಧಾರಾ ನಿಕ್ಖಮಿತ್ವಾ ನಿಬ್ಬಾಪೇಸುಂ, ಭಗವತೋ ಚಿತಕೋ ಮಹನ್ತೋ, ಸಮನ್ತಾ ಪಥವಿಂ ಭಿಣ್ದಿತ್ವಾ ತಂಙ್ಗಲಸೀಸಮತ್ತಾ ಉದಕವಟ್ಟಿ ಏಳಿಕ ವಟಂಸಕ ಸದಿಸಾ ಗನ್ತ್ವಾ ಚಿತಕಮೇವ ಗಣ್ಹಿ ಮಲ್ಲರಾಜಾನೋ ಚ ಸುವಣ್ಣಘಟೇ ರಜತಘಟೇ ಚ ಪೂರೇತ್ವಾ ಆಭತ ನಾನಾಗಣ್ಧೋದಕೇನ ಸುವಣ್ಣ ರಜತಮಯೇಹಿ ಅಟ್ಠದನ್ತಕೇಹಿ ವಿಕಿರಿತ್ವಾ ಚಣ್ದನಚಿತಕಂ ನಿಬ್ಬಾಪೇಸುಂ. ತತ್ಥ ಚಿತಕೇ ಝಯಮಾನೇ ಪರಿವಾರೇತ್ವಾ ಠಿತ ಸಾಲರುಕ್ಖಾನಂ ಸಾಖನ್ತರೇಹಿ ವಿಟಪನ್ತರೇಹಿ ಪತ್ತನ್ತರೇಹಿ ಚ ಜಾಲೇ ಉಗ್ಗಚ್ಛನ್ತೇ ಪತ್ತಂ ವಾ ಸಾಖಾ ವಾ ದಡ್ಢಾ ನಾಮ ನತ್ಥಿ ಕಿಪಿಲ್ಲಿಕಾಪಿ ಮಕ್ಕಟಕಾಪಿ ಪಾಣಕಾಪಿ ಜಾಲಾನಂ ಅನ್ತರೇ ನೇವ ವಿಚರನ್ತಿ.

ಆಕಾಸತೋ ಪತಿತ ಉದಕಧಾರಾಸುಪಿ ಸಾಲರುಕ್ಖೇಹಿ ನಿಕ್ಖನ್ತ್ौದಕಧಾರಾಸುಪಿ ಪಥವಿಂ ಭಿಣ್ದಿತ್ವಾ ನಿಕ್ಖನ್ತ ಉದಕಧಾರಾಸುಪಿ ಧಮ್ಮತಾವ ಪಮಾಣಂ ಏವಂ ¶ ಚಿತಕಂ ನಿಬ್ಬಾಪೇತ್ವಾ ಪನ ಮಲ್ಲರಾಜಾನೋ ಸನ್ಥಾಗಾರೇ ಚತುಜಾತಿಗಣ್ಧ ಪರಿಭಣ್ಡಂ ಕಾರೇತ್ವಾ ಲಾಜ ಪಞ್ಚಮಾನಿ ಪುಪ್ಫಾನಿ ವಿಕಿರಿತ್ವಾ ಉಪರಿ ಚೇಲವಿತಾನಂ ಬಣ್ಧಾಪೇತ್ವಾ ಸುವಣ್ಣತಾರಕಾಹಿ ಖಚೇತ್ವಾ ತತ್ಥ ಗಣ್ಧದಾಮ ಮಾಲಾದಾಮ ರತನದಾಮಾನಿ ಓಲಮ್ಬೇತ್ವಾ ಸತ್ಥಾಗಾರತೋ ಯಾವ ಮಕುಟ ಬಣ್ಧನ ಸಙ್ಖಾತಾ ಸೀಸಪ್ಪಸಾಧನ ಮಙ್ಗಲಸಾಲಾ ತಾವ ಉಭೋಹಿ ಪಸ್ಸೇಹಿ ಸಾಣಿಕಿಲಞ್ಜ ಪರಿಕ್ಖೇಪಂ ಕಾರೇತ್ವಾ ಉಪರಿ ಚೇಲವಿತಾನಂ ಬಣ್ಧಾಪೇತ್ವಾ ಸುವಣ್ಣತಾರಕಾಹಿ ಖಚೇತ್ವಾ ತತ್ಥಾಪಿ ಗಣ್ಧದಾಮ ಮಾಲಾದಾಮ ರತನದಾಮಾನಿ ಓಲಮ್ಬೇತ್ವಾ ಮಣಿದಣ್ಡೇಹಿ ಪಞ್ಚವಣ್ಣಧಜೇ ಉಸ್ಸಪೇತ್ವಾ ಸಮನ್ತಾ ಧಜಪತಾಕಾ ಪಿರಿಕ್ಖಿಪಿತ್ವಾ ಸಿತ್ತಸಮ್ಮಟ್ಠಾಸು ವೀಥಿಸು ಕದಲಿಯೋ ಪುಣ್ಣಘಟೇ ಚ ಠಪೇತ್ವಾ ದಣ್ಡದೀಪಿಕಾ ಜಾಲೇತ್ವಾ ಅಲಙ್ಕತ ಹತ್ಥಿಕ್ಖಣ್ಧೇ ಸಹಧಾತೂಹಿ ಸುವಣ್ಣದೋಣಿಂ ಠಪೇತ್ವಾ ಮಾಲಾಗಣ್ಧಾದೀಹಿ ಪೂಜೇತ್ವಾ ಸಾಧುಕೀಳಂ ಕೀಳನ್ತಾ ಅನ್ತೋನಗರಂ ಪವೇಸೇತ್ವಾ ಸನ್ಥಾಗಾರೇ ಸರಭಮಯ ಪಲ್ಲಙ್ಕೇ ಠಪೇತ್ವಾ ಉಪರಿ ಸೇತಚ್ಛತ್ತಂ ಧಾರಯಿತ್ವಾ ಸತ್ತಿ ಹತ್ಥೇಹಿ ಪುರಿಸೇಹಿ ಪರಿಕ್ಖಿಪಾಪೇತ್ವಾ ಹತ್ಥೀಹಿ ಕುಮ್ಭೇನ ಕುಮ್ಭಂ ಪಹರನ್ತೇಹಿ ಪರಿಕ್ಖಿಪಾಪೇತ್ವಾ ತತೋ ಅಸ್ಸೇಹಿ ಗೀವಾಯ ಗೀವಂ ಪಹರನ್ತೇಹಿ ತತೋ ರಥೇಹಿ ಆಣಿಕೋಟಿಯಾ ಆಣಿಕೋಟಿಂ ಪಹನ್ತೇಹಿ ತತೋ ಯೋಧೇಹಿ ಬಾಹೂಹಿ ಬಾಹುಂ ಪಹರನ್ತೇಹಿ ತೇಸಂ ಪರಿಯನ್ತೇ ಕೋಟಿಯಾ ಕೋಟಿಂ ಪಹರಮಾನೇಹಿ ಧನೂಹಿ ಪರಿಕ್ಖಿಪಾಪೇಸುಂ.

ಇತಿ ಸಮನ್ತಾ ಯೋಜನಪ್ಪಮಾಣಂ ಠಾನಂ ಸನ್ನಾಹಗಚ್ಛಿತಂ ವಿಯ ಕತ್ವಾ ಆರಕ್ಖಂ ಸಂವಿದಹಿಂಸು. ಕಸ್ಮಾ ಪನೇತೇ ಏವಮಕಂಸೂತಿ. ಇತೋ ಪುರಿಮೇಸು ದ್ವೀಸು ಸತ್ತಾಹೇಸು ತೇ ಭಿಕ್ಖುಸಙ್ಘಸ್ಸ ಠಾನನಿಸಜ್ಜೋಕಾಸಂ ಕರೋನ್ತಾ ಖಾದನೀಯ ಭೋಜನೀಯಂ ಸಂವಿದಹನ್ತಾ ಸಾಧುಕೀಳಾಯ ಓಕಾಸಂ ನ ಲಭಿಂಸು ತತೋ ತೇಸಂ ಅಹೋಸಿ - ಇಮಂ ಸತ್ತಾಹಂ ಸಾಧುಕೀಳಂ ಕೀಳಿಸ್ಸಾಮ. ಠಾನಂ ಖೋ ಪನೇತಂ ವಿಜ್ಜತಿ ಯಂ ಅಮ್ಹಾಕಂ ಪಮತ್ತಭಾವಂ ಞತ್ವಾ ಕೋಚೀದೇವ ಆಗನ್ತ್ವಾ ಧಾತುಯೋ ಗಣ್ಹಯ್ಯ-ತಸ್ಮಾ ಆರಕ್ಖಂ ಠಪೇತ್ವಾ ಕೀಳಿಸ್ಸಾಮಾತಿ ತೇನ ತೇ ಏವಮಕಂಸು.

ಅಥ ಖೋ ಅಸ್ಸೋಸಿ ಖೋ ರಾಜಾ ಮಾಗಧೋ ಅಜಾತಸತ್ತು ಭಗವಾ ಕಿರ ಕುಸಿನಾರಾಯಂ ಪರಿನಿಬ್ಬುತೋತಿ ಕಥಂ ಅಸ್ಸೋಸಿ ಪಠಮಮೇವಸ್ಸ ಅಮಚ್ಚಾ ಸುತ್ವಾ ಚಿನ್ತಯಿಂಸು? ಸತ್ಥಾ ನಾಮ ಪರಿನಿಬ್ಬುತೋ, ನ ಸೋ ಸಕ್ಕಾ ಪುನ ಆಹರಿಂತು ಪೋಥುಜ್ಜನಿಕ ಸದ್ಧಾಯ ಪನ ಅಮ್ಹಾಕಂ ರಞ್ಞಾ ಸದಿಸೋ ನತ್ಥಿ. ಸಚೇ ಏಸ ಇಮಿನಾವ ನಿಯಾಮೇನ ಸುಣಿಸ್ಸತಿ, ಹದಯಮಸ್ಸ ಏಳಿಸ್ಸತಿ ರಾಜಾ ಖೋ ಪನಮ್ಭೇಹಿ ಅನುರಕ್ಖಿತಬ್ಬೋತಿ ತೇ ತಿಸ್ಸೋ ಸುವಣ್ಣದೋಣಿಯೋ ಆಹರಿತ್ವಾ ಚತುಮಧುರಸ್ಸ ಪೂರೇತ್ವಾ ರಞ್ಞೋ ಸನ್ತಿಕಂ ಗನ್ತ್ವಾ ಏತದವೋಚುಂ. ದ್ವೇ ಅಮ್ಹೇಹಿ ಸುಪಿನಕೋ ದಿಟ್ಠೋ ತಸ್ಸ ಪಟಿಘಾತತ್ಥಂ ತುಮ್ಹೇಹಿ ದುಕೂಲಪಟ್ಟಂ ನಿವಾಸೇತ್ವಾ ಯಥಾ ನಾಸಾಪುಟಮತ್ತಂ ಪಞ್ಞಾಯತಿ ಏವಂ ಚತುಮಧುರದೋಣಿಯಂ ನಿಪಜ್ಜಿತುಂ ವಟ್ಟತೀತಿ. ರಾಜಾ ಅತ್ಥವರಕಾನಂ ವಚನಂ ಸುತ್ವಾ ಏವಂ ಹೋತು ತಾತಾ’ತಿ ಸಮ್ಪಟಿಚ್ಛಿತ್ವಾ ತಥಾ ಅಕಾಸಿ.

ಅಥೇಕೋ ¶ ಅಮಚ್ಚೋ ಅಲಙ್ಕಾರಂ ಓಮುಞ್ಚಿತ್ವಾ ಕೇಸೇ ಪರಿಕಿರಿಯ ಯಾಯ ದಿಸಾಯ ಸತ್ಥಾ ಪರಿನಿಬ್ಬುತೋ ತದಭಿಮುಖೋ ಹುತ್ವಾ ಅಞ್ಜಲಿಮ್ಪಗ್ಗಯ್ಹ ರಾಜಾನಂ ಆಹ- ದೇವಮರಣತೋ ಮುಞ್ಚನಕಸತ್ತೋ ನಾಮ ನತ್ಥಿ. ಅಮ್ಹಾಕಂ ಆಯುವದ್ಧಕೇನಾ ಚೇತಿಯಟ್ಠಾನಂ ಪುಞ್ಞಕ್ಖೇತ್ತಂ ಅಭಿಸೇಕಪಿಟ್ಠಿಕಾ ಭಗವಾ ಸತ್ಥಾ ಕುಸಿನಾರಾಯಂ ಪರಿನಿಬ್ಬುತೋತಿ ರಾಜಾ ಸುತ್ವಾ ವಿಸಞ್ಞೀ ಜಾತೋ ಚತುಮಧುರದೋಣಿ ಉಸುಮಂ ಮುಞ್ಚಿ ರಾಜಾನಂ ಉಕ್ಖಿಪಿತ್ವಾ ದುತಿಯಾಯ ದೋಣಿಯಾ ನಿಪಜ್ಜಾಪೇಸುಂ ಸೋ ಸಞ್ಞಂ ಲಭಿತ್ವಾ ತಾತ ಕಿಂ ವದಥಾತಿ ಪುಚ್ಛಿ. ಸತ್ಥಾ ಮಹಾರಾಜ ಪರಿನಿಬ್ಬುತೋತಿ, ಪುನ ವಿಸಞ್ಞಿ ಜಾತೋ ಚತುಮಧುರದೋಣಿಂ ಉಸುಮಂ ಮುಞ್ಚಿ. ಅಥ ನಂ ತತೋಪಿ ಉಕ್ಖಿಪಿತ್ವಾ ತತಿಯಾಯ ದೋಣಿಯಾ ನಿಪಜ್ಜಾಪೇಸುಂ ಸೋ ಪುನ ಸಞ್ಞಂ ಪಟಿಲಭಿತ್ವಾ ತಾತ ಕಿಂ ವದಥಾತಿ ಪುಚ್ಛಿ ಸತ್ಥಾ ಮಹಾರಾಜ ಪರಿನಿಬ್ಬುತೋತಿ. ರಾಜಾ ಪುನ ವಿಸಞ್ಞೀ ಜಾತೋ ಚ ಮಧುರದೋಣಿ ಉಸುಮಂ ಮುಞ್ಚಿ.

ಅಥ ನಂ ತತೋಪಿ ಉಕ್ಖಿಪಿತ್ವಾ ನಹಾಪೇತ್ವಾ ಮತ್ಥಕೇ ಘಟೇಹಿ ಉದಕಂ ಆಸಿಞ್ಚಿಂಸು ರಾಜಾ ಸಞ್ಞಂ ಪಟಿಲಭಿತ್ವಾ ಆಸನಾ ಉಟ್ಠಾಯ ಗಣ್ಧಪರಿಭಾವೀತೇ ಮಣಿವಣ್ಣಕೇಸೇ ಸುವಣ್ಣಫಲಕ ವಣ್ಣಾಯ ಪಿಟ್ಠಿಯಂ ಪಕಿರಿತ್ವಾ ಪವಾಳಙ್ಗುರವಣ್ಣಾಹಿ ಸುವಟ್ಟಿತಙ್ಗುಲೀಹಿ ಸುವಣ್ಣಬಿಮ್ಬಕ ವಣ್ಣಂ ಉರಂ ಸಂಸಿಬ್ಬನ್ತೋ ವಿಯ ಗಹೇತ್ವಾ ಪರಿದೇವಮಾನೋ ಉಮ್ಮತ್ತಕವೇಸೇನೇವ ಅನ್ತರವೀಥಿಂ ಓತಿಣ್ಣೋ ಸೋ ಅಲಙ್ಕತ ನಾಟಕ ಪರಿವುತೋ ನಗರಾ ನಿಕ್ಖಮ್ಮ ಜೀವಕಮ್ಬವನಂ ಗನ್ತ್ವಾ ಯಸ್ಮಿಂ ಠಾನೇ ನಿಸಿನ್ನೇನ ಭಗವತಾ ಧಮ್ಮೋ ದೇಸಿತೋ ತಂ ಓಲೋಕೇತ್ವಾ ಭಗವಾ ಸಬ್ಬಞ್ಞು ನನು ಮೇ ಇಮಸ್ಮಿಂ ಠಾನೇ ನಿಸೀದಿತ್ವಾ ಧಮ್ಮಂ ದೇಸಯಿತ್ಥ ತುಮ್ಹೇ ಸೋಕಸಲ್ಲಂ ವಿನೋದಯಿತ್ಥ. ತುಮ್ಹೇ ಮಯ್ಹಂ ಸೋಕಸಲ್ಲಂ ನೀಹರಿತ್ಥ. ಅಹಂ ತುಮ್ಹಾಕಂ ಸರಣಂ ಗತೋ. ಇದಾನಿ ಪನ ಮೇ ಪಟಿವಚನಮ್ಪಿ ನ ದೇಥ ಭಗವಾತಿ ಪುನಪ್ಪುನ ಪರಿದೇವಿತ್ವಾ ನನು ಭಗವಾ ಅಹಂ ಅಞ್ಞದಾ ಏವರೂಪೇ ಕಾಲೇ ತುಟ್ಠೇ ಮಹಾಭಿಕ್ಖುಸಙ್ಘಪರಿವಾರಾ ಜಮ್ಬುದೀಪತಲೇ ಚಾರಿಕಂ ಚರಥಾತಿ ಸುಣಾಮ ಇದಾನಿ ಪನ ಅಹಂ ತುಮ್ಹಾಕಂ ಅನನುರೂಪಂ ಅಯುತ್ತಂ ಪವತ್ತಿಂ ಸುಣಾಮೀತಿ ಏವಮಾದೀನಿ ಚ ವತ್ತಾ ಸಟ್ಠಿಮತ್ತಾಹಿ ಗಾಥಾಹಿ ಭಗವತೋ ಗುಣಂ ಅನುಸ್ಸರಿತ್ವಾ ಚಿನ್ತೇಸಿ ಮಮ ಪರಿದೇವಿತೇ ನೇವ ನ ಸಿಜ್ಝತಿ. ದಸಬಲಸ್ಸ ಧಾತುಯೋ ಆಹರಾಪೇಸ್ಸಾಮಿತಿ ಮಲ್ಲರಾಜುನಂ ದೂತಞ್ಚ ಪಣ್ಣಞ್ಚ ಪಾಹೇಸಿ.

ಭಗವಾಪಿ ಖತ್ತಿಯೋ, ಅಹಮ್ಪಿ ಖತ್ತಿಯೋ, ಅಹಮ್ಪಿ ಅರಹಾಮಿ ಭಗವತೋ ಸರೀರಾನಂ ಥೂಪಞ್ಚ ಮಹಞ್ಚ ಕಾರೇತುನ್ತಿ ಪೇಸೇತ್ವಾ ಪನ ಸಚೇ ದಸ್ಸನ್ತಿ ಸುಣ್ದರಂ, ನೋ ಚೇ ದಸ್ಸನ್ತಿ ಆಹರಣುಪಾಯೇನ ಆಹರಿಸ್ಸಾಮೀತಿ ಚತುರಙ್ಗಿನಿಂ ಸೇನಂ ಸನ್ನಯ್ಹಿತ್ವಾ ಸಯಮ್ಪಿ ನಿಕ್ಖನ್ತೋಯೇವ ಯಥಾ ಚ ಅಜಾತಸತ್ತು ಏವಂ ವೇಸಾಲಿಯಂ ಲಿಚ್ಛವಿರಾಜಾನೋ ಕಪಿಲವತ್ಥುಮ್ಹಿ ಸಕ್ಯರಾಜಾನೋ ಅಲ್ಲಕಪ್ಪಕೇ ಬುಲಯೋ ರಾಮಗಾಮಕೇ ಕೋಳಿಯಾ ವೇಠದೀಪಕೇ ಬ್ರಾಹ್ಮಣೋ ಪಾವಾಯಞ್ಚ ಮಲ್ಲಾ ದೂತಂ ಪೇಸೇತ್ವಾ ಸಯಮ್ಪಿ ಚತುರಙ್ಗಿನಿಯಾ ಸೇನಾಯ ನಿಕ್ಖಮಿಂಸುಯೇವ ತತ್ಥ ಪಾಚೇಯ್ಯಕಾ ಸಬ್ಬೇಹಿ ಆಸನ್ನತರಾ ಕುಸಿನಾರಾತೋ ¶ ತಿಗಾವುತನ್ತರೇ ನಗರೇ ವಸನ್ತಿ. ಭಗವಾಪಿ ಪಾವಂ ಪವಿಸಿತ್ವಾ ಕುಸಿನಾರಂ ಗತೋ. ಮಹಾಪರಿಹಾರಾ ಪನೇತೇ ರಾಜಾನೋ ಪರಿಹಾರಾ ಕಾರೇಂನ್ತಾವ ಪಚ್ಛತೋ ಜಾತಾ. ತೇ ಸಬ್ಬೇಪಿ ಸತ್ತನಗರವಾಸಿನೋ ಆಗತ್ತ್ವಾ ಅಮ್ಹಾಕಂ ಧಾತುಯೋ ವಾ ದೇನ್ತು ಯುದ್ಧಂ ವಾತಿ ಕುಸಿನಾರಾ ನಗರಂ ಪರಿವಾರಯಿಂಸು.

ತತೋ ಮಲ್ಲರಾಜಾನೋಏತದವೋಚುಂ-ಭಗವಾಅಮ್ಹಾಕಂಗಾಮಕ್ಖೇತ್ತೇ ಪರಿನಿಬ್ಬುತೋ, ನ ಮಯಂ ಸತ್ಥು ಸಾಸನಂ ಪಹಿಣಿಮ್ಹ ನ ಗತ್ತ್ವಾ ಆನಯಿಮ್ಹ. ಸತ್ಥಾ ಪಸ ಸಯಮೇವ ಆಗನ್ತ್ವಾ ಸಾಸನಂ ಪೇಸೇತ್ವಾ ಅಮ್ಹೇ ಪಕ್ಕೋಸಪೇಸಿ ತುಮ್ಹೇಪಿ ಖೋ ಪನ ಯಂ ತುಮ್ಹಾಕಂ ಗಾಮಕ್ಖೇತ್ತೇ ರತನಂ ಉಪ್ಪಜ್ಜತಿ ನ ತಂ ಅಮ್ಹಾಕಂ ದೇಥ ಸದೇವಕೇ ಲೋಕೇ ಬುದ್ಧರತನಸಮಂ ರತನಂ ನಾಮ ನತ್ಥಿ, ಏವರೂಪಂ. ಉತ್ತಮಂ ರತನಂ ಲಭಿತ್ವಾ ಮಯಂ ನ ದಸ್ಸಮಾತಿ ಏವಂ ತೇ ಕಲಹಂ ವಡ್ಢೇತ್ವಾ ನ ಖೋ ಪನ ತುಮ್ಹೇಹಿಯೇವ ಮಾತು ಥನತೋ ಖಿರಂ ಪೀತಂ, ಅಮ್ಹೇಹಿಪಿ ಪೀತಂ ತುಮ್ಹೇಯೇವ ಪುರಿಸಾ ಅಮ್ಹೇ ನ ಪುರಿಸಾ ಹೋತು ಹೋತೂತಿ ಅಞ್ಞಮಞ್ಞಂ ಅಹಂಕಾರಂ ಕತ್ವಾ ಸಾಸನ ಪಟಿಸಾಸನಂ ಪೇಸೇನ್ತಾ ಅಞ್ಞಮಞ್ಞಂ ಮಾನಗಜ್ಜಿತಂ ಗಜ್ಜಿಂಸು ಯುದ್ಧೇ ಪನ ಸತಿ ಕೋಸಿನಾರಕಾನಂಯೇವ ಜಯೋ ಅಭವಿಸ್ಸ, ಕಸ್ಮಾ ಧಾತುಪಾಸನತ್ಥಂ ಆಗತಾ ದೇವತಾ ತೇಸಂ ಪಕ್ಖಾಅಹೇಸುಂ.

ತತೋ ದೋಣೋ ಬ್ರಾಹ್ಮಣೋ ಇಮಂ ವಿವಾದಂ ಸುತ್ವಾ ಏತೇ ರಾಜಾನೋ ಭಗವತೇ ಪರಿನಿಬ್ಬುತಟ್ಠಾನೇ ವಿವಿದಂ ಕರೋನ್ತಿ ನ ಖೋ ಪನೇತಂ ಪತಿರೂಪಂ ಅಲಂ ಇಮಿನಾ ಕಲಹೇನ ಚೂಪಸಮೇಸ್ಸಾಮಿ ನ ನ್ತಿ ಉಣ್ಣತಪ್ಪದೇಸೇ ಠತ್ವಾ ದ್ವೇಭಾಣವಾರಪರಿಮಾಣಂ ದೋಣಗಜ್ಜಿತಂ ನಾಮ ಅವೋಚ ತತ್ಥ ಪಟ್ಠಮಕಭಾಣವಾರೇ ತಾವ ಏಕಪದಮ್ಪಿ ತೇ ನ ಜಾನಿಂಸು ದುತಿಯಕ ಭಾಣವಾರ ಪರಿಯೋಸಾನೇ’ಆಚರಿಯಸ್ಸ ವಿಯ ಭೋಸದ್ದೋ, ಆಚರಿಯಸ್ಸ ವಿಯ ಭೋ ಸದ್ದೋ’ತಿ ಸಬ್ಬೇ ನೀ ರವಾ ಅಹೇಸುಂ ಸಕಲಜಮ್ಬುದೀಪತಲೇ ಕಿರ ಕುಲಘರೇ ಜಾತೋ ಯೇಭುಯ್ಯೇನ ತಸ್ಸ ನ ಅನ್ತೇವಾಸಿಕೋ ನಾಮ ನತ್ಥಿ ಅಥ ಸೋ ತೇ ಅತ್ತನೋ ವಚನಂ ಸುತ್ವಾ ತುಣ್ಹೀಭೂತೇ ವಿದಿತ್ವಾ ಪುನ ಏತದವೋಚ

‘‘ಸುಣನ್ತು ಭೋನ್ತೋ ಮಮ ಏಕವಾಕ್ಯಂ

ಅಮ್ಹಾಕಂ ಬುದ್ಧೋ ಅಹು ಖನ್ತಿವಾದೋ,

ನ ಹಿ ಸಾಧಯಂ ಉತ್ತಮ ಪುಗ್ಗಲಸ್ಸ

ಸರೀರಭಙ್ಗೇ ಸಿಯಾ ಸಮ್ಪಹಾರೋ

ಸಬ್ಬೇವ ಭೋನ್ತೋ ಸಹಿತಾ ಸಮಗ್ಗಾ

ಸಮ್ಮೋದಮಾನಾ ಕರೋಮಟ್ಠಭಾಗೇ,

ವಿತ್ಥಾರಿಕಾ ಹೋನ್ತು ದಿಸಾಯು ಥೂಪಾ

ಬಹುಜ್ಜನೋ ಚಕ್ಖುಮತೋ ಪಸನ್ನೋ’’ತಿ;

ತತ್ರಾಯಮತ್ಥೋ ‘‘ಅಮ್ಹಾಕಂ ಬುದ್ಧೋ ಅಹು ಖನ್ತಿವಾದೋ‘‘ತಿ ಬುದ್ಧಭೂಮಿಂ ಅಪ್ಪತ್ವಾಪಿ ಪಾರಮಿಯೋ ಪೂರೇನ್ತೋ ಖನ್ತಿವಾದ ತಾಪಸಕಾಲೇ ಧಮ್ಮಪಾಲಕುಮಾರ ಕಾಲೇ ಛದ್ದನ್ತಹತ್ಥಿಕಾಲೇ ಭೂರಿದತ್ತ ನಾಗರಾಜ ಕಾಲೇ ಚಮ್ಪೇಯ್ಯ ¶ ನಾಗರಾಜ ಕಾಲೇ ಸಙ್ಖಪಾಲ ನಾಗರಾಜ ಕಾಲೇ ಮಹಾಕಪಿಕಾಲೇ ಅಞ್ಞೇಸುಪಿ ಬಹೂಸು ಜಾತಕೇಸು ಪರೇಸು ಕೋಪಂ ಅಕತ್ವಾ ಖನ್ತಿಮೇವ ಅಕಾಸಿ. ಖನ್ತಿಮೇವ ವಣ್ಣಯಿ, ಕಿಮಙ್ಗ ಪನ ಏತರಹಿ ಇಟ್ಠಾನಿಟ್ಠೇಸು ತಾದಿಲಕ್ಖಣಂ ಪತ್ತೋ ಸಬ್ಬಥಾಪಿ ಅಮ್ಹಾಕಂ ಬುದ್ಧೋ ಖನ್ತಿವಾದೋ ಅಹೋಸಿ.

ತಸ್ಸ ಏವಂ ವಿಧಸ್ಸ ನ ಹಿ ಸಾಧಯ ಉತ್ತಮಪುಗ್ಗಲಸ್ಸ ಸರೀರಭಙ್ಗೇ ಸಿಯಾ ಸಮ್ಪಹಾರೋ, ‘‘ನ ಹಿ ಸಾಧಯನ್ತಿ‘‘ನ ಹಿ ಸಾಧು ಅಯಂ, ‘‘ಸರೀರಭಙ್ಗೇತಿ ಸರೀರ ಭಙ್ಗನಿಮಿತ್ತಂ ಧಾತುಕೋಟ್ಠಾಸಹೇತೂತಿ ಅತ್ಥೋ ‘‘ಸಿಯಾ ಸಮ್ಪಹಾರೋ‘‘ತಿ ಆಯುಧ ಸಮ್ಪಹಾರೋ ನ ಹಿ ಸಾಧು ಸಿಯಾತಿ ವುತ್ತಂ ಹೋತಿ. ‘‘ಸಬ್ಬೇವ ಭೋನ್ತೋ ಸಹಿತಾ‘‘ತಿ ಸಬ್ಬೇವ ಭವನ್ತೋ ಸಹಿತಾ ಭೋಥ ಮಾ ಭಿಜ್ಜಿತ್ಥ. ‘‘ಸಮಗ್ಗಾತಿ‘‘ ಕಾಯೇನ ವಾಚಾಯ ಚ ಏಕಸನ್ನಿಪಾತಾ ಏಕವಚನಾ ಸಮಗ್ಗಾ ಭೋಥ ‘‘ಸಮ್ಮೋದಮಾನಾ‘‘ತಿ ಚಿತ್ತೇನಾಪಿ ಅಞ್ಞಮಞ್ಞಂ ಮೋದಮಾನಾ ಭೋಥ.’ಕರೋಮಟ್ಠಭಾಗೇ‘‘ತಿ ಭಗವತಾ ಸರೀರಾನಿ ಅಟ್ಠಭಾಗೇ ಕರೋಮ. ‘‘ಚಕ್ಖುಮತೋ‘‘ತಿ ಪಞ್ಚಹಿ ಚಕ್ಖುಹೀ ಚಕ್ಖುತಾ ಬುದ್ಧಸ್ಸ, ನ ಕೇವಲಂ ತುಮ್ಹೇಯೇವ ಬಹುಜ್ಜನೋ ಪಸನ್ನೋ ತೇಸು ಏಕೋಪಿ ಲದ್ಧು ಅಯುತ್ತೋ ನಾಮ ನತ್ಥಿತಿ ಬಹುಂ ಕಾರಣಂ ವತ್ವಾ ಸಞ್ಞಾಪೇಸಿ.

ಅಥ ಸಬ್ಬೇಪಿ ರಾಜಾನೋ ಏವಮಾಹಂಸು-ತೇನ ಹಿ ಬ್ರಾಹ್ಮಣ ತ್ವಞ್ಞೇವ ಭಗವತೋ ಸರೀರಾನಿ ಅಟ್ಠಧಾ ಸಮಂ ಸುವಿಭತ್ತಂ ವಿಭಜಾಹೀತಿ. ಏವಂ ಭೋತಿ ಖೋ ದೋಣೋ ಬ್ರಾಹ್ಮಣೋ ತೇಸಂ ರಾಜೂನಂ ಪಟಿಸ್ಸುತ್ವಾ ಧಾತುಯೋ ಸಮಂ ಸುವಿಭತ್ತಂ ವಿಭಜಿ.

ತತ್ರಾಯಮನುಕ್ಕಮೋ ದೋಣೋ ಕಿರ ತೇಸಂ ಪಟಿಸ್ಸುತ್ವಾ ಸುವಣ್ಣದೋಣಿಂ ವಿವರಾಪೇಸಿ. ರಾಜಾನೋ ಆಗನ್ತ್ವಾ ದೋಣಿಯಂ ಯೇವತಾ ಸುವಣ್ಣವಣ್ಣಾ ಧಾತುಯೋ ದಿಸ್ವಾ ಭಗವಾ ಸಬ್ಬಞ್ಞು ಪುಬ್ಬೇ ಮಯಂ ತುಮ್ಹಾಕಂ ದ್ವತ್ತಿಂಸ ಲಕ್ಖಣ ಪತಿಮಣ್ಡಿತಂ ಛಬ್ಬಣ್ಣಬುದ್ಧರಸ್ಮಿಖಚಿತಂ ಸುವಣ್ಣವಣ್ಣಂ ಸರೀರಂ ಅದ್ದಸಾಮ ಇದಾನಿ ಪನ ಸುವಣ್ಣವಣ್ಣಾ ಧಾತುಯೋವ ಅವಸಿಟ್ಠಾ ಜಾತಾ, ನ ಯುತ್ತಮಿದಂ ಭಗವಾ ತುಮ್ಹಾಕನ್ತಿ ಪರಿದೇವಿಂಸು. ಬ್ರಾಹ್ಮಣೋ ತಸ್ಮಿಂ ಸಮಯೇ ತೇಸಂ ಪಮತ್ತಭಾವಂ ಞತ್ವಾ ದಕ್ಖಿಣದಾಠಂ ಗಹೇತ್ವಾ ವೇಠನ್ತರೇ ಠಪೇಸಿ ಅಥ ಪಚ್ಛಾ ಸಮಂ ಸುವಿಭತ್ತಂ ವಿಭಜಿ. ಸಬ್ಬಾಪಿ ಧಾತುಯೋ ಪಾಕತಿಕ ನಾಳಿಯಾ ಸೋಳಸ ನಾಳಿಯೋ ಅಹೋಸುಂ. ಏಕೇಕ ನಗರವಾಸಿನೋ ದ್ವೇ ದ್ವೇ ನಾಳಿಯೋ ಲಭಿಂಸು.

ಬ್ರಾಹ್ಮಣಸ್ಸ ಪನ ಧಾತುಯೋ ವಿಭಜನ್ತಸ್ಸೇವ ಸಕ್ಕೋ ದೇವಾನಮಿನ್ದೋ ಕೇನ ನು ಖೋ ಸದೇವಕಸ್ಸ ಲೋಕಸ್ಸ ಕಙ್ಖಾಚ್ಛೇದನಾಯ ಚತುಸಚ್ಚಕಥಾಯ ಪಚ್ಚಯಭೂತಾ ಭಗವತೋ ದಕ್ಖಿಣದಾಠಾ ಗಹಿತಾತಿ ಓಲೋಕೇನ್ತೋ ಬ್ರಾಹ್ಮಣೇನ ಗಹಿತಾತಿ ದಿಸ್ವಾ ಬ್ರಾಹ್ಮಣೋ ದಾಠಾಯ ಅನುಚ್ಛವಿಕಂ ಸಕ್ಕಾರಂ ಕಾತುಂ ನ ಸಕ್ಖಿಸ್ಸತಿ ಗಣ್ಹಾಮಿ ನನ್ತಿ ವೇಠನ್ತರತೋ ಗಹೇತ್ವಾ ಸುವಣ್ಣ ಚಙ್ಗೋಟಕೇ ಠಪೇತ್ವಾ ದೇವಲೋಕಂ ನೇತ್ವಾ ಚುಳಾಮಣೀ ¶ ಚೇತಿಯೇ ಪತಿಟ್ಠಾಪೇಸಿ ಬ್ರಾಹ್ಮಣೋಪಿ ಧಾತುಯೋ ವಿಭಜಿತ್ವಾ ದಾಠಂ ಅಪಸ್ಸನ್ತೋ ಕೇನ ಮೇ ಠಾ ಗಹಿತಾತಿ ಪುಚ್ಛಿತುಮ್ಪಿ ನಾಸಕ್ಖಿ. ನನು ತಯಾ ಧಾತುಯೋ ವಿಭಜಿತಾ, ಕಿಂ ತ್ವಂ ಪಠಮಂಯೇವ ಅತ್ತನೋ ಧಾತೂಹಿ ಅತ್ಥಿಭಾವಂ ನ ಅಞ್ಞಾಸೀತಿ, ಅತ್ತನಿ ದೋಸಾರೋಪನಂ ಸಮ್ಪಸ್ಸಮಾನೋ ಮಯ್ಹಮ್ಪಿ ಕೋಟ್ಠಾಸಂ ದೇಥಾತಿ ವತ್ತುಮ್ಪಿ ನಾಸಕ್ಖಿ.

ತತೋ ಅಯಂ ಸುವಣ್ಣಕುಮ್ಭೋಪಿ ಧಾತುಗತಿಕೋಯೇವ ಯೇನ ತಥಾಗತಸ್ಸ ಧಾತುಯೋ ಮಿನಿತಾ. ಇಮಸ್ಸಾಹಂ ಥೂಪಂ ಕರಿಸ್ಸಾಮೀತಿ ಚಿನ್ತೇತ್ವಾ ಇಮಂ ಮೇ ಭೋನ್ತೋ ಕುಮ್ಭಂ ದದನ್ತೂತಿ ಆಹ ತತೋ ರಾಜಾನೋ ಬ್ರಾಹ್ಮಣಸ್ಸ ಕುಮ್ಭಮದಂಸು ಪಿಪ್ಫಲಿವನಿಯಾಪಿ ಖೋ ಮೋರಿಯಾ ಭಗವತೋ ಪರಿನಿಬ್ಬುತಭಾವಂ ಸುತ್ವಾ ಭಗವಾಪಿ ಖತ್ತಿಯೋ, ಮಯಮ್ಪಿ ಖತ್ತಿಯೋ ಮಯಮ್ಪಿ, ಅರಹಾಮ ಲಭಿತುಂ ಭಗವತೋ ಸರೀರಾನಂ ಭಾಗನ್ತಿ ದೂತಂ ಪೇಸೇತ್ವಾ ಯುದ್ಧ ಸಜ್ಜಾ ನಿಕ್ಖಮಿತ್ವಾ ಆಗತಾ ತೇಸಂ ರಾಜಾನೋ ಏವಮಾಹಂಸು - ನತ್ಥಿ ಭಗವತೋ ಸರೀರಾನಂ ಭಾಗೋ, ವಿಭತ್ತಾನಿ ಭಗವತೋ ಸರೀರಾನಿ ಇತೋ ಅಙ್ಗಾರಂ ಗರಥಾತಿ. ತೇ ತತೋ ಅಙ್ಗಾರಂ ಹರಿಂಸು.

ಅಥ ಖೋ ರಾಜಾ ಅಜಾತಸತ್ತು ಕುಸಿನಾರಾಯ ಚ ರಾಜಗಹಸ್ಸ ಚ ಅನ್ತರೇ ಪಞ್ಚವೀಸತಿ ಯೋಜನಮಗ್ಗಂ ಅಟ್ಠ ಉಸಭವಿತ್ಥತಂ ಸಮತಲಂ ಕಾರೇತ್ವಾ ಸಾದಿಸಂ ಮಲ್ಲರಾಜಾನೋ ಮಕುಟಬಣ್ಧನಸ್ಸ ಚ ಸನ್ಥಾಗಾರಸ್ಸ ಚ ಅನ್ತರೇ ಪೂಜಂ ಕಾರೇಸುಂ ತಾದಿಸಂ ಪಞ್ಚವೀಸತಿಯೋಜನೇಪಿ ಮಗ್ಗೇ ಪೂಜಾ ಕಾರೇತ್ವಾ ಲೋಕಸ್ಸ ಅನುಕ್ಕಣ್ಠನತ್ಥಂ ಸಬ್ಬತ್ಥ ಅನ್ತರಾಪಣೇ ಪಸಾರೇತ್ವಾ ಸುವಣ್ಣದೋಣಿಯಂ ಪಕ್ಖಿತ್ತಧಾತುಯೋ ಸತ್ತಿಪಞ್ಜರೇನ ಪರಿಕ್ಖಿಪಾಪೇತ್ವಾ ಅತ್ತನೋ ವಿಜಿತೇ ಪಞ್ಚಯೋಜನಸತ ಪರಿಮಣ್ಡಲೇ ಮನುಸ್ಸೇ ಸನ್ನಿಪಾತಾಪೇಸಿ.

ತೇ ಧಾತುಯೋ ಗಹೇತ್ವಾ ಕುಸಿನಾರಾತೋ ಧಾತುಕೀಳಂ ಕೀಳನ್ತಾ ನಿಕ್ಖಮಿತ್ವಾ ಯತ್ಥ ಯತ್ಥ ವಣ್ಣವನ್ತಾನಿ ಪುಪ್ಫಾನಿ ಪಸ್ಸನ್ತಿ, ತತ್ಥ ತತ್ಥ ಧಾತುಯೋ ಸತ್ತಿ ಅನ್ತರೇ ಠಪೇತ್ವಾ ತೇಸಂ ಪುಪ್ಫಾನಂ ಖೀಣಕಾಲೇ ಗಚ್ಛನ್ತಿ. ರಥಸ್ಸ ಧುರಟ್ಠಾನಂ ಪಚ್ಛಿಮಟ್ಠಾನೇ ಸಮ್ಪತ್ತೇ ಸತ್ತ ದಿವಸೇ ಸಾಧುಕೀಳಂ ಕೀಳನ್ತಿ ಏವಂ ಧಾತುಯೋ ಗಹೇತ್ವಾ ಆಗಚ್ಛನ್ತಾನಂ ಸತ್ತವಸ್ಸಾನಿ ಸತ್ತಮಾಸಾನಿ ಸತ್ತ ಚ ದಿವಸಾನಿ ವಿತಿವತ್ತಾನಿ ಮಿಚ್ಛಾದಿಟ್ಠಿಕಾ ಸಮಣಸ್ಸ ಗೋತಮಸ್ಸ ಪರಿನಿಬ್ಬುತ ಕಾಲತೋ ಪಟ್ಠಾಯ ಬಲಕ್ಕಾರೇನ ಸಾಧುಕೀಳಿಕಾಯ ಉಪದ್ದುತಮ್ಹಾ, ಸಬ್ಬೇ ನೋ ಕಮ್ಮನ್ತಾ ನಟ್ಠಾತಿ ಉಜ್ಝಾಯನ್ತಾ ಮನಂ ಪದೂಸೇತ್ವಾ ಛಳಾಸೀತಿಸಹಸ್ಸಮತ್ತಾ ಅಪಾಯೇ ನಿಬ್ಬತ್ತಾ, ಖೀಣಾಸವ ಆವಜ್ಜಿತ್ವಾ ಮಹಾಜನೋ ಮನಂ ಪದೂಸೇತ್ವಾ ಅಪಾಯೇ ನಿಬ್ಬತ್ತೋತಿ ಸಕ್ಕಂ ದೇವರಾಜಾನಂ ದಿಸ್ವಾ ಧಾತು ಆಹರಣುಪಾಯಂ ಕರಿಸ್ಸಾಮಾತಿ ತಸ್ಸ ಸನ್ತಿಕಂ ಗನ್ತ್ವಾ ತಮತ್ಥಂ ಆರೋಚೇತ್ವಾ ಧಾತು ಆಹರಣುಪಾಯಂ ಕಾರೋಹಿ ಮಹಾರಾಜಾತಿ ಆಹಂಸು. ಸಕ್ಕೋ ಆಹ ‘‘ಪುಥುಜ್ಜನೋ ನಾಮ ಅಜಾತಸತ್ತುನಾ ಸಮೋ ಸದ್ಧೋ ನತ್ಥಿ, ನ ಸೋ ಮಮ ವಚನಂ ಕರಿಸ್ಸತಿ ಅಪಿ ಚ ಖೋ ಮಾರವಿಭಿಸಕಸದಿಸಂ ವಿಭೀಸಕಂ ದಸ್ಸೇಸ್ಸಾಮಿ ಯಕ್ಖ ಗಾಹಕ ಖಿಪನಕ ಅರೋಚಕೇ ಕರಿಸ್ಸಾಮಿ ತುಮ್ಹೇ ¶ ’ಮಹಾರಾಜ ಅಮನುಸ್ಸಾ ಕುಪಿತಾ, ಧಾತುಯೋ ಆಹರಾಪೇಥಾತಿ’. ವದೇಯ್ಯಾಥ ಏವಂ ಸೋ ಆಹರಾಪೇಸ್ಸತೀತಿ. ಅಥ ಖೋ ಸಕ್ಕೋ ತಂ ಸಬ್ಬಂ ಅಕಾಸಿ.

ಥೇರಾಪಿ ರಾಜಾನಂ ಉಪಸಙ್ಕಮಿತ್ವಾ ಮಹಾರಾಜ ಅಮನುಸ್ಸಾ ಕುಪಿತಂ, ಧಾತುಯೋ ಆಹರಾಪೇಹೀತಿ ಭಣಿಂಸು ರಾಜಾ ನ ತಾವ ಭನ್ತೇ ಮಯ್ಹಂ ಚಿತ್ತಂ ತುಸ್ಸತಿ. ಏವಂ ಸನ್ತೇಪಿ ಆಹರತೂತಿ ಆಹ ಸತ್ತಮೇ ದಿವಸೇ ಧಾತುಯೋ ಆಹರಿಂಸು. ಏವಂ ಆಹತಧಾತುಯೋ ಗಹೇತ್ವಾ ರಾಜಾ ರಾಜಗಹೇ ಥುಪಮಕಾಸಿ ಇತರೇಪಿ ರಾಜಾನೋ ಅತ್ತನೋ ಅತ್ತನೋ ಬಲಾನುರೂಪೇನ ನೀಹರಿತ್ವಾ ಸಕಸಕಟ್ಠಾನೇ ಥೂಪಮಕಂಸು. ದೋಣಿಪಿ ಬ್ರಾಹ್ಮಣೋ ಪಿಫ್ಫಲೀವನಿಯಾಪಿ ಮೋರಿಯಾ ಸಕಸಕಟ್ಠಾನೇ ಥೂಪಮಕಂಸೂತಿ.

ಏಕೋ ಥೂಪೋ ರಾಜಗಹೇ - ಏಕೋ ವೇಸಾಲಿಯಾ ಪುರೇ,

ಏಕೋ ಕಪಿಲವತ್ಥುಸ್ಮಿಂ - ಏಕೋ ಚ ಅಲ್ಲಕಪ್ಪಕೇ;

ಏಕೋ ಥೂಪೋ ರಾಮಗಾಮೇ - ಏಕೋ ಚ ವೇಠದೀಪಕೇ,

ಏಕೋ ಪಾಚೇಯ್ಯಕೇ ಮಲ್ಲೇ - ಏಕೋ ಚ ಕುಸಿನಾರಕೇ;

ಯೇ ತೇ ಸಾರೀರಿಕಾ ಥೂಪಾ - ಜಮ್ಬುವದೀಪೇ ಪತಿಟ್ಠಿತಾ;

ಅಙ್ಗಾರಕುಮ್ಭಥೂಪೇಹಿ - ದಸ ಥೂಪಾ ಭವನ್ತಿ ತೇ;

ದಸಾಪಿ ಥೂಪಾ ಪುರಿಸುತ್ತಮಸ್ಸ ಯೇ-

ಯಥಾನುರೂಪಂ ನರರಾಜ ಪೂಜಿತಾ,

ಸಬ್ಬೇನ ಲೋಕೇನ ಸದೇವಕೇನ ತೇ-

ನಮಸ್ಸನೇಯ್ಯಾಚ ಭವನ್ತಿ ಸಬ್ಬದಾತಿ;

ದಸಥೂಪಕಥಾ

೧೦. ಏವಂ ಪತಿಟ್ಠಿತೇಸು ಪನ ಥೂಪೇಸು ಮಹಾಕಸ್ಸಪತ್ಥೇರೋ ಧಾತೂನಂ ಅನ್ತರಾಯಂ ದಿಸ್ವಾ ಅಜಾತಸತ್ತುಂ ಉಪಸಙ್ಕಮಿತ್ವಾ ಮಹಾರಾಜ ಏಕಂ ಧಾತುನಿಧಾನಂ ಕಾತುಂ ವಟ್ಟತಿತಿ ಆಹ ಸಾಧು ಭನ್ತೇ ನಿಧಾನಕಮ್ಮಂ ತಾವ ಮಮ ಹೋತು, ಧಾತುಯೋ ಪನ ಕಥಂ ಆಹರಾಪೇಮಿತಿ. ನ ಮಹಾರಾಜ ಧಾತು ಆಹರಣಂ ತುಯ್ಹಂ ಭಾರೋ, ಅಮ್ಹಾಕಂ ಭಾರೋತಿ. ಸಾಧು ಭನ್ತೇ ತುಮ್ಹೇ ಧಾತುಯೋ ಆಹರಥ. ಅಹಂ ಧಾತುನಿಧಾನಂ ಕರಿಸ್ಸಾಮೀತಿ. ಥೇರೋ ತೇಸಂ ತೇಸಂ ರಾಜಕುಲಾನಂ ಪರಿಚರಣಮತ್ತಕಮೇವ ಠಪೇತ್ವಾ ಸೇಸೇಧಾತುಯೋ ಆಹರಿ.

ರಾಮಗಾಮೇ ಪನ ಧಾತುಯೋ ನಾಗಾ ಗಣ್ಹಿಂಸು ತಾಸಂ ಅನ್ತರಾಯೋ ನತ್ಥಿ, ಅನಾಗತೇ ಲಙ್ಕಾದೀಪೇ ಮಹಾವಿಹಾರೇ ಮಹಾಚೇತಿಯಮ್ಹಿ ನಿಧಿಯಿಸ್ಸ ನೀತಿ. ತಾ ನ ಆಹರಿತ್ಥ, ಸೇಸೇಹಿ ಸತ್ತಹಿ ನಗರೇಹಿ ಆಹರಿತ್ವಾ ರಾಜಗಹಸ್ಸ ಪಾಚೀನ ದಕ್ಖಿನ ದಿಸಾಭಾಗೇ ಠಪೇತ್ವಾ ಇಮಸ್ಮಿಂ ಠಾನೇ ಯೋ ಪಾಸಾಣೋ ಅತ್ಥಿ, ಸೋ ಅನ್ತರಧಾಯತು, ಪಂಸು ಸುವಿಸುದ್ಧಾ ಹೋತು, ಉದಕಞ್ಚ ಮಾ ಉಟ್ಠಹತೂತಿ ಅಧಿಟ್ಠಾಸಿ.

ರಾಜಾ ¶ ತಂ ಠಾನಂ ಖಣಾಪೇತ್ವಾ ತತೋ ಉದ್ಧಟ ಪಂಸುನಾ ಇಟ್ಠಿಕಾ ಕಾರೇತ್ವಾ ಅಸೀತಿ ಮಹಾಸಾವಕಾನಂ ಥೂಪೇ ಕಾರೇತಿ ಇಧ ರಾಜಾ ಕಿಂ ಕಾರೇಹೀತಿ ಪುಚ್ಛನ್ತಾನಮ್ಪಿ ಮಹಾಸಾವಕಾನಂಚೇತಿಯಾ ನೀತಿ ವದನ್ತಿ ನ ಕೋಚಿ ಧಾತುನಿಧಾನಭಾವಂ ಜಾನಾತಿ ಅಸೀತಿಹತ್ಥಗಮ್ಭೀರೇ ಪನ ತಸ್ಮಿಂ ಪದೇಸೇ ಜಾತೇ ಹೇಟ್ಠಾ ಲೋಭಸತ್ಥರಂ ಸತ್ಥರಾಪೇತ್ವಾ ತತ್ಥ ಥೂಪಾರಾಮೇ ಚೇತಿಯ ಘರಪ್ಪಮಾಣಂ ತಮ್ಬಲೋಹಮಯಂ ಗೇಹಂ ಕಾರಾಪೇತ್ವಾ ಅಟ್ಠಟ್ಠ ಹರಿ ಚಣ್ದನಾದಿಮಯೇ ಕರಣ್ಡೇ ಚ ಥೂಪೇ ಚ ಕಾರಾಪೇಸಿ.

ಅಥ ಖೋ ಭಗವತೋ ಧಾತುಯೋ ಹರಿಚಣ್ದನ ಕರಣ್ಡೇ ಪಕ್ಖಿಪಿತ್ವಾ ತಂ ಹರಿಚಣ್ದನಂ ಕರಣ್ಡಂ ಅಞ್ಞಸ್ಮಿಂ ಹರಿಚಣ್ದನ ಕರಣ್ಡೇ ತಮ್ಪಿ ಅಞ್ಞಸ್ಮಿನ್ತಿ ಏವಂ ಅಟ್ಠ ಹರಿಚಣ್ದನ ಕರಣ್ಡೇ ಏಕತೋ ಕತ್ವಾ ಏತೇನೇವ ಉಪಾಯೇನ ಅಟ್ಠ ಕರಣ್ಡೇ ಅಟ್ಠಸು ಹರಿಚಣ್ದನ ಥೂಪೇಸು ಅಟ್ಠ ಹರಿಚಣ್ದನಥೂಪೇ ಅಟ್ಠಸು ಲೋಹಿತಚಣ್ದನ ಕರಣ್ಡೇಸು, ಅಟ್ಠ ಲೋಹಿತಚಣ್ದನಕರಣ್ಡೇ ಅಟ್ಠಸು ಲೋಹಿತಚಣ್ದನಥೂಪೇಸು, ಅಟ್ಠಲೋಹಿತ ಚಣ್ದನಥೂಪೇ ಅಟ್ಠಸು ದನ್ತಕರಣ್ಡೇಸು, ಅಟ್ಠ ದನ್ತಕರಣ್ಡೇ ಅಟ್ಠಸು ದನ್ತಥೂಪೇಸು, ಅಟ್ಠದನ್ತಥೂಪೇ ಅಟ್ಠಸುಸಬ್ಬ ರತನಕರಣ್ಡೇಸು, ಅಟ್ಠ ಸಬ್ಬ ರತನಕರಣ್ಡೇ ಅಟ್ಠಸು ಸಬ್ಬರತನಥೂಪೇಸು, ಅಟ್ಠ ಸಬ್ಬರತನ ಥೂಪೇ ಅಟ್ಠಸು ಸುವಣ್ಣಕರಣ್ಡೇಸು. ಅಟ್ಠಸುವಣ್ಣಕರಣ್ಡೇ ಅಟ್ಠಸು ಸುವಣ್ಣಥೂಪೇಸು, ಅಟ್ಠಸುವಣ್ಣಥೂಪೇ ಅಟ್ಠಸುರಜತಕರಣ್ಡೇಸು, ಅಟ್ಠ ರಜತಕರಣ್ಡೇ ಅಟ್ಠಸು ರಜತಥೂಪೇಸೇ ಅಟ್ಠ ರಜತಥೂಪೇ ಅಟ್ಠಸು ಮಣಿಕರಣ್ಡೇಸು ಅಟ್ಠಮಣಿಕರೇಣ್ಡಅಟ್ಠಸುವಣ್ಣಥೂಪೇಸು, ಅಟ್ಠ ಮಣಿಥೂಪೇ ಅಟ್ಠಸು ಲೋಹಿತಙ್ಕ ಕರಣ್ಡೇಸು, ಅಟ್ಠಲೋಹಿತಙ್ಕ ಕರಣ್ಡೇ ಅಟ್ಠಸು ಲೋಹಿತಙ್ಕಥೂಪೇಸು, ಅಟ್ಠ ಲೋಹಿತಙ್ಕಥೂಪೇ ಅಟ್ಠಸು ಮಸಾರಗಲ್ಲಥೂಪೇಸು, ಅಟ್ಠ ಮಸಾರಗಲ್ಲಥೂಪೇ ಅಟ್ಠಸು ಫಲಿಕ ಕರಣ್ಡೇಸು, ಅಟ್ಠ ಫಳಿಕ ಕರಣ್ಡೇ ಅಟ್ಠಸು ಫಳಿಕಥೂಪೇಸು ಪಕ್ಖಿಪಿ ಸಬ್ಬ ಉಪರಿಮಂ ಫಳಿಕಚೇತಿಯಂ ಥೂಪಾರಾಮ ಚೇತಿಯಪ್ಪಮಾಣಂ ಅಹೋಸಿ.

ತಸ್ಸ ಉಪರಿಸಬ್ಬರತನಮಯಂ ಗೇಹಂ ಕಾರೇಸಿ ತಸ್ಸ ಉಪರಿ ಸುವಣ್ಣಮಯಂ, ತಸ್ಸ ಉಪರಿ ರಜತಮಯಂ, ತಸ್ಸ ಉಪರಿ ತಮ್ಬಲೋಹಮಯಂ ಗೇಹಂ ಕಾರೇಸಿ ತತ್ಥ ಸಬ್ಬರತನಮಯಂ ವಾಲುಕಂ ಓಕಿರಿತ್ವಾ ಜಲಜ ಥಲಜ ಪುಪ್ಫಾನಂ ಸಹಸ್ಸಾನಿ ವಿಪ್ಪಕಿರಿತ್ವಾ ಅದ್ಧಚ್ಛಟ್ಠಾನಿ ಜಾತಕಸತಾನಿ ಆಸೀತಿ ಮಹಾಥೇರೇ ಸುದ್ಧೋದನ ಮಹಾರಾಜಾನಂ ಮಹಾಮಾಯಾದೇವಿಂ ಸತ್ತ ಸಹಜಾತೇ ಸಬ್ಬಾನೇತಾನಿ ಸುವಣ್ಣಮಯಾನೇವ ಕಾರೇಸಿ ಪಞ್ಚಪಞ್ಚಸತೇ ಸುವಣ್ಣರಜತಮಯೇ ಪುಣ್ಣಘಟೇ ಠಪಾಪೇಸಿ ಪಞ್ಚಸುವಣ್ಣಧಜಸತೇ ಪಞ್ಚಸತೇ ಸುವಣ್ಣದೀಪಕೇ ಚ ಕಾರಾಪೇತ್ವಾ ಸುಗಣ್ಧತೇಲಸ್ಸ ಪೂರೇತ್ವಾ ತೇಸು ದುಕೂಲವಟ್ಟಿಯೋ ಠಪೇಸಿ.

ಅಥಾಯಸ್ಮಾ ಮಹಾಕಸ್ಸಪೋ ಮಾಲಾ ಮಾ ಮಿಲಾಯನ್ತು. ಗಣ್ಧಾ ಮಾ ವಿನಸ್ಸನ್ತು, ದೀಪಾ ಮಾ ವಿಜ್ಝಾಯನ್ತೂತಿ ಅಧಿಟ್ಠಹಿತ್ವಾ ಸುವಣ್ಣಪಟ್ಟಅಕ್ಖರಾನಿ ಛಿಣ್ದಾಪೇಸಿ. ಅನಾಗತೇ ಪಿಯದಾಸೋ ನಾಮ ಕುಮಾರೋ ಛತ್ತಂ ಉಸ್ಸಾಪೇತ್ವಾ ¶ ಅಸೋಕೋ ನಾಮ ಧಮ್ಮರಾಜಾ ಭವಿಸ್ಸತಿ ಸೋ ಇಮಂ ಧಾತುಯೋ ವಿತ್ಥಾರಿಕಾ ಕರಿಸ್ಸತೀತಿ ರಾಜಾ ಸಬ್ಬಪಸಾಧನೇಹಿ ಪೂಜೇತ್ವಾ ಆದಿತೋ ಪಟ್ಠಾಯ ದ್ವಾರಂ ಪಿದಹನ್ತೋ ನಿಕ್ಖಮಿ ತಮ್ಬಲೋಹದ್ವಾರಂ ಪಿದಹಿತ್ವಾ ಆವಿಞ್ಜನ ರಜ್ಜುಯಂ ಕುಞ್ಚಿಕಮುದ್ದಿಕಂ ಬಣ್ಧಿ ತತ್ಥೇವ ಮಹನ್ತಂ ಮಣಿಕ್ಖಣ್ಧಂ ಠಪೇಸಿ ಅನಾಗತೇ ದಳಿದ್ದರಾಜಾನೋ ಇಮಂ ಮಣಿಂ ಗಹೇತ್ವಾ ಧಾತೂನಂ ಸಕ್ಕಾರಂ ಕರೋನ್ತೂತಿ ಅಕ್ಖರಾನಿ ಛಿಣ್ದಾಪೇಸೀ.

ಸಕ್ಕೋ ದೇವರಾಜಾ ವಿಸ್ಸಕಮ್ಮಂ ಆಮನ್ತೇತ್ವಾ’ತಾತ, ಅಜಾತಸತ್ತುನಾ ಧಾತುನಿಧಾನಂ ಕತಂ. ಏತ್ಥ ಆರಕ್ಖಂ ಠಪೇಹಿ’ತಿ ಪಹಿಣಿ ಸೋ ಆಗನ್ತ್ವಾ ವಾಳಸಙ್ಘಾಟಯನ್ತಂ ಯೋಜೇಸಿ. ಕಟ್ಠರೂಪಕಾನಿ ತಸ್ಮಿಂ ಧಾತುಗಬ್ಭೇ ಫಳಿಕವಣ್ಣ ಖಗ್ಗೇ ಗಹೇತ್ವಾ ವಾತಸದಿಸೇನ ವೇಗೇನ ಅನುಪರಿಯಾಯನ್ತಂ ಯೋಜೇತ್ವಾ ಏಕಾಯ ಏವ ಆಣಿವಾ ಬಣ್ಧಿತ್ವಾ ಸಮನ್ತತೋ ಗಿಞ್ಜಕ ವಸಥಾಕಾರೇನ ಸಿಲಾಪರಿಕ್ಖೇಪಂ ಕತ್ವಾ ಉಪರಿ ಏಕಾಯ ಪಿದಹಿತ್ವಾ ಪಂಸುಂ ಪಕ್ಖಿಪಿತ್ವಾ ಭೂಮಿಂ ಸಮಂ ಕತ್ವಾ ತಸ್ಸುಪರಿ ಪಾಸಾಣಥೂಪಂ ಪತಿಟ್ಠಾಪೇಸಿ.

ಧಾತುನಿಧಾನ ಕಥಾ

೧೧. ಏವಂ ನಿಟ್ಠಿತೇ ಧಾತುನಿಧಾನೇ ಯಾವತಾಯುಕಂ ಠತ್ವಾ ಥೇರೋ ಪರಿನಿಬ್ಬುತೋ, ರಾಜಾಪಿ ಯಥಾಕಮ್ಮಂ ಗತೋ, ತೇಪಿ ಮನುಸ್ಸಾ ಕಾಲಕತಾ, ಅಪರಭಾಗೇ ಪಿಯದಾಸೋ ಕುಮಾರೋ ಛತ್ತಂ ಉಸ್ಸಾಪೇತ್ವಾ ಅಸೋಕೋ ನಾಮ ಧಮ್ಮ ರಾಜಾ ಹುತ್ವಾ ತಾ ಧಾತುಯೋ ಗಹೇತ್ವಾ ಜಮ್ಬುದೀಪೇ ಚತುರಾಸೀತಿಯಾ ಚೇತಿಯ ಸಹಸ್ಸೇಸು ಪತಿಟ್ಠಾಪೇಸಿ. ಕಥಂ ಬಿಣ್ದುಸಾರಸ್ಸ ಕಿರ ಏಕಸತಂ ಪುತ್ತಾ ಅಹೇಸುಂ ತೇ ಸಬ್ಬೇ ಅಸೋಕೋ ಅತ್ತನಾ ಸದ್ಧಿಂ ಏಕಮಾತಿಕಂ ತಿಸ್ಸ ಕುಮಾರಂ ಠಪೇತ್ವಾ ಘಾತೇಸಿ. ಘಾತೇನ್ತೋ ಚತ್ತಾರಿ ವಸ್ಸಾನಿ ಅನಭಿಸಿತ್ತೋ ರಜ್ಜಂ ಕಾರೇತ್ವಾ ಚತುನ್ನಂ ವಸ್ಸಾನಂ ಅಚ್ಚಯೇನ ತಥಾಗತಸ್ಸ ಪರಿನಿಬ್ಬಾನತೋ ದ್ವಿನ್ನಂ ವಸ್ಸಸತಾನಂ ಉಪರಿ ಅಟ್ಠಾರಸಮೇ ವಸ್ಸೇ ಸಕಲಜಮ್ಬುದೀಪೇ ಏಕರಜ್ಜಾಭಿಸೇಕಂ ಪಾಪುಣಿ.

ಅಭಿಸೇಕಾನುಭಾವೇನ ಇಮಾ ರಾಜಿದ್ಧಿಯೋ ಆಗತಾ ಮಹಾಪಥವಿಯಾ ಹೇಟ್ಠಾ ಯೋಜನಪ್ಪಮಾಣೇ ಆಣಾ ಪವತ್ತಿ, ತಥಾ ಉಪರಿ ಆಕಾಸೇ, ಅನೋತತ್ತದಹತೋ ಅಟ್ಠಹಿ ಕಾಜೇಹಿ ಸೋಳಸ ಪಾನೀಯಘಟೇ ದಿವಸೇ ದಿವಸೇ ದೇವತಾ ಆಹರನ್ತಿ. ಯತೋ ಸಾಸನೇ ಉಪ್ಪನ್ನಸದ್ಧೋ ಹುತ್ವಾ ಅಟ್ಠ ಘಟೇ ಭಿಕ್ಖುಸಙ್ಘಸ್ಸ ಅದಾಸಿ ದ್ವೇ ಘಟೇ ಸಟ್ಠಿಮತ್ತಾನಂ ತಿಪಿಟಕ ಭಿಕ್ಖುನಂ ದ್ವೇಘಟೇ ಅಗ್ಗಮಹೇಸಿಯಾ ಅಸಣ್ಧಿಮಿತ್ತಾಯ ಚತ್ತಾರೋ ಘಟೇ ಅತ್ತನಾ ಪರಿಭುಞ್ಜಿ. ದೇವತಾ ಏವ ಹಿಮವನ್ತೇ ನಾಗಲತಾ ದನ್ತಕಟ್ಠ ನಾಮ ಅತ್ಥಿ ಸಿನಿದ್ಧಾ ಮುದುಕಂ ರಸವನ್ತಂ, ತಂ ದಿವಸೇ ದಿವಸೇ ಆಭಿರನ್ತಿ ಯೇನ ರಞ್ಞೋ ಚ ಅಗ್ಗಮಹೇಸಿಯಾ ಚ ಸೋಳಸನ್ನಂ ನಾಟಕಸಹಸ್ಸಾನಂ ಸಟ್ಠಿಮತ್ತಾನಂ ಭಿಕ್ಖುಸಹಸ್ಸಾನಂ ದೇವಸಿಕಂ ದನ್ತಪೋಣಕಿಚ್ಚಂ ನಿಪ್ಫಜ್ಜಿ.

ದೇವಸಿಕಮೇವಸ್ಸ ¶ ದೇವತಾ ಅಗದಾಮಲಕಂ ಅಗದಹರೀಟಕಂ ಸುವಣ್ಣವಣ್ಣಞ್ಚ ಗಣ್ಧಸಮ್ಪನ್ನಂ ಅಮ್ಬಪಕ್ಕಂ ಆಹರನ್ತಿ ತಥಾ ಛದ್ದನ್ತ ದಹತೋ ಪಞ್ಚವಣ್ಣಂ ನಿವಾಸನ ಪಾರುಪಣಂ, ಪೀತಕವಣ್ಣಂ ಹತ್ಥಪುಞ್ಛನಕ ಪಟ್ಟಂದಿಬ್ಬಞ್ಚಜಾನಕಂ ಆಹರನ್ತಿ ದೇವಸಿಕಮೇವ ಪನಸ್ಸ ಅನುಲೇಪಗಣ್ಧಂ ಪಾರುಪನತ್ಥಾಯ ಅಸುತ್ತಮಯಿಕಂ ಸುಮನಪುಪ್ಫಪಟಂ ಮಹಾರಹಞ್ಚ ಅಞ್ಜನಂ ನಾಗಭವನತೋ ನಾಗರಾಜಾನೋ ಆಹರನ್ತಿ. ಛದ್ದನ್ತದಹೇಯೇವ ಉಟ್ಠಿತಸ್ಸ ಸಾಲಿನೋ ನವ ಚಾಹ ಸಹಸ್ಸಾನಿ ದಿವಸೇ ದಿವಸೇ ಸುವಾ ಆಹರನ್ತಿ. ಮೂಸಿಕಾ ನಿತ್ಥುಸ ಕಣೇ ಕರೋನ್ತಿ ಏಕೋಪಿ ಖಣ್ಡತಣ್ಡುಲೋ ನ ಹೋತಿ. ರಞ್ಞೋ ಸಬ್ಬಟ್ಠಾನೇಸು ಅಯಮೇವ ತಣ್ಡುಲೋ ಪರಿಭೋಗಂ ಗಚ್ಛತಿ. ಮಧುಮಕ್ಖಿಕಾ ಮಧುಂ ಕರೋನ್ತಿ. ಕಮ್ಮಾರಸಾಲಾಸು ಅಚ್ಛಾ ಕೂಟಂ ಪಹರನ್ತಿ. ದೀಪಿಕಾ ಚಮ್ಮಾನಿ ಚಾಲೇನ್ತಿ ಕರವೀಕ ಸಕುಣಾ ಆಗತ್ತ್ವಾ ಮಧುರಸ್ಸರಂ ವಿಕುಜೇನ್ತಾ ರಞ್ಞೋ ಬಲಿಕಮ್ಮಂ ಕರೋನ್ತಿ.

ಇಮಾಹಿ ಇದ್ಧೀಹಿ ಸಮನ್ನಾಗತೋ ರಾಜಾಏಕ ದಿವಸಂ ಸುವಣ್ಣ ಸಙ್ಖಲಿಕ ಬಣ್ಧನಂ ಪೇಸೇತ್ವಾ ಚತುನ್ನಂ ಬುದ್ಧಾನಂ ಅಧಿಗತ ರೂಪದಸ್ಸನಂ ಕಪ್ಪಾಯುಕಂ ಮಹಾಕಾಳ ನಾಗರಾಜಾನಂ ಆನಯಿತ್ವಾ ಸೇತಚ್ಛತ್ತಸ್ಸ ಹೇಟ್ಠಾ ಮಹಾರಹೇ ಪಲ್ಲಙ್ಕೇ ನಿಸೀದಾಪೇತ್ವಾ ಅನೇಕ ಸತವಣ್ಣೇಹಿ ಜಲಜ ಥಲಜ ಪುಪ್ಫೇಹಿ ಸುವಣ್ಣಪುಪ್ಫೇಹಿ ಚ ಪೂಜಂ ಕತ್ವಾ ಸಬ್ಬಾಲಙ್ಕಾರ ಪತಿಮಣ್ಡಿತೇಹಿ ಚ ಸೋಳಸಹಿ ನಾಟಕ ಸಹಸ್ಸೇಹಿ ಸಮನ್ತತೋ ಪರಿಕ್ಖಿಪಿತ್ವಾ ಅನನ್ತಞಾಣಸ್ಸ ತಾವ ಮೇ ಸದ್ಧಮ್ಮವರ ಚಕ್ಕವತ್ತಿನೋ ಸಮ್ಮಾಸಮ್ಬುದ್ಧಸ್ಸ ರೂಪಂ ಇಮೇಸಂ ಅಕ್ಖೀನಂ ಆಪಾಥಂ ಕರೋಹೀತಿ ನಿಬ್ಬತ್ತಾಸೀತಿ ಅನುಬ್ಯಞ್ಜನ ಪತಿಮಣ್ಡಿತಂ ದ್ವತ್ತಿಂಸ ಮಹಾ ಪುರಿಸ ಲಕ್ಖಣ ಸಸ್ಸಿರೀಕತಾಯ ವಿಕಸಿತ ಕಮಲುಪ್ಫಲ ಪುಣ್ಡರೀಕ ಪತಿಮಣ್ಡಿತಮಿವ ಸಲಿಲತಲಂ ತಾರಾಗಣರಂಸಿಜಾಲ ವಿಸರವಿಪ್ಫುತಸೋಭಾಸಮುಜ್ಜಲಮಿವಗಗನತಲಂ ನೀಲ-ಪೀತ-ಲೋಹಿತಾದಿ ಭೇದ ವಿಚಿತ್ತವಣ್ಣರಂಸಿ ವಿನದ್ಧ ಬ್ಯಾಮಪ್ಪಭಾ ಪರಿಕ್ಖೇಪ ವಿಲಾಸಿತಾಯ ಸಞ್ಝಪ್ಪಭಾನುರಾಗ ಇಣ್ದಧನು ವಿಜ್ಜುಲ್ಲತಾ ಪರಿಕ್ಖಿತ್ತಮಿವ ಕನಕಗಿರಿ ಸಿಖರಂ ನಾನಾವಿರಾಗ ವಿಮಲಕೇತುಮಾಲಾ ಸಮುಜ್ಜಲಿತಚಾರುಮತ್ಥಕಸೋಭಂ ನಯನರಸಾಯನಮಿವ ಬ್ರಹ್ಮದೇವ-ಮನುಜ ನಾಗ-ಯಕ್ಖ ಗಣಾನಂ ಬುದ್ಧರೂಪಂ ಪಸ್ಸನ್ತೋ ಸತ್ತದಿವಸಂ ಅಕ್ಖಿಪೂಜಂ ನಾಮ ಅಕಾಸಿ

ರಾಜಾ ಕಿರ ಅಭಿಸೇಕಂ ಪಾಪುಣಿತ್ವಾ ತೀಣಿಯೇವ ಸಂವಚ್ಛರಾನಿ ಬಾಹಿರಕ ಪಾಸಣ್ಡಂ ಪರಿಗಣ್ಹಿ ಚತುತ್ಥೇ ಸಂವಚ್ಛರೇ ಬುದ್ಧಸಾಸನೇ ಪಸೀದಿನಂ ಬ್ರಾಹ್ಮಣ ಜಾತಿಯ ಪಾಸಣ್ಡಾನಞ್ಚ ಪಣ್ಡರಙ್ಗ ಪರಿಬ್ಬಾಜಕಾನಞ್ಚ ಸಟ್ಠಿಸಹಸ್ಸಮತ್ತಾನಂ ನಿಚ್ಚಭತ್ತಂ ಪಟ್ಠಪೇಸಿ.

ಅಸೋಕೋ ಪಿತರಾ ಪವತ್ತಿತಂ ದಾನಂ ಅತ್ತನೋ ಅನ್ತೇಪುರೇ ತಥೇವ ದದಮಾನೋ ಏಕದಿವಸಂ ಸೀಹಪಞ್ಜರೇ ಠಿತೋ ಉಪಸಮ ಪರಿಬಾಹಿರೇನ ಆಚಾರೇನ ¶ ಭುಞ್ಜಮಾನೇ ಅಸಂಯತಿಣ್ದ್ರಿಯೇ ಅವಿನಿತ ಇರಿಯಾಪಥೇ ದಿಸ್ವಾ ಚಿನ್ತೇಸಿ ಈದಿಸಂ ದಾನಂ ಉಪಪರಿಕ್ಖಿತ್ವಾ ಯುತ್ತಟ್ಠಾನೇ ದಾತುಂ ವಟ್ಟತಿತಿ ಏವಂ ಚಿನ್ತೇತ್ವಾ ಅಮಚ್ಚೇ ಆಹ. ಗಚ್ಛಥ ಭಣೇ ಅತ್ತನೋ ಅತ್ತನೋ ಸಾಧುಸಮ್ಮತೇ ಸಮಣ ಬ್ರಾಹ್ಮಣೇ ಅನ್ತೇಪುರಂ ಅತಿಹರಥ, ದಾನಂ ದಸ್ಸಾಮಾತಿ ಅಮಚ್ಚಾ ಸಾಧು ದೇವಾತಿ ರಞ್ಞೋ ಪಟಿಸ್ಸುತ್ವಾ ತೇ ತೇ ಪಣ್ಡರಙ್ಗ ಪರಿಬ್ಬಾಜಕಾಜೀವಕ ನಿಗಣ್ಠಾದಯೋ ಆನೇತ್ವಾ ಇಮೇ ಮಹಾರಾಜ ಅಮ್ಹಾಕಂ ಅರಹನ್ತೋತಿ ಆಹಂಸು.

ಅಥ ರಾಜಾ ಅನ್ತೇಪುರೇ ಉಚ್ಚಾವಚಾನಿ ಆಸನಾನಿ ಪಞ್ಞಾಪೇತ್ವ ಆಗಚ್ಛನ್ತೂತಿ ವತ್ವಾ ಆಗತಾಗತೇ ಆಹ ಅತ್ತನೋ ಅತ್ತನೋ ಅನುರೂಪೇ ಆಸನೇ ನಿಸೀದಥಾತಿ ಏಕಚ್ಚೇ ಭದ್ದಪೀಠಕೇ ಏಕಚ್ಚೇ ಫಲಕಪೀಠಕೇಸೇ ನಿಸೀದಿಂಸು. ತಂ ದಿಸ್ವಾ ರಾಜಾ ನತ್ಥಿ ಏತೇಸಂ ಅನ್ತೇಸಾರೋತಿ ಞತ್ವಾ ತೇಸಂ ಅನುರೂಪಂ ಖಾದನೀಯಂ ಭೋಜನೀಯಂ ದತ್ವಾ ಉಯ್ಯೋಜೇಸಿ.

ಏವಂ ಗಚ್ಛನ್ತೇ ಕಾಲೇ ಏಕ ದಿವಸಂ ಸೀಹಪಞ್ಜರೇ ಠಿತೋ ಅದ್ದಸ ನಿಗ್ರೋಧ ಸಾಮಣೇರಂ ರಾಜಙ್ಗಣೇನ ಗಚ್ಛನ್ತಂ ದನ್ತಂ ಗುತ್ತಂ ಸನ್ತಿನ್ದ್ರಿಯಂ ಇರಿಯಾಪಥ ಸಮ್ಪನ್ನಂ. ಕೋ ಪನಾಯಂ ನಿಗ್ರೋಧೋ ನಾಮ, ಬಿಣ್ದುಸಾರ ರಞ್ಞೋ ಜೇಟ್ಠಪುತ್ತಸ್ಸ ಸುಮನರಾಜ ಕುಮಾರಸ್ಸ ಪುತ್ತೋ. ತತ್ರಾಯಂ ಆನುಪುಬ್ಬೀ ಕಥಾ-ಬಿಣ್ದುಸಾರ ರಞ್ಞೋ ಕಿರ ದುಬ್ಬಲಕಾಲೇಯೇವ ಅಸೋಕ ಕುಮಾರೋ ಅತ್ತನಾ ಲದ್ಧಂ ಉಜ್ಜೇನಿರಜ್ಜಂ ಪಹಾಯ ಆಗನ್ತ್ವಾ ಸಬ್ಬಂ ನಗರಂ ಅತ್ತನೋ ಹತ್ಥಗತಂ ಕತ್ವಾ ಸುಮನ ರಾಜಕುಮಾರಂ ಅಗ್ಗಹೇಸಿ.

ತಂ ದಿವಸಮೇವ ಸುಮನಸ್ಸ ರಾಜಕುಮಾರಸ್ಸ ಸುಮನಾ ನಾಮ ದೇವೀ ಪರಿಪುಣ್ಣಗಬ್ಭಾ ಅಹೋಸಿ. ಸಾ ಅಞ್ಞಾತಕವೇಸೇನ ನಿಕ್ಖಮಿತ್ವಾ ಅವಿದೂರೇ ಅಞ್ಞತರಂ ಚಣ್ಡಾಲಗಾಮಂ ಸನ್ಧಾಯ ಗಚ್ಛನ್ತಿ, ಜೇಟ್ಠಕ ಚಣ್ಡಾಲಸ್ಸ ಗೇಹತೋ ಅವಿದೂರೇ ಏಕಸ್ಮಿಂ ನಿಗ್ರೋಧ ರುಕ್ಖೇ ಅಧಿವತ್ಥಾಯ ದೇವತಾಯ ಇತೋ ಸುಮನೇತಿ ವಹನ್ತಿಯಾ ಸದ್ದಂ ಸುತ್ವಾ ತಸ್ಸಾ ಸಮೀಪಂ ಗತಾ ದೇವತಾ ಅತ್ತನೋ ಆನುಭಾವೇನ ಏಕಂ ಸಾಲಂ ನಿಮ್ಮಿಣಿತ್ವಾ ಏತ್ಥ ವಸಾಹಿತಿ ಪದಾಸಿ. ಸಾ ತಂ ಸಾಲಂ ಪಾವಿಸಿ. ಗತದಿವಸೇಯೇವ ಪುತ್ತಂ ವಿಜಾಯಿ.

ಸಾ ತಸ್ಸ ನಿಗ್ರೋಧ ದೇವತಾಯ ಪರಿಗ್ಗಹಿತತ್ತಾ ನಿಗ್ರೋಧೋತ್ವೇವ ನಾಮಂ ಅಕಾಸಿ. ಜೇಟ್ಠಕ ಚಣ್ಡಾಲೋ ದಟ್ಠದಿವಸತೋಪ್ಪಭೂತಿ ತಂ ಅತ್ತನೋ ಸಾಮಿಧೀತರಂ ವಿಯ ಮಞ್ಞಮಾನೋ ನಿಬದ್ಧಂ ವಟ್ಟಂ ಪಟ್ಠಪೇಸಿ. ರಾಜಧೀತಾ ತತ್ಥ ಸತ್ತ ವಸ್ಸಾನಿ ವಸಿ. ನಿಗ್ರೋಧಕುಮಾರೋಪಿ ಸತ್ತವಸ್ಸಿಕೋ ಜಾತೋ ತದಾ ಮಹಾವರುಣತ್ಥೇರೋ ನಾಮ ಏಕೋ ಅರಹಾ ದಾರಕಸ್ಸ ಹೇತುಸಮ್ಪದಂ ದಿಸ್ವಾ ವಿಹರಮಾನೋ ಸತ್ತವಸ್ಸಿಕೋದಾನಿ ದಾರಕೋ ಕಾಲೋ ನಂ ಪಬ್ಬಾಜೇತುನ್ತಿ ಚಿನ್ತೇತ್ವಾ ರಾಜಧೀತಯಾ ಆರೋಚಾಪೇತ್ವಾ ನಿಗ್ರೋಧಕುಮಾರಂ ಪಬ್ಬಾಜೇಸಿ. ಕುಮಾರೋ ಖುರಗ್ಗೇಯೇವ ಅರಹತ್ತಂ ಪಾಪುಣಿ. ಸೋ ಏಕದಿವಸಂ ಪಾತೋವ ಸರೀರಂ ಪಟಿಜಗ್ಗಿತ್ವಾ ಆಚರಿಯುಪಜ್ಝಾನಂ ¶ ವತ್ತಂ ಕತ್ವಾ ಪತ್ತಚೀವರಮಾದಾಯ ಮಾತುಉಪಾಸಿಕಾಯ ಗೇಹದ್ವಾರಂ ಗಚ್ಛಾಮೀತಿ ನಿಕ್ಖಮಿ ಮಾತು ನಿವೇಸನಟ್ಠಾನಞ್ಚಸ್ಸ ದಕ್ಖಿಣದ್ವಾರೇನ ನಗರಂ ಪವಿಸಿತ್ವಾ ನಗರಮಜ್ಝೇನ ಗನ್ತ್ವಾ ಪಾಚೀನದ್ವಾರೇನ ನಿಕ್ಖಮಿತ್ವಾ ಗನ್ತಬ್ಬಂ ಹೋತಿ ತೇನ ಚ ಸಮಯೇನ ಅಸೋಕೋ ಧಮ್ಮರಾಜಾ ಪಾಚೀನ ದಿಸಾಭಿಮುಖೋ ಸೀಹಪಞ್ಜರೇ ಚಙ್ಕಮತಿ.

ತಂ ಖಣಂಯೇವ ಸಿಗ್ರೋಧೋ ಸಾಮಣೇರೋ ರಾಜಙ್ಗಣಂ ಪಾಪುಣಿ ಸನ್ತಿನ್ದ್ರಿಯೋ ಸನ್ತಮಾನಸೋ ಯುಗಮತ್ತಂ ಪೇಕ್ಖಮಾನೋ. ತೇನ ವುತ್ತಂ. ಏಕದಿವಸಂ ಸೀಹಪಞ್ಜರೇ ಠಿತೋ ಅದ್ದಸ ನಿಗ್ರೋಧಸಾಮಣೇರಂ ರಾಜಙ್ಗಣೇನ ಗಚ್ಛನ್ತಂ ದನ್ತಂ ಗುತ್ತಂ ಸನ್ತಿನ್ದ್ರಿಯಂ ಇರಿಯಾಪಥ ಸಮ್ಪನ್ನನ್ತಿ. ದಿಸ್ವಾ ಪನಸ್ಸ ಏತದಹೋಸಿ? ಅಯಂ ಜನೋ ಸಬ್ಬೋಪಿ ವಿಕ್ಖಿತ್ತಚಿತ್ತೋಹನ್ತಮಗಪಟಿಭಾಗೋ, ಅಯಮ್ಪನ ದಾರಕೋ ಅವಿಕ್ಖಿತ್ತಚಿತ್ತೋ ಅತಿವಿಯಸ್ಸ ಅಲೋಕಿತ ವಿಲೋಕಿತಂ ಸಮ್ಮಿಞ್ಜನ ಪಸಾರಣಞ್ಚ ಸೋಭತಿ, ಅದ್ಧಾ ಏತಸ್ಸ ಅಬ್ಭನ್ತರೇ ಲೋಕುತ್ತರಧಮ್ಮೋ ಭವಿಸ್ಸತೀತಿ ರಞ್ಞೋ ಸಹದಸ್ಸನೇನೇವ ಸಾಮಣೇರೇ ಚಿತ್ತಂ ಪಸೀದಿ. ಪೇಮಂ ಸಣ್ಠಹಿ ಕಸ್ಮಾ? ಪುಬ್ಬೇ ಕಿರ ಪುಞ್ಞ ಕರಣಕಾಲೇ ಏಸ ರಞ್ಞೋ ಜೇಟ್ಠಭಾತಾ ವಾಣಿಜಕೋ ಅಹೋಸಿ.

ಅಥ ರಾಜಾ ಸಞ್ಜಾತಪೇಮೋ ಸಬಹುಮಾನೋ ಸಾಮಣೇರಂ ಪಕ್ಕೋಸಥಾತಿ ಅಮಚ್ಚೇ ಪೇಸೇಸಿ ಅತಿಚಿರಾಯತೀತಿ ಪುನ ದ್ವೇ ತಯೋ ಪೇಸೇಸಿ ತುರಿತಂ ಆಗಚ್ಛತೂತಿ ಸಾಮರಣೇರೋ ಅತ್ತನೋ ಪಕತಿಯಾ ಏವ ಅಗಮಾಸಿ ರಾಜಾ ಪತಿರೂಪಾಸನಂ ಞತ್ವಾ ನಿಸೀದಥಾತಿ ಆಹ. ಇತೋ ಚಿತೋ ಚ ಓಲೋಕೇತ್ವಾ ನತ್ಥಿದಾನಿ ಅಞ್ಞೋ ಭಿಕ್ಖುತಿ ಸಮುಸ್ಸಿತ ಸೇತಚ್ಛತ್ತಂ ರಾಜಪಳ್ಲಙ್ಕಂ ಉಪಸಙ್ಕಮಿತ್ವಾ ಪತ್ತಗಹಣತ್ಥಾಯ ರಞ್ಞೋ ಆಕಾರಂ ದಸ್ಸೇಸಿ. ರಾಜಾ ತಂ ಪಲ್ಲಙ್ಕಂ ಸಮೀಪಂ ಗಚ್ಛನ್ತಂ ದಿಸ್ವಾ ಏವಂ ಚಿನ್ತೇಸಿ. ಅಜ್ಜೇವದಾನಿ ಅಯಂ ಸಾಮಣೇರೋ ಇಮಸ್ಸ ಗೇಹಸ್ಸ ಸಾಮಿಕೋ ಭವಿಸ್ಸತಿ. ಸಾಮಣೇರೋ ರಞ್ಞೋ ಹತ್ಥೇ ಪತ್ತಂ ದತ್ವಾ ಪಲ್ಲಙ್ಕಂ ಅಭರುಹಿತ್ವಾ ನಿಸೀದಿ.

ರಾಜಾ ಅತ್ತನೋ ಅತ್ಥಾಯ ಸಮ್ಪಾದಿತಂ ಸಬ್ಬಂ ಯಾಗು-ಕಜ್ಜಕ ಭತ್ತ ವಿಕತಿಂ ಉಪನಾಮೇಸಿ. ಸಾಮಣೇರೋ ಅತ್ತನೋ ಯಾಪನಮತ್ತಮೇವ ಸಮ್ಪಟಿಚ್ಛಿ. ಭತ್ತಕಿಚ್ಚಾವಸಾನೇ ರಾಜಾ ಆಹ ಸತ್ಥಾರಾ ತುಮ್ಹಾಕಂ ದಿನ್ನೋವಾದಂ ಜಾನಾಥಾತಿ ಜಾನಮಿ ಮಹಾರಾಜ ಏಕದೇಸೇನಾತಿ. ತಾತ, ಮಯ್ಹಮ್ಪಿ ನಂ ಕಥೇಹೀತಿ ಸಾಧು ಮಹಾರಾಜಾತಿ ರಞ್ಞೋ ಅನುರೂಪಂ ಧಮ್ಮಪದೇ ಅಪ್ಪಮಾದ ವಗ್ಗಂ ಅನುಮೋದನತ್ಥಾಯ ಅಭಾಸಿ.

ರಾಜಾ ಪನ ಅಪ್ಪಮಾದೋ ಅಮತಪದಂ, ಪಮಾದೋ ಮಚ್ಚುನೋ ಪದನ್ತಿ ಸುತ್ವ ಚ, ಅಞ್ಞಾತಂ ತಾತ ಪರಿಯೋಸಾಪೇಹೀತಿ ಆಹ ಅನುಮೋದನಾವಸಾನೇ ದ್ವತ್ತಿಂಸ ಧುರಭತ್ತಾನಿ ಲಭಿತ್ವಾ ಪುನ ದಿವಸೇ ದ್ವತ್ತಿಂಸ ಭಿಕ್ಖು ಗಹೇತ್ವಾ ರಾಜನ್ತೇಪುರಂ ಪವಿಸಿತ್ವಾ ಭತ್ತಕಿಚ್ಚಮಕಾಸಿ ರಾಜಾ ಅಞ್ಞೇಪಿ ದ್ವತ್ತಿಂಸ ಭಿಕ್ಖು ತುಮ್ಹೇಹಿ ಸದ್ಧಿಂಯೇವ ಭಿಕ್ಖಂ ಗಣ್ಹನ್ತೂತಿ ಏತೇನೇವ ಉಪಾಯೇನ ದಿವಸೇ ದಿವಸೇ ವಡ್ಢಾಪೇನ್ತೇ ಸಟ್ಠಿ ¶ ಸಹಸ್ಸಾನಂ ಬ್ರಾಹ್ಮಣ ಪರಿಬ್ಬಾಜಕಾನಂ ಭತ್ತಂ ಉಪಚ್ಛಿಣ್ದಿತ್ವಾ ಅನ್ತೋ ನಿವೇಸನೇ ಸಟ್ಠಿಸಹಸ್ಸಾನಂ ಭಿಕ್ಖುನಂ ನಿಚ್ಚಭತ್ತಂ ಪಟ್ಠಪೇಸಿ, ನಿಗ್ರೋಧತ್ಥೇರ ಗತೇನೇವ ಪಸಾದೇನ, ನಿಗ್ರೋಧತ್ಥೇರೋಪಿ ರಾಜಾನಂ ಸಪರಿಸಂ ತೀಸು ಸರಣೇಸು ಪಞ್ಚಸು ಚ ಸೀಲೇಸು ಪತಿಟ್ಠಾಪೇತ್ವಾ ಬುದ್ಧಸಾಸನೇ ಪೋಥುಜ್ಜನಿಕೇನ ಪಸಾದೇನ ಅಚಲಪ್ಪಸಾದಂ ಕತ್ವಾ ಪತಿಟ್ಠಾಪೇಸಿ.

ಪುನ ರಾಜ ಅಸೋಕಾರಾಮಂ ನಾಮ ಮಹಾವಿಹಾರಂ ಕಾರಪೇತ್ವಾ ಸಟ್ಠಿಸಹಸ್ಸಾನಂ ಭಿಕ್ಖೂನಂ ಭತ್ತಂ ಪಟ್ಠಪೇಸಿ. ಸಕಲಜಮ್ಬುದೀಪೇ ಚತುರಾಸೀತಿಯಾ ನಗರಸಹಸ್ಸೇಸು ಚತುರಾಸೀತಿ ವಿಹಾರಸಹಸ್ಸಾನಿ ಕಾರಾಪೇಸಿ. ಚತುರಾಸೀತಿ ಚೇತಿಯಸಹಸ್ಸ ಪತಿಮಣ್ಡಿತಾನಿ ಧಮ್ಮೇನೇವ ನೋ ಅಧಮ್ಮೇನ, ಏಕದಿವಸಂ ಕಿರ ರಾಜಾ ಅಸೋಕಾರಾಮೇ ಮಹಾದಾನಂ ದತ್ವಾ ಸಟ್ಠಿಸಹಸ್ಸ ಸಙ್ಖಸ್ಸ ಭಿಕ್ಖುಸಙ್ಘಸ್ಸ ಮಜ್ಝೇ ನಿಸಜ್ಜ ಸಙ್ಘಂ ಚತೂಹಿ ಪವ್ಚಯೇಹಿ ಪವಾರೇತ್ವಾ ಇಮಂ ಪಞ್ಹಂ ಪುಚ್ಛಿ ಭನ್ತೇ ಭಗವತೋ ದೇಸಿತ ಧಮ್ಮೋ ನಾಮ ಕಿತ್ತಕೋ ಹೋತೀತಿ. ಮಹಾರಾಜ ನವ ಅಙ್ಗಾನಿ, ಖಣ್ದತೋ ಚತುರಾಸೀತಿ ಧಮ್ಮಕ್ಖಣ್ಧ ಸಹಸ್ಸಾನೀತಿ.

ರಾಜಾ ಧಮ್ಮೇ ಪಸೀದಿತ್ವಾ ಏಕೇಕಂ ಧಮ್ಮಕ್ಖಣ್ಧಂ ಏಕೇಕೇನ ವಿಹಾರೇನ ಪೂಜೇಸ್ಸಾಮೀತಿ ಏಕದಿವಸಮೇವ ಛನ್ನವುತಿ ಕೋಟಿಧನಂ ವಿಸ್ಸಜ್ಜೇತ್ವಾ ಅಮಚ್ಚೇ ಆಣಾಪೇಸಿ. ಏಥ ಭಣೇ ಏಕೇಕಸ್ಮಿಂ ನಗರೇ ಏಕಮೇಕಂ ವಿಹಾರಂ ಕಾರೇನ್ತಾ ಚತುರಾಸೀತಿಯಾ ನಗರಸಹಸ್ಸೇಸು ಚತುರಾಸೀತಿ ವಿಹಾರಸಹಸ್ಸಾನಿ ಕಾರಾಪೇಥಾತಿ ಸಯಞ್ಚ ಅಸೋಕಾರಾಮೇ ಅಸೋಕ ಮಹಾವಿಹಾರತ್ಥಾಯ ಕಮ್ಮಂ ಪಟ್ಠಪೇಸಿ.

ಸಙ್ಘೋ ಇಣ್ದಗುತ್ತತ್ಥೇರಂ ನಾಮ ಮಹಿದ್ಧಿಯಂ ಮಹಾನುಭಾವಂ ಖೀಣಾಸವಂ ನವಕಮ್ಮಾಧಿಟ್ಠಾಯಕಂ ಅದಾಸಿ. ಥೇರೋ ಯಂ ಯಂ ನ ನಿಟ್ಠಾತಿ ತಂ ತಂ ಅತ್ತನೋ ಆನುಭಾವೇನ ನಿಟ್ಠಾಪೇಸಿ. ಏವಂ ತೀಹಿ ಸಂವಚ್ಛರೇಹಿ ವಿಹಾರಕಮ್ಮಂ ನಿಟ್ಠಾಪೇಸಿ. ಏಕದಿವಸಮೇವ ಸಬ್ಬನಗರೇಹಿ ಪಣ್ಣಾನಿ ಆಗಮಿಂಸು ಅಮಚ್ಚಾ ರಞ್ಞೋ ಆರೋಚೇಸುಂ. ನಿಟ್ಠಿತಾನಿ ದೇವ ಚತುರಾಸೀತಿ ವಿಹಾರಸಹಸ್ಸಾನೀತಿ ಅಥ ರಾಜಾ ಭಿಕ್ಖುಸಙ್ಘಂ ಉಪಸಙ್ಕಮಿತ್ವಾ ಭನ್ತೇ ಮಯಾ ಚತುರಾಸೀತಿ ವಿಹಾರಸಹಸ್ಸಾನಿ ಕಾರಿತಾನಿ ಧಾತುಯೋಕುತೋ ಲಭಿಸ್ಸಾಮೀತಿ ಪುಚ ಪುಚ್ಛಿ.

ಮಹಾರಾಜ ಧಾತುನಿಧಾನಂ ನಾಮ ಅತ್ಥೀತಿ ಸುಣೋಮ. ನ ಪನ ಪಞ್ಞಾಯತಿ ಅಸುಕಾಟ್ಠಾನೇತಿ ರಾಜಾ ರಾಜಗಹೇ ಚೇತಿಯಂ ಭಿಣ್ದಾಪೇತ್ವಾ ಧಾತುಂ ಅಪಸ್ಸನ್ತೋ ಪಟಿಪಾಕತಿಯಂ ಕಾರೇತ್ವಾ ಭಿಕ್ಖು-ಭಿಕ್ಖುನಿಯೋ-ಉಪಾಸಕ-ಉಪಾಸಿಕಾಯೋತಿ ಚತಸ್ಸೋ ಪರಿಸಾ ಗಹೇತ್ವಾ ವೇಸಾಲಿಂ ಗತೋ. ತತ್ರಾಪಿ ಅಲಭಿತ್ವಾ ಕಪಿಳವತ್ಥುಂ, ತತ್ರಾಪಿ ಅಲಭಿತ್ವಾ ರಾಮಗಾಮಂ ಗತೋ, ರಾಮಗಾಮೇ ನಾಗಾ ಚೇತಿಯಂ ಭಿಣ್ದಿತುಂ ನ ಅದಂಸು. ಚೇತಿಯೇ ನಿಪತಿತ ಕುದ್ದಾಲೋ ಖಣ್ಡಾಖಣ್ಡಂ ಹೋತಿ ಏವಂ ತತ್ರಾಪಿ ಅಲಭಿತ್ವಾ ಅಲ್ಲಕಪ್ಪಂ-ಪಾವಂ-ಕುಸಿನಾರನ್ತಿ ಸಬ್ಬತ್ಥ ಚೇತಿಯಾತಿ ಭಿಣ್ದಿತ್ವಾ ಧಾತುಂ ಅಲಭಿತ್ವಾ ಪಟಿಪಾಕತಿಕಾನಿ ¶ ಕತ್ವಾ ರಾಜಗಹಂ ಗನ್ತ್ವಾ ಚತಸ್ಸೋ ಪರಿಸಾ ಸನ್ನಿಪಾತೇತ್ವಾ ಅತ್ಥಿ ಕೇನಚಿ ಸುತಪುಬ್ಬಂ ಅಸುಕಟ್ಠಾನೇ ನಾಮ ಧಾತು ನಿಧಾನನ್ತಿ ಪುಚ್ಛಿ.

ತತ್ಥೇಕೋ ವಿಸಂವಸ್ಸ ಸತಿಕೋ ಥೇರೋ ಅಸುಕಟ್ಠಾನೇ ಧಾತುನಿಧಾನನ್ತಿ ನ ಜಾನಾಮಿ. ಮಯ್ಹಂ ಪನ ಪಿತಾಮಹತ್ಥೇರೋ ಮಯಿ ಸತ್ತವಸ್ಸಿಕಕಾಲೇ ಮಾಲಾಚಙ್ಗೋಟಕಂ ಗಾಹಾಪೇತ್ವಾ ಏಹಿ ಸಾಮಣೇರ, ಅಸುಕ ಗಚ್ಛನ್ತರೇ ಪಾಸಾನಥೂಪೋ ಅತ್ಥಿ, ತತ್ಥ ಗಚ್ಛಾಮಾತಿ ಗನ್ತ್ವಾ ಪೂಜೇತ್ವಾ ಇಮಂ ಠಾನಂ ಉಪಧಾರೇತುಂ ವಟ್ಟತಿ ಸಾಮಣೇರೋತಿ ಆಹ. ಅಹಂ ಏತ್ತಕಮೇವ ಜಾನಾಮಿ ಮಹಾರಾಜಾತಿ ಆಹ.

ರಾಜಾ ಏತದೇವ ಠಾನನ್ತಿ ವತ್ವಾ ಗಚ್ಛೇ ಹರಾಪೇತ್ವಾ ಪಾಸಾಣಥೂಪಂ ಪಂಸುಞ್ಚ ಅಪನೇತ್ವಾ ಹೇಟ್ಠಾ ಸುಧಾಭೂಮಿಂ ಅದ್ದಸ. ತತೋ ಸುಧಞ್ಚ ಇಟ್ಠಕಾಯೋ ಚ ಹರಾಪೇತ್ವಾ ಅನುಪುಬ್ಬೇನ ಪರಿವೇಣಾ ಓರುಯ್ಹ ಸತ್ತ ರತನವಾಲಿಕಂ ಅಸೀತಿ ಹತ್ಥಾನಿ ಚ ಕಟ್ಠರೂಪಾನಿ ಸಮ್ಪರಿವತ್ತನ್ತಾನಿ ಅದ್ದಸ. ಸೋ ಯಕ್ಖ ದಾಸಕೇ ಪಕ್ಕೋಸಾಪೇತ್ವಾ ಬಲಿಕಮ್ಮಂ ಕಾರೇತ್ವಾಪಿ ನೇವ ಅನ್ತಂ ನ ಕೋಟಿಂ ಪನ್ನನ್ತೋ ದೇವತಾ ನಮಸ್ಸಮಾನೋ ಅಹಂ ಇಮಾ ಧಾತುಯೋ ಗಹೇತ್ವಾ ಚತುರಾಸೀತಿಯಾ ವಿಹಾರಸಹಸ್ಸೇಸು ನಿದಹಿತ್ವಾ ಸಕ್ಕಾರಂ ಕರೋಮಿ ಮಾ ದೇವತಾ ಅನ್ತರಾಯಂ ಕರೇನ್ತೂತಿ ಆಹ.

ಸಕ್ಕೋ ದೇವರಾಜಾ ಚಾರಿಕಂ ಚರನ್ತೋ ತಂ ದಿಸ್ವಾ ವಿಸ್ಸಕಮ್ಮಂ ಆಮನ್ತೇತ್ವಾ ಆಹ. ತಾತ, ಅಸೋಕೋ ಧಮ್ಮರಾಜಾ ಧಾತುಯೋ ನೀಹರಿಸ್ಸಾಮೀತಿ ಪರಿವೇಣಂ ಓತಿಣ್ಣೋ, ಗನ್ತ್ವಾ ಕಟ್ಠರೂಪಾನಿ ಹಾರೇಹೀತಿ ಸೋ ಪಞ್ಚಚೂಳಗಾಮ ದಾರಕವೇಸೇನಾಗನ್ತ್ವಾ ರಞ್ಞೋ ಪುರತೋ ಧನುಕಹತ್ಥೋ ಠತ್ವಾ ಹಾರೇಮಿ ಮಹಾರಾಜಾತಿ ಆಹ. ಹರ ತಾತಾತಿ. ಸರಂ ಗಹೇತ್ವಾ ಸನ್ಧಿಮ್ಹಿಯೇವ ವಿಜ್ಝಿ, ಸಬ್ಬಂ ವಿಪ್ಪಕಿರೀಯಿತ್ಥ.

ಅಥ ರಾಜಾ ಆಚಿಞ್ಜನೇ ಬದ್ಧ ಕುಞ್ಚಿಕ ಮುದ್ದಿಕಂ ಗಣ್ಹಿ, ಮಣಿಕ್ಖಣ್ಧಂ ಪಸ್ಸಿ, ಅನಾಗತೇ ದಳಿದ್ದರಾಜಾನೋ ಇಮಂ ಮಣಿಂ ಗಹೇತ್ವಾ ಧಾತೂನಂ ಸಕ್ಕಾರಂ ಕರೋನ್ತೂತಿ ಪನ ಅಕ್ಖರಾನಿ ದಿಸ್ವಾ ಕುಜ್ಝಿತ್ವಾ ಮಾದಿಸಂ ನಾಮ ರಾಜಾನಂ ದಳಿದ್ದರಾಜಾತಿ ಚತ್ತು ಯುತ್ತನ್ತಿ ಪುನಪ್ಪುನ ಘಟೇತ್ವಾ ದ್ವಾರಂ ವಿಚರಿತ್ವಾ ಅನ್ತೋಗೇಹಂ ಪವಿಟ್ಠೋ. ಅಟ್ಠಾರಸ ವಸ್ಸಾಧಿಕಾನಂ ದ್ವಿನ್ನಂ ವಸ್ಸಸತಾನಂ ಉಪರಿ ಆರೋಪಿತದೀಪಾ ತಥೇವ ಪಜ್ಜಲನ್ತಿ ನಿಲುಪ್ಪಲ ಪುಪ್ಫಾನಿ ತಂ ಖಣಂ ಆಹರಿತ್ವಾ ಆರೋಪಿತಾನಿ ವಿಯ, ಪುಪ್ಫಸಣ್ಥರೋ ತಂ ಖಣಂ ಸನ್ಥತೋ ವಿಯ, ಗಣ್ಧಾ ತಂ ಮುಹುತ್ತಂ ಪಿಂಸಿತ್ವಾ ಠಪಿತಾ ವಿಯ.

ರಾಜಾ ಸುವಣ್ಣಪಟ್ಟಂ ಗಹೇತ್ವಾ ಅನಾಗತೇ ಪಿಯದಾಸೋನಾಮ ಕುಮಾರೋ ಛತ್ತಂ ಉಸ್ಸಾಪೇತ್ವಾ ಅಸೋಕೋ ನಾಮ ಧಮ್ಮರಾಜಾ ಭವಿಸ್ಸತಿ ಸೋ ಇಮಾ ಧಾತುಯೋ ಗಹೇತ್ವಾ ವಿತ್ಥಾರಿಕಾ ಕರಿಸ್ಸತೀತಿ ವಾಚೇತ್ವಾ ದಿಟ್ಠೋ’ಹಂ ಅಯ್ಯೋನ ಮಹಾಕಸ್ಸಪತ್ಥೇರೇನಾತಿ ವತ್ವಾ ವಾಮಹತ್ಥಂ ಆಭುಜಿತ್ವಾ ದಕ್ಖಿಣಹತ್ಥೇನ ಅಪ್ಪೋಠೇಸಿ.

ಸೋ ತಸ್ಮಿಂ ಠಾನೇ ಪರಿಚರಣಕ ಧಾತುಮತ್ತಕಮೇವ ಠಪೇತ್ವಾ ಸೇಸಧಾತುಯೋ ಸಬ್ಬಾ ಗಹೇತ್ವಾ ಧಾತುಘರಂ ಪುಬ್ಬೇ ಪಿಹಿತನಯೇನೇವ ಪಿದಹಿತ್ವಾ ¶ ಸಬ್ಬಂ ಯಥಾ ಪಕತಿಯಾವ ಕಾರೇತ್ವಾ ಉಪರಿ ಪಾಸಾಣಚೇತಿಯಂ ಪತಿಟ್ಠಾಪೇತ್ವಾ ಚತುರಾಸೀತಿಯಾ ವಿಹಾರಸಹಸ್ಸೇಸುಧಾತುಯೋ ಪತಿಟ್ಠಾಪೇಸಿ ಏವಂ ಜಮ್ಬುದೀಪತಲೇ ಅಸೋಕೋ ಧಮ್ಮರಾಜಾ ಚತುರಾಸಿತಿ ಚೇತಿಯ ಸಹಸ್ಸಾನಿ ಕಾರಾಪೇಸಿ.

ಸಬ್ಬೇ ಥೂಪಾ ಸಬ್ಬಲೋಕೇಕದೀಪಾ ಸಬ್ಬೇಸಂ ಯೇ ಸಗ್ಗಮೋಕ್ಖಾವಹಾ ಚ, ಹಿತ್ವಾ ಸಬ್ಬಂ ಕಿಚ್ಚಮಞ್ಞಂ ಜನೇನ ವಣ್ದಯ್ಯಾ ತೇ ಸಬ್ಬಥಾ ಸಬ್ಬಕಾಲನ್ತಿ.

ಚತುರಾಸೀತಿ ಸಹಸ್ಸ ಥೂಪಕಥಾ

೧೨. ಏವಂ ಅಸೋಕೋ ಧಮ್ಮರಾಜಾ ಚತುರಾಸೀತಿ ವಿಹಾರಸಹಸ್ಸಮಹಂ ಕತ್ವಾ ಮಹಾಥೇರೋ ವನ್ದಿತ್ವಾ ಪುಚ್ಛಿ ದಾಯಾದೋಮ್ಹಿ ಭನ್ತೇ ಬುದ್ಧಸಾಸನೇ’ತಿ. ಕಿಸ್ಸ ದಾಯಾದೋ ತ್ವಂ ಮಹಾರಾಜ, ಬಾಹಿರಕೋ ತ್ವಂ ಸಾಸನಸ್ಸಾತಿ. ಭನ್ತೇ ಛನ್ನವುತಿಕೋಟಿಧನಂ ವಿಸ್ಸಜ್ಜೇತ್ವಾ ಚತುರಾಸೀತಿ ವಿಹಾರಸಹಸ್ಸಾನಿ ಸಚೇತಿಯಾನಿ ಕಾರಾಪೇತ್ವಾ ಅಹಂ ನ ದಾಯಾದೋ, ಅಞ್ಞೇ ಕೋ ದಾಯಾದೋತಿ, ಪಚ್ಚಯ ದಾಯಕೋ ನಾಮ ತ್ವಂ ಮಹಾರಾಜ, ಯೋ ಪನ ಅತ್ತನೋ ಪುತ್ತಞ್ಚ ಧೀತರಞ್ಚ ಪಬ್ಬಾಜೇತಿ, ಅಯಂ ಸಾಸನೇ ದಾಯಾದೋ ನಾಮಾತಿ.

ಏವಂ ವುತ್ತೇ ಅಸೋಕೋ ರಾಜಾ ಸಾಸನೇ ದಾಯಾದಭಾವಂ ಪತ್ಥಯಮಾನೋ ಅವಿದೂರೇ ಠಿತಂ ಮಹಿಣ್ದಕುಮಾರಂ ದಿಸ್ವಾ ಸಕ್ಖಿಸ್ಸಸಿತ್ವಂ ತಾತ ಪಬ್ಬಜಿತುನ್ತಿ ಆಹ. ಕುಮಾರೋ ಪಕತಿಯಾ ಪಬ್ಬಜಿತುಕಾಮೋ ರಞ್ಞೋ ವಚನಂ ಸುತ್ವಾ ಅತಿವಿಯ ಪಾಮೋಜ್ಜಜಾತೋ ಪಬ್ಬ್ಜಾಮಿ ದೇವ, ಮಂ ಪಬ್ಬಾಜೇತ್ವಾ ಸಾಸನೇ ದಾಯಾದೋ ಹೋಥಾತಿ ಆಹ ತೇನ ಚ ಸಮಯೇನ ರಾಜಧೀತಾ ಸಙ್ಘಮಿತ್ತಾಪಿ ತಸ್ಮಿಂ ಠಾನೇ ಠಿತಾ ಹೋತಿ ತಂ ದಿಸ್ವಾ ಆಹ-’ತ್ವಮ್ಪಿ ಅಮ್ಮ ಪಬ್ಬಜಿತುಂ ಸಕ್ಖಿಸ್ಸಸೀ’ತಿ, ಸಾಧು ತಾತಾತಿ ಸಮ್ಪಟಿಚ್ಛಿ. ರಾಜಾ ಪುತ್ತ ನ ಮನಂ ಲಭಿತ್ವಾ ಪಹಟ್ಠಚಿತ್ತೋ ಭಿಕ್ಖುಸಙ್ಘಂ ಉಪಸಙ್ಕಮಿತ್ವಾ ಭನ್ತೇ ಇಮೇ ದಾರಕೇ ಪಬ್ಬಾಜೇತ್ವಾ ಮಂ ಸಾಸನೇ ದಾಯಾದಂ ಕರೋಥಾತಿ ಸಙ್ಘೋ ರಞ್ಞೋ ವಚನಂ ಸಮ್ಪಟಿಚ್ಛಿತ್ವಾ ಕುಮಾರಂ ಮೋಗ್ಗಲಿಪುತ್ತ ತಿಸ್ಸತ್ಥೇರೇನ ಉಪಜ್ಝಾಯೇನ ಮಹಾದೇವತ್ಥೇರೇನ ಚ ಆಚರಿಯೇನ ಪಬ್ಬಜ್ಜಾಪೇಸಿ. ಮಜ್ಝನ್ತಿಕತ್ಥೇರೇನ ಆಚರಿಯೇನ ಉಪಸಮ್ಪಾದೇಸಿ ಉಪಸಮ್ಪದಾಮಾಲಕೇಯೇವ ಸಹಪಟಿಸಮ್ಭಿದಾಹಿ ಅರಹತ್ತಂ ಪಾಪುಣಿ.

ಸಙ್ಘಮಿತ್ತಾಯಪಿ ರಾಜಧೀತಾಯ ಆಚರಿಯಾ ಆಯುಪಾಲತ್ಥೇರಿ ನಾಮ, ಉಪಜ್ಝಾಯಾ ಪನ ಧಮ್ಮಪಾಲತ್ಥೇರೀ ನಾಮ ಅಹೋಸಿ. ಅಥ ಮಹಿಣ್ದತ್ಥೇರೋ ಉಪಸಮ್ಪನ್ನ ಕಾಲತೋಪ್ಪಭೂತಿ ಅತ್ತನೋ ಉಪಜ್ಝಾಯಸ್ಸೇವ ಸನ್ತಿಕೇ ಧಮ್ಮಞ್ಚ ವಿನಯಞ್ಚ ಪರಿಯಾಪುಣನ್ತೋ ದ್ವೇಪಿ ಸಙ್ಗಿತಿಯೋ ಆರುಳ್ಹಂ ತಿಪಿಟಕ ಸಙ್ಗಹೀತಂ ಸಾಟ್ಠಕಥಂ ಥೇರವಾದಂ ತಿಣ್ಣಂ ವಸ್ಸಾನಂ ಅಬ್ಭನ್ತರೇ ಉಗ್ಗಹೇತ್ವಾ ಅತ್ತನೋ ಉಪಜ್ಝಾಯಸ್ಸ ಅನ್ತೇವಾಸಿಕಾನಂ ಸಹಸ್ಸಮತ್ತಾನಂ ಭಿಕ್ಖೂನಂ ಪಾಮೋಕ್ಖಂ ಅಹೋಸಿ.

ತೇನ ¶ ಖೋ ಪನ ಸಮಯೇನ ಮೋಗ್ಗಲಿಪುತ್ತತಿಸ್ಸತ್ಥೇರೋ ಕತ್ಥ ನು ಖೋ ಅನಾಗತೇ ಸಾಸನಂ ಸುಪ್ಪತಿಟ್ಠಿತಂ ಗವೇಯ್ಯಾತಿ ಉಪಪರಿಕ್ಖನ್ತೋ ಪಚ್ಚನ್ತಿಮೇಸು ಜನಪದೇಸು ಸುಪ್ಪತಿಟ್ಠಿತಂ ಭವಿಸ್ಸತೀತಿ ಞತ್ವಾ ತೇಸಂ ತೇಸಂ ಭಿಕ್ಖೂನಂ ಭಾರಂ ಕತ್ವಾ ತೇ ತೇ ಭಿಕ್ಖು ತತ್ಥ ತತ್ಥ ಪೇಸೇಸಿ.

ಮಜ್ಝನ್ತಿಕತ್ಥೇರಂ ಕಸ್ಮೀರ ಗಣ್ಧಾರ ರಟ್ಠಂಪೇಸೇಸಿ ತ್ವಂ ಏತಂ ರಟ್ಠಂ ಗನ್ತ್ವಾ ತತ್ಥ ಸಾಸನಂ ಪತಿಟ್ಠಾಪೇಹೀತಿ ಮಹಾದೇವತ್ಥೇರಂ ತಥೇವ ವತ್ವಾ ಮಹಿಂಸಕಮಣ್ಡಲಂ ಪೇಸೇಸಿ. ರಕ್ಖಿತತ್ಥೇರಂವನವಾಸೀಂ, ಯೋನಕಧಮ್ಮರಕ್ಖಿತತ್ಥೇರಂ ಅಪರನ್ತಕಂ, ಮಹಾಧಮ್ಮರಕ್ಖಿತತ್ಥೇರಂ ಮಹಾರಟ್ಠಂ ಮಹಾರಕ್ಖಿತತ್ಥೇರಂ ಯೋನಕ ಲೋಕಂ. ಮಜ್ಝಿಮತ್ಥೇರಂ ಹಿಮವನ್ತದೇಸ ಭಾಗಂ, ಸೋಣತ್ಥೇರಂ-ಉತ್ತರತ್ಥೇರಞ್ಚ ಸುವಣ್ಣಭೂಮಿಂ. ಅತ್ತನೋ ಸದ್ಧಿವಿಹಾರಿಕಂ ಮಹಿಣ್ದತ್ಥೇರಂ ಇಟ್ಟಿಯತ್ಥೇರೇನ ಉತ್ತಿಯತ್ಥೇರೇನ ಭದ್ದಸಾಲತ್ಥೇರೇನ ಸಮ್ಬಲತ್ಥೇರೇನ ಚ ಸದ್ಧಿಂ ತಮ್ಬಪಣ್ಣಿದೀಪಂ ಗನ್ತ್ವಾ ಏತ್ಥ ಸಾಸನಂ ಪತಿಟ್ಠಾಪೇಥಾತಿ. ಸಬ್ಬೇಪಿ ತಂ ತಂ ದಿಸಾಭಾಗಂ ಗಚ್ಛನ್ತಾ ಅತ್ತಪಞ್ಚಮಾ ಅಗಮಿಂಸು ಸಬ್ಬೇಪಿ ಥೇರಾ ಗತಗತಟ್ಠಾನೇ ಮನುಸ್ಸೇ ಪಸಾದೇತ್ವಾ ಸಾಸನಂ ಪತಿಟ್ಠಾಪೇಸುಂ.

ಮಹಿಣ್ದತ್ಥೇರೋ ಪನ ತಮ್ಬಪಣ್ಣಿದೀಪಂ ಗನ್ತ್ವಾ ಸಾಸನಂ ಪತಿಟ್ಠಾಪೇಹೀತಿ ಉಪಜ್ಝಾಯೇನ ಭಿಕ್ಖುಸಙ್ಘೇನ ಚ ಅಜ್ಝಿಟ್ಠೋ ಕಾಲೋ ನು ಖೋ ಮೇ ತಮ್ಬಪಣ್ಣಿದೀಪಂ ಗನ್ತುಂ ನೋತಿ ಉಪಧಾರೇನ್ತೋ ಮುಟಸೀವರಞ್ಞೋ ಮಹಲ್ಲಕಭಾವಂ ಚಿನ್ತೇಸಿ. ಅಯಂ ಮಹಾರಾಜಾ ಮಹಲ್ಲಕೋ, ನ ಸಕ್ಕಾ ಇಮಂ ಗಣ್ಹಿತ್ವಾ ಸಾಸನಂ ಪಗ್ಗಹೇತುಂ, ಇದಾನಿ ಪನಸ್ಸ ಪುತ್ತೋ ದೇವಾನಮ್ಪಿಯತಿಸ್ಸೋ ರಜ್ಜಂ ಕಾರೇಸ್ಸತಿ. ತಂ ಗಣ್ಹಿತ್ವಾ ಸಕ್ಕಾ ಭವಿಸ್ಸತಿ ಸಾಸನಂ ಪಗ್ಗಹೇತುಂ, ಹಣ್ದ ಯಾವ ಸೋ ಸಮಯೋ ಆಗಚ್ಛತಿ ತಾವ ಞಾತಕೇ ಓಲೋಕೇಮ, ಪುನ’ದಾನಿ ಇಮಂ ಜನಪದಂ ಆಗಚ್ಛೇಯ್ಯಾಮ ವಾ ನ ವಾತಿ.

ಸೋ ಏವಂ ಚಿನ್ತೇತ್ವಾ ಉಪಜ್ಝಾಯಞ್ಚ ಭಿಕ್ಖುಸಙ್ಘಞ್ಚ ವನ್ದಿತ್ವಾ ಅಸೋಕಾರಾಮತೋ ನಿಕ್ಖಮ್ಮ ತೇಹಿ ಇಟ್ಟಿಯಾದೀಹಿ ಚತೂಹಿ ಥೇರೇಹಿ ಸಙ್ಘಮಿತ್ತಾಯ ಪುತ್ತೇನ ಸುಮನಸಾಮಣೇರೇನ ಭಣ್ಡುಕೇನಕ ಚ ಉಪಾಸಕೇನ ಸದ್ಧಿಂ ರಾಜಗಹನಗರ ಉಪವತ್ತಕೇ ದಕ್ಖಿಣ ಗಿರಿಜನಪದೇ ಚಾರಿಕಂ ಚರಮಾನೋ ಞಾತಕೇ ಓಲೋಕೇನ್ತೋ ಛ ಮಾಸೇ ಅತಿಕ್ಕಾಮೇಸಿ ಅಥಾನುಪುಬ್ಬೇನ ಮಾತುನಿವೇಸನಟ್ಠಾನಂ ವೇಟಿಸ ನಗರಂ ನಾಮ ಸಮ್ಪತ್ತೋ ಸಮ್ಪತ್ತಞ್ಚ ಪನ ಥೇರಂ ದಿಸ್ವಾ ಥೇರಮಾತಾ ದೇವೀ ಪಾದೇ ಸಿರಸಾ ವನ್ದಿತ್ವಾ ಭಿಕ್ಖಂ ದತ್ವಾ ಥೇರಂ ಅತ್ತನಾ ಕತಂ ವೇಟಿಸಗಿರಿ ವಿಹಾರಂ ನಾಮ ಆರೋಪೇಸಿ.

ಥೇರೋ ತಸ್ಮಿಂ ವಿಹಾರೇ ನಿಸನ್ನೋ ಚಿನ್ತೇಸಿ ಅಮ್ಹಾಕಂ ಇಧ ಕತ್ತಬ್ಬ ಕಿಚ್ಚಂ ನಿಟ್ಠಿತಂ. ಸಮಯೋ ನು ಖೋ ಇದಾನಿ ಲಙ್ಕಾದಿಪಂ ಗನ್ತುನ್ತಿ. ತತೋ ಚಿನ್ತೇಸಿ-ಅನುಭವತು ತಾವ ಮೇ ಪಿತರಾ ಪೇಸಿತಂ ಅಭಿಸೇಕಂ ¶ ದೇವಾನಮ್ಪಿಯತಿಸ್ಸೋ ರತನತ್ತಯಗುಣಞ್ಚ ಸುಣಾತು, ಛಣತ್ಥಞ್ಚ ನಗರತೋ ನಿಕ್ಖಮಿತ್ವಾ ಮಿಸ್ಸಕಪಬ್ಬತಂ ಅಭಿರೂಹತು ತದಾ ತಂ ತತ್ಥ ದಕ್ಖಿಸ್ಸಾಮಾತಿ. ಅಥಾಪರಂ ಏಕಮಾಸಂ ತತ್ಥೇವ ವಾಸಂ ಕಪ್ಪೇಸಿ.

ಮಾಸಾತಿಕ್ಕಮೇ ಸಕ್ಕೋ ದೇವಾನಮಿನ್ದೋ ಮಹಿಣ್ದತ್ಥೇರಂ ಉಪಸಙ್ಕಮಿತ್ವಾ ಏತದವೋಚ.’ ಕಾಲಕತೋ ಭನ್ತೇ ಮುಟಸೀವರಾಜಾ, ಇದಾನಿ ದೇವಾನಮ್ಪಿಯತಿಸ್ಸ ರಾಜಾ ರಜ್ಜಂ ಕಾರೇತಿ. ಸಮ್ಮಾಸಮ್ಬುದ್ಧೇನ ಚ ತುಮ್ಹೇ ವ್ಯಾಕತಾ ಅನಾಗತೇ ಮಹಿಣ್ದೋ ನಾಮ ಭಿಕ್ಖು ತಮ್ಬಪಣ್ಣಿದೀಪಂ ಪಸಾದೇಸ್ಸತೀ’ತಿ. ತಸ್ಮಾ ತಿಹ ವೋ ಭನ್ತೇ ಕಾಲೋ ದೀಪವರಂ ಗಮನಾಯ, ಅಹಮ್ಪಿ ವೋ ಸಹಾಯೋ ಭವಿಸ್ಸಾಮೀ.

ಥೇರೋ ತಸ್ಸ ವಚನಂ ಸಮ್ಪಟಿಚ್ಛಿತ್ವಾಅತ್ತಸತ್ತಮೋ ವೇಟಿಸ ಪಬ್ಬತವಿಹಾರಾ ವೇಹಾಸಂ ಉಪ್ಪತಿತ್ವ ಅನುರಾಧಪುರಸ್ಸ ಪುರತ್ಥಿಮಾಯ ದಿಸಾಯ ಮಿಸ್ಸಕಪಬ್ಬತೇ ಪತಿಟ್ಠಹಿ ಯಂ ಏತರಹಿ ಚೇತಿಯಪಬ್ಬತೋತಿಪಿ ಸಞ್ಜಾನನ್ತಿ ತಸ್ಸಮಿಂ ದಿವಸೇ ತಮ್ಬಪಣ್ಣಿದಿಪೇ ಜೇಟ್ಠಮೂಲ ನಕ್ಖತ್ತಂ ನಾಮ ಹೋತಿ ರಾಜಾ ನಕ್ಖತ್ತಂ ಘೋಸಾಪೇತ್ವಾ ಛಣಂ ಕರೋಥಾತಿ ಅಮಚ್ಚೇ ಆಣಾಪೇತ್ವಾ ಚತ್ತಾಲೀಸ ಪುರಿಸ ಸಹಸ್ಸಪರಿವಾರೋ ನಗರಮ್ಭಾ ನಿಕ್ಖಮಿತ್ವಾ ಯೇನ ಮಿಸ್ಸಕಪಬ್ಬತೋ ತೇನ ಪಾಯಾಸಿ ಮಿಗವಂ ಕೀಳಿತುಕಾಮೋ ಅಥ ತಸ್ಮಿಂ ಪಬ್ಬತೇ ಅಧಿವತ್ಥಾ ದೇವತಾ ರಞ್ಞೋ ಥೇರೇ ದಸ್ಸೇಸ್ಸಾಮೀತಿ ರೋಹಿತ ಮಿಗರೂಪಂ ಗಹೇತ್ವಾ ಅವಿದೂರೇ ತಿಣಪಣ್ಣಾನಿ ಖಾದಮಾನಾ ವಿಯ ಚರತಿ.

ರಾಜಾ ದಿಸ್ವಾ ಅಯುತ್ತಂ ದಾನಿ ಪಮತ್ತಂ ವಿಜ್ಝಿತುನ್ತಿ ಜೀಯಂ ಪೋಠೇಸಿ. ಮಗೋ ಅಮ್ಬತ್ಥಲಮಗ್ಗಂ ಗಹೇತ್ವಾ ಪಲಾಯಿತುಂ ಆರಭಿ ರಾಜಾಪಿ ಪಿಟ್ಠಿತೋ ಪಿಟ್ಠಿತೋ ಅನುಬಣ್ಧನ್ತೋ ಅಮ್ಬತ್ಥಲಮೇವ ಆರುಹಿ. ಮಿಗೋ ಥೇರಾನಂ ಅವಿದೂರೇ ಅನ್ತರಧಾಯಿ.

ಮಹಿಣ್ದತ್ಥೇರೋ ರಾಜಾನಂ ಅವಿದೂರೇ ಆಗಚ್ಛನ್ತಂ’ಮಮಂಯೇವ ರಾಜಾ ಪಸ್ಸತು, ಮಾ ಇತರೇ’ತಿ ಅಧಿಟ್ಠಹಿತ್ವಾ’ತಿಸ್ಸ! ತಿಸ್ಸ! ಇತೋ ಏಹೀ’ತಿ ಆಹ. ರಾಜಾ ಸುತ್ವಾ ಚಿನ್ತೇಸಿ-ಇಮಸ್ಮಿಂ ತಮ್ಬಪಣ್ಣಿದೀಪೇ ಜಾತೋ ಮಂ ತಿಸ್ಸೋತಿ ನಾಮಂ ಗಹೇತ್ವಾ ಆಲಪಿತುಂ ಸಮತ್ಥೋ ನಾಮ ನತ್ಥಿ. ಅಯಮ್ಪನ ಛಿನ್ನಭಿನ್ನಪಟಧರೋ ಭಣ್ಡುಕಾಸಾವ ವಸನೋ ಮಂ ನಾಮೇನ ಆಲಪತಿ, ಕೋ ನು ಖೋ ಅಯಂ ಭವಿಸ್ಸತಿ ಮನುಸ್ಸೋ ವಾ ಅಮನುಸ್ಸೋ ವಾತಿ. ಥೇರೋ ಆಹ.

ಸಮಣಾ ಮಯಂ ಮಹಾರಾಜ - ಧಮ್ಮರಾಜಸ್ಸ ಸಾವಕಾ,

ತವೇವ ಅನುಕಮ್ಪಾಯ - ಜಮ್ಬುದೀಪಾ ಇಧಾಗತಾತಿ;

ತೇನ ಸಮಯೇನ ದೇವಾನಮ್ಪಿಯತಿಸ್ಸ ರಾಜಾ ಚ ಅಸೋಕಧಮ್ಮರಾಜಾ ಚ ಅದಿಟ್ಠ ಸಹಾಯಕಾ ಹೋನ್ತಿ. ದೇವಾನಮ್ಪಿಯತಿಸ್ಸ ರಞ್ಞೇ ಚ ಪುಞ್ಞಾನುಭಾವೇನ ಛಾತಪಬ್ಬತಪಾದೇ ಏಕಸ್ಮಿಂ ವೇಳುಗುಮ್ಬೇ ತಿಸ್ಸೋ ವೇಳುಯಟ್ಠಿಯೋ ನಿಬ್ಬತ್ತಿಂಸು ಏಕಾ ಲತಾಯಟ್ಠಿ ನಾಮ, ಏಕಾ ಪುಪ್ಫಯಟ್ಠಿ ನಾಮ ಏಕಾ ಸಕುಣಯಟ್ಠಿ ನಾಮ. ತಾಸು ಲತಾಯಟ್ಠಿ ಸಯಂ ರಜತವಣ್ಣಾ ಹೋತಿ ತಂ ಅಲಙ್ಕರಿತ್ವಾ ಉಪ್ಪನ್ನಲತಾ ಕಞ್ಚನ ವಣ್ಣಾ ಖಾಯತಿ ಪುಪ್ಫಯಟ್ಠಿಯಂ ಪನ ¶ ನೀಲ-ಪೀತ-ಲೋಹಿತ-ಓದಾತ-ಕಾಳವಣ್ಣಾನಿ ಪುಪ್ಫಾನಿ ಸುಚಿಭತ್ತವಣ್ಟ ಪತ್ತ ಕಿಞ್ಜಕ್ಖಾ ಹುತ್ವಾ ಖಾಯನ್ತಿ ಸಕುಣಯಟ್ಠಿಯಂ ಹಂಸಕುಕ್ಕುಟ-ಜೀವಂಜೀವಕಾದಯೋ ಸಕುಣಾ ನಾನಾಪ್ಪಕಾರಾನಿ ಚ ಚತುಪ್ಪದಾನಿ ಸಜೀವಾನಿ ವಿಯ ಖಾಯನ್ತಿ ಸಮುದ್ದತೋಪಿಸ್ಸ ಮುತ್ತಾ-ಮಣಿ-ವೇಳುರಿಯಾದಿ ಅನೇಕವಿಹಿತಂ ರತನಂ ಉಪ್ಪಜ್ಜಿ.

ತಮ್ಬಪಣ್ಣಿಯಂ ಪನ ಅಟ್ಠಮುತ್ತಂ ಉಪ್ಪಜ್ಜಿಂಸು-ಭಯಮುತ್ತಾ ಗಜಮುತ್ತಾ ರಥಮುತ್ತಾ ಆಮಲಕಮುತ್ತಾ ಚಲಯಮುತ್ತಾ ಅಙ್ಗುಲೀವೇಠಕಮುತ್ತಾ ಕಕುಧಫಲಮುತ್ತಾ ಪಾಕತಿಕಮುತ್ತಾತಿ ಸೋ ತಾ ಚ ಯಟ್ಠಿಯೋ ತಾ ಚ ಮುತ್ತಾಯೋ ಅಞ್ಞ್ಚ ಬಹುಂ ರತನಂ ಅಸೋಕಸ್ಸ ಧಮ್ಮರಞ್ಞೋ ಪಣ್ಣಾಕಾರತ್ಥಾಯ ಪೇಸೇಸಿ. ಅಸೋಕೋಪಿ ಪಸೀದಿತ್ವಾ ಪಞ್ಚ ರಾಜಕಕುಧಭಣ್ಡಾನಿಚೇವ ಅಞ್ಞೇ ಚ ಅಭಿಸೇಕತ್ಥಾಯ ಬಹೂಪಣ್ಣಾಕಾರೇ ಪಹಿಣಿ. ನ ಕೇವಲಞ್ಚ ಏತಂ ಆಮಿಸ ಪಣ್ಣಾಕಾರಂ, ಇಮಂ ಕಿರ ಧಮ್ಮ ಪಣ್ಣಾಕಾರಮ್ಪಿ ಪೇಸೇಸಿ.

‘‘ಅಹಂ ಬುದ್ಧಞ್ಚ ಧಮ್ಮಞ್ಚ-ಸಙ್ಘಞ್ಚ ಸರಣಂ ಗತೋ,

ಉಪಾಸಕತ್ತಂ ವೇದೇಸಿಂ-ಸಕ್ಯಪುತ್ತಸ್ಸ ಸಾಸನೇ,

ಇಮೇಸು ತೀಸು ವತ್ಥೂಸು-ಉನ್ನಮೇಸು ನರುತ್ತಮ,

ಚಿತ್ತಂ ಪಸಾದಯಿತ್ವಾನ-ಸದ್ಧಾಯ ಸರಣಂ ವಜಾ’ತಿ;’’

ರಾಜಾ ಅವಿರಸುತಂ ಸಾಸನಪವತ್ತಿಂ ಅನುಸ್ಸರಮಾನೋ ಥೇರಸ್ಸ ತಂ ‘‘ಸಮಣಾಮಯಂ ಮಹಾರಾಜ ಧಮ್ಮರಾಜಸ್ಸ ಸಾವಕಾ‘‘ತಿ ವಚನಂ ಸುತ್ವಾ ಅಯ್ಯಾ ನು ಖೋ ಆಗತಾತಿ ತಾವದೇವ ಆವುಧಂ ನಿಕ್ಖಿಪಿತ್ವಾ ಏಕಮನ್ತಂ ನಿಸೀದಿ ಸಮ್ಮೋದನೀಯಂ ಕಥಂ ಕಥಯಮಾನೋ, ಸಮ್ಮೋದನೀಯಕಥಂ ಕುರುಮಾನೇಯೇವ ತಸ್ಮಿಂ ತಾನಿಪಿ ಚತ್ತಾಲೀಸ ಪುರಿಸಸಹಸ್ಸಾನಿ ಆಗನ್ತ್ವಾ ತಂ ಪರಿವಾರೇಸುಂ. ತದಾ ಥೇರೋ ಇತರೇಪಿ ಜನೇ ದಸ್ಸೇಸಿ.

ರಾಜಾ ದಿಸ್ವಾ ಇಮೇ ಕದಾ ಆಗತಾತಿ ಪುಚ್ಛಿ ಮಯಾ ಸದ್ಧಿಂಯೇವ ಮಹಾ ರಾಜಾತಿ. ಇದಾನಿ ಪನ ಜಮ್ಬುದೀಪೇ ಅಞ್ಞ್ಞೋಪಿ ಏವರೂಪಾ ಸಮಣಾ ಸನ್ತೀತಿ. ಮಹಾರಾಜ ಏತರಹಿ ಜಮ್ಬುದೀಪೋ ಕಾಸಾವ ಪಜ್ಜೋತೋ ಇಸಿವಾತಪರಿವಾತೋ, ತಸ್ಮಿಂ-

‘‘ತೇ ವಿಜ್ಜಾ ಇದ್ಧಿಪತ್ತಾ ಚ ಚೇತೋಪರಿಯಾಯ ಕೋಚಿದಾ,

ಖೀಣಾಸಾವ ಅರಹನ್ತೋ-ಬಹೂ ಬುದ್ಧಸ್ಸ ಸಾವಕಾತಿ’’;

ಅಥ ರಾಜಾ ಭನ್ತೇ ಸ್ವೇ ರಥಂ ಪೇಸೇಸ್ಸಾಮಿ. ತಂ ಅಭಿರೂಹಿತ್ವಾ ಆಗಚ್ಛೇಯ್ಯಾಥಾತಿ ವತ್ವಾ ಪಕ್ಕಾಕಮಿ ಥೇರೋ ಅಚಿರಪಕ್ಕನ್ತಸ್ಸ ರಞ್ಞೋ ಸುಮಣಸಾಮಣೇರಂ ಆಮನ್ತೇಸಿ ಏಹಿ ತ್ವಂ ಸುಮನ ಧಮ್ಮಸವನಕಾಲಂ ಘೋಸೇಹೀತಿ ಸಾಮಣೇರೋ ಅಭಿಞ್ಞಾಪಾದಕಂ ಚತುತ್ಥಜ್ಝಾನಂ ಸಮಾಪಜ್ಜಿತ್ವಾ ವುಟ್ಠಾಯ ಅಧಿಟ್ಠಹಿತ್ವಾ ಸಮಾಹಿತೇನ ಚಿತ್ತೇನ ಸಕಲತಮ್ಬಪಣ್ಣಿದೀಪಂ ಸಾಚೇನ್ತೋ ಧಮ್ಮಸವನಕಾಲಂ ಘೋಸೇಸಿ.

ಸಾಮಣೇರಸ್ಸ ಸದ್ದಂ ಸುತ್ವಾ ಭುಮ್ಮಾ ದೇವತಾ ಸದ್ದಮನುಸ್ಸಾವೇಸು, ಏತೇನುಪಾಯೇನ ಯಾವ ಬ್ರಹ್ಮಲೋಕಾ ಸದ್ದೋ ಅಬ್ಭುಗ್ಗಞ್ಛಿ. ತೇನ ಸದ್ದೇನ ¶ ಮಹಾದೇವತಾ ಸನ್ನಿಪಾತೋ ಅಹೋಸಿ ಥೇರೋ ಮಹನ್ತಂ ದೇವತಾ ಸನ್ತಿಪಾತಂ ದಿಸ್ವಾ ಸಮಚಿತ್ತಸುತ್ತನ್ತಂ ಕಥೇಸಿ. ಕಥಾ ಪರಿಯೋಸಾನೇ ಅಸಙ್ಖೇಯ್ಯಾನಂ ದೇವಾನಂ ಧಮ್ಮಾಭಿಸಮಯೋ ಅಹೋಸಿ. ಬಹೂ ನಾಗ ಸುಪಣ್ಣಾ ಚ ಸರಣೇಸು ಪತಿಟ್ಠಹಿಂಸು. ಅಥ ತಸ್ಸಾ ರತ್ತಿಯಾ ಅಚ್ಚಯೇನ ರಾಜಾ ಥೇರಾನಂ ರಥಂ ಪೇಸೇಸಿ. ಥೇರಾ ನ ಮಯಂ ರಥಂ ಆರುಹಾಮ. ಗಚ್ಛ ತ್ವಂ, ಪಚ್ಛಾ ಮಯಂ ಆಗಚ್ಛಿಸ್ಸಾಮಾತಿ ವತ್ವಾ ವೇಹಾಸಂ ಅಬ್ಭುಗ್ಗನ್ತ್ವಾ ಅನುರಾಧಪುರಸ್ಸ ಪಚ್ಛಿಮದಿಸಾಯ ಪಠಮಕ ಚೇತಿಯಟ್ಠಾನೇ ಓತರಿಂಸು.

ರಾಜಾಪಿ ಸಾರಥಿಂ ಪೇಸೇತ್ವಾ ಅನ್ತೋ ನಿವೇಸನೇ ಮಣ್ಡಪಂ ಪಟಿಯಾದೇತ್ವಾ ಚಿನ್ತೇಸಿ’ ನಿಸೀದಿಸ್ಸನ್ತಿ ನು ಖೋ ಅಯ್ಯಾ ಆಸನೇ ನ ನಿಸೀದಿಸ್ಸನ್ತೀ‘‘ತಿ. ತಸ್ಸೇವಂ ಚಿನ್ತಯನ್ತಸ್ಸೇವ ಸಾರಥಿ ನಗರದ್ವಾರಂ ಪತ್ವಾ ಅದ್ದಸ ಥೇರೇ ಪಠಮತರಂ ಆಗನ್ತ್ವಾ ಕಾಯಬಣ್ಧನಂ ಬಣ್ಧಿತ್ವಾ ಚೀವರಂ ಪಾರುಪನ್ತೇ, ದಿಸ್ವಾ ಅತಿವಿಯ ಪಸನ್ನಮಾನಸೋ ಹುತ್ವಾ ಆಗನ್ತ್ವಾ ರಞ್ಞೋ ಆರೋಚೇಸಿ ಆಗತಾ ದೇವ ಥೇರಾತಿ.

ರಾಜಾ ರಥಂ ಆರುಳ್ಹಾತಿ ಪುಚ್ಛಿ ನ ಆರೂಳ್ಹಾ ದೇವ, ಅಪಿ ಚ ಪಚ್ಛತೋ ನಿಕ್ಖಮಿತ್ವಾ ಪಠಮತರಂ ಆಗನ್ತ್ವಾ ಪಾಚೀನದ್ವಾರೇ ಠಿತಾತಿ. ರಾಜಾ ರಥಂ ನ ಆರುಭಿಂಸೂತೀ ಸುತ್ವಾ ತೇನ ಹಿ ಭಣೇ ಭುಮ್ಮತ್ಥರಣ ಸಙ್ಖೇಪೇನ ಆಸನಾನಿ ಪಞ್ಞಾಪೇಥಾತಿ ವತ್ವಾ ಪಟಿಪಥಾ ಆಗಮಾಸಿ ಅಮಚ್ಚಾ ಪಥವಿಯಂ ತಟ್ಟಿಕಂ ಪಞ್ಞಾಪೇತ್ವಾ ಉಪರಿ ಕೋಜವಕಾದೀನಿ ವಿಚಿತ್ತತ್ಥರಣಾನಿ ಪಞ್ಞಾಪೇಸುಂ ರಾಜಾಪಿ ಗನ್ತ್ವಾ ಥೇರೇ ವನ್ದಿತ್ವಾ ಮಹಿಣ್ದತ್ಥೇರಸ್ಸ ಹತ್ಥತೋ ಪತ್ತಂ ಗಹೇತ್ವಾ ಮಹತಿಯಾ ಪೂಜಾಯ ಚ ಸಕ್ಕಾರೇನ ಚ ಥೇರೇ ಪಣೀತೇನ ಖಾದನೀಯೇನ ಭೋಜನೀಯೇನ ಸಹತ್ಥಾ ಸನ್ತಪ್ಪೇತ್ವಾ ಅನುಲಾದೇವೀ ಪಮುಖಾ ಪಞ್ಚ ಇತ್ಥಿಸತಾನಿ ಥೇರಾನಂ ಅಭಿವಾದನಂ ಪೂಜಾಸಕ್ಕಾರಞ್ಚ ಕಾರೋನತೂತಿ ಪಕ್ಕೋಸಾಪೇತ್ವಾ ಏಕಮನ್ತಂ ನಿಸೀದಿ. ಥೇರೋ ರಞ್ಞೋ ಸಪರಿಜನಸ್ಸ ಧಮ್ಮರತನವಸ್ಸಂ ವಸ್ಸೇನ್ತೋ ಪೇತವತ್ಥುಂ-ವಿಮಾನವತ್ಥುಂ-ಸಚ್ಚಸಂಯುತ್ತಞ್ಚ ಕಥೇಸಿ. ತಂ ಸುತ್ವಾ ತಾನಿಪಿ ಪಞ್ಚ ಇತ್ಥಿಸತಾನಿ ಸೋತಾಪತ್ತಿಫಲಂ ಸಚ್ಛಿಕರಿಂಸು.

ತದಾ ನಾಗರಾ ಥೇರಾನಂ ಗುಣೇ ಸುತ್ವಾ ಥೇರೇ ದಟ್ಠುಂ ನ ಲಭಾಮಾತಿ ಉಪಕ್ಕೋಸನ್ತಿ ಅಥ ರಾಜಾ ಇಧ ಓಕಾಸೋ ನತ್ಥೀತಿ ಚಿನ್ತೇತ್ವಾ,’ಗಚ್ಛಥ ಭಣೇ ಹತ್ಥಿಸಾಲಂ ಪಟಿಜಗ್ಗಿತ್ವಾ ವಾಲುಕಂ ಓಕಿರಿತ್ವಾ ಪಞ್ಚವಣ್ಣಾನಿ ಪುಪ್ಫಾನಿ ವಿಕಿರಿತ್ವಾ ವಿತಾನಂ ಬಣ್ಧಿತ್ವಾ ಮಙ್ಗಲ ಹತ್ಥಿಟ್ಠಾನೇ ಥೇರಾನಂ ಆಸನಾನಿ ಪಞ್ಞಾಪೇಥಾ’ತಿ ಆಹ, ಅಮಚ್ಚಾ ತಥಾ ಅಕಂಸು.

ಥೇರೋ ತತ್ಥ ಗನ್ತ್ವಾ ನಿಸೀದಿತ್ವಾ ದೇವದೂತಸುತ್ತನ್ತಂ ಕಥೇಸಿ ಕಥಾ ಪರಿಯೋಸಾನೇ ಪಾಣಸಹಸ್ಸಂ ಸೋತಾಪತ್ತಿಫಲೇ ಪತಿಟ್ಠಹಿ ತಥಾ ಹತ್ಥಿಸಾಲಾ ಸಮ್ಬಾಧಾತಿ ದಕ್ಖಿಣದ್ವಾರೇ ನಣ್ದನುಯ್ಯಾನೇ ಆಸನಂ ಪಞ್ಞಾಪೇಸುಂ. ಥೇರೋ ತತ್ಥ ನಿಸೀದಿತ್ವಾ ಆಸಿವಿಸೋಪಮ ಸುತ್ತನ್ತಂ ಕಥೇಸಿ. ತಮ್ಪಿ ಸುತ್ವಾ ಪಾಣಸಹಸ್ಸಂ ಸೋತಾಪತ್ತಿಫಲಂ ಪಟಿಲಭಿ ಏವಂ ಆಗತದಿವಸತೋ ¶ ದುತಿಯದಿವಸೇ ಅಡ್ಢತೇಯ್ಯಾನಂ ಪಾಣಸಹಸ್ಸಾನಂ ಧಮ್ಮಾಭಿಸಮಯೋ ಅಹೋಸಿ.

ಥೇರಸ್ಸ ನಣ್ದನವನೇ ಆಗತಾಗತಾಹಿ ಕುಲಿತ್ಥೀಹಿ ಕುಲಸುಣ್ಹಾಹಿ ಕುಲಕುಮಾರೀಹಿ ಸದ್ಧಿ ಸಮೋದಮಾನಸ್ಸೇವ ಸಾಯಣ್ಹಸಮಯೋ ಜಾತೋ, ಥೇರೋ ಕಾಲಂ ಸಲ್ಲಕ್ಖೇತ್ವಾ ಗಚ್ಛಾಮಿ’ದಾನಿ ಮಿಸ್ಸಕ ಪಬ್ಬತನ್ತಿ ಉಟ್ಠಹಿ. ಅಮಚ್ಚಾ ಮಹಾಮೇಘವನುಯ್ಯಾನೇ ಥೇರೇ ವಾಸೇಸುಂ ರಾಜಾಪಿ ಖೋ ತಸ್ಸಾ ರತ್ತಿಯಾ ಅಚ್ಚಯೇನ ಥೇರಸ್ಸ ಸಮೀಪಂ ಗನ್ತ್ವಾ ಸುಖಸಯಿತಭಾವಂ ಪುಚ್ಛಿತ್ವಾ ಕಪ್ಪತಿ ಭನ್ತೇ ಭಿಕ್ಖುಸಙ್ಘಸ್ಸ ಆರಾಮೋತಿ ಪುಚ್ಛಿ. ಥೇರೋ ಕಪ್ಪತಿ ಮಹಾರಾಜಾತಿ ಆಹ.

ರಾಜಾ ತುಟ್ಠೋ ಸುವಣ್ಣ ಭಿಂಕಾರಂ ಗಹೇತ್ವಾ ಥೇರಸ್ಸ ಹತ್ಥೇ ಉದಕಂ ಪಾತೇತ್ವಾ ಮಹಾಮೇಘವನುಯ್ಯಾನಂ ಅದಾಸಿ ಥೇರೋ ಪುನದಿವಸೇಪಿ ರಾಜಗೇಹೇಯೇವ ಭುಞ್ಜಿತ್ವಾ ನಣ್ದನವನೇ ಅನಮತಗ್ಗಿಯಾನಿ ಕಥೇಸಿ. ಪುನ ದಿವಸೇ ಅಗ್ಗಿಕ್ಖಣ್ಧೋಪಮ ಸುತ್ತನ್ತಂ ಕಥೇಸಿ. ಏತೇನೇವ ಉಪಾಯೇನ ಸತ್ತ ದಿವಸಾನಿ ಕಥೇಸಿ ಅಡ್ಢ ನಚಮಾನಂ ಪಾಣಸಹಸ್ಸಾನಂ ಧಮ್ಮಾಭಿಸಮಯೋ ಅಹೋಸಿ. ಸತ್ತಮೇ ದಿವಸೇ ಪನ ಥೇರೋ ಅನ್ತೋಪುರೇ ರಞ್ಞೋ ಅಪ್ಪಮಾದ ಸುತ್ತನ್ತಂ ಕಥಯಿತ್ವಾ ಚೇತಿಯಗಿರಿಮೇವ ಅಗಮಾಸಿ.

ಅಥ ಖೋ ರಾಜಾ ಥೇರೋ ಆಯಾಚಿತೋ ಸಯಮೇವಾಗತೋ, ತಸ್ಮಾ ತಸ್ಸ ಅನಾಪುಚ್ಛಾ ಗಮನಮ್ಪಿ ಭವೇಯ್ಯಾತಿ ಚಿನ್ತೇತ್ವಾ ರಥಂ ಅಭಿರೂಹಿತ್ವಾ, ಚೇತಿಯಗಿರಿಂ ಅಗಮಾಸಿ ಮಹತಾ ರಾಜಾನುಭಾವೇನ ಗನ್ತ್ವಾ ಥೇರಾನಂ ಸನ್ತಿಕಂ ಉಪಸಙ್ಕಮನ್ತೋ ಅತಿವಿಯ ಕಿಲನ್ತರೂಪೋ ಹುತ್ವಾ ಉಪಸಙ್ಕಮಿ. ತತೋ ನಂ ಥೇರೋ ಆಹ ಕಸ್ಮಾ ತ್ವಂ ಮಹಾರಾಜ ಏವಂ ಕಿಲಮ ಮಾನೋ ಆಗತೋತಿ. ತುಮ್ಹೇ ಮಮ ಗಾಳ್ಹಂ ಓವಾದಂ ದತ್ವಾ ಇದಾನಿ ಗನ್ತುಕಾಮಾ ನುಖೋತಿ ಜಾನನತ್ಥಂ ಭನ್ತೇತಿ. ನ ಮಯಂ ಮಹಾರಾಜ ಗನ್ತುಕಾಮಾ, ಅಪಿ ಚ ವಸ್ಸುಪನಾಯಿಕ ಕಾಲೋನಮಾಯಂ ಸಮಣೇನ ನಾಮ ವಸ್ಸುಪನಾಯಿಕಂ ಠಾನಂ ಞಾತುಂ ವಟ್ಟತೀತಿ. ರಾಜಾಪಿ ಖೋ ತಂಖಣಂಯೇವ ಕರಣ್ಡಕ ಚೇತಿಯಙ್ಗಣಂ ಪರಿಕ್ಖಿಪಿತ್ವಾ ಅಟ್ಠಸಟ್ಠಿಯಾ ಲೇಣೇಸು ಕಮ್ಮಂ ಪಟ್ಠಪೇತ್ವಾ ನಗರಮೇವ ಅಗಮಾಸಿ.

ತೇಪಿ ಥೇರೋ ಮಹಾಜನಂ ಓವದಮಾನಾ ಚೇತಿಯಗಿರಿಮ್ಹಿ ವಸ್ಸಂ ವಸಿಂಸು. ಅಥಾಯಸ್ಮಾ ಮಹಾಮಹಿಣ್ದೋ ವುತ್ಥವಸ್ಸೋ ಪವಾರೇತ್ವಾ ಕತ್ತಿಕಪುಣ್ಣಮಾಯಂ ಉಪೋಸಥದಿವಸೇ ರಾಜಾನಂ ಏತದವೋಚ ಚಿರದಿಟ್ಠೋ ನೋ ಮಹಾರಾಜ ಸಮ್ಮಾಸಮ್ಬುದ್ಧೋ ಅಭಿವಾದನ ಪಚ್ಚುಪಟ್ಠಾನ ಅಞ್ಜಲಿ ಕಮ್ಮ ಸಾಮೀಚಿ ಕಮ್ಮ ಕರಣಟ್ಠಾನಂ ನತ್ಥಿ, ತೇನಮ್ಹಂ ಉಕ್ಕಣ್ಠಿತಾತಿ ತನು ಭನ್ತೇ ತುಮ್ಹೇ ಅವೋಚುತ್ಥ ಪರಿನಿಬ್ಬುತೋ ಸಮ್ಮಾಸಮ್ಬುದ್ಧೋತಿ ಕಿಞ್ಚಾಪಿ ಮಹಾರಾಜ ಪರಿನಿಬ್ಬುತೋ, ಅಥಸ್ಸ ಸರೀರಧಾತುಯೋ ತಿಟ್ಠನ್ತೀತಿ. ಅಞ್ಞಾ ತಮ್ಭನ್ತೇ ಥೂಪಂ ಪತಿಟ್ಠಾಪೇಮಿ ಭೂಮಿಭಾಗಂ ವಿಚಿನಥಾತಿ. ಅಪಿ ಚ ಧಾತುಯೋ ಕುತೋ ಲಚ್ಛಾಮೀತಿ ಸುಮನೇನ ಸದ್ಧಿಂ ಮನ್ತೇಹಿ ಮಹಾರಾಜಾತಿ ರಾಜಾ ಸುಮನಂ ಉಪಸಙ್ಕಮಿತ್ವಾ ಪುಚ್ಛಿ’ಕುತೋದಾನಿ ಭನ್ತೇಧಾತುಯೋ ಲಚ್ಛಾಮಾ’ತಿ ಸುಮನೋ ¶ ಆಹ-ಅಪ್ಪೋಸ್ಸುಕ್ಕೋ ತ್ವಂ ಮಹಾರಾಜ, ವೀಥಿಯೋ ಸೋಧಾಪೇತ್ವಾ ಧಜ ಪತಾಕ ಪುಣ್ಣಘಟಾದೀಹಿ ಅಲಙ್ಕಾರಾಪೇತ್ವಾ ಸಪರಿಜ್ಜನೋ ಉಪೋಸಥಂ ಸಮಾದಿಯಿತ್ವಾ ಸಬ್ಬತಾಲಾವಚರೇ ಉಪಟ್ಠಪೇತ್ವಾ ಮಙ್ಗಲಹತ್ಥಿಂ ಸಬ್ಬಾಲಙ್ಕಾರೇಹಿ ಪತಿಮಣ್ಡಿತಂ ಕಾರೇತ್ವಾ ಉಪರಿ ವಸ್ಸ ಸೇತಚ್ಛತ್ತಂ ಉಸ್ಸಾಪೇತ್ವಾ ಸಾಯಣ್ಹಸಮಯೇ ಮಹಾನಾಗವನುಯ್ಯಾನಾಭಿಮುಖೋ ಯಾ ಹಿ ಅದ್ಧಾ ತಸ್ಮಿಂ ಠಾನೇ ಧಾತುಯೋ ಲಚ್ಛಸಿತಿ, ರಾಜಾ ಸಾಧೂತಿ ಸಮ್ಪಟಿಚ್ಛಿ. ಥೇರೋ ಚೇತಿಯಗಿರಿಮೇವ ಅಗಮಿಂಸು.

ತತ್ರಾಯಸ್ಮಾ ಮಹಿಣ್ದತ್ಥೇರೋ ಸುಮನ ಸಾಮಣೇರಮಾಹ- ಗಚ್ಛ ತ್ವಂ ಸಾಮಣೇರ ಜಮ್ಬುದೀಪೇ ಅಯ್ಯಕಂ ಅಸೋಕಧಮ್ಮರಾಜಾನಂ ಉಪಸಙ್ಕಮಿತ್ವಾ ಮಮ ವಚನೇನ ಏವಂ ವದೇಹಿ’ಸಹಾಯೋ ತೇ ಮಹಾರಾಜ ದೇವಾನಮ್ಪಿಯ ತಿಸ್ಸೋ ಬುದ್ಧಸಾಸನೇ ಪಸನ್ನೋ ಥೂಪಂ ಪತಿಟ್ಠಾಪೇತುಕಾಮೋ ತುಮ್ಹಾಕಂ ಕಿರ ಹತ್ಥೇ ಭಗವತೋ ಪರಿಭುತ್ತಪತ್ತೋ ಚೇವಧಾತು ಚ ಅತ್ಥಿ, ತಮ್ಮೇ ದೇಥಾ’ತಿ ತಂ ಗಹೇತ್ವಾ ಸಕ್ಕಂ ದೇವರಾಜಾನಂ ಉಪಸಙ್ಕಮಿತ್ವಾ ತುಮ್ಹಾಕಂ ಕಿರ ಮಹಾರಾಜ ಹತ್ಥೇ ದ್ವೇ ಧಾತುಯೋ ಅತ್ಥಿ ದಕ್ಖಿಣದಾಠಾ ಚ ದಕ್ಖಿಣಕ್ಖಕಞ್ಚ, ತತೋತುಮ್ಹೇ ದಕ್ಖಿಣದಾಠಂಪೂಜೇಥ, ದಕ್ಖಿಣಕ್ಖಕಂ ಪನ ಮಯ್ಹಂ ದೇಥಾತಿ, ಏವಞ್ಚ ನಂ ವದೇಹಿ ಕಸ್ಮಾ ತ್ವಂ ಮಹಾರಾಜ ಅಮ್ಹೇ ತಮ್ಬಪಣ್ಣಿದೀಪಂ ಪಹಿಣಿತ್ವಾ ಪಮಜ್ಜಿತ್ಥಾತಿ.

ಸಾಧು ಭನ್ತೇತಿ ಖೋ ಸುಮನೋ ಥೇರಸ್ಸ ವಚನಂ ಸಮ್ಪಟಿಚ್ಛಿತ್ವಾ ತಾವದೇವ ಪತ್ತಚೀವರಮಾದಾಯ ವೇಹಾಸಮಬ್ಭುಗ್ಗನ್ತ್ವಾ ಪಾಟಲಿಪುತ್ತದ್ವಾರೇ ಓರುಯ್ಹ ರಞ್ಞೋ ಸನ್ತಿಕಂ ಗನ್ತ್ವಾ ತಮತ್ಥಂ ಆರೋಚೇಸಿ ರಾಜಾ ತುಟ್ಠೋ ಸಾಮಣೇರಸ್ಸ ಹತ್ಥತೋ ಪತ್ತಂ ಗಹೇತ್ವಾ ಭೋಜೇತ್ವಾ ಭಗವತೋ ಪತ್ತಂ ಗಣ್ಧೇಹಿ ಉಬ್ಬಟ್ಟೇತ್ವಾ ವರಮುತ್ತಸದಿಸಾನಂ ಧಾತೂನಂ ಪೂರೇತ್ವಾ ಅದಾಸಿ.

ಸೋ ತುಂ ಗಹೇತ್ವಾ ಸಕ್ಕಂ ದೇವರಾಜಾನಂ ಉಪಸಙ್ಕಮಿ ಸಕ್ಕೋ ದೇವಾರಾಜಾ ಸಾಮಣೇರಂ ದಿಸ್ವಾ ಕಿಂ ಭನ್ತೇ ಸುಮನ ಆಹಿಣ್ಡಸೀತಿ ಆಹ. ತ್ವಂ ಮಹಾರಾಜ ಅಮ್ಹೇ ತಮ್ಬಪಣ್ಣಿದೀಪಂ ಪಹಿಣಿತ್ವಾ ಕಸ್ಮಾ ಪಮಜ್ಜಸೀತಿ, ತಪ್ಪಮಜ್ಜಾಮಿ ಭನ್ತೇ, ವದೇಹಿ ಕಿಂ ಕರೋಮೀತಿ. ತುಮ್ಹಾಕಂ ಕಿರ ಹತ್ಥೇ ದ್ವೇ ಧಾತುಯೋ ಅತ್ಥಿ ದಕ್ಖಿಣದಾಠಾ ಚ ದಕ್ಖಿಣಕ್ಖಕಞ್ಚ, ತತೋ ತುಮ್ಹೇ ದಕ್ಖಿಣದಾಠಂ ಪೂಜೇಥ ದಕ್ಖಿಣಕ್ಖಕಂ ಪನ ಮಯ್ಹಂ ದೇಥಾತಿ. ಸಾಧು ಭನ್ತೇತಿ ಖೋ ಸಕ್ಕೋ ದೇವಾನಮಿಣ್ದೋ ಯೋಜನಪ್ಪಮಾನಂ ಮಣಿಥೂಪಂ ಉಗ್ಘಾಟೇತ್ವಾ ದಕ್ಖಿಣಕ್ಖಕಂ ನೀಹರಿತ್ವಾ ಸುಮನಸ್ಸ ಅದಾಸಿ.

ಸೋ ತಂ ಗಹೇತ್ವಾ ಚೇತಿಯಗಿರಿಮ್ಹಿಯೇವ ಪತಿಟ್ಠಾಸಿ ಅಥ ಖೋ ಮಹಿಣ್ದಪಮುಖಾ ಸಬ್ಬೇ ತೇ ಮಹಾನಾಗಾ ಅಸೋಕಧಮ್ಮರಾಜೇನ ದಿನ್ನ ಧಾತುಯೋ ಚೇತಿಯಗಿರಿಯಮ್ಹಿಯೇವ ಪತಿಟ್ಠಾಪೇತ್ವಾ ದಕ್ಖಿಣಕ್ಖಕಂ ಆದಾಯ ವಡ್ಢಮಾನಕಚ್ಛಾಯಾಯ ಮಹಾನಾಗ ವನುಯ್ಯಾನಮಗಮಂಸು. ರಾಜಾಪಿ ಖೋ ಸುಮನೇನ ವುತ್ತಪ್ಪಕಾರಂ ಪೂಜಾಸಕ್ಕಾರಂ ಕತ್ವಾ ಹತ್ಥಿಕ್ಖಣ್ಧವರಗತೋ ಸಾಯಂ ಮಙ್ಗಲಹತ್ಥಿಮತ್ಥಕೇ ಸೇತಚ್ಛತ್ತಂ ಧಾರಯಮಾನೋ ಮಹಾನಾಗ ವನುಯ್ಯಾನಂ ಸಮ್ಪಾಪುಣಿ.

ಅಥಸ್ಸ ¶ ಏತದಹೋಸಿ- ಸಚೇ ಅಯಂ ಸಮ್ಮಾಸಮ್ಬುದ್ಧಸ್ಸ ಧಾತು, ಛತ್ತಂ ಅಪನಮತು, ಮಙ್ಗಲಹತ್ಥಿ ಜಣ್ಣುಕೇಹಿ ಭೂಮಿಯಂ ಪತಿಟ್ಠಾಹತು, ಧಾತು ಚಙ್ಗೋಟಕಂ ಮಯ್ಹಂ ಮತ್ಥಕೇ ಪತಿಟ್ಠಹತೂತಿ ಸಹ ರಞ್ಞೋ ಚಿತ್ತುಪ್ಪಾದೇನ ಛತ್ತಂ ಅಪನಮಿ ಹತ್ಥಿಜಣ್ಣುಕೇಹಿ ಪತಿಟ್ಠಹಿ ಧಾತುಚಙ್ಗೋಟಕಂ ರಞ್ಞೋ ಮತ್ಥಕೇ ಪತಿಟ್ಠಹಿ ರಾಜಾ ಅಮತೇನೇವಾಭಿಸಿತ್ತಗತ್ತೋ ಪರಮೇನ ಪೀತಿಪಾಮೋಜ್ಜೇನ ಸಮನ್ನಾಗತೋ ಹುತ್ವಾ ಪುಚ್ಛಿ ಧಾತುಂ ಭನ್ತೇ ಕಿಂ ಕರೋಮೀತಿ. ಹತ್ಥಿಕುಮ್ಭಿಯೇವ ತಾವ ಮಹಾರಾಜ ಠಪೇಹೀತಿ. ರಾಜಾ ಧಾತುವಙ್ಗೋಟಕಂ ಹತ್ಥಿಕುಮ್ಭೇ ಠಪೇಸಿ. ಪಮುದಿತೋ ನಾಗೋ ಕುಞ್ಚನಾದಂ ನದಿ ಮಹಾಮೇಘೋ ಉಟ್ಠಹಿತ್ವಾ ಪೋಕ್ಖರವಸ್ಸಂ ವಸಿಸಿ ಉಕದಪರಿಯನ್ತಂ ಕತ್ವಾ ಮಹಾಭೂಮಿಚಾಲೋ ಅಹೋಸಿ ಪಚ್ಚನ್ತೇಪಿ ನಾಮ ಸಮ್ಮಾಸಮ್ಬುದ್ಧಸ್ಸ ಧಾತುಯೋ ಪತಿಟ್ಠಹಿಸ್ಸನ್ತೀತಿ.

ಅಥ ಸೋ ಹತ್ಥಿನಾಗೋ ಅನೇಕ ತಾಲಾವಚರಪರಿವುತೋ ಅತಿವಿಯ ಉಳಾರೇನ ಪೂಜಾಸಕ್ಕಾರೇನ ಸಕ್ಕರಿಯಮಾನೋ ಪಚ್ಛಿಮದಿಸಾಭಿಮುಖೋ ಹುತ್ವಾ ಅಪಸಕ್ಕನ್ತೋ ಯಾವ ನಗರಸ್ಸ ಪುರತ್ಥಿಮ ದ್ವಾರಂ ತಾವ ಗನ್ತ್ವಾ ಪುರತ್ಥಿಮೇನ ದ್ವಾರೇನ ನಗರಂ ಪವಿಸಿತ್ವಾ ಸಕಲನಗರೇ ಉಳಾರಾಯ ಪೂಜಾಯ ಕಯಿರಾಮಾನಾಯ ದಕ್ಖಿಣದ್ವಾರೇನ ನಿಕ್ಖಮಿತ್ವಾ ಥೂಪಾರಾಮಸ್ಸ ಪಚ್ಛಿಮದಿಸಾಭಾಗೇ ಪಭೇಜವತ್ಥು ನಾಮ ಕಿರ ಅತ್ಥಿ ತತ್ಥ ಗನ್ತ್ವಾ ಪುನ ಥೂಪಾರಾಮಾಭಿಮುಖೋ ಏವ ಪಟಿನಿವತ್ತಿ. ಸೋ ಚ ಪುರಿಮಕಾನಂ ತಿಣ್ಣಂ ಸಮ್ಮಾಸಮ್ಬುದ್ಧಾನಂ ಧಮ್ಮಕರಕಂ ಕಾಯಬಣ್ಧನಂ ಉದಕಸಾಟೀಕಂ ಪತಿಟ್ಠಾಪೇತ್ವಾ ಕತಚೇತಿಯಟ್ಠಾನಂ ಹೋತೀ. ತದೇತಂ ವಿನಟ್ಠೇಸುಪಿ ಚೇತಿಯೇಸು ದೇವತಾನುಭಾವೇನ ಕಣ್ಟಕ ಸಮಾಕಿಣ್ಣಸಾಖಾಹಿ ನಾನಾಗಚ್ಛೇಹಿ ಪರಿವುತಂ ತಿಟ್ಠತಿ. ಮಾ ನಂ ಕೋಚಿ ಉಚ್ಚಿಟ್ಠಾ ಸುವಿಮಲ ಕಚವರೇಹಿ ಸನ್ದುಸೇಸೀತಿ.

ಅಥ ತಸ್ಸ ಹತ್ಥಿನೋ ಪುರತೋ ಗನ್ತ್ವಾ ರಾಜಪುರಿಸಾ ಸಬ್ಬ ಗಚ್ಛೇ ಛಿಣ್ದಿತ್ವಾ ಭೂಮಿಂ ಸೋಧೇತ್ವಾ ತಂ ಹತ್ಥತಲಸದಿಸಂ ಅಕಂಸು. ಹತ್ಥಿನಾಗೋ ಗನ್ತ್ವಾ ತಂ ಠಾನಂ ಪುರತೋ ಕತ್ವಾ ತಸ್ಸ ಪಚ್ಛಿಮದಿಸಾಭಾಗೇ ಬೋಧಿರುಕ್ಖಟ್ಠನೇ ಅಟ್ಠಾಸಿ. ಅಥಸ್ಸ ಮತ್ಥಕತೋ ಧಾತುಂ ಓರೋಪೇತುಂ ಆರಭಿಂಸು ನಾಗೋ ಓರೋಪೇತುಂ ನ ದೇತಿ. ಥೇರಂ ಪುಚ್ಛಿ, ಕಸ್ಮಾ ಭನ್ತೇ ನಾಗೋ ಧಾತುಂ ಓರೋಪೇತುಂ ನ ದೇತೀತಿ

ಆರುಳ್ಹಂ ಮಹಾರಾಜ ಓರೋಪೇತುಂ ನ ವಟ್ಟತಿತಿ. ತಸ್ಮಿಞ್ಚ ಕಾಲೇ ಅಭಯವಾಪಿಯಾ ಉದಕಂ ಜಿನ್ನಂ ಹೋತಿ ಸಮನ್ತಾ ಭೂಮಿ ಫಲಿತಾ ಸುಉದ್ಧರಾ ಮತ್ತಿಕಪಿಣ್ಡಾ. ತತೋ ಮಹಾಜನೋ ಸೀಘಸೀಘಂ ಮತ್ತಿಕಂ ಆಹರಿತ್ವಾ ಹತ್ಥಕುಮ್ಭಪ್ಪಮಾಣಂ ವತ್ಥುಮಕಾಸಿ. ತಾವದೇವ ಥೂಪಕರಣತ್ಥಂ ಇಟ್ಠಿಕಾ ಕಾತುಂ ಆರಭಿಂಸು. ಯಾವ ಇಟ್ಠಿಕಾ ಪರಿನಿಟ್ಠನ್ತಿ ತಾವ ಹತ್ಥಿನಾಗೋ ಕತಿಪಾಹಂ ದಿವಾ ಬೋಧಿರುಕ್ಖಟ್ಠಾನೇ ಹತ್ಥಿಸಾಲಾಯಂ ತಿಟ್ಠತಿ. ರತ್ತಿಯಂ ಥೂಪಪತಿಟ್ಠಾನ ಭೂಮಿಯಂ ಪರಿಯಾಯತಿ.

ಅಥ ವತ್ಥುಂ ವಿನಾಪೇತ್ವಾ ರಾಜಾ ಥೇರಂ ಪುಚ್ಛಿ, ಕೀದಿಸೋ ಭನ್ತೇ ಥೂಪೋ ಕಾತಬ್ಬೋತಿ. ವೀಹಿರಾಸಿ ಸದಿಸೋ ಮಹಾರಾಜಾತಿ, ಸಾಧು ಭನ್ತೇತಿ ರಾಜಾ ಜಙ್ಘಪ್ಪಮಾಣಂ ¶ ಥೂಪಂ ಚಿನಾಪೇತ್ವಾ ಧಾತುಓರೋಪನತ್ಥಾಯ ಮಹಾಸಕ್ಕಾರಂ ಕಾರೇಸಿ.

ತತೋ ಸಕಲನಾಗರಾ ಚ ಜಾನಪದಾ ಚ ಧಾತುಮ್ಹ ದಸ್ಸನತ್ಥಂ ಸನ್ತಿಪತಿಂಸು ಸನ್ನಿಪತಿತೇ ಚ ತಸ್ಮಿಂ ಮಹಾಜನೇ ದಸಬಲಸ್ಸ ಧಾತು ಹತ್ಥಿಕುಮ್ಭತೋ ಸತ್ತತಾಲಪ್ಪಮಾನಂ ವೇಹಾಸಮಬ್ಭುಗ್ಗನ್ತ್ವಾ ಯಮಕಪಾಟಿಹಾರಿಯಂ ದಸ್ಸೇಸಿ. ತೇಹಿ ತೇಹಿ ಧಾತುಪ್ಪದೇಸೇಹಿ ಛಬ್ಬಣ್ಣರಂಸಿಯೋ ಉದಕಧರಾ ಚ ಅಗ್ಗಿಕ್ಖಣ್ಧಾ ಚ ಪವತ್ತನ್ತಿ. ಸಾವತ್ಥಿಯಂ ಗಣ್ಡಮ್ಬಮೂಲೇ ಭಗವತಾ ದಸ್ಸಿತ ಪಾಟಿಹಾರಿಯ ಸದಿಸಂ ಏವ ಪಾಟಿಹಾರಿಯಂ ಅಹೋಸಿ. ತಞ್ಚ ಖೋ ನೇವ ಥೇರಾನುಭಾವೇನನ ದೇವತಾನುಭಾವೇನ, ಅಪಿ ಚ ಖೋ ಬುದ್ಧಾನಂಯೇವ ಆನುಭಾವೇನ ಭಗವಾ ಕಿರ ಧರಮಾನೋವ ಅಧಿಟ್ಠಾಸಿ - ತಮ್ಬಪಣ್ಣಿದೀಪೇ ಅನುರಾಧಪುರಸ್ಸ ದಕ್ಖಿಣದಿಸಾಭಾಗೇ ಪುರಿಮಕಾನಂ ತಿಣ್ಣಂ ಬುದ್ಧಾನಂ ಚೇತಿಯಟ್ಠಾನೇ ಮಮ ದಕ್ಖಿಣಕ್ಖಕಧಾತು ಪತಿಟ್ಠಾನ ದಿವಸೇ ಯಮಕಪಾಟಿಹಾರಿಯಂ ಹೋತೂತಿ.

ಏವಂ ಅಚಿನ್ತಿಯಾ ಬುದ್ಧಾ-ಬುದ್ಧಧಮ್ಮಾ ಅಚಿನ್ತಿಯಾ,

ಅಚಿನ್ತಿಯೇಸು ಪಸನ್ನಾನಂ-ವಿಪಾಕೋ ಹೋತಿ ಅಚಿನ್ತಿಯೋತಿ;

ಧಾತುಸರೀರತೋ ನಿಕ್ಖನ್ತ ಉದಕಫುಸಿತೇಹಿ ಸಕಲೇಹಿ ತಮ್ಬಪಣ್ಣಿದೀಪತಲೇ ನ ಕೋಚಿ ಅಫುಟ್ಠೋಕಾಸೋ ನಾಮ ಅಹೋಸಿ. ಏವಮಸ್ಸ ತಂ ಧಾತು ಸರೀರಂ ಉದಕಫುಸಿತೇಹಿ ತಮ್ಬಪಣ್ಣಿತ್ಥಲಸ್ಸ ಪರಿದಾಹಂ ವೂಪಸಮೇತ್ವಾ ಮಹಾಜನಸ್ಸ ಪಾಟಿಹಾರಿಯಂ ದಸ್ಸೇತ್ವಾ ಓತರಿತ್ವಾ ರಞ್ಞೋ ಮತ್ಥಕೇ ಪತಿಟ್ಠಾಸಿ ರಾಜಾ ಸಫಲಂ ಮನುಸ್ಸತ್ತಪಟಿಲಾಭಂ ಮಞ್ಞಮಾನೋ ಮಹನ್ತಂ ಸಕ್ಕಾರಂ ಕತ್ವಾ ಧಾತುಂ ಪತಿಟ್ಠಾಪೇಸಿ. ಸಹ ಧಾತುಪತಿಟ್ಠಾನೇನ ಮಹಾಭೂಮಿಚಾಲೋ ಅಹೋಸಿ ನಿಟ್ಠಿತೇ ಪನ ಥೂಪೇ ರಾಜಾ ಚ ರಾಜಾ ಭಾತಿಕಾ ಚ ದೇವಿಯೋ ಚ ದೇ-ನಾಗ-ಯಕ್ಖಾನಂ ವಿಮ್ಭಯಕರಂ ಪಚ್ಚೇಕಂ ಥೂಪಮಕಂಸು.

ಏವಂ ಜಿನೋ ಧಾತುಸರೀರಕೇನ

ಗತೋಪಿ ಸನ್ತಿಂ ಜನತಾಹಿತಞ್ಚ,

ಸುಖಞ್ಚ ಧಮ್ಮಾ ಬಹುಧಾ ಕರೇಯ್ಯ

ಠಿತೋ ಹಿ ನಾಥೋನುಕರಂ ಕರೇಯ್ಯ;

ಸಾಧುಜನ ಮನೋಪಸಾದನತ್ಥಾಯ ಕತೇ ಥೂಪವಂಸೇ ಥೂಪಾರಾಮ ಕಥಾ,

೧೩. ನಿಟ್ಠಿತಾಯ ಪನ ಧಾತುಪೂಜಾಯ ಪತಿಟ್ಠಿತೇ ಧಾತುವರೇ ಮಹಿಣ್ದತ್ಥೇರೋ ಮಹಾಮೇಘವನುಯ್ಯಾನಮೇವ ಗನ್ತ್ವಾವಾಸಂ ಕಪ್ಪೇಸಿ. ತಸ್ಮಿಂ ಖೋ ಪನ ಸಮಯೇ ಅನುಲಾದೇವೀ ಪಬ್ಬಜಿತುಕಾಮಾ ಹುತ್ವಾ ರಞ್ಞೋ ಆರೋಚೇಸಿ. ರಾಜಾ ತಸ್ಸಾ ವಚನಂ ಸುತ್ವಾ ಥೇರಂ ಏತದವೋಚ? ಭನ್ತೇ ಅನುಲಾದೇವೀ ಪಬ್ಬಜಿತುಕಾಮಾ, ಪಬ್ಬಾಜೇಥ ನನ್ತ ನ ಮಹಾರಾಜ ಅಮ್ಹಾಕಂ ಮಾತುಗಾಮಂ ಪಬ್ಬಾಜೇತುಂ ಕಪ್ಪತಿ. ಪಾಟಲಿಪುತ್ತೇ ಪನ ಮಯ್ಹಂ ಭಗಿನಿ ಸಙ್ಘಮಿತ್ತಾ ಥೇರೀ ನಾಮ ಅತ್ಥಿ, ತಂ ಪಕ್ಕೋಸಾಪೇಹಿ ಮಹಾರಾಜ, ಇಮಸ್ಮಿಞ್ಚ ದೀಪೇ ಪುರಿಮಕಾನಞ್ಚ ¶ ತಿಣ್ಣಂ ಸಮ್ಮಾಸಮ್ಬುದ್ಧಾನಂ ಬೋಧಿ ಪತಿಟ್ಠಂಸಿ ಅಮ್ಹಾಕಮ್ಪಿ ಭಗವತೋ ಸರಸ ರಂಸಿಜಾಲ ವಿಸ್ಸಜ್ಜನಕೇನ ಬೋಧಿನಾ ಪತಿಟ್ಠಾತಬ್ಬಂ, ತಸ್ಮಾ ಸಾಸನಂ ಪಹಿಣೇಯ್ಯಸಿ ಯಥಾ ಸಙ್ಘಮಿತ್ತಾ ಬೋಧಿಂ ಗಹೇತ್ವಾ ಆಗಚ್ಛೇಯ್ಯಾತಿ.

ರಾಜಾ ಥೇರಸ್ಸ ವಚನಂ ಸಮ್ಪಟಿಚ್ಛಿತ್ವಾ ಅಮಚ್ಚೇಹಿ ಸದ್ಧಿಂ ಮನ್ತೇನ್ತೋ ಅರಿಟ್ಠಂ ನಾಮ ಅತ್ತನೋ ಭಾಗಿನೇಯ್ಯಂ ಆಹ ಸಕ್ಖಿಸ್ಸಸಿ ತ್ವಂ ತಾತ ಪಾಟಲೀಪುತ್ತಂ ಗನ್ತ್ವಾ ಮಹಾಬೋಧಿನಾ ಸದ್ಧಿಂ ಅಯ್ಯಂ ಸಙ್ಘಮಿತ್ತತ್ಥೇರಿಂ ಆನೇತುನ್ತಿ ಸಕ್ಖಿಸ್ಸಾಮಿ ದೇವ ಸಚೇ ಮೇ ಪಬ್ಬಜ್ಜಂ ಅನುಜಾನಿಸ್ಸಸೀತಿ.

ಗಚ್ಛ ತಾತ ಥೇರಿಂ ಆನೇತ್ವಾ ಪಬ್ಬಜ್ಜಾಹೀತಿ. ಸೋ ರಞ್ಞೋ ಚ ಥೇರಿಸ್ಸ ಚ ಸಾಸನಂ ಗಹೇತ್ವಾ ಥೇರಸ್ಸ ಅಧಿಟ್ಠಾನವಸೇನ ಏಕದಿವಸೇ ನ ಜಮ್ಬುಕೋಲಪಟ್ಟನಂ ಗನ್ತ್ವಾ ನಾವಂ ಅಭಿರೂಹಿತ್ವ ಸಮುದ್ದಂ ಅತಿಕ್ಕಮಿತ್ವಾ ಪಾಟಲೀಪುತ್ತಂ ಗನ್ತ್ವಾ ರಞ್ಞೋ ಸಾಸನಂ ಆಚಿಕ್ಖಿ-ಪುತ್ತೋ ತೇ ದೇವ ಮಹಿಣ್ದಥೇರೋ ಏವಮಾಹ. ಸಹಾಯಸ್ಸ ಕಿರ ತೇ ದೇವಾನಮ್ಪಿಯತಿಸ್ಸಸ್ಸ ಭಾತುಜಾಯಾ ಅನುಲಾದೇವೀ ನಾಮ ಪಬ್ಬಜಿತುಕಾಮಾ, ತಂ ಪಬ್ಬಾಜೇತುಂ ಅಯ್ಯಂ ಸಙ್ಘಮಿತ್ತತ್ಥೇರಿಂ ಪಹಿಣೇಯ್ಯಾಥ, ಅಯ್ಯಾಯ ಏವ ಚ ಸದ್ಧಿಂ ಮಹಾಬೋಧಿನ್ತಿ.

ಥೇರಸ್ಸ ಸಾಸನಂ ಆರೋಚೇತ್ವಾ ಸಙ್ಘಮಿತ್ತತ್ಥೇರಿಂ ಉಪಸಙ್ಕಮಿತ್ವಾ ಏವಮಾಹ. ಅಯ್ಯೇ ತುಮ್ಹಾಕಂ ಭಾತಾ ಮಹಿಣ್ದತ್ಥೇರೋ ಮಂ ತುಮ್ಹಾಕಂ ಸನ್ತಿಕಂ ಪೇಸೇಸಿ ದೇವಾನಮ್ಪಿಯತಿಸ್ಸ ರಞ್ಞೋ ಭಾತುಜಾಯಾ ಅನುಲಾದೇವೀ ನಾಮ ಪಞ್ಚಹಿ ಕಞ್ಞಾಸತೇಹಿ ಪಞ್ಚಹಿ ಚ ಅನ್ತೇಪುರಿಸಾ ಸತೇಹಿ ಸದ್ಧಿಂ ಪಬ್ಬಜಿತುಕಾಮಾತಿ, ತಂ ಕಿರ ಆಗನ್ತ್ವಾ ಪಬ್ಬಾಜೇಥಾತಿ.

ಸಾ ತಾವ ದೇವ ತುರಿತ ತುರಿತಾ ಗನ್ತ್ವಾ ರಞ್ಞಾ ತ್ैಮತ್ಥಂ ಆರೋಚೇತ್ವಾ ಗಚ್ಛಾಮಹಂ ಮಹಾರಾಜ ತಮ್ಬಪಣ್ಣಿದೀಪನ್ತಿ ಆಹ.

ತೇನ ಹಿ ಅಮ್ಮ ಮಹಾಬೋಧಿಂ ಗಹೇತ್ವಾ ಗಚ್ಛಾಹೀತಿ ವತ್ವಾ ಪಾಟಲೀಪುತ್ತತೋ ಯಾವ ಮಹಾಬೋಧಿ ತಾವ ಮಗ್ಗಂ ಪಟಿಜಗ್ಗಾಪೇತ್ವಾ ಸತ್ತಯೋಜನಾಯಾಮಯ ತಿಯೋಜನ ವಿತ್ಥತಾಯ ಮಹತಿಯಾ ಸೇನಾಯ ಪಾಟಲಿಪುತ್ತತೋ ನಿಕ್ಖಮಿತ್ವಾ ಅರಿಯಸಙ್ಘಂ ಆದಾಯ ಮಹಾಬೋಧಿಸಮೀಪಂ ಅಗಮಾಸಿ.

ಸೇನಾಯ ಸಮುಸ್ಸಿತ ಧಜಪತಾಕಂ ನಾನಾರತನ ವಿಚಿತ್ತಂ ಅನೇಕಾಲಙ್ಕಾರ ಪತಿಮಣ್ಡಿತಂ ನಾನಾವಿಧ ಕುಸುಮ ಸಮಾಕಿಣ್ಣಂ ಅನೇಕ ತುರಿಯ ಸಂಘ್ರಟ್ಠಂ ಮಹಾಬೋಧಿಂ ಪರಿಕ್ಖಿಪಿ ತತೋ ರಾಜಾ ಪುಪ್ಫ-ಗಣ್ಧ-ಮಾಲಾದೀಹಿ ಪೂಜೇತ್ವಾ ತಿಕ್ಖತ್ತುಂ ಪದಕ್ಖಿಣಂ ಕತ್ವಾ ಅಟ್ಠಸು ಠಾನೇಸು ವನ್ದಿತ್ವಾ ಉಟ್ಠಾಯ ಅಞ್ಜಲಿಮ್ಪಗ್ಗಯ್ಹ ಠತ್ವಾ ಸಚ್ಚವಚನಕಿರಿಯಾಯ ಬೋಧಿಂ ಗಣ್ಹಿತುಕಾಮೋ ರತನಪೀಠಂ ಆರುಯ್ಹ ತುಲಿಕಂ ಗಹೇತ್ವಾ ಮನೋಸಿಲಾಯ ಲೇಖಂ ಕತ್ವಾ ಯದಿ ಮಹಾಬೋಧಿನಾ ಲಙ್ಕಾದೀಪೇ ಪತಿಟ್ಠಾತಬ್ಬಂ, ಯದಿ ಚಾಹಂ ಬುದ್ಧಸಾಸನೇ ನಿಬ್ಬೇಮತಿಕೋ ಭವೇಯ್ಯಂ, ಮಹಾಬೋಧಿ ಸಯಮೇವ ಇಮಸ್ಮಿಂ ಸುವಣ್ಣಕಟಾಹೇ ಪತಿಟ್ಠಹತೂತಿ ಸಚ್ಚಕಿರಿಯಮಕಾಸಿ ಸಹ ಸಚ್ಚಕಿರಿಯಾಯ ¶ ಬೋಧಿಸಾಖಾ ಮನೋಸಿಲಾಯ ಪರಿಚ್ಛಿನ್ನಟ್ಠಾನೇಹಿ ಛಿಣ್ದಿತ್ವಾ ಗಣ್ಧ ಕಲಲ ಪೂರಸ್ಸ ಸುವಣ್ಣಕಟಾಹಸ್ಸ ಉಪರಿ ಅಟ್ಠಾಸಿ.

ತತೋ ರಾಜಾ ಮಹಾಬೋಧಿಂ ಬೋಧಿಮಣ್ಡತೋ ಮಹನ್ತೇನ ಸಕ್ಕಾರೇನ ಪಾಟಲೀಪುತ್ತಂ ಆನೇತ್ವಾ ಸಬ್ಬಪರಿಹಾರಾನಿ ದತ್ವಾ ಮಹಾಬೋಧಿಂ ಗಙ್ಗಾಯ ನಾವಂ ಆರೋಪೇತ್ವಾ ಸಯಮ್ಪಿ ನಗರತೋ ನಿಕ್ಖಮಿತ್ವಾ ವಿಞ್ಝಾಟವಿಂ ಸಮತಿಕ್ಕಮ್ಮ ಅನುಪುಬ್ಬೇನ ಸತ್ತದಿವಸೇಹಿ ತಾಮಲಿತ್ತಿಂ ಅನುಪ್ಪತ್ತೋ ಅನ್ತರಮಗ್ಗೇ ದೇವ-ನಾಗ-ಮನುಸ್ಸಾ ಉಳಾರಂ ಮಹಾಬೋಧಿ ಪೂಜಮಕಂಸು.

ರಾಜಾಪಿ ಸಮುದ್ದತೀರೇ ಸತ್ತದಿವಸಾನಿ ಮಹಾಬೋಧಿಂ ಠಪೇತ್ವಾ ಮಹನ್ತಂ ಸಕ್ಕಾರಂ ಕತ್ವಾ ಬೋಧಿಮ್ಪಿ ಸಂಙ್ಘಮಿತ್ತತ್ಥೇರಿಮ್ಪಿ ಸಪರಿವಾರಂ ನಾವಂ ಆರೋಪೇತ್ವಾ ಗಚ್ಛತಿ ವತರೇ ದಸಬಲಸ್ಸ ಸರಸ ರಂಸಿಜಾಲಾ ಮುಞ್ಚಮಾನೋ ಮಹಾಬೋಧಿ ರುಕ್ಖೋತಿ ಕಣ್ದಿತ್ವಾ ಅಞ್ಜಲಿಮ್ಪಗ್ಗಹೇತ್ವಾ ಅಸ್ಸೂನಿ ಪವತ್ತಯಮಾನೋ ಅಟ್ಠಾಸಿ ಸಾಪಿ ಖೋ ಮಹಾಬೋಧಿ ಸಮರೂಳ್ಹನಾವಾ ಪಸ್ಸತೋ ಪಸ್ಸತೋ ಮಹಾರಾಜಸ್ಸ ಮಹಾಸಮುದ್ದತಲಂ ಪಕ್ಖಣ್ದಿ ಮಹಾಸಮುದ್ದೇಪಿ ಸಮನ್ತಾ ಯೋಜನಂ ವೀಚಿ ವೂಪಸನ್ತಾ ಪಞ್ಚವಣ್ಣಾನಿ ಪದುಮಾನಿ ಪುಪ್ಫಿತಾನಿ ಅನ್ತಲಿಕ್ಖೇ ದಿಬ್ಬತುರಿಯಾನಿ ವಜ್ಜಿಂಸು ಆಕಾಸೇ ಜಲ ಥಲ ಸನ್ನಿಸ್ಸಿತಾಹಿ ದೇವತಾಹಿ ಪವತ್ತಿತಾ ಅತಿವಿಯ ಉಳಾರ ಪೂಜಾ ಅಹೋಸಿ. ಏವಂ ಮಹತಿಯಾ ಪೂಜಾಯ ಸಾ ನಾವಾ ಜಮ್ಬುಕೋಲಪಟ್ಟನಂ ಪಾವಿಸಿ.

ದೇವಾನಮ್ಪಿಯತಿಸ್ಸ ಮಹಾರಾಜಾಪಿ ಉತ್ತರದ್ವಾರತೋ ಪಟ್ಠಾಯ ಯಾವ ಜಮ್ಬುಕೋಲಪಟ್ಟನಾ ಮಗ್ಗಂ ಸೋಧಾಪೇತ್ವಾ ಅಲಙ್ಕಾರಾಪೇತ್ವಾ ನಗರತೋ ನಿಕ್ಖಮನ ದಿವಸೇ ಉತ್ತರದ್ವಾರ ಸಮೀಪೇ ಸದ್ದಸಾಲಾವತ್ಥುಸ್ಮಿಂ ಠಿತೋ ತಾಯ ವಿಭೂತಿಯಾ ಮಹಾಸಮುದ್ದೇ ಆಗಚ್ಛನ್ತಂಯೇವ ಮಹಾಬೋಧಿಂ ಥೇರಸ್ಸಾನುಭಾವೇನ ದಿಸ್ವಾ ತುಟ್ಠಮಾನಸೋ ನಿಕ್ಖಮಿತ್ವಾ ಸಬ್ಬಂ ಮಗ್ಗಂ ಪಞ್ಚವಣ್ಣೇಹಿ ಪುಪ್ಫೇಹಿ ಓಕಿರನ್ತೋ ಅನ್ತರನ್ತರಾ ಪುಪ್ಫಅಗ್ಘಿಯಾನಿ ಠಪೇನ್ತೋ ಏಕಾಹೇನೇವ ಜಮ್ಬುಕೋಲಪಟ್ಟನಂ ಗನ್ತ್ವಾ ಸಬ್ಬತಾಲಾವಚರ ಪರಿವುತೋ ಪುಪ್ಫ ಧೂಪಗಣ್ಧಾದೀಹಿ ಪೂಜಯಮಾನೋ ಗಲಪ್ಪಮಂನಂ ಉದಕಂ ಓರುಯ್ಹ ಆಗತೋ ವತ ರೇದಸಬಲಸ್ಸ ಸರಸ ರಂಸಿಜಾಲಂ ವಿಸ್ಸಜ್ಜನಕೋ ಬೋಧಿರುಕ್ಖೋತಿ ಪಸನ್ನಚಿತ್ತೋ ಮಹಾಬೋಧಿಂ ಉಕ್ಖಿಪಿತ್ವಾ ಉತ್ತಮಙ್ಗೇ ಸಿರಸ್ಮಿಂ ಪತಿಟ್ಠಪೇತ್ವಾ ಮಹಾಬೋಧಿಂ ಪರಿವಾರೇತ್ವಾ ಆಗತೇಹಿ ಸೋಳಸಹಿ ಜಾತಿಸಮ್ಪನ್ನಕುಲೇಹಿ ಸದ್ಧಿಂ ಸಮುದ್ದತೋ ಪಚ್ಚುತ್ತರಿತ್ವಾ ಸಮುದ್ದತೀರೇ ಬೋಧಿಂ ಠಪೇತ್ವಾ ತೀಣಿ ದಿವಸಾನಿ ಸಕಲ ತಮ್ಬಪಣ್ಣಿ ರಜ್ಜೇನ ಪೂಜೇಸಿ.

ಅಥ ಚತುತ್ಥೇ ದಿವಸೇ ಮಹಾಬೋಧಿಂ ಆದಾಯ ಉಳಾರಂ ಪೂಜಂ ಕುರುಮಾನೋ ಅನುಪುಬ್ಬೇನ ಅನುರಾಧಪುರಂ ಸಮ್ಪತ್ತೇ ಅನುರಾಧಪುರೇಪಿ ಮಹಾಸಕ್ಕಾರಂ ಕತ್ವಾ ಚಾತುದ್ದಸೀ ದಿವಸೇ ವಡ್ಢಮಾನಕಚ್ಛಾಯಾಯ ಮಹಾಬೋಧಿಂ ಉತ್ತರದ್ವಾರೇನ ಪವೇಸೇತ್ವಾ ನಗರಮಜ್ಝನ ಅತಿಹರಿತ್ವಾ ದಕ್ಖಿಣದ್ವಾರೇನ ನಿಕ್ಖಮಿತ್ವಾ ದಕ್ಖಿಣದ್ವಾರತೋ ಪಞ್ಚಧನು ಸತಿಕೇ ಠಾನೇ ಯತ್ಥ ಅಮ್ಹಾಕಂ ¶ ಸಮ್ಮಾಸಮ್ಬುದ್ಧೋ ನಿರೋಧ ಸಮಾಪತ್ತಿಂ ಸಮಾಪಜ್ಜಿತ್ವಾ ನಿಸೀದಿ. ಪುರಿಮಕಾ ಚ ತಯೋ ಸಮ್ಮಾಸಮ್ಬುದ್ಧಾ ಸಮಾಪತ್ತಿಂ ಅಪ್ಪೇತ್ವಾ ನಿಸೀದಿಂಸು. ಯತ್ಥ ಚ ಕಕುಸಣ್ಧಸ್ಸ ಭಗವತೋ ಸಿರೀಸಬೋಧಿ, ಕೋನಾಗಮನಸ್ಸ ಭಗವತೋ ಉದುಮ್ಬರಬೋಧಿ, ಕಸ್ಸಪಸ್ಸ ಭಗವತೋ ನಿಗ್ರೋಧಬೋಧಿ, ಪತಿಟ್ಠಾಪೇಸಿ -ತಸ್ಮಿಂ ಮಹಾಮೇಘವನುಯ್ಯಾನಸ್ಸ ತಿಲಕಭೂತೇ ಕತಭೂಮಿ ಪರಿಕಮ್ಮೇ ರಾಜವತ್ಥುದ್ವಾರಕೋಟ್ಠಕಟ್ಠಾನೇ ಮಹಾಬೋಧಿಂ ಪತಿಟ್ಠಾಪೇಸಿ.

ಏವಂ ಲಙ್ಕಾಹಿತತ್ಥಾಯ-ಸಾಸನಸ್ಸಚ ವುದ್ಧಿಯಾ,

ಮಹಾಮೇಘವನೇ ರಮ್ಮೇ-ಮಹಾಬೋಧಿ ಪತಿಟ್ಠಿತೋತಿ;

ಬೋಧಿ ಆಗಮನಕಥಾ

೧೪. ಅನುಲಾದೇವೀ ಪಞ್ಚಹಿ ಕಞ್ಞಾಸತೇಹಿ ಪಞ್ಚಹಿ ಅನ್ತೇಪುರಿಸಾ ಸತೇಹೀತಿ ಮಾತುಗಾಮಸಹಸ್ಸೇನ ಸದ್ಧಿಂ ಸಙ್ಘಮಿತ್ತತ್ಥೇರಿಯಾ ಸನ್ತಿಕೇ ಪಬ್ಬಜಿತ್ವಾ ನಚಿರಸ್ಸೇವ ಸಪರಿವಾರಾ ಅರಹತ್ತೇ ಪತಿಟ್ಠಾಸಿ. ಅರಿಟ್ಠೋಪಿ ಖೋ ರಞ್ಞೋ ಭಾಗಿನೇಯ್ಯೋ ಪಞ್ಚಹಿ ಪುರಿಸ ಸತೇಹಿ ಸದ್ಧಿಂ ಥೇರಸ್ಸ ಸನ್ತಿಕೇ ಪಬ್ಬಜಿತ್ವಾ ಸಪರಿವಾರೋ ನಚಿರಸ್ಸೇವ ಅರಹತ್ತೇ ಪತಿಟ್ಠಾಸಿ. ಅಥೇಕದಿವಸಂ ರಾಜಾ ಬೋಧಿಂ ವನ್ದಿತ್ವಾ ಥೇರೇನ ಸದ್ಧಿಂ ಥೂಪಾರಾಮಂ ಗಚ್ಛತಿ. ತಸ್ಸ ಲೋಹಪಾಸಾದಟ್ಠಾನಂ ಸಮ್ಪತ್ತಸ್ಸ ಪುರಿಸಾ ಪುಪ್ಫಾನಿ ಆಹರಿಂಸು ರಾಜಾ ಥೇರಸ್ಸ ಪುಪ್ಫಾನಿ ಅದಾಸಿ. ಥೇರೋ ಪುಪ್ಫೇಹಿ ಲೋಹಪಾಸಾದಟ್ಠಾನಂ ಪೂಜೇಸಿ ಪುಪ್ಫೇಸು ಭೂಮಿಯಾ ಪತಿತ ಮತ್ತೇಸು ಮಹಾಭೂಮಿಚಾಲೋ ಅಹೋಸಿ?

ರಾಜಾ ಕಸ್ಮಾ ಭನ್ತೇ ಭೂಮಿ ಚಲಿತಾನಿ ಪುಚ್ಛಿ. ಇಮಸ್ಮಿಂ ಮಹಾರಾಜ ಓಕಾಸೇ ಅನಾಗತೇ ಸಙ್ಘಸ್ಸ ಉಪೋಸಥಾಗಾರಂ ಭವಿಸ್ಸತಿ. ತಸ್ಸೇತಂ ಪುಬ್ಬನಿಮಿತ್ತನ್ತಿ ಆಹ. ಪುನ ತಸ್ಸ ಮಹಾಚೇತಿಯಟ್ಠಾನಂ ಸಮ್ಪತ್ತಸ್ಸ ಚಮ್ಪಕ ಪುಪ್ಫಾನಿ ಅಭಿಹರಿಂಸು. ತಾನಿಪಿ ರಾಜಾ ಥೇರಸ್ಸ ಅದಾಸಿ. ಥೇರೋ ಮಹಾಚೇತಿಯಟ್ಠಾನಂ ಪುಪ್ಫೇಹಿ ಪೂಜೇತ್ವಾ ವನ್ದಿ ತಾವದೇವ ಮಹಾಪಥವೀ ಸಂಕಮ್ಪಿ. ರಾಜಾ ಭನ್ತೇ ಕಸ್ಮಾ ಪಥವೀ ಕಮ್ಪಿತ್ಥಾತಿ ಪುಚ್ಛಿ. ಮಹಾರಾಜ ಇಮಸ್ಮಿಂ ಠಾನೇ ಅನಾಗತೇ ಬುದ್ಧಸ್ಸ ಭಗವತೋ ಅಸದಿಸೋ ಮಹಾಥೂಪೋ ಭವಿಸ್ಸತಿ. ತಸ್ಸೇತಂ ಪುಬ್ಬನಿಮಿತ್ತನ್ತಿ ಆಹ. ಅಹಮೇವ ಕರೋಮಿ ಭನ್ತೇತಿ. ಅಲಂ ಮಹಾರಾಜ ತುಮ್ಹಾಕಂ ಅಞ್ಞಂ ಬಹುಂ ಕಮ್ಮಂ ಅತ್ಥಿ. ತುಮ್ಹಾಕಂ ಪನ ನನ್ತಾ ದುಟ್ಠಗಾಮಣೀ ಅಭಯೋ ನಾಮ ಕಾರೇಸ್ಸತೀತಿ.

ಅಥ ರಾಜಾ ಸಚೇ ಭನ್ತೇ ಮಯ್ಹಂ ನನ್ತಾ ಕರಿಸ್ಸತಿ. ಕತಂಯೇವ ಮಯಾತಿ ದ್ವಾದಸಹತ್ಥಂ ಪಾಸಾಣತ್ಥಮ್ಹಂ ಆಹರಾಪೇತ್ವಾ ದೇವಾನಮ್ಪಿಯತಿಸ್ಸ ರಞ್ಞೋ ನತ್ತಾ ದುಟ್ಠಗಾಮಣಿ ಅಭಯೋ ನಾಮ ಇಮಸ್ಮಿಂ ಪದೇಸೇ ಥೂಪಂ ಕರೋತೀತಿ ಅಕ್ಖರಾನಿ ಲಿಖಾಪೇತ್ವಾ ಪತಿಟ್ಠಾಪೇಸೀತಿ ಅಥ ದೇವಾನಮ್ಪಿಯತಿಸ್ಸರಾಜಾ ಚೇತಿಯಪಪ್ಪತೇ ನಿಹಿತಾ ಸಮ್ಮಾಸಮ್ಬುದ್ಧ ಭುತ್ತ ಪತ್ತ ಪೂರೇತ್ವಾ ಆಹಟಾ ಧಾತುಯೋಹತ್ಥಿಕ್ಖಣ್ಧೇನ ಆಹರಾಪೇತ್ವಾ ಸಕಲತಮ್ಬಪಣ್ಣಿದೀಪೇ ¶ ಯೋಜನೇ ಯೋಜನೇ ಥೂಪಂ ಕಾರೇತ್ವಾ ಧಾತುಯೋ ಪತಿಟ್ಠಾಪೇಸಿ ಭಗವತೋ ಪತ್ತಂ ಪನ ರಾಜ ಗೇಹೇಯವ ಠಪೇತ್ವಾ ಪೂಜಮಕಾಸೀತಿ.

ನಿಧಾಪೇತ್ವಾನ ಸಮ್ಬುದ್ಧ-ಧಾತುಯೋ ಪತ್ತಮತ್ತಕಾ,

ಕಾರಾಪೇಸಿ ಮಹಾರಾಜ-ಥೂಪೇ ಯೋಜನ ಯೋಜನೇತಿ;

ಯೋಜನಥೂಪ ಕಥಾ

ಅಥ ರಾಜಾ ಅಞ್ಞಾನಿ ಚ ಬಹೂನಿ ಪುಞ್ಞಕಮ್ಮಾನಿ ಕತ್ವಾ ಚತ್ತಾಲೀಸ ವಸ್ಸಾನಿ ರಜ್ಜಂ ಕಾರೇಸಿ. ತಸ್ಸ ಅಚ್ಚಯೇನ ತಂ ಕನಿಟ್ಠೋ ಉತ್ತಿಯ ರಾಜಾ ದಸವಸ್ಸಾನಿ ರಜ್ಜಂ ಕಾರೇಸಿ. ತಸ್ಸ ಅಚ್ಚಯೇನ ತಂ ಕನಿಟ್ಠೋ ಮಹಾಸೀವೋ ದಸವಸ್ಸಾನೇವ ರಜ್ಜಂ ಕಾರೇಸಿ ತಸ್ಸ ಅಚ್ಚಯೇನ ತಸ್ಸಾಪಿ ಕನಿಟ್ಠೋ ಸೂರತಿಸ್ಸೋ ದಸವಸ್ಸಾನೇವ ರಜ್ಜಂ ಕಾರೇಸಿ ತತೋ ಅಸ್ಸನಾವಿಕ ಪುತ್ತಾ ದ್ವೇ ದಮಿಳಾ ಸೂರತಿಸ್ಸಂ ಗಹೇತ್ವಾ ದ್ವೇವೀಸ ವಸ್ಸಾನಿ ಧಮ್ಮೇನ ರಜ್ಜಂ ಕಾರೇಸುಂ. ತೇ ಗಹೇತ್ವಾ ಮುಟಸೀವಸ್ಸ ರಞ್ಞೋ ಪುತ್ತೋ ಅಸೇಲೋ ನಾಮ ದಸವಸ್ಸಾನಿ ರಜ್ಜಂ ಕಾರೇಸಿ ಅಥ ಚೋಳರಟ್ಠತೋ ಅಗನ್ತ್ವಾ ಏಳಾರೋ ನಾಮ ದಮಿಲೋ ಅಸೇಲ ಭೂಪತಿಂ ಗಹೇತ್ವಾ ಚತುಚತ್ತಾಲೀಸ ವಸ್ಸಾನಿ ರಜ್ಜಂ ಕಾರೇಸಿ ಏಳಾರಂ ಗಹೇತ್ವಾ ದುಟ್ಠಗಾಮಣಿ ಅಭಯೋ ರಾಜಾ ಅಹೋಸಿ.

ತದತ್ಥದೀಪನತ್ಥಂ ಅಯಮನುಪುಬ್ಬಕಥಾ

೧೫. ದೇವಾನಮ್ಪಿಯತಿಸ್ಸ ರಞ್ಞೋ ಕಿರ ದುತಿಯಭಾತಿಕೋ ಉಪರಾಜಾ ಮಹಾನಾಗೋ ನಾಮ ಅಹೋಸಿ. ಅಥ ರಞ್ಞೋ ದೇವೀ ಅತ್ತನೋ ಪುತ್ತಸ್ಸ ರಜ್ಜಂ ಇಚ್ಛನ್ತಿ ತರಚ್ಛನಾವಾ ವಾಪಿಂ ಕರೋನ್ತಸ್ಸ ಉಪರಾಜಸ್ಸವಿಸೇನ ಅಮ್ಬಂ ಯೋಜೇತ್ವಾ ಅಮ್ಬಮತ್ಥಕೇ ಠಪೇತ್ವಾ ಪೇಸೇಸಿ ದೇವಿಯಿ ಪುತ್ತೇ, ಉಪರಾಜೇನ ಸದ್ಧಿಂ ಗತೋ ಭಾಜನೇ ವಿವಟೇ ಸಯಮೇವ ಅಮಬಂ ಗಹೇತ್ವಾ ಖಾದಿತ್ವಾ ಕಾಲಮಕಾಸಿ ಉಪರಾಜಾ ತಂ ಕಾರಣಂ ಞತ್ವಾ ದೇವಿಯಾ ಭೀತೋ ತತೋಯೇವ ಅತ್ತನೋ ದೇವಿಞ್ಚ ಬಲವಾಹನಞ್ಚ ಗಹೇತ್ವಾ ರೋಹಣಂ ಅಗಮಾಸಿ. ತಸ್ಸ ಅಗ್ಗಮಹೇಸಿ ಅನ್ತರಾಮಗ್ಗೇ ಯಟ್ಟಾಲವಿಹಾರೇ ನಾಮ ಪುತ್ತಂ ವಿಜಾಯಿ ತಸ್ಸ ತಿಸ್ಸೋತಿ ಭಾತುನಾಮ’ಮಕಂಸಿ.

ಸೋ ತತೋ ಗನ್ತ್ವಾ ಮಹಾಗಾಮೇ ವಸನ್ತೋ ರೋಹಣೇ ರಜ್ಜಂ ಕಾರೇಸಿ ತಸ್ಸ ಅಚ್ಚಯೇನ ತಸ್ಸ ಪುತ್ತೋ ಯಟ್ಟಾಲತಿಸ್ಸೋ ಮಹಾಗಾಮೇಯೇವ ರಜ್ಜಂ ಕಾರೇಸಿ. ತಸ್ಸ ಅಚ್ಚಯೇನ ತಸ್ಸಾಪಿ ಪುತ್ತೋ ಗೋಠಾಭಯೋ ನಾಮ ತತ್ಥೇವ ರಜ್ಜಂ ಕಾರೇಸಿ. ಗೋಠಾಭಯಸ್ಸ ಪುತ್ತೋ ಕಾಕವಣ್ಣತಿಸ್ಸೋ ನಾಮ ತತ್ಥೇವ ರಜ್ಜಂ ಕಾರೇಸಿ. ಕಾಕವಣ್ಣತಿಸ್ಸ ರಞ್ಞೋ ಕಿರ ಕಲ್ಯಾಣಿತಿಸ್ಸ ರಞ್ಞೋ ಧೀತಾ ವಿಹಾರಮಹಾದೇವೀ ನಾಮ ಅಗ್ಗಮಹೇಸಿ ಅಹೋಸಿ ಸಾ ರಞ್ಞೋ ಪಿಯಾ ಅಹೋಸಿ ಮನಾಪಾ. ರಾಜಾ ತಾಯ ಸದ್ಧಿಂ ಸಮಗ್ಗವಾಸಂ ವಸನ್ತೋ ಪುಞ್ಞಾನಿ ಕರೋನ್ತೋ ವಿಹಾಸಿ. ಅಥೇಕದಿವಸಂ ದೇವೀ ರಾಜಗೇಹೇಯೇವ ಭಿಕ್ಖುಸಙ್ಘಸ್ಸ ಮಹಾದಾನಂ ದತ್ವಾ ಸಾಯಣ್ಹಸಮಯೇ ¶ ಗಣ್ಧಮಾಲಾದೀನಿ ಗಾಹಾಪೇತ್ವಾ ಧಮ್ಮಂ ಸೋತುಂ ವಿಹಾರಂಗತಾ, ತತ್ಥ ನಿಪನ್ನಂ ಬಾಳ್ಹಗಿಲಾನಂ ಆಸನ್ನಮರಣಂ ಸೀಲವನ್ತಂ ಸಾಮಣೇರಂ ದಿಸ್ವಾ ಗಣ್ಧಮಾಲಾದೀಹಿ ಪೂಜೇತ್ವಾ ಅತ್ತನೋ ಸಮ್ಪತ್ತಿಂ ವಣ್ಣೇತ್ವಾ ಮಮ ಪುತ್ತಭಾವಂ ಪತ್ಥೇಥ ಭನ್ತೇತಿ ಯಾಚಿ.

ಸೋ ನ ಇಚ್ಛಿ, ಯಾಪಿ ಪುನಪ್ಪುನ ಯಾಚಿಯೇವ. ಸಾಮಣೇರೋಪಿ ಏವಂ ಸನ್ತೇ ಸಾಸನಾನುಗ್ಗಹಂ ಕಾತುಂ ಸಕ್ಕಾತಿಸಮ್ಪಟಿಚ್ಛಿತ್ವಾ ಗತಿನಿಮಿತ್ತವಸೇನ ಉಪಟ್ಠಿತಮ್ಪಿ ದೇವಲೋಕಂ ಛಡ್ಡೇತ್ವಾ ನಿಕನ್ತಿವಸೇನ ಸುವಣ್ಣ ಸಿವಿಕಾಯ ಗಚ್ಛನ್ತಿಯಾ ದೇವಿಯಾ ಕುಚ್ಛಿಮ್ಹಿ ಪಟಿಸಣ್ಧಿಂ ಗಣ್ಹಿ.

ಸಾ ದಸಮಾಸಚ್ಚಯೇನ ಪುತ್ತಂ ವಿಜಾಯಿ. ತಸ್ಸ ಗಾಮಣಿ ಅಭಯೋತಿ ನಾಮಂ ಕರಿಂಸು. ಅಪರಭಾಗೇ ಅಪರಮ್ಪಿ ತಸ್ಸ ತಿಸ್ಸೋತಿ ನಾಮಂ ಕರಿಂಸು. ಗಾಮಣಿ ಕುಮಾರೋ ಕಮೇನ ವಡ್ಢೇನ್ತೋ ಸೋಳಸ ವಸ್ಸಿಕೋ ಹುತ್ವಾ ಹತ್ಥಸ್ಸ ಥರಾ ಸಿಪ್ಪೇಸು ಕೋವಿದೋ ತೇಜೋಬಲ ಪರಕ್ಕಮ ಸಮ್ಪನ್ನೋ ಅಹೋಸಿ. ಅಥ ಖೋ ಕಾಕವಣ್ಣತಿಸ್ಸ ರಾಜಾ ನಣ್ಧಿಮಿತ್ತೋ-ಸುರನಿಮ್ಮಲೋ-ಮಹಾಸೇನೋ-ಗೋಠಯಿಮ್ಬರೋ-ಥೇರಪುತ್ತಾಭ- ಯೋ-ಭರಣೋ-ವೇಳುಸುಮನೋ-ಖಞ್ಚದೇವೋ-ಫುಸ್ಸದೇವೋ-ಲಭಿಯ್ಯವಸಭೋತಿ ಇಮೇ ದಸಾಮಹಾಯೋಧೇ ಪುತ್ತಸ್ಸ ಸನ್ತಿಕೇ ಠಪೇತ್ವಾ ವಾಸೇಸಿ.

ತೇಸಂ ಉಪ್ಪತ್ತಿಕಥಾ ಮಹಾವಂಸತೋ ಗಹೇತಬ್ಬಾ ರಾಜಾ ದಸಮಹಾಯೋಧಾನಂ ಪುತ್ತಸ್ಸ ಸಕ್ಕಾರಸಮಂಸಕ್ಕಾರಂ ಕಾರೇಸಿ ತಿಸ್ಸಕುಮಾರಂ ಜನಪದ ರಕ್ಖನತ್ಥಾಯ ದೀಘವಾಪಿಯಂ ಠಪೇಸಿ ಅಥೇಕದಿವಸಂ ಗಾಮಿಣೀ ಕುಮಾರೋ ಅತ್ತನೋ ಬಲವಾಹನ ಸಮ್ಪತ್ತಿಂ ದಿಸ್ವಾ ದಮಿಳೇಹಿ ಸದ್ಧಿಂ ಯುಜ್ಝಸ್ಸಾಮೀತಿ ರಞ್ಞೋ ಕಥಾಪೇಸಿ. ರಾಜಾ ಪುತ್ತಂ ಅನುರಕ್ಖನ್ತೋ ಅಲಂ ಓರಗಙ್ಗನ್ತಿ ನಿವಾರೇಸಿ. ಸೋ ಯಾವ ತತಿಯಂ ಕಥಾಪೇಸಿ ರಾಜಾ ಕುಜ್ಝಿತ್ವಾ ಹೇಮಸಙ್ಖಲಿಕಂ ಕರೋಥ ಬಣ್ಧಿತ್ವಾ ರಕ್ಖಿಸ್ಸಾಮೀತಿ. ಅಭಯೋ ಪಿತು ರಞ್ಞೋ ಕುಜ್ಝಿತ್ವಾ ಪಲಾಯಿತ್ವಾ ಮಲಯಂ ಅಗಮಾಸಿ ತತೋ ಪಟ್ಠಾಯ ಪಿತರಿ ದುಟ್ಠತ್ತಾ ದುಟ್ಠಗಾಮಣೀತಿ ಪಞ್ಞಾತೋ ರಾಜಾ ಪುತ್ತಾನಂ ಕಲಹಟ್ಠಾನಂ ಆಗಮನತ್ಥಾಯ ಯೋಧೇಹಿ ಸಪಥಂ ಕಾರೇಸಿ.

ಅಥ ಕಾಕವಣ್ಣತಿಸ್ಸ ರಾಜಾ ಚತುಸಟ್ಠಿವಿಹಾರೇ ಕಾರೇತ್ವಾ ಚತುಸಟ್ಠಿ ಸಂವಚ್ಛರಾನೇವ ಠತ್ವಾ ಕಾಲಮಕಾಸಿ ತಿಸ್ಸಕುಮಾರೋ ಪಿತುಕಾಲಕತಭಾವಂ ಸುತ್ವಾ ದೀಘವಾಪಿತೋ ಆಗನ್ತ್ವಾ ಪಿತು ಸರೀರಕಿಚ್ಚಂ ಕಾರೇತ್ವಾ ಮಾತರಂ - ಕಣ್ಡುಲ ಹತ್ಥಿಞ್ಚ ಗಹೇತ್ವಾ ಭಾತು ಭಯಾ ದೀಘವಾಪಿಂ ಅಗಮಾಸಿ. ಅಮಚ್ಚಾ ಸನ್ನಿಪತಿತ್ವಾ ತಂ ಪವತ್ತಿಂ ವತ್ವಾ ದುಟ್ಠಗಾಮಣಿತಿಸ್ಸ ಸನ್ತಿಕಂ ಪೇಸೇಸುಂ. ಸೋ ತಂ ಸಾಸನಂ ಸುತ್ವಾ ಭುತ್ತಸಾಲಂ ಆಗಮ್ಮ ಭಾತು ಸನ್ತಿಕಂ ದೂತೇ ಪೇಸೇತ್ವಾ ತತೋ ಮಹಾಗಾಮಂ ಆಗನ್ತ್ವಾ ಅಭಿಸೇಕಂ ಪತ್ವಾ ಮಾತರಂ ಕಣ್ಡುಲಹತ್ಥಿಞ್ಚ ಪೇಸೇತೂತಿ ಯಾವ ತತಿಯಂ ಭಾತು ಸನ್ತಿಕಂ ಲೇಖಾ ಪೇಸೇತ್ವಾ ಅಪೇಸನ ಭಾವಂ ಞತ್ವಾ ಯುದ್ಧಾಯ ನಿಕ್ಖಮಿ. ಕುಮಾರೋಪಿ ಯುದ್ಧಸಜ್ಜೋಹುತ್ವಾನಿಕ್ಖಮಿ. ಚುಳಙ್ಗಣಿಯ ಪಿಟ್ಠಿಯಂ ದ್ವಿನ್ನಂ ಭಾತೂನಂ ಮಹಾಯುದ್ಧಂ ಅಹೋಸಿ.

ತೇ ¶ ಕಿರ ಯೋಧಾ ಸಪಥಸ್ಸ ಕತತ್ತಾ ತೇಸಂ ಯುದ್ಧೇ ಸಹಾಯಾ ನ ಭವಿಂಸು. ತದಾ ರಞ್ಞೋ ಅನೇಕಸಹಸ್ಸ ಮನುಸ್ಸಾ ಮರಿಂಸು. ರಾಜಾ ಪರಜ್ಜಿತ್ವಾ ತಿಸ್ಸಾಮಚ್ಚಂ ದಿಘತುಣಿಕಂ ವಳವಞ್ಚ ಗಹೇತ್ವಾ ಪಲಾಯಿ. ಕುಮಾರೋ ಪಚ್ಛತೋ ಪಚ್ಛತೋ ಅನುಬಣ್ಧಿ. ಅನ್ತರೇ ಭಿಕ್ಖು ಪಬ್ಬತಂ ಮಾಪೇಸುಂ. ತಂ ದಿಸ್ವಾ ಕುಮಾರೋ ಭಿಕ್ಖುಸಙ್ಘಸ್ಸ ಕಮ್ಮನ್ತಿ ಞತ್ವಾ ನಿವತ್ತಿ ರಾಜಾ ಪಲಾಯಿತ್ವಾ ಕಪ್ಪಣ್ದಕರ ನದಿಯಾ ಜಲಮಾಲತಿತ್ಥಂ ನಾಮ ಗನ್ತ್ವಂ ಛಾತೋಮ್ಹಿತಿ ಆಹ. ಅಮಚ್ಚೋ ಸುವಣ್ಣಸರಕೇ ಪಕ್ಖಿತ್ತಭತ್ತಾ ನಿಹರಿತ್ವಾ ಅದಾಸಿ.

ರಾಜಾ ಕಾಲಂ ಸಲ್ಲಕ್ಖೇತ್ವಾ ಸಙ್ಘಸ್ಸ ದತ್ವಾ ಭುಞ್ಜಾಮಿತಿ ಸಙ್ಘಸ್ಸ-ಅಮಚ್ಚಸ್ಸ-ವಳವಾಯ-ಅತ್ತನೋ ಚಾತಿ ಚತುಭಾಗಂ ಕತ್ವಾ ಕಾಲಾ ಘೋಸಾಪೇಸಿ ತದಾ ಪಿಯಙ್ಗುದಿಪತೋ ಕುಟುಮ್ಬಿಯತಿಸ್ಸತ್ಥೇರೋ ನಾಮ ಆಗನ್ತ್ವಾ ಪುರತೋ ಅಟ್ಠಾಸಿ. ರಾಜಾ ಥೇರಂ ದಿಸ್ವಾ ಪಸನ್ನಮಾನಸೋ ಸಙ್ಘಸ್ಸ ಠಪಿತಭಾಗಂ ಅತ್ತನೋ ಭಾಗಞ್ಚ ಥೇರಸ್ಸ ಪತ್ತೇ ಪಕ್ಖಿಪಿಂ ಅಮಚ್ಚೋಪಿ ಅತ್ತನೋ ಭಾಗಂ ಪಕ್ಖಿಪಿ ವಳವಾಪಿ ದಾತುಕಾಮಾ ಅಹೋಸಿ. ತಸ್ಸಾಭಿಪ್ಪಾಯಂ ಞತ್ವಾ ಅಮಚ್ಚೋ ತಸ್ಸಾಪಿ ಭಾಗಂ ಪತ್ತೇ ಪಕ್ಖಿಪಿ.

ಇತಿ ಸೋ ರಾಜಾ ಥೇರಸ್ಸ ಪರಿಪುಣ್ಣ ಭತ್ತಪತ್ತಂ ಅದಾಸಿ. ಥೇರೋ ಪತ್ತಂ ಗಹೇತ್ವಾ ಗನ್ತ್ವಾ ಗೋತಮತ್ಥೇರಸ್ಸ ನಾಮ ಅದಾಸಿ. ಸೋ ಪಞ್ಚಸತ ಭಿಕ್ಖು ಭೋಜೇತ್ವಾ ಪುನ ತತೋ ಲದ್ಧೇಹಿ ಭಾಗೇಹಿ ಪತ್ತಪೂರೇತ್ವಾ ಆಕಾಸೇ ಖಿಪಿ ಪತ್ತೋ ಗನ್ತ್ವಾ ರಞ್ಞೋ ಪುರತೋ ಅಟ್ಠಾಸಿ ತಿಸ್ಸೋ ಪತ್ತಂ ಗಹೇತ್ವಾ ರಾಜಾನಂ ಭೋಜೇತ್ವಾ ತತೋ ಸಯಂ ಭುಞ್ಜಿತ್ವಾ ವಳವಂ ಭೋಜೇಸಿ. ತತೋ ರಾಜಾ ಸನ್ನಾಹಂ ಚುಮ್ಬಟಕಂ ಕತ್ವಾ ಪತ್ತಂ ವಿಸ್ಸಜ್ಜೇಸಿ. ತತೋ ಗನ್ತ್ವಾ ಥೇರಸ್ಸ ಹತ್ಥೇ ಪತಿಟ್ಠಾಸಿ, ರಾಜಾ ಪುನ ಮಹಾಗಾಮಂ ಆಗನ್ತ್ವಾ ಸೇನಂ ಸಙ್ಕಡ್ಡಿವೋ ಸಟ್ಠಿಸಹಸ್ಸಬಲಾ ಗಹೇತ್ವಾ ಪುನ ಭಾತರಾ ಸದ್ಧಿಂ ಯುಜ್ಝಿ ತದಾ ಕುಮಾರಸ್ಸ ಅನೇಕ ಸಹಸ್ಸಂ ಮನುಸ್ಸಾ ಪತಿಂಸು.

ಕುಮಾರೋ ಪಲಾಯಿತ್ವಾ ವಿಹಾರಂ ಪವಿಸಿತ್ವಾ ಮಹಾಥೇರಸ್ಸ ಗೇಹಂ ಪಾವಿಸಿ.

ರಾಜಾ ಪಚ್ಛತೋ ಪಚ್ಛತೋ ಅನುಬಣ್ಧನ್ತೋ ವಿಹಾರಂ ಪವಿಟ್ಠಭಾವಂ ಞತ್ವಾ ನಿವತ್ತಿ ಪಚ್ಛಾ ಥೇರಾ ತೇ ಉಭೋ ಭಾತರೋ ಅಞ್ಞಮಞ್ಞಂ ಖಮಾಪೇಸುಂ. ತದಾ ರಾಜಾ ಸಸ್ಸಕಮ್ಮಾನಿ ಕಾರೇತುಂ ತಿಸ್ಸಕುಮಾರಂ ದೀಘವಾಪಿಮೇವ ಪಹಿಣಿತ್ವಾ ಸಯಮ್ಪಿ ಭೇರಂ ಚರಾಪೇತ್ವಾ ಸಸ್ಸಕಮ್ಮಾನಿ ಕಾರೇಸಿ. ಅಥ ಮಹಾಜನಸ್ಸ ಸಙ್ಗಹಂಕತ್ವಾ ಕುನ್ತೇ ಧಾತುಂ ನಿಧಾಪೇತ್ವಾ ಬಲವಾಹನ ಪರಿವುತೋ ತಿಸ್ಸಾರಾಮಂ ಗನ್ತ್ವಾ ಸಙ್ಘಂ ವನ್ದಿತ್ವಾ ಭನ್ತೇ ಸಾಸನಂ ಜೋತೇತುಂ ಪಾರಗಙ್ಗಂ ಗಮಿಸ್ಸಾಮಿ ಸಕ್ಕಾರೇತುಂ ಅಮ್ಹೇಹಿ ಸಹಗಾಮಿನೋ ಭಿಕ್ಖು ದೇಥಾತಿ ಆಹ.

ಸಙ್ಘೋ ಪಞ್ಚಸತಭಿಕ್ಖು ಅದಾಸಿ. ರಾಜಾ ಭಿಕ್ಖುಸಙ್ಘಂ ಗಹೇತ್ವಾ ಕಣ್ಡುಲಹತ್ಥಿಮಾರುಯ್ಹ ಯೋಧೇಹಿ ಪರಿವುತೋ ಮಹತಾ ಬಲಕಾಯೇನ ಯುದ್ಧಾಯ ¶ ನಿಕ್ಖಮಿತ್ವಾ ಮಹಿಯಙ್ಗಣಂ ಆಗನನ್ತ್ವಾ ತತ್ಥ ದಮಿಳೇಹಿ ಸದ್ಧಿಂ ಯುಜ್ಝನ್ತೋ ಮಹಿಯಙ್ಗಣೇ ಕಞ್ಚುಕ ಥೂಪಂ ಕಾರೇಸಿ. ತಸ್ಸ ಥೂಪಸ್ಸ ವಿಭಾವನತ್ಥಂ ಅಯಮಾನುಪುಬ್ಬಕಥಾ.

೧೬. ಭಗವಾ ಕಿರ ಬೋಧಿತೇ ನವಮೇ ಮಾಸೇ ಇಮಂ ದೀಪಮಾಗನ್ತ್ವಾ ಗಙ್ಗಾತೀರೇ ತಿಯೋಜನಾಯತೇ ಯೋಜನವಿತ್ಥತೇ ಮಹಾನಾಗವನುಯ್ಯಾನೇ ಯಕ್ಖಸಮಾಗಮಂ ಆಗನ್ತ್ವಾ ತೇಸಂ ಯಕ್ಖಾನಂ ಉಪರಿಭಾಗೇ ಮಹಿಯಙ್ಗಣ ಥೂಪಸ್ಸ ಠಾನೇ ವೇಹಾಸಯಂ ಠಿತೋ ವುಟ್ಠಿ ವಾತನ್ಧಕಾರಾದೀಹಿ ಯಕ್ಖೇ ಸನ್ತಾಸೇತ್ವಾ ತೇಹಿ ಅಭಯಂ ಯಾಚಿತೋ ತುಮ್ಹಾಕಂ ಅಭಯಂ ದಸ್ಸಾಮಿ ತುಮ್ಹೇ ಸಮಗ್ಗಾ ಮಯ್ಹಂ ನಿಸೀದನಟ್ಠಾನಂ ದೇಥಾತಿ ಆಹ.

ಯಕ್ಖಾ, ಮಾರಿಸ ತೇ ಇಮಂ ಸಕಲದೀಪಂ ದೇಮಿ. ಅಭಯಂ ನೋ ದೇಹೀತಿ ಆಹಂಸು. ತತೋ ಭಗವಾ ತೇಸಂ ಭಯಂ ಅಪನುದಿತ್ವಾ ತೇಹಿ ದಿನ್ನಭಭೂಮಿಯಂ ಚಮ್ಮಖಣ್ಡಂ ಪತ್ಥರಿತ್ವಾ ತತ್ಥ ನಿಸಿನ್ನೋ ತೇಜೋಕಸಿಣಂ ಸಮಾಪಜ್ಜಿತ್ವಾ ಚಮ್ಮಖಣ್ಡಂ ಸಮನ್ತತೋ ಜಾಲೇತ್ವಾ ವಡ್ಢೇಸಿ. ತೇ ಚಮ್ಮಖಣ್ಡೇನ ಅಭಿಭೂನಾ ಸಮನ್ತತೋ ಸಾಗರ ಪರಿಯನ್ತೇ ರಾಸಿಭೂತಾ ಅಹೇಸುಂ ಭಗವಾ ಇದ್ಧಿಬಲೇನ ಗಿರಿದೀಪಂ ನಾಮ ಇಧಾನೇತ್ವಾ ತತ್ಥ ಯಕ್ಖೇ ಪವೇಸೇತ್ವಾ ದೀಪಂ ಯಥಾಟ್ಠಾನೇ ಠಪೇತ್ವಾ ಚಮ್ಮಖಣ್ಡಂ ಸಙ್ಖಿಪಿ ತದಾ ದೇವತಾ ಸಮಾಗಮೋ ಅಹೋಸಿ. ತಸ್ಮಿಂ ಸಮಾಗಮೇ ಭಗವಾ ಧಮ್ಮಂ ದೇಸೇಸಿ-ತದಾ.

‘‘ನೇಕೇಸಂ ಪಾಣಕೋಟೀನಂ-ಧಮ್ಮಾಭಿಸಮಯೋ ಅಹೂ,

ಸರಣೇಸು ಚ ಸೀಲೇಸು-ಠಿತಾ ಆಸುಂ ಅಸಙ್ಖಿಯಾ;

ಸೋತಾಪತ್ತಿಫಲಂ ಪತ್ವಾ-ಸೇಲೇ ಸುಮನಕೂಟಕೇ,

ಮಹಾಸುಮನ ದೇವಿಣ್ದೋ-ಪೂಜಿಯಂ ಯಾಚಿ ಪೂಛಿಯಂ;

ಸಿರಂ ಪರಾಮಸಿತ್ವಾನ-ನಿಲಾಮಲಸಿರೋರುಹೇ,

ಪಾಣಿಮತ್ತೇ ಅದಾ ಕೇಸೇ ತಸ್ಸ ಪಾಣಿಹಿತೋ ಜಿನೋ;

ಸೋ ತಂ ಸುವಣ್ಣಿಚಙ್ಗೋಟಂ-ಚರೇನಾದಾಯ ಸತ್ಥುನೋ, ನಿಸಿನ್ನಟ್ಠಾನ ರಚಿತೇ-ನಾನಾರತನಸಞ್ಚಯೇ.

ಉಚ್ಚತೋ ಸತ್ತರತನೇ-ಠಪೇತ್ವಾನ ಸಿರೋರುಹೇ,

ತಂ ಇಣ್ದನೀಲ ಥೂಪೇನ-ಪಿದಹೇಸಿ ನಮಸ್ಸಿ ಚ’’;

ಪರಿನಿಬ್ಬುತೇ ಪನ ಭಗವತಿ ಧಮ್ಮಸೇನಾಪತಿ ಸಾರಿ ಪುತ್ತತ್ಥೇರಸ್ಸ ಅನ್ತೇವಾಸಿಕೋ ಸರಭೂ ನಾಮೇಕೋ ಥೇರೋ ಚಿತಕತೋ ಗೀವಟ್ಠಿಧಾತು ಗಹೇತ್ವಾ ಭಿಕ್ಖು ಸಙ್ಘಪರಿವುತೋ ಆಗನ್ತ್ವಾ ತಸ್ಮಿಂಯೇವ ಚೇತಿಯೇ ಪತಿಟ್ಠಾಪೇತ್ವಾ ಮೇಘವಣ್ಣಪಾಸಾಣೇಹಿ ಛಾದೇತ್ವಾ ದ್ವಾದಸ ಹತ್ಥುಬ್ಬೇಧಂ ಥೂಪಂ ಕಾರೇತ್ವಾ ಪಕ್ಕಾಮಿ. ಅಥ ದೇವಾನಮ್ಪಿಯತಿಸ್ಸ ರಞ್ಞೋ ಭಾತಾ ಚೂಳಾಭಯೋ ನಾಮ ತಂ ಅಬ್ಭುತಂ ಚೇತಿಯಂ ದಿಸ್ವಾ ತಿಂಸಹತ್ಥುಬ್ಬೇಧಂ ಚೇತಿಯಂ ಕಾರೇಸಿ. ಇದಾನಿ ದುಟ್ಠಗಾಮಣೀಪಿ ಅಭಯರಾಜಾ ಮಹಿಯಙ್ಗಣಂ ಆಗನ್ತ್ವಾ ತತ್ಥ ದಮಿಳೇ ಮದ್ದನ್ತೋ ಅಸಿತಿಹತ್ಥುಬ್ಬೇಧಂ ಕಞ್ಚುಕಚೇತಿಯಂ ಕಾರೇತ್ವಾ ಪೂಜಮಕಾಸಿ.

ಏವಮಚ್ಚಾಯಿಕಂ ¶ ಕಮ್ಮಂ-ಕರೋನ್ತಾಪಿ ಗುಣಾಕರಾ, ಕರೋನ್ತಿ ಪುಞ್ಞಂ ಸಪ್ಪಞ್ಞಾ-ಸಂಸಾರಭಸ ಭೀರುಕಾತಿ.

ಮಹಿಯಙ್ಗನ ಥೂಪಕಥಾ

೧೭. ತತೋ ರಾಜಾ ದಮಿಳೇಹಿ ಸದ್ಧಿಂ ಯುಜ್ಝಿತ್ವಾ ಛತ್ತದಮಿಳಂ ಗಣ್ಹಿತ್ವಾ ತತ್ರ ಬಹು ದಮಿಳೇ ಘಾತೇತ್ವಾ ಅಮ್ಬತಿತ್ಥಂ ಆಗನ್ತ್ವಾ ಅಮ್ಬದಮಿಳಂ ಚತೂಹಿ ಮಾಸೇಹಿ ಗಣ್ಹಿ. ತತೋ ಓರುಯ್ಹ ಮಹಬ್ಬಲೇ ಸತ್ತದಮಿಳೇ ಏಕಾಹೇನೇವ ಗಣ್ಹಿ ತತೋ ಅನ್ತರಸೋಬ್ಭೇ ಮಹಾಕೋಟ್ಠ ದಮಿಳಂ-ದೋಣಗಾಮೇ ಗವರ ದಮಿಳಂ-ಹಾಲಕೋಲೇ ಮಹಿಸ್ಸರಿಯ ದಮಿಳಂ-ನಾಳಿಸೋಬ್ಭೇ ನಾಳಿಕ ದಮಿಳಂ-ದಿಘಾಭಸಗಲ್ಲಮ್ಹಿ ದಿಘಾಭಯ ದಮಿಳಂ ಗಣ್ಹಿ. ತತೋ ಕಚ್ಛತಿತ್ಥೇ ಕಿಞ್ಚಿಸೀಸ ದಮಿಳಂ ಚತೂಹಿ ಮಾಸೇಹಿ ಗಣ್ಹಿ ತತೋ ವೇಠ ನಗರೇ ತಾಳ ದಮಿಳಂ, ಭಾಣಕದಮಿಳಞ್ಚ-ವಹಿಟ್ಠೇ ವಹಿಟ್ಠ ದಮಿಳಂ=ಗಾಮಣಿಮ್ಹಿ ಗಾಮಣಿ ದಮಿಳಂ-ಕುಮ್ಬುಗಾಮಮ್ಹಿ ಕುಮ್ಬು ದಮಿಳಂ-ನಣ್ದಿಕ ಗಾಮಮ್ಹಿ ನಣ್ದಿಕ ದಮಿಳಂ-ಖಾಣುಗಾಮಮ್ಹಿ ಖಾಣು ದಮಿಳಂ-ತಮ್ಬುನ್ನಗಾಮಕೇ ಮಾತುಲ ಭಾಗಿನೇಯ್ಯೇ ದ್ವೇ ದಮಿಳೇ ಗಣ್ಹಿ ತದಾ-

‘‘ಅಜಾನಿತ್ವಾ ಸಕಂ ಸೇನಂ-ಘಾತೇನ್ತಿ ಸಜನಾ ಇತಿ,

ಸುತ್ವಾನ ಸಚ್ಚಕಿರಿಯಂ-ಅಕರಿ ತತ್ಥ ಭುಪತಿ;

ರಜ್ಜಸುಖಾಯ ವಾಯಾಮೋ-ನಾಯಂ ಮಮ ಕದಾಪಿ ಚ,

ಸಮ್ಬುದ್ಧಸಾಸನಸ್ಸೇವ-ಠಪನಾಯ ಅಯಂ ಮಮ;

ತೇನ ಸಚ್ಚೇನ ಮೇ ಸೇನಾ-ಕಾಯೋಪಗತ ಭಣ್ಡಕಂ,

ಜಾಲವಣ್ಣಂವ ಹೋತೂತಿ-ತಂ ತಥೇವ ತದಾ ಅಹು;’’

ಏವಂ ರಾಜಾ ಗಙ್ಗಾತೀರೇ ದಮಿಳೇ ಘಾತೇಸಿ. ಘಾತಿತ ಸೋ ಸಬ್ಬೇ ಆಗನ್ತ್ವಾ ವಿಜಿತ ನಗರೇ ಪವಿಸಿಂಸು. ತದಾ ರಾಜಾ ವಿಜಿತ ನಗರಂ ಗಣ್ಹಿತುಂ ವೀಮಂಸನತ್ಥಾಯ ಆಗಚ್ಛನ್ತಂ ನಣ್ಧಿಮಿತ್ತಂ ದಿಸ್ವಾ ಕಣ್ಡುಲಂ ಮುಞ್ಚೇಸಿ. ಕಣ್ಡುಲೋಪಿ ತಂ ಗಣ್ಹಿತುಂ ಆಗಞ್ಛಿ ತದಾ ನಣ್ಧಿಮಿತ್ತೋ ಹತ್ಥೇತಹಿ ಉಭೋ ದನ್ತೇ ಬಾಳ್ಹಂ ಗಹೇತ್ವಾ ಪೀಳೇತ್ವಾ ಉಕ್ಕುಟಿಕಂ ನಿಸೀದಾಪೇಸಿ. ರಾಜಾ ಉಭೋ ವಿಮಂಸೇತ್ವಾ ವಿಜಿತನಗರಂ ಆಗತೋ. ತತೋ ದಕ್ಖಿಣದ್ವಾರೇ ಯೋಧಾನಂ ಮಹಾಸಙ್ಗಾಮೋ ಅಹೋಸಿ ಪುರತ್ಥಿಮದ್ವಾರೇ ವೇಳುಸುಮನೋ ಅಸ್ಸಂ ಆರುಯ್ಹ ಬಹೂ ದಮಿಳೇ ಘಾತೇಸಿ ದಮಿಳಾ ಅನ್ತೋ ಪಿವಿಸಿತ್ವಾ ದ್ವಾರಂ ಥಕೇಸುಂ. ತತೋ ರಾಜಾ ಯೋಧೇ ವಿಸ್ಸಜ್ಜೇಸಿ, ಕಣ್ಡುಲಹತ್ಥಿ ನಣ್ಧಿಮಿತ್ತೋ ಸುರನಿಮ್ಮಲೋ ಚ ದಕ್ಖಿಣದ್ವಾರೇ ಕಮ್ಮಂ ಕರಿಂಸು ಮಹಾಸೋಣೋ ಗೋಠಯಿಮ್ಬರೋ ಥೇರಪುತ್ತಾಭಯೋ ಚಾತಿ ಇಮೇ ತಯೋ ಇತರೇಸು ತೀಸು ದ್ವಾರೇಸು ಕಮ್ಮಂ ಕರಿಂಸು.

ತಞ್ಚ ನಗರಂ ಪರಿಖಾತ್ತಯ ಪರಿಕ್ಖಿತ್ತಂ, ದಳ್ಹ ಪಾಕಾರ ಗೋಪುರಂ, ಅಯೋ ದ್ವಾರಯುತ್ತಂ ಅಹೋಸಿ ಕಣ್ಡುಲೋ ಜಾಣುಹಿ ಠತ್ವಾ ಸಿಲಾ ಸುಧಾ ಇಟ್ಠಕಾ ಭಿಣ್ದಿತ್ವಾ ಅಯೋದ್ವಾರಂ ಪಾಪುಣಿ ತದಾ ದಮಿಳಾ ಗೋಪುರೇ ಠತ್ವಾ ನಾನಾವುಧಾನಿ ¶ ಖಿಪಿಂಸು ಪಕ್ಕ ಅಯೋಗುಳೇ ಚೇವಪಕ್ಕಟ್ಠಿತ ಸಿಲೇಸಞ್ಚ ಹತ್ಥಿಪಿಟ್ಠಿಯಂ ಪಕ್ಖಿಪಿಂಸು? ತದಾ ಕಣ್ಡುಲೋ ವೇದನಟ್ಟೋ ಉದಕಟ್ಠಾನಂ ಗನ್ತ್ವಾ ಉದಕೇ ಓಗಾಹಿ. ತದಾ ಗೋಠಯಿಮ್ಬರೋ ನ ಇದಂ ಸುರಾಪಾನಂ ಭವತಿ. ಅಯೋದ್ವಾರ ವಿಘಾಟನಂ ನಾಮ, ಗಚ್ಛ ದ್ವಾರಂ ವಿಘಾಟೇಹೀತಿ ಆಹ. ತಂ ಸುತ್ವಾ ಜಾತಾಭಿಮಾತೋ ಕುಞ್ಚನಾದಂ ಕತ್ವಾ ಉದನ ಉಗ್ಗಮ್ಮ ಥಲೇ ಅಟ್ಠಾಸಿ ಅಥ ಹತ್ಥಿವೇಜ್ಜೋ ಸಿಲೇಸಂ ಧೋವಿತ್ವಾ ಓಸಧಂ ಅಕಾಸಿ. ತತೋ ರಾಜಾ ಹತ್ಥಿಂ ಆರುಯ್ಹ ಪಾಣಿನಾ ಕುಮ್ಭೇ ಪರಾಮಸಿತ್ವಾ ಸಕಲ ಲಙ್ಕಾತಲೇ ರಜ್ಜಂ ತವ ದಮ್ಮೀತಿ ತೋಸೇತ್ವಾ ವರಭೋಜನಂ ಭೋಜೇತ್ವಾ ವಣಂ ಸಾಟಕೇನ ವೇಠೇತ್ವಾ ಸುವಮ್ಮೀತಂ ಕತ್ವಾ ವಮ್ಮಪಿಟ್ಠಿಯಂ ಮಹಿಸಚಮ್ಮಂ ಸತ್ತಗುಣಂ ಕತ್ವಾ ಬಣ್ಧಿತ್ವಾ ತಸ್ಸುಪರಿ ತೇಲಚಮ್ಮಂ ಬಣ್ಧಿತ್ವಾ ತಂ ವಿಸ್ಸಜ್ಜೇಸಿ ಸೋ ಅಸನಿ ವಿಯಗಜ್ಜನ್ತೋ ಗನ್ತ್ವಾ ದಾಠಾಹಿ ಪದರಂ ವಿಜ್ಝಿತ್ವಾ ಪಾದೇನ ಉಮ್ಮಾರಂ ಹನಿ. ದ್ವಾರಂ ಬಾಹಾಹಿ ಸದ್ಧಿಂ ಅಯೋದ್ವಾರಂ ಮಹಾಸದ್ದೇನ ಭೂಮಿಯಂ ಪತಿ. ಗೋಪುರೇ ದಬ್ಬಸಮ್ಭಾರಂ ಪನ ಹತ್ಥಿಪಿಟ್ಠಿಯಂ ಪತನ್ತಂ ದಿಸ್ವಾ ನಣ್ಧಿಮಿತ್ತೋ ಬಾಹಾಹಿ ಪಹರಿತ್ವಾ ಪವಟ್ಟೇಸಿ ತದಾ ಕಣ್ಡುಲೋ ದಾಠಾಪೀಳನವೇರಂ ಛಡ್ಢೇಸಿ.

ತತೋ ಕಣ್ಡುಲೋ ಅತ್ತನೋ ಪಿಟ್ಠಿಂ ಆರೂಹನತ್ಥಾಯ ನಣ್ಧಿಮಿತ್ತಂ ಓಲೋಕೇಸಿ. ಸೋ ತಯಾ ಕತಮಗ್ಗೇನ ನ ಪವಿಸಿಸ್ಸಾಮೀತಿ ಅಟ್ಠಾರಸ ಹತ್ಥುಬ್ಬೇಧಂ ಪಾಕಾರಂ ಬಾಹುನಾ ಪಹರಿತ್ವಾ ಅಟ್ಠುಸಹಪ್ಪಮಾಣಂ ಪಾಕಾರಪ್ಪದೇಸಂ ಪಾತೇತ್ವಾ ಸುರನಿಮ್ಮಲಂ ಓಲೋಕೇಸಿ ಸೋಪಿ ತೇನ ಕತಮಗ್ಗಂ ಅನಿಚ್ಛನ್ತೋ ಪಾಕಾರಂ ಲಡ್ಡೀತ್ವಾ ನಗರಬ್ಭನ್ತರೇ ಪತಿ ಗೋಠಯಿಮ್ಬರೋಪಿ - ಸೋಣೋಪಿ - ಥೇರಪುತ್ತಾಭಯೋಪಿ ಏಕೇಕ ದ್ವಾರಂ ಭಿಣ್ದಿತ್ವಾ ಪವಿಸಿಂಸು-ತತೋ.

‘‘ಹತ್ಥಿ ಗಹೇತ್ವಾ ರಥಚಕ್ಕಂ-ಮಿತ್ತೋ ಸಕಟ ಪಞ್ಜರಂ,

ನಾಳಿಕೇರತರುಂ ಗೋಠೋ-ನಿಮ್ಮಲೋ ಖಗ್ಗಮುತ್ತಮಂ;

ತಾಲರುಕ್ಖಂ ಮಹಾಸೋಣೋ-ಥೇರಪುತ್ತೋ ಮಹಾಗದಂ,

ವಿಸುಂ ವಿಸುಂ ವೀಥಿಗತಾ-ದಮಿಳೇ ನತ್ಥ ಚುಣ್ಣಯುಂ’’;

ಏವಂ ವಿಜಿತನಗರಂ ಚತೂಹಿ ಮಾಸೇಹಿ ಭಿಣ್ದಿತ್ವಾ ದಮಿಳೇ ಮಾರೇತ್ವಾ ತತೋ ಗರಿಲೋಕಂ ನಾಮ ಗನ್ತ್ವಾ ಗಿರಿಯ ದಮಿಳಂ ಅಗ್ಗಹೇಸಿ. ತತೋ ಮಹೇಲ ನಗರಂ ಗನ್ತ್ವಾ ಚತೂಹಿ ಮಾಸೇಹಿ ಮಹೇಲ ರಾಜಾನಂ ಗಣ್ಹಿಂ ತತೋ ರಾಜಾ ಅನುರುಧಪುರಂ ಗಚ್ಛನ್ತೋ ಪರಿತೋಕಾಸಪಬ್ಬತೇ ನಾಮ ಖಣ್ಧಾವಾರಂ ನಿವಾಸೇತ್ವಾ ತತ್ಥ ತಳಾಕಂ ಕಾರೇತ್ವಾ ಜೇಟ್ಠಮೂಲಮಾಸಮ್ಹಿ ಉದಕಕೀಳಂ ಕೀಳಿ. ಏಳಾರೋಪಿ ದುಟ್ಠಗಾಮಣಿಸ್ಸ ಆಗತಭಾವಂ ಸುತ್ವಾ ಅಮಚ್ಚೇಹಿ ಸದ್ಧಿಂ ಮನ್ತೇತ್ವಾ ಸ್ವೇ ಯುದ್ಧಂ ಕರಿಸ್ಸಾಮಾತಿ ನಿಚ್ಛಯಂ ಅಕಾಸಿ ಪುನದಿವಸೇ ಸನ್ನದ್ಧೋ ಮಹಾಪಬ್ಬತ ಹತ್ಥಿಂ ಆರುಯ್ಹ ಮಹಾ ಬಲಕಾಯ ಪರಿವುತೋ ನಿಕ್ಖಮಿ. ಗಾಮಣೀಪಿ ಮಾತರಾ ಸದ್ಧಿಂ ಮನ್ತೇತ್ವಾ ದ್ವತ್ತಿಂಸ ಬಲ ಕೋಟ್ಠಕೇ ಕಾರೇತ್ವಾ ಛತ್ತಧರೇ ರಾಜರೂಪಕೇ ತತ್ಥ ತತ್ಥ ಠಪೇಸಿ. ಅಬ್ಭನ್ತರ ಕೋಟ್ಠಕೇ ಸಯಂ ಅಟ್ಠಾಸಿ.

ತತೋ ¶ ಸಙ್ಗಾಮೇ ವತ್ತಮಾನೇ ಏಳಾರ ರಞ್ಞೋ ದೀಘಜತ್ತು ನಾಮ ಮಹಾ ಯೋಧೋ ಖಗ್ಗಫಲಕಂ ಗಹೇತ್ವಾ ಭೂಮಿತೋ ಅಟ್ಠಾರಸ ಹತ್ಥಂ ನಭಮುಗ್ಗನ್ತ್ವಾ ರಾಜರೂಪಂ ಛಿಣ್ದಿತ್ವಾ ಪಠಮಂ ಬಲ ಕೋಟ್ಠಕಂ ಭಿಣ್ದಿ ಏವಂ ಸೇಸೇಪಿ ಬಲಕೋಟ್ಠಕೇ ಭಿಣ್ದಿತ್ವಾ ಮಹಾಗಮಣಿನಾ ಠತಂ ಬಲಕೋಟ್ಠಕಂ ಆಗಮಿ. ತದಾ ಸುರನಿಮ್ಮಲೋ ರಞ್ಞೋ ಪರಿಗಚ್ಛನ್ತಂ ದಿಸ್ವಾ ಅತ್ತನೋ ನಾಮಂ ಸಾವೇತ್ವಾ ತಂ ಅಕ್ಕೋಸಿ ತಂ ಸುತ್ವಾ ದೀಘಜನ್ತು ಪಠಮಂ ಇಮಂ ಮಾರೇಮೀತಿ ಕುಜ್ಝಿತ್ವಾ ಆಕಸಮಬ್ಭುಗ್ಗನ್ತ್ವಾ ಅತ್ತನೋಪರಿ ಓತರನ್ತಂ ದಿಸ್ವಾ ಸರನಿಮ್ಮಲೋ ಅತ್ತನೋ ಫಲಕಂ ಉಪನಾಮೇಸಿ. ಇತರೋಪಿ ಫಲಕೇನ ಸದ್ಧಿಂ ತಂ ಭಿಣ್ದಿಸ್ಸ ಮೀತಿ ಚಿನ್ತೇತ್ವಾ ಫಲಕಂ ಪಹರಿ. ಇತರೋ ಫಲಕಂ ಮುಞ್ಚಿ, ದೀಘಜನ್ತು ಫಲಕಂ ಛಿಣ್ದನ್ತೋ ಭೂಮಿಯಂ ಪತಿ. ಸುರನಿಮ್ಮಲೋ ತಂ ಸತ್ತಿಯಾ ಪಹರಿ, ಫುಸ್ಸದೇವೋ ತಂ ಖಣೇ ಸಙ್ಖಂ ಧಮಿ, ಅಸನಿಸದ್ದೋ ವಿಯ ಅಹೋಸಿ ಉಮ್ಮಾದಪ್ಪತ್ತಾ ವಿಯ ಮನುಸ್ಸಾ ಅಹೇಸುಂ. ತತೋ ದಮಿಳ ಸೇನಾ ಭಿಜ್ಜಿತ್ಥ, ಏಳಾರೋ ಪಲಾಯಿತ್ಥ ತದಾಪಿ ಬಹು ದಮಿಳೇ ಘಾತೇಸುಂ.

‘‘ತತ್ಥ ವಾಪಿಜಲಂ ಆಸಿ-ಹತಾನಂ ಲೋಹಿತಾವಿಲಂ,

ತಸ್ಮಾ ಕುಲತ್ಥವಾಪೀತಿ-ನಾಮತೋ ವಿಸ್ಸುತಾ ಅಹೂ;

ಚರಾಪೇತ್ವಾ ತಹಿಂ ಭೇರಿಂ-ದುಟ್ಠಗಾಮಿಣಿ ಭೂಪತಿ,

ನ ಹನಿಸ್ಸತು ಏಳಾರಂ-ಮಂ ಮುಞ್ಚಿಯ ಪರೋ ಇತಿ;

ಸನ್ನದ್ಧೋ ಸಯಮಾರುಯ್ಹ-ಸನ್ನದ್ಧಂ ಕಣ್ಡುಲಂ ಕರಿಂ,

ಏಳಾರಂ ಅನುಬಣ್ಧನ್ತೋ-ದಕ್ಖಿಣದ್ವಾರ ಮಾಗಮಿ;

ಪುರೇ ದಕ್ಖಿಣಭಾಗಮ್ಹಿ-ಉಭೋ ಯುಜ್ಝಿಂಸು ಭೂಮಿಪಾ,

ತೋಮರಂ ಖಿಪಿ ಏಳಾರೋ-ಗಾಮಣಿ ತಂ ಅವಞ್ಚಯಿ;

ವಿಜ್ಝಾಪೇಸಿ ಚ ದನ್ತೇಹಿ-ತಂ ಹತ್ಥಿಂ ಸಕಹತ್ಥಿನಾ,

ತೋಮರಂ ಖಿಪಿ ಏಳಾರೋ-ಸಹತ್ಥಿ ತತ್ಥ ಸೋ ಪತಿ;

ತತೋ ವಿಜಿತ ಸಙ್ಗಾಮೋ-ಸಯೋಗ್ಗಬಲವಾಹನೋ,

ಲಙ್ಕಾ ಏಕಾತಪತ್ತಂ ಸೋ-ಕತ್ವಾನ ಪಾವಿಸಿ ಪುರಂ;’’

ಅಥ ರಾಜಾ ನಗರೇ ಭೇರಿಂ ಚರಾಪೇತ್ವಾ ಸಮನ್ತಾ ಯೋಜನಪ್ಪಮಾಣೇ ಮನುಸ್ಸೇ ಸನ್ನಿಪಾತೇತ್ವಾ ಏಳಾರ ರಞ್ಞೋ ಸರೀರಂ ಮಹನ್ತಂ ಸಕ್ಕಾರಂ ಕಾರೇತ್ವಾ ಕೂಟಾಗಾರೇನ ನೇತ್ವಾ ಝಾಪೇತ್ವಾ ತತ್ಥ ತೇಚಿಯಂ ಕಾರೇತ್ವಾ ಪರಿಹಾರಮದಾಸಿ. ಅಜ್ಜಪಿ ರಾಜಾನೋ ತಂ ಪದೇಸಮ್ಪತ್ವಾ ಭೇರಿಂ ನ ವಾದಾಪೇನ್ತಿ. ಏವಂ ದುಟ್ಠಗಾಮಣಿ ಅಭಯ ಮಹಾರಾಜಾ ದ್ವತ್ತಿಂಸ ದಮಿಳ ರಾಜಾನೋ ಮಾರೇತ್ವಾ ಲಙ್ಕಾದೀಪಂ ಏಕಚ್ಛತ್ತಮಕಾಸಿ.

ಯದಾ ದುಟ್ಠಗಾಮಣಿ ವಿಜಿತಂ ನಗರಂ ಗಣ್ಹಿ ತದಾ ದೀಘಜನ್ತು ಯೋಧೋ ಏಳಾರಂ ಉಪಸಙ್ಕಮಿತ್ವಾ ಅತ್ತನೋ ಭಾಗಿನೇಯ್ಯಸ್ಸ ಭಲ್ಲುಕಸ್ಸ ಯೋಧ ಭಾವಂ ಆಚಿಕ್ಖಿತ್ವಾ ಇಧಾಗಮನತ್ಥಾಯ ತಸ್ಸ ಸನ್ತಿಕಂ ಪೇಸೇಸಿ. ಭಲ್ಲುಕೋಪಿ ಏಳಾರಸ್ಸ ದಡ್ಢದಿವಸತೋ ಸತ್ತಮೇ ದಿವಸೇ ಸಟ್ಠಿಯಾ ಪುರಿಸ ¶ ಸಹಸ್ಸೇಹಿ ಸದ್ಧಿಂ ಓತಿಣ್ಣೋ ರಞ್ಞೋ ಮತಭಾವಂ ಸುತ್ವಾಪಿ ಲಜ್ಜಾಯ ಯುಜ್ಝಿಸ್ಸಾಮೀತಿ ಮಹಾತಿತ್ಥತೋ ನಿಕ್ಖಮಿತ್ವಾ ಕೋಲಮ್ಬಹಾಲಕೇ ನಾಮ ಗಾಮೇ ಖಣ್ಧಾವಾರಂ ನಿವೇಸೇಸಿ. ರಾಜಾಪಿ ತಸ್ಸಾ’ಗಮನಂ ಸುತ್ವಾ ಸನ್ನದ್ಧೋ ಕಣ್ಡುಲಂ ಆರುಯ್ಹ ಯೋಧಪರಿವುತೋ ಮಹತಾ ಬಲಕಾಯೇನ ಅಭಿನಿಕ್ಖಮಿ. ಫುಸ್ಸದೇವೋಪಿ ಪಞ್ಚಾವುಧ ಸನ್ನದ್ಧೋ ರಞ್ಞೋ ಪಚ್ಛಿಮಾಸನೇ ನಿಸೀದಿ. ಭಲ್ಲುಕೋಪಿ ಪಞ್ಚಾವುಧ ಸನ್ನದ್ಧೋ ಹತ್ಥಿಂ ಆರುಯ್ಹ ರಾಜಾಭಿಮುಖೋ ಅಗಞ್ಛಿ. ತದಾ ಕಣ್ಡುಲೋ ತಸ್ಸ ವೇಗಮಣ್ದಿ ಭಾವತ್ಥಂ ಸನಿಕಂ ಸನಿಕಂ ಪಚ್ಚೋಸಕಕಿ ಸೇನಾಪಿ ಹತ್ಥಿನಾ ಸದ್ಧಿಂ ತಥೇವ ಪಚ್ಚೋಸಕಕಿ.

ರಾಜಾ ಫುಸ್ಸದೇವಂ ಆಹ ಅಯಂ ಹತ್ಥಿ ಪುಬ್ಬೇ ಅಟ್ಠವೀಸತಿಯಾ ಯುದ್ಧೇಸು ಅಪಚ್ಚೋಸಕಕಿತ್ವಾ ಇದಾನಿ ಕಸ್ಮಾ ಪನ ಪಚ್ಚೋಸಕ್ಕತೀತಿ. ಸೋ ಆಹಾದೇವ. ಅಮ್ಹಾಕಮೇವ ಜಯೋ ಅಯಂ ಗಜೋ ಜಯಭೂಮಿಂ ಅವೇಕ್ಖನ್ತೋ ಪಚ್ಚೋಸಕ್ಕತಿ ಜಯಭೂಮಿಂ ಪತ್ವಾ ಠಸ್ಸತೀತಿ? ನಾಗೋಪಿ ಪಚ್ಚೋಸಕಕಿತ್ವ ಪುರ ದೇವಸ್ಸ ಪಸ್ಸೇ ಮಹಾವಿಹಾರ ಸೀಮನ್ತೇ ಅಟ್ಠಾಸಿ.

ತತೋ ಭಲ್ಲುಕೋ ರಾಜಾಭಿಮುಖಾ ಆಗನ್ತ್ವಾ ರಾಜಾನಂ ಉಪ್ಪಣ್ಡೇಸಿ ರಾಜಾಪಿ ಖಗ್ಗತಲೇನ ಮುಖಂ ಪಿಧಾಯ ತಂ ಅಕ್ಕೋಸಿ ರಞ್ಞೋ ಮುಖೇ ವಿಜ್ಝಿಸ್ಸಾಮೀತಿ ಸರಂ ಖಿಪಿ. ಸೋ ಖಗ್ಗತಲ ಮಾಗಚ್ಚಭೂಮಿಯಂ ಪತಿ, ಭಲ್ಲುಕೋ ಮುಖೇ ವಿದ್ಧೇಸ್ಮಿತಿ ಸಞ್ಞಾಯ ಉಕ್ಕುಟ್ಠಿ, ಅಕಾಸಿ ತದಾ ರಞ್ಞೋ ಪಚ್ಛಿಮಾಸನೇ ನಿಸಿನ್ನೋ ಫುಸ್ಸದೇವೋ ರಞ್ಞೋ ಕುಣ್ಡಲಂ ಘಟೇನ್ತೋ ತಸ್ಸ ಮುಖೇ ಕಣ್ಡಂ ಪಾತೇಸಿ ರಞ್ಞೋ ಪಾದೇ ಕತ್ವಾ ಪತಮಾನಸ್ಸ ಜಾಣುಮ್ಹಿ ಅಪರೇನ ಕಣ್ಡೇನ ವಿಜ್ಝಿತ್ವಾ ರಞ್ಞೋ ಸೀಸಂ ಕತ್ವಾ ಪಾತೇಸಿ. ರಾಜಾ ಲದ್ಧಜಯೋ ನಗರಂ ಆಗನ್ತ್ವಾ ಸರಂ ಆಹರಾಪೇತ್ವಾ ಪುಙ್ಖೇನ ಉಜುಕಂ ಠಪಾಪೇತ್ವಾ ತಂ ಪಮಾಣಂ ಕಹಾಪಣರಾಸಿಂ ಕತ್ವಾ ಫುಸ್ಸದೇವಸ್ಸ ಅದಾಸಿ.

ಏವಂ ಲಙ್ಕಾರಜ್ಜಂ ಏಕಚ್ಛತ್ತಂ ಕತ್ವಾ ರಾಜಾ ಯೋಧಾನಂ ಯಥಾನುರೂಪಂ ಠಾನನ್ತರಂ ಅದಾಸಿ. ಥೇರಪುತ್ತಾಭಯೋ ಪನ ದೀಯಮಾನಂ ಟ್ಠಾನನ್ತರಂ ನ ಗಣ್ಹಿ ಕಸ್ಮಾ ನ ಗಣ್ಹಸಿತಿ ಪುಚ್ಛಿನೋ ಯುದ್ಧಂ ಅತ್ಥಿ ಮಹಾರಾಜಾತಿ ಆಹಂ. ಇದಾನಿ ಏಕರಜ್ಜೇ ಕತೇ ಕಿಂ ನಾಮ ಯುದ್ಧನ್ತಿ ಪುಚ್ಛಿತೇ ಕಿಲೇಸ ಚೋರೇಹಿ ಯುಜ್ಝಿಸ್ಸ ಮೀತಿ ಆಹ. ರಾಜಾ ಪುನಪ್ಪುನಂ ನಿವಾರೇಸಿ ಸೋಪಿ ಪುನಪ್ಪುನ ಯಾಚಿತ್ವಾ ರಾಜಾನುಞ್ಞಾಯ ಪಬ್ಬಜಿತ್ವಾ ವಿಪಸ್ಸನಾಯ ಕಮ್ಮಂ ಕರೋನ್ತೋ ಅರಹತ್ತಂ ಪತ್ವಾ ಪಞ್ಚ ಖೀಣಾಸವಸತ ಪರಿವಾರೋ ಅಹೋಸಿ.

ತತೋ ರಾಜಾ ಅತ್ತನೋ ಪಾಸಾದತಲೇ ಸಿರೀಸಯನಗತೋ ಮಹತಿಂ ಸಮ್ಪತ್ತಿಂ ಓಲೋಕೇತ್ವಾ ಅಕ್ಖೋಭಿಣಿ ಸೇನಾಘಾತಂ ಅನುಸ್ಸರಿ. ಅನುಸ್ಸರನ್ತಸ್ಸ ರಞ್ಞೋ ಮಹನ್ತಂ ದೇಮನಸ್ಸಂ ಉಪ್ಪಜ್ಜಿ ಸಗ್ಗ ಮಗ್ಗನ್ತರಾಯೋ ಮೇ ಭವೇಯ್ಯಾತಿ.

ತದಾ ಪಿಯಙ್ಗುದೀಪೇ ಅರಹನ್ತೋ ರಞ್ಞೋ ಪರಿಚಿತಕ್ಕಂ ಞತ್ವಾ ತಂ ಅಸ್ಸಾಸೇತುಂ ಅಟ್ಠ ಅರಹನ್ತೇ ಪೇಸ್ಸೇ. ತೇ ಆಗನ್ತ್ವಾ ಆಗತಭಾವಾ ನಿವೇದೇತ್ವಾ ¶ ಪಾಸಾದತಲಂ ಅಭಿರುಹಿಂಸು ರಾಜಾ ಥೇರೇ ವನ್ದಿತ್ವಾ ಆಸನೇ ನಿಸೀದಾಪೇತ್ವಾ ಆಗತ ಕಾರಣಂ ಪುಚ್ಛಿ. ಥೇರಾಪಿ ಆಗತ ಕಾರಣಂ ವತ್ವಾ ರಞ್ಞೋ ತೇನ ಕಮ್ಮುನಾ ಸಗ್ಗ-ಮೋಕ್ಖನ್ತರಾಯಭಾವಂ ಬೋಧೇತ್ವ ಪಕ್ಕಮಿಂಸು ರಾಜಾ ತೇಸಂ ವಚನಂ ಸುತ್ವಾ ಅಸ್ಸಾಸಂ ಪಟಿಲಭಿತ್ವಾ ವನ್ದಿತ್ವಾ (ತೇ ವಿಸ್ಸಜ್ಜೇತ್ವಾ) ಸಿರಿಸಯನಗತೋ ಪುನ ಚಿನ್ತೇಸಿ.

ಮಾತಿಪಿತರೋ ಖೋ ಪನ ಮಾ ಚೋ ಕದಾಚಿಪಿ ವಿನಾ ಸಙ್ಘೇನ ಆಹಾರಂ ಭುಞ್ಜಥಾತಿ ಅಮ್ಹೇಹಿ ಸಪಥಂ ಕಾರೇಸುಂ ಭಿಕ್ಖುಸಙ್ಘಸ್ಸ ಅದತ್ವಾ ಭುತ್ತಂ ಅತ್ಥಿ ನು ಖೋ ನತ್ಥಿತಿ ಚಿನ್ತಯನ್ತೋ ಸತಿಸಮ್ಮೋಸೇನ ಸಙ್ಘಸ್ಸ ಅದತ್ವಾ ಪಾತರಾಸಕಾಲೇ ಪರಿಭುತ್ತಂ ಏಕಂಯೇವ ಮರಿಚವಟ್ಟಿಂ ಅದ್ದಸ. ದಿಸ್ವಾ ಚ ಅಯುತ್ತಂ ಮಯಾ ಕತಂ ದಣ್ಡಕಮ್ಮಂ ಮೇ ಕಾತಬ್ಬನ್ತೀ ಚಿನ್ತೇಸಿ ಅಥ ರಾಜಾ ಛತ್ತಮಙ್ಗಲ ಸತ್ತಾಹೇ ವೀತಿವತ್ತೇ ಮಹತಾ ರಾಜಾನುಭಾವೇನ ಮಹನ್ತೇನ ಕೀಳಾವಿಧಾನೇನ ಉದಕಕೀಳಂ ಕೀಳಿತುಂ ಅಭಿಸಿತ್ತಾನಂ ರಾಜುನಂ ಚಾರಿತ್ತಾನು ಪಾಲನತ್ಥಞ್ಚ ತಿಸ್ಸವಾಪಿಂ ಅಗಮಾಸಿ. ರಞ್ಞೋ ಸಬ್ಬಂ ಪರಿಚ್ಛದಂ ಉಪಾಹನಛತ್ತಾನಿ ಚ ಮರಿಚವಟ್ಟಿ ವಿಹಾರಟ್ಠಾನಮ್ಹಿ ಠಪಯಿಂಸು.

ತತ್ರಾಪಿ ಥೂಪಟ್ಠಾನೇ ರಾಜಪುರಿಸಾ ರಞ್ಞೋ ಸಧಾತುಕಂ ಕುನ್ತಂ ಉಜುಕಂ ಠಪೇಸುಂ. ರಾಜಾ ದಿವಸಭಾಗಂ ಓರೋಧ ಪರಿವುತೋ ಕೀಳಿತ್ವಾ ಸಾಯಣ್ಹೇ ಜಾತೇ ನಗರಂ ಗಮಿಸ್ಸಾಮ ಕುನ್ತಂ ವಡ್ಢೇಥಾತಿ ಆಹ. ರಾಜಪುರಿಸಾ ಕುನ್ತಂ ಗಣ್ಹನ್ತಾ ಚಾಲೇತುಂ ನಾಸಕ್ಖಿಂಸು ರಾಜಸೇನ, ತಂ ಅಚ್ಛರಿಯಂ ದಿಸ್ವಾ ಸಮಾಗನ್ತ್ವಾ ಗಣ್ಧಮಾಲಾದೀಹಿ ಪೂಜೇಸಿ ರಾಜಾಪಿ ಮಹನ್ತಂ ಅಚ್ಛರಿಯಂ ದಿಸ್ವಾ ಹಟ್ಠಮಾನಸೋ ಸಮನ್ತಾ ಆರಕ್ಖಂ ಸಂವಿದಹಿತ್ವಾ ನಗರಂ ಪಾವಿಸಿ.

ತತೋ ರಾಜಾ ಕುನ್ತಂ ಪರಿಕ್ಖಿಪಾಪೇತ್ವಾ ಚೇತಿಯಂ ತಂ ಪರಿಕ್ಖಿಪಾಪೇತ್ವಾ ವಿಹಾರಞ್ಚ ಕಾರೇಸಿ. ವಿಹಾರೋ ತೀಹಿ ಸಂವಚ್ಛರೇಹಿ ನಿಟ್ಠಾಸಿಂ ರಾಜಾ ವಿಹಾರಮಹತ್ಥಾಯ ಸಙ್ಘಂ ಸನ್ನಿಪಾತೇಸಿ ಭಿಕ್ಖೂನಂ ಸತಸಹಸ್ಸಾನಿ ಭಿಕ್ಖುನೀನಂ ನವುತಿ ಸಹಸ್ಸಾನಿ ಸನ್ನಿಪತಿಂಸು ತಸ್ಮಿಂ ಸಮಾಗಮೇ ರಾಜಾ ಸಙ್ಘಂ ವನ್ದಿತ್ವಾ ಏವಮಾಹ ಭನ್ತೇ ವಿಸ್ಸರಿತ್ವಾ ವಿನಾ ಸಙ್ಘೇನ ಮರಿಚವಟ್ಟಿಕಂ ಪರಿಭುಞ್ಜಿಂ ತದತ್ಥಂ ದಣ್ಡಕಮ್ಮಂ ಮೇ ಹೋತೂತಿ-ಸಚೇತಿಯಂ ಮರಿಚವಟ್ಟಿಯಂ ವಿಹಾರಂ ಕಾರೇಸಿಂ ಪತಿಗಣ್ಹಾತು ಭನ್ತೇ ಸಙ್ಘೋ ಸಚೇತಿಯಂ ವಿಹಾರನ್ತಿ ದಕ್ಖಿಣೋದಕಂ ಪಾತೇತ್ವಾ ಭಿಕ್ಖುಸಙ್ಘಸ್ಸ ವಿಹಾರಂ ಅದಾಸಿ.

ವಿಹಾರಸ್ಸ ಸಮನ್ತತೋ ಭಿಕ್ಖುಸಙ್ಘಸ್ಸ ನಿಸೀದನತ್ಥಾಯ ಮಹನ್ತಂ ಮಣ್ಡಪಂ ಕಾರೇಸಿ ಮಣ್ಡಪ ಪಾದಾ ಅಭಯವಾಪಿಯಾ ಜಲೇ ಪತಿಟ್ಠಿತಾ ಅಹೇಸುಂ. ಸೇಸೋಕಾಸೇ ಕಥಾಚನತ್ಥಿ. ತತ್ಥ ಭಿಕ್ಖುಸಙ್ಘಂ ನಿಸೀದಾಪೇತ್ವಾ ಸತ್ತಾಹಂ ಮಹಾದಾನಂ ದತ್ವಾ ಸಬ್ಬಪರಿಕ್ಖಾರಂ ಅದಾಸಿ. ತತ್ಥ ಸಙ್ಘತ್ಥೇರೇನ ಲದ್ಧ ಪರಿಕ್ಖಾರೋ ಸತಸಹಸ್ಸಗ್ಘನಕೋ ಅಹೋಸಿ.

ಏವಂ- ¶

‘‘ಯುದ್ಧೇ ದಾನೇ ಚ ಸೂರೇನ-ಸೂರಿನಾ ರತನತ್ತಮೇ,

ಪಸನ್ನಾಮಲಚಿತ್ತೇನ-ಸಾಸನುಜ್ಜೋತನತ್ಥಿನಾ;

ರಞ್ಞಾ ಕತಞ್ಞುನಾ ತೇನ-ಥೂಪಕಾರಾಪನಾದಿತೋ,

ವಿಹಾರಮಹನನ್ತಾನಿ - ಪೂಜೇತುಂ ರತನತ್ತಯಂ;

ಪರಿಚ್ಚತ್ತಧನಾನೇತ್ಥ-ಅನಗ್ಘಾನಿ ವಿಮುಞ್ಚಿಯ,

ಸೇಸಾನಿ ಹೋನ್ತಿ ಏಕಾಯ-ಊನಾ ವಿಸತಿಕೋಟಿಯೋ;’’

ಏವಂ ಸಪಞ್ಞೋ ಭಿದೂರೇ ಅಸಾರೇ,

ದೇಹೇ ಧನೇ ಸಙ್ಗಮತಿಕ್ಕಮಿತ್ವಾ

ಕತ್ವಾನ ಪುಞ್ಞಂ ಸುಖಸಾದನತ್ಥಂ,

ಸಾರಂ ಗಹೇತುಂ ಸತತಂ ಯತೇಯ್ಯಾತಿ;

ಮರೀಚವಟ್ಟಿ ವಿಹಾರಕಥಾ

೧೮. ತತೋ ರಾಜಾ ಚಿನ್ತೇಸಿ ಮಹಾಮಹಿಣ್ದತ್ಥೇರೋ ಕಿರ ಮಮ ಅಯ್ಯಕಸ್ಸ ದೇವಾನಮ್ಪಿಯತಿಸ್ಸ ರಞ್ಞೋ ಏವಮಾಹ. ನತ್ತಾ ತೇ ಮಹಾರಾಜ ದುಟ್ಠಗಾಮಣಿ ಅಭಯೋ ವಿಸಂ ಹತ್ಥಸತಿಕಂ ಸೋವಣ್ಣಮಾಲಿಂ ಥೂಪಂ ಕಾರೇಸ್ಸತಿ. ಸಙ್ಘಸ್ಸ ಚ ಉಪೋಸಥಾಗಾರಭೂತಂ ನವಭೂಮಕಂ ಲೋಹಪಾಸಾದಂ ಕಾರೇಸ್ಸತೀತಿ ಚಿನ್ತೇತ್ವಾ ಚ ಪನ ಓಲೋಕೇನ್ತೋ ರಾಜಗೇಹೇ ಕರಣ್ಡಕೇ ಠಪಿತಂ ಸುವಣ್ಣಪಟ್ಟಲೇಖಂ ದಿಸ್ವಾ ತಂ ವಾಚೇಸಿ. ಅನಾಗತೇ ಚತ್ತಾಲೀಸಂ ವಸ್ಸಸತಂ ಅತಿಕ್ಕಮ್ಮ ಕಾಕವಣ್ಣತಿಸ್ಸಸ್ಸ ಪುತ್ತೋ ದುಟ್ಠಗಾಮಣಿ ಅಭಯೋ ಇದಞ್ಚಿದಞ್ಚ ಕಾರೇಸ್ಸತೀತಿ ಸುತ್ವಾ ಹಟ್ಠೋ ಉದಗ್ಗೋ ಅಪ್ಪೋಠೇಸಿ-ಅಯ್ಯೇನ ಕಿರ ವತಮ್ಹಿ ದಿಟ್ಠೋ ಮಹಾ ಮಹಿಣ್ದೇನಾತಿ.

ತತೋ ಪಾತೋವ ಮಹಾಮೇಘವನಂ ಗನ್ತ್ವಾ ಭಿಕ್ಖುಸಙ್ಘಂ ಸನ್ನಿಪಾತೇತ್ವಾ ಏತದವೋಚ? ಭನ್ತೇ ಭಿಕ್ಖುಸಙ್ಘಸ್ಸ ಉಪೋಸಥಾಗಾರಂ ಕತ್ವಾ ದೇವವಿಮಾನ ಸದಿಸಂ ಪಾಸಾದಂ ಕಾರೇಸ್ಸಾಮಿ ದೇವಲೋಕಂ ಪೇಸೇತ್ವಾ ಪಟೇ ವಿಮಾನಾಕಾರಂ ಲಿಖಾಪೇತ್ವಾ ಮೇ ದೇಥಾತಿ? ಸಙ್ಘೋ ಅಟ್ಠ ಖೀಣಾಸವೇ ಪೇಸೇಸಿ. ತೇ ತಾವತಿಂಸಭವನಂ ಗನ್ತ್ವಾ ದ್ವಾದಸಯೋಜನುಬ್ಬೇಧಾ ಅಟ್ಠಚತ್ತಾಲೀಸ ಯೋಜನ ಪರಿಕ್ಖೇಪಂ ಕೂಟಾಗಾರಂ ಸಹಸ್ಸ ಪತಿಮಣ್ಡಿತಂ ನವಭೂಮಕಂ ಸಹಸ್ಸಗಬ್ಭಂ ಖೀರಣ ದೇವಧೀತಾಯ ಪುಞ್ಞಾನುಭಾವನಿಬ್ಬತ್ತಂ ಆಕಾಸಟ್ಠಂ ರತನಪಾಸಾದಂ ಓಲೋಕೇತ್ವಾ ಹಿಙ್ಗುಲಕೇನ ಪಟೇ ತದಾಕಾರಂ ಲಿಖಿತ್ವಾ ಆನೇತ್ವಾ ಭಿಕ್ಖುಸಙ್ಘಸ್ಸ ಅದಂಸು ಸಙ್ಘೋ ರಞ್ಞೋ ಪಾಹೇಸಿ.

ತಂ ದಿಸ್ವಾ ರಾಜಾ ತುಟ್ಠಮಾನಸೋ ತದಾ ತಂ ಲೇಖತುಲ್ಯಂ ಲೋಹಪಾಸಾದಂ ಕಾರೇಸಿ. ಕಮ್ಮನ್ತಾರಮ್ಭ ಕಾಲೇ ಪನ ಚತುಸು ದ್ವಾರೇಸು ಅಟ್ಠಸತಸಹಸ್ಸಾನಿ ಹಿರಞ್ಞಾನಿ ಠಪಾಪೇಸಿ ತದಾ ಚತುಸು ದ್ವಾರೇಸು ಸಹಸ್ಸ ಸಹಸ್ಸಂ ವತ್ಥಪುಟಾನಿ ಚೇವ ಗುಳ-ತೇಲ-ಸಕ್ಖರ-ಮಧುಪುರಾ ಅನೇಕಸಹಸ್ಸಚಾಟಿಯೋ ಚ ¶ ಠಪಾಪೇಸಿ. ಪಾಸಾದೇ ಅಮೂಲಕೇನ ಕಮ್ಮಂ ನ ಕಾತಬ್ಬನ್ತಿ ಭೇರಿಂ ಚಾರಪೇತ್ವಾ ಅಮೂಲಕೇನ ಕತಕಮ್ಮಂ ಅಗ್ಘಾಪೇತ್ವಾ ಕಾರಕಾನಂ ಮೂಲಂ ದಾಪೇಸಿ. ಪಾಸಾದೋ ಏಕೇಕೇನ ಪಸ್ಸೇನ ಹತ್ಥಸತ ಹತ್ಥಸತಪ್ಪಮಾಣೋ ಅಹೋಸಿ ತಥಾ ಉಬ್ಬೇಧನ, ನವಭೂಮಾಯೋ ಚಸ್ಸ ಅಹೇಸುಂ ಏಕೇಕಿಸ್ಸಾ ಭೂಮಿಯಾ ಸತಂ ಸತಂ ಕೂಟಾಗಾರಾನಿ, ತಾನಿ ಸಬ್ಬಾನಿಪಿ ರತನಖಚಿತಾನಿ ಚೇವ ಸುವಣ್ಣ ಕಿಙ್ಕಿಣಿಕಾಪನ್ತಿ ಪರಿಕ್ಖಿತ್ತಾನಿ ಚ ಅಹೇಸುಂ ತೇಸಂ ಕೂಟಾಗಾರಾನಿ ನಾನಾರತನ ಭೂಸಿಕಾ ಪವಾಳ ವೇದಿಕಾ ಚೇವ, ತಾಸಂ ಪದುಮಾನಿ ಚ ನಾನಾರತನ ವಿಚಿತ್ತಾನೇವ ಅಹೇಸುಂ. ತಥಾ ಸಹಸ್ಸಗಬ್ಭಾ ಚ ನಾನಾರತನ ಖಚಿತಾ ಸೀಯಪಞ್ಜರ ವಿಭೂಸಿತಾ ಚ. ವೇಸ್ಸವನಸ್ಸ ನಾರಿವಾಭನಯಾನಂ ಸುತ್ವಾ ತದಾಕಾರಂ ಮಜ್ಝೇ ರತನ ಮಣ್ಡಪಂ ಕಾರೇಸಿ.

ಸೋ ಅನೇಕೇಹಿ ರತನತ್ಥಮ್ಭೇಹಿ ಸೀಹವ್ಯಗ್ಘಾದಿ ರೂಪೇಹಿ ದೇವತಾ ರೂಪೇಹಿ ಚ ಪತಿಮಣ್ಡಿತೋ ಸಮನ್ತತೋ ಓಲಮ್ಬಕ ಮುತ್ತಾ ಜಾಲೇನ ಚ ಪರಿಕ್ಖಿತ್ತೋ ಅಹೋಸಿ ಪವಾಳವೇದಿಕಾ ಚಸ್ಸ ಪುಬ್ಬೇ ವುತ್ತಪ್ಪಕಾರಾವ ಸತ್ತರತನ ವಿಚಿತ್ತಮಣ್ಡಪ ಮಜ್ಝೇ ಪನ ಏಳಿಕಮಯ ಭೂಮಿಯಾ ದನ್ತಮಯ ಪಲ್ಲಙ್ಕೋ ಅಹೋಸಿ ಅಪಸ್ಸೇನಮ್ಪಿ ದನ್ತಮಯಮೇವ, ಸೋ ಸುವಣ್ಣಸೂರಿಯಮಣ್ಡಲೇಹಿ ರಜತ ಚಣ್ದ ಮಣ್ಡಲೇಹಿ ಮುತ್ತಾಮಯ ತಾರಕಾಹಿ ಚ ವಿಚಿತ್ತೋ ತತ್ಥ ತತ್ಥ ಯಥಾರಹಂ ನಾನಾರತನಮಯ ಪದುಮಾನಿ ಚೇವ ಪಸಾದ ಜನಕಾನಿ ಚ ಜಾತಕಾನಿ ಅನ್ತರನ್ತರಾ ಸುವಣ್ಣಲತಾಯೋ ಚ ಕಾರೇಸಿ. ತತ್ಥ ಮಹಗ್ಘಂ ಪಚ್ಚತ್ಥರಣಂ ಅತ್ಥರಿತ್ವಾ ಮನುಞ್ಞಂ ದನ್ತ ವಿಜನಿಂ ಠಪೇಸಿ. ಪವಾಳಮಯ ಪಾದುಕಾ ಕಾರೇಸಿ. ತಥಾ ಪಲ್ಲಙ್ಕಸ್ಸೋಪರಿ ಏಳಿಕಭೂಮಿಯಾ ಪತಿಟ್ಠಿತಂ ರಜತಮಯದಣ್ಡಂ ಸೇತಚ್ಚತ್ತಂ ಕಾರೇಸಿ. ತತ್ಥ ಸತ್ತರತನಮಯಾನಿ ಅಟ್ಠಮಙ್ಗಲಾನಿ ಅನ್ತರನ್ತರಾ ಚ ಮಣಿಮುತ್ತಾಮಯಾ ಚತುಪ್ಪಾದ ಪನ್ತಿಯೋ ಚ ಕಾರೇಸಿ. ಛತ್ತನ್ತೇ ಚಸ್ಸ ರತನಮಯ ಘಣ್ಟಾಪನ್ತಿಯೋ ಓಲಮ್ಬಿಂಸು.

ಪಾಸಾದೋ ಛತ್ತಂ ಪಲ್ಲಙ್ಕೋ ಮಣ್ಡಪೋ ಚಾತಿ ಚತ್ತಾರೋ ಅನಗ್ಘಾ ಅಹೇಸುಂ ಮಹಗ್ಘಾನಿ ಮಞ್ಚಪೀಠಾನಿ ಪಞ್ಞತ್ವೋ ತತ್ಥ ಮಹಗ್ಘಾನಿ ಕಮ್ಬಲಾನಿ ಭುಮ್ಮತ್ಥರಣಾನಿ ಅತ್ಥರಾಪೇಸಿ ಆವಮನ ಕುಮ್ಹಿ ಉಳುಙ್ಕೋ ಚ ಸೋವಣ್ಣಮಯಾಯೇವ ಅಹೇಸುಂ. ಸೇಸ ಪರಿಭೋಗ ಭಣ್ಡೇಸು ವತ್ತಬ್ಬಮೇವ ನತ್ಥಿ ದ್ವಾರಕೋಟ್ಠಕೋಪಿ ಮನೋಹರ ಪಾಕಾರೇನ ಪರಿಕ್ಖಿತ್ತೋ. ತಮ್ಬಲೋಹಿಟ್ಠಿಕಾಭಿ ಪನ ಛಾದಿತತ್ತಾ ಪಾಸಾದಸ್ಸ ಲೋಹಪಾಸಾದೋತಿ ವೋಹಾರೋ ಅಹೋಸಿ.

ಏವಂ ತಾವತಿಂಸಭವನೇ ದೇವಸಭಾ ವಿಯ ಪಾಸಾದಂ ನಿಟ್ಠಾಪೇತ್ವಾ ಸಙ್ಘಂ ಸನ್ನಿಪಾತೇಸಿ. ಮರಿಚವಟ್ಟಿ ವಿಹಾರಮಗೇ ವಿಯ ಸಙ್ಘೋ ಸನ್ನಿಪತಿ. ಪಠಮಭೂಮಿಯಂ ಪುಥುಜ್ಜನಾಯೇವ ಅಟ್ಠಂಸು ದುತಿಯಭೂಮಿಯಾ ತೇಪಿಟಕಾ, ತತಿಯಾದಿಸು ತೀಸು ಭೂಮಿಸು ಕಮೇನ ಸೋತಾಪನ್ನ - ಸಕದಾಗಾಮಿ - ಅನಾಗಾಮಿನೋ, ಉಪರಿ ಚತುಸು ಭೂಮಿಸು ಖೀಣಾಸವಾಯೇವ ಅಟ್ಠಂಸು. ಏವಂ ಸಙ್ಘಂ ಸನ್ನಿಪಾತೇತ್ವಾ ಸಙ್ಘಸ್ಸ ಪಾಸಾದಂ ದತ್ವಾ ಮರಿಚವಟ್ಟಿ ವಿಹಾರಮಹೇ ವಿಯ ಸತ್ತಾಹಂ ಮಹಾದಾನಮದಾಸೀತಿ.

‘‘ಪಾಸಾದಹೇತು ¶ ಚತ್ತಾನಿ-ಮಹಾಚಾಗೇನ ರಾಜಿನಾ,

ಅನಗ್ಘಾನಿ ಠಪೇತ್ವಾನ-ಅಹೇಸುಂ ತಿಂಸಕೋಟಿಯೋ;’’

ಪಹಾಯ ಗಮನೀಯನ್ತಂ-ದತ್ವಾನ ಧನಸಞ್ಚಯಂ,

ಅನುಗಾಮಿಧನಂ ದಾನಂ-ಏವಂ ಕುಬ್ಬನ್ತಿ ಪಣ್ಡಿತಾ;

೧೯. ಅಥೇಕದಿವಸಂ ರಾಜಾ ಸತಸಹಸ್ಸಂ ವಿಸ್ಸಜ್ಜೇತ್ವಾ ಮಹಾಬೋಧಿ ಪೂಜಂ ಕಾರೇತ್ವಾ ನಗರಂ ಪವಿಸನ್ತೋ ಥೂಪಟ್ಠಾನೇ ಪತಿಟ್ಠಿತಂ ಸಿಲಾಥೂಪಂ ದಿಸ್ವಾ ಮಹಿಣ್ದತ್ಥೇರೇನ ವುತ್ತವಚನಂ ಅನುಸ್ಸರಿತ್ವಾ ಮಹಾಥೂಪಂ ಕಾರೇಸ್ಸಾಮೀತಿ ಕತಸನ್ನಿಟ್ಠಾನೋ ನಗರಂ ಪವಿಸಿತ್ವಾ ಮಹಂತಲಂ ಆರುಯ್ಹ ಸುಭೋಜನಂ ಭುಞ್ಜಿತ್ವಾ ಸಿರಿಸಯನಗತೋ ಏವಂ ಚಿನ್ತೇಸಿ ಮಯಾ ದಮಿಳೇ ಮದ್ದಮಾನೇನ ಅಯಂ ಲೋಕೋ ಅತಿವಿಯ ಪೀಳಿತೋ, ಕೇನ ನು ಖೋ ಉಪಾಯೇನ ಲೋಕಸ್ಸ ಪಿಳನಂ ಅಕತ್ವಾ ಧಮ್ಮೇನ ಸಮೇನ ಮಹಾ ಚೇತಿಯಸ್ಸ ಅನುಚ್ಛವಿಕಂ ಇಟ್ಠಕಾ ಉಪ್ಪಾದೇಸ್ಸಾಮೀತಿ ತಂ ಚಿನ್ತಿತಂ ಛತ್ತಂ ಅಧಿವತ್ಥಾ ದೇವತಾ ಜಾನಿತ್ವಾ ರಾಜಾ ಏವಂ ಚಿನ್ತೇಸೀತಿ ಉಗ್ಘೋಸೇಸಿ.

ಪರಮ್ಪರಾಯ ದೇವಲೋಕೇಪಿ ಕೋಲಾಹಲಮಹೋಸಿ ತಂ ಞತ್ವಾ ಸಕ್ಕೋ ದೇವರಾಜಂ ವಿಸ್ಸಕಮ್ಮಂ ಆಮನ್ತೇತ್ವಾ’ತಾತ! ವಿಸ್ಸ ಕಮ್ಮ! ದುಟ್ಠಗಾಮಣಿ ಅಭಯ ಮಹಾರಾಜಾ ಮಹಾ ಚೇತಿಯಸ್ಸ ಇಟ್ಠಕತ್ಥಾಯ ಚಿನ್ತೇಸಿ. ತ್ವಂ ಗನ್ತ್ವಾ ಉತ್ತರಪಸ್ಸೇ ನಗರತೋ ಯೋಜನಪ್ಪಮಾಣೇ ಠಾನೇ ಗಮ್ಭಿರ ನದಿಯಾ ತೀರೇ ಇಟ್ಠಕಾ ಮಾಪೇತ್ವಾ ಏಹಿ’ತಿ ಪೇಸೇಸಿ.

ತಂ ಞತ್ವಾ ವಿಸ್ಸಕಮ್ಮ ದೇವಪುತ್ತೋ ಆಗನ್ತ್ವಾ ತತ್ಥೇವ ಮಹಾಚೇತಿಯಾನುಚ್ಛವಿಕಂ ಇಟ್ಠಕಾ ಮಾಪೇತ್ವಾ ದೇವಪುರಮೇವ ಗತೋ. ಪುನ ದಿವಸೇ ಏಕೋ ಸುನಖಲುದ್ದೋ ಸುನಖೇ ಗಹೇತ್ವಾ ಅರಞ್ಞಂ ಗನ್ತ್ವಾ ತತ್ಥ ತತ್ಥ ವಿಚರನ್ತೋ ತಂ ಠಾನಂ ಪತ್ವಾ ಇಟ್ಠಕಾ ಅದಿಸ್ವಾ ಚ ನಿಕ್ಖಮಿ. ತಸ್ಮಿಂ ಖಣೇ ಏಕಾ ಭುಮ್ಮಾ ದೇವತಾ ತಸ್ಸ ಇಟ್ಠಕಾ ದಸ್ಸೇತುಂ ಮಹನ್ತಂ ಗೋಧಾವಣ್ಣಂ ಗಹೇತ್ವಾ ಲುದ್ದಸ್ಸ ಸುನಖಾನಞ್ಚ ಅತ್ತಾನಂ ದಸ್ಸೇತ್ವಾ ತೇಹಿ ಅನುಬದ್ಧೋ ಇಟ್ಠಕಾಭಿಮುಖಂ ಅತ್ತ್ವಾ ಅನ್ತರಧಾಯಿ.

ಸುನಖಲುದ್ದೋ ಇಟ್ಠಕಾ ದಿಸ್ವಾ ಅಮ್ಹಾಕಂ ರಾಜಾ ಥೂಪಂ ಕಾರೇತುಕಾಮೋ, ಮಹನ್ತೋ ವತ ನೋ ಪಣ್ಣಾಕಾರೋ ಲದ್ಧೋತಿ ಹಟ್ಠಮಾನಸೋ ಪುನ ದಿವಸೇ ಪಾತೋಚ ಆಗನ್ತ್ವಾ ಅತ್ತನಾ ದಿಟ್ಠಂ ಇಟ್ಠಕ ಪಣ್ಣಾಕಾರಂ ರಞ್ಞೋ ನಿವೇದೇಸಿ. ರಾಜಾ ತಂ ಸಾಸನಂ ಸುತ್ವಾ ಅತ್ತಮನೋ ಹುತ್ವಾ ತಸ್ಸ ಮಹನ್ತಂ ಸಕ್ಕಾರಂ ಕಾರೇತ್ವಾ ತಂಯೇವ ಇಟ್ಠಕ ಗೋಪನಂ ಕಾರೇಸಿ. ತತೋ ರಾಜಾ ಅಹಮೇವ ಇಟ್ಠಕೋಲೋಕನತ್ಥಾಯ ಗಚ್ಛಾಮಿ - ಕುನ್ತಂ ವಡ್ಢೇಥಾತಿ ಆಹ.

ತಸ್ಮಿಂಯೇವ ಖಣೇ ಪುನ ಅಞ್ಞಂ ಸಾಸನಂ ಆಹರಿಂಸು. ನಗರತೋ ತಿಯೋಜನಮತ್ಥಕೇ ಠಾನೇ ಪುಬ್ಬುತ್ತರಕಣ್ಣೇ ಆಚಾರ ವಿಟ್ಠಿಗಾಮೇ ತಿಯಾಮರತ್ತಿಂ ಅಭಿಪ್ಪವಟ್ಟೇ ದೇವೇ ಸೋಳಸ ಕರೀಸಪ್ಪಮಾಣೇ ಪದೇಸೇ ಸುವಣ್ಣಬೀಜಾನಿ ಉಟ್ಠಹಿಂಸು. ತಾನಿ ಪಮಾಣತೋ ಉಕ್ಕಟ್ಠಾನಿ ವಿದತ್ಥಿಪ್ಪಮಾಣಾನಿ. ಓಮಕಾನಿ ಅಟ್ಠಙ್ಗುಲಪ್ಪಮಾಣಾನಿ ಅಹೇಸುಂ, ಅಥ ವಿಭಾತಾಯ ರತ್ತಿಯಾ ¶ ಗಾಮವಾಸಿನೋ ಸುವಣ್ಣಬಿಜಾನಿ ದಿಸ್ವಾ ರಾಛಾ’ರಹಂ ವತ ಭಣ್ಡಂ ಉಪ್ಪನ್ನನ್ತಿ ಸಮನ್ತತೋ ಆರಕ್ಖಾ ಸಂವಿದಹಿತ್ವಾ ಸುವಣ್ಣಬೀಜಾನಿ ಪಾತಿಯಂ ಪೂರೇತ್ವಾ ಆಗನ್ತ್ವಾ ರಞ್ಞೋ ದಸ್ಸೇಸುಂ ರಾಜಾ ತೇಸಮ್ಪಿ ಯಥಾರಹಂ ಸಕ್ಕಾರಂ ಕಾರೇತ್ವಾ ತೇಯೇವ ಸುವಣ್ಣ ಗೋಪಕೇ ಅಕಾಸಿ.

ಅಥ ತಸ್ಮಿಂಯೇವ ಖಣೇ ಅಞ್ಞಂ ಸಾಸನಂ ಆಹರಿಂಸು. ನಗರತೋ ಪಾಚೀನಪಸ್ಸೇ ಸತ್ತಯೋಜನ ಮತ್ಥಕೋ ಠಾನೇ ಪಾರಗಙ್ಗಾಯ ತಮ್ಬವಿಟ್ಠಿ ನಾಮ ಜನಪದೇ ತಮ್ಬಲೋಹಂ ಉಪ್ಪಜ್ಜಿ. ಗಾಮಿಕಾ ಪಾತಿಂ ಪೂರೇತ್ವಾ ತಮ್ಬಲೋಹಂ ಗಹೇತ್ವಾ ಆಗನ್ತ್ವಾ ರಞ್ಞೋ ದಸ್ಸೇಸುಂ ರಾಜಾ ಯಥಾನುರೂಪಂ ಸಕ್ಕಾರಂ ತೇಸಮ್ಪಿ ಕಾರೇತ್ವಾ ತೇಯೇವ ಗೋಪಕೇ ಅಕಾಸಿ.

ತದನನ್ತರಂ ಅಞ್ಞಂ ಸಾಸನಂ ಆಹರಿಂಸು. ಪುರತೋ ಚತುಯೋಜನಮತ್ಥಕೋ ಠಾನೇ ಪುಬ್ಬದಕ್ಖಿಣ ಕಣ್ಣೇ ಸುಮನವಾಪಿಗಾಮೇ ಉಪ್ಪಲಕುರುವಿಣ್ದ ಮಿಸ್ಸಕಾ ಬಹೂ ಮಣಯೋ ಉಪ್ಪಜ್ಜಿಂಸು ಗಾಮಿಕಾ ಪಾತಿಂ ಪೂರೇತ್ವಾ ಆಗನ್ತ್ವಾ ಮಾನಯೋ ರಞ್ಞೋ ದಸ್ಸೇಸುಂ. ರಾಜಾ ತೇಸಮ್ಪಿ ಸಕ್ಕಾರಂ ಕಾರೇತ್ವಾ ತೇಯೇವ ಗೋಪಕೇ ಅಕಾಸಿ.

ತದನನ್ತರಂ ಅಞ್ಞಮ್ಪಿ ಸಾಸನಂ ಆಹರಿಂಸು. ನಗರತೋ ದಕ್ಖಿಣ ಪಸ್ಸೇ ಅಟ್ಠಯೋಜನ ಮತ್ಥಕೇ ಠಾನೇ ಅಮ್ಬಟ್ಠಕೋಲ ಜನಪದೇ ಏಕಸ್ಮಿಂ ಲೇಣೇ ರಜತಂ ಉಪ್ಪಜ್ಜಿ ತಸ್ಮಿಂ ಸಮಯೇ ನಗರವಾಸಿಕೋ ಏಕೋ ವಾಣಿಜೋ ಬಹೂಹಿ ಸಕಟೇಹಿ ಹಳಿದ್ದಿ ಸಿಙ್ಗಿವೇರಾದೀನಮತ್ಥಾಯ ಮಲಯಂ ಗತೋ, ಲೇಣಸ್ಸ ಅವಿದೂರೇ ಸಕಟಾನಿ ಮುಞ್ಚಿತ್ವಾ ಪತೋದದಾರುಂ ಪರಿಯೇಸನ್ತೋ ತಂ ಪಬ್ಬತಂ ಅಭಿರೂಳ್ಹೋ ಏಕಂ ಪಣಸಯಟ್ಠಿಂ ಅದ್ದಸ.

ತಸ್ಸ ಮಹನ್ತಂ ಚಾಟಿಪ್ಪಮಾಣಂ ಏಕಮೇವ ಪಣಸ ಫಲಂ ನರುಣಯಟ್ಠಿಂ ನಾಮೇತ್ವಾ ಹೇಟ್ಠಾ ಪಾಸಾಣಪಿಟ್ಠಿಯಂ ಅಟ್ಠಾಸಿ. ಸೋ ತಂ ಫಲಭಾರೇನ ನಮಿತಂ ದಿಸ್ವಾ ಉಪಗನ್ತ್ವಾ ಹತ್ಥೇನ ಪರಾಮಸಿತ್ವಾ ಪಕ್ಕಭಾವಂ ಞತ್ವಾ ವಣ್ಟಂ ಛಿಣ್ದಿ ಪಣಸಯಟ್ಠಿ ಉಗ್ಗನ್ತ್ವಾ ಯಟಾಟ್ಠಾನಂ ಅಟ್ಠಾಸಿ ವಾಣಿಜೋ ಅಗ್ಗಂ ದತ್ವಾ ಭುಞ್ಜಿಸ್ಸಾಮೀತಿ ಚಿನ್ತೇತ್ವಾ ಕಾಲಂ ಘೋಸೇಸಿ. ತದಾ ಚತ್ತಾರೋ ಖೀಣಾಸವ ಆಗನ್ತ್ವಾ ತಸ್ಸ ಪುರತೋ ಪಾತುರಹೇಸುಂ. ವಾಣಿಜೋ ತೇ ದಿಸ್ವಾ ಅತ್ತಮನೋ ಪಾದೇ ವನ್ದಿತ್ವಾ ನಿಸೀದಾಪೇತ್ವಾ ತಸ್ಸ ಫಲಸ್ಸ ವಣ್ಟಾಸಮನ್ತಾ ವಾಸಿಯಾ ತಚ್ಛೇತ್ವಾ ಅಪಸ್ಸಯಂ ಲುಞ್ಚಿತ್ವಾ ಅಪನಾಮೇಸಿ. ಸಮನ್ತತೋ ಯುಸಂ ಓತರಿತ್ವಾ ಅಪಸ್ಸಯಾನಿತಂ ಆವಾಟಂ ಪೂರೇಸಿ ವಾಣಿಜೋ ಮನೋಸಿಲೋದಕವಣ್ಣ ಪಣಸಯುಸಂ ಪತ್ತೇ ಪೂರೇತ್ವಾ ಅದಾಸಿ. ತೇ ಖೀಣಾಸವಾ ತಸ್ಸ ಪಸ್ಸನ್ತಸ್ಸೇವ ಆಕಾಸಮಬ್ಭುಗ್ಗನ್ತ್ವಾ ಪಕ್ಕಮಿಂಸು.

ಸೋ ಪುನ ಕಾಲಂಘೋಸೇಸಿ ಅಞ್ಞೇ ಚತ್ತರೋ ಖೀಣಾಸವಾ ಆಗಮಿಂಸು. ತೇಸಮ್ಪಿ ಹತ್ಥತೋ ಪತ್ತೇ ಗಹೇತ್ವಾ ಸುವಣ್ಣವಣ್ಣೇಹಿ ಪನ ಸಮಿಞ್ಜೇಹಿ ಪೂರೇತ್ವಾ ಅದಾಸಿ ತೇಸು ತಯೋ ಥೇರಾ ಆಕಾಸೇನ ಪಕ್ಕಮಿಂಸು ಇತರೋ ಇಣ್ದಗುತ್ತತ್ಥೇರೋ ನಾಮ ಖೀಣಾಸವೋ ತಸ್ಸ ತಂ ರಜತಂ ¶ ದಸ್ಸೇತುಕಾಮೋ ಉಪರಿ ಪಬ್ಬತಾ ಓತರಿತ್ವಾ ತಸ್ಸ ಲೇಣಸ್ಸ ಅವಿದೂರೇ ನಿಸೀದಿತ್ವಾ ಪಣಸ ಮಿಞ್ಜಂ ಪರಿಭುಞ್ಜತಿ ಉಪಾಸಕೋ ಥೇರಸ್ಸ ಗತಕಾಲೇ ಅವಸೇಸ ಮಿಞ್ಜಂ ಅತ್ತನಾಪಿ ಖಾದಿತ್ವಾ ಸೇಸಕಂ ಭಣ್ಡಿಕಂ ಕತ್ವಾ ಆದಾಯ ಗಚ್ಛನ್ತೋ ಥೇರಂ ದಿಸ್ವಾ ಉದಕಞ್ಚ ಪತ್ತಧೋವನಸಾಖಞ್ಚ ಅದಾಸಿ.

ಥೇರೋಪಿ ಲೇಣದ್ವಾರೇನ ಸಕಟ ಸಮೀಪಗಾಮಿ ಮಗ್ಗಂ ಮಾಪೇತ್ವಾ ಇಮಿನಾ ಮಗ್ಗೇನ ಗಚ್ಛ ಉಪಾಸಕಾತಿ ಆಹ. ಸೋ ಥೇರಂ ವನ್ದಿತ್ವಾ ತೇನ ಮಗ್ಗೇನ ಗಚ್ಛನ್ತೋ ಲೇಣದ್ವಾರಂ ಪತ್ವಾ ಸಮನ್ತಾ ಲೇಣಂ ಓಲೋಕೇನ್ತೋ ತಂ ರಜತರಾಸಿಂ ದಿಸ್ವಾ ರಜತಪಿಣ್ಡಂ ಗಹೇತ್ವಾ ಚಾಸಿಯಾ ಛಿಣ್ದಿತ್ವಾ ರಜತಭಾವಂ ಞತ್ವಾ ಮಹನ್ತಂ ಸಜ್ಝಪಿಣ್ಡಂ ಗಹೇತ್ವಾ ಸಕಟ ಸನ್ತಿಕಂ ಗನ್ತ್ವಾ ತಿಣೋದಕ ಸಮ್ಪನ್ನೇ ಠಾನೇ ಸಕಟಾನಿ ನಿವೇಸೇತ್ವಾ ಲಹುಂ ಅನುರಾಧಪುರಂ ಗನ್ತ್ವಾ ರಞ್ಞ್ಞೋ ದಸ್ಸೇತ್ವಾ ತಮತ್ಥಂ ನಿವೇದೇಸಿ ರಾಜಾ ತಸ್ಸಾಪಿ ಯಥಾರಹಂ ಸಕ್ಕಾರಂ ಕಾರೇಸಿ.

ತದನ್ತರಂ ಅಞ್ಞಮ್ಪಿ ಸಾಸನಂ ಆಹರಿಂಸು ನಗರತೋ ಪಚ್ಛಿಮ ದಿಸಾಭಾಗೇ ಪಞ್ಚ ಯೋಜನ ಮತ್ಥಕೇ ಠಾನೇ ಉರುವೇಲ ಪಬ್ಬತ ಮಹಾಮಲಕಮತ್ತಾ ಪಚಾಳ ಮಿಸ್ಸಕಾ ಸಟ್ಠಿ ಸಕಟಪ್ಪಮಾಣಮುತ್ತಾ ಸಮುದ್ದತೋ ಥಲಮುಗ್ಗಮಿಂಸು ಕೇವಟ್ಟಾ ದಿಸ್ವಾ ರಾಜಾರಹಂ ವತ ಭಣ್ಡಂ ಉಪ್ಪನ್ನನ್ತಿ ರಾಸಿಂ ಕತ್ವಾ ಆರಕ್ಖಂ ದತ್ವಾ ಪಾತಿಂ ಪೂರೇತ್ವಾ ಆಗನ್ತ್ವಾ ರಞ್ಞೋ ದಸ್ಸೇತ್ವಾ ತಮತ್ಥಂ ನಿವೇದೇಸುಂ. ರಾಜಾ ತೇಸಮ್ಪಿ ಯಥಾರಹಂ ಸಕ್ಕಾರಂ ಕಾರೇಸಿ.

ಪುನ ಅಞ್ಞಂ ಸಾಸನಂ ಆಹರಿಂಸು ನಗರತೋ ಪಚ್ಛಿಮುತ್ತರ ಕಣ್ಣೇ ಸತ್ತಯೋಜನ ಮತ್ಥಕೇ ಠಾನೇ ಪೇಳಿವಾಪಿ ಗಾಮಸ್ಸ ವಾಪಿಯಾ ಓತಿಣ್ಣ ಕಣ್ದರೇ ಪುಲಿನ ಪುಟ್ಠೇ ನಿಸದಪೋತಪ್ಪಮಾಣ ದೀಘತೋ ವಿದತ್ಥಿಚತುರಙ್ಗುಲಾ ಉಮ್ಮಾಪುಪ್ಫವಣ್ಣಾ ಚತ್ತಾರೋ ಮಹಾಮಣಿ ಉಪ್ಪಜ್ಜಿಂಸು. ಅಥೇಕೋ ಮತ್ತೋ ನಾಮ ಸುನಖಲುದ್ದೋ ಸುನಖೇ ಗಹೇತ್ವಾ ತತ್ಥ ವಿಚರನ್ತೋ ತಂ ಠಾನಂ ಪತ್ವಾ ದಿಸ್ವಾ ರಾಜಾರಹಂ ವತ ಭಣ್ಡನ್ತಿ ವಾಲಿಕಾಹಿ ಪಟಿಚ್ಛಾದೇತ್ವಾ ಆಗನ್ತ್ವಾ ರಞ್ಞೋ ನಿವೇದೇಸಿ. ರಾಜಾ ತಸ್ಸಾಪಿ ಯಥಾರಹಂ ಸಕ್ಕಾರಂ ಕಾರೇಸಿ. ಏವಂ ರಾಜಾ ಥೂಪತ್ಥಾಯ ಉಪ್ಪನ್ನಾನಿ ಇಟ್ಠಕಾದೀನಿ ತದಹೇವ ಅಸ್ಸೋಸಿ ಇಟ್ಠಕ ರಜತಾನಂ ಉಪ್ಪನ್ನಟ್ಠಾನಂ ತೇನೇವ ನಾಮಂ ಲಭಿ.

ಥೂಪಸಾಧನ ಲಾಭಕಥಾ

೨೦. ಅಥ ರಾಜಾ ಥೂಪತ್ಥಾಯ ಉಪ್ಪನ್ನಾನಿ ಸುವಣ್ಣಾದೀನಿ ಆಹರಾಪೇತ್ವಾ ಭಣ್ಡಾಗಾರೇಸು ರಾಸಿಂ ಕಾರೇಸಿ ತತೋ ಸಬ್ಬಸಮ್ಭಾರೇ ಸಮತ್ತೇ ವಿಸಾಖ ಪುಣ್ಣಮುಪೋಸಥದಿವಸೇ ಪತ್ತ ವಿಸಾಖ ನಕ್ಖತ್ತೇ ಮಹಾಥೂಪಕರಣತ್ಥಾಯ ಭೂಮಿಪರಿಕಮ್ಮಂ ಆರಭಿ. ರಾಜಾ ಥುಪಟ್ಠಾನೇ ಪತಿಟ್ಠಾಪಿತಂ ಸಿಲಾಥೂಪಂ ಹರಾಪೇತ್ವಾ ಥಿರಭಾವತ್ಥಾಯ ಸಮನ್ತತೋ ಹತ್ಥಿಪಾಕಾರ ಪರಿಯನ್ತಂ ಗಮ್ಭೀರತೋ ಸತರತನಪ್ಪಮಾಣಂ ಭೂಮಿಂ ಖನಾಪೇತ್ವಾ ಪಂಸುಂ ಅಪನೇತ್ವಾ ¶ ಯೋಧೇಹಿ ಗುಳಪಾಸಾಣೇ ಅತ್ಥರಾಪೇತ್ವಾ ಕಮ್ಮಾರಕೂಟೇಹಿ ಆಹನಾಪೇತ್ವಾ ಚುಣ್ಣವಿಚುಣ್ಣೇ ಕಾರೇಸಿ.

ತತೋ ಚಮ್ಮವಿನದ್ಧೇಹಿ ಪಾದೇಹಿ ಮಹಾ ಹತ್ಥೀಹಿ ಮದ್ದಾಪೇತ್ವಾ ಪಾಸಾಣಕೋಟ್ಟಿಮಸ್ಸುಪರಿ ನವನೀತ ಮತ್ತಿಕಂ ಅತ್ಥರಾಪೇಸಿ. ಆಕಾಸ ಗಙ್ಗಾಯಹಿ ತಿಪತಿತಟ್ಠಾನೇ ಉದಕಬಿನ್ದೂನಿ ಉಗ್ಗನ್ತ್ವಾ ಸಮನ್ತಾ ತಿಂಸ ಯೋಜನಪ್ಪಮಾಣಪದೇಸೇ ಪತನ್ತಿ ಯತ್ಥ ಸಯಞ್ಜಾತಸಾಲೀ ಉಪ್ಪಜ್ಜತ್ತಿ ತಂ ಠಾನಂ ನಿಚ್ಚಮೇವ ತಿನ್ತತ್ತಾ ನಿನ್ತಸೀಸಕೋಳಂ ನಾಮ ಛಾತಂ. ತತ್ಥ ಮತ್ತಿಕಾ ಸುಖುಮುತ್ತಾ ನವನೀತ ಮತ್ತಿಕಾತಿ ವುಚ್ಚತಿ.

ತಂ ತತೋ ಖೀಣಸವಾ ಸಾಮಣೇರಾ ಆಹರನ್ತಿ ತಾಯ ಸಬ್ಬತ್ಥ ಮತ್ತಿಕಾಕಿಚ್ಚನ್ತಿ ಞಾತಬ್ಬಂ. ಮತ್ತಿಕೋಪರಿ ಇಟ್ಠಕಾ ಅತ್ಥರಾಪೇಸಿ. ಇಟ್ಠಕೋಪರಿ ಖರಸುಕಮ್ಮಂ, ತಸ್ಸೋಪರಿಕುರುವಿಣ್ದಪಾಸಾಣಂ, ತಸ್ಸೋಪರಿಅಯೋಜಾಲಂ, ತಸ್ಸೋಪರಿ ಖೀಣಾಸವ ಸಾಮಣೇರೇಹಿ ಹಿಮವನ್ತತೋ ಆಹಟಂ ಸುಗಣ್ಧಮಾರುಮ್ಬಂ, ತಸ್ಸೋಪರಿ ಖೀರಪಾಸಾಣಂ, ತಸ್ಸೋಪರಿ ಏಳಿಕಪಾಸಾಣಂ, ತಸ್ಸೋಪರಿ ಸೀಲಂ ಅತ್ಥರಾಪೇಸಿ. ಸಬ್ಬಮತ್ತಿಕಾಕಿಚ್ಚೇ ನವನೀತಮತ್ತಿಕಾ ಏವ ಅಹೋಸಿ.

ಸಿಲಾಸತ್ಥಾರೋಪರಿ ರಸೋದಕ ಸನ್ತಿನ್ತೇನ ಕಪಿತ್ಥ ನಿಯ್ಯಾಸೇನ ಅಟ್ಠಙ್ಗುಲಬಹಲತಮ್ಬಲೋಹಪಟ್ಟಂ, ತಸ್ಸೋಪರಿ ತಿಲತೇಲಯನ್ತಿನ್ತಾಯ ಮನೋಸಿಲಾಯ ಸತ್ತಙ್ಗುಲ ಬಹಲಂ ರಜತಪಟ್ಟಂ ಅತ್ಥರಾಪೇಸಿ ಏವಂ ರಾಜಾ ಸಬ್ಬಾಕಾರೇನ ಭೂಮಿಪರಿಕಮ್ಮಂ ಕಾರಾಪೇತ್ವಾ ಆಸಾಳಹಿ ಸುಕ್ಕಪಕ್ಖಸ್ಸ ಚಾತುದ್ದಸ ದಿವಸೇ ಭಿಕ್ಖುಸಙ್ಘಾ ಸನ್ನಿಪಾತೇತ್ವಾ ಏವಮಾಹ. ಸ್ವೇ ಪುಣ್ಣಮುಪೋಸಥದಿವಸೇ ಉತ್ತರಾಸಾಳ್ಹ ನಕ್ಖತ್ತೇನ ಮಹಾಚೇತಿಯೇ ಮಙ್ಗಲಿಟ್ಠಕಂ ಪತಿಟ್ಠಾಪೇಸ್ಸಾಮಿ ಸ್ವೇ ಥೂಪೂಟ್ಠಾನೇ ಸಬ್ಬೋ ಸಙ್ಘೋ ಸನ್ತಿಪತತೂತಿ ನಗರೇ ಭೇರಿಂ ಚರಾಪೇಸಿ ಮಹಾಜನೋ ಉಪೋಸಥಿಕೋ ಹುತ್ವಾ ಗಣ್ಧಮಾಲಾದೀನಿ ಗಹೇತ್ವಾ ಥೂಪಟ್ಠಾನೇ ಸನ್ನಿಪತತೂತಿ.

ತತೋ ವಿಸಾಖಸಿರಿ ದೇವನಾಮಕೇ ದ್ವೇ ಅಮಚ್ಚೇ ಆಣಾಪೇಸಿ. ತುಮ್ಹೇ ಗನ್ತ್ವಾ ಮಹಾ ಚೇತಿಯಟ್ಠಾನಂ ಅಲಙ್ಕರೋಥಾತಿ. ತೇ ಗನ್ತ್ವಾ ಸಮನ್ತತೋ ರಜತಪಟ್ಟವಣ್ಣವಾಲುಕಂ ಓಕೀರಾಪೇತ್ವಾ ಲಾಜಪಞ್ಚಮಕಾನಿ ಪುಪ್ಫಾನಿ ವಿಕಿರಿತ್ವಾ ಕದಲಿತೋರಣಂ ಉಸ್ಸಾಪೇತ್ವಾ ಪುಣ್ಣಘಟೇ ಠಪಾಪೇತ್ವಾ ಮಣಿವಣ್ಣೇ ವೇಳುಮ್ಹಿ ಪಞ್ಚಪಣ್ಣಧಜಂ ಬಣ್ಧಾಪೇತ್ವಾ ಗಣ್ಧಸಮ್ಪನ್ನಾನಿ ನಾನಾವಿಧ ಕುಸುಮಾನಿಸಣ್ಥರಾಪೇತ್ವಾ ನಾನಾಪ್ಪಕಾರೇಹಿ ತಂ ಠಾನಂ ಅಲಙ್ಕರಿಂಸು.

ಅಥ ರಾಜಾ ಸಕಲನಗರಞ್ಚ ವಿಹಾರಗಾಮಿ ಮಗ್ಗಞ್ಚ ಅಲಙ್ಕಾರಾಪೇಸಿ ಪಭಾತಾಯ ರತ್ತಿಯಾ ನಗರೇ ಚತುಸು ದ್ವಾರೇಸು ಮಸ್ಸು ಕಮ್ಮತ್ಥಾಯ ನಹಾಪಿತೇ, ನಹಾಪನತ್ಥಾಯನಹಾಪನಕೇ, ಅಲಙ್ಕಾರತ್ಥಾಯ ಕಪ್ಪಕೇವ ನಾನಾವಿರಾಗ ವತ್ಥ ಗಣ್ಧಮಾಲಾದೀನಿ ಚ ಸೂಪವ್ಯಞ್ಜನ ಸಮ್ಪನ್ನಾನಿ ಮಧುರಭತ್ತಾನಿ ಚ ಠಪಾಪೇತ್ವಾ ಸಬ್ಬೇ ನಗರಾ ಚ ಜಾನಪದಾ ಚ ಯಥಾರುಚಿಂ ಮಸ್ಸೂಕಮ್ಮಂ ಕಾರೇತ್ವಾ ನಹಾತ್ವಾ ಭುಞ್ಜಿತ್ವಾ ವತ್ಥಾಭರಣಾದೀಹಿ ಅಲಙ್ಕರಿತ್ವಾ ಮಹಾಚೇತಿಯಟ್ಠಾನಂ ಆಗಚ್ಛನ್ತೂತಿ ಆಯುತ್ತಕೇಹಿ ಆರೋಚಾಪೇಸಿ.

ಸಯಮ್ಪಿ ¶ ಸಬ್ಬಾಭರಣ ವಿಭೂಸಿತೋ ಚತ್ತಾಲೀಸ ಪುರಿಸ ಸಹಸ್ಸೇಹಿ ಸದ್ಧಿಂ ಉಪೋಸಕೋ ಹುತ್ವಾ ಅನೇಕೇಹಿ ಸುಮಣ್ಡಿತ ಪಸಾಧಿತೇಹಿ ಅಮಚ್ಚೇಹಿ ಗಹಿತಾರಕ್ಖೋ ಅಲಙ್ಕತಾಹಿ ದೇವಕಞ್ಞ ಪಮಾಹಿ ನಾಟಕಿತ್ಥಿಹಿ ಪರಿವುತೋ ಅಮರಗಣ ಪರಿವುತೋ ದೇವರಾಜಾ ವಿಯ ಅತ್ತನೋ ಸಿರಿಸಮ್ಪತ್ತಿಹಾ ಮಹಾಜನಂ ತೋಸಯನ್ತೋ ಅನೇಕೇಹಿ ತುರಿಯ ಸಙ್ಘುಟ್ಠೇಹಿ ವತ್ತಮಾನೇಹಿ ಅಪರಣ್ಹೇ ಮಹಾಥೂಪಟ್ಠಾನಂ ಉಪಗಞ್ಜಿ. ಮಹಾ ಚೇತಿಯಟ್ಠಾನ ಮಙ್ಗಲತ್ಥಾಯ ಪುಟಬದ್ಧಾನಿ ವತ್ಥಾನಿ ಅಟ್ಠುತ್ತರ ಸಹಸ್ಸಂ ಠಪಾಪೇಸಿ. ಚತುಸು ಪಸ್ಸೇಸು ವತ್ಥರಾಸಿಂ ಕಾರೇಸಿ ತೇಲ-ಮಧು-ಸಕ್ಕರ-ಫಾಣಿತಾದೀನಿ ಚ ಠಪಾಪೇಸಿ.

ಅಥ ನಾನಾದೇಸತೋ ಬಹೂ ಭಿಕ್ಖೂ ಆಗಮಿಂಸು ರಾಜಗಹಾ ಸಮನ್ತಾ ಇಣ್ದಿಗುತ್ತತ್ಥೇರೋ ನಾಮ ಅಸೀತಿ ಭಿಕ್ಖುಸಹಸ್ಸಾನಿ ಗಹೇತ್ವಾ ಆಕಾಸೇನಾಗಞ್ಛಿ ತಥಾ ಬಾರಾಣಸಿಯಂ ಇಸಿಪತನೇ ಮಹಾ ವಿಹಾರತೋ ಧಮ್ಮಸೇನತ್ಥೇರೋ ನಾಮ ದ್ವಾದಸ ಭಿಕ್ಖುಸಹಸ್ಸಾನಿ. ಸಾವತ್ಥಿಯಂ ಜೇತವನ ವಿಹಾರತೋ ಪಿಯದಸ್ಸಿ ನಾಮ ಥೇರೋ ಸಟ್ಠಿ ಭಿಕ್ಖು ಸಹಸ್ಸಾನಿ ವೇಸಾಲಿಯಂ ಮಹಾ ವನತೋ ಬುದ್ಧರಕ್ಖಿತತ್ಥೇರೋ ಅಟ್ಠಾರಸ ಭಿಕ್ಖು ಸಹಸ್ಸಾನಿ, ಕೋಸಮ್ಬಿಯಂ ಘೋಸಿತಾರಾಮತೋ ಮಹಾಧಮ್ಮರಕ್ಖಿತತ್ಥೇರೋ ತಿಂಸ ಭಿಕ್ಖುಸಹಸ್ಸಾನಿ. ಉಜ್ಜೇನಿಯಂ ದಕ್ಖಿಣಗಿರಿ ಮಹಾ ವಿಹಾರತೋ ಧಮ್ಮರಕ್ಖಿತತ್ಥೇರೋ ಚತ್ತಾಲೀಸ ಭಿಕ್ಖುಸಹಸ್ಸಾನಿ-ಪಾಟಲಿಪುತ್ತೇ ಅಸೋಕಾರಾಮತೋ ಮಿತ್ತಿಣ್ಣತ್ಥೇರೋ ಭಿಕ್ಖೂನಂ ಸತಸಹಸ್ಸಾನಿ ಸಟ್ಠಿಞ್ಚ ಸಹಸ್ಸಾನಿ ಗಣ್ಧಾರ ರಟ್ಠತೋ ಅತ್ತಿನ್ನ ಥೇರೋ ನಾಮ ಭಿಕ್ಖೂನಂ ದ್ವೇ ಸತಸಹಸ್ಸಾನಿ ಅಸೀತಿಞ್ಚ ಸಹಸ್ಸಾನಿ. ಮಹಾಪಲ್ಲವ ಭೋಗತೋ ಮಹಾದೇವತ್ಥೇರೋ ಭಿಕ್ಖೂನಂ ಚತ್ತಾರಿ ಸತಸಹಸ್ಸಾನಿ ಸಟ್ಠಿಞ್ಚ ಸಹಸ್ಸಾನಿ ಯೋನಕರಟ್ಠೇ ಅಲಸಣ್ದಾ ನಗರತೋ ಯೋನಕ ಧಮ್ಮರಕ್ಖಿತತ್ಥೇರೋ ತಿಂಸ ಭಿಕ್ಖು ಸಹಸ್ಸಾನಿ. ವಿಞ್ಝಾಟವಿವತ್ತನಿಯ ಸೇನಾಸನತೋ ಉತ್ತರತ್ಥೇರೋ ಅಸೀತಿ ಭಿಕ್ಖುಸಹಸ್ಸಾನಿ. ಮಹಾಬೋಧಿಮಣ್ಡ ವಿಹಾರತೋ ಚಿತ್ತಗುತ್ತತ್ಥೇರೋ ತಿಂಸ ಭಿಕ್ಖುಸಹಸ್ಸಾನಿ ವನವಾಸಿಭೋಗತೋ ಚಣ್ದಗುತ್ತತ್ಥೇರೋ ಅಸೀತಿ ಭಿಕ್ಖುಸಹಸ್ಸಾನಿ. ಕೇಲಾಸ ಮಹಾವಿಹಾರತೋ ಸುರಿಭಗುತ್ತತ್ಥೇರೋ ಛನ್ನವುತಿ ಸಹಸ್ಸಾನಿ ಗಹೇತ್ವಾ ಆಕಾಸೇನಾಗಞ್ಛಿ.

‘‘ಭಿಕ್ಖೂನಂ ದೀಪವಾಸೀನಂ-ಆಗತಾನಞ್ಚ ಸಬ್ಬಸೋ,

ಗಣನಾಯ ಪರಿಚ್ಛೇದೋ-ಪೋರಾಣೇಹಿ ನ ಭಾಸಿತೋ;

ಸಮಾಗತಾನಂ ಭಿಕ್ಖೂನಂ-ಸಬ್ಬೇಸಂ ತಂ ಸಮಾಗಮೇ,

ವುತ್ತಾ ಖೀಣಾಸವಾಯೇವ-ತೇ ಛನ್ನವುತಿ ಕೋಟಿಯೋ;’’

ಅಥ ಸಙ್ಘೋ ಪರಿಕ್ಖಿತ್ತ ಪವಾಳವೇದಿಕಾ ವಿಯ ಮಜ್ಝೇ ರಞ್ಞೋ ಓಕಾಸೇ ಠಪೇತ್ವಾ ಅಞ್ಞಮಞ್ಞಂ ಅಘಟ್ಟೇತ್ವಾ ಅಟ್ಠಾಸಿ. ಪಾಚಿನಪಸ್ಸೇ ಬುದ್ಧರಕ್ಖಿತನಾಮಕೋ ಖೀಣಾಸಾವತ್ಥೇರೋ ಅತ್ತನಾಸದಿಸನಾಮಕೇ ಪಞ್ಚಸತಖೀಣಾಸವೇ ಗಹೇತ್ವಾ ಅಟ್ಠಾಸಿ. ತಥಾ ದಕ್ಖಿಣಪಸ್ಸೇ ಪಚ್ಛಿಮಪಸ್ಸೇ ಉತ್ತರಪಸ್ಸೇ ¶ ಚ ಧಮ್ಮರಕ್ಖಿತ - ಸಙ್ಘರಕ್ಖಿತ - ಆನಣ್ದ ನಾಮಕಾ ಖೀಣಾಸವತ್ಥೇರಾ ಅತ್ತನಾ ಸದಿಸನಾಮಕೇ ಪಞ್ಚಪಞ್ಚಸತ ಖೀಣಾಸವೇ ಗಹೇತ್ವಾ ಅಟ್ಠಂಸು ಪಿಯದಸ್ಸಿ ನಾಮ ಖೀಣಾಸವತ್ಥೇರೋ ಮಹಾಭಿಕ್ಖುಸಙ್ಘಂ ಗಹೇತ್ವಾ ಪುಬ್ಬುತ್ತರ ಕಣ್ಣೇ ಅಟ್ಠಾಸಿ.

ರಾಜಾ ಕಿರ ಸಙ್ಘಮಜ್ಝಂ ಪವಿಸನ್ತೋಯೇವ ಸಚೇ ಮಯಾ ಕಯಿರಮಾನಂ ಚೇತಿಯಕಮ್ಮಂ ಅನನ್ತರಾಯೇನ ನಿಟ್ಠಂ ಗಚ್ಛತಿ ಪಾಚಿನ-ದಕ್ಖಿಣ-ಪಚ್ಛಿಮ-ಉತ್ತರಪಸ್ಸೇಸು ಬುದ್ಧರಕ್ಖಿತ-ಚಮ್ಮರಕ್ಖಿತ-ಸಙ್ಘರಕ್ಖಿತ-ಆನಣ್ದ ನಾಮಕಾ ಥೇರಾ ಅತ್ತನಾಸದಿಸನಾಮಕೇ ಪಞ್ಚಪಞ್ಚಸತಭಿಕ್ಖು ಗಹೇತ್ವಾ ತಿಟ್ಠನ್ತು ಪಿಯದಸ್ಸಿ ನಾಮ ಥೇರೋ ಪುಬ್ಬುತ್ತರಕಣ್ಣೇ ಭಿಕ್ಖುಸಙ್ಘಂ ಗಹೇತ್ವಾ ತಿಟ್ಠತೂತಿ ಚಿನ್ತೇಸಿ. ಥೇರಾಪಿ ರಞ್ಞೋ ಅಧಿಪ್ಪಾಯಂ ಞತ್ವಾ ತಥಾ ಠಿತಾತಿ ವದನ್ತೀ ಸಿದ್ಧತ್ಥೇರೋ ಪನ ಮಙ್ಗಲೋ-ಸುಮನೋ-ಪದುಮೋ-ಸೀವಲಿ-ಚಣ್ದಗುತ್ತೋ-ಸೂರಿಯಗುತ್ತೋ-ಇಣ್ದಗು- ತ್ತೋ-ಸಾಗರೋ-ಚಿತ್ತಸೇನೋ -ಜಯಸೇನೋ-ಅಚಲೋತಿ ಇಮೇಹಿ ಏಕಾದಸಹಿ ಥೇರೇಹಿ ಪರಿವುತೋ ಪುಣ್ಣಘಟೇ ಪೂರತೋ ಕತ್ವಾ ಪುರತ್ಥಾಭಿಮುಖೋ ಅಟ್ಠಾಸಿ.

ಅಥ ರಾಜಾ ತಥಾ ಠಿತಂ ಭಿಕ್ಖುಸಙ್ಘಂ ದಿಸ್ವಾ ಪಸನ್ನಚಿತ್ತೋ ಗಣ್ಧಮಾಲಾದೀಹಿ ಪೂಜೇತ್ವಾ ಪದಕ್ಖಿಣಂ ಕತ್ವಾ ಚತೂಸು ಠಾನೇಸು ವನ್ದಿತ್ವಾ ಪುಣ್ಣಸಟಟ್ಠಾನಂ ಪವಿಸಿತ್ವಾ ಸುಯಣ್ಣಖೀಲೇ ಪಟಿಮುಕ್ಕಂರಜತಮಯಂ ಪರಿಬ್ಭಮನ ದಣ್ಡಂ ವಿಜ್ಜಮಾನಮಾತಾಪಿತೂನಂ ಉಭತೋ ಸುಜಾತೇನ ಸುಮಣ್ಡಿತ ಪಸಾಧಿತೇನ ಅಭಿಮಙ್ಗಲ ಸಮ್ಮತೇನ ಅಮಚ್ಚಪುತ್ತೇನ ಗಾಹಾಪೇತ್ವಾ ಮಹನ್ತಂ ಚೇತಿಯಾವಟ್ಟಂ ಕಾರೇತುಂ ಆರಭಿ. ತಥಾ ಕಾರೇನ್ತಂ ಪನ ಸಿದ್ಧತ್ಥತ್ಥೇರೋ ನಿವಾರೇಸಿ. ಏವಂ ಕಿರಸ್ಸ ಅಹೋಸಿ - ಯದಿ ಮಹಾರಾಜಾ ಮಹನ್ತಂ ಚೇತಿಯಂ ಕರೋತಿ, ಅನಿಟ್ಠಿತೇಯೇವ ಮರಿಸ್ಸತಿ ಅನಾಗತೇ ದುಪ್ಪರಿಹರಿಯಞ್ಚ ಭವಿಸ್ಸತೀತಿ. ತಸ್ಮಿಂ ಖಣೇ ಭಿಕ್ಖುಸಙ್ಘೋ ಮಹಾ ರಾಜ ಥೇರೋ ಪಾಣ್ಡಿತೋ, ಥೇರಸ್ಸ ವಚನಂ ಕಾತುಂ ವಟ್ಟತೀತಿ ಆಹ.

ರಾಜಾ ಭಿಕ್ಖುಸಙ್ಘಸ್ಸ ಅಧಿಪ್ಪಾಯಂ ಞತ್ವಾ ಥೇರೋ ಕರೋತೀತಿ ಮಞ್ಞಮಾನೋ ಕೀದಿಸಂ ಭನ್ತೇ ಪಮಾಣಂ ಕರೋಮೀತಿ ಆಹ. ಥೇರೋ ಮಮ ಗತಗತಟ್ಠಾನತೋ ಚೇತಿಯಾವಟ್ಟಂ ಕರೋಹೀತಿ ವತ್ವಾ ಉಪದಿಸನ್ತೋ ಆವಿಜ್ಝಿತ್ವಾ ಅಗಮಾಸಿ. ರಾಜಾ ಥೇರಸ್ಸ ವುತ್ತನಯೇನ ಚೇತಿಯಾವಟ್ಟಂ ಕಾರೇತ್ವಾ ಥೇರಂ ಉಪಸಙ್ಕಮಿತ್ವಾ ನಾಮಂ ಪುಚ್ಛಿತ್ವಾ ಗಣ್ಧಮಾಲಾದೀಹಿ ಪೂಜೇತ್ವಾ ವಮ್ಬತ್ವಾ ಪರಿವಾರೇತ್ವಾ ಠಿತೇ ಸೇಸ ಏಕಾದಸ ಥೇರೇ ಚ ಉಪಸಙ್ಕಮಿತ್ವಾ ಪೂಜೇತ್ವಾ ವನ್ದಿತ್ವಾ ತೇಸಂ ನಾಮಾನಿ ಚ ಪುಚ್ಛಿತ್ವಾ ಪರಿಬ್ಭಮನ ದಣ್ಡಗಾಹಕಸ್ಸ ಅಮಚ್ಚ ಪುತ್ತಸ್ಸ ತಾಮ ಪುಚ್ಛಿ.

ಅಹಂ ದೇವ ಸುಪ್ಪತಿಟ್ಠಿತ ಬ್ರಹ್ಮಾ ನಾಮಾತಿ ವುತ್ತೇ ತವ ಪಿತಾ ಕಿಂ ನಾಮೋತಿ ಪುಚ್ಛಿತ್ವಾನ ನಣ್ದಿಸೇನೋ ನಾಮಾತಿ ವುತ್ತೇ ಮಾತುನಾಮಂ ಪುಚ್ಛಿ. ಸುಮನಾದೇವೀ ನಾಮಾತಿ ವುತ್ತೇ ಸಬ್ಬೇಸಂ ನಾಮಾನಿ ಅಭಿಮಙ್ಗಲಸಮ್ಮತಾನಿ, ಮಯಾ ಕಯರಮಾನಂ ಚೇತಿಯಕಮ್ಮಂ ಅವಸ್ಸಂ ನಿಟ್ಠಾನಂ ಗಚ್ಛತಿತಿ ಹಟ್ಠೋ ಅಹೋಸಿ, ತತೋ ರಾಜಾ ಮಜ್ಝೇ ಅಟ್ಠ ಸುವಣ್ಣಘಟೇ ¶ ರಜತಘಟೇ ಚ ಠಪಾಪೇತ್ವಾ ತೇ ಪರಿವಾರೇತ್ವಾ ಅಟ್ಠುತ್ತರಸಯಸ್ಸ ಪುಣ್ಣಘಟೇ ಠಪಾಪೇಸಿ.

ಅಥ ಅಟ್ಠ ಸುವಣ್ಣಿಟ್ಠಕಾ ಠಪಾಪೇಸಿ. ತಾಸು ಏಕೇಕಂ ಪರಿವಾರೇತ್ವಾ ಅಟ್ಠುತ್ತರಸತ ಅಟ್ಠುತ್ತರಸತ ರಜತಿಟ್ಠಕಾಯೋ. ಅಟ್ಠುತ್ತರಸತ ಅಟ್ಠುತ್ತರಸತ ವತ್ಥಾನಿ ಚ ಠಪಾಪೇಸಿ. ಅಥ ಸುಪ್ಪತಿಟ್ಠಿತ ಬ್ರಹ್ಮನಾಮೇನ ಅಮಚ್ಚಪುತ್ತೇನ ಏಕಂ ಸುವಣ್ಣಿಟ್ಠಕಂ ಗಾಹಾಪೇತ್ವಾ ತೇನ ಸದಿಸ ನಾಮೇಹಿ ಚ ಜೀವಮಾನಕ ಮಾತಾಪಿತೂಹಿ ಸತ್ತಹಿ ಅಮಚ್ಚಪುತ್ತೇಹಿ ಸೇಸ ಸತ್ತಿಟ್ಠಕಾಯೋ ಗಾಹಾಪೇಸಿ.

ತಸ್ಮಿಂ ಖಣೇ ಮಿತ್ತತ್ಥೇರೋ ನಾಮ ಪುರತ್ಥಿಮ ದಿಸಾಭಾಗೇ ಪರಿಬ್ಭಮಿತ ಲೇಖಾಯ ಭೂಮಿಯಂ ಗಣ್ಧಪಿಣ್ಡಂ ಠಪೇಸಿ. ಜಯಸೇನತ್ಥೇರೋ ನಾಮ ಉದಕಂ ಆಸಿಞ್ಚಿತ್ವಾ ಸನ್ತಿನ್ತೇತ್ವಾ ಸಮಂ ಅಕಾಸಿ. ಸುಪ್ಪತಿಟ್ಠಿತಬ್ರಹ್ಮಾ ಭದ್ದ ನಕ್ಖತ್ತೇನ ಏವಂ ನಾನಾವಿಧ ಮಙ್ಗಲಾನಿಸಙ್ಖಟಟ್ಠಾನೇ ಪಠಮಂ ಮಙ್ಗಲಿಕಟ್ಠಕಂ ಪತಿಟ್ಠಾಪೇಸಿ. ಸುಮನತ್ಥೇರೋನಾಮ ಜಾತಿಸುಮನಪುಪ್ಫೇಹಿ ತಂ ಪೂಜೇಸಿ. ತಸ್ಮಿಂ ಖಣೇ ಉದಕಪರಿಯನ್ತಂ ಕತ್ವಾ ಮಹಾಪಥವಿ ಕಮ್ಪೋ ಅಹೋಸಿ. ಏತೇನೇವ ನಯೇನ ಸೇಸ ಸತ್ತಿಟ್ಠಕಾಯೋಪಿ ಪತಿಟ್ಠಾಪೇಸುಂ.

ತತೋ ರಾಜಾ ರಜತಿಟ್ಠಕಾಯೋಪಿ ಪತಿಟ್ಠಾಪೇತ್ವಾ ಗಣ್ಧಮಾಲಾದೀಹಿ ಪೂಜೇತ್ವಾ ಮಙ್ಗಲವಿಧಾನಂ ನಿಟ್ಠಾಪೇತ್ವಾ ಸುವಣ್ಣಪೇಲಾಯಪುಪ್ಫಾನಿ ಗಾಹಾಪೇತ್ವಾ ಪಾಚೀನಪಸ್ಸೇ ಭಿಕ್ಖುಸಙ್ಘಸ್ಸ ಪುರತೋ ಠಿತಂ ಮಹಾ ಬುದ್ಧರಕ್ಖಿತತ್ಥೇರಂ ಉಪಸಙ್ಕಮಿತ್ವಾ ಗಣ್ಧಮಾಲಾದೀಹಿ ಪೂಜೇತ್ವಾ ವನ್ದಿತ್ವಾ ಥೇರಸ್ಸ ಪರಿವಾರೇತ್ವಾ ಠಿತ ಭಿಕ್ಖೂನಞ್ಚ ನಾಮಾನಿ ಪುಚ್ಛಿತ್ವಾ ತತೋ ದಕ್ಖಿಣಪಸ್ಸೇ ಠಿತಂ ಮಹಾಧಮ್ಮರಕ್ಖಿತತ್ಥೇರಂ ಪಚ್ಛಿಮಪಸ್ಸೇ ಠಿತಂ ಮಹಾಸಙ್ಘರಕ್ಖಿತತ್ಥೇರಂ ಉತ್ತರಪಸ್ಸೇ ಠಿತಂ ಆನಣ್ದತ್ಥೇರಞ್ಚ ಉಪಸಙ್ಕಮಿತ್ವಾ ಗಣ್ಧಮಾಲಾದೀಹಿ ಪೂಜೇತ್ವಾ ಪಞ್ಚಪತಿಟ್ಠಿತೇನ ವನ್ದಿತ್ವಾ ತಥೇವ ನಾಮಾನಿ ಪುಚ್ಛಿತ್ವಾ ಪುಬ್ಬುತ್ತರ ಕಣ್ಣಂ ಗನ್ತ್ವಾ ತತ್ಥ ಠಿತಂ ಪಿಯದಸ್ಸಿ ಮಹಾಥೇರಂ ವನ್ದಿತ್ವಾ ಪೂಜೇತ್ವಾ ನಾಮಾನಿ ಪುಚ್ಛಿತ್ವಾ ಸನ್ತಿಕೇ ಅಟ್ಠಾಸಿ.

ಥೇರೋ ಮಙ್ಗಲಂ ವಡ್ಢೇನ್ತೋ ರಞ್ಞೋ ಧಮ್ಮಂ ದೇಸೇಸಿ. ಮಙ್ಗಲಪರಿಯೋಸಾನೇ ಸಮ್ಪತ್ತ ಗಿಹಿಪರಿಸಾಸು ಚತ್ತಾಲೀಸ ಸಹಸ್ಸಾನಿ ಅರಹನ್ತೋ ಪತಿಟ್ಠಹಿಂಸು. ಚತ್ತಾಲೀಸ ಸಹಸ್ಸಾನಿ ಸೋತಾಪತ್ತಿಫಲೋ ಸಹಸ್ಸಂ ಸಕದಾಗಾಮಿಫಲೇ, ಸಹಸ್ಸಂ ಅನಾಗಾಮಿಫಲೇ, ಭಿಕ್ಖೂನಂ ಪನ ಅಟ್ಠಾರಸಸಹಸ್ಸಾನಿ ಅರಹತ್ತಂ ಪಾಪುಣಿಂಸು. ಭಿಕ್ಖುನೀನಂ ಚತುದ್ದಸ ಸಹಸ್ಸಾನೀತಿ.

ಥೂಪಾರಮ್ಹ ಕಥಾ

೨೧. ತತೋ ರಾಜಾ ಭಿಕ್ಖುಸಙ್ಘಂ ವನ್ದಿತ್ವಾ ಯಾಚ ಮಹಾಚೇತಿಯಂ ನಿಟ್ಠಾತಿನಾವ ಮೇ ಭಿಕ್ಖುಸಙ್ಘೋ ಭಿಕ್ಖಂ ಗಣ್ಹಾತೂತಿ ಆಹ. ಭಿಕ್ಖೂ ನಾಧಿವಾಸೇಸು, ಅನುಪುಬ್ಬೇನ ಯಾಚನ್ತೋ ಉಪಲ್ಲಭಿಕ್ಖೂನಂ ಸತ್ತಾಹಂ ಅಧಿವಾಸನಂ ಲಭಿತ್ವಾ ಥೂಪಟ್ಠಾನಸ್ಸ ಸಮನ್ತತೋ ಅಟ್ಠಾರಸಸು ಠಾನೇಸು ಮಣ್ಡಪೇ ಕಾರಯಿತ್ವಾ ¶ ಭಿಕ್ಖುಸಙ್ಘಂ ನಿಸೀದಾಪೇತ್ವಾ ಸತ್ತಾಹಂ ಮಹಾದಾನಂ ದತ್ವಾ ಸಬ್ಬೇಸಂಯೇವ ತೇಲ-ಮಧು-ಪಾಣಿತಾದಿ ಭೇಸಜ್ಜಂ ದತ್ವಾ ಭಿಕ್ಖುಸಙ್ಘಂ ವಿಸ್ಸಜ್ಜೇಸಿ ತತೋ ನಗರೇ ಭೇರಿಂಚಾರಾಪೇತ್ವಾ ಸಬ್ಬೇ ಇಟ್ಠಕ ವಡ್ಢಕಿ ಸನ್ತಿಪಾತೇಸಿ. ತೇ ಪಞ್ಚಸತಮತ್ತಾ ಅಹೇಸುಂ.

ತೇಸು ಏಕೋ ಅಹಂ ರಞ್ಞೋ ಚಿತ್ತಂ ಆರಾಧೇತ್ವಾ ಮಹಾಚೇತಿಯಂ ಕಾತುಂ ಸಕ್ಕೋಮೀತಿ ರಾಜಾನಂ ಪಸ್ಸಿ ರಾಜಾ ಕಥಂ ಕರೋಸೀತಿ ಪುಚ್ಛಿ. ಅಹಂ ದೇವ ಪೇಸಿಕಾನಂ ಸತಂ ಗಹೇತ್ವಾ ಏಕಾಹಂ ಏಕಂ ಪಂಸುಸಕಟಂ ಖೇಪೇತ್ವಾ ಕಮ್ಮಂ ಕರೋಮೀತಿ ಆಹ. ರಾಜಾ ಏವಂ ಸತಿ ಪಂಸುರಾಸಿಕಂ ಭವಿಸ್ಸತಿ. ತಿಣರುಕ್ಖಾದೀನಿ ಉಪ್ಪಜ್ಜಿಸ್ಸನ್ತಿ ಅದ್ಧಾನಂ ನಪ್ಪವತ್ತತೀತಿ ತಂ ಪಟಿಬಾಹಿ.

ಅಞ್ಞೋ ಅಹಂ ಪುರಿಸಸತಂ ಗಹೇತ್ವಾ ಏಕಾಹಂ ಏಕಂ ಪಂಸುಗುಮ್ಬಂ ಖೇಪೇತ್ವಾ ಕಮ್ಮಂ ಕರೋಮೀತಿ ಆಹ.

ಅಞ್ಞೋ ಪಂಸೂನಂ ಪಞ್ಚಮ್ಮಣಾನಿ ಖೇಪೇತ್ವಾ ಕಮ್ಮಂ ಕರೋಮೀತಿ ಆಹ.

ಅಞ್ಞೋ ದ್ವೇ ಅಮ್ಮಣಾನಿ ಖೇಪೇತ್ವಾ ಕಮ್ಮಂ ಕರೋಮೀತಿ ಆಹ. ತೇಪಿ ರಾಜಾ ಪಟಿಬಾಹಿಯೇವ.

ಅಥ ಅಞ್ಞೋ ಪಣ್ಡಿತೋ ಇಟ್ಠಕ ವಡ್ಢಕೀ ಅಹಂ ದೇವ ಉದುಕ್ಖಲೇ ಕೋಟ್ಟೇತ್ವಾ ಸುಪ್ಪೇಹಿ ವಟ್ಟೇತ್ವಾ ನಿಸದೇಪಿಂಸಿತ್ವಾ ಪಂಸೂನಂ ಏಕಮ್ಮಣಂ ಏಕಾಹೇನೇವ ಖೇಪೇತ್ವಾ ಪೇಸಿಕಾನಂ ಸತಂ ಗಹೇತ್ವಾ ಕಮ್ಮಂ ಕರೋಮೀತಿ ಆಹ.

ರಾಜಾ ಏವಂ ಸತಿ ಮಹಾಚೇತಿಯೇ ತಿಣಾದೀನಿ ನ ಭವಿಸ್ಸನ್ತಿ ಚಿರಟ್ಠಿತಿಕಞ್ಚ ಭವಿಸ್ಸತಿತಿ ಸಮ್ಪಟಿಚ್ಛಿತ್ವಾ ಪುನ ಪುಚ್ಛಿ-ಕಿಂ ಸಣ್ಠಾನಂ ಪನ ಕರಿಸ್ಸಸೀತಿ.

ತಸ್ಮಿಂ ಖಣೇ ವಿಸ್ಸಕಮ್ಮ ದೇವಪುತ್ತೋ ವಡ್ಢಕಿಸ್ಸ ಸರೀರೇ ಅಧಿಮುಚ್ಚಿ. ವಡ್ಢಕೀ ಸುವಣ್ಣಪಾತಿಂ ಪೂರೇತ್ವಾ ಉದಕಮಾಹರಾಪೇತ್ವಾ ಪಾಣಿನಾ ಉದಕಂ ಗಹೇತ್ವಾ ಉದಕಪಿಟ್ಠಿಯಂ ಆಹನಿ. ಏಳಿಕಘಟ ಸದಿಸಂ ಮಹನ್ತಂ ಉದಕಬುಬ್ಬುಲಂ ಉಠ್ಠಾಸಿ. ದೇವ ಈದಿಸಂ ಕರೋಮೀತಿ ಆಹ.

ರಾಜಾ ಸಾಧೂತಿ ಸಮ್ಪಟಿಚ್ಛಿತ್ವಾ ತಸ್ಸ ಸಹಸ್ಸಗ್ಘನಕಂ ಸಾಟಕ ಯುಗಲಂ, ಸಹಸ್ಸಗ್ಘನಕಂಯೇವ ಪುಣ್ಣಕಂ ನಾಮ ಸುವಣ್ಣಾಲಙ್ಕಾರಂ ಸಹಸ್ಸಗ್ಘನಕಾ ಪಾದುಕಾ, ದ್ವಾದಸ ಕಹಾಪನ ಸಹಸ್ಸಾನಿ ಚ ದತ್ವಾ ಅನುರೂಪಟ್ಠಾನೇ ಗೇಹಞ್ಚ ಖೇತ್ತಞ್ಚ ದಾಪೇಸಿ.

ತತೋ ರಾಜಾರತ್ತಿಭಾಗೇ ಚಿನ್ತೇಸಿ ಕಥಂ ನಾಮ ಮನುಸ್ಸೇ ಅಪೀಲೇತ್ವಾ ಇಟ್ಠಕಾ ಆಹರಾಪೇಯ್ಯನ್ತಿ ದೇವತಾ ರಞ್ಞೋ ಚಿತ್ತಂ ಞತ್ವಾ ಚೇತಿಯಸ್ಸ ಚತುಸು ದ್ವಾರೇಸು ಏಕೇಕದಿವಸಪ್ಪಹೋಣಕಂ ಕತ್ವಾ ತಸ್ಸಾಯೇವ ರತ್ತಿಯಾ ಇಟ್ಠಕಾರಾಸಿಂ ಅಕಂಸು ವಿಹಾತಾಯ ರತ್ತಿಯಾ ಮನುಸ್ಸಾ ದಿಸ್ವಾ ರಞ್ಞೋ ಆರೋಚೇಸುಂ. ರಾಜಾ ತುಸ್ಸಿತ್ವಾ ವಡ್ಢಕಿಂ ಕಮ್ಮೇ ಪಟ್ಠಪೇಸಿ. ದೇವತಾ ಏತೇನೇವ ನಯೇನ ಯಾವ ಮಹಾಚೇತಿಯಸ್ಸ ನಿಟ್ಠಾನಂ ತಾವ ಏಕೇಕಸ್ಸ ¶ ದಿವಸಸ್ಸ ಪಹೋಣಕಂ ಕತ್ವಾ ಇಟ್ಠಕಾ ಆಹರಿಂಸು. ಸಕಲದಿವಸಭಾಗೇ ಕಮ್ಮಂ ಕತಟ್ಠಾನೇ ಮತ್ತಿಕಾ ಇಟ್ಠಕ ಚುಣ್ಣಂ ವಾಪಿ ನ ಪಞ್ಞಾಯತಿ. ರತ್ತಿಯಂ ದೇವತಾ ಅನ್ತರಧಾಪೇನ್ತಿ.

ಅಥ ರಾಜಾ ಮಹಾಚೇತಿಯೇಕಮ್ಮಕಾರಾಯಚತುಪರಿಸಾಯಹತ್ಥ ಕಮ್ಮಮೂಲತ್ಥಂಚತುಸು ದ್ವಾರೇಸು ಏಕೇಕಸ್ಮಿಂ ದ್ವಾರೇ ಸೋಳಸ ಕಹಾಪನ ಸಹಸ್ಸಾನಿ ವತ್ಥಾಲಙ್ಕಾರ-ಗನ್ಧ-ಮಾಲ-ತೇಲ-ಮಧು-ಫಾಣಿತ-ಪಞ್ಚಕಟುಕ ಭೇಸಜ್ಜಾನಿ ನಾನಾವಿಧ ಸೂಪವ್ಯಞ್ಜನ ಸಂಯುತ್ತಂ ಭತ್ತಂ ಯಾಗುಖಜ್ಜಕಾದೀನಿ ಅಟ್ಠವಿಧ ಕಪ್ಪಿಯಯ ಪಾನಕಾನಿ ಪಞ್ಚವಿಧ ಮುಖವಾಸ ಸಹಿತ ತಾಮ್ಬೂಲಾನಿ ಚ ಠಪಾಪೇತ್ವಾ ಮಹಾಚೇತಿಯೇ ಕಮ್ಮಂ ಕರೋನ್ತಾಗಹಟ್ಠಾ ವಾ ಪಬ್ಬಜಿತಾ ವಾ ಯಥಾಜ್ಝಾಸಯಂ ಗಣ್ಹನ್ತು ಮುಲಂ ಅಗಹೇತ್ವಾ ಕಮ್ಮಂ ಕರೋನ್ತಾನಂ ಕಾತುಂ ನ ದೇಥಾತಿ ಆಣಾಪೇಸಿ.

ಅಥೇಕೋ ಥೇರೋ ಚೇತಿಯಕಮ್ಮೇ ಸಹಾಯ ಭಾವಂ ಇಚ್ಛನ್ತೋ ಕಮ್ಮಕರಣಟ್ಠಾನೇ ಮತ್ತಿಕಾ ಸದಿಸಂ ಕತ್ವಾ ಅತ್ತಾನಂ ಅಭಿಸಙ್ಖಟಂ ಮತ್ತಿಕಾ ಪಿಣ್ಡಂ ಏಕೇನ ಹತ್ಥೇನ ಗಹೇತ್ವಾ ಅಞ್ಞೇನ ಮಾಲಾ ಗಹೇತ್ವಾ ಮಹಾಚೇತಿಯಙ್ಗಣಂ ಆರುಯ್ಹ ರಾಜಕಮ್ಮಿಕೇ ವಞ್ಚೇತ್ವಾ ವಡ್ಢಕಿಸ್ಸ ಅದಾಸಿ. ಸೋ ಗಣ್ಹನ್ತೋವ ಪಕತಿಮತ್ತಿ ಕಾ ನಾ ಭವತೀತಿ ಞತ್ವಾ ಥೇರಸ್ಸ ಮುಖಂ ಓಲೋಕೇಸಿ ತಸ್ಸಾಕಾರಂ ಞತ್ವಾ ತತ್ಥ ಕೋಲಾಹಲ ಮಹೋಸಿ ಅನುಕ್ಕಮೇನ ರಾಜಾ ಸುತ್ವಾ ಆಗನ್ತ್ವಾ ವಡ್ಢಕಿಂ ಪುಚ್ಛಿ-ತುಯ್ಹಂ ಕಿರ ಭಣೇ ಏಕೋ ಭಿಕ್ಖು ಅಮೂಲಕ ಮತ್ತಿಕಾಪಿಣ್ಡಂ ಅದಾಸೀತಿ.

ಸೋ ಏವಮಾಹ-ಯೇಭುಯ್ಯೇನ ಅಯ್ಯಾ ಏಕೇನ ಹತ್ಥೇನ ಪುಪ್ಫಂ ಏಕೇನ ಮತ್ತಿಕಾಪಿಣ್ಡೇ ಗಹೇತ್ವಾ ಆಹರಿತ್ವಾ ದೇನ್ತಿ ತೇನಾಹಂ ಅಜಾನಿತ್ವಾ ಕಮ್ಮೇ ಉಪನೇಸಿಂ ‘‘ಅಯಂ ಪನ ಆಗನ್ತುಕೋ, ಅಯಂ ನೇವಾಸಿಕೋತಿ ಏತ್ತಕಂ ಜಾನಾಮೀತಿ.‘‘ತೇನ ಹಿ ತಂ ಥೇರಂ ಇಮಸ್ಸ ದಸ್ಸೇಹೀತಿ ಏಕಂ ಮಹಲ್ಲಕ ಬಲತ್ಥಂ ವಡ್ಢಕಿಸ್ಸ ಸನ್ತಿಕೇ ಠಪೇಸಿ ವಡ್ಢಕೀ ಪುನ ಆಗತಕಾಲೇ ತಂ ಥೇರಂ ಬಲತ್ಥಸ್ಸ ದಸ್ಸೇಸಿ ಸೋ ತಂ ಸಞ್ಜಾನಿತ್ವಾ ರಞ್ಞೋ ಆರೋಚೇಸಿ.

ರಾಜಾ ತಸ್ಸ ಸಞ್ಞಂ ಅದಾಸಿ. ತೋ ತ್ವಂ ತಯೋ ಜಾತಿಸುಮನ ಮಕುಲಕುಮ್ಭೇ ಮಹಾಬೋಧಿ ಅಙ್ಗಣೇ ರಾಸಿಂ ಕತ್ವಾ ಗಣ್ಧಞ್ಚ ಠಪೇತ್ವಾ ಮಹಾಬೋಧಿ ಅಙ್ಗಣಂ ಗತ ಕಾಲೇ ಆಗನ್ತುಕಸ್ಸ ಥೇರಸ್ಸ ಪೂಜನತ್ಥಾಯ ರಞ್ಞೋ ದಾಪಿತಂ ಗಣ್ಧಮಾಲಾನ್ತಿ ವತ್ವಾ ದೇಹೀತಿ. ಬಲತ್ಥೋ ರಞ್ಞೋ ವುತ್ತನಯೇನೇವ ತಸ್ಸ ಬೋಧಿ ಅಙ್ಗಣಂ ಗತ ಕಾಲೇ ತಂ ಗಣ್ಧಮಾಲಂ ಅದಾಸಿ.

ಸೋಪಿ ಸೋಮನಸ್ಸಪ್ಪತ್ತೋ ಹುತ್ವಾ ಸೇಲಸಣ್ಥರಂ ಧೋವಿತ್ವಾ ಗಣ್ಧೇನ ಪರಿಭಣ್ಡಂ ಕತ್ವಾ ಸಿಲಾಸನ್ಥರಂ ಕತ್ವಾ ಪುಪ್ಫಂ ಪೂಜೇತ್ವಾ ಚತುಸು ಠಾನೇಸು ವನ್ದಿತ್ವಾ ಪಾಚೀನದ್ವಾರೇ ಅಞ್ಜಲಿಂ ಪಗ್ಗಯ್ಹ ಪೀತಿಂ ಉಪ್ಪಾದೇತ್ವಾ ಪುಪ್ಫ ಪೂಜಂ ಓಲೋಕೇನ್ತೋ ಅಟ್ಠಾಸಿ.

ಬಲತ್ಥೋ ತಸ್ಮಿಂ ಕಾಲೇ ತಂ ಥೇರಂ ಉಪಸಙ್ಕಮಿತ್ವಾ ವನ್ದಿತ್ವಾ ಏವಮಾಹ. ಭನ್ತೇ ತುಮ್ಹಾಕಂ ಚೇತಿಯಕಮ್ಮೇ ಸಹಾಯಭಾವತ್ಥಾಯ ದಿನ್ನಸ್ಸ ಅಮೂಲಕ ¶ ಮತ್ತಿಕಾಪಿಣ್ಡಸ್ಸ ಮೂಲಂ ದಿನ್ನಭಾವಂ ರಾಜಾ ಜಾನಾಪೇತಿ ಅತ್ತನೋ ವನ್ದನೇನ ವನ್ದಾಪೇತೀತಿ. ತಂ ಸುತ್ವಾ ಥೇರೋ ಅನತ್ತಮನೋ ಅಹೋಸಿ. ಬಲತ್ಥೋ ತಿಟ್ಠನ್ತು ಭನ್ತೇ ತಯೋ ಸುಮನ ಮಕುಲ ಕುಮ್ಭಾತತ್ತಕಾನೇವ ಸುವಣ್ಣಪುಪ್ಫಾನಿಪಿ ಏತಂ ಮತ್ತಿಕಪಿಣ್ಡಂ ನಾಗ್ಘನ್ತಿ. ಚಿತ್ತಂ ಪಸಾದೇಥ ಭನ್ತೇತಿ ಪಕ್ಕಾಮಿ.

ತದಾ ಕೋಟ್ಠಿವಾಲಜನಪದೇ ಪಿಯಙ್ಗಲ್ಲ ವಿಹಾರವಾಸೀ ಏಕೋ ಥೇರೋ ಇಟ್ಠಕವಡ್ಢಕಿಸ್ಸ ಞಾತಕೋ ಅಹೋಸಿ. ಸೋ ಆಗನ್ತ್ವಾ ವಡ್ಢಕಿನಾ ಸದ್ಧಿಂ ಮನ್ತೇತ್ವಾ ದೀಘ ಬಹಲ ಕಿರಿಯತೋ ಇಟ್ಠಕಪ್ಪಮಾಣಂ ಜಾನಿತ್ವಾ ಗನ್ತ್ವಾ ಸಹತ್ಥೇನೇವ ಸಕ್ಕಚ್ಚಂ ಮತ್ತಿಕಂ ಮದ್ದಿತ್ವಾ ಇಟ್ಠಕಂ ಕತ್ವಾ ಪಚಿತ್ವಾ ಪತ್ತತ್ಥವಿಕಾಯ ಪಕ್ಖಿಪಿತ್ವಾ ಪಚ್ಚಾಗನ್ತ್ವಾ ಏಕೇನ ಹತ್ಥೇನ ರಞ್ಞೋ ಇಟ್ಠಕಂ ಏಕೇನ ಪುಪ್ಫಂ ಗಹೇತ್ವಾ ಅತ್ತನೋ ಇಟ್ಠಕಾಸ ಸದ್ಧಿಂ ರಞ್ಞೋ ಇಟ್ಠಕಂ ಅದಾಸಿ. ವಡ್ಢಕೀ ಗಹೇತ್ವಾ ಕಮ್ಮೇ ಉಪನೇಸಿ.

ಥೇರೋ ಸಞ್ಜಾತ ಪೀತಿ ಸೋಮನಸ್ಸೋ ಮಹಾಚೇತಿಯೇ ಕಮ್ಮಂ ಕರೋನ್ತೋ ಇಟ್ಠ ಕಸಾಲಪರಿವೇಣೇ ವಸತಿ ತಸ್ಸ ತಂ ಕಮ್ಮಂ ಪಾಕಟಂ ಅಹೋಸಿ. ರಾಜಾ ವಡ್ಢಕಿಂ ಪುಚ್ಛಿ-ಭಣೇ ಏಕೇನ ಕಿರ ಅಯ್ಯೇನ ಅಮೂಲಿಕ ಇಟ್ಠಕಾ ದಿನ್ನಾತಿ. ಸಚ್ಚಂ ದೇವ, ಏಕೇನ ಅಯ್ಯೇನ ದಿನ್ನ ಇಟ್ಠಕಾ ಅಮ್ಹಾಕಂ ಇಟ್ಠಕಾಯ ಸದಿಸಾತಿ ಕಮ್ಮೇ ಉಪನೇಸಿನ್ತಿ ಆಹ. ಪುನ ತಂ ಇಟ್ಠಕಂ ಸಞ್ಜಾನಾಸೀತಿ ರಞ್ಞಾ ವುತ್ತೇ ಞಾತಕಾನುಗ್ಗಹೇನ ನ ಜಾನಾಮೀತಿ ಆಹ.

ರಾಜಾ ಯದಿ ಏವಂ ತಂ ಇಮಸ್ಸ ದನ್ನೇಹೀತಿ ಬಲತ್ಥಂ ಠಪೇಸಿ ಸೋ ತಂ ಪುಬ್ಬೇ ವಿಯ ಬಲತ್ಥಸ್ಸ ದಸ್ಸೇಸಿ. ಬಲತ್ಥೋ ಪರಿವೇಣಂ ಗನ್ತ್ವಾ ಸನ್ತಿಕೇ ನಿಸೀದಿತ್ವಾ ಪಟಿಸಣ್ಥಾರಂ ಕತ್ವಾ ಭನ್ತೇ ತುಮ್ಹೇ ಆಗನ್ತುಕಾ ನೇವಾಸಿಕಾತಿ ಪುಚ್ಛಿ. ಆಗನ್ತುಕೋಮ್ಹೀ ಉಪಾಸಕಾತಿ. ಕತರ ರಟ್ಠವಾಸಿಕೋ ಭನ್ತೇತಿ ಕೋಟ್ಠಿವಾಲಜನಪದೇ ಪಿಯಙ್ಗಲ್ಲ ವಿಹಾರವಾಸಿಮ್ಹಿ ಉಪಾಸಕಾತಿ ಇಧೇವ ವಸಥ ಗಚ್ಛಥಾತಿ. ಇಧ ನ ವಸಾಮ ಅಸುಕದಿವಸೇ ಗಚ್ಛಾಮಾತಿ ಆಹ. ಬಲತ್ಥೋಪಿ ಅಹಮ್ಪಿ ತುಮ್ಹೇಹಿ ಸದ್ಧಿಂ ಆಗಮಿಸ್ಸಾಮಿ. ಮಯ್ಹಮ್ಪಿ ಗಾಮೋ ಏತಸ್ಮಿಂಯೇವ ಜನಪದೇ ಅಸುಕ ಗಾಮೋ ನಾಮಾತಿ ಆಹ. ಥೇರೋ ಸಾಧೂತಿ ಸಮ್ಪಟಿಚ್ಛಿ. ಬಲತ್ಥೋ ತಂ ಪವತ್ತಿಂ ರಞ್ಞೋ ನಿವೇದೇಸಿ.

ರಾಜಾ ಬಲತ್ಥಸ್ಸ ಸಹಸ್ಸಗ್ಘನಕಂ ವತ್ಥಯುಗಲಂ ಮಹಗ್ಘಂ ರತ್ತಕಮ್ಬಲಂ ಉಪಾಹನಯುಗಂ ಸುಗಣ್ಧತೇಲನಾಳಿಂ ಅಞ್ಞ್ಚ ಬಹುಂ ಸಮಣಪರಿಕ್ಖಾರಂ ಥೇರಸ್ಸ ದೇಹೀತಿ ದಾಪೇಸಿ ಸೋಪಿ ಪರಿಕ್ಖಾರಂ ಗಹೇತ್ವಾ ಪರಿವೇಣಂ ಗನ್ತ್ವಾ ಥೇರೇನ ಸದ್ಧಿಂ ರತ್ತಿಂ ವಸಿತ್ವಾ ಪಾತೋ ಸದ್ಧಿಂಯೇವ ನಿಕ್ಖಮಿತ್ವಾ ಅನುಪುಬ್ಬೇನ ಗನ್ತ್ವಾ ಪಿಯಙ್ಗಲ್ಲ ವಿಹಾರಸ್ಸ ದಿಸ್ಸಮಾನೇ ಠಾನೇ ಸೀತಚ್ಛಾಯಾಯ ಥೇರಂ ನಿಸೀದಾಪೇತ್ವಾ ಪಾದೇ ಧೋವಿತ್ವಾ ಗಣ್ಧತೇಲೇನ ಮಕ್ಖೇತ್ವಾ ಗುಳೋದಕಂ ಪಾಯೇತ್ವಾ ಉಪಾಹನಂ ಪಟಿಮುಞ್ಚಿತ್ವಾ ಇದಂ ಮೇ ಪರಿಕ್ಖಾರಂ ಕುಲೂಪಗಥೇರಸ್ಸತ್ಥಾಯ ಗಹಿತಂ, ಇದಾನಿ ತುಮ್ಹಾಕಂ ದಮ್ಮಿ, ಇದಂ ಪನ ಸಾಟಕಯುಗಂ ಮಮ ಪುತ್ತಸ್ಸ ಮಙ್ಗಲತ್ಥಾಯ ಗಹಿತಂ, ¶ ತುಮ್ಹೇ ಚೀವರಂ ಕತ್ವಾ ಪಾರುಪಥಾತಿ ವತ್ವಾ ಥೇರಸ್ಸ ಪಾದಮೂಲೇ ಠಪೇಸಿ.

ಥೇರೋ ಸಾಟಕಯುಗಂ ಪತ್ತತ್ಥವಿಕಾಯ ಪಕ್ಖಿಪಿತ್ವಾ ಸೇಸಪರಿಕ್ಖಾರಂ ಭಣ್ಡಿಕಂ ಕತ್ವಾ ಉಪಾಹನಂ ಆರುಯ್ಹಂ ಕತ್ತಯಟ್ಠಿಂ ಗಹೇತ್ವಾ ಮಗ್ಗಂ ಪಟ್ಪಜ್ಜಿ. ಬಲತ್ಥೋ ತೇನ ಸದ್ಧಿಂ ಥೋಕಂ ಗನ್ತ್ವಾ ‘‘ತಿಟ್ಠಥ ಭನ್ತೇ, ಮಯ್ಹಂ ಅಯಂ ಮಗ್ಗೋ‘‘ತಿ ವತ್ವಾ ಪುಬ್ಬೇ ವುತ್ತನಯೇನೇವ ರಞ್ಞೋ ಸಾಸನಂ ಥೇರಸ್ಸ ಆರೋಚೇಸಿ

ಥೇರೋ ತಂ ಸುತ್ವಾ ಮಹನ್ತೇನ ಪರಕ್ಕಮೇನ ಕತಕಮ್ಮಂ ಅಕತಂ ವಿಯ ಜಾತನ್ತಿ ದೋಮನಸ್ಸಪ್ಪತ್ತೋ ಹುತ್ವಾ ಅಸ್ಸುಧಾರಂ ಪವತ್ತೇತ್ವಾ’ಉಪಾಸಕ ತವ ಪರಿಕ್ಖಾರಂ ತ್ವಮೇವ ಗಣ್ಹಾಹೀ‘‘ತಿ ಠಿತಕೋವ ಸಬ್ಬಾಪರಿಕ್ಖಾರಂ ಛಡ್ಡೇಸಿ ಬಲತ್ಥೋ ಕಿಂ ನಾಮ ಭನ್ತೇ ವದಥ ಏಸ ರಾಜಾ ತುಯ್ಹಂ ಭವಗ್ಗಪ್ಪಮಾಣಂ ಕತ್ವಾ ಪಚ್ಚಯಂ ದೇನ್ತೋಪಿ ತವ ಇಟ್ಠಕಾನುರೂಪಂ ಕಾತುಂ ನ ಸಕ್ಕೋತಿ. ಕೇವಲಂ ಪನ ಮಹಾಚೇತಿಯೇ ಕಮ್ಮಂ ಅಞ್ಞೇಸಂ ಅಪತ್ತಕಂ ಕತ್ವಾ ಕರೋಮೀತಿ ಅಧಿಪ್ಪಾಯೇನ ಏವಂ ಕಾರೇತಿ ತುಮ್ಹೇ ಪನ ಭನ್ತೇ ಅತ್ತನಾ ಲದ್ಧಪರಿಕ್ಖಾರಂ ಗಹೇತ್ವಾ ಚಿತ್ತಂ ಪಸಾದೇಥಾತಿ ವತ್ವಾ ಥೇರಂ ಸಞ್ಞಾಪೇತ್ವಾ ಪಕ್ಕಾಮಿ. ಇಮಸ್ಮಿಂ ಪನ ಚೇತಿಯೇ ಭತಿಯಾ ಕಮ್ಮಂ ಕತ್ವಾ ಚಿತ್ತಂ ಪಸಾದೇತ್ವಾ ಸಗ್ಗೇ ನಿಬ್ಬತ್ತ ಸತ್ತಾನಂ ಪಮಾಣಂ ನತ್ಥಿ.

ತಾವತಿಂಸ ಭವನೇ ಕಿರ ನಿಬ್ಬತ್ತ ದೇವಧೀತರೋ ಅತ್ತನೋ ಸಮ್ಪತ್ತಿಂ ಓಲೋಕೇತ್ವಾ ಕೇನ ನು ಕೋ ಕಮ್ಮೇನ ಇಮಂ ಸಮ್ಪತ್ತಿಂ ಲಭಿಮ್ಹಾತಿ ಆವಜ್ಜಮಾನಾ ಮಹಾಚೇತಿಯೇ ಭತಿಯಾ ಕಮ್ಮಂ ಕತ್ವಾ ಲದ್ಧಭಾವಂ ಞತ್ವಾ ಭತಿಯಾ ಕತಕಮ್ಮಸ್ಸಾಪಿ ಫಲಂ ಈದಿಸಂ, ಅತ್ತನೋ ಸನ್ತಕೇನ ಕಮ್ಮಫಲಂ ಸದ್ದಹಿತ್ವಾ ಕತಕಮ್ಮಸ್ಸ ಫಲಂ ಕೀದಿಸಂ ಭವಿಸ್ಸತೀತಿ ಚಿನ್ತೇತ್ವಾ ದಿಬ್ಬಗಣ್ಧಮಾಲಂ ಆದಾಯ ರತ್ತಿಭಾಗೇ ಆಗನ್ತ್ವಾ ಪೂಜೇತ್ವಾ ಚೇತಿಯಂ ವನ್ದನ್ತಿ.

ತಸ್ಮಿಂ ಖಣೇ ಭಾತಿವಙ್ಕವಾಸೀ ಮಹಾಸೀವತ್ಥೇರೋ ನಾಮ ಚೇತಿಯಂ ವನ್ದನತ್ಥಾಯ ಗತೋ, ತಾ ವನ್ದನ್ತಿಯೋ ದಿಸ್ವಾ ಮಹಾಸತ್ತಪಣ್ಣಿರುಕ್ಖಸಮೀಪೇ ಠಿತೋ ತಾಸಂ ಯಥಾರುಚಿಂ ವನ್ದಿತ್ವಾ ಗಮನಕಾಲೇ ಪುಚ್ಛಿ? ತುಮ್ಹಾಕಂ ಸರೀರಾಲೋಕೇನ ಸಕಲತಮ್ಬಪಣ್ಣಿದಿಪೋ ಏಕಾಲೋಕೋ, ಕಿಂ ಕಮ್ಮಂ ಕರಿತ್ಥಾತಿ ಭನ್ತೇ ಅಮ್ಹಾಕಂ ಸನ್ತಕೇ ಕತಕಮ್ಮಂ ನಾಮ ನತ್ಥಿ ಇಮಸ್ಮಿಂ ಚೇತಿಯೇ ಮನಂ ಪಸಾದೇತ್ವಾ ಭತಿಯಾ ಕಮ್ಮಂ ಕರಿಮ್ಹಾತಿ ಆಹಂಸು ಏವಂ ಬುದ್ಧಸಾಸನೇ ಪಸನ್ನಚಿತ್ತೇನ ಭತಿಯಾ ಕತಕಮ್ಮಮ್ಪಿ ಮಹಪ್ಫಲಂ ಹೋತಿ. ತಸ್ಮಾ-

‘‘ಚಿತ್ತಪ್ಪಸಾದಮತ್ತೇನ-ಸುಗತೇ ಗತಿ ಉತ್ತಮಾ,

ಲಬ್ಭತೀತಿ ವಿದಿತ್ವಾನ-ಥೂಪಪೂಜಂ ಕರೇ ಬುದ್ಧೋ’’ತಿ;

ಏವಂ ರಾಜಾ ಚೇತಿಯಕಮ್ಮಂ ಕಾರಾಪೇನ್ತೋ ಪುಪ್ಫಧಾನತ್ತಯಂ ನಿಟ್ಠಾಪೇಸಿ. ತಂ ಖೀಣಾಸವ ಥಿರಭಾವತ್ಥಾಯ ಭೂಮಿಸಮಂ ಕತ್ವಾ ಓಸೀದಾಪೇಸುಂ, ಏವಂ ನವವಾರೇ ಚಿತಂ ಚಿತಂ ಓಸೀದಾಪೇಸುಂ. ರಾಜಾ ಕಾರಣಂ ಅಜಾನನ್ತೋ ಅನತ್ತಮನೋ ¶ ಹುತ್ವಾ ಭಿಕ್ಖುಸಙ್ಘಂ ಸನ್ನಿಪಾತೇಸಿ. ಅಸೀತಿ ಭಿಕ್ಖುಸಹಸ್ಸಾನಿ ಸನ್ನಿಪತಿಂಸು ರಾಜಾ ಭಿಕ್ಖುಸಙ್ಘಂ ಗಣ್ಧಮಾಲಾದೀಹಿ ಪೂಜೇತ್ವಾ ವನ್ದಿತ್ವಾ ಪುಚ್ಛಿ’ಭನ್ತೇ ಮಹಾಚೇತಿಯೇ ಪುಪ್ಫಧಾನತ್ತಯಂ ನವವಾರೇ ನ ಜಾನಾಮೀ’ತಿ ಭಿಕ್ಖುಸಙ್ಘೋ ಆಹ ಮಹಾರಾಜ ತುಯ್ಹಂ ಕಮ್ಮಸ್ಸ ವಾ ಜೀವಿತಸ್ಸ ವಾ ಅನ್ತರಾಯೋ ನತ್ಥಿ. ಅನಾಗತೇ ಥಿರಭಾವತ್ಥಾಯ ಇದ್ಧಿಮನ್ತೇಹಿ ಓಸೀದಾಪಿತಂ, ಇತೋ ಪಟ್ಠಾಯ ನ ಓಸೀದಾಪೇಸ್ಸನ್ತಿ. ತ್ವಂ ಅಞ್ಞಥತ್ತಂ ಅಕತ್ವಾ ಮಹಾಥೂಪಂ ಸಮಾಪೇಹೀತಿ. ತಂ ಸುತ್ವಾ ಹಟ್ಠೋ ರಾಜಾ ಥೂಪಕಮ್ಮಂ ಕಾರೇಸಿ.

ದಸಪುಪ್ಫಧಾನಾನಿ ದಸಹಿ ಇಟ್ಠಕಾಕೋಟೀಹಿ ನಿಟ್ಠನಂ ಗಮಿಂಸು ಪುನ ಪುಪ್ಫಧಾನತ್ತಯೇ ನಿಟ್ಠಿತೇ ಭಿಕ್ಖುಸಙ್ಘೋ ಉತ್ತರ-ಸುಮನ ನಾಮಕೇ ದ್ವೇ ಖೀಣಾಸವ ಸಾಮಣೇರೇ ಆಣಾಪೇಸಿ. ತುಮ್ಹೇ ಸಮಚತುರಸ್ಸಂ ಅಟ್ಠರತನ ಬಹಲಂ ಏಕೇಕ ಪಸ್ಸತೋ ಅಸೀತಿ ಅಸಿತಿ ಹತ್ಥಪ್ಪಮಾಣಂ ಛಮೇದಕ ವಣ್ಣಪಾಸಾಣೇ ಆಹರಥಾತಿ. ತೇ ಸಾಧೂತಿ ಸಮ್ಪಟಿಚ್ಛಿತ್ವಾ ಉತ್ತರಕುರುಂ ಗನ್ತ್ವಾ ಚುತ್ತಪ್ಪಕಾರಪ್ಪಮಾಣೇ ಭಣ್ಡಿಪುಪ್ಫನಿಹೇಛ ಮೇದವಣ್ಣಪಾಸಾಣೇ ಆಹರಿತ್ವಾ ಏಕಂ ಪಾಸಾಣಂ ಧಾತುಗಬ್ಭಸ್ಸ ಭೂಮಿಯಂ ಅತ್ಥರಿತ್ವಾ ಚತ್ತಾರೋ ಪಾಸಾಣೇ ಚತುಸು ಪಸ್ಸೇಸು ಸಂವಿಧಾಯ ಅಪರಂ ಧಾತುಗಬ್ಭಂ ಪಿದಹನತ್ಥಾಯ ಪಾಚೀನ ದಿಸಾಭಾಗೇ ವಾಲುಕ ಪಾಕಾರ ಸಮೀಪೇ ಅದಿಸ್ಸಮಾನಂ ಕತ್ವಾ ಠಪೇಸುಂ.

೨೨. ತತೋ ರಾಜಾ ಧಾತುಗಬ್ಭಸ್ಸ ಮಜ್ಝೇ ಸಬ್ಬರತನಮಯಂ ಸಬ್ಬಾಕಾರಸಮ್ಪನ್ನಂ ಮನೋಹರಂ ಬೋಧಿರುಕ್ಖಂ ಕಾರೇಸಿ ಸೋ ಹಿ ಇಣ್ದನೀಲಮಣಿಭೂಮಿಯಂ ಪತಿಟ್ಠಿತೋ, ತಸ್ಸಮೂಲಾನಿ ಪಚಾಳಮಯಾನಿ, ಖಣ್ಧೋ ಸಿರಿವಚ್ಛಾದೀಹಿ ಅಟ್ಠಮಙ್ಗಲಿಕೇಹಿ ಪುಪ್ಫಪನ್ತಿ ಲತಾಪನ್ತಿ ಚತುಪ್ಪದ ಹಂಸಪನ್ತಿಹಿ ಚ ವಿಚಿತ್ತೋ ಅಟ್ಠಾರಸ ಹತ್ಥುಬ್ಬೇಧೋ ರಜತಮಯೋ ಅಹೋಸಿ.

ಪಞ್ಚಮಹಾಸಾಖಾಪಿ ಅಟ್ಠಾರಸಹತ್ಥಾಚ, ಪತ್ತಾಪಿ ಮಣಿಮಯಾನಿ, ಪಣ್ಡುಪತ್ತಾನಿ, ಹೇಮಮಯಾನಿ, ಫಲಾ ಪವಾಳಮಯಾನಿ. ತಥಾ ಅಙ್ಕುರೋಪರಿ ಚೇಲವಿತಾನಂ ಬಣ್ಧಾಪೇಸಿ. ತಸ್ಸ ಅನ್ತೇ ಸಮನ್ನತೋ ಮುತ್ತಮಯ ಕಿಙ್ಕಿಣಿಕಜಾಲಂ ಓಲಮ್ಬತಿ. ಸ್ವಣ್ಣಘಣ್ಟಾಪನ್ತಿ ಚ ಸುವಣ್ಣದಾಮಾನಿ ಚ ತಹಿಂ ತಹಿಂ ಓಲಮ್ಬನ್ತಿ ವಿತಾನಸ್ಸ ಚತುಸು ಕಣ್ಣೇಸು ನವಸತಸಹಸ್ಸಗ್ಘನಕೋ ಏಕೇಕೋ ಮುತ್ತಾಕಲಾಪೋ ಓಲಮ್ಬತಿ. ತತ್ಥ ಯಥಾನುರೂಪಂ ನಾನಾರತನ ಕತಾನೇವ ಚಣ್ದ-ಸೂರಿಯ-ತಾರಕಾರೂಪಾನಿ ಪದುಮಾನಿ ಚ ಅಪ್ಪಿತಾನಿ ಅಹೇಸುಂ. ಮಹಗ್ಘಾನಿ ಅನೇಕವಣ್ಣಾನಿ ಅಟ್ಠುತ್ತರ ಸಹಸ್ಸಾನಿ ವತ್ಥಾನಿ ಓಲಮ್ಬಿಂಸು.

ತತೋ ಬೋಧಿರುಕ್ಖಸ್ಸ ಸಮನ್ತತೋ ಸತ್ತ ರತನಮಯ ವೇದಿಕಾ ಕಾರೇತ್ವಾ ಮಹಾಮಲಕ ಮುತ್ತಾ ಅತ್ಥರಾಪೇಸಿ ಮುತ್ತಾ ವೇದಿಕಾನಂ ಅನ್ತರೇ ಗಣ್ಧೋದಕ ಪುಣ್ಣ ಸತ್ತರತನಮಯ ಪುಣ್ಣಘಟ ಪನ್ತಿಯೋ ಠಪಾಪೇಸಿ. ತಾಸು ಸುವಣ್ಣಘಟೇ ಪವಾಳಮಯಾನಿ ಪುಪ್ಫಾನಿ ಅಹೇಸುಂ. ಪವಾಳಘಟೇ ಸುವಣ್ಣಮಯಾನಿ ಪುಪ್ಫಾನಿ. ಮಣಿಘಟೇ ರಜತಮಯಾನಿ ಪುಪ್ಫಾನಿ ¶ ರಜತಘಟೇ ಮಣಿಮಯಾನಿಪುಪ್ಫಾತಿ. ಸತ್ತರತನಘಟೇ ಸತ್ತರತನಮಯಾನಿ ಪುಪ್ಫಾನಿ ಅಹೇಸುಂ.

ಬೋಧಿರುಕ್ಖಸ್ಸ ಪಾಚೀನ ದಿಸಾಭಾಗೇ ರತನಮಯೇ ಕೋಟಿಅಗ್ಘನಕೇ ಪಲ್ಲಙ್ಕೇ ಘನಕೋಟ್ಟಿಮ ಸುವಣ್ಣಮಯಂ ಬುದ್ಧಪಟಿಮಂ ನಿಸೀದಾಪೇಸಿ. ತಸ್ಸಾ ಪಟಿಮಾಯ ವೀಸತಿ ನಖಾ ಅಕ್ಖಿನಂ ಸೇತಟ್ಠಾನಾನಿ ಚ ಫಳಕಮಯಾನಿ. ಹತ್ಥತಲ ಪಾದತಲ ದನ್ತಾವರಣಾನಿ ಅಕ್ಖೀನಂ ರತ್ತಟ್ಠಾತಾನಿ ಚ ಪವಾಳಮಯಾನಿ ಕೇಸ ಭಮುಕಾನಿ ಅಕ್ಖಿನಂ ಕಾಳಕಟ್ಠಾನಾನಿ ಚ ಇಣ್ದನೀಲ ಮಣಿಮಯಾನಿ ಉಣ್ಣಾಲೋಮಂ ಪನಂ ರಜತಮಯಂ ಅಹೋಸಿ. ತತೋ ಸಹಮ್ಪತಿ ಮಹಾ ಬ್ರಹ್ಮಾನಂ ರಜತಚ್ಛತ್ತಂ ಧಾರೇತ್ವಾ ಠಿನಂ ಕಾರೇಸಿ. ತತಾ ದ್ವೀಸು ದೇವಲೋಕೇಸು ದೇವತಾಹಿ ಸದ್ಧಿಂ ವಿಜಯುತ್ತರಸಙ್ಖಂ ಗಹೇತ್ವಾ ಅಭಿಸೇಕಂ ದದಮಾನಂ ಸಕ್ಕಂ ದೇವರಾಜಾನಂ ಪಞ್ಚಸಿಖ ದೇವಪುತ್ತಂ ಬೇಳುವ ಪಣ್ಡು ವೀಣಮಾದಾಯ ಗಣ್ಧಬ್ಬಂ ಕುರುಮಾನಂ. ಮಹಾಕಾಳ ನಾಗರಾಜಾನಂ ನಾಗಕಞ್ಞಾಪರಿವುತಂ ನಾನಾವಿಧೇನಥುತಿಘೋಸೇನ ತಥಾಗತಂ ವಣ್ಣೇನ್ತಂ ಕಾರೇಸಿ.

ವಸವತ್ತಿಮಾರಮ್ಪನ ಬಾಹುಸಹಸ್ಸಂ ಮಾಪೇತ್ವಾ ತಿಸೂಲ ಮುಗ್ಗರಾದಿ ನಾನಾವುಧಾನಿ ಗಹೇತ್ವಾ ಸಹಸ್ಸಕುಮ್ಭಂ ಗಿರಿಮೇಖಲ ಹತ್ಥಿಕ್ಖಣ್ಧ ಮಾರುಯ್ಹ ಮಾರಬಲಂ ಪರಿವಾರೇತ್ವಾ ಬೋಧಿಮಣ್ಡಂ ಆಗನ್ತ್ವಾ ಅನೇಕ ಭಿಂಸನಕಂ ಕುರುಮಾನಂ ಕಾರೇಸಿ. ಸೇಸಾಸು ದಿಸಾಸು ಪಾಚೀನ ದಿಸಾಭಾಗೇ ಪಲ್ಲಙ್ಕಸದಿಸೇ ಕೋಟಿ ಕೋಟಿ ಅಗ್ಘನಕೇ ತಯೋ ಪಲ್ಲಙ್ಕೇ ಅತ್ಥರಾಪೇತ್ವಾ ದನ್ತಮಯಂ ದಣ್ಡಂ ಪವಾಳವೀಜನಿಂ ಠಪಾಪೇಸಿ. ಬೋಧಿಕ್ಖಣ್ಧಂ ಉಸ್ಸೀಸಕೇ ಕತ್ವಾ ನಾನಾರತನಂ ಮಣ್ಡಿತಂ ಕೋಟಿಅಗ್ಘನಕಂ ರಜತ ಸಯನಂ ಅತ್ಥರಾಪೇಸಿ.

ದಸಬಲಸ್ಸ ಅಭಿಸಮ್ಬೋಧಿಮ್ಪತ್ವಾ ಅನಿಮಿಸೇನ ಚಕ್ಖುನಾ ಬೋಧಿಪಲ್ಲಙ್ಕಂ ಓಲೋಕಿತಟ್ಠಾನಂ ಸತ್ತಾಹಮೇವ ರತನಚಙ್ಕಮೇ ಚಙ್ಕಮಿತಟ್ಠಾನಂ ಓಲೋಕಿತಟ್ಠಾನಂ ಸತ್ತಾಹಮೇವ ರತನಚಙ್ಕಮೇ ಚಙ್ಕಮಿತಟ್ಠಾನಂ ರತನಘರಂ ಪವಿಸಿತ್ವಾ ಧಮ್ಮಸಮ್ಮಸಿತಟ್ಠಾನಂ ಮುಚಲಿಣ್ದಮೂಲಂ ಗನ್ತ್ವಾ ನಿಸಿನ್ನಸ್ಸ ಮುಚಲಿಣ್ದೇನ ನಾಗೇನ ಸತ್ತಕ್ಖತ್ತುಂ ಭೋಗೇಹಿ ಪರಿಕ್ಖಿಪಿತ್ವಾ ಉಪರಿ ಫಣಂ ಕತ್ವಾ ಠಿತಟ್ಠಾನಂ, ತತೋ ಅಜಪಾಲ ನಿಗ್ರೋಧ ಮೂಲಂ ಗನ್ತ್ವಾ ನಿಸಿನ್ನಟ್ಠಾನಂ, ತತೋ ರಾಜಾಯತನಂ ಭೋಜನೇ ಉಪನೀತೇ ಚತುಮಹಾರಾಜೇಹಿ ಉಪನೀತ ಪತ್ತಪಟಿಗ್ಗಹಣಂ ಕಾರೇಸಿ.

ತತೋ ಬ್ರಹ್ಮಾಯಾಚನಂ ಧಮ್ಮಚಕ್ಕಪ್ಪವತ್ತನಂ ಸಸಪಬ್ಬಜ್ಜಂ, ಭದ್ದವಗ್ಗಿಯ ಪಬ್ಬಜ್ಜಂ, ತೇಭಾತಿಕ ಜಟಿಲ ದಮನಂ, ಲಟ್ಠಿವನುಯ್ಯಾನೇ ಬಿಮ್ಬಿಸಾರೋಪಗಮಣಂ, ರಾಜಗಹಪ್ಪವೇಸನಂ, ವೇಳುವನ ಪಟಿಗ್ಗಹಣಂ ಅಸೀತಿ ಮಹಾಸಾವಕೇ ಚ ಕಾರೇಸಿ ತತೋ ಕಪಿಲವತ್ಥುಗಮನಂ ರತನಚಙ್ಕಮೇ ಠತಟ್ಠಾನಂ, ರಾಹುಲಪಬ್ಬಜ್ಜಂ, ನಣ್ದ್ರಪಬ್ಬಜ್ಜಂ ಜೇತವನಪಟಿಗ್ಗಹಣಂ, ಗಣ್ಡಮ್ಬಮೂಲೇ ಯಮಕ ಪಾಟಿಹಾರಿಕಂ ದೇವಲೋಕೇ.

‘‘ನಿಸಿನ್ನೇ’’ತಿ ಕತ್ಥಚಿ.

ಅಭಿಧಮ್ಮ ¶ ದೇಸನಾ ದೇವೋರೋಹಣ ಪಾಟೀಹೀರಂ ಥೇರಪಞ್ಹ ಸಮಾಗಮಞ್ಚ ಕಾರೇಸಿ.

ತಥಾ ಮಹಾಸಮಯಸುತ್ತ-ರಾಹುಲೋವಾದ ಸುತ್ತ-ಮಙ್ಗಸುತ್ತಪಾರಾಯನ ಸುತ್ತ ಸಮಾಗಮಂ ಧನಪಾಲ-ಆಳವಕ-ಅಙ್ಗುಲಿಮಾಲ-ಅಪಲಾಲ ದಮನಂ ಆಯುಸಙ್ಖಾರ ವೋಸ್ಸಜ್ಜನಂ ಸೂಕರಮದ್ದವ ಪರಿಗ್ಗಹಣಂ ಸಿಙ್ಗಿವಣ್ಣ ವತ್ಥಯುಗ ಪಟಿಗ್ಗಹಣಂ ಪಸನ್ನೋದಕಪಾನಂ ಪರಿನಿಬ್ಬಾನಂ ದೇವಮನುಸ್ಸ ಪರಿದೇವನಂ ಮಹಾಕಸ್ಸಪತ್ಥೇರಸ್ಸಭಗವತೋಪಾದವಣ್ದನಂ ಸರೀರ ಙಹನಂ ಅಗ್ಗಿನಿಬ್ಬಾನಂ ಆಳಾಹನಸಕ್ಕಾರಂ ದೇಣೇನ ಬ್ರಾಹ್ಮಣೇನ ಕತಧಾತು ವಿಭಾಗಞ್ಚ ಕಾರೇಸಿ.

ತಥಾ ಅದ್ಧಚ್ಛಟ್ಠಾನಿ ಜಾತಕಸತಾನಿ ಕಾರೇಸಿ. ವೇಸ್ಸನ್ತರಜಾತಕಂ ಪನ ಕಾರೇನ್ತೋ ಸಞ್ಜಯ ಮಹಾರಾಜಂ ಫುಸತೀದೇವಿಂ ಮದ್ದಿದೇವಿಂ ಜಾಲಿಯ ಕುಮಾರಂ ಕಣ್ಹಾಜಿನಞ್ಚ ಕಾರೇಸಿ. ತತೋ ಪಣ್ಡವ ಹತ್ಥಿದಾನಂ ಸತ್ತ ಸತಕ ಮಹಾದಾನಂ ನಗರ ವಿಲೋಕನಂ ಸಿನ್ಧವದಾನಂ ದೇವತಾಹಿ ರೋಹಿತಥ ವಣ್ಣೇನ ರಥಸ್ಸ ವಹನಂ ರಥದಾನಂ ಸಯಮೇವೋಣತ ದುಮತೋ ಫಲಂ ಗಹೇತ್ವಾ ದಾರಕಾನಂ ಮಧುಮಂಸ ದಿನ್ನ ನೇಸಾದಸ್ಸ ಸುವಣ್ಣ ಸೂಚಿದಾನಂ ವಙ್ಕಪಬ್ಬತಕುಚ್ಛಿಮ್ಹಿ ಪಬ್ಬಜ್ಜಾವೇಸೇನ ವಸಿತಟ್ಠಾನಂ ಪೂಜಕಸ್ಸ ದಾರಕದಾನಂ ಸಕ್ಕಬ್ರಾಹ್ಮಣಸ್ಸ ಭರಿಯಂದಾನಂ ಪೂಜಕಸ್ಸ ದೇವತಾನುಭಾವೇಕ ದಾರಕೇ ಗಹೇತ್ವಾ ಗನ್ತ್ವಾ ಸಞ್ಜಯ ನರಿಣ್ದಸ್ಸ ಪುರತೋ ಗತಟ್ಠಾನಂ ತತೋ ವಙ್ಕಪಬ್ಬತಕುಚ್ಛಿಯಂ ಛನ್ನಂ ಖತ್ತಿಯಾನಂ ಸಮಾಗಮಂ ವೇಸ್ಸನ್ತರಸ್ಸ ಮದ್ದಿಯಾ ಚ ಅಭಿಸೇಕಂ ಪತ್ತಟ್ಠಾನಂ ನಕರಮ್ಪವಿಟ್ಠೇ ಸತ್ತರತನವಸ್ಸಂ ವಸ್ಸಿತಟ್ಠಾನಂ ತತೋ ಚವಿತ್ವಾ ತುಸಿತಪುರೇ ನಿಬ್ಬತ್ತಟ್ಠಾನಞ್ಚ ಸಬ್ಬಂ ವಿತ್ಥಾರೇನ ಕಾರೇಸಿ.

ತತೋ ದಸ ಸಹಸ್ಸ ಚಕ್ಕವಾಳದೇವತಾಹಿ ಬುದ್ಧ ಭಾವಾಯ ಆಯಾಚಿತಟ್ಠಾನಂ ಅಪುನರಾವತ್ತನಂ ಮಾತುಕುಚ್ಛಿಓಕ್ಕಮನಂ ಮಹಾಮಾಯಾದೇವಿಂ ಸುದ್ಧೋದನ ಮಹಾರಾಜಂ ಲುಮ್ಬಿನೀವನೇ ಜಾತಟ್ಠಾನಂ ಅನ್ತಲಿಕ್ಖತೋ ದ್ವಿನ್ನಂ ಉದಕಧಾರಾನಂ ಪತನಂ ಉತ್ತರಾಭಿಮುಖಂ ಸತ್ತಪದವೀತಿಹಾರ ಗಮನಂ ಕಾಳದೇವಳಸ್ಸ ಜಟಾಮತ್ಥಕೇ ಮಹಾಪುರಿಸಸ್ಸ ಪಾದಪತಿಟ್ಠಾನ ಅನತಿವತ್ತಮಾನಾಯ ಜಮ್ಬುಚ್ಛಾಯಾಯ ಧಾತೀನಂ ಪಮಾದಂ ದಿಸ್ವಾ ಸಿರಿಸಯನೇ ಪಲ್ಲಙ್ಕೇ ನಿಸೀದಿತ್ವಾ ಝಾನಸಮಾಪನ್ನಟ್ಠಾನಞ್ಚ ಕಾರೇಸಿ.

ತತೋ ರಾಹುಲ ಮಾತರಂ ರಾಹುಲ ಭದ್ದಕಞ್ಚ ಕಾರೇಸಿ ತತೋ ಏಕೂನ ತಿಂಸವಸ್ಸಕಾಲೇ ಉಯ್ಯಾನೇ ಕೀಳತತ್ಥಾಯ ಗಮನ ಸಮಯೇ ಜಿಣ್ಣ ವ್ಯಾಧಿತ ಮತ ಸಙ್ಖ್ಯಾತೇ ತಯೋ ದೇವದೂತೇ ದಿಸ್ವಾ ನಿವತ್ತನಟ್ಠಾನಂ ಚತುತ್ಥವಾರೇ ಪಬ್ಬಜಿತರೂಪಂ ದಿಸ್ವಾ ಸಾಧುಪಬ್ಬಜ್ಜಾತಿ ಚಿತ್ತಂ ಉಪ್ಪಾದೇತ್ವಾ ಉಯ್ಯಾನಂ ಗನ್ತ್ವಾ ಉಯ್ಯಾನಸಿರಿಂ ಅನುಭವಿತ್ವಾ ಸಾಯಣ್ಹ ಸಮಯೇ ನಹಾತ್ವಾ ಮಙ್ಗಲ ಸಿಲಾಪಟ್ಟೇ ನಿಸಿನ್ನಮತ್ತ ವಿಸ್ಸಕಟ್ಠಾನಾ ಅಲಙ್ಕರಣಟ್ಠಾಣಂ ತತೋ ಮಜ್ಝಿಮರತ್ತಿಯಂ ನಾಟಕಾನಂ ವಿಪ್ಪಕಾರಂ ದಿಸ್ವಾ ಕಣ್ಥಕ ಹಯ ವರಮಾರುಯ್ಹ) ಮಹಾಭಿನಿಕ್ಖಮಣಂ ನಿಕ್ಖಮಿತಟ್ಠಾನಂ ದಸ ಸಹಸ್ಸ) ಚಕ್ಕವಾಳ ದೇವತಾಹಿ ಕತ ಪೂಜಾವಿಧಿಂ ಕಣ್ಥಕನಿವತ್ತನ ಚೇತಿಯಟ್ಠಾನಂ ¶ ಅನೋಮಾ ನದೀತೀರೇ ಪಬ್ಬಜ್ಜಂ ರಾಜಗಹಪ್ಪವೇಸನಂ ಪಣ್ಡವ ಪಬ್ಬತಚ್ಛ ಯಾಯ ರಞ್ಞೋ ಬಿಮ್ಬಿಸಾರಮ್ಮ ರಜ್ಜಕರಣತ್ಥಾಯ ಆಯಾಚನಂ ಸುಜಾತಾಯ ದಿನ್ನ ಖೀರಪಾಯಾಸ ಪಟಿಗ್ಗಹಣಂ ನೇರಞ್ಜರಾಯ ನದಿಯಾ ತೀರೇ ಪಾಯಾಸ ಪರಿಭೋಗಂ ನದಿಯಾ ಪಾತಿವಿಸ್ಸಟ್ಠಂ ಪಾಟಿಹಾರಿಯಂ ಸಾಲವನೇ ದಿವಾವಿಹಾರ ಗತಟ್ಠಾನಂ ಸೋತ್ಥಿಯೇನ ದಿನ್ನ ಕುಸತಿಣಪಟಿಗ್ಗಹಣಂ ಬೋಧಿಮಣ್ಡಂ ಆರುಯ್ಹ ನಿಸಿನ್ನಟ್ಠಾನಞ್ಚ ಸಬ್ಬಂ ವಿತ್ಥಾರೇನ ಕಾರೇಸಿ.

ತತೋ ಮಹಿಣ್ದತ್ಥೇರ ಪಮುಖೇ ಸತ್ತ ಸಹ ಆಗತೇ ಚ ಕಾರಾಪೇಸಿ. ಚತುಸು ದಿಸಾಸು ಖಗ್ಗಹತ್ಥೇ ಚತ್ತಾರೋ ಮಹಾರಾಜಾನೋ ಕಾರೇಸಿ ತತೋ ದ್ವತ್ತಿಂಸ ದೇವಪುತ್ತೇ ತತೋ ಸುವಣ್ಣ ದಣ್ಡ ದೀಪಕಧಾರಾ ದ್ವತ್ತಿಂಸ ದೇವಕುಮಾರಿಯೋ ತತೋ ಅಟ್ಠವೀಸತಿ ಯಕ್ಖಸೇನಾಪತಿನೋ ತತೋ ಅಞ್ಜಲಿಂ ಪಗ್ಗಯ್ಹ ಠಿತ ದೇವತಾಯೋ ತತೋ ರತನಮಯ ಪುಪ್ಪಕಲಾಪೇ ಗಹೇತ್ವಾ ಠಿತ ದೇವತಾಯೋ ತತೋ ಸುವಣ್ಣಘಟೇ ಗಹೇತ್ವಾ ಠಿತಿ ದೇವತಾಯೋ ತತೋ ನಚ್ಚನಕ ದೇವತಾಯೋ ತತೋ ತುರಿಯವಾದಕ ದೇವತಾಯೋ ತತೋ ಪಚ್ಚೇಕ ಸತಸಹಸ್ಸಗ್ಘನಕೇ ದಸಹತ್ಥಪ್ಪಮಾಣೇ ಆದಾಸೇ ಗಹೇತ್ವಾ ಠಿತ ದೇವತಾಯೋ ತತೋ ತಥೇವ ಸತಸಹಸ್ಸಗ್ಘನಕ ಪುಪ್ಫ ಸಾಖಾಯೋ ಗಹೇತ್ವಾ ಠಿತದೇವತಾಯೋ ತತೋ ಚಣ್ದಮಣ್ಡಲೇ ಗಹೇತ್ವಾ ಠಿತದೇವತಾಯೋ ಸೂರಿಯಮಣ್ಡಲೇ ಗಹೇತ್ವಾ ಠಿತದೇವತಾಯೋ ತತೋ ಪದುಮಾನಿ ಗಹೇತ್ವಾ ಠಿತ ದೇವತಾಯೋ ತತೋ ಛತ್ತಾನಿ ಗಹೇತ್ವಾ ಠಿತದೇವತಾಯೋ ತತೋ ವಿಚಿತ್ತವೇಸಧರೇ ಮಲ್ಲದೇವಪುತ್ತೇ ತತೋ ದುಸ್ಸಪೋಠನ ದೇವತಾಯೋ ತತೋ ರತನಗ್ಘಿಕೇ ಗಹೇತ್ವಾ ಠಿತದೇವತಾಯೋ ತತೋ ಧಮ್ಮಚಕ್ಕಾಕಿ ಗಹೇತ್ವಾ ಠಿತದೇವತಾಯೋ ತತೋ ಖಗ್ಗಧರಾ ದೇವತಾಯೋ ತತೋ ಪಞ್ಚಹತ್ಥಪ್ಪಮಾಣ ಗಣ್ಧಿತೇಲಪೂರಿತಾ ದುಕೂಲವಟ್ಟಿಯಂ ಪಜ್ಜಲಿತ ದೀಪಕಞ್ಚನನ ಪಾತಿಯೋ ಸೀಸೇಹಿ ಧಾರೇತ್ವಾ ಠಿತದೇವತಾಯೋ ಚ ಕಾರಾಪೇಸಿ.

ತತೋ ಚತುಸುಕಣ್ಣೇಸುಫಳಿಕಮಯಅಗ್ಘಿಯ ಮತ್ಥಕೇ ಚತ್ತಾರೋಮಹಾಮಣ ಠಪಾಪೇಸಿ ಚತುಸು ಕಣ್ಣೇಸು ಸುವಣ್ಣ-ಮಣಿ-ಮುತ್ತ-ವಜಿರಾನಂ ಚತ್ತಾರೋ ರಾಸಿಯೋ ಕಾರೇಸಿ ತತೋ ಮೇಘವಣ್ಣ ಪಾಸಾಣಭಿತ್ತಿಯಂ ವಿಜ್ಜುಲ್ಲತಾ ಕಾರೇಸಿ ತತೋ ರತನ ಲತಾಯೋ ತತೋ ಚಾಳವಿಜತಿಯೋ ತತೋ ನಿಲುಪ್ಪಲೇ ಗಹೇತ್ವಾ ಠಿತ ನಾಗಮಣವಿಕಾಯೋ ಕಾರೇಸಿ.

ರಾಜಾ ಏಕ್ತಿಕಾನಿ ರೂಪಕಾನಿ ಘನಕೋಟ್ಟಿಮ ಸುವಣ್ಣೇಹೇವ ಕಾರೇಸಿ. ಅವಸೇಸಮ್ಪಿ ಪೂಜಾವಿಧಿಂ ಸತ್ತರತನೇಹೇವ ಕಾರೇಸೀತಿ. ಏತ್ಥ ಚ ವುತ್ತಪ್ಪಕಾರಮ್ಪನ ಪೂಜನೀಯಭಣ್ಡಂ ಅನನ್ತಮಪರಿಮಾಣಂ ಹೋತಿ ತಥಾ ಹಿ ಅಮ್ಬಪಾಸಾನವಾಸೀ ಚಿತ್ತಗುತ್ತತ್ಥೇರೋನಾಮ ಹೇಟ್ಠಾ ಲೋಹಪಾಸಾದೇ ಸನ್ನಿಪತಿತಾನಂ ದ್ವಾದಸನ್ನಂ ಭಿಕ್ಖುಸಹಸ್ಸಾನಂ ಧಮ್ಮಂ ಕಥೇನ್ತೋ ರಥವಿನೀತಸುತ್ತಂ ಆರಭಿತ್ವಾ ಮಹಾ ಧಾತುನಿಧಾನಂ ವಣ್ಣೇನ್ತೋ ಏಕಚ್ಚೇ ನ ಸದ್ದಹಿಸ್ಸನ್ತೀತಿ ಮಞ್ಞಮಾನೋ ಓಸಕ್ಕಿತ್ವಾ ಕಥೇಸಿ. ತಸ್ಮಿಂ ಖಣೇ ಕೋಟಪಬ್ಬತವಾಸೀ ಮಹಾತಿಸ್ಸತ್ಥೇರೋ ¶ ನಾಮ ಖೀಣಾಸವೋ ಅವಿದೂರೇ ನಿಸೀದಿತ್ವಾ ಧಮ್ಮಂ ಸುಣನ್ತೋ ಆವುಸೋ ಧಮ್ಮಕಥಿಕ ತವ ಕಥಾತೋ ಪರಿಹೀನಮ್ಪಿ ಅತ್ಥಿ. ಅಪಚ್ಚೋ ಸಕಕಿತ್ವಾ ವಿತ್ಥಾರೇನ ಕಥೇಹೀತಿ ಆಹ. ಅಥ ಇಮಸ್ಮಿಂಯೇವ ದೀಪೇ ಭಾತಿಯ ಮಹಾರಾಜಾ ನಾಮ ಸದ್ದೋ ಪಸನ್ನೋ ಅಹೋಸಿ ಸೋ ಸಾಯಂ ಪಾತಂ ಮಹಚೇತಿಯಂ ವನ್ದಿತ್ವಾವ ಭುಞ್ಜತಿ. ಏಕದಿವಸಂ ವಿನಿಚ್ಛಯೇ ನಿಸೀದಿತ್ವ ದುಬ್ಬೀನಿಚ್ಛಿತಂ ಅಟ್ಟಂ ವಿನಿಚ್ಛಿನನ್ತೋ ಅತಿಸಾಯಂ ವುಟ್ಠಿತೋ ಥೂಪವಣ್ದನಂ ವಿಸ್ಸರಿತ್ವಾ ಭೋಜನೇ ಉಪನೀತೇ ಹತ್ಥಂ ಓತಾರೇತ್ವಾ ಮನುಸ್ಸೇ ಪುಚ್ಛಿಅಜ್ಜ ಮಯಾ ಅಯ್ಯಕೋ ವನ್ದಿತೋ ನ ವನ್ದಿತೋತಿ. ಪೋರಾಣಕ ರಾಜಾನೋ ಹಿ ಸತ್ಥಾರಂ ಅಯ್ಯಕೋತಿ ವದನ್ತಿ. ಮನುಸ್ಸಾ ನ ವನ್ದಿತೋ ದೇವಾತಿ ಆಹಂಸು.

ತಸ್ಮಿಂ ಖಣೇ ರಾಜಾ ಹತ್ಥೇನ ಗಹಿತ ಭತ್ತಪಿಣ್ಡಂ ಪಾತಿಯಂ ಪಾತೇತ್ವಾ ಉಟ್ಠಾಯ ದಕ್ಖಿಣದ್ವಾರಂ ವಿವರಾಪೇತ್ವಾ ಆಗನ್ತ್ವಾ ಪಾಚೀನ ದ್ವಾರೇನ ಮಹಾಚೇತಿಯಙ್ಗಣಂ ಆರುಯ್ಹ ವನ್ದನ್ತೋ ಅನ್ತೋ ಧಾತುಗಬ್ಭೇ ಖೀಣಾಸವಾನಂ ಧಮ್ಮಂ ಓಸಾರಣಸದ್ದಂ ಸುತ್ವಾ ದಕ್ಖಿಣದ್ವಾರೇತಿ ಮಞ್ಞಮಾನೋ ತತ್ಥ ಗನ್ತ್ವಾ ಅದಿಸ್ವಾ ಏತೇನೇವ ನಯೇನ ಇತರಾನಿಪಿ ದ್ವಾರಾನಿ ಗನ್ತ್ವಾ ತತ್ಥಾಪಿ ಅದಿಸ್ವಾ ಅಯ್ಯಾ ಧಮ್ಮಂ ಓಸಾರೇನ್ತೋ ವಿಚರನ್ತೀತಿ ಮಞ್ಞಮಾನೋ ಓಲೋಕನತ್ಥಾಯ ಚತುಸು ದ್ವಾರೇಸು ಮನುಸ್ಸೇ ಠಪೇತ್ವಾ ಸಯಂ ಪುನ ವಿಚರಿತ್ವಾ ಅಪಸ್ಸನ್ತೋ ಮನುಸ್ಸೇ ಪುಚ್ಛಿತ್ವಾ ಬಹಿದ್ಧಾ ನತ್ಥಿ ಭಾವಂ ಞತ್ವಾ ಅನ್ತೋ ಧಾತುಗಬ್ಭೇ ಭವಿಸ್ಸತಿತಿ ಸನ್ನಿಟ್ಠಾನಂ ಕತ್ವಾ ಪಾಚೀನದ್ವಾರೇ ಆಸನ್ನತರೇ ಮಹಾ ಚೇತಿಯಾಭಿಮುಖೋ ಹತ್ಥಪಾದೇ ಪಸಾರೇತ್ವಾ ಜೀವಿತುಂ ಪರಿಚ್ಚಜಿತ್ವಾ ದಳ್ಹಸಮಾದಾನಂ ಕತ್ವಾ ನಿಪಜ್ಜಿ. ಸಚೇ ಮಾ ಅಯ್ಯಾ ಧಾತುಗಬ್ಭಂ ನ ಓಲೋಕಾಪೇನ್ತಿ-ಸತ್ತಾಹಂ ನಿರಾಹಾರೋ ಹುತ್ವಾ ಸುಸ್ಸಮಾನೋ ಭೂಸಮುಟ್ಠಿ ವಿಯ ವಿಪ್ಪಕಿರಿಯಮಾನೋಪಿ ನ ಉಟ್ಠಹಿಸ್ಸಾಮೀತಿ. ತಸ್ಸ ಗುಣಾನುಭಾವೇನ ಸಕ್ಕಸ್ಸ ಭವನಂ ಉಣ್ಹಾಕಾರಂ ದಸ್ಸೇಸಿ.

ಸಕ್ಕೋ ಆವಜ್ಜನ್ತೋ ತಂ ಕಾರಣಂ ಞತ್ವಾ ಅಗನ್ತ್ವಾ ಧಮ್ಮಂ ಓಸಾರೇನ್ತಾನಂ ಥೇರಾನಂ ಏವಮಾಹ. ಅಯಂ ಭನ್ತೇ ರಾಜಾ ಧಮ್ಮಿಕೋ ಬುದ್ಧಸಾಸನೇ ಪಸನ್ನೋ ಇಮಸ್ಮಿಂ ಠಾನೇ ಸಜ್ಝಾಯನ ಸದ್ದಂ ಸುತ್ವಾ ಧಾತುಗಬ್ಭಂ ಅಪಸ್ಸಿತ್ವಾ ನ ಉಟ್ಠಹಿಸ್ಸಾಮೀತಿ ದಳ್ಹಸಮಾದಾನಂ ಕತ್ವಾ ನಿಪನ್ನೋ ಸಚೇ ಧಾತುಗಬ್ಭಂ ನ ಪಸ್ಸತಿ ತತ್ಥೇವ ಮರಿಸ್ಸತಿ. ತಂ ಪವೇಸೇತ್ವಾ ಧಾತು ಗಬ್ಭಂ ಓಲೋಕಾಪೇಥಾತಿ. ಥೇರಾಪಿ ತಸ್ಸ ಅನುಕಮ್ಪಾಯ ಧಾತುಗಬ್ಭಂ ದಸ್ಸೇತುಂ ಏಕಂ ಥೇರಂ ಆಣಾಪೇಸುಂ ರಾಜಾನಂ ಆನೇತ್ವಾ ಧಾತುಗಬ್ಭಾ ಓಲೋಕಾಪೇತ್ವಾ ಪೇಸೇಹೀತಿ. ಸೋ ರಞ್ಞೋ ಹತ್ಥೇ ಗಹೇತ್ವಾ ಧಾತುಗಬ್ಭಂ ಪವೇಸೇತ್ವಾ ಯಥಾರುಚಿಂ ವನ್ದಾಪೇತ್ವಾ ಸಬ್ಬಂ ಸಲ್ಲಕ್ಖಿತಕಾಲೇ ಪೇಸೇಸಿ ರಾಜಾ ನಗರಂ ಗನ್ತ್ವಾ ಅಪರೇನ ಸಮಯೇನ ಧಾತುಗಬ್ಭೇ ಅತ್ತನಾ ದಿಟ್ಠರೂಪಕೇಸು ಏಕದೇಸಾನಿ ಸುವಣ್ಣಖಚಿತಾನಿ ಕಾರೇತ್ವಾ ರಾಜಙ್ಗಣೇ ಮಹನ್ತಂ ಮಣ್ಡಪಂ ಕಾರೇತ್ವಾ ತಸ್ಮಿಂ ಮಣ್ಡಪೇ ¶ ತಾನಿ ರೂಪಕಾನಿ ಸಂವಿದಹಾಪೇತ್ವಾ ನಗರೇ ಸನ್ನಿಪಾತೇತ್ವಾ ಧಾತುಗಬ್ಭೇ ಮಯಾ ದಿಟ್ಠಾನಿ ಸುವಣ್ಣರೂಪಕಾನಿ ಈದಿಸಾನಿ ಆಹ. ತೇಸಂ ರೂಪಕಾನಂ ನಿಯಾಮೇನ ಕತತ್ತಾ ನಿಯಾಮಕ ರೂಪಕಾನಿ ನಾಮ ಜಾತಾನಿ.

ರಾಜಾ ಸಂವಚ್ಛರೇ ಸಂವಚ್ಛರೇ ತಾನಿ ರೂಪಕಾನಿ ನೀಹರಾಪೇತ್ವಾ ನಾಗರಾನಂ ದಸ್ಸೇಸಿ ಪಠಮಂ ದಸ್ಸಿತಕಾಲೇ ನಾಗರಾ ಪಸೀದಿತ್ವಾ ಏಕೇಕ ಕುಲತೋ ಏಕೇಕಂ ದಾರಕಂ ನೀಹರಿತ್ವಾ ಪಬ್ಬಾಜೇಸುಂ. ಪುನ ರಾಜಾ ಅಯ್ಯಾ ಏತಂ ಪಕಾರಂ ಅಜಾನನಕಾ ಬಹೂ ತೇಸಮ್ಪಿ ಆರೋಚೇಸ್ಸಾಮೀತಿ ವಿಹಾರಂ ಗನ್ತ್ವಾ ಹೇಟ್ಠಾ ಲೋಹಪಾಸಾದೇ ಭಿಕ್ಖುಸಙ್ಘಂ ಸನ್ನಿಪಾತೇತ್ವಾ ಸಯಂ ಧಮ್ಮಾಸನಗತೋ ತಿಯಾಮ ರತ್ತಿಂ ಧಾತುಗಬ್ಭೇ ಅಧಿಕಾರಂ ಕಥೇತ್ವಾ ಪರಿಯೋಸಾಪೇತುಮಸಕ್ಕಾನ್ತೋಸೇವ ಉಟ್ಠಾಸಿ. ತತ್ಥೇಕೋ ಭಿಕ್ಖು ರಾಜಾನಂ ಪುಚ್ಛಿ-ಮಹಾರಾಜ ತ್ವಂ ಪಾತರಾಸಭತ್ತಂ ಭೂತ್ವಾ ಆಗತೋಸಿ. ತಿಯಾಮ ರತ್ತಿಂ ವಣ್ಣೇನ್ತೋ ಧಾತುಗಬ್ಭೇ ಪೂಜಾವಿಧಿಮ್ಪಿ ಪರಿಯೋಸಾಪೇತುಂ ನಾಸಕ್ಖಿ ಅಞ್ಞಮ್ಪಿ ಬಹುಂ ಅತ್ಥಿತಿ.

ರಾಜಾ ಕಿಂ ಕಥೇತ ಭನ್ತೇ, ತುಮ್ಹಾಕಂ ಮಯಾ ಕಥಿತಂ ದಸಭಾಗೇಸು ಏಕಭಾಗಮ್ಪಿ ನಪ್ಪಹೋತಿ. ಅಹಮ್ಪನ ಮಯಾ ಸಲ್ಲಕ್ಖಿತ ಮತ್ತಮೇವ ಕಥೇಸಿಂ. ಅನನ್ತಂ ಭನ್ತೇ ಧಾತುಗಬ್ಭೇ ಪೂಜಾವಿಧಾನನ್ತಿ ಆಹ ಏವಂ ಅನನ್ತಂ ಪೂಜನೀಯಭಣ್ಡಂ ಸಮಚತುರಸ್ಸೇ ಏಕೇಕ ಪಸ್ಸತೋ ಅಸೀತಿ ಅಸೀತಿ ಹತ್ಥಪ್ಪಮಾಣೇ ಧಾತುಗಬ್ಭೇ ನಿರನ್ತರಂ ಕತ್ವಾ ಪುರೇತುಮ್ಪಿ ನ ಸುಕರಂ, ಪಗೇವ ಯಥಾರಹಂ ಸಂವಿಧಾತು ತಿಟ್ಠತು ತಾವ ಧಾತುಗಬ್ಭೋ ಯಾವ ಮಹಾಚೇತಿಯೇ ವಾಲುಕ ಪಾಕಾರ ಪರಿಚ್ಛೇದಾ ನಿರನ್ತರಂ ಪುರೇತುಮ್ಪಿ ನ ಸಕ್ಕಾ. ತಸ್ಮಾ ತಂ ಸಬ್ಬಂ ಪೂಜನೀಯಭಣ್ಡಂ ತತ್ಥ ಕಥಂ ಗಣ್ಹೀತಿ ಯದೇತ್ಥ ವತ್ತಬ್ಬಂ ಪೋರಾಣೇಹಿ ವುತ್ತಮೇವ.

ನಿಗ್ರೋ ಧಪಿಟ್ಠಿ ತೇಪಿಟಕ ಮಹಾಸೀವತ್ಥೇರೋ ಕಿರ ರಾಜಗೇಹೇ ನಿಸಿದಿತ್ವಾ ರಞ್ಞೋ ದಸಬಲ ಸೀಹನಾದಸುತತಂ ಕಥೇನ್ತೋ ಧಾತುನಿಧಾನಂ ವಣ್ಣೇತ್ವಾ ಸುತ್ತನ್ತಂ ವಿನಿವಟ್ಟೇಸಿ. ರಾಜಾ ಥೇರಸ್ಸ ಏವಮಾಹ-ಅಯಂ ಭನ್ತೇ ಧಾತುಗಬ್ಭಾ ಸಮಚತುರಸ್ಸೋ, ಏಕೇಕಪಸ್ಸತೋ ಅಸೀತಿ ಅಸೀತಿ ಹತ್ಥಪ್ಪಮಾಣೇ ಏತ್ತಕಾನಿ ಪೂಜನೀಯ ಭಣ್ಡಾನಿ ಏತ್ಥ ಟ್ಠಿತಾನೀತಿ ಕೋ ಸದ್ದಹೇಸ್ಸತಿತಿ. ಥೇರೋ ಆಹ. ಇಣ್ದಸಾಲಗುಹಾಕಿತ್ತಕಪ್ಪಮಾಣಾತಿ ತಯಾ ಸುತಪುಬ್ಬಾತಿ. ರಾಜಾ ಖುದ್ದಕ ಮಞ್ಚಕಪ್ಪಮಾಣಾ ಭನ್ತೇತಿ ಆಹ. ತತೋ ಥೇರೋ ಆಹ, ಮಹಾರಾಜ ಅಮ್ಹಾಕಂ ಸತ್ಥಾರಾ ಸಕ್ಕಸಸ ಸಕ್ಕ ಪಞ್ಹಸುತ್ತನ್ತಂ ಕಥನದಿವಸೇ ಗುಹಾಯ ಕಿತ್ತಕಾ ಪರಿಸಾ ಓಸಟಾತಿ ಸುತಪುಬ್ಬಾತಿ. ರಾಜಾ ದ್ವೀಸು ಭನ್ತೇ ದೇವಲೋಕೇಸು ದೇವತಾತಿ ಆಹ. ಏವಂ ಸನ್ತೇ ತಮ್ಪಿ ಅಸದ್ದಹೇಯ್ಯಂ ನು ಮಹಾರಾಜಾತಿ ಥೇರೇನ ವುತ್ತೇ ರಾಜಾ ತಂ ಪನ ದೇವಾನಂ ದೇವಿದ್ಧಿಯಾ ಅಹೋಸಿ ದೇವಿದ್ಧಿ ನಾಮ ಅಚಿನ್ತೇಯ್ಯಾ ಭನ್ತೇತಿ ಆಹ.

ತತೋ ಥೇರೋ ಮಹಾರಾಜ ತಂ ಏಕಾಯಯೇವ ದೇವಿದ್ಧಿಯಾ ಅಹೋಸಿ. ಇದಂ ಪನ ರಞ್ಞೋ ರಾಜಿದ್ಧಿಯಾ ದೇವಾನಂ ದೇವಿದ್ಧಿಯಾ ಅರಿಯಾನಂ ಅರಿಯಿದ್ಧಿಯಾತಿ ಇಮಾಹಿ ¶ ತೀಹಿ ಇದ್ಧೀಹಿ ಜಾತನ್ತಿ ಅವೋಚ. ರಾಜಾ ಥೇರಸ್ಸ ವಚನಂ ಸಾಧೂತಿ ಸಮ್ಪಟಿಚ್ಛಿತ್ವಾ ಥೇರಂ ಸೇತಚ್ಛತ್ತೇನ ಪೂಜೇತ್ವಾ ಮತ್ಥಕೇ ಛತ್ತಂ ಧಾರೇನ್ತೋ ಮಹಾ ವಿಹಾರಂ ಆನೇತ್ವಾ ಪುನ ಮಹಾಚೇತಿಯಸ್ಸ ಸತ್ತಾಹಂ ಛತ್ತಂ ದತ್ವಾ ಜಾತಿ ಸುಮನಪುಪ್ಫ ಪೂಜಂ ಅಕಾಸೀತಿ. ಏತಸ್ಸತ್ಥಸ್ಸ ಸಾಧನತ್ಥಮೇವ ಅಞ್ಞಾನಿಪಿ ಬಹೂನಿ ವತ್ಥೂನಿ ದಸ್ಸಿತಾನಿ ತಾನಿ ಕಿನ್ತೇಹೀತಿ ಅಮ್ಹೇ ಉಪೇಕ್ಖಿತಾನಿ ಏತ್ಥ ಚ ರಾಜಾ ಮಹೇಸಕ್ಖೋ ಮಹಾನುಭಾವೋ ಪೂರಿತಪಾರಮಿ ಕತಾಭಿನೀಹಾರೋತಿ ತಸ್ಸವಸೇನ ರಾಜಿದ್ಧಿವೇದಿತಬ್ಬಾ ಸಕ್ಕೇನ ಆಣತ್ತೇನ ವಿಸ್ಸಕಮ್ಮುನಾ ದೇವಪುತ್ತೇನ ಆದಿತೋ ಪಟ್ಠಾಯ ಆವಿಸಿತ್ವಾ ಕತತ್ತಾ ತಸ್ಸ ವಸೇನ ದೇವಿದಧಿ ವೇದಿತಬ್ಬಾ, ಕಮ್ಮಾಧಿಟ್ಠಾಯಕ ಇಣ್ದಗುತ್ತತ್ಥೇರೋ ಖುದ್ದಾನುಖುದ್ದಕಂ ಕಮ್ಮಂ ಅನುವಿಧಾಯನ್ತೋ ಕಾರೇಸಿ ನ ಕೇವಲಂಥೇರೋಯೇವ, ಸಬ್ಬೇಪಿ ಅರಿಯಾ ಅತ್ತನಾ ಅತ್ತನಾ ಕತ್ತಬ್ಬ ಕಿಚ್ಚೇಸು ಉಸ್ಸುಕ್ಕಮಾಪನ್ನಾಯೇವ ಅಹೇಸುನ್ತಿ ಇಮಾಹಿ ತೀಹಿ ಇದ್ಧೀಹಿ ಕತನ್ತಿ ವೇದಿತಬ್ಬಂ.

ವುತ್ತಞ್ಹೇತಂ ಮಹಾವಂಸೋ.

ಇಣ್ದಗುತ್ತ ಮಹಾಥೇರೋ-ಛಳಭಿಞ್ಞೋ ಮಹಾಮತಿ,

ಕಮ್ಮಾಧಿಟ್ಠಾಯಕೋ ಏತ್ಥ-ಸಬ್ಬಂ ಸಂವಿದಹಿ ಇಮಂ;

ಸಬ್ಬಂ ರಾಜಿದ್ಧಿಯಾ ಏತಂ ದೇವತಾನಞ್ಚ ಇದ್ಧಿಯಾ;

ಇದ್ಧಿಯಾ ಅರಿಯಾನಞ್ಚ-ಅಸಮ್ಬಾಧಾ ಪತಿಟ್ಠಿತ’’ನ್ತಿ;

ಧಾತುಗಬ್ಬ ರೂಪವಣ್ಣನಾಕಥಾ

೨೩. ಏವಂ ರಾಜಾ ಧಾತುಗಬ್ಭೇ ಕತ್ತಬ್ಬ ಕಮ್ಮಂ ನಿಟ್ಠಾಪೇತ್ವಾ ಚಾತುದ್ದಸಿ ದಿವಸೇ ವಿಹಾರಂ ಗನ್ತ್ವಾ ಭಿಕ್ಖುಸಙ್ಘಂ ಸನ್ನಿಪಾತೇಸಿ, ಸನ್ನಿಪತ್ತಿ ಭಿಕ್ಖೂ ತಿಂಸ ಸಹಸ್ಸಾನಿ ಅಹೇಸುಂ ರಾಜಾ ಭಿಕ್ಖುಸಙ್ಘಂ ವನ್ದಿತ್ವಾ ಏವಮಾಹ. ಧಾತುಗಬ್ಭೇ ಮಯಾ ಕತ್ತಬ್ಬಕಮ್ಮಂ ನಿಟ್ಠಾಪಿತಂ, ಸ್ವೇ ಆಸಾಳಭಿಮುಪೋಸಥ ದಿವಸೇ ಉತ್ತರಸಾಳ್ಹ ನಕ್ಖತ್ತೇನ ಧಾತುನಿಧಾನಂ ಭವಿಸ್ಸತಿ ಧಾತುಯೋ ಜನಾಥ ಭನ್ತೇತಿ ಭಿಕ್ಖುಸಙ್ಘಸ್ಸ ಭಾರಂ ಕತ್ವಾ ನಗರಮೇವಾಗಞ್ಜಿ.

ಅಥ ಭಿಕ್ಖುಸಙ್ಘೋ ಧಾತು ಆಹರಣಕಂ ಭಿಕ್ಖುಂ ಗವೇಸನ್ತೋ ಪೂಜಾ ಪರಿವೇಣ ವಾಸಿಕಂ ಸೋಳಸ ವಸ್ಸುದ್ದೇಸಿಕಂ ಛಳಭಿಞ್ಞಂ ಸೋಣುತ್ತರಂ ನಾಮ ಸಾಮಣೇರಂ ದಿಸ್ವಾ ತಂ ಪಕ್ಕೋಸಾಪೇತ್ವಾ ಆವುಸೋ ಸೋಣುತ್ತರ ರಾಜಾ ಧಾತುಗಬ್ಭಂ ನಿಟ್ಠಾಪೇತ್ವಾ ಧಾತು ಆಭರಣಂ ಭಿಕ್ಖುಸಙ್ಘಸ್ಸ ಭಾರಮಕಾಸಿ. ತಸ್ಮಾ ತಯಾ ಧಾತುಯೋ ಆಹರಿತಬ್ಬಾತಿ ಆಹರಾಮಿ ಭನ್ತೇ ಧಾತುಯೋ ಕುತೋ ಲಚ್ಛಾಮೀತಿ ಪುಚ್ಛಿ ತಸ್ಸ ಭಿಕ್ಖುಸಙ್ಘೋ ಏವಮಾಹ. ಆವುಸೋ ಸೋಣುತ್ತರ ತತಾಗತೋ ಮರಣಮಞ್ಚೇ ನಿಪನ್ನೋ ಸಕ್ಕಂ ದೇವರಾಜಾನಂ ಆಮನ್ತೇತ್ವಾ ಮಯ್ಹಂ ಅಟ್ಠದೋಣಪ್ಪಮಾಣೇಸು ಸಾರೀರಿಕ ಧಾತುಸು ಏಕಂ ದೋಣಂ ಕೋಳಿಯರಾಜುಹಿ ಸಕ್ಕತಂ, ಅನಾಗತೇ ತಮ್ಬಪಣ್ಣಿ ದೀಪೇ ಮಹಾಚೇತಿಯೇ ಪತಿಟ್ಠಹಿಸ್ಸತೀತಿ ಆಹ.

ಅಥ ¶ ಭಗವತಿ ಪರಿನಿಬ್ಬುತೇ ದೋಣ ಬ್ರಾಹ್ಮಣೋ ಧಾತುಯೋ ಅಟ್ಠ ಕೋಟ್ಠಾಸೇ ಕತ್ವಾ ಅಟ್ಠನ್ನಂ ನಗರವಾಸೀನಂ ಅದಾಸಿ ತೇ ಅತ್ತನೋ ಅತ್ತನೋ ನಗರೇ ಚೇತಿಯಂ ಕಾರೇತ್ವಾ ಪರಿಹರಿಂಸು ತೇಸು ರಾಮಗಾಮೇ ಕೋಳಿಯೇಹಿ ಕತಚೇತಿಯೇ ಮಹೋಘೇನ ಭಿನ್ನೇ ಧಾತುಕರಣ್ಡಕೋ ಸಮುದ್ದಂ ಪವಿಸಿತ್ವಾ ರತನವಾಲುಕಾ ಪಿಟ್ಠೇ ಛಬ್ಬಣ್ಣರಂಸಿ ಸಮಾಕಿಣ್ಣೋ ಅಟ್ಠಾಸಿ.

ನಾಗಾ ದಿಸ್ವಾ ಮಞ್ಜೇರಿಕ ನಾಗ ಭವನಂ ಗನ್ತ್ವಾ ಮಹಾಕಾಳ ನಾಗ ರಞ್ಞೋ ಆರೋಚೇಸುಂ ಸೋ ದಸಕೋಟಿ ನಾಗ ಸಹಸ್ಸ ಪರಿವುತೋ ಆಗನ್ತ್ವಾ ಗಣ್ಧಮಾಲಾದೀಹಿ ಪೂಜೇತ್ವಾ ಸುವಣ್ಣ-ಪವಾಳ-ಮಿಣಿ-ರಜತಧಜೇ ಉಸ್ಸಾಪೇತ್ವಾ ಪಞ್ಚಙ್ಗಿಕ ತುರಿಯ ಪಗ್ಗಹೀತ ನಾನಾವಿಧ ನಾಗ ನಾಟಕಾನಂ ಮಜ್ಝಹತೋ ಧಾಕುಕರಣ್ಡಂ ಮಣಿಚಙ್ಗೋಟಕೇ ಠಪೇತ್ವಾ ಸೀಸೇನಾದಾಯ ಮಹಾಸಕ್ಕಾರ ಸಮ್ಮಾನಂ ಕರೋನ್ತೋ ನಾಗಭವನಂ ನೇತ್ವಾ ಛನ್ನವುತಿ ಕೋಟಿಧನೇ ಪೂಜೇತ್ವಾ ಸಬ್ಬರತನೇಹಿ ಚೇತಿಯಞ್ಚ ಚೇತಿಯಘರಞ್ಚ ಮಾಪೇತ್ವಾ ಧಾತುಯೋ ಪರಿಹರತಿ. ಮಹಾಕಸ್ಸಪತ್ಥೇರೋ ಅಜಾತಸತ್ತುನೋ ಧಾತುನಿಧಾನಂ ಕರೋನ್ತೋ ರಾಮಗಾಮೇ ಧಾತುಯೋ ಠಪೇತ್ವಾ ಸೇಸ ಧಾತುಯೋ ಆಹರಿತ್ವಾ ಅದಾಸಿ ರಾಜಾ ರಾಮಗಾಮೇ ಧಾತುಯೋ ಕಸ್ಮಾ ನಾಹಟಾತಿ ಪುಚ್ಛಿ.

ಥೇರೋ ಮಹಾರಾಜ ತಾಸಂ ಅನ್ತರಾಯೋ ನತ್ಥಿ ಅನಾಗತೇ ತಮ್ಬಪಣ್ಣಿದೀಪೇ ಮಹಾಚೇತಿಯೇ ಪತಿಟ್ಠಹಿಸ್ಸನ್ತೀತಿ ಆಹ. ಅಸೋಕೋ ಧಮ್ಮರಾಜಾಪಿ ಧಾತುನಿಧಾನಂ ಉಗ್ಘಾಟೇತ್ವಾ ಓಲೋಕೇನ್ತೋ ಅಟ್ಠಮಂ ಧಾತುದೋಣಂ ಅದಿಸ್ವಾ ಅಪರಂ ಧಾತುಂ ದೋಣಂ ಕತ್ಥ ಭನ್ತೇತಿ ಪುಚ್ಛಿ ಮಹಾರಾಜ ತಂ ಕೋಳಿಯೇಹಿ ಗಙ್ಗಾತೀರೇ ಕತ ಚೇತಿಯೇ ಪತಿಟ್ಠಿತಂ, ಮಹೋಘೇನ ಚೇತಿಯೇ ಭಿನ್ನೇ ಮಹಾಸಮುದ್ದಂ ಪಾವಿಸಿ.

ತಂ ನಾಗಾ ದಿಸ್ವಾ ಅತ್ತನೋ ನಾಗಭವನಂ ನೇತ್ವಾ ಪರಿಹರನ್ತೀತಿ ಖೀಣಾಸವಾ ಆಹಂಸು ರಾಜಾ ನಾಗಭವನಂ ನಾಮ ಮಮ ಆಣಾಪವತ್ತನಟ್ಠಾನಂ, ತಮ್ಪಿ ಆಹರಾಮಿ ಭನ್ತೇತಿ ಆಹ. ಮಹಾರಾಜ ತಾ ಧಾತುಯೋ ಅನಾಗತೇ ತಮ್ಬಪಣ್ಣಿದೀಪೇ ಮಹಾಚೇತಿಯೇ ಪತಿಟ್ಠಹಿಸ್ಸನ್ತಿತಿ ನಿವಾರೇಸುಂ. ತಸ್ಮಾ ತ್ವಂ ಮಞ್ಛೇರಿಕ ನಾಗ ಭವನಂ ಗನ್ತ್ವಾ ತಂ ಪವತ್ತಿಂ ನಾಗ ರಞ್ಞೋ ನಿವೇದೇತ್ವಾ ಧಾತುಯೋ ಆಹರ, ಸ್ವೇ ಧಾತು ನಿಧಾನಂ ಭವಿಸ್ಸತೀತಿ. ಸೋಣುತ್ತರೋ ಸಾಧೂತಿ ಸಮ್ಪಟಿಚ್ಛಿತ್ವಾ ಅತ್ತನೋ ಪರಿವೇಣಂ ಅಗಮಾಸಿ.

ರಾಜಾಪಿ ನಗರಂ ಅನ್ತ್ವಾ ನಗರೇ ಭೇರಿಂ ಚರಾಪೇಸಿ- ಸ್ವೇ ಧಾತುನಿಧಾನಂ ಭವಿಸ್ಸತಿ ನಾಗರಾ ಅತ್ತನೋ ಅತ್ತನೋ ವಿಭವಾನುರೂಪೇನ ಅಲಙ್ಕರಿತ್ವಾ ಗಣ್ಧಮಾಲಾದೀನಿ ಗಹೇತ್ವಾ ಮಹಾಚೇತಿಯಙ್ಗಣಂ ಓತರನ್ತುತಿ. ಸಕ್ಕೋಪಿ ವಿಸ್ಸಕಮ್ಮಂ ಆಣಾಪೇಸಿ-ಸ್ವೇ ಮಹಾಚೇತಿಯೇ ಧಾತುನಿಧಾನಂ ಭವಿಸ್ಸತಿ. ಸಕಲ ತಮ್ಪಪಣ್ಣಿದೀಪಂ ಅಲಙ್ಕರೋಹೀತಿ. ಸೋ ಪುನದಿವಸೇ ಏಕೂನಯೋಜನಸತಿಕಂ ತಮ್ಬಪಣ್ಣಿದೀಪಂ ಕಸೀಣಮಣ್ಡಲಂ ವಿಯ ಸಮಂ ಕತ್ವಾ ರಜತಪಟ್ಟಸದಿಸಂ ವಾಲುಕಾಕಿಣ್ಣಂಪಞ್ಚವಣ್ಣಪುಪ್ಫಸಮಾಕೂಲಂ ಕತ್ವಾ ¶ ಸಮನ್ತತೋ ಪುಣ್ಣಘಟಪನ್ತಿಯೋ ಠಪಾಪೇತ್ವಾ ಸಾಣೀಹಿ ಪರಿಕ್ಖಿಪಿತ್ವಾ ಉಪರಿ ಚೇಲವಿತಾನಂ ಬಣ್ಧಿತ್ವಾ ಪಥವಿತಲೇ ಥಲಪದುಮಾನಿ ಆಕಾಸೇ ಓಲಮ್ಬಕ ಪದುಮಾನಿ ದಸ್ಸೇತ್ವಾ ಅಲಙ್ಕತ ದೇವಸಭಂ ವಿಯ ಸಜ್ಜೇಸಿ. ಮಹಾಸಮುದ್ದಞ್ಚ ಸನ್ನಿಸಿನ್ನಂ ಪಞ್ಚವಿಧ ಪದುಮಸಞ್ಚನ್ನಂ ಅಕಾಸಿ.

ಧಾತು ಆನುಭಾವೇನ ಸಕಲ ಚಕ್ಕವಾಳಂ ಗಬ್ಭೋಕ್ಕಮನಾಭಿಸಮ್ಬೋಧಿಕಾಲಾದಿಸು ವಿಯ ಸಜ್ಜಿತಂ ಅಹೋಸಿ ನಾಗರಾಪ ನಗರ ವೀಥಿಯೋ ಸಮ್ಮಜ್ಜಿತ್ವಾ ಮುತ್ತಾಫಲ ಸದಿಸಂ ವಾಲುಕಂ ಓಕಿರಿತ್ವಾ ಲಾಜಪಞ್ಚಮಕ ಪುಪ್ಫಾನಿ ಸಮೋಕಿರಿತ್ವಾ ನಾನಾವಿರಾಗ ಧಜಪಟಾಕಾಯೋ ಉಸ್ಸಾಪೇತ್ವಾ ಸುವಣ್ಣಘಟ ಕದಲಿತೋರಣ ಮಾಲಗಘಿಕಾದೀಹಿ ಅಲಙ್ಕರಿತ್ವಾ ನಗರಂ ಸಜ್ಜೇಸು. ರಾಜಾ ನಗರಸ್ಸ ಚತುಸು ದ್ವಾರೇಸು ಅನಾಥಾನಂ ಮನುಸ್ಸಾನಂ ಪರಿಭೋತ್ಥಾಯ ನಾನಾಪ್ಪಕಾರ ಖಾದನೀಯ ಭೋಜನೀಯ ಗಣ್ಧಮಾಲ ವತ್ಥಾಭರಣ ಪಞ್ಚವಿಧಿ ಮುಧವಾಸ ಸಹಿತ ತಾಮ್ಬುಲಾನಿ ಚ ಠಪಾಪೇಸಿ.

ಅಥ ರಾಜಾ ಸಬ್ಬಾಭರಣ ವಿಭೂಸಿತೋ ಕುಮುದ ಪನ್ನವಣ್ಣ ಚತುಸಿಣ್ಧವಯುತ್ತ ರಥವರಮಾರುಯ್ಹ ಅಲಙ್ಕತಂ ಕಣ್ಡುಲಂ ಹತ್ಥಿಂ ಪುರತೋ ಕತ್ವಾ ಸುವಣ್ಣಚಙ್ಗೋಟಕಂ ಸೀಸೇ ಕತ್ವಾ ಸೇತಚ್ಛತ್ತಸ್ಸ ಹೇಟ್ಠಾ ಅಟ್ಠಾಸಿ. ತಸ್ಮಿಂ ಖಣೇ ಸಕ್ಕಂ ದೇವರಾಜಾನಂ ದೇವಚ್ಛರಾ ವಿಯ ನಾನಾಭರಣವಿಭೂಸಿತಾ ದೇವಕಞ್ಞುಪಮಾ ಅನೇಕ ಸಹಸ್ಸ ನಾಟಕಿತ್ಥಿಯೋ ಚೇವ ದಸಮಹಾಯೋಧಾ ಚ ಚತುರಙ್ಗಿನೀ ಸೇನಾ ಚ ರಾಜಾನಂ ಪರಿವಾರೇಸುಂ.

ತಥಾ ಅಟ್ಠುತ್ತರ ಸಹಸ್ಸ ಇತ್ಥಿಯೋ ಚ ಪುಣ್ಣಘಟೇ ಗರಹತ್ವಾ ಪರಿವಾರೇಸುಂ. ಅಟ್ಠುತ್ತರ ಸಹಸ್ಸ ಅಟ್ಠುತ್ತರ ಸರಸ್ಸಪ್ಪಮಾಣೇಯೇವ ಪುರಿಸಾ ಚೇವ ಇತ್ಥಿಯೋ ಚ ಪುಪ್ಫಸಮುಗ್ಗಾನಿ ದಣ್ಡದೀಪಿಕಾ ನಾನಾವಣ್ಣ ಧಜೇ ಚ ಗಹೇತ್ವಾ ಪರಿವಾರೇಸುಂ. ಏವಂ ರಾಜಾ ಮಹನ್ತೇನ ರಾಜಾನುಭಾವೇನ ನಣ್ದನವನಂ ನಿಕ್ಖನ್ತ ದೇವರಾಜಾ ವಿಯ ನಿಕ್ಖಮಿ. ತದಾ ನಾನಾವಿಧ ತುರಿಯ ಘೋಸೇಹಿ ಚೇವ ಹತ್ಥಸ್ಸ ರಥ ಸದ್ದೇಹಿ ಚ ಮಹಾಪಥವಿಭಿಜ್ಜನಾಕಾರಪ್ಪತ್ತಾ ವಿಯ ಅಹೋಸಿ.

ತಸ್ಮಿಂ ಖಣೇ ಸೋಣುತ್ತರೋ ಅತ್ತನೋ ಪರಿವೇಣೇಯೇವ ನಿಸಿನ್ನೋ ತುರಿಯ ಘೋಸೇನ ರಞ್ಞೋ ನಿಕ್ಖನ್ತಭಾವಂ ಞತ್ವಾ ಅಭಿಞ್ಞಾಪಾದಕಂ ಚತುತ್ಥಜ್ಝಾನಂ ಸಮಾಪಜ್ಜಿತ್ವಾ ಅಧಿಟ್ಠಯಾ ಪಥವಿಯಂ ನಿಮುಜ್ಜಿತ್ವಾ ಮಞ್ಜೇರಿಕ ನಾಗಭವನೇ ಮಹಾಕಾಳಾನಾಗರಞ್ಞೋ ಪುರತೋ ಪಾತುರಹೋಸಿ. ನಾಗರಾಜಾ ಸೋಣುತ್ತರಂ ದಿಸ್ವಾ ಉಟ್ಠಾಯಾಸನಾ ಅಭಿವಾದೇತ್ವಾ ಗಣ್ಧೋದಕೇನ ಪಾದೇ ಧೋವಿತ್ವಾ ವಣ್ಣ ಗಣ್ಧ ಸಮ್ಪನ್ನ ಕುಸುಮೇಹಿ ಪೂಜೇತ್ವಾ ಏಕಾಮನ್ತಂ ನಿಸೀದಿತ್ವಾ ಕುತೋ ಆಗತತ್ಥ ಭನ್ತೇತಿ ಪುಚ್ಛಿ ತಮ್ಬಪಣ್ಣಿ ದೀಪತೋ ಆಗತಮ್ಹಾಹಿ ವುತ್ತೇ ಕಿಮತ್ಥಾಯಾತಿ ಪುಚ್ಛಿ.

ಮಹಾರಾಜ ತಮ್ಬಪಣ್ಣಿದೀಪೇ ದುಟ್ಠಗಾಮಣಿ ಅಭಯ ಮಹಾರಾಜಾ ಮಹಾ ಚೇತಿಯಂ ಕಾರೇನ್ತೋ ಧಾತುಯೋ ಭಿಕ್ಖುಸಙ್ಘಸ್ಸ ಭಾರಮಕಾಸಿ. ಮಹಾವಿಹಾರೇ ತಿಂಸಮತ್ತಾನಿ ಭಿಕ್ಖುಸಹಸ್ಸಾನಿ ಸನ್ನಿಪತಿತ್ವಾ ಮಹಾಥೂಪತ್ಥಾಯ ಠಪಿತಧಾತುಯೋ ¶ ಮಹಾಕಾಳ ನಾಗ ರಞ್ಞೋ ಸನ್ತಿಕೇ ಠಿತಾ, ತಸ್ಸ ತಂ ಪವತ್ತಿಂ ಕಥೇತ್ವಾ ಧಾತುಯೋ ಆಹರಾತಿ ಮಂ ಪೇಸೇಸುಂ, ತಸ್ಮಾ ಇಧಾಗತೋಮ್ಹೀತಿ ಆಹ.

ತಂ ಸುತ್ವಾ ನಾಗರಾಜಾ ಪಬ್ಬತೇನ ವಿಯ ಅಜ್ಝೋತ್ಥಟೋ ಮಹನ್ತೇನ ಮದಾಮನಸ್ಸೇನ ಅಭಿಭೂತೋ ಏವಂ ಚಿನ್ತೇಸಿ ಮಯಂ ಪನ ಇಮಾ ಧಾತುಯೋ ಪೂಜೇತ್ವಾ ಅಪಾಯತೋ ಮುಞ್ಚಿತ್ವಾ ಸಗ್ಗೇ ನಿಬ್ಬತ್ತಿಸ್ಸಮಾತಿ ಅಮಞ್ಞಿಮ್ಹ. ಅಯಂ ಪನ ಭಿಕ್ಖು ಮಹಿದ್ಧಿಕೋ ಮಹಾನುಭಾವೋ, ಸಚೇ ಇಮಾ ಧಾತುಯೋ ಇಮಸ್ಮಿಂ ಠಾನೇ ಠಿತೋ ಭವೇಯ್ಯುಂ, ಅಮ್ಹೇ ಅಭಿಭವಿತ್ವಾಪಿ ಗಣ್ಹಿತುಂ ಸಕ್ಕುಣೇಯ್ಯ. ಧಾತುಯೋ ಅಪನೇತುಂ ವಟ್ಟತೀತಿ ಚಿನ್ತೇತ್ವಾ ಪರಿಸಂ ಓಲೋಕೇನ್ತೋ ಪರಿಸ ಪರಿಯನ್ತೇ ಠಿತಂ ವಾಸುಲದತ್ತಂ ನಾಮ ಅತ್ತನೋ ಭಾಗಿನೇಯ್ಯಂ ದಿಸ್ವಾ ತಸ್ಸ ಸಞ್ಞಮದಾಸಿ ಸೋ ಮಾತುಲಸ್ಸ ಅಧಿಪ್ಪಾಯಂ ಞತ್ವಾ ಚೇತಿಯಘರಂ ಗನ್ತ್ವಾ ಧಾತುಕರಣ್ಡಕಂ ಆದಾಯ ಗಿಲಿತ್ವಾ ಸಿನೇರುಪಬ್ಬತ ಪಾದಮೂಲಂ ಗನ್ತ್ವಾ-

ಯೋಜನಸತಾಮಾವಟ್ಟಂ ದೀಘಂ ತಿಸತ ಯೋಜನಂ,

ಫಣಾನೇಕಸಹಸ್ಸಾನಿ-ಮಾಪಿಸಿತ್ವಾ ಮಹಿದ್ಧಿಕೋ,

ಸಿನೇರು ಪಾದಮೂಲಮ್ಹಿ-ಧುಮಾಯನ್ತೋ ಚ ಪಜ್ಜಲಂ,

ಆಭುಜಿತ್ವಾನ ಸೋ ಭೋಗೇ-ನಿಪಜ್ಜಿ ವಾಲುಕಾತಲೇ;

‘‘ಅನೇಕಾನಿ ಸಹಸ್ಸಾನಿ-ಅತ್ತನಾ ಸದಿಸೇ ಅಹಿ,

ಮಾಪಯಿತ್ವಾ ಸಯಾಪೇಸಿ-ಸಮನ್ತಾ ಪರಿವಾರಿತೇ,

ಬಹೂ ದೇವಾ ಚ ನಾಗಾ ಚ-ಓಸರಿಂಸು ತಹಿಂ ತದಾ,

ಯುದ್ಧಂ ಉಭಿನ್ನಂ ನಾಗಾನಂ-ಸಸ್ಸಿಸ್ಸಾಮ ಮಯಂ ಇತಿ;’’

ತತೋ ನಾಗರಾಜಾ ಭಾಗಿನೇಯ್ಯೇನ ಧಾತುಯೋ ಅಪನೀತಭಾವಂ ಞತ್ವಾ ಏವಮಾಹ- ಮಮ ಸನ್ತಿಕೇ ಧಾತುಯೋ ನತ್ಥಿ, ತುಮ್ಹೇ ಇಧ ಪಪಞ್ಚ ಅಕತ್ವಾ ಸೀಘಂ ಗನ್ತ್ವಾ ಭಿಕ್ಖುಸಙ್ಘಸ್ಸ ತಂ ಪವತ್ತಿಂ ಆರೋಚೇಥ ಭಿಕ್ಖುಸಙ್ಘೋ ಅಞ್ಞತೋ ಧಾತುಂ ಪರಿಯೇಸಿಸ್ಸತೀತಿ ಸಾಮಣೇರೋ ಆದಿತೇ ಪಟ್ಠಾಯ ಧಾತು ಆಗಮನಂ ವತ್ವಾ ಧಾತುಯೋ ತವ ಸನ್ತಿಕೇಯೇವ, ಪಪಞ್ಚಂ ಅಕತ್ವಾ ದೇಹೀತಿ ಚೋದೇಸಿ.

ತತೋ ನಾಗರಾಜಾ ಸಾಮಣೇರೇನ ಮೂಲಮ್ಹಿ ಗಹಿತಭಾವಂ ಞತ್ವಾ ಯೇನ ಕೇನಚಿ ಪರಿಯಾಯೇನ ಧಾತುಯೋ ಅದತ್ವಾವ ಪೇಸಿತುಂ ವಟ್ಟತೀತಿ ಚಿನ್ತೇತ್ವಾ ಸಾಮಣೇರಂ ಧಾತುಘರಂ ನೇತ್ವಾ ಚೇತಿಯಞ್ಚ ಚೇತಿಯಘರಞ್ಚ ದಸ್ಸೇಸಿ. ತಂ ಪನ ಚೇತಿಯಞ್ಚ ಚೇತಿಯಘರಞ್ಚ ಸಬ್ಬರತನಮಯಮೇವ ಅಹೋಸಿ.

ವುತ್ತಞ್ಹೇತಂ ಮಹಾವಂಸೇ

‘‘ಅನೇಕಧಾ ಅನೇಕೇಹಿ ರತನೇಹಿ ಸುಸಙ್ಖತಂ,

ಚೇತಿಯಂ ಚೇತಿಯಘರಂ-ಪಸ್ಸ ಭಿಕ್ಖು ಸುನಿಮ್ಮಿತ’’ನ್ತಿ;

ದಸ್ಸೇತ್ವಾ ಚ ಪನ ಚೇತಿಯಘರತೋ ಓರುಯ್ಹ ಅದ್ಧಚಣ್ದಕಪಾಸಾಣೇ ಪವಾಳಪದುಮಮ್ಹಿ ಠತ್ವಾ ಇಮಸ್ಸ ಚೇತಿಯಸ್ಸ ಚೇತಿಯಘರಸ್ಸ ಚ ಅಗ್ಘಂ ಕರೋಹಿ ¶ ಭನ್ತೇತಿ ಆಹ ಸಾಮಣೇರೋ ನ ಸಕ್ಕೋಮ ಮಹಾರಾಜ ಅಗ್ಘಂ ಕಾತುಂ, ಸಕಲೇಪಿ ತಮ್ಭಪಣ್ಣಿದೀಪೇ ರತನಾನಿ ಇಮಂ ಅದ್ಧಚಣ್ದಕ ಪಾಸಾಣಂ ನಾಗ್ಘತೀತಿ ಆಹ.

ನಾಗರಾಜಾ ಏವಂ ಸನ್ತೇ ಮಹಾಸಕ್ಕಾರಟ್ಠಾನತೋ ಅಪ್ಪಸಕ್ಕಾರಟ್ಠಾನಂ ಧಾತೂನಂ ನಯನಂ ಅಯುತ್ತಂ ನನು ಭಿಕ್ಖೂತಿ ಆಹ. ಸಾಮಣೇರೋ ಏವಮಾಹಮಹಾರಾಜ ಬುದ್ಧಾ ನಾಮ ಧಮ್ಮಗರುಕಾ, ನ ಆಮಿಸ ಗರುಕಂ, ತುಮ್ಹೇಸು ಚಕ್ಕವಾಳಪ್ಪಮಾಣಂ ರತನಘರಂ ಮಾಪೇತ್ವಾ ಸಬ್ಬರತನಸ್ಸ ಪೂರೇತ್ವಾ ಧಾತುಯೋ ಪರಿಹರನ್ತೇಸುಪಿ ಏಕನಾಗೋಪಿ ಧಮ್ಮಾಭಿಸಮಯಂ ಕಾತುಂ ಸಮತ್ಥೋ ನಾಮ ನತ್ಥಿ ಯಸ್ಮಾ-

‘‘ಸಚ್ಚಾಭಿಸಮಯೋ ನಾಗ-ತುಮ್ಹಾಕಮ್ಪಿ ನ ವಿಜ್ಜತಿ. ಸಚ್ಚಾಭಿಸಮಯಟ್ಠಾನಂ-ನೇತುಂ ಯುತ್ತಞ್ಹಿ ಧಾತುಯೋ. ಸಂಸಾರದುಕ್ಖಮೋಕ್ಖಾಯ-ಉಪ್ಪಜ್ಜನ್ತ ತಥಾಗತಾ, ಬುದ್ಧಸ್ಸ ವೇತ್ಥಾದೀಪ್ಪಾಯೋ-ತೇನ ನೇಸ್ಸಾಮಿ ಧಾತುಯೋ. ಧಾತುನಿಧಾನಂ ಅಜ್ಜೇವ-ಸೋ ಹಿ ರಾಜಾ ಕರಿಸ್ಸತಿ.

ತಸ್ಮಾ ಪಪಞ್ಚಮಕರಿತ್ವಾ-ಲಹುಂ ಮೇ ದೇಹಿ ಧಾತುಯೇ’’ತಿ-ಆಹ. ಏವಂ ವುತ್ತೇ ನಾಗರಾಜಾ ಅಪ್ಪಟಿಹಾನೋ ಯುತ್ವಾ ಅತ್ತನೋ ಭಾಗಿನೇಯ್ಯೇನ ಧಾತುಯೋ ಗೋಪಿತೋತಿ ಮಞ್ಞಮಾನೋ ಏವಮಾಹ. ತುಮ್ಹೇ ಭನ್ತೇ ಚೇತಿಯೇ ಧಾತೂನಂ ಅತ್ಥಿಭಾವಂ ವಾ ನತ್ಥಿಭಾವಂ ವಾ ಅಜಾನನ್ತಾ ದೇಹಿ ದೇಹೀತಿ ವದಥ. ಅಹಂ ನತ್ಥೀತಿ ವದಾಮಿ. ಸಚೇ ಪಸ್ಸಥ ಗಹೇತ್ವಾ ಗಚ್ಛಥಾತಿ. ಗಣ್ಹಾಮಿ ಮಹಾರಾಜಾತಿ, ಗಣ್ಹ ಭಿಕ್ಖೂತಿ. ಗಣ್ಹಾಮಿ ಮಹಾರಾಜಾತಿ, ಗಣ್ಹ ಭಿಕ್ಖೂತಿ ತಿಕ್ಖತ್ತುಂ ಪಟಿಞ್ಞಂ ಗಹೇತ್ವಾ.

‘‘ಸುಖುಮಂ ಕರಂ ಮಾಪಯಿತ್ವಾ-ಥಿಕ್ಖೂ ತತ್ರ ಠಿತೋಚ ಸೋ,

ಭಾಗಿನೇಯ್ಯಸ್ಸ ವದನೇ-ಹತ್ಥಮ್ಪಕ್ಖಿಪ್ಪ ತಾವದೇ,

ಧಾತುಕರಣ್ಡಮದಾಯ-ತಿಟ್ಠ ನಾಗಾತಿ ಭಾಸಿಹ,

ನಿಮುಜ್ಜಿತ್ವಾ ಪಥವಿಯಂ-ಪರಿವೇಣಮ್ಹಿ ಉಟ್ಠಹಿ;’’

ತದಾ ಸಾಮಣೇರಸ್ಸ ನಾಗೇನ ಸದ್ಧಿಂ ಯುದ್ಧಂ ಪಸ್ಸಿಸ್ಸಾಮಾತಿ ಸಮಾಗತಾ ದೇವ-ನಾಗ ಪರಿಸಾಪ ಭಿಕ್ಖುನಾಗಸ್ಸ ವಿಜಯಂ ದಿಸ್ವಾ ಹಟ್ಠಾ ಪಮೋದಿತೋ ಧಾತುಯೋ ಪೂಜಯನ್ತಾವ ತೇನೇವ ಸಹ ಆಗಮುಂ, ನಾಗರಾಜಾ ಸಾಮಣೇರಸ್ಸ ಗತ ಕಾಲೇ ಭಿಕ್ಖುಂ ವಞ್ಚೇತ್ವಾ ಪೇಸಿತೋಮ್ಹೀತಿ ಹಟ್ಠತುಟ್ಠೋ ಧಾತುಯೋ ಗಹೇತ್ವಾ ಆಗಮತ್ಥಾಯ ಭಾಗಿನೇಯ್ಯಸ್ಸ ಸಾಸನಂ ಪೇಸೇಸಿ.

‘‘ಭಾಗಿನೇಯ್ಯೋ’ಥ ಕುಚ್ಛಿಮ್ಹಿ-ಅಪಸ್ಸಿತ್ವಾ ಕರಣ್ಡಕಂ,

ಪರಿದೇವಮಾನೋ ಆಗನ್ತ್ವಾ-ಮಾತುಲಸ್ಸ ನಿವೇದಯಿ;

ತದಾ ಸೋ ನಾಗರಾಜಾಪಿ-ವಞ್ಚಿತಮ್ಹ ಮಯಂ ಇತಿ,

ಪರಿದೇವಿ ನಾಗಾ ಸಬ್ಬೇಪಿ-ಪರಿದೇವಿಂಸು ಪಿಣ್ಡಿತಾ;’’

ತತೋ ¶ ನಾಗಭವನೇ ಸಬ್ಬೇ ನಾಗಾ ಸಮಾಗನ್ತ್ವಾ ಕೇಸೇ ಮುಞ್ಚಿತ್ವಾ ಉಭೋಹಿ ಹತ್ಥೇಹಿ ಹದಯೇ ಗಹೇತ್ವಾ ನೀಲುಪ್ಪಲ ಸದಿಸೇಹಿ ನೇತ್ತೇಹಿ ವಿಲೀನ ಸೋಕಮಿವ ಅಸ್ಸುಧಾರಂ ಪವತ್ತಯಮಾನಾ-

‘‘ಪರಿದೇವಮಾನಾ ಆಗನ್ತ್ವಾ-ನಾಗಾ ಸಙ್ಘಸ್ಸ ಸನ್ತಿಕೇ,

ಬಹುಧಾ ಪರಿದೇವಿಂಸ-ಧಾತಾಹರಣ ದುಕ್ಖಿತಾ’’ತಿ;

ಪರಿದೇವಿತ್ವಾ ಚ ಭಿಕ್ಖುಸಙ್ಘಸ್ಸ ಏವಮಾಹಂಸು- ಭನ್ತೇ ಕಸ್ಸಚಿ ಪೀಳಂ ಅಕತ್ವಾ ಅಮ್ಹಾಕಂ ಪುಞ್ಞಾನುಭಾವೇನ ಲಭಿತ್ವಾ ಚೀರಪರಿಹಟ ಧಾತುಯೋ ಕಸ್ಮಾ ಅನವಸೇಸಂ ಕತ್ವಾ ಅಹರಾಪೇಥ ಅಮ್ಹಾಕಂ ಸಗ್ಗಮೋಕ್ಖನ್ತರಾಯಂ ಕರೋಥಾತಿ.

’ತೇಸಂ ಸಙ್ಘೋ’ನುಕಮ್ಪಾಯ-ಥೋಕಂ ಧಾತುಮದಾಪಯಿ,

ತೇ ತೇನ ತುಟ್ಠಾ ಗನ್ತ್ವಾನ-ಪೂಜಾಭಣ್ಡಾನಿ ಆಹರುಂ;

ತತೋ ಸಕ್ಕೋ ದೇವಾನಮಿಣ್ದೋ ವಿಸ್ಸಕಮ್ಮಂ ಆಮನ್ತೇತ್ವಾ ಸಾಮಣೇರಸ್ಸ ಉಟ್ಠಿತಟ್ಠಾನೇ ಸತ್ತರತನಮಯಂ ಮಣ್ಡಪಂ ಮಾಪೇಹೀತಿ ಆಹ. ಸೋ ತಸ್ಮಿಯೇವ ಖಣೇ ಮಣ್ಡಪಂ ಮಾಪೇಸಿ ಅಥ ಸಕ್ಕೋ ದ್ವೀಸು ದೇವಲೋಕೇಸು ದೇವಪರಿಸಾಯ ಪರಿವುತೋ ಸುವಣ್ಣಚಙ್ಗೋಟಕೇನ ಸದ್ಧಿಂ ರತನ ಪಲ್ಲಙ್ಕಮಾದಾಯ ಆಗನ್ತ್ವಾ ತಸ್ಮಿಂ ಮಣ್ಡಪೇ ಪತಿಟ್ಠಾಪೇತ್ವಾ ಸಾಮಣೇರಸ್ಸ ಹತ್ಥತೋ ಧಾತುಕರಣ್ಡಕಂ ಗಹೇತ್ವಾ ತಸ್ಮಿಂ ಪಲ್ಲಙ್ಕೇ ಪತಿಟ್ಠಾಪೇಸಿ. ತದಾ-

’ಬ್ರಹ್ಮಾ ಛತ್ತಮಧಾರೇಸಿ-ಸನ್ತುಸಿತೋ ವಾಲವಿಜನಿಂ,

ಮಣಿತಾಲವಣ್ಟಂ ಸುಯಾಮೋ-ಸಕ್ಕೋ ಸಙ್ಖನ್ತು ಸೋದಕಂ;

ಚತ್ತಾರೋ ತು ಮಹಾರಾಜ-ಅಟ್ಠಂಸು ಖಗ್ಗಪಾಣಿನೋ,

ಸಮುಗ್ಗಹತ್ಥಾ ದ್ವತ್ತಿಂಸಾ-ದೇವಪುತ್ತಾ ಮಹಿದ್ಧಿಕಾ;

ಪಾರಿಚ್ಛತ್ತಕ ಪುಪ್ಫೇಹಿ ಪೂಜಯನ್ತಾ ತಹಿಂ ಠಿತಾ,

ಕುಮಾರಿಯೋಪಿ ದ್ವತ್ತಿಂಸಾ-ದಣ್ಡಿದೀಪಧರಾ ಠಿತಾ;

ಪಲಾಪೇತ್ವಾ ದುಟ್ಠಯಕ್ಖೇ-ಯಕ್ಖಸೇನಾಪತಿ ಪನ

ಅಟ್ಠವೀಸತಿ ಅಟ್ಠಂಸು-ಆರಕ್ಖಂ ಕುರುಮಾನಕಾ;

ವೀಣಂ ವಾದಯಮಾನೋವ-ಅಟ್ಠಾ ಪಞ್ಚಸಿಖೋ ತಹಿಂ,

ರಙ್ಗಭೂಮಿಂ ಮಾಪಯಿತ್ವಾ-ತಿಮ್ಬರೂ ತುರಿಯಘೋಸವಾ;

ಅನೇಕಾ ದೇವಪುತ್ತಾ ಚ-ಸಾಧುಗೀತಪ್ಪಯೋಜಕಾ,

ಮಹಾಕಾಲೋ ನಾಗರಾಜಾ-ಥೂಯಮಾನೋ ಅನೇಕಧಾ;

ದಿಬ್ಬತುರಿಯಾನಿ ವಜ್ಜನ್ತಿ-ದಿಬ್ಬಸಙ್ಗಿತಿ ವತ್ತತಿ,

ದಿಬ್ಬಗಣ್ಧಾ ಚ ವಸ್ಸಾನಿ-ವಸ್ಸಾಪೇನ್ತಿ ಚ ದೇವತಾ;

ತದಾ ಇಣ್ದಗುತ್ತತ್ಥೇರೋ ಮಾರಸ್ಸ ಪಟಿಬಾಹನತ್ಥಾಯ ಚಕ್ಕವಾಳಪರಿಯನ್ತಂ ಕತ್ವಾ ಆಕಾಸೇ ಲೋಹಛತ್ತಂ ಮಾಪೇಸಿ. ಪಞ್ಚನಿಕಾಯಿಕ ಥೇರಾ ¶ ಧಾತುಯೋ ಪರಿವಾರೇತ್ವಾ ಪಞ್ಚಸು ಠಾನೇಸು ನಿಸೀದಿತ್ವಾ ಗಣಸಜ್ಝಾಯಮಕಂಸು. ತಸ್ಮಿಂ ಕಾಲೇ ರಾಜಾ ತಂ ಠನಂ ಆಗನ್ತ್ವಾ ಸಿಸತೋ ಸುವಣ್ಣ ಚಙ್ಗೋಟಕಂ ಓತಾರೇತ್ವಾ ಧಾತು ಚಙ್ಗೋಟಕಂ ಅತ್ತನೋ ಚಙ್ಗೋಟಕೇ ಠಪೇತ್ವಾ ಪಲ್ಲಙ್ಕೇ ಪತಿಟ್ಠಾಪೇತ್ವಾ ಗಣ್ಧಮಾಲಾದೀಹಿ ಪೂಜೇತ್ವಾ ಪಞ್ಚಪತಿಟ್ಠಿತೇನ ವನ್ದಿತ್ವಾ ಸಿರಸಿ ಅಞ್ಜಲಿಂ ಪಗ್ಗಯ್ಹ ಅಕ್ಖೀನಿ ಉಮ್ಮೀಲೇತ್ವಾ ಓಲೋಕೇನ್ತೋ ಅಟ್ಠಾಸಿ. ತಸ್ಮಿಂ ಖಣೇ ಧಾತುಮತ್ಥಕೇ ಸೇತಚ್ಛತ್ತಂ ದಿಸ್ಸತಿ ಛತ್ತಗಾಹಕ ಬ್ರಹ್ಮಾ ನ ದಿಸ್ಸತಿ. ತಥಾ ತಾಲವಣ್ಟ ವಿಜನಿ ಆದಯೋ ದಿಸ್ಸನ್ತಿ ಗಾಹಕಾ ನ ದಿಸ್ಸನ್ತಿ ದಿಬ್ಬತುರಿಯಘೋಸ ಸಙ್ಗಿತಿಯೋ ಸುಯ್ಯನ್ತಿ ಗಣ್ಧಬ್ಬ ದೇವತಾ ನ ದಿಸ್ಸನ್ತಿ. ರಾಜಾ ಏತಂ ಅಚ್ಛರಿಯಂ ದಿಸ್ವಾ ಇಣ್ದಗುತ್ತತ್ಥೇರಂ ಏವಮಾಹ-ದೇವತಾ ದಿಬ್ಬಛತ್ತೇನ ಪೂಜೇಸುಂ ಅಹಂ ಮಾನುಸ ಕಚ್ಛತ್ತೇನ ಪೂಜೇಮಿ ಭನ್ನೇತಿ. ಥೇರೋ ಯುತ್ತಂ ಮಹಾರಾಜಾತಿ ಆಹ. ರಾಜಾ ಅತ್ತನೋ ಸುವಣ್ಣಪಿಣ್ಡಿಕೇ ಸೇತಚ್ಛತ್ತೇನ ಪೂಜೇತ್ವಾ ಸುವಣ್ಣಭಿಂಕಾರಂ ಗಹೇತ್ವಾ ಅಭಿಸೇಕೋದಕಂ ದತ್ವಾ ತಂ ದಿವಸಂ ಸಕಲತಮ್ಬಪಣ್ಣಿ ದೀಪೇ ರಜ್ಜಂ ಅದಾಸಿ.

ತತೋ ಸಬ್ಬತುರಿಯಾನಿ ಪಗ್ಗಣ್ಹಿಂಸು, ಗಣ್ಧಮಾಲಾದೀಹಿ ಪೂಜೇತ್ವ ಮಹನ್ತಂ ಸಕ್ಕಾರಮಕಂಸು ಪುನ ರಾಜಾ ಥೇರಂ ಪುಚ್ಛಿ - ಅಮ್ಹಾಕಂ ಸತ್ಥಾ ದಿಬ್ಬಮಾನುಸಕಾನಿ ದ್ವೇ ಛತ್ತಾನಿ ಧಾರೇಸಿ ಭನ್ತೇ. ನ ದ್ವೇ ಛತ್ತಾನಿ ತೀಣಿ ಛತ್ತಾನಿ ಮಹಾರಾಜಾತಿ. ಅಞ್ಞಂ ಛತ್ತಂ ನಪಸ್ಸಾಮಿ ಭನ್ನೇತಿ. ಸೀಲಪತಿಟ್ಠಂ ಸಮಾಧಿದಣ್ಡಕಂ ಇಣ್ದ್ರಿಯಸಲಾಕಂ ಬಲಮಾಲಂ ಮಗ್ಗಫಲಪತ್ತ ಸಞ್ಛನ್ನಂ ವಿಮುತ್ತಿವರಸೇತಚ್ಛತ್ತಂ ಉಸ್ಸಾಪೇತ್ವಾ ಞಾಣಾಭಿಸೇಕಮ್ಪತ್ತೋ ಧಮ್ಮರತನ ಚಕ್ಕಂ ಪವತ್ತೇತ್ವಾ ದಸಸಹಸ್ಸ ಚಕ್ಕವಾಳೇಸು ಬುದ್ಧರಜ್ಜಂ ಹತ್ಥಗತಂ ಕತ್ವಾ ರಜ್ಜಂ ಕಾರೇಸೀತಿ ರಾಜಾ ತೀಣಿಚ್ಛತ್ತ ಧಾರಕಸ್ಸ ಸತ್ಥುನೋ ತಿಕ್ಖತ್ತುಂ ರಜ್ಜಂ ದಮ್ಮೀತಿ ತಿಕ್ಖತ್ತುಂ ಧಾತುಯೋ ರಜ್ಜೇನ ಪೂಜೇಸಿ.

ತತೋ ರಾಜಾ ದೇವಮನುಸ್ಸೇಸು ದಿಬ್ಬಗಣ್ಧಮಾಲಾದೀಹಿ ಪೂಜೇನ್ತೇಸು ಅನೇಕೇಸು ತುರಿಯಘೋಸ ಸಙ್ಗಿತೇಸು ವತ್ತಮಾನೇಸು ಧಾತುಕರಣ್ಡಕಂ ಸೀಸೇನಾದಾಯ ರತನಮಣ್ಡಪತೋ ನಿಕ್ಖಮಿತ್ವಾ ಭಿಕ್ಖುಸಙ್ಘ ಪರಿವುತೋ ಮಹಾಚೇತಿಯಂ ಪದಕ್ಖಿಣಂ ಕತ್ವಾ ಪಾಚೀನದ್ವಾರೇನಾರುಯ್ಹ ಧಾತುಗಬ್ಭಂ ಓತರಿ. ತತೋ ಮಹಾಚೇತಿಯಂ ಪರಿವಾರೇತ್ವಾ ಛನ್ನವುತಿ ಕೋಟಿಪ್ಪಮಾಣ ಅರಹನ್ತೋ ಅಟ್ಠಂಸು.

ರಾಜಾ ಸೀಸತೋ ಧಾತುಕರಣ್ಡಕಂ ಓತಾರೇತ್ವಾ ಮಹಾರಹೇ ಸಯನಪಿಟ್ಠೇ ಠಪೇಸ್ಸಾಮೀತಿ ಚಿನ್ತೇಸಿ ತಸ್ಮಿಂ ಖಣೇ ಧಾತುಕರಣ್ಡಕೋ ರಞ್ಞೋ ಸೀಸತೋ ಸತ್ತ ತಾಲಪ್ಪಮಾಣೇ ಠಾನೇ ಗನ್ತ್ವಾ ಸಯಮೇವ ವಿಚರಿ ಧಾತುಯೋ ಆಕಾಸಮುಗ್ಗನ್ತ್ವಾ ದ್ವತ್ತಿಂಸ ಮಹಾ ಪುರಿಸಲಕ್ಖಣ ಅಸಿತಿ ಅನುಬ್ಯಞ್ಜನಾ ಬ್ಯಾಮಪ್ಪಭಾ ಪತಿಮಣ್ಡಿತಂ ಕೇತುಮಾಲೋಪ ಸೋಭಿತಂ ನಿಲ-ಪೀತ-ಲೋಹಿತಾದಿ ಭೇದ ವಿಚಿತ್ರ ರಂಸಿಜಾಲಾ ಸಮುಜ್ಜಲಂ ಬುದ್ಧವೇಸಂ ಗಹೇತ್ವಾ ಗಣ್ಡಮ್ಬಮೂಲೇ ¶ ಯಮಕ ಪಾಟಿಹಾರಿಯಂ ಸದಿಸ ಯಮಕ ಪಾಟಿಹಾರಿಯಂ ಅಕಂಸು. ತಂ ಧಾತುಪಾಟಿಹಾರಿಯಂ ದಿಸ್ವಾ ಪಸೀದಿತ್ವಾ ಅರಹತ್ತಮ್ಪತ್ತಾ ದೇವಮನುಸ್ಸಾ ದ್ವಾದಸಕೋಟಿಯೋ ಅಹೇಸುಂ. ಸೇಸಫಲತ್ತಯಂ ಪತ್ತಾ ಗಣನಪಥಮತೀತಾ ಅಹೇಸುಂ. ಏವಂ ಧಾತುಯೋ ಅನೇಕಧಾ ಪಾಟಿಹಾರಿಯಂ ದಸ್ಸೇತ್ವಾ ಬುದ್ಧವೇಸಂ ವಿಸ್ಸಜ್ಜೇತ್ವಾ ಕರಣ್ಡಕಂ ಪವಿಸಿತ್ವಾ ತೇನ ಸದ್ಧಿಂ ಓತರಿತ್ವಾ ರಞ್ಞೋ ಸೀಸೇ ಪತಿಟ್ಠಹಿಂಸು.

ರಾಜಾ ಅಮತೇನ ವಿಯ ಅಭಿಸಿತ್ತೋ ಸಫಲಂ ಮನುಸ್ಸತ್ತ ಪಟಿಲಾಭಂ ಮಞ್ಞಮಾನೋ ಉಭೋಹಿ ಹತ್ಥೇಹಿ ಧಾತುಕರಣ್ಡಕಂ ಗಹೇತ್ವಾ ನಾಟಕ ಪರಿವುತೋ ಅಲಙ್ಕತ ಸಯನ ಸಮೀಪಂ ಗನ್ತ್ವಾ ಧಾತುಚಙ್ಗೋಟಕಂ ರತನಪಲ್ಲಙ್ಕೇ ಠಪೇತ್ವಾ ಗಣ್ಧವಾಸಿತೋದಕೇನ ಹತ್ಥೇ ಧೋವಿತ್ವಾ ವತುಜಾತಿಯ ಗಣ್ಧೇನ ಉಬ್ಬಟ್ಟೇತ್ವಾ ರತನಕರಣ್ಡಕಂ ವಿಚರಿತ್ವಾ ಧಾತುಯೋ ಗಹೇತ್ವಾ ಏವಂ ಚಿನ್ತೇಸಿ.

‘‘ಅನಾಕುಲಾ ಕೇಹಿಚಿಪಿ ಯದಿ ಹೇಸ್ಸಸ್ತಿ ಧಾತುಯೋ,

ಜನಸ್ಸ ಸರಣಂ ಹುತ್ವಾ ಯದಿ ಠಸ್ಸನ್ತಿ ಧಾತುಯೋ;

ಸತ್ಥುನಿಪನ್ನಾ ಕಾರೇನ ಪರಿನಿಬ್ಬಾನ ಮಞ್ಚಕೇ,

ನಿಪಜ್ಜನ್ತು ಸುಪಞ್ಞತ್ತೇ-ಸಯನಮ್ಹಿ ಮಹಾರಹೇ’’ತಿ;

ಏವಂ ಚಿನ್ತೇತ್ವಾ ಪನ ವರಸಯನಪಿಟ್ಠೇ ಧಾತುಯೋ ಠಪೇಸಿ ತಸ್ಮಿಂ ಖಣೇ ಧಾತುಯೋ ರಞ್ಞಾ ಚಿನ್ತಿತ ನಿಯಾಮೇನೇವ ಮಹಾರಹೇ ಸಯನೇ ಬುದ್ಧವೇಸೇನ ಸಯಿಂಸು.

‘‘ಆಸಾಳಹಿ ಸುಕ್ಕಪಕ್ಖಸ್ಸ ಪನ್ನರಸ ಉಪೋಸಥೇ,

ಉತ್ತರಾಸಾಳ್ಹ ನಕ್ಖತ್ತೇ ಏವಂ ಧಾತು ಪತಿಟ್ಠಿತಾ;

ಸಹ ಧಾತು ಪತಿಟ್ಠಾನಾ ಅಕಮ್ಪಿತ್ಥ ಮಹಾಮಹೀ, ಪಾಟಿಹೀರಾನಿ ನೇಕಾನಿ ಪವತ್ತಿಂಸು ಅನೇಕಧಾ.’’

ತದಹಿ ಉದಕಪರಿಯನ್ತಂ ಕತ್ವಾ ಅಯಂ ಮಹಾಪಥವೀ ಸಙ್ಕಮ್ಪಿ ಸಮ್ಪಕಮ್ಪಿ ಸಮ್ಪವೇಧಿ, ಮಹಾಸಮುದ್ದೋ ಸಙ್ಖೂಭಿ, ಆಕಾಸೇ ವಿಜ್ಜುಲ್ಲತಾ ನಿಚ್ಛರಿಂಸು. ಖಣಿಕವಸ್ಸಂ ವಸ್ಸಿ, ಛ ದೇವಲೋಕಾ ಏಕಕೋಲಾಹಲ ಮಹೋಸಿ ರಾಜಾ ಏತಂ ಅಚ್ಛರಿಯಂ ದಿಸ್ವಾ ಪಸನ್ನೋ ಅತ್ತನೋ ಕಞ್ಚನ ಮಾಲಿಕ ಸೇತಚ್ಛತ್ತೇನ ಧಾತುಯೋ ಪೂಜೇತ್ವಾ ತಮ್ಬಪಣ್ಣಿದಿಪೇ ರಜ್ಜಂ ಸತ್ತಾಹಂ ದತ್ವಾ ತಿಂಸ ಸತಸಹಸ್ಸಗ್ಘನಕಂ ಅಲಙ್ಕಾರ ಭಣ್ಡಂ ಓಮುಞ್ಚಿತ್ವಾ ಪೂಜೇಸಿ. ತಥಾ ಸಬ್ಬಾಪಿ ನಾಟಕಿತ್ಥಿಯೋ ಅಮಚ್ಚಾ ಸೇಸ ಮಹಾಜನೋ ದೇವಾ ಚ ಸಬ್ಬಾಭರಣಾನಿ ಪೂಜೇಸುಂ ತಸ್ಮಾ-

ತಿಟ್ಠನ್ತಂ ಸುಗತಂ ತಿಲೋಕಮಹಿತಂ ಯೋ ಪೂಜಯೇ ಸಾದರಂ,

ಯೋ ವಾ ಸಾಸಪ ಬೀಜಮತ್ತಮ್ಪಿ ತಂ ಧಾತುಂ ನರೋ ಪೂಜಯೇ;

ತೇಸಂ ಪುಞ್ಞಫಲಂ ಸಮಾನಮೀತಿ ತಂ ಚಿತ್ತಪ್ಪಸಾದೇ ಸಮೇ,

ಞತ್ವಾ ತಂ ಪರಿನಿಬ್ಬುತೇಪಿ ಸುಗತೇ ಧಾತುಂ ಬುಧೋ ಪೂಜಯೇ’ತಿ;

ತತೋ ¶ ರಾಜಾ ಚೀವರವತ್ಥಾನಿ ಚೇವ ಗುಳ-ಸಪ್ಪಿ ಆದಿ ಭೇಸಜ್ಜಾನಿ ಚ ಸಙ್ಘಸ್ಸ ದತ್ವಾ ಸಬ್ಬರತ್ತಿಂ ಗಣಸಜ್ಝಾಯಂ ಕಾರೇಸಿ ಪುನ ದಿವಸೇ ನಗರೇ ಭೇರಿಂ ಚರಾಪೇಸಿ ಮಹಾಜನೋ ಇಮಂ ಸತ್ತಾಹಂ ಗಣ್ಧಮಾಲಾದೀನಿ ಆದಿಯ ಗನ್ತ್ವಾ ಧಾತುಯೋ ವನ್ದತೂತಿ ಇಣ್ದಗುತ್ತತ್ಥೇರೋಪಿ ಸಕಲ ತಮ್ಬಪಣ್ಣಿ ದೀಪೇ ಮನುಸ್ಸಾ ಧಾತುಯೋ ವನ್ದಿತುಕಾಮಾ, ತಂ ಖಣಂಯೇವ ಆಗನ್ತ್ವಾ ವನ್ದಿತ್ವಾ ಯಥಾಟ್ಠಾನಂ ಗಚ್ಛನ್ತೂತಿ ಅಧಿಟ್ಠಾಸಿ.

ತೇ ತಥೇವ ಧಾತುಯೋ ವನ್ದಿತ್ವಾ ಗಮಿಂಸು ರಾಜಾ ಸತ್ತಾಹಂ ಸಙ್ಘಸ್ಸ ಮಹಾದಾನಂ ಪವತ್ತೇತ್ವಾ ಸತ್ತಾಹಸ್ಸ ಅಚ್ಚಯೇನ ಧಾತುಗಬ್ಭೇ ಮಯಾ ಕತ್ತಬ್ಬಕಿಚ್ಚಂ ನಿಟ್ಠಾಪಿತಂ, ಧಾತುಗಬ್ಭಂ ಪಿದಹಥ ಭನ್ತೇತಿ ಸಙ್ಘಸ್ಸ ಆರೋಚೇಸಿ. ಸಙ್ಘೋ ಉತ್ತರಸುಮನ ಸಾಮಣೇರೇ ಆಮನ್ತೇತ್ವಾ ತುಮ್ಹೇಹಿ ಪುಬ್ಬೇ ಆಹಟ ಮೇದವಣ್ಣ ಪಾಸಾಣೇನ ಧಾತು ಗಬ್ಭಂ ಪಿದಹಥಾತಿ ಆಹ. ತೇ ಸಾಧೂತಿ ಸಮ್ಪಟಿಚ್ಛಿತ್ವಾ ಧಾತುಗಬ್ಭಂ ಪಿದಹಿಂಸು.

ತತೋ ಖೀಣಾಸವಾ ಧಾತುಗಬ್ಭೇ ಗಣ್ಧಾ ಮಾ ಸುಸನ್ತು ಮಾಲಾ ಮಾ ಮಿಲಾಯನ್ತು. ದೀಪಾ ಮಾ ನಿಬ್ಬಾಯನ್ತು ರತನಾನಿ ಮಾ ವಿವಣ್ಣಾನಿ ಹೋನ್ತು ಪೂಜನೀಯಭಣ್ಡಾನಿ ಮಾ ನಸ್ಸನ್ತು. ಮೇದವಣ್ಣ ಪಾಸಾಣಾ ಸನ್ಧೀಯನ್ತು, ಪಚ್ಚತ್ಥಿಕಾನಂ ಓಕಾಸೋ ಮಾ ಹೋತೂತಿ ಅಧಿಟ್ಠಹಿಂಸು.

ಏವಂ ರಾಜಾ ಧಾತು ನಿಧಾಪೇತ್ವಾ ಪುನ ನಗರೇ ಭೇರಿಂ ಚರಾಪೇಸಿ ಮಹಾ ಚೇತಿಯೇ ಧಾತುಂ ನಿಧಾಪೇತ್ವಾ ಧಾತುಂ ಆಹರಿತ್ವಾ ನಿಧಾನಂ ಕರೋನ್ತೂತಿ. ಮಹಾಜನೋ ಅತ್ತನೋ ಅತ್ತನೋ ಬಲಾನುರೂಪೇನ ಸುವಣ್ಣ ರಜತಾದಿ ಕರಣ್ಡೇ ಕಾರಾಪೇತ್ವಾ ತತ್ಥ ಧಾತುಯೋ ಪತಿಟ್ಠಾಪೇತ್ವಾ ಧಾತುನಿಧಾನಸ್ಸುಪರಿ ಮೇದವಣ್ಣ ಪಾಸಾಣ ಪಿಟ್ಠಿಯಂ ನಿದಹಿಂಸು. ಸಬ್ಬೇಹಿ ಸನ್ನಿಹಿತ ಧಾತುಯೋ ಸಹಸ್ಸಮತ್ತಾ ಅಹೇಸುನ್ತಿ.

ಇತಿ ಸಾಧುಜನ ಮನೋಪಸಾದನತ್ಥಾಯ ಕತೇ ಥೂಪವಂಸೇ ಧಾತುನಿಧಾನ ಕಥಾ ನಿಟ್ಠಿತಾ.

೨೪. ತತೋ ರಾಜಾ ತಂ ಸಬ್ಬಂ ಪಿದಹೇತ್ವಾ ಚೇತಿಯಂ ಕರೋನ್ತೋ ಉದರೇನ ಸದ್ಧಿಂ ಚತುರಸ್ಸ ಕೋಟ್ಠಕಂ ನಿಟ್ಠಾಪೇಸಿ ಅಥ ಛತ್ತಕಮ್ಮೇ ಸುಧಾಕಮ್ಮೇ ಚ ಅನಿಟ್ಠಿತೇಯೇವ ಮಾರಣನ್ತಿಕ ರೋಗೇನ ಗಿಲಾನೋ ಹುತ್ವಾ ದೀಘವಾಪಿತೋ ಕನಿಟ್ಠಭಾತರಂ ಪಕ್ಕೋಸಾಪೇತ್ವಾ ಚೇತಿಯೇ ಅನಿಟ್ಠಿತಂ ಛತ್ತಕಮ್ಮಂ ಸುಧಾಕಮ್ಮಞ್ಚ ಸೀಘಂ ನಿಟ್ಠಾಪೇತ್ವಾ ಮಂ ತೋಸೇಹಿ ತಾತಾತಿ ಆಹ. ಸೋ ರಞ್ಞೋ ದುಬ್ಬಲಭಾವಂ ಞತ್ವಾ ಅನ್ತರೇ ಅನಿಟ್ಠಿತಕಮ್ಮಂ ಕಾತುಂ ನ ಸಕ್ಕಾತಿ ಸುದ್ಧವತ್ಥೇಹಿ ಕಞ್ಚುಕಂ ಕಾರೇತ್ವಾ ಚೇತಿಯೇ ಪಟಿಮುಞ್ಚಾಪೇತ್ವಾ ಚಿತ್ತಕಾರೇಹಿ ಕಞ್ಚುಕ ಮತ್ಥಕೇ ವೇದಿಕಾ ಚ ಪುಣ್ಣಘಟ ಪಞ್ಚಙ್ಗುಲಿ ಪನ್ತಿಯೋ ಚ ಕಾರಾಪೇಸಿ.

ನಳಕಾರೇಹಿ ವೇಳುಮಯ ಛತ್ತಂ ಕಾರೇತ್ವಾ ಖರಪತ್ತಮಯೇ ಚಣ್ದಸೂರಿಯಮಣ್ಡಲೇ ಮುದ್ಧನಿ ವೇದಿಕಾ ಕಾರೇತ್ವಾ ಲಾಖಾಕುಕುಟ್ಠಕೇಹಿ ತಂ ವಿಚಿತ್ತಂ ಕತ್ವಾ ಥೂಪಕಮ್ಮಂ ನಿಟ್ಠಿತನ್ತಿ ರಞ್ಞೋ ಅರೋಚೇಸಿ ರಾಜಾ ತೇನ ಹಿ ಮಂ ¶ ಮಹಾಚೇತಿಯಂ ದಸ್ಸೇಹೀತಿ ವತ್ವಾ ಸಿವಿಕಾಯ ನಿಪಜ್ಜಿತ್ವಾ ಚೇತಿಯಾ ಪದಕ್ಖಿಣಂ ಕತ್ವಾ ದಕ್ಖಿಣದ್ವಾರೇ ಭೂಮಿಸಯನಂ ಪಞ್ಞಾಪೇತ್ವಾ ತತ್ಥ ನಿಪನ್ನೋ ದಕ್ಖಿಣೇನ ಪಸ್ಸೇನ ಸಯಿತ್ವಾ ಮಹಾಥೂಪಂ ವಾಮಪಸ್ಸೇನ ಸಯಿತ್ವಾ ಲೋಹಪಾಸಾದಂ ಓಲೋಕೇನ್ತೋ ಪಸನ್ನ ಚಿತ್ತೋ ಅಹೋಸಿ. ತದಾ ರಞ್ಞೋ ಸಾಸನಸ್ಸ ಬಹೂಪಕಾರಭಾವಂ ಸಲ್ಲಕ್ಖೇತ್ವಾ ಗಿಲಾನ ಪುಚ್ಛನತ್ಥಾಯ ತತೋ ತತೋ ಆಗತಾ ಭಿಕ್ಖು ಛನ್ನವುತಿ ಕೋಟಿಯೋ ರಾಜಾನಂ ಪರಿವಾರೇತ್ವಾ ಅಟ್ಠಂಸು. ತತೋ ಸಙ್ಘೋ ವಗ್ಗ ವಗ್ಗಾ ಹುತ್ವಾ ಗಣಸಜ್ಝಾಯಂ ಅಕಾಸಿ.

ರಾಜಾ ತಸ್ಮಿಂ ಸಮಾಗಮೇ ಥೇರಪುತ್ತಾಭಯತ್ಥೇರಂ ಅದಿಸ್ವಾ ಏವಂ ಚಿನ್ತೇಸಿ. ಸೋ ಮಯಿ ದಮಿಳೇಹಿ ಸದ್ಧಿಂ ಅಟ್ಠವೀಸತಿ ಮಹಾಯುದ್ಧೇ ಕಯಿರಮಾಸೇ ಅಪಚ್ಚೋಸಕಕಿತ್ವಾ ಇದಾನಿ ಮರಣಯುದ್ಧೇ ವತ್ತಮಾಣೇ ಮಯ್ಹಂ ಪರಾಜಯಂ ದಿಸ್ವಾ ಮಞ್ಞೇ ನಾಗಚ್ಛತೀತಿ. ತದಾ ಥೇರೋ ಕರಿಣ್ದ ನದೀ ಸೀಸೇ ಪಜ್ಜಲಿತ ಪಬ್ಬತೇ ವಸನ್ತೋ ರಞ್ಞೋ ಪರಿವಿತಕ್ಕಂ ಞತ್ವಾ ಪಞ್ಚಸತ ಖೀಣಾಸವ ಪರಿವುಸೇತಾ ಆಕಾಸೇನಾಗನ್ತ್ವಾ ರಞ್ಞೋ ಪುರತೋ ಪಾತುರಹೋಸಿ.

ರಾಜಾ ಥೇರಂ ದಿಸ್ವಾ ಅತ್ತನೋ ಪುರತೋ ನಿಸೀದಾಪೇತ್ವಾ ಏವಮಾಹ ಭನ್ತೇ ತುಮ್ಹೇಹಿ ಸದ್ಧಿಂ ದಸಮಹಾ ಯೋಧೇ ಗಹೇತ್ವಾ ದಮಿಳೇಹಿ ಸದ್ಧಿ ಯುಜ್ಝಿಂ. ಇದಾನಿ ಏಕಕೋವ ಮಚ್ಚೂನಾ ಸದ್ಧಿಂ ಯುಜ್ಝಿತುಂ ಆರಭಿಂ. ಮಚ್ಚು ಸತ್ತುಮ್ಪನ ಪರಾಜೇತುಂ ನ ಸಕ್ಕೋಮೀತಿ. ತತೋ-

ಥೇರಪುತ್ತಾಭಯತ್ಥೇರೋ ಮಾ ಭಾಯಿ ಮನುಜಾಧಿಪ,

ಕಿಲೇಸ ಸತ್ತುಂ ಅಜಿನಿತ್ವಾ ಅಜೇಯ್ಯೋ ಮಚ್ಚೂಸತ್ತುಕೋ;

ಇತಿ ವತ್ವಾ ಏವಂ ಅನುಸಾಸಿ. ಮಹಾರಾಜ ಸಬ್ಬೋಯೇವ ಲೋಕ ಸನ್ನಿವಾಸೇ ಜಾತಿಯಾ ಅನುಗತೋ, ಜರಾಯ ಅನುಸಟೋ, ವ್ಯಾಧಿನಾ ಅಭಿಭೂತೋ, ಮರಣೇನ ಅಬ್ಭಾಹತೋ. ತೇತಾಹ-

‘‘ಯಥಾಪಿ ಸೇಲಾ ವಿಪುಲಾ-ನಹಂ ಆಹಚ್ಚ ಪಬ್ಬತಾ,

ಸಮನ್ತಾ ಅನುಪರಿಯೇಯ್ಯುಂ-ನಿಪ್ಪೋಥೇನ್ತಾ ಚತುದ್ದಿಸಂ;

ಏವಂ ಜರಾ ಚ ಮಚ್ಚು ಚ-ಅಧಿವತ್ತನ್ತಿ ಪಾಣಿನೋ,

ಖತ್ತಿಯೋ ಬ್ರಾಹ್ಮಣೇ ವೇಸ್ಸೇ ಸುದ್ದೇ ಚಣ್ಡಾಲ ಪುಕ್ಕುಸೇ,

ನ ಕಿಞ್ಚಿ ಪರಿವಜ್ಜೇತಿ-ಸಬ್ಬಮೇವಾಭಿಮದ್ದತಿ;

ನ ತತ್ಥ ಹತ್ಥಿನಂ ಭೂಮಿ-ನ ರಥಾನಂ ನ ಪತ್ತಿಯಾ,

ನ ಚಾಪಿ ಮನ್ತಯುದ್ಧೇನ-ಸಕ್ಕಾ ಜೇತುಂ ಧನೇನ ವಾ’’ತಿ;

ತಸ್ಮಾ ಇದಂ ಮರಣಂ ನಾಮ ಮಹಾಯಸಾನಂ ಮಹಾಸಮ್ಮತಾದೀನಂ ಮಹಾ ಪುಞ್ಞಾನಂ ಜೋತಿಯಾದೀನಂ ಮಹಾಥಾಮಾನಂ ಬಲದೇವಾದೀನಂ ಇದ್ಧಿಮನ್ತಾನಂ ಮಹಾಮೋಗ್ಗಲ್ಲಾನಾದೀನಂ ಪಞ್ಞಾವನ್ತಾನಂ ಸಾರಿಪುತ್ತಾದೀನಂ ಸಯಮ್ಭೂಞಾಣೇನ ಅಧಿಗತ ಸಚ್ಚಾನಂ, ಪಚ್ಚೇಕಬುದ್ಧಾನಂ ಸಬ್ಬಗುಣಸಮನ್ನಾಗತಾನಂ ಸಮ್ಮಾಸಮ್ಬುದ್ಧಾನಮ್ಪಿ ಉಪರಿ ನಿರಾಸಙ್ಕಮೇವ ಪತತಿ ಕಿಮಙ್ಗಪನಞ್ಞೇಸು ಸತ್ತೇಸು.

ತಸ್ಮಾ- ¶

ಮಹಾಯಸಾ ರಾಜವರಾ ಗತಾ ತೇ ಸಬ್ಬೇ ಮಹಾಸಮ್ಮತ ಆದಯೋಪಿ,

ಅನಿಚ್ಚಭಾವಂ ಬಲದೇವ ಆದಿ ಮಹಾಬಲಾ ಚೇವ ತಥಾ ಗಮಿಂಸು;

ಯೇ ಪುಞ್ಞವನ್ತಾನಿ ಗತಾ ಪಸಿದ್ಧಿಂ ಮಹದ್ಧನಂ ಜೋತಿಯಮೇಣ್ಡಕಾದೀ,

ಉಪಾವಿಸಿಂ ವಚ್ಚುಮುಖಂ ಸಭೋಗಾ ಸಬ್ಬೇಪಿ ತೇ ರಾಹುಮುಖಂ ಸಸೀವ;

ಯೋ ಇದ್ಧಿಮನ್ತೇಸು ತಥಾಗತಸ್ಸ ಪುತ್ತೇಸುಸೇಟ್ಠೋ ಇತಿ ವಿಸ್ಸುತೋಪಿ,

ಥೇರೋ ಮಹಾರಾಜಸಹೇವ ಇದ್ಧಿಬಲೇನ ಸೋ ಮಚ್ಚುಮುಖಂ ಪವಿಟ್ಠೋ;

ಸಬ್ಬೇಸು ಸತ್ತೇಸು ಜಿನಂ ಠಪೇತ್ವಾ ನೇವತ್ಥಿ ಪಞ್ಞಾಯ ಸಮೋಪಿ ಯೇನ,

ಸೋ ಧಮ್ಮಸೇನಾಪತಿ ಸಾವಕೋಪಿ ಗತೋ ಮಹಾರಾಜ ಅನಿಚ್ಚತಂ’ಚ;

ಸಯಮ್ಭೂಞಾಣಸ್ಸ ಬಲೇನ ಸನ್ತಿಂ ಗತಾ ಮಹಾರಾಜ ಸಯಮ್ಭೂನೋಪಿ,

ಸಬ್ಬೇಪಿ ತೇ ಞಾಣಬಲೂಪ ಪನ್ನಾ ಅನಿಚ್ಚತಂ ನೇವ ಅತಿಕ್ಕಮಿಂಸು;

ತಿಲೋಕನಾಥೋ ಪುರಿಸುತ್ತಮೋ ಸೋ ಅನಿಚ್ಚಭಾವಂ ಸಮತಿಕ್ಕಮಿತ್ವಾ,

ನಾಸಕ್ಖಿ ಗನ್ತುಂ ಸುಗತೋಪಿ ರಾಜ ಅಞ್ಞೇಸು ಸತ್ತೇಸು ಕಥಾವ ನತ್ಥಿ;

ತಸ್ಮಾ ಮಹಾರಾಜ ಭವೇಸು ಸತ್ತಾ ಸಬ್ಬೇಪಿ ನಾಸುಂ ಮರಣಾ ವಿಮುತ್ತಾ,

ಸಬ್ಬಮ್ಪಿ ಸಙ್ಖಾರಗತಂ ಅನಿಚ್ಚಂ ದೂಕ್ಖಂ ಅನತ್ತಾತಿ ವಿಚಿನ್ತಯಸ್ಸು;

‘‘ದುತಿಯೇ ಅತ್ತಭಾವೇಪಿ ಧಮ್ಮಚ್ಛಣ್ದೋ ಮಹಾ ಹಿ ತೇ,

ಉಪಟ್ಠಿತೇ ದೇವಲೋಕೇ ಹಿತ್ವಾ ದಿಬ್ಬಸುಖಂ ತುವಂ;

ಇಧಾಗಮ್ಮ ಬಹುಂ ಪುಞ್ಞಂ ಅಕಾಸಿ ಚ ಅನೇಕಧಾ,

ಕರಣಮ್ಪೇಕ ರಜ್ಜಸ್ಸ ಸಾಸನಜ್ಜೋತನಾಯ ತೇ;

ಮಹಾ ರಾಜ ಕತಂ ಪುಞ್ಞಂ ಯಾವಜ್ಜ ದಿವಸಾ ತಯಾ,

ಸಬ್ಬಂ ಅನುಸ್ಸರೇಥೇವ ಸುಖಂ ಸಜ್ಜು ಭವಿಸ್ಸತಿ;

ತಂ ಸುತ್ವಾ ತುಟ್ಠಮಾನಸೋ ರಾಜಾ ಭನ್ತೇ ತುಮ್ಹೇ ಮಚ್ಚುಯುದ್ಧೇಪಿ ಅಪಸ್ಸಯಾತಿ ವತ್ವಾ ಲದ್ಧಸ್ಸಾಸೋ ಪುಞ್ಞಪೋತ್ಥಕಂ ವಾಚೇತುಂ ಆಣಾಪೇಸಿ ಲೇಖಕೋ ಪುಞ್ಞಪೋತ್ಥಕಂ ಏವಂ ವಾಚೇಸಿ.

‘‘ಏಕೂನಸತವಿಹಾರಾ ಮಹಾರಾಜೇನ ಕಾರಿತಾ,

ಏಕೂನಸತಕೋಟೀಹಿ ವಿಹಾರೋ ಮರಿಚಟ್ಟಿ ಚ;

ಉತ್ತಮೋ ಲೋಹಪಾಸಾದೋ ತಿಂಸಕೋಟೀಹಿ ಕಾರಿತೋ,

ಮಹಾಥೂಪೇ ಅನಗ್ಘಾನಿ ಕಾರಿತಾ ಚತುವೀಸತಿ;

ಮಹಾಥೂಪಮ್ಹಿ ಸೇಸಾನಿ ಕರಿತಾನಿ ಸುಬುದ್ಧಿನಾ,

ಕೋಟಿಸಹಸ್ಸಂ ಅಗ್ಘನ್ತಿ ಮಹಾರಾಜ ತಯಾ ಪುನ;

ಕೋಳಮ್ಬ ನಾಮ ಮಲೇಯ ಅಕ್ಖಕ್ಖಾಯಿಕ ಛಾತಕೇ,

ಕುಣ್ಡಲಾನಿ ಮಹಗ್ಘಾನಿ ದುವೇ ದತ್ವಾನ ಗಣ್ಹಿಯ;

ಖೀಣಾಸವಾನಂ ¶ ಪಞ್ಚನ್ನಂ ಮಹಾಥೇರಾನಮುತ್ತಮೋ,

ದಿನ್ನೋ ಪಸನ್ನಚಿತ್ತೇನ ಕಙ್ಗು ಅಮ್ಬಿಲ ಪಿಣ್ಡಕೋ;

ಚೂಳಙ್ಗಣಿಯ ಯುದ್ಧಮ್ಹಿ ಪರಜ್ಝಿತ್ವಾ ಪಲಾಯತಾ,

ಕಾಲಂ ಘೋಸಾಪಯಿತ್ವಾನ ಆಗತಸ್ಸ ವಿಹಾಯಸಾ;

ಖೀಣಾಸವಸ್ಸ ಯತಿನೋ ಅತ್ತಾನಮನಪೇಕ್ಖಿಯ,

ದಿನ್ನಂ ಸರಕ ಭತ್ತನ್ತಿ ಪುಞ್ಞಪೋತ್ಥಂ ಅವಾಚಯಿ;

೨೫. ತಂ ಸುತ್ವಾ ರಾಜಾ ತುಸ್ಸಿತ್ವಾ ಠಪೇಹಿ ಠಪೇಹಿ ಭಣೇತಿ ವತ್ವಾ ಏವಮಾಹ. ಮರಿಚವಟ್ಟಿ ವಿಹಾರಮಹಸತ್ತಾಹೇ ಥೂಪಾರಮ್ಹಸತ್ತಾಹೇ ಚ ಚಾತುದ್ದಿಸ ಉಭತೋ ಸಙ್ಘಸ್ಸ ಮಹಾರಹಂ ಮಹಾದಾನಂ ಪವತ್ತೇಸಿಂ. ಚತುವೀಸತಿ ಮಹಾವಿಸಾಖಪೂಜಾ ಕಾರೇಸಿಂ ತಮ್ಬಪಣ್ಣಿದೀಪೇ ಮಹಾಭಿಕ್ಖುಸಙ್ಘಸ್ಸ ತಿಕ್ಖತ್ತುಂ ಚೀವರಮದಾಸಿಂ ಸತ್ತ ಸತ್ತ ದೀನಾನಿ ಲಙ್ಕಾ ರಜ್ಜಂ ಸಾಸನಸ್ಸ ಪಞ್ಚಕ್ಖತ್ತುಂ ಅದಾಸಿಂ ಸಪ್ಪಿ ಸನ್ನಿತ್ತ ಸುಪರಿಸುದ್ಧ ವಟ್ಟಿಯಾ ದ್ವಾದಸಠಾನೇಸು, ಸತ್ತಂ ದೀಪಸಹಸ್ಸಂ ಜಾಲೇಸಿಂ ಅಟ್ಠಾರಸ್ಸು ಠಾನೇಸು ಗಿಲಾನಾನಂ ವೇಜ್ಜೇಹಿ ಭೇಸಜ್ಜಞ್ಚ ಭತ್ತಞ್ಚ ನಿಚ್ಚಂ ದಾಪೇಸಿ. ಚತುಚತ್ತಾಲೀಸ ಠಾನೇಸು ತೇಲುಲ್ಲೋಪಕಞ್ಚ ಅದಾಸಿಂ. ತತ್ತಕೇಸುಯೇವ ಠಾನೇಸು ಘತಪಕ್ಕಜಾಲಪೂವೇ ಭತ್ತೇನ ಸದ್ಧಿಂ ನಿಚ್ಚಂ ದಾಪೇಸಿಂ.

ಮಾಸೇ ಮಾಸೇ ಅಟ್ಠಸು ಉಪೋಸಥದಿವಸೇಸು ಲಙ್ಕಾದೀಪೇ ಸಬ್ಬವಿಹಾರೇಸು ದೀಪತೇಲಂ ದಾಪೇಸಿಂ. ಆಮಿಸ ದಾನತೋ ಧಮ್ಮದಾನಂ ಮಹನ್ತನ್ತಿ ಸುತ್ವಾ ಹೇಟ್ಠಂ ಲೋಹಪಾಸಾದೇ ಧಮ್ಮಾಸನೇ ನಿಸೀದಿತ್ವಾ ಮಙ್ಗಲ ಸುತ್ತಂ ಓಸಾರೇತುಂ ಆರಭಿತ್ವಾಪಿ ಸಙ್ಘ ಗಾರವೇನ ಓಸಾರೇತುಂ ನಾಸಕ್ಖಿಂ. ತತೋ ಪಟ್ಠಾಯ ಧಮ್ಮದೇಸಕೇ ಸಕ್ಕರಿತ್ವಾ ಸಬ್ಬವಿಹಾರೇಸು ಧಮ್ಮಕಥಂ ಕಥಾಪೇಸಿಂ ಏಕೇಕಸ್ಸ ಧಮ್ಮಕಥಿಕಸ್ಸ ನಾಳ ನಾಳಿಪ್ಪಮಾಣಾನಿ ಸಪ್ಪಿಫಾಣಿತ ಸಕ್ಖರಾನಿ ಚತುರಙ್ಗುಲ ಮುಟ್ಠಿಪ್ಪಮಾಣಂ ಯಟ್ಠಿಮಧುಕಂ ಸಾಟಕದ್ವಯಞ್ಚ ಮಾಸಸ್ಸ ಅಟ್ಠಸು ಉಪೋಸಥ ದಿಸೇಸು ದಾಪೇಸಿಂ. ಏತಂ ಸಬ್ಬಮ್ಪಿ ಇಸ್ಸರಿಯೇ ಠತ್ವಾ ದಿನ್ನತ್ತಾ ಮಮ ಚಿತ್ತಂ ಸ ಆರಾಧೇತಿ. ಜೀವಿತಂ ಪನ ಅನಪೇಕ್ಖಿತ್ವಾ ದುಗ್ಗತೇನ ಮಯಾ ದಿನ್ನದಾನದ್ವಯಮೇವ ಆರಾಧೇತೀತಿ.

ತಂ ಸುತ್ವಾ ಅಭಯತ್ಥೇರೋ ಮಹಾರಾಜ ಪಸಾದನೀಯಟ್ಠಾನೇಯೇವ ಪಸಾದಂ ಅಕಾಸಿ ತಂ ಪನ ಪಿಣ್ಡಪಾತದ್ವಯಂ ಪರಿಸ್ಸ ಪೀಳಂ ಅಕತ್ವಾ ಲದ್ಧ ಧಮ್ಮಿಕ ಪಚ್ಚಯತ್ತಾ ಅತ್ತಾನಂ ಅನವಲೋಕೇತ್ವಾ ಅಸಜ್ಜಮಾನೇನ ದಿನ್ನತ್ತಾ ಪಟಿಗ್ಗಾಹಕಾನಂ ಯಾವದತ್ಥಂ ಕತ್ವಾ ದಿನ್ನತ್ತಾ ಪೀತಿಪಾಮೋಜ್ಜಂಜನಯಿತ್ವಾ ಬಲವ ಸದ್ಧಾಯ ದಿನ್ನತ್ತಾ ದೇಯ್ಯಧಮ್ಮಸ್ಸ ನಿರವಸೇಸಂ ಪರಿಭೋಗಂ ಗತತ್ತಾತಿ ಇಮೇಹಿ ಪಞ್ಚಹಿ ಕಾರಣೇಹಿ ಮಹನ್ತತ್ತಿ ವತ್ವಾ ಮಹಾರಾಜ ಕಙ್ಗು ಅಮ್ಬಿಲಿ ಪಿಣ್ಡಗಾಹಕತ್ಥೇರೇಸು ಮಲಿಯಮಹಾದೇವತ್ಥೇರೋ ಸಮನ್ತಕೂಟೇ ಪಞ್ಚನ್ನಂ ಭಿಕ್ಖುಸತಾನಂ ದತ್ವಾ ಪರಿಭುಞ್ಜಿ ಪಥವಿ ಚಾಲನಕ ಧಮ್ಮಗುತ್ತತ್ಥೇರೋ ಕಲ್ಯಾಣೀಯ ವಿಹಾರೇ ಪಞ್ಚನ್ನಂ ಭಿಕ್ಖುಸತಾನಂ ದತ್ವಾ ಪರಿಭುಞ್ಜಿ.

ತಲಙ್ಗರವಾಸೀ ¶ ಧಮ್ಮಗುತ್ತತ್ಥೇರೋಪಿ ಪಿಯಙ್ಗುದೀಪೇ ದ್ವಾದಸನ್ನಂ ಭಿಕ್ಖುಸಹಸ್ಸಾನಂ ದತ್ವಾ ಪರಿಭುಞ್ಜಿ. ಮಙ್ಗಣವಾಸೀ ಚುಳತಿಸ್ಸತ್ಥೇರೋ ಕೇಲಾಸಕೂಟೇ ವಿಹಾರೇ ಸಟ್ಠಿಸಹಸ್ಸಾನಂ ಭಿಕ್ಖೂನಂ ದತ್ವಾ ಪರಿಭುಞ್ಜಿ ಮಹಾಭಗ್ಗತ್ಥೇರೋಪಿ ಉಕ್ಕಾನಗರ ವಿಹಾರೇ ಸತ್ತಸತಾನಂ ಭಿಕ್ಖೂನಂ ದತ್ವಾ ಪರಿಭುಞ್ಜಿ ಸರಕ ಭತ್ತಗಾಹಕತ್ಥೇರೋ ಪನ ಪಿಯಙ್ಗುದೀಪೇ ದ್ವಾದಸನ್ನಂ ಭಿಕ್ಖುಸಹಸ್ಸಾನಂ ದತ್ವಾ ಪರಿಭೋಗಮಕಾಸೀತಿ ವತ್ವಾ ರಞ್ಞೋ ಚಿತ್ತಂ ಹಾಸೇಸಿ.

ರಾಜಾ ಚಿತ್ತಂ ಪಸಾದೇತ್ವಾ ಏವಮಾಹ-ಅಹಮ್ಭನ್ತೇ ಚತುವೀಸತಿ ವಸ್ಸಾನಿ ರಜ್ಜಂ ಕಾರೇನ್ತೋ ಭಿಕ್ಖುಸಙ್ಘಸ್ಸ ಪಹೂಪಕಾರೋ ಅಹೋಸಿಂ. ಕಾಯೋಪಿ ಮೇ ಸಙ್ಘಸ್ಸ ಉಪಕಾರಕೋ ಹೋತು ಸಙ್ಘದಾಸಸ್ಸ ಮೇ ಸರೀರಂ ಮಹಾಚೇತಿಯಸ್ಸ ದಸ್ಸನಟ್ಠಾನೇ ಸಙ್ಘಸ್ಸ ಕಮ್ಮಮಾಲಕೇ ಝಾಪೇಥಾತಿ. ತತೋ ಕನಿಟ್ಠಂ ಆಮನ್ತೇತ್ವಾ’ತಾತ! ತಿಸ್ಸ! ಮಹಾಥೂಪೇ ಅನಿಟ್ಠಿತಂ ಕಮ್ಮಂ ಸಾಧುಕಂ ನಿಟ್ಠಾಪೇಸಿ. ಸಾಯಂ ಪಾತೋ ಚ ಮಹಾಥೂಪೇ ಪುಪ್ಫಪೂಜಂ ಕಾರೇತ್ವಾ ತಿಕ್ಖತ್ತುಂ ಉಪಹಾರಂ ಕಾರೇಹಿ. ಮಯಾ ಠಪಿತಂ ದಾನವಟ್ಟಂ ಸಬ್ಬಂ ಅಪರಿಹಾಪೇತ್ವಾ ಸಙ್ಘಸ್ಸ ಕತ್ತಬ್ಬಕಿಚ್ಚೇಸು ಸದಾ ಅಪ್ಪಮತ್ತೋ ಹೋಹೀ’ತಿ ಅನುಸಾಯಿತ್ವಾ ತುಣ್ಹಿ ಅಹೋಸಿ.

ತಸ್ಮಿಂ ಖಣೇ ಭಿಕ್ಖು ಗಣಸಜ್ಝಾಯಂ ಆರಭಿಂಸು ದೇವತಾ ಪನ ಛದೇವ ಲೋಕತೋ ಛ ರಥೇ ಗಹೇತ್ವಾ ಆದಾಯ ಪಟಿಪಾಟಿಯಾ ಠಪೇತ್ವಾ ಮಹಾರಾಜ ಅಮ್ಹಾಕಂ ದೇವಲೋಕೋ ರಮಣೀಯೋ, ಅಮ್ಹಾಕಂ ದೇವಲೋಕೋ ರಮಣೀಯೋತಿ ವತ್ವಾ ಅತ್ತನೋ ಅತ್ತನೋ ದೇವಲೋಕಂ ಆಗಮನತ್ಥಾಯ ಯಾಚಿಂಸು ರಾಜಾ ತೇಸಂ ವಚನಂ ಸುತ್ವಾ ಯಾವಾಹಂ ಧಮ್ಮಂ ಸುಣಾಮಿ- ತಾವ ಅಧಿವಾಸೇಥಾತಿ ತೇ ಹತ್ಥಸಞ್ಞಾಯ ನಿವಾರೇಸಿ ಸಙ್ಘೋ ಗಣಸಜ್ಝಾಯಂ ನಿವಾರೇಸೀತಿ ಮಞ್ಞಿತ್ವಾ ಸಜ್ಝಾಯಂ ಠಪಾಪೇಸಿ.

ರಾಜಾ ಕಸ್ಮಾ ಭನ್ತೇ ಗಣಸಜ್ಝಾಯಂ ಠಪೇಥಾತಿ ಆಹ. ಮಹಾರಾಜ ತಯಾ ಹತ್ಥಸಞ್ಞಾಯ ನಿವಾರಿತತ್ತಾತಿ. ಭನ್ತೇ ತುಮ್ಹಾಕಂ ಸಞ್ಞಂ ನಾದಾಸಿಂ. ದೇವತಾ ಛದೇವಲೋಕತೋ ಛ ರಥೇ ಆನೇತ್ವಾ ಅತ್ತನೋ ಅತ್ತನೋ ದೇವಲೋಕಂ ಗನ್ತುಂ ಯಾಚನ್ತಿ ತಸ್ಮಾ ತೇಸಂ ಯಾವಾಹಂ ಧಮ್ಮಂ ಸುಣಾಮಿ ತಾವ ಆಗಮೇಥಾತಿ ಸಞ್ಞಂ ಅದಾಸಿನ್ತಿ ತಂ ಸುತ್ವಾ ಕೇಚಿ ಅಯಂ ರಾಜಾ ಮರಣಭಯಭಿತೋ ವಿಪ್ಪಲಪತಿ, ಮರಣತೋ ಅಭಾಯನಕ ಸತ್ತೋ ನಾಮ ನತ್ಥೀತಿ ಮಞ್ಞಿಂಸು.

ತತೋ ಅಭಯತ್ಥೇರೋ ಆಹ ಕಥಂ ಮಹಾರಾಜ ಸದ್ದಹಿತುಂ ಸಕ್ಕಾ ಛ ದೇವಲೋಕತೋ ಛ ರಥಾ ಆನೀತಾತಿ ತಂ ಸುತ್ವಾ ರಾಜಾ ಆಕಾಸೇ ಪುಪ್ಫದಾಮಾನಿ ಖಿಪಾಪೇಸಿ. ತಾನಿ ಗನ್ತ್ವಾ ವಿಸುಂ ರಥಧುರೇ ಓಲಮ್ಬಿಂಸು ಮಹಾಜನೋ ಆಕಾಸೇ ಓಲಮ್ಬನ್ತಾನಿ ಪುಪ್ಫದಾಮಾನಿ ದಿಸ್ವಾ ನಿಕ್ಕಙ್ಖೋ ಅಹೋಸಿ.

ತತೋ ರಾಜಾ ಥೇರಂ ಪುಚ್ಛಿ-ಕತಮೋ ಪನ ಭನ್ತೇ ದೇವಲೋಕೋ ರಮಣೀಯೋತಿ. ತುಸಿತಭವನಂ ಪನ ಮಹಾರಾಜ ರಮಣೀಯಂ, ಬುದ್ಧಭಾವಾಯ ಸಮಯಂ ಓಲೋಕೇನ್ತೋ ಮೇತ್ತೇಯ್ಯೋ ಬೋಧಿಸತ್ತೋಪಿ ತಸ್ಮಿಂಯೇವ ವಸತೀತಿ ಆಹ.

ತಂ ¶ ಸುತ್ವಾ ರಾಜಾ ತಸ್ಮಿಂ ಆಲಯಂ ಕತ್ವಾ ಮಹಾಥೂಪಂ ಓಲೋಕೇನ್ತೋ ನಿಪನ್ನೋವ ಚವಿತ್ವಾ ಸುತ್ತಪ್ಪಬುದ್ಧೋ ವಿಯ ತುಸಿತ ಭವನತೋ ಆಹಟ. ರಥೇ ನಿಬ್ಬತ್ತಿತ್ವಾ ಅತ್ತನೋ ಕತಪುಞ್ಞಸ್ಸ ಥಲಂ ಮಹಾಜನಸ್ಸ ಪಾಕಟಂ ಕಾತುಂ ರಥೇಯೇವ ಠತ್ವಾ ದಿಬ್ಬಾಭರಣ ವಿಭೂಸಿತೋ ಮಹಾಜನಸ್ಸ ಪಸ್ಸನ್ತಸ್ಸೇವ ತಿಕ್ಖತ್ತುಂ ಮಹಾಥೂಪಂ ಪದಕ್ಖಿಣಂ ಕತ್ವಾ ಭಿಕ್ಖುಸಙ್ಘಞ್ಚ ವನ್ದಿತ್ವಾ ತುಸಿತಭವನಂ ಅಗಮಾಸಿ.

ಏವಂ ಅಸಾರೇ ನಿಚಯೇ ಧನಾನಂ ಅನಿಚ್ಚಸಙ್ಘಂ ಸತ್ತಂ ಸಪಞ್ಞಾ,

ಕತ್ವನ ಚಾಗಂ ರತನತ್ತಯಮಹಿ ಆದಾಯ ಸಾರಂ ಸುಗತಿಂ ವಜನ್ತಿ;

ರಞ್ಞೋ ನಾಟಕತ್ಥಿಯೋ ಮತಭಾವಂ ಞತ್ವಾ ಯತ್ಥ ಠಿತಾ ಮಕುಳಂ ಮೋಚಯಿಂಸು ತತ್ಥಂ ಠಾನೇ ಕತಸಾಲಾ ಮಕುಳಮುತ್ತಸಾಲಾನಾಮಜಾತಾ. ರಞ್ಞೋ ಸರೀರಸ್ಮಿಂ ಚಿತಕಂ ಆರೋಪಿತೇ ಯತ್ಥ ಮಹಾಜನೋ ಹತ್ಥೇ ಪಗ್ಗಹೇತ್ವಾ ವಿರಚಿ. ತತ್ಥ ಕತಸಾಲಾ ವಿರಚಿತ್ಥಸಾಲಾ ನಾಮ ಜಾತಾ. ರಞ್ಞೋ ಸರೀರಂ ಯತ್ಥ ಝಾಪೇಸುಂ - ಸೋ ಸೀಮಾಮಾಲಕೋ ರಾಜಮಾಲಕೋ ನಾಮ ಜಾತೋ. ಅಥ ರಞ್ಞೋ ಕನಿಟ್ಠಭಾತಾ ಸದ್ಧಾತಿಸ್ಸಮಹಾರಾಜಾ ನಾಮ ಹುತ್ವಾ ಚೇತಿಯೇ ಅನಿಟ್ಠತಂ ಜತ್ತಕಮ್ಮಂ ಸುಧಾಕಮ್ಮಞ್ಚ ನಿಟ್ಠಾಪೇತ್ವಾ ಥೂಪಮಕಾಸೀತಿ

ಇತಿ ಸಾಧುಜನ ಮನೋಪಸಾದನತ್ಥಾಯ ಕತೇ ಥೂಪವಂಸೇ ಮಹಾಚೇತಿಯೇ ಕತಾ ನಿಟ್ಠಿತಾ.

೨೬. ಏತರಹಿ ದುಟ್ಠಗಾಮಣಿ ಅಭಯ ಮಹಾರಾಜಸ್ಸ ಪಿತಾ ಕಾಕವಣ್ಣತಿಸ್ಸ ರಾಜಾ ಮೇತ್ತೇಯ್ಯಸ್ಸ ಭಗವತೋ ಪಿತಾ ಭವಿಸ್ಸತಿ. ವಿಹಾರಮಹಾದೇವೀ ಮಾತಾ ಭವಿಸ್ಸತಿ. ದುಟ್ಠಗಾಮಿಣಿ ಅಭಯೋ ಅಗ್ಗಸಾವಕೋ ಭವಿಸ್ಸತಿ. ಕನಿಟ್ಠೋ ದುತಿಯ ಸಾವಕೋ ಭವಿಸಸತಿ. ರಞ್ಞೋ ಪಿತುಚ್ಛಾ ಅನುಳಾದೇವೀ ಅಗ್ಗಮಹೇಸೀ ಭವಿಸ್ಸತಿ. ರಞ್ಞೋ ಪುತ್ತೋ ಸಾಲಿ ರಾಜಕುಮಾರೋ ಪುತ್ತೋ ಭವಿಸ್ಸತಿ. ಭಣ್ಡಾಗಾರಿಕ ಸಙ್ಘಾಮಚ್ಚೋ ಅಗ್ಗುಪಟ್ಠಾಕೋ ಭವಿಸ್ಸತಿ ತಸ್ಸಾಮಚ್ಚಸ್ಸ ಧೀತಾ ಅಗ್ಗುಪಟ್ಠಾಯಿಕಾ ಭವಿಸ್ಸತೀತಿ ಏವಂ ಸಬ್ಬೇಪಿ ಕತಾಧಿಕಾರಾ ಹೇತು ಸಮ್ಪನ್ನಾ ತಸ್ಸ ಭಗವತೋ ಧಮ್ಮಂ ಸುತ್ವಾ ದುಕ್ಖಸ್ಸನ್ತಂ ಕರಿತ್ವಾ ಅನುಪಾದಿಸೇಸಾಯ ನಿಬ್ಬಾನಧಾತುಯಾ ಪರಿನಿಬ್ಬಾಯಿಸ್ಸನ್ತೀತಿ.

ಏತ್ತಾವತಾ ಚ

೨೭.

ಮಹಿಣ್ದಸೇನ ನಾಮಮ್ಹಿ ವಸನ್ತೋ ಪರಿವೇಣಕೇ,

ಪತ್ತಚೀವರಪಾದೋ? ಯೋ ಪಿಟಕತ್ತಯ ಪಾರಗೋ;

ಸದ್ಧಾಸಿಲಗುಣುಪೇತೋ ಸಬ್ಬಸತ್ತಹಿತೇ ರತೋ,

ತೇನ ಸಾಧು ಸಮಜ್ಝಿಟ್ಠೋ ಯಮಹಂ ಕಾತುಮಾರಭಿಂ;

ಸೋದಾನಿ ನಿಟ್ಠಂ ಸಮ್ಪತ್ತೋ ಥೂಪವಂಸೋ ಅನಾಕುಲೋ,

ಪರಿಪುಣ್ಣೋ ಸಙ್ಖಥಾ ಸಾಧು ಪಣ್ಡಿತೇಹಿ ಪಸಂಸಿತೋ;

ಯಂ ¶ ಪತ್ತಂ ಕುಸಲಂ ಕಮ್ಮಂ ಕರೋನ್ತೇನ ಇಮಂ ಮಯಂ,

ತೇನ ಏತೇನ ಪುಞ್ಞೇನ ಸತ್ತಾ ಗಚ್ಛನ್ತು ನಿಬ್ಬುತಿಂ;

ಅನನ್ತರಾಯೇನ ಯಥಾ ಚ ಸಿದ್ಧಿಂ

ಮೂಪಾಗತೋ ಥೂಪವರಸ್ಸ ವಂಸೋ,

ತಥೇವ ಸದ್ಧಮ್ಮಸಿತಾ ಜನಾನಂ

ಮನೋ ರಥಾ ಸೀಘಮುಪೇನ್ತು ಸಿದ್ಧಿಂ;

ಪರಿಸಮ್ಭಿದಾಮಗ್ಗಸ್ಸ ಯೇನ ಲೀಲತ್ಥ ದೀಪನಿ

ಟೀಕಾ ವಿರಚಿತಾ ಸಾಧು ಸದ್ಧಮ್ಮೋದಯ ಕಾಮಿನಾ;

ತಥಾ ಪಕರಣೇ ಸಚ್ಚಸಙ್ಖೇಪೇ ಅತ್ಥದೀಪನಾ,

ಧೀಮತಾ ಸುಕತಾ ಯೇನ ಸುಟ್ಠು ಸೀಹಳ ಭಾಸತೋ

ವಿಸುದ್ಧಿಮಗ್ಗ ಸಙ್ಖೇಪೇ ಯೇನ ಅತ್ಥಪ್ಪಕಾಸನಾ,

ಯೋಗೀ ನಮುಪಕಾರಾಯ ಕತಾ ಸೀಹಳಭಾಸತೋ;

ಪರಕ್ಕಮ ನರಿಣ್ದಸ್ಸ ಸಬ್ಬಭೂಪಾನ ಕೇತುನೋ,

ಧಮ್ಮಾಗಾರೇ ನಿಯುತ್ತೋ ಯೋ ಪಿಟಕತ್ತಯ ಪಾರಗೋ;

ಸಾಸನಂ ಸುಟ್ಠಿತಂ ಯಸ್ಸ ಅನ್ತೇವಾಸಿಕ ಭಿಕ್ಖುಸು,

ತೇನ ವಾಚಿಸ್ಸರತ್ಥೇರ ಪಾದೇನ ಲಿಖಿತೋ ಅಯನ್ತಿ;

ಥೂಪವಂಸೋ ನಿಟ್ಠಿತೋ.