ಮೂಲ > ಸುತ್ತಪಿಟಕ > ಖುದ್ದಕನಿಕಾಯ

[ಕಿಮಗ್ಘತೀ ತಣ್ಡುಲನಾಳಿಕಾ ಚ, ಬಾರಾಣಸೀ ಅನ್ತರಬಾಹಿರಾನಿ; ಅಸ್ಸಪಞ್ಚಸತೇ ತಾನಿ, ಏಕಾ ತಣ್ಡುಲನಾಳಿಕಾತಿ; (ಸ್ಯಾ.)] ಕಿಮಗ್ಘತಿ ತಣ್ಡುಲನಾಳಿಕಾಯ, ಅಸ್ಸಾನ ಮೂಲಾಯ ವದೇಹಿ ರಾಜ [ನಾಳಿಕಾ ಚ (ಸೀ.), ನಾಳಿಕಾಯ (ಕ. ಸೀ. ಅಟ್ಠ.)];

ಬಾರಾಣಸಿಂ ಸನ್ತರಬಾಹಿರತೋ [ಬಾಹಿರನ್ತಂ (ಸೀ.)], ಅಯಮಗ್ಘತಿ ತಣ್ಡುಲನಾಳಿಕಾತಿ [ಕಿಮಗ್ಘತೀ ವಣ್ಡುಲನಾಳಿಕಾ ಚ, ಬಾರಾಣಸೀ ಅನ್ತರಬಾಹಿರಾನಿ; ಅಸ್ಸಪಞ್ಚಸತೇ ತಾನಿ, ಏಕಾ ತಣ್ಡುಲನಾಳಿಕಾತಿ; (ಸ್ಯಾ.)].

ಹಿರಿಓತ್ತಪ್ಪಸಮ್ಪನ್ನಾ ¶ , ಸುಕ್ಕಧಮ್ಮಸಮಾಹಿತಾ;

ಸನ್ತೋ ಸಪ್ಪುರಿಸಾ ಲೋಕೇ, ದೇವಧಮ್ಮಾತಿ ವುಚ್ಚರೇತಿ.

ಪುತ್ತೋ ತ್ಯಾಹಂ ಮಹಾರಾಜ, ತ್ವಂ ಮಂ ಪೋಸ ಜನಾಧಿಪ;

ಅಞ್ಞೇಪಿ ದೇವೋ ಪೋಸೇತಿ, ಕಿಞ್ಚ [ಕಿಞ್ಚಿ (ಕ.)] ದೇವೋ ಸಕಂ ಪಜನ್ತಿ.

ಕಟ್ಠಹಾರಿ [ಕಟ್ಠವಾಹನ (ಕ.)] ಜಾತಕಂ ಸತ್ತಮಂ.

ಅಪಿ ¶ ¶ ಅತರಮಾನಾನಂ, ಫಲಾಸಾವ ಸಮಿಜ್ಝತಿ;

ವಿಪಕ್ಕಬ್ರಹ್ಮಚರಿಯೋಸ್ಮಿ, ಏವಂ ಜಾನಾಹಿ ಗಾಮಣೀತಿ.

ಉತ್ತಮಙ್ಗರುಹಾ ಮಯ್ಹಂ, ಇಮೇ ಜಾತಾ ವಯೋಹರಾ;

ಪಾತುಭೂತಾ ದೇವದೂತಾ, ಪಬ್ಬಜ್ಜಾಸಮಯೋ ಮಮಾತಿ.

ಮಘದೇವ [ಮಖಾದೇವ (ಸೀ. ಪೀ.), ದೇವದೂತ (ಕ.)] ಜಾತಕಂ ನವಮಂ.

ಯಞ್ಚ ¶ ಅಞ್ಞೇ ನ ರಕ್ಖನ್ತಿ, ಯೋ ಚ ಅಞ್ಞೇ ನ ರಕ್ಖತಿ;

ಸ ವೇ ರಾಜ ಸುಖಂ ಸೇತಿ, ಕಾಮೇಸು ಅನಪೇಕ್ಖವಾತಿ.

ವರಾಪಣ್ಣಕ ವಣ್ಣುಪಥ ಸೇರಿವರೋ, ಸುವಿಚಕ್ಖಣ ತಣ್ಡುಲನಾಳಿಕಸ್ಸಾ;

ಹಿರಿ ಪುತ್ತವರುತ್ತಗಾಮಣಿನಾ, ಯೋ ಚ ನ ರಕ್ಖತಿ ತೇನ ದಸಾತಿ.

ಹೋತಿ ಸೀಲವತಂ ಅತ್ಥೋ, ಪಟಿಸನ್ಥಾರ [ಪಟಿಸನ್ಧಾರ (ಕ.)] ವುತ್ತಿನಂ;

ಲಕ್ಖಣಂ ಪಸ್ಸ ಆಯನ್ತಂ, ಞಾತಿಸಙ್ಘಪುರಕ್ಖತಂ [ಪುರಕ್ಖಿತಂ (ಸ್ಯಾ.), ಪುರೇಕ್ಖಿತಂ (ಕ.)];

ಅಥ ಪಸ್ಸಸಿಮಂ ಕಾಳಂ, ಸುವಿಹೀನಂವ ಞಾತಿಭೀತಿ.

ನಿಗ್ರೋಧಮೇವ ¶ ¶ ¶ ಸೇವೇಯ್ಯ, ನ ಸಾಖಮುಪಸಂವಸೇ;

ನಿಗ್ರೋಧಸ್ಮಿಂ ಮತಂ ಸೇಯ್ಯೋ, ಯಞ್ಚೇ ಸಾಖಸ್ಮಿ [ಸಾಖಸ್ಮಿಂ (ಸೀ. ಪೀ.)] ಜೀವಿತನ್ತಿ.

ಧಿರತ್ಥು ಕಣ್ಡಿನಂ ಸಲ್ಲಂ, ಪುರಿಸಂ ಗಾಳ್ಹವೇಧಿನಂ;

ಧಿರತ್ಥು ತಂ ಜನಪದಂ, ಯತ್ಥಿತ್ಥೀ ಪರಿಣಾಯಿಕಾ;

ತೇ ಚಾಪಿ ಧಿಕ್ಕಿತಾ [ಧಿಕ್ಕತಾ (?)] ಸತ್ತಾ, ಯೇ ಇತ್ಥೀನಂ ವಸಂಗತಾತಿ.

ನ ಕಿರತ್ಥಿ ರಸೇಹಿ ಪಾಪಿಯೋ, ಆವಾಸೇಹಿ ವ [ವಾ (ಸಬ್ಬತ್ಥ)] ಸನ್ಥವೇಹಿ ವಾ;

ವಾತಮಿಗಂ ಗಹನನಿಸ್ಸಿತಂ [ಗೇಹನಿಸ್ಸಿತಂ (ಸೀ. ಪೀ.)], ವಸಮಾನೇಸಿ ರಸೇಹಿ ಸಞ್ಜಯೋತಿ.

ಅಟ್ಠಕ್ಖುರಂ ಖರಾದಿಯೇ, ಮಿಗಂ ವಙ್ಕಾತಿವಙ್ಕಿನಂ;

ಸತ್ತಹಿ ¶ ಕಾಲಾತಿಕ್ಕನ್ತಂ [ಸತ್ತಹಿ ಕಲಾಹ’ತಿಕ್ಕನ್ತಂ (ಸೀ.), ಸತ್ತಕಾಲೇಹ’ತಿಕ್ಕನ್ತಂ (ಸ್ಯಾ.), ಸತ್ತಹಿ ಕಾಲಾಹ’ತಿಕ್ಕನ್ತಂ (ಪೀ.)], ನ ನಂ ಓವದಿತುಸ್ಸಹೇತಿ.

ಮಿಗಂ ¶ ತಿಪಲ್ಲತ್ಥ [ತಿಪಲ್ಲತ್ತ (ಕ.)] ಮನೇಕಮಾಯಂ, ಅಟ್ಠಕ್ಖುರಂ ಅಡ್ಢರತ್ತಾಪಪಾಯಿಂ [ಅಡ್ಢರತ್ತಾವಪಾಯಿಂ (ಸೀ. ಪೀ.)];

ಏಕೇನ ಸೋತೇನ ಛಮಾಸ್ಸಸನ್ತೋ, ಛಹಿ ಕಲಾಹಿತಿಭೋತಿ [ಕಲಾಹತಿಭೋತಿ (ಸೀ. ಸ್ಯಾ. ಪೀ.)] ಭಾಗಿನೇಯ್ಯೋತಿ.

ಕಾಳೇ ¶ ವಾ ಯದಿ ವಾ ಜುಣ್ಹೇ, ಯದಾ ವಾಯತಿ ಮಾಲುತೋ;

ವಾತಜಾನಿ ಹಿ ಸೀತಾನಿ, ಉಭೋತ್ಥಮಪರಾಜಿತಾತಿ.

ಏವಂ ಚೇ ಸತ್ತಾ ಜಾನೇಯ್ಯುಂ, ದುಕ್ಖಾಯಂ ಜಾತಿಸಮ್ಭವೋ;

ನ ಪಾಣೋ ಪಾಣಿನಂ ಹಞ್ಞೇ, ಪಾಣಘಾತೀ ಹಿ ಸೋಚತೀತಿ.

ಸಚೇ ¶ ಮುಚ್ಚೇ [ಮುಞ್ಚೇ (ಸೀ. ಸ್ಯಾ. ಪೀ.)] ಪೇಚ್ಚ ಮುಚ್ಚೇ [ಮುಞ್ಚೇ (ಸೀ. ಸ್ಯಾ. ಪೀ.)], ಮುಚ್ಚಮಾನೋ ಹಿ ಬಜ್ಝತಿ;

ನ ಹೇವಂ ಧೀರಾ ಮುಚ್ಚನ್ತಿ, ಮುತ್ತಿ ಬಾಲಸ್ಸ ಬನ್ಧನನ್ತಿ.

ದಿಸ್ವಾ ಪದಮನುತ್ತಿಣ್ಣಂ, ದಿಸ್ವಾನೋತರಿತಂ ಪದಂ;

ನಳೇನ ವಾರಿಂ ಪಿಸ್ಸಾಮ [ಪಿವಿಸ್ಸಾಮ (ಸೀ. ಸ್ಯಾ. ಪೀ.)], ನೇವ [ನ ಚ (ಕ.)] ಮಂ ತ್ವಂ ವಧಿಸ್ಸಸೀತಿ.

ಅಥ ¶ ಲಕ್ಖಣ ಸಾಖ ಧಿರತ್ಥು ಪುನ, ನ ಕಿರತ್ಥಿ ರಸೇಹಿ ಖರಾದಿಯಾ;

ಅತಿಭೋತಿ ವರ [ರಸ (ಸಬ್ಬತ್ಥ)] ಮಾಲುತ ಪಾಣ, ಮುಚ್ಚೇನ ನಳಅವ್ಹಯನೇನ ಭವನ್ತಿ ದಸಾತಿ.

ಞಾತಮೇತಂ ¶ ಕುರುಙ್ಗಸ್ಸ, ಯಂ ತ್ವಂ ಸೇಪಣ್ಣಿ ಸಿಯ್ಯಸಿ [ಸೇಯ್ಯಸಿ (ಸೀ. ಸ್ಯಾ. ಪೀ.)];

ಅಞ್ಞಂ ¶ ಸೇಪಣ್ಣಿ ಗಚ್ಛಾಮಿ, ನ ಮೇ ತೇ ರುಚ್ಚತೇ ಫಲನ್ತಿ.

ಯೇ ಕುಕ್ಕುರಾ ರಾಜಕುಲಮ್ಹಿ ವದ್ಧಾ, ಕೋಲೇಯ್ಯಕಾ ವಣ್ಣಬಲೂಪಪನ್ನಾ;

ತೇಮೇ ನ ವಜ್ಝಾ ಮಯಮಸ್ಮ ವಜ್ಝಾ, ನಾಯಂ ಸಘಚ್ಚಾ ದುಬ್ಬಲಘಾತಿಕಾಯನ್ತಿ.

ಅಪಿ ಪಸ್ಸೇನ ಸೇಮಾನೋ, ಸಲ್ಲೇಭಿ ಸಲ್ಲಲೀಕತೋ;

ಸೇಯ್ಯೋವ ವಳವಾ ಗೋಜೋ [ಭೋಜ್ಜೋ (ಸೀ.), ಭೋಜ್ಝೋ (ಸ್ಯಾ. ಪೀ.)], ಯುಞ್ಜ ಮಞ್ಞೇವ ಸಾರಥೀತಿ.

ಗೋಜಾನೀಯ [ಭೋಜಾಜಾನೀಯ (ಸೀ. ಸ್ಯಾ. ಪೀ.)] ಜಾತಕಂ ತತಿಯಂ.

ಯದಾ ಯದಾ ಯತ್ಥ ಯದಾ, ಯತ್ಥ ಯತ್ಥ ಯದಾ ಯದಾ;

ಆಜಞ್ಞೋ ಕುರುತೇ ವೇಗಂ, ಹಾಯನ್ತಿ ತತ್ಥ ವಾಳವಾತಿ.

ಅಞ್ಞಮಞ್ಞೇಹಿ ¶ ¶ ತಿತ್ಥೇಹಿ, ಅಸ್ಸಂ ಪಾಯೇಹಿ ಸಾರಥಿ;

ಅಚ್ಚಾಸನಸ್ಸ ಪುರಿಸೋ, ಪಾಯಾಸಸ್ಸಪಿ ತಪ್ಪತೀತಿ.

ಪುರಾಣಚೋರಾನ ¶ ವಚೋ ನಿಸಮ್ಮ, ಮಹಿಳಾಮುಖೋ ಪೋಥಯಮನ್ವಚಾರೀ;

ಸುಸಞ್ಞತಾನಞ್ಹಿ ವಚೋ ನಿಸಮ್ಮ, ಗಜುತ್ತಮೋ ಸಬ್ಬಗುಣೇಸು ಅಟ್ಠಾತಿ.

ನಾಲಂ ಕಬಳಂ ಪದಾತವೇ, ನ ಚ ಪಿಣ್ಡಂ ನ ಕುಸೇ ನ ಘಂಸಿತುಂ;

ಮಞ್ಞಾಮಿ ಅಭಿಣ್ಹದಸ್ಸನಾ, ನಾಗೋ ಸ್ನೇಹಮಕಾಸಿ [ಸಿನೇಹಮಕಾಸಿ (ಸೀ. ಸ್ಯಾ. ಪೀ.)] ಕುಕ್ಕುರೇತಿ.

ಮನುಞ್ಞಮೇವ ¶ ಭಾಸೇಯ್ಯ, ನಾಮನುಞ್ಞಂ ಕುದಾಚನಂ;

ಮನುಞ್ಞಂ ಭಾಸಮಾನಸ್ಸ, ಗರುಂ ಭಾರಂ ಉದದ್ಧರಿ;

ಧನಞ್ಚ ನಂ ಅಲಾಭೇಸಿ, ತೇನ ಚತ್ತಮನೋ ಅಹೂತಿ.

ಯತೋ ಯತೋ ಗರು ಧುರಂ, ಯತೋ ಗಮ್ಭೀರವತ್ತನೀ;

ತದಾಸ್ಸು ಕಣ್ಹಂ ಯುಞ್ಜನ್ತಿ, ಸ್ವಾಸ್ಸು ತಂ ವಹತೇ ಧುರನ್ತಿ.

ಮಾ ¶ ಮುನಿಕಸ್ಸ ಪಿಹಯಿ, ಆತುರನ್ನಾನಿ ಭುಞ್ಜತಿ;

ಅಪ್ಪೋಸ್ಸುಕ್ಕೋ ಭುಸಂ ಖಾದ, ಏತಂ ದೀಘಾಯುಲಕ್ಖಣನ್ತಿ.

ಕುರುಙ್ಗಸ್ಸ ¶ ಕುಕ್ಕುರಗೋಜವರೋ, ಪುನ ವಾಳವಸ್ಸಸಿರಿವ್ಹಯನೋ [ಸಿರಿವಯನೋ (ಸಬ್ಬತ್ಥ)];

ಮಹಿಳಾಮುಖನಾಮನುಞ್ಞವರೋ, ವಹತೇ ಧುರ ಮುನಿಕೇನ ದಸಾತಿ.

ಕುಲಾವಕಾ ¶ ಮಾತಲಿ ಸಿಮ್ಬಲಿಸ್ಮಿಂ, ಈಸಾಮುಖೇನ ಪರಿವಜ್ಜಯಸ್ಸು;

ಕಾಮಂ ಚಜಾಮ ಅಸುರೇಸು ಪಾಣಂ, ಮಾ ಮೇ ದಿಜಾ ವಿಕ್ಕುಲವಾ [ಮಾಯಿಮೇ ದಿಜಾ ವಿಕುಲಾವಾ (ಸೀ. ಸ್ಯಾ. ಪೀ.)] ಅಹೇಸುನ್ತಿ.

ರುದಂ ಮನುಞ್ಞಂ ರುಚಿರಾ ಚ ಪಿಟ್ಠಿ, ವೇಳುರಿಯವಣ್ಣೂಪನಿಭಾ [ವಣ್ಣೂಪಟಿಭಾ (ಸ್ಯಾ.), ವಣ್ಣಸನ್ನಿಭಾ (ಕ.)] ಚ ಗೀವಾ;

ಬ್ಯಾಮಮತ್ತಾನಿ ಚ ಪೇಖುಣಾನಿ, ನಚ್ಚೇನ ತೇ ಧೀತರಂ ನೋ ದದಾಮೀತಿ.

ಸಮ್ಮೋದಮಾನಾ ¶ ಗಚ್ಛನ್ತಿ, ಜಾಲಮಾದಾಯ ಪಕ್ಖಿನೋ;

ಯದಾ ತೇ ವಿವದಿಸ್ಸನ್ತಿ, ತದಾ ಏಹಿನ್ತಿ ಮೇ ವಸನ್ತಿ.

ನ ¶ ಮಂ ಸೀತಂ ನ ಮಂ ಉಣ್ಹಂ, ನ ಮಂ ಜಾಲಸ್ಮಿ ಬಾಧನಂ;

ಯಞ್ಚ ಮಂ ಮಞ್ಞತೇ ಮಚ್ಛೀ, ಅಞ್ಞಂ ಸೋ ರತಿಯಾ ಗತೋತಿ.

ಸನ್ತಿ ¶ ಪಕ್ಖಾ ಅಪತನಾ, ಸನ್ತಿ ಪಾದಾ ಅವಞ್ಚನಾ;

ಮಾತಾಪಿತಾ ಚ ನಿಕ್ಖನ್ತಾ, ಜಾತವೇದ ಪಟಿಕ್ಕಮಾತಿ.

ಯಂ ನಿಸ್ಸಿತಾ ಜಗತಿರುಹಂ ವಿಹಙ್ಗಮಾ, ಸ್ವಾಯಂ ಅಗ್ಗಿಂ ಪಮುಞ್ಚತಿ;

ದಿಸಾ ಭಜಥ ವಕ್ಕಙ್ಗಾ [ವಙ್ಕಙ್ಗಾ (ಸ್ಯಾ.)], ಜಾತಂ ಸರಣತೋ ಭಯನ್ತಿ.

ಯೇ ವುಡ್ಢ [ವದ್ಧ (ಸೀ. ಪೀ.)] ಮಪಚಾಯನ್ತಿ, ನರಾ ಧಮ್ಮಸ್ಸ ಕೋವಿದಾ;

ದಿಟ್ಠೇವ ಧಮ್ಮೇ ಪಾಸಂಸಾ, ಸಮ್ಪರಾಯೇ ಚ ಸುಗ್ಗತೀತಿ.

ನಾಚ್ಚನ್ತಂ ¶ ನಿಕತಿಪ್ಪಞ್ಞೋ, ನಿಕತ್ಯಾ ಸುಖಮೇಧತಿ;

ಆರಾಧೇತಿ ನಿಕತಿಪ್ಪಞ್ಞೋ [ಆರಾಧೇ ನಿಕತಿಪ್ಪಞ್ಞೋ (ಪೀ.)], ಬಕೋ ಕಕ್ಕಟಕಾಮಿವಾತಿ.

ಮಞ್ಞೇ ¶ ಸೋವಣ್ಣಯೋ ರಾಸಿ, ಸೋಣ್ಣಮಾಲಾ ಚ ನನ್ದಕೋ;

ಯತ್ಥ ದಾಸೋ ಆಮಜಾತೋ, ಠಿತೋ ಥುಲ್ಲಾನಿ [ಥೂಲಾನಿ (ಕ.)] ಗಜ್ಜತೀತಿ.

ಕಾಮಂ ¶ ಪತಾಮಿ ನಿರಯಂ, ಉದ್ಧಂಪಾದೋ ಅವಂಸಿರೋ;

ನಾನರಿಯಂ ಕರಿಸ್ಸಾಮಿ, ಹನ್ದ ಪಿಣ್ಡಂ ಪಟಿಗ್ಗಹಾತಿ.

ಸಿರಿಮಾತಲಿ ಧೀತರ ಪಕ್ಖಿವರೋ, ರತಿಯಾಗತೋ ಮಾತಾಪಿತಾ ಚ ಪುನ;

ಜಗತೀರುಹ ವುಡ್ಢ ಸುಕಕ್ಕಟಕೋ, ತಥಾ ನನ್ದಕಪಿಣ್ಡವರೇನ ದಸಾತಿ.

ಯೋ ¶ ಅತ್ಥಕಾಮಸ್ಸ ಹಿತಾನುಕಮ್ಪಿನೋ, ಓವಜ್ಜಮಾನೋ ನ ಕರೋತಿ ಸಾಸನಂ;

ಅಜಿಯಾ ಪಾದಮೋಲಮ್ಬ [ಪಾದಮೋಲುಮ್ಬ (ಸೀ. ಸ್ಯಾ. ಪೀ.)], ಮಿತ್ತಕೋ ವಿಯ ಸೋಚತೀತಿ.

ಯೋ ¶ ಅತ್ಥಕಾಮಸ್ಸ ಹಿತಾನುಕಮ್ಪಿನೋ, ಓವಜ್ಜಮಾನೋ ನ ಕರೋತಿ ಸಾಸನಂ;

ಕಪೋತಕಸ್ಸ ವಚನಂ ಅಕತ್ವಾ, ಅಮಿತ್ತಹತ್ಥತ್ಥಗತೋವ ಸೇತೀತಿ.

ಯೋ ಅತ್ಥಕಾಮಸ್ಸ ಹಿತಾನುಕಮ್ಪಿನೋ, ಓವಜ್ಜಮಾನೋ ನ ಕರೋತಿ ಸಾಸನಂ;

ಏವಂ ಸೋ ನಿಹತೋ ಸೇತಿ, ವೇಳುಕಸ್ಸ ಯಥಾ ಪಿತಾತಿ.

ಸೇಯ್ಯೋ ¶ ¶ ಅಮಿತ್ತೋ ಮತಿಯಾ ಉಪೇತೋ, ನ ತ್ವೇವ ಮಿತ್ತೋ ಮತಿವಿಪ್ಪಹೀನೋ;

ಮಕಸಂ ವಧಿಸ್ಸನ್ತಿ ಹಿ ಏಳಮೂಗೋ, ಪುತ್ತೋ ಪಿತು ಅಬ್ಭಿದಾ ಉತ್ತಮಙ್ಗನ್ತಿ.

ಸೇಯ್ಯೋ ಅಮಿತ್ತೋ ಮೇಧಾವೀ, ಯಞ್ಚೇ ಬಾಲಾನುಕಮ್ಪಕೋ;

ಪಸ್ಸ ರೋಹಿಣಿಕಂ ಜಮ್ಮಿಂ, ಮಾತರಂ ಹನ್ತ್ವಾನ ಸೋಚತೀತಿ.

ನ ವೇ ಅನತ್ಥಕುಸಲೇನ, ಅತ್ಥಚರಿಯಾ ಸುಖಾವಹಾ;

ಹಾಪೇತಿ ಅತ್ಥಂ ದುಮ್ಮೇಧೋ, ಕಪಿ ಆರಾಮಿಕೋ ಯಥಾತಿ.

ನ ¶ ವೇ ಅನತ್ಥಕುಸಲೇನ, ಅತ್ಥಚರಿಯಾ ಸುಖಾವಹಾ;

ಹಾಪೇತಿ ಅತ್ಥಂ ದುಮ್ಮೇಧೋ, ಕೋಣ್ಡಞ್ಞೋ ವಾರುಣಿಂ ಯಥಾತಿ.

ಅನುಪಾಯೇನ ¶ ಯೋ ಅತ್ಥಂ, ಇಚ್ಛತಿ ಸೋ ವಿಹಞ್ಞತಿ;

ಚೇತಾ ಹನಿಂಸು ವೇದಬ್ಬಂ [ವೇದಬ್ಭಂ (ಸೀ. ಪೀ.)], ಸಬ್ಬೇ ತೇ ಬ್ಯಸನಮಜ್ಝಗೂತಿ.

ವೇದಬ್ಬ [ವೇದಬ್ಭ (ಸೀ. ಪೀ.)] ಜಾತಕಂ ಅಟ್ಠಮಂ.

ನಕ್ಖತ್ತಂ ¶ ಪಟಿಮಾನೇನ್ತಂ, ಅತ್ಥೋ ಬಾಲಂ ಉಪಚ್ಚಗಾ;

ಅತ್ಥೋ ಅತ್ಥಸ್ಸ ನಕ್ಖತ್ತಂ, ಕಿಂ ಕರಿಸ್ಸನ್ತಿ ತಾರಕಾತಿ.

ದುಮ್ಮೇಧಾನಂ ಸಹಸ್ಸೇನ, ಯಞ್ಞೋ ಮೇ ಉಪಯಾಚಿತೋ;

ಇದಾನಿ ಖೋಹಂ ಯಜಿಸ್ಸಾಮಿ, ಬಹು [ಬಹೂ (ಸೀ. ಪೀ.), ಬಹುಂ (ಕ.)] ಅಧಮ್ಮಿಕೋ ಜನೋತಿ.

ಅಥ ಮಿತ್ತಕ ಮಾತು ಕಪೋತವರೋ, ತಥಾ ವೇಳೂಕ ಏಳಮೂಗೋ ರೋಹಿಣೀ;

ಕಪಿ ¶ ವಾರುಣಿ ಚೇತಚರಾ ಚ ಪುನ, ತಥಾ ತಾರಕ ಯಞ್ಞವರೇನ ದಸಾತಿ.

ಆಸೀಸೇಥೇವ ¶ [ಆಸಿಂಸೇಥೇವ (ಸೀ. ಸ್ಯಾ. ಪೀ.)] ಪುರಿಸೋ, ನ ನಿಬ್ಬಿನ್ದೇಯ್ಯ ಪಣ್ಡಿತೋ;

ಪಸ್ಸಾಮಿ ವೋಹಂ ಅತ್ತಾನಂ, ಯಥಾ ಇಚ್ಛಿಂ ತಥಾ ಅಹೂತಿ.

ವಾಯಮೇಥೇವ ಪುರಿಸೋ, ನ ನಿಬ್ಬಿನ್ದೇಯ್ಯ ಪಣ್ಡಿತೋ;

ಪಸ್ಸಾಮಿ ವೋಹಂ ಅತ್ತಾನಂ, ಉದಕಾ ಥಲಮುಬ್ಭತನ್ತಿ.

ತಥೇವ ¶ ಪುಣ್ಣಾ ಪಾತಿಯೋ, ಅಞ್ಞಾಯಂ ವತ್ತತೇ ಕಥಾ;

ಆಕಾರಣೇನ [ಆಕಾರಕೇನ (ಸೀ. ಸ್ಯಾ. ಪೀ.)] ಜಾನಾಮಿ, ನ ಚಾಯಂ ಭದ್ದಿಕಾ ಸುರಾತಿ.

ನಾಯಂ ¶ ರುಕ್ಖೋ ದುರಾರುಹೋ, ನಪಿ ಗಾಮತೋ ಆರಕಾ;

ಆಕಾರಣೇನ ಜಾನಾಮಿ, ನಾಯಂ ಸಾದುಫಲೋ ದುಮೋತಿ.

ಯೋ ಅಲೀನೇನ ಚಿತ್ತೇನ, ಅಲೀನಮನಸೋ ನರೋ;

ಭಾವೇತಿ ಕುಸಲಂ ಧಮ್ಮಂ, ಯೋಗಕ್ಖೇಮಸ್ಸ ಪತ್ತಿಯಾ;

ಪಾಪುಣೇ ಅನುಪುಬ್ಬೇನ, ಸಬ್ಬಸಂಯೋಜನಕ್ಖಯನ್ತಿ.

ಯೋ ¶ ಪಹಟ್ಠೇನ ಚಿತ್ತೇನ, ಪಹಟ್ಠಮನಸೋ ನರೋ;

ಭಾವೇತಿ ಕುಸಲಂ ಧಮ್ಮಂ, ಯೋಗಕ್ಖೇಮಸ್ಸ ಪತ್ತಿಯಾ;

ಪಾಪುಣೇ ಅನುಪುಬ್ಬೇನ, ಸಬ್ಬಸಂಯೋಜನಕ್ಖಯನ್ತಿ.

ಯಸ್ಸೇತೇ ಚತುರೋ ಧಮ್ಮಾ, ವಾನರಿನ್ದ ಯಥಾ ತವ;

ಸಚ್ಚಂ ಧಮ್ಮೋ ಧಿತಿ [ಧಿತೀ (ಸೀ. ಪೀ.)] ಚಾಗೋ, ದಿಟ್ಠಂ ಸೋ ಅತಿವತ್ತತೀತಿ.

ಯಸ್ಸೇತೇ ¶ ¶ ಚ [ಯಸ್ಸ ಏತೇ (ಸೀ. ಪೀ.)] ತಯೋ ಧಮ್ಮಾ, ವಾನರಿನ್ದ ಯಥಾ ತವ;

ದಕ್ಖಿಯಂ ಸೂರಿಯಂ ಪಞ್ಞಾ, ದಿಟ್ಠಂ ಸೋ ಅತಿವತ್ತತೀತಿ.

ಧಮೇ ಧಮೇ ನಾತಿಧಮೇ, ಅತಿಧನ್ತಞ್ಹಿ ಪಾಪಕಂ;

ಧನ್ತೇನ ಹಿ ಸತಂ ಲದ್ಧಂ, ಅತಿಧನ್ತೇನ ನಾಸಿತನ್ತಿ.

ಧಮೇ ಧಮೇ ನಾತಿಧಮೇ, ಅತಿಧನ್ತಞ್ಹಿ ಪಾಪಕಂ;

ಧನ್ತೇನಾಧಿಗತಾ ಭೋಗಾ, ತೇ ತಾತೋ ವಿಧಮೀ ಧಮನ್ತಿ.

ಯಥಾ ¶ ಇಚ್ಛಿಂ ತಥಾಹುದಕಾ ಥಲಾ, ಸುರ ಸಾದುಫಲೋ ಚ ಅಲೀನಮನೋ;

ಸಮ್ಪಹಟ್ಠಮನೋ ¶ ಚತುರೋ ಚ ತಯೋ, ಸತಲದ್ಧಕ ಭೋಗಧನೇನ ದಸಾತಿ.

ಅಸಾ ಲೋಕಿತ್ಥಿಯೋ ನಾಮ, ವೇಲಾ ತಾಸಂ ನ ವಿಜ್ಜತಿ;

ಸಾರತ್ತಾ ಚ ಪಗಬ್ಭಾ ಚ, ಸಿಖೀ ಸಬ್ಬಘಸೋ ಯಥಾ;

ತಾ ಹಿತ್ವಾ ಪಬ್ಬಜಿಸ್ಸಾಮಿ, ವಿವೇಕಮನುಬ್ರೂಹಯನ್ತಿ.

ಯಂ ¶ ಬ್ರಾಹ್ಮಣೋ ಅವಾದೇಸಿ, ವೀಣಂ ಸಮುಖವೇಠಿತೋ;

ಅಣ್ಡಭೂತಾ ಭತಾ ಭರಿಯಾ, ತಾಸು ಕೋ ಜಾತು ವಿಸ್ಸಸೇತಿ.

ಕೋಧನಾ ಅಕತಞ್ಞೂ ಚ, ಪಿಸುಣಾ ಮಿತ್ತಭೇದಿಕಾ [ಪಿಸುಣಾ ಚ ವಿಭೇದಿಕಾ (ಸೀ. ಸ್ಯಾ. ಪೀ.)];

ಬ್ರಹ್ಮಚರಿಯಂ ಚರ ಭಿಕ್ಖು, ಸೋ ಸುಖಂ ನ ವಿಹಾಹಸೀತಿ [ಪಿಹಾಹಿಸೀತಿ (ಸೀ. ಸ್ಯಾ. ಪೀ.), ವಿಹಾಯಸಿ (ಕ.)].

ತಕ್ಕಪಣ್ಡಿತಜಾತಕಂ [ತಕ್ಕಜಾತಕಂ (ಸೀ. ಸ್ಯಾ. ಪೀ. ಅಟ್ಠ.)] ತತಿಯಂ.

ಮಾ ¶ ಸು ನನ್ದಿ ಇಚ್ಛತಿ ಮಂ, ಮಾ ಸು ಸೋಚಿ ನ ಮಿಚ್ಛತಿ [ನ ಇಚ್ಛತಿ (ಸೀ. ಸ್ಯಾ. ಪೀ.)];

ಥೀನಂ ಭಾವೋ ದುರಾಜಾನೋ, ಮಚ್ಛಸ್ಸೇವೋದಕೇ ಗತನ್ತಿ.

ಯಥಾ ¶ ನದೀ ಚ ಪನ್ಥೋ ಚ, ಪಾನಾಗಾರಂ ಸಭಾ ಪಪಾ;

ಏವಂ ಲೋಕಿತ್ಥಿಯೋ ನಾಮ, ನಾಸಂ ಕುಜ್ಝನ್ತಿ ಪಣ್ಡಿತಾತಿ.

ಏಕಾ ಇಚ್ಛಾ ಪುರೇ ಆಸಿ, ಅಲದ್ಧಾ ಮುದುಲಕ್ಖಣಂ;

ಯತೋ ಲದ್ಧಾ ಅಳಾರಕ್ಖೀ, ಇಚ್ಛಾ ಇಚ್ಛಂ ವಿಜಾಯಥಾತಿ.

ಉಚ್ಛಙ್ಗೇ ದೇವ ಮೇ ಪುತ್ತೋ, ಪಥೇ ಧಾವನ್ತಿಯಾ ಪತಿ;

ತಞ್ಚ ದೇಸಂ ನ ಪಸ್ಸಾಮಿ, ಯತೋ ಸೋದರಿಯಮಾನಯೇತಿ [ಸೋದರಿಯಂ ನಯೇ (ಕ.)].

ಯಸ್ಮಿಂ ¶ ¶ ಮನೋ ನಿವಿಸತಿ, ಚಿತ್ತಞ್ಚಾಪಿ [ಚಿತ್ತಂ ವಾಪಿ (ಕತ್ಥಚಿ)] ಪಸೀದತಿ;

ಅದಿಟ್ಠಪುಬ್ಬಕೇ ಪೋಸೇ, ಕಾಮಂ ತಸ್ಮಿಮ್ಪಿ ವಿಸ್ಸಸೇತಿ.

ಧಿರತ್ಥು ತಂ ವಿಸಂ ವನ್ತಂ, ಯಮಹಂ ಜೀವಿತಕಾರಣಾ;

ವನ್ತಂ ಪಚ್ಚಾವಮಿಸ್ಸಾಮಿ [ಪಚ್ಚಾಹರಿಸ್ಸಾಮಿ (ಕ.)], ಮತಂ ಮೇ ಜೀವಿತಾ ವರನ್ತಿ.

ನ ತಂ ಜಿತಂ ಸಾಧು ಜಿತಂ, ಯಂ ಜಿತಂ ಅವಜೀಯತಿ;

ತಂ ಖೋ ಜಿತಂ ಸಾಧು ಜಿತಂ, ಯಂ ಜಿತಂ ನಾವಜೀಯತೀತಿ.

ಸಿಖೀಸಬ್ಬಘಸೋಪಿ ¶ ಚ ವೀಣವರೋ, ಪಿಸುಣಾ ಮಿತ್ತಭೇದಿಕಾ ನನ್ದೀ ನದೀ;

ಮುದುಲಕ್ಖಣ ಸೋದರಿಯಾ ಚ ಮನೋ, ವಿಸ ಸಾಧುಜಿತೇನ ಭವನ್ತಿ ದಸಾತಿ.

ಯೋ ¶ ಪುಬ್ಬೇ ಕರಣೀಯಾನಿ, ಪಚ್ಛಾ ಸೋ ಕಾತುಮಿಚ್ಛತಿ;

ವರುಣಕಟ್ಠ [ವರಣಕಟ್ಠ (ಸೀ. ಪೀ.)] ಭಞ್ಜೋವ, ಸ ಪಚ್ಛಾ ಮನುತಪ್ಪತೀತಿ.

ಅಕತಞ್ಞುಸ್ಸ ¶ ಪೋಸಸ್ಸ, ನಿಚ್ಚಂ ವಿವರದಸ್ಸಿನೋ;

ಸಬ್ಬಂ ಚೇ ಪಥವಿಂ [ಪಠವಿಂ (ಸೀ. ಸ್ಯಾ. ಪೀ.)] ದಜ್ಜಾ, ನೇವ ನಂ ಅಭಿರಾಧಯೇತಿ.

ಸಚ್ಚಂ ಕಿರೇವಮಾಹಂಸು, ನರಾ ಏಕಚ್ಚಿಯಾ ಇಧ;

ಕಟ್ಠಂ ನಿಪ್ಲವಿತಂ [ವಿಪ್ಲಾವಿತಂ (ಸೀ. ಪೀ.)] ಸೇಯ್ಯೋ, ನ ತ್ವೇವೇಕಚ್ಚಿಯೋ ನರೋತಿ.

ಸಾಧೂ ಸಮ್ಬಹುಲಾ ಞಾತೀ, ಅಪಿ ರುಕ್ಖಾ ಅರಞ್ಞಜಾ;

ವಾತೋ ¶ ವಹತಿ ಏಕಟ್ಠಂ, ಬ್ರಹನ್ತಮ್ಪಿ ವನಪ್ಪತಿನ್ತಿ.

ಅಭಿತ್ಥನಯ ¶ ಪಜ್ಜುನ್ನ, ನಿಧಿಂ ಕಾಕಸ್ಸ ನಾಸಯ;

ಕಾಕಂ ಸೋಕಾಯ ರನ್ಧೇಹಿ, ಮಞ್ಚ ಸೋಕಾ ಪಮೋಚಯಾತಿ.

ಅಸಙ್ಕಿಯೋಮ್ಹಿ ಗಾಮಮ್ಹಿ, ಅರಞ್ಞೇ ನತ್ಥಿ ಮೇ ಭಯಂ;

ಉಜುಂ ಮಗ್ಗಂ ಸಮಾರೂಳ್ಹೋ, ಮೇತ್ತಾಯ ಕರುಣಾಯ ಚಾತಿ.

ಉಸಭಾ ¶ ರುಕ್ಖಾ ಗಾವಿಯೋ ಗವಾ ಚ, ಅಸ್ಸೋ ಕಂಸೋ ಸಿಙ್ಗಾಲೀ [ಸಿಗಾಸೀ (ಸೀ. ಸ್ಯಾ. ಪೀ.)] ಚ ಕುಮ್ಭೋ;

ಪೋಕ್ಖರಣೀ ಚ ಅಪಾಕಚನ್ದನಂ, ಲಾಬೂನಿ ಸೀದನ್ತಿ ಸಿಲಾ ಪ್ಲವನ್ತಿ.

ಮಣ್ಡೂಕಿಯೋ ಕಣ್ಹಸಪ್ಪೇ ಗಿಲನ್ತಿ, ಕಾಕಂ ಸುಪಣ್ಣಾ ಪರಿವಾರಯನ್ತಿ;

ತಸಾ ¶ ವಕಾ ಏಳಕಾನಂ ಭಯಾಹಿ, ವಿಪರಿಯಾಸೋ [ವಿಪರಿಯಾಯೋ (ಸ್ಯಾ. ಕ.)] ವತ್ತತಿ ನಯಿಧ ಮತ್ಥೀತಿ.

ಉಭೋ ಖಞ್ಜಾ ಉಭೋ ಕುಣೀ, ಉಭೋ ವಿಸಮಚಕ್ಖುಕಾ [ಚಕ್ಖುಲಾ (ಸೀ. ಪೀ.)];

ಉಭಿನ್ನಂ ಪಿಳಕಾ [ಪೀಳಕಾ (ಸ್ಯಾ.)] ಜಾತಾ, ನಾಹಂ ಪಸ್ಸಾಮಿ ಇಲ್ಲಿಸನ್ತಿ.

ಯತೋ ¶ ವಿಲುತ್ತಾ ಚ ಹತಾ ಚ ಗಾವೋ, ದಡ್ಢಾನಿ ಗೇಹಾನಿ ಜನೋ ಚ ನೀತೋ;

ಅಥಾಗಮಾ ಪುತ್ತಹತಾಯ ಪುತ್ತೋ, ಖರಸ್ಸರಂ ಡಿಣ್ಡಿಮಂ [ದೇಣ್ಡಿಮಂ (ಸೀ. ಸ್ಯಾ. ಪೀ.), ಡಿನ್ದಿಮಂ (ಕ.)] ವಾದಯನ್ತೋತಿ.

ಯಂ ತೇ ಪವಿಕತ್ಥಿತಂ ಪುರೇ, ಅಥ ತೇ ಪೂತಿಸರಾ ಸಜನ್ತಿ ಪಚ್ಛಾ;

ಉಭಯಂ ¶ ನ ಸಮೇತಿ ಭೀಮಸೇನ, ಯುದ್ಧಕಥಾ ಚ ಇದಞ್ಚ ತೇ ವಿಹಞ್ಞನ್ತಿ.

ವರುಣವಗ್ಗೋ [ವರಣವಗ್ಗೋ (ಸೀ. ಪೀ.)] ಅಟ್ಠಮೋ.

ವರುಣಾ ಅಕತಞ್ಞೂವರೇ ತು ಸಚ್ಚವರಂ, ಸವನಪ್ಪತಿನಾ ಚ ಅಭಿತ್ಥನಯ;

ಕರುಣಾಯ ಸಿಲಾಪ್ಲವ ಇಲ್ಲಿಸತೋ, ಪುನ ಡಿಣ್ಡಿಮಪೂತಿಸರೇನ ದಸಾತಿ.

ಅಪಾಯಿಮ್ಹ ¶ ಅನಚ್ಚಿಮ್ಹ, ಅಗಾಯಿಮ್ಹ ರುದಿಮ್ಹ ಚ;

ವಿಸಞ್ಞಿಕರಣಿಂ ಪಿತ್ವಾ [ಪೀತ್ವಾ (ಸೀ. ಸ್ಯಾ. ಪೀ.)], ದಿಟ್ಠಾ ನಾಹುಮ್ಹ ವಾನರಾತಿ.

ಅತಿಕ್ಕಮ್ಮ ¶ ¶ ರಮಣಕಂ, ಸದಾಮತ್ತಞ್ಚ ದೂಭಕಂ;

ಸ್ವಾಸಿ ಪಾಸಾಣಮಾಸೀನೋ, ಯಸ್ಮಾ ಜೀವಂ ನ ಮೋಕ್ಖಸೀತಿ.

ಮಿತ್ತೋ ಹವೇ ಸತ್ತಪದೇನ ಹೋತಿ, ಸಹಾಯೋ ಪನ ದ್ವಾದಸಕೇನ ಹೋತಿ;

ಮಾಸಡ್ಢಮಾಸೇನ ಚ ಞಾತಿ ಹೋತಿ, ತತುತ್ತರಿಂ ಅತ್ತಸಮೋಪಿ ಹೋತಿ;

ಸೋಹಂ ಕಥಂ ಅತ್ತಸುಖಸ್ಸ ಹೇತು, ಚಿರಸನ್ಥುತಂ [ಚಿರಸನ್ಧವಂ (ಕ.), ಚಿರಸತ್ಥುನಂ (ಪೀ.)] ಕಾಳಕಣ್ಣಿಂ ಜಹೇಯ್ಯನ್ತಿ.

ಆರೋಗ್ಯಮಿಚ್ಛೇ ಪರಮಞ್ಚ ಲಾಭಂ, ಸೀಲಞ್ಚ ವುದ್ಧಾನುಮತಂ ಸುತಞ್ಚ;

ಧಮ್ಮಾನುವತ್ತೀ ಚ ಅಲೀನತಾ ಚ, ಅತ್ಥಸ್ಸ ದ್ವಾರಾ ಪಮುಖಾ ಛಳೇತೇತಿ.

ಆಯತಿಂ ¶ ದೋಸಂ ನಾಞ್ಞಾಯ, ಯೋ ಕಾಮೇ ಪಟಿಸೇವತಿ;

ವಿಪಾಕನ್ತೇ ಹನನ್ತಿ ನಂ, ಕಿಂಪಕ್ಕಮಿವ ಭಕ್ಖಿತನ್ತಿ.

ಸೀಲಂ ¶ ಕಿರೇವ ಕಲ್ಯಾಣಂ, ಸೀಲಂ ಲೋಕೇ ಅನುತ್ತರಂ;

ಪಸ್ಸ ಘೋರವಿಸೋ ನಾಗೋ, ಸೀಲವಾತಿ ನ ಹಞ್ಞತೀತಿ.

ಯಸ್ಸ ¶ ಮಙ್ಗಲಾ ಸಮೂಹತಾಸೇ [ಸಮೂಹತಾ (ಸೀ. ಸ್ಯಾ. ಪೀ. ಸು. ನಿ. ೩೬೨], ಉಪ್ಪಾತಾ [ಉಪ್ಪಾದಾ (ಪೀ.)] ಸುಪಿನಾ ಚ ಲಕ್ಖಣಾ ಚ;

ಸೋ [ಸ (ಸೀ. ಪೀ. ಕ.)] ಮಙ್ಗಲದೋಸವೀತಿವತ್ತೋ, ಯುಗಯೋಗಾಧಿಗತೋ ನ ಜಾತುಮೇತೀತಿ.

ಕಲ್ಯಾಣಿಮೇವ ಮುಞ್ಚೇಯ್ಯ, ನ ಹಿ ಮುಞ್ಚೇಯ್ಯ ಪಾಪಿಕಂ;

ಮೋಕ್ಖೋ ಕಲ್ಯಾಣಿಯಾ ಸಾಧು, ಮುತ್ವಾ ತಪ್ಪತಿ ಪಾಪಿಕನ್ತಿ.

ವಾಚಾವ ¶ ಕಿರ ತೇ ಆಸಿ, ಸಣ್ಹಾ ಸಖಿಲಭಾಣಿನೋ;

ತಿಣಮತ್ತೇ ಅಸಜ್ಜಿತ್ಥೋ, ನೋ ಚ ನಿಕ್ಖಸತಂ ಹರನ್ತಿ.

ಯೋ ಪುಬ್ಬೇ ಕತಕಲ್ಯಾಣೋ, ಕತತ್ಥೋ ನಾವಬುಜ್ಝತಿ;

ಪಚ್ಛಾ ಕಿಚ್ಚೇ ಸಮುಪ್ಪನ್ನೇ, ಕತ್ತಾರಂ ನಾಧಿಗಚ್ಛತೀತಿ.

ಅಪಾಯಿಮ್ಹ ಚ ದೂಭಕಂ ಸತ್ತಪದಂ, ಛಳದ್ವರ ಚ ಆಯತಿನಾ ಚ ಪುನ;

ಅಹಿಸೀಲವ ಮಙ್ಗಲಿ ಪಾಪಿಕಸ್ಸಾ, ಸತಂನಿಕ್ಖ ಕತತ್ಥವರೇನ ದಸಾತಿ.

ಲಿತ್ತಂ ¶ ¶ ಪರಮೇನ ತೇಜಸಾ, ಗಿಲಮಕ್ಖಂ ¶ ಪುರಿಸೋ ನ ಬುಜ್ಝತಿ;

ಗಿಲ ರೇ ಗಿಲ ಪಾಪಧುತ್ತಕ, ಪಚ್ಛಾ ತೇ ಕಟುಕಂ ಭವಿಸ್ಸತೀತಿ.

ಉಕ್ಕಟ್ಠೇ ಸೂರಮಿಚ್ಛನ್ತಿ, ಮನ್ತೀಸು ಅಕುತೂಹಲಂ;

ಪಿಯಞ್ಚ ಅನ್ನಪಾನಮ್ಹಿ, ಅತ್ಥೇ ಜಾತೇ ಚ ಪಣ್ಡಿತನ್ತಿ.

ನ ವಿಸ್ಸಸೇ ಅವಿಸ್ಸತ್ಥೇ, ವಿಸ್ಸತ್ಥೇಪಿ ನ ವಿಸ್ಸಸೇ;

ವಿಸ್ಸಾಸಾ ಭಯಮನ್ವೇತಿ, ಸೀಹಂವ ಮಿಗಮಾತುಕಾತಿ [ಮಿಗಮಾತುಯಾ (ಕ.)].

ಸೋತತ್ತೋ ಸೋಸಿನ್ದೋ [ಸೋಸೀತೋ (ಸೀ. ಸ್ಯಾ. ಪೀ.), ಸೋಸಿನೋ (ಕ.)] ಚೇವ, ಏಕೋ ಭಿಂಸನಕೇ ವನೇ;

ನಗ್ಗೋ ನ ಚಗ್ಗಿಮಾಸೀನೋ, ಏಸನಾಪಸುತೋ ಮುನೀತಿ.

ಅನಿಚ್ಚಾ ¶ ವತ ಸಙ್ಖಾರಾ, ಉಪ್ಪಾದವಯಧಮ್ಮಿನೋ;

ಉಪ್ಪಜ್ಜಿತ್ವಾ ನಿರುಜ್ಝನ್ತಿ, ತೇಸಂ ವೂಪಸಮೋ ಸುಖೋತಿ.

ಸಮತಿತ್ತಿಕಂ ¶ ಅನವಸೇಕಂ, ತೇಲಪತ್ತಂ ಯಥಾ ಪರಿಹರೇಯ್ಯ;

ಏವಂ ಸಚಿತ್ತಮನುರಕ್ಖೇ, ಪತ್ಥಯಾನೋ ದಿಸಂ ಅಗತಪುಬ್ಬನ್ತಿ.

ಜೀವಕಞ್ಚ ¶ ಮತಂ ದಿಸ್ವಾ, ಧನಪಾಲಿಞ್ಚ ದುಗ್ಗತಂ;

ಪನ್ಥಕಞ್ಚ ವನೇ ಮೂಳ್ಹಂ, ಪಾಪಕೋ ಪುನರಾಗತೋತಿ.

ಸಾಧು ¶ ಖೋ ಪಣ್ಡಿತೋ ನಾಮ, ನ ತ್ವೇವ ಅತಿಪಣ್ಡಿತೋ;

ಅತಿಪಣ್ಡಿತೇನ ಪುತ್ತೇನ, ಮನಮ್ಹಿ ಉಪಕೂಳಿತೋತಿ [ಉಪಕೂಲಿತೋತಿ (ಸೀ.), ಉಪಕುಟ್ಠಿತೋತಿ (ಸ್ಯಾ.), ಉಪಕುಟಿತೋ (ಕ.)].

ಪರೋಸಹಸ್ಸಮ್ಪಿ ಸಮಾಗತಾನಂ, ಕನ್ದೇಯ್ಯುಂ ತೇ ವಸ್ಸಸತಂ ಅಪಞ್ಞಾ;

ಏಕೋವ ಸೇಯ್ಯೋ ಪುರಿಸೋ ಸಪಞ್ಞೋ, ಯೋ ಭಾಸಿತಸ್ಸ ವಿಜಾನಾತಿ ಅತ್ಥನ್ತಿ.

ಅಸಾತಂ ಸಾತರೂಪೇನ, ಪಿಯರೂಪೇನ ಅಪ್ಪಿಯಂ;

ದುಕ್ಖಂ ಸುಖಸ್ಸ ರೂಪೇನ, ಪಮತ್ತಮತಿವತ್ತತೀತಿ.

ಗಿಲಮಕ್ಖಕುತೂಹಲ ¶ ¶ ಮಾತುಕಸ್ಸಾ, ಮುನಿನಾ ಚ ಅನಿಚ್ಚತ ಪತ್ತವರಂ;

ಧನಪಾಲಿವರೋ ಅತಿಪಣ್ಡಿತಕೋ, ಸಪರೋಸಹಸ್ಸಅಸಾತದಸಾತಿ.

ಪರೋಸತಂ ¶ ಚೇಪಿ ಸಮಾಗತಾನಂ, ಝಾಯೇಯ್ಯುಂ ತೇ ವಸ್ಸಸತಂ ಅಪಞ್ಞಾ;

ಏಕೋವ ಸೇಯ್ಯೋ ಪುರಿಸೋ ಸಪಞ್ಞೋ, ಯೋ ಭಾಸಿತಸ್ಸ ವಿಜಾನಾತಿ ಅತ್ಥನ್ತಿ.

ಯೋ ದುಕ್ಖಫುಟ್ಠಾಯ ಭವೇಯ್ಯ ತಾಣಂ, ಸೋ ಮೇ ಪಿತಾ ದುಬ್ಭಿ [ದೂಭಿ (ಸೀ. ಪೀ.)] ವನೇ ಕರೋತಿ;

ಸಾ ಕಸ್ಸ ಕನ್ದಾಮಿ ವನಸ್ಸ ಮಜ್ಝೇ, ಯೋ ತಾಯಿತಾ ಸೋ ಸಹಸಂ [ಸಹಸಾ (ಸೀ. ಸ್ಯಾ. ಪೀ.)] ಕರೋತೀತಿ.

ಯತ್ಥ ¶ ವೇರೀ ನಿವಿಸತಿ [ನಿವಸತಿ (ಸೀ. ಕ.)], ನ ವಸೇ ತತ್ಥ ಪಣ್ಡಿತೋ;

ಏಕರತ್ತಂ ದಿರತ್ತಂ ವಾ, ದುಕ್ಖಂ ವಸತಿ ವೇರಿಸೂತಿ.

ಚತುಬ್ಭಿ ಅಟ್ಠಜ್ಝಗಮಾ, ಅಟ್ಠಾಹಿಪಿ ಚ ಸೋಳಸ;

ಸೋಳಸಾಹಿ ಚ ಬಾತ್ತಿಂಸ [ಬತ್ತಿಂಸ (ಸೀ. ಸ್ಯಾ. ಪೀ.)], ಅತ್ರಿಚ್ಛಂ ಚಕ್ಕಮಾಸದೋ;

ಇಚ್ಛಾಹತಸ್ಸ ಪೋಸಸ್ಸ, ಚಕ್ಕಂ ಭಮತಿ ಮತ್ಥಕೇತಿ.

ಬಹುಮ್ಪೇತಂ ¶ ¶ ವನೇ ಕಟ್ಠಂ, ವಾತೋ ಭಞ್ಜತಿ ದುಬ್ಬಲಂ;

ತಸ್ಸ ಚೇ ಭಾಯಸೀ ನಾಗ, ಕಿಸೋ ನೂನ ಭವಿಸ್ಸಸೀತಿ.

ಸುಖಂ ವತ ಮಂ ಜೀವನ್ತಂ [ಸುಖಕಂ ವತ ಜೀವಂ (ಕ.)], ಪಚಮಾನಾ ಉದಞ್ಚನೀ;

ಚೋರೀ ಜಾಯಪ್ಪವಾದೇನ, ತೇಲಂ ಲೋಣಞ್ಚ ಯಾಚತೀತಿ.

ಸಾಧು ¶ ಖೋ ಸಿಪ್ಪಕಂ ನಾಮ, ಅಪಿ ಯಾದಿಸ ಕೀದಿಸಂ;

ಪಸ್ಸ ಖಞ್ಜಪ್ಪಹಾರೇನ, ಲದ್ಧಾ ಗಾಮಾ ಚತುದ್ದಿಸಾತಿ.

ಸಿಕ್ಖೇಯ್ಯ ಸಿಕ್ಖಿತಬ್ಬಾನಿ, ಸನ್ತಿ ತಚ್ಛನ್ದಿನೋ [ಸಚ್ಛನ್ದಿನೋ (ಸೀ. ಪೀ.)] ಜನಾ;

ಬಾಹಿಯಾ ಹಿ [ಪಿ (ಸೀ. ಸ್ಯಾ. ಪೀ.)] ಸುಹನ್ನೇನ, ರಾಜಾನಮಭಿರಾಧಯೀತಿ.

ಯಥನ್ನೋ ಪುರಿಸೋ ಹೋತಿ, ತಥನ್ನಾ ತಸ್ಸ ದೇವತಾ;

ಆಹರೇತಂ ಕುಣ್ಡಪೂವಂ [ಕಣಂ ಪೂವಂ (ಸೀ. ಪೀ.)], ಮಾ ಮೇ ಭಾಗಂ ವಿನಾಸಯಾತಿ.

ಸಬ್ಬಸಂಹಾರಕೋ ¶ ¶ [ಸಬ್ಬಸಾಹಾರಕೋ (ಕ.)] ನತ್ಥಿ, ಸುದ್ಧಂ ಕಙ್ಗು ಪವಾಯತಿ;

ಅಲಿಕಂ ಭಾಯತಿಯಂ ಧುತ್ತೀ, ಸಚ್ಚಮಾಹ ಮಹಲ್ಲಿಕಾತಿ.

ಸಪರೋಸತ ತಾಯಿತ ವೇರೀ ¶ ಪುನ, ಭಮಚಕ್ಕಥ ನಾಗಸಿರಿವ್ಹಯನೋ;

ಸುಖಕಞ್ಚ ವತ ಸಿಪ್ಪಕ ಬಾಹಿಯಾ, ಕುಣ್ಡಪೂವ ಮಹಲ್ಲಿಕಕಾ ಚ ದಸಾತಿ.

ಹಂಚಿ [ಹಂಸಿ (ಸೀ. ಸ್ಯಾ.), ಹಞ್ಚಿ (?)] ತುವಂ ಏವಮಞ್ಞಸಿ ಸೇಯ್ಯೋ, ಪುತ್ತೇನ ಪಿತಾತಿ ರಾಜಸೇಟ್ಠ;

ಹನ್ದಸ್ಸತರಸ್ಸ ತೇ ಅಯಂ, ಅಸ್ಸತರಸ್ಸ ಹಿ ಗದ್ರಭೋ ಪಿತಾತಿ.

ಯೇನ ಸತ್ತುಬಿಲಙ್ಗಾ ಚ, ದಿಗುಣಪಲಾಸೋ ಚ ಪುಪ್ಫಿತೋ;

ಯೇನ ದದಾಮಿ [ಯೇನಾ’ದಾಮಿ (ಸೀ. ಸ್ಯಾ.)] ತೇನ ವದಾಮಿ, ಯೇನ ನ ದದಾಮಿ [ಯೇನ ನಾ’ದಾಮಿ (ಸೀ. ಸ್ಯಾ.)] ನ ತೇನ ವದಾಮಿ;

ಏಸ ¶ ಮಗ್ಗೋ ಯವಮಜ್ಝಕಸ್ಸ, ಏತಂ ಛನ್ನಪಥಂ ವಿಜಾನಾಹೀತಿ.

ಸದ್ದಹಾಸಿ ¶ ಸಿಙ್ಗಾಲಸ್ಸ [ಸಿಗಾಲಸ್ಸ (ಸೀ. ಸ್ಯಾ. ಪೀ.)], ಸುರಾಪೀತಸ್ಸ ಬ್ರಾಹ್ಮಣ;

ಸಿಪ್ಪಿಕಾನಂ ಸತಂ ನತ್ಥಿ, ಕುತೋ ಕಂಸಸತಾ ದುವೇತಿ.

ಬಹುಚಿನ್ತೀ ¶ ಅಪ್ಪಚಿನ್ತೀ, ಉಭೋ ಜಾಲೇ ಅಬಜ್ಝರೇ;

ಮಿತಚಿನ್ತೀ ಪಮೋಚೇಸೀ, ಉಭೋ ತತ್ಥ ಸಮಾಗತಾತಿ.

ಯಾಯಞ್ಞ [ಯಾಯಞ್ಞೇ (ಕ.)] ಮನುಸಾಸತಿ, ಸಯಂ ಲೋಲುಪ್ಪಚಾರಿನೀ;

ಸಾಯಂ ವಿಪಕ್ಖಿಕಾ ಸೇತಿ, ಹತಾ ಚಕ್ಕೇನ ಸಾಸಿಕಾತಿ [ಸಾಲಿಕಾತಿ (ಸೀ. ಸ್ಯಾ. ಪೀ.)].

ಅತಿಕರಮಕರಾಚರಿಯ ¶ , ಮಯ್ಹಮ್ಪೇತಂ ನ ರುಚ್ಚತಿ;

ಚತುತ್ಥೇ ಲಙ್ಘಯಿತ್ವಾನ, ಪಞ್ಚಮಾಯಸಿ ಆವುತೋತಿ.

ಅಚ್ಚುಗ್ಗತಾತಿಲಪತಾ [ಅತಿಬಲತಾ (ಸೀ. ಸ್ಯಾ. ಪೀ.), ಅತಿಲಪಕಾ (ಕತ್ಥಚಿ)], ಅತಿವೇಲಂ ಪಭಾಸಿತಾ;

ವಾಚಾ ಹನತಿ ದುಮ್ಮೇಧಂ, ತಿತ್ತಿರಂವಾತಿವಸ್ಸಿತನ್ತಿ.

ನಾಚಿನ್ತಯನ್ತೋ ಪುರಿಸೋ, ವಿಸೇಸಮಧಿಗಚ್ಛತಿ;

ಚಿನ್ತಿತಸ್ಸ ಫಲಂ ಪಸ್ಸ, ಮುತ್ತೋಸ್ಮಿ ವಧಬನ್ಧನಾತಿ.

ಅಮಾತಾಪಿತರಸಂವದ್ಧೋ ¶ [ಪಿತರಿ (ಸೀ. ಪೀ.), ಪಿತು (ಸ್ಯಾ.)], ಅನಾಚೇರಕುಲೇ ವಸಂ;

ನಾಯಂ ಕಾಲಂ ಅಕಾಲಂ ವಾ, ಅಭಿಜಾನಾತಿ ಕುಕ್ಕುಟೋತಿ.

ಅಬದ್ಧಾ ¶ ¶ ತತ್ಥ ಬಜ್ಝನ್ತಿ, ಯತ್ಥ ಬಾಲಾ ಪಭಾಸರೇ;

ಬದ್ಧಾಪಿ ತತ್ಥ ಮುಚ್ಚನ್ತಿ, ಯತ್ಥ ಧೀರಾ ಪಭಾಸರೇತಿ.

ಹಂಚಿವಗ್ಗೋ [ಹಂಸಿವಗ್ಗೋ (ಸೀ. ಸ್ಯಾ.)] ದ್ವಾದಸಮೋ.

ಅಥ ಗದ್ರಭ ಸತ್ತುವ ಕಂಸಸತಂ, ಬಹುಚಿನ್ತಿ ಸಾಸಿಕಾಯಾತಿಕರ;

ಅತಿವೇಲ ವಿಸೇಸಮನಾಚರಿಯೋವ, ಧೀರಾಪಭಾಸರತೇನ ದಸಾತಿ.

ಕರೇ ಸರಿಕ್ಖೋ ಅಥ ವಾಪಿ ಸೇಟ್ಠೋ, ನಿಹೀನಕೋ ವಾಪಿ ಕರೇಯ್ಯ ಏಕೋ;

ಕರೇಯ್ಯುಮೇತೇ [ಕರೇಯ್ಯುಂ ತೇ (ಸೀ. ಪೀ.)] ಬ್ಯಸನೇ ಉತ್ತಮತ್ಥಂ, ಯಥಾ ಅಹಂ ಕುಸನಾಳಿ ರುಚಾಯನ್ತಿ.

ಯಸಂ ¶ ¶ ಲದ್ಧಾನ ದುಮ್ಮೇಧೋ, ಅನತ್ಥಂ ಚರತಿ ಅತ್ತನೋ;

ಅತ್ತನೋ ಚ ಪರೇಸಞ್ಚ, ಹಿಂಸಾಯ ಪಟಿಪಜ್ಜತೀತಿ.

ಅಸಬ್ಬತ್ಥಗಾಮಿಂ ವಾಚಂ, ಬಾಲೋ ಸಬ್ಬತ್ಥ ಭಾಸತಿ;

ನಾಯಂ ದಧಿಂ ವೇದಿ ನ [ನ ವೇದಿ (ಕ.)] ನಙ್ಗಲೀಸಂ, ದಧಿಪ್ಪಯಂ [ದಧಿಮ್ಪಯಂ (ಸೀ. ಪೀ.)] ಮಞ್ಞತಿ ನಙ್ಗಲೀಸನ್ತಿ.

ವಾಯಮೇಥೇವ ¶ ಪುರಿಸೋ, ನ ನಿಬ್ಬಿನ್ದೇಯ್ಯ ಪಣ್ಡಿತೋ;

ವಾಯಾಮಸ್ಸ ಫಲಂ ಪಸ್ಸ, ಭುತ್ತಾ ಅಮ್ಬಾ ಅನೀತಿಹನ್ತಿ.

ಬಹುಮ್ಪಿ ಸೋ ವಿಕತ್ಥೇಯ್ಯ, ಅಞ್ಞಂ ಜನಪದಂ ಗತೋ;

ಅನ್ವಾಗನ್ತ್ವಾನ ದೂಸೇಯ್ಯ, ಭುಞ್ಜ ಭೋಗೇ ಕಟಾಹಕಾತಿ.

ತದೇವೇಕಸ್ಸ ¶ [ತಥೇವೇಕಸ್ಸ (ಸೀ. ಸ್ಯಾ. ಪೀ. ಅಟ್ಠ. ಮೂಲಪಾಠೋ)] ಕಲ್ಯಾಣಂ, ತದೇವೇಕಸ್ಸ ಪಾಪಕಂ;

ತಸ್ಮಾ ಸಬ್ಬಂ ನ ಕಲ್ಯಾಣಂ, ಸಬ್ಬಂ ವಾಪಿ ನ ಪಾಪಕನ್ತಿ.

ತೇ ದೇಸಾ ತಾನಿ ವತ್ಥೂನಿ, ಅಹಞ್ಚ ವನಗೋಚರೋ;

ಅನುವಿಚ್ಚ ಖೋ ತಂ ಗಣ್ಹೇಯ್ಯುಂ, ಪಿವ [ಪಿಪ (ಸೀ. ಪೀ.)] ಖೀರಂ ಕಲಣ್ಡುಕಾತಿ.

ಯೋ ¶ ವೇ ಧಮ್ಮಂ ಧಜಂ [ಧಮ್ಮಧಜಂ (ಸ್ಯಾ. ಪೀ. ಕ.)] ಕತ್ವಾ, ನಿಗೂಳ್ಹೋ ಪಾಪಮಾಚರೇ;

ವಿಸ್ಸಾಸಯಿತ್ವಾ ಭೂತಾನಿ, ಬಿಳಾರಂ ನಾಮ ತಂ ವತನ್ತಿ.

ನಾಯಂ ಸಿಖಾ ಪುಞ್ಞಹೇತು, ಘಾಸಹೇತು ಅಯಂ ಸಿಖಾ;

ನಾಙ್ಗುಟ್ಠಗಣನಂ ಯಾತಿ, ಅಲಂ ತೇ ಹೋತು ಅಗ್ಗಿಕಾತಿ.

ಯಥಾ ¶ ¶ ವಾಚಾ ಚ ಭುಞ್ಜಸ್ಸು, ಯಥಾ ಭುತ್ತಞ್ಚ ಬ್ಯಾಹರ;

ಉಭಯಂ ತೇ ನ ಸಮೇತಿ, ವಾಚಾ ಭುತ್ತಞ್ಚ ಕೋಸಿಯೇತಿ.

ಕುಸನಾಳಿವಗ್ಗೋ [ಸರಿಕ್ಖವಗ್ಗೋ (ಕ.)] ತೇರಸಮೋ.

ಕುಸನಾಳಿಸಿರಿವ್ಹಯನೋ ಚ ಯಸಂ, ದಧಿ ಮಮ್ಬ ಕಟಾಹಕಪಞ್ಚಮಕೋ;

ಅಥ ಪಾಪಕ ಖೀರ ಬಿಳಾರವತಂ, ಸಿಖಿ ಕೋಸಿಯಸವ್ಹಯನೇನ ದಸಾತಿ.

ಅಸಮ್ಪದಾನೇನಿತರೀತರಸ್ಸ, ಬಾಲಸ್ಸ ಮಿತ್ತಾನಿ ಕಲೀ ಭವನ್ತಿ;

ತಸ್ಮಾ ಹರಾಮಿ ಭುಸಂ ಅಡ್ಢಮಾನಂ, ಮಾ ಮೇ ಮಿತ್ತಿ ಜೀಯಿತ್ಥ ಸಸ್ಸತಾಯನ್ತಿ.

ಕುಸಲೂಪದೇಸೇ ¶ ¶ ಧಿತಿಯಾ ದಳ್ಹಾಯ ಚ, ಅನಿವತ್ತಿತತ್ತಾಭಯಭೀರುತಾಯ [ಅವತ್ಥಿತತ್ತಾಭಯಭೀರುತಾಯ (ಸೀ. ಸ್ಯಾ. ಪೀ.)] ಚ;

ನ ರಕ್ಖಸೀನಂ ವಸಮಾಗಮಿಮ್ಹಸೇ, ಸ ಸೋತ್ಥಿಭಾವೋ ಮಹತಾ ಭಯೇನ ಮೇತಿ.

ಭೀರುಕ [ಪಞ್ಚಗರುಕ (ಸೀ. ಪೀ.), ಪಞ್ಚಭೀರುಕ (ಸ್ಯಾ.), ಅಭಯಭೀರುತ§(?)] ಜಾತಕಂ ದುತಿಯಂ.

ಖೇಮಂ ಯಹಿಂ ತತ್ಥ ಅರೀ ಉದೀರಿತೋ [ಅರಿ ಉದ್ಧರಿತೋ (ಕ.)], ದಕಸ್ಸ ಮಜ್ಝೇ ಜಲತೇ ಘತಾಸನೋ;

ನ ಅಜ್ಜ ವಾಸೋ ಮಹಿಯಾ ಮಹೀರುಹೇ, ದಿಸಾ ಭಜವ್ಹೋ ಸರಣಾಜ್ಜ ನೋ ಭಯನ್ತಿ.

ಯೇ ¶ ಸಞ್ಞಿನೋ ತೇಪಿ ದುಗ್ಗತಾ, ಯೇಪಿ ಅಸಞ್ಞಿನೋ ತೇಪಿ ದುಗ್ಗತಾ;

ಏತಂ ಉಭಯಂ ವಿವಜ್ಜಯ, ತಂ ¶ ಸಮಾಪತ್ತಿಸುಖಂ ಅನಙ್ಗಣನ್ತಿ.

ಚನ್ದಾಭಂ ಸೂರಿಯಾಭಞ್ಚ, ಯೋಧ ಪಞ್ಞಾಯ ಗಾಧತಿ.

ಅವಿತಕ್ಕೇನ ಝಾನೇನ, ಹೋತಿ ಆಭಸ್ಸರೂಪಗೋತಿ.

ಯಂ ¶ ಲದ್ಧಂ ತೇನ ತುಟ್ಠಬ್ಬಂ, ಅತಿಲೋಭೋ ಹಿ ಪಾಪಕೋ;

ಹಂಸರಾಜಂ ಗಹೇತ್ವಾನ, ಸುವಣ್ಣಾ ಪರಿಹಾಯಥಾತಿ.

ಯತ್ಥೇಕೋ ಲಭತೇ ಬಬ್ಬು, ದುತಿಯೋ ತತ್ಥ ಜಾಯತಿ;

ತತಿಯೋ ಚ ಚತುತ್ಥೋ ಚ, ಇದಂ ತೇ ಬಬ್ಬುಕಾ ಬಿಲನ್ತಿ.

ಕಿಂ ತೇ ಜಟಾಹಿ ದುಮ್ಮೇಧ, ಕಿಂ ತೇ ಅಜಿನಸಾಟಿಯಾ;

ಅಬ್ಭನ್ತರಂ ¶ ತೇ ಗಹನಂ, ಬಾಹಿರಂ ಪರಿಮಜ್ಜಸೀತಿ.

ಅಕ್ಖೀ ಭಿನ್ನಾ ಪಟೋ ನಟ್ಠೋ, ಸಖಿಗೇಹೇ ಚ ಭಣ್ಡನಂ;

ಉಭತೋ ಪದುಟ್ಠಾ ಕಮ್ಮನ್ತಾ [ಪದುಟ್ಠಕಮ್ಮನ್ತೋ (ಸೀ.), ಪದುಟ್ಠೋ ಕಮ್ಮನ್ತೋ (ಪೀ.)], ಉದಕಮ್ಹಿ ಥಲಮ್ಹಿ ಚಾತಿ.

ನಿಚ್ಚಂ ¶ ಉಬ್ಬಿಗ್ಗಹದಯಾ, ಸಬ್ಬಲೋಕವಿಹೇಸಕಾ;

ತಸ್ಮಾ ನೇಸಂ ವಸಾ ನತ್ಥಿ, ಕಾಕಾನಮ್ಹಾಕ [ಕಾಕಾನಸ್ಮಾಕ (ಸೀ. ಸ್ಯಾ. ಪೀ.)] ಞಾತಿನನ್ತಿ.

ಇತರೀತರ ¶ ರಕ್ಖಸಿ ಖೇಮಿಯೋ ಚ, ಪರೋಸತಪಞ್ಹೇನ ಆಭಸ್ಸರೋ ಪುನ;

ಅಥ ಹಂಸವರುತ್ತಮಬಬ್ಬುಜಟಂ, ಪಟನಟ್ಠಕ ಕಾಕವರೇನ ದಸಾತಿ.

ನ ¶ ಪಾಪಜನಸಂಸೇವೀ, ಅಚ್ಚನ್ತಸುಖಮೇಧತಿ;

ಗೋಧಾಕುಲಂ [ಗೋಧಕ್ಕುಲಂ (ಕ.)] ಕಕಣ್ಟಾವ [ಕಕಣ್ಟಕಾ (ಕ.)], ಕಲಿಂ ಪಾಪೇತಿ ಅತ್ತನನ್ತಿ.

ಏತಞ್ಹಿ ತೇ ದುರಾಜಾನಂ, ಯಂ ಸೇಸಿ ಮತಸಾಯಿಕಂ;

ಯಸ್ಸ ತೇ ಕಡ್ಢಮಾನಸ್ಸ, ಹತ್ಥಾ ದಣ್ಡೋ ನ ಮುಚ್ಚತೀತಿ.

ಲಸೀ ಚ ತೇ ನಿಪ್ಫಲಿತಾ, ಮತ್ಥಕೋ ಚ ಪದಾಲಿತೋ [ವಿದಾಲಿತೋ (ಸೀ. ಪೀ.)];

ಸಬ್ಬಾ ತೇ ಫಾಸುಕಾ ಭಗ್ಗಾ, ಅಜ್ಜ ಖೋ ತ್ವಂ ವಿರೋಚಸೀತಿ.

ಬಹುಮ್ಪೇತಂ ¶ ಅಸಬ್ಭಿ [ಬಹುಪೇತಮಸಬ್ಭಿ (ಕ.)] ಜಾತವೇದ, ಯಂ ತಂ ವಾಲಧಿನಾಭಿಪೂಜಯಾಮ;

ಮಂಸಾರಹಸ್ಸ ¶ ನತ್ಥಜ್ಜ ಮಂಸಂ, ನಙ್ಗುಟ್ಠಮ್ಪಿ ಭವಂ ಪಟಿಗ್ಗಹಾತೂತಿ.

ನ ¶ ತ್ವಂ ರಾಧ ವಿಜಾನಾಸಿ, ಅಡ್ಢರತ್ತೇ ಅನಾಗತೇ;

ಅಬ್ಯಯತಂ [ಅಬ್ಯಾಯತಂ (ಸೀ. ಸ್ಯಾ. ಪೀ.), ಅಬ್ಯತ್ತತಂ (?)] ವಿಲಪಸಿ, ವಿರತ್ತಾ ಕೋಸಿಯಾಯನೇತಿ.

ಅಪಿ ನು ಹನುಕಾ ಸನ್ತಾ, ಮುಖಞ್ಚ ಪರಿಸುಸ್ಸತಿ;

ಓರಮಾಮ ನ ಪಾರೇಮ, ಪೂರತೇವ ಮಹೋದಧೀತಿ.

ನಯಿದಂ ದುಕ್ಖಂ ಅದುಂ ದುಕ್ಖಂ, ಯಂ ಮಂ ತುದತಿ ವಾಯಸೋ;

ಯಂ ಸಾಮಾ ಪುಪ್ಫರತ್ತೇನ, ಕತ್ತಿಕಂ ನಾನುಭೋಸ್ಸತೀತಿ.

ನಾಹಂ ¶ ಪುನಂ ನ ಚ ಪುನಂ, ನ ಚಾಪಿ ಅಪುನಪ್ಪುನಂ;

ಹತ್ಥಿಬೋನ್ದಿಂ ಪವೇಕ್ಖಾಮಿ, ತಥಾ ಹಿ ಭಯತಜ್ಜಿತೋತಿ.

ಏಕಪಣ್ಣೋ ಅಯಂ ರುಕ್ಖೋ, ನ ಭೂಮ್ಯಾ ಚತುರಙ್ಗುಲೋ;

ಫಲೇನ ವಿಸಕಪ್ಪೇನ, ಮಹಾಯಂ ಕಿಂ ಭವಿಸ್ಸತೀತಿ.

ಅಸನ್ತಂ ¶ ¶ ಯೋ ಪಗ್ಗಣ್ಹಾತಿ, ಅಸನ್ತಂ ಚೂಪಸೇವತಿ;

ತಮೇವ ಘಾಸಂ ಕುರುತೇ, ಬ್ಯಗ್ಘೋ ಸಞ್ಜೀವಕೋ ಯಥಾತಿ.

ಕಕಣ್ಟಕ [ಪಾಪಸೇವನ (ಕ.)] ವಗ್ಗೋ ಪನ್ನರಸಮೋ.

ಸುಖಮೇಧತಿ ದಣ್ಡವರೋ ಚ ಪುನ, ಲಸಿ ವಾಲಧಿ ಪಞ್ಚಮರಾಧವರೋ;

ಸಮಹೋದಧಿ ¶ ಕತ್ತಿಕ ಬೋನ್ದಿ ಪುನ, ಚತುರಙ್ಗುಲಬ್ಯಗ್ಘವರೇನ ದಸಾತಿ.

(ಉಪರಿಮೋ ಪಣ್ಣಾಸಕೋ.) [( ) ಸೀಹಳಪೋತ್ಥಕೇಯೇವ ದಿಸ್ಸತಿ]

ಅಪಣ್ಣಕಂ ಸೀಲವಗ್ಗಕುರುಙ್ಗ, ಕುಲಾವಕಂ ಅತ್ಥಕಾಮೇನ ಪಞ್ಚಮಂ;

ಆಸೀಸೋ ಇತ್ಥಿವರುಣಂ ಅಪಾಯಿ, ಲಿತ್ತವಗ್ಗೇನ ತೇ ದಸ;

ಪರೋಸತಂ ಹಂಚಿ ಕುಸನಾಳಿ [ಹಂಸಿ ಸರಿಕ್ಖಂ (ಸಬ್ಬತ್ಥ)], ಅಸಮ್ಪದಂ ಕಕಣ್ಟಕವಗ್ಗೋ.

ದಳ್ಹಂ ¶ ¶ ¶ ದಳ್ಹಸ್ಸ ಖಿಪತಿ, ಬಲ್ಲಿಕೋ [ಮಲ್ಲಿಕೋ (ಸೀ. ಪೀ.)] ಮುದುನಾ ಮುದುಂ;

ಸಾಧುಮ್ಪಿ ಸಾಧುನಾ ಜೇತಿ, ಅಸಾಧುಮ್ಪಿ ಅಸಾಧುನಾ;

ಏತಾದಿಸೋ ಅಯಂ ರಾಜಾ, ಮಗ್ಗಾ ಉಯ್ಯಾಹಿ ಸಾರಥಿ.

ಅಕ್ಕೋಧೇನ ಜಿನೇ ಕೋಧಂ, ಅಸಾಧುಂ ಸಾಧುನಾ ಜಿನೇ;

ಜಿನೇ ಕದರಿಯಂ ದಾನೇನ, ಸಚ್ಚೇನಾಲಿಕವಾದಿನಂ;

ಏತಾದಿಸೋ ಅಯಂ ರಾಜಾ, ಮಗ್ಗಾ ಉಯ್ಯಾಹಿ ಸಾರಥೀತಿ.

೧೫೨. ಅಸಮೇಕ್ಖಿತಕಮ್ಮನ್ತಂ, ತುರಿತಾಭಿನಿಪಾತಿನಂ.

ಸಾನಿ ಕಮ್ಮಾನಿ ತಪ್ಪೇನ್ತಿ, ಉಣ್ಹಂವಜ್ಝೋಹಿತಂ ಮುಖೇ.

ಸೀಹೋ ಚ ಸೀಹನಾದೇನ, ದದ್ದರಂ ಅಭಿನಾದಯಿ;

ಸುತ್ವಾ ಸೀಹಸ್ಸ ನಿಗ್ಘೋಸಂ, ಸಿಙ್ಗಾಲೋ [ಸಿಗಾಲೋ (ಸೀ. ಸ್ಯಾ. ಪೀ.)] ದದ್ದರೇ ವಸಂ;

ಭೀತೋ ಸನ್ತಾಸಮಾಪಾದಿ, ಹದಯಞ್ಚಸ್ಸ ಅಪ್ಫಲೀತಿ.

ಸಿಙ್ಗಾಲಜಾತಕಂ [ಸಿಗಾಲಜಾತಕಂ (ಸೀ. ಸ್ಯಾ. ಪೀ.)] ದುತಿಯಂ.

ಚತುಪ್ಪದೋ ¶ ಅಹಂ ಸಮ್ಮ, ತ್ವಮ್ಪಿ ಸಮ್ಮ ಚತುಪ್ಪದೋ;

ಏಹಿ ಸಮ್ಮ [ಸೀಹ (ಸೀ. ಪೀ.)] ನಿವತ್ತಸ್ಸು, ಕಿಂ ನು ಭೀತೋ ಪಲಾಯಸಿ.

ಅಸುಚಿ ¶ ಪೂತಿಲೋಮೋಸಿ, ದುಗ್ಗನ್ಧೋ ವಾಸಿ ಸೂಕರ;

ಸಚೇ ಯುಜ್ಝಿತುಕಾಮೋಸಿ, ಜಯಂ ಸಮ್ಮ ದದಾಮಿ ತೇತಿ.

ಇಧೂರಗಾನಂ ¶ ಪವರೋ ಪವಿಟ್ಠೋ, ಸೇಲಸ್ಸ ವಣ್ಣೇನ ಪಮೋಕ್ಖಮಿಚ್ಛಂ;

ಬ್ರಹ್ಮಞ್ಚ ವಣ್ಣಂ [ವಕ್ಕಂ (ಕ.)] ಅಪಚಾಯಮಾನೋ, ಬುಭುಕ್ಖಿತೋ ನೋ ವಿತರಾಮಿ [ವಿಸಹಾಮಿ (ಕ. ಸಿ. ಸ್ಯಾ. ಪೀ.)] ಭೋತ್ತುಂ.

ಸೋ ಬ್ರಹ್ಮಗುತ್ತೋ ಚಿರಮೇವ ಜೀವ, ದಿಬ್ಯಾ ಚ ತೇ ಪಾತುಭವನ್ತು ಭಕ್ಖಾ;

ಯೋ ಬ್ರಹ್ಮವಣ್ಣಂ ಅಪಚಾಯಮಾನೋ, ಬುಭುಕ್ಖಿತೋ ನೋ ವಿತರಾಸಿ [ಸಬ್ಬತ್ಥಪಿ ಸಮಾನಂ] ಭೋತ್ತುನ್ತಿ.

ಜೀವ ¶ ವಸ್ಸಸತಂ ಭಗ್ಗ [ಗಗ್ಗ (ಸೀ. ಪೀ.)], ಅಪರಾನಿ ಚ ವೀಸತಿಂ [ವೀಸತಿ (ಸ್ಯಾ. ಕ.)];

ಮಾ ಮಂ ಪಿಸಾಚಾ ಖಾದನ್ತು, ಜೀವ ತ್ವಂ ಸರದೋ ಸತಂ.

ತ್ವಮ್ಪಿ ವಸ್ಸಸತಂ ಜೀವ, ಅಪರಾನಿ ಚ ವೀಸತಿಂ;

ವಿಸಂ ಪಿಸಾಚಾ ಖಾದನ್ತು, ಜೀವ ತ್ವಂ ಸರದೋ ಸತನ್ತಿ.

ಅಲೀನಚಿತ್ತಂ ನಿಸ್ಸಾಯ, ಪಹಟ್ಠಾ ಮಹತೀ ಚಮೂ;

ಕೋಸಲಂ ಸೇನಾಸನ್ತುಟ್ಠಂ, ಜೀವಗ್ಗಾಹಂ ಅಗಾಹಯಿ.

ಏವಂ ನಿಸ್ಸಯಸಮ್ಪನ್ನೋ, ಭಿಕ್ಖು ಆರದ್ಧವೀರಿಯೋ;

ಭಾವಯಂ ಕುಸಲಂ ಧಮ್ಮಂ, ಯೋಗಕ್ಖೇಮಸ್ಸ ಪತ್ತಿಯಾ;

ಪಾಪುಣೇ ಅನುಪುಬ್ಬೇನ, ಸಬ್ಬಸಂಯೋಜನಕ್ಖಯನ್ತಿ.

ಯೇನ ¶ ಕಾಮಂ ಪಣಾಮೇತಿ, ಧಮ್ಮೋ ಬಲವತಂ ಮಿಗೀ;

ಉನ್ನದನ್ತೀ ವಿಜಾನಾಹಿ, ಜಾತಂ ಸರಣತೋ ಭಯಂ.

ಅಪಿ ¶ ಚೇಪಿ ದುಬ್ಬಲೋ ಮಿತ್ತೋ, ಮಿತ್ತಧಮ್ಮೇಸು ತಿಟ್ಠತಿ;

ಸೋ ಞಾತಕೋ ಚ ಬನ್ಧು ಚ, ಸೋ ಮಿತ್ತೋ ಸೋ ಚ ಮೇ ಸಖಾ;

ದಾಠಿನಿ ¶ ಮಾತಿಮಞ್ಞಿತ್ಥೋ [ಮಞ್ಞಿವೋ (ಸ್ಯಾ.), ಮಞ್ಞವ್ಹೋ (ಕ.)], ಸಿಙ್ಗಾಲೋ ಮಮ ಪಾಣದೋತಿ.

ನಯಿದಂ ವಿಸಮಸೀಲೇನ, ಸೋಣೇನ ಸುಹನೂ ಸಹ;

ಸುಹನೂಪಿ ತಾದಿಸೋಯೇವ, ಯೋ ಸೋಣಸ್ಸ ಸಗೋಚರೋ.

ಪಕ್ಖನ್ದಿನಾ ಪಗಬ್ಭೇನ, ನಿಚ್ಚಂ ಸನ್ದಾನಖಾದಿನಾ;

ಸಮೇತಿ ಪಾಪಂ ಪಾಪೇನ, ಸಮೇತಿ ಅಸತಾ ಅಸನ್ತಿ.

ಉದೇತಯಂ ಚಕ್ಖುಮಾ ಏಕರಾಜಾ, ಹರಿಸ್ಸವಣ್ಣೋ ಪಥವಿಪ್ಪಭಾಸೋ [ಪಠವಿಪ್ಪಭಾಸೋ (ಸೀ. ಸ್ಯಾ. ಪೀ.)];

ತಂ ತಂ ನಮಸ್ಸಾಮಿ ಹರಿಸ್ಸವಣ್ಣಂ ಪಥವಿಪ್ಪಭಾಸಂ, ತಯಾಜ್ಜ ಗುತ್ತಾ ವಿಹರೇಮು ದಿವಸಂ.

ಯೇ ಬ್ರಾಹ್ಮಣಾ ವೇದಗೂ ಸಬ್ಬಧಮ್ಮೇ, ತೇ ಮೇ ನಮೋ ತೇ ಚ ಮಂ ಪಾಲಯನ್ತು;

ನಮತ್ಥು ಬುದ್ಧಾನಂ [ಬುದ್ಧಾನ (?)] ನಮತ್ಥು ಬೋಧಿಯಾ, ನಮೋ ವಿಮುತ್ತಾನಂ [ವಿಮುತ್ತಾನ (?)] ನಮೋ ವಿಮುತ್ತಿಯಾ;

ಇಮಂ ಸೋ ಪರಿತ್ತಂ ಕತ್ವಾ, ಮೋರೋ ಚರತಿ ಏಸನಾ.

ಅಪೇತಯಂ ¶ ¶ ಚಕ್ಖುಮಾ ಏಕರಾಜಾ, ಹರಿಸ್ಸವಣ್ಣೋ ಪಥವಿಪ್ಪಭಾಸೋ;

ತಂ ತಂ ನಮ್ಮಸ್ಸಾಮಿ ಹರಿಸ್ಸವಣ್ಣಂ ಪಥವಿಪ್ಪಭಾಸಂ, ತಯಾಜ್ಜ ಗುತ್ತಾ ವಿಹರೇಮು ರತ್ತಿಂ.

ಯೇ ಬ್ರಾಹ್ಮಣಾ ವೇದಗೂ ಸಬ್ಬಧಮ್ಮೇ, ತೇ ಮೇ ನಮೋ ತೇ ಚ ಮಂ ಪಾಲಯನ್ತು;

ನಮತ್ಥು ಬುದ್ಧಾನಂ ನಮತ್ಥು ಬೋಧಿಯಾ, ನಮೋ ವಿಮುತ್ತಾನಂ ನಮೋ ವಿಮುತ್ತಿಯಾ;

ಇಮಂ ಸೋ ಪರಿತ್ತಂ ಕತ್ವಾ, ಮೋರೋ ವಾಸಮಕಪ್ಪಯೀತಿ.

ಏವಮೇವ ನೂನ [ನು (ಕ.)] ರಾಜಾನಂ, ವೇದೇಹಂ ಮಿಥಿಲಗ್ಗಹಂ;

ಅಸ್ಸಾ ವಹನ್ತಿ ಆಜಞ್ಞಾ, ಯಥಾ ಹಂಸಾ ವಿನೀಲಕಂ.

ವಿನೀಲ ¶ ದುಗ್ಗಂ ಭಜಸಿ, ಅಭೂಮಿಂ ತಾತ ಸೇವಸಿ;

ಗಾಮನ್ತಕಾನಿ [ಗಾಮನ್ತಿಕಾನಿ (ಸೀ.), ಗಾಮನ್ತರಾನಿ (ಕ.)] ಸೇವಸ್ಸು, ಏತಂ ಮಾತಾಲಯಂ ತವಾತಿ.

ವರಬಲ್ಲಿಕ ¶ ದದ್ದರ ಸೂಕರಕೋ, ಉರಗೂತ್ತಮ ಪಞ್ಚಮಭಗ್ಗವರೋ;

ಮಹತೀಚಮು ಯಾವ ಸಿಙ್ಗಾಲವರೋ, ಸುಹನುತ್ತಮ ಮೋರ ವಿನೀಲಂ ದಸಾತಿ.

ನ ¶ ಸನ್ಥವಂ [ಸನ್ಧವಂ (ಕ.)] ಕಾಪುರಿಸೇನ ಕಯಿರಾ, ಅರಿಯೋ ಅನರಿಯೇನ ಪಜಾನಮತ್ಥಂ;

ಚಿರಾನುವುತ್ಥೋಪಿ ಕರೋತಿ ಪಾಪಂ, ಗಜೋ ಯಥಾ ಇನ್ದಸಮಾನಗೋತ್ತಂ.

ಯಂ ತ್ವೇವ ಜಞ್ಞಾ ಸದಿಸೋ ಮಮನ್ತಿ, ಸೀಲೇನ ಪಞ್ಞಾಯ ಸುತೇನ ಚಾಪಿ;

ತೇನೇವ ಮೇತ್ತಿಂ ಕಯಿರಾಥ ಸದ್ಧಿಂ, ಸುಖೋ ಹವೇ ಸಪ್ಪುರಿಸೇನ ಸಙ್ಗಮೋತಿ.

ನ ¶ ಸನ್ಥವಸ್ಮಾ ಪರಮತ್ಥಿ ಪಾಪಿಯೋ, ಯೋ ಸನ್ಥವೋ [ಸನ್ಧವೋ (ಕ.)] ಕಾಪುರಿಸೇನ ಹೋತಿ;

ಸನ್ತಪ್ಪಿತೋ ಸಪ್ಪಿನಾ ಪಾಯಸೇನ [ಪಾಯಾಸೇನ (ಕ.)], ಕಿಚ್ಛಾಕತಂ ಪಣ್ಣಕುಟಿಂ ಅದಯ್ಹಿ [ಅದಡ್ಢಹಿ (ಸೀ. ಸ್ಯಾ.), ಅದಟ್ಠಹಿ (ಪೀ.), ಅದದ್ದಹಿ (?)].

ನ ಸನ್ಥವಸ್ಮಾ ಪರಮತ್ಥಿ ಸೇಯ್ಯೋ, ಯೋ ಸನ್ಥವೋ ಸಪ್ಪುರಿಸೇನ ಹೋತಿ;

ಸೀಹಸ್ಸ ಬ್ಯಗ್ಘಸ್ಸ ಚ ದೀಪಿನೋ ಚ, ಸಾಮಾ ಮುಖಂ ಲೇಹತಿ ಸನ್ಥವೇನಾತಿ.

ಕಾಳಾ ಮಿಗಾ ಸೇತದನ್ತಾ ತವೀಮೇ [ತವ ಇಮೇ (ಸೀ. ಸ್ಯಾ. ಪೀ.)], ಪರೋಸತಂ ಹೇಮಜಾಲಾಭಿಛನ್ನಾ [ಹೇಮಜಾಲಾಭಿಸಞ್ಛನ್ನಾ (ಸೀ.)];

ತೇ ತೇ ದದಾಮೀತಿ ಸುಸೀಮ ಬ್ರೂಸಿ, ಅನುಸ್ಸರಂ ¶ ಪೇತ್ತಿಪಿತಾಮಹಾನಂ.

ಕಾಳಾ ¶ ¶ ಮಿಗಾ ಸೇತದನ್ತಾ ಮಮೀಮೇ [ಮಮ ಇಮೇ (ಸೀ. ಪೀ.)], ಪರೋಸತಂ ಹೇಮಜಾಲಾಭಿಚ್ಛನ್ನಾ;

ತೇ ತೇ ದದಾಮೀತಿ ವದಾಮಿ ಮಾಣವ, ಅನುಸ್ಸರಂ ಪೇತ್ತಿಪಿತಾಮಹಾನನ್ತಿ.

ಯಂ ನು ಗಿಜ್ಝೋ ಯೋಜನಸತಂ, ಕುಣಪಾನಿ ಅವೇಕ್ಖತಿ;

ಕಸ್ಮಾ ಜಾಲಞ್ಚ ಪಾಸಞ್ಚ, ಆಸಜ್ಜಾಪಿ ನ ಬುಜ್ಝಸಿ.

ಯದಾ ಪರಾಭವೋ ಹೋತಿ, ಪೋಸೋ ಜೀವಿತಸಙ್ಖಯೇ;

ಅಥ ಜಾಲಞ್ಚ ಪಾಸಞ್ಚ, ಆಸಜ್ಜಾಪಿ ನ ಬುಜ್ಝತೀತಿ.

ಸನ್ಧಿಂ ಕತ್ವಾ ಅಮಿತ್ತೇನ, ಅಣ್ಡಜೇನ ಜಲಾಬುಜ;

ವಿವರಿಯ ದಾಠಂ ಸೇಸಿ [ಸಯಸಿ (ಸೀ. ಸ್ಯಾ. ಪೀ.)], ಕುತೋ ತೇ ಭಯಮಾಗತಂ.

ಸಙ್ಕೇಥೇವ [ಸಙ್ಕತೇವ (ಕ.)] ಅಮಿತ್ತಸ್ಮಿಂ, ಮಿತ್ತಸ್ಮಿಮ್ಪಿ ನ ವಿಸ್ಸಸೇ;

ಅಭಯಾ ಭಯಮುಪ್ಪನ್ನಂ, ಅಪಿ ಮೂಲಾನಿ ಕನ್ತತೀತಿ [ಮೂಲಂ ನಿಕನ್ತತೀತಿ (ಸೀ.)].

ಉಪಸಾಳಕನಾಮಾನಿ [ಉಪಸಾಳ್ಹಕನಾಮಾನಂ (ಸೀ. ಸ್ಯಾ. ಪೀ.)], ಸಹಸ್ಸಾನಿ ಚತುದ್ದಸ;

ಅಸ್ಮಿಂ ಪದೇಸೇ ದಡ್ಢಾನಿ, ನತ್ಥಿ ಲೋಕೇ ಅನಾಮತಂ.

ಯಮ್ಹಿ ¶ ಸಚ್ಚಞ್ಚ ಧಮ್ಮೋ ಚ, ಅಹಿಂಸಾ ಸಂಯಮೋ ದಮೋ;

ಏತಂ ಅರಿಯಾ ಸೇವನ್ತಿ, ಏತಂ ಲೋಕೇ ಅನಾಮತನ್ತಿ.

ಅಭುತ್ವಾ ¶ ಭಿಕ್ಖಸಿ ಭಿಕ್ಖು, ನ ಹಿ ಭುತ್ವಾನ ಭಿಕ್ಖಸಿ;

ಭುತ್ವಾನ ಭಿಕ್ಖು ಭಿಕ್ಖಸ್ಸು, ಮಾ ತಂ ಕಾಲೋ ಉಪಚ್ಚಗಾ.

ಕಾಲಂ ¶ ವೋಹಂ ನ ಜಾನಾಮಿ, ಛನ್ನೋ ಕಾಲೋ ನ ದಿಸ್ಸತಿ;

ತಸ್ಮಾ ಅಭುತ್ವಾ ಭಿಕ್ಖಾಮಿ, ಮಾ ಮಂ ಕಾಲೋ ಉಪಚ್ಚಗಾತಿ.

ಸೇನೋ ಬಲಸಾ ಪತಮಾನೋ, ಲಾಪಂ ಗೋಚರಠಾಯಿನಂ;

ಸಹಸಾ ಅಜ್ಝಪ್ಪತ್ತೋವ, ಮರಣಂ ತೇನುಪಾಗಮಿ.

ಸೋಹಂ ನಯೇನ ಸಮ್ಪನ್ನೋ, ಪೇತ್ತಿಕೇ ಗೋಚರೇ ರತೋ;

ಅಪೇತಸತ್ತು ಮೋದಾಮಿ, ಸಮ್ಪಸ್ಸಂ ಅತ್ಥಮತ್ತನೋತಿ.

ಯೋ ವೇ ಮೇತ್ತೇನ ಚಿತ್ತೇನ, ಸಬ್ಬಲೋಕಾನುಕಮ್ಪತಿ;

ಉದ್ಧಂ ¶ ಅಧೋ ಚ ತಿರಿಯಂ, ಅಪ್ಪಮಾಣೇನ ಸಬ್ಬಸೋ.

ಅಪ್ಪಮಾಣಂ ಹಿತಂ ಚಿತ್ತಂ, ಪರಿಪುಣ್ಣಂ ಸುಭಾವಿತಂ;

ಯಂ ಪಮಾಣಕತಂ ಕಮ್ಮಂ, ನ ತಂ ತತ್ರಾವಸಿಸ್ಸತೀತಿ.

ನಾಯಂ ಪುರೇ ಉಣ್ಣಮತಿ [ಉನ್ನಮತಿ (ಸ್ಯಾ.)], ತೋರಣಗ್ಗೇ ಕಕಣ್ಟಕೋ;

ಮಹೋಸಧ ವಿಜಾನಾಹಿ, ಕೇನ ಥದ್ಧೋ ಕಕಣ್ಟಕೋ.

ಅಲದ್ಧಪುಬ್ಬಂ ಲದ್ಧಾನ, ಅಡ್ಢಮಾಸಂ ಕಕಣ್ಟಕೋ;

ಅತಿಮಞ್ಞತಿ ರಾಜಾನಂ, ವೇದೇಹಂ ಮಿಥಿಲಗ್ಗಹನ್ತಿ.

ಅಥ ¶ ಇನ್ದಸಮಾನ ಸಪಣ್ಣಕುಟಿ, ಸುಸಿಮುತ್ತಮ ಗಿಜ್ಝ ಜಲಾಬುಜಕೋ;

ಉಪಸಾಳಕ ಭಿಕ್ಖು ಸಲಾಪವರೋ, ಅಥ ಮೇತ್ತವರೋ ದಸಪುಣ್ಣಮತೀತಿ.

ಕಲ್ಯಾಣಧಮ್ಮೋತಿ ¶ ¶ ಯದಾ ಜನಿನ್ದ, ಲೋಕೇ ಸಮಞ್ಞಂ ಅನುಪಾಪುಣಾತಿ;

ತಸ್ಮಾ ನ ಹಿಯ್ಯೇಥ [ಹೀಯೇಥ (ಸೀ.)] ನರೋ ಸಪಞ್ಞೋ, ಹಿರಿಯಾಪಿ ಸನ್ತೋ ಧುರಮಾದಿಯನ್ತಿ.

ಸಾಯಂ ಸಮಞ್ಞಾ ಇಧ ಮಜ್ಜ ಪತ್ತಾ, ಕಲ್ಯಾಣಧಮ್ಮೋತಿ ಜನಿನ್ದ ಲೋಕೇ;

ತಾಹಂ ಸಮೇಕ್ಖಂ ಇಧ ಪಬ್ಬಜಿಸ್ಸಂ, ನ ಹಿ ಮತ್ಥಿ ಛನ್ದೋ ಇಧ ಕಾಮಭೋಗೇತಿ.

ಕೋ ನು ಸದ್ದೇನ ಮಹತಾ, ಅಭಿನಾದೇತಿ ದದ್ದರಂ;

ತಂ ಸೀಹಾ ನಪ್ಪಟಿನದನ್ತಿ [ಕಿಂ ಸೀಹಾ ನಪ್ಪಟಿನದನ್ತಿ (ಸೀ. ಪೀ.), ನ ಸೀಹಾ ಪಟಿನದನ್ತಿ (ಕ.)], ಕೋ ನಾಮೇಸೋ ಮಿಗಾಧಿಭೂ.

ಅಧಮೋ ಮಿಗಜಾತಾನಂ, ಸಿಙ್ಗಾಲೋ ತಾತ ವಸ್ಸತಿ;

ಜಾತಿಮಸ್ಸ ಜಿಗುಚ್ಛನ್ತಾ, ತುಣ್ಹೀ ಸೀಹಾ ಸಮಚ್ಛರೇತಿ.

ತಾತ ¶ ¶ ಮಾಣವಕೋ ಏಸೋ, ತಾಲಮೂಲಂ ಅಪಸ್ಸಿತೋ;

ಅಗಾರಕಞ್ಚಿದಂ ಅತ್ಥಿ, ಹನ್ದ ದೇಮಸ್ಸಗಾರಕಂ.

ಮಾ ಖೋ ತ್ವಂ ತಾತ ಪಕ್ಕೋಸಿ, ದೂಸೇಯ್ಯ ನೋ ಅಗಾರಕಂ;

ನೇತಾದಿಸಂ ಮುಖಂ ಹೋತಿ, ಬ್ರಾಹ್ಮಣಸ್ಸ ಸುಸೀಲಿನೋತಿ.

ಅದಮ್ಹ ತೇ ವಾರಿ ಪಹೂತರೂಪಂ, ಘಮ್ಮಾಭಿತತ್ತಸ್ಸ ಪಿಪಾಸಿತಸ್ಸ;

ಸೋ ದಾನಿ ಪಿತ್ವಾನ [ಪೀತ್ವಾನ (ಸೀ. ಪೀ.)] ಕಿರಿಙ್ಕರೋಸಿ [ಕಿಕಿಂಕರೋಸಿ (ಸೀ. ಸ್ಯಾ. ಪೀ.)], ಅಸಙ್ಗಮೋ ಪಾಪಜನೇನ ಸೇಯ್ಯೋ.

ಕೋ ತೇ ಸುತೋ ವಾ ದಿಟ್ಠೋ ವಾ, ಸೀಲವಾ ನಾಮ ಮಕ್ಕಟೋ;

ಇದಾನಿ ಖೋ ತಂ ಓಹಚ್ಛಂ [ಊಹಚ್ಚ (ಸೀ. ಪೀ.), ಓಹಚ್ಚಂ (ಸ್ಯಾ.), ಉಹಜ್ಜಂ (ಕ.)], ಏಸಾ ಅಸ್ಮಾಕ ಧಮ್ಮತಾತಿ.

ಸಬ್ಬೇಸು ¶ ಕಿರ ಭೂತೇಸು, ಸನ್ತಿ ಸೀಲಸಮಾಹಿತಾ;

ಪಸ್ಸ ಸಾಖಾಮಿಗಂ ಜಮ್ಮಂ, ಆದಿಚ್ಚಮುಪತಿಟ್ಠತಿ.

ನಾಸ್ಸ ಸೀಲಂ ವಿಜಾನಾಥ, ಅನಞ್ಞಾಯ ಪಸಂಸಥ;

ಅಗ್ಗಿಹುತ್ತಞ್ಚ ¶ ಉಹನ್ನಂ [ಊಹನ್ತಂ (ಸೀ.), ಊಹನಂ (ಸ್ಯಾ.), ಊಹನ್ತಿ (ಪೀ.), ಉಹದಂ (ಕ.)], ದ್ವೇ ಚ ಭಿನ್ನಾ ಕಮಣ್ಡಲೂತಿ.

ಬಾಲೋ ¶ ವತಾಯಂ ದುಮಸಾಖಗೋಚರೋ, ಪಞ್ಞಾ ಜನಿನ್ದ ನಯಿಮಸ್ಸ ವಿಜ್ಜತಿ;

ಕಳಾಯಮುಟ್ಠಿಂ [ಕಲಾಯಮುಟ್ಠಿಂ (ಸೀ. ಪೀ.)] ಅವಕಿರಿಯ ಕೇವಲಂ, ಏಕಂ ಕಳಾಯಂ ಪತಿತಂ ಗವೇಸತಿ.

ಏವಮೇವ ಮಯಂ ರಾಜ, ಯೇ ಚಞ್ಞೇ ಅತಿಲೋಭಿನೋ;

ಅಪ್ಪೇನ ಬಹುಂ ಜಿಯ್ಯಾಮ, ಕಳಾಯೇನೇವ ವಾನರೋತಿ.

ಧನುಹತ್ಥಕಲಾಪೇಹಿ, ನೇತ್ತಿಂ ಸವರಧಾರಿಭಿ;

ಸಮನ್ತಾ ಪರಿಕಿಣ್ಣಮ್ಹ, ಕಥಂ ಮೋಕ್ಖೋ ಭವಿಸ್ಸತಿ.

ಅಪ್ಪೇವ ಬಹುಕಿಚ್ಚಾನಂ, ಅತ್ಥೋ ಜಾಯೇಥ ಕೋಚಿ ನಂ;

ಅತ್ಥಿ ರುಕ್ಖಸ್ಸ ಅಚ್ಛಿನ್ನಂ, ಖಜ್ಜಥಞ್ಞೇವ ತಿನ್ದುಕನ್ತಿ.

ಜನಿತ್ತಂ ¶ ಮೇ ಭವಿತ್ತಂ ಮೇ, ಇತಿ ಪಙ್ಕೇ ಅವಸ್ಸಯಿಂ;

ತಂ ಮಂ ಪಙ್ಕೋ ಅಜ್ಝಭವಿ, ಯಥಾ ದುಬ್ಬಲಕಂ ತಥಾ;

ತಂ ತಂ ವದಾಮಿ ಭಗ್ಗವ, ಸುಣೋಹಿ ವಚನಂ ಮಮ.

ಗಾಮೇ ವಾ ಯದಿ ವಾ ರಞ್ಞೇ, ಸುಖಂ ಯತ್ರಾಧಿಗಚ್ಛತಿ;

ತಂ ಜನಿತ್ತಂ ಭವಿತ್ತಞ್ಚ, ಪುರಿಸಸ್ಸ ಪಜಾನತೋ;

ಯಮ್ಹಿ ಜೀವೇ ತಮ್ಹಿ ಗಚ್ಛೇ, ನ ನಿಕೇತಹತೋ ಸಿಯಾತಿ.

ತಞ್ಚ ¶ ಅಪ್ಪಞ್ಚ ಉಚ್ಛಿಟ್ಠಂ, ತಞ್ಚ ಕಿಚ್ಛೇನ ನೋ ಅದಾ;

ಸೋಹಂ ಬ್ರಾಹ್ಮಣಜಾತಿಕೋ, ಯಂ ಭುತ್ತಂ ತಮ್ಪಿ ಉಗ್ಗತಂ.

ಏವಂ ¶ ಧಮ್ಮಂ ನಿರಂಕತ್ವಾ [ನಿರಾಕತ್ವಾ (?) ನಿ + ಆ + ಕರ + ತ್ವಾ], ಯೋ ಅಧಮ್ಮೇನ ಜೀವತಿ;

ಸತಧಮ್ಮೋವ ಲಾಭೇನ, ಲದ್ಧೇನಪಿ ನ ನನ್ದತೀತಿ.

ದುದ್ದದಂ ದದಮಾನಾನಂ, ದುಕ್ಕರಂ ಕಮ್ಮ ಕುಬ್ಬತಂ;

ಅಸನ್ತೋ ನಾನುಕುಬ್ಬನ್ತಿ, ಸತಂ ಧಮ್ಮೋ ದುರನ್ನಯೋ.

ತಸ್ಮಾ ಸತಞ್ಚ ಅಸತಂ, ನಾನಾ ಹೋತಿ ಇತೋ ಗತಿ;

ಅಸನ್ತೋ ¶ ನಿರಯಂ ಯನ್ತಿ, ಸನ್ತೋ ಸಗ್ಗಪರಾಯಣಾತಿ [ಪರಾಯನಾ (ಸ್ಯಾ. ಕ.)].

ಸುಸಮಞ್ಞಮಿಗಾಧಿಭೂ ಮಾಣವಕೋ, ವಾರಿಪಹೂತರೂಪಾದಿಚ್ಚುಪಟ್ಠಾನಾ;

ಸಕಳಾಯಸತಿನ್ದುಕಪಙ್ಕ ಪುನ, ಸತಧಮ್ಮ ಸುದುದ್ದದಕೇನ ದಸಾತಿ.

ಧನುಗ್ಗಹೋ ಅಸದಿಸೋ, ರಾಜಪುತ್ತೋ ಮಹಬ್ಬಲೋ;

ದೂರೇಪಾತೀ ಅಕ್ಖಣವೇಧೀ, ಮಹಾಕಾಯಪ್ಪದಾಲನೋ.

ಸಬ್ಬಾಮಿತ್ತೇ ರಣಂ ಕತ್ವಾ, ನ ಚ ಕಞ್ಚಿ ವಿಹೇಠಯಿ;

ಭಾತರಂ ಸೋತ್ಥಿಂ ಕತ್ವಾನ, ಸಂಯಮಂ ಅಜ್ಝುಪಾಗಮೀತಿ.

ಸಙ್ಗಾಮಾವಚರೋ ¶ ¶ ಸೂರೋ, ಬಲವಾ ಇತಿ ವಿಸ್ಸುತೋ;

ಕಿಂ ¶ ನು ತೋರಣಮಾಸಜ್ಜ, ಪಟಿಕ್ಕಮಸಿ ಕುಞ್ಜರ.

ಓಮದ್ದ ಖಿಪ್ಪಂ ಪಲಿಘಂ, ಏಸಿಕಾನಿ ಚ ಅಬ್ಬಹ [ಉಬ್ಬಹ (ಸ್ಯಾ.), ಅಬ್ಭುಹ (ಕ.)];

ತೋರಣಾನಿ ಚ ಮದ್ದಿತ್ವಾ, ಖಿಪ್ಪಂ ಪವಿಸ ಕುಞ್ಜರಾತಿ.

ವಾಲೋದಕಂ ಅಪ್ಪರಸಂ ನಿಹೀನಂ, ಪಿತ್ವಾ [ಪೀತ್ವಾ (ಸೀ. ಪೀ.)] ಮದೋ ಜಾಯತಿ ಗದ್ರಭಾನಂ;

ಇಮಞ್ಚ ಪಿತ್ವಾನ ರಸಂ ಪಣೀತಂ, ಮದೋ ನ ಸಞ್ಜಾಯತಿ ಸಿನ್ಧವಾನಂ.

ಅಪ್ಪಂ ಪಿವಿತ್ವಾನ ನಿಹೀನಜಚ್ಚೋ, ಸೋ ಮಜ್ಜತೀ ತೇನ ಜನಿನ್ದ ಪುಟ್ಠೋ [ಫುಟ್ಠೋ (ಸೀ. ಸ್ಯಾ.), ಮುಟ್ಠೋ (ಕ.)];

ಧೋರಯ್ಹಸೀಲೀ ಚ ಕುಲಮ್ಹಿ ಜಾತೋ, ನ ಮಜ್ಜತೀ ಅಗ್ಗರಸಂ ಪಿವಿತ್ವಾತಿ.

ದೂಸಿತೋ ಗಿರಿದತ್ತೇನ [ಗಿರಿದನ್ತೇನ (ಪೀ.)], ಹಯೋ ಸಾಮಸ್ಸ ಪಣ್ಡವೋ;

ಪೋರಾಣಂ ಪಕತಿಂ ಹಿತ್ವಾ, ತಸ್ಸೇವಾನುವಿಧಿಯ್ಯತಿ [ನುವಿಧೀಯತಿ (ಸೀ. ಪೀ.)].

ಸಚೇ ¶ ಚ ತನುಜೋ ಪೋಸೋ, ಸಿಖರಾಕಾರ [ಸಿಙ್ಗಾರಾಕಾರ (ಸ್ಯಾ.)] ಕಪ್ಪಿತೋ;

ಆನನೇ ನಂ [ತಂ (ಸೀ. ಸ್ಯಾ. ಪೀ.)] ಗಹೇತ್ವಾನ, ಮಣ್ಡಲೇ ಪರಿವತ್ತಯೇ;

ಖಿಪ್ಪಮೇವ ಪಹನ್ತ್ವಾನ, ತಸ್ಸೇವಾನುವಿಧಿಯ್ಯತೀತಿ.

ಯಥೋದಕೇ ¶ ಆವಿಲೇ ಅಪ್ಪಸನ್ನೇ, ನ ಪಸ್ಸತಿ ಸಿಪ್ಪಿಕಸಮ್ಬುಕಞ್ಚ;

ಸಕ್ಖರಂ ವಾಲುಕಂ ಮಚ್ಛಗುಮ್ಬಂ, ಏವಂ ಆವಿಲಮ್ಹಿ [ಆವಿಲೇ ಹಿ (ಸೀ.)] ಚಿತ್ತೇ;

ಯಥೋದಕೇ ¶ ಅಚ್ಛೇ ವಿಪ್ಪಸನ್ನೇ, ಸೋ ಪಸ್ಸತಿ ಸಿಪ್ಪಿಕಸಮ್ಬುಕಞ್ಚ;

ಸಕ್ಖರಂ ವಾಲುಕಂ ಮಚ್ಛಗುಮ್ಬಂ, ಏವಂ ಅನಾವಿಲಮ್ಹಿ ಚಿತ್ತೇ;

ಸೋ ಪಸ್ಸತಿ ಅತ್ತದತ್ಥಂ ಪರತ್ಥನ್ತಿ.

ವಣ್ಣಗನ್ಧರಸೂಪೇತೋ ¶ , ಅಮ್ಬೋಯಂ ಅಹುವಾ ಪುರೇ;

ತಮೇವ ಪೂಜಂ ಲಭಮಾನೋ, ಕೇನಮ್ಬೋ ಕಟುಕಪ್ಫಲೋ.

ಪುಚಿಮನ್ದಪರಿವಾರೋ, ಅಮ್ಬೋ ತೇ ದಧಿವಾಹನ;

ಮೂಲಂ ಮೂಲೇನ ಸಂಸಟ್ಠಂ, ಸಾಖಾ ಸಾಖಾ [ಸಾಖಂ (ಸ್ಯಾ. ಕ.)] ನಿಸೇವರೇ [ನಿವೀಸರೇ (ಕ.)];

ಅಸಾತಸನ್ನಿವಾಸೇನ, ತೇನಮ್ಬೋ ಕಟುಕಪ್ಫಲೋತಿ.

ಉಚ್ಚೇ ವಿಟಭಿಮಾರುಯ್ಹ, ಮನ್ತಯವ್ಹೋ ರಹೋಗತಾ;

ನೀಚೇ ಓರುಯ್ಹ ಮನ್ತವ್ಹೋ, ಮಿಗರಾಜಾಪಿ ಸೋಸ್ಸತಿ.

ಯಂ ಸುವಣ್ಣೋ ಸುವಣ್ಣೇನ [ಯಂ ಸುಪಣ್ಣೋ ಸುಪಣ್ಣೇನ (ಸೀ. ಸ್ಯಾ. ಪೀ.)], ದೇವೋ ದೇವೇನ ಮನ್ತಯೇ;

ಕಿಂ ತೇತ್ಥ ಚತುಮಟ್ಠಸ್ಸ, ಬಿಲಂ ಪವಿಸ ಜಮ್ಬುಕಾತಿ.

ಸೀಹಙ್ಗುಲೀ ¶ ಸೀಹನಖೋ, ಸೀಹಪಾದಪತಿಟ್ಠಿತೋ;

ಸೋ ಸೀಹೋ ಸೀಹಸಙ್ಘಮ್ಹಿ, ಏಕೋ ನದತಿ ಅಞ್ಞಥಾ.

ಮಾ ¶ ತ್ವಂ ನದಿ ರಾಜಪುತ್ತ, ಅಪ್ಪಸದ್ದೋ ವನೇ ವಸ;

ಸರೇನ ಖೋ [ಮಾ (ಕ.)] ತಂ ಜಾನೇಯ್ಯುಂ, ನ ಹಿ ತೇ ಪೇತ್ತಿಕೋ ಸರೋತಿ.

ನೇತಂ ಸೀಹಸ್ಸ ನದಿತಂ, ನ ಬ್ಯಗ್ಘಸ್ಸ ನ [ಬ್ಯಗ್ಘಸ್ಸ ನ ಚ (ಕ.)] ದೀಪಿನೋ;

ಪಾರುತೋ ಸೀಹಚಮ್ಮೇನ, ಜಮ್ಮೋ ನದತಿ ಗದ್ರಭೋ.

ಚಿರಮ್ಪಿ ¶ ಖೋ ತಂ ಖಾದೇಯ್ಯ, ಗದ್ರಭೋ ಹರಿತಂ ಯವಂ;

ಪಾರುತೋ ಸೀಹಚಮ್ಮೇನ, ರವಮಾನೋವ ದೂಸಯೀತಿ.

ಪಸ್ಸ ಸದ್ಧಾಯ ಸೀಲಸ್ಸ, ಚಾಗಸ್ಸ ಚ ಅಯಂ ಫಲಂ;

ನಾಗೋ ನಾವಾಯ ವಣ್ಣೇನ, ಸದ್ಧಂ ವಹತುಪಾಸಕಂ.

ಸಬ್ಭಿರೇವ ಸಮಾಸೇಥ, ಸಬ್ಭಿ ಕುಬ್ಬೇಥ ಸನ್ಥವಂ;

ಸತಞ್ಹಿ ಸನ್ನಿವಾಸೇನ, ಸೋತ್ಥಿಂ ಗಚ್ಛತಿ ನ್ಹಾಪಿತೋತಿ.

ಧನುಗ್ಗಹ ¶ ಕುಞ್ಜರ ಅಪ್ಪರಸೋ, ಗಿರಿದತ್ತಮನಾವಿಲಚಿತ್ತವರಂ;

ದಧಿವಾಹನ ಜಮ್ಬೂಕ ಸೀಹನಖೋ, ಹರಿತಯವ ನಾಗವರೇನ ದಸಾತಿ.

ಅಪಿ ¶ [ಅಮ್ಭೋ (ಸ್ಯಾ. ಕ. ಸೀ.)] ರುಹಕ ಛಿನ್ನಾಪಿ, ಜಿಯಾ ಸನ್ಧೀಯತೇ ಪುನ;

ಸನ್ಧೀಯಸ್ಸು ಪುರಾಣಿಯಾ, ಮಾ ಕೋಧಸ್ಸ ವಸಂ ಗಮಿ.

ವಿಜ್ಜಮಾನೇಸು ವಾಕೇಸು [ವಿಜ್ಜಮಾನಾಸು ಮರುವಾಸು (ಸೀ.), ವಿಜ್ಜಮಾನಾಸು ಮರೂದ್ವಾಸು (ಪೀ.)], ವಿಜ್ಜಮಾನೇಸು ಕಾರಿಸು;

ಅಞ್ಞಂ ಜಿಯಂ ಕರಿಸ್ಸಾಮಿ, ಅಲಞ್ಞೇವ ಪುರಾಣಿಯಾತಿ.

ಇತ್ಥೀ ಸಿಯಾ ರೂಪವತೀ, ಸಾ ಚ ಸೀಲವತೀ ಸಿಯಾ;

ಪುರಿಸೋ ತಂ ನ ಇಚ್ಛೇಯ್ಯ, ಸದ್ದಹಾಸಿ ಮಹೋಸಧ.

ಸದ್ದಹಾಮಿ ¶ ಮಹಾರಾಜ, ಪುರಿಸೋ ದುಬ್ಭಗೋ ಸಿಯಾ;

ಸಿರೀ ¶ ಚ ಕಾಳಕಣ್ಣೀ ಚ, ನ ಸಮೇನ್ತಿ ಕುದಾಚನನ್ತಿ.

ಅಯಮೇವ ಸಾ ಅಹಮಪಿ [ಅಹಮ್ಪಿ (ಸೀ. ಸ್ಯಾ. ಪೀ.), ಅಹಸ್ಮಿ (ಕ.)] ಸೋ ಅನಞ್ಞೋ, ಅಯಮೇವ ಸೋ ಹತ್ಥಚ್ಛಿನ್ನೋ ಅನಞ್ಞೋ;

ಯಮಾಹ ‘‘ಕೋಮಾರಪತೀ ಮಮ’’ನ್ತಿ, ವಜ್ಝಿತ್ಥಿಯೋ ನತ್ಥಿ ಇತ್ಥೀಸು ಸಚ್ಚಂ.

ಇಮಞ್ಚ ಜಮ್ಮಂ ಮುಸಲೇನ ಹನ್ತ್ವಾ, ಲುದ್ದಂ ಛವಂ ಪರದಾರೂಪಸೇವಿಂ;

ಇಮಿಸ್ಸಾ ಚ ನಂ ಪಾಪಪತಿಬ್ಬತಾಯ, ಜೀವನ್ತಿಯಾ ಛಿನ್ದಥ ಕಣ್ಣನಾಸನ್ತಿ.

ನ ¶ ಸನ್ತಿ ದೇವಾ ಪವಸನ್ತಿ ನೂನ, ನ ಹಿ ನೂನ ಸನ್ತಿ ಇಧ ಲೋಕಪಾಲಾ;

ಸಹಸಾ ಕರೋನ್ತಾನಮಸಞ್ಞತಾನಂ, ನ ಹಿ ನೂನ ಸನ್ತೀ ಪಟಿಸೇಧಿತಾರೋ.

ಅಕಾಲೇ ವಸ್ಸತೀ ತಸ್ಸ, ಕಾಲೇ ತಸ್ಸ ನ ವಸ್ಸತಿ;

ಸಗ್ಗಾ ¶ ಚ ಚವತಿ ಠಾನಾ, ನನು ಸೋ ತಾವತಾ ಹತೋತಿ.

ಪಬ್ಬತೂಪತ್ಥರೇ [ಪಬ್ಬತಪತ್ಥರೇ (ಸೀ. ಸ್ಯಾ. ಪೀ.)] ರಮ್ಮೇ, ಜಾತಾ ಪೋಕ್ಖರಣೀ ಸಿವಾ;

ತಂ ಸಿಙ್ಗಾಲೋ ಅಪಾಪಾಯಿ [ಅಪಾಪಾಸಿ (ಸೀ. ಸ್ಯಾ. ಪೀ.)], ಜಾನಂ ಸೀಹೇನ ರಕ್ಖಿತಂ.

ಪಿವನ್ತಿ ಚೇ [ಪಿವನ್ತಿ ವೇ (ಸೀ.), ಪಿವನ್ತಿವ (ಪೀ.), ಪಿವನ್ತೇವ (?)] ಮಹಾರಾಜ, ಸಾಪದಾನಿ ಮಹಾನದಿಂ;

ನ ತೇನ ಅನದೀ ಹೋತಿ, ಖಮಸ್ಸು ಯದಿ ತೇ ಪಿಯಾತಿ.

ಪಬ್ಬತೂಪತ್ಥರ [ಪಬ್ಬತಪತ್ಥರ (ಸೀ. ಸ್ಯಾ. ಪೀ.)] ಜಾತಕಂ ಪಞ್ಚಮಂ.

ಯೇ ನ ಕಾಹನ್ತಿ ಓವಾದಂ, ನರಾ ಬುದ್ಧೇನ ದೇಸಿತಂ;

ಬ್ಯಸನಂ ತೇ ಗಮಿಸ್ಸನ್ತಿ, ರಕ್ಖಸೀಹಿವ ವಾಣಿಜಾ.

ಯೇ ¶ ಚ ಕಾಹನ್ತಿ ಓವಾದಂ, ನರಾ ಬುದ್ಧೇನ ದೇಸಿತಂ;

ಸೋತ್ಥಿಂ ಪಾರಂ ಗಮಿಸ್ಸನ್ತಿ, ವಲಾಹೇನೇವ [ವಾಲಾಹೇನೇವ (ಸೀ. ಪೀ.)] ವಾಣಿಜಾತಿ.

ವಲಾಹಕಸ್ಸ [ವಾಲಾಹಸ್ಸ (ಸೀ. ಪೀ.)] ಜಾತಕಂ ಛಟ್ಠಂ.

ನ ನಂ ಉಮ್ಹಯತೇ ದಿಸ್ವಾ, ನ ಚ ನಂ ಪಟಿನನ್ದತಿ;

ಚಕ್ಖೂನಿ ಚಸ್ಸ ನ ದದಾತಿ, ಪಟಿಲೋಮಞ್ಚ ವತ್ತತಿ.

ಏತೇ ¶ ¶ ಭವನ್ತಿ ಆಕಾರಾ, ಅಮಿತ್ತಸ್ಮಿಂ ಪತಿಟ್ಠಿತಾ;

ಯೇಹಿ ಅಮಿತ್ತಂ ಜಾನೇಯ್ಯ, ದಿಸ್ವಾ ಸುತ್ವಾ ಚ ಪಣ್ಡಿತೋತಿ.

ಪವಾಸಾ ಆಗತೋ ತಾತ, ಇದಾನಿ ನಚಿರಾಗತೋ;

ಕಚ್ಚಿನ್ನು ತಾತ ತೇ ಮಾತಾ, ನ ಅಞ್ಞಮುಪಸೇವತಿ.

ನ ಖೋ ಪನೇತಂ ಸುಭಣಂ, ಗಿರಂ ಸಚ್ಚುಪಸಂಹಿತಂ;

ಸಯೇಥ ಪೋಟ್ಠಪಾದೋವ, ಮುಮ್ಮುರೇ [ಮುಮ್ಮುರೇ (ಸ್ಯಾ.), ಮಂ ಪುರೇ (ಕ.) ಮುಮ್ಮುರಸದ್ದೋ ಥುಸಗ್ಗಿಮ್ಹಿ ಕುಕ್ಕುಳೇ ಚ ವತ್ತತೀತಿ ಸಕ್ಕತಾಭಿಧಾನೇಸು] ಉಪಕೂಥಿತೋತಿ [ಉಪಕೂಸಿತೋತಿ (ಸೀ. ಸ್ಯಾ. ಪೀ.), ಉಪಕೂಲಿತೋ (ಕ.)].

ಉಭಯಂ ಮೇ ನ ಖಮತಿ, ಉಭಯಂ ಮೇ ನ ರುಚ್ಚತಿ;

ಯಾಚಾಯಂ ಕೋಟ್ಠಮೋತಿಣ್ಣಾ, ನಾದ್ದಸಂ ಇತಿ ಭಾಸತಿ.

ತಂ ತಂ ಗಾಮಪತಿ ಬ್ರೂಮಿ, ಕದರೇ ಅಪ್ಪಸ್ಮಿ ಜೀವಿತೇ;

ದ್ವೇ ಮಾಸೇ ಸಙ್ಗರಂ ಕತ್ವಾ [ಕಾರಂ ಕತ್ವಾನ (ಸೀ. ಪೀ.), ಸಂಕರಂ ಕತ್ವಾ (ಕ.)], ಮಂಸಂ ಜರಗ್ಗವಂ ಕಿಸಂ;

ಅಪ್ಪತ್ತಕಾಲೇ ಚೋದೇಸಿ, ತಮ್ಪಿ ಮಯ್ಹಂ ನ ರುಚ್ಚತೀತಿ.

ಸರೀರದಬ್ಯಂ ¶ ವುಡ್ಢಬ್ಯಂ [ವದ್ಧಬ್ಯಂ (ಸೀ. ಪೀ.)], ಸೋಜಚ್ಚಂ ಸಾಧುಸೀಲಿಯಂ;

ಬ್ರಾಹ್ಮಣಂ ತೇವ ಪುಚ್ಛಾಮ, ಕನ್ನು ತೇಸಂ ವನಿಮ್ಹಸೇ [ವಣಿಮ್ಹಸೇ (ಸೀ. ಪೀ.)].

ಅತ್ಥೋ ¶ ಅತ್ಥಿ ಸರೀರಸ್ಮಿಂ, ವುಡ್ಢಬ್ಯಸ್ಸ ನಮೋ ಕರೇ;

ಅತ್ಥೋ ಅತ್ಥಿ ಸುಜಾತಸ್ಮಿಂ, ಸೀಲಂ ಅಸ್ಮಾಕ ರುಚ್ಚತೀತಿ.

ಅಪಿರುಹಕ ¶ ರೂಪವತೀ ಮುಸಲೋ, ಪವಸನ್ತಿ ಸಪಞ್ಚಮಪೋಕ್ಖರಣೀ;

ಅಥ ಮುತ್ತಿಮವಾಣಿಜ ಉಮ್ಹಯತೇ, ಚಿರಆಗತ ಕೋಟ್ಠ ಸರೀರ ದಸಾತಿ.

ನ ತಂ ದಳ್ಹಂ ಬನ್ಧನಮಾಹು ಧೀರಾ, ಯದಾಯಸಂ ದಾರುಜಪಬ್ಬಜಞ್ಚ [ಬಬ್ಬಜಞ್ಚ (ಸೀ.)];

ಸಾರತ್ತರತ್ತಾ ಮಣಿಕುಣ್ಡಲೇಸು, ಪುತ್ತೇಸು ¶ ದಾರೇಸು ಚ ಯಾ ಅಪೇಕ್ಖಾ.

ಏತಂ ದಳ್ಹಂ ಬನ್ಧನಮಾಹು ಧೀರಾ, ಓಹಾರಿನಂ ಸಿಥಿಲಂ ದುಪ್ಪಮುಞ್ಚಂ;

ಏತಮ್ಪಿ ಛೇತ್ವಾನ ವಜನ್ತಿ ಧೀರಾ, ಅನಪೇಕ್ಖಿನೋ ಕಾಮಸುಖಂ ಪಹಾಯಾತಿ.

ಹಂಸಾ ಕೋಞ್ಚಾ ಮಯೂರಾ ಚ, ಹತ್ಥಯೋ [ಹತ್ಥಿನೋ (ಸೀ.), ಹತ್ಥಿಯೋ (ಸ್ಯಾ. ಪೀ.)] ಪಸದಾ ಮಿಗಾ;

ಸಬ್ಬೇ ಸೀಹಸ್ಸ ಭಾಯನ್ತಿ, ನತ್ಥಿ ಕಾಯಸ್ಮಿ ತುಲ್ಯತಾ.

ಏವಮೇವ ಮನುಸ್ಸೇಸು, ದಹರೋ ಚೇಪಿ ಪಞ್ಞವಾ;

ಸೋ ಹಿ ತತ್ಥ ಮಹಾ ಹೋತಿ, ನೇವ ಬಾಲೋ ಸರೀರವಾತಿ.

ವಿರೂಪಕ್ಖೇಹಿ ಮೇ ಮೇತ್ತಂ, ಮೇತ್ತಂ ಏರಾಪಥೇಹಿ ಮೇ;

ಛಬ್ಯಾಪುತ್ತೇಹಿ ಮೇ ಮೇತ್ತಂ, ಮೇತ್ತಂ ಕಣ್ಹಾಗೋತಮಕೇಹಿ ಚ.

ಅಪಾದಕೇಹಿ ¶ ¶ ಮೇ ಮೇತ್ತಂ, ಮೇತ್ತಂ ದ್ವಿಪಾದಕೇಹಿ ಮೇ;

ಚತುಪ್ಪದೇಹಿ ಮೇ ಮೇತ್ತಂ, ಮೇತ್ತಂ ಬಹುಪ್ಪದೇಹಿ ಮೇ.

ಮಾ ¶ ಮಂ ಅಪಾದಕೋ ಹಿಂಸಿ, ಮಾ ಮಂ ಹಿಂಸಿ ದ್ವಿಪಾದಕೋ;

ಮಾ ಮಂ ಚತುಪ್ಪದೋ ಹಿಂಸಿ, ಮಾ ಮಂ ಹಿಂಸಿ ಬಹುಪ್ಪದೋ.

ಸಬ್ಬೇ ಸತ್ತಾ ಸಬ್ಬೇ ಪಾಣಾ, ಸಬ್ಬೇ ಭೂತಾ ಚ ಕೇವಲಾ;

ಸಬ್ಬೇ ಭದ್ರಾನಿ ಪಸ್ಸನ್ತು, ಮಾ ಕಞ್ಚಿ [ಕಿಞ್ಚಿ (ಸ್ಯಾ. ಕ.)] ಪಾಪಮಾಗಮಾ.

ಅಪ್ಪಮಾಣೋ ಬುದ್ಧೋ, ಅಪ್ಪಮಾಣೋ ಧಮ್ಮೋ;

ಅಪ್ಪಮಾಣೋ ಸಙ್ಘೋ, ಪಮಾಣವನ್ತಾನಿ ಸರೀಸಪಾನಿ [ಸಿರಿಸಪಾನಿ (ಸೀ. ಸ್ಯಾ. ಪೀ.)];

ಅಹಿವಿಚ್ಛಿಕಸತಪದೀ, ಉಣ್ಣನಾಭಿ [ಉಣ್ಣಾನಾಭಿ (ಸೀ. ಸ್ಯಾ. ಪೀ.)] ಸರಬೂಮೂಸಿಕಾ.

ಕತಾ ಮೇ ರಕ್ಖಾ ಕತಾ ಮೇ ಪರಿತ್ತಾ, ಪಟಿಕ್ಕಮನ್ತು ಭೂತಾನಿ;

ಸೋಹಂ ನಮೋ ಭಗವತೋ, ನಮೋ ಸತ್ತನ್ನಂ ಸಮ್ಮಾಸಮ್ಬುದ್ಧಾನನ್ತಿ.

ಅಪಿ ವೀರಕ ಪಸ್ಸೇಸಿ, ಸಕುಣಂ ಮಞ್ಜುಭಾಣಕಂ;

ಮಯೂರಗೀವಸಙ್ಕಾಸಂ, ಪತಿಂ ಮಯ್ಹಂ ಸವಿಟ್ಠಕಂ.

ಉದಕಥಲಚರಸ್ಸ ಪಕ್ಖಿನೋ, ನಿಚ್ಚಂ ಆಮಕಮಚ್ಛಭೋಜಿನೋ;

ತಸ್ಸಾನುಕರಂ ಸವಿಟ್ಠಕೋ, ಸೇವಾಲೇ ಪಲಿಗುಣ್ಠಿತೋ ಮತೋತಿ.

ಸೋಭತಿ ಮಚ್ಛೋ ಗಙ್ಗೇಯ್ಯೋ, ಅಥೋ ಸೋಭತಿ ಯಾಮುನೋ [ಸೋಭನ್ತಿ ಮಚ್ಛಾ ಗಙ್ಗೇಯ್ಯಾ, ಅಥೋ ಸೋಭನ್ತಿ ಯಾಮುನಾ (ಸ್ಯಾ. ಪೀ.)];

ಚತುಪ್ಪದೋಯಂ ¶ ಪುರಿಸೋ, ನಿಗ್ರೋಧಪರಿಮಣ್ಡಲೋ;

ಈಸಕಾಯತ [ಈಸಮಾಯತ (ಕ.)] ಗೀವೋ ಚ, ಸಬ್ಬೇವ ಅತಿರೋಚತಿ.

ಯಂ ¶ ಪುಚ್ಛಿತೋ ನ ತಂ ಅಕ್ಖಾಸಿ [ಅಕ್ಖಾ (ಸೀ. ಸ್ಯಾ. ಪೀ.)], ಅಞ್ಞಂ ಅಕ್ಖಾಸಿ [ಅಕ್ಖಾತಿ (ಸ್ಯಾ. ಪೀ.)] ಪುಚ್ಛಿತೋ;

ಅತ್ತಪ್ಪಸಂಸಕೋ ಪೋಸೋ, ನಾಯಂ ಅಸ್ಮಾಕ ರುಚ್ಚತೀತಿ.

ಇಙ್ಘ ¶ ವದ್ಧಮಯಂ [ವದ್ಧಮಯಂ (ಸೀ. ಸ್ಯಾ. ಪೀ.)] ಪಾಸಂ, ಛಿನ್ದ ದನ್ತೇಹಿ ಕಚ್ಛಪ;

ಅಹಂ ತಥಾ ಕರಿಸ್ಸಾಮಿ, ಯಥಾ ನೇಹಿತಿ ಲುದ್ದಕೋ.

ಕಚ್ಛಪೋ ಪಾವಿಸೀ ವಾರಿಂ, ಕುರುಙ್ಗೋ ಪಾವಿಸೀ ವನಂ;

ಸತಪತ್ತೋ ದುಮಗ್ಗಮ್ಹಾ, ದೂರೇ ಪುತ್ತೇ ಅಪಾನಯೀತಿ.

ಅಯಮಸ್ಸಕರಾಜೇನ, ದೇಸೋ ವಿಚರಿತೋ ಮಯಾ;

ಅನುಕಾಮಯ ಕಾಮೇನ [ಅನುಕಾಮಯವನುಕಾಮೇನ (ಸೀ. ಪೀ.)], ಪಿಯೇನ ಪತಿನಾ ಸಹ.

ನವೇನ ಸುಖದುಕ್ಖೇನ, ಪೋರಾಣಂ ಅಪಿಧೀಯತಿ [ಅಪಿಥೀಯತಿ (ಸೀ. ಪೀ.), ಅಪಿಥಿಯ್ಯತಿ (ಸ್ಯಾ.)];

ತಸ್ಮಾ ಅಸ್ಸಕರಞ್ಞಾವ, ಕೀಟೋ ಪಿಯತರೋ ಮಮಾತಿ.

ಅಲಂ ¶ ಮೇತೇಹಿ ಅಮ್ಬೇಹಿ, ಜಮ್ಬೂಹಿ ಪನಸೇಹಿ ಚ;

ಯಾನಿ ಪಾರಂ ಸಮುದ್ದಸ್ಸ, ವರಂ ಮಯ್ಹಂ ಉದುಮ್ಬರೋ.

ಮಹತೀ ವತ ತೇ ಬೋನ್ದಿ, ನ ಚ ಪಞ್ಞಾ ತದೂಪಿಕಾ;

ಸುಸುಮಾರ [ಸುಂಸುಮಾರ (ಸೀ. ಸ್ಯಾ. ಪೀ.)] ವಞ್ಚಿತೋ ಮೇಸಿ, ಗಚ್ಛ ದಾನಿ ಯಥಾಸುಖನ್ತಿ.

ದಿಟ್ಠಾ ¶ ಮಯಾ ವನೇ ರುಕ್ಖಾ, ಅಸ್ಸಕಣ್ಣಾ ವಿಭೀಟಕಾ [ವಿಭೇದಕಾ (ಸ್ಯಾ. ಕ.)];

ನ ತಾನಿ ಏವಂ ಸಕ್ಕನ್ತಿ, ಯಥಾ ತ್ವಂ ರುಕ್ಖ ಸಕ್ಕಸಿ.

ಪುರಾಣಕುಕ್ಕುಟೋ [ಕಕ್ಕರೋ (ಸೀ. ಸ್ಯಾ. ಪೀ.)] ಅಯಂ, ಭೇತ್ವಾ ಪಞ್ಜರಮಾಗತೋ;

ಕುಸಲೋ ವಾಳಪಾಸಾನಂ, ಅಪಕ್ಕಮತಿ ಭಾಸತೀತಿ.

ಕುಕ್ಕುಟ [ಕಕ್ಕರ (ಸೀ. ಸ್ಯಾ. ಪೀ.)] ಜಾತಕಂ ನವಮಂ.

ಅಮ್ಭೋ ¶ ಕೋ ನಾಮ ಯಂ ರುಕ್ಖೋ, ಸಿನ್ನಪತ್ತೋ [ಸೀನಪತ್ತೋ (ಸೀ. ಪೀ.)] ಸಕಣ್ಟಕೋ;

ಯತ್ಥ ಏಕಪ್ಪಹಾರೇನ, ಉತ್ತಮಙ್ಗಂ ವಿಭಿಜ್ಜಿತಂ [ವಿಸಾಟಿಕಂ (ಸೀ. ಸ್ಯಾ. ಪೀ.), ವಿಘಾಟಿತಂ (ಸೀ. ನಿಯ್ಯ)].

ಅಚಾರಿ ವತಾಯಂ ವಿತುದಂ ವನಾನಿ, ಕಟ್ಠಙ್ಗರುಕ್ಖೇಸು ಅಸಾರಕೇಸು;

ಅಥಾಸದಾ ¶ ಖದಿರಂ ಜಾತಸಾರಂ [ಜಾತಿಸಾರಂ (ಕ.)], ಯತ್ಥಬ್ಭಿದಾ ಗರುಳೋ ಉತ್ತಮಙ್ಗನ್ತಿ.

ದಳ್ಹಬನ್ಧನ ಹಂಸವರೋ ಚ ಪುನ, ವಿರೂಪಕ್ಖ ಸವಿಟ್ಠಕ ಮಚ್ಛವರೋ;

ಸಕುರುಙ್ಗ ಸಅಸ್ಸಕ ಅಮ್ಬವರೋ, ಪುನ ಕುಕ್ಕುಟಕೋ ಗರುಳೇನ ದಸಾತಿ.

ಅಕಾಸಿ ಯೋಗ್ಗಂ ಧುವಮಪ್ಪಮತ್ತೋ, ಸಂವಚ್ಛರಂ ಬೀರಣಥಮ್ಭಕಸ್ಮಿಂ;

ಬ್ಯಾಕಾಸಿ ಸಞ್ಞಂ ಪರಿಸಂ ವಿಗಯ್ಹ, ನ ನಿಯ್ಯಮೋ ತಾಯತಿ ಅಪ್ಪಪಞ್ಞಂ.

ದ್ವಯಂ ¶ ಯಾಚನಕೋ ತಾತ, ಸೋಮದತ್ತ ನಿಗಚ್ಛತಿ;

ಅಲಾಭಂ ¶ ಧನಲಾಭಂ ವಾ, ಏವಂ ಧಮ್ಮಾ ಹಿ ಯಾಚನಾತಿ.

ಅಞ್ಞೋ ಉಪರಿಮೋ ವಣ್ಣೋ, ಅಞ್ಞೋ ವಣ್ಣೋ ಚ ಹೇಟ್ಠಿಮೋ;

ಬ್ರಾಹ್ಮಣೀ ತ್ವೇವ ಪುಚ್ಛಾಮಿ, ಕಿಂ ಹೇಟ್ಠಾ ಕಿಞ್ಚ ಉಪ್ಪರಿ.

ಅಹಂ ನಟೋಸ್ಮಿ ಭದ್ದನ್ತೇ, ಭಿಕ್ಖಕೋಸ್ಮಿ ಇಧಾಗತೋ;

ಅಯಞ್ಹಿ ಕೋಟ್ಠಮೋತಿಣ್ಣೋ, ಅಯಂ ಸೋ ಯಂ [ತ್ವಂ (ಕ.)] ಗವೇಸಸೀತಿ.

ಇಸೀನಮನ್ತರಂ ¶ ಕತ್ವಾ, ಭರುರಾಜಾತಿ [ಕುರುರಾಜಾತಿ (ಕ.)] ಮೇ ಸುತಂ;

ಉಚ್ಛಿನ್ನೋ ಸಹ ರಟ್ಠೇಹಿ [ರಟ್ಠೇನ (ಸೀ. ಪೀ.)], ಸರಾಜಾ ವಿಭವಙ್ಗತೋ.

ತಸ್ಮಾ ಹಿ ಛನ್ದಾಗಮನಂ, ನಪ್ಪಸಂಸನ್ತಿ ಪಣ್ಡಿತಾ;

ಅದುಟ್ಠಚಿತ್ತೋ ಭಾಸೇಯ್ಯ, ಗಿರಂ ಸಚ್ಚುಪಸಂಹಿತನ್ತಿ.

ಪುಣ್ಣಂ ನದಿಂ ಯೇನ ಚ ಪೇಯ್ಯಮಾಹು, ಜಾತಂ ¶ ಯವಂ ಯೇನ ಚ ಗುಯ್ಹಮಾಹು;

ದೂರಂ ಗತಂ ಯೇನ ಚ ಅವ್ಹಯನ್ತಿ, ಸೋ ತ್ಯಾಗತೋ [ತ್ಯಾಭತೋ (ಸ್ಯಾ. ಕ.) ಪಹೇಳಿಗಾಥಾಭಾವೋ ಮನಸಿ ಕಾತಬ್ಬೋ] ಹನ್ದ ಚ ಭುಞ್ಜ ಬ್ರಾಹ್ಮಣ.

ಯತೋ ಮಂ ಸರತೀ ರಾಜಾ, ವಾಯಸಮ್ಪಿ ಪಹೇತವೇ;

ಹಂಸಾ ಕೋಞ್ಚಾ ಮಯೂರಾ ಚ [ಹಂಸಕೋಞ್ಚಮಯೂರಾನಂ (ಕ. ಅಟ್ಠ. ಪಾಠನ್ತರಂ)], ಅಸತೀಯೇವ ಪಾಪಿಯಾತಿ.

ಅವಧೀ ¶ ವತ ಅತ್ತಾನಂ, ಕಚ್ಛಪೋ ಬ್ಯಾಹರಂ ಗಿರಂ [ಕಚ್ಛಪೋವ ಪಬ್ಯಾಹರಂ (ಸ್ಯಾ.), ಕಚ್ಛಪೋ ಸೋ ಪಬ್ಯಾಹರಂ (ಕ.)];

ಸುಗ್ಗಹೀತಸ್ಮಿಂ ಕಟ್ಠಸ್ಮಿಂ, ವಾಚಾಯ ಸಕಿಯಾವಧಿ.

ಏತಮ್ಪಿ ದಿಸ್ವಾ ನರವೀರಿಯಸೇಟ್ಠ, ವಾಚಂ ಪಮುಞ್ಚೇ ಕುಸಲಂ ನಾತಿವೇಲಂ;

ಪಸ್ಸಸಿ ಬಹುಭಾಣೇನ, ಕಚ್ಛಪಂ ಬ್ಯಸನಂ ಗತನ್ತಿ.

ನ ಮಾಯಮಗ್ಗಿ ತಪತಿ, ನ ಸೂಲೋ ಸಾಧುತಚ್ಛಿತೋ;

ಯಞ್ಚ ಮಂ ಮಞ್ಞತೇ ಮಚ್ಛೀ, ಅಞ್ಞಂ ಸೋ ರತಿಯಾ ಗತೋ.

ಸೋ ¶ ಮಂ ದಹತಿ ರಾಗಗ್ಗಿ, ಚಿತ್ತಂ ಚೂಪತಪೇತಿ ಮಂ;

ಜಾಲಿನೋ ಮುಞ್ಚಥಾಯಿರಾ ಮಂ, ನ ಕಾಮೇ ಹಞ್ಞತೇ ಕ್ವಚೀತಿ.

ಸಬ್ಬೋ ¶ ಲೋಕೋ ಅತ್ತಮನೋ ಅಹೋಸಿ, ಅಕೋವಿದಾ ಗಾಮಧಮ್ಮಸ್ಸ ಸೇಗ್ಗು;

ಕೋಮಾರಿ ಕೋ ನಾಮ [ಕೋಮಾರಿಕಾ ನಾಮ (ಕ.), ಕೋಮಾರಿಕೋ ನಾಮ (ಸ್ಯಾ. ಪೀ.)] ತವಜ್ಜ ಧಮ್ಮೋ, ಯಂ ತ್ವಂ ಗಹಿತಾ ಪವನೇ ಪರೋದಸಿ.

ಯೋ ದುಕ್ಖಫುಟ್ಠಾಯ ಭವೇಯ್ಯ ತಾಣಂ, ಸೋ ಮೇ ಪಿತಾ ದುಬ್ಭಿ ವನೇ ಕರೋತಿ;

ಸಾ ಕಸ್ಸ ಕನ್ದಾಮಿ ವನಸ್ಸ ಮಜ್ಝೇ, ಯೋ ತಾಯಿತಾ ಸೋ ಸಹಸಂ ಕರೋತೀತಿ.

ಸಠಸ್ಸ ¶ ಸಾಠೇಯ್ಯಮಿದಂ ಸುಚಿನ್ತಿತಂ, ಪಚ್ಚೋಡ್ಡಿತಂ ಪಟಿಕೂಟಸ್ಸ ಕೂಟಂ;

ಫಾಲಞ್ಚೇ ಖಾದೇಯ್ಯುಂ [ಅದೇಯ್ಯುಂ (ಸೀ. ಪೀ.)] ಮೂಸಿಕಾ, ಕಸ್ಮಾ ಕುಮಾರಂ ಕುಲಲಾ ನ [ನೋ (ಸೀ. ಸ್ಯಾ. ಪೀ.)] ಹರೇಯ್ಯುಂ.

ಕೂಟಸ್ಸ ¶ ಹಿ ಸನ್ತಿ [ಸನ್ತೀಧ (ಕ.)] ಕೂಟಕೂಟಾ, ಭವತಿ [ಭವನ್ತಿ (ಕ.)] ಚಾಪಿ ನಿಕತಿನೋ ನಿಕತ್ಯಾ;

ದೇಹಿ ಪುತ್ತನಟ್ಠ ಫಾಲನಟ್ಠಸ್ಸ ಫಾಲಂ, ಮಾ ತೇ ಪುತ್ತಮಹಾಸಿ ಫಾಲನಟ್ಠೋತಿ.

ಹಿರಞ್ಞಂ ಮೇ ಸುವಣ್ಣಂ ಮೇ, ಏಸಾ ರತ್ತಿಂ ದಿವಾ ಕಥಾ;

ದುಮ್ಮೇಧಾನಂ ಮನುಸ್ಸಾನಂ, ಅರಿಯಧಮ್ಮಂ ಅಪಸ್ಸತಂ.

ದ್ವೇ ದ್ವೇ ಗಹಪತಯೋ ಗೇಹೇ, ಏಕೋ ತತ್ಥ ಅಮಸ್ಸುಕೋ;

ಲಮ್ಬತ್ಥನೋ ವೇಣಿಕತೋ, ಅಥೋ ಅಙ್ಕಿತಕಣ್ಣಕೋ;

ಕೀತೋ ಧನೇನ ಬಹುನಾ, ಸೋ ತಂ ವಿತುದತೇ ಜನನ್ತಿ.

ಸುಖಂ ಜೀವಿತರೂಪೋಸಿ, ರಟ್ಠಾ ವಿವನಮಾಗತೋ;

ಸೋ ಏಕಕೋ ರುಕ್ಖಮೂಲೇ [ಅರಞ್ಞಸ್ಮಿಂ (ಸೀ. ಸ್ಯಾ. ಪೀ.)], ಕಪಣೋ ವಿಯ ಝಾಯಸಿ.

ಸುಖಂ ¶ ಜೀವಿತರೂಪೋಸ್ಮಿ, ರಟ್ಠಾ ವಿವನಮಾಗತೋ;

ಸೋ ಏಕಕೋ ರುಕ್ಖಮೂಲೇ, ಕಪಣೋ ವಿಯ ಝಾಯಾಮಿ;

ಅಥ ¶ ಬೀರಣಥಮ್ಭವರೋ ಚ ನಟೋ, ಭರುರಾಜವರುತ್ತಮಪುಣ್ಣನದೀ;

ಬಹುಭಾಣಿ ಅಗ್ಗಿಪವನೇ ಮೂಸಿಕಾ, ಸಹಲಮ್ಬತ್ಥನೋ ಕಪಣೇನ ದಸಾತಿ.

ಅನಿಕ್ಕಸಾವೋ ಕಾಸಾವಂ, ಯೋ ವತ್ಥಂ ಪರಿದಹಿಸ್ಸತಿ [ಪರಿದಹೇಸ್ಸತಿ (ಸೀ. ಪೀ.)];

ಅಪೇತೋ ದಮಸಚ್ಚೇನ, ನ ಸೋ ಕಾಸಾವಮರಹತಿ.

ಯೋ ಚ ವನ್ತಕಸಾವಸ್ಸ, ಸೀಲೇಸು ಸುಸಮಾಹಿತೋ;

ಉಪೇತೋ ದಮಸಚ್ಚೇನ, ಸ ವೇ ಕಾಸಾವಮರಹತೀತಿ.

ಇದಂ ¶ ತದಾಚರಿಯವಚೋ, ಪಾರಾಸರಿಯೋ ಯದಬ್ರವಿ [ಪೋರಾಣಾಚರಿಯೋಬ್ರವಿ (ಕ.)];

ಮಾಸು ತ್ವಂ ಅಕರಿ [ಅಕರಾ (ಸೀ. ಪೀ.)] ಪಾಪಂ, ಯಂ ತ್ವಂ ಪಚ್ಛಾ ಕತಂ ತಪೇ.

ಯಾನಿ ಕರೋತಿ ಪುರಿಸೋ, ತಾನಿ ಅತ್ತನಿ ಪಸ್ಸತಿ;

ಕಲ್ಯಾಣಕಾರೀ ಕಲ್ಯಾಣಂ, ಪಾಪಕಾರೀ ಚ ಪಾಪಕಂ;

ಯಾದಿಸಂ ವಪತೇ ಬೀಜಂ, ತಾದಿಸಂ ಹರತೇ ಫಲನ್ತಿ.

ನಮೇ ¶ ನಮನ್ತಸ್ಸ ಭಜೇ ಭಜನ್ತಂ, ಕಿಚ್ಚಾನುಕುಬ್ಬಸ್ಸ ಕರೇಯ್ಯ ಕಿಚ್ಚಂ;

ನಾನತ್ಥಕಾಮಸ್ಸ ಕರೇಯ್ಯ ಅತ್ಥಂ, ಅಸಮ್ಭಜನ್ತಮ್ಪಿ ನ ಸಮ್ಭಜೇಯ್ಯ.

ಚಜೇ ¶ ಚಜನ್ತಂ ವನಥಂ ನ ಕಯಿರಾ, ಅಪೇತಚಿತ್ತೇನ ನ ಸಮ್ಭಜೇಯ್ಯ;

ದಿಜೋ ದುಮಂ ಖೀಣಫಲನ್ತಿ ಞತ್ವಾ, ಅಞ್ಞಂ ಸಮೇಕ್ಖೇಯ್ಯ ಮಹಾ ಹಿ ಲೋಕೋತಿ.

ಯಸ್ಸೇತೇ ¶ ಚತುರೋ ಧಮ್ಮಾ, ವಾನರಿನ್ದ ಯಥಾ ತವ;

ಸಚ್ಚಂ ಧಮ್ಮೋ ಧಿತಿ ಚಾಗೋ, ದಿಟ್ಠಂ ಸೋ ಅತಿವತ್ತತಿ.

ಯಸ್ಸ ಚೇತೇ ನ ವಿಜ್ಜನ್ತಿ, ಗುಣಾ ಪರಮಭದ್ದಕಾ;

ಸಚ್ಚಂ ಧಮ್ಮೋ ಧಿತಿ ಚಾಗೋ, ದಿಟ್ಠಂ ಸೋ ನಾತಿವತ್ತತೀತಿ.

ಅತ್ಥಿ ಮೇ ಪುರಿಸೋ ದೇವ, ಸಬ್ಬಕಿಚ್ಚೇಸು ಬ್ಯಾವಟೋ [ವಾವಟೋ (ಕ.)];

ತಸ್ಸ ಚೇಕೋಪರಾಧತ್ಥಿ, ತತ್ಥ ತ್ವಂ ಕಿನ್ತಿ ಮಞ್ಞಸಿ.

ಅಮ್ಹಾಕಮ್ಪತ್ಥಿ ಪುರಿಸೋ, ಏದಿಸೋ ಇಧ ವಿಜ್ಜತಿ;

ದುಲ್ಲಭೋ ಅಙ್ಗಸಮ್ಪನ್ನೋ, ಖನ್ತಿರಸ್ಮಾಕ ರುಚ್ಚತೀತಿ.

ಕಾಲೇ ನಿಕ್ಖಮನಾ ಸಾಧು, ನಾಕಾಲೇ ಸಾಧು ನಿಕ್ಖಮೋ;

ಅಕಾಲೇನ ಹಿ ನಿಕ್ಖಮ್ಮ, ಏಕಕಮ್ಪಿ ಬಹುಜ್ಜನೋ;

ನ ಕಿಞ್ಚಿ ಅತ್ಥಂ ಜೋತೇತಿ, ಧಙ್ಕಸೇನಾವ ಕೋಸಿಯಂ.

ಧೀರೋ ಚ ವಿಧಿವಿಧಾನಞ್ಞೂ, ಪರೇಸಂ ವಿವರಾನುಗೂ;

ಸಬ್ಬಾಮಿತ್ತೇ ¶ ವಸೀಕತ್ವಾ, ಕೋಸಿಯೋವ ಸುಖೀ ಸಿಯಾತಿ.

ಸೂರೋ ¶ ¶ ಸೂರೇನ ಸಙ್ಗಮ್ಮ, ವಿಕ್ಕನ್ತೇನ ಪಹಾರಿನಾ;

ಏಹಿ ನಾಗ ನಿವತ್ತಸ್ಸು, ಕಿಂ ನು ಭೀತೋ ಪಲಾಯಸಿ;

ಪಸ್ಸನ್ತು ಅಙ್ಗಮಗಧಾ, ಮಮ ತುಯ್ಹಞ್ಚ ವಿಕ್ಕಮಂ.

ನ ತಂ ಪಾದಾ ವಧಿಸ್ಸಾಮಿ, ನ ದನ್ತೇಹಿ ನ ಸೋಣ್ಡಿಯಾ;

ಮೀಳ್ಹೇನ ತಂ ವಧಿಸ್ಸಾಮಿ, ಪೂತಿ ಹಞ್ಞತು ಪೂತಿನಾತಿ.

ತಯೋ ಗಿರಿಂ ಅನ್ತರಂ ಕಾಮಯಾಮಿ, ಪಞ್ಚಾಲಾ ಕುರುಯೋ ಕೇಕಕೇ ಚ [ಕುರಯೋ ಕೇಕಯೇ ಚ (ಸೀ.)];

ತತುತ್ತರಿಂ [ತದುತ್ತರಿಂ (ಕ.)] ಬ್ರಾಹ್ಮಣ ಕಾಮಯಾಮಿ, ತಿಕಿಚ್ಛ ಮಂ ಬ್ರಾಹ್ಮಣ ಕಾಮನೀತಂ.

ಕಣ್ಹಾಹಿದಟ್ಠಸ್ಸ ಕರೋನ್ತಿ ಹೇಕೇ, ಅಮನುಸ್ಸಪವಿಟ್ಠಸ್ಸ [ಅಮನುಸ್ಸವದ್ಧಸ್ಸ (ಸೀ. ಪೀ.), ಅಮನುಸ್ಸವಿಟ್ಠಸ್ಸ (ಸ್ಯಾ.)] ಕರೋನ್ತಿ ಪಣ್ಡಿತಾ;

ನ ಕಾಮನೀತಸ್ಸ ಕರೋತಿ ಕೋಚಿ, ಓಕ್ಕನ್ತಸುಕ್ಕಸ್ಸ ¶ ಹಿ ಕಾ ತಿಕಿಚ್ಛಾತಿ.

ಗಜಗ್ಗಮೇಘೇಹಿ ಹಯಗ್ಗಮಾಲಿಭಿ, ರಥೂಮಿಜಾತೇಹಿ ಸರಾಭಿವಸ್ಸೇಭಿ [ಸರಾಭಿವಸ್ಸಭಿ (ಸ್ಯಾ. ಸೀ. ಅಟ್ಠ.), ಸರಾಭಿವಸ್ಸಿಭಿ (?)];

ಥರುಗ್ಗಹಾವಟ್ಟ [ಧನುಗ್ಗಹಾವಟ್ಟ (ಕ.)] ದಳ್ಹಪ್ಪಹಾರಿಭಿ, ಪರಿವಾರಿತಾ ತಕ್ಕಸಿಲಾ ಸಮನ್ತತೋ.

[ಅಭಿಧಾವಥಾ ಚ ಪತಥಾ ಚ, ವಿವಿಧವಿನದಿತಾ ಚ ದನ್ತಿಭಿ; ವತ್ತತಜ್ಜ ತುಮುಲೋ ಘೋಸೋ, ಯಥಾ ವಿಜ್ಜುತಾ ಜಲಧರಸ್ಸ ಗಜ್ಜತೋತಿ; (ಸೀ. ಪೀ. ಕ.)] ಅಭಿಧಾವಥ ¶ ಚೂಪಧಾವಥ ಚ [ಅಭಿಧಾವಥಾ ಚುಪ್ಪತಥಾ ಚ (ಸ್ಯಾ.)], ವಿವಿಧಾ ವಿನಾದಿತಾ [ವಿನಾದಿತತ್ಥ (ಕ.)] ವದನ್ತಿಭಿ;

ವತ್ತತಜ್ಜ ತುಮುಲೋ ಘೋಸೋ ಯಥಾ, ವಿಜ್ಜುಲತಾ ಜಲಧರಸ್ಸ ಗಜ್ಜತೋತಿ [ಅಭಿಧಾವಥಾ ಚ ಪತಥಾ ಚ, ವಿವಿಧವಿನದಿತಾ ಚ ದನ್ತಿಭಿ; ವತ್ತತಜ್ಜ ತುಮುಲೋ ಘೋಸೋ, ಯಥಾ ವಿಜ್ಜುತಾ ಜಲಧರಸ್ಸ ಗಜ್ಜತೋತಿ; (ಸೀ. ಪೀ. ಕ.)].

ಧಜಮಪರಿಮಿತಂ ಅನನ್ತಪಾರಂ, ದುಪ್ಪಸಹಂಧಙ್ಕೇಹಿ ಸಾಗರಂವ [ಸಾಗರಮಿವ (ಸೀ. ಸ್ಯಾ. ಪೀ.)];

ಗಿರಿಮಿವಅನಿಲೇನ ದುಪ್ಪಸಯ್ಹೋ [ದುಪ್ಪಸಹೋ (ಸೀ. ಪೀ. ಕ.)], ದುಪ್ಪಸಹೋ ಅಹಮಜ್ಜತಾದಿಸೇನ.

ಮಾ ¶ ಬಾಲಿಯಂ ವಿಲಪಿ [ವಿಪ್ಪಲಪಿ (ಬಹೂಸು)] ನ ಹಿಸ್ಸ ತಾದಿಸಂ, ವಿಡಯ್ಹಸೇ [ವಿಳಯ್ಹಸೇ (ಸೀ. ಪೀ.)] ನ ಹಿ ಲಭಸೇ ನಿಸೇಧಕಂ;

ಆಸಜ್ಜಸಿ ಗಜಮಿವ ಏಕಚಾರಿನಂ, ಯೋ ತಂ ಪದಾ ನಳಮಿವ ಪೋಥಯಿಸ್ಸತೀತಿ.

ವರವತ್ಥವಚೋ ¶ ದುಮಖೀಣಫಲಂ, ಚತುರೋಧಮ್ಮವರಂ ಪುರಿಸುತ್ತಮ;

ಧಙ್ಕಮಗಧಾ ಚ ತಯೋಗಿರಿನಾಮ, ಗಜಗ್ಗವರೋ ಧಜವರೇನ ದಸಾತಿ.

ಯಥಾಪಿ ¶ ಕೀತಾ ಪುರಿಸಸ್ಸುಪಾಹನಾ, ಸುಖಸ್ಸ ಅತ್ಥಾಯ ದುಖಂ ಉದಬ್ಬಹೇ;

ಘಮ್ಮಾಭಿತತ್ತಾ ಥಲಸಾ ಪಪೀಳಿತಾ, ತಸ್ಸೇವ ಪಾದೇ ಪುರಿಸಸ್ಸ ಖಾದರೇ.

ಏವಮೇವ ¶ ಯೋ ದುಕ್ಕುಲೀನೋ ಅನರಿಯೋ, ತಮ್ಮಾಕ [ತಮ್ಹಾಕ (ಸೀ.), ತುಮ್ಹಾಕ (ಸ್ಯಾ. ಪೀ.)] ವಿಜ್ಜಞ್ಚ ಸುತಞ್ಚ ಆದಿಯ;

ತಮೇವ ಸೋ ತತ್ಥ ಸುತೇನ ಖಾದತಿ, ಅನರಿಯೋ ವುಚ್ಚತಿ ದುಪಾಹನೂಪಮೋತಿ [ಪಾನದೂಪಮೋತಿ (ಸೀ. ಪೀ.)].

ಏಕಚಿನ್ತಿತೋ ಯಮತ್ಥೋ, ಬಾಲೋ ಅಪರಿಣಾಯಕೋ;

ನ ಹಿ ಖುಜ್ಜೇನ ವಾಮೇನ, ಭೋತಿ ಸಙ್ಗನ್ತುಮರಹಸಿ.

ಪುರಿಸೂಸಭಂ ಮಞ್ಞಮಾನಾ, ಅಹಂ ಖುಜ್ಜಮಕಾಮಯಿಂ;

ಸೋಯಂ ಸಂಕುಟಿತೋ ಸೇತಿ, ಛಿನ್ನತನ್ತಿ ಯಥಾ ವಿಣಾತಿ [ಥುಣಾತಿ (ಸೀ.)].

ಕಾಮಂ ಯಹಿಂ ಇಚ್ಛಸಿ ತೇನ ಗಚ್ಛ, ವಿದ್ಧೋಸಿ ಮಮ್ಮಮ್ಹಿ [ಮಮಸ್ಮಿ (ಕ.)] ವಿಕಣ್ಣಕೇನ;

ಹತೋಸಿ ಭತ್ತೇನ ಸುವಾದಿತೇನ [ಸವಾದಿತೇನ (ಸೀ. ಸ್ಯಾ. ಪೀ.)], ಲೋಲೋ ಚ ಮಚ್ಛೇ ಅನುಬನ್ಧಮಾನೋ.

ಏವಮ್ಪಿ ¶ ಲೋಕಾಮಿಸಂ ಓಪತನ್ತೋ, ವಿಹಞ್ಞತೀ ¶ ಚಿತ್ತವಸಾನುವತ್ತೀ;

ಸೋ ಹಞ್ಞತಿ ಞಾತಿಸಖಾನ ಮಜ್ಝೇ, ಮಚ್ಛಾನುಗೋ ಸೋರಿವ ಸುಂಸುಮಾರೋತಿ [ಸುಸುಮಾರೋ (ಕ.)].

ತ್ವಮೇವ ¶ ದಾನಿಮಕರ [ಮಕರಿ (ಸ್ಯಾ.), ಮಕರಾ (ಕ. ಸೀ.)], ಯಂ ಕಾಮೋ ಬ್ಯಗಮಾ ತಯಿ;

ಸೋಯಂ ಅಪ್ಪಟಿಸನ್ಧಿಕೋ, ಖರಛಿನ್ನಂವ ರೇನುಕಂ [ರೇರುಕಂ (ಸೀ. ಪೀ.)].

ಅತ್ರಿಚ್ಛಂ [ಅತ್ರಿಚ್ಛಾ (ಸೀ. ಸ್ಯಾ. ಪೀ.)] ಅತಿಲೋಭೇನ, ಅತಿಲೋಭಮದೇನ ಚ;

ಏವಂ ಹಾಯತಿ ಅತ್ಥಮ್ಹಾ, ಅಹಂವ ಅಸಿತಾಭುಯಾತಿ.

ಸುಖಾ ಘರಾ ವಚ್ಛನಖ, ಸಹಿರಞ್ಞಾ ಸಭೋಜನಾ;

ಯತ್ಥ ಭುತ್ವಾ ಪಿವಿತ್ವಾ ಚ, ಸಯೇಯ್ಯಾಥ ಅನುಸ್ಸುಕೋ.

ಘರಾ ನಾನೀಹಮಾನಸ್ಸ, ಘರಾ ನಾಭಣತೋ ಮುಸಾ;

ಘರಾ ನಾದಿನ್ನದಣ್ಡಸ್ಸ, ಪರೇಸಂ ಅನಿಕುಬ್ಬತೋ [ಅನಿಕ್ರುಬ್ಬತೋ (ಕ.)];

ಏವಂ ಛಿದ್ದಂ ದುರಭಿಸಮ್ಭವಂ [ದುರಭಿಭವಂ (ಸೀ. ಪೀ.)], ಕೋ ಘರಂ ಪಟಿಪಜ್ಜತೀತಿ.

ಭದ್ದಕೋ ¶ ವತಯಂ ಪಕ್ಖೀ, ದಿಜೋ ಕುಮುದಸನ್ನಿಭೋ;

ವೂಪಸನ್ತೇಹಿ ಪಕ್ಖೇಹಿ, ಮನ್ದಮನ್ದೋವ ಝಾಯತಿ.

ನಾಸ್ಸ ಸೀಲಂ ವಿಜಾನಾಥ, ಅನಞ್ಞಾಯ ಪಸಂಸಥ;

ಅಮ್ಹೇ ದಿಜೋ ನ ಪಾಲೇತಿ, ತೇನ ಪಕ್ಖೀ ನ ಫನ್ದತೀತಿ.

ಕೋ ¶ ನು ಖೋ ಭಗವಾ ಹೇತು, ಏಕಚ್ಚೇ ಇಧ ಪುಗ್ಗಲೇ;

ಅತೀವ ಹದಯಂ ನಿಬ್ಬಾತಿ, ಚಿತ್ತಞ್ಚಾಪಿ ಪಸೀದತಿ.

ಪುಬ್ಬೇವ ಸನ್ನಿವಾಸೇನ, ಪಚ್ಚುಪ್ಪನ್ನಹಿತೇನ ವಾ;

ಏವಂ ತಂ ಜಾಯತೇ ಪೇಮಂ, ಉಪ್ಪಲಂವ ಯಥೋದಕೇತಿ.

ಇಙ್ಘ ¶ ಏಕಪದಂ ತಾತ, ಅನೇಕತ್ಥಪದಸ್ಸಿತಂ [ಪದನಿಸ್ಸಿತಂ (ಸೀ. ಪೀ.)];

ಕಿಞ್ಚಿ ಸಙ್ಗಾಹಿಕಂ ಬ್ರೂಸಿ, ಯೇನತ್ಥೇ ಸಾಧಯೇಮಸೇ.

ದಕ್ಖೇಯ್ಯೇಕಪದಂ ತಾತ, ಅನೇಕತ್ಥಪದಸ್ಸಿತಂ;

ತಞ್ಚ ಸೀಲೇನ ಸಞ್ಞುತ್ತಂ, ಖನ್ತಿಯಾ ಉಪಪಾದಿತಂ;

ಅಲಂ ¶ ಮಿತ್ತೇ ಸುಖಾಪೇತುಂ, ಅಮಿತ್ತಾನಂ ದುಖಾಯ ಚಾತಿ.

ಆಸೀವಿಸಮ್ಪಿ ಮಂ [ಆಸೀವಿಸಂ ಮಮಂ (ಸೀ. ಪೀ.)] ಸನ್ತಂ, ಪವಿಟ್ಠಂ ಕುಮಿನಾಮುಖಂ;

ರುಚ್ಚತೇ ಹರಿತಾಮಾತಾ, ಯಂ ಮಂ ಖಾದನ್ತಿ ಮಚ್ಛಕಾ.

ವಿಲುಮ್ಪತೇವ ಪುರಿಸೋ, ಯಾವಸ್ಸ ಉಪಕಪ್ಪತಿ;

ಯದಾ ಚಞ್ಞೇ ವಿಲುಮ್ಪನ್ತಿ, ಸೋ ವಿಲುತ್ತೋ ವಿಲುಮ್ಪತೀತಿ [ವಿಲುಪ್ಪತೀತಿ (?)].

ಸಬ್ಬೋ ಜನೋ ಹಿಂಸಿತೋ ಪಿಙ್ಗಲೇನ, ತಸ್ಮಿಂ ಮತೇ ಪಚ್ಚಯಾ [ಪಚ್ಚಯಂ (ಸೀ. ಸ್ಯಾ. ಪೀ.)] ವೇದಯನ್ತಿ;

ಪಿಯೋ ನು ತೇ ಆಸಿ ಅಕಣ್ಹನೇತ್ತೋ, ಕಸ್ಮಾ ನು ತ್ವಂ ರೋದಸಿ ದ್ವಾರಪಾಲ.

ನ ¶ ಮೇ ಪಿಯೋ ಆಸಿ ಅಕಣ್ಹನೇತ್ತೋ, ಭಾಯಾಮಿ ಪಚ್ಚಾಗಮನಾಯ ತಸ್ಸ;

ಇತೋ ಗತೋ ಹಿಂಸೇಯ್ಯ ಮಚ್ಚುರಾಜಂ, ಸೋ ಹಿಂಸಿತೋ ಆನೇಯ್ಯ ಪುನ ಇಧ.

ದಡ್ಢೋ ವಾಹಸಹಸ್ಸೇಹಿ, ಸಿತ್ತೋ ಘಟಸತೇಹಿ ಸೋ;

ಪರಿಕ್ಖತಾ ¶ ಚ ಸಾ ಭೂಮಿ, ಮಾ ಭಾಯಿ ನಾಗಮಿಸ್ಸತೀತಿ.

ವರುಪಾಹನ ಖುಜ್ಜ ವಿಕಣ್ಣಕಕೋ, ಅಸಿತಾಭುಯ ಪಞ್ಚಮವಚ್ಛನಖೋ;

ದಿಜ ಪೇಮವರುತ್ತಮಏಕಪದಂ, ಕುಮಿನಾಮುಖ ಪಿಙ್ಗಲಕೇನ ದಸಾತಿ.

ಸಿಙ್ಗಾಲೋ ¶ ಮಾನಥದ್ಧೋ ಚ, ಪರಿವಾರೇನ ಅತ್ಥಿಕೋ;

ಪಾಪುಣಿ ಮಹತಿಂ ಭೂಮಿಂ, ರಾಜಾಸಿ ಸಬ್ಬದಾಠಿನಂ.

ಏವಮೇವ ಮನುಸ್ಸೇಸು, ಯೋ ಹೋತಿ ಪರಿವಾರವಾ;

ಸೋ ಹಿ ತತ್ಥ ಮಹಾ ಹೋತಿ, ಸಿಙ್ಗಾಲೋ ವಿಯ ದಾಠಿನನ್ತಿ.

ಬಾಲೋ ¶ ವತಾಯಂ ಸುನಖೋ, ಯೋ ವರತ್ತಂ [ಯೋ ಚ ಯೋತ್ತಂ (ಕ.)] ನ ಖಾದತಿ;

ಬನ್ಧನಾ ಚ ಪಮುಞ್ಚೇಯ್ಯ, ಅಸಿತೋ ಚ ಘರಂ ವಜೇ.

ಅಟ್ಠಿತಂ ¶ ಮೇ ಮನಸ್ಮಿಂ ಮೇ, ಅಥೋ ಮೇ ಹದಯೇ ಕತಂ;

ಕಾಲಞ್ಚ ಪಟಿಕಙ್ಖಾಮಿ, ಯಾವ ಪಸ್ಸುಪತೂ ಜನೋ [ಪಸುಪತುಜ್ಜನೋ (ಸ್ಯಾ. ಕ.)].

ಸತ್ತತನ್ತಿಂ ಸುಮಧುರಂ, ರಾಮಣೇಯ್ಯಂ ಅವಾಚಯಿಂ;

ಸೋ ಮಂ ರಙ್ಗಮ್ಹಿ ಅವ್ಹೇತಿ, ಸರಣಂ ಮೇ ಹೋಹಿ ಕೋಸಿಯ.

ಅಹಂ ತಂ ಸರಣಂ ಸಮ್ಮ [ಅಹಂ ತೇ ಸರಣಂ ಹೋಮಿ (ವಿ. ವ. ೩೨೮)], ಅಹಮಾಚರಿಯಪೂಜಕೋ;

ನ ತಂ ಜಯಿಸ್ಸತಿ ಸಿಸ್ಸೋ, ಸಿಸ್ಸಮಾಚರಿಯ ಜೇಸ್ಸಸೀತಿ.

ಯಂ ಪಸ್ಸತಿ ನ ತಂ ಇಚ್ಛತಿ, ಯಞ್ಚ ನ ಪಸ್ಸತಿ ತಂ ಕಿರಿಚ್ಛತಿ;

ಮಞ್ಞಾಮಿ ಚಿರಂ ಚರಿಸ್ಸತಿ, ನ ಹಿ ತಂ ಲಚ್ಛತಿ ಯಂ ಸ ಇಚ್ಛತಿ.

ಯಂ ಲಭತಿ ನ ತೇನ ತುಸ್ಸತಿ, ಯಞ್ಚ ಪತ್ಥೇತಿ ಲದ್ಧಂ ಹೀಳೇತಿ;

ಇಚ್ಛಾ ಹಿ ಅನನ್ತಗೋಚರಾ, ವಿಗತಿಚ್ಛಾನ [ವೀತಿಚ್ಛಾನಂ (ಸೀ. ಪೀ.)] ನಮೋ ಕರೋಮಸೇತಿ.

ವಿಗತಿಚ್ಛ [ವೀತಿಚ್ಛ (ಸೀ. ಪೀ.)] ಜಾತಕಂ ಚತುತ್ಥಂ.

ಕಾಲೋ ¶ ¶ ಘಸತಿ ಭೂತಾನಿ, ಸಬ್ಬಾನೇವ ಸಹತ್ತನಾ;

ಯೋ ಚ ಕಾಲಘಸೋ ಭೂತೋ, ಸ ಭೂತಪಚನಿಂ ಪಚಿ.

ಬಹೂನಿ ನರಸೀಸಾನಿ, ಲೋಮಸಾನಿ ಬ್ರಹಾನಿ ಚ;

ಗೀವಾಸು ಪಟಿಮುಕ್ಕಾನಿ, ಕೋಚಿದೇವೇತ್ಥ ಕಣ್ಣವಾತಿ.

ಹನ್ತ್ವಾ ಛೇತ್ವಾ [ಝತ್ವಾ (ಸೀ. ಪೀ.), ಘತ್ವಾ (ಸ್ಯಾ.)] ವಧಿತ್ವಾ ಚ, ದೇತಿ ದಾನಂ ಅಸಞ್ಞತೋ;

ಏದಿಸಂ ಭತ್ತಂ ಭುಞ್ಜಮಾನೋ, ಸ ಪಾಪಮುಪಲಿಮ್ಪತಿ [ಸ ಪಾಪೇನ ಉಪಲಿಪ್ಪತಿ (ಸೀ. ಪೀ.)].

ಪುತ್ತದಾರಮ್ಪಿ ¶ ಚೇ ಹನ್ತ್ವಾ, ದೇತಿ ದಾನಂ ಅಸಞ್ಞತೋ;

ಭುಞ್ಜಮಾನೋಪಿ ಸಪ್ಪಞ್ಞೋ, ನ ಪಾಪಮುಪಲಿಮ್ಪತೀತಿ.

ಅದ್ಧಾ ಪಾದಞ್ಜಲೀ ಸಬ್ಬೇ, ಪಞ್ಞಾಯ ಅತಿರೋಚತಿ;

ತಥಾ ಹಿ ಓಟ್ಠಂ ಭಞ್ಜತಿ, ಉತ್ತರಿಂ ನೂನ ಪಸ್ಸತಿ.

ನಾಯಂ ಧಮ್ಮಂ ಅಧಮ್ಮಂ ವಾ, ಅತ್ಥಾನತ್ಥಞ್ಚ ಬುಜ್ಝತಿ;

ಅಞ್ಞತ್ರ ¶ ಓಟ್ಠನಿಬ್ಭೋಗಾ, ನಾಯಂ ಜಾನಾತಿ ಕಿಞ್ಚನನ್ತಿ.

ಸಬ್ಬೇಹಿ ಕಿಂಸುಕೋ ದಿಟ್ಠೋ, ಕಿಂನ್ವೇತ್ಥ ವಿಚಿಕಿಚ್ಛಥ;

ನ ಹಿ ಸಬ್ಬೇಸು ಠಾನೇಸು, ಸಾರಥೀ ಪರಿಪುಚ್ಛಿತೋ.

ಏವಂ ಸಬ್ಬೇಹಿ ಞಾಣೇಹಿ, ಯೇಸಂ ಧಮ್ಮಾ ಅಜಾನಿತಾ;

ತೇ ವೇ ಧಮ್ಮೇಸು ಕಙ್ಖನ್ತಿ, ಕಿಂಸುಕಸ್ಮಿಂವ ಭಾತರೋತಿ.

ಏಕಪುತ್ತಕೋ ¶ ಭವಿಸ್ಸಸಿ, ತ್ವಞ್ಚ ನೋ ಹೇಸ್ಸಸಿ ಇಸ್ಸರೋ ಕುಲೇ;

ಓರೋಹ ದುಮಸ್ಮಾ ಸಾಲಕ, ಏಹಿ ದಾನಿ ಘರಕಂ ವಜೇಮಸೇ.

ನನು ಮಂ ಸುಹದಯೋತಿ [ನನು ಮಂ ಹದಯೇತಿ (ಸೀ. ಪೀ.)] ಮಞ್ಞಸಿ, ಯಞ್ಚ ಮಂ ಹನಸಿ ವೇಳುಯಟ್ಠಿಯಾ;

ಪಕ್ಕಮ್ಬವನೇ ರಮಾಮಸೇ, ಗಚ್ಛ ತ್ವಂ ಘರಕಂ ಯಥಾಸುಖನ್ತಿ.

ಅಯಂ ¶ ¶ ಇಸೀ ಉಪಸಮಸಂಯಮೇ ರತೋ, ಸ ತಿಟ್ಠತಿ [ಸನ್ತಿಟ್ಠತಿ (ಸೀ. ಪೀ.)] ಸಿಸಿರಭಯೇನ ಅಟ್ಟಿತೋ;

ಹನ್ದ ಅಯಂ ಪವಿಸತುಮಂ ಅಗಾರಕಂ, ವಿನೇತು ಸೀತಂ ದರಥಞ್ಚ ಕೇವಲಂ.

ನಾಯಂ ಇಸೀ ಉಪಸಮಸಂಯಮೇ ರತೋ, ಕಪೀ ಅಯಂ ದುಮವರಸಾಖಗೋಚರೋ;

ಸೋ ದೂಸಕೋ ರೋಸಕೋ ಚಾಪಿ ಜಮ್ಮೋ, ಸಚೇವಜೇಮಮ್ಪಿ [ಸಚೇ + ಆವಜೇ + ಇಮಮ್ಪಿ] ದೂಸೇಯ್ಯಗಾರನ್ತಿ [ದೂಸಯೇ ಘರನ್ತಿ (ಸೀ. ಸ್ಯಾ. ಪೀ.)].

ಅಥ ರಾಜಾ ಸಿಙ್ಗಾಲವರೋ ಸುನಖೋ, ತಥಾ ಕೋಸಿಯ ಇಚ್ಛತಿ ಕಾಲಘಸೋ;

ಅಥ ದಾನವರೋಟ್ಠಪಿ ಸಾರಥಿನಾ, ಪುನಮ್ಬವನಞ್ಚ ಸಿಸಿರಕಪಿ ದಸಾತಿ.

ದಳ್ಹಞ್ಚ ¶ ವಗ್ಗಂ ಅಪರೇನ ಸನ್ಥವಂ, ಕಲ್ಯಾಣವಗ್ಗಾಸದಿಸೋ ಚ ರೂಹಕಂ;

ನತಂದಳ್ಹ ಬೀರಣಥಮ್ಭಕಂ ಪುನ, ಕಾಸಾವುಪಾಹನ ಸಿಙ್ಗಾಲಕೇನ ದಸಾತಿ.

ಸಙ್ಕಪ್ಪರಾಗಧೋತೇನ ¶ ¶ ¶ , ವಿತಕ್ಕನಿಸಿತೇನ ಚ;

ನಾಲಙ್ಕತೇನ ಭದ್ರೇನ [ನೇವಾಲಙ್ಕತಭದ್ರೇನ (ಸ್ಯಾ.)], ಉಸುಕಾರಾಕತೇನ ಚ [ನ ಉಸುಕಾರಕತೇನ ಚ (ಸೀ. ಸ್ಯಾ. ಪೀ.)].

ನ ಕಣ್ಣಾಯತಮುತ್ತೇನ, ನಾಪಿ ಮೋರೂಪಸೇವಿನಾ;

ತೇನಮ್ಹಿ ಹದಯೇ ವಿದ್ಧೋ, ಸಬ್ಬಙ್ಗಪರಿದಾಹಿನಾ.

ಆವೇಧಞ್ಚ ನ ಪಸ್ಸಾಮಿ, ಯತೋ ರುಹಿರಮಸ್ಸವೇ;

ಯಾವ ಅಯೋನಿಸೋ ಚಿತ್ತಂ, ಸಯಂ ಮೇ ದುಕ್ಖಮಾಭತನ್ತಿ.

ಅಜ್ಜಾಪಿ ಮೇ ತಂ ಮನಸಿ [ಸರಸಿ (ಕ.)], ಯಂ ಮಂ ತ್ವಂ ತಿಲಮುಟ್ಠಿಯಾ;

ಬಾಹಾಯ ಮಂ ಗಹೇತ್ವಾನ, ಲಟ್ಠಿಯಾ ಅನುತಾಳಯಿ.

ನನು ಜೀವಿತೇ ನ ರಮಸಿ, ಯೇನಾಸಿ ಬ್ರಾಹ್ಮಣಾಗತೋ;

ಯಂ ಮಂ ಬಾಹಾ ಗಹೇತ್ವಾನ, ತಿಕ್ಖತ್ತುಂ ಅನುತಾಳಯಿ.

ಅರಿಯೋ ಅನರಿಯಂ ಕುಬ್ಬನ್ತಂ [ಕುಬ್ಬಾನಂ (ಸೀ. ಪೀ.), ಕುಬ್ಬಂ (ಸ್ಯಾ.)], ಯೋ ದಣ್ಡೇನ ನಿಸೇಧತಿ;

ಸಾಸನಂ ತಂ ನ ತಂ ವೇರಂ, ಇತಿ ನಂ ಪಣ್ಡಿತಾ ವಿದೂತಿ.

ಮಮನ್ನಪಾನಂ ¶ ವಿಪುಲಂ ಉಳಾರಂ, ಉಪ್ಪಜ್ಜತೀಮಸ್ಸ ಮಣಿಸ್ಸ ಹೇತು;

ತಂ ತೇ ನ ದಸ್ಸಂ ಅತಿಯಾಚಕೋಸಿ, ನ ಚಾಪಿ ತೇ ಅಸ್ಸಮಮಾಗಮಿಸ್ಸಂ.

ಸುಸೂ ¶ ¶ ಯಥಾ ಸಕ್ಖರಧೋತಪಾಣೀ, ತಾಸೇಸಿ ಮಂ ಸೇಲಂ ಯಾಚಮಾನೋ;

ತಂ ತೇ ನ ದಸ್ಸಂ ಅತಿಯಾಚಕೋಸಿ, ನ ಚಾಪಿ ತೇ ಅಸ್ಸಮಮಾಗಮಿಸ್ಸಂ.

ನ ತಂ ಯಾಚೇ ಯಸ್ಸ ಪಿಯಂ ಜಿಗೀಸೇ [ಜಿಗಿಂಸೇ (ಸೀ. ಸ್ಯಾ. ಪೀ.)], ದೇಸ್ಸೋ ಹೋತಿ ಅತಿಯಾಚನಾಯ;

ನಾಗೋ ಮಣಿಂ ಯಾಚಿತೋ ಬ್ರಾಹ್ಮಣೇನ, ಅದಸ್ಸನಂಯೇವ ತದಜ್ಝಗಮಾತಿ.

೨೫೪. ಕುಣ್ಡಕಕುಚ್ಛಿಸಿನ್ಧವಜಾತಕಂ (೩-೧-೪)

ಭುತ್ವಾ ತಿಣಪರಿಘಾಸಂ, ಭುತ್ವಾ ಆಚಾಮಕುಣ್ಡಕಂ;

ಏತಂ ತೇ ಭೋಜನಂ ಆಸಿ, ಕಸ್ಮಾ ದಾನಿ ನ ಭುಞ್ಜಸಿ.

ಯತ್ಥ ಪೋಸಂ ನ ಜಾನನ್ತಿ, ಜಾತಿಯಾ ವಿನಯೇನ ವಾ;

ಬಹುಂ [ಪಹೂ (ಸೀ. ಪೀ.), ಪಹುಂ (ಸ್ಯಾ. ಕ.)] ತತ್ಥ ಮಹಾಬ್ರಮ್ಹೇ, ಅಪಿ ಆಚಾಮಕುಣ್ಡಕಂ.

ತ್ವಞ್ಚ ¶ ಖೋ ಮಂ ಪಜಾನಾಸಿ, ಯಾದಿಸಾಯಂ ಹಯುತ್ತಮೋ;

ಜಾನನ್ತೋ ಜಾನಮಾಗಮ್ಮ, ನ ತೇ ಭಕ್ಖಾಮಿ ಕುಣ್ಡಕನ್ತಿ.

ಕುಣ್ಡಕಕುಚ್ಛಿಸಿನ್ಧವಜಾತಕಂ ಚತುತ್ಥಂ.

ಯಾವ ಸೋ ಮತ್ತಮಞ್ಞಾಸಿ, ಭೋಜನಸ್ಮಿಂ ವಿಹಙ್ಗಮೋ;

ತಾವ ಅದ್ಧಾನಮಾಪಾದಿ, ಮಾತರಞ್ಚ ಅಪೋಸಯಿ.

ಯತೋ ಚ ಖೋ ಬಹುತರಂ, ಭೋಜನಂ ಅಜ್ಝವಾಹರಿ [ಅಜ್ಝುಪಾಹರಿ (ಸೀ. ಪೀ.)];

ತತೋ ತತ್ಥೇವ ಸಂಸೀದಿ, ಅಮತ್ತಞ್ಞೂ ಹಿ ಸೋ ಅಹು.

ತಸ್ಮಾ ಮತ್ತಞ್ಞುತಾ ಸಾಧು, ಭೋಜನಸ್ಮಿಂ ಅಗಿದ್ಧತಾ [ಅಗಿದ್ಧಿತಾ (ಸ್ಯಾ. ಕ.)];

ಅಮತ್ತಞ್ಞೂ ಹಿ ಸೀದನ್ತಿ, ಮತ್ತಞ್ಞೂ ಚ ನ ಸೀದರೇತಿ.

ಜರೂದಪಾನಂ ¶ ಖಣಮಾನಾ, ವಾಣಿಜಾ ಉದಕತ್ಥಿಕಾ;

ಅಜ್ಝಗಮುಂ ಅಯಸಂ ಲೋಹಂ [ಅಜ್ಝಗಂಸು ಅಯೋಲೋಹಂ (ಸೀ. ಸ್ಯಾ. ಪೀ.)], ತಿಪುಸೀಸಞ್ಚ ವಾಣಿಜಾ;

ರಜತಂ ಜಾತರೂಪಞ್ಚ, ಮುತ್ತಾ ವೇಳೂರಿಯಾ ಬಹೂ.

ತೇ ಚ ತೇನ ಅಸನ್ತುಟ್ಠಾ, ಭಿಯ್ಯೋ ಭಿಯ್ಯೋ ಅಖಾಣಿಸುಂ;

ತೇ ತತ್ಥಾಸೀವಿಸೋ [ತತ್ಥ ಆಸೀವಿಸೋ (ಕ.), ತತ್ಥಪಾಸೀವಿಸೋ (ಸ್ಯಾ.)] ಘೋರೋ, ತೇಜಸ್ಸೀ ತೇಜಸಾ ಹನಿ.

ತಸ್ಮಾ ¶ ¶ ಖಣೇ ನಾತಿಖಣೇ, ಅತಿಖಾತಂ [ಅತಿಖಣಂ (ಕ.)] ಹಿ ಪಾಪಕಂ;

ಖಾತೇನ ಚ [ಖಣೇನ ಚ (ಕ.), ಖಣನೇನ (ಸ್ಯಾ.)] ಧನಂ ಲದ್ಧಂ, ಅತಿಖಾತೇನ [ಅತಿಖಣೇನ (ಕ.)] ನಾಸಿತನ್ತಿ.

ನಾಯಂ ಘರಾನಂ ಕುಸಲೋ, ಲೋಲೋ ಅಯಂ ವಲೀಮುಖೋ;

ಕತಂ ಕತಂ ಖೋ ದೂಸೇಯ್ಯ, ಏವಂಧಮ್ಮಮಿದಂ ಕುಲಂ.

ನಯಿದಂ ಚಿತ್ತವತೋ ಲೋಮಂ, ನಾಯಂ ಅಸ್ಸಾಸಿಕೋ ಮಿಗೋ;

ಸಿಟ್ಠಂ [ಸತ್ಥಂ (ಸೀ. ಸ್ಯಾ. ಪೀ.)] ಮೇ ಜನಸನ್ಧೇನ, ನಾಯಂ ಕಿಞ್ಚಿ ವಿಜಾನತಿ.

ನ ಮಾತರಂ ಪಿತರಂ ವಾ, ಭಾತರಂ ಭಗಿನಿಂ ಸಕಂ;

ಭರೇಯ್ಯ ತಾದಿಸೋ ಪೋಸೋ, ಸಿಟ್ಠಂ ದಸರಥೇನ ಮೇತಿ.

ಗಾಮಣಿಚನ್ದ [ಗಾಮಣಿಚಣ್ಡ (ಸೀ. ಪೀ.)] ಜಾತಕಂ ಸತ್ತಮಂ.

ಯಾವತಾ ಚನ್ದಿಮಸೂರಿಯಾ, ಪರಿಹರನ್ತಿ ದಿಸಾ ಭನ್ತಿ ವಿರೋಚನಾ [ವಿರೋಚಮಾನಾ (ಕ.)];

ಸಬ್ಬೇವ ದಾಸಾ ಮನ್ಧಾತು, ಯೇ ಪಾಣಾ ಪಥವಿಸ್ಸಿತಾ [ಪಠವಿನಿಸ್ಸಿತಾ (ಸೀ. ಪೀ.), ಪಠವಿಸ್ಸಿತಾ (ಸ್ಯಾ.)].

ನ ಕಹಾಪಣವಸ್ಸೇನ, ತಿತ್ತಿ ಕಾಮೇಸು ವಿಜ್ಜತಿ;

ಅಪ್ಪಸ್ಸಾದಾ ದುಖಾ ಕಾಮಾ, ಇತಿ ವಿಞ್ಞಾಯ ಪಣ್ಡಿತೋ.

ಅಪಿ ¶ ದಿಬ್ಬೇಸು ಕಾಮೇಸು, ರತಿಂ ಸೋ ನಾಧಿಗಚ್ಛತಿ;

ತಣ್ಹಕ್ಖಯರತೋ ¶ ಹೋತಿ, ಸಮ್ಮಾಸಮ್ಬುದ್ಧಸಾವಕೋತಿ.

ನಯಿಮಸ್ಸ ವಿಜ್ಜಾಮಯಮತ್ಥಿ ಕಿಞ್ಚಿ, ನ ಬನ್ಧವೋ ನೋ ಪನ ತೇ ಸಹಾಯೋ;

ಅಥ ಕೇನ ವಣ್ಣೇನ ತಿರೀಟವಚ್ಛೋ [ತಿರೀಟಿವಚ್ಛೋ (ಸ್ಯಾ. ಕ.)], ತೇದಣ್ಡಿಕೋ ಭುಞ್ಜತಿ ಅಗ್ಗಪಿಣ್ಡಂ.

ಆಪಾಸು [ಆವಾಸು (ಕ.)] ಮೇ ಯುದ್ಧಪರಾಜಿತಸ್ಸ, ಏಕಸ್ಸ ಕತ್ವಾ ವಿವನಸ್ಮಿ ಘೋರೇ;

ಪಸಾರಯೀ ಕಿಚ್ಛಗತಸ್ಸ ಪಾಣಿಂ, ತೇನೂದತಾರಿಂ ದುಖಸಂಪರೇತೋ.

ಏತಸ್ಸ ¶ ಕಿಚ್ಚೇನ ಇಧಾನುಪತ್ತೋ, ವೇಸಾಯಿನೋ ವಿಸಯಾ ಜೀವಲೋಕೇ;

ಲಾಭಾರಹೋ ತಾತ ತಿರೀಟವಚ್ಛೋ, ದೇಥಸ್ಸ ಭೋಗಂ ಯಜಥಞ್ಚ [ಯಜತಞ್ಚ (ಸೀ. ಪೀ.), ಯಜಿತಞ್ಚ (ಸ್ಯಾ.)] ಯಞ್ಞನ್ತಿ.

ಯಸ್ಸತ್ಥಾ ¶ ದೂರಮಾಯನ್ತಿ, ಅಮಿತ್ತಮಪಿ ಯಾಚಿತುಂ;

ತಸ್ಸೂದರಸ್ಸಹಂ ದೂತೋ, ಮಾ ಮೇ ಕುಜ್ಝ [ಕುಜ್ಝಿ (ಸೀ. ಪೀ.)] ರಥೇಸಭ.

ಯಸ್ಸ ದಿವಾ ಚ ರತ್ತೋ ಚ, ವಸಮಾಯನ್ತಿ ಮಾಣವಾ;

ತಸ್ಸೂದರಸ್ಸಹಂ ದೂತೋ, ಮಾ ಮೇ ಕುಜ್ಝ [ಕುಜ್ಝಿ (ಸೀ. ಪೀ.)] ರಥೇಸಭ.

ದದಾಮಿ ¶ ತೇ ಬ್ರಾಹ್ಮಣ ರೋಹಿಣೀನಂ, ಗವಂ ಸಹಸ್ಸಂ ಸಹ ಪುಙ್ಗವೇನ;

ದೂತೋ ಹಿ ದೂತಸ್ಸ ಕಥಂ ನ ದಜ್ಜಂ, ಮಯಮ್ಪಿ ತಸ್ಸೇವ ಭವಾಮ ದೂತಾತಿ.

ಉಸುಕಾರವರೋ ತಿಲಮುಟ್ಠಿ ಮಣಿ, ಹಯರಾಜ ವಿಹಙ್ಗಮ ಆಸಿವಿಸೋ;

ಜನಸನ್ಧ ಕಹಾಪಣವಸ್ಸ ಪುನ, ತಿರಿಟಂ ಪುನ ದೂತವರೇನ ದಸಾತಿ.

ಯಥಾ ¶ ಕೇಸಾ ಚ ಮಸ್ಸೂ ಚ, ಛಿನ್ನಂ ಛಿನ್ನಂ ವಿರೂಹತಿ;

ಏವಂ ರೂಹತು ತೇ ನಾಸಾ, ಪದುಮಂ ದೇಹಿ ಯಾಚಿತೋ.

ಯಥಾ ಸಾರದಿಕಂ ಬೀಜಂ, ಖೇತ್ತೇ ವುತ್ತಂ ವಿರೂಹತಿ;

ಏವಂ ರೂಹತು ತೇ ನಾಸಾ, ಪದುಮಂ ದೇಹಿ ಯಾಚಿತೋ.

ಉಭೋಪಿ ಪಲಪನ್ತೇತೇ [ವಿಲಪನ್ತೇತೇ (ಸ್ಯಾ. ಕ.)], ಅಪಿ ಪದ್ಮಾನಿ ದಸ್ಸತಿ;

ವಜ್ಜುಂ ವಾ ತೇ ನ ವಾ ವಜ್ಜುಂ, ನತ್ಥಿ ನಾಸಾಯ ರೂಹನಾ;

ದೇಹಿ ಸಮ್ಮ ಪದುಮಾನಿ, ಅಹಂ ಯಾಚಾಮಿ ಯಾಚಿತೋತಿ.

ಪಾಣಿ ¶ ಚೇ ಮುದುಕೋ ಚಸ್ಸ, ನಾಗೋ ಚಸ್ಸ ಸುಕಾರಿತೋ;

ಅನ್ಧಕಾರೋ ಚ ವಸ್ಸೇಯ್ಯ, ಅಥ ನೂನ ತದಾ ಸಿಯಾ.

ಅನಲಾ ¶ ಮುದುಸಮ್ಭಾಸಾ, ದುಪ್ಪೂರಾ ತಾ [ದುಪ್ಪೂರತ್ತಾ (ಕ.)] ನದೀಸಮಾ;

ಸೀದನ್ತಿ ನಂ ವಿದಿತ್ವಾನ, ಆರಕಾ ಪರಿವಜ್ಜಯೇ.

ಯಂ ಏತಾ ಉಪಸೇವನ್ತಿ, ಛನ್ದಸಾ ವಾ ಧನೇನ ವಾ;

ಜಾತವೇದೋವ ಸಂ ಠಾನಂ, ಖಿಪ್ಪಂ ಅನುದಹನ್ತಿ ನನ್ತಿ.

ಅಭಿಜ್ಜಮಾನೇ ¶ ವಾರಿಸ್ಮಿಂ, ಸಯಂ [ಅಯಂ (ಕ.)] ಆಗಮ್ಮ ಇದ್ಧಿಯಾ;

ಮಿಸ್ಸೀಭಾವಿತ್ಥಿಯಾ ಗನ್ತ್ವಾ, ಸಂಸೀದಸಿ [ಸಂಸೀದತಿ (ಕ.)] ಮಹಣ್ಣವೇ.

ಆವಟ್ಟನೀ ಮಹಾಮಾಯಾ, ಬ್ರಹ್ಮಚರಿಯವಿಕೋಪನಾ;

ಸೀದನ್ತಿ ನಂ ವಿದಿತ್ವಾನ, ಆರಕಾ ಪರಿವಜ್ಜಯೇ.

ಯಂ ಏತಾ ಉಪಸೇವನ್ತಿ, ಛನ್ದಸಾ ವಾ ಧನೇನ ವಾ;

ಜಾತವೇದೋವ ಸಂ ಠಾನಂ, ಖಿಪ್ಪಂ ಅನುದಹನ್ತಿ ನನ್ತಿ.

ಚೂಳಪಲೋಭನ [ಚುಲ್ಲಪಲೋಭನ (ಸೀ. ಸ್ಯಾ. ಪೀ.)] ಜಾತಕಂ ತತಿಯಂ.

ಪನಾದೋ ನಾಮ ಸೋ ರಾಜಾ, ಯಸ್ಸ ಯೂಪೋ ಸುವಣ್ಣಯೋ;

ತಿರಿಯಂ ಸೋಳಸುಬ್ಬೇಧೋ [ಸೋಳಸಪಬ್ಬೇಧೋ (ಸೀ. ಪೀ.)], ಉದ್ಧಮಾಹು [ಉಚ್ಚಮಾಹು (ಸೀ. ಸ್ಯಾ. ಪೀ.)] ಸಹಸ್ಸಧಾ.

ಸಹಸ್ಸಕಣ್ಡೋ ಸತಗೇಣ್ಡು [ಸತಭೇದೋ (ಸೀ. ಪೀ.), ಸತಭೇಣ್ಡು (ಸೀ. ನಿಸ್ಸಯ)], ಧಜಾಸು ಹರಿತಾಮಯೋ;

ಅನಚ್ಚುಂ ತತ್ಥ ಗನ್ಧಬ್ಬಾ, ಛ ಸಹಸ್ಸಾನಿ ಸತ್ತಧಾ.

ಏವಮೇತಂ [ಏವಮೇವ (ಕ.)] ತದಾ ಆಸಿ, ಯಥಾ ಭಾಸಸಿ ಭದ್ದಜಿ;

ಸಕ್ಕೋ ಅಹಂ ತದಾ ಆಸಿಂ, ವೇಯ್ಯಾವಚ್ಚಕರೋ ತವಾತಿ.

ದಿಸ್ವಾ ¶ ¶ ಖುರಪ್ಪೇ ಧನುವೇಗನುನ್ನೇ, ಖಗ್ಗೇ ¶ ಗಹೀತೇ ತಿಖಿಣೇ ತೇಲಧೋತೇ;

ತಸ್ಮಿಂ ಭಯಸ್ಮಿಂ ಮರಣೇ ವಿಯೂಳ್ಹೇ, ಕಸ್ಮಾ ನು ತೇ ನಾಹು ಛಮ್ಭಿತತ್ತಂ.

ದಿಸ್ವಾ ಖುರಪ್ಪೇ ಧನುವೇಗನುನ್ನೇ, ಖಗ್ಗೇ ಗಹೀತೇ ತಿಖಿಣೇ ತೇಲಧೋತೇ;

ತಸ್ಮಿಂ ಭಯಸ್ಮಿಂ ಮರಣೇ ವಿಯೂಳ್ಹೇ, ವೇದಂ ಅಲತ್ಥಂ ವಿಪುಲಂ ಉಳಾರಂ.

ಸೋ ವೇದಜಾತೋ ಅಜ್ಝಭವಿಂ ಅಮಿತ್ತೇ, ಪುಬ್ಬೇವ ಮೇ ಜೀವಿತಮಾಸಿ ಚತ್ತಂ;

ನ ಹಿ ಜೀವಿತೇ ಆಲಯಂ ಕುಬ್ಬಮಾನೋ, ಸೂರೋ ಕಯಿರಾ ಸೂರಕಿಚ್ಚಂ ಕದಾಚೀತಿ.

ಯೇನಾಸಿ ಕಿಸಿಯಾ ಪಣ್ಡು, ಯೇನ ಭತ್ತಂ ನ ರುಚ್ಚತಿ;

ಅಯಂ ಸೋ ಆಗತೋ ಭತ್ತಾ [ತಾತೋ (ಸೀ. ಸ್ಯಾ. ಪೀ.)], ಕಸ್ಮಾ ದಾನಿ ಪಲಾಯಸಿ.

ಸಚೇ [ನ ಖೋ (ಸ್ಯಾ. ಕ.)] ಪನಾದಿಕೇನೇವ, ಸನ್ಥವೋ ನಾಮ ಜಾಯತಿ;

ಯಸೋ ಹಾಯತಿ ಇತ್ಥೀನಂ, ತಸ್ಮಾ ತಾತ ಪಲಾಯಹಂ [ಪಲಾಯಿಹಂ (ಸ್ಯಾ.), ಪಲಾಯಿತಂ (ಕ.)].

ಯಸ್ಸಸ್ಸಿನಂ ಕುಲೇ ಜಾತಂ, ಆಗತಂ ಯಾ ನ ಇಚ್ಛತಿ;

ಸೋಚತಿ ¶ ಚಿರರತ್ತಾಯ, ವಾತಗ್ಗಮಿವ ಭದ್ದಲೀತಿ [ಕುನ್ದಲೀತಿ (ಸೀ. ಪೀ.), ಗದ್ರಭೀತಿ (ಸ್ಯಾ.)].

ಸಿಙ್ಗೀಮಿಗೋ ¶ ಆಯತಚಕ್ಖುನೇತ್ತೋ, ಅಟ್ಠಿತ್ತಚೋ ವಾರಿಸಯೋ ಅಲೋಮೋ;

ತೇನಾಭಿಭೂತೋ ಕಪಣಂ ರುದಾಮಿ, ಮಾ ಹೇವ ಮಂ ಪಾಣಸಮಂ ಜಹೇಯ್ಯ [ಜಹೇಯ್ಯಾ (ಪೀ.) ಜಹಾ’ಯ್ಯೇ (?)].

ಅಯ್ಯ ನ ತಂ ಜಹಿಸ್ಸಾಮಿ, ಕುಞ್ಜರಂ ಸಟ್ಠಿಹಾಯನಂ [ಕುಞ್ಜರ ಸಟ್ಠಿಹಾಯನ (ಸೀ. ಪೀ.)];

ಪಥಬ್ಯಾ ಚಾತುರನ್ತಾಯ, ಸುಪ್ಪಿಯೋ ಹೋಸಿ ಮೇ ತುವಂ.

ಯೇ ಕುಳೀರಾ ಸಮುದ್ದಸ್ಮಿಂ, ಗಙ್ಗಾಯ ಯಮುನಾಯ [ನಮ್ಮದಾಯ (ಸೀ. ಪೀ.)] ಚ;

ತೇಸಂ ತ್ವಂ ವಾರಿಜೋ ಸೇಟ್ಠೋ, ಮುಞ್ಚ ರೋದನ್ತಿಯಾ ಪತಿನ್ತಿ.

ಯೋ ¶ ವೇ ಸಬ್ಬಸಮೇತಾನಂ, ಅಹುವಾ ಸೇಟ್ಠಸಮ್ಮತೋ;

ತಸ್ಸಾಯಂ ಏದಿಸೀ ಪಞ್ಞಾ, ಕಿಮೇವ ಇತರಾ ಪಜಾ.

ಏವಮೇವ ತುವಂ ಬ್ರಹ್ಮೇ, ಅನಞ್ಞಾಯ ವಿನಿನ್ದಸಿ;

ಕಥಂ ಮೂಲಂ ಅದಿಸ್ವಾನ [ಕಥಂಹಿ ಮೂಲಂ ಅದಿತ್ವಾ (ಸ್ಯಾ. ಪೀ.)], ರುಕ್ಖಂ ಜಞ್ಞಾ ಪತಿಟ್ಠಿತಂ.

ನಾಹಂ ¶ ತುಮ್ಹೇ ವಿನಿನ್ದಾಮಿ, ಯೇ ಚಞ್ಞೇ ವಾನರಾ ವನೇ;

ವಿಸ್ಸಸೇನೋವ ಗಾರಯ್ಹೋ, ಯಸ್ಸತ್ಥಾ ರುಕ್ಖರೋಪಕಾತಿ.

ನ ಹಿ ವಣ್ಣೇನ ಸಮ್ಪನ್ನಾ, ಮಞ್ಜುಕಾ ಪಿಯದಸ್ಸನಾ;

ಖರವಾಚಾ ಪಿಯಾ ಹೋತಿ, ಅಸ್ಮಿಂ ಲೋಕೇ ಪರಮ್ಹಿ ಚ.

ನನು ಪಸ್ಸಸಿಮಂ ಕಾಳಿಂ, ದುಬ್ಬಣ್ಣಂ ತಿಲಕಾಹತಂ;

ಕೋಕಿಲಂ ಸಣ್ಹವಾಚೇನ, ಬಹೂನಂ ಪಾಣಿನಂ ಪಿಯಂ.

ತಸ್ಮಾ ¶ ಸಖಿಲವಾಚಸ್ಸ, ಮನ್ತಭಾಣೀ ಅನುದ್ಧತೋ;

ಅತ್ಥಂ ಧಮ್ಮಞ್ಚ ದೀಪೇತಿ, ಮಧುರಂ ತಸ್ಸ ಭಾಸಿತನ್ತಿ.

ಸಬ್ಬೇಹಿ ಕಿರ ಞಾತೀಹಿ, ಕೋಸಿಯೋ ಇಸ್ಸರೋ ಕತೋ;

ಸಚೇ ಞಾತೀಹಿ ಅನುಞ್ಞಾತೋ [ಞಾತೀಹನುಞ್ಞಾತೋ (ಸೀ. ಪೀ.)], ಭಣೇಯ್ಯಾಹಂ ಏಕವಾಚಿಕಂ.

ಭಣ ಸಮ್ಮ ಅನುಞ್ಞಾತೋ, ಅತ್ಥಂ ಧಮ್ಮಞ್ಚ ಕೇವಲಂ;

ಸನ್ತಿ ಹಿ ದಹರಾ ಪಕ್ಖೀ, ಪಞ್ಞವನ್ತೋ ಜುತಿನ್ಧರಾ.

ನ ಮೇ ರುಚ್ಚತಿ ಭದ್ದಂ ವೋ [ಭದನ್ತೇ (ಕ.)], ಉಲೂಕಸ್ಸಾಭಿಸೇಚನಂ;

ಅಕ್ಕುದ್ಧಸ್ಸ ¶ ಮುಖಂ ಪಸ್ಸ, ಕಥಂ ಕುದ್ಧೋ ಕರಿಸ್ಸತೀತಿ.

ಪದುಮುತ್ತಮ ¶ ನಾಗಸಿರಿವ್ಹಯನೋ, ಸ-ಮಹಣ್ಣವ ಯೂಪ ಖುರಪ್ಪವರೋ;

ಅಥ ಭದ್ದಲೀ ಕುಞ್ಜರ ರುಕ್ಖ ಪುನ, ಖರವಾಚ ಉಲೂಕವರೇನ ದಸಾತಿ.

ಆರಞ್ಞಿಕಸ್ಸ ಇಸಿನೋ, ಚಿರರತ್ತಂ ತಪಸ್ಸಿನೋ;

ಕಿಚ್ಛಾಕತಂ ಉದಪಾನಂ, ಕಥಂ ಸಮ್ಮ ಅವಾಹಸಿ [ಅವಾಹಯಿ (ಸೀ. ಪೀ.), ಅಪಾಹಸಿ (ಸ್ಯಾ.)].

ಏಸ ಧಮ್ಮೋ ಸಿಙ್ಗಾಲಾನಂ, ಯಂ ಪಿತ್ವಾ ಓಹದಾಮಸೇ;

ಪಿತುಪಿತಾಮಹಂ ಧಮ್ಮೋ, ನ ತಂ [ನ ನಂ (ಸೀ. ಪೀ.)] ಉಜ್ಝಾತುಮರಹಸಿ.

ಯೇಸಂ ¶ ¶ ವೋ ಏದಿಸೋ ಧಮ್ಮೋ, ಅಧಮ್ಮೋ ಪನ ಕೀದಿಸೋ;

ಮಾ ವೋ ಧಮ್ಮಂ ಅಧಮ್ಮಂ ವಾ, ಅದ್ದಸಾಮ ಕುದಾಚನನ್ತಿ.

ಯೇನ ಮಿತ್ತೇನ ಸಂಸಗ್ಗಾ, ಯೋಗಕ್ಖೇಮೋ ವಿಹಿಯ್ಯತಿ;

ಪುಬ್ಬೇವಜ್ಝಾಭವಂ ತಸ್ಸ, ರುಕ್ಖೇ ಅಕ್ಖೀವ ಪಣ್ಡಿತೋ.

ಯೇನ ಮಿತ್ತೇನ ಸಂಸಗ್ಗಾ, ಯೋಗಕ್ಖೇಮೋ ಪವಡ್ಢತಿ;

ಕರೇಯ್ಯತ್ತಸಮಂ ವುತ್ತಿಂ, ಸಬ್ಬಕಿಚ್ಚೇಸು ಪಣ್ಡಿತೋ.

ಏಥ ಬ್ಯಗ್ಘಾ ನಿವತ್ತವ್ಹೋ, ಪಚ್ಚುಪೇಥ [ಪಚ್ಚಮೇಥ (ಸೀ. ಪೀ.)] ಮಹಾವನಂ;

ಮಾ ವನಂ ಛಿನ್ದಿ ನಿಬ್ಯಗ್ಘಂ, ಬ್ಯಗ್ಘಾ ಮಾಹೇಸು ನಿಬ್ಬನಾತಿ.

ಕೋ ನು ಉದ್ಧಿತಭತ್ತೋವ [ಉದ್ದಿತಭತ್ತೋವ (ಸೀ.), ವಡ್ಢಿತಭತ್ತೋವ (ಸ್ಯಾ.)], ಪೂರಹತ್ಥೋವ ಬ್ರಾಹ್ಮಣೋ;

ಕಹಂ ನು ಭಿಕ್ಖಂ ಅಚರಿ, ಕಂ ಸದ್ಧಂ ಉಪಸಙ್ಕಮಿ.

ಅಹಂ ¶ ಕಪಿಸ್ಮಿ ದುಮ್ಮೇಧೋ, ಅನಾಮಾಸಾನಿ ಆಮಸಿಂ;

ತ್ವಂ ಮಂ ಮೋಚಯ ಭದ್ದನ್ತೇ, ಮುತ್ತೋ ಗಚ್ಛೇಯ್ಯ ಪಬ್ಬತಂ.

ಕಚ್ಛಪಾ ಕಸ್ಸಪಾ ಹೋನ್ತಿ, ಕೋಣ್ಡಞ್ಞಾ ಹೋನ್ತಿ ಮಕ್ಕಟಾ;

ಮುಞ್ಚ ಕಸ್ಸಪ ಕೋಣ್ಡಞ್ಞಂ, ಕತಂ ಮೇಥುನಕಂ ತಯಾತಿ.

ಕಾಯಂ ಬಲಾಕಾ ಸಿಖಿನೀ, ಚೋರೀ ಲಙ್ಘಿಪಿತಾಮಹಾ;

ಓರಂ ¶ ಬಲಾಕೇ ಆಗಚ್ಛ, ಚಣ್ಡೋ ಮೇ ವಾಯಸೋ ಸಖಾ.

ನಾಹಂ ಬಲಾಕಾ ಸಿಖಿನೀ, ಅಹಂ ಲೋಲೋಸ್ಮಿ ವಾಯಸೋ;

ಅಕತ್ವಾ ವಚನಂ ತುಯ್ಹಂ, ಪಸ್ಸ ಲೂನೋಸ್ಮಿ ಆಗತೋ.

ಪುನಪಾಪಜ್ಜಸೀ ¶ ಸಮ್ಮ, ಸೀಲಞ್ಹಿ ತವ ತಾದಿಸಂ;

ನ ಹಿ ಮಾನುಸಕಾ ಭೋಗಾ, ಸುಭುಞ್ಜಾ ಹೋನ್ತಿ ಪಕ್ಖಿನಾತಿ.

ಕಾಯಂ ಬಲಾಕಾ ರುಚಿರಾ, ಕಾಕನೀಳಸ್ಮಿಮಚ್ಛತಿ;

ಚಣ್ಡೋ ಕಾಕೋ ಸಖಾ ಮಯ್ಹಂ, ಯಸ್ಸ [ತಸ್ಸ (ಸೀ. ಪೀ.)] ಚೇತಂ ಕುಲಾವಕಂ.

ನನು ಮಂ ಸಮ್ಮ ಜಾನಾಸಿ, ದಿಜ ಸಾಮಾಕಭೋಜನ;

ಅಕತ್ವಾ ವಚನಂ ತುಯ್ಹಂ, ಪಸ್ಸ ಲೂನೋಸ್ಮಿ ಆಗತೋ.

ಪುನಪಾಪಜ್ಜಸೀ ಸಮ್ಮ, ಸೀಲಞ್ಹಿ ತವ ತಾದಿಸಂ;

ನ ಹಿ ಮಾನುಸಕಾ ಭೋಗಾ, ಸುಭುಞ್ಜಾ ಹೋನ್ತಿ ಪಕ್ಖಿನಾತಿ.

ತವ ಸದ್ಧಞ್ಚ ಸೀಲಞ್ಚ, ವಿದಿತ್ವಾನ ಜನಾಧಿಪ;

ವಣ್ಣಂ ಅಞ್ಜನವಣ್ಣೇನ, ಕಾಲಿಙ್ಗಸ್ಮಿಂ ನಿಮಿಮ್ಹಸೇ [ವಿನಿಮ್ಹಸೇ (ಸ್ಯಾ.), ವನಿಮ್ಹಸೇ (ಕ.)].

ಅನ್ನಭಚ್ಚಾ ¶ ಚಭಚ್ಚಾ ಚ, ಯೋಧ ಉದ್ದಿಸ್ಸ ಗಚ್ಛತಿ;

ಸಬ್ಬೇ ತೇ ಅಪ್ಪಟಿಕ್ಖಿಪ್ಪಾ, ಪುಬ್ಬಾಚರಿಯವಚೋ ಇದಂ.

ದದಾಮಿ ¶ ವೋ ಬ್ರಾಹ್ಮಣಾ ನಾಗಮೇತಂ, ರಾಜಾರಹಂ ರಾಜಭೋಗ್ಗಂ ಯಸಸ್ಸಿನಂ;

ಅಲಙ್ಕತಂ ಹೇಮಜಾಲಾಭಿಛನ್ನಂ, ಸಸಾರಥಿಂ ಗಚ್ಛಥ ಯೇನ ಕಾಮನ್ತಿ.

ಕುರುಧಮ್ಮಜಾತಕಂ [ಕುರುಧಮ್ಮಜಾತಕಂ (ಸೀ. ಸ್ಯಾ. ಪೀ.)] ಛಟ್ಠಂ.

ವಸ್ಸಾನಿ ¶ ಪಞ್ಞಾಸ ಸಮಾಧಿಕಾನಿ, ವಸಿಮ್ಹ ಸೇಲಸ್ಸ ಗುಹಾಯ ರೋಮಕ;

ಅಸಙ್ಕಮಾನಾ ಅಭಿನಿಬ್ಬುತತ್ತಾ [ಅಭಿನಿಬ್ಬುತಚಿತ್ತಾ (ಸ್ಯಾ. ಕ.)], ಹತ್ಥತ್ತ [ಹತ್ಥತ್ಥ (ಸ್ಯಾ.)] ಮಾಯನ್ತಿ ಮಮಣ್ಡಜಾ ಪುರೇ.

ತೇ ದಾನಿ ವಕ್ಕಙ್ಗ ಕಿಮತ್ಥಮುಸ್ಸುಕಾ, ಭಜನ್ತಿ ಅಞ್ಞಂ ಗಿರಿಕನ್ದರಂ ದಿಜಾ;

ನ ನೂನ ಮಞ್ಞನ್ತಿ ಮಮಂ ಯಥಾ ಪುರೇ, ಚಿರಪ್ಪವುತ್ಥಾ ಅಥ ವಾ ನ ತೇ ಇಮೇ.

ಜಾನಾಮ ತಂ ನ ಮಯಂ ಸಮ್ಪಮೂಳ್ಹಾ [ನ ಮಯ’ಮಸ್ಮ ಮೂಳ್ಹಾ (ಸೀ. ಪೀ.)], ಸೋಯೇವ ತ್ವಂ ತೇ ಮಯಮಸ್ಮ ನಾಞ್ಞೇ;

ಚಿತ್ತಞ್ಚ ¶ ತೇ ಅಸ್ಮಿಂ ಜನೇ ಪದುಟ್ಠಂ, ಆಜೀವಿಕಾ [ಆಜೀವಕ (ಸೀ. ಸ್ಯಾ.), ಆಜೀವಿಕ (ಪೀ.)] ತೇನ ತಮುತ್ತಸಾಮಾತಿ.

ಕಿಮತ್ಥ [ಕಮತ್ಥ (ಸೀ. ಪೀ.)] ಮಭಿಸನ್ಧಾಯ, ಲಹುಚಿತ್ತಸ್ಸ ದುಬ್ಭಿನೋ [ದೂಭಿನೋ (ಸೀ. ಪೀ.)];

ಸಬ್ಬಕಾಮದದಸ್ಸೇವ [ದುಹಸ್ಸೇವ (ಸೀ. ಸ್ಯಾ. ಪೀ.), ರಹಸ್ಸೇವ (ಕ.)], ಇಮಂ ದುಕ್ಖಂ ತಿತಿಕ್ಖಸಿ.

ಸಿಙ್ಗೇನ ನಿಹನಾಹೇತಂ, ಪದಸಾ ಚ ಅಧಿಟ್ಠಹ;

ಭಿಯ್ಯೋ [ಭೀಯೋ (ಸೀ.)] ಬಾಲಾ ಪಕುಜ್ಝೇಯ್ಯುಂ, ನೋ ಚಸ್ಸ ಪಟಿಸೇಧಕೋ.

ಮಮೇವಾಯಂ ಮಞ್ಞಮಾನೋ, ಅಞ್ಞೇಪೇವಂ [ಅಞ್ಞಮ್ಪೇವಂ (ಸೀ. ಸ್ಯಾ. ಪೀ.)] ಕರಿಸ್ಸತಿ;

ತೇ ನಂ ತತ್ಥ ವಧಿಸ್ಸನ್ತಿ, ಸಾ ಮೇ ಮುತ್ತಿ ಭವಿಸ್ಸತೀತಿ.

ಮಹಿಂಸರಾಜಜಾತಕಂ [ಮಹಿಸಜಾತಕಂ (ಸೀ. ಸ್ಯಾ. ಪೀ.)] ಅಟ್ಠಮಂ.

ಯಥಾ ¶ ಮಾಣವಕೋ ಪನ್ಥೇ, ಸಿಙ್ಗಾಲಿಂ ವನಗೋಚರಿಂ;

ಅತ್ಥಕಾಮಂ ಪವೇದೇನ್ತಿಂ [ಪವದನ್ತಿಂ (ಪೀ.)], ಅನತ್ಥಕಾಮಾತಿ ಮಞ್ಞತಿ;

ಅನತ್ಥಕಾಮಂ ಸತಪತ್ತಂ, ಅತ್ಥಕಾಮೋತಿ ಮಞ್ಞತಿ.

ಏವಮೇವ ಇಧೇಕಚ್ಚೋ, ಪುಗ್ಗಲೋ ಹೋತಿ ತಾದಿಸೋ;

ಹಿತೇಹಿ ವಚನಂ ವುತ್ತೋ, ಪಟಿಗಣ್ಹಾತಿ ವಾಮತೋ.

ಯೇ ¶ ¶ ಚ ಖೋ ನಂ ಪಸಂಸನ್ತಿ, ಭಯಾ ಉಕ್ಕಂಸಯನ್ತಿ ವಾ [ಚ (ಸೀ. ಪೀ.)];

ತಞ್ಹಿ ಸೋ ಮಞ್ಞತೇ ಮಿತ್ತಂ, ಸತಪತ್ತಂವ ಮಾಣವೋತಿ.

ಅದ್ಧಾ ಹಿ ನೂನ ಮಿಗರಾಜಾ, ಪುಟಕಮ್ಮಸ್ಸ ಕೋವಿದೋ;

ತಥಾ ಹಿ ಪುಟಂ ದೂಸೇತಿ, ಅಞ್ಞಂ ನೂನ ಕರಿಸ್ಸತಿ.

ನ ಮೇ ಮಾತಾ ವಾ ಪಿತಾ ವಾ, ಪುಟಕಮ್ಮಸ್ಸ ಕೋವಿದೋ;

ಕತಂ ಕತಂ ಖೋ ದೂಸೇಮ, ಏವಂ ಧಮ್ಮಮಿದಂ ಕುಲಂ.

ಯೇಸಂ ವೋ ಏದಿಸೋ ಧಮ್ಮೋ, ಅಧಮ್ಮೋ ಪನ ಕೀದಿಸೋ;

ಮಾ ವೋ ಧಮ್ಮಂ ಅಧಮ್ಮಂ ವಾ, ಅದ್ದಸಾಮ ಕುದಾಚನನ್ತಿ.

ಉದಪಾನವಗ್ಗೋ [ಅರಞ್ಞವಗ್ಗೋ (ಸೀ. ಪೀ. ಕ.)] ತತಿಯೋ.

ಉದಪಾನವರಂ ವನಬ್ಯಗ್ಘ ಕಪಿ, ಸಿಖಿನೀ ಚ ಬಲಾಕ ರುಚಿರವರೋ;

ಸುಜನಾಧಿಪರೋಮಕದೂಸ ಪುನ, ಸತಪತ್ತವರೋ ಪುಟಕಮ್ಮ ದಸಾತಿ.

ಅಬ್ಭನ್ತರೋ ¶ ¶ ನಾಮ ದುಮೋ, ಯಸ್ಸ ದಿಬ್ಯಮಿದಂ ಫಲಂ;

ಭುತ್ವಾ ದೋಹಳಿನೀ ನಾರೀ, ಚಕ್ಕವತ್ತಿಂ ವಿಜಾಯತಿ.

ತ್ವಮ್ಪಿ [ತ್ವಞ್ಚ (ಸೀ. ಪೀ.), ತ್ವಂ ಹಿ (ಕ.)] ಭದ್ದೇ ಮಹೇಸೀಸಿ, ಸಾ ಚಾಪಿ [ಚಾಸಿ (ಸೀ. ಪೀ.)] ಪತಿನೋ ಪಿಯಾ;

ಆಹರಿಸ್ಸತಿ ತೇ ರಾಜಾ, ಇದಂ ಅಬ್ಭನ್ತರಂ ಫಲಂ.

ಭತ್ತುರತ್ಥೇ ಪರಕ್ಕನ್ತೋ, ಯಂ ಠಾನಮಧಿಗಚ್ಛತಿ;

ಸೂರೋ ಅತ್ತಪರಿಚ್ಚಾಗೀ, ಲಭಮಾನೋ ಭವಾಮಹನ್ತಿ.

ಸೇಯ್ಯಂಸೋ ¶ ಸೇಯ್ಯಸೋ ಹೋತಿ, ಯೋ ಸೇಯ್ಯಮುಪಸೇವತಿ;

ಏಕೇನ ಸನ್ಧಿಂ ಕತ್ವಾನ, ಸತಂ ವಜ್ಝೇ [ಮಚ್ಚೇ (ಕ.), ಬಜ್ಝೇ (ಕ. ಅಟ್ಠ.)] ಅಮೋಚಯಿಂ.

[ಕಸ್ಮಾ…ಪೇ… ಸಗ್ಗಂ ನ ಗಚ್ಛೇಯ್ಯ (ಕತ್ಥಚಿ)] ತಸ್ಮಾ ಸಬ್ಬೇನ ಲೋಕೇನ, ಸನ್ಧಿಂ ಕತ್ವಾನ ಏಕತೋ [ಏಕಕೋ (ಸೀ. ಸ್ಯಾ. ಪೀ.)];

ಪೇಚ್ಚ ಸಗ್ಗಂ ನಿಗಚ್ಛೇಯ್ಯ [ಕಸ್ಮಾ…ಪೇ… ಸಗ್ಗಂ ನ ಗಚ್ಛೇಯ್ಯ (ಕತ್ಥಚಿ)], ಇದಂ ಸುಣಾಥ ಕಾಸಿಯಾ [ಕಾಸಯೋ (ಸೀ. ಪೀ.)].

ಇದಂ ವತ್ವಾ ಮಹಾರಾಜಾ, ಕಂಸೋ ಬಾರಾಣಸಿಗ್ಗಹೋ;

ಧನುಂ ಕಣ್ಡಞ್ಚ [ತೂಣಿಞ್ಚ (ಸೀ. ಪೀ.)] ನಿಕ್ಖಿಪ್ಪ, ಸಂಯಮಂ ಅಜ್ಝುಪಾಗಮೀತಿ.

ವರಂ ¶ ವರಂ ತ್ವಂ ನಿಹನಂ ಪುರೇ ಚರಿ, ಅಸ್ಮಿಂ ಪದೇಸೇ ಅಭಿಭುಯ್ಯ ಸೂಕರೇ;

ಸೋ ದಾನಿ ಏಕೋ ಬ್ಯಪಗಮ್ಮ ಝಾಯಸಿ, ಬಲಂ ನು ತೇ ಬ್ಯಗ್ಘ ನ ಚಜ್ಜ ವಿಜ್ಜತಿ.

ಇಮೇ ¶ ಸುದಂ [ಇಮಸ್ಸು ತಾ (ಸ್ಯಾ. ಕ.)] ಯನ್ತಿ ದಿಸೋದಿಸಂ ಪುರೇ, ಭಯಟ್ಟಿತಾ ಲೇಣಗವೇಸಿನೋ ಪುಥು;

ತೇ ದಾನಿ ಸಙ್ಗಮ್ಮ ವಸನ್ತಿ ಏಕತೋ, ಯತ್ಥಟ್ಠಿತಾ ದುಪ್ಪಸಹಜ್ಜಮೇ [ದುಪ್ಪಸಹಜ್ಜಿಮೇ (ಸ್ಯಾ.)] ಮಯಾ.

ನಮತ್ಥು ಸಙ್ಘಾನ ಸಮಾಗತಾನಂ, ದಿಸ್ವಾ ಸಯಂ ಸಖ್ಯ ವದಾಮಿ ಅಬ್ಭುತಂ;

ಬ್ಯಗ್ಘಂ ಮಿಗಾ ಯತ್ಥ ಜಿನಿಂಸು ದಾಠಿನೋ, ಸಾಮಗ್ಗಿಯಾ ದಾಠಬಲೇಸು ಮುಚ್ಚರೇತಿ.

ಯಂ ಉಸ್ಸುಕಾ ಸಙ್ಘರನ್ತಿ, ಅಲಕ್ಖಿಕಾ ಬಹುಂ ಧನಂ;

ಸಿಪ್ಪವನ್ತೋ ಅಸಿಪ್ಪಾ ಚ, ಲಕ್ಖಿವಾ ತಾನಿ ಭುಞ್ಜತಿ.

ಸಬ್ಬತ್ಥ ¶ ಕತಪುಞ್ಞಸ್ಸ, ಅತಿಚ್ಚಞ್ಞೇವ ಪಾಣಿನೋ;

ಉಪ್ಪಜ್ಜನ್ತಿ ಬಹೂ ಭೋಗಾ, ಅಪ್ಪನಾಯತನೇಸುಪಿ.

ಕುಕ್ಕುಟೋ [ಕುಕ್ಕುಟ (ಸೀ. ಪೀ.), ಕುಕ್ಕುಟಾ (ಸೀ. ನಿಸ್ಸಯ, ಸದ್ದನೀತಿ)] ಮಣಯೋ ದಣ್ಡೋ, ಥಿಯೋ ಚ ಪುಞ್ಞಲಕ್ಖಣಾ;

ಉಪ್ಪಜ್ಜನ್ತಿ ಅಪಾಪಸ್ಸ, ಕತಪುಞ್ಞಸ್ಸ ಜನ್ತುನೋತಿ.

ದರಿಯಾ ¶ ಸತ್ತ ವಸ್ಸಾನಿ, ತಿಂಸಮತ್ತಾ ವಸಾಮಸೇ;

ಹಞ್ಞಾಮ [ಹಞ್ಛೇಮ (ಸೀ. ಪೀ.), ಹಞ್ಛಾಮ (?)] ಮಣಿನೋ ಆಭಂ, ಇತಿ ನೋ ಮನ್ತನಂ ಅಹು.

ಯಾವತಾ ಮಣಿಂ ಘಂಸಾಮ [ಯಾವ ಯಾವ ನಿಘಂಸಾಮ (ಸೀ. ಪೀ.)], ಭಿಯ್ಯೋ ವೋದಾಯತೇ ಮಣಿ;

ಇದಞ್ಚ ದಾನಿ ಪುಚ್ಛಾಮ, ಕಿಂ ಕಿಚ್ಚಂ ಇಧ ಮಞ್ಞಸಿ.

ಅಯಂ ಮಣಿ ವೇಳೂರಿಯೋ, ಅಕಾಚೋ ವಿಮಲೋ [ವಿಪುಲೋ (ಕ.)] ಸುಭೋ;

ನಾಸ್ಸ ಸಕ್ಕಾ ಸಿರಿಂ ಹನ್ತುಂ, ಅಪಕ್ಕಮಥ ಸೂಕರಾತಿ.

ಮಣಿಸೂಕರ [ಮಣಿಘಂಸ (ಕ.)] ಜಾತಕಂ ಪಞ್ಚಮಂ.

ಮಾ ¶ ಸಾಲೂಕಸ್ಸ ಪಿಹಯಿ, ಆತುರನ್ನಾನಿ ಭುಞ್ಜತಿ;

ಅಪ್ಪೋಸ್ಸುಕ್ಕೋ ಭುಸಂ ಖಾದ, ಏತಂ ದೀಘಾಯುಲಕ್ಖಣಂ.

ಇದಾನಿ ಸೋ ಇಧಾಗನ್ತ್ವಾ, ಅತಿಥೀ ಯುತ್ತಸೇವಕೋ;

ಅಥ ದಕ್ಖಸಿ ಸಾಲೂಕಂ, ಸಯನ್ತಂ ಮುಸಲುತ್ತರಂ.

ವಿಕನ್ತಂ ¶ [ವಿಕತ್ತಂ (ಸೀ.), ವಿಕನ್ತಿಯಮಾನಂ ಛಿನ್ದಿಯಮಾನಂತಿ ಅತ್ಥೋ] ಸೂಕರಂ ದಿಸ್ವಾ, ಸಯನ್ತಂ ಮುಸಲುತ್ತರಂ;

ಜರಗ್ಗವಾ ವಿಚಿನ್ತೇಸುಂ, ವರಮ್ಹಾಕಂ ಭುಸಾಮಿವಾತಿ.

ನಾನುಮ್ಮತ್ತೋ ನಾಪಿಸುಣೋ, ನಾನಟೋ ನಾಕುತೂಹಲೋ;

ಮೂಳ್ಹೇಸು ಲಭತೇ ಲಾಭಂ, ಏಸಾ ತೇ ಅನುಸಾಸನೀ.

ಧಿರತ್ಥು ತಂ ಯಸಲಾಭಂ, ಧನಲಾಭಞ್ಚ ಬ್ರಾಹ್ಮಣ;

ಯಾ ವುತ್ತಿ ವಿನಿಪಾತೇನ, ಅಧಮ್ಮಚರಣೇನ [ಅಧಮ್ಮಚರಿಯಾಯ (ಸೀ. ಸ್ಯಾ.)] ವಾ.

ಅಪಿ ಚೇ ಪತ್ತಮಾದಾಯ, ಅನಗಾರೋ ಪರಿಬ್ಬಜೇ;

ಏಸಾವ ಜೀವಿಕಾ ಸೇಯ್ಯೋ [ಸೇಯ್ಯಾ (ಸೀ. ಸ್ಯಾ. ಪೀ.)], ಯಾ ಚಾಧಮ್ಮೇನ ಏಸನಾತಿ.

ಅಗ್ಘನ್ತಿ ¶ ಮಚ್ಛಾ ಅಧಿಕಂ ಸಹಸ್ಸಂ, ನ ಸೋ ಅತ್ಥಿ ಯೋ ಇಮಂ ಸದ್ದಹೇಯ್ಯ;

ಮಯ್ಹಞ್ಚ ಅಸ್ಸು ಇಧ ಸತ್ತ ಮಾಸಾ, ಅಹಮ್ಪಿ ತಂ ಮಚ್ಛುದ್ದಾನಂ ಕಿಣೇಯ್ಯಂ.

ಮಚ್ಛಾನಂ ಭೋಜನಂ ದತ್ವಾ, ಮಮ ದಕ್ಖಿಣಮಾದಿಸಿ;

ತಂ ದಕ್ಖಿಣಂ ಸರನ್ತಿಯಾ, ಕತಂ ಅಪಚಿತಿಂ ತಯಾ.

ಪದುಟ್ಠಚಿತ್ತಸ್ಸ ¶ ¶ ನ ಫಾತಿ ಹೋತಿ, ನ ಚಾಪಿ ತಂ [ನಂ (ಸೀ. ಸ್ಯಾ.)] ದೇವತಾ ಪೂಜಯನ್ತಿ;

ಯೋ ಭಾತರಂ ಪೇತ್ತಿಕಂ ಸಾಪತೇಯ್ಯಂ, ಅವಞ್ಚಯೀ ದುಕ್ಕಟಕಮ್ಮಕಾರೀತಿ.

ನಾನಾಛನ್ದಾ ಮಹಾರಾಜ, ಏಕಾಗಾರೇ ವಸಾಮಸೇ;

ಅಹಂ ಗಾಮವರಂ ಇಚ್ಛೇ, ಬ್ರಾಹ್ಮಣೀ ಚ ಗವಂ ಸತಂ.

ಪುತ್ತೋ ಚ ಆಜಞ್ಞರಥಂ, ಕಞ್ಞಾ ಚ ಮಣಿಕುಣ್ಡಲಂ;

ಯಾ ಚೇಸಾ ಪುಣ್ಣಿಕಾ ಜಮ್ಮೀ, ಉದುಕ್ಖಲಂಭಿಕಙ್ಖತಿ.

ಬ್ರಾಹ್ಮಣಸ್ಸ ಗಾಮವರಂ, ಬ್ರಾಹ್ಮಣಿಯಾ ಗವಂ ಸತಂ;

ಪುತ್ತಸ್ಸ ಆಜಞ್ಞರಥಂ, ಕಞ್ಞಾಯ ಮಣಿಕುಣ್ಡಲಂ;

ಯಞ್ಚೇತಂ ಪುಣ್ಣಿಕಂ ಜಮ್ಮಿಂ, ಪಟಿಪಾದೇಥುದುಕ್ಖಲನ್ತಿ.

ಸೀಲಂ ಕಿರೇವ ಕಲ್ಯಾಣಂ, ಸೀಲಂ ಲೋಕೇ ಅನುತ್ತರಂ;

ಪಸ್ಸ ಘೋರವಿಸೋ ನಾಗೋ, ಸೀಲವಾತಿ ನ ಹಞ್ಞತಿ.

ಸೋಹಂ ಸೀಲಂ ಸಮಾದಿಸ್ಸಂ, ಲೋಕೇ ಅನುಮತಂ ಸಿವಂ;

ಅರಿಯವುತ್ತಿಸಮಾಚಾರೋ ¶ , ಯೇನ ವುಚ್ಚತಿ ಸೀಲವಾ.

ಞಾತೀನಞ್ಚ ಪಿಯೋ ಹೋತಿ, ಮಿತ್ತೇಸು ಚ ವಿರೋಚತಿ;

ಕಾಯಸ್ಸ ಭೇದಾ ಸುಗತಿಂ, ಉಪಪಜ್ಜತಿ ಸೀಲವಾತಿ.

ದುಮ ¶ ¶ ಕಂಸವರುತ್ತಮಬ್ಯಗ್ಘಮಿಗಾ, ಮಣಯೋ ಮಣಿ ಸಾಲುಕಮವ್ಹಯನೋ;

ಅನುಸಾಸನಿಯೋಪಿ ಚ ಮಚ್ಛವರೋ, ಮಣಿಕುಣ್ಡಲಕೇನ ಕಿರೇನ ದಸಾತಿ.

ಸಬ್ಬಕಾಮದದಂ ಕುಮ್ಭಂ, ಕುಟಂ ಲದ್ಧಾನ ಧುತ್ತಕೋ;

ಯಾವ ನಂ ಅನುಪಾಲೇತಿ, ತಾವ ಸೋ ಸುಖಮೇಧತಿ.

ಯದಾ ಮತ್ತೋ ಚ ದಿತ್ತೋ ಚ, ಪಮಾದಾ ಕುಮ್ಭಮಬ್ಭಿದಾ;

ತದಾ ನಗ್ಗೋ ಚ ಪೋತ್ಥೋ ಚ, ಪಚ್ಛಾ ಬಾಲೋ ವಿಹಞ್ಞತಿ.

ಏವಮೇವ ಯೋ ಧನಂ ಲದ್ಧಾ, ಪಮತ್ತೋ [ಅಮತ್ತಾ (ಸೀ.), ಅಮತ್ತೋ (ಪೀ.)] ಪರಿಭುಞ್ಜತಿ;

ಪಚ್ಛಾ ¶ ತಪ್ಪತಿ ದುಮ್ಮೇಧೋ, ಕುಟಂ ಭಿತ್ವಾವ [ಕುಟಂ ಭಿನ್ನೋವ (ಸೀ. ಪೀ.), ಕುಟಭಿನ್ನೋವ (?)] ಧುತ್ತಕೋತಿ.

ಸುರಾಘಟ [ಭದ್ರಘಟ (ಸೀ. ಪೀ.), ಭದ್ರಘಟಭೇದಕ (ಸ್ಯಾ.)] ಜಾತಕಂ ಪಠಮಂ.

ಬಾರಾಣಸ್ಯಂ [ಬಾರಾಣಸ್ಸಂ (ಸೀ. ಪೀ.)] ಮಹಾರಾಜ, ಕಾಕರಾಜಾ ನಿವಾಸಕೋ [ನಿವಾಸಿಕೋ (ಸೀ. ಪೀ.)];

ಅಸೀತಿಯಾ ಸಹಸ್ಸೇಹಿ, ಸುಪತ್ತೋ ಪರಿವಾರಿತೋ.

ತಸ್ಸ ದೋಹಳಿನೀ ಭರಿಯಾ, ಸುಫಸ್ಸಾ ಭಕ್ಖಿತುಮಿಚ್ಛತಿ [ಮಚ್ಛಮಿಚ್ಛತಿ (ಸೀ. ಪೀ.)];

ರಞ್ಞೋ ಮಹಾನಸೇ ಪಕ್ಕಂ, ಪಚ್ಚಗ್ಘಂ ರಾಜಭೋಜನಂ.

ತೇಸಾಹಂ ಪಹಿತೋ ದೂತೋ, ರಞ್ಞೋ ಚಮ್ಹಿ ಇಧಾಗತೋ;

ಭತ್ತು ಅಪಚಿತಿಂ ಕುಮ್ಮಿ, ನಾಸಾಯಮಕರಂ [ಮಕರಿಂ (ಸೀ. ನಿಸ್ಸಯ)] ವಣನ್ತಿ.

ಫುಟ್ಠಸ್ಸ ¶ ಮೇ ಅಞ್ಞತರೇನ ಬ್ಯಾಧಿನಾ, ರೋಗೇನ ಬಾಳ್ಹಂ ದುಖಿತಸ್ಸ ರುಪ್ಪತೋ;

ಪರಿಸುಸ್ಸತಿ ಖಿಪ್ಪಮಿದಂ ಕಳೇವರಂ, ಪುಪ್ಫಂ ಯಥಾ ಪಂಸುನಿ ಆತಪೇ ಕತಂ.

ಅಜಞ್ಞಂ ¶ ಜಞ್ಞಸಙ್ಖಾತಂ, ಅಸುಚಿಂ ಸುಚಿಸಮ್ಮತಂ;

ನಾನಾಕುಣಪಪರಿಪೂರಂ, ಜಞ್ಞರೂಪಂ ಅಪಸ್ಸತೋ.

ಧಿರತ್ಥುಮಂ ¶ ಆತುರಂ ಪೂತಿಕಾಯಂ, ಜೇಗುಚ್ಛಿಯಂ ಅಸ್ಸುಚಿಂ ಬ್ಯಾಧಿಧಮ್ಮಂ;

ಯತ್ಥಪ್ಪಮತ್ತಾ ಅಧಿಮುಚ್ಛಿತಾ ಪಜಾ, ಹಾಪೇನ್ತಿ ಮಗ್ಗಂ ಸುಗತೂಪಪತ್ತಿಯಾತಿ.

ಕಾಯನಿಬ್ಬಿನ್ದ [ಕಾಯವಿಚ್ಛನ್ದ (ಸೀ.), ಕಾಯವಿಚ್ಛಿನ್ದ (ಪೀ.)] ಜಾತಕಂ ತತಿಯಂ.

ಕೋಯಂ ಬಿನ್ದುಸ್ಸರೋ ವಗ್ಗು, ಸರವನ್ತಾನ [ಪವದನ್ತಾನ (ಸೀ. ಪೀ.)] ಮುತ್ತಮೋ;

ಅಚ್ಚುತೋ ಜಮ್ಬುಸಾಖಾಯ, ಮೋರಚ್ಛಾಪೋವ ಕೂಜತಿ.

ಕುಲಪುತ್ತೋವ ಜಾನಾತಿ [ಕುಲಪುತ್ತೋ ಪಜಾನಾತಿ (ಸ್ಯಾ. ಕ.)], ಕುಲಪುತ್ತಂ [ಕುಲಪುತ್ತೇ (ಸೀ. ಪೀ.)] ಪಸಂಸಿತುಂ;

ಬ್ಯಗ್ಘಚ್ಛಾಪಸರೀವಣ್ಣ, ಭುಞ್ಜ ಸಮ್ಮ ದದಾಮಿ ತೇ.

ಚಿರಸ್ಸಂ ವತ ಪಸ್ಸಾಮಿ, ಮುಸಾವಾದೀ ಸಮಾಗತೇ;

ವನ್ತಾದಂ ಕುಣಪಾದಞ್ಚ, ಅಞ್ಞಮಞ್ಞಂ ಪಸಂಸಕೇತಿ.

ಉಸಭಸ್ಸೇವ ತೇ ಖನ್ಧೋ, ಸೀಹಸ್ಸೇವ ವಿಜಮ್ಭಿತಂ;

ಮಿಗರಾಜ ನಮೋ ತ್ಯತ್ಥು, ಅಪಿ ಕಿಞ್ಚಿ ಲಭಾಮಸೇ.

ಕುಲಪುತ್ತೋವ ಜಾನಾತಿ, ಕುಲಪುತ್ತಂ ಪಸಂಸಿತುಂ;

ಮಯೂರಗೀವಸಙ್ಕಾಸ, ಇತೋ ಪರಿಯಾಹಿ ವಾಯಸ.

ಮಿಗಾನಂ ¶ ¶ ಸಿಙ್ಗಾಲೋ [ಕೋತ್ಥುಕೋ (ಸೀ. ಪೀ.), ಕೋಟ್ಠುಕೋ (ಸ್ಯಾ.)] ಅನ್ತೋ, ಪಕ್ಖೀನಂ ಪನ ವಾಯಸೋ;

ಏರಣ್ಡೋ ಅನ್ತೋ ರುಕ್ಖಾನಂ, ತಯೋ ಅನ್ತಾ ಸಮಾಗತಾತಿ.

ಕೋ ನಾಯಂ [ಕೋ ನ್ವಾಯಂ (ಸ್ಯಾ.)] ಲೋಣತೋಯಸ್ಮಿಂ, ಸಮನ್ತಾ ಪರಿಧಾವತಿ;

ಮಚ್ಛೇ ಮಕರೇ ಚ ವಾರೇತಿ, ಊಮೀಸು ಚ ವಿಹಞ್ಞತಿ.

ಅನನ್ತಪಾಯೀ ಸಕುಣೋ, ಅತಿತ್ತೋತಿ ದಿಸಾಸುತೋ;

ಸಮುದ್ದಂ ಪಾತುಮಿಚ್ಛಾಮಿ, ಸಾಗರಂ ಸರಿತಂ ಪತಿಂ.

ಸೋ ¶ ಅಯಂ ಹಾಯತಿ ಚೇವ, ಪೂರತೇ ಚ ಮಹೋದಧಿ;

ನಾಸ್ಸ ನಾಯತಿ ಪೀತನ್ತೋ, ಅಪೇಯ್ಯೋ ಕಿರ ಸಾಗರೋತಿ.

ಉಚ್ಚೇ ಸಕುಣ ಡೇಮಾನ, ಪತ್ತಯಾನ ವಿಹಙ್ಗಮ;

ವಜ್ಜಾಸಿ ಖೋ ತ್ವಂ ವಾಮೂರುಂ, ಚಿರಂ ಖೋ ಸಾ ಕರಿಸ್ಸತಿ [ಸರಿಸ್ಸತಿ (ಕ.)].

ಇದಂ ಖೋ ಸಾ ನ ಜಾನಾತಿ, ಅಸಿಂ ಸತ್ತಿಞ್ಚ ಓಡ್ಡಿತಂ;

ಸಾ ಚಣ್ಡೀ ಕಾಹತಿ ಕೋಧಂ, ತಂ ಮೇ ತಪತಿ ನೋ ಇದಂ [ನೋ ಇಧ (ಸೀ. ಸ್ಯಾ. ಪೀ.)].

ಏಸ ¶ ಉಪ್ಪಲಸನ್ನಾಹೋ, ನಿಕ್ಖಞ್ಚುಸ್ಸೀಸಕೋಹಿತಂ [ನಿಕ್ಖಮುಸ್ಸೀಸಕೇ ಕತಂ (ಸೀ. ಪೀ.), ನಿಕ್ಖಞ್ಚುಸ್ಸೀಸಕೇ ಕತಂ (ಸ್ಯಾ.)];

ಕಾಸಿಕಞ್ಚ ಮುದುಂ ವತ್ಥಂ, ತಪ್ಪೇತು ಧನಿಕಾ ಪಿಯಾತಿ [ಧನಕಾಮಿಯಾತಿ (ಸ್ಯಾ. ಪೀ.), ಧನಕಾಮಿಕಾತಿ (ಸೀ.)].

ಉದುಮ್ಬರಾ ಚಿಮೇ ಪಕ್ಕಾ, ನಿಗ್ರೋಧಾ ಚ ಕಪಿತ್ಥನಾ;

ಏಹಿ ನಿಕ್ಖಮ ಭುಞ್ಜಸ್ಸು, ಕಿಂ ಜಿಘಚ್ಛಾಯ ಮಿಯ್ಯಸಿ.

ಏವಂ ¶ ಸೋ ಸುಹಿತೋ ಹೋತಿ, ಯೋ ವುಡ್ಢಮಪಚಾಯತಿ;

ಯಥಾಹಮಜ್ಜ ಸುಹಿತೋ, ದುಮಪಕ್ಕಾನಿ ಮಾಸಿತೋ.

ಯಂ ವನೇಜೋ ವನೇಜಸ್ಸ, ವಞ್ಚೇಯ್ಯ ಕಪಿನೋ ಕಪಿ;

ದಹರೋ ಕಪಿ [ದಹರೋಪಿ ತಂ ನ (ಸೀ. ಪೀ.), ದಹರೋಪಿ ನ (ಸ್ಯಾ.)] ಸದ್ಧೇಯ್ಯ, ನ ಹಿ ಜಿಣ್ಣೋ ಜರಾಕಪೀತಿ.

ಪುರೇ ತುವಂ ಸೀಲವತಂ ಸಕಾಸೇ, ಓಕ್ಕನ್ತಿಕಂ [ಓಕ್ಕನ್ದಿಕಂ (ಸೀ. ಸ್ಯಾ. ಪೀ.)] ಕೀಳಸಿ ಅಸ್ಸಮಮ್ಹಿ;

ಕರೋಹರೇ [ಕರೋಹಿ ರೇ (ಕ.)] ಮಕ್ಕಟಿಯಾನಿ ಮಕ್ಕಟ, ನ ತಂ ಮಯಂ ಸೀಲವತಂ ರಮಾಮ.

ಸುತಾ ¶ ಹಿ ಮಯ್ಹಂ ಪರಮಾ ವಿಸುದ್ಧಿ, ಕೋಮಾರಪುತ್ತಸ್ಸ ಬಹುಸ್ಸುತಸ್ಸ;

ಮಾ ದಾನಿ ಮಂ ಮಞ್ಞಿ ತುವಂ ಯಥಾ ಪುರೇ, ಝಾನಾನುಯುತ್ತೋ ವಿಹರಾಮಿ [ಝಾನಾನುಯುತ್ತಾ ವಿಹರಾಮ (ಸೀ. ಪೀ.)] ಆವುಸೋ.

ಸಚೇಪಿ ಸೇಲಸ್ಮಿ ವಪೇಯ್ಯ ಬೀಜಂ, ದೇವೋ ಚ ವಸ್ಸೇ ನ ಹಿ ತಂ ವಿರೂಳ್ಹೇ [ನೇವ ಹಿ ತಂ ರುಹೇಯ್ಯ (ಸೀ. ಪೀ.), ನ ಹಿ ತಂ ವಿರೂಹೇ (?)];

ಸುತಾ ಹಿ ತೇ ಸಾ ಪರಮಾ ವಿಸುದ್ಧಿ, ಆರಾ ತುವಂ ಮಕ್ಕಟ ಝಾನಭೂಮಿಯಾತಿ.

ಪರಪಾಣರೋಧಾ ¶ [ಪರಪಾಣಘಾತೇ (ಸ್ಯಾ.), ಪರಪಾಣರೋಚಂ (ಕ.)] ಜೀವನ್ತೋ, ಮಂಸಲೋಹಿತಭೋಜನೋ;

ವಕೋ ವತಂ ಸಮಾದಾಯ, ಉಪಪಜ್ಜಿ ಉಪೋಸಥಂ.

ತಸ್ಸ ಸಕ್ಕೋ ವತಞ್ಞಾಯ, ಅಜರೂಪೇನುಪಾಗಮಿ;

ವೀತತಪೋ ಅಜ್ಝಪ್ಪತ್ತೋ, ಭಞ್ಜಿ ಲೋಹಿತಪೋ ತಪಂ.

ಏವಮೇವ ¶ ಇಧೇಕಚ್ಚೇ, ಸಮಾದಾನಮ್ಹಿ ದುಬ್ಬಲಾ;

ಲಹುಂ ಕರೋನ್ತಿ ಅತ್ತಾನಂ, ವಕೋವ ಅಜಕಾರಣಾತಿ.

ವರಕುಮ್ಭ ¶ ಸುಪತ್ತಸಿರಿವ್ಹಯನೋ, ಸುಚಿಸಮ್ಮತ ಬಿನ್ದುಸರೋ ಚುಸಭೋ;

ಸರಿತಂಪತಿ ಚಣ್ಡಿ ಜರಾಕಪಿನಾ, ಅಥ ಮಕ್ಕಟಿಯಾ ವಕಕೇನ ದಸಾತಿ.

ಸಙ್ಕಪ್ಪೋ ಪದುಮೋ ಚೇವ, ಉದಪಾನೇನ ತತಿಯಂ;

ಅಬ್ಭನ್ತರಂ ಘಟಭೇದಂ, ತಿಕನಿಪಾತಮ್ಹಿಲಙ್ಕತನ್ತಿ.

ವಿವರಥಿಮಾಸಂ ¶ ¶ ¶ [ವಿವರಥ ಇಮಾಸಂ (ಸೀ. ಸ್ಯಾ. ಪೀ.)] ದ್ವಾರಂ, ನಗರಂ ಪವಿಸನ್ತು [ಪವಿಸಿತುಂ ಮಯಾ; (ಕ.)] ಅರುಣರಾಜಸ್ಸ;

ಸೀಹೇನ ಸುಸಿಟ್ಠೇನ, ಸುರಕ್ಖಿತಂ [ಸುಸತ್ಥೇನ, ಸುರಕ್ಖಿತಂ (ಸೀ. ಪೀ.), ಸುಸಿಟ್ಠೇನ (ಕ.)] ನನ್ದಿಸೇನೇನ.

ಜಯೋ ಕಲಿಙ್ಗಾನಮಸಯ್ಹಸಾಹಿನಂ, ಪರಾಜಯೋ ಅನಯೋ [ಅಜಯೋ (ಸ್ಯಾ.), ಅನ್ವಿತೋ (ಕ.)] ಅಸ್ಸಕಾನಂ;

ಇಚ್ಚೇವ ತೇ ಭಾಸಿತಂ ಬ್ರಹ್ಮಚಾರಿ, ನ ಉಜ್ಜುಭೂತಾ ವಿತಥಂ ಭಣನ್ತಿ.

ದೇವಾ ಮುಸಾವಾದಮುಪಾತಿವತ್ತಾ, ಸಚ್ಚಂ ಧನಂ ಪರಮಂ ತೇಸು [ತಥಂ ಪೇಮಕರಂ ನು (ಕ.), ತಥಂ ಪರಮಂ ಕರಂ ನು (ಸ್ಯಾ.)] ಸಕ್ಕ;

ತಂ ತೇ ಮುಸಾ ಭಾಸಿತಂ ದೇವರಾಜ, ಕಿಂ ವಾ ಪಟಿಚ್ಚ ಮಘವಾ ಮಹಿನ್ದ.

ನನು ತೇ ಸುತಂ ಬ್ರಾಹ್ಮಣ ಭಞ್ಞಮಾನೇ, ದೇವಾ ನ ಇಸ್ಸನ್ತಿ ಪುರಿಸಪರಕ್ಕಮಸ್ಸ;

ದಮೋ ಸಮಾಧಿ ಮನಸೋ ಅಭೇಜ್ಜೋ [ಅದೇಜ್ಜೋ (ಸೀ. ಪೀ.), ಅಭಿಜ್ಜೋ (ಕ.)], ಅಬ್ಯಗ್ಗತಾ ¶ ನಿಕ್ಕಮನಞ್ಚ [ನಿಕ್ಖಮನಞ್ಚ (ಸೀ.)] ಕಾಲೇ;

ದಳ್ಹಞ್ಚ ವಿರಿಯಂ ಪುರಿಸಪರಕ್ಕಮೋ ಚ, ತೇನೇವ ಆಸಿ ವಿಜಯೋ ಅಸ್ಸಕಾನನ್ತಿ.

ಅದೇಯ್ಯೇಸು ದದಂ ದಾನಂ, ದೇಯ್ಯೇಸು ನಪ್ಪವೇಚ್ಛತಿ;

ಆಪಾಸು ಬ್ಯಸನಂ ಪತ್ತೋ, ಸಹಾಯಂ ನಾಧಿಗಚ್ಛತಿ.

ನಾದೇಯ್ಯೇಸು ¶ ದದಂ ದಾನಂ, ದೇಯ್ಯೇಸು ಯೋ ಪವೇಚ್ಛತಿ;

ಆಪಾಸು ಬ್ಯಸನಂ ಪತ್ತೋ, ಸಹಾಯಮಧಿಗಚ್ಛತಿ.

ಸಞ್ಞೋಗಸಮ್ಭೋಗವಿಸೇಸದಸ್ಸನಂ, ಅನರಿಯಧಮ್ಮೇಸು ಸಠೇಸು ನಸ್ಸತಿ;

ಕತಞ್ಚ ಅರಿಯೇಸು ಚ ಅಜ್ಜವೇಸು, ಮಹಪ್ಫಲಂ ಹೋತಿ ಅಣುಮ್ಪಿ ತಾದಿಸು.

ಯೋ ಪುಬ್ಬೇ ಕತಕಲ್ಯಾಣೋ, ಅಕಾ ಲೋಕೇ ಸುದುಕ್ಕರಂ;

ಪಚ್ಛಾ ಕಯಿರಾ ನ ವಾ ಕಯಿರಾ, ಅಚ್ಚನ್ತಂ ಪೂಜನಾರಹೋತಿ.

ಅನುತ್ತರೇ ¶ ¶ ಕಾಮಗುಣೇ ಸಮಿದ್ಧೇ, ಭುತ್ವಾನ ಪುಬ್ಬೇ ವಸೀ ಏಕರಾಜ;

ಸೋ ದಾನಿ ದುಗ್ಗೇ ನರಕಮ್ಹಿ ಖಿತ್ತೋ, ನಪ್ಪಜ್ಜಹೇ ವಣ್ಣಬಲಂ ಪುರಾಣಂ.

ಪುಬ್ಬೇವ ಖನ್ತೀ ಚ ತಪೋ ಚ ಮಯ್ಹಂ, ಸಮ್ಪತ್ಥಿತಾ ದುಬ್ಭಿಸೇನ [ದಬ್ಬಸೇನಾ (ಸೀ. ಪೀ.)] ಅಹೋಸಿ;

ತಂ ದಾನಿ ಲದ್ಧಾನ ಕಥಂ ನು ರಾಜ, ಜಹೇ ಅಹಂ ವಣ್ಣಬಲಂ ಪುರಾಣಂ.

ಸಬ್ಬಾ ಕಿರೇವಂ ಪರಿನಿಟ್ಠಿತಾನಿ, ಯಸಸ್ಸಿನಂ ಪಞ್ಞವನ್ತಂ ವಿಸಯ್ಹ;

ಯಸೋ ಚ ಲದ್ಧಾ ಪುರಿಮಂ ಉಳಾರಂ, ನಪ್ಪಜ್ಜಹೇ ವಣ್ಣಬಲಂ ಪುರಾಣಂ.

ಪನುಜ್ಜ ದುಕ್ಖೇನ ಸುಖಂ ಜನಿನ್ದ, ಸುಖೇನ ವಾ ದುಕ್ಖಮಸಯ್ಹಸಾಹಿ;

ಉಭಯತ್ಥ ಸನ್ತೋ ಅಭಿನಿಬ್ಬುತತ್ತಾ, ಸುಖೇ ಚ ದುಕ್ಖೇ ಚ ಭವನ್ತಿ ತುಲ್ಯಾತಿ.

ಇಮಾನಿ ¶ ¶ ಮಂ ದದ್ದರ ತಾಪಯನ್ತಿ, ವಾಚಾದುರುತ್ತಾನಿ ಮನುಸ್ಸಲೋಕೇ;

ಮಣ್ಡೂಕಭಕ್ಖಾ ಉದಕನ್ತಸೇವೀ, ಆಸೀವಿಸಂ ಮಂ ಅವಿಸಾ ಸಪನ್ತಿ.

ಸಕಾ ರಟ್ಠಾ ಪಬ್ಬಾಜಿತೋ, ಅಞ್ಞಂ ಜನಪದಂ ಗತೋ;

ಮಹನ್ತಂ ಕೋಟ್ಠಂ ಕಯಿರಾಥ, ದುರುತ್ತಾನಂ [ದುರುತ್ತಾನಿ (ಕ.)] ನಿಧೇತವೇ.

ಯತ್ಥ ಪೋಸಂ ನ ಜಾನನ್ತಿ, ಜಾತಿಯಾ ವಿನಯೇನ ವಾ;

ನ ತತ್ಥ ಮಾನಂ ಕಯಿರಾಥ, ವಸಮಞ್ಞಾತಕೇ ಜನೇ.

ವಿದೇಸವಾಸಂ ವಸತೋ, ಜಾತವೇದಸಮೇನಪಿ [ಜಾತವೇದಭಯೇನಪಿ (ಕ.)];

ಖಮಿತಬ್ಬಂ ಸಪಞ್ಞೇನ, ಅಪಿ ದಾಸಸ್ಸ ತಜ್ಜಿತನ್ತಿ.

ನತ್ಥಿ ಲೋಕೇ ರಹೋ ನಾಮ, ಪಾಪಕಮ್ಮಂ ಪಕುಬ್ಬತೋ;

ಪಸ್ಸನ್ತಿ ವನಭೂತಾನಿ, ತಂ ಬಾಲೋ ಮಞ್ಞತೀ ರಹೋ.

ಅಹಂ ರಹೋ ನ ಪಸ್ಸಾಮಿ, ಸುಞ್ಞಂ ವಾಪಿ ನ ವಿಜ್ಜತಿ;

ಯತ್ಥ ಅಞ್ಞಂ [ಸುಞ್ಞಂ (ಸ್ಯಾ. ಕ.)] ನ ಪಸ್ಸಾಮಿ, ಅಸುಞ್ಞಂ ಹೋತಿ ತಂ ಮಯಾ.

ದುಜ್ಜಚ್ಚೋ ಚ ಸುಜಚ್ಚೋ [ಅಜಚ್ಚೋ (ಪೀ.)] ಚ, ನನ್ದೋ ಚ ಸುಖವಡ್ಢಿತೋ [ಸುಖವಚ್ಛಕೋ (ಸೀ.), ಸುಖವಚ್ಛನೋ (ಸ್ಯಾ. ಪೀ.)];

ವೇಜ್ಜೋ ¶ ಚ ಅದ್ಧುವಸೀಲೋ [ಅಥ ಸೀಲೋ (ಕ.)] ಚ, ತೇ ಧಮ್ಮಂ ಜಹು ಮತ್ಥಿಕಾ.

ಬ್ರಾಹ್ಮಣೋ ¶ ಚ ಕಥಂ ಜಹೇ, ಸಬ್ಬಧಮ್ಮಾನ ಪಾರಗೂ;

ಯೋ ಧಮ್ಮಮನುಪಾಲೇತಿ, ಧಿತಿಮಾ ಸಚ್ಚನಿಕ್ಕಮೋತಿ.

ಕಿಮಣ್ಡಕಾ ¶ ಇಮೇ ದೇವ, ನಿಕ್ಖಿತ್ತಾ ಕಂಸಮಲ್ಲಕೇ;

ಉಪಲೋಹಿತಕಾ ವಗ್ಗೂ, ತಂ [ತೇ (ಪೀ.)] ಮೇ ಅಕ್ಖಾಹಿ ಪುಚ್ಛಿತೋ.

ಯಾನಿ ಪುರೇ ತುವಂ ದೇವಿ, ಭಣ್ಡು ನನ್ತಕವಾಸಿನೀ;

ಉಚ್ಛಙ್ಗಹತ್ಥಾ ಪಚಿನಾಸಿ, ತಸ್ಸಾ ತೇ ಕೋಲಿಯಂ ಫಲಂ.

ಉಡ್ಡಯ್ಹತೇ ನ ರಮತಿ, ಭೋಗಾ ವಿಪ್ಪಜಹನ್ತಿ ತಂ [ವಿಪ್ಪಜಹನ್ತಿ’ಮಂ (?)];

ತತ್ಥೇವಿಮಂ ಪಟಿನೇಥ, ಯತ್ಥ ಕೋಲಂ ಪಚಿಸ್ಸತಿ.

ಹೋನ್ತಿ ಹೇತೇ ಮಹಾರಾಜ, ಇದ್ಧಿಪ್ಪತ್ತಾಯ [ಇದ್ಧಿಮತ್ತಾಯ (ಕ.)] ನಾರಿಯಾ;

ಖಮ ದೇವ ಸುಜಾತಾಯ, ಮಾಸ್ಸಾ [ಮಾಸು (ಕ.)] ಕುಜ್ಝ ರಥೇಸಭಾತಿ.

ಅಚೇತನಂ ಬ್ರಾಹ್ಮಣ ಅಸ್ಸುಣನ್ತಂ, ಜಾನೋ ಅಜಾನನ್ತಮಿಮಂ ಪಲಾಸಂ;

ಆರದ್ಧವಿರಿಯೋ ಧುವಂ ಅಪ್ಪಮತ್ತೋ, ಸುಖಸೇಯ್ಯಂ ¶ ಪುಚ್ಛಸಿ ಕಿಸ್ಸ ಹೇತು.

ದೂರೇ ಸುತೋ ಚೇವ ಬ್ರಹಾ ಚ ರುಕ್ಖೋ, ದೇಸೇ ಠಿತೋ ಭೂತನಿವಾಸರೂಪೋ;

ತಸ್ಮಾ ನಮಸ್ಸಾಮಿ ಇಮಂ ಪಲಾಸಂ, ಯೇ ಚೇತ್ಥ ಭೂತಾ ತೇ [ತೇ ಚ (ಸೀ. ಪೀ.)] ಧನಸ್ಸ ಹೇತು.

ಸೋ ತೇ ಕರಿಸ್ಸಾಮಿ ಯಥಾನುಭಾವಂ, ಕತಞ್ಞುತಂ ಬ್ರಾಹ್ಮಣ ಪೇಕ್ಖಮಾನೋ;

ಕಥಞ್ಹಿ ಆಗಮ್ಮ ಸತಂ ಸಕಾಸೇ, ಮೋಘಾನಿ ತೇ ಅಸ್ಸು ಪರಿಫನ್ದಿತಾನಿ.

ಯೋ ¶ ತಿನ್ದುಕರುಕ್ಖಸ್ಸ ಪರೋ [ಪುರೋ (ಕ.)] ಪಿಲಕ್ಖೋ [ಪಿಲಕ್ಖು (ಸೀ. ಪೀ.), ಮಿಲಕ್ಖು (ಕ.)], ಪರಿವಾರಿತೋ ಪುಬ್ಬಯಞ್ಞೋ ಉಳಾರೋ;

ತಸ್ಸೇಸ ಮೂಲಸ್ಮಿಂ ನಿಧಿ ನಿಖಾತೋ, ಅದಾಯಾದೋ ಗಚ್ಛ ತಂ ಉದ್ಧರಾಹೀತಿ.

ಅಕರಮ್ಹಸ ತೇ ಕಿಚ್ಚಂ, ಯಂ ಬಲಂ ಅಹುವಮ್ಹಸೇ;

ಮಿಗರಾಜ ನಮೋ ತ್ಯತ್ಥು, ಅಪಿ ಕಿಞ್ಚಿ ಲಭಾಮಸೇ.

ಮಮ ¶ ಲೋಹಿತಭಕ್ಖಸ್ಸ, ನಿಚ್ಚಂ ಲುದ್ದಾನಿ ಕುಬ್ಬತೋ;

ದನ್ತನ್ತರಗತೋ ಸನ್ತೋ, ತಂ ಬಹುಂ ಯಮ್ಪಿ ಜೀವಸಿ.

ಅಕತಞ್ಞುಮಕತ್ತಾರಂ ¶ , ಕತಸ್ಸ ಅಪ್ಪಟಿಕಾರಕಂ;

ಯಸ್ಮಿಂ ಕತಞ್ಞುತಾ ನತ್ಥಿ, ನಿರತ್ಥಾ ತಸ್ಸ ಸೇವನಾ.

ಯಸ್ಸ ಸಮ್ಮುಖಚಿಣ್ಣೇನ, ಮಿತ್ತಧಮ್ಮೋ ನ ಲಬ್ಭತಿ;

ಅನುಸೂಯ [ಅನುಸುಯ್ಯ (ಸೀ. ಪೀ.)] ಮನಕ್ಕೋಸಂ, ಸಣಿಕಂ ತಮ್ಹಾ ಅಪಕ್ಕಮೇತಿ.

ಸಬ್ಬಮಿದಂ ಚರಿಮಂ ಕತಂ [ಚರಿಮವತಂ (ಸೀ. ಪೀ.)], ಉಭೋ ಧಮ್ಮಂ ನ ಪಸ್ಸರೇ;

ಉಭೋ ಪಕತಿಯಾ ಚುತಾ, ಯೋ ಚಾಯಂ ಮನ್ತೇಜ್ಝಾಪೇತಿ [ಮನ್ತಜ್ಝಾಯತಿ (ಸೀ.), ಸಜ್ಝಾಪಯತಿ (ಪೀ.)];

ಸಾಲೀನಂ ಓದನಂ ಭುಞ್ಜೇ, ಸುಚಿಂ ಮಂಸೂಪಸೇಚನಂ;

ತಸ್ಮಾ ಏತಂ ನ ಸೇವಾಮಿ, ಧಮ್ಮಂ ಇಸೀಹಿ ಸೇವಿತಂ.

ಪರಿಬ್ಬಜ ಮಹಾ ಲೋಕೋ [ಮಹಾಬ್ರಹ್ಮೇ (ಕ.)], ಪಚನ್ತಞ್ಞೇಪಿ ಪಾಣಿನೋ;

ಮಾ ತಂ ಅಧಮ್ಮೋ ಆಚರಿತೋ, ಅಸ್ಮಾ ಕುಮ್ಭಮಿವಾಭಿದಾ.

ಧಿರತ್ಥು ¶ ತಂ ಯಸಲಾಭಂ, ಧನಲಾಭಞ್ಚ ಬ್ರಾಹ್ಮಣ;

ಯಾ ವುತ್ತಿ ವಿನಿಪಾತೇನ, ಅಧಮ್ಮಚರಣೇನ ವಾತಿ.

ಸಸಮುದ್ದಪರಿಯಾಯಂ ¶ , ಮಹಿಂ ಸಾಗರಕುಣ್ಡಲಂ;

ನ ಇಚ್ಛೇ ಸಹ ನಿನ್ದಾಯ, ಏವಂ ಸೇಯ್ಯ [ಸಯ್ಹ (ಸೀ. ಸ್ಯಾ. ಪೀ.)] ವಿಜಾನಹಿ.

ಧಿರತ್ಥು ತಂ ಯಸಲಾಭಂ, ಧನಲಾಭಞ್ಚ ಬ್ರಾಹ್ಮಣ;

ಯಾ ವುತ್ತಿ ವಿನಿಪಾತೇನ, ಅಧಮ್ಮಚರಣೇನ ವಾ.

ಅಪಿ ಚೇ ಪತ್ತಮಾದಾಯ, ಅನಗಾರೋ ಪರಿಬ್ಬಜೇ;

ಸಾಯೇವ ಜೀವಿಕಾ ಸೇಯ್ಯೋ, ಯಾ ಚಾಧಮ್ಮೇನ ಏಸನಾ.

ಅಪಿ ¶ ಚೇ ಪತ್ತಮಾದಾಯ, ಅನಗಾರೋ ಪರಿಬ್ಬಜೇ;

ಅಞ್ಞಂ ಅಹಿಂಸಯಂ ಲೋಕೇ, ಅಪಿ ರಜ್ಜೇನ ತಂ ವರನ್ತಿ.

ಸೇಯ್ಯಜಾತಕಂ [ಸಯ್ಹಜಾತಕಂ (ಸೀ. ಸ್ಯಾ. ಪೀ.)] ದಸಮಂ.

ಕಾಲಿಙ್ಗವಗ್ಗೋ [ವಿವರವಗ್ಗೋ (ಸೀ. ಪೀ.)] ಪಠಮೋ.

ವಿವರಞ್ಚ ಅದೇಯ್ಯ ಸಮಿದ್ಧವರಂ, ಅಥ ದದ್ದರ ಪಾಪಮಹಾತಿರಹೋ;

ಅಥ ಕೋಲಿ ಪಲಾಸವರಞ್ಚ ಕರ, ಚರಿಮಂ ಸಸಮುದ್ದವರೇನ ದಸಾತಿ.

ಉಟ್ಠೇಹಿ ಚೋರ ಕಿಂ ಸೇಸಿ, ಕೋ ಅತ್ಥೋ ಸುಪನೇನ [ಸುಪಿತೇನ (ಸೀ.), ಸುಪಿನೇನ (ಪೀ. ಕ.)] ತೇ;

ಮಾ ¶ ತಂ ಗಹೇಸುಂ [ಗಣ್ಹೇಯ್ಯುಂ (ಕ.)] ರಾಜಾನೋ, ಗಾಮೇ ಕಿಬ್ಬಿಸಕಾರಕಂ.

ಯಂ ¶ ನು [ನೂನ (ಸ್ಯಾ.)] ಚೋರಂ ಗಹೇಸ್ಸನ್ತಿ, ಗಾಮೇ ಕಿಬ್ಬಿಸಕಾರಕಂ;

ಕಿಂ ತತ್ಥ ಪುಚಿಮನ್ದಸ್ಸ, ವನೇ ಜಾತಸ್ಸ ತಿಟ್ಠತೋ.

ನ ತ್ವಂ ಅಸ್ಸತ್ಥ ಜಾನಾಸಿ, ಮಮ ಚೋರಸ್ಸ ಚನ್ತರಂ;

ಚೋರಂ ಗಹೇತ್ವಾ ರಾಜಾನೋ, ಗಾಮೇ ಕಿಬ್ಬಿಸಕಾರಕಂ;

ಅಪ್ಪೇನ್ತಿ [ಅಚ್ಚೇನ್ತಿ (ಸ್ಯಾ.)] ನಿಮ್ಬಸೂಲಸ್ಮಿಂ, ತಸ್ಮಿಂ ಮೇ ಸಙ್ಕತೇ ಮನೋ.

ಸಙ್ಕೇಯ್ಯ ಸಙ್ಕಿತಬ್ಬಾನಿ, ರಕ್ಖೇಯ್ಯಾನಾಗತಂ ಭಯಂ;

ಅನಾಗತಭಯಾ ಧೀರೋ, ಉಭೋ ಲೋಕೇ ಅವೇಕ್ಖತೀತಿ.

ಅಪಿ ಕಸ್ಸಪ ಮನ್ದಿಯಾ, ಯುವಾ ಸಪತಿ ಹನ್ತಿ [ಸಮ್ಪಟಿಹನ್ತಿ (ಕ.)] ವಾ;

ಸಬ್ಬಂ ತಂ ಖಮತೇ ಧೀರೋ, ಪಣ್ಡಿತೋ ತಂ ತಿತಿಕ್ಖತಿ.

ಸಚೇಪಿ ಸನ್ತೋ ವಿವದನ್ತಿ, ಖಿಪ್ಪಂ ಸನ್ಧೀಯರೇ ಪುನ;

ಬಾಲಾ ಪತ್ತಾವ ಭಿಜ್ಜನ್ತಿ, ನ ತೇ ಸಮಥಮಜ್ಝಗೂ.

ಏತೇ ¶ ಭಿಯ್ಯೋ ಸಮಾಯನ್ತಿ, ಸನ್ಧಿ ತೇಸಂ ನ ಜೀರತಿ;

ಯೋ ಚಾಧಿಪನ್ನಂ ಜಾನಾತಿ, ಯೋ ಚ ಜಾನಾತಿ ದೇಸನಂ.

ಏಸೋ ಹಿ ಉತ್ತರಿತರೋ, ಭಾರವಹೋ ಧುರದ್ಧರೋ;

ಯೋ ಪರೇಸಾಧಿಪನ್ನಾನಂ ¶ , ಸಯಂ ಸನ್ಧಾತುಮರಹತೀತಿ.

ಯೋ ತೇ ಹತ್ಥೇ ಚ ಪಾದೇ ಚ, ಕಣ್ಣನಾಸಞ್ಚ ಛೇದಯಿ;

ತಸ್ಸ ಕುಜ್ಝ ಮಹಾವೀರ, ಮಾ ರಟ್ಠಂ ವಿನಸಾ [ವಿನಸ್ಸ (ಕ. ಸೀ. ಸ್ಯಾ. ಕ.)] ಇದಂ.

ಯೋ ಮೇ ಹತ್ಥೇ ಚ ಪಾದೇ ಚ, ಕಣ್ಣನಾಸಞ್ಚ ಛೇದಯಿ;

ಚಿರಂ ಜೀವತು ಸೋ ರಾಜಾ, ನ ಹಿ ಕುಜ್ಝನ್ತಿ ಮಾದಿಸಾ.

ಅಹೂ ಅತೀತಮದ್ಧಾನಂ [ಅಹು ಅತೀತಮದ್ಧಾನೇ (ಸ್ಯಾ. ಪೀ. ಕ.)], ಸಮಣೋ ಖನ್ತಿದೀಪನೋ;

ತಂ ಖನ್ತಿಯಾಯೇವ ಠಿತಂ, ಕಾಸಿರಾಜಾ ಅಛೇದಯಿ.

ತಸ್ಸ ¶ ಕಮ್ಮ [ಕಮ್ಮಸ್ಸ (ಸೀ. ಪೀ.)] ಫರುಸಸ್ಸ, ವಿಪಾಕೋ ಕಟುಕೋ ಅಹು;

ಯಂ ಕಾಸಿರಾಜಾ ವೇದೇಸಿ, ನಿರಯಮ್ಹಿ ಸಮಪ್ಪಿತೋತಿ.

ದುಜ್ಜೀವಿತಮಜೀವಿಮ್ಹ, ಯೇ ಸನ್ತೇ [ಯೇಸಂ ನೋ (ಸ್ಯಾ. ಕ.)] ನ ದದಮ್ಹಸೇ;

ವಿಜ್ಜಮಾನೇಸು ಭೋಗೇಸು, ದೀಪಂ ನಾಕಮ್ಹ ಅತ್ತನೋ.

ಸಟ್ಠಿ [ಸಟ್ಠಿಂ (ಸ್ಯಾ.)] ವಸ್ಸಸಹಸ್ಸಾನಿ, ಪರಿಪುಣ್ಣಾನಿ ಸಬ್ಬಸೋ;

ನಿರಯೇ ಪಚ್ಚಮಾನಾನಂ, ಕದಾ ಅನ್ತೋ ಭವಿಸ್ಸತಿ.

ನತ್ಥಿ ಅನ್ತೋ ಕುತೋ ಅನ್ತೋ, ನ ಅನ್ತೋ ಪಟಿದಿಸ್ಸತಿ;

ತದಾ ¶ ಹಿ ಪಕತಂ ಪಾಪಂ, ಮಮ ತುಯ್ಹಞ್ಚ ಮಾರಿಸಾ [ಮಾರಿಸ (ಸೀ. ಸ್ಯಾ. ಪೀ.)].

ಸೋಹಂ ನೂನ ಇತೋ ಗನ್ತ್ವಾ, ಯೋನಿಂ ಲದ್ಧಾನ ಮಾನುಸಿಂ;

ವದಞ್ಞೂ ಸೀಲಸಮ್ಪನ್ನೋ, ಕಾಹಾಮಿ ಕುಸಲಂ ಬಹುನ್ತಿ.

ಫರುಸಾ ¶ ವತ ತೇ ವಾಚಾ, ಮಂಸಂ [ಸಮ್ಮ (ಪೀ. ಕ.)] ಯಾಚನಕೋ ಅಸಿ [ಚಸಿ (ಪೀ.)];

ಕಿಲೋಮಸದಿಸೀ [ಕಿಲೋಮಸ್ಸ ಸದಿಸಾ (ಪೀ.)] ವಾಚಾ, ಕಿಲೋಮಂ ಸಮ್ಮ ದಮ್ಮಿ ತೇ.

ಅಙ್ಗಮೇತಂ ಮನುಸ್ಸಾನಂ, ಭಾತಾ ಲೋಕೇ ಪವುಚ್ಚತಿ;

ಅಙ್ಗಸ್ಸ ಸದಿಸೀ ವಾಚಾ [ಅಙ್ಗಸ್ಸದಿಸೀ ತೇ ವಾಚಾ (ಕ.)], ಅಙ್ಗಂ ಸಮ್ಮ ದದಾಮಿ ತೇ.

ತಾತಾತಿ ಪುತ್ತೋ ವದಮಾನೋ, ಕಮ್ಪೇತಿ [ಸಮ್ಮೇತಿ (ಕ.)] ಹದಯಂ ಪಿತು;

ಹದಯಸ್ಸ ಸದಿಸೀ [ಹದಯಸ್ಸದಿಸೀ (ಕ.)] ವಾಚಾ, ಹದಯಂ ಸಮ್ಮ ದಮ್ಮಿ ತೇ.

ಯಸ್ಸ ಗಾಮೇ ಸಖಾ ನತ್ಥಿ, ಯಥಾರಞ್ಞಂ ತಥೇವ ತಂ;

ಸಬ್ಬಸ್ಸ ಸದಿಸೀ ವಾಚಾ, ಸಬ್ಬಂ ಸಮ್ಮ ದದಾಮಿ ತೇತಿ.

ಸಬ್ಬಮಂಸಲಾಭಜಾತಕಂ [ಮಂಸಜಾತಕಂ (ಸೀ. ಸ್ಯಾ. ಪೀ.)] ಪಞ್ಚಮಂ.

ಸತ್ತ ¶ ಮೇ ರೋಹಿತಾ ಮಚ್ಛಾ, ಉದಕಾ ಥಲಮುಬ್ಭತಾ;

ಇದಂ ಬ್ರಾಹ್ಮಣ ಮೇ ಅತ್ಥಿ, ಏತಂ ಭುತ್ವಾ ವನೇ ವಸ.

ದುಸ್ಸ ಮೇ ಖೇತ್ತಪಾಲಸ್ಸ, ರತ್ತಿಭತ್ತಂ ಅಪಾಭತಂ;

ಮಂಸಸೂಲಾ ¶ ಚ ದ್ವೇ ಗೋಧಾ, ಏಕಞ್ಚ ದಧಿವಾರಕಂ;

ಇದಂ ಬ್ರಾಹ್ಮಣ ಮೇ ಅತ್ಥಿ, ಏತಂ ಭುತ್ವಾ ವನೇ ವಸ.

ಅಮ್ಬಪಕ್ಕಂ ದಕಂ [ಅಮ್ಬಪಕ್ಕೋದಕಂ (ಸೀ. ಪೀ.)] ಸೀತಂ, ಸೀತಚ್ಛಾಯಾ ಮನೋರಮಾ [ಸೀತಚ್ಛಾಯಂ ಮನೋರಮಂ (ಸೀ. ಸ್ಯಾ. ಪೀ.)];

ಇದಂ ಬ್ರಾಹ್ಮಣ ಮೇ ಅತ್ಥಿ, ಏತಂ ಭುತ್ವಾ ವನೇ ವಸ.

ನ ಸಸಸ್ಸ ತಿಲಾ ಅತ್ಥಿ, ನ ಮುಗ್ಗಾ ನಪಿ ತಣ್ಡುಲಾ;

ಇಮಿನಾ ಅಗ್ಗಿನಾ ಪಕ್ಕಂ, ಮಮಂ [ಮಂಸಂ (ಕ.)] ಭುತ್ವಾ ವನೇ ವಸಾತಿ.

ಮತಂ ಮತಂ ಏವ [ಮತಮತಮೇವ (ಸೀ. ಸ್ಯಾ. ಪೀ.)] ರೋದಥ, ನ ಹಿ ತಂ ರೋದಥ ಯೋ ಮರಿಸ್ಸತಿ;

ಸಬ್ಬೇಪಿ [ಸಬ್ಬೇವ (ಸೀ. ಸ್ಯಾ. ಪೀ.)] ಸರೀರಧಾರಿನೋ, ಅನುಪುಬ್ಬೇನ ಜಹನ್ತಿ ಜೀವಿತಂ.

ದೇವಮನುಸ್ಸಾ ಚತುಪ್ಪದಾ, ಪಕ್ಖಿಗಣಾ ಉರಗಾ ಚ ಭೋಗಿನೋ;

ಸಮ್ಹಿ [ಯಮ್ಹಿ (ಸ್ಯಾ.), ಅಸ್ಮಿಂ (ಪೀ. ಕ.)] ಸರೀರೇ ಅನಿಸ್ಸರಾ, ರಮಮಾನಾವ ಜಹನ್ತಿ ಜೀವಿತಂ.

ಏವಂ ¶ ಚಲಿತಂ ಅಸಣ್ಠಿತಂ, ಸುಖದುಕ್ಖಂ ಮನುಜೇಸ್ವಪೇಕ್ಖಿಯ;

ಕನ್ದಿತರುದಿತಂ ನಿರತ್ಥಕಂ, ಕಿಂ ವೋ ಸೋಕಗಣಾಭಿಕೀರರೇ.

ಧುತ್ತಾ ಚ ಸೋಣ್ಡಾ [ಧುತ್ತಾ ಸೋಣ್ಡಾ (ಸೀ.), ಧುತ್ತಾ ಸೋಣ್ಡಾ ಚ (ಸ್ಯಾ.)] ಅಕತಾ, ಬಾಲಾ ಸೂರಾ ಅಯೋಗಿನೋ [ಬಾಲಾ ಸೂರಾ ವೀರಾ ಅಯೋಗಿನೋ (ಪೀ.)];

ಧೀರಂ ಮಞ್ಞನ್ತಿ ಬಾಲೋತಿ, ಯೇ ಧಮ್ಮಸ್ಸ ಅಕೋವಿದಾತಿ.

ಯಂ ¶ ¶ ತಂ ವಸನ್ತಸಮಯೇ, ಕಣವೇರೇಸು ಭಾಣುಸು;

ಸಾಮಂ ಬಾಹಾಯ ಪೀಳೇಸಿ, ಸಾ ತಂ ಆರೋಗ್ಯಮಬ್ರವಿ.

ಅಮ್ಭೋ ನ ಕಿರ ಸದ್ಧೇಯ್ಯಂ, ಯಂ ವಾತೋ ಪಬ್ಬತಂ ವಹೇ;

ಪಬ್ಬತಞ್ಚೇ ವಹೇ ವಾತೋ, ಸಬ್ಬಮ್ಪಿ ಪಥವಿಂ ವಹೇ;

ಯತ್ಥ ಸಾಮಾ ಕಾಲಕತಾ [ಕಾಲಙ್ಕತಾ (ಕ.)], ಸಾ ಮಂ ಆರೋಗ್ಯಮಬ್ರವಿ.

ನ ಚೇವ ಸಾ ಕಾಲಕತಾ, ನ ಚ ಸಾ ಅಞ್ಞಮಿಚ್ಛತಿ;

ಏಕಭತ್ತಿಕಿನೀ [ಏಕಭತ್ತಾ ಕಿರ (ಸೀ. ಸ್ಯಾ.), ಏಕಭತ್ತಕಿನೀ (ಪೀ.)] ಸಾಮಾ, ತಮೇವ ಅಭಿಕಙ್ಖತಿ.

ಅಸನ್ಥುತಂ ಮಂ ಚಿರಸನ್ಥುತೇನ [ಅಸನ್ಧತಂ ಮಂ ಚಿರಸನ್ಧತೇನ (ಕ.)], ನಿಮೀನಿ ಸಾಮಾ ಅಧುವಂ ಧುವೇನ;

ಮಯಾಪಿ ಸಾಮಾ ನಿಮಿನೇಯ್ಯ ಅಞ್ಞಂ, ಇತೋ ಅಹಂ ದೂರತರಂ ಗಮಿಸ್ಸನ್ತಿ.

ಸುಸುಖಂ ವತ ಜೀವಾಮಿ, ಲಭಾಮಿ ಚೇವ ಭುಞ್ಜಿತುಂ;

ಪರಿಪನ್ಥೇವ ತಿಟ್ಠಾಮಿ, ಕಾ ನು ಭನ್ತೇ ಗತೀ ಮಮ.

ಮನೋ ಚೇ ತೇ ನಪ್ಪಣಮತಿ, ಪಕ್ಖಿ ಪಾಪಸ್ಸ ಕಮ್ಮುನೋ;

ಅಬ್ಯಾವಟಸ್ಸ ಭದ್ರಸ್ಸ, ನ ಪಾಪಮುಪಲಿಮ್ಪತಿ.

ಞಾತಕೋ ನೋ ನಿಸಿನ್ನೋತಿ, ಬಹು ಆಗಚ್ಛತೇ ಜನೋ;

ಪಟಿಚ್ಚ ¶ ಕಮ್ಮಂ ಫುಸತಿ, ತಸ್ಮಿಂ ಮೇ ಸಙ್ಕತೇ ಮನೋ.

ನ ಪಟಿಚ್ಚ ಕಮ್ಮಂ ಫುಸತಿ, ಮನೋ ಚೇ ನಪ್ಪದುಸ್ಸತಿ;

ಅಪ್ಪೋಸ್ಸುಕ್ಕಸ್ಸ ಭದ್ರಸ್ಸ, ನ ಪಾಪಮುಪಲಿಮ್ಪತೀತಿ.

ಸುಚ್ಚಜಂ ¶ ¶ ವತ ನಚ್ಚಜಿ, ವಾಚಾಯ ಅದದಂ ಗಿರಿಂ;

ಕಿಂ ಹಿತಸ್ಸ ಚಜನ್ತಸ್ಸ, ವಾಚಾಯ ಅದದ ಪಬ್ಬತಂ.

ಯಞ್ಹಿ ಕಯಿರಾ ತಞ್ಹಿ ವದೇ, ಯಂ ನ ಕಯಿರಾ ನ ತಂ ವದೇ;

ಅಕರೋನ್ತಂ ಭಾಸಮಾನಂ, ಪರಿಜಾನನ್ತಿ ಪಣ್ಡಿತಾ.

ರಾಜಪುತ್ತ ನಮೋ ತ್ಯತ್ಥು, ಸಚ್ಚೇ ಧಮ್ಮೇ ಠಿತೋ ಚಸಿ;

ಯಸ್ಸ ತೇ ಬ್ಯಸನಂ ಪತ್ತೋ, ಸಚ್ಚಸ್ಮಿಂ ರಮತೇ ಮನೋ.

ಯಾ ದಲಿದ್ದೀ ದಲಿದ್ದಸ್ಸ, ಅಡ್ಢಾ ಅಡ್ಢಸ್ಸ ಕಿತ್ತಿಮ [ಕಿತ್ತಿಮಾ (ಸೀ. ಸ್ಯಾ. ಪೀ.)];

ಸಾ ಹಿಸ್ಸ ಪರಮಾ ಭರಿಯಾ, ಸಹಿರಞ್ಞಸ್ಸ ಇತ್ಥಿಯೋತಿ.

ಅಥ ಚೋರ ಸಕಸ್ಸಪ ಖನ್ತೀವರೋ, ದುಜ್ಜೀವಿತತಾ ಚ ವರಾ ಫರುಸಾ;

ಅಥ ¶ ಸಸ ಮತಞ್ಚ ವಸನ್ತ ಸುಖಂ, ಸುಚ್ಚಜಂವತನಚ್ಚಜಿನಾ ಚ ದಸಾತಿ.

ಮನುಸ್ಸಸ್ಸೇವ ತೇ ಸೀಸಂ, ಹತ್ಥಪಾದಾ ಚ ವಾನರ;

ಅಥ ಕೇನ ನು ವಣ್ಣೇನ, ಅಗಾರಂ ತೇ ನ ವಿಜ್ಜತಿ.

ಮನುಸ್ಸಸ್ಸೇವ ಮೇ ಸೀಸಂ, ಹತ್ಥಪಾದಾ ಚ ಸಿಙ್ಗಿಲ [ಸಿಙ್ಗಾಲ (ಕ.), ಪಿಙ್ಗಲ (ಟೀಕಾ)];

ಯಾಹು ಸೇಟ್ಠಾ ಮನುಸ್ಸೇಸು, ಸಾ ಮೇ ಪಞ್ಞಾ ನ ವಿಜ್ಜತಿ.

ಅನವಟ್ಠಿತಚಿತ್ತಸ್ಸ ¶ , ಲಹುಚಿತ್ತಸ್ಸ ದುಬ್ಭಿನೋ [ದೂಭಿನೋ (ಪೀ.)];

ನಿಚ್ಚಂ ಅದ್ಧುವಸೀಲಸ್ಸ, ಸುಖಭಾವೋ [ಸುಚಿಭಾವೋ (ಸೀ.), ಸುಖಭಾಗೋ (?)] ನ ವಿಜ್ಜತಿ.

ಸೋ ¶ ಕರಸ್ಸು ಆನುಭಾವಂ, ವೀತಿವತ್ತಸ್ಸು ಸೀಲಿಯಂ;

ಸೀತವಾತಪರಿತ್ತಾಣಂ, ಕರಸ್ಸು ಕುಟವಂ [ಕುಟಿಕಂ (ಸೀ. ಸ್ಯಾ.)] ಕಪೀತಿ.

ಕುಟಿದೂಸಕ [ಸಿಙ್ಗಾಲಸಕುಣ (ಕ.)] ಜಾತಕಂ ಪಠಮಂ.

ದುದ್ದುಭಾಯತಿ [ದದ್ದಭಾಯತಿ (ಸೀ. ಪೀ.)] ಭದ್ದನ್ತೇ, ಯಸ್ಮಿಂ ದೇಸೇ ವಸಾಮಹಂ;

ಅಹಮ್ಪೇತಂ ನ ಜಾನಾಮಿ, ಕಿಮೇತಂ ದುದ್ದುಭಾಯತಿ.

ಬೇಲುವಂ ¶ ಪತಿತಂ ಸುತ್ವಾ, ದುದ್ದುಭನ್ತಿ [ದದ್ದಭನ್ತಿ (ಸೀ.)] ಸಸೋ ಜವಿ;

ಸಸಸ್ಸ ವಚನಂ ಸುತ್ವಾ, ಸನ್ತತ್ತಾ ಮಿಗವಾಹಿನೀ.

ಅಪ್ಪತ್ವಾ ಪದವಿಞ್ಞಾಣಂ, ಪರಘೋಸಾನುಸಾರಿನೋ;

ಪನಾದಪರಮಾ ಬಾಲಾ, ತೇ ಹೋನ್ತಿ ಪರಪತ್ತಿಯಾ.

ಯೇ ಚ ಸೀಲೇನ ಸಮ್ಪನ್ನಾ, ಪಞ್ಞಾಯೂಪಸಮೇ ರತಾ;

ಆರಕಾ ವಿರತಾ ಧೀರಾ, ನ ಹೋನ್ತಿ ಪರಪತ್ತಿಯಾತಿ.

ದುದ್ದುಭಜಾತಕಂ [ದದ್ದಭಜಾತಕಂ (ಸೀ. ಪೀ.)] ದುತಿಯಂ.

ದ್ವಯಂ ಯಾಚನಕೋ ರಾಜ, ಬ್ರಹ್ಮದತ್ತ ನಿಗಚ್ಛತಿ;

ಅಲಾಭಂ ಧನಲಾಭಂ ವಾ, ಏವಂ ಧಮ್ಮಾ ಹಿ ಯಾಚನಾ.

ಯಾಚನಂ ರೋದನಂ ಆಹು, ಪಞ್ಚಾಲಾನಂ ರಥೇಸಭ;

ಯೋ ಯಾಚನಂ ಪಚ್ಚಕ್ಖಾತಿ, ತಮಾಹು ಪಟಿರೋದನಂ.

ಮಾ ಮದ್ದಸಂಸು ರೋದನ್ತಂ, ಪಞ್ಚಾಲಾ ಸುಸಮಾಗತಾ;

ತುವಂ ವಾ ಪಟಿರೋದನ್ತಂ, ತಸ್ಮಾ ಇಚ್ಛಾಮಹಂ ರಹೋ.

ದದಾಮಿ ¶ ತೇ ಬ್ರಾಹ್ಮಣ ರೋಹಿಣೀನಂ, ಗವಂ ಸಹಸ್ಸಂ ಸಹ ಪುಙ್ಗವೇನ;

ಅರಿಯೋ ಹಿ ಅರಿಯಸ್ಸ ಕಥಂ ನ ದಜ್ಜಾ [ದಜ್ಜೇ (ಸೀ.), ದಜ್ಜಂ (?)], ಸುತ್ವಾನ ಗಾಥಾ ತವ ಧಮ್ಮಯುತ್ತಾತಿ.

ಕಲ್ಯಾಣರೂಪೋ ¶ ವತಯಂ ಚತುಪ್ಪದೋ, ಸುಭದ್ದಕೋ ಚೇವ ಸುಪೇಸಲೋ ಚ;

ಯೋ ಬ್ರಾಹ್ಮಣಂ ಜಾತಿಮನ್ತೂಪಪನ್ನಂ, ಅಪಚಾಯತಿ ಮೇಣ್ಡವರೋ ಯಸಸ್ಸೀ.

ಮಾ ¶ ಬ್ರಾಹ್ಮಣ ಇತ್ತರದಸ್ಸನೇನ, ವಿಸ್ಸಾಸಮಾಪಜ್ಜಿ ಚತುಪ್ಪದಸ್ಸ;

ದಳ್ಹಪ್ಪಹಾರಂ ಅಭಿಕಙ್ಖಮಾನೋ [ಅಭಿಕತ್ತುಕಾಮೋ (ಸ್ಯಾ.)], ಅವಸಕ್ಕತೀ ದಸ್ಸತಿ ಸುಪ್ಪಹಾರಂ.

ಊರುಟ್ಠಿ [ಊರಟ್ಠಿ (ಸೀ.)] ಭಗ್ಗಂ ಪವಟ್ಟಿತೋ [ಪತಿತೋ (ಸೀ. ಸ್ಯಾ.)] ಖಾರಿಭಾರೋ, ಸಬ್ಬಞ್ಚ ಭಣ್ಡಂ ಬ್ರಾಹ್ಮಣಸ್ಸ [ಬ್ರಾಹ್ಮಣಸ್ಸೀಧ (ಕ. ಸೀ. ಪೀ.), ಬ್ರಾಹ್ಮಣಸ್ಸೇವ (ಕ. ಸೀ. ಸ್ಯಾ. ಕ.)] ಭಿನ್ನಂ;

ಉಭೋಪಿ ಬಾಹಾ ಪಗ್ಗಯ್ಹ [ಪಗ್ಗಯ್ಯೇವ (ಸ್ಯಾ.), ಪಗ್ಗಹೀಯ (?)] ಕನ್ದತಿ [ಬಾಹಾ ಪಗ್ಗಯ್ಯ ಕನ್ದತಿ (ಪೀ. ಕ.)], ಅಭಿಧಾವಥ ಹಞ್ಞತೇ ಬ್ರಹ್ಮಚಾರೀ.

ಏವಂ ಸೋ ನಿಹತೋ ಸೇತಿ, ಯೋ ಅಪೂಜಂ ಪಸಂಸತಿ [ನಮಸ್ಸತಿ (ಪೀ.)];

ಯಥಾಹಮಜ್ಜ ಪಹತೋ, ಹತೋ ಮೇಣ್ಡೇನ ದುಮ್ಮತೀತಿ.

ಸಮಣಂ ¶ ತಂ ಮಞ್ಞಮಾನೋ, ಉಪಗಚ್ಛಿಮಸಞ್ಞತಂ;

ಸೋ ಮಂ ದಣ್ಡೇನ ಪಾಹಾಸಿ, ಯಥಾ ಅಸ್ಸಮಣೋ ತಥಾ.

ಕಿಂ ¶ ತೇ ಜಟಾಹಿ ದುಮ್ಮೇಧ, ಕಿಂ ತೇ ಅಜಿನಸಾಟಿಯಾ;

ಅಬ್ಭನ್ತರಂ ತೇ ಗಹನಂ, ಬಾಹಿರಂ ಪರಿಮಜ್ಜಸಿ.

ಏಹಿ ಗೋಧ ನಿವತ್ತಸ್ಸು, ಭುಞ್ಜ ಸಾಲೀನಮೋದನಂ;

ತೇಲಂ ಲೋಣಞ್ಚ ಮೇ ಅತ್ಥಿ, ಪಹೂತಂ ಮಯ್ಹ ಪಿಪ್ಫಲಿ.

ಏಸ ಭಿಯ್ಯೋ ಪವೇಕ್ಖಾಮಿ, ವಮ್ಮಿಕಂ ಸತಪೋರಿಸಂ;

ತೇಲಂ ಲೋಣಞ್ಚ ಕಿತ್ತೇಸಿ [ಕಿನ್ತೇಸಿ (ಸ್ಯಾ. ಪೀ.)], ಅಹಿತಂ ಮಯ್ಹ ಪಿಪ್ಫಲೀತಿ.

ಕಾಯೇನ ಯೋ ನಾವಹರೇ, ವಾಚಾಯ ನ ಮುಸಾ ಭಣೇ;

ಯಸೋ ಲದ್ಧಾ ನ ಮಜ್ಜೇಯ್ಯ, ಸ ವೇ ಕಕ್ಕಾರುಮರಹತಿ.

ಧಮ್ಮೇನ ವಿತ್ತಮೇಸೇಯ್ಯ, ನ ನಿಕತ್ಯಾ ಧನಂ ಹರೇ;

ಭೋಗೇ ಲದ್ಧಾ ನ ಮಜ್ಜೇಯ್ಯ, ಸ ವೇ ಕಕ್ಕಾರುಮರಹತಿ.

ಯಸ್ಸ ಚಿತ್ತಂ ಅಹಾಲಿದ್ದಂ, ಸದ್ಧಾ ಚ ಅವಿರಾಗಿನೀ;

ಏಕೋ ಸಾದುಂ ನ ಭುಞ್ಜೇಯ್ಯ, ಸ ವೇ ಕಕ್ಕಾರುಮರಹತಿ.

ಸಮ್ಮುಖಾ ವಾ ತಿರೋಕ್ಖಾ ವಾ [ಪರೋಕ್ಖಾ ವಾ (ಪೀ.), ಪರಮ್ಮುಖಾ (ಕ.)], ಯೋ ಸನ್ತೇ ನ ಪರಿಭಾಸತಿ;

ಯಥಾವಾದೀ ¶ ತಥಾಕಾರೀ, ಸ ವೇ ಕಕ್ಕಾರುಮರಹತೀತಿ.

ವಾತಿ ¶ ಚಾಯಂ [ವಾಯಂ (ಕ.)] ತತೋ ಗನ್ಧೋ, ಯತ್ಥ ಮೇ ವಸತೀ ಪಿಯಾ;

ದೂರೇ ಇತೋ ಹಿ ಕಾಕವತೀ [ಕಾಕಾತೀ (ಸೀ.), ಕಾಕಾತಿ (ಸ್ಯಾ. ಪೀ.)], ಯತ್ಥ ಮೇ ನಿರತೋ ಮನೋ.

ಕಥಂ ಸಮುದ್ದಮತರೀ, ಕಥಂ ಅತರಿ ಕೇಪುಕಂ [ಕೇಬುಕಂ (ಸೀ. ಪೀ.)];

ಕಥಂ ಸತ್ತ ಸಮುದ್ದಾನಿ, ಕಥಂ ಸಿಮ್ಬಲಿಮಾರುಹಿ.

ತಯಾ ಸಮುದ್ದಮತರಿಂ, ತಯಾ ಅತರಿ ಕೇಪುಕಂ [ಕೇಬುಕಂ (ಸೀ. ಪೀ.)];

ತಯಾ ಸತ್ತ ಸಮುದ್ದಾನಿ, ತಯಾ ಸಿಮ್ಬಲಿಮಾರುಹಿಂ.

ಧಿರತ್ಥುಮಂ ¶ ಮಹಾಕಾಯಂ, ಧಿರತ್ಥುಮಂ ಅಚೇತನಂ;

ಯತ್ಥ ಜಾಯಾಯಹಂ ಜಾರಂ, ಆವಹಾಮಿ ವಹಾಮಿ ಚಾತಿ.

ಬಹೂನಂ ವಿಜ್ಜತೀ ಭೋತೀ, ತೇಹಿ ಮೇ ಕಿಂ ಭವಿಸ್ಸತಿ;

ತಸ್ಮಾ ಏತಂ ನ ಸೋಚಾಮಿ, ಪಿಯಂ ಸಮ್ಮಿಲ್ಲಹಾಸಿನಿಂ.

ತಂ ತಂ ಚೇ ಅನುಸೋಚೇಯ್ಯ, ಯಂ ಯಂ ತಸ್ಸ ನ ವಿಜ್ಜತಿ;

ಅತ್ತಾನಮನುಸೋಚೇಯ್ಯ, ಸದಾ ಮಚ್ಚುವಸಂ ಪತಂ.

ನ ¶ ಹೇವ ಠಿತಂ ನಾಸೀನಂ, ನ ಸಯಾನಂ ನ ಪದ್ಧಗುಂ [ಪತ್ಥಗುಂ (ಸ್ಯಾ.)];

ಯಾವ ಬ್ಯಾತಿ ನಿಮಿಸತಿ, ತತ್ರಾಪಿ ರಸತೀ [ಸರತೀ (ಸೀ. ಸ್ಯಾ. ಪೀ.)] ವಯೋ.

ತತ್ಥತ್ತನಿ ವತಪ್ಪದ್ಧೇ [ವತ ಪನ್ಥೇ (ಸ್ಯಾ.), ವತ ಬನ್ಧೇ (ಕ.) ವತ + ಪ-ಅದ್ಧೇ = ವತಪ್ಪದ್ಧೇ], ವಿನಾಭಾವೇ ಅಸಂಸಯೇ;

ಭೂತಂ ಸೇಸಂ ದಯಿತಬ್ಬಂ, ವೀತಂ ಅನನುಸೋಚಿಯನ್ತಿ [ಚವಿತಂ ನಾನುಸೋಚಿಯನ್ತಿ (ಸ್ಯಾ.), ಮತನ್ತಂ ನಾನುಸೋಚಿಯಂ (ಕ.)].

ಯಂ ಅನ್ನಪಾನಸ್ಸ ಪುರೇ ಲಭಾಮ, ತಂ ದಾನಿ ಸಾಖಮಿಗಮೇವ ಗಚ್ಛತಿ;

ಗಚ್ಛಾಮ ದಾನಿ ವನಮೇವ ರಾಧ, ಅಸಕ್ಕತಾ ಚಸ್ಮ ಧನಞ್ಜಯಾಯ [ಧನಞ್ಚಯಾಯ (ಕ.)].

ಲಾಭೋ ಅಲಾಭೋ ಯಸೋ ಅಯಸೋ ಚ, ನಿನ್ದಾ ಪಸಂಸಾ ಚ ಸುಖಞ್ಚ ದುಕ್ಖಂ;

ಏತೇ ಅನಿಚ್ಚಾ ಮನುಜೇಸು ಧಮ್ಮಾ, ಮಾ ಸೋಚಿ ಕಿಂ ಸೋಚಸಿ ಪೋಟ್ಠಪಾದ.

ಅದ್ಧಾ ¶ ತುವಂ ಪಣ್ಡಿತಕೋಸಿ ರಾಧ, ಜಾನಾಸಿ ಅತ್ಥಾನಿ ಅನಾಗತಾನಿ;

ಕಥಂ ¶ ನು ಸಾಖಾಮಿಗಂ ದಕ್ಖಿಸಾಮ [ದಕ್ಖಿಯಾಮ (ಕ.), ದಕ್ಖಾಮ (ಸ್ಯಾ.)], ನಿದ್ಧಾವಿತಂ [ನಿದ್ಧಾಪಿತಂ (ಸೀ. ಸ್ಯಾ.), ನಿಬ್ಬಾಪಿತಂ (ಪೀ.), ನಿಚ್ಛದಂ (ಕ.)] ರಾಜಕುಲತೋವ ಜಮ್ಮಂ.

ಚಾಲೇತಿ ¶ ಕಣ್ಣಂ ಭಕುಟಿಂ ಕರೋತಿ, ಮುಹುಂ ಮುಹುಂ ಭಾಯಯತೇ [ಭಾಯತೇ (ಸ್ಯಾ.), ಭಾಯಾಪತೇ (ಕ.)] ಕುಮಾರೇ;

ಸಯಮೇವ ತಂ ಕಾಹತಿ ಕಾಳಬಾಹು, ಯೇನಾರಕಾ ಠಸ್ಸತಿ ಅನ್ನಪಾನಾತಿ.

ಸೀಲಂ ಕಿರೇವ ಕಲ್ಯಾಣಂ, ಸೀಲಂ ಲೋಕೇ ಅನುತ್ತರಂ;

ಪಸ್ಸ ಘೋರವಿಸೋ ನಾಗೋ, ಸೀಲವಾತಿ ನ ಹಞ್ಞತಿ.

ಯಾವದೇವಸ್ಸಹೂ ಕಿಞ್ಚಿ, ತಾವದೇವ ಅಖಾದಿಸುಂ;

ಸಙ್ಗಮ್ಮ ಕುಲಲಾ ಲೋಕೇ, ನ ಹಿಂಸನ್ತಿ ಅಕಿಞ್ಚನಂ.

ಸುಖಂ ನಿರಾಸಾ ಸುಪತಿ, ಆಸಾ ಫಲವತೀ ಸುಖಾ;

ಆಸಂ ನಿರಾಸಂ ಕತ್ವಾನ, ಸುಖಂ ಸುಪತಿ ಪಿಙ್ಗಲಾ.

ನ ಸಮಾಧಿಪರೋ ಅತ್ಥಿ, ಅಸ್ಮಿಂ ಲೋಕೇ ಪರಮ್ಹಿ ಚ;

ನ ಪರಂ ನಾಪಿ ಅತ್ತಾನಂ, ವಿಹಿಂಸತಿ ಸಮಾಹಿತೋತಿ.

ಸಮನುಸ್ಸ ¶ -ಸದುದ್ದುಭ-ಯಾಚನಕೋ, ಅಥ ಮೇಣ್ಡವರುತ್ತಮ-ಗೋಧವರೋ;

ಅಥ ಕಾಯಸಕೇಪುಕ ಭೋತೀವರೋ, ಅಥ ರಾಧಸುಸೀಲವರೇನ ದಸಾತಿ.

ಯೋ ¶ ವೇ ಕಾಲೇ ಅಸಮ್ಪತ್ತೇ, ಅತಿವೇಲಂ ಪಭಾಸತಿ;

ಏವಂ ಸೋ ನಿಹತೋ ಸೇತಿ, ಕೋಕಿಲಾಯಿವ ಅತ್ರಜೋ.

ನ ಹಿ ಸತ್ಥಂ ಸುನಿಸಿತಂ, ವಿಸಂ ಹಲಾಹಲಾಮಿವ [ಹಲಾಹಲಂ ಇವ (ಪೀ.)];

ಏವಂ ನಿಕಟ್ಠೇ [ನಿಕ್ಕಡ್ಢೇ (ಸ್ಯಾ.), ನಿಕಡ್ಢೇ (ಕ.)] ಪಾತೇತಿ, ವಾಚಾ ದುಬ್ಭಾಸಿತಾ ಯಥಾ.

ತಸ್ಮಾ ಕಾಲೇ ಅಕಾಲೇ ವಾ [ಅಕಾಲೇ ಚ (ಸೀ. ಸ್ಯಾ.)], ವಾಚಂ ರಕ್ಖೇಯ್ಯ ಪಣ್ಡಿತೋ;

ನಾತಿವೇಲಂ ಪಭಾಸೇಯ್ಯ, ಅಪಿ ಅತ್ತಸಮಮ್ಹಿ ವಾ.

ಯೋ ¶ ಚ ಕಾಲೇ ಮಿತಂ ಭಾಸೇ, ಮತಿಪುಬ್ಬೋ ವಿಚಕ್ಖಣೋ;

ಸಬ್ಬೇ ಅಮಿತ್ತೇ ಆದೇತಿ, ಸುಪಣ್ಣೋ ಉರಗಾಮಿವಾತಿ.

ಕೋಕಿಲಜಾತಕಂ [ಕೋಕಾಲಿಕಜಾತಕಂ (ಸಬ್ಬತ್ಥ)] ಪಠಮಂ.

ಅಪಿ ಹನ್ತ್ವಾ ಹತೋ ಬ್ರೂತಿ, ಜೇತ್ವಾ ಜಿತೋತಿ ಭಾಸತಿ;

ಪುಬ್ಬವಕ್ಖಾಯಿನೋ ¶ [ಪುಬ್ಬಮಕ್ಖಾಯಿನೋ (ಸೀ. ಸ್ಯಾ.)] ರಾಜ, ಅಞ್ಞದತ್ಥು [ಏಕದತ್ಥು (ಸೀ. ಪೀ.)] ನ ಸದ್ದಹೇ.

ತಸ್ಮಾ ಪಣ್ಡಿತಜಾತಿಯೋ, ಸುಣೇಯ್ಯ ಇತರಸ್ಸಪಿ;

ಉಭಿನ್ನಂ ವಚನಂ ಸುತ್ವಾ, ಯಥಾ ಧಮ್ಮೋ ತಥಾ ಕರೇ.

ಅಲಸೋ ಗಿಹೀ ಕಾಮಭೋಗೀ ನ ಸಾಧು, ಅಸಞ್ಞತೋ ಪಬ್ಬಜಿತೋ ನ ಸಾಧು;

ರಾಜಾ ನ ಸಾಧು ಅನಿಸಮ್ಮಕಾರೀ, ಯೋ ಪಣ್ಡಿತೋ ಕೋಧನೋ ತಂ ನ ಸಾಧು.

ನಿಸಮ್ಮ ಖತ್ತಿಯೋ ಕಯಿರಾ, ನಾನಿಸಮ್ಮ ದಿಸಮ್ಪತಿ;

ನಿಸಮ್ಮಕಾರಿನೋ ರಾಜ [ರಞ್ಞೋ (ಸೀ. ಸ್ಯಾ.)], ಯಸೋ ಕಿತ್ತಿ ಚ ವಡ್ಢತೀತಿ.

ತದೇವ ¶ ಮೇ ತ್ವಂ ವಿದಿತೋ, ವನಮಜ್ಝೇ ರಥೇಸಭ;

ಯಸ್ಸ ತೇ ಖಗ್ಗಬದ್ಧಸ್ಸ, ಸನ್ನದ್ಧಸ್ಸ ತಿರೀಟಿನೋ;

ಅಸ್ಸತ್ಥದುಮಸಾಖಾಯ, ಪಕ್ಕಾ ಗೋಧಾ ಪಲಾಯಥ.

ನಮೇ ನಮನ್ತಸ್ಸ ಭಜೇ ಭಜನ್ತಂ, ಕಿಚ್ಚಾನುಕುಬ್ಬಸ್ಸ ಕರೇಯ್ಯ ಕಿಚ್ಚಂ;

ನಾನತ್ಥಕಾಮಸ್ಸ ಕರೇಯ್ಯ ಅತ್ಥಂ, ಅಸಮ್ಭಜನ್ತಮ್ಪಿ ನ ಸಮ್ಭಜೇಯ್ಯ.

ಚಜೇ ¶ ಚಜನ್ತಂ ವನಥಂ ನ ಕಯಿರಾ, ಅಪೇತಚಿತ್ತೇನ ನ ಸಮ್ಭಜೇಯ್ಯ;

ದಿಜೋ ದುಮಂ ಖೀಣಫಲನ್ತಿ [ಫಲಂವ (ಕ. ಸೀ. ಸ್ಯಾ. ಕ.), ದುಕನಿಪಾತೇ ಪುಟಭತ್ತಜಾತಕೇನ ಸಂಸನ್ದೇತಬ್ಬಂ] ಞತ್ವಾ, ಅಞ್ಞಂ ಸಮೇಕ್ಖೇಯ್ಯ ಮಹಾ ಹಿ ಲೋಕೋ.

ಸೋ ತೇ ಕರಿಸ್ಸಾಮಿ ಯಥಾನುಭಾವಂ, ಕತಞ್ಞುತಂ ಖತ್ತಿಯೇ [ಖತ್ತಿಯೋ (ಸ್ಯಾ. ಕ.)] ಪೇಕ್ಖಮಾನೋ;

ಸಬ್ಬಞ್ಚ ತೇ ಇಸ್ಸರಿಯಂ ದದಾಮಿ, ಯಸ್ಸಿಚ್ಛಸೀ ತಸ್ಸ ತುವಂ ದದಾಮೀತಿ.

ಪಕ್ಕಗೋಧಜಾತಕಂ [ಗೋಧಜಾತಕಂ (ಸೀ. ಸ್ಯಾ. ಪೀ.)] ತತಿಯಂ.

ಗವಂ ಚೇ ತರಮಾನಾನಂ, ಜಿಮ್ಹಂ ಗಚ್ಛತಿ ಪುಙ್ಗವೋ;

ಸಬ್ಬಾ ತಾ ಜಿಮ್ಹಂ ಗಚ್ಛನ್ತಿ [ಸಬ್ಬಾ ಗಾವೀ ಜಿಮ್ಹಂ ಯನ್ತಿ (ಸೀ. ಸ್ಯಾ.)], ನೇತ್ತೇ ಜಿಮ್ಹಂ ಗತೇ ಸತಿ.

ಏವಮೇವ ¶ ಮನುಸ್ಸೇಸು, ಯೋ ಹೋತಿ ಸೇಟ್ಠಸಮ್ಮತೋ;

ಸೋ ಚೇ ಅಧಮ್ಮಂ ಚರತಿ, ಪಗೇವ ಇತರಾ ಪಜಾ;

ಸಬ್ಬಂ ರಟ್ಠಂ ದುಖಂ ಸೇತಿ, ರಾಜಾ ಚೇ ಹೋತಿ ಅಧಮ್ಮಿಕೋ.

ಗವಂ ಚೇ ತರಮಾನಾನಂ, ಉಜುಂ ಗಚ್ಛತಿ ಪುಙ್ಗವೋ;

ಸಬ್ಬಾ ಗಾವೀ ಉಜುಂ ಯನ್ತಿ [ಸಬ್ಬಾ ತಾ ಉಜುಂ ಗಚ್ಛನ್ತಿ (ಪೀ. ಅ. ನಿ. ೪.೭೦)], ನೇತ್ತೇ ಉಜುಂ ಗತೇ ಸತಿ.

ಏವಮೇವ ¶ ಮನುಸ್ಸೇಸು, ಯೋ ಹೋತಿ ಸೇಟ್ಠಸಮ್ಮತೋ;

ಸೋ ಸಚೇ ಧಮ್ಮಂ ಚರತಿ, ಪಗೇವ ಇತರಾ ಪಜಾ;

ಸಬ್ಬಂ ¶ ರಟ್ಠಂ ಸುಖಂ ಸೇತಿ, ರಾಜಾ ಚೇ ಹೋತಿ ಧಮ್ಮಿಕೋತಿ.

ಬ್ರಹಾ ಪವಡ್ಢಕಾಯೋ ಸೋ, ದೀಘದಾಠೋ ಚ ಜಮ್ಬುಕ;

ನ ತ್ವಂ ತತ್ಥ ಕುಲೇ ಜಾತೋ, ಯತ್ಥ ಗಣ್ಹನ್ತಿ ಕುಞ್ಜರಂ.

ಅಸೀಹೋ ಸೀಹಮಾನೇನ, ಯೋ ಅತ್ತಾನಂ ವಿಕುಬ್ಬತಿ;

ಕೋತ್ಥೂವ [ಕುಟ್ಠೂವ (ಸೀ.), ಕುತ್ಥುವ (ಸ್ಯಾ. ಪೀ)] ಗಜಮಾಸಜ್ಜ, ಸೇತಿ ಭೂಮ್ಯಾ ಅನುತ್ಥುನಂ.

ಯಸಸ್ಸಿನೋ ಉತ್ತಮಪುಗ್ಗಲಸ್ಸ, ಸಞ್ಜಾತಖನ್ಧಸ್ಸ ಮಹಬ್ಬಲಸ್ಸ;

ಅಸಮೇಕ್ಖಿಯ ಥಾಮಬಲೂಪಪತ್ತಿಂ, ಸ ಸೇತಿ ನಾಗೇನ ಹತೋಯಂ ಜಮ್ಬುಕೋ.

ಯೋ ಚೀಧ ಕಮ್ಮಂ ಕುರುತೇ ಪಮಾಯ, ಥಾಮಬ್ಬಲಂ ಅತ್ತನಿ ಸಂವಿದಿತ್ವಾ;

ಜಪ್ಪೇನ ಮನ್ತೇನ ಸುಭಾಸಿತೇನ, ಪರಿಕ್ಖವಾ ಸೋ ವಿಪುಲಂ ಜಿನಾತೀತಿ.

ತಿಣಂ ತಿಣನ್ತಿ ಲಪಸಿ, ಕೋ ನು ತೇ ತಿಣಮಾಹರಿ;

ಕಿಂ ¶ ನು ತೇ ತಿಣಕಿಚ್ಚತ್ಥಿ, ತಿಣಮೇವ ಪಭಾಸಸಿ.

ಇಧಾಗಮಾ ಬ್ರಹ್ಮಚಾರೀ, ಬ್ರಹಾ ಛತ್ತೋ ಬಹುಸ್ಸುತೋ;

ಸೋ ಮೇ [ಸೋ ವೇ (ಕ.)] ಸಬ್ಬಂ ಸಮಾದಾಯ, ತಿಣಂ ನಿಕ್ಖಿಪ್ಪ ಗಚ್ಛತಿ.

ಏವೇತಂ ಹೋತಿ ಕತ್ತಬ್ಬಂ, ಅಪ್ಪೇನ ಬಹುಮಿಚ್ಛತಾ;

ಸಬ್ಬಂ ಸಕಸ್ಸ ಆದಾನಂ, ಅನಾದಾನಂ ತಿಣಸ್ಸ ಚ. ( ) [(ತಿಣಸ್ಸ ಚಾಟೀಸು ಗತೋ, ತತ್ಥ ಕಾ ಪರಿದೇವನಾ) (ಸೀ. ಸ್ಯಾ.) (ಚಾಟೀಸು ಪಕ್ಖಿಪಿತ್ವಾನ, ತತ್ಥ ಕಾ ಪರಿದೇವನಾ) (ಕ.)]

ಸೀಲವನ್ತೋ ¶ ¶ ನ ಕುಬ್ಬನ್ತಿ, ಬಾಲೋ ಸೀಲಾನಿ ಕುಬ್ಬತಿ;

ಅನಿಚ್ಚಸೀಲಂ ದುಸ್ಸೀಲ್ಯಂ [ದುಸ್ಸೀಲಂ (ಪೀ.)], ಕಿಂ ಪಣ್ಡಿಚ್ಚಂ ಕರಿಸ್ಸತೀತಿ.

ನ ತೇ ಪೀಠಮದಾಯಿಮ್ಹಾ [ಮದಾಸಿಮ್ಹ (ಪೀ. ಕ.)], ನ ಪಾನಂ ನಪಿ ಭೋಜನಂ;

ಬ್ರಹ್ಮಚಾರಿ ಖಮಸ್ಸು ಮೇ, ಏತಂ ಪಸ್ಸಾಮಿ ಅಚ್ಚಯಂ.

ನೇವಾಭಿಸಜ್ಜಾಮಿ ನ ಚಾಪಿ ಕುಪ್ಪೇ, ನ ಚಾಪಿ ಮೇ ಅಪ್ಪಿಯಮಾಸಿ ಕಿಞ್ಚಿ;

ಅಥೋಪಿ ಮೇ ಆಸಿ ಮನೋವಿತಕ್ಕೋ, ಏತಾದಿಸೋ ನೂನ ಕುಲಸ್ಸ ಧಮ್ಮೋ.

ಏಸಸ್ಮಾಕಂ ಕುಲೇ ಧಮ್ಮೋ, ಪಿತುಪಿತಾಮಹೋ ಸದಾ;

ಆಸನಂ ಉದಕಂ ಪಜ್ಜಂ, ಸಬ್ಬೇತಂ ನಿಪದಾಮಸೇ.

ಏಸಸ್ಮಾಕಂ ¶ ಕುಲೇ ಧಮ್ಮೋ, ಪಿತುಪಿತಾಮಹೋ ಸದಾ;

ಸಕ್ಕಚ್ಚಂ ಉಪತಿಟ್ಠಾಮ, ಉತ್ತಮಂ ವಿಯ ಞಾತಕನ್ತಿ.

ವಿದಿತಂ ಥುಸಂ ಉನ್ದುರಾನಂ [ಉನ್ದೂರಾನಂ (ಕ.)], ವಿದಿತಂ ಪನ ತಣ್ಡುಲಂ;

ಥುಸಂ ಥುಸಂ [ಥುಸಂ ಥೂಲಂ (ಸೀ.)] ವಿವಜ್ಜೇತ್ವಾ, ತಣ್ಡುಲಂ ಪನ ಖಾದರೇ.

ಯಾ ಮನ್ತನಾ ಅರಞ್ಞಸ್ಮಿಂ, ಯಾ ಚ ಗಾಮೇ ನಿಕಣ್ಣಿಕಾ;

ಯಞ್ಚೇತಂ ಇತಿ ಚೀತಿ ಚ, ಏತಮ್ಪಿ ವಿದಿತಂ ಮಯಾ.

ಧಮ್ಮೇನ ಕಿರ ಜಾತಸ್ಸ, ಪಿತಾ ಪುತ್ತಸ್ಸ ಮಕ್ಕಟೋ;

ದಹರಸ್ಸೇವ ಸನ್ತಸ್ಸ, ದನ್ತೇಹಿ ಫಲಮಚ್ಛಿದಾ.

ಯಮೇತಂ ಪರಿಸಪ್ಪಸಿ [ಪರಿಸಬ್ಬೇಸಿ (ಕ.)], ಅಜಕಾಣೋವ ಸಾಸಪೇ;

ಯೋಪಾಯಂ ಹೇಟ್ಠತೋ ಸೇತಿ [ಸೇಸಿ (ಸೀ.)], ಏತಮ್ಪಿ ವಿದಿತಂ ಮಯಾತಿ.

ಅದಸ್ಸನೇನ ¶ ಮೋರಸ್ಸ, ಸಿಖಿನೋ ಮಞ್ಜುಭಾಣಿನೋ;

ಕಾಕಂ ತತ್ಥ ಅಪೂಜೇಸುಂ, ಮಂಸೇನ ಚ ಫಲೇನ ಚ.

ಯದಾ ¶ ಚ ಸರಸಮ್ಪನ್ನೋ, ಮೋರೋ ಬಾವೇರುಮಾಗಮಾ;

ಅಥ ¶ ಲಾಭೋ ಚ ಸಕ್ಕಾರೋ, ವಾಯಸಸ್ಸ ಅಹಾಯಥ.

ಯಾವ ನುಪ್ಪಜ್ಜತೀ ಬುದ್ಧೋ, ಧಮ್ಮರಾಜಾ ಪಭಙ್ಕರೋ;

ತಾವ ಅಞ್ಞೇ ಅಪೂಜೇಸುಂ, ಪುಥೂ ಸಮಣಬ್ರಾಹ್ಮಣೇ.

ಯದಾ ಚ ಸರಸಮ್ಪನ್ನೋ, ಬುದ್ಧೋ ಧಮ್ಮಂ ಅದೇಸಯಿ;

ಅಥ ಲಾಭೋ ಚ ಸಕ್ಕಾರೋ, ತಿತ್ಥಿಯಾನಂ ಅಹಾಯಥಾತಿ.

ಅದಾಸಿ ದಾನಾನಿ ಪುರೇ ವಿಸಯ್ಹ, ದದತೋ ಚ ತೇ ಖಯಧಮ್ಮೋ ಅಹೋಸಿ;

ಇತೋ ಪರಂ ಚೇ ನ ದದೇಯ್ಯ ದಾನಂ, ತಿಟ್ಠೇಯ್ಯುಂ ತೇ ಸಂಯಮನ್ತಸ್ಸ ಭೋಗಾ.

ಅನರಿಯಮರಿಯೇನ ಸಹಸ್ಸನೇತ್ತ, ಸುದುಗ್ಗತೇನಾಪಿ ಅಕಿಚ್ಚಮಾಹು;

ಮಾ ವೋ ಧನಂ ತಂ ಅಹು ದೇವರಾಜ [ಅಹುವಾ ಜನಿನ್ದ (ಕ. ಸೀ. ಸ್ಯಾ. ಪೀ.)], ಯಂ ಭೋಗಹೇತು ವಿಜಹೇಮು ಸದ್ಧಂ.

ಯೇನ ಏಕೋ ರಥೋ ಯಾತಿ, ಯಾತಿ ತೇನಾಪರೋ ರಥೋ;

ಪೋರಾಣಂ ನಿಹಿತಂ ವತ್ತಂ, ವತ್ತತಞ್ಞೇವ [ವದ್ಧಂ, ವದ್ಧತಞ್ಞೇವ (ಕ. ಸೀ. ಪೀ.)] ವಾಸವ.

ಯದಿ ¶ ಹೇಸ್ಸತಿ ದಸ್ಸಾಮ, ಅಸನ್ತೇ ಕಿಂ ದದಾಮಸೇ;

ಏವಂಭೂತಾಪಿ ದಸ್ಸಾಮ, ಮಾ ದಾನಂ ಪಮದಮ್ಹಸೇತಿ.

ಕೋಕಿಲವಗ್ಗೋ [ಕೋಕಾಲಿಕವಗ್ಗೋ (ಕ.)] ಚತುತ್ಥೋ.

ಅತಿವೇಲಪಭಾಸತಿ ¶ ಜೀತವರೋ, ವನಮಜ್ಝ ರಥೇಸಭ ಜಿಮ್ಹಗಮೋ;

ಅಥ ಜಮ್ಬು ತಿಣಾಸನಪೀಠವರಂ, ಅಥ ತಣ್ಡುಲ ಮೋರ ವಿಸಯ್ಹ ದಸಾತಿ.

ನರಾನಮಾರಾಮಕರಾಸು ನಾರಿಸು, ಅನೇಕಚಿತ್ತಾಸು ಅನಿಗ್ಗಹಾಸು ಚ;

ಸಬ್ಬತ್ಥ ನಾಪೀತಿಕರಾಪಿ [ಸಬ್ಬ’ತ್ತನಾ’ಪೀತಿಕರಾಪಿ (ಸೀ. ಸ್ಯಾ.)] ಚೇ ಸಿಯಾ [ಸಿಯುಂ (ಸ್ಯಾ.)], ನ ವಿಸ್ಸಸೇ ತಿತ್ಥಸಮಾ ಹಿ ನಾರಿಯೋ.

ಯಂ ¶ ವೇ [ಯಞ್ಚ (ಸ್ಯಾ. ಕ.)] ದಿಸ್ವಾ ಕಣ್ಡರೀಕಿನ್ನರಾನಂ [ಕಿನ್ನರಕಿನ್ನರೀನಂ (ಸ್ಯಾ.), ಕಿನ್ನರೀಕಿನ್ನರಾನಂ (ಕ.)], ಸಬ್ಬಿತ್ಥಿಯೋ ನ ರಮನ್ತಿ ಅಗಾರೇ;

ತಂ ¶ ತಾದಿಸಂ ಮಚ್ಚಂ ಚಜಿತ್ವಾ ಭರಿಯಾ, ಅಞ್ಞಂ ದಿಸ್ವಾ ಪುರಿಸಂ ಪೀಠಸಪ್ಪಿಂ.

ಬಕಸ್ಸ ಚ ಬಾವರಿಕಸ್ಸ [ಪಾವಾರಿಕಸ್ಸ (ಸೀ.)] ರಞ್ಞೋ, ಅಚ್ಚನ್ತಕಾಮಾನುಗತಸ್ಸ ಭರಿಯಾ;

ಅವಾಚರೀ [ಅಚ್ಚಾಚರಿ (ಸ್ಯಾ.), ಅನಾಚರಿ (ಕ.)] ಪಟ್ಠವಸಾನುಗಸ್ಸ [ಬದ್ಧವಸಾನುಗಸ್ಸ (ಸೀ. ಸ್ಯಾ.), ಪತ್ತವಸಾನುಗತಸ್ಸ (ಕ.)], ಕಂ ವಾಪಿ ಇತ್ಥೀ ನಾತಿಚರೇ ತದಞ್ಞಂ.

ಪಿಙ್ಗಿಯಾನೀ ಸಬ್ಬಲೋಕಿಸ್ಸರಸ್ಸ, ರಞ್ಞೋ ಪಿಯಾ ಬ್ರಹ್ಮದತ್ತಸ್ಸ ಭರಿಯಾ;

ಅವಾಚರೀ ಪಟ್ಠವಸಾನುಗಸ್ಸ, ತಂ ವಾಪಿ ಸಾ ನಾಜ್ಝಗಾ ಕಾಮಕಾಮಿನೀತಿ.

ಕಣ್ಡರೀಜಾತಕಂ [ಕಿನ್ನರೀಜಾತಕಂ (ಕ. ಸೀ. ಕ.), ಕುಣ್ಡಲಿಕಜಾತಕಂ (ಸ್ಯಾ.)] ಪಠಮಂ.

ಅಸಕ್ಖಿಂ ¶ ವತ ಅತ್ತಾನಂ, ಉದ್ಧಾತುಂ ಉದಕಾ ಥಲಂ;

ನ ದಾನಾಹಂ ಪುನ ತುಯ್ಹಂ, ವಸಂ ಗಚ್ಛಾಮಿ ವಾರಿಜ.

ಅಲಮೇತೇಹಿ ಅಮ್ಬೇಹಿ, ಜಮ್ಬೂಹಿ ಪನಸೇಹಿ ಚ;

ಯಾನಿ ಪಾರಂ ಸಮುದ್ದಸ್ಸ, ವರಂ ಮಯ್ಹಂ ಉದುಮ್ಬರೋ.

ಯೋ ಚ ಉಪ್ಪತಿತಂ ಅತ್ಥಂ, ನ ಖಿಪ್ಪಮನುಬುಜ್ಝತಿ;

ಅಮಿತ್ತವಸಮನ್ವೇತಿ ¶ , ಪಚ್ಛಾ ಚ ಅನುತಪ್ಪತಿ.

ಯೋ ಚ ಉಪ್ಪತಿತಂ ಅತ್ಥಂ, ಖಿಪ್ಪಮೇವ ನಿಬೋಧತಿ;

ಮುಚ್ಚತೇ ಸತ್ತುಸಮ್ಬಾಧಾ, ನ ಚ ಪಚ್ಛಾನುತಪ್ಪತೀತಿ.

ಅವಸಿಮ್ಹ ತವಾಗಾರೇ, ನಿಚ್ಚಂ ಸಕ್ಕತಪೂಜಿತಾ;

ತ್ವಮೇವ ದಾನಿಮಕರಿ, ಹನ್ದ ರಾಜ ವಜಾಮಹಂ.

ಯೋ ವೇ ಕತೇ ಪಟಿಕತೇ, ಕಿಬ್ಬಿಸೇ ಪಟಿಕಿಬ್ಬಿಸೇ;

ಏವಂ ತಂ ಸಮ್ಮತೀ ವೇರಂ, ವಸ ಕುನ್ತಿನಿ ಮಾಗಮಾ.

ನ ಕತಸ್ಸ ಚ ಕತ್ತಾ ಚ, ಮೇತ್ತಿ [ಮೇತ್ತೀ (ಪೀ.), ಮಿತ್ತೀ (ಕ.)] ಸನ್ಧೀಯತೇ ಪುನ;

ಹದಯಂ ನಾನುಜಾನಾತಿ, ಗಚ್ಛಞ್ಞೇವ ರಥೇಸಭ.

ಕತಸ್ಸ ಚೇವ ಕತ್ತಾ ಚ, ಮೇತ್ತಿ ಸನ್ಧೀಯತೇ ಪುನ;

ಧೀರಾನಂ ನೋ ಚ ಬಾಲಾನಂ, ವಸ ಕುನ್ತಿನಿ ಮಾಗಮಾತಿ.

ಯೋ ¶ ನೀಲಿಯಂ ಮಣ್ಡಯತಿ, ಸಣ್ಡಾಸೇನ ವಿಹಞ್ಞತಿ;

ತಸ್ಸ ಸಾ ವಸಮನ್ವೇತು, ಯಾ ತೇ ಅಮ್ಬೇ ಅವಾಹರಿ.

ವೀಸಂ ವಾ ಪಞ್ಚವೀಸಂ [ಪಣ್ಣುವೀಸಂ (ಕ. ಸೀ. ಪೀ.)] ವಾ, ಊನತಿಂಸಂ ವ ಜಾತಿಯಾ;

ತಾದಿಸಾ ¶ ಪತಿ ಮಾ ಲದ್ಧಾ [ಪತಿಂ ಮಾ ಲದ್ಧಾ (ಪೀ.), ಪತಿ ಮಾ’ಲತ್ಥ (?)], ಯಾ ತೇ ಅಮ್ಬೇ ಅವಾಹರಿ.

ದೀಘಂ ¶ ಗಚ್ಛತು ಅದ್ಧಾನಂ, ಏಕಿಕಾ ಅಭಿಸಾರಿಕಾ;

ಸಙ್ಕೇತೇ ಪತಿ ಮಾ ಅದ್ದ [ಮಾ ಅದ್ದಸ (ಸೀ. ಪೀ.)], ಯಾ ತೇ ಅಮ್ಬೇ ಅವಾಹರಿ.

ಅಲಙ್ಕತಾ ಸುವಸನಾ, ಮಾಲಿನೀ ಚನ್ದನುಸ್ಸದಾ;

ಏಕಿಕಾ ಸಯನೇ ಸೇತು, ಯಾ ತೇ ಅಮ್ಬೇ ಅವಾಹರೀತಿ.

ಅಮ್ಬಜಾತಕಂ [ಅಮ್ಬಚೋರಜಾತಕಂ (ಕ. ಸೀ. ಪೀ.)] ಚತುತ್ಥಂ.

ವನಂ ಯದಗ್ಗಿ ದಹತಿ, ಪಾವಕೋ ಕಣ್ಹವತ್ತನೀ;

ಕಥಂ ಕರೋಸಿ ಪಚಲಕ, ಏವಂ ದನ್ಧಪರಕ್ಕಮೋ.

ಬಹೂನಿ ರುಕ್ಖಛಿದ್ದಾನಿ, ಪಥಬ್ಯಾ ವಿವರಾನಿ ಚ;

ತಾನಿ ಚೇ ನಾಭಿಸಮ್ಭೋಮ, ಹೋತಿ ನೋ ಕಾಲಪರಿಯಾಯೋ.

ಯೋ ದನ್ಧಕಾಲೇ ತರತಿ, ತರಣೀಯೇ ಚ ದನ್ಧತಿ;

ಸುಕ್ಖಪಣ್ಣಂವ ಅಕ್ಕಮ್ಮ, ಅತ್ಥಂ ಭಞ್ಜತಿ ಅತ್ತನೋ.

ಯೋ ದನ್ಧಕಾಲೇ ದನ್ಧೇತಿ, ತರಣೀಯೇ ಚ ತಾರಯಿ;

ಸಸೀವ ರತ್ತಿಂ ವಿಭಜಂ, ತಸ್ಸತ್ಥೋ ಪರಿಪೂರತೀತಿ.

ಮನುಸ್ಸಿನ್ದಂ ¶ ಜಹಿತ್ವಾನ, ಸಬ್ಬಕಾಮಸಮಿದ್ಧಿನಂ;

ಕಥಂ ನು ಭಗವಾ ಕೇಸೀ, ಕಪ್ಪಸ್ಸ ರಮತಿ ಅಸ್ಸಮೇ [ರಮತಸ್ಸಮೇ (ಕ.)].

ಸಾದೂನೀ [ಸಾಧೂನಿ (ಕ. ಸೀ. ಸ್ಯಾ. ಕ.)] ರಮಣೀಯಾನಿ, ಸನ್ತಿ ವಕ್ಖಾ ಮನೋರಮಾ;

ಸುಭಾಸಿತಾನಿ ಕಪ್ಪಸ್ಸ, ನಾರದ ರಮಯನ್ತಿ ಮಂ.

ಸಾಲೀನಂ ಓದನಂ ಭುಞ್ಜೇ, ಸುಚಿಂ ಮಂಸೂಪಸೇಚನಂ;

ಕಥಂ ಸಾಮಾಕನೀವಾರಂ, ಅಲೋಣಂ ಛಾದಯನ್ತಿ ತಂ.

ಸಾದುಂ ¶ ವಾ [ಅಸಾದುಂ (ಪೀ.)] ಯದಿ ವಾಸಾದುಂ, ಅಪ್ಪಂ ವಾ ಯದಿ ವಾ ಬಹುಂ;

ವಿಸ್ಸತ್ಥೋ ಯತ್ಥ ಭುಞ್ಜೇಯ್ಯ, ವಿಸ್ಸಾಸಪರಮಾ ರಸಾತಿ.

ಕೇಸವಜಾತಕಂ [ಕೇಸೀಜಾತಕಂ (ಕ.)] ಛಟ್ಠಂ.

ಸಬ್ಬಾಯಸಂ ¶ ಕೂಟಮತಿಪ್ಪಮಾಣಂ, ಪಗ್ಗಯ್ಹ ಯೋ [ಸೋ (ಪೀ.)] ತಿಟ್ಠಸಿ ಅನ್ತಲಿಕ್ಖೇ;

ರಕ್ಖಾಯ ಮೇ [ಮಂ (ಸೀ.)] ತ್ವಂ ವಿಹಿತೋ ನುಸಜ್ಜ, ಉದಾಹು ಮೇ ಚೇತಯಸೇ [ವಾಯಮಸೇ (ಸೀ. ಸ್ಯಾ.)] ವಧಾಯ.

ದೂತೋ ಅಹಂ ರಾಜಿಧ ರಕ್ಖಸಾನಂ, ವಧಾಯ ತುಯ್ಹಂ ಪಹಿತೋಹಮಸ್ಮಿ;

ಇನ್ದೋ ¶ ಚ ತಂ ರಕ್ಖತಿ ದೇವರಾಜಾ, ತೇನುತ್ತಮಙ್ಗಂ ನ ತೇ [ನ ಹಿ (ಕ. ಸೀ. ಪೀ.), ತೇ ನ (ಕ.)] ಫಾಲಯಾಮಿ.

ಸಚೇ ಚ ಮಂ ರಕ್ಖತಿ ದೇವರಾಜಾ, ದೇವಾನಮಿನ್ದೋ ಮಘವಾ ಸುಜಮ್ಪತಿ;

ಕಾಮಂ ಪಿಸಾಚಾ ವಿನದನ್ತು ಸಬ್ಬೇ, ನ ಸನ್ತಸೇ ರಕ್ಖಸಿಯಾ ಪಜಾಯ.

ಕಾಮಂ ಕನ್ದನ್ತು [ಕನ್ತನ್ತು (ಕ.), ಕಣ್ಡನ್ತು (ಸ್ಯಾ.)] ಕುಮ್ಭಣ್ಡಾ, ಸಬ್ಬೇ ಪಂಸುಪಿಸಾಚಕಾ;

ನಾಲಂ ಪಿಸಾಚಾ ಯುದ್ಧಾಯ, ಮಹತೀ ಸಾ ವಿಭಿಂಸಿಕಾತಿ [ವಿಭೇಸಿಕಾತಿ (ಸ್ಯಾ.), ವಿಹೇಸಿಕಾತಿ (ಪೀ.)].

ಅರಞ್ಞಾ ಗಾಮಮಾಗಮ್ಮ, ಕಿಂಸೀಲಂ ಕಿಂವತಂ ಅಹಂ;

ಪುರಿಸಂ ತಾತ ಸೇವೇಯ್ಯಂ, ತಂ ಮೇ ಅಕ್ಖಾಹಿ ಪುಚ್ಛಿತೋ.

ಯೋ ತಂ ವಿಸ್ಸಾಸಯೇ ತಾತ, ವಿಸ್ಸಾಸಞ್ಚ ಖಮೇಯ್ಯ ತೇ;

ಸುಸ್ಸೂಸೀ ಚ ತಿತಿಕ್ಖೀ ಚ, ತಂ ಭಜೇಹಿ ಇತೋ [ತಂ ಭಜೇಯ್ಯಾಸಿತೋ (ಕ.)] ಗತೋ.

ಯಸ್ಸ ಕಾಯೇನ ವಾಚಾಯ, ಮನಸಾ ನತ್ಥಿ ದುಕ್ಕಟಂ;

ಉರಸೀವ ಪತಿಟ್ಠಾಯ, ತಂ ಭಜೇಹಿ ಇತೋ ಗತೋ.

ಹಲಿದ್ದಿರಾಗಂ ¶ ಕಪಿಚಿತ್ತಂ, ಪುರಿಸಂ ರಾಗವಿರಾಗಿನಂ;

ತಾದಿಸಂ ¶ ತಾತ ಮಾ ಸೇವಿ, ನಿಮ್ಮನುಸ್ಸಮ್ಪಿ ಚೇ ಸಿಯಾತಿ.

ನೇವ ಇತ್ಥೀಸು ಸಾಮಞ್ಞಂ, ನಾಪಿ ಭಕ್ಖೇಸು ಸಾರಥಿ;

ಅಥಸ್ಸ ಸನ್ಧಿಭೇದಸ್ಸ, ಪಸ್ಸ ಯಾವ ಸುಚಿನ್ತಿತಂ.

ಅಸಿ ¶ ತಿಕ್ಖೋವ ಮಂಸಮ್ಹಿ, ಪೇಸುಞ್ಞಂ ಪರಿವತ್ತತಿ;

ಯತ್ಥೂಸಭಞ್ಚ ಸೀಹಞ್ಚ, ಭಕ್ಖಯನ್ತಿ ಮಿಗಾಧಮಾ.

ಇಮಂ ಸೋ ಸಯನಂ ಸೇತಿ, ಯಮಿಮಂ [ಯಯಿಮಂ (ಸೀ. ಪೀ.), ಯಿಮಂ (ಕ.)] ಪಸ್ಸಸಿ ಸಾರಥಿ;

ಯೋ ವಾಚಂ ಸನ್ಧಿಭೇದಸ್ಸ, ಪಿಸುಣಸ್ಸ ನಿಬೋಧತಿ.

ತೇ ಜನಾ ಸುಖಮೇಧನ್ತಿ, ನರಾ ಸಗ್ಗಗತಾರಿವ;

ಯೇ ವಾಚಂ ಸನ್ಧಿಭೇದಸ್ಸ, ನಾವಬೋಧನ್ತಿ ಸಾರಥೀತಿ.

ಹನ್ತಿ ಹತ್ಥೇಹಿ ಪಾದೇಹಿ, ಮುಖಞ್ಚ ಪರಿಸುಮ್ಭತಿ;

ಸ ವೇ ರಾಜ ಪಿಯೋ ಹೋತಿ, ಕಂ ತೇನ ತ್ವಾಭಿಪಸ್ಸಸಿ [ಮಭಿಪಸ್ಸಸಿ (ಸೀ.)].

ಅಕ್ಕೋಸತಿ ಯಥಾಕಾಮಂ, ಆಗಮಞ್ಚಸ್ಸ ಇಚ್ಛತಿ;

ಸ ¶ ವೇ ರಾಜ ಪಿಯೋ ಹೋತಿ, ಕಂ ತೇನ ತ್ವಾಭಿಪಸ್ಸಸಿ.

ಅಬ್ಭಕ್ಖಾತಿ ಅಭೂತೇನ, ಅಲಿಕೇನಾಭಿಸಾರಯೇ;

ಸ ವೇ ರಾಜ ಪಿಯೋ ಹೋತಿ, ಕಂ ತೇನ ತ್ವಾಭಿಪಸ್ಸಸಿ.

ಹರಂ ಅನ್ನಞ್ಚ ಪಾನಞ್ಚ, ವತ್ಥಸೇನಾಸನಾನಿ ಚ;

ಅಞ್ಞದತ್ಥುಹರಾ ಸನ್ತಾ, ತೇ ವೇ ರಾಜ ಪಿಯಾ ಹೋನ್ತಿ;

ನರಾನಂ ¶ ಅಸಕ್ಖಿವಸಿಮ್ಹವರೋ, ನೀಲಿಯಮಗ್ಗಿವರಞ್ಚ ಪುನ;

ಪುನ ರಸಾಯಸಕೂಟವರೋ, ತಥಾರಞ್ಞ ಸಾರಥಿ ಹನ್ತಿ ದಸಾತಿ.

ಕಾಲಿಙ್ಗಂ [ವಿವರಂ (ಬಹೂಸು)] ಪುಚಿಮನ್ದಞ್ಚ, ಕುಟಿದೂಸಕ ಕೋಕಿಲಾ [ಕುಟಿದೂಸಂ ಬಹುಭಾಣಕಂ (ಬಹೂಸು)];

ಚೂಳಕುಣಾಲವಗ್ಗೋ ಸೋ, ಪಞ್ಚಮೋ ಸುಪ್ಪಕಾಸಿತೋತಿ.

ಜೀನೋ ¶ ¶ ¶ ರಥಸ್ಸಂ ಮಣಿಕುಣ್ಡಲೇ ಚ, ಪುತ್ತೇ ಚ ದಾರೇ ಚ ತಥೇವ ಜೀನೋ;

ಸಬ್ಬೇಸು ಭೋಗೇಸು ಅಸೇಸಕೇಸು [ಅಸೇಸಿತೇಸು (ಸೀ. ಪೀ.), ಅಸೇಸಿಕೇಸು (ಕ.)], ಕಸ್ಮಾ ನ ಸನ್ತಪ್ಪಸಿ ಸೋಕಕಾಲೇ.

ಪುಬ್ಬೇವ ಮಚ್ಚಂ ವಿಜಹನ್ತಿ ಭೋಗಾ, ಮಚ್ಚೋ ವಾ ತೇ [ಚ ನೇ (ಪೀ.), ಧನೇ (ಕ.)] ಪುಬ್ಬತರಂ ಜಹಾತಿ;

ಅಸಸ್ಸತಾ ಭೋಗಿನೋ ಕಾಮಕಾಮಿ, ತಸ್ಮಾ ನ ಸೋಚಾಮಹಂ ಸೋಕಕಾಲೇ.

ಉದೇತಿ ಆಪೂರತಿ ವೇತಿ [ಪೂರೇತಿ ಖೀಯತಿ (ಸ್ಯಾ.)] ಚನ್ದೋ, ಅತ್ಥಂ ತಪೇತ್ವಾನ [ಅನ್ಧಂ ತಪೇತ್ವಾನ (ಕ.), ಅತ್ಥಙ್ಗಮೇತ್ವಾನ (ಸ್ಯಾ.), ಏತ್ಥ ‘‘ತಪೇತ್ವಾನ ಅತ್ಥಂ ಪಲೇತೀ’’ತಿ ಸಮ್ಬನ್ಧೋ] ಪಲೇತಿ ಸೂರಿಯೋ;

ವಿದಿತಾ [ವಿಜಿತಾ (ಸ್ಯಾ.)] ಮಯಾ ಸತ್ತುಕ ಲೋಕಧಮ್ಮಾ, ತಸ್ಮಾ ನ ಸೋಚಾಮಹಂ ಸೋಕಕಾಲೇ.

ಅಲಸೋ ಗಿಹೀ ಕಾಮಭೋಗೀ ನ ಸಾಧು, ಅಸಞ್ಞತೋ ¶ ಪಬ್ಬಜಿತೋ ನ ಸಾಧು;

ರಾಜಾ ನ ಸಾಧು ಅನಿಸಮ್ಮಕಾರೀ, ಯೋ ಪಣ್ಡಿತೋ ಕೋಧನೋ ತಂ ನ ಸಾಧು.

ನಿಸಮ್ಮ ಖತ್ತಿಯೋ ಕಯಿರಾ, ನಾನಿಸಮ್ಮ ದಿಸಮ್ಪತಿ;

ನಿಸಮ್ಮಕಾರಿನೋ ರಾಜ [ರಞ್ಞೋ (ಸೀ. ಸ್ಯಾ.)], ಯಸೋ ಕಿತ್ತಿ ಚ ವಡ್ಢತೀತಿ.

ಕಿಂ ¶ ನು ಸನ್ತರಮಾನೋವ, ಲಾಯಿತ್ವಾ ಹರಿತಂ ತಿಣಂ;

ಖಾದ ಖಾದಾತಿ ಲಪಸಿ, ಗತಸತ್ತಂ ಜರಗ್ಗವಂ.

ನ ಹಿ ಅನ್ನೇನ ಪಾನೇನ, ಮತೋ ಗೋಣೋ ಸಮುಟ್ಠಹೇ;

ತ್ವಞ್ಚ ತುಚ್ಛಂ ವಿಲಪಸಿ, ಯಥಾ ತಂ ದುಮ್ಮತೀ ತಥಾ.

ತಥೇವ ತಿಟ್ಠತಿ ಸೀಸಂ, ಹತ್ಥಪಾದಾ ಚ ವಾಲಧಿ;

ಸೋತಾ ತಥೇವ ತಿಟ್ಠನ್ತಿ [ಸೋ ತಾತ ತಥೇವ ತಿಟ್ಠತಿ (ಕ.)], ಮಞ್ಞೇ ಗೋಣೋ ಸಮುಟ್ಠಹೇ.

ನೇವಯ್ಯಕಸ್ಸ ಸೀಸಞ್ಚ [ಸೀಸಂ ವಾ (ಸೀ. ಸ್ಯಾ. ಪೀ.)], ಹತ್ಥಪಾದಾ ಚ ದಿಸ್ಸರೇ;

ರುದಂ ಮತ್ತಿಕಥೂಪಸ್ಮಿಂ, ನನು ತ್ವಞ್ಞೇವ ದುಮ್ಮತಿ.

ಆದಿತ್ತಂ ¶ ವತ ಮಂ ಸನ್ತಂ, ಘತಸಿತ್ತಂವ ಪಾವಕಂ;

ವಾರಿನಾ ವಿಯ ಓಸಿಞ್ಚಂ [ಓಸಿಞ್ಚಿ (ಕ.)], ಸಬ್ಬಂ ನಿಬ್ಬಾಪಯೇ ದರಂ.

ಅಬ್ಬಹೀ [ಅಬ್ಬೂಳ್ಹಂ (ಸೀ. ಸ್ಯಾ.), ಅಬ್ಭೂಳ್ಹಂ (ಕ.)] ವತ ಮೇ ಸಲ್ಲಂ, ಯಮಾಸಿ ಹದಯಸ್ಸಿತಂ [ಸೋಕಂ ಹದಯನಿಸ್ಸಿತಂ (ಸೀ. ಸ್ಯಾ.)];

ಯೋ ¶ ಮೇ ಸೋಕಪರೇತಸ್ಸ, ಪಿತು ಸೋಕಂ ಅಪಾನುದಿ.

ಸೋಹಂ ಅಬ್ಬೂಳ್ಹಸಲ್ಲೋಸ್ಮಿ, ವೀತಸೋಕೋ ಅನಾವಿಲೋ;

ನ ಸೋಚಾಮಿ ನ ರೋದಾಮಿ, ತವ ಸುತ್ವಾನ ಮಾಣವ.

ಏವಂ ಕರೋನ್ತಿ ಸಪ್ಪಞ್ಞಾ, ಯೇ ಹೋನ್ತಿ ಅನುಕಮ್ಪಕಾ;

ವಿನಿವತ್ತೇನ್ತಿ ಸೋಕಮ್ಹಾ, ಸುಜಾತೋ ಪಿತರಂ ಯಥಾತಿ.

ನಯಿದಂ ನಿಚ್ಚಂ ಭವಿತಬ್ಬಂ ಬ್ರಹ್ಮದತ್ತ, ಖೇಮಂ ಸುಭಿಕ್ಖಂ ಸುಖತಾ ಚ ಕಾಯೇ;

ಅತ್ಥಚ್ಚಯೇ ಮಾ ಅಹು ಸಮ್ಪಮೂಳ್ಹೋ, ಭಿನ್ನಪ್ಲವೋ ಸಾಗರಸ್ಸೇವ ಮಜ್ಝೇ.

ಯಾನಿ ¶ ಕರೋತಿ ಪುರಿಸೋ, ತಾನಿ ಅತ್ತನಿ ಪಸ್ಸತಿ;

ಕಲ್ಯಾಣಕಾರೀ ಕಲ್ಯಾಣಂ, ಪಾಪಕಾರೀ ಚ ಪಾಪಕಂ;

ಯಾದಿಸಂ ವಪತೇ ಬೀಜಂ, ತಾದಿಸಂ ಹರತೇ ಫಲಂ.

ಇದಂ ತದಾಚರಿಯವಚೋ, ಪಾರಾಸರಿಯೋ ಯದಬ್ರವಿ;

ಮಾ ಸು [ಮಾ ಸ್ಸು (ಸೀ. ಸ್ಯಾ. ಪೀ.)] ತ್ವಂ ಅಕರಿ ಪಾಪಂ, ಯಂ ತ್ವಂ ಪಚ್ಛಾ ಕತಂ ತಪೇ.

ಅಯಮೇವ ಸೋ ಪಿಙ್ಗಿಯ [ಸೋ ಪಿಙ್ಗಿಯೋ (ಸ್ಯಾ.), ಸೋಪಿ ಭಿಯ್ಯೋ (ಕ.)] ವೇನಸಾಖೋ, [ಧೋನಸಾಖೋ (ಕ. ಸೀ. ಪೀ.)] ಯಮ್ಹಿ ¶ ಘಾತಯಿಂ ಖತ್ತಿಯಾನಂ ಸಹಸ್ಸಂ;

ಅಲಙ್ಕತೇ ಚನ್ದನಸಾರಾನುಲಿತ್ತೇ, ತಮೇವ ದುಕ್ಖಂ ಪಚ್ಚಾಗತಂ ಮಮಂ.

ಸಾಮಾ ಚ [ಸಾಮಾಪಿ (ಸೀ. ಸ್ಯಾ.)] ಖೋ ಚನ್ದನಲಿತ್ತಗತ್ತಾ [ಗತ್ತೀ (ಕ. ಸೀ. ಸ್ಯಾ. ಪೀ.)], ಲಟ್ಠೀವ ಸೋಭಞ್ಜನಕಸ್ಸ ಉಗ್ಗತಾ;

ಅದಿಸ್ವಾ [ಅದಿಸ್ವಾವ (ಸೀ.)] ಕಾಲಂ ಕರಿಸ್ಸಾಮಿ ಉಬ್ಬರಿಂ, ತಂ ಮೇ ಇತೋ ದುಕ್ಖತರಂ ಭವಿಸ್ಸತೀತಿ.

ವೇನಸಾಖಜಾತಕಂ [ಧೋನಸಾಖಜಾತಕಂ (ಕ. ಸೀ. ಪೀ.)] ತತಿಯಂ.

ಉರಗೋವ ತಚಂ ಜಿಣ್ಣಂ, ಹಿತ್ವಾ ಗಚ್ಛತಿ ಸಂ ತನುಂ;

ಏವಂ ಸರೀರೇ ನಿಬ್ಭೋಗೇ, ಪೇತೇ ಕಾಲಙ್ಕತೇ ಸತಿ.

ಡಯ್ಹಮಾನೋ ನ ಜಾನಾತಿ, ಞಾತೀನಂ ಪರಿದೇವಿತಂ;

ತಸ್ಮಾ ಏತಂ ನ ಸೋಚಾಮಿ, ಗತೋ ಸೋ ತಸ್ಸ ಯಾ ಗತಿ.

ಅನವ್ಹಿತೋ ¶ ತತೋ ಆಗಾ, ಅನನುಞ್ಞಾತೋ [ನಾನುಞ್ಞಾತೋ (ಕ.)] ಇತೋ ಗತೋ;

ಯಥಾಗತೋ ತಥಾ ಗತೋ, ತತ್ಥ ಕಾ ಪರಿದೇವನಾ.

ಡಯ್ಹಮಾನೋ ನ ಜಾನಾತಿ, ಞಾತೀನಂ ಪರಿದೇವಿತಂ;

ತಸ್ಮಾ ಏತಂ ನ ಸೋಚಾಮಿ, ಗತೋ ಸೋ ತಸ್ಸ ಯಾ ಗತಿ.

ಸಚೇ ರೋದೇ ಕಿಸಾ [ಕಿಸೀ (ಪೀ.)] ಅಸ್ಸಂ, ತಸ್ಸಾ ಮೇ ಕಿಂ ಫಲಂ ಸಿಯಾ;

ಞಾತಿಮಿತ್ತಸುಹಜ್ಜಾನಂ ¶ , ಭಿಯ್ಯೋ ನೋ ಅರತೀ ಸಿಯಾ.

ಡಯ್ಹಮಾನೋ ¶ ನ ಜಾನಾತಿ, ಞಾತೀನಂ ಪರಿದೇವಿತಂ;

ತಸ್ಮಾ ಏತಂ ನ ಸೋಚಾಮಿ, ಗತೋ ಸೋ ತಸ್ಸ ಯಾ ಗತಿ.

ಯಥಾಪಿ ದಾರಕೋ ಚನ್ದಂ, ಗಚ್ಛನ್ತಮನುರೋದತಿ;

ಏವಂ ಸಮ್ಪದಮೇವೇತಂ, ಯೋ ಪೇತಮನುಸೋಚತಿ.

ಡಯ್ಹಮಾನೋ ನ ಜಾನಾತಿ, ಞಾತೀನಂ ಪರಿದೇವಿತಂ;

ತಸ್ಮಾ ಏತಂ ನ ಸೋಚಾಮಿ, ಗತೋ ಸೋ ತಸ್ಸ ಯಾ ಗತಿ.

ಯಥಾಪಿ ಉದಕಕುಮ್ಭೋ, ಭಿನ್ನೋ ಅಪ್ಪಟಿಸನ್ಧಿಯೋ;

ಏವಂ ಸಮ್ಪದಮೇವೇತಂ, ಯೋ ಪೇತಮನುಸೋಚತಿ.

ಡಯ್ಹಮಾನೋ ನ ಜಾನಾತಿ, ಞಾತೀನಂ ಪರಿದೇವಿತಂ;

ತಸ್ಮಾ ಏತಂ ನ ಸೋಚಾಮಿ, ಗತೋ ಸೋ ತಸ್ಸ ಯಾ ಗತೀತಿ.

ಅಞ್ಞೇ ಸೋಚನ್ತಿ ರೋದನ್ತಿ, ಅಞ್ಞೇ ಅಸ್ಸುಮುಖಾ ಜನಾ;

ಪಸನ್ನಮುಖವಣ್ಣೋಸಿ, ಕಸ್ಮಾ ಘಟ [ಘತ (ಸೀ. ಪೀ.)] ನ ಸೋಚಸಿ.

ನಾಬ್ಭತೀತಹರೋ ಸೋಕೋ, ನಾನಾಗತಸುಖಾವಹೋ;

ತಸ್ಮಾ ಧಙ್ಕ [ವಂಕ (ಪೀ.)] ನ ಸೋಚಾಮಿ, ನತ್ಥಿ ಸೋಕೇ ದುತೀಯತಾ [ಸೋಕೋ ದುತೀಯಕಾ (ಕ.)].

ಸೋಚಂ ಪಣ್ಡು ಕಿಸೋ ಹೋತಿ, ಭತ್ತಞ್ಚಸ್ಸ ನ ರುಚ್ಚತಿ;

ಅಮಿತ್ತಾ ಸುಮನಾ ಹೋನ್ತಿ, ಸಲ್ಲವಿದ್ಧಸ್ಸ ರುಪ್ಪತೋ.

ಗಾಮೇ ¶ ವಾ ಯದಿ ವಾರಞ್ಞೇ, ನಿನ್ನೇ ವಾ ಯದಿ ವಾ ಥಲೇ;

ಠಿತಂ ಮಂ ನಾಗಮಿಸ್ಸತಿ, ಏವಂ ದಿಟ್ಠಪದೋ ಅಹಂ.

ಯಸ್ಸತ್ತಾ ನಾಲಮೇಕೋವ, ಸಬ್ಬಕಾಮರಸಾಹರೋ;

ಸಬ್ಬಾಪಿ ಪಥವೀ ತಸ್ಸ, ನ ಸುಖಂ ಆವಹಿಸ್ಸತೀತಿ.

ಏಕೋ ¶ ¶ ಅರಞ್ಞೇ ಗಿರಿಕನ್ದರಾಯಂ, ಪಗ್ಗಯ್ಹ ಪಗ್ಗಯ್ಹ ಸಿಲಂ ಪವೇಚ್ಛಸಿ [ಪವೇಜ್ಝಸಿ (ಸ್ಯಾ. ಸೀ. ಅಟ್ಠ.)];

ಪುನಪ್ಪುನಂ ಸನ್ತರಮಾನರೂಪೋ, ಕೋರಣ್ಡಿಯ [ಕಾರಣ್ಡಿಯ (ಸೀ. ಸ್ಯಾ. ಪೀ.)] ಕೋ ನು ತವ ಯಿಧತ್ಥೋ.

ಅಹಞ್ಹಿಮಂ ಸಾಗರ ಸೇವಿತನ್ತಂ, ಸಮಂ ಕರಿಸ್ಸಾಮಿ ಯಥಾಪಿ ಪಾಣಿ;

ವಿಕಿರಿಯ ಸಾನೂನಿ ಚ ಪಬ್ಬತಾನಿ ಚ, ತಸ್ಮಾ ಸಿಲಂ ದರಿಯಾ ಪಕ್ಖಿಪಾಮಿ.

ನಯಿಮಂ ಮಹಿಂ ಅರಹತಿ ಪಾಣಿಕಪ್ಪಂ, ಸಮಂ ಮನುಸ್ಸೋ ಕರಣಾಯ ಮೇಕೋ;

ಮಞ್ಞಾಮಿಮಞ್ಞೇವ ದರಿಂ ಜಿಗೀಸಂ [ಜಿಗಿಂಸಂ (ಸೀ. ಸ್ಯಾ. ಪೀ.)], ಕೋರಣ್ಡಿಯ ¶ ಹಾಹಸಿ [ಹಾಯಸಿ (ಸ್ಯಾ. ಕ.)] ಜೀವಲೋಕಂ.

ಸಚೇ ಅಹಂ [ಅಯಂ (ಸೀ. ಸ್ಯಾ. ಪೀ.)] ಭೂತಧರಂ ನ ಸಕ್ಕಾ [ಸಕ್ಕೋ (ಸ್ಯಾ. ಕ.)], ಸಮಂ ಮನುಸ್ಸೋ ಕರಣಾಯ ಮೇಕೋ;

ಏವಮೇವ ತ್ವಂ ಬ್ರಹ್ಮೇ ಇಮೇ ಮನುಸ್ಸೇ, ನಾನಾದಿಟ್ಠಿಕೇ ನಾನಯಿಸ್ಸಸಿ ತೇ [ನೇ (ಕ.)].

ಸಙ್ಖಿತ್ತರೂಪೇನ ಭವಂ ಮಮತ್ಥಂ, ಅಕ್ಖಾಸಿ ಕೋರಣ್ಡಿಯ ಏವಮೇತಂ;

ಯಥಾ ನ ಸಕ್ಕಾ ಪಥವೀ ಸಮಾಯಂ, ಕತ್ತುಂ ಮನುಸ್ಸೇನ ತಥಾ ಮನುಸ್ಸಾತಿ.

ವನ್ದಾಮಿ ತಂ ಕುಞ್ಜರ ಸಟ್ಠಿಹಾಯನಂ, ಆರಞ್ಞಕಂ ಯೂಥಪತಿಂ ಯಸಸ್ಸಿಂ;

ಪಕ್ಖೇಹಿ ತಂ ಪಞ್ಜಲಿಕಂ ಕರೋಮಿ, ಮಾ ಮೇ ವಧೀ ಪುತ್ತಕೇ ದುಬ್ಬಲಾಯ.

ವನ್ದಾಮಿ ¶ ತಂ ಕುಞ್ಜರ ಏಕಚಾರಿಂ, ಆರಞ್ಞಕಂ ಪಬ್ಬತಸಾನುಗೋಚರಂ;

ಪಕ್ಖೇಹಿ ತಂ ಪಞ್ಜಲಿಕಂ ಕರೋಮಿ, ಮಾ ¶ ಮೇ ವಧೀ ಪುತ್ತಕೇ ದುಬ್ಬಲಾಯ;

ವಮಿಸ್ಸಾಮಿ ತೇ ಲಟುಕಿಕೇ ಪುತ್ತಕಾನಿ, ಕಿಂ ಮೇ ತುವಂ ಕಾಹಸಿ ದುಬ್ಬಲಾಸಿ;

ಸತಂ ಸಹಸ್ಸಾನಿಪಿ ತಾದಿಸೀನಂ, ವಾಮೇನ ಪಾದೇನ ಪಪೋಥಯೇಯ್ಯಂ.

ನ ಹೇವ ಸಬ್ಬತ್ಥ ಬಲೇನ ಕಿಚ್ಚಂ, ಬಲಞ್ಹಿ ಬಾಲಸ್ಸ ವಧಾಯ ಹೋತಿ;

ಕರಿಸ್ಸಾಮಿ ತೇ ನಾಗರಾಜಾ ಅನತ್ಥಂ, ಯೋ ಮೇ ವಧೀ ಪುತ್ತಕೇ ದುಬ್ಬಲಾಯ.

ಕಾಕಞ್ಚ ಪಸ್ಸ ಲಟುಕಿಕಂ, ಮಣ್ಡೂಕಂ ನೀಲಮಕ್ಖಿಕಂ;

ಏತೇ ನಾಗಂ ಅಘಾತೇಸುಂ, ಪಸ್ಸ ವೇರಸ್ಸ ವೇರಿನಂ;

ತಸ್ಮಾ ಹಿ ವೇರಂ ನ ಕಯಿರಾಥ, ಅಪ್ಪಿಯೇನಪಿ ಕೇನಚೀತಿ.

ಅಹಮೇವ ¶ ದೂಸಿಯಾ ಭೂನಹತಾ, ರಞ್ಞೋ ಮಹಾಪತಾಪಸ್ಸ;

ಏತಂ ಮುಞ್ಚತು ಧಮ್ಮಪಾಲಂ, ಹತ್ಥೇ ಮೇ ದೇವ ಛೇದೇಹಿ.

ಅಹಮೇವ ದೂಸಿಯಾ ಭೂನಹತಾ, ರಞ್ಞೋ ಮಹಾಪತಾಪಸ್ಸ;

ಏತಂ ಮುಞ್ಚತು ಧಮ್ಮಪಾಲಂ, ಪಾದೇ ಮೇ ದೇವ ಛೇದೇಹಿ.

ಅಹಮೇವ ದೂಸಿಯಾ ಭೂನಹತಾ, ರಞ್ಞೋ ಮಹಾಪತಾಪಸ್ಸ;

ಏತಂ ¶ ಮುಞ್ಚತು ಧಮ್ಮಪಾಲಂ, ಸೀಸಂ ಮೇ ದೇವ ಛೇದೇಹಿ.

ನ ಹಿ [ನಹ (ಸೀ. ಸ್ಯಾ. ಪೀ.) ಏತ್ಥ ಹ-ಕಾರೋ ಖೇದೇ] ನೂನಿಮಸ್ಸ ರಞ್ಞೋ, ಮಿತ್ತಾಮಚ್ಚಾ ಚ ವಿಜ್ಜರೇ ಸುಹದಾ;

ಯೇ ನ ವದನ್ತಿ ರಾಜಾನಂ, ಮಾ ಘಾತಯಿ ಓರಸಂ ಪುತ್ತಂ.

ನ ಹಿ [ನಹ (ಸೀ. ಸ್ಯಾ. ಪೀ.) ಏತ್ಥ ಹ-ಕಾರೋ ಖೇದೇ] ನೂನಿಮಸ್ಸ ರಞ್ಞೋ, ಞಾತೀ ಮಿತ್ತಾ ಚ ವಿಜ್ಜರೇ ಸುಹದಾ;

ಯೇ ನ ವದನ್ತಿ ರಾಜಾನಂ, ಮಾ ಘಾತಯಿ ಅತ್ರಜಂ ಪುತ್ತಂ.

ಚನ್ದನಸಾರಾನುಲಿತ್ತಾ ¶ , ಬಾಹಾ ಛಿಜ್ಜನ್ತಿ ಧಮ್ಮಪಾಲಸ್ಸ;

ದಾಯಾದಸ್ಸ ಪಥಬ್ಯಾ, ಪಾಣಾ ಮೇ ದೇವ ರುಜ್ಝನ್ತೀತಿ.

ವಿಕ್ಕಮ ರೇ ಹರಿಪಾದ [ಮಹಾಮಿಗ (ಸೀ. ಸ್ಯಾ. ಪೀ.)], ವಿಕ್ಕಮ ರೇ ಮಹಾಮಿಗ [ಹರೀಪದ (ಸೀ. ಸ್ಯಾ. ಪೀ.)];

ಛಿನ್ದ ವಾರತ್ತಿಕಂ ಪಾಸಂ, ನಾಹಂ ಏಕಾ ವನೇ ರಮೇ.

ವಿಕ್ಕಮಾಮಿ ನ ಪಾರೇಮಿ, ಭೂಮಿಂ ಸುಮ್ಭಾಮಿ ವೇಗಸಾ;

ದಳ್ಹೋ ವಾರತ್ತಿಕೋ ಪಾಸೋ, ಪಾದಂ ಮೇ ಪರಿಕನ್ತತಿ.

ಅತ್ಥರಸ್ಸು ಪಲಾಸಾನಿ, ಅಸಿಂ ನಿಬ್ಬಾಹ ಲುದ್ದಕ;

ಪಠಮಂ ಮಂ ವಧಿತ್ವಾನ, ಹನ ಪಚ್ಛಾ ಮಹಾಮಿಗಂ.

ನ ಮೇ ಸುತಂ ವಾ ದಿಟ್ಠಂ ವಾ, ಭಾಸನ್ತಿಂ ಮಾನುಸಿಂ ಮಿಗಿಂ [ನ ಮೇ ಸುತಾ ವಾ ದಿಟ್ಠಾ ವಾ, ಭಾಸನ್ತೀ ಮಾನುಸಿಂ ಮಿಗೀ (ಟೀಕಾ)];

ತ್ವಞ್ಚ ಭದ್ದೇ ಸುಖೀ ಹೋಹಿ, ಏಸೋ ಚಾಪಿ ಮಹಾಮಿಗೋ.

ಏವಂ ಲುದ್ದಕ ನನ್ದಸ್ಸು, ಸಹ ಸಬ್ಬೇಹಿ ಞಾತಿಭಿ;

ಯಥಾಹಮಜ್ಜ ¶ ನನ್ದಾಮಿ, ಮುತ್ತಂ ದಿಸ್ವಾ ಮಹಾಮಿಗನ್ತಿ.

ವಾತಿ ¶ ಗನ್ಧೋ ತಿಮಿರಾನಂ, ಕುಸಮುದ್ದೋ ಚ [ವ (ಸ್ಯಾ. ಪೀ.)] ಘೋಸವಾ;

ದೂರೇ ಇತೋ ಸುಯೋನನ್ದೀ [ಇತೋ ಹಿ ಸುಸನ್ದೀ (ಸೀ. ಸ್ಯಾ.), ಇತೋಪಿ ಸುಸ್ಸೋನ್ದೀ (ಪೀ.)], ತಮ್ಬಕಾಮಾ ತುದನ್ತಿ ಮಂ.

ಕಥಂ ಸಮುದ್ದಮತರಿ, ಕಥಂ ಅದ್ದಕ್ಖಿ ಸೇದುಮಂ [ಸೇರುಮಂ (ಸೀ. ಸ್ಯಾ. ಪೀ.)];

ಕಥಂ ತಸ್ಸಾ ಚ ತುಯ್ಹಞ್ಚ, ಅಹು ಸಗ್ಗ [ಅಗ್ಗ (ಸೀ. ಸ್ಯಾ.)] ಸಮಾಗಮೋ.

ಕುರುಕಚ್ಛಾ [ಭರುಕಚ್ಛಾ (ಸೀ. ಸ್ಯಾ. ಪೀ.)] ಪಯಾತಾನಂ, ವಾಣಿಜಾನಂ ಧನೇಸಿನಂ;

ಮಕರೇಹಿ ಅಭಿದಾ [ಮಕರೇಹಿಬ್ಭಿದಾ (ಸೀ.), ಮಕರೇಹಿ’ಭಿದಾ (ಸ್ಯಾ.), ಮಕರೇಹಿ ಭಿನ್ನಾ (ಪೀ.)] ನಾವಾ, ಫಲಕೇನಾಹಮಪ್ಲವಿಂ.

ಸಾ ¶ ಮಂ ಸಣ್ಹೇನ ಮುದುನಾ, ನಿಚ್ಚಂ ಚನ್ದನಗನ್ಧಿನೀ;

ಅಙ್ಗೇನ [ಅಙ್ಕೇನ (ಪೀ. ಕ.)] ಉದ್ಧರೀ ಭದ್ದಾ, ಮಾತಾ ಪುತ್ತಂವ ಓರಸಂ.

ಸಾ ಮಂ ಅನ್ನೇನ ಪಾನೇನ, ವತ್ಥೇನ ಸಯನೇನ ಚ;

ಅತ್ತನಾಪಿ ಚ ಮನ್ದಕ್ಖೀ, ಏವಂ ತಮ್ಬ ವಿಜಾನಾಹೀತಿ.

ಅಥ ಜಿನವರೋ ಹರಿತಂ ತಿಣಕೋ, ಅಥ ¶ ಭಿನ್ನಪ್ಲವೋ ಉರಗೋವ ಘಟೋ;

ದರಿಯಾ ಪುನ ಕುಞ್ಜರ ಭೂನಹತಾ, ಮಿಗಮುತ್ತಮಸಗ್ಗವರೇನ ದಸಾತಿ.

ವಣ್ಣಾರೋಹೇನ ಜಾತಿಯಾ, ಬಲನಿಕ್ಕಮನೇನ ಚ;

ಸುಬಾಹು ನ ಮಯಾ ಸೇಯ್ಯೋ, ಸುದಾಠ ಇತಿ ಭಾಸಸಿ.

ವಣ್ಣಾರೋಹೇನ ಜಾತಿಯಾ, ಬಲನಿಕ್ಕಮನೇನ ಚ;

ಸುದಾಠೋ ನ ಮಯಾ ಸೇಯ್ಯೋ, ಸುಬಾಹು ಇತಿ ಭಾಸಸಿ.

ಏವಂ ಚೇ ಮಂ ವಿಹರನ್ತಂ, ಸುಬಾಹು ಸಮ್ಮ ದುಬ್ಭಸಿ;

ನ ದಾನಾಹಂ ತಯಾ ಸದ್ಧಿಂ, ಸಂವಾಸಮಭಿರೋಚಯೇ.

ಯೋ ¶ ಪರೇಸಂ ವಚನಾನಿ, ಸದ್ದಹೇಯ್ಯ [ಸದ್ದಹೇಥ (ಸೀ. ಸ್ಯಾ. ಪೀ.)] ಯಥಾತಥಂ;

ಖಿಪ್ಪಂ ಭಿಜ್ಜೇಥ ಮಿತ್ತಸ್ಮಿಂ, ವೇರಞ್ಚ ಪಸವೇ ಬಹುಂ.

ನ ¶ ಸೋ ಮಿತ್ತೋ ಯೋ ಸದಾ ಅಪ್ಪಮತ್ತೋ, ಭೇದಾಸಙ್ಕೀ ರನ್ಧಮೇವಾನುಪಸ್ಸೀ;

ಯಸ್ಮಿಞ್ಚ ಸೇತೀ ಉರಸೀವ ಪುತ್ತೋ, ಸ ವೇ ಮಿತ್ತೋ ಯೋ ಅಭೇಜ್ಜೋ ಪರೇಹೀತಿ.

ಸೀಲಂ ¶ ಸೇಯ್ಯೋ ಸುತಂ ಸೇಯ್ಯೋ, ಇತಿ ಮೇ ಸಂಸಯೋ ಅಹು;

ಸೀಲಮೇವ ಸುತಾ ಸೇಯ್ಯೋ, ಇತಿ ಮೇ ನತ್ಥಿ ಸಂಸಯೋ.

ಮೋಘಾ ಜಾತಿ ಚ ವಣ್ಣೋ ಚ, ಸೀಲಮೇವ ಕಿರುತ್ತಮಂ;

ಸೀಲೇನ ಅನುಪೇತಸ್ಸ, ಸುತೇನತ್ಥೋ ನ ವಿಜ್ಜತಿ.

ಖತ್ತಿಯೋ ಚ ಅಧಮ್ಮಟ್ಠೋ, ವೇಸ್ಸೋ ಚಾಧಮ್ಮನಿಸ್ಸಿತೋ;

ತೇ ಪರಿಚ್ಚಜ್ಜುಭೋ ಲೋಕೇ, ಉಪಪಜ್ಜನ್ತಿ ದುಗ್ಗತಿಂ.

ಖತ್ತಿಯಾ ಬ್ರಾಹ್ಮಣಾ ವೇಸ್ಸಾ, ಸುದ್ದಾ ಚಣ್ಡಾಲಪುಕ್ಕುಸಾ;

ಇಧ ಧಮ್ಮಂ ಚರಿತ್ವಾನ, ಭವನ್ತಿ ತಿದಿವೇ ಸಮಾ.

ನ ವೇದಾ ಸಮ್ಪರಾಯಾಯ, ನ ಜಾತಿ ನಾಪಿ [ನೋಪಿ (ಪೀ.)] ಬನ್ಧವಾ;

ಸಕಞ್ಚ ಸೀಲಂ ಸಂಸುದ್ಧಂ, ಸಮ್ಪರಾಯಾಯ ಸುಖಾಯ ಚಾತಿ [ಸುಖಾವಹನ್ತಿ (ಸೀ. ಸ್ಯಾ.)].

ಹಿರಿಂ ತರನ್ತಂ ವಿಜಿಗುಚ್ಛಮಾನಂ, ತವಾಹಮಸ್ಮೀ ಇತಿ ಭಾಸಮಾನಂ;

ಸೇಯ್ಯಾನಿ ಕಮ್ಮಾನಿ ಅನಾದಿಯನ್ತಂ, ನೇಸೋ ಮಮನ್ತಿ ಇತಿ ನಂ ವಿಜಞ್ಞಾ.

ಯಞ್ಹಿ ಕಯಿರಾ ತಞ್ಹಿ ವದೇ, ಯಂ ನ ಕಯಿರಾ ನ ತಂ ವದೇ;

ಅಕರೋನ್ತಂ ¶ ಭಾಸಮಾನಂ, ಪರಿಜಾನನ್ತಿ ಪಣ್ಡಿತಾ.

ನ ¶ ಸೋ ಮಿತ್ತೋ ಯೋ ಸದಾ ಅಪ್ಪಮತ್ತೋ, ಭೇದಾಸಙ್ಕೀ ರನ್ಧಮೇವಾನುಪಸ್ಸೀ;

ಯಸ್ಮಿಞ್ಚ ಸೇತೀ ಉರಸೀವ ಪುತ್ತೋ, ಸ ವೇ ಮಿತ್ತೋ ಯೋ ಅಭೇಜ್ಜೋ ಪರೇಹಿ.

ಪಾಮೋಜ್ಜಕರಣಂ ಠಾನಂ, ಪಸಂಸಾವಹನಂ ಸುಖಂ;

ಫಲಾನಿಸಂಸೋ ಭಾವೇತಿ, ವಹನ್ತೋ ಪೋರಿಸಂ ಧುರಂ.

ಪವಿವೇಕರಸಂ ¶ ಪಿತ್ವಾ, ರಸಂ ಉಪಸಮಸ್ಸ ಚ;

ನಿದ್ದರೋ ಹೋತಿ ನಿಪ್ಪಾಪೋ, ಧಮ್ಮಪ್ಪೀತಿರಸಂ ಪಿವನ್ತಿ.

ಕೋ ನು ಸನ್ತಮ್ಹಿ ಪಜ್ಜೋತೇ, ಅಗ್ಗಿಪರಿಯೇಸನಂ ಚರಂ;

ಅದ್ದಕ್ಖಿ ರತ್ತಿ [ರತ್ತಿಂ (ಸ್ಯಾ.)] ಖಜ್ಜೋತಂ, ಜಾತವೇದಂ ಅಮಞ್ಞಥ.

ಸ್ವಸ್ಸ ಗೋಮಯಚುಣ್ಣಾನಿ, ಅಭಿಮತ್ಥಂ ತಿಣಾನಿ ಚ;

ವಿಪರೀತಾಯ ಸಞ್ಞಾಯ, ನಾಸಕ್ಖಿ ಪಜ್ಜಲೇತವೇ.

ಏವಮ್ಪಿ ಅನುಪಾಯೇನ, ಅತ್ಥಂ ನ ಲಭತೇ ಮಿಗೋ [ಮೂಗೋ (ಸ್ಯಾ.)];

ವಿಸಾಣತೋ ಗವಂ ದೋಹಂ, ಯತ್ಥ ಖೀರಂ ನ ವಿನ್ದತಿ.

ವಿವಿಧೇಹಿ ಉಪಾಯೇಹಿ, ಅತ್ಥಂ ಪಪ್ಪೋನ್ತಿ ಮಾಣವಾ;

ನಿಗ್ಗಹೇನ ಅಮಿತ್ತಾನಂ, ಮಿತ್ತಾನಂ ಪಗ್ಗಹೇನ ಚ.

ಸೇನಾಮೋಕ್ಖಪಲಾಭೇನ ¶ [ಸೇನೀ ಮೋಕ್ಖೂಪಲಾಭೇನ (ಸ್ಯಾ.)], ವಲ್ಲಭಾನಂ ನಯೇನ ಚ;

ಜಗತಿಂ ಜಗತಿಪಾಲಾ, ಆವಸನ್ತಿ ವಸುನ್ಧರನ್ತಿ.

ಧುತ್ತೋಮ್ಹಿ ಸಮ್ಮ ಸುಮುಖ, ಜೂತೇ ಅಕ್ಖಪರಾಜಿತೋ;

ಹರೇಹಿ [ಸೇವೇಹಿ (ಪೀ.)] ಅಮ್ಬಪಕ್ಕಾನಿ, ವೀರಿಯಂ ತೇ ಭಕ್ಖಯಾಮಸೇ.

ಅಲಿಕಂ ವತ ಮಂ ಸಮ್ಮ, ಅಭೂತೇನ ಪಸಂಸಸಿ;

ಕೋ ತೇ ಸುತೋ ವಾ ದಿಟ್ಠೋ ವಾ, ಸುಮುಖೋ ನಾಮ ಮಕ್ಕಟೋ.

ಅಜ್ಜಾಪಿ ¶ ಮೇ ತಂ ಮನಸಿ [ತೇ ಮಂ ಸರಸಿ (ಕ.)], ಯಂ ಮಂ ತ್ವಂ ಅಹಿತುಣ್ಡಿಕ;

ಧಞ್ಞಾಪಣಂ ಪವಿಸಿತ್ವಾ, ಮತ್ತೋ [ಮುತ್ತೋ (ಕ.)] ಛಾತಂ ಹನಾಸಿ ಮಂ.

ತಾಹಂ ಸರಂ ದುಕ್ಖಸೇಯ್ಯಂ, ಅಪಿ ರಜ್ಜಮ್ಪಿ ಕಾರಯೇ;

ನೇವಾಹಂ ಯಾಚಿತೋ ದಜ್ಜಂ, ತಥಾ ಹಿ ಭಯತಜ್ಜಿತೋ.

ಯಞ್ಚ ಜಞ್ಞಾ ಕುಲೇ ಜಾತಂ, ಗಬ್ಭೇ ತಿತ್ತಂ ಅಮಚ್ಛರಿಂ;

ತೇನ ಸಖಿಞ್ಚ ಮಿತ್ತಞ್ಚ, ಧೀರೋ ಸನ್ಧಾತುಮರಹತೀತಿ.

ಮಧುವಣ್ಣಂ ¶ ಮಧುರಸಂ, ಮಧುಗನ್ಧಂ ವಿಸಂ ಅಹು;

ಗುಮ್ಬಿಯೋ ¶ ಘಾಸಮೇಸಾನೋ, ಅರಞ್ಞೇ ಓದಹೀ ವಿಸಂ.

ಮಧು ಇತಿ ಮಞ್ಞಮಾನಾ [ಮಧೂತಿ ಮಞ್ಞಮಾನಾಯ (ಕ.)], ಯೇ ತಂ ವಿಸಮಖಾದಿಸುಂ [ವಿಸಮಸಾಯಿಸುಂ (ಸೀ. ಸ್ಯಾ.)];

ತೇಸಂ ತಂ ಕಟುಕಂ ಆಸಿ, ಮರಣಂ ತೇನುಪಾಗಮುಂ.

ಯೇ ಚ ಖೋ ಪಟಿಸಙ್ಖಾಯ, ವಿಸಂ ತಂ ಪರಿವಜ್ಜಯುಂ;

ತೇ ಆತುರೇಸು ಸುಖಿತಾ, ಡಯ್ಹಮಾನೇಸು ನಿಬ್ಬುತಾ.

ಏವಮೇವ ಮನುಸ್ಸೇಸು, ವಿಸಂ ಕಾಮಾ ಸಮೋಹಿತಾ;

ಆಮಿಸಂ ಬನ್ಧನಞ್ಚೇತಂ, ಮಚ್ಚುವೇಸೋ [ಪಚ್ಚುವಸೋ (ಸೀ. ಸ್ಯಾ.)] ಗುಹಾಸಯೋ.

ಏವಮೇವ ಇಮೇ ಕಾಮೇ, ಆತುರಾ ಪರಿಚಾರಿಕೇ [ಪರಿಚಾರಕೇ (ಕ.)];

ಯೇ ಸದಾ ಪರಿವಜ್ಜೇನ್ತಿ, ಸಙ್ಗಂ ಲೋಕೇ ಉಪಚ್ಚಗುನ್ತಿ.

ಯ್ವಾಯಂ ಸಾಳಿಯ [ಸಾಲಿಯ (ಸೀ. ಸ್ಯಾ. ಪೀ.), ಸಾಳಿಕ (?)] ಛಾಪೋತಿ, ಕಣ್ಹಸಪ್ಪಂ ಅಗಾಹಯಿ;

ತೇನ ಸಪ್ಪೇನಯಂ ದಟ್ಠೋ, ಹತೋ ಪಾಪಾನುಸಾಸಕೋ.

ಅಹನ್ತಾರ [ಅಹನನ್ತ (ಪೀ.), ಅಹರನ್ತ (?)] ಮಹನ್ತಾರಂ, ಯೋ ನರೋ ಹನ್ತುಮಿಚ್ಛತಿ;

ಏವಂ ಸೋ ನಿಹತೋ ಸೇತಿ, ಯಥಾಯಂ ಪುರಿಸೋ ಹತೋ.

ಅಹನ್ತಾರ ¶ [ಅಹನನ್ತ (ಸೀ. ಸ್ಯಾ. ಪೀ.), ಅಹರನ್ತ (?)] ಮಘಾತೇನ್ತಂ, ಯೋ ನರೋ ಹನ್ತುಮಿಚ್ಛತಿ;

ಏವಂ ಸೋ ನಿಹತೋ ಸೇತಿ, ಯಥಾಯಂ ಪುರಿಸೋ ಹತೋ.

ಯಥಾ ಪಂಸುಮುಟ್ಠಿಂ ಪುರಿಸೋ, ಪಟಿವಾತಂ ಪಟಿಕ್ಖಿಪೇ;

ತಮೇವ ¶ ಸೋ ರಜೋ ಹನ್ತಿ, ತಥಾಯಂ ಪುರಿಸೋ ಹತೋ.

ಯೋ ಅಪ್ಪದುಟ್ಠಸ್ಸ ನರಸ್ಸ ದುಸ್ಸತಿ, ಸುದ್ಧಸ್ಸ ಪೋಸಸ್ಸ ಅನಙ್ಗಣಸ್ಸ;

ತಮೇವ ಬಾಲಂ ಪಚ್ಚೇತಿ ಪಾಪಂ, ಸುಖುಮೋ ರಜೋ ಪಟಿವಾತಂವ ಖಿತ್ತೋತಿ.

ಅಮಿತ್ತಹತ್ಥತ್ಥಗತಾ [ಹತ್ಥತ್ತಗತಾ (ಕತ್ಥಚಿ, ಸೀ. ನಿಯ್ಯ)], ತಚಸಾರಸಮಪ್ಪಿತಾ;

ಪಸನ್ನಮುಖವಣ್ಣಾತ್ಥ, ಕಸ್ಮಾ ತುಮ್ಹೇ ನ ಸೋಚಥ.

ನ ¶ ಸೋಚನಾಯ ಪರಿದೇವನಾಯ, ಅತ್ಥೋವ ಲಬ್ಭೋ [ಅತ್ಥೋ ಚ ಲಬ್ಭಾ (ಸೀ. ಸ್ಯಾ.), ಅತ್ಥೋಧ ಲಬ್ಭಾ (ಅ. ನಿ. ೫.೪೮)] ಅಪಿ ಅಪ್ಪಕೋಪಿ;

ಸೋಚನ್ತಮೇನಂ ದುಖಿತಂ ವಿದಿತ್ವಾ, ಪಚ್ಚತ್ಥಿಕಾ ಅತ್ತಮನಾ ಭವನ್ತಿ.

ಯತೋ ಚ ಖೋ ಪಣ್ಡಿತೋ ಆಪದಾಸು, ನ ವೇಧತೀ ಅತ್ಥವಿನಿಚ್ಛಯಞ್ಞೂ;

ಪಚ್ಚತ್ಥಿಕಾಸ್ಸ [ಪಚ್ಚತ್ಥಿಕಾ ತೇ (ಕ.)] ದುಖಿತಾ ಭವನ್ತಿ, ದಿಸ್ವಾ ಮುಖಂ ಅವಿಕಾರಂ ಪುರಾಣಂ.

ಜಪ್ಪೇನ ಮನ್ತೇನ ಸುಭಾಸಿತೇನ, ಅನುಪ್ಪದಾನೇನ ಪವೇಣಿಯಾ ವಾ;

ಯಥಾ ¶ ಯಥಾ ಯತ್ಥ ಲಭೇಥ ಅತ್ಥಂ, ತಥಾ ತಥಾ ತತ್ಥ ಪರಕ್ಕಮೇಯ್ಯ.

ಯತೋ ¶ ಚ ಜಾನೇಯ್ಯ ಅಲಬ್ಭನೇಯ್ಯೋ, ಮಯಾ ವ [ಮಯಾ ವಾ (ಸ್ಯಾ. ಕ.)] ಅಞ್ಞೇನ ವಾ ಏಸ ಅತ್ಥೋ;

ಅಸೋಚಮಾನೋ ಅಧಿವಾಸಯೇಯ್ಯ, ಕಮ್ಮಂ ದಳ್ಹಂ ಕಿನ್ತಿ ಕರೋಮಿ ದಾನೀತಿ.

ಕ್ಯಾಹಂ ದೇವಾನಮಕರಂ, ಕಿಂ ಪಾಪಂ ಪಕತಂ ಮಯಾ;

ಯಂ ಮೇ ಸಿರಸ್ಮಿಂ ಓಹಚ್ಚ [ಉಹಚ್ಚ (ಕ.), ಉಹಚ್ಚ (ಪೀ.)], ಚಕ್ಕಂ ಭಮತಿ ಮತ್ಥಕೇ.

ಅತಿಕ್ಕಮ್ಮ ರಮಣಕಂ, ಸದಾಮತ್ತಞ್ಚ ದೂಭಕಂ;

ಬ್ರಹ್ಮತ್ತರಞ್ಚ ಪಾಸಾದಂ, ಕೇನತ್ಥೇನ ಇಧಾಗತೋ.

ಇತೋ ಬಹುತರಾ ಭೋಗಾ, ಅತ್ರ ಮಞ್ಞೇ ಭವಿಸ್ಸರೇ;

ಇತಿ ಏತಾಯ ಸಞ್ಞಾಯ, ಪಸ್ಸ ಮಂ ಬ್ಯಸನಂ ಗತಂ.

ಚತುಬ್ಭಿ ಅಟ್ಠಜ್ಝಗಮಾ, ಅಟ್ಠಾಹಿಪಿ ಚ [ಅಟ್ಠಾಹಿ ಚಾಪಿ (ಸೀ. ಸ್ಯಾ.), ಅಟ್ಠಾಭಿ ಚಾಪಿ (ಕ.)] ಸೋಳಸ;

ಸೋಳಸಾಹಿ ಚ ಬಾತ್ತಿಂಸ, ಅತ್ರಿಚ್ಛಂ ಚಕ್ಕಮಾಸದೋ;

ಇಚ್ಛಾಹತಸ್ಸ ಪೋಸಸ್ಸ, ಚಕ್ಕಂ ಭಮತಿ ಮತ್ಥಕೇ.

ಉಪರಿವಿಸಾಲಾ ದುಪ್ಪೂರಾ, ಇಚ್ಛಾ ವಿಸಟಗಾಮಿನೀ [ಉಪರಿ ವಿಸಾಲಂ ದುಪ್ಪೂರಂ, ಇಚ್ಛಾವಿಸದಗಾಮಿನೀ (ಸೀ.)];

ಯೇ ¶ ಚ ತಂ ಅನುಗಿಜ್ಝನ್ತಿ, ತೇ ಹೋನ್ತಿ ಚಕ್ಕಧಾರಿನೋತಿ.

ಹಂಸೋ ಪಲಾಸಮವಚ, ನಿಗ್ರೋಧೋ ಸಮ್ಮ ಜಾಯತಿ;

ಅಙ್ಕಸ್ಮಿಂ [ಅಙ್ಗಸ್ಮಿಂ (ಕ.)] ತೇ ನಿಸಿನ್ನೋವ, ಸೋ ತೇ ಮಮ್ಮಾನಿ ಛೇಚ್ಛತಿ [ಛಿಜ್ಜತಿ (ಕ.)].

ವಡ್ಢತಾಮೇವ [ವದ್ಧಿತಮೇವ (ಕ.)] ನಿಗ್ರೋಧೋ, ಪತಿಟ್ಠಸ್ಸ ಭವಾಮಹಂ;

ಯಥಾ ಪಿತಾ ಚ ಮಾತಾ ಚ [ಪಿತಾ ವಾ ಮಾತಾ ವಾ (ಪೀ.), ಮಾತಾ ವಾ ಪಿತಾ ವಾ (ಕ.)], ಏವಂ ಮೇ ಸೋ ಭವಿಸ್ಸತಿ.

ಯಂ ¶ ತ್ವಂ ಅಙ್ಕಸ್ಮಿಂ ವಡ್ಢೇಸಿ, ಖೀರರುಕ್ಖಂ ಭಯಾನಕಂ;

ಆಮನ್ತ ಖೋ ತಂ ಗಚ್ಛಾಮ, ವುಡ್ಢಿ ಮಸ್ಸ ನ ರುಚ್ಚತಿ.

ಇದಾನಿ ¶ ಖೋ ಮಂ ಭಾಯೇತಿ, ಮಹಾನೇರುನಿದಸ್ಸನಂ;

ಹಂಸಸ್ಸ ಅನಭಿಞ್ಞಾಯ, ಮಹಾ ಮೇ ಭಯಮಾಗತಂ.

ನ ತಸ್ಸ ವುಡ್ಢಿ ಕುಸಲಪ್ಪಸತ್ಥಾ, ಯೋ ವಡ್ಢಮಾನೋ ಘಸತೇ ಪತಿಟ್ಠಂ;

ತಸ್ಸೂಪರೋಧಂ ಪರಿಸಙ್ಕಮಾನೋ, ಪತಾರಯೀ ಮೂಲವಧಾಯ ಧೀರೋತಿ.

ವಣ್ಣಾರೋಹವಗ್ಗೋ ದುತಿಯೋ [ಇಮಸ್ಸುದ್ದಾನಂ ತತಿಯವಗ್ಗಪರಿಯೋಸಾನೇ ಭವಿಸ್ಸತಿ].

ಏವಂಭೂತಸ್ಸ ತೇ ರಾಜ, ಆಗತಸ್ಸ ವಸೇ [ವಸೋ (ಪೀ. ಕ.)] ಮಮ;

ಅತ್ಥಿ ನು ಕೋಚಿ ಪರಿಯಾಯೋ, ಯೋ ತಂ ದುಕ್ಖಾ ಪಮೋಚಯೇ.

ಏವಂಭೂತಸ್ಸ ¶ ಮೇ ತಾತ, ಆಗತಸ್ಸ ವಸೇ ತವ;

ನತ್ಥಿ ನೋ ಕೋಚಿ ಪರಿಯಾಯೋ, ಯೋ ಮಂ ದುಕ್ಖಾ ಪಮೋಚಯೇ.

ನಾಞ್ಞಂ ಸುಚರಿತಂ ರಾಜ, ನಾಞ್ಞಂ ರಾಜ ಸುಭಾಸಿತಂ;

ಅಕ್ಕೋಚ್ಛಿ ಮಂ ಅವಧಿ ಮಂ, ಅಜಿನಿ ಮಂ ಅಹಾಸಿ ಮೇ;

ಯೇ ಚ ತಂ ಉಪನಯ್ಹನ್ತಿ, ವೇರಂ ತೇಸಂ ನ ಸಮ್ಮತಿ.

ಅಕ್ಕೋಚ್ಛಿ ಮಂ ಅವಧಿ ಮಂ, ಅಜಿನಿ ಮಂ ಅಹಾಸಿ ಮೇ;

ಯೇ ಚ ತಂ ನುಪನಯ್ಹನ್ತಿ, ವೇರಂ ತೇಸೂಪಸಮ್ಮತಿ.

ನ ಹಿ ವೇರೇನ ವೇರಾನಿ, ಸಮ್ಮನ್ತೀಧ ಕುದಾಚನಂ;

ಅವೇರೇನ ಚ ಸಮ್ಮನ್ತಿ, ಏಸ ಧಮ್ಮೋ ಸನನ್ತನೋತಿ.

ಅಗಾರಾ ¶ ಪಚ್ಚುಪೇತಸ್ಸ, ಅನಗಾರಸ್ಸ ತೇ ಸತೋ;

ಸಮಣಸ್ಸ ನ ತಂ ಸಾಧು, ಯಂ ಪೇತಮನುಸೋಚಸಿ.

ಸಂವಾಸೇನ ¶ ಹವೇ ಸಕ್ಕ, ಮನುಸ್ಸಸ್ಸ ಮಿಗಸ್ಸ ವಾ;

ಹದಯೇ ¶ ಜಾಯತೇ ಪೇಮಂ, ನ ತಂ ಸಕ್ಕಾ ಅಸೋಚಿತುಂ.

ಮತಂ ಮರಿಸ್ಸಂ ರೋದನ್ತಿ, ಯೇ ರುದನ್ತಿ ಲಪನ್ತಿ ಚ;

ತಸ್ಮಾ ತ್ವಂ ಇಸಿ ಮಾ ರೋದಿ, ರೋದಿತಂ ಮೋಘಮಾಹು ಸನ್ತೋ.

ರೋದಿತೇನ ಹವೇ ಬ್ರಹ್ಮೇ, ಮತೋ ಪೇತೋ ಸಮುಟ್ಠಹೇ;

ಸಬ್ಬೇ ಸಙ್ಗಮ್ಮ ರೋದಾಮ, ಅಞ್ಞಮಞ್ಞಸ್ಸ ಞಾತಕೇ.

ಆದಿತ್ತಂ ವತ ಮಂ ಸನ್ತಂ, ಘತಸಿತ್ತಂವ ಪಾವಕಂ;

ವಾರಿನಾ ವಿಯ ಓಸಿಞ್ಚಂ, ಸಬ್ಬಂ ನಿಬ್ಬಾಪಯೇ ದರಂ.

ಅಬ್ಬಹಿ ವತ ಮೇ ಸಲ್ಲಂ, ಯಮಾಸಿ ಹದಯಸ್ಸಿತಂ;

ಯೋ ಮೇ ಸೋಕಪರೇತಸ್ಸ, ಪುತ್ತಸೋಕಂ ಅಪಾನುದಿ.

ಸೋಹಂ ಅಬ್ಬೂಳ್ಹಸಲ್ಲೋಸ್ಮಿ, ವೀತಸೋಕೋ ಅನಾವಿಲೋ;

ನ ಸೋಚಾಮಿ ನ ರೋದಾಮಿ, ತವ ಸುತ್ವಾನ ವಾಸವಾತಿ.

ಕುಹಿಂ ಗತಾ ಕತ್ಥ ಗತಾ, ಇತಿ ಲಾಲಪ್ಪತೀ ಜನೋ;

ಅಹಮೇವೇಕೋ ಜಾನಾಮಿ, ಉದಪಾನೇ ಮೂಸಿಕಾ ಹತಾ.

ಯಞ್ಚೇತಂ [ಯಥೇತಂ (ಪೀ.), ಯವೇತಂ (ಕ.), ಯಮೇತಂ (ಕತ್ಥಚಿ)] ಇತಿ ಚೀತಿ ಚ, ಗದ್ರಭೋವ ನಿವತ್ತಸಿ;

ಉದಪಾನೇ ಮೂಸಿಕಂ ಹನ್ತ್ವಾ, ಯವಂ ಭಕ್ಖೇತುಮಿಚ್ಛಸಿ.

ದಹರೋ ಚಾಸಿ ದುಮ್ಮೇಧ, ಪಠಮುಪ್ಪತ್ತಿಕೋ [ಪಠಮುಪ್ಪತ್ತಿತೋ (ಸೀ. ಪೀ.)] ಸುಸು;

ದೀಘಞ್ಚೇತಂ ¶ [ದೀಘಮೇತಂ (ಪೀ.)] ಸಮಾಸಜ್ಜ [ಸಮಾಪಜ್ಜ (ಸ್ಯಾ. ಕ.)], ನ ತೇ ದಸ್ಸಾಮಿ ಜೀವಿತಂ.

ನಾನ್ತಲಿಕ್ಖಭವನೇನ, ನಾಙ್ಗಪುತ್ತಪಿನೇನ [ನಾಙ್ಗಪುತ್ತಸಿರೇನ (ಸೀ. ಸ್ಯಾ. ಪೀ.)] ವಾ;

ಪುತ್ತೇನ ಹಿ ಪತ್ಥಯಿತೋ, ಸಿಲೋಕೇಹಿ ಪಮೋಚಿತೋ.

ಸಬ್ಬಂ ¶ ಸುತಮಧೀಯೇಥ, ಹೀನಮುಕ್ಕಟ್ಠಮಜ್ಝಿಮಂ;

ಸಬ್ಬಸ್ಸ ಅತ್ಥಂ ಜಾನೇಯ್ಯ, ನ ಚ ಸಬ್ಬಂ ಪಯೋಜಯೇ;

ಹೋತಿ ತಾದಿಸಕೋ ಕಾಲೋ, ಯತ್ಥ ಅತ್ಥಾವಹಂ ಸುತನ್ತಿ.

ಸಬ್ಬಂ ¶ ಭಣ್ಡಂ ಸಮಾದಾಯ, ಪಾರಂ ತಿಣ್ಣೋಸಿ ಬ್ರಾಹ್ಮಣ;

ಪಚ್ಚಾಗಚ್ಛ ಲಹುಂ ಖಿಪ್ಪಂ, ಮಮ್ಪಿ ತಾರೇಹಿ ದಾನಿತೋ [ದಾನಿಭೋ (ಸ್ಯಾ.)].

ಅಸನ್ಥುತಂ ಮಂ ಚಿರಸನ್ಥುತೇನ, ನಿಮೀನಿ ಭೋತೀ ಅದ್ಧುವಂ ಧುವೇನ;

ಮಯಾಪಿ ಭೋತೀ ನಿಮಿನೇಯ್ಯ ಅಞ್ಞಂ, ಇತೋ ಅಹಂ ದೂರತರಂ ಗಮಿಸ್ಸಂ.

ಕಾಯಂ ಏಳಗಲಾಗುಮ್ಬೇ [ಏಳಗಣಗುಮ್ಬೇ (ಕ.)], ಕರೋತಿ ಅಹುಹಾಸಿಯಂ;

ನಯೀಧ ನಚ್ಚಗೀತಂ ವಾ [ನಯಿಧ ನಚ್ಚಂ ವಾ ಗೀತಂ ವಾ (ಸೀ. ಸ್ಯಾ. ಪೀ.)], ತಾಳಂ ವಾ ಸುಸಮಾಹಿತಂ;

ಅನಮ್ಹಿಕಾಲೇ [ಅನಮ್ಹಕಾಲೇ (ಪೀ.)] ಸುಸೋಣಿ [ಸುಸ್ಸೋಣಿ (ಸೀ. ಸ್ಯಾ. ಪೀ.)], ಕಿಂ ನು ಜಗ್ಘಸಿ ಸೋಭನೇ [ಸೋಭಣೇ (ಪೀ. ಕ.)].

ಸಿಙ್ಗಾಲ ಬಾಲ ದುಮ್ಮೇಧ, ಅಪ್ಪಪಞ್ಞೋಸಿ ಜಮ್ಬುಕ;

ಜೀನೋ ¶ ಮಚ್ಛಞ್ಚ ಪೇಸಿಞ್ಚ, ಕಪಣೋ ವಿಯ ಝಾಯಸಿ.

ಸುದಸ್ಸಂ ವಜ್ಜಮಞ್ಞೇಸಂ, ಅತ್ತನೋ ಪನ ದುದ್ದಸಂ;

ಜೀನಾ ಪತಿಞ್ಚ ಜಾರಞ್ಚ, ಮಞ್ಞೇ ತ್ವಞ್ಞೇವ [ಮಮ್ಪಿ ತ್ವಞ್ಞೇವ (ಸೀ. ಸ್ಯಾ.), ತ್ವಮ್ಪಿ ಮಞ್ಞೇವ (ಪೀ.)] ಝಾಯಸಿ.

ಏವಮೇತಂ ಮಿಗರಾಜ, ಯಥಾ ಭಾಸಸಿ ಜಮ್ಬುಕ;

ಸಾ ನೂನಾಹಂ ಇತೋ ಗನ್ತ್ವಾ, ಭತ್ತು ಹೇಸ್ಸಂ ವಸಾನುಗಾ.

ಯೋ ಹರೇ ಮತ್ತಿಕಂ ಥಾಲಂ, ಕಂಸಥಾಲಮ್ಪಿ ಸೋ ಹರೇ;

ಕತಞ್ಚೇವ [ಕತಂಯೇವ (ಸೀ. ಸ್ಯಾ. ಪೀ.)] ತಯಾ ಪಾಪಂ, ಪುನಪೇವಂ ಕರಿಸ್ಸಸೀತಿ.

ಇದಾನಿ ಖೋಮ್ಹಿ ಸುಖಿತೋ ಅರೋಗೋ, ನಿಕ್ಕಣ್ಟಕೋ ನಿಪ್ಪತಿತೋ ಕಪೋತೋ;

ಕಾಹಾಮಿ ದಾನೀ ಹದಯಸ್ಸ ತುಟ್ಠಿಂ, ತಥಾಹಿಮಂ ಮಂಸಸಾಕಂ ಬಲೇತಿ.

ಕಾಯಂ ¶ ಬಲಾಕಾ ಸಿಖಿನೋ, ಚೋರೀ ಲಙ್ಘಿಪಿತಾಮಹಾ;

ಓರಂ ಬಲಾಕೇ ಆಗಚ್ಛ, ಚಣ್ಡೋ ಮೇ ವಾಯಸೋ ಸಖಾ.

ಅಲಞ್ಹಿ ತೇ ಜಗ್ಘಿತಾಯೇ, ಮಮಂ ದಿಸ್ವಾನ ಏದಿಸಂ;

ವಿಲೂನಂ ಸೂದಪುತ್ತೇನ, ಪಿಟ್ಠಮಣ್ಡೇನ [ಪಿಟ್ಠಮದ್ದೇನ (ಸೀ. ಸ್ಯಾ. ಪೀ.)] ಮಕ್ಖಿತಂ.

ಸುನ್ಹಾತೋ ¶ ಸುವಿಲಿತ್ತೋಸಿ, ಅನ್ನಪಾನೇನ ತಪ್ಪಿತೋ;

ಕಣ್ಠೇ ¶ ಚ ತೇ ವೇಳುರಿಯೋ, ಅಗಮಾ ನು ಕಜಙ್ಗಲಂ.

ಮಾ ತೇ ಮಿತ್ತೋ ಅಮಿತ್ತೋ ವಾ, ಅಗಮಾಸಿ ಕಜಙ್ಗಲಂ;

ಪಿಞ್ಛಾನಿ ತತ್ಥ ಲಾಯಿತ್ವಾ, ಕಣ್ಠೇ ಬನ್ಧನ್ತಿ ವಟ್ಟನಂ.

ಪುನಪಾಪಜ್ಜಸೀ ಸಮ್ಮ, ಸೀಲಞ್ಹಿ ತವ ತಾದಿಸಂ;

ನ ಹಿ ಮಾನುಸಕಾ ಭೋಗಾ, ಸುಭುಞ್ಜಾ ಹೋನ್ತಿ ಪಕ್ಖಿನಾತಿ.

ಅಥ ವಣ್ಣ ಸಸೀಲ ಹಿರಿ ಲಭತೇ, ಸುಮುಖಾ ವಿಸ ಸಾಳಿಯಮಿತ್ತವರೋ;

ಅಥ ಚಕ್ಕ ಪಲಾಸ ಸರಾಜ ಸತೋ, ಯವ ಬಾಲ ಕಪೋತಕ ಪನ್ನರಸಾತಿ.

ಜೀನಞ್ಚ ವಣ್ಣಂ ಅಸಮಂವಗುಪ್ಪರಿ, ಸುದೇಸಿತಾ ಜಾತಕನ್ತಿ ಸನ್ತಿ ವೀಸತಿ [ಜಾತಕ ಪಞ್ಚವೀಸತಿ (?)];

ಮಹೇಸಿನೋ ಬ್ರಹ್ಮಚರಿತ್ತಮುತ್ತ-ಮವೋಚ ಗಾಥಾ ಅತ್ಥವತೀ ಸುಬ್ಯಞ್ಜನಾತಿ.

ಮಾಸು ¶ ¶ ¶ ಕುಜ್ಝ ಭೂಮಿಪತಿ, ಮಾಸು ಕುಜ್ಝ ರಥೇಸಭ;

ಕುದ್ಧಂ ಅಪ್ಪಟಿಕುಜ್ಝನ್ತೋ, ರಾಜಾ ರಟ್ಠಸ್ಸ ಪೂಜಿತೋ.

ಗಾಮೇ ವಾ ಯದಿ ವಾರಞ್ಞೇ, ನಿನ್ನೇ ವಾ ಯದಿ ವಾ ಥಲೇ;

ಸಬ್ಬತ್ಥ ಅನುಸಾಸಾಮಿ, ಮಾಸು ಕುಜ್ಝ [ಮಾಸ್ಸು ಕುಜ್ಝಿ (ಸೀ. ಪೀ.)] ರಥೇಸಭ.

ಅವಾರಿಯಪಿತಾ ನಾಮ, ಅಹು ಗಙ್ಗಾಯ ನಾವಿಕೋ;

ಪುಬ್ಬೇ ಜನಂ ತಾರೇತ್ವಾನ, ಪಚ್ಛಾ ಯಾಚತಿ ವೇತನಂ;

ತೇನಸ್ಸ ಭಣ್ಡನಂ ಹೋತಿ, ನ ಚ ಭೋಗೇಹಿ ವಡ್ಢತಿ.

ಅತಿಣ್ಣಂಯೇವ ಯಾಚಸ್ಸು, ಅಪಾರಂ ತಾತ ನಾವಿಕ;

ಅಞ್ಞೋ ಹಿ ತಿಣ್ಣಸ್ಸ ಮನೋ, ಅಞ್ಞೋ ಹೋತಿ ಪಾರೇಸಿನೋ [ತರೇಸಿನೋ (ಸೀ. ಪೀ.), ತಿರೇಸಿನೋ (ಸ್ಯಾ.)].

ಗಾಮೇ ವಾ ಯದಿ ವಾರಞ್ಞೇ, ನಿನ್ನೇ ವಾ ಯದಿ ವಾ ಥಲೇ;

ಸಬ್ಬತ್ಥ ಅನುಸಾಸಾಮಿ, ಮಾಸು ಕುಜ್ಝಿತ್ಥ ನಾವಿಕ.

ಯಾಯೇವಾನುಸಾಸನಿಯಾ, ರಾಜಾ ಗಾಮವರಂ ಅದಾ;

ತಾಯೇವಾನುಸಾಸನಿಯಾ, ನಾವಿಕೋ ಪಹರೀ ಮುಖಂ.

ಭತ್ತಂ ಭಿನ್ನಂ ಹತಾ ಭರಿಯಾ, ಗಬ್ಭೋ ಚ ಪತಿತೋ ಛಮಾ;

ಮಿಗೋವ ಜಾತರೂಪೇನ, ನ ತೇನತ್ಥಂ ಅಬನ್ಧಿ ಸೂತಿ [ಅವಡ್ಢಿತುನ್ತಿ (ಸೀ. ಸ್ಯಾ.), ಅವಡ್ಢಿ ಸೂತಿ (?)].

ಮಾ ¶ ತಾತ ಕುಜ್ಝಿ ನ ಹಿ ಸಾಧು ಕೋಧೋ, ಬಹುಮ್ಪಿ ತೇ ಅದಿಟ್ಠಮಸ್ಸುತಞ್ಚ;

ಮಾತಾ ಪಿತಾ ದಿಸತಾ [ದಿಸಾ ತಾತ (ಸ್ಯಾ.), ದಿಸಾ ತಾ (ಪೀ.)] ಸೇತಕೇತು, ಆಚರಿಯಮಾಹು ದಿಸತಂ ಪಸತ್ಥಾ.

ಅಗಾರಿನೋ ¶ ¶ ಅನ್ನದಪಾನವತ್ಥದಾ [ಅನ್ನಪಾನವತ್ಥದಾ (ಸ್ಯಾ. ಕ.)], ಅವ್ಹಾಯಿಕಾ ತಮ್ಪಿ ದಿಸಂ ವದನ್ತಿ;

ಏಸಾ ದಿಸಾ ಪರಮಾ ಸೇತಕೇತು, ಯಂ ಪತ್ವಾ ದುಕ್ಖೀ ಸುಖಿನೋ ಭವನ್ತಿ.

ಖರಾಜಿನಾ ಜಟಿಲಾ ಪಙ್ಕದನ್ತಾ, ದುಮ್ಮಕ್ಖರೂಪಾ [ದುಮುಕ್ಖರೂಪಾ (ಸೀ. ಸ್ಯಾ.), ದುಮ್ಮುಕ್ಖರೂಪಾ (ಪೀ. ಕ.)] ಯೇಮೇ ಜಪ್ಪನ್ತಿ ಮನ್ತೇ;

ಕಚ್ಚಿ ನು ತೇ ಮಾನುಸಕೇ ಪಯೋಗೇ, ಇದಂ ವಿದೂ ಪರಿಮುತ್ತಾ ಅಪಾಯಾ.

ಪಾಪಾನಿ ಕಮ್ಮಾನಿ ಕತ್ವಾನ ರಾಜ, ಬಹುಸ್ಸುತೋ ಚೇ ನ [ಬಹುಸ್ಸುತೋ ನೇವ (ಸೀ. ಸ್ಯಾ.)] ಚರೇಯ್ಯ ಧಮ್ಮಂ;

ಸಹಸ್ಸವೇದೋಪಿ ನ ತಂ ಪಟಿಚ್ಚ, ದುಕ್ಖಾ ಪಮುಞ್ಚೇ ಚರಣಂ ಅಪತ್ವಾ.

ಸಹಸ್ಸವೇದೋಪಿ ನ ತಂ ಪಟಿಚ್ಚ, ದುಕ್ಖಾ ಪಮುಞ್ಚೇ ಚರಣಂ ಅಪತ್ವಾ;

ಮಞ್ಞಾಮಿ ¶ ವೇದಾ ಅಫಲಾ ಭವನ್ತಿ, ಸಸಂಯಮಂ ಚರಣಮೇವ [ಚರಣಞ್ಞೇವ (ಸೀ. ಸ್ಯಾ. ಪೀ.)] ಸಚ್ಚಂ.

ನ ಹೇವ ವೇದಾ ಅಫಲಾ ಭವನ್ತಿ, ಸಸಂಯಮಂ ಚರಣಮೇವ ಸಚ್ಚಂ;

ಕಿತ್ತಿಞ್ಹಿ ಪಪ್ಪೋತಿ ಅಧಿಚ್ಚ ವೇದೇ, ಸನ್ತಿಂ ಪುಣೇತಿ [ಸನ್ತಂ ಪುನೇ’ತಿ (ಸೀ. ಪೀ.)] ಚರಣೇನ ದನ್ತೋತಿ.

ಪಙ್ಕೋ ಚ ಕಾಮಾ ಪಲಿಪೋ ಚ ಕಾಮಾ, ಭಯಞ್ಚ ಮೇತಂ ತಿಮೂಲಂ ಪವುತ್ತಂ;

ರಜೋ ಚ ಧೂಮೋ ಚ ಮಯಾ ಪಕಾಸಿತಾ, ಹಿತ್ವಾ ತುವಂ ಪಬ್ಬಜ ಬ್ರಹ್ಮದತ್ತ.

ಗಧಿತೋ ¶ [ಗಥಿತೋ (ಸೀ.)] ಚ ರತ್ತೋ ಚ ಅಧಿಮುಚ್ಛಿತೋ ಚ, ಕಾಮೇಸ್ವಹಂ ಬ್ರಾಹ್ಮಣ ಭಿಂಸರೂಪಂ;

ತಂ ನುಸ್ಸಹೇ ಜೀವಿಕತ್ಥೋ ಪಹಾತುಂ, ಕಾಹಾಮಿ ಪುಞ್ಞಾನಿ ಅನಪ್ಪಕಾನಿ.

ಯೋ ಅತ್ಥಕಾಮಸ್ಸ ಹಿತಾನುಕಮ್ಪಿನೋ, ಓವಜ್ಜಮಾನೋ ನ ಕರೋತಿ ಸಾಸನಂ;

ಇದಮೇವ ಸೇಯ್ಯೋ ಇತಿ ಮಞ್ಞಮಾನೋ, ಪುನಪ್ಪುನಂ ¶ ಗಬ್ಭಮುಪೇತಿ ಮನ್ದೋ.

ಸೋ ಘೋರರೂಪಂ ನಿರಯಂ ಉಪೇತಿ, ಸುಭಾಸುಭಂ ಮುತ್ತಕರೀಸಪೂರಂ;

ಸತ್ತಾ ಸಕಾಯೇ ನ ಜಹನ್ತಿ ಗಿದ್ಧಾ, ಯೇ ಹೋನ್ತಿ ಕಾಮೇಸು ಅವೀತರಾಗಾ.

ಮೀಳ್ಹೇನ ಲಿತ್ತಾ ರುಹಿರೇನ ಮಕ್ಖಿತಾ, ಸೇಮ್ಹೇನ ಲಿತ್ತಾ ಉಪನಿಕ್ಖಮನ್ತಿ;

ಯಂ ಯಞ್ಹಿ ಕಾಯೇನ ಫುಸನ್ತಿ ತಾವದೇ, ಸಬ್ಬಂ ಅಸಾತಂ ದುಖಮೇವ ಕೇವಲಂ.

ದಿಸ್ವಾ ವದಾಮಿ ನ ಹಿ ಅಞ್ಞತೋ ಸವಂ, ಪುಬ್ಬೇನಿವಾಸಂ ಬಹುಕಂ ಸರಾಮಿ;

ಚಿತ್ರಾಹಿ ಗಾಥಾಹಿ ಸುಭಾಸಿತಾಹಿ, ದರೀಮುಖೋ ನಿಜ್ಝಾಪಯಿ ಸುಮೇಧನ್ತಿ.

ಕಾಕೋಲಾ ಕಾಕಸಙ್ಘಾ ಚ, ಮಯಞ್ಚ ಪತತಂ ವರಾ [ವರ (ಕ.) ಮಯನ್ತಿಪದಸ್ಸ ಹಿ ವಿಸೇಸನಂ];

ಸಬ್ಬೇವ ಸದಿಸಾ ಹೋಮ, ಇಮಂ ಆಗಮ್ಮ ಪಬ್ಬತಂ.

ಇಧ ¶ ಸೀಹಾ ಚ ಬ್ಯಗ್ಘಾ ಚ, ಸಿಙ್ಗಾಲಾ ಚ ಮಿಗಾಧಮಾ;

ಸಬ್ಬೇವ ¶ ಸದಿಸಾ ಹೋನ್ತಿ, ಅಯಂ ಕೋ ನಾಮ ಪಬ್ಬತೋ.

ಇಮಂ ¶ ನೇರೂತಿ [ನೇರುನ್ತಿ (ಸೀ. ಸ್ಯಾ.)] ಜಾನನ್ತಿ, ಮನುಸ್ಸಾ ಪಬ್ಬತುತ್ತಮಂ;

ಇಧ ವಣ್ಣೇನ ಸಮ್ಪನ್ನಾ, ವಸನ್ತಿ ಸಬ್ಬಪಾಣಿನೋ.

ಅಮಾನನಾ ಯತ್ಥ ಸಿಯಾ, ಸನ್ತಾನಂ ವಾ ವಿಮಾನನಾ;

ಹೀನಸಮ್ಮಾನನಾ ವಾಪಿ, ನ ತತ್ಥ ವಸತಿಂ ವಸೇ [ವಸತೀ ವಸೇ (ಸ್ಯಾ.), ವಸ ದಿವಸೇ (ಪೀ.)].

ಯತ್ಥಾಲಸೋ ಚ ದಕ್ಖೋ ಚ, ಸೂರೋ ಭೀರು ಚ ಪೂಜಿಯಾ;

ನ ತತ್ಥ ಸನ್ತೋ ವಸನ್ತಿ, ಅವಿಸೇಸಕರೇ ನರೇ [ನಗೇ (ಸೀ. ಸ್ಯಾ. ಪೀ.)].

ನಾಯಂ ನೇರು ವಿಭಜತಿ, ಹೀನಉಕ್ಕಟ್ಠಮಜ್ಝಿಮೇ;

ಅವಿಸೇಸಕರೋ ನೇರು, ಹನ್ದ ನೇರುಂ ಜಹಾಮಸೇತಿ.

ಆಸಾವತೀ ನಾಮ ಲತಾ, ಜಾತಾ ಚಿತ್ತಲತಾವನೇ;

ತಸ್ಸಾ ವಸ್ಸಸಹಸ್ಸೇನ, ಏಕಂ ನಿಬ್ಬತ್ತತೇ ಫಲಂ.

ತಂ ದೇವಾ ಪಯಿರುಪಾಸನ್ತಿ, ತಾವ ದೂರಫಲಂ ಸತಿಂ;

ಆಸೀಸೇವ [ಆಸಿಂಸೇವ (ಸೀ. ಸ್ಯಾ. ಪೀ.)] ತುವಂ ರಾಜ, ಆಸಾ ಫಲವತೀ ಸುಖಾ.

ಆಸೀಸತೇವ [ಆಸಿಂಸೇಥೇವ (ಸೀ. ಸ್ಯಾ. ಪೀ.)] ಸೋ ಪಕ್ಖೀ, ಆಸೀಸತೇವ [ಆಸಿಂಸೇಥೇವ (ಸೀ. ಸ್ಯಾ. ಪೀ.)] ಸೋ ದಿಜೋ;

ತಸ್ಸ ಚಾಸಾ [ತಸ್ಸೇವಾಸಾ (ಸ್ಯಾ.)] ಸಮಿಜ್ಝತಿ, ತಾವ ದೂರಗತಾ ಸತೀ;

ಆಸೀಸೇವ ತುವಂ ರಾಜ, ಆಸಾ ಫಲವತೀ ಸುಖಾ.

ಸಮ್ಪೇಸಿ ಖೋ ಮಂ ವಾಚಾಯ, ನ ಚ ಸಮ್ಪೇಸಿ [ಸಂಸೇಸಿ (ಕ.)] ಕಮ್ಮುನಾ;

ಮಾಲಾ ¶ ಸೇರೇಯ್ಯಕಸ್ಸೇವ, ವಣ್ಣವನ್ತಾ ಅಗನ್ಧಿಕಾ.

ಅಫಲಂ ಮಧುರಂ ವಾಚಂ, ಯೋ ಮಿತ್ತೇಸು ಪಕುಬ್ಬತಿ;

ಅದದಂ ಅವಿಸ್ಸಜಂ ಭೋಗಂ, ಸನ್ಧಿ ತೇನಸ್ಸ ಜೀರತಿ.

ಯಞ್ಹಿ ಕಯಿರಾ ತಞ್ಹಿ ವದೇ, ಯಂ ನ ಕಯಿರಾ ನ ತಂ ವದೇ;

ಅಕರೋನ್ತಂ ಭಾಸಮಾನಂ, ಪರಿಜಾನನ್ತಿ ಪಣ್ಡಿತಾ.

ಬಲಞ್ಚ ವತ ಮೇ ಖೀಣಂ, ಪಾಥೇಯ್ಯಞ್ಚ ನ ವಿಜ್ಜತಿ;

ಸಙ್ಕೇ ಪಾಣೂಪರೋಧಾಯ, ಹನ್ದ ದಾನಿ ವಜಾಮಹಂ.

ಏತದೇವ ¶ ¶ ಹಿ ಮೇ ನಾಮಂ, ಯಂ ನಾಮಸ್ಮಿ ರಥೇಸಭ;

ಆಗಮೇಹಿ ಮಹಾರಾಜ, ಪಿತರಂ ಆಮನ್ತಯಾಮಹನ್ತಿ.

ನ ಮೇ ರುಚ್ಚಿ ಮಿಗಾಲೋಪ, ಯಸ್ಸ ತೇ ತಾದಿಸೀ ಗತೀ;

ಅತುಚ್ಚಂ ತಾತ ಪತಸಿ, ಅಭೂಮಿಂ ತಾತ ಸೇವಸಿ.

ಚತುಕ್ಕಣ್ಣಂವ ಕೇದಾರಂ, ಯದಾ ತೇ ಪಥವೀ ಸಿಯಾ;

ತತೋ ತಾತ ನಿವತ್ತಸ್ಸು, ಮಾಸ್ಸು ಏತ್ತೋ ಪರಂ ಗಮಿ.

ಸನ್ತಿ ಅಞ್ಞೇಪಿ ಸಕುಣಾ, ಪತ್ತಯಾನಾ ವಿಹಙ್ಗಮಾ;

ಅಕ್ಖಿತ್ತಾ ವಾತವೇಗೇನ, ನಟ್ಠಾ ತೇ ಸಸ್ಸತೀಸಮಾ.

ಅಕತ್ವಾ ಅಪನನ್ದಸ್ಸ [ಅಪರಣ್ಣಸ್ಸ (ಸೀ. ಸ್ಯಾ. ಪೀ.)], ಪಿತು ವುದ್ಧಸ್ಸ ಸಾಸನಂ;

ಕಾಲವಾತೇ ¶ ಅತಿಕ್ಕಮ್ಮ, ವೇರಮ್ಭಾನಂ ವಸಂ ಅಗಾ [ಗತೋ (ಸೀ.)].

ತಸ್ಸ ಪುತ್ತಾ ಚ ದಾರಾ ಚ, ಯೇ ಚಞ್ಞೇ ಅನುಜೀವಿನೋ;

ಸಬ್ಬೇ ಬ್ಯಸನಮಾಪಾದುಂ, ಅನೋವಾದಕರೇ ದಿಜೇ.

ಏವಮ್ಪಿ ಇಧ ವುದ್ಧಾನಂ, ಯೋ ವಾಕ್ಯಂ ನಾವಬುಜ್ಝತಿ;

ಅತಿಸೀಮಚರೋ [ಅತಿಸೀಮಂ ಚರೋ (ಸೀ. ಸ್ಯಾ. ಕ.)] ದಿತ್ತೋ, ಗಿಜ್ಝೋವಾತೀತಸಾಸನೋ;

ಸಬ್ಬೇ ಬ್ಯಸನಂ ಪಪ್ಪೋನ್ತಿ, ಅಕತ್ವಾ ಬುದ್ಧಸಾಸನನ್ತಿ.

ಕಾ ನು ಕಾಳೇನ ವಣ್ಣೇನ, ನ ಚಾಪಿ [ನ ಚಾಸಿ (ಸೀ.)] ಪಿಯದಸ್ಸನಾ;

ಕಾ ವಾ ತ್ವಂ ಕಸ್ಸ ವಾ ಧೀತಾ, ಕಥಂ ಜಾನೇಮು ತಂ ಮಯಂ.

ಮಹಾರಾಜಸ್ಸಹಂ ಧೀತಾ, ವಿರೂಪಕ್ಖಸ್ಸ ಚಣ್ಡಿಯಾ;

ಅಹಂ ಕಾಳೀ ಅಲಕ್ಖಿಕಾ, ಕಾಳಕಣ್ಣೀತಿ ಮಂ ವಿದೂ;

ಓಕಾಸಂ ಯಾಚಿತೋ ದೇಹಿ, ವಸೇಮು ತವ ಸನ್ತಿಕೇ.

ಕಿಂಸೀಲೇ ¶ ಕಿಂಸಮಾಚಾರೇ, ಪುರಿಸೇ ನಿವಿಸಸೇ ತುವಂ;

ಪುಟ್ಠಾ ಮೇ ಕಾಳಿ ಅಕ್ಖಾಹಿ, ಕಥಂ [ಯಥಾ (ಸೀ. ಪೀ.)] ಜಾನೇಮು ತಂ ಮಯಂ.

ಮಕ್ಖೀ ಪಳಾಸೀ ಸಾರಮ್ಭೀ, ಇಸ್ಸುಕೀ ಮಚ್ಛರೀ ಸಠೋ;

ಸೋ ಮಯ್ಹಂ ಪುರಿಸೋ ಕನ್ತೋ, ಲದ್ಧಂ ಯಸ್ಸ ವಿನಸ್ಸತಿ.

ಕೋಧನೋ ¶ ಉಪನಾಹೀ ಚ, ಪಿಸುಣೋ ಚ ವಿಭೇದಕೋ;

ಕಣ್ಡಕವಾಚೋ [ಅಣ್ಡಕವಾಚೋ (ಕ. ಸೀ. ಪೀ.)] ಫರುಸೋ, ಸೋ ಮೇ ಕನ್ತತರೋ ತತೋ.

ಅಜ್ಜ ¶ ಸುವೇತಿ ಪುರಿಸೋ, ಸದತ್ಥಂ ನಾವಬುಜ್ಝತಿ;

ಓವಜ್ಜಮಾನೋ ಕುಪ್ಪತಿ, ಸೇಯ್ಯಂ ಸೋ ಅತಿಮಞ್ಞತಿ.

ದವಪ್ಪಲುದ್ಧೋ [ದೇವಪ್ಪಲುದ್ಧೋ (ಕ.), ದವಪ್ಪಲದ್ಧೋ (ಪೀ.)] ಪುರಿಸೋ, ಸಬ್ಬಮಿತ್ತೇಹಿ ಧಂಸತಿ;

ಸೋ ಮಯ್ಹಂ ಪುರಿಸೋ ಕನ್ತೋ, ತಸ್ಮಿಂ ಹೋಮಿ ಅನಾಮಯಾ.

ಅಪೇಹಿ ಏತ್ತೋ ತ್ವಂ ಕಾಳಿ, ನೇತಂ ಅಮ್ಹೇಸು ವಿಜ್ಜತಿ;

ಅಞ್ಞಂ ಜನಪದಂ ಗಚ್ಛ, ನಿಗಮೇ ರಾಜಧಾನಿಯೋ.

ಅಹಮ್ಪಿ ಖೋ ತಂ [ಚೇತಂ (ಸೀ.)] ಜಾನಾಮಿ, ನೇತಂ ತುಮ್ಹೇಸು ವಿಜ್ಜತಿ;

ಸನ್ತಿ ಲೋಕೇ ಅಲಕ್ಖಿಕಾ, ಸಙ್ಘರನ್ತಿ ಬಹುಂ ಧನಂ;

ಅಹಂ ದೇವೋ ಚ ಮೇ ಭಾತಾ, ಉಭೋ ನಂ ವಿಧಮಾಮಸೇ.

ಕಾ ನು ದಿಬ್ಬೇನ ವಣ್ಣೇನ, ಪಥಬ್ಯಾ ಸುಪತಿಟ್ಠಿತಾ;

ಕಾ ವಾ ತ್ವಂ ಕಸ್ಸ ವಾ ಧೀತಾ, ಕಥಂ ಜಾನೇಮು ತಂ ಮಯಂ.

ಮಹಾರಾಜಸ್ಸಹಂ ಧೀತಾ, ಧತರಟ್ಠಸ್ಸ ಸಿರೀಮತೋ [ಧತರಟ್ಠಸಿರೀಮತೋ (ಸ್ಯಾ. ಕ.)];

ಅಹಂ ಸಿರೀ ಚ ಲಕ್ಖೀ ಚ, ಭೂರಿಪಞ್ಞಾತಿ ಮಂ ವಿದೂ;

ಓಕಾಸಂ ಯಾಚಿತೋ ದೇಹಿ, ವಸೇಮು ತವ ಸನ್ತಿಕೇ.

ಕಿಂಸೀಲೇ ಕಿಂಸಮಾಚಾರೇ, ಪುರಿಸೇ ನಿವಿಸಸೇ ತುವಂ;

ಪುಟ್ಠಾ ಮೇ ಲಕ್ಖಿ ಅಕ್ಖಾಹಿ, ಕಥಂ [ಯಥಾ (ಸೀ. ಪೀ.)] ಜಾನೇಮು ತಂ ಮಯಂ.

ಯೋ ¶ ಚಾಪಿ ಸೀತೇ ಅಥವಾಪಿ ಉಣ್ಹೇ, ವಾತಾತಪೇ ಡಂಸಸರೀಸಪೇ ಚ;

ಖುಧಂ [ಖುದ್ದಂ (ಸ್ಯಾ. ಕ.), ಖುದಂ (ಪೀ.)] ಪಿಪಾಸಂ ಅಭಿಭುಯ್ಯ ಸಬ್ಬಂ, ರತ್ತಿನ್ತಿವಂ ಯೋ ಸತತಂ ನಿಯುತ್ತೋ;

ಕಾಲಾಗತಞ್ಚ ¶ ನ ಹಾಪೇತಿ ಅತ್ಥಂ, ಸೋ ಮೇ ಮನಾಪೋ ನಿವಿಸೇ ಚ ತಮ್ಹಿ.

ಅಕ್ಕೋಧನೋ ಮಿತ್ತವಾ ಚಾಗವಾ ಚ, ಸೀಲೂಪಪನ್ನೋ ಅಸಠೋಜುಭೂತೋ [ಅಸಠೋ ಉಜ್ಜುಭೂತೋ (ಪೀ.)];

ಸಙ್ಗಾಹಕೋ ಸಖಿಲೋ ಸಣ್ಹವಾಚೋ, ಮಹತ್ತಪತ್ತೋಪಿ ನಿವಾತವುತ್ತಿ;

ತಸ್ಮಿಂಹಂ [ತಸ್ಮಾಹಂ (ಸೀ. ಪೀ.)] ಪೋಸೇ ವಿಪುಲಾ ಭವಾಮಿ, ಊಮಿ ಸಮುದ್ದಸ್ಸ ಯಥಾಪಿ ವಣ್ಣಂ.

ಯೋ ಚಾಪಿ ಮಿತ್ತೇ ಅಥವಾ ಅಮಿತ್ತೇ, ಸೇಟ್ಠೇ ಸರಿಕ್ಖೇ ಅಥ ವಾಪಿ ಹೀನೇ;

ಅತ್ಥಂ ಚರನ್ತಂ ಅಥವಾ ಅನತ್ಥಂ, ಆವೀ ರಹೋ ಸಙ್ಗಹಮೇವ ವತ್ತೇ [ವತ್ತೋ (ಸ್ಯಾ. ಕ.)].

ವಾಚಂ ನ ವಜ್ಜಾ ಫರುಸಂ ಕದಾಚಿ, ಮತಸ್ಸ ಜೀವಸ್ಸ ಚ ತಸ್ಸ ಹೋಮಿ.

ಏತೇಸಂ ಯೋ ಅಞ್ಞತರಂ ಲಭಿತ್ವಾ, ಕನ್ತಾ ಸಿರೀ [ಕನ್ತಸಿರಿಂ (ಕತ್ಥಚಿ), ಕನ್ತಂ ಸಿರಿಂ (ಸ್ಯಾ.) ಅಟ್ಠಕಥಾಯಂ ದುತಿಯತತಿಯಪಾಠನ್ತರಾನಿ] ಮಜ್ಜತಿ ಅಪ್ಪಪಞ್ಞೋ;

ತಂ ದಿತ್ತರೂಪಂ ವಿಸಮಂ ಚರನ್ತಂ, ಕರೀಸಠಾನಂವ [ಕರೀಸಜಾತಂ ವ (ಸೀ. ಸ್ಯಾ.)] ವಿವಜ್ಜಯಾಮಿ.

ಅತ್ತನಾ ¶ ಕುರುತೇ ಲಕ್ಖಿಂ, ಅಲಕ್ಖಿಂ ಕುರುತತ್ತನಾ;

ನ ¶ ಹಿ ಲಕ್ಖಿಂ ಅಲಕ್ಖಿಂ ವಾ, ಅಞ್ಞೋ ಅಞ್ಞಸ್ಸ ಕಾರಕೋತಿ.

ಸುಚಿತ್ತಪತ್ತಛದನ ¶ , ತಮ್ಬಚೂಳ ವಿಹಙ್ಗಮ;

ಓರೋಹ ದುಮಸಾಖಾಯ, ಮುಧಾ ಭರಿಯಾ ಭವಾಮಿ ತೇ.

ಚತುಪ್ಪದೀ ತ್ವಂ ಕಲ್ಯಾಣಿ, ದ್ವಿಪದಾಹಂ ಮನೋರಮೇ;

ಮಿಗೀ ಪಕ್ಖೀ ಅಸಞ್ಞುತ್ತಾ, ಅಞ್ಞಂ ಪರಿಯೇಸ ಸಾಮಿಕಂ.

ಕೋಮಾರಿಕಾ ತೇ ಹೇಸ್ಸಾಮಿ, ಮಞ್ಜುಕಾ ಪಿಯಭಾಣಿನೀ;

ವಿನ್ದ ಮಂ ಅರಿಯೇನ ವೇದೇನ, ಸಾವಯ ಮಂ ಯದಿಚ್ಛಸಿ.

ಕುಣಪಾದಿನಿ ಲೋಹಿತಪೇ, ಚೋರಿ ಕುಕ್ಕುಟಪೋಥಿನಿ;

ನ ತ್ವಂ ಅರಿಯೇನ ವೇದೇನ, ಮಮಂ ಭತ್ತಾರಮಿಚ್ಛಸಿ.

ಏವಮ್ಪಿ ಚತುರಾ [ಚಾತುರಾ (ಸ್ಯಾ. ಕ.)] ನಾರೀ, ದಿಸ್ವಾನ ಸಧನಂ [ಪವರಂ (ಸೀ. ಸ್ಯಾ. ಪೀ.)] ನರಂ;

ನೇನ್ತಿ ಸಣ್ಹಾಹಿ ವಾಚಾಹಿ, ಬಿಳಾರೀ ವಿಯ ಕುಕ್ಕುಟಂ.

ಯೋ ಚ ಉಪ್ಪತಿತಂ ಅತ್ಥಂ, ನ ಖಿಪ್ಪಮನುಬುಜ್ಝತಿ;

ಅಮಿತ್ತವಸಮನ್ವೇತಿ, ಪಚ್ಛಾ ಚ ಅನುತಪ್ಪತಿ.

ಯೋ ಚ ಉಪ್ಪತಿತಂ ಅತ್ಥಂ, ಖಿಪ್ಪಮೇವ ನಿಬೋಧತಿ;

ಮುಚ್ಚತೇ ¶ ಸತ್ತುಸಮ್ಬಾಧಾ, ಕುಕ್ಕುಟೋವ ಬಿಳಾರಿಯಾತಿ.

ಧಮ್ಮಂ ಚರಥ ಞಾತಯೋ, ಧಮ್ಮಂ ಚರಥ ಭದ್ದಂ ವೋ [ಭದ್ದ ವೋ (ಕ.)];

ಧಮ್ಮಚಾರೀ ಸುಖಂ ಸೇತಿ, ಅಸ್ಮಿಂ ಲೋಕೇ ಪರಮ್ಹಿ ಚ.

ಭದ್ದಕೋ ವತಯಂ ಪಕ್ಖೀ, ದಿಜೋ ಪರಮಧಮ್ಮಿಕೋ;

ಏಕಪಾದೇನ ತಿಟ್ಠನ್ತೋ, ಧಮ್ಮಮೇವಾನುಸಾಸತಿ.

ನಾಸ್ಸ ಸೀಲಂ ವಿಜಾನಾಥ, ಅನಞ್ಞಾಯ ಪಸಂಸಥ;

ಭುತ್ವಾ ಅಣ್ಡಞ್ಚ ಪೋತಞ್ಚ [ಛಾಪೇ ಚ (ಸೀ. ಪೀ.)], ಧಮ್ಮೋ ಧಮ್ಮೋತಿ ಭಾಸತಿ.

ಅಞ್ಞಂ ಭಣತಿ ವಾಚಾಯ, ಅಞ್ಞಂ ಕಾಯೇನ ಕುಬ್ಬತಿ;

ವಾಚಾಯ ನೋ ಚ ಕಾಯೇನ, ನ ತಂ ಧಮ್ಮಂ ಅಧಿಟ್ಠಿತೋ.

ವಾಚಾಯ ¶ ¶ ಸಖಿಲೋ ಮನೋವಿದುಗ್ಗೋ, ಛನ್ನೋ ಕೂಪಸಯೋವ ಕಣ್ಹಸಪ್ಪೋ;

ಧಮ್ಮಧಜೋ ಗಾಮನಿಗಮಾಸುಸಾಧು [ಗಾಮನಿಗಮಾಸು ಸಾಧುಸಮ್ಮತೋ (ಸೀ.), ಗಾಮನಿಗಮಸಾಧು (ಪೀ.)], ದುಜ್ಜಾನೋ ಪುರಿಸೇನ ಬಾಲಿಸೇನ.

ಇಮಂ ¶ ತುಣ್ಡೇಹಿ ಪಕ್ಖೇಹಿ, ಪಾದಾ ಚಿಮಂ ವಿಹೇಠಥ [ವಿಪೋಥಥ (ಪೀ.)];

ಛವಞ್ಹಿಮಂ ವಿನಾಸೇಥ, ನಾಯಂ ಸಂವಾಸನಾರಹೋತಿ.

ಸಚೇ ಬ್ರಾಹ್ಮಣ ಗಚ್ಛೇಸಿ, ಸಾಕೇತೇ [ಸಾಕೇತಂ (ಸೀ. ಸ್ಯಾ.)] ಅಜ್ಜುನಂ [ಅಞ್ಝನಂ (ಸೀ. ಸ್ಯಾ. ಪೀ.)] ವನಂ;

ವಜ್ಜಾಸಿ ನನ್ದಿಯಂ ನಾಮ, ಪುತ್ತಂ ಅಸ್ಮಾಕಮೋರಸಂ;

ಮಾತಾ ಪಿತಾ ಚ ತೇ ವುದ್ಧಾ, ತೇ ತಂ ಇಚ್ಛನ್ತಿ ಪಸ್ಸಿತುಂ.

ಭುತ್ತಾ ಮಯಾ ನಿವಾಪಾನಿ, ರಾಜಿನೋ ಪಾನಭೋಜನಂ;

ತಂ ರಾಜಪಿಣ್ಡಂ ಅವಭೋತ್ತುಂ [ಅವಭೋತ್ತಂ (ಕ.)], ನಾಹಂ ಬ್ರಾಹ್ಮಣ ಮುಸ್ಸಹೇ.

ಓದಹಿಸ್ಸಾಮಹಂ ಪಸ್ಸಂ, ಖುರಪ್ಪಾನಿಸ್ಸ [ಖುರಪ್ಪಾಣಿಸ್ಸ (ಸೀ.), ಖುರಪಾಣಿಸ್ಸ (ಪೀ.), ಖುರಪ್ಪಪಾಣಿಸ್ಸ (?)] ರಾಜಿನೋ;

ತದಾಹಂ ಸುಖಿತೋ ಮುತ್ತೋ, ಅಪಿ ಪಸ್ಸೇಯ್ಯ ಮಾತರಂ.

ಮಿಗರಾಜಾ ಪುರೇ ಆಸಿಂ, ಕೋಸಲಸ್ಸ ನಿಕೇತನೇ [ನಿಕೇತವೇ (ಸೀ. ಸ್ಯಾ. ಪೀ.)];

ನನ್ದಿಯೋ ನಾಮ ನಾಮೇನ, ಅಭಿರೂಪೋ ಚತುಪ್ಪದೋ.

ತಂ ಮಂ ವಧಿತುಮಾಗಚ್ಛಿ, ದಾಯಸ್ಮಿಂ ಅಜ್ಜುನೇ ವನೇ;

ಧನುಂ ಆರಜ್ಜಂ [ಆರಜ್ಜುಂ (ನಿಯ್ಯ), ಅದೇಜ್ಝಂ (ಸೀ. ಪೀ.) ಅದ್ವೇಧಾಭಾವಂ ಏಕೀಭಾವನ್ತಿ ಅತ್ಥೋ] ಕತ್ವಾನ, ಉಸುಂ ಸನ್ನಯ್ಹ [ಸನ್ಧಾಯ (ಸೀ. ಪೀ.)] ಕೋಸಲೋ.

ತಸ್ಸಾಹಂ ¶ ಓದಹಿಂ ಪಸ್ಸಂ, ಖುರಪ್ಪಾನಿಸ್ಸ ರಾಜಿನೋ;

ತದಾಹಂ ¶ ಸುಖಿತೋ ಮುತ್ತೋ, ಮಾತರಂ ದಟ್ಠುಮಾಗತೋತಿ.

ಅಥ ಕುಜ್ಝರಥೇಸಭ ಕೇತುವರೋ, ಸದರೀಮುಖ ನೇರು ಲತಾ ಚ ಪುನ;

ಅಪನನ್ದ ಸಿರೀ ಚ ಸುಚಿತ್ತವರೋ, ಅಥ ಧಮ್ಮಿಕ ನನ್ದಿಮಿಗೇನ ದಸಾತಿ.

ಸಚ್ಚಂ ¶ ಕಿರೇವಮಾಹಂಸು, ವಸ್ತಂ [ಭಸ್ತಂ (ಸೀ. ಪೀ.), ಕಲಕಂ (ಸ್ಯಾ.), ಗರಂ (ಕ.)] ಬಾಲೋತಿ ಪಣ್ಡಿತಾ;

ಪಸ್ಸ ಬಾಲೋ ರಹೋಕಮ್ಮಂ, ಆವಿಕುಬ್ಬಂ ನ ಬುಜ್ಝತಿ.

ತ್ವಂ ಖೋಪಿ [ತ್ವಂ ನು ಖೋ (ಸೀ. ಸ್ಯಾ.), ತ್ವಞ್ಚ ಖೋ (ಪೀ.)] ಸಮ್ಮ ಬಾಲೋಸಿ, ಖರಪುತ್ತ ವಿಜಾನಹಿ;

ರಜ್ಜುಯಾ ಹಿ [ರಜ್ಜುಯಾಸಿ (ಪೀ.)] ಪರಿಕ್ಖಿತ್ತೋ, ವಙ್ಕೋಟ್ಠೋ ಓಹಿತೋಮುಖೋ.

ಅಪರಮ್ಪಿ ಸಮ್ಮ ತೇ ಬಾಲ್ಯಂ [ಅಯಮ್ಪಿ ಸಮ್ಮ ತೇ ಬಾಲೋ (ಕ.)], ಯೋ ಮುತ್ತೋ ನ ಪಲಾಯಸಿ;

ಸೋ ಚ ಬಾಲತರೋ ಸಮ್ಮ, ಯಂ ತ್ವಂ ವಹಸಿ ಸೇನಕಂ.

ಯಂ ನು ಸಮ್ಮ ಅಹಂ ಬಾಲೋ, ಅಜರಾಜ ವಿಜಾನಹಿ;

ಅಥ ¶ ಕೇನ ಸೇನಕೋ ಬಾಲೋ, ತಂ ಮೇ ಅಕ್ಖಾಹಿ ಪುಚ್ಛಿತೋ.

ಉತ್ತಮತ್ಥಂ ಲಭಿತ್ವಾನ, ಭರಿಯಾಯ ಯೋ ಪದಸ್ಸತಿ [ಭಯಿಯಾ ಯೋ ಪದಸ್ಸತಿ (ಪೀ.), ಭಯಿಯಾ ನ ಭವಿಸ್ಸತಿ (ಕ.)];

ತೇನ ಜಹಿಸ್ಸತತ್ತಾನಂ, ಸಾ ಚೇವಸ್ಸ ನ ಹೇಸ್ಸತಿ.

ನ ¶ ವೇ ಪಿಯಮ್ಮೇತಿ [ನ ಪಿಯಮೇತಿ (ಕ.), ನ ಪಿಯಮೇದನ್ತಿ (ಕತ್ಥಚಿ)] ಜನಿನ್ದ ತಾದಿಸೋ, ಅತ್ತಂ ನಿರಂಕತ್ವಾ ಪಿಯಾನಿ ಸೇವತಿ [ಸೇವಯೇ (?)];

ಅತ್ತಾವ ಸೇಯ್ಯೋ ಪರಮಾ ಚ ಸೇಯ್ಯೋ, ಲಬ್ಭಾ ಪಿಯಾ ಓಚಿತತ್ಥೇನ ಪಚ್ಛಾತಿ.

ಅಕಕ್ಕಸಂ ಅಫರುಸಂ, ಖರಧೋತಂ ಸುಪಾಸಿಯಂ;

ಸುಖುಮಂ ತಿಖಿಣಗ್ಗಞ್ಚ, ಕೋ ಸೂಚಿಂ ಕೇತುಮಿಚ್ಛತಿ.

ಸುಮಜ್ಜಞ್ಚ ಸುಪಾಸಞ್ಚ, ಅನುಪುಬ್ಬಂ [ಅನುಪುಬ್ಬ (ಸೀ. ಸ್ಯಾ.)] ಸುವಟ್ಟಿತಂ;

ಘನಘಾತಿಮಂ ಪಟಿಥದ್ಧಂ, ಕೋ ಸೂಚಿಂ ಕೇತುಮಿಚ್ಛತಿ.

ಇತೋ ದಾನಿ ಪತಾಯನ್ತಿ, ಸೂಚಿಯೋ ಬಳಿಸಾನಿ ಚ;

ಕೋಯಂ ಕಮ್ಮಾರಗಾಮಸ್ಮಿಂ, ಸೂಚಿಂ ವಿಕ್ಕೇತುಮಿಚ್ಛತಿ.

ಇತೋ ಸತ್ಥಾನಿ ಗಚ್ಛನ್ತಿ, ಕಮ್ಮನ್ತಾ ವಿವಿಧಾ ಪುಥೂ;

ಕೋಯಂ ಕಮ್ಮಾರಗಾಮಸ್ಮಿಂ, ಸೂಚಿಂ ವಿಕ್ಕೇತುಮಿಚ್ಛತಿ [ಮರಹತಿ (ಸೀ. ಸ್ಯಾ. ಪೀ.)].

ಸೂಚಿಂ ¶ ಕಮ್ಮಾರಗಾಮಸ್ಮಿಂ, ವಿಕ್ಕೇತಬ್ಬಾ ಪಜಾನತಾ;

ಆಚರಿಯಾವ ಜಾನನ್ತಿ [ಆಚರಿಯಾ ಸಞ್ಜಾನನ್ತಿ (ಕ.), ಆಚರಿಯಾ ಪಜಾನನ್ತಿ (ಸ್ಯಾ.), ಆಚರಿಯಾವ ಸಞ್ಜಾನನ್ತಿ (ಪೀ.)], ಕಮ್ಮಂ ಸುಕತದುಕ್ಕಟಂ [ದುಕ್ಕತಂ (ಸೀ. ಪೀ.)].

ಇಮಂ ¶ ಚೇ [ಇಮಞ್ಚ (ಸೀ. ಸ್ಯಾ. ಪೀ.)] ತೇ ಪಿತಾ ಭದ್ದೇ, ಸೂಚಿಂ ಜಞ್ಞಾ ಮಯಾ ಕತಂ;

ತಯಾ ಚ ಮಂ ನಿಮನ್ತೇಯ್ಯ, ಯಞ್ಚತ್ಥಞ್ಞಂ ಘರೇ ಧನನ್ತಿ.

ನವಛನ್ನಕೇ [ನವಛನ್ದಕೇ (ಸೀ. ಪೀ.), ನವಚ್ಛದ್ದಕೇ (ಸ್ಯಾ.)] ದಾನಿ [ದೋಣಿ (ಕ.), ದಾನಂ, ದಾನೇ (ಕತ್ಥಚಿ)] ದಿಯ್ಯತಿ, ಪುಣ್ಣಾಯಂ ದೋಣಿ ಸುವಾಮಿನೀ ಠಿತಾ;

ಬಹುಕೇ ಜನೇ ಪಾಸಪಾಣಿಕೇ, ನೋ ಚ ಖೋ ಮೇ ಪಟಿಭಾತಿ ಭುಞ್ಜಿತುಂ.

ತಸಸಿ ¶ ಭಮಸಿ ಲೇಣಮಿಚ್ಛಸಿ, ಅತ್ತಾಣೋಸಿ ಕುಹಿಂ ಗಮಿಸ್ಸಸಿ;

ಅಪ್ಪೋಸ್ಸುಕ್ಕೋ ಭುಞ್ಜ ತುಣ್ಡಿಲ, ಮಂಸತ್ಥಾಯ ಹಿ ಪೋಸಿತಾಮ್ಹಸೇ [ಪೋಸಿಯಾಮಸೇ (ಸೀ. ಸ್ಯಾ. ಪೀ.)].

ಓಗಹ ರಹದಂ ಅಕದ್ದಮಂ, ಸಬ್ಬಂ ಸೇದಮಲಂ ಪವಾಹಯ;

ಗಣ್ಹಾಹಿ ನವಂ ವಿಲೇಪನಂ, ಯಸ್ಸ ¶ ಗನ್ಧೋ ನ ಕದಾಚಿ ಛಿಜ್ಜತಿ.

ಕತಮೋ ರಹದೋ ಅಕದ್ದಮೋ, ಕಿಂಸು ಸೇದಮಲನ್ತಿ ವುಚ್ಚತಿ;

ಕತಮಞ್ಚ ನವಂ ವಿಲೇಪನಂ, ಯಸ್ಸ ಗನ್ಧೋ ನ ಕದಾಚಿ ಛಿಜ್ಜತಿ.

ಧಮ್ಮೋ ರಹದೋ ಅಕದ್ದಮೋ, ಪಾಪಂ ಸೇದಮಲನ್ತಿ ವುಚ್ಚತಿ;

ಸೀಲಞ್ಚ ನವಂ ವಿಲೇಪನಂ, ತಸ್ಸ ಗನ್ಧೋ ನ ಕದಾಚಿ ಛಿಜ್ಜತಿ.

ನನ್ದನ್ತಿ ಸರೀರಘಾತಿನೋ, ನ ಚ ನನ್ದನ್ತಿ ಸರೀರಧಾರಿನೋ;

ಪುಣ್ಣಾಯ ಚ ಪುಣ್ಣಮಾಸಿಯಾ, ರಮಮಾನಾವ ಜಹನ್ತಿ ಜೀವಿತನ್ತಿ.

ಸಿಙ್ಗೀಮಿಗೋ ಆಯತಚಕ್ಖುನೇತ್ತೋ, ಅಟ್ಠಿತ್ತಚೋ ವಾರಿಸಯೋ ಅಲೋಮೋ;

ತೇನಾಭಿಭೂತೋ ಕಪಣಂ ರುದಾಮಿ, ಹರೇ ಸಖಾ ಕಿಸ್ಸ ನು ಮಂ ಜಹಾಸಿ.

ಸೋ ¶ ¶ ಪಸ್ಸಸನ್ತೋ ಮಹತಾ ಫಣೇನ, ಭುಜಙ್ಗಮೋ ಕಕ್ಕಟಮಜ್ಝಪತ್ತೋ;

ಸಖಾ ಸಖಾರಂ ಪರಿತಾಯಮಾನೋ, ಭುಜಙ್ಗಮಂ ಕಕ್ಕಟಕೋ ಗಹೇಸಿ.

ನ ವಾಯಸಂ ನೋ ಪನ ಕಣ್ಹಸಪ್ಪಂ, ಘಾಸತ್ಥಿಕೋ ಕಕ್ಕಟಕೋ ಅದೇಯ್ಯ;

ಪುಚ್ಛಾಮಿ ತಂ ಆಯತಚಕ್ಖುನೇತ್ತ, ಅಥ ಕಿಸ್ಸ ಹೇತುಮ್ಹ ಉಭೋ ಗಹೀತಾ.

ಅಯಂ ಪುರಿಸೋ ಮಮ ಅತ್ಥಕಾಮೋ, ಯೋ ಮಂ ಗಹೇತ್ವಾನ ದಕಾಯ ನೇತಿ;

ತಸ್ಮಿಂ ಮತೇ ದುಕ್ಖಮನಪ್ಪಕಂ ಮೇ, ಅಹಞ್ಚ ಏಸೋ ಚ ಉಭೋ ನ ಹೋಮ.

ಮಮಞ್ಚ ದಿಸ್ವಾನ ಪವದ್ಧಕಾಯಂ, ಸಬ್ಬೋ ಜನೋ ಹಿಂಸಿತುಮೇವ ಮಿಚ್ಛೇ;

ಸಾದುಞ್ಚ ಥೂಲಞ್ಚ ಮುದುಞ್ಚ ಮಂಸಂ, ಕಾಕಾಪಿ ಮಂ ದಿಸ್ವಾನ [ದಿಸ್ವ (ಸೀ. ಪೀ.)] ವಿಹೇಠಯೇಯ್ಯುಂ.

ಸಚೇತಸ್ಸ ¶ ಹೇತುಮ್ಹ ಉಭೋ ಗಹೀತಾ, ಉಟ್ಠಾತು ಪೋಸೋ ವಿಸಮಾವಮಾಮಿ [ವಿಸಮಾಚಮಾಮಿ (ಸೀ. ಪೀ. ಕ.)];

ಮಮಞ್ಚ ಕಾಕಞ್ಚ ಪಮುಞ್ಚ ಖಿಪ್ಪಂ, ಪುರೇ ¶ ವಿಸಂ ಗಾಳ್ಹಮುಪೇತಿ ಮಚ್ಚಂ.

ಸಪ್ಪಂ ಪಮೋಕ್ಖಾಮಿ ನ ತಾವ ಕಾಕಂ, ಪಟಿಬನ್ಧಕೋ [ಪಟಿಬದ್ಧಕೋ (ಸೀ. ಪೀ.)] ಹೋಹಿತಿ [ಹೋತಿ ಹಿ (ಸ್ಯಾ.)] ತಾವ ಕಾಕೋ;

ಪುರಿಸಞ್ಚ ದಿಸ್ವಾನ ಸುಖಿಂ ಅರೋಗಂ, ಕಾಕಂ ಪಮೋಕ್ಖಾಮಿ ಯಥೇವ ಸಪ್ಪಂ.

ಕಾಕೋ ¶ ತದಾ ದೇವದತ್ತೋ ಅಹೋಸಿ, ಮಾರೋ ಪನ ಕಣ್ಹಸಪ್ಪೋ ಅಹೋಸಿ;

ಆನನ್ದಭದ್ದೋ ಕಕ್ಕಟಕೋ ಅಹೋಸಿ, ಅಹಂ ತದಾ ಬ್ರಾಹ್ಮಣೋ ಹೋಮಿ ಸತ್ಥಾತಿ [ತತ್ಥಾತಿ (ಸೀ. ಪೀ.)].

ಸಕುಣೋ ಮಯ್ಹಕೋ ನಾಮ, ಗಿರಿಸಾನುದರೀಚರೋ;

ಪಕ್ಕಂ ಪಿಪ್ಫಲಿಮಾರುಯ್ಹ, ಮಯ್ಹಂ ಮಯ್ಹನ್ತಿ ಕನ್ದತಿ.

ತಸ್ಸೇವಂ ವಿಲಪನ್ತಸ್ಸ, ದಿಜಸಙ್ಘಾ ಸಮಾಗತಾ;

ಭುತ್ವಾನ ಪಿಪ್ಫಲಿಂ ಯನ್ತಿ, ವಿಲಪತ್ವೇವ ಸೋ ದಿಜೋ.

ಏವಮೇವ ಇಧೇಕಚ್ಚೋ, ಸಙ್ಘರಿತ್ವಾ ಬಹುಂ ಧನಂ;

ನೇವತ್ತನೋ ನ ಞಾತೀನಂ, ಯಥೋಧಿಂ ಪಟಿಪಜ್ಜತಿ.

ನ ಸೋ ಅಚ್ಛಾದನಂ ಭತ್ತಂ, ನ ಮಾಲಂ ನ ವಿಲೇಪನಂ;

ಅನುಭೋತಿ ¶ [ನಾನುಭೋತಿ (ಸ್ಯಾ. ಕ.)] ಸಕಿಂ ಕಿಞ್ಚಿ, ನ ಸಙ್ಗಣ್ಹಾತಿ ಞಾತಕೇ.

ತಸ್ಸೇವಂ ವಿಲಪನ್ತಸ್ಸ, ಮಯ್ಹಂ ಮಯ್ಹನ್ತಿ ರಕ್ಖತೋ;

ರಾಜಾನೋ ಅಥ ವಾ ಚೋರಾ, ದಾಯದಾ ಯೇ ವ [ಯೇ ಚ (ಸ್ಯಾ. ಕ.)] ಅಪ್ಪಿಯಾ;

ಧನಮಾದಾಯ ಗಚ್ಛನ್ತಿ, ವಿಲಪತ್ವೇವ ಸೋ ನರೋ.

ಧೀರೋ [ಧೀರೋ ಚ (ಸೀ.)] ಭೋಗೇ ಅಧಿಗಮ್ಮ, ಸಙ್ಗಣ್ಹಾತಿ ಚ ಞಾತಕೇ;

ತೇನ ಸೋ ಕಿತ್ತಿಂ ಪಪ್ಪೋತಿ, ಪೇಚ್ಚ ಸಗ್ಗೇ ಪಮೋದತೀತಿ [ಸಗ್ಗೇ ಚ ಮೋದತೀತಿ (ಸೀ. ಪೀ.)].

ದುಬ್ಬಣ್ಣರೂಪಂ ತುವಮರಿಯವಣ್ಣೀ, ಪುರಕ್ಖತ್ವಾ [ಪುರಕ್ಖಿತ್ವಾ (ಸ್ಯಾ. ಕ.)] ಪಞ್ಜಲಿಕೋ ನಮಸ್ಸಸಿ;

ಸೇಯ್ಯೋ ನು ತೇ ಸೋ ಉದವಾ [ಉದಾಹು (ಸ್ಯಾ. ಕ.)] ಸರಿಕ್ಖೋ, ನಾಮಂ ಪರಸ್ಸತ್ತನೋ ಚಾಪಿ ಬ್ರೂಹಿ.

ನ ¶ ನಾಮಗೋತ್ತಂ ಗಣ್ಹನ್ತಿ ರಾಜ, ಸಮ್ಮಗ್ಗತಾನುಜ್ಜುಗತಾನ [ಸಮಗ್ಗತಾನುಜ್ಜುಗತಾನ (ಸ್ಯಾ.), ಸಮುಗ್ಗತಾನುಜ್ಜುಗತಾನ (ಕ.)] ದೇವಾ;

ಅಹಞ್ಚ ತೇ ನಾಮಧೇಯ್ಯಂ ವದಾಮಿ, ಸಕ್ಕೋಹಮಸ್ಮೀ ತಿದಸಾನಮಿನ್ದೋ.

ಯೋ ¶ ದಿಸ್ವಾ ಭಿಕ್ಖುಂ ಚರಣೂಪಪನ್ನಂ, ಪುರಕ್ಖತ್ವಾ ಪಞ್ಜಲಿಕೋ ನಮಸ್ಸತಿ;

ಪುಚ್ಛಾಮಿ ತಂ ದೇವರಾಜೇತಮತ್ಥಂ, ಇತೋ ¶ ಚುತೋ ಕಿಂ ಲಭತೇ ಸುಖಂ ಸೋ.

ಯೋ ದಿಸ್ವಾ ಭಿಕ್ಖುಂ ಚರಣೂಪಪನ್ನಂ, ಪುರಕ್ಖತ್ವಾ ಪಞ್ಜಲಿಕೋ ನಮಸ್ಸತಿ;

ದಿಟ್ಠೇವ ಧಮ್ಮೇ ಲಭತೇ ಪಸಂಸಂ, ಸಗ್ಗಞ್ಚ ಸೋ ಯಾತಿ ಸರೀರಭೇದಾ.

ಲಕ್ಖೀ ವತ ಮೇ ಉದಪಾದಿ ಅಜ್ಜ, ಯಂ ವಾಸವಂ ಭೂತಪತಿದ್ದಸಾಮ;

ಭಿಕ್ಖುಞ್ಚ ದಿಸ್ವಾನ ತುವಞ್ಚ ಸಕ್ಕ, ಕಾಹಾಮಿ ಪುಞ್ಞಾನಿ ಅನಪ್ಪಕಾನಿ.

ಅದ್ಧಾ ಹವೇ ಸೇವಿತಬ್ಬಾ ಸಪಞ್ಞಾ, ಬಹುಸ್ಸುತಾ ಯೇ ಬಹುಠಾನಚಿನ್ತಿನೋ;

ಭಿಕ್ಖುಞ್ಚ ದಿಸ್ವಾನ ಮಮಞ್ಚ ರಾಜ, ಕರೋಹಿ ಪುಞ್ಞಾನಿ ಅನಪ್ಪಕಾನಿ.

ಅಕ್ಕೋಧನೋ ನಿಚ್ಚಪಸನ್ನಚಿತ್ತೋ, ಸಬ್ಬಾತಿಥೀಯಾಚಯೋಗೋ ಭವಿತ್ವಾ;

ನಿಹಚ್ಚ ಮಾನಂ ಅಭಿವಾದಯಿಸ್ಸಂ, ಸುತ್ವಾನ ದೇವಿನ್ದ ಸುಭಾಸಿತಾನೀತಿ.

ವಿಜ್ಜಾಧರ [ಧಜವಿಹೇಠಕ (ಸೀ. ಪೀ.), ಪಬ್ಬಜಿತವಿಹೇಠಕ (ಸ್ಯಾ.)] ಜಾತಕಂ ಛಟ್ಠಂ.

ಯಮೇತಂ ¶ ¶ [ಯಮೇಕಂ (ಪೀ.)] ವಾರಿಜಂ ಪುಪ್ಫಂ, ಅದಿನ್ನಂ ಉಪಸಿಙ್ಘಸಿ;

ಏಕಙ್ಗಮೇತಂ ಥೇಯ್ಯಾನಂ, ಗನ್ಧಥೇನೋಸಿ ಮಾರಿಸ.

ನ ಹರಾಮಿ ನ ಭಞ್ಜಾಮಿ, ಆರಾ ಸಿಙ್ಘಾಮಿ ವಾರಿಜಂ;

ಅಥ ಕೇನ ನು ವಣ್ಣೇನ, ಗನ್ಧಥೇನೋತಿ ವುಚ್ಚತಿ.

ಯೋಯಂ ಭಿಸಾನಿ ಖಣತಿ, ಪುಣ್ಡರೀಕಾನಿ ಭಞ್ಜತಿ;

ಏವಂ ಆಕಿಣ್ಣಕಮ್ಮನ್ತೋ, ಕಸ್ಮಾ ಏಸೋ ನ ವುಚ್ಚತಿ.

ಆಕಿಣ್ಣಲುದ್ದೋ ಪುರಿಸೋ, ಧಾತಿಚೇಲಂವ ಮಕ್ಖಿತೋ;

ತಸ್ಮಿಂ ಮೇ ವಚನಂ ನತ್ಥಿ, ತಞ್ಚಾರಹಾಮಿ ವತ್ತವೇ.

ಅನಙ್ಗಣಸ್ಸ ಪೋಸಸ್ಸ, ನಿಚ್ಚಂ ಸುಚಿಗವೇಸಿನೋ;

ವಾಲಗ್ಗಮತ್ತಂ ಪಾಪಸ್ಸ, ಅಬ್ಭಾಮತ್ತಂವ ಖಾಯತಿ.

ಅದ್ಧಾ ಮಂ ಯಕ್ಖ ಜಾನಾಸಿ, ಅಥೋ ಮಂ ಅನುಕಮ್ಪಸಿ;

ಪುನಪಿ ಯಕ್ಖ ವಜ್ಜಾಸಿ, ಯದಾ ಪಸ್ಸಸಿ ಏದಿಸಂ.

ನೇವ ತಂ ಉಪಜೀವಾಮಿ, ನಪಿ ತೇ ಭತಕಾಮ್ಹಸೇ [ಭತಕಮ್ಹಸೇ (ಸೀ. ಪೀ.), ಭತಿಕಮ್ಹಸೇ (ಸ್ಯಾ.)];

ತ್ವಮೇವ ಭಿಕ್ಖು ಜಾನೇಯ್ಯ, ಯೇನ ಗಚ್ಛೇಯ್ಯ ಸುಗ್ಗತಿನ್ತಿ.

ಸಿಙ್ಘಪುಪ್ಫ [ಭಿಸಪುಪ್ಫ (ಸೀ. ಪೀ.), ಉಪಸಿಙ್ಘಪುಪ್ಫ (ಸ್ಯಾ.)] ಜಾತಕಂ ಸತ್ತಮಂ.

ಸುಸುಖಂ ¶ ವತ ಜೀವನ್ತಿ, ಯೇ ಜನಾ ವಿಘಾಸಾದಿನೋ;

ದಿಟ್ಠೇವ ¶ ಧಮ್ಮೇ ಪಾಸಂಸಾ, ಸಮ್ಪರಾಯೇ ಚ ಸುಗ್ಗತೀ.

ಸುಕಸ್ಸ [ಸುವಸ್ಸ (ಸೀ. ಸ್ಯಾ. ಪೀ.)] ಭಾಸಮಾನಸ್ಸ, ನ ನಿಸಾಮೇಥ ಪಣ್ಡಿತಾ;

ಇದಂ ಸುಣಾಥ ಸೋದರಿಯಾ, ಅಮ್ಹೇವಾಯಂ ಪಸಂಸತಿ.

ನಾಹಂ ತುಮ್ಹೇ ಪಸಂಸಾಮಿ, ಕುಣಪಾದಾ ಸುಣಾಥ ಮೇ;

ಉಚ್ಛಿಟ್ಠಭೋಜಿನೋ [ಭೋಜನಾ (ಕ.)] ತುಮ್ಹೇ, ನ ತುಮ್ಹೇ ವಿಘಾಸಾದಿನೋ.

ಸತ್ತವಸ್ಸಾ ¶ ಪಬ್ಬಜಿತಾ, ಮೇಜ್ಝಾರಞ್ಞೇ [ಮಜ್ಝೇರಞ್ಞೇ (ಕ.)] ಸಿಖಣ್ಡಿನೋ;

ವಿಘಾಸೇನೇವ ಯಾಪೇನ್ತಾ, ಮಯಂ ಚೇ ಭೋತೋ ಗಾರಯ್ಹಾ;

ತುಮ್ಹೇ ಸೀಹಾನಂ ಬ್ಯಗ್ಘಾನಂ, ವಾಳಾನಞ್ಚಾವಸಿಟ್ಠಕಂ;

ಉಚ್ಛಿಟ್ಠೇನೇವ ಯಾಪೇನ್ತಾ, ಮಞ್ಞಿವ್ಹೋ ವಿಘಾಸಾದಿನೋ.

ಯೇ ಬ್ರಾಹ್ಮಣಸ್ಸ ಸಮಣಸ್ಸ, ಅಞ್ಞಸ್ಸ ವಾ [ಅಞ್ಞಸ್ಸ ಚ (ಸೀ. ಸ್ಯಾ.), ಅಞ್ಞಸ್ಸೇವ (ಪೀ.)] ವನಿಬ್ಬಿನೋ [ವಣಿಬ್ಬಿನೋ (ಸೀ. ಸ್ಯಾ.)];

ದತ್ವಾವ [ದತ್ವಾನ (ಪೀ. ಕ.)] ಸೇಸಂ ಭುಞ್ಜನ್ತಿ, ತೇ ಜನಾ ವಿಘಾಸಾದಿನೋತಿ.

ಪಣೀತಂ ಭುಞ್ಜಸೇ ಭತ್ತಂ, ಸಪ್ಪಿತೇಲಞ್ಚ ಮಾತುಲ;

ಅಥ ಕೇನ ನು ವಣ್ಣೇನ, ಕಿಸೋ ತ್ವಮಸಿ ವಾಯಸ.

ಅಮಿತ್ತಮಜ್ಝೇ ವಸತೋ, ತೇಸು ಆಮಿಸಮೇಸತೋ;

ನಿಚ್ಚಂ ಉಬ್ಬಿಗ್ಗಹದಯಸ್ಸ, ಕುತೋ ಕಾಕಸ್ಸ ದಳ್ಹಿಯಂ.

ನಿಚ್ಚಂ ಉಬ್ಬೇಗಿನೋ [ಉಬ್ಬಿಗ್ಗಿನೋ (ಸ್ಯಾ. ಕ.), ಉಬ್ಬೇಧಿನೋ (ಸೀ.)] ಕಾಕಾ, ಧಙ್ಕಾ ಪಾಪೇನ ಕಮ್ಮುನಾ;

ಲದ್ಧೋ ¶ ಪಿಣ್ಡೋ ನ ಪೀಣೇತಿ, ಕಿಸೋ ತೇನಸ್ಮಿ ವಟ್ಟಕ.

ಲೂಖಾನಿ ತಿಣಬೀಜಾನಿ, ಅಪ್ಪಸ್ನೇಹಾನಿ ಭುಞ್ಜಸಿ;

ಅಥ ಕೇನ ನು ವಣ್ಣೇನ, ಥೂಲೋ ತ್ವಮಸಿ ವಟ್ಟಕ.

ಅಪ್ಪಿಚ್ಛಾ ಅಪ್ಪಚಿನ್ತಾಯ, ಅದೂರಗಮನೇನ ಚ;

ಲದ್ಧಾಲದ್ಧೇನ ಯಾಪೇನ್ತೋ, ಥೂಲೋ ತೇನಸ್ಮಿ ವಾಯಸ.

ಅಪ್ಪಿಚ್ಛಸ್ಸ ¶ ಹಿ ಪೋಸಸ್ಸ, ಅಪ್ಪಚಿನ್ತಸುಖಸ್ಸ [ಅಪ್ಪಚಿನ್ತಿಸುಖಸ್ಸ (ಸೀ. ಸ್ಯಾ. ಪೀ.)] ಚ;

ಸುಸಙ್ಗಹಿತಮಾನಸ್ಸ [ಸುಸಙ್ಗಹಿತಪಮಾಣಸ್ಸ (ಸೀ. ಸ್ಯಾ. ಪೀ.)], ವುತ್ತೀ ಸುಸಮುದಾನಯಾತಿ.

ಚಿರಸ್ಸಂ ವತ ಪಸ್ಸಾಮಿ, ಸಹಾಯಂ ಮಣಿಧಾರಿನಂ;

ಸುಕತಾ [ಸುಕತಾಯ (ಸೀ. ಪೀ.)] ಮಸ್ಸುಕುತ್ತಿಯಾ, ಸೋಭತೇ ವತ ಮೇ ಸಖಾ.

ಪರೂಳ್ಹಕಚ್ಛನಖಲೋಮೋ ¶ , ಅಹಂ ಕಮ್ಮೇಸು ಬ್ಯಾವಟೋ;

ಚಿರಸ್ಸಂ ನ್ಹಾಪಿತಂ ಲದ್ಧಾ, ಲೋಮಂ ತಂ ಅಜ್ಜಂ ಹಾರಯಿಂ [ಅಪಹಾರಯಿಂ (ಸೀ. ಪೀ.)].

ಯಂ ನು ಲೋಮಂ ಅಹಾರೇಸಿ, ದುಲ್ಲಭಂ ಲದ್ಧ ಕಪ್ಪಕಂ;

ಅಥ ಕಿಞ್ಚರಹಿ ತೇ ಸಮ್ಮ, ಕಣ್ಠೇ ಕಿಣಿಕಿಣಾಯತಿ [ಇದಂ ಕಣ್ಠೇ ಕಿಣಾಯತಿ (ಕ.), ಕಣ್ಠೇ ಕಿಂನಿಕಿಲಾಯತಿ (ಸ್ಯಾ.)].

ಮನುಸ್ಸಸುಖುಮಾಲಾನಂ, ಮಣಿ ಕಣ್ಠೇಸು ಲಮ್ಬತಿ;

ತೇಸಾಹಂ ¶ ಅನುಸಿಕ್ಖಾಮಿ, ಮಾ ತ್ವಂ ಮಞ್ಞಿ ದವಾ ಕತಂ.

ಸಚೇಪಿಮಂ ಪಿಹಯಸಿ, ಮಸ್ಸುಕುತ್ತಿಂ ಸುಕಾರಿತಂ;

ಕಾರಯಿಸ್ಸಾಮಿ ತೇ ಸಮ್ಮ, ಮಣಿಞ್ಚಾಪಿ ದದಾಮಿ ತೇ.

ತ್ವಞ್ಞೇವ ಮಣಿನಾ ಛನ್ನೋ, ಸುಕತಾಯ ಚ ಮಸ್ಸುಯಾ;

ಆಮನ್ತ ಖೋ ತಂ ಗಚ್ಛಾಮಿ, ಪಿಯಂ ಮೇ ತವ ದಸ್ಸನನ್ತಿ.

ಪಾರಾವತಜಾತಕಂ [ಕಾಕಜಾತಕಂ (ಸೀ. ಪೀ.), ಮಣಿಜಾತಕಂ (ಸ್ಯಾ.)] ದಸಮಂ.

ಖರಪುತ್ತವಗ್ಗೋ [ಸೇನಕವಗ್ಗೋ (ಸೀ. ಪೀ.), ಖುರಪುತ್ತವಗ್ಗೋ (ಸ್ಯಾ.), ಸೂಚಿವಗ್ಗೋ (ಕ.)] ದುತಿಯೋ.

ಅಥ ಪಸ್ಸ ಸಸೂಚಿ ಚ ತುಣ್ಡಿಲಕೋ, ಮಿಗ ಮಯ್ಹಕಪಞ್ಚಮಪಕ್ಖಿವರೋ;

ಅಥ ಪಞ್ಜಲಿ ವಾರಿಜ ಮೇಜ್ಝ ಪುನ, ಅಥ ವಟ್ಟ ಕಪೋತವರೇನ ದಸಾತಿ.

ಅಥ ವಗ್ಗಂ ಪಕಿತ್ತಿಸ್ಸಂ, ಛನಿಪಾತಂ ವರುತ್ತಮೇ;

ಅವಾರಿಯಾ ಚ ಖರೋ ಚ [ಸೇನಕ (ಸೀ.), ಸೂಚಿ ಚ (ಸ್ಯಾ. ಕ.)], ದ್ವೇ ಚ ವುತ್ತಾ ಸುಬ್ಯಞ್ಜನಾತಿ.

ದಿಯಡ್ಢಕುಕ್ಕೂ ¶ ¶ ¶ ಉದಯೇನ ಕಣ್ಣಿಕಾ, ವಿದತ್ಥಿಯೋ ಅಟ್ಠ ಪರಿಕ್ಖಿಪನ್ತಿ ನಂ;

ಸಾ ಸಿಂಸಪಾ [ಸಸಿಂಸಪಾ (ಸೀ. ಪೀ.), ಸಾ ಸೀಸಪಾ (ಸ್ಯಾ.), ಯಾ ಸಿಂಸಪಾ (ಕ. ಸೀ. ನಿಯ್ಯ)] ಸಾರಮಯಾ ಅಫೇಗ್ಗುಕಾ, ಕುಹಿಂ ಠಿತಾ ಉಪ್ಪರಿತೋ [ಉಪರಿತೋ (ಸೀ. ಸ್ಯಾ. ಪೀ.)] ನ ಧಂಸತಿ.

ಯಾ ತಿಂಸತಿ ಸಾರಮಯಾ ಅನುಜ್ಜುಕಾ, ಪರಿಕಿರಿಯ [ಪಕಿರಿಯಾ (ಕ.)] ಗೋಪಾಣಸಿಯೋ ಸಮಂ ಠಿತಾ [ಸಮಟ್ಠಿತಾ (ಸೀ. ಸ್ಯಾ.)];

ತಾಹಿ ಸುಸಙ್ಗಹಿತಾ ಬಲಸಾ ಪೀಳಿತಾ [ತಾ ಸಙ್ಗಹಿತಾ ಬಲಸಾ ಚ ಪೀಳಿತಾ (ಸೀ.), ತಾಹಿ ಸುಸಙ್ಗಹಿತಾ ಬಲಸಾ ಚ ಪೀಳಿತಾ (ಸ್ಯಾ.), ತಾಹಿ ಸಙ್ಗಹೀತಾ ಬಲಸಾ ಚ ಪೀಳಿತಾ (ಪೀ.)], ಸಮಂ ಠಿತಾ ಉಪ್ಪರಿತೋ ನ ಧಂಸತಿ.

ಏವಮ್ಪಿ ಮಿತ್ತೇಹಿ ದಳ್ಹೇಹಿ ಪಣ್ಡಿತೋ, ಅಭೇಜ್ಜರೂಪೇಹಿ ಸುಚೀಹಿ ಮನ್ತಿಭಿ;

ಸುಸಙ್ಗಹೀತೋ ಸಿರಿಯಾ ನ ಧಂಸತಿ, ಗೋಪಾಣಸೀ ಭಾರವಹಾವ ಕಣ್ಣಿಕಾ.

ಖರತ್ತಚಂ ಬೇಲ್ಲಂ ಯಥಾಪಿ ಸತ್ಥವಾ, ಅನಾಮಸನ್ತೋಪಿ ಕರೋತಿ ತಿತ್ತಕಂ;

ಸಮಾಹರಂ ಸಾದುಂ ಕರೋತಿ ಪತ್ಥಿವ, ಅಸಾದುಂ ಕಯಿರಾ ತನುಬನ್ಧಮುದ್ಧರಂ [ತನುವಟ್ಟಮುದ್ಧರಂ (ಸೀ. ಪೀ.)].

ಏವಮ್ಪಿ ¶ ಗಾಮನಿಗಮೇಸು ಪಣ್ಡಿತೋ, ಅಸಾಹಸಂ ರಾಜಧನಾನಿ ಸಙ್ಘರಂ;

ಧಮ್ಮಾನುವತ್ತೀ ಪಟಿಪಜ್ಜಮಾನೋ, ಸ ಫಾತಿ ಕಯಿರಾ ಅವಿಹೇಠಯಂ ಪರಂ.

ಓದಾತಮೂಲಂ ¶ ಸುಚಿವಾರಿಸಮ್ಭವಂ, ಜಾತಂ ಯಥಾ ಪೋಕ್ಖರಣೀಸು ಅಮ್ಬುಜಂ;

ಪದುಮಂ ಯಥಾ ಅಗ್ಗಿನಿಕಾಸಿಫಾಲಿಮಂ, ನ ಕದ್ದಮೋ ನ ರಜೋ ನ ವಾರಿ ಲಿಮ್ಪತಿ.

ಏವಮ್ಪಿ ವೋಹಾರಸುಚಿಂ ಅಸಾಹಸಂ, ವಿಸುದ್ಧಕಮ್ಮನ್ತಮಪೇತಪಾಪಕಂ;

ನ ಲಿಮ್ಪತಿ ಕಮ್ಮಕಿಲೇಸ ತಾದಿಸೋ, ಜಾತಂ ಯಥಾ ಪೋಕ್ಖರಣೀಸು ಅಮ್ಬುಜನ್ತಿ.

ಯಥಾ ಚಾಪೋ ನಿನ್ನಮತಿ, ಜಿಯಾ ಚಾಪಿ ನಿಕೂಜತಿ;

ಹಞ್ಞತೇ ನೂನ ಮನೋಜೋ, ಮಿಗರಾಜಾ ಸಖಾ ಮಮ.

ಹನ್ದ ದಾನಿ ವನನ್ತಾನಿ, ಪಕ್ಕಮಾಮಿ ಯಥಾಸುಖಂ;

ನೇತಾದಿಸಾ ಸಖಾ ಹೋನ್ತಿ, ಲಬ್ಭಾ ಮೇ ಜೀವತೋ ಸಖಾ.

ನ ¶ ಪಾಪಜನಸಂಸೇವೀ, ಅಚ್ಚನ್ತಂ ಸುಖಮೇಧತಿ;

ಮನೋಜಂ ¶ ಪಸ್ಸ ಸೇಮಾನಂ, ಗಿರಿಯಸ್ಸಾನುಸಾಸನೀ [ಅರಿಯಸ್ಸಾನುಸಾಸನೀ (ಸೀ. ಸ್ಯಾ. ಪೀ.)].

ನ ಪಾಪಸಮ್ಪವಙ್ಕೇನ, ಮಾತಾ ಪುತ್ತೇನ ನನ್ದತಿ;

ಮನೋಜಂ ಪಸ್ಸ ಸೇಮಾನಂ, ಅಚ್ಛನ್ನಂ [ಸಚ್ಛನ್ನಂ (ಕ.)] ಸಮ್ಹಿ ಲೋಹಿತೇ.

ಏವಮಾಪಜ್ಜತೇ ಪೋಸೋ, ಪಾಪಿಯೋ ಚ ನಿಗಚ್ಛತಿ;

ಯೋ ವೇ ಹಿತಾನಂ ವಚನಂ, ನ ಕರೋತಿ ಅತ್ಥದಸ್ಸಿನಂ.

ಏವಞ್ಚ ಸೋ ಹೋತಿ ತತೋ ಚ ಪಾಪಿಯೋ, ಯೋ ಉತ್ತಮೋ ಅಧಮಜನೂಪಸೇವೀ;

ಪಸ್ಸುತ್ತಮಂ ಅಧಮಜನೂಪಸೇವಿತಂ [ಸೇವಿಂ (ಸ್ಯಾ.)], ಮಿಗಾಧಿಪಂ ಸರವರವೇಗನಿದ್ಧುತಂ.

ನಿಹೀಯತಿ ¶ ಪುರಿಸೋ ನಿಹೀನಸೇವೀ, ನ ಚ ಹಾಯೇಥ ಕದಾಚಿ ತುಲ್ಯಸೇವೀ;

ಸೇಟ್ಠಮುಪಗಮಂ [ಮುಪನಮಂ (ಸೀ. ಪೀ. ಅ. ನಿ. ೩.೨೬)] ಉದೇತಿ ಖಿಪ್ಪಂ, ತಸ್ಮಾತ್ತನಾ ಉತ್ತರಿತರಂ [ತಸ್ಮಾ ಅತ್ತನೋ ಉತ್ತರಿಂ (ಸೀ. ಪೀ.), ತಸ್ಮಾ ಅತ್ತನೋ ಉತ್ತರಂ (ಸ್ಯಾ.)] ಭಜೇಥಾತಿ.

ರಾಜಾ ತೇ ಭತ್ತಂ ಪಾಹೇಸಿ, ಸುಚಿಂ ಮಂಸೂಪಸೇಚನಂ;

ಮಘದೇವಸ್ಮಿಂ [ಮಖಾದೇವಸ್ಮಿಂ (ಸೀ. ಪೀ.), ಮಾಘದೇವಸ್ಮಿಂ (ಕ.)] ಅಧಿವತ್ಥೇ, ಏಹಿ ನಿಕ್ಖಮ್ಮ ಭುಞ್ಜಸ್ಸು.

ಏಹಿ ಮಾಣವ ಓರೇನ, ಭಿಕ್ಖಮಾದಾಯ ಸೂಪಿತಂ;

ತ್ವಞ್ಚ ¶ ಮಾಣವ ಭಿಕ್ಖಾ ಚ [ಭಕ್ಖೋಸಿ (ಸ್ಯಾ.), ಭಕ್ಖಾವ (ಕ.)], ಉಭೋ ಭಕ್ಖಾ ಭವಿಸ್ಸಥ.

ಅಪ್ಪಕೇನ ತುವಂ ಯಕ್ಖ, ಥುಲ್ಲಮತ್ಥಂ ಜಹಿಸ್ಸಸಿ;

ಭಿಕ್ಖಂ ತೇ ನಾಹರಿಸ್ಸನ್ತಿ, ಜನಾ ಮರಣಸಞ್ಞಿನೋ.

ಲದ್ಧಾಯ ಯಕ್ಖಾ [ಲದ್ಧಾಯಂ ಯಕ್ಖ (ಸೀ. ಸ್ಯಾ. ಪೀ.)] ತವ ನಿಚ್ಚಭಿಕ್ಖಂ, ಸುಚಿಂ ಪಣೀತಂ ರಸಸಾ ಉಪೇತಂ;

ಭಿಕ್ಖಞ್ಚ ತೇ ಆಹರಿಯೋ ನರೋ ಇಧ, ಸುದುಲ್ಲಭೋ ಹೇಹಿತಿ ಭಕ್ಖಿತೇ [ಖಾದಿತೇ (ಸೀ. ಸ್ಯಾ. ಪೀ.)] ಮಯಿ.

ಮಮೇವ [ಮಮೇಸ (ಸೀ. ಪೀ.)] ಸುತನೋ ಅತ್ಥೋ, ಯಥಾ ಭಾಸಸಿ ಮಾಣವ;

ಮಯಾ ತ್ವಂ ಸಮನುಞ್ಞಾತೋ, ಸೋತ್ಥಿಂ ಪಸ್ಸಾಹಿ ಮಾತರಂ.

ಖಗ್ಗಂ ಛತ್ತಞ್ಚ ಪಾತಿಞ್ಚ, ಗಚ್ಛಮಾದಾಯ [ಗಚ್ಛೇವಾದಾಯ (ಸೀ. ಸ್ಯಾ. ಪೀ.)] ಮಾಣವ;

ಸೋತ್ಥಿಂ ಪಸ್ಸತು ತೇ ಮಾತಾ, ತ್ವಞ್ಚ ಪಸ್ಸಾಹಿ ಮಾತರಂ.

ಏವಂ ಯಕ್ಖ ಸುಖೀ ಹೋಹಿ, ಸಹ ಸಬ್ಬೇಹಿ ಞಾತಿಭಿ;

ಧನಞ್ಚ ಮೇ ಅಧಿಗತಂ, ರಞ್ಞೋ ಚ ವಚನಂ ಕತನ್ತಿ.

ತೇ ¶ ¶ ಕಥಂ ನು ಕರಿಸ್ಸನ್ತಿ, ವುದ್ಧಾ ಗಿರಿದರೀಸಯಾ;

ಅಹಂ ಬದ್ಧೋಸ್ಮಿ ಪಾಸೇನ, ನಿಲೀಯಸ್ಸ ವಸಂ ಗತೋ.

ಕಿಂ ಗಿಜ್ಝ ಪರಿದೇವಸಿ, ಕಾ ನು ತೇ ಪರಿದೇವನಾ;

ನ ¶ ಮೇ ಸುತೋ ವಾ ದಿಟ್ಠೋ ವಾ, ಭಾಸನ್ತೋ ಮಾನುಸಿಂ ದಿಜೋ.

ಭರಾಮಿ ಮಾತಾಪಿತರೋ, ವುದ್ಧೇ ಗಿರಿದರೀಸಯೇ;

ತೇ ಕಥಂ ನು ಕರಿಸ್ಸನ್ತಿ, ಅಹಂ ವಸಂ ಗತೋ ತವ.

ಯಂ ನು ಗಿಜ್ಝೋ ಯೋಜನಸತಂ, ಕುಣಪಾನಿ ಅವೇಕ್ಖತಿ;

ಕಸ್ಮಾ ಜಾಲಞ್ಚ ಪಾಸಞ್ಚ, ಆಸಜ್ಜಾಪಿ ನ ಬುಜ್ಝಸಿ.

ಯದಾ ಪರಾಭವೋ ಹೋತಿ, ಪೋಸೋ ಜೀವಿತಸಙ್ಖಯೇ;

ಅಥ ಜಾಲಞ್ಚ ಪಾಸಞ್ಚ, ಆಸಜ್ಜಾಪಿ ನ ಬುಜ್ಝತಿ.

ಭರಸ್ಸು ಮಾತಾಪಿತರೋ, ವುದ್ಧೇ ಗಿರಿದರೀಸಯೇ;

ಮಯಾ ತ್ವಂ ಸಮನುಞ್ಞಾತೋ, ಸೋತ್ಥಿಂ ಪಸ್ಸಾಹಿ ಞಾತಕೇ.

ಏವಂ ಲುದ್ದಕ ನನ್ದಸ್ಸು, ಸಹ ಸಬ್ಬೇಹಿ ಞಾತಿಭಿ;

ಭರಿಸ್ಸಂ ಮಾತಾಪಿತರೋ, ವುದ್ಧೇ ಗಿರಿದರೀಸಯೇತಿ.

ಅನುತೀರಚಾರೀ ಭದ್ದನ್ತೇ, ಸಹಾಯಮನುಧಾವ ಮಂ;

ಮಹಾ ಮೇ ಗಹಿತೋ [ರೋಹಿತೋ (ಕ.)] ಮಚ್ಛೋ, ಸೋ ಮಂ ಹರತಿ ವೇಗಸಾ.

ಗಮ್ಭೀರಚಾರೀ ಭದ್ದನ್ತೇ, ದಳ್ಹಂ ಗಣ್ಹಾಹಿ ಥಾಮಸಾ;

ಅಹಂ ತಂ ಉದ್ಧರಿಸ್ಸಾಮಿ, ಸುಪಣ್ಣೋ ಉರಗಾಮಿವ [ಉರಗಮ್ಮಿವ (ಸೀ. ಸ್ಯಾ. ಪೀ.)].

ವಿವಾದೋ ನೋ ಸಮುಪ್ಪನ್ನೋ, ದಬ್ಭಪುಪ್ಫ ಸುಣೋಹಿ ಮೇ;

ಸಮೇಹಿ ¶ ಮೇಧಗಂ [ಮೇಧಕಂ (ಪೀ.)] ಸಮ್ಮ, ವಿವಾದೋ ವೂಪಸಮ್ಮತಂ.

ಧಮ್ಮಟ್ಠೋಹಂ ಪುರೇ ಆಸಿಂ, ಬಹೂ ಅಡ್ಡಾ ಮೇ ತೀರಿತಾ [ಬಹುಅಟ್ಟಂ ಮೇ ತೀರಿತಂ (ಸೀ.), ಬಹುಅಟ್ಟಂವ ತೀರಿತಂ (ಸ್ಯಾ.), ಬಹು ಅತ್ಥಂ ಮೇ ತೀರಿತಂ (ಪೀ.)];

ಸಮೇಮಿ ಮೇಧಗಂ ಸಮ್ಮ, ವಿವಾದೋ ವೂಪಸಮ್ಮತಂ.

ಅನುತೀರಚಾರಿ ¶ ನಙ್ಗುಟ್ಠಂ, ಸೀಸಂ ಗಮ್ಭೀರಚಾರಿನೋ;

ಅಚ್ಚಾಯಂ [ಅಥಾಯಂ (ಸೀ. ಪೀ.)] ಮಜ್ಝಿಮೋ ಖಣ್ಡೋ, ಧಮ್ಮಟ್ಠಸ್ಸ ಭವಿಸ್ಸತಿ.

ಚಿರಮ್ಪಿ ¶ ಭಕ್ಖೋ ಅಭವಿಸ್ಸ, ಸಚೇ ನ ವಿವದೇಮಸೇ;

ಅಸೀಸಕಂ ಅನಙ್ಗುಟ್ಠಂ, ಸಿಙ್ಗಾಲೋ ಹರತಿ ರೋಹಿತಂ.

ಯಥಾಪಿ ರಾಜಾ ನನ್ದೇಯ್ಯ, ರಜ್ಜಂ ಲದ್ಧಾನ ಖತ್ತಿಯೋ;

ಏವಾಹಮಜ್ಜ ನನ್ದಾಮಿ, ದಿಸ್ವಾ ಪುಣ್ಣಮುಖಂ ಪತಿಂ.

ಕಥಂ ನು ಥಲಜೋ ಸನ್ತೋ, ಉದಕೇ ಮಚ್ಛಂ ಪರಾಮಸಿ;

ಪುಟ್ಠೋ ಮೇ ಸಮ್ಮ ಅಕ್ಖಾಹಿ, ಕಥಂ ಅಧಿಗತಂ ತಯಾ.

ವಿವಾದೇನ ಕಿಸಾ ಹೋನ್ತಿ, ವಿವಾದೇನ ಧನಕ್ಖಯಾ;

ಜೀನಾ ಉದ್ದಾ ವಿವಾದೇನ, ಭುಞ್ಜ ಮಾಯಾವಿ ರೋಹಿತಂ.

ಏವಮೇವ ಮನುಸ್ಸೇಸು, ವಿವಾದೋ ಯತ್ಥ ಜಾಯತಿ;

ಧಮ್ಮಟ್ಠಂ ಪಟಿಧಾವನ್ತಿ, ಸೋ ಹಿ ನೇಸಂ ವಿನಾಯಕೋ;

ಧನಾಪಿ ತತ್ಥ ಜೀಯನ್ತಿ, ರಾಜಕೋಸೋ ಪವಡ್ಢತೀತಿ [ಚ ವಡ್ಢತಿ (ಪೀ.)].

ಪಣ್ಣಕಂ [ದಸಣ್ಣಕಂ (ಸೀ. ಸ್ಯಾ. ಪೀ.)] ತಿಖಿಣಧಾರಂ, ಅಸಿಂ ಸಮ್ಪನ್ನಪಾಯಿನಂ;

ಪರಿಸಾಯಂ ¶ ಪುರಿಸೋ ಗಿಲತಿ, ಕಿಂ ದುಕ್ಕರತರಂ ತತೋ;

ಯದಞ್ಞಂ ದುಕ್ಕರಂ ಠಾನಂ, ತಂ ಮೇ ಅಕ್ಖಾಹಿ ಪುಚ್ಛಿತೋ.

ಗಿಲೇಯ್ಯ ಪುರಿಸೋ ಲೋಭಾ, ಅಸಿಂ ಸಮ್ಪನ್ನಪಾಯಿನಂ;

ಯೋ ಚ ವಜ್ಜಾ ದದಾಮೀತಿ, ತಂ ದುಕ್ಕರತರಂ ತತೋ;

ಸಬ್ಬಞ್ಞಂ ಸುಕರಂ ಠಾನಂ, ಏವಂ ಜಾನಾಹಿ ಮದ್ದವ [ಮಾಗಧ (ಸೀ. ಸ್ಯಾ. ಪೀ.)].

ಬ್ಯಾಕಾಸಿ ಆಯುರೋ ಪಞ್ಹಂ, ಅತ್ಥಂ [ಅತ್ಥ (ಪೀ. ಸೀ. ನಿಯ್ಯ)] ಧಮ್ಮಸ್ಸ ಕೋವಿದೋ;

ಪುಕ್ಕುಸಂ ದಾನಿ ಪುಚ್ಛಾಮಿ, ಕಿಂ ದುಕ್ಕರತರಂ ತತೋ;

ಯದಞ್ಞಂ ದುಕ್ಕರಂ ಠಾನಂ, ತಂ ಮೇ ಅಕ್ಖಾಹಿ ಪುಚ್ಛಿತೋ.

ನ ¶ ವಾಚಮುಪಜೀವನ್ತಿ, ಅಫಲಂ ಗಿರಮುದೀರಿತಂ;

ಯೋ ಚ ದತ್ವಾ ಅವಾಕಯಿರಾ, ತಂ ದುಕ್ಕರತರಂ ತತೋ;

ಸಬ್ಬಞ್ಞಂ ಸುಕರಂ ಠಾನಂ, ಏವಂ ಜಾನಾಹಿ ಮದ್ದವ.

ಬ್ಯಾಕಾಸಿ ಪುಕ್ಕುಸೋ ಪಞ್ಹಂ, ಅತ್ಥಂ ಧಮ್ಮಸ್ಸ ಕೋವಿದೋ;

ಸೇನಕಂ ದಾನಿ ಪುಚ್ಛಾಮಿ, ಕಿಂ ದುಕ್ಕರತರಂ ತತೋ;

ಯದಞ್ಞಂ ದುಕ್ಕರಂ ಠಾನಂ, ತಂ ಮೇ ಅಕ್ಖಾಹಿ ಪುಚ್ಛಿತೋ.

ದದೇಯ್ಯ ¶ ಪುರಿಸೋ ದಾನಂ, ಅಪ್ಪಂ ವಾ ಯದಿ ವಾ ಬಹುಂ;

ಯೋ ಚ ದತ್ವಾ ನಾನುತಪ್ಪೇ [ತಪೇ (ಸೀ. ಪೀ.)], ತಂ ದುಕ್ಕರತರಂ ತತೋ;

ಸಬ್ಬಞ್ಞಂ ಸುಕರಂ ಠಾನಂ, ಏವಂ ಜಾನಾಹಿ ಮದ್ದವ.

ಬ್ಯಾಕಾಸಿ ಆಯುರೋ ಪಞ್ಹಂ, ಅಥೋ ಪುಕ್ಕುಸಪೋರಿಸೋ;

ಸಬ್ಬೇ ¶ ಪಞ್ಹೇ ಅತಿಭೋತಿ, ಯಥಾ ಭಾಸತಿ ಸೇನಕೋತಿ.

ಪಣ್ಣಕ [ದಸಣ್ಣಕ (ಸೀ. ಸ್ಯಾ. ಪೀ.)] ಜಾತಕಂ ಛಟ್ಠಂ.

ವಿಬ್ಭನ್ತಚಿತ್ತೋ ಕುಪಿತಿನ್ದ್ರಿಯೋಸಿ, ನೇತ್ತೇಹಿ ತೇ ವಾರಿಗಣಾ ಸವನ್ತಿ;

ಕಿಂ ತೇ ನಟ್ಠಂ ಕಿಂ ಪನ ಪತ್ಥಯಾನೋ, ಇಧಾಗಮಾ ಬ್ರಹ್ಮೇ ತದಿಙ್ಘ [ಬ್ರಾಹ್ಮಣ ಇಙ್ಘ (ಸೀ. ಸ್ಯಾ.)] ಬ್ರೂಹಿ.

ಮಿಯ್ಯೇಥ ಭರಿಯಾ ವಜತೋ ಮಮಜ್ಜ, ಅಗಚ್ಛತೋ ಮರಣಮಾಹ ಯಕ್ಖೋ;

ಏತೇನ ದುಕ್ಖೇನ ಪವೇಧಿತೋಸ್ಮಿ, ಅಕ್ಖಾಹಿ ಮೇ ಸೇನಕ ಏತಮತ್ಥಂ.

ಬಹೂನಿ ಠಾನಾನಿ ವಿಚಿನ್ತಯಿತ್ವಾ, ಯಮೇತ್ಥ ವಕ್ಖಾಮಿ ತದೇವ ಸಚ್ಚಂ;

ಮಞ್ಞಾಮಿ ತೇ ಬ್ರಾಹ್ಮಣ ಸತ್ತುಭಸ್ತಂ, ಅಜಾನತೋ ಕಣ್ಹಸಪ್ಪೋ ಪವಿಟ್ಠೋ.

ಆದಾಯ ¶ ದಣ್ಡಂ ಪರಿಸುಮ್ಭ ಭಸ್ತಂ, ಪಸ್ಸೇಳಮೂಗಂ ಉರಗಂ ದುಜಿವ್ಹಂ [ದಿಜಿವ್ಹಂ (ಸೀ. ಪೀ.)];

ಛಿನ್ದಜ್ಜ ಕಙ್ಖಂ ವಿಚಿಕಿಚ್ಛಿತಾನಿ, ಭುಜಙ್ಗಮಂ ಪಸ್ಸ ಪಮುಞ್ಚ ಭಸ್ತಂ.

ಸಂವಿಗ್ಗರೂಪೋ ¶ ಪರಿಸಾಯ ಮಜ್ಝೇ, ಸೋ ಬ್ರಾಹ್ಮಣೋ ಸತ್ತುಭಸ್ತಂ ಪಮುಞ್ಚಿ;

ಅಥ ನಿಕ್ಖಮಿ ಉರಗೋ ಉಗ್ಗತೇಜೋ, ಆಸೀವಿಸೋ ಸಪ್ಪೋ ಫಣಂ ಕರಿತ್ವಾ.

ಸುಲದ್ಧಲಾಭಾ ಜನಕಸ್ಸ ರಞ್ಞೋ, ಯೋ ಪಸ್ಸತೀ ಸೇನಕಂ ಸಾಧುಪಞ್ಞಂ;

ವಿವಟ್ಟಛದ್ದೋ [ವಿವತ್ತಚ್ಛದ್ದೋ (ಸೀ.), ವಿವಟ್ಟಚ್ಛದೋ (ಸ್ಯಾ.), ವಿವಟ್ಟಚ್ಛದ್ದಾ (ಪೀ.)] ನುಸಿ ಸಬ್ಬದಸ್ಸೀ, ಞಾಣಂ ನು ತೇ ಬ್ರಾಹ್ಮಣ ಭಿಂಸರೂಪಂ.

ಇಮಾನಿ ಮೇ ಸತ್ತಸತಾನಿ ಅತ್ಥಿ, ಗಣ್ಹಾಹಿ ಸಬ್ಬಾನಿ ದದಾಮಿ ತುಯ್ಹಂ;

ತಯಾ ಹಿ ಮೇ ಜೀವಿತಮಜ್ಜ ಲದ್ಧಂ, ಅಥೋಪಿ ಭರಿಯಾಯ ಮಕಾಸಿ ಸೋತ್ಥಿಂ.

ನ ಪಣ್ಡಿತಾ ವೇತನಮಾದಿಯನ್ತಿ, ಚಿತ್ರಾಹಿ ಗಾಥಾಹಿ ಸುಭಾಸಿತಾಹಿ;

ಇತೋಪಿ ತೇ ಬ್ರಹ್ಮೇ ದದನ್ತು ವಿತ್ತಂ, ಆದಾಯ ತ್ವಂ ಗಚ್ಛ ಸಕಂ ನಿಕೇತನ್ತಿ.

ಸತ್ತುಭಸ್ತಜಾತಕಂ [ಸೇನಕಜಾತಕಂ (ಸ್ಯಾ.)] ಸತ್ತಮಂ.

ಯೇಮೇ ¶ ಅಹಂ ನ ಜಾನಾಮಿ, ಅಟ್ಠಿಸೇನ ವನಿಬ್ಬಕೇ;

ತೇ ಮಂ ಸಙ್ಗಮ್ಮ ಯಾಚನ್ತಿ, ಕಸ್ಮಾ ಮಂ ತ್ವಂ ನ ಯಾಚಸಿ.

ಯಾಚಕೋ ¶ ಅಪ್ಪಿಯೋ ಹೋತಿ, ಯಾಚಂ ಅದದಮಪ್ಪಿಯೋ;

ತಸ್ಮಾಹಂ ತಂ ನ ಯಾಚಾಮಿ, ಮಾ ಮೇ ವಿದೇಸ್ಸನಾ [ವಿದ್ದೇಸನಾ (ಸೀ. ಪೀ.)] ಅಹು.

ಯೋ ¶ ವೇ ಯಾಚನಜೀವಾನೋ, ಕಾಲೇ ಯಾಚಂ ನ ಯಾಚತಿ;

ಪರಞ್ಚ ಪುಞ್ಞಾ [ಪುಞ್ಞಂ (ಸ್ಯಾ. ಕ.)] ಧಂಸೇತಿ, ಅತ್ತನಾಪಿ ನ ಜೀವತಿ.

ಯೋ ಚ [ಯೋ ವೇ (ಕ.)] ಯಾಚನಜೀವಾನೋ, ಕಾಲೇ ಯಾಚಞ್ಹಿ ಯಾಚತಿ [ಯಾಚಂಪಿ ಯಾಚತಿ (ಸ್ಯಾ.), ಯಾಚಾನಿ ಯಾಚತಿ (ಪೀ.), ಯಾಚತಿ ಯಾಚನಂ (ಸೀ. ನಿಯ್ಯ), ಯಾಚನಂ ಯಾಚತಿ (ಕ.)];

ಪರಞ್ಚ ಪುಞ್ಞಂ ಲಬ್ಭೇತಿ, ಅತ್ತನಾಪಿ ಚ ಜೀವತಿ.

ನ ವೇ ದೇಸ್ಸನ್ತಿ [ನ ವೇ ದುಸ್ಸನ್ತಿ (ಸ್ಯಾ.), ನ ವೇ ದಿಸ್ಸನ್ತಿ (ಪೀ.), ನ ವಿದೇಸ್ಸನ್ತಿ (ಕ. ಅಟ್ಠ.)] ಸಪ್ಪಞ್ಞಾ, ದಿಸ್ವಾ ಯಾಚಕಮಾಗತೇ;

ಬ್ರಹ್ಮಚಾರಿ ಪಿಯೋ ಮೇಸಿ, ವದ ತ್ವಂ [ವರ ತಂ (ಸೀ.), ವರ ತ್ವಂ (ಪೀ.)] ಭಞ್ಞಮಿಚ್ಛಸಿ [ಯಞ್ಞಮಿಚ್ಛಸಿ (?)].

ನ ವೇ ಯಾಚನ್ತಿ ಸಪ್ಪಞ್ಞಾ, ಧೀರೋ ಚ ವೇದಿತುಮರಹತಿ;

ಉದ್ದಿಸ್ಸ ಅರಿಯಾ ತಿಟ್ಠನ್ತಿ, ಏಸಾ ಅರಿಯಾನ ಯಾಚನಾ.

ದದಾಮಿ ತೇ ಬ್ರಾಹ್ಮಣ ರೋಹಿಣೀನಂ, ಗವಂ ಸಹಸ್ಸಂ ಸಹ ಪುಙ್ಗವೇನ;

ಅರಿಯೋ ಹಿ ಅರಿಯಸ್ಸ ಕಥಂ ನ ದಜ್ಜಾ, ಸುತ್ವಾನ ಗಾಥಾ ತವ ಧಮ್ಮಯುತ್ತಾತಿ.

ಯತ್ಥ ¶ ವೇರೀ ನಿವಸತಿ, ನ ವಸೇ ತತ್ಥ ಪಣ್ಡಿತೋ;

ಏಕರತ್ತಂ ದಿರತ್ತಂ ವಾ, ದುಕ್ಖಂ ವಸತಿ ವೇರಿಸು.

ದಿಸೋ ವೇ ಲಹುಚಿತ್ತಸ್ಸ, ಪೋಸಸ್ಸಾನುವಿಧೀಯತೋ;

ಏಕಸ್ಸ ಕಪಿನೋ ಹೇತು, ಯೂಥಸ್ಸ ಅನಯೋ ಕತೋ.

ಬಾಲೋವ [ಚ (ಸೀ. ಸ್ಯಾ. ಪೀ.)] ಪಣ್ಡಿತಮಾನೀ, ಯೂಥಸ್ಸ ಪರಿಹಾರಕೋ;

ಸಚಿತ್ತಸ್ಸ ವಸಂ ಗನ್ತ್ವಾ, ಸಯೇಥಾಯಂ [ಪಸ್ಸೇಥಾಯಂ (ಕ.)] ಯಥಾ ಕಪಿ.

ನ ಸಾಧು ಬಲವಾ ಬಾಲೋ, ಯೂಥಸ್ಸ ಪರಿಹಾರಕೋ;

ಅಹಿತೋ ಭವತಿ ಞಾತೀನಂ, ಸಕುಣಾನಂವ ಚೇತಕೋ [ಚೇಟಕೋ (ಕ.)].

ಧೀರೋವ ¶ ಬಲವಾ ಸಾಧು, ಯೂಥಸ್ಸ ಪರಿಹಾರಕೋ;

ಹಿತೋ ಭವತಿ ಞಾತೀನಂ, ತಿದಸಾನಂವ ವಾಸವೋ.

ಯೋ ಚ ಸೀಲಞ್ಚ ಪಞ್ಞಞ್ಚ, ಸುತಞ್ಚತ್ತನಿ ಪಸ್ಸತಿ;

ಉಭಿನ್ನಮತ್ಥಂ ಚರತಿ, ಅತ್ತನೋ ಚ ಪರಸ್ಸ ಚ.

ತಸ್ಮಾ ತುಲೇಯ್ಯ ಮತ್ತಾನಂ, ಸೀಲಪಞ್ಞಾಸುತಾಮಿವ [ಸೀಲಂ ಪಞ್ಞಂ ಸುತಂಪಿವ (ಸ್ಯಾ.)];

ಗಣಂ ವಾ ಪರಿಹರೇ ಧೀರೋ, ಏಕೋ ವಾಪಿ ಪರಿಬ್ಬಜೇತಿ.

ದ್ವಾಸತ್ತತಿ ¶ ಗೋತಮ [ಭೋ ಗೋತಮ (ಕ.)] ಪುಞ್ಞಕಮ್ಮಾ, ವಸವತ್ತಿನೋ ¶ ಜಾತಿಜರಂ ಅತೀತಾ;

ಅಯಮನ್ತಿಮಾ ವೇದಗೂ ಬ್ರಹ್ಮಪತ್ತಿ [ಬ್ರಹ್ಮುಪಪತ್ತಿ (ಸ್ಯಾ. ಕ.)], ಅಸ್ಮಾಭಿಜಪ್ಪನ್ತಿ ಜನಾ [ಪಜಾ (ಕ.)] ಅನೇಕಾ.

ಅಪ್ಪಞ್ಹಿ ಏತಂ [ಅಪ್ಪಞ್ಚ ಹೇತಂ (ಸ್ಯಾ.), ಅಪ್ಪಂಸಿ ಏತಂ (ಕ.)] ನ ಹಿ ದೀಘಮಾಯು, ಯಂ ತ್ವಂ ಬಕ ಮಞ್ಞಸಿ ದೀಘಮಾಯುಂ;

ಸತಂ ಸಹಸ್ಸಾನಿ [ಸಹಸ್ಸಾನಂ (ಸೀ. ಪೀ. ಸಂ. ನಿ. ೧.೧೭೫), ಸಹಸ್ಸಾನ (ಸ್ಯಾ. ಕಂ.)] ನಿರಬ್ಬುದಾನಂ, ಆಯುಂ ಪಜಾನಾಮಿ ತವಾಹ ಬ್ರಹ್ಮೇ.

ಅನನ್ತದಸ್ಸೀ ಭಗವಾಹಮಸ್ಮಿ, ಜಾತಿಜ್ಜರಂ ಸೋಕಮುಪಾತಿವತ್ತೋ;

ಕಿಂ ಮೇ ಪುರಾಣಂ ವತಸೀಲವತ್ತಂ [ಸೀಲವನ್ತಂ (ಪೀ. ಕ.)], ಆಚಿಕ್ಖ ಮೇ ತಂ ಯಮಹಂ ವಿಜಞ್ಞಂ.

ಯಂ ತ್ವಂ ಅಪಾಯೇಸಿ ಬಹೂ ಮನುಸ್ಸೇ, ಪಿಪಾಸಿತೇ ಘಮ್ಮನಿ ಸಮ್ಪರೇತೇ;

ತಂ ತೇ ಪುರಾಣಂ ವತಸೀಲವತ್ತಂ, ಸುತ್ತಪ್ಪಬುದ್ಧೋವ ಅನುಸ್ಸರಾಮಿ.

ಯಂ ¶ ಏಣಿಕೂಲಸ್ಮಿ ಜನಂ ಗಹೀತಂ, ಅಮೋಚಯೀ ಗಯ್ಹಕ ನಿಯ್ಯಮಾನಂ;

ತಂ ತೇ ಪುರಾಣಂ ವತಸೀಲವತ್ತಂ, ಸುತ್ತಪ್ಪಬುದ್ಧೋವ ಅನುಸ್ಸರಾಮಿ.

ಗಙ್ಗಾಯ ಸೋತಸ್ಮಿಂ ಗಹೀತನಾವಂ, ಲುದ್ದೇನ ¶ ನಾಗೇನ ಮನುಸ್ಸಕಪ್ಪಾ;

ಅಮೋಚಯಿ ತ್ವಂ ಬಲಸಾ ಪಸಯ್ಹ, ತಂ ತೇ ಪುರಾಣಂ ವತಸೀಲವತ್ತಂ;

ಕಪ್ಪೋ ಚ ತೇ ಬದ್ಧಚರೋ [ಪತ್ಥಚರೋ (ಸ್ಯಾ.), ಪಟ್ಠಚರೋ (ಕ.)] ಅಹೋಸಿ, ಸಮ್ಬುದ್ಧಿಮನ್ತಂ [ಸಮ್ಬುದ್ಧಿವನ್ತಂ (ಸ್ಯಾ. ಪೀ.), ಸಮ್ಬುದ್ಧವನ್ತಂ (ಕ.)] ವತಿನಂ [ವತಿತಂ (ಸ್ಯಾ.), ವತಿದಂ (ಕ.)] ಅಮಞ್ಞಂ;

ತಂ ತೇ ಪುರಾಣಂ ವತಸೀಲವತ್ತಂ, ಸುತ್ತಪ್ಪಬುದ್ಧೋವ ಅನುಸ್ಸರಾಮಿ.

ಅದ್ಧಾ ಪಜಾನಾಸಿ ಮಮೇತಮಾಯುಂ, ಅಞ್ಞಮ್ಪಿ ಜಾನಾಸಿ ತಥಾ ಹಿ ಬುದ್ಧೋ;

ತಥಾ ಹಿ ತಾಯಂ [ತ್ಯಾಯಂ (ಸಂ. ನಿ. ೧.೧೭೫)] ಜಲಿತಾನುಭಾವೋ, ಓಭಾಸಯಂ ತಿಟ್ಠತಿ ಬ್ರಹ್ಮಲೋಕನ್ತಿ.

ವರಕಣ್ಣಿಕ ಚಾಪವರೋ ಸುತನೋ, ಅಥ ಗಿಜ್ಝ ಸರೋಹಿತಮಚ್ಛವರೋ;

ಪುನ ಪಣ್ಣಕ [ದಸಣ್ಣಕ (ಸೀ. ಸ್ಯಾ. ಪೀ.)] ಸೇನಕ ಯಾಚನಕೋ, ಅಥ ವೇರಿ ಸಬ್ರಹ್ಮಬಕೇನ ದಸಾತಿ.

ಹಿತ್ವಾ ¶ ¶ ¶ ಗಾಮಸಹಸ್ಸಾನಿ, ಪರಿಪುಣ್ಣಾನಿ ಸೋಳಸ;

ಕೋಟ್ಠಾಗಾರಾನಿ ಫೀತಾನಿ, ಸನ್ನಿಧಿಂ ದಾನಿ ಕುಬ್ಬಸಿ.

ಹಿತ್ವಾ ಗನ್ಧಾರವಿಸಯಂ, ಪಹೂತಧನಧಾರಿಯಂ [ಧಾನಿಯಂ (ಸೀ. ಪೀ.), ಧಞ್ಞನ್ತಿ ಅತ್ಥೋ];

ಪಸಾಸನತೋ [ಪಸಾಸನಿತೋ (ಸೀ. ಸ್ಯಾ.), ಪಸಾಸನಾತೋ (ಪೀ.)] ನಿಕ್ಖನ್ತೋ, ಇಧ ದಾನಿ ಪಸಾಸಸಿ.

ಧಮ್ಮಂ ಭಣಾಮಿ ವೇದೇಹ, ಅಧಮ್ಮೋ ಮೇ ನ ರುಚ್ಚತಿ;

ಧಮ್ಮಂ ಮೇ ಭಣಮಾನಸ್ಸ, ನ ಪಾಪಮುಪಲಿಮ್ಪತಿ.

ಯೇನ ಕೇನಚಿ ವಣ್ಣೇನ, ಪರೋ ಲಭತಿ ರುಪ್ಪನಂ;

ಮಹತ್ಥಿಯಮ್ಪಿ ಚೇ ವಾಚಂ, ನ ತಂ ಭಾಸೇಯ್ಯ ಪಣ್ಡಿತೋ.

ಕಾಮಂ ರುಪ್ಪತು ವಾ ಮಾ ವಾ, ಭುಸಂವ ವಿಕಿರೀಯತು;

ಧಮ್ಮಂ ಮೇ ಭಣಮಾನಸ್ಸ, ನ ಪಾಪಮುಪಲಿಮ್ಪತಿ.

ನೋ ಚೇ ಅಸ್ಸ ಸಕಾ ಬುದ್ಧಿ, ವಿನಯೋ ವಾ ಸುಸಿಕ್ಖಿತೋ;

ವನೇ ಅನ್ಧಮಹಿಂಸೋವ [ಅನ್ಧಮಹಿಸೋವ (ಸೀ. ಪೀ.)] ಚರೇಯ್ಯ ಬಹುಕೋ ಜನೋ.

ಯಸ್ಮಾ ಚ ಪನಿಧೇಕಚ್ಚೇ, ಆಚೇರಮ್ಹಿ [ಆಚಾರಮ್ಹಿ (ಸೀ. ಪೀ.)] ಸುಸಿಕ್ಖಿತಾ;

ತಸ್ಮಾ ವಿನೀತವಿನಯಾ, ಚರನ್ತಿ ಸುಸಮಾಹಿತಾತಿ.

ಅತ್ತಾನಂ ¶ ಸಙ್ಕಮಂ ಕತ್ವಾ, ಯೋ ಸೋತ್ಥಿಂ ಸಮತಾರಯಿ;

ಕಿಂ ತ್ವಂ ತೇಸಂ ಕಿಮೇ [ಕಿಮೋ (ಸೀ. ಪೀ.), ಕಿಂ ಮೇ (ಸ್ಯಾ.)] ತುಯ್ಹಂ, ಹೋನ್ತಿ ಏತೇ [ಹೇತೇ (ಸ್ಯಾ.), ಸೋ ತೇ (ಕ.)] ಮಹಾಕಪಿ.

ರಾಜಾಹಂ ಇಸ್ಸರೋ ತೇಸಂ, ಯೂಥಸ್ಸ ಪರಿಹಾರಕೋ;

ತೇಸಂ ಸೋಕಪರೇತಾನಂ, ಭೀತಾನಂ ತೇ ಅರಿನ್ದಮ.

ಉಲ್ಲಙ್ಘಯಿತ್ವಾ [ಸ ಲಙ್ಘಯಿತ್ವಾ (ಪೀ.), ಸುಲಙ್ಘಯಿತ್ವಾ (ಕ.)] ಅತ್ತಾನಂ, ವಿಸ್ಸಟ್ಠಧನುನೋ ಸತಂ;

ತತೋ ಅಪರಪಾದೇಸು, ದಳ್ಹಂ ಬನ್ಧಂ ಲತಾಗುಣಂ.

ಛಿನ್ನಬ್ಭಮಿವ ¶ ವಾತೇನ, ನುಣ್ಣೋ [ನುನ್ನೋ (ಸೀ.)] ರುಕ್ಖಂ ಉಪಾಗಮಿಂ;

ಸೋಹಂ ಅಪ್ಪಭವಂ ತತ್ಥ, ಸಾಖಂ ಹತ್ಥೇಹಿ ಅಗ್ಗಹಿಂ.

ತಂ ¶ ಮಂ ವಿಯಾಯತಂ ಸನ್ತಂ, ಸಾಖಾಯ ಚ ಲತಾಯ ಚ;

ಸಮನುಕ್ಕಮನ್ತಾ ಪಾದೇಹಿ, ಸೋತ್ಥಿಂ ಸಾಖಾಮಿಗಾ ಗತಾ.

ತಂ ಮಂ ನ ತಪತೇ ಬನ್ಧೋ, ಮತೋ [ವಧೋ (ಸೀ. ಸ್ಯಾ. ಪೀ.)] ಮೇ ನ ತಪೇಸ್ಸತಿ;

ಸುಖಮಾಹರಿತಂ ತೇಸಂ, ಯೇಸಂ ರಜ್ಜಮಕಾರಯಿಂ.

ಏಸಾ ತೇ ಉಪಮಾ ರಾಜ, ತಂ ಸುಣೋಹಿ ಅರಿನ್ದಮ [ಅತ್ಥಸನ್ದಸ್ಸನೀ ಕತಾ (ಪೀ.)];

ರಞ್ಞಾ ರಟ್ಠಸ್ಸ ಯೋಗ್ಗಸ್ಸ, ಬಲಸ್ಸ ನಿಗಮಸ್ಸ ಚ;

ಸಬ್ಬೇಸಂ ಸುಖಮೇಟ್ಠಬ್ಬಂ, ಖತ್ತಿಯೇನ ಪಜಾನತಾತಿ.

ಅಮ್ಬಾಹಮದ್ದಂ ¶ ವನಮನ್ತರಸ್ಮಿಂ, ನೀಲೋಭಾಸಂ ಫಲಿತಂ [ಫಲಿನಂ (ಪೀ.)] ಸಂವಿರೂಳ್ಹಂ;

ತಮದ್ದಸಂ ಫಲಹೇತು ವಿಭಗ್ಗಂ, ತಂ ದಿಸ್ವಾ ಭಿಕ್ಖಾಚರಿಯಂ ಚರಾಮಿ.

ಸೇಲಂ ಸುಮಟ್ಠಂ ನರವೀರನಿಟ್ಠಿತಂ [ನರವಿದ್ದುನಿಟ್ಠಿತಂ (ಕ.)], ನಾರೀ ಯುಗಂ ಧಾರಯಿ ಅಪ್ಪಸದ್ದಂ;

ದುತಿಯಞ್ಚ ಆಗಮ್ಮ ಅಹೋಸಿ ಸದ್ದೋ, ತಂ ದಿಸ್ವಾ ಭಿಕ್ಖಾಚರಿಯಂ ಚರಾಮಿ.

ದಿಜಾ ದಿಜಂ ಕುಣಪಮಾಹರನ್ತಂ, ಏಕಂ ಸಮಾನಂ ಬಹುಕಾ ಸಮೇಚ್ಚ;

ಆಹಾರಹೇತೂ ಪರಿಪಾತಯಿಂಸು, ತಂ ದಿಸ್ವಾ ಭಿಕ್ಖಾಚರಿಯಂ ಚರಾಮಿ.

ಉಸಭಾಹಮದ್ದಂ ಯೂಥಸ್ಸ ಮಜ್ಝೇ, ಚಲಕ್ಕಕುಂ ವಣ್ಣಬಲೂಪಪನ್ನಂ;

ತಮದ್ದಸಂ ಕಾಮಹೇತು ವಿತುನ್ನಂ, ತಂ ದಿಸ್ವಾ ಭಿಕ್ಖಾಚರಿಯಂ ಚರಾಮಿ.

ಕರಣ್ಡಕೋ ¶ [ಕರಣ್ಡುನಾಮ (ಸೀ. ಪೀ.)] ಕಲಿಙ್ಗಾನಂ, ಗನ್ಧಾರಾನಞ್ಚ ನಗ್ಗಜಿ;

ನಿಮಿರಾಜಾ ವಿದೇಹಾನಂ, ಪಞ್ಚಾಲಾನಞ್ಚ ದುಮ್ಮುಖೋ;

ಏತೇ ರಟ್ಠಾನಿ ಹಿತ್ವಾನ, ಪಬ್ಬಜಿಂಸು ಅಕಿಞ್ಚನಾ.

ಸಬ್ಬೇಪಿಮೇ ¶ ದೇವಸಮಾ ಸಮಾಗತಾ, ಅಗ್ಗೀ ಯಥಾ ಪಜ್ಜಲಿತೋ ತಥೇವಿಮೇ;

ಅಹಮ್ಪಿ ಏಕೋ ಚರಿಸ್ಸಾಮಿ ಭಗ್ಗವಿ, ಹಿತ್ವಾನ ಕಾಮಾನಿ ಯಥೋಧಿಕಾನಿ.

ಅಯಮೇವ ಕಾಲೋ ನ ಹಿ ಅಞ್ಞೋ ಅತ್ಥಿ, ಅನುಸಾಸಿತಾ ಮೇ ನ ಭವೇಯ್ಯ ಪಚ್ಛಾ;

ಅಹಮ್ಪಿ ಏಕಾ ಚರಿಸ್ಸಾಮಿ ಭಗ್ಗವ, ಸಕುಣೀವ ಮುತ್ತಾ ಪುರಿಸಸ್ಸ ಹತ್ಥಾ.

ಆಮಂ ಪಕ್ಕಞ್ಚ ಜಾನನ್ತಿ, ಅಥೋ ಲೋಣಂ ಅಲೋಣಕಂ;

ತಮಹಂ ದಿಸ್ವಾನ ಪಬ್ಬಜಿಂ, ಚರೇವ ತ್ವಂ ಚರಾಮಹನ್ತಿ.

ಅಹಂ ¶ ಚೇ ದಳ್ಹಧಮ್ಮಸ್ಸ [ದಳ್ಹಧಮ್ಮಾಯ (ಪೀ.)], ವಹನ್ತಿ ನಾಭಿರಾಧಯಿಂ;

ಧರನ್ತೀ ಉರಸಿ ಸಲ್ಲಂ, ಯುದ್ಧೇ ವಿಕ್ಕನ್ತಚಾರಿನೀ.

ನೂನ ರಾಜಾ ನ ಜಾನಾತಿ [ನ ಹ ನೂನ ರಾಜಾ ಜಾನಾತಿ (ಸೀ. ಪೀ.)], ಮಮ ವಿಕ್ಕಮಪೋರಿಸಂ;

ಸಙ್ಗಾಮೇ ಸುಕತನ್ತಾನಿ, ದೂತವಿಪ್ಪಹಿತಾನಿ ಚ.

ಸಾ ನೂನಾಹಂ ಮರಿಸ್ಸಾಮಿ, ಅಬನ್ಧು ಅಪರಾಯಿನೀ [ಅಪರಾಯಿಣೀ (ಸೀ.), ಅಪರಾಯಣೀ (?)];

ತದಾ ¶ ಹಿ [ತಥಾ ಹಿ (ಪೀ.)] ಕುಮ್ಭಕಾರಸ್ಸ, ದಿನ್ನಾ ಛಕಣಹಾರಿಕಾ.

ಯಾವತಾಸೀಸತೀ ಪೋಸೋ, ತಾವದೇವ ಪವೀಣತಿ;

ಅತ್ಥಾಪಾಯೇ ಜಹನ್ತಿ ನಂ, ಓಟ್ಠಿಬ್ಯಾಧಿಂವ ಖತ್ತಿಯೋ.

ಯೋ ಪುಬ್ಬೇ ಕತಕಲ್ಯಾಣೋ, ಕತತ್ಥೋ ನಾವಬುಜ್ಝತಿ;

ಅತ್ಥಾ ತಸ್ಸ ಪಲುಜ್ಜನ್ತಿ, ಯೇ ಹೋನ್ತಿ ಅಭಿಪತ್ಥಿತಾ.

ಯೋ ¶ ಪುಬ್ಬೇ ಕತಕಲ್ಯಾಣೋ, ಕತತ್ಥೋ ಮನುಬುಜ್ಝತಿ;

ಅತ್ಥಾ ತಸ್ಸ ಪವಡ್ಢನ್ತಿ, ಯೇ ಹೋನ್ತಿ ಅಭಿಪತ್ಥಿತಾ.

ತಂ ವೋ ವದಾಮಿ ಭದ್ದನ್ತೇ [ಭದ್ದಂ ವೋ (ಸೀ. ಸ್ಯಾ. ಪೀ.)], ಯಾವನ್ತೇತ್ಥ ಸಮಾಗತಾ;

ಸಬ್ಬೇ ಕತಞ್ಞುನೋ ಹೋಥ, ಚಿರಂ ಸಗ್ಗಮ್ಹಿ ಠಸ್ಸಥಾತಿ.

ಯೋ ಮಂ ಪುರೇ ಪಚ್ಚುಡ್ಡೇತಿ [ಪಚ್ಚುದೇತಿ (ಸೀ. ಸ್ಯಾ. ಪೀ.), ಪಚ್ಚುಟ್ಠೇತಿ (ಕ.)], ಅರಞ್ಞೇ ದೂರಮಾಯತೋ;

ಸೋ ನ ದಿಸ್ಸತಿ ಮಾತಙ್ಗೋ, ಸೋಮದತ್ತೋ ಕುಹಿಂ ಗತೋ.

ಅಯಂ ವಾ ಸೋ ಮತೋ ಸೇತಿ, ಅಲ್ಲಸಿಙ್ಗಂವ ವಚ್ಛಿತೋ [ಅಲ್ಲಪಿಙ್ಕವ ಛಿಜ್ಜಿತೋ (ಸೀ. ಪೀ.), ಅಲ್ಲಪೀತಂವ ವಿಚ್ಛಿತೋ (ಸ್ಯಾ.)];

ಭುಮ್ಯಾ ನಿಪತಿತೋ ಸೇತಿ, ಅಮರಾ ವತ ಕುಞ್ಜರೋ.

ಅನಗಾರಿಯುಪೇತಸ್ಸ, ವಿಪ್ಪಮುತ್ತಸ್ಸ ತೇ ಸತೋ;

ಸಮಣಸ್ಸ ನ ತಂ ಸಾಧು, ಯಂ ಪೇತಮನುಸೋಚಸಿ.

ಸಂವಾಸೇನ ಹವೇ ಸಕ್ಕ, ಮನುಸ್ಸಸ್ಸ ಮಿಗಸ್ಸ ವಾ;

ಹದಯೇ ¶ ಜಾಯತೇ ಪೇಮಂ, ತಂ ನ ಸಕ್ಕಾ ಅಸೋಚಿತುಂ.

ಮತಂ ಮರಿಸ್ಸಂ ರೋದನ್ತಿ, ಯೇ ರುದನ್ತಿ ಲಪನ್ತಿ ಚ;

ತಸ್ಮಾ ತ್ವಂ ಇಸಿ ಮಾ ರೋದಿ, ರೋದಿತಂ ಮೋಘಮಾಹು ಸನ್ತೋ.

ಕನ್ದಿತೇನ ¶ ಹವೇ ಬ್ರಹ್ಮೇ, ಮತೋ ಪೇತೋ ಸಮುಟ್ಠಹೇ;

ಸಬ್ಬೇ ಸಙ್ಗಮ್ಮ ರೋದಾಮ, ಅಞ್ಞಮಞ್ಞಸ್ಸ ಞಾತಕೇ.

ಆದಿತ್ತಂ ವತ ಮಂ ಸನ್ತಂ, ಘತಸಿತ್ತಂವ ಪಾವಕಂ;

ವಾರಿನಾ ವಿಯ ಓಸಿಞ್ಚಂ, ಸಬ್ಬಂ ನಿಬ್ಬಾಪಯೇ ದರಂ.

ಅಬ್ಬಹೀ ವತ ಮೇ ಸಲ್ಲಂ, ಯಮಾಸಿ ಹದಯಸ್ಸಿತಂ;

ಯೋ ಮೇ ಸೋಕಪರೇತಸ್ಸ, ಪುತ್ತಸೋಕಂ ಅಪಾನುದಿ.

ಸೋಹಂ ಅಬ್ಬೂಳ್ಹಸಲ್ಲೋಸ್ಮಿ, ವೀತಸೋಕೋ ಅನಾವಿಲೋ;

ನ ಸೋಚಾಮಿ ನ ರೋದಾಮಿ, ತವ ಸುತ್ವಾನ ವಾಸವಾತಿ.

ಕಾಳಾನಿ ¶ ಕೇಸಾನಿ ಪುರೇ ಅಹೇಸುಂ, ಜಾತಾನಿ ಸೀಸಮ್ಹಿ ಯಥಾಪದೇಸೇ;

ತಾನಜ್ಜ ಸೇತಾನಿ ಸುಸೀಮ [ಸುಸಿಮ (ಕ.)] ದಿಸ್ವಾ, ಧಮ್ಮಂ ಚರ ಬ್ರಹ್ಮಚರಿಯಸ್ಸ ಕಾಲೋ.

ಮಮೇವ ದೇವ ಪಲಿತಂ ನ ತುಯ್ಹಂ, ಮಮೇವ ಸೀಸಂ ಮಮ ಉತ್ತಮಙ್ಗಂ;

‘‘ಅತ್ಥಂ ¶ ಕರಿಸ್ಸ’’ನ್ತಿ ಮುಸಾ ಅಭಾಣಿಂ [ಅಭಾಸಿಂ (ಕ.)], ಏಕಾಪರಾಧಂ ಖಮ ರಾಜಸೇಟ್ಠ.

ದಹರೋ ತುವಂ ದಸ್ಸನಿಯೋಸಿ ರಾಜ, ಪಠಮುಗ್ಗತೋ ಹೋಸಿ [ಹೋಹಿ (ಸೀ.), ಹೋತಿ (ಕ.)] ಯಥಾ ಕಳೀರೋ;

ರಜ್ಜಞ್ಚ ಕಾರೇಹಿ ಮಮಞ್ಚ ಪಸ್ಸ, ಮಾ ಕಾಲಿಕಂ ಅನುಧಾವೀ ಜನಿನ್ದ.

ಪಸ್ಸಾಮಿ ವೋಹಂ ದಹರಿಂ ಕುಮಾರಿಂ, ಸಾಮಟ್ಠಪಸ್ಸಂ ಸುತನುಂ ಸುಮಜ್ಝಂ;

ಕಾಳಪ್ಪವಾಳಾವ ಪವೇಲ್ಲಮಾನಾ, ಪಲೋಭಯನ್ತೀವ [ಸಾ ಲೋಭಯನ್ತೀವ (ಪೀ.)] ನರೇಸು ಗಚ್ಛತಿ.

ತಮೇನ ಪಸ್ಸಾಮಿಪರೇನ ನಾರಿಂ, ಆಸೀತಿಕಂ ನಾವುತಿಕಂ ವ ಜಚ್ಚಾ;

ದಣ್ಡಂ ಗಹೇತ್ವಾನ ಪವೇಧಮಾನಂ, ಗೋಪಾನಸೀಭೋಗ್ಗಸಮಂ ಚರನ್ತಿಂ.

ಸೋಹಂ ತಮೇವಾನುವಿಚಿನ್ತಯನ್ತೋ, ಏಕೋ ಸಯಾಮಿ [ಪಸ್ಸಾಮಿ (ಕ.)] ಸಯನಸ್ಸ ಮಜ್ಝೇ;

‘‘ಅಹಮ್ಪಿ ಏವಂ’’ ಇತಿ ಪೇಕ್ಖಮಾನೋ, ನ ಗಹೇ ರಮೇ [ನ ಗೇಹೇ ರಮೇ (ಸೀ.), ಗೇಹೇ ನ ರಮೇ (ಸ್ಯಾ. ಕ.)] ಬ್ರಹ್ಮಚರಿಯಸ್ಸ ಕಾಲೋ.

ರಜ್ಜುವಾಲಮ್ಬನೀ ¶ ಚೇಸಾ, ಯಾ ಗೇಹೇ ವಸತೋ ರತಿ;

ಏವಮ್ಪಿ ¶ ಛೇತ್ವಾನ ವಜನ್ತಿ ಧೀರಾ, ಅನಪೇಕ್ಖಿನೋ ಕಾಮಸುಖಂ ಪಹಾಯಾತಿ.

ಅಹಂ ದಸಸತಂಬ್ಯಾಮಂ, ಉರಗಮಾದಾಯ ಆಗತೋ;

ತಞ್ಚ ಮಞ್ಚ ಮಹಾಕಾಯಂ, ಧಾರಯಂ ನಪ್ಪವೇಧಸಿ [ನ ಪವೇಧಯಿ (ಕ.)].

ಅಥಿಮಂ ¶ ಖುದ್ದಕಂ ಪಕ್ಖಿಂ, ಅಪ್ಪಮಂಸತರಂ ಮಯಾ;

ಧಾರಯಂ ಬ್ಯಥಸಿ [ಬ್ಯಾಧಸೇ (ಸೀ.), ಬ್ಯಧಸೇ (ಪೀ.), ಬ್ಯಾಧಸಿ (ಕ.)] ಭೀತಾ [ಭೀತೋ (ಸೀ. ಸ್ಯಾ. ಪೀ.)], ಕಮತ್ಥಂ ಕೋಟಸಿಮ್ಬಲಿ [ಕೋಟಿಸಿಮ್ಬಲಿ (ಸೀ. ಪೀ.)].

ಮಂಸಭಕ್ಖೋ ತುವಂ ರಾಜ, ಫಲಭಕ್ಖೋ ಅಯಂ ದಿಜೋ;

ಅಯಂ ನಿಗ್ರೋಧಬೀಜಾನಿ, ಪಿಲಕ್ಖುದುಮ್ಬರಾನಿ ಚ;

ಅಸ್ಸತ್ಥಾನಿ ಚ ಭಕ್ಖಿತ್ವಾ, ಖನ್ಧೇ ಮೇ ಓಹದಿಸ್ಸತಿ.

ತೇ ರುಕ್ಖಾ ಸಂವಿರೂಹನ್ತಿ, ಮಮ ಪಸ್ಸೇ ನಿವಾತಜಾ;

ತೇ ಮಂ ಪರಿಯೋನನ್ಧಿಸ್ಸನ್ತಿ, ಅರುಕ್ಖಂ ಮಂ ಕರಿಸ್ಸರೇ.

ಸನ್ತಿ ಅಞ್ಞೇಪಿ ರುಕ್ಖಾ ಸೇ, ಮೂಲಿನೋ ಖನ್ಧಿನೋ ದುಮಾ;

ಇಮಿನಾ ಸಕುಣಜಾತೇನ, ಬೀಜಮಾಹರಿತಾ ಹತಾ.

ಅಜ್ಝಾರೂಹಾಭಿವಡ್ಢನ್ತಿ [ಅಜ್ಝಾರೂಳ್ಹಾಭಿವಡ್ಢನ್ತಿ (ಸೀ. ಪೀ.)], ಬ್ರಹನ್ತಮ್ಪಿ ವನಪ್ಪತಿಂ;

ತಸ್ಮಾ ರಾಜ ಪವೇಧಾಮಿ, ಸಮ್ಪಸ್ಸಂನಾಗತಂ ಭಯಂ.

ಸಙ್ಕೇಯ್ಯ ಸಙ್ಕಿತಬ್ಬಾನಿ, ರಕ್ಖೇಯ್ಯಾನಾಗತಂ ಭಯಂ;

ಅನಾಗತಭಯಾ ¶ ಧೀರೋ, ಉಭೋ ಲೋಕೇ ಅವೇಕ್ಖತೀತಿ.

ರಾಜಾ ಅಪುಚ್ಛಿ ವಿಧುರಂ, ಧಮ್ಮಕಾಮೋ ಯುಧಿಟ್ಠಿಲೋ;

ಅಪಿ ಬ್ರಾಹ್ಮಣ ಜಾನಾಸಿ, ಕೋ ಏಕೋ ಬಹು ಸೋಚತಿ.

ಬ್ರಾಹ್ಮಣೋ ¶ ಅಜಯೂಥೇನ, ಪಹೂತೇಧೋ [ಬಹೂತೇಜೋ (ಪೀ. ಕ.), ಬಹುತೇನ್ದೋ (ಸ್ಯಾ.)] ವನೇ ವಸಂ;

ಧೂಮಂ ಅಕಾಸಿ ವಾಸೇಟ್ಠೋ, ರತ್ತಿನ್ದಿವಮತನ್ದಿತೋ.

ತಸ್ಸ ತಂ ಧೂಮಗನ್ಧೇನ, ಸರಭಾ ಮಕಸಡ್ಡಿತಾ [ಮಕಸದ್ದಿತಾ (ಸೀ. ಸ್ಯಾ.), ಮಕಸಟ್ಟಿತಾ (ಪೀ. ಕ.)];

ವಸ್ಸಾವಾಸಂ ಉಪಾಗಚ್ಛುಂ, ಧೂಮಕಾರಿಸ್ಸ ಸನ್ತಿಕೇ.

ಸರಭೇಸು ಮನಂ ಕತ್ವಾ, ಅಜಾ ಸೋ ನಾವಬುಜ್ಝಥ;

ಆಗಚ್ಛನ್ತೀ ವಜನ್ತೀ ವಾ [ಆಗಚ್ಛನ್ತಿ ವಜನ್ತಿ ವಾ (ಸ್ಯಾ. ಪೀ.), ಆಗಚ್ಛನ್ತಿಂ ವಜನ್ತಿಂ ವಾ (ಕ.)], ತಸ್ಸ ತಾ ವಿನಸುಂ [ವಿನಸ್ಸುಂ (ಸೀ.)] ಅಜಾ.

ಪಾವಿಸುಂ ಗಿರಿದುಗ್ಗಾನಿ, ನದೀನಂ ಪಭವಾನಿ ಚ.

ಸರಭೇ ಚ ಗತೇ ದಿಸ್ವಾ, ಅಜಾ ಚ ವಿಭವಂ ಗತಾ [ಅಜೇ ಚ ವಿಭವಂ ಗತೇ (ಕ.)];

ಕಿಸೋ ಚ ವಿವಣ್ಣೋ ಚಾಸಿ, ಪಣ್ಡುರೋಗೀ ಚ ಬ್ರಾಹ್ಮಣೋ.

ಏವಂ ¶ ಯೋ ಸಂ ನಿರಂಕತ್ವಾ, ಆಗನ್ತುಂ ಕುರುತೇ ಪಿಯಂ;

ಸೋ ಏಕೋ ಬಹು ಸೋಚತಿ, ಧೂಮಕಾರೀವ ಬ್ರಾಹ್ಮಣೋತಿ.

ಕೋಧ ¶ ಜಾಗರತಂ ಸುತ್ತೋ, ಕೋಧ ಸುತ್ತೇಸು ಜಾಗರೋ;

ಕೋ ಮಮೇತಂ ವಿಜಾನಾತಿ, ಕೋ ತಂ ಪಟಿಭಣಾತಿ ಮೇ.

ಅಹಂ ಜಾಗರತಂ ಸುತ್ತೋ, ಅಹಂ ಸುತ್ತೇಸು ಜಾಗರೋ;

ಅಹಮೇತಂ ವಿಜಾನಾಮಿ, ಅಹಂ ಪಟಿಭಣಾಮಿ ತೇ.

ಕಥಂ ಜಾಗರತಂ ಸುತ್ತೋ, ಕಥಂ ಸುತ್ತೇಸು ಜಾಗರೋ;

ಕಥಂ ಏತಂ ವಿಜಾನಾಸಿ, ಕಥಂ ಪಟಿಭಣಾಸಿ ಮೇ.

ಯೇ ಧಮ್ಮಂ ನಪ್ಪಜಾನನ್ತಿ, ಸಂಯಮೋತಿ ದಮೋತಿ ಚ;

ತೇಸು ಸುಪ್ಪಮಾನೇಸು, ಅಹಂ ಜಗ್ಗಾಮಿ ದೇವತೇ.

ಯೇಸಂ ರಾಗೋ ಚ ದೋಸೋ ಚ, ಅವಿಜ್ಜಾ ಚ ವಿರಾಜಿತಾ;

ತೇಸು ಜಾಗರಮಾನೇಸು, ಅಹಂ ಸುತ್ತೋಸ್ಮಿ ದೇವತೇ.

ಏವಂ ¶ ಜಾಗರತಂ ಸುತ್ತೋ, ಏವಂ ಸುತ್ತೇಸು ಜಾಗರೋ;

ಏವಮೇತಂ ವಿಜಾನಾಮಿ, ಏವಂ ಪಟಿಭಣಾಮಿ ತೇ.

ಸಾಧು ಜಾಗರತಂ ಸುತ್ತೋ, ಸಾಧು ಸುತ್ತೇಸು ಜಾಗರೋ;

ಸಾಧುಮೇತಂ ವಿಜಾನಾಸಿ, ಸಾಧು ಪಟಿಭಣಾಸಿ ಮೇತಿ.

೪೧೫. ಕುಮ್ಮಾಸಪಿಣ್ಡಿಜಾತಕಂ (೭-೨-೧೦)

ನ ಕಿರತ್ಥಿ ಅನೋಮದಸ್ಸಿಸು, ಪಾರಿಚರಿಯಾ ಬುದ್ಧೇಸು ಅಪ್ಪಿಕಾ [ಅಪ್ಪಕಾ (ಕ.)];

ಸುಕ್ಖಾಯ ¶ ಅಲೋಣಿಕಾಯ ಚ, ಪಸ್ಸಫಲಂ ಕುಮ್ಮಾಸಪಿಣ್ಡಿಯಾ.

ಹತ್ಥಿಗವಸ್ಸಾ ಚಿಮೇ ಬಹೂ [ಹತ್ಥಿಗವಾಸ್ಸಾ ಚ ಮೇ ಬಹೂ (ಸೀ.), ಹತ್ಥೀ ಗವಾಸ್ಸಾ ಚಿಮೇ ಬಹೂ (ಸ್ಯಾ.), ಹತ್ಥೀ ಗವಾಸ್ಸಾ ಚ ಮೇ ಬಹೂ (ಪೀ.)], ಧನಧಞ್ಞಂ ಪಥವೀ ಚ ಕೇವಲಾ;

ನಾರಿಯೋ ಚಿಮಾ ಅಚ್ಛರೂಪಮಾ, ಪಸ್ಸಫಲಂ ಕುಮ್ಮಾಸಪಿಣ್ಡಿಯಾ.

ಅಭಿಕ್ಖಣಂ ರಾಜಕುಞ್ಜರ, ಗಾಥಾ ಭಾಸಸಿ ಕೋಸಲಾಧಿಪ;

ಪುಚ್ಛಾಮಿ ತಂ ರಟ್ಠವಡ್ಢನ, ಬಾಳ್ಹಂ ಪೀತಿಮನೋ ಪಭಾಸಸಿ.

ಇಮಸ್ಮಿಞ್ಞೇವ ನಗರೇ, ಕುಲೇ ಅಞ್ಞತರೇ ಅಹುಂ;

ಪರಕಮ್ಮಕರೋ ಆಸಿಂ, ಭತಕೋ ಸೀಲಸಂವುತೋ.

ಕಮ್ಮಾಯ ¶ ನಿಕ್ಖಮನ್ತೋಹಂ, ಚತುರೋ ಸಮಣೇದ್ದಸಂ;

ಆಚಾರಸೀಲಸಮ್ಪನ್ನೇ, ಸೀತಿಭೂತೇ ಅನಾಸವೇ.

ತೇಸು ಚಿತ್ತಂ ಪಸಾದೇತ್ವಾ, ನಿಸೀದೇತ್ವಾ [ನಿಸಾದೇತ್ವಾ (?)] ಪಣ್ಣಸನ್ಥತೇ;

ಅದಂ ಬುದ್ಧಾನ ಕುಮ್ಮಾಸಂ, ಪಸನ್ನೋ ಸೇಹಿ ಪಾಣಿಭಿ.

ತಸ್ಸ ¶ ಕಮ್ಮಸ್ಸ ಕುಸಲಸ್ಸ, ಇದಂ ಮೇ ಏದಿಸಂ ಫಲಂ;

ಅನುಭೋಮಿ ಇದಂ ರಜ್ಜಂ, ಫೀತಂ ಧರಣಿಮುತ್ತಮಂ.

ದದಂ ಭುಞ್ಜ ಮಾ ಚ ಪಮಾದೋ [ದದ ಭುಞ್ಜ ಚ ಮಾ ಚ ಪಮಾದೋ (ಸೀ. ಪೀ.)], ಚಕ್ಕಂ ವತ್ತಯ ಕೋಸಲಾಧಿಪ;

ಮಾ ¶ ರಾಜ ಅಧಮ್ಮಿಕೋ ಅಹು, ಧಮ್ಮಂ ಪಾಲಯ ಕೋಸಲಾಧಿಪ.

ಸೋಹಂ ತದೇವ ಪುನಪ್ಪುನಂ, ವಟುಮಂ ಆಚರಿಸ್ಸಾಮಿ ಸೋಭನೇ;

ಅರಿಯಾಚರಿತಂ ಸುಕೋಸಲೇ, ಅರಹನ್ತೋ ಮೇ ಮನಾಪಾವ ಪಸ್ಸಿತುಂ.

ದೇವೀ ವಿಯ ಅಚ್ಛರೂಪಮಾ, ಮಜ್ಝೇ ನಾರಿಗಣಸ್ಸ ಸೋಭಸಿ;

ಕಿಂ ಕಮ್ಮಮಕಾಸಿ ಭದ್ದಕಂ, ಕೇನಾಸಿ ವಣ್ಣವತೀ ಸುಕೋಸಲೇ.

ಅಮ್ಬಟ್ಠಕುಲಸ್ಸ ಖತ್ತಿಯ, ದಾಸ್ಯಾಹಂ ಪರಪೇಸಿಯಾ ಅಹುಂ;

ಸಞ್ಞತಾ ಚ [ಸಞ್ಞತಾ (ಸೀ. ಪೀ.)] ಧಮ್ಮಜೀವಿನೀ, ಸೀಲವತೀ ಚ ಅಪಾಪದಸ್ಸನಾ.

ಉದ್ಧಟಭತ್ತಂ ಅಹಂ ತದಾ, ಚರಮಾನಸ್ಸ ಅದಾಸಿ ಭಿಕ್ಖುನೋ;

ವಿತ್ತಾ ಸುಮನಾ ಸಯಂ ಅಹಂ, ತಸ್ಸ ಕಮ್ಮಸ್ಸ ಫಲಂ ಮಮೇದಿಸನ್ತಿ.

ಆಗಮಿಸ್ಸತಿ ¶ ಮೇ ಪಾಪಂ, ಆಗಮಿಸ್ಸತಿ ಮೇ ಭಯಂ;

ತದಾ ಹಿ ಚಲಿತಾ ಸಾಖಾ, ಮನುಸ್ಸೇನ ಮಿಗೇನ ವಾ.

ಭೀರುಯಾ ನೂನ ಮೇ ಕಾಮೋ, ಅವಿದೂರೇ ವಸನ್ತಿಯಾ;

ಕರಿಸ್ಸತಿ ಕಿಸಂ ಪಣ್ಡುಂ, ಸಾವ ಸಾಖಾ ಪರನ್ತಪಂ.

ಸೋಚಯಿಸ್ಸತಿ ¶ ಮಂ ಕನ್ತಾ, ಗಾಮೇ ವಸಮನಿನ್ದಿತಾ;

ಕರಿಸ್ಸತಿ ಕಿಸಂ ಪಣ್ಡುಂ, ಸಾವ ಸಾಖಾ ಪರನ್ತಪಂ.

ತಯಾ ಮಂ ಅಸಿತಾಪಙ್ಗಿ [ಹಸಿತಾಪಙ್ಗಿ (ಸೀ. ಸ್ಯಾ. ಪೀ.)], ಸಿತಾನಿ [ಮಿಹಿತಾನಿ (ಸೀ. ಸ್ಯಾ. ಪೀ.)] ಭಣಿತಾನಿ ಚ;

ಕಿಸಂ ಪಣ್ಡುಂ ಕರಿಸ್ಸನ್ತಿ, ಸಾವ ಸಾಖಾ ಪರನ್ತಪಂ.

ಅಗಮಾ ನೂನ ಸೋ ಸದ್ದೋ, ಅಸಂಸಿ ನೂನ ಸೋ ತವ;

ಅಕ್ಖಾತಂ ನೂನ ತಂ ತೇನ, ಯೋ ತಂ ಸಾಖಮಕಮ್ಪಯಿ.

ಇದಂ ¶ ಖೋ ತಂ ಸಮಾಗಮ್ಮ, ಮಮ ಬಾಲಸ್ಸ ಚಿನ್ತಿತಂ;

ತದಾ ಹಿ ಚಲಿತಾ ಸಾಖಾ, ಮನುಸ್ಸೇನ ಮಿಗೇನ ವಾ.

ತಥೇವ ತ್ವಂ ಅವೇದೇಸಿ, ಅವಞ್ಚಿ [ಅವಜ್ಝಿ (ಕ.)] ಪಿತರಂ ಮಮ;

ಹನ್ತ್ವಾ ಸಾಖಾಹಿ ಛಾದೇನ್ತೋ, ಆಗಮಿಸ್ಸತಿ ಮೇ [ತೇ (ಸ್ಯಾ. ಕ.)] ಭಯನ್ತಿ.

ವರಗಾಮ ¶ ಮಹಾಕಪಿ ಭಗ್ಗವ ಚ, ದಳ್ಹಧಮ್ಮ ಸಕುಞ್ಜರ ಕೇಸವರೋ;

ಉರಗೋ ವಿಧುರೋ ಪುನ ಜಾಗರತಂ, ಅಥ ಕೋಸಲಾಧಿಪ ಪರನ್ತಪ ಚಾತಿ.

ಅಥ ಸತ್ತನಿಪಾತಮ್ಹಿ, ವಗ್ಗಂ ಮೇ ಭಣತೋ ಸುಣ;

ಕುಕ್ಕು ಚ ಪುನ ಗನ್ಧಾರೋ, ದ್ವೇವ ಗುತ್ತಾ ಮಹೇಸಿನಾತಿ.

ಓದಾತವತ್ಥಾ ¶ ¶ ¶ ಸುಚಿ ಅಲ್ಲಕೇಸಾ, ಕಚ್ಚಾನಿ ಕಿಂ ಕುಮ್ಭಿಮಧಿಸ್ಸಯಿತ್ವಾ [ಕುಮ್ಭಿಮಪಸ್ಸಯಿತ್ವಾ (ಪೀ.)];

ಪಿಟ್ಠಾ ತಿಲಾ ಧೋವಸಿ ತಣ್ಡುಲಾನಿ, ತಿಲೋದನೋ ಹೇಹಿತಿ ಕಿಸ್ಸ ಹೇತು.

ನ ಖೋ ಅಯಂ ಬ್ರಾಹ್ಮಣ ಭೋಜನತ್ಥಾ [ಭೋಜನತ್ಥಂ (ಸ್ಯಾ.)], ತಿಲೋದನೋ ಹೇಹಿತಿ ಸಾಧುಪಕ್ಕೋ;

ಧಮ್ಮೋ ಮತೋ ತಸ್ಸ ಪಹುತ್ತಮಜ್ಜ [ಪಹೂನಮಜ್ಜ (ಸ್ಯಾ.), ಪಹೂತಮಜ್ಜ (ಸೀ.), ಬಹೂತಮಜ್ಜಾ (ಪೀ.)], ಅಹಂ ಕರಿಸ್ಸಾಮಿ ಸುಸಾನಮಜ್ಝೇ.

ಅನುವಿಚ್ಚ ಕಚ್ಚಾನಿ ಕರೋಹಿ ಕಿಚ್ಚಂ, ಧಮ್ಮೋ ಮತೋ ಕೋ ನು ತವೇವ [ತವೇತ (ಸೀ. ಸ್ಯಾ. ಪೀ.)] ಸಂಸಿ;

ಸಹಸ್ಸನೇತ್ತೋ ಅತುಲಾನುಭಾವೋ, ನ ಮಿಯ್ಯತೀ ಧಮ್ಮವರೋ ಕದಾಚಿ.

ದಳ್ಹಪ್ಪಮಾಣಂ ಮಮ ಏತ್ಥ ಬ್ರಹ್ಮೇ, ಧಮ್ಮೋ ಮತೋ ನತ್ಥಿ ಮಮೇತ್ಥ ಕಙ್ಖಾ;

ಯೇ ಯೇವ ದಾನಿ ಪಾಪಾ ಭವನ್ತಿ, ತೇ ¶ ತೇವ ದಾನಿ ಸುಖಿತಾ ಭವನ್ತಿ.

ಸುಣಿಸಾ ಹಿ ಮಯ್ಹಂ ವಞ್ಝಾ ಅಹೋಸಿ, ಸಾ ಮಂ ವಧಿತ್ವಾನ ವಿಜಾಯಿ ಪುತ್ತಂ;

ಸಾ ದಾನಿ ಸಬ್ಬಸ್ಸ ಕುಲಸ್ಸ ಇಸ್ಸರಾ, ಅಹಂ ಪನಮ್ಹಿ [ವಸಾಮಿ (ಸ್ಯಾ.)] ಅಪವಿದ್ಧಾ ಏಕಿಕಾ.

ಜೀವಾಮಿ ¶ ವೋಹಂ ನ ಮತೋಹಮಸ್ಮಿ [ನಾಹಂ ಮತೋಸ್ಮಿ (ಸೀ. ಪೀ.)], ತವೇವ ಅತ್ಥಾಯ ಇಧಾಗತೋಸ್ಮಿ;

ಯಾ ತಂ ವಧಿತ್ವಾನ ವಿಜಾಯಿ ಪುತ್ತಂ, ಸಹಾವ ಪುತ್ತೇನ ಕರೋಮಿ ಭಸ್ಮಂ.

ಏವಞ್ಚ [ಏತಞ್ಚ (ಸೀ. ಪೀ.)] ತೇ ರುಚ್ಚತಿ ದೇವರಾಜ, ಮಮೇವ ಅತ್ಥಾಯ ಇಧಾಗತೋಸಿ;

ಅಹಞ್ಚ ಪುತ್ತೋ ಸುಣಿಸಾ ಚ ನತ್ತಾ, ಸಮ್ಮೋದಮಾನಾ ಘರಮಾವಸೇಮ.

ಏವಞ್ಚ ತೇ ರುಚ್ಚತಿ ಕಾತಿಯಾನಿ, ಹತಾಪಿ ಸನ್ತಾ ನ ಜಹಾಸಿ ಧಮ್ಮಂ;

ತುವಞ್ಚ [ತ್ವಞ್ಚ (ಪೀ. ಕ.)] ಪುತ್ತೋ ಸುಣಿಸಾ ಚ ನತ್ತಾ, ಸಮ್ಮೋದಮಾನಾ ಘರಮಾವಸೇಥ.

ಸಾ ಕಾತಿಯಾನೀ ಸುಣಿಸಾಯ ಸದ್ಧಿಂ, ಸಮ್ಮೋದಮಾನಾ ಘರಮಾವಸಿತ್ಥ;

ಪುತ್ತೋ ¶ ಚ ನತ್ತಾ ಚ ಉಪಟ್ಠಹಿಂಸು, ದೇವಾನಮಿನ್ದೇನ ಅಧಿಗ್ಗಹೀತಾತಿ.

ಇದಂ ¶ ಪುರೇ ನಿನ್ನಮಾಹು, ಬಹುಮಚ್ಛಂ ಮಹೋದಕಂ;

ಆವಾಸೋ ಬಕರಾಜಸ್ಸ, ಪೇತ್ತಿಕಂ ಭವನಂ ಮಮ;

ತ್ಯಜ್ಜ ಭೇಕೇನ [ಭಿಙ್ಗೇನ (ಕ.)] ಯಾಪೇಮ, ಓಕಂ ನ ವಜಹಾಮಸೇ [ಓಕನ್ತಂ ನ ಜಹಾಮಸೇ (ಕ.)].

ಕೋ ದುತಿಯಂ ಅಸೀಲಿಸ್ಸ, ಬನ್ಧರಸ್ಸಕ್ಖಿ ಭೇಚ್ಛತಿ [ಭೇಜ್ಜತಿ (ಸೀ. ಸ್ಯಾ. ಪೀ.), ಭಿನ್ದತಿ (ಕ.)];

ಕೋ ಮೇ ಪುತ್ತೇ ಕುಲಾವಕಂ, ಮಞ್ಚ ಸೋತ್ಥಿಂ ಕರಿಸ್ಸತಿ.

ಸಬ್ಬಾ ಪರಿಕ್ಖಯಾ ಫೇಗ್ಗು, ಯಾವ ತಸ್ಸಾ ಗತೀ ಅಹು;

ಖೀಣಭಕ್ಖೋ ಮಹಾರಾಜ, ಸಾರೇ ನ ರಮತೀ ಘುಣೋ.

ಸಾ ¶ ನೂನಾಹಂ ಇತೋ ಗನ್ತ್ವಾ, ರಞ್ಞೋ ಮುತ್ತಾ ನಿವೇಸನಾ;

ಅತ್ತಾನಂ ರಮಯಿಸ್ಸಾಮಿ, ದುಮಸಾಖನಿಕೇತಿನೀ.

ಸೋ ನೂನಾಹಂ ಇತೋ ಗನ್ತ್ವಾ, ರಞ್ಞೋ ಮುತ್ತೋ ನಿವೇಸನಾ;

ಅಗ್ಗೋದಕಾನಿ ಪಿಸ್ಸಾಮಿ, ಯೂಥಸ್ಸ ಪುರತೋ ವಜಂ.

ತಂ ಮಂ ಕಾಮೇಹಿ ಸಮ್ಮತ್ತಂ, ರತ್ತಂ ಕಾಮೇಸು ಮುಚ್ಛಿತಂ;

ಆನಯೀ ಭರತೋ [ವನತೋ (ಕ.)] ಲುದ್ದೋ, ಬಾಹಿಕೋ ಭದ್ದಮತ್ಥು ತೇ.

ಅನ್ಧಕಾರತಿಮಿಸಾಯಂ, ತುಙ್ಗೇ ಉಪರಿಪಬ್ಬತೇ;

ಸಾ ¶ ಮಂ ಸಣ್ಹೇನ ಮುದುನಾ, ಮಾ ಪಾದಂ ಖಲಿ [ಖಣಿ (ಸೀ. ಸ್ಯಾ. ಪೀ.)] ಯಸ್ಮನಿ.

ಅಸಂಸಯಂ ಜಾತಿಖಯನ್ತದಸ್ಸೀ, ನ ಗಬ್ಭಸೇಯ್ಯಂ ಪುನರಾವಜಿಸ್ಸಂ;

ಅಯಮನ್ತಿಮಾ ಪಚ್ಛಿಮಾ ಗಬ್ಭಸೇಯ್ಯಾ [ಅಯಂ ಹಿ ಮೇ ಅನ್ತಿಮಾ ಗಬ್ಭಸೇಯ್ಯಾ (ಸೀ. ಪೀ.)], ಖೀಣೋ ಮೇ ಸಂಸಾರೋ ಪುನಬ್ಭವಾಯಾತಿ.

ಇದಂ ಸುವಣ್ಣಕಾಯೂರಂ, ಮುತ್ತಾ ವೇಳುರಿಯಾ ಬಹೂ;

ಸಬ್ಬಂ ಹರಸ್ಸು ಭದ್ದನ್ತೇ, ಮಞ್ಚ ದಾಸೀತಿ ಸಾವಯ.

ಓರೋಪಯಸ್ಸು ಕಲ್ಯಾಣಿ, ಮಾ ಬಾಳ್ಹಂ [ಬಹುಂ (ಸೀ. ಸ್ಯಾ. ಪೀ.)] ಪರಿದೇವಸಿ;

ನ ಚಾಹಂ ಅಭಿಜಾನಾಮಿ, ಅಹನ್ತ್ವಾ ಧನಮಾಭತಂ.

ಯತೋ ಸರಾಮಿ ಅತ್ತಾನಂ, ಯತೋ ಪತ್ತಾಸ್ಮಿ ವಿಞ್ಞುತಂ;

ನ ಚಾಹಂ ಅಭಿಜಾನಾಮಿ, ಅಞ್ಞಂ ಪಿಯತರಂ ತಯಾ.

ಏಹಿ ತಂ ಉಪಗೂಹಿಸ್ಸಂ [ಉಪಗುಯ್ಹಿಸ್ಸಂ (ಕ.)], ಕರಿಸ್ಸಞ್ಚ ಪದಕ್ಖಿಣಂ;

ನ ಹಿ ದಾನಿ ಪುನ ಅತ್ಥಿ, ಮಮ ತುಯ್ಹಞ್ಚ ಸಙ್ಗಮೋ.

ನ ¶ ಹಿ ಸಬ್ಬೇಸು ಠಾನೇಸು, ಪುರಿಸೋ ಹೋತಿ ಪಣ್ಡಿತೋ;

ಇತ್ಥೀಪಿ ಪಣ್ಡಿತಾ ಹೋತಿ, ತತ್ಥ ತತ್ಥ ವಿಚಕ್ಖಣಾ.

ನ ¶ ಹಿ ಸಬ್ಬೇಸು ಠಾನೇಸು, ಪುರಿಸೋ ಹೋತಿ ಪಣ್ಡಿತೋ;

ಇತ್ಥೀಪಿ ¶ ಪಣ್ಡಿತಾ ಹೋತಿ, ಲಹುಂ ಅತ್ಥಂ ವಿಚಿನ್ತಿಕಾ [ಲಹುಮತ್ಥವಿಚಿನ್ತಿಕಾ (ಸೀ. ಪೀ.)].

ಲಹುಞ್ಚ ವತ ಖಿಪ್ಪಞ್ಚ, ನಿಕಟ್ಠೇ ಸಮಚೇತಯಿ;

ಮಿಗಂ ಪುಣ್ಣಾಯತೇನೇವ [ಪುಣ್ಣಾಯತನೇವ (ಸ್ಯಾ.)], ಸುಲಸಾ ಸತ್ತುಕಂ ವಧಿ.

ಯೋಧ ಉಪ್ಪತಿತಂ ಅತ್ಥಂ, ನ ಖಿಪ್ಪಮನುಬುಜ್ಝತಿ;

ಸೋ ಹಞ್ಞತಿ ಮನ್ದಮತಿ, ಚೋರೋವ ಗಿರಿಗಬ್ಭರೇ.

ಯೋ ಚ ಉಪ್ಪತಿತಂ ಅತ್ಥಂ, ಖಿಪ್ಪಮೇವ ನಿಬೋಧತಿ;

ಮುಚ್ಚತೇ ಸತ್ತುಸಮ್ಬಾಧಾ, ಸುಲಸಾ ಸತ್ತುಕಾಮಿವಾತಿ.

ಭುಸಮ್ಹಿ [ಭುಸಮ್ಪಿ (ಕ.), ಭುಸಂ ಹಿ (ಸೀ. ನಿಯ್ಯ)] ಕುದ್ಧೋತಿ ಅವೇಕ್ಖಿಯಾನ, ನ ತಾವ ದಣ್ಡಂ ಪಣಯೇಯ್ಯ ಇಸ್ಸರೋ;

ಅಟ್ಠಾನಸೋ ಅಪ್ಪತಿರೂಪಮತ್ತನೋ, ಪರಸ್ಸ ದುಕ್ಖಾನಿ ಭುಸಂ ಉದೀರಯೇ.

ಯತೋ ಚ ಜಾನೇಯ್ಯ ಪಸಾದಮತ್ತನೋ, ಅತ್ಥಂ ನಿಯುಞ್ಜೇಯ್ಯ ಪರಸ್ಸ ದುಕ್ಕಟಂ;

ತದಾಯಮತ್ಥೋತಿ ಸಯಂ ಅವೇಕ್ಖಿಯ, ಅಥಸ್ಸ ದಣ್ಡಂ ಸದಿಸಂ ನಿವೇಸಯೇ.

ನ ಚಾಪಿ ಝಾಪೇತಿ ಪರಂ ನ ಅತ್ತನಂ, ಅಮುಚ್ಛಿತೋ ಯೋ ನಯತೇ ನಯಾನಯಂ;

ಯೋ ¶ ದಣ್ಡಧಾರೋ ಭವತೀಧ ಇಸ್ಸರೋ, ಸ ವಣ್ಣಗುತ್ತೋ ಸಿರಿಯಾ ನ ಧಂಸತಿ.

ಯೇ ಖತ್ತಿಯಾ ಸೇ ಅನಿಸಮ್ಮಕಾರಿನೋ, ಪಣೇನ್ತಿ ದಣ್ಡಂ ಸಹಸಾ ಪಮುಚ್ಛಿತಾ;

ಅವಣ್ಣಸಂಯುತಾ [ಯುತ್ತಾವ (ಕ.)] ಜಹನ್ತಿ ಜೀವಿತಂ, ಇತೋ ವಿಮುತ್ತಾಪಿ ಚ ಯನ್ತಿ ದುಗ್ಗತಿಂ.

ಧಮ್ಮೇ ¶ ಚ ಯೇ ಅರಿಯಪ್ಪವೇದಿತೇ ರತಾ, ಅನುತ್ತರಾ ತೇ ವಚಸಾ ಮನಸಾ ಕಮ್ಮುನಾ ಚ;

ತೇ ಸನ್ತಿಸೋರಚ್ಚಸಮಾಧಿಸಣ್ಠಿತಾ, ವಜನ್ತಿ ಲೋಕಂ ದುಭಯಂ ತಥಾವಿಧಾ.

ರಾಜಾಹಮಸ್ಮಿ ನರಪಮದಾನಮಿಸ್ಸರೋ, ಸಚೇಪಿ ಕುಜ್ಝಾಮಿ ಠಪೇಮಿ ಅತ್ತನಂ;

ನಿಸೇಧಯನ್ತೋ ಜನತಂ ತಥಾವಿಧಂ, ಪಣೇಮಿ ದಣ್ಡಂ ಅನುಕಮ್ಪ ಯೋನಿಸೋ.

ಸಿರೀ ಚ ಲಕ್ಖೀ ಚ ತವೇವ ಖತ್ತಿಯ, ಜನಾಧಿಪ ಮಾ ವಿಜಹಿ ಕುದಾಚನಂ;

ಅಕ್ಕೋಧನೋ ನಿಚ್ಚಪಸನ್ನಚಿತ್ತೋ, ಅನೀಘೋ ತುವಂ ವಸ್ಸಸತಾನಿ ಪಾಲಯ.

ಗುಣೇಹಿ ಏತೇಹಿ ಉಪೇತ ಖತ್ತಿಯ, ಠಿತಮರಿಯವತ್ತೀ [ವತ್ತಿ (ಸೀ.), ವುತ್ತಿ (ಕ.)] ಸುವಚೋ ಅಕೋಧನೋ;

ಸುಖೀ ¶ ಅನುಪ್ಪೀಳ ಪಸಾಸಮೇದಿನಿಂ [ಅನುಪ್ಪೀಳಂ ಸಹಸಮೇದನಿಂ (ಕ.)], ಇತೋ ವಿಮುತ್ತೋಪಿ ಚ ಯಾಹಿ ಸುಗ್ಗತಿಂ.

ಏವಂ ¶ ಸುನೀತೇನ [ಸುವಿನೀತೇನ (ಪೀ.)] ಸುಭಾಸಿತೇನ, ಧಮ್ಮೇನ ಞಾಯೇನ ಉಪಾಯಸೋ ನಯಂ;

ನಿಬ್ಬಾಪಯೇ ಸಙ್ಖುಭಿತಂ ಮಹಾಜನಂ, ಮಹಾವ ಮೇಘೋ ಸಲಿಲೇನ ಮೇದಿನಿನ್ತಿ [ಮೇದನಿನ್ತಿ (ಸ್ಯಾ. ಕ.)].

ಅಙ್ಗಾರಜಾತಾ ಪಥವೀ, ಕುಕ್ಕುಳಾನುಗತಾ ಮಹೀ;

ಅಥ ಗಾಯಸಿ ವತ್ತಾನಿ [ವತ್ಥಾನಿ (ಕ.)], ನ ತಂ ತಪತಿ ಆತಪೋ.

ಉದ್ಧಂ ತಪತಿ ಆದಿಚ್ಚೋ, ಅಧೋ ತಪತಿ ವಾಲುಕಾ;

ಅಥ ಗಾಯಸಿ ವತ್ತಾನಿ [ವತ್ಥಾನಿ (ಕ.)], ನ ತಂ ತಪತಿ ಆತಪೋ.

ನ ¶ ಮಂ ತಪತಿ ಆತಪೋ, ಆತಪಾ [ಆತಪ್ಪಾ (ಸೀ. ಸ್ಯಾ. ಪೀ.)] ತಪಯನ್ತಿ ಮಂ;

ಅತ್ಥಾ ಹಿ ವಿವಿಧಾ ರಾಜ, ತೇ ತಪನ್ತಿ ನ ಆತಪೋ.

ಅದ್ದಸಂ ಕಾಮ ತೇ ಮೂಲಂ, ಸಙ್ಕಪ್ಪಾ ಕಾಮ ಜಾಯಸಿ;

ನ ತಂ ಸಙ್ಕಪ್ಪಯಿಸ್ಸಾಮಿ, ಏವಂ ಕಾಮ ನ ಹೇಹಿಸಿ.

ಅಪ್ಪಾಪಿ ಕಾಮಾ ನ ಅಲಂ, ಬಹೂಹಿಪಿ ನ ತಪ್ಪತಿ;

ಅಹಹಾ ಬಾಲಲಪನಾ, ಪರಿವಜ್ಜೇಥ [ಪಟಿವಿಜ್ಝೇಥ (ಪೀ. ಸೀ. ಅಟ್ಠ.)] ಜಗ್ಗತೋ.

ಅಪ್ಪಸ್ಸ ¶ ಕಮ್ಮಸ್ಸ ಫಲಂ ಮಮೇದಂ, ಉದಯೋ ಅಜ್ಝಾಗಮಾ ಮಹತ್ತಪತ್ತಂ;

ಸುಲದ್ಧಲಾಭೋ ವತ ಮಾಣವಸ್ಸ, ಯೋ ಪಬ್ಬಜೀ ಕಾಮರಾಗಂ ಪಹಾಯ.

ತಪಸಾ ಪಜಹನ್ತಿ ಪಾಪಕಮ್ಮಂ, ತಪಸಾ ನ್ಹಾಪಿತಕುಮ್ಭಕಾರಭಾವಂ;

ತಪಸಾ ಅಭಿಭುಯ್ಯ ಗಙ್ಗಮಾಲ, ನಾಮೇನಾಲಪಸಜ್ಜ ಬ್ರಹ್ಮದತ್ತಂ.

ಸನ್ದಿಟ್ಠಿಕಮೇವ ‘‘ಅಮ್ಮ’’ ಪಸ್ಸಥ, ಖನ್ತೀಸೋರಚ್ಚಸ್ಸ ಅಯಂ [ಯೋ (ಸ್ಯಾ. ಪೀ. ಕ.)] ವಿಪಾಕೋ;

ಯೋ [ಸೋ (ಸ್ಯಾ. ಕ.)] ಸಬ್ಬಜನಸ್ಸ ವನ್ದಿತೋಹು, ತಂ ವನ್ದಾಮ ಸರಾಜಿಕಾ ಸಮಚ್ಚಾ.

ಮಾ ಕಿಞ್ಚಿ ಅವಚುತ್ಥ ಗಙ್ಗಮಾಲಂ, ಮುನಿನಂ ಮೋನಪಥೇಸು ಸಿಕ್ಖಮಾನಂ;

ಏಸೋ ಹಿ ಅತರಿ ಅಣ್ಣವಂ, ಯಂ ತರಿತ್ವಾ ಚರನ್ತಿ ವೀತಸೋಕಾತಿ.

ಧಮ್ಮೋ ¶ ಹವೇ ಹತೋ ಹನ್ತಿ, ನಾಹತೋ ಹನ್ತಿ ಕಿಞ್ಚನಂ [ಕಞ್ಚಿನಂ (ಪೀ.)];

ತಸ್ಮಾ ಹಿ ಧಮ್ಮಂ ನ ಹನೇ, ಮಾ ತ್ವಂ [ತಂ (ಸ್ಯಾ. ಪೀ.)] ಧಮ್ಮೋ ಹತೋ ಹನಿ.

ಅಲಿಕಂ ¶ ¶ ಭಾಸಮಾನಸ್ಸ, ಅಪಕ್ಕಮನ್ತಿ ದೇವತಾ;

ಪೂತಿಕಞ್ಚ ಮುಖಂ ವಾತಿ, ಸಕಟ್ಠಾನಾ ಚ ಧಂಸತಿ;

ಯೋ ಜಾನಂ ಪುಚ್ಛಿತೋ ಪಞ್ಹಂ, ಅಞ್ಞಥಾ ನಂ ವಿಯಾಕರೇ.

ಸಚೇ ಹಿ ಸಚ್ಚಂ ಭಣಸಿ, ಹೋಹಿ ರಾಜ ಯಥಾ ಪುರೇ;

ಮುಸಾ ಚೇ ಭಾಸಸೇ ರಾಜ, ಭೂಮಿಯಂ ತಿಟ್ಠ ಚೇತಿಯ.

ಅಕಾಲೇ ವಸ್ಸತೀ ತಸ್ಸ, ಕಾಲೇ ತಸ್ಸ ನ ವಸ್ಸತಿ;

ಯೋ ಜಾನಂ ಪುಚ್ಛಿತೋ ಪಞ್ಹಂ, ಅಞ್ಞಥಾ ನಂ ವಿಯಾಕರೇ.

ಸಚೇ ಹಿ ಸಚ್ಚಂ ಭಣಸಿ, ಹೋಹಿ ರಾಜ ಯಥಾ ಪುರೇ;

ಮುಸಾ ಚೇ ಭಾಸಸೇ ರಾಜ, ಭೂಮಿಂ ಪವಿಸ ಚೇತಿಯ.

ಜಿವ್ಹಾ ತಸ್ಸ ದ್ವಿಧಾ ಹೋತಿ, ಉರಗಸ್ಸೇವ ದಿಸಮ್ಪತಿ;

ಯೋ ಜಾನಂ ಪುಚ್ಛಿತೋ ಪಞ್ಹಂ, ಅಞ್ಞಥಾ ನಂ ವಿಯಾಕರೇ.

ಸಚೇ ಹಿ ಸಚ್ಚಂ ಭಣಸಿ, ಹೋಹಿ ರಾಜ ಯಥಾ ಪುರೇ;

ಮುಸಾ ಚೇ ಭಾಸಸೇ ರಾಜ, ಭಿಯ್ಯೋ ಪವಿಸ ಚೇತಿಯ.

ಜಿವ್ಹಾ ತಸ್ಸ ನ ಭವತಿ, ಮಚ್ಛಸ್ಸೇವ ದಿಸಮ್ಪತಿ;

ಯೋ ಜಾನಂ ಪುಚ್ಛಿತೋ ಪಞ್ಹಂ, ಅಞ್ಞಥಾ ನಂ ವಿಯಾಕರೇ.

ಸಚೇ ಹಿ ಸಚ್ಚಂ ಭಣಸಿ, ಹೋಹಿ ರಾಜ ಯಥಾ ಪುರೇ;

ಮುಸಾ ಚೇ ಭಾಸಸೇ ರಾಜ, ಭಿಯ್ಯೋ ಪವಿಸ ಚೇತಿಯ.

ಥಿಯೋವ ¶ ತಸ್ಸ ಜಾಯನ್ತಿ [ಥಿಯೋ ತಸ್ಸ ಪಜಾಯನ್ತಿ (ಕ.)], ನ ಪುಮಾ ಜಾಯರೇ ಕುಲೇ;

ಯೋ ಜಾನಂ ಪುಚ್ಛಿತೋ ಪಞ್ಹಂ, ಅಞ್ಞಥಾ ನಂ ವಿಯಾಕರೇ.

ಸಚೇ ಹಿ ಸಚ್ಚಂ ಭಣಸಿ, ಹೋಹಿ ರಾಜ ಯಥಾ ಪುರೇ;

ಮುಸಾ ಚೇ ಭಾಸಸೇ ರಾಜ, ಭಿಯ್ಯೋ ಪವಿಸ ಚೇತಿಯ.

ಪುತ್ತಾ ತಸ್ಸ ನ ಭವನ್ತಿ, ಪಕ್ಕಮನ್ತಿ ದಿಸೋದಿಸಂ;

ಯೋ ಜಾನಂ ಪುಚ್ಛಿತೋ ಪಞ್ಹಂ, ಅಞ್ಞಥಾ ನಂ ವಿಯಾಕರೇ.

ಸಚೇ ಹಿ ಸಚ್ಚಂ ಭಣಸಿ, ಹೋಹಿ ರಾಜ ಯಥಾ ಪುರೇ;

ಮುಸಾ ಚೇ ಭಾಸಸೇ ರಾಜ, ಭಿಯ್ಯೋ ಪವಿಸ ಚೇತಿಯ.

ಸ ¶ ರಾಜಾ ಇಸಿನಾ ಸತ್ತೋ, ಅನ್ತಲಿಕ್ಖಚರೋ ಪುರೇ;

ಪಾವೇಕ್ಖಿ ಪಥವಿಂ ಚೇಚ್ಚೋ, ಹೀನತ್ತೋ ಪತ್ವ ಪರಿಯಾಯಂ [ಅತ್ತಪರಿಯಾಯಂ (ಸೀ. ಸ್ಯಾ.), ಪತ್ತಪರಿಯಾಯಂ (ಕ. ಸೀ. ನಿಯ್ಯ)].

ತಸ್ಮಾ ¶ ಹಿ ಛನ್ದಾಗಮನಂ, ನಪ್ಪಸಂಸನ್ತಿ ಪಣ್ಡಿತಾ;

ಅದುಟ್ಠಚಿತ್ತೋ ಭಾಸೇಯ್ಯ, ಗಿರಂ ಸಚ್ಚೂಪಸಂಹಿತನ್ತಿ.

ಯೋ ಇನ್ದ್ರಿಯಾನಂ ಕಾಮೇನ, ವಸಂ ನಾರದ ಗಚ್ಛತಿ;

ಸೋ ಪರಿಚ್ಚಜ್ಜುಭೋ ಲೋಕೇ, ಜೀವನ್ತೋವ ವಿಸುಸ್ಸತಿ [ಜೀವನ್ತೋಪಿವಿಸುಸ್ಸತಿ (ಸ್ಯಾ.), ಜೀವನ್ತೋ ವಾಪಿ ಸುಸ್ಸತಿ (ಕ.)].

ಸುಖಸ್ಸಾನನ್ತರಂ ದುಕ್ಖಂ, ದುಕ್ಖಸ್ಸಾನನ್ತರಂ ಸುಖಂ;

ಸೋಸಿ [ಸೋಪಿ (ಸ್ಯಾ. ಪೀ. ಕ.)] ಪತ್ತೋ ಸುಖಾ [ಸುಖ (ಸ್ಯಾ.), ಸುಖಂ (ಕ.)] ದುಕ್ಖಂ, ಪಾಟಿಕಙ್ಖ ವರಂ ಸುಖಂ.

ಕಿಚ್ಛಕಾಲೇ ¶ ಕಿಚ್ಛಸಹೋ, ಯೋ ಕಿಚ್ಛಂ ನಾತಿವತ್ತತಿ;

ಸ ಕಿಚ್ಛನ್ತಂ ಸುಖಂ ಧೀರೋ, ಯೋಗಂ ಸಮಧಿಗಚ್ಛತಿ.

ನ ಹೇವ ಕಾಮಾನ ಕಾಮಾ, ನಾನತ್ಥಾ ನಾತ್ಥಕಾರಣಾ;

ನ ಕತಞ್ಚ ನಿರಙ್ಕತ್ವಾ, ಧಮ್ಮಾ ಚವಿತುಮರಹಸಿ.

ದಕ್ಖಂ ಗಹಪತೀ [ಗಹಪತಂ (ಸೀ. ಸ್ಯಾ. ಪೀ.), ಗಹವತಂ (?)] ಸಾಧು, ಸಂವಿಭಜ್ಜಞ್ಚ ಭೋಜನಂ;

ಅಹಾಸೋ ಅತ್ಥಲಾಭೇಸು, ಅತ್ಥಬ್ಯಾಪತ್ತಿ ಅಬ್ಯಥೋ.

ಏತ್ತಾವತೇತಂ ಪಣ್ಡಿಚ್ಚಂ, ಅಪಿ ಸೋ [ಅಸಿತೋ (ಸೀ. ಸ್ಯಾ. ಪೀ.)] ದವಿಲೋ [ದೇವಲೋ (ಸೀ. ಪೀ.)] ಬ್ರವಿ;

ನ ಯಿತೋ ಕಿಞ್ಚಿ ಪಾಪಿಯೋ, ಯೋ ಇನ್ದ್ರಿಯಾನಂ ವಸಂ ವಜೇ.

ಅಮಿತ್ತಾನಂವ ಹತ್ಥತ್ಥಂ, ಸಿವಿ ಪಪ್ಪೋತಿ ಮಾಮಿವ;

ಕಮ್ಮಂ ವಿಜ್ಜಞ್ಚ ದಕ್ಖೇಯ್ಯಂ, ವಿವಾಹಂ ಸೀಲಮದ್ದವಂ;

ಏತೇ ಚ ಯಸೇ ಹಾಪೇತ್ವಾ, ನಿಬ್ಬತ್ತೋ ಸೇಹಿ ಕಮ್ಮೇಹಿ.

ಸೋಹಂ ಸಹಸ್ಸಜೀನೋವ ಅಬನ್ಧು ಅಪರಾಯಣೋ;

ಅರಿಯಧಮ್ಮಾ ಅಪಕ್ಕನ್ತೋ, ಯಥಾ ಪೇತೋ ತಥೇವಹಂ.

ಸುಖಕಾಮೇ ¶ ದುಕ್ಖಾಪೇತ್ವಾ, ಆಪನ್ನೋಸ್ಮಿ ಪದಂ ಇಮಂ;

ಸೋ ಸುಖಂ ನಾಧಿಗಚ್ಛಾಮಿ, ಠಿತೋ [ಚಿತೋ (ಪೀ. ಸೀ. ಅಟ್ಠ.)] ಭಾಣುಮತಾಮಿವಾತಿ.

ಆದಿತ್ತಸ್ಮಿಂ ಅಗಾರಸ್ಮಿಂ, ಯಂ ನೀಹರತಿ ಭಾಜನಂ;

ತಂ ¶ ತಸ್ಸ ಹೋತಿ ಅತ್ಥಾಯ, ನೋ ಚ ಯಂ ತತ್ಥ ಡಯ್ಹತಿ.

ಏವಾಮಾದೀಪಿತೋ ¶ ಲೋಕೋ, ಜರಾಯ ಮರಣೇನ ಚ;

ನೀಹರೇಥೇವ ದಾನೇನ, ದಿನ್ನಂ ಹೋತಿ ಸುನೀಹತಂ [ಸುನೀಭತಂ (ಸೀ. ಸ್ಯಾ. ಪೀ.), ಸುನಿಬ್ಭತಂ (ಕ.)].

ಯೋ ಧಮ್ಮಲದ್ಧಸ್ಸ ದದಾತಿ ದಾನಂ, ಉಟ್ಠಾನವೀರಿಯಾಧಿಗತಸ್ಸ ಜನ್ತು;

ಅತಿಕ್ಕಮ್ಮ ಸೋ ವೇತರಣಿಂ [ವೇತ್ತರಣಿಂ (ಕ.)] ಯಮಸ್ಸ, ದಿಬ್ಬಾನಿ ಠಾನಾನಿ ಉಪೇತಿ ಮಚ್ಚೋ.

ದಾನಞ್ಚ ಯುದ್ಧಞ್ಚ ಸಮಾನಮಾಹು, ಅಪ್ಪಾಪಿ ಸನ್ತಾ ಬಹುಕೇ ಜಿನನ್ತಿ;

ಅಪ್ಪಮ್ಪಿ ಚೇ ಸದ್ದಹಾನೋ ದದಾತಿ, ತೇನೇವ ಸೋ ಹೋತಿ ಸುಖೀ ಪರತ್ಥ.

ವಿಚೇಯ್ಯ ದಾನಂ ಸುಗತಪ್ಪಸತ್ಥಂ, ಯೇ ದಕ್ಖಿಣೇಯ್ಯಾ ಇಧ ಜೀವಲೋಕೇ;

ಏತೇಸು ದಿನ್ನಾನಿ ಮಹಪ್ಫಲಾನಿ, ಬೀಜಾನಿ ವುತ್ತಾನಿ ಯಥಾ ಸುಖೇತ್ತೇ.

ಯೋ ಪಾಣಭೂತಾನಿ ಅಹೇಠಯಂ ಚರಂ, ಪರೂಪವಾದಾ ನ ಕರೋತಿ ಪಾಪಂ;

ಭೀರುಂ ಪಸಂಸನ್ತಿ ನ ತತ್ಥ ಸೂರಂ, ಭಯಾ ಹಿ ಸನ್ತೋ ನ ಕರೋನ್ತಿ ಪಾಪಂ.

ಹೀನೇನ ಬ್ರಹ್ಮಚರಿಯೇನ, ಖತ್ತಿಯೇ ಉಪಪಜ್ಜತಿ;

ಮಜ್ಝಿಮೇನ ¶ ಚ ದೇವತ್ತಂ, ಉತ್ತಮೇನ ವಿಸುಜ್ಝತಿ.

ಅದ್ಧಾ ¶ ಹಿ ದಾನಂ ಬಹುಧಾ ಪಸತ್ಥಂ, ದಾನಾ ಚ ಖೋ ಧಮ್ಮಪದಂವ ಸೇಯ್ಯೋ;

ಪುಬ್ಬೇವ ಹಿ ಪುಬ್ಬತರೇವ ಸನ್ತೋ [ಪುಬ್ಬೇ ಚ ಹಿ ಪುಬ್ಬತರೇ ಚ ಸನ್ತೋ (ಸಂ. ನಿ. ೧.೩೩)], ನಿಬ್ಬಾನಮೇವಜ್ಝಗಮುಂ ಸಪಞ್ಞಾತಿ.

ಗಙ್ಗಾ ಕುಮುದಿನೀ ಸನ್ತಾ, ಸಙ್ಖವಣ್ಣಾ ಚ ಕೋಕಿಲಾ;

ಜಮ್ಬು ತಾಲಫಲಂ ದಜ್ಜಾ, ಅಥ ನೂನ ತದಾ ಸಿಯಾ.

ಯದಾ ಕಚ್ಛಪಲೋಮಾನಂ, ಪಾವಾರೋ ತಿವಿಧೋ ಸಿಯಾ;

ಹೇಮನ್ತಿಕಂ ಪಾವುರಣಂ [ಪಾಪುರಣಂ (ಸೀ. ಸ್ಯಾ. ಪೀ.)], ಅಥ ನೂನ ತದಾ ಸಿಯಾ.

ಯದಾ ಮಕಸಪಾದಾನಂ [ದಾಠಾನಂ (ಸೀ. ಪೀ.)], ಅಟ್ಟಾಲೋ ಸುಕತೋ ಸಿಯಾ;

ದಳ್ಹೋ ಚ ಅವಿಕಮ್ಪೀ ಚ [ಅಪ್ಪಕಮ್ಪೀ ಚ (ಸೀ. ಪೀ.)], ಅಥ ನೂನ ತದಾ ಸಿಯಾ.

ಯದಾ ಸಸವಿಸಾಣಾನಂ, ನಿಸ್ಸೇಣೀ ಸುಕತಾ ಸಿಯಾ;

ಸಗ್ಗಸ್ಸಾರೋಹಣತ್ಥಾಯ, ಅಥ ನೂನ ತದಾ ಸಿಯಾ.

ಯದಾ ನಿಸ್ಸೇಣಿಮಾರುಯ್ಹ, ಚನ್ದಂ ಖಾದೇಯ್ಯು ಮೂಸಿಕಾ;

ರಾಹುಞ್ಚ ಪರಿಪಾತೇಯ್ಯುಂ [ಪರಿಬಾಹೇಯ್ಯುಂ (ಸ್ಯಾ.)], ಅಥ ನೂನ ತದಾ ಸಿಯಾ.

ಯದಾ ಸುರಾಘಟಂ ಪಿತ್ವಾ, ಮಕ್ಖಿಕಾ ಗಣಚಾರಿಣೀ;

ಅಙ್ಗಾರೇ ¶ ವಾಸಂ ಕಪ್ಪೇಯ್ಯುಂ, ಅಥ ನೂನ ತದಾ ಸಿಯಾ.

ಯದಾ ¶ ಬಿಮ್ಬೋಟ್ಠಸಮ್ಪನ್ನೋ, ಗದ್ರಭೋ ಸುಮುಖೋ ಸಿಯಾ;

ಕುಸಲೋ ನಚ್ಚಗೀತಸ್ಸ, ಅಥ ನೂನ ತದಾ ಸಿಯಾ.

ಯದಾ ಕಾಕಾ ಉಲೂಕಾ ಚ, ಮನ್ತಯೇಯ್ಯುಂ ರಹೋಗತಾ;

ಅಞ್ಞಮಞ್ಞಂ ಪಿಹಯೇಯ್ಯುಂ, ಅಥ ನೂನ ತದಾ ಸಿಯಾ.

ಯದಾ ಮುಳಾಲ [ಪುಲಸ (ಸೀ. ಪೀ.), ಪುಲಾಸ (ಸ್ಯಾ.)] ಪತ್ತಾನಂ, ಛತ್ತಂ ಥಿರತರಂ ಸಿಯಾ;

ವಸ್ಸಸ್ಸ ಪಟಿಘಾತಾಯ, ಅಥ ನೂನ ತದಾ ಸಿಯಾ.

ಯದಾ ¶ ಕುಲಕೋ [ಕುಲುಙ್ಕೋ (ಸೀ. ಪೀ.), ಕುಲುಕೋ (ಸ್ಯಾ.)] ಸಕುಣೋ, ಪಬ್ಬತಂ ಗನ್ಧಮಾದನಂ;

ತುಣ್ಡೇನಾದಾಯ ಗಚ್ಛೇಯ್ಯ, ಅಥ ನೂನ ತದಾ ಸಿಯಾ.

ಯದಾ ಸಾಮುದ್ದಿಕಂ ನಾವಂ, ಸ-ಯನ್ತಂ ಸ-ವಟಾಕರಂ [ಸಪಟಾಕಾರಂ (ಕ.)];

ಚೇಟೋ ಆದಾಯ ಗಚ್ಛೇಯ್ಯ, ಅಥ ನೂನ ತದಾ ಸಿಯಾತಿ.

ಖಮನೀಯಂ ಯಾಪನೀಯಂ, ಕಚ್ಚಿ ಮಾತುಲ ತೇ ಸುಖಂ;

ಸುಖಂ ತೇ ಅಮ್ಮಾ ಅವಚ, ಸುಖಕಾಮಾವ [ಸುಖಕಾಮಾ ಹಿ (ಸೀ. ಸ್ಯಾ. ಪೀ.)] ತೇ ಮಯಂ.

ನಙ್ಗುಟ್ಠಂ ಮೇ ಅವಕ್ಕಮ್ಮ [ಅಪಕ್ಕಮ್ಮ (ಕ.)], ಹೇಠಯಿತ್ವಾನ [ಪೋಥಯಿತ್ವಾನ (ಕ.)] ಏಳಿಕೇ [ಏಳಕಿ (ಸ್ಯಾ.), ಏಳಿಕಿ (ಪೀ.)];

ಸಾಜ್ಜ ಮಾತುಲವಾದೇನ, ಮುಞ್ಚಿತಬ್ಬಾ ನು ಮಞ್ಞಸಿ.

ಪುರತ್ಥಾಮುಖೋ ನಿಸಿನ್ನೋಸಿ, ಅಹಂ ತೇ ಮುಖಮಾಗತಾ;

ಪಚ್ಛತೋ ತುಯ್ಹಂ ನಙ್ಗುಟ್ಠಂ, ಕಥಂ ಖ್ವಾಹಂ ಅವಕ್ಕಮಿಂ [ಅಪಕ್ಕಮಿಂ (ಕ.)].

ಯಾವತಾ ¶ ಚತುರೋ ದೀಪಾ, ಸಸಮುದ್ದಾ ಸಪಬ್ಬತಾ;

ತಾವತಾ ಮಯ್ಹಂ ನಙ್ಗುಟ್ಠಂ, ಕಥಂ ಖೋ ತ್ವಂ ವಿವಜ್ಜಯಿ.

ಪುಬ್ಬೇವ ಮೇತಮಕ್ಖಿಂಸು [ಮೇತಂ ಅಕ್ಖಂಸು (ಸೀ. ಪೀ.)], ಮಾತಾ ಪಿತಾ ಚ ಭಾತರೋ;

ದೀಘಂ ದುಟ್ಠಸ್ಸ ನಙ್ಗುಟ್ಠಂ, ಸಾಮ್ಹಿ ವೇಹಾಯಸಾಗತಾ.

ತಞ್ಚ ದಿಸ್ವಾನ ಆಯನ್ತಿಂ, ಅನ್ತಲಿಕ್ಖಸ್ಮಿ ಏಳಿಕೇ;

ಮಿಗಸಙ್ಘೋ ಪಲಾಯಿತ್ಥ, ಭಕ್ಖೋ ಮೇ ನಾಸಿತೋ ತಯಾ.

ಇಚ್ಚೇವಂ ವಿಲಪನ್ತಿಯಾ, ಏಳಕಿಯಾ ರುಹಗ್ಘಸೋ;

ಗಲಕಂ ಅನ್ವಾವಮದ್ದಿ, ನತ್ಥಿ ದುಟ್ಠೇ ಸುಭಾಸಿತಂ.

ನೇವ ¶ ¶ ದುಟ್ಠೇ ನಯೋ ಅತ್ಥಿ, ನ ಧಮ್ಮೋ ನ ಸುಭಾಸಿತಂ;

ನಿಕ್ಕಮಂ ದುಟ್ಠೇ ಯುಞ್ಜೇಥ, ಸೋ ಚ ಸಬ್ಭಿಂ ನ ರಞ್ಜತೀತಿ.

ಪರಿಸುದ್ಧಾ ಮನಾವಿಲಾ ವತ್ಥಧರಾ, ಬಕರಾಜಸ್ಸ ಕಾಯುರಂ ದಣ್ಡವರೋ;

ಅಥ ಅಙ್ಗಾರ ಚೇತಿಯ ದೇವಿಲಿನಾ, ಅಥ ಆದಿತ್ತ ಗಙ್ಗಾ ದಸೇಳಕಿನಾತಿ.

ಪರಿಸಙ್ಕುಪಥೋ ¶ ¶ ¶ ನಾಮ, ಗಿಜ್ಝಪನ್ಥೋ ಸನನ್ತನೋ;

ತತ್ರಾಸಿ ಮಾತಾಪಿತರೋ, ಗಿಜ್ಝೋ ಪೋಸೇಸಿ ಜಿಣ್ಣಕೇ;

ತೇಸಂ ಅಜಗರಮೇದಂ, ಅಚ್ಚಹಾಸಿ ಬಹುತ್ತಸೋ [ಪಹುತ್ತತೋ (ಕ. ಸೀ.), ಪಹೂತಸೋ (ಸ್ಯಾ. ಪೀ.), ಬಹುಧಸೋ (ಕ.)].

ಪಿತಾ ಚ ಪುತ್ತಂ ಅವಚ, ಜಾನಂ ಉಚ್ಚಂ ಪಪಾತಿನಂ;

ಸುಪತ್ತಂ ಥಾಮಸಮ್ಪನ್ನಂ [ಪಕ್ಖಸಮ್ಪನ್ನಂ (ಸೀ. ಸ್ಯಾ. ಪೀ.)], ತೇಜಸ್ಸಿಂ ದೂರಗಾಮಿನಂ.

ಪರಿಪ್ಲವನ್ತಂ ಪಥವಿಂ, ಯದಾ ತಾತ ವಿಜಾನಹಿ;

ಸಾಗರೇನ ಪರಿಕ್ಖಿತ್ತಂ, ಚಕ್ಕಂವ ಪರಿಮಣ್ಡಲಂ;

ತತೋ ತಾತ ನಿವತ್ತಸ್ಸು, ಮಾಸ್ಸು ಏತ್ತೋ ಪರಂ ಗಮಿ.

ಉದಪತ್ತೋಸಿ [ಉದ್ಧಂ ಪತ್ತೋಸಿ (ಕ. ಸೀ.)] ವೇಗೇನ, ಬಲೀ ಪಕ್ಖೀ ದಿಜುತ್ತಮೋ;

ಓಲೋಕಯನ್ತೋ ವಕ್ಕಙ್ಗೋ, ಪಬ್ಬತಾನಿ ವನಾನಿ ಚ.

ಅದ್ದಸ್ಸ ಪಥವಿಂ ಗಿಜ್ಝೋ, ಯಥಾಸಾಸಿ [ಯಥಾಸ್ಸಾಸಿ (ಸ್ಯಾ. ಅಟ್ಠ. ಪಾಠನ್ತರಂ)] ಪಿತುಸ್ಸುತಂ;

ಸಾಗರೇನ ಪರಿಕ್ಖಿತ್ತಂ, ಚಕ್ಕಂವ ಪರಿಮಣ್ಡಲಂ.

ತಞ್ಚ ಸೋ ಸಮತಿಕ್ಕಮ್ಮ, ಪರಮೇವಚ್ಚವತ್ತಥ [ಪರಮೇವ ಪವತ್ತಥ (ಸೀ. ಸ್ಯಾ.)];

ತಞ್ಚ ವಾತಸಿಖಾ ತಿಕ್ಖಾ, ಅಚ್ಚಹಾಸಿ ಬಲಿಂ ದಿಜಂ.

ನಾಸಕ್ಖಾತಿಗತೋ ಪೋಸೋ, ಪುನದೇವ ನಿವತ್ತಿತುಂ;

ದಿಜೋ ಬ್ಯಸನಮಾಪಾದಿ, ವೇರಮ್ಭಾನಂ [ವೇರಮ್ಬಾನಂ (ಸೀ. ಪೀ.)] ವಸಂ ಗತೋ.

ತಸ್ಸ ¶ ಪುತ್ತಾ ಚ ದಾರಾ ಚ, ಯೇ ಚಞ್ಞೇ ಅನುಜೀವಿನೋ;

ಸಬ್ಬೇ ಬ್ಯಸನಮಾಪಾದುಂ, ಅನೋವಾದಕರೇ ದಿಜೇ.

ಏವಮ್ಪಿ ಇಧ ವುಡ್ಢಾನಂ, ಯೋ ವಾಕ್ಯಂ ನಾವಬುಜ್ಝತಿ;

ಅತಿಸೀಮಚರೋ ದಿತ್ತೋ, ಗಿಜ್ಝೋವಾತೀತಸಾಸನೋ;

ಸ ವೇ ಬ್ಯಸನಂ ಪಪ್ಪೋತಿ, ಅಕತ್ವಾ ವುಡ್ಢಸಾಸನನ್ತಿ.

ಪುಥುಸದ್ದೋ ¶ ¶ ಸಮಜನೋ, ನ ಬಾಲೋ ಕೋಚಿ ಮಞ್ಞಥ;

ಸಙ್ಘಸ್ಮಿಂ ಭಿಜ್ಜಮಾನಸ್ಮಿಂ, ನಾಞ್ಞಂ ಭಿಯ್ಯೋ ಅಮಞ್ಞರುಂ.

ಪರಿಮುಟ್ಠಾ ಪಣ್ಡಿತಾಭಾಸಾ, ವಾಚಾಗೋಚರಭಾಣಿನೋ;

ಯಾವಿಚ್ಛನ್ತಿ ಮುಖಾಯಾಮಂ, ಯೇನ ನೀತಾ ನ ತಂ ವಿದೂ.

ಅಕ್ಕೋಚ್ಛಿ ಮಂ ಅವಧಿ ಮಂ, ಅಜಿನಿ ಮಂ ಅಹಾಸಿ ಮೇ;

ಯೇ ಚ ತಂ ಉಪನಯ್ಹನ್ತಿ, ವೇರಂ ತೇಸಂ ನ ಸಮ್ಮತಿ.

ಅಕ್ಕೋಚ್ಛಿ ಮಂ ಅವಧಿ ಮಂ, ಅಜಿನಿ ಮಂ ಅಹಾಸಿ ಮೇ;

ಯೇ ಚ ತಂ ನುಪನಯ್ಹನ್ತಿ, ವೇರಂ ತೇಸೂಪಸಮ್ಮತಿ.

ನ ಹಿ ವೇರೇನ ವೇರಾನಿ, ಸಮ್ಮನ್ತೀಧ ಕುದಾಚನಂ;

ಅವೇರೇನ ಚ ಸಮ್ಮನ್ತಿ, ಏಸ ಧಮ್ಮೋ ಸನನ್ತನೋ.

ಪರೇ ಚ ನ ವಿಜಾನನ್ತಿ, ಮಯಮೇತ್ಥ ಯಮಾಮಸೇ;

ಯೇ ಚ ತತ್ಥ ವಿಜಾನನ್ತಿ, ತತೋ ಸಮ್ಮನ್ತಿ ಮೇಧಗಾ.

ಅಟ್ಠಿಚ್ಛಿನ್ನಾ ¶ ಪಾಣಹರಾ, ಗವಸ್ಸ [ಗವಾಸ್ಸ (ಸೀ. ಸ್ಯಾ. ಪೀ.)] ಧನಹಾರಿನೋ;

ರಟ್ಠಂ ವಿಲುಮ್ಪಮಾನಾನಂ, ತೇಸಮ್ಪಿ ಹೋತಿ ಸಙ್ಗತಿ;

ಸಚೇ ಲಭೇಥ ನಿಪಕಂ ಸಹಾಯಂ, ಸದ್ಧಿಂಚರಂ ಸಾಧುವಿಹಾರಿಧೀರಂ;

ಅಭಿಭುಯ್ಯ ಸಬ್ಬಾನಿ ಪರಿಸ್ಸಯಾನಿ, ಚರೇಯ್ಯ ತೇನತ್ತಮನೋ ಸತೀಮಾ.

ನೋ ಚೇ ಲಭೇಥ ನಿಪಕಂ ಸಹಾಯಂ, ಸದ್ಧಿಂಚರಂ ಸಾಧುವಿಹಾರಿಧೀರಂ;

ರಾಜಾವ ರಟ್ಠಂ ವಿಜಿತಂ ಪಹಾಯ, ಏಕೋ ಚರೇ ಮಾತಙ್ಗರಞ್ಞೇವ ನಾಗೋ.

ಏಕಸ್ಸ ¶ ಚರಿತಂ ಸೇಯ್ಯೋ, ನತ್ಥಿ ಬಾಲೇ ಸಹಾಯತಾ;

ಏಕೋ ಚರೇ ನ ಪಾಪಾನಿ ಕಯಿರಾ, ಅಪ್ಪೋಸ್ಸುಕ್ಕೋ ಮಾತಙ್ಗರಞ್ಞೇವ ನಾಗೋತಿ.

ದುಮೋ ಯದಾ ಹೋತಿ ಫಲೂಪಪನ್ನೋ, ಭುಞ್ಜನ್ತಿ ನಂ ವಿಹಙ್ಗಮಾ [ವಿಹಗಾ (ಸೀ. ಪೀ.)] ಸಮ್ಪತನ್ತಾ;

ಖೀಣನ್ತಿ ಞತ್ವಾನ ದುಮಂ ಫಲಚ್ಚಯೇ [ಞತ್ವಾ ದುಮಪ್ಫಲಚ್ಚಯೇನ (ಕ.)], ದಿಸೋದಿಸಂ ¶ ಯನ್ತಿ ತತೋ ವಿಹಙ್ಗಮಾ.

ಚರ ಚಾರಿಕಂ ಲೋಹಿತತುಣ್ಡ ಮಾಮರಿ, ಕಿಂ ತ್ವಂ ಸುವ ಸುಕ್ಖದುಮಮ್ಹಿ ಝಾಯಸಿ;

ತದಿಙ್ಘ ಮಂ ಬ್ರೂಹಿ ವಸನ್ತಸನ್ನಿಭ, ಕಸ್ಮಾ ಸುವ ಸುಕ್ಖದುಮಂ ನ ರಿಞ್ಚಸಿ.

ಯೇ ¶ ವೇ ಸಖೀನಂ ಸಖಾರೋ ಭವನ್ತಿ, ಪಾಣಚ್ಚಯೇ [ಪಾಣಂ ಚಜೇ (ಕ.), ಪಾಣಚ್ಚಯೇ ಮರಣಕಾಲೇ ಚ ಸುಖದುಕ್ಖೇಸು ಚ ನ ಜಹನ್ತೀತಿ ಸಮ್ಬನ್ಧೋ] ದುಕ್ಖಸುಖೇಸು ಹಂಸ;

ಖೀಣಂ ಅಖೀಣನ್ತಿ ನ ತಂ ಜಹನ್ತಿ, ಸನ್ತೋ ಸತಂ ಧಮ್ಮಮನುಸ್ಸರನ್ತಾ.

ಸೋಹಂ ಸತಂ ಅಞ್ಞತರೋಸ್ಮಿ ಹಂಸ, ಞಾತೀ ಚ ಮೇ ಹೋತಿ ಸಖಾ ಚ ರುಕ್ಖೋ;

ತಂ ನುಸ್ಸಹೇ ಜೀವಿಕತ್ಥೋ ಪಹಾತುಂ, ಖೀಣನ್ತಿ ಞತ್ವಾನ ನ ಹೇಸ ಧಮ್ಮೋ [ನ ಸೋಸ (ಕ.), ನ ಏಸ (ಸ್ಯಾ.)].

ಸಾಧು ಸಕ್ಖಿ ಕತಂ ಹೋತಿ, ಮೇತ್ತಿ ಸಂಸತಿ ಸನ್ಥವೋ [ಮಿತ್ತಂ ಸಙ್ಗತಿ ಸನ್ಧವೋ (ಕ.)];

ಸಚೇತಂ ಧಮ್ಮಂ ರೋಚೇಸಿ, ಪಾಸಂಸೋಸಿ ವಿಜಾನತಂ.

ಸೋ ತೇ ಸುವ ವರಂ ದಮ್ಮಿ, ಪತ್ತಯಾನ ವಿಹಙ್ಗಮ;

ವರಂ ವರಸ್ಸು ವಕ್ಕಙ್ಗ, ಯಂ ಕಿಞ್ಚಿ ಮನಸಿಚ್ಛಸಿ.

ವರಞ್ಚ ¶ ಮೇ ಹಂಸ ಭವಂ ದದೇಯ್ಯ, ಅಯಞ್ಚ ರುಕ್ಖೋ ಪುನರಾಯುಂ ಲಭೇಥ;

ಸೋ ¶ ಸಾಖವಾ ಫಲಿಮಾ ಸಂವಿರೂಳ್ಹೋ, ಮಧುತ್ಥಿಕೋ ತಿಟ್ಠತು ಸೋಭಮಾನೋ.

ತಂ ಪಸ್ಸ ಸಮ್ಮ ಫಲಿಮಂ ಉಳಾರಂ, ಸಹಾವ ತೇ ಹೋತು ಉದುಮ್ಬರೇನ;

ಸೋ ಸಾಖವಾ ಫಲಿಮಾ ಸಂವಿರೂಳ್ಹೋ, ಮಧುತ್ಥಿಕೋ ತಿಟ್ಠತು ಸೋಭಮಾನೋ.

ಏವಂ ಸಕ್ಕ ಸುಖೀ ಹೋಹಿ, ಸಹ ಸಬ್ಬೇಹಿ ಞಾತಿಭಿ;

ಯಥಾಹಮಜ್ಜ ಸುಖಿತೋ, ದಿಸ್ವಾನ ಸಫಲಂ ದುಮಂ.

ಸುವಸ್ಸ ಚ ವರಂ ದತ್ವಾ, ಕತ್ವಾನ ಸಫಲಂ ದುಮಂ;

ಪಕ್ಕಾಮಿ ಸಹ ಭರಿಯಾಯ, ದೇವಾನಂ ನನ್ದನಂ ವನನ್ತಿ.

ಸನ್ತಿ ರುಕ್ಖಾ ಹರಿಪತ್ತಾ [ಹರಿತಪತ್ತಾ (ಸೀ. ಸ್ಯಾ. ಪೀ.)], ದುಮಾ ನೇಕಫಲಾ ಬಹೂ;

ಕಸ್ಮಾ ನು ಸುಕ್ಖೇ [ಸುಕ್ಖ (ಕ.)] ಕೋಳಾಪೇ, ಸುವಸ್ಸ ನಿರತೋ ಮನೋ.

ಫಲಸ್ಸ ಉಪಭುಞ್ಜಿಮ್ಹಾ, ನೇಕವಸ್ಸಗಣೇ ಬಹೂ;

ಅಫಲಮ್ಪಿ ವಿದಿತ್ವಾನ, ಸಾವ ಮೇತ್ತಿ ಯಥಾ ಪುರೇ.

ಸುಖಞ್ಚ ರುಕ್ಖಂ ಕೋಳಾಪಂ, ಓಪತ್ತಮಫಲಂ ದುಮಂ;

ಓಹಾಯ ಸಕುಣಾ ಯನ್ತಿ, ಕಿಂ ದೋಸಂ ಪಸ್ಸಸೇ ದಿಜ.

ಯೇ ¶ ಫಲತ್ಥಾ ಸಮ್ಭಜನ್ತಿ, ಅಫಲೋತಿ ಜಹನ್ತಿ ನಂ;

ಅತ್ತತ್ಥಪಞ್ಞಾ ದುಮ್ಮೇಧಾ, ತೇ ಹೋನ್ತಿ ಪಕ್ಖಪಾತಿನೋ.

ಸಾಧು ಸಕ್ಖಿ ಕತಂ ಹೋತಿ, ಮೇತ್ತಿ ಸಂಸತಿ ಸನ್ಥವೋ;

ಸಚೇತಂ ಧಮ್ಮಂ ರೋಚೇಸಿ, ಪಾಸಂಸೋಸಿ ವಿಜಾನತಂ.

ಸೋ ¶ ತೇ ಸುವ ವರಂ ದಮ್ಮಿ, ಪತ್ತಯಾನ ವಿಹಙ್ಗಮ;

ವರಂ ವರಸ್ಸು ವಕ್ಕಙ್ಗ, ಯಂ ಕಿಞ್ಚಿ ಮನಸಿಚ್ಛಸಿ.

ಅಪಿ ¶ ನಾಮ ನಂ ಪಸ್ಸೇಯ್ಯಂ [ಅಪಿ ನಾಮ ನಂ ಪುನ ಪಸ್ಸೇ (ಸೀ. ಸ್ಯಾ.)], ಸಪತ್ತಂ ಸಫಲಂ ದುಮಂ;

ದಲಿದ್ದೋವ ನಿಧಿ ಲದ್ಧಾ, ನನ್ದೇಯ್ಯಾಹಂ ಪುನಪ್ಪುನಂ.

ತತೋ ಅಮತಮಾದಾಯ, ಅಭಿಸಿಞ್ಚಿ ಮಹೀರುಹಂ;

ತಸ್ಸ ಸಾಖಾ ವಿರೂಹಿಂಸು [ವಿರೂಳ್ಹಸ್ಸ (ಕ.)], ಸೀತಚ್ಛಾಯಾ ಮನೋರಮಾ.

ಏವಂ ಸಕ್ಕ ಸುಖೀ ಹೋಹಿ, ಸಹ ಸಬ್ಬೇಹಿ ಞಾತಿಭಿ;

ಯಥಾಹಮಜ್ಜ ಸುಖಿತೋ, ದಿಸ್ವಾನ ಸಫಲಂ ದುಮಂ.

ಸುವಸ್ಸ ಚ ವರಂ ದತ್ವಾ, ಕತ್ವಾನ ಸಫಲಂ ದುಮಂ;

ಪಕ್ಕಾಮಿ ಸಹ ಭರಿಯಾಯ, ದೇವಾನಂ ನನ್ದನಂ ವನನ್ತಿ.

ಸುತಂ ಮೇತಂ ಮಹಾಬ್ರಹ್ಮೇ, ಕಾಮೇ ಭುಞ್ಜತಿ ಹಾರಿತೋ;

ಕಚ್ಚೇತಂ ವಚನಂ ತುಚ್ಛಂ, ಕಚ್ಚಿ ಸುದ್ಧೋ ಇರಿಯ್ಯಸಿ.

ಏವಮೇತಂ ಮಹಾರಾಜ, ಯಥಾ ತೇ ವಚನಂ ಸುತಂ;

ಕುಮ್ಮಗ್ಗಂ ¶ ಪಟಿಪನ್ನೋಸ್ಮಿ, ಮೋಹನೇಯ್ಯೇಸು ಮುಚ್ಛಿತೋ.

ಅದು [ಆದು (ಸೀ. ಪೀ.)] ಪಞ್ಞಾ ಕಿಮತ್ಥಿಯಾ, ನಿಪುಣಾ ಸಾಧುಚಿನ್ತಿನೀ [ಚಿನ್ತನೀ (ಸೀ. ಪೀ.)];

ಯಾಯ ಉಪ್ಪತಿತಂ ರಾಗಂ, ಕಿಂ ಮನೋ ನ ವಿನೋದಯೇ.

ಚತ್ತಾರೋಮೇ ಮಹಾರಾಜ, ಲೋಕೇ ಅತಿಬಲಾ ಭುಸಾ;

ರಾಗೋ ದೋಸೋ ಮದೋ ಮೋಹೋ, ಯತ್ಥ ಪಞ್ಞಾ ನ ಗಾಧತಿ.

ಅರಹಾ ಸೀಲಸಮ್ಪನ್ನೋ, ಸುದ್ಧೋ ಚರತಿ ಹಾರಿತೋ;

ಮೇಧಾವೀ ಪಣ್ಡಿತೋ ಚೇವ, ಇತಿ ನೋ ಸಮ್ಮತೋ ಭವಂ.

ಮೇಧಾವೀನಮ್ಪಿ ಹಿಂಸನ್ತಿ, ಇಸಿಂ ಧಮ್ಮಗುಣೇ ರತಂ;

ವಿತಕ್ಕಾ ಪಾಪಕಾ ರಾಜ, ಸುಭಾ ರಾಗೂಪಸಂಹಿತಾ.

ಉಪ್ಪನ್ನಾಯಂ ¶ ಸರೀರಜೋ, ರಾಗೋ ವಣ್ಣವಿದೂಸನೋ ತವ;

ತಂ ಪಜಹ ಭದ್ದಮತ್ಥು ತೇ, ಬಹುನ್ನಾಸಿ ಮೇಧಾವಿಸಮ್ಮತೋ.

ತೇ ಅನ್ಧಕಾರಕೇ [ಕರಣೇ (ಸೀ. ಸ್ಯಾ. ಪೀ.)] ಕಾಮೇ, ಬಹುದುಕ್ಖೇ ಮಹಾವಿಸೇ;

ತೇಸಂ ಮೂಲಂ ಗವೇಸಿಸ್ಸಂ, ಛೇಚ್ಛಂ ರಾಗಂ ಸಬನ್ಧನಂ.

ಇದಂ ¶ ವತ್ವಾನ ಹಾರಿತೋ, ಇಸಿ ಸಚ್ಚಪರಕ್ಕಮೋ;

ಕಾಮರಾಗಂ ವಿರಾಜೇತ್ವಾ, ಬ್ರಹ್ಮಲೋಕೂಪಗೋ ಅಹೂತಿ.

ಹರಿತಚಜಾತಕಂ [ಹಾರಿತಜಾತಕಂ (ಸೀ. ಪೀ.)] ಪಞ್ಚಮಂ.

ಬಹುಸ್ಸುತಂ ಚಿತ್ತಕಥಿಂ [ಚಿತ್ತಕಥಂ (ಸ್ಯಾ. ಕ.)], ಗಙ್ಗಾ ವಹತಿ ಪಾಟಲಿಂ [ಪಾಟಲಂ (ಸೀ. ಪೀ.)];

ವುಯ್ಹಮಾನಕ ¶ ಭದ್ದನ್ತೇ, ಏಕಂ ಮೇ ದೇಹಿ ಗಾಥಕಂ [ಗೀತಕಂ (ಕ. ಅಟ್ಠ.)].

ಯೇನ ಸಿಞ್ಚನ್ತಿ ದುಕ್ಖಿತಂ, ಯೇನ ಸಿಞ್ಚನ್ತಿ ಆತುರಂ;

ತಸ್ಸ ಮಜ್ಝೇ ಮರಿಸ್ಸಾಮಿ, ಜಾತಂ ಸರಣತೋ ಭಯಂ.

ಯತ್ಥ ಬೀಜಾನಿ ರೂಹನ್ತಿ, ಸತ್ತಾ ಯತ್ಥ ಪತಿಟ್ಠಿತಾ;

ಸಾ ಮೇ ಸೀಸಂ ನಿಪೀಳೇತಿ, ಜಾತಂ ಸರಣತೋ ಭಯಂ.

ಯೇನ ಭತ್ತಾನಿ ಪಚ್ಚನ್ತಿ, ಸೀತಂ ಯೇನ ವಿಹಞ್ಞತಿ;

ಸೋ ಮಂ ಡಹತಿ [ದಯ್ಹತಿ (ಕ.)] ಗತ್ತಾನಿ, ಜಾತಂ ಸರಣತೋ ಭಯಂ.

ಯೇನ ಭುತ್ತೇನ [ಭತ್ತೇನ (ಸ್ಯಾ. ಕ.)] ಯಾಪೇನ್ತಿ, ಪುಥೂ ಬ್ರಾಹ್ಮಣಖತ್ತಿಯಾ;

ಸೋ ಮಂ ಭುತ್ತೋ ಬ್ಯಾಪಾದೇತಿ, ಜಾತಂ ಸರಣತೋ ಭಯಂ.

ಗಿಮ್ಹಾನಂ ಪಚ್ಛಿಮೇ ಮಾಸೇ, ವಾತಮಿಚ್ಛನ್ತಿ ಪಣ್ಡಿತಾ;

ಸೋ ಮಂ [ಸೋ ಮೇ (ಸೀ. ಪೀ.)] ಭಞ್ಜತಿ ಗತ್ತಾನಿ, ಜಾತಂ ಸರಣತೋ ಭಯಂ.

ಯಂ ನಿಸ್ಸಿತಾ ಜಗತಿರುಹಂ, ಸ್ವಾಯಂ ಅಗ್ಗಿಂ ಪಮುಞ್ಚತಿ;

ದಿಸಾ ಭಜಥ ವಕ್ಕಙ್ಗಾ, ಜಾತಂ ಸರಣತೋ ಭಯಂ.

ಯಮಾನಯಿಂ ¶ ಸೋಮನಸ್ಸಂ, ಮಾಲಿನಿಂ ಚನ್ದನುಸ್ಸದಂ;

ಸಾ ಮಂ ಘರಾ ನಿಚ್ಛುಭತಿ [ನೀಹರತಿ (ಸೀ. ಸ್ಯಾ.)], ಜಾತಂ ಸರಣತೋ ಭಯಂ.

ಯೇನ ಜಾತೇನ ನನ್ದಿಸ್ಸಂ, ಯಸ್ಸ ಚ ಭವಮಿಚ್ಛಿಸಂ;

ಸೋ ಮಂ ಘರಾ ನಿಚ್ಛುಭತಿ [ನೀಹರತಿ (ಸೀ. ಸ್ಯಾ.)], ಜಾತಂ ಸರಣತೋ ಭಯಂ.

ಸುಣನ್ತು ಮೇ ಜಾನಪದಾ, ನೇಗಮಾ ಚ ಸಮಾಗತಾ;

ಯತೋದಕಂ ತದಾದಿತ್ತಂ, ಯತೋ ಖೇಮಂ ತತೋ ಭಯಂ.

ರಾಜಾ ¶ ವಿಲುಮ್ಪತೇ ರಟ್ಠಂ, ಬ್ರಾಹ್ಮಣೋ ಚ ಪುರೋಹಿತೋ;

ಅತ್ತಗುತ್ತಾ ವಿಹರಥ, ಜಾತಂ ಸರಣತೋ ಭಯನ್ತಿ.

ಅಸ್ಸ ¶ ಇನ್ದಸಮೋ ರಾಜ, ಅಚ್ಚನ್ತಂ ಅಜರಾಮರೋ;

ಸಚೇ ತ್ವಂ ಯಞ್ಞಂ ಯಾಜೇಯ್ಯ, ಇಸಿಂ ಲೋಮಸಕಸ್ಸಪಂ.

ಸಸಮುದ್ದಪರಿಯಾಯಂ, ಮಹಿಂ ಸಾಗರಕುಣ್ಡಲಂ;

ನ ಇಚ್ಛೇ ಸಹ ನಿನ್ದಾಯ, ಏವಂ ಸೇಯ್ಯ [ಸಯ್ಹ (ಸೀ. ಸ್ಯಾ. ಪೀ.)] ವಿಜಾನಹಿ.

ಧಿರತ್ಥು ತಂ ಯಸಲಾಭಂ, ಧನಲಾಭಞ್ಚ ಬ್ರಾಹ್ಮಣ;

ಯಾ ವುತ್ತಿ ವಿನಿಪಾತೇನ, ಅಧಮ್ಮಚರಣೇನ ವಾ.

ಅಪಿ ಚೇ ಪತ್ತಮಾದಾಯ, ಅನಗಾರೋ ಪರಿಬ್ಬಜೇ;

ಸಾಯೇವ ಜೀವಿಕಾ ಸೇಯ್ಯೋ, ಯಾ ಚಾಧಮ್ಮೇನ ಏಸನಾ.

ಅಪಿ ಚೇ ಪತ್ತಮಾದಾಯ, ಅನಗಾರೋ ಪರಿಬ್ಬಜೇ;

ಅಞ್ಞಂ ಅಹಿಂಸಯಂ ಲೋಕೇ, ಅಪಿ ರಜ್ಜೇನ ತಂ ವರಂ.

ಬಲಂ ಚನ್ದೋ ಬಲಂ ಸುರಿಯೋ, ಬಲಂ ಸಮಣಬ್ರಾಹ್ಮಣಾ;

ಬಲಂ ವೇಲಾ ಸಮುದ್ದಸ್ಸ, ಬಲಾತಿಬಲಮಿತ್ಥಿಯೋ.

ಯಥಾ ಉಗ್ಗತಪಂ ಸನ್ತಂ, ಇಸಿಂ ಲೋಮಸಕಸ್ಸಪಂ;

ಪಿತು ಅತ್ಥಾ ಚನ್ದವತೀ, ವಾಜಪೇಯ್ಯಂ [ವಾಚಪೇಯ್ಯಂ (ಪೀ. ಕ.)] ಅಯಾಜಯಿ.

ತಂ ಲೋಭಪಕತಂ ಕಮ್ಮಂ, ಕಟುಕಂ ಕಾಮಹೇತುಕಂ;

ತಸ್ಸ ¶ ಮೂಲಂ ಗವೇಸಿಸ್ಸಂ, ಛೇಚ್ಛಂ ರಾಗಂ ಸಬನ್ಧನಂ.

ಧಿರತ್ಥು ¶ ಕಾಮೇ ಸುಬಹೂಪಿ ಲೋಕೇ, ತಪೋವ ಸೇಯ್ಯೋ ಕಾಮಗುಣೇಹಿ ರಾಜ;

ತಪೋ ಕರಿಸ್ಸಾಮಿ ಪಹಾಯ ಕಾಮೇ, ತವೇವ ರಟ್ಠಂ ಚನ್ದವತೀ ಚ ಹೋತೂತಿ.

ಕಾಸಾಯವತ್ಥೇ ಸಕುಣೇ ವದಾಮಿ, ದುವೇ ದುವೇ ನನ್ದಮನೇ [ನನ್ದಿಮನೇ (ಸೀ. ಪೀ.)] ಚರನ್ತೇ;

ಕಂ ಅಣ್ಡಜಂ ಅಣ್ಡಜಾ ಮಾನುಸೇಸು, ಜಾತಿಂ ಪಸಂಸನ್ತಿ ತದಿಙ್ಘ ಬ್ರೂಥ.

ಅಮ್ಹೇ ಮನುಸ್ಸೇಸು ಮನುಸ್ಸಹಿಂಸ, ಅನುಬ್ಬತೇ [ಅನುಪುಬ್ಬಕೇ (ಕ.)] ಚಕ್ಕವಾಕೇ ವದನ್ತಿ;

ಕಲ್ಯಾಣಭಾವಮ್ಹೇ [ಭಾವ’ಮ್ಹ (ಸೀ. ಪೀ.)] ದಿಜೇಸು ಸಮ್ಮತಾ, ಅಭಿರೂಪಾ [ಅಭೀತರೂಪಾ (ಸೀ. ಸ್ಯಾ. ಪೀ.)] ವಿಚರಾಮ ಅಣ್ಣವೇ. ( ) [(ನ ಘಾಸಹೇತೂಪಿ ಕರೋಮ ಪಾಪಂ) (ಕ.)]

ಕಿಂ ಅಣ್ಣವೇ ಕಾನಿ ಫಲಾನಿ ಭುಞ್ಜೇ, ಮಂಸಂ ಕುತೋ ಖಾದಥ ಚಕ್ಕವಾಕಾ;

ಕಿಂ ಭೋಜನಂ ಭುಞ್ಜಥ ವೋ ಅನೋಮಾ [ಅಭಿಣ್ಹಂ (ಕ.)], ಬಲಞ್ಚ ¶ ವಣ್ಣೋ ಚ ಅನಪ್ಪರೂಪಾ [ಅನಪ್ಪರೂಪೋ (ಸೀ. ಸ್ಯಾ. ಪೀ.)].

ನ ¶ ಅಣ್ಣವೇ ಸನ್ತಿ ಫಲಾನಿ ಧಙ್ಕ, ಮಂಸಂ ಕುತೋ ಖಾದಿತುಂ ಚಕ್ಕವಾಕೇ;

ಸೇವಾಲಭಕ್ಖಮ್ಹ [ಭಕ್ಖಿಮ್ಹ (ಕ.)] ಅಪಾಣಭೋಜನಾ [ಅವಾಕಭೋಜನಾ (ಸೀ. ಪೀ.)], ನ ಘಾಸಹೇತೂಪಿ ಕರೋಮ ಪಾಪಂ.

ನ ಮೇ ಇದಂ ರುಚ್ಚತಿ ಚಕ್ಕವಾಕ, ಅಸ್ಮಿಂ ಭವೇ ಭೋಜನಸನ್ನಿಕಾಸೋ;

ಅಹೋಸಿ ಪುಬ್ಬೇ ತತೋ ಮೇ ಅಞ್ಞಥಾ, ಇಚ್ಚೇವ ಮೇ ವಿಮತಿ ಏತ್ಥ ಜಾತಾ.

ಅಹಮ್ಪಿ ¶ ಮಂಸಾನಿ ಫಲಾನಿ ಭುಞ್ಜೇ, ಅನ್ನಾನಿ ಚ ಲೋಣಿಯತೇಲಿಯಾನಿ;

ರಸಂ ಮನುಸ್ಸೇಸು ಲಭಾಮಿ ಭೋತ್ತುಂ, ಸೂರೋವ ಸಙ್ಗಾಮಮುಖಂ ವಿಜೇತ್ವಾ;

ನ ಚ ಮೇ ತಾದಿಸೋ ವಣ್ಣೋ, ಚಕ್ಕವಾಕ ಯಥಾ ತವ.

ಅಸುದ್ಧಭಕ್ಖೋಸಿ ಖಣಾನುಪಾತೀ, ಕಿಚ್ಛೇನ ತೇ ಲಬ್ಭತಿ ಅನ್ನಪಾನಂ;

ನ ತುಸ್ಸಸೀ ರುಕ್ಖಫಲೇಹಿ ಧಙ್ಕ, ಮಂಸಾನಿ ವಾ ಯಾನಿ ಸುಸಾನಮಜ್ಝೇ.

ಯೋ ಸಾಹಸೇನ ಅಧಿಗಮ್ಮ ಭೋಗೇ, ಪರಿಭುಞ್ಜತಿ ¶ ಧಙ್ಕ ಖಣಾನುಪಾತೀ;

ತತೋ ಉಪಕ್ಕೋಸತಿ ನಂ ಸಭಾವೋ, ಉಪಕ್ಕುಟ್ಠೋ ವಣ್ಣಬಲಂ ಜಹಾತಿ.

ಅಪ್ಪಮ್ಪಿ ಚೇ ನಿಬ್ಬುತಿಂ ಭುಞ್ಜತೀ ಯದಿ, ಅಸಾಹಸೇನ ಅಪರೂಪಘಾತೀ [ಅಸಾಹಸೇನಾನುಪಘಾತಿನೋ (ಕ.)];

ಬಲಞ್ಚ ವಣ್ಣೋ ಚ ತದಸ್ಸ ಹೋತಿ, ನ ಹಿ ಸಬ್ಬೋ ಆಹಾರಮಯೇನ ವಣ್ಣೋತಿ.

ಸುತಿತಿಕ್ಖಂ ಅರಞ್ಞಮ್ಹಿ, ಪನ್ತಮ್ಹಿ ಸಯನಾಸನೇ;

ಯೇ ಚ ಗಾಮೇ ತಿತಿಕ್ಖನ್ತಿ, ತೇ ಉಳಾರತರಾ ತಯಾ.

ಅರಞ್ಞಾ ಗಾಮಮಾಗಮ್ಮ, ಕಿಂಸೀಲಂ ಕಿಂವತಂ ಅಹಂ;

ಪುರಿಸಂ ತಾತ ಸೇವೇಯ್ಯಂ, ತಂ ಮೇ ಅಕ್ಖಾಹಿ ಪುಚ್ಛಿತೋ.

ಯೋ ತೇ [ಯೋ ತಂ (ಸ್ಯಾ. ಜಾ. ೧.೪.೧೯೦ ಅರಞ್ಞಜಾತಕೇಪಿ)] ವಿಸ್ಸಾಸಯೇ ತಾತ, ವಿಸ್ಸಾಸಞ್ಚ ಖಮೇಯ್ಯ ತೇ;

ಸುಸ್ಸೂಸೀ ಚ ತಿತಿಕ್ಖೀ ಚ, ತಂ ಭಜೇಹಿ ಇತೋ ಗತೋ.

ಯಸ್ಸ ¶ ಕಾಯೇನ ವಾಚಾಯ, ಮನಸಾ ನತ್ಥಿ ದುಕ್ಕಟಂ;

ಉರಸೀವ ಪತಿಟ್ಠಾಯ, ತಂ ಭಜೇಹಿ ಇತೋ ಗತೋ.

ಯೋ ಚ ಧಮ್ಮೇನ ಚರತಿ, ಚರನ್ತೋಪಿ ನ ಮಞ್ಞತಿ;

ವಿಸುದ್ಧಕಾರಿಂ ಸಪ್ಪಞ್ಞಂ, ತಂ ಭಜೇಹಿ ಇತೋ ಗತೋ.

ಹಲಿದ್ದಿರಾಗಂ ¶ ಕಪಿಚಿತ್ತಂ, ಪುರಿಸಂ ರಾಗವಿರಾಗಿನಂ;

ತಾದಿಸಂ ತಾತ ಮಾ ಸೇವಿ, ನಿಮ್ಮನುಸ್ಸಮ್ಪಿ ಚೇ ಸಿಯಾ.

ಆಸೀವಿಸಂವ ಕುಪಿತಂ, ಮೀಳ್ಹಲಿತ್ತಂ ಮಹಾಪಥಂ;

ಆರಕಾ ಪರಿವಜ್ಜೇಹಿ, ಯಾನೀವ ವಿಸಮಂ ಪಥಂ.

ಅನತ್ಥಾ ¶ ತಾತ ವಡ್ಢನ್ತಿ, ಬಾಲಂ ಅಚ್ಚುಪಸೇವತೋ;

ಮಾಸ್ಸು ಬಾಲೇನ ಸಂಗಚ್ಛಿ, ಅಮಿತ್ತೇನೇವ ಸಬ್ಬದಾ.

ತಂ ತಾಹಂ ತಾತ ಯಾಚಾಮಿ, ಕರಸ್ಸು ವಚನಂ ಮಮ;

ಮಾಸ್ಸು ಬಾಲೇನ ಸಂಗಚ್ಛಿ [ಸಂಗಞ್ಛಿ (ಸೀ. ಪೀ.)], ದುಕ್ಖೋ ಬಾಲೇಹಿ ಸಙ್ಗಮೋತಿ.

ಕುತೋ ನು ಆಗಚ್ಛಥ ಭೋ ತಯೋ ಜನಾ, ಸ್ವಾಗತಾ ಏಥ [ಸ್ವಾಗತಂ ಏತ್ಥ (ಸೀ. ಪೀ.)] ನಿಸೀದಥಾಸನೇ;

ಕಚ್ಚಿತ್ಥ ಭೋನ್ತೋ ಕುಸಲಂ ಅನಾಮಯಂ, ಚಿರಸ್ಸಮಬ್ಭಾಗಮನಂ ಹಿ ವೋ ಇಧ.

ಅಹಮೇವ ಏಕೋ ಇಧ ಮಜ್ಜ ಪತ್ತೋ, ನ ಚಾಪಿ ಮೇ ದುತಿಯೋ ಕೋಚಿ ವಿಜ್ಜತಿ;

ಕಿಮೇವ ಸನ್ಧಾಯ ತೇ ಭಾಸಿತಂ ಇಸೇ, ‘‘ಕುತೋ ನು ಆಗಚ್ಛಥ ಭೋ ತಯೋ ಜನಾ’’.

ತುವಞ್ಚ ಏಕೋ ಭರಿಯಾ ಚ ತೇ ಪಿಯಾ, ಸಮುಗ್ಗಪಕ್ಖಿತ್ತನಿಕಿಣ್ಣಮನ್ತರೇ ¶ ;

ಸಾ ರಕ್ಖಿತಾ ಕುಚ್ಛಿಗತಾವ [ಕುಚ್ಛಿಗತಾ ಚ (ಕ.)] ತೇ ಸದಾ, ವಾಯುಸ್ಸ [ಹರಿಸ್ಸ (ಕ.)] ಪುತ್ತೇನ ಸಹಾ ತಹಿಂ ರತಾ.

ಸಂವಿಗ್ಗರೂಪೋ ¶ ಇಸಿನಾ ವಿಯಾಕತೋ [ಪಬ್ಯಾಕತೋ (ಕ.), ಬ್ಯಾಕತೋ (ಸ್ಯಾ. ಪೀ.)], ಸೋ ದಾನವೋ ತತ್ಥ ಸಮುಗ್ಗಮುಗ್ಗಿಲಿ;

ಅದ್ದಕ್ಖಿ ಭರಿಯಂ ಸುಚಿ ಮಾಲಧಾರಿನಿಂ, ವಾಯುಸ್ಸ ಪುತ್ತೇನ ಸಹಾ ತಹಿಂ ರತಂ.

ಸುದಿಟ್ಠರೂಪಮುಗ್ಗತಪಾನುವತ್ತಿನಾ [ಸುದಿಟ್ಠರೂಪುಗ್ಗತಪಾನುವತ್ತಿನಾ (ಸೀ. ಸ್ಯಾ. ಪೀ.)], ಹೀನಾ ನರಾ ಯೇ ಪಮದಾವಸಂ ಗತಾ;

ಯಥಾ ಹವೇ ಪಾಣರಿವೇತ್ಥ ರಕ್ಖಿತಾ, ದುಟ್ಠಾ ಮಯೀ ಅಞ್ಞಮಭಿಪ್ಪಮೋದಯಿ.

ದಿವಾ ಚ ರತ್ತೋ ಚ ಮಯಾ ಉಪಟ್ಠಿತಾ, ತಪಸ್ಸಿನಾ ಜೋತಿರಿವಾ ವನೇ ವಸಂ;

ಸಾ ಧಮ್ಮಮುಕ್ಕಮ್ಮ ಅಧಮ್ಮಮಾಚರಿ, ಅಕಿರಿಯರೂಪೋ ಪಮದಾಹಿ ಸನ್ಥವೋ.

ಸರೀರಮಜ್ಝಮ್ಹಿ ಠಿತಾತಿಮಞ್ಞಹಂ, ಮಯ್ಹಂ ಅಯನ್ತಿ ಅಸತಿಂ ಅಸಞ್ಞತಂ;

ಸಾ ಧಮ್ಮಮುಕ್ಕಮ್ಮ ಅಧಮ್ಮಮಾಚರಿ, ಅಕಿರಿಯರೂಪೋ ಪಮದಾಹಿ ಸನ್ಥವೋ.

ಸುರಕ್ಖಿತಂ ¶ ಮೇತಿ ಕಥಂ ನು ವಿಸ್ಸಸೇ, ಅನೇಕಚಿತ್ತಾಸು ನ ಹತ್ಥಿ [ಅನೇಕಚಿತ್ತಾ ಪುನ ಹೇತ್ಥ (ಕ.)] ರಕ್ಖಣಾ;

ಏತಾ ಹಿ ಪಾತಾಲಪಪಾತಸನ್ನಿಭಾ, ಏತ್ಥಪ್ಪಮತ್ತೋ ಬ್ಯಸನಂ ನಿಗಚ್ಛತಿ.

ತಸ್ಮಾ ಹಿ ತೇ ಸುಖಿನೋ ವೀತಸೋಕಾ, ಯೇ ಮಾತುಗಾಮೇಹಿ ಚರನ್ತಿ ನಿಸ್ಸಟಾ;

ಏತಂ ಸಿವಂ ಉತ್ತಮಮಾಭಿಪತ್ಥಯಂ, ನ ಮಾತುಗಾಮೇಹಿ ಕರೇಯ್ಯ ಸನ್ಥವನ್ತಿ.

ನ ¶ ಖೋ ಮೇ ರುಚ್ಚತಿ ಆಳಿ, ಪೂತಿಮಂಸಸ್ಸ ಪೇಕ್ಖನಾ;

ಏತಾದಿಸಾ ಸಖಾರಸ್ಮಾ, ಆರಕಾ ಪರಿವಜ್ಜಯೇ.

ಉಮ್ಮತ್ತಿಕಾ ¶ ಅಯಂ ವೇಣೀ, ವಣ್ಣೇತಿ ಪತಿನೋ ಸಖಿಂ;

ಪಜ್ಝಾಯಿ [ಪಜ್ಝಾತಿ (ಸೀ. ಪೀ.), ಪಜ್ಝಾಯತಿ (ಸೀ. ನಿಯ್ಯ)] ಪಟಿಗಚ್ಛನ್ತಿಂ, ಆಗತಂ ಮೇಣ್ಡ [ಮೇಳ (ಸೀ. ಪೀ.)] ಮಾತರಂ.

ತ್ವಂ ಖೋಸಿ ಸಮ್ಮ ಉಮ್ಮತ್ತೋ, ದುಮ್ಮೇಧೋ ಅವಿಚಕ್ಖಣೋ;

ಯೋ ತ್ವಂ [ಸೋ ತ್ವಂ (ಸ್ಯಾ.)] ಮತಾಲಯಂ ಕತ್ವಾ, ಅಕಾಲೇನ ವಿಪೇಕ್ಖಸಿ.

ನ ಅಕಾಲೇ ವಿಪೇಕ್ಖೇಯ್ಯ, ಕಾಲೇ ಪೇಕ್ಖೇಯ್ಯ ಪಣ್ಡಿತೋ;

ಪೂತಿಮಂಸೋವ ಪಜ್ಝಾಯಿ [ಪಜ್ಝಾತಿ (ಸೀ. ಪೀ.), ಪಜ್ಝಾಯತಿ (ಸೀ. ನಿಯ್ಯ)], ಯೋ ಅಕಾಲೇ ವಿಪೇಕ್ಖತಿ.

ಪಿಯಂ ಖೋ ಆಳಿ ಮೇ ಹೋತು, ಪುಣ್ಣಪತ್ತಂ ದದಾಹಿ ಮೇ;

ಪತಿ ¶ ಸಞ್ಜೀವಿತೋ ಮಯ್ಹಂ, ಏಯ್ಯಾಸಿ ಪಿಯಪುಚ್ಛಿಕಾ [ಪುಚ್ಛಿತಾ (ಸ್ಯಾ. ಕ.)].

ಪಿಯಂ ಖೋ ಆಳಿ ತೇ ಹೋತು, ಪುಣ್ಣಪತ್ತಂ ದದಾಮಿ ತೇ;

ಮಹತಾ ಪರಿವಾರೇನ [ಪರಿಹಾರೇನ (ಸ್ಯಾ.)], ಏಸ್ಸಂ [ಏಸಂ (ಸೀ. ಪೀ.)] ಕಯಿರಾಹಿ [ಕಯಿರಾಸಿ (ಪೀ.)] ಭೋಜನಂ.

ಕೀದಿಸೋ ತುಯ್ಹಂ ಪರಿವಾರೋ, ಯೇಸಂ ಕಾಹಾಮಿ ಭೋಜನಂ;

ಕಿಂನಾಮಕಾ ಚ ತೇ ಸಬ್ಬೇ, ತಂ [ತೇ (ಸೀ. ಸ್ಯಾ. ಪೀ.)] ಮೇ ಅಕ್ಖಾಹಿ ಪುಚ್ಛಿತಾ.

ಮಾಲಿಯೋ ಚತುರಕ್ಖೋ ಚ, ಪಿಙ್ಗಿಯೋ ಅಥ ಜಮ್ಬುಕೋ;

ಏದಿಸೋ ಮಯ್ಹಂ ಪರಿವಾರೋ, ತೇಸಂ ಕಯಿರಾಹಿ [ಕಯಿರಾಸಿ (ಪೀ.)] ಭೋಜನಂ.

ನಿಕ್ಖನ್ತಾಯ ಅಗಾರಸ್ಮಾ, ಭಣ್ಡಕಮ್ಪಿ ವಿನಸ್ಸತಿ;

ಆರೋಗ್ಯಂ ಆಳಿನೋ ವಜ್ಜಂ [ವಚ್ಛಂ (?)], ಇಧೇವ ವಸ ಮಾಗಮಾತಿ.

ಯೋ ತೇ ಪುತ್ತಕೇ ಅಖಾದಿ, ದಿನ್ನಭತ್ತೋ ಅದೂಸಕೇ;

ತಸ್ಮಿಂ ದಾಠಂ ನಿಪಾತೇಹಿ, ಮಾ ತೇ ಮುಚ್ಚಿತ್ಥ ಜೀವತೋ.

ಆಕಿಣ್ಣಲುದ್ದೋ ¶ ಪುರಿಸೋ, ಧಾತಿಚೇಲಂವ ಮಕ್ಖಿತೋ;

ಪದೇಸಂ ತಂ ನ ಪಸ್ಸಾಮಿ, ಯತ್ಥ ದಾಠಂ ನಿಪಾತಯೇ.

ಅಕತಞ್ಞುಸ್ಸ ಪೋಸಸ್ಸ, ನಿಚ್ಚಂ ವಿವರದಸ್ಸಿನೋ;

ಸಬ್ಬಂ ಚೇ ಪಥವಿಂ ದಜ್ಜಾ, ನೇವ ನಂ ಅಭಿರಾಧಯೇ.

ಕಿನ್ನು ಸುಬಾಹು ತರಮಾನರೂಪೋ, ಪಚ್ಚಾಗತೋಸಿ ಸಹ ಮಾಣವೇನ;

ಕಿಂ ¶ ಕಿಚ್ಚಮತ್ಥಂ ಇಧಮತ್ಥಿ ತುಯ್ಹಂ, ಅಕ್ಖಾಹಿ ಮೇ ಪುಚ್ಛಿತೋ ಏತಮತ್ಥಂ.

ಯೋ ತೇ ಸಖಾ ದದ್ದರೋ ಸಾಧುರೂಪೋ, ತಸ್ಸ ವಧಂ ಪರಿಸಙ್ಕಾಮಿ ಅಜ್ಜ;

ಪುರಿಸಸ್ಸ ಕಮ್ಮಾಯತನಾನಿ ಸುತ್ವಾ, ನಾಹಂ ಸುಖಿಂ ದದ್ದರಂ ಅಜ್ಜ ಮಞ್ಞೇ.

ಕಾನಿಸ್ಸ ¶ ಕಮ್ಮಾಯತನಾನಿ ಅಸ್ಸು, ಪುರಿಸಸ್ಸ ವುತ್ತಿಸಮೋಧಾನತಾಯ;

ಕಂ ವಾ ಪಟಿಞ್ಞಂ ಪುರಿಸಸ್ಸ ಸುತ್ವಾ, ಪರಿಸಙ್ಕಸಿ ದದ್ದರಂ ಮಾಣವೇನ.

ಚಿಣ್ಣಾ ಕಲಿಙ್ಗಾ ಚರಿತಾ ವಣಿಜ್ಜಾ, ವೇತ್ತಾಚರೋ ಸಙ್ಕುಪಥೋಪಿ ಚಿಣ್ಣೋ;

ನಟೇಹಿ ಚಿಣ್ಣಂ ಸಹ ವಾಕುರೇಹಿ [ವಾಕರೇಹಿ (ಪೀ. ಸೀ. ನಿಯ್ಯ), ವಾಗುರೇಹಿ (?)], ದಣ್ಡೇನ ಯುದ್ಧಮ್ಪಿ ಸಮಜ್ಜಮಜ್ಝೇ.

ಬದ್ಧಾ ಕುಲೀಕಾ [ಕುಲಿಙ್ಕಾ (ಸೀ. ಪೀ.)] ಮಿತಮಾಳ್ಹಕೇನ, ಅಕ್ಖಾ ಜಿತಾ [ಅಕ್ಖಾಚಿತಾ (ಸೀ. ಅಟ್ಠ.)] ಸಂಯಮೋ ಅಬ್ಭತೀತೋ;

ಅಬ್ಬಾಹಿತಂ [ಅಪ್ಪಹಿತಂ (ಸೀ. ಸ್ಯಾ.), ಅಬ್ಬೂಹಿತಂ (ಪೀ. ಸೀ. ನಿಯ್ಯ)] ಪುಬ್ಬಕಂ [ಪುಪ್ಫಕಂ (ಸೀ. ಸ್ಯಾ.)] ಅಡ್ಢರತ್ತಂ, ಹತ್ಥಾ ದಡ್ಢಾ ಪಿಣ್ಡಪಟಿಗ್ಗಹೇನ.

ತಾನಿಸ್ಸ ¶ ಕಮ್ಮಾಯತನಾನಿ ಅಸ್ಸು, ಪುರಿಸಸ್ಸ ¶ ವುತ್ತಿಸಮೋಧಾನತಾಯ;

ಯಥಾ ಅಯಂ ದಿಸ್ಸತಿ ಲೋಮಪಿಣ್ಡೋ, ಗಾವೋ ಹತಾ ಕಿಂ ಪನ ದದ್ದರಸ್ಸಾತಿ.

ವರಗಿಜ್ಝ ಸಮಜ್ಜನ ಹಂಸವರೋ, ನಿಧಿಸವ್ಹಯ ಹಾರಿತ ಪಾಟಲಿಕೋ;

ಅಜರಾಮರ ಧಙ್ಕ ತಿತಿಕ್ಖ ಕುತೋ, ಅಥ ದ್ವಾದಸ ಪೇಕ್ಖನ ದದ್ದರಿಭೀತಿ.

ಚತುದ್ವಾರಮಿದಂ ¶ ¶ ¶ ನಗರಂ, ಆಯಸಂ ದಳ್ಹಪಾಕಾರಂ;

ಓರುದ್ಧಪಟಿರುದ್ಧೋಸ್ಮಿ, ಕಿಂ ಪಾಪಂ ಪಕತಂ ಮಯಾ.

ಸಬ್ಬೇ ಅಪಿಹಿತಾ ದ್ವಾರಾ, ಓರುದ್ಧೋಸ್ಮಿ ಯಥಾ ದಿಜೋ;

ಕಿಮಾಧಿಕರಣಂ ಯಕ್ಖ, ಚಕ್ಕಾಭಿನಿಹತೋ ಅಹಂ.

ಲದ್ಧಾ ಸತಸಹಸ್ಸಾನಿ, ಅತಿರೇಕಾನಿ ವೀಸತಿ;

ಅನುಕಮ್ಪಕಾನಂ ಞಾತೀನಂ, ವಚನಂ ಸಮ್ಮ ನಾಕರಿ.

ಲಙ್ಘಿಂ ಸಮುದ್ದಂ ಪಕ್ಖನ್ದಿ, ಸಾಗರಂ ಅಪ್ಪಸಿದ್ಧಿಕಂ;

ಚತುಬ್ಭಿ ಅಟ್ಠಜ್ಝಗಮಾ, ಅಟ್ಠಾಹಿಪಿ ಚ ಸೋಳಸ.

ಸೋಳಸಾಹಿ ಚ ಬಾತ್ತಿಂಸ, ಅತ್ರಿಚ್ಛಂ ಚಕ್ಕಮಾಸದೋ;

ಇಚ್ಛಾಹತಸ್ಸ ಪೋಸಸ್ಸ, ಚಕ್ಕಂ ಭಮತಿ ಮತ್ಥಕೇ.

ಉಪರಿವಿಸಾಲಾ ದುಪ್ಪೂರಾ, ಇಚ್ಛಾ ವಿಸಟಗಾಮಿನೀ [ವಿಸಟಗಾಮಿನಿಂ (ಪೀ. ಕ.)];

ಯೇ ಚ ತಂ ಅನುಗಿಜ್ಝನ್ತಿ, ತೇ ಹೋನ್ತಿ ಚಕ್ಕಧಾರಿನೋ.

ಬಹುಭಣ್ಡಂ [ಬಹುಂ ಭಣ್ಡಂ (ಸೀ. ಪೀ.)] ಅವಹಾಯ, ಮಗ್ಗಂ ಅಪ್ಪಟಿವೇಕ್ಖಿಯ;

ಯೇಸಞ್ಚೇತಂ ಅಸಙ್ಖಾತಂ, ತೇ ಹೋನ್ತಿ ಚಕ್ಕಧಾರಿನೋ.

ಕಮ್ಮಂ ಸಮೇಕ್ಖೇ ವಿಪುಲಞ್ಚ ಭೋಗಂ, ಇಚ್ಛಂ ¶ ನ ಸೇವೇಯ್ಯ ಅನತ್ಥಸಂಹಿತಂ;

ಕರೇಯ್ಯ ವಾಕ್ಯಂ ಅನುಕಮ್ಪಕಾನಂ, ತಂ ತಾದಿಸಂ ನಾತಿವತ್ತೇಯ್ಯ ಚಕ್ಕಂ.

ಕೀವಚಿರಂ ನು ಮೇ ಯಕ್ಖ, ಚಕ್ಕಂ ಸಿರಸಿ ಠಸ್ಸತಿ;

ಕತಿ ವಸ್ಸಸಹಸ್ಸಾನಿ, ತಂ ಮೇ ಅಕ್ಖಾಹಿ ಪುಚ್ಛಿತೋ.

ಅತಿಸರೋ ಪಚ್ಚಸರೋ [ಅಚ್ಚಸರೋ (ಸೀ. ಸ್ಯಾ. ಪೀ.)], ಮಿತ್ತವಿನ್ದ ಸುಣೋಹಿ ಮೇ;

ಚಕ್ಕಂ ತೇ ಸಿರಸಿ [ಸಿರಸ್ಮಿ (ಸ್ಯಾ.)] ಮಾವಿದ್ಧಂ, ನ ತಂ ಜೀವಂ ಪಮೋಕ್ಖಸೀತಿ.

ಕಣ್ಹೋ ¶ ¶ ವತಾಯಂ ಪುರಿಸೋ, ಕಣ್ಹಂ ಭುಞ್ಜತಿ ಭೋಜನಂ;

ಕಣ್ಹೇ ಭೂಮಿಪದೇಸಸ್ಮಿಂ, ನ ಮಯ್ಹಂ ಮನಸೋ ಪಿಯೋ.

ನ ಕಣ್ಹೋ ತಚಸಾ ಹೋತಿ, ಅನ್ತೋಸಾರೋ ಹಿ ಬ್ರಾಹ್ಮಣೋ;

ಯಸ್ಮಿಂ ಪಾಪಾನಿ ಕಮ್ಮಾನಿ, ಸ ವೇ ಕಣ್ಹೋ ಸುಜಮ್ಪತಿ.

ಏತಸ್ಮಿಂ ತೇ ಸುಲಪಿತೇ, ಪತಿರೂಪೇ ಸುಭಾಸಿತೇ;

ವರಂ ಬ್ರಾಹ್ಮಣ ತೇ ದಮ್ಮಿ, ಯಂ ಕಿಞ್ಚಿ ಮನಸಿಚ್ಛಸಿ.

ವರಞ್ಚೇ ಮೇ ಅದೋ ಸಕ್ಕ, ಸಬ್ಬಭೂತಾನಮಿಸ್ಸರ;

ಸುನಿಕ್ಕೋಧಂ ಸುನಿದ್ದೋಸಂ, ನಿಲ್ಲೋಭಂ ವುತ್ತಿಮತ್ತನೋ;

ನಿಸ್ನೇಹಮಭಿಕಙ್ಖಾಮಿ, ಏತೇ ಮೇ ಚತುರೋ ವರೇ.

ಕಿಂ ನು ಕೋಧೇ ವಾ [ಕೋಧೇವ (ಸೀ. ಪೀ.)] ದೋಸೇ ವಾ, ಲೋಭೇ ಸ್ನೇಹೇ ಚ ಬ್ರಾಹ್ಮಣ;

ಆದೀನವಂ ¶ ತ್ವಂ ಪಸ್ಸಸಿ [ಸಮ್ಪಸ್ಸಸಿ (ಸೀ. ಪೀ.)], ತಂ ಮೇ ಅಕ್ಖಾಹಿ ಪುಚ್ಛಿತೋ.

ಅಪ್ಪೋ ಹುತ್ವಾ ಬಹು ಹೋತಿ, ವಡ್ಢತೇ ಸೋ ಅಖನ್ತಿಜೋ;

ಆಸಙ್ಗೀ ಬಹುಪಾಯಾಸೋ, ತಸ್ಮಾ ಕೋಧಂ ನ ರೋಚಯೇ.

ದುಟ್ಠಸ್ಸ ಫರುಸಾ [ಪಠಮಾ (ಪೀ. ಸೀ. ನಿಯ್ಯ)] ವಾಚಾ, ಪರಾಮಾಸೋ ಅನನ್ತರಾ;

ತತೋ ಪಾಣಿ ತತೋ ದಣ್ಡೋ, ಸತ್ಥಸ್ಸ ಪರಮಾ ಗತಿ [ಪರಾಮಸತಿ (ಕ.)];

ದೋಸೋ ಕೋಧಸಮುಟ್ಠಾನೋ, ತಸ್ಮಾ ದೋಸಂ ನ ರೋಚಯೇ.

ಆಲೋಪಸಾಹಸಾಕಾರಾ [ಸಹಸಾಕಾರಾ (ಸೀ. ಸ್ಯಾ. ಪೀ.)], ನಿಕತೀ ವಞ್ಚನಾನಿ ಚ;

ದಿಸ್ಸನ್ತಿ ಲೋಭಧಮ್ಮೇಸು, ತಸ್ಮಾ ಲೋಭಂ ನ ರೋಚಯೇ.

ಸ್ನೇಹಸಙ್ಗಥಿತಾ [ಸಙ್ಗಧಿತಾ (ಕ.), ಸಙ್ಗನ್ತಿತಾ (ಸ್ಯಾ.)] ಗನ್ಥಾ, ಸೇನ್ತಿ ಮನೋಮಯಾ ಪುಥೂ;

ತೇ ಭುಸಂ ಉಪತಾಪೇನ್ತಿ, ತಸ್ಮಾ ಸ್ನೇಹಂ ನ ರೋಚಯೇ.

ಏತಸ್ಮಿಂ ತೇ ಸುಲಪಿತೇ, ಪತಿರೂಪೇ ಸುಭಾಸಿತೇ;

ವರಂ ಬ್ರಾಹ್ಮಣ ತೇ ದಮ್ಮಿ, ಯಂ ಕಿಞ್ಚಿ ಮನಸಿಚ್ಛಸಿ.

ವರಞ್ಚೇ ಮೇ ಅದೋ ಸಕ್ಕ, ಸಬ್ಬಭೂತಾನಮಿಸ್ಸರ;

ಅರಞ್ಞೇ ಮೇ ವಿಹರತೋ, ನಿಚ್ಚಂ ಏಕವಿಹಾರಿನೋ;

ಆಬಾಧಾ ಮಾ [ನ (ಸ್ಯಾ. ಪೀ.)] ಉಪ್ಪಜ್ಜೇಯ್ಯುಂ, ಅನ್ತರಾಯಕರಾ ಭುಸಾ.

ಏತಸ್ಮಿಂ ¶ ತೇ ಸುಲಪಿತೇ, ಪತಿರೂಪೇ ಸುಭಾಸಿತೇ;

ವರಂ ಬ್ರಾಹ್ಮಣ ತೇ ದಮ್ಮಿ, ಯಂ ಕಿಞ್ಚಿ ಮನಸಿಚ್ಛಸಿ.

ವರಞ್ಚೇ ¶ ಮೇ ಅದೋ ಸಕ್ಕ, ಸಬ್ಬಭೂತಾನಮಿಸ್ಸರ;

ನ ಮನೋ ವಾ ಸರೀರಂ ವಾ, ಮಂ-ಕತೇ ಸಕ್ಕ ಕಸ್ಸಚಿ;

ಕದಾಚಿ ¶ ಉಪಹಞ್ಞೇಥ, ಏತಂ ಸಕ್ಕ ವರಂ ವರೇತಿ.

ಯೋ ಕೋಪನೇಯ್ಯೇ ನ ಕರೋತಿ ಕೋಪಂ, ನ ಕುಜ್ಝತಿ ಸಪ್ಪುರಿಸೋ ಕದಾಚಿ;

ಕುದ್ಧೋಪಿ ಸೋ ನಾವಿಕರೋತಿ ಕೋಪಂ, ತಂ ವೇ ನರಂ ಸಮಣಮಾಹು [ಸಮಣಂ ಆಹು (ಸೀ.)] ಲೋಕೇ.

ಊನೂದರೋ ಯೋ ಸಹತೇ ಜಿಘಚ್ಛಂ, ದನ್ತೋ ತಪಸ್ಸೀ ಮಿತಪಾನಭೋಜನೋ;

ಆಹಾರಹೇತು ನ ಕರೋತಿ ಪಾಪಂ, ತಂ ವೇ ನರಂ ಸಮಣಮಾಹು ಲೋಕೇ.

ಖಿಡ್ಡಂ ರತಿಂ ವಿಪ್ಪಜಹಿತ್ವಾನ ಸಬ್ಬಂ, ನ ಚಾಲಿಕಂ ಭಾಸಸಿ ಕಿಞ್ಚಿ ಲೋಕೇ;

ವಿಭೂಸಟ್ಠಾನಾ ವಿರತೋ ಮೇಥುನಸ್ಮಾ, ತಂ ವೇ ನರಂ ಸಮಣಮಾಹು ಲೋಕೇ.

ಪರಿಗ್ಗಹಂ ಲೋಭಧಮ್ಮಞ್ಚ ಸಬ್ಬಂ, ಯೋ ವೇ ಪರಿಞ್ಞಾಯ ಪರಿಚ್ಚಜೇತಿ;

ದನ್ತಂ ಠಿತತ್ತಂ ಅಮಮಂ ನಿರಾಸಂ, ತಂ ವೇ ನರಂ ಸಮಣಮಾಹು ಲೋಕೇ.

ಪುಚ್ಛಾಮ ¶ ಕತ್ತಾರಮನೋಮಪಞ್ಞಂ [ಮನೋಮಪಞ್ಞ (ಸ್ಯಾ. ಕ.)], ಕಥಾಸು ನೋ ವಿಗ್ಗಹೋ ಅತ್ಥಿ ಜಾತೋ;

ಛಿನ್ದಜ್ಜ ಕಙ್ಖಂ ವಿಚಿಕಿಚ್ಛಿತಾನಿ, ತದಜ್ಜ [ತಯಾಜ್ಜ (ಸೀ.)] ಕಙ್ಖಂ ವಿತರೇಮು ಸಬ್ಬೇ.

ಯೇ ¶ ಪಣ್ಡಿತಾ ಅತ್ಥದಸಾ ಭವನ್ತಿ, ಭಾಸನ್ತಿ ತೇ ಯೋನಿಸೋ ತತ್ಥ ಕಾಲೇ;

ಕಥಂ ನು ಕಥಾನಂ ಅಭಾಸಿತಾನಂ, ಅತ್ಥಂ ನಯೇಯ್ಯುಂ ಕುಸಲಾ ಜನಿನ್ದಾ.

ಕಥಂ ಹವೇ ಭಾಸತಿ ನಾಗರಾಜಾ, ಗರುಳೋ ಪನ ವೇನತೇಯ್ಯೋ ಕಿಮಾಹ;

ಗನ್ಧಬ್ಬರಾಜಾ ಪನ ಕಿಂ ವದೇಸಿ, ಕಥಂ ಪನ ಕುರೂನಂ ರಾಜಸೇಟ್ಠೋ.

ಖನ್ತಿಂ ಹವೇ ಭಾಸತಿ ನಾಗರಾಜಾ, ಅಪ್ಪಾಹಾರಂ ಗರುಳೋ ವೇನತೇಯ್ಯೋ;

ಗನ್ಧಬ್ಬರಾಜಾ ರತಿವಿಪ್ಪಹಾನಂ, ಅಕಿಞ್ಚನಂ ಕುರೂನಂ ರಾಜಸೇಟ್ಠೋ.

ಸಬ್ಬಾನಿ ಏತಾನಿ ಸುಭಾಸಿತಾನಿ, ನ ಹೇತ್ಥ ದುಬ್ಭಾಸಿತಮತ್ಥಿ ಕಿಞ್ಚಿ;

ಯಸ್ಮಿಞ್ಚ ಏತಾನಿ ಪತಿಟ್ಠಿತಾನಿ, ಅರಾವ ¶ ನಾಭ್ಯಾ ಸುಸಮೋಹಿತಾನಿ;

ಚತುಬ್ಭಿ ಧಮ್ಮೇಹಿ ಸಮಙ್ಗಿಭೂತಂ, ತಂ ವೇ ನರಂ ಸಮಣಮಾಹು ಲೋಕೇ.

ತುವಞ್ಹಿ [ತುವಂ ನು (ಸೀ. ಪೀ.)] ಸೇಟ್ಠೋ ತ್ವಮನುತ್ತರೋಸಿ, ತ್ವಂ ಧಮ್ಮಗೂ ಧಮ್ಮವಿದೂ ಸುಮೇಧೋ;

ಪಞ್ಞಾಯ ಪಞ್ಹಂ ಸಮಧಿಗ್ಗಹೇತ್ವಾ, ಅಚ್ಛೇಚ್ಛಿ ಧೀರೋ ವಿಚಿಕಿಚ್ಛಿತಾನಿ;

ಅಚ್ಛೇಚ್ಛಿ ಕಙ್ಖಂ ವಿಚಿಕಿಚ್ಛಿತಾನಿ, ಚುನ್ದೋ ಯಥಾ ನಾಗದನ್ತಂ ಖರೇನ.

ನೀಲುಪ್ಪಲಾಭಂ ವಿಮಲಂ ಅನಗ್ಘಂ, ವತ್ಥಂ ಇದಂ ಧೂಮಸಮಾನವಣ್ಣಂ;

ಪಞ್ಹಸ್ಸ ¶ ವೇಯ್ಯಾಕರಣೇನ ತುಟ್ಠೋ, ದದಾಮಿ ತೇ ಧಮ್ಮಪೂಜಾಯ ಧೀರ.

ಸುವಣ್ಣಮಾಲಂ ¶ ¶ ಸತಪತ್ತಫುಲ್ಲಿತಂ, ಸಕೇಸರಂ ರತ್ನಸಹಸ್ಸಮಣ್ಡಿತಂ;

ಪಞ್ಹಸ್ಸ ವೇಯ್ಯಾಕರಣೇನ ತುಟ್ಠೋ, ದದಾಮಿ ತೇ ಧಮ್ಮಪೂಜಾಯ ಧೀರ.

ಮಣಿಂ ಅನಗ್ಘಂ ರುಚಿರಂ ಪಭಸ್ಸರಂ, ಕಣ್ಠಾವಸತ್ತಂ [ವಸಿತಂ (ಕ.)] ಮಣಿಭೂಸಿತಂ ಮೇ;

ಪಞ್ಹಸ್ಸ ವೇಯ್ಯಾಕರಣೇನ ತುಟ್ಠೋ, ದದಾಮಿ ತೇ ಧಮ್ಮಪೂಜಾಯ ಧೀರ.

ಗವಂ ಸಹಸ್ಸಂ ಉಸಭಞ್ಚ ನಾಗಂ, ಆಜಞ್ಞಯುತ್ತೇ ಚ ರಥೇ ದಸ ಇಮೇ;

ಪಞ್ಹಸ್ಸ ವೇಯ್ಯಾಕರಣೇನ ತುಟ್ಠೋ, ದದಾಮಿ ತೇ ಗಾಮವರಾನಿ ಸೋಳಸ.

ಸಾರಿಪುತ್ತೋ ತದಾ ನಾಗೋ, ಸುಪಣ್ಣೋ ಪನ ಕೋಲಿತೋ;

ಗನ್ಧಬ್ಬರಾಜಾ ಅನುರುದ್ಧೋ, ರಾಜಾ ಆನನ್ದ ಪಣ್ಡಿತೋ;

ವಿಧುರೋ ಬೋಧಿಸತ್ತೋ ಚ, ಏವಂ ಧಾರೇಥ ಜಾತಕನ್ತಿ.

ಬಹುಸ್ಸುತೋ ಸುತಧಮ್ಮೋಸಿ ಸಙ್ಖ, ದಿಟ್ಠಾ ತಯಾ ಸಮಣಬ್ರಾಹ್ಮಣಾ ಚ;

ಅಥಕ್ಖಣೇ ದಸ್ಸಯಸೇ ವಿಲಾಪಂ, ಅಞ್ಞೋ ನು ಕೋ ತೇ ಪಟಿಮನ್ತಕೋ ಮಯಾ.

ಸುಬ್ಭೂ [ಸುಬ್ಭಾ (ಸ್ಯಾ.), ಸುಮ್ಭಾ, ಸುಭ್ಮಾ (ಕ.)] ಸುಭಾ ಸುಪ್ಪಟಿಮುಕ್ಕಕಮ್ಬು, ಪಗ್ಗಯ್ಹ ಸೋವಣ್ಣಮಯಾಯ ಪಾತಿಯಾ;

‘‘ಭುಞ್ಜಸ್ಸು ಭತ್ತಂ’’ ಇತಿ ಮಂ ವದೇತಿ, ಸದ್ಧಾವಿತ್ತಾ [ಸದ್ಧಾಚಿತ್ತಾ (ಸೀ. ಪೀ. ಕ.)], ತಮಹಂ ನೋತಿ ಬ್ರೂಮಿ.

ಏತಾದಿಸಂ ¶ ¶ ಬ್ರಾಹ್ಮಣ ದಿಸ್ವಾನ [ದಿಸ್ವ (ಸೀ. ಪೀ.)] ಯಕ್ಖಂ, ಪುಚ್ಛೇಯ್ಯ ಪೋಸೋ ಸುಖಮಾಸಿಸಾನೋ [ಸುಖಮಾಸಸಾನೋ (ಸ್ಯಾ.), ಸುಖಮಾಸಿಸಮಾನೋ (ಕ.)];

ಉಟ್ಠೇಹಿ ನಂ ಪಞ್ಜಲಿಕಾಭಿಪುಚ್ಛ, ದೇವೀ ನುಸಿ ತ್ವಂ ಉದ ಮಾನುಸೀ ನು.

ಯಂ ತ್ವಂ ಸುಖೇನಾಭಿಸಮೇಕ್ಖಸೇ ಮಂ, ಭುಞ್ಜಸ್ಸು ಭತ್ತಂ ಇತಿ ಮಂ ವದೇಸಿ;

ಪುಚ್ಛಾಮಿ ತಂ ನಾರಿ ಮಹಾನುಭಾವೇ, ದೇವೀ ನುಸಿ ತ್ವಂ ಉದ ಮಾನುಸೀ ನು.

ದೇವೀ ಅಹಂ ಸಙ್ಖ ಮಹಾನುಭಾವಾ, ಇಧಾಗತಾ ಸಾಗರವಾರಿಮಜ್ಝೇ;

ಅನುಕಮ್ಪಿಕಾ ನೋ ಚ ಪದುಟ್ಠಚಿತ್ತಾ, ತವೇವ ಅತ್ಥಾಯ ಇಧಾಗತಾಸ್ಮಿ.

ಇಧನ್ನಪಾನಂ ಸಯನಾಸನಞ್ಚ, ಯಾನಾನಿ ನಾನಾವಿವಿಧಾನಿ ಸಙ್ಖ;

ಸಬ್ಬಸ್ಸ ತ್ಯಾಹಂ ಪಟಿಪಾದಯಾಮಿ, ಯಂ ಕಿಞ್ಚಿ ತುಯ್ಹಂ ಮನಸಾಭಿಪತ್ಥಿತಂ.

ಯಂ ಕಿಞ್ಚಿ ಯಿಟ್ಠಞ್ಚ ಹುತಞ್ಚ [ಯಿಟ್ಠಂವ ಹುತಂವ (ಸೀ. ಪೀ.)] ಮಯ್ಹಂ, ಸಬ್ಬಸ್ಸ ನೋ ಇಸ್ಸರಾ ತ್ವಂ ಸುಗತ್ತೇ;

ಸುಸೋಣಿ ಸುಬ್ಭಮು [ಸುಬ್ಭು (ಸೀ.), ಸುಬ್ಭಾ (ಸ್ಯಾ.)] ಸುವಿಲಗ್ಗಮಜ್ಝೇ [ಸುವಿಲಾಕಮಜ್ಝೇ (ಸ್ಯಾ. ಪೀ. ಸೀ. ಅಟ್ಠ.), ಸುವಿಲಾತಮಜ್ಝೇ (ಕ.)], ಕಿಸ್ಸ ಮೇ ಕಮ್ಮಸ್ಸ ಅಯಂ ವಿಪಾಕೋ.

ಘಮ್ಮೇ ¶ ಪಥೇ ಬ್ರಾಹ್ಮಣ ಏಕಭಿಕ್ಖುಂ, ಉಗ್ಘಟ್ಟಪಾದಂ ತಸಿತಂ ಕಿಲನ್ತಂ;

ಪಟಿಪಾದಯೀ ಸಙ್ಖ ಉಪಾಹನಾನಿ [ಉಪಾಹನಾಹಿ (ಸೀ. ಪೀ.)], ಸಾ ದಕ್ಖಿಣಾ ಕಾಮದುಹಾ ತವಜ್ಜ.

ಸಾ ¶ ಹೋತು ನಾವಾ ಫಲಕೂಪಪನ್ನಾ, ಅನವಸ್ಸುತಾ ಏರಕವಾತಯುತ್ತಾ;

ಅಞ್ಞಸ್ಸ ಯಾನಸ್ಸ ನ ಹೇತ್ಥ [ನ ಹತ್ಥಿ (ಪೀ.)] ಭೂಮಿ, ಅಜ್ಜೇವ ಮಂ ಮೋಳಿನಿಂ ಪಾಪಯಸ್ಸು.

ಸಾ ¶ ತತ್ಥ ವಿತ್ತಾ ಸುಮನಾ ಪತೀತಾ, ನಾವಂ ಸುಚಿತ್ತಂ ಅಭಿನಿಮ್ಮಿನಿತ್ವಾ;

ಆದಾಯ ಸಙ್ಖಂ ಪುರಿಸೇನ ಸದ್ಧಿಂ, ಉಪಾನಯೀ ನಗರಂ ಸಾಧುರಮ್ಮನ್ತಿ.

ಯೋ ತೇ ಇಮಂ ವಿಸಾಲಕ್ಖಿಂ, ಪಿಯಂ ಸಮ್ಹಿತಭಾಸಿನಿಂ [ಸಮ್ಮಿಲ್ಲಭಾಸಿನಿಂ (ಸೀ. ಪೀ.), ಸಮ್ಮಿಲ್ಲಹಾಸಿನಿಂ (ಸ್ಯಾ.)];

ಆದಾಯ ಬಲಾ ಗಚ್ಛೇಯ್ಯ, ಕಿಂ ನು ಕಯಿರಾಸಿ ಬ್ರಾಹ್ಮಣ.

ಉಪ್ಪಜ್ಜೇ [ಉಪ್ಪಜ್ಜ (ಸೀ. ಪೀ.)] ಮೇ ನ ಮುಚ್ಚೇಯ್ಯ, ನ ಮೇ ಮುಚ್ಚೇಯ್ಯ ಜೀವತೋ;

ರಜಂವ ¶ ವಿಪುಲಾ ವುಟ್ಠಿ, ಖಿಪ್ಪಮೇವ ನಿವಾರಯೇ [ನಿವಾರಯಿಂ (ಕ.)].

ಯಂ ನು ಪುಬ್ಬೇ ವಿಕತ್ಥಿತ್ಥೋ [ವಿಕತ್ಥಿತೋ (ಕ. ಸೀ. ಸ್ಯಾ. ಕ.)], ಬಲಮ್ಹಿವ ಅಪಸ್ಸಿತೋ;

ಸ್ವಜ್ಜ ತುಣ್ಹಿಕತೋ [ತುಣ್ಹಿಕತೋ (ಸೀ.), ತುಣ್ಹಿಕ್ಖಕೋ (ಪೀ.)] ದಾನಿ, ಸಙ್ಘಾಟಿಂ ಸಿಬ್ಬಮಚ್ಛಸಿ.

ಉಪ್ಪಜ್ಜಿ ಮೇ ನ ಮುಚ್ಚಿತ್ಥ, ನ ಮೇ ಮುಚ್ಚಿತ್ಥ ಜೀವತೋ;

ರಜಂವ ವಿಪುಲಾ ವುಟ್ಠಿ, ಖಿಪ್ಪಮೇವ ನಿವಾರಯಿಂ.

ಕಿಂ ತೇ ಉಪ್ಪಜ್ಜಿ ನೋ ಮುಚ್ಚಿ, ಕಿಂ ತೇ ನ ಮುಚ್ಚಿ ಜೀವತೋ;

ರಜಂವ ವಿಪುಲಾ ವುಟ್ಠಿ, ಕತಮಂ ತ್ವಂ ನಿವಾರಯಿ.

ಯಮ್ಹಿ ಜಾತೇ ನ ಪಸ್ಸತಿ, ಅಜಾತೇ ಸಾಧು ಪಸ್ಸತಿ;

ಸೋ ಮೇ ಉಪ್ಪಜ್ಜಿ ನೋ ಮುಚ್ಚಿ, ಕೋಧೋ ದುಮ್ಮೇಧಗೋಚರೋ.

ಯೇನ ಜಾತೇನ ನನ್ದನ್ತಿ, ಅಮಿತ್ತಾ ದುಕ್ಖಮೇಸಿನೋ;

ಸೋ ಮೇ ಉಪ್ಪಜ್ಜಿ ನೋ ಮುಚ್ಚಿ, ಕೋಧೋ ದುಮ್ಮೇಧಗೋಚರೋ.

ಯಸ್ಮಿಞ್ಚ ¶ ಜಾಯಮಾನಮ್ಹಿ, ಸದತ್ಥಂ ನಾವಬುಜ್ಝತಿ;

ಸೋ ಮೇ ಉಪ್ಪಜ್ಜಿ ನೋ ಮುಚ್ಚಿ, ಕೋಧೋ ದುಮ್ಮೇಧಗೋಚರೋ.

ಯೇನಾಭಿಭೂತೋ ಕುಸಲಂ ಜಹಾತಿ, ಪರಕ್ಕರೇ ವಿಪುಲಞ್ಚಾಪಿ ಅತ್ಥಂ;

ಸ ಭೀಮಸೇನೋ ಬಲವಾ ಪಮದ್ದೀ, ಕೋಧೋ ಮಹಾರಾಜ ನ ಮೇ ಅಮುಚ್ಚಥ.

ಕಟ್ಠಸ್ಮಿಂ ಮತ್ಥಮಾನಸ್ಮಿಂ [ಮನ್ಥಮಾನಸ್ಮಿಂ (ಪೀ.), ಮದ್ದಮಾನಸ್ಮಿಂ (ಕ.)], ಪಾವಕೋ ನಾಮ ಜಾಯತಿ;

ತಮೇವ ಕಟ್ಠಂ ಡಹತಿ, ಯಸ್ಮಾ ಸೋ ಜಾಯತೇ ಗಿನಿ.

ಏವಂ ಮನ್ದಸ್ಸ ಪೋಸಸ್ಸ, ಬಾಲಸ್ಸ ಅವಿಜಾನತೋ;

ಸಾರಮ್ಭಾ ¶ [ಸಾರಬ್ಭಾ (ಕ.)] ಜಾಯತೇ ಕೋಧೋ, ಸೋಪಿ ತೇನೇವ ಡಯ್ಹತಿ.

ಅಗ್ಗೀವ ತಿಣಕಟ್ಠಸ್ಮಿಂ, ಕೋಧೋ ಯಸ್ಸ ಪವಡ್ಢತಿ;

ನಿಹೀಯತಿ ತಸ್ಸ ಯಸೋ, ಕಾಳಪಕ್ಖೇವ ಚನ್ದಿಮಾ.

ಅನೇಧೋ ¶ [ಅನಿನ್ಧೋ (ಸೀ. ಕ.), ಅನಿನ್ದೋ (ಸ್ಯಾ.)] ಧೂಮಕೇತೂವ, ಕೋಧೋ ಯಸ್ಸೂಪಸಮ್ಮತಿ;

ಆಪೂರತಿ ತಸ್ಸ ಯಸೋ, ಸುಕ್ಕಪಕ್ಖೇವ ಚನ್ದಿಮಾತಿ.

ಸತ್ತಾಹಮೇವಾಹಂ ಪಸನ್ನಚಿತ್ತೋ, ಪುಞ್ಞತ್ಥಿಕೋ ಆಚರಿಂ [ಅಚರಿಂ (ಸೀ. ಸ್ಯಾ. ಪೀ.)] ಬ್ರಹ್ಮಚರಿಯಂ;

ಅಥಾಪರಂ ಯಂ ಚರಿತಂ ಮಮೇದಂ [ಮಮ ಯಿದಂ (ಸ್ಯಾ.), ಮಮಾಯಿದಂ (ಪೀ.)], ವಸ್ಸಾನಿ ಪಞ್ಞಾಸ ಸಮಾಧಿಕಾನಿ;

ಅಕಾಮಕೋ ವಾಪಿ [ವಾಹಿ (ಪೀ. ಕ.)] ಅಹಂ ಚರಾಮಿ, ಏತೇನ ¶ ಸಚ್ಚೇನ ಸುವತ್ಥಿ ಹೋತು;

ಯಸ್ಮಾ ¶ ದಾನಂ ನಾಭಿನನ್ದಿಂ ಕದಾಚಿ, ದಿಸ್ವಾನಹಂ ಅತಿಥಿಂ ವಾಸಕಾಲೇ;

ನ ಚಾಪಿ ಮೇ ಅಪ್ಪಿಯತಂ ಅವೇದುಂ, ಬಹುಸ್ಸುತಾ ಸಮಣಬ್ರಾಹ್ಮಣಾ ಚ.

ಅಕಾಮಕೋ ವಾಪಿ ಅಹಂ ದದಾಮಿ, ಏತೇನ ಸಚ್ಚೇನ ಸುವತ್ಥಿ ಹೋತು;

ಆಸೀವಿಸೋ ತಾತ ಪಹೂತತೇಜೋ, ಯೋ ತಂ ಅದಂಸೀ [ಅಡಂಸೀ (ಸ್ಯಾ.)] ಸಚರಾ [ಬಿಲರಾ (ಸೀ.), ಪಿಳಾರಾ (ಸ್ಯಾ.), ಪತರಾ (ಪೀ.)] ಉದಿಚ್ಚ;

ತಸ್ಮಿಞ್ಚ ಮೇ ಅಪ್ಪಿಯತಾಯ ಅಜ್ಜ, ಪಿತರಿ ಚ ತೇ ನತ್ಥಿ ಕೋಚಿ ವಿಸೇಸೋ;

ಏತೇನ ಸಚ್ಚೇನ ಸುವತ್ಥಿ ಹೋತು, ಹತಂ ವಿಸಂ ಜೀವತು ಯಞ್ಞದತ್ತೋ.

ಸನ್ತಾ ದನ್ತಾಯೇವ [ದನ್ತಾ ಸನ್ತಾ ಯೇ ಚ (ಸ್ಯಾ. ಕ.)] ಪರಿಬ್ಬಜನ್ತಿ, ಅಞ್ಞತ್ರ ಕಣ್ಹಾ ನತ್ಥಾಕಾಮರೂಪಾ [ಅನಕಾಮರೂಪಾ (ಸೀ. ಸ್ಯಾ. ಪೀ.)];

ದೀಪಾಯನ ಕಿಸ್ಸ ಜಿಗುಚ್ಛಮಾನೋ, ಅಕಾಮಕೋ ಚರಸಿ ಬ್ರಹ್ಮಚರಿಯಂ.

ಸದ್ಧಾಯ ನಿಕ್ಖಮ್ಮ ಪುನಂ ನಿವತ್ತೋ, ಸೋ ಏಳಮೂಗೋವ ಬಾಲೋ [ಏಳಮೂಗೋ ಚಪಲೋ (ಸ್ಯಾ. ಕ.)] ವತಾಯಂ;

ಏತಸ್ಸ ವಾದಸ್ಸ ಜಿಗುಚ್ಛಮಾನೋ, ಅಕಾಮಕೋ ಚರಾಮಿ ಬ್ರಹ್ಮಚರಿಯಂ;

ವಿಞ್ಞುಪ್ಪಸತ್ಥಞ್ಚ ಸತಞ್ಚ ಠಾನಂ [ವಿಞ್ಞೂಪಸತ್ಥಂ ವಸಿತಂ ಚ ಠಾನಂ (ಕ.)], ಏವಮ್ಪಹಂ ಪುಞ್ಞಕರೋ ಭವಾಮಿ.

ಸಮಣೇ ¶ ತುವಂ ಬ್ರಾಹ್ಮಣೇ ಅದ್ಧಿಕೇ ಚ, ಸನ್ತಪ್ಪಯಾಸಿ ¶ ಅನ್ನಪಾನೇನ ಭಿಕ್ಖಂ;

ಓಪಾನಭೂತಂವ ಘರಂ ತವ ಯಿದಂ, ಅನ್ನೇನ ಪಾನೇನ ಉಪೇತರೂಪಂ;

ಅಥ ಕಿಸ್ಸ ವಾದಸ್ಸ ಜಿಗುಚ್ಛಮಾನೋ, ಅಕಾಮಕೋ ದಾನಮಿಮಂ ದದಾಸಿ.

ಪಿತರೋ ಚ ಮೇ ಆಸುಂ ಪಿತಾಮಹಾ ಚ, ಸದ್ಧಾ ಅಹುಂ ದಾನಪತೀ ವದಞ್ಞೂ;

ತಂ ಕುಲ್ಲವತ್ತಂ ಅನುವತ್ತಮಾನೋ, ಮಾಹಂ ಕುಲೇ ಅನ್ತಿಮಗನ್ಧನೋ [ಗನ್ಧಿನೋ (ಸ್ಯಾ. ಪೀ. ಕ.), ಗನ್ಧಿನೀ (ಸೀ.)] ಅಹುಂ;

ಏತಸ್ಸ ವಾದಸ್ಸ ಜಿಗುಚ್ಛಮಾನೋ, ಅಕಾಮಕೋ ದಾನಮಿಮಂ ದದಾಮಿ.

ದಹರಿಂ ಕುಮಾರಿಂ ಅಸಮತ್ಥಪಞ್ಞಂ, ಯಂ ತಾನಯಿಂ ಞಾತಿಕುಲಾ ಸುಗತ್ತೇ;

ನ ಚಾಪಿ ಮೇ ಅಪ್ಪಿಯತಂ ಅವೇದಿ, ಅಞ್ಞತ್ರ ಕಾಮಾ ಪರಿಚಾರಯನ್ತಾ [ಪರಿಚಾರಯನ್ತೀ (ಸೀ. ಪೀ.)];

ಅಥ ಕೇನ ವಣ್ಣೇನ ಮಯಾ ತೇ ಭೋತಿ, ಸಂವಾಸಧಮ್ಮೋ ಅಹು ಏವರೂಪೋ.

ಆರಾ ¶ ದೂರೇ ನಯಿಧ ಕದಾಚಿ ಅತ್ಥಿ, ಪರಮ್ಪರಾ ನಾಮ ಕುಲೇ ಇಮಸ್ಮಿಂ;

ತಂ ಕುಲ್ಲವತ್ತಂ ಅನುವತ್ತಮಾನಾ, ಮಾಹಂ ¶ ಕುಲೇ ಅನ್ತಿಮಗನ್ಧಿನೀ ಅಹುಂ;

ಏತಸ್ಸ ವಾದಸ್ಸ ಜಿಗುಚ್ಛಮಾನಾ, ಅಕಾಮಿಕಾ ಪದ್ಧಚರಾಮ್ಹಿ [ಪಟ್ಠಚರಾಮ್ಹಿ (ಸ್ಯಾ. ಕ.)] ತುಯ್ಹಂ.

ಮಣ್ಡಬ್ಯ ¶ ಭಾಸಿಂ ಯಮಭಾಸನೇಯ್ಯಂ [ಭಾಸಿಸ್ಸಂ ಅಭಾಸನೇಯ್ಯಂ (ಸೀ. ಸ್ಯಾ. ಪೀ.), ಭಾಸಿಸ್ಸ’ಮಭಾಸನೇಯ್ಯಂ (?)], ತಂ ಖಮ್ಯತಂ ಪುತ್ತಕಹೇತು ಮಜ್ಜ;

ಪುತ್ತಪೇಮಾ ನ ಇಧ ಪರತ್ಥಿ ಕಿಞ್ಚಿ, ಸೋ ನೋ ಅಯಂ ಜೀವತಿ ಯಞ್ಞದತ್ತೋತಿ.

ಕಣ್ಹದೀಪಾಯನಜಾತಕಂ [ಮಣ್ಡಬ್ಯಜಾತಕಂ (ಸ್ಯಾ. ಕ.)] ಛಟ್ಠಂ.

ನ ವಾಹಮೇತಂ [ನ ಚಾಹಮೇತಂ (ಸೀ.)] ಜಾನಾಮಿ, ಕೋ ವಾಯಂ ಕಸ್ಸ ವಾತಿ ವಾ [ಚಾತಿ ವಾ (ಸೀ.)];

ಯಥಾ ಸಾಖೋ ಚರಿ [ವದೀ (ಸೀ. ಸ್ಯಾ. ಪೀ.)] ಏವಂ, ನಿಗ್ರೋಧ ಕಿನ್ತಿ ಮಞ್ಞಸಿ.

ತತೋ ಗಲವಿನೀತೇನ, ಪುರಿಸಾ ನೀಹರಿಂಸು ಮಂ;

ದತ್ವಾ ಮುಖಪಹಾರಾನಿ, ಸಾಖಸ್ಸ ವಚನಂಕರಾ.

ಏತಾದಿಸಂ ದುಮ್ಮತಿನಾ, ಅಕತಞ್ಞುನ ದುಬ್ಭಿನಾ;

ಕತಂ ಅನರಿಯಂ ಸಾಖೇನ, ಸಖಿನಾ ತೇ ಜನಾಧಿಪ.

ನ ವಾಹಮೇತಂ ಜಾನಾಮಿ, ನಪಿ ಮೇ ಕೋಚಿ ಸಂಸತಿ;

ಯಂ ಮೇ ತ್ವಂ ಸಮ್ಮ ಅಕ್ಖಾಸಿ, ಸಾಖೇನ ಕಾರಣಂ [ಕಡ್ಢನಂ (ಸೀ. ಸ್ಯಾ.)] ಕತಂ.

ಸಖೀನಂ ¶ ಸಾಜೀವಕರೋ, ಮಮ ಸಾಖಸ್ಸ ಚೂಭಯಂ;

ತ್ವಂ ನೋಸಿಸ್ಸರಿಯಂ ದಾತಾ, ಮನುಸ್ಸೇಸು ಮಹನ್ತತಂ;

ತಯಾಮಾ ಲಬ್ಭಿತಾ ಇದ್ಧೀ, ಏತ್ಥ ಮೇ ನತ್ಥಿ ಸಂಸಯೋ.

ಯಥಾಪಿ ಬೀಜಮಗ್ಗಿಮ್ಹಿ, ಡಯ್ಹತಿ ನ ವಿರೂಹತಿ;

ಏವಂ ಕತಂ ಅಸಪ್ಪುರಿಸೇ, ನಸ್ಸತಿ ನ ವಿರೂಹತಿ.

ಕತಞ್ಞುಮ್ಹಿ ಚ ಪೋಸಮ್ಹಿ, ಸೀಲವನ್ತೇ ಅರಿಯವುತ್ತಿನೇ;

ಸುಖೇತ್ತೇ ವಿಯ ಬೀಜಾನಿ, ಕತಂ ತಮ್ಹಿ ನ ನಸ್ಸತಿ.

ಇಮಂ ಜಮ್ಮಂ ನೇಕತಿಕಂ, ಅಸಪ್ಪುರಿಸಚಿನ್ತಕಂ;

ಹನನ್ತು ಸಾಖಂ ಸತ್ತೀಹಿ, ನಾಸ್ಸ ಇಚ್ಛಾಮಿ ಜೀವಿತಂ.

ಖಮತಸ್ಸ ¶ ಮಹಾರಾಜ, ಪಾಣಾ ನ ಪಟಿಆನಯಾ [ದುಪ್ಪಟಿಆನಯಾ (ಸೀ. ಸ್ಯಾ. ಪೀ.)];

ಖಮ ದೇವ ಅಸಪ್ಪುರಿಸಸ್ಸ, ನಾಸ್ಸ ಇಚ್ಛಾಮಹಂ ವಧಂ.

ನಿಗ್ರೋಧಮೇವ ಸೇವೇಯ್ಯ, ನ ಸಾಖಮುಪಸಂವಸೇ;

ನಿಗ್ರೋಧಸ್ಮಿಂ ಮತಂ ಸೇಯ್ಯೋ, ಯಞ್ಚೇ ಸಾಖಸ್ಮಿ ಜೀವಿತನ್ತಿ.

ನ ¶ ತಕ್ಕಲಾ ಸನ್ತಿ ನ ಆಲುವಾನಿ [ಆಲುಪಾನಿ (ಸೀ. ಸ್ಯಾ. ಪೀ.)], ನ ಬಿಳಾಲಿಯೋ ನ ಕಳಮ್ಬಾನಿ ತಾತ;

ಏಕೋ ಅರಞ್ಞಮ್ಹಿ ಸುಸಾನಮಜ್ಝೇ, ಕಿಮತ್ಥಿಕೋ ತಾತ ಖಣಾಸಿ ಕಾಸುಂ.

ಪಿತಾಮಹೋ ¶ ತಾತ ಸುದುಬ್ಬಲೋ ತೇ, ಅನೇಕಬ್ಯಾಧೀಹಿ ದುಖೇನ ಫುಟ್ಠೋ;

ತಮಜ್ಜಹಂ ನಿಖಣಿಸ್ಸಾಮಿ ಸೋಬ್ಭೇ, ನ ಹಿಸ್ಸ ತಂ ಜೀವಿತಂ ರೋಚಯಾಮಿ.

ಸಙ್ಕಪ್ಪಮೇತಂ ಪಟಿಲದ್ಧ ಪಾಪಕಂ, ಅಚ್ಚಾಹಿತಂ ಕಮ್ಮ ಕರೋಸಿ ಲುದ್ದಂ;

ಮಯಾಪಿ ತಾತ ಪಟಿಲಚ್ಛಸೇ ತುವಂ, ಏತಾದಿಸಂ ಕಮ್ಮ ಜರೂಪನೀತೋ;

ತಂ ಕುಲ್ಲವತ್ತಂ ಅನುವತ್ತಮಾನೋ, ಅಹಮ್ಪಿ ತಂ ನಿಖಣಿಸ್ಸಾಮಿ ಸೋಬ್ಭೇ.

ಫರುಸಾಹಿ ವಾಚಾಹಿ ಪಕುಬ್ಬಮಾನೋ, ಆಸಜ್ಜ ಮಂ ತ್ವಂ ವದಸೇ ಕುಮಾರ;

ಪುತ್ತೋ ಮಮಂ ಓರಸಕೋ ಸಮಾನೋ, ಅಹಿತಾನುಕಮ್ಪೀ ಮಮ ತ್ವಂಸಿ ಪುತ್ತ.

ನ ¶ ತಾಹಂ [ತ್ಯಾಹಂ (ಸ್ಯಾ.)] ತಾತ ಅಹಿತಾನುಕಮ್ಪೀ, ಹಿತಾನುಕಮ್ಪೀ ತೇ ಅಹಮ್ಪಿ [ಅಹಞ್ಹಿ (ಸ್ಯಾ.)] ತಾತ;

ಪಾಪಞ್ಚ ತಂ ಕಮ್ಮ ಪಕುಬ್ಬಮಾನಂ, ಅರಹಾಮಿ ನೋ ವಾರಯಿತುಂ ತತೋ.

ಯೋ ಮಾತರಂ ವಾ ಪಿತರಂ ಸವಿಟ್ಠ [ಮಾತರಂ ಪಿತರಂ ವಾ ವಸಿಟ್ಠ (ಸೀ. ಪೀ.)], ಅದೂಸಕೇ ಹಿಂಸತಿ ಪಾಪಧಮ್ಮೋ;

ಕಾಯಸ್ಸ ¶ ಭೇದಾ ಅಭಿಸಮ್ಪರಾಯಂ, ಅಸಂಸಯಂ ಸೋ ನಿರಯಂ ಉಪೇತಿ [ಪರೇತಿ (ಸೀ. ಪೀ.)].

ಯೋ ಮಾತರಂ ವಾ ಪಿತರಂ ಸವಿಟ್ಠ, ಅನ್ನೇನ ಪಾನೇನ ಉಪಟ್ಠಹಾತಿ;

ಕಾಯಸ್ಸ ಭೇದಾ ಅಭಿಸಮ್ಪರಾಯಂ, ಅಸಂಸಯಂ ಸೋ ಸುಗತಿಂ ಉಪೇತಿ.

ನ ಮೇ ತ್ವಂ ಪುತ್ತ ಅಹಿತಾನುಕಮ್ಪೀ, ಹಿತಾನುಕಮ್ಪೀ ಮೇ [ಮಮ (?)] ತ್ವಂಸಿ ಪುತ್ತ;

ಅಹಞ್ಚ ತಂ ಮಾತರಾ ವುಚ್ಚಮಾನೋ, ಏತಾದಿಸಂ ಕಮ್ಮ ಕರೋಮಿ ಲುದ್ದಂ.

ಯಾ ತೇ ಸಾ ಭರಿಯಾ ಅನರಿಯರೂಪಾ, ಮಾತಾ ಮಮೇಸಾ ಸಕಿಯಾ ಜನೇತ್ತಿ;

ನಿದ್ಧಾಪಯೇ [ನಿದ್ಧಾಮಸೇ (ಪೀ.)] ತಞ್ಚ ಸಕಾ ಅಗಾರಾ, ಅಞ್ಞಮ್ಪಿ ತೇ ಸಾ ದುಖಮಾವಹೇಯ್ಯ.

ಯಾ ತೇ ಸಾ ಭರಿಯಾ ಅನರಿಯರೂಪಾ, ಮಾತಾ ಮಮೇಸಾ ಸಕಿಯಾ ಜನೇತ್ತಿ;

ದನ್ತಾ ಕರೇಣೂವ ವಸೂಪನೀತಾ, ಸಾ ಪಾಪಧಮ್ಮಾ ಪುನರಾವಜಾತೂತಿ.

ಕಿಂ ¶ ¶ ತೇ ವತಂ ಕಿಂ ಪನ ಬ್ರಹ್ಮಚರಿಯಂ, ಕಿಸ್ಸ ಸುಚಿಣ್ಣಸ್ಸ ಅಯಂ ವಿಪಾಕೋ;

ಅಕ್ಖಾಹಿ ಮೇ ಬ್ರಾಹ್ಮಣ ಏತಮತ್ಥಂ, ಕಸ್ಮಾ ನು ತುಮ್ಹಂ ದಹರಾ ನ ಮಿಯ್ಯರೇ [ಮೀಯರೇ (ಸೀ. ಪೀ.)].

ಧಮ್ಮಂ ಚರಾಮ ನ ಮುಸಾ ಭಣಾಮ, ಪಾಪಾನಿ ಕಮ್ಮಾನಿ ಪರಿವಜ್ಜಯಾಮ [ವಿವಜ್ಜಯಾಮ (ಸೀ. ಸ್ಯಾ. ಪೀ.)];

ಅನರಿಯಂ ಪರಿವಜ್ಜೇಮು ಸಬ್ಬಂ, ತಸ್ಮಾ ಹಿ ಅಮ್ಹಂ ದಹರಾ ನ ಮಿಯ್ಯರೇ.

ಸುಣೋಮ ¶ ಧಮ್ಮಂ ಅಸತಂ ಸತಞ್ಚ, ನ ಚಾಪಿ ಧಮ್ಮಂ ಅಸತಂ ರೋಚಯಾಮ;

ಹಿತ್ವಾ ಅಸನ್ತೇ ನ ಜಹಾಮ ಸನ್ತೇ, ತಸ್ಮಾ ಹಿ ಅಮ್ಹಂ ದಹರಾ ನ ಮಿಯ್ಯರೇ.

ಪುಬ್ಬೇವ ದಾನಾ ಸುಮನಾ ಭವಾಮ, ದದಮ್ಪಿ ವೇ ಅತ್ತಮನಾ ಭವಾಮ;

ದತ್ವಾಪಿ ವೇ ನಾನುತಪ್ಪಾಮ ಪಚ್ಛಾ, ತಸ್ಮಾ ಹಿ ಅಮ್ಹಂ ದಹರಾ ನ ಮಿಯ್ಯರೇ.

ಸಮಣೇ ಮಯಂ ಬ್ರಾಹ್ಮಣೇ ಅದ್ಧಿಕೇ ಚ, ವನಿಬ್ಬಕೇ ಯಾಚನಕೇ ದಲಿದ್ದೇ;

ಅನ್ನೇನ ಪಾನೇನ ಅಭಿತಪ್ಪಯಾಮ, ತಸ್ಮಾ ¶ ಹಿ ಅಮ್ಹಂ ದಹರಾ ನ ಮಿಯ್ಯರೇ.

ಮಯಞ್ಚ ಭರಿಯಂ ನಾತಿಕ್ಕಮಾಮ, ಅಮ್ಹೇ ಚ ಭರಿಯಾ ನಾತಿಕ್ಕಮನ್ತಿ;

ಅಞ್ಞತ್ರ ತಾಹಿ ಬ್ರಹ್ಮಚರಿಯಂ ಚರಾಮ, ತಸ್ಮಾ ಹಿ ಅಮ್ಹಂ ದಹರಾ ನ ಮಿಯ್ಯರೇ.

ಪಾಣಾತಿಪಾತಾ ¶ ವಿರಮಾಮ ಸಬ್ಬೇ, ಲೋಕೇ ಅದಿನ್ನಂ ಪರಿವಜ್ಜಯಾಮ;

ಅಮಜ್ಜಪಾ ನೋಪಿ ಮುಸಾ ಭಣಾಮ, ತಸ್ಮಾ ಹಿ ಅಮ್ಹಂ ದಹರಾ ನ ಮಿಯ್ಯರೇ.

ಏತಾಸು ವೇ ಜಾಯರೇ ಸುತ್ತಮಾಸು, ಮೇಧಾವಿನೋ ಹೋನ್ತಿ ಪಹೂತಪಞ್ಞಾ;

ಬಹುಸ್ಸುತಾ ವೇದಗುನೋ [ವೇದಗುಣಾ (ಸ್ಯಾ. ಕ.)] ಚ ಹೋನ್ತಿ, ತಸ್ಮಾ ಹಿ ಅಮ್ಹಂ ದಹರಾ ನ ಮಿಯ್ಯರೇ.

ಮಾತಾ ಪಿತಾ ಚ [ಮಾತಾ ಚ ಪಿತಾ (ಕ.), ಮಾತಾಪಿತರಾ (ಸ್ಯಾ.)] ಭಗಿನೀ ಭಾತರೋ ಚ, ಪುತ್ತಾ ಚ ದಾರಾ ಚ ಮಯಞ್ಚ ಸಬ್ಬೇ;

ಧಮ್ಮಂ ಚರಾಮ ಪರಲೋಕಹೇತು, ತಸ್ಮಾ ಹಿ ಅಮ್ಹಂ ದಹರಾ ನ ಮಿಯ್ಯರೇ.

ದಾಸಾ ಚ ದಾಸ್ಯೋ [ದಾಸ್ಸೋ (ಸೀ. ಪೀ.), ದಾಸೀ (ಸ್ಯಾ.)] ಅನುಜೀವಿನೋ ಚ, ಪರಿಚಾರಕಾ ಕಮ್ಮಕರಾ ಚ ಸಬ್ಬೇ;

ಧಮ್ಮಂ ಚರನ್ತಿ ಪರಲೋಕಹೇತು, ತಸ್ಮಾ ¶ ಹಿ ಅಮ್ಹಂ ದಹರಾ ನ ಮಿಯ್ಯರೇ.

ಧಮ್ಮೋ ಹವೇ ರಕ್ಖತಿ ಧಮ್ಮಚಾರಿಂ, ಧಮ್ಮೋ ಸುಚಿಣ್ಣೋ ಸುಖಮಾವಹಾತಿ;

ಏಸಾನಿಸಂಸೋ ಧಮ್ಮೇ ಸುಚಿಣ್ಣೇ, ನ ದುಗ್ಗತಿಂ ಗಚ್ಛತಿ ಧಮ್ಮಚಾರೀ.

ಧಮ್ಮೋ ಹವೇ ರಕ್ಖತಿ ಧಮ್ಮಚಾರಿಂ, ಛತ್ತಂ ಮಹನ್ತಂ ವಿಯ ವಸ್ಸಕಾಲೇ;

ಧಮ್ಮೇನ ಗುತ್ತೋ ಮಮ ಧಮ್ಮಪಾಲೋ, ಅಞ್ಞಸ್ಸ ಅಟ್ಠೀನಿ ಸುಖೀ ಕುಮಾರೋತಿ.

ನಾಸ್ಮಸೇ ¶ ಕತಪಾಪಮ್ಹಿ, ನಾಸ್ಮಸೇ ಅಲಿಕವಾದಿನೇ;

ನಾಸ್ಮಸೇ ಅತ್ತತ್ಥಪಞ್ಞಮ್ಹಿ, ಅತಿಸನ್ತೇಪಿ ನಾಸ್ಮಸೇ.

ಭವನ್ತಿ ಹೇಕೇ ಪುರಿಸಾ, ಗೋಪಿಪಾಸಿಕಜಾತಿಕಾ [ಗೋಪಿಪಾಸಕಜಾತಿಕಾ (ಸೀ. ಸ್ಯಾ. ಪೀ.)];

ಘಸನ್ತಿ ಮಞ್ಞೇ ಮಿತ್ತಾನಿ, ವಾಚಾಯ ನ ಚ ಕಮ್ಮುನಾ.

ಸುಕ್ಖಞ್ಜಲಿಪಗ್ಗಹಿತಾ, ವಾಚಾಯ ಪಲಿಗುಣ್ಠಿತಾ;

ಮನುಸ್ಸಫೇಗ್ಗೂ ನಾಸೀದೇ, ಯಸ್ಮಿಂ ನತ್ಥಿ ಕತಞ್ಞುತಾ.

ನ ¶ ಹಿ ಅಞ್ಞಞ್ಞಚಿತ್ತಾನಂ, ಇತ್ಥೀನಂ ಪುರಿಸಾನ ವಾ;

ನಾನಾವಿಕತ್ವಾ [ನಾನಾವ ಕತ್ವಾ (ಸೀ. ಪೀ.)] ಸಂಸಗ್ಗಂ, ತಾದಿಸಮ್ಪಿ ಚ ನಾಸ್ಮಸೇ [ತಾದಿಸಮ್ಪಿ ನ ವಿಸ್ಸಸೇ (ಸ್ಯಾ.)].

ಅನರಿಯಕಮ್ಮಮೋಕ್ಕನ್ತಂ ¶ , ಅಥೇತಂ [ಅತ್ಥೇತಂ (ಸೀ. ಸ್ಯಾ. ಪೀ.)] ಸಬ್ಬಘಾತಿನಂ;

ನಿಸಿತಂವ ಪಟಿಚ್ಛನ್ನಂ, ತಾದಿಸಮ್ಪಿ ಚ ನಾಸ್ಮಸೇ.

ಮಿತ್ತರೂಪೇನಿಧೇಕಚ್ಚೇ, ಸಾಖಲ್ಯೇನ ಅಚೇತಸಾ;

ವಿವಿಧೇಹಿ ಉಪಾಯನ್ತಿ, ತಾದಿಸಮ್ಪಿ ಚ ನಾಸ್ಮಸೇ.

ಆಮಿಸಂ ವಾ ಧನಂ ವಾಪಿ, ಯತ್ಥ ಪಸ್ಸತಿ ತಾದಿಸೋ;

ದುಬ್ಭಿಂ ಕರೋತಿ ದುಮ್ಮೇಧೋ, ತಞ್ಚ ಹನ್ತ್ವಾನ [ಝಾತ್ವಾನ (ಸೀ. ಪೀ.), ಹಿತ್ವಾನ (ಸ್ಯಾ.)] ಗಚ್ಛತಿ.

ಮಿತ್ತರೂಪೇನ ಬಹವೋ, ಛನ್ನಾ ಸೇವನ್ತಿ ಸತ್ತವೋ;

ಜಹೇ ಕಾಪುರಿಸೇ ಹೇತೇ, ಕುಕ್ಕುಟೋ ವಿಯ ಸೇನಕಂ.

ಯೋ ಚ [ಯೋಧ (ಜಾ. ೧.೮.೨೫ ಸುಲಸಾಜಾತಕೇ)] ಉಪ್ಪತಿತಂ ಅತ್ಥಂ, ನ ಖಿಪ್ಪಮನುಬುಜ್ಝತಿ;

ಅಮಿತ್ತವಸಮನ್ವೇತಿ, ಪಚ್ಛಾ ಚ ಅನುತಪ್ಪತಿ.

ಯೋ ಚ ಉಪ್ಪತಿತಂ ಅತ್ಥಂ, ಖಿಪ್ಪಮೇವ ನಿಬೋಧತಿ;

ಮುಚ್ಚತೇ ಸತ್ತುಸಮ್ಬಾಧಾ, ಕುಕ್ಕುಟೋ ವಿಯ ಸೇನಕಾ;

ತಂ ತಾದಿಸಂ ಕೂಟಮಿವೋಡ್ಡಿತಂ ವನೇ, ಅಧಮ್ಮಿಕಂ ನಿಚ್ಚವಿಧಂಸಕಾರಿನಂ;

ಆರಾ ವಿವಜ್ಜೇಯ್ಯ ನರೋ ವಿಚಕ್ಖಣೋ, ಸೇನಂ ಯಥಾ ಕುಕ್ಕುಟೋ ವಂಸಕಾನನೇತಿ.

ಅಲಙ್ಕತೋ ¶ ¶ ಮಟ್ಠಕುಣ್ಡಲೀ [ಮಟ್ಟಕುಣ್ಡಲೀ (ಸೀ. ಪೀ.)], ಮಾಲಧಾರೀ [ಮಾಲಭಾರೀ (ಸೀ. ಪೀ.)] ಹರಿಚನ್ದನುಸ್ಸದೋ;

ಬಾಹಾ ಪಗ್ಗಯ್ಹ ಕನ್ದಸಿ, ವನಮಜ್ಝೇ ಕಿಂ ದುಕ್ಖಿತೋ ತುವಂ.

ಸೋವಣ್ಣಮಯೋ ಪಭಸ್ಸರೋ, ಉಪ್ಪನ್ನೋ ರಥಪಞ್ಜರೋ ಮಮ;

ತಸ್ಸ ಚಕ್ಕಯುಗಂ ನ ವಿನ್ದಾಮಿ, ತೇನ ದುಕ್ಖೇನ ಜಹಾಮಿ ಜೀವಿತಂ.

ಸೋವಣ್ಣಮಯಂ ಮಣೀಮಯಂ, ಲೋಹಮಯಂ ಅಥ ರೂಪಿಯಾಮಯಂ;

[ಆಚಿಕ್ಖ ಮೇ ಭದ್ದಮಾಣವ (ವಿ. ವ. ೧೨೦೯)] ಪಾವದ ರಥಂ ಕರಿಸ್ಸಾಮಿ [ಕಾರಯಾಮಿ (ಸೀ. ಪೀ.)] ತೇ [ಆಚಿಕ್ಖ ಮೇ ಭದ್ದಮಾಣವ (ವಿ. ವ. ೧೨೦೯)], ಚಕ್ಕಯುಗಂ ಪಟಿಪಾದಯಾಮಿ ತಂ.

ಸೋ [ಅಥ (ಸ್ಯಾ.)] ಮಾಣವೋ ತಸ್ಸ ಪಾವದಿ, ಚನ್ದಿಮಸೂರಿಯಾ [ಚನ್ದಿಮಸೂರಿಯಾ (ಸ್ಯಾ.)] ಉಭಯೇತ್ಥ ಭಾತರೋ [ದಿಸ್ಸರೇ (ವಿ. ವ. ೧೨೧೦)];

ಸೋವಣ್ಣಮಯೋ ರಥೋ ಮಮ, ತೇನ ಚಕ್ಕಯುಗೇನ ಸೋಭತಿ.

ಬಾಲೋ ಖೋ ತ್ವಂಸಿ ಮಾಣವ, ಯೋ ತ್ವಂ ಪತ್ಥಯಸೇ ಅಪತ್ಥಿಯಂ;

ಮಞ್ಞಾಮಿ ತುವಂ ಮರಿಸ್ಸಸಿ, ನ ¶ ಹಿ ತ್ವಂ ಲಚ್ಛಸಿ ಚನ್ದಸೂರಿಯೇ.

ಗಮನಾಗಮನಮ್ಪಿ ¶ ದಿಸ್ಸತಿ, ವಣ್ಣಧಾತು ಉಭಯೇತ್ಥ ವೀಥಿಯೋ;

ಪೇತೋ ಪನ ನೇವ ದಿಸ್ಸತಿ, ಕೋ ನು ಖೋ [ಕೋ ನಿಧ (ವಿ. ವ. ೧೨೧೨)] ಕನ್ದತಂ ಬಾಲ್ಯತರೋ.

ಸಚ್ಚಂ ¶ ಖೋ ವದೇಸಿ ಮಾಣವ, ಅಹಮೇವ ಕನ್ದತಂ ಬಾಲ್ಯತರೋ;

ಚನ್ದಂ ವಿಯ ದಾರಕೋ ರುದಂ, ಪೇತಂ ಕಾಲಕತಾಭಿಪತ್ಥಯೇ.

ಆದಿತ್ತಂ ವತ ಮಂ ಸನ್ತಂ, ಘತಸಿತ್ತಂವ ಪಾವಕಂ;

ವಾರಿನಾ ವಿಯ ಓಸಿಞ್ಚಂ, ಸಬ್ಬಂ ನಿಬ್ಬಾಪಯೇ ದರಂ.

ಅಬ್ಬಹೀ [ಅಬ್ಬುಹಿ (ಸ್ಯಾ.), ಅಬ್ಭುಳ್ಹಂ (ಕ.)] ವತ ಮೇ ಸಲ್ಲಂ, ಯಮಾಸಿ ಹದಯಸ್ಸಿತಂ [ಸೋಕಂ ಹದಯನಿಸ್ಸಿತಂ (ವಿ. ವ. ೧೨೧೫)];

ಯೋ ಮೇ ಸೋಕಪರೇತಸ್ಸ, ಪುತ್ತಸೋಕಂ ಅಪಾನುದಿ.

ಸೋಹಂ ಅಬ್ಬೂಳ್ಹಸಲ್ಲೋಸ್ಮಿ, ವೀತಸೋಕೋ ಅನಾವಿಲೋ;

ನ ಸೋಚಾಮಿ ನ ರೋದಾಮಿ, ತವ ಸುತ್ವಾನ ಮಾಣವಾತಿ.

ಅಪಚನ್ತಾಪಿ ದಿಚ್ಛನ್ತಿ, ಸನ್ತೋ ಲದ್ಧಾನ ಭೋಜನಂ;

ಕಿಮೇವ ತ್ವಂ ಪಚಮಾನೋ, ಯಂ ನ ದಜ್ಜಾ ನ ತಂ ಸಮಂ.

ಮಚ್ಛೇರಾ ¶ ಚ ಪಮಾದಾ ಚ, ಏವಂ ದಾನಂ ನ ದಿಯ್ಯತಿ;

ಪುಞ್ಞಂ ಆಕಙ್ಖಮಾನೇನ, ದೇಯ್ಯಂ ಹೋತಿ ವಿಜಾನತಾ.

ಯಸ್ಸೇವ ಭೀತೋ ನ ದದಾತಿ ಮಚ್ಛರೀ, ತದೇವಾದದತೋ ಭಯಂ;

ಜಿಘಚ್ಛಾ ಚ ಪಿಪಾಸಾ ಚ, ಯಸ್ಸ ಭಾಯತಿ ಮಚ್ಛರೀ;

ತಮೇವ ಬಾಲಂ ಫುಸತಿ, ಅಸ್ಮಿಂ ಲೋಕೇ ಪರಮ್ಹಿ ಚ.

ತಸ್ಮಾ ವಿನೇಯ್ಯ ಮಚ್ಛೇರಂ, ದಜ್ಜಾ ದಾನಂ ಮಲಾಭಿಭೂ;

ಪುಞ್ಞಾನಿ ಪರಲೋಕಸ್ಮಿಂ, ಪತಿಟ್ಠಾ ಹೋನ್ತಿ ಪಾಣಿನಂ.

ದುದ್ದದಂ ದದಮಾನಾನಂ, ದುಕ್ಕರಂ ಕಮ್ಮ ಕುಬ್ಬತಂ;

ಅಸನ್ತೋ ನಾನುಕುಬ್ಬನ್ತಿ, ಸತಂ ಧಮ್ಮೋ ದುರನ್ನಯೋ.

ತಸ್ಮಾ ಸತಞ್ಚ ಅಸತಂ [ಅಸತಞ್ಚ (ಸೀ. ಸ್ಯಾ. ಪೀ.)], ನಾನಾ ಹೋತಿ ಇತೋ ಗತಿ;

ಅಸನ್ತೋ ನಿರಯಂ ಯನ್ತಿ, ಸನ್ತೋ ಸಗ್ಗಪರಾಯನಾ.

ಅಪ್ಪಸ್ಮೇಕೇ ¶ [ಅಪ್ಪಮ್ಪೇಕೇ (ಸ್ಯಾ.)] ಪವೇಚ್ಛನ್ತಿ, ಬಹುನೇಕೇ ನ ದಿಚ್ಛರೇ;

ಅಪ್ಪಸ್ಮಾ ದಕ್ಖಿಣಾ ದಿನ್ನಾ, ಸಹಸ್ಸೇನ ಸಮಂ ಮಿತಾ.

ಧಮ್ಮಂ ಚರೇ ಯೋಪಿ ಸಮುಞ್ಛಕಂ ಚರೇ, ದಾರಞ್ಚ ಪೋಸಂ ದದಮಪ್ಪಕಸ್ಮಿಂ [ದದಂ ಅಪ್ಪಕಸ್ಮಿಪಿ (ಪೀ.)];

ಸತಂ ಸಹಸ್ಸಾನಂ ಸಹಸ್ಸಯಾಗಿನಂ, ಕಲಮ್ಪಿ ¶ ನಾಗ್ಘನ್ತಿ ತಥಾವಿಧಸ್ಸ ತೇ.

ಕೇನೇಸ ¶ ಯಞ್ಞೋ ವಿಪುಲೋ ಮಹಗ್ಘತೋ [ಮಹಗ್ಗತೋ (ಸಂ. ನಿ. ೧.೩೨)], ಸಮೇನ ದಿನ್ನಸ್ಸ ನ ಅಗ್ಘಮೇತಿ;

ಕಥಂ ಸತಂ ಸಹಸ್ಸಾನಂ [ಕಥಂ ಸಹಸ್ಸಾನಂ (ಸೀ. ಸ್ಯಾ. ಪೀ.)] ಸಹಸ್ಸಯಾಗಿನಂ, ಕಲಮ್ಪಿ ನಾಗ್ಘನ್ತಿ ತಥಾವಿಧಸ್ಸ ತೇ.

ದದನ್ತಿ ಹೇಕೇ ವಿಸಮೇ ನಿವಿಟ್ಠಾ, ಛೇತ್ವಾ [ಝತ್ವಾ (ಸೀ. ಪೀ.), ಘತ್ವಾ (ಸ್ಯಾ.)] ವಧಿತ್ವಾ ಅಥ ಸೋಚಯಿತ್ವಾ;

ಸಾ ದಕ್ಖಿಣಾ ಅಸ್ಸುಮುಖಾ ಸದಣ್ಡಾ, ಸಮೇನ ದಿನ್ನಸ್ಸ ನ ಅಗ್ಘಮೇತಿ;

ಏವಂ ಸತಂ ಸಹಸ್ಸಾನಂ [ಏವಂ ಸಹಸ್ಸಾನಂ (ಸೀ. ಸ್ಯಾ. ಪೀ.)] ಸಹಸ್ಸಯಾಗಿನಂ, ಕಲಮ್ಪಿ ನಾಗ್ಘನ್ತಿ ತಥಾವಿಧಸ್ಸ ತೇತಿ.

ವಣ್ಣವಾ ಅಭಿರೂಪೋಸಿ, ಘನೋ ಸಞ್ಜಾತರೋಹಿತೋ;

ಚಕ್ಕವಾಕ ಸುರೂಪೋಸಿ, ವಿಪ್ಪಸನ್ನಮುಖಿನ್ದ್ರಿಯೋ.

ಪಾಠೀನಂ ಪಾವುಸಂ ಮಚ್ಛಂ, ಬಲಜಂ [ವಾಲಜಂ (ಸೀ. ಪೀ.), ಬಲಜ್ಜಂ (ಸ್ಯಾ.)] ಮುಞ್ಜರೋಹಿತಂ;

ಗಙ್ಗಾಯ ತೀರೇ ನಿಸಿನ್ನೋ [ಗಙ್ಗಾತೀರೇ ನಿಸಿನ್ನೋಸಿ (ಸ್ಯಾ. ಕ.)], ಏವಂ ಭುಞ್ಜಸಿ ಭೋಜನಂ.

ನ ವಾಹಮೇತಂ [ಸಬ್ಬತ್ಥಪಿ ಸಮಾನಂ] ಭುಞ್ಜಾಮಿ, ಜಙ್ಗಲಾನೋದಕಾನಿ ವಾ;

ಅಞ್ಞತ್ರ ಸೇವಾಲಪಣಕಾ, ಏತಂ [ಅಞ್ಞಂ (ಸ್ಯಾ.)] ಮೇ ಸಮ್ಮ ಭೋಜನಂ.

ನ ¶ ವಾಹಮೇತಂ ಸದ್ದಹಾಮಿ, ಚಕ್ಕವಾಕಸ್ಸ ಭೋಜನಂ;

ಅಹಮ್ಪಿ ಸಮ್ಮ ಭುಞ್ಜಾಮಿ, ಗಾಮೇ ಲೋಣಿಯತೇಲಿಯಂ.

ಮನುಸ್ಸೇಸು ಕತಂ ಭತ್ತಂ, ಸುಚಿಂ ಮಂಸೂಪಸೇಚನಂ;

ನ ¶ ಚ ಮೇ ತಾದಿಸೋ ವಣ್ಣೋ, ಚಕ್ಕವಾಕ ಯಥಾ ತುವಂ.

ಸಮ್ಪಸ್ಸಂ ಅತ್ತನಿ ವೇರಂ, ಹಿಂಸಯಂ [ಹಿಂಸಾಯ (ಸ್ಯಾ. ಪೀ. ಕ.)] ಮಾನುಸಿಂ ಪಜಂ;

ಉತ್ರಸ್ತೋ ಘಸಸೀ ಭೀತೋ, ತೇನ ವಣ್ಣೋ ತವೇದಿಸೋ.

ಸಬ್ಬಲೋಕವಿರುದ್ಧೋಸಿ, ಧಙ್ಕ ಪಾಪೇನ ಕಮ್ಮುನಾ;

ಲದ್ಧೋ ಪಿಣ್ಡೋ ನ ಪೀಣೇತಿ, ತೇನ ವಣ್ಣೋ ತವೇದಿಸೋ.

ಅಹಮ್ಪಿ [ಅಹಞ್ಚ (?)] ಸಮ್ಮ ಭುಞ್ಜಾಮಿ, ಅಹಿಂಸಂ ಸಬ್ಬಪಾಣಿನಂ;

ಅಪ್ಪೋಸ್ಸುಕ್ಕೋ ನಿರಾಸಙ್ಕೀ, ಅಸೋಕೋ ಅಕುತೋಭಯೋ.

ಸೋ ಕರಸ್ಸು ಆನುಭಾವಂ, ವೀತಿವತ್ತಸ್ಸು ಸೀಲಿಯಂ;

ಅಹಿಂಸಾಯ ಚರ ಲೋಕೇ, ಪಿಯೋ ಹೋಹಿಸಿ ಮಂಮಿವ.

ಯೋ ನ ಹನ್ತಿ ನ ಘಾತೇತಿ, ನ ಜಿನಾತಿ ನ ಜಾಪಯೇ;

ಮೇತ್ತಂಸೋ ಸಬ್ಬಭೂತೇಸು, ವೇರಂ ತಸ್ಸ ನ ಕೇನಚೀತಿ.

ಸಚ್ಚಂ ¶ ಕಿರ ತ್ವಂ ಅಪಿ [ತ್ವಮ್ಪಿ (ಸೀ.), ತುವಮ್ಪಿ (ಸ್ಯಾ.), ತ್ವಂ ಅಸಿ (ಕ.)] ಭೂರಿಪಞ್ಞ, ಯಾ ತಾದಿಸೀ ಸೀರಿ ಧಿತೀ ಮತೀ ಚ;

ನ ತಾಯತೇಭಾವವಸೂಪನಿತಂ, ಯೋ ಯವಕಂ ಭುಞ್ಜಸಿ ಅಪ್ಪಸೂಪಂ.

ಸುಖಂ ದುಕ್ಖೇನ ಪರಿಪಾಚಯನ್ತೋ, ಕಾಲಾ ಕಾಲಂ ವಿಚಿನಂ ಛನ್ದಛನ್ನೋ;

ಅತ್ಥಸ್ಸ ¶ ದ್ವಾರಾನಿ ಅವಾಪುರನ್ತೋ, ತೇನಾಹಂ ತುಸ್ಸಾಮಿ ಯವೋದನೇನ.

ಕಾಲಞ್ಚ ¶ ಞತ್ವಾ ಅಭಿಜೀಹನಾಯ, ಮನ್ತೇಹಿ ಅತ್ಥಂ ಪರಿಪಾಚಯಿತ್ವಾ;

ವಿಜಮ್ಭಿಸ್ಸಂ ಸೀಹವಿಜಮ್ಭಿತಾನಿ, ತಾಯಿದ್ಧಿಯಾ ದಕ್ಖಸಿ ಮಂ ಪುನಾಪಿ.

ಸುಖೀಪಿ ಹೇಕೇ [ಸುಖೀ ಹಿ ಏಕೇ (ಸೀ.), ಸುಖೀತಿ ಹೇಕೇ (?)] ನ ಕರೋನ್ತಿ ಪಾಪಂ, ಅವಣ್ಣಸಂಸಗ್ಗಭಯಾ ಪುನೇಕೇ;

ಪಹೂ ಸಮಾನೋ ವಿಪುಲತ್ಥಚಿನ್ತೀ, ಕಿಂಕಾರಣಾ ಮೇ ನ ಕರೋಸಿ ದುಕ್ಖಂ.

ನ ಪಣ್ಡಿತಾ ಅತ್ತಸುಖಸ್ಸ ಹೇತು, ಪಾಪಾನಿ ಕಮ್ಮಾನಿ ಸಮಾಚರನ್ತಿ;

ದುಕ್ಖೇನ ಫುಟ್ಠಾ ಖಲಿತಾಪಿ ಸನ್ತಾ, ಛನ್ದಾ ಚ ದೋಸಾ ನ ಜಹನ್ತಿ ಧಮ್ಮಂ.

ಯೇನ ಕೇನಚಿ ವಣ್ಣೇನ, ಮುದುನಾ ದಾರುಣೇನ ವಾ;

ಉದ್ಧರೇ ದೀನಮತ್ತಾನಂ, ಪಚ್ಛಾ ಧಮ್ಮಂ ಸಮಾಚರೇ.

ಯಸ್ಸ ರುಕ್ಖಸ್ಸ ಛಾಯಾಯ, ನಿಸೀದೇಯ್ಯ ಸಯೇಯ್ಯ ವಾ;

ನ ತಸ್ಸ ಸಾಖಂ ಭಞ್ಜೇಯ್ಯ, ಮಿತ್ತದುಬ್ಭೋ ಹಿ ಪಾಪಕೋ.

ಯಸ್ಸಾಪಿ [ಯಸ್ಸ ಹಿ (ಸೀ. ಕ.)] ಧಮ್ಮಂ ಪುರಿಸೋ [ಮನುಜೋ (ಸೀ.)] ವಿಜಞ್ಞಾ, ಯೇ ಚಸ್ಸ ಕಙ್ಖಂ ವಿನಯನ್ತಿ ಸನ್ತೋ;

ತಂ ¶ ಹಿಸ್ಸ ದೀಪಞ್ಚ ಪರಾಯನಞ್ಚ, ನ ತೇನ ಮೇತ್ತಿಂ ಜರಯೇಥ ಪಞ್ಞೋ.

ಅಲಸೋ ಗಿಹೀ ಕಾಮಭೋಗೀ ನ ಸಾಧು, ಅಸಞ್ಞತೋ ಪಬ್ಬಜಿತೋ ನ ಸಾಧು;

ರಾಜಾ ನ ಸಾಧು ಅನಿಸಮ್ಮಕಾರೀ, ಯೋ ಪಣ್ಡಿತೋ ಕೋಧನೋ ತಂ ನ ಸಾಧು.

ನಿಸಮ್ಮ ಖತ್ತಿಯೋ ಕಯಿರಾ, ನಾನಿಸಮ್ಮ ದಿಸಮ್ಪತಿ;

ನಿಸಮ್ಮಕಾರಿನೋ ರಾಜ, ಯಸೋ ಕಿತ್ತಿ ಚ ವಡ್ಢತೀತಿ.

ಕಿಂಸು ¶ ನರೋ ಜಪ್ಪಮಧಿಚ್ಚಕಾಲೇ, ಕಂ ವಾ ವಿಜ್ಜಂ ಕತಮಂ ವಾ ಸುತಾನಂ;

ಸೋ ಮಚ್ಚೋ ಅಸ್ಮಿಞ್ಚ [ಅಸ್ಮಿಂವ (ಪೀ.)] ಪರಮ್ಹಿ ಲೋಕೇ, ಕಥಂ ಕರೋ ಸೋತ್ಥಾನೇನ ಗುತ್ತೋ.

ಯಸ್ಸ ದೇವಾ ಪಿತರೋ ಚ ಸಬ್ಬೇ, ಸರೀಸಪಾ [ಸಿರಿಂಸಪಾ (ಸೀ. ಸ್ಯಾ. ಪೀ.)] ಸಬ್ಬಭೂತಾನಿ ಚಾಪಿ;

ಮೇತ್ತಾಯ ನಿಚ್ಚಂ ಅಪಚಿತಾನಿ ಹೋನ್ತಿ, ಭೂತೇಸು ವೇ ಸೋತ್ಥಾನಂ ತದಾಹು.

ಯೋ ¶ ಸಬ್ಬಲೋಕಸ್ಸ ನಿವಾತವುತ್ತಿ, ಇತ್ಥೀಪುಮಾನಂ ¶ ಸಹದಾರಕಾನಂ;

ಖನ್ತಾ ದುರುತ್ತಾನಮಪ್ಪಟಿಕೂಲವಾದೀ, ಅಧಿವಾಸನಂ ಸೋತ್ಥಾನಂ ತದಾಹು.

ಯೋ ನಾವಜಾನಾತಿ ಸಹಾಯಮಿತ್ತೇ [ಸಹಾಯಮತ್ತೇ (ಸೀ. ಪೀ.)], ಸಿಪ್ಪೇನ ಕುಲ್ಯಾಹಿ ಧನೇನ ಜಚ್ಚಾ;

ರುಚಿಪಞ್ಞೋ ಅತ್ಥಕಾಲೇ ಮತೀಮಾ [ಮುತೀಮಾ (ಸೀ. ಪೀ.)], ಸಹಾಯೇಸು ವೇ ಸೋತ್ಥಾನಂ ತದಾಹು.

ಮಿತ್ತಾನಿ ವೇ ಯಸ್ಸ ಭವನ್ತಿ ಸನ್ತೋ, ಸಂವಿಸ್ಸತ್ಥಾ ಅವಿಸಂವಾದಕಸ್ಸ;

ನ ಮಿತ್ತದುಬ್ಭೀ ಸಂವಿಭಾಗೀ ಧನೇನ, ಮಿತ್ತೇಸು ವೇ ಸೋತ್ಥಾನಂ ತದಾಹು.

ಯಸ್ಸ ಭರಿಯಾ ತುಲ್ಯವಯಾ ಸಮಗ್ಗಾ, ಅನುಬ್ಬತಾ ಧಮ್ಮಕಾಮಾ ಪಜಾತಾ [ಸಜಾತಾ (ಕ.)];

ಕೋಲಿನಿಯಾ ಸೀಲವತೀ ಪತಿಬ್ಬತಾ, ದಾರೇಸು ವೇ ಸೋತ್ಥಾನಂ ತದಾಹು.

ಯಸ್ಸ ¶ ರಾಜಾ ಭೂತಪತಿ [ಭೂತಪತೀ (ಸೀ. ಸ್ಯಾ. ಪೀ.)] ಯಸಸ್ಸೀ, ಜಾನಾತಿ ಸೋಚೇಯ್ಯಂ ಪರಕ್ಕಮಞ್ಚ;

ಅದ್ವೇಜ್ಝತಾ ಸುಹದಯಂ ಮಮನ್ತಿ, ರಾಜೂಸು ವೇ ಸೋತ್ಥಾನಂ ತದಾಹು.

ಅನ್ನಞ್ಚ ¶ ಪಾನಞ್ಚ ದದಾತಿ ಸದ್ಧೋ, ಮಾಲಞ್ಚ ಗನ್ಧಞ್ಚ ವಿಲೇಪನಞ್ಚ;

ಪಸನ್ನಚಿತ್ತೋ ಅನುಮೋದಮಾನೋ, ಸಗ್ಗೇಸು ವೇ ಸೋತ್ಥಾನಂ ತದಾಹು.

ಯಮರಿಯಧಮ್ಮೇನ ಪುನನ್ತಿ ವುದ್ಧಾ, ಆರಾಧಿತಾ ಸಮಚರಿಯಾಯ ಸನ್ತೋ;

ಬಹುಸ್ಸುತಾ ಇಸಯೋ ಸೀಲವನ್ತೋ, ಅರಹನ್ತಮಜ್ಝೇ ಸೋತ್ಥಾನಂ ತದಾಹು.

ಏತಾನಿ ಖೋ ಸೋತ್ಥಾನಾನಿ ಲೋಕೇ, ವಿಞ್ಞುಪ್ಪಸತ್ಥಾನಿ ಸುಖುದ್ರಯಾನಿ [ಸುಖಿನ್ದ್ರಿಯಾನಿ (ಪೀ.)];

ತಾನೀಧ ಸೇವೇಥ ನರೋ ಸಪಞ್ಞೋ, ನ ಹಿ ಮಙ್ಗಲೇ ಕಿಞ್ಚನಮತ್ಥಿ ಸಚ್ಚನ್ತಿ.

ಉಟ್ಠೇಹಿ ಕಣ್ಹ ಕಿಂ ಸೇಸಿ, ಕೋ ಅತ್ಥೋ ಸುಪನೇನ ತೇ;

ಯೋಪಿ ತುಯ್ಹಂ [ತಾಯಂ (ಪೀ.)] ಸಕೋ ಭಾತಾ, ಹದಯಂ ಚಕ್ಖು ಚ [ಚಕ್ಖುಂವ (ಪೀ.)] ದಕ್ಖಿಣಂ;

ತಸ್ಸ ವಾತಾ ಬಲೀಯನ್ತಿ, ಘಟೋ ಜಪ್ಪತಿ [ಸಸಂ ಜಪ್ಪತಿ (?)] ಕೇಸವ.

ತಸ್ಸ ತಂ ವಚನಂ ಸುತ್ವಾ, ರೋಹಿಣೇಯ್ಯಸ್ಸ ಕೇಸವೋ;

ತರಮಾನರೂಪೋ ವುಟ್ಠಾಸಿ, ಭಾತುಸೋಕೇನ ಅಟ್ಟಿತೋ.

ಕಿಂ ನು ¶ ಉಮ್ಮತ್ತರೂಪೋವ, ಕೇವಲಂ ದ್ವಾರಕಂ ಇಮಂ;

ಸಸೋ ಸಸೋತಿ ಲಪಸಿ, ಕೋ ನು ತೇ ಸಸಮಾಹರಿ.

ಸೋವಣ್ಣಮಯಂ ¶ ಮಣೀಮಯಂ, ಲೋಹಮಯಂ ಅಥ ರೂಪಿಯಾಮಯಂ;

ಸಙ್ಖಸಿಲಾಪವಾಳಮಯಂ, ಕಾರಯಿಸ್ಸಾಮಿ ತೇ ಸಸಂ.

ಸನ್ತಿ ಅಞ್ಞೇಪಿ ಸಸಕಾ, ಅರಞ್ಞೇ ವನಗೋಚರಾ;

ತೇಪಿ ತೇ ಆನಯಿಸ್ಸಾಮಿ, ಕೀದಿಸಂ ಸಸಮಿಚ್ಛಸಿ.

ನ ¶ ಚಾಹಮೇತೇ [ನ ಚಾಹಮೇತಂ (ಸೀ.), ನ ವಾಹಮೇತೇ (ಸ್ಯಾ.), ನ ವಾಹಮೇತಂ (ಪೀ.)] ಇಚ್ಛಾಮಿ, ಯೇ ಸಸಾ ಪಥವಿಸ್ಸಿತಾ [ಪಠವಿಂಸಿತಾ (ಸೀ. ಸ್ಯಾ. ಪೀ.)];

ಚನ್ದತೋ ಸಸಮಿಚ್ಛಾಮಿ, ತಂ ಮೇ ಓಹರ ಕೇಸವ.

ಸೋ ನೂನ ಮಧುರಂ ಞಾತಿ, ಜೀವಿತಂ ವಿಜಹಿಸ್ಸಸಿ;

ಅಪತ್ಥಿಯಂ ಯೋ ಪತ್ಥಯಸಿ, ಚನ್ದತೋ ಸಸಮಿಚ್ಛಸಿ.

ಏವಂ ಚೇ ಕಣ್ಹ ಜಾನಾಸಿ, ಯದಞ್ಞಮನುಸಾಸಸಿ;

ಕಸ್ಮಾ ಪುರೇ ಮತಂ ಪುತ್ತಂ, ಅಜ್ಜಾಪಿ ಮನುಸೋಚಸಿ.

ಯಂ ನ ಲಬ್ಭಾ ಮನುಸ್ಸೇನ, ಅಮನುಸ್ಸೇನ ವಾ ಪುನ [ಪನ (ಪೇ. ವ. ೨೧೫)];

ಜಾತೋ ಮೇ ಮಾ ಮರೀ ಪುತ್ತೋ, ಕುತೋ ಲಬ್ಭಾ ಅಲಬ್ಭಿಯಂ.

ನ ಮನ್ತಾ ಮೂಲಭೇಸಜ್ಜಾ, ಓಸಧೇಹಿ ಧನೇನ ವಾ;

ಸಕ್ಕಾ ಆನಯಿತುಂ ಕಣ್ಹ, ಯಂ ಪೇತಮನುಸೋಚಸಿ.

ಯಸ್ಸ ಏತಾದಿಸಾ ಅಸ್ಸು, ಅಮಚ್ಚಾ ಪುರಿಸಪಣ್ಡಿತಾ;

ಯಥಾ ನಿಜ್ಝಾಪಯೇ ಅಜ್ಜ, ಘಟೋ ಪುರಿಸಪಣ್ಡಿತೋ.

ಆದಿತ್ತಂ ವತ ಮಂ ಸನ್ತಂ, ಘತಸಿತ್ತಂವ ಪಾವಕಂ;

ವಾರಿನಾ ವಿಯ ಓಸಿಞ್ಚಂ, ಸಬ್ಬಂ ನಿಬ್ಬಾಪಯೇ ದರಂ.

ಅಬ್ಬಹೀ ¶ ವತ ಮೇ ಸಲ್ಲಂ, ಯಮಾಸಿ ಹದಯಸ್ಸಿತಂ;

ಯೋ ಮೇ ಸೋಕಪರೇತಸ್ಸ, ಪುತ್ತಸೋಕಂ ಅಪಾನುದಿ.

ಸೋಹಂ ಅಬ್ಬೂಳ್ಹಸಲ್ಲೋಸ್ಮಿ, ವೀತಸೋಕೋ ಅನಾವಿಲೋ;

ನ ಸೋಚಾಮಿ ನ ರೋದಾಮಿ, ತವ ಸುತ್ವಾನ ಮಾಣವ [ಭಾತಿಕ (ಪೇ. ವ. ೨೨೪)].

ಏವಂ ಕರೋನ್ತಿ ಸಪ್ಪಞ್ಞಾ, ಯೇ ಹೋನ್ತಿ ಅನುಕಮ್ಪಕಾ;

ನಿವತ್ತಯನ್ತಿ ಸೋಕಮ್ಹಾ, ಘಟೋ ಜೇಟ್ಠಂವ ಭಾತರನ್ತಿ.

ದಳ್ಹ ¶ ಕಣ್ಹ ಧನಞ್ಜಯ ಸಙ್ಖವರೋ, ರಜ ಸತ್ತಹ ಕಸ್ಸ ಚ [ಸತ್ತಾಹಸಸಾಖ (ಸ್ಯಾ.)] ತಕ್ಕಲಿನಾ;

ಧಮ್ಮಂ ಕುಕ್ಕುಟ ಕುಣ್ಡಲಿ ಭೋಜನದಾ, ಚಕ್ಕವಾಕ ಸುಭೂರಿಸ ಸೋತ್ಥಿ ಘಟೋತಿ.

ತಸ್ಸ ¶ ¶ ¶ ನಾಗಸ್ಸ ವಿಪ್ಪವಾಸೇನ, ವಿರೂಳ್ಹಾ ಸಲ್ಲಕೀ ಚ ಕುಟಜಾ ಚ;

ಕುರುವಿನ್ದಕರವೀರಾ [ಕರವರಾ (ಸೀ. ಸ್ಯಾ.)] ತಿಸಸಾಮಾ ಚ, ನಿವಾತೇ ಪುಪ್ಫಿತಾ ಚ ಕಣಿಕಾರಾ.

ಕೋಚಿದೇವ ಸುವಣ್ಣಕಾಯುರಾ, ನಾಗರಾಜಂ ಭರನ್ತಿ ಪಿಣ್ಡೇನ;

ಯತ್ಥ ರಾಜಾ ರಾಜಕುಮಾರೋ ವಾ, ಕವಚಮಭಿಹೇಸ್ಸತಿ ಅಛಮ್ಭಿತೋ [ಅಸಮ್ಭೀತೋ (ಸೀ. ಸ್ಯಾ. ಪೀ.)].

ಗಣ್ಹಾಹಿ ನಾಗ ಕಬಳಂ, ಮಾ ನಾಗ ಕಿಸಕೋ ಭವ;

ಬಹೂನಿ ರಾಜಕಿಚ್ಚಾನಿ, ತಾನಿ [ಯಾನಿ (ಸೀ. ಪೀ.)] ನಾಗ ಕರಿಸ್ಸಸಿ.

ಸಾ ನೂನಸಾ ಕಪಣಿಕಾ, ಅನ್ಧಾ ಅಪರಿಣಾಯಿಕಾ;

ಖಾಣುಂ ಪಾದೇನ ಘಟ್ಟೇತಿ, ಗಿರಿಂ ಚಣ್ಡೋರಣಂ ಪತಿ.

ಕಾ ನು ತೇ ಸಾ ಮಹಾನಾಗ, ಅನ್ಧಾ ಅಪರಿಣಾಯಿಕಾ;

ಖಾಣುಂ ಪಾದೇನ ಘಟ್ಟೇತಿ, ಗಿರಿಂ ಚಣ್ಡೋರಣಂ ಪತಿ.

ಮಾತಾ ಮೇ ಸಾ ಮಹಾರಾಜ, ಅನ್ಧಾ ಅಪರಿಣಾಯಿಕಾ;

ಖಾಣುಂ ಪಾದೇನ ಘಟ್ಟೇತಿ, ಗಿರಿಂ ಚಣ್ಡೋರಣಂ ಪತಿ.

ಮುಞ್ಚಥೇತಂ ಮಹಾನಾಗಂ, ಯೋಯಂ ಭರತಿ ಮಾತರಂ;

ಸಮೇತು ¶ ಮಾತರಾ ನಾಗೋ, ಸಹ ಸಬ್ಬೇಹಿ ಞಾತಿಭಿ.

ಮುತ್ತೋ ಚ ಬನ್ಧನಾ ನಾಗೋ, ಮುತ್ತಮಾದಾಯ ಕುಞ್ಜರೋ [ಕಾಸಿರಾಜೇನ ಪೇಸಿತೋ (ಸೀ. ಸ್ಯಾ.), ಮುತ್ತೋ ದಾಮಾತೋ ಕುಞ್ಜರೋ (ಪೀ. ಸೀ. ನಿಯ್ಯ)];

ಮುಹುತ್ತಂ ಅಸ್ಸಾಸಯಿತ್ವಾ [ವಿಸ್ಸಮಿತ್ವಾನ (ಸೀ.)], ಅಗಮಾ ಯೇನ ಪಬ್ಬತೋ.

ತತೋ ಸೋ ನಳಿನಿಂ [ನಿಲಿನಂ (ಸ್ಯಾ.)] ಗನ್ತ್ವಾ, ಸೀತಂ ಕುಞ್ಜರಸೇವಿತಂ;

ಸೋಣ್ಡಾಯೂದಕಮಾಹತ್ವಾ [ಮಾಹಿತ್ವಾ (ಸ್ಯಾ. ಕ.)], ಮಾತರಂ ಅಭಿಸಿಞ್ಚಥ.

ಕೋಯ ¶ ಅನರಿಯೋ ದೇವೋ, ಅಕಾಲೇನಪಿ ವಸ್ಸತಿ [ಅಕಾಲೇನ ಪವಸ್ಸತಿ (ಸೀ. ಸ್ಯಾ.), ಅಕಾಲೇನ’ತಿವಸ್ಸತಿ (ಪೀ.)];

ಗತೋ ಮೇ ಅತ್ರಜೋ ಪುತ್ತೋ, ಯೋ ಮಯ್ಹಂ ಪರಿಚಾರಕೋ.

ಉಟ್ಠೇಹಿ ಅಮ್ಮ ಕಿಂ ಸೇಸಿ, ಆಗತೋ ತ್ಯಾಹಮತ್ರಜೋ;

ಮುತ್ತೋಮ್ಹಿ ಕಾಸಿರಾಜೇನ, ವೇದೇಹೇನ ಯಸಸ್ಸಿನಾ.

ಚಿರಂ ¶ ಜೀವತು ಸೋ ರಾಜಾ, ಕಾಸೀನಂ ರಟ್ಠವಡ್ಢನೋ;

ಯೋ ಮೇ ಪುತ್ತಂ ಪಮೋಚೇಸಿ, ಸದಾ ವುದ್ಧಾಪಚಾಯಿಕನ್ತಿ.

ಸುಣೋಹಿ ಮಯ್ಹಂ ವಚನಂ ಜನಿನ್ದ, ಅತ್ಥೇನ ಜುಣ್ಹಮ್ಹಿ ಇಧಾನುಪತ್ತೋ;

ನ ಬ್ರಾಹ್ಮಣೇ ಅದ್ಧಿಕೇ ತಿಟ್ಠಮಾನೇ, ಗನ್ತಬ್ಬ [ಗನ್ತಬ್ಯ (ಕ.)] ಮಾಹು ದ್ವಿಪದಿನ್ದ [ದಿಪದಾನ (ಸೀ. ಪೀ.), ದ್ವಿಪದಾನ (ಸ್ಯಾ.)] ಸೇಟ್ಠ.

ಸುಣೋಮಿ ¶ ತಿಟ್ಠಾಮಿ ವದೇಹಿ ಬ್ರಹ್ಮೇ, ಯೇನಾಸಿ [ಯೇನಾಪಿ (ಸ್ಯಾ. ಕ.)] ಅತ್ಥೇನ ಇಧಾನುಪತ್ತೋ;

ಕಂ ವಾ ತ್ವಮತ್ಥಂ ಮಯಿ ಪತ್ಥಯಾನೋ, ಇಧಾಗಮಾ ಬ್ರಹ್ಮೇ ತದಿಙ್ಘ ಬ್ರೂಹಿ.

ದದಾಹಿ ಮೇ ಗಾಮವರಾನಿ ಪಞ್ಚ, ದಾಸೀಸತಂ ಸತ್ತ ಗವಂಸತಾನಿ;

ಪರೋಸಹಸ್ಸಞ್ಚ ಸುವಣ್ಣನಿಕ್ಖೇ, ಭರಿಯಾ ಚ ಮೇ ಸಾದಿಸೀ ದ್ವೇ ದದಾಹಿ.

ತಪೋ ನು ತೇ ಬ್ರಾಹ್ಮಣ ಭಿಂಸರೂಪೋ, ಮನ್ತಾ ನು ತೇ ಬ್ರಾಹ್ಮಣ ಚಿತ್ತರೂಪಾ;

ಯಕ್ಖಾ ನು [ಯಕ್ಖಾ ವ (ಸೀ. ಪೀ.)] ತೇ ಅಸ್ಸವಾ ಸನ್ತಿ ಕೇಚಿ, ಅತ್ಥಂ ವಾ ಮೇ ಅಭಿಜಾನಾಸಿ ಕತ್ತಂ.

ನ ¶ ಮೇ ತಪೋ ಅತ್ಥಿ ನ ಚಾಪಿ ಮನ್ತಾ, ಯಕ್ಖಾಪಿ ಮೇ ಅಸ್ಸವಾ ನತ್ಥಿ ಕೇಚಿ;

ಅತ್ಥಮ್ಪಿ ತೇ ನಾಭಿಜಾನಾಮಿ ಕತ್ತಂ, ಪುಬ್ಬೇ ಚ ಖೋ [ಪುಬ್ಬೇವ ಖೋ (ಸ್ಯಾ. ಕ.)] ಸಙ್ಗತಿಮತ್ತಮಾಸಿ.

ಪಠಮಂ ಇದಂ ದಸ್ಸನಂ ಜಾನತೋ ಮೇ, ನ ತಾಭಿಜಾನಾಮಿ ಇತೋ ಪುರತ್ಥಾ;

ಅಕ್ಖಾಹಿ ಮೇ ಪುಚ್ಛಿತೋ ಏತಮತ್ಥಂ, ಕದಾ ಕುಹಿಂ ವಾ ಅಹು ಸಙ್ಗಮೋ ನೋ.

ಗನ್ಧಾರರಾಜಸ್ಸ ¶ ಪುರಮ್ಹಿ ರಮ್ಮೇ, ಅವಸಿಮ್ಹಸೇ ತಕ್ಕಸೀಲಾಯಂ ದೇವ;

ತತ್ಥನ್ಧಕಾರಮ್ಹಿ ತಿಮೀಸಿಕಾಯಂ [ತಿಮಿಸ್ಸಿಕಾಯಂ (ಸೀ. ಅಟ್ಠ.), ತಿಮಿಸ್ಸಕಾಯಂ (ಸ್ಯಾ.)], ಅಂಸೇನ ಅಂಸಂ ಸಮಘಟ್ಟಯಿಮ್ಹ.

ತೇ ತತ್ಥ ಠತ್ವಾನ ಉಭೋ ಜನಿನ್ದ, ಸಾರಾಣಿಯಂ [ಸಾರಣೀಯಂ (ಕ.)] ವೀತಿಸಾರಯಿಮ್ಹ [ವೀತಿಸಾರಿಮ್ಹ (ಸೀ. ಸ್ಯಾ. ಪೀ.)] ತತ್ಥ;

ಸಾಯೇವ ನೋ ಸಙ್ಗತಿಮತ್ತಮಾಸಿ, ತತೋ ನ ಪಚ್ಛಾ ನ ಪುರೇ ಅಹೋಸಿ.

ಯದಾ ಕದಾಚಿ ಮನುಜೇಸು ಬ್ರಹ್ಮೇ, ಸಮಾಗಮೋ ಸಪ್ಪುರಿಸೇನ ಹೋತಿ;

ನ ಪಣ್ಡಿತಾ ಸಙ್ಗತಿಸನ್ಥವಾನಿ, ಪುಬ್ಬೇ ಕತಂ ವಾಪಿ ವಿನಾಸಯನ್ತಿ.

ಬಾಲಾವ [ಬಾಲಾ ಚ (ಸೀ. ಸ್ಯಾ. ಪೀ.)] ಖೋ ಸಙ್ಗತಿಸನ್ಥವಾನಿ, ಪುಬ್ಬೇ ಕತಂ ವಾಪಿ ವಿನಾಸಯನ್ತಿ;

ಬಹುಮ್ಪಿ ಬಾಲೇಸು ಕತಂ ವಿನಸ್ಸತಿ, ತಥಾ ಹಿ ಬಾಲಾ ಅಕತಞ್ಞುರೂಪಾ.

ಧೀರಾ ಚ ಖೋ ಸಙ್ಗತಿಸನ್ಥವಾನಿ, ಪುಬ್ಬೇ ಕತಂ ವಾಪಿ ನ ನಾಸಯನ್ತಿ;

ಅಪ್ಪಮ್ಪಿ ಧೀರೇಸು ಕತಂ ನ ನಸ್ಸತಿ, ತಥಾ ಹಿ ಧೀರಾ ಸುಕತಞ್ಞುರೂಪಾ.

ದದಾಮಿ ¶ ¶ ತೇ ಗಾಮವರಾನಿ ಪಞ್ಚ, ದಾಸೀಸತಂ ಸತ್ತ ಗವಂಸತಾನಿ;

ಪರೋಸಹಸ್ಸಞ್ಚ ಸುವಣ್ಣನಿಕ್ಖೇ, ಭರಿಯಾ ಚ ತೇ ಸಾದಿಸೀ ದ್ವೇ ದದಾಮಿ.

ಏವಂ ¶ ಸತಂ ಹೋತಿ ಸಮೇಚ್ಚ ರಾಜ, ನಕ್ಖತ್ತರಾಜಾರಿವ ತಾರಕಾನಂ;

ಆಪೂರತೀ ಕಾಸಿಪತೀ ತಥಾಹಂ, ತಯಾಪಿ ಮೇ ಸಙ್ಗಮೋ ಅಜ್ಜ ಲದ್ಧೋತಿ.

ಯಸೋಕರೋ ಪುಞ್ಞಕರೋಹಮಸ್ಮಿ, ಸದಾತ್ಥುತೋ ಸಮಣಬ್ರಾಹ್ಮಣಾನಂ;

ಮಗ್ಗಾರಹೋ ದೇವಮನುಸ್ಸಪೂಜಿತೋ, ಧಮ್ಮೋ ಅಹಂ ದೇಹಿ ಅಧಮ್ಮ ಮಗ್ಗಂ.

ಅಧಮ್ಮಯಾನಂ ದಳ್ಹಮಾರುಹಿತ್ವಾ, ಅಸನ್ತಸನ್ತೋ ಬಲವಾಹಮಸ್ಮಿ;

ಸ ಕಿಸ್ಸ ಹೇತುಮ್ಹಿ ತವಜ್ಜ ದಜ್ಜಂ, ಮಗ್ಗಂ ಅಹಂ ಧಮ್ಮ ಅದಿನ್ನಪುಬ್ಬಂ.

ಧಮ್ಮೋ ಹವೇ ಪಾತುರಹೋಸಿ ಪುಬ್ಬೇ, ಪಚ್ಛಾ ¶ ಅಧಮ್ಮೋ ಉದಪಾದಿ ಲೋಕೇ;

ಜೇಟ್ಠೋ ಚ ಸೇಟ್ಠೋ ಚ ಸನನ್ತನೋ ಚ, ಉಯ್ಯಾಹಿ ಜೇಟ್ಠಸ್ಸ ಕನಿಟ್ಠ ಮಗ್ಗಾ.

ನ ಯಾಚನಾಯ ನಪಿ ಪಾತಿರೂಪಾ, ನ ಅರಹತಾ [ನ ಅರಹತಿ (ಸೀ. ಪೀ.), ಅರಹತಿ (ಕ.)] ತೇಹಂ ದದೇಯ್ಯಂ ಮಗ್ಗಂ;

ಯುದ್ಧಞ್ಚ ನೋ ಹೋತು ಉಭಿನ್ನಮಜ್ಜ, ಯುದ್ಧಮ್ಹಿ ಯೋ ಜೇಸ್ಸತಿ ತಸ್ಸ ಮಗ್ಗೋ.

ಸಬ್ಬಾ ¶ ದಿಸಾ ಅನುವಿಸಟೋಹಮಸ್ಮಿ, ಮಹಬ್ಬಲೋ ಅಮಿತಯಸೋ ಅತುಲ್ಯೋ;

ಗುಣೇಹಿ ಸಬ್ಬೇಹಿ ಉಪೇತರೂಪೋ, ಧಮ್ಮೋ ಅಧಮ್ಮ ತ್ವಂ ಕಥಂ ವಿಜೇಸ್ಸಸಿ.

ಲೋಹೇನ ವೇ ಹಞ್ಞತಿ ಜಾತರೂಪಂ, ನ ಜಾತರೂಪೇನ ಹನನ್ತಿ ಲೋಹಂ;

ಸಚೇ ಅಧಮ್ಮೋ ಹಞ್ಛತಿ [ಹಞ್ಞತಿ (ಸೀ. ಸ್ಯಾ.), ಹಞ್ಞಿತಿ (ಕತ್ಥಚಿ)] ಧಮ್ಮಮಜ್ಜ, ಅಯೋ ಸುವಣ್ಣಂ ವಿಯ ದಸ್ಸನೇಯ್ಯಂ.

ಸಚೇ ತುವಂ ಯುದ್ಧಬಲೋ ಅಧಮ್ಮ [ಯುದ್ಧಬಲೋ’ಸಿ’ಧಮ್ಮ (ಕ. ಸೀ.), ಯುದ್ಧಬಲೋ’ಸ’ಧಮ್ಮ (ಪೀ.)], ನ ತುಯ್ಹ ವುಡ್ಢಾ [ವದ್ಧಾ (ಸೀ. ಪೀ.)] ಚ ಗರೂ ಚ ಅತ್ಥಿ;

ಮಗ್ಗಞ್ಚ ತೇ ದಮ್ಮಿ ಪಿಯಾಪ್ಪಿಯೇನ, ವಾಚಾದುರುತ್ತಾನಿಪಿ ತೇ ಖಮಾಮಿ.

ಇದಞ್ಚ ಸುತ್ವಾ ವಚನಂ ಅಧಮ್ಮೋ, ಅವಂಸಿರೋ ¶ ಪತಿತೋ ಉದ್ಧಪಾದೋ;

‘‘ಯುದ್ಧತ್ಥಿಕೋ ಚೇ ನ ಲಭಾಮಿ ಯುದ್ಧಂ’’, ಏತ್ತಾವತಾ ಹೋತಿ ಹತೋ ಅಧಮ್ಮೋ.

ಖನ್ತೀಬಲೋ ಯುದ್ಧಬಲಂ ವಿಜೇತ್ವಾ, ಹನ್ತ್ವಾ ಅಧಮ್ಮಂ ನಿಹನಿತ್ವ [ವಿಹನಿತ್ವಾ (ಕ.)] ಭೂಮ್ಯಾ;

ಪಾಯಾಸಿ ವಿತ್ತೋ [ಚಿತ್ತೋ (ಸ್ಯಾ.)] ಅಭಿರುಯ್ಹ ಸನ್ದನಂ, ಮಗ್ಗೇನೇವ ಅತಿಬಲೋ ಸಚ್ಚನಿಕ್ಕಮೋ.

ಮಾತಾ ಪಿತಾ ಸಮಣಬ್ರಾಹ್ಮಣಾ ಚ, ಅಸಮ್ಮಾನಿತಾ ಯಸ್ಸ ಸಕೇ ಅಗಾರೇ;

ಇಧೇವ ನಿಕ್ಖಿಪ್ಪ ಸರೀರದೇಹಂ, ಕಾಯಸ್ಸ ಭೇದಾ ನಿರಯಂ ವಜನ್ತಿ ತೇ [ವಜನ್ತಿ (ಸೀ. ಪೀ.)];

ಮಾತಾ ¶ ಪಿತಾ ಸಮಣಬ್ರಾಹ್ಮಣಾ ಚ, ಸುಸಮ್ಮಾನಿತಾ ಯಸ್ಸ ಸಕೇ ಅಗಾರೇ;

ಇಧೇವ ನಿಕ್ಖಿಪ್ಪ ಸರೀರದೇಹಂ, ಕಾಯಸ್ಸ ಭೇದಾ ಸುಗತಿಂ ವಜನ್ತಿ ತೇ;

ಯಥಾಪಿ ಧಮ್ಮೋ ಅಭಿರುಯ್ಹ ಸನ್ದನನ್ತಿ.

ಧಮ್ಮದೇವಪುತ್ತಜಾತಕಂ [ಧಮ್ಮಜಾತಕಂ (ಸೀ. ಪೀ.)] ತತಿಯಂ.

ಏಕಾ ¶ ¶ ನಿಸಿನ್ನಾ ಸುಚಿ ಸಞ್ಞತೂರೂ, ಪಾಸಾದಮಾರುಯ್ಹ ಅನಿನ್ದಿತಙ್ಗೀ;

ಯಾಚಾಮಿ ತಂ ಕಿನ್ನರನೇತ್ತಚಕ್ಖು, ಇಮೇಕರತ್ತಿಂ ಉಭಯೋ ವಸೇಮ.

ಓಕಿಣ್ಣನ್ತರಪರಿಖಂ, ದಳ್ಹಮಟ್ಟಾಲಕೋಟ್ಠಕಂ;

ರಕ್ಖಿತಂ ಖಗ್ಗಹತ್ಥೇಹಿ, ದುಪ್ಪವೇಸಮಿದಂ ಪುರಂ.

ದಹರಸ್ಸ ಯುವಿನೋ ಚಾಪಿ, ಆಗಮೋ ಚ ನ ವಿಜ್ಜತಿ;

ಅಥ ಕೇನ ನು ವಣ್ಣೇನ, ಸಙ್ಗಮಂ ಇಚ್ಛಸೇ ಮಯಾ.

ಯಕ್ಖೋಹಮಸ್ಮಿ ಕಲ್ಯಾಣಿ, ಆಗತೋಸ್ಮಿ ತವನ್ತಿಕೇ [ತವನ್ತಿಕಂ (ಸೀ. ಪೀ.)];

ತ್ವಂ ಮಂ ನನ್ದಯ [ನನ್ದಸ್ಸು (ಸ್ಯಾ. ಕ.)] ಭದ್ದನ್ತೇ, ಪುಣ್ಣಕಂಸಂ ದದಾಮಿ ತೇ.

ದೇವಂ ವ ಯಕ್ಖಂ ಅಥ ವಾ ಮನುಸ್ಸಂ, ನ ಪತ್ಥಯೇ ಉದಯಮತಿಚ್ಚ ಅಞ್ಞಂ;

ಗಚ್ಛೇವ ತ್ವಂ ಯಕ್ಖ ಮಹಾನುಭಾವ, ಮಾ ಚಸ್ಸು ಗನ್ತ್ವಾ ಪುನರಾವಜಿತ್ಥ.

ಯಾ ಸಾ ರತಿ ಉತ್ತಮಾ ಕಾಮಭೋಗಿನಂ, ಯಂ ಹೇತು ಸತ್ತಾ ವಿಸಮಂ ಚರನ್ತಿ;

ಮಾ ತಂ ರತಿಂ ಜೀಯಿ ತುವಂ ಸುಚಿಮ್ಹಿ ತೇ, ದದಾಮಿ ತೇ ರೂಪಿಯಂ ಕಂಸಪೂರಂ.

ನಾರಿಂ ¶ ¶ ನರೋ ನಿಜ್ಝಪಯಂ ಧನೇನ, ಉಕ್ಕಂಸತೀ ಯತ್ಥ ಕರೋತಿ ಛನ್ದಂ;

ವಿಪಚ್ಚನೀಕೋ ತವ ದೇವಧಮ್ಮೋ, ಪಚ್ಚಕ್ಖತೋ ಥೋಕತರೇನ ಏಸಿ.

ಆಯು ಚ ವಣ್ಣೋ ಚ [ಆಯುಂ ಚ ವಣ್ಣಂ ಚ (ಕ. ಸೀ. ಪೀ.)] ಮನುಸ್ಸಲೋಕೇ, ನಿಹೀಯತಿ ಮನುಜಾನಂ ಸುಗ್ಗತ್ತೇ;

ತೇನೇವ ವಣ್ಣೇನ ಧನಮ್ಪಿ ತುಯ್ಹಂ, ನಿಹೀಯತಿ ಜಿಣ್ಣತರಾಸಿ ಅಜ್ಜ.

ಏವಂ ಮೇ ಪೇಕ್ಖಮಾನಸ್ಸ, ರಾಜಪುತ್ತಿ ಯಸಸ್ಸಿನಿ;

ಹಾಯತೇವ ತವ [ಹಾಯತೇ ವತ ತೇ (ಸೀ. ಸ್ಯಾ. ಕ.), ಹಾಯತೇವ ತತೋ (ಪೀ.)] ವಣ್ಣೋ, ಅಹೋರತ್ತಾನಮಚ್ಚಯೇ.

ಇಮಿನಾವ ತ್ವಂ ವಯಸಾ, ರಾಜಪುತ್ತಿ ಸುಮೇಧಸೇ;

ಬ್ರಹ್ಮಚರಿಯಂ ಚರೇಯ್ಯಾಸಿ, ಭಿಯ್ಯೋ ವಣ್ಣವತೀ ಸಿಯಾ.

ದೇವಾ ನ ಜೀರನ್ತಿ ಯಥಾ ಮನುಸ್ಸಾ, ಗತ್ತೇಸು ತೇಸಂ ವಲಿಯೋ ನ ಹೋನ್ತಿ;

ಪುಚ್ಛಾಮಿ ತಂ ಯಕ್ಖ ಮಹಾನುಭಾವ, ಕಥಂ ನು ದೇವಾನ [ಕಥಂ ನ ದೇವಾನಂ (ಪೀ.)] ಸರೀರದೇಹೋ.

ದೇವಾ ನ ಜೀರನ್ತಿ ಯಥಾ ಮನುಸ್ಸಾ, ಗತ್ತೇಸು ತೇಸಂ ವಲಿಯೋ ನ ಹೋನ್ತಿ;

ಸುವೇ ಸುವೇ ಭಿಯ್ಯತರೋವ [ಭಿಯ್ಯತರೋ ಚ (ಕ.)] ತೇಸಂ, ದಿಬ್ಬೋ ¶ ಚ ವಣ್ಣೋ ವಿಪುಲಾ ಚ ಭೋಗಾ.

ಕಿಂಸೂಧ ಭೀತಾ ಜನತಾ ಅನೇಕಾ, ಮಗ್ಗೋ ಚ ನೇಕಾಯತನಂ ಪವುತ್ತೋ;

ಪುಚ್ಛಾಮಿ ತಂ ಯಕ್ಖ ಮಹಾನುಭಾವ, ಕತ್ಥಟ್ಠಿತೋ ಪರಲೋಕಂ ನ ಭಾಯೇ.

ವಾಚಂ ¶ ¶ ಮನಞ್ಚ ಪಣಿಧಾಯ ಸಮ್ಮಾ, ಕಾಯೇನ ಪಾಪಾನಿ ಅಕುಬ್ಬಮಾನೋ;

ಬಹುನ್ನಪಾನಂ ಘರಮಾವಸನ್ತೋ, ಸದ್ಧೋ ಮುದೂ ಸಂವಿಭಾಗೀ ವದಞ್ಞೂ;

ಸಙ್ಗಾಹಕೋ ಸಖಿಲೋ ಸಣ್ಹವಾಚೋ, ಏತ್ಥಟ್ಠಿತೋ ಪರಲೋಕಂ ನ ಭಾಯೇ.

ಅನುಸಾಸಸಿ ಮಂ ಯಕ್ಖ, ಯಥಾ ಮಾತಾ ಯಥಾ ಪಿತಾ;

ಉಳಾರವಣ್ಣಂ ಪುಚ್ಛಾಮಿ, ಕೋ ನು ತ್ವಮಸಿ ಸುಬ್ರಹಾ.

ಉದಯೋಹಮಸ್ಮಿ ಕಲ್ಯಾಣಿ, ಸಙ್ಕರತ್ತಾ ಇಧಾಗತೋ [ಸಙ್ಗರತ್ಥಾ ಇಧಾಗತೋ (ಸೀ. ಪೀ.), ಸಙ್ಗರತ್ಥಾಯಿಧಾಗತೋ (ಸ್ಯಾ.)];

ಆಮನ್ತ ಖೋ ತಂ ಗಚ್ಛಾಮಿ, ಮುತ್ತೋಸ್ಮಿ ತವ ಸಙ್ಕರಾ [ಸಙ್ಗರಾ (ಸೀ. ಸ್ಯಾ. ಪೀ.)].

ಸಚೇ ಖೋ ತ್ವಂ ಉದಯೋಸಿ, ಸಙ್ಕರತ್ತಾ ಇಧಾಗತೋ;

ಅನುಸಾಸ ಮಂ ರಾಜಪುತ್ತ, ಯಥಾಸ್ಸ ಪುನ ಸಙ್ಗಮೋ.

ಅತಿಪತತಿ [ಅಧಿಪತತೀ (ಸೀ. ಪೀ.)] ವಯೋ ಖಣೋ ತಥೇವ, ಠಾನಂ ನತ್ಥಿ ಧುವಂ ಚವನ್ತಿ ಸತ್ತಾ;

ಪರಿಜಿಯ್ಯತಿ ಅದ್ಧುವಂ ಸರೀರಂ, ಉದಯೇ ¶ ಮಾ ಪಮಾದ [ಮಾ ಪಮಾದಂ (ಸೀ.)] ಚರಸ್ಸು ಧಮ್ಮಂ.

ಕಸಿಣಾ ಪಥವೀ ಧನಸ್ಸ ಪೂರಾ, ಏಕಸ್ಸೇವ ಸಿಯಾ ಅನಞ್ಞಧೇಯ್ಯಾ;

ತಞ್ಚಾಪಿ ಜಹತಿ [ಜಹಾತಿ (ಸೀ. ಸ್ಯಾ. ಪೀ.), ಜಹಾತೀ (?)] ಅವೀತರಾಗೋ, ಉದಯೇ ಮಾ ಪಮಾದ ಚರಸ್ಸು ಧಮ್ಮಂ.

ಮಾತಾ ಚ ಪಿತಾ ಚ ಭಾತರೋ ಚ, ಭರಿಯಾ ಯಾಪಿ ಧನೇನ ಹೋತಿ ಕೀತಾ [ಭರಿಯಾಪಿ ಧನೇನ ಹೋನ್ತಿ ಅತಿತ್ತಾ (ಕ.)];

ತೇ ಚಾಪಿ ಜಹನ್ತಿ ಅಞ್ಞಮಞ್ಞಂ, ಉದಯೇ ಮಾ ಪಮಾದ ಚರಸ್ಸು ಧಮ್ಮಂ.

ಕಾಯೋ ¶ ಪರಭೋಜನನ್ತಿ ಞತ್ವಾ [ಕಾಯೋ ಚ ಪರಭೋಜನಂ ವಿದಿತ್ವಾ (ಕ.)], ಸಂಸಾರೇ ಸುಗತಿಞ್ಚ ದುಗ್ಗತಿಞ್ಚ [ಸುಗತೀ ಚ ದುಗ್ಗತೀ ಚ (ಸೀ. ಸ್ಯಾ. ಪೀ.), ಸುಗ್ಗತಿಂ ದುಗ್ಗತಿಞ್ಚ (ಕ.)];

ಇತ್ತರವಾಸೋತಿ ಜಾನಿಯಾನ, ಉದಯೇ ಮಾ ಪಮಾದ ಚರಸ್ಸು ಧಮ್ಮಂ.

ಸಾಧು ಭಾಸತಿಯಂ [ಭಾಸತಯಂ (ಸೀ. ಪೀ.)] ಯಕ್ಖೋ, ಅಪ್ಪಂ ಮಚ್ಚಾನ ಜೀವಿತಂ;

ಕಸಿರಞ್ಚ ಪರಿತ್ತಞ್ಚ, ತಞ್ಚ ದುಕ್ಖೇನ ಸಂಯುತಂ;

ಸಾಹಂ ಏಕಾ ಪಬ್ಬಜಿಸ್ಸಾಮಿ, ಹಿತ್ವಾ ಕಾಸಿಂ ಸುರುನ್ಧನನ್ತಿ.

ಮಿತ್ತೋ ¶ ಮಿತ್ತಸ್ಸ ಪಾನೀಯಂ, ಅದಿನ್ನಂ ಪರಿಭುಞ್ಜಿಸಂ;

ತೇನ ಪಚ್ಛಾ ವಿಜಿಗುಚ್ಛಿಂ, ತಂ ಪಾಪಂ ಪಕತಂ ಮಯಾ;

ಮಾ ಪುನ ಅಕರಂ ಪಾಪಂ, ತಸ್ಮಾ ಪಬ್ಬಜಿತೋ ಅಹಂ.

ಪರದಾರಞ್ಚ ದಿಸ್ವಾನ, ಛನ್ದೋ ಮೇ ಉದಪಜ್ಜಥ [ಉಪಪಜ್ಜಥ (ಸ್ಯಾ. ಕ.)];

ತೇನ ಪಚ್ಛಾ ವಿಜಿಗುಚ್ಛಿಂ, ತಂ ಪಾಪಂ ಪಕತಂ ಮಯಾ;

ಮಾ ಪುನ ಅಕರಂ ಪಾಪಂ, ತಸ್ಮಾ ಪಬ್ಬಜಿತೋ ಅಹಂ.

ಪಿತರಂ ¶ ಮೇ ಮಹಾರಾಜ, ಚೋರಾ ಅಗಣ್ಹು [ಅಗಣ್ಹುಂ (ಸೀ. ಪೀ.), ಅಗಣ್ಹಿ (ಕ.)] ಕಾನನೇ;

ತೇಸಾಹಂ ಪುಚ್ಛಿತೋ ಜಾನಂ, ಅಞ್ಞಥಾ ನಂ ವಿಯಾಕರಿಂ.

ತೇನ ಪಚ್ಛಾ ವಿಜಿಗುಚ್ಛಿಂ, ತಂ ಪಾಪಂ ಪಕತಂ ಮಯಾ;

ಮಾ ಪುನ ಅಕರಂ ಪಾಪಂ, ತಸ್ಮಾ ಪಬ್ಬಜಿತೋ ಅಹಂ.

ಪಾಣಾತಿಪಾತಮಕರುಂ, ಸೋಮಯಾಗೇ ಉಪಟ್ಠಿತೇ;

ತೇಸಾಹಂ ಸಮನುಞ್ಞಾಸಿಂ, ತೇನ ಪಚ್ಛಾ ವಿಜಿಗುಚ್ಛಿಂ.

ತಂ ಪಾಪಂ ಪಕತಂ ಮಯಾ, ಮಾ ಪುನ ಅಕರಂ ಪಾಪಂ;

ಸುರಾಮೇರಯಮಾಧುಕಾ [ಮಧುಕಾ (ಸೀ. ಸ್ಯಾ. ಪೀ.)], ಯೇ ಜನಾ ಪಠಮಾಸು ನೋ;

ಬಹೂನಂ ತೇ ಅನತ್ಥಾಯ, ಮಜ್ಜಪಾನಮಕಪ್ಪಯುಂ.

ತೇಸಾಹಂ ¶ ಸಮನುಞ್ಞಾಸಿಂ, ತೇನ ಪಚ್ಛಾ ವಿಜಿಗುಚ್ಛಿಂ;

ತಂ ಪಾಪಂ ಪಕತಂ ಮಯಾ, ಮಾ ಪುನ ಅಕರಂ ಪಾಪಂ;

ಧಿರತ್ಥು ¶ ಸುಬಹೂ ಕಾಮೇ, ದುಗ್ಗನ್ಧೇ ಬಹುಕಣ್ಟಕೇ;

ಯೇ ಅಹಂ ಪಟಿಸೇವನ್ತೋ, ನಾಲಭಿಂ ತಾದಿಸಂ ಸುಖಂ.

ಮಹಸ್ಸಾದಾ ಸುಖಾ ಕಾಮಾ, ನತ್ಥಿ ಕಾಮಾ ಪರಂ [ಕಾಮಪರಂ (ಸೀ. ಪೀ.)] ಸುಖಂ;

ಯೇ ಕಾಮೇ ಪಟಿಸೇವನ್ತಿ, ಸಗ್ಗಂ ತೇ ಉಪಪಜ್ಜರೇ.

ಅಪ್ಪಸ್ಸಾದಾ ದುಖಾ ಕಾಮಾ, ನತ್ಥಿ ಕಾಮಾ ಪರಂ ದುಖಂ;

ಯೇ ಕಾಮೇ ಪಟಿಸೇವನ್ತಿ, ನಿರಯಂ ತೇ ಉಪಪಜ್ಜರೇ.

ಅಸೀ ಯಥಾ ಸುನಿಸಿತೋ, ನೇತ್ತಿಂಸೋವ ಸುಪಾಯಿಕೋ [ಸುಪಾಸಿತೋ (ಕ. ಸೀ. ನಿಯ್ಯ), ಸುಪಾಯಿತೋ (ಕ. ಅಟ್ಠ.)];

ಸತ್ತೀವ ಉರಸಿ ಖಿತ್ತಾ, ಕಾಮಾ ದುಕ್ಖತರಾ ತತೋ.

ಅಙ್ಗಾರಾನಂವ ಜಲಿತಂ, ಕಾಸುಂ ಸಾಧಿಕಪೋರಿಸಂ;

ಫಾಲಂವ ದಿವಸಂತತ್ತಂ, ಕಾಮಾ ದುಕ್ಖತರಾ ತತೋ.

ವಿಸಂ ಯಥಾ ಹಲಾಹಲಂ, ತೇಲಂ ಪಕ್ಕುಥಿತಂ [ಉಕ್ಕಟ್ಠಿತಂ (ಸೀ. ಪೀ.), ಪಕ್ಕುಟ್ಠಿತಂ (ಸ್ಯಾ.)] ಯಥಾ;

ತಮ್ಬಲೋಹ [ತಮ್ಪಲೋಹಂ (ಸ್ಯಾ.)] ವಿಲೀನಂವ, ಕಾಮಾ ದುಕ್ಖತರಾ ತತೋತಿ.

ಮಿತ್ತಾಮಚ್ಚಪರಿಬ್ಯೂಳ್ಹಂ [ಪರಿಬ್ಬೂಳ್ಹಂ (ಸೀ. ಪೀ.)], ಅಹಂ ವನ್ದೇ ರಥೇಸಭಂ;

ಪಬ್ಬಜಿಸ್ಸಾಮಹಂ ರಾಜ [ಪಬ್ಬಜಿಸ್ಸಂ ಮಹಾರಾಜ (ಸೀ. ಪೀ.)], ತಂ ದೇವೋ ಅನುಮಞ್ಞತು.

ಸಚೇ ¶ ತೇ ಊನಂ ಕಾಮೇಹಿ, ಅಹಂ ಪರಿಪೂರಯಾಮಿ [ಅಹಂವ ಪೂರಯಾಮಿ (ಕ.)] ತೇ;

ಯೋ ತಂ ಹಿಂಸತಿ ವಾರೇಮಿ, ಮಾ ಪಬ್ಬಜ [ಪಬ್ಬಜಿ (ಪೀ.)] ಯುಧಞ್ಚಯ [ಯುಧಞ್ಜಯ (ಸೀ. ಸ್ಯಾ.), ಯುವಞ್ಜಯ (ಪೀ.)].

ನ ¶ ಮತ್ಥಿ ಊನಂ ಕಾಮೇಹಿ, ಹಿಂಸಿತಾ ಮೇ ನ ವಿಜ್ಜತಿ;

ದೀಪಞ್ಚ ಕಾತುಮಿಚ್ಛಾಮಿ, ಯಂ ಜರಾ ನಾಭಿಕೀರತಿ.

ಪುತ್ತೋ ¶ ವಾ ಪಿತರಂ ಯಾಚೇ, ಪಿತಾ ವಾ ಪುತ್ತಮೋರಸಂ;

ನೇಗಮೋ ತಂ ಯಾಚೇ [ನೇಗಮೋ ಯಾಚತೇ (ಸೀ. ಸ್ಯಾ. ಪೀ.)] ತಾತ, ಮಾ ಪಬ್ಬಜ ಯುಧಞ್ಚಯ.

ಮಾ ಮಂ ದೇವ ನಿವಾರೇಹಿ, ಪಬ್ಬಜನ್ತಂ ರಥೇಸಭ;

ಮಾಹಂ ಕಾಮೇಹಿ ಸಮ್ಮತ್ತೋ, ಜರಾಯ ವಸಮನ್ವಗೂ.

ಅಹಂ ತಂ ತಾತ ಯಾಚಾಮಿ, ಅಹಂ ಪುತ್ತ ನಿವಾರಯೇ;

ಚಿರಂ ತಂ ದಟ್ಠುಮಿಚ್ಛಾಮಿ, ಮಾ ಪಬ್ಬಜ ಯುಧಞ್ಚಯ.

ಉಸ್ಸಾವೋವ ತಿಣಗ್ಗಮ್ಹಿ, ಸೂರಿಯುಗ್ಗಮನಂ ಪತಿ;

ಏವಮಾಯು ಮನುಸ್ಸಾನಂ, ಮಾ ಮಂ ಅಮ್ಮ ನಿವಾರಯ.

ತರಮಾನೋ ಇಮಂ ಯಾನಂ, ಆರೋಪೇತು [ತರಮಾನಾ ಇಮಂ ಯಾನಂ, ಆರೋಪೇನ್ತು (ಸೀ. ಪೀ.)] ರಥೇಸಭ;

ಮಾ ಮೇ ಮಾತಾ ತರನ್ತಸ್ಸ, ಅನ್ತರಾಯಕರಾ ಅಹು.

ಅಭಿಧಾವಥ ಭದ್ದನ್ತೇ, ಸುಞ್ಞಂ ಹೇಸ್ಸತಿ ರಮ್ಮಕಂ;

ಯುಧಞ್ಚಯೋ ಅನುಞ್ಞಾತೋ, ಸಬ್ಬದತ್ತೇನ ರಾಜಿನಾ.

ಯೋಹು ಸೇಟ್ಠೋ ಸಹಸ್ಸಸ್ಸ [ಮನುಸ್ಸಾನಂ (ಸ್ಯಾ.), ಸಹಸ್ಸಾನಂ (ಕ.)], ಯುವಾ ಕಞ್ಚನಸನ್ನಿಭೋ;

ಸೋಯಂ ಕುಮಾರೋ ಪಬ್ಬಜಿತೋ, ಕಾಸಾಯವಸನೋ ಬಲೀ.

ಉಭೋ ಕುಮಾರಾ ಪಬ್ಬಜಿತಾ, ಯುಧಞ್ಚಯೋ ಯುಧಿಟ್ಠಿಲೋ;

ಪಹಾಯ ಮಾತಾಪಿತರೋ, ಸಙ್ಗಂ ಛೇತ್ವಾನ ಮಚ್ಚುನೋತಿ.

ಏವಾಯಂ ಭರತೋ ಆಹ, ‘‘ರಾಜಾ ದಸರಥೋ ಮತೋ’’.

ಕೇನ ರಾಮಪ್ಪಭಾವೇನ, ಸೋಚಿತಬ್ಬಂ ನ ಸೋಚಸಿ;

ಪಿತರಂ ಕಾಲಕತಂ [ಕಾಲಙ್ಕತಂ (ಕ.)] ಸುತ್ವಾ, ನ ತಂ ಪಸಹತೇ ದುಖಂ.

ಯಂ ನ ಸಕ್ಕಾ ನಿಪಾಲೇತುಂ, ಪೋಸೇನ ಲಪತಂ ಬಹುಂ;

ಸ ಕಿಸ್ಸ ವಿಞ್ಞೂ ಮೇಧಾವೀ, ಅತ್ತಾನಮುಪತಾಪಯೇ.

ದಹರಾ ¶ ¶ ಚ ಹಿ ವುದ್ಧಾ ಚ [ಯೇ ವುದ್ಧಾ (ಸೀ. ಅಟ್ಠ.), ಯೇ ವುಡ್ಢಾ (ಸ್ಯಾ.)], ಯೇ ಬಾಲಾ ಯೇ ಚ ಪಣ್ಡಿತಾ;

ಅಡ್ಢಾ ಚೇವ ದಲಿದ್ದಾ ಚ, ಸಬ್ಬೇ ಮಚ್ಚುಪರಾಯಣಾ.

ಫಲಾನಮಿವ ಪಕ್ಕಾನಂ, ನಿಚ್ಚಂ ಪತನತೋ ಭಯಂ;

ಏವಂ ಜಾತಾನ ಮಚ್ಚಾನಂ, ನಿಚ್ಚ ಮರಣತೋ ಭಯಂ.

ಸಾಯಮೇಕೇ ನ ದಿಸ್ಸನ್ತಿ, ಪಾತೋ ದಿಟ್ಠಾ ಬಹುಜ್ಜನಾ;

ಪಾತೋ ಏಕೇ ನ ದಿಸ್ಸನ್ತಿ, ಸಾಯಂ ದಿಟ್ಠಾ ಬಹುಜ್ಜನಾ.

ಪರಿದೇವಯಮಾನೋ ಚೇ, ಕಿಞ್ಚಿದತ್ಥಂ ಉದಬ್ಬಹೇ;

ಸಮ್ಮೂಳ್ಹೋ ಹಿಂಸಮತ್ತಾನಂ, ಕಯಿರಾ ತಂ ವಿಚಕ್ಖಣೋ.

ಕಿಸೋ ವಿವಣ್ಣೋ ಭವತಿ, ಹಿಂಸಮತ್ತಾನಮತ್ತನೋ [ಮತ್ತನಾ (ಸೀ. ಅಟ್ಠ. ಸು. ನಿ. ೫೯೦)];

ನ ತೇನ ಪೇತಾ ಪಾಲೇನ್ತಿ, ನಿರತ್ಥಾ ಪರಿದೇವನಾ.

ಯಥಾ ಸರಣಮಾದಿತ್ತಂ, ವಾರಿನಾ ಪರಿನಿಬ್ಬಯೇ [ವಾರಿನಾವನಿಬ್ಬಾಪಯೇ (ಸ್ಯಾ. ಕ.)];

ಏವಮ್ಪಿ ಧೀರೋ ಸುತವಾ, ಮೇಧಾವೀ ಪಣ್ಡಿತೋ ನರೋ;

ಖಿಪ್ಪಮುಪ್ಪತಿತಂ ಸೋಕಂ, ವಾತೋ ತೂಲಂವ ಧಂಸಯೇ.

ಮಚ್ಚೋ ಏಕೋವ ¶ [ಏಕೋವ ಮಚ್ಚೋ (ಸೀ. ಸ್ಯಾ. ಪೀ.)] ಅಚ್ಚೇತಿ, ಏಕೋವ ಜಾಯತೇ ಕುಲೇ;

ಸಂಯೋಗಪರಮಾತ್ವೇವ, ಸಮ್ಭೋಗಾ ಸಬ್ಬಪಾಣಿನಂ.

ತಸ್ಮಾ ಹಿ ಧೀರಸ್ಸ ಬಹುಸ್ಸುತಸ್ಸ, ಸಮ್ಪಸ್ಸತೋ ಲೋಕಮಿಮಂ ಪರಞ್ಚ;

ಅಞ್ಞಾಯ ಧಮ್ಮಂ ಹದಯಂ ಮನಞ್ಚ, ಸೋಕಾ ಮಹನ್ತಾಪಿ ನ ತಾಪಯನ್ತಿ.

ಸೋಹಂ ದಸ್ಸಞ್ಚ ಭೋಕ್ಖಞ್ಚ, ಭರಿಸ್ಸಾಮಿ ಚ [ಸೋಹಂ ಯಸಞ್ಚ ಭೋಗಞ್ಚ, ಭರಿಯಾಪಿ ಚ (ಸ್ಯಾ. ಕ.)] ಞಾತಕೇ;

ಸೇಸಞ್ಚ ಪಾಲಯಿಸ್ಸಾಮಿ, ಕಿಚ್ಚಮೇತಂ [ಕಿಚ್ಚಮೇವಂ (ಪೀ.)] ವಿಜಾನತೋ.

ದಸ ವಸ್ಸಸಹಸ್ಸಾನಿ, ಸಟ್ಠಿ ವಸ್ಸಸತಾನಿ ಚ;

ಕಮ್ಬುಗೀವೋ ಮಹಾಬಾಹು, ರಾಮೋ ರಜ್ಜಮಕಾರಯೀತಿ.

ಜಾನನ್ತೋ ¶ ನೋ ಮಹಾರಾಜ, ತವ ಸೀಲಂ ಜನಾಧಿಪೋ;

ಇಮೇ ಕುಮಾರೇ ಪೂಜೇನ್ತೋ, ನ ತಂ ಕೇನಚಿ ಮಞ್ಞಥ.

ತಿಟ್ಠನ್ತೇ ನೋ ಮಹಾರಾಜೇ, ಅದು [ಆದು (ಸೀ. ಪೀ.), ಆದೂ (ಸ್ಯಾ.)] ದೇವೇ ದಿವಙ್ಗತೇ;

ಞಾತೀ ತಂ ಸಮನುಞ್ಞಿಂಸು, ಸಮ್ಪಸ್ಸಂ ಅತ್ಥಮತ್ತನೋ.

ಕೇನ ಸಂವರವತ್ತೇನ, ಸಞ್ಜಾತೇ ಅಭಿತಿಟ್ಠಸಿ;

ಕೇನ ತಂ ನಾತಿವತ್ತನ್ತಿ, ಞಾತಿಸಙ್ಘಾ ಸಮಾಗತಾ.

ನ ¶ ರಾಜಪುತ್ತ ಉಸೂಯಾಮಿ [ರಾಜಪುತ್ತ ನುಸ್ಸುಯ್ಯಾಮಿ (ಕ.)], ಸಮಣಾನಂ ಮಹೇಸಿನಂ;

ಸಕ್ಕಚ್ಚಂ ¶ ತೇ ನಮಸ್ಸಾಮಿ, ಪಾದೇ ವನ್ದಾಮಿ ತಾದಿನಂ.

ತೇ ಮಂ ಧಮ್ಮಗುಣೇ ಯುತ್ತಂ, ಸುಸ್ಸೂಸಮನುಸೂಯಕಂ;

ಸಮಣಾ ಮನುಸಾಸನ್ತಿ [ಸಮನುಸಾಸನ್ತಿ (ಸೀ. ಸ್ಯಾ. ಪೀ.)], ಇಸೀ ಧಮ್ಮಗುಣೇ ರತಾ.

ತೇಸಾಹಂ ವಚನಂ ಸುತ್ವಾ, ಸಮಣಾನಂ ಮಹೇಸಿನಂ;

ನ ಕಿಞ್ಚಿ ಅತಿಮಞ್ಞಾಮಿ, ಧಮ್ಮೇ ಮೇ ನಿರತೋ ಮನೋ.

ಹತ್ಥಾರೋಹಾ ಅನೀಕಟ್ಠಾ, ರಥಿಕಾ ಪತ್ತಿಕಾರಕಾ;

ತೇಸಂ [ತೇಸು (ಪೀ.)] ನಪ್ಪಟಿಬನ್ಧಾಮಿ, ನಿವಿಟ್ಠಂ [ನಿಬದ್ಧಂ (ಸೀ. ಪೀ.)] ಭತ್ತವೇತನಂ.

ಮಹಾಮತ್ತಾ ಚ ಮೇ ಅತ್ಥಿ, ಮನ್ತಿನೋ ಪರಿಚಾರಕಾ;

ಬಾರಾಣಸಿಂ ವೋಹರನ್ತಿ, ಬಹುಮಂಸಸುರೋದಕಂ.

ಅಥೋಪಿ ವಾಣಿಜಾ ಫೀತಾ, ನಾನಾರಟ್ಠೇಹಿ ಆಗತಾ;

ತೇಸು ಮೇ ವಿಹಿತಾ ರಕ್ಖಾ, ಏವಂ ಜಾನಾಹುಪೋಸಥ.

ಧಮ್ಮೇನ ಕಿರ ಞಾತೀನಂ, ರಜ್ಜಂ ಕಾರೇಹಿ ಸಂವರ;

ಮೇಧಾವೀ ಪಣ್ಡಿತೋ ಚಾಸಿ [ಚಾಪಿ (ಸೀ. ಪೀ.)], ಅಥೋಪಿ ಞಾತಿನಂ ಹಿತೋ.

ತಂ ತಂ ಞಾತಿಪರಿಬ್ಯೂಳ್ಹಂ, ನಾನಾರತನಮೋಚಿತಂ;

ಅಮಿತ್ತಾ ನಪ್ಪಸಹನ್ತಿ, ಇನ್ದಂವ ಅಸುರಾಧಿಪೋತಿ.

ಉಮ್ಮುಜ್ಜನ್ತಿ ¶ ನಿಮುಜ್ಜನ್ತಿ, ಮನುಸ್ಸಾ ಖುರನಾಸಿಕಾ;

ಸುಪ್ಪಾರಕಂ ¶ ತಂ ಪುಚ್ಛಾಮ, ಸಮುದ್ದೋ ಕತಮೋ ಅಯಂ.

ಕುರುಕಚ್ಛಾ [ಭರುಕಚ್ಛಾ (ಸೀ. ಸ್ಯಾ. ಪೀ. ಅಟ್ಠ.)] ಪಯಾತಾನಂ, ವಾಣಿಜಾನಂ ಧನೇಸಿನಂ;

ನಾವಾಯ ವಿಪ್ಪನಟ್ಠಾಯ, ಖುರಮಾಲೀತಿ ವುಚ್ಚತಿ.

ಯಥಾ ಅಗ್ಗೀವ ಸುರಿಯೋವ [ಅಗ್ಗಿ ಸುರಿಯೋ ಚ (ಸ್ಯಾ.), ಅಗ್ಗೀವ ಸೂರಿಯೋ (ಕ.)], ಸಮುದ್ದೋ ಪಟಿದಿಸ್ಸತಿ;

ಸುಪ್ಪಾರಕಂ ತಂ ಪುಚ್ಛಾಮ, ಸಮುದ್ದೋ ಕತಮೋ ಅಯಂ.

ಕುರುಕಚ್ಛಾ ಪಯಾತಾನಂ, ವಾಣಿಜಾನಂ ಧನೇಸಿನಂ;

ನಾವಾಯ ವಿಪ್ಪನಟ್ಠಾಯ, ಅಗ್ಗಿಮಾಲೀತಿ ವುಚ್ಚತಿ.

ಯಥಾ ದಧೀವ ಖೀರಂವ [ದಧಿ ಚ ಖೀರಂ ಚ (ಸ್ಯಾ.), ಏವಮುಪರಿಪಿ], ಸಮುದ್ದೋ ಪಟಿದಿಸ್ಸತಿ;

ಸುಪ್ಪಾರಕಂ ತಂ ಪುಚ್ಛಾಮ, ಸಮುದ್ದೋ ಕತಮೋ ಅಯಂ.

ಕುರುಕಚ್ಛಾ ¶ ಪಯಾತಾನಂ, ವಾಣಿಜಾನಂ ಧನೇಸಿನಂ;

ನಾವಾಯ ವಿಪ್ಪನಟ್ಠಾಯ, ದಧಿಮಾಲೀತಿ [ಖೀರಮಾಲೀತಿ (ಕ.)] ವುಚ್ಚತಿ.

ಯಥಾ ಕುಸೋವ ಸಸ್ಸೋವ, ಸಮುದ್ದೋ ಪಟಿದಿಸ್ಸತಿ;

ಸುಪ್ಪಾರಕಂ ತಂ ಪುಚ್ಛಾಮ, ಸಮುದ್ದೋ ಕತಮೋ ಅಯಂ.

ಕುರುಕಚ್ಛಾ ಪಯಾತಾನಂ, ವಾಣಿಜಾನಂ ಧನೇಸಿನಂ;

ನಾವಾಯ ವಿಪ್ಪನಟ್ಠಾಯ, ಕುಸಮಾಲೀತಿ ವುಚ್ಚತಿ.

ಯಥಾ ನಳೋವ ವೇಳೂವ, ಸಮುದ್ದೋ ಪಟಿದಿಸ್ಸತಿ;

ಸುಪ್ಪಾರಕಂ ತಂ ಪುಚ್ಛಾಮ, ಸಮುದ್ದೋ ಕತಮೋ ಅಯಂ.

ಕುರುಕಚ್ಛಾ ಪಯಾತಾನಂ, ವಾಣಿಜಾನಂ ಧನೇಸಿನಂ;

ನಾವಾಯ ವಿಪ್ಪನಟ್ಠಾಯ, ನಳಮಾಲೀತಿ ವುಚ್ಚತಿ.

ಮಹಬ್ಭಯೋ ಭಿಂಸನಕೋ, ಸದ್ದೋ ಸುಯ್ಯತಿಮಾನುಸೋ [ಸಮುದ್ದೋ ಸುಯ್ಯತ’ಮಾನುಸೋ (ಸೀ. ಪೀ. ಅಟ್ಠ.)];

ಯಥಾ ¶ ಸೋಬ್ಭೋ ಪಪಾತೋವ, ಸಮುದ್ದೋ ಪಟಿದಿಸ್ಸತಿ;

ಸುಪ್ಪಾರಕಂ ತಂ ಪುಚ್ಛಾಮ, ಸಮುದ್ದೋ ಕತಮೋ ಅಯಂ.

ಕುರುಕಚ್ಛಾ ¶ ಪಯಾತಾನಂ, ವಾಣಿಜಾನಂ ಧನೇಸಿನಂ;

ನಾವಾಯ ವಿಪ್ಪನಟ್ಠಾಯ, ಬಳವಾಮುಖೀತಿ [ವಳಭಾಮುಖೀತಿ (ಸೀ. ಸ್ಯಾ.), ಬಲವಾಮುಖೀತಿ (ಸ್ಯಾ. ಕ.)] ವುಚ್ಚತಿ.

ಯತೋ ಸರಾಮಿ ಅತ್ತಾನಂ, ಯತೋ ಪತ್ತೋಸ್ಮಿ ವಿಞ್ಞುತಂ;

ನಾಭಿಜಾನಾಮಿ ಸಞ್ಚಿಚ್ಚ, ಏಕಪಾಣಮ್ಪಿ ಹಿಂಸಿತಂ;

ಏತೇನ ಸಚ್ಚವಜ್ಜೇನ, ಸೋತ್ಥಿಂ ನಾವಾ ನಿವತ್ತತೂತಿ.

ಸಿರಿಮಾತುಸುಪೋಸಕನಾಗವರೋ, ಪುನ ಜುಣ್ಹಕ ಧಮ್ಮಮುದಯವರೋ;

ಅಥ ಪಾನಿ ಯುಧಞ್ಚಯಕೋ ಚ, ದಸರಥ ಸಂವರ ಪಾರಗತೇನ ನವಾತಿ.

ಲುದ್ಧಾನಂ ¶ ¶ ¶ [ಖುದ್ದಾನಂ (ಸೀ. ಸ್ಯಾ. ಪೀ.)] ಲಹುಚಿತ್ತಾನಂ, ಅಕತಞ್ಞೂನ ದುಬ್ಭಿನಂ;

ನಾದೇವಸತ್ತೋ ಪುರಿಸೋ, ಥೀನಂ ಸದ್ಧಾತುಮರಹತಿ.

ನ ತಾ ಪಜಾನನ್ತಿ ಕತಂ ನ ಕಿಚ್ಚಂ, ನ ಮಾತರಂ ಪಿತರಂ ಭಾತರಂ ವಾ;

ಅನರಿಯಾ ಸಮತಿಕ್ಕನ್ತಧಮ್ಮಾ, ಸಸ್ಸೇವ ಚಿತ್ತಸ್ಸ ವಸಂ ವಜನ್ತಿ.

ಚಿರಾನುವುಟ್ಠಮ್ಪಿ [ಚಿರಾನುವುತ್ಥಮ್ಪಿ (ಸೀ. ಪೀ.)] ಪಿಯಂ ಮನಾಪಂ, ಅನುಕಮ್ಪಕಂ ಪಾಣಸಮಮ್ಪಿ ಭತ್ತುಂ [ಸನ್ತಂ (ಸೀ. ಸ್ಯಾ. ಪೀ.)];

ಆವಾಸು ಕಿಚ್ಚೇಸು ಚ ನಂ ಜಹನ್ತಿ, ತಸ್ಮಾಹಮಿತ್ಥೀನಂ ನ ವಿಸ್ಸಸಾಮಿ.

ಥೀನಞ್ಹಿ ಚಿತ್ತಂ ಯಥಾ ವಾನರಸ್ಸ, ಕನ್ನಪ್ಪಕನ್ನಂ ಯಥಾ ರುಕ್ಖಛಾಯಾ;

ಚಲಾಚಲಂ ಹದಯಮಿತ್ಥಿಯಾನಂ, ಚಕ್ಕಸ್ಸ ನೇಮಿ ವಿಯ ಪರಿವತ್ತತಿ.

ಯದಾ ತಾ ಪಸ್ಸನ್ತಿ ಸಮೇಕ್ಖಮಾನಾ, ಆದೇಯ್ಯರೂಪಂ ಪುರಿಸಸ್ಸ ವಿತ್ತಂ;

ಸಣ್ಹಾಹಿ ವಾಚಾಹಿ ನಯನ್ತಿ ಮೇನಂ, ಕಮ್ಬೋಜಕಾ ¶ ಜಲಜೇನೇವ ಅಸ್ಸಂ.

ಯದಾ ನ ಪಸ್ಸನ್ತಿ ಸಮೇಕ್ಖಮಾನಾ, ಆದೇಯ್ಯರೂಪಂ ಪುರಿಸಸ್ಸ ವಿತ್ತಂ;

ಸಮನ್ತತೋ ನಂ ಪರಿವಜ್ಜಯನ್ತಿ, ತಿಣ್ಣೋ ನದೀಪಾರಗತೋವ ಕುಲ್ಲಂ.

ಸಿಲೇಸೂಪಮಾ ¶ ಸಿಖಿರಿವ ಸಬ್ಬಭಕ್ಖಾ, ತಿಕ್ಖಮಾಯಾ ನದೀರಿವ ಸೀಘಸೋತಾ;

ಸೇವನ್ತಿ ಹೇತಾ ಪಿಯಮಪ್ಪಿಯಞ್ಚ, ನಾವಾ ಯಥಾ ಓರಕೂಲಂ ಪರಞ್ಚ.

ನ ತಾ ಏಕಸ್ಸ ನ ದ್ವಿನ್ನಂ, ಆಪಣೋವ ಪಸಾರಿತೋ;

ಯೋ ತಾ ಮಯ್ಹನ್ತಿ ಮಞ್ಞೇಯ್ಯ, ವಾತಂ ಜಾಲೇನ ಬಾಧಯೇ [ಬನ್ಧಯೇ (ಸ್ಯಾ. ಕ.)].

ಯಥಾ ನದೀ ಚ ಪನ್ಥೋ ಚ, ಪಾನಾಗಾರಂ ಸಭಾ ಪಪಾ;

ಏವಂ ಲೋಕಿತ್ಥಿಯೋ ನಾಮ, ವೇಲಾ ತಾಸಂ ನ ವಿಜ್ಜತಿ [ಇಮಿಸ್ಸಾ ಗಾಥಾಯ ಪುಬ್ಬದ್ಧಾಪರದ್ಧಂ ವಿಪರಿಯಾಯೇನ ದಿಸ್ಸತಿ (ಕ.)].

ಘತಾಸನಸಮಾ ಏತಾ, ಕಣ್ಹಸಪ್ಪಸಿರೂಪಮಾ;

ಗಾವೋ ಬಹಿತಿಣಸ್ಸೇವ, ಓಮಸನ್ತಿ ವರಂ ವರಂ.

ಘತಾಸನಂ ಕುಞ್ಜರಂ ಕಣ್ಹಸಪ್ಪಂ, ಮುದ್ಧಾಭಿಸಿತ್ತಂ ಪಮದಾ ಚ ಸಬ್ಬಾ;

ಏತೇ ನರೋ ನಿಚ್ಚಯತೋ [ನಿಚ್ಚಯತ್ತೋ (ಸೀ. ಪೀ.)] ಭಜೇಥ, ತೇಸಂ ಹವೇ ದುಬ್ಬಿದು ಸಬ್ಬಭಾವೋ [ಸಚ್ಚಭಾವೋ (ಸ್ಯಾ.)].

ನಚ್ಚನ್ತವಣ್ಣಾ ¶ ¶ ನ ಬಹೂನಂ ಕನ್ತಾ, ನ ದಕ್ಖಿಣಾ ಪಮದಾ ಸೇವಿತಬ್ಬಾ;

ನ ಪರಸ್ಸ ಭರಿಯಾ ನ ಧನಸ್ಸ ಹೇತು, ಏತಿತ್ಥಿಯೋ ಪಞ್ಚ ನ ಸೇವಿತಬ್ಬಾತಿ.

ಕಾ ತ್ವಂ ಸುದ್ಧೇಹಿ ವತ್ಥೇಹಿ, ಅಘೇ ವೇಹಾಯಸಂ [ವೇಹಾಸಯಂ (ಸೀ. ಪೀ.)] ಠಿತಾ;

ಕೇನ ತ್ಯಾಸ್ಸೂನಿ ವತ್ತನ್ತಿ, ಕುತೋ ತಂ ಭಯಮಾಗತಂ.

ತವೇವ ದೇವ ವಿಜಿತೇ, ಭದ್ದಸಾಲೋತಿ ಮಂ ವಿದೂ;

ಸಟ್ಠಿ [ಸಟ್ಠಿಂ (ಸೀ. ಪೀ.)] ವಸ್ಸಸಹಸ್ಸಾನಿ, ತಿಟ್ಠತೋ ಪೂಜಿತಸ್ಸ ಮೇ.

ಕಾರಯನ್ತಾ ¶ ನಗರಾನಿ, ಅಗಾರೇ ಚ ದಿಸಮ್ಪತಿ;

ವಿವಿಧೇ ಚಾಪಿ ಪಾಸಾದೇ, ನ ಮಂ ತೇ ಅಚ್ಚಮಞ್ಞಿಸುಂ;

ಯಥೇವ ಮಂ ತೇ ಪೂಜೇಸುಂ, ತಥೇವ ತ್ವಮ್ಪಿ ಪೂಜಯ.

ತಂ ಇವಾಹಂ [ತಞ್ಚ ಅಹಂ (ಸೀ. ಸ್ಯಾ. ಪೀ.)] ನ ಪಸ್ಸಾಮಿ, ಥೂಲಂ ಕಾಯೇನ ತೇ ದುಮಂ;

ಆರೋಹಪರಿಣಾಹೇನ, ಅಭಿರೂಪೋಸಿ ಜಾತಿಯಾ.

ಪಾಸಾದಂ ಕಾರಯಿಸ್ಸಾಮಿ, ಏಕತ್ಥಮ್ಭಂ ಮನೋರಮಂ;

ತತ್ಥ ತಂ ಉಪನೇಸ್ಸಾಮಿ, ಚಿರಂ ತೇ ಯಕ್ಖ ಜೀವಿತಂ.

ಏವಂ ಚಿತ್ತಂ ಉದಪಾದಿ, ಸರೀರೇನ ವಿನಾಭಾವೋ;

ಪುಥುಸೋ ಮಂ ವಿಕನ್ತಿತ್ವಾ, ಖಣ್ಡಸೋ ಅವಕನ್ತಥ.

ಅಗ್ಗೇ ¶ ಚ ಛೇತ್ವಾ ಮಜ್ಝೇ ಚ, ಪಚ್ಛಾ ಮೂಲಮ್ಹಿ ಛಿನ್ದಥ [ಮೂಲಞ್ಚ ಛಿನ್ದಥ (ಸೀ.), ಮೂಲಂ ವಿಛಿನ್ದಥ (ಪೀ.)];

ಏವಂ ಮೇ ಛಿಜ್ಜಮಾನಸ್ಸ, ನ ದುಕ್ಖಂ ಮರಣಂ ಸಿಯಾ.

ಹತ್ಥಪಾದಂ [ಹತ್ಥಪಾದೇ (ಕ.)] ಯಥಾ ಛಿನ್ದೇ [ಛಿನ್ನೇ (ಕ.)], ಕಣ್ಣನಾಸಞ್ಚ ಜೀವತೋ;

ತತೋ ಪಚ್ಛಾ ಸಿರೋ ಛಿನ್ದೇ, ತಂ ದುಕ್ಖಂ ಮರಣಂ ಸಿಯಾ.

ಸುಖಂ ನು ಖಣ್ಡಸೋ ಛಿನ್ನಂ, ಭದ್ದಸಾಲವನಪ್ಪತಿ;

ಕಿಂ ಹೇತು ಕಿಂ ಉಪಾದಾಯ, ಖಣ್ಡಸೋ ಛಿನ್ನಮಿಚ್ಛಸಿ.

ಯಞ್ಚ ಹೇತುಮುಪಾದಾಯ, ಹೇತುಂ ಧಮ್ಮೂಪಸಂಹಿತಂ;

ಖಣ್ಡಸೋ ಛಿನ್ನಮಿಚ್ಛಾಮಿ, ಮಹಾರಾಜ ಸುಣೋಹಿ ಮೇ.

ಞಾತೀ ಮೇ ಸುಖಸಂವದ್ಧಾ, ಮಮ ಪಸ್ಸೇ ನಿವಾತಜಾ;

ತೇಪಿಹಂ ಉಪಹಿಂಸೇಯ್ಯಂ, ಪರೇಸಂ ಅಸುಖೋಚಿತಂ.

ಚೇತೇಯ್ಯರೂಪಂ ¶ [ಚೇತಬ್ಬರೂಪಂ (ಸೀ. ಪೀ.)] ಚೇತೇಸಿ, ಭದ್ದಸಾಲವನಪ್ಪತಿ;

ಹಿತಕಾಮೋಸಿ ಞಾತೀನಂ, ಅಭಯಂ ಸಮ್ಮ ದಮ್ಮಿ ತೇತಿ.

ಕಸನ್ತಿ ¶ ವಪನ್ತಿ ತೇ ಜನಾ, ಮನುಜಾ ಕಮ್ಮಫಲೂಪಜೀವಿನೋ;

ನಯಿಮಸ್ಸ ದೀಪಕಸ್ಸ ಭಾಗಿನೋ, ಜಮ್ಬುದೀಪಾ ಇದಮೇವ ನೋ ವರಂ.

ತಿಪಞ್ಚರತ್ತೂಪಗತಮ್ಹಿ ಚನ್ದೇ, ವೇಗೋ ¶ ಮಹಾ ಹೇಹಿತಿ ಸಾಗರಸ್ಸ;

ಉಪ್ಲವಿಸ್ಸಂ ದೀಪಮಿಮಂ ಉಳಾರಂ, ಮಾ ವೋ ವಧೀ ಗಚ್ಛಥ ಲೇಣಮಞ್ಞಂ.

ನ ಜಾತುಯಂ ಸಾಗರವಾರಿವೇಗೋ, ಉಪ್ಲವಿಸ್ಸಂ ದೀಪಮಿಮಂ ಉಳಾರಂ;

ತಂ ಮೇ ನಿಮಿತ್ತೇಹಿ ಬಹೂಹಿ ದಿಟ್ಠಂ, ಮಾ ಭೇಥ ಕಿಂ ಸೋಚಥ ಮೋದಥವ್ಹೋ [ಮೋದಥ ವೋ (ಕ.) ೬.೩೮ ಮೋಗ್ಗಲ್ಲಾನಸುತ್ತಂ ಪಸ್ಸಿತಬ್ಬಂ].

ಪಹೂತಭಕ್ಖಂ ಬಹುಅನ್ನಪಾನಂ, ಪತ್ತತ್ಥ ಆವಾಸಮಿಮಂ ಉಳಾರಂ;

ನ ವೋ ಭಯಂ ಪಟಿಪಸ್ಸಾಮಿ ಕಿಞ್ಚಿ, ಆಪುತ್ತಪುತ್ತೇಹಿ ಪಮೋದಥವ್ಹೋ.

ಯೋ ದೇವೋಯಂ ದಕ್ಖಿಣಾಯಂ [ದಕ್ಖಿಣಸ್ಸಂ (ಸೀ.)] ದಿಸಾಯಂ, ಖೇಮನ್ತಿ ಪಕ್ಕೋಸತಿ ತಸ್ಸ ಸಚ್ಚಂ;

ನ ಉತ್ತರೋ ವೇದಿ ಭಯಾಭಯಸ್ಸ, ಮಾ ಭೇಥ ಕಿಂ ಸೋಚಥ ಮೋದಥವ್ಹೋ.

ಯಥಾ ಇಮೇ ವಿಪ್ಪವದನ್ತಿ ಯಕ್ಖಾ, ಏಕೋ ಭಯಂ ಸಂಸತಿ ಖೇಮಮೇಕೋ;

ತದಿಙ್ಘ ಮಯ್ಹಂ ವಚನಂ ಸುಣಾಥ, ಖಿಪ್ಪಂ ¶ ಲಹುಂ ಮಾ ವಿನಸ್ಸಿಮ್ಹ ಸಬ್ಬೇ.

ಸಬ್ಬೇ ¶ ಸಮಾಗಮ್ಮ ಕರೋಮ ನಾವಂ, ದೋಣಿಂ ದಳ್ಹಂ ಸಬ್ಬಯನ್ತೂಪಪನ್ನಂ;

ಸಚೇ ಅಯಂ ದಕ್ಖಿಣೋ ಸಚ್ಚಮಾಹ, ಮೋಘಂ ಪಟಿಕ್ಕೋಸತಿ ಉತ್ತರೋಯಂ;

ಸಾ ಚೇವ ನೋ ಹೇಹಿತಿ ಆಪದತ್ಥಾ, ಇಮಞ್ಚ ದೀಪಂ ನ ಪರಿಚ್ಚಜೇಮ.

ಸಚೇ ಚ ಖೋ ಉತ್ತರೋ ಸಚ್ಚಮಾಹ, ಮೋಘಂ ಪಟಿಕ್ಕೋಸತಿ ದಕ್ಖಿಣೋಯಂ;

ತಮೇವ ನಾವಂ ಅಭಿರುಯ್ಹ ಸಬ್ಬೇ, ಏವಂ ಮಯಂ ಸೋತ್ಥಿ ತರೇಮು ಪಾರಂ.

ನ ವೇ ಸುಗಣ್ಹಂ ಪಠಮೇನ ಸೇಟ್ಠಂ, ಕನಿಟ್ಠಮಾಪಾಥಗತಂ ಗಹೇತ್ವಾ;

ಯೋ ಚೀಧ ತಚ್ಛಂ [ಮಜ್ಝಂ (ಸೀ. ಸ್ಯಾ. ಪೀ.)] ಪವಿಚೇಯ್ಯ ಗಣ್ಹತಿ [ಗಣ್ಹಿ (ಕ.)], ಸ ವೇ ನರೋ ಸೇಟ್ಠಮುಪೇತಿ ಠಾನಂ.

ಯಥಾಪಿ ತೇ ಸಾಗರವಾರಿಮಜ್ಝೇ, ಸಕಮ್ಮುನಾ ಸೋತ್ಥಿ ವಹಿಂಸು ವಾಣಿಜಾ;

ಅನಾಗತತ್ಥಂ ಪಟಿವಿಜ್ಝಿಯಾನ, ಅಪ್ಪಮ್ಪಿ ನಾಚ್ಚೇತಿ ಸ ಭೂರಿಪಞ್ಞೋ.

ಬಾಲಾ ¶ ಚ ಮೋಹೇನ ರಸಾನುಗಿದ್ಧಾ, ಅನಾಗತಂ ಅಪ್ಪಟಿವಿಜ್ಝಿಯತ್ಥಂ;

ಪಚ್ಚುಪ್ಪನ್ನೇ ಸೀದನ್ತಿ ಅತ್ಥಜಾತೇ, ಸಮುದ್ದಮಜ್ಝೇ ಯಥಾ ತೇ ಮನುಸ್ಸಾ.

ಅನಾಗತಂ ¶ ಪಟಿಕಯಿರಾಥ ಕಿಚ್ಚಂ, ‘‘ಮಾ ಮಂ ಕಿಚ್ಚಂ ಕಿಚ್ಚಕಾಲೇ ಬ್ಯಧೇಸಿ’’;

ತಂ ತಾದಿಸಂ ಪಟಿಕತ [ಪಟಿಕತಂ (ಕ.), ಪಟಿಗತ (ಸೀ. ಅಟ್ಠ.), ಪಟಿಕಚ್ಚ (?)] ಕಿಚ್ಚಕಾರಿಂ, ನ ತಂ ಕಿಚ್ಚಂ ಕಿಚ್ಚಕಾಲೇ ಬ್ಯಧೇತೀತಿ.

ಕಾಮಂ ¶ ಕಾಮಯಮಾನಸ್ಸ, ತಸ್ಸ ಚೇ ತಂ ಸಮಿಜ್ಝತಿ;

ಅದ್ಧಾ ಪೀತಿಮನೋ ಹೋತಿ, ಲದ್ಧಾ ಮಚ್ಚೋ ಯದಿಚ್ಛತಿ.

ಕಾಮಂ ಕಾಮಯಮಾನಸ್ಸ, ತಸ್ಸ ಚೇ ತಂ ಸಮಿಜ್ಝತಿ;

ತತೋ ನಂ ಅಪರಂ ಕಾಮೇ, ಧಮ್ಮೇ ತಣ್ಹಂವ ವಿನ್ದತಿ.

ಗವಂವ ಸಿಙ್ಗಿನೋ ಸಿಙ್ಗಂ, ವಡ್ಢಮಾನಸ್ಸ ವಡ್ಢತಿ;

ಏವಂ ಮನ್ದಸ್ಸ ಪೋಸಸ್ಸ, ಬಾಲಸ್ಸ ಅವಿಜಾನತೋ;

ಭಿಯ್ಯೋ ತಣ್ಹಾ ಪಿಪಾಸಾ ಚ, ವಡ್ಢಮಾನಸ್ಸ ವಡ್ಢತಿ.

ಪಥಬ್ಯಾ ಸಾಲಿಯವಕಂ, ಗವಸ್ಸಂ [ಗವಾಸಂ (ಸೀ. ಸ್ಯಾ. ಪೀ.)] ದಾಸಪೋರಿಸಂ;

ದತ್ವಾ ಚ [ದತ್ವಾಪಿ (ಸೀ. ಸ್ಯಾ.), ದತ್ವಾ ವಾ (ಪೀ.)] ನಾಲಮೇಕಸ್ಸ, ಇತಿ ವಿದ್ವಾ [ವಿದ್ಧಾ (ಸ್ಯಾ.)] ಸಮಂ ಚರೇ.

ರಾಜಾ ¶ ಪಸಯ್ಹ ಪಥವಿಂ ವಿಜಿತ್ವಾ, ಸಸಾಗರನ್ತಂ ಮಹಿಮಾವಸನ್ತೋ;

ಓರಂ ಸಮುದ್ದಸ್ಸ ಅತಿತ್ತರೂಪೋ [ಅತಿತ್ತಿರೂಪೋ (ಕ.)], ಪಾರಂ ಸಮುದ್ದಸ್ಸಪಿ ಪತ್ಥಯೇಥ.

ಯಾವ ಅನುಸ್ಸರಂ ಕಾಮೇ, ಮನಸಾ ತಿತ್ತಿ ನಾಜ್ಝಗಾ;

ತತೋ ನಿವತ್ತಾ ಪಟಿಕಮ್ಮ ದಿಸ್ವಾ, ತೇ ವೇ ಸುತಿತ್ತಾ ಯೇ [ತಿತ್ತಾ (ಸೀ. ಸ್ಯಾ. ಪೀ.)] ಪಞ್ಞಾಯ ತಿತ್ತಾ.

ಪಞ್ಞಾಯ ತಿತ್ತಿನಂ [ತಿತ್ತೀನಂ (ಸೀ. ಸ್ಯಾ.)] ಸೇಟ್ಠಂ, ನ ಸೋ ಕಾಮೇಹಿ ತಪ್ಪತಿ;

ಪಞ್ಞಾಯ ತಿತ್ತಂ ಪುರಿಸಂ, ತಣ್ಹಾ ನ ಕುರುತೇ ವಸಂ.

ಅಪಚಿನೇಥೇವ ಕಾಮಾನಂ [ಕಾಮಾನಿ (ಸೀ. ಸ್ಯಾ. ಪೀ.)], ಅಪ್ಪಿಚ್ಛಸ್ಸ ಅಲೋಲುಪೋ;

ಸಮುದ್ದಮತ್ತೋ ಪುರಿಸೋ, ನ ಸೋ ಕಾಮೇಹಿ ತಪ್ಪತಿ.

ರಥಕಾರೋವ ಚಮ್ಮಸ್ಸ, ಪರಿಕನ್ತಂ ಉಪಾಹನಂ;

ಯಂ ಯಂ ಚಜತಿ [ಜಹತಿ (ಸ್ಯಾ. ಕ.)] ಕಾಮಾನಂ, ತಂ ತಂ ಸಮ್ಪಜ್ಜತೇ ಸುಖಂ;

ಸಬ್ಬಂ ಚೇ ಸುಖಮಿಚ್ಛೇಯ್ಯ, ಸಬ್ಬೇ ಕಾಮೇ ಪರಿಚ್ಚಜೇ.

ಅಟ್ಠ ¶ ತೇ ಭಾಸಿತಾ ಗಾಥಾ, ಸಬ್ಬಾ ಹೋನ್ತಿ ಸಹಸ್ಸಿಯೋ [ಸಹಸ್ಸಿಯಾ (?) ಉಪರಿ ಸುತಸೋಮಜಾತಕೇ ತಥಾ ದಿಸ್ಸತಿ];

ಪಟಿಗಣ್ಹ ಮಹಾಬ್ರಹ್ಮೇ, ಸಾಧೇತಂ ತವ ಭಾಸಿತಂ.

ನ ಮೇ ಅತ್ಥೋ ಸಹಸ್ಸೇಹಿ, ಸತೇಹಿ ನಹುತೇಹಿ ವಾ;

ಪಚ್ಛಿಮಂ ಭಾಸತೋ ಗಾಥಂ, ಕಾಮೇ ಮೇ ನ ರತೋ ಮನೋ.

ಭದ್ರಕೋ ¶ [ಸದ್ದೋ (ಸೀ.)] ವತಾಯಂ ಮಾಣವಕೋ, ಸಬ್ಬಲೋಕವಿದೂ ಮುನಿ;

ಯೋ ¶ ಇಮಂ ತಣ್ಹಂ [ಯೋ ತಣ್ಹಂ (ಸೀ. ಸ್ಯಾ.)] ದುಕ್ಖಜನನಿಂ, ಪರಿಜಾನಾತಿ ಪಣ್ಡಿತೋತಿ.

ದಸ ಖಲು ಇಮಾನಿ [ಖಲುಮಾನಿ (ಸ್ಯಾ.)] ಠಾನಾನಿ, ಯಾನಿ ಪುಬ್ಬೇ ಅಕರಿತ್ವಾ;

ಸ ಪಚ್ಛಾ ಮನುತಪ್ಪತಿ, ಇಚ್ಚೇವಾಹ [ಇಚ್ಚಾಹ ರಾಜಾ (ಸೀ. ಸ್ಯಾ. ಪೀ.)] ಜನಸನ್ಧೋ.

ಅಲದ್ಧಾ ವಿತ್ತಂ ತಪ್ಪತಿ, ಪುಬ್ಬೇ ಅಸಮುದಾನಿತಂ;

ನ ಪುಬ್ಬೇ ಧನಮೇಸಿಸ್ಸಂ, ಇತಿ ಪಚ್ಛಾನುತಪ್ಪತಿ.

ಸಕ್ಯರೂಪಂ ಪುರೇ ಸನ್ತಂ, ಮಯಾ ಸಿಪ್ಪಂ ನ ಸಿಕ್ಖಿತಂ;

ಕಿಚ್ಛಾ ವುತ್ತಿ ಅಸಿಪ್ಪಸ್ಸ, ಇತಿ ಪಚ್ಛಾನುತಪ್ಪತಿ.

ಕೂಟವೇದೀ ಪುರೇ ಆಸಿಂ, ಪಿಸುಣೋ ಪಿಟ್ಠಿಮಂಸಿಕೋ;

ಚಣ್ಡೋ ಚ ಫರುಸೋ ಚಾಪಿ [ಚಾಸಿಂ (ಸೀ. ಸ್ಯಾ. ಪೀ.)], ಇತಿ ಪಚ್ಛಾನುತಪ್ಪತಿ.

ಪಾಣಾತಿಪಾತೀ ಪುರೇ ಆಸಿಂ, ಲುದ್ದೋ ಚಾಪಿ [ಚಾಸಿಂ (ಸೀ. ಪೀ.)] ಅನಾರಿಯೋ;

ಭೂತಾನಂ ನಾಪಚಾಯಿಸ್ಸಂ, ಇತಿ ಪಚ್ಛಾನುತಪ್ಪತಿ.

ಬಹೂಸು ವತ ಸನ್ತೀಸು, ಅನಾಪಾದಾಸು ಇತ್ಥಿಸು;

ಪರದಾರಂ ಅಸೇವಿಸ್ಸಂ, ಇತಿ ಪಚ್ಛಾನುತಪ್ಪತಿ.

ಬಹುಮ್ಹಿ ವತ ಸನ್ತಮ್ಹಿ, ಅನ್ನಪಾನೇ ಉಪಟ್ಠಿತೇ;

ನ ಪುಬ್ಬೇ ಅದದಂ [ಅದದಿಂ (ಸೀ.)] ದಾನಂ, ಇತಿ ಪಚ್ಛಾನುತಪ್ಪತಿ.

ಮಾತರಂ ಪಿತರಞ್ಚಾಪಿ, ಜಿಣ್ಣಕಂ ಗತಯೋಬ್ಬನಂ [ಜಿಣ್ಣಕೇ ಗತಯೋಬ್ಬನೇ (ಸೀ. ಸ್ಯಾ. ಪೀ.)];

ಪಹು ¶ ಸನ್ತೋ ನ ಪೋಸಿಸ್ಸಂ, ಇತಿ ಪಚ್ಛಾನುತಪ್ಪತಿ.

ಆಚರಿಯಮನುಸತ್ಥಾರಂ ¶ , ಸಬ್ಬಕಾಮರಸಾಹರಂ;

ಪಿತರಂ ಅತಿಮಞ್ಞಿಸ್ಸಂ, ಇತಿ ಪಚ್ಛಾನುತಪ್ಪತಿ.

ಸಮಣೇ ಬ್ರಾಹ್ಮಣೇ ಚಾಪಿ, ಸೀಲವನ್ತೇ ಬಹುಸ್ಸುತೇ;

ನ ಪುಬ್ಬೇ ಪಯಿರುಪಾಸಿಸ್ಸಂ, ಇತಿ ಪಚ್ಛಾನುತಪ್ಪತಿ.

ಸಾಧು ಹೋತಿ ತಪೋ ಚಿಣ್ಣೋ, ಸನ್ತೋ ಚ ಪಯಿರುಪಾಸಿತೋ;

ನ ಚ ಪುಬ್ಬೇ ತಪೋ ಚಿಣ್ಣೋ, ಇತಿ ಪಚ್ಛಾನುತಪ್ಪತಿ.

ಯೋ ಚ ಏತಾನಿ ಠಾನಾನಿ, ಯೋನಿಸೋ ಪಟಿಪಜ್ಜತಿ;

ಕರಂ ಪುರಿಸಕಿಚ್ಚಾನಿ, ಸ ಪಚ್ಛಾ ನಾನುತಪ್ಪತೀತಿ.

ಕಣ್ಹೋ ¶ ಕಣ್ಹೋ ಚ ಘೋರೋ ಚ, ಸುಕ್ಕದಾಠೋ ಪಭಾಸವಾ [ಪತಾಪವಾ (ಸೀ. ಸ್ಯಾ. ಪೀ.)];

ಬದ್ಧೋ ಪಞ್ಚಹಿ ರಜ್ಜೂಹಿ, ಕಿಂ ರವಿ [ಧೀರ (ಸೀ. ಪೀ.), ವೀರ (ಸ್ಯಾ.)] ಸುನಖೋ ತವ.

ನಾಯಂ ಮಿಗಾನಮತ್ಥಾಯ, ಉಸೀನಕ [ಉಸೀನರ (ಸೀ. ಪೀ.), ಉಸೀನ್ನರ (ಸ್ಯಾ.)] ಭವಿಸ್ಸತಿ;

ಮನುಸ್ಸಾನಂ ಅನಯೋ ಹುತ್ವಾ, ತದಾ ಕಣ್ಹೋ ಪಮೋಕ್ಖತಿ.

ಪತ್ತಹತ್ಥಾ ಸಮಣಕಾ, ಮುಣ್ಡಾ ಸಙ್ಘಾಟಿಪಾರುತಾ;

ನಙ್ಗಲೇಹಿ ಕಸಿಸ್ಸನ್ತಿ, ತದಾ ಕಣ್ಹೋ ಪಮೋಕ್ಖತಿ.

ತಪಸ್ಸಿನಿಯೋ [ತಪನೀಯಾ (ಕ.) ದುತಿಯನ್ತಪದಾನಿ ಹೇತಾನಿ] ಪಬ್ಬಜಿತಾ, ಮುಣ್ಡಾ ಸಙ್ಘಾಟಿಪಾರುತಾ;

ಯದಾ ಲೋಕೇ ಗಮಿಸ್ಸನ್ತಿ, ತದಾ ಕಣ್ಹೋ ಪಮೋಕ್ಖತಿ.

ದೀಘೋತ್ತರೋಟ್ಠಾ ¶ ಜಟಿಲಾ, ಪಙ್ಕದನ್ತಾ ರಜಸ್ಸಿರಾ;

ಇಣಂ ಚೋದಾಯ [ವೋದಾಯ (ಸೀ. ಪೀ.), ಚೋದಯ (ಸ್ಯಾ.)] ಗಚ್ಛನ್ತಿ, ತದಾ ಕಣ್ಹೋ ಪಮೋಕ್ಖತಿ.

ಅಧಿಚ್ಚ ವೇದೇ [ವೇದಂ (ಕ.)] ಸಾವಿತ್ತಿಂ, ಯಞ್ಞತನ್ತಞ್ಚ [ತನ್ತ್ರಞ್ಚ (ಸೀ. ಸ್ಯಾ. ಪೀ.)] ಬ್ರಾಹ್ಮಣಾ;

ಭತಿಕಾಯ ಯಜಿಸ್ಸನ್ತಿ, ತದಾ ಕಣ್ಹೋ ಪಮೋಕ್ಖತಿ.

ಮಾತರಂ ಪಿತರಞ್ಚಾಪಿ, ಜಿಣ್ಣಕಂ ಗತಯೋಬ್ಬನಂ;

ಪಹೂ ಸನ್ತೋ [ಸನ್ತಾ (ಸೀ.)] ನ ಭರನ್ತಿ, ತದಾ ಕಣ್ಹೋ ಪಮೋಕ್ಖತಿ.

ಮಾತರಂ ¶ ಪಿತರಞ್ಚಾಪಿ, ಜಿಣ್ಣಕಂ ಗತಯೋಬ್ಬನಂ;

ಬಾಲಾ ತುಮ್ಹೇತಿ ವಕ್ಖನ್ತಿ, ತದಾ ಕಣ್ಹೋ ಪಮೋಕ್ಖತಿ.

ಆಚರಿಯಭರಿಯಂ ಸಖಿಂ [ಆಚರಿಯಭರಿಯಂ ಸಖಾಭರಿಯಂ (ಸೀ. ಪೀ.)], ಮಾತುಲಾನಿಂ ಪಿತುಚ್ಛಕಿಂ [ಪಿತುಚ್ಛಯಂ (ಸೀ.), ಪಿತುಚ್ಛಸಂ (ಪೀ.)];

ಯದಾ ಲೋಕೇ ಗಮಿಸ್ಸನ್ತಿ, ತದಾ ಕಣ್ಹೋ ಪಮೋಕ್ಖತಿ.

ಅಸಿಚಮ್ಮಂ ಗಹೇತ್ವಾನ, ಖಗ್ಗಂ ಪಗ್ಗಯ್ಹ ಬ್ರಾಹ್ಮಣಾ;

ಪನ್ಥಘಾತಂ ಕರಿಸ್ಸನ್ತಿ, ತದಾ ಕಣ್ಹೋ ಪಮೋಕ್ಖತಿ.

ಸುಕ್ಕಚ್ಛವೀ ವೇಧವೇರಾ, ಥೂಲಬಾಹೂ ಅಪಾತುಭಾ;

ಮಿತ್ತಭೇದಂ ಕರಿಸ್ಸನ್ತಿ, ತದಾ ಕಣ್ಹೋ ಪಮೋಕ್ಖತಿ.

ಮಾಯಾವಿನೋ ನೇಕತಿಕಾ, ಅಸಪ್ಪುರಿಸಚಿನ್ತಕಾ;

ಯದಾ ಲೋಕೇ ಭವಿಸ್ಸನ್ತಿ, ತದಾ ಕಣ್ಹೋ ಪಮೋಕ್ಖತೀತಿ.

ನೇವ ¶ ಕಿಣಾಮಿ ನಪಿ ವಿಕ್ಕಿಣಾಮಿ, ನ ¶ ಚಾಪಿ ಮೇ ಸನ್ನಿಚಯೋ ಚ ಅತ್ಥಿ [ಇಧತ್ಥಿ (ಸ್ಯಾ.)];

ಸುಕಿಚ್ಛರೂಪಂ ವತಿದಂ ಪರಿತ್ತಂ, ಪತ್ಥೋದನೋ ನಾಲಮಯಂ ದುವಿನ್ನಂ.

ಅಪ್ಪಮ್ಹಾ ಅಪ್ಪಕಂ ದಜ್ಜಾ, ಅನುಮಜ್ಝತೋ ಮಜ್ಝಕಂ;

ಬಹುಮ್ಹಾ ಬಹುಕಂ ದಜ್ಜಾ, ಅದಾನಂ ನುಪಪಜ್ಜತಿ [ನ ಉಪಪಜ್ಜತಿ (ಸೀ. ಪೀ.), ನೂಪಪಜ್ಜತಿ (ಸ್ಯಾ.)].

ತಂ ತಂ ವದಾಮಿ ಕೋಸಿಯ, ದೇಹಿ ದಾನಾನಿ ಭುಞ್ಜ ಚ.

ಅರಿಯಮಗ್ಗಂ ಸಮಾರೂಹ [ಅರಿಯಂ ಮಗ್ಗಂ ಸಮಾರುಹ (ಸೀ. ಪೀ.)], ನೇಕಾಸೀ ಲಭತೇ ಸುಖಂ.

ಮೋಘಞ್ಚಸ್ಸ ಹುತಂ ಹೋತಿ, ಮೋಘಞ್ಚಾಪಿ ಸಮೀಹಿತಂ;

ಅತಿಥಿಸ್ಮಿಂ ಯೋ ನಿಸಿನ್ನಸ್ಮಿಂ, ಏಕೋ ಭುಞ್ಜತಿ ಭೋಜನಂ.

ತಂ ತಂ ವದಾಮಿ ಕೋಸಿಯ, ದೇಹಿ ದಾನಾನಿ ಭುಞ್ಜ ಚ;

ಅರಿಯಮಗ್ಗಂ ಸಮಾರೂಹ, ನೇಕಾಸೀ ಲಭತೇ ಸುಖಂ.

ಸಚ್ಚಞ್ಚಸ್ಸ ¶ ಹುತಂ ಹೋತಿ, ಸಚ್ಚಞ್ಚಾಪಿ ಸಮೀಹಿತಂ;

ಅತಿಥಿಸ್ಮಿಂ ಯೋ ನಿಸಿನ್ನಸ್ಮಿಂ, ನೇಕೋ ಭುಞ್ಜತಿ ಭೋಜನಂ.

ತಂ ತಂ ವದಾಮಿ ಕೋಸಿಯ, ದೇಹಿ ದಾನಾನಿ ಭುಞ್ಜ ಚ;

ಅರಿಯಮಗ್ಗಂ ಸಮಾರೂಹ, ನೇಕಾಸೀ ಲಭತೇ ಸುಖಂ.

ಸರಞ್ಚ ಜುಹತಿ ಪೋಸೋ, ಬಹುಕಾಯ ಗಯಾಯ ಚ;

ದೋಣೇ ತಿಮ್ಬರುತಿತ್ಥಸ್ಮಿಂ, ಸೀಘಸೋತೇ ಮಹಾವಹೇ.

ಅತ್ರ ಚಸ್ಸ ಹುತಂ ಹೋತಿ, ಅತ್ರ ಚಸ್ಸ ಸಮೀಹಿತಂ;

ಅತಿಥಿಸ್ಮಿಂ ಯೋ ನಿಸಿನ್ನಸ್ಮಿಂ, ನೇಕೋ ಭುಞ್ಜತಿ ಭೋಜನಂ.

ತಂ ತಂ ವದಾಮಿ ಕೋಸಿಯ, ದೇಹಿ ದಾನಾನಿ ಭುಞ್ಜ ಚ;

ಅರಿಯಮಗ್ಗಂ ¶ ಸಮಾರೂಹ, ನೇಕಾಸೀ ಲಭತೇ ಸುಖಂ.

ಬಳಿಸಞ್ಹಿ ಸೋ ನಿಗಿಲತಿ [ನಿಗ್ಗಿಲತಿ (ಸೀ. ಪೀ.)], ದೀಘಸುತ್ತಂ ಸಬನ್ಧನಂ;

ಅತಿಥಿಸ್ಮಿಂ ಯೋ ನಿಸಿನ್ನಸ್ಮಿಂ, ಏಕೋ ಭುಞ್ಜತಿ ಭೋಜನಂ.

ತಂ ತಂ ವದಾಮಿ ಕೋಸಿಯ, ದೇಹಿ ದಾನಾನಿ ಭುಞ್ಜ ಚ;

ಅರಿಯಮಗ್ಗಂ ಸಮಾರೂಹ, ನೇಕಾಸೀ ಲಭತೇ ಸುಖಂ.

ಉಳಾರವಣ್ಣಾ ವತ ಬ್ರಾಹ್ಮಣಾ ಇಮೇ, ಅಯಞ್ಚ ವೋ ಸುನಖೋ ಕಿಸ್ಸ ಹೇತು;

ಉಚ್ಚಾವಚಂ ವಣ್ಣನಿಭಂ ವಿಕುಬ್ಬತಿ, ಅಕ್ಖಾಥ ನೋ ಬ್ರಾಹ್ಮಣಾ ಕೇ ನು ತುಮ್ಹೇ.

ಚನ್ದೋ ಚ ಸುರಿಯೋ ಚ [ಸೂರಿಯೋ ಚ (ಕ.)] ಉಭೋ ಇಧಾಗತಾ, ಅಯಂ ಪನ ಮಾತಲಿ ದೇವಸಾರಥಿ;

ಸಕ್ಕೋಹಮಸ್ಮಿ ತಿದಸಾನಮಿನ್ದೋ, ಏಸೋ ಚ ಖೋ ಪಞ್ಚಸಿಖೋತಿ ವುಚ್ಚತಿ.

ಪಾಣಿಸ್ಸರಾ ¶ ಮುದಿಙ್ಗಾ ಚ [ಮುತಿಙ್ಗಾ ಚ (ಸೀ. ಸ್ಯಾ. ಪೀ.], ಮುರಜಾಲಮ್ಬರಾನಿ ಚ;

ಸುತ್ತಮೇನಂ ಪಬೋಧೇನ್ತಿ, ಪಟಿಬುದ್ಧೋ ಚ ನನ್ದತಿ.

ಯೇ ಕೇಚಿಮೇ ಮಚ್ಛರಿನೋ ಕದರಿಯಾ, ಪರಿಭಾಸಕಾ ಸಮಣಬ್ರಾಹ್ಮಣಾನಂ;

ಇಧೇವ ನಿಕ್ಖಿಪ್ಪ ಸರೀರದೇಹಂ, ಕಾಯಸ್ಸ ಭೇದಾ ನಿರಯಂ ವಜನ್ತಿ.

ಯೇ ¶ ಕೇಚಿಮೇ ಸುಗ್ಗತಿಮಾಸಮಾನಾ [ಸುಗ್ಗತಿಮಾಸಸಾನಾ (ಸೀ. ಪೀ.), ಸುಗ್ಗತಾಸಿಸಮಾನಾ (ಕ.)], ಧಮ್ಮೇ ¶ ಠಿತಾ ಸಂಯಮೇ ಸಂವಿಭಾಗೇ;

ಇಧೇವ ನಿಕ್ಖಿಪ್ಪ ಸರೀರದೇಹಂ, ಕಾಯಸ್ಸ ಭೇದಾ ಸುಗತಿಂ ವಜನ್ತಿ.

ತ್ವಂ ನೋಸಿ ಞಾತಿ ಪುರಿಮಾಸು ಜಾತಿಸು, ಸೋ ಮಚ್ಛರೀ ರೋಸಕೋ [ಕೋಸಿಯೋ (ಸ್ಯಾ. ಕ.)] ಪಾಪಧಮ್ಮೋ;

ತವೇವ ಅತ್ಥಾಯ ಇಧಾಗತಮ್ಹಾ, ಮಾ ಪಾಪಧಮ್ಮೋ ನಿರಯಂ ಗಮಿತ್ಥ [ಅಪ್ಪತ್ಥ (ಕ. ಸೀ. ಸ್ಯಾ. ಪೀ.)].

ಅದ್ಧಾ ಹಿ ಮಂ ವೋ ಹಿತಕಾಮಾ, ಯಂ ಮಂ ಸಮನುಸಾಸಥ;

ಸೋಹಂ ತಥಾ ಕರಿಸ್ಸಾಮಿ, ಸಬ್ಬಂ ವುತ್ತಂ ಹಿತೇಸಿಭಿ.

ಏಸಾಹಮಜ್ಜೇವ ಉಪಾರಮಾಮಿ, ನ ಚಾಪಿಹಂ [ನ ಚಾಪಹಂ (ಸೀ. ಪೀ.)] ಕಿಞ್ಚಿ ಕರೇಯ್ಯ ಪಾಪಂ;

ನ ಚಾಪಿ ಮೇ ಕಿಞ್ಚಿ ಅದೇಯ್ಯಮತ್ಥಿ, ನ ಚಾಪಿದತ್ವಾ ಉದಕಂ ಪಿವಾಮಿ [ಉದಕಮ್ಪಹಂ ಪಿಬೇ (ಸೀ.)].

ಏವಞ್ಚ ಮೇ ದದತೋ ಸಬ್ಬಕಾಲಂ [ಕಾಲೇ (ಕ.)], ಭೋಗಾ ಇಮೇ ವಾಸವ ಖೀಯಿಸ್ಸನ್ತಿ;

ತತೋ ಅಹಂ ಪಬ್ಬಜಿಸ್ಸಾಮಿ ಸಕ್ಕ, ಹಿತ್ವಾನ ಕಾಮಾನಿ ಯಥೋಧಿಕಾನೀತಿ.

ಯೇಸಂ ¶ ನ ಕದಾಚಿ ಭೂತಪುಬ್ಬಂ, ಸಖ್ಯಂ [ಸಕ್ಖಿಂ (ಸೀ. ಪೀ.), ಸಖಿ (ಸ್ಯಾ.)] ಸತ್ತಪದಮ್ಪಿಮಸ್ಮಿ ಲೋಕೇ;

ಜಾತಾ ಅಮಿತ್ತಾ ದುವೇ ಸಹಾಯಾ, ಪಟಿಸನ್ಧಾಯ ಚರನ್ತಿ ಕಿಸ್ಸ ಹೇತು.

ಯದಿ ¶ ಮೇ ಅಜ್ಜ ಪಾತರಾಸಕಾಲೇ, ಪಞ್ಹಂ ನ ಸಕ್ಕುಣೇಯ್ಯಾಥ ವತ್ತುಮೇತಂ;

ರಟ್ಠಾ ಪಬ್ಬಾಜಯಿಸ್ಸಾಮಿ ವೋ ಸಬ್ಬೇ, ನ ಹಿ ಮತ್ಥೋ ದುಪ್ಪಞ್ಞಜಾತಿಕೇಹಿ.

ಮಹಾಜನಸಮಾಗಮಮ್ಹಿ ಘೋರೇ, ಜನಕೋಲಾಹಲಸಙ್ಗಮಮ್ಹಿ ಜಾತೇ;

ವಿಕ್ಖಿತ್ತಮನಾ ಅನೇಕಚಿತ್ತಾ, ಪಞ್ಹಂ ನ ಸಕ್ಕುಣೋಮ ವತ್ತುಮೇತಂ.

ಏಕಗ್ಗಚಿತ್ತಾವ ಏಕಮೇಕಾ, ರಹಸಿ ಗತಾ ಅತ್ಥಂ ನಿಚಿನ್ತಯಿತ್ವಾ [ಅತ್ಥಾನಿ ಚಿನ್ತಯಿತ್ವಾ (ಸ್ಯಾ. ಕ.)];

ಪವಿವೇಕೇ ಸಮ್ಮಸಿತ್ವಾನ ಧೀರಾ, ಅಥ ವಕ್ಖನ್ತಿ ಜನಿನ್ದ ಏತಮತ್ಥಂ.

ಉಗ್ಗಪುತ್ತ-ರಾಜಪುತ್ತಿಯಾನಂ, ಉರಬ್ಭಸ್ಸ ಮಂಸಂ ಪಿಯಂ ಮನಾಪಂ;

ನ ಸುನಖಸ್ಸ ತೇ ಅದೇನ್ತಿ ಮಂಸಂ, ಅಥ ಮೇಣ್ಡಸ್ಸ ಸುಣೇನ ಸಖ್ಯಮಸ್ಸ.

ಚಮ್ಮಂ ವಿಹನನ್ತಿ ಏಳಕಸ್ಸ, ಅಸ್ಸಪಿಟ್ಠತ್ಥರಸ್ಸುಖಸ್ಸ [ಅಸ್ಸಪಿಟ್ಠತ್ಥರಣಸುಖಸ್ಸ (ಸೀ.)] ಹೇತು;

ನ ಚ ತೇ ಸುನಖಸ್ಸ ಅತ್ಥರನ್ತಿ, ಅಥ ¶ ಮೇಣ್ಡಸ್ಸ ಸುಣೇನ ಸಖ್ಯಮಸ್ಸ.

ಆವೇಲ್ಲಿತಸಿಙ್ಗಿಕೋ ¶ ಹಿ ಮೇಣ್ಡೋ, ನ ಚ ಸುನಖಸ್ಸ ವಿಸಾಣಕಾನಿ ಅತ್ಥಿ;

ತಿಣಭಕ್ಖೋ ಮಂಸಭೋಜನೋ ಚ, ಅಥ ಮೇಣ್ಡಸ್ಸ ಸುಣೇನ ಸಖ್ಯಮಸ್ಸ.

ತಿಣಮಾಸಿ ಪಲಾಸಮಾಸಿ ಮೇಣ್ಡೋ, ನ ಚ ಸುನಖೋ ತಿಣಮಾಸಿ ನೋ ಪಲಾಸಂ;

ಗಣ್ಹೇಯ್ಯ ಸುಣೋ ಸಸಂ ಬಿಳಾರಂ, ಅಥ ಮೇಣ್ಡಸ್ಸ ಸುಣೇನ ಸಖ್ಯಮಸ್ಸ.

ಅಟ್ಠಡ್ಢಪದೋ ¶ ಚತುಪ್ಪದಸ್ಸ, ಮೇಣ್ಡೋ ಅಟ್ಠನಖೋ ಅದಿಸ್ಸಮಾನೋ;

ಛಾದಿಯಮಾಹರತೀ ಅಯಂ ಇಮಸ್ಸ, ಮಂಸಂ ಆಹರತೀ ಅಯಂ ಅಮುಸ್ಸ.

ಪಾಸಾದವರಗತೋ ವಿದೇಹಸೇಟ್ಠೋ, ವಿತಿಹಾರಂ ಅಞ್ಞಮಞ್ಞಭೋಜನಾನಂ;

ಅದ್ದಕ್ಖಿ [ಅದ್ದಸ (ಸ್ಯಾ. ಕ.)] ಕಿರ ಸಕ್ಖಿಕಂ ಜನಿನ್ದೋ, ಬುಭುಕ್ಕಸ್ಸ ¶ ಪುಣ್ಣಂ ಮುಖಸ್ಸ [ಭೋಭುಕ್ಖಸ್ಸ ಚ ಪುಣ್ಣಮುಖಸ್ಸ (ಸೀ.)] ಚೇತಂ.

ಲಾಭಾ ವತ ಮೇ ಅನಪ್ಪರೂಪಾ, ಯಸ್ಸ ಮೇದಿಸಾ ಪಣ್ಡಿತಾ ಕುಲಮ್ಹಿ;

ಪಞ್ಹಸ್ಸ ಗಮ್ಭೀರಗತಂ ನಿಪುಣಮತ್ಥಂ, ಪಟಿವಿಜ್ಝನ್ತಿ ಸುಭಾಸಿತೇನ ಧೀರಾ.

ಅಸ್ಸತರಿರಥಞ್ಚ ಏಕಮೇಕಂ, ಫೀತಂ ಗಾಮವರಞ್ಚ ಏಕಮೇಕಂ;

ಸಬ್ಬೇಸಂ ವೋ ದಮ್ಮಿ ಪಣ್ಡಿತಾನಂ, ಪರಮಪ್ಪತೀತಮನೋ ಸುಭಾಸಿತೇನಾತಿ.

ನಾದಟ್ಠಾ [ನಾದಿಟ್ಠಾ (ಕ. ಸೀ. ಸ್ಯಾ. ಕ.)] ಪರತೋ ದೋಸಂ, ಅಣುಂ ಥೂಲಾನಿ ಸಬ್ಬಸೋ;

ಇಸ್ಸರೋ ಪಣಯೇ ದಣ್ಡಂ, ಸಾಮಂ ಅಪ್ಪಟಿವೇಕ್ಖಿಯ.

ಯೋ ಚ ಅಪ್ಪಟಿವೇಕ್ಖಿತ್ವಾ, ದಣ್ಡಂ ಕುಬ್ಬತಿ ಖತ್ತಿಯೋ;

ಸಕಣ್ಟಕಂ ಸೋ ಗಿಲತಿ, ಜಚ್ಚನ್ಧೋವ ಸಮಕ್ಖಿಕಂ.

ಅದಣ್ಡಿಯಂ ದಣ್ಡಯತಿ [ದಣ್ಡಿಯತಿ (ಸ್ಯಾ. ಪೀ.)], ದಣ್ಡಿಯಞ್ಚ ಅದಣ್ಡಿಯಂ [ಅದಣ್ಡಿಯ (ನಿಯ್ಯ), ನ ದಣ್ಡಯೇ (?)];

ಅನ್ಧೋವ ವಿಸಮಂ ಮಗ್ಗಂ, ನ ಜಾನಾತಿ ಸಮಾಸಮಂ.

ಯೋ ಚ ಏತಾನಿ ಠಾನಾನಿ, ಅಣುಂ ಥೂಲಾನಿ ಸಬ್ಬಸೋ;

ಸುದಿಟ್ಠಮನುಸಾಸೇಯ್ಯ, ಸ ವೇ ವೋಹರಿತು [ವೋಹಾತು (ಪೀ.)] ಮರಹತಿ.

ನೇಕನ್ತಮುದುನಾ ¶ ¶ ಸಕ್ಕಾ, ಏಕನ್ತತಿಖಿಣೇನ ವಾ;

ಅತ್ತಂ ಮಹನ್ತೇ [ಮಹತ್ತೇ (ಸ್ಯಾ. ಕ.)] ಠಪೇತುಂ [ಠಾಪೇತುಂ (ಸೀ. ಸ್ಯಾ. ಪೀ.)], ತಸ್ಮಾ ಉಭಯಮಾಚರೇ.

ಪರಿಭೂತೋ ಮುದು ಹೋತಿ, ಅತಿತಿಕ್ಖೋ ಚ ವೇರವಾ;

ಏತಞ್ಚ ಉಭಯಂ ಞತ್ವಾ, ಅನುಮಜ್ಝಂ ಸಮಾಚರೇ.

ಬಹುಮ್ಪಿ ರತ್ತೋ ಭಾಸೇಯ್ಯ, ದುಟ್ಠೋಪಿ ಬಹು ಭಾಸತಿ;

ನ ಇತ್ಥಿಕಾರಣಾ ರಾಜ, ಪುತ್ತಂ ಘಾತೇತುಮರಹಸಿ.

ಸಬ್ಬೋವ ¶ [ಸಬ್ಬೋ ಚ (ಕ. ಸೀ. ಪೀ.)] ಲೋಕೋ ಏಕತೋ [ಏಕನ್ತೋ (ಸೀ. ಪೀ.)], ಇತ್ಥೀ ಚ ಅಯಮೇಕಿಕಾ;

ತೇನಾಹಂ ಪಟಿಪಜ್ಜಿಸ್ಸಂ, ಗಚ್ಛಥ ಪಕ್ಖಿಪಥೇವ [ಪಕ್ಖಿಪೇಥ (ಸ್ಯಾ. ಅಟ್ಠ.)] ತಂ.

ಅನೇಕತಾಲೇ ನರಕೇ, ಗಮ್ಭೀರೇ ಚ ಸುದುತ್ತರೇ [ಗಮ್ಭೀರೇ ಸುದುರುತ್ತರೇ (ಪೀ. ಕ.)];

ಪಾತಿತೋ ಗಿರಿದುಗ್ಗಸ್ಮಿಂ, ಕೇನ ತ್ವಂ ತತ್ಥ ನಾಮರಿ.

ನಾಗೋ ಜಾತಫಣೋ ತತ್ಥ, ಥಾಮವಾ ಗಿರಿಸಾನುಜೋ;

ಪಚ್ಚಗ್ಗಹಿ ಮಂ ಭೋಗೇಹಿ, ತೇನಾಹಂ ತತ್ಥ ನಾಮರಿಂ.

ಏಹಿ ತಂ ಪಟಿನೇಸ್ಸಾಮಿ, ರಾಜಪುತ್ತ ಸಕಂ ಘರಂ;

ರಜ್ಜಂ ಕಾರೇಹಿ [ಕಾರೇಸಿ (ಸೀ.)] ಭದ್ದನ್ತೇ, ಕಿಂ ಅರಞ್ಞೇ ಕರಿಸ್ಸಸಿ.

ಯಥಾ ಗಿಲಿತ್ವಾ ಬಳಿಸಂ, ಉದ್ಧರೇಯ್ಯ ಸಲೋಹಿತಂ;

ಉದ್ಧರಿತ್ವಾ ಸುಖೀ ಅಸ್ಸ, ಏವಂ [ಸುಖಂ (ಪೀ. ಕ.)] ಪಸ್ಸಾಮಿ ಅತ್ತನಂ [ಅತ್ತನಿ (ಪೀ. ಕ.), ಅತ್ತನಾ (ಸ್ಯಾ.), ಏವಂ ಅಹಮ್ಪಿ ಪುನ ಸೋತ್ಥಿಭಾವಪ್ಪತ್ತಂ ಗಿಲಿತಬಳಿಸಂ ಪುರಿಸಮಿವ ಅತ್ತಾನಂ ಪಸ್ಸಾಮೀತಿ (ಅಟ್ಠ. ಸಂವಣ್ಣನಾ)].

ಕಿಂ ನು ತ್ವಂ ಬಳಿಸಂ ಬ್ರೂಸಿ, ಕಿಂ ತ್ವಂ ಬ್ರೂಸಿ ಸಲೋಹಿತಂ;

ಕಿಂ ನು ತ್ವಂ ಉಬ್ಭತಂ ಬ್ರೂಸಿ, ತಂ ಮೇ ಅಕ್ಖಾಹಿ ಪುಚ್ಛಿತೋ.

ಕಾಮಾಹಂ ಬಳಿಸಂ ಬ್ರೂಮಿ, ಹತ್ಥಿಅಸ್ಸಂ ಸಲೋಹಿತಂ;

ಚತ್ತಾಹಂ ಉಬ್ಭತಂ ಬ್ರೂಮಿ, ಏವಂ ಜಾನಾಹಿ ಖತ್ತಿಯ.

ಚಿಞ್ಚಾಮಾಣವಿಕಾ ¶ ಮಾತಾ, ದೇವದತ್ತೋ ಚ ಮೇ ಪಿತಾ;

ಆನನ್ದೋ ಪಣ್ಡಿತೋ ನಾಗೋ, ಸಾರಿಪುತ್ತೋ ಚ ದೇವತಾ;

ರಾಜಪುತ್ತೋ ಅಹಂ ಆಸಿಂ [ಅಹಂ ತದಾ ರಾಜಪುತ್ತೋ (ಸೀ. ಸ್ಯಾ. ಪೀ.)], ಏವಂ ಧಾರೇಥ ಜಾತಕನ್ತಿ.

ಕಾನಿ ¶ ಕಮ್ಮಾನಿ ಕುಬ್ಬಾನಂ, ಕಥಂ ವಿಞ್ಞೂ ಪರಕ್ಕಮೇ;

ಅಮಿತ್ತಂ ಜಾನೇಯ್ಯ ಮೇಧಾವೀ, ದಿಸ್ವಾ ಸುತ್ವಾ ಚ ಪಣ್ಡಿತೋ.

ನ ನಂ ಉಮ್ಹಯತೇ ದಿಸ್ವಾ, ನ ಚ ನಂ ಪಟಿನನ್ದತಿ;

ಚಕ್ಖೂನಿ ಚಸ್ಸ [ಚಕ್ಖೂನಿಸ್ಸ (ಸ್ಯಾ. ಕ.)] ನ ದದಾತಿ, ಪಟಿಲೋಮಞ್ಚ ವತ್ತತಿ.

ಅಮಿತ್ತೇ ತಸ್ಸ ಭಜತಿ, ಮಿತ್ತೇ ತಸ್ಸ ನ ಸೇವತಿ;

ವಣ್ಣಕಾಮೇ ನಿವಾರೇತಿ, ಅಕ್ಕೋಸನ್ತೇ ಪಸಂಸತಿ.

ಗುಯ್ಹಞ್ಚ ತಸ್ಸ ನಕ್ಖಾತಿ, ತಸ್ಸ ಗುಯ್ಹಂ ನ ಗೂಹತಿ;

ಕಮ್ಮಂ ತಸ್ಸ ನ ವಣ್ಣೇತಿ, ಪಞ್ಞಸ್ಸ ನಪ್ಪಸಂಸತಿ.

ಅಭವೇ ¶ ನನ್ದತಿ ತಸ್ಸ, ಭವೇ ತಸ್ಸ ನ ನನ್ದತಿ;

ಅಚ್ಛೇರಂ [ಅಚ್ಛರಿಯಂ (ಸೀ. ಸ್ಯಾ. ಪೀ.)] ಭೋಜನಂ ಲದ್ಧಾ, ತಸ್ಸ ನುಪ್ಪಜ್ಜತೇ ಸತಿ;

ತತೋ ನಂ ನಾನುಕಮ್ಪತಿ, ಅಹೋ ಸೋಪಿ [ಅಹಾಸೋಪಿ (ಕ. ಸೀ. ಸ್ಯಾ. ಕ.)] ಲಭೇಯ್ಯಿತೋ.

ಇಚ್ಚೇತೇ ಸೋಳಸಾಕಾರಾ, ಅಮಿತ್ತಸ್ಮಿಂ ಪತಿಟ್ಠಿತಾ;

ಯೇಹಿ ಅಮಿತ್ತಂ ಜಾನೇಯ್ಯ, ದಿಸ್ವಾ ಸುತ್ವಾ ಚ ಪಣ್ಡಿತೋ.

ಕಾನಿ ಕಮ್ಮಾನಿ ಕುಬ್ಬಾನಂ, ಕಥಂ ವಿಞ್ಞೂ ಪರಕ್ಕಮೇ;

ಮಿತ್ತಂ ¶ ಜಾನೇಯ್ಯ ಮೇಧಾವೀ, ದಿಸ್ವಾ ಸುತ್ವಾ ಚ ಪಣ್ಡಿತೋ.

ಪವುತ್ಥಂ ತಸ್ಸ ಸರತಿ, ಆಗತಂ ಅಭಿನನ್ದತಿ;

ತತೋ ಕೇಲಾಯಿತೋ ಹೋತಿ, ವಾಚಾಯ ಪಟಿನನ್ದತಿ.

ಮಿತ್ತೇ ತಸ್ಸೇವ ಭಜತಿ, ಅಮಿತ್ತೇ ತಸ್ಸ ನ ಸೇವತಿ;

ಅಕ್ಕೋಸನ್ತೇ ನಿವಾರೇತಿ, ವಣ್ಣಕಾಮೇ ಪಸಂಸತಿ.

ಗುಯ್ಹಞ್ಚ ತಸ್ಸ ಅಕ್ಖಾತಿ, ತಸ್ಸ ಗುಯ್ಹಞ್ಚ ಗೂಹತಿ;

ಕಮ್ಮಞ್ಚ ತಸ್ಸ ವಣ್ಣೇತಿ, ಪಞ್ಞಂ ತಸ್ಸ [ಪಞ್ಞಮಸ್ಸ (ಸ್ಯಾ. ಕ.)] ಪಸಂಸತಿ.

ಭವೇ ಚ ನನ್ದತಿ ತಸ್ಸ [ಭವೇ ನನ್ದತಿ ತಸ್ಸ ಚ (ಕ.)], ಅಭವೇ ತಸ್ಸ ನ ನನ್ದತಿ;

ಅಚ್ಛೇರಂ [ಅಚ್ಛರಿಯಂ (ಸೀ. ಸ್ಯಾ. ಪೀ.)] ಭೋಜನಂ ಲದ್ಧಾ, ತಸ್ಸ ಉಪ್ಪಜ್ಜತೇ ಸತಿ;

ತತೋ ನಂ ಅನುಕಮ್ಪತಿ, ಅಹೋ ಸೋಪಿ [ಪಹಾಸೋಪಿ (ಕ. ಸೀ. ಸ್ಯಾ. ಕ.)] ಲಭೇಯ್ಯಿತೋ.

ಇಚ್ಚೇತೇ ¶ ಸೋಳಸಾಕಾರಾ, ಮಿತ್ತಸ್ಮಿಂ ಸುಪ್ಪತಿಟ್ಠಿತಾ;

ಯೇಹಿ ಮಿತ್ತಞ್ಚ ಜಾನೇಯ್ಯ [ಮಿತ್ತಂ ಸುಜಾನೇಯ್ಯ (ಪೀ. ಕ.)], ದಿಸ್ವಾ ಸುತ್ವಾ ಚ ಪಣ್ಡಿತೋತಿ.

ಲಹುಚಿತ್ತ ಸಸಾಲ ಕಸನ್ತಿ ಪುನ, ಅಥ ಕಾಮ ದಸಖಲುಟ್ಠಾನವರೋ;

ಅಥ ಕಣ್ಹ ಸುಕೋಸಿಯ ಮೇಣ್ಡವರೋ, ಪದುಮೋ ಪುನ ಮಿತ್ತವರೇನ ದಸಾತಿ.

ಅಹಾಸಿ ¶ ¶ ¶ [ಆಹಾಸಿ (?)] ಮೇ ಅಮ್ಬಫಲಾನಿ ಪುಬ್ಬೇ, ಅಣೂನಿ ಥೂಲಾನಿ ಚ ಬ್ರಹ್ಮಚಾರಿ;

ತೇಹೇವ ಮನ್ತೇಹಿ ನ ದಾನಿ ತುಯ್ಹಂ, ದುಮಪ್ಫಲಾ ಪಾತುಭವನ್ತಿ ಬ್ರಹ್ಮೇ.

ನಕ್ಖತ್ತಯೋಗಂ ಪಟಿಮಾನಯಾಮಿ, ಖಣಂ ಮುಹುತ್ತಞ್ಚ ಮನ್ತೇ ನ ಪಸ್ಸಂ [ಖಣಂ ಮುಹುತ್ತಂ ನ ಮಂ ತೋಸಯನ್ತಿ (ಸೀ. ಪೀ.)];

ನಕ್ಖತ್ತಯೋಗಞ್ಚ ಖಣಞ್ಚ ಲದ್ಧಾ, ಅದ್ಧಾಹರಿಸ್ಸಮ್ಬಫಲಂ [ಅಥಾಹರಿಸ್ಸಮ್ಬಫಲಂ (ಸೀ. ಪೀ.)] ಪಹೂತಂ.

ನಕ್ಖತ್ತಯೋಗಂ ನ ಪುರೇ ಅಭಾಣಿ, ಖಣಂ ಮುಹುತ್ತಂ ನ ಪುರೇ ಅಸಂಸಿ;

ಸಯಂ ಹರೀ [ಅಥಾಹರೀ (ಸೀ. ಸ್ಯಾ. ಪೀ.)] ಅಮ್ಬಫಲಂ ಪಹೂತಂ, ವಣ್ಣೇನ ಗನ್ಧೇನ ರಸೇನುಪೇತಂ.

ಮನ್ತಾಭಿಜಪ್ಪೇನ ಪುರೇ ಹಿ [ಪುರ’ಸ್ಸ (ಸೀ. ಪೀ.), ಪುರೇಪಿ (ಸ್ಯಾ.)] ತುಯ್ಹಂ, ದುಮಪ್ಫಲಾ ಪಾತುಭವನ್ತಿ ಬ್ರಹ್ಮೇ;

ಸ್ವಾಜ್ಜ ನ ಪಾರೇಸಿ ಜಪ್ಪಮ್ಪಿ ಮನ್ತಂ [ಜಪಮ್ಪಿ ಮನ್ತೇ (ಸೀ. ಪೀ.)], ಅಯಂ ಸೋ ಕೋ ನಾಮ ತವಜ್ಜ ಧಮ್ಮೋ.

ಚಣ್ಡಾಲಪುತ್ತೋ ¶ ಮಮ ಸಮ್ಪದಾಸಿ, ಧಮ್ಮೇನ ಮನ್ತೇ ಪಕತಿಞ್ಚ ಸಂಸಿ;

ಮಾ ಚಸ್ಸು ಮೇ ಪುಚ್ಛಿತೋ ನಾಮಗೋತ್ತಂ, ಗುಯ್ಹಿತ್ಥೋ ಅತ್ಥಂ [ಮಾ ತಂ (ಸೀ. ಸ್ಯಾ. ಪೀ.)] ವಿಜಹೇಯ್ಯ ಮನ್ತೋ [ವಿಜಹೇಯ್ಯುಮನ್ತಾ (ಸ್ಯಾ.)].

ಸೋಹಂ ¶ ಜನಿನ್ದೇನ ಜನಮ್ಹಿ ಪುಟ್ಠೋ, ಮಕ್ಖಾಭಿಭೂತೋ ಅಲಿಕಂ ಅಭಾಣಿಂ;

‘‘ಮನ್ತಾ ಇಮೇ ಬ್ರಾಹ್ಮಣಸ್ಸಾ’’ತಿ ಮಿಚ್ಛಾ, ಪಹೀನಮನ್ತೋ ಕಪಣೋ ರುದಾಮಿ.

ಏರಣ್ಡಾ ಪುಚಿಮನ್ದಾ ವಾ, ಅಥ ವಾ ಪಾಲಿಭದ್ದಕಾ;

ಮಧುಂ ಮಧುತ್ಥಿಕೋ ವಿನ್ದೇ, ಸೋ ಹಿ ತಸ್ಸ ದುಮುತ್ತಮೋ.

ಖತ್ತಿಯಾ ಬ್ರಾಹ್ಮಣಾ ವೇಸ್ಸಾ, ಸುದ್ದಾ ಚಣ್ಡಾಲಪುಕ್ಕುಸಾ;

ಯಮ್ಹಾ ಧಮ್ಮಂ ವಿಜಾನೇಯ್ಯ, ಸೋ ಹಿ ತಸ್ಸ ನರುತ್ತಮೋ.

ಇಮಸ್ಸ ದಣ್ಡಞ್ಚ ವಧಞ್ಚ ದತ್ವಾ, ಗಲೇ ಗಹೇತ್ವಾ ಖಲಯಾಥ [ಬಲಯಾಥ (ಸ್ಯಾ.), ಗಲಯಾಥ (ಕ.)] ಜಮ್ಮಂ;

ಯೋ ಉತ್ತಮತ್ಥಂ ಕಸಿರೇನ ಲದ್ಧಂ, ಮಾನಾತಿಮಾನೇನ ವಿನಾಸಯಿತ್ಥ.

ಯಥಾ ಸಮಂ ಮಞ್ಞಮಾನೋ ಪತೇಯ್ಯ, ಸೋಬ್ಭಂ ಗುಹಂ ನರಕಂ ಪೂತಿಪಾದಂ;

ರಜ್ಜೂತಿ ವಾ ಅಕ್ಕಮೇ ಕಣ್ಹಸಪ್ಪಂ, ಅನ್ಧೋ ¶ ಯಥಾ ಜೋತಿಮಧಿಟ್ಠಹೇಯ್ಯ;

ಏವಮ್ಪಿ ಮಂ ತ್ವಂ ಖಲಿತಂ ಸಪಞ್ಞ [ಸಪಞ್ಞಾ (ಪೀ.)], ಪಹೀನಮನ್ತಸ್ಸ ಪುನಪ್ಪದಾಹಿ [ಪುನ ಸಮ್ಪದಾಹಿ (ಸ್ಯಾ.), ಪುನಪ್ಪಸೀದ (ಸೀ. ಪೀ.)].

ಧಮ್ಮೇನ ಮನ್ತಂ [ಮನ್ತೇ (ಸೀ. ಸ್ಯಾ. ಪೀ.)] ತವ ಸಮ್ಪದಾಸಿಂ, ತುವಮ್ಪಿ ಧಮ್ಮೇನ [ತ್ವಮ್ಪಿ ಧಮ್ಮೇನೇವ (ಕ.)] ಪರಿಗ್ಗಹೇಸಿ;

ಪಕತಿಮ್ಪಿ ತೇ ಅತ್ತಮನೋ ಅಸಂಸಿಂ, ಧಮ್ಮೇ ಠಿತಂ ತಂ [ಪತಿಟ್ಠಂ (ಕ.)] ನ ಜಹೇಯ್ಯ ಮನ್ತೋ.

ಯೋ ¶ ಬಾಲ ಮನ್ತಂ [ಬಲಮನ್ತಂ (ಕ.)] ಕಸಿರೇನ ಲದ್ಧಂ, ಯಂ ದುಲ್ಲಭಂ ಅಜ್ಜ ಮನುಸ್ಸಲೋಕೇ;

ಕಿಞ್ಚಾಪಿ ಲದ್ಧಾ ಜೀವಿತುಂ ಅಪ್ಪಪಞ್ಞೋ [ಕಿಚ್ಛಾ ಲದ್ಧಂ ಜೀವಿಕಂ ಅಪ್ಪಪಞ್ಞೋ (ಸೀ. ಸ್ಯಾ.), ಕಚ್ಛಾಪಿ ಲದ್ಧಾ ಜೀವಿಕಂ ಅಪ್ಪಞ್ಞ (ಪೀ.)], ವಿನಾಸಯೀ ಅಲಿಕಂ ಭಾಸಮಾನೋ.

ಬಾಲಸ್ಸ ¶ ಮೂಳ್ಹಸ್ಸ ಅಕತಞ್ಞುನೋ ಚ, ಮುಸಾ ಭಣನ್ತಸ್ಸ ಅಸಞ್ಞತಸ್ಸ;

ಮನ್ತೇ ಮಯಂ ತಾದಿಸಕೇ ನ ದೇಮ, ಕುತೋ ಮನ್ತಾ ಗಚ್ಛ ನ ಮಯ್ಹ ರುಚ್ಚಸೀತಿ.

ಕುಠಾರಿಹತ್ಥೋ ¶ [ಕುಧಾರಿಹತ್ಥೋ (ಕ.)] ಪುರಿಸೋ, ವನಮೋಗಯ್ಹ ತಿಟ್ಠಸಿ;

ಪುಟ್ಠೋ ಮೇ ಸಮ್ಮ ಅಕ್ಖಾಹಿ, ಕಿಂ ದಾರುಂ ಛೇತುಮಿಚ್ಛಸಿ.

ಇಸ್ಸೋ [ಇಸೋ (ಸೀ.), ಈಸೋ (ಸ್ಯಾ. ಪೀ.)] ವನಾನಿ ಚರಸಿ, ಸಮಾನಿ ವಿಸಮಾನಿ ಚ;

ಪುಟ್ಠೋ ಮೇ ಸಮ್ಮ ಅಕ್ಖಾಹಿ, ಕಿಂ ದಾರುಂ ನೇಮಿಯಾ ದಳ್ಹಂ.

ನೇವ ಸಾಲೋ ನ ಖದಿರೋ, ನಾಸ್ಸಕಣ್ಣೋ ಕುತೋ ಧವೋ;

ರುಕ್ಖೋ ಚ [ರುಕ್ಖೋವ (ಸೀ. ಪೀ.)] ಫನ್ದನೋ ನಾಮ, ತಂ ದಾರುಂ ನೇಮಿಯಾ ದಳ್ಹಂ.

ಕೀದಿಸಾನಿಸ್ಸ ಪತ್ತಾನಿ, ಖನ್ಧೋ ವಾ ಪನ ಕೀದಿಸೋ;

ಪುಟ್ಠೋ ಮೇ ಸಮ್ಮ ಅಕ್ಖಾಹಿ, ಯಥಾ ಜಾನೇಮು ಫನ್ದನಂ.

ಯಸ್ಸ ಸಾಖಾ ಪಲಮ್ಬನ್ತಿ, ನಮನ್ತಿ ನ ಚ ಭಞ್ಜರೇ;

ಸೋ ರುಕ್ಖೋ ಫನ್ದನೋ ನಾಮ, ಯಸ್ಸ ಮೂಲೇ ಅಹಂ ಠಿತೋ.

ಅರಾನಂ ಚಕ್ಕನಾಭೀನಂ, ಈಸಾನೇಮಿರಥಸ್ಸ ಚ;

ಸಬ್ಬಸ್ಸ ತೇ ಕಮ್ಮನಿಯೋ, ಅಯಂ ಹೇಸ್ಸತಿ ಫನ್ದನೋ.

ಇತಿ ಫನ್ದನರುಕ್ಖೋಪಿ, ತಾವದೇ ಅಜ್ಝಭಾಸಥ;

ಮಯ್ಹಮ್ಪಿ ವಚನಂ ಅತ್ಥಿ, ಭಾರದ್ವಾಜ ಸುಣೋಹಿ ಮೇ.

ಇಸ್ಸಸ್ಸ [ಇಮಸ್ಸ (ಕ. ಸೀ. ಕ.)] ಉಪಕ್ಖನ್ಧಮ್ಹಾ [ಉಪಖನ್ಧಮ್ಹಾ (ಕ. ಸೀ. ಪೀ. ಕ.)], ಉಕ್ಕಚ್ಚ ಚತುರಙ್ಗುಲಂ;

ತೇನ ನೇಮಿಂ ಪಸಾರೇಸಿ [ಪರಿಹರೇಸಿ (ಸೀ. ಪೀ.)], ಏವಂ ದಳ್ಹತರಂ ಸಿಯಾ.

ಇತಿ ಫನ್ದನರುಕ್ಖೋಪಿ, ವೇರಂ ಅಪ್ಪೇಸಿ ತಾವದೇ;

ಜಾತಾನಞ್ಚ ಅಜಾತಾನಂ, ಇಸ್ಸಾನಂ ದುಕ್ಖಮಾವಹಿ.

ಇಚ್ಚೇವಂ ¶ [ಇಚ್ಚೇವ (ಸೀ. ಪೀ.)] ಫನ್ದನೋ ಇಸ್ಸಂ, ಇಸ್ಸೋ ಚ ಪನ ಫನ್ದನಂ;

ಅಞ್ಞಮಞ್ಞಂ ¶ ವಿವಾದೇನ, ಅಞ್ಞಮಞ್ಞಮಘಾತಯುಂ.

ಏವಮೇವ ಮನುಸ್ಸಾನಂ, ವಿವಾದೋ ಯತ್ಥ ಜಾಯತಿ;

ಮಯೂರನಚ್ಚಂ ನಚ್ಚನ್ತಿ, ಯಥಾ ತೇ ಇಸ್ಸಫನ್ದನಾ.

ತಂ ¶ ವೋ ವದಾಮಿ ಭದ್ದಂ ವೋ [ಭದ್ದನ್ತೇ (ಕ.)], ಯಾವನ್ತೇತ್ಥ ಸಮಾಗತಾ;

ಸಮ್ಮೋದಥ ಮಾ ವಿವದಥ [ಮಾವಿವದಿತ್ಥ (ಸೀ. ಸ್ಯಾ. ಪೀ.)], ಮಾ ಹೋಥ ಇಸ್ಸಫನ್ದನಾ.

ಸಾಮಗ್ಗಿಮೇವ [ಸಾಮಗ್ಯಮೇವ (ಸ್ಯಾ. ಕ.)] ಸಿಕ್ಖೇಥ, ಬುದ್ಧೇಹೇತಂ ಪಸಂಸಿತಂ;

ಸಾಮಗ್ಗಿರತೋ ಧಮ್ಮಟ್ಠೋ, ಯೋಗಕ್ಖೇಮಾ ನ ಧಂಸತೀತಿ.

ಇಧೇವ ಹಂಸ ನಿಪತ, ಪಿಯಂ ಮೇ ತವ ದಸ್ಸನಂ;

ಇಸ್ಸರೋಸಿ ಅನುಪ್ಪತ್ತೋ, ಯಮಿಧತ್ಥಿ ಪವೇದಯ.

ಸವನೇನ ಏಕಸ್ಸ ಪಿಯಾ ಭವನ್ತಿ, ದಿಸ್ವಾ ಪನೇಕಸ್ಸ ವಿಯೇತಿ [ವಿನೇತಿ (ಸ್ಯಾ.), ವಿಹೇತಿ (ಪೀ.), ವಿಗೇತಿ (ಕ. ಅಟ್ಠ.)] ಛನ್ದೋ;

ದಿಸ್ವಾ ಚ ಸುತ್ವಾ ಚ ಪಿಯಾ ಭವನ್ತಿ, ಕಚ್ಚಿನ್ನು ಮೇ ಪೀಯಸಿ [ಪಿಯ್ಯಸಿ (ಸೀ. ಪೀ.)] ದಸ್ಸನೇನ.

ಸವನೇನ ಪಿಯೋ ಮೇಸಿ, ಭಿಯ್ಯೋ ಚಾಗಮ್ಮ ದಸ್ಸನಂ;

ಏವಂ ಪಿಯದಸ್ಸನೋ ಮೇ [ಏವಂ ಪಿಯದಸ್ಸನೋ ಸಮಾನೋ (ಸೀ. ಸ್ಯಾ. ಪೀ.)], ವಸ ಹಂಸ ಮಮನ್ತಿಕೇ [ಮಮ ಸನ್ತಿಕೇ (ಸೀ. ಸ್ಯಾ. ಪೀ.)].

ವಸೇಯ್ಯಾಮ ತವಾಗಾರೇ, ನಿಚ್ಚಂ ಸಕ್ಕತಪೂಜಿತಾ;

ಮತ್ತೋ ಚ ಏಕದಾ ವಜ್ಜೇ [ವಜ್ಜಾ (ಸೀ. ಪೀ.)], ‘‘ಹಂಸರಾಜಂ ಪಚನ್ತು ಮೇ’’.

ಧಿರತ್ಥು ¶ ತಂ ಮಜ್ಜಪಾನಂ, ಯಂ ಮೇ ಪಿಯತರಂ ತಯಾ;

ನ ಚಾಪಿ ಮಜ್ಜಂ ಪಿಸ್ಸಾಮಿ [ಪಿವಿಸ್ಸಾಮಿ (ಸ್ಯಾ.), ಪಾಯಾಮಿ (ಸೀ. ಪೀ.)], ಯಾವ ಮೇ ವಚ್ಛಸೀ ಘರೇ.

ಸುವಿಜಾನಂ ¶ ಸಿಙ್ಗಾಲಾನಂ, ಸಕುಣಾನಞ್ಚ [ಸಕುನ್ತಾನಞ್ಚ (ಸೀ. ಸ್ಯಾ. ಪೀ.)] ವಸ್ಸಿತಂ;

ಮನುಸ್ಸವಸ್ಸಿತಂ ರಾಜ, ದುಬ್ಬಿಜಾನತರಂ ತತೋ.

ಅಪಿ ಚೇ ಮಞ್ಞತೀ ಪೋಸೋ, ಞಾತಿ ಮಿತ್ತೋ ಸಖಾತಿ ವಾ;

ಯೋ ಪುಬ್ಬೇ ಸುಮನೋ ಹುತ್ವಾ, ಪಚ್ಛಾ ಸಮ್ಪಜ್ಜತೇ ದಿಸೋ.

ಯಸ್ಮಿಂ ಮನೋ ನಿವಿಸತಿ, ಅವಿದೂರೇ ಸಹಾಪಿ ಸೋ;

ಸನ್ತಿಕೇಪಿ ಹಿ ಸೋ ದೂರೇ, ಯಸ್ಮಿಂ ನಾವಿಸತೇ [ಯಸ್ಮಾ ವಿವಸತೇ (ಸೀ. ಸ್ಯಾ. ಪೀ.)] ಮನೋ.

ಅನ್ತೋಪಿ ಸೋ ಹೋತಿ ಪಸನ್ನಚಿತ್ತೋ, ಪಾರಂ ಸಮುದ್ದಸ್ಸ ಪಸನ್ನಚಿತ್ತೋ;

ಅನ್ತೋಪಿ ಸೋ ಹೋತಿ ಪದುಟ್ಠಚಿತ್ತೋ, ಪಾರಂ ಸಮುದ್ದಸ್ಸ ಪದುಟ್ಠಚಿತ್ತೋ.

ಸಂವಸನ್ತಾ ವಿವಸನ್ತಿ, ಯೇ ದಿಸಾ ತೇ ರಥೇಸಭ;

ಆರಾ ಸನ್ತೋ ಸಂವಸನ್ತಿ, ಮನಸಾ ರಟ್ಠವಡ್ಢನ.

ಅತಿಚಿರಂ ನಿವಾಸೇನ, ಪಿಯೋ ಭವತಿ ಅಪ್ಪಿಯೋ;

ಆಮನ್ತ ಖೋ ತಂ ಗಚ್ಛಾಮ [ಗಚ್ಛಾಮಿ (ಸ್ಯಾ.)], ಪುರಾ ತೇ ಹೋಮ ಅಪ್ಪಿಯಾ [ಹೋಮಿ ಅಪ್ಪಿಯೋ (ಸ್ಯಾ.)].

ಏವಂ ¶ ಚೇ ಯಾಚಮಾನಾನಂ, ಅಞ್ಜಲಿಂ ನಾವಬುಜ್ಝಸಿ;

ಪರಿಚಾರಕಾನಂ ಸತಂ [ಸನ್ತಾನಂ (ಸೀ. ಸ್ಯಾ.), ಸತ್ತಾನಂ (ಪೀ.)], ವಚನಂ ನ ಕರೋಸಿ ನೋ;

ಏವಂ ತಂ ಅಭಿಯಾಚಾಮ, ಪುನ ಕಯಿರಾಸಿ ಪರಿಯಾಯಂ.

ಏವಂ ಚೇ ನೋ ವಿಹರತಂ, ಅನ್ತರಾಯೋ ನ ಹೇಸ್ಸತಿ;

ತುಯ್ಹಞ್ಚಾಪಿ ¶ [ವಾಪಿ (ಸ್ಯಾ. ಪೀ. ಕ.)] ಮಹಾರಾಜ, ಮಯ್ಹಞ್ಚ [ವಾ (ಬಹೂಸು)] ರಟ್ಠವಡ್ಢನ;

ಅಪ್ಪೇವ ನಾಮ ಪಸ್ಸೇಮು [ಪಸ್ಸೇಮ (ಸೀ. ಸ್ಯಾ. ಪೀ.)], ಅಹೋರತಾನಮಚ್ಚಯೇತಿ.

ನ ತೇ ಕಟ್ಠಾನಿ ಭಿನ್ನಾನಿ, ನ ತೇ ಉದಕಮಾಭತಂ;

ಅಗ್ಗೀಪಿ ತೇ ನ ಹಾಪಿತೋ [ಹಾಸಿತೋ (ಸೀ. ಸ್ಯಾ.)], ಕಿಂ ನು ಮನ್ದೋವ ಝಾಯಸಿ.

ನ ¶ ಉಸ್ಸಹೇ ವನೇ ವತ್ಥುಂ, ಕಸ್ಸಪಾಮನ್ತಯಾಮಿ ತಂ;

ದುಕ್ಖೋ ವಾಸೋ ಅರಞ್ಞಸ್ಮಿಂ, ರಟ್ಠಂ ಇಚ್ಛಾಮಿ ಗನ್ತವೇ.

ಯಥಾ ಅಹಂ ಇತೋ ಗನ್ತ್ವಾ, ಯಸ್ಮಿಂ ಜನಪದೇ ವಸಂ;

ಆಚಾರಂ ಬ್ರಹ್ಮೇ [ಬ್ರಹ್ಮಂ (ಕ.)] ಸಿಕ್ಖೇಯ್ಯಂ, ತಂ ಧಮ್ಮಂ ಅನುಸಾಸ ಮಂ.

ಸಚೇ ಅರಞ್ಞಂ ಹಿತ್ವಾನ, ವನಮೂಲಫಲಾನಿ ಚ;

ರಟ್ಠೇ ರೋಚಯಸೇ ವಾಸಂ, ತಂ ಧಮ್ಮಂ ನಿಸಾಮೇಹಿ ಮೇ.

ವಿಸಂ ಮಾ ಪಟಿಸೇವಿತ್ಥೋ [ಪಟಿಸೇವಿತ್ಥ (ಸ್ಯಾ. ಕ.)], ಪಪಾತಂ ಪರಿವಜ್ಜಯ;

ಪಙ್ಕೇ ಚ ಮಾ ವಿಸೀದಿತ್ಥೋ [ಪಙ್ಕೋ ಚ ಮಾ ವಿಸಿಯಿತ್ಥೋ (ಕ.)], ಯತ್ತೋ ಚಾಸೀವಿಸೇ ಚರೇ.

ಕಿಂ ನು ವಿಸಂ ಪಪಾತೋ ವಾ, ಪಙ್ಕೋ ವಾ ಬ್ರಹ್ಮಚಾರಿನಂ;

ಕಂ ತ್ವಂ ಆಸೀವಿಸಂ ಬ್ರೂಸಿ, ತಂ ಮೇ ಅಕ್ಖಾಹಿ ಪುಚ್ಛಿತೋ;

ಆಸವೋ ತಾತ ಲೋಕಸ್ಮಿಂ, ಸುರಾ ನಾಮ ಪವುಚ್ಚತಿ;

ಮನುಞ್ಞೋ [ಮನುಞ್ಞಾ (ಸೀ. ಸ್ಯಾ. ಪೀ.)] ಸುರಭೀ ವಗ್ಗು, ಸಾದು [ಮಧು (ಸೀ. ಸ್ಯಾ.)] ಖುದ್ದರಸೂಪಮೋ [ರಸೂಪಮಾ (ಸೀ. ಸ್ಯಾ. ಪೀ.)];

ವಿಸಂ ತದಾಹು ಅರಿಯಾ ಸೇ, ಬ್ರಹ್ಮಚರಿಯಸ್ಸ ನಾರದ.

ಇತ್ಥಿಯೋ ¶ ತಾತ ಲೋಕಸ್ಮಿಂ, ಪಮತ್ತಂ ಪಮಥೇನ್ತಿ ತಾ;

ಹರನ್ತಿ ಯುವಿನೋ ಚಿತ್ತಂ, ತೂಲಂ ಭಟ್ಠಂವ ಮಾಲುತೋ;

ಪಪಾತೋ ಏಸೋ ಅಕ್ಖಾತೋ, ಬ್ರಹ್ಮಚರಿಯಸ್ಸ ನಾರದ.

ಲಾಭೋ ಸಿಲೋಕೋ ಸಕ್ಕಾರೋ, ಪೂಜಾ ಪರಕುಲೇಸು ಚ;

ಪಙ್ಕೋ ಏಸೋ ಚ [ಏಸೋವ (ಸೀ. ಸ್ಯಾ. ಪೀ.)] ಅಕ್ಖಾತೋ, ಬ್ರಹ್ಮಚರಿಯಸ್ಸ ನಾರದ.

ಸಸತ್ಥಾ ¶ [ಮಹನ್ತಾ (ಸ್ಯಾ. ಕ.)] ತಾತ ರಾಜಾನೋ, ಆವಸನ್ತಿ ಮಹಿಂ ಇಮಂ;

ತೇ ತಾದಿಸೇ ಮನುಸ್ಸಿನ್ದೇ, ಮಹನ್ತೇ ತಾತ ನಾರದ.

ಇಸ್ಸರಾನಂ ಅಧಿಪತೀನಂ, ನ ತೇಸಂ ಪಾದತೋ ಚರೇ;

ಆಸೀವಿಸೋತಿ [ಆಸೀವಿಸೋ ಸೋ (ಸೀ. ಪೀ.)] ಅಕ್ಖಾತೋ, ಬ್ರಹ್ಮಚರಿಯಸ್ಸ ನಾರದ.

ಭತ್ತತ್ಥೋ ಭತ್ತಕಾಲೇ ಚ [ಯಂ (ಸೀ. ಪೀ.)], ಯಂ ಗೇಹಮುಪಸಙ್ಕಮೇ;

ಯದೇತ್ಥ ಕುಸಲಂ ಜಞ್ಞಾ, ತತ್ಥ ಘಾಸೇಸನಂ ಚರೇ.

ಪವಿಸಿತ್ವಾ ¶ ಪರಕುಲಂ, ಪಾನತ್ಥಂ [ಪಾನತ್ಥೋ (ಸ್ಯಾ. ಪೀ.)] ಭೋಜನಾಯ ವಾ;

ಮಿತಂ ಖಾದೇ ಮಿತಂ ಭುಞ್ಜೇ, ನ ಚ ರೂಪೇ ಮನಂ ಕರೇ.

ಗೋಟ್ಠಂ ಮಜ್ಜಂ ಕಿರಾಟಞ್ಚ [ಕಿರಾಸಞ್ಚ (ಸೀ. ಸ್ಯಾ.), ಕಿರಾಸಂ ವಾ (ಪೀ.)], ಸಭಾ ನಿಕಿರಣಾನಿ ಚ;

ಆರಕಾ ಪರಿವಜ್ಜೇಹಿ, ಯಾನೀವ ವಿಸಮಂ ಪಥನ್ತಿ.

ದೂತೇ ¶ ತೇ ಬ್ರಹ್ಮೇ [ದೂತೇ ಬ್ರಾಹ್ಮಣ (ಕ.)] ಪಾಹೇಸಿಂ, ಗಙ್ಗಾತೀರಸ್ಮಿ ಝಾಯತೋ;

ತೇಸಂ ಪುಟ್ಠೋ ನ ಬ್ಯಾಕಾಸಿ, ದುಕ್ಖಂ ಗುಯ್ಹಮತಂ [ಗುಯ್ಹಂ ಮತಂ (ಸೀ.), ತುಯ್ಹಂ ಮತಂ (ಸ್ಯಾ. ಕ.)] ನು ತೇ.

ಸಚೇ ತೇ ದುಕ್ಖಮುಪ್ಪಜ್ಜೇ, ಕಾಸೀನಂ ರಟ್ಠವಡ್ಢನ;

ಮಾ ಖೋ ನಂ ತಸ್ಸ ಅಕ್ಖಾಹಿ, ಯೋ ತಂ ದುಕ್ಖಾ ನ ಮೋಚಯೇ.

ಯೋ ತಸ್ಸ [ಯೋ ಚ ತಥಾ (ಪೀ.)] ದುಕ್ಖಜಾತಸ್ಸ, ಏಕಙ್ಗಮಪಿ ಭಾಗಸೋ [ಏಕನ್ತಮಪಿ ಭಾಸತೋ (ಸೀ. ಪೀ.)];

ವಿಪ್ಪಮೋಚೇಯ್ಯ ಧಮ್ಮೇನ, ಕಾಮಂ ತಸ್ಸ ಪವೇದಯ [ಪವೇದಯೇ (ಸೀ.)].

ಸುವಿಜಾನಂ ಸಿಙ್ಗಾಲಾನಂ, ಸಕುಣಾನಞ್ಚ ವಸ್ಸಿತಂ;

ಮನುಸ್ಸವಸ್ಸಿತಂ ರಾಜ, ದುಬ್ಬಿಜಾನತರಂ ತತೋ.

ಅಪಿ ಚೇ ಮಞ್ಞತೀ ಪೋಸೋ, ಞಾತಿ ಮಿತ್ತೋ ಸಖಾತಿ ವಾ;

ಯೋ ಪುಬ್ಬೇ ಸುಮನೋ ಹುತ್ವಾ, ಪಚ್ಛಾ ಸಮ್ಪಜ್ಜತೇ ದಿಸೋ.

ಯೋ ಅತ್ತನೋ ದುಕ್ಖಮನಾನುಪುಟ್ಠೋ, ಪವೇದಯೇ ಜನ್ತು ಅಕಾಲರೂಪೇ;

ಆನನ್ದಿನೋ ತಸ್ಸ ಭವನ್ತಿಮಿತ್ತಾ [ಭವನ್ತ’ಮಿತ್ತಾ (ಸೀ. ಪೀ.)], ಹಿತೇಸಿನೋ ತಸ್ಸ ದುಖೀ ಭವನ್ತಿ.

ಕಾಲಞ್ಚ ಞತ್ವಾನ ತಥಾವಿಧಸ್ಸ, ಮೇಧಾವೀನಂ ಏಕಮನಂ ವಿದಿತ್ವಾ;

ಅಕ್ಖೇಯ್ಯ ತಿಬ್ಬಾನಿ [ತಿಪ್ಪಾನಿ (ಸೀ. ಸ್ಯಾ. ಪೀ.)] ಪರಸ್ಸ ಧೀರೋ, ಸಣ್ಹಂ ಗಿರಂ ಅತ್ಥವತಿಂ ಪಮುಞ್ಚೇ.

ಸಚೇ ¶ ¶ ಚ ಜಞ್ಞಾ ಅವಿಸಯ್ಹಮತ್ತನೋ, ನ ತೇ ಹಿ ಮಯ್ಹಂ [ನಾಯಂ ನೀತಿ ಮಯ್ಹ (ಸೀ. ಪೀ.)] ಸುಖಾಗಮಾಯ;

ಏಕೋವ ತಿಬ್ಬಾನಿ ಸಹೇಯ್ಯ ಧೀರೋ, ಸಚ್ಚಂ ಹಿರೋತ್ತಪ್ಪಮಪೇಕ್ಖಮಾನೋ.

ಅಹಂ ¶ ರಟ್ಠಾನಿ ವಿಚರನ್ತೋ, ನಿಗಮೇ ರಾಜಧಾನಿಯೋ;

ಭಿಕ್ಖಮಾನೋ ಮಹಾರಾಜ, ಆಚರಿಯಸ್ಸ ಧನತ್ಥಿಕೋ.

ಗಹಪತೀ ರಾಜಪುರಿಸೇ, ಮಹಾಸಾಲೇ ಚ ಬ್ರಾಹ್ಮಣೇ;

ಅಲತ್ಥಂ ಸತ್ತ ನಿಕ್ಖಾನಿ, ಸುವಣ್ಣಸ್ಸ ಜನಾಧಿಪ;

ತೇ ಮೇ ನಟ್ಠಾ ಮಹಾರಾಜ, ತಸ್ಮಾ ಸೋಚಾಮಹಂ ಭುಸಂ.

ಪುರಿಸಾ ತೇ ಮಹಾರಾಜ, ಮನಸಾನುವಿಚಿನ್ತಿತಾ;

ನಾಲಂ ದುಕ್ಖಾ ಪಮೋಚೇತುಂ, ತಸ್ಮಾ ತೇಸಂ ನ ಬ್ಯಾಹರಿಂ.

ತ್ವಞ್ಚ ಖೋ ಮೇ ಮಹಾರಾಜ, ಮನಸಾನುವಿಚಿನ್ತಿತೋ;

ಅಲಂ ದುಕ್ಖಾ ಪಮೋಚೇತುಂ, ತಸ್ಮಾ ತುಯ್ಹಂ ಪವೇದಯಿಂ.

ತಸ್ಸಾದಾಸಿ ಪಸನ್ನತ್ತೋ, ಕಾಸೀನಂ ರಟ್ಠವಡ್ಢನೋ;

ಜಾತರೂಪಮಯೇ ನಿಕ್ಖೇ, ಸುವಣ್ಣಸ್ಸ ಚತುದ್ದಸಾತಿ.

ರಾಜಾ ¶ ಕಾಲಿಙ್ಗೋ ಚಕ್ಕವತ್ತಿ, ಧಮ್ಮೇನ ಪಥವಿಮನುಸಾಸಂ [ಮನುಸಾಸಿ (ಸ್ಯಾ. ಕ.)];

ಅಗಮಾ [ಅಗಮಾಸಿ (ಸ್ಯಾ. ಕ.)] ಬೋಧಿಸಮೀಪಂ, ನಾಗೇನ ಮಹಾನುಭಾವೇನ.

ಕಾಲಿಙ್ಗೋ ಭಾರದ್ವಾಜೋ ಚ, ರಾಜಾನಂ ಕಾಲಿಙ್ಗಂ ಸಮಣಕೋಲಞ್ಞಂ;

ಚಕ್ಕಂ ವತ್ತಯತೋ ಪರಿಗ್ಗಹೇತ್ವಾ [ಪರಿಣೇತ್ವಾ (ಪೀ.)], ಪಞ್ಜಲೀ ಇದಮವೋಚ.

ಪಚ್ಚೋರೋಹ ಮಹಾರಾಜ, ಭೂಮಿಭಾಗೋ ಯಥಾ ಸಮಣುಗ್ಗತೋ [ಸಮನುಗೀತೋ (ಸೀ. ಸ್ಯಾ. ಪೀ.)];

ಇಧ ಅನಧಿವರಾ ಬುದ್ಧಾ, ಅಭಿಸಮ್ಬುದ್ಧಾ ವಿರೋಚನ್ತಿ.

ಪದಕ್ಖಿಣತೋ ¶ ಆವಟ್ಟಾ, ತಿಣಲತಾ ಅಸ್ಮಿಂ ಭೂಮಿಭಾಗಸ್ಮಿಂ;

ಪಥವಿಯಾ ನಾಭಿಯಂ [ಪುಥುವಿಯಾ ಅಯಂ (ಸೀ.), ಪಠವಿಯಾ ಅಯಂ (ಸ್ಯಾ.), ಪುಥವಿಯಾ’ಯಂ (ಪೀ.)] ಮಣ್ಡೋ, ಇತಿ ನೋ ಸುತಂ ಮನ್ತೇ ಮಹಾರಾಜ [ಸುತಂ ಮಹಾರಾಜ (ಸೀ. ಸ್ಯಾ. ಪೀ.)].

ಸಾಗರಪರಿಯನ್ತಾಯ, ಮೇದಿನಿಯಾ ಸಬ್ಬಭೂತಧರಣಿಯಾ;

ಪಥವಿಯಾ ಅಯಂ ಮಣ್ಡೋ, ಓರೋಹಿತ್ವಾ ನಮೋ ಕರೋಹಿ.

ಯೇ ತೇ ಭವನ್ತಿ ನಾಗಾ ಚ, ಅಭಿಜಾತಾ ಚ ಕುಞ್ಜರಾ;

ಏತ್ತಾವತಾ ಪದೇಸಂ ತೇ, ನಾಗಾ ನೇವ ಮುಪಯನ್ತಿ.

ಅಭಿಜಾತೋ ನಾಗೋ [ಅಭಿಜಾತೋ ತೇ ನಾಗೋ (ಸೀ. ಪೀ. ಅಟ್ಠ.)] ಕಾಮಂ, ಪೇಸೇಹಿ ಕುಞ್ಜರಂ ದನ್ತಿಂ;

ಏತ್ತಾವತಾ ಪದೇಸೋ [ಪದೇಸೋ ಚ (ಸ್ಯಾ. ಕ.)], ಸಕ್ಕಾ [ನ ಸಕ್ಕಾ (ಸ್ಯಾ.)] ನಾಗೇನ ಮುಪಗನ್ತುಂ.

ತಂ ಸುತ್ವಾ ರಾಜಾ ಕಾಲಿಙ್ಗೋ, ವೇಯ್ಯಞ್ಜನಿಕವಚೋ ನಿಸಾಮೇತ್ವಾ;

ಸಮ್ಪೇಸೇಸಿ ನಾಗಂ ಞಸ್ಸಾಮ, ಮಯಂ ಯಥಿಮಸ್ಸಿದಂ [ಯಥಾ ಇದಂ (ಸೀ. ಸ್ಯಾ. ಪೀ.)] ವಚನಂ.

ಸಮ್ಪೇಸಿತೋ ¶ ಚ ರಞ್ಞಾ, ನಾಗೋ ಕೋಞ್ಚೋವ ಅಭಿನದಿತ್ವಾನ;

ಪಟಿಸಕ್ಕಿತ್ವಾ ¶ [ಪಟಿಓಸಕ್ಕಿತ್ವಾ (ಕ.)] ನಿಸೀದಿ, ಗರುಂವ ಭಾರಂ ಅಸಹಮಾನೋ.

ಕಾಲಿಙ್ಗಭಾರದ್ವಾಜೋ, ನಾಗಂ ಖೀಣಾಯುಕಂ ವಿದಿತ್ವಾನ;

ರಾಜಾನಂ ಕಾಲಿಙ್ಗಂ, ತರಮಾನೋ ಅಜ್ಝಭಾಸಿತ್ಥ;

ಅಞ್ಞಂ ಸಙ್ಕಮ ನಾಗಂ, ನಾಗೋ ಖೀಣಾಯುಕೋ ಮಹಾರಾಜ.

ತಂ ಸುತ್ವಾ ಕಾಲಿಙ್ಗೋ, ತರಮಾನೋ ಸಙ್ಕಮೀ ನಾಗಂ;

ಸಙ್ಕನ್ತೇವ ರಞ್ಞೇ, ನಾಗೋ ತತ್ಥೇವ ಪತಿ [ಪತಿತೋ (ಕ.)] ಭುಮ್ಯಾ;

ವೇಯ್ಯಞ್ಜನಿಕವಚೋ, ಯಥಾ ತಥಾ ಅಹು ನಾಗೋ.

ಕಾಲಿಙ್ಗೋ ರಾಜಾ ಕಾಲಿಙ್ಗಂ, ಬ್ರಾಹ್ಮಣಂ ಏತದವೋಚ;

ತ್ವಮೇವ ಅಸಿ ಸಮ್ಬುದ್ಧೋ, ಸಬ್ಬಞ್ಞೂ ಸಬ್ಬದಸ್ಸಾವೀ.

ತಂ ಅನಧಿವಾಸೇನ್ತೋ ಕಾಲಿಙ್ಗಂ [ಕಾಲಿಙ್ಗೋ (ಸೀ. ಸ್ಯಾ. ಪೀ.)], ಬ್ರಾಹ್ಮಣೋ ಇದಮವೋಚ;

ವೇಯ್ಯಞ್ಜನಿಕಾ ಹಿ ಮಯಂ, ಬುದ್ಧಾ ಸಬ್ಬಞ್ಞುನೋ ಮಹಾರಾಜ.

ಸಬ್ಬಞ್ಞೂ ಸಬ್ಬವಿದೂ ಚ, ಬುದ್ಧಾ ನ ಲಕ್ಖಣೇನ ಜಾನನ್ತಿ;

ಆಗಮಬಲಸಾ [ಆಗಮಪುರಿಸಾ (ಪೀ.)] ಹಿ ಮಯಂ, ಬುದ್ಧಾ ಸಬ್ಬಂ ಪಜಾನನ್ತಿ.

ಮಹಯಿತ್ವಾ ¶ ಸಮ್ಬೋಧಿಂ [ಮಹಾಯಿತ್ವಾನ ಸಮ್ಬೋಧಿಂ (ಸೀ. ಪೀ.), ಪಹಂಸಿತ್ವಾನ ಸಮ್ಬೋಧಿಂ (ಸ್ಯಾ.), ಮಮಾಯಿತ್ವಾನ ತಂ ಬೋಧಿಂ (ಕ.)], ನಾನಾತುರಿಯೇಹಿ ವಜ್ಜಮಾನೇಹಿ;

ಮಾಲಾವಿಲೇಪನಂ ಅಭಿಹರಿತ್ವಾ [ಮಾಲಾಗನ್ಧವಿಲೇಪನಂ ಆಹರಿತ್ವಾ (ಸೀ. ಪೀ.); ಪಾಕಾರಪರಿಕ್ಖೇಪಂ ಕಾರೇಸಿ; ಅಥ ರಾಜಾ ಪಾಯಾಸಿ (ಸೀ. ಸ್ಯಾ. ಪೀ.)] ಅಥ ರಾಜಾ ಮನುಪಾಯಾಸಿ [ಪಾಕಾರಪರಿಕ್ಖೇಪಂ ಕಾರೇಸಿ; ಅಥ ರಾಜಾ ಪಾಯಾಸಿ (ಸೀ. ಸ್ಯಾ. ಪೀ.)].

ಸಟ್ಠಿ ವಾಹಸಹಸ್ಸಾನಿ, ಪುಪ್ಫಾನಂ ಸನ್ನಿಪಾತಯಿ;

ಪೂಜೇಸಿ ¶ ರಾಜಾ ಕಾಲಿಙ್ಗೋ, ಬೋಧಿಮಣ್ಡಮನುತ್ತರನ್ತಿ [ವರುತ್ತಮೇತಿ (ಸೀ.)].

ಅಕಿತ್ತಿಂ [ಅಕತ್ತಿಂ (ಕ.)] ದಿಸ್ವಾ ಸಮ್ಮನ್ತಂ, ಸಕ್ಕೋ ಭೂತಪತೀ ಬ್ರವಿ;

ಕಿಂ ಪತ್ಥಯಂ ಮಹಾಬ್ರಹ್ಮೇ, ಏಕೋ ಸಮ್ಮಸಿ ಘಮ್ಮನಿ.

ದುಕ್ಖೋ ಪುನಬ್ಭವೋ ಸಕ್ಕ, ಸರೀರಸ್ಸ ಚ ಭೇದನಂ;

ಸಮ್ಮೋಹಮರಣಂ ದುಕ್ಖಂ, ತಸ್ಮಾ ಸಮ್ಮಾಮಿ ವಾಸವ.

ಏತಸ್ಮಿಂ ತೇ ಸುಲಪಿತೇ, ಪತಿರೂಪೇ ಸುಭಾಸಿತೇ;

ವರಂ ಕಸ್ಸಪ ತೇ ದಮ್ಮಿ, ಯಂ ಕಿಞ್ಚಿ ಮನಸಿಚ್ಛಸಿ.

ವರಂ ಚೇ ಮೇ ಅದೋ ಸಕ್ಕ, ಸಬ್ಬಭೂತಾನಮಿಸ್ಸರ;

ಯೇನ ಪುತ್ತೇ ಚ ದಾರೇ ಚ, ಧನಧಞ್ಞಂ ಪಿಯಾನಿ ಚ;

ಲದ್ಧಾ ನರಾ ನ [ಲದ್ಧಾ ನಞ್ಞಾನಿ (ಕ.)] ತಪ್ಪನ್ತಿ, ಸೋ ಲೋಭೋ ನ ಮಯೀ ವಸೇ.

ಏತಸ್ಮಿಂ ¶ ತೇ ಸುಲಪಿತೇ, ಪತಿರೂಪೇ ಸುಭಾಸಿತೇ;

ವರಂ ¶ ಕಸ್ಸಪ ತೇ ದಮ್ಮಿ, ಯಂ ಕಿಞ್ಚಿ ಮನಸಿಚ್ಛಸಿ.

ವರಂ ಚೇ ಮೇ ಅದೋ ಸಕ್ಕ, ಸಬ್ಬಭೂತಾನಮಿಸ್ಸರ;

ಖೇತ್ತಂ ವತ್ಥುಂ ಹಿರಞ್ಞಞ್ಚ, ಗವಸ್ಸಂ ದಾಸಪೋರಿಸಂ;

ಯೇನ ಜಾತೇನ ಜೀಯನ್ತಿ, ಸೋ ದೋಸೋ ನ ಮಯೀ ವಸೇ.

ಏತಸ್ಮಿಂ ತೇ ಸುಲಪಿತೇ, ಪತಿರೂಪೇ ಸುಭಾಸಿತೇ;

ವರಂ ಕಸ್ಸಪ ತೇ ದಮ್ಮಿ, ಯಂ ಕಿಞ್ಚಿ ಮನಸಿಚ್ಛಸಿ.

ವರಂ ¶ ಚೇ ಮೇ ಅದೋ ಸಕ್ಕ, ಸಬ್ಬಭೂತಾನಮಿಸ್ಸರ;

ಬಾಲಂ ನ ಪಸ್ಸೇ ನ ಸುಣೇ, ನ ಚ ಬಾಲೇನ ಸಂವಸೇ;

ಬಾಲೇನಲ್ಲಾಪ [ಬಾಲೇನಾ’ಲಾಪ (?)] ಸಲ್ಲಾಪಂ, ನ ಕರೇ ನ ಚ ರೋಚಯೇ.

ಕಿಂ ನು ತೇ ಅಕರಂ ಬಾಲೋ, ವದ ಕಸ್ಸಪ ಕಾರಣಂ;

ಕೇನ ಕಸ್ಸಪ ಬಾಲಸ್ಸ, ದಸ್ಸನಂ ನಾಭಿಕಙ್ಖಸಿ.

ಅನಯಂ ನಯತಿ ದುಮ್ಮೇಧೋ, ಅಧುರಾಯಂ ನಿಯುಞ್ಜತಿ;

ದುನ್ನಯೋ ಸೇಯ್ಯಸೋ ಹೋತಿ, ಸಮ್ಮಾ ವುತ್ತೋ ಪಕುಪ್ಪತಿ;

ವಿನಯಂ ಸೋ ನ ಜಾನಾತಿ, ಸಾಧು ತಸ್ಸ ಅದಸ್ಸನಂ.

ಏತಸ್ಮಿಂ ತೇ ಸುಲಪಿತೇ, ಪತಿರೂಪೇ ಸುಭಾಸಿತೇ;

ವರಂ ಕಸ್ಸಪ ತೇ ದಮ್ಮಿ, ಯಂ ಕಿಞ್ಚಿ ಮನಸಿಚ್ಛಸಿ.

ವರಂ ಚೇ ಮೇ ಅದೋ ಸಕ್ಕ, ಸಬ್ಬಭೂತಾನಮಿಸ್ಸರ;

ಧೀರಂ ಪಸ್ಸೇ ಸುಣೇ ಧೀರಂ, ಧೀರೇನ ಸಹ ಸಂವಸೇ;

ಧೀರೇನಲ್ಲಾಪಸಲ್ಲಾಪಂ, ತಂ ಕರೇ ತಞ್ಚ ರೋಚಯೇ.

ಕಿಂ ನು ತೇ ಅಕರಂ ಧೀರೋ, ವದ ಕಸ್ಸಪ ಕಾರಣಂ;

ಕೇನ ಕಸ್ಸಪ ಧೀರಸ್ಸ, ದಸ್ಸನಂ ಅಭಿಕಙ್ಖಸಿ.

ನಯಂ ನಯತಿ ಮೇಧಾವೀ, ಅಧುರಾಯಂ ನ ಯುಞ್ಜತಿ;

ಸುನಯೋ ಸೇಯ್ಯಸೋ ಹೋತಿ, ಸಮ್ಮಾ ವುತ್ತೋ ನ ಕುಪ್ಪತಿ;

ವಿನಯಂ ಸೋ ಪಜಾನಾತಿ, ಸಾಧು ತೇನ ಸಮಾಗಮೋ.

ಏತಸ್ಮಿಂ ತೇ ಸುಲಪಿತೇ, ಪತಿರೂಪೇ ಸುಭಾಸಿತೇ;

ವರಂ ¶ ಕಸ್ಸಪ ತೇ ದಮ್ಮಿ, ಯಂ ಕಿಞ್ಚಿ ಮನಸಿಚ್ಛಸಿ.

ವರಂ ಚೇ ಮೇ ಅದೋ ಸಕ್ಕ, ಸಬ್ಬಭೂತಾನಮಿಸ್ಸರ;

ತತೋ ರತ್ಯಾ ವಿವಸಾನೇ [ವಿವಸನೇ (ಸೀ. ಸ್ಯಾ. ಪೀ.)], ಸೂರಿಯುಗ್ಗಮನಂ [ಸುರಿಯಸ್ಸುಗ್ಗಮನಂ (ಸೀ. ಸ್ಯಾ. ಪೀ.)] ಪತಿ;

ದಿಬ್ಬಾ ಭಕ್ಖಾ ಪಾತುಭವೇಯ್ಯುಂ, ಸೀಲವನ್ತೋ ಚ ಯಾಚಕಾ.

ದದತೋ ¶ ಮೇ [ದದತೋ ಚ ಮೇ (ಪೀ.)] ನ ಖೀಯೇಥ, ದತ್ವಾ ನಾನುತಪೇಯ್ಯಹಂ;

ದದಂ ಚಿತ್ತಂ ಪಸಾದೇಯ್ಯಂ, ಏತಂ ಸಕ್ಕ ವರಂ ವರೇ.

ಏತಸ್ಮಿಂ ¶ ತೇ ಸುಲಪಿತೇ, ಪತಿರೂಪೇ ಸುಭಾಸಿತೇ;

ವರಂ ಕಸ್ಸಪ ತೇ ದಮ್ಮಿ, ಯಂ ಕಿಞ್ಚಿ ಮನಸಿಚ್ಛಸಿ.

ವರಂ ಚೇ ಮೇ ಅದೋ ಸಕ್ಕ, ಸಬ್ಬಭೂತಾನಮಿಸ್ಸರ;

ನ ಮಂ ಪುನ ಉಪೇಯ್ಯಾಸಿ, ಏತಂ ಸಕ್ಕ ವರಂ ವರೇ.

ಬಹೂಹಿ ವತಚರಿಯಾಹಿ [ವತ್ತಚರಿಯಾಹಿ (ಸೀ. ಸ್ಯಾ. ಕ.)], ನರಾ ಚ ಅಥ ನಾರಿಯೋ;

ದಸ್ಸನಂ ಅಭಿಕಙ್ಖನ್ತಿ, ಕಿಂ ನು ಮೇ ದಸ್ಸನೇ ಭಯಂ.

ತಂ ತಾದಿಸಂ ದೇವವಣ್ಣಂ [ದೇವವಣ್ಣಿಂ (ಪೀ.)], ಸಬ್ಬಕಾಮಸಮಿದ್ಧಿನಂ;

ದಿಸ್ವಾ ತಪೋ ಪಮಜ್ಜೇಯ್ಯ [ದಿಸ್ವಾ ತಪೋ ಪಮಜ್ಜೇಯ್ಯಂ (ಸೀ. ಸ್ಯಾ. ಪೀ.), ದಿಸ್ವಾನಹಂ ಪಮಜ್ಜೇಯ್ಯಂ (ಚರಿಯಾಪಿಟಕಟ್ಠಕಥಾ)], ಏತಂ ತೇ ದಸ್ಸನೇ ಭಯನ್ತಿ.

ಅಹಮೇವ ದುಬ್ಭಾಸಿತಂ ಭಾಸಿ ಬಾಲೋ, ಭೇಕೋವರಞ್ಞೇ ಅಹಿಮವ್ಹಾಯಮಾನೋ [ಮವ್ಹಯಾನೋ (ಸೀ. ಪೀ.)];

ತಕ್ಕಾರಿಯೇ ಸೋಬ್ಭಮಿಮಂ [ಸೋಬ್ಭಮ್ಹಿ ಅಹಂ (ಕ.)] ಪತಾಮಿ, ನ ¶ ಕಿರೇವ ಸಾಧು ಅತಿವೇಲಭಾಣೀ [ಸಾಧೂತ್ಯತಿವೇಲಭಾಣೀ (ಕ.)].

ಪಪ್ಪೋತಿ ಮಚ್ಚೋ ಅತಿವೇಲಭಾಣೀ, ಬನ್ಧಂ ವಧಂ ಸೋಕಪರಿದ್ದವಞ್ಚ;

ಅತ್ತಾನಮೇವ ಗರಹಾಸಿ ಏತ್ಥ, ಆಚೇರ ಯಂ ತಂ ನಿಖಣನ್ತಿ ಸೋಬ್ಭೇ.

ಕಿಮೇವಹಂ ತುಣ್ಡಿಲಮನುಪುಚ್ಛಿಂ, ಕರೇಯ್ಯ ಸಂ [ಕರೇಯ್ಯಾಸಂ (ಸ್ಯಾ.), ಕರೇಯ್ಯ ಸ (ಕ.), ಭರೇಯ್ಯ ಸಂ (?)] ಭಾತರಂ ಕಾಳಿಕಾಯಂ [ಕಾಳಿಕಾಯ (ಸ್ಯಾ. ಕ.)];

ನಗ್ಗೋವಹಂ [ನಗ್ಗೋಚ’ಹಂ (?)] ವತ್ಥಯುಗಞ್ಚ ಜೀನೋ, ಅಯಮ್ಪಿ ಅತ್ಥೋ ಬಹುತಾದಿಸೋವ.

ಯೋ ¶ ಯುಜ್ಝಮಾನಾನಮಯುಜ್ಝಮಾನೋ [ಯುಜ್ಝಮಾನೇನ ಅಯುಜ್ಝಮಾನೋ (ಕ.)], ಮೇಣ್ಡನ್ತರಂ ಅಚ್ಚುಪತೀ ಕುಲಿಙ್ಗೋ;

ಸೋ ಪಿಂಸಿತೋ ಮೇಣ್ಡಸಿರೇಹಿ ತತ್ಥ, ಅಯಮ್ಪಿ ಅತ್ಥೋ ಬಹುತಾದಿಸೋವ.

ಚತುರೋ ಜನಾ ಪೋತ್ಥಕಮಗ್ಗಹೇಸುಂ, ಏಕಞ್ಚ ಪೋಸಂ ಅನುರಕ್ಖಮಾನಾ;

ಸಬ್ಬೇವ ತೇ ಭಿನ್ನಸಿರಾ ಸಯಿಂಸು, ಅಯಮ್ಪಿ ಅತ್ಥೋ ಬಹುತಾದಿಸೋವ.

ಅಜಾ ಯಥಾ ವೇಳುಗುಮ್ಬಸ್ಮಿಂ ಬದ್ಧಾ [ಬನ್ಧಂ (ಸ್ಯಾ. ಕ.)], ಅವಕ್ಖಿಪನ್ತೀ ಅಸಿಮಜ್ಝಗಚ್ಛಿ;

ತೇನೇವ ¶ ತಸ್ಸಾ ಗಲಕಾವಕನ್ತಂ [ಗಲಯಾ ವಿಕನ್ತುಂ (ಕ.), ಗಲಕಂ ವಿಕನ್ತಾ (ಸ್ಯಾ.)], ಅಯಮ್ಪಿ ಅತ್ಥೋ ಬಹುತಾದಿಸೋವ.

ಇಮೇ ನ ದೇವಾ ನ ಗನ್ಧಬ್ಬಪುತ್ತಾ, ಮಿಗಾ ಇಮೇ ಅತ್ಥವಸಂ ಗತಾ ಮೇ [ಅತ್ಥವಸಾಭತಾ ಇಮೇ (ಸೀ. ಸ್ಯಾ. ಪೀ.)];

ಏಕಞ್ಚ ನಂ ಸಾಯಮಾಸೇ ಪಚನ್ತು, ಏಕಂ ಪುನಪ್ಪಾತರಾಸೇ [ಏಕಞ್ಚ ನಂ ಪಾತರಾಸೇ (ಕ. ಸೀ. ಪೀ.)] ಪಚನ್ತು.

ಸತಂ ಸಹಸ್ಸಾನಿ ದುಭಾಸಿತಾನಿ, ಕಲಮ್ಪಿ ನಾಗ್ಘನ್ತಿ ಸುಭಾಸಿತಸ್ಸ;

ದುಬ್ಭಾಸಿತಂ ಸಙ್ಕಮಾನೋ ಕಿಲೇಸೋ [ಕಿಲಿಸ್ಸತಿ (?)], ತಸ್ಮಾ ತುಣ್ಹೀ ಕಿಮ್ಪುರಿಸಾ [ಕಿಂಪುರಿಸೋ (ಸೀ. ಸ್ಯಾ.)] ನ ಬಾಲ್ಯಾ.

ಯಾ ¶ ಮೇಸಾ ಬ್ಯಾಹಾಸಿ [ಬ್ಯಾಕಾಸಿ (ಸೀ. ಸ್ಯಾ. ಪೀ.)] ಪಮುಞ್ಚಥೇತಂ, ಗಿರಿಞ್ಚ ನಂ [ಗಿರಿಂ ವರಂ (ಕ.)] ಹಿಮವನ್ತಂ ನಯನ್ತು;

ಇಮಞ್ಚ ಖೋ ದೇನ್ತು ಮಹಾನಸಾಯ, ಪಾತೋವ ನಂ ಪಾತರಾಸೇ ಪಚನ್ತು.

ಪಜ್ಜುನ್ನನಾಥಾ ¶ ಪಸವೋ, ಪಸುನಾಥಾ ಅಯಂ ಪಜಾ;

ತ್ವಂ ನಾಥೋಸಿ [ತ್ವಂ-ನಾಥೋ’ಸ್ಮಿ (ಸೀ. ಸ್ಯಾ. ಪೀ.)] ಮಹಾರಾಜ, ನಾಥೋಹಂ ಭರಿಯಾಯ ಮೇ [ಅಮ್ಹ-ನಾಥಾ ಮಮ ಭರಿಯಾ (ಕ. ಸೀ. ಸ್ಯಾ.)];

ದ್ವಿನ್ನಮಞ್ಞತರಂ ಞತ್ವಾ, ಮುತ್ತೋ ಗಚ್ಛೇಯ್ಯ ಪಬ್ಬತಂ.

ನ ವೇ ನಿನ್ದಾ ಸುಪರಿವಜ್ಜಯೇಥ [ಸುಪರಿವಜ್ಜಯಾಥ (ಸ್ಯಾ.)], ನಾನಾ ¶ ಜನಾ ಸೇವಿತಬ್ಬಾ ಜನಿನ್ದ;

ಯೇನೇವ ಏಕೋ ಲಭತೇ ಪಸಂಸಂ, ತೇನೇವ ಅಞ್ಞೋ ಲಭತೇ ನಿನ್ದಿತಾರಂ.

ಸಬ್ಬೋ ಲೋಕೋ ಪರಿಚಿತ್ತೋ ಅತಿಚಿತ್ತೋ [ಪರಚಿತ್ತೇನ ಅತಿಚಿತ್ತೋ (ಸೀ. ಸ್ಯಾ.), ಪರಚಿತ್ತೇನ ಅಚಿತ್ತೋ (ಸೀ. ಅಟ್ಠ.)], ಸಬ್ಬೋ ಲೋಕೋ ಚಿತ್ತವಾ ಸಮ್ಹಿ ಚಿತ್ತೇ;

ಪಚ್ಚೇಕಚಿತ್ತಾ ಪುಥು ಸಬ್ಬಸತ್ತಾ, ಕಸ್ಸೀಧ ಚಿತ್ತಸ್ಸ ವಸೇ ನ ವತ್ತೇ.

ತುಣ್ಹೀ ಅಹೂ ಕಿಮ್ಪುರಿಸೋ ಸಭರಿಯೋ [ಅಭಾಣೀ (ಕ.)], ಯೋ ದಾನಿ ಬ್ಯಾಹಾಸಿ ಭಯಸ್ಸ ಭೀತೋ;

ಸೋ ದಾನಿ ಮುತ್ತೋ ಸುಖಿತೋ ಅರೋಗೋ, ವಾಚಾಕಿರೇವತ್ತವತೀ ನರಾನನ್ತಿ.

ತಸ್ಸ [ಕಸ್ಸ (ಸೀ. ಪೀ.)] ಗಾಮವರಂ ದಮ್ಮಿ, ನಾರಿಯೋ ಚ ಅಲಙ್ಕತಾ;

ಯೋ [ಕೋ (ಸೀ. ಸ್ಯಾ. ಪೀ.)] ಮೇತಂ ಮಿಗಮಕ್ಖಾತಿ [ಮಕ್ಖಾಸಿ (ಸ್ಯಾ. ಕ.)], ಮಿಗಾನಂ ಮಿಗಮುತ್ತಮಂ.

ಮಯ್ಹಂ ಗಾಮವರಂ ದೇಹಿ, ನಾರಿಯೋ ಚ ಅಲಙ್ಕತಾ;

ಅಹಂ ತೇ ಮಿಗಮಕ್ಖಿಸ್ಸಂ, ಮಿಗಾನಂ ಮಿಗಮುತ್ತಮಂ.

ಏತಸ್ಮಿಂ ವನಸಣ್ಡಸ್ಮಿಂ, ಅಮ್ಬಾ ಸಾಲಾ ಚ ಪುಪ್ಫಿತಾ;

ಇನ್ದಗೋಪಕಸಞ್ಛನ್ನಾ ¶ , ಏತ್ಥೇಸೋ ತಿಟ್ಠತೇ ಮಿಗೋ.

ಧನುಂ ಅದ್ವೇಜ್ಝಂ [ಅದೇಜ್ಝಂ (ಸೀ. ಪೀ.), ಸರಜ್ಜಂ (ಕ.)] ಕತ್ವಾನ, ಉಸುಂ ಸನ್ನಯ್ಹುಪಾಗಮಿ [ಸನ್ಧಾಯುಪಾಗಮಿ (ಸೀ. ಪೀ.)];

ಮಿಗೋ ಚ ದಿಸ್ವಾ ರಾಜಾನಂ, ದೂರತೋ ಅಜ್ಝಭಾಸಥ.

ಆಗಮೇಹಿ ¶ ಮಹಾರಾಜ, ಮಾ ಮಂ ವಿಜ್ಝಿ ರಥೇಸಭ;

ಕೋ ನು ತೇ ಇದಮಕ್ಖಾಸಿ, ಏತ್ಥೇಸೋ ತಿಟ್ಠತೇ ಮಿಗೋ.

ಏಸ ಪಾಪಚರೋ ಪೋಸೋ, ಸಮ್ಮ ತಿಟ್ಠತಿ ಆರಕಾ;

ಸೋಯಂ [ಸೋ ಹಿ (ಸೀ. ಸ್ಯಾ. ಪೀ.)] ಮೇ ಇದಮಕ್ಖಾಸಿ, ಏತ್ಥೇಸೋ ತಿಟ್ಠತೇ ಮಿಗೋ.

ಸಚ್ಚಂ ಕಿರೇವ ಮಾಹಂಸು, ನರಾ ಏಕಚ್ಚಿಯಾ ಇಧ;

ಕಟ್ಠಂ ನಿಪ್ಲವಿತಂ ಸೇಯ್ಯೋ, ನ ತ್ವೇವೇಕಚ್ಚಿ ಯೋ ನರೋ.

ಕಿಂ ¶ ನು ರುರು ಗರಹಸಿ ಮಿಗಾನಂ, ಕಿಂ ಪಕ್ಖೀನಂ ಕಿಂ ಪನ ಮಾನುಸಾನಂ;

ಭಯಞ್ಹಿ ಮಂ ವಿನ್ದತಿನಪ್ಪರೂಪಂ, ಸುತ್ವಾನ ತಂ ಮಾನುಸಿಂ ಭಾಸಮಾನಂ.

ಯಮುದ್ಧರಿಂ ವಾಹನೇ ವುಯ್ಹಮಾನಂ, ಮಹೋದಕೇ ಸಲಿಲೇ ಸೀಘಸೋತೇ;

ತತೋನಿದಾನಂ ಭಯಮಾಗತಂ ಮಮ, ದುಕ್ಖೋ ಹವೇ ರಾಜ ಅಸಬ್ಭಿ ಸಙ್ಗಮೋ.

ಸೋಹಂ ಚತುಪ್ಪತ್ತಮಿಮಂ ವಿಹಙ್ಗಮಂ, ತನುಚ್ಛಿದಂ ಹದಯೇ ಓಸ್ಸಜಾಮಿ;

ಹನಾಮಿ ¶ ತಂ ಮಿತ್ತದುಬ್ಭಿಂ ಅಕಿಚ್ಚಕಾರಿಂ [ಹನಾಮಿ ಮಿತ್ತದ್ದು’ಮಕಿಚ್ಚಕಾರಿಂ (ಸೀ. ಪೀ.)], ಯೋ ತಾದಿಸಂ ಕಮ್ಮಕತಂ ನ ಜಾನೇ.

ಧೀರಸ್ಸ ಬಾಲಸ್ಸ ಹವೇ ಜನಿನ್ದ, ಸನ್ತೋ ವಧಂ ನಪ್ಪಸಂಸನ್ತಿ ಜಾತು;

ಕಾಮಂ ಘರಂ ಗಚ್ಛತು ಪಾಪಧಮ್ಮೋ, ಯಞ್ಚಸ್ಸ ಭಟ್ಠಂ ತದೇತಸ್ಸ ದೇಹಿ;

ಅದ್ಧಾ ರುರು ಅಞ್ಞತರೋ ಸತಂ ಸೋ [ಸತಂ’ಸೇ (ಸೀ.)], ಯೋ ದುಬ್ಭತೋ [ದುಬ್ಭಿನೋ (ಸ್ಯಾ.), ದೂಭತೋ (ಪೀ.)] ಮಾನುಸಸ್ಸ ನ ದುಬ್ಭಿ;

ಕಾಮಂ ಘರಂ ಗಚ್ಛತು ಪಾಪಧಮ್ಮೋ, ಯಞ್ಚಸ್ಸ ಭಟ್ಠಂ ತದೇತಸ್ಸ ದಮ್ಮಿ;

ಸುವಿಜಾನಂ ¶ ಸಿಙ್ಗಾಲಾನಂ, ಸಕುಣಾನಞ್ಚವಸ್ಸಿತಂ;

ಮನುಸ್ಸವಸ್ಸಿತಂ ರಾಜ, ದುಬ್ಬಿಜಾನತರಂ ತತೋ.

ಅಪಿ ಚೇ ಮಞ್ಞತೀ ಪೋಸೋ, ಞಾತಿ ಮಿತ್ತೋ ಸಖಾತಿ ವಾ;

ಯೋ ಪುಬ್ಬೇ ಸುಮನೋ ಹುತ್ವಾ, ಪಚ್ಛಾ ಸಮ್ಪಜ್ಜತೇ ದಿಸೋ.

ಮಿಗಾ ಸಸ್ಸಾನಿ ಖಾದನ್ತಿ, ತಂ ದೇವೋ ಪಟಿಸೇಧತು.

ಕಾಮಂ ಜನಪದೋ ಮಾಸಿ, ರಟ್ಠಞ್ಚಾಪಿ ವಿನಸ್ಸತು;

ನ ತ್ವೇವಾಹಂ ರುರುಂ ದುಬ್ಭೇ, ದತ್ವಾ ಅಭಯದಕ್ಖಿಣಂ.

ಮಾ ¶ ಮೇ ಜನಪದೋ ಆಸಿ [ಮಾ ಮಂ ಜನಪದೋ ಅಹು (ಸ್ಯಾ.)], ರಟ್ಠಞ್ಚಾಪಿ ವಿನಸ್ಸತು;

ನ ತ್ವೇವಾಹಂ [ನ ತ್ವೇವ (ಕ. ಸೀ. ಕ.)] ಮಿಗರಾಜಸ್ಸ, ವರಂ ದತ್ವಾ ಮುಸಾ ಭಣೇತಿ.

ಆಸೀಸೇಥೇವ [ಆಸಿಂಸೇಥೇವ (ಸೀ. ಸ್ಯಾ. ಪೀ.)] ಪುರಿಸೋ, ನ ನಿಬ್ಬಿನ್ದೇಯ್ಯ ಪಣ್ಡಿತೋ;

ಪಸ್ಸಾಮಿ ವೋಹಂ ಅತ್ತಾನಂ, ಯಥಾ ಇಚ್ಛಿಂ ತಥಾ ಅಹು.

ಆಸೀಸೇಥೇವ ಪುರಿಸೋ, ನ ನಿಬ್ಬಿನ್ದೇಯ್ಯ ಪಣ್ಡಿತೋ;

ಪಸ್ಸಾಮಿ ವೋಹಂ ಅತ್ತಾನಂ, ಉದಕಾ ಥಲಮುಬ್ಭತಂ.

ವಾಯಮೇಥೇವ ¶ ಪುರಿಸೋ, ನ ನಿಬ್ಬಿನ್ದೇಯ್ಯ ಪಣ್ಡಿತೋ;

ಪಸ್ಸಾಮಿ ವೋಹಂ ಅತ್ತಾನಂ, ಯಥಾ ಇಚ್ಛಿಂ ತಥಾ ಅಹು.

ವಾಯಮೇಥೇವ ಪುರಿಸೋ, ನ ನಿಬ್ಬಿನ್ದೇಯ್ಯ ಪಣ್ಡಿತೋ;

ಪಸ್ಸಾಮಿ ವೋಹಂ ಅತ್ತಾನಂ, ಉದಕಾ ಥಲಮುಬ್ಭತಂ.

ದುಕ್ಖೂಪನೀತೋಪಿ ನರೋ ಸಪಞ್ಞೋ, ಆಸಂ ನ ಛಿನ್ದೇಯ್ಯ ಸುಖಾಗಮಾಯ;

ಬಹೂ ಹಿ ಫಸ್ಸಾ ಅಹಿತಾ ಹಿತಾ ಚ, ಅವಿತಕ್ಕಿತಾ ಮಚ್ಚಮುಪಬ್ಬಜನ್ತಿ [ಮಚ್ಚುಮುಪಬ್ಬಜನ್ತಿ (ಕ. ಸೀ. ಪೀ.), ಮಚ್ಚುಮುಪಪಜ್ಜನ್ತಿ (ಸ್ಯಾ. ಕ.) ಏತ್ಥ ‘‘ಅವಿತಕ್ಕಿತಾಪಿ ಫಸ್ಸೋ ಮಚ್ಚಂ ಜನಂ ಉಪಗಚ್ಛನ್ತೀ’’ತಿ ಅತ್ಥೋ].

ಅಚಿನ್ತಿತಮ್ಪಿ ¶ ಭವತಿ, ಚಿನ್ತಿತಮ್ಪಿ ವಿನಸ್ಸತಿ;

ನ ಹಿ ಚಿನ್ತಾಮಯಾ ಭೋಗಾ, ಇತ್ಥಿಯಾ ಪುರಿಸಸ್ಸ ವಾ.

ಸರಭಂ ¶ ಗಿರಿದುಗ್ಗಸ್ಮಿಂ, ಯಂ ತ್ವಂ ಅನುಸರೀ ಪುರೇ;

ಅಲೀನಚಿತ್ತಸ್ಸ ತುವಂ, ವಿಕ್ಕನ್ತಮನುಜೀವಸಿ [ತವ, ವಿಕ್ಕನ್ತಂ ಜೀವಿತಂ ಲಭಿ (ಕ.)].

ಯೋ ತಂ ವಿದುಗ್ಗಾ ನರಕಾ ಸಮುದ್ಧರಿ, ಸಿಲಾಯ ಯೋಗ್ಗಂ ಸರಭೋ ಕರಿತ್ವಾ;

ದುಕ್ಖೂಪನೀತಂ ಮಚ್ಚುಮುಖಾ ಪಮೋಚಯಿ, ಅಲೀನಚಿತ್ತಂ ತಂ ಮಿಗಂ [ತಮೇವ (ಸ್ಯಾ. ಕ.)] ವದೇಸಿ.

ಕಿಂ ತ್ವಂ ನು [ತುವನ್ನು (ಸೀ. ಪೀ.)] ತತ್ಥೇವ ತದಾ ಅಹೋಸಿ, ಉದಾಹು ತೇ ಕೋಚಿ ನಂ [ತಂ (ಕ.)] ಏತದಕ್ಖಾ;

ವಿವಟ್ಟಚ್ಛದ್ದೋ ನುಸಿ ಸಬ್ಬದಸ್ಸೀ, ಞಾಣಂ ನು ತೇ ಬ್ರಾಹ್ಮಣ ಭಿಂಸರೂಪಂ.

ನ ಚೇವಹಂ ತತ್ಥ ತದಾ ಅಹೋಸಿಂ, ನ ಚಾಪಿ ಮೇ ಕೋಚಿ ನಂ [ತಂ (ಕ.)] ಏತದಕ್ಖಾ;

ಗಾಥಾಪದಾನಞ್ಚ ಸುಭಾಸಿತಾನಂ, ಅತ್ಥಂ ತದಾನೇನ್ತಿ ಜನಿನ್ದ ಧೀರಾ.

ಆದಾಯ ಪತ್ತಿಂ [ಪತ್ತಂ (ಸ್ಯಾ.), ಪಟ್ಟಿಂ (ಕ.)] ಪರವಿರಿಯಘಾತಿಂ, ಚಾಪೇ ಸರಂ ಕಿಂ ವಿಚಿಕಿಚ್ಛಸೇ ತುವಂ;

ನುನ್ನೋ [ನುಣ್ಣೋ (ಕ. ಸೀ. ಸ್ಯಾ.), ತುಣ್ಣೋ (ಕ.)] ಸರೋ ಸರಭಂ ಹನ್ತು ಖಿಪ್ಪಂ, ಅನ್ನಞ್ಹಿ ಏತಂ ವರಪಞ್ಞ ರಞ್ಞೋ.

ಅದ್ಧಾ ಪಜಾನಾಮಿ ಅಹಮ್ಪಿ ಏತಂ, ಅನ್ನಂ ಮಿಗೋ ಬ್ರಾಹ್ಮಣ ಖತ್ತಿಯಸ್ಸ;

ಪುಬ್ಬೇ ¶ ಕತಞ್ಚ [ಪುಬ್ಬೇ ಚ ಕತಂ (ಕ.)] ಅಪಚಾಯಮಾನೋ, ತಸ್ಮಾ ಮಿಗಂ ಸರಭಂ ನೋ ಹನಾಮಿ.

ನೇಸೋ ಮಿಗೋ ಮಹಾರಾಜ, ಅಸುರೇಸೋ ದಿಸಮ್ಪತಿ;

ಏತಂ ಹನ್ತ್ವಾ ಮನುಸ್ಸಿನ್ದ, ಭವಸ್ಸು ಅಮರಾಧಿಪೋ.

ಸಚೇ ¶ ಚ ರಾಜಾ [ರಾಜ (ಸೀ. ಸ್ಯಾ. ಪೀ.)] ವಿಚಿಕಿಚ್ಛಸೇ ತುವಂ, ಹನ್ತುಂ ಮಿಗಂ ಸರಭಂ ಸಹಾಯಕಂ [ಸಹಾಯಕಂ ಮೇ (ಸೀ. ಪೀ.)];

ಸಪುತ್ತದಾರೋ ನರವೀರಸೇಟ್ಠ [ನರವಿರಿಯಸೇಟ್ಠ (ಸೀ. ಪೀ.)], ಗನ್ತ್ವಾ [ಗನ್ತಾ (ಸೀ. ಪೀ. ಅಟ್ಠ.)] ತುವಂ ವೇತರಣಿಂ ಯಮಸ್ಸ.

ಕಾಮಂ ಅಹಂ ಜಾನಪದಾ ಚ ಸಬ್ಬೇ, ಪುತ್ತಾ ಚ ದಾರಾ ಚ ಸಹಾಯಸಙ್ಘಾ;

ಗಚ್ಛೇಮು ತಂ ವೇತರಣಿಂ ಯಮಸ್ಸ, ನ ತ್ವೇವ ಹಞ್ಞೋ ಮಮ ಪಾಣದೋ ಯೋ [ಪಾಣದ’ಸ್ಸ (ಸೀ. ಸ್ಯಾ. ಪೀ.)].

ಅಯಂ ಮಿಗೋ ಕಿಚ್ಛಗತಸ್ಸ ಮಯ್ಹಂ, ಏಕಸ್ಸ ಕತ್ತಾ ವಿವನಸ್ಮಿ ಘೋರೇ;

ತಂ ತಾದಿಸಂ ಪುಬ್ಬಕಿಚ್ಚಂ ಸರನ್ತೋ, ಜಾನಂ ಮಹಾಬ್ರಹ್ಮೇ ಕಥಂ ಹನೇಯ್ಯಂ.

ಮಿತ್ತಾಭಿರಾಧೀ ¶ ಚಿರಮೇವ ಜೀವ, ರಜ್ಜಂ ಇಮಂ ಧಮ್ಮಗುಣೇ [ರಜ್ಜಮ್ಪಿಮಂ ಚಸ್ಸ ಗಣೇ (ಕ.)] ಪಸಾಸ;

ನಾರೀಗಣೇಹಿ ಪರಿಚಾರಿಯನ್ತೋ, ಮೋದಸ್ಸು ರಟ್ಠೇ ತಿದಿವೇವ ವಾಸವೋ.

ಅಕ್ಕೋಧನೋ ¶ ನಿಚ್ಚಪಸನ್ನಚಿತ್ತೋ, ಸಬ್ಬಾತಿಥೀ ಯಾಚಯೋಗೋ ಭವಿತ್ವಾ [ಪಾಹುನಕೇ ಕರಿತ್ವಾ (ಸ್ಯಾ.), ಯಾಚಯೋಗೋ ವಿದಿತ್ವಾ (ಕ.)];

ದತ್ವಾ ಚ ಭುತ್ವಾ ಚ ಯಥಾನುಭಾವಂ, ಅನಿನ್ದಿತೋ ಸಗ್ಗಮುಪೇಹಿ ಠಾನನ್ತಿ.

ವರಅಮ್ಬ ¶ ಕುಠಾರಿ ಸಹಂಸವರೋ, ಅಥರಞ್ಞಸ್ಮಿಂ ದೂತಕಪಞ್ಚಮಕೋ;

ಅಥ ಬೋಧಿ ಅಕಿತ್ತಿ ಸುತಕ್ಕರಿನಾ, ಅಥ ರುರುಮಿಗೇನಪರೋ ಸರಭೋತಿ.

ಸಮ್ಪನ್ನಂ ¶ ¶ ¶ ಸಾಲಿಕೇದಾರಂ, ಸುವಾ ಭುಞ್ಜನ್ತಿ ಕೋಸಿಯ;

ಪಟಿವೇದೇಮಿ ತೇ ಬ್ರಹ್ಮೇ, ನ ನೇ [ತೇ (ಸೀ. ಸ್ಯಾ.), ನಂ (ಸೀ. ಸ್ಯಾ. ಪೀ. ಅಟ್ಠ.), ತಂ (ಕ. ಅಟ್ಠ.)] ವಾರೇತುಮುಸ್ಸಹೇ.

ಏಕೋ ಚ ತತ್ಥ ಸಕುಣೋ, ಯೋ ನೇಸಂ [ತೇಸಂ (ಸೀ. ಅಟ್ಠ.)] ಸಬ್ಬಸುನ್ದರೋ;

ಭುತ್ವಾ ಸಾಲಿಂ ಯಥಾಕಾಮಂ, ತುಣ್ಡೇನಾದಾಯ ಗಚ್ಛತಿ.

ಓಡ್ಡೇನ್ತು [ಉಜ್ಝುನ್ತು (ಸ್ಯಾ. ಕ.) ಅಙ್ಗುತ್ತರನಿಕಾಯೇ ಪಸ್ಸಿತಬ್ಬಂ] ವಾಳಪಾಸಾನಿ, ಯಥಾ ವಜ್ಝೇಥ ಸೋ ದಿಜೋ;

ಜೀವಞ್ಚ ನಂ ಗಹೇತ್ವಾನ, ಆನಯೇಹಿ [ಆನಯೇಥ (ಸೀ. ಪೀ.)] ಮಮನ್ತಿಕೇ.

ಏತೇ ಭುತ್ವಾ ಪಿವಿತ್ವಾ ಚ [ಭುತ್ವಾ ಚ ಪಿತ್ವಾ ಚ (ಪೀ.)], ಪಕ್ಕಮನ್ತಿ ವಿಹಙ್ಗಮಾ;

ಏಕೋ ಬದ್ಧೋಸ್ಮಿ ಪಾಸೇನ, ಕಿಂ ಪಾಪಂ ಪಕತಂ ಮಯಾ.

ಉದರಂ ನೂನ ಅಞ್ಞೇಸಂ, ಸುವ ಅಚ್ಚೋದರಂ ತವ;

ಭುತ್ವಾ ಸಾಲಿಂ ಯಥಾಕಾಮಂ, ತುಣ್ಡೇನಾದಾಯ ಗಚ್ಛಸಿ.

ಕೋಟ್ಠಂ ನು ತತ್ಥ ಪೂರೇಸಿ, ಸುವ ವೇರಂ ನು ತೇ ಮಯಾ;

ಪುಟ್ಠೋ ಮೇ ಸಮ್ಮ ಅಕ್ಖಾಹಿ, ಕುಹಿಂ ಸಾಲಿಂ ನಿದಾಹಸಿ [ನಿಧೀಯಸಿ (ಪೀ.)].

ನ ಮೇ ವೇರಂ ತಯಾ ಸದ್ಧಿಂ, ಕೋಟ್ಠೋ ಮಯ್ಹಂ ನ ವಿಜ್ಜತಿ;

ಇಣಂ ಮುಞ್ಚಾಮಿಣಂ ದಮ್ಮಿ, ಸಮ್ಪತ್ತೋ ಕೋಟಸಿಮ್ಬಲಿಂ;

ನಿಧಿಮ್ಪಿ ತತ್ಥ ನಿದಹಾಮಿ, ಏವಂ ಜಾನಾಹಿ ಕೋಸಿಯ.

ಕೀದಿಸಂ ತೇ ಇಣದಾನಂ, ಇಣಮೋಕ್ಖೋ ಚ ಕೀದಿಸೋ;

ನಿಧಿನಿಧಾನಮಕ್ಖಾಹಿ ¶ , ಅಥ ಪಾಸಾ ಪಮೋಕ್ಖಸಿ.

ಅಜಾತಪಕ್ಖಾ ತರುಣಾ, ಪುತ್ತಕಾ ಮಯ್ಹ ಕೋಸಿಯ;

ತೇ ಮಂ ಭತಾ ಭರಿಸ್ಸನ್ತಿ, ತಸ್ಮಾ ತೇಸಂ ಇಣಂ ದದೇ.

ಮಾತಾ ಪಿತಾ ಚ ಮೇ ವುದ್ಧಾ, ಜಿಣ್ಣಕಾ ಗತಯೋಬ್ಬನಾ;

ತೇಸಂ ತುಣ್ಡೇನ ಹಾತೂನ, ಮುಞ್ಚೇ ಪುಬ್ಬಕತಂ [ಪುಬ್ಬೇ ಕತಂ (ಸೀ.)] ಇಣಂ.

ಅಞ್ಞೇಪಿ ¶ ತತ್ಥ ಸಕುಣಾ, ಖೀಣಪಕ್ಖಾ ಸುದುಬ್ಬಲಾ;

ತೇಸಂ ಪುಞ್ಞತ್ಥಿಕೋ ದಮ್ಮಿ, ತಂ ನಿಧಿಂ ಆಹು ಪಣ್ಡಿತಾ.

ಈದಿಸಂ ¶ [ಏದಿಸಂ (ಸೀ. ಪೀ.)] ಮೇ ಇಣದಾನಂ, ಇಣಮೋಕ್ಖೋ ಚ ಈದಿಸೋ;

ನಿಧಿನಿಧಾನಮಕ್ಖಾಮಿ [ನಿಧಿಂ ನಿಧಾನಂ ಅಕ್ಖಾತಂ (ಸೀ. ಪೀ.)], ಏವಂ ಜಾನಾಹಿ ಕೋಸಿಯ.

ಭದ್ದಕೋ ವತಯಂ ಪಕ್ಖೀ, ದಿಜೋ ಪರಮಧಮ್ಮಿಕೋ;

ಏಕಚ್ಚೇಸು ಮನುಸ್ಸೇಸು, ಅಯಂ ಧಮ್ಮೋ ನ ವಿಜ್ಜತಿ.

ಭುಞ್ಜ ಸಾಲಿಂ ಯಥಾಕಾಮಂ, ಸಹ ಸಬ್ಬೇಹಿ ಞಾತಿಭಿ;

ಪುನಾಪಿ ಸುವ ಪಸ್ಸೇಮು, ಪಿಯಂ ಮೇ ತವ ದಸ್ಸನಂ.

ಭುತ್ತಞ್ಚ ಪೀತಞ್ಚ ತವಸ್ಸಮಮ್ಹಿ [ತವಸ್ಸಬ್ಯಮ್ಹಿ (ಕ.)], ರತ್ತಿಞ್ಚ [ರತೀ ಚ (ಸೀ. ಪೀ.)] ನೋ ಕೋಸಿಯ ತೇ ಸಕಾಸೇ;

ನಿಕ್ಖಿತ್ತದಣ್ಡೇಸು ದದಾಹಿ ದಾನಂ, ಜಿಣ್ಣೇ ಚ ಮಾತಾಪಿತರೋ ಭರಸ್ಸು.

ಲಕ್ಖೀ ವತ ಮೇ ಉದಪಾದಿ ಅಜ್ಜ, ಯೋ ಅದ್ದಸಾಸಿಂ ಪವರಂ [ಯೋಹಂ ಅದಸ್ಸಂ ಪರಮಂ (ಸ್ಯಾ. ಕ.)] ದಿಜಾನಂ;

ಸುವಸ್ಸ ಸುತ್ವಾನ ಸುಭಾಸಿತಾನಿ, ಕಾಹಾಮಿ ¶ ಪುಞ್ಞಾನಿ ಅನಪ್ಪಕಾನಿ.

ಸೋ ಕೋಸಿಯೋ ಅತ್ತಮನೋ ಉದಗ್ಗೋ, ಅನ್ನಞ್ಚ ಪಾನಞ್ಚಭಿಸಙ್ಖರಿತ್ವಾ [ಅನ್ನಞ್ಚ ಪಾನಂ ಅಭಿಸಂಹರಿತ್ವಾ (ಕ.)];

ಅನ್ನೇನ ಪಾನೇನ ಪಸನ್ನಚಿತ್ತೋ, ಸನ್ತಪ್ಪಯಿ ಸಮಣಬ್ರಾಹ್ಮಣೇ ಚಾತಿ.

ಸಾಲಿಕೇದಾರಜಾತಕಂ [ಕೇದಾರಜಾತಕಂ (ಕ.)] ಪಠಮಂ.

ಉಪನೀಯತಿದಂ ಮಞ್ಞೇ, ಚನ್ದೇ [ಲೋಹಿತಮದೇನ ಮಜ್ಜಾಮಿ; ವಿಜಹಾಮಿ ಜೀವಿತಂ ಪಾಣಾ, (ಸೀ. ಪೀ. ಅಟ್ಠ.)] ಲೋಹಿತಮದ್ದನೇ;

ಅಜ್ಜ ಜಹಾಮಿ ಜೀವಿತಂ, ಪಾಣಾ [ಲೋಹಿತಮದೇನ ಮಜ್ಜಾಮಿ; ವಿಜಹಾಮಿ ಜೀವಿತಂ ಪಾಣಾ, (ಸೀ. ಪೀ. ಅಟ್ಠ.)] ಮೇ ಚನ್ದೇ ನಿರುಜ್ಝನ್ತಿ.

ಓಸೀದಿ ¶ [ಓಸಧಿ (ಸೀ. ಸ್ಯಾ. ಪೀ.), ಓಸಟ್ಠಿ (ಕ.), ಓಸತಿ (ಅಭಿನವಟೀಕಾ), ಓಸೀದತಿ (?)] ಮೇ ದುಕ್ಖಂ [ದುಕ್ಖಂ ಮೇ (ಸೀ. ಪೀ.)] ಹದಯಂ, ಮೇ ಡಯ್ಹತೇ ನಿತಮ್ಮಾಮಿ;

ತವ ಚನ್ದಿಯಾ ಸೋಚನ್ತಿಯಾ, ನ ನಂ ಅಞ್ಞೇಹಿ ಸೋಕೇಹಿ.

ತಿಣಮಿವ ವನಮಿವ ಮಿಲಾಯಾಮಿ [ಮಿಲಯಾಮಿ (ಸೀ.), ಮಿಯ್ಯಾಮಿ (ಸೀ. ಪೀ. ಅಟ್ಠ.)], ನದೀ ಅಪರಿಪುಣ್ಣಾವ [ಅಪರಿಪುಣ್ಣಿಯಾವ (ಸೀ. ಪೀ.)] ಸುಸ್ಸಾಮಿ;

ತವ ಚನ್ದಿಯಾ ಸೋಚನ್ತಿಯಾ, ನ ನಂ ಅಞ್ಞೇಹಿ ಸೋಕೇಹಿ.

ವಸ್ಸಮಿವ ಸರೇ ಪಾದೇ [ವಸ್ಸಂವ ಸರೇ ಪಾದೇ (ಸೀ.), ವಸ್ಸಂವ ಸರೇ ಪಬ್ಬತಪಾದೇ (ಪೀ.)], ಇಮಾನಿ ಅಸ್ಸೂನಿ ವತ್ತರೇ ಮಯ್ಹಂ;

ತವ ಚನ್ದಿಯಾ ಸೋಚನ್ತಿಯಾ, ನ ನಂ ಅಞ್ಞೇಹಿ ಸೋಕೇಹಿ.

ಪಾಪೋ ಖೋಸಿ [ಪಾಪೋಸಿ ಖೋ (ಸೀ.), ಪಾಪೋ ಖೋ (ಸ್ಯಾ. ಪೀ.)] ರಾಜಪುತ್ತ, ಯೋ ಮೇ ಇಚ್ಛಿತಂ [ಇಚ್ಛಿತ (ಸೀ. ಸ್ಯಾ. ಪೀ.)] ಪತಿಂ ವರಾಕಿಯಾ;

ವಿಜ್ಝಸಿ ವನಮೂಲಸ್ಮಿಂ, ಸೋಯಂ ವಿದ್ಧೋ ಛಮಾ ಸೇತಿ.

ಇಮಂ ಮಯ್ಹಂ ಹದಯಸೋಕಂ, ಪಟಿಮುಞ್ಚತು ರಾಜಪುತ್ತ ತವ ಮಾತಾ;

ಯೋ ಮಯ್ಹಂ ಹದಯಸೋಕೋ, ಕಿಮ್ಪುರಿಸಂ ಅವೇಕ್ಖಮಾನಾಯ.

ಇಮಂ ಮಯ್ಹಂ ಹದಯಸೋಕಂ, ಪಟಿಮುಞ್ಚತು ರಾಜಪುತ್ತ ತವ ಜಾಯಾ;

ಯೋ ¶ ಮಯ್ಹಂ ಹದಯಸೋಕೋ, ಕಿಮ್ಪುರಿಸಂ ಅವೇಕ್ಖಮಾನಾಯ.

ಮಾ ¶ ಚ ಪುತ್ತಂ [ಪುತ್ತೇ (ಸೀ. ಪೀ.)] ಮಾ ಚ ಪತಿಂ, ಅದ್ದಕ್ಖಿ ರಾಜಪುತ್ತ ತವ ಮಾತಾ;

ಯೋ ಕಿಮ್ಪುರಿಸಂ ಅವಧಿ, ಅದೂಸಕಂ ಮಯ್ಹ ಕಾಮಾ ಹಿ [ಮಯ್ಹಂ ಕಾಮಾ (ಕ.)].

ಮಾ ಚ ಪುತ್ತಂ ಮಾ ಚ ಪತಿಂ, ಅದ್ದಕ್ಖಿ ರಾಜಪುತ್ತ ತವ ಜಾಯಾ;

ಯೋ ಕಿಮ್ಪುರಿಸಂ ಅವಧಿ, ಅದೂಸಕಂ ಮಯ್ಹ ಕಾಮಾ ಹಿ.

ಮಾ ತ್ವಂ ಚನ್ದೇ ರೋದಿ, ಮಾ ಸೋಚಿ ವನತಿಮಿರಮತ್ತಕ್ಖಿ;

ಮಮ ತ್ವಂ ಹೇಹಿಸಿ ಭರಿಯಾ, ರಾಜಕುಲೇ ಪೂಜಿತಾ ನಾರೀಭಿ [ನಾರೀ (ಸೀ. ಪೀ.)].

ಅಪಿ ನೂನಹಂ ಮರಿಸ್ಸಂ, ನಾಹಂ [ನ ಚ ಪನಾಹಂ (ಸೀ. ಪೀ.)] ರಾಜಪುತ್ತ ತವ ಹೇಸ್ಸಂ;

ಯೋ ಕಿಮ್ಪುರಿಸಂ ಅವಧಿ, ಅದೂಸಕಂ ಮಯ್ಹ ಕಾಮಾ ಹಿ.

ಅಪಿ ಭೀರುಕೇ ಅಪಿ ಜೀವಿತುಕಾಮಿಕೇ, ಕಿಮ್ಪುರಿಸಿ ಗಚ್ಛ ಹಿಮವನ್ತಂ;

ತಾಲೀಸತಗರಭೋಜನಾ, ಅಞ್ಞೇ [ತಾಲಿಸ್ಸತಗರಭೋಜನೇ, ಅರಞ್ಞೇ (ಸೀ. ಪೀ.)] ತಂ ಮಿಗಾ ರಮಿಸ್ಸನ್ತಿ.

ತೇ ¶ ಪಬ್ಬತಾ ತಾ ಚ ಕನ್ದರಾ, [ತಾ ಚ ಗಿರಿಗುಹಾಯೋ (ಸೀ. ಸ್ಯಾ. ಪೀ.)] ತಾ ಚ ಗಿರಿಗುಹಾಯೋ ತಥೇವ ತಿಟ್ಠನ್ತಿ [ತಾ ಚ ಗಿರಿಗುಹಾಯೋ (ಸೀ. ಸ್ಯಾ. ಪೀ.)];

ತತ್ಥೇವ [ತತ್ಥ (ಸೀ. ಸ್ಯಾ. ಪೀ.)] ತಂ ಅಪಸ್ಸನ್ತೀ, ಕಿಮ್ಪುರಿಸ ಕಥಂ ಅಹಂ ಕಸ್ಸಂ.

ತೇ ಪಣ್ಣಸನ್ಥತಾ ರಮಣೀಯಾ, ವಾಳಮಿಗೇಹಿ ಅನುಚಿಣ್ಣಾ;

ತತ್ಥೇವ ತಂ ಅಪಸ್ಸನ್ತೀ, ಕಿಮ್ಪುರಿಸ ಕಥಂ ಅಹಂ ಕಸ್ಸಂ [ಕಾಸಂ (ಸೀ. ಸ್ಯಾ. ಪೀ.)].

ತೇ ¶ ಪುಪ್ಫಸನ್ಥತಾ ರಮಣೀಯಾ, ವಾಳಮಿಗೇಹಿ ಅನುಚಿಣ್ಣಾ;

ತತ್ಥೇವ ತಂ ಅಪಸ್ಸನ್ತೀ, ಕಿಮ್ಪುರಿಸ ಕಥಂ ಅಹಂ ಕಸ್ಸಂ.

ಅಚ್ಛಾ ಸವನ್ತಿ ಗಿರಿವನ [ಗಿರಿವರ (ಸೀ. ಪೀ.)] ನದಿಯೋ, ಕುಸುಮಾಭಿಕಿಣ್ಣಸೋತಾಯೋ;

ತತ್ಥೇವ ತಂ ಅಪಸ್ಸನ್ತೀ, ಕಿಮ್ಪುರಿಸ ಕಥಂ ಅಹಂ ಕಸ್ಸಂ.

ನೀಲಾನಿ ಹಿಮವತೋ ಪಬ್ಬತಸ್ಸ, ಕೂಟಾನಿ ದಸ್ಸನೀಯಾನಿ [ದಸ್ಸನೇಯ್ಯಾನಿ (ಸೀ. ಪೀ.)];

ತತ್ಥೇವ ತಂ ಅಪಸ್ಸನ್ತೀ, ಕಿಮ್ಪುರಿಸ ಕಥಂ ಅಹಂ ಕಸ್ಸಂ.

ಪೀತಾನಿ ಹಿಮವತೋ ಪಬ್ಬತಸ್ಸ, ಕೂಟಾನಿ ದಸ್ಸನೀಯಾನಿ;

ತತ್ಥೇವ ತಂ ಅಪಸ್ಸನ್ತೀ, ಕಿಮ್ಪುರಿಸ ಕಥಂ ಅಹಂ ಕಸ್ಸಂ.

ತಮ್ಬಾನಿ ಹಿಮವತೋ ಪಬ್ಬತಸ್ಸ, ಕೂಟಾನಿ ದಸ್ಸನೀಯಾನಿ;

ತತ್ಥೇವ ತಂ ಅಪಸ್ಸನ್ತೀ, ಕಿಮ್ಪುರಿಸ ಕಥಂ ಅಹಂ ಕಸ್ಸಂ.

ತುಙ್ಗಾನಿ ಹಿಮವತೋ ಪಬ್ಬತಸ್ಸ, ಕೂಟಾನಿ ದಸ್ಸನೀಯಾನಿ;

ತತ್ಥೇವ ತಂ ಅಪಸ್ಸನ್ತೀ, ಕಿಮ್ಪುರಿಸ ಕಥಂ ಅಹಂ ಕಸ್ಸಂ.

ಸೇತಾನಿ ಹಿಮವತೋ ಪಬ್ಬತಸ್ಸ, ಕೂಟಾನಿ ದಸ್ಸನೀಯಾನಿ;

ತತ್ಥೇವ ತಂ ಅಪಸ್ಸನ್ತೀ, ಕಿಮ್ಪುರಿಸ ಕಥಂ ಅಹಂ ಕಸ್ಸಂ.

ಚಿತ್ರಾನಿ ಹಿಮವತೋ ಪಬ್ಬತಸ್ಸ, ಕೂಟಾನಿ ದಸ್ಸನೀಯಾನಿ;

ತತ್ಥೇವ ತಂ ಅಪಸ್ಸನ್ತೀ, ಕಿಮ್ಪುರಿಸ ಕಥಂ ಅಹಂ ಕಸ್ಸಂ.

ಯಕ್ಖಗಣಸೇವಿತೇ ¶ ಗನ್ಧಮಾದನೇ, ಓಸಧೇಭಿ ಸಞ್ಛನ್ನೇ;

ತತ್ಥೇವ ತಂ ಅಪಸ್ಸನ್ತೀ, ಕಿಮ್ಪುರಿಸ ಕಥಂ ಅಹಂ ಕಸ್ಸಂ.

ಕಿಮ್ಪುರಿಸಸೇವಿತೇ ಗನ್ಧಮಾದನೇ, ಓಸಧೇಭಿ ಸಞ್ಛನ್ನೇ;

ತತ್ಥೇವ ¶ ತಂ ಅಪಸ್ಸನ್ತೀ, ಕಿಮ್ಪುರಿಸ ಕಥಂ ಅಹಂ ಕಸ್ಸಂ.

ವನ್ದೇ ¶ ತೇ ಅಯಿರಬ್ರಹ್ಮೇ [ಅಯ್ಯಿರೇ ಬ್ರಹ್ಮೇ (ಕ.)], ಯೋ ಮೇ ಇಚ್ಛಿತಂ ಪತಿಂ ವರಾಕಿಯಾ;

ಅಮತೇನ ಅಭಿಸಿಞ್ಚಿ, ಸಮಾಗತಾಸ್ಮಿ ಪಿಯತಮೇನ.

ವಿಚರಾಮ ದಾನಿ ಗಿರಿವನ [ಗಿರಿವರ (ಸೀ. ಪೀ.)] ನದಿಯೋ, ಕುಸುಮಾಭಿಕಿಣ್ಣಸೋತಾಯೋ;

ನಾನಾದುಮವಸನಾಯೋ [ಸೇವನಾಯೋ (ಪೀ.)], ಪಿಯಂವದಾ ಅಞ್ಞಮಞ್ಞಸ್ಸಾತಿ.

ಚನ್ದಕಿನ್ನರೀಜಾತಕಂ [ಚನ್ದಕಿನ್ನರಜಾತಕಂ (ಸೀ. ಸ್ಯಾ. ಪೀ.)] ದುತಿಯಂ.

ಉಕ್ಕಾ ಚಿಲಾಚಾ [ಮಿಲಾಚಾ (ಸೀ. ಸ್ಯಾ. ಪೀ.)] ಬನ್ಧನ್ತಿ ದೀಪೇ [ಬನ್ಧನ್ತಿ ಲುದ್ದಾ, ದೀಪೇ (ಕ.)], ಪಜಾ ಮಮಂ ಖಾದಿತುಂ ಪತ್ಥಯನ್ತಿ;

ಮಿತ್ತಂ ಸಹಾಯಞ್ಚ ವದೇಹಿ ಸೇನಕ, ಆಚಿಕ್ಖ ಞಾತಿಬ್ಯಸನಂ ದಿಜಾನಂ.

ದಿಜೋ ದಿಜಾನಂ ಪವರೋಸಿ ಪಕ್ಖಿಮ [ಪಕ್ಖಿ (ಸೀ. ಪೀ.), ಪಕ್ಖಿ ಚ (ಸ್ಯಾ.)], ಉಕ್ಕುಸರಾಜ ಸರಣಂ ತಂ ಉಪೇಮ [ಉಪೇಮಿ (ಸೀ. ಸ್ಯಾ. ಪೀ.)];

ಪಜಾ ಮಮಂ ಖಾದಿತುಂ ಪತ್ಥಯನ್ತಿ, ಲುದ್ದಾ ಚಿಲಾಚಾ [ಮಿಲಾಚಾ (ಸೀ. ಸ್ಯಾ. ಪೀ.)] ಭವ ಮೇ ಸುಖಾಯ.

ಮಿತ್ತಂ ಸಹಾಯಞ್ಚ ಕರೋನ್ತಿ ಪಣ್ಡಿತಾ, ಕಾಲೇ ಅಕಾಲೇ ಸುಖಮೇಸಮಾನಾ [ಮಾಸಯಾನಾ (ಪೀ.)];

ಕರೋಮಿ ತೇ ಸೇನಕ ಏತಮತ್ಥಂ, ಅರಿಯೋ ¶ ಹಿ ಅರಿಯಸ್ಸ ಕರೋತಿ ಕಿಚ್ಚಂ.

ಯಂ ಹೋತಿ ಕಿಚ್ಚಂ ಅನುಕಮ್ಪಕೇನ, ಅರಿಯಸ್ಸ ಅರಿಯೇನ ಕತಂ ತಯೀದಂ [ತವ ಯಿದಂ (ಸೀ. ಪೀ.)];

ಅತ್ತಾನುರಕ್ಖೀ ಭವ ಮಾ ಅದಯ್ಹಿ [ಅಡಯ್ಹ (ಸೀ. ಪೀ.)], ಲಚ್ಛಾಮ ಪುತ್ತೇ ತಯಿ ಜೀವಮಾನೇ.

ತವೇವ ¶ [ತಮೇವ (ಸ್ಯಾ. ಕ.)] ರಕ್ಖಾವರಣಂ ಕರೋನ್ತೋ, ಸರೀರಭೇದಾಪಿ ನ ಸನ್ತಸಾಮಿ;

ಕರೋನ್ತಿ ಹೇಕೇ [ಹೇತೇ (ಕ. ಸೀ. ಸ್ಯಾ. ಪೀ.)] ಸಖೀನಂ ಸಖಾರೋ, ಪಾಣಂ ಚಜನ್ತಾ [ಚಜನ್ತಿ (ಸೀ. ಪೀ.)] ಸತಮೇಸ [ಸತಾನೇಸ (ಪೀ.)] ಧಮ್ಮೋ.

ಸುದುಕ್ಕರಂ ಕಮ್ಮಮಕಾಸಿ [ಮಕಾ (ಸೀ. ಪೀ.)], ಅಣ್ಡಜಾಯಂ ವಿಹಙ್ಗಮೋ;

ಅತ್ಥಾಯ ಕುರರೋ ಪುತ್ತೇ, ಅಡ್ಢರತ್ತೇ ಅನಾಗತೇ.

ಚುತಾಪಿ ಹೇಕೇ [ಏಕೇ (ಸೀ. ಪೀ.)] ಖಲಿತಾ ಸಕಮ್ಮುನಾ, ಮಿತ್ತಾನುಕಮ್ಪಾಯ ಪತಿಟ್ಠಹನ್ತಿ;

ಪುತ್ತಾ ಮಮಟ್ಟಾ ಗತಿಮಾಗತೋಸ್ಮಿ, ಅತ್ಥಂ ಚರೇಥೋ [ಚರೇಥ (ಸೀ. ಸ್ಯಾ. ಪೀ.)] ಮಮ ವಾರಿಚರ [ವಾರಿಛನ್ನ (ಸೀ. ಪೀ.)].

ಧನೇನ ಧಞ್ಞೇನ ಚ ಅತ್ತನಾ ಚ, ಮಿತ್ತಂ ಸಹಾಯಞ್ಚ ಕರೋನ್ತಿ ಪಣ್ಡಿತಾ;

ಕರೋಮಿ ತೇ ಸೇನಕ ಏತಮತ್ಥಂ, ಅರಿಯೋ ಹಿ ಅರಿಯಸ್ಸ ಕರೋತಿ ಕಿಚ್ಚಂ.

ಅಪ್ಪೋಸ್ಸುಕ್ಕೋ ತಾತ ತುವಂ ನಿಸೀದ, ಪುತ್ತೋ ¶ ಪಿತು ಚರತಿ ಅತ್ಥಚರಿಯಂ;

ಅಹಂ ಚರಿಸ್ಸಾಮಿ ತವೇತಮತ್ಥಂ, ಸೇನಸ್ಸ ಪುತ್ತೇ ಪರಿತಾಯಮಾನೋ.

ಅದ್ಧಾ ¶ ಹಿ ತಾತ ಸತಮೇಸ ಧಮ್ಮೋ, ಪುತ್ತೋ ಪಿತು ಯಂ ಚರೇ [ಪಿತುನಂ ಚರೇ (ಕ.), ಪಿತು ಯಞ್ಚರೇಥ (ಸೀ. ಪೀ.)] ಅತ್ಥಚರಿಯಂ;

ಅಪ್ಪೇವ ಮಂ ದಿಸ್ವಾನ ಪವಡ್ಢಕಾಯಂ, ಸೇನಸ್ಸ ಪುತ್ತಾ ನ ವಿಹೇಠಯೇಯ್ಯುಂ.

ಪಸೂ ಮನುಸ್ಸಾ ಮಿಗವೀರಸೇಟ್ಠ [ಮಿಗವಿರಿಯಸೇಟ್ಠ (ಸೀ. ಪೀ.)], ಭಯಟ್ಟಿತಾ [ಭಯದ್ದಿತಾ (ಸೀ. ಪೀ.)] ಸೇಟ್ಠಮುಪಬ್ಬಜನ್ತಿ;

ಪುತ್ತಾ ಮಮಟ್ಟಾ ಗತಿಮಾಗತೋಸ್ಮಿ, ತ್ವಂ ನೋಸಿ ರಾಜಾ ಭವ ಮೇ ಸುಖಾಯ.

ಕರೋಮಿ ¶ ತೇ ಸೇನಕ ಏತಮತ್ಥಂ, ಆಯಾಮಿ ತೇ ತಂ ದಿಸತಂ ವಧಾಯ;

ಕಥಞ್ಹಿ ವಿಞ್ಞೂ ಪಹು ಸಮ್ಪಜಾನೋ, ನ ವಾಯಮೇ ಅತ್ತಜನಸ್ಸ ಗುತ್ತಿಯಾ.

ಮಿತ್ತಞ್ಚ ಕಯಿರಾಥ ಸುಹದಯಞ್ಚ [ಸುಹದ್ದಯಞ್ಚ (ಸೀ.), ಸಖಾಘರಞ್ಚ (ಪೀ.)], ಅಯಿರಞ್ಚ ಕಯಿರಾಥ ಸುಖಾಗಮಾಯ;

ನಿವತ್ಥಕೋಚೋವ [ಕೋಜೋವ (ಸೀ. ಪೀ.)] ಸರೇಭಿಹನ್ತ್ವಾ, ಮೋದಾಮ ಪುತ್ತೇಹಿ ಸಮಙ್ಗಿಭೂತಾ.

ಸಕಮಿತ್ತಸ್ಸ ಕಮ್ಮೇನ, ಸಹಾಯಸ್ಸಾಪಲಾಯಿನೋ;

ಕೂಜನ್ತಮುಪಕೂಜನ್ತಿ ¶ , ಲೋಮಸಾ ಹದಯಙ್ಗಮಂ.

ಮಿತ್ತಂ ಸಹಾಯಂ ಅಧಿಗಮ್ಮ ಪಣ್ಡಿತೋ, ಸೋ ಭುಞ್ಜತೀ ಪುತ್ತ ಪಸುಂ ಧನಂ ವಾ;

ಅಹಞ್ಚ ಪುತ್ತಾ ಚ ಪತೀ ಚ ಮಯ್ಹಂ, ಮಿತ್ತಾನುಕಮ್ಪಾಯ ಸಮಙ್ಗಿಭೂತಾ.

ರಾಜವತಾ ಸೂರವತಾ ಚ ಅತ್ಥೋ, ಸಮ್ಪನ್ನಸಖಿಸ್ಸ ಭವನ್ತಿ ಹೇತೇ;

ಸೋ ಮಿತ್ತವಾ ಯಸವಾ ಉಗ್ಗತತ್ತೋ, ಅಸ್ಮಿಂಧಲೋಕೇ [ಅಸ್ಮಿಞ್ಚ ಲೋಕೇ (ಸೀ. ಸ್ಯಾ. ಪೀ.)] ಮೋದತಿ ಕಾಮಕಾಮೀ.

ಕರಣೀಯಾನಿ ಮಿತ್ತಾನಿ, ದಲಿದ್ದೇನಾಪಿ ಸೇನಕ;

ಪಸ್ಸ ಮಿತ್ತಾನುಕಮ್ಪಾಯ, ಸಮಗ್ಗಮ್ಹಾ ಸಞಾತಕೇ [ಸಞಾತಕಾ (?)].

ಸೂರೇನ ಬಲವನ್ತೇನ, ಯೋ ಮಿತ್ತೇ [ಮೇತ್ತೇ (ಸೀ.), ಮಿತ್ತಂ (ಸ್ಯಾ.)] ಕುರುತೇ ದಿಜೋ;

ಏವಂ ಸೋ ಸುಖಿತೋ ಹೋತಿ, ಯಥಾಹಂ ತ್ವಞ್ಚ ಸೇನಕಾತಿ.

ಖರಾಜಿನಾ ¶ ಜಟಿಲಾ ಪಙ್ಕದನ್ತಾ, ದುಮ್ಮಕ್ಖರೂಪಾ [ದುಮ್ಮುಧರೂಪಾ (ಸೀ. ಪೀ. ಕ.)] ಯೇ ಮನ್ತಂ ಜಪ್ಪನ್ತಿ [ಯೇಮೇ ಜಪನ್ತಿ (ಸೀ. ಪೀ.), ಯೇ’ಮೇ ಜಪ್ಪನ್ತಿ ಮನ್ತೇ (ಜಾ. ೧.೬.೧೦)];

ಕಚ್ಚಿನ್ನು ತೇ ಮಾನುಸಕೇ ಪಯೋಗೇ, ಇದಂ ವಿದೂ ಪರಿಮುತ್ತಾ ಅಪಾಯಾ.

ಪಾಪಾನಿ ¶ ಕಮ್ಮಾನಿ ಕರೇಥ [ಕರೇಯ್ಯ (ಸ್ಯಾ.), ಕತ್ವಾನ (ಜಾ. ೧.೬.೧೧)] ರಾಜ, ಬಹುಸ್ಸುತೋ ಚೇ ನ ಚರೇಯ್ಯ ಧಮ್ಮಂ;

ಸಹಸ್ಸವೇದೋಪಿ ನ ತಂ ಪಟಿಚ್ಚ, ದುಕ್ಖಾ ಪಮುಚ್ಚೇ [ಪಮುಞ್ಚೇ (ಸ್ಯಾ.)] ಚರಣಂ ಅಪತ್ವಾ.

ಸಹಸ್ಸವೇದೋಪಿ ನ ತಂ ಪಟಿಚ್ಚ, ದುಕ್ಖಾ ಪಮುಚ್ಚೇ ಚರಣಂ ಅಪತ್ವಾ;

ಮಞ್ಞಾಮಿ ವೇದಾ ಅಫಲಾ ಭವನ್ತಿ, ಸಸಂಯಮಂ ಚರಣಞ್ಞೇವ ಸಚ್ಚಂ.

ನ ಹೇವ ವೇದಾ ಅಫಲಾ ಭವನ್ತಿ, ಸಸಂಯಮಂ ಚರಣಞ್ಞೇವ ಸಚ್ಚಂ;

ಕಿತ್ತಿಞ್ಹಿ [ಕಿತ್ತಿಞ್ಚ (ಸ್ಯಾ.)] ಪಪ್ಪೋತಿ ಅಧಿಚ್ಚ ವೇದೇ, ಸನ್ತಿಂ ಪುಣಾತಿ [ಪುನೋತಿ (ಸೀ. ಅಟ್ಠ.), ಪುಣೇತಿ (ಸ್ಯಾ. ಜಾ. ೧.೬.೧೩), ಪುನೇತಿ (ಪೀ.)] ಚರಣೇನ ದನ್ತೋ.

ಭಚ್ಚಾ ¶ ಮಾತಾ ಪಿತಾ ಬನ್ಧೂ, ಯೇನ ಜಾತೋ ಸಯೇವ ಸೋ;

ಉದ್ದಾಲಕೋ ಅಹಂ ಭೋತೋ [ಭೋತಿ (ಕ.)], ಸೋತ್ತಿಯಾಕುಲವಂಸಕೋ [ವಂಸತೋ (ಕ.)].

ಕಥಂ ಭೋ ಬ್ರಾಹ್ಮಣೋ ಹೋತಿ, ಕಥಂ ಭವತಿ ಕೇವಲೀ;

ಕಥಞ್ಚ ಪರಿನಿಬ್ಬಾನಂ, ಧಮ್ಮಟ್ಠೋ ಕಿನ್ತಿ ವುಚ್ಚತಿ.

ನಿರಂಕತ್ವಾ ¶ ಅಗ್ಗಿಮಾದಾಯ ಬ್ರಾಹ್ಮಣೋ, ಆಪೋ ಸಿಞ್ಚಂ ಯಜಂ ಉಸ್ಸೇತಿ ಯೂಪಂ;

ಏವಂಕರೋ ಬ್ರಾಹ್ಮಣೋ ಹೋತಿ ಖೇಮೀ, ಧಮ್ಮೇ ಠಿತಂ ತೇನ ಅಮಾಪಯಿಂಸು.

ನ ¶ ಸುದ್ಧಿ ಸೇಚನೇನತ್ಥಿ, ನಾಪಿ ಕೇವಲೀ ಬ್ರಾಹ್ಮಣೋ;

ನ ಖನ್ತೀ ನಾಪಿ ಸೋರಚ್ಚಂ, ನಾಪಿ ಸೋ ಪರಿನಿಬ್ಬುತೋ.

ಕಥಂ ಸೋ [ಭೋ (ಸ್ಯಾ. ಕ.)] ಬ್ರಾಹ್ಮಣೋ ಹೋತಿ, ಕಥಂ ಭವತಿ ಕೇವಲೀ;

ಕಥಞ್ಚ ಪರಿನಿಬ್ಬಾನಂ, ಧಮ್ಮಟ್ಠೋ ಕಿನ್ತಿ ವುಚ್ಚತಿ.

ಅಖೇತ್ತಬನ್ಧೂ ಅಮಮೋ ನಿರಾಸೋ, ನಿಲ್ಲೋಭಪಾಪೋ ಭವಲೋಭಖೀಣೋ;

ಏವಂಕರೋ ಬ್ರಾಹ್ಮಣೋ ಹೋತಿ ಖೇಮೀ, ಧಮ್ಮೇ ಠಿತಂ ತೇನ ಅಮಾಪಯಿಂಸು.

ಖತ್ತಿಯಾ ಬ್ರಾಹ್ಮಣಾ ವೇಸ್ಸಾ, ಸುದ್ದಾ ಚಣ್ಡಾಲಪುಕ್ಕುಸಾ;

ಸಬ್ಬೇವ ಸೋರತಾ ದನ್ತಾ, ಸಬ್ಬೇವ ಪರಿನಿಬ್ಬುತಾ;

ಸಬ್ಬೇಸಂ ಸೀತಿಭೂತಾನಂ, ಅತ್ಥಿ ಸೇಯ್ಯೋಥ [ಸೇಯ್ಯೋವ (ಸೀ. ಪೀ.)] ಪಾಪಿಯೋ.

ಖತ್ತಿಯಾ ಬ್ರಾಹ್ಮಣಾ ವೇಸ್ಸಾ, ಸುದ್ದಾ ಚಣ್ಡಾಲಪುಕ್ಕುಸಾ;

ಸಬ್ಬೇವ ಸೋರತಾ ದನ್ತಾ, ಸಬ್ಬೇವ ಪರಿನಿಬ್ಬುತಾ;

ಸಬ್ಬೇಸಂ ಸೀತಿಭೂತಾನಂ, ನತ್ಥಿ ಸೇಯ್ಯೋಥ ಪಾಪಿಯೋ.

ಖತ್ತಿಯಾ ಬ್ರಾಹ್ಮಣಾ ವೇಸ್ಸಾ, ಸುದ್ದಾ ಚಣ್ಡಾಲಪುಕ್ಕುಸಾ;

ಸಬ್ಬೇವ ಸೋರತಾ ದನ್ತಾ, ಸಬ್ಬೇವ ಪರಿನಿಬ್ಬುತಾ.

ಸಬ್ಬೇಸಂ ಸೀತಿಭೂತಾನಂ, ನತ್ಥಿ ಸೇಯ್ಯೋಥ ಪಾಪಿಯೋ;

ಪನತ್ಥಂ [ಪಸತ್ಥಂ (ಸ್ಯಾ.), ಪಸಟ್ಠಂ (ಕ.)] ಚರಸಿ ಬ್ರಹ್ಮಞ್ಞಂ, ಸೋತ್ತಿಯಾಕುಲವಂಸತಂ.

ನಾನಾರತ್ತೇಹಿ ವತ್ಥೇಹಿ, ವಿಮಾನಂ ಭವತಿ ಛಾದಿತಂ;

ನ ತೇಸಂ ಛಾಯಾ ವತ್ಥಾನಂ, ಸೋ ರಾಗೋ ಅನುಪಜ್ಜಥ.

ಏವಮೇವ ¶ ¶ [ಏವಮೇವಂ (ಪೀ.)] ಮನುಸ್ಸೇಸು, ಯದಾ ಸುಜ್ಝನ್ತಿ ಮಾಣವಾ;

ತೇ ಸಜಾತಿಂ ಪಮುಞ್ಚನ್ತಿ [ನ ತೇಸಂ ಜಾತಿಂ ಪುಚ್ಛನ್ತಿ (ಸೀ. ಸ್ಯಾ. ಪೀ.), ನ ತೇಸಂ ಜಾತಿ ಸುಜ್ಝತಿ (ಕ.)], ಧಮ್ಮಮಞ್ಞಾಯ ಸುಬ್ಬತಾತಿ.

ಅಸ್ಸಂ ¶ ಗವಂ ರಜತಂ ಜಾತರೂಪಂ, ಭರಿಯಞ್ಚ ಸೋ ಇಧ ಲಭತಂ ಮನಾಪಂ;

ಪುತ್ತೇಹಿ ದಾರೇಹಿ ಸಮಙ್ಗಿ ಹೋತು, ಭಿಸಾನಿ ತೇ ಬ್ರಾಹ್ಮಣ ಯೋ ಅಹಾಸಿ.

ಮಾಲಞ್ಚ ಸೋ ಕಾಸಿಕಚನ್ದನಞ್ಚ, ಧಾರೇತು ಪುತ್ತಸ್ಸ ಬಹೂ ಭವನ್ತು;

ಕಾಮೇಸು ತಿಬ್ಬಂ ಕುರುತಂ ಅಪೇಕ್ಖಂ, ಭಿಸಾನಿ ತೇ ಬ್ರಾಹ್ಮಣ ಯೋ ಅಹಾಸಿ.

ಪಹೂತಧಞ್ಞೋ ಕಸಿಮಾ ಯಸಸ್ಸೀ, ಪುತ್ತೇ ಗಿಹೀ ಧನಿಮಾ ಸಬ್ಬಕಾಮೇ;

ವಯಂ ಅಪಸ್ಸಂ ಘರಮಾವಸಾತು, ಭಿಸಾನಿ ತೇ ಬ್ರಾಹ್ಮಣ ಯೋ ಅಹಾಸಿ.

ಸೋ ಖತ್ತಿಯೋ ಹೋತು ಪಸಯ್ಹಕಾರೀ, ರಾಜಾಭಿರಾಜಾ [ರಾಜಾಧಿರಾಜಾ (ಸ್ಯಾ. ಕ.)] ಬಲವಾ ಯಸಸ್ಸೀ;

ಸ ¶ ಚಾತುರನ್ತಂ ಮಹಿಮಾವಸಾತು, ಭಿಸಾನಿ ತೇ ಬ್ರಾಹ್ಮಣ ಯೋ ಅಹಾಸಿ.

ಸೋ ಬ್ರಾಹ್ಮಣೋ ಹೋತು ಅವೀತರಾಗೋ, ಮುಹುತ್ತನಕ್ಖತ್ತಪಥೇಸು ಯುತ್ತೋ;

ಪೂಜೇತು ನಂ ರಟ್ಠಪತೀ ಯಸಸ್ಸೀ, ಭಿಸಾನಿ ತೇ ಬ್ರಾಹ್ಮಣ ಯೋ ಅಹಾಸಿ.

ಅಜ್ಝಾಯಕಂ ¶ ಸಬ್ಬಸಮನ್ತವೇದಂ [ಸಬ್ಬಸಮತ್ತವೇದಂ (ಸೀ.), ಸಬ್ಬಸಮತ್ತವೇದನಂ (ಪೀ.)], ತಪಸ್ಸೀನಂ ಮಞ್ಞತು ಸಬ್ಬಲೋಕೋ;

ಪೂಜೇನ್ತು ನಂ ಜಾನಪದಾ ಸಮೇಚ್ಚ, ಭಿಸಾನಿ ತೇ ಬ್ರಾಹ್ಮಣ ಯೋ ಅಹಾಸಿ.

ಚತುಸ್ಸದಂ ಗಾಮವರಂ ಸಮಿದ್ಧಂ, ದಿನ್ನಞ್ಹಿ ಸೋ ಭುಞ್ಜತು ವಾಸವೇನ;

ಅವೀತರಾಗೋ ಮರಣಂ ಉಪೇತು, ಭಿಸಾನಿ ತೇ ಬ್ರಾಹ್ಮಣ ಯೋ ಅಹಾಸಿ.

ಸೋ ಗಾಮಣೀ ಹೋತು ಸಹಾಯಮಜ್ಝೇ, ನಚ್ಚೇಹಿ ಗೀತೇಹಿ ಪಮೋದಮಾನೋ;

ಸೋ ರಾಜತೋ ಬ್ಯಸನ ಮಾಲತ್ಥ [ಮಾ ರಾಜತೋ ವ್ಯಸನ’ಮಲತ್ಥ (ಸೀ. ಸ್ಯಾ. ಪೀ.)] ಕಿಞ್ಚಿ, ಭಿಸಾನಿ ತೇ ಬ್ರಾಹ್ಮಣ ಯೋ ಅಹಾಸಿ.

ಯಂ ಏಕರಾಜಾ ಪಥವಿಂ ವಿಜೇತ್ವಾ, ಇತ್ಥೀಸಹಸ್ಸಾನ [ಇತ್ಥೀಸಹಸ್ಸಸ್ಸ (ಸೀ. ಪೀ.)] ಠಪೇತು ಅಗ್ಗಂ;

ಸೀಮನ್ತಿನೀನಂ ¶ ಪವರಾ ಭವಾತು, ಭಿಸಾನಿ ತೇ ಬ್ರಾಹ್ಮಣ ಯಾ ಅಹಾಸಿ.

ಇಸೀನಞ್ಹಿ ಸಾ ಸಬ್ಬಸಮಾಗತಾನಂ, ಭುಞ್ಜೇಯ್ಯ ಸಾದುಂ ಅವಿಕಮ್ಪಮಾನಾ;

ಚರಾತು ಲಾಭೇನ ವಿಕತ್ಥಮಾನಾ, ಭಿಸಾನಿ ತೇ ಬ್ರಾಹ್ಮಣ ಯಾ ಅಹಾಸಿ.

ಆವಾಸಿಕೋ ಹೋತು ಮಹಾವಿಹಾರೇ, ನವಕಮ್ಮಿಕೋ ಹೋತು ಗಜಙ್ಗಲಾಯಂ [ಕಜಙ್ಗಲಾಯಂ (ಸೀ. ಸ್ಯಾ. ಪೀ.)];

ಆಲೋಕಸನ್ಧಿಂ ದಿವಸಂ [ದಿವಸಾ (ಸೀ. ಸ್ಯಾ. ಪೀ.)] ಕರೋತು, ಭಿಸಾನಿ ತೇ ಬ್ರಾಹ್ಮಣ ಯೋ ಅಹಾಸಿ.

ಸೋ ¶ ಬಜ್ಝತೂ ಪಾಸಸತೇಹಿ ಛಬ್ಭಿ [ಛಮ್ಹಿ (ಸೀ. ಪೀ.), ಛಸ್ಸು (?)], ರಮ್ಮಾ ವನಾ ನಿಯ್ಯತು ರಾಜಧಾನಿಂ [ರಾಜಠಾನಿಂ (ಕ.)];

ತುತ್ತೇಹಿ ಸೋ ಹಞ್ಞತು ಪಾಚನೇಹಿ, ಭಿಸಾನಿ ತೇ ಬ್ರಾಹ್ಮಣ ಯೋ ಅಹಾಸಿ.

ಅಲಕ್ಕಮಾಲೀ ತಿಪುಕಣ್ಣವಿದ್ಧೋ, ಲಟ್ಠೀಹತೋ ಸಪ್ಪಮುಖಂ ಉಪೇತು;

ಸಕಚ್ಛಬನ್ಧೋ [ಸಕ್ಕಚ್ಚಬದ್ಧೋ (ಸೀ. ಪೀ.), ಸಂಕಚ್ಚಬನ್ಧೋ (ನಿಯ್ಯ)] ವಿಸಿಖಂ ಚರಾತು, ಭಿಸಾನಿ ತೇ ಬ್ರಾಹ್ಮಣ ಯೋ ಅಹಾಸಿ.

ಯೋ ವೇ ಅನಟ್ಠಂವ [ಅನಟ್ಠಂ (ಸೀ. ಸ್ಯಾ. ಪೀ.)] ನಟ್ಠನ್ತಿ ಚಾಹ, ಕಾಮೇವ ¶ ಸೋ ಲಭತಂ ಭುಞ್ಜತಞ್ಚ [ಲಭತು ಭುಞ್ಜತು ಚ (ಸ್ಯಾ.)];

ಅಗಾರಮಜ್ಝೇ ಮರಣಂ ಉಪೇತು, ಯೋ ವಾ ಭೋನ್ತೋ ಸಙ್ಕತಿ ಕಞ್ಚಿದೇವ [ಕಿಞ್ಚಿದೇವ (ಕ.)].

ಯದೇಸಮಾನಾ ¶ ವಿಚರನ್ತಿ ಲೋಕೇ, ಇಟ್ಠಞ್ಚ ಕನ್ತಞ್ಚ ಬಹೂನಮೇತಂ;

ಪಿಯಂ ಮನುಞ್ಞಂ ಚಿಧ ಜೀವಲೋಕೇ, ಕಸ್ಮಾ ಇಸಯೋ ನಪ್ಪಸಂಸನ್ತಿ ಕಾಮೇ.

ಕಾಮೇಸು ವೇ ಹಞ್ಞರೇ ಬಜ್ಝರೇ ಚ, ಕಾಮೇಸು ದುಕ್ಖಞ್ಚ ಭಯಞ್ಚ ಜಾತಂ;

ಕಾಮೇಸು ಭೂತಾಧಿಪತೀ ಪಮತ್ತಾ, ಪಾಪಾನಿ ಕಮ್ಮಾನಿ ಕರೋನ್ತಿ ಮೋಹಾ.

ತೇ ಪಾಪಧಮ್ಮಾ ಪಸವೇತ್ವ ಪಾಪಂ, ಕಾಯಸ್ಸ ಭೇದಾ ನಿರಯಂ ವಜನ್ತಿ;

ಆದೀನವಂ ಕಾಮಗುಣೇಸು ದಿಸ್ವಾ, ತಸ್ಮಾ ಇಸಯೋ ನಪ್ಪಸಂಸನ್ತಿ ಕಾಮೇ.

ವೀಮಂಸಮಾನೋ ಇಸಿನೋ ಭಿಸಾನಿ, ತೀರೇ ಗಹೇತ್ವಾನ ಥಲೇ ನಿಧೇಸಿಂ;

ಸುದ್ಧಾ ಅಪಾಪಾ ಇಸಯೋ ವಸನ್ತಿ, ಏತಾನಿ ತೇ ಬ್ರಹ್ಮಚಾರೀ ಭಿಸಾನಿ.

ನ ¶ ತೇ ನಟಾ ನೋ ಪನ ಕೀಳನೇಯ್ಯಾ, ನ ¶ ಬನ್ಧವಾ ನೋ ಪನ ತೇ ಸಹಾಯಾ;

ಕಿಸ್ಮಿಂ ವುಪತ್ಥಮ್ಭ ಸಹಸ್ಸನೇತ್ತ, ಇಸೀಹಿ ತ್ವಂ ಕೀಳಸಿ ದೇವರಾಜ.

ಆಚರಿಯೋ ಮೇಸಿ ಪಿತಾ ಚ ಮಯ್ಹಂ, ಏಸಾ ಪತಿಟ್ಠಾ ಖಲಿತಸ್ಸ ಬ್ರಹ್ಮೇ;

ಏಕಾಪರಾಧಂ ಖಮ ಭೂರಿಪಞ್ಞ, ನ ಪಣ್ಡಿತಾ ಕೋಧಬಲಾ ಭವನ್ತಿ.

ಸುವಾಸಿತಂ ಇಸಿನಂ ಏಕರತ್ತಂ, ಯಂ ವಾಸವಂ ಭೂತಪತಿದ್ದಸಾಮ;

ಸಬ್ಬೇವ ಭೋನ್ತೋ ಸುಮನಾ ಭವನ್ತು, ಯಂ ಬ್ರಾಹ್ಮಣೋ ಪಚ್ಚುಪಾದೀ ಭಿಸಾನಿ.

ಅಹಞ್ಚ ಸಾರಿಪುತ್ತೋ ಚ, ಮೋಗ್ಗಲ್ಲಾನೋ ಚ ಕಸ್ಸಪೋ;

ಅನುರುದ್ಧೋ ಪುಣ್ಣೋ ಆನನ್ದೋ, ತದಾಸುಂ ಸತ್ತ ಭಾತರೋ.

ಭಗಿನೀ ಉಪ್ಪಲವಣ್ಣಾ ಚ, ದಾಸೀ ಖುಜ್ಜುತ್ತರಾ ತದಾ;

ಚಿತ್ತೋ ಗಹಪತಿ ದಾಸೋ, ಯಕ್ಖೋ ಸಾತಾಗಿರೋ ತದಾ.

ಪಾಲಿಲೇಯ್ಯೋ [ಪಾರಿಲೇಯ್ಯೋ (ಸೀ. ಪೀ.)] ತದಾ ನಾಗೋ, ಮಧುದೋ [ಮಧುವಾ (ಸೀ. ಪೀ.)] ಸೇಟ್ಠವಾನರೋ;

ಕಾಳುದಾಯೀ ತದಾ ಸಕ್ಕೋ, ಏವಂ ಧಾರೇಥ ಜಾತಕನ್ತಿ.

ಮಹೇಸೀ ¶ ಸುರುಚಿನೋ [ರುಚಿನೋ (ಸೀ. ಸ್ಯಾ. ಪೀ.)] ಭರಿಯಾ, ಆನೀತಾ ಪಠಮಂ ಅಹಂ;

ದಸ ವಸ್ಸಸಹಸ್ಸಾನಿ, ಯಂ ಮಂ ಸುರುಚಿಮಾನಯಿ.

ಸಾಹಂ ಬ್ರಾಹ್ಮಣ ರಾಜಾನಂ, ವೇದೇಹಂ ಮಿಥಿಲಗ್ಗಹಂ;

ನಾಭಿಜಾನಾಮಿ ಕಾಯೇನ, ವಾಚಾಯ ಉದ ಚೇತಸಾ;

ಸುರುಚಿಂ ಅತಿಮಞ್ಞಿತ್ಥ [ಅತಿಮಞ್ಞಿತ್ಥೋ (ಸೀ. ಪೀ.), ಅತಿಮಞ್ಞಿತಾ (?)], ಆವಿ [ಆವಿಂ (ಸೀ. ಪೀ.)] ವಾ ಯದಿ ವಾ ರಹೋ.

ಏತೇನ ¶ ಸಚ್ಚವಜ್ಜೇನ, ಪುತ್ತೋ ಉಪ್ಪಜ್ಜತಂ ಇಸೇ;

ಮುಸಾ ಮೇ ಭಣಮಾನಾಯ, ಮುದ್ಧಾ ಫಲತು ಸತ್ತಧಾ.

ಭತ್ತು ¶ ಮಮ ಸಸ್ಸು ಮಾತಾ, ಪಿತಾ ಚಾಪಿ ಚ ಸಸ್ಸುರೋ;

ತೇ ಮಂ ಬ್ರಹ್ಮೇ ವಿನೇತಾರೋ, ಯಾವ ಅಟ್ಠಂಸು ಜೀವಿತಂ.

ಸಾಹಂ ಅಹಿಂಸಾರತಿನೀ, ಕಾಮಸಾ [ಕಾಮಸೋ (ಸೀ.)] ಧಮ್ಮಚಾರಿನೀ [ಧಮ್ಮಚಾರಿಣೀ (ಸೀ.)];

ಸಕ್ಕಚ್ಚಂ ತೇ ಉಪಟ್ಠಾಸಿಂ, ರತ್ತಿನ್ದಿವಮತನ್ದಿತಾ.

ಏತೇನ ಸಚ್ಚವಜ್ಜೇನ, ಪುತ್ತೋ ಉಪ್ಪಜ್ಜತಂ ಇಸೇ;

ಮುಸಾ ಮೇ ಭಣಮಾನಾಯ, ಮುದ್ಧಾ ಫಲತು ಸತ್ತಧಾ.

ಸೋಳಸಿತ್ಥಿಸಹಸ್ಸಾನಿ, ಸಹಭರಿಯಾನಿ ಬ್ರಾಹ್ಮಣ;

ತಾಸು ಇಸ್ಸಾ ವಾ ಕೋಧೋ ವಾ, ನಾಹು ಮಯ್ಹಂ ಕುದಾಚನಂ.

ಹಿತೇನ ತಾಸಂ ನನ್ದಾಮಿ, ನ ಚ ಮೇ ಕಾಚಿ ಅಪ್ಪಿಯಾ;

ಅತ್ತಾನಂವಾನುಕಮ್ಪಾಮಿ, ಸದಾ ಸಬ್ಬಾ ಸಪತ್ತಿಯೋ.

ಏತೇನ ಸಚ್ಚವಜ್ಜೇನ, ಪುತ್ತೋ ಉಪ್ಪಜ್ಜತಂ ಇಸೇ;

ಮುಸಾ ಮೇ ಭಣಮಾನಾಯ, ಮುದ್ಧಾ ಫಲತು ಸತ್ತಧಾ.

ದಾಸೇ ¶ ಕಮ್ಮಕರೇ ಪೇಸ್ಸೇ [ಪೋಸೇ (ಸ್ಯಾ. ಕ.)], ಯೇ ಚಞ್ಞೇ ಅನುಜೀವಿನೋ;

ಪೇಸೇಮಿ [ಪೋಸೇಮಿ (ಸೀ. ಸ್ಯಾ. ಪೀ.)] ಸಹಧಮ್ಮೇನ, ಸದಾ ಪಮುದಿತಿನ್ದ್ರಿಯಾ.

ಏತೇನ ಸಚ್ಚವಜ್ಜೇನ, ಪುತ್ತೋ ಉಪ್ಪಜ್ಜತಂ ಇಸೇ;

ಮುಸಾ ಮೇ ಭಣಮಾನಾಯ, ಮುದ್ಧಾ ಫಲತು ಸತ್ತಧಾ.

ಸಮಣೇ ಬ್ರಾಹ್ಮಣೇ ಚಾಪಿ, ಅಞ್ಞೇ ಚಾಪಿ ವನಿಬ್ಬಕೇ;

ತಪ್ಪೇಮಿ ಅನ್ನಪಾನೇನ, ಸದಾ ಪಯತಪಾಣಿನೀ.

ಏತೇನ ಸಚ್ಚವಜ್ಜೇನ, ಪುತ್ತೋ ಉಪ್ಪಜ್ಜತಂ ಇಸೇ;

ಮುಸಾ ಮೇ ಭಣಮಾನಾಯ, ಮುದ್ಧಾ ಫಲತು ಸತ್ತಧಾ.

ಚಾತುದ್ದಸಿಂ ಪಞ್ಚದ್ದಸಿಂ [ಪನ್ನರಸಿಂ (ಸೀ. ಪೀ.)], ಯಾ ಚ ಪಕ್ಖಸ್ಸ ಅಟ್ಠಮೀ [ಅಟ್ಠಮಿಂ (ಸೀ. ಪೀ.)];

ಪಾಟಿಹಾರಿಯಪಕ್ಖಞ್ಚ, ಅಟ್ಠಙ್ಗಸುಸಮಾಗತಂ [ಅಟ್ಠಙ್ಗಸುಸಮಾಹಿತಂ (ಸಬ್ಬತ್ಥ) ವಿ. ವ. ೧೨೯ ಪಾಳಿಯಾ ಅಟ್ಠಕಥಾ ಪಸ್ಸಿತಬ್ಬಾ];

ಉಪೋಸಥಂ ಉಪವಸಾಮಿ [ಉಪವಸಿಂ (ಕ.)], ಸದಾ ಸೀಲೇಸು ಸಂವುತಾ.

ಏತೇನ ¶ ಸಚ್ಚವಜ್ಜೇನ, ಪುತ್ತೋ ಉಪ್ಪಜ್ಜತಂ ಇಸೇ;

ಮುಸಾ ಮೇ ಭಣಮಾನಾಯ, ಮುದ್ಧಾ ಫಲತು ಸತ್ತಧಾ.

ಸಬ್ಬೇವ ತೇ ಧಮ್ಮಗುಣಾ, ರಾಜಪುತ್ತಿ ಯಸಸ್ಸಿನಿ;

ಸಂವಿಜ್ಜನ್ತಿ ತಯಿ ಭದ್ದೇ, ಯೇ ತ್ವಂ ಕಿತ್ತೇಸಿ ಅತ್ತನಿ.

ಖತ್ತಿಯೋ ಜಾತಿಸಮ್ಪನ್ನೋ, ಅಭಿಜಾತೋ ಯಸಸ್ಸಿಮಾ;

ಧಮ್ಮರಾಜಾ ವಿದೇಹಾನಂ, ಪುತ್ತೋ ಉಪ್ಪಜ್ಜತೇ ತವ [ತವಂ (ಸೀ. ಪೀ.)].

ದುಮ್ಮೀ ¶ [ರುಮ್ಮೀ (ಸೀ. ಪೀ.)] ರಜೋಜಲ್ಲಧರೋ, ಅಘೇ ವೇಹಾಯಸಂ ಠಿತೋ;

ಮನುಞ್ಞಂ ಭಾಸಸೇ ವಾಚಂ, ಯಂ ಮಯ್ಹಂ ಹದಯಙ್ಗಮಂ.

ದೇವತಾನುಸಿ ¶ ಸಗ್ಗಮ್ಹಾ, ಇಸಿ ವಾಸಿ [ಚಾಪಿ (ಕ.)] ಮಹಿದ್ಧಿಕೋ;

ಕೋ ವಾಸಿ ತ್ವಂ ಅನುಪ್ಪತ್ತೋ, ಅತ್ತಾನಂ ಮೇ ಪವೇದಯ.

ಯಂ ದೇವಸಙ್ಘಾ ವನ್ದನ್ತಿ, ಸುಧಮ್ಮಾಯಂ ಸಮಾಗತಾ;

ಸೋಹಂ ಸಕ್ಕೋ ಸಹಸ್ಸಕ್ಖೋ, ಆಗತೋಸ್ಮಿ ತವನ್ತಿಕೇ.

ಇತ್ಥಿಯೋ [ಇತ್ಥಿಯಾ (ಪೀ.)] ಜೀವಲೋಕಸ್ಮಿಂ, ಯಾ ಹೋತಿ [ಹೋನ್ತಿ (ಸೀ. ಸ್ಯಾ.)] ಸಮಚಾರಿನೀ [ಸಮಚಾರಿಣೀ (ಸೀ.)];

ಮೇಧಾವಿನೀ ಸೀಲವತೀ, ಸಸ್ಸುದೇವಾ ಪತಿಬ್ಬತಾ.

ತಾದಿಸಾಯ ಸುಮೇಧಾಯ, ಸುಚಿಕಮ್ಮಾಯ ನಾರಿಯಾ;

ದೇವಾ ದಸ್ಸನಮಾಯನ್ತಿ, ಮಾನುಸಿಯಾ ಅಮಾನುಸಾ.

ತ್ವಞ್ಚ ಭದ್ದೇ ಸುಚಿಣ್ಣೇನ, ಪುಬ್ಬೇ ಸುಚರಿತೇನ ಚ;

ಇಧ ರಾಜಕುಲೇ ಜಾತಾ, ಸಬ್ಬಕಾಮಸಮಿದ್ಧಿನೀ.

ಅಯಞ್ಚ ತೇ ರಾಜಪುತ್ತಿ, ಉಭಯತ್ಥ ಕಟಗ್ಗಹೋ;

ದೇವಲೋಕೂಪಪತ್ತೀ ಚ, ಕಿತ್ತೀ ಚ ಇಧ ಜೀವಿತೇ.

ಚಿರಂ ಸುಮೇಧೇ ಸುಖಿನೀ, ಧಮ್ಮಮತ್ತನಿ ಪಾಲಯ;

ಏಸಾಹಂ ತಿದಿವಂ ಯಾಮಿ, ಪಿಯಂ ಮೇ ತವ ದಸ್ಸನನ್ತಿ.

ಅಪ್ಪೋಸ್ಸುಕ್ಕೋ ¶ ದಾನಿ ತುವಂ ಕಪೋತ, ವಿಹಙ್ಗಮ ನ ತವ ಭೋಜನತ್ಥೋ;

ಖುದಂ [ಖುದ್ದಂ (ಸ್ಯಾ. ಕ.), ಖುಧಂ (ಸಕ್ಕತ-ಪಾಕತಾನುರೂಪಂ)] ಪಿಪಾಸಂ ಅಧಿವಾಸಯನ್ತೋ, ಕಸ್ಮಾ ಭವಂಪೋಸಥಿಕೋ ಕಪೋತ [ಕಪೋತೋ (ಸೀ. ಪೀ.)].

ಅಹಂ ಪುರೇ ಗಿದ್ಧಿಗತೋ ಕಪೋತಿಯಾ, ಅಸ್ಮಿಂ ಪದೇಸಸ್ಮಿಮುಭೋ ರಮಾಮ;

ಅಥಗ್ಗಹೀ ಸಾಕುಣಿಕೋ ಕಪೋತಿಂ, ಅಕಾಮಕೋ ತಾಯ ವಿನಾ ಅಹೋಸಿಂ.

ನಾನಾಭವಾ ವಿಪ್ಪಯೋಗೇನ ತಸ್ಸಾ, ಮನೋಮಯಂ ವೇದನ ವೇದಯಾಮಿ [ವೇದನಂ ವೇದಿಯಾಮಿ (ಸೀ. ಪೀ.)];

ತಸ್ಮಾ ಅಹಂಪೋಸಥಂ ಪಾಲಯಾಮಿ, ರಾಗೋ ಮಮಂ ಮಾ ಪುನರಾಗಮಾಸಿ.

ಅನುಜ್ಜುಗಾಮೀ ಉರಗಾ ದುಜಿವ್ಹ [ಉರಗ ದ್ವಿಜಿವ್ಹ (ಸೀ.)], ದಾಠಾವುಧೋ ಘೋರವಿಸೋಸಿ ಸಪ್ಪ;

ಖುದಂ ಪಿಪಾಸಂ ಅಧಿವಾಸಯನ್ತೋ, ಕಸ್ಮಾ ¶ ಭವಂಪೋಸಥಿಕೋ ನು ದೀಘ [ದೀಘೋ (ಸೀ. ಪೀ.)].

ಉಸಭೋ ಅಹೂ ಬಲವಾ ಗಾಮಿಕಸ್ಸ, ಚಲಕ್ಕಕೂ ವಣ್ಣಬಲೂಪಪನ್ನೋ;

ಸೋ ಮಂ ಅಕ್ಕಮಿ ತಂ ಕುಪಿತೋ ಅಡಂಸಿ, ದುಕ್ಖಾಭಿತುಣ್ಣೋ ಮರಣಂ ಉಪಾಗಾ [ಉಪಾಗಮಿ (ಸೀ. ಪೀ.)].

ತತೋ ¶ ಜನಾ ನಿಕ್ಖಮಿತ್ವಾನ ಗಾಮಾ, ಕನ್ದಿತ್ವಾ ರೋದಿತ್ವಾ [ಕನ್ದಿತ್ವ ರೋದಿತ್ವ (ಸೀ.)] ಅಪಕ್ಕಮಿಂಸು;

ತಸ್ಮಾ ಅಹಂಪೋಸಥಂ ಪಾಲಯಾಮಿ, ಕೋಧೋ ¶ ಮಮಂ ಮಾ ಪುನರಾಗಮಾಸಿ.

ಮತಾನ ¶ ಮಂಸಾನಿ ಬಹೂ ಸುಸಾನೇ, ಮನುಞ್ಞರೂಪಂ ತವ ಭೋಜನೇ ತಂ;

ಖುದಂ ಪಿಪಾಸಂ ಅಧಿವಾಸಯನ್ತೋ, ಕಸ್ಮಾ ಭವಂಪೋಸಥಿಕೋ ಸಿಙ್ಗಾಲ [ಸಿಗಾಲೋ (ಸೀ. ಪೀ.)].

ಪವಿಸಿ [ಪವಿಸ್ಸಂ (ಸೀ. ಪೀ.), ಪವಿಸ್ಸ (ಸ್ಯಾ.)] ಕುಚ್ಛಿಂ ಮಹತೋ ಗಜಸ್ಸ, ಕುಣಪೇ ರತೋ ಹತ್ಥಿಮಂಸೇಸು ಗಿದ್ಧೋ [ಹತ್ಥಿಮಂಸೇ ಪಗಿದ್ಧೋ (ಸೀ. ಪೀ.)];

ಉಣ್ಹೋ ಚ ವಾತೋ ತಿಖಿಣಾ ಚ ರಸ್ಮಿಯೋ, ತೇ ಸೋಸಯುಂ ತಸ್ಸ ಕರೀಸಮಗ್ಗಂ.

ಕಿಸೋ ಚ ಪಣ್ಡೂ ಚ ಅಹಂ ಭದನ್ತೇ, ನ ಮೇ ಅಹೂ ನಿಕ್ಖಮನಾಯ ಮಗ್ಗೋ;

ಮಹಾ ಚ ಮೇಘೋ ಸಹಸಾ ಪವಸ್ಸಿ, ಸೋ ತೇಮಯೀ ತಸ್ಸ ಕರೀಸಮಗ್ಗಂ.

ತತೋ ಅಹಂ ನಿಕ್ಖಮಿಸಂ ಭದನ್ತೇ, ಚನ್ದೋ ಯಥಾ ರಾಹುಮುಖಾ ಪಮುತ್ತೋ;

ತಸ್ಮಾ ಅಹಂಪೋಸಥಂ ಪಾಲಯಾಮಿ, ಲೋಭೋ ಮಮಂ ಮಾ ಪುನರಾಗಮಾಸಿ.

ವಮ್ಮೀಕಥೂಪಸ್ಮಿಂ ಕಿಪಿಲ್ಲಿಕಾನಿ, ನಿಪ್ಪೋಥಯನ್ತೋ ತುವಂ ಪುರೇ ಚರಾಸಿ;

ಖುದಂ ಪಿಪಾಸಂ ಅಧಿವಾಸಯನ್ತೋ, ಕಸ್ಮಾ ¶ ಭವಂಪೋಸಥಿಕೋ ನು ಅಚ್ಛ [ಅಚ್ಛೋ (ಸೀ. ಪೀ.)].

ಸಕಂ ನಿಕೇತಂ ಅತಿಹೀಳಯಾನೋ [ಅತಿಹೇಳಯಾನೋ (ಸ್ಯಾ. ಕ.)], ಅತ್ರಿಚ್ಛತಾ [ಅತ್ರಿಚ್ಛತಾಯ (ಸೀ. ಸ್ಯಾ. ಪೀ.)] ಮಲ್ಲಗಾಮಂ [ಮಲತಂ (ಸೀ. ಪೀ.), ಮಲ್ಲಯತಂ (ಕ.)] ಅಗಚ್ಛಿಂ;

ತತೋ ಜನಾ ನಿಕ್ಖಮಿತ್ವಾನ ಗಾಮಾ, ಕೋದಣ್ಡಕೇನ ಪರಿಪೋಥಯಿಂಸು ಮಂ.

ಸೋ ¶ ಭಿನ್ನಸೀಸೋ ರುಹಿರಮಕ್ಖಿತಙ್ಗೋ, ಪಚ್ಚಾಗಮಾಸಿಂ ಸಕಂ [ಸ ಸಕಂ (ಸ್ಯಾ. ಕ.),’ಥ ಸಕಂ (?)] ನಿಕೇತಂ;

ತಸ್ಮಾ ಅಹಂಪೋಸಥಂ ಪಾಲಯಾಮಿ, ಅತ್ರಿಚ್ಛತಾ ಮಾ ಪುನರಾಗಮಾಸಿ.

ಯಂ ನೋ ಅಪುಚ್ಛಿತ್ಥ ತುವಂ ಭದನ್ತೇ, ಸಬ್ಬೇವ ಬ್ಯಾಕರಿಮ್ಹ ಯಥಾ ಪಜಾನಂ;

ಮಯಮ್ಪಿ ಪುಚ್ಛಾಮ ತುವಂ ಭದನ್ತೇ, ಕಸ್ಮಾ ಭವಂಪೋಸಥಿಕೋ ನು ಬ್ರಹ್ಮೇ.

ಅನೂಪಲಿತ್ತೋ ಮಮ ಅಸ್ಸಮಮ್ಹಿ, ಪಚ್ಚೇಕಬುದ್ಧೋ ಮುಹುತ್ತಂ ನಿಸೀದಿ;

ಸೋ ಮಂ ಅವೇದೀ ಗತಿಮಾಗತಿಞ್ಚ, ನಾಮಞ್ಚ ಗೋತ್ತಂ ಚರಣಞ್ಚ ಸಬ್ಬಂ.

ಏವಮ್ಪಹಂ ವನ್ದಿ ನ [ಏವಮ್ಪಹಂ ನಗ್ಗಹೇ (ಸೀ. ಪೀ.)] ತಸ್ಸ ಪಾದೇ, ನ ಚಾಪಿ ನಂ ಮಾನಗತೇನ ಪುಚ್ಛಿಂ;

ತಸ್ಮಾ ಅಹಂಪೋಸಥಂ ಪಾಲಯಾಮಿ, ಮಾನೋ ¶ ಮಮಂ ಮಾ ಪುನರಾಗಮಾಸೀತಿ.

ಸಚೇ ಹಿ ತ್ಯಾಹಂ ಧನಹೇತು ಗಾಹಿತೋ, ಮಾ ಮಂ ವಧೀ ಜೀವಗಾಹಂ ಗಹೇತ್ವಾ;

ರಞ್ಞೋ ಚ [ರಞ್ಞೋವ (ಸೀ. ಪೀ.)] ಮಂ ಸಮ್ಮ ಉಪನ್ತಿಕಂ [ಉಪನ್ತಿ (ಸೀ. ಸ್ಯಾ. ಪೀ.)] ನೇಹಿ, ಮಞ್ಞೇ ಧನಂ ಲಚ್ಛಸಿನಪ್ಪರೂಪಂ.

ನ ಮೇ ಅಯಂ ತುಯ್ಹ ವಧಾಯ ಅಜ್ಜ, ಸಮಾಹಿತೋ ಚಾಪಧುರೇ [ಚಾಪವರೇ (ಸೀ. ಪೀ.), ಚಾಪವರೋ (ಸ್ಯಾ.)] ಖುರಪ್ಪೋ;

ಪಾಸಞ್ಚ ತ್ಯಾಹಂ ಅಧಿಪಾತಯಿಸ್ಸಂ, ಯಥಾಸುಖಂ ಗಚ್ಛತು ಮೋರರಾಜಾ.

ಯಂ ¶ ¶ ಸತ್ತ ವಸ್ಸಾನಿ ಮಮಾನುಬನ್ಧಿ, ರತ್ತಿನ್ದಿವಂ ಖುಪ್ಪಿಪಾಸಂ ಸಹನ್ತೋ;

ಅಥ ಕಿಸ್ಸ ಮಂ ಪಾಸವಸೂಪನೀತಂ, ಪಮುತ್ತವೇ ¶ ಇಚ್ಛಸಿ ಬನ್ಧನಸ್ಮಾ.

ಪಾಣಾತಿಪಾತಾ ವಿರತೋ ನುಸಜ್ಜ, ಅಭಯಂ ನು ತೇ ಸಬ್ಬಭೂತೇಸು ದಿನ್ನಂ;

ಯಂ ಮಂ ತುವಂ ಪಾಸವಸೂಪನೀತಂ, ಪಮುತ್ತವೇ ಇಚ್ಛಸಿ ಬನ್ಧನಸ್ಮಾ.

ಪಾಣಾತಿಪಾತಾ ವಿರತಸ್ಸ ಬ್ರೂಹಿ, ಅಭಯಞ್ಚ ಯೋ ಸಬ್ಬಭೂತೇಸು ದೇತಿ;

ಪುಚ್ಛಾಮಿ ತಂ ಮೋರರಾಜೇತಮತ್ಥಂ, ಇತೋ ಚುತೋ ಕಿಂ ಲಭತೇ ಸುಖಂ ಸೋ.

ಪಾಣಾತಿಪಾತಾ ವಿರತಸ್ಸ ಬ್ರೂಮಿ, ಅಭಯಞ್ಚ ಯೋ ಸಬ್ಬಭೂತೇಸು ದೇತಿ;

ದಿಟ್ಠೇವ ಧಮ್ಮೇ ಲಭತೇ ಪಸಂಸಂ, ಸಗ್ಗಞ್ಚ ಸೋ ಯಾತಿ ಸರೀರಭೇದಾ.

ನ ಸನ್ತಿ ದೇವಾ ಇತಿ ಆಹು [ಇಚ್ಚಾಹು (ಸೀ. ಪೀ.)] ಏಕೇ, ಇಧೇವ ಜೀವೋ ವಿಭವಂ ಉಪೇತಿ;

ತಥಾ ಫಲಂ ಸುಕತದುಕ್ಕಟಾನಂ, ದತ್ತುಪಞ್ಞತ್ತಞ್ಚ ವದನ್ತಿ ದಾನಂ;

ತೇಸಂ ವಚೋ ಅರಹತಂ ಸದ್ದಹಾನೋ, ತಸ್ಮಾ ಅಹಂ ಸಕುಣೇ ಬಾಧಯಾಮಿ.

ಚನ್ದೋ ಚ ಸುರಿಯೋ ಚ ಉಭೋ ಸುದಸ್ಸನಾ, ಗಚ್ಛನ್ತಿ ಓಭಾಸಯಮನ್ತಲಿಕ್ಖೇ;

ಇಮಸ್ಸ ಲೋಕಸ್ಸ ಪರಸ್ಸ ವಾ ತೇ, ಕಥಂ ನು ತೇ ಆಹು ಮನುಸ್ಸಲೋಕೇ.

ಚನ್ದೋ ¶ ಚ ಸುರಿಯೋ ಚ ಉಭೋ ಸುದಸ್ಸನಾ, ಗಚ್ಛನ್ತಿ ¶ ಓಭಾಸಯಮನ್ತಲಿಕ್ಖೇ;

ಪರಸ್ಸ ಲೋಕಸ್ಸ ನ ತೇ ಇಮಸ್ಸ, ದೇವಾತಿ ತೇ ಆಹು ಮನುಸ್ಸಲೋಕೇ.

ಏತ್ಥೇವ ತೇ ನೀಹತಾ ಹೀನವಾದಾ, ಅಹೇತುಕಾ ಯೇ ನ ವದನ್ತಿ ಕಮ್ಮಂ;

ತಥಾ ಫಲಂ ಸುಕತದುಕ್ಕಟಾನಂ, ದತ್ತುಪಞ್ಞತ್ತಂ ಯೇ ಚ ವದನ್ತಿ ದಾನಂ.

ಅದ್ಧಾ ಹಿ ಸಚ್ಚಂ ವಚನಂ ತವೇದಂ [ತವೇತಂ (ಸೀ. ಸ್ಯಾ. ಪೀ.)], ಕಥಞ್ಹಿ ದಾನಂ ಅಫಲಂ ಭವೇಯ್ಯ [ವದೇಯ್ಯ (ಸೀ. ಪೀ.)];

ತಥಾ ಫಲಂ ಸುಕತದುಕ್ಕಟಾನಂ, ದತ್ತುಪಞ್ಞತ್ತಞ್ಚ ಕಥಂ ಭವೇಯ್ಯ.

ಕಥಂಕರೋ ಕಿನ್ತಿಕರೋ ಕಿಮಾಚರಂ, ಕಿಂ ಸೇವಮಾನೋ ಕೇನ ತಪೋಗುಣೇನ;

ಅಕ್ಖಾಹಿ [ಅಕ್ಖಾಹಿ ತಂ ದಾನಿ (ಕ.)] ಮೇ ಮೋರರಾಜೇತಮತ್ಥಂ, ಯಥಾ ಅಹಂ ನೋ ನಿರಯಂ ಪತೇಯ್ಯಂ.

ಯೇ ಕೇಚಿ ಅತ್ಥಿ ಸಮಣಾ ಪಥಬ್ಯಾ, ಕಾಸಾಯವತ್ಥಾ ಅನಗಾರಿಯಾ ತೇ;

ಪಾತೋವ ಪಿಣ್ಡಾಯ ಚರನ್ತಿ ಕಾಲೇ, ವಿಕಾಲಚರಿಯಾ ವಿರತಾ ಹಿ ಸನ್ತೋ.

ತೇ ತತ್ಥ ಕಾಲೇನುಪಸಙ್ಕಮಿತ್ವಾ, ಪುಚ್ಛಾಹಿ ¶ ಯಂ ತೇ ಮನಸೋ ಪಿಯಂ ಸಿಯಾ;

ತೇ ತೇ ಪವಕ್ಖನ್ತಿ ಯಥಾಪಜಾನಂ, ಇಮಸ್ಸ ಲೋಕಸ್ಸ ಪರಸ್ಸ ಚತ್ಥಂ.

ತಚಂವ ಜಿಣ್ಣಂ ಉರಗೋ ಪುರಾಣಂ, ಪಣ್ಡೂಪಲಾಸಂ ಹರಿತೋ ದುಮೋವ;

ಏಸಪ್ಪಹೀನೋ ಮಮ ಲುದ್ದಭಾವೋ, ಜಹಾಮಹಂ ಲುದ್ದಕಭಾವಮಜ್ಜ.

ಯೇ ¶ ಚಾಪಿ ಮೇ ಸಕುಣಾ ಅತ್ಥಿ ಬದ್ಧಾ, ಸತಾನಿನೇಕಾನಿ ನಿವೇಸನಸ್ಮಿಂ;

ತೇಸಮ್ಪಹಂ [ತೇಸಂ ಅಹಂ (ಸ್ಯಾ. ಕ.)] ಜೀವಿತಮಜ್ಜ ದಮ್ಮಿ, ಮೋಕ್ಖಞ್ಚ ತೇ ಪತ್ತಾ [ಪತ್ತೋ (ಸೀ.), ಅಚ್ಛ (ಸ್ಯಾ.)] ಸಕಂ ನಿಕೇತಂ.

ಲುದ್ದೋ ¶ ಚರೀ ಪಾಸಹತ್ಥೋ ಅರಞ್ಞೇ, ಬಾಧೇತು ಮೋರಾಧಿಪತಿಂ ಯಸಸ್ಸಿಂ;

ಬನ್ಧಿತ್ವಾ [ಬನ್ಧಿತ್ವ (ಸೀ. ಪೀ.)] ಮೋರಾಧಿಪತಿಂ ಯಸಸ್ಸಿಂ, ದುಕ್ಖಾ ಸ ಪಮುಚ್ಚಿ [ದುಕ್ಖಾ ಪಮುಚ್ಚಿ (ಸೀ.), ದುಕ್ಖಾ ಪಮುಞ್ಚಿ (ಸ್ಯಾ. ಪೀ.)] ಯಥಾಹಂ ಪಮುತ್ತೋತಿ.

ಯದೇಸಮಾನಾ ವಿಚರಿಮ್ಹ, ಪಬ್ಬತಾನಿ ವನಾನಿ ಚ;

ಅನ್ವೇಸಂ ¶ ವಿಚರಿಂ [ವಿಪುಲೇ (ಸ್ಯಾ. ಕ.)] ಞಾತೀ, ತೇಮೇ ಅಧಿಗತಾ ಮಯಾ.

ಬಹುಞ್ಚಿದಂ ಮೂಲಫಲಂ, ಭಕ್ಖೋ ಚಾಯಂ ಅನಪ್ಪಕೋ;

ರಮ್ಮಾ ಚಿಮಾ ಗಿರೀನಜ್ಜೋ [ಗಿರಿನದಿಯೋ (ಸೀ. ಪೀ.)], ಫಾಸುವಾಸೋ ಭವಿಸ್ಸತಿ.

ಇಧೇವಾಹಂ ವಸಿಸ್ಸಾಮಿ, ಸಹ ಸಬ್ಬೇಹಿ ಞಾತಿಭಿ;

ಅಪ್ಪೋಸ್ಸುಕ್ಕೋ ನಿರಾಸಙ್ಕೀ, ಅಸೋಕೋ ಅಕುತೋಭಯೋ.

ಅಞ್ಞಮ್ಪಿ [ಅಞ್ಞಂ ಹಿ (ಸೀ. ಪೀ.)] ಲೇಣಂ ಪರಿಯೇಸ, ಸತ್ತು ನೋ ಇಧ ವಿಜ್ಜತಿ;

ಸೋ ತಚ್ಛ ಸೂಕರೇ ಹನ್ತಿ, ಇಧಾಗನ್ತ್ವಾ ವರಂ ವರಂ.

ಕೋ ನುಮ್ಹಾಕಂ [ಕೋ ನಮ್ಹಾಕಂ (ಸೀ. ಪೀ.)] ಇಧ ಸತ್ತು, ಕೋ ಞಾತೀ ಸುಸಮಾಗತೇ;

ದುಪ್ಪಧಂಸೇ [ಅಪ್ಪಧಂಸೇ (ಸೀ. ಪೀ.)] ಪಧಂಸೇತಿ, ತಂ ಮೇ ಅಕ್ಖಾಥ ಪುಚ್ಛಿತಾ.

ಉದ್ಧಗ್ಗರಾಜೀ ಮಿಗರಾಜಾ, ಬಲೀ ದಾಠಾವುಧೋ ಮಿಗೋ;

ಸೋ ತಚ್ಛ ಸೂಕರೇ ಹನ್ತಿ, ಇಧಾಗನ್ತ್ವಾ ವರಂ ವರಂ.

ನ ನೋ ದಾಠಾ ನ ವಿಜ್ಜನ್ತಿ [ನು ವಿಜ್ಜನ್ತಿ (ಕ.)], ಬಲಂ ಕಾಯೇ ಸಮೋಹಿತಂ;

ಸಬ್ಬೇ ಸಮಗ್ಗಾ ಹುತ್ವಾನ, ವಸಂ ಕಾಹಾಮ ಏಕಕಂ.

ಹದಯಙ್ಗಮಂ ¶ ಕಣ್ಣಸುಖಂ, ವಾಚಂ ಭಾಸಸಿ ತಚ್ಛಕ;

ಯೋಪಿ ಯುದ್ಧೇ ಪಲಾಯೇಯ್ಯ, ತಮ್ಪಿ ಪಚ್ಛಾ ಹನಾಮಸೇ.

ಪಾಣಾತಿಪಾತಾ ವಿರತೋ ನು ಅಜ್ಜ, ಅಭಯಂ ನು ತೇ ಸಬ್ಬಭೂತೇಸು ದಿನ್ನಂ;

ದಾಠಾ ನು ತೇ ಮಿಗವಧಾಯ [ಮಿಗ ವಿರಿಯಂ (ಸೀ. ಸ್ಯಾ. ಪೀ.)] ನ ಸನ್ತಿ, ಯೋ ಸಙ್ಘಪತ್ತೋ ಕಪಣೋವ ಝಾಯಸಿ.

ನ ¶ ಮೇ ದಾಠಾ ನ ವಿಜ್ಜನ್ತಿ, ಬಲಂ ಕಾಯೇ ಸಮೋಹಿತಂ;

ಞಾತೀ ಚ ದಿಸ್ವಾನ ಸಾಮಗ್ಗೀ ಏಕತೋ, ತಸ್ಮಾ ಚ ಝಾಯಾಮಿ ವನಮ್ಹಿ ಏಕಕೋ.

ಇಮಸ್ಸುದಂ ಯನ್ತಿ ದಿಸೋದಿಸಂ ಪುರೇ, ಭಯಟ್ಟಿತಾ ಲೇಣಗವೇಸಿನೋ ಪುಥು;

ತೇ ದಾನಿ ಸಙ್ಗಮ್ಮ ವಸನ್ತಿ ಏಕತೋ, ಯತ್ಥಟ್ಠಿತಾ ದುಪ್ಪಸಹಜ್ಜ ತೇ ಮಯಾ.

ಪರಿಣಾಯಕಸಮ್ಪನ್ನಾ, ಸಹಿತಾ ಏಕವಾದಿನೋ;

ತೇ ಮಂ ಸಮಗ್ಗಾ ಹಿಂಸೇಯ್ಯುಂ, ತಸ್ಮಾ ನೇಸಂ ನ ಪತ್ಥಯೇ [ಅಪತ್ಥವೇ (ಪೀ.)].

ಏಕೋವ ¶ ಇನ್ದೋ ಅಸುರೇ ಜಿನಾತಿ, ಏಕೋವ ಸೇನೋ ಹನ್ತಿ ದಿಜೇ ಪಸಯ್ಹ;

ಏಕೋವ ಬ್ಯಗ್ಘೋ ಮಿಗಸಙ್ಘಪತ್ತೋ, ವರಂ ವರಂ ಹನ್ತಿ ಬಲಞ್ಹಿ ತಾದಿಸಂ.

ನ ಹೇವ ಇನ್ದೋ ನ ಸೇನೋ, ನಪಿ ಬ್ಯಗ್ಘೋ ಮಿಗಾಧಿಪೋ;

ಸಮಗ್ಗೇ ಸಹಿತೇ ಞಾತೀ, ನ ಬ್ಯಗ್ಘೇ [ಬ್ಯಗ್ಘೇ ಚ (ಸೀ. ಪೀ.), ಬ್ಯಗ್ಘೋ ನ (ಸ್ಯಾ.)] ಕುರುತೇ ವಸೇ.

ಕುಮ್ಭೀಲಕಾ ಸಕುಣಕಾ, ಸಙ್ಘಿನೋ ಗಣಚಾರಿನೋ;

ಸಮ್ಮೋದಮಾನಾ ಏಕಜ್ಝಂ, ಉಪ್ಪತನ್ತಿ ಡಯನ್ತಿ ಚ.

ತೇಸಞ್ಚ ಡಯಮಾನಾನಂ, ಏಕೇತ್ಥ ಅಪಸಕ್ಕತಿ [ಅಪವತ್ತತಿ (ಸೀ. ಪೀ.)];

ತಞ್ಚ ಸೇನೋ ನಿತಾಳೇತಿ, ವೇಯ್ಯಗ್ಘಿಯೇವ ಸಾ ಗತಿ.

ಉಸ್ಸಾಹಿತೋ ¶ ¶ ಜಟಿಲೇನ, ಲುದ್ದೇನಾಮಿಸಚಕ್ಖುನಾ;

ದಾಠೀ ದಾಠೀಸು ಪಕ್ಖನ್ದಿ, ಮಞ್ಞಮಾನೋ ಯಥಾ ಪುರೇ.

ಸಾಧು ಸಮ್ಬಹುಲಾ ಞಾತೀ, ಅಪಿ ರುಕ್ಖಾ ಅರಞ್ಞಜಾ;

ಸೂಕರೇಹಿ ಸಮಗ್ಗೇಹಿ, ಬ್ಯಗ್ಘೋ ಏಕಾಯನೇ ಹತೋ.

ಬ್ರಾಹ್ಮಣಞ್ಚೇವ ಬ್ಯಗ್ಘಞ್ಚ, ಉಭೋ ಹನ್ತ್ವಾನ ಸೂಕರಾ.

ಆನನ್ದಿನೋ ಪಮುದಿತಾ, ಮಹಾನಾದಂ ಪನಾದಿಸುಂ.

ತೇ ಸು ಉದುಮ್ಬರಮೂಲಸ್ಮಿಂ, ಸೂಕರಾ ಸುಸಮಾಗತಾ;

ತಚ್ಛಕಂ ಅಭಿಸಿಞ್ಚಿಂಸು, ‘‘ತ್ವಂ ನೋ ರಾಜಾಸಿ ಇಸ್ಸರೋ’’ತಿ.

ವಾಣಿಜಾ ಸಮಿತಿಂ ಕತ್ವಾ, ನಾನಾರಟ್ಠತೋ ಆಗತಾ;

ಧನಾಹರಾ ಪಕ್ಕಮಿಂಸು, ಏಕಂ ಕತ್ವಾನ ಗಾಮಣಿಂ.

ತೇ ತಂ ಕನ್ತಾರಮಾಗಮ್ಮ, ಅಪ್ಪಭಕ್ಖಂ ಅನೋದಕಂ;

ಮಹಾನಿಗ್ರೋಧಮದ್ದಕ್ಖುಂ, ಸೀತಚ್ಛಾಯಂ ಮನೋರಮಂ.

ತೇ ಚ ತತ್ಥ ನಿಸೀದಿತ್ವಾ, ತಸ್ಸ ರುಕ್ಖಸ್ಸ ಛಾಯಯಾ [ಛಾದಿಯಾ (ಸೀ. ಸ್ಯಾ. ಪೀ.)];

ವಾಣಿಜಾ ಸಮಚಿನ್ತೇಸುಂ, ಬಾಲಾ ಮೋಹೇನ ಪಾರುತಾ.

ಅಲ್ಲಾಯತೇ [ಅದ್ದಾಯತೇ (ಸೀ. ಪೀ.)] ಅಯಂ ರುಕ್ಖೋ, ಅಪಿ ವಾರೀವ [ವಾರಿ ಚ (ಸೀ. ಪೀ.)] ಸನ್ದತಿ;

ಇಙ್ಘಸ್ಸ ಪುರಿಮಂ ಸಾಖಂ, ಮಯಂ ಛಿನ್ದಾಮ ವಾಣಿಜಾ.

ಸಾ ಚ ಛಿನ್ನಾವ ಪಗ್ಘರಿ, ಅಚ್ಛಂ ವಾರಿಂ ಅನಾವಿಲಂ;

ತೇ ¶ ತತ್ಥ ನ್ಹತ್ವಾ ಪಿವಿತ್ವಾ, ಯಾವತಿಚ್ಛಿಂಸು ವಾಣಿಜಾ.

ದುತಿಯಂ ¶ ಸಮಚಿನ್ತೇಸುಂ, ಬಾಲಾ ಮೋಹೇನ ಪಾರುತಾ;

ಇಙ್ಘಸ್ಸ ದಕ್ಖಿಣಂ ಸಾಖಂ, ಮಯಂ ಛಿನ್ದಾಮ ವಾಣಿಜಾ.

ಸಾ ಚ ಛಿನ್ನಾವ ಪಗ್ಘರಿ, ಸಾಲಿಮಂಸೋದನಂ ಬಹುಂ;

ಅಪ್ಪೋದವಣ್ಣೇ ಕುಮ್ಮಾಸೇ, ಸಿಙ್ಗಿಂ ವಿದಲಸೂಪಿಯೋ [ಸಿಙ್ಗಿಂ ಬಿದಲಸೂಪಿಯೋ (ಸೀ. ಪೀ.), ಸಿಙ್ಗೀವೇರಂ ಲಸೂಪಿಯೋ (ಕ.) ಸಿಙ್ಗೀನ್ತಿ ಸಿಙ್ಗೀವೇರಾದಿಕಂ ಉತ್ತರಿಭಙ್ಗಂ; ವಿದಲಸೂಪಿಯೋತಿ ಮುಗ್ಗಸೂಪಾದಯೋ (ಅಟ್ಠ.) ವಿದಲಂ ಕಲಾಯಾದಿಮ್ಹಿ ವತ್ತತೀತಿ ಸಕ್ಕತಾಭಿಧಾನೇ].

ತೇ ¶ ತತ್ಥ ಭುತ್ವಾ ಖಾದಿತ್ವಾ [ಭುತ್ವಾ ಚ ಪಿವಿತ್ವಾ ಚ (ಪೀ.)], ಯಾವತಿಚ್ಛಿಂಸು ವಾಣಿಜಾ;

ತತಿಯಂ ಸಮಚಿನ್ತೇಸುಂ, ಬಾಲಾ ಮೋಹೇನ ಪಾರುತಾ;

ಇಙ್ಘಸ್ಸ ಪಚ್ಛಿಮಂ ಸಾಖಂ, ಮಯಂ ಛಿನ್ದಾಮ ವಾಣಿಜಾ.

ಸಾ ಚ ಛಿನ್ನಾವ ಪಗ್ಘರಿ, ನಾರಿಯೋ ಸಮಲಙ್ಕತಾ;

ವಿಚಿತ್ರವತ್ಥಾಭರಣಾ, ಆಮುತ್ತಮಣಿಕುಣ್ಡಲಾ.

ಅಪಿ ಸು ವಾಣಿಜಾ ಏಕಾ, ನಾರಿಯೋ ಪಣ್ಣವೀಸತಿ;

ಸಮನ್ತಾ ಪರಿವಾರಿಂಸು [ಪರಿಕರಿಂಸು (ಸೀ. ಸ್ಯಾ. ಪೀ.)], ತಸ್ಸ ರುಕ್ಖಸ್ಸ ಛಾಯಯಾ [ಛಾದಿಯಾ (ಸೀ. ಸ್ಯಾ. ಪೀ.)].

ತೇ ತಾಹಿ ಪರಿಚಾರೇತ್ವಾ [ಪರಿವಾರೇತ್ವಾ (ಸೀ. ಸ್ಯಾ. ಪೀ.)], ಯಾವತಿಚ್ಛಿಂಸು ವಾಣಿಜಾ;

ಚತುತ್ಥಂ ಸಮಚಿನ್ತೇಸುಂ, ಬಾಲಾ ಮೋಹೇನ ಪಾರುತಾ;

ಇಙ್ಘಸ್ಸ ಉತ್ತರಂ ಸಾಖಂ, ಮಯಂ ಛಿನ್ದಾಮ ವಾಣಿಜಾ.

ಸಾ ಚ ಛಿನ್ನಾವ ಪಗ್ಘರಿ, ಮುತ್ತಾ ವೇಳುರಿಯಾ ಬಹೂ;

ರಜತಂ ಜಾತರೂಪಞ್ಚ, ಕುತ್ತಿಯೋ ಪಟಿಯಾನಿ ಚ.

ಕಾಸಿಕಾನಿ ಚ ವತ್ಥಾನಿ, ಉದ್ದಿಯಾನಿ ಚ ಕಮ್ಬಲಾ [ಉದ್ದಿಯಾನೇ ಚ ಕಮ್ಬಲೇ (ಸೀ. ಪೀ.)];

ತೇ ತತ್ಥ ಭಾರೇ ಬನ್ಧಿತ್ವಾ, ಯಾವತಿಚ್ಛಿಂಸು ವಾಣಿಜಾ.

ಪಞ್ಚಮಂ ಸಮಚಿನ್ತೇಸುಂ, ಬಾಲಾ ಮೋಹೇನ ಪಾರುತಾ;

ಇಙ್ಘಸ್ಸ ¶ ಮೂಲೇ [ಮೂಲಂ (ಸೀ. ಪೀ. ಕ.)] ಛಿನ್ದಾಮ, ಅಪಿ ಭಿಯ್ಯೋ ಲಭಾಮಸೇ.

ಅಥುಟ್ಠಹಿ ಸತ್ಥವಾಹೋ, ಯಾಚಮಾನೋ ಕತಞ್ಜಲೀ;

ನಿಗ್ರೋಧೋ ಕಿಂ ಪರಜ್ಝತಿ [ಅಪರಜ್ಝಥ (ಸೀ.), ಅಪರಜ್ಝತಿ (ಸ್ಯಾ. ಪೀ.)], ವಾಣಿಜಾ ಭದ್ದಮತ್ಥು ತೇ.

ವಾರಿದಾ ಪುರಿಮಾ ಸಾಖಾ, ಅನ್ನಪಾನಞ್ಚ ದಕ್ಖಿಣಾ;

ನಾರಿದಾ ಪಚ್ಛಿಮಾ ಸಾಖಾ, ಸಬ್ಬಕಾಮೇ ಚ ಉತ್ತರಾ;

ನಿಗ್ರೋಧೋ ಕಿಂ ಪರಜ್ಝತಿ, ವಾಣಿಜಾ ಭದ್ದಮತ್ಥು ತೇ.

ಯಸ್ಸ ರುಕ್ಖಸ್ಸ ಛಾಯಾಯ, ನಿಸೀದೇಯ್ಯ ಸಯೇಯ್ಯ ವಾ;

ನ ತಸ್ಸ ಸಾಖಂ ಭಞ್ಜೇಯ್ಯ, ಮಿತ್ತದುಬ್ಭೋ ಹಿ ಪಾಪಕೋ.

ತೇ ಚ ತಸ್ಸಾನಾದಿಯಿತ್ವಾ [ತಸ್ಸ ಅನಾದಿತ್ವಾ (ಸೀ. ಸ್ಯಾ.)], ಏಕಸ್ಸ ವಚನಂ ಬಹೂ;

ನಿಸಿತಾಹಿ ಕುಠಾರೀಹಿ [ಕುಧಾರೀಹಿ (ಕ.)], ಮೂಲತೋ ನಂ ಉಪಕ್ಕಮುಂ.

ತತೋ ¶ ¶ ನಾಗಾ ನಿಕ್ಖಮಿಂಸು, ಸನ್ನದ್ಧಾ ಪಣ್ಣವೀಸತಿ;

ಧನುಗ್ಗಹಾನಂ ತಿಸತಾ, ಛಸಹಸ್ಸಾ ಚ ವಮ್ಮಿನೋ.

ಏತೇ ಹನಥ ಬನ್ಧಥ, ಮಾ ವೋ ಮುಞ್ಚಿತ್ಥ [ಮುಚ್ಚಿತ್ಥ (ಪೀ.)] ಜೀವಿತಂ;

ಠಪೇತ್ವಾ ಸತ್ಥವಾಹಂವ, ಸಬ್ಬೇ ಭಸ್ಮಂ [ಭಸ್ಮೀ (ಸೀ.)] ಕರೋಥ ನೇ.

ತಸ್ಮಾ ಹಿ ಪಣ್ಡಿತೋ ಪೋಸೋ, ಸಮ್ಪಸ್ಸಂ ಅತ್ಥಮತ್ತನೋ;

ಲೋಭಸ್ಸ ನ ವಸಂ ಗಚ್ಛೇ, ಹನೇಯ್ಯಾರಿಸಕಂ [ಹನೇಯ್ಯ ದಿಸತಂ (ಸೀ.), ಹನೇಯ್ಯ ದಿಸಕಂ (ಸ್ಯಾ.)] ಮನಂ.

ಏವ [ಏತ (ಸೀ. ಪೀ.)] ಮಾದೀನವಂ ಞತ್ವಾ, ತಣ್ಹಾ ದುಕ್ಖಸ್ಸ ಸಮ್ಭವಂ;

ವೀತತಣ್ಹೋ ಅನಾದಾನೋ, ಸತೋ ಭಿಕ್ಖು ಪರಿಬ್ಬಜೇತಿ.

ಅಬ್ಭುತೋ ¶ ವತ ಲೋಕಸ್ಮಿಂ, ಉಪ್ಪಜ್ಜಿ ಲೋಮಹಂಸನೋ;

ದಿಬ್ಬೋ ರಥೋ ಪಾತುರಹು, ವೇದೇಹಸ್ಸ ಯಸಸ್ಸಿನೋ.

ದೇವಪುತ್ತೋ ಮಹಿದ್ಧಿಕೋ, ಮಾತಲಿ [ಮಾತಲೀ (ಸೀ.)] ದೇವಸಾರಥಿ;

ನಿಮನ್ತಯಿತ್ಥ ರಾಜಾನಂ, ವೇದೇಹಂ ಮಿಥಿಲಗ್ಗಹಂ.

ಏಹಿಮಂ ರಥಮಾರುಯ್ಹ, ರಾಜಸೇಟ್ಠ ದಿಸಮ್ಪತಿ;

ದೇವಾ ದಸ್ಸನಕಾಮಾ ತೇ, ತಾವತಿಂಸಾ ಸಇನ್ದಕಾ;

ಸರಮಾನಾ ಹಿ ತೇ ದೇವಾ, ಸುಧಮ್ಮಾಯಂ ಸಮಚ್ಛರೇ.

ತತೋ ಚ ರಾಜಾ ಸಾಧಿನೋ [ಸಾಧೀನೋ (ಸೀ. ಪೀ.)], ವೇದೇಹೋ ಮಿಥಿಲಗ್ಗಹೋ [ಪಮುಖೋ ರಥಮಾರುಹಿ (ಸೀ. ಪೀ.)];

ಸಹಸ್ಸಯುತ್ತಮಾರುಯ್ಹ [ಯುತ್ತಂ ಅಭಿರುಯ್ಹ (ಸೀ.)], ಅಗಾ ದೇವಾನ ಸನ್ತಿಕೇ;

ತಂ ದೇವಾ ಪಟಿನನ್ದಿಂಸು, ದಿಸ್ವಾ ರಾಜಾನಮಾಗತಂ.

ಸ್ವಾಗತಂ ತೇ ಮಹಾರಾಜ, ಅಥೋ ತೇ ಅದುರಾಗತಂ;

ನಿಸೀದ ದಾನಿ ರಾಜೀಸಿ [ರಾಜಿಸಿ (ಸೀ. ಸ್ಯಾ. ಪೀ.)], ದೇವರಾಜಸ್ಸ ಸನ್ತಿಕೇ.

ಸಕ್ಕೋಪಿ ಪಟಿನನ್ದಿತ್ಥ, ವೇದೇಹಂ ಮಿಥಿಲಗ್ಗಹಂ;

ನಿಮನ್ತಯಿತ್ಥ [ನಿಮನ್ತಯೀ ಚ (ಸೀ. ಪೀ.)] ಕಾಮೇಹಿ, ಆಸನೇನ ಚ ವಾಸವೋ.

ಸಾಧು ¶ ಖೋಸಿ ಅನುಪ್ಪತ್ತೋ, ಆವಾಸಂ ವಸವತ್ತಿನಂ;

ವಸ ¶ ದೇವೇಸು ರಾಜೀಸಿ, ಸಬ್ಬಕಾಮಸಮಿದ್ಧಿಸು;

ತಾವತಿಂಸೇಸು ದೇವೇಸು, ಭುಞ್ಜ ಕಾಮೇ ಅಮಾನುಸೇ.

ಅಹಂ ¶ ಪುರೇ ಸಗ್ಗಗತೋ ರಮಾಮಿ, ನಚ್ಚೇಹಿ ಗೀತೇಹಿ ಚ ವಾದಿತೇಹಿ;

ಸೋ ದಾನಿ ಅಜ್ಜ ನ ರಮಾಮಿ ಸಗ್ಗೇ, ಆಯುಂ ನು ಖೀಣೋ [ಖೀಣಂ (ಸ್ಯಾ.)] ಮರಣಂ ನು ಸನ್ತಿಕೇ;

ಉದಾಹು ಮೂಳ್ಹೋಸ್ಮಿ ಜನಿನ್ದಸೇಟ್ಠ.

ನ ತಾಯು [ನ ಚಾಯು (ಸೀ. ಪೀ. ಕ.)] ಖೀಣಂ ಮರಣಞ್ಚ [ಮರಣಂ ತೇ (ಸೀ. ಪೀ.)] ದೂರೇ, ನ ಚಾಪಿ ಮೂಳ್ಹೋ ನರವೀರಸೇಟ್ಠ;

ತುಯ್ಹಞ್ಚ [ತವಞ್ಚ (ಸೀ. ಪೀ.), ತವ ಚ (ಕ.)] ಪುಞ್ಞಾನಿ ಪರಿತ್ತಕಾನಿ, ಯೇಸಂ ವಿಪಾಕಂ ಇಧ ವೇದಯಿತ್ಥೋ [ವೇದಯತೋ (ಪೀ. ಕ.)].

ವಸ ದೇವಾನುಭಾವೇನ, ರಾಜಸೇಟ್ಠ ದಿಸಮ್ಪತಿ;

ತಾವತಿಂಸೇಸು ದೇವೇಸು, ಭುಞ್ಜ ಕಾಮೇ ಅಮಾನುಸೇ.

ಯಥಾ ಯಾಚಿತಕಂ ಯಾನಂ, ಯಥಾ ಯಾಚಿತಕಂ ಧನಂ;

ಏವಂ ಸಮ್ಪದಮೇವೇತಂ, ಯಂ ಪರತೋ ದಾನಪಚ್ಚಯಾ.

ನ ಚಾಹಮೇತಮಿಚ್ಛಾಮಿ, ಯಂ ಪರತೋ ದಾನಪಚ್ಚಯಾ;

ಸಯಂಕತಾನಿ ಪುಞ್ಞಾನಿ, ತಂ ಮೇ ಆವೇಣಿಕಂ [ಆವೇಣಿಯಂ (ಸೀ. ಸ್ಯಾ. ಪೀ.), ಆವೇನಿಕಂ (ಕ.)] ಧನಂ.

ಸೋಹಂ ಗನ್ತ್ವಾ ಮನುಸ್ಸೇಸು, ಕಾಹಾಮಿ ಕುಸಲಂ ಬಹುಂ;

ಯಂ ಕತ್ವಾ ಸುಖಿತೋ ಹೋತಿ, ನ ಚ ಪಚ್ಛಾನುತಪ್ಪತಿ.

ಇಮಾನಿ ¶ ತಾನಿ ಖೇತ್ತಾನಿ, ಇಮಂ ನಿಕ್ಖಂ ಸುಕುಣ್ಡಲಂ;

ಇಮಾ ತಾ ಹರಿತಾನೂಪಾ, ಇಮಾ ನಜ್ಜೋ ಸವನ್ತಿಯೋ.

ಇಮಾ ತಾ ಪೋಕ್ಖರಣೀ ರಮ್ಮಾ, ಚಕ್ಕವಾಕಪಕೂಜಿತಾ [ಚಕ್ಕವಾಕೂಪಕೂಜಿತಾ (ಸೀ. ಪೀ.)];

ಮನ್ದಾಲಕೇಹಿ ಸಞ್ಛನ್ನಾ, ಪದುಮುಪ್ಪಲಕೇಹಿ ಚ;

ಯಸ್ಸಿಮಾನಿ ಮಮಾಯಿಂಸು, ಕಿಂ ನು ತೇ ದಿಸತಂ ಗತಾ.

ತಾನೀಧ ¶ ಖೇತ್ತಾನಿ ಸೋ ಭೂಮಿಭಾಗೋ, ತೇಯೇವ ಆರಾಮವನುಪಚಾರಾ [ತೇ ಆರಾಮಾ ತೇ ವನ’ಮೇ ಪಚಾರಾ (ಸೀ. ಪೀ.), ತೇ ಯೇವ ಆರಾಮವನಾನಿ ಸಞ್ಚರಾ (ಕ.)];

ತಮೇವ ಮಯ್ಹಂ ಜನತಂ ಅಪಸ್ಸತೋ, ಸುಞ್ಞಂವ ಮೇ ನಾರದ ಖಾಯತೇ ದಿಸಾ.

ದಿಟ್ಠಾ ಮಯಾ ವಿಮಾನಾನಿ, ಓಭಾಸೇನ್ತಾ ಚತುದ್ದಿಸಾ;

ಸಮ್ಮುಖಾ ದೇವರಾಜಸ್ಸ, ತಿದಸಾನಞ್ಚ ಸಮ್ಮುಖಾ.

ವುತ್ಥಂ ಮೇ ಭವನಂ ದಿಬ್ಯಂ [ದಿಬ್ಬಂ (ಸೀ. ಪೀ.)], ಭುತ್ತಾ ಕಾಮಾ ಅಮಾನುಸಾ;

ತಾವತಿಂಸೇಸು ದೇವೇಸು, ಸಬ್ಬಕಾಮಸಮಿದ್ಧಿಸು.

ಸೋಹಂ ಏತಾದಿಸಂ ಹಿತ್ವಾ, ಪುಞ್ಞಾಯಮ್ಹಿ ಇಧಾಗತೋ;

ಧಮ್ಮಮೇವ ಚರಿಸ್ಸಾಮಿ, ನಾಹಂ ರಜ್ಜೇನ ಅತ್ಥಿಕೋ.

ಅದಣ್ಡಾವಚರಂ ಮಗ್ಗಂ, ಸಮ್ಮಾಸಮ್ಬುದ್ಧದೇಸಿತಂ;

ತಂ ಮಗ್ಗಂ ಪಟಿಪಜ್ಜಿಸ್ಸಂ, ಯೇನ ಗಚ್ಛನ್ತಿ ಸುಬ್ಬತಾತಿ.

ಸಾಧಿನಜಾತಕಂ [ಸಾಧಿನರಾಜಜಾತಕಂ (ಸ್ಯಾ.)] ಏಕಾದಸಮಂ.

ರಾಜಾ ¶ ¶ ಅವೋಚ ವಿಧುರಂ, ಧಮ್ಮಕಾಮೋ ಯುಧಿಟ್ಠಿಲೋ;

ಬ್ರಾಹ್ಮಣೇ ವಿಧುರ ಪರಿಯೇಸ, ಸೀಲವನ್ತೇ ಬಹುಸ್ಸುತೇ.

ವಿರತೇ ಮೇಥುನಾ ಧಮ್ಮಾ, ಯೇ ಮೇ ಭುಞ್ಜೇಯ್ಯು [ಭುಞ್ಜೇಯ್ಯುಂ (ಸೀ.)] ಭೋಜನಂ;

ದಕ್ಖಿಣಂ ಸಮ್ಮ ದಸ್ಸಾಮ, ಯತ್ಥ ದಿನ್ನಂ ಮಹಪ್ಫಲಂ.

ದುಲ್ಲಭಾ ಬ್ರಾಹ್ಮಣಾ ದೇವ, ಸೀಲವನ್ತೋ ಬಹುಸ್ಸುತಾ;

ವಿರತಾ ಮೇಥುನಾ ಧಮ್ಮಾ, ಯೇ ತೇ ಭುಞ್ಜೇಯ್ಯು ಭೋಜನಂ.

ದಸ ಖಲು ಮಹಾರಾಜ, ಯಾ ತಾ ಬ್ರಾಹ್ಮಣಜಾತಿಯೋ;

ತೇಸಂ ವಿಭಙ್ಗಂ ವಿಚಯಂ [ವಿಚಿಯ (ಕ.)], ವಿತ್ಥಾರೇನ ಸುಣೋಹಿ ಮೇ.

ಪಸಿಬ್ಬಕೇ ಗಹೇತ್ವಾನ, ಪುಣ್ಣೇ ಮೂಲಸ್ಸ ಸಂವುತೇ;

ಓಸಧಿಕಾಯೋ [ಓಸಧಿಕಾಯೇ (ಸ್ಯಾ. ಕ.)] ಗನ್ಥೇನ್ತಿ, ನ್ಹಾಪಯನ್ತಿ [ನಹಾಯನ್ತಿ (ಸೀ. ಪೀ.)] ಜಪನ್ತಿ ಚ.

ತಿಕಿಚ್ಛಕಸಮಾ ¶ ರಾಜ, ತೇಪಿ ವುಚ್ಚನ್ತಿ ಬ್ರಾಹ್ಮಣಾ;

ಅಕ್ಖಾತಾ ತೇ ಮಹಾರಾಜ, ತಾದಿಸೇ ನಿಪತಾಮಸೇ.

ಅಪೇತಾ ತೇ ಚ [ತೇ (ಸೀ. ಪೀ.)] ಬ್ರಹ್ಮಞ್ಞಾ,

(ಇತಿ ರಾಜಾ [ರಾಜಾ ಚ (ಸ್ಯಾ. ಕ.)] ಕೋರಬ್ಯೋ)

ಅಞ್ಞೇ ವಿಧುರ ಪರಿಯೇಸ, ಸೀಲವನ್ತೇ ಬಹುಸ್ಸುತೇ.

ವಿರತೇ ಮೇಥುನಾ ಧಮ್ಮಾ, ಯೇ ಮೇ ಭುಞ್ಜೇಯ್ಯು ಭೋಜನಂ;

ದಕ್ಖಿಣಂ ಸಮ್ಮ ದಸ್ಸಾಮ, ಯತ್ಥ ದಿನ್ನಂ ಮಹಪ್ಫಲಂ.

ಕಿಙ್ಕಿಣಿಕಾಯೋ [ಕಿಙ್ಕಣಿಕಾಯೋ (ಕ.), ಕಿಙ್ಕಿಣಿಯೋ (ಸ್ಯಾ.)] ಗಹೇತ್ವಾ [ಗಹೇತ್ವಾನ (ಸೀ. ಸ್ಯಾ. ಪೀ.)], ಘೋಸೇನ್ತಿ ಪುರತೋಪಿ ತೇ;

ಪೇಸನಾನಿಪಿ ಗಚ್ಛನ್ತಿ, ರಥಚರಿಯಾಸು ಸಿಕ್ಖರೇ.

ಪರಿಚಾರಕಸಮಾ ¶ ರಾಜ, ತೇಪಿ ವುಚ್ಚನ್ತಿ ಬ್ರಾಹ್ಮಣಾ;

ಅಕ್ಖಾತಾ ತೇ ಮಹಾರಾಜ, ತಾದಿಸೇ ನಿಪತಾಮಸೇ.

ಅಞ್ಞೇ ವಿಧುರ ಪರಿಯೇಸ, ಸೀಲವನ್ತೇ ಬಹುಸ್ಸುತೇ.

ವಿರತೇ ಮೇಥುನಾ ಧಮ್ಮಾ, ಯೇ ಮೇ ಭುಞ್ಜೇಯ್ಯು ಭೋಜನಂ;

ದಕ್ಖಿಣಂ ಸಮ್ಮ ದಸ್ಸಾಮ, ಯತ್ಥ ದಿನ್ನಂ ಮಹಪ್ಫಲಂ.

ಕಮಣ್ಡಲುಂ ¶ ಗಹೇತ್ವಾನ, ವಙ್ಕದಣ್ಡಞ್ಚ ಬ್ರಾಹ್ಮಣಾ;

ಪಚ್ಚುಪೇಸ್ಸನ್ತಿ ರಾಜಾನೋ, ಗಾಮೇಸು ನಿಗಮೇಸು ಚ;

ನಾದಿನ್ನೇ ವುಟ್ಠಹಿಸ್ಸಾಮ, ಗಾಮಮ್ಹಿ ವಾ ವನಮ್ಹಿ ವಾ [ವಾಮಮ್ಹಿ ಚ ವನಮ್ಹಿ ಚ (ಸೀ. ಪೀ.), ಗಾಮಮ್ಹಿ ನಿಗಮಮ್ಹಿ ವಾ (ಸ್ಯಾ.)].

ನಿಗ್ಗಾಹಕಸಮಾ ರಾಜ, ತೇಪಿ ವುಚ್ಚನ್ತಿ ಬ್ರಾಹ್ಮಣಾ;

ಅಕ್ಖಾತಾ ತೇ ಮಹಾರಾಜ, ತಾದಿಸೇ ನಿಪತಾಮಸೇ.

ಅಞ್ಞೇ ವಿಧುರ ಪರಿಯೇಸ, ಸೀಲವನ್ತೇ ಬಹುಸ್ಸುತೇ.

ವಿರತೇ ಮೇಥುನಾ ಧಮ್ಮಾ, ಯೇ ಮೇ ಭುಞ್ಜೇಯ್ಯು ಭೋಜನಂ;

ದಕ್ಖಿಣಂ ಸಮ್ಮ ದಸ್ಸಾಮ, ಯತ್ಥ ದಿನ್ನಂ ಮಹಪ್ಫಲಂ.

ಪರೂಳ್ಹಕಚ್ಛನಖಲೋಮಾ ¶ , ಪಙ್ಕದನ್ತಾ ರಜಸ್ಸಿರಾ;

ಓಕಿಣ್ಣಾ ರಜರೇಣೂಹಿ, ಯಾಚಕಾ ವಿಚರನ್ತಿ ತೇ.

ಖಾಣುಘಾತಸಮಾ ¶ ರಾಜ, ತೇಪಿ ವುಚ್ಚನ್ತಿ ಬ್ರಾಹ್ಮಣಾ;

ಅಕ್ಖಾತಾ ತೇ ಮಹಾರಾಜ, ತಾದಿಸೇ ನಿಪತಾಮಸೇ.

ಅಞ್ಞೇ ವಿಧುರ ಪರಿಯೇಸ, ಸೀಲವನ್ತೇ ಬಹುಸ್ಸುತೇ.

ವಿರತೇ ಮೇಥುನಾ ಧಮ್ಮಾ, ಯೇ ಮೇ ಭುಞ್ಜೇಯ್ಯು ಭೋಜನಂ;

ದಕ್ಖಿಣಂ ಸಮ್ಮ ದಸ್ಸಾಮ, ಯತ್ಥ ದಿನ್ನಂ ಮಹಪ್ಫಲಂ.

ಹರೀತಕಂ [ಹರೀಟಕಂ (ಬಹೂಸು)] ಆಮಲಕಂ, ಅಮ್ಬಂ ಜಮ್ಬುಂ ವಿಭೀತಕಂ [ಅಮ್ಬಜಮ್ಬುವಿಭೀಟಕಂ (ಸೀ. ಪೀ.)];

ಲಬುಜಂ ದನ್ತಪೋಣಾನಿ, ಬೇಲುವಾ ಬದರಾನಿ ಚ.

ರಾಜಾಯತನಂ ಉಚ್ಛು-ಪುಟಂ, ಧೂಮನೇತ್ತಂ ಮಧು-ಅಞ್ಜನಂ;

ಉಚ್ಚಾವಚಾನಿ ಪಣಿಯಾನಿ, ವಿಪಣೇನ್ತಿ ಜನಾಧಿಪ.

ವಾಣಿಜಕಸಮಾ ರಾಜ, ತೇಪಿ ವುಚ್ಚನ್ತಿ ಬ್ರಾಹ್ಮಣಾ;

ಅಕ್ಖಾತಾ ತೇ ಮಹಾರಾಜ, ತಾದಿಸೇ ನಿಪತಾಮಸೇ.

ಅಞ್ಞೇ ವಿಧುರ ಪರಿಯೇಸ, ಸೀಲವನ್ತೇ ಬಹುಸ್ಸುತೇ.

ವಿರತೇ ಮೇಥುನಾ ಧಮ್ಮಾ, ಯೇ ಮೇ ಭುಞ್ಜೇಯ್ಯು ಭೋಜನಂ;

ದಕ್ಖಿಣಂ ಸಮ್ಮ ದಸ್ಸಾಮ, ಯತ್ಥ ದಿನ್ನಂ ಮಹಪ್ಫಲಂ.

ಕಸಿ-ವಾಣಿಜ್ಜಂ [ಕಸಿಂ ವಣಿಜ್ಜಂ (ಸೀ. ಪೀ.)] ಕಾರೇನ್ತಿ, ಪೋಸಯನ್ತಿ ಅಜೇಳಕೇ;

ಕುಮಾರಿಯೋ ¶ ಪವೇಚ್ಛನ್ತಿ, ವಿವಾಹನ್ತಾವಹನ್ತಿ ಚ.

ಸಮಾ ಅಮ್ಬಟ್ಠವೇಸ್ಸೇಹಿ, ತೇಪಿ ವುಚ್ಚನ್ತಿ ಬ್ರಾಹ್ಮಣಾ;

ಅಕ್ಖಾತಾ ತೇ ಮಹಾರಾಜ, ತಾದಿಸೇ ನಿಪತಾಮಸೇ.

ಅಞ್ಞೇ ವಿಧುರ ಪರಿಯೇಸ, ಸೀಲವನ್ತೇ ಬಹುಸ್ಸುತೇ.

ವಿರತೇ ¶ ಮೇಥುನಾ ಧಮ್ಮಾ, ಯೇ ಮೇ ಭುಞ್ಜೇಯ್ಯು ಭೋಜನಂ;

ದಕ್ಖಿಣಂ ಸಮ್ಮ ದಸ್ಸಾಮ, ಯತ್ಥ ದಿನ್ನಂ ಮಹಪ್ಫಲಂ.

ನಿಕ್ಖಿತ್ತಭಿಕ್ಖಂ ಭುಞ್ಜನ್ತಿ, ಗಾಮೇಸ್ವೇಕೇ ಪುರೋಹಿತಾ;

ಬಹೂ ತೇ [ನೇ (ಸ್ಯಾ. ಕ.)] ಪರಿಪುಚ್ಛನ್ತಿ, ಅಣ್ಡಚ್ಛೇದಾ ನಿಲಞ್ಛಕಾ [ತಿಲಞ್ಛಕಾ (ಪೀ.)].

ಪಸೂಪಿ ತತ್ಥ ಹಞ್ಞನ್ತಿ, ಮಹಿಂಸಾ ಸೂಕರಾ ಅಜಾ;

ಗೋಘಾತಕಸಮಾ ರಾಜ, ತೇಪಿ ವುಚ್ಚನ್ತಿ ಬ್ರಾಹ್ಮಣಾ;

ಅಕ್ಖಾತಾ ತೇ ಮಹಾರಾಜ, ತಾದಿಸೇ ನಿಪತಾಮಸೇ.

ಅಞ್ಞೇ ವಿಧುರ ಪರಿಯೇಸ, ಸೀಲವನ್ತೇ ಬಹುಸ್ಸುತೇ.

ವಿರತೇ ಮೇಥುನಾ ಧಮ್ಮಾ, ಯೇ ಮೇ ಭುಞ್ಜೇಯ್ಯು ಭೋಜನಂ;

ದಕ್ಖಿಣಂ ಸಮ್ಮ ದಸ್ಸಾಮ, ಯತ್ಥ ದಿನ್ನಂ ಮಹಪ್ಫಲಂ.

ಅಸಿಚಮ್ಮಂ ಗಹೇತ್ವಾನ, ಖಗ್ಗಂ ಪಗ್ಗಯ್ಹ ಬ್ರಾಹ್ಮಣಾ;

ವೇಸ್ಸಪಥೇಸು ತಿಟ್ಠನ್ತಿ, ಸತ್ಥಂ ಅಬ್ಬಾಹಯನ್ತಿಪಿ.

ಸಮಾ ¶ ¶ ಗೋಪನಿಸಾದೇಹಿ, ತೇಪಿ ವುಚ್ಚನ್ತಿ ಬ್ರಾಹ್ಮಣಾ;

ಅಕ್ಖಾತಾ ತೇ ಮಹಾರಾಜ, ತಾದಿಸೇ ನಿಪತಾಮಸೇ.

ಅಞ್ಞೇ ವಿಧುರ ಪರಿಯೇಸ, ಸೀಲವನ್ತೇ ಬಹುಸ್ಸುತೇ.

ವಿರತೇ ಮೇಥುನಾ ಧಮ್ಮಾ, ಯೇ ಮೇ ಭುಞ್ಜೇಯ್ಯು ಭೋಜನಂ;

ದಕ್ಖಿಣಂ ಸಮ್ಮ ದಸ್ಸಾಮ, ಯತ್ಥ ದಿನ್ನಂ ಮಹಪ್ಫಲಂ.

ಅರಞ್ಞೇ ಕುಟಿಕಂ ಕತ್ವಾ, ಕೂಟಾನಿ ಕಾರಯನ್ತಿ ತೇ;

ಸಸಬಿಳಾರೇ ಬಾಧೇನ್ತಿ, ಆಗೋಧಾ ಮಚ್ಛಕಚ್ಛಪಂ.

ತೇ ಲುದ್ದಕಸಮಾ ರಾಜ [ಲುದ್ದಕಾ ತೇ ಮಹಾರಾಜ (ಸೀ. ಪೀ.)], ತೇಪಿ ವುಚ್ಚನ್ತಿ ಬ್ರಾಹ್ಮಣಾ;

ಅಕ್ಖಾತಾ ತೇ ಮಹಾರಾಜ, ತಾದಿಸೇ ನಿಪತಾಮಸೇ.

ಅಞ್ಞೇ ವಿಧುರ ಪರಿಯೇಸ, ಸೀಲವನ್ತೇ ಬಹುಸ್ಸುತೇ.

ವಿರತೇ ಮೇಥುನಾ ಧಮ್ಮಾ, ಯೇ ಮೇ ಭುಞ್ಜೇಯ್ಯು ಭೋಜನಂ;

ದಕ್ಖಿಣಂ ಸಮ್ಮ ದಸ್ಸಾಮ, ಯತ್ಥ ದಿನ್ನಂ ಮಹಪ್ಫಲಂ.

ಅಞ್ಞೇ ಧನಸ್ಸ ಕಾಮಾ ಹಿ, ಹೇಟ್ಠಾಮಞ್ಚೇ ಪಸಕ್ಕಿತಾ [ಪಸಕ್ಖಿತಾ (ಸೀ. ಸ್ಯಾ. ಪೀ.)];

ರಾಜಾನೋ ಉಪರಿ ನ್ಹಾಯನ್ತಿ, ಸೋಮಯಾಗೇ ಉಪಟ್ಠಿತೇ.

ಮಲಮಜ್ಜಕಸಮಾ ರಾಜ, ತೇಪಿ ವುಚ್ಚನ್ತಿ ಬ್ರಾಹ್ಮಣಾ;

ಅಕ್ಖಾತಾ ತೇ ಮಹಾರಾಜ, ತಾದಿಸೇ ನಿಪತಾಮಸೇ.

ಅಞ್ಞೇ ವಿಧುರ ಪರಿಯೇಸ, ಸೀಲವನ್ತೇ ಬಹುಸ್ಸುತೇ.

ವಿರತೇ ಮೇಥುನಾ ಧಮ್ಮಾ, ಯೇ ಮೇ ಭುಞ್ಜೇಯ್ಯು ಭೋಜನಂ;

ದಕ್ಖಿಣಂ ಸಮ್ಮ ದಸ್ಸಾಮ, ಯತ್ಥ ದಿನ್ನಂ ಮಹಪ್ಫಲಂ.

ಅತ್ಥಿ ಖೋ ಬ್ರಾಹ್ಮಣಾ ದೇವ, ಸೀಲವನ್ತೋ ಬಹುಸ್ಸುತಾ;

ವಿರತಾ ಮೇಥುನಾ ಧಮ್ಮಾ, ಯೇ ತೇ ಭುಞ್ಜೇಯ್ಯು ಭೋಜನಂ.

ಏಕಞ್ಚ ¶ ಭತ್ತಂ ಭುಞ್ಜನ್ತಿ, ನ ಚ ಮಜ್ಜಂ ಪಿವನ್ತಿ ತೇ;

ಅಕ್ಖಾತಾ ತೇ ಮಹಾರಾಜ, ತಾದಿಸೇ ನಿಪತಾಮಸೇ.

ಏತೇ ಖೋ ಬ್ರಾಹ್ಮಣಾ ವಿಧುರ, ಸೀಲವನ್ತೋ ಬಹುಸ್ಸುತಾ;

ಏತೇ ವಿಧುರ ಪರಿಯೇಸ, ಖಿಪ್ಪಞ್ಚ ನೇ [ಖಿಪ್ಪಂವ ನೇ (ಕ.)] ನಿಮನ್ತಯಾತಿ.

ಸುಖುಮಾಲರೂಪಂ ದಿಸ್ವಾ [ದಿಸ್ವಾನ (ಕ. ಸೀ. ಅಟ್ಠ.)], ರಟ್ಠಾ ವಿವನಮಾಗತಂ;

ಕೂಟಾಗಾರವರೂಪೇತಂ, ಮಹಾಸಯನಮುಪಾಸಿತಂ [ಮುಪೋಚಿತಂ (ಬಹೂಸು)].

ತಸ್ಸ ¶ ತೇ ಪೇಮಕೇನಾಹಂ, ಅದಾಸಿಂ ವಡ್ಢಮೋದನಂ [ಬದ್ಧಮೋದನಂ (ಸೀ. ಪೀ.)];

ಸಾಲೀನಂ ವಿಚಿತಂ ಭತ್ತಂ, ಸುಚಿಂ ಮಂಸೂಪಸೇಚನಂ.

ತಂ ತ್ವಂ ಭತ್ತಂ ಪಟಿಗ್ಗಯ್ಹ, ಬ್ರಾಹ್ಮಣಸ್ಸ ಅದಾಸಯಿ [ಅದಾಪಯಿ (ಸೀ. ಸ್ಯಾ. ಪೀ.)];

ಅತ್ತಾನಂ ¶ [ಅತ್ತನಾ (ಪೀ. ಅಟ್ಠ. ಪಾಠನ್ತರಂ)] ಅನಸಿತ್ವಾನ, ಕೋಯಂ ಧಮ್ಮೋ ನಮತ್ಥು ತೇ.

ಆಚರಿಯೋ ಬ್ರಾಹ್ಮಣೋ ಮಯ್ಹಂ, ಕಿಚ್ಚಾಕಿಚ್ಚೇಸು ಬ್ಯಾವಟೋ [ವಾವಟೋ (ಕ.)];

ಗರು ಚ ಆಮನ್ತನೀಯೋ [ಆಮನ್ತಣೀಯೋ (ಸೀ. ಪೀ.)] ಚ, ದಾತುಮರಹಾಮಿ ಭೋಜನಂ.

ಬ್ರಾಹ್ಮಣಂ ದಾನಿ ಪುಚ್ಛಾಮಿ, ಗೋತಮಂ ರಾಜಪೂಜಿತಂ;

ರಾಜಾ ತೇ ಭತ್ತಂ ಪಾದಾಸಿ, ಸುಚಿಂ ಮಂಸೂಪಸೇಚನಂ.

ತಂ ತ್ವಂ ಭತ್ತಂ ಪಟಿಗ್ಗಯ್ಹ, ಇಸಿಸ್ಸ ಭೋಜನಂ ಅದಾ;

ಅಖೇತ್ತಞ್ಞೂಸಿ ದಾನಸ್ಸ, ಕೋಯಂ ಧಮ್ಮೋ ನಮತ್ಥು ತೇ.

ಭರಾಮಿ ಪುತ್ತ [ಪುತ್ತೇ (ಸೀ. ಪೀ.)] ದಾರೇ ಚ, ಘರೇಸು ಗಧಿತೋ [ಗಥಿತೋ (ಸೀ. ಪೀ.)] ಅಹಂ;

ಭುಞ್ಜೇ ಮಾನುಸಕೇ ಕಾಮೇ, ಅನುಸಾಸಾಮಿ ರಾಜಿನೋ.

ಆರಞ್ಞಿಕಸ್ಸ [ಆರಞ್ಞಕಸ್ಸ (ಸೀ. ಪೀ.)] ಇಸಿನೋ, ಚಿರರತ್ತಂ ತಪಸ್ಸಿನೋ;

ವುಡ್ಢಸ್ಸ ಭಾವಿತತ್ತಸ್ಸ, ದಾತುಮರಹಾಮಿ ಭೋಜನಂ.

ಇಸಿಞ್ಚ ದಾನಿ ಪುಚ್ಛಾಮಿ, ಕಿಸಂ ಧಮನಿಸನ್ಥತಂ;

ಪರೂಳ್ಹಕಚ್ಛನಖಲೋಮಂ, ಪಙ್ಕದನ್ತಂ ರಜಸ್ಸಿರಂ.

ಏಕೋ ಅರಞ್ಞೇ ವಿಹರಸಿ [ವಿಹಾಸಿ (ಕ.)], ನಾವಕಙ್ಖಸಿ ಜೀವಿತಂ;

ಭಿಕ್ಖು ಕೇನ ತಯಾ ಸೇಯ್ಯೋ, ಯಸ್ಸ ತ್ವಂ ಭೋಜನಂ ಅದಾ.

ಖಣನ್ತಾಲುಕಲಮ್ಬಾನಿ [ಖಣಮಾಲುಕಲಮ್ಬಾನಿ (ಸ್ಯಾ. ಕ.)], ಬಿಲಾಲಿತಕ್ಕಲಾನಿ ಚ [ಬಿಳಾಲಿತಕ್ಕಳಾನಿ ಚ (ಸೀ. ಪೀ.)];

ಧುನಂ ಸಾಮಾಕನೀವಾರಂ, ಸಙ್ಘಾರಿಯಂ ಪಸಾರಿಯಂ [ಸಂಹಾರಿಯಂ ಪಹಾರಿಯಂ (ಸ್ಯಾ.), ಸಂಸಾರಿಯಂ ಪಸಾರಿಯಂ (ಕ.)].

ಸಾಕಂ ¶ ಭಿಸಂ ಮಧುಂ ಮಂಸಂ, ಬದರಾಮಲಕಾನಿ ಚ;

ತಾನಿ ಆಹರಿತ್ವಾ [ಆಹತ್ವ (ಸೀ. ಸ್ಯಾ.)] ಭುಞ್ಜಾಮಿ, ಅತ್ಥಿ ಮೇ ಸೋ ಪರಿಗ್ಗಹೋ.

ಪಚನ್ತೋ ¶ ¶ ಅಪಚನ್ತಸ್ಸ, ಅಮಮಸ್ಸ ಸಕಿಞ್ಚನೋ [ಅಕಿಞ್ಚನೋ (ಕ.)];

ಅನಾದಾನಸ್ಸ ಸಾದಾನೋ, ದಾತುಮರಹಾಮಿ ಭೋಜನಂ.

ಭಿಕ್ಖುಞ್ಚ ದಾನಿ ಪುಚ್ಛಾಮಿ, ತುಣ್ಹೀಮಾಸೀನ ಸುಬ್ಬತಂ;

ಇಸಿ ತೇ ಭತ್ತಂ ಪಾದಾಸಿ, ಸುಚಿಂ ಮಂಸೂಪಸೇಚನಂ.

ತಂ ತ್ವಂ ಭತ್ತಂ ಪಟಿಗ್ಗಯ್ಹ, ತುಣ್ಹೀ ಭುಞ್ಜಸಿ ಏಕಕೋ;

ನಾಞ್ಞಂ ಕಞ್ಚಿ [ಕಿಞ್ಚಿ (ಕ.)] ನಿಮನ್ತೇಸಿ, ಕೋಯಂ ಧಮ್ಮೋ ನಮತ್ಥು ತೇ.

ನ ಪಚಾಮಿ ನ ಪಾಚೇಮಿ, ನ ಛಿನ್ದಾಮಿ ನ ಛೇದಯೇ;

ತಂ ಮಂ ಅಕಿಞ್ಚನಂ ಞತ್ವಾ, ಸಬ್ಬಪಾಪೇಹಿ ಆರತಂ.

ವಾಮೇನ ಭಿಕ್ಖಮಾದಾಯ, ದಕ್ಖಿಣೇನ ಕಮಣ್ಡಲುಂ;

ಇಸಿ ಮೇ ಭತ್ತಂ ಪಾದಾಸಿ, ಸುಚಿಂ ಮಂಸೂಪಸೇಚನಂ.

ಏತೇ ಹಿ ದಾತುಮರಹನ್ತಿ, ಸಮಮಾ ಸಪರಿಗ್ಗಹಾ;

ಪಚ್ಚನೀಕಮಹಂ ಮಞ್ಞೇ, ಯೋ ದಾತಾರಂ ನಿಮನ್ತಯೇ.

ಅತ್ಥಾಯ ವತ ಮೇ ಅಜ್ಜ, ಇಧಾಗಚ್ಛಿ ರಥೇಸಭೋ;

ಸೋಹಂ ಅಜ್ಜ ಪಜಾನಾಮಿ [ಇತೋ ಪುಬ್ಬೇ ನ ಜಾನಾಮಿ (ಸೀ. ಪೀ.)], ಯತ್ಥ ದಿನ್ನಂ ಮಹಪ್ಫಲಂ.

ರಟ್ಠೇಸು ಗಿದ್ಧಾ ರಾಜಾನೋ, ಕಿಚ್ಚಾಕಿಚ್ಚೇಸು ಬ್ರಾಹ್ಮಣಾ;

ಇಸೀ ಮೂಲಫಲೇ ಗಿದ್ಧಾ, ವಿಪ್ಪಮುತ್ತಾ ಚ ಭಿಕ್ಖವೋತಿ.

ಸುವ ¶ ಕಿನ್ನರ ಮುಕ್ಕ ಖರಾಜಿನಸೋ, ಭಿಸಜಾತ ಮಹೇಸಿ ಕಪೋತವರೋ;

ಅಥ ಮೋರ ಸತಚ್ಛಕ ವಾಣಿಜಕೋ, ಅಥ ರಾಜ ಸಬ್ರಾಹ್ಮಣ ಭಿಕ್ಖಪರನ್ತಿ.

ಕುತೋ ¶ ¶ ¶ ನು ಆಗಚ್ಛಸಿ ದುಮ್ಮವಾಸೀ [ರುಮ್ಮವಾಸೀ (ಸೀ. ಪೀ.)], ಓತಲ್ಲಕೋ ಪಂಸುಪಿಸಾಚಕೋವ;

ಸಙ್ಕಾರಚೋಳಂ ಪಟಿಮುಞ್ಚ [ಪಟಿಮುಚ್ಚ (ಸೀ. ಪೀ.)] ಕಣ್ಠೇ, ಕೋ ರೇ ತುವಂ ಹೋಸಿ [ಹೋಹಿಸಿ (ಸೀ. ಪೀ.)] ಅದಕ್ಖಿಣೇಯ್ಯೋ.

ಅನ್ನಂ ತವೇದಂ [ತವ ಇದಂ (ಕ. ಸೀ. ಪೀ.), ತವಯಿದಂ (ಸ್ಯಾ.)] ಪಕತಂ ಯಸಸ್ಸಿ, ತಂ ಖಜ್ಜರೇ ಭುಞ್ಜರೇ ಪಿಯ್ಯರೇ ಚ;

ಜಾನಾಸಿ ಮಂ ತ್ವಂ ಪರದತ್ತೂಪಜೀವಿಂ, ಉತ್ತಿಟ್ಠಪಿಣ್ಡಂ ಲಭತಂ ಸಪಾಕೋ.

ಅನ್ನಂ ಮಮೇದಂ [ಮಮ ಇದಂ (ಕ. ಸೀ. ಪೀ.), ಮಮಯಿದಂ (ಸ್ಯಾ.)] ಪಕತಂ ಬ್ರಾಹ್ಮಣಾನಂ, ಅತ್ತತ್ಥಾಯ ಸದ್ದಹತೋ ಮಮೇದಂ [ಮಮ ಇದಂ (ಕ. ಸೀ. ಪೀ.), ಮಮಯಿದಂ (ಸ್ಯಾ.)];

ಅಪೇಹಿ ಏತ್ತೋ ಕಿಮಿಧಟ್ಠಿತೋಸಿ, ನ ಮಾದಿಸಾ ತುಯ್ಹಂ ದದನ್ತಿ ಜಮ್ಮ.

ಥಲೇ ಚ ನಿನ್ನೇ ಚ ವಪನ್ತಿ ಬೀಜಂ, ಅನೂಪಖೇತ್ತೇ ಫಲಮಾಸಮಾನಾ [ಮಾಸಸಾನಾ (ಸೀ. ಪೀ.), ಮಾಸಿಂ ಸಮಾನಾ (ಸ್ಯಾ.)];

ಏತಾಯ ಸದ್ಧಾಯ ದದಾಹಿ ದಾನಂ, ಅಪ್ಪೇವ ಆರಾಧಯೇ ದಕ್ಖಿಣೇಯ್ಯೇ.

ಖೇತ್ತಾನಿ ಮಯ್ಹಂ ವಿದಿತಾನಿ ಲೋಕೇ, ಯೇಸಾಹಂ ¶ ಬೀಜಾನಿ ಪತಿಟ್ಠಪೇಮಿ;

ಯೇ ಬ್ರಾಹ್ಮಣಾ ಜಾತಿಮನ್ತೂಪಪನ್ನಾ, ತಾನೀಧ ಖೇತ್ತಾನಿ ಸುಪೇಸಲಾನಿ.

ಜಾತಿಮದೋ ಚ ಅತಿಮಾನಿತಾ ಚ, ಲೋಭೋ ಚ ದೋಸೋ ಚ ಮದೋ ಚ ಮೋಹೋ;

ಏತೇ ಅಗುಣಾ ಯೇಸು ಚ ಸನ್ತಿ [ಯೇಸು ವಸನ್ತಿ (ಸೀ. ಪೀ.)] ಸಬ್ಬೇ, ತಾನೀಧ ಖೇತ್ತಾನಿ ಅಪೇಸಲಾನಿ.

ಜಾತಿಮದೋ ¶ ಚ ಅತಿಮಾನಿತಾ ಚ, ಲೋಭೋ ಚ ದೋಸೋ ಚ ಮದೋ ಚ ಮೋಹೋ;

ಏತೇ ಅಗುಣಾ ಯೇಸು ನ ಸನ್ತಿ ಸಬ್ಬೇ, ತಾನೀಧ ಖೇತ್ತಾನಿ ಸುಪೇಸಲಾನಿ.

ಕ್ವೇತ್ಥ ಗತಾ [ಕ್ವತ್ಥ ಗತಾ (ಸ್ಯಾ.), ಕತ್ಥೇವ ಭಟ್ಠಾ (ಪೀ.)] ಉಪಜೋತಿಯೋ ಚ, ಉಪಜ್ಝಾಯೋ ಚ ಅಥವಾ ಗಣ್ಡಕುಚ್ಛಿ [ಅಣ್ಡಕುಚ್ಛಿ (ಸೀ. ಸ್ಯಾ. ಪೀ.)];

ಇಮಸ್ಸ ದಣ್ಡಞ್ಚ ವಧಞ್ಚ ದತ್ವಾ, ಗಲೇ ಗಹೇತ್ವಾ ಖಲಯಾಥ [ಗಲಯಾಥ (ಕ.)] ಜಮ್ಮಂ.

ಗಿರಿಂ ನಖೇನ ಖಣಸಿ, ಅಯೋ ದನ್ತೇಹಿ [ದನ್ತೇನ (ಸೀ. ಪೀ.)] ಖಾದಸಿ;

ಜಾತವೇದಂ ಪದಹಸಿ, ಯೋ ಇಸಿಂ ಪರಿಭಾಸಸಿ.

ಇದಂ ವತ್ವಾನ ಮಾತಙ್ಗೋ, ಇಸಿ ಸಚ್ಚಪರಕ್ಕಮೋ;

ಅನ್ತಲಿಕ್ಖಸ್ಮಿಂ ¶ ಪಕ್ಕಾಮಿ [ಪಕ್ಕಮಿ (ಕ.)], ಬ್ರಾಹ್ಮಣಾನಂ ಉದಿಕ್ಖತಂ.

ಆವೇಲ್ಲಿತಂ [ಅವೇಠಿತಂ (ಸೀ. ಪೀ.)] ಪಿಟ್ಠಿತೋ ಉತ್ತಮಙ್ಗಂ, ಬಾಹುಂ [ಬಾಹಂ (ಸೀ. ಪೀ.)] ಪಸಾರೇತಿ ಅಕಮ್ಮನೇಯ್ಯಂ [ಅಕಮ್ಪನೇಯ್ಯಂ (ಕ.)];

ಸೇತಾನಿ ಅಕ್ಖೀನಿ ಯಥಾ ಮತಸ್ಸ, ಕೋ ಮೇ ಇಮಂ ಪುತ್ತಮಕಾಸಿ ಏವಂ.

ಇಧಾಗಮಾ ¶ ಸಮಣೋ ದುಮ್ಮವಾಸೀ, ಓತಲ್ಲಕೋ ಪಂಸುಪಿಸಾಚಕೋವ;

ಸಙ್ಕಾರಚೋಳಂ ಪಟಿಮುಞ್ಚ ಕಣ್ಠೇ, ಸೋ ತೇ ಇಮಂ ಪುತ್ತಮಕಾಸಿ ಏವಂ.

ಕತಮಂ ದಿಸಂ ಅಗಮಾ ಭೂರಿಪಞ್ಞೋ, ಅಕ್ಖಾಥ ಮೇ ಮಾಣವಾ ಏತಮತ್ಥಂ;

ಗನ್ತ್ವಾನ ತಂ ಪಟಿಕರೇಮು ಅಚ್ಚಯಂ, ಅಪ್ಪೇವ ನಂ ಪುತ್ತ ಲಭೇಮು ಜೀವಿತಂ.

ವೇಹಾಯಸಂ ¶ ಅಗಮಾ ಭೂರಿಪಞ್ಞೋ, ಪಥದ್ಧುನೋ ಪನ್ನರಸೇವ ಚನ್ದೋ;

ಅಪಿ ಚಾಪಿ ಸೋ ಪುರಿಮದಿಸಂ ಅಗಚ್ಛಿ, ಸಚ್ಚಪ್ಪಟಿಞ್ಞೋ ಇಸಿ ಸಾಧುರೂಪೋ.

ಆವೇಲ್ಲಿತಂ ಪಿಟ್ಠಿತೋ ಉತ್ತಮಙ್ಗಂ, ಬಾಹುಂ ಪಸಾರೇತಿ ಅಕಮ್ಮನೇಯ್ಯಂ;

ಸೇತಾನಿ ಅಕ್ಖೀನಿ ಯಥಾ ಮತಸ್ಸ, ಕೋ ¶ ಮೇ ಇಮಂ ಪುತ್ತಮಕಾಸಿ ಏವಂ.

ಯಕ್ಖಾ ಹವೇ ಸನ್ತಿ ಮಹಾನುಭಾವಾ, ಅನ್ವಾಗತಾ ಇಸಯೋ ಸಾಧುರೂಪಾ;

ತೇ ದುಟ್ಠಚಿತ್ತಂ ಕುಪಿತಂ ವಿದಿತ್ವಾ, ಯಕ್ಖಾ ಹಿ ತೇ ಪುತ್ತಮಕಂಸು ಏವಂ.

ಯಕ್ಖಾ ಚ ಮೇ ಪುತ್ತಮಕಂಸು ಏವಂ, ತ್ವಞ್ಞೇವ ಮೇ ಮಾ ಕುದ್ಧೋ [ಕುದ್ಧ (ಕ.)] ಬ್ರಹ್ಮಚಾರಿ;

ತುಮ್ಹೇವ [ತುಯ್ಹೇವ (ಕ.)] ಪಾದೇ ಸರಣಂ ಗತಾಸ್ಮಿ, ಅನ್ವಾಗತಾ ಪುತ್ತಸೋಕೇನ ಭಿಕ್ಖು.

ತದೇವ ಹಿ ಏತರಹಿ ಚ ಮಯ್ಹಂ, ಮನೋಪದೋಸೋ ನ ಮಮತ್ಥಿ [ಮಮ ನತ್ಥಿ (ಪೀ.)] ಕೋಚಿ;

ಪುತ್ತೋ ಚ ತೇ ವೇದಮದೇನ ಮತ್ತೋ, ಅತ್ಥಂ ನ ಜಾನಾತಿ ಅಧಿಚ್ಚ ವೇದೇ.

ಅದ್ಧಾ ಹವೇ ಭಿಕ್ಖು ಮುಹುತ್ತಕೇನ, ಸಮ್ಮುಯ್ಹತೇವ ಪುರಿಸಸ್ಸ ಸಞ್ಞಾ;

ಏಕಾಪರಾಧಂ [ಏತಾಪರಾಧಂ (ಕ.)] ಖಮ ಭೂರಿಪಞ್ಞ, ನ ಪಣ್ಡಿತಾ ಕೋಧಬಲಾ ಭವನ್ತಿ.

ಇದಞ್ಚ ಮಯ್ಹಂ ಉತ್ತಿಟ್ಠಪಿಣ್ಡಂ, ತವ [ನತ್ಥಿ ಸೀ. ಪೀ. ಪೋತ್ಥಕೇಸು] ಮಣ್ಡಬ್ಯೋ ಭುಞ್ಜತು ಅಪ್ಪಪಞ್ಞೋ;

ಯಕ್ಖಾ ಚ ತೇ ನಂ [ತೇ ಪುತ್ತಂ (ಸ್ಯಾ.)] ನ ವಿಹೇಠಯೇಯ್ಯುಂ, ಪುತ್ತೋ ¶ ಚ ತೇ ಹೇಸ್ಸತಿ [ಹೋಹಿತಿ (ಸೀ. ಪೀ.)] ಸೋ ಅರೋಗೋ.

ಮಣ್ಡಬ್ಯ ¶ ಬಾಲೋಸಿ ಪರಿತ್ತಪಞ್ಞೋ, ಯೋ ಪುಞ್ಞಖೇತ್ತಾನಮಕೋವಿದೋಸಿ;

ಮಹಕ್ಕಸಾವೇಸು ದದಾಸಿ ದಾನಂ, ಕಿಲಿಟ್ಠಕಮ್ಮೇಸು ಅಸಞ್ಞತೇಸು.

ಜಟಾ ಚ ಕೇಸಾ ಅಜಿನಾ ನಿವತ್ಥಾ, ಜರೂದಪಾನಂವ ಮುಖಂ ಪರೂಳ್ಹಂ;

ಪಜಂ ಇಮಂ ಪಸ್ಸಥ ದುಮ್ಮರೂಪಂ [ರುಮ್ಮರೂಪಿಂ (ಸೀ. ಪೀ.)], ನ ಜಟಾಜಿನಂ ತಾಯತಿ ಅಪ್ಪಪಞ್ಞಂ.

ಯೇಸಂ ರಾಗೋ ಚ ದೋಸೋ ಚ, ಅವಿಜ್ಜಾ ಚ ವಿರಾಜಿತಾ;

ಖೀಣಾಸವಾ ಅರಹನ್ತೋ, ತೇಸು ದಿನ್ನಂ ಮಹಪ್ಫಲನ್ತಿ.

ಸಬ್ಬಂ ನರಾನಂ ಸಫಲಂ ಸುಚಿಣ್ಣಂ, ನ ಕಮ್ಮುನಾ ಕಿಞ್ಚನ ಮೋಘಮತ್ಥಿ;

ಪಸ್ಸಾಮಿ ಸಮ್ಭೂತಂ ಮಹಾನುಭಾವಂ, ಸಕಮ್ಮುನಾ ¶ ಪುಞ್ಞಫಲೂಪಪನ್ನಂ.

ಸಬ್ಬಂ ¶ ನರಾನಂ ಸಫಲಂ ಸುಚಿಣ್ಣಂ, ನ ಕಮ್ಮುನಾ ಕಿಞ್ಚನ ಮೋಘಮತ್ಥಿ;

ಕಚ್ಚಿನ್ನು ಚಿತ್ತಸ್ಸಪಿ ಏವಮೇವಂ, ಇದ್ಧೋ ಮನೋ ತಸ್ಸ ಯಥಾಪಿ ಮಯ್ಹಂ.

ಸಬ್ಬಂ ನರಾನಂ ಸಫಲಂ ಸುಚಿಣ್ಣಂ, ನ ಕಮ್ಮುನಾ ಕಿಞ್ಚನ ಮೋಘಮತ್ಥಿ;

ಚಿತ್ತಮ್ಪಿ ಜಾನಾಹಿ [ಚಿತ್ತಂ ವಿಜಾನಾಹಿ (ಸೀ. ಪೀ.)] ತಥೇವ ದೇವ, ಇದ್ಧೋ ಮನೋ ತಸ್ಸ ಯಥಾಪಿ ತುಯ್ಹಂ.

ಭವಂ ನು ಚಿತ್ತೋ ಸುತಮಞ್ಞತೋ ತೇ, ಉದಾಹು ತೇ ಕೋಚಿ ನಂ ಏತದಕ್ಖಾ;

ಗಾಥಾ ಸುಗೀತಾ ನ ಮಮತ್ಥಿ ಕಙ್ಖಾ, ದದಾಮಿ ತೇ ಗಾಮವರಂ ಸತಞ್ಚ.

ನ ¶ ಚಾಹಂ ಚಿತ್ತೋ ಸುತಮಞ್ಞತೋ ಮೇ, ಇಸೀ ಚ ಮೇ ಏತಮತ್ಥಂ ಅಸಂಸಿ;

‘‘ಗನ್ತ್ವಾನ ರಞ್ಞೋ ಪಟಿಗಾಹಿ [ಪಟಿಗಾಯಿ (ಸ್ಯಾ. ಕ.), ಪಟಿಗಾಯ (?)] ಗಾಥಂ, ಅಪಿ ತೇ ವರಂ ಅತ್ತಮನೋ ದದೇಯ್ಯ’’ [ಅಪಿ ನು ತೇ ವರಂ ಅತ್ತಮನೋ ದದೇಯ್ಯ (ಸ್ಯಾ.), ಅಪಿ ನು ತೇ ಅತ್ತಮನೋ ವರಂ ದದೇ (ಕ.)].

ಯೋಜೇನ್ತು ವೇ ರಾಜರಥೇ, ಸುಕತೇ ಚಿತ್ತಸಿಬ್ಬನೇ;

ಕಚ್ಛಂ ನಾಗಾನಂ ಬನ್ಧಥ, ಗೀವೇಯ್ಯಂ ಪಟಿಮುಞ್ಚಥ.

ಆಹಞ್ಞನ್ತು ¶ [ಆಹಞ್ಞರೇ (ಸ್ಯಾ.)] ಭೇರಿಮುದಿಙ್ಗಸಙ್ಖೇ [ಸಙ್ಖಾ (ಸ್ಯಾ.)], ಸೀಘಾನಿ ಯಾನಾನಿ ಚ ಯೋಜಯನ್ತು;

ಅಜ್ಜೇವಹಂ ಅಸ್ಸಮಂ ತಂ ಗಮಿಸ್ಸಂ, ಯತ್ಥೇವ ದಕ್ಖಿಸ್ಸಮಿಸಿಂ ನಿಸಿನ್ನಂ.

ಸುಲದ್ಧಲಾಭೋ ವತ ಮೇ ಅಹೋಸಿ, ಗಾಥಾ ಸುಗೀತಾ ಪರಿಸಾಯ ಮಜ್ಝೇ;

ಸ್ವಾಹಂ ಇಸಿಂ ಸೀಲವತೂಪಪನ್ನಂ, ದಿಸ್ವಾ ಪತೀತೋ ಸುಮನೋಹಮಸ್ಮಿ.

ಆಸನಂ ಉದಕಂ ಪಜ್ಜಂ, ಪಟಿಗ್ಗಣ್ಹಾತು ನೋ ಭವಂ;

ಅಗ್ಘೇ ಭವನ್ತಂ ಪುಚ್ಛಾಮ, ಅಗ್ಘಂ ಕುರುತು ನೋ ಭವಂ.

ರಮ್ಮಞ್ಚ ತೇ ಆವಸಥಂ ಕರೋನ್ತು, ನಾರೀಗಣೇಹಿ ಪರಿಚಾರಯಸ್ಸು;

ಕರೋಹಿ ಓಕಾಸಮನುಗ್ಗಹಾಯ, ಉಭೋಪಿ ಮಂ ಇಸ್ಸರಿಯಂ ಕರೋಮ.

ದಿಸ್ವಾ ಫಲಂ ದುಚ್ಚರಿತಸ್ಸ ರಾಜ, ಅಥೋ ಸುಚಿಣ್ಣಸ್ಸ ಮಹಾವಿಪಾಕಂ;

ಅತ್ತಾನಮೇವ ಪಟಿಸಂಯಮಿಸ್ಸಂ, ನ ಪತ್ಥಯೇ ಪುತ್ತ [ಪುತ್ತಂ (ಸೀ. ಪೀ.)] ಪಸುಂ ಧನಂ ವಾ.

ದಸೇವಿಮಾ ವಸ್ಸದಸಾ, ಮಚ್ಚಾನಂ ಇಧ ಜೀವಿತಂ;

ಅಪತ್ತಞ್ಞೇವ ¶ ತಂ ಓಧಿಂ, ನಳೋ ಛಿನ್ನೋವ ಸುಸ್ಸತಿ.

ತತ್ಥ ¶ ಕಾ ನನ್ದಿ ಕಾ ಖಿಡ್ಡಾ, ಕಾ ರತೀ ಕಾ ಧನೇಸನಾ;

ಕಿಂ ಮೇ ಪುತ್ತೇಹಿ ದಾರೇಹಿ, ರಾಜ ಮುತ್ತೋಸ್ಮಿ ಬನ್ಧನಾ.

ಸೋಹಂ ಏವಂ ಪಜಾನಾಮಿ [ಸೋ ಅಹಂ ಸುಪ್ಪಜಾನಾಮಿ (ಸೀ. ಪೀ.)], ಮಚ್ಚು ಮೇ ನಪ್ಪಮಜ್ಜತಿ;

ಅನ್ತಕೇನಾಧಿಪನ್ನಸ್ಸ, ಕಾ ರತೀ ಕಾ ಧನೇಸನಾ.

ಜಾತಿ ನರಾನಂ ಅಧಮಾ ಜನಿನ್ದ, ಚಣ್ಡಾಲಯೋನಿ ದ್ವಿಪದಾಕನಿಟ್ಠಾ [ದಿಪದಾಕನಿಟ್ಠಾ (ಸೀ. ಪೀ.)];

ಸಕೇಹಿ ಕಮ್ಮೇಹಿ ಸುಪಾಪಕೇಹಿ, ಚಣ್ಡಾಲಗಬ್ಭೇ [ಚಣ್ಡಾಲಿಗಬ್ಭೇ (ಸ್ಯಾ.)] ಅವಸಿಮ್ಹ ಪುಬ್ಬೇ.

ಚಣ್ಡಾಲಾಹುಮ್ಹ ಅವನ್ತೀಸು, ಮಿಗಾ ನೇರಞ್ಜರಂ ಪತಿ;

ಉಕ್ಕುಸಾ ನಮ್ಮದಾತೀರೇ [ರಮ್ಮದಾತೀರೇ (ಸ್ಯಾ. ಕ.)], ತ್ಯಜ್ಜ ಬ್ರಾಹ್ಮಣಖತ್ತಿಯಾ.

ಉಪನೀಯತಿ ¶ ಜೀವಿತಮಪ್ಪಮಾಯು, ಜರೂಪನೀತಸ್ಸ ¶ ನ ಸನ್ತಿ ತಾಣಾ;

ಕರೋಹಿ ಪಞ್ಚಾಲ ಮಮೇತ [ಮಮೇವ (ಸ್ಯಾ. ಕ.)] ವಾಕ್ಯಂ, ಮಾಕಾಸಿ ಕಮ್ಮಾನಿ ದುಕ್ಖುದ್ರಯಾನಿ.

ಉಪನೀಯತಿ ಜೀವಿತಮಪ್ಪಮಾಯು, ಜರೂಪನೀತಸ್ಸ ನ ಸನ್ತಿ ತಾಣಾ;

ಕರೋಹಿ ಪಞ್ಚಾಲ ಮಮೇತ ವಾಕ್ಯಂ, ಮಾಕಾಸಿ ಕಮ್ಮಾನಿ ದುಕ್ಖಪ್ಫಲಾನಿ.

ಉಪನೀಯತಿ ಜೀವಿತಮಪ್ಪಮಾಯು, ಜರೂಪನೀತಸ್ಸ ನ ಸನ್ತಿ ತಾಣಾ;

ಕರೋಹಿ ಪಞ್ಚಾಲ ಮಮೇತ ವಾಕ್ಯಂ, ಮಾಕಾಸಿ ಕಮ್ಮಾನಿ ರಜಸ್ಸಿರಾನಿ.

ಉಪನೀಯತಿ ಜೀವಿತಮಪ್ಪಮಾಯು, ವಣ್ಣಂ ಜರಾ ಹನ್ತಿ ನರಸ್ಸ ಜಿಯ್ಯತೋ;

ಕರೋಹಿ ಪಞ್ಚಾಲ ಮಮೇತ ವಾಕ್ಯಂ, ಮಾಕಾಸಿ ಕಮ್ಮಂ ನಿರಯೂಪಪತ್ತಿಯಾ.

ಅದ್ಧಾ ¶ ಹಿ ಸಚ್ಚಂ ವಚನಂ ತವೇತಂ, ಯಥಾ ಇಸೀ ಭಾಸಸಿ ಏವಮೇತಂ;

ಕಾಮಾ ಚ ಮೇ ಸನ್ತಿ ಅನಪ್ಪರೂಪಾ, ತೇ ದುಚ್ಚಜಾ ಮಾದಿಸಕೇನ ಭಿಕ್ಖು.

ನಾಗೋ ಯಥಾ ಪಙ್ಕಮಜ್ಝೇ ಬ್ಯಸನ್ನೋ, ಪಸ್ಸಂ ಥಲಂ ನಾಭಿಸಮ್ಭೋತಿ ಗನ್ತುಂ;

ಏವಮ್ಪಹಂ [ಏವಮಹಂ (ಸ್ಯಾ.)] ಕಾಮಪಙ್ಕೇ ಬ್ಯಸನ್ನೋ, ನ ಭಿಕ್ಖುನೋ ಮಗ್ಗಮನುಬ್ಬಜಾಮಿ.

ಯಥಾಪಿ ಮಾತಾ ಚ ಪಿತಾ ಚ ಪುತ್ತಂ, ಅನುಸಾಸರೇ ಕಿನ್ತಿ ಸುಖೀ ಭವೇಯ್ಯ;

ಏವಮ್ಪಿ ಮಂ ತ್ವಂ ಅನುಸಾಸ ಭನ್ತೇ, ಯಥಾ ಚಿರಂ [ಯಮಾಚರಂ (ಸೀ. ಪೀ. ಕ. ಅಟ್ಠ.)] ಪೇಚ್ಚ ಸುಖೀ ಭವೇಯ್ಯಂ.

ನೋ ¶ ಚೇ ತುವಂ ಉಸ್ಸಹಸೇ ಜನಿನ್ದ, ಕಾಮೇ ಇಮೇ ಮಾನುಸಕೇ ಪಹಾತುಂ;

ಧಮ್ಮಿಂ [ಧಮ್ಮಂ (ಸೀ. ಪೀ.)] ಬಲಿಂ ಪಟ್ಠಪಯಸ್ಸು ರಾಜ, ಅಧಮ್ಮಕಾರೋ ತವ [ಅಧಮ್ಮಕಾರೋ ಚ ತೇ (ಸೀ. ಸ್ಯಾ. ಪೀ.)] ಮಾಹು ರಟ್ಠೇ.

ದೂತಾ ವಿಧಾವನ್ತು ದಿಸಾ ಚತಸ್ಸೋ, ನಿಮನ್ತಕಾ ಸಮಣಬ್ರಾಹ್ಮಣಾನಂ;

ತೇ ಅನ್ನಪಾನೇನ ಉಪಟ್ಠಹಸ್ಸು, ವತ್ಥೇನ ಸೇನಾಸನಪಚ್ಚಯೇನ ಚ.

ಅನ್ನೇನ ಪಾನೇನ ಪಸನ್ನಚಿತ್ತೋ, ಸನ್ತಪ್ಪಯ ಸಮಣಬ್ರಾಹ್ಮಣೇ ಚ;

ದತ್ವಾ ಚ ಭುತ್ವಾ ಚ ಯಥಾನುಭಾವಂ, ಅನಿನ್ದಿತೋ ಸಗ್ಗಮುಪೇಹಿ [ಮುಪೇತಿ (ಪೀ. ಕ.)] ಠಾನಂ.

ಸಚೇ ಚ ತಂ ರಾಜ ಮದೋ ಸಹೇಯ್ಯ, ನಾರೀಗಣೇಹಿ ಪರಿಚಾರಯನ್ತಂ;

ಇಮಮೇವ ಗಾಥಂ ಮನಸೀ ಕರೋಹಿ, ಭಾಸೇಸಿ [ಭಾಸೇಹಿ (ಸ್ಯಾ. ಪೀ. ಕ.)] ಚೇನಂ ಪರಿಸಾಯ ಮಜ್ಝೇ.

ಅಬ್ಭೋಕಾಸಸಯೋ ¶ ಜನ್ತು, ವಜನ್ತ್ಯಾ ಖೀರಪಾಯಿತೋ;

ಪರಿಕಿಣ್ಣೋ ಸುವಾನೇಹಿ [ಸುಪಿನೇಹಿ (ಸೀ. ಪೀ.)], ಸ್ವಾಜ್ಜ ರಾಜಾತಿ ವುಚ್ಚತೀತಿ.

ದೂರೇ ¶ ಅಪಸ್ಸಂ ಥೇರೋವ, ಚಕ್ಖುಂ ಯಾಚಿತುಮಾಗತೋ;

ಏಕನೇತ್ತಾ ಭವಿಸ್ಸಾಮ, ಚಕ್ಖುಂ ಮೇ ದೇಹಿ ಯಾಚಿತೋ.

ಕೇನಾನುಸಿಟ್ಠೋ ¶ ಇಧ ಮಾಗತೋಸಿ, ವನಿಬ್ಬಕ [ವಣಿಬ್ಬಕ (ಸೀ.)] ಚಕ್ಖುಪಥಾನಿ ಯಾಚಿತುಂ;

ಸುದುಚ್ಚಜಂ ಯಾಚಸಿ ಉತ್ತಮಙ್ಗಂ, ಯಮಾಹು ನೇತ್ತಂ ಪುರಿಸೇನ ದುಚ್ಚಜಂ.

ಯಮಾಹು ದೇವೇಸು ಸುಜಮ್ಪತೀತಿ, ಮಘವಾತಿ ನಂ ಆಹು ಮನುಸ್ಸಲೋಕೇ;

ತೇನಾನುಸಿಟ್ಠೋ ಇಧ ಮಾಗತೋಸ್ಮಿ, ವನಿಬ್ಬಕೋ ಚಕ್ಖುಪಥಾನಿ ಯಾಚಿತುಂ.

ವನಿಬ್ಬತೋ [ವನಿಬ್ಬಕೋ (ಸ್ಯಾ. ಪೀ.)] ಮಯ್ಹ ವನಿಂ [ವನಂ (ಕ.), ವಣಿಂ (ಸೀ. ಸ್ಯಾ. ಪೀ.)] ಅನುತ್ತರಂ, ದದಾಹಿ ತೇ ಚಕ್ಖುಪಥಾನಿ ಯಾಚಿತೋ;

ದದಾಹಿ ಮೇ ಚಕ್ಖುಪಥಂ ಅನುತ್ತರಂ, ಯಮಾಹು ನೇತ್ತಂ ಪುರಿಸೇನ ದುಚ್ಚಜಂ.

ಯೇನ ಅತ್ಥೇನ ಆಗಚ್ಛಿ [ಆಗಞ್ಛಿ (ಸೀ. ಪೀ.)], ಯಮತ್ಥಮಭಿಪತ್ಥಯಂ;

ತೇ ತೇ ಇಜ್ಝನ್ತು ಸಙ್ಕಪ್ಪಾ, ಲಭ ಚಕ್ಖೂನಿ ಬ್ರಾಹ್ಮಣ.

ಏಕಂ ತೇ ಯಾಚಮಾನಸ್ಸ, ಉಭಯಾನಿ ದದಾಮಹಂ;

ಸ ಚಕ್ಖುಮಾ ಗಚ್ಛ ಜನಸ್ಸ ಪೇಕ್ಖತೋ, ಯದಿಚ್ಛಸೇ ತ್ವಂ ತದತೇ ಸಮಿಜ್ಝತು.

ಮಾ ¶ ¶ ನೋ ದೇವ ಅದಾ ಚಕ್ಖುಂ, ಮಾ ನೋ ಸಬ್ಬೇ ಪರಾಕರಿ [ಪರಕ್ಕರಿ (ಸ್ಯಾ. ಕ. ಅಟ್ಠ.), ಪರಿಕ್ಕರಿ (ಕ.) ಪರಿ + ಆ + ಕರಿ = ಪರಾಕರಿ];

ಧನಂ ದೇಹಿ ಮಹಾರಾಜ, ಮುತ್ತಾ ವೇಳುರಿಯಾ ಬಹೂ.

ಯುತ್ತೇ ದೇವ ರಥೇ ದೇಹಿ, ಆಜಾನೀಯೇ ಚಲಙ್ಕತೇ;

ನಾಗೇ ದೇಹಿ ಮಹಾರಾಜ, ಹೇಮಕಪ್ಪನವಾಸಸೇ.

ಯಥಾ ತಂ ಸಿವಯೋ [ಸೀವಿಯೋ (ಸ್ಯಾ.)] ಸಬ್ಬೇ, ಸಯೋಗ್ಗಾ ಸರಥಾ ಸದಾ;

ಸಮನ್ತಾ ಪರಿಕಿರೇಯ್ಯುಂ [ಪರಿಕರೇಯ್ಯುಂ (ಸ್ಯಾ. ಪೀ.)], ಏವಂ ದೇಹಿ ರಥೇಸಭ.

ಯೋ ವೇ ದಸ್ಸನ್ತಿ ವತ್ವಾನ, ಅದಾನೇ ಕುರುತೇ ಮನೋ;

ಭೂಮ್ಯಂ [ಭೂಮ್ಯಾ (ಸೀ. ಪೀ.)] ಸೋ ಪತಿತಂ ಪಾಸಂ, ಗೀವಾಯಂ ಪಟಿಮುಞ್ಚತಿ.

ಯೋ ವೇ ದಸ್ಸನ್ತಿ ವತ್ವಾನ, ಅದಾನೇ ಕುರುತೇ ಮನೋ;

ಪಾಪಾ ಪಾಪತರೋ ಹೋತಿ, ಸಮ್ಪತ್ತೋ ಯಮಸಾಧನಂ.

ಯಞ್ಹಿ ಯಾಚೇ ತಞ್ಹಿ ದದೇ, ಯಂ ನ ಯಾಚೇ ನ ತಂ ದದೇ;

ಸ್ವಾಹಂ ತಮೇವ ದಸ್ಸಾಮಿ, ಯಂ ಮಂ ಯಾಚತಿ ಬ್ರಾಹ್ಮಣೋ.

ಆಯುಂ ನು ವಣ್ಣಂ ನು ಸುಖಂ ಬಲಂ ನು, ಕಿಂ ಪತ್ಥಯಾನೋ ನು ಜನಿನ್ದ ದೇಸಿ;

ಕಥಞ್ಹಿ ರಾಜಾ ಸಿವಿನಂ ಅನುತ್ತರೋ, ಚಕ್ಖೂನಿ ದಜ್ಜಾ ಪರಲೋಕಹೇತು.

ನ ವಾಹಮೇತಂ ಯಸಸಾ ದದಾಮಿ, ನ ಪುತ್ತಮಿಚ್ಛೇ ನ ಧನಂ ನ ರಟ್ಠಂ;

ಸತಞ್ಚ ಧಮ್ಮೋ ಚರಿತೋ ಪುರಾಣೋ, ಇಚ್ಚೇವ ದಾನೇ ರಮತೇ ಮನೋ ಮಮ [ಮಮಂ (ಸೀ. ಪೀ.)].

ಸಖಾ ¶ ಚ ಮಿತ್ತೋ ಚ ಮಮಾಸಿ ಸೀವಿಕ [ಸೀವಕ (ಸೀ. ಪೀ.)], ಸುಸಿಕ್ಖಿತೋ ಸಾಧು ಕರೋಹಿ ಮೇ ವಚೋ;

ಉದ್ಧರಿತ್ವಾ [ಉದ್ಧತ್ವ (ಸೀ.), ಲದ್ಧ ತ್ವಂ (ಪೀ.)] ಚಕ್ಖೂನಿ ಮಮಂ ಜಿಗೀಸತೋ, ಹತ್ಥೇಸು ಠಪೇಹಿ [ಆವೇಸಿ (ಸೀ.)] ವನಿಬ್ಬಕಸ್ಸ.

ಚೋದಿತೋ ¶ ¶ ಸಿವಿರಾಜೇನ, ಸಿವಿಕೋ ವಚನಙ್ಕರೋ;

ರಞ್ಞೋ ಚಕ್ಖೂನುದ್ಧರಿತ್ವಾ [ಚಕ್ಖೂನಿ ಉದ್ಧತ್ವಾ (ಸೀ. ಪೀ.)], ಬ್ರಾಹ್ಮಣಸ್ಸೂಪನಾಮಯಿ;

ಸಚಕ್ಖು ಬ್ರಾಹ್ಮಣೋ ಆಸಿ, ಅನ್ಧೋ ರಾಜಾ ಉಪಾವಿಸಿ.

ತತೋ ಸೋ ಕತಿಪಾಹಸ್ಸ, ಉಪರೂಳ್ಹೇಸು ಚಕ್ಖುಸು;

ಸೂತಂ ಆಮನ್ತಯೀ ರಾಜಾ, ಸಿವೀನಂ ರಟ್ಠವಡ್ಢನೋ.

ಯೋಜೇಹಿ ಸಾರಥಿ ಯಾನಂ, ಯುತ್ತಞ್ಚ ಪಟಿವೇದಯ;

ಉಯ್ಯಾನಭೂಮಿಂ ಗಚ್ಛಾಮ, ಪೋಕ್ಖರಞ್ಞೋ ವನಾನಿ ಚ.

ಸೋ ಚ ಪೋಕ್ಖರಣೀತೀರೇ [ಪೋಕ್ಖರಣಿಯಾ ತೀರೇ (ಸೀ. ಪೀ.)], ಪಲ್ಲಙ್ಕೇನ ಉಪಾವಿಸಿ;

ತಸ್ಸ ಸಕ್ಕೋ ಪಾತುರಹು, ದೇವರಾಜಾ ಸುಜಮ್ಪತಿ.

ಸಕ್ಕೋಹಮಸ್ಮಿ ದೇವಿನ್ದೋ, ಆಗತೋಸ್ಮಿ ತವನ್ತಿಕೇ;

ವರಂ ವರಸ್ಸು ರಾಜೀಸಿ, ಯಂ ಕಿಞ್ಚಿ ಮನಸಿಚ್ಛಸಿ.

ಪಹೂತಂ ಮೇ ಧನಂ ಸಕ್ಕ, ಬಲಂ ಕೋಸೋ ಚನಪ್ಪಕೋ;

ಅನ್ಧಸ್ಸ ಮೇ ಸತೋ ದಾನಿ, ಮರಣಞ್ಞೇವ ರುಚ್ಚತಿ.

ಯಾನಿ ¶ ಸಚ್ಚಾನಿ ದ್ವಿಪದಿನ್ದ, ತಾನಿ ಭಾಸಸ್ಸು ಖತ್ತಿಯ;

ಸಚ್ಚಂ ತೇ ಭಣಮಾನಸ್ಸ, ಪುನ ಚಕ್ಖು ಭವಿಸ್ಸತಿ.

ಯೇ ಮಂ ಯಾಚಿತುಮಾಯನ್ತಿ, ನಾನಾಗೋತ್ತಾ ವನಿಬ್ಬಕಾ;

ಯೋಪಿ ಮಂ ಯಾಚತೇ ತತ್ಥ, ಸೋಪಿ ಮೇ ಮನಸೋ ಪಿಯೋ;

ಏತೇನ ಸಚ್ಚವಜ್ಜೇನ, ಚಕ್ಖು ಮೇ ಉಪಪಜ್ಜಥ.

ಯಂ ಮಂ ಸೋ ಯಾಚಿತುಂ ಆಗಾ, ದೇಹಿ ಚಕ್ಖುನ್ತಿ ಬ್ರಾಹ್ಮಣೋ;

ತಸ್ಸ ಚಕ್ಖೂನಿ ಪಾದಾಸಿಂ, ಬ್ರಾಹ್ಮಣಸ್ಸ ವನಿಬ್ಬತೋ [ವಣಿಬ್ಬಿನೋ (ಸೀ.), ವನಿಬ್ಬಿನೋ (ಪೀ.)].

ಭಿಯ್ಯೋ ಮಂ ಆವಿಸೀ ಪೀತಿ, ಸೋಮನಸ್ಸಞ್ಚನಪ್ಪಕಂ;

ಏತೇನ ಸಚ್ಚವಜ್ಜೇನ, ದುತಿಯಂ ಮೇ ಉಪಪಜ್ಜಥ.

ಧಮ್ಮೇನ ಭಾಸಿತಾ ಗಾಥಾ, ಸಿವೀನಂ ರಟ್ಠವಡ್ಢನ;

ಏತಾನಿ ತವ ನೇತ್ತಾನಿ, ದಿಬ್ಬಾನಿ ಪಟಿದಿಸ್ಸರೇ.

ತಿರೋಕುಟ್ಟಂ ತಿರೋಸೇಲಂ, ಸಮತಿಗ್ಗಯ್ಹ ಪಬ್ಬತಂ;

ಸಮನ್ತಾ ಯೋಜನಸತಂ, ದಸ್ಸನಂ ಅನುಭೋನ್ತು ತೇ.

ಕೋ ¶ ನೀಧ ವಿತ್ತಂ ನ ದದೇಯ್ಯ ಯಾಚಿತೋ, ಅಪಿ ವಿಸಿಟ್ಠಂ ಸುಪಿಯಮ್ಪಿ ಅತ್ತನೋ;

ತದಿಙ್ಘ ಸಬ್ಬೇ ಸಿವಯೋ ಸಮಾಗತಾ, ದಿಬ್ಬಾನಿ ನೇತ್ತಾನಿ ಮಮಜ್ಜ ಪಸ್ಸಥ.

ತಿರೋಕುಟ್ಟಂ ತಿರೋಸೇಲಂ, ಸಮತಿಗ್ಗಯ್ಹ ಪಬ್ಬತಂ;

ಸಮನ್ತಾ ಯೋಜನಸತಂ, ದಸ್ಸನಂ ಅನುಭೋನ್ತಿ ಮೇ.

ನ ¶ ಚಾಗಮತ್ತಾ ಪರಮತ್ಥಿ ಕಿಞ್ಚಿ, ಮಚ್ಚಾನಂ ಇಧ ಜೀವಿತೇ;

ದತ್ವಾನ ¶ ಮಾನುಸಂ [ದತ್ವಾ ಮಾನುಸಕಂ (ಸೀ.)] ಚಕ್ಖುಂ, ಲದ್ಧಂ ಮೇ [ಮೇ ಇತಿ ಪದಂ ನತ್ಥಿ ಸೀ. ಪೋತ್ಥಕೇ] ಚಕ್ಖುಂ ಅಮಾನುಸಂ.

ಏತಮ್ಪಿ ದಿಸ್ವಾ ಸಿವಯೋ, ದೇಥ ದಾನಾನಿ ಭುಞ್ಜಥ;

ದತ್ವಾ ಚ ಭುತ್ವಾ ಚ ಯಥಾನುಭಾವಂ, ಅನಿನ್ದಿತಾ ಸಗ್ಗಮುಪೇಥ ಠಾನನ್ತಿ.

ಪಞ್ಞಾಯುಪೇತಂ ಸಿರಿಯಾ ವಿಹೀನಂ, ಯಸಸ್ಸಿನಂ ವಾಪಿ ಅಪೇತಪಞ್ಞಂ;

ಪುಚ್ಛಾಮಿ ತಂ ಸೇನಕ ಏತಮತ್ಥಂ, ಕಮೇತ್ಥ ಸೇಯ್ಯೋ ಕುಸಲಾ ವದನ್ತಿ.

ಧೀರಾ ಚ ಬಾಲಾ ಚ ಹವೇ ಜನಿನ್ದ, ಸಿಪ್ಪೂಪಪನ್ನಾ ಚ ಅಸಿಪ್ಪಿನೋ ಚ;

ಸುಜಾತಿಮನ್ತೋಪಿ ಅಜಾತಿಮಸ್ಸ, ಯಸಸ್ಸಿನೋ ಪೇಸಕರಾ [ಪೇಸ್ಸಕರಾ (ಸೀ. ಪೀ.)] ಭವನ್ತಿ;

ಏತಮ್ಪಿ ದಿಸ್ವಾನ ಅಹಂ ವದಾಮಿ, ಪಞ್ಞೋ ನಿಹೀನೋ ಸಿರೀಮಾವ [ಸಿರಿಮಾವ (ಸೀ. ಸ್ಯಾ. ಪೀ.)] ಸೇಯ್ಯೋ.

ತುವಮ್ಪಿ ಪುಚ್ಛಾಮಿ ಅನೋಮಪಞ್ಞ, ಮಹೋಸಧ ಕೇವಲಧಮ್ಮದಸ್ಸಿ;

ಬಾಲಂ ಯಸಸ್ಸಿಂ ಪಣ್ಡಿತಂ ಅಪ್ಪಭೋಗಂ, ಕಮೇತ್ಥ ¶ ಸೇಯ್ಯೋ ಕುಸಲಾ ವದನ್ತಿ.

ಪಾಪಾನಿ ¶ ಕಮ್ಮಾನಿ ಕರೋತಿ ಬಾಲೋ [ಕರೋನ್ತಿ ಬಾಲಾ (ಸ್ಯಾ. ಕ.)], ಇಧಮೇವ [ಇದಮೇವ (ಸ್ಯಾ. ಕ. ಅಟ್ಠ.), ಇಮಮೇವ (ಕ.)] ಸೇಯ್ಯೋ ಇತಿ ಮಞ್ಞಮಾನೋ [ಮಞ್ಞಮಾನಾ (ಸ್ಯಾ. ಕ.)];

ಇಧಲೋಕದಸ್ಸೀ ಪರಲೋಕಮದಸ್ಸೀ, ಉಭಯತ್ಥ ಬಾಲೋ ಕಲಿಮಗ್ಗಹೇಸಿ;

ಏತಮ್ಪಿ ದಿಸ್ವಾನ ಅಹಂ ವದಾಮಿ, ಪಞ್ಞೋವ ಸೇಯ್ಯೋ ನ ಯಸಸ್ಸಿ ಬಾಲೋ.

ನ ಸಿಪ್ಪಮೇತಂ ವಿದಧಾತಿ ಭೋಗಂ, ನ ಬನ್ಧುವಾ [ನ ಬನ್ಧವಾ (ಸೀ. ಸ್ಯಾ. ಕ.)] ನ ಸರೀರವಣ್ಣೋ ಯೋ [ನ ಸರೀರಾವಕಾಸೋ (ಸೀ. ಸ್ಯಾ. ಪೀ.)];

ಪಸ್ಸೇಳಮೂಗಂ ಸುಖಮೇಧಮಾನಂ, ಸಿರೀ ಹಿ ನಂ ಭಜತೇ ಗೋರವಿನ್ದಂ [ಗೋರಿಮನ್ದಂ (ಸೀ. ಪೀ.)];

ಏತಮ್ಪಿ ದಿಸ್ವಾನ ಅಹಂ ವದಾಮಿ, ಪಞ್ಞೋ ನಿಹೀನೋ ಸಿರೀಮಾವ ಸೇಯ್ಯೋ.

ಲದ್ಧಾ ಸುಖಂ ಮಜ್ಜತಿ ಅಪ್ಪಪಞ್ಞೋ, ದುಕ್ಖೇನ ಫುಟ್ಠೋಪಿ ಪಮೋಹಮೇತಿ;

ಆಗನ್ತುನಾ ದುಕ್ಖಸುಖೇನ ಫುಟ್ಠೋ, ಪವೇಧತಿ ವಾರಿಚರೋವ ಘಮ್ಮೇ;

ಏತಮ್ಪಿ ದಿಸ್ವಾನ ಅಹಂ ವದಾಮಿ, ಪಞ್ಞೋವ ಸೇಯ್ಯೋ ನ ಯಸಸ್ಸಿ ಬಾಲೋ.

ದುಮಂ ಯಥಾ ಸಾದುಫಲಂ ಅರಞ್ಞೇ, ಸಮನ್ತತೋ ¶ ಸಮಭಿಸರನ್ತಿ [ಸಮಭಿಚರನ್ತಿ (ಸೀ. ಪೀ.)] ಪಕ್ಖೀ;

ಏವಮ್ಪಿ ಅಡ್ಢಂ ಸಧನಂ ಸಭೋಗಂ, ಬಹುಜ್ಜನೋ ಭಜತಿ ಅತ್ಥಹೇತು;

ಏತಮ್ಪಿ ದಿಸ್ವಾನ ಅಹಂ ವದಾಮಿ, ಪಞ್ಞೋ ನಿಹೀನೋ ಸಿರೀಮಾವ ಸೇಯ್ಯೋ.

ನ ಸಾಧು ಬಲವಾ ಬಾಲೋ, ಸಾಹಸಾ ವಿನ್ದತೇ ಧನಂ;

ಕನ್ದನ್ತಮೇತಂ ದುಮ್ಮೇಧಂ, ಕಡ್ಢನ್ತಿ ನಿರಯಂ ಭುಸಂ;

ಏತಮ್ಪಿ ದಿಸ್ವಾನ ಅಹಂ ವದಾಮಿ, ಪಞ್ಞೋವ ಸೇಯ್ಯೋ ನ ಯಸಸ್ಸಿ ಬಾಲೋ.

ಯಾ ¶ ¶ ಕಾಚಿ ನಜ್ಜೋ ಗಙ್ಗಮಭಿಸ್ಸವನ್ತಿ, ಸಬ್ಬಾವ ತಾ ನಾಮಗೋತ್ತಂ ಜಹನ್ತಿ;

ಗಙ್ಗಾ ಸಮುದ್ದಂ ಪಟಿಪಜ್ಜಮಾನಾ, ನ ಖಾಯತೇ ಇದ್ಧಿಂ ಪಞ್ಞೋಪಿ ಲೋಕೇ [ಇದ್ಧಿಪರೋ ಹಿ ಲೋಕೇ (ಕ. ಸೀ. ಸ್ಯಾ.), ಇದ್ಧಿಪರೋ ಹಿ ಲೋಕೋ (ಸೀ. ಪೀ. ಅಟ್ಠ.)];

ಏತಮ್ಪಿ ದಿಸ್ವಾನ ಅಹಂ ವದಾಮಿ, ಪಞ್ಞೋ ನಿಹೀನೋ ಸಿರೀಮಾವ ಸೇಯ್ಯೋ.

ಯಮೇತಮಕ್ಖಾ ಉದಧಿಂ ಮಹನ್ತಂ, ಸವನ್ತಿ ನಜ್ಜೋ ಸಬ್ಬಕಾಲಮಸಙ್ಖ್ಯಂ;

ಸೋ ಸಾಗರೋ ನಿಚ್ಚಮುಳಾರವೇಗೋ, ವೇಲಂ ನ ಅಚ್ಚೇತಿ ಮಹಾಸಮುದ್ದೋ.

ಏವಮ್ಪಿ ¶ ಬಾಲಸ್ಸ ಪಜಪ್ಪಿತಾನಿ, ಪಞ್ಞಂ ನ ಅಚ್ಚೇತಿ ಸಿರೀ ಕದಾಚಿ;

ಏತಮ್ಪಿ ದಿಸ್ವಾನ ಅಹಂ ವದಾಮಿ, ಪಞ್ಞೋವ ಸೇಯ್ಯೋ ನ ಯಸಸ್ಸಿ ಬಾಲೋ.

ಅಸಞ್ಞತೋ ಚೇಪಿ ಪರೇಸಮತ್ಥಂ, ಭಣಾತಿ ಸನ್ಧಾನಗತೋ [ಸಣ್ಠಾನಗತೋ (ಸ್ಯಾ. ಪೀ.), ಸನ್ಥಾನಗತೋ (ಸೀ.)] ಯಸಸ್ಸೀ;

ತಸ್ಸೇವ ತಂ ರೂಹತಿ ಞಾತಿಮಜ್ಝೇ, ಸಿರೀ ಹಿ ನಂ [ಸಿರಿಹೀನಂ (ಸೀ. ಕ.), ಸಿರೀಹೀನಂ (ಸ್ಯಾ. ಪೀ.)] ಕಾರಯತೇ ನ ಪಞ್ಞಾ [ನ ಪಞ್ಞೋ (ಸೀ.), ನ ಪಞ್ಞಂ (ಸ್ಯಾ. ಕ.)];

ಏತಮ್ಪಿ ದಿಸ್ವಾನ ಅಹಂ ವದಾಮಿ, ಪಞ್ಞೋ ನಿಹೀನೋ ಸಿರೀಮಾವ ಸೇಯ್ಯೋ.

ಪರಸ್ಸ ವಾ ಅತ್ತನೋ ವಾಪಿ ಹೇತು, ಬಾಲೋ ಮುಸಾ ಭಾಸತಿ ಅಪ್ಪಪಞ್ಞೋ;

ಸೋ ನಿನ್ದಿತೋ ಹೋತಿ ಸಭಾಯ ಮಜ್ಝೇ, ಪಚ್ಛಾಪಿ [ಪೇಚ್ಚಮ್ಪಿ (ಸೀ. ಪೀ.), ಪೇಚ್ಚಾಪಿ (?)] ಸೋ ದುಗ್ಗತಿಗಾಮೀ ಹೋತಿ;

ಏತಮ್ಪಿ ದಿಸ್ವಾನ ಅಹಂ ವದಾಮಿ, ಪಞ್ಞೋವ ಸೇಯ್ಯೋ ನ ಯಸಸ್ಸಿ ಬಾಲೋ.

ಅತ್ಥಮ್ಪಿ ¶ ಚೇ ಭಾಸತಿ ಭೂರಿಪಞ್ಞೋ, ಅನಾಳ್ಹಿಯೋ [ಅನಾಲಯೋ (ಪೀ.)] ಅಪ್ಪಧನೋ ದಲಿದ್ದೋ;

ನ ತಸ್ಸ ತಂ ರೂಹತಿ ಞಾತಿಮಜ್ಝೇ, ಸಿರೀ ¶ ಚ ಪಞ್ಞಾಣವತೋ ನ ಹೋತಿ;

ಏತಮ್ಪಿ ದಿಸ್ವಾನ ಅಹಂ ವದಾಮಿ, ಪಞ್ಞೋ ನಿಹೀನೋ ಸಿರೀಮಾವ ಸೇಯ್ಯೋ.

ಪರಸ್ಸ ವಾ ಅತ್ತನೋ ವಾಪಿ ಹೇತು, ನ ಭಾಸತಿ ಅಲಿಕಂ ಭೂರಿಪಞ್ಞೋ;

ಸೋ ಪೂಜಿತೋ ಹೋತಿ ಸಭಾಯ ಮಜ್ಝೇ, ಪಚ್ಛಾಪಿ ಸೋ ಸುಗ್ಗತಿಗಾಮೀ ಹೋತಿ;

ಏತಮ್ಪಿ ದಿಸ್ವಾನ ಅಹಂ ವದಾಮಿ, ಪಞ್ಞೋವ ಸೇಯ್ಯೋ ನ ಯಸಸ್ಸಿ ಬಾಲೋ.

ಹತ್ಥೀ ಗವಸ್ಸಾ ಮಣಿಕುಣ್ಡಲಾ ಚ, ಥಿಯೋ ಚ ಇದ್ಧೇಸು ಕುಲೇಸು ಜಾತಾ;

ಸಬ್ಬಾವ ತಾ ಉಪಭೋಗಾ ಭವನ್ತಿ, ಇದ್ಧಸ್ಸ ಪೋಸಸ್ಸ ಅನಿದ್ಧಿಮನ್ತೋ;

ಏತಮ್ಪಿ ದಿಸ್ವಾನ ಅಹಂ ವದಾಮಿ, ಪಞ್ಞೋ ನಿಹೀನೋ ಸಿರೀಮಾವ ಸೇಯ್ಯೋ.

ಅಸಂವಿಹಿತಕಮ್ಮನ್ತಂ, ಬಾಲಂ ದುಮ್ಮೇಧಮನ್ತಿನಂ;

ಸಿರೀ ಜಹತಿ ದುಮ್ಮೇಧಂ, ಜಿಣ್ಣಂವ ಉರಗೋ ತಚಂ;

ಏತಮ್ಪಿ ದಿಸ್ವಾನ ಅಹಂ ವದಾಮಿ, ಪಞ್ಞೋವ ಸೇಯ್ಯೋ ನ ಯಸಸ್ಸಿ ಬಾಲೋ.

ಪಞ್ಚ ಪಣ್ಡಿತಾ ಮಯಂ ಭದ್ದನ್ತೇ, ಸಬ್ಬೇ ¶ ಪಞ್ಜಲಿಕಾ ಉಪಟ್ಠಿತಾ;

ತ್ವಂ ನೋ ಅಭಿಭುಯ್ಯ ಇಸ್ಸರೋಸಿ, ಸಕ್ಕೋವ ಭೂತಪತಿ ದೇವರಾಜಾ;

ಏತಮ್ಪಿ ದಿಸ್ವಾನ ಅಹಂ ವದಾಮಿ, ಪಞ್ಞೋ ನಿಹೀನೋ ಸಿರೀಮಾವ ಸೇಯ್ಯೋ.

ದಾಸೋವ ¶ ¶ ಪಞ್ಞಸ್ಸ ಯಸಸ್ಸಿ ಬಾಲೋ, ಅತ್ಥೇಸು ಜಾತೇಸು ತಥಾವಿಧೇಸು;

ಯಂ ಪಣ್ಡಿತೋ ನಿಪುಣಂ ಸಂವಿಧೇತಿ, ಸಮ್ಮೋಹಮಾಪಜ್ಜತಿ ತತ್ಥ ಬಾಲೋ;

ಏತಮ್ಪಿ ದಿಸ್ವಾನ ಅಹಂ ವದಾಮಿ, ಪಞ್ಞೋವ ಸೇಯ್ಯೋ ನ ಯಸಸ್ಸಿ ಬಾಲೋ.

ಅದ್ಧಾ ಹಿ ಪಞ್ಞಾವ ಸತಂ ಪಸತ್ಥಾ, ಕನ್ತಾ ಸಿರೀ ಭೋಗರತಾ ಮನುಸ್ಸಾ;

ಞಾಣಞ್ಚ ಬುದ್ಧಾನಮತುಲ್ಯರೂಪಂ, ಪಞ್ಞಂ ನ ಅಚ್ಚೇತಿ ಸಿರೀ ಕದಾಚಿ.

ಯಂ ತಂ ಅಪುಚ್ಛಿಮ್ಹ ಅಕಿತ್ತಯೀ ನೋ, ಮಹೋಸಧ ಕೇವಲಧಮ್ಮದಸ್ಸೀ;

ಗವಂ ಸಹಸ್ಸಂ ಉಸಭಞ್ಚ ನಾಗಂ, ಆಜಞ್ಞಯುತ್ತೇ ಚ ರಥೇ ದಸ ಇಮೇ;

ಪಞ್ಹಸ್ಸ ವೇಯ್ಯಾಕರಣೇನ ತುಟ್ಠೋ, ದದಾಮಿ ¶ ತೇ ಗಾಮವರಾನಿ ಸೋಳಸಾತಿ.

ಸಿರೀಮನ್ತಜಾತಕಂ [ಸಿರಿಮನ್ದಜಾತಕಂ (ಸೀ. ಸ್ಯಾ. ಪೀ.)] ಚತುತ್ಥಂ.

ಏತೇ ಯೂಥಾ ಪತಿಯನ್ತಿ, ಭೀತಾ ಮರಣಸ್ಸ [ಮರಣಾ (ಸ್ಯಾ. ಪೀ.), ಮರಣ (ಕ.)] ಚಿತ್ತಕ;

ಗಚ್ಛ ತುವಮ್ಪಿ ಮಾಕಙ್ಖಿ, ಜೀವಿಸ್ಸನ್ತಿ ತಯಾ ಸಹ.

ನಾಹಂ ರೋಹಣ [ರೋಹನ್ತ (ಸೀ. ಪೀ.), ರೋಹನ (ಸ್ಯಾ.)] ಗಚ್ಛಾಮಿ, ಹದಯಂ ಮೇ ಅವಕಸ್ಸತಿ;

ನ ತಂ ಅಹಂ ಜಹಿಸ್ಸಾಮಿ, ಇಧ ಹಿಸ್ಸಾಮಿ ಜೀವಿತಂ.

ತೇ ಹಿ ನೂನ ಮರಿಸ್ಸನ್ತಿ, ಅನ್ಧಾ ಅಪರಿಣಾಯಕಾ;

ಗಚ್ಛ ತುವಮ್ಪಿ ಮಾಕಙ್ಖಿ, ಜೀವಿಸ್ಸನ್ತಿ ತಯಾ ಸಹ.

ನಾಹಂ ರೋಹಣ ಗಚ್ಛಾಮಿ, ಹದಯಂ ಮೇ ಅವಕಸ್ಸತಿ;

ನ ತಂ ಬದ್ಧಂ [ಬನ್ಧಂ (ಕ.)] ಜಹಿಸ್ಸಾಮಿ, ಇಧ ಹಿಸ್ಸಾಮಿ ಜೀವಿತಂ.

ಗಚ್ಛ ¶ ಭೀರು ಪಲಾಯಸ್ಸು, ಕೂಟೇ ಬದ್ಧೋಸ್ಮಿ ಆಯಸೇ;

ಗಚ್ಛ ತುವಮ್ಪಿ ಮಾಕಙ್ಖಿ, ಜೀವಿಸ್ಸನ್ತಿ ತಯಾ ಸಹ.

ನಾಹಂ ರೋಹಣ ಗಚ್ಛಾಮಿ, ಹದಯಂ ಮೇ ಅವಕಸ್ಸತಿ;

ನ ತಂ ಅಹಂ ಜಹಿಸ್ಸಾಮಿ, ಇಧ ಹಿಸ್ಸಾಮಿ ಜೀವಿತಂ.

ತೇ ಹಿ ನೂನ ಮರಿಸ್ಸನ್ತಿ, ಅನ್ಧಾ ಅಪರಿಣಾಯಕಾ;

ಗಚ್ಛ ತುವಮ್ಪಿ ಮಾಕಙ್ಖಿ, ಜೀವಿಸ್ಸನ್ತಿ ತಯಾ ಸಹ.

ನಾಹಂ ರೋಹಣ ಗಚ್ಛಾಮಿ, ಹದಯಂ ಮೇ ಅವಕಸ್ಸತಿ;

ನ ¶ ತಂ ಬದ್ಧಂ ಜಹಿಸ್ಸಾಮಿ, ಇಧ ಹಿಸ್ಸಾಮಿ ಜೀವಿತಂ.

ಅಯಂ ಸೋ ಲುದ್ದಕೋ ಏತಿ, ಲುದ್ದರೂಪೋ [ರುದ್ದರೂಪೋ (ಸೀ. ಪೀ.)] ಸಹಾವುಧೋ;

ಯೋ ನೋ ವಧಿಸ್ಸತಿ ಅಜ್ಜ, ಉಸುನಾ ಸತ್ತಿಯಾ ಅಪಿ [ಮಪಿ (ಸೀ. ಸ್ಯಾ. ಪೀ.)].

ಸಾ ¶ ಮುಹುತ್ತಂ ಪಲಾಯಿತ್ವಾ, ಭಯಟ್ಟಾ [ಭಯಟ್ಠಾ (ಪೀ.)] ಭಯತಜ್ಜಿತಾ;

ಸುದುಕ್ಕರಂ ಅಕರಾ ಭೀರು, ಮರಣಾಯೂಪನಿವತ್ತಥ.

ಕಿನ್ನು ತೇಮೇ ಮಿಗಾ ಹೋನ್ತಿ, ಮುತ್ತಾ ಬದ್ಧಂ ಉಪಾಸರೇ;

ನ ತಂ ಚಜಿತುಮಿಚ್ಛನ್ತಿ, ಜೀವಿತಸ್ಸಪಿ ಕಾರಣಾ.

ಭಾತರೋ ಹೋನ್ತಿ ಮೇ ಲುದ್ದ, ಸೋದರಿಯಾ ಏಕಮಾತುಕಾ;

ನ ಮಂ ಚಜಿತುಮಿಚ್ಛನ್ತಿ, ಜೀವಿತಸ್ಸಪಿ ಕಾರಣಾ.

ತೇ ಹಿ ನೂನ ಮರಿಸ್ಸನ್ತಿ, ಅನ್ಧಾ ಅಪರಿಣಾಯಕಾ;

ಪಞ್ಚನ್ನಂ ಜೀವಿತಂ ದೇಹಿ, ಭಾತರಂ ಮುಞ್ಚ ಲುದ್ದಕ.

ಸೋ ವೋ ಅಹಂ ಪಮೋಕ್ಖಾಮಿ, ಮಾತಾಪೇತ್ತಿಭರಂ ಮಿಗಂ;

ನನ್ದನ್ತು ಮಾತಾಪಿತರೋ, ಮುತ್ತಂ ದಿಸ್ವಾ ಮಹಾಮಿಗಂ.

ಏವಂ ಲುದ್ದಕ ನನ್ದಸ್ಸು, ಸಹ ಸಬ್ಬೇಹಿ ಞಾತಿಭಿ;

ಯಥಾಹಮಜ್ಜ ನನ್ದಾಮಿ, ಮುತ್ತಂ ದಿಸ್ವಾ ಮಹಾಮಿಗಂ.

ಕಥಂ ತ್ವಂ ಪಮೋಕ್ಖೋ [ಕಥಂ ಪಮೋಕ್ಖೋ (ಸೀ. ಪೀ.), ಕಥಂ ತೇ ಪರೋಕ್ಖೋ (?)] ಆಸಿ, ಉಪನೀತಸ್ಮಿ ಜೀವಿತೇ;

ಕಥಂ ಪುತ್ತ ಅಮೋಚೇಸಿ, ಕೂಟಪಾಸಮ್ಹ ಲುದ್ದಕೋ.

ಭಣಂ ಕಣ್ಣಸುಖಂ ವಾಚಂ, ಹದಯಙ್ಗಂ ಹದಯಸ್ಸಿತಂ;

ಸುಭಾಸಿತಾಹಿ ವಾಚಾಹಿ, ಚಿತ್ತಕೋ ಮಂ ಅಮೋಚಯಿ.

ಭಣಂ ¶ ಕಣ್ಣಸುಖಂ ವಾಚಂ, ಹದಯಙ್ಗಂ ಹದಯಸ್ಸಿತಂ;

ಸುಭಾಸಿತಾಹಿ ¶ ವಾಚಾಹಿ, ಸುತನಾ ಮಂ ಅಮೋಚಯಿ.

ಸುತ್ವಾ ಕಣ್ಣಸುಖಂ ವಾಚಂ, ಹದಯಙ್ಗಂ ಹದಯಸ್ಸಿತಂ;

ಸುಭಾಸಿತಾನಿ ಸುತ್ವಾನ, ಲುದ್ದಕೋ ಮಂ ಅಮೋಚಯಿ.

ಏವಂ ಆನನ್ದಿತೋ ಹೋತು, ಸಹ ದಾರೇಹಿ ಲುದ್ದಕೋ;

ಯಥಾ ಮಯಜ್ಜ ನನ್ದಾಮ, ದಿಸ್ವಾ ರೋಹಣಮಾಗತಂ.

ನನು ತ್ವಂ ಅವಚ [ಅವಚಾ (ಸೀ. ಪೀ.)] ಲುದ್ದ, ‘‘ಮಿಗಚಮ್ಮಾನಿ ಆಹರಿಂ’’;

ಅಥ ಕೇನ ನು ವಣ್ಣೇನ, ಮಿಗಚಮ್ಮಾನಿ ನಾಹರಿ.

ಆಗಮಾ ಚೇವ ಹತ್ಥತ್ಥಂ, ಕೂಟಪಾಸಞ್ಚ ಸೋ ಮಿಗೋ;

ಅಬಜ್ಝಿ ತಂ [ಅಬಜ್ಝಿ ತಞ್ಚ (ಪೀ.)] ಮಿಗರಾಜಂ, ತಞ್ಚ ಮುತ್ತಾ ಉಪಾಸರೇ.

ತಸ್ಸ ಮೇ ಅಹು ಸಂವೇಗೋ, ಅಬ್ಭುತೋ ಲೋಮಹಂಸನೋ;

ಇಮಞ್ಚಾಹಂ ಮಿಗಂ ಹಞ್ಞೇ, ಅಜ್ಜ ಹಿಸ್ಸಾಮಿ ಜೀವಿತಂ.

ಕೀದಿಸಾ ತೇ ಮಿಗಾ ಲುದ್ದ, ಕೀದಿಸಾ ಧಮ್ಮಿಕಾ ಮಿಗಾ;

ಕಥಂವಣ್ಣಾ ಕಥಂಸೀಲಾ, ಬಾಳ್ಹಂ ಖೋ ನೇ ಪಸಂಸಸಿ.

ಓದಾತಸಿಙ್ಗಾ ¶ ಸುಚಿವಾಳಾ, ಜಾತರೂಪತಚೂಪಮಾ;

ಪಾದಾ ಲೋಹಿತಕಾ ತೇಸಂ, ಅಞ್ಜಿತಕ್ಖಾ ಮನೋರಮಾ.

ಏದಿಸಾ ತೇ ಮಿಗಾ ದೇವ, ಏದಿಸಾ ಧಮ್ಮಿಕಾ ಮಿಗಾ;

ಮಾತಾಪೇತ್ತಿಭರಾ ದೇವ, ನ ತೇ ಸೋ ಅಭಿಹಾರಿತುಂ [ಅಭಿಹಾರಯುಂ (ಕ. ಸೀ.), ಅಭಿಹಾರಯಿಂ (ಸ್ಯಾ.), ಅಭಿಹಾರಯಂ (ಪೀ.)].

ದಮ್ಮಿ ನಿಕ್ಖಸತಂ ಲುದ್ದ, ಥೂಲಞ್ಚ ಮಣಿಕುಣ್ಡಲಂ;

ಚತುಸ್ಸದಞ್ಚ [ಚತುರಸ್ಸಞ್ಚ (ಸ್ಯಾ. ಕ.)] ಪಲ್ಲಙ್ಕಂ, ಉಮಾಪುಪ್ಫಸರಿನ್ನಿಭಂ [ಉಮ್ಮಾಪುಪ್ಫಸಿರಿನ್ನಿಭಂ (ಸೀ. ಸ್ಯಾ. ಪೀ. ಕ.)].

ದ್ವೇ ¶ ಚ ಸಾದಿಸಿಯೋ ಭರಿಯಾ, ಉಸಭಞ್ಚ ಗವಂ ಸತಂ;

ಧಮ್ಮೇನ ರಜ್ಜಂ ಕಾರೇಸ್ಸಂ, ಬಹುಕಾರೋ ಮೇಸಿ ಲುದ್ದಕ.

ಕಸಿವಾಣಿಜ್ಜಾ [ಕಸೀ ವಣಿಜ್ಜಾ (ಸೀ. ಸ್ಯಾ. ಪೀ.)] ಇಣದಾನಂ, ಉಞ್ಛಾಚರಿಯಾ ಚ ಲುದ್ದಕ;

ಏತೇನ ದಾರಂ ಪೋಸೇಹಿ, ಮಾ ಪಾಪಂ ಅಕರೀ ಪುನಾತಿ [ಅಕರಾ ಪುನನ್ತಿ (ಕ. ಸೀ. ಪೀ.)].

ರೋಹಣಮಿಗಜಾತಕಂ [ರೋಹನ್ತಮಿಗಜಾತಕಂ (ಸೀ. ಪೀ.)] ಪಞ್ಚಮಂ.

ಏತೇ ¶ ಹಂಸಾ ಪಕ್ಕಮನ್ತಿ, ವಕ್ಕಙ್ಗಾ ಭಯಮೇರಿತಾ;

ಹರಿತ್ತಚ ಹೇಮವಣ್ಣ, ಕಾಮಂ ಸುಮುಖ ಪಕ್ಕಮ.

ಓಹಾಯ ಮಂ ಞಾತಿಗಣಾ, ಏಕಂ ಪಾಸವಸಂ ಗತಂ;

ಅನಪೇಕ್ಖಮಾನಾ [ನಾಪೇಕ್ಖಮಾನಾ (ಕ.)] ಗಚ್ಛನ್ತಿ, ಕಿಂ ಏಸೋ ಅವಹಿಯ್ಯಸಿ.

ಪತೇವ ಪತತಂ ಸೇಟ್ಠ, ನತ್ಥಿ ಬದ್ಧೇ ಸಹಾಯತಾ [ಸಹಾಯಕಾ (ಸ್ಯಾ.)];

ಮಾ ಅನೀಘಾಯ ಹಾಪೇಸಿ, ಕಾಮಂ ಸುಮುಖ ಪಕ್ಕಮ.

ನಾಹಂ ‘‘ದುಕ್ಖಪರೇತೋ’’ತಿ [ದುಕ್ಖಪರೇತೋಪಿ (ಕ.)], ಧತರಟ್ಠ ತುವಂ [ತವಂ (ಸೀ. ಪೀ.)] ಜಹೇ;

ಜೀವಿತಂ ಮರಣಂ ವಾ ಮೇ, ತಯಾ ಸದ್ಧಿಂ ಭವಿಸ್ಸತಿ.

ಏತದರಿಯಸ್ಸ ಕಲ್ಯಾಣಂ, ಯಂ ತ್ವಂ ಸುಮುಖ ಭಾಸಸಿ;

ತಞ್ಚ ವೀಮಂಸಮಾನೋಹಂ, ‘‘ಪತತೇತಂ’’ ಅವಸ್ಸಜಿಂ.

ಅಪದೇನ ಪದಂ ಯಾತಿ, ಅನ್ತಲಿಕ್ಖಚರೋ [ಅನ್ತಲಿಕ್ಖೇ ಚರೋ (ಸೀ. ಪೀ.)] ದಿಜೋ;

ಆರಾ ಪಾಸಂ ನ ಬುಜ್ಝಿ ತ್ವಂ, ಹಂಸಾನಂ ಪವರುತ್ತಮ [ಪವರುತ್ತಮೋ (ಕ. ಸೀ. ಪೀ.)].

ಯದಾ ಪರಾಭವೋ ಹೋತಿ, ಪೋಸೋ ಜೀವಿತಸಙ್ಖಯೇ;

ಅಥ ¶ ಜಾಲಞ್ಚ ಪಾಸಞ್ಚ, ಆಸಜ್ಜಾಪಿ ನ ಬುಜ್ಝತಿ.

ಏತೇ ಹಂಸಾ ಪಕ್ಕಮನ್ತಿ, ವಕ್ಕಙ್ಗಾ ಭಯಮೇರಿತಾ;

ಹರಿತ್ತಚ ಹೇಮವಣ್ಣ, ತ್ವಞ್ಞೇವ [ತ್ವಞ್ಚ ತಂ (ಸೀ.), ತ್ವಞ್ಚ (ಪೀ.)] ಅವಹಿಯ್ಯಸಿ.

ಏತೇ ¶ ಭುತ್ವಾ ಚ ಪಿತ್ವಾ ಚ, ಪಕ್ಕಮನ್ತಿ ವಿಹಙ್ಗಮಾ;

ಅನಪೇಕ್ಖಮಾನಾ ವಕ್ಕಙ್ಗಾ, ತ್ವಞ್ಞೇವೇಕೋ ಉಪಾಸಸಿ.

ಕಿನ್ನು ತ್ಯಾಯಂ [ತಾಯಂ (ಸೀ. ಸ್ಯಾ. ಪೀ.)] ದಿಜೋ ಹೋತಿ, ಮುತ್ತೋ ಬದ್ಧಂ ಉಪಾಸಸಿ;

ಓಹಾಯ ಸಕುಣಾ ಯನ್ತಿ, ಕಿಂ ಏಕೋ ಅವಹಿಯ್ಯಸಿ.

ರಾಜಾ ಮೇ ಸೋ ದಿಜೋ ಮಿತ್ತೋ, ಸಖಾ ಪಾಣಸಮೋ ಚ ಮೇ;

ನೇವ ನಂ ವಿಜಹಿಸ್ಸಾಮಿ, ಯಾವ ಕಾಲಸ್ಸ ಪರಿಯಾಯಂ.

ಯೋ ಚ ತ್ವಂ ಸಖಿನೋ ಹೇತು, ಪಾಣಂ ಚಜಿತುಮಿಚ್ಛಸಿ;

ಸೋ ತೇ ಸಹಾಯಂ ಮುಞ್ಚಾಮಿ, ಹೋತು ರಾಜಾ ತವಾನುಗೋ.

ಏವಂ ¶ ಲುದ್ದಕ ನನ್ದಸ್ಸು, ಸಹ ಸಬ್ಬೇಹಿ ಞಾತಿಭಿ;

ಯಥಾಹಮಜ್ಜ ನನ್ದಾಮಿ, ದಿಸ್ವಾ ಮುತ್ತಂ ದಿಜಾಧಿಪಂ.

ಕಚ್ಚಿನ್ನು ಭೋತೋ ಕುಸಲಂ, ಕಚ್ಚಿ ಭೋತೋ ಅನಾಮಯಂ;

ಕಚ್ಚಿ ರಟ್ಠಮಿದಂ ಫೀತಂ, ಧಮ್ಮೇನ ಮನುಸಾಸಸಿ.

ಕುಸಲಞ್ಚೇವ ಮೇ ಹಂಸ, ಅಥೋ ಹಂಸ ಅನಾಮಯಂ;

ಅಥೋ ರಟ್ಠಮಿದಂ ಫೀತಂ, ಧಮ್ಮೇನ ಮನುಸಾಸಹಂ.

ಕಚ್ಚಿ ಭೋತೋ ಅಮಚ್ಚೇಸು, ದೋಸೋ ಕೋಚಿ ನ ವಿಜ್ಜತಿ;

ಕಚ್ಚಿ ಆರಾ ಅಮಿತ್ತಾ ತೇ, ಛಾಯಾ ದಕ್ಖಿಣತೋರಿವ.

ಅಥೋಪಿ ಮೇ ಅಮಚ್ಚೇಸು, ದೋಸೋ ಕೋಚಿ ನ ವಿಜ್ಜತಿ;

ಅಥೋ ¶ ಆರಾ ಅಮಿತ್ತಾ ಮೇ, ಛಾಯಾ ದಕ್ಖಿಣತೋರಿವ.

ಕಚ್ಚಿ ತೇ ಸಾದಿಸೀ ಭರಿಯಾ, ಅಸ್ಸವಾ ಪಿಯಭಾಣಿನೀ;

ಪುತ್ತರೂಪಯಸೂಪೇತಾ, ತವ ಛನ್ದವಸಾನುಗಾ.

ಅಥೋ ಮೇ ಸಾದಿಸೀ ಭರಿಯಾ, ಅಸ್ಸವಾ ಪಿಯಭಾಣಿನೀ;

ಪುತ್ತರೂಪಯಸೂಪೇತಾ, ಮಮ ಛನ್ದವಸಾನುಗಾ.

ಕಚ್ಚಿ ತೇ ಬಹವೋ ಪುತ್ತಾ, ಸುಜಾತಾ ರಟ್ಠವಡ್ಢನ;

ಪಞ್ಞಾಜವೇನ ಸಮ್ಪನ್ನಾ, ಸಮ್ಮೋದನ್ತಿ ತತೋ ತತೋ.

ಸತಮೇಕೋ ಚ ಮೇ ಪುತ್ತಾ, ಧತರಟ್ಠ ಮಯಾ ಸುತಾ;

ತೇಸಂ ತ್ವಂ ಕಿಚ್ಚಮಕ್ಖಾಹಿ, ನಾವರುಜ್ಝನ್ತಿ [ನಾವರಜ್ಝನ್ತಿ (ಕ. ಸೀ. ಪೀ.)] ತೇ ವಚೋ.

ಉಪಪನ್ನೋಪಿ ಚೇ ಹೋತಿ, ಜಾತಿಯಾ ವಿನಯೇನ ವಾ;

ಅಥ ಪಚ್ಛಾ ಕುರುತೇ ಯೋಗಂ, ಕಿಚ್ಛೇ [ಕಿಚ್ಚೇ (ಸೀ. ಸ್ಯಾ. ಪೀ.)] ಆಪಾಸು [ಆವಾಸು (ಸ್ಯಾ.), ಆಪದಾಸು (ಕ.)] ಸೀದತಿ.

ತಸ್ಸ ಸಂಹೀರಪಞ್ಞಸ್ಸ, ವಿವರೋ ಜಾಯತೇ ಮಹಾ;

ರತ್ತಿಮನ್ಧೋವ [ನತ್ತಮನ್ಧೋವ (ಸೀ. ಪೀ.)] ರೂಪಾನಿ, ಥೂಲಾನಿ ಮನುಪಸ್ಸತಿ.

ಅಸಾರೇ ¶ ಸಾರಯೋಗಞ್ಞೂ, ಮತಿಂ ನ ತ್ವೇವ ವಿನ್ದತಿ;

ಸರಭೋವ ಗಿರಿದುಗ್ಗಸ್ಮಿಂ, ಅನ್ತರಾಯೇವ ಸೀದತಿ.

ಹೀನಜಚ್ಚೋಪಿ ಚೇ ಹೋತಿ, ಉಟ್ಠಾತಾ ಧಿತಿಮಾ ನರೋ;

ಆಚಾರಸೀಲಸಮ್ಪನ್ನೋ, ನಿಸೇ ಅಗ್ಗೀವ ಭಾಸತಿ.

ಏತಂ ¶ ಮೇ ಉಪಮಂ ಕತ್ವಾ, ಪುತ್ತೇ ವಿಜ್ಜಾಸು ವಾಚಯ [ಠಾಪಸ (ಸ್ಯಾ. ಕ.)];

ಸಂವಿರೂಳ್ಹೇಥ ಮೇಧಾವೀ, ಖೇತ್ತೇ ಬೀಜಂವ [ಖೇತ್ತಬೀಜಂವ (ಸೀ. ಪೀ.)] ವುಟ್ಠಿಯಾತಿ.

ಮಿಗಲುದ್ದೋ ¶ ಮಹಾರಾಜಾ, ಪಞ್ಚಾಲಾನಂ ರಥೇಸಭೋ;

ನಿಕ್ಖನ್ತೋ ಸಹ ಸೇನಾಯ, ಓಗಣೋ ವನಮಾಗಮಾ.

ತತ್ಥದ್ದಸಾ ಅರಞ್ಞಸ್ಮಿಂ, ತಕ್ಕರಾನಂ ಕುಟಿಂ ಕತಂ;

ತಸ್ಸಾ [ತಸ್ಮಾ (ಸ್ಯಾ. ಪೀ. ಕ.)] ಕುಟಿಯಾ ನಿಕ್ಖಮ್ಮ, ಸುವೋ ಲುದ್ದಾನಿ ಭಾಸತಿ.

ಸಮ್ಪನ್ನವಾಹನೋ ಪೋಸೋ, ಯುವಾ ಸಮ್ಮಟ್ಠಕುಣ್ಡಲೋ [ಕುಣ್ಡಲೀ (ಸ್ಯಾ. ಕ.)];

ಸೋಭತಿ ಲೋಹಿತುಣ್ಹೀಸೋ, ದಿವಾ ಸೂರಿಯೋವ ಭಾಸತಿ.

ಮಜ್ಝನ್ಹಿಕೇ [ಮಜ್ಝನ್ತಿಕೇ (ಸಬ್ಬತ್ಥ)] ಸಮ್ಪತಿಕೇ, ಸುತ್ತೋ ರಾಜಾ ಸಸಾರಥಿ;

ಹನ್ದಸ್ಸಾಭರಣಂ ಸಬ್ಬಂ, ಗಣ್ಹಾಮ ಸಾಹಸಾ [ಸಹಸಾ (ಸೀ. ಸ್ಯಾ. ಪೀ.)] ಮಯಂ.

ನಿಸೀಥೇಪಿ ರಹೋ ದಾನಿ, ಸುತ್ತೋ ರಾಜಾ ಸಸಾರಥಿ;

ಆದಾಯ ವತ್ಥಂ ಮಣಿಕುಣ್ಡಲಞ್ಚ, ಹನ್ತ್ವಾನ ಸಾಖಾಹಿ ಅವತ್ಥರಾಮ.

ಕಿನ್ನು ಉಮ್ಮತ್ತರೂಪೋವ, ಸತ್ತಿಗುಮ್ಬ ಪಭಾಸಸಿ;

ದುರಾಸದಾ ಹಿ ರಾಜಾನೋ, ಅಗ್ಗಿ ಪಜ್ಜಲಿತೋ ಯಥಾ.

ಅಥ ತ್ವಂ ಪತಿಕೋಲಮ್ಬ, ಮತ್ತೋ ಥುಲ್ಲಾನಿ ಗಜ್ಜಸಿ;

ಮಾತರಿ ಮಯ್ಹಂ ನಗ್ಗಾಯ, ಕಿನ್ನು ತ್ವಂ ವಿಜಿಗುಚ್ಛಸೇ.

ಉಟ್ಠೇಹಿ ಸಮ್ಮ ತರಮಾನೋ, ರಥಂ ಯೋಜೇಹಿ ಸಾರಥಿ;

ಸಕುಣೋ ಮೇ ನ ರುಚ್ಚತಿ, ಅಞ್ಞಂ ಗಚ್ಛಾಮ ಅಸ್ಸಮಂ.

ಯುತ್ತೋ ರಥೋ ಮಹಾರಾಜ, ಯುತ್ತೋ ಚ ಬಲವಾಹನೋ;

ಅಧಿತಿಟ್ಠ ಮಹಾರಾಜ, ಅಞ್ಞಂ ಗಚ್ಛಾಮ ಅಸ್ಸಮಂ.

ಕೋ ¶ ನುಮೇವ ಗತಾ [ಕ್ವ ನು’ಮೇ’ಪಗತಾ (?)] ಸಬ್ಬೇ, ಯೇ ಅಸ್ಮಿಂ ಪರಿಚಾರಕಾ;

ಏಸ ಗಚ್ಛತಿ ಪಞ್ಚಾಲೋ, ಮುತ್ತೋ ತೇಸಂ ಅದಸ್ಸನಾ.

ಕೋದಣ್ಡಕಾನಿ ¶ ¶ ಗಣ್ಹಥ, ಸತ್ತಿಯೋ ತೋಮರಾನಿ ಚ;

ಏಸ ಗಚ್ಛತಿ ಪಞ್ಚಾಲೋ, ಮಾ ವೋ ಮುಞ್ಚಿತ್ಥ ಜೀವತಂ [ಜೀವಿತಂ (ಬಹೂಸು)].

ಅಥಾಪರೋ ಪಟಿನನ್ದಿತ್ಥ, ಸುವೋ ಲೋಹಿತತುಣ್ಡಕೋ;

ಸ್ವಾಗತಂ ತೇ ಮಹಾರಾಜ, ಅಥೋ ತೇ ಅದುರಾಗತಂ;

ಇಸ್ಸರೋಸಿ ಅನುಪ್ಪತ್ತೋ, ಯಂ ಇಧತ್ಥಿ ಪವೇದಯ.

ತಿನ್ದುಕಾನಿ ಪಿಯಾಲಾನಿ, ಮಧುಕೇ ಕಾಸುಮಾರಿಯೋ;

ಫಲಾನಿ ಖುದ್ದಕಪ್ಪಾನಿ, ಭುಞ್ಜ ರಾಜ ವರಂ ವರಂ.

ಇದಮ್ಪಿ ಪಾನೀಯಂ ಸೀತಂ, ಆಭತಂ ಗಿರಿಗಬ್ಭರಾ;

ತತೋ ಪಿವ ಮಹಾರಾಜ, ಸಚೇ ತ್ವಂ ಅಭಿಕಙ್ಖಸಿ.

ಅರಞ್ಞಂ ಉಞ್ಛಾಯ ಗತಾ, ಯೇ ಅಸ್ಮಿಂ ಪರಿಚಾರಕಾ;

ಸಯಂ ಉಟ್ಠಾಯ ಗಣ್ಹವ್ಹೋ, ಹತ್ಥಾ ಮೇ ನತ್ಥಿ ದಾತವೇ.

ಭದ್ದಕೋ ವತಯಂ ಪಕ್ಖೀ, ದಿಜೋ ಪರಮಧಮ್ಮಿಕೋ;

ಅಥೇಸೋ ಇತರೋ ಪಕ್ಖೀ, ಸುವೋ ಲುದ್ದಾನಿ ಭಾಸತಿ.

‘‘ಏತಂ ಹನಥ ಬನ್ಧಥ, ಮಾ ವೋ ಮುಞ್ಚಿತ್ಥ ಜೀವತಂ’’;

ಇಚ್ಚೇವಂ ವಿಲಪನ್ತಸ್ಸ, ಸೋತ್ಥಿಂ [ಸೋತ್ಥೀ (ಸ್ಯಾ.)] ಪತ್ತೋಸ್ಮಿ ಅಸ್ಸಮಂ.

ಭಾತರೋಸ್ಮ ಮಹಾರಾಜ, ಸೋದರಿಯಾ ಏಕಮಾತುಕಾ;

ಏಕರುಕ್ಖಸ್ಮಿಂ ಸಂವಡ್ಢಾ, ನಾನಾಖೇತ್ತಗತಾ ಉಭೋ.

ಸತ್ತಿಗುಮ್ಬೋ ಚ ಚೋರಾನಂ, ಅಹಞ್ಚ ಇಸೀನಂ ಇಧ;

ಅಸತಂ ¶ ಸೋ, ಸತಂ ಅಹಂ, ತೇನ ಧಮ್ಮೇನ ನೋ ವಿನಾ.

ತತ್ಥ ವಧೋ ಚ ಬನ್ಧೋ ಚ, ನಿಕತೀ ವಞ್ಚನಾನಿ ಚ;

ಆಲೋಪಾ ಸಾಹಸಾಕಾರಾ, ತಾನಿ ಸೋ ತತ್ಥ ಸಿಕ್ಖತಿ.

ಇಧ ಸಚ್ಚಞ್ಚ ಧಮ್ಮೋ ಚ, ಅಹಿಂಸಾ ಸಂಯಮೋ ದಮೋ;

ಆಸನೂದಕದಾಯೀನಂ, ಅಙ್ಕೇ ವದ್ಧೋಸ್ಮಿ ಭಾರಧ [ಭಾರತ (ಸೀ. ಸ್ಯಾ. ಪೀ.)].

ಯಂ ಯಞ್ಹಿ ರಾಜ ಭಜತಿ, ಸನ್ತಂ ವಾ ಯದಿ ವಾ ಅಸಂ;

ಸೀಲವನ್ತಂ ವಿಸೀಲಂ ವಾ, ವಸಂ ತಸ್ಸೇವ ಗಚ್ಛತಿ.

ಯಾದಿಸಂ ಕುರುತೇ ಮಿತ್ತಂ, ಯಾದಿಸಂ ಚೂಪಸೇವತಿ;

ಸೋಪಿ ತಾದಿಸಕೋ ಹೋತಿ, ಸಹವಾಸೋ ಹಿ [ಸಹವಾಸೋಪಿ (ಸ್ಯಾ. ಕ.)] ತಾದಿಸೋ.

ಸೇವಮಾನೋ ¶ ಸೇವಮಾನಂ, ಸಮ್ಫುಟ್ಠೋ ಸಮ್ಫುಸಂ ಪರಂ;

ಸರೋ ದಿದ್ಧೋ ಕಲಾಪಂವ, ಅಲಿತ್ತಮುಪಲಿಮ್ಪತಿ;

ಉಪಲೇಪಭಯಾ [ಉಪಲಿಮ್ಪಭಯಾ (ಸ್ಯಾ. ಕ.)] ಧೀರೋ, ನೇವ ಪಾಪಸಖಾ ಸಿಯಾ.

ಪೂತಿಮಚ್ಛಂ ¶ ಕುಸಗ್ಗೇನ, ಯೋ ನರೋ ಉಪನಯ್ಹತಿ;

ಕುಸಾಪಿ ಪೂತಿ [ಪೂತೀ (ಸೀ. ಪೀ.)] ವಾಯನ್ತಿ, ಏವಂ ಬಾಲೂಪಸೇವನಾ.

ತಗರಞ್ಚ ಪಲಾಸೇನ, ಯೋ ನರೋ ಉಪನಯ್ಹತಿ;

ಪತ್ತಾಪಿ ಸುರಭಿ [ಸುರಭೀ (ಸೀ. ಸ್ಯಾ. ಪೀ.)] ವಾಯನ್ತಿ, ಏವಂ ಧೀರೂಪಸೇವನಾ.

ತಸ್ಮಾ ಪತ್ತಪುಟಸ್ಸೇವ [ಫಲಪುಟಸ್ಸೇವ (ಸೀ. ಪೀ.), ಪಲಪುಟಸ್ಸೇವ (ಕ. ಅಟ್ಠ.), ಪಲಾಸಪುಟಸ್ಸೇವ (ಸ್ಯಾ. ಕ.)], ಞತ್ವಾ ಸಮ್ಪಾಕಮತ್ತನೋ;

ಅಸನ್ತೇ ನೋಪಸೇವೇಯ್ಯ, ಸನ್ತೇ ಸೇವೇಯ್ಯ ಪಣ್ಡಿತೋ;

ಅಸನ್ತೋ ನಿರಯಂ ನೇನ್ತಿ, ಸನ್ತೋ ಪಾಪೇನ್ತಿ ಸುಗ್ಗತಿನ್ತಿ.

ಭಲ್ಲಾತಿಯೋ ¶ [ಭಲ್ಲಾಟಿಯೋ (ಸೀ. ಪೀ.)] ನಾಮ ಅಹೋಸಿ ರಾಜಾ, ರಟ್ಠಂ ಪಹಾಯ ಮಿಗವಂ ಅಚಾರಿ ಸೋ;

ಅಗಮಾ ಗಿರಿವರಂ ಗನ್ಧಮಾದನಂ, ಸುಪುಪ್ಫಿತಂ [ಸಮ್ಪುಪ್ಫಿತಂ (ಸೀ. ಪೀ.)] ಕಿಮ್ಪುರಿಸಾನುಚಿಣ್ಣಂ.

ಸಾಳೂರಸಙ್ಘಞ್ಚ ನಿಸೇಧಯಿತ್ವಾ, ಧನುಂ [ಧನು (ಸೀ. ಸ್ಯಾ. ಪೀ.)] ಕಲಾಪಞ್ಚ ಸೋ ನಿಕ್ಖಿಪಿತ್ವಾ;

ಉಪಾಗಮಿ ವಚನಂ ವತ್ತುಕಾಮೋ, ಯತ್ಥಟ್ಠಿತಾ ಕಿಮ್ಪುರಿಸಾ ಅಹೇಸುಂ.

ಹಿಮಚ್ಚಯೇ ಹೇಮವತಾಯ ತೀರೇ, ಕಿಮಿಧಟ್ಠಿತಾ ಮನ್ತಯವ್ಹೋ ಅಭಿಣ್ಹಂ;

ಪುಚ್ಛಾಮಿ ವೋ ಮಾನುಸದೇಹವಣ್ಣೇ, ಕಥಂ ನು [ಕಥಂ ವೋ (ಸೀ. ಸ್ಯಾ. ಪೀ.)] ಜಾನನ್ತಿ ಮನುಸ್ಸಲೋಕೇ.

ಮಲ್ಲಂ ¶ ಗಿರಿಂ ಪಣ್ಡರಕಂ ತಿಕೂಟಂ, ಸೀತೋದಕಾ [ಸೀತೋದಿಯಾ (ಸೀ. ಪೀ.), ಸೀತೋದಿಕಾ (?)] ಅನುವಿಚರಾಮ ನಜ್ಜೋ;

ಮಿಗಾ ಮನುಸ್ಸಾವ ನಿಭಾಸವಣ್ಣಾ, ಜಾನನ್ತಿ ನೋ ಕಿಮ್ಪುರಿಸಾತಿ ಲುದ್ದ.

ಸುಕಿಚ್ಛರೂಪಂ ಪರಿದೇವಯವ್ಹೋ [ಪರಿದೇವಥವ್ಹೋ (?) ಮೋಗ್ಗಲ್ಲಾನಬ್ಯಾಕರಣೇ ೬.೩೮ ಸುತ್ತಂ], ಆಲಿಙ್ಗಿತೋ ಚಾಸಿ ಪಿಯೋ ಪಿಯಾಯ;

ಪುಚ್ಛಾಮಿ ವೋ ಮಾನುಸದೇಹವಣ್ಣೇ, ಕಿಮಿಧ ವನೇ ರೋದಥ ಅಪ್ಪತೀತಾ.

ಸುಕಿಚ್ಛರೂಪಂ ಪರಿದೇವಯವ್ಹೋ, ಆಲಿಙ್ಗಿತೋ ಚಾಸಿ ಪಿಯೋ ಪಿಯಾಯ;

ಪುಚ್ಛಾಮಿ ವೋ ಮಾನುಸದೇಹವಣ್ಣೇ, ಕಿಮಿಧ ವನೇ ವಿಲಪಥ ಅಪ್ಪತೀತಾ.

ಸುಕಿಚ್ಛರೂಪಂ ಪರಿದೇವಯವ್ಹೋ, ಆಲಿಙ್ಗಿತೋ ಚಾಸಿ ಪಿಯೋ ಪಿಯಾಯ;

ಪುಚ್ಛಾಮಿ ವೋ ಮಾನುಸದೇಹವಣ್ಣೇ, ಕಿಮಿಧ ¶ ವನೇ ಸೋಚಥ ಅಪ್ಪತೀತಾ.

ಮಯೇಕರತ್ತಂ [ರತ್ತಿಂ (ಪೀ.)] ವಿಪ್ಪವಸಿಮ್ಹ ಲುದ್ದ, ಅಕಾಮಕಾ ಅಞ್ಞಮಞ್ಞಂ ಸರನ್ತಾ;

ತಮೇಕರತ್ತಂ ಅನುತಪ್ಪಮಾನಾ, ಸೋಚಾಮ ‘‘ಸಾ ರತ್ತಿ ಪುನಂ ನ ಹೇಸ್ಸತಿ’’.

ಯಮೇಕರತ್ತಂ ಅನುತಪ್ಪಥೇತಂ, ಧನಂ ವ ನಟ್ಠಂ ಪಿತರಂ ವ ಪೇತಂ;

ಪುಚ್ಛಾಮಿ ವೋ ಮಾನುಸದೇಹವಣ್ಣೇ, ಕಥಂ ವಿನಾ ವಾಸಮಕಪ್ಪಯಿತ್ಥ.

ಯಮಿಮಂ ¶ [ಯಯಿಮಂ (ಕ. ಸೀ.)] ನದಿಂ ಪಸ್ಸಸಿ ಸೀಘಸೋತಂ, ನಾನಾದುಮಚ್ಛಾದನಂ ಸೇಲಕೂಲಂ [ದುಮಚ್ಛದನಂ ಸೇಲಕೂಟಂ (ಸೀ. ಪೀ.), ದುಮಸಞ್ಛನ್ನಂ ಸೇಲಕೂಲಂ (ಕ.)];

ತಂ ಮೇ ಪಿಯೋ ಉತ್ತರಿ ವಸ್ಸಕಾಲೇ, ಮಮಞ್ಚ ¶ ಮಞ್ಞಂ ಅನುಬನ್ಧತೀತಿ.

ಅಹಞ್ಚ ¶ ಅಙ್ಕೋಲಕಮೋಚಿನಾಮಿ, ಅತಿಮುತ್ತಕಂ ಸತ್ತಲಿಯೋಥಿಕಞ್ಚ;

‘‘ಪಿಯೋ ಚ ಮೇ ಹೇಹಿತಿ ಮಾಲಭಾರೀ, ಅಹಞ್ಚ ನಂ ಮಾಲಿನೀ ಅಜ್ಝುಪೇಸ್ಸಂ’’.

ಅಹಞ್ಚಿದಂ ಕುರವಕಮೋಚಿನಾಮಿ, ಉದ್ದಾಲಕಾ ಪಾಟಲಿಸಿನ್ಧುವಾರಕಾ [ಸಿನ್ಧುವಾರಿತಾ (ಸ್ಯಾ. ಪೀ. ಕ.)];

‘‘ಪಿಯೋ ಚ ಮೇ ಹೇಹಿತಿ ಮಾಲಭಾರೀ, ಅಹಞ್ಚ ನಂ ಮಾಲಿನೀ ಅಜ್ಝುಪೇಸ್ಸಂ’’.

ಅಹಞ್ಚ ಸಾಲಸ್ಸ ಸುಪುಪ್ಫಿತಸ್ಸ, ಓಚೇಯ್ಯ ಪುಪ್ಫಾನಿ ಕರೋಮಿ ಮಾಲಂ;

‘‘ಪಿಯೋ ಚ ಮೇ ಹೇಹಿತಿ ಮಾಲಭಾರೀ, ಅಹಞ್ಚ ನಂ ಮಾಲಿನೀ ಅಜ್ಝುಪೇಸ್ಸಂ’’.

ಅಹಞ್ಚ ಸಾಲಸ್ಸ ಸುಪುಪ್ಫಿತಸ್ಸ, ಓಚೇಯ್ಯ ಪುಪ್ಫಾನಿ ಕರೋಮಿ ಭಾರಂ;

ಇದಞ್ಚ ನೋ ಹೇಹಿತಿ ಸನ್ಥರತ್ಥಂ, ಯತ್ಥಜ್ಜಿಮಂ [ಯತ್ಥಜ್ಜಮಂ (ಸೀ. ಪೀ.)] ವಿಹರಿಸ್ಸಾಮ [ವಿಹರಿಸ್ಸಾಮು (ಪೀ.)] ರತ್ತಿಂ.

ಅಹಞ್ಚ ಖೋ ಅಗಳುಂ [ಅಗ್ಗಲು (ಸ್ಯಾ. ಕ.), ಅಕಲುಂ (ಪೀ.)] ಚನ್ದನಞ್ಚ, ಸಿಲಾಯ ಪಿಂಸಾಮಿ ಪಮತ್ತರೂಪಾ;

‘‘ಪಿಯೋ ಚ ಮೇ ಹೇಹಿತಿ ರೋಸಿತಙ್ಗೋ, ಅಹಞ್ಚ ¶ ನಂ ರೋಸಿತಾ ಅಜ್ಝುಪೇಸ್ಸಂ’’.

ಅಥಾಗಮಾ ಸಲಿಲಂ ಸೀಘಸೋತಂ, ನುದಂ ಸಾಲೇ ಸಲಳೇ ಕಣ್ಣಿಕಾರೇ;

ಆಪೂರಥ [ಅಪೂರಥ (ಸೀ. ಪೀ.), ಆಪೂರಥೇ (ಸ್ಯಾ.)] ತೇನ ಮುಹುತ್ತಕೇನ, ಸಾಯಂ ನದೀ ಆಸಿ ಮಯಾ ಸುದುತ್ತರಾ.

ಉಭೋಸು ತೀರೇಸು ಮಯಂ ತದಾ ಠಿತಾ, ಸಮ್ಪಸ್ಸನ್ತಾ ಉಭಯೋ ಅಞ್ಞಮಞ್ಞಂ;

ಸಕಿಮ್ಪಿ ರೋದಾಮ ಸಕಿಂ ಹಸಾಮ, ಕಿಚ್ಛೇನ ನೋ ಆಗಮಾ [ಅಗಮಾ (ಸೀ. ಸ್ಯಾ. ಪೀ.)] ಸಂವರೀ ಸಾ.

ಪಾತೋವ ¶ [ಪಾತೋ ಚ (ಸೀ. ಸ್ಯಾ. ಪೀ.)] ಖೋ ಉಗ್ಗತೇ ಸೂರಿಯಮ್ಹಿ, ಚತುಕ್ಕಂ ನದಿಂ ಉತ್ತರಿಯಾನ ಲುದ್ದ;

ಆಲಿಙ್ಗಿಯಾ ಅಞ್ಞಮಞ್ಞಂ ಮಯಂ ಉಭೋ, ಸಕಿಮ್ಪಿ ರೋದಾಮ ಸಕಿಂ ಹಸಾಮ.

ತೀಹೂನಕಂ ಸತ್ತಸತಾನಿ ಲುದ್ದ, ಯಮಿಧ ಮಯಂ ವಿಪ್ಪವಸಿಮ್ಹ ಪುಬ್ಬೇ;

ವಸ್ಸೇಕಿಮಂ [ವಾಸೇಕಿಮಂ (ಸೀ. ಪೀ.)] ಜೀವಿತಂ ಭೂಮಿಪಾಲ, ಕೋ ನೀಧ ಕನ್ತಾಯ ವಿನಾ ವಸೇಯ್ಯ.

ಆಯುಞ್ಚ ವೋ ಕೀವತಕೋ ನು ಸಮ್ಮ, ಸಚೇಪಿ ಜಾನಾಥ ವದೇಥ ಆಯುಂ;

ಅನುಸ್ಸವಾ ವುಡ್ಢತೋ ಆಗಮಾ ವಾ, ಅಕ್ಖಾಥ ¶ ಮೇ ತಂ ಅವಿಕಮ್ಪಮಾನಾ.

ಆಯುಞ್ಚ ನೋ ವಸ್ಸಸಹಸ್ಸಂ ಲುದ್ದ, ನ ಚನ್ತರಾ ಪಾಪಕೋ ಅತ್ಥಿ ರೋಗೋ;

ಅಪ್ಪಞ್ಚ [ಅಪ್ಪಂವ (ಸ್ಯಾ. ಕ.)] ದುಕ್ಖಂ ಸುಖಮೇವ ಭಿಯ್ಯೋ, ಅವೀತರಾಗಾ ವಿಜಹಾಮ ಜೀವಿತಂ.

ಇದಞ್ಚ ಸುತ್ವಾನ ಅಮಾನುಸಾನಂ, ಭಲ್ಲಾತಿಯೋ ಇತ್ತರ ಜೀವಿತನ್ತಿ;

ನಿವತ್ತಥ ನ ಮಿಗವಂ ಅಚರಿ, ಅದಾಸಿ ದಾನಾನಿ ಅಭುಞ್ಜಿ ಭೋಗೇ.

ಇದಞ್ಚ ಸುತ್ವಾನ ಅಮಾನುಸಾನಂ, ಸಮ್ಮೋದಥ ಮಾ ಕಲಹಂ ಅಕತ್ಥ;

ಮಾ ವೋ ತಪೀ ಅತ್ತಕಮ್ಮಾಪರಾಧೋ, ಯಥಾಪಿ ತೇ ಕಿಮ್ಪುರಿಸೇಕರತ್ತಂ.

ಇದಞ್ಚ ¶ ಸುತ್ವಾನ ಅಮಾನುಸಾನಂ, ಸಮ್ಮೋದಥ ಮಾ ವಿವಾದಂ ಅಕತ್ಥ;

ಮಾ ವೋ ತಪೀ ಅತ್ತಕಮ್ಮಾಪರಾಧೋ, ಯಥಾಪಿ ತೇ ಕಿಮ್ಪುರಿಸೇಕರತ್ತಂ.

ವಿವಿಧಂ ¶ [ವಿವಿಧ (ಸೀ. ಸ್ಯಾ.)] ಅಧಿಮನಾ ಸುಣೋಮಹಂ, ವಚನಪಥಂ ತವ ಅತ್ಥಸಂಹಿತಂ;

ಮುಞ್ಚಂ [ಮುಞ್ಚ (ಸೀ. ಪೀ.)] ಗಿರಂ ನುದಸೇವ ಮೇ ದರಂ, ಸಮಣ ¶ ಸುಖಾವಹ ಜೀವ ಮೇ ಚಿರನ್ತಿ.

ಕೋ ತಂ ಹಿಂಸತಿ ಹೇಠೇತಿ, ಕಿಂ [ಕಿನ್ನು (ಪೀ. ಕ.)] ದುಮ್ಮನೋ ಸೋಚಸಿ ಅಪ್ಪತೀತೋ;

ಕಸ್ಸಜ್ಜ ಮಾತಾಪಿತರೋ ರುದನ್ತು, ಕ್ವಜ್ಜ ಸೇತು [ಕೋ ನ್ವೇಜ್ಜ ಸೇತಿ (ಕ.), ಕೋ ಅಜ್ಜ ಸೇತು (?)] ನಿಹತೋ ಪಥಬ್ಯಾ.

ತುಟ್ಠೋಸ್ಮಿ ದೇವ ತವ ದಸ್ಸನೇನ, ಚಿರಸ್ಸಂ ಪಸ್ಸಾಮಿ ತಂ ಭೂಮಿಪಾಲ;

ಅಹಿಂಸಕೋ ರೇಣುಮನುಪ್ಪವಿಸ್ಸ, ಪುತ್ತೇನ ತೇ ಹೇಠಯಿತೋಸ್ಮಿ [ಪೋಥಯಿತೋಸ್ಮಿ (ಕ.)] ದೇವ.

ಆಯನ್ತು ದೋವಾರಿಕಾ ಖಗ್ಗಬನ್ಧಾ [ಖಗ್ಗಬದ್ಧಾ (ಸೀ. ಪೀ.)], ಕಾಸಾವಿಯಾ ಯನ್ತು [ಹನ್ತು (ಕ.)] ಅನ್ತೇಪುರನ್ತಂ;

ಹನ್ತ್ವಾನ ತಂ ಸೋಮನಸ್ಸಂ ಕುಮಾರಂ, ಛೇತ್ವಾನ ಸೀಸಂ ವರಮಾಹರನ್ತು.

ಪೇಸಿತಾ ರಾಜಿನೋ ದೂತಾ, ಕುಮಾರಂ ಏತದಬ್ರವುಂ;

ಇಸ್ಸರೇನ ವಿತಿಣ್ಣೋಸಿ, ವಧಂ ಪತ್ತೋಸಿ ಖತ್ತಿಯ.

ಸ ರಾಜಪುತ್ತೋ ಪರಿದೇವಯನ್ತೋ, ದಸಙ್ಗುಲಿಂ ಅಞ್ಜಲಿಂ ಪಗ್ಗಹೇತ್ವಾ;

ಅಹಮ್ಪಿ ¶ ಇಚ್ಛಾಮಿ ಜನಿನ್ದ ದಟ್ಠುಂ, ಜೀವಂ ಮಂ ನೇತ್ವಾ [ಜೀವಂ ಪನೇತ್ವಾ (ಸೀ. ಪೀ.)] ಪಟಿದಸ್ಸಯೇಥ.

ತಸ್ಸ ತಂ ವಚನಂ ಸುತ್ವಾ, ರಞ್ಞೋ ಪುತ್ತಂ ಅದಸ್ಸಯುಂ;

ಪುತ್ತೋ ಚ ಪಿತರಂ ದಿಸ್ವಾ, ದೂರತೋವಜ್ಝಭಾಸಥ.

ಆಗಚ್ಛುಂ ¶ [ಆಗಞ್ಛುಂ (ಸೀ.), ಆಗಞ್ಛು (ಪೀ.)] ದೋವಾರಿಕಾ ಖಗ್ಗಬನ್ಧಾ, ಕಾಸಾವಿಯಾ ಹನ್ತು ಮಮಂ ಜನಿನ್ದ;

ಅಕ್ಖಾಹಿ ಮೇ ಪುಚ್ಛಿತೋ ಏತಮತ್ಥಂ, ಅಪರಾಧೋ ಕೋ ನಿಧ ಮಮಜ್ಜ ಅತ್ಥಿ.

ಸಾಯಞ್ಚ ಪಾತೋ ಉದಕಂ ಸಜಾತಿ, ಅಗ್ಗಿಂ ಸದಾ ಪಾರಿಚರತಪ್ಪಮತ್ತೋ;

ತಂ ತಾದಿಸಂ ಸಂಯತಂ ಬ್ರಹ್ಮಚಾರಿಂ, ಕಸ್ಮಾ ತುವಂ ಬ್ರೂಸಿ ಗಹಪ್ಪತೀತಿ.

ತಾಲಾ ಚ ಮೂಲಾ ಚ ಫಲಾ ಚ ದೇವ, ಪರಿಗ್ಗಹಾ ವಿವಿಧಾ ಸನ್ತಿಮಸ್ಸ;

ತೇ ರಕ್ಖತಿ ಗೋಪಯತಪ್ಪಮತ್ತೋ, [ಬ್ರಾಹ್ಮಣೋ ಗಹಪತಿ ತೇನ ಹೋತಿ (ಸೀ. ಸ್ಯಾ. ಪೀ.)] ತಸ್ಮಾ ಅಹಂ ಬ್ರೂಮಿ ಗಹಪ್ಪತೀತಿ [ಬ್ರಾಹ್ಮಣೋ ಗಹಪತಿ ತೇನ ಹೋತಿ (ಸೀ. ಸ್ಯಾ. ಪೀ.)].

ಸಚ್ಚಂ ಖೋ ಏತಂ ವದಸಿ ಕುಮಾರ, ಪರಿಗ್ಗಹಾ ವಿವಿಧಾ ಸನ್ತಿಮಸ್ಸ;

ತೇ ರಕ್ಖತಿ ಗೋಪಯತಪ್ಪಮತ್ತೋ, ಸ [ನತ್ಥಿ ಇದಂ ಸೀ. ಸ್ಯಾ. ಪೀ. ಪೋತ್ಥಕೇಸು] ಬ್ರಾಹ್ಮಣೋ ¶ ಗಹಪತಿ ತೇನ ಹೋತಿ.

ಸುಣನ್ತು ಮಯ್ಹಂ ಪರಿಸಾ ಸಮಾಗತಾ, ಸನೇಗಮಾ ಜಾನಪದಾ ಚ ಸಬ್ಬೇ;

ಬಾಲಾಯಂ ಬಾಲಸ್ಸ ವಚೋ ನಿಸಮ್ಮ, ಅಹೇತುನಾ ಘಾತಯತೇ ಮಂ [ಘಾತಯತೇ (ಸೀ. ಪೀ.)] ಜನಿನ್ದೋ.

ದಳ್ಹಸ್ಮಿ ¶ ಮೂಲೇ ವಿಸಟೇ ವಿರೂಳ್ಹೇ, ದುನ್ನಿಕ್ಕಯೋ ವೇಳು ಪಸಾಖಜಾತೋ;

ವನ್ದಾಮಿ ಪಾದಾನಿ ತವ [ತವಂ (ಸೀ. ಪೀ.)] ಜನಿನ್ದ, ಅನುಜಾನ ಮಂ ಪಬ್ಬಜಿಸ್ಸಾಮಿ ದೇವ.

ಭುಞ್ಜಸ್ಸು ಭೋಗೇ ವಿಪುಲೇ ಕುಮಾರ, ಸಬ್ಬಞ್ಚ ತೇ ಇಸ್ಸರಿಯಂ ದದಾಮಿ;

ಅಜ್ಜೇವ ತ್ವಂ ಕುರೂನಂ ಹೋಹಿ ರಾಜಾ, ಮಾ ಪಬ್ಬಜೀ ಪಬ್ಬಜ್ಜಾ ಹಿ ದುಕ್ಖಾ.

ಕಿನ್ನೂಧ ¶ ದೇವ ತವಮತ್ಥಿ ಭೋಗಾ, ಪುಬ್ಬೇವಹಂ [ಪುಬ್ಬೇ ಚಹಂ (ಕ.)] ದೇವಲೋಕೇ ರಮಿಸ್ಸಂ;

ರೂಪೇಹಿ ಸದ್ದೇಹಿ ಅಥೋ ರಸೇಹಿ, ಗನ್ಧೇಹಿ ಫಸ್ಸೇಹಿ ಮನೋರಮೇಹಿ.

ಭುತ್ತಾ ಚ ಮೇ [ಭುತ್ತಾ (ಸೀ. ಪೀ.)] ಭೋಗಾ ತಿದಿವಸ್ಮಿಂ ದೇವ, ಪರಿವಾರಿತಾ [ಪರಿಚಾರಿತಾ (ಕ.)] ಅಚ್ಛರಾನಂ ಗಣೇನ [ಅಚ್ಛರಾಸಂಗಣೇನ (ಸ್ಯಾ. ಪೀ. ಕ.)];

ತುವಞ್ಚ [ತವಞ್ಚ (ಸೀ. ಪೀ.)] ಬಾಲಂ ಪರನೇಯ್ಯಂ ವಿದಿತ್ವಾ, ನ ¶ ತಾದಿಸೇ ರಾಜಕುಲೇ ವಸೇಯ್ಯಂ.

ಸಚಾಹಂ ಬಾಲೋ ಪರನೇಯ್ಯೋ ಅಸ್ಮಿ, ಏಕಾಪರಾಧಂ [ಏತಾಪರಾಧಂ (ಕ.)] ಖಮ ಪುತ್ತ ಮಯ್ಹಂ;

ಪುನಪಿ ಚೇ ಏದಿಸಕಂ ಭವೇಯ್ಯ, ಯಥಾಮತಿಂ ಸೋಮನಸ್ಸ ಕರೋಹಿ.

ಅನಿಸಮ್ಮ ಕತಂ ಕಮ್ಮಂ, ಅನವತ್ಥಾಯ ಚಿನ್ತಿತಂ;

ಭೇಸಜ್ಜಸ್ಸೇವ ವೇಭಙ್ಗೋ, ವಿಪಾಕೋ ಹೋತಿ ಪಾಪಕೋ.

ನಿಸಮ್ಮ ಚ ಕತಂ ಕಮ್ಮಂ, ಸಮ್ಮಾವತ್ಥಾಯ ಚಿನ್ತಿತಂ;

ಭೇಸಜ್ಜಸ್ಸೇವ ಸಮ್ಪತ್ತಿ, ವಿಪಾಕೋ ಹೋತಿ ಭದ್ರಕೋ.

ಅಲಸೋ ಗಿಹೀ ಕಾಮಭೋಗೀ ನ ಸಾಧು, ಅಸಞ್ಞತೋ ಪಬ್ಬಜಿತೋ ನ ಸಾಧು;

ರಾಜಾ ನ ಸಾಧು ಅನಿಸಮ್ಮಕಾರೀ, ಯೋ ಪಣ್ಡಿತೋ ಕೋಧನೋ ತಂ ನ ಸಾಧು.

ನಿಸಮ್ಮ ಖತ್ತಿಯೋ ಕಯಿರಾ, ನಾನಿಸಮ್ಮ ದಿಸಮ್ಪತಿ;

ನಿಸಮ್ಮಕಾರಿನೋ ರಾಜ, ಯಸೋ ಕಿತ್ತಿ ಚ ವಡ್ಢತಿ.

ನಿಸಮ್ಮ ದಣ್ಡಂ ಪಣಯೇಯ್ಯ ಇಸ್ಸರೋ, ವೇಗಾ ಕತಂ ತಪ್ಪತಿ ಭೂಮಿಪಾಲ;

ಸಮ್ಮಾಪಣೀಧೀ ಚ ನರಸ್ಸ ಅತ್ಥಾ, ಅನಾನುತಪ್ಪಾ ತೇ ಭವನ್ತಿ ಪಚ್ಛಾ.

ಅನಾನುತಪ್ಪಾನಿ ¶ ಹಿ ಯೇ ಕರೋನ್ತಿ, ವಿಭಜ್ಜ ¶ ಕಮ್ಮಾಯತನಾನಿ ಲೋಕೇ;

ವಿಞ್ಞುಪ್ಪಸತ್ಥಾನಿ ಸುಖುದ್ರಯಾನಿ, ಭವನ್ತಿ ಬುದ್ಧಾನುಮತಾನಿ [ವದ್ಧಾನುಮತಾನಿ (ಸೀ. ಪೀ.)] ತಾನಿ.

ಆಗಚ್ಛುಂ ದೋವಾರಿಕಾ ಖಗ್ಗಬನ್ಧಾ, ಕಾಸಾವಿಯಾ ಹನ್ತು ಮಮಂ ಜನಿನ್ದ;

ಮಾತುಞ್ಚ [ಮಾತುಚ್ಚ (ಪೀ.)] ಅಙ್ಕಸ್ಮಿಮಹಂ ನಿಸಿನ್ನೋ, ಆಕಡ್ಢಿತೋ ಸಹಸಾ ತೇಹಿ ದೇವ.

ಕಟುಕಞ್ಹಿ ಸಮ್ಬಾಧಂ ಸುಕಿಚ್ಛಂ [ಸುಕಿಚ್ಛ (ಸೀ. ಪೀ.)] ಪತ್ತೋ, ಮಧುರಮ್ಪಿ ಯಂ ಜೀವಿತಂ ಲದ್ಧ ರಾಜ;

ಕಿಚ್ಛೇನಹಂ ಅಜ್ಜ ವಧಾ ಪಮುತ್ತೋ, ಪಬ್ಬಜ್ಜಮೇವಾಭಿಮನೋಹಮಸ್ಮಿ.

ಪುತ್ತೋ ತವಾಯಂ ತರುಣೋ ಸುಧಮ್ಮೇ, ಅನುಕಮ್ಪಕೋ ಸೋಮನಸ್ಸೋ ಕುಮಾರೋ;

ತಂ ಯಾಚಮಾನೋ ನ ಲಭಾಮಿ ಸ್ವಜ್ಜ [ಸಜ್ಜ (ಸೀ. ಪೀ.)], ಅರಹಸಿ ನಂ ಯಾಚಿತವೇ [ಯಾಚಿತುಯೇ (ಕ.)] ತುವಮ್ಪಿ.

ರಮಸ್ಸು ¶ ಭಿಕ್ಖಾಚರಿಯಾಯ ಪುತ್ತ, ನಿಸಮ್ಮ ಧಮ್ಮೇಸು ಪರಿಬ್ಬಜಸ್ಸು;

ಸಬ್ಬೇಸು ಭೂತೇಸು ನಿಧಾಯ ದಣ್ಡಂ, ಅನಿನ್ದಿತೋ ಬ್ರಹ್ಮಮುಪೇಹಿ ಠಾನಂ.

ಅಚ್ಛೇರ [ಅಚ್ಛರಿಯ (ಸೀ. ಸ್ಯಾ. ಪೀ.)] ರೂಪಂ ವತ ಯಾದಿಸಞ್ಚ, ದುಕ್ಖಿತಂ ¶ ಮಂ ದುಕ್ಖಾಪಯಸೇ ಸುಧಮ್ಮೇ;

ಯಾಚಸ್ಸು ಪುತ್ತಂ ಇತಿ ವುಚ್ಚಮಾನಾ, ಭಿಯ್ಯೋವ ಉಸ್ಸಾಹಯಸೇ ಕುಮಾರಂ.

ಯೇ ವಿಪ್ಪಮುತ್ತಾ ಅನವಜ್ಜಭೋಗಿನೋ [ಭೋಜಿನೋ (ಸೀ. ಸ್ಯಾ. ಪೀ.)], ಪರಿನಿಬ್ಬುತಾ ಲೋಕಮಿಮಂ ಚರನ್ತಿ;

ತಮರಿಯಮಗ್ಗಂ ಪಟಿಪಜ್ಜಮಾನಂ, ನ ಉಸ್ಸಹೇ ವಾರಯಿತುಂ ಕುಮಾರಂ.

ಅದ್ಧಾ ¶ ಹವೇ ಸೇವಿತಬ್ಬಾ ಸಪಞ್ಞಾ, ಬಹುಸ್ಸುತಾ ಯೇ ಬಹುಠಾನಚಿನ್ತಿನೋ;

ಯೇಸಾಯಂ ಸುತ್ವಾನ ಸುಭಾಸಿತಾನಿ, ಅಪ್ಪೋಸ್ಸುಕ್ಕಾ ವೀತಸೋಕಾ ಸುಧಮ್ಮಾತಿ.

ಕಾ ನು ವಿಜ್ಜುರಿವಾಭಾಸಿ, ಓಸಧೀ ವಿಯ ತಾರಕಾ;

ದೇವತಾ ನುಸಿ ಗನ್ಧಬ್ಬೀ, ನ ತಂ ಮಞ್ಞಾಮಿ ಮಾನುಸಿಂ [ಮಾನುಸೀ (ಸ್ಯಾ. ಕ.)].

ನಮ್ಹಿ ದೇವೀ ನ ಗನ್ಧಬ್ಬೀ, ನ ಮಹಾರಾಜ ಮಾನುಸೀ;

ನಾಗಕಞ್ಞಾಸ್ಮಿ ಭದ್ದನ್ತೇ, ಅತ್ಥೇನಮ್ಹಿ ಇಧಾಗತಾ.

ವಿಬ್ಭನ್ತಚಿತ್ತಾ ಕುಪಿತಿನ್ದ್ರಿಯಾಸಿ, ನೇತ್ತೇಹಿ ತೇ ವಾರಿಗಣಾ ಸವನ್ತಿ;

ಕಿಂ ¶ ತೇ ನಟ್ಠಂ ಕಿಂ ಪನ ಪತ್ಥಯಾನಾ, ಇಧಾಗತಾ ನಾರಿ ತದಿಙ್ಘ ಬ್ರೂಹಿ.

ಯಮುಗ್ಗತೇಜೋ ಉರಗೋತಿ ಚಾಹು, ನಾಗೋತಿ ನಂ ಆಹು ಜನಾ ಜನಿನ್ದ;

ತಮಗ್ಗಹೀ ಪುರಿಸೋ ಜೀವಿಕತ್ಥೋ, ತಂ ಬನ್ಧನಾ ಮುಞ್ಚ ಪತೀ ಮಮೇಸೋ.

ಕಥಂ ನ್ವಯಂ ಬಲವಿರಿಯೂಪಪನ್ನೋ, ಹತ್ಥತ್ತ [ಹತ್ಥತ್ಥ (ಸೀ. ಸ್ಯಾ. ಪೀ.)] ಮಾಗಚ್ಛಿ ವನಿಬ್ಬಕಸ್ಸ;

ಅಕ್ಖಾಹಿ ಮೇ ನಾಗಕಞ್ಞೇ ತಮತ್ಥಂ, ಕಥಂ ವಿಜಾನೇಮು ಗಹೀತನಾಗಂ.

ನಗರಮ್ಪಿ ನಾಗೋ ಭಸ್ಮಂ ಕರೇಯ್ಯ, ತಥಾ ಹಿ ಸೋ ಬಲವಿರಿಯೂಪಪನ್ನೋ;

ಧಮ್ಮಞ್ಚ ನಾಗೋ ಅಪಚಾಯಮಾನೋ, ತಸ್ಮಾ ಪರಕ್ಕಮ್ಮ ತಪೋ ಕರೋತಿ.

ಚಾತುದ್ದಸಿಂ ¶ ಪಞ್ಚದಸಿಂ [ಪನ್ನರಸಿಂ (ಸೀ. ಸ್ಯಾ. ಪೀ.)] ಚ ರಾಜ, ಚತುಪ್ಪಥೇ ಸಮ್ಮತಿ ನಾಗರಾಜಾ;

ತಮಗ್ಗಹೀ ಪುರಿಸೋ ಜೀವಿಕತ್ಥೋ, ತಂ ಬನ್ಧನಾ ಮುಞ್ಚ ಪತೀ ಮಮೇಸೋ.

ಸೋಳಸಿತ್ಥಿಸಹಸ್ಸಾನಿ, ಆಮುತ್ತಮಣಿಕುಣ್ಡಲಾ;

ವಾರಿಗೇಹಸಯಾ ನಾರೀ [ನಾರಿಯೋ (ಪೀ.)], ತಾಪಿ ತಂ ಸರಣಂ ಗತಾ.

ಧಮ್ಮೇನ ¶ ಮೋಚೇಹಿ ಅಸಾಹಸೇನ, ಗಾಮೇನ ನಿಕ್ಖೇನ ಗವಂ ಸತೇನ;

ಓಸ್ಸಟ್ಠಕಾಯೋ ಉರಗೋ ಚರಾತು, ಪುಞ್ಞತ್ಥಿಕೋ ಮುಞ್ಚತು ಬನ್ಧನಸ್ಮಾ.

ಧಮ್ಮೇನ ¶ ಮೋಚೇಮಿ ಅಸಾಹಸೇನ, ಗಾಮೇನ ನಿಕ್ಖೇನ ಗವಂ ಸತೇನ;

ಓಸ್ಸಟ್ಠಕಾಯೋ ಉರಗೋ ಚರಾತು, ಪುಞ್ಞತ್ಥಿಕೋ ಮುಞ್ಚತು ಬನ್ಧನಸ್ಮಾ.

ದಮ್ಮಿ ನಿಕ್ಖಸತಂ ಲುದ್ದ, ಥೂಲಞ್ಚ ಮಣಿಕುಣ್ಡಲಂ;

ಚತುಸ್ಸದಞ್ಚ ಪಲ್ಲಙ್ಕಂ, ಉಮಾಪುಪ್ಫಸರಿನ್ನಿಭಂ.

ದ್ವೇ ಚ ಸಾದಿಸಿಯೋ ಭರಿಯಾ, ಉಸಭಞ್ಚ ಗವಂ ಸತಂ;

ಓಸ್ಸಟ್ಠಕಾಯೋ ಉರಗೋ ಚರಾತು, ಪುಞ್ಞತ್ಥಿಕೋ ಮುಞ್ಚತು ಬನ್ಧನಸ್ಮಾ.

ವಿನಾಪಿ ದಾನಾ ತವ ವಚನಂ ಜನಿನ್ದ, ಮುಞ್ಚೇಮು ನಂ ಉರಗಂ ಬನ್ಧನಸ್ಮಾ;

ಓಸ್ಸಟ್ಠಕಾಯೋ ಉರಗೋ ಚರಾತು, ಪುಞ್ಞತ್ಥಿಕೋ ಮುಞ್ಚತು ಬನ್ಧನಸ್ಮಾ.

ಮುತ್ತೋ ಚಮ್ಪೇಯ್ಯಕೋ ನಾಗೋ, ರಾಜಾನಂ ಏತದಬ್ರವಿ;

ನಮೋ ತೇ ಕಾಸಿರಾಜತ್ಥು, ನಮೋ ತೇ ಕಾಸಿವಡ್ಢನ;

ಅಞ್ಜಲಿಂ ತೇ ಪಗ್ಗಣ್ಹಾಮಿ, ಪಸ್ಸೇಯ್ಯಂ ಮೇ ನಿವೇಸನಂ.

ಅದ್ಧಾ ¶ ¶ ಹಿ ದುಬ್ಬಿಸ್ಸಸಮೇತಮಾಹು, ಯಂ ಮಾನುಸೋ ವಿಸ್ಸಸೇ ಅಮಾನುಸಮ್ಹಿ;

ಸಚೇ ಚ ಮಂ ಯಾಚಸಿ ಏತಮತ್ಥಂ, ದಕ್ಖೇಮು ತೇ ನಾಗ ನಿವೇಸನಾನಿ.

ಸಚೇಪಿ [ಸಚೇ ಹಿ (ಸೀ. ಪೀ. ಅಟ್ಠ.)] ವಾತೋ ಗಿರಿಮಾವಹೇಯ್ಯ, ಚನ್ದೋ ಚ ಸುರಿಯೋ ಚ ಛಮಾ ಪತೇಯ್ಯುಂ;

ಸಬ್ಬಾ ಚ ನಜ್ಜೋ ಪಟಿಸೋತಂ ವಜೇಯ್ಯುಂ, ನ ತ್ವೇವಹಂ ರಾಜ ಮುಸಾ ಭಣೇಯ್ಯಂ.

ನಭಂ ಫಲೇಯ್ಯ ಉದಧೀಪಿ ಸುಸ್ಸೇ, ಸಂವಟ್ಟಯೇ [ಸಂವಟ್ಟೇಯಂ (ಸೀ. ಪೀ.), ಸಂವಟ್ಟೇಯ್ಯ (ಸ್ಯಾ. ಕ.)] ಭೂತಧರಾ ವಸುನ್ಧರಾ;

ಸಿಲುಚ್ಚಯೋ ಮೇರು ಸಮೂಲಮುಪ್ಪತೇ [ಮುಬ್ಬಹೇ (ಸೀ. ಸ್ಯಾ. ಪೀ. ಕ. ಅಟ್ಠ.), ಮುಟ್ಠಹೇ (ಕ.)], ನ ತ್ವೇವಹಂ ರಾಜ ಮುಸಾ ಭಣೇಯ್ಯಂ.

ಅದ್ಧಾ ಹಿ ದುಬ್ಬಿಸ್ಸಸಮೇತಮಾಹು, ಯಂ ಮಾನುಸೋ ವಿಸ್ಸಸೇ ಅಮಾನುಸಮ್ಹಿ;

ಸಚೇ ಚ ಮಂ ಯಾಚಸಿ ಏತಮತ್ಥಂ, ದಕ್ಖೇಮು ತೇ ನಾಗ ನಿವೇಸನಾನಿ.

ತುಮ್ಹೇ ಖೋತ್ಥ ಘೋರವಿಸಾ ಉಳಾರಾ, ಮಹಾತೇಜಾ ಖಿಪ್ಪಕೋಪೀ ಚ ಹೋಥ;

ಮಂಕಾರಣಾ [ಮಮ ಕಾರಣಾ (ಸೀ. ಸ್ಯಾ. ಪೀ.)] ಬನ್ಧನಸ್ಮಾ ಪಮುತ್ತೋ, ಅರಹಸಿ ನೋ ಜಾನಿತುಯೇ [ಜಾನಿತಾಯೇ (ಸೀ.), ಜಾನಿತವೇ (ಸ್ಯಾ.), ಜಾನಿತಯೇ (ಪೀ.)] ಕತಾನಿ.

ಸೋ ¶ ಪಚ್ಚತಂ ನಿರಯೇ ಘೋರರೂಪೇ, ಮಾ ಕಾಯಿಕಂ ಸಾತಮಲತ್ಥ ಕಿಞ್ಚಿ;

ಪೇಳಾಯ ಬದ್ಧೋ ಮರಣಂ ಉಪೇತು, ಯೋ ತಾದಿಸಂ ಕಮ್ಮಕತಂ ನ ಜಾನೇ.

ಸಚ್ಚಪ್ಪಟಿಞ್ಞಾ ¶ ತವಮೇಸ ಹೋತು, ಅಕ್ಕೋಧನೋ ಹೋಹಿ ಅನುಪನಾಹೀ;

ಸಬ್ಬಞ್ಚ ತೇ ನಾಗಕುಲಂ ಸುಪಣ್ಣಾ, ಅಗ್ಗಿಂವ ಗಿಮ್ಹೇಸು [ಗಿಮ್ಹಾಸು (ಸೀ. ಸ್ಯಾ. ಪೀ.)] ವಿವಜ್ಜಯನ್ತು.

ಅನುಕಮ್ಪಸೀ ನಾಗಕುಲಂ ಜನಿನ್ದ, ಮಾತಾ ಯಥಾ ಸುಪ್ಪಿಯಂ ಏಕಪುತ್ತಂ;

ಅಹಞ್ಚ ತೇ ನಾಗಕುಲೇನ ಸದ್ಧಿಂ, ಕಾಹಾಮಿ ವೇಯ್ಯಾವಟಿಕಂ ಉಳಾರಂ.

ಯೋಜೇನ್ತು ವೇ ರಾಜರಥೇ ಸುಚಿತ್ತೇ, ಕಮ್ಬೋಜಕೇ ಅಸ್ಸತರೇ ಸುದನ್ತೇ;

ನಾಗೇ ಚ ಯೋಜೇನ್ತು ಸುವಣ್ಣಕಪ್ಪನೇ, ದಕ್ಖೇಮು ನಾಗಸ್ಸ ನಿವೇಸನಾನಿ.

ಭೇರೀ ¶ ಮುದಿಙ್ಗಾ [ಮುತಿಙ್ಗಾ (ಸೀ. ಪೀ.)] ಪಣವಾ ಚ ಸಙ್ಖಾ, ಅವಜ್ಜಯಿಂಸು ಉಗ್ಗಸೇನಸ್ಸ ರಞ್ಞೋ;

ಪಾಯಾಸಿ ರಾಜಾ ಬಹುಸೋಭಮಾನೋ, ಪುರಕ್ಖತೋ ನಾರಿಗಣಸ್ಸ ಮಜ್ಝೇ.

ಸುವಣ್ಣಚಿತಕಂ ¶ ಭೂಮಿಂ, ಅದ್ದಕ್ಖಿ ಕಾಸಿವಡ್ಢನೋ;

ಸೋವಣ್ಣಮಯಪಾಸಾದೇ, ವೇಳುರಿಯಫಲಕತ್ಥತೇ.

ಸ ರಾಜಾ ಪಾವಿಸಿ ಬ್ಯಮ್ಹಂ, ಚಮ್ಪೇಯ್ಯಸ್ಸ ನಿವೇಸನಂ;

ಆದಿಚ್ಚವಣ್ಣಸನ್ನಿಭಂ, ಕಂಸವಿಜ್ಜು ಪಭಸ್ಸರಂ.

ನಾನಾರುಕ್ಖೇಹಿ ಸಞ್ಛನ್ನಂ, ನಾನಾಗನ್ಧಸಮೀರಿತಂ;

ಸೋ ಪಾವೇಕ್ಖಿ ಕಾಸಿರಾಜಾ, ಚಮ್ಪೇಯ್ಯಸ್ಸ ನಿವೇಸನಂ.

ಪವಿಟ್ಠಸ್ಮಿಂ ಕಾಸಿರಞ್ಞೇ, ಚಮ್ಪೇಯ್ಯಸ್ಸ ನಿವೇಸನಂ;

ದಿಬ್ಬಾ ತೂರಿಯಾ ಪವಜ್ಜಿಂಸು, ನಾಗಕಞ್ಞಾ ಚ ನಚ್ಚಿಸುಂ [ನಚ್ಚಯುಂ (ಸೀ. ಪೀ. ಕ.)].

ತಂ ನಾಗಕಞ್ಞಾ ಚರಿತಂ ಗಣೇನ, ಅನ್ವಾರುಹೀ ಕಾಸಿರಾಜಾ ಪಸನ್ನೋ;

ನಿಸೀದಿ ಸೋವಣ್ಣಮಯಮ್ಹಿ ಪೀಠೇ, ಸಾಪಸ್ಸಯೇ [ಸೋಪಸ್ಸಯೇ (ಕ.)] ಚನ್ದನಸಾರಲಿತ್ತೇ.

ಸೋ ¶ ತತ್ಥ ಭುತ್ವಾ ಚ ಅಥೋ ರಮಿತ್ವಾ, ಚಮ್ಪೇಯ್ಯಕಂ ಕಾಸಿರಾಜಾ ಅವೋಚ;

ವಿಮಾನಸೇಟ್ಠಾನಿ ಇಮಾನಿ ತುಯ್ಹಂ, ಆದಿಚ್ಚವಣ್ಣಾನಿ ಪಭಸ್ಸರಾನಿ;

ನೇತಾದಿಸಂ ಅತ್ಥಿ ಮನುಸ್ಸಲೋಕೇ, ಕಿಂ ಪತ್ಥಯಂ [ಕಿಮತ್ಥಿಯಂ (ಸೀ. ಸ್ಯಾ. ಪೀ.)] ನಾಗ ತಪೋ ಕರೋಸಿ.

ತಾ ಕಮ್ಬುಕಾಯೂರಧರಾ ಸುವತ್ಥಾ, ವಟ್ಟಙ್ಗುಲೀ ತಮ್ಬತಲೂಪಪನ್ನಾ;

ಪಗ್ಗಯ್ಹ ¶ ಪಾಯೇನ್ತಿ ಅನೋಮವಣ್ಣಾ, ನೇತಾದಿಸಂ ಅತ್ಥಿ ಮನುಸ್ಸಲೋಕೇ;

ನಜ್ಜೋ ಚ ತೇಮಾ ಪುಥುಲೋಮಮಚ್ಛಾ, ಆಟಾ [ಆದಾ (ಸ್ಯಾ.), ಅದಾ (ಪೀ.)] ಸಕುನ್ತಾಭಿರುದಾ ಸುತಿತ್ಥಾ;

ನೇತಾದಿಸಂ ಅತ್ಥಿ ಮನುಸ್ಸಲೋಕೇ, ಕಿಂ ಪತ್ಥಯಂ ನಾಗ ತಪೋ ಕರೋಸಿ.

ಕೋಞ್ಚಾ ಮಯೂರಾ ದಿವಿಯಾ ಚ ಹಂಸಾ, ವಗ್ಗುಸ್ಸರಾ ಕೋಕಿಲಾ ಸಮ್ಪತನ್ತಿ;

ನೇತಾದಿಸಂ ಅತ್ಥಿ ಮನುಸ್ಸಲೋಕೇ, ಕಿಂ ಪತ್ಥಯಂ ನಾಗ ತಪೋ ಕರೋಸಿ.

ಅಮ್ಬಾ ಚ ಸಾಲಾ ತಿಲಕಾ ಚ ಜಮ್ಬುಯೋ, ಉದ್ದಾಲಕಾ ಪಾಟಲಿಯೋ ಚ ಫುಲ್ಲಾ;

ನೇತಾದಿಸಂ ಅತ್ಥಿ ಮನುಸ್ಸಲೋಕೇ, ಕಿಂ ಪತ್ಥಯಂ ನಾಗ ತಪೋ ಕರೋಸಿ.

ಇಮಾ ಚ ತೇ ಪೋಕ್ಖರಞ್ಞೋ ಸಮನ್ತತೋ, ದಿಬ್ಬಾ [ದಿಬ್ಯಾ (ಸ್ಯಾ.), ದಿವಿಯಾ (ಪೀ.)] ಚ ಗನ್ಧಾ ಸತತಂ ಪವಾಯನ್ತಿ;

ನೇತಾದಿಸಂ ಅತ್ಥಿ ಮನುಸ್ಸಲೋಕೇ, ಕಿಂ ಪತ್ಥಯಂ ನಾಗ ತಪೋ ಕರೋಸಿ.

ನ ¶ ಪುತ್ತಹೇತು ನ ಧನಸ್ಸ ಹೇತು, ನ ¶ ಆಯುನೋ ಚಾಪಿ [ವಾಪಿ (ಸೀ. ಪೀ.)] ಜನಿನ್ದ ಹೇತು;

ಮನುಸ್ಸಯೋನಿಂ ಅಭಿಪತ್ಥಯಾನೋ, ತಸ್ಮಾ ಪರಕ್ಕಮ್ಮ ತಪೋ ಕರೋಮಿ.

ತ್ವಂ ¶ ಲೋಹಿತಕ್ಖೋ ವಿಹತನ್ತರಂಸೋ, ಅಲಙ್ಕತೋ ಕಪ್ಪಿತಕೇಸಮಸ್ಸು;

ಸುರೋಸಿತೋ ಲೋಹಿತಚನ್ದನೇನ, ಗನ್ಧಬ್ಬರಾಜಾವ ದಿಸಾ ಪಭಾಸಸಿ.

ದೇವಿದ್ಧಿಪತ್ತೋಸಿ ಮಹಾನುಭಾವೋ, ಸಬ್ಬೇಹಿ ಕಾಮೇಹಿ ಸಮಙ್ಗಿಭೂತೋ;

ಪುಚ್ಛಾಮಿ ತಂ ನಾಗರಾಜೇತಮತ್ಥಂ, ಸೇಯ್ಯೋ ಇತೋ ಕೇನ ಮನುಸ್ಸಲೋಕೋ.

ಜನಿನ್ದ ನಾಞ್ಞತ್ರ ಮನುಸ್ಸಲೋಕಾ, ಸುದ್ಧೀ ವ ಸಂವಿಜ್ಜತಿ ಸಂಯಮೋ ವಾ;

ಅಹಞ್ಚ ಲದ್ಧಾನ ಮನುಸ್ಸಯೋನಿಂ, ಕಾಹಾಮಿ ಜಾತಿಮರಣಸ್ಸ ಅನ್ತಂ.

ಅದ್ಧಾ ಹವೇ ಸೇವಿತಬ್ಬಾ ಸಪಞ್ಞಾ, ಬಹುಸ್ಸುತಾ ಯೇ ಬಹುಠಾನಚಿನ್ತಿನೋ;

ನಾರಿಯೋ ಚ ದಿಸ್ವಾನ ತುವಞ್ಚ ನಾಗ, ಕಾಹಾಮಿ ಪುಞ್ಞಾನಿ ಅನಪ್ಪಕಾನಿ.

ಅದ್ಧಾ ಹವೇ ಸೇವಿತಬ್ಬಾ ಸಪಞ್ಞಾ, ಬಹುಸ್ಸುತಾ ¶ ಯೇ ಬಹುಠಾನಚಿನ್ತಿನೋ;

ನಾರಿಯೋ ಚ ದಿಸ್ವಾನ ಮಮಞ್ಚ ರಾಜ, ಕರೋಹಿ ಪುಞ್ಞಾನಿ ಅನಪ್ಪಕಾನಿ.

ಇದಞ್ಚ ಮೇ ಜಾತರೂಪಂ ಪಹೂತಂ, ರಾಸೀ ಸುವಣ್ಣಸ್ಸ ಚ ತಾಲಮತ್ತಾ;

[ಇತೋ ಹರಿತ್ವಾ ಸೋವಣ್ಣಘರಾನಿ ಕಾರಯ, ರೂಪಿಯಸ್ಸ ಚ ಪಾಕಾರಂ ಕರೋನ್ತು (ಸೀ. ಸ್ಯಾ.) ಇತೋ ಹರಿತ್ವಾ ಸೋವಣ್ಣಘರಾನಿ, [ಕಾರಯ] ರೂಪಿಯಸ್ಸ ಚ ಪಾಕಾರಂ ಕರೋನ್ತು (ಪೀ.)] ಇತೋ ಹರಿತ್ವಾನ ಸುವಣ್ಣಘರಾನಿ, ಕರಸ್ಸು ರೂಪಿಯಪಾಕಾರಂ ಕರೋನ್ತು [ಇತೋ ಹರಿತ್ವಾ ಸೋವಣ್ಣಘರಾನಿ ಕಾರಯ, ರೂಪಿಯಸ್ಸ ಚ ಪಾಕಾರಂ ಕರೋನ್ತು (ಸೀ. ಸ್ಯಾ.) ಇತೋ ಹರಿತ್ವಾ ಸೋವಣ್ಣಘರಾನಿ, [ಕಾರಯ] ರೂಪಿಯಸ್ಸ ಚ ಪಾಕಾರಂ ಕರೋನ್ತು (ಪೀ.)].

ಮುತ್ತಾ ¶ ಚ [ಮುತ್ತಾನಞ್ಚ (ಸೀ. ಸ್ಯಾ.)] ವಾಹಸಹಸ್ಸಾನಿ ಪಞ್ಚ, ವೇಳುರಿಯಮಿಸ್ಸಾನಿ ಇತೋ ಹರಿತ್ವಾ;

ಅನ್ತೇಪುರೇ ಭೂಮಿಯಂ ಸನ್ಥರನ್ತು, ನಿಕ್ಕದ್ದಮಾ ಹೇಹಿತಿ ನೀರಜಾ ಚ.

ಏತಾದಿಸಂ ಆವಸ ರಾಜಸೇಟ್ಠ, ವಿಮಾನಸೇಟ್ಠಂ ಬಹು ಸೋಭಮಾನಂ;

ಬಾರಾಣಸಿಂ ನಗರಂ ಇದ್ಧಂ ಫೀತಂ, ರಜ್ಜಞ್ಚ ಕಾರೇಹಿ ಅನೋಮಪಞ್ಞಾತಿ.

ಬ್ರಹ್ಮಲೋಕಾ ಚವಿತ್ವಾನ, ದೇವಪುತ್ತೋ ಮಹಿದ್ಧಿಕೋ;

ರಞ್ಞೋ ಪುತ್ತೋ ಉದಪಾದಿ, ಸಬ್ಬಕಾಮಸಮಿದ್ಧಿಸು.

ಕಾಮಾ ¶ ವಾ ಕಾಮಸಞ್ಞಾ ವಾ, ಬ್ರಹ್ಮಲೋಕೇ ನ ವಿಜ್ಜತಿ;

ಸ್ವಾಸ್ಸು [ಯ್ವಾಸ್ಸ (ಸೀ.)] ತಾಯೇವ ಸಞ್ಞಾಯ, ಕಾಮೇಹಿ ವಿಜಿಗುಚ್ಛಥ.

ತಸ್ಸ ಚನ್ತೇಪುರೇ ಆಸಿ, ಝಾನಾಗಾರಂ ಸುಮಾಪಿತಂ;

ಸೋ ತತ್ಥ ಪಟಿಸಲ್ಲೀನೋ [ಪಟಿಸಲ್ಲಾನೋ (ಕ.)], ಏಕೋ ರಹಸಿ ಝಾಯಥ.

ಸ ರಾಜಾ ಪರಿದೇವೇಸಿ, ಪುತ್ತಸೋಕೇನ ಅಟ್ಟಿತೋ;

ಏಕಪುತ್ತೋ ಚಯಂ ಮಯ್ಹಂ, ನ ಚ ಕಾಮಾನಿ ಭುಞ್ಜತಿ.

ಕೋ ನು ಖ್ವೇತ್ಥ [ಖೇತ್ಥ (ಸೀ. ಪೀ.)] ಉಪಾಯೋ ಸೋ, ಕೋ ವಾ ಜಾನಾತಿ ಕಿಞ್ಚನಂ;

ಯೋ [ಕೋ (ಸೀ. ಪೀ.)] ಮೇ ಪುತ್ತಂ ಪಲೋಭೇಯ್ಯ, ಯಥಾ ಕಾಮಾನಿ ಪತ್ಥಯೇ.

ಅಹು ¶ ಕುಮಾರೀ ತತ್ಥೇವ, ವಣ್ಣರೂಪಸಮಾಹಿತಾ;

ಕುಸಲಾ ನಚ್ಚಗೀತಸ್ಸ, ವಾದಿತೇ ಚ ಪದಕ್ಖಿಣಾ.

ಸಾ ತತ್ಥ ಉಪಸಙ್ಕಮ್ಮ, ರಾಜಾನಂ ಏತದಬ್ರವಿ;

ಅಹಂ ಖೋ ನಂ ಪಲೋಭೇಯ್ಯಂ, ಸಚೇ ಭತ್ತಾ ಭವಿಸ್ಸತಿ.

ತಂ ತಥಾವಾದಿನಿಂ ರಾಜಾ, ಕುಮಾರಿಂ ಏತದಬ್ರವಿ;

ತ್ವಞ್ಞೇವ ನಂ ಪಲೋಭೇಹಿ, ತವ ಭತ್ತಾ ಭವಿಸ್ಸತಿ.

ಸಾ ¶ ಚ ಅನ್ತೇಪುರಂ ಗನ್ತ್ವಾ, ಬಹುಂ ಕಾಮುಪಸಂಹಿತಂ;

ಹದಯಙ್ಗಮಾ ಪೇಮನೀಯಾ, ಚಿತ್ರಾ ಗಾಥಾ ಅಭಾಸಥ.

ತಸ್ಸಾ ಚ ಗಾಯಮಾನಾಯ, ಸದ್ದಂ ಸುತ್ವಾನ ನಾರಿಯಾ;

ಕಾಮಚ್ಛನ್ದಸ್ಸ ಉಪ್ಪಜ್ಜಿ, ಜನಂ ಸೋ ಪರಿಪುಚ್ಛಥ.

ಕಸ್ಸೇಸೋ ಸದ್ದೋ ಕೋ ವಾ ಸೋ, ಭಣತಿ ಉಚ್ಚಾವಚಂ ಬಹುಂ;

ಹದಯಙ್ಗಮಂ ಪೇಮನೀಯಂ, ಅಹೋ [ಅಥೋ (ಸೀ. ಪೀ.)] ಕಣ್ಣಸುಖಂ ಮಮ.

ಏಸಾ ¶ ಖೋ ಪಮದಾ ದೇವ, ಖಿಡ್ಡಾ ಏಸಾ ಅನಪ್ಪಿಕಾ [ಅನಪ್ಪಕಾ (ಕ.)];

ಸಚೇ ತ್ವಂ ಕಾಮೇ ಭುಞ್ಜೇಯ್ಯ, ಭಿಯ್ಯೋ ಭಿಯ್ಯೋ ಛಾದೇಯ್ಯು ತಂ.

ಇಙ್ಘ ಆಗಚ್ಛತೋರೇನ [ಆಗಚ್ಛತೋರೇನಂ (ಕ.) ಆಗಚ್ಛತು + ಓರೇನ], ಅವಿದೂರಮ್ಹಿ ಗಾಯತು;

ಅಸ್ಸಮಸ್ಸ ಸಮೀಪಮ್ಹಿ, ಸನ್ತಿಕೇ ಮಯ್ಹಂ ಗಾಯತು.

ತಿರೋಕುಟ್ಟಮ್ಹಿ ಗಾಯಿತ್ವಾ, ಝಾನಾಗಾರಮ್ಹಿ ಪಾವಿಸಿ;

ಬನ್ಧಿ ನಂ [ಭನ್ಧಿತುಂ (ಸ್ಯಾ. ಕ.)] ಅನುಪುಬ್ಬೇನ, ಆರಞ್ಞಮಿವ ಕುಞ್ಜರಂ.

ತಸ್ಸ [ತಸ್ಸಾ (ಸ್ಯಾ.)] ಕಾಮರಸಂ ಞತ್ವಾ, ಇಸ್ಸಾಧಮ್ಮೋ ಅಜಾಯಥ;

‘‘ಅಹಮೇವ ಕಾಮೇ ಭುಞ್ಜೇಯ್ಯಂ, ಮಾ ಅಞ್ಞೋ ಪುರಿಸೋ ಅಹು’’.

ತತೋ ಅಸಿಂ ಗಹೇತ್ವಾನ, ಪುರಿಸೇ ಹನ್ತುಂ ಉಪಕ್ಕಮಿ;

ಅಹಮೇವೇಕೋ ಭುಞ್ಜಿಸ್ಸಂ, ಮಾ ಅಞ್ಞೋ ಪುರಿಸೋ ಸಿಯಾ.

ತತೋ ಜಾನಪದಾ ಸಬ್ಬೇ, ವಿಕ್ಕನ್ದಿಂಸು ಸಮಾಗತಾ;

ಪುತ್ತೋ ತ್ಯಾಯಂ ಮಹಾರಾಜ, ಜನಂ ಹೇಠೇತ್ಯದೂಸಕಂ.

ತಞ್ಚ ರಾಜಾ ವಿವಾಹೇಸಿ [ನಿವಾಹೇಸಿ (ಸ್ಯಾ.), ವಿಹಾಹೇಸಿ (ಪೀ.)], ಸಮ್ಹಾ ರಟ್ಠಾ ಚ [ರಟ್ಠಾತೋ (ಸೀ. ಪೀ.), ರಟ್ಠತೋ (ಕ.)] ಖತ್ತಿಯೋ;

ಯಾವತಾ ವಿಜಿತಂ ಮಯ್ಹಂ, ನ ತೇ ವತ್ಥಬ್ಬ [ವತ್ತಬ್ಬ (ಸೀ. ಪೀ.)] ತಾವದೇ.

ತತೋ ಸೋ ಭರಿಯಮಾದಾಯ, ಸಮುದ್ದಂ ಉಪಸಙ್ಕಮಿ;

ಪಣ್ಣಸಾಲಂ ಕರಿತ್ವಾನ, ವನಮುಞ್ಛಾಯ ಪಾವಿಸಿ.

ಅಥೇತ್ಥ ¶ ಇಸಿ ಮಾಗಚ್ಛಿ, ಸಮುದ್ದಂ ಉಪರೂಪರಿ;

ಸೋ ತಸ್ಸ ಗೇಹಂ ಪಾವೇಕ್ಖಿ, ಭತ್ತಕಾಲೇ ಉಪಟ್ಠಿತೇ.

ತಞ್ಚ ¶ ಭರಿಯಾ ಪಲೋಭೇಸಿ, ಪಸ್ಸ ಯಾವ ಸುದಾರುಣಂ;

ಚುತೋ ಸೋ ಬ್ರಹ್ಮಚರಿಯಮ್ಹಾ, ಇದ್ಧಿಯಾ ಪರಿಹಾಯಥ.

ರಾಜಪುತ್ತೋ ¶ ಚ ಉಞ್ಛಾತೋ, ವನಮೂಲಫಲಂ ಬಹುಂ;

ಸಾಯಂ ಕಾಜೇನ [ಕಾಚೇನ (ಪೀ.)] ಆದಾಯ, ಅಸ್ಸಮಂ ಉಪಸಙ್ಕಮಿ.

ಇಸೀ ಚ ಖತ್ತಿಯಂ ದಿಸ್ವಾ, ಸಮುದ್ದಂ ಉಪಸಙ್ಕಮಿ;

‘‘ವೇಹಾಯಸಂ ಗಮಿಸ್ಸ’’ನ್ತಿ, ಸೀದತೇ ಸೋ ಮಹಣ್ಣವೇ.

ಖತ್ತಿಯೋ ಚ ಇಸಿಂ ದಿಸ್ವಾ, ಸೀದಮಾನಂ ಮಹಣ್ಣವೇ;

ತಸ್ಸೇವ ಅನುಕಮ್ಪಾಯ, ಇಮಾ ಗಾಥಾ ಅಭಾಸಥ.

ಅಭಿಜ್ಜಮಾನೇ ವಾರಿಸ್ಮಿಂ, ಸಯಂ ಆಗಮ್ಮ ಇದ್ಧಿಯಾ;

ಮಿಸ್ಸೀಭಾವಿತ್ಥಿಯಾ ಗನ್ತ್ವಾ, ಸಂಸೀದಸಿ ಮಹಣ್ಣವೇ.

ಆವಟ್ಟನೀ ಮಹಾಮಾಯಾ, ಬ್ರಹ್ಮಚರಿಯವಿಕೋಪನಾ;

ಸೀದನ್ತಿ ನಂ ವಿದಿತ್ವಾನ, ಆರಕಾ ಪರಿವಜ್ಜಯೇ.

ಅನಲಾ ಮುದುಸಮ್ಭಾಸಾ, ದುಪ್ಪೂರಾ ತಾ ನದೀಸಮಾ;

ಸೀದನ್ತಿ ನಂ ವಿದಿತ್ವಾನ, ಆರಕಾ ಪರಿವಜ್ಜಯೇ.

ಯಂ ಏತಾ ಉಪಸೇವನ್ತಿ, ಛನ್ದಸಾ ವಾ ಧನೇನ ವಾ;

ಜಾತವೇದೋವ ಸಂ ಠಾನಂ, ಖಿಪ್ಪಂ ಅನುದಹನ್ತಿ ನಂ.

ಖತ್ತಿಯಸ್ಸ ವಚೋ ಸುತ್ವಾ, ಇಸಿಸ್ಸ ನಿಬ್ಬಿದಾ ಅಹು;

ಲದ್ಧಾ ಪೋರಾಣಕಂ ಮಗ್ಗಂ, ಗಚ್ಛತೇ ಸೋ ವಿಹಾಯಸಂ.

ಖತ್ತಿಯೋ ಚ ಇಸಿಂ ದಿಸ್ವಾ, ಗಚ್ಛಮಾನಂ ವಿಹಾಯಸಂ;

ಸಂವೇಗಂ ಅಲಭೀ ಧೀರೋ, ಪಬ್ಬಜ್ಜಂ ಸಮರೋಚಯಿ.

ತತೋ ಸೋ ಪಬ್ಬಜಿತ್ವಾನ, ಕಾಮರಾಗಂ ವಿರಾಜಯಿ;

ಕಾಮರಾಗಂ ¶ ವಿರಾಜೇತ್ವಾ, ಬ್ರಹ್ಮಲೋಕೂಪಗೋ ಅಹೂತಿ.

ಪಞ್ಚ ¶ ಪಣ್ಡಿತಾ ಸಮಾಗತಾತ್ಥ, ಪಞ್ಹಾ ಮೇ ಪಟಿಭಾತಿ ತಂ ಸುಣಾಥ;

ನಿನ್ದಿಯಮತ್ಥಂ ಪಸಂಸಿಯಂ ವಾ, ಕಸ್ಸೇವಾವಿಕರೇಯ್ಯ [ಕಸ್ಸ ವಾವೀಕರೇಯ್ಯ (ಕ.)] ಗುಯ್ಹಮತ್ಥಂ.

ತ್ವಂ ¶ ಆವಿಕರೋಹಿ ಭೂಮಿಪಾಲ, ಭತ್ತಾ ಭಾರಸಹೋ ತುವಂ ವದೇ ತಂ;

ತವ ಛನ್ದರುಚೀನಿ [ಛನ್ದಞ್ಚ ರುಚಿಞ್ಚ (ಸೀ. ಪೀ.)] ಸಮ್ಮಸಿತ್ವಾ, ಅಥ ವಕ್ಖನ್ತಿ ಜನಿನ್ದ ಪಞ್ಚ ಧೀರಾ.

ಯಾ ಸೀಲವತೀ ಅನಞ್ಞಥೇಯ್ಯಾ [ಅನಞ್ಞಧೇಯ್ಯಾ (ಸೀ. ಪೀ.)], ಭತ್ತುಚ್ಛನ್ದವಸಾನುಗಾ (ಪಿಯಾ) [( ) ನತ್ಥಿ ಸೀ. ಪೀ. ಪೋತ್ಥಕೇಸು] ಮನಾಪಾ;

ನಿನ್ದಿಯಮತ್ಥಂ ಪಸಂಸಿಯಂ ವಾ, ಭರಿಯಾಯಾವಿಕರೇಯ್ಯ [ಭರಿಯಾಯ ವಾವೀಕರೇಯ್ಯ (ಕ.)] ಗುಯ್ಹಮತ್ಥಂ.

ಯೋ ಕಿಚ್ಛಗತಸ್ಸ ಆತುರಸ್ಸ, ಸರಣಂ ಹೋತಿ ಗತೀ ಪರಾಯನಞ್ಚ;

ನಿನ್ದಿಯಮತ್ಥಂ ಪಸಂಸಿಯಂ ವಾ, ಸಖಿನೋ ವಾವಿಕರೇಯ್ಯ ಗುಯ್ಹಮತ್ಥಂ.

ಜೇಟ್ಠೋ ¶ [ಯೋ ಜೇಟ್ಠೋ (ಸ್ಯಾ.)] ಅಥ ಮಜ್ಝಿಮೋ ಕನಿಟ್ಠೋ, ಯೋ [ಸೋ (ಸೀ. ಸ್ಯಾ. ಪೀ.)] ಚೇ ಸೀಲಸಮಾಹಿತೋ ಠಿತತ್ತೋ;

ನಿನ್ದಿಯಮತ್ಥಂ ಪಸಂಸಿಯಂ ವಾ, ಭಾತು ವಾವೀಕರೇಯ್ಯ ಗುಯ್ಹಮತ್ಥಂ.

ಯೋ ವೇ ಪಿತುಹದಯಸ್ಸ ಪದ್ಧಗೂ [ಪತ್ಥಗೂ (ಸ್ಯಾ.), ಪತ್ತಗೂ (ಕ.)], ಅನುಜಾತೋ ಪಿತರಂ ಅನೋಮಪಞ್ಞೋ;

ನಿನ್ದಿಯಮತ್ಥಂ ಪಸಂಸಿಯಂ ವಾ, ಪುತ್ತಸ್ಸಾವಿಕರೇಯ್ಯ [ಪುತ್ತಸ್ಸ ವಾವೀಕರೇಯ್ಯ (ಕ.)] ಗುಯ್ಹಮತ್ಥಂ.

ಮಾತಾ ¶ ದ್ವಿಪದಾಜನಿನ್ದಸೇಟ್ಠ, ಯಾ ನಂ [ಯೋ ತಂ (ಸೀ. ಪೀ.)] ಪೋಸೇತಿ ಛನ್ದಸಾ ಪಿಯೇನ;

ನಿನ್ದಿಯಮತ್ಥಂ ಪಸಂಸಿಯಂ ವಾ, ಮಾತುಯಾವೀಕರೇಯ್ಯ [ಮಾತುಯಾ ವಾವೀಕರೇಯ್ಯ (ಕ.)] ಗುಯ್ಹಮತ್ಥಂ.

ಗುಯ್ಹಸ್ಸ ಹಿ ಗುಯ್ಹಮೇವ ಸಾಧು, ನ ಹಿ ಗುಯ್ಹಸ್ಸ ಪಸತ್ಥಮಾವಿಕಮ್ಮಂ;

ಅನಿಪ್ಫನ್ನತಾ [ಅನಿಪ್ಫಾದಾಯ (ಸೀ. ಪೀ.), ಅನಿಪ್ಫನ್ನತಾಯ (ಸ್ಯಾ.), ಆ ನಿಪ್ಫಾದಾ (?)] ಸಹೇಯ್ಯ ಧೀರೋ, ನಿಪ್ಫನ್ನೋವ [ನಿಪ್ಫನ್ನತ್ಥೋ (ಸೀ. ಪೀ.), ನಿಪ್ಫನ್ನತ್ಥೋವ (ಸ್ಯಾ.)] ಯಥಾಸುಖಂ ಭಣೇಯ್ಯ.

ಕಿಂ ತ್ವಂ ವಿಮನೋಸಿ ರಾಜಸೇಟ್ಠ, ದ್ವಿಪದಜನಿನ್ದ [ದಿಪದಿನ್ದ (ಸೀ. ಸ್ಯಾ. ಪೀ.)] ವಚನಂ ಸುಣೋಮ ಮೇತಂ [ನೇತಂ (ಸೀ. ಪೀ.), ತೇತಂ (ಸ್ಯಾ.)];

ಕಿಂ ಚಿನ್ತಯಮಾನೋ ದುಮ್ಮನೋಸಿ, ನೂನ ದೇವ ಅಪರಾಧೋ ಅತ್ಥಿ ಮಯ್ಹಂ.

‘‘ಪಣ್ಹೇ ¶ [ಪಞ್ಞೋ (ಸೀ. ಪೀ.), ಪಞ್ಹೇ (ಸ್ಯಾ.), ಪನ್ಹೇ (ಕ.)] ವಜ್ಝೋ ಮಹೋಸಧೋ’’ತಿ, ಆಣತ್ತೋ ಮೇ ವಧಾಯ ಭೂರಿಪಞ್ಞೋ;

ತಂ ಚಿನ್ತಯಮಾನೋ ದುಮ್ಮನೋಸ್ಮಿ, ನ ಹಿ ದೇವೀ ಅಪರಾಧೋ ಅತ್ಥಿ ತುಯ್ಹಂ.

ಅಭಿದೋಸಗತೋ ದಾನಿ ಏಹಿಸಿ, ಕಿಂ ಸುತ್ವಾ ಕಿಂ ಸಙ್ಕತೇ ಮನೋ ತೇ;

ಕೋ ತೇ ಕಿಮವೋಚ ಭೂರಿಪಞ್ಞ, ಇಙ್ಘ ವಚನಂ ಸುಣೋಮ ಬ್ರೂಹಿ ಮೇತಂ.

‘‘ಪಣ್ಹೇ ವಜ್ಝೋ ಮಹೋಸಧೋ’’ತಿ, ಯದಿ ತೇ ಮನ್ತಯಿತಂ ಜನಿನ್ದ ದೋಸಂ;

ಭರಿಯಾಯ ರಹೋಗತೋ ಅಸಂಸಿ, ಗುಯ್ಹಂ ಪಾತುಕತಂ ಸುತಂ ಮಮೇತಂ.

ಯಂ ¶ ಸಾಲವನಸ್ಮಿಂ ಸೇನಕೋ, ಪಾಪಕಮ್ಮಂ ಅಕಾಸಿ ಅಸಬ್ಭಿರೂಪಂ;

ಸಖಿನೋವ ರಹೋಗತೋ ಅಸಂಸಿ, ಗುಯ್ಹಂ ಪಾತುಕತಂ ಸುತಂ ಮಮೇತಂ.

ಪುಕ್ಕುಸ [ಪಕ್ಕುಸ (ಕ.) ಜಾ. ೧.೭.೪೧ ಪಣ್ಣಜಾತಕೇ ಪಸ್ಸಿತಬ್ಬಂ] ಪುರಿಸಸ್ಸ ತೇ ಜನಿನ್ದ, ಉಪ್ಪನ್ನೋ ರೋಗೋ ಅರಾಜಯುತ್ತೋ;

ಭಾತುಞ್ಚ [ಭಾತುಚ್ಚ (ಸೀ. ಪೀ.), ಭಾತುವ (ಸ್ಯಾ.)] ರಹೋಗತೋ ಅಸಂಸಿ, ಗುಯ್ಹಂ ಪಾತುಕತಂ ಸುತಂ ಮಮೇತಂ.

ಆಬಾಧೋಯಂ ¶ ಅಸಬ್ಭಿರೂಪೋ, ಕಾಮಿನ್ದೋ [ಕಾವಿನ್ದೋ (ಸೀ. ಪೀ.)] ನರದೇವೇನ ಫುಟ್ಠೋ;

ಪುತ್ತಸ್ಸ ರಹೋಗತೋ ಅಸಂಸಿ, ಗುಯ್ಹಂ ಪಾತುಕತಂ ಸುತಂ ಮಮೇತಂ.

ಅಟ್ಠವಙ್ಕಂ ¶ ಮಣಿರತನಂ ಉಳಾರಂ, ಸಕ್ಕೋ ತೇ ಅದದಾ ಪಿತಾಮಹಸ್ಸ;

ದೇವಿನ್ದಸ್ಸ ಗತಂ ತದಜ್ಜ ಹತ್ಥಂ [ದೇವಿನ್ದಸ್ಸ ತದಜ್ಜ ಹತ್ಥಗತಂ (ಕ.)], ಮಾತುಞ್ಚ ರಹೋಗತೋ ಅಸಂಸಿ;

ಗುಯ್ಹಸ್ಸ ಹಿ ಗುಯ್ಹಮೇವ ಸಾಧು, ನ ಹಿ ಗುಯ್ಹಸ್ಸ ಪಸತ್ಥಮಾವಿಕಮ್ಮಂ;

ಅನಿಪ್ಫನ್ನತಾ ಸಹೇಯ್ಯ ಧೀರೋ, ನಿಪ್ಫನ್ನೋವ ಯಥಾಸುಖಂ ಭಣೇಯ್ಯ.

ನ ಗುಯ್ಹಮತ್ಥಂ ವಿವರೇಯ್ಯ, ರಕ್ಖೇಯ್ಯ ನಂ ಯಥಾ ನಿಧಿಂ;

ನ ಹಿ ಪಾತುಕತೋ ಸಾಧು, ಗುಯ್ಹೋ ಅತ್ಥೋ ಪಜಾನತಾ.

ಥಿಯಾ ಗುಯ್ಹಂ ನ ಸಂಸೇಯ್ಯ, ಅಮಿತ್ತಸ್ಸ ಚ ಪಣ್ಡಿತೋ;

ಯೋ ಚಾಮಿಸೇನ ಸಂಹೀರೋ, ಹದಯತ್ಥೇನೋ ಚ ಯೋ ನರೋ.

ಗುಯ್ಹಮತ್ಥಂ ಅಸಮ್ಬುದ್ಧಂ, ಸಮ್ಬೋಧಯತಿ ಯೋ ನರೋ;

ಮನ್ತಭೇದಭಯಾ ತಸ್ಸ, ದಾಸಭೂತೋ ತಿತಿಕ್ಖತಿ.

ಯಾವನ್ತೋ ¶ ಪುರಿಸಸ್ಸತ್ಥಂ, ಗುಯ್ಹಂ ಜಾನನ್ತಿ ಮನ್ತಿನಂ;

ತಾವನ್ತೋ ¶ ತಸ್ಸ ಉಬ್ಬೇಗಾ, ತಸ್ಮಾ ಗುಯ್ಹಂ ನ ವಿಸ್ಸಜೇ.

ವಿವಿಚ್ಚ ಭಾಸೇಯ್ಯ ದಿವಾ ರಹಸ್ಸಂ, ರತ್ತಿಂ ಗಿರಂ ನಾತಿವೇಲಂ ಪಮುಞ್ಚೇ;

ಉಪಸ್ಸುತಿಕಾ ಹಿ ಸುಣನ್ತಿ ಮನ್ತಂ, ತಸ್ಮಾ ಮನ್ತೋ ಖಿಪ್ಪಮುಪೇತಿ ಭೇದನ್ತಿ.

ಚಿರಸ್ಸಂ ವತ ಪಸ್ಸಾಮ, ಬ್ರಾಹ್ಮಣಂ ದೇವವಣ್ಣಿನಂ;

ಮಹಾಜಟಂ ಖಾರಿಧರಂ [ಭಾರಧರಂ (ಪೀ.)], ಪಙ್ಕದನ್ತಂ ರಜಸ್ಸಿರಂ.

ಚಿರಸ್ಸಂ ವತ ಪಸ್ಸಾಮ, ಇಸಿಂ ಧಮ್ಮಗುಣೇ ರತಂ;

ಕಾಸಾಯವತ್ಥವಸನಂ, ವಾಕಚೀರಂ ಪಟಿಚ್ಛದಂ.

ಆಸನಂ ಉದಕಂ ಪಜ್ಜಂ, ಪಟಿಗಣ್ಹಾತು ನೋ ಭವಂ;

ಅಗ್ಘೇ ಭವನ್ತಂ ಪುಚ್ಛಾಮ, ಅಗ್ಘಂ ಕುರುತು ನೋ ಭವಂ.

ಅಧಿಚ್ಚ ವೇದೇ ಪರಿಯೇಸ ವಿತ್ತಂ, ಪುತ್ತೇ ಗಹೇ [ಗೇಹೇ (ಸೀ. ಸ್ಯಾ. ಪೀ.)] ತಾತ ಪತಿಟ್ಠಪೇತ್ವಾ;

ಗನ್ಧೇ ರಸೇ ಪಚ್ಚನುಭುಯ್ಯ [ಪಚ್ಚನುಭೋತ್ವ (ಸ್ಯಾ.), ಪಚ್ಚನುಭುತ್ವ (ಪೀ.)] ಸಬ್ಬಂ, ಅರಞ್ಞಂ ಸಾಧು ಮುನಿ ಸೋ ಪಸತ್ಥೋ.

ವೇದಾ ನ ಸಚ್ಚಾ ನ ಚ ವಿತ್ತಲಾಭೋ, ನ ಪುತ್ತಲಾಭೇನ ಜರಂ ವಿಹನ್ತಿ;

ಗನ್ಧೇ ¶ ರಸೇ ಮುಚ್ಚನ [ಮುಞ್ಚನ (ಸೀ. ಕ.)] ಮಾಹು ಸನ್ತೋ, ಸಕಮ್ಮುನಾ [ಸಕಮ್ಮನಾ (ಸೀ. ಪೀ.)] ಹೋತಿ ಫಲೂಪಪತ್ತಿ.

ಅದ್ಧಾ ಹಿ ಸಚ್ಚಂ ವಚನಂ ತವೇತಂ, ಸಕಮ್ಮುನಾ ಹೋತಿ ಫಲೂಪಪತ್ತಿ;

ಜಿಣ್ಣಾ ಚ ಮಾತಾಪಿತರೋ ತವೀಮೇ [ತವೇಮೇ (ಸೀ.), ತವ ಯಿಮೇ (ಸ್ಯಾ. ಪೀ.)], ಪಸ್ಸೇಯ್ಯುಂ ತಂ ವಸ್ಸಸತಂ ಅರೋಗಂ [ಅರೋಗ್ಯಂ (ಸ್ಯಾ. ಕ.)].

ಯಸ್ಸಸ್ಸ ¶ ¶ ಸಕ್ಖೀ ಮರಣೇನ ರಾಜ, ಜರಾಯ ಮೇತ್ತೀ ನರವೀರಸೇಟ್ಠ;

ಯೋ ಚಾಪಿ ಜಞ್ಞಾ ನ ಮರಿಸ್ಸಂ ಕದಾಚಿ, ಪಸ್ಸೇಯ್ಯುಂ ತಂ ವಸ್ಸಸತಂ ಅರೋಗಂ.

ಯಥಾಪಿ ನಾವಂ ಪುರಿಸೋ ದಕಮ್ಹಿ, ಏರೇತಿ ಚೇ ನಂ ಉಪನೇತಿ ತೀರಂ;

ಏವಮ್ಪಿ ಬ್ಯಾಧೀ ಸತತಂ ಜರಾ ಚ, ಉಪನೇತಿ ಮಚ್ಚಂ [ಮಚ್ಚು (ಸ್ಯಾ. ಪೀ.)] ವಸಮನ್ತಕಸ್ಸ.

ಪಙ್ಕೋ ಚ ಕಾಮಾ ಪಲಿಪೋ ಚ ಕಾಮಾ, ಮನೋಹರಾ ದುತ್ತರಾ ಮಚ್ಚುಧೇಯ್ಯಾ;

ಏತಸ್ಮಿಂ ಪಙ್ಕೇ ಪಲಿಪೇ ಬ್ಯಸನ್ನಾ [ವಿಸನ್ನಾ (ಸ್ಯಾ. ಕ.)], ಹೀನತ್ತರೂಪಾ ನ ತರನ್ತಿ ಪಾರಂ.

ಅಯಂ ಪುರೇ ಲುದ್ದಮಕಾಸಿ ಕಮ್ಮಂ, ಸ್ವಾಯಂ ಗಹೀತೋ ನ ಹಿ ಮೋಕ್ಖಿತೋ ಮೇ;

ಓರುನ್ಧಿಯಾ ¶ ನಂ ಪರಿರಕ್ಖಿಸ್ಸಾಮಿ, ಮಾಯಂ ಪುನ ಲುದ್ದಮಕಾಸಿ ಕಮ್ಮಂ.

ಗವಂವ [ಗಾವಂವ (ಸೀ.)] ನಟ್ಠಂ ಪುರಿಸೋ ಯಥಾ ವನೇ, ಅನ್ವೇಸತೀ [ಪರಿಯೇಸತೀ (ಸೀ. ಪೀ.)] ರಾಜ ಅಪಸ್ಸಮಾನೋ;

ಏವಂ ನಟ್ಠೋ ಏಸುಕಾರೀ ಮಮತ್ಥೋ, ಸೋಹಂ ಕಥಂ ನ ಗವೇಸೇಯ್ಯಂ ರಾಜ.

ಹಿಯ್ಯೋತಿ ಹಿಯ್ಯತಿ [ಹೀಯೋತಿ ಹೀಯತಿ (ಸೀ.)] ಪೋಸೋ, ಪರೇತಿ ಪರಿಹಾಯತಿ;

ಅನಾಗತಂ ನೇತಮತ್ಥೀತಿ ಞತ್ವಾ, ಉಪ್ಪನ್ನಛನ್ದಂ ಕೋ ಪನುದೇಯ್ಯ ಧೀರೋ.

ಪಸ್ಸಾಮಿ ವೋಹಂ ದಹರಂ [ದಹರೀ (ಸ್ಯಾ. ಪೀ. ಕ.)] ಕುಮಾರಿಂ, ಮತ್ತೂಪಮಂ ಕೇತಕಪುಪ್ಫನೇತ್ತಂ;

ಅಭುತ್ತಭೋಗೇ [ಅಭುತ್ವ ಭೋಗೇ (ಸ್ಯಾ. ಕ. ಅಟ್ಠ.), ಅಭುತ್ವ ಭೋಗೇ (ಪೀ.), ಭೋಗೇ ಅತುತ್ವಾ (ಕ.)] ಪಠಮೇ ವಯಸ್ಮಿಂ, ಆದಾಯ ಮಚ್ಚು ವಜತೇ ಕುಮಾರಿಂ.

ಯುವಾ ¶ ಸುಜಾತೋ ಸುಮುಖೋ ಸುದಸ್ಸನೋ, ಸಾಮೋ ಕುಸುಮ್ಭಪರಿಕಿಣ್ಣಮಸ್ಸು;

ಹಿತ್ವಾನ ಕಾಮೇ ಪಟಿಕಚ್ಚ [ಪಟಿಗಚ್ಚ (ಸೀ.), ಪಟಿಗಚ್ಛ (ಸ್ಯಾ. ಪೀ.)] ಗೇಹಂ, ಅನುಜಾನ ಮಂ ಪಬ್ಬಜಿಸ್ಸಾಮಿ ದೇವ.

ಸಾಖಾಹಿ ರುಕ್ಖೋ ಲಭತೇ ಸಮಞ್ಞಂ, ಪಹೀನಸಾಖಂ ಪನ ಖಾಣುಮಾಹು;

ಪಹೀನಪುತ್ತಸ್ಸ ಮಮಜ್ಜ ಭೋತಿ, ವಾಸೇಟ್ಠಿ ¶ ಭಿಕ್ಖಾಚರಿಯಾಯ ಕಾಲೋ.

ಅಘಸ್ಮಿ ಕೋಞ್ಚಾವ ಯಥಾ ಹಿಮಚ್ಚಯೇ, ಕತಾನಿ [ತನ್ತಾನಿ (ಸೀ. ಪೀ.)] ಜಾಲಾನಿ ಪದಾಲಿಯ [ಪದಾಲೇಯ್ಯ (ಸೀ.)] ಹಂಸಾ;

ಗಚ್ಛನ್ತಿ ಪುತ್ತಾ ಚ ಪತೀ ಚ ಮಯ್ಹಂ, ಸಾಹಂ ಕಥಂ ನಾನುವಜೇ ಪಜಾನಂ.

ಏತೇ ಭುತ್ವಾ ವಮಿತ್ವಾ ಚ, ಪಕ್ಕಮನ್ತಿ ವಿಹಙ್ಗಮಾ;

ಯೇ ಚ ಭುತ್ವಾನ ವಮಿಂಸು, ತೇ ಮೇ ಹತ್ಥತ್ತ [ಹತ್ಥತ್ಥ (ಸೀ. ಸ್ಯಾ. ಪೀ.)] ಮಾಗತಾ.

ಅವಮೀ ಬ್ರಾಹ್ಮಣೋ ಕಾಮೇ, ಸೋ [ತೇ (ಸೀ. ಪೀ.)] ತ್ವಂ ಪಚ್ಚಾವಮಿಸ್ಸಸಿ;

ವನ್ತಾದೋ ಪುರಿಸೋ ರಾಜ, ನ ಸೋ ಹೋತಿ ಪಸಂಸಿಯೋ.

ಪಙ್ಕೇ ಚ [ಪಙ್ಕೇವ (ಸೀ. ಪೀ.)] ಪೋಸಂ ಪಲಿಪೇ ಬ್ಯಸನ್ನಂ, ಬಲೀ ಯಥಾ ದುಬ್ಬಲಮುದ್ಧರೇಯ್ಯ;

ಏವಮ್ಪಿ ಮಂ ತ್ವಂ ಉದತಾರಿ ಭೋತಿ, ಪಞ್ಚಾಲಿ ಗಾಥಾಹಿ ಸುಭಾಸಿತಾಹಿ.

ಇದಂ ವತ್ವಾ ಮಹಾರಾಜಾ, ಏಸುಕಾರೀ ದಿಸಮ್ಪತಿ;

ರಟ್ಠಂ ಹಿತ್ವಾನ ಪಬ್ಬಜಿ, ನಾಗೋ ಛೇತ್ವಾವ ಬನ್ಧನಂ.

ರಾಜಾ ¶ ಚ ಪಬ್ಬಜ್ಜಮರೋಚಯಿತ್ಥ, ರಟ್ಠಂ ಪಹಾಯ ನರವೀರಸೇಟ್ಠೋ;

ತುವಮ್ಪಿ ನೋ ಹೋತಿ ಯಥೇವ ರಾಜಾ, ಅಮ್ಹೇಹಿ ಗುತ್ತಾ ಅನುಸಾಸ ರಜ್ಜಂ.

ರಾಜಾ ¶ ಚ ಪಬ್ಬಜ್ಜಮರೋಚಯಿತ್ಥ, ರಟ್ಠಂ ¶ ಪಹಾಯ ನರವೀರಸೇಟ್ಠೋ;

ಅಹಮ್ಪಿ ಏಕಾ [ಏಕಾವ (ಸೀ.)] ಚರಿಸ್ಸಾಮಿ ಲೋಕೇ, ಹಿತ್ವಾನ ಕಾಮಾನಿ ಮನೋರಮಾನಿ.

ರಾಜಾ ಚ ಪಬ್ಬಜ್ಜಮರೋಚಯಿತ್ಥ, ರಟ್ಠಂ ಪಹಾಯ ನರವೀರಸೇಟ್ಠೋ;

ಅಹಮ್ಪಿ ಏಕಾ ಚರಿಸ್ಸಾಮಿ ಲೋಕೇ, ಹಿತ್ವಾನ ಕಾಮಾನಿ ಯಥೋಧಿಕಾನಿ.

ಅಚ್ಚೇನ್ತಿ ಕಾಲಾ ತರಯನ್ತಿ ರತ್ತಿಯೋ, ವಯೋಗುಣಾ ಅನುಪುಬ್ಬಂ ಜಹನ್ತಿ;

ಅಹಮ್ಪಿ ಏಕಾ ಚರಿಸ್ಸಾಮಿ ಲೋಕೇ, ಹಿತ್ವಾನ ಕಾಮಾನಿ ಮನೋರಮಾನಿ.

ಅಚ್ಚೇನ್ತಿ ಕಾಲಾ ತರಯನ್ತಿ ರತ್ತಿಯೋ, ವಯೋಗುಣಾ ಅನುಪುಬ್ಬಂ ಜಹನ್ತಿ;

ಅಹಮ್ಪಿ ಏಕಾ ಚರಿಸ್ಸಾಮಿ ಲೋಕೇ, ಹಿತ್ವಾನ ಕಾಮಾನಿ ಯಥೋಧಿಕಾನಿ.

ಅಚ್ಚೇನ್ತಿ ಕಾಲಾ ತರಯನ್ತಿ ರತ್ತಿಯೋ, ವಯೋಗುಣಾ ಅನುಪುಬ್ಬಂ ಜಹನ್ತಿ;

ಅಹಮ್ಪಿ ಏಕಾ ಚರಿಸ್ಸಾಮಿ ಲೋಕೇ, ಸೀತಿಭೂತಾ [ಸೀತೀಭೂತಾ (ಸೀ.)] ಸಬ್ಬಮತಿಚ್ಚ ಸಙ್ಗನ್ತಿ.

ಯಮೇಕರತ್ತಿಂ ¶ ಪಠಮಂ, ಗಬ್ಭೇ ವಸತಿ ಮಾಣವೋ;

ಅಬ್ಭುಟ್ಠಿತೋವ ಸೋ ಯಾತಿ [ಸಯತಿ (ಸೀ. ಪೀ.), ಸ ಯಾತಿ (ಕತ್ಥಚಿ)], ಸಗಚ್ಛಂ ನ ನಿವತ್ತತಿ.

ನ ¶ ಯುಜ್ಝಮಾನಾ ನ ಬಲೇನವಸ್ಸಿತಾ, ನರಾ ನ ಜೀರನ್ತಿ ನ ಚಾಪಿ ಮಿಯ್ಯರೇ;

ಸಬ್ಬಂ ಹಿದಂ [ಹಿ ತಂ (ಸೀ. ಪೀ.)] ಜಾತಿಜರಾಯುಪದ್ದುತಂ, ತಂ ಮೇ ಮತೀ ಹೋತಿ ಚರಾಮಿ ಧಮ್ಮಂ.

ಚತುರಙ್ಗಿನಿಂ ಸೇನಂ ಸುಭಿಂಸರೂಪಂ, ಜಯನ್ತಿ ರಟ್ಠಾಧಿಪತೀ ಪಸಯ್ಹ;

ನ ಮಚ್ಚುನೋ ಜಯಿತುಮುಸ್ಸಹನ್ತಿ, ತಂ ಮೇ ಮತೀ ಹೋತಿ ಚರಾಮಿ ಧಮ್ಮಂ.

ಹತ್ಥೀಹಿ ಅಸ್ಸೇಹಿ ರಥೇಹಿ ಪತ್ತಿಭಿ, ಪರಿವಾರಿತಾ ಮುಚ್ಚರೇ ಏಕಚ್ಚೇಯ್ಯಾ [ಏಕಚೇಯ್ಯಾ (ಸೀ. ಪೀ.)];

ನ ಮಚ್ಚುನೋ [ನ ಮಚ್ಚುತೋ (ಸೀ.)] ಮುಚ್ಚಿತುಮುಸ್ಸಹನ್ತಿ, ತಂ ಮೇ ಮತೀ ಹೋತಿ ಚರಾಮಿ ಧಮ್ಮಂ.

ಹತ್ಥೀಹಿ ಅಸ್ಸೇಹಿ ರಥೇಹಿ ಪತ್ತಿಭಿ, ಸೂರಾ [ಪುರಾ (ಕ.)] ಪಭಞ್ಜನ್ತಿ ಪಧಂಸಯನ್ತಿ;

ನ ಮಚ್ಚುನೋ ಭಞ್ಜಿತುಮುಸ್ಸಹನ್ತಿ, ತಂ ಮೇ ಮತೀ ಹೋತಿ ಚರಾಮಿ ಧಮ್ಮಂ.

ಮತ್ತಾ ಗಜಾ ಭಿನ್ನಗಳಾ [ಪಭಿನ್ನಗಲಾ (ಸೀ.)] ಪಭಿನ್ನಾ, ನಗರಾನಿ ¶ ಮದ್ದನ್ತಿ ಜನಂ ಹನನ್ತಿ;

ನ ಮಚ್ಚುನೋ ಮದ್ದಿತುಮುಸ್ಸಹನ್ತಿ, ತಂ ಮೇ ಮತೀ ಹೋತಿ ಚರಾಮಿ ಧಮ್ಮಂ.

ಇಸ್ಸಾಸಿನೋ ಕತಹತ್ಥಾಪಿ ವೀರಾ [ವೀರಾ (ಸೀ. ಪೀ.)], ದೂರೇಪಾತೀ [ಪತೀ (ಕ.)] ಅಕ್ಖಣವೇಧಿನೋಪಿ;

ನ ಮಚ್ಚುನೋ ವಿಜ್ಝಿತುಮುಸ್ಸಹನ್ತಿ, ತಂ ಮೇ ಮತೀ ಹೋತಿ ಚರಾಮಿ ಧಮ್ಮಂ.

ಸರಾನಿ ¶ ಖೀಯನ್ತಿ ಸಸೇಲಕಾನನಾ, ಸಬ್ಬಂ ಹಿದಂ [ಹಿ ತಂ (ಸೀ. ಪೀ.), ಪಿತಂ (ಸ್ಯಾ.)] ಖೀಯತಿ ದೀಘಮನ್ತರಂ;

ಸಬ್ಬಂ ಹಿದಂ [ಹಿ ತಂ (ಸೀ. ಪೀ.), ಪಿತಂ (ಸ್ಯಾ.)] ಭಞ್ಜರೇ ಕಾಲಪರಿಯಾಯಂ, ತಂ ಮೇ ಮತೀ ಹೋತಿ ಚರಾಮಿ ಧಮ್ಮಂ.

ಸಬ್ಬೇ ¶ ಸಮೇವಂ ಹಿ ನರಾನನಾರಿನಂ [ನರಾನರೀನಂ (ಪೀ.), ನಾರೀ ನರಾನಂ (ಸ್ಯಾ.), ನರನಾರೀನಂ (ಕ.)], ಚಲಾಚಲಂ ಪಾಣಭುನೋಧ ಜೀವಿತಂ;

ಪಟೋವ ಧುತ್ತಸ್ಸ ದುಮೋವ ಕೂಲಜೋ, ತಂ ಮೇ ಮತೀ ಹೋತಿ ಚರಾಮಿ ಧಮ್ಮಂ.

ದುಮಪ್ಫಲಾನೇವ ಪತನ್ತಿ ಮಾಣವಾ, ದಹರಾ ಚ ವುದ್ಧಾ ಚ ಸರೀರಭೇದಾ;

ನಾರಿಯೋ ನರಾ ಮಜ್ಝಿಮಪೋರಿಸಾ ಚ, ತಂ ಮೇ ಮತೀ ಹೋತಿ ಚರಾಮಿ ಧಮ್ಮಂ.

ನಾಯಂ ವಯೋ ತಾರಕರಾಜಸನ್ನಿಭೋ, ಯದಬ್ಭತೀತಂ ¶ ಗತಮೇವ ದಾನಿ ತಂ;

ಜಿಣ್ಣಸ್ಸ ಹೀ ನತ್ಥಿ ರತೀ ಕುತೋ ಸುಖಂ, ತಂ ಮೇ ಮತೀ ಹೋತಿ ಚರಾಮಿ ಧಮ್ಮಂ.

ಯಕ್ಖಾ ಪಿಸಾಚಾ ಅಥವಾಪಿ ಪೇತಾ, ಕುಪಿತಾತೇ [ಕುಪಿತಾಪಿ ತೇ (ಸೀ. ಪೀ.)] ಅಸ್ಸಸನ್ತಿ ಮನುಸ್ಸೇ;

ನ ಮಚ್ಚುನೋ ಅಸ್ಸಸಿತುಸ್ಸಹನ್ತಿ, ತಂ ಮೇ ಮತೀ ಹೋತಿ ಚರಾಮಿ ಧಮ್ಮಂ.

ಯಕ್ಖೇ ಪಿಸಾಚೇ ಅಥವಾಪಿ ಪೇತೇ, ಕುಪಿತೇಪಿ ತೇ ನಿಜ್ಝಪನಂ ಕರೋನ್ತಿ;

ನ ಮಚ್ಚುನೋ ನಿಜ್ಝಪನಂ ಕರೋನ್ತಿ, ತಂ ಮೇ ಮತೀ ಹೋತಿ ಚರಾಮಿ ಧಮ್ಮಂ.

ಅಪರಾಧಕೇ ದೂಸಕೇ ಹೇಠಕೇ ಚ, ರಾಜಾನೋ ದಣ್ಡೇನ್ತಿ ವಿದಿತ್ವಾನ ದೋಸಂ;

ನ ಮಚ್ಚುನೋ ದಣ್ಡಯಿತುಸ್ಸಹನ್ತಿ, ತಂ ಮೇ ಮತೀ ಹೋತಿ ಚರಾಮಿ ಧಮ್ಮಂ.

ಅಪರಾಧಕಾ ದೂಸಕಾ ಹೇಟ್ಠಕಾ ಚ, ಲಭನ್ತಿ ತೇ ರಾಜಿನೋ ನಿಜ್ಝಪೇತುಂ;

ನ ಮಚ್ಚುನೋ ನಿಜ್ಝಪನಂ ಕರೋನ್ತಿ, ತಂ ಮೇ ಮತೀ ಹೋತಿ ಚರಾಮಿ ಧಮ್ಮಂ.

ನ ¶ ಖತ್ತಿಯೋತಿ ನ ಚ ಬ್ರಾಹ್ಮಣೋತಿ, ನ ¶ ಅಡ್ಢಕಾ ಬಲವಾ ತೇಜವಾಪಿ;

ನ ಮಚ್ಚುರಾಜಸ್ಸ ಅಪೇಕ್ಖಮತ್ಥಿ, ತಂ ಮೇ ಮತೀ ಹೋತಿ ಚರಾಮಿ ಧಮ್ಮಂ.

ಸೀಹಾ ಚ ಬ್ಯಗ್ಘಾ ಚ ಅಥೋಪಿ ದೀಪಿಯೋ, ಪಸಯ್ಹ ಖಾದನ್ತಿ ವಿಪ್ಫನ್ದಮಾನಂ;

ನ ಮಚ್ಚುನೋ ಖಾದಿತುಮುಸ್ಸಹನ್ತಿ, ತಂ ಮೇ ಮತೀ ಹೋತಿ ಚರಾಮಿ ಧಮ್ಮಂ.

ಮಾಯಾಕಾರಾ ರಙ್ಗಮಜ್ಝೇ ಕರೋನ್ತಾ, ಮೋಹೇನ್ತಿ ಚಕ್ಖೂನಿ ಜನಸ್ಸ ತಾವದೇ;

ನ ಮಚ್ಚುನೋ ಮೋಹಯಿತುಸ್ಸಹನ್ತಿ, ತಂ ಮೇ ಮತೀ ಹೋತಿ ಚರಾಮಿ ಧಮ್ಮಂ.

ಆಸೀವಿಸಾ ಕುಪಿತಾ ಉಗ್ಗತೇಜಾ, ಡಂಸನ್ತಿ ಮಾರೇನ್ತಿಪಿ ತೇ ಮನುಸ್ಸೇ;

ನ ಮಚ್ಚುನೋ ಡಂಸಿತುಮುಸ್ಸಹನ್ತಿ, ತಂ ಮೇ ಮತೀ ಹೋತಿ ಚರಾಮಿ ಧಮ್ಮಂ.

ಆಸೀವಿಸಾ ಕುಪಿತಾ ಯಂ ಡಂಸನ್ತಿ, ತಿಕಿಚ್ಛಕಾ ತೇಸ ವಿಸಂ ಹನನ್ತಿ;

ನ ಮಚ್ಚುನೋ ದಟ್ಠವಿಸಂ [ದಟ್ಠಸ್ಸ ವಿಸಂ (ಕ.)] ಹನನ್ತಿ, ತಂ ಮೇ ಮತೀ ಹೋತಿ ಚರಾಮಿ ಧಮ್ಮಂ.

ಧಮ್ಮನ್ತರೀ ವೇತ್ತರಣೀ [ವೇತರಣೀ (ಸೀ. ಪೀ.)] ಚ ಭೋಜೋ, ವಿಸಾನಿ ¶ ಹನ್ತ್ವಾನ ಭುಜಙ್ಗಮಾನಂ;

ಸುಯ್ಯನ್ತಿ ತೇ ಕಾಲಕತಾ ತಥೇವ, ತಂ ಮೇ ಮತೀ ಹೋತಿ ಚರಾಮಿ ಧಮ್ಮಂ.

ವಿಜ್ಜಾಧರಾ ¶ ಘೋರಮಧೀಯಮಾನಾ, ಅದಸ್ಸನಂ ಓಸಧೇಹಿ ವಜನ್ತಿ;

ನ ಮಚ್ಚುರಾಜಸ್ಸ ವಜನ್ತದಸ್ಸನಂ [ವಜನ್ತಿ ಅದಸ್ಸನಂ (ಸ್ಯಾ. ಕ.)], ತಂ ಮೇ ಮತೀ ಹೋತಿ ಚರಾಮಿ ಧಮ್ಮಂ.

ಧಮ್ಮೋ ¶ ಹವೇ ರಕ್ಖತಿ ಧಮ್ಮಚಾರಿಂ, ಧಮ್ಮೋ ಸುಚಿಣ್ಣೋ ಸುಖಮಾವಹಾತಿ;

ಏಸಾನಿಸಂಸೋ ಧಮ್ಮೇ ಸುಚಿಣ್ಣೇ, ನ ದುಗ್ಗತಿಂ ಗಚ್ಛತಿ ಧಮ್ಮಚಾರೀ.

ನ ಹಿ ಧಮ್ಮೋ ಅಧಮ್ಮೋ ಚ, ಉಭೋ ಸಮವಿಪಾಕಿನೋ;

ಅಧಮ್ಮೋ ನಿರಯಂ ನೇತಿ, ಧಮ್ಮೋ ಪಾಪೇತಿ ಸುಗ್ಗತಿನ್ತಿ.

ಮಾತಙ್ಗ ಸಮ್ಭೂತ ಸಿವಿ ಸಿರಿಮನ್ತೋ, ರೋಹಣ ಹಂಸ ಸತ್ತಿಗುಮ್ಬೋ ಭಲ್ಲಾತಿಯ;

ಸೋಮನಸ್ಸ ಚಮ್ಪೇಯ್ಯ ಬ್ರಹ್ಮ ಪಞ್ಚ-ಪಣ್ಡಿತ ಚಿರಸ್ಸಂವತ ಅಯೋಘರಾತಿ.

ಕಿಂಛನ್ದೋ ¶ ¶ ¶ ಕಿಮಧಿಪ್ಪಾಯೋ, ಏಕೋ ಸಮ್ಮಸಿ ಘಮ್ಮನಿ;

ಕಿಂ ಪತ್ಥಯಾನೋ ಕಿಂ ಏಸಂ, ಕೇನ ಅತ್ಥೇನ ಬ್ರಾಹ್ಮಣ.

ಯಥಾ ಮಹಾ ವಾರಿಧರೋ, ಕುಮ್ಭೋ ಸುಪರಿಣಾಹವಾ [ಸುಪರಿಣಾಮವಾ (ಕ.)];

ತಥೂಪಮಂ ಅಮ್ಬಪಕ್ಕಂ, ವಣ್ಣಗನ್ಧರಸುತ್ತಮಂ.

ತಂ ವುಯ್ಹಮಾನಂ ಸೋತೇನ, ದಿಸ್ವಾನಾಮಲಮಜ್ಝಿಮೇ;

ಪಾಣೀಹಿ ನಂ ಗಹೇತ್ವಾನ, ಅಗ್ಯಾಯತನಮಾಹರಿಂ.

ತತೋ ಕದಲಿಪತ್ತೇಸು, ನಿಕ್ಖಿಪಿತ್ವಾ ಸಯಂ ಅಹಂ;

ಸತ್ಥೇನ ನಂ ವಿಕಪ್ಪೇತ್ವಾ, ಖುಪ್ಪಿಪಾಸಂ ಅಹಾಸಿ ಮೇ.

ಸೋಹಂ ಅಪೇತದರಥೋ, ಬ್ಯನ್ತೀಭೂತೋ [ಬ್ಯನ್ತಿಭೂತೋ (ಸೀ. ಪೀ. ಕ.)] ದುಖಕ್ಖಮೋ;

ಅಸ್ಸಾದಂ ನಾಧಿಗಚ್ಛಾಮಿ, ಫಲೇಸ್ವಞ್ಞೇಸು ಕೇಸುಚಿ [ಕೇಸುಪಿ (ಕ. ಸೀ.)].

ಸೋಸೇತ್ವಾ ನೂನ ಮರಣಂ, ತಂ ಮಮಂ ಆವಹಿಸ್ಸತಿ;

ಅಮ್ಬಂ ಯಸ್ಸ ಫಲಂ ಸಾದು, ಮಧುರಗ್ಗಂ ಮನೋರಮಂ;

ಯಮುದ್ಧರಿಂ ವುಯ್ಹಮಾನಂ, ಉದಧಿಸ್ಮಾ ಮಹಣ್ಣವೇ.

ಅಕ್ಖಾತಂ ತೇ ಮಯಾ ಸಬ್ಬಂ, ಯಸ್ಮಾ ಉಪವಸಾಮಹಂ;

ರಮ್ಮಂ ಪತಿ ನಿಸಿನ್ನೋಸ್ಮಿ, ಪುಥುಲೋಮಾಯುತಾ ಪುಥು.

ತ್ವಞ್ಚ ಖೋ ಮೇವ [ಮೇ (ಸೀ.), ಮಮ (?)] ಅಕ್ಖಾಹಿ, ಅತ್ತಾನಮಪಲಾಯಿನಿ;

ಕಾ ವಾ ತ್ವಮಸಿ ಕಲ್ಯಾಣಿ, ಕಿಸ್ಸ ವಾ ತ್ವಂ ಸುಮಜ್ಝಿಮೇ.

ರುಪ್ಪಪಟ್ಟಪಲಿಮಟ್ಠೀವ ¶ [ರುಪ್ಪಪಟ್ಟಪ್ಲಮಟ್ಠೀವ (ಸ್ಯಾ.), ರೂಪಪಟ್ಟಪಮಟ್ಠೀವ (ಕ.)], ಬ್ಯಗ್ಘೀವ ಗಿರಿಸಾನುಜಾ;

ಯಾ ಸನ್ತಿ ನಾರಿಯೋ ದೇವೇಸು, ದೇವಾನಂ ಪರಿಚಾರಿಕಾ.

ಯಾ ಚ ಮನುಸ್ಸಲೋಕಸ್ಮಿಂ, ರೂಪೇನಾನ್ವಾಗತಿತ್ಥಿಯೋ;

ರೂಪೇನ ತೇ ಸದಿಸೀ ನತ್ಥಿ, ದೇವೇಸು ಗನ್ಧಬ್ಬಮನುಸ್ಸಲೋಕೇ [ದೇವಗನ್ಧಬ್ಬಮಾನುಸೇ (ಸ್ಯಾ.)];

ಪುಟ್ಠಾಸಿ ಮೇ ಚಾರುಪುಬ್ಬಙ್ಗಿ, ಬ್ರೂಹಿ ನಾಮಞ್ಚ ಬನ್ಧವೇ.

ಯಂ ¶ ¶ ತ್ವಂ ಪತಿ ನಿಸಿನ್ನೋಸಿ, ರಮ್ಮಂ ಬ್ರಾಹ್ಮಣ ಕೋಸಿಕಿಂ;

ಸಾಹಂ ಭುಸಾಲಯಾ ವುತ್ಥಾ, ವರವಾರಿವಹೋಘಸಾ.

ನಾನಾದುಮಗಣಾಕಿಣ್ಣಾ, ಬಹುಕಾ ಗಿರಿಕನ್ದರಾ;

ಮಮೇವ ಪಮುಖಾ ಹೋನ್ತಿ, ಅಭಿಸನ್ದನ್ತಿ ಪಾವುಸೇ.

ಅಥೋ ಬಹೂ ವನತೋದಾ, ನೀಲವಾರಿವಹಿನ್ಧರಾ;

ಬಹುಕಾ ನಾಗವಿತ್ತೋದಾ, ಅಭಿಸನ್ದನ್ತಿ ವಾರಿನಾ.

ತಾ ಅಮ್ಬಜಮ್ಬುಲಬುಜಾ, ನೀಪಾ ತಾಲಾ ಚುದುಮ್ಬರಾ [ತಾಲಮುದುಮ್ಬರಾ (ಸ್ಯಾ. ಕ.)];

ಬಹೂನಿ ಫಲಜಾತಾನಿ, ಆವಹನ್ತಿ ಅಭಿಣ್ಹಸೋ.

ಯಂ ಕಿಞ್ಚಿ ಉಭತೋ ತೀರೇ, ಫಲಂ ಪತತಿ ಅಮ್ಬುನಿ;

ಅಸಂಸಯಂ ತಂ ಸೋತಸ್ಸ, ಫಲಂ ಹೋತಿ ವಸಾನುಗಂ.

ಏತದಞ್ಞಾಯ ಮೇಧಾವಿ, ಪುಥುಪಞ್ಞ ಸುಣೋಹಿ ಮೇ;

ಮಾ ರೋಚಯ ಮಭಿಸಙ್ಗಂ, ಪಟಿಸೇಧ ಜನಾಧಿಪ.

ನ ವಾಹಂ ವಡ್ಢವಂ [ವದ್ಧವಂ (ಸೀ. ಪೀ.)] ಮಞ್ಞೇ, ಯಂ ತ್ವಂ ರಟ್ಠಾಭಿವಡ್ಢನ;

ಆಚೇಯ್ಯಮಾನೋ ರಾಜಿಸಿ, ಮರಣಂ ಅಭಿಕಙ್ಖಸಿ.

ತಸ್ಸ ಜಾನನ್ತಿ ಪಿತರೋ, ಗನ್ಧಬ್ಬಾ ಚ ಸದೇವಕಾ;

ಯೇ ¶ ಚಾಪಿ ಇಸಯೋ ಲೋಕೇ, ಸಞ್ಞತತ್ತಾ ತಪಸ್ಸಿನೋ;

ಅಸಂಸಯಂ ತೇಪಿ [ತೇ (ಸೀ. ಪೀ.)] ಜಾನನ್ತಿ, ಪಟ್ಠಭೂತಾ [ವದ್ಧಭೂತಾ (ಸೀ. ಪೀ.)] ಯಸಸ್ಸಿನೋ.

ಏವಂ ವಿದಿತ್ವಾ ವಿದೂ ಸಬ್ಬಧಮ್ಮಂ, ವಿದ್ಧಂಸನಂ ಚವನಂ ಜೀವಿತಸ್ಸ;

ನ ಚೀಯತೀ ತಸ್ಸ ನರಸ್ಸ ಪಾಪಂ, ಸಚೇ ನ ಚೇತೇತಿ ವಧಾಯ ತಸ್ಸ.

ಇಸಿಪೂಗಸಮಞ್ಞಾತೇ, ಏವಂ ಲೋಕ್ಯಾ ವಿದಿತಾ ಸತಿ [ಪತಿ (ಕ. ಸ್ಯಾ. ಕ.)];

ಅನರಿಯಪರಿಸಮ್ಭಾಸೇ, ಪಾಪಕಮ್ಮಂ ಜಿಗೀಸಸಿ [ಜಿಗಿಂಸಸಿ (ಸೀ. ಸ್ಯಾ. ಪೀ.)].

ಸಚೇ ಅಹಂ ಮರಿಸ್ಸಾಮಿ, ತೀರೇ ತೇ ಪುಥುಸುಸ್ಸೋಣಿ;

ಅಸಂಸಯಂ ತಂ ಅಸಿಲೋಕೋ, ಮಯಿ ಪೇತೇ ಆಗಮಿಸ್ಸತಿ.

ತಸ್ಮಾ ¶ ಹಿ ಪಾಪಕಂ ಕಮ್ಮಂ, ರಕ್ಖಸ್ಸೇವ [ರಕ್ಖಸ್ಸು ಚ (ಸ್ಯಾ.)] ಸುಮಜ್ಝಿಮೇ;

ಮಾ ತಂ ಸಬ್ಬೋ ಜನೋ ಪಚ್ಛಾ, ಪಕುಟ್ಠಾಯಿ [ಪಕತ್ಥಾಸಿ (ಸೀ. ಪೀ.), ಪತ್ವಕ್ಖಾಸಿ (ಸ್ಯಾ.)] ಮಯಿ ಮತೇ.

ಅಞ್ಞಾತಮೇತಂ ಅವಿಸಯ್ಹಸಾಹಿ, ಅತ್ತಾನಮಮ್ಬಞ್ಚ ದದಾಮಿ ತೇ ತಂ;

ಸೋ ದುಚ್ಚಜೇ ಕಾಮಗುಣೇ ಪಹಾಯ, ಸನ್ತಿಞ್ಚ ಧಮ್ಮಞ್ಚ ಅಧಿಟ್ಠಿತೋಸಿ.

ಯೋ ಹಿತ್ವಾ ಪುಬ್ಬಸಞ್ಞೋಗಂ, ಪಚ್ಛಾ ಸಂಯೋಜನೇ ಠಿತೋ;

ಅಧಮ್ಮಞ್ಚೇವ ಚರತಿ, ಪಾಪಞ್ಚಸ್ಸ ಪವಡ್ಢತಿ.

ಏಹಿ ¶ ತಂ ಪಾಪಯಿಸ್ಸಾಮಿ, ಕಾಮಂ ಅಪ್ಪೋಸ್ಸುಕೋ ಭವ;

ಉಪಾನಯಾಮಿ ಸೀತಸ್ಮಿಂ, ವಿಹರಾಹಿ ಅನುಸ್ಸುಕೋ.

ತಂ ¶ ಪುಪ್ಫರಸಮತ್ತೇಭಿ, ವಕ್ಕಙ್ಗೇಹಿ ಅರಿನ್ದಮ;

ಕೋಞ್ಚಾ ಮಯೂರಾ ದಿವಿಯಾ, ಕೋಲಟ್ಠಿಮಧುಸಾಳಿಕಾ;

ಕೂಜಿತಾ ಹಂಸಪೂಗೇಹಿ, ಕೋಕಿಲೇತ್ಥ ಪಬೋಧರೇ.

ಅಮ್ಬೇತ್ಥ ವಿಪ್ಪಸಾಖಗ್ಗಾ [ವಿಪ್ಪಸೂನಗ್ಗಾ (ಸೀ. ಸ್ಯಾ. ಪೀ.), ವಿಪ್ಪಓನಗ್ಗಾ (ಕ.)], ಪಲಾಲಖಲಸನ್ನಿಭಾ;

ಕೋಸಮ್ಬಸಳಲಾ [ಕೋಸುಮ್ಭಸಲಲಾ (ಸೀ. ಸ್ಯಾ. ಪೀ.)] ನೀಪಾ, ಪಕ್ಕತಾಲವಿಲಮ್ಬಿನೋ.

ಮಾಲೀ ತಿರಿಟೀ ಕಾಯೂರೀ, ಅಙ್ಗದೀ ಚನ್ದನುಸ್ಸದೋ [ಚನ್ದನಸ್ಸದೋ (ಸೀ.)];

ರತ್ತಿಂ ತ್ವಂ ಪರಿಚಾರೇಸಿ, ದಿವಾ ವೇದೇಸಿ ವೇದನಂ.

ಸೋಳಸಿತ್ಥಿಸಹಸ್ಸಾನಿ, ಯಾ ತೇಮಾ ಪರಿಚಾರಿಕಾ;

ಏವಂ ಮಹಾನುಭಾವೋಸಿ, ಅಬ್ಭುತೋ ಲೋಮಹಂಸನೋ.

ಕಿಂ ಕಮ್ಮಮಕರೀ ಪುಬ್ಬೇ, ಪಾಪಂ ಅತ್ತದುಖಾವಹಂ;

ಯಂ ಕರಿತ್ವಾ ಮನುಸ್ಸೇಸು, ಪಿಟ್ಠಿಮಂಸಾನಿ ಖಾದಸಿ.

ಅಜ್ಝೇನಾನಿ ಪಟಿಗ್ಗಯ್ಹ, ಕಾಮೇಸು ಗಧಿತೋ [ಗಥಿತೋ (ಸೀ. ಪೀ.), ಗಿದ್ಧಿತೋ (ಸ್ಯಾ. ಕ.), ಗಿದ್ಧಿಕೋ (ಕ. ಅಟ್ಠ.)] ಅಹಂ;

ಅಚರಿಂ ದೀಘಮದ್ಧಾನಂ, ಪರೇಸಂ ಅಹಿತಾಯಹಂ.

ಯೋ ಪಿಟ್ಠಿಮಂಸಿಕೋ ಹೋತಿ, ಏವಂ ಉಕ್ಕಚ್ಚ ಖಾದತಿ;

ಯಥಾಹಂ ಅಜ್ಜ ಖಾದಾಮಿ, ಪಿಟ್ಠಿಮಂಸಾನಿ ಅತ್ತನೋತಿ.

ಕೋ ¶ ಪಾತುರಾಸೀ ತಿದಿವಾ ನಭಮ್ಹಿ, ಓಭಾಸಯಂ ಸಂವರಿಂ ಚನ್ದಿಮಾವ;

ಗತ್ತೇಹಿ ¶ ತೇ ರಸ್ಮಿಯೋ ನಿಚ್ಛರನ್ತಿ, ಸತೇರತಾ [ಸತೇರಿತಾ (ಸೀ. ಸ್ಯಾ. ಕ.)] ವಿಜ್ಜುರಿವನ್ತಲಿಕ್ಖೇ.

ಸೋ ಛಿನ್ನವಾತಂ ಕಮಸೀ ಅಘಮ್ಹಿ, ವೇಹಾಯಸಂ ಗಚ್ಛಸಿ ತಿಟ್ಠಸೀ ಚ;

ಇದ್ಧೀ ನು ತೇ ವತ್ಥುಕತಾ ಸುಭಾವಿತಾ, ಅನದ್ಧಗೂನಂ ಅಪಿ ದೇವತಾನಂ.

ವೇಹಾಯಸಂ ಗಮ್ಮಮಾಗಮ್ಮ [ಕಮಮಾಗಮ್ಮ (ಸೀ. ಸ್ಯಾ.)] ತಿಟ್ಠಸಿ, ಕುಮ್ಭಂ ಕಿಣಾಥಾತಿ ಯಮೇತಮತ್ಥಂ;

ಕೋ ವಾ ತುವಂ ಕಿಸ್ಸ ವಾ ತಾಯ ಕುಮ್ಭೋ, ಅಕ್ಖಾಹಿ ಮೇ ಬ್ರಾಹ್ಮಣ ಏತಮತ್ಥಂ.

ನ ಸಪ್ಪಿಕುಮ್ಭೋ ನಪಿ ತೇಲಕುಮ್ಭೋ, ನ ಫಾಣಿತಸ್ಸ ನ ಮಧುಸ್ಸ ಕುಮ್ಭೋ;

ಕುಮ್ಭಸ್ಸ ವಜ್ಜಾನಿ ಅನಪ್ಪಕಾನಿ, ದೋಸೇ ಬಹೂ ಕುಮ್ಭಗತೇ ಸುಣಾಥ.

ಗಳೇಯ್ಯ ¶ ಯಂ ಪಿತ್ವಾ [ಪೀತ್ವಾ (ಸೀ. ಪೀ.)] ಪತೇ ಪಪಾತಂ, ಸೋಬ್ಭಂ ಗುಹಂ ಚನ್ದನಿಯೋಳಿಗಲ್ಲಂ;

ಬಹುಮ್ಪಿ ಭುಞ್ಜೇಯ್ಯ ಅಭೋಜನೇಯ್ಯಂ, ತಸ್ಸಾ ಪುಣ್ಣಂ ಕುಮ್ಭಮಿಮಂ ಕಿಣಾಥ.

ಯಂ ಪಿತ್ವಾ [ಯಂ ವೇ ಪೀತ್ವಾ (ಸೀ.)] ಚಿತ್ತಸ್ಮಿಮನೇಸಮಾನೋ, ಆಹಿಣ್ಡತೀ ಗೋರಿವ ಭಕ್ಖಸಾರೀ [ಭಕ್ಖಸಾದೀ (ಸೀ. ಸ್ಯಾ. ಅಟ್ಠ.)];

ಅನಾಥಮಾನೋ ¶ ಉಪಗಾಯತಿ ನಚ್ಚತಿ ಚ, ತಸ್ಸಾ ಪುಣ್ಣಂ ಕುಮ್ಭಮಿಮಂ ಕಿಣಾಥ.

ಯಂ ¶ ವೇ ಪಿವಿತ್ವಾ ಅಚೇಲೋವ ನಗ್ಗೋ, ಚರೇಯ್ಯ ಗಾಮೇ ವಿಸಿಖನ್ತರಾನಿ;

ಸಮ್ಮೂಳ್ಹಚಿತ್ತೋ ಅತಿವೇಲಸಾಯೀ, ತಸ್ಸಾ ಪುಣ್ಣಂ ಕುಮ್ಭಮಿಮಂ ಕಿಣಾಥ.

ಯಂ ಪಿತ್ವಾ ಉಟ್ಠಾಯ ಪವೇಧಮಾನೋ, ಸೀಸಞ್ಚ ಬಾಹುಞ್ಚ [ಬಾಹಞ್ಚ (ಪೀ.)] ಪಚಾಲಯನ್ತೋ;

ಸೋ ನಚ್ಚತೀ ದಾರುಕಟಲ್ಲಕೋವ, ತಸ್ಸಾ ಪುಣ್ಣಂ ಕುಮ್ಭಮಿಮಂ ಕಿಣಾಥ.

ಯಂ ವೇ ಪಿವಿತ್ವಾ ಅಗ್ಗಿದಡ್ಢಾ ಸಯನ್ತಿ, ಅಥೋ ಸಿಗಾಲೇಹಿಪಿ ಖಾದಿತಾಸೇ;

ಬನ್ಧಂ ವಧಂ ಭೋಗಜಾನಿಞ್ಚುಪೇನ್ತಿ, ತಸ್ಸಾ ಪುಣ್ಣಂ ಕುಮ್ಭಮಿಮಂ ಕಿಣಾಥ.

ಯಂ ಪಿತ್ವಾ ಭಾಸೇಯ್ಯ ಆಭಾಸನೇಯ್ಯಂ, ಸಭಾಯಮಾಸೀನೋ ಅಪೇತವತ್ಥೋ;

ಸಮ್ಮಕ್ಖಿತೋ [ಸಮಕ್ಖಿತೋ (ಸೀ.)] ವನ್ತಗತೋ ಬ್ಯಸನ್ನೋ, ತಸ್ಸಾ ಪುಣ್ಣಂ ಕುಮ್ಭಮಿಮಂ ಕಿಣಾಥ.

ಯಂ ವೇ ಪಿವಿತ್ವಾ ಉಕ್ಕಟ್ಠೋ ಆವಿಲಕ್ಖೋ, ಮಮೇವ ಸಬ್ಬಾ ಪಥವೀತಿ ಮಞ್ಞೇ [ಮಞ್ಞತಿ (ಸೀ.)];

ನ ¶ ಮೇ ಸಮೋ ಚಾತುರನ್ತೋಪಿ ರಾಜಾ, ತಸ್ಸಾ ಪುಣ್ಣಂ ಕುಮ್ಭಮಿಮಂ ಕಿಣಾಥ.

ಮಾನಾತಿಮಾನಾ ಕಲಹಾನಿ ಪೇಸುಣೀ, ದುಬ್ಬಣ್ಣಿನೀ ನಗ್ಗಯಿನೀ ಪಲಾಯಿನೀ;

ಚೋರಾನ ಧುತ್ತಾನ ಗತೀ ನಿಕೇತೋ, ತಸ್ಸಾ ಪುಣ್ಣಂ ಕುಮ್ಭಮಿಮಂ ಕಿಣಾಥ.

ಇದ್ಧಾನಿ ಫೀತಾನಿ ಕುಲಾನಿ ಅಸ್ಸು, ಅನೇಕಸಾಹಸ್ಸಧನಾನಿ ಲೋಕೇ;

ಉಚ್ಛಿನ್ನದಾಯಜ್ಜಕತಾನಿಮಾಯ, ತಸ್ಸಾ ಪುಣ್ಣಂ ಕುಮ್ಭಮಿಮಂ ಕಿಣಾಥ.

ಧಞ್ಞಂ ¶ ಧನಂ ರಜತಂ ಜಾತರೂಪಂ, ಖೇತ್ತಂ ಗವಂ ಯತ್ಥ ವಿನಾಸಯನ್ತಿ;

ಉಚ್ಛೇದನೀ ವಿತ್ತವತಂ [ಉಚ್ಛೇದನೀ ವಿತ್ತಗತಂ (ಸ್ಯಾ.), ಉಚ್ಛೇದನಿವಿತ್ತಗತಂ (ಕ.)] ಕುಲಾನಂ, ತಸ್ಸಾ ಪುಣ್ಣಂ ಕುಮ್ಭಮಿಮಂ ಕಿಣಾಥ.

ಯಂ ವೇ ಪಿತ್ವಾ ದಿತ್ತರೂಪೋವ [ದುಟ್ಠರೂಪೋವ (ಸೀ.)] ಪೋಸೋ, ಅಕ್ಕೋಸತಿ ಮಾತರಂ ಪಿತರಞ್ಚ;

ಸಸ್ಸುಮ್ಪಿ ಗಣ್ಹೇಯ್ಯ ಅಥೋಪಿ ಸುಣ್ಹಂ, ತಸ್ಸಾ ಪುಣ್ಣಂ ಕುಮ್ಭಮಿಮಂ ಕಿಣಾಥ.

ಯಂ ವೇ ಪಿತ್ವಾ ದಿತ್ತರೂಪಾವ ನಾರೀ, ಅಕ್ಕೋಸತಿ ಸಸುರಂ ಸಾಮಿಕಞ್ಚ;

ದಾಸಮ್ಪಿ ¶ ಗಣ್ಹೇ ಪರಿಚಾರಕಮ್ಪಿ, ತಸ್ಸಾ ಪುಣ್ಣಂ ಕುಮ್ಭಮಿಮಂ ಕಿಣಾಥ.

ಯಂ ವೇ ಪಿವಿತ್ವಾನ [ಯಞ್ಚೇ ಪೀತ್ವಾನ (ಪೀ.)] ಹನೇಯ್ಯ ಪೋಸೋ, ಧಮ್ಮೇ ಠಿತಂ ಸಮಣಂ ಬ್ರಾಹ್ಮಣಂ ವಾ;

ಗಚ್ಛೇ ಅಪಾಯಮ್ಪಿ ತತೋನಿದಾನಂ, ತಸ್ಸಾ ಪುಣ್ಣಂ ಕುಮ್ಭಮಿಮಂ ಕಿಣಾಥ.

ಯಂ ವೇ ಪಿವಿತ್ವಾ ದುಚ್ಚರಿತಂ ಚರನ್ತಿ, ಕಾಯೇನ ವಾಚಾಯ ಚ ಚೇತಸಾ ಚ;

ನಿರಯಂ ವಜನ್ತಿ ದುಚ್ಚರಿತಂ ಚರಿತ್ವಾ, ತಸ್ಸಾ ಪುಣ್ಣಂ ಕುಮ್ಭಮಿಮಂ ಕಿಣಾಥ.

ಯಂ ¶ ಯಾಚಮಾನಾ ನ ಲಭನ್ತಿ ಪುಬ್ಬೇ, ಬಹುಂ ಹಿರಞ್ಞಮ್ಪಿ ಪರಿಚ್ಚಜನ್ತಾ;

ಸೋ ತಂ ಪಿವಿತ್ವಾ ಅಲಿಕಂ ಭಣಾತಿ, ತಸ್ಸಾ ಪುಣ್ಣಂ ಕುಮ್ಭಮಿಮಂ ಕಿಣಾಥ.

ಯಂ ವೇ ಪಿತ್ವಾ ಪೇಸನೇ ಪೇಸಿಯನ್ತೋ, ಅಚ್ಚಾಯಿಕೇ ಕರಣೀಯಮ್ಹಿ ಜಾತೇ;

ಅತ್ಥಮ್ಪಿ ಸೋ ನಪ್ಪಜಾನಾತಿ ವುತ್ತೋ, ತಸ್ಸಾ ಪುಣ್ಣಂ ಕುಮ್ಭಮಿಮಂ ಕಿಣಾಥ.

ಹಿರೀಮನಾಪಿ ¶ ಅಹಿರೀಕಭಾವಂ, ಪಾತುಂ ಕರೋನ್ತಿ ಮದನಾಯ [ಮದಿರಾಯ (ಪೀ.)] ಮತ್ತಾ;

ಧೀರಾಪಿ ¶ ಸನ್ತಾ ಬಹುಕಂ ಭಣನ್ತಿ, ತಸ್ಸಾ ಪುಣ್ಣಂ ಕುಮ್ಭಮಿಮಂ ಕಿಣಾಥ.

ಯಂ ವೇ ಪಿತ್ವಾ ಏಕಥೂಪಾ ಸಯನ್ತಿ, ಅನಾಸಕಾ ಥಣ್ಡಿಲದುಕ್ಖಸೇಯ್ಯಂ;

ದುಬ್ಬಣ್ಣಿಯಂ ಆಯಸಕ್ಯಞ್ಚುಪೇನ್ತಿ, ತಸ್ಸಾ ಪುಣ್ಣಂ ಕುಮ್ಭಮಿಮಂ ಕಿಣಾಥ.

ಯಂ ವೇ ಪಿತ್ವಾ ಪತ್ತಖನ್ಧಾ ಸಯನ್ತಿ, ಗಾವೋ ಕುಟಹತಾವ ನ ಹಿ ವಾರುಣಿಯಾ;

[ಯಂ ವೇ ಪಿತ್ವಾ ಪತ್ತಕ್ಖನ್ಧಾ, ಸಯನ್ತಿ ಗಾವೋ ಕೂಟಹತಾರಿವ; ನ ಹಿ ವಾರುಣಿಯಾ ವೇಗೋ, ನರೇನ ಸುಸ್ಸಹೋರಿವ; (ಸೀ.)] ವೇಗೋ ನರೇನ ಸುಸಹೋರಿವ [ಯಂ ವೇ ಪಿತ್ವಾ ಪತ್ತಕ್ಖನ್ಧಾ, ಸಯನ್ತಿ ಗಾವೋ ಕೂಟಹತಾರಿವ; ನ ಹಿ ವಾರುಣಿಯಾ ವೇಗೋ, ನರೇನ ಸುಸ್ಸಹೋರಿವ; (ಸೀ.)], ತಸ್ಸಾ ಪುಣ್ಣಂ ಕುಮ್ಭಮಿಮಂ ಕಿಣಾಥ.

ಯಂ ಮನುಸ್ಸಾ ವಿವಜ್ಜೇನ್ತಿ, ಸಪ್ಪಂ ಘೋರವಿಸಂ ಮಿವ [ವಿಸಮಿವ (ಸ್ಯಾ.), ವಿಸಂ ಇವ (ಕ.), ವಿಸಾಮಿವ (?)];

ತಂ ಲೋಕೇ ವಿಸಸಮಾನಂ, ಕೋ ನರೋ ಪಾತುಮರಹತಿ.

ಯಂ ವೇ ಪಿತ್ವಾ ಅನ್ಧಕವೇಣ್ಡಪುತ್ತಾ, ಸಮುದ್ದತೀರೇ ಪರಿಚಾರಯನ್ತಾ [ಅನ್ಧಕವೇಣ್ಹುಪುತ್ತಾ (ಸೀ. ಪೀ.), ಅಣ್ಡಕವೇಣ್ಡಪುತ್ತಾ (ಕ.)];

ಉಪಕ್ಕಮುಂ ಮುಸಲೇಹಞ್ಞಮಞ್ಞಂ, ತಸ್ಸಾ ಪುಣ್ಣಂ ಕುಮ್ಭಮಿಮಂ ಕಿಣಾಥ.

ಯಂ ವೇ ಪಿತ್ವಾ ಪುಬ್ಬದೇವಾ ಪಮತ್ತಾ, ತಿದಿವಾ ಚುತಾ ಸಸ್ಸತಿಯಾ ಸಮಾಯ;

ತಂ ¶ ತಾದಿಸಂ ಮಜ್ಜಮಿಮಂ ನಿರತ್ಥಕಂ, ಜಾನಂ ಮಹಾರಾಜ ಕಥಂ ಪಿವೇಯ್ಯ.

ನಯಿಮಸ್ಮಿಂ ಕುಮ್ಭಸ್ಮಿಂ ದಧಿ ವಾ ಮಧು ವಾ, ಏವಂ ಅಭಿಞ್ಞಾಯ ಕಿಣಾಹಿ ರಾಜ;

ಏವಞ್ಹಿಮಂ ಕುಮ್ಭಗತಾ ಮಯಾ ತೇ, ಅಕ್ಖಾತರೂಪಂ ತವ ಸಬ್ಬಮಿತ್ತ.

ನ ¶ ಮೇ ಪಿತಾ ವಾ ಅಥವಾಪಿ ಮಾತಾ, ಏತಾದಿಸಾ ಯಾದಿಸಕೋ ತುವಂಸಿ;

ಹಿತಾನುಕಮ್ಪೀ ಪರಮತ್ಥಕಾಮೋ, ಸೋಹಂ ಕರಿಸ್ಸಂ ವಚನಂ ತವಜ್ಜ.

ದದಾಮಿ ತೇ ಗಾಮವರಾನಿ ಪಞ್ಚ, ದಾಸೀಸತಂ ಸತ್ತ ಗವಂ ಸತಾನಿ;

ಆಜಞ್ಞಯುತ್ತೇ ಚ ರಥೇ ದಸ ಇಮೇ, ಆಚರಿಯೋ ಹೋಸಿ ಮಮತ್ಥಕಾಮೋ.

ತವೇವ ದಾಸೀಸತಮತ್ಥು ರಾಜ, ಗಾಮಾ ಚ ಗಾವೋ ಚ ತವೇವ ಹೋನ್ತು;

ಆಜಞ್ಞಯುತ್ತಾ ಚ ರಥಾ ತವೇವ, ಸಕ್ಕೋಹಮಸ್ಮೀ ತಿದಸಾನಮಿನ್ದೋ.

ಮಂಸೋದನಂ ಸಪ್ಪಿಪಾಯಾಸಂ [ಸಪ್ಪಿಪಾಯಞ್ಚ (ಸೀ.)] ಭುಞ್ಜ, ಖಾದಸ್ಸು ಚ ತ್ವಂ ಮಧುಮಾಸಪೂವೇ;

ಏವಂ ¶ ತುವಂ ಧಮ್ಮರತೋ ಜನಿನ್ದ, ಅನಿನ್ದಿತೋ ಸಗ್ಗಮುಪೇಹಿ ಠಾನನ್ತಿ.

ಚಿರಸ್ಸಂ ¶ ವತ ಮೇ ಉದಪಾದಿ ಅಜ್ಜ, ಭಕ್ಖೋ ಮಹಾ ಸತ್ತಮಿಭತ್ತಕಾಲೇ;

ಕುತೋಸಿ ಕೋ ವಾಸಿ ತದಿಙ್ಘ ಬ್ರೂಹಿ, ಆಚಿಕ್ಖ ಜಾತಿಂ ವಿದಿತೋ ಯಥಾಸಿ.

ಪಞ್ಚಾಲರಾಜಾ ಮಿಗವಂ ಪವಿಟ್ಠೋ, ಜಯದ್ದಿಸೋ ನಾಮ ಯದಿಸ್ಸುತೋ ತೇ;

ಚರಾಮಿ ಕಚ್ಛಾನಿ ವನಾನಿ ಚಾಹಂ, ಪಸದಂ ಇಮಂ ಖಾದ ಮಮಜ್ಜ ಮುಞ್ಚ.

ಸೇನೇವ ¶ ತ್ವಂ ಪಣಸಿ ಸಸ್ಸಮಾನೋ [ಸಯ್ಹಮಾನೋ (ಸ್ಯಾ. ಕ.)], ಮಮೇಸ ಭಕ್ಖೋ ಪಸದೋ ಯಂ ವದೇಸಿ;

ತಂ ಖಾದಿಯಾನ ಪಸದಂ ಜಿಘಞ್ಞಂ [ಜಿಘಚ್ಛಂ (?)], ಖಾದಿಸ್ಸಂ ಪಚ್ಛಾ ನ ವಿಲಾಪಕಾಲೋ.

ನ ಚತ್ಥಿ ಮೋಕ್ಖೋ ಮಮ ನಿಕ್ಕಯೇನ [ವಿಕ್ಕಯೇನ (ಸೀ.)], ಗನ್ತ್ವಾನ ಪಚ್ಚಾಗಮನಾಯ ಪಣ್ಹೇ;

ತಂ ¶ ಸಙ್ಕರಂ [ಸಙ್ಗರಂ (ಸೀ. ಸ್ಯಾ. ಪೀ.)] ಬ್ರಾಹ್ಮಣಸ್ಸಪ್ಪದಾಯ, ಸಚ್ಚಾನುರಕ್ಖೀ ಪುನರಾವಜಿಸ್ಸಂ.

ಕಿಂ ಕಮ್ಮಜಾತಂ ಅನುತಪ್ಪತೇ ತ್ವಂ [ಅನುತಪ್ಪತೀ ತಂ (ಸೀ. ಪೀ.)], ಪತ್ತಂ ಸಮೀಪಂ ಮರಣಸ್ಸ ರಾಜ;

ಆಚಿಕ್ಖ ಮೇ ತಂ ಅಪಿ ಸಕ್ಕುಣೇಮು, ಅನುಜಾನಿತುಂ ಆಗಮನಾಯ ಪಣ್ಹೇ.

ಕತಾ ಮಯಾ ಬ್ರಾಹ್ಮಣಸ್ಸ ಧನಾಸಾ, ತಂ ಸಙ್ಕರಂ ಪಟಿಮುಕ್ಕಂ ನ ಮುತ್ತಂ;

ತಂ ಸಙ್ಕರಂ ಬ್ರಾಹ್ಮಣಸ್ಸಪ್ಪದಾಯ, ಸಚ್ಚಾನುರಕ್ಖೀ ಪುನರಾವಜಿಸ್ಸಂ.

ಯಾ ತೇ ಕತಾ ಬ್ರಾಹ್ಮಣಸ್ಸ ಧನಾಸಾ, ತಂ ಸಙ್ಕರಂ ಪಟಿಮುಕ್ಕಂ ನ ಮುತ್ತಂ;

ತಂ ಸಙ್ಕರಂ ಬ್ರಾಹ್ಮಣಸ್ಸಪ್ಪದಾಯ, ಸಚ್ಚಾನುರಕ್ಖೀ ಪುನರಾವಜಸ್ಸು.

ಮುತ್ತೋ ಚ ಸೋ ಪೋರಿಸಾದಸ್ಸ [ಪುರಿಸಾದಸ್ಸ (ಪೀ.)] ಹತ್ಥಾ, ಗನ್ತ್ವಾ ಸಕಂ ಮನ್ದಿರಂ ಕಾಮಕಾಮೀ;

ತಂ ಸಙ್ಕರಂ ಬ್ರಾಹ್ಮಣಸ್ಸಪ್ಪದಾಯ, ಆಮನ್ತಯೀ ಪುತ್ತಮಲೀನಸತ್ತಂ [ಸತ್ತುಂ (ಸ್ಯಾ. ಪೀ. ಕ.)].

ಅಜ್ಜೇವ ¶ ರಜ್ಜಂ ಅಭಿಸಿಞ್ಚಯಸ್ಸು, ಧಮ್ಮಂ ಚರ ಸೇಸು ಪರೇಸು ಚಾಪಿ;

ಅಧಮ್ಮಕಾರೋ ¶ ಚ ತೇ ಮಾಹು ರಟ್ಠೇ, ಗಚ್ಛಾಮಹಂ ಪೋರಿಸಾದಸ್ಸ ಞತ್ತೇ [ಞನ್ತೇ (ಸ್ಯಾ.)].

ಕಿಂ ಕಮ್ಮ ಕುಬ್ಬಂ ತವ ದೇವ ಪಾವ [ದೇವಪಾದೇ (ಸೀ. ಸ್ಯಾ. ಪೀ.)], ನಾರಾಧಯೀ ತಂ ತದಿಚ್ಛಾಮಿ ಸೋತುಂ;

ಯಮಜ್ಜ ರಜ್ಜಮ್ಹಿ ಉದಸ್ಸಯೇ ತುವಂ, ರಜ್ಜಮ್ಪಿ ನಿಚ್ಛೇಯ್ಯಂ ತಯಾ ವಿನಾಹಂ.

ನ ಕಮ್ಮುನಾ ವಾ ವಚಸಾ ವ ತಾತ, ಅಪರಾಧಿತೋಹಂ ತುವಿಯಂ ಸರಾಮಿ;

ಸನ್ಧಿಞ್ಚ [ಸದ್ಧಿಂ ಚ (ಕ.)] ಕತ್ವಾ ಪುರಿಸಾದಕೇನ, ಸಚ್ಚಾನುರಕ್ಖೀ ಪುನಾಹಂ ಗಮಿಸ್ಸಂ.

ಅಹಂ ಗಮಿಸ್ಸಾಮಿ ಇಧೇವ ಹೋಹಿ, ನತ್ಥಿ ತತೋ ಜೀವತೋ ವಿಪ್ಪಮೋಕ್ಖೋ;

ಸಚೇ ತುವಂ ಗಚ್ಛಸಿಯೇವ ರಾಜ, ಅಹಮ್ಪಿ ಗಚ್ಛಾಮಿ ಉಭೋ ನ ಹೋಮ.

ಅದ್ಧಾ ಹಿ ತಾತ ಸತಾನೇಸ ಧಮ್ಮೋ, ಮರಣಾ ಚ ಮೇ ದುಕ್ಖತರಂ ತದಸ್ಸ;

ಕಮ್ಮಾಸಪಾದೋ ತಂ ಯದಾ ಪಚಿತ್ವಾ, ಪಸಯ್ಹ ಖಾದೇ ಭಿದಾ ರುಕ್ಖಸೂಲೇ.

ಪಾಣೇನ ತೇ ಪಾಣಮಹಂ ನಿಮಿಸ್ಸಂ, ಮಾ ತ್ವಂ ಅಗಾ ಪೋರಿಸಾದಸ್ಸ ಞತ್ತೇ;

ಏತಞ್ಚ ¶ ತೇ ಪಾಣಮಹಂ ನಿಮಿಸ್ಸಂ, ತಸ್ಮಾ ಮತಂ ಜೀವಿತಸ್ಸ ವಣ್ಣೇಮಿ [ವರೇಮಿ (ಸೀ.)].

ತತೋ ¶ ಹವೇ ಧಿತಿಮಾ ರಾಜಪುತ್ತೋ, ವನ್ದಿತ್ವಾ ಮಾತು ಚ ಪಿತು ಚ [ವನ್ದಿತ್ಥ ಮಾತುಚ್ಚ ಪಿತುಚ್ಚ (ಸೀ. ಪೀ.)] ಪಾದೇ;

ದುಖಿನಿಸ್ಸ ಮಾತಾ ನಿಪತಾ [ನಿಪತೀ (ಸೀ. ಪೀ.)] ಪಥಬ್ಯಾ, ಪಿತಾಸ್ಸ ಪಗ್ಗಯ್ಹ ಭುಜಾನಿ ಕನ್ದತಿ.

ತಂ ¶ ಗಚ್ಛನ್ತಂ ತಾವ ಪಿತಾ ವಿದಿತ್ವಾ, ಪರಮ್ಮುಖೋ ವನ್ದತಿ ಪಞ್ಜಲೀಕೋ;

ಸೋಮೋ ಚ ರಾಜಾ ವರುಣೋ ಚ ರಾಜಾ, ಪಜಾಪತೀ ಚನ್ದಿಮಾ ಸೂರಿಯೋ ಚ;

ಏತೇಹಿ ಗುತ್ತೋ ಪುರಿಸಾದಕಮ್ಹಾ, ಅನುಞ್ಞಾತೋ ಸೋತ್ಥಿ ಪಚ್ಚೇಹಿ ತಾತ.

ಯಂ ದಣ್ಡಕಿರಞ್ಞೋ ಗತಸ್ಸ [ಯಂ ದಣ್ಡಕಾರಞ್ಞಗತಸ್ಸ (ಪೀ.)] ಮಾತಾ, ರಾಮಸ್ಸಕಾಸಿ ಸೋತ್ಥಾನಂ ಸುಗುತ್ತಾ;

ತಂ ತೇ ಅಹಂ ಸೋತ್ಥಾನಂ ಕರೋಮಿ, ಏತೇನ ಸಚ್ಚೇನ ಸರನ್ತು ದೇವಾ;

ಅನುಞ್ಞಾತೋ ಸೋತ್ಥಿ ಪಚ್ಚೇಹಿ ಪುತ್ತ.

ಆವೀ ರಹೋ ವಾಪೀ ಮನೋಪದೋಸಂ, ನಾಹಂ ಸರೇ ಜಾತು ಮಲೀನಸತ್ತೇ;

ಏತೇನ ಸಚ್ಚೇನ ಸರನ್ತು ದೇವಾ, ಅನುಞ್ಞಾತೋ ಸೋತ್ಥಿ ಪಚ್ಚೇಹಿ ಭಾತಿಕ [ಭಾತ (ಸೀ.), ಭಾತಾ (ಸ್ಯಾ. ಪೀ.)].

ಯಸ್ಮಾ ಚ ಮೇ ಅನಧಿಮನೋಸಿ ಸಾಮಿ, ನ ಚಾಪಿ ಮೇ ಮನಸಾ ಅಪ್ಪಿಯೋಸಿ;

ಏತೇನ ಸಚ್ಚೇನ ಸರನ್ತು ದೇವಾ, ಅನುಞ್ಞಾತೋ ¶ ಸೋತ್ಥಿ ಪಚ್ಚೇಹಿ ಸಾಮಿ.

ಬ್ರಹಾ ಉಜೂ ಚಾರುಮುಖೋ ಕುತೋಸಿ, ನ ಮಂ ಪಜಾನಾಸಿ ವನೇ ವಸನ್ತಂ;

ಲುದ್ದಂ ಮಂ ಞತ್ವಾ ‘‘ಪುರಿಸಾದಕೋ’’ತಿ, ಕೋ ಸೋತ್ಥಿ ಮಾಜಾನಮಿಧಾ’ವಜೇಯ್ಯ.

ಜಾನಾಮಿ ಲುದ್ದ ಪುರಿಸಾದಕೋ ತ್ವಂ, ನ ತಂ ನ ಜಾನಾಮಿ ವನೇ ವಸನ್ತಂ;

ಅಹಞ್ಚ ಪುತ್ತೋಸ್ಮಿ ಜಯದ್ದಿಸಸ್ಸ, ಮಮಜ್ಜ ಖಾದ ಪಿತುನೋ ಪಮೋಕ್ಖಾ.

ಜಾನಾಮಿ ¶ ಪುತ್ತೋತಿ [ಪುತ್ತೋಸಿ (ಸ್ಯಾ. ಕ.)] ಜಯದ್ದಿಸಸ್ಸ, ತಥಾ ಹಿ ವೋ ಮುಖವಣ್ಣೋ ಉಭಿನ್ನಂ;

ಸುದುಕ್ಕರಞ್ಞೇವ [ಸುದುಕ್ಕರಞ್ಚೇವ (ಸ್ಯಾ. ಪೀ. ಕ.)] ಕತಂ ತವೇದಂ, ಯೋ ಮತ್ತುಮಿಚ್ಛೇ ಪಿತುನೋ ಪಮೋಕ್ಖಾ.

ನ ದುಕ್ಕರಂ ಕಿಞ್ಚಿ ಮಹೇತ್ಥ ಮಞ್ಞೇ, ಯೋ ಮತ್ತುಮಿಚ್ಛೇ ಪಿತುನೋ ಪಮೋಕ್ಖಾ;

ಮಾತು ಚ [ಮಾತುಚ್ಚ (ಸೀ.)] ಹೇತು ಪರಲೋಕ ಗನ್ತ್ವಾ [ಗಮ್ಯಾ (ಸೀ. ಸ್ಯಾ.), ಗಮ್ಯ (ಪೀ.)], ಸುಖೇನ ¶ ಸಗ್ಗೇನ ಚ ಸಮ್ಪಯುತ್ತೋ.

ಅಹಞ್ಚ ಖೋ ಅತ್ತನೋ ಪಾಪಕಿರಿಯಂ, ಆವೀ ರಹೋ ವಾಪಿ ಸರೇ ನ ಜಾತು;

ಸಙ್ಖಾತಜಾತೀಮರಣೋಹಮಸ್ಮಿ, ಯಥೇವ ಮೇ ಇಧ ತಥಾ ಪರತ್ಥ.

ಖಾದಜ್ಜ ಮಂ ದಾನಿ ಮಹಾನುಭಾವ, ಕರಸ್ಸು ಕಿಚ್ಚಾನಿ ಇಮಂ ಸರೀರಂ;

ರುಕ್ಖಸ್ಸ ವಾ ತೇ ಪಪತಾಮಿ ಅಗ್ಗಾ, ಛಾದಯಮಾನೋ ಮಯ್ಹಂ ತ್ವಮದೇಸಿ ಮಂಸಂ.

ಇದಞ್ಚ ತೇ ರುಚ್ಚತಿ ರಾಜಪುತ್ತ, ಚಜೇಸಿ [ಚಜಾಸಿ (ಸೀ. ಪೀ.)] ಪಾಣಂ ಪಿತುನೋ ಪಮೋಕ್ಖಾ;

ತಸ್ಮಾ ಹಿ ಸೋ [ತಸ್ಮಾತಿಹ (ಸೀ. ಸ್ಯಾ.)] ತ್ವಂ ತರಮಾನರೂಪೋ, ಸಮ್ಭಞ್ಜ ಕಟ್ಠಾನಿ ಜಲೇಹಿ ಅಗ್ಗಿಂ.

ತತೋ ಹವೇ ಧಿತಿಮಾ ರಾಜಪುತ್ತೋ, ದಾರುಂ ಸಮಾಹತ್ವಾ ಮಹನ್ತಮಗ್ಗಿಂ;

ಸನ್ದೀಪಯಿತ್ವಾ ಪಟಿವೇದಯಿತ್ಥ, ಆದೀಪಿತೋ ದಾನಿ ಮಹಾಯಮಗ್ಗಿ [ಮಯಾ ಯಕ್ಖಮಗ್ಗಿ (ಕ.)].

ಖಾದಜ್ಜ ¶ ¶ ಮಂ ದಾನಿ ಪಸಯ್ಹಕಾರೀ, ಕಿಂ ಮಂ ಮುಹುಂ ಪೇಕ್ಖಸಿ ಹಟ್ಠಲೋಮೋ;

ತಥಾ ತಥಾ ತುಯ್ಹಮಹಂ ಕರೋಮಿ, ಯಥಾ ¶ ಯಥಾ ಮಂ ಛಾದಯಮಾನೋ ಅದೇಸಿ.

ಕೋ ತಾದಿಸಂ ಅರಹತಿ ಖಾದಿತಾಯೇ, ಧಮ್ಮೇ ಠಿತಂ ಸಚ್ಚವಾದಿಂ ವದಞ್ಞುಂ;

ಮುದ್ಧಾಪಿ ತಸ್ಸ ವಿಫಲೇಯ್ಯ ಸತ್ತಧಾ, ಯೋ ತಾದಿಸಂ ಸಚ್ಚವಾದಿಂ ಅದೇಯ್ಯ.

ಇದಞ್ಹಿ ಸೋ ಬ್ರಾಹ್ಮಣಂ ಮಞ್ಞಮಾನೋ, ಸಸೋ ಅವಾಸೇಸಿ ಸಕೇ ಸರೀರೇ;

ತೇನೇವ ಸೋ ಚನ್ದಿಮಾ ದೇವಪುತ್ತೋ, ಸಸತ್ಥುತೋ [ಸಸಟ್ಠಕೋ (ಸ್ಯಾ.)] ಕಾಮದುಹಜ್ಜ [ಕಾಮರುಹಜ್ಜ (ಕ.)] ಯಕ್ಖ.

ಚನ್ದೋ ಯಥಾ ರಾಹುಮುಖಾ ಪಮುತ್ತೋ, ವಿರೋಚತೇ ಪನ್ನರಸೇವ ಭಾಣುಮಾ [ಭಾನುಮಾ (ಸೀ. ಪೀ.)];

ಏವಂ ತುವಂ ಪೋರಿಸಾದಾ ಪಮುತ್ತೋ, ವಿರೋಚ ಕಪಿಲೇ [ಕಮ್ಪಿಲ್ಲ (ಸೀ. ಪೀ.), ಕಪಿಲ್ಲೇ (ಸ್ಯಾ.)] ಮಹಾನುಭಾವ;

ಆಮೋದಯಂ ಪಿತರಂ ಮಾತರಞ್ಚ, ಸಬ್ಬೋ ಚ ತೇ ನನ್ದತು ಞಾತಿಪಕ್ಖೋ.

ತತೋ ಹವೇ ಧಿತಿಮಾ ರಾಜಪುತ್ತೋ, ಕತಞ್ಜಲೀ ಪರಿಯಾಯ [ಪರಿಯಗಾ (ಸೀ.), ಪಗ್ಗಯ್ಹ (ಸ್ಯಾ. ಪೀ.)] ಪೋರಿಸಾದಂ;

ಅನುಞ್ಞಾತೋ ಸೋತ್ಥಿ ಸುಖೀ ಅರೋಗೋ, ಪಚ್ಚಾಗಮಾ [ಪಚ್ಚಾಗ (ಪೀ.)] ಕಪಿಲಮಲೀನಸತ್ತಾ [ಕಮ್ಪಿಲ್ಲ’ಮಲೀನಸತ್ತೋ (ಸೀ. ಪೀ.), ಕಪಿಲ’ಮಲೀನಸತ್ತಾ (ಕ.)].

ತಂ ¶ ನೇಗಮಾ ಜಾನಪದಾ ಚ ಸಬ್ಬೇ, ಹತ್ಥಾರೋಹಾ ರಥಿಕಾ ಪತ್ತಿಕಾ ಚ;

ನಮಸ್ಸಮಾನಾ ಪಞ್ಜಲಿಕಾ ಉಪಾಗಮುಂ, ನಮತ್ಥು ತೇ ದುಕ್ಕರಕಾರಕೋಸೀತಿ.

ಜಯದ್ದಿಸಜಾತಕಂ [ಜಯದಿಸಜಾತಕಂ (ಕ.)] ತತಿಯಂ.

ಕಿಂ ¶ ನು ಸೋಚಸಿನುಚ್ಚಙ್ಗಿ, ಪಣ್ಡೂಸಿ ವರವಣ್ಣಿನಿ;

ಮಿಲಾಯಸಿ ವಿಸಾಲಕ್ಖಿ, ಮಾಲಾವ ಪರಿಮದ್ದಿತಾ.

ದೋಹಳೋ ಮೇ ಮಹಾರಾಜ, ಸುಪಿನನ್ತೇನುಪಜ್ಝಗಾ [ನು’ಪಚ್ಚಗಾ (ಸೀ. ಸ್ಯಾ. ಪೀ.)];

ನ ಸೋ ಸುಲಭರೂಪೋವ, ಯಾದಿಸೋ ಮಮ ದೋಹಳೋ.

ಯೇ ಕೇಚಿ ಮಾನುಸಾ ಕಾಮಾ, ಇಧ ಲೋಕಸ್ಮಿ ನನ್ದನೇ;

ಸಬ್ಬೇ ತೇ ಪಚುರಾ ಮಯ್ಹಂ, ಅಹಂ ತೇ ದಮ್ಮಿ ದೋಹಳಂ.

ಲುದ್ದಾ ದೇವ ಸಮಾಯನ್ತು, ಯೇ ಕೇಚಿ ವಿಜಿತೇ ತವ;

ಏತೇಸಂ ಅಹಮಕ್ಖಿಸ್ಸಂ, ಯಾದಿಸೋ ಮಮ ದೋಹಳೋ.

ಇಮೇ ತೇ ಲುದ್ದಕಾ ದೇವಿ, ಕತಹತ್ಥಾ ವಿಸಾರದಾ;

ವನಞ್ಞೂ ಚ ಮಿಗಞ್ಞೂ ಚ, ಮಮತ್ಥೇ [ಮಮ ತೇ (ಪೀ.)] ಚತ್ತಜೀವಿತಾ.

ಲುದ್ದಪುತ್ತಾ ನಿಸಾಮೇಥ, ಯಾವನ್ತೇತ್ಥ ಸಮಾಗತಾ;

ಛಬ್ಬಿಸಾಣಂ ಗಜಂ ಸೇತಂ, ಅದ್ದಸಂ ಸುಪಿನೇ ಅಹಂ;

ತಸ್ಸ ದನ್ತೇಹಿ ಮೇ ಅತ್ಥೋ, ಅಲಾಭೇ ನತ್ಥಿ ಜೀವಿತಂ.

ನ ¶ ¶ ನೋ ಪಿತೂನಂ ನ ಪಿತಾಮಹಾನಂ, ದಿಟ್ಠೋ ಸುತೋ ಕುಞ್ಜರೋ ಛಬ್ಬಿಸಾಣೋ;

ಯಮದ್ದಸಾ ಸುಪಿನೇ ರಾಜಪುತ್ತೀ, ಅಕ್ಖಾಹಿ ನೋ ಯಾದಿಸೋ ಹತ್ಥಿನಾಗೋ.

ದಿಸಾ ಚತಸ್ಸೋ ವಿದಿಸಾ ಚತಸ್ಸೋ, ಉದ್ಧಂ ಅಧೋ ದಸ ದಿಸಾ ಇಮಾಯೋ;

ಕತಮಂ ದಿಸಂ ತಿಟ್ಠತಿ ನಾಗರಾಜಾ, ಯಮದ್ದಸಾ ಸುಪಿನೇ ಛಬ್ಬಿಸಾಣಂ.

ಇತೋ ಉಜುಂ ಉತ್ತರಿಯಂ ದಿಸಾಯಂ, ಅತಿಕ್ಕಮ್ಮ ಸೋ ಸತ್ತಗಿರೀ ಬ್ರಹನ್ತೇ;

ಸುವಣ್ಣಪಸ್ಸೋ ನಾಮ ಗಿರೀ ಉಳಾರೋ, ಸುಪುಪ್ಫಿತೋ [ಸಮ್ಪುಪ್ಫಿತೋ (ಸ್ಯಾ.)] ಕಿಮ್ಪುರಿಸಾನುಚಿಣ್ಣೋ.

ಆರುಯ್ಹ ¶ ಸೇಲಂ ಭವನಂ ಕಿನ್ನರಾನಂ, ಓಲೋಕಯ ಪಬ್ಬತಪಾದಮೂಲಂ;

ಅಥ ದಕ್ಖಸೀ ಮೇಘಸಮಾನವಣ್ಣಂ, ನಿಗ್ರೋಧರಾಜಂ ಅಥ ಸಹಸ್ಸಪಾದಂ [ಪೋರಂ (ಕ.)].

ತತ್ಥಚ್ಛತೀ ಕುಞ್ಜರೋ ಛಬ್ಬಿಸಾಣೋ, ಸಬ್ಬಸೇತೋ ದುಪ್ಪಸಹೋ ಪರೇಭಿ;

ರಕ್ಖನ್ತಿ ನಂ ಅಟ್ಠಸಹಸ್ಸನಾಗಾ, ಈಸಾದನ್ತಾ ವಾತಜವಪ್ಪಹಾರಿನೋ.

ತಿಟ್ಠನ್ತಿ ¶ ತೇ ತುಮೂಲಂ [ತುಮೂಲ (ಸ್ಯಾ.), ಭಿಮೂಲ (ಪೀ. ಕ.)] ಪಸ್ಸಸನ್ತಾ, ಕುಪ್ಪನ್ತಿ ವಾತಸ್ಸಪಿ ಏರಿತಸ್ಸ;

ಮನುಸ್ಸಭೂತಂ ಪನ ತತ್ಥ ದಿಸ್ವಾ, ಭಸ್ಮಂ ಕರೇಯ್ಯುಂ ನಾಸ್ಸ ರಜೋಪಿ ತಸ್ಸ.

ಬಹೂ ಹಿಮೇ ರಾಜಕುಲಮ್ಹಿ ಸನ್ತಿ, ಪಿಳನ್ಧನಾ ಜಾತರೂಪಸ್ಸ ದೇವೀ;

ಮುತ್ತಾಮಣೀವೇಳುರಿಯಾಮಯಾ ಚ, ಕಿಂ ಕಾಹಸಿ ದನ್ತಪಿಳನ್ಧನೇನ;

ಮಾರೇತುಕಾಮಾ ಕುಞ್ಜರಂ ಛಬ್ಬಿಸಾಣಂ, ಉದಾಹು ಘಾತೇಸ್ಸಸಿ ಲುದ್ದಪುತ್ತೇ.

ಸಾ ಇಸ್ಸಿತಾ ದುಕ್ಖಿತಾ ಚಸ್ಮಿ ಲುದ್ದ, ಉದ್ಧಞ್ಚ ಸುಸ್ಸಾಮಿ ಅನುಸ್ಸರನ್ತೀ;

ಕರೋಹಿ ಮೇ ಲುದ್ದಕ ಏತಮತ್ಥಂ, ದಸ್ಸಾಮಿ ತೇ ಗಾಮವರಾನಿ ಪಞ್ಚ.

ಕತ್ಥಚ್ಛತೀ ಕತ್ಥಮುಪೇತಿ ಠಾನಂ, ವೀಥಿಸ್ಸ ಕಾ ನ್ಹಾನ [ನಹಾನ (ಸೀ. ಪೀ.)] ಗತಸ್ಸ ಹೋತಿ;

ಕಥಞ್ಹಿ ಸೋ ನ್ಹಾಯತಿ [ನಹಾಯತಿ (ಸೀ. ಪೀ.)] ನಾಗರಾಜಾ, ಕಥಂ ವಿಜಾನೇಮು ಗತಿಂ ಗಜಸ್ಸ.

ತತ್ಥೇವ ¶ ಸಾ ಪೋಕ್ಖರಣೀ ಅದೂರೇ [ಅವಿದೂರೇ (ಸ್ಯಾ. ಕ.)], ರಮ್ಮಾ ಸುತಿತ್ಥಾ ಚ ಮಹೋದಿಕಾ [ಮಹೋದಕಾ (ಸ್ಯಾ. ಕ.)] ಚ;

ಸಮ್ಪುಪ್ಫಿತಾ ¶ ಭಮರಗಣಾನುಚಿಣ್ಣಾ [ಕಿಣ್ಣಾ (ಕತ್ಥಚಿ)], ಏತ್ಥ ಹಿ ಸೋ ನ್ಹಾಯತಿ ನಾಗರಾಜಾ.

ಸೀಸಂ ನಹಾತುಪ್ಪಲ [ನಹಾತೋ ಉಪ್ಪಲ (ಸೀ. ಸ್ಯಾ. ಪೀ.)] ಮಾಲಭಾರೀ, ಸಬ್ಬಸೇತೋ ಪುಣ್ಡರೀಕತ್ತಚಙ್ಗೀ;

ಆಮೋದಮಾನೋ ಗಚ್ಛತಿ ಸನ್ನಿಕೇತಂ, ಪುರಕ್ಖತ್ವಾ ಮಹೇಸಿಂ ಸಬ್ಬಭದ್ದಂ.

ತತ್ಥೇವ ಸೋ ಉಗ್ಗಹೇತ್ವಾನ ವಾಕ್ಯಂ, ಆದಾಯ ತೂಣಿಞ್ಚ ಧನುಞ್ಚ ಲುದ್ದೋ;

ವಿತುರಿಯತಿ [ವಿತುರಿಯ ಸೋ (ಸೀ. ಅಟ್ಠ.)] ಸತ್ತಗಿರೀ ಬ್ರಹನ್ತೇ, ಸುವಣ್ಣಪಸ್ಸಂ ನಾಮ ಗಿರಿಂ ಉಳಾರಂ.

ಆರುಯ್ಹ ಸೇಲಂ ಭವನಂ ಕಿನ್ನರಾನಂ, ಓಲೋಕಯೀ ಪಬ್ಬತಪಾದಮೂಲಂ;

ತತ್ಥದ್ದಸಾ ಮೇಘಸಮಾನವಣ್ಣಂ, ನಿಗ್ರೋಧರಾಜಂ ಅಟ್ಠಸಹಸ್ಸಪಾದಂ.

ತತ್ಥದ್ದಸಾ ಕುಞ್ಜರಂ ಛಬ್ಬಿಸಾಣಂ, ಸಬ್ಬಸೇತಂ ದುಪ್ಪಸಹಂ ಪರೇಭಿ;

ರಕ್ಖನ್ತಿ ನಂ ಅಟ್ಠಸಹಸ್ಸನಾಗಾ, ಈಸಾದನ್ತಾ ವಾತಜವಪ್ಪಹಾರಿನೋ.

ತತ್ಥದ್ದಸಾ ¶ ಪೋಕ್ಖರಣಿಂ ಅದೂರೇ, ರಮ್ಮಂ ಸುತಿತ್ಥಞ್ಚ ಮಹೋದಿಕಞ್ಚ;

ಸಮ್ಪುಪ್ಫಿತಂ ¶ ಭಮರಗಣಾನುಚಿಣ್ಣಂ, ಯತ್ಥ ಹಿ ಸೋ ನ್ಹಾಯತಿ ನಾಗರಾಜಾ.

ದಿಸ್ವಾನ ನಾಗಸ್ಸ ಗತಿಂ ಠಿತಿಞ್ಚ, ವೀಥಿಸ್ಸ ಯಾ ನ್ಹಾನಗತಸ್ಸ ಹೋತಿ;

ಓಪಾತಮಾಗಚ್ಛಿ ಅನರಿಯರೂಪೋ, ಪಯೋಜಿತೋ ಚಿತ್ತವಸಾನುಗಾಯ.

ಖಣಿತ್ವಾನ ¶ ಕಾಸುಂ ಫಲಕೇಹಿ ಛಾದಯಿ, ಅತ್ತಾನಮೋಧಾಯ ಧನುಞ್ಚ ಲುದ್ದೋ;

ಪಸ್ಸಾಗತಂ ಪುಥುಸಲ್ಲೇನ ನಾಗಂ, ಸಮಪ್ಪಯೀ ದುಕ್ಕಟಕಮ್ಮಕಾರೀ.

ವಿದ್ಧೋ ಚ ನಾಗೋ ಕೋಞ್ಚಮನಾದಿ ಘೋರಂ, ಸಬ್ಬೇ ಚ [ಸಬ್ಬೇವ (ಸೀ. ಸ್ಯಾ. ಪೀ.)] ನಾಗಾ ನಿನ್ನದುಂ [ನಿನ್ನಾದು (ಸ್ಯಾ.), ನಿನ್ನಾದಂ (ಕ.)] ಘೋರರೂಪಂ;

ತಿಣಞ್ಚ ಕಟ್ಠಞ್ಚ ರಣಂ [ಚುಣ್ಣಂ (ಕ. ಸೀ. ಪೀ.)] ಕರೋನ್ತಾ, ಧಾವಿಂಸು ತೇ ಅಟ್ಠದಿಸಾ ಸಮನ್ತತೋ.

ವಧಿಸ್ಸಮೇತನ್ತಿ [ವಧಿಸ್ಸಮೇನನ್ತಿ (ಸ್ಯಾ.)] ಪರಾಮಸನ್ತೋ, ಕಾಸಾವಮದ್ದಕ್ಖಿ ಧಜಂ ಇಸೀನಂ;

ದುಕ್ಖೇನ ಫುಟ್ಠಸ್ಸುದಪಾದಿ ಸಞ್ಞಾ, ಅರಹದ್ಧಜೋ ಸಬ್ಭಿ ಅವಜ್ಝರೂಪೋ.

ಅನಿಕ್ಕಸಾವೋ ಕಾಸಾವಂ, ಯೋ ವತ್ಥಂ ಪರಿದಹಿಸ್ಸತಿ [ಪರಿದಹೇಸ್ಸತಿ (ಸೀ. ಪೀ.), ಪರಿಧಸ್ಸತಿ (ಕತ್ಥಚಿ)];

ಅಪೇತೋ ದಮಸಚ್ಚೇನ, ನ ಸೋ ಕಾಸಾವಮರಹತಿ.

ಯೋ ¶ ಚ ವನ್ತಕಸಾವಸ್ಸ, ಸೀಲೇಸು ಸುಸಮಾಹಿತೋ;

ಉಪೇತೋ ದಮಸಚ್ಚೇನ, ಸ ವೇ ಕಾಸಾವಮರಹತಿ.

ಸಮಪ್ಪಿತೋ ಪುಥುಸಲ್ಲೇನ ನಾಗೋ, ಅದುಟ್ಠಚಿತ್ತೋ ಲುದ್ದಕಮಜ್ಝಭಾಸಿ;

ಕಿಮತ್ಥಯಂ ಕಿಸ್ಸ ವಾ ಸಮ್ಮ ಹೇತು, ಮಮಂ ವಧೀ ಕಸ್ಸ ವಾಯಂ ಪಯೋಗೋ.

ಕಾಸಿಸ್ಸ ರಞ್ಞೋ ಮಹೇಸೀ ಭದನ್ತೇ, ಸಾ ಪೂಜಿತಾ ರಾಜಕುಲೇ ಸುಭದ್ದಾ;

ತಂ ಅದ್ದಸಾ ಸಾ ಚ ಮಮಂ ಅಸಂಸಿ, ದನ್ತೇಹಿ ಅತ್ಥೋತಿ ಚ ಮಂ [ಅತ್ಥೋತಿ ಮಮಂ (ಸ್ಯಾ. ಕ.)] ಅವೋಚ.

ಬಹೂ ¶ ಹಿ ಮೇ ದನ್ತಯುಗಾ ಉಳಾರಾ, ಯೇ ಮೇ ಪಿತೂನಞ್ಚ [ಪಿತುನ್ನಮ್ಪಿ (ಪೀ.)] ಪಿತಾಮಹಾನಂ;

ಜಾನಾತಿ ಸಾ ಕೋಧನಾ ರಾಜಪುತ್ತೀ, ವಧತ್ಥಿಕಾ ವೇರಮಕಾಸಿ ಬಾಲಾ.

ಉಟ್ಠೇಹಿ ತ್ವಂ ಲುದ್ದ ಖರಂ ಗಹೇತ್ವಾ, ದನ್ತೇ ಇಮೇ ಛಿನ್ದ ಪುರಾ ಮರಾಮಿ;

ವಜ್ಜಾಸಿ ತಂ ಕೋಧನಂ ರಾಜಪುತ್ತಿಂ, ‘‘ನಾಗೋ ಹತೋ ಹನ್ದ ಇಮಸ್ಸ ದನ್ತಾ’’.

ಉಟ್ಠಾಯ ಸೋ ಲುದ್ದೋ ಖರಂ ಗಹೇತ್ವಾ, ಛೇತ್ವಾನ ¶ ದನ್ತಾನಿ ಗಜುತ್ತಮಸ್ಸ;

ವಗ್ಗೂ ಸುಭೇ ಅಪ್ಪಟಿಮೇ ಪಥಬ್ಯಾ, ಆದಾಯ ಪಕ್ಕಾಮಿ ತತೋ ಹಿ ಖಿಪ್ಪಂ.

ಭಯಟ್ಟಿತಾ [ಭಯದ್ದಿತಾ (ಸೀ. ಪೀ.)] ನಾಗವಧೇನ ಅಟ್ಟಾ, ಯೇ ತೇ ನಾಗಾ ಅಟ್ಠ ದಿಸಾ ವಿಧಾವುಂ;

ಅದಿಸ್ವಾನ [ಅದಿಸ್ವ (ಸೀ. ಪೀ.)] ಪೋಸಂ ಗಜಪಚ್ಚಮಿತ್ತಂ, ಪಚ್ಚಾಗಮುಂ ಯೇನ ಸೋ ನಾಗರಾಜಾ.

ತೇ ತತ್ಥ ಕನ್ದಿತ್ವಾ ರೋದಿತ್ವಾನ [ರೋದಿತ್ವ (ಸೀ. ಪೀ.)] ನಾಗಾ, ಸೀಸೇ ಸಕೇ ಪಂಸುಕಂ ಓಕಿರಿತ್ವಾ;

ಅಗಮಂಸು ತೇ ಸಬ್ಬೇ ಸಕಂ ನಿಕೇತಂ, ಪುರಕ್ಖತ್ವಾ ಮಹೇಸಿಂ ಸಬ್ಬಭದ್ದಂ.

ಆದಾಯ ¶ ದನ್ತಾನಿ ಗಜುತ್ತಮಸ್ಸ, ವಗ್ಗೂ ಸುಭೇ ಅಪ್ಪಟಿಮೇ ಪಥಬ್ಯಾ;

ಸುವಣ್ಣರಾಜೀಹಿ ಸಮನ್ತಮೋದರೇ, ಸೋ ಲುದ್ದಕೋ ಕಾಸಿಪುರಂ ಉಪಾಗಮಿ;

ಉಪನೇಸಿ ಸೋ ರಾಜಕಞ್ಞಾಯ ದನ್ತೇ, ನಾಗೋ ಹತೋ ಹನ್ದ ಇಮಸ್ಸ ದನ್ತಾ.

ದಿಸ್ವಾನ ¶ ದನ್ತಾನಿ ಗಜುತ್ತಮಸ್ಸ, ಭತ್ತುಪ್ಪಿಯಸ್ಸ ಪುರಿಮಾಯ ಜಾತಿಯಾ;

ತತ್ಥೇವ ತಸ್ಸಾ ಹದಯಂ ಅಫಾಲಿ, ತೇನೇವ ¶ ಸಾ ಕಾಲಮಕಾಸಿ ಬಾಲಾ.

ಸಮ್ಬೋಧಿಪತ್ತೋ ಸ [ಚ (ಸೀ. ಸ್ಯಾ.), ವ (ಪೀ.)] ಮಹಾನುಭಾವೋ, ಸಿತಂ ಅಕಾಸಿ ಪರಿಸಾಯ ಮಜ್ಝೇ;

ಪುಚ್ಛಿಂಸು ಭಿಕ್ಖೂ ಸುವಿಮುತ್ತಚಿತ್ತಾ, ನಾಕಾರಣೇ ಪಾತುಕರೋನ್ತಿ ಬುದ್ಧಾ.

ಯಮದ್ದಸಾಥ ದಹರಿಂ ಕುಮಾರಿಂ, ಕಾಸಾಯವತ್ಥಂ ಅನಗಾರಿಯಂ ಚರನ್ತಿಂ;

ಸಾ ಖೋ ತದಾ ರಾಜಕಞ್ಞಾ ಅಹೋಸಿ, ಅಹಂ ತದಾ ನಾಗರಾಜಾ ಅಹೋಸಿಂ.

ಆದಾಯ ದನ್ತಾನಿ ಗಜುತ್ತಮಸ್ಸ, ವಗ್ಗೂ ಸುಭೇ ಅಪ್ಪಟಿಮೇ ಪಥಬ್ಯಾ;

ಯೋ ಲುದ್ದಕೋ ಕಾಸಿಪುರಂ ಉಪಾಗಮಿ, ಸೋ ಖೋ ತದಾ ದೇವದತ್ತೋ ಅಹೋಸಿ.

ಅನಾವಸೂರಂ ಚಿರರತ್ತಸಂಸಿತಂ, ಉಚ್ಚಾವಚಂ [ಉಚಂ ನೀಚಂ (ಸೀ. ಸ್ಯಾ. ಪೀ.)] ಚರಿತಮಿದಂ ಪುರಾಣಂ;

ವೀತದ್ದರೋ ವೀತಸೋಕೋ ವಿಸಲ್ಲೋ, ಸಯಂ ಅಭಿಞ್ಞಾಯ ಅಭಾಸಿ ಬುದ್ಧೋ.

ಅಹಂ ವೋ ತೇನ ಕಾಲೇನ, ಅಹೋಸಿಂ ತತ್ಥ ಭಿಕ್ಖವೋ;

ನಾಗರಾಜಾ ತದಾ ಹೋಮಿ [ಹೋಸಿಂ (ಸೀ. ಸ್ಯಾ. ಪೀ.)], ಏವಂ ಧಾರೇಥ ಜಾತಕನ್ತಿ.

ರಜ್ಜಞ್ಚ ¶ ಪಟಿಪನ್ನಾಸ್ಮ, ಆಧಿಪಚ್ಚಂ ಸುಚೀರತ;

ಮಹತ್ತಂ ಪತ್ತುಮಿಚ್ಛಾಮಿ, ವಿಜೇತುಂ ಪಥವಿಂ ಇಮಂ.

ಧಮ್ಮೇನ ನೋ ಅಧಮ್ಮೇನ, ಅಧಮ್ಮೋ ಮೇ ನ ರುಚ್ಚತಿ;

ಕಿಚ್ಚೋವ ಧಮ್ಮೋ ಚರಿತೋ, ರಞ್ಞೋ ಹೋತಿ ಸುಚೀರತ.

ಇಧ ¶ ಚೇವಾನಿನ್ದಿತಾ ಯೇನ, ಪೇಚ್ಚ ಯೇನ ಅನಿನ್ದಿತಾ;

ಯಸಂ ದೇವಮನುಸ್ಸೇಸು, ಯೇನ ಪಪ್ಪೋಮು [ಪಪ್ಪೇಮು (ಸೀ. ಅಟ್ಠ.)] ಬ್ರಾಹ್ಮಣ.

ಯೋಹಂ ಅತ್ಥಞ್ಚ ಧಮ್ಮಞ್ಚ, ಕತ್ತುಮಿಚ್ಛಾಮಿ ಬ್ರಾಹ್ಮಣ;

ತಂ ತ್ವಂ ಅತ್ಥಞ್ಚ ಧಮ್ಮಞ್ಚ, ಬ್ರಾಹ್ಮಣಕ್ಖಾಹಿ ಪುಚ್ಛಿತೋ.

ನಾಞ್ಞತ್ರ ವಿಧುರಾ ರಾಜ, ಏತದಕ್ಖಾತುಮರಹತಿ;

ಯಂ ತ್ವಂ ಅತ್ಥಞ್ಚ ಧಮ್ಮಞ್ಚ, ಕತ್ತುಮಿಚ್ಛಸಿ ಖತ್ತಿಯ.

ಏಹಿ ¶ ಖೋ ಪಹಿತೋ ಗಚ್ಛ, ವಿಧುರಸ್ಸ ಉಪನ್ತಿಕಂ;

ನಿಕ್ಖಞ್ಚಿಮಂ [ನಿಕ್ಖಂ ರತ್ತ (ಸೀ.), ನಿಕ್ಖಮಿಮಂ (ಪೀ.)] ಸುವಣ್ಣಸ್ಸ, ಹರಂ ಗಚ್ಛ ಸುಚೀರತ;

ಅಭಿಹಾರಂ ಇಮಂ ದಜ್ಜಾ, ಅತ್ಥಧಮ್ಮಾನುಸಿಟ್ಠಿಯಾ.

ಸ್ವಾಧಿಪ್ಪಾಗಾ ಭಾರದ್ವಾಜೋ, ವಿಧುರಸ್ಸ ಉಪನ್ತಿಕಂ;

ತಮದ್ದಸ ಮಹಾಬ್ರಹ್ಮಾ, ಅಸಮಾನಂ ಸಕೇ ಘರೇ.

ರಞ್ಞೋಹಂ ಪಹಿತೋ ದೂತೋ, ಕೋರಬ್ಯಸ್ಸ ಯಸಸ್ಸಿನೋ;

‘‘ಅತ್ಥಂ ಧಮ್ಮಞ್ಚ ಪುಚ್ಛೇಸಿ’’, ಇಚ್ಚಬ್ರವಿ ಯುಧಿಟ್ಠಿಲೋ;

ತಂ ತ್ವಂ ಅತ್ಥಞ್ಚ ಧಮ್ಮಞ್ಚ, ವಿಧುರಕ್ಖಾಹಿ ಪುಚ್ಛಿತೋ.

ಗಙ್ಗಂ ಮೇ ಪಿದಹಿಸ್ಸನ್ತಿ, ನ ತಂ ಸಕ್ಕೋಮಿ ಬ್ರಾಹ್ಮಣ;

ಅಪಿಧೇತುಂ ¶ ಮಹಾಸಿನ್ಧುಂ, ತಂ ಕಥಂ ಸೋ ಭವಿಸ್ಸತಿ.

ನ ತೇ ಸಕ್ಕೋಮಿ ಅಕ್ಖಾತುಂ, ಅತ್ಥಂ ಧಮ್ಮಞ್ಚ ಪುಚ್ಛಿತೋ;

ಭದ್ರಕಾರೋ ಚ ಮೇ ಪುತ್ತೋ, ಓರಸೋ ಮಮ ಅತ್ರಜೋ;

ತಂ ತ್ವಂ ಅತ್ಥಞ್ಚ ಧಮ್ಮಞ್ಚ, ಗನ್ತ್ವಾ ಪುಚ್ಛಸ್ಸು ಬ್ರಾಹ್ಮಣ.

ಸ್ವಾಧಿಪ್ಪಾಗಾ ಭಾರದ್ವಾಜೋ, ಭದ್ರಕಾರಸ್ಸುಪನ್ತಿಕಂ [ಭದ್ರಕಾರಸ್ಸ ಸನ್ತಿಕಂ (ಸೀ. ಸ್ಯಾ.)];

ತಮದ್ದಸ ಮಹಾಬ್ರಹ್ಮಾ, ನಿಸಿನ್ನಂ ಸಮ್ಹಿ ವೇಸ್ಮನಿ.

ರಞ್ಞೋಹಂ ಪಹಿತೋ ದೂತೋ, ಕೋರಬ್ಯಸ್ಸ ಯಸಸ್ಸಿನೋ;

‘‘ಅತ್ಥಂ ಧಮ್ಮಞ್ಚ ಪುಚ್ಛೇಸಿ’’, ಇಚ್ಚಬ್ರವಿ ಯುಧಿಟ್ಠಿಲೋ;

ತಂ ತ್ವಂ ಅತ್ಥಞ್ಚ ಧಮ್ಮಞ್ಚ, ಭದ್ರಕಾರ ಪಬ್ರೂಹಿ [ಬ್ರವೀಹಿ (ಸೀ. ಪೀ.)] ಮೇ.

ಮಂಸಕಾಜಂ [ಮಂಸಕಾಚಂ (ಪೀ.)] ಅವಹಾಯ, ಗೋಧಂ ಅನುಪತಾಮಹಂ;

ನ ತೇ ಸಕ್ಕೋಮಿ ಅಕ್ಖಾತುಂ, ಅತ್ಥಂ ಧಮ್ಮಞ್ಚ ಪುಚ್ಛಿತೋ.

ಸಞ್ಚಯೋ ¶ [ಸಞ್ಜಯೋ (ಸೀ. ಸ್ಯಾ. ಪೀ.)] ನಾಮ ಮೇ ಭಾತಾ, ಕನಿಟ್ಠೋ ಮೇ ಸುಚೀರತ;

ತಂ ತ್ವಂ ಅತ್ಥಞ್ಚ ಧಮ್ಮಞ್ಚ, ಗನ್ತ್ವಾ ಪುಚ್ಛಸ್ಸು ಬ್ರಾಹ್ಮಣ.

ಸ್ವಾಧಿಪ್ಪಾಗಾ ಭಾರದ್ವಾಜೋ, ಸಞ್ಚಯಸ್ಸ ಉಪನ್ತಿಕಂ;

ತಮದ್ದಸ ಮಹಾಬ್ರಹ್ಮಾ, ನಿಸಿನ್ನಂ ಸಮ್ಹಿ ವೇಸ್ಮನಿ [ಪರಿಸತಿ (ಸ್ಯಾ.), ಪರೀಸತಿ (ಪೀ.)].

ರಞ್ಞೋಹಂ ಪಹಿತೋ ದೂತೋ, ಕೋರಬ್ಯಸ್ಸ ಯಸಸ್ಸಿನೋ;

‘‘ಅತ್ಥಂ ಧಮ್ಮಞ್ಚ ಪುಚ್ಛೇಸಿ’’, ಇಚ್ಚಬ್ರವಿ ಯುಧಿಟ್ಠಿಲೋ;

ತಂ ತ್ವಂ ಅತ್ಥಞ್ಚ ಧಮ್ಮಞ್ಚ, ಸಞ್ಚಯಕ್ಖಾಹಿ ಪುಚ್ಛಿತೋ.

ಸದಾ ಮಂ ಗಿಲತೇ [ಗಿಲತೀ (ಸೀ.), ಗಿಲತಿ (ಪೀ.)] ಮಚ್ಚು, ಸಾಯಂ ಪಾತೋ ಸುಚೀರತ;

ನ ತೇ ಸಕ್ಕೋಮಿ ಅಕ್ಖಾತುಂ, ಅತ್ಥಂ ಧಮ್ಮಞ್ಚ ಪುಚ್ಛಿತೋ.

ಸಮ್ಭವೋ ¶ ¶ ನಾಮ ಮೇ ಭಾತಾ, ಕನಿಟ್ಠೋ ಮೇ ಸುಚೀರತ;

ತಂ ತ್ವಂ ಅತ್ಥಞ್ಚ ಧಮ್ಮಞ್ಚ, ಗನ್ತ್ವಾ ಪುಚ್ಛಸ್ಸು ಬ್ರಾಹ್ಮಣ.

ಅಬ್ಭುತೋ ವತ ಭೋ ಧಮ್ಮೋ, ನಾಯಂ ಅಸ್ಮಾಕ ರುಚ್ಚತಿ;

ತಯೋ ಜನಾ ಪಿತಾಪುತ್ತಾ, ತೇಸು ಪಞ್ಞಾಯ ನೋ ವಿದೂ.

ನ ತಂ ಸಕ್ಕೋಥ ಅಕ್ಖಾತುಂ, ಅತ್ಥಂ ಧಮ್ಮಞ್ಚ ಪುಚ್ಛಿತಾ;

ಕಥಂ ನು ದಹರೋ ಜಞ್ಞಾ, ಅತ್ಥಂ ಧಮ್ಮಞ್ಚ ಪುಚ್ಛಿತೋ.

ಮಾ ನಂ ದಹರೋತಿ ಉಞ್ಞಾಸಿ [ಮಞ್ಞಾಸಿ (ಸ್ಯಾ. ಕ.)], ಅಪುಚ್ಛಿತ್ವಾನ ಸಮ್ಭವಂ;

ಪುಚ್ಛಿತ್ವಾ ಸಮ್ಭವಂ ಜಞ್ಞಾ, ಅತ್ಥಂ ಧಮ್ಮಞ್ಚ ಬ್ರಾಹ್ಮಣ.

ಯಥಾಪಿ ಚನ್ದೋ ವಿಮಲೋ, ಗಚ್ಛಂ ಆಕಾಸಧಾತುಯಾ;

ಸಬ್ಬೇ ತಾರಾಗಣೇ ಲೋಕೇ, ಆಭಾಯ ಅತಿರೋಚತಿ.

ಏವಮ್ಪಿ ದಹರೂಪೇತೋ, ಪಞ್ಞಾಯೋಗೇನ ಸಮ್ಭವೋ;

ಮಾ ನಂ ದಹರೋತಿ ಉಞ್ಞಾಸಿ, ಅಪುಚ್ಛಿತ್ವಾನ ಸಮ್ಭವಂ;

ಪುಚ್ಛಿತ್ವಾ ಸಮ್ಭವಂ ಜಞ್ಞಾ, ಅತ್ಥಂ ಧಮ್ಮಞ್ಚ ಬ್ರಾಹ್ಮಣ.

ಯಥಾಪಿ ರಮ್ಮಕೋ ಮಾಸೋ, ಗಿಮ್ಹಾನಂ ಹೋತಿ ಬ್ರಾಹ್ಮಣ;

ಅತೇವಞ್ಞೇಹಿ ಮಾಸೇಹಿ, ದುಮಪುಪ್ಫೇಹಿ ಸೋಭತಿ.

ಏವಮ್ಪಿ ¶ ದಹರೂಪೇತೋ, ಪಞ್ಞಾಯೋಗೇನ ಸಮ್ಭವೋ;

ಮಾ ನಂ ದಹರೋತಿ ಉಞ್ಞಾಸಿ, ಅಪುಚ್ಛಿತ್ವಾನ ಸಮ್ಭವಂ;

ಪುಚ್ಛಿತ್ವಾ ಸಮ್ಭವಂ ಜಞ್ಞಾ, ಅತ್ಥಂ ಧಮ್ಮಞ್ಚ ಬ್ರಾಹ್ಮಣ.

ಯಥಾಪಿ ಹಿಮವಾ ಬ್ರಹ್ಮೇ, ಪಬ್ಬತೋ ಗನ್ಧಮಾದನೋ;

ನಾನಾರುಕ್ಖೇಹಿ ಸಞ್ಛನ್ನೋ, ಮಹಾಭೂತಗಣಾಲಯೋ;

ಓಸಧೇಹಿ ¶ ಚ ದಿಬ್ಬೇಹಿ, ದಿಸಾ ಭಾತಿ ಪವಾತಿ ಚ.

ಏವಮ್ಪಿ ದಹರೂಪೇತೋ, ಪಞ್ಞಾಯೋಗೇನ ಸಮ್ಭವೋ;

ಮಾ ನಂ ದಹರೋತಿ ಉಞ್ಞಾಸಿ, ಅಪುಚ್ಛಿತ್ವಾನ ಸಮ್ಭವಂ;

ಪುಚ್ಛಿತ್ವಾ ಸಮ್ಭವಂ ಜಞ್ಞಾ, ಅತ್ಥಂ ಧಮ್ಮಞ್ಚ ಬ್ರಾಹ್ಮಣ.

ಯಥಾಪಿ ಪಾವಕೋ ಬ್ರಹ್ಮೇ, ಅಚ್ಚಿಮಾಲೀ ಯಸಸ್ಸಿಮಾ;

ಜಲಮಾನೋ ವನೇ ಗಚ್ಛೇ [ಚರಂ ಕಚ್ಛೇ (ಪೀ.)], ಅನಲೋ ಕಣ್ಹವತ್ತನೀ.

ಘತಾಸನೋ ಧೂಮಕೇತು, ಉತ್ತಮಾಹೇವನನ್ದಹೋ;

ನಿಸೀಥೇ [ನಿಸ್ಸೀವೇ (ಸ್ಯಾ.), ನಿಸಿವೇ (ಕ.)] ಪಬ್ಬತಗ್ಗಸ್ಮಿಂ, ಪಹೂತೇಧೋ [ಬಹುತೇಜೋ (ಸ್ಯಾ. ಕ.)] ವಿರೋಚತಿ.

ಏವಮ್ಪಿ ¶ ದಹರೂಪೇತೋ, ಪಞ್ಞಾಯೋಗೇನ ಸಮ್ಭವೋ;

ಮಾ ನಂ ದಹರೋತಿ ಉಞ್ಞಾಸಿ, ಅಪುಚ್ಛಿತ್ವಾನ ಸಮ್ಭವಂ;

ಪುಚ್ಛಿತ್ವಾ ಸಮ್ಭವಂ ಜಞ್ಞಾ, ಅತ್ಥಂ ಧಮ್ಮಞ್ಚ ಬ್ರಾಹ್ಮಣ.

ಜವೇನ ಭದ್ರಂ ಜಾನನ್ತಿ, ಬಲಿಬದ್ದಞ್ಚ [ಬಲಿವದ್ದಞ್ಚ (ಸೀ. ಪೀ.)] ವಾಹಿಯೇ;

ದೋಹೇನ ಧೇನುಂ ಜಾನನ್ತಿ, ಭಾಸಮಾನಞ್ಚ ಪಣ್ಡಿತಂ.

ಏವಮ್ಪಿ ದಹರೂಪೇತೋ, ಪಞ್ಞಾಯೋಗೇನ ಸಮ್ಭವೋ;

ಮಾ ನಂ ದಹರೋತಿ ಉಞ್ಞಾಸಿ, ಅಪುಚ್ಛಿತ್ವಾನ ಸಮ್ಭವಂ;

ಪುಚ್ಛಿತ್ವಾ ಸಮ್ಭವಂ ಜಞ್ಞಾ, ಅತ್ಥಂ ಧಮ್ಮಞ್ಚ ಬ್ರಾಹ್ಮಣ.

ಸ್ವಾಧಿಪ್ಪಾಗಾ ಭಾರದ್ವಾಜೋ, ಸಮ್ಭವಸ್ಸ ಉಪನ್ತಿಕಂ;

ತಮದ್ದಸ ಮಹಾಬ್ರಹ್ಮಾ, ಕೀಳಮಾನಂ ಬಹೀಪುರೇ.

ರಞ್ಞೋಹಂ ಪಹಿತೋ ದೂತೋ, ಕೋರಬ್ಯಸ್ಸ ಯಸಸ್ಸಿನೋ;

‘‘ಅತ್ಥಂ ಧಮ್ಮಞ್ಚ ಪುಚ್ಛೇಸಿ’’, ಇಚ್ಚಬ್ರವಿ ಯುಧಿಟ್ಠಿಲೋ;

ತಂ ¶ ತ್ವಂ ಅತ್ಥಞ್ಚ ಧಮ್ಮಞ್ಚ, ಸಮ್ಭವಕ್ಖಾಹಿ ಪುಚ್ಛಿತೋ.

ತಗ್ಘ ¶ ತೇ ಅಹಮಕ್ಖಿಸ್ಸಂ, ಯಥಾಪಿ ಕುಸಲೋ ತಥಾ;

ರಾಜಾ ಚ ಖೋ ತಂ ಜಾನಾತಿ, ಯದಿ ಕಾಹತಿ ವಾ ನ ವಾ.

‘‘ಅಜ್ಜ ಸುವೇ’’ತಿ ಸಂಸೇಯ್ಯ, ರಞ್ಞಾ ಪುಟ್ಠೋ ಸುಚೀರತ;

ಮಾ ಕತ್ವಾ ಅವಸೀ ರಾಜಾ, ಅತ್ಥೇ ಜಾತೇ ಯುಧಿಟ್ಠಿಲೋ.

ಅಜ್ಝತ್ತಞ್ಞೇವ ಸಂಸೇಯ್ಯ, ರಞ್ಞಾ ಪುಟ್ಠೋ ಸುಚೀರತ;

ಕುಮ್ಮಗ್ಗಂ ನ ನಿವೇಸೇಯ್ಯ, ಯಥಾ ಮೂಳ್ಹೋ ಅಚೇತಸೋ [ಅಚೇತನೋ (ಕ.)].

ಅತ್ತಾನಂ ನಾತಿವತ್ತೇಯ್ಯ, ಅಧಮ್ಮಂ ನ ಸಮಾಚರೇ;

ಅತಿತ್ಥೇ ನಪ್ಪತಾರೇಯ್ಯ, ಅನತ್ಥೇ ನ ಯುತೋ ಸಿಯಾ.

ಯೋ ಚ ಏತಾನಿ ಠಾನಾನಿ, ಕತ್ತುಂ ಜಾನಾತಿ ಖತ್ತಿಯೋ;

ಸದಾ ಸೋ ವಡ್ಢತೇ ರಾಜಾ, ಸುಕ್ಕಪಕ್ಖೇವ ಚನ್ದಿಮಾ.

ಞಾತೀನಞ್ಚ ಪಿಯೋ ಹೋತಿ, ಮಿತ್ತೇಸು ಚ ವಿರೋಚತಿ;

ಕಾಯಸ್ಸ ಭೇದಾ ಸಪ್ಪಞ್ಞೋ, ಸಗ್ಗಂ ಸೋ ಉಪಪಜ್ಜತೀತಿ.

ಬಾರಾಣಸ್ಯಂ [ಬಾರಾಣಸ್ಸಂ (ಸೀ. ಪೀ.)] ಅಹೂ ರಾಜಾ, ಕಾಸೀನಂ ರಟ್ಠವಡ್ಢನೋ;

ಮಿತ್ತಾಮಚ್ಚಪರಿಬ್ಯೂಳ್ಹೋ, ಅಗಮಾಸಿ ಮಿಗಾಜಿನಂ [ಮಿಗಾಜಿರಂ (ಸೀ.), ಮಿಗಾಚಿರಂ (ಪೀ.)].

ತತ್ಥ ¶ ಬ್ರಾಹ್ಮಣಮದ್ದಕ್ಖಿ, ಸೇತಂ ಚಿತ್ರಂ ಕಿಲಾಸಿನಂ;

ವಿದ್ಧಸ್ತಂ ಕೋವಿಳಾರಂವ, ಕಿಸಂ ಧಮನಿಸನ್ಥತಂ.

ಪರಮಕಾರುಞ್ಞತಂ ¶ ಪತ್ತಂ, ದಿಸ್ವಾ ಕಿಚ್ಛಗತಂ ನರಂ;

ಅವಚ ಬ್ಯಮ್ಹಿತೋ ರಾಜಾ, ‘‘ಯಕ್ಖಾನಂ ಕತಮೋ ನುಸಿ.

‘‘ಹತ್ಥಪಾದಾ ಚ ತೇ ಸೇತಾ, ತತೋ ಸೇತತರಂ [ಸೇತತರೋ (ಪೀ.)] ಸಿರೋ;

ಗತ್ತಂ ಕಮ್ಮಾಸವಣ್ಣಂ ತೇ, ಕಿಲಾಸಬಹುಲೋ ಚಸಿ.

‘‘ವಟ್ಟನಾವಳಿ [ವಟ್ಠನಾವಲಿ (ಪೀ.)] ಸಙ್ಕಾಸಾ, ಪಿಟ್ಠಿ ತೇ ನಿನ್ನತುನ್ನತಾ;

ಕಾಳಪಬ್ಬಾವ [ಕಾಳಪಬ್ಬಾ ಚ (ಸ್ಯಾ.), ಕಾಳಾ ಪಬ್ಬಾ ಚ (ಪೀ.)] ತೇ ಅಙ್ಗಾ, ನಾಞ್ಞಂ ಪಸ್ಸಾಮಿ ಏದಿಸಂ.

‘‘ಉಗ್ಘಟ್ಟಪಾದೋ ¶ ತಸಿತೋ, ಕಿಸೋ ಧಮನಿಸನ್ಥತೋ;

ಛಾತೋ ಆತತ್ತರೂಪೋಸಿ [ಆದಿತ್ತರೂಪೋಸಿ (ಕ.), ಅತಿತ್ತರೂಪೋಸಿ (ಸ್ಯಾ. ಕ. ಅಟ್ಠ.)], ಕುತೋಸಿ ಕತ್ಥ ಗಚ್ಛಸಿ.

‘‘ದುದ್ದಸೀ ಅಪ್ಪಕಾರೋಸಿ, ದುಬ್ಬಣ್ಣೋ ಭೀಮದಸ್ಸನೋ;

ಜನೇತ್ತಿ ಯಾಪಿ ತೇ ಮಾತಾ, ನ ತಂ ಇಚ್ಛೇಯ್ಯ ಪಸ್ಸಿತುಂ.

‘‘ಕಿಂ ಕಮ್ಮಮಕರಂ [ಕಮ್ಮಮಕರಾ (ಸೀ. ಸ್ಯಾ. ಪೀ.)] ಪುಬ್ಬೇ, ಕಂ ಅವಜ್ಝಂ ಅಘಾತಯಿ;

ಕಿಬ್ಬಿಸಂ ಯಂ ಕರಿತ್ವಾನ, ಇದಂ ದುಕ್ಖಂ ಉಪಾಗಮಿ’’.

ತಗ್ಘ ತೇ ಅಹಮಕ್ಖಿಸ್ಸಂ, ಯಥಾಪಿ ಕುಸಲೋ ತಥಾ;

ಸಚ್ಚವಾದಿಞ್ಹಿ ಲೋಕಸ್ಮಿಂ, ಪಸಂಸನ್ತೀಧ ಪಣ್ಡಿತಾ.

ಏಕೋ ಚರಂ ಗೋಗವೇಸೋ, ಮೂಳ್ಹೋ ಅಚ್ಚಸರಿಂ ವನೇ;

ಅರಞ್ಞೇ ಇರೀಣೇ [ಈರಿಣೇ (ಸೀ. ಸ್ಯಾ. ಪೀ.)] ವಿವನೇ, ನಾನಾಕುಞ್ಜರಸೇವಿತೇ.

ವಾಳಮಿಗಾನುಚರಿತೇ, ವಿಪ್ಪನಟ್ಠೋಸ್ಮಿ ಕಾನನೇ;

ಅಚರಿಂ ತತ್ಥ ಸತ್ತಾಹಂ, ಖುಪ್ಪಿಪಾಸ [ಖುಪ್ಪಿಪಾಸಾ (ಸೀ. ಪೀ.)] ಸಮಪ್ಪಿತೋ.

ತತ್ಥ ತಿನ್ದುಕಮದ್ದಕ್ಖಿಂ, ವಿಸಮಟ್ಠಂ ಬುಭುಕ್ಖಿತೋ;

ಪಪಾತಮಭಿಲಮ್ಬನ್ತಂ, ಸಮ್ಪನ್ನಫಲಧಾರಿನಂ.

ವಾತಸ್ಸಿತಾನಿ ¶ ಭಕ್ಖೇಸಿಂ, ತಾನಿ ರುಚ್ಚಿಂಸು ಮೇ ಭುಸಂ;

ಅತಿತ್ತೋ ರುಕ್ಖಮಾರೂಹಿಂ [ಮಾರುಯ್ಹ (ಸೀ. ಸ್ಯಾ.)], ತತ್ಥ ಹೇಸ್ಸಾಮಿ ಆಸಿತೋ.

ಏಕಂ ಮೇ ಭಕ್ಖಿತಂ ಆಸಿ, ದುತಿಯಂ ಅಭಿಪತ್ಥಿತಂ;

ತತೋ ಸಾ ಭಞ್ಜಥ ಸಾಖಾ, ಛಿನ್ನಾ ಫರಸುನಾ ವಿಯ.

ಸೋಹಂ ಸಹಾವ ಸಾಖಾಹಿ, ಉದ್ಧಂಪಾದೋ ಅವಂಸಿರೋ;

ಅಪ್ಪತಿಟ್ಠೇ ಅನಾಲಮ್ಬೇ, ಗಿರಿದುಗ್ಗಸ್ಮಿ ಪಾಪತಂ.

ಯಸ್ಮಾ ಚ ವಾರಿ ಗಮ್ಭೀರಂ, ತಸ್ಮಾ ನ ಸಮಪಜ್ಜಿಸಂ [ಸಮಪಜ್ಜಸಿಂ (ಸೀ.), ಸಮಭಜ್ಜಿಸಂ (ಪೀ.)];

ತತ್ಥ ಸೇಸಿಂ ನಿರಾನನ್ದೋ, ಅನೂನಾ [ಅನಾಥೋ (ಸೀ.)] ದಸ ರತ್ತಿಯೋ.

ಅಥೇತ್ಥ ¶ ಕಪಿ ಮಾಗಞ್ಛಿ [ಮಾಗಚ್ಛಿ (ಸ್ಯಾ. ಕ.)], ಗೋನಙ್ಗುಲೋ ದರೀಚರೋ;

ಸಾಖಾಹಿ ಸಾಖಂ ವಿಚರನ್ತೋ, ಖಾದಮಾನೋ ದುಮಪ್ಫಲಂ.

ಸೋ ¶ ಮಂ ದಿಸ್ವಾ ಕಿಸಂ ಪಣ್ಡುಂ, ಕಾರುಞ್ಞಮಕರಂ ಮಯಿ;

ಅಮ್ಭೋ ಕೋ ನಾಮ ಸೋ ಏತ್ಥ, ಏವಂ ದುಕ್ಖೇನ ಅಟ್ಟಿತೋ.

ಮನುಸ್ಸೋ ಅಮನುಸ್ಸೋ ವಾ, ಅತ್ತಾನಂ ಮೇ ಪವೇದಯ;

ತಸ್ಸಞ್ಜಲಿಂ ಪಣಾಮೇತ್ವಾ, ಇದಂ ವಚನಮಬ್ರವಿಂ.

ಮನುಸ್ಸೋಹಂ ಬ್ಯಸಮ್ಪತ್ತೋ [ವಸಮ್ಪತ್ತೋ (ಸ್ಯಾ. ಕ.)], ಸಾ ಮೇ ನತ್ಥಿ ಇತೋ ಗತಿ;

ತಂ ವೋ ವದಾಮಿ ಭದ್ದಂ ವೋ, ತ್ವಞ್ಚ ಮೇ ಸರಣಂ ಭವ.

ಗರುಂ [ಗರು (ಸೀ. ಪೀ.)] ಸಿಲಂ ಗಹೇತ್ವಾನ, ವಿಚರೀ [ವಿಚರಿ (ಪೀ.)] ಪಬ್ಬತೇ ಕಪಿ;

ಸಿಲಾಯ ಯೋಗ್ಗಂ ಕತ್ವಾನ, ನಿಸಭೋ ಏತದಬ್ರವಿ.

ಏಹಿ ಮೇ ಪಿಟ್ಠಿಮಾರುಯ್ಹ, ಗೀವಂ ಗಣ್ಹಾಹಿ ಬಾಹುಭಿ;

ಅಹಂ ತಂ ಉದ್ಧರಿಸ್ಸಾಮಿ, ಗಿರಿದುಗ್ಗತ ವೇಗಸಾ.

ತಸ್ಸ ¶ ತಂ ವಚನಂ ಸುತ್ವಾ, ವಾನರಿನ್ದಸ್ಸ ಸಿರೀಮತೋ;

ಪಿಟ್ಠಿಮಾರುಯ್ಹ ಧೀರಸ್ಸ, ಗೀವಂ ಬಾಹಾಹಿ ಅಗ್ಗಹಿಂ.

ಸೋ ಮಂ ತತೋ ಸಮುಟ್ಠಾಸಿ, ತೇಜಸ್ಸೀ [ತೇಜಸೀ (ಸ್ಯಾ. ಪೀ. ಕ.)] ಬಲವಾ ಕಪಿ;

ವಿಹಞ್ಞಮಾನೋ ಕಿಚ್ಛೇನ, ಗಿರಿದುಗ್ಗತ ವೇಗಸಾ.

ಉದ್ಧರಿತ್ವಾನ ಮಂ ಸನ್ತೋ, ನಿಸಭೋ ಏತದಬ್ರವಿ;

ಇಙ್ಘ ಮಂ ಸಮ್ಮ ರಕ್ಖಸ್ಸು, ಪಸ್ಸುಪಿಸ್ಸಂ ಮುಹುತ್ತಕಂ.

ಸೀಹಾ ಬ್ಯಗ್ಘಾ ಚ ದೀಪೀ ಚ, ಅಚ್ಛಕೋಕತರಚ್ಛಯೋ;

ತೇ ಮಂ ಪಮತ್ತಂ ಹಿಂಸೇಯ್ಯುಂ, ತೇ ತ್ವಂ ದಿಸ್ವಾ ನಿವಾರಯ [ದಿಸ್ವಾನ ವಾರಯ (ಪೀ.)].

ಏವಂ ಮೇ ಪರಿತ್ತಾತೂನ [ಪರಿತ್ತಾತುನ (ಕ.)], ಪಸ್ಸುಪಿ ಸೋ ಮುಹುತ್ತಕಂ;

ತದಾಹಂ ಪಾಪಿಕಂ ದಿಟ್ಠಿಂ, ಪಟಿಲಚ್ಛಿಂ ಅಯೋನಿಸೋ.

ಭಕ್ಖೋ ಅಯಂ ಮನುಸ್ಸಾನಂ, ಯಥಾ ಚಞ್ಞೇ ವನೇ ಮಿಗಾ;

ಯಂ ನೂನಿಮಂ ವಧಿತ್ವಾನ, ಛಾತೋ ಖಾದೇಯ್ಯ ವಾನರಂ.

ಅಸಿತೋ [ಆಸಿಕೋ (ಪೀ.)] ಚ ಗಮಿಸ್ಸಾಮಿ, ಮಂಸಮಾದಾಯ ಸಮ್ಬಲಂ;

ಕನ್ತಾರಂ ನಿತ್ಥರಿಸ್ಸಾಮಿ, ಪಾಥೇಯ್ಯಂ ಮೇ ಭವಿಸ್ಸತಿ.

ತತೋ ಸಿಲಂ ಗಹೇತ್ವಾನ, ಮತ್ಥಕಂ ಸನ್ನಿತಾಳಯಿಂ;

ಮಮ ಗತ್ತ [ಭತ್ತ (ಸೀ. ಸ್ಯಾ.), ಹತ್ಥ (ಪೀ.)] ಕಿಲನ್ತಸ್ಸ, ಪಹಾರೋ ದುಬ್ಬಲೋ ಅಹು.

ಸೋ ¶ ¶ ಚ ವೇಗೇನುದಪ್ಪತ್ತೋ, ಕಪಿ ರುಹಿರ [ರುಧಿರ (ಸೀ.)] ಮಕ್ಖಿತೋ;

ಅಸ್ಸುಪುಣ್ಣೇಹಿ ನೇತ್ತೇಹಿ, ರೋದನ್ತೋ ಮಂ ಉದಿಕ್ಖತಿ.

ಮಾಯ್ಯೋಮಂ ಕರಿ ಭದ್ದನ್ತೇ, ತ್ವಞ್ಚ ನಾಮೇದಿಸಂ ಕರಿ;

ತ್ವಞ್ಚ ಖೋ ನಾಮ ದೀಘಾವು [ದೀಘಾಯು (ಪೀ.)], ಅಞ್ಞೇ [ಅಞ್ಞಂ (ಪೀ.)] ವಾರೇತುಮರಹಸಿ.

ಅಹೋ ¶ ವತ ರೇ ಪುರಿಸ, ತಾವ ದುಕ್ಕರಕಾರಕ;

ಏದಿಸಾ ವಿಸಮಾ ದುಗ್ಗಾ, ಪಪಾತಾ ಉದ್ಧತೋ [ಉದ್ಧಟೋ (ಪೀ.)] ಮಯಾ.

ಆನೀತೋ ಪರಲೋಕಾವ, ದುಬ್ಭೇಯ್ಯಂ ಮಂ ಅಮಞ್ಞಥ;

ತಂ ತೇನ ಪಾಪಧಮ್ಮೇನ, ಪಾಪಂ ಪಾಪೇನ ಚಿನ್ತಿತಂ.

ಮಾ ಹೇವ ತ್ವಂ ಅಧಮ್ಮಟ್ಠ, ವೇದನಂ ಕಟುಕಂ ಫುಸಿ;

ಮಾ ಹೇವ ಪಾಪಕಮ್ಮಂ ತಂ, ಫಲಂ ವೇಳುಂವ ತಂ ವಧಿ.

ತಯಿಮೇ ನತ್ಥಿ ವಿಸ್ಸಾಸೋ, ಪಾಪಧಮ್ಮ ಅಸಞ್ಞತ [ಪಾಪಧಮ್ಮಂ ಅಮಞ್ಞಥ (ಪೀ.)];

ಏಹಿ ಮೇ ಪಿಟ್ಠಿತೋ ಗಚ್ಛ, ದಿಸ್ಸಮಾನೋವ ಸನ್ತಿಕೇ.

ಮುತ್ತೋಸಿ ಹತ್ಥಾ ವಾಳಾನಂ, ಪತ್ತೋಸಿ ಮಾನುಸಿಂ ಪದಂ;

ಏಸ ಮಗ್ಗೋ ಅಧಮ್ಮಟ್ಠ, ತೇನ ಗಚ್ಛ ಯಥಾಸುಖಂ.

ಇದಂ ವತ್ವಾ ಗಿರಿಚರೋ, ರಹದೇ [ರುಹಿರಂ (ಸ್ಯಾ. ಕ.)] ಪಕ್ಖಲ್ಯ ಮತ್ಥಕಂ;

ಅಸ್ಸೂನಿ ಸಮ್ಪಮಜ್ಜಿತ್ವಾ, ತತೋ ಪಬ್ಬತಮಾರುಹಿ.

ಸೋಹಂ ತೇನಾಭಿಸತ್ತೋಸ್ಮಿ, ಪರಿಳಾಹೇನ ಅಟ್ಟಿತೋ;

ಡಯ್ಹಮಾನೇನ ಗತ್ತೇನ, ವಾರಿಂ ಪಾತುಂ ಉಪಾಗಮಿಂ.

ಅಗ್ಗಿನಾ ವಿಯ ಸನ್ತತ್ತೋ, ರಹದೋ ರುಹಿರಮಕ್ಖಿತೋ;

ಪುಬ್ಬಲೋಹಿತಸಙ್ಕಾಸೋ, ಸಬ್ಬೋ ಮೇ ಸಮಪಜ್ಜಥ.

ಯಾವನ್ತೋ ಉದಬಿನ್ದೂನಿ, ಕಾಯಸ್ಮಿಂ ನಿಪತಿಂಸು ಮೇ;

ತಾವನ್ತೋ ಗಣ್ಡ [ಗಣ್ಡೂ (ಸೀ. ಪೀ.), ಗಣ್ಡು (ಸ್ಯಾ.)] ಜಾಯೇಥ, ಅದ್ಧಬೇಲುವಸಾದಿಸಾ.

ಪಭಿನ್ನಾ ಪಗ್ಘರಿಂಸು ಮೇ, ಕುಣಪಾ ಪುಬ್ಬಲೋಹಿತಾ;

ಯೇನ ಯೇನೇವ ಗಚ್ಛಾಮಿ, ಗಾಮೇಸು ನಿಗಮೇಸು ಚ.

ದಣ್ಡಹತ್ಥಾ ¶ ¶ ನಿವಾರೇನ್ತಿ, ಇತ್ಥಿಯೋ ಪುರಿಸಾ ಚ ಮಂ;

ಓಕ್ಕಿತಾ [ಓಕಿಣ್ಣಾ (ಸೀ.)] ಪೂತಿಗನ್ಧೇನ, ಮಾಸ್ಸು ಓರೇನ ಆಗಮಾ [ಮಾಗಮಾ (ಸೀ. ಪೀ.)].

ಏತಾದಿಸಂ ಇದಂ ದುಕ್ಖಂ, ಸತ್ತ ವಸ್ಸಾನಿ ದಾನಿ ಮೇ;

ಅನುಭೋಮಿ ಸಕಂ ಕಮ್ಮಂ, ಪುಬ್ಬೇ ದುಕ್ಕಟಮತ್ತನೋ.

ತಂ ¶ ವೋ ವದಾಮಿ ಭದ್ದನ್ತೇ [ಭದ್ದಂ ವೋ (ಸೀ. ಪೀ.)], ಯಾವನ್ತೇತ್ಥ ಸಮಾಗತಾ;

ಮಾಸ್ಸು ಮಿತ್ತಾನ [ಮಿತ್ತಾನಂ (ಸೀ. ಪೀ.)] ದುಬ್ಭಿತ್ಥೋ, ಮಿತ್ತದುಬ್ಭೋ ಹಿ ಪಾಪಕೋ.

ಕುಟ್ಠೀ ಕಿಲಾಸೀ ಭವತಿ, ಯೋ ಮಿತ್ತಾನಿಧ ದುಬ್ಭತಿ [ಯೋ ಮಿತ್ತಾನಂ ಇಧದ್ದುಭಿ (ಸೀ. ಅಟ್ಠ.), ಯೋ ಮಿತ್ತಾನಂ ಇಧ ದುಬ್ಭತಿ (ಪೀ.)];

ಕಾಯಸ್ಸ ಭೇದಾ ಮಿತ್ತದ್ದು [ಮಿತ್ತದುಬ್ಭೀ (ಸ್ಯಾ. ಕ.)], ನಿರಯಂ ಸೋಪಪಜ್ಜತೀತಿ [ಸೋ ಉಪಪಜ್ಜತೀತಿ (ಸೀ. ಸ್ಯಾ. ಪೀ.)].

ಸಚೇ ವೋ ವುಯ್ಹಮಾನಾನಂ, ಸತ್ತನ್ನಂ ಉದಕಣ್ಣವೇ;

ಮನುಸ್ಸಬಲಿಮೇಸಾನೋ, ನಾವಂ ಗಣ್ಹೇಯ್ಯ ರಕ್ಖಸೋ;

ಅನುಪುಬ್ಬಂ ಕಥಂ ದತ್ವಾ, ಮುಞ್ಚೇಸಿ ದಕರಕ್ಖಸಾ [ದಕರಕ್ಖತೋ (ಪೀ.)].

ಮಾತರಂ ಪಠಮಂ ದಜ್ಜಂ, ಭರಿಯಂ ದತ್ವಾನ ಭಾತರಂ;

ತತೋ ಸಹಾಯಂ ದತ್ವಾನ, ಪಞ್ಚಮಂ ದಜ್ಜಂ [ದಜ್ಜ (ಸ್ಯಾ.)] ಬ್ರಾಹ್ಮಣಂ;

ಛಟ್ಠಾಹಂ ದಜ್ಜಮತ್ತಾನಂ, ನೇವ ದಜ್ಜಂ ಮಹೋಸಧಂ.

ಪೋಸೇತಾ ತೇ ಜನೇತ್ತೀ ಚ, ದೀಘರತ್ತಾನುಕಮ್ಪಿಕಾ;

ಛಬ್ಭೀ ತಯಿ ಪದುಸ್ಸತಿ [ಪದುಟ್ಠಸ್ಮಿಂ (ಸೀ. ಸ್ಯಾ.)], ಪಣ್ಡಿತಾ ಅತ್ಥದಸ್ಸಿನೀ;

ಅಞ್ಞಂ ¶ ಉಪನಿಸಂ ಕತ್ವಾ, ವಧಾ ತಂ ಪರಿಮೋಚಯಿ.

ತಂ ತಾದಿಸಿಂ [ತಾದಿಸಂ (ಕ.)] ಪಾಣದದಿಂ, ಓರಸಂ ಗಬ್ಭಧಾರಿನಿಂ [ಗಬ್ಭಧಾರಿಣಿಂ (ಸೀ. ಸ್ಯಾ.)];

ಮಾತರಂ ಕೇನ ದೋಸೇನ, ದಜ್ಜಾಸಿ ದಕರಕ್ಖಿನೋ [ದಕರಕ್ಖತೋ (ಪೀ.)].

ದಹರಾ ವಿಯಲಙ್ಕಾರಂ, ಧಾರೇತಿ ಅಪಿಳನ್ಧನಂ;

ದೋವಾರಿಕೇ ಅನೀಕಟ್ಠೇ, ಅತಿವೇಲಂ ಪಜಗ್ಘತಿ [ಸಞ್ಜಗ್ಘತಿ (ಕ.)].

ಅಥೋಪಿ ¶ ಪಟಿರಾಜೂನಂ, ಸಯಂ ದೂತಾನಿ ಸಾಸತಿ;

ಮಾತರಂ ತೇನ ದೋಸೇನ, ದಜ್ಜಾಹಂ ದಕರಕ್ಖಿನೋ.

ಇತ್ಥಿಗುಮ್ಬಸ್ಸ ಪವರಾ, ಅಚ್ಚನ್ತಂ ಪಿಯಭಾಣಿನೀ [ಅಚ್ಚನ್ತಪಿಯವಾದಿನೀ (ಸೀ. ಪೀ.)];

ಅನುಗ್ಗತಾ [ಅನುಬ್ಬತಾ (ಸ್ಯಾ.), ಅನುಪುಬ್ಬತಾ (ಕ.)] ಸೀಲವತೀ, ಛಾಯಾವ ಅನಪಾಯಿನೀ.

ಅಕ್ಕೋಧನಾ ಪುಞ್ಞವತೀ [ಪಞ್ಞವತೀ (ಸೀ. ಪೀ.)], ಪಣ್ಡಿತಾ ಅತ್ಥದಸ್ಸಿನೀ;

ಉಬ್ಬರಿಂ [ಉಪ್ಪರಿಂ (ಸೀ.)] ಕೇನ ದೋಸೇನ, ದಜ್ಜಾಸಿ ದಕರಕ್ಖಿನೋ.

ಖಿಡ್ಡಾರತಿಸಮಾಪನ್ನಂ, ಅನತ್ಥವಸಮಾಗತಂ;

ಸಾ ಮಂ ಸಕಾನ ಪುತ್ತಾನಂ, ಅಯಾಚಂ ಯಾಚತೇ ಧನಂ.

ಸೋಹಂ ¶ ದದಾಮಿ ಸಾರತ್ತೋ [ಸಾರತೋ (ಸ್ಯಾ.)], ಬಹುಂ ಉಚ್ಚಾವಚಂ ಧನಂ;

ಸುದುಚ್ಚಜಂ ಚಜಿತ್ವಾನ, ಪಚ್ಛಾ ಸೋಚಾಮಿ ದುಮ್ಮನೋ;

ಉಬ್ಬರಿಂ ತೇನ ದೋಸೇನ, ದಜ್ಜಾಹಂ ದಕರಕ್ಖಿನೋ.

ಯೇನೋಚಿತಾ ಜನಪದಾ [ಜಾನಪದಾ (ಸೀ. ಸ್ಯಾ. ಪೀ.)], ಆನೀತಾ ಚ ಪಟಿಗ್ಗಹಂ;

ಆಭತಂ ಪರರಜ್ಜೇಭಿ, ಅಭಿಟ್ಠಾಯ ಬಹುಂ ಧನಂ.

ಧನುಗ್ಗಹಾನಂ ಪವರಂ, ಸೂರಂ ತಿಖಿಣಮನ್ತಿನಂ;

ಭಾತರಂ ಕೇನ ದೋಸೇನ, ದಜ್ಜಾಸಿ ದಕರಕ್ಖಿನೋ.

ಯೇನೋಚಿತಾ ¶ [ಮಯೋಚಿತಾ (ಸೀ.), ಮಯಾಚಿತಾ (ಪೀ.)] ಜನಪದಾ, ಆನೀತಾ ಚ ಪಟಿಗ್ಗಹಂ;

ಆಭತಂ ಪರರಜ್ಜೇಭಿ, ಅಭಿಟ್ಠಾಯ ಬಹುಂ ಧನಂ.

ಧನುಗ್ಗಹಾನಂ ಪವರೋ, ಸೂರೋ ತಿಖಿಣಮನ್ತಿ ಚ [ತಿಖಿಣಮನ್ತಿನೋ (ಕ.)];

ಮಯಾಯಂ [ಮಯಾ ಸೋ (ಸೀ. ಪೀ.)] ಸುಖಿತೋ ರಾಜಾ, ಅತಿಮಞ್ಞತಿ ದಾರಕೋ.

ಉಪಟ್ಠಾನಮ್ಪಿ ಮೇ ಅಯ್ಯೇ, ನ ಸೋ ಏತಿ ಯಥಾ ಪುರೇ;

ಭಾತರಂ ತೇನ ದೋಸೇನ, ದಜ್ಜಾಹಂ ದಕರಕ್ಖಿನೋ.

ಏಕರತ್ತೇನ ಉಭಯೋ, ತ್ವಞ್ಚೇವ ಧನುಸೇಖ ಚ [ಧನುಸೇಖವಾ (ಸೀ. ಸ್ಯಾ. ಪೀ.)];

ಉಭೋ ಜಾತೇತ್ಥ ಪಞ್ಚಾಲಾ, ಸಹಾಯಾ ಸುಸಮಾವಯಾ.

ಚರಿಯಾ ¶ ತಂ ಅನುಬನ್ಧಿತ್ಥೋ [ಅನುಬನ್ಧೋ (ಕ.)], ಏಕದುಕ್ಖಸುಖೋ ತವ;

ಉಸ್ಸುಕ್ಕೋ ತೇ ದಿವಾರತ್ತಿಂ, ಸಬ್ಬಕಿಚ್ಚೇಸು ಬ್ಯಾವಟೋ;

ಸಹಾಯಂ ಕೇನ ದೋಸೇನ, ದಜ್ಜಾಸಿ ದಕರಕ್ಖಿನೋ.

ಚರಿಯಾ ಮಂ ಅಯಂ [ಚರಿಯಾಯ ಅಯಂ (ಸೀ. ಪೀ.)] ಅಯ್ಯೇ, ಪಜಗ್ಘಿತ್ಥೋ [ಸಞ್ಜಗ್ಘಿತ್ಥೋ (ಸ್ಯಾ.)] ಮಯಾ ಸಹ;

ಅಜ್ಜಾಪಿ ತೇನ ವಣ್ಣೇನ, ಅತಿವೇಲಂ ಪಜಗ್ಘತಿ.

ಉಬ್ಬರಿಯಾಪಿಹಂ ಅಯ್ಯೇ, ಮನ್ತಯಾಮಿ ರಹೋಗತೋ;

ಅನಾಮನ್ತೋ [ಅನಾಮನ್ತಾ (ಸೀ.)] ಪವಿಸತಿ, ಪುಬ್ಬೇ ಅಪ್ಪಟಿವೇದಿತೋ.

ಲದ್ಧದ್ವಾರೋ [ಲದ್ಧವಾರೋ (ಸೀ. ಪೀ.)] ಕತೋಕಾಸೋ, ಅಹಿರಿಕಂ ಅನಾದರಂ;

ಸಹಾಯಂ ತೇನ ದೋಸೇನ, ದಜ್ಜಾಹಂ ದಕರಕ್ಖಿನೋ.

ಕುಸಲೋ ಸಬ್ಬನಿಮಿತ್ತಾನಂ, ರುತಞ್ಞೂ [ರುದಞ್ಞೂ (ಸೀ. ಸ್ಯಾ. ಪೀ.)] ಆಗತಾಗಮೋ;

ಉಪ್ಪಾತೇ ಸುಪಿನೇ ಯುತ್ತೋ, ನಿಯ್ಯಾನೇ ಚ ಪವೇಸನೇ.

ಪಟ್ಠೋ [ಪದ್ಧೋ (ಸೀ. ಪೀ.)] ಭೂಮನ್ತಲಿಕ್ಖಸ್ಮಿಂ, ನಕ್ಖತ್ತಪದಕೋವಿದೋ;

ಬ್ರಾಹ್ಮಣಂ ¶ ಕೇನ ದೋಸೇನ, ದಜ್ಜಾಸಿ ದಕರಕ್ಖಿನೋ.

ಪರಿಸಾಯಮ್ಪಿ ಮೇ ಅಯ್ಯೇ, ಉಮ್ಮೀಲಿತ್ವಾ ಉದಿಕ್ಖತಿ;

ತಸ್ಮಾ ಅಚ್ಚಭಮುಂ ಲುದ್ದಂ, ದಜ್ಜಾಹಂ ದಕರಕ್ಖಿನೋ.

ಸಸಮುದ್ದಪರಿಯಾಯಂ ¶ , ಮಹಿಂ ಸಾಗರಕುಣ್ಡಲಂ;

ವಸುನ್ಧರಂ ಆವಸಸಿ, ಅಮಚ್ಚಪರಿವಾರಿತೋ.

ಚಾತುರನ್ತೋ ಮಹಾರಟ್ಠೋ, ವಿಜಿತಾವೀ ಮಹಬ್ಬಲೋ;

ಪಥಬ್ಯಾ ಏಕರಾಜಾಸಿ, ಯಸೋ ತೇ ವಿಪುಲಂ ಗತೋ.

ಸೋಳಸಿತ್ಥಿಸಹಸ್ಸಾನಿ, ಆಮುತ್ತಮಣಿಕುಣ್ಡಲಾ;

ನಾನಾಜನಪದಾ ನಾರೀ, ದೇವಕಞ್ಞೂಪಮಾ ಸುಭಾ.

ಏವಂ ಸಬ್ಬಙ್ಗಸಮ್ಪನ್ನಂ, ಸಬ್ಬಕಾಮಸಮಿದ್ಧಿನಂ;

ಸುಖಿತಾನಂ ಪಿಯಂ ದೀಘಂ, ಜೀವಿತಂ ಆಹು ಖತ್ತಿಯ.

ಅಥ ತ್ವಂ ಕೇನ ವಣ್ಣೇನ, ಕೇನ ವಾ ಪನ ಹೇತುನಾ;

ಪಣ್ಡಿತಂ ಅನುರಕ್ಖನ್ತೋ, ಪಾಣಂ ಚಜಸಿ ದುಚ್ಚಜಂ.

ಯತೋಪಿ ¶ ಆಗತೋ ಅಯ್ಯೇ, ಮಮ ಹತ್ಥಂ ಮಹೋಸಧೋ;

ನಾಭಿಜಾನಾಮಿ ಧೀರಸ್ಸ, ಅನುಮತ್ತಮ್ಪಿ ದುಕ್ಕಟಂ.

ಸಚೇ ಚ ಕಿಸ್ಮಿಚಿ ಕಾಲೇ, ಮರಣಂ ಮೇ ಪುರೇ ಸಿಯಾ;

ಸೋ ಮೇ ಪುತ್ತೇ [ಪುತ್ತೇ ಚ ಮೇ (ಸೀ. ಸ್ಯಾ. ಪೀ.] ಪಪುತ್ತೇ ಚ, ಸುಖಾಪೇಯ್ಯ ಮಹೋಸಧೋ.

ಅನಾಗತಂ ಪಚ್ಚುಪ್ಪನ್ನಂ, ಸಬ್ಬಮತ್ಥಮ್ಪಿ ಪಸ್ಸತಿ [ಸಬ್ಬಮತ್ಥಂ ವಿಪಸ್ಸತಿ (ಸೀ. ಸ್ಯಾ. ಪೀ.)];

ಅನಾಪರಾಧಕಮ್ಮನ್ತಂ, ನ ದಜ್ಜಂ ದಕರಕ್ಖಿನೋ.

ಇದಂ ಸುಣಾಥ ಪಞ್ಚಾಲಾ, ಚೂಳನೇಯ್ಯಸ್ಸ [ಚೂಳನೀಯಸ್ಸ (ಸೀ.)] ಭಾಸಿತಂ;

ಪಣ್ಡಿತಂ ¶ ಅನುರಕ್ಖನ್ತೋ, ಪಾಣಂ ಚಜತಿ ದುಚ್ಚಜಂ.

ಮಾತು ಭರಿಯಾಯ ಭಾತುಚ್ಚ, ಸಖಿನೋ ಬ್ರಾಹ್ಮಣಸ್ಸ ಚ;

ಅತ್ತನೋ ಚಾಪಿ ಪಞ್ಚಾಲೋ, ಛನ್ನಂ ಚಜತಿ ಜೀವಿತಂ.

ಏವಂ ಮಹತ್ಥಿಕಾ [ಖಹಿದ್ಧಿಯಾ (ಸ್ಯಾ.), ಮಹಿದ್ಧಿಕಾ (ಕ.)] ಪಞ್ಞಾ, ನಿಪುಣಾ ಸಾಧುಚಿನ್ತಿನೀ;

ದಿಟ್ಠಧಮ್ಮಹಿತತ್ಥಾಯ, ಸಮ್ಪರಾಯಸುಖಾಯ ಚಾತಿ.

ವಿಕಿಣ್ಣವಾಚಂ ಅನಿಗುಯ್ಹ [ಅನಿಗೂಳ್ಹ (ಪೀ.)] ಮನ್ತಂ, ಅಸಞ್ಞತಂ ಅಪರಿಚಕ್ಖಿತಾರಂ [ಅಪರಿರಕ್ಖಿತಾರಂ (ಕ.)];

ಭಯಂ ತಮನ್ವೇತಿ ಸಯಂ ಅಬೋಧಂ, ನಾಗಂ ಯಥಾ ಪಣ್ಡರಕಂ ಸುಪಣ್ಣೋ [ಸುವಣ್ಣೋ (ಕ.)].

ಯೋ ಗುಯ್ಹಮನ್ತಂ ಪರಿರಕ್ಖನೇಯ್ಯಂ, ಮೋಹಾ ನರೋ ಸಂಸತಿ ಹಾಸಮಾನೋ [ಭಾಸಮಾನೋ (ಪೀ.)];

ತಂ ಭಿನ್ನಮನ್ತಂ ಭಯಮನ್ವೇತಿ ಖಿಪ್ಪಂ, ನಾಗಂ ಯಥಾ ಪಣ್ಡರಕಂ ಸುಪಣ್ಣೋ.

ನಾನುಮಿತ್ತೋ ¶ ಗರುಂ ಅತ್ಥಂ, ಗುಯ್ಹಂ ವೇದಿತುಮರಹತಿ;

ಸುಮಿತ್ತೋ ಚ ಅಸಮ್ಬುದ್ಧಂ, ಸಮ್ಬುದ್ಧಂ ವಾ ಅನತ್ಥ ವಾ.

ವಿಸ್ಸಾಸಮಾಪಜ್ಜಿಮಹಂ ¶ ಅಚೇಲಂ [ಅಚೇಲೋ (ಸೀ. ಪೀ.)], ಸಮಣೋ ¶ ಅಯಂ ಸಮ್ಮತೋ ಭಾವಿತತ್ತೋ;

ತಸ್ಸಾಹಮಕ್ಖಿಂ ವಿವರಿಂ [ವಿವರಂ (ಸೀ.)] ಗುಯ್ಹಮತ್ಥಂ, ಅತೀತಮತ್ಥೋ ಕಪಣಂ [ಕಪಣೋ (ಪೀ.)] ರುದಾಮಿ.

ತಸ್ಸಾಹಂ ಪರಮಂ [ಪುರಿಮಂ (ಸೀ.)] ಬ್ರಹ್ಮೇ ಗುಯ್ಹಂ, ವಾಚಞ್ಹಿ ಮಂ ನಾಸಕ್ಖಿಂ [ನಾಸಕ್ಖಿ (ಪೀ.)] ಸಂಯಮೇತುಂ;

ತಪ್ಪಕ್ಖತೋ ಹಿ ಭಯಮಾಗತಂ ಮಮಂ, ಅತೀತಮತ್ಥೋ ಕಪಣಂ ರುದಾಮಿ.

ಯೋ ವೇ ನರೋ ಸುಹದಂ ಮಞ್ಞಮಾನೋ, ಗುಯ್ಹಮತ್ಥಂ ಸಂಸತಿ ದುಕ್ಕುಲೀನೇ;

ದೋಸಾ ಭಯಾ ಅಥವಾ ರಾಗರತ್ತಾ [ರಾಗರತ್ತೋ (ಸೀ. ಸ್ಯಾ. ಪೀ.)], ಪಲ್ಲತ್ಥಿತೋ [ಪಲ್ಲಿತ್ಥೋ (ಪೀ.), ಪಲ್ಲತ್ತಿತೋ (ಕ.)] ಬಾಲೋ ಅಸಂಸಯಂ ಸೋ.

ತಿರೋಕ್ಖವಾಚೋ ಅಸತಂ ಪವಿಟ್ಠೋ, ಯೋ ಸಙ್ಗತೀಸು ಮುದೀರೇತಿ ವಾಕ್ಯಂ;

ಆಸೀವಿಸೋ ದುಮ್ಮುಖೋತ್ಯಾಹು ತಂ ನರಂ, ಆರಾ ಆರಾ [ಆರಾ ಅರಾ (ಪೀ.)] ಸಂಯಮೇ ತಾದಿಸಮ್ಹಾ.

ಅನ್ನಂ ಪಾನಂ ಕಾಸಿಕ [ಕಾಸಿಕಂ (ಪೀ.)] ಚನ್ದನಞ್ಚ, ಮನಾಪಿತ್ಥಿಯೋ ಮಾಲಮುಚ್ಛಾದನಞ್ಚ;

ಓಹಾಯ ಗಚ್ಛಾಮಸೇ ಸಬ್ಬಕಾಮೇ, ಸುಪಣ್ಣ ಪಾಣೂಪಗತಾವ ತ್ಯಮ್ಹಾ.

ಕೋ ನೀಧ ತಿಣ್ಣಂ ಗರಹಂ ಉಪೇತಿ, ಅಸ್ಮಿಂಧ ¶ ಲೋಕೇ ಪಾಣಭೂ ನಾಗರಾಜ;

ಸಮಣೋ ಸುಪಣ್ಣೋ ಅಥ ವಾ ತ್ವಮೇವ, ಕಿಂ ಕಾರಣಾ ಪಣ್ಡರಕಗ್ಗಹೀತೋ.

ಸಮಣೋತಿ ¶ ಮೇ ಸಮ್ಮತತ್ತೋ ಅಹೋಸಿ, ಪಿಯೋ ಚ ಮೇ ಮನಸಾ ಭಾವಿತತ್ತೋ;

ತಸ್ಸಾಹಮಕ್ಖಿಂ ವಿವರಿಂ ಗುಯ್ಹಮತ್ಥಂ, ಅತೀತಮತ್ಥೋ ಕಪಣಂ ರುದಾಮಿ.

ನ ಚತ್ಥಿ ಸತ್ತೋ ಅಮರೋ ಪಥಬ್ಯಾ, ಪಞ್ಞಾವಿಧಾ ನತ್ಥಿ ನ ನಿನ್ದಿತಬ್ಬಾ;

ಸಚ್ಚೇನ ಧಮ್ಮೇನ ಧಿತಿಯಾ [ಧಿಯಾ (ಸೀ. ಪೀ.)] ದಮೇನ, ಅಲಬ್ಭಮಬ್ಯಾಹರತೀ ನರೋ ಇಧ.

ಮಾತಾಪಿತಾ ಪರಮಾ ಬನ್ಧವಾನಂ, ನಾಸ್ಸ ತತಿಯೋ ಅನುಕಮ್ಪಕತ್ಥಿ;

ತೇಸಮ್ಪಿ ಗುಯ್ಹಂ ಪರಮಂ ನ ಸಂಸೇ, ಮನ್ತಸ್ಸ ಭೇದಂ ಪರಿಸಙ್ಕಮಾನೋ.

ಮಾತಾಪಿತಾ ಭಗಿನೀ ಭಾತರೋ ಚ, ಸಹಾಯಾ ವಾ ಯಸ್ಸ ಹೋನ್ತಿ ಸಪಕ್ಖಾ;

ತೇಸಮ್ಪಿ ಗುಯ್ಹಂ ಪರಮಂ ನ ಸಂಸೇ, ಮನ್ತಸ್ಸ ಭೇದಂ ಪರಿಸಙ್ಕಮಾನೋ.

ಭರಿಯಾ ಚೇ ಪುರಿಸಂ ವಜ್ಜಾ, ಕೋಮಾರೀ ಪಿಯಭಾಣಿನೀ;

ಪುತ್ತರೂಪಯಸೂಪೇತಾ ¶ , ಞಾತಿಸಙ್ಘಪುರಕ್ಖತಾ, ತಸ್ಸಾಪಿ ಗುಯ್ಹಂ ಪರಮಂ ನ ಸಂಸೇ;

ನ ಗುಯ್ಹಮತ್ಥಂ [ಗುಯ್ಹತ್ಥಂ (ಕ.)] ವಿವರೇಯ್ಯ, ರಕ್ಖೇಯ್ಯ ನಂ ಯಥಾ ನಿಧಿಂ;

ನ ಹಿ ಪಾತುಕತೋ ಸಾಧು, ಗುಯ್ಹೋ ಅತ್ಥೋ ಪಜಾನತಾ.

ಥಿಯಾ ಗುಯ್ಹಂ ನ ಸಂಸೇಯ್ಯ, ಅಮಿತ್ತಸ್ಸ ಚ ಪಣ್ಡಿತೋ;

ಯೋ ಚಾಮಿಸೇನ ಸಂಹೀರೋ, ಹದಯತ್ಥೇನೋ ಚ ಯೋ ನರೋ.

ಗುಯ್ಹಮತ್ಥಂ ¶ ಅಸಮ್ಬುದ್ಧಂ, ಸಮ್ಬೋಧಯತಿ ಯೋ ನರೋ;

ಮನ್ತಭೇದಭಯಾ ತಸ್ಸ, ದಾಸಭೂತೋ ತಿತಿಕ್ಖತಿ.

ಯಾವನ್ತೋ ¶ ಪುರಿಸಸ್ಸತ್ಥಂ, ಗುಯ್ಹಂ ಜಾನನ್ತಿ ಮನ್ತಿನಂ;

ತಾವನ್ತೋ ತಸ್ಸ ಉಬ್ಬೇಗಾ, ತಸ್ಮಾ ಗುಯ್ಹಂ ನ ವಿಸ್ಸಜೇ.

ವಿವಿಚ್ಚ ಭಾಸೇಯ್ಯ ದಿವಾ ರಹಸ್ಸಂ, ರತ್ತಿಂ ಗಿರಂ ನಾತಿವೇಲಂ ಪಮುಞ್ಚೇ;

ಉಪಸ್ಸುತಿಕಾ ಹಿ ಸುಣನ್ತಿ ಮನ್ತಂ, ತಸ್ಮಾ ಮನ್ತೋ ಖಿಪ್ಪಮುಪೇತಿ ಭೇದಂ.

ಯಥಾಪಿ ಅಸ್ಸ [ಅಯೋ (ಸ್ಯಾ.), ಅಯ (ಕ.)] ನಗರಂ ಮಹನ್ತಂ, ಅದ್ವಾರಕಂ [ಆಳಾರಕಂ (ಪೀ.)] ಆಯಸಂ ಭದ್ದಸಾಲಂ;

ಸಮನ್ತಖಾತಾಪರಿಖಾಉಪೇತಂ, ಏವಮ್ಪಿ ಮೇ ತೇ ಇಧ ಗುಯ್ಹಮನ್ತಾ.

ಯೇ ಗುಯ್ಹಮನ್ತಾ ಅವಿಕಿಣ್ಣವಾಚಾ, ದಳ್ಹಾ ¶ ಸದತ್ಥೇಸು ನರಾ ದುಜಿವ್ಹ [ದುಜಿವ್ಹಾ (ಸ್ಯಾ. ಪೀ.)];

ಆರಾ ಅಮಿತ್ತಾ ಬ್ಯವಜನ್ತಿ ತೇಹಿ, ಆಸೀವಿಸಾ ವಾ ರಿವ ಸತ್ತುಸಙ್ಘಾ [ಸತ್ತಸಙ್ಘಾ (ಸೀ. ಸ್ಯಾ.)].

ಹಿತ್ವಾ ಘರಂ ಪಬ್ಬಜಿತೋ ಅಚೇಲೋ, ನಗ್ಗೋ ಮುಣ್ಡೋ ಚರತಿ ಘಾಸಹೇತು;

ತಮ್ಹಿ [ತಮ್ಹೀ (ಪೀ.)] ನು ಖೋ ವಿವರಿಂ ಗುಯ್ಹಮತ್ಥಂ, ಅತ್ಥಾ ಚ ಧಮ್ಮಾ ಚ ಅಪಗ್ಗತಮ್ಹಾ [ಅಪಾಗತಮ್ಹಾ (ಸೀ.), ಅಪಗತಮ್ಹಾ (ಸ್ಯಾ.), ಅವಾಗತಮ್ಹಾ (ಪೀ.)].

ಕಥಂಕರೋ ಹೋತಿ ಸುಪಣ್ಣರಾಜ, ಕಿಂಸೀಲೋ ಕೇನ ವತೇನ ವತ್ತಂ;

ಸಮಣೋ ಚರಂ ಹಿತ್ವಾ ಮಮಾಯಿತಾನಿ, ಕಥಂಕರೋ ಸಗ್ಗಮುಪೇತಿ ಠಾನಂ.

ಹಿರಿಯಾ ತಿತಿಕ್ಖಾಯ ದಮೇನುಪೇತೋ [ದಮೇನ ಖನ್ತಿಯಾ (ಸೀ. ಸ್ಯಾ. ಪೀ.)], ಅಕ್ಕೋಧನೋ ಪೇಸುಣಿಯಂ ಪಹಾಯ;

ಸಮಣೋ ಚರಂ ಹಿತ್ವಾ ಮಮಾಯಿತಾನಿ, ಏವಂಕರೋ ಸಗ್ಗಮುಪೇತಿ ಠಾನಂ.

ಮಾತಾವ ¶ ಪುತ್ತಂ ತರುಣಂ ತನುಜ್ಜಂ [ತನೂಜಂ (ಸೀ.)], ಸಮ್ಫಸ್ಸತಾ [ಸಮ್ಪಸ್ಸ ತಂ (ಸೀ. ಪೀ.)] ಸಬ್ಬಗತ್ತಂ ಫರೇತಿ;

ಏವಮ್ಪಿ ಮೇ ತ್ವಂ ಪಾತುರಹು ದಿಜಿನ್ದ, ಮಾತಾವ ಪುತ್ತಂ ಅನುಕಮ್ಪಮಾನೋ.

ಹನ್ದಜ್ಜ ¶ ತ್ವಂ ಮುಞ್ಚ [ಮುಚ್ಚ (ಸೀ.)] ವಧಾ ದುಜಿವ್ಹ, ತಯೋ ಹಿ ಪುತ್ತಾ ನ ಹಿ ಅಞ್ಞೋ ಅತ್ಥಿ;

ಅನ್ತೇವಾಸೀ ದಿನ್ನಕೋ ಅತ್ರಜೋ ಚ, ರಜ್ಜಸ್ಸು [ರಜಸ್ಸು (ಸೀ. ಸ್ಯಾ. ಪೀ.)] ಪುತ್ತಞ್ಞತರೋ ಮೇ ಅಹೋಸಿ.

ಇಚ್ಚೇವ ವಾಕ್ಯಂ ವಿಸಜ್ಜೀ ಸುಪಣ್ಣೋ, ಭುಮ್ಯಂ ಪತಿಟ್ಠಾಯ ದಿಜೋ ದುಜಿವ್ಹಂ;

ಮುತ್ತಜ್ಜ ತ್ವಂ ಸಬ್ಬಭಯಾತಿವತ್ತೋ, ಥಲೂದಕೇ ಹೋಹಿ ಮಯಾಭಿಗುತ್ತೋ.

ಆತಙ್ಕಿನಂ ಯಥಾ ಕುಸಲೋ ಭಿಸಕ್ಕೋ, ಪಿಪಾಸಿತಾನಂ ರಹದೋವ ಸೀತೋ;

ವೇಸ್ಮಂ ಯಥಾ ಹಿಮಸೀತಟ್ಟಿತಾನಂ [ಹಿಮಸಿಸಿರಟ್ಟಿತಾನಂ (ಪೀ.)], ಏವಮ್ಪಿ ತೇ ಸರಣಮಹಂ ಭವಾಮಿ.

ಸನ್ಧಿಂ ಕತ್ವಾ ಅಮಿತ್ತೇನ, ಅಣ್ಡಜೇನ ಜಲಾಬುಜ;

ವಿವರಿಯ ದಾಠಂ ಸೇಸಿ, ಕುತೋ ತಂ ಭಯಮಾಗತಂ.

ಸಙ್ಕೇಥೇವ ಅಮಿತ್ತಸ್ಮಿಂ, ಮಿತ್ತಸ್ಮಿಮ್ಪಿ ನ ವಿಸ್ಸಸೇ;

ಅಭಯಾ ಭಯಮುಪ್ಪನ್ನಂ, ಅಪಿ ಮೂಲಾನಿ ಕನ್ತತಿ.

ಕಥಂ ನು ವಿಸ್ಸಸೇ ತ್ಯಮ್ಹಿ, ಯೇನಾಸಿ ಕಲಹೋ ಕತೋ;

ನಿಚ್ಚಯತ್ತೇನ ಠಾತಬ್ಬಂ, ಸೋ ದಿಸಬ್ಭಿ [ಸೋ ದಿಸಮ್ಹಿ (ಪೀ.)] ನ ರಜ್ಜತಿ.

ವಿಸ್ಸಾಸಯೇ ¶ ನ ಚ ತಂ [ನಂ (ಸೀ. ಸ್ಯಾ. ಪೀ.)] ವಿಸ್ಸಯೇಯ್ಯ, ಅಸಙ್ಕಿತೋ ಸಙ್ಕಿತೋ ಚ [ಅಸಙ್ಕಿತೋ ಚ ಸಙ್ಕಿತೋ (ಸೀ. ಪೀ.)] ಭವೇಯ್ಯ;

ತಥಾ ¶ ತಥಾ ವಿಞ್ಞೂ ಪರಕ್ಕಮೇಯ್ಯ, ಯಥಾ ಯಥಾ ಭಾವಂ ಪರೋ ನ ಜಞ್ಞಾ.

ತೇ ¶ ದೇವವಣ್ಣಾ [ದೇವವಣ್ಣೀ (ಪೀ.)] ಸುಖುಮಾಲರೂಪಾ, ಉಭೋ ಸಮಾ ಸುಜಯಾ [ಸುಜಯೋ (ಸೀ. ಸ್ಯಾ. ಪೀ.)] ಪುಞ್ಞಖನ್ಧಾ [ಪುಞ್ಞಗನ್ಧಾ (ಪೀ.)];

ಉಪಾಗಮುಂ ಕರಮ್ಪಿಯಂ [ಕಾದಮ್ಬಿಯಂ (ಸೀ.), ಕಾರಮ್ಬಿಯಂ (ಪೀ.)] ಅಚೇಲಂ, ಮಿಸ್ಸೀಭೂತಾ ಅಸ್ಸವಾಹಾವ ನಾಗಾ.

ತತೋ ಹವೇ ಪಣ್ಡರಕೋ ಅಚೇಲಂ, ಸಯಮೇವುಪಾಗಮ್ಮ ಇದಂ ಅವೋಚ;

ಮುತ್ತಜ್ಜಹಂ ಸಬ್ಬಭಯಾತಿವತ್ತೋ, ನ ಹಿ [ಹ (ಪೀ.)] ನೂನ ತುಯ್ಹಂ ಮನಸೋ ಪಿಯಮ್ಹಾ.

ಪಿಯೋ ಹಿ ಮೇ ಆಸಿ ಸುಪಣ್ಣರಾಜಾ, ಅಸಂಸಯಂ ಪಣ್ಡರಕೇನ ಸಚ್ಚಂ;

ಸೋ ರಾಗರತ್ತೋವ ಅಕಾಸಿಮೇತಂ, ಪಾಪಕಮ್ಮಂ [ಪಾಪಂ ಕಮ್ಮಂ (ಸೀ. ಪೀ.)] ಸಮ್ಪಜಾನೋ ನ ಮೋಹಾ.

ನ ಮೇ ಪಿಯಂ ಅಪ್ಪಿಯಂ ವಾಪಿ ಹೋತಿ, ಸಮ್ಪಸ್ಸತೋ ಲೋಕಮಿಮಂ ಪರಞ್ಚ;

ಸುಸಞ್ಞತಾನಞ್ಹಿ ವಿಯಞ್ಜನೇನ, ಅಸಞ್ಞತೋ ಲೋಕಮಿಮಂ ಚರಾಸಿ.

ಅರಿಯಾವಕಾಸೋಸಿ ಅನರಿಯೋವಾಸಿ [ಅನರಿಯೋ ಚಾಸಿ (ಸೀ. ಪೀ.)], ಅಸಞ್ಞತೋ ಸಞ್ಞತಸನ್ನಿಕಾಸೋ;

ಕಣ್ಹಾಭಿಜಾತಿಕೋಸಿ ¶ ಅನರಿಯರೂಪೋ, ಪಾಪಂ ಬಹುಂ ದುಚ್ಚರಿತಂ ಅಚಾರಿ.

ಅದುಟ್ಠಸ್ಸ ತುವಂ ದುಬ್ಭಿ, ದುಬ್ಭೀ [ದೂಭಿ, ದೂಭೀ (ಪೀ.)] ಚ ಪಿಸುಣೋ ಚಸಿ;

ಏತೇನ ಸಚ್ಚವಜ್ಜೇನ, ಮುದ್ಧಾ ತೇ ಫಲತು ಸತ್ತಧಾ.

ತಸ್ಮಾ ಹಿ ಮಿತ್ತಾನಂ ನ ದುಬ್ಭಿತಬ್ಬಂ, ಮಿತ್ತದುಬ್ಭಾ [ಮಿತ್ತದುಬ್ಭಾ ಹಿ (ಸ್ಯಾ.)] ಪಾಪಿಯೋ ನತ್ಥಿ ಅಞ್ಞೋ;

ಆಸಿತ್ತಸತ್ತೋ ನಿಹತೋ ಪಥಬ್ಯಾ, ಇನ್ದಸ್ಸ ವಾಕ್ಯೇನ ಹಿ ಸಂವರೋ ಹತೋತಿ.

ಪಣ್ಡರನಾಗರಾಜಜಾತಕಂ [ಪಣ್ಡರಕಜಾತಕಂ (ಸೀ. ಸ್ಯಾ. ಪೀ.)] ಅಟ್ಠಮಂ.

ಕಾ ¶ ವೇಧಮಾನಾ ಗಿರಿಕನ್ದರಾಯಂ, ಏಕಾ ತುವಂ ತಿಟ್ಠಸಿ ಸಂಹಿತೂರು [ಸಞ್ಞತೂರ (ಸೀ. ಪೀ.), ಸಞ್ಚಿತೂರು (ಸ್ಯಾ.)];

ಪುಟ್ಠಾಸಿ ಮೇ ಪಾಣಿಪಮೇಯ್ಯಮಜ್ಝೇ, ಅಕ್ಖಾಹಿ ಮೇ ನಾಮಞ್ಚ ಬನ್ಧವೇ ಚ.

ಓಭಾಸಯಂ ವನಂ ರಮ್ಮಂ, ಸೀಹಬ್ಯಗ್ಘನಿಸೇವಿತಂ;

ಕಾ ವಾ ತ್ವಮಸಿ ಕಲ್ಯಾಣಿ, ಕಸ್ಸ ವಾ ತ್ವಂ ಸುಮಜ್ಝಿಮೇ;

ಅಭಿವಾದೇಮಿ ತಂ ಭದ್ದೇ, ದಾನವಾಹಂ ನಮತ್ಥು ತೇ.

ಯೋ ಪುತ್ತೋ ಕಾಸಿರಾಜಸ್ಸ, ಸೋತ್ಥಿಸೇನೋತಿ ತಂ ವಿದೂ;

ತಸ್ಸಾಹಂ ಸಮ್ಬುಲಾ ಭರಿಯಾ, ಏವಂ ಜಾನಾಹಿ ದಾನವ;

ಅಭಿವಾದೇಮಿ ¶ ತಂ ಭನ್ತೇ [ಭದ್ದನ್ತೇ (ಸೀ. ಸ್ಯಾ.)], ಸಮ್ಬುಲಾಹಂ ನಮತ್ಥು ತೇ.

ವೇದೇಹಪುತ್ತೋ ¶ ಭದ್ದನ್ತೇ, ವನೇ ವಸತಿ ಆತುರೋ;

ತಮಹಂ ರೋಗಸಮ್ಮತ್ತಂ, ಏಕಾ ಏಕಂ ಉಪಟ್ಠಹಂ [ಉಪಟ್ಠಹಿಂ (ಸೀ.)].

ಅಹಞ್ಚ ವನಮುಞ್ಛಾಯ, ಮಧುಮಂಸಂ ಮಿಗಾಬಿಲಂ [ಮಿಗಾವಿಲಂ (ಸೀ.)];

ಯದಾ ಹರಾಮಿ ತಂ ಭಕ್ಖೋ, ತಸ್ಸ ನೂನಜ್ಜ ನಾಧತಿ [ನಾಥತಿ (ಕ.)].

ಕಿಂ ವನೇ ರಾಜಪುತ್ತೇನ, ಆತುರೇನ ಕರಿಸ್ಸಸಿ;

ಸಮ್ಬುಲೇ ಪರಿಚಿಣ್ಣೇನ, ಅಹಂ ಭತ್ತಾ ಭವಾಮಿ ತೇ.

ಸೋಕಟ್ಟಾಯ ದುರತ್ತಾಯ, ಕಿಂ ರೂಪಂ ವಿಜ್ಜತೇ ಮಮ;

ಅಞ್ಞಂ ಪರಿಯೇಸ ಭದ್ದನ್ತೇ, ಅಭಿರೂಪತರಂ ಮಯಾ.

ಏಹಿಮಂ ಗಿರಿಮಾರುಯ್ಹ, ಭರಿಯಾ ಮೇ [ಮಯ್ಹಂ (ಸೀ. ಸ್ಯಾ. ಪೀ.)] ಚತುಸ್ಸತಾ;

ತಾಸಂ ತ್ವಂ ಪವರಾ ಹೋಹಿ, ಸಬ್ಬಕಾಮಸಮಿದ್ಧಿನೀ.

ನೂನ [ನನು (ಸೀ. ಸ್ಯಾ. ಪೀ. ಕ.)] ತಾರಕವಣ್ಣಾಭೇ [ಹಾಟಕವಣ್ಣಾಭೇ (ಪೀ.)], ಯಂ ಕಿಞ್ಚಿ ಮನಸಿಚ್ಛಸಿ;

ಸಬ್ಬಂ ತಂ ಪಚುರಂ ಮಯ್ಹಂ, ರಮಸ್ಸ್ವಜ್ಜ [ರಮಸುಜ್ಜ (ಸೀ. ಸ್ಯಾ.)] ಮಯಾ ಸಹ.

ನೋ ಚೇ ತುವಂ ಮಹೇಸೇಯ್ಯಂ, ಸಮ್ಬುಲೇ ಕಾರಯಿಸ್ಸಸಿ;

ಅಲಂ ತ್ವಂ ಪಾತರಾಸಾಯ, ಪಣ್ಹೇ [ಮಞ್ಞೇ (ಸೀ. ಪೀ.)] ಭಕ್ಖಾ ಭವಿಸ್ಸಸಿ.

ತಞ್ಚ ¶ ಸತ್ತಜಟೋ ಲುದ್ದೋ, ಕಳಾರೋ ಪುರಿಸಾದಕೋ;

ವನೇ ನಾಥಂ ಅಪಸ್ಸನ್ತಿಂ, ಸಮ್ಬುಲಂ ಅಗ್ಗಹೀ ಭುಜೇ.

ಅಧಿಪನ್ನಾ ಪಿಸಾಚೇನ, ಲುದ್ದೇನಾಮಿಸಚಕ್ಖುನಾ;

ಸಾ ಚ ಸತ್ತುವಸಮ್ಪತ್ತಾ, ಪತಿಮೇವಾನುಸೋಚತಿ.

ನ ಮೇ ಇದಂ ತಥಾ ದುಕ್ಖಂ, ಯಂ ಮಂ ಖಾದೇಯ್ಯ ರಕ್ಖಸೋ;

ಯಞ್ಚ ¶ ಮೇ ಅಯ್ಯಪುತ್ತಸ್ಸ, ಮನೋ ಹೇಸ್ಸತಿ ಅಞ್ಞಥಾ.

ನ ಸನ್ತಿ ದೇವಾ ಪವಸನ್ತಿ ನೂನ, ನ ಹಿ ನೂನ ಸನ್ತಿ ಇಧ ಲೋಕಪಾಲಾ;

ಸಹಸಾ ಕರೋನ್ತಾನಮಸಞ್ಞತಾನಂ, ನ ಹಿ ನೂನ ಸನ್ತಿ ಪಟಿಸೇಧಿತಾರೋ.

ಇತ್ಥೀನಮೇಸಾ ಪವರಾ ಯಸಸ್ಸಿನೀ, ಸನ್ತಾ ಸಮಾ ಅಗ್ಗಿರಿವುಗ್ಗತೇಜಾ;

ತಞ್ಚೇ ತುವಂ ರಕ್ಖಸಾದೇಸಿ ಕಞ್ಞಂ, ಮುದ್ಧಾ ಚ ಹಿ ಸತ್ತಧಾ ತೇ ಫಲೇಯ್ಯ;

ಮಾ ತ್ವಂ ದಹೀ [ಜಹೀ (ಪೀ.)] ಮುಞ್ಚ ಪತಿಬ್ಬತಾಯ [ಪತಿಬ್ಬತಾ ಸಾ (ಸೀ.), ಪತಿಬ್ಬತಾ ಯಾ (ಪೀ.)].

ಸಾ ಚ ಅಸ್ಸಮಮಾಗಚ್ಛಿ, ಪಮುತ್ತಾ ಪುರಿಸಾದಕಾ;

ನೀಳಂ [ನಿಡ್ಡಂ (ಸ್ಯಾ. ಕ.)] ಪಳಿನಂ ಸಕುಣೀವ [ಫಲಿನಸಕುಣೀವ (ಸೀ. ಸ್ಯಾ. ಪೀ.)], ಗತಸಿಙ್ಗಂವ ಆಲಯಂ.

ಸಾ ತತ್ಥ ಪರಿದೇವೇಸಿ, ರಾಜಪುತ್ತೀ ಯಸಸ್ಸಿನೀ;

ಸಮ್ಬುಲಾ ಉತುಮತ್ತಕ್ಖಾ, ವನೇ ನಾಥಂ ಅಪಸ್ಸನ್ತೀ [ಅಪಸ್ಸತೀ (ಸೀ.)].

ಸಮಣೇ ¶ ಬ್ರಾಹ್ಮಣೇ ವನ್ದೇ, ಸಮ್ಪನ್ನಚರಣೇ ಇಸೇ;

ರಾಜಪುತ್ತಂ ಅಪಸ್ಸನ್ತೀ, ತುಮ್ಹಂಮ್ಹಿ [ತುಮ್ಹಂ ಹಿ (ಪೀ.)] ಸರಣಂ ಗತಾ.

ವನ್ದೇ ಸೀಹೇ ಚ ಬ್ಯಗ್ಘೇ ಚ, ಯೇ ಚ ಅಞ್ಞೇ ವನೇ ಮಿಗಾ;

ರಾಜಪುತ್ತಂ ಅಪಸ್ಸನ್ತೀ, ತುಮ್ಹಂಮ್ಹಿ ಸರಣಂ ಗತಾ.

ತಿಣಾ [ತಿಣ (ಪೀ.)] ಲತಾನಿ ಓಸಧ್ಯೋ, ಪಬ್ಬತಾನಿ ವನಾನಿ ಚ;

ರಾಜಪುತ್ತಂ ಅಪಸ್ಸನ್ತೀ, ತುಮ್ಹಂಮ್ಹಿ ಸರಣಂ ಗತಾ.

ವನ್ದೇ ¶ ¶ ಇನ್ದೀವರೀಸಾಮಂ, ರತ್ತಿಂ ನಕ್ಖತ್ತಮಾಲಿನಿಂ;

ರಾಜಪುತ್ತಂ ಅಪಸ್ಸನ್ತೀ, ತುಮ್ಹಂಮ್ಹಿ ಸರಣಂ ಗತಾ.

ವನ್ದೇ ಭಾಗೀರಥಿಂ ಗಙ್ಗಂ, ಸವನ್ತೀನಂ ಪಟಿಗ್ಗಹಂ;

ರಾಜಪುತ್ತಂ ಅಪಸ್ಸನ್ತೀ, ತುಮ್ಹಂಮ್ಹಿ ಸರಣಂ ಗತಾ.

ವನ್ದೇ ಅಹಂ ಪಬ್ಬತರಾಜಸೇಟ್ಠಂ, ಹಿಮವನ್ತಂ ಸಿಲುಚ್ಚಯಂ;

ರಾಜಪುತ್ತಂ ಅಪಸ್ಸನ್ತೀ, ತುಮ್ಹಂಮ್ಹಿ ಸರಣಂ ಗತಾ.

ಅತಿಸಾಯಂ ವತಾಗಚ್ಛಿ, ರಾಜಪುತ್ತಿ ಯಸಸ್ಸಿನಿ;

ಕೇನ ನುಜ್ಜ ಸಮಾಗಚ್ಛಿ [ಸಮಾಗಚ್ಛಿ (ಸೀ. ಪೀ.)], ಕೋ ತೇ ಪಿಯತರೋ ಮಯಾ.

ಇದಂ ಖೋಹಂ ತದಾವೋಚಂ [ತದವೋಚಂ (ಸೀ. ಸ್ಯಾ.)], ಗಹಿತಾ ತೇನ ಸತ್ತುನಾ;

ನ ಮೇ ಇದಂ ತಥಾ ದುಕ್ಖಂ, ಯಂ ಮಂ ಖಾದೇಯ್ಯ ರಕ್ಖಸೋ;

ಯಞ್ಚ ಮೇ ಅಯ್ಯಪುತ್ತಸ್ಸ, ಮನೋ ಹೇಸ್ಸತಿ ಅಞ್ಞಥಾ.

ಚೋರೀನಂ ಬಹುಬುದ್ಧೀನಂ, ಯಾಸು ಸಚ್ಚಂ ಸುದುಲ್ಲಭಂ;

ಥೀನಂ ಭಾವೋ ದುರಾಜಾನೋ, ಮಚ್ಛಸ್ಸೇವೋದಕೇ ಗತಂ.

ತಥಾ ಮಂ ಸಚ್ಚಂ ಪಾಲೇತು, ಪಾಲಯಿಸ್ಸತಿ ಚೇ ಮಮಂ;

ಯಥಾಹಂ ನಾಭಿಜಾನಾಮಿ, ಅಞ್ಞಂ ಪಿಯತರಂ ತಯಾ;

ಏತೇನ ಸಚ್ಚವಜ್ಜೇನ, ಬ್ಯಾಧಿ ತೇ ವೂಪಸಮ್ಮತು.

ಯೇ ಕುಞ್ಜರಾ ಸತ್ತಸತಾ ಉಳಾರಾ, ರಕ್ಖನ್ತಿ ರತ್ತಿನ್ದಿವಮುಯ್ಯುತಾವುಧಾ;

ಧನುಗ್ಗಹಾನಞ್ಚ ಸತಾನಿ ಸೋಳಸ, ಕಥಂವಿಧೇ ಪಸ್ಸಸಿ ಭದ್ದೇ ಸತ್ತವೋ.

ಅಲಙ್ಕತಾಯೋ ¶ ಪದುಮುತ್ತರತ್ತಚಾ, ವಿರಾಗಿತಾ ಪಸ್ಸತಿ ಹಂಸಗಗ್ಗರಾ;

ತಾಸಂ ಸುಣಿತ್ವಾ ಮಿತಗೀತವಾದಿತಂ [ಮಿತಗೀತವಾದಿನಂ (ಪೀ.)], ನ ದಾನಿ ಮೇ ತಾತ ತಥಾ ಯಥಾ ಪುರೇ.

ಸುವಣ್ಣಸಂಕಚ್ಚಧರಾ ¶ ಸುವಿಗ್ಗಹಾ, ಅಲಙ್ಕತಾ ಮಾನುಸಿಯಚ್ಛರೂಪಮಾ;

ಸೇನೋಪಿಯಾ [ಸೇನೂಪಿಯಾ (ಪೀ.)] ತಾತ ಅನಿನ್ದಿತಙ್ಗಿಯೋ, ಖತ್ತಿಯಕಞ್ಞಾ ಪಟಿಲೋಭಯನ್ತಿ [ಪಟಿಲಾಭಯನ್ತಿ (ಪೀ.)] ನಂ.

ಸಚೇ ಅಹಂ ತಾತ ತಥಾ ಯಥಾ ಪುರೇ, ಪತಿಂ ತಮುಞ್ಛಾಯ ಪುನಾ ವನೇ ಭರೇ;

ಸಮ್ಮಾನಯೇ ಮಂ ನ ಚ ಮಂ ವಿಮಾನಯೇ, ಇತೋಪಿ ಮೇ ತಾತ ತತೋ ವರಂ ಸಿಯಾ.

ಯಮನ್ನಪಾನೇ ¶ ವಿಪುಲಸ್ಮಿ ಓಹಿತೇ, ನಾರೀ ವಿಮಟ್ಠಾಭರಣಾ ಅಲಙ್ಕತಾ;

ಸಬ್ಬಙ್ಗುಪೇತಾ [ಪಞ್ಚಙ್ಗುಪೇತಾ (ಸೀ. ಸ್ಯಾ. ಪೀ.)] ಪತಿನೋ ಚ ಅಪ್ಪಿಯಾ, ಅಬಜ್ಝ [ಅವಜ್ಝ (ಸ್ಯಾ.), ಆಬಜ್ಝ (ಪೀ.)] ತಸ್ಸಾ ಮರಣಂ ತತೋ ವರಂ.

ಅಪಿ ಚೇ ದಲಿದ್ದಾ ಕಪಣಾ ಅನಾಳ್ಹಿಯಾ, ಕಟಾದುತೀಯಾ ಪತಿನೋ ಚ ಸಾ ಪಿಯಾ;

ಸಬ್ಬಙ್ಗುಪೇತಾಯಪಿ ಅಪ್ಪಿಯಾಯ, ಅಯಮೇವ ¶ ಸೇಯ್ಯಾ [ಸೇಯ್ಯೋ (ಸ್ಯಾ. ಕ.)] ಕಪಣಾಪಿ ಯಾ ಪಿಯಾ [ಕಪಣಾಪಿ ಯಾ (ಕ.)].

ಸುದುಲ್ಲಭಿತ್ಥೀ ಪುರಿಸಸ್ಸ ಯಾ ಹಿತಾ, ಭತ್ತಿತ್ಥಿಯಾ ದುಲ್ಲಭೋ ಯೋ ಹಿತೋ ಚ;

ಹಿತಾ ಚ ತೇ ಸೀಲವತೀ ಚ ಭರಿಯಾ, ಜನಿನ್ದ ಧಮ್ಮಂ ಚರ ಸಮ್ಬುಲಾಯ.

ಸಚೇ ತುವಂ ವಿಪುಲೇ ಲದ್ಧಭೋಗೇ, ಇಸ್ಸಾವತಿಣ್ಣಾ ಮರಣಂ ಉಪೇಸಿ;

ಅಹಞ್ಚ ತೇ ಭದ್ದೇ ಇಮಾ ರಾಜಕಞ್ಞಾ [ಇಮಾ ಚ ಕಞ್ಞಾ (ಪೀ.)], ಸಬ್ಬೇ [ಸಬ್ಬೇವ (ಸೀ. ಸ್ಯಾ. ಪೀ.)] ತೇ ವಚನಕರಾ ಭವಾಮಾತಿ.

ಅಪ್ಪಮಾದೋ ¶ ಅಮತಂ ಪದಂ [ಅಮತಪದಂ (ಸೀ. ಪೀ.)], ಪಮಾದೋ ಮಚ್ಚುನೋ ಪದಂ;

ಅಪ್ಪಮತ್ತಾ ನ ಮೀಯನ್ತಿ, ಯೇ ಪಮತ್ತಾ ಯಥಾ ಮತಾ.

ಮದಾ ಪಮಾದೋ ಜಾಯೇಥ, ಪಮಾದಾ ಜಾಯತೇ ಖಯೋ;

ಖಯಾ ಪದೋಸಾ [ಖಯಾ ಚ ದೋಸಾ (ಸೀ.)] ಜಾಯನ್ತಿ, ಮಾ ಪಮಾದೋ [ಮಾ ಮದೋ (ಸೀ. ಸ್ಯಾ. ಪೀ.)] ಭರತೂಸಭ [ಭಾರಧೂಸಭ (ಕ.)].

ಬಹೂ ಹಿ ಖತ್ತಿಯಾ ಜೀನಾ, ಅತ್ಥಂ ರಟ್ಠಂ ಪಮಾದಿನೋ;

ಅಥೋಪಿ ಗಾಮಿನೋ ಗಾಮಾ, ಅನಗಾರಾ ಅಗಾರಿನೋ.

ಖತ್ತಿಯಸ್ಸ ಪಮತ್ತಸ್ಸ, ರಟ್ಠಸ್ಮಿಂ ರಟ್ಠವಡ್ಢನ;

ಸಬ್ಬೇ ಭೋಗಾ ವಿನಸ್ಸನ್ತಿ, ರಞ್ಞೋ ತಂ ವುಚ್ಚತೇ ಅಘಂ.

ನೇಸ ¶ ಧಮ್ಮೋ ಮಹಾರಾಜ, ಅತಿವೇಲಂ ಪಮಜ್ಜಸಿ;

ಇದ್ಧಂ ಫೀತಂ ಜನಪದಂ, ಚೋರಾ ವಿದ್ಧಂಸಯನ್ತಿ ನಂ.

ನ ತೇ ಪುತ್ತಾ ಭವಿಸ್ಸನ್ತಿ, ನ ಹಿರಞ್ಞಂ ನ ಧಾನಿಯಂ [ನ ಹಿರಞ್ಞನಿಧಾನಿಯಾ (ಕ.)];

ರಟ್ಠೇ ವಿಲುಪ್ಪಮಾನಮ್ಹಿ, ಸಬ್ಬಭೋಗೇಹಿ ಜಿಯ್ಯಸಿ.

ಸಬ್ಬಭೋಗಾ ಪರಿಜಿಣ್ಣಂ, ರಾಜಾನಂ ವಾಪಿ ಖತ್ತಿಯಂ [ಖತ್ತಿಯ (ಕ.)];

ಞಾತಿಮಿತ್ತಾ ಸುಹಜ್ಜಾ ಚ, ನ ತಂ ಮಞ್ಞನ್ತಿ ಮಾನಿಯಂ [ಮನ್ತಿಯಂ (ಸ್ಯಾ.)].

ಹತ್ಥಾರೋಹಾ ಅನೀಕಟ್ಠಾ, ರಥಿಕಾ ಪತ್ತಿಕಾರಕಾ;

ತಮೇವಮುಪಜೀವನ್ತಾ, ನ ತಂ ಮಞ್ಞನ್ತಿ ಮಾನಿಯಂ.

ಅಸಂವಿಹಿತಕಮ್ಮನ್ತಂ, ಬಾಲಂ ದುಮ್ಮನ್ತಿಮನ್ತಿನಂ;

ಸಿರೀ ಜಹತಿ ದುಮ್ಮೇಧಂ, ಜಿಣ್ಣಂವ ಉರಗೋ ತಚಂ.

ಸುಸಂವಿಹಿತಕಮ್ಮನ್ತಂ ¶ , ಕಾಲುಟ್ಠಾಯಿಂ ಅತನ್ದಿತಂ;

ಸಬ್ಬೇ ಭೋಗಾಭಿವಡ್ಢನ್ತಿ, ಗಾವೋ ಸಉಸಭಾಮಿವ.

ಉಪಸ್ಸುತಿಂ ಮಹಾರಾಜ, ರಟ್ಠೇ ಜನಪದೇ ಚರ;

ತತ್ಥ ದಿಸ್ವಾ ಚ ಸುತ್ವಾ ಚ, ತತೋ ತಂ [ತ್ವಂ (ಕ.)] ಪಟಿಪಜ್ಜಸಿ.

ಏವಂ ವೇದೇತು ಪಞ್ಚಾಲೋ, ಸಙ್ಗಾಮೇ ಸರಮಪ್ಪಿತೋ [ಸಮಪ್ಪಿತೋ (ಸೀ. ಪೀ.)];

ಯಥಾಹಮಜ್ಜ ವೇದೇಮಿ, ಕಣ್ಟಕೇನ ಸಮಪ್ಪಿತೋ.

ಜಿಣ್ಣೋ ¶ ದುಬ್ಬಲಚಕ್ಖೂಸಿ, ನ ರೂಪಂ ಸಾಧು ಪಸ್ಸಸಿ;

ಕಿಂ ತತ್ಥ ಬ್ರಹ್ಮದತ್ತಸ್ಸ, ಯಂ ತಂ ಮಗ್ಗೇಯ್ಯ [ಮಗ್ಘೇಯ್ಯ (ಪೀ.)] ಕಣ್ಟಕೋ [ಕಣ್ಡಕೋ (ಸೀ. ಸ್ಯಾ. ಪೀ.)].

ಬಹ್ವೇತ್ಥ ಬ್ರಹ್ಮದತ್ತಸ್ಸ, ಸೋಹಂ [ಯೋಹಂ (ಸೀ. ಸ್ಯಾ. ಪೀ.)] ಮಗ್ಗಸ್ಮಿ [ಮಗ್ಗೋಸ್ಮಿ (ಪೀ.)] ಬ್ರಾಹ್ಮಣ;

ಅರಕ್ಖಿತಾ ¶ ಜಾನಪದಾ, ಅಧಮ್ಮಬಲಿನಾ ಹತಾ.

ರತ್ತಿಞ್ಹಿ [ರತ್ತಿಞ್ಚ (ಸೀ.)] ಚೋರಾ ಖಾದನ್ತಿ, ದಿವಾ ಖಾದನ್ತಿ ತುಣ್ಡಿಯಾ;

ರಟ್ಠಸ್ಮಿಂ ಕೂಟರಾಜಸ್ಸ, ಬಹು ಅಧಮ್ಮಿಕೋ ಜನೋ.

ಏತಾದಿಸೇ ಭಯೇ ಜಾತೇ [ತಾತ (ಸೀ. ಪೀ.)], ಭಯಟ್ಟಾ ತಾತ [ತಾವ (ಸೀ. ಪೀ.)] ಮಾಣವಾ;

ನಿಲ್ಲೇನಕಾನಿ ಕುಬ್ಬನ್ತಿ, ವನೇ ಆಹತ್ವ ಕಣ್ಟಕಂ.

ಕದಾಸ್ಸು ನಾಮಯಂ ರಾಜಾ, ಬ್ರಹ್ಮದತ್ತೋ ಮರಿಸ್ಸತಿ;

ಯಸ್ಸ ರಟ್ಠಮ್ಹಿ ಜಿಯ್ಯನ್ತಿ, ಅಪ್ಪತಿಕಾ ಕುಮಾರಿಕಾ.

ದುಬ್ಭಾಸಿತಞ್ಹಿ ತೇ ಜಮ್ಮಿ, ಅನತ್ಥಪದಕೋವಿದೇ;

ಕುಹಿಂ ರಾಜಾ ಕುಮಾರೀನಂ, ಭತ್ತಾರಂ ಪರಿಯೇಸತಿ.

ನ ಮೇ ದುಬ್ಭಾಸಿತಂ ಬ್ರಹ್ಮೇ, ಕೋವಿದತ್ಥಪದಾ ಅಹಂ;

ಅರಕ್ಖಿತಾ ಜಾನಪದಾ, ಅಧಮ್ಮಬಲಿನಾ ಹತಾ.

ರತ್ತಿಞ್ಹಿ ¶ ಚೋರಾ ಖಾದನ್ತಿ, ದಿವಾ ಖಾದನ್ತಿ ತುಣ್ಡಿಯಾ;

ರಟ್ಠಸ್ಮಿಂ ಕೂಟರಾಜಸ್ಸ, ಬಹು ಅಧಮ್ಮಿಕೋ ಜನೋ;

ದುಜ್ಜೀವೇ ದುಬ್ಭರೇ ದಾರೇ, ಕುತೋ ಭತ್ತಾ ಕುಮಾರಿಯೋ.

ಏವಂ ಸಯತು ಪಞ್ಚಾಲೋ, ಸಙ್ಗಾಮೇ ಸತ್ತಿಯಾ ಹತೋ;

ಯಥಾಯಂ ಕಪಣೋ ಸೇತಿ, ಹತೋ ಫಾಲೇನ ಸಾಲಿಯೋ.

ಅಧಮ್ಮೇನ ತುವಂ ಜಮ್ಮ, ಬ್ರಹ್ಮದತ್ತಸ್ಸ ಕುಜ್ಝಸಿ;

ಯೋ ತ್ವಂ ಸಪಸಿ ರಾಜಾನಂ, ಅಪರಜ್ಝಿತ್ವಾನ ಅತ್ತನೋ [ಅತ್ತನಾ (ಪೀ.)].

ಧಮ್ಮೇನ ಬ್ರಹ್ಮದತ್ತಸ್ಸ, ಅಹಂ ಕುಜ್ಝಾಮಿ ಬ್ರಾಹ್ಮಣ;

ಅರಕ್ಖಿತಾ ಜಾನಪದಾ, ಅಧಮ್ಮಬಲಿನಾ ಹತಾ.

ರತ್ತಿಞ್ಹಿ ¶ ಚೋರಾ ಖಾದನ್ತಿ, ದಿವಾ ಖಾದನ್ತಿ ತುಣ್ಡಿಯಾ;

ರಟ್ಠಸ್ಮಿಂ ಕೂಟರಾಜಸ್ಸ, ಬಹು ಅಧಮ್ಮಿಕೋ ಜನೋ.

ಸಾ ¶ ನೂನ ಪುನ ರೇ ಪಕ್ಕಾ, ವಿಕಾಲೇ ಭತ್ತಮಾಹರಿ;

ಭತ್ತಹಾರಿಂ ಅಪೇಕ್ಖನ್ತೋ, ಹತೋ ಫಾಲೇನ ಸಾಲಿಯೋ.

ಏವಂ ಹಞ್ಞತು ಪಞ್ಚಾಲೋ, ಸಙ್ಗಾಮೇ ಅಸಿನಾ ಹತೋ [ದಳ್ಹಂ (ಪೀ.)];

ಯಥಾಹಮಜ್ಜ ಪಹತೋ, ಖೀರಞ್ಚ ಮೇ ಪವಟ್ಟಿತಂ.

ಯಂ ಪಸು ಖೀರಂ ಛಡ್ಡೇತಿ, ಪಸುಪಾಲಂ ವಿಹಿಂಸತಿ [ಪಸುಪಾಲಞ್ಚ ಹಿಂಸತಿ (ಸೀ.), ಪಸು ಫಾಲಞ್ಚ ಹಿಂಸತಿ (ಪೀ.)];

ಕಿಂ ತತ್ಥ ಬ್ರಹ್ಮದತ್ತಸ್ಸ, ಯಂ ನೋ ಗರಹತೇ [ಗರಹತೋ (ಪೀ.)] ಭವಂ.

ಗಾರಯ್ಹೋ ಬ್ರಹ್ಮೇ ಪಞ್ಚಾಲೋ, ಬ್ರಹ್ಮದತ್ತಸ್ಸ ರಾಜಿನೋ;

ಅರಕ್ಖಿತಾ ಜಾನಪದಾ, ಅಧಮ್ಮಬಲಿನಾ ಹತಾ.

ರತ್ತಿಞ್ಹಿ ¶ ಚೋರಾ ಖಾದನ್ತಿ, ದಿವಾ ಖಾದನ್ತಿ ತುಣ್ಡಿಯಾ;

ರಟ್ಠಸ್ಮಿಂ ಕೂಟರಾಜಸ್ಸ, ಬಹು ಅಧಮ್ಮಿಕೋ ಜನೋ.

ಚಣ್ಡಾ ಅಟನಕಾ [ಅಟನಕ (ಪೀ.), ಅಕಟನಾ (ಕ.)] ಗಾವೀ, ಯಂ ಪುರೇ ನ ದುಹಾಮಸೇ;

ತಂ ದಾನಿ ಅಜ್ಜ ದೋಹಾಮ, ಖೀರಕಾಮೇಹುಪದ್ದುತಾ.

ಏವಂ ಕನ್ದತು ಪಞ್ಚಾಲೋ, ವಿಪುತ್ತೋ ವಿಪ್ಪಸುಕ್ಖತು;

ಯಥಾಯಂ ಕಪಣಾ ಗಾವೀ, ವಿಪುತ್ತಾ ಪರಿಧಾವತಿ.

ಯಂ ಪಸು ಪಸುಪಾಲಸ್ಸ, ಸಮ್ಭಮೇಯ್ಯ [ಪಬ್ಭಮೇಯ್ಯ (ಸೀ. ಪೀ.)] ರವೇಯ್ಯ ವಾ;

ಕೋ ನೀಧ ಅಪರಾಧತ್ಥಿ, ಬ್ರಹ್ಮದತ್ತಸ್ಸ ರಾಜಿನೋ.

ಅಪರಾಧೋ ಮಹಾಬ್ರಹ್ಮೇ, ಬ್ರಹ್ಮದತ್ತಸ್ಸ ರಾಜಿನೋ;

ಅರಕ್ಖಿತಾ ಜಾನಪದಾ, ಅಧಮ್ಮಬಲಿನಾ ಹತಾ.

ರತ್ತಿಞ್ಹಿ ಚೋರಾ ಖಾದನ್ತಿ, ದಿವಾ ಖಾದನ್ತಿ ತುಣ್ಡಿಯಾ;

ರಟ್ಠಸ್ಮಿಂ ಕೂಟರಾಜಸ್ಸ, ಬಹು ಅಧಮ್ಮಿಕೋ ಜನೋ;

ಕಥಂ ನೋ ಅಸಿಕೋಸತ್ಥಾ, ಖೀರಪಾ ಹಞ್ಞತೇ ಪಜಾ.

ಏವಂ ಖಜ್ಜತು ಪಞ್ಚಾಲೋ, ಹತೋ ಯುದ್ಧೇ ಸಪುತ್ತಕೋ;

ಯಥಾಹಮಜ್ಜ ಖಜ್ಜಾಮಿ, ಗಾಮಿಕೇಹಿ [ಗಾಮಕೇಹಿ (ಸೀ. ಪೀ.)] ಅರಞ್ಞಜೋ.

ನ ¶ ಸಬ್ಬಭೂತೇಸು ವಿಧೇನ್ತಿ [ವಿಧನ್ತಿ (ಕ.)] ರಕ್ಖಂ, ರಾಜಾನೋ ಮಣ್ಡೂಕ ಮನುಸ್ಸಲೋಕೇ;

ನೇತ್ತಾವತಾ ರಾಜಾ ಅಧಮ್ಮಚಾರೀ, ಯಂ ತಾದಿಸಂ ಜೀವಮದೇಯ್ಯು ಧಙ್ಕಾ.

ಅಧಮ್ಮರೂಪೋ ವತ ಬ್ರಹ್ಮಚಾರೀ, ಅನುಪ್ಪಿಯಂ ಭಾಸಸಿ ಖತ್ತಿಯಸ್ಸ;

ವಿಲುಪ್ಪಮಾನಾಯ ಪುಥುಪ್ಪಜಾಯ, ಪೂಜೇಸಿ ರಾಜಂ ಪರಮಪ್ಪಮಾದಂ [ರಾಜಂ ಪರಮಪ್ಪವಾದಂ (ಸೀ.), ರಾಜಾ ಪರಮಪ್ಪವಾದಿಂ (ಸ್ಯಾ.)].

ಸಚೇ ¶ ಇಮಂ ಬ್ರಹ್ಮೇ ಸುರಜ್ಜಕಂ ಸಿಯಾ, ಫೀತಂ ರಟ್ಠಂ ಮುದಿತಂ [ಪೂರಿತಂ (ಕ.)] ವಿಪ್ಪಸನ್ನಂ;

ಭುತ್ವಾ ಬಲಿಂ ಅಗ್ಗಪಿಣ್ಡಞ್ಚ ಕಾಕಾ, ನ ಮಾದಿಸಂ ಜೀವಮದೇಯ್ಯು ಧಙ್ಕಾತಿ.

ಕಿಂಛನ್ದ ¶ ಕುಮ್ಭ ಜಯದ್ದಿಸ ಛದ್ದನ್ತ, ಅಥ ಪಣ್ಡಿತಸಮ್ಭವ ಸಿರಕಪಿ;

ದಕರಕ್ಖಸ ಪಣ್ಡರನಾಗವರೋ, ಅಥ ಸಮ್ಬುಲ ತಿನ್ದುಕದೇವಸುತೋತಿ.

ಜಾತಕಪಾಳಿಯಾ ಪಠಮೋ ಭಾಗೋ ನಿಟ್ಠಿತೋ.