📜

ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ

ವಿನಯಪಿಟಕೇ

ಚೂಳವಗ್ಗಪಾಳಿ

೧. ಕಮ್ಮಕ್ಖನ್ಧಕಂ

೧. ತಜ್ಜನೀಯಕಮ್ಮಂ

೧. ತೇನ ¶ ¶ ¶ ¶ ಸಮಯೇನ ಬುದ್ಧೋ ಭಗವಾ ಸಾವತ್ಥಿಯಂ ವಿಹರತಿ ಜೇತವನೇ ಅನಾಥಪಿಣ್ಡಿಕಸ್ಸ ಆರಾಮೇ. ತೇನ ಖೋ ಪನ ಸಮಯೇನ ಪಣ್ಡುಕಲೋಹಿತಕಾ ಭಿಕ್ಖೂ ಅತ್ತನಾ ಭಣ್ಡನಕಾರಕಾ ಕಲಹಕಾರಕಾ ವಿವಾದಕಾರಕಾ ಭಸ್ಸಕಾರಕಾ ಸಙ್ಘೇ ಅಧಿಕರಣಕಾರಕಾ, ಯೇಪಿ ಚಞ್ಞೇ ಭಿಕ್ಖೂ ಭಣ್ಡನಕಾರಕಾ ಕಲಹಕಾರಕಾ ವಿವಾದಕಾರಕಾ ಭಸ್ಸಕಾರಕಾ ಸಙ್ಘೇ ಅಧಿಕರಣಕಾರಕಾ ತೇ ಉಪಸಙ್ಕಮಿತ್ವಾ ಏವಂ ವದನ್ತಿ – ‘‘ಮಾ ಖೋ ತುಮ್ಹೇ, ಆಯಸ್ಮನ್ತೋ, ಏಸೋ ಅಜೇಸಿ. ಬಲವಾಬಲವಂ ಪಟಿಮನ್ತೇಥ. ತುಮ್ಹೇ ತೇನ ಪಣ್ಡಿತತರಾ ಚ ಬ್ಯತ್ತತರಾ ಚ ಬಹುಸ್ಸುತತರಾ ಚ ಅಲಮತ್ತತರಾ ಚ [ಅಲಮತ್ಥತರಾ ಚ (ಸ್ಯಾ. ಕ.)]. ಮಾ ಚಸ್ಸ ಭಾಯಿತ್ಥ. ಮಯಮ್ಪಿ ತುಮ್ಹಾಕಂ ಪಕ್ಖಾ ಭವಿಸ್ಸಾಮಾ’’ತಿ. ತೇನ ಅನುಪ್ಪನ್ನಾನಿ ಚೇವ ಭಣ್ಡನಾನಿ ಉಪ್ಪಜ್ಜನ್ತಿ ¶ ಉಪ್ಪನ್ನಾನಿ ಚ ಭಣ್ಡನಾನಿ ಭಿಯ್ಯೋಭಾವಾಯ ವೇಪುಲ್ಲಾಯ ಸಂವತ್ತನ್ತಿ. ಯೇ ತೇ ಭಿಕ್ಖೂ ಅಪ್ಪಿಚ್ಛಾ…ಪೇ… ತೇ ಉಜ್ಝಾಯನ್ತಿ ಖಿಯ್ಯನ್ತಿ ವಿಪಾಚೇನ್ತಿ – ‘‘ಕಥಞ್ಹಿ ನಾಮ ಪಣ್ಡುಕಲೋಹಿತಕಾ ಭಿಕ್ಖೂ ಅತ್ತನಾ ಭಣ್ಡನಕಾರಕಾ ಕಲಹಕಾರಕಾ ವಿವಾದಕಾರಕಾ ಭಸ್ಸಕಾರಕಾ ಸಙ್ಘೇ ಅಧಿಕರಣಕಾರಕಾ, ಯೇಪಿ ಚಞ್ಞೇ ಭಿಕ್ಖೂ ಭಣ್ಡನಕಾರಕಾ ¶ ಕಲಹಕಾರಕಾ ವಿವಾದಕಾರಕಾ ಭಸ್ಸಕಾರಕಾ ಸಙ್ಘೇ ಅಧಿಕರಣಕಾರಕಾ ತೇ ಉಪಸಙ್ಕಮಿತ್ವಾ ಏವಂ ವಕ್ಖನ್ತಿ – ‘ಮಾ ಖೋ ತುಮ್ಹೇ, ಆಯಸ್ಮನ್ತೋ, ಏಸೋ ಅಜೇಸಿ. ಬಲವಾಬಲವಂ ¶ ಪಟಿಮನ್ತೇಥ. ತುಮ್ಹೇ ತೇನ ಪಣ್ಡಿತತರಾ ಚ ಬ್ಯತ್ತತರಾ ಚ ಬಹುಸ್ಸುತತರಾ ಚ ಅಲಮತ್ತತರಾ ಚ. ಮಾ ಚಸ್ಸ ಭಾಯಿತ್ಥ. ಮಯಮ್ಪಿ ತುಮ್ಹಾಕಂ ಪಕ್ಖಾ ಭವಿಸ್ಸಾಮಾ’ತಿ. ತೇನ ಅನುಪ್ಪನ್ನಾನಿ ಚೇವ ಭಣ್ಡನಾನಿ ಉಪ್ಪಜ್ಜನ್ತಿ ಉಪ್ಪನ್ನಾನಿ ಚ ಭಣ್ಡನಾನಿ ಭಿಯ್ಯೋಭಾವಾಯ ವೇಪುಲ್ಲಾಯ ಸಂವತ್ತನ್ತೀ’’ತಿ.

೨. ಅಥ ಖೋ ತೇ ಭಿಕ್ಖೂ ಭಗವತೋ ಏತಮತ್ಥಂ ಆರೋಚೇಸುಂ. ಅಥ ಖೋ ಭಗವಾ ಏತಸ್ಮಿಂ ನಿದಾನೇ ಏತಸ್ಮಿಂ ಪಕರಣೇ ಭಿಕ್ಖುಸಙ್ಘಂ ಸನ್ನಿಪಾತಾಪೇತ್ವಾ ಭಿಕ್ಖೂ ಪಟಿಪುಚ್ಛಿ – ‘‘ಸಚ್ಚಂ ಕಿರ, ಭಿಕ್ಖವೇ, ಪಣ್ಡುಕಲೋಹಿತಕಾ ಭಿಕ್ಖೂ ಅತ್ತನಾ ¶ ಭಣ್ಡನಕಾರಕಾ ಕಲಹಕಾರಕಾ ವಿವಾದಕಾರಕಾ ಭಸ್ಸಕಾರಕಾ ಸಙ್ಘೇ ಅಧಿಕರಣಕಾರಕಾ, ಯೇಪಿ ಚಞ್ಞೇ ಭಿಕ್ಖೂ ಭಣ್ಡನಕಾರಕಾ ಕಲಹಕಾರಕಾ ವಿವಾದಕಾರಕಾ ಭಸ್ಸಕಾರಕಾ ಸಙ್ಘೇ ಅಧಿಕರಣಕಾರಕಾ ತೇ ಉಪಸಙ್ಕಮಿತ್ವಾ ಏವಂ ವದನ್ತಿ – ‘ಮಾ ಖೋ ತುಮ್ಹೇ, ಆಯಸ್ಮನ್ತೋ, ಏಸೋ ಅಜೇಸಿ. ಬಲವಾಬಲವಂ ಪಟಿಮನ್ತೇಥ. ತುಮ್ಹೇ ತೇನ ಪಣ್ಡಿತತರಾ ಚ ಬ್ಯತ್ತತರಾ ಚ ಬಹುಸ್ಸುತತರಾ ಚ ಅಲಮತ್ತತರಾ ಚ. ಮಾ ಚಸ್ಸ ಭಾಯಿತ್ಥ. ಮಯಮ್ಪಿ ತುಮ್ಹಾಕಂ ಪಕ್ಖಾ ಭವಿಸ್ಸಾಮಾ’ತಿ. ತೇನ ಅನುಪ್ಪನ್ನಾನಿ ಚೇವ ಭಣ್ಡನಾನಿ ಉಪ್ಪಜ್ಜನ್ತಿ, ಉಪ್ಪನ್ನಾನಿ ಚ ಭಣ್ಡನಾನಿ ಭಿಯ್ಯೋಭಾವಾಯ ವೇಪುಲ್ಲಾಯ ಸಂವತ್ತನ್ತೀ’’ತಿ? ‘‘ಸಚ್ಚಂ ಭಗವಾ’’ತಿ. ವಿಗರಹಿ ¶ ಬುದ್ಧೋ ಭಗವಾ – ‘‘ಅನನುಚ್ಛವಿಕಂ, ಭಿಕ್ಖವೇ, ತೇಸಂ ಮೋಘಪುರಿಸಾನಂ ಅನನುಲೋಮಿಕಂ ಅಪ್ಪತಿರೂಪಂ ಅಸ್ಸಾಮಣಕಂ ಅಕಪ್ಪಿಯಂ ಅಕರಣೀಯಂ. ಕಥಞ್ಹಿ ನಾಮ ತೇ, ಭಿಕ್ಖವೇ, ಮೋಘಪುರಿಸಾ ಅತ್ತನಾ ಭಣ್ಡನಕಾರಕಾ…ಪೇ… ಸಙ್ಘೇ ಅಧಿಕರಣಕಾರಕಾ, ಯೇಪಿ ಚಞ್ಞೇ ಭಿಕ್ಖೂ ಭಣ್ಡನಕಾರಕಾ…ಪೇ… ಸಙ್ಘೇ ಅಧಿಕರಣಕಾರಕಾ ತೇ ಉಪಸಙ್ಕಮಿತ್ವಾ ಏವಂ ವಕ್ಖನ್ತಿ – ‘ಮಾ ಖೋ ತುಮ್ಹೇ, ಆಯಸ್ಮನ್ತೋ, ಏಸೋ ಅಜೇಸಿ. ಬಲವಾಬಲವಂ ಪಟಿಮನ್ತೇಥ. ತುಮ್ಹೇ ತೇನ ಪಣ್ಡಿತತರಾ ಚ ಬ್ಯತ್ತತರಾ ಚ ಬಹುಸ್ಸುತತರಾ ಚ ಅಲಮತ್ತತರಾ ಚ. ಮಾ ಚಸ್ಸ ಭಾಯಿತ್ಥ. ಮಯಮ್ಪಿ ತುಮ್ಹಾಕಂ ಪಕ್ಖಾ ಭವಿಸ್ಸಾಮಾ’ತಿ? ತೇನ ಅನುಪ್ಪನ್ನಾನಿ ಚೇವ ಭಣ್ಡನಾನಿ ಉಪ್ಪಜ್ಜನ್ತಿ, ಉಪ್ಪನ್ನಾನಿ ಚ ಭಣ್ಡನಾನಿ ಭಿಯ್ಯೋಭಾವಾಯ ವೇಪುಲ್ಲಾಯ ಸಂವತ್ತನ್ತಿ. ನೇತಂ, ಭಿಕ್ಖವೇ, ಅಪ್ಪಸನ್ನಾನಂ ವಾ ಪಸಾದಾಯ ಪಸನ್ನಾನಂ ವಾ ಭಿಯ್ಯೋಭಾವಾಯ. ಅಥ ಖ್ವೇತಂ, ಭಿಕ್ಖವೇ, ಅಪ್ಪಸನ್ನಾನಞ್ಚೇವ ಅಪ್ಪಸಾದಾಯ ಪಸನ್ನಾನಞ್ಚ ಏಕಚ್ಚಾನಂ ಅಞ್ಞಥತ್ತಾಯಾ’’ತಿ.

ಅಥ ಖೋ ಭಗವಾ ತೇ [ಪಣ್ಡುಕಲೋಹಿತಕೇ (ಸ್ಯಾ.)] ಭಿಕ್ಖೂ ಅನೇಕಪರಿಯಾಯೇನ ವಿಗರಹಿತ್ವಾ ದುಬ್ಭರತಾಯ ದುಪ್ಪೋಸತಾಯ ಮಹಿಚ್ಛತಾಯ ¶ ಅಸನ್ತುಟ್ಠಿತಾಯ [ಅಸನ್ತುಟ್ಠತಾಯ (ಸ್ಯಾ.), ಅಸನ್ತುಟ್ಠಿಯಾ (ಸೀ.)] ಸಙ್ಗಣಿಕಾಯ ಕೋಸಜ್ಜಸ್ಸ ¶ ಅವಣ್ಣಂ ಭಾಸಿತ್ವಾ ಅನೇಕಪರಿಯಾಯೇನ ಸುಭರತಾಯ ಸುಪೋಸತಾಯ ಅಪ್ಪಿಚ್ಛಸ್ಸ ಸನ್ತುಟ್ಠಸ್ಸ ಸಲ್ಲೇಖಸ್ಸ ಧುತಸ್ಸ ಪಾಸಾದಿಕಸ್ಸ ಅಪಚಯಸ್ಸ ವೀರಿಯಾರಮ್ಭಸ್ಸ [ವಿರಿಯಾರಮ್ಭಸ್ಸ (ಸೀ.), ವೀರಿಯಾರಬ್ಭಸ್ಸ (ಕ.)] ವಣ್ಣಂ ಭಾಸಿತ್ವಾ ಭಿಕ್ಖೂನಂ ತದನುಚ್ಛವಿಕಂ ತದನುಲೋಮಿಕಂ ¶ ಧಮ್ಮಿಂ ಕಥಂ ಕತ್ವಾ ಭಿಕ್ಖೂ ಆಮನ್ತೇಸಿ – ‘‘ತೇನ ಹಿ, ಭಿಕ್ಖವೇ, ಸಙ್ಘೋ ಪಣ್ಡುಕಲೋಹಿತಕಾನಂ ಭಿಕ್ಖೂನಂ ತಜ್ಜನೀಯಕಮ್ಮಂ ಕರೋತು. ಏವಞ್ಚ ಪನ, ಭಿಕ್ಖವೇ, ಕಾತಬ್ಬಂ. ಪಠಮಂ ಪಣ್ಡುಕಲೋಹಿತಕಾ ಭಿಕ್ಖೂ ಚೋದೇತಬ್ಬಾ, ಚೋದೇತ್ವಾ ಸಾರೇತಬ್ಬಾ, ಸಾರೇತ್ವಾ ಆಪತ್ತಿಂ [ಆಪತ್ತಿ (ಸೀ. ಸ್ಯಾ.)] ಆರೋಪೇತಬ್ಬಾ, ಆಪತ್ತಿಂ ಆರೋಪೇತ್ವಾ ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೩. ‘‘ಸುಣಾತು ಮೇ, ಭನ್ತೇ, ಸಙ್ಘೋ. ಇಮೇ ಪಣ್ಡುಕಲೋಹಿತಕಾ ಭಿಕ್ಖೂ ಅತ್ತನಾ ಭಣ್ಡನಕಾರಕಾ ಕಲಹಕಾರಕಾ ವಿವಾದಕಾರಕಾ ಭಸ್ಸಕಾರಕಾ ಸಙ್ಘೇ ಅಧಿಕರಣಕಾರಕಾ, ಯೇಪಿ ಚಞ್ಞೇ ಭಿಕ್ಖೂ ಭಣ್ಡನಕಾರಕಾ ಕಲಹಕಾರಕಾ ವಿವಾದಕಾರಕಾ ಭಸ್ಸಕಾರಕಾ ಸಙ್ಘೇ ಅಧಿಕರಣಕಾರಕಾ ತೇ ಉಪಸಙ್ಕಮಿತ್ವಾ ಏವಂ ವದನ್ತಿ – ‘ಮಾ ¶ ಖೋ ತುಮ್ಹೇ, ಆಯಸ್ಮನ್ತೋ, ಏಸೋ ಅಜೇಸಿ. ಬಲವಾಬಲವಂ ಪಟಿಮನ್ತೇಥ. ತುಮ್ಹೇ ತೇನ ಪಣ್ಡಿತತರಾ ಚ ಬ್ಯತ್ತತರಾ ಚ ಬಹುಸ್ಸುತತರಾ ಚ ಅಲಮತ್ತತರಾ ಚ. ಮಾ ಚಸ್ಸ ಭಾಯಿತ್ಥ. ಮಯಮ್ಪಿ ತುಮ್ಹಾಕಂ ಪಕ್ಖಾ ಭವಿಸ್ಸಾಮಾ’ತಿ. ತೇನ ಅನುಪ್ಪನ್ನಾನಿ ಚೇವ ಭಣ್ಡನಾನಿ ಉಪ್ಪಜ್ಜನ್ತಿ, ಉಪ್ಪನ್ನಾನಿ ಚ ಭಣ್ಡನಾನಿ ಭಿಯ್ಯೋಭಾವಾಯ ವೇಪುಲ್ಲಾಯ ಸಂವತ್ತನ್ತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಪಣ್ಡುಕಲೋಹಿತಕಾನಂ ಭಿಕ್ಖೂನಂ ತಜ್ಜನೀಯಕಮ್ಮಂ ಕರೇಯ್ಯ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಇಮೇ ಪಣ್ಡುಕಲೋಹಿತಕಾ ಭಿಕ್ಖೂ ಅತ್ತನಾ ಭಣ್ಡನಕಾರಕಾ…ಪೇ… ಸಙ್ಘೇ ಅಧಿಕರಣಕಾರಕಾ, ಯೇಪಿ ಚಞ್ಞೇ ಭಿಕ್ಖೂ ಭಣ್ಡನಕಾರಕಾ…ಪೇ… ಸಙ್ಘೇ ಅಧಿಕರಣಕಾರಕಾ ತೇ ಉಪಸಙ್ಕಮಿತ್ವಾ ಏವಂ ವದನ್ತಿ – ‘ಮಾ ಖೋ ತುಮ್ಹೇ, ಆಯಸ್ಮನ್ತೋ, ಏಸೋ ಅಜೇಸಿ. ಬಲವಾಬಲವಂ ಪಟಿಮನ್ತೇಥ. ತುಮ್ಹೇ ತೇನ ಪಣ್ಡಿತತರಾ ಚ ಬ್ಯತ್ತತರಾ ಚ ಬಹುಸ್ಸುತತರಾ ಚ ಅಲಮತ್ತತರಾ ಚ. ಮಾ ಚಸ್ಸ ಭಾಯಿತ್ಥ. ಮಯಮ್ಪಿ ತುಮ್ಹಾಕಂ ಪಕ್ಖಾ ಭವಿಸ್ಸಾಮಾ’ತಿ. ತೇನ ಅನುಪ್ಪನ್ನಾನಿ ಚೇವ ಭಣ್ಡನಾನಿ ಉಪ್ಪಜ್ಜನ್ತಿ, ಉಪ್ಪನ್ನಾನಿ ಚ ಭಣ್ಡನಾನಿ ಭಿಯ್ಯೋಭಾವಾಯ ವೇಪುಲ್ಲಾಯ ಸಂವತ್ತನ್ತಿ. ಸಙ್ಘೋ ಪಣ್ಡುಕಲೋಹಿತಕಾನಂ ಭಿಕ್ಖೂನಂ ¶ ತಜ್ಜನೀಯಕಮ್ಮಂ ಕರೋತಿ. ಯಸ್ಸಾಯಸ್ಮತೋ ಖಮತಿ ಪಣ್ಡುಕಲೋಹಿತಕಾನಂ ಭಿಕ್ಖೂನಂ ತಜ್ಜನೀಯಸ್ಸ ಕಮ್ಮಸ್ಸ ಕರಣಂ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ಏತಮತ್ಥಂ ವದಾಮಿ – ಸುಣಾತು ಮೇ, ಭನ್ತೇ, ಸಙ್ಘೋ. ಇಮೇ ಪಣ್ಡುಕಲೋಹಿತಕಾ ಭಿಕ್ಖೂ ಅತ್ತನಾ ಭಣ್ಡನಕಾರಕಾ…ಪೇ… ಸಙ್ಘೇ ಅಧಿಕರಣಕಾರಕಾ, ಯೇಪಿ ಚಞ್ಞೇ ಭಿಕ್ಖೂ ಭಣ್ಡನಕಾರಕಾ…ಪೇ… ಸಙ್ಘೇ ಅಧಿಕರಣಕಾರಕಾ ತೇ ಉಪಸಙ್ಕಮಿತ್ವಾ ಏವಂ ವದನ್ತಿ – ‘ಮಾ ಖೋ ತುಮ್ಹೇ ¶ , ಆಯಸ್ಮನ್ತೋ, ಏಸೋ ಅಜೇಸಿ. ಬಲವಾಬಲವಂ ಪಟಿಮನ್ತೇಥ. ತುಮ್ಹೇ ತೇನ ಪಣ್ಡಿತತರಾ ಚ ಬ್ಯತ್ತತರಾ ಚ ಬಹುಸ್ಸುತತರಾ ಚ ಅಲಮತ್ತತರಾ ಚ. ಮಾ ಚಸ್ಸ ಭಾಯಿತ್ಥ. ಮಯಮ್ಪಿ ತುಮ್ಹಾಕಂ ಪಕ್ಖಾ ಭವಿಸ್ಸಾಮಾ’ತಿ. ತೇನ ಅನುಪ್ಪನ್ನಾನಿ ಚೇವ ಭಣ್ಡನಾನಿ ಉಪ್ಪಜ್ಜನ್ತಿ, ಉಪ್ಪನ್ನಾನಿ ಚ ಭಣ್ಡನಾನಿ ಭಿಯ್ಯೋಭಾವಾಯ ವೇಪುಲ್ಲಾಯ ಸಂವತ್ತನ್ತಿ. ಸಙ್ಘೋ ಪಣ್ಡುಕಲೋಹಿತಕಾನಂ ಭಿಕ್ಖೂನಂ ತಜ್ಜನೀಯಕಮ್ಮಂ ಕರೋತಿ. ಯಸ್ಸಾಯಸ್ಮತೋ ಖಮತಿ ಪಣ್ಡುಕಲೋಹಿತಕಾನಂ ಭಿಕ್ಖೂನಂ ತಜ್ಜನೀಯಸ್ಸ ಕಮ್ಮಸ್ಸ ಕರಣಂ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ತತಿಯಮ್ಪಿ ಏತಮತ್ಥಂ ವದಾಮಿ – ಸುಣಾತು ಮೇ, ಭನ್ತೇ, ಸಙ್ಘೋ ¶ . ಇಮೇ ಪಣ್ಡುಕಲೋಹಿತಕಾ ಭಿಕ್ಖೂ ಅತ್ತನಾ ಭಣ್ಡನಕಾರಕಾ…ಪೇ… ಸಙ್ಘೇ ಅಧಿಕರಣಕಾರಕಾ, ಯೇಪಿ ಚಞ್ಞೇ ಭಿಕ್ಖೂ ಭಣ್ಡನಕಾರಕಾ…ಪೇ… ಸಙ್ಘೇ ಅಧಿಕರಣಕಾರಕಾ ತೇ ಉಪಸಙ್ಕಮಿತ್ವಾ ಏವಂ ವದನ್ತಿ – ‘ಮಾ ಖೋ ತುಮ್ಹೇ, ಆಯಸ್ಮನ್ತೋ, ಏಸೋ ಅಜೇಸಿ. ಬಲವಾಬಲವಂ ಪಟಿಮನ್ತೇಥ. ತುಮ್ಹೇ ತೇನ ಪಣ್ಡಿತತರಾ ಚ ಬ್ಯತ್ತತರಾ ಚ ಬಹುಸ್ಸುತತರಾ ಚ ಅಲಮತ್ತತರಾ ಚ. ಮಾ ಚಸ್ಸ ಭಾಯಿತ್ಥ. ಮಯಮ್ಪಿ ತುಮ್ಹಾಕಂ ಪಕ್ಖಾ ಭವಿಸ್ಸಾಮಾ’ತಿ. ತೇನ ಅನುಪ್ಪನ್ನಾನಿ ಚೇವ ಭಣ್ಡನಾನಿ ಉಪ್ಪಜ್ಜನ್ತಿ, ಉಪ್ಪನ್ನಾನಿ ಚ ಭಣ್ಡನಾನಿ ಭಿಯ್ಯೋಭಾವಾಯ ವೇಪುಲ್ಲಾಯ ಸಂವತ್ತನ್ತಿ. ಸಙ್ಘೋ ಪಣ್ಡುಕಲೋಹಿತಕಾನಂ ಭಿಕ್ಖೂನಂ ತಜ್ಜನೀಯಕಮ್ಮಂ ಕರೋತಿ. ಯಸ್ಸಾಯಸ್ಮತೋ ಖಮತಿ ಪಣ್ಡುಕಲೋಹಿತಕಾನಂ ಭಿಕ್ಖೂನಂ ತಜ್ಜನೀಯಸ್ಸ ಕಮ್ಮಸ್ಸ ಕರಣಂ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ಕತಂ ಸಙ್ಘೇನ ಪಣ್ಡುಕಲೋಹಿತಕಾನಂ ಭಿಕ್ಖೂನಂ ತಜ್ಜನೀಯಕಮ್ಮಂ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ಅಧಮ್ಮಕಮ್ಮದ್ವಾದಸಕಂ

೪. ‘‘ತೀಹಿ ¶ ¶ , ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಅಧಮ್ಮಕಮ್ಮಞ್ಚ [ಅಧಮ್ಮಕಮ್ಮಞ್ಚೇವ (ಸ್ಯಾ.)] ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ. ಅಸಮ್ಮುಖಾ ಕತಂ ಹೋತಿ, ಅಪ್ಪಟಿಪುಚ್ಛಾ ಕತಂ ಹೋತಿ, ಅಪ್ಪಟಿಞ್ಞಾಯ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ. ಅನಾಪತ್ತಿಯಾ ಕತಂ ¶ ಹೋತಿ, ಅದೇಸನಾಗಾಮಿನಿಯಾ ಆಪತ್ತಿಯಾ ಕತಂ ಹೋತಿ, ದೇಸಿತಾಯ ಆಪತ್ತಿಯಾ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ.

‘‘ಅಪರೇಹಿಪಿ ¶ , ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ. ಅಚೋದೇತ್ವಾ ಕತಂ ಹೋತಿ, ಅಸಾರೇತ್ವಾ ಕತಂ ಹೋತಿ, ಆಪತ್ತಿಂ ಅನಾರೋಪೇತ್ವಾ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ. ಅಸಮ್ಮುಖಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ. ಅಪ್ಪಟಿಪುಚ್ಛಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ. ಅಪ್ಪಟಿಞ್ಞಾಯ ಕತಂ ¶ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ.

‘‘ಅಪರೇಹಿಪಿ ¶ , ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ. ಅನಾಪತ್ತಿಯಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ. ಅದೇಸನಾಗಾಮಿನಿಯಾ ಆಪತ್ತಿಯಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ.

‘‘ಅಪರೇಹಿಪಿ ¶ , ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ. ದೇಸಿತಾಯ ಆಪತ್ತಿಯಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ. ಅಚೋದೇತ್ವಾ ಕತಂ ¶ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ. ಅಸಾರೇತ್ವಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ. ಆಪತ್ತಿಂ ಅನಾರೋಪೇತ್ವಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ ¶ , ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ.

ಅಧಮ್ಮಕಮ್ಮದ್ವಾದಸಕಂ ನಿಟ್ಠಿತಂ.

ಧಮ್ಮಕಮ್ಮದ್ವಾದಸಕಂ

೫. ‘‘ತೀಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ. ಸಮ್ಮುಖಾ ಕತಂ ಹೋತಿ, ಪಟಿಪುಚ್ಛಾ ಕತಂ ಹೋತಿ, ಪಟಿಞ್ಞಾಯ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಧಮ್ಮಕಮ್ಮಞ್ಚ ¶ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ. ಆಪತ್ತಿಯಾ ಕತಂ ಹೋತಿ, ದೇಸನಾಗಾಮಿನಿಯಾ ಆಪತ್ತಿಯಾ ಕತಂ ಹೋತಿ ¶ , ಅದೇಸಿತಾಯ ¶ ಆಪತ್ತಿಯಾ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ. ಚೋದೇತ್ವಾ ಕತಂ ಹೋತಿ, ಸಾರೇತ್ವಾ ಕತಂ ಹೋತಿ, ಆಪತ್ತಿಂ ಆರೋಪೇತ್ವಾ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ. ಸಮ್ಮುಖಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ. ಪಟಿಪುಚ್ಛಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ.

‘‘ಅಪರೇಹಿಪಿ ¶ , ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಧಮ್ಮಕಮ್ಮಞ್ಚ ¶ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ. ಪಟಿಞ್ಞಾಯ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ. ಆಪತ್ತಿಯಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ. ದೇಸನಾಗಾಮಿನಿಯಾ ಆಪತ್ತಿಯಾ ಕತಂ ಹೋತಿ, ಧಮ್ಮೇನ ¶ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ. ಅದೇಸಿತಾಯ ಆಪತ್ತಿಯಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಧಮ್ಮಕಮ್ಮಞ್ಚ ¶ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ. ಚೋದೇತ್ವಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ. ಸಾರೇತ್ವಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಜ್ಜನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ. ಆಪತ್ತಿಂ ಆರೋಪೇತ್ವಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ¶ ಸಮನ್ನಾಗತಂ ತಜ್ಜನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ.

ಧಮ್ಮಕಮ್ಮದ್ವಾದಸಕಂ ನಿಟ್ಠಿತಂ.

ಆಕಙ್ಖಮಾನಛಕ್ಕಂ

೬. [ಪರಿ. ೩೨೩] ‘‘ತೀಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ತಜ್ಜನೀಯಕಮ್ಮಂ ಕರೇಯ್ಯ. ಭಣ್ಡನಕಾರಕೋ ಹೋತಿ ಕಲಹಕಾರಕೋ ವಿವಾದಕಾರಕೋ ಭಸ್ಸಕಾರಕೋ ಸಙ್ಘೇ ಅಧಿಕರಣಕಾರಕೋ; ಬಾಲೋ ಹೋತಿ ಅಬ್ಯತ್ತೋ ಆಪತ್ತಿಬಹುಲೋ ಅನಪದಾನೋ; ಗಿಹಿಸಂಸಟ್ಠೋ ವಿಹರತಿ ಅನನುಲೋಮಿಕೇಹಿ ¶ ಗಿಹಿಸಂಸಗ್ಗೇಹಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ¶ , ಆಕಙ್ಖಮಾನೋ ಸಙ್ಘೋ, ತಜ್ಜನೀಯಕಮ್ಮಂ ಕರೇಯ್ಯ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ತಜ್ಜನೀಯಕಮ್ಮಂ ಕರೇಯ್ಯ. ಅಧಿಸೀಲೇ ಸೀಲವಿಪನ್ನೋ ಹೋತಿ, ಅಜ್ಝಾಚಾರೇ ಆಚಾರವಿಪನ್ನೋ ಹೋತಿ, ಅತಿದಿಟ್ಠಿಯಾ ದಿಟ್ಠಿವಿಪನ್ನೋ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ತಜ್ಜನೀಯಕಮ್ಮಂ ಕರೇಯ್ಯ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ತಜ್ಜನೀಯಕಮ್ಮಂ ಕರೇಯ್ಯ. ಬುದ್ಧಸ್ಸ ಅವಣ್ಣಂ ಭಾಸತಿ, ಧಮ್ಮಸ್ಸ ಅವಣ್ಣಂ ಭಾಸತಿ, ಸಙ್ಘಸ್ಸ ಅವಣ್ಣಂ ಭಾಸತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ತಜ್ಜನೀಯಕಮ್ಮಂ ಕರೇಯ್ಯ.

‘‘ತಿಣ್ಣಂ, ಭಿಕ್ಖವೇ, ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ತಜ್ಜನೀಯಕಮ್ಮಂ ಕರೇಯ್ಯ. ಏಕೋ ಭಣ್ಡನಕಾರಕೋ ಹೋತಿ ಕಲಹಕಾರಕೋ ವಿವಾದಕಾರಕೋ ಭಸ್ಸಕಾರಕೋ ಸಙ್ಘೇ ಅಧಿಕರಣಕಾರಕೋ; ಏಕೋ ಬಾಲೋ ಹೋತಿ ಅಬ್ಯತ್ತೋ ಆಪತ್ತಿಬಹುಲೋ ಅನಪದಾನೋ; ಏಕೋ ಗಿಹಿಸಂಸಟ್ಠೋ ವಿಹರತಿ ಅನನುಲೋಮಿಕೇಹಿ ಗಿಹಿಸಂಸಗ್ಗೇಹಿ – ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ತಜ್ಜನೀಯಕಮ್ಮಂ ಕರೇಯ್ಯ.

‘‘ಅಪರೇಸಮ್ಪಿ ¶ , ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ತಜ್ಜನೀಯಕಮ್ಮಂ ಕರೇಯ್ಯ. ಏಕೋ ಅಧಿಸೀಲೇ ಸೀಲವಿಪನ್ನೋ ಹೋತಿ, ಏಕೋ ಅಜ್ಝಾಚಾರೇ ಆಚಾರವಿಪನ್ನೋ ಹೋತಿ, ಏಕೋ ಅತಿದಿಟ್ಠಿಯಾ ದಿಟ್ಠಿವಿಪನ್ನೋ ಹೋತಿ – ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ತಜ್ಜನೀಯಕಮ್ಮಂ ¶ ಕರೇಯ್ಯ.

‘‘ಅಪರೇಸಮ್ಪಿ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ತಜ್ಜನೀಯಕಮ್ಮಂ ಕರೇಯ್ಯ ¶ . ಏಕೋ ಬುದ್ಧಸ್ಸ ಅವಣ್ಣಂ ಭಾಸತಿ, ಏಕೋ ಧಮ್ಮಸ್ಸ ಅವಣ್ಣಂ ಭಾಸತಿ, ಏಕೋ ಸಙ್ಘಸ್ಸ ಅವಣ್ಣಂ ಭಾಸತಿ – ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ತಜ್ಜನೀಯಕಮ್ಮಂ ಕರೇಯ್ಯ.

ಆಕಙ್ಖಮಾನಛಕ್ಕಂ ನಿಟ್ಠಿತಂ.

ಅಟ್ಠಾರಸವತ್ತಂ

೭. ‘‘ತಜ್ಜನೀಯಕಮ್ಮಕತೇನ ¶ , ಭಿಕ್ಖವೇ, ಭಿಕ್ಖುನಾ ಸಮ್ಮಾ ವತ್ತಿತಬ್ಬಂ. ತತ್ರಾಯಂ ಸಮ್ಮಾವತ್ತನಾ – ನ ಉಪಸಮ್ಪಾದೇತಬ್ಬಂ, ನ ನಿಸ್ಸಯೋ ದಾತಬ್ಬೋ, ನ ಸಾಮಣೇರೋ ಉಪಟ್ಠಾಪೇತಬ್ಬೋ, ನ ಭಿಕ್ಖುನೋವಾದಕಸಮ್ಮುತಿ [ಸಮ್ಮತಿ (ಸ್ಯಾ.)] ಸಾದಿತಬ್ಬಾ, ಸಮ್ಮತೇನಪಿ ಭಿಕ್ಖುನಿಯೋ ನ ಓವದಿತಬ್ಬಾ. ಯಾಯ ಆಪತ್ತಿಯಾ ಸಙ್ಘೇನ ತಜ್ಜನೀಯಕಮ್ಮಂ ಕತಂ ಹೋತಿ ಸಾ ಆಪತ್ತಿ ನ ಆಪಜ್ಜಿತಬ್ಬಾ, ಅಞ್ಞಾ ವಾ ತಾದಿಸಿಕಾ, ತತೋ ವಾ ಪಾಪಿಟ್ಠತರಾ; ಕಮ್ಮಂ ನ ಗರಹಿತಬ್ಬಂ, ಕಮ್ಮಿಕಾ ನ ಗರಹಿತಬ್ಬಾ. ನ ಪಕತತ್ತಸ್ಸ ಭಿಕ್ಖುನೋ ಉಪೋಸಥೋ ಠಪೇತಬ್ಬೋ, ನ ಪವಾರಣಾ ಠಪೇತಬ್ಬಾ, ನ ಸವಚನೀಯಂ ಕಾತಬ್ಬಂ, ನ ಅನುವಾದೋ ಪಟ್ಠಪೇತಬ್ಬೋ, ನ ಓಕಾಸೋ ಕಾರೇತಬ್ಬೋ, ನ ಚೋದೇತಬ್ಬೋ, ನ ಸಾರೇತಬ್ಬೋ, ನ ಭಿಕ್ಖೂಹಿ [ನ ಭಿಕ್ಖೂ ಭಿಕ್ಖೂಹಿ (ಸ್ಯಾ.)] ಸಮ್ಪಯೋಜೇತಬ್ಬ’’ನ್ತಿ.

ತಜ್ಜನೀಯಕಮ್ಮೇ ಅಟ್ಠಾರಸವತ್ತಂ ನಿಟ್ಠಿತಂ.

ನಪ್ಪಟಿಪ್ಪಸ್ಸಮ್ಭೇತಬ್ಬಅಟ್ಠಾರಸಕಂ

೮. ಅಥ ಖೋ ಸಙ್ಘೋ ಪಣ್ಡುಕಲೋಹಿತಕಾನಂ ಭಿಕ್ಖೂನಂ ತಜ್ಜನೀಯಕಮ್ಮಂ ಅಕಾಸಿ ¶ . ತೇ ಸಙ್ಘೇನ ತಜ್ಜನೀಯಕಮ್ಮಕತಾ ಸಮ್ಮಾ ವತ್ತನ್ತಿ, ಲೋಮಂ ಪಾತೇನ್ತಿ ¶ , ನೇತ್ಥಾರಂ ವತ್ತನ್ತಿ, ಭಿಕ್ಖೂ ಉಪಸಙ್ಕಮಿತ್ವಾ ಏವಂ ವದನ್ತಿ – ‘‘ಮಯಂ, ಆವುಸೋ, ಸಙ್ಘೇನ ತಜ್ಜನೀಯಕಮ್ಮಕತಾ ಸಮ್ಮಾ ವತ್ತಾಮ, ಲೋಮಂ ಪಾತೇಮ, ನೇತ್ಥಾರಂ ವತ್ತಾಮ, ಕಥಂ ನು ಖೋ ಅಮ್ಹೇಹಿ ಪಟಿಪಜ್ಜಿತಬ್ಬ’’ನ್ತಿ? ಭಿಕ್ಖೂ ಭಗವತೋ ಏತಮತ್ಥಂ ಆರೋಚೇಸುಂ…ಪೇ…. ‘‘ತೇನ ಹಿ, ಭಿಕ್ಖವೇ, ಸಙ್ಘೋ ಪಣ್ಡುಕಲೋಹಿತಕಾನಂ ಭಿಕ್ಖೂನಂ ತಜ್ಜನೀಯಕಮ್ಮಂ ಪಟಿಪ್ಪಸ್ಸಮ್ಭೇತು.

ಪಞ್ಚಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ತಜ್ಜನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ. ಉಪಸಮ್ಪಾದೇತಿ, ನಿಸ್ಸಯಂ ದೇತಿ, ಸಾಮಣೇರಂ ಉಪಟ್ಠಾಪೇತಿ, ಭಿಕ್ಖುನೋವಾದಕಸಮ್ಮುತಿಂ ಸಾದಿಯತಿ, ಸಮ್ಮತೋಪಿ ಭಿಕ್ಖುನಿಯೋ ಓವದತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ತಜ್ಜನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ.

[ಪರಿ. ೪೨೦] ‘‘ಅಪರೇಹಿಪಿ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ತಜ್ಜನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ. ಯಾಯ ಆಪತ್ತಿಯಾ ಸಙ್ಘೇನ ತಜ್ಜನೀಯಕಮ್ಮಂ ಕತಂ ಹೋತಿ ತಂ ಆಪತ್ತಿಂ ಆಪಜ್ಜತಿ, ಅಞ್ಞಂ ವಾ ತಾದಿಸಿಕಂ, ತತೋ ವಾ ಪಾಪಿಟ್ಠತರಂ; ಕಮ್ಮಂ ಗರಹತಿ, ಕಮ್ಮಿಕೇ ಗರಹತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ತಜ್ಜನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ.

‘‘ಅಟ್ಠಹಿ ¶ , ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ತಜ್ಜನೀಯಕಮ್ಮಂ ¶ ನಪ್ಪಟಿಪ್ಪಸ್ಸಮ್ಭೇತಬ್ಬಂ. ಪಕತತ್ತಸ್ಸ ಭಿಕ್ಖುನೋ ಉಪೋಸಥಂ ಠಪೇತಿ, ಪವಾರಣಂ ಠಪೇತಿ, ಸವಚನೀಯಂ ಕರೋತಿ, ಅನುವಾದಂ ಪಟ್ಠಪೇತಿ, ಓಕಾಸಂ ¶ ಕಾರೇತಿ, ಚೋದೇತಿ, ಸಾರೇತಿ, ಭಿಕ್ಖೂಹಿ ಸಮ್ಪಯೋಜೇತಿ [ಭಿಕ್ಖೂ ಭಿಕ್ಖೂಹಿ ಸಮ್ಪಯೋಜೇತಿ (ಸ್ಯಾ.)] – ಇಮೇಹಿ ಖೋ, ಭಿಕ್ಖವೇ, ಅಟ್ಠಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ತಜ್ಜನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ.

ನಪ್ಪಟಿಪ್ಪಸ್ಸಮ್ಭೇತಬ್ಬಅಟ್ಠಾರಸಕಂ ನಿಟ್ಠಿತಂ.

ಪಟಿಪ್ಪಸ್ಸಮ್ಭೇತಬ್ಬಅಟ್ಠಾರಸಕಂ

೯. ‘‘ಪಞ್ಚಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ತಜ್ಜನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ. ನ ಉಪಸಮ್ಪಾದೇತಿ, ನ ನಿಸ್ಸಯಂ ದೇತಿ, ನ ಸಾಮಣೇರಂ ಉಪಟ್ಠಾಪೇತಿ, ನ ಭಿಕ್ಖುನೋವಾದಕಸಮ್ಮುತಿಂ ಸಾದಿಯತಿ, ಸಮ್ಮತೋಪಿ ಭಿಕ್ಖುನಿಯೋ ನ ಓವದತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ತಜ್ಜನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ.

‘‘ಅಪರೇಹಿಪಿ ¶ , ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ತಜ್ಜನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ. ಯಾಯ ಆಪತ್ತಿಯಾ ಸಙ್ಘೇನ ತಜ್ಜನೀಯಕಮ್ಮಂ ಕತಂ ಹೋತಿ ತಂ ಆಪತ್ತಿಂ ನ ಆಪಜ್ಜತಿ, ಅಞ್ಞಂ ವಾ ತಾದಿಸಿಕಂ, ತತೋ ವಾ ಪಾಪಿಟ್ಠತರಂ; ಕಮ್ಮಂ ನ ಗರಹತಿ, ಕಮ್ಮಿಕೇ ನ ಗರಹತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ತಜ್ಜನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ.

‘‘ಅಟ್ಠಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ತಜ್ಜನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ.

ನ ಪಕತತ್ತಸ್ಸ ಭಿಕ್ಖುನೋ ಉಪೋಸಥಂ ಠಪೇತಿ, ನ ಪವಾರಣಂ ಠಪೇತಿ, ನ ಸವಚನೀಯಂ ಕರೋತಿ, ನ ಅನುವಾದಂ ಪಟ್ಠಪೇತಿ, ನ ಓಕಾಸಂ ಕಾರೇತಿ, ನ ಚೋದೇತಿ, ನ ಸಾರೇತಿ, ನ ಭಿಕ್ಖೂಹಿ ಸಮ್ಪಯೋಜೇತಿ – ಇಮೇಹಿ ಖೋ, ಭಿಕ್ಖವೇ, ಅಟ್ಠಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ¶ , ತಜ್ಜನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ.

ಪಟಿಪ್ಪಸ್ಸಮ್ಭೇತಬ್ಬಅಟ್ಠಾರಸಕಂ ನಿಟ್ಠಿತಂ.

೧೦. ‘‘ಏವಞ್ಚ ಪನ, ಭಿಕ್ಖವೇ, ಪಟಿಪ್ಪಸ್ಸಮ್ಭೇತಬ್ಬಂ. ತೇಹಿ, ಭಿಕ್ಖವೇ, ಪಣ್ಡುಕಲೋಹಿತಕೇಹಿ ಭಿಕ್ಖೂಹಿ ಸಙ್ಘಂ ಉಪಸಙ್ಕಮಿತ್ವಾ ಏಕಂಸಂ ಉತ್ತರಾಸಙ್ಗಂ ಕರಿತ್ವಾ ವುಡ್ಢಾನಂ ಭಿಕ್ಖೂನಂ ಪಾದೇ ವನ್ದಿತ್ವಾ ಉಕ್ಕುಟಿಕಂ ನಿಸೀದಿತ್ವಾ ಅಞ್ಜಲಿಂ ಪಗ್ಗಹೇತ್ವಾ ಏವಮಸ್ಸ ವಚನೀಯೋ – ‘ಮಯಂ, ಭನ್ತೇ, ಸಙ್ಘೇನ ತಜ್ಜನೀಯಕಮ್ಮಕತಾ ¶ ಸಮ್ಮಾ ವತ್ತಾಮ, ಲೋಮಂ ಪಾತೇಮ, ನೇತ್ಥಾರಂ ವತ್ತಾಮ, ತಜ್ಜನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ಯಾಚಾಮಾ’ತಿ. ದುತಿಯಮ್ಪಿ ಯಾಚಿತಬ್ಬಾ. ತತಿಯಮ್ಪಿ ಯಾಚಿತಬ್ಬಾ. ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಇಮೇ ಪಣ್ಡುಕಲೋಹಿತಕಾ ಭಿಕ್ಖೂ ಸಙ್ಘೇನ ತಜ್ಜನೀಯಕಮ್ಮಕತಾ ಸಮ್ಮಾ ವತ್ತನ್ತಿ, ಲೋಮಂ ಪಾತೇನ್ತಿ, ನೇತ್ಥಾರಂ ವತ್ತನ್ತಿ ¶ , ತಜ್ಜನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ಯಾಚನ್ತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಪಣ್ಡುಕಲೋಹಿತಕಾನಂ ಭಿಕ್ಖೂನಂ ತಜ್ಜನೀಯಕಮ್ಮಂ ಪಟಿಪ್ಪಸ್ಸಮ್ಭೇಯ್ಯ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಇಮೇ ಪಣ್ಡುಕಲೋಹಿತಕಾ ಭಿಕ್ಖೂ ಸಙ್ಘೇನ ತಜ್ಜನೀಯಕಮ್ಮಕತಾ ಸಮ್ಮಾ ವತ್ತನ್ತಿ, ಲೋಮಂ ಪಾತೇನ್ತಿ, ನೇತ್ಥಾರಂ ವತ್ತನ್ತಿ, ತಜ್ಜನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ಯಾಚನ್ತಿ. ಸಙ್ಘೋ ಪಣ್ಡುಕಲೋಹಿತಕಾನಂ ಭಿಕ್ಖೂನಂ ತಜ್ಜನೀಯಕಮ್ಮಂ ಪಟಿಪ್ಪಸ್ಸಮ್ಭೇತಿ. ಯಸ್ಸಾಯಸ್ಮತೋ ಖಮತಿ ಪಣ್ಡುಕಲೋಹಿತಕಾನಂ ಭಿಕ್ಖೂನಂ ತಜ್ಜನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ¶ ಏತಮತ್ಥಂ ವದಾಮಿ – ಸುಣಾತು ಮೇ ¶ , ಭನ್ತೇ, ಸಙ್ಘೋ. ಇಮೇ ಪಣ್ಡುಕಲೋಹಿತಕಾ ಭಿಕ್ಖೂ ಸಙ್ಘೇನ ತಜ್ಜನೀಯಕಮ್ಮಕತಾ ಸಮ್ಮಾ ವತ್ತನ್ತಿ, ಲೋಮಂ ಪಾತೇನ್ತಿ, ನೇತ್ಥಾರಂ ವತ್ತನ್ತಿ, ತಜ್ಜನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ಯಾಚನ್ತಿ. ಸಙ್ಘೋ ಪಣ್ಡುಕಲೋಹಿತಕಾನಂ ಭಿಕ್ಖೂನಂ ತಜ್ಜನೀಯಕಮ್ಮಂ ಪಟಿಪ್ಪಸ್ಸಮ್ಭೇತಿ. ಯಸ್ಸಾಯಸ್ಮತೋ ಖಮತಿ ಪಣ್ಡುಕಲೋಹಿತಕಾನಂ ಭಿಕ್ಖೂನಂ ತಜ್ಜನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ತತಿಯಮ್ಪಿ ಏತಮತ್ಥಂ ವದಾಮಿ – ಸುಣಾತು ಮೇ, ಭನ್ತೇ, ಸಙ್ಘೋ. ಇಮೇ ಪಣ್ಡುಕಲೋಹಿತಕಾ ಭಿಕ್ಖೂ ಸಙ್ಘೇನ ತಜ್ಜನೀಯಕಮ್ಮಕತಾ ಸಮ್ಮಾ ವತ್ತನ್ತಿ, ಲೋಮಂ ಪಾತೇನ್ತಿ, ನೇತ್ಥಾರಂ ವತ್ತನ್ತಿ, ತಜ್ಜನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ಯಾಚನ್ತಿ. ಸಙ್ಘೋ ಪಣ್ಡುಕಲೋಹಿತಕಾನಂ ಭಿಕ್ಖೂನಂ ತಜ್ಜನೀಯಕಮ್ಮಂ ಪಟಿಪ್ಪಸ್ಸಮ್ಭೇತಿ. ಯಸ್ಸಾಯಸ್ಮತೋ ಖಮತಿ ಪಣ್ಡುಕಲೋಹಿತಕಾನಂ ಭಿಕ್ಖೂನಂ ತಜ್ಜನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ಪಟಿಪ್ಪಸ್ಸದ್ಧಂ ಸಙ್ಘೇನ ಪಣ್ಡುಕಲೋಹಿತಕಾನಂ ಭಿಕ್ಖೂನಂ ತಜ್ಜನೀಯಕಮ್ಮಂ. ಖಮತಿ ಸಙ್ಘಸ್ಸ,

ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ತಜ್ಜನೀಯಕಮ್ಮಂ ನಿಟ್ಠಿತಂ ಪಠಮಂ.

೨. ನಿಯಸ್ಸಕಮ್ಮಂ

೧೧. ತೇನ ¶ ಖೋ ಪನ ಸಮಯೇನ ಆಯಸ್ಮಾ ಸೇಯ್ಯಸಕೋ ಬಾಲೋ ಹೋತಿ ಅಬ್ಯತ್ತೋ ಆಪತ್ತಿಬಹುಲೋ ಅನಪದಾನೋ; ಗಿಹಿಸಂಸಟ್ಠೋ ವಿಹರತಿ ಅನನುಲೋಮಿಕೇಹಿ ಗಿಹಿಸಂಸಗ್ಗೇಹಿ; ಅಪಿಸ್ಸು ಭಿಕ್ಖೂ ಪಕತಾ [ಪಕತತ್ತಾ (ಸೀ. ಸ್ಯಾ.)] ಪರಿವಾಸಂ ದೇನ್ತಾ ಮೂಲಾಯ ಪಟಿಕಸ್ಸನ್ತಾ ಮಾನತ್ತಂ ದೇನ್ತಾ ಅಬ್ಭೇನ್ತಾ. ಯೇ ತೇ ಭಿಕ್ಖೂ ಅಪ್ಪಿಚ್ಛಾ…ಪೇ… ತೇ ಉಜ್ಝಾಯನ್ತಿ ಖಿಯ್ಯನ್ತಿ ವಿಪಾಚೇನ್ತಿ – ‘‘ಕಥಞ್ಹಿ ನಾಮ ಆಯಸ್ಮಾ ಸೇಯ್ಯಸಕೋ ಬಾಲೋ ಭವಿಸ್ಸತಿ ಅಬ್ಯತ್ತೋ ಆಪತ್ತಿಬಹುಲೋ ಅನಪದಾನೋ; ಗಿಹಿಸಂಸಟ್ಠೋ ವಿಹರಿಸ್ಸತಿ ಅನನುಲೋಮಿಕೇಹಿ ಗಿಹಿಸಂಸಗ್ಗೇಹಿ ¶ ; ಅಪಿಸ್ಸು ಭಿಕ್ಖೂ ಪಕತಾ ಪರಿವಾಸಂ ದೇನ್ತಾ ಮೂಲಾಯ ಪಟಿಕಸ್ಸನ್ತಾ ಮಾನತ್ತಂ ದೇನ್ತಾ ಅಬ್ಭೇನ್ತಾ’’ತಿ. ಅಥ ಖೋ ತೇ ಭಿಕ್ಖೂ ಭಗವತೋ ಏತಮತ್ಥಂ ಆರೋಚೇಸುಂ.

ಅಥ ¶ ಖೋ ಭಗವಾ ಏತಸ್ಮಿಂ ನಿದಾನೇ ಏತಸ್ಮಿಂ ಪಕರಣೇ ಭಿಕ್ಖುಸಙ್ಘಂ ಸನ್ನಿಪಾತಾಪೇತ್ವಾ ಭಿಕ್ಖೂ ಪಟಿಪುಚ್ಛಿ – ‘‘ಸಚ್ಚಂ ಕಿರ, ಭಿಕ್ಖವೇ, ಸೇಯ್ಯಸಕೋ ಭಿಕ್ಖು ಬಾಲೋ ಅಬ್ಯತ್ತೋ ಆಪತ್ತಿಬಹುಲೋ ಅನಪದಾನೋ; ಗಿಹಿಸಂಸಟ್ಠೋ ವಿಹರತಿ ಅನನುಲೋಮಿಕೇಹಿ ಗಿಹಿಸಂಸಗ್ಗೇಹಿ; ಅಪಿಸ್ಸು ಭಿಕ್ಖೂ ಪಕತಾ ಪರಿವಾಸಂ ದೇನ್ತಾ ಮೂಲಾಯ ಪಟಿಕಸ್ಸನ್ತಾ ಮಾನತ್ತಂ ದೇನ್ತಾ ಅಬ್ಭೇನ್ತಾ’’ತಿ? ‘‘ಸಚ್ಚಂ ಭಗವಾ’’ತಿ. ವಿಗರಹಿ ಬುದ್ಧೋ ಭಗವಾ – ‘‘ಅನನುಚ್ಛವಿಕಂ, ಭಿಕ್ಖವೇ, ತಸ್ಸ ಮೋಘಪುರಿಸಸ್ಸ ಅನನುಲೋಮಿಕಂ ಅಪ್ಪತಿರೂಪಂ ಅಸ್ಸಾಮಣಕಂ ಅಕಪ್ಪಿಯಂ ಅಕರಣೀಯಂ. ಕಥಞ್ಹಿ ನಾಮ ಸೋ, ಭಿಕ್ಖವೇ, ಮೋಘಪುರಿಸೋ ಬಾಲೋ ಭವಿಸ್ಸತಿ ಅಬ್ಯತ್ತೋ ಆಪತ್ತಿಬಹುಲೋ ಅನಪದಾನೋ; ಗಿಹಿಸಂಸಟ್ಠೋ ವಿಹರಿಸ್ಸತಿ ಅನನುಲೋಮಿಕೇಹಿ ಗಿಹಿಸಂಸಗ್ಗೇಹಿ; ಅಪಿಸ್ಸು ಭಿಕ್ಖೂ ಪಕತಾ ಪರಿವಾಸಂ ದೇನ್ತಾ ಮೂಲಾಯ ಪಟಿಕಸ್ಸನ್ತಾ ಮಾನತ್ತಂ ದೇನ್ತಾ ಅಬ್ಭೇನ್ತಾ. ನೇತಂ, ಭಿಕ್ಖವೇ, ಅಪ್ಪಸನ್ನಾನಂ ವಾ ಪಸಾದಾಯ…ಪೇ… ವಿಗರಹಿತ್ವಾ…ಪೇ… ಧಮ್ಮಿಂ ಕಥಂ ಕತ್ವಾ ಭಿಕ್ಖೂ ಆಮನ್ತೇಸಿ – ‘‘ತೇನ ಹಿ, ಭಿಕ್ಖವೇ, ಸಙ್ಘೋ ಸೇಯ್ಯಸಕಸ್ಸ ¶ ಭಿಕ್ಖುನೋ ನಿಯಸ್ಸಕಮ್ಮಂ [ನಿಯಸಕಮ್ಮಂ (ಕ.)] ಕರೋತು – ನಿಸ್ಸಾಯ ತೇ ವತ್ಥಬ್ಬನ್ತಿ. ಏವಞ್ಚ ಪನ, ಭಿಕ್ಖವೇ, ಕಾತಬ್ಬಂ. ಪಠಮಂ ಸೇಯ್ಯಸಕೋ ಭಿಕ್ಖು ಚೋದೇತಬ್ಬೋ, ಚೋದೇತ್ವಾ ಸಾರೇತಬ್ಬೋ, ಸಾರೇತ್ವಾ ಆಪತ್ತಿಂ ಆರೋಪೇತಬ್ಬೋ [ಆಪತ್ತಿ ಆರೋಪೇತಬ್ಬಾ (ಸೀ. ಸ್ಯಾ.)], ಆಪತ್ತಿಂ ಆರೋಪೇತ್ವಾ ಬ್ಯತ್ತೇನ ಭಿಕ್ಖುನಾ ¶ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೧೨. ‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಸೇಯ್ಯಸಕೋ ಭಿಕ್ಖು ಬಾಲೋ ಅಬ್ಯತ್ತೋ ಆಪತ್ತಿಬಹುಲೋ ಅನಪದಾನೋ; ಗಿಹಿಸಂಸಟ್ಠೋ ವಿಹರತಿ ಅನನುಲೋಮಿಕೇಹಿ ಗಿಹಿಸಂಸಗ್ಗೇಹಿ; ಅಪಿಸ್ಸು ಭಿಕ್ಖೂ ಪಕತಾ ಪರಿವಾಸಂ ದೇನ್ತಾ ಮೂಲಾಯ ಪಟಿಕಸ್ಸನ್ತಾ ಮಾನತ್ತಂ ದೇನ್ತಾ ಅಬ್ಭೇನ್ತಾ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಸೇಯ್ಯಸಕಸ್ಸ ಭಿಕ್ಖುನೋ ನಿಯಸ್ಸಕಮ್ಮಂ ಕರೇಯ್ಯ – ನಿಸ್ಸಾಯ ತೇ ವತ್ಥಬ್ಬನ್ತಿ. ಏಸಾ ಞತ್ತಿ.

‘‘ಸುಣಾತು ¶ ಮೇ, ಭನ್ತೇ, ಸಙ್ಘೋ. ಅಯಂ ಸೇಯ್ಯಸಕೋ ಭಿಕ್ಖು ಬಾಲೋ ಅಬ್ಯತ್ತೋ ಆಪತ್ತಿಬಹುಲೋ ಅನಪದಾನೋ; ಗಿಹಿಸಂಸಟ್ಠೋ ವಿಹರತಿ ಅನನುಲೋಮಿಕೇಹಿ ಗಿಹಿಸಂಸಗ್ಗೇಹಿ; ಅಪಿಸ್ಸು ಭಿಕ್ಖೂ ಪಕತಾ ಪರಿವಾಸಂ ದೇನ್ತಾ ಮೂಲಾಯ ಪಟಿಕಸ್ಸನ್ತಾ ಮಾನತ್ತಂ ದೇನ್ತಾ ಅಬ್ಭೇನ್ತಾ. ಸಙ್ಘೋ ಸೇಯ್ಯಸಕಸ್ಸ ಭಿಕ್ಖುನೋ ನಿಯಸ್ಸಕಮ್ಮಂ ಕರೋತಿ – ನಿಸ್ಸಾಯ ತೇ ವತ್ಥಬ್ಬನ್ತಿ. ಯಸ್ಸಾಯಸ್ಮತೋ ಖಮತಿ ಸೇಯ್ಯಸಕಸ್ಸ ಭಿಕ್ಖುನೋ ನಿಯಸ್ಸಸ್ಸ ಕಮ್ಮಸ್ಸ ಕರಣಂ – ನಿಸ್ಸಾಯ ತೇ ವತ್ಥಬ್ಬನ್ತಿ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ¶ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ಏತಮತ್ಥಂ ವದಾಮಿ – ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಸೇಯ್ಯಸಕೋ ಭಿಕ್ಖು ಬಾಲೋ ಅಬ್ಯತ್ತೋ ಆಪತ್ತಿಬಹುಲೋ ಅನಪದಾನೋ; ಗಿಹಿಸಂಸಟ್ಠೋ ವಿಹರತಿ ಅನನುಲೋಮಿಕೇಹಿ ಗಿಹಿಸಂಸಗ್ಗೇಹಿ; ಅಪಿಸ್ಸು ಭಿಕ್ಖೂ ಪಕತಾ ಪರಿವಾಸಂ ದೇನ್ತಾ ಮೂಲಾಯ ಪಟಿಕಸ್ಸನ್ತಾ ಮಾನತ್ತಂ ದೇನ್ತಾ ಅಬ್ಭೇನ್ತಾ. ಸಙ್ಘೋ ಸೇಯ್ಯಸಕಸ್ಸ ಭಿಕ್ಖುನೋ ನಿಯಸ್ಸಕಮ್ಮಂ ಕರೋತಿ – ನಿಸ್ಸಾಯ ತೇ ವತ್ಥಬ್ಬನ್ತಿ. ಯಸ್ಸಾಯಸ್ಮತೋ ಖಮತಿ ಸೇಯ್ಯಸಕಸ್ಸ ಭಿಕ್ಖುನೋ ನಿಯಸ್ಸಸ್ಸ ಕಮ್ಮಸ್ಸ ¶ ಕರಣಂ – ನಿಸ್ಸಾಯ ತೇ ವತ್ಥಬ್ಬನ್ತಿ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ಕತಂ ಸಙ್ಘೇನ ಸೇಯ್ಯಸಕಸ್ಸ ಭಿಕ್ಖುನೋ ನಿಯಸ್ಸಕಮ್ಮಂ – ನಿಸ್ಸಾಯ ತೇ ವತ್ಥಬ್ಬನ್ತಿ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ಅಧಮ್ಮಕಮ್ಮದ್ವಾದಸಕಂ

೧೩. ‘‘ತೀಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಂ ನಿಯಸ್ಸಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ. ಅಸಮ್ಮುಖಾ ಕತಂ ಹೋತಿ, ಅಪ್ಪಟಿಪುಚ್ಛಾ ಕತಂ ಹೋತಿ, ಅಪ್ಪಟಿಞ್ಞಾಯ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ನಿಯಸ್ಸಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ನಿಯಸ್ಸಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ. ಅನಾಪತ್ತಿಯಾ ಕತಂ ಹೋತಿ, ಅದೇಸನಾಗಾಮಿನಿಯಾ ಆಪತ್ತಿಯಾ ಕತಂ ಹೋತಿ, ದೇಸಿತಾಯ ಆಪತ್ತಿಯಾ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ನಿಯಸ್ಸಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ನಿಯಸ್ಸಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ. ಅಚೋದೇತ್ವಾ ಕತಂ ಹೋತಿ, ಅಸಾರೇತ್ವಾ ಕತಂ ಹೋತಿ, ಆಪತ್ತಿಂ ಅನಾರೋಪೇತ್ವಾ ¶ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ನಿಯಸ್ಸಕಮ್ಮಂ ಅಧಮ್ಮಕಮ್ಮಞ್ಚ ¶ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ.

‘‘ಅಪರೇಹಿಪಿ, ಭಿಕ್ಖವೇ…ಪೇ… ಅಸಮ್ಮುಖಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ…ಪೇ….

‘‘ಅಪರೇಹಿಪಿ ¶ , ಭಿಕ್ಖವೇ…ಪೇ… ಅಪ್ಪಟಿಪುಚ್ಛಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ…ಪೇ….

‘‘ಅಪರೇಹಿಪಿ, ಭಿಕ್ಖವೇ…ಪೇ… ಅಪ್ಪಟಿಞ್ಞಾಯ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ…ಪೇ….

‘‘ಅಪರೇಹಿಪಿ, ಭಿಕ್ಖವೇ…ಪೇ… ಅನಾಪತ್ತಿಯಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ…ಪೇ… ¶ .

‘‘ಅಪರೇಹಿಪಿ, ಭಿಕ್ಖವೇ…ಪೇ… ಅದೇಸನಾಗಾಮಿನಿಯಾ ಆಪತ್ತಿಯಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ…ಪೇ….

‘‘ಅಪರೇಹಿಪಿ, ಭಿಕ್ಖವೇ…ಪೇ… ದೇಸಿತಾಯ ಆಪತ್ತಿಯಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ…ಪೇ….

‘‘ಅಪರೇಹಿಪಿ, ಭಿಕ್ಖವೇ…ಪೇ… ಅಚೋದೇತ್ವಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ…ಪೇ….

‘‘ಅಪರೇಹಿಪಿ, ಭಿಕ್ಖವೇ…ಪೇ… ಅಸಾರೇತ್ವಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ…ಪೇ… ¶ .

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ನಿಯಸ್ಸಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ. ಆಪತ್ತಿಂ ಅನಾರೋಪೇತ್ವಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ¶ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ನಿಯಸ್ಸಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ.

ಅಧಮ್ಮಕಮ್ಮದ್ವಾದಸಕಂ ನಿಟ್ಠಿತಂ.

ಧಮ್ಮಕಮ್ಮದ್ವಾದಸಕಂ

೧೪. ‘‘ತೀಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಂ ನಿಯಸ್ಸಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ. ಸಮ್ಮುಖಾ ಕತಂ ಹೋತಿ, ಪಟಿಪುಚ್ಛಾ ಕತಂ ಹೋತಿ, ಪಟಿಞ್ಞಾಯ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ನಿಯಸ್ಸಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ.

‘‘ಅಪರೇಹಿಪಿ ¶ , ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ನಿಯಸ್ಸಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ. ಆಪತ್ತಿಯಾ ಕತಂ ಹೋತಿ, ದೇಸನಾಗಾಮಿನಿಯಾ ಆಪತ್ತಿಯಾ ಕತಂ ಹೋತಿ, ಅದೇಸಿತಾಯ ಆಪತ್ತಿಯಾ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ನಿಯಸ್ಸಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ನಿಯಸ್ಸಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ. ಚೋದೇತ್ವಾ ಕತಂ ಹೋತಿ, ಸಾರೇತ್ವಾ ಕತಂ ಹೋತಿ, ಆಪತ್ತಿಂ ಆರೋಪೇತ್ವಾ ಕತಂ ಹೋತಿ ¶ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ನಿಯಸ್ಸಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ.

‘‘ಅಪರೇಹಿಪಿ, ಭಿಕ್ಖವೇ…ಪೇ… ಸಮ್ಮುಖಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ…ಪೇ….

‘‘ಅಪರೇಹಿಪಿ, ಭಿಕ್ಖವೇ…ಪೇ… ಪಟಿಪುಚ್ಛಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ…ಪೇ….

‘‘ಅಪರೇಹಿಪಿ, ಭಿಕ್ಖವೇ…ಪೇ… ಪಟಿಞ್ಞಾಯ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ…ಪೇ….

‘‘ಅಪರೇಹಿಪಿ ¶ , ಭಿಕ್ಖವೇ…ಪೇ… ಆಪತ್ತಿಯಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ…ಪೇ… ¶ .

‘‘ಅಪರೇಹಿಪಿ, ಭಿಕ್ಖವೇ…ಪೇ… ದೇಸನಾಗಾಮಿನಿಯಾ ಆಪತ್ತಿಯಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ…ಪೇ….

‘‘ಅಪರೇಹಿಪಿ, ಭಿಕ್ಖವೇ…ಪೇ… ಅದೇಸಿತಾಯ ಆಪತ್ತಿಯಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ…ಪೇ….

‘‘ಅಪರೇಹಿಪಿ, ಭಿಕ್ಖವೇ…ಪೇ… ಚೋದೇತ್ವಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ…ಪೇ….

‘‘ಅಪರೇಹಿಪಿ, ಭಿಕ್ಖವೇ…ಪೇ… ಸಾರೇತ್ವಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ…ಪೇ… ¶ .

‘‘ಅಪರೇಹಿಪಿ ¶ , ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ನಿಯಸ್ಸಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ. ಆಪತ್ತಿಂ ಆರೋಪೇತ್ವಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ನಿಯಸ್ಸಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ.

ಧಮ್ಮಕಮ್ಮದ್ವಾದಸಕಂ ನಿಟ್ಠಿತಂ.

ಆಕಙ್ಖಮಾನಛಕ್ಕಂ

೧೫. [ಪರಿ. ೩೨೩] ‘‘ತೀಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ನಿಯಸ್ಸಕಮ್ಮಂ ಕರೇಯ್ಯ. ಭಣ್ಡನಕಾರಕೋ ಹೋತಿ ಕಲಹಕಾರಕೋ ವಿವಾದಕಾರಕೋ ಭಸ್ಸಕಾರಕೋ ಸಙ್ಘೇ ಅಧಿಕರಣಕಾರಕೋ; ಬಾಲೋ ಹೋತಿ ಅಬ್ಯತ್ತೋ ಆಪತ್ತಿಬಹುಲೋ ಅನಪದಾನೋ; ಗಿಹಿಸಂಸಟ್ಠೋ ವಿಹರತಿ ಅನನುಲೋಮಿಕೇಹಿ ಗಿಹಿಸಂಸಗ್ಗೇಹಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ನಿಯಸ್ಸಕಮ್ಮಂ ಕರೇಯ್ಯ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ನಿಯಸ್ಸಕಮ್ಮಂ ¶ ಕರೇಯ್ಯ. ಅಧಿಸೀಲೇ ಸೀಲವಿಪನ್ನೋ ಹೋತಿ, ಅಜ್ಝಾಚಾರೇ ಆಚಾರವಿಪನ್ನೋ ಹೋತಿ, ಅತಿದಿಟ್ಠಿಯಾ ದಿಟ್ಠಿವಿಪನ್ನೋ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ನಿಯಸ್ಸಕಮ್ಮಂ ಕರೇಯ್ಯ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ¶ ಸಙ್ಘೋ, ನಿಯಸ್ಸಕಮ್ಮಂ ಕರೇಯ್ಯ. ಬುದ್ಧಸ್ಸ ಅವಣ್ಣಂ ಭಾಸತಿ, ಧಮ್ಮಸ್ಸ ಅವಣ್ಣಂ ಭಾಸತಿ, ಸಙ್ಘಸ್ಸ ಅವಣ್ಣಂ ಭಾಸತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ನಿಯಸ್ಸಕಮ್ಮಂ ಕರೇಯ್ಯ.

‘‘ತಿಣ್ಣಂ, ಭಿಕ್ಖವೇ, ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ನಿಯಸ್ಸಕಮ್ಮಂ ಕರೇಯ್ಯ. ಏಕೋ ಭಣ್ಡನಕಾರಕೋ ಹೋತಿ ಕಲಹಕಾರಕೋ ವಿವಾದಕಾರಕೋ ಭಸ್ಸಕಾರಕೋ ಸಙ್ಘೇ ಅಧಿಕರಣಕಾರಕೋ; ಏಕೋ ಬಾಲೋ ಹೋತಿ, ಅಬ್ಯತ್ತೋ ಆಪತ್ತಿಬಹುಲೋ ಅನಪದಾನೋ; ಏಕೋ ಗಿಹಿಸಂಸಟ್ಠೋ ವಿಹರತಿ ಅನನುಲೋಮಿಕೇಹಿ ¶ ಗಿಹಿಸಂಸಗ್ಗೇಹಿ – ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ನಿಯಸ್ಸಕಮ್ಮಂ ಕರೇಯ್ಯ.

‘‘ಅಪರೇಸಮ್ಪಿ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ನಿಯಸ್ಸಕಮ್ಮಂ ಕರೇಯ್ಯ. ಏಕೋ ಅಧಿಸೀಲೇ ಸೀಲವಿಪನ್ನೋ ಹೋತಿ, ಏಕೋ ಅಜ್ಝಾಚಾರೇ ಆಚಾರವಿಪನ್ನೋ ಹೋತಿ, ಏಕೋ ಅತಿದಿಟ್ಠಿಯಾ ದಿಟ್ಠಿವಿಪನ್ನೋ ಹೋತಿ – ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ನಿಯಸ್ಸಕಮ್ಮಂ ಕರೇಯ್ಯ.

‘‘ಅಪರೇಸಮ್ಪಿ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ನಿಯಸ್ಸಕಮ್ಮಂ ಕರೇಯ್ಯ. ಏಕೋ ಬುದ್ಧಸ್ಸ ಅವಣ್ಣಂ ಭಾಸತಿ, ಏಕೋ ಧಮ್ಮಸ್ಸ ಅವಣ್ಣಂ ಭಾಸತಿ, ಏಕೋ ಸಙ್ಘಸ್ಸ ಅವಣ್ಣಂ ಭಾಸತಿ – ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ನಿಯಸ್ಸಕಮ್ಮಂ ಕರೇಯ್ಯ.

ಆಕಙ್ಖಮಾನಛಕ್ಕಂ ನಿಟ್ಠಿತಂ.

ಅಟ್ಠಾರಸವತ್ತಂ

೧೬. ‘‘ನಿಯಸ್ಸಕಮ್ಮಕತೇನ ¶ , ಭಿಕ್ಖವೇ, ಭಿಕ್ಖುನಾ ಸಮ್ಮಾ ವತ್ತಿತಬ್ಬಂ. ತತ್ರಾಯಂ ಸಮ್ಮಾವತ್ತನಾ – ನ ಉಪಸಮ್ಪಾದೇತಬ್ಬಂ, ನ ನಿಸ್ಸಯೋ ದಾತಬ್ಬೋ, ನ ಸಾಮಣೇರೋ ಉಪಟ್ಠಾಪೇತಬ್ಬೋ, ನ ಭಿಕ್ಖುನೋವಾದಕಸಮ್ಮುತಿ ಸಾದಿತಬ್ಬಾ, ಸಮ್ಮತೇನಪಿ ಭಿಕ್ಖುನಿಯೋ ನ ಓವದಿತಬ್ಬಾ. ಯಾಯ ಆಪತ್ತಿಯಾ ¶ ಸಙ್ಘೇನ ನಿಯಸ್ಸಕಮ್ಮಂ ಕತಂ ಹೋತಿ ಸಾ ಆಪತ್ತಿ ನ ಆಪಜ್ಜಿತಬ್ಬಾ, ಅಞ್ಞಾ ವಾ ತಾದಿಸಿಕಾ, ತತೋ ವಾ ಪಾಪಿಟ್ಠತರಾ; ಕಮ್ಮಂ ನ ಗರಹಿತಬ್ಬಂ, ಕಮ್ಮಿಕಾ ನ ಗರಹಿತಬ್ಬಾ. ನ ಪಕತತ್ತಸ್ಸ ಭಿಕ್ಖುನೋ ಉಪೋಸಥೋ ಠಪೇತಬ್ಬೋ, ನ ಪವಾರಣಾ ಠಪೇತಬ್ಬಾ, ನ ಸವಚನೀಯಂ ಕಾತಬ್ಬಂ, ನ ಅನುವಾದೋ ಪಟ್ಠಪೇತಬ್ಬೋ, ನ ಓಕಾಸೋ ಕಾರಾಪೇತಬ್ಬೋ, ನ ಚೋದೇತಬ್ಬೋ, ನ ಸಾರೇತಬ್ಬೋ, ನ ಭಿಕ್ಖೂಹಿ ಸಮ್ಪಯೋಜೇತಬ್ಬ’’ನ್ತಿ.

ನಿಯಸ್ಸಕಮ್ಮೇ ಅಟ್ಠಾರಸವತ್ತಂ ನಿಟ್ಠಿತಂ.

೧೭. ಅಥ ಖೋ ಸಙ್ಘೋ ಸೇಯ್ಯಸಕಸ್ಸ ಭಿಕ್ಖುನೋ ನಿಯಸ್ಸಕಮ್ಮಂ ಅಕಾಸಿ – ನಿಸ್ಸಾಯ ತೇ ವತ್ಥಬ್ಬನ್ತಿ. ಸೋ ಸಙ್ಘೇನ ನಿಯಸ್ಸಕಮ್ಮಕತೋ ಕಲ್ಯಾಣಮಿತ್ತೇ ¶ ಸೇವಮಾನೋ ಭಜಮಾನೋ ಪಯಿರುಪಾಸಮಾನೋ ಉದ್ದಿಸಾಪೇನ್ತೋ ಪರಿಪುಚ್ಛನ್ತೋ ಬಹುಸ್ಸುತೋ ಹೋತಿ, ಆಗತಾಗಮೋ ಧಮ್ಮಧರೋ ವಿನಯಧರೋ ಮಾತಿಕಾಧರೋ ಪಣ್ಡಿತೋ ವಿಯತ್ತೋ ಮೇಧಾವೀ ಲಜ್ಜೀ ಕುಕ್ಕುಚ್ಚಕೋ ಸಿಕ್ಖಾಕಾಮೋ. ಸಮ್ಮಾ ವತ್ತತಿ, ಲೋಮಂ ಪಾತೇತಿ, ನೇತ್ಥಾರಂ ವತ್ತತಿ, ಭಿಕ್ಖೂ ಉಪಸಙ್ಕಮಿತ್ವಾ ಏವಂ ವದೇತಿ – ‘‘ಅಹಂ, ಆವುಸೋ, ಸಙ್ಘೇನ ನಿಯಸ್ಸಕಮ್ಮಕತೋ ಸಮ್ಮಾ ವತ್ತಾಮಿ, ಲೋಮಂ ಪಾತೇಮಿ, ನೇತ್ಥಾರಂ ವತ್ತಾಮಿ. ಕಥಂ ನು ಖೋ ಮಯಾ ಪಟಿಪಜ್ಜಿತಬ್ಬ’’ನ್ತಿ? ಭಿಕ್ಖೂ ಭಗವತೋ ಏತಮತ್ಥಂ ಆರೋಚೇಸುಂ…ಪೇ…. ‘‘ತೇನ ¶ ಹಿ, ಭಿಕ್ಖವೇ, ಸಙ್ಘೋ ಸೇಯ್ಯಸಕಸ್ಸ ಭಿಕ್ಖುನೋ ನಿಯಸ್ಸಕಮ್ಮಂ ಪಟಿಪ್ಪಸ್ಸಮ್ಭೇತು.

ನಪ್ಪಟಿಪ್ಪಸ್ಸಮ್ಭೇತಬ್ಬಅಟ್ಠಾರಸಕಂ

೧೮. ‘‘ಪಞ್ಚಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ನಿಯಸ್ಸಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ. ಉಪಸಮ್ಪಾದೇತಿ, ನಿಸ್ಸಯಂ ದೇತಿ, ಸಾಮಣೇರಂ ಉಪಟ್ಠಾಪೇತಿ, ಭಿಕ್ಖುನೋವಾದಕಸಮ್ಮುತಿಂ ಸಾದಿಯತಿ, ಸಮ್ಮತೋಪಿ ಭಿಕ್ಖುನಿಯೋ ಓವದತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ನಿಯಸ್ಸಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ.

[ಪರಿ. ೪೨೦] ‘‘ಅಪರೇಹಿಪಿ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ನಿಯಸ್ಸಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ. ಯಾಯ ಆಪತ್ತಿಯಾ ಸಙ್ಘೇನ ನಿಯಸ್ಸಕಮ್ಮಂ ಕತಂ ಹೋತಿ ತಂ ಆಪತ್ತಿಂ ಆಪಜ್ಜತಿ, ಅಞ್ಞಂ ವಾ ತಾದಿಸಿಕಂ, ತತೋ ವಾ ಪಾಪಿಟ್ಠತರಂ; ಕಮ್ಮಂ ಗರಹತಿ, ಕಮ್ಮಿಕೇ ಗರಹತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ನಿಯಸ್ಸಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ.

‘‘ಅಟ್ಠಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ನಿಯಸ್ಸಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ. ಪಕತತ್ತಸ್ಸ ಭಿಕ್ಖುನೋ ಉಪೋಸಥಂ ಠಪೇತಿ, ಪವಾರಣಂ ಠಪೇತಿ, ಸವಚನೀಯಂ ಕರೋತಿ, ಅನುವಾದಂ ಪಟ್ಠಪೇತಿ ¶ , ಓಕಾಸಂ ಕಾರೇತಿ, ಚೋದೇತಿ, ಸಾರೇತಿ, ಭಿಕ್ಖೂಹಿ ಸಮ್ಪಯೋಜೇತಿ – ಇಮೇಹಿ ಖೋ, ಭಿಕ್ಖವೇ, ಅಟ್ಠಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ನಿಯಸ್ಸಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ.

ನಪ್ಪಟಿಪ್ಪಸ್ಸಮ್ಭೇತಬ್ಬಅಟ್ಠಾರಸಕಂ ನಿಟ್ಠಿತಂ.

ಪಟಿಪ್ಪಸ್ಸಮ್ಭೇತಬ್ಬಅಟ್ಠಾರಸಕಂ

೧೯. ‘‘ಪಞ್ಚಹಿ ¶ , ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ನಿಯಸ್ಸಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ ¶ . ನ ಉಪಸಮ್ಪಾದೇತಿ, ನ ನಿಸ್ಸಯಂ ದೇತಿ, ನ ಸಾಮಣೇರಂ ಉಪಟ್ಠಾಪೇತಿ, ನ ಭಿಕ್ಖುನೋವಾದಕಸಮ್ಮುತಿಂ ಸಾದಿಯತಿ, ಸಮ್ಮತೋಪಿ ಭಿಕ್ಖುನಿಯೋ ನ ಓವದತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ನಿಯಸ್ಸಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ.

‘‘ಅಪರೇಹಿಪಿ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ನಿಯಸ್ಸಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ. ಯಾಯ ಆಪತ್ತಿಯಾ ಸಙ್ಘೇನ ನಿಯಸ್ಸಕಮ್ಮಂ ಕತಂ ಹೋತಿ ತಂ ಆಪತ್ತಿಂ ನ ಆಪಜ್ಜತಿ, ಅಞ್ಞಂ ವಾ ತಾದಿಸಿಕಂ, ತತೋ ವಾ ಪಾಪಿಟ್ಠತರಂ; ಕಮ್ಮಂ ನ ಗರಹತಿ, ಕಮ್ಮಿಕೇ ನ ಗರಹತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ನಿಯಸ್ಸಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ.

‘‘ಅಟ್ಠಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ನಿಯಸ್ಸಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ.

ನ ಪಕತತ್ತಸ್ಸ ಭಿಕ್ಖುನೋ ಉಪೋಸಥಂ ಠಪೇತಿ, ನ ಪವಾರಣಂ ಠಪೇತಿ, ನ ಸವಚನೀಯಂ ಕರೋತಿ, ನ ಅನುವಾದಂ ಪಟ್ಠಪೇತಿ, ನ ಓಕಾಸಂ ಕಾರೇತಿ, ನ ಚೋದೇತಿ, ನ ಸಾರೇತಿ, ನ ಭಿಕ್ಖೂಹಿ ಸಮ್ಪಯೋಜೇತಿ – ಇಮೇಹಿ ಖೋ, ಭಿಕ್ಖವೇ, ಅಟ್ಠಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ನಿಯಸ್ಸಕಮ್ಮಂ ¶ ಪಟಿಪ್ಪಸ್ಸಮ್ಭೇತಬ್ಬಂ.

ಪಟಿಪ್ಪಸ್ಸಮ್ಭೇತಬ್ಬಅಟ್ಠಾರಸಕಂ ನಿಟ್ಠಿತಂ.

೨೦. ‘‘ಏವಞ್ಚ ಪನ, ಭಿಕ್ಖವೇ, ಪಟಿಪ್ಪಸ್ಸಮ್ಭೇತಬ್ಬಂ. ತೇನ, ಭಿಕ್ಖವೇ, ಸೇಯ್ಯಸಕೇನ ಭಿಕ್ಖುನಾ ಸಙ್ಘಂ ಉಪಸಙ್ಕಮಿತ್ವಾ ಏಕಂಸಂ ಉತ್ತರಾಸಙ್ಗಂ ಕರಿತ್ವಾ ವುಡ್ಢಾನಂ ಭಿಕ್ಖೂನಂ ಪಾದೇ ವನ್ದಿತ್ವಾ ಉಕ್ಕುಟಿಕಂ ನಿಸೀದಿತ್ವಾ ಅಞ್ಜಲಿಂ ಪಗ್ಗಹೇತ್ವಾ ಏವಮಸ್ಸ ವಚನೀಯೋ – ‘ಅಹಂ, ಭನ್ತೇ, ಸಙ್ಘೇನ ನಿಯಸ್ಸಕಮ್ಮಕತೋ ಸಮ್ಮಾ ವತ್ತಾಮಿ, ಲೋಮಂ ಪಾತೇಮಿ, ನೇತ್ಥಾರಂ ವತ್ತಾಮಿ, ನಿಯಸ್ಸಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ಯಾಚಾಮೀ’ತಿ. ದುತಿಯಮ್ಪಿ ಯಾಚಿತಬ್ಬಾ. ತತಿಯಮ್ಪಿ ಯಾಚಿತಬ್ಬಾ ¶ . ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

‘‘ಸುಣಾತು ¶ ಮೇ, ಭನ್ತೇ, ಸಙ್ಘೋ. ಅಯಂ ಸೇಯ್ಯಸಕೋ ಭಿಕ್ಖು ಸಙ್ಘೇನ ನಿಯಸ್ಸಕಮ್ಮಕತೋ ಸಮ್ಮಾ ವತ್ತತಿ, ಲೋಮಂ ಪಾತೇತಿ, ನೇತ್ಥಾರಂ ವತ್ತತಿ, ನಿಯಸ್ಸಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ಯಾಚತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಸೇಯ್ಯಸಕಸ್ಸ ಭಿಕ್ಖುನೋ ನಿಯಸ್ಸಕಮ್ಮಂ ಪಟಿಪ್ಪಸ್ಸಮ್ಭೇಯ್ಯ. ಏಸಾ ಞತ್ತಿ.

‘‘ಸುಣಾತು ¶ ಮೇ, ಭನ್ತೇ, ಸಙ್ಘೋ. ಅಯಂ ಸೇಯ್ಯಸಕೋ ಭಿಕ್ಖು ಸಙ್ಘೇನ ನಿಯಸ್ಸಕಮ್ಮಕತೋ ಸಮ್ಮಾ ವತ್ತತಿ, ಲೋಮಂ ಪಾತೇತಿ, ನೇತ್ಥಾರಂ ವತ್ತತಿ, ನಿಯಸ್ಸಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ಯಾಚತಿ. ಸಙ್ಘೋ ಸೇಯ್ಯಸಕಸ್ಸ ಭಿಕ್ಖುನೋ ನಿಯಸ್ಸಕಮ್ಮಂ ಪಟಿಪ್ಪಸ್ಸಮ್ಭೇತಿ. ಯಸ್ಸಾಯಸ್ಮತೋ ಖಮತಿ ಸೇಯ್ಯಸಕಸ್ಸ ಭಿಕ್ಖುನೋ ನಿಯಸ್ಸಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ಏತಮತ್ಥಂ ವದಾಮಿ – ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಸೇಯ್ಯಸಕೋ ಭಿಕ್ಖು ಸಙ್ಘೇನ ನಿಯಸ್ಸಕಮ್ಮಕತೋ ಸಮ್ಮಾ ವತ್ತತಿ, ಲೋಮಂ ಪಾತೇತಿ, ನೇತ್ಥಾರಂ ವತ್ತತಿ, ನಿಯಸ್ಸಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ಯಾಚತಿ. ಸಙ್ಘೋ ಸೇಯ್ಯಸಕಸ್ಸ ಭಿಕ್ಖುನೋ ನಿಯಸ್ಸಕಮ್ಮಂ ಪಟಿಪ್ಪಸ್ಸಮ್ಭೇತಿ. ಯಸ್ಸಾಯಸ್ಮತೋ ಖಮತಿ ಸೇಯ್ಯಸಕಸ್ಸ ಭಿಕ್ಖುನೋ ನಿಯಸ್ಸಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ತತಿಯಮ್ಪಿ ಏತಮತ್ಥಂ ವದಾಮಿ – ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಸೇಯ್ಯಸಕೋ ಭಿಕ್ಖು ಸಙ್ಘೇನ ನಿಯಸ್ಸಕಮ್ಮಕತೋ ಸಮ್ಮಾ ವತ್ತತಿ, ಲೋಮಂ ಪಾತೇತಿ, ನೇತ್ಥಾರಂ ವತ್ತತಿ, ನಿಯಸ್ಸಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ಯಾಚತಿ. ಸಙ್ಘೋ ಸೇಯ್ಯಸಕಸ್ಸ ಭಿಕ್ಖುನೋ ನಿಯಸ್ಸಕಮ್ಮಂ ಪಟಿಪ್ಪಸ್ಸಮ್ಭೇತಿ. ಯಸ್ಸಾಯಸ್ಮತೋ ¶ ಖಮತಿ ಸೇಯ್ಯಸಕಸ್ಸ ಭಿಕ್ಖುನೋ ನಿಯಸ್ಸಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ಪಟಿಪ್ಪಸ್ಸದ್ಧಂ ಸಙ್ಘೇನ ಸೇಯ್ಯಸಕಸ್ಸ ಭಿಕ್ಖುನೋ ನಿಯಸ್ಸಕಮ್ಮಂ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ನಿಯಸ್ಸಕಮ್ಮಂ ನಿಟ್ಠಿತಂ ದುತಿಯಂ.

೩. ಪಬ್ಬಾಜನೀಯಕಮ್ಮಂ

೨೧. [ಇದಂ ವತ್ಥು ಪಾರಾ. ೪೩೧ ಆದಯೋ] ತೇನ ಖೋ ಪನ ಸಮಯೇನ ಅಸ್ಸಜಿಪುನಬ್ಬಸುಕಾ ನಾಮ [ನಾಮ ಭಿಕ್ಖೂ (ಕ.)] ಕೀಟಾಗಿರಿಸ್ಮಿಂ ಆವಾಸಿಕಾ ಹೋನ್ತಿ ಅಲಜ್ಜಿನೋ ಪಾಪಭಿಕ್ಖೂ. ತೇ [ಚೂಳವ. ೨೯೨ ಆದಯೋ] ಏವರೂಪಂ ಅನಾಚಾರಂ ಆಚರನ್ತಿ – ಮಾಲಾವಚ್ಛಂ ರೋಪೇನ್ತಿಪಿ ರೋಪಾಪೇನ್ತಿಪಿ, ಸಿಞ್ಚನ್ತಿಪಿ ಸಿಞ್ಚಾಪೇನ್ತಿಪಿ, ಓಚಿನನ್ತಿಪಿ ಓಚಿನಾಪೇನ್ತಿಪಿ, ಗನ್ಥೇನ್ತಿಪಿ ಗನ್ಥಾಪೇನ್ತಿಪಿ ¶ , ಏಕತೋವಣ್ಟಿಕಮಾಲಂ ಕರೋನ್ತಿಪಿ ¶ ಕಾರಾಪೇನ್ತಿಪಿ, ಉಭತೋವಣ್ಟಿಕಮಾಲಂ ಕರೋನ್ತಿಪಿ ಕಾರಾಪೇನ್ತಿಪಿ, ಮಞ್ಜರಿಕಂ ಕರೋನ್ತಿಪಿ ಕಾರಾಪೇನ್ತಿಪಿ, ವಿಧೂತಿಕಂ [ವಿಧುತಿಕಂ (ಸ್ಯಾ.)] ಕರೋನ್ತಿಪಿ ಕಾರಾಪೇನ್ತಿಪಿ, ವಟಂಸಕಂ ಕರೋನ್ತಿಪಿ ಕಾರಾಪೇನ್ತಿಪಿ, ಆವೇಳಂ ಕರೋನ್ತಿಪಿ ¶ ಕಾರಾಪೇನ್ತಿಪಿ, ಉರಚ್ಛದಂ ಕರೋನ್ತಿಪಿ ಕಾರಾಪೇನ್ತಿಪಿ. ತೇ ಕುಲಿತ್ಥೀನಂ ಕುಲಧೀತಾನಂ ಕುಲಕುಮಾರೀನಂ ಕುಲಸುಣ್ಹಾನಂ ಕುಲದಾಸೀನಂ ಏಕತೋವಣ್ಟಿಕಮಾಲಂ ಹರನ್ತಿಪಿ ಹರಾಪೇನ್ತಿಪಿ, ಉಭತೋವಣ್ಟಿಕಮಾಲಂ ಹರನ್ತಿಪಿ ಹರಾಪೇನ್ತಿಪಿ, ಮಞ್ಜರಿಕಂ ಹರನ್ತಿಪಿ ಹರಾಪೇನ್ತಿಪಿ, ವಿಧೂತಿಕಂ ಹರನ್ತಿಪಿ ಹರಾಪೇನ್ತಿಪಿ, ವಟಂಸಕಂ ಹರನ್ತಿಪಿ ಹರಾಪೇನ್ತಿಪಿ, ಆವೇಳಂ ಹರನ್ತಿಪಿ ಹರಾಪೇನ್ತಿಪಿ, ಉರಚ್ಛದಂ ಹರನ್ತಿಪಿ ಹರಾಪೇನ್ತಿಪಿ. ತೇ ಕುಲಿತ್ಥೀಹಿ ಕುಲಧೀತಾಹಿ ಕುಲಕುಮಾರೀಹಿ ಕುಲಸುಣ್ಹಾಹಿ ಕುಲದಾಸೀಹಿ ಸದ್ಧಿಂ ಏಕಭಾಜನೇಪಿ ಭುಞ್ಜನ್ತಿ, ಏಕಥಾಲಕೇಪಿ ¶ ಪಿವನ್ತಿ, ಏಕಾಸನೇಪಿ ನಿಸೀದನ್ತಿ, ಏಕಮಞ್ಚೇಪಿ ತುವಟ್ಟೇನ್ತಿ, ಏಕತ್ಥರಣಾಪಿ ತುವಟ್ಟೇನ್ತಿ, ಏಕಪಾವುರಣಾಪಿ ತುವಟ್ಟೇನ್ತಿ, ಏಕತ್ಥರಣಪಾವುರಣಾಪಿ ತುವಟ್ಟೇನ್ತಿ, ವಿಕಾಲೇಪಿ ಭುಞ್ಜನ್ತಿ, ಮಜ್ಜಮ್ಪಿ ಪಿವನ್ತಿ, ಮಾಲಾಗನ್ಧವಿಲೇಪನಮ್ಪಿ ಧಾರೇನ್ತಿ, ನಚ್ಚನ್ತಿಪಿ, ಗಾಯನ್ತಿಪಿ, ವಾದೇನ್ತಿಪಿ, ಲಾಸೇನ್ತಿಪಿ; ನಚ್ಚನ್ತಿಯಾಪಿ ನಚ್ಚನ್ತಿ, ನಚ್ಚನ್ತಿಯಾಪಿ ಗಾಯನ್ತಿ, ನಚ್ಚನ್ತಿಯಾಪಿ ವಾದೇನ್ತಿ, ನಚ್ಚನ್ತಿಯಾಪಿ ಲಾಸೇನ್ತಿ; ಗಾಯನ್ತಿಯಾಪಿ ನಚ್ಚನ್ತಿ, ಗಾಯನ್ತಿಯಾಪಿ ಗಾಯನ್ತಿ, ಗಾಯನ್ತಿಯಾಪಿ ವಾದೇನ್ತಿ, ಗಾಯನ್ತಿಯಾಪಿ ಲಾಸೇನ್ತಿ; ವಾದೇನ್ತಿಯಾಪಿ ನಚ್ಚನ್ತಿ, ವಾದೇನ್ತಿಯಾಪಿ ಗಾಯನ್ತಿ, ವಾದೇನ್ತಿಯಾಪಿ ವಾದೇನ್ತಿ, ವಾದೇನ್ತಿಯಾಪಿ ಲಾಸೇನ್ತಿ; ಲಾಸೇನ್ತಿಯಾಪಿ ನಚ್ಚನ್ತಿ, ಲಾಸೇನ್ತಿಯಾಪಿ ಗಾಯನ್ತಿ, ಲಾಸೇನ್ತಿಯಾಪಿ ವಾದೇನ್ತಿ, ಲಾಸೇನ್ತಿಯಾಪಿ ಲಾಸೇನ್ತಿ; ಅಟ್ಠಪದೇಪಿ ಕೀಳನ್ತಿ, ದಸಪದೇಪಿ ಕೀಳನ್ತಿ, ಆಕಾಸೇಪಿ ಕೀಳನ್ತಿ, ಪರಿಹಾರಪಥೇಪಿ ಕೀಳನ್ತಿ, ಸನ್ತಿಕಾಯಪಿ ಕೀಳನ್ತಿ, ಖಲಿಕಾಯಪಿ ಕೀಳನ್ತಿ, ಘಟಿಕಾಯಪಿ ಕೀಳನ್ತಿ, ಸಲಾಕಹತ್ಥೇನಪಿ ಕೀಳನ್ತಿ, ಅಕ್ಖೇನಪಿ ಕೀಳನ್ತಿ, ಪಙ್ಗಚೀರೇನಪಿ ಕೀಳನ್ತಿ, ವಙ್ಕಕೇನಪಿ ಕೀಳನ್ತಿ, ಮೋಕ್ಖಚಿಕಾಯಪಿ ಕೀಳನ್ತಿ, ಚಿಙ್ಗುಲಕೇನಪಿ ಕೀಳನ್ತಿ, ಪತ್ತಾಳ್ಹಕೇನಪಿ ಕೀಳನ್ತಿ, ರಥಕೇನಪಿ ಕೀಳನ್ತಿ, ಧನುಕೇನಪಿ ಕೀಳನ್ತಿ, ಅಕ್ಖರಿಕಾಯಪಿ ಕೀಳನ್ತಿ, ಮನೇಸಿಕಾಯಪಿ ಕೀಳನ್ತಿ, ಯಥಾವಜ್ಜೇನಪಿ ಕೀಳನ್ತಿ; ಹತ್ಥಿಸ್ಮಿಮ್ಪಿ ಸಿಕ್ಖನ್ತಿ, ಅಸ್ಸಸ್ಮಿಮ್ಪಿ ಸಿಕ್ಖನ್ತಿ, ರಥಸ್ಮಿಮ್ಪಿ ಸಿಕ್ಖನ್ತಿ, ಧನುಸ್ಮಿಮ್ಪಿ ಸಿಕ್ಖನ್ತಿ, ಥರುಸ್ಮಿಮ್ಪಿ ಸಿಕ್ಖನ್ತಿ; ಹತ್ಥಿಸ್ಸಪಿ ಪುರತೋ ಧಾವನ್ತಿ, ಅಸ್ಸಸ್ಸಪಿ ಪುರತೋ ಧಾವನ್ತಿ, ರಥಸ್ಸಪಿ ಪುರತೋ [ಪುರತೋ ಧಾವನ್ತಿ (ಸ್ಯಾ.)] ಧಾವನ್ತಿಪಿ ಆಧಾವನ್ತಿಪಿ; ಉಸ್ಸೇಳೇನ್ತಿಪಿ, ಅಪ್ಫೋಟೇನ್ತಿಪಿ ¶ , ನಿಬ್ಬುಜ್ಝನ್ತಿಪಿ, ಮುಟ್ಠೀಹಿಪಿ ಯುಜ್ಝನ್ತಿ; ರಙ್ಗಮಜ್ಝೇಪಿ ಸಙ್ಘಾಟಿಂ ಪತ್ಥರಿತ್ವಾ ನಚ್ಚಕಿಂ [ನಚ್ಚನ್ತಿಂ (ಸೀ. ಸ್ಯಾ.)] ಏವಂ ವದನ್ತಿ – ‘‘ಇಧ, ಭಗಿನಿ, ನಚ್ಚಸ್ಸೂ’’ತಿ; ನಲಾಟಿಕಮ್ಪಿ ದೇನ್ತಿ; ವಿವಿಧಮ್ಪಿ ಅನಾಚಾರಂ ಆಚರನ್ತಿ.

೨೨. ತೇನ ¶ ಖೋ ಪನ ಸಮಯೇನ ಅಞ್ಞತರೋ ಭಿಕ್ಖು ಕಾಸೀಸು ವಸ್ಸಂವುಟ್ಠೋ [ವಸ್ಸಂವುತ್ಥೋ (ಸೀ. ಸ್ಯಾ.)] ಸಾವತ್ಥಿಂ ಗಚ್ಛನ್ತೋ ಭಗವನ್ತಂ ದಸ್ಸನಾಯ ಯೇನ ಕೀಟಾಗಿರಿ ತದವಸರಿ. ಅಥ ಖೋ ಸೋ ಭಿಕ್ಖು ಪುಬ್ಬಣ್ಹಸಮಯಂ ನಿವಾಸೇತ್ವಾ ಪತ್ತಚೀವರಮಾದಾಯ ಕೀಟಾಗಿರಿಂ ಪಿಣ್ಡಾಯ ಪಾವಿಸಿ ಪಾಸಾದಿಕೇನ ಅಭಿಕ್ಕನ್ತೇನ ಪಟಿಕ್ಕನ್ತೇನ ¶ ಆಲೋಕಿತೇನ ವಿಲೋಕಿತೇನ ಸಮಿಞ್ಜಿತೇನ [ಸಮ್ಮಿಞ್ಜಿತೇನ (ಸೀ. ಸ್ಯಾ. ಕಂ.)] ಪಸಾರಿತೇನ, ಓಕ್ಖಿತ್ತಚಕ್ಖು ಇರಿಯಾಪಥಸಮ್ಪನ್ನೋ. ಮನುಸ್ಸಾ ತಂ ಭಿಕ್ಖುಂ ಪಸ್ಸಿತ್ವಾ ಏವಮಾಹಂಸು – ‘‘ಕ್ವಾಯಂ ಅಬಲಬಲೋ ¶ ವಿಯ ಮನ್ದಮನ್ದೋ ವಿಯ ಭಾಕುಟಿಕಭಾಕುಟಿಕೋ ವಿಯ? ಕೋ ಇಮಸ್ಸ ಉಪಗತಸ್ಸ ಪಿಣ್ಡಕಮ್ಪಿ ದಸ್ಸತಿ? ಅಮ್ಹಾಕಂ ಪನ ಅಯ್ಯಾ ಅಸ್ಸಜಿಪುನಬ್ಬಸುಕಾ ಸಣ್ಹಾ ಸಖಿಲಾ ಸುಖಸಮ್ಭಾಸಾ ಮಿಹಿತಪುಬ್ಬಙ್ಗಮಾ ಏಹಿಸ್ವಾಗತವಾದಿನೋ ಅಬ್ಭಾಕುಟಿಕಾ ಉತ್ತಾನಮುಖಾ ಪುಬ್ಬಭಾಸಿನೋ. ತೇಸಂ ಖೋ ನಾಮ ಪಿಣ್ಡೋ ದಾತಬ್ಬೋ’’ತಿ.

ಅದ್ದಸಾ ಖೋ ಅಞ್ಞತರೋ ಉಪಾಸಕೋ ತಂ ಭಿಕ್ಖುಂ ಕೀಟಾಗಿರಿಸ್ಮಿಂ ಪಿಣ್ಡಾಯ ಚರನ್ತಂ; ದಿಸ್ವಾನ ಯೇನ ಸೋ ಭಿಕ್ಖು ತೇನುಪಸಙ್ಕಮಿ, ಉಪಸಙ್ಕಮಿತ್ವಾ ತಂ ಭಿಕ್ಖುಂ ಅಭಿವಾದೇತ್ವಾ ಏತದವೋಚ – ‘‘ಅಪಿ, ಭನ್ತೇ, ಪಿಣ್ಡೋ ಲಬ್ಭತೀ’’ತಿ? ‘‘ನ ಖೋ, ಆವುಸೋ, ಪಿಣ್ಡೋ ಲಬ್ಭತೀ’’ತಿ. ‘‘ಏಹಿ, ಭನ್ತೇ, ಘರಂ ಗಮಿಸ್ಸಾಮಾ’’ತಿ. ಅಥ ಖೋ ಸೋ ಉಪಾಸಕೋ ತಂ ಭಿಕ್ಖುಂ ಘರಂ ನೇತ್ವಾ ಭೋಜೇತ್ವಾ ಏತದವೋಚ – ‘‘ಕಹಂ, ಭನ್ತೇ, ಅಯ್ಯೋ ಗಮಿಸ್ಸತೀ’’ತಿ? ‘‘ಸಾವತ್ಥಿಂ ¶ ಖೋ ಅಹಂ, ಆವುಸೋ, ಗಮಿಸ್ಸಾಮಿ ಭಗವನ್ತಂ ದಸ್ಸನಾಯಾ’’ತಿ. ‘‘ತೇನ ಹಿ, ಭನ್ತೇ, ಮಮ ವಚನೇನ ಭಗವತೋ ಪಾದೇ ಸಿರಸಾ ವನ್ದ, ಏವಞ್ಚ ವದೇಹಿ – ‘ದುಟ್ಠೋ, ಭನ್ತೇ, ಕೀಟಾಗಿರಿಸ್ಮಿಂ ಆವಾಸೋ. ಅಸ್ಸಜಿಪುನಬ್ಬಸುಕಾ ನಾಮ ಕೀಟಾಗಿರಿಸ್ಮಿಂ ಆವಾಸಿಕಾ ಅಲಜ್ಜಿನೋ ಪಾಪಭಿಕ್ಖೂ. ತೇ ಏವರೂಪಂ ಅನಾಚಾರಂ ಆಚರನ್ತಿ – ಮಾಲಾವಚ್ಛಂ ರೋಪೇನ್ತಿಪಿ ರೋಪಾಪೇನ್ತಿಪಿ, ಸಿಞ್ಚನ್ತಿಪಿ ಸಿಞ್ಚಾಪೇನ್ತಿಪಿ, ಓಚಿನನ್ತಿಪಿ, ಓಚಿನಾಪೇನ್ತಿಪಿ, ಗನ್ಥೇನ್ತಿಪಿ ಗನ್ಥಾಪೇನ್ತಿಪಿ, ಏಕತೋವಣ್ಟಿಕಮಾಲಂ ಕರೋನ್ತಿಪಿ ಕಾರಾಪೇನ್ತಿಪಿ, ಉಭತೋವಣ್ಟಿಕಮಾಲಂ ಕರೋನ್ತಿಪಿ ಕಾರಾಪೇನ್ತಿಪಿ, ಮಞ್ಜರಿಕಂ ಕರೋನ್ತಿಪಿ ಕಾರಾಪೇನ್ತಿಪಿ, ವಿಧೂತಿಕಂ ಕರೋನ್ತಿಪಿ ಕಾರಾಪೇನ್ತಿಪಿ, ವಟಂಸಕಂ ಕರೋನ್ತಿಪಿ ಕಾರಾಪೇನ್ತಿಪಿ, ಆವೇಳಂ ಕರೋನ್ತಿಪಿ ಕಾರಾಪೇನ್ತಿಪಿ, ಉರಚ್ಛದಂ ಕರೋನ್ತಿಪಿ ಕಾರಾಪೇನ್ತಿಪಿ. ತೇ ಕುಲಿತ್ಥೀನಂ ಕುಲಧೀತಾನಂ ಕುಲಕುಮಾರೀನಂ ಕುಲಸುಣ್ಹಾನಂ ಕುಲದಾಸೀನಂ ಏಕತೋವಣ್ಟಿಕಮಾಲಂ ಹರನ್ತಿಪಿ ಹರಾಪೇನ್ತಿಪಿ, ಉಭತೋವಣ್ಟಿಕಮಾಲಂ ಹರನ್ತಿಪಿ ಹರಾಪೇನ್ತಿಪಿ, ಮಞ್ಜರಿಕಂ ಹರನ್ತಿಪಿ ಹರಾಪೇನ್ತಿಪಿ, ವಿಧೂತಿಕಂ ¶ ಹರನ್ತಿಪಿ ಹರಾಪೇನ್ತಿಪಿ, ವಟಂಸಕಂ ಹರನ್ತಿಪಿ ಹರಾಪೇನ್ತಿಪಿ, ಆವೇಳಂ ಹರನ್ತಿಪಿ ಹರಾಪೇನ್ತಿಪಿ, ಉರಚ್ಛದಂ ಹರನ್ತಿಪಿ ಹರಾಪೇನ್ತಿಪಿ. ತೇ ಕುಲಿತ್ಥೀಹಿ ಕುಲಧೀತಾಹಿ ಕುಲಕುಮಾರೀಹಿ ಕುಲಸುಣ್ಹಾಹಿ ಕುಲದಾಸೀಹಿ ಸದ್ಧಿಂ ಏಕಭಾಜನೇಪಿ ಭುಞ್ಜನ್ತಿ, ಏಕಥಾಲಕೇಪಿ ಪಿವನ್ತಿ, ಏಕಾಸನೇಪಿ ನಿಸೀದನ್ತಿ, ಏಕಮಞ್ಚೇಪಿ ತುವಟ್ಟೇನ್ತಿ, ಏಕತ್ಥರಣಾಪಿ ತುವಟ್ಟೇನ್ತಿ, ಏಕಪಾವುರಣಾಪಿ ತುವಟ್ಟೇನ್ತಿ, ಏಕತ್ಥರಣಪಾವುರಣಾಪಿ ತುವಟ್ಟೇನ್ತಿ, ವಿಕಾಲೇಪಿ ಭುಞ್ಜನ್ತಿ, ಮಜ್ಜಮ್ಪಿ ಪಿವನ್ತಿ, ಮಾಲಾಗನ್ಧವಿಲೇಪನಮ್ಪಿ ಧಾರೇನ್ತಿ, ನಚ್ಚನ್ತಿಪಿ, ಗಾಯನ್ತಿಪಿ, ವಾದೇನ್ತಿಪಿ, ಲಾಸೇನ್ತಿಪಿ; ನಚ್ಚನ್ತಿಯಾಪಿ ¶ ನಚ್ಚನ್ತಿ, ನಚ್ಚನ್ತಿಯಾಪಿ ಗಾಯನ್ತಿ, ನಚ್ಚನ್ತಿಯಾಪಿ ವಾದೇನ್ತಿ, ನಚ್ಚನ್ತಿಯಾಪಿ ಲಾಸೇನ್ತಿ…ಪೇ… (ಚಕ್ಕಂ ಕಾತಬ್ಬಂ). ಲಾಸೇನ್ತಿಯಾಪಿ ನಚ್ಚನ್ತಿ, ಲಾಸೇನ್ತಿಯಾಪಿ ಗಾಯನ್ತಿ, ಲಾಸೇನ್ತಿಯಾಪಿ ವಾದೇನ್ತಿ, ಲಾಸೇನ್ತಿಯಾಪಿ ಲಾಸೇನ್ತಿ; ಅಟ್ಠಪದೇಪಿ ಕೀಳನ್ತಿ, ದಸಪದೇಪಿ ಕೀಳನ್ತಿ, ಆಕಾಸೇಪಿ ¶ ಕೀಳನ್ತಿ, ಪರಿಹಾರಪಥೇಪಿ ಕೀಳನ್ತಿ, ಸನ್ತಿಕಾಯಪಿ ಕೀಳನ್ತಿ, ಖಲಿಕಾಯಪಿ ಕೀಳನ್ತಿ, ಘಟಿಕಾಯಪಿ ಕೀಳನ್ತಿ, ಸಲಾಕಹತ್ಥೇನಪಿ ಕೀಳನ್ತಿ, ಅಕ್ಖೇನಪಿ ಕೀಳನ್ತಿ, ಪಙ್ಗಚೀರೇನಪಿ ಕೀಳನ್ತಿ, ವಙ್ಕಕೇನಪಿ ಕೀಳನ್ತಿ, ಮೋಕ್ಖಚಿಕಾಯಪಿ ಕೀಳನ್ತಿ, ಚಿಙ್ಗುಲಕೇನಪಿ ಕೀಳನ್ತಿ, ಪತ್ತಾಳ್ಹಕೇನಪಿ ಕೀಳನ್ತಿ, ರಥಕೇನಪಿ ಕೀಳನ್ತಿ, ಧನುಕೇನಪಿ ಕೀಳನ್ತಿ, ಅಕ್ಖರಿಕಾಯಪಿ ಕೀಳನ್ತಿ, ಮನೇಸಿಕಾಯಪಿ ಕೀಳನ್ತಿ, ಯಥಾವಜ್ಜೇನಪಿ ಕೀಳನ್ತಿ; ಹತ್ಥಿಸ್ಮಿಮ್ಪಿ ಸಿಕ್ಖನ್ತಿ, ಅಸ್ಸಸ್ಮಿಮ್ಪಿ ಸಿಕ್ಖನ್ತಿ, ರಥಸ್ಮಿಮ್ಪಿ ಸಿಕ್ಖನ್ತಿ, ಧನುಸ್ಮಿಮ್ಪಿ ಸಿಕ್ಖನ್ತಿ, ಥರುಸ್ಮಿಮ್ಪಿ ಸಿಕ್ಖನ್ತಿ; ಹತ್ಥಿಸ್ಸಪಿ ಪುರತೋ ಧಾವನ್ತಿ, ಅಸ್ಸಸ್ಸಪಿ ಪುರತೋ ಧಾವನ್ತಿ, ರಥಸ್ಸಪಿ ಪುರತೋ ಧಾವನ್ತಿಪಿ ಆಧಾವನ್ತಿಪಿ; ಉಸ್ಸೇಳೇನ್ತಿಪಿ, ಅಪ್ಫೋಟೇನ್ತಿಪಿ, ನಿಬ್ಬುಜ್ಝನ್ತಿಪಿ, ಮುಟ್ಠೀಹಿಪಿ ಯುಜ್ಝನ್ತಿ; ರಙ್ಗಮಜ್ಝೇಪಿ ಸಙ್ಘಾಟಿಂ ಪತ್ಥರಿತ್ವಾ ನಚ್ಚಕಿಂ ಏವಂ ವದನ್ತಿ – ‘ಇಧ, ಭಗಿನಿ, ನಚ್ಚಸ್ಸೂ’ತಿ; ನಲಾಟಿಕಮ್ಪಿ ದೇನ್ತಿ; ವಿವಿಧಮ್ಪಿ ಅನಾಚಾರಂ ಆಚರನ್ತಿ. ಯೇಪಿ ತೇ, ಭನ್ತೇ, ಮನುಸ್ಸಾ ಪುಬ್ಬೇ ಸದ್ಧಾ ಅಹೇಸುಂ ಪಸನ್ನಾ ತೇಪಿ ಏತರಹಿ ಅಸ್ಸದ್ಧಾ ಅಪ್ಪಸನ್ನಾ. ಯಾನಿಪಿ ತಾನಿ ಸಙ್ಘಸ್ಸ ಪುಬ್ಬೇ ದಾನಪಥಾನಿ ತಾನಿಪಿ ಏತರಹಿ ಉಪಚ್ಛಿನ್ನಾನಿ. ರಿಞ್ಚನ್ತಿ ಪೇಸಲಾ ಭಿಕ್ಖೂ ¶ , ನಿವಸನ್ತಿ ಪಾಪಭಿಕ್ಖೂ. ಸಾಧು, ಭನ್ತೇ, ಭಗವಾ ಕೀಟಾಗಿರಿಂ ಭಿಕ್ಖೂ ಪಹಿಣೇಯ್ಯ, ಯಥಾಯಂ ಕೀಟಾಗಿರಿಸ್ಮಿಂ ಆವಾಸೋ ಸಣ್ಠಹೇಯ್ಯಾ’’ತಿ.

‘‘ಏವಮಾವುಸೋ’’ತಿ ಖೋ ಸೋ ಭಿಕ್ಖು ತಸ್ಸ ಉಪಾಸಕಸ್ಸ ಪಟಿಸ್ಸುಣಿತ್ವಾ ಉಟ್ಠಾಯಾಸನಾ ಯೇನ ಸಾವತ್ಥಿ ತೇನ ಪಕ್ಕಾಮಿ. ಅನುಪುಬ್ಬೇನ ಯೇನ ಸಾವತ್ಥಿ ಜೇತವನಂ ಅನಾಥಪಿಣ್ಡಿಕಸ್ಸ ಆರಾಮೋ ಯೇನ ಭಗವಾ ತೇನುಪಸಙ್ಕಮಿ, ಉಪಸಙ್ಕಮಿತ್ವಾ ಭಗವನ್ತಂ ಅಭಿವಾದೇತ್ವಾ ಏಕಮನ್ತಂ ನಿಸೀದಿ. ಆಚಿಣ್ಣಂ ಖೋ ಪನೇತಂ ಬುದ್ಧಾನಂ ಭಗವನ್ತಾನಂ ಆಗನ್ತುಕೇಹಿ ಭಿಕ್ಖೂಹಿ ಸದ್ಧಿಂ ಪಟಿಸಮ್ಮೋದಿತುಂ. ಅಥ ¶ ಖೋ ಭಗವಾ ತಂ ಭಿಕ್ಖುಂ ಏತದವೋಚ – ‘‘ಕಚ್ಚಿ, ಭಿಕ್ಖು, ಖಮನೀಯಂ, ಕಚ್ಚಿ ಯಾಪನೀಯಂ, ಕಚ್ಚಿಸಿ ಅಪ್ಪಕಿಲಮಥೇನ ಅದ್ಧಾನಂ ಆಗತೋ, ಕುತೋ ಚ ತ್ವಂ ಭಿಕ್ಖು ಆಗಚ್ಛಸೀ’’ತಿ? ‘‘ಖಮನೀಯಂ, ಭಗವಾ, ಯಾಪನೀಯಂ ಭಗವಾ; ಅಪ್ಪಕಿಲಮಥೇನ ಚ ಅಹಂ, ಭನ್ತೇ, ಅದ್ಧಾನಂ ಆಗತೋ. ಇಧಾಹಂ, ಭನ್ತೇ, ಕಾಸೀಸು ವಸ್ಸಂವುಟ್ಠೋ ಸಾವತ್ಥಿಂ ಆಗಚ್ಛನ್ತೋ ಭಗವನ್ತಂ ದಸ್ಸನಾಯ ಯೇನ ಕೀಟಾಗಿರಿ ತದವಸರಿಂ. ಅಥ ಖ್ವಾಹಂ, ಭನ್ತೇ, ಪುಬ್ಬಣ್ಹಸಮಯಂ ನಿವಾಸೇತ್ವಾ ಪತ್ತಚೀವರಮಾದಾಯ ಕೀಟಾಗಿರಿಂ ಪಿಣ್ಡಾಯ ಪಾವಿಸಿಂ. ಅದ್ದಸಾ ಖೋ ಮಂ, ಭನ್ತೇ, ಅಞ್ಞತರೋ ಉಪಾಸಕೋ ಕೀಟಾಗಿರಿಸ್ಮಿಂ ಪಿಣ್ಡಾಯ ಚರನ್ತಂ ¶ ; ದಿಸ್ವಾನ ಯೇನಾಹಂ ತೇನುಪಸಙ್ಕಮಿ, ಉಪಸಙ್ಕಮಿತ್ವಾ ಮಂ ಅಭಿವಾದೇತ್ವಾ ಏತದವೋಚ – ‘ಅಪಿ, ಭನ್ತೇ, ಪಿಣ್ಡೋ ಲಬ್ಭತೀ’ತಿ. ‘ನ ಖೋ, ಆವುಸೋ, ಪಿಣ್ಡೋ ಲಬ್ಭತೀ’ತಿ. ‘ಏಹಿ, ಭನ್ತೇ, ಘರಂ ಗಮಿಸ್ಸಾಮಾ’ತಿ. ಅಥ ಖೋ, ಭನ್ತೇ, ಸೋ ಉಪಾಸಕೋ ಮಂ ಘರಂ ನೇತ್ವಾ ಭೋಜೇತ್ವಾ ಏತದವೋಚ – ‘ಕಹಂ, ಭನ್ತೇ, ಅಯ್ಯೋ ಗಮಿಸ್ಸತೀ’ತಿ? ‘ಸಾವತ್ಥಿಂ ಖೋ ಅಹಂ, ಆವುಸೋ, ಗಮಿಸ್ಸಾಮಿ ಭಗವನ್ತಂ ದಸ್ಸನಾಯಾ’ತಿ ¶ . ‘ತೇನ ಹಿ, ಭನ್ತೇ, ಮಮ ವಚನೇನ ಭಗವತೋ ಪಾದೇ ಸಿರಸಾ ವನ್ದ, ಏವಞ್ಚ ವದೇಹಿ – ದುಟ್ಠೋ, ಭನ್ತೇ, ಕೀಟಾಗಿರಿಸ್ಮಿಂ ಆವಾಸೋ. ಅಸ್ಸಜಿಪುನಬ್ಬಸುಕಾ ನಾಮ ಕೀಟಾಗಿರಿಸ್ಮಿಂ ಆವಾಸಿಕಾ ಅಲಜ್ಜಿನೋ ಪಾಪಭಿಕ್ಖೂ ¶ . ತೇ ಏವರೂಪಂ ಅನಾಚಾರಂ ಆಚರನ್ತಿ – ಮಾಲಾವಚ್ಛಂ ರೋಪೇನ್ತಿಪಿ ರೋಪಾಪೇನ್ತಿಪಿ…ಪೇ… ವಿವಿಧಮ್ಪಿ ಅನಾಚಾರಂ ಆಚರನ್ತಿ. ಯೇಪಿ ತೇ, ಭನ್ತೇ, ಮನುಸ್ಸಾ ಪುಬ್ಬೇ ಸದ್ಧಾ ಅಹೇಸುಂ ಪಸನ್ನಾ ತೇಪಿ ಏತರಹಿ ಅಸ್ಸದ್ಧಾ ಅಪ್ಪಸನ್ನಾ. ಯಾನಿಪಿ ತಾನಿ ಸಙ್ಘಸ್ಸ ಪುಬ್ಬೇ ದಾನಪಥಾನಿ ತಾನಿಪಿ ಏತರಹಿ ಉಪಚ್ಛಿನ್ನಾನಿ. ರಿಞ್ಚನ್ತಿ ಪೇಸಲಾ ಭಿಕ್ಖೂ, ನಿವಸನ್ತಿ ಪಾಪಭಿಕ್ಖೂ. ಸಾಧು, ಭನ್ತೇ, ಭಗವಾ ಕೀಟಾಗಿರಿಂ ಭಿಕ್ಖೂ ಪಹಿಣೇಯ್ಯ, ಯಥಾಯಂ ಕೀಟಾಗಿರಿಸ್ಮಿಂ ಆವಾಸೋ ಸಣ್ಠಹೇಯ್ಯಾ’ತಿ. ತತೋ ಅಹಂ ಭಗವಾ ಆಗಚ್ಛಾಮೀ’’ತಿ.

೨೩. ಅಥ ಖೋ ಭಗವಾ ಏತಸ್ಮಿಂ ನಿದಾನೇ ಏತಸ್ಮಿಂ ಪಕರಣೇ ಭಿಕ್ಖುಸಙ್ಘಂ ಸನ್ನಿಪಾತಾಪೇತ್ವಾ ಭಿಕ್ಖೂ ಪಟಿಪುಚ್ಛಿ – ‘‘ಸಚ್ಚಂ ಕಿರ, ಭಿಕ್ಖವೇ, ಅಸ್ಸಜಿಪುನಬ್ಬಸುಕಾ ನಾಮ ಕೀಟಾಗಿರಿಸ್ಮಿಂ ಆವಾಸಿಕಾ ಅಲಜ್ಜಿನೋ ಪಾಪಭಿಕ್ಖೂ? ತೇ ಏವರೂಪಂ ಅನಾಚಾರಂ ಆಚರನ್ತಿ – ಮಾಲಾವಚ್ಛಂ ರೋಪೇನ್ತಿಪಿ…ಪೇ… ವಿವಿಧಮ್ಪಿ ಅನಾಚಾರಂ ಆಚರನ್ತಿ? ಯೇಪಿ ತೇ ಮನುಸ್ಸಾ ಪುಬ್ಬೇ ಸದ್ಧಾ ಅಹೇಸುಂ ಪಸನ್ನಾ ತೇಪಿ ಏತರಹಿ ಅಸ್ಸದ್ಧಾ ಅಪ್ಪಸನ್ನಾ? ಯಾನಿಪಿ ತಾನಿ ಸಙ್ಘಸ್ಸ ಪುಬ್ಬೇ ದಾನಪಥಾನಿ ತಾನಿಪಿ ಏತರಹಿ ಉಪಚ್ಛಿನ್ನಾನಿ? ರಿಞ್ಚನ್ತಿ ಪೇಸಲಾ ಭಿಕ್ಖೂ ನಿವಸನ್ತಿ ಪಾಪಭಿಕ್ಖೂ’’ತಿ? ‘‘ಸಚ್ಚಂ ಭಗವಾ’’ತಿ. ವಿಗರಹಿ ಬುದ್ಧೋ ಭಗವಾ – ‘‘ಅನನುಚ್ಛವಿಕಂ…ಪೇ… ಕಥಞ್ಹಿ ನಾಮ ತೇ, ಭಿಕ್ಖವೇ ¶ , ಮೋಘಪುರಿಸಾ ಏವರೂಪಂ ಅನಾಚಾರಂ ¶ ಆಚರಿಸ್ಸನ್ತಿ – ಮಾಲಾವಚ್ಛಂ ರೋಪೇಸ್ಸನ್ತಿಪಿ ರೋಪಾಪೇಸ್ಸನ್ತಿಪಿ, ಸಿಞ್ಚಿಸ್ಸನ್ತಿಪಿ ಸಿಞ್ಚಾಪೇಸ್ಸನ್ತಿಪಿ, ಓಚಿನಿಸ್ಸನ್ತಿಪಿ ಓಚಿನಾಪೇಸ್ಸನ್ತಿಪಿ, ಗನ್ಥೇಸ್ಸನ್ತಿಪಿ ಗನ್ಥಾಪೇಸ್ಸನ್ತಿಪಿ, ಏಕತೋವಣ್ಟಿಕಮಾಲಂ ಕರಿಸ್ಸನ್ತಿಪಿ ಕಾರಾಪೇಸ್ಸನ್ತಿಪಿ, ಉಭತೋವಣ್ಟಿಕಮಾಲಂ ಕರಿಸ್ಸನ್ತಿಪಿ ಕಾರಾಪೇಸ್ಸನ್ತಿಪಿ, ಮಞ್ಜರಿಕಂ ಕರಿಸ್ಸನ್ತಿಪಿ ಕಾರಾಪೇಸ್ಸನ್ತಿಪಿ, ವಿಧೂತಿಕಂ ಕರಿಸ್ಸನ್ತಿಪಿ ಕಾರಾಪೇಸ್ಸನ್ತಿಪಿ, ವಟಂಸಕಂ ಕರಿಸ್ಸನ್ತಿಪಿ ಕಾರಾಪೇಸ್ಸನ್ತಿಪಿ, ಆವೇಳಂ ಕರಿಸ್ಸನ್ತಿಪಿ ಕಾರಾಪೇಸ್ಸನ್ತಿಪಿ, ಉರಚ್ಛದಂ ಕರಿಸ್ಸನ್ತಿಪಿ ಕಾರಾಪೇಸ್ಸನ್ತಿಪಿ. ತೇ ಕುಲಿತ್ಥೀನಂ ಕುಲಧೀತಾನಂ ಕುಲಕುಮಾರೀನಂ ಕುಲಸುಣ್ಹಾನಂ ಕುಲದಾಸೀನಂ ಏಕತೋವಣ್ಟಿಕಮಾಲಂ ಹರಿಸ್ಸನ್ತಿಪಿ ಹರಾಪೇಸ್ಸನ್ತಿಪಿ, ಉಭತೋವಣ್ಟಿಕಮಾಲಂ ಹರಿಸ್ಸನ್ತಿಪಿ ಹರಾಪೇಸ್ಸನ್ತಿಪಿ, ಮಞ್ಜರಿಕಂ ಹರಿಸ್ಸನ್ತಿಪಿ ಹರಾಪೇಸ್ಸನ್ತಿಪಿ, ವಿಧೂತಿಕಂ ಹರಿಸ್ಸನ್ತಿಪಿ ಹರಾಪೇಸ್ಸನ್ತಿಪಿ, ವಟಂಸಕಂ ಹರಿಸ್ಸನ್ತಿಪಿ ಹರಾಪೇಸ್ಸನ್ತಿಪಿ, ಆವೇಳಂ ಹರಿಸ್ಸನ್ತಿಪಿ ಹರಾಪೇಸ್ಸನ್ತಿಪಿ, ಉರಚ್ಛದಂ ಹರಿಸ್ಸನ್ತಿಪಿ ಹರಾಪೇಸ್ಸನ್ತಿಪಿ. ತೇ ಕುಲಿತ್ಥೀಹಿ ಕುಲಧೀತಾಹಿ ಕುಲಕುಮಾರೀಹಿ ಕುಲಸುಣ್ಹಾಹಿ ಕುಲದಾಸೀಹಿ ಸದ್ಧಿಂ ಏಕಭಾಜನೇಪಿ ಭುಞ್ಜಿಸ್ಸನ್ತಿ, ಏಕಥಾಲಕೇಪಿ ಪಿವಿಸ್ಸನ್ತಿ, ಏಕಾಸನೇಪಿ ನಿಸೀದಿಸ್ಸನ್ತಿ, ಏಕಮಞ್ಚೇಪಿ ತುವಟ್ಟಿಸ್ಸನ್ತಿ, ಏಕತ್ಥರಣಾಪಿ ತುವಟ್ಟಿಸ್ಸನ್ತಿ, ಏಕಪಾವುರಣಾಪಿ ತುವಟ್ಟಿಸ್ಸನ್ತಿ, ಏಕತ್ಥರಣಪಾವುರಣಾಪಿ ತುವಟ್ಟಿಸ್ಸನ್ತಿ, ವಿಕಾಲೇಪಿ ಭುಞ್ಜಿಸ್ಸನ್ತಿ, ಮಜ್ಜಮ್ಪಿ ಪಿವಿಸ್ಸನ್ತಿ, ಮಾಲಾಗನ್ಧವಿಲೇಪನಮ್ಪಿ ಧಾರೇಸ್ಸನ್ತಿ, ನಚ್ಚಿಸ್ಸನ್ತಿಪಿ, ಗಾಯಿಸ್ಸನ್ತಿಪಿ, ವಾದೇಸ್ಸನ್ತಿಪಿ, ಲಾಸೇಸ್ಸನ್ತಿಪಿ; ನಚ್ಚನ್ತಿಯಾಪಿ ನಚ್ಚಿಸ್ಸನ್ತಿ, ನಚ್ಚನ್ತಿಯಾಪಿ ಗಾಯಿಸ್ಸನ್ತಿ, ನಚ್ಚನ್ತಿಯಾಪಿ ವಾದೇಸ್ಸನ್ತಿ, ನಚ್ಚನ್ತಿಯಾಪಿ ಲಾಸೇಸ್ಸನ್ತಿ; ಗಾಯನ್ತಿಯಾಪಿ ನಚ್ಚಿಸ್ಸನ್ತಿ ¶ ¶ , ಗಾಯನ್ತಿಯಾಪಿ ಗಾಯಿಸ್ಸನ್ತಿ, ಗಾಯನ್ತಿಯಾಪಿ ವಾದೇಸ್ಸನ್ತಿ, ಗಾಯನ್ತಿಯಾಪಿ ಲಾಸೇಸ್ಸನ್ತಿ; ವಾದೇನ್ತಿಯಾಪಿ ನಚ್ಚಿಸ್ಸನ್ತಿ, ವಾದೇನ್ತಿಯಾಪಿ ಗಾಯಿಸ್ಸನ್ತಿ, ವಾದೇನ್ತಿಯಾಪಿ ವಾದೇಸ್ಸನ್ತಿ, ವಾದೇನ್ತಿಯಾಪಿ ಲಾಸೇಸ್ಸನ್ತಿ; ಲಾಸೇನ್ತಿಯಾಪಿ ನಚ್ಚಿಸ್ಸನ್ತಿ, ಲಾಸೇನ್ತಿಯಾಪಿ ಗಾಯಿಸ್ಸನ್ತಿ, ಲಾಸೇನ್ತಿಯಾಪಿ ವಾದೇಸ್ಸನ್ತಿ; ಲಾಸೇನ್ತಿಯಾಪಿ ಲಾಸೇಸ್ಸನ್ತಿ; ಅಟ್ಠಪದೇಪಿ ಕೀಳಿಸ್ಸನ್ತಿ, ದಸಪದೇಪಿ ಕೀಳಿಸ್ಸನ್ತಿ, ಆಕಾಸೇಪಿ ಕೀಳಿಸ್ಸನ್ತಿ, ಪರಿಹಾರಪಥೇಪಿ ಕೀಳಿಸ್ಸನ್ತಿ, ಸನ್ತಿಕಾಯಪಿ ಕೀಳಿಸ್ಸನ್ತಿ, ಖಲಿಕಾಯಪಿ ಕೀಳಿಸ್ಸನ್ತಿ, ಘಟಿಕಾಯಪಿ ಕೀಳಿಸ್ಸನ್ತಿ, ಸಲಾಕಹತ್ಥೇನಪಿ ಕೀಳಿಸ್ಸನ್ತಿ, ಅಕ್ಖೇನಪಿ ಕೀಳಿಸ್ಸನ್ತಿ, ಪಙ್ಗಚೀರೇನಪಿ ಕೀಳಿಸ್ಸನ್ತಿ, ವಙ್ಕಕೇನಪಿ ಕೀಳಿಸ್ಸನ್ತಿ ಮೋಕ್ಖಚಿಕಾಯಪಿ ಕೀಳಿಸ್ಸನ್ತಿ, ಚಿಙ್ಗುಲಕೇನಪಿ ಕೀಳಿಸ್ಸನ್ತಿ, ಪತ್ತಾಳ್ಹಕೇನಪಿ ಕೀಳಿಸ್ಸನ್ತಿ, ರಥಕೇನಪಿ ಕೀಳಿಸ್ಸನ್ತಿ, ಧನುಕೇನಪಿ ಕೀಳಿಸ್ಸನ್ತಿ, ಅಕ್ಖರಿಕಾಯಪಿ ಕೀಳಿಸ್ಸನ್ತಿ, ಮನೇಸಿಕಾಯಪಿ ಕೀಳಿಸ್ಸನ್ತಿ, ಯಥಾವಜ್ಜೇನಪಿ ಕೀಳಿಸ್ಸನ್ತಿ; ಹತ್ಥಿಸ್ಮಿಮ್ಪಿ ಸಿಕ್ಖಿಸ್ಸನ್ತಿ, ಅಸ್ಸಸ್ಮಿಮ್ಪಿ ಸಿಕ್ಖಿಸ್ಸನ್ತಿ, ರಥಸ್ಮಿಮ್ಪಿ ಸಿಕ್ಖಿಸ್ಸನ್ತಿ, ಧನುಸ್ಮಿಮ್ಪಿ ಸಿಕ್ಖಿಸ್ಸನ್ತಿ, ಥರುಸ್ಮಿಮ್ಪಿ ಸಿಕ್ಖಿಸ್ಸನ್ತಿ; ಹತ್ಥಿಸ್ಸಪಿ ಪುರತೋ ಧಾವಿಸ್ಸನ್ತಿ ¶ , ಅಸ್ಸಸ್ಸಪಿ ಪುರತೋ ಧಾವಿಸ್ಸನ್ತಿ, ರಥಸ್ಸಪಿ ಪುರತೋ [ಪುರತೋ ಧಾವಿಸ್ಸನ್ತಿ (ಸ್ಯಾ.)] ಧಾವಿಸ್ಸನ್ತಿಪಿ ಆಧಾವಿಸ್ಸನ್ತಿಪಿ; ಉಸ್ಸೇಳೇಸ್ಸನ್ತಿಪಿ, ಅಪ್ಫೋಟೇಸ್ಸನ್ತಿಪಿ, ನಿಬ್ಬುಜ್ಝಿಸ್ಸನ್ತಿಪಿ, ಮುಟ್ಠೀಹಿಪಿ ಯುಜ್ಝಿಸ್ಸನ್ತಿ; ರಙ್ಗಮಜ್ಝೇಪಿ ಸಙ್ಘಾಟಿಂ ಪತ್ಥರಿತ್ವಾ ನಚ್ಚಕಿಂ ಏವಂ ವಕ್ಖನ್ತಿ [ವದಿಸ್ಸನ್ತಿ (ಕ.)] – ‘ಇಧ, ಭಗಿನಿ, ನಚ್ಚಸ್ಸೂ’ತಿ; ನಲಾಟಿಕಮ್ಪಿ ದಸ್ಸನ್ತಿ; ವಿವಿಧಮ್ಪಿ ಅನಾಚಾರಂ ಆಚರಿಸ್ಸನ್ತಿ. ನೇತಂ ¶ , ಭಿಕ್ಖವೇ, ಅಪ್ಪಸನ್ನಾನಂ ವಾ ಪಸಾದಾಯ…ಪೇ… ವಿಗರಹಿತ್ವಾ…ಪೇ… ಧಮ್ಮಿಂ ಕಥಂ ಕತ್ವಾ ಸಾರಿಪುತ್ತಮೋಗ್ಗಲ್ಲಾನೇ ಆಮನ್ತೇಸಿ – ‘‘ಗಚ್ಛಥ ತುಮ್ಹೇ, ಸಾರಿಪುತ್ತಾ, ಕೀಟಾಗಿರಿಂ ಗನ್ತ್ವಾ ಅಸ್ಸಜಿಪುನಬ್ಬಸುಕಾನಂ ಭಿಕ್ಖೂನಂ ಕೀಟಾಗಿರಿಸ್ಮಾ ಪಬ್ಬಾಜನೀಯಕಮ್ಮಂ ಕರೋಥ, ತುಮ್ಹಾಕಂ ಏತೇ ಸದ್ಧಿವಿಹಾರಿನೋ’’ತಿ.

‘‘ಕಥಂ ಮಯಂ, ಭನ್ತೇ, ಅಸ್ಸಜಿಪುನಬ್ಬಸುಕಾನಂ ಭಿಕ್ಖೂನಂ ಕೀಟಾಗಿರಿಸ್ಮಾ ಪಬ್ಬಾಜನೀಯಕಮ್ಮಂ ಕರೋಮ, ಚಣ್ಡಾ ತೇ ಭಿಕ್ಖೂ ಫರುಸಾ’’ತಿ? ‘‘ತೇನ ಹಿ ತುಮ್ಹೇ, ಸಾರಿಪುತ್ತಾ, ಬಹುಕೇಹಿ ಭಿಕ್ಖೂಹಿ ಸದ್ಧಿಂ ಗಚ್ಛಥಾ’’ತಿ. ‘‘ಏವಂ, ಭನ್ತೇ’’ತಿ ಖೋ ಸಾರಿಪುತ್ತಮೋಗ್ಗಲ್ಲಾನಾ ಭಗವತೋ ಪಚ್ಚಸ್ಸೋಸುಂ. ಏವಞ್ಚ ಪನ, ಭಿಕ್ಖವೇ, ಕಾತಬ್ಬಂ – ಪಠಮಂ ಅಸ್ಸಜಿಪುನಬ್ಬಸುಕಾ ಭಿಕ್ಖೂ ¶ ಚೋದೇತಬ್ಬಾ, ಚೋದೇತ್ವಾ ಸಾರೇತಬ್ಬಾ, ಸಾರೇತ್ವಾ ಆಪತ್ತಿಂ ಆರೋಪೇತಬ್ಬಾ, ಆಪತ್ತಿಂ ಆರೋಪೇತ್ವಾ ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೨೪. ‘‘ಸುಣಾತು ಮೇ, ಭನ್ತೇ, ಸಙ್ಘೋ. ಇಮೇ ಅಸ್ಸಜಿಪುನಬ್ಬಸುಕಾ ಭಿಕ್ಖೂ ಕುಲದೂಸಕಾ ಪಾಪಸಮಾಚಾರಾ. ಇಮೇಸಂ ಪಾಪಕಾ ಸಮಾಚಾರಾ ದಿಸ್ಸನ್ತಿ ಚೇವ ಸುಯ್ಯನ್ತಿ ಚ. ಕುಲಾನಿ ಚ ಇಮೇಹಿ ದುಟ್ಠಾನಿ ದಿಸ್ಸನ್ತಿ ಚೇವ ಸುಯ್ಯನ್ತಿ ಚ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಅಸ್ಸಜಿಪುನಬ್ಬಸುಕಾನಂ ಭಿಕ್ಖೂನಂ ¶ ಕೀಟಾಗಿರಿಸ್ಮಾ ಪಬ್ಬಾಜನೀಯಕಮ್ಮಂ ಕರೇಯ್ಯ – ನ ಅಸ್ಸಜಿಪುನಬ್ಬಸುಕೇಹಿ ಭಿಕ್ಖೂಹಿ ಕೀಟಾಗಿರಿಸ್ಮಿಂ ವತ್ಥಬ್ಬನ್ತಿ. ಏಸಾ ಞತ್ತಿ.

‘‘ಸುಣಾತು ¶ ಮೇ, ಭನ್ತೇ, ಸಙ್ಘೋ. ಇಮೇ ಅಸ್ಸಜಿಪುನಬ್ಬಸುಕಾ ಭಿಕ್ಖೂ ಕುಲದೂಸಕಾ ಪಾಪಸಮಾಚಾರಾ. ಇಮೇಸಂ ಪಾಪಕಾ ಸಮಾಚಾರಾ ದಿಸ್ಸನ್ತಿ ಚೇವ ಸುಯ್ಯನ್ತಿ ಚ. ಕುಲಾನಿ ಚ ಇಮೇಹಿ ದುಟ್ಠಾನಿ ದಿಸ್ಸನ್ತಿ ಚೇವ ಸುಯ್ಯನ್ತಿ ಚ. ಸಙ್ಘೋ ಅಸ್ಸಜಿಪುನಬ್ಬಸುಕಾನಂ ಭಿಕ್ಖೂನಂ ಕೀಟಾಗಿರಿಸ್ಮಾ ಪಬ್ಬಾಜನೀಯಕಮ್ಮಂ ಕರೋತಿ – ನ ಅಸ್ಸಜಿಪುನಬ್ಬಸುಕೇಹಿ ಭಿಕ್ಖೂಹಿ ಕೀಟಾಗಿರಿಸ್ಮಿಂ ವತ್ಥಬ್ಬನ್ತಿ. ಯಸ್ಸಾಯಸ್ಮತೋ ಖಮತಿ ಅಸ್ಸಜಿಪುನಬ್ಬಸುಕಾನಂ ಭಿಕ್ಖೂನಂ ಕೀಟಾಗಿರಿಸ್ಮಾ ಪಬ್ಬಾಜನೀಯಸ್ಸ ಕಮ್ಮಸ್ಸ ಕರಣಂ – ನ ಅಸ್ಸಜಿಪುನಬ್ಬಸುಕೇಹಿ ಭಿಕ್ಖೂಹಿ ಕೀಟಾಗಿರಿಸ್ಮಿಂ ವತ್ಥಬ್ಬನ್ತಿ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ¶ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ಏತಮತ್ಥಂ ವದಾಮಿ. ಸುಣಾತು ಮೇ, ಭನ್ತೇ, ಸಙ್ಘೋ. ಇಮೇ ಅಸ್ಸಜಿಪುನಬ್ಬಸುಕಾ ಭಿಕ್ಖೂ ಕುಲದೂಸಕಾ ಪಾಪಸಮಾಚಾರಾ. ಇಮೇಸಂ ಪಾಪಕಾ ಸಮಾಚಾರಾ ದಿಸ್ಸನ್ತಿ ಚೇವ ಸುಯ್ಯನ್ತಿ ಚ. ಕುಲಾನಿ ಚ ಇಮೇಹಿ ದುಟ್ಠಾನಿ ದಿಸ್ಸನ್ತಿ ಚೇವ ಸುಯ್ಯನ್ತಿ ಚ. ಸಙ್ಘೋ ಅಸ್ಸಜಿಪುನಬ್ಬಸುಕಾನಂ ¶ ಭಿಕ್ಖೂನಂ ಕೀಟಾಗಿರಿಸ್ಮಾ ಪಬ್ಬಾಜನೀಯಕಮ್ಮಂ ಕರೋತಿ – ನ ಅಸ್ಸಜಿಪುನಬ್ಬಸುಕೇಹಿ ಭಿಕ್ಖೂಹಿ ಕೀಟಾಗಿರಿಸ್ಮಿಂ ವತ್ಥಬ್ಬನ್ತಿ. ಯಸ್ಸಾಯಸ್ಮತೋ ಖಮತಿ ಅಸ್ಸಜಿಪುನಬ್ಬಸುಕಾನಂ ಭಿಕ್ಖೂನಂ ಕೀಟಾಗಿರಿಸ್ಮಾ ಪಬ್ಬಾಜನೀಯಸ್ಸ ಕಮ್ಮಸ್ಸ ಕರಣಂ – ನ ಅಸ್ಸಜಿಪುನಬ್ಬಸುಕೇಹಿ ಭಿಕ್ಖೂಹಿ ಕೀಟಾಗಿರಿಸ್ಮಿಂ ವತ್ಥಬ್ಬನ್ತಿ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ಕತಂ ಸಙ್ಘೇನ ಅಸ್ಸಜಿಪುನಬ್ಬಸುಕಾನಂ ಭಿಕ್ಖೂನಂ ಕೀಟಾಗಿರಿಸ್ಮಾ ಪಬ್ಬಾಜನೀಯಕಮ್ಮಂ – ನ ಅಸ್ಸಜಿಪುನಬ್ಬಸುಕೇಹಿ ಭಿಕ್ಖೂಹಿ ಕೀಟಾಗಿರಿಸ್ಮಿಂ ವತ್ಥಬ್ಬನ್ತಿ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ಅಧಮ್ಮಕಮ್ಮದ್ವಾದಸಕಂ

೨೫. ‘‘ತೀಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಂ ಪಬ್ಬಾಜನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ. ಅಸಮ್ಮುಖಾ ಕತಂ ಹೋತಿ, ಅಪ್ಪಟಿಪುಚ್ಛಾ ಕತಂ ಹೋತಿ, ಅಪ್ಪಟಿಞ್ಞಾಯ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ಪಬ್ಬಾಜನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ.

‘‘ಅಪರೇಹಿಪಿ ¶ , ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ಪಬ್ಬಾಜನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ. ಅನಾಪತ್ತಿಯಾ ಕತಂ ಹೋತಿ, ಅದೇಸನಾಗಾಮಿನಿಯಾ ಆಪತ್ತಿಯಾ ಕತಂ ಹೋತಿ, ದೇಸಿತಾಯ ಆಪತ್ತಿಯಾ ಕತಂ ಹೋತಿ…ಪೇ… ¶ ಅಚೋದೇತ್ವಾ ಕತಂ ಹೋತಿ, ಅಸಾರೇತ್ವಾ ಕತಂ ಹೋತಿ, ಆಪತ್ತಿಂ ಅನಾರೋಪೇತ್ವಾ ಕತಂ ಹೋತಿ…ಪೇ… ಅಸಮ್ಮುಖಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಅಪ್ಪಟಿಪುಚ್ಛಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಅಪ್ಪಟಿಞ್ಞಾಯ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಅನಾಪತ್ತಿಯಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಅದೇಸನಾಗಾಮಿನಿಯಾ ಆಪತ್ತಿಯಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ದೇಸಿತಾಯ ಆಪತ್ತಿಯಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಅಚೋದೇತ್ವಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ ¶ …ಪೇ… ಅಸಾರೇತ್ವಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಆಪತ್ತಿಂ ಅನಾರೋಪೇತ್ವಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ಪಬ್ಬಾಜನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ.

ಅಧಮ್ಮಕಮ್ಮದ್ವಾದಸಕಂ ನಿಟ್ಠಿತಂ.

ಧಮ್ಮಕಮ್ಮದ್ವಾದಸಕಂ

೨೬. ‘‘ತೀಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಂ ಪಬ್ಬಾಜನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ. ಸಮ್ಮುಖಾ ಕತಂ ಹೋತಿ, ಪಟಿಪುಚ್ಛಾ ¶ ಕತಂ ಹೋತಿ, ಪಟಿಞ್ಞಾಯ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ಪಬ್ಬಾಜನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ಪಬ್ಬಾಜನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ. ಆಪತ್ತಿಯಾ ಕತಂ ಹೋತಿ ದೇಸನಾಗಾಮಿನಿಯಾ ಆಪತ್ತಿಯಾ ಕತಂ ಹೋತಿ ಅದೇಸಿತಾಯ ಆಪತ್ತಿಯಾ ಕತಂ ಹೋತಿ…ಪೇ… ಚೋದೇತ್ವಾ ಕತಂ ಹೋತಿ, ಸಾರೇತ್ವಾ ಕತಂ ಹೋತಿ, ಆಪತ್ತಿಂ ಆರೋಪೇತ್ವಾ ಕತಂ ಹೋತಿ…ಪೇ… ಸಮ್ಮುಖಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ಪಟಿಪುಚ್ಛಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ಪಟಿಞ್ಞಾಯ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ¶ ಆಪತ್ತಿಯಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ದೇಸನಾಗಾಮಿನಿಯಾ ಆಪತ್ತಿಯಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ಅದೇಸಿತಾಯ ಆಪತ್ತಿಯಾ ಕತಂ ಹೋತಿ, ಧಮ್ಮೇನ ¶ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ಚೋದೇತ್ವಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ಸಾರೇತ್ವಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ¶ ಆಪತ್ತಿಂ ಆರೋಪೇತ್ವಾ ಕತಂ ಹೋತಿ, ಧಮ್ಮೇನ ಕತಂ ¶ ಹೋತಿ, ಸಮಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ಪಬ್ಬಾಜನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ.

ಧಮ್ಮಕಮ್ಮದ್ವಾದಸಕಂ ನಿಟ್ಠಿತಂ.

ಆಕಙ್ಖಮಾನಚುದ್ದಸಕಂ

೨೭. [ಪರಿ. ೩೨೩] ‘‘ತೀಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಪಬ್ಬಾಜನೀಯಕಮ್ಮಂ ಕರೇಯ್ಯ. ಭಣ್ಡನಕಾರಕೋ ಹೋತಿ ಕಲಹಕಾರಕೋ ವಿವಾದಕಾರಕೋ ಭಸ್ಸಕಾರಕೋ ಸಙ್ಘೇ ಅಧಿಕರಣಕಾರಕೋ; ಬಾಲೋ ಹೋತಿ ಅಬ್ಯತ್ತೋ ಆಪತ್ತಿಬಹುಲೋ ಅನಪದಾನೋ; ಗಿಹಿಸಂಸಟ್ಠೋ ವಿಹರತಿ ಅನನುಲೋಮಿಕೇಹಿ ಗಿಹಿಸಂಸಗ್ಗೇಹಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಪಬ್ಬಾಜನೀಯಕಮ್ಮಂ ಕರೇಯ್ಯ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಪಬ್ಬಾಜನೀಯಕಮ್ಮಂ ಕರೇಯ್ಯ. ಅಧಿಸೀಲೇ ಸೀಲವಿಪನ್ನೋ ಹೋತಿ, ಅಜ್ಝಾಚಾರೇ ಆಚಾರವಿಪನ್ನೋ ಹೋತಿ, ಅತಿದಿಟ್ಠಿಯಾ ದಿಟ್ಠಿವಿಪನ್ನೋ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಪಬ್ಬಾಜನೀಯಕಮ್ಮಂ ಕರೇಯ್ಯ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಪಬ್ಬಾಜನೀಯಕಮ್ಮಂ ಕರೇಯ್ಯ. ಬುದ್ಧಸ್ಸ ಅವಣ್ಣಂ ಭಾಸತಿ, ಧಮ್ಮಸ್ಸ ಅವಣ್ಣಂ ಭಾಸತಿ, ಸಙ್ಘಸ್ಸ ಅವಣ್ಣಂ ಭಾಸತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಪಬ್ಬಾಜನೀಯಕಮ್ಮಂ ಕರೇಯ್ಯ.

‘‘ಅಪರೇಹಿಪಿ ¶ , ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಪಬ್ಬಾಜನೀಯಕಮ್ಮಂ ಕರೇಯ್ಯ. ಕಾಯಿಕೇನ ದವೇನ ಸಮನ್ನಾಗತೋ ಹೋತಿ, ವಾಚಸಿಕೇನ ದವೇನ ಸಮನ್ನಾಗತೋ ಹೋತಿ, ಕಾಯಿಕವಾಚಸಿಕೇನ ದವೇನ ಸಮನ್ನಾಗತೋ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಪಬ್ಬಾಜನೀಯಕಮ್ಮಂ ಕರೇಯ್ಯ.

‘‘ಅಪರೇಹಿಪಿ ¶ ¶ , ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಪಬ್ಬಾಜನೀಯಕಮ್ಮಂ ಕರೇಯ್ಯ. ಕಾಯಿಕೇನ ಅನಾಚಾರೇನ ಸಮನ್ನಾಗತೋ ಹೋತಿ, ವಾಚಸಿಕೇನ ಅನಾಚಾರೇನ ಸಮನ್ನಾಗತೋ ಹೋತಿ, ಕಾಯಿಕವಾಚಸಿಕೇನ ಅನಾಚಾರೇನ ಸಮನ್ನಾಗತೋ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಪಬ್ಬಾಜನೀಯಕಮ್ಮಂ ಕರೇಯ್ಯ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಪಬ್ಬಾಜನೀಯಕಮ್ಮಂ ಕರೇಯ್ಯ. ಕಾಯಿಕೇನ ಉಪಘಾತಿಕೇನ ಸಮನ್ನಾಗತೋ ಹೋತಿ, ವಾಚಸಿಕೇನ ಉಪಘಾತಿಕೇನ ಸಮನ್ನಾಗತೋ ಹೋತಿ, ಕಾಯಿಕವಾಚಸಿಕೇನ ಉಪಘಾತಿಕೇನ ಸಮನ್ನಾಗತೋ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಪಬ್ಬಾಜನೀಯಕಮ್ಮಂ ಕರೇಯ್ಯ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಪಬ್ಬಾಜನೀಯಕಮ್ಮಂ ಕರೇಯ್ಯ. ಕಾಯಿಕೇನ ಮಿಚ್ಛಾಜೀವೇನ ಸಮನ್ನಾಗತೋ ಹೋತಿ, ವಾಚಸಿಕೇನ ಮಿಚ್ಛಾಜೀವೇನ ಸಮನ್ನಾಗತೋ ಹೋತಿ, ಕಾಯಿಕವಾಚಸಿಕೇನ ¶ ಮಿಚ್ಛಾಜೀವೇನ ಸಮನ್ನಾಗತೋ ಹೋತಿ – ಇಮೇಹಿ, ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಪಬ್ಬಾಜನೀಯಕಮ್ಮಂ ಕರೇಯ್ಯ.

‘‘ತಿಣ್ಣಂ, ಭಿಕ್ಖವೇ, ಭಿಕ್ಖೂನಂ ¶ , ಆಕಙ್ಖಮಾನೋ ಸಙ್ಘೋ, ಪಬ್ಬಾಜನೀಯಕಮ್ಮಂ ಕರೇಯ್ಯ. ಏಕೋ ಭಣ್ಡನಕಾರಕೋ ಹೋತಿ ಕಲಹಕಾರಕೋ ವಿವಾದಕಾರಕೋ ಭಸ್ಸಕಾರಕೋ ಸಙ್ಘೇ ಅಧಿಕರಣಕಾರಕೋ; ಏಕೋ ಬಾಲೋ ಹೋತಿ ಅಬ್ಯತ್ತೋ ಆಪತ್ತಿಬಹುಲೋ ಅನಪದಾನೋ; ಏಕೋ ಗಿಹಿಸಂಸಟ್ಠೋ ವಿಹರತಿ ಅನನುಲೋಮಿಕೇಹಿ ಗಿಹಿಸಂಸಗ್ಗೇಹಿ – ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಪಬ್ಬಾಜನೀಯಕಮ್ಮಂ ಕರೇಯ್ಯ.

‘‘ಅಪರೇಸಮ್ಪಿ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಪಬ್ಬಾಜನೀಯಕಮ್ಮಂ ಕರೇಯ್ಯ. ಏಕೋ ಅಧಿಸೀಲೇ ಸೀಲವಿಪನ್ನೋ ಹೋತಿ, ಏಕೋ ಅಜ್ಝಾಚಾರೇ ಆಚಾರವಿಪನ್ನೋ ಹೋತಿ, ಏಕೋ ಅತಿದಿಟ್ಠಿಯಾ ದಿಟ್ಠಿವಿಪನ್ನೋ ಹೋತಿ – ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಪಬ್ಬಾಜನೀಯಕಮ್ಮಂ ಕರೇಯ್ಯ.

‘‘ಅಪರೇಸಮ್ಪಿ ¶ , ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಪಬ್ಬಾಜನೀಯಕಮ್ಮಂ ಕರೇಯ್ಯ. ಏಕೋ ಬುದ್ಧಸ್ಸ ಅವಣ್ಣಂ ಭಾಸತಿ, ಏಕೋ ಧಮ್ಮಸ್ಸ ಅವಣ್ಣಂ ಭಾಸತಿ, ಏಕೋ ಸಙ್ಘಸ್ಸ ಅವಣ್ಣಂ ¶ ಭಾಸತಿ – ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಪಬ್ಬಾಜನೀಯಕಮ್ಮಂ ಕರೇಯ್ಯ.

‘‘ಅಪರೇಸಮ್ಪಿ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಪಬ್ಬಾಜನೀಯಕಮ್ಮಂ ¶ ಕರೇಯ್ಯ. ಏಕೋ ಕಾಯಿಕೇನ ದವೇನ ಸಮನ್ನಾಗತೋ ಹೋತಿ, ಏಕೋ ವಾಚಸಿಕೇನ ದವೇನ ಸಮನ್ನಾಗತೋ ಹೋತಿ, ಏಕೋ ಕಾಯಿಕವಾಚಸಿಕೇನ ದವೇನ ಸಮನ್ನಾಗತೋ ಹೋತಿ – ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಪಬ್ಬಾಜನೀಯಕಮ್ಮಂ ಕರೇಯ್ಯ.

‘‘ಅಪರೇಸಮ್ಪಿ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಪಬ್ಬಾಜನೀಯಕಮ್ಮಂ ಕರೇಯ್ಯ. ಏಕೋ ಕಾಯಿಕೇನ ಅನಾಚಾರೇನ ಸಮನ್ನಾಗತೋ ಹೋತಿ, ಏಕೋ ವಾಚಸಿಕೇನ ಅನಾಚಾರೇನ ಸಮನ್ನಾಗತೋ ಹೋತಿ, ಏಕೋ ಕಾಯಿಕವಾಚಸಿಕೇನ ಅನಾಚಾರೇನ ಸಮನ್ನಾಗತೋ ಹೋತಿ – ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಪಬ್ಬಾಜನೀಯಕಮ್ಮಂ ಕರೇಯ್ಯ.

‘‘ಅಪರೇಸಮ್ಪಿ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಪಬ್ಬಾಜನೀಯಕಮ್ಮಂ ಕರೇಯ್ಯ. ಏಕೋ ಕಾಯಿಕೇನ ಉಪಘಾತಿಕೇನ ಸಮನ್ನಾಗತೋ ಹೋತಿ, ಏಕೋ ವಾಚಸಿಕೇನ ಉಪಘಾತಿಕೇನ ಸಮನ್ನಾಗತೋ ಹೋತಿ, ಏಕೋ ಕಾಯಿಕವಾಚಸಿಕೇನ ಉಪಘಾತಿಕೇನ ಸಮನ್ನಾಗತೋ ಹೋತಿ – ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಪಬ್ಬಾಜನೀಯಕಮ್ಮಂ ಕರೇಯ್ಯ.

‘‘ಅಪರೇಸಮ್ಪಿ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಪಬ್ಬಾಜನೀಯಕಮ್ಮಂ ಕರೇಯ್ಯ. ಏಕೋ ಕಾಯಿಕೇನ ಮಿಚ್ಛಾಜೀವೇನ ಸಮನ್ನಾಗತೋ ಹೋತಿ, ಏಕೋ ವಾಚಸಿಕೇನ ಮಿಚ್ಛಾಜೀವೇನ ಸಮನ್ನಾಗತೋ ಹೋತಿ, ಏಕೋ ಕಾಯಿಕವಾಚಸಿಕೇನ ಮಿಚ್ಛಾಜೀವೇನ ಸಮನ್ನಾಗತೋ ಹೋತಿ – ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಪಬ್ಬಾಜನೀಯಕಮ್ಮಂ ಕರೇಯ್ಯ.

ಆಕಙ್ಖಮಾನಚುದ್ದಸಕಂ ನಿಟ್ಠಿತಂ.

ಅಟ್ಠಾರಸವತ್ತಂ

೨೮. ‘‘ಪಬ್ಬಾಜನೀಯಕಮ್ಮಕತೇನ ¶ ¶ , ಭಿಕ್ಖವೇ, ಭಿಕ್ಖುನಾ ಸಮ್ಮಾ ವತ್ತಿತಬ್ಬಂ. ತತ್ರಾಯಂ ಸಮ್ಮಾವತ್ತನಾ – ನ ಉಪಸಮ್ಪಾದೇತಬ್ಬಂ, ನ ನಿಸ್ಸಯೋ ದಾತಬ್ಬೋ, ನ ಸಾಮಣೇರೋ ಉಪಟ್ಠಾಪೇತಬ್ಬೋ, ನ ಭಿಕ್ಖುನೋವಾದಕಸಮ್ಮುತಿ ಸಾದಿತಬ್ಬಾ, ಸಮ್ಮತೇನಪಿ ಭಿಕ್ಖುನಿಯೋ ನ ಓವದಿತಬ್ಬಾ. ಯಾಯ ಆಪತ್ತಿಯಾ ಸಙ್ಘೇನ ಪಬ್ಬಾಜನೀಯಕಮ್ಮಂ ಕತಂ ಹೋತಿ ಸಾ ಆಪತ್ತಿ ನ ಆಪಜ್ಜಿತಬ್ಬಾ, ಅಞ್ಞಾ ವಾ ತಾದಿಸಿಕಾ ¶ , ತತೋ ವಾ ಪಾಪಿಟ್ಠತರಾ; ಕಮ್ಮಂ ನ ಗರಹಿತಬ್ಬಂ, ಕಮ್ಮಿಕಾ ನ ಗರಹಿತಬ್ಬಾ. ನ ಪಕತತ್ತಸ್ಸ ಭಿಕ್ಖುನೋ ಉಪೋಸಥೋ ಠಪೇತಬ್ಬೋ, ನ ಪವಾರಣಾ ಠಪೇತಬ್ಬಾ, ನ ಸವಚನೀಯಂ ಕಾತಬ್ಬಂ, ನ ಅನುವಾದೋ ಪಟ್ಠಪೇತಬ್ಬೋ, ನ ಓಕಾಸೋ ಕಾರೇತಬ್ಬೋ, ನ ಚೋದೇತಬ್ಬೋ, ನ ಸಾರೇತಬ್ಬೋ, ನ ಭಿಕ್ಖೂಹಿ ಸಮ್ಪಯೋಜೇತಬ್ಬ’’ನ್ತಿ.

ಪಬ್ಬಾಜನೀಯಕಮ್ಮೇ ಅಟ್ಠಾರಸವತ್ತಂ ನಿಟ್ಠಿತಂ.

೨೯. ಅಥ ಖೋ ಸಾರಿಪುತ್ತಮೋಗ್ಗಲ್ಲಾನಪ್ಪಮುಖೋ ಭಿಕ್ಖುಸಙ್ಘೋ ಕೀಟಾಗಿರಿಂ ಗನ್ತ್ವಾ ಅಸ್ಸಜಿಪುನಬ್ಬಸುಕಾನಂ ಭಿಕ್ಖೂನಂ ಕೀಟಾಗಿರಿಸ್ಮಾ ಪಬ್ಬಾಜನೀಯಕಮ್ಮಂ ಅಕಾಸಿ – ನ ಅಸ್ಸಜಿಪುನಬ್ಬಸುಕೇಹಿ ಭಿಕ್ಖೂಹಿ ಕೀಟಾಗಿರಿಸ್ಮಿಂ ವತ್ಥಬ್ಬನ್ತಿ. ತೇ ಸಙ್ಘೇನ ಪಬ್ಬಾಜನೀಯಕಮ್ಮಕತಾ ನ ಸಮ್ಮಾ ವತ್ತನ್ತಿ, ನ ಲೋಮಂ ಪಾತೇನ್ತಿ, ನ ನೇತ್ಥಾರಂ ವತ್ತನ್ತಿ; ನ ಭಿಕ್ಖೂ ಖಮಾಪೇನ್ತಿ, ಅಕ್ಕೋಸನ್ತಿ, ಪರಿಭಾಸನ್ತಿ; ಛನ್ದಗಾಮಿತಾ ದೋಸಗಾಮಿತಾ ಮೋಹಗಾಮಿತಾ ಭಯಗಾಮಿತಾ ಪಾಪೇನ್ತಿ; ಪಕ್ಕಮನ್ತಿಪಿ, ವಿಬ್ಭಮನ್ತಿಪಿ. ಯೇ ತೇ ಭಿಕ್ಖೂ ಅಪ್ಪಿಚ್ಛಾ…ಪೇ… ತೇ ಉಜ್ಝಾಯನ್ತಿ ಖಿಯ್ಯನ್ತಿ ವಿಪಾಚೇನ್ತಿ – ‘‘ಕಥಞ್ಹಿ ನಾಮ ಅಸ್ಸಜಿಪುನಬ್ಬಸುಕಾ ಭಿಕ್ಖೂ ಸಙ್ಘೇನ ಪಬ್ಬಾಜನೀಯಕಮ್ಮಕತಾ ನ ಸಮ್ಮಾ ವತ್ತಿಸ್ಸನ್ತಿ, ನ ಲೋಮಂ ಪಾತೇಸ್ಸನ್ತಿ, ನ ¶ ನೇತ್ಥಾರಂ ವತ್ತಿಸ್ಸನ್ತಿ; ನ ಭಿಕ್ಖೂ ಖಮಾಪೇಸ್ಸನ್ತಿ, ಅಕ್ಕೋಸಿಸ್ಸನ್ತಿ, ಪರಿಭಾಸಿಸ್ಸನ್ತಿ; ಛನ್ದಗಾಮಿತಾ ದೋಸಗಾಮಿತಾ ಮೋಹಗಾಮಿತಾ ಭಯಗಾಮಿತಾ ಪಾಪೇಸ್ಸನ್ತಿ; ಪಕ್ಕಮಿಸ್ಸನ್ತಿಪಿ, ವಿಬ್ಭಮಿಸ್ಸನ್ತಿಪೀ’’ತಿ. ಅಥ ಖೋ ತೇ ಭಿಕ್ಖೂ ಭಗವತೋ ಏತಮತ್ಥಂ ಆರೋಚೇಸುಂ.

ಅಥ ಖೋ ಭಗವಾ ಏತಸ್ಮಿಂ ನಿದಾನೇ ಏತಸ್ಮಿಂ ಪಕರಣೇ ಭಿಕ್ಖುಸಙ್ಘಂ ಸನ್ನಿಪಾತಾಪೇತ್ವಾ ಭಿಕ್ಖೂ ಪಟಿಪುಚ್ಛಿ – ‘‘ಸಚ್ಚಂ ಕಿರ, ಭಿಕ್ಖವೇ, ಅಸ್ಸಜಿಪುನಬ್ಬಸುಕಾ ಭಿಕ್ಖೂ ಸಙ್ಘೇನ ಪಬ್ಬಾಜನೀಯಕಮ್ಮಕತಾ ನ ಸಮ್ಮಾ ವತ್ತನ್ತಿ, ನ ಲೋಮಂ ಪಾತೇನ್ತಿ, ನ ನೇತ್ಥಾರಂ ವತ್ತನ್ತಿ; ನ ಭಿಕ್ಖೂ ಖಮಾಪೇನ್ತಿ, ಅಕ್ಕೋಸನ್ತಿ, ಪರಿಭಾಸನ್ತಿ; ಛನ್ದಗಾಮಿತಾ ದೋಸಗಾಮಿತಾ ಮೋಹಗಾಮಿತಾ ಭಯಗಾಮಿತಾ ಪಾಪೇನ್ತಿ; ಪಕ್ಕಮನ್ತಿಪಿ, ವಿಬ್ಭಮನ್ತಿಪೀ’’ತಿ? ‘‘ಸಚ್ಚಂ ಭಗವಾ’’ತಿ. ವಿಗರಹಿ ಬುದ್ಧೋ ಭಗವಾ – ‘‘ಅನನುಚ್ಛವಿಕಂ ¶ …ಪೇ… ಕಥಞ್ಹಿ ನಾಮ ತೇ, ಭಿಕ್ಖವೇ, ಮೋಘಪುರಿಸಾ ಸಙ್ಘೇನ ಪಬ್ಬಾಜನೀಯಕಮ್ಮಕತಾ ನ ಸಮ್ಮಾ ವತ್ತಿಸ್ಸನ್ತಿ, ನ ಲೋಮಂ ಪಾತೇಸ್ಸನ್ತಿ, ನ ನೇತ್ಥಾರಂ ವತ್ತಿಸ್ಸನ್ತಿ; ನ ಭಿಕ್ಖೂ ಖಮಾಪೇಸ್ಸನ್ತಿ, ಅಕ್ಕೋಸಿಸ್ಸನ್ತಿ, ಪರಿಭಾಸಿಸ್ಸನ್ತಿ; ಛನ್ದಗಾಮಿತಾ ದೋಸಗಾಮಿತಾ ಮೋಹಗಾಮಿತಾ ಭಯಗಾಮಿತಾ ಪಾಪೇಸ್ಸನ್ತಿ; ಪಕ್ಕಮಿಸ್ಸನ್ತಿಪಿ, ವಿಬ್ಭಮಿಸ್ಸನ್ತಿಪಿ. ನೇತಂ, ಭಿಕ್ಖವೇ, ಅಪ್ಪಸನ್ನಾನಂ ವಾ ಪಸಾದಾಯ…ಪೇ… ವಿಗರಹಿತ್ವಾ…ಪೇ… ಧಮ್ಮಿಂ ಕಥಂ ಕತ್ವಾ ಭಿಕ್ಖೂ ಆಮನ್ತೇಸಿ – ‘‘ತೇನ ಹಿ, ಭಿಕ್ಖವೇ, ಸಙ್ಘೋ ಪಬ್ಬಾಜನೀಯಕಮ್ಮಂ ಪಟಿಪ್ಪಸ್ಸಮ್ಭೇತು.

ನಪ್ಪಟಿಪ್ಪಸ್ಸಮ್ಭೇತಬ್ಬಅಟ್ಠಾರಸಕಂ

೩೦. ‘‘ಪಞ್ಚಹಿ ¶ , ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ¶ ಪಬ್ಬಾಜನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ. ಉಪಸಮ್ಪಾದೇತಿ, ನಿಸ್ಸಯಂ ದೇತಿ, ಸಾಮಣೇರಂ ¶ ಉಪಟ್ಠಾಪೇತಿ, ಭಿಕ್ಖುನೋವಾದಕಸಮ್ಮುತಿಂ ಸಾದಿಯತಿ, ಸಮ್ಮತೋಪಿ ಭಿಕ್ಖುನಿಯೋ ಓವದತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ಪಬ್ಬಾಜನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ.

[ಪರಿ. ೪೨೦] ‘‘ಅಪರೇಹಿಪಿ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ಪಬ್ಬಾಜನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ. ಯಾಯ ಆಪತ್ತಿಯಾ ಸಙ್ಘೇನ ಪಬ್ಬಾಜನೀಯಕಮ್ಮಂ ಕತಂ ಹೋತಿ ತಂ ಆಪತ್ತಿಂ ಆಪಜ್ಜತಿ, ಅಞ್ಞಂ ವಾ ತಾದಿಸಿಕಂ, ತತೋ ವಾ ಪಾಪಿಟ್ಠತರಂ; ಕಮ್ಮಂ ಗರಹತಿ, ಕಮ್ಮಿಕೇ ಗರಹತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ಪಬ್ಬಾಜನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ.

‘‘ಅಟ್ಠಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ಪಬ್ಬಾಜನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ. ಪಕತತ್ತಸ್ಸ ಭಿಕ್ಖುನೋ ಉಪೋಸಥಂ ಠಪೇತಿ, ಪವಾರಣಂ ಠಪೇತಿ, ಸವಚನೀಯಂ ಕರೋತಿ, ಅನುವಾದಂ ಪಟ್ಠಪೇತಿ, ಓಕಾಸಂ ಕಾರೇತಿ, ಚೋದೇತಿ, ಸಾರೇತಿ, ಭಿಕ್ಖೂಹಿ ಸಮ್ಪಯೋಜೇತಿ – ಇಮೇಹಿ ಖೋ, ಭಿಕ್ಖವೇ, ಅಟ್ಠಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ಪಬ್ಬಾಜನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ.

ಪಬ್ಬಾಜನೀಯಕಮ್ಮೇ ನಪ್ಪಟಿಪ್ಪಸ್ಸಮ್ಭೇತಬ್ಬಅಟ್ಠಾರಸಕಂ ನಿಟ್ಠಿತಂ.

ಪಟಿಪ್ಪಸ್ಸಮ್ಭೇತಬ್ಬಅಟ್ಠಾರಸಕಂ

೩೧. ‘‘ಪಞ್ಚಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ಪಬ್ಬಾಜನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ. ನ ಉಪಸಮ್ಪಾದೇತಿ, ನ ನಿಸ್ಸಯಂ ದೇತಿ, ನ ಸಾಮಣೇರಂ ಉಪಟ್ಠಾಪೇತಿ ¶ , ನ ಭಿಕ್ಖುನೋವಾದಕಸಮ್ಮುತಿಂ ಸಾದಿಯತಿ, ಸಮ್ಮತೋಪಿ ಭಿಕ್ಖುನಿಯೋ ನ ಓವದತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ¶ ಭಿಕ್ಖುನೋ ಪಬ್ಬಾಜನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ.

‘‘ಅಪರೇಹಿಪಿ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ಪಬ್ಬಾಜನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ. ಯಾಯ ಆಪತ್ತಿಯಾ ಸಙ್ಘೇನ ಪಬ್ಬಾಜನೀಯಕಮ್ಮಂ ಕತಂ ಹೋತಿ ತಂ ಆಪತ್ತಿಂ ನ ಆಪಜ್ಜತಿ, ಅಞ್ಞಂ ವಾ ತಾದಿಸಿಕಂ, ತತೋ ವಾ ಪಾಪಿಟ್ಠತರಂ; ಕಮ್ಮಂ ನ ಗರಹತಿ, ಕಮ್ಮಿಕೇ ನ ಗರಹತಿ ¶ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ಪಬ್ಬಾಜನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ.

‘‘ಅಟ್ಠಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ಪಬ್ಬಾಜನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ. ನ ಪಕತತ್ತಸ್ಸ ಭಿಕ್ಖುನೋ ಉಪೋಸಥಂ ಠಪೇತಿ, ನ ಪವಾರಣಂ ಠಪೇತಿ, ನ ಸವಚನೀಯಂ ಕರೋತಿ, ನ ಅನುವಾದಂ ಪಟ್ಠಪೇತಿ, ನ ಓಕಾಸಂ ಕಾರೇತಿ, ನ ಚೋದೇತಿ, ನ ಸಾರೇತಿ, ನ ಭಿಕ್ಖೂಹಿ ಸಮ್ಪಯೋಜೇತಿ – ಇಮೇಹಿ ಖೋ, ಭಿಕ್ಖವೇ, ಅಟ್ಠಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ಪಬ್ಬಾಜನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ.

ಪಬ್ಬಾಜನೀಯಕಮ್ಮೇ ಪಟಿಪ್ಪಸ್ಸಮ್ಭೇತಬ್ಬಅಟ್ಠಾರಸಕಂ ನಿಟ್ಠಿತಂ.

೩೨. ‘‘ಏವಞ್ಚ ಪನ, ಭಿಕ್ಖವೇ, ಪಟಿಪ್ಪಸ್ಸಮ್ಭೇತಬ್ಬಂ. ತೇನ, ಭಿಕ್ಖವೇ, ಪಬ್ಬಾಜನೀಯಕಮ್ಮಕತೇನ ಭಿಕ್ಖುನಾ ಸಙ್ಘಂ ಉಪಸಙ್ಕಮಿತ್ವಾ ಏಕಂಸಂ ಉತ್ತರಾಸಙ್ಗಂ ಕರಿತ್ವಾ ವುಡ್ಢಾನಂ ಭಿಕ್ಖೂನಂ ಪಾದೇ ವನ್ದಿತ್ವಾ ಉಕ್ಕುಟಿಕಂ ನಿಸೀದಿತ್ವಾ ಅಞ್ಜಲಿಂ ಪಗ್ಗಹೇತ್ವಾ ಏವಮಸ್ಸ ವಚನೀಯೋ – ‘ಅಹಂ, ಭನ್ತೇ, ಸಙ್ಘೇನ ಪಬ್ಬಾಜನೀಯಕಮ್ಮಕತೋ ಸಮ್ಮಾ ವತ್ತಾಮಿ, ಲೋಮಂ ಪಾತೇಮಿ, ನೇತ್ಥಾರಂ ವತ್ತಾಮಿ, ಪಬ್ಬಾಜನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ಯಾಚಾಮೀ’ತಿ. ದುತಿಯಮ್ಪಿ ¶ ಯಾಚಿತಬ್ಬಾ. ತತಿಯಮ್ಪಿ ಯಾಚಿತಬ್ಬಾ. ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಇತ್ಥನ್ನಾಮೋ ಭಿಕ್ಖು ಸಙ್ಘೇನ ಪಬ್ಬಾಜನೀಯಕಮ್ಮಕತೋ ಸಮ್ಮಾ ವತ್ತತಿ, ಲೋಮಂ ಪಾತೇತಿ, ನೇತ್ಥಾರಂ ವತ್ತತಿ, ಪಬ್ಬಾಜನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ಯಾಚತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಇತ್ಥನ್ನಾಮಸ್ಸ ಭಿಕ್ಖುನೋ ಪಬ್ಬಾಜನೀಯಕಮ್ಮಂ ಪಟಿಪ್ಪಸ್ಸಮ್ಭೇಯ್ಯ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಇತ್ಥನ್ನಾಮೋ ಭಿಕ್ಖು ಸಙ್ಘೇನ ಪಬ್ಬಾಜನೀಯಕಮ್ಮಕತೋ ಸಮ್ಮಾ ವತ್ತತಿ, ಲೋಮಂ ಪಾತೇತಿ, ನೇತ್ಥಾರಂ ವತ್ತತಿ, ಪಬ್ಬಾಜನೀಯಸ್ಸ ¶ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ಯಾಚತಿ. ಸಙ್ಘೋ ಇತ್ಥನ್ನಾಮಸ್ಸ ಭಿಕ್ಖುನೋ ಪಬ್ಬಾಜನೀಯಕಮ್ಮಂ ಪಟಿಪ್ಪಸ್ಸಮ್ಭೇತಿ. ಯಸ್ಸಾಯಸ್ಮತೋ ಖಮತಿ ಇತ್ಥನ್ನಾಮಸ್ಸ ಭಿಕ್ಖುನೋ ಪಬ್ಬಾಜನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ಏತಮತ್ಥಂ ವದಾಮಿ. ಸುಣಾತು ಮೇ, ಭನ್ತೇ, ಸಙ್ಘೋ ¶ . ಅಯಂ ಇತ್ಥನ್ನಾಮೋ ಭಿಕ್ಖು ಸಙ್ಘೇನ ಪಬ್ಬಾಜನೀಯಕಮ್ಮಕತೋ ಸಮ್ಮಾ ವತ್ತತಿ, ಲೋಮಂ ಪಾತೇತಿ, ನೇತ್ಥಾರಂ ವತ್ತತಿ, ಪಬ್ಬಾಜನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ಯಾಚತಿ. ಸಙ್ಘೋ ಇತ್ಥನ್ನಾಮಸ್ಸ ಭಿಕ್ಖುನೋ ಪಬ್ಬಾಜನೀಯಕಮ್ಮಂ ಪಟಿಪ್ಪಸ್ಸಮ್ಭೇತಿ. ಯಸ್ಸಾಯಸ್ಮತೋ ಖಮತಿ ಇತ್ಥನ್ನಾಮಸ್ಸ ಭಿಕ್ಖುನೋ ಪಬ್ಬಾಜನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ಪಟಿಪ್ಪಸ್ಸದ್ಧಂ ಸಙ್ಘೇನ ಇತ್ಥನ್ನಾಮಸ್ಸ ಭಿಕ್ಖುನೋ ಪಬ್ಬಾಜನೀಯಕಮ್ಮಂ. ಖಮತಿ ಸಙ್ಘಸ್ಸ, ತಸ್ಮಾ

ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ಪಬ್ಬಾಜನೀಯಕಮ್ಮಂ ನಿಟ್ಠಿತಂ ತತಿಯಂ.

೪. ಪಟಿಸಾರಣೀಯಕಮ್ಮಂ

೩೩. ತೇನ ¶ ಖೋ ಪನ ಸಮಯೇನ ಆಯಸ್ಮಾ ಸುಧಮ್ಮೋ ಮಚ್ಛಿಕಾಸಣ್ಡೇ ಚಿತ್ತಸ್ಸ ಗಹಪತಿನೋ ಆವಾಸಿಕೋ ಹೋತಿ, ನವಕಮ್ಮಿಕೋ ಧುವಭತ್ತಿಕೋ. ಯದಾ ಚಿತ್ತೋ ಗಹಪತಿ ಸಙ್ಘಂ ವಾ ಗಣಂ ವಾ ಪುಗ್ಗಲಂ ವಾ ನಿಮನ್ತೇತುಕಾಮೋ ಹೋತಿ ತದಾ ನ ಆಯಸ್ಮನ್ತಂ ಸುಧಮ್ಮಂ ಅನಪಲೋಕೇತ್ವಾ ಸಙ್ಘಂ ವಾ ಗಣಂ ವಾ ಪುಗ್ಗಲಂ ವಾ ನಿಮನ್ತೇತಿ.

ತೇನ ಖೋ ಪನ ಸಮಯೇನ ಸಮ್ಬಹುಲಾ ಥೇರಾ ಭಿಕ್ಖೂ, ಆಯಸ್ಮಾ ಚ ಸಾರಿಪುತ್ತೋ, ಆಯಸ್ಮಾ ಚ ಮಹಾಮೋಗ್ಗಲ್ಲಾನೋ, ಆಯಸ್ಮಾ ಚ ಮಹಾಕಚ್ಚಾನೋ, ಆಯಸ್ಮಾ ಚ ಮಹಾಕೋಟ್ಠಿಕೋ ¶ , ಆಯಸ್ಮಾ ಚ ಮಹಾಕಪ್ಪಿನೋ, ಆಯಸ್ಮಾ ಚ ಮಹಾಚುನ್ದೋ, ಆಯಸ್ಮಾ ಚ ಅನುರುದ್ಧೋ, ಆಯಸ್ಮಾ ಚ ರೇವತೋ, ಆಯಸ್ಮಾ ಚ ಉಪಾಲಿ, ಆಯಸ್ಮಾ ಚ ಆನನ್ದೋ, ಆಯಸ್ಮಾ ಚ ರಾಹುಲೋ, ಕಾಸೀಸು ಚಾರಿಕಂ ಚರಮಾನಾ ಯೇನ ಮಚ್ಛಿಕಾಸಣ್ಡೋ ತದವಸರುಂ.

ಅಸ್ಸೋಸಿ ಖೋ ಚಿತ್ತೋ ಗಹಪತಿ ಥೇರಾ ಕಿರ ಭಿಕ್ಖೂ ಮಚ್ಛಿಕಾಸಣ್ಡಂ ಅನುಪ್ಪತ್ತಾತಿ. ಅಥ ಖೋ ಚಿತ್ತೋ ಗಹಪತಿ ಯೇನ ಥೇರಾ ಭಿಕ್ಖೂ ತೇನುಪಸಙ್ಕಮಿ ¶ , ಉಪಸಙ್ಕಮಿತ್ವಾ ಥೇರೇ ಭಿಕ್ಖೂ ಅಭಿವಾದೇತ್ವಾ ಏಕಮನ್ತಂ ನಿಸೀದಿ. ಏಕಮನ್ತಂ ನಿಸಿನ್ನಂ ಖೋ ಚಿತ್ತಂ ಗಹಪತಿಂ ಆಯಸ್ಮಾ ಸಾರಿಪುತ್ತೋ ಧಮ್ಮಿಯಾ ಕಥಾಯ ಸನ್ದಸ್ಸೇಸಿ ಸಮಾದಪೇಸಿ ಸಮುತ್ತೇಜೇಸಿ ಸಮ್ಪಹಂಸೇಸಿ.

ಅಥ ಖೋ ಚಿತ್ತೋ ಗಹಪತಿ ಆಯಸ್ಮತಾ ಸಾರಿಪುತ್ತೇನ ಧಮ್ಮಿಯಾ ಕಥಾಯ ಸನ್ದಸ್ಸಿತೋ ಸಮಾದಪಿತೋ ಸಮುತ್ತೇಜಿತೋ ಸಮ್ಪಹಂಸಿತೋ ಥೇರೇ ಭಿಕ್ಖೂ ಏತದವೋಚ ¶ – ‘‘ಅಧಿವಾಸೇನ್ತು ಮೇ, ಭನ್ತೇ, ಥೇರಾ ಸ್ವಾತನಾಯ ಆಗನ್ತುಕಭತ್ತ’’ನ್ತಿ. ಅಧಿವಾಸೇಸುಂ ಖೋ ಥೇರಾ ಭಿಕ್ಖೂ [ಅಧಿವಾಸೇಸುಂ ಖೋ ತೇ ಥೇರಾ ಭಿಕ್ಖೂ (ಸ್ಯಾ.)] ತುಣ್ಹೀಭಾವೇನ.

ಅಥ ¶ ಖೋ ಚಿತ್ತೋ ಗಹಪತಿ ಥೇರಾನಂ ಭಿಕ್ಖೂನಂ ಅಧಿವಾಸನಂ ವಿದಿತ್ವಾ ಉಟ್ಠಾಯಾಸನಾ ಥೇರೇ ಭಿಕ್ಖೂ ಅಭಿವಾದೇತ್ವಾ ಪದಕ್ಖಿಣಂ ಕತ್ವಾ ಯೇನಾಯಸ್ಮಾ ಸುಧಮ್ಮೋ ತೇನುಪಸಙ್ಕಮಿ, ಉಪಸಙ್ಕಮಿತ್ವಾ ಆಯಸ್ಮನ್ತಂ ಸುಧಮ್ಮಂ ಅಭಿವಾದೇತ್ವಾ ಏಕಮನ್ತಂ ಅಟ್ಠಾಸಿ. ಏಕಮನ್ತಂ ಠಿತೋ ಖೋ ಚಿತ್ತೋ ಗಹಪತಿ ಆಯಸ್ಮನ್ತಂ ಸುಧಮ್ಮಂ ಏತದವೋಚ – ‘‘ಅಧಿವಾಸೇತು ಮೇ, ಭನ್ತೇ, ಅಯ್ಯೋ ಸುಧಮ್ಮೋ ಸ್ವಾತನಾಯ ಭತ್ತಂ ಸದ್ಧಿಂ ಥೇರೇಹೀ’’ತಿ. ಅಥ ಖೋ ಆಯಸ್ಮಾ ಸುಧಮ್ಮೋ ‘ಪುಬ್ಬೇ ಖ್ವಾಯಂ ಚಿತ್ತೋ ಗಹಪತಿ ಯದಾ ಸಙ್ಘಂ ವಾ ಗಣಂ ವಾ ಪುಗ್ಗಲಂ ವಾ ನಿಮನ್ತೇತುಕಾಮೋ ನ ಮಂ ಅನಪಲೋಕೇತ್ವಾ ಸಙ್ಘಂ ವಾ ಗಣಂ ವಾ ಪುಗ್ಗಲಂ ವಾ ನಿಮನ್ತೇತಿ; ಸೋದಾನಿ ಮಂ ಅನಪಲೋಕೇತ್ವಾ ಥೇರೇ ಭಿಕ್ಖೂ ನಿಮನ್ತೇಸಿ; ದುಟ್ಠೋದಾನಾಯಂ ಚಿತ್ತೋ ಗಹಪತಿ ಅನಪೇಕ್ಖೋ ವಿರತ್ತರೂಪೋ ಮಯೀ’ತಿ ಚಿತ್ತಂ ಗಹಪತಿಂ ಏತದವೋಚ – ‘‘ಅಲಂ, ಗಹಪತಿ, ನಾಧಿವಾಸೇಮೀ’’ತಿ. ದುತಿಯಮ್ಪಿ ಖೋ…ಪೇ… ತತಿಯಮ್ಪಿ ಖೋ ಚಿತ್ತೋ ಗಹಪತಿ ಆಯಸ್ಮನ್ತಂ ಸುಧಮ್ಮಂ ಏತದವೋಚ – ‘‘ಅಧಿವಾಸೇತು ಮೇ, ಭನ್ತೇ, ಅಯ್ಯೋ ಸುಧಮ್ಮೋ ಸ್ವಾತನಾಯ ಭತ್ತಂ ಸದ್ಧಿಂ ಥೇರೇಹೀ’’ತಿ. ‘‘ಅಲಂ, ಗಹಪತಿ, ನಾಧಿವಾಸೇಮೀ’’ತಿ. ಅಥ ಖೋ ಚಿತ್ತೋ ಗಹಪತಿ ‘ಕಿಂ ಮೇ ಕರಿಸ್ಸತಿ ಅಯ್ಯೋ ಸುಧಮ್ಮೋ ¶ ಅಧಿವಾಸೇನ್ತೋ ವಾ ಅನಧಿವಾಸೇನ್ತೋ ವಾ’ತಿ ಆಯಸ್ಮನ್ತಂ ಸುಧಮ್ಮಂ ಅಭಿವಾದೇತ್ವಾ ಪದಕ್ಖಿಣಂ ಕತ್ವಾ ಪಕ್ಕಾಮಿ.

೩೪. ಅಥ ಖೋ ಚಿತ್ತೋ ಗಹಪತಿ ತಸ್ಸಾ ರತ್ತಿಯಾ ಅಚ್ಚಯೇನ ಥೇರಾನಂ ಭಿಕ್ಖೂನಂ ಪಣೀತಂ ಖಾದನೀಯಂ ಭೋಜನೀಯಂ ಪಟಿಯಾದಾಪೇಸಿ. ಅಥ ಖೋ ಆಯಸ್ಮಾ ಸುಧಮ್ಮೋ ‘ಯಂನೂನಾಹಂ ಚಿತ್ತಸ್ಸ ಗಹಪತಿನೋ ಥೇರಾನಂ ಭಿಕ್ಖೂನಂ ಪಟಿಯತ್ತಂ ¶ ಪಸ್ಸೇಯ್ಯ’ನ್ತಿ ಪುಬ್ಬಣ್ಹಸಮಯಂ ನಿವಾಸೇತ್ವಾ ಪತ್ತಚೀವರಮಾದಾಯ ಯೇನ ಚಿತ್ತಸ್ಸ ಗಹಪತಿನೋ ನಿವೇಸನಂ ತೇನುಪಸಙ್ಕಮಿ, ಉಪಸಙ್ಕಮಿತ್ವಾ ಪಞ್ಞತ್ತೇ ಆಸನೇ ನಿಸೀದಿ. ಅಥ ಖೋ ಚಿತ್ತೋ ಗಹಪತಿ ಯೇನಾಯಸ್ಮಾ ಸುಧಮ್ಮೋ ತೇನುಪಸಙ್ಕಮಿ, ಉಪಸಙ್ಕಮಿತ್ವಾ ¶ ಆಯಸ್ಮನ್ತಂ ಸುಧಮ್ಮಂ ಅಭಿವಾದೇತ್ವಾ ಏಕಮನ್ತಂ ನಿಸೀದಿ. ಏಕಮನ್ತಂ ನಿಸಿನ್ನಂ ಖೋ ಚಿತ್ತಂ ಗಹಪತಿಂ ಆಯಸ್ಮಾ ಸುಧಮ್ಮೋ ಏತದವೋಚ – ‘‘ಪಹೂತಂ ಖೋ ತೇ ಇದಂ, ಗಹಪತಿ, ಖಾದನೀಯಂ ಭೋಜನೀಯಂ ಪಟಿಯತ್ತಂ; ಏಕಾ ಚ ಖೋ ಇಧ ನತ್ಥಿ ಯದಿದಂ ತಿಲಸಙ್ಗುಳಿಕಾ’’ತಿ. ‘‘ಬಹುಮ್ಹಿ ವತ, ಭನ್ತೇ, ರತನೇ ಬುದ್ಧವಚನೇ [ಭನ್ತೇ ಬುದ್ಧವಚನೇ (ಸ್ಯಾ.)] ವಿಜ್ಜಮಾನೇ ಅಯ್ಯೇನ ಸುಧಮ್ಮೇನ ಯದೇವ ಕಿಞ್ಚಿ ಭಾಸಿತಂ ಯದಿದಂ ತಿಲಸಙ್ಗುಳಿಕಾತಿ. ಭೂತಪುಬ್ಬಂ, ಭನ್ತೇ, ದಕ್ಖಿಣಾಪಥಕಾ ವಾಣಿಜಾ ಪುರತ್ಥಿಮಂ ಜನಪದಂ ಅಗಮಂಸು ವಾಣಿಜ್ಜಾಯ. ತೇ ತತೋ ಕುಕ್ಕುಟಿಂ ಆನೇಸುಂ. ಅಥ ಖೋ ಸಾ, ಭನ್ತೇ, ಕುಕ್ಕುಟೀ ಕಾಕೇನ ಸದ್ಧಿಂ ಸಂವಾಸಂ ಕಪ್ಪೇಸಿ. ಸಾ ಪೋತಕಂ ಜನೇಸಿ. ಯದಾ ಖೋ ಸೋ, ಭನ್ತೇ, ಕುಕ್ಕುಟಪೋತಕೋ ¶ ಕಾಕವಸ್ಸಂ ವಸ್ಸಿತುಕಾಮೋ ಹೋತಿ, ಕಾಕಕುಕ್ಕುಟೀತಿ ವಸ್ಸತಿ; ಯದಾ ಕುಕ್ಕುಟಿವಸ್ಸಂ ವಸ್ಸಿತುಕಾಮೋ ಹೋತಿ, ಕುಕ್ಕುಟಿಕಾಕಾತಿ ವಸ್ಸತಿ. ಏವಮೇವ ಖೋ, ಭನ್ತೇ, ಬಹುಮ್ಹಿ ರತನೇ ಬುದ್ಧವಚನೇ ವಿಜ್ಜಮಾನೇ ಅಯ್ಯೇನ ಸುಧಮ್ಮೇನ ಯದೇವ ಕಿಞ್ಚಿ ಭಾಸಿತಂ ಯದಿದಂ ತಿಲಸಂಗುಳಿಕಾ’’ತಿ. ‘‘ಅಕ್ಕೋಸಸಿ ಮಂ ತ್ವಂ, ಗಹಪತಿ, ಪರಿಭಾಸಸಿ ಮಂ ತ್ವಂ, ಗಹಪತಿ. ಏಸೋ ತೇ, ಗಹಪತಿ, ಆವಾಸೋ, ಪಕ್ಕಮಿಸ್ಸಾಮೀ’’ತಿ. ‘‘ನಾಹಂ, ಭನ್ತೇ, ಅಯ್ಯಂ ಸುಧಮ್ಮಂ ಅಕ್ಕೋಸಾಮಿ, ಪರಿಭಾಸಾಮಿ ¶ [ನ ಪರಿಭಾಸಾಮಿ (ಸೀ. ಸ್ಯಾ.)]. ವಸತು, ಭನ್ತೇ, ಅಯ್ಯೋ ಸುಧಮ್ಮೋ ಮಚ್ಛಿಕಾಸಣ್ಡೇ. ರಮಣೀಯಂ ಅಮ್ಬಾಟಕವನಂ. ಅಹಂ ಅಯ್ಯಸ್ಸ ಸುಧಮ್ಮಸ್ಸ ಉಸ್ಸುಕ್ಕಂ ಕರಿಸ್ಸಾಮಿ, ಚೀವರಪಿಣ್ಡಪಾತಸೇನಾಸನಗಿಲಾನಪ್ಪಚ್ಚಯಭೇಸಜ್ಜಪರಿಕ್ಖಾರಾನ’’ನ್ತಿ. ದುತಿಯಮ್ಪಿ ಖೋ…ಪೇ… ¶ ತತಿಯಮ್ಪಿ ಖೋ ಆಯಸ್ಮಾ ಸುಧಮ್ಮೋ ಚಿತ್ತಂ ಗಹಪತಿಂ ಏತದವೋಚ – ‘‘ಅಕ್ಕೋಸಸಿ ಮಂ ತ್ವಂ, ಗಹಪತಿ, ಪರಿಭಾಸಸಿ ಮಂ ತ್ವಂ, ಗಹಪತಿ. ಏಸೋ ತೇ, ಗಹಪತಿ, ಆವಾಸೋ, ಪಕ್ಕಮಿಸ್ಸಾಮೀ’’ತಿ. ‘‘ಕಹಂ, ಭನ್ತೇ, ಅಯ್ಯೋ ಸುಧಮ್ಮೋ ಗಮಿಸ್ಸತೀ’’ತಿ? ‘‘ಸಾವತ್ಥಿಂ ಖೋ ಅಹಂ, ಗಹಪತಿ, ಗಮಿಸ್ಸಾಮಿ ಭಗವನ್ತಂ ದಸ್ಸನಾಯಾ’’ತಿ. ‘‘ತೇನ ಹಿ, ಭನ್ತೇ, ಯಞ್ಚ ಅತ್ತನಾ ಭಣಿತಂ, ಯಞ್ಚ ಮಯಾ ಭಣಿತಂ ತಂ ಸಬ್ಬಂ ಭಗವತೋ ಆರೋಚೇಹಿ. ಅನಚ್ಛರಿಯಂ ಖೋ ಪನೇತಂ, ಭನ್ತೇ, ಯಂ ಅಯ್ಯೋ ಸುಧಮ್ಮೋ ಪುನದೇವ ಮಚ್ಛಿಕಾಸಣ್ಡಂ ಪಚ್ಚಾಗಚ್ಛೇಯ್ಯಾ’’ತಿ.

೩೫. ಅಥ ಖೋ ಆಯಸ್ಮಾ ಸುಧಮ್ಮೋ ಸೇನಾಸನಂ ಸಂಸಾಮೇತ್ವಾ ಪತ್ತಚೀವರಮಾದಾಯ ಯೇನ ಸಾವತ್ಥಿ ತೇನ ಪಕ್ಕಾಮಿ. ಅನುಪುಬ್ಬೇನ ಯೇನ ಸಾವತ್ಥಿ ಜೇತವನಂ ಅನಾಥಪಿಣ್ಡಿಕಸ್ಸ ಆರಾಮೋ ಯೇನ ಭಗವಾ ತೇನುಪಸಙ್ಕಮಿ, ಉಪಸಙ್ಕಮಿತ್ವಾ ಭಗವನ್ತಂ ಅಭಿವಾದೇತ್ವಾ ಏಕಮನ್ತಂ ನಿಸೀದಿ. ಏಕಮನ್ತಂ ನಿಸಿನ್ನೋ ಖೋ ಆಯಸ್ಮಾ ಸುಧಮ್ಮೋ ಯಞ್ಚ ಅತ್ತನಾ ಭಣಿತಂ ¶ ಯಞ್ಚ ಚಿತ್ತೇನ ಗಹಪತಿನಾ ಭಣಿತಂ ತಂ ಸಬ್ಬಂ ಭಗವತೋ ಆರೋಚೇಸಿ.

ವಿಗರಹಿ ¶ ಬುದ್ಧೋ ಭಗವಾ – ‘‘ಅನನುಚ್ಛವಿಕಂ, ಮೋಘಪುರಿಸ, ಅನನುಲೋಮಿಕಂ ಅಪ್ಪತಿರೂಪಂ ಅಸ್ಸಾಮಣಕಂ ಅಕಪ್ಪಿಯಂ ಅಕರಣೀಯಂ. ಕಥಞ್ಹಿ ನಾಮ ತ್ವಂ, ಮೋಘಪುರಿಸ, ಚಿತ್ತಂ ಗಹಪತಿಂ ಸದ್ಧಂ ಪಸನ್ನಂ ದಾಯಕಂ ಕಾರಕಂ ಸಙ್ಘುಪಟ್ಠಾಕಂ ಹೀನೇನ ಖುಂಸೇಸ್ಸಸಿ, ಹೀನೇನ ವಮ್ಭೇಸ್ಸಸಿ? ನೇತಂ, ಮೋಘಪುರಿಸ, ಅಪ್ಪಸನ್ನಾನಂ ವಾ ¶ ಪಸಾದಾಯ…ಪೇ… ವಿಗರಹಿತ್ವಾ…ಪೇ… ಧಮ್ಮಿಂ ಕಥಂ ಕತ್ವಾ ಭಿಕ್ಖೂ ಆಮನ್ತೇಸಿ – ತೇನ ಹಿ, ಭಿಕ್ಖವೇ, ಸಙ್ಘೋ ಸುಧಮ್ಮಸ್ಸ ಭಿಕ್ಖುನೋ ಪಟಿಸಾರಣೀಯಕಮ್ಮಂ ಕರೋತು – ಚಿತ್ತೋ ತೇ ಗಹಪತಿ ಖಮಾಪೇತಬ್ಬೋತಿ. ಏವಞ್ಚ ಪನ, ಭಿಕ್ಖವೇ, ಕಾತಬ್ಬಂ – ಪಠಮಂ ಸುಧಮ್ಮೋ ಭಿಕ್ಖು ಚೋದೇತಬ್ಬೋ, ಚೋದೇತ್ವಾ ಸಾರೇತಬ್ಬೋ, ಸಾರೇತ್ವಾ ಆಪತ್ತಿಂ ಆರೋಪೇತಬ್ಬೋ, ಆಪತ್ತಿಂ ಆರೋಪೇತ್ವಾ ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೩೬. ‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಸುಧಮ್ಮೋ ಭಿಕ್ಖು ಚಿತ್ತಂ ಗಹಪತಿಂ ಸದ್ಧಂ ಪಸನ್ನಂ ದಾಯಕಂ ಕಾರಕಂ ಸಙ್ಘುಪಟ್ಠಾಕಂ ಹೀನೇನ ಖುಂಸೇತಿ, ಹೀನೇನ ವಮ್ಭೇತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಸುಧಮ್ಮಸ್ಸ ಭಿಕ್ಖುನೋ ಪಟಿಸಾರಣೀಯಕಮ್ಮಂ ಕರೇಯ್ಯ – ಚಿತ್ತೋ ತೇ ಗಹಪತಿ ಖಮಾಪೇತಬ್ಬೋತಿ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಸುಧಮ್ಮೋ ಭಿಕ್ಖು ಚಿತ್ತಂ ಗಹಪತಿಂ ಸದ್ಧಂ ಪಸನ್ನಂ ದಾಯಕಂ ಕಾರಕಂ ¶ ಸಙ್ಘುಪಟ್ಠಾಕಂ ಹೀನೇನ ಖುಂಸೇತಿ, ಹೀನೇನ ವಮ್ಭೇತಿ. ಸಙ್ಘೋ ಸುಧಮ್ಮಸ್ಸ ಭಿಕ್ಖುನೋ ಪಟಿಸಾರಣೀಯಕಮ್ಮಂ ಕರೋತಿ – ಚಿತ್ತೋ ತೇ ಗಹಪತಿ ಖಮಾಪೇತಬ್ಬೋತಿ. ಯಸ್ಸಾಯಸ್ಮತೋ ಖಮತಿ ಸುಧಮ್ಮಸ್ಸ ಭಿಕ್ಖುನೋ ಪಟಿಸಾರಣೀಯಸ್ಸ ಕಮ್ಮಸ್ಸ ಕರಣಂ – ಚಿತ್ತೋ ತೇ ಗಹಪತಿ ಖಮಾಪೇತಬ್ಬೋತಿ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ಏತಮತ್ಥಂ ವದಾಮಿ – ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಸುಧಮ್ಮೋ ಭಿಕ್ಖು ಚಿತ್ತಂ ಗಹಪತಿಂ ಸದ್ಧಂ ಪಸನ್ನಂ ದಾಯಕಂ ಕಾರಕಂ ಸಙ್ಘುಪಟ್ಠಾಕಂ ಹೀನೇನ ಖುಂಸೇತಿ, ಹೀನೇನ ವಮ್ಭೇತಿ. ಸಙ್ಘೋ ಸುಧಮ್ಮಸ್ಸ ಭಿಕ್ಖುನೋ ಪಟಿಸಾರಣೀಯಕಮ್ಮಂ ಕರೋತಿ – ಚಿತ್ತೋ ¶ ತೇ ಗಹಪತಿ ಖಮಾಪೇತಬ್ಬೋತಿ. ಯಸ್ಸಾಯಸ್ಮತೋ ಖಮತಿ ಸುಧಮ್ಮಸ್ಸ ಭಿಕ್ಖುನೋ ಪಟಿಸಾರಣೀಯಸ್ಸ ಕಮ್ಮಸ್ಸ ಕರಣಂ – ಚಿತ್ತೋ ತೇ ಗಹಪತಿ ಖಮಾಪೇತಬ್ಬೋತಿ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ಕತಂ ಸಙ್ಘೇನ ಸುಧಮ್ಮಸ್ಸ ಭಿಕ್ಖುನೋ ಪಟಿಸಾರಣೀಯಕಮ್ಮಂ – ಚಿತ್ತೋ ತೇ ಗಹಪತಿ ಖಮಾಪೇತಬ್ಬೋತಿ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ಅಧಮ್ಮಕಮ್ಮದ್ವಾದಸಕಂ

೩೭. ‘‘ತೀಹಿ ¶ , ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಂ ಪಟಿಸಾರಣೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ. ಅಸಮ್ಮುಖಾ ಕತಂ ಹೋತಿ, ಅಪ್ಪಟಿಪುಚ್ಛಾ ಕತಂ ಹೋತಿ, ಅಪ್ಪಟಿಞ್ಞಾಯ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ಪಟಿಸಾರಣೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ಪಟಿಸಾರಣೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ. ಅನಾಪತ್ತಿಯಾ ಕತಂ ಹೋತಿ, ಅದೇಸನಾಗಾಮಿನಿಯಾ ಆಪತ್ತಿಯಾ ಕತಂ ಹೋತಿ, ದೇಸಿತಾಯ ಆಪತ್ತಿಯಾ ಕತಂ ಹೋತಿ…ಪೇ… ಅಚೋದೇತ್ವಾ ಕತಂ ಹೋತಿ, ಅಸಾರೇತ್ವಾ ಕತಂ ಹೋತಿ, ಆಪತ್ತಿಂ ಅನಾರೋಪೇತ್ವಾ ಕತಂ ಹೋತಿ…ಪೇ… ¶ ಅಸಮ್ಮುಖಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಅಪ್ಪಟಿಪುಚ್ಛಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಅಪ್ಪಟಿಞ್ಞಾಯ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಅನಾಪತ್ತಿಯಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ¶ ಅದೇಸನಾಗಾಮಿನಿಯಾ ಆಪತ್ತಿಯಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ದೇಸಿತಾಯ ಆಪತ್ತಿಯಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಅಚೋದೇತ್ವಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಅಸಾರೇತ್ವಾ ಕತಂ ಹೋತಿ ¶ , ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಆಪತ್ತಿಂ ಅನಾರೋಪೇತ್ವಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ¶ ಪಟಿಸಾರಣೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ.

ಪಟಿಸಾರಣೀಯಕಮ್ಮೇ ಅಧಮ್ಮಕಮ್ಮದ್ವಾದಸಕಂ ನಿಟ್ಠಿತಂ.

ಧಮ್ಮಕಮ್ಮದ್ವಾದಸಕಂ

೩೮. ‘‘ತೀಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಂ ಪಟಿಸಾರಣೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ. ಸಮ್ಮುಖಾ ಕತಂ ಹೋತಿ, ಪಟಿಪುಚ್ಛಾ ಕತಂ ಹೋತಿ, ಪಟಿಞ್ಞಾಯ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ಪಟಿಸಾರಣೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ.

‘‘ಅಪರೇಹಿಪಿ ¶ , ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ಪಟಿಸಾರಣೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ. ಆಪತ್ತಿಯಾ ಕತಂ ಹೋತಿ, ದೇಸನಾಗಾಮಿನಿಯಾ ಆಪತ್ತಿಯಾ ಕತಂ ಹೋತಿ, ಅದೇಸಿತಾಯ ಆಪತ್ತಿಯಾ ಕತಂ ಹೋತಿ…ಪೇ… ಚೋದೇತ್ವಾ ಕತಂ ಹೋತಿ, ಸಾರೇತ್ವಾ ಕತಂ ಹೋತಿ, ಆಪತ್ತಿಂ ಆರೋಪೇತ್ವಾ ಕತಂ ಹೋತಿ…ಪೇ… ಸಮ್ಮುಖಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ಪಟಿಪುಚ್ಛಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ¶ ಪಟಿಞ್ಞಾಯ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ಆಪತ್ತಿಯಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ದೇಸನಾಗಾಮಿನಿಯಾ ಆಪತ್ತಿಯಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ಅದೇಸಿತಾಯ ಆಪತ್ತಿಯಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ಚೋದೇತ್ವಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ಸಾರೇತ್ವಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ಆಪತ್ತಿಂ ಆರೋಪೇತ್ವಾ ¶ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ಪಟಿಸಾರಣೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ.

ಪಟಿಸಾರಣೀಯಕಮ್ಮೇ ಧಮ್ಮಕಮ್ಮದ್ವಾದಸಕಂ ನಿಟ್ಠಿತಂ.

ಆಕಙ್ಖಮಾನಚತುಕ್ಕಂ

೩೯. ‘‘ಪಞ್ಚಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಪಟಿಸಾರಣೀಯಕಮ್ಮಂ ¶ ಕರೇಯ್ಯ. ಗಿಹೀನಂ ಅಲಾಭಾಯ ಪರಿಸಕ್ಕತಿ, ಗಿಹೀನಂ ಅನತ್ಥಾಯ ಪರಿಸಕ್ಕತಿ, ಗಿಹೀನಂ ಅನಾವಾಸಾಯ [ಅವಾಸಾಯ (ಸೀ.)] ಪರಿಸಕ್ಕತಿ, ಗಿಹೀ ಅಕ್ಕೋಸತಿ ಪರಿಭಾಸತಿ, ಗಿಹೀ ಗಿಹೀಹಿ ¶ ಭೇದೇತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಪಟಿಸಾರಣೀಯಕಮ್ಮಂ ಕರೇಯ್ಯ.

‘‘ಅಪರೇಹಿಪಿ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಪಟಿಸಾರಣೀಯಕಮ್ಮಂ ಕರೇಯ್ಯ. ಗಿಹೀನಂ ಬುದ್ಧಸ್ಸ ಅವಣ್ಣಂ ಭಾಸತಿ ¶ , ಗಿಹೀನಂ ಧಮ್ಮಸ್ಸ ಅವಣ್ಣಂ ಭಾಸತಿ, ಗಿಹೀನಂ ಸಙ್ಘಸ್ಸ ಅವಣ್ಣಂ ಭಾಸತಿ, ಗಿಹೀ ಹೀನೇನ ಖುಂಸೇತಿ ಹೀನೇನ ವಮ್ಭೇತಿ, ಗಿಹೀನಂ ಧಮ್ಮಿಕಂ ಪಟಿಸ್ಸವಂ ನ ಸಚ್ಚಾಪೇತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಪಟಿಸಾರಣೀಯಕಮ್ಮಂ ಕರೇಯ್ಯ.

‘‘ಪಞ್ಚನ್ನಂ, ಭಿಕ್ಖವೇ, ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಪಟಿಸಾರಣೀಯಕಮ್ಮಂ ಕರೇಯ್ಯ. ಏಕೋ ಗಿಹೀನಂ ¶ ಅಲಾಭಾಯ ಪರಿಸಕ್ಕತಿ, ಏಕೋ ಗಿಹೀನಂ ಅನತ್ಥಾಯ ಪರಿಸಕ್ಕತಿ, ಏಕೋ ಗಿಹೀನಂ ಅನಾವಾಸಾಯ ಪರಿಸಕ್ಕತಿ, ಏಕೋ ಗಿಹೀ ಅಕ್ಕೋಸತಿ ಪರಿಭಾಸತಿ, ಏಕೋ ಗಿಹೀ ಗಿಹೀಹಿ ಭೇದೇತಿ – ಇಮೇಸಂ ಖೋ, ಭಿಕ್ಖವೇ, ಪಞ್ಚನ್ನಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಪಟಿಸಾರಣೀಯಕಮ್ಮಂ ಕರೇಯ್ಯ.

‘‘ಅಪರೇಸಮ್ಪಿ, ಭಿಕ್ಖವೇ, ಪಞ್ಚನ್ನಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಪಟಿಸಾರಣೀಯಕಮ್ಮಂ ಕರೇಯ್ಯ. ಏಕೋ ಗಿಹೀನಂ ಬುದ್ಧಸ್ಸ ಅವಣ್ಣಂ ಭಾಸತಿ, ಏಕೋ ಗಿಹೀನಂ ಧಮ್ಮಸ್ಸ ಅವಣ್ಣಂ ಭಾಸತಿ, ಏಕೋ ಗಿಹೀನಂ ಸಙ್ಘಸ್ಸ ಅವಣ್ಣಂ ಭಾಸತಿ, ಏಕೋ ಗಿಹೀ ಹೀನೇನ ಖುಂಸೇತಿ ಹೀನೇನ ವಮ್ಭೇತಿ, ಏಕೋ ಗಿಹೀನಂ ಧಮ್ಮಿಕಂ ಪಟಿಸ್ಸವಂ ನ ಸಚ್ಚಾಪೇತಿ – ಇಮೇಸಂ ಖೋ, ಭಿಕ್ಖವೇ, ಪಞ್ಚನ್ನಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಪಟಿಸಾರಣೀಯಕಮ್ಮಂ ಕರೇಯ್ಯ.

ಆಕಙ್ಖಮಾನಚತುಕ್ಕಂ ನಿಟ್ಠಿತಂ.

ಅಟ್ಠಾರಸವತ್ತಂ

೪೦. ‘‘ಪಟಿಸಾರಣೀಯಕಮ್ಮಕತೇನ, ಭಿಕ್ಖವೇ, ಭಿಕ್ಖುನಾ ಸಮ್ಮಾ ವತ್ತಿತಬ್ಬಂ. ತತ್ರಾಯಂ ಸಮ್ಮಾವತ್ತನಾ – ನ ಉಪಸಮ್ಪಾದೇತಬ್ಬಂ, ನ ನಿಸ್ಸಯೋ ದಾತಬ್ಬೋ, ನ ಸಾಮಣೇರೋ ಉಪಟ್ಠಾಪೇತಬ್ಬೋ, ನ ಭಿಕ್ಖುನೋವಾದಕಸಮ್ಮುತಿ ಸಾದಿತಬ್ಬಾ, ಸಮ್ಮತೇನಪಿ ಭಿಕ್ಖುನಿಯೋ ನ ಓವದಿತಬ್ಬಾ. ಯಾಯ ಆಪತ್ತಿಯಾ ಸಙ್ಘೇನ ಪಟಿಸಾರಣೀಯಕಮ್ಮಂ ಕತಂ ಹೋತಿ ಸಾ ಆಪತ್ತಿ ನ ಆಪಜ್ಜಿತಬ್ಬಾ, ಅಞ್ಞಾ ವಾ ತಾದಿಸಿಕಾ ¶ , ತತೋ ವಾ ಪಾಪಿಟ್ಠತರಾ; ಕಮ್ಮಂ ನ ಗರಹಿತಬ್ಬಂ, ಕಮ್ಮಿಕಾ ನ ಗರಹಿತಬ್ಬಾ. ನ ಪಕತತ್ತಸ್ಸ ಭಿಕ್ಖುನೋ ಉಪೋಸಥೋ ಠಪೇತಬ್ಬೋ, ನ ಪವಾರಣಾ ಠಪೇತಬ್ಬಾ, ನ ಸವಚನೀಯಂ ಕಾತಬ್ಬಂ, ನ ಅನುವಾದೋ ಪಟ್ಠಪೇತಬ್ಬೋ, ನ ಓಕಾಸೋ ಕಾರೇತಬ್ಬೋ ¶ , ನ ಚೋದೇತಬ್ಬೋ, ನ ಸಾರೇತಬ್ಬೋ, ನ ಭಿಕ್ಖೂಹಿ ಸಮ್ಪಯೋಜೇತಬ್ಬ’’ನ್ತಿ.

ಪಟಿಸಾರಣೀಯಕಮ್ಮೇ ಅಟ್ಠಾರಸವತ್ತಂ ನಿಟ್ಠಿತಂ.

೪೧. ಅಥ ¶ ಖೋ ಸಙ್ಘೋ ಸುಧಮ್ಮಸ್ಸ ಭಿಕ್ಖುನೋ ಪಟಿಸಾರಣೀಯಕಮ್ಮಂ ಅಕಾಸಿ – ‘‘ಚಿತ್ತೋ ತೇ ಗಹಪತಿ ಖಮಾಪೇತಬ್ಬೋ’’ತಿ. ಸೋ ಸಙ್ಘೇನ ಪಟಿಸಾರಣೀಯಕಮ್ಮಕತೋ ಮಚ್ಛಿಕಾಸಣ್ಡಂ ಗನ್ತ್ವಾ ಮಙ್ಕುಭೂತೋ ನಾಸಕ್ಖಿ ಚಿತ್ತಂ ಗಹಪತಿಂ ಖಮಾಪೇತುಂ. ಪುನದೇವ ಸಾವತ್ಥಿಂ ಪಚ್ಚಾಗಞ್ಛಿ. ಭಿಕ್ಖೂ ಏವಮಾಹಂಸು – ‘‘ಖಮಾಪಿತೋ ತಯಾ, ಆವುಸೋ ಸುಧಮ್ಮ, ಚಿತ್ತೋ ಗಹಪತೀ’’ತಿ? ‘‘ಇಧಾಹಂ, ಆವುಸೋ, ಮಚ್ಛಿಕಾಸಣ್ಡಂ ಗನ್ತ್ವಾ ಮಙ್ಕುಭೂತೋ ನಾಸಕ್ಖಿಂ ಚಿತ್ತಂ ಗಹಪತಿಂ ಖಮಾಪೇತು’’ನ್ತಿ. ಭಿಕ್ಖೂ ಭಗವತೋ ಏತಮತ್ಥಂ ಆರೋಚೇಸುಂ…ಪೇ…. ‘‘ತೇನ ಹಿ, ಭಿಕ್ಖವೇ, ಸಙ್ಘೋ ಸುಧಮ್ಮಸ್ಸ ಭಿಕ್ಖುನೋ ಅನುದೂತಂ ದೇತು – ಚಿತ್ತಂ ಗಹಪತಿಂ ಖಮಾಪೇತುಂ. ಏವಞ್ಚ ಪನ ಭಿಕ್ಖವೇ ದಾತಬ್ಬೋ – ಪಠಮಂ ಭಿಕ್ಖು ಯಾಚಿತಬ್ಬೋ, ಯಾಚಿತ್ವಾ ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಇತ್ಥನ್ನಾಮಂ ಭಿಕ್ಖುಂ ಸುಧಮ್ಮಸ್ಸ ಭಿಕ್ಖುನೋ ಅನುದೂತಂ ದದೇಯ್ಯ ಚಿತ್ತಂ ಗಹಪತಿಂ ಖಮಾಪೇತುಂ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಸಙ್ಘೋ ಇತ್ಥನ್ನಾಮಂ ಭಿಕ್ಖುಂ ಸುಧಮ್ಮಸ್ಸ ¶ ಭಿಕ್ಖುನೋ ಅನುದೂತಂ ದೇತಿ ಚಿತ್ತಂ ಗಹಪತಿಂ ಖಮಾಪೇತುಂ. ಯಸ್ಸಾಯಸ್ಮತೋ ಖಮತಿ ಇತ್ಥನ್ನಾಮಸ್ಸ ಭಿಕ್ಖುನೋ ಸುಧಮ್ಮಸ್ಸ ಭಿಕ್ಖುನೋ ಅನುದೂತಸ್ಸ ದಾನಂ ಚಿತ್ತಂ ಗಹಪತಿಂ ಖಮಾಪೇತುಂ, ಸೋ ¶ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದಿನ್ನೋ ಸಙ್ಘೇನ ಇತ್ಥನ್ನಾಮೋ ಭಿಕ್ಖು ಸುಧಮ್ಮಸ್ಸ ಭಿಕ್ಖುನೋ ಅನುದೂತೋ ಚಿತ್ತಂ ಗಹಪತಿಂ ಖಮಾಪೇತುಂ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

೪೨. ‘‘ತೇನ, ಭಿಕ್ಖವೇ, ಸುಧಮ್ಮೇನ ಭಿಕ್ಖುನಾ ಅನುದೂತೇನ ಭಿಕ್ಖುನಾ ಸದ್ಧಿಂ ಮಚ್ಛಿಕಾಸಣ್ಡಂ ಗನ್ತ್ವಾ ಚಿತ್ತೋ ಗಹಪತಿ ಖಮಾಪೇತಬ್ಬೋ – ‘ಖಮ, ಗಹಪತಿ, ಪಸಾದೇಮಿ ತ’ನ್ತಿ. ಏವಞ್ಚೇ ವುಚ್ಚಮಾನೋ ಖಮತಿ, ಇಚ್ಚೇತಂ ಕುಸಲಂ. ನೋ ಚೇ ಖಮತಿ, ಅನುದೂತೇನ ಭಿಕ್ಖುನಾ ವತ್ತಬ್ಬೋ – ‘ಖಮ, ಗಹಪತಿ, ಇಮಸ್ಸ ¶ ಭಿಕ್ಖುನೋ, ಪಸಾದೇತಿ ತ’ನ್ತಿ. ಏವಞ್ಚೇ ವುಚ್ಚಮಾನೋ ಖಮತಿ, ಇಚ್ಚೇತಂ ಕುಸಲಂ. ನೋ ಚೇ ಖಮತಿ, ಅನುದೂತೇನ ಭಿಕ್ಖುನಾ ವತ್ತಬ್ಬೋ – ‘ಖಮ, ಗಹಪತಿ, ಇಮಸ್ಸ ಭಿಕ್ಖುನೋ, ಅಹಂ ತಂ ಪಸಾದೇಮೀ’ತಿ. ಏವಞ್ಚೇ ವುಚ್ಚಮಾನೋ ಖಮತಿ, ಇಚ್ಚೇತಂ ಕುಸಲಂ. ನೋ ಚೇ ಖಮತಿ, ಅನುದೂತೇನ ಭಿಕ್ಖುನಾ ವತ್ತಬ್ಬೋ – ‘ಖಮ, ಗಹಪತಿ, ಇಮಸ್ಸ ಭಿಕ್ಖುನೋ, ಸಙ್ಘಸ್ಸ ವಚನೇನಾ’ತಿ. ಏವಞ್ಚೇ ವುಚ್ಚಮಾನೋ ಖಮತಿ, ಇಚ್ಚೇತಂ ಕುಸಲಂ. ನೋ ಚೇ ¶ ಖಮತಿ, ಅನುದೂತೇನ ಭಿಕ್ಖುನಾ ಸುಧಮ್ಮೋ ಭಿಕ್ಖು [ಸುಧಮ್ಮಂ ಭಿಕ್ಖುಂ… ಸಾ ಆಪತ್ತಿ ದೇಸಾಪೇತಬ್ಬಾತಿ (ಸೀ. ಸ್ಯಾ.)] ಚಿತ್ತಸ್ಸ ಗಹಪತಿನೋ ದಸ್ಸನೂಪಚಾರಂ ಅವಿಜಹಾಪೇತ್ವಾ ಸವನೂಪಚಾರಂ ಅವಿಜಹಾಪೇತ್ವಾ ಏಕಂಸಂ ಉತ್ತರಾಸಙ್ಗಂ ಕಾರಾಪೇತ್ವಾ ಉಕ್ಕುಟಿಕಂ ನಿಸೀದಾಪೇತ್ವಾ ಅಞ್ಜಲಿಂ ಪಗ್ಗಣ್ಹಾಪೇತ್ವಾ ತಂ ಆಪತ್ತಿಂ ದೇಸಾಪೇತಬ್ಬೋ’’ತಿ [ಸುಧಮ್ಮಂ ಭಿಕ್ಖುಂ… ಸಾ ಆಪತ್ತಿ ದೇಸಾಪೇತಬ್ಬಾತಿ (ಸೀ. ಸ್ಯಾ.)].

ಅಥ ಖೋ ಆಯಸ್ಮಾ ಸುಧಮ್ಮೋ ಅನುದೂತೇನ ಭಿಕ್ಖುನಾ ಸದ್ಧಿಂ ಮಚ್ಛಿಕಾಸಣ್ಡಂ ಗನ್ತ್ವಾ ಚಿತ್ತಂ ಗಹಪತಿಂ ಖಮಾಪೇಸಿ. ಸೋ ಸಮ್ಮಾ ವತ್ತತಿ, ಲೋಮಂ ಪಾತೇತಿ, ನೇತ್ಥಾರಂ ವತ್ತತಿ, ಭಿಕ್ಖೂ ಉಪಸಙ್ಕಮಿತ್ವಾ ಏವಂ ವದೇತಿ ¶ – ‘‘ಅಹಂ, ಆವುಸೋ, ಸಙ್ಘೇನ ಪಟಿಸಾರಣೀಯಕಮ್ಮಕತೋ ಸಮ್ಮಾ ವತ್ತಾಮಿ, ಲೋಮಂ ಪಾತೇಮಿ, ನೇತ್ಥಾರಂ ವತ್ತಾಮಿ. ಕಥಂ ನು ಖೋ ಮಯಾ ಪಟಿಪಜ್ಜಿತಬ್ಬ’’ನ್ತಿ? ಭಿಕ್ಖೂ ಭಗವತೋ ಏತಮತ್ಥಂ ಆರೋಚೇಸುಂ…ಪೇ… ‘‘ತೇನ ಹಿ, ಭಿಕ್ಖವೇ, ಸಙ್ಘೋ ಸುಧಮ್ಮಸ್ಸ ಭಿಕ್ಖುನೋ ಪಟಿಸಾರಣೀಯಕಮ್ಮಂ ಪಟಿಪ್ಪಸ್ಸಮ್ಭೇತು.

ನಪ್ಪಟಿಪ್ಪಸ್ಸಮ್ಭೇತಬ್ಬಅಟ್ಠಾರಸಕಂ

೪೩. ‘‘ಪಞ್ಚಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ಪಟಿಸಾರಣೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ. ಉಪಸಮ್ಪಾದೇತಿ, ನಿಸ್ಸಯಂ ದೇತಿ, ಸಾಮಣೇರಂ ಉಪಟ್ಠಾಪೇತಿ, ಭಿಕ್ಖುನೋವಾದಕಸಮ್ಮುತಿಂ ಸಾದಿಯತಿ, ಸಮ್ಮತೋಪಿ ಭಿಕ್ಖುನಿಯೋ ಓವದತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ಪಟಿಸಾರಣೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ.

[ಪರಿ. ೪೨೦] ‘‘ಅಪರೇಹಿಪಿ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ಪಟಿಸಾರಣೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ. ಯಾಯ ಆಪತ್ತಿಯಾ ಸಙ್ಘೇನ ಪಟಿಸಾರಣೀಯಕಮ್ಮಂ ಕತಂ ಹೋತಿ ತಂ ಆಪತ್ತಿಂ ಆಪಜ್ಜತಿ, ಅಞ್ಞಂ ವಾ ತಾದಿಸಿಕಂ, ತತೋ ವಾ ಪಾಪಿಟ್ಠತರಂ; ಕಮ್ಮಂ ಗರಹತಿ, ಕಮ್ಮಿಕೇ ಗರಹತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ಪಟಿಸಾರಣೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ.

‘‘ಅಟ್ಠಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ಪಟಿಸಾರಣೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ. ಪಕತತ್ತಸ್ಸ ಭಿಕ್ಖುನೋ ಉಪೋಸಥಂ ಠಪೇತಿ, ಪವಾರಣಂ ಠಪೇತಿ, ಸವಚನೀಯಂ ಕರೋತಿ, ಅನುವಾದಂ ಪಟ್ಠಪೇತಿ, ಓಕಾಸಂ ಕಾರೇತಿ, ಚೋದೇತಿ ¶ , ಸಾರೇತಿ, ಭಿಕ್ಖೂಹಿ ಸಮ್ಪಯೋಜೇತಿ – ಇಮೇಹಿ ¶ ಖೋ, ಭಿಕ್ಖವೇ, ಅಟ್ಠಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ಪಟಿಸಾರಣೀಯಕಮ್ಮಂ ¶ ನಪ್ಪಟಿಪ್ಪಸ್ಸಮ್ಭೇತಬ್ಬಂ’’.

ಪಟಿಸಾರಣೀಯಕಮ್ಮೇ ನಪ್ಪಟಿಪ್ಪಸ್ಸಮ್ಭೇತಬ್ಬಅಟ್ಠಾರಸಕಂ ನಿಟ್ಠಿತಂ.

ಪಟಿಪ್ಪಸ್ಸಮ್ಭೇತಬ್ಬಅಟ್ಠಾರಸಕಂ

೪೪. ‘‘ಪಞ್ಚಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ಪಟಿಸಾರಣೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ. ನ ಉಪಸಮ್ಪಾದೇತಿ, ನ ನಿಸ್ಸಯಂ ದೇತಿ, ನ ಸಾಮಣೇರಂ ಉಪಟ್ಠಾಪೇತಿ, ನ ಭಿಕ್ಖುನೋವಾದಕಸಮ್ಮುತಿಂ ಸಾದಿಯತಿ, ಸಮ್ಮತೋಪಿ ಭಿಕ್ಖುನಿಯೋ ನ ಓವದತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ಪಟಿಸಾರಣೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ.

‘‘ಅಪರೇಹಿಪಿ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ಪಟಿಸಾರಣೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ. ಯಾಯ ಆಪತ್ತಿಯಾ ಸಙ್ಘೇನ ಪಟಿಸಾರಣೀಯಕಮ್ಮಂ ಕತಂ ಹೋತಿ ತಂ ಆಪತ್ತಿಂ ನ ಆಪಜ್ಜತಿ, ಅಞ್ಞಂ ವಾ ತಾದಿಸಿಕಂ, ತತೋ ವಾ ಪಾಪಿಟ್ಠತರಂ; ಕಮ್ಮಂ ನ ಗರಹತಿ, ಕಮ್ಮಿಕೇ ನ ಗರಹತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ಪಟಿಸಾರಣೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ.

‘‘ಅಟ್ಠಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ಪಟಿಸಾರಣೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ. ನ ಪಕತತ್ತಸ್ಸ ಭಿಕ್ಖುನೋ ಉಪೋಸಥಂ ಠಪೇತಿ, ನ ಪವಾರಣಂ ಠಪೇತಿ, ನ ಸವಚನೀಯಂ ಕರೋತಿ, ನ ಅನುವಾದಂ ಪಟ್ಠಪೇತಿ, ನ ಓಕಾಸಂ ಕಾರೇತಿ, ನ ಚೋದೇತಿ, ನ ಸಾರೇತಿ, ನ ಭಿಕ್ಖೂಹಿ ಸಮ್ಪಯೋಜೇತಿ – ಇಮೇಹಿ ಖೋ, ಭಿಕ್ಖವೇ, ಅಟ್ಠಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ಪಟಿಸಾರಣೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ.

ಪಟಿಸಾರಣೀಯಕಮ್ಮೇ ಪಟಿಪ್ಪಸ್ಸಮ್ಭೇತಬ್ಬಅಟ್ಠಾರಸಕಂ ನಿಟ್ಠಿತಂ.

೪೫. ‘‘ಏವಞ್ಚ ¶ ¶ ಪನ, ಭಿಕ್ಖವೇ, ಪಟಿಪ್ಪಸ್ಸಮ್ಭೇತಬ್ಬಂ. ತೇನ [ತೇನ ಹಿ (ಸ್ಯಾ. ಕ.)], ಭಿಕ್ಖವೇ, ಸುಧಮ್ಮೇನ ಭಿಕ್ಖುನಾ ಸಙ್ಘಂ ಉಪಸಙ್ಕಮಿತ್ವಾ ಏಕಂಸಂ ಉತ್ತರಾಸಙ್ಗಂ ಕರಿತ್ವಾ ವುಡ್ಢಾನಂ ಭಿಕ್ಖೂನಂ ಪಾದೇ ವನ್ದಿತ್ವಾ ಉಕ್ಕುಟಿಕಂ ನಿಸೀದಿತ್ವಾ ಅಞ್ಜಲಿಂ ಪಗ್ಗಹೇತ್ವಾ ಏವಮಸ್ಸ ವಚನೀಯೋ – ‘ಅಹಂ, ಭನ್ತೇ, ಸಙ್ಘೇನ ಪಟಿಸಾರಣೀಯಕಮ್ಮಕತೋ ಸಮ್ಮಾ ವತ್ತಾಮಿ, ಲೋಮಂ ಪಾತೇಮಿ, ನೇತ್ಥಾರಂ ವತ್ತಾಮಿ, ಪಟಿಸಾರಣೀಯಸ್ಸ ಕಮ್ಮಸ್ಸ ¶ ಪಟಿಪ್ಪಸ್ಸದ್ಧಿಂ ಯಾಚಾಮೀ’ತಿ ¶ . ದುತಿಯಮ್ಪಿ ಯಾಚಿತಬ್ಬಾ. ತತಿಯಮ್ಪಿ ಯಾಚಿತಬ್ಬಾ. ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಸುಧಮ್ಮೋ ಭಿಕ್ಖು ಸಙ್ಘೇನ ಪಟಿಸಾರಣೀಯಕಮ್ಮಕತೋ ಸಮ್ಮಾ ವತ್ತತಿ, ಲೋಮಂ ಪಾತೇತಿ, ನೇತ್ಥಾರಂ ವತ್ತತಿ, ಪಟಿಸಾರಣೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ಯಾಚತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಸುಧಮ್ಮಸ್ಸ ಭಿಕ್ಖುನೋ ಪಟಿಸಾರಣೀಯಕಮ್ಮಂ ಪಟಿಪ್ಪಸ್ಸಮ್ಭೇಯ್ಯ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಸುಧಮ್ಮೋ ಭಿಕ್ಖು ಸಙ್ಘೇನ ಪಟಿಸಾರಣೀಯಕಮ್ಮಕತೋ ಸಮ್ಮಾ ವತ್ತತಿ, ಲೋಮಂ ಪಾತೇತಿ, ನೇತ್ಥಾರಂ ವತ್ತತಿ, ಪಟಿಸಾರಣೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ಯಾಚತಿ. ಸಙ್ಘೋ ಸುಧಮ್ಮಸ್ಸ ಭಿಕ್ಖುನೋ ಪಟಿಸಾರಣೀಯಕಮ್ಮಂ ಪಟಿಪ್ಪಸ್ಸಮ್ಭೇತಿ. ಯಸ್ಸಾಯಸ್ಮತೋ ಖಮತಿ ಸುಧಮ್ಮಸ್ಸ ಭಿಕ್ಖುನೋ ಪಟಿಸಾರಣೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ಏತಮತ್ಥಂ ವದಾಮಿ…ಪೇ… ¶ ತತಿಯಮ್ಪಿ ಏತಮತ್ಥಂ ವದಾಮಿ – ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಸುಧಮ್ಮೋ ಭಿಕ್ಖು ಸಙ್ಘೇನ ಪಟಿಸಾರಣೀಯಕಮ್ಮಕತೋ ಸಮ್ಮಾ ವತ್ತತಿ, ಲೋಮಂ ಪಾತೇತಿ, ನೇತ್ಥಾರಂ ವತ್ತತಿ, ಪಟಿಸಾರಣೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ಯಾಚತಿ. ಸಙ್ಘೋ ಸುಧಮ್ಮಸ್ಸ ಭಿಕ್ಖುನೋ ಪಟಿಸಾರಣೀಯಕಮ್ಮಂ ಪಟಿಪ್ಪಸ್ಸಮ್ಭೇತಿ. ಯಸ್ಸಾಯಸ್ಮತೋ ಖಮತಿ ಸುಧಮ್ಮಸ್ಸ ಭಿಕ್ಖುನೋ ಪಟಿಸಾರಣೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ಪಟಿಪ್ಪಸ್ಸದ್ಧಂ ಸಙ್ಘೇನ ಸುಧಮ್ಮಸ್ಸ ಭಿಕ್ಖುನೋ ಪಟಿಸಾರಣೀಯಕಮ್ಮಂ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ಪಟಿಸಾರಣೀಯಕಮ್ಮಂ ನಿಟ್ಠಿತಂ ಚತುತ್ಥಂ.

೫. ಆಪತ್ತಿಯಾ ಅದಸ್ಸನೇ ಉಕ್ಖೇಪನೀಯಕಮ್ಮಂ

೪೬. ತೇನ ಸಮಯೇನ ಬುದ್ಧೋ ಭಗವಾ ಕೋಸಮ್ಬಿಯಂ ವಿಹರತಿ ಘೋಸಿತಾರಾಮೇ. ತೇನ ಖೋ ಪನ ಸಮಯೇನ ಆಯಸ್ಮಾ ಛನ್ನೋ ಆಪತ್ತಿಂ ಆಪಜ್ಜಿತ್ವಾ ನ ಇಚ್ಛತಿ ಆಪತ್ತಿಂ ಪಸ್ಸಿತುಂ. ಯೇ ತೇ ಭಿಕ್ಖೂ ಅಪ್ಪಿಚ್ಛಾ…ಪೇ… ತೇ ಉಜ್ಝಾಯನ್ತಿ ¶ ಖಿಯ್ಯನ್ತಿ ವಿಪಾಚೇನ್ತಿ – ‘‘ಕಥಞ್ಹಿ ನಾಮ ಆಯಸ್ಮಾ ಛನ್ನೋ ಆಪತ್ತಿಂ ¶ ಆಪಜ್ಜಿತ್ವಾ ನ ಇಚ್ಛಿಸ್ಸತಿ ಆಪತ್ತಿಂ ಪಸ್ಸಿತು’’ನ್ತಿ. ಅಥ ಖೋ ತೇ ಭಿಕ್ಖೂ ಭಗವತೋ ಏತಮತ್ಥಂ ಆರೋಚೇಸುಂ.

ಅಥ ಖೋ ಭಗವಾ ಏತಸ್ಮಿಂ ನಿದಾನೇ ಏತಸ್ಮಿಂ ಪಕರಣೇ ಭಿಕ್ಖುಸಙ್ಘಂ ಸನ್ನಿಪಾತಾಪೇತ್ವಾ ¶ ಭಿಕ್ಖೂ ಪಟಿಪುಚ್ಛಿ – ‘‘ಸಚ್ಚಂ ಕಿರ, ಭಿಕ್ಖವೇ, ಛನ್ನೋ ಭಿಕ್ಖು ಆಪತ್ತಿಂ ಆಪಜ್ಜಿತ್ವಾ ನ ಇಚ್ಛತಿ ಆಪತ್ತಿಂ ಪಸ್ಸಿತು’’ನ್ತಿ? ‘‘ಸಚ್ಚಂ ಭಗವಾ’’ತಿ. ವಿಗರಹಿ ಬುದ್ಧೋ ಭಗವಾ – ‘‘ಅನನುಚ್ಛವಿಕಂ…ಪೇ… ಕಥಞ್ಹಿ ನಾಮ ಸೋ, ಭಿಕ್ಖವೇ, ಮೋಘಪುರಿಸೋ ಆಪತ್ತಿಂ ಆಪಜ್ಜಿತ್ವಾ ನ ಇಚ್ಛಿಸ್ಸತಿ ಆಪತ್ತಿಂ ಪಸ್ಸಿತುಂ? ನೇತಂ, ಭಿಕ್ಖವೇ, ಅಪ್ಪಸನ್ನಾನಂ ವಾ ಪಸಾದಾಯ…ಪೇ… ವಿಗರಹಿತ್ವಾ…ಪೇ… ಧಮ್ಮಿಂ ಕಥಂ ಕತ್ವಾ ಭಿಕ್ಖೂ ಆಮನ್ತೇಸಿ – ತೇನ ಹಿ, ಭಿಕ್ಖವೇ, ಸಙ್ಘೋ ಛನ್ನಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಕರೋತು – ಅಸಮ್ಭೋಗಂ ಸಙ್ಘೇನ. ಏವಞ್ಚ ಪನ, ಭಿಕ್ಖವೇ, ಕಾತಬ್ಬಂ – ಪಠಮಂ ಛನ್ನೋ ಭಿಕ್ಖು ಚೋದೇತಬ್ಬೋ, ಚೋದೇತ್ವಾ ಸಾರೇತಬ್ಬೋ, ಸಾರೇತ್ವಾ ಆಪತ್ತಿಂ ಆರೋಪೇತಬ್ಬೋ, ಆಪತ್ತಿಂ ಆರೋಪೇತ್ವಾ ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೪೭. ‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಛನ್ನೋ ಭಿಕ್ಖು ಆಪತ್ತಿಂ ಆಪಜ್ಜಿತ್ವಾ ನ ಇಚ್ಛತಿ ಆಪತ್ತಿಂ ಪಸ್ಸಿತುಂ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಛನ್ನಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಕರೇಯ್ಯ – ಅಸಮ್ಭೋಗಂ ಸಙ್ಘೇನ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಛನ್ನೋ ಭಿಕ್ಖು ಆಪತ್ತಿಂ ಆಪಜ್ಜಿತ್ವಾ ನ ಇಚ್ಛತಿ ಆಪತ್ತಿಂ ಪಸ್ಸಿತುಂ. ಸಙ್ಘೋ ಛನ್ನಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಕರೋತಿ – ಅಸಮ್ಭೋಗಂ ಸಙ್ಘೇನ. ಯಸ್ಸಾಯಸ್ಮತೋ ಖಮತಿ ಛನ್ನಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಸ್ಸ ಕಮ್ಮಸ್ಸ ಕರಣಂ – ಅಸಮ್ಭೋಗಂ ಸಙ್ಘೇನ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ¶ ಏತಮತ್ಥಂ ವದಾಮಿ – ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಛನ್ನೋ ಭಿಕ್ಖು ಆಪತ್ತಿಂ ಆಪಜ್ಜಿತ್ವಾ ನ ಇಚ್ಛತಿ ಆಪತ್ತಿಂ ಪಸ್ಸಿತುಂ. ಸಙ್ಘೋ ಛನ್ನಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಕರೋತಿ – ಅಸಮ್ಭೋಗಂ ಸಙ್ಘೇನ. ಯಸ್ಸಾಯಸ್ಮತೋ ಖಮತಿ ಛನ್ನಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಸ್ಸ ಕಮ್ಮಸ್ಸ ಕರಣಂ ¶ – ಅಸಮ್ಭೋಗಂ ಸಙ್ಘೇನ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ¶ ಭಾಸೇಯ್ಯ.

‘‘ಕತಂ ¶ ಸಙ್ಘೇನ ಛನ್ನಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ – ಅಸಮ್ಭೋಗಂ ಸಙ್ಘೇನ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀತಿ.

‘‘ಆವಾಸಪರಮ್ಪರಞ್ಚ, ಭಿಕ್ಖವೇ, ಸಂಸಥ – ‘ಛನ್ನೋ ಭಿಕ್ಖು ಸಙ್ಘೇನ ಆಪತ್ತಿಯಾ [ಛನ್ನೋ ಭಿಕ್ಖು ಆಪತ್ತಿಯಾ (ಸೀ. ಕ.)] ಅದಸ್ಸನೇ ಉಕ್ಖೇಪನೀಯಕಮ್ಮಕತೋ – ಅಸಮ್ಭೋಗಂ ಸಙ್ಘೇನಾ’ತಿ.

ಅಧಮ್ಮಕಮ್ಮದ್ವಾದಸಕಂ

೪೮. ‘‘ತೀಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಂ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ. ಅಸಮ್ಮುಖಾ ಕತಂ ಹೋತಿ, ಅಪ್ಪಟಿಪುಚ್ಛಾ ಕತಂ ಹೋತಿ, ಅಪ್ಪಟಿಞ್ಞಾಯ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ. ಅನಾಪತ್ತಿಯಾ ಕತಂ ಹೋತಿ, ಅದೇಸನಾಗಾಮಿನಿಯಾ ಆಪತ್ತಿಯಾ ಕತಂ ¶ ಹೋತಿ, ದೇಸಿತಾಯ ಆಪತ್ತಿಯಾ ಕತಂ ಹೋತಿ…ಪೇ… ಅಚೋದೇತ್ವಾ ಕತಂ ಹೋತಿ, ಅಸಾರೇತ್ವಾ ಕತಂ ಹೋತಿ, ಆಪತ್ತಿಂ ಅನಾರೋಪೇತ್ವಾ ಕತಂ ಹೋತಿ…ಪೇ… ಅಸಮ್ಮುಖಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಅಪ್ಪಟಿಪುಚ್ಛಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಅಪ್ಪಟಿಞ್ಞಾಯ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಅನಾಪತ್ತಿಯಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಅದೇಸನಾಗಾಮಿನಿಯಾ ಆಪತ್ತಿಯಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ದೇಸಿತಾಯ ಆಪತ್ತಿಯಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಅಚೋದೇತ್ವಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಅಸಾರೇತ್ವಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಆಪತ್ತಿಂ ಅನಾರೋಪೇತ್ವಾ ¶ ಕತಂ ಹೋತಿ, ಅಧಮ್ಮೇನ ¶ ಕತಂ ಹೋತಿ, ವಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ.

ಆಪತ್ತಿಯಾ ಅದಸ್ಸನೇ ಉಕ್ಖೇಪನೀಯಕಮ್ಮೇ ಅಧಮ್ಮಕಮ್ಮದ್ವಾದಸಕಂ ನಿಟ್ಠಿತಂ.

ಧಮ್ಮಕಮ್ಮದ್ವಾದಸಕಂ

೪೯. ‘‘ತೀಹಿ ¶ , ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಂ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ. ಸಮ್ಮುಖಾ ಕತಂ ಹೋತಿ, ಪಟಿಪುಚ್ಛಾ ಕತಂ ಹೋತಿ, ಪಟಿಞ್ಞಾಯ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ…ಪೇ…. ಆಪತ್ತಿಯಾ ಕತಂ ಹೋತಿ, ದೇಸನಾಗಾಮಿನಿಯಾ ಆಪತ್ತಿಯಾ ಕತಂ ಹೋತಿ, ಅದೇಸಿತಾಯ ಆಪತ್ತಿಯಾ ಕತಂ ಹೋತಿ…ಪೇ… ಚೋದೇತ್ವಾ ಕತಂ ಹೋತಿ, ಸಾರೇತ್ವಾ ಕತಂ ಹೋತಿ, ಆಪತ್ತಿಂ ಆರೋಪೇತ್ವಾ ಕತಂ ಹೋತಿ…ಪೇ… ಸಮ್ಮುಖಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ಪಟಿಪುಚ್ಛಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ¶ ಪಟಿಞ್ಞಾಯ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ಆಪತ್ತಿಯಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ದೇಸನಾಗಾಮಿನಿಯಾ ಆಪತ್ತಿಯಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ಅದೇಸಿತಾಯ ಆಪತ್ತಿಯಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ಚೋದೇತ್ವಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ಸಾರೇತ್ವಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ಆಪತ್ತಿಂ ಆರೋಪೇತ್ವಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ.

ಆಪತ್ತಿಯಾ ಅದಸ್ಸನೇ ಉಕ್ಖೇಪನೀಯಕಮ್ಮೇ ಧಮ್ಮಕಮ್ಮದ್ವಾದಸಕಂ ನಿಟ್ಠಿತಂ.

ಆಕಙ್ಖಮಾನಛಕ್ಕಂ

೫೦. [ಪರಿ. ೩೨೩] ‘‘ತೀಹಿ ¶ , ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಕರೇಯ್ಯ. ಭಣ್ಡನಕಾರಕೋ ಹೋತಿ ಕಲಹಕಾರಕೋ ವಿವಾದಕಾರಕೋ ಭಸ್ಸಕಾರಕೋ ಸಙ್ಘೇ ಅಧಿಕರಣಕಾರಕೋ ¶ ; ಬಾಲೋ ಹೋತಿ ಅಬ್ಯತ್ತೋ ಆಪತ್ತಿಬಹುಲೋ ಅನಪದಾನೋ; ಗಿಹಿಸಂಸಟ್ಠೋ ವಿಹರತಿ ಅನನುಲೋಮಿಕೇಹಿ ಗಿಹಿಸಂಸಗ್ಗೇಹಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಕರೇಯ್ಯ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಆಪತ್ತಿಯಾ ¶ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಕರೇಯ್ಯ. ಅಧಿಸೀಲೇ ಸೀಲವಿಪನ್ನೋ ಹೋತಿ, ಅಜ್ಝಾಚಾರೇ ಆಚಾರವಿಪನ್ನೋ ಹೋತಿ, ಅತಿದಿಟ್ಠಿಯಾ ದಿಟ್ಠಿವಿಪನ್ನೋ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಕರೇಯ್ಯ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಕರೇಯ್ಯ. ಬುದ್ಧಸ್ಸ ಅವಣ್ಣಂ ಭಾಸತಿ, ಧಮ್ಮಸ್ಸ ಅವಣ್ಣಂ ಭಾಸತಿ, ಸಙ್ಘಸ್ಸ ಅವಣ್ಣಂ ಭಾಸತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಕರೇಯ್ಯ.

‘‘ತಿಣ್ಣಂ, ಭಿಕ್ಖವೇ, ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಕರೇಯ್ಯ. ಏಕೋ ಭಣ್ಡನಕಾರಕೋ ಹೋತಿ ಕಲಹಕಾರಕೋ ವಿವಾದಕಾರಕೋ ಭಸ್ಸಕಾರಕೋ ಸಙ್ಘೇ ಅಧಿಕರಣಕಾರಕೋ; ಏಕೋ ಬಾಲೋ ಹೋತಿ ಅಬ್ಯತ್ತೋ ಆಪತ್ತಿಬಹುಲೋ ಅನಪದಾನೋ; ಏಕೋ ಗಿಹಿಸಂಸಟ್ಠೋ ವಿಹರತಿ ಅನನುಲೋಮಿಕೇಹಿ ಗಿಹಿಸಂಸಗ್ಗೇಹಿ ¶ – ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಕರೇಯ್ಯ.

‘‘ಅಪರೇಸಮ್ಪಿ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಕರೇಯ್ಯ. ಏಕೋ ಅಧಿಸೀಲೇ ಸೀಲವಿಪನ್ನೋ ಹೋತಿ ¶ , ಏಕೋ ಅಜ್ಝಾಚಾರೇ ಆಚಾರವಿಪನ್ನೋ ಹೋತಿ, ಏಕೋ ಅತಿದಿಟ್ಠಿಯಾ ದಿಟ್ಠಿವಿಪನ್ನೋ ಹೋತಿ – ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಕರೇಯ್ಯ.

‘‘ಅಪರೇಸಮ್ಪಿ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಕರೇಯ್ಯ. ಏಕೋ ಬುದ್ಧಸ್ಸ ಅವಣ್ಣಂ ಭಾಸತಿ, ಏಕೋ ಧಮ್ಮಸ್ಸ ಅವಣ್ಣಂ ಭಾಸತಿ, ಏಕೋ ಸಙ್ಘಸ್ಸ ಅವಣ್ಣಂ ಭಾಸತಿ – ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಕರೇಯ್ಯ.

ಆಪತ್ತಿಯಾ ಅದಸ್ಸನೇ ಉಕ್ಖೇಪನೀಯಕಮ್ಮೇ

ಆಕಙ್ಖಮಾನಛಕ್ಕಂ ನಿಟ್ಠಿತಂ.

ತೇಚತ್ತಾಲೀಸವತ್ತಂ

೫೧. ‘‘ಆಪತ್ತಿಯಾ ಅದಸ್ಸನೇ ಉಕ್ಖೇಪನೀಯಕಮ್ಮಕತೇನ, ಭಿಕ್ಖವೇ, ಭಿಕ್ಖುನಾ ಸಮ್ಮಾ ವತ್ತಿತಬ್ಬಂ ¶ . ತತ್ರಾಯಂ ಸಮ್ಮಾವತ್ತನಾ – ನ ಉಪಸಮ್ಪಾದೇತಬ್ಬಂ, ನ ನಿಸ್ಸಯೋ ದಾತಬ್ಬೋ, ನ ಸಾಮಣೇರೋ ಉಪಟ್ಠಾಪೇತಬ್ಬೋ, ನ ಭಿಕ್ಖುನೋವಾದಕಸಮ್ಮುತಿ ಸಾದಿತಬ್ಬಾ, ಸಮ್ಮತೇನಪಿ ಭಿಕ್ಖುನಿಯೋ ನ ಓವದಿತಬ್ಬಾ. ಯಾಯ ಆಪತ್ತಿಯಾ ಸಙ್ಘೇನ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಕತಂ ಹೋತಿ ಸಾ ಆಪತ್ತಿ ನ ಆಪಜ್ಜಿತಬ್ಬಾ, ಅಞ್ಞಾ ವಾ ತಾದಿಸಿಕಾ, ತತೋ ವಾ ಪಾಪಿಟ್ಠತರಾ; ಕಮ್ಮಂ ನ ಗರಹಿತಬ್ಬಂ, ಕಮ್ಮಿಕಾ ನ ಗರಹಿತಬ್ಬಾ ¶ . ನ ಪಕತತ್ತಸ್ಸ ಭಿಕ್ಖುನೋ ಅಭಿವಾದನಂ, ಪಚ್ಚುಟ್ಠಾನಂ, ಅಞ್ಜಲಿಕಮ್ಮಂ, ಸಾಮೀಚಿಕಮ್ಮಂ, ಆಸನಾಭಿಹಾರೋ, ಸೇಯ್ಯಾಭಿಹಾರೋ, ಪಾದೋದಕಂ, ಪಾದಪೀಠಂ ಪಾದಕಥಲಿಕಂ, ಪತ್ತಚೀವರಪ್ಪಟಿಗ್ಗಹಣಂ, ನಹಾನೇ ಪಿಟ್ಠಿಪರಿಕಮ್ಮಂ ಸಾದಿತಬ್ಬಂ. ನ ಪಕತತ್ತೋ ಭಿಕ್ಖು ಸೀಲವಿಪತ್ತಿಯಾ ಅನುದ್ಧಂಸೇತಬ್ಬೋ, ನ ಆಚಾರವಿಪತ್ತಿಯಾ ಅನುದ್ಧಂಸೇತಬ್ಬೋ, ನ ದಿಟ್ಠಿವಿಪತ್ತಿಯಾ ಅನುದ್ಧಂಸೇತಬ್ಬೋ, ನ ಆಜೀವವಿಪತ್ತಿಯಾ ಅನುದ್ಧಂಸೇತಬ್ಬೋ, ನ ಭಿಕ್ಖು ಭಿಕ್ಖೂಹಿ ಭೇದೇತಬ್ಬೋ [ನ ಭಿಕ್ಖೂ ಭಿಕ್ಖೂಹಿ ಭೇದೇತಬ್ಬಾ (ಸ್ಯಾ.)], ನ ಗಿಹಿದ್ಧಜೋ ಧಾರೇತಬ್ಬೋ, ನ ತಿತ್ಥಿಯದ್ಧಜೋ ಧಾರೇತಬ್ಬೋ, ನ ತಿತ್ಥಿಯಾ ಸೇವಿತಬ್ಬಾ; ಭಿಕ್ಖೂ ಸೇವಿತಬ್ಬಾ, ಭಿಕ್ಖುಸಿಕ್ಖಾಯ ಸಿಕ್ಖಿತಬ್ಬಂ [ಭಿಕ್ಖುಸಿಕ್ಖಾ ಸಿಕ್ಖಿತಬ್ಬಾ (ಸ್ಯಾ.)]. ನ ಪಕತತ್ತೇನ ಭಿಕ್ಖುನಾ ಸದ್ಧಿಂ ಏಕಚ್ಛನ್ನೇ ಆವಾಸೇ ವತ್ಥಬ್ಬಂ, ನ ಏಕಚ್ಛನ್ನೇ ಅನಾವಾಸೇ ¶ ವತ್ಥಬ್ಬಂ, ನ ಏಕಚ್ಛನ್ನೇ ಆವಾಸೇ ವಾ ಅನಾವಾಸೇ ವಾ ವತ್ಥಬ್ಬಂ, ಪಕತತ್ತಂ ಭಿಕ್ಖುಂ ದಿಸ್ವಾ ಆಸನಾ ವುಟ್ಠಾತಬ್ಬಂ, ನ ಪಕತತ್ತೋ ಭಿಕ್ಖು ಆಸಾದೇತಬ್ಬೋ ಅನ್ತೋ ವಾ ಬಹಿ ವಾ. ನ ಪಕತತ್ತಸ್ಸ ಭಿಕ್ಖುನೋ ಉಪೋಸಥೋ ಠಪೇತಬ್ಬೋ, ನ ಪವಾರಣಾ ಠಪೇತಬ್ಬಾ, ನ ಸವಚನೀಯಂ ಕಾತಬ್ಬಂ, ನ ಅನುವಾದೋ ¶ ಪಟ್ಠಪೇತಬ್ಬೋ, ನ ಓಕಾಸೋ ಕಾರೇತಬ್ಬೋ, ನ ಚೋದೇತಬ್ಬೋ, ನ ಸಾರೇತಬ್ಬೋ, ನ ಭಿಕ್ಖೂಹಿ ಸಮ್ಪಯೋಜೇತಬ್ಬ’’ನ್ತಿ.

ಆಪತ್ತಿಯಾ ಅದಸ್ಸನೇ ಉಕ್ಖೇಪನೀಯಕಮ್ಮೇ

ತೇಚತ್ತಾಲೀಸವತ್ತಂ ನಿಟ್ಠಿತಂ.

೫೨. ಅಥ ಖೋ ಸಙ್ಘೋ ಛನ್ನಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಅಕಾಸಿ – ಅಸಮ್ಭೋಗಂ ಸಙ್ಘೇನ. ಸೋ ಸಙ್ಘೇನ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಕತೋ ತಮ್ಹಾ ಆವಾಸಾ ಅಞ್ಞಂ ಆವಾಸಂ ಅಗಮಾಸಿ. ತತ್ಥ ಭಿಕ್ಖೂ ನೇವ ಅಭಿವಾದೇಸುಂ, ನ ಪಚ್ಚುಟ್ಠೇಸುಂ, ನ ಅಞ್ಜಲಿಕಮ್ಮಂ ನ ¶ ಸಾಮೀಚಿಕಮ್ಮಂ ಅಕಂಸು, ನ ಸಕ್ಕರಿಂಸು, ನ ಗರು ಕರಿಂಸು [ನ ಗರುಕರಿಂಸು (ಕ.)], ನ ಮಾನೇಸುಂ, ನ ಪೂಜೇಸುಂ. ಸೋ ಭಿಕ್ಖೂಹಿ ಅಸಕ್ಕರಿಯಮಾನೋ ಅಗರುಕರಿಯಮಾನೋ ಅಮಾನಿಯಮಾನೋ ಅಪೂಜಿಯಮಾನೋ ಅಸಕ್ಕಾರಪಕತೋ ತಮ್ಹಾಪಿ ಆವಾಸಾ ಅಞ್ಞಂ ಆವಾಸಂ ಅಗಮಾಸಿ. ತತ್ಥಪಿ ಭಿಕ್ಖೂ ನೇವ ಅಭಿವಾದೇಸುಂ, ನ ಪಚ್ಚುಟ್ಠೇಸುಂ, ನ ಅಞ್ಜಲಿಕಮ್ಮಂ ನ ಸಾಮೀಚಿಕಮ್ಮಂ ಅಕಂಸು, ನ ¶ ಸಕ್ಕರಿಂಸು, ನ ಗರುಂ ಕರಿಂಸು, ನ ಮಾನೇಸುಂ, ನ ಪೂಜೇಸುಂ. ಸೋ ಭಿಕ್ಖೂಹಿ ಅಸಕ್ಕರಿಯಮಾನೋ ಅಗರುಕರಿಯಮಾನೋ ಅಮಾನಿಯಮಾನೋ ಅಪೂಜಿಯಮಾನೋ ಅಸಕ್ಕಾರಪಕತೋ ತಮ್ಹಾಪಿ ಆವಾಸಾ ಅಞ್ಞಂ ಆವಾಸಂ ಅಗಮಾಸಿ. ತತ್ಥಪಿ ಭಿಕ್ಖೂ ನೇವ ಅಭಿವಾದೇಸುಂ, ನ ಪಚ್ಚುಟ್ಠೇಸುಂ, ನ ಅಞ್ಜಲಿಕಮ್ಮಂ ನ ಸಾಮೀಚಿಕಮ್ಮಂ ಅಕಂಸು, ನ ಸಕ್ಕರಿಂಸು, ನ ಗರುಂ ಕರಿಂಸು, ನ ಮಾನೇಸುಂ, ನ ಪೂಜೇಸುಂ. ಸೋ ಭಿಕ್ಖೂಹಿ ಅಸಕ್ಕರಿಯಮಾನೋ ಅಗರುಕರಿಯಮಾನೋ ಅಮಾನಿಯಮಾನೋ ಅಪೂಜಿಯಮಾನೋ ಅಸಕ್ಕಾರಪಕತೋ ಪುನದೇವ ಕೋಸಮ್ಬಿಂ ಪಚ್ಚಾಗಞ್ಛಿ. ಸೋ ಸಮ್ಮಾ ವತ್ತತಿ, ಲೋಮಂ ಪಾತೇತಿ, ನೇತ್ಥಾರಂ ವತ್ತತಿ, ಭಿಕ್ಖೂ ಉಪಸಙ್ಕಮಿತ್ವಾ ಏವಂ ವದೇತಿ – ‘‘ಅಹಂ, ಆವುಸೋ, ಸಙ್ಘೇನ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಕತೋ ಸಮ್ಮಾ ವತ್ತಾಮಿ, ಲೋಮಂ ಪಾತೇಮಿ, ನೇತ್ಥಾರಂ ವತ್ತಾಮಿ. ಕಥಂ ನು ಖೋ ಮಯಾ ಪಟಿಪಜ್ಜಿತಬ್ಬ’’ನ್ತಿ? ಭಿಕ್ಖೂ ಭಗವತೋ ಏತಮತ್ಥಂ ಆರೋಚೇಸುಂ…ಪೇ…. ‘‘ತೇನ ಹಿ, ಭಿಕ್ಖವೇ, ಸಙ್ಘೋ ಛನ್ನಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತು.

ನಪ್ಪಟಿಪ್ಪಸ್ಸಮ್ಭೇತಬ್ಬ-ತೇಚತ್ತಾಲೀಸಕಂ

೫೩. ‘‘ಪಞ್ಚಹಿ ¶ , ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ. ಉಪಸಮ್ಪಾದೇತಿ, ನಿಸ್ಸಯಂ ¶ ದೇತಿ, ಸಾಮಣೇರಂ ಉಪಟ್ಠಾಪೇತಿ, ಭಿಕ್ಖುನೋವಾದಕಸಮ್ಮುತಿಂ ಸಾದಿಯತಿ, ಸಮ್ಮತೋಪಿ ಭಿಕ್ಖುನಿಯೋ ಓವದತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ.

[ಪರಿ. ೪೨೦] ‘‘ಅಪರೇಹಿಪಿ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ. ಯಾಯ ಆಪತ್ತಿಯಾ ಸಙ್ಘೇನ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಕತಂ ಹೋತಿ ತಂ ಆಪತ್ತಿಂ ಆಪಜ್ಜತಿ, ಅಞ್ಞಂ ವಾ ತಾದಿಸಿಕಂ, ತತೋ ವಾ ಪಾಪಿಟ್ಠತರಂ; ಕಮ್ಮಂ ಗರಹತಿ, ಕಮ್ಮಿಕೇ ಗರಹತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ.

‘‘ಅಪರೇಹಿಪಿ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ. ಪಕತತ್ತಸ್ಸ ಭಿಕ್ಖುನೋ ಅಭಿವಾದನಂ, ಪಚ್ಚುಟ್ಠಾನಂ, ಅಞ್ಜಲಿಕಮ್ಮಂ, ಸಾಮೀಚಿಕಮ್ಮಂ, ಆಸನಾಭಿಹಾರಂ ಸಾದಿಯತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ.

‘‘ಅಪರೇಹಿಪಿ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ. ಪಕತತ್ತಸ್ಸ ¶ ಭಿಕ್ಖುನೋ ಸೇಯ್ಯಾಭಿಹಾರಂ, ಪಾದೋದಕಂ ಪಾದಪೀಠಂ, ಪಾದಕಥಲಿಕಂ, ಪತ್ತಚೀವರಪ್ಪಟಿಗ್ಗಹಣಂ ¶ , ನಹಾನೇ ಪಿಟ್ಠಿಪರಿಕಮ್ಮಂ ಸಾದಿಯತಿ – ಇಮೇಹಿ ಖೋ, ಭಿಕ್ಖವೇ ¶ , ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ.

‘‘ಅಪರೇಹಿಪಿ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ. ಪಕತತ್ತಂ ಭಿಕ್ಖುಂ ಸೀಲವಿಪತ್ತಿಯಾ ಅನುದ್ಧಂಸೇತಿ, ಆಚಾರವಿಪತ್ತಿಯಾ ಅನುದ್ಧಂಸೇತಿ, ದಿಟ್ಠಿವಿಪತ್ತಿಯಾ ಅನುದ್ಧಂಸೇತಿ, ಆಜೀವವಿಪತ್ತಿಯಾ ಅನುದ್ಧಂಸೇತಿ, ಭಿಕ್ಖುಂ [ಭಿಕ್ಖೂ (ಸೀ. ಸ್ಯಾ.)] ಭಿಕ್ಖೂಹಿ ಭೇದೇತಿ – ಇಮೇಹಿ ¶ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ.

‘‘ಅಪರೇಹಿಪಿ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ. ಗಿಹಿದ್ಧಜಂ ಧಾರೇತಿ, ತಿತ್ಥಿಯದ್ಧಜಂ ಧಾರೇತಿ, ತಿತ್ಥಿಯೇ ಸೇವತಿ; ಭಿಕ್ಖೂ ನ ಸೇವತಿ, ಭಿಕ್ಖುಸಿಕ್ಖಾಯ ನ ಸಿಕ್ಖತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ.

‘‘ಅಪರೇಹಿಪಿ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ. ಪಕತತ್ತೇನ ಭಿಕ್ಖುನಾ ಸದ್ಧಿಂ ಏಕಚ್ಛನ್ನೇ ಆವಾಸೇ ವಸತಿ, ಏಕಚ್ಛನ್ನೇ ಅನಾವಾಸೇ ವಸತಿ, ಏಕಚ್ಛನ್ನೇ ಆವಾಸೇ ವಾ ಅನಾವಾಸೇ ವಾ ವಸತಿ; ಪಕತತ್ತಂ ಭಿಕ್ಖುಂ ದಿಸ್ವಾ ಆಸನಾ ನ ವುಟ್ಠಾತಿ; ಪಕತತ್ತಂ ಭಿಕ್ಖುಂ ಆಸಾದೇತಿ ¶ ಅನ್ತೋ ವಾ ಬಹಿ ವಾ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ.

‘‘ಅಟ್ಠಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ. ಪಕತತ್ತಸ್ಸ ಭಿಕ್ಖುನೋ ಉಪೋಸಥಂ ಠಪೇತಿ, ಪವಾರಣಂ ಠಪೇತಿ, ಸವಚನೀಯಂ ಕರೋತಿ, ಅನುವಾದಂ ಪಟ್ಠಪೇತಿ, ಓಕಾಸಂ ಕಾರೇತಿ, ಚೋದೇತಿ, ಸಾರೇತಿ, ಭಿಕ್ಖೂಹಿ ಸಮ್ಪಯೋಜೇತಿ – ಇಮೇಹಿ ಖೋ, ಭಿಕ್ಖವೇ, ಅಟ್ಠಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ.

ಆಪತ್ತಿಯಾ ಅದಸ್ಸನೇ ಉಕ್ಖೇಪನೀಯಕಮ್ಮೇ

ನಪ್ಪಟಿಪ್ಪಸ್ಸಮ್ಭೇತಬ್ಬ-ತೇಚತ್ತಾಲೀಸಕಂ ನಿಟ್ಠಿತಂ.

ಪಟಿಪ್ಪಸ್ಸಮ್ಭೇತಬ್ಬ-ತೇಚತ್ತಾಲೀಸಕಂ

೫೪. ‘‘ಪಞ್ಚಹಿ ¶ , ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ. ನ ಉಪಸಮ್ಪಾದೇತಿ, ನ ನಿಸ್ಸಯಂ ದೇತಿ, ನ ಸಾಮಣೇರಂ ಉಪಟ್ಠಾಪೇತಿ, ನ ಭಿಕ್ಖುನೋವಾದಕಸಮ್ಮುತಿಂ ಸಾದಿಯತಿ, ಸಮ್ಮತೋಪಿ ಭಿಕ್ಖುನಿಯೋ ನ ಓವದತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ¶ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ.

‘‘ಅಪರೇಹಿಪಿ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ. ಯಾಯ ಆಪತ್ತಿಯಾ ಸಙ್ಘೇನ ಆಪತ್ತಿಯಾ ಅದಸ್ಸನೇ ಉಕ್ಖೇಪನೀಯಕಮ್ಮಂ ಕತಂ ಹೋತಿ ತಂ ¶ ಆಪತ್ತಿಂ ನ ಆಪಜ್ಜತಿ, ಅಞ್ಞಂ ವಾ ತಾದಿಸಿಕಂ, ತತೋ ವಾ ಪಾಪಿಟ್ಠತರಂ; ಕಮ್ಮಂ ನ ಗರಹತಿ, ಕಮ್ಮಿಕೇ ನ ಗರಹತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ.

‘‘ಅಪರೇಹಿಪಿ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ. ನ ಪಕತತ್ತಸ್ಸ ಭಿಕ್ಖುನೋ ಅಭಿವಾದನಂ, ಪಚ್ಚುಟ್ಠಾನಂ, ಅಞ್ಜಲಿಕಮ್ಮಂ, ಸಾಮೀಚಿಕಮ್ಮಂ, ಆಸನಾಭಿಹಾರಂ ಸಾದಿಯತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ.

‘‘ಅಪರೇಹಿಪಿ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ. ನ ಪಕತತ್ತಸ್ಸ ಭಿಕ್ಖುನೋ ಸೇಯ್ಯಾಭಿಹಾರಂ, ಪಾದೋದಕಂ ಪಾದಪೀಠಂ, ಪಾದಕಥಲಿಕಂ, ಪತ್ತಚೀವರಪ್ಪಟಿಗ್ಗಹಣಂ, ನಹಾನೇ ಪಿಟ್ಠಿಪರಿಕಮ್ಮಂ ಸಾದಿಯತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ.

‘‘ಅಪರೇಹಿಪಿ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ. ನ ಪಕತತ್ತಂ ಭಿಕ್ಖುಂ ಸೀಲವಿಪತ್ತಿಯಾ ಅನುದ್ಧಂಸೇತಿ, ನ ಆಚಾರವಿಪತ್ತಿಯಾ ಅನುದ್ಧಂಸೇತಿ, ನ ದಿಟ್ಠಿವಿಪತ್ತಿಯಾ ಅನುದ್ಧಂಸೇತಿ, ನ ಆಜೀವವಿಪತ್ತಿಯಾ ಅನುದ್ಧಂಸೇತಿ, ನ ಭಿಕ್ಖುಂ ¶ ಭಿಕ್ಖೂಹಿ ಭೇದೇತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ.

‘‘ಅಪರೇಹಿಪಿ ¶ , ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ. ನ ಗಿಹಿದ್ಧಜಂ ಧಾರೇತಿ, ನ ತಿತ್ಥಿಯದ್ಧಜಂ ಧಾರೇತಿ, ನ ತಿತ್ಥಿಯೇ ಸೇವತಿ, ಭಿಕ್ಖೂ ಸೇವತಿ, ಭಿಕ್ಖುಸಿಕ್ಖಾಯ ¶ ಸಿಕ್ಖತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ.

‘‘ಅಪರೇಹಿಪಿ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ. ನ ಪಕತತ್ತೇನ ಭಿಕ್ಖುನಾ ಸದ್ಧಿಂ ಏಕಚ್ಛನ್ನೇ ಆವಾಸೇ ವಸತಿ, ನ ಏಕಚ್ಛನ್ನೇ ಅನಾವಾಸೇ ವಸತಿ, ನ ಏಕಚ್ಛನ್ನೇ ಆವಾಸೇ ವಾ ಅನಾವಾಸೇ ವಾ ವಸತಿ, ಪಕತತ್ತಂ ಭಿಕ್ಖುಂ ದಿಸ್ವಾ ಆಸನಾ ವುಟ್ಠಾತಿ, ನ ಪಕತತ್ತಂ ಭಿಕ್ಖುಂ ಆಸಾದೇತಿ ಅನ್ತೋ ವಾ ಬಹಿ ವಾ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ.

‘‘ಅಟ್ಠಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ. ನ ಪಕತತ್ತಸ್ಸ ಭಿಕ್ಖುನೋ ಉಪೋಸಥಂ ಠಪೇತಿ, ನ ಪವಾರಣಂ ಠಪೇತಿ, ನ ಸವಚನೀಯಂ ಕರೋತಿ, ನ ಅನುವಾದಂ ¶ ಪಟ್ಠಪೇತಿ, ನ ಓಕಾಸಂ ಕಾರೇತಿ, ನ ಚೋದೇತಿ, ನ ಸಾರೇತಿ, ನ ಭಿಕ್ಖೂಹಿ ಸಮ್ಪಯೋಜೇತಿ – ಇಮೇಹಿ ಖೋ, ಭಿಕ್ಖವೇ, ಅಟ್ಠಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ.

ಆಪತ್ತಿಯಾ ಅದಸ್ಸನೇ ಉಕ್ಖೇಪನೀಯಕಮ್ಮೇ

ಪಟಿಪ್ಪಸ್ಸಮ್ಭೇತಬ್ಬತೇಚತ್ತಾಲೀಸಕಂ ನಿಟ್ಠಿತಂ.

೫೫. ‘‘ಏವಞ್ಚ ಪನ, ಭಿಕ್ಖವೇ, ಪಟಿಪ್ಪಸ್ಸಮ್ಭೇತಬ್ಬಂ. ತೇನ, ಭಿಕ್ಖವೇ, ಛನ್ನೇನ ಭಿಕ್ಖುನಾ ಸಙ್ಘಂ ಉಪಸಙ್ಕಮಿತ್ವಾ ಏಕಂಸಂ ಉತ್ತರಾಸಙ್ಗಂ ಕರಿತ್ವಾ ವುಡ್ಢಾನಂ ಭಿಕ್ಖೂನಂ ಪಾದೇ ವನ್ದಿತ್ವಾ ಉಕ್ಕುಟಿಕಂ ನಿಸೀದಿತ್ವಾ ಅಞ್ಜಲಿಂ ಪಗ್ಗಹೇತ್ವಾ ಏವಮಸ್ಸ ವಚನೀಯೋ – ‘ಅಹಂ, ಭನ್ತೇ, ಸಙ್ಘೇನ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಕತೋ ಸಮ್ಮಾ ವತ್ತಾಮಿ, ಲೋಮಂ ಪಾತೇಮಿ, ನೇತ್ಥಾರಂ ವತ್ತಾಮಿ, ಆಪತ್ತಿಯಾ ಅದಸ್ಸನೇ ಉಕ್ಖೇಪನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ಯಾಚಾಮೀ’ತಿ. ದುತಿಯಮ್ಪಿ ಯಾಚಿತಬ್ಬಾ. ತತಿಯಮ್ಪಿ ಯಾಚಿತಬ್ಬಾ. ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಛನ್ನೋ ಭಿಕ್ಖು ಸಙ್ಘೇನ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಕತೋ ಸಮ್ಮಾ ವತ್ತತಿ, ಲೋಮಂ ಪಾತೇತಿ, ನೇತ್ಥಾರಂ ವತ್ತತಿ, ಆಪತ್ತಿಯಾ ಅದಸ್ಸನೇ ಉಕ್ಖೇಪನೀಯಸ್ಸ ¶ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ಯಾಚತಿ ¶ . ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಛನ್ನಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇಯ್ಯ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಛನ್ನೋ ಭಿಕ್ಖು ಸಙ್ಘೇನ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಕತೋ ಸಮ್ಮಾ ¶ ವತ್ತತಿ, ಲೋಮಂ ಪಾತೇತಿ, ನೇತ್ಥಾರಂ ವತ್ತತಿ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ಯಾಚತಿ. ಸಙ್ಘೋ ಛನ್ನಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಿ. ಯಸ್ಸಾಯಸ್ಮತೋ ಖಮತಿ ಛನ್ನಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ಏತಮತ್ಥಂ ವದಾಮಿ – ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಛನ್ನೋ ಭಿಕ್ಖು ಸಙ್ಘೇನ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಕತೋ ಸಮ್ಮಾ ವತ್ತತಿ, ಲೋಮಂ ಪಾತೇತಿ, ನೇತ್ಥಾರಂ ವತ್ತತಿ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ಯಾಚತಿ. ಸಙ್ಘೋ ಛನ್ನಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಿ. ಯಸ್ಸಾಯಸ್ಮತೋ ಖಮತಿ ಛನ್ನಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ಪಟಿಪ್ಪಸ್ಸದ್ಧಂ ಸಙ್ಘೇನ ಛನ್ನಸ್ಸ ಭಿಕ್ಖುನೋ, ಆಪತ್ತಿಯಾ ಅದಸ್ಸನೇ, ಉಕ್ಖೇಪನೀಯಕಮ್ಮಂ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ಆಪತ್ತಿಯಾ ಅದಸ್ಸನೇ ಉಕ್ಖೇಪನೀಯಕಮ್ಮಂ ನಿಟ್ಠಿತಂ ಪಞ್ಚಮಂ.

೬. ಆಪತ್ತಿಯಾ ಅಪ್ಪಟಿಕಮ್ಮೇ ಉಕ್ಖೇಪನೀಯಕಮ್ಮಂ

೫೬. ತೇನ ¶ ಸಮಯೇನ ಬುದ್ಧೋ ಭಗವಾ ಕೋಸಮ್ಬಿಯಂ ವಿಹರತಿ ಘೋಸಿತಾರಾಮೇ. ತೇನ ಖೋ ಪನ ಸಮಯೇನ ಆಯಸ್ಮಾ ಛನ್ನೋ ಆಪತ್ತಿಂ ಆಪಜ್ಜಿತ್ವಾ ನ ಇಚ್ಛತಿ ಆಪತ್ತಿಂ ಪಟಿಕಾತುಂ. ಯೇ ತೇ ಭಿಕ್ಖೂ ಅಪ್ಪಿಚ್ಛಾ…ಪೇ… ¶ ತೇ ಉಜ್ಝಾಯನ್ತಿ ಖಿಯ್ಯನ್ತಿ ವಿಪಾಚೇನ್ತಿ – ‘‘ಕಥಞ್ಹಿ ನಾಮ ಆಯಸ್ಮಾ ಛನ್ನೋ ಆಪತ್ತಿಂ ಆಪಜ್ಜಿತ್ವಾ ನ ಇಚ್ಛಿಸ್ಸತಿ ಆಪತ್ತಿಂ ಪಟಿಕಾತು’’ನ್ತಿ? ಅಥ ಖೋ ತೇ ಭಿಕ್ಖೂ ಭಗವತೋ ಏತಮತ್ಥಂ ಆರೋಚೇಸುಂ.

ಅಥ ¶ ¶ ಖೋ ಭಗವಾ ಏತಸ್ಮಿಂ ನಿದಾನೇ ಏತಸ್ಮಿಂ ಪಕರಣೇ ಭಿಕ್ಖುಸಙ್ಘಂ ಸನ್ನಿಪಾತಾಪೇತ್ವಾ ಭಿಕ್ಖೂ ಪಟಿಪುಚ್ಛಿ – ‘‘ಸಚ್ಚಂ ಕಿರ, ಭಿಕ್ಖವೇ, ಛನ್ನೋ ಭಿಕ್ಖು ಆಪತ್ತಿಂ ಆಪಜ್ಜಿತ್ವಾ ನ ಇಚ್ಛತಿ ಆಪತ್ತಿಂ ಪಟಿಕಾತು’’ನ್ತಿ? ‘‘ಸಚ್ಚಂ ಭಗವಾ’’ತಿ. ವಿಗರಹಿ ಬುದ್ಧೋ ಭಗವಾ – ‘‘ಅನನುಚ್ಛವಿಕಂ…ಪೇ… ಕಥಞ್ಹಿ ನಾಮ ಸೋ, ಭಿಕ್ಖವೇ, ಮೋಘಪುರಿಸೋ ಆಪತ್ತಿಂ ಆಪಜ್ಜಿತ್ವಾ ನ ಇಚ್ಛಿಸ್ಸತಿ ಆಪತ್ತಿಂ ಪಟಿಕಾತುಂ. ನೇತಂ, ಭಿಕ್ಖವೇ, ಅಪ್ಪಸನ್ನಾನಂ ವಾ ಪಸಾದಾಯ…ಪೇ… ವಿಗರಹಿತ್ವಾ…ಪೇ… ಧಮ್ಮಿಂ ಕಥಂ ಕತ್ವಾ ಭಿಕ್ಖೂ ಆಮನ್ತೇಸಿ – ತೇನ ಹಿ, ಭಿಕ್ಖವೇ, ಸಙ್ಘೋ ಛನ್ನಸ್ಸ ಭಿಕ್ಖುನೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಕರೋತು – ಅಸಮ್ಭೋಗಂ ಸಙ್ಘೇನ. ಏವಞ್ಚ ಪನ, ಭಿಕ್ಖವೇ, ಕಾತಬ್ಬಂ – ಪಠಮಂ ಛನ್ನೋ ಭಿಕ್ಖು ಚೋದೇತಬ್ಬೋ, ಚೋದೇತ್ವಾ ಸಾರೇತಬ್ಬೋ, ಸಾರೇತ್ವಾ ಆಪತ್ತಿಂ ಆರೋಪೇತಬ್ಬೋ, ಆಪತ್ತಿಂ ಆರೋಪೇತ್ವಾ ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಛನ್ನೋ ಭಿಕ್ಖು ಆಪತ್ತಿಂ ಆಪಜ್ಜಿತ್ವಾ ನ ಇಚ್ಛತಿ ಆಪತ್ತಿಂ ¶ ಪಟಿಕಾತುಂ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಛನ್ನಸ್ಸ ಭಿಕ್ಖುನೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಕರೇಯ್ಯ – ಅಸಮ್ಭೋಗಂ ಸಙ್ಘೇನ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಛನ್ನೋ ಭಿಕ್ಖು ಆಪತ್ತಿಂ ಆಪಜ್ಜಿತ್ವಾ ನ ಇಚ್ಛತಿ ಆಪತ್ತಿಂ ಪಟಿಕಾತುಂ. ಸಙ್ಘೋ ಛನ್ನಸ್ಸ ಭಿಕ್ಖುನೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಕರೋತಿ – ಅಸಮ್ಭೋಗಂ ಸಙ್ಘೇನ. ಯಸ್ಸಾಯಸ್ಮತೋ ಖಮತಿ ಛನ್ನಸ್ಸ ಭಿಕ್ಖುನೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಸ್ಸ ಕಮ್ಮಸ್ಸ ಕರಣಂ – ಅಸಮ್ಭೋಗಂ ಸಙ್ಘೇನ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ಏತಮತ್ಥಂ ವದಾಮಿ – ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಛನ್ನೋ ಭಿಕ್ಖು ಆಪತ್ತಿಂ ಆಪಜ್ಜಿತ್ವಾ ನ ಇಚ್ಛತಿ ಆಪತ್ತಿಂ ಪಟಿಕಾತುಂ. ಸಙ್ಘೋ ಛನ್ನಸ್ಸ ಭಿಕ್ಖುನೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಕರೋತಿ – ಅಸಮ್ಭೋಗಂ ಸಙ್ಘೇನ. ಯಸ್ಸಾಯಸ್ಮತೋ ಖಮತಿ ಛನ್ನಸ್ಸ ಭಿಕ್ಖುನೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಸ್ಸ ಕಮ್ಮಸ್ಸ ಕರಣಂ – ಅಸಮ್ಭೋಗಂ ಸಙ್ಘೇನ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ಕತಂ ಸಙ್ಘೇನ ಛನ್ನಸ್ಸ ಭಿಕ್ಖುನೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ – ಅಸಮ್ಭೋಗಂ ಸಙ್ಘೇನ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀತಿ.

‘‘ಆವಾಸಪರಮ್ಪರಞ್ಚ ¶ ¶ , ಭಿಕ್ಖವೇ, ಸಂಸಥ – ‘ಛನ್ನೋ ಭಿಕ್ಖು, ಸಙ್ಘೇನ ಆಪತ್ತಿಯಾ [ಛನ್ನೋ ಭಿಕ್ಖು ಆಪತ್ತಿಯಾ (ಸೀ. ಕ.)] ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಕತೋ – ಅಸಮ್ಭೋಗಂ ಸಙ್ಘೇನಾ’ತಿ.

ಅಧಮ್ಮಕಮ್ಮದ್ವಾದಸಕಂ

೫೭. ‘‘ತೀಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಂ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ. ಅಸಮ್ಮುಖಾ ಕತಂ ಹೋತಿ, ಅಪ್ಪಟಿಪುಚ್ಛಾ ಕತಂ ಹೋತಿ, ಅಪ್ಪಟಿಞ್ಞಾಯ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ, ಆಪತ್ತಿಯಾ ¶ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ. ಅನಾಪತ್ತಿಯಾ ಕತಂ ಹೋತಿ, ಅದೇಸನಾಗಾಮಿನಿಯಾ ಆಪತ್ತಿಯಾ ಕತಂ ಹೋತಿ, ದೇಸಿತಾಯ ಆಪತ್ತಿಯಾ ಕತಂ ಹೋತಿ…ಪೇ… ಅಚೋದೇತ್ವಾ ಕತಂ ಹೋತಿ, ಅಸಾರೇತ್ವಾ ಕತಂ ಹೋತಿ, ಆಪತ್ತಿಂ ಅನಾರೋಪೇತ್ವಾ ಕತಂ ಹೋತಿ…ಪೇ… ಅಸಮ್ಮುಖಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಅಪ್ಪಟಿಪುಚ್ಛಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಅಪ್ಪಟಿಞ್ಞಾಯ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಅನಾಪತ್ತಿಯಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಅದೇಸನಾಗಾಮಿನಿಯಾ ಆಪತ್ತಿಯಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ¶ ದೇಸಿತಾಯ ಆಪತ್ತಿಯಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಅಚೋದೇತ್ವಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಅಸಾರೇತ್ವಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಆಪತ್ತಿಂ ಅನಾರೋಪೇತ್ವಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ.

ಆಪತ್ತಿಯಾ ಅಪ್ಪಟಿಕಮ್ಮೇ ಉಕ್ಖೇಪನೀಯಕಮ್ಮೇ

ಅಧಮ್ಮಕಮ್ಮದ್ವಾದಸಕಂ ನಿಟ್ಠಿತಂ.

ಧಮ್ಮಕಮ್ಮದ್ವಾದಸಕಂ

೫೮. ‘‘ತೀಹಿ ¶ , ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಂ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ¶ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ. ಸಮ್ಮುಖಾ ಕತಂ ಹೋತಿ, ಪಟಿಪುಚ್ಛಾ ಕತಂ ಹೋತಿ, ಪಟಿಞ್ಞಾಯ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ. ಆಪತ್ತಿಯಾ ಕತಂ ಹೋತಿ, ದೇಸನಾಗಾಮಿನಿಯಾ ಆಪತ್ತಿಯಾ ಕತಂ ಹೋತಿ, ಅದೇಸಿತಾಯ ಆಪತ್ತಿಯಾ ಕತಂ ಹೋತಿ…ಪೇ… ¶ ಚೋದೇತ್ವಾ ಕತಂ ಹೋತಿ, ಸಾರೇತ್ವಾ ಕತಂ ಹೋತಿ, ಆಪತ್ತಿಂ ಆರೋಪೇತ್ವಾ ಕತಂ ಹೋತಿ…ಪೇ… ಸಮ್ಮುಖಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ಪಟಿಪುಚ್ಛಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ಪಟಿಞ್ಞಾಯ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ಆಪತ್ತಿಯಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ದೇಸನಾಗಾಮಿನಿಯಾ ಆಪತ್ತಿಯಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ¶ ಅದೇಸಿತಾಯ ಆಪತ್ತಿಯಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ಚೋದೇತ್ವಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ಸಾರೇತ್ವಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ಆಪತ್ತಿಂ ಆರೋಪೇತ್ವಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ.

ಆಪತ್ತಿಯಾ ಅಪ್ಪಟಿಕಮ್ಮೇ ಉಕ್ಖೇಪನೀಯಕಮ್ಮೇ

ಧಮ್ಮಕಮ್ಮದ್ವಾದಸಕಂ ನಿಟ್ಠಿತಂ.

ಆಕಙ್ಖಮಾನಛಕ್ಕಂ

೫೯. [ಪರಿ. ೩೨೩] ‘‘ತೀಹಿ ¶ , ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಕರೇಯ್ಯ. ಭಣ್ಡನಕಾರಕೋ ಹೋತಿ ಕಲಹಕಾರಕೋ ವಿವಾದಕಾರಕೋ ಭಸ್ಸಕಾರಕೋ ಸಙ್ಘೇ ಅಧಿಕರಣಕಾರಕೋ; ಬಾಲೋ ಹೋತಿ ಅಬ್ಯತ್ತೋ ಆಪತ್ತಿಬಹುಲೋ ಅನಪದಾನೋ; ಗಿಹಿಸಂಸಟ್ಠೋ ವಿಹರತಿ ಅನನುಲೋಮಿಕೇಹಿ ಗಿಹಿಸಂಸಗ್ಗೇಹಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಕರೇಯ್ಯ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಆಪತ್ತಿಯಾ ¶ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಕರೇಯ್ಯ ¶ . ಅಧಿಸೀಲೇ ಸೀಲವಿಪನ್ನೋ ಹೋತಿ, ಅಜ್ಝಾಚಾರೇ ಆಚಾರವಿಪನ್ನೋ ಹೋತಿ, ಅತಿದಿಟ್ಠಿಯಾ ದಿಟ್ಠಿವಿಪನ್ನೋ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಕರೇಯ್ಯ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಕರೇಯ್ಯ. ಬುದ್ಧಸ್ಸ ಅವಣ್ಣಂ ಭಾಸತಿ, ಧಮ್ಮಸ್ಸ ಅವಣ್ಣಂ ಭಾಸತಿ, ಸಙ್ಘಸ್ಸ ಅವಣ್ಣಂ ಭಾಸತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಕರೇಯ್ಯ.

‘‘ತಿಣ್ಣಂ, ಭಿಕ್ಖವೇ, ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಕರೇಯ್ಯ. ಏಕೋ ಭಣ್ಡನಕಾರಕೋ ಹೋತಿ ಕಲಹಕಾರಕೋ ವಿವಾದಕಾರಕೋ ಭಸ್ಸಕಾರಕೋ ಸಙ್ಘೇ ಅಧಿಕರಣಕಾರಕೋ; ಏಕೋ ಬಾಲೋ ಹೋತಿ ಅಬ್ಯತ್ತೋ ಆಪತ್ತಿಬಹುಲೋ ಅನಪದಾನೋ; ಏಕೋ ಗಿಹಿಸಂಸಟ್ಠೋ ವಿಹರತಿ ಅನನುಲೋಮಿಕೇಹಿ ಗಿಹಿಸಂಸಗ್ಗೇಹಿ – ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಕರೇಯ್ಯ.

‘‘ಅಪರೇಸಮ್ಪಿ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಕರೇಯ್ಯ. ಏಕೋ ಅಧಿಸೀಲೇ ಸೀಲವಿಪನ್ನೋ ¶ ಹೋತಿ, ಏಕೋ ಅಜ್ಝಾಚಾರೇ ಆಚಾರವಿಪನ್ನೋ ಹೋತಿ, ಏಕೋ ¶ ಅತಿದಿಟ್ಠಿಯಾ ದಿಟ್ಠಿವಿಪನ್ನೋ ಹೋತಿ – ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಕರೇಯ್ಯ.

‘‘ಅಪರೇಸಮ್ಪಿ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಕರೇಯ್ಯ. ಏಕೋ ಬುದ್ಧಸ್ಸ ಅವಣ್ಣಂ ಭಾಸತಿ, ಏಕೋ ಧಮ್ಮಸ್ಸ ಅವಣ್ಣಂ ಭಾಸತಿ, ಏಕೋ ಸಙ್ಘಸ್ಸ ಅವಣ್ಣಂ ಭಾಸತಿ – ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಕರೇಯ್ಯ.

ಆಪತ್ತಿಯಾ ಅಪ್ಪಟಿಕಮ್ಮೇ ಉಕ್ಖೇಪನೀಯಕಮ್ಮೇ

ಆಕಙ್ಖಮಾನಛಕ್ಕಂ ನಿಟ್ಠಿತಂ.

ತೇಚತ್ತಾಲೀಸವತ್ತಂ

೬೦. ‘‘ಆಪತ್ತಿಯಾ ¶ ಅಪ್ಪಟಿಕಮ್ಮೇ ಉಕ್ಖೇಪನೀಯಕಮ್ಮಕತೇನ, ಭಿಕ್ಖವೇ, ಭಿಕ್ಖುನಾ ಸಮ್ಮಾ ವತ್ತಿತಬ್ಬಂ. ತತ್ರಾಯಂ ಸಮ್ಮಾವತ್ತನಾ – ನ ಉಪಸಮ್ಪಾದೇತಬ್ಬಂ, ನ ನಿಸ್ಸಯೋ ದಾತಬ್ಬೋ, ನ ಸಾಮಣೇರೋ ಉಪಟ್ಠಾಪೇತಬ್ಬೋ, ನ ಭಿಕ್ಖುನೋವಾದಕಸಮ್ಮುತಿ ಸಾದಿತಬ್ಬಾ, ಸಮ್ಮತೇನಪಿ ಭಿಕ್ಖುನಿಯೋ ನ ಓವದಿತಬ್ಬಾ. ಯಾಯ ಆಪತ್ತಿಯಾ ಸಙ್ಘೇನ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಕತಂ ಹೋತಿ ಸಾ ಆಪತ್ತಿ ನ ಆಪಜ್ಜಿತಬ್ಬಾ, ಅಞ್ಞಾ ವಾ ತಾದಿಸಿಕಾ, ತತೋ ವಾ ಪಾಪಿಟ್ಠತರಾ; ಕಮ್ಮಂ ನ ಗರಹಿತಬ್ಬಂ, ಕಮ್ಮಿಕಾ ನ ಗರಹಿತಬ್ಬಾ. ನ ಪಕತತ್ತಸ್ಸ ಭಿಕ್ಖುನೋ ಅಭಿವಾದನಂ, ಪಚ್ಚುಟ್ಠಾನಂ, ಅಞ್ಜಲಿಕಮ್ಮಂ, ಸಾಮೀಚಿಕಮ್ಮಂ, ಆಸನಾಭಿಹಾರೋ, ಸೇಯ್ಯಾಭಿಹಾರೋ, ಪಾದೋದಕಂ ಪಾದಪೀಠಂ, ಪಾದಕಥಲಿಕಂ, ಪತ್ತಚೀವರಪ್ಪಟಿಗ್ಗಹಣಂ, ನಹಾನೇ ಪಿಟ್ಠಿಪರಿಕಮ್ಮಂ ಸಾದಿತಬ್ಬಂ. ನ ಪಕತತ್ತೋ ಭಿಕ್ಖು ಸೀಲವಿಪತ್ತಿಯಾ ಅನುದ್ಧಂಸೇತಬ್ಬೋ ¶ , ನ ಆಚಾರವಿಪತ್ತಿಯಾ ಅನುದ್ಧಂಸೇತಬ್ಬೋ, ನ ದಿಟ್ಠಿವಿಪತ್ತಿಯಾ ಅನುದ್ಧಂಸೇತಬ್ಬೋ, ನ ಆಜೀವವಿಪತ್ತಿಯಾ ಅನುದ್ಧಂಸೇತಬ್ಬೋ, ನ ಭಿಕ್ಖು ಭಿಕ್ಖೂಹಿ ಭೇದೇತಬ್ಬೋ. ನ ಗಿಹಿದ್ಧಜೋ ಧಾರೇತಬ್ಬೋ, ನ ತಿತ್ಥಿಯದ್ಧಜೋ ಧಾರೇತಬ್ಬೋ, ನ ತಿತ್ಥಿಯಾ ಸೇವಿತಬ್ಬಾ; ಭಿಕ್ಖೂ ಸೇವಿತಬ್ಬಾ, ಭಿಕ್ಖುಸಿಕ್ಖಾಯ ಸಿಕ್ಖಿತಬ್ಬಂ. ನ ಪಕತತ್ತೇನ ಭಿಕ್ಖುನಾ ಸದ್ಧಿಂ ಏಕಚ್ಛನ್ನೇ ಆವಾಸೇ ವತ್ಥಬ್ಬಂ, ನ ಏಕಚ್ಛನ್ನೇ ಅನಾವಾಸೇ ವತ್ಥಬ್ಬಂ, ನ ಏಕಚ್ಛನ್ನೇ ಆವಾಸೇ ವಾ ¶ ಅನಾವಾಸೇ ವಾ ವತ್ಥಬ್ಬಂ, ಪಕತತ್ತಂ ಭಿಕ್ಖುಂ ದಿಸ್ವಾ ಆಸನಾ ವುಟ್ಠಾತಬ್ಬಂ, ನ ಪಕತತ್ತೋ ಭಿಕ್ಖು ಆಸಾದೇತಬ್ಬೋ ಅನ್ತೋ ವಾ ಬಹಿ ವಾ. ನ ಪಕತತ್ತಸ್ಸ ಭಿಕ್ಖುನೋ ಉಪೋಸಥೋ ಠಪೇತಬ್ಬೋ, ನ ಪವಾರಣಾ ಠಪೇತಬ್ಬಾ, ನ ಸವಚನೀಯಂ ಕಾತಬ್ಬಂ, ನ ಅನುವಾದೋ ಪಟ್ಠಪೇತಬ್ಬೋ, ನ ಓಕಾಸೋ ಕಾರೇತಬ್ಬೋ, ನ ಚೋದೇತಬ್ಬೋ, ನ ಸಾರೇತಬ್ಬೋ, ನ ಭಿಕ್ಖೂಹಿ ಸಮ್ಪಯೋಜೇತಬ್ಬ’’ನ್ತಿ.

ಆಪತ್ತಿಯಾ ಅಪ್ಪಟಿಕಮ್ಮೇ ಉಕ್ಖೇಪನೀಯಕಮ್ಮೇ

ತೇಚತ್ತಾಲೀಸವತ್ತಂ ನಿಟ್ಠಿತಂ.

೬೧. ಅಥ ಖೋ ಸಙ್ಘೋ ಛನ್ನಸ್ಸ ಭಿಕ್ಖುನೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಅಕಾಸಿ – ಅಸಮ್ಭೋಗಂ ಸಙ್ಘೇನ. ಸೋ ಸಙ್ಘೇನ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಕತೋ ತಮ್ಹಾ ಆವಾಸಾ ಅಞ್ಞಂ ಆವಾಸಂ ಅಗಮಾಸಿ. ತತ್ಥ ಭಿಕ್ಖೂ ನೇವ ಅಭಿವಾದೇಸುಂ, ನ ಪಚ್ಚುಟ್ಠೇಸುಂ, ನ ಅಞ್ಜಲಿಕಮ್ಮಂ ನ ಸಾಮೀಚಿಕಮ್ಮಂ ಅಕಂಸು, ನ ಸಕ್ಕರಿಂಸು, ನ ಗರುಂ ಕರಿಂಸು, ನ ಮಾನೇಸುಂ, ನ ಪೂಜೇಸುಂ. ಸೋ ಭಿಕ್ಖೂಹಿ ಅಸಕ್ಕರಿಯಮಾನೋ ಅಗರುಕರಿಯಮಾನೋ ಅಮಾನಿಯಮಾನೋ ಅಪೂಜಿಯಮಾನೋ ಅಸಕ್ಕಾರಪಕತೋ ತಮ್ಹಾಪಿ ಆವಾಸಾ ಅಞ್ಞಂ ಆವಾಸಂ ¶ ಅಗಮಾಸಿ. ತತ್ಥಪಿ ಭಿಕ್ಖೂ ನೇವ ಅಭಿವಾದೇಸುಂ, ನ ಪಚ್ಚುಟ್ಠೇಸುಂ, ನ ಅಞ್ಜಲಿಕಮ್ಮಂ ನ ಸಾಮೀಚಿಕಮ್ಮಂ ಅಕಂಸು, ನ ಸಕ್ಕರಿಂಸು, ನ ಗರುಂ ಕರಿಂಸು, ನ ಮಾನೇಸುಂ, ನ ಪೂಜೇಸುಂ. ಸೋ ಭಿಕ್ಖೂಹಿ ಅಸಕ್ಕರಿಯಮಾನೋ ಅಗರುಕರಿಯಮಾನೋ ಅಮಾನಿಯಮಾನೋ ¶ ಅಪೂಜಿಯಮಾನೋ ಅಸಕ್ಕಾರಪಕತೋ ತಮ್ಹಾಪಿ ಆವಾಸಾ ಅಞ್ಞಂ ಆವಾಸಂ ಅಗಮಾಸಿ. ತತ್ಥಪಿ ಭಿಕ್ಖೂ ನೇವ ಅಭಿವಾದೇಸುಂ, ನ ಪಚ್ಚುಟ್ಠೇಸುಂ, ನ ಅಞ್ಜಲಿಕಮ್ಮಂ ನ ಸಾಮೀಚಿಕಮ್ಮಂ ಅಕಂಸು, ನ ಸಕ್ಕರಿಂಸು, ನ ಗರುಂ ಕರಿಂಸು, ನ ಮಾನೇಸುಂ, ನ ಪೂಜೇಸುಂ. ಸೋ ಭಿಕ್ಖೂಹಿ ಅಸಕ್ಕರಿಯಮಾನೋ ಅಗರುಕರಿಯಮಾನೋ ಅಮಾನಿಯಮಾನೋ ಅಪೂಜಿಯಮಾನೋ ಅಸಕ್ಕಾರಪಕತೋ ಪುನದೇವ ಕೋಸಮ್ಬಿಂ ಪಚ್ಚಾಗಞ್ಛಿ. ಸೋ ಸಮ್ಮಾ ವತ್ತತಿ, ಲೋಮಂ ಪಾತೇತಿ, ನೇತ್ಥಾರಂ ವತ್ತತಿ, ಭಿಕ್ಖೂ ಉಪಸಙ್ಕಮಿತ್ವಾ ಏವಂ ವದೇತಿ – ‘‘ಅಹಂ, ಆವುಸೋ, ಸಙ್ಘೇನ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಕತೋ ಸಮ್ಮಾ ವತ್ತಾಮಿ, ಲೋಮಂ ಪಾತೇಮಿ, ನೇತ್ಥಾರಂ ವತ್ತಾಮಿ. ಕಥಂ ನು ಖೋ ಮಯಾ ಪಟಿಪಜ್ಜಿತಬ್ಬ’’ನ್ತಿ? ಭಿಕ್ಖೂ ಭಗವತೋ ಏತಮತ್ಥಂ ಆರೋಚೇಸುಂ…ಪೇ…. ‘‘ತೇನ ಹಿ, ಭಿಕ್ಖವೇ, ಸಙ್ಘೋ ಛನ್ನಸ್ಸ ಭಿಕ್ಖುನೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತು.

ನಪ್ಪಟಿಪ್ಪಸ್ಸಮ್ಭೇತಬ್ಬತೇಚತ್ತಾಲೀಸಕಂ

೬೨. ‘‘ಪಞ್ಚಹಿ ¶ , ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ. ಉಪಸಮ್ಪಾದೇತಿ, ನಿಸ್ಸಯಂ ದೇತಿ, ಸಾಮಣೇರಂ ಉಪಟ್ಠಾಪೇತಿ, ಭಿಕ್ಖುನೋವಾದಕಸಮ್ಮುತಿಂ ಸಾದಿಯತಿ, ಸಮ್ಮತೋಪಿ ಭಿಕ್ಖುನಿಯೋ ಓವದತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ.

[ಪರಿ. ೪೨೦] ‘‘ಅಪರೇಹಿಪಿ ¶ , ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ. ಯಾಯ ಆಪತ್ತಿಯಾ ಸಙ್ಘೇನ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಕತಂ ಹೋತಿ ತಂ ಆಪತ್ತಿಂ ಆಪಜ್ಜತಿ, ಅಞ್ಞಂ ವಾ ತಾದಿಸಿಕಂ, ತತೋ ವಾ ಪಾಪಿಟ್ಠತರಂ; ಕಮ್ಮಂ ಗರಹತಿ, ಕಮ್ಮಿಕೇ ಗರಹತಿ…ಪೇ… ಪಕತತ್ತಸ್ಸ ಭಿಕ್ಖುನೋ ಅಭಿವಾದನಂ, ಪಚ್ಚುಟ್ಠಾನಂ, ಅಞ್ಜಲಿಕಮ್ಮಂ, ಸಾಮೀಚಿಕಮ್ಮಂ, ಆಸನಾಭಿಹಾರಂ ಸಾದಿಯತಿ…ಪೇ… ಪಕತತ್ತಸ್ಸ ಭಿಕ್ಖುನೋ ಸೇಯ್ಯಾಭಿಹಾರಂ, ಪಾದೋದಕಂ ಪಾದಪೀಠಂ, ಪಾದಕಥಲಿಕಂ, ಪತ್ತಚೀವರಪ್ಪಟಿಗ್ಗಹಣಂ, ನಹಾನೇ ಪಿಟ್ಠಿಪರಿಕಮ್ಮಂ ಸಾದಿಯತಿ…ಪೇ… ಪಕತತ್ತಂ ಭಿಕ್ಖುಂ ಸೀಲವಿಪತ್ತಿಯಾ ಅನುದ್ಧಂಸೇತಿ, ಆಚಾರವಿಪತ್ತಿಯಾ ಅನುದ್ಧಂಸೇತಿ, ದಿಟ್ಠಿವಿಪತ್ತಿಯಾ ಅನುದ್ಧಂಸೇತಿ, ಆಜೀವವಿಪತ್ತಿಯಾ ಅನುದ್ಧಂಸೇತಿ, ಭಿಕ್ಖುಂ ಭಿಕ್ಖೂಹಿ ಭೇದೇತಿ…ಪೇ… ಗಿಹಿದ್ಧಜಂ ಧಾರೇತಿ, ತಿತ್ಥಿಯದ್ಧಜಂ ಧಾರೇತಿ, ತಿತ್ಥಿಯೇ ಸೇವತಿ, ಭಿಕ್ಖೂ ನ ಸೇವತಿ, ಭಿಕ್ಖುಸಿಕ್ಖಾಯ ನ ಸಿಕ್ಖತಿ…ಪೇ… ಪಕತತ್ತೇನ ಭಿಕ್ಖುನಾ ಸದ್ಧಿಂ ಏಕಚ್ಛನ್ನೇ ಆವಾಸೇ ವಸತಿ, ಏಕಚ್ಛನ್ನೇ ಅನಾವಾಸೇ ವಸತಿ, ಏಕಚ್ಛನ್ನೇ ಆವಾಸೇ ವಾ ಅನಾವಾಸೇ ವಾ ವಸತಿ, ಪಕತತ್ತಂ ಭಿಕ್ಖುಂ ದಿಸ್ವಾ ಆಸನಾ ನ ವುಟ್ಠಾತಿ, ಪಕತತ್ತಂ ಭಿಕ್ಖುಂ ಆಸಾದೇತಿ ಅನ್ತೋ ವಾ ¶ ಬಹಿ ವಾ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅಪ್ಪಟಿಕಮ್ಮೇ ¶ , ಉಕ್ಖೇಪನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ.

‘‘ಅಟ್ಠಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ. ಪಕತತ್ತಸ್ಸ ಭಿಕ್ಖುನೋ ಉಪೋಸಥಂ ಠಪೇತಿ, ಪವಾರಣಂ ಠಪೇತಿ, ಸವಚನೀಯಂ ಕರೋತಿ, ಅನುವಾದಂ ಪಟ್ಠಪೇತಿ, ಓಕಾಸಂ ಕಾರೇತಿ, ಚೋದೇತಿ, ಸಾರೇತಿ, ಭಿಕ್ಖೂಹಿ ಸಮ್ಪಯೋಜೇತಿ ¶ – ಇಮೇಹಿ ಖೋ, ಭಿಕ್ಖವೇ, ಅಟ್ಠಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ.

ಆಪತ್ತಿಯಾ ಅಪ್ಪಟಿಕಮ್ಮೇ ಉಕ್ಖೇಪನೀಯಕಮ್ಮೇ

ನಪ್ಪಟಿಪ್ಪಸ್ಸಮ್ಭೇತಬ್ಬತೇಚತ್ತಾಲೀಸಕಂ ನಿಟ್ಠಿತಂ.

ಪಟಿಪ್ಪಸ್ಸಮ್ಭೇತಬ್ಬತೇಚತ್ತಾಲೀಸಕಂ

೬೩. ‘‘ಪಞ್ಚಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ. ನ ಉಪಸಮ್ಪಾದೇತಿ, ನ ನಿಸ್ಸಯಂ ದೇತಿ, ನ ಸಾಮಣೇರಂ ಉಪಟ್ಠಾಪೇತಿ, ನ ಭಿಕ್ಖುನೋವಾದಕಸಮ್ಮುತಿಂ ಸಾದಿಯತಿ, ಸಮ್ಮತೋಪಿ ಭಿಕ್ಖುನಿಯೋ ನ ಓವದತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ.

‘‘ಅಪರೇಹಿಪಿ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ. ಯಾಯ ಆಪತ್ತಿಯಾ ಸಙ್ಘೇನ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಕತಂ ಹೋತಿ ತಂ ಆಪತ್ತಿಂ ನ ಆಪಜ್ಜತಿ, ಅಞ್ಞಂ ವಾ ತಾದಿಸಿಕಂ, ತತೋ ವಾ ಪಾಪಿಟ್ಠತರಂ ¶ ; ಕಮ್ಮಂ ನ ಗರಹತಿ, ಕಮ್ಮಿಕೇ ನ ಗರಹತಿ…ಪೇ… ನ ಪಕತತ್ತಸ್ಸ ಭಿಕ್ಖುನೋ ಅಭಿವಾದನಂ, ಪಚ್ಚುಟ್ಠಾನಂ, ಅಞ್ಜಲಿಕಮ್ಮಂ, ಸಾಮೀಚಿಕಮ್ಮಂ, ಆಸನಾಭಿಹಾರಂ ಸಾದಿಯತಿ…ಪೇ… ನ ಪಕತತ್ತಸ್ಸ ಭಿಕ್ಖುನೋ ಸೇಯ್ಯಾಭಿಹಾರಂ, ಪಾದೋದಕಂ ಪಾದಪೀಠಂ, ಪಾದಕಥಲಿಕಂ, ಪತ್ತಚೀವರಪ್ಪಟಿಗ್ಗಹಣಂ, ನಹಾನೇ ಪಿಟ್ಠಿಪರಿಕಮ್ಮಂ ಸಾದಿಯತಿ…ಪೇ… ನ ಪಕತತ್ತಂ ಭಿಕ್ಖುಂ ಸೀಲವಿಪತ್ತಿಯಾ ಅನುದ್ಧಂಸೇತಿ, ನ ಆಚಾರವಿಪತ್ತಿಯಾ ಅನುದ್ಧಂಸೇತಿ, ನ ದಿಟ್ಠಿವಿಪತ್ತಿಯಾ ಅನುದ್ಧಂಸೇತಿ, ನ ಆಜೀವವಿಪತ್ತಿಯಾ ಅನುದ್ಧಂಸೇತಿ, ನ ಭಿಕ್ಖುಂ ಭಿಕ್ಖೂಹಿ ಭೇದೇತಿ…ಪೇ… ನ ಗಿಹಿದ್ಧಜಂ ಧಾರೇತಿ, ನ ತಿತ್ಥಿಯದ್ಧಜಂ ಧಾರೇತಿ, ನ ತಿತ್ಥಿಯೇ ಸೇವತಿ, ಭಿಕ್ಖೂ ಸೇವತಿ, ಭಿಕ್ಖುಸಿಕ್ಖಾಯ ಸಿಕ್ಖತಿ…ಪೇ… ನ ಪಕತತ್ತೇನ ಭಿಕ್ಖುನಾ ಸದ್ಧಿಂ ಏಕಚ್ಛನ್ನೇ ಆವಾಸೇ ವಸತಿ, ನ ಏಕಚ್ಛನ್ನೇ ಅನಾವಾಸೇ ವಸತಿ, ನ ಏಕಚ್ಛನ್ನೇ ¶ ಆವಾಸೇ ವಾ ಅನಾವಾಸೇ ವಾ ವಸತಿ, ಪಕತತ್ತಂ ಭಿಕ್ಖುಂ ದಿಸ್ವಾ ಆಸನಾ ವುಟ್ಠಾತಿ, ನ ಪಕತತ್ತಂ ಭಿಕ್ಖುಂ ಆಸಾದೇತಿ ಅನ್ತೋ ವಾ ಬಹಿ ವಾ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ.

‘‘ಅಟ್ಠಹಿ ¶ , ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ¶ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ. ನ ಪಕತತ್ತಸ್ಸ ಭಿಕ್ಖುನೋ ಉಪೋಸಥಂ ಠಪೇತಿ, ನ ಪವಾರಣಂ ಠಪೇತಿ, ನ ಸವಚನೀಯಂ ಕರೋತಿ, ನ ಅನುವಾದಂ ಪಟ್ಠಪೇತಿ, ನ ಓಕಾಸಂ ಕಾರೇತಿ, ನ ಚೋದೇತಿ, ನ ಸಾರೇತಿ, ನ ಭಿಕ್ಖೂಹಿ ಸಮ್ಪಯೋಜೇತಿ – ಇಮೇಹಿ ಖೋ, ಭಿಕ್ಖವೇ, ಅಟ್ಠಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ.

ಆಪತ್ತಿಯಾ ಅಪ್ಪಟಿಕಮ್ಮೇ ಉಕ್ಖೇಪನೀಯಕಮ್ಮೇ

ಪಟಿಪ್ಪಸ್ಸಮ್ಭೇತಬ್ಬತೇಚತ್ತಾಲೀಸಕಂ ನಿಟ್ಠಿತಂ.

೬೪. ‘‘ಏವಞ್ಚ ಪನ, ಭಿಕ್ಖವೇ, ಪಟಿಪ್ಪಸ್ಸಮ್ಭೇತಬ್ಬಂ. ತೇನ ಭಿಕ್ಖವೇ, ಛನ್ನೇನ ಭಿಕ್ಖುನಾ ಸಙ್ಘಂ ಉಪಸಙ್ಕಮಿತ್ವಾ ಏಕಂಸಂ ಉತ್ತರಾಸಙ್ಗಂ ಕರಿತ್ವಾ ವುಡ್ಢಾನಂ ಭಿಕ್ಖೂನಂ ಪಾದೇ ವನ್ದಿತ್ವಾ ಉಕ್ಕುಟಿಕಂ ನಿಸೀದಿತ್ವಾ ಅಞ್ಜಲಿಂ ಪಗ್ಗಹೇತ್ವಾ ಏವಮಸ್ಸ ವಚನೀಯೋ – ‘ಅಹಂ, ಭನ್ತೇ, ಸಙ್ಘೇನ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಕತೋ ಸಮ್ಮಾ ವತ್ತಾಮಿ, ಲೋಮಂ ಪಾತೇಮಿ, ನೇತ್ಥಾರಂ ವತ್ತಾಮಿ, ಆಪತ್ತಿಯಾ ಅಪ್ಪಟಿಕಮ್ಮೇ ಉಕ್ಖೇಪನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ಯಾಚಾಮೀ’ತಿ. ದುತಿಯಮ್ಪಿ ಯಾಚಿತಬ್ಬಾ. ತತಿಯಮ್ಪಿ ಯಾಚಿತಬ್ಬಾ. ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಛನ್ನೋ ಭಿಕ್ಖು ಸಙ್ಘೇನ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಕತೋ ಸಮ್ಮಾ ವತ್ತತಿ, ಲೋಮಂ ಪಾತೇತಿ, ನೇತ್ಥಾರಂ ವತ್ತತಿ, ಆಪತ್ತಿಯಾ ಅಪ್ಪಟಿಕಮ್ಮೇ ಉಕ್ಖೇಪನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ಯಾಚತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಛನ್ನಸ್ಸ ಭಿಕ್ಖುನೋ ¶ , ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇಯ್ಯ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಛನ್ನೋ ಭಿಕ್ಖು ಸಙ್ಘೇನ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಕತೋ ಸಮ್ಮಾ ವತ್ತತಿ, ಲೋಮಂ ಪಾತೇತಿ, ನೇತ್ಥಾರಂ ವತ್ತತಿ, ಆಪತ್ತಿಯಾ ಅಪ್ಪಟಿಕಮ್ಮೇ ಉಕ್ಖೇಪನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ಯಾಚತಿ. ಸಙ್ಘೋ ಛನ್ನಸ್ಸ ಭಿಕ್ಖುನೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಿ. ಯಸ್ಸಾಯಸ್ಮತೋ ಖಮತಿ ಛನ್ನಸ್ಸ ಭಿಕ್ಖುನೋ, ಆಪತ್ತಿಯಾ ¶ ಅಪ್ಪಟಿಕಮ್ಮೇ, ಉಕ್ಖೇಪನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ¶ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ಏತಮತ್ಥಂ ವದಾಮಿ – ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಛನ್ನೋ ಭಿಕ್ಖು ಸಙ್ಘೇನ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಕತೋ ಸಮ್ಮಾ ವತ್ತತಿ, ಲೋಮಂ ಪಾತೇತಿ, ನೇತ್ಥಾರಂ ವತ್ತತಿ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ಯಾಚತಿ. ಸಙ್ಘೋ ಛನ್ನಸ್ಸ ಭಿಕ್ಖುನೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಿ. ಯಸ್ಸಾಯಸ್ಮತೋ ಖಮತಿ ಛನ್ನಸ್ಸ ಭಿಕ್ಖುನೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ಪಟಿಪ್ಪಸ್ಸದ್ಧಂ ಸಙ್ಘೇನ ಛನ್ನಸ್ಸ ಭಿಕ್ಖುನೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖೇಪನೀಯಕಮ್ಮಂ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ಆಪತ್ತಿಯಾ ಅಪ್ಪಟಿಕಮ್ಮೇ ಉಕ್ಖೇಪನೀಯಕಮ್ಮಂ ನಿಟ್ಠಿತಂ ಛಟ್ಠಂ.

೭. ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ ಉಕ್ಖೇಪನೀಯಕಮ್ಮಂ

೬೫. [ಇದಂ ವತ್ಥು ಪಾಚಿ. ೪೧೭; ಮ. ನಿ. ೨೩೪ ಆದಯೋ] ತೇನ ¶ ಸಮಯೇನ ಬುದ್ಧೋ ಭಗವಾ ಸಾವತ್ಥಿಯಂ ವಿಹರತಿ ಜೇತವನೇ ಅನಾಥಪಿಣ್ಡಿಕಸ್ಸ ಆರಾಮೇ. ತೇನ ಖೋ ಪನ ಸಮಯೇನ ಅರಿಟ್ಠಸ್ಸ ನಾಮ ಭಿಕ್ಖುನೋ ಗದ್ಧಬಾಧಿಪುಬ್ಬಸ್ಸ [ಗನ್ಧಬಾಧಿಪುಬ್ಬಸ್ಸ (ಕ.)] ಏವರೂಪಂ ಪಾಪಕಂ ದಿಟ್ಠಿಗತಂ ಉಪ್ಪನ್ನಂ ಹೋತಿ – ‘‘ತಥಾಹಂ ಭಗವತಾ ಧಮ್ಮಂ ದೇಸಿತಂ ಆಜಾನಾಮಿ ಯಥಾ ಯೇಮೇ ಅನ್ತರಾಯಿಕಾ ಧಮ್ಮಾ ವುತ್ತಾ ಭಗವತಾ ತೇ ಪಟಿಸೇವತೋ ನಾಲಂ ಅನ್ತರಾಯಾಯಾ’’ತಿ. ಅಸ್ಸೋಸುಂ ಖೋ ಸಮ್ಬಹುಲಾ ಭಿಕ್ಖೂ ಅರಿಟ್ಠಸ್ಸ ನಾಮ ಕಿರ ಭಿಕ್ಖುನೋ ಗದ್ಧಬಾಧಿಪುಬ್ಬಸ್ಸ ಏವರೂಪಂ ಪಾಪಕಂ ದಿಟ್ಠಿಗತಂ ಉಪ್ಪನ್ನಂ – ‘‘ತಥಾಹಂ ಭಗವತಾ ಧಮ್ಮಂ ದೇಸಿತಂ ಆಜಾನಾಮಿ ಯಥಾ ಯೇಮೇ ಅನ್ತರಾಯಿಕಾ ಧಮ್ಮಾ ವುತ್ತಾ ಭಗವತಾ ತೇ ಪಟಿಸೇವತೋ ನಾಲಂ ಅನ್ತರಾಯಾಯಾ’’ತಿ. ಅಥ ಖೋ ತೇ ಭಿಕ್ಖೂ ಯೇನ ಅರಿಟ್ಠೋ ಭಿಕ್ಖು ಗದ್ಧಬಾಧಿಪುಬ್ಬೋ ತೇನುಪಸಙ್ಕಮಿಂಸು. ಉಪಸಙ್ಕಮಿತ್ವಾ ಅರಿಟ್ಠಂ ಭಿಕ್ಖುಂ ಗದ್ಧಬಾಧಿಪುಬ್ಬಂ ಏತದವೋಚುಂ – ‘‘ಸಚ್ಚಂ ಕಿರ ತೇ, ಆವುಸೋ ಅರಿಟ್ಠ, ಏವರೂಪಂ ಪಾಪಕಂ ದಿಟ್ಠಿಗತಂ ಉಪ್ಪನ್ನಂ – ತಥಾಹಂ ಭಗವತಾ ಧಮ್ಮಂ ದೇಸಿತಂ ಆಜಾನಾಮಿ ಯಥಾ ಯೇಮೇ ಅನ್ತರಾಯಿಕಾ ಧಮ್ಮಾ ವುತ್ತಾ ಭಗವತಾ ತೇ ಪಟಿಸೇವತೋ ನಾಲಂ ಅನ್ತರಾಯಾಯಾ’’ತಿ? ‘‘ಏವಂಬ್ಯಾ ಖೋ ಅಹಂ, ಆವುಸೋ, ಭಗವತಾ ಧಮ್ಮಂ ದೇಸಿತಂ ಆಜಾನಾಮಿ, ಯಥಾ ಯೇಮೇ ¶ ಅನ್ತರಾಯಿಕಾ ಧಮ್ಮಾ ವುತ್ತಾ ಭಗವತಾ ತೇ ಪಟಿಸೇವತೋ ನಾಲಂ ಅನ್ತರಾಯಾಯಾ’’ತಿ.

‘‘ಮಾವುಸೋ ¶ ಅರಿಟ್ಠ, ಏವಂ ಅವಚ. ಮಾ ಭಗವನ್ತಂ ಅಬ್ಭಾಚಿಕ್ಖಿ. ನ ಹಿ ಸಾಧು ಭಗವತೋ ಅಬ್ಭಕ್ಖಾನಂ ¶ [ಅಬ್ಭಾಚಿಕ್ಖನಂ (ಕ.)]. ನ ಹಿ ಭಗವಾ ಏವಂ ವದೇಯ್ಯ. ಅನೇಕಪರಿಯಾಯೇನಾವುಸೋ ಅರಿಟ್ಠ, ಅನ್ತರಾಯಿಕಾ ಧಮ್ಮಾ ಅನ್ತರಾಯಿಕಾ ವುತ್ತಾ ಭಗವತಾ. ಅಲಞ್ಚ ಪನ ತೇ ಪಟಿಸೇವತೋ ಅನ್ತರಾಯಾಯ. ಅಪ್ಪಸ್ಸಾದಾ ಕಾಮಾ ವುತ್ತಾ ಭಗವತಾ, ಬಹುದುಕ್ಖಾ ಬಹುಪಾಯಾಸಾ [ಬಹೂಪಾಯಾಸಾ (ಸೀ. ಸ್ಯಾ.)], ಆದೀನವೋ ಏತ್ಥ ಭಿಯ್ಯೋ. ಅಟ್ಠಿಕಙ್ಕಲೂಪಮಾ ಕಾಮಾ ವುತ್ತಾ ಭಗವತಾ, ಬಹುದುಕ್ಖಾ ಬಹೂಪಾಯಾಸಾ, ಆದೀನವೋ ಏತ್ಥ ಭಿಯ್ಯೋ. ಮಂಸಪೇಸೂಪಮಾ ಕಾಮಾ ವುತ್ತಾ ಭಗವತಾ…ಪೇ… ತಿಣುಕ್ಕೂಪಮಾ ಕಾಮಾ ವುತ್ತಾ ಭಗವತಾ…ಪೇ… ಅಙ್ಗಾರಕಾಸೂಪಮಾ ಕಾಮಾ ವುತ್ತಾ ಭಗವತಾ… ಸುಪಿನಕೂಪಮಾ ಕಾಮಾ ವುತ್ತಾ ಭಗವತಾ… ಯಾಚಿತಕೂಪಮಾ ಕಾಮಾ ವುತ್ತಾ ಭಗವತಾ… ರುಕ್ಖಫಲೂಪಮಾ ಕಾಮಾ ವುತ್ತಾ ¶ ಭಗವತಾ… ಅಸಿಸೂನೂಪಮಾ ಕಾಮಾ ವುತ್ತಾ ಭಗವತಾ… ಸತ್ತಿಸೂಲೂಪಮಾ ಕಾಮಾ ವುತ್ತಾ ಭಗವತಾ… ಸಪ್ಪಸಿರೂಪಮಾ ಕಾಮಾ ವುತ್ತಾ ಭಗವತಾ, ಬಹುದುಕ್ಖಾ ಬಹೂಪಾಯಾಸಾ, ಆದೀನವೋ ಏತ್ಥ ಭಿಯ್ಯೋ’’ತಿ.

ಏವಮ್ಪಿ ಖೋ ಅರಿಟ್ಠೋ ಭಿಕ್ಖು ಗದ್ಧಬಾಧಿಪುಬ್ಬೋ ತೇಹಿ ಭಿಕ್ಖೂಹಿ ವುಚ್ಚಮಾನೋ ತಥೇವ ತಂ ಪಾಪಕಂ ದಿಟ್ಠಿಗತಂ ಥಾಮಸಾ ಪರಾಮಾಸಾ ಅಭಿನಿವಿಸ್ಸ ವೋಹರತಿ – ‘‘ಏವಂಬ್ಯಾ ಖೋ ಅಹಂ, ಆವುಸೋ, ಭಗವತಾ ಧಮ್ಮಂ ದೇಸಿತಂ ಆಜಾನಾಮಿ, ಯಥಾ ಯೇಮೇ ಅನ್ತರಾಯಿಕಾ ಧಮ್ಮಾ ವುತ್ತಾ ಭಗವತಾ ತೇ ಪಟಿಸೇವತೋ ನಾಲಂ ಅನ್ತರಾಯಾಯಾ’’ತಿ. ಯತೋ ಚ ಖೋ ತೇ ಭಿಕ್ಖೂ ನಾಸಕ್ಖಿಂಸು ಅರಿಟ್ಠಂ ಭಿಕ್ಖುಂ ಗದ್ಧಬಾಧಿಪುಬ್ಬಂ ಏತಸ್ಮಾ ಪಾಪಕಾ ದಿಟ್ಠಿಗತಾ ವಿವೇಚೇತುಂ, ಅಥ ಖೋ ತೇ ಭಿಕ್ಖೂ ಯೇನ ಭಗವಾ ತೇನುಪಸಙ್ಕಮಿಂಸು, ಉಪಸಙ್ಕಮಿತ್ವಾ ಭಗವತೋ ಏತಮತ್ಥಂ ಆರೋಚೇಸುಂ. ಅಥ ¶ ಖೋ ಭಗವಾ ಏತಸ್ಮಿಂ ನಿದಾನೇ ಏತಸ್ಮಿಂ ಪಕರಣೇ ಭಿಕ್ಖುಸಙ್ಘಂ ಸನ್ನಿಪಾತಾಪೇತ್ವಾ ಅರಿಟ್ಠಂ ಭಿಕ್ಖುಂ ಗದ್ಧಬಾಧಿಪುಬ್ಬಂ ಪಟಿಪುಚ್ಛಿ – ‘‘ಸಚ್ಚಂ ಕಿರ ತೇ, ಅರಿಟ್ಠ, ಏವರೂಪಂ ಪಾಪಕಂ ದಿಟ್ಠಿಗತಂ ಉಪ್ಪನ್ನಂ – ತಥಾಹಂ ಭಗವತಾ ಧಮ್ಮಂ ದೇಸಿತಂ ಆಜಾನಾಮಿ ಯಥಾ ಯೇಮೇ ಅನ್ತರಾಯಿಕಾ ಧಮ್ಮಾ ವುತ್ತಾ ಭಗವತಾ ತೇ ಪಟಿಸೇವತೋ ನಾಲಂ ಅನ್ತರಾಯಾಯಾ’’ತಿ? ‘‘ಏವಂಬ್ಯಾ ಖೋ ಅಹಂ, ಭನ್ತೇ, ಭಗವತಾ ಧಮ್ಮಂ ದೇಸಿತಂ ಆಜಾನಾಮಿ, ಯಥಾ ಯೇಮೇ ಅನ್ತರಾಯಿಕಾ ಧಮ್ಮಾ ವುತ್ತಾ ಭಗವತಾ ತೇ ಪಟಿಸೇವತೋ ನಾಲಂ ಅನ್ತರಾಯಾಯಾ’’ತಿ.

‘‘ಕಸ್ಸ ¶ ನು ಖೋ ನಾಮ ತ್ವಂ, ಮೋಘಪುರಿಸ, ಮಯಾ ಏವಂ ಧಮ್ಮಂ ದೇಸಿತಂ ಆಜಾನಾಸಿ? ನನು ಮಯಾ, ಮೋಘಪುರಿಸ, ಅನೇಕಪರಿಯಾಯೇನ ಅನ್ತರಾಯಿಕಾ ಧಮ್ಮಾ ಅನ್ತರಾಯಿಕಾ ವುತ್ತಾ? ಅಲಞ್ಚ ಪನ ತೇ ಪಟಿಸೇವತೋ ಅನ್ತರಾಯಾಯ. ಅಪ್ಪಸ್ಸಾದಾ ಕಾಮಾ ವುತ್ತಾ ಮಯಾ, ಬಹುದುಕ್ಖಾ ಬಹುಪಾಯಾಸಾ, ಆದೀನವೋ ಏತ್ಥ ಭಿಯ್ಯೋ. ಅಟ್ಠಿಕಙ್ಕಲೂಪಮಾ ಕಾಮಾ ವುತ್ತಾ ಮಯಾ, ಬಹುದುಕ್ಖಾ ಬಹುಪಾಯಾಸಾ, ಆದೀನವೋ ಏತ್ಥ ಭಿಯ್ಯೋ. ಮಂಸಪೇಸೂಪಮಾ ಕಾಮಾ ವುತ್ತಾ ಮಯಾ…ಪೇ… ತಿಣುಕ್ಕೂಪಮಾ ಕಾಮಾ ವುತ್ತಾ ಮಯಾ… ಅಙ್ಗಾರಕಾಸೂಪಮಾ ಕಾಮಾ ವುತ್ತಾ ಮಯಾ… ಸುಪಿನಕೂಪಮಾ ಕಾಮಾ ವುತ್ತಾ ಮಯಾ…ಪೇ… ಯಾಚಿತಕೂಪಮಾ ಕಾಮಾ ವುತ್ತಾ ಮಯಾ… ರುಕ್ಖಫಲೂಪಮಾ ಕಾಮಾ ವುತ್ತಾ ಮಯಾ… ಅಸಿಸೂನೂಪಮಾ ಕಾಮಾ ವುತ್ತಾ ¶ ಮಯಾ… ಸತ್ತಿಸೂಲೂಪಮಾ ಕಾಮಾ ವುತ್ತಾ ಮಯಾ… ಸಪ್ಪಸಿರೂಪಮಾ ಕಾಮಾ ವುತ್ತಾ ಮಯಾ, ಬಹುದುಕ್ಖಾ ಬಹುಪಾಯಾಸಾ, ಆದೀನವೋ ಏತ್ಥ ಭಿಯ್ಯೋ. ಅಥ ಚ ಪನ ತ್ವಂ, ಮೋಘಪುರಿಸ, ಅತ್ತನಾ ದುಗ್ಗಹಿತೇನ [ದುಗ್ಗಹಿತೇನ ದಿಟ್ಠಿಗತೇನ (ಸ್ಯಾ.)] ಅಮ್ಹೇ ಚೇವ ಅಬ್ಭಾಚಿಕ್ಖಸಿ, ಅತ್ತಾನಞ್ಚ ಖಣಸಿ ¶ , ಬಹುಞ್ಚ ಅಪುಞ್ಞಂ ಪಸವಸಿ. ತಞ್ಹಿ ತೇ, ಮೋಘಪುರಿಸ, ಭವಿಸ್ಸತಿ ದೀಘರತ್ತಂ ಅಹಿತಾಯ ದುಕ್ಖಾಯ. ನೇತಂ, ಮೋಘಪುರಿಸ, ಅಪ್ಪಸನ್ನಾನಂ ವಾ ಪಸಾದಾಯ…ಪೇ… ವಿಗರಹಿತ್ವಾ…ಪೇ… ಧಮ್ಮಿಂ ಕಥಂ ಕತ್ವಾ ಭಿಕ್ಖೂ ಆಮನ್ತೇಸಿ – ತೇನ ಹಿ, ಭಿಕ್ಖವೇ, ಸಙ್ಘೋ ಅರಿಟ್ಠಸ್ಸ ಭಿಕ್ಖುನೋ ಗದ್ಧಬಾಧಿಪುಬ್ಬಸ್ಸ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಕರೋತು – ಅಸಮ್ಭೋಗಂ ಸಙ್ಘೇನ. ಏವಞ್ಚ ಪನ ಭಿಕ್ಖವೇ ಕಾತಬ್ಬಂ – ಪಠಮಂ ಅರಿಟ್ಠೋ ಭಿಕ್ಖು ಚೋದೇತಬ್ಬೋ, ಚೋದೇತ್ವಾ ಸಾರೇತಬ್ಬೋ, ಸಾರೇತ್ವಾ ಆಪತ್ತಿಂ ಆರೋಪೇತಬ್ಬೋ, ಆಪತ್ತಿಂ ಆರೋಪೇತ್ವಾ ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೬೬. ‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅರಿಟ್ಠಸ್ಸ ಭಿಕ್ಖುನೋ ಗದ್ಧಬಾಧಿಪುಬ್ಬಸ್ಸ ಏವರೂಪಂ ಪಾಪಕಂ ದಿಟ್ಠಿಗತಂ ¶ ಉಪ್ಪನ್ನಂ – ತಥಾಹಂ ಭಗವತಾ ಧಮ್ಮಂ ದೇಸಿತಂ ಆಜಾನಾಮಿ ಯಥಾ ಯೇಮೇ ಅನ್ತರಾಯಿಕಾ ಧಮ್ಮಾ ವುತ್ತಾ ಭಗವತಾ ತೇ ಪಟಿಸೇವತೋ ನಾಲಂ ಅನ್ತರಾಯಾಯಾತಿ. ಸೋ ತಂ ದಿಟ್ಠಿಂ ನ ಪಟಿನಿಸ್ಸಜ್ಜತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಅರಿಟ್ಠಸ್ಸ ಭಿಕ್ಖುನೋ ಗದ್ಧಬಾಧಿಪುಬ್ಬಸ್ಸ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಕರೇಯ್ಯ – ಅಸಮ್ಭೋಗಂ ಸಙ್ಘೇನ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅರಿಟ್ಠಸ್ಸ ಭಿಕ್ಖುನೋ ಗದ್ಧಬಾಧಿಪುಬ್ಬಸ್ಸ ಏವರೂಪಂ ಪಾಪಕಂ ದಿಟ್ಠಿಗತಂ ಉಪ್ಪನ್ನಂ – ತಥಾಹಂ ಭಗವತಾ ಧಮ್ಮಂ ದೇಸಿತಂ ಆಜಾನಾಮಿ ಯಥಾ ¶ ಯೇಮೇ ಅನ್ತರಾಯಿಕಾ ಧಮ್ಮಾ ವುತ್ತಾ ಭಗವತಾ ತೇ ಪಟಿಸೇವತೋ ನಾಲಂ ಅನ್ತರಾಯಾಯಾತಿ. ಸೋ ತಂ ದಿಟ್ಠಿಂ ನ ಪಟಿನಿಸ್ಸಜ್ಜತಿ ¶ . ಸಙ್ಘೋ ಅರಿಟ್ಠಸ್ಸ ಭಿಕ್ಖುನೋ ಗದ್ಧಬಾಧಿಪುಬ್ಬಸ್ಸ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಕರೋತಿ – ಅಸಮ್ಭೋಗಂ ಸಙ್ಘೇನ. ಯಸ್ಸಾಯಸ್ಮತೋ ಖಮತಿ ಅರಿಟ್ಠಸ್ಸ ಭಿಕ್ಖುನೋ ಗದ್ಧಬಾಧಿಪುಬ್ಬಸ್ಸ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಸ್ಸ ಕಮ್ಮಸ್ಸ ಕರಣಂ – ಅಸಮ್ಭೋಗಂ ಸಙ್ಘೇನ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ಏತಮತ್ಥಂ ವದಾಮಿ – ಸುಣಾತು ಮೇ, ಭನ್ತೇ, ಸಙ್ಘೋ. ಅರಿಟ್ಠಸ್ಸ ಭಿಕ್ಖುನೋ ಗದ್ಧಬಾಧಿಪುಬ್ಬಸ್ಸ ಏವರೂಪಂ ಪಾಪಕಂ ದಿಟ್ಠಿಗತಂ ಉಪ್ಪನ್ನಂ – ತಥಾಹಂ ಭಗವತಾ ಧಮ್ಮಂ ದೇಸಿತಂ ಆಜಾನಾಮಿ ಯಥಾ ಯೇಮೇ ಅನ್ತರಾಯಿಕಾ ಧಮ್ಮಾ ವುತ್ತಾ ಭಗವತಾ ತೇ ಪಟಿಸೇವತೋ ನಾಲಂ ಅನ್ತರಾಯಾಯಾತಿ. ಸೋ ತಂ ದಿಟ್ಠಿಂ ನ ಪಟಿನಿಸ್ಸಜ್ಜತಿ. ಸಙ್ಘೋ ಅರಿಟ್ಠಸ್ಸ ಭಿಕ್ಖುನೋ ಗದ್ಧಬಾಧಿಪುಬ್ಬಸ್ಸ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಕರೋತಿ – ಅಸಮ್ಭೋಗಂ ¶ ಸಙ್ಘೇನ. ಯಸ್ಸಾಯಸ್ಮತೋ ಖಮತಿ ಅರಿಟ್ಠಸ್ಸ ಭಿಕ್ಖುನೋ ಗದ್ಧಬಾಧಿಪುಬ್ಬಸ್ಸ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಸ್ಸ ಕಮ್ಮಸ್ಸ ಕರಣಂ – ಅಸಮ್ಭೋಗಂ ಸಙ್ಘೇನ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ಕತಂ ಸಙ್ಘೇನ ಅರಿಟ್ಠಸ್ಸ ಭಿಕ್ಖುನೋ ಗದ್ಧಬಾಧಿಪುಬ್ಬಸ್ಸ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ – ಅಸಮ್ಭೋಗಂ ಸಙ್ಘೇನ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀತಿ.

‘‘ಆವಾಸಪರಮ್ಪರಞ್ಚ, ಭಿಕ್ಖವೇ, ಸಂಸಥ – ‘ಅರಿಟ್ಠೋ ಭಿಕ್ಖು ಗದ್ಧಬಾಧಿಪುಬ್ಬೋ, ಸಙ್ಘೇನ ಪಾಪಿಕಾಯ [ಗದ್ಧಬಾಧಿಪುಬ್ಬೋ ಪಾಪಿಕಾಯ (ಸೀ. ಕ.)] ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ ¶ , ಉಕ್ಖೇಪನೀಯಕಮ್ಮಕತೋ – ಅಸಮ್ಭೋಗಂ ಸಙ್ಘೇನಾ’’’ತಿ.

ಅಧಮ್ಮಕಮ್ಮದ್ವಾದಸಕಂ

೬೭. ‘‘ತೀಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಂ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ. ಅಸಮ್ಮುಖಾ ಕತಂ ಹೋತಿ, ಅಪ್ಪಟಿಪುಚ್ಛಾ ಕತಂ ಹೋತಿ, ಅಪ್ಪಟಿಞ್ಞಾಯ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ, ಪಾಪಿಕಾಯ ¶ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ. ಅನಾಪತ್ತಿಯಾ ಕತಂ ಹೋತಿ, ಅದೇಸನಾಗಾಮಿನಿಯಾ ಆಪತ್ತಿಯಾ ಕತಂ ಹೋತಿ, ದೇಸಿತಾಯ ಆಪತ್ತಿಯಾ ಕತಂ ಹೋತಿ…ಪೇ… ಅಚೋದೇತ್ವಾ ಕತಂ ಹೋತಿ, ಅಸಾರೇತ್ವಾ ಕತಂ ಹೋತಿ, ಆಪತ್ತಿಂ ಅನಾರೋಪೇತ್ವಾ ಕತಂ ಹೋತಿ…ಪೇ… ಅಸಮ್ಮುಖಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಅಪ್ಪಟಿಪುಚ್ಛಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಅಪ್ಪಟಿಞ್ಞಾಯ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ¶ ಅನಾಪತ್ತಿಯಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಅದೇಸನಾಗಾಮಿನಿಯಾ ಆಪತ್ತಿಯಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ದೇಸಿತಾಯ ಆಪತ್ತಿಯಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಅಚೋದೇತ್ವಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಅಸಾರೇತ್ವಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ…ಪೇ… ಆಪತ್ತಿಂ ಅನಾರೋಪೇತ್ವಾ ಕತಂ ಹೋತಿ, ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ ¶ , ತೀಹಙ್ಗೇಹಿ ಸಮನ್ನಾಗತಂ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ.

ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ ಉಕ್ಖೇಪನೀಯಕಮ್ಮೇ

ಅಧಮ್ಮಕಮ್ಮದ್ವಾದಸಕಂ ನಿಟ್ಠಿತಂ.

ಧಮ್ಮಕಮ್ಮದ್ವಾದಸಕಂ

೬೮. ‘‘ತೀಹಿ ¶ , ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಂ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ. ಸಮ್ಮುಖಾ ಕತಂ ಹೋತಿ, ಪಟಿಪುಚ್ಛಾ ಕತಂ ಹೋತಿ, ಪಟಿಞ್ಞಾಯ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ.

‘‘ಅಪರೇಹಿಪಿ ¶ , ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ. ಆಪತ್ತಿಯಾ ಕತಂ ಹೋತಿ, ದೇಸನಾಗಾಮಿನಿಯಾ ಆಪತ್ತಿಯಾ ಕತಂ ಹೋತಿ, ಅದೇಸಿತಾಯ ಆಪತ್ತಿಯಾ ಕತಂ ಹೋತಿ…ಪೇ… ಚೋದೇತ್ವಾ ಕತಂ ಹೋತಿ, ಸಾರೇತ್ವಾ ಕತಂ ಹೋತಿ, ಆಪತ್ತಿಂ ಆರೋಪೇತ್ವಾ ಕತಂ ಹೋತಿ…ಪೇ… ಸಮ್ಮುಖಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ಪಟಿಪುಚ್ಛಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ಪಟಿಞ್ಞಾಯ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ಆಪತ್ತಿಯಾ ಕತಂ ಹೋತಿ, ಧಮ್ಮೇನ ಕತಂ ¶ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ದೇಸನಾಗಾಮಿನಿಯಾ ಆಪತ್ತಿಯಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ಅದೇಸಿತಾಯ ಆಪತ್ತಿಯಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ಚೋದೇತ್ವಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ಸಾರೇತ್ವಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ…ಪೇ… ಆಪತ್ತಿಂ ಆರೋಪೇತ್ವಾ ಕತಂ ಹೋತಿ, ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ.

ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ ಉಕ್ಖೇಪನೀಯಕಮ್ಮೇ

ಧಮ್ಮಕಮ್ಮದ್ವಾದಸಕಂ ನಿಟ್ಠಿತಂ.

ಆಕಙ್ಖಮಾನಛಕ್ಕಂ

೬೯. [ಪರಿ. ೩೨೩] ‘‘ತೀಹಿ ¶ , ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಕರೇಯ್ಯ. ಭಣ್ಡನಕಾರಕೋ ಹೋತಿ ಕಲಹಕಾರಕೋ ವಿವಾದಕಾರಕೋ ಭಸ್ಸಕಾರಕೋ ಸಙ್ಘೇ ಅಧಿಕರಣಕಾರಕೋ; ಬಾಲೋ ಹೋತಿ ಅಬ್ಯತ್ತೋ ಆಪತ್ತಿಬಹುಲೋ ಅನಪದಾನೋ ¶ ; ಗಿಹಿಸಂಸಟ್ಠೋ ವಿಹರತಿ ಅನನುಲೋಮಿಕೇಹಿ ಗಿಹಿಸಂಸಗ್ಗೇಹಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಕರೇಯ್ಯ.

‘‘ಅಪರೇಹಿಪಿ ¶ , ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಕರೇಯ್ಯ. ಅಧಿಸೀಲೇ ಸೀಲವಿಪನ್ನೋ ಹೋತಿ, ಅಜ್ಝಾಚಾರೇ ಆಚಾರವಿಪನ್ನೋ ಹೋತಿ, ಅತಿದಿಟ್ಠಿಯಾ ದಿಟ್ಠಿವಿಪನ್ನೋ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಕರೇಯ್ಯ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಕರೇಯ್ಯ. ಬುದ್ಧಸ್ಸ ಅವಣ್ಣಂ ಭಾಸತಿ, ಧಮ್ಮಸ್ಸ ಅವಣ್ಣಂ ಭಾಸತಿ, ಸಙ್ಘಸ್ಸ ಅವಣ್ಣಂ ಭಾಸತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಆಕಙ್ಖಮಾನೋ ಸಙ್ಘೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಕರೇಯ್ಯ.

‘‘ತಿಣ್ಣಂ, ಭಿಕ್ಖವೇ, ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಕರೇಯ್ಯ. ಏಕೋ ಭಣ್ಡನಕಾರಕೋ ಹೋತಿ ಕಲಹಕಾರಕೋ ವಿವಾದಕಾರಕೋ ಭಸ್ಸಕಾರಕೋ ಸಙ್ಘೇ ಅಧಿಕರಣಕಾರಕೋ; ಏಕೋ ಬಾಲೋ ಹೋತಿ ಅಬ್ಯತ್ತೋ ಆಪತ್ತಿಬಹುಲೋ ಅನಪದಾನೋ; ಏಕೋ ಗಿಹಿಸಂಸಟ್ಠೋ ವಿಹರತಿ ಅನನುಲೋಮಿಕೇಹಿ ಗಿಹಿಸಂಸಗ್ಗೇಹಿ – ಇಮೇಸಂ ¶ ಖೋ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಕರೇಯ್ಯ.

‘‘ಅಪರೇಸಮ್ಪಿ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಕಮಾನೋ ಸಙ್ಘೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಕರೇಯ್ಯ. ಏಕೋ ಅಧಿಸೀಲೇ ಸೀಲವಿಪನ್ನೋ ಹೋತಿ, ಏಕೋ ಅಜ್ಝಾಚಾರೇ ಆಚಾರವಿಪನ್ನೋ ಹೋತಿ, ಏಕೋ ಅತಿದಿಟ್ಠಿಯಾ ದಿಟ್ಠಿವಿಪನ್ನೋ ಹೋತಿ – ಇಮೇಸಂ ಖೋ, ಭಿಕ್ಖವೇ ¶ , ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಕರೇಯ್ಯ.

‘‘ಅಪರೇಸಮ್ಪಿ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಕರೇಯ್ಯ. ಏಕೋ ಬುದ್ಧಸ್ಸ ಅವಣ್ಣಂ ಭಾಸತಿ, ಏಕೋ ಧಮ್ಮಸ್ಸ ಅವಣ್ಣಂ ಭಾಸತಿ, ಏಕೋ ಸಙ್ಘಸ್ಸ ಅವಣ್ಣಂ ಭಾಸತಿ ¶ – ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ, ಆಕಙ್ಖಮಾನೋ ಸಙ್ಘೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗೇ, ಉಕ್ಖೇಪನೀಯಕಮ್ಮಂ ಕರೇಯ್ಯ.

ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗೇ ಉಕ್ಖೇಪನೀಯಕಮ್ಮೇ

ಆಕಙ್ಖಮಾನಛಕ್ಕಂ ನಿಟ್ಠಿತಂ.

ತೇಚತ್ತಾಲೀಸವತ್ತಂ

೭೦. ‘‘ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ ಉಕ್ಖೇಪನೀಯಕಮ್ಮಕತೇನ, ಭಿಕ್ಖವೇ, ಭಿಕ್ಖುನಾ ಸಮ್ಮಾ ವತ್ತಿತಬ್ಬಂ. ತತ್ರಾಯಂ ಸಮ್ಮಾವತ್ತನಾ – ನ ಉಪಸಮ್ಪಾದೇತಬ್ಬಂ, ನ ನಿಸ್ಸಯೋ ದಾತಬ್ಬೋ, ನ ಸಾಮಣೇರೋ ಉಪಟ್ಠಾಪೇತಬ್ಬೋ, ನ ಭಿಕ್ಖುನೋವಾದಕಸಮ್ಮುತಿ ಸಾದಿತಬ್ಬಾ, ಸಮ್ಮತೇನಪಿ ಭಿಕ್ಖುನಿಯೋ ¶ ನ ಓವದಿತಬ್ಬಾ. ಯಾಯ ಆಪತ್ತಿಯಾ ಸಙ್ಘೇನ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಕತಂ ಹೋತಿ ಸಾ ಆಪತ್ತಿ ನ ಆಪಜ್ಜಿತಬ್ಬಾ, ಅಞ್ಞಾ ವಾ ತಾದಿಸಿಕಾ, ತತೋ ವಾ ಪಾಪಿಟ್ಠತರಾ; ಕಮ್ಮಂ ನ ಗರಹಿತಬ್ಬಂ, ಕಮ್ಮಿಕಾ ನ ಗರಹಿತಬ್ಬಾ…ಪೇ… ನ ಪಕತತ್ತಸ್ಸ ಭಿಕ್ಖುನೋ ಉಪೋಸಥೋ ಠಪೇತಬ್ಬೋ, ನ ಪವಾರಣಾ ಠಪೇತಬ್ಬಾ, ನ ಸವಚನೀಯಂ ಕಾತಬ್ಬಂ, ನ ಅನುವಾದೋ ಪಟ್ಠಪೇತಬ್ಬೋ, ನ ಓಕಾಸೋ ಕಾರೇತಬ್ಬೋ, ನ ಚೋದೇತಬ್ಬೋ, ನ ಸಾರೇತಬ್ಬೋ, ನ ಭಿಕ್ಖೂಹಿ ಸಮ್ಪಯೋಜೇತಬ್ಬ’’ನ್ತಿ.

ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ ಉಕ್ಖೇಪನೀಯಕಮ್ಮೇ

ತೇಚತ್ತಾಲೀಸವತ್ತಂ ನಿಟ್ಠಿತಂ.

೭೧. ಅಥ ಖೋ ಸಙ್ಘೋ ಅರಿಟ್ಠಸ್ಸ ಭಿಕ್ಖುನೋ ಗದ್ಧಬಾಧಿಪುಬ್ಬಸ್ಸ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಅಕಾಸಿ – ಅಸಮ್ಭೋಗಂ ಸಙ್ಘೇನ. ಸೋ ಸಙ್ಘೇನ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಕತೋ ವಿಬ್ಭಮಿ. ಯೇ ತೇ ಭಿಕ್ಖೂ ಅಪ್ಪಿಚ್ಛಾ…ಪೇ… ತೇ ಉಜ್ಝಾಯನ್ತಿ ಖಿಯ್ಯನ್ತಿ ವಿಪಾಚೇನ್ತಿ – ‘‘ಕಥಞ್ಹಿ ನಾಮ ಅರಿಟ್ಠೋ ಭಿಕ್ಖು ಗದ್ಧಬಾಧಿಪುಬ್ಬೋ ಸಙ್ಘೇನ ¶ , ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಕತೋ ವಿಬ್ಭಮಿಸ್ಸತೀ’’ತಿ? ಅಥ ಖೋ ತೇ ಭಿಕ್ಖೂ ಭಗವತೋ ಏತಮತ್ಥಂ ಆರೋಚೇಸುಂ.

ಅಥ ಖೋ ಭಗವಾ ಏತಸ್ಮಿಂ ನಿದಾನೇ ಏತಸ್ಮಿಂ ಪಕರಣೇ ಭಿಕ್ಖುಸಙ್ಘಂ ಸನ್ನಿಪಾತಾಪೇತ್ವಾ ಭಿಕ್ಖೂ ಪಟಿಪುಚ್ಛಿ – ‘‘ಸಚ್ಚಂ ಕಿರ, ಭಿಕ್ಖವೇ, ಅರಿಟ್ಠೋ ¶ ಭಿಕ್ಖು ಗದ್ಧಬಾಧಿಪುಬ್ಬೋ ¶ ಸಙ್ಘೇನ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಕತೋ ವಿಬ್ಭಮತೀ’’ತಿ [ವಿಬ್ಭಮೀತಿ (ಸೀ. ಕ.)]? ‘‘ಸಚ್ಚಂ ¶ ಭಗವಾ’’ತಿ. ವಿಗರಹಿ ಬುದ್ಧೋ ಭಗವಾ – ‘‘ಅನನುಚ್ಛವಿಕಂ…ಪೇ… ಕಥಞ್ಹಿ ನಾಮ ಸೋ, ಭಿಕ್ಖವೇ, ಮೋಘಪುರಿಸೋ ಸಙ್ಘೇನ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಕತೋ ವಿಬ್ಭಮಿಸ್ಸತಿ? ನೇತಂ, ಭಿಕ್ಖವೇ, ಅಪ್ಪಸನ್ನಾನಂ ವಾ ಪಸಾದಾಯ…ಪೇ… ವಿಗರಹಿತ್ವಾ…ಪೇ… ಧಮ್ಮಿಂ ಕಥಂ ಕತ್ವಾ ಭಿಕ್ಖೂ ಆಮನ್ತೇಸಿ – ‘‘ತೇನ ಹಿ, ಭಿಕ್ಖವೇ, ಸಙ್ಘೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತು.

ನಪ್ಪಟಿಪ್ಪಸ್ಸಮ್ಭೇತಬ್ಬತೇಚತ್ತಾಲೀಸಕಂ

೭೨. ‘‘ಪಞ್ಚಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ. ಉಪಸಮ್ಪಾದೇತಿ, ನಿಸ್ಸಯಂ ದೇತಿ, ಸಾಮಣೇರಂ ಉಪಟ್ಠಾಪೇತಿ, ಭಿಕ್ಖುನೋವಾದಕಸಮ್ಮುತಿಂ ಸಾದಿಯತಿ, ಸಮ್ಮತೋಪಿ ಭಿಕ್ಖುನಿಯೋ ಓವದತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗೇ, ಉಕ್ಖೇಪನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ.

[ಪರಿ. ೪೨೦] ‘‘ಅಪರೇಹಿಪಿ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ. ಯಾಯ ಆಪತ್ತಿಯಾ ಸಙ್ಘೇನ ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ ಉಕ್ಖೇಪನೀಯಕಮ್ಮಂ ಕತಂ ಹೋತಿ ತಂ ಆಪತ್ತಿಂ ಆಪಜ್ಜತಿ, ಅಞ್ಞಂ ವಾ ತಾದಿಸಿಕಂ, ತತೋ ವಾ ಪಾಪಿಟ್ಠತರಂ; ಕಮ್ಮಂ ಗರಹತಿ, ಕಮ್ಮಿಕೇ ಗರಹತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ…ಪೇ… ¶ .

‘‘ಅಟ್ಠಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ. ಪಕತತ್ತಸ್ಸ ಭಿಕ್ಖುನೋ ಉಪೋಸಥಂ ಠಪೇತಿ, ಪವಾರಣಂ ಠಪೇತಿ, ಸವಚನೀಯಂ ಕರೋತಿ, ಅನುವಾದಂ ಪಟ್ಠಪೇತಿ, ಓಕಾಸಂ ಕಾರೇತಿ, ಚೋದೇತಿ, ಸಾರೇತಿ ¶ , ಭಿಕ್ಖೂಹಿ ಸಮ್ಪಯೋಜೇತಿ – ಇಮೇಹಿ ಖೋ, ಭಿಕ್ಖವೇ, ಅಟ್ಠಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ನಪ್ಪಟಿಪ್ಪಸ್ಸಮ್ಭೇತಬ್ಬಂ.

ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ ಉಕ್ಖೇಪನೀಯಕಮ್ಮೇ

ನಪ್ಪಟಿಪ್ಪಸ್ಸಮ್ಭೇತಬ್ಬತೇಚತ್ತಾಲೀಸಕಂ ನಿಟ್ಠಿತಂ.

ಪಟಿಪ್ಪಸ್ಸಮ್ಭೇತಬ್ಬತೇಚತ್ತಾಲೀಸಕಂ

೭೩. ‘‘ಪಞ್ಚಹಿ ¶ , ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ. ನ ಉಪಸಮ್ಪಾದೇತಿ, ನ ನಿಸ್ಸಯಂ ದೇತಿ, ನ ಸಾಮಣೇರಂ ಉಪಟ್ಠಾಪೇತಿ, ನ ಭಿಕ್ಖುನೋವಾದಕಸಮ್ಮುತಿಂ ಸಾದಿಯತಿ, ಸಮ್ಮತೋಪಿ ಭಿಕ್ಖುನಿಯೋ ನ ಓವದತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ.

‘‘ಅಪರೇಹಿಪಿ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ. ಯಾಯ ಆಪತ್ತಿಯಾ ಸಙ್ಘೇನ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಕತಂ ಹೋತಿ ತಂ ಆಪತ್ತಿಂ ನ ಆಪಜ್ಜತಿ, ಅಞ್ಞಂ ವಾ ತಾದಿಸಿಕಂ ¶ , ತತೋ ವಾ ಪಾಪಿಟ್ಠತರಂ; ಕಮ್ಮಂ ನ ಗರಹತಿ, ಕಮ್ಮಿಕೇ ನ ಗರಹತಿ – ಇಮೇಹಿ ಖೋ, ಭಿಕ್ಖವೇ, ಪಞ್ಚಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ…ಪೇ….

‘‘ಅಟ್ಠಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ. ನ ಪಕತತ್ತಸ್ಸ ಭಿಕ್ಖುನೋ ಉಪೋಸಥಂ ಠಪೇತಿ, ನ ಪವಾರಣಂ ಠಪೇತಿ, ನ ಸವಚನೀಯಂ ಕರೋತಿ, ನ ಅನುವಾದಂ ಪಟ್ಠಪೇತಿ, ನ ಓಕಾಸಂ ಕಾರೇತಿ, ನ ಚೋದೇತಿ, ನ ಸಾರೇತಿ, ನ ಭಿಕ್ಖೂಹಿ ಸಮ್ಪಯೋಜೇತಿ – ಇಮೇಹಿ ಖೋ, ಭಿಕ್ಖವೇ, ಅಟ್ಠಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಬ್ಬಂ’’.

ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ ಉಕ್ಖೇಪನೀಯಕಮ್ಮೇ

ಪಟಿಪ್ಪಸ್ಸಮ್ಭೇತಬ್ಬತೇಚತ್ತಾಲೀಸಕಂ ನಿಟ್ಠಿತಂ.

೭೪. ‘‘ಏವಞ್ಚ ¶ ಪನ, ಭಿಕ್ಖವೇ, ಪಟಿಪ್ಪಸ್ಸಮ್ಭೇತಬ್ಬಂ. ತೇನ, ಭಿಕ್ಖವೇ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಕತೇನ ಭಿಕ್ಖುನಾ ಸಙ್ಘಂ ಉಪಸಙ್ಕಮಿತ್ವಾ ಏಕಂಸಂ ಉತ್ತರಾಸಙ್ಗಂ ಕರಿತ್ವಾ ವುಡ್ಢಾನಂ ಭಿಕ್ಖೂನಂ ಪಾದೇ ವನ್ದಿತ್ವಾ ಉಕ್ಕುಟಿಕಂ ನಿಸೀದಿತ್ವಾ ಅಞ್ಜಲಿಂ ಪಗ್ಗಹೇತ್ವಾ ಏವಮಸ್ಸ ವಚನೀಯೋ – ‘ಅಹಂ, ಭನ್ತೇ, ಸಙ್ಘೇನ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಕತೋ ಸಮ್ಮಾ ವತ್ತಾಮಿ, ಲೋಮಂ ಪಾತೇಮಿ, ನೇತ್ಥಾರಂ ವತ್ತಾಮಿ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಸ್ಸ ¶ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ¶ ಯಾಚಾಮೀ’ತಿ. ದುತಿಯಮ್ಪಿ ಯಾಚಿತಬ್ಬಾ. ತತಿಯಮ್ಪಿ ಯಾಚಿತಬ್ಬಾ. ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಇತ್ಥನ್ನಾಮೋ ಭಿಕ್ಖು ಸಙ್ಘೇನ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಕತೋ ಸಮ್ಮಾ ವತ್ತತಿ, ಲೋಮಂ ಪಾತೇತಿ, ನೇತ್ಥಾರಂ ವತ್ತತಿ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ಯಾಚತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಇತ್ಥನ್ನಾಮಸ್ಸ ಭಿಕ್ಖುನೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇಯ್ಯ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಇತ್ಥನ್ನಾಮೋ ಭಿಕ್ಖು ಸಙ್ಘೇನ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಕತೋ ಸಮ್ಮಾ ವತ್ತತಿ, ಲೋಮಂ ಪಾತೇತಿ, ನೇತ್ಥಾರಂ ವತ್ತತಿ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ ¶ , ಉಕ್ಖೇಪನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ಯಾಚತಿ. ಸಙ್ಘೋ ಇತ್ಥನ್ನಾಮಸ್ಸ ಭಿಕ್ಖುನೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಿ. ಯಸ್ಸಾಯಸ್ಮತೋ ಖಮತಿ ಇತ್ಥನ್ನಾಮಸ್ಸ ಭಿಕ್ಖುನೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ಏತಮತ್ಥಂ ವದಾಮಿ – ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಇತ್ಥನ್ನಾಮೋ ಭಿಕ್ಖು ಸಙ್ಘೇನ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಕತೋ ಸಮ್ಮಾ ವತ್ತತಿ, ಲೋಮಂ ಪಾತೇತಿ, ನೇತ್ಥಾರಂ ವತ್ತತಿ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ ಉಕ್ಖೇಪನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿಂ ಯಾಚತಿ. ಸಙ್ಘೋ ಇತ್ಥನ್ನಾಮಸ್ಸ ಭಿಕ್ಖುನೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ ಪಟಿಪ್ಪಸ್ಸಮ್ಭೇತಿ. ಯಸ್ಸಾಯಸ್ಮತೋ ಖಮತಿ ಇತ್ಥನ್ನಾಮಸ್ಸ ಭಿಕ್ಖುನೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಸ್ಸ ಕಮ್ಮಸ್ಸ ಪಟಿಪ್ಪಸ್ಸದ್ಧಿ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ಪಟಿಪ್ಪಸ್ಸದ್ಧಂ ¶ ಸಙ್ಘೇನ ಇತ್ಥನ್ನಾಮಸ್ಸ ಭಿಕ್ಖುನೋ, ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ, ಉಕ್ಖೇಪನೀಯಕಮ್ಮಂ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ ಉಕ್ಖೇಪನೀಯಕಮ್ಮಂ ನಿಟ್ಠಿತಂ ಸತ್ತಮಂ.

ಕಮ್ಮಕ್ಖನ್ಧಕೋ ಪಠಮೋ.

ಇಮಮ್ಹಿ ಖನ್ಧಕೇ ವತ್ಥೂ ಸತ್ತ.

ತಸ್ಸುದ್ದಾನಂ –

ಪಣ್ಡುಲೋಹಿತಕಾ ¶ ಭಿಕ್ಖೂ, ಸಯಂ ಭಣ್ಡನಕಾರಕಾ;

ತಾದಿಸೇ ಉಪಸಙ್ಕಮ್ಮ, ಉಸ್ಸಹಿಂಸು ಚ ಭಣ್ಡನೇ.

ಅನುಪ್ಪನ್ನಾಪಿ ಜಾಯನ್ತಿ [ಅನುಪ್ಪನ್ನಾನಿ ಜಾಯನ್ತಿ (ಸೀ. ಸ್ಯಾ.)], ಉಪ್ಪನ್ನಾನಿಪಿ ವಡ್ಢರೇ [ಉಪ್ಪನ್ನಾನಿ ಪವಡ್ಢರೇ (ಸೀ.), ಉಪ್ಪನ್ನಾಪಿ ಪವಡ್ಢನ್ತಿ (ಕ.)];

ಅಪ್ಪಿಚ್ಛಾ ಪೇಸಲಾ ಭಿಕ್ಖೂ, ಉಜ್ಝಾಯನ್ತಿ ಪದಸ್ಸತೋ [ಪರೀಸತೋ (ಸ್ಯಾ.), ಪರಸ್ಸತೋ (ಸೀ.)].

ಸದ್ಧಮ್ಮಟ್ಠಿತಿಕೋ ಬುದ್ಧೋ, ಸಯಮ್ಭೂ ಅಗ್ಗಪುಗ್ಗಲೋ;

ಆಣಾಪೇಸಿ ತಜ್ಜನೀಯಕಮ್ಮಂ ಸಾವತ್ಥಿಯಂ ಜಿನೋ.

ಅಸಮ್ಮುಖಾಪ್ಪಟಿಪುಚ್ಛಾಪ್ಪಟಿಞ್ಞಾಯ ¶ ಕತಞ್ಚ ಯಂ;

ಅನಾಪತ್ತಿ ಅದೇಸನೇ, ದೇಸಿತಾಯ ಕತಞ್ಚ ಯಂ.

ಅಚೋದೇತ್ವಾ ಅಸಾರೇತ್ವಾ, ಅನಾರೋಪೇತ್ವಾ ಚ ಯಂ ಕತಂ;

ಅಸಮ್ಮುಖಾ ಅಧಮ್ಮೇನ, ವಗ್ಗೇನ ಚಾಪಿ [ವಗ್ಗೇನಾಪಿ ಚ (ಸೀ. ಸ್ಯಾ.)] ಯಂ ಕತಂ.

ಅಪ್ಪಟಿಪುಚ್ಛಾ ಅಧಮ್ಮೇನ, ಪುನ ವಗ್ಗೇನ [ವಗ್ಗೇನಾಪಿ ಚ (ಸೀ. ಸ್ಯಾ.)] ಯಂ ಕತಂ;

ಅಪ್ಪಟಿಞ್ಞಾಯ ಅಧಮ್ಮೇನ, ವಗ್ಗೇನ ಚಾಪಿ [ವಗ್ಗೇನಾಪಿ ಚ (ಸೀ. ಸ್ಯಾ.)] ಯಂ ಕತಂ.

ಅನಾಪತ್ತಿ [ಅನಾಪತ್ತಿಯಾ (ಸೀ. ಸ್ಯಾ.)] ಅಧಮ್ಮೇನ, ವಗ್ಗೇನ

ಚಾಪಿ [ವಗ್ಗೇನಾಪಿ ಚ (ಸೀ. ಸ್ಯಾ.)] ಯಂ ಕತಂ.

ಅದೇಸನಾಗಾಮಿನಿಯಾ, ಅಧಮ್ಮವಗ್ಗಮೇವ ಚ.

ದೇಸಿತಾಯ ¶ ಅಧಮ್ಮೇನ, ವಗ್ಗೇನಾಪಿ ತಥೇವ ಚ;

ಅಚೋದೇತ್ವಾ ¶ ಅಧಮ್ಮೇನ, ವಗ್ಗೇನಾಪಿ ತಥೇವ ಚ.

ಅಸಾರೇತ್ವಾ ಅಧಮ್ಮೇನ, ವಗ್ಗೇನಾಪಿ ತಥೇವ ಚ;

ಅನಾರೋಪೇತ್ವಾ ಅಧಮ್ಮೇನ, ವಗ್ಗೇನಾಪಿ ತಥೇವ ಚ.

ಕಣ್ಹವಾರನಯೇನೇವ, ಸುಕ್ಕವಾರಂ ವಿಜಾನಿಯಾ;

ಸಙ್ಘೋ ಆಕಙ್ಖಮಾನೋ ಚ ಯಸ್ಸ ತಜ್ಜನಿಯಂ ಕರೇ.

ಭಣ್ಡನಂ ಬಾಲೋ ಸಂಸಟ್ಠೋ, ಅಧಿಸೀಲೇ ಅಜ್ಝಾಚಾರೇ;

ಅತಿದಿಟ್ಠಿವಿಪನ್ನಸ್ಸ, ಸಙ್ಘೋ ತಜ್ಜನಿಯಂ ಕರೇ.

ಬುದ್ಧಧಮ್ಮಸ್ಸ ¶ ¶ ಸಙ್ಘಸ್ಸ, ಅವಣ್ಣಂ ಯೋ ಚ ಭಾಸತಿ;

ತಿಣ್ಣನ್ನಮ್ಪಿ ಚ ಭಿಕ್ಖೂನಂ, ಸಙ್ಘೋ ತಜ್ಜನಿಯಂ ಕರೇ.

ಭಣ್ಡನಂ ಕಾರಕೋ ಏಕೋ, ಬಾಲೋ ಸಂಸಗ್ಗನಿಸ್ಸಿತೋ;

ಅಧಿಸೀಲೇ ಅಜ್ಝಾಚಾರೇ, ತಥೇವ ಅತಿದಿಟ್ಠಿಯಾ.

ಬುದ್ಧಧಮ್ಮಸ್ಸ ಸಙ್ಘಸ್ಸ, ಅವಣ್ಣಂ ಯೋ ಚ ಭಾಸತಿ;

ತಜ್ಜನೀಯಕಮ್ಮಕತೋ, ಏವಂ ಸಮ್ಮಾನುವತ್ತನಾ.

ಉಪಸಮ್ಪದನಿಸ್ಸಯಾ, ಸಾಮಣೇರಂ ಉಪಟ್ಠನಾ;

ಓವಾದಸಮ್ಮತೇನಾಪಿ, ನ ಕರೇ ತಜ್ಜನೀಕತೋ.

ನಾಪಜ್ಜೇ ತಞ್ಚ ಆಪತ್ತಿಂ, ತಾದಿಸಞ್ಚ ತತೋ ಪರಂ;

ಕಮ್ಮಞ್ಚ ಕಮ್ಮಿಕೇ ಚಾಪಿ, ನ ಗರಹೇ ತಥಾವಿಧೋ.

ಉಪೋಸಥಂ ಪವಾರಣಂ, ಪಕತತ್ತಸ್ಸ ನಟ್ಠಪೇ;

ಸವಚನಿಂ [ನ ಸವಚನಿಯಂ (ಸೀ. ಸ್ಯಾ.)] ಅನುವಾದೋ, ಓಕಾಸೋ ಚೋದನೇನ ಚ.

ಸಾರಣಂ ¶ ಸಮ್ಪಯೋಗಞ್ಚ, ನ ಕರೇಯ್ಯ ತಥಾವಿಧೋ;

ಉಪಸಮ್ಪದನಿಸ್ಸಯಾ, ಸಾಮಣೇರಂ ಉಪಟ್ಠನಾ.

ಓವಾದಸಮ್ಮತೇನಾಪಿ, ಪಞ್ಚಹಙ್ಗೇಹಿ [ಪಞ್ಚಅಙ್ಗೋ (ಕ.)] ನ ಸಮ್ಮತಿ;

ತಞ್ಚಾಪಜ್ಜತಿ ಆಪತ್ತಿಂ, ತಾದಿಸಞ್ಚ ತತೋ ಪರಂ.

ಕಮ್ಮಞ್ಚ ಕಮ್ಮಿಕೇ ಚಾಪಿ, ಗರಹನ್ತೋ ನ ಸಮ್ಮತಿ;

ಉಪೋಸಥಂ ¶ ಪವಾರಣಂ, ಸವಚನೀಯಾ ಚ ನೋವಾದೋ.

ಓಕಾಸೋ ಚೋದನಞ್ಚೇವ, ಸಾರಣಾ ಸಮ್ಪಯೋಜನಾ;

ಇಮೇಹಟ್ಠಙ್ಗೇಹಿ ಯೋ ಯುತ್ತೋ, ತಜ್ಜನಾನುಪಸಮ್ಮತಿ.

ಕಣ್ಹವಾರನಯೇನೇವ, ಸುಕ್ಕವಾರಂ ವಿಜಾನಿಯಾ;

ಬಾಲೋ ಆಪತ್ತಿಬಹುಲೋ, ಸಂಸಟ್ಠೋಪಿ ಚ ಸೇಯ್ಯಸೋ.

ನಿಯಸ್ಸಕಮ್ಮಂ ಸಮ್ಬುದ್ಧೋ, ಆಣಾಪೇಸಿ ಮಹಾಮುನಿ;

ಕೀಟಾಗಿರಿಸ್ಮಿಂ ದ್ವೇ ಭಿಕ್ಖೂ, ಅಸ್ಸಜಿಪುನಬ್ಬಸುಕಾ.

ಅನಾಚಾರಞ್ಚ ¶ ವಿವಿಧಂ, ಆಚರಿಂಸು ಅಸಞ್ಞತಾ;

ಪಬ್ಬಾಜನೀಯಂ ಸಮ್ಬುದ್ಧೋ, ಕಮ್ಮಂ ಸಾವತ್ಥಿಯಂ ಜಿನೋ;

ಮಚ್ಛಿಕಾಸಣ್ಡೇ ಸುಧಮ್ಮೋ, ಚಿತ್ತಸ್ಸಾವಾಸಿಕೋ ಅಹು.

ಜಾತಿವಾದೇನ ಖುಂಸೇತಿ, ಸುಧಮ್ಮೋ ಚಿತ್ತುಪಾಸಕಂ;

ಪಟಿಸಾರಣೀಯಕಮ್ಮಂ, ಆಣಾಪೇಸಿ ತಥಾಗತೋ.

ಕೋಸಮ್ಬಿಯಂ ಛನ್ನಂ ಭಿಕ್ಖುಂ, ನಿಚ್ಛನ್ತಾಪತ್ತಿಂ ಪಸ್ಸಿತುಂ;

ಅದಸ್ಸನೇ ¶ ಉಕ್ಖಿಪಿತುಂ, ಆಣಾಪೇಸಿ ಜಿನುತ್ತಮೋ.

ಛನ್ನೋ ತಂಯೇವ ಆಪತ್ತಿಂ, ಪಟಿಕಾತುಂ ನ ಇಚ್ಛತಿ;

ಉಕ್ಖೇಪನಾಪ್ಪಟಿಕಮ್ಮೇ, ಆಣಾಪೇಸಿ ವಿನಾಯಕೋ.

ಪಾಪದಿಟ್ಠಿ ¶ ಅರಿಟ್ಠಸ್ಸ, ಆಸಿ ಅಞ್ಞಾಣನಿಸ್ಸಿತಾ;

ದಿಟ್ಠಿಯಾಪ್ಪಟಿನಿಸ್ಸಗ್ಗೇ [ದಿಟ್ಠಿಅಪ್ಪಟಿನಿಸ್ಸಗ್ಗೇ (ಕ.)], ಉಕ್ಖೇಪಂ ಜಿನಭಾಸಿತಂ.

ನಿಯಸ್ಸಕಮ್ಮಂ ಪಬ್ಬಜ್ಜಂ [ಪಬ್ಬಾಜಂ (ಕ.)], ತಥೇವ ಪಟಿಸಾರಣೀ;

ಅದಸ್ಸನಾಪ್ಪಟಿಕಮ್ಮೇ ¶ , ಅನಿಸ್ಸಗ್ಗೇ ಚ ದಿಟ್ಠಿಯಾ.

ದವಾನಾಚಾರೂಪಘಾತಿ, ಮಿಚ್ಛಾಆಜೀವಮೇವ ಚ;

ಪಬ್ಬಾಜನೀಯಕಮ್ಮಮ್ಹಿ, ಅತಿರೇಕಪದಾ ಇಮೇ.

ಅಲಾಭಾವಣ್ಣಾ ದ್ವೇ ಪಞ್ಚ, ದ್ವೇ ಪಞ್ಚಕಾತಿ ನಾಮಕಾ [ದ್ವೇ ಪಞ್ಚಕೋತಿ ನಾಮಕೋ (ಕ.)];

ಪಟಿಸಾರಣೀಯಕಮ್ಮಮ್ಹಿ, ಅತಿರೇಕಪದಾ ಇಮೇ.

ತಜ್ಜನೀಯಂ ನಿಯಸ್ಸಞ್ಚ, ದುವೇ ಕಮ್ಮಾಪಿ ಸಾದಿಸಾ [ಕಮ್ಮೇಸು ಸದಿಸಂ (ಕ.)];

ಪಬ್ಬಜ್ಜಾ [ಪಬ್ಬಾಜಾ (ಕ.)] ಪಟಿಸಾರೀ ಚ, ಅತ್ಥಿ ಪದಾತಿರಿತ್ತತಾ.

ತಯೋ ಉಕ್ಖೇಪನಾ ಕಮ್ಮಾ, ಸದಿಸಾ ತೇ ವಿಭತ್ತಿತೋ;

ತಜ್ಜನೀಯನಯೇನಾಪಿ, ಸೇಸಕಮ್ಮಂ ವಿಜಾನಿಯಾತಿ.

ಕಮ್ಮಕ್ಖನ್ಧಕಂ ನಿಟ್ಠಿತಂ.

೨. ಪಾರಿವಾಸಿಕಕ್ಖನ್ಧಕಂ

೧. ಪಾರಿವಾಸಿಕವತ್ತಂ

೭೫. ತೇನ ¶ ¶ ¶ ¶ ಸಮಯೇನ ಬುದ್ಧೋ ಭಗವಾ ಸಾವತ್ಥಿಯಂ ವಿಹರತಿ ಜೇತವನೇ ಅನಾಥಪಿಣ್ಡಿಕಸ್ಸ ಆರಾಮೇ. ತೇನ ಖೋ ಪನ ಸಮಯೇನ ಪಾರಿವಾಸಿಕಾ ಭಿಕ್ಖೂ ಸಾದಿಯನ್ತಿ ಪಕತತ್ತಾನಂ ಭಿಕ್ಖೂನಂ ಅಭಿವಾದನಂ, ಪಚ್ಚುಟ್ಠಾನಂ, ಅಞ್ಜಲಿಕಮ್ಮಂ, ಸಾಮೀಚಿಕಮ್ಮಂ, ಆಸನಾಭಿಹಾರಂ, ಸೇಯ್ಯಾಭಿಹಾರಂ, ಪಾದೋದಕಂ ಪಾದಪೀಠಂ, ಪಾದಕಥಲಿಕಂ, ಪತ್ತಚೀವರಪಟಿಗ್ಗಹಣಂ, ನಹಾನೇ ಪಿಟ್ಠಿಪರಿಕಮ್ಮಂ. ಯೇ ತೇ ಭಿಕ್ಖೂ ಅಪ್ಪಿಚ್ಛಾ…ಪೇ… ತೇ ಉಜ್ಝಾಯನ್ತಿ ಖಿಯ್ಯನ್ತಿ ವಿಪಾಚೇನ್ತಿ – ‘‘ಕಥಞ್ಹಿ ನಾಮ ಪಾರಿವಾಸಿಕಾ ಭಿಕ್ಖೂ ಸಾದಿಯಿಸ್ಸನ್ತಿ ಪಕತತ್ತಾನಂ ಭಿಕ್ಖೂನಂ ಅಭಿವಾದನಂ, ಪಚ್ಚುಟ್ಠಾನಂ, ಅಞ್ಜಲಿಕಮ್ಮಂ, ಸಾಮೀಚಿಕಮ್ಮಂ, ಆಸನಾಭಿಹಾರಂ, ಸೇಯ್ಯಾಭಿಹಾರಂ, ಪಾದೋದಕಂ ಪಾದಪೀಠಂ, ಪಾದಕಥಲಿಕಂ, ಪತ್ತಚೀವರಪಟಿಗ್ಗಹಣಂ, ನಹಾನೇ ಪಿಟ್ಠಿಪರಿಕಮ್ಮ’’ನ್ತಿ! ಅಥ ಖೋ ತೇ ಭಿಕ್ಖೂ ಭಗವತೋ ಏತಮತ್ಥಂ ಆರೋಚೇಸುಂ.

ಅಥ ಖೋ ಭಗವಾ ಏತಸ್ಮಿಂ ನಿದಾನೇ ಏತಸ್ಮಿಂ ಪಕರಣೇ ಭಿಕ್ಖುಸಙ್ಘಂ ಸನ್ನಿಪಾತಾಪೇತ್ವಾ ಭಿಕ್ಖೂ ಪಟಿಪುಚ್ಛಿ – ‘‘ಸಚ್ಚಂ ಕಿರ, ಭಿಕ್ಖವೇ, ಪಾರಿವಾಸಿಕಾ ಭಿಕ್ಖೂ ಸಾದಿಯನ್ತಿ ಪಕತತ್ತಾನಂ ಭಿಕ್ಖೂನಂ ಅಭಿವಾದನಂ, ಪಚ್ಚುಟ್ಠಾನಂ, ಅಞ್ಜಲಿಕಮ್ಮಂ, ಸಾಮೀಚಿಕಮ್ಮಂ, ಆಸನಾಭಿಹಾರಂ, ಸೇಯ್ಯಾಭಿಹಾರಂ, ಪಾದೋದಕಂ ಪಾದಪೀಠಂ, ಪಾದಕಥಲಿಕಂ, ಪತ್ತಚೀವರಪಟಿಗ್ಗಹಣಂ, ನಹಾನೇ ಪಿಟ್ಠಿಪರಿಕಮ್ಮ’’ನ್ತಿ? ‘‘ಸಚ್ಚಂ ಭಗವಾ’’ತಿ. ವಿಗರಹಿ ಬುದ್ಧೋ ಭಗವಾ – ‘‘ಅನನುಚ್ಛವಿಕಂ…ಪೇ… ಕಥಞ್ಹಿ ನಾಮ, ಭಿಕ್ಖವೇ, ಪಾರಿವಾಸಿಕಾ ಭಿಕ್ಖೂ ಸಾದಿಯಿಸ್ಸನ್ತಿ ಪಕತತ್ತಾನಂ ಭಿಕ್ಖೂನಂ ಅಭಿವಾದನಂ, ಪಚ್ಚುಟ್ಠಾನಂ, ಅಞ್ಜಲಿಕಮ್ಮಂ, ಸಾಮೀಚಿಕಮ್ಮಂ, ಆಸನಾಭಿಹಾರಂ, ಸೇಯ್ಯಾಭಿಹಾರಂ, ಪಾದೋದಕಂ ¶ ಪಾದಪೀಠಂ, ಪಾದಕಥಲಿಕಂ, ಪತ್ತಚೀವರಪಟಿಗ್ಗಹಣಂ, ನಹಾನೇ ಪಿಟ್ಠಿಪರಿಕಮ್ಮಂ. ನೇತಂ, ಭಿಕ್ಖವೇ, ಅಪ್ಪಸನ್ನಾನಂ ವಾ ಪಸಾದಾಯ…ಪೇ… ವಿಗರಹಿತ್ವಾ…ಪೇ… ಧಮ್ಮಿಂ ಕಥಂ ಕತ್ವಾ ಭಿಕ್ಖೂ ಆಮನ್ತೇಸಿ – ‘‘ನ, ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ಸಾದಿತಬ್ಬಂ ಪಕತತ್ತಾನಂ ಭಿಕ್ಖೂನಂ ಅಭಿವಾದನಂ, ಪಚ್ಚುಟ್ಠಾನಂ, ಅಞ್ಜಲಿಕಮ್ಮಂ ¶ , ಸಾಮೀಚಿಕಮ್ಮಂ, ಆಸನಾಭಿಹಾರೋ, ಸೇಯ್ಯಾಭಿಹಾರೋ, ಪಾದೋದಕಂ ಪಾದಪೀಠಂ, ಪಾದಕಥಲಿಕಂ, ಪತ್ತಚೀವರಪಟಿಗ್ಗಹಣಂ, ನಹಾನೇ ಪಿಟ್ಠಿಪರಿಕಮ್ಮಂ. ಯೋ ಸಾದಿಯೇಯ್ಯ, ಆಪತ್ತಿ ದುಕ್ಕಟಸ್ಸ.

‘‘ಅನುಜಾನಾಮಿ, ಭಿಕ್ಖವೇ, ಪಾರಿವಾಸಿಕಾನಂ ಭಿಕ್ಖೂನಂ ಮಿಥು ಯಥಾವುಡ್ಢಂ ಅಭಿವಾದನಂ, ಪಚ್ಚುಟ್ಠಾನಂ, ಅಞ್ಜಲಿಕಮ್ಮಂ, ಸಾಮೀಚಿಕಮ್ಮಂ, ಆಸನಾಭಿಹಾರಂ, ಸೇಯ್ಯಾಭಿಹಾರಂ, ಪಾದೋದಕಂ ಪಾದಪೀಠಂ, ಪಾದಕಥಲಿಕಂ, ಪತ್ತಚೀವರಪಟಿಗ್ಗಹಣಂ, ನಹಾನೇ ಪಿಟ್ಠಿಪರಿಕಮ್ಮಂ.

‘‘ಅನುಜಾನಾಮಿ ¶ , ಭಿಕ್ಖವೇ, ಪಾರಿವಾಸಿಕಾನಂ ಭಿಕ್ಖೂನಂ ಪಞ್ಚ ಯಥಾವುಡ್ಢಂ – ಉಪೋಸಥಂ, ಪವಾರಣಂ, ವಸ್ಸಿಕಸಾಟಿಕಂ, ಓಣೋಜನಂ, ಭತ್ತಂ. ತೇನ ಹಿ, ಭಿಕ್ಖವೇ, ಪಾರಿವಾಸಿಕಾನಂ ಭಿಕ್ಖೂನಂ ವತ್ತಂ ಪಞ್ಞಪೇಸ್ಸಾಮಿ ಯಥಾ ಪಾರಿವಾಸಿಕೇಹಿ ಭಿಕ್ಖೂಹಿ ವತ್ತಿತಬ್ಬಂ ¶ .

೭೬. ‘‘ಪಾರಿವಾಸಿಕೇನ, ಭಿಕ್ಖವೇ, ಭಿಕ್ಖುನಾ ಸಮ್ಮಾ ವತ್ತಿತಬ್ಬಂ. ತತ್ರಾಯಂ ಸಮ್ಮಾವತ್ತನಾ –

ನ ಉಪಸಮ್ಪಾದೇತಬ್ಬಂ, ನ ನಿಸ್ಸಯೋ ದಾತಬ್ಬೋ, ನ ಸಾಮಣೇರೋ ಉಪಟ್ಠಾಪೇತಬ್ಬೋ, ನ ಭಿಕ್ಖುನೋವಾದಕಸಮ್ಮುತಿ ಸಾದಿತಬ್ಬಾ, ಸಮ್ಮತೇನಪಿ ಭಿಕ್ಖುನಿಯೋ ನ ಓವದಿತಬ್ಬಾ. ಯಾಯ ಆಪತ್ತಿಯಾ ಸಙ್ಘೇನ ಪರಿವಾಸೋ ದಿನ್ನೋ ಹೋತಿ ಸಾ ಆಪತ್ತಿ ನ ಆಪಜ್ಜಿತಬ್ಬಾ, ಅಞ್ಞಾ ವಾ ¶ ತಾದಿಸಿಕಾ, ತತೋ ವಾ ಪಾಪಿಟ್ಠತರಾ; ಕಮ್ಮಂ ನ ಗರಹಿತಬ್ಬಂ, ಕಮ್ಮಿಕಾ ನ ಗರಹಿತಬ್ಬಾ. ನ ಪಕತತ್ತಸ್ಸ ಭಿಕ್ಖುನೋ ಉಪೋಸಥೋ ಠಪೇತಬ್ಬೋ, ನ ಪವಾರಣಾ ಠಪೇತಬ್ಬಾ, ನ ಸವಚನೀಯಂ ಕಾತಬ್ಬಂ, ನ ಅನುವಾದೋ ಪಟ್ಠಪೇತಬ್ಬೋ, ನ ಓಕಾಸೋ ಕಾರೇತಬ್ಬೋ, ನ ಚೋದೇತಬ್ಬೋ, ನ ಸಾರೇತಬ್ಬೋ, ನ ಭಿಕ್ಖೂಹಿ ಸಮ್ಪಯೋಜೇತಬ್ಬಂ.

‘‘ನ, ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ಪಕತತ್ತಸ್ಸ ಭಿಕ್ಖುನೋ ಪುರತೋ ಗನ್ತಬ್ಬಂ, ನ ಪುರತೋ ನಿಸೀದಿತಬ್ಬಂ. ಯೋ ಹೋತಿ ಸಙ್ಘಸ್ಸ ಆಸನಪರಿಯನ್ತೋ ಸೇಯ್ಯಾಪರಿಯನ್ತೋ ವಿಹಾರಪರಿಯನ್ತೋ ಸೋ ತಸ್ಸ ಪದಾತಬ್ಬೋ. ತೇನ ಚ ಸೋ ಸಾದಿತಬ್ಬೋ.

‘‘ನ, ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ಪಕತತ್ತೇನ ಭಿಕ್ಖುನಾ ಪುರೇಸಮಣೇನ ವಾ ಪಚ್ಛಾಸಮಣೇನ ವಾ ಕುಲಾನಿ ಉಪಸಙ್ಕಮಿತಬ್ಬಾನಿ, ನ ಆರಞ್ಞಿಕಙ್ಗಂ ಸಮಾದಾತಬ್ಬಂ [ಸಮಾದಿತಬ್ಬಂ (ಕ.)], ನ ಪಿಣ್ಡಪಾತಿಕಙ್ಗಂ ಸಮಾದಾತಬ್ಬಂ, ನ ಚ ತಪ್ಪಚ್ಚಯಾ ಪಿಣ್ಡಪಾತೋ ನೀಹರಾಪೇತಬ್ಬೋ – ಮಾ ಮಂ ಜಾನಿಂಸೂತಿ.

‘‘ಪಾರಿವಾಸಿಕೇನ ¶ , ಭಿಕ್ಖವೇ, ಭಿಕ್ಖುನಾ ಆಗನ್ತುಕೇನ ಆರೋಚೇತಬ್ಬಂ, ಆಗನ್ತುಕಸ್ಸ ಆರೋಚೇತಬ್ಬಂ, ಉಪೋಸಥೇ ಆರೋಚೇತಬ್ಬಂ, ಪವಾರಣಾಯ ಆರೋಚೇತಬ್ಬಂ. ಸಚೇ ಗಿಲಾನೋ ಹೋತಿ, ದೂತೇನಪಿ ಆರೋಚೇತಬ್ಬಂ.

‘‘ನ, ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ಅಭಿಕ್ಖುಕೋ ಆವಾಸೋ ಗನ್ತಬ್ಬೋ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ.

‘‘ನ ¶ , ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ಅಭಿಕ್ಖುಕೋ ಅನಾವಾಸೋ ಗನ್ತಬ್ಬೋ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ ¶ . ನ, ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ಅಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ ಗನ್ತಬ್ಬೋ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ.

‘‘ನ, ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ಸಭಿಕ್ಖುಕಾ ಅನಾವಾಸಾ ಅಭಿಕ್ಖುಕೋ ಆವಾಸೋ ಗನ್ತಬ್ಬೋ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ. ನ, ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ಸಭಿಕ್ಖುಕಾ ಅನಾವಾಸಾ ಅಭಿಕ್ಖುಕೋ ಅನಾವಾಸೋ ಗನ್ತಬ್ಬೋ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ. ನ, ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ಸಭಿಕ್ಖುಕಾ ಅನಾವಾಸಾ ಅಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ ಗನ್ತಬ್ಬೋ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ.

‘‘ನ, ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ವಾ ಅನಾವಾಸಾ ವಾ ಅಭಿಕ್ಖುಕೋ ಆವಾಸೋ ಗನ್ತಬ್ಬೋ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ. ನ, ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ವಾ ಅನಾವಾಸಾ ವಾ ಅಭಿಕ್ಖುಕೋ ಅನಾವಾಸೋ ಗನ್ತಬ್ಬೋ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ. ನ, ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ವಾ ಅನಾವಾಸಾ ವಾ ಅಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ ಗನ್ತಬ್ಬೋ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ.

‘‘ನ, ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ಸಭಿಕ್ಖುಕೋ ಆವಾಸೋ ಗನ್ತಬ್ಬೋ, ಯತ್ಥಸ್ಸು ಭಿಕ್ಖೂ ನಾನಾಸಂವಾಸಕಾ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ. ನ, ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ಸಭಿಕ್ಖುಕೋ ಅನಾವಾಸೋ ಗನ್ತಬ್ಬೋ, ಯತ್ಥಸ್ಸು ¶ ಭಿಕ್ಖೂ ನಾನಾಸಂವಾಸಕಾ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ. ನ, ಭಿಕ್ಖವೇ, ಪಾರಿವಾಸಿಕೇನ ¶ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ಸಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ ಗನ್ತಬ್ಬೋ, ಯತ್ಥಸ್ಸು ಭಿಕ್ಖೂ ನಾನಾಸಂವಾಸಕಾ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ.

‘‘ನ, ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ಸಭಿಕ್ಖುಕಾ ಅನಾವಾಸಾ ಸಭಿಕ್ಖುಕೋ ಆವಾಸೋ ಗನ್ತಬ್ಬೋ, ಯತ್ಥಸ್ಸು ಭಿಕ್ಖೂ ನಾನಾಸಂವಾಸಕಾ, ಅಞ್ಞತ್ರ ¶ ಪಕತತ್ತೇನ, ಅಞ್ಞತ್ರ ಅನ್ತರಾಯಾ. ನ, ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ಸಭಿಕ್ಖುಕಾ ಅನಾವಾಸಾ ಸಭಿಕ್ಖುಕೋ ಅನಾವಾಸೋ ಗನ್ತಬ್ಬೋ, ಯತ್ಥಸ್ಸು ಭಿಕ್ಖೂ ನಾನಾಸಂವಾಸಕಾ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ. ನ, ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ಸಭಿಕ್ಖುಕಾ ಅನಾವಾಸಾ ಸಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ ಗನ್ತಬ್ಬೋ, ಯತ್ಥಸ್ಸು ಭಿಕ್ಖೂ ನಾನಾಸಂವಾಸಕಾ, ಅಞ್ಞತ್ರ ಪಕತತ್ತೇನ ¶ , ಅಞ್ಞತ್ರ ಅನ್ತರಾಯಾ.

‘‘ನ, ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ವಾ ಅನಾವಾಸಾ ವಾ ಸಭಿಕ್ಖುಕೋ ಆವಾಸೋ ಗನ್ತಬ್ಬೋ, ಯತ್ಥಸ್ಸು ಭಿಕ್ಖೂ ನಾನಾಸಂವಾಸಕಾ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ. ನ, ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ವಾ ಅನಾವಾಸಾ ವಾ ಸಭಿಕ್ಖುಕೋ ಅನಾವಾಸೋ ಗನ್ತಬ್ಬೋ, ಯತ್ಥಸ್ಸು ಭಿಕ್ಖೂ ನಾನಾಸಂವಾಸಕಾ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ. ನ, ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ವಾ ಅನಾವಾಸಾ ವಾ ಸಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ ಗನ್ತಬ್ಬೋ, ಯತ್ಥಸ್ಸು ಭಿಕ್ಖೂ ನಾನಾಸಂವಾಸಕಾ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ¶ ಅನ್ತರಾಯಾ.

೮೦. ‘‘ಗನ್ತಬ್ಬೋ, ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ಸಭಿಕ್ಖುಕೋ ಆವಾಸೋ, ಯತ್ಥಸ್ಸು ಭಿಕ್ಖೂ ಸಮಾನಸಂವಾಸಕಾ, ಯಂ ಜಞ್ಞಾ ಸಕ್ಕೋಮಿ ಅಜ್ಜೇವ ಗನ್ತುನ್ತಿ.

‘‘ಗನ್ತಬ್ಬೋ, ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ಸಭಿಕ್ಖುಕೋ ಅನಾವಾಸೋ, ಯತ್ಥಸ್ಸು ಭಿಕ್ಖೂ ಸಮಾನಸಂವಾಸಕಾ, ಯಂ ಜಞ್ಞಾ ಸಕ್ಕೋಮಿ ಅಜ್ಜೇವ ಗನ್ತುನ್ತಿ.

‘‘ಗನ್ತಬ್ಬೋ, ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ಸಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ, ಯತ್ಥಸ್ಸು ಭಿಕ್ಖೂ ಸಮಾನಸಂವಾಸಕಾ, ಯಂ ಜಞ್ಞಾ ಸಕ್ಕೋಮಿ ಅಜ್ಜೇವ ಗನ್ತುನ್ತಿ.

‘‘ಗನ್ತಬ್ಬೋ ¶ , ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ಸಭಿಕ್ಖುಕಾ ಅನಾವಾಸಾ ಸಭಿಕ್ಖುಕೋ ಆವಾಸೋ, ಯತ್ಥಸ್ಸು ಭಿಕ್ಖೂ ಸಮಾನಸಂವಾಸಕಾ, ಯಂ ಜಞ್ಞಾ ಸಕ್ಕೋಮಿ ಅಜ್ಜೇವ ಗನ್ತುನ್ತಿ.

‘‘ಗನ್ತಬ್ಬೋ ¶ , ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ಸಭಿಕ್ಖುಕಾ ಅನಾವಾಸಾ ಸಭಿಕ್ಖುಕೋ ಅನಾವಾಸೋ, ಯತ್ಥಸ್ಸು ಭಿಕ್ಖೂ ಸಮಾನಸಂವಾಸಕಾ, ಯಂ ಜಞ್ಞಾ ಸಕ್ಕೋಮಿ ಅಜ್ಜೇವ ಗನ್ತುನ್ತಿ.

‘‘ಗನ್ತಬ್ಬೋ, ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ಸಭಿಕ್ಖುಕಾ ಅನಾವಾಸಾ ಸಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ, ಯತ್ಥಸ್ಸು ಭಿಕ್ಖೂ ಸಮಾನಸಂವಾಸಕಾ, ಯಂ ಜಞ್ಞಾ ಸಕ್ಕೋಮಿ ಅಜ್ಜೇವ ಗನ್ತುನ್ತಿ.

‘‘ಗನ್ತಬ್ಬೋ, ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ವಾ ಅನಾವಾಸಾ ವಾ ಸಭಿಕ್ಖುಕೋ ಆವಾಸೋ, ಯತ್ಥಸ್ಸು ಭಿಕ್ಖೂ ಸಮಾನಸಂವಾಸಕಾ, ಯಂ ಜಞ್ಞಾ ಸಕ್ಕೋಮಿ ಅಜ್ಜೇವ ಗನ್ತುನ್ತಿ.

‘‘ಗನ್ತಬ್ಬೋ, ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ¶ ಸಭಿಕ್ಖುಕಾ ಆವಾಸಾ ವಾ ಅನಾವಾಸಾ ವಾ ಸಭಿಕ್ಖುಕೋ ಅನಾವಾಸೋ, ಯತ್ಥಸ್ಸು ಭಿಕ್ಖೂ ಸಮಾನಸಂವಾಸಕಾ, ಯಂ ಜಞ್ಞಾ ಸಕ್ಕೋಮಿ ಅಜ್ಜೇವ ಗನ್ತುನ್ತಿ.

‘‘ಗನ್ತಬ್ಬೋ, ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ವಾ ಅನಾವಾಸಾ ವಾ ಸಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ, ಯತ್ಥಸ್ಸು ಭಿಕ್ಖೂ ಸಮಾನಸಂವಾಸಕಾ, ಯಂ ಜಞ್ಞಾ ಸಕ್ಕೋಮಿ ಅಜ್ಜೇವ ಗನ್ತುನ್ತಿ.

೮೧. ‘‘ನ, ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ಪಕತತ್ತೇನ ಭಿಕ್ಖುನಾ ಸದ್ಧಿಂ ಏಕಚ್ಛನ್ನೇ ಆವಾಸೇ ವತ್ಥಬ್ಬಂ, ನ ಏಕಚ್ಛನ್ನೇ ಅನಾವಾಸೇ ವತ್ಥಬ್ಬಂ, ನ ಏಕಚ್ಛನ್ನೇ ಆವಾಸೇ ವಾ ಅನಾವಾಸೇ ವಾ ವತ್ಥಬ್ಬಂ. ಪಕತತ್ತಂ ಭಿಕ್ಖುಂ ದಿಸ್ವಾ ಆಸನಾ ವುಟ್ಠಾತಬ್ಬಂ. ಪಕತತ್ತೋ ಭಿಕ್ಖು ಆಸನೇನ ನಿಮನ್ತೇತಬ್ಬೋ. ನ ಪಕತತ್ತೇನ ಭಿಕ್ಖುನಾ ಸದ್ಧಿಂ ಏಕಾಸನೇ ನಿಸೀದಿತಬ್ಬಂ, ನ ನೀಚೇ ಆಸನೇ ನಿಸಿನ್ನೇ ಉಚ್ಚೇ ಆಸನೇ ನಿಸೀದಿತಬ್ಬಂ, ನ ಛಮಾಯಂ ನಿಸಿನ್ನೇ ಆಸನೇ ನಿಸೀದಿತಬ್ಬಂ; ನ ಏಕಚಙ್ಕಮೇ ಚಙ್ಕಮಿತಬ್ಬಂ, ನ ನೀಚೇ ಚಙ್ಕಮೇ ಚಙ್ಕಮನ್ತೇ ಉಚ್ಚೇ ಚಙ್ಕಮೇ ಚಙ್ಕಮಿತಬ್ಬಂ, ನ ಛಮಾಯಂ ಚಙ್ಕಮನ್ತೇ [ಚಙ್ಕಮನ್ತಂ (ಅಟ್ಠಕಥಾಯಂ ಸಂವಣ್ಣೇತಬ್ಬಪಾಠೋ)] ಚಙ್ಕಮೇ ಚಙ್ಕಮಿತಬ್ಬಂ.

೮೨. ‘‘ನ ¶ , ಭಿಕ್ಖವೇ, ಪಾರಿವಾಸಿಕೇನ ಭಿಕ್ಖುನಾ ಪಾರಿವಾಸಿಕೇನ ವುಡ್ಢತರೇನ ಭಿಕ್ಖುನಾ ಸದ್ಧಿಂ…ಪೇ… ಮೂಲಾಯಪಟಿಕಸ್ಸನಾರಹೇನ ಭಿಕ್ಖುನಾ ಸದ್ಧಿಂ…ಪೇ… ಮಾನತ್ತಾರಹೇನ ಭಿಕ್ಖುನಾ ಸದ್ಧಿಂ…ಪೇ… ಮಾನತ್ತಚಾರಿಕೇನ ಭಿಕ್ಖುನಾ ಸದ್ಧಿಂ…ಪೇ… ಅಬ್ಭಾನಾರಹೇನ ಭಿಕ್ಖುನಾ ಸದ್ಧಿಂ ಏಕಚ್ಛನ್ನೇ ಆವಾಸೇ ವತ್ಥಬ್ಬಂ, ನ ಏಕಚ್ಛನ್ನೇ ಅನಾವಾಸೇ ವತ್ಥಬ್ಬಂ, ನ ಏಕಚ್ಛನ್ನೇ ¶ ಆವಾಸೇ ವಾ ಅನಾವಾಸೇ ವಾ ವತ್ಥಬ್ಬಂ; ನ ಏಕಾಸನೇ ನಿಸೀದಿತಬ್ಬಂ ¶ , ನ ನೀಚೇ ಆಸನೇ ನಿಸಿನ್ನೇ ಉಚ್ಚೇ ಆಸನೇ ನಿಸೀದಿತಬ್ಬಂ, ನ ಛಮಾಯಂ ನಿಸಿನ್ನೇ ಆಸನೇ ನಿಸೀದಿತಬ್ಬಂ; ನ ಏಕಚಙ್ಕಮೇ ಚಙ್ಕಮಿತಬ್ಬಂ, ನ ನೀಚೇ ಚಙ್ಕಮೇ ಚಙ್ಕಮನ್ತೇ ಉಚ್ಚೇ ಚಙ್ಕಮೇ ಚಙ್ಕಮಿತಬ್ಬಂ, ನ ಛಮಾಯಂ ಚಙ್ಕಮನ್ತೇ ಚಙ್ಕಮೇ ಚಙ್ಕಮಿತಬ್ಬಂ.

[ಮಹಾವ. ೩೯೩] ‘‘ಪಾರಿವಾಸಿಕಚತುತ್ಥೋ ಚೇ, ಭಿಕ್ಖವೇ, ಪರಿವಾಸಂ ದದೇಯ್ಯ, ಮೂಲಾಯ ಪಟಿಕಸ್ಸೇಯ್ಯ, ಮಾನತ್ತಂ ದದೇಯ್ಯ, ತಂವೀಸೋ ಅಬ್ಭೇಯ್ಯ, ಅಕಮ್ಮಂ [ಅಕಮ್ಮಂ ತಂ (ಸ್ಯಾ.)], ನ ಚ ಕರಣೀಯ’’ನ್ತಿ.

ಚತುನ್ನವುತಿಪಾರಿವಾಸಿಕವತ್ತಂ ನಿಟ್ಠಿತಂ.

೮೩. ಅಥ ಖೋ ಆಯಸ್ಮಾ ಉಪಾಲಿ ಯೇನ ಭಗವಾ ತೇನುಪಸಙ್ಕಮಿ. ಉಪಸಙ್ಕಮಿತ್ವಾ ಭಗವನ್ತಂ ಅಭಿವಾದೇತ್ವಾ ಏಕಮನ್ತಂ ನಿಸೀದಿ. ಏಕಮನ್ತಂ ನಿಸಿನ್ನೋ ಖೋ ಆಯಸ್ಮಾ ಉಪಾಲಿ ಭಗವನ್ತಂ ಏತದವೋಚ – ‘‘ಕತಿ ನು ಖೋ, ಭನ್ತೇ, ಪಾರಿವಾಸಿಕಸ್ಸ ಭಿಕ್ಖುನೋ ರತ್ತಿಚ್ಛೇದಾ’’ತಿ? ‘‘ತಯೋ ಖೋ, ಉಪಾಲಿ, ಪಾರಿವಾಸಿಕಸ್ಸ ಭಿಕ್ಖುನೋ ರತ್ತಿಚ್ಛೇದಾ ¶ . ಸಹವಾಸೋ, ವಿಪ್ಪವಾಸೋ, ಅನಾರೋಚನಾ – ಇಮೇ ಖೋ, ಉಪಾಲಿ, ತಯೋ ಪಾರಿವಾಸಿಕಸ್ಸ ಭಿಕ್ಖುನೋ ರತ್ತಿಚ್ಛೇದಾ’’ತಿ.

೮೪. ತೇನ ಖೋ ಪನ ಸಮಯೇನ ಸಾವತ್ಥಿಯಂ ಮಹಾಭಿಕ್ಖುಸಙ್ಘೋ ಸನ್ನಿಪತಿತೋ ಹೋತಿ. ನ ಸಕ್ಕೋನ್ತಿ ಪಾರಿವಾಸಿಕಾ ಭಿಕ್ಖೂ ಪರಿವಾಸಂ ಸೋಧೇತುಂ ¶ . ಭಗವತೋ [ತೇ ಭಿಕ್ಖೂ ಭಗವತೋ (ಸ್ಯಾ., ಏವಮುಪರಿಪಿ)] ಏತಮತ್ಥಂ ಆರೋಚೇಸುಂ. ‘‘ಅನುಜಾನಾಮಿ, ಭಿಕ್ಖವೇ, ಪರಿವಾಸಂ ನಿಕ್ಖಿಪಿತುಂ. ಏವಞ್ಚ ಪನ, ಭಿಕ್ಖವೇ, ನಿಕ್ಖಿಪಿತಬ್ಬೋ. ತೇನ ಪಾರಿವಾಸಿಕೇನ ಭಿಕ್ಖುನಾ ಏಕಂ ಭಿಕ್ಖುಂ ಉಪಸಙ್ಕಮಿತ್ವಾ ಏಕಂಸಂ ಉತ್ತರಾಸಙ್ಗಂ ಕರಿತ್ವಾ ಉಕ್ಕುಟಿಕಂ ನಿಸೀದಿತ್ವಾ ಅಞ್ಜಲಿಂ ಪಗ್ಗಹೇತ್ವಾ ಏವಮಸ್ಸ ವಚನೀಯೋ – ‘ಪರಿವಾಸಂ ನಿಕ್ಖಿಪಾಮೀ’ತಿ. ನಿಕ್ಖಿತ್ತೋ ಹೋತಿ ಪರಿವಾಸೋ. ‘ವತ್ತಂ ನಿಕ್ಖಿಪಾಮೀ’ತಿ. ನಿಕ್ಖಿತ್ತೋ ಹೋತಿ ಪರಿವಾಸೋ.

೮೫. ತೇನ ಖೋ ಪನ ಸಮಯೇನ ಸಾವತ್ಥಿಯಾ ಭಿಕ್ಖೂ ತಹಂ ತಹಂ ಪಕ್ಕಮಿಂಸು. ಸಕ್ಕೋನ್ತಿ ಪಾರಿವಾಸಿಕಾ ಭಿಕ್ಖೂ ಪರಿವಾಸಂ ಸೋಧೇತುಂ. ಭಗವತೋ ಏತಮತ್ಥಂ ಆರೋಚೇಸುಂ. ‘‘ಅನುಜಾನಾಮಿ, ಭಿಕ್ಖವೇ, ಪರಿವಾಸಂ ಸಮಾದಿಯಿತುಂ [ಸಮಾದಾತುಂ (ಸ್ಯಾ. ಕಂ.)]. ಏವಞ್ಚ ಪನ, ಭಿಕ್ಖವೇ, ಸಮಾದಿಯಿತಬ್ಬೋ [ಸಮಾದಿತಬ್ಬೋ (ಸೀ. ಸ್ಯಾ. ಕಂ.)]. ತೇನ ಪಾರಿವಾಸಿಕೇನ ಭಿಕ್ಖುನಾ ಏಕಂ ಭಿಕ್ಖುಂ ಉಪಸಙ್ಕಮಿತ್ವಾ ¶ ಏಕಂಸಂ ಉತ್ತರಾಸಙ್ಗಂ ಕರಿತ್ವಾ ಉಕ್ಕುಟಿಕಂ ನಿಸೀದಿತ್ವಾ ¶ ಅಞ್ಜಲಿಂ ಪಗ್ಗಹೇತ್ವಾ ಏವಮಸ್ಸ ವಚನೀಯೋ – ‘ಪರಿವಾಸಂ ಸಮಾದಿಯಾಮೀ’ತಿ. ಸಮಾದಿನ್ನೋ ಹೋತಿ ಪರಿವಾಸೋ. ‘ವತ್ತಂ ಸಮಾದಿಯಾಮೀ’ತಿ. ಸಮಾದಿನ್ನೋ ಹೋತಿ ಪರಿವಾಸೋ’’.

ಪಾರಿವಾಸಿಕವತ್ತಂ ನಿಟ್ಠಿತಂ.

೨. ಮೂಲಾಯಪಟಿಕಸ್ಸನಾರಹವತ್ತಂ

೮೬. ತೇನ ¶ ಖೋ ಪನ ಸಮಯೇನ ಮೂಲಾಯಪಟಿಕಸ್ಸನಾರಹಾ ಭಿಕ್ಖೂ ಸಾದಿಯನ್ತಿ ಪಕತತ್ತಾನಂ ಭಿಕ್ಖೂನಂ ಅಭಿವಾದನಂ, ಪಚ್ಚುಟ್ಠಾನಂ, ಅಞ್ಜಲಿಕಮ್ಮಂ, ಸಾಮೀಚಿಕಮ್ಮಂ, ಆಸನಾಭಿಹಾರಂ, ಸೇಯ್ಯಾಭಿಹಾರಂ, ಪಾದೋದಕಂ ಪಾದಪೀಠಂ, ಪಾದಕಥಲಿಕಂ, ಪತ್ತಚೀವರಪಟಿಗ್ಗಹಣಂ, ನಹಾನೇ ಪಿಟ್ಠಿಪರಿಕಮ್ಮಂ. ಯೇ ತೇ ಭಿಕ್ಖೂ ಅಪ್ಪಿಚ್ಛಾ…ಪೇ… ತೇ ಉಜ್ಝಾಯನ್ತಿ ಖಿಯ್ಯನ್ತಿ ವಿಪಾಚೇನ್ತಿ – ‘‘ಕಥಞ್ಹಿ ನಾಮ ಮೂಲಾಯಪಟಿಕಸ್ಸನಾರಹಾ ಭಿಕ್ಖೂ ಸಾದಿಯಿಸ್ಸನ್ತಿ ಪಕತತ್ತಾನಂ ಭಿಕ್ಖೂನಂ ಅಭಿವಾದನಂ, ಪಚ್ಚುಟ್ಠಾನಂ…ಪೇ… ನಹಾನೇ ಪಿಟ್ಠಿಪರಿಕಮ್ಮ’’ನ್ತಿ. ಅಥ ಖೋ ತೇ ಭಿಕ್ಖೂ ಭಗವತೋ ಏತಮತ್ಥಂ ಆರೋಚೇಸುಂ.

ಅಥ ಖೋ ಭಗವಾ ಏತಸ್ಮಿಂ ನಿದಾನೇ ಏತಸ್ಮಿಂ ಪಕರಣೇ ಭಿಕ್ಖುಸಙ್ಘಂ ಸನ್ನಿಪಾತಾಪೇತ್ವಾ ಭಿಕ್ಖೂ ಪಟಿಪುಚ್ಛಿ – ‘‘ಸಚ್ಚಂ ಕಿರ, ಭಿಕ್ಖವೇ, ಮೂಲಾಯಪಟಿಕಸ್ಸನಾರಹಾ ಭಿಕ್ಖೂ ಸಾದಿಯನ್ತಿ ಪಕತತ್ತಾನಂ ಭಿಕ್ಖೂನಂ ಅಭಿವಾದನಂ, ಪಚ್ಚುಟ್ಠಾನಂ…ಪೇ… ನಹಾನೇ ಪಿಟ್ಠಿಪರಿಕಮ್ಮ’’ನ್ತಿ? ‘‘ಸಚ್ಚಂ ಭಗವಾ’’ತಿ. ವಿಗರಹಿ ಬುದ್ಧೋ ಭಗವಾ – ‘‘ಅನನುಚ್ಛವಿಕಂ…ಪೇ… ಕಥಞ್ಹಿ ನಾಮ, ಭಿಕ್ಖವೇ, ಮೂಲಾಯಪಟಿಕಸ್ಸನಾರಹಾ ಭಿಕ್ಖೂ ಸಾದಿಯಿಸ್ಸನ್ತಿ ಪಕತತ್ತಾನಂ ಭಿಕ್ಖೂನಂ ಅಭಿವಾದನಂ, ಪಚ್ಚುಟ್ಠಾನಂ…ಪೇ… ನಹಾನೇ ಪಿಟ್ಠಿಪರಿಕಮ್ಮಂ! ನೇತಂ ಭಿಕ್ಖವೇ, ಅಪ್ಪಸನ್ನಾನಂ ವಾ ಪಸಾದಾಯ…ಪೇ… ವಿಗರಹಿತ್ವಾ…ಪೇ… ಧಮ್ಮಿಂ ಕಥಂ ಕತ್ವಾ ಭಿಕ್ಖೂ ಆಮನ್ತೇಸಿ – ‘‘ನ, ಭಿಕ್ಖವೇ, ಮೂಲಾಯಪಟಿಕಸ್ಸನಾರಹೇನ ಭಿಕ್ಖುನಾ ಸಾದಿತಬ್ಬಂ ಪಕತತ್ತಾನಂ ಭಿಕ್ಖೂನಂ ಅಭಿವಾದನಂ, ಪಚ್ಚುಟ್ಠಾನಂ, ಅಞ್ಜಲಿಕಮ್ಮಂ, ಸಾಮೀಚಿಕಮ್ಮಂ, ಆಸನಾಭಿಹಾರೋ, ಸೇಯ್ಯಾಭಿಹಾರೋ, ಪಾದೋದಕಂ ಪಾದಪೀಠಂ, ಪಾದಕಥಲಿಕಂ, ಪತ್ತಚೀವರಪಟಿಗ್ಗಹಣಂ, ನಹಾನೇ ಪಿಟ್ಠಿಪರಿಕಮ್ಮಂ. ಯೋ ಸಾದಿಯೇಯ್ಯ, ಆಪತ್ತಿ ದುಕ್ಕಟಸ್ಸ. ಅನುಜಾನಾಮಿ, ಭಿಕ್ಖವೇ, ಮೂಲಾಯಪಟಿಕಸ್ಸನಾರಹಾನಂ ¶ ಭಿಕ್ಖೂನಂ ಮಿಥು ಯಥಾವುಡ್ಢಂ ಅಭಿವಾದನಂ, ಪಚ್ಚುಟ್ಠಾನಂ…ಪೇ… ನಹಾನೇ ಪಿಟ್ಠಿಪರಿಕಮ್ಮಂ. ಅನುಜಾನಾಮಿ, ಭಿಕ್ಖವೇ, ಮೂಲಾಯಪಟಿಕಸ್ಸನಾರಹಾನಂ ಭಿಕ್ಖೂನಂ ಪಞ್ಚ ಯಥಾವುಡ್ಢಂ – ಉಪೋಸಥಂ ¶ , ಪವಾರಣಂ, ವಸ್ಸಿಕಸಾಟಿಕಂ, ಓಣೋಜನಂ, ಭತ್ತಂ. ತೇನ ಹಿ, ಭಿಕ್ಖವೇ, ಮೂಲಾಯಪಟಿಕಸ್ಸನಾರಹಾನಂ ಭಿಕ್ಖೂನಂ ವತ್ತಂ ಪಞ್ಞಾಪೇಸ್ಸಾಮಿ ಯಥಾ ಮೂಲಾಯಪಟಿಕಸ್ಸನಾರಹೇಹಿ ಭಿಕ್ಖೂಹಿ ವತ್ತಿತಬ್ಬಂ.

೮೭. ‘‘ಮೂಲಾಯಪಟಿಕಸ್ಸನಾರಹೇನ ¶ , ಭಿಕ್ಖವೇ, ಭಿಕ್ಖುನಾ ಸಮ್ಮಾ ವತ್ತಿತಬ್ಬಂ. ತತ್ರಾಯಂ ಸಮ್ಮಾವತ್ತನಾ –

ನ ಉಪಸಮ್ಪಾದೇತಬ್ಬಂ, ನ ನಿಸ್ಸಯೋ ದಾತಬ್ಬೋ, ನ ಸಾಮಣೇರೋ ಉಪಟ್ಠಾಪೇತಬ್ಬೋ, ನ ಭಿಕ್ಖುನೋವಾದಕಸಮ್ಮುತಿ ಸಾದಿತಬ್ಬಾ, ಸಮ್ಮತೇನಪಿ ಭಿಕ್ಖುನಿಯೋ ನ ಓವದಿತಬ್ಬಾ. ಯಾಯ ಆಪತ್ತಿಯಾ ಸಙ್ಘೇನ ಮೂಲಾಯ ಪಟಿಕಸ್ಸನಾರಹೋ ಕತೋ ಹೋತಿ ಸಾ ಆಪತ್ತಿ ನ ಆಪಜ್ಜಿತಬ್ಬಾ, ಅಞ್ಞಾ ವಾ ತಾದಿಸಿಕಾ, ತತೋ ವಾ ಪಾಪಿಟ್ಠತರಾ; ಕಮ್ಮಂ ನ ಗರಹಿತಬ್ಬಂ, ಕಮ್ಮಿಕಾ ನ ಗರಹಿತಬ್ಬಾ. ನ ಪಕತತ್ತಸ್ಸ ಭಿಕ್ಖುನೋ ಉಪೋಸಥೋ ಠಪೇತಬ್ಬೋ, ನ ಪವಾರಣಾ ಠಪೇತಬ್ಬಾ, ನ ಸವಚನೀಯಂ ಕಾತಬ್ಬಂ, ನ ಅನುವಾದೋ ಪಟ್ಠಪೇತಬ್ಬೋ, ನ ಓಕಾಸೋ ಕಾರೇತಬ್ಬೋ, ನ ಚೋದೇತಬ್ಬೋ, ನ ಸಾರೇತಬ್ಬೋ, ನ ಭಿಕ್ಖೂಹಿ ಸಮ್ಪಯೋಜೇತಬ್ಬಂ.

‘‘ನ, ಭಿಕ್ಖವೇ, ಮೂಲಾಯಪಟಿಕಸ್ಸನಾರಹೇನ ಭಿಕ್ಖುನಾ ಪಕತತ್ತಸ್ಸ ಭಿಕ್ಖುನೋ ಪುರತೋ ಗನ್ತಬ್ಬಂ, ನ ಪುರತೋ ನಿಸೀದಿತಬ್ಬಂ. ಯೋ ಹೋತಿ ಸಙ್ಘಸ್ಸ ಆಸನಪರಿಯನ್ತೋ ಸೇಯ್ಯಾಪರಿಯನ್ತೋ ವಿಹಾರಪರಿಯನ್ತೋ ಸೋ ತಸ್ಸ ಪದಾತಬ್ಬೋ. ತೇನ ಚ ಸೋ ಸಾದಿತಬ್ಬೋ.

‘‘ನ, ಭಿಕ್ಖವೇ, ಮೂಲಾಯಪಟಿಕಸ್ಸನಾರಹೇನ ಭಿಕ್ಖುನಾ ಪಕತತ್ತೇನ ಭಿಕ್ಖುನಾ ಪುರೇಸಮಣೇನ ವಾ ¶ ಪಚ್ಛಾಸಮಣೇನ ವಾ ಕುಲಾನಿ ಉಪಸಙ್ಕಮಿತಬ್ಬಾನಿ, ನ ಆರಞ್ಞಿಕಙ್ಗಂ ಸಮಾದಾತಬ್ಬಂ, ನ ಪಿಣ್ಡಪಾತಿಕಙ್ಗಂ ಸಮಾದಾತಬ್ಬಂ, ನ ಚ ತಪ್ಪಚ್ಚಯಾ ಪಿಣ್ಡಪಾತೋ ನೀಹರಾಪೇತಬ್ಬೋ – ಮಾ ಮಂ ಜಾನಿಂಸೂತಿ.

‘‘ನ, ಭಿಕ್ಖವೇ, ಮೂಲಾಯಪಟಿಕಸ್ಸನಾರಹೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ಅಭಿಕ್ಖುಕೋ ಆವಾಸೋ ಗನ್ತಬ್ಬೋ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ.

‘‘ನ, ಭಿಕ್ಖವೇ, ಮೂಲಾಯಪಟಿಕಸ್ಸನಾರಹೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ಅಭಿಕ್ಖುಕೋ ಅನಾವಾಸೋ ಗನ್ತಬ್ಬೋ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ.

‘‘ನ ¶ , ಭಿಕ್ಖವೇ, ಮೂಲಾಯಪಟಿಕಸ್ಸನಾರಹೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ಅಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ ಗನ್ತಬ್ಬೋ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ.

‘‘ನ, ಭಿಕ್ಖವೇ, ಮೂಲಾಯಪಟಿಕಸ್ಸನಾರಹೇನ ಭಿಕ್ಖುನಾ ಸಭಿಕ್ಖುಕಾ ಅನಾವಾಸಾ ಅಭಿಕ್ಖುಕೋ ಆವಾಸೋ ¶ ಗನ್ತಬ್ಬೋ…ಪೇ… ಅಭಿಕ್ಖುಕೋ ಅನಾವಾಸೋ ಗನ್ತಬ್ಬೋ…ಪೇ… ಅಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ ಗನ್ತಬ್ಬೋ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ.

‘‘ನ, ಭಿಕ್ಖವೇ, ಮೂಲಾಯಪಟಿಕಸ್ಸನಾರಹೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ವಾ ಅನಾವಾಸಾ ವಾ ಅಭಿಕ್ಖುಕೋ ಆವಾಸೋ ಗನ್ತಬ್ಬೋ…ಪೇ… ಅಭಿಕ್ಖುಕೋ ಅನಾವಾಸೋ ಗನ್ತಬ್ಬೋ…ಪೇ… ಅಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ ಗನ್ತಬ್ಬೋ, ಅಞ್ಞತ್ರ ಪಕತತ್ತೇನ ¶ , ಅಞ್ಞತ್ರ ಅನ್ತರಾಯಾ.

‘‘ನ, ಭಿಕ್ಖವೇ, ಮೂಲಾಯಪಟಿಕಸ್ಸನಾರಹೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ಸಭಿಕ್ಖುಕೋ ಆವಾಸೋ ಗನ್ತಬ್ಬೋ…ಪೇ… ಸಭಿಕ್ಖುಕೋ ಅನಾವಾಸೋ ಗನ್ತಬ್ಬೋ…ಪೇ… ಸಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ ಗನ್ತಬ್ಬೋ, ಯತ್ಥಸ್ಸು ಭಿಕ್ಖೂ ನಾನಾಸಂವಾಸಕಾ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ.

‘‘ನ, ಭಿಕ್ಖವೇ, ಮೂಲಾಯಪಟಿಕಸ್ಸನಾರಹೇನ ಭಿಕ್ಖುನಾ ಸಭಿಕ್ಖುಕಾ ಅನಾವಾಸಾ ಸಭಿಕ್ಖುಕೋ ಆವಾಸೋ ಗನ್ತಬ್ಬೋ…ಪೇ… ಸಭಿಕ್ಖುಕೋ ಅನಾವಾಸೋ ಗನ್ತಬ್ಬೋ…ಪೇ… ಸಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ ಗನ್ತಬ್ಬೋ, ಯತ್ಥಸ್ಸು ಭಿಕ್ಖೂ ನಾನಾಸಂವಾಸಕಾ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ.

‘‘ನ, ಭಿಕ್ಖವೇ, ಮೂಲಾಯಪಟಿಕಸ್ಸನಾರಹೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ವಾ ಅನಾವಾಸಾ ವಾ ಸಭಿಕ್ಖುಕೋ ಆವಾಸೋ ಗನ್ತಬ್ಬೋ…ಪೇ… ಸಭಿಕ್ಖುಕೋ ಅನಾವಾಸೋ ಗನ್ತಬ್ಬೋ…ಪೇ… ಸಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ ಗನ್ತಬ್ಬೋ, ಯತ್ಥಸ್ಸು ಭಿಕ್ಖೂ ನಾನಾಸಂವಾಸಕಾ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ.

‘‘ಗನ್ತಬ್ಬೋ, ಭಿಕ್ಖವೇ, ಮೂಲಾಯಪಟಿಕಸ್ಸನಾರಹೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ಸಭಿಕ್ಖುಕೋ ಆವಾಸೋ…ಪೇ… ಸಭಿಕ್ಖುಕೋ ಅನಾವಾಸೋ…ಪೇ… ಸಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ, ಯತ್ಥಸ್ಸು ಭಿಕ್ಖೂ ಸಮಾನಸಂವಾಸಕಾ, ಯಂ ಜಞ್ಞಾ ಸಕ್ಕೋಮಿ ಅಜ್ಜೇವ ಗನ್ತುನ್ತಿ.

‘‘ಗನ್ತಬ್ಬೋ ¶ , ಭಿಕ್ಖವೇ ¶ , ಮೂಲಾಯಪಟಿಕಸ್ಸನಾರಹೇನ ಭಿಕ್ಖುನಾ ಸಭಿಕ್ಖುಕಾ ಅನಾವಾಸಾ ಸಭಿಕ್ಖುಕೋ ಆವಾಸೋ…ಪೇ… ಸಭಿಕ್ಖುಕೋ ಅನಾವಾಸೋ…ಪೇ… ಸಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ, ಯತ್ಥಸ್ಸು ಭಿಕ್ಖೂ ಸಮಾನಸಂವಾಸಕಾ, ಯಂ ಜಞ್ಞಾ ಸಕ್ಕೋಮಿ ಅಜ್ಜೇವ ಗನ್ತುನ್ತಿ.

‘‘ಗನ್ತಬ್ಬೋ ¶ , ಭಿಕ್ಖವೇ, ಮೂಲಾಯಪಟಿಕಸ್ಸನಾರಹೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ವಾ ಅನಾವಾಸಾ ವಾ ಸಭಿಕ್ಖುಕೋ ಆವಾಸೋ…ಪೇ… ಸಭಿಕ್ಖುಕೋ ಅನಾವಾಸೋ…ಪೇ… ಸಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ, ಯತ್ಥಸ್ಸು ಭಿಕ್ಖೂ ಸಮಾನಸಂವಾಸಕಾ, ಯಂ ಜಞ್ಞಾ ಸಕ್ಕೋಮಿ ಅಜ್ಜೇವ ಗನ್ತುನ್ತಿ.

‘‘ನ, ಭಿಕ್ಖವೇ, ಮೂಲಾಯಪಟಿಕಸ್ಸನಾರಹೇನ ಭಿಕ್ಖುನಾ ಪಕತತ್ತೇನ ಭಿಕ್ಖುನಾ ಸದ್ಧಿಂ ಏಕಚ್ಛನ್ನೇ ಆವಾಸೇ ವತ್ಥಬ್ಬಂ, ನ ಏಕಚ್ಛನ್ನೇ ಅನಾವಾಸೇ ವತ್ಥಬ್ಬಂ, ನ ಏಕಚ್ಛನ್ನೇ ಆವಾಸೇ ವಾ ಅನಾವಾಸೇ ವಾ ವತ್ಥಬ್ಬಂ; ಪಕತತ್ತಂ ಭಿಕ್ಖುಂ ದಿಸ್ವಾ ಆಸನಾ ವುಟ್ಠಾತಬ್ಬಂ, ಪಕತತ್ತೋ ಭಿಕ್ಖು ಆಸನೇನ ನಿಮನ್ತೇತಬ್ಬೋ; ನ ಪಕತತ್ತೇನ ಭಿಕ್ಖುನಾ ಸದ್ಧಿಂ ಏಕಾಸನೇ ನಿಸೀದಿತಬ್ಬಂ; ನ ನೀಚೇ ಆಸನೇ ನಿಸಿನ್ನೇ ಉಚ್ಚೇ ಆಸನೇ ನಿಸೀದಿತಬ್ಬಂ; ನ ಛಮಾಯಂ ನಿಸಿನ್ನೇ ಆಸನೇ ನಿಸೀದಿತಬ್ಬಂ; ನ ಏಕಚಙ್ಕಮೇ ಚಙ್ಕಮಿತಬ್ಬಂ, ನ ನೀಚೇ ಚಙ್ಕಮೇ ಚಙ್ಕಮನ್ತೇ ಉಚ್ಚೇ ಚಙ್ಕಮೇ ಚಙ್ಕಮಿತಬ್ಬಂ, ನ ಛಮಾಯಂ ಚಙ್ಕಮನ್ತೇ ಚಙ್ಕಮೇ ¶ ಚಙ್ಕಮಿತಬ್ಬಂ.

‘‘ನ, ಭಿಕ್ಖವೇ, ಮೂಲಾಯಪಟಿಕಸ್ಸನಾರಹೇನ ಭಿಕ್ಖುನಾ ಪಾರಿವಾಸಿಕೇನ ಭಿಕ್ಖುನಾ ಸದ್ಧಿಂ…ಪೇ… ಮೂಲಾಯಪಟಿಕಸ್ಸನಾರಹೇನ ವುಡ್ಢತರೇನ ಭಿಕ್ಖುನಾ ಸದ್ಧಿಂ…ಪೇ… ಮಾನತ್ತಾರಹೇನ ಭಿಕ್ಖುನಾ ಸದ್ಧಿಂ…ಪೇ… ಮಾನತ್ತಚಾರಿಕೇನ ಭಿಕ್ಖುನಾ ¶ ಸದ್ಧಿಂ…ಪೇ… ಅಬ್ಭಾನಾರಹೇನ ಭಿಕ್ಖುನಾ ಸದ್ಧಿಂ ಏಕಚ್ಛನ್ನೇ ಆವಾಸೇ ವತ್ಥಬ್ಬಂ, ನ ಏಕಚ್ಛನ್ನೇ ಅನಾವಾಸೇ ವತ್ಥಬ್ಬಂ, ನ ಏಕಚ್ಛನ್ನೇ ಆವಾಸೇ ವಾ ಅನಾವಾಸೇ ವಾ ವತ್ಥಬ್ಬಂ; ನ ಏಕಾಸನೇ ನಿಸೀದಿತಬ್ಬಂ; ನ ನೀಚೇ ಆಸನೇ ನಿಸಿನ್ನೇ ಉಚ್ಚೇ ಆಸನೇ ನಿಸೀದಿತಬ್ಬಂ, ನ ಛಮಾಯಂ ನಿಸಿನ್ನೇ ಆಸನೇ ನಿಸೀದಿತಬ್ಬಂ; ನ ಏಕಚಙ್ಕಮೇ ಚಙ್ಕಮಿತಬ್ಬಂ, ನ ನೀಚೇ ಚಙ್ಕಮೇ ಚಙ್ಕಮನ್ತೇ ಉಚ್ಚೇ ಚಙ್ಕಮೇ ಚಙ್ಕಮಿತಬ್ಬಂ, ನ ಛಮಾಯಂ ಚಙ್ಕಮನ್ತೇ ಚಙ್ಕಮೇ ಚಙ್ಕಮಿತಬ್ಬಂ.

[ಮಹಾವ. ೩೯೩] ‘‘ಮೂಲಾಯಪಟಿಕಸ್ಸನಾರಹಚತುತ್ಥೋ ಚೇ, ಭಿಕ್ಖವೇ, ಪರಿವಾಸಂ ದದೇಯ್ಯ, ಮೂಲಾಯ ಪಟಿಕಸ್ಸೇಯ್ಯ, ಮಾನತ್ತಂ ದದೇಯ್ಯ, ತಂವೀಸೋ ಅಬ್ಭೇಯ್ಯ, ಅಕಮ್ಮಂ, ನ ಚ ಕರಣೀಯ’’ನ್ತಿ.

ಮೂಲಾಯಪಟಿಕಸ್ಸನಾರಹವತ್ತಂ ನಿಟ್ಠಿತಂ.

೩. ಮಾನತ್ತಾರಹವತ್ತಂ

೮೮. ತೇನ ¶ ಖೋ ಪನ ಸಮಯೇನ ಮಾನತ್ತಾರಹಾ ಭಿಕ್ಖೂ ಸಾದಿಯನ್ತಿ ಪಕತತ್ತಾನಂ ಭಿಕ್ಖೂನಂ ಅಭಿವಾದನಂ, ಪಚ್ಚುಟ್ಠಾನಂ, ಅಞ್ಜಲಿಕಮ್ಮಂ, ಸಾಮೀಚಿಕಮ್ಮಂ, ಆಸನಾಭಿಹಾರಂ, ಸೇಯ್ಯಾಭಿಹಾರಂ, ಪಾದೋದಕಂ ಪಾದಪೀಠಂ, ಪಾದಕಥಲಿಕಂ, ಪತ್ತಚೀವರಪಟಿಗ್ಗಹಣಂ, ನಹಾನೇ ಪಿಟ್ಠಿಪರಿಕಮ್ಮಂ. ಯೇ ತೇ ಭಿಕ್ಖೂ ಅಪ್ಪಿಚ್ಛಾ ¶ …ಪೇ… ತೇ ಉಜ್ಝಾಯನ್ತಿ ಖಿಯ್ಯನ್ತಿ ವಿಪಾಚೇನ್ತಿ – ‘‘ಕಥಞ್ಹಿ ನಾಮ ಮಾನತ್ತಾರಹಾ ಭಿಕ್ಖೂ ಸಾದಿಯಿಸ್ಸನ್ತಿ ಪಕತತ್ತಾನಂ ಭಿಕ್ಖೂನಂ ಅಭಿವಾದನಂ, ಪಚ್ಚುಟ್ಠಾನಂ, ಅಞ್ಜಲಿಕಮ್ಮಂ, ಸಾಮೀಚಿಕಮ್ಮಂ, ಆಸನಾಭಿಹಾರಂ, ಸೇಯ್ಯಾಭಿಹಾರಂ, ಪಾದೋದಕಂ ಪಾದಪೀಠಂ, ಪಾದಕಥಲಿಕಂ, ಪತ್ತಚೀವರಪಟಿಗ್ಗಹಣಂ, ನಹಾನೇ ಪಿಟ್ಠಿಪರಿಕಮ್ಮ’’ನ್ತಿ! ಅಥ ಖೋ ತೇ ಭಿಕ್ಖೂ ಭಗವತೋ ಏತಮತ್ಥಂ ಆರೋಚೇಸುಂ…ಪೇ… ‘‘ಸಚ್ಚಂ ಕಿರ, ಭಿಕ್ಖವೇ, ಮಾನತ್ತಾರಹಾ ಭಿಕ್ಖೂ ಸಾದಿಯನ್ತಿ ಪಕತತ್ತಾನಂ ಭಿಕ್ಖೂನಂ ಅಭಿವಾದನಂ, ಪಚ್ಚುಟ್ಠಾನಂ…ಪೇ… ನಹಾನೇ ಪಿಟ್ಠಿಪರಿಕಮ್ಮ’’ನ್ತಿ? ‘‘ಸಚ್ಚಂ ಭಗವಾ’’ತಿ. ವಿಗರಹಿ ಬುದ್ಧೋ ಭಗವಾ – ‘‘ಅನನುಚ್ಛವಿಕಂ…ಪೇ… ಕಥಞ್ಹಿ ನಾಮ, ಭಿಕ್ಖವೇ, ಮಾನತ್ತಾರಹಾ ¶ ಭಿಕ್ಖೂ ಸಾದಿಯಿಸ್ಸನ್ತಿ ಪಕತತ್ತಾನಂ ಭಿಕ್ಖೂನಂ ಅಭಿವಾದನಂ…ಪೇ… ನಹಾನೇ ಪಿಟ್ಠಿಪರಿಕಮ್ಮಂ! ನೇತಂ, ಭಿಕ್ಖವೇ, ಅಪ್ಪಸನ್ನಾನಂ ವಾ ಪಸಾದಾಯ…ಪೇ… ವಿಗರಹಿತ್ವಾ…ಪೇ… ಧಮ್ಮಿಂ ಕಥಂ ಕತ್ವಾ ಭಿಕ್ಖೂ ಆಮನ್ತೇಸಿ – ‘‘ನ, ಭಿಕ್ಖವೇ, ಮಾನತ್ತಾರಹೇನ ಭಿಕ್ಖುನಾ ಸಾದಿತಬ್ಬಂ ಪಕತತ್ತಾನಂ ಭಿಕ್ಖೂನಂ ಅಭಿವಾದನಂ, ಪಚ್ಚುಟ್ಠಾನಂ…ಪೇ… ನಹಾನೇ ಪಿಟ್ಠಿಪರಿಕಮ್ಮಂ. ಯೋ ಸಾದಿಯೇಯ್ಯ, ಆಪತ್ತಿ ದುಕ್ಕಟಸ್ಸ. ಅನುಜಾನಾಮಿ, ಭಿಕ್ಖವೇ, ಮಾನತ್ತಾರಹಾನಂ ಭಿಕ್ಖೂನಂ ಮಿಥು ಯಥಾವುಡ್ಢಂ ಅಭಿವಾದನಂ, ಪಚ್ಚುಟ್ಠಾನಂ…ಪೇ… ನಹಾನೇ ಪಿಟ್ಠಿಪರಿಕಮ್ಮಂ. ಅನುಜಾನಾಮಿ, ಭಿಕ್ಖವೇ, ಮಾನತ್ತಾರಹಾನಂ ಭಿಕ್ಖೂನಂ ಪಞ್ಚ ಯಥಾವುಡ್ಢಂ – ಉಪೋಸಥಂ, ಪವಾರಣಂ, ವಸ್ಸಿಕಸಾಟಿಕಂ, ಓಣೋಜನಂ, ಭತ್ತಂ. ತೇನ ಹಿ, ಭಿಕ್ಖವೇ, ಮಾನತ್ತಾರಹಾನಂ ಭಿಕ್ಖೂನಂ ವತ್ತಂ ಪಞ್ಞಾಪೇಸ್ಸಾಮಿ ಯಥಾ ಮಾನತ್ತಾರಹೇಹಿ ಭಿಕ್ಖೂಹಿ ವತ್ತಿತಬ್ಬಂ.

೮೯. ‘‘ಮಾನತ್ತಾರಹೇನ, ಭಿಕ್ಖವೇ, ಭಿಕ್ಖುನಾ ಸಮ್ಮಾ ವತ್ತಿತಬ್ಬಂ. ತತ್ರಾಯಂ ಸಮ್ಮಾವತ್ತನಾ –

ನ ಉಪಸಮ್ಪಾದೇತಬ್ಬಂ…ಪೇ… (ಯಥಾ ಮೂಲಾಯ ಪಟಿಕಸ್ಸನಾ, ತಥಾ ವಿತ್ಥಾರೇತಬ್ಬಂ.) ನ ಭಿಕ್ಖೂಹಿ ¶ ಸಮ್ಪಯೋಜೇತಬ್ಬಂ.

‘‘ನ, ಭಿಕ್ಖವೇ, ಮಾನತ್ತಾರಹೇನ ಭಿಕ್ಖುನಾ ಪಕತತ್ತಸ್ಸ ಭಿಕ್ಖುನೋ ಪುರತೋ ಗನ್ತಬ್ಬಂ, ನ ಪುರತೋ ನಿಸೀದಿತಬ್ಬಂ. ಯೋ ಹೋತಿ ಸಙ್ಘಸ್ಸ ಆಸನಪರಿಯನ್ತೋ ಸೇಯ್ಯಾಪರಿಯನ್ತೋ ವಿಹಾರಪರಿಯನ್ತೋ ಸೋ ತಸ್ಸ ಪದಾತಬ್ಬೋ. ತೇನ ಚ ಸೋ ಸಾದಿತಬ್ಬೋ.

‘‘ನ ¶ ¶ , ಭಿಕ್ಖವೇ, ಮಾನತ್ತಾರಹೇನ ಭಿಕ್ಖುನಾ ಪಕತತ್ತೇನ ಭಿಕ್ಖುನಾ ಪುರೇಸಮಣೇನ ವಾ ಪಚ್ಛಾಸಮಣೇನ ವಾ ಕುಲಾನಿ ಉಪಸಙ್ಕಮಿತಬ್ಬಾನಿ, ನ ಆರಞ್ಞಿಕಙ್ಗಂ ಸಮಾದಾತಬ್ಬಂ, ನ ಪಿಣ್ಡಪಾತಿಕಙ್ಗಂ ಸಮಾದಾತಬ್ಬಂ, ನ ಚ ತಪ್ಪಚ್ಚಯಾ ಪಿಣ್ಡಪಾತೋ ನೀಹರಾಪೇತಬ್ಬೋ – ಮಾ ಮಂ ಜಾನಿಂಸೂತಿ.

‘‘ನ, ಭಿಕ್ಖವೇ, ಮಾನತ್ತಾರಹೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ಅಭಿಕ್ಖುಕೋ ಆವಾಸೋ ಗನ್ತಬ್ಬೋ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ.

‘‘ನ, ಭಿಕ್ಖವೇ, ಮನತ್ತಾರಹೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ಅಭಿಕ್ಖುಕೋ ಅನಾವಾಸೋ ಗನ್ತಬ್ಬೋ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ.

‘‘ನ, ಭಿಕ್ಖವೇ, ಮಾನತ್ತಾರಹೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ಅಭಿಕ್ಖುಕೋ ¶ ಆವಾಸೋ ವಾ ಅನಾವಾಸೋ ವಾ ಗನ್ತಬ್ಬೋ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ.

‘‘ನ, ಭಿಕ್ಖವೇ, ಮಾನತ್ತಾರಹೇನ ಭಿಕ್ಖುನಾ ಸಭಿಕ್ಖುಕಾ ಅನಾವಾಸಾ ಅಭಿಕ್ಖುಕೋ ಆವಾಸೋ ಗನ್ತಬ್ಬೋ…ಪೇ… ಅಭಿಕ್ಖುಕೋ ಅನಾವಾಸೋ ಗನ್ತಬ್ಬೋ…ಪೇ… ಅಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ ಗನ್ತಬ್ಬೋ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ.

‘‘ನ, ಭಿಕ್ಖವೇ, ಮಾನತ್ತಾರಹೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ವಾ ಅನಾವಾಸಾ ವಾ ಅಭಿಕ್ಖುಕೋ ಆವಾಸೋ ಗನ್ತಬ್ಬೋ…ಪೇ… ಅಭಿಕ್ಖುಕೋ ಅನಾವಾಸೋ ಗನ್ತಬ್ಬೋ…ಪೇ… ಅಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ ಗನ್ತಬ್ಬೋ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ.

‘‘ನ, ಭಿಕ್ಖವೇ, ಮಾನತ್ತಾರಹೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ಸಭಿಕ್ಖುಕೋ ಆವಾಸೋ ಗನ್ತಬ್ಬೋ…ಪೇ… ಸಭಿಕ್ಖುಕೋ ಅನಾವಾಸೋ ಗನ್ತಬ್ಬೋ…ಪೇ… ಸಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ ಗನ್ತಬ್ಬೋ, ಯತ್ಥಸ್ಸು ಭಿಕ್ಖೂ ನಾನಾಸಂವಾಸಕಾ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ.

‘‘ನ, ಭಿಕ್ಖವೇ, ಮಾನತ್ತಾರಹೇನ ಭಿಕ್ಖುನಾ ಸಭಿಕ್ಖುಕಾ ಅನಾವಾಸಾ ಸಭಿಕ್ಖುಕೋ ಆವಾಸೋ ಗನ್ತಬ್ಬೋ…ಪೇ… ಸಭಿಕ್ಖುಕೋ ಅನಾವಾಸೋ ಗನ್ತಬ್ಬೋ ¶ …ಪೇ… ಸಭಿಕ್ಖುಕೋ ¶ ಆವಾಸೋ ವಾ ಅನಾವಾಸೋ ವಾ ಗನ್ತಬ್ಬೋ, ಯತ್ಥಸ್ಸು ಭಿಕ್ಖೂ ನಾನಾಸಂವಾಸಕಾ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ.

‘‘ನ, ಭಿಕ್ಖವೇ, ಮಾನತ್ತಾರಹೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ವಾ ಅನಾವಾಸಾ ವಾ ಸಭಿಕ್ಖುಕೋ ಆವಾಸೋ ಗನ್ತಬ್ಬೋ…ಪೇ… ಸಭಿಕ್ಖುಕೋ ಅನಾವಾಸೋ ಗನ್ತಬ್ಬೋ…ಪೇ… ಸಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ ಗನ್ತಬ್ಬೋ, ಯತ್ಥಸ್ಸು ಭಿಕ್ಖೂ ¶ ನಾನಾಸಂವಾಸಕಾ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ.

‘‘ಗನ್ತಬ್ಬೋ, ಭಿಕ್ಖವೇ, ಮಾನತ್ತಾರಹೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ಸಭಿಕ್ಖುಕೋ ಆವಾಸೋ…ಪೇ… ಸಭಿಕ್ಖುಕೋ ಅನಾವಾಸೋ…ಪೇ… ಸಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ, ಯತ್ಥಸ್ಸು ಭಿಕ್ಖೂ ಸಮಾನಸಂವಾಸಕಾ, ಯಂ ಜಞ್ಞಾ ಸಕ್ಕೋಮಿ ಅಜ್ಜೇವ ಗನ್ತುನ್ತಿ.

‘‘ಗನ್ತಬ್ಬೋ, ಭಿಕ್ಖವೇ, ಮಾನತ್ತಾರಹೇನ ಭಿಕ್ಖುನಾ ಸಭಿಕ್ಖುಕಾ ಅನಾವಾಸಾ ಸಭಿಕ್ಖುಕೋ ಆವಾಸೋ…ಪೇ… ಸಭಿಕ್ಖುಕೋ ಅನಾವಾಸೋ…ಪೇ… ಸಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ, ಯತ್ಥಸ್ಸು ಭಿಕ್ಖೂ ಸಮಾನಸಂವಾಸಕಾ, ಯಂ ಜಞ್ಞಾ ಸಕ್ಕೋಮಿ ಅಜ್ಜೇವ ಗನ್ತುನ್ತಿ.

‘‘ಗನ್ತಬ್ಬೋ, ಭಿಕ್ಖವೇ, ಮಾನತ್ತಾರಹೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ವಾ ಅನಾವಾಸಾ ವಾ ಸಭಿಕ್ಖುಕೋ ಆವಾಸೋ…ಪೇ… ಸಭಿಕ್ಖುಕೋ ಅನಾವಾಸೋ…ಪೇ… ಸಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ, ಯತ್ಥಸ್ಸು ಭಿಕ್ಖೂ ಸಮಾನಸಂವಾಸಕಾ, ಯಂ ಜಞ್ಞಾ ಸಕ್ಕೋಮಿ ಅಜ್ಜೇವ ಗನ್ತುನ್ತಿ.

‘‘ನ, ಭಿಕ್ಖವೇ, ಮಾನತ್ತಾರಹೇನ ಭಿಕ್ಖುನಾ ಪಕತತ್ತೇನ ಭಿಕ್ಖುನಾ ಸದ್ಧಿಂ ಏಕಚ್ಛನ್ನೇ ಆವಾಸೇ ವತ್ಥಬ್ಬಂ, ನ ಏಕಚ್ಛನ್ನೇ ಅನಾವಾಸೇ ವತ್ಥಬ್ಬಂ, ನ ಏಕಚ್ಛನ್ನೇ ಆವಾಸೇ ವಾ ಅನಾವಾಸೇ ವಾ ವತ್ಥಬ್ಬಂ. ಪಕತತ್ತಂ ಭಿಕ್ಖುಂ ದಿಸ್ವಾ ಆಸನಾ ವುಟ್ಠಾತಬ್ಬಂ. ಪಕತತ್ತೋ ಭಿಕ್ಖು ಆಸನೇನ ನಿಮನ್ತೇತಬ್ಬೋ. ನ ಪಕತತ್ತೇನ ಭಿಕ್ಖುನಾ ಸದ್ಧಿಂ ಏಕಾಸನೇ ನಿಸೀದಿತಬ್ಬಂ, ನ ನೀಚೇ ಆಸನೇ ನಿಸಿನ್ನೇ ಉಚ್ಚೇ ಆಸನೇ ನಿಸೀದಿತಬ್ಬಂ, ನ ಛಮಾಯಂ ನಿಸಿನ್ನೇ ಆಸನೇ ನಿಸೀದಿತಬ್ಬಂ; ನ ಏಕಚಙ್ಕಮೇ ಚಙ್ಕಮಿತಬ್ಬಂ, ನ ¶ ನೀಚೇ ಚಙ್ಕಮೇ ಚಙ್ಕಮನ್ತೇ ಉಚ್ಚೇ ಚಙ್ಕಮೇ ಚಙ್ಕಮಿತಬ್ಬಂ, ನ ಛಮಾಯಂ ಚಙ್ಕಮನ್ತೇ ಚಙ್ಕಮೇ ಚಙ್ಕಮಿತಬ್ಬಂ.

‘‘ನ ¶ , ಭಿಕ್ಖವೇ, ಮಾನತ್ತಾರಹೇನ ಭಿಕ್ಖುನಾ ಪಾರಿವಾಸಿಕೇನ ಭಿಕ್ಖುನಾ ಸದ್ಧಿಂ…ಪೇ… ಮೂಲಾಯಪಟಿಕಸ್ಸನಾರಹೇನ ಭಿಕ್ಖುನಾ ಸದ್ಧಿಂ…ಪೇ… ಮಾನತ್ತಾರಹೇನ ವುಡ್ಢತರೇನ ಭಿಕ್ಖುನಾ ಸದ್ಧಿಂ…ಪೇ… ಮಾನತ್ತಚಾರಿಕೇನ ಭಿಕ್ಖುನಾ ಸದ್ಧಿಂ…ಪೇ… ಅಬ್ಭಾನಾರಹೇನ ಭಿಕ್ಖುನಾ ಸದ್ಧಿಂ ಏಕಚ್ಛನ್ನೇ ಆವಾಸೇ ವತ್ಥಬ್ಬಂ, ನ ಏಕಚ್ಛನ್ನೇ ಅನಾವಾಸೇ ವತ್ಥಬ್ಬಂ, ನ ಏಕಚ್ಛನ್ನೇ ಆವಾಸೇ ವಾ ಅನಾವಾಸೇ ವಾ ವತ್ಥಬ್ಬಂ; ನ ಏಕಾಸನೇ ನಿಸೀದಿತಬ್ಬಂ, ನ ನೀಚೇ ಆಸನೇ ನಿಸಿನ್ನೇ ಉಚ್ಚೇ ಆಸನೇ ನಿಸೀದಿತಬ್ಬಂ, ನ ಛಮಾಯಂ ನಿಸಿನ್ನೇ ಆಸನೇ ನಿಸೀದಿತಬ್ಬಂ; ನ ಏಕಚಙ್ಕಮೇ ಚಙ್ಕಮಿತಬ್ಬಂ, ನ ನೀಚೇ ಚಙ್ಕಮೇ ಚಙ್ಕಮನ್ತೇ ಉಚ್ಚೇ ಚಙ್ಕಮೇ ಚಙ್ಕಮಿತಬ್ಬಂ, ನ ಛಮಾಯಂ ಚಙ್ಕಮನ್ತೇ ಚಙ್ಕಮೇ ಚಙ್ಕಮಿತಬ್ಬಂ.

[ಮಹಾವ. ೩೯೩] ‘‘ಮಾನತ್ತಾರಹಚತುತ್ಥೋ ¶ ಚೇ, ಭಿಕ್ಖವೇ, ಪರಿವಾಸಂ ದದೇಯ್ಯ, ಮೂಲಾಯ ಪಟಿಕಸ್ಸೇಯ್ಯ, ಮಾನತ್ತಂ ದದೇಯ್ಯ, ತಂವೀಸೋ ಅಬ್ಭೇಯ್ಯ, ಅಕಮ್ಮಂ, ನ ಚ ಕರಣೀಯ’’ನ್ತಿ.

ಮಾನತ್ತಾರಹವತ್ತಂ ನಿಟ್ಠಿತಂ.

೪. ಮಾನತ್ತಚಾರಿಕವತ್ತಂ

೯೦. ತೇನ ಖೋ ಪನ ಸಮಯೇನ ಮಾನತ್ತಚಾರಿಕಾ ಭಿಕ್ಖೂ ಸಾದಿಯನ್ತಿ ಪಕತತ್ತಾನಂ ಭಿಕ್ಖೂನಂ ಅಭಿವಾದನಂ, ಪಚ್ಚುಟ್ಠಾನಂ, ಅಞ್ಜಲಿಕಮ್ಮಂ, ಸಾಮೀಚಿಕಮ್ಮಂ, ಆಸನಾಭಿಹಾರಂ, ಸೇಯ್ಯಾಭಿಹಾರಂ, ಪಾದೋದಕಂ ಪಾದಪೀಠಂ, ಪಾದಕಥಲಿಕಂ, ಪತ್ತಚೀವರಪಟಿಗ್ಗಹಣಂ, ನಹಾನೇ ಪಿಟ್ಠಿಪರಿಕಮ್ಮಂ. ಯೇ ತೇ ಭಿಕ್ಖೂ ಅಪ್ಪಿಚ್ಛಾ…ಪೇ… ¶ ತೇ ಉಝಾಯನ್ತಿ ಖಿಯ್ಯನ್ತಿ ವಿಪಾಚೇನ್ತಿ – ‘‘ಕಥಞ್ಹಿ ನಾಮ ಮಾನತ್ತಚಾರಿಕಾ ಭಿಕ್ಖೂ ಸಾದಿಯಿಸ್ಸನ್ತಿ ಪಕತತ್ತಾನಂ ಭಿಕ್ಖೂನಂ ಅಭಿವಾದನಂ, ಪಚ್ಚುಟ್ಠಾನಂ…ಪೇ… ನಹಾನೇ ಪಿಟ್ಠಿಪರಿಕಮ್ಮ’’ನ್ತಿ! ಅಥ ಖೋ ತೇ ಭಿಕ್ಖೂ ಭಗವತೋ ಏತಮತ್ಥಂ ಆರೋಚೇಸುಂ.

ಅಥ ಖೋ ಭಗವಾ ಏತಸ್ಮಿಂ ನಿದಾನೇ ಏತಸ್ಮಿಂ ಪಕರಣೇ ಭಿಕ್ಖುಸಙ್ಘಂ ಸನ್ನಿಪಾತಾಪೇತ್ವಾ ಭಿಕ್ಖೂ ಪಟಿಪುಚ್ಛಿ – ‘‘ಸಚ್ಚಂ ಕಿರ, ಭಿಕ್ಖವೇ, ಮಾನತ್ತಚಾರಿಕಾ ಭಿಕ್ಖೂ ಸಾದಿಯನ್ತಿ ಪಕತತ್ತಾನಂ ಭಿಕ್ಖೂನಂ ಅಭಿವಾದನಂ, ಪಚ್ಚುಟ್ಠಾನಂ…ಪೇ… ನಹಾನೇ ಪಿಟ್ಠಿಪರಿಕಮ್ಮ’’ನ್ತಿ? ‘‘ಸಚ್ಚಂ ಭಗವಾ’’ತಿ. ವಿಗರಹಿ ಬುದ್ಧೋ ಭಗವಾ – ‘‘ಅನನುಚ್ಛವಿಕಂ…ಪೇ… ಕಥಞ್ಹಿ ನಾಮ, ಭಿಕ್ಖವೇ, ಮಾನತ್ತಚಾರಿಕಾ ಭಿಕ್ಖೂ ಸಾದಿಯಿಸ್ಸನ್ತಿ ಪಕತತ್ತಾನಂ ಭಿಕ್ಖೂನಂ ಅಭಿವಾದನಂ…ಪೇ… ನಹಾನೇ ಪಿಟ್ಠಿಪರಿಕಮ್ಮಂ! ನೇತಂ, ಭಿಕ್ಖವೇ, ಅಪ್ಪಸನ್ನಾನಂ ವಾ ಪಸಾದಾಯ…ಪೇ… ವಿಗರಹಿತ್ವಾ…ಪೇ… ಧಮ್ಮಿಂ ಕಥಂ ಕತ್ವಾ ಭಿಕ್ಖೂ ಆಮನ್ತೇಸಿ –

‘‘ನ ¶ , ಭಿಕ್ಖವೇ, ಮಾನತ್ತಚಾರಿಕೇನ ಭಿಕ್ಖುನಾ ಸಾದಿತಬ್ಬಂ ಪಕತತ್ತಾನಂ ಭಿಕ್ಖೂನಂ ಅಭಿವಾದನಂ, ಪಚ್ಚುಟ್ಠಾನಂ, ಅಞ್ಜಲಿಕಮ್ಮಂ, ಸಾಮೀಚಿಕಮ್ಮಂ, ಆಸನಾಭಿಹಾರೋ, ಸೇಯ್ಯಾಭಿಹಾರೋ, ಪಾದೋದಕಂ ಪಾದಪೀಠಂ, ಪಾದಕಥಲಿಕಂ, ಪತ್ತಚೀವರಪಟಿಗ್ಗಹಣಂ, ನಹಾನೇ ಪಿಟ್ಠಿಪರಿಕಮ್ಮಂ. ಯೋ ಸಾದಿಯೇಯ್ಯ, ಆಪತ್ತಿ ದುಕ್ಕಟಸ್ಸ. ಅನುಜಾನಾಮಿ, ಭಿಕ್ಖವೇ, ಮಾನತ್ತಚಾರಿಕಾನಂ ಭಿಕ್ಖೂನಂ ಮಿಥು ಯಥಾವುಡ್ಢಂ ಅಭಿವಾದನಂ, ಪಚ್ಚುಟ್ಠಾನಂ…ಪೇ… ನಹಾನೇ ಪಿಟ್ಠಿಪರಿಕಮ್ಮಂ. ಅನುಜಾನಾಮಿ, ಭಿಕ್ಖವೇ, ಮಾನತ್ತಚಾರಿಕಾನಂ ಭಿಕ್ಖೂನಂ ಪಞ್ಚ ಯಥಾವುಡ್ಢಂ – ಉಪೋಸಥಂ, ಪವಾರಣಂ, ವಸ್ಸಿಕಸಾಟಿಕಂ, ಓಣೋಜನಂ, ಭತ್ತಂ. ತೇನ ಹಿ, ಭಿಕ್ಖವೇ, ಮಾನತ್ತಚಾರಿಕಾನಂ ಭಿಕ್ಖೂನಂ ವತ್ತಂ ಪಞ್ಞಪೇಸ್ಸಾಮಿ ಯಥಾ ಮಾನತ್ತಚಾರಿಕೇಹಿ ಭಿಕ್ಖೂಹಿ ವತ್ತಿತಬ್ಬಂ.

೯೧. ‘‘ಮಾನತ್ತಚಾರಿಕೇನ ¶ ¶ , ಭಿಕ್ಖವೇ, ಭಿಕ್ಖುನಾ ಸಮ್ಮಾ ವತ್ತಿತಬ್ಬಂ. ತತ್ರಾಯಂ ಸಮ್ಮಾವತ್ತನಾ –

ನ ಉಪಸಮ್ಪಾದೇತಬ್ಬಂ, ನ ನಿಸ್ಸಯೋ ದಾತಬ್ಬೋ, ನ ಸಾಮಣೇರೋ ಉಪಟ್ಠಾಪೇತಬ್ಬೋ, ನ ಭಿಕ್ಖುನೋವಾದಕಸಮ್ಮುತಿ ಸಾದಿತಬ್ಬಾ, ಸಮ್ಮತೇನಪಿ ಭಿಕ್ಖುನಿಯೋ ನ ಓವದಿತಬ್ಬಾ. ಯಾಯ ಆಪತ್ತಿಯಾ ಸಙ್ಘೇನ ಮಾನತ್ತಂ ದಿನ್ನಂ ಹೋತಿ ಸಾ ಆಪತ್ತಿ ನ ಆಪಜ್ಜಿತಬ್ಬಾ, ಅಞ್ಞಾ ವಾ ತಾದಿಸಿಕಾ, ತತೋ ವಾ ಪಾಪಿಟ್ಠತರಾ; ಕಮ್ಮಂ ನ ಗರಹಿತಬ್ಬಂ, ಕಮ್ಮಿಕಾ ನ ಗರಹಿತಬ್ಬಾ. ನ ಪಕತತ್ತಸ್ಸ ಭಿಕ್ಖುನೋ ಉಪೋಸಥೋ ಠಪೇತಬ್ಬೋ, ನ ಪವಾರಣಾ ಠಪೇತಬ್ಬಾ, ನ ಸವಚನೀಯಂ ಕಾತಬ್ಬಂ, ನ ಅನುವಾದೋ ಪಟ್ಠಪೇತಬ್ಬೋ, ನ ಓಕಾಸೋ ಕಾರೇತಬ್ಬೋ, ನ ಚೋದೇತಬ್ಬೋ, ನ ಸಾರೇತಬ್ಬೋ, ನ ಭಿಕ್ಖೂಹಿ ಸಮ್ಪಯೋಜೇತಬ್ಬಂ.

‘‘ನ, ಭಿಕ್ಖವೇ, ಮಾನತ್ತಚಾರಿಕೇನ ಭಿಕ್ಖುನಾ ಪಕತತ್ತಸ್ಸ ಭಿಕ್ಖುನೋ ಪುರತೋ ಗನ್ತಬ್ಬಂ, ನ ಪುರತೋ ನಿಸೀದಿತಬ್ಬಂ. ಯೋ ಹೋತಿ ಸಙ್ಘಸ್ಸ ಆಸನಪರಿಯನ್ತೋ ಸೇಯ್ಯಾಪರಿಯನ್ತೋ ವಿಹಾರಪರಿಯನ್ತೋ ಸೋ ತಸ್ಸ ಪದಾತಬ್ಬೋ. ತೇನ ಚ ಸೋ ಸಾದಿತಬ್ಬೋ.

‘‘ನ, ಭಿಕ್ಖವೇ, ಮಾನತ್ತಚಾರಿಕೇನ ಭಿಕ್ಖುನಾ ಪಕತತ್ತೇನ ಭಿಕ್ಖುನಾ ಪುರೇಸಮಣೇನ ವಾ ಪಚ್ಛಾಸಮಣೇನ ವಾ ಕುಲಾನಿ ಉಪಸಙ್ಕಮಿತಬ್ಬಾನಿ, ನ ಆರಞ್ಞಿಕಙ್ಗಂ ಸಮಾದಾತಬ್ಬಂ, ನ ಪಿಣ್ಡಪಾತಿಕಙ್ಗಂ ಸಮಾದಾತಬ್ಬಂ, ನ ಚ ತಪ್ಪಚ್ಚಯಾ ಪಿಣ್ಡಪಾತೋ ನೀಹರಾಪೇತಬ್ಬೋ – ಮಾ ಮಂ ಜಾನಿಂಸೂತಿ.

‘‘ಮಾನತ್ತಚಾರಿಕೇನ, ಭಿಕ್ಖವೇ, ಭಿಕ್ಖುನಾ ಆಗನ್ತುಕೇನ ಆರೋಚೇತಬ್ಬಂ, ಆಗನ್ತುಕಸ್ಸ ಆರೋಚೇತಬ್ಬಂ, ಉಪೋಸಥೇ ಆರೋಚೇತಬ್ಬಂ, ಪವಾರಣಾಯ ಆರೋಚೇತಬ್ಬಂ ¶ ¶ , ದೇವಸಿಕಂ ಆರೋಚೇತಬ್ಬಂ. ಸಚೇ ಗಿಲಾನೋ ಹೋತಿ, ದೂತೇನಪಿ ಆರೋಚೇತಬ್ಬಂ.

‘‘ನ, ಭಿಕ್ಖವೇ, ಮಾನತ್ತಚಾರಿಕೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ಅಭಿಕ್ಖುಕೋ ಆವಾಸೋ ಗನ್ತಬ್ಬೋ, ಅಞ್ಞತ್ರ ಸಙ್ಘೇನ, ಅಞ್ಞತ್ರ ಅನ್ತರಾಯಾ.

‘‘ನ, ಭಿಕ್ಖವೇ, ಮಾನತ್ತಚಾರಿಕೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ಅಭಿಕ್ಖುಕೋ ಅನಾವಾಸೋ ಗನ್ತಬ್ಬೋ, ಅಞ್ಞತ್ರ ಸಙ್ಘೇನ, ಅಞ್ಞತ್ರ ಅನ್ತರಾಯಾ.

‘‘ನ ¶ , ಭಿಕ್ಖವೇ, ಮಾನತ್ತಚಾರಿಕೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ಅಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ ಗನ್ತಬ್ಬೋ, ಅಞ್ಞತ್ರ ಸಙ್ಘೇನ, ಅಞ್ಞತ್ರ ಅನ್ತರಾಯಾ.

‘‘ನ, ಭಿಕ್ಖವೇ, ಮಾನತ್ತಚಾರಿಕೇನ ಭಿಕ್ಖುನಾ ಸಭಿಕ್ಖುಕಾ ಅನಾವಾಸಾ ಅಭಿಕ್ಖುಕೋ ಆವಾಸೋ ಗನ್ತಬ್ಬೋ…ಪೇ… ಅಭಿಕ್ಖುಕೋ ಅನಾವಾಸೋ ಗನ್ತಬ್ಬೋ…ಪೇ… ಅಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ ಗನ್ತಬ್ಬೋ, ಅಞ್ಞತ್ರ ಸಙ್ಘೇನ, ಅಞ್ಞತ್ರ ಅನ್ತರಾಯಾ.

‘‘ನ, ಭಿಕ್ಖವೇ, ಮಾನತ್ತಚಾರಿಕೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ವಾ ಅನಾವಾಸಾ ವಾ ಅಭಿಕ್ಖುಕೋ ಆವಾಸೋ ಗನ್ತಬ್ಬೋ…ಪೇ… ಅಭಿಕ್ಖುಕೋ ಅನಾವಾಸೋ ಗನ್ತಬ್ಬೋ…ಪೇ… ಅಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ ಗನ್ತಬ್ಬೋ, ಅಞ್ಞತ್ರ ಸಙ್ಘೇನ, ಅಞ್ಞತ್ರ ಅನ್ತರಾಯಾ.

‘‘ನ, ಭಿಕ್ಖವೇ, ಮಾನತ್ತಚಾರಿಕೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ಸಭಿಕ್ಖುಕೋ ಆವಾಸೋ ಗನ್ತಬ್ಬೋ…ಪೇ… ಸಭಿಕ್ಖುಕೋ ಅನಾವಾಸೋ ಗನ್ತಬ್ಬೋ…ಪೇ… ಸಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ ಗನ್ತಬ್ಬೋ, ಯತ್ಥಸ್ಸು ಭಿಕ್ಖೂ ನಾನಾಸಂವಾಸಕಾ, ಅಞ್ಞತ್ರ ಸಙ್ಘೇನ, ಅಞ್ಞತ್ರ ಅನ್ತರಾಯಾ.

‘‘ನ ಭಿಕ್ಖವೇ ¶ , ಮಾನತ್ತಚಾರಿಕೇನ ಭಿಕ್ಖುನಾ ಸಭಿಕ್ಖುಕಾ ಅನಾವಾಸಾ ಸಭಿಕ್ಖುಕೋ ಆವಾಸೋ ಗನ್ತಬ್ಬೋ…ಪೇ… ಸಭಿಕ್ಖುಕೋ ಅನಾವಾಸೋ ಗನ್ತಬ್ಬೋ…ಪೇ… ಸಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ ಗನ್ತಬ್ಬೋ, ಯತ್ಥಸ್ಸು ಭಿಕ್ಖೂ ನಾನಾಸಂವಾಸಕಾ, ಅಞ್ಞತ್ರ ಸಙ್ಘೇನ, ಅಞ್ಞತ್ರ ಅನ್ತರಾಯಾ.

‘‘ನ, ಭಿಕ್ಖವೇ, ಮಾನತ್ತಚಾರಿಕೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ವಾ ಅನಾವಾಸಾ ವಾ ಸಭಿಕ್ಖುಕೋ ಆವಾಸೋ ಗನ್ತಬ್ಬೋ…ಪೇ… ಸಭಿಕ್ಖುಕೋ ಅನಾವಾಸೋ ಗನ್ತಬ್ಬೋ…ಪೇ… ಸಭಿಕ್ಖುಕೋ ¶ ಆವಾಸೋ ವಾ ಅನಾವಾಸೋ ವಾ ಗನ್ತಬ್ಬೋ ¶ , ಯತ್ಥಸ್ಸು ಭಿಕ್ಖೂ ನಾನಾಸಂವಾಸಕಾ, ಅಞ್ಞತ್ರ ಸಙ್ಘೇನ, ಅಞ್ಞತ್ರ ಅನ್ತರಾಯಾ.

‘‘ಗನ್ತಬ್ಬೋ, ಭಿಕ್ಖವೇ ಮಾನತ್ತಚಾರಿಕೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ಸಭಿಕ್ಖುಕೋ ಆವಾಸೋ…ಪೇ… ಸಭಿಕ್ಖುಕೋ ಅನಾವಾಸೋ…ಪೇ… ಸಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ, ಯತ್ಥಸ್ಸು ಭಿಕ್ಖೂ ಸಮಾನಸಂವಾಸಕಾ, ಯಂ ಜಞ್ಞಾ ಸಕ್ಕೋಮಿ ಅಜ್ಜೇವ ಗನ್ತುನ್ತಿ.

‘‘ಗನ್ತಬ್ಬೋ ¶ , ಭಿಕ್ಖವೇ, ಮಾನತ್ತಚಾರಿಕೇನ ಭಿಕ್ಖುನಾ ಸಭಿಕ್ಖುಕಾ ಅನಾವಾಸಾ ಸಭಿಕ್ಖುಕೋ ಆವಾಸೋ…ಪೇ… ಸಭಿಕ್ಖುಕೋ ಅನಾವಾಸೋ…ಪೇ… ಸಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ, ಯತ್ಥಸ್ಸು ಭಿಕ್ಖೂ ಸಮಾನಸಂವಾಸಕಾ, ಯಂ ಜಞ್ಞಾ ಸಕ್ಕೋಮಿ ಅಜ್ಜೇವ ಗನ್ತುನ್ತಿ.

‘‘ಗನ್ತಬ್ಬೋ, ಭಿಕ್ಖವೇ, ಮಾನತ್ತಚಾರಿಕೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ವಾ ಅನಾವಾಸಾ ವಾ ಸಭಿಕ್ಖುಕೋ ಆವಾಸೋ…ಪೇ… ಸಭಿಕ್ಖುಕೋ ಅನಾವಾಸೋ…ಪೇ… ಸಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ, ಯತ್ಥಸ್ಸು ಭಿಕ್ಖೂ ಸಮಾನಸಂವಾಸಕಾ, ಯಂ ಜಞ್ಞಾ ಸಕ್ಕೋಮಿ ಅಜ್ಜೇವ ಗನ್ತುನ್ತಿ.

‘‘ನ ¶ , ಭಿಕ್ಖವೇ, ಮಾನತ್ತಚಾರಿಕೇನ ಭಿಕ್ಖುನಾ ಪಕತತ್ತೇನ ಭಿಕ್ಖುನಾ ಸದ್ಧಿಂ ಏಕಚ್ಛನ್ನೇ ಆವಾಸೇ ವತ್ಥಬ್ಬಂ, ನ ಏಕಚ್ಛನ್ನೇ ಅನಾವಾಸೇ ವತ್ಥಬ್ಬಂ, ನ ಏಕಚ್ಛನ್ನೇ ಆವಾಸೇ ವಾ ಅನಾವಾಸೇ ವಾ ವತ್ಥಬ್ಬಂ. ಪಕತತ್ತಂ ಭಿಕ್ಖುಂ ದಿಸ್ವಾ ಆಸನಾ ವುಟ್ಠಾತಬ್ಬಂ. ಪಕತತ್ತೋ ಭಿಕ್ಖು ಆಸನೇನ ನಿಮನ್ತೇತಬ್ಬೋ. ನ ಪಕತತ್ತೇನ ಭಿಕ್ಖುನಾ ಸದ್ಧಿಂ ಏಕಾಸನೇ ನಿಸೀದಿತಬ್ಬಂ, ನ ನೀಚೇ ಆಸನೇ ನಿಸಿನ್ನೇ ಉಚ್ಚೇ ಆಸನೇ ನಿಸೀದಿತಬ್ಬಂ, ನ ಛಮಾಯಂ ನಿಸಿನ್ನೇ ಆಸನೇ ನಿಸೀದಿತಬ್ಬಂ; ನ ಏಕಚಙ್ಕಮೇ ಚಙ್ಕಮಿತಬ್ಬಂ, ನ ನೀಚೇ ಚಙ್ಕಮೇ ಚಙ್ಕಮನ್ತೇ ಉಚ್ಚೇ ಚಙ್ಕಮೇ ಚಙ್ಕಮಿತಬ್ಬಂ, ನ ಛಮಾಯಂ ಚಙ್ಕಮನ್ತೇ ಚಙ್ಕಮೇ ಚಙ್ಕಮಿತಬ್ಬಂ.

‘‘ನ, ಭಿಕ್ಖವೇ, ಮಾನತ್ತಚಾರಿಕೇನ ಭಿಕ್ಖುನಾ ಪಾರಿವಾಸಿಕೇನ ಭಿಕ್ಖುನಾ ಸದ್ಧಿಂ…ಪೇ… ಮೂಲಾಯಪಟಿಕಸ್ಸನಾರಹೇನ ಭಿಕ್ಖುನಾ ಸದ್ಧಿಂ…ಪೇ… ಮಾನತ್ತಾರಹೇನ ಭಿಕ್ಖುನಾ ಸದ್ಧಿಂ…ಪೇ… ಮಾನತ್ತಚಾರಿಕೇನ ವುಡ್ಢತರೇನ ಭಿಕ್ಖುನಾ ಸದ್ಧಿಂ…ಪೇ… ಅಬ್ಭಾನಾರಹೇನ ಭಿಕ್ಖುನಾ ಸದ್ಧಿಂ ಏಕಚ್ಛನ್ನೇ ಆವಾಸೇ ವತ್ಥಬ್ಬಂ, ನ ಏಕಚ್ಛನ್ನೇ ಅನಾವಾಸೇ ವತ್ಥಬ್ಬಂ, ನ ಏಕಚ್ಛನ್ನೇ ಆವಾಸೇ ವಾ ಅನಾವಾಸೇ ವಾ ವತ್ಥಬ್ಬಂ; ನ ಏಕಾಸನೇ ನಿಸೀದಿತಬ್ಬಂ, ನ ನೀಚೇ ಆಸನೇ ನಿಸಿನ್ನೇ ಉಚ್ಚೇ ಆಸನೇ ನಿಸೀದಿತಬ್ಬಂ, ನ ಛಮಾಯಂ ನಿಸಿನ್ನೇ ಆಸನೇ ನಿಸೀದಿತಬ್ಬಂ; ನ ಏಕಚಙ್ಕಮೇ ಚಙ್ಕಮಿತಬ್ಬಂ ¶ , ನ ನೀಚೇ ಚಙ್ಕಮೇ ಚಙ್ಕಮನ್ತೇ ಉಚ್ಚೇ ಚಙ್ಕಮೇ ಚಙ್ಕಮಿತಬ್ಬಂ, ನ ಛಮಾಯಂ ಚಙ್ಕಮನ್ತೇ ಚಙ್ಕಮೇ ಚಙ್ಕಮಿತಬ್ಬಂ.

[ಮಹಾವ. ೩೯೩] ‘‘ಮಾನತ್ತಚಾರಿಕಚತುತ್ಥೋ ಚೇ, ಭಿಕ್ಖವೇ, ಪರಿವಾಸಂ ದದೇಯ್ಯ, ಮೂಲಾಯ ¶ ಪಟಿಕಸ್ಸೇಯ್ಯ, ಮಾನತ್ತಂ ದದೇಯ್ಯ, ತಂವೀಸೋ ಅಬ್ಭೇಯ್ಯ, ಅಕಮ್ಮಂ, ನ ಚ ಕರಣೀಯ’’ನ್ತಿ.

೯೨. ಅಥ ಖೋ ಆಯಸ್ಮಾ ಉಪಾಲಿ ಯೇನ ಭಗವಾ ತೇನುಪಸಙ್ಕಮಿ, ಉಪಸಙ್ಕಮಿತ್ವಾ ಭಗವನ್ತಂ ಅಭಿವಾದೇತ್ವಾ ಏಕಮನ್ತಂ ನಿಸೀದಿ. ಏಕಮನ್ತಂ ನಿಸಿನ್ನೋ ಖೋ ಆಯಸ್ಮಾ ಉಪಾಲಿ ಭಗವನ್ತಂ ಏತದವೋಚ – ‘‘ಕತಿ ನು ಖೋ, ಭನ್ತೇ, ಮಾನತ್ತಚಾರಿಕಸ್ಸ ಭಿಕ್ಖುನೋ ರತ್ತಿಚ್ಛೇದಾ’’ತಿ? ‘‘ಚತ್ತಾರೋ ಖೋ ¶ , ಉಪಾಲಿ, ಮಾನತ್ತಚಾರಿಕಸ್ಸ ಭಿಕ್ಖುನೋ ರತ್ತಿಚ್ಛೇದಾ. ಸಹವಾಸೋ, ವಿಪ್ಪವಾಸೋ, ಅನಾರೋಚನಾ, ಊನೇ ಗಣೇ ಚರಣಂ [ಚರಣನ್ತಿ (ಕ.)] – ಇಮೇ ಖೋ, ಉಪಾಲಿ, ಚತ್ತಾರೋ ಮಾನತ್ತಚಾರಿಕಸ್ಸ ಭಿಕ್ಖುನೋ ರತ್ತಿಚ್ಛೇದಾ’’ತಿ.

೯೩. ತೇನ ಖೋ ಪನ ಸಮಯೇನ ಸಾವತ್ಥಿಯಂ ಮಹಾಭಿಕ್ಖುಸಙ್ಘೋ ಸನ್ನಿಪತಿತೋ ಹೋತಿ. ನ ಸಕ್ಕೋನ್ತಿ ಮಾನತ್ತಚಾರಿಕಾ ಭಿಕ್ಖೂ ಮಾನತ್ತಂ ಸೋಧೇತುಂ. ಭಗವತೋ ಏತಮತ್ಥಂ ಆರೋಚೇಸುಂ. ‘‘ಅನುಜಾನಾಮಿ, ಭಿಕ್ಖವೇ, ಮಾನತ್ತಂ ನಿಕ್ಖಿಪಿತುಂ. ಏವಞ್ಚ ಪನ, ಭಿಕ್ಖವೇ, ನಿಕ್ಖಿಪಿತಬ್ಬಂ. ತೇನ ಮಾನತ್ತಚಾರಿಕೇನ ಭಿಕ್ಖುನಾ ಏಕಂ ಭಿಕ್ಖುಂ ಉಪಸಙ್ಕಮಿತ್ವಾ ಏಕಂಸಂ ಉತ್ತರಾಸಙ್ಗಂ ಕರಿತ್ವಾ ಉಕ್ಕುಟಿಕಂ ನಿಸೀದಿತ್ವಾ ಅಞ್ಜಲಿಂ ಪಗ್ಗಹೇತ್ವಾ ಏವಮಸ್ಸ ವಚನೀಯೋ – ‘ಮಾನತ್ತಂ ನಿಕ್ಖಿಪಾಮೀ’ತಿ. ನಿಕ್ಖಿತ್ತಂ ಹೋತಿ ಮಾನತ್ತಂ. ‘ವತ್ತಂ ನಿಕ್ಖಿಪಾಮೀ’ತಿ. ನಿಕ್ಖಿತ್ತಂ ಹೋತಿ ಮಾನತ್ತ’’ನ್ತಿ.

೯೪. ತೇನ ಖೋ ಪನ ಸಮಯೇನ ಸಾವತ್ಥಿಯಾ ಭಿಕ್ಖೂ ತಹಂ ತಹಂ ಪಕ್ಕಮಿಂಸು ¶ . ಸಕ್ಕೋನ್ತಿ ಮಾನತ್ತಚಾರಿಕಾ ಭಿಕ್ಖೂ ಮಾನತ್ತಂ ಸೋಧೇತುಂ. ಭಗವತೋ ಏತಮತ್ಥಂ ಆರೋಚೇಸುಂ. ‘‘ಅನುಜಾನಾಮಿ, ಭಿಕ್ಖವೇ, ಮಾನತ್ತಂ ಸಮಾದಿಯಿತುಂ. ಏವಞ್ಚ ಪನ, ಭಿಕ್ಖವೇ, ಸಮಾದಿಯಿತಬ್ಬಂ. ತೇನ ಮಾನತ್ತಚಾರಿಕೇನ ಭಿಕ್ಖುನಾ ಏಕಂ ಭಿಕ್ಖುಂ ಉಪಸಙ್ಕಮಿತ್ವಾ ಏಕಂಸಂ ಉತ್ತರಾಸಙ್ಗಂ ಕರಿತ್ವಾ ಉಕ್ಕುಟಿಕಂ ನಿಸೀದಿತ್ವಾ ಅಞ್ಜಲಿಂ ಪಗ್ಗಹೇತ್ವಾ, ಏವಮಸ್ಸ ವಚನೀಯೋ – ‘ಮಾನತ್ತಂ ಸಮಾದಿಯಾಮೀ’ತಿ. ಸಮಾದಿನ್ನಂ ಹೋತಿ ಮಾನತ್ತಂ. ‘ವತ್ತಂ ಸಮಾದಿಯಾಮೀ’ತಿ. ಸಮಾದಿನ್ನಂ ಹೋತಿ ಮಾನತ್ತ’’ನ್ತಿ.

ಮಾನತ್ತಚಾರಿಕವತ್ತಂ ನಿಟ್ಠಿತಂ.

೫. ಅಬ್ಭಾನಾರಹವತ್ತಂ

೯೫. ತೇನ ¶ ಖೋ ಪನ ಸಮಯೇನ ಅಬ್ಭಾನಾರಹಾ ಭಿಕ್ಖೂ ಸಾದಿಯನ್ತಿ ಪಕತತ್ತಾನಂ ಭಿಕ್ಖೂನಂ ಅಭಿವಾದನಂ ಪಚ್ಚುಟ್ಠಾನಂ…ಪೇ… ನಹಾನೇ ಪಿಟ್ಠಿಪರಿಕಮ್ಮಂ. ಯೇ ತೇ ಭಿಕ್ಖೂ ಅಪ್ಪಿಚ್ಛಾ…ಪೇ… ತೇ ಉಜ್ಝಾಯನ್ತಿ ಖಿಯ್ಯನ್ತಿ ವಿಪಾಚೇನ್ತಿ – ‘‘ಕಥಞ್ಹಿ ನಾಮ ಅಬ್ಭಾನಾರಹಾ ಭಿಕ್ಖೂ ಸಾದಿಯಿಸ್ಸನ್ತಿ ಪಕತತ್ತಾನಂ ಭಿಕ್ಖೂನಂ ಅಭಿವಾದನಂ ಪಚ್ಚುಟ್ಠಾನಂ…ಪೇ… ನಹಾನೇ ಪಿಟ್ಠಿಪರಿಕಮ್ಮ’’ನ್ತಿ! ಅಥ ಖೋ ತೇ ಭಿಕ್ಖೂ ಭಗವತೋ ಏತಮತ್ಥಂ ಆರೋಚೇಸುಂ.

ಅಥ ಖೋ ಭಗವಾ ಏತಸ್ಮಿಂ ನಿದಾನೇ ಏತಸ್ಮಿಂ ಪಕರಣೇ ಭಿಕ್ಖುಸಙ್ಘಂ ಸನ್ನಿಪಾತಾಪೇತ್ವಾ ಭಿಕ್ಖೂ ಪಟಿಪುಚ್ಛಿ – ‘‘ಸಚ್ಚಂ ಕಿರ, ಭಿಕ್ಖವೇ, ಅಬ್ಭಾನಾರಹಾ ಭಿಕ್ಖೂ ಸಾದಿಯನ್ತಿ ಪಕತತ್ತಾನಂ ಭಿಕ್ಖೂನಂ ಅಭಿವಾದನಂ ಪಚ್ಚುಟ್ಠಾನಂ…ಪೇ… ನಹಾನೇ ಪಿಟ್ಠಿಪರಿಕಮ್ಮನ್ತಿ? ‘‘ಸಚ್ಚಂ ಭಗವಾ’’ತಿ. ವಿಗರಹಿ ಬುದ್ಧೋ ¶ ಭಗವಾ – ‘‘ಅನನುಚ್ಛವಿಕಂ…ಪೇ… ಕಥಞ್ಹಿ ನಾಮ, ಭಿಕ್ಖವೇ, ಅಬ್ಭಾನಾರಹಾ ಭಿಕ್ಖೂ ಸಾದಿಯಿಸ್ಸನ್ತಿ ಪಕತತ್ತಾನಂ ಭಿಕ್ಖೂನಂ ಅಭಿವಾದನಂ ಪಚ್ಚುಟ್ಠಾನಂ…ಪೇ… ನಹಾನೇ ಪಿಟ್ಠಿಪರಿಕಮ್ಮಂ ¶ ! ನೇತಂ, ಭಿಕ್ಖವೇ, ಅಪ್ಪಸನ್ನಾನಂ ವಾ ಪಸಾದಾಯ…ಪೇ… ವಿಗರಹಿತ್ವಾ…ಪೇ… ಧಮ್ಮಿಂ ಕಥಂ ಕತ್ವಾ ಭಿಕ್ಖೂ ಆಮನ್ತೇಸಿ – ‘‘ನ, ಭಿಕ್ಖವೇ, ಅಬ್ಭಾನಾರಹೇನ ಭಿಕ್ಖುನಾ ಸಾದಿತಬ್ಬಂ ಪಕತತ್ತಾನಂ ಭಿಕ್ಖೂನಂ ಅಭಿವಾದನಂ ಪಚ್ಚುಪಟ್ಠಾನಂ…ಪೇ… ನಹಾನೇ ಪಿಟ್ಠಿಪರಿಕಮ್ಮಂ. ಯೋ ಸಾದಿಯೇಯ್ಯ, ಆಪತ್ತಿ ದುಕ್ಕಟಸ್ಸ. ಅನುಜಾನಾಮಿ, ಭಿಕ್ಖವೇ, ಅಬ್ಭಾನಾರಹಾನಂ ಭಿಕ್ಖೂನಂ ಮಿಥು ಯಥಾವುಡ್ಢಂ ಅಭಿವಾದನಂ ಪಚ್ಚುಟ್ಠಾನಂ…ಪೇ… ನಹಾನೇ ಪಿಟ್ಠಿಪರಿಕಮ್ಮಂ. ಅನುಜಾನಾಮಿ, ಭಿಕ್ಖವೇ, ಅಬ್ಭಾನಾರಹಾನಂ ಭಿಕ್ಖೂನಂ ಪಞ್ಚ ಯಥಾವುಡ್ಢಂ – ಉಪೋಸಥಂ, ಪವಾರಣಂ, ವಸ್ಸಿಕಸಾಟಿಕಂ, ಓಣೋಜನಂ, ಭತ್ತಂ. ತೇನ ಹಿ, ಭಿಕ್ಖವೇ, ಅಬ್ಭಾನಾರಹಾನಂ ಭಿಕ್ಖೂನಂ ವತ್ತಂ ಪಞ್ಞಾಪೇಸ್ಸಾಮಿ ಯಥಾ ಅಬ್ಭಾನಾರಹೇಹಿ ಭಿಕ್ಖೂಹಿ ವತ್ತಿತಬ್ಬಂ.

೯೬. ‘‘ಅಬ್ಭಾನಾರಹೇನ, ಭಿಕ್ಖವೇ, ಭಿಕ್ಖುನಾ ಸಮ್ಮಾ ವತ್ತಿತಬ್ಬಂ. ತತ್ರಾಯಂ ಸಮ್ಮಾವತ್ತನಾ –

ನ ಉಪಸಮ್ಪಾದೇತಬ್ಬಂ…ಪೇ… (ಯಥಾ ಹೇಟ್ಠಾ, ತಥಾ ವಿತ್ಥಾರೇತಬ್ಬಂ,) ನ ಭಿಕ್ಖೂಹಿ ಸಮ್ಪಯೋಜೇತಬ್ಬಂ.

‘‘ನ, ಭಿಕ್ಖವೇ, ಅಬ್ಭಾನಾರಹೇನ ಭಿಕ್ಖುನಾ ಪಕತತ್ತಸ್ಸ ಭಿಕ್ಖುನೋ ಪುರತೋ ಗನ್ತಬ್ಬಂ, ನ ಪುರತೋ ನಿಸೀದಿತಬ್ಬಂ. ಯೋ ಹೋತಿ ಸಙ್ಘಸ್ಸ ಆಸನಪರಿಯನ್ತೋ ಸೇಯ್ಯಾಪರಿಯನ್ತೋ ವಿಹಾರಪರಿಯನ್ತೋ ಸೋ ತಸ್ಸ ಪದಾತಬ್ಬೋ. ತೇನ ಚ ಸೋ ಸಾದಿತಬ್ಬೋ.

‘‘ನ ¶ , ಭಿಕ್ಖವೇ, ಅಬ್ಭಾನಾರಹೇನ ಭಿಕ್ಖುನಾ ¶ ಪಕತತ್ತೇನ ಭಿಕ್ಖುನಾ ಪುರೇಸಮಣೇನ ವಾ ಪಚ್ಛಾಸಮಣೇನ ವಾ ಕುಲಾನಿ ಉಪಸಙ್ಕಮಿತಬ್ಬಾನಿ; ನ ಆರಞ್ಞಿಕಙ್ಗಂ ಸಮಾದಾತಬ್ಬಂ; ನ ಪಿಣ್ಡಪಾತಿಕಙ್ಗಂ ಸಮಾದಾತಬ್ಬಂ; ನ ಚ ತಪ್ಪಚ್ಚಯಾ ಪಿಣ್ಡಪಾತೋ ನೀಹರಾಪೇತಬ್ಬೋ – ಮಾ ಮಂ ಜಾನಿಂಸೂತಿ.

‘‘ನ, ಭಿಕ್ಖವೇ, ಅಬ್ಭಾನಾರಹೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ಅಭಿಕ್ಖುಕೋ ಆವಾಸೋ ಗನ್ತಬ್ಬೋ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ.

‘‘ನ, ಭಿಕ್ಖವೇ, ಅಬ್ಭಾನಾರಹೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ ಅಭಿಕ್ಖುಕೋ ಅನಾವಾಸೋ ಗನ್ತಬ್ಬೋ, ಅಞ್ಞತ್ರ ಪಕತತ್ತೇನ, ಅಞ್ಞತ್ರ ಅನ್ತರಾಯಾ…ಪೇ…. (ಯಥಾ ಹೇಟ್ಠಾ, ತಥಾ ವಿತ್ಥಾರೇತಬ್ಬಾ.)

‘‘ಗನ್ತಬ್ಬೋ ¶ , ಭಿಕ್ಖವೇ, ಅಬ್ಭಾನಾರಹೇನ ಭಿಕ್ಖುನಾ ಸಭಿಕ್ಖುಕಾ ಆವಾಸಾ…ಪೇ… ಅನಾವಾಸಾ…ಪೇ… ಆವಾಸಾ ವಾ ಅನಾವಾಸಾ ವಾ ಸಭಿಕ್ಖುಕೋ ¶ ಆವಾಸೋ…ಪೇ… ಸಭಿಕ್ಖುಕೋ ಅನಾವಾಸೋ…ಪೇ… ಸಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ, ಯತ್ಥಸ್ಸು ಭಿಕ್ಖೂ ಸಮಾನಸಂವಾಸಕಾ, ಯಂ ಜಞ್ಞಾ ಸಕ್ಕೋಮಿ ಅಜ್ಜೇವ ಗನ್ತುನ್ತಿ.

‘‘ನ, ಭಿಕ್ಖವೇ, ಅಬ್ಭಾನಾರಹೇನ ಭಿಕ್ಖುನಾ ಪಕತತ್ತೇನ ಭಿಕ್ಖುನಾ ಸದ್ಧಿಂ ಏಕಚ್ಛನ್ನೇ ಆವಾಸೇ ವತ್ಥಬ್ಬಂ, ನ ಏಕಚ್ಛನ್ನೇ ಅನಾವಾಸೇ ವತ್ಥಬ್ಬಂ, ನ ಏಕಚ್ಛನ್ನೇ ಆವಾಸೇ ವಾ ಅನಾವಾಸೇ ವಾ ವತ್ಥಬ್ಬಂ; ಪಕತತ್ತಂ ಭಿಕ್ಖುಂ ದಿಸ್ವಾ ಆಸನಾ ವುಟ್ಠಾತಬ್ಬಂ, ಪಕತತ್ತೋ ಭಿಕ್ಖು ಆಸನೇನ ನಿಮನ್ತೇತಬ್ಬೋ; ನ ಪಕತತ್ತೇನ ಭಿಕ್ಖುನಾ ಸದ್ಧಿಂ ಏಕಾಸನೇ ನಿಸೀದಿತಬ್ಬಂ, ನ ನೀಚೇ ಆಸನೇ ನಿಸಿನ್ನೇ ಉಚ್ಚೇ ಆಸನೇ ನಿಸೀದಿತಬ್ಬಂ, ನ ಛಮಾಯಂ ನಿಸಿನ್ನೇ ಆಸನೇ ನಿಸೀದಿತಬ್ಬಂ; ನ ಏಕಚಙ್ಕಮೇ ಚಙ್ಕಮಿತಬ್ಬಂ, ನ ನೀಚೇ ಚಙ್ಕಮೇ ¶ ಚಙ್ಕಮನ್ತೇ ಉಚ್ಚೇ ಚಙ್ಕಮೇ ಚಙ್ಕಮಿತಬ್ಬಂ, ನ ಛಮಾಯಂ ಚಙ್ಕಮನ್ತೇ ಚಙ್ಕಮೇ ಚಙ್ಕಮಿತಬ್ಬಂ.

‘‘ನ, ಭಿಕ್ಖವೇ, ಅಬ್ಭಾನಾರಹೇನ ಭಿಕ್ಖುನಾ ಪಾರಿವಾಸಿಕೇನ ಭಿಕ್ಖುನಾ ಸದ್ಧಿಂ…ಪೇ… ಮೂಲಾಯಪಟಿಕಸ್ಸನಾರಹೇನ ಭಿಕ್ಖುನಾ ಸದ್ಧಿಂ…ಪೇ… ಮಾನತ್ತಾರಹೇನ ಭಿಕ್ಖುನಾ ಸದ್ಧಿಂ…ಪೇ… ಮಾನತ್ತಚಾರಿಕೇನ ಭಿಕ್ಖುನಾ ಸದ್ಧಿಂ…ಪೇ… ಅಬ್ಭಾನಾರಹೇನ ವುಡ್ಢತರೇನ ಭಿಕ್ಖುನಾ ಸದ್ಧಿಂ ಏಕಚ್ಛನ್ನೇ ಆವಾಸೇ ವತ್ಥಬ್ಬಂ, ನ ಏಕಚ್ಛನ್ನೇ ಅನಾವಾಸೇ ವತ್ಥಬ್ಬಂ; ನ ಏಕಚ್ಛನ್ನೇ ಆವಾಸೇ ವಾ ಅನಾವಾಸೇ ವಾ ವತ್ಥಬ್ಬಂ; ನ ಏಕಾಸನೇ ನಿಸೀದಿತಬ್ಬಂ, ನ ನೀಚೇ ಆಸನೇ ನಿಸಿನ್ನೇ ಉಚ್ಚೇ ಆಸನೇ ನಿಸೀದಿತಬ್ಬಂ, ನ ಛಮಾಯಂ ನಿಸಿನ್ನೇ ಆಸನೇ ನಿಸೀದಿತಬ್ಬಂ; ನ ಏಕಚಙ್ಕಮೇ ಚಙ್ಕಮಿತಬ್ಬಂ ¶ , ನ ನೀಚೇ ಚಙ್ಕಮೇ ಚಙ್ಕಮನ್ತೇ ಉಚ್ಚೇ ಚಙ್ಕಮೇ ಚಙ್ಕಮಿತಬ್ಬಂ, ನ ಛಮಾಯಂ ಚಙ್ಕಮನ್ತೇ ಚಙ್ಕಮೇ ಚಙ್ಕಮಿತಬ್ಬಂ.

[ಮಹಾವ. ೩೯೩] ‘‘ಅಬ್ಭಾನಾರಹಚತುತ್ಥೋ ಚೇ, ಭಿಕ್ಖವೇ, ಪರಿವಾಸಂ ದದೇಯ್ಯ, ಮೂಲಾಯ ಪಟಿಕಸ್ಸೇಯ್ಯ, ಮಾನತ್ತಂ ದದೇಯ್ಯ, ತಂವೀಸೋ ಅಬ್ಭೇಯ್ಯ, ಅಕಮ್ಮಂ, ನ ಚ ಕರಣೀಯ’’ನ್ತಿ.

ಅಬ್ಭಾನಾರಹವತ್ತಂ ನಿಟ್ಠಿತಂ.

ಪಾರಿವಾಸಿಕಕ್ಖನ್ಧಕೋ ದುತಿಯೋ.

ಇಮಮ್ಹಿ ಖನ್ಧಕೇ ವತ್ಥೂ ಪಞ್ಚ.

ತಸ್ಸುದ್ದಾನಂ –

ಪಾರಿವಾಸಿಕಾ ¶ ಸಾದೇನ್ತಿ, ಪಕತತ್ತಾನ ಭಿಕ್ಖುನಂ;

ಅಭಿವಾದನಂ ಪಚ್ಚುಟ್ಠಾನಂ, ಅಞ್ಜಲಿಞ್ಚ ಸಾಮೀಚಿಯಂ.

ಆಸನಂ ¶ ಸೇಯ್ಯಾಭಿಹಾರಂ, ಪಾದೋ ಪೀಠಂ ಕಥಲಿಕಂ;

ಪತ್ತಂ ನಹಾನೇ ಪರಿಕಮ್ಮಂ, ಉಜ್ಝಾಯನ್ತಿ ಚ ಪೇಸಲಾ.

ದುಕ್ಕಟಂ ಸಾದಿಯನ್ತಸ್ಸ, ಮಿಥು ಪಞ್ಚ ಯಥಾವುಡ್ಢಂ [ಪುನಾಪರೇ (ಕ.)];

ಉಪೋಸಥಂ ಪವಾರಣಂ, ವಸ್ಸಿಕೋಣೋಜಭೋಜನಂ.

ಸಮ್ಮಾ ಚ ವತ್ತನಾ ತತ್ಥ, ಪಕತತ್ತಸ್ಸ ಗಚ್ಛನ್ತಂ;

ಯೋ ಚ ಹೋತಿ ಪರಿಯನ್ತೋ, ಪುರೇ ಪಚ್ಛಾ ತಥೇವ ಚ [ನ ಪುರೇ ಪಚ್ಛಾಸಮಣೇನ (ಸೀ. ಸ್ಯಾ.)].

ಆರಞ್ಞಪಿಣ್ಡನೀಹಾರೋ, ಆಗನ್ತುಕೇ ಉಪೋಸಥೇ;

ಪವಾರಣಾಯ ದೂತೇನ, ಗನ್ತಬ್ಬೋ ಚ ಸಭಿಕ್ಖುಕೋ.

ಏಕಚ್ಛನ್ನೇ ¶ ಚ ವುಟ್ಠಾನಂ, ತಥೇವ ಚ ನಿಮನ್ತಯೇ;

ಆಸನೇ ನೀಚೇ ಚಙ್ಕಮೇ, ಛಮಾಯಂ ಚಙ್ಕಮೇನ ಚ.

ವುಡ್ಢತರೇನ ಅಕಮ್ಮಂ, ರತ್ತಿಚ್ಛೇದಾ ಚ ಸೋಧನಾ;

ನಿಕ್ಖಿಪನಂ ಸಮಾದಾನಂ, ವತ್ತಂವ ಪಾರಿವಾಸಿಕೇ [ರತ್ತಿ ವಾ ಪಾರಿವಾಸಿಕೇ (ಕ.), ಞಾತಬ್ಬಂ ಪಾರಿವಾಸಿಕಾ (ಸೀ. ಸ್ಯಾ.)].

ಮೂಲಾಯ ¶ ಮಾನತ್ತಾರಹಾ, ತಥಾ ಮಾನತ್ತಚಾರಿಕಾ;

ಅಬ್ಭಾನಾರಹೇ ನಯೋ ಚಾಪಿ, ಸಮ್ಭೇದಂ ನಯತೋ [ಸಮ್ಭೇದನಯತೋ (ಸ್ಯಾ.)] ಪುನ.

ಪಾರಿವಾಸಿಕೇಸು ತಯೋ, ಚತು ಮಾನತ್ತಚಾರಿಕೇ;

ನ ಸಮೇನ್ತಿ ರತ್ತಿಚ್ಛೇದೇಸು [ರತ್ತಿಚ್ಛೇದೇ (ಇತಿಪಿ), ರತ್ತಿಚ್ಛೇದಾ (ಸ್ಯಾ.)], ಮಾನತ್ತೇಸು ಚ ದೇವಸಿ;

ದ್ವೇ ಕಮ್ಮಾ ಸದಿಸಾ ಸೇಸಾ, ತಯೋ ಕಮ್ಮಾ ಸಮಾಸಮಾತಿ [ಸಮಾ ಮತಾತಿ (ಸೀ.)].

ಪಾರಿವಾಸಿಕಕ್ಖನ್ಧಕಂ ನಿಟ್ಠಿತಂ.

೩. ಸಮುಚ್ಚಯಕ್ಖನ್ಧಕಂ

೧. ಸುಕ್ಕವಿಸ್ಸಟ್ಠಿ

೯೭. ತೇನ ¶ ¶ ¶ ¶ ಸಮಯೇನ ಬುದ್ಧೋ ಭಗವಾ ಸಾವತ್ಥಿಯಂ ವಿಹರತಿ ಜೇತವನೇ ಅನಾಥಪಿಣ್ಡಿಕಸ್ಸ ಆರಾಮೇ. ತೇನ ಖೋ ಪನ ಸಮಯೇನ ಆಯಸ್ಮಾ ಉದಾಯೀ ಏಕಂ ಆಪತ್ತಿಂ ಆಪನ್ನೋ ಹೋತಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋ ಭಿಕ್ಖೂನಂ ಆರೋಚೇಸಿ – ‘‘ಅಹಂ, ಆವುಸೋ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಕಥಂ ನು ಖೋ ಮಯಾ ಪಟಿಪಜ್ಜಿತಬ್ಬ’’ನ್ತಿ? ಭಗವತೋ [ತೇ ಭಿಕ್ಖೂ ಭಗವತೋ (ಸ್ಯಾ.)] ಏತಮತ್ಥಂ ಆರೋಚೇಸುಂ. ‘‘ತೇನ ಹಿ, ಭಿಕ್ಖವೇ, ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ದೇತು. ಏವಞ್ಚ ಪನ, ಭಿಕ್ಖವೇ, ದಾತಬ್ಬಂ –

ಅಪ್ಪಟಿಚ್ಛನ್ನಮಾನತ್ತಂ

೯೮. ‘‘ತೇನ, ಭಿಕ್ಖವೇ, ಉದಾಯಿನಾ ಭಿಕ್ಖುನಾ ಸಙ್ಘಂ ಉಪಸಙ್ಕಮಿತ್ವಾ ಏಕಂಸಂ ಉತ್ತರಾಸಙ್ಗಂ ಕರಿತ್ವಾ ವುಡ್ಢಾನಂ ಭಿಕ್ಖೂನಂ ಪಾದೇ ವನ್ದಿತ್ವಾ ಉಕ್ಕುಟಿಕಂ ನಿಸೀದಿತ್ವಾ ಅಞ್ಜಲಿಂ ಪಗ್ಗಹೇತ್ವಾ ಏವಮಸ್ಸ ವಚನೀಯೋ – ‘ಅಹಂ, ಭನ್ತೇ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋಹಂ, ಭನ್ತೇ, ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಯಾಚಾಮಿ. ಅಹಂ, ಭನ್ತೇ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ದುತಿಯಮ್ಪಿ, ಸೋಹಂ [ದುತಿಯಮ್ಪಿ (ಸೀ. ಕ.)] ಭನ್ತೇ, ಸಙ್ಘಂ ಏಕಿಸ್ಸಾ ಆಪತ್ತಿಯಾ ¶ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಯಾಚಾಮಿ. ಅಹಂ, ಭನ್ತೇ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ತತಿಯಮ್ಪಿ ಸೋಹಂ [ತತಿಯಮ್ಪಿ (ಸೀ. ಕ.)], ಭನ್ತೇ, ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಯಾಚಾಮೀ’ತಿ. ‘‘ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೯೯. ‘‘ಸುಣಾತು ¶ ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಯಾಚತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ¶ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ¶ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ದದೇಯ್ಯ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಯಾಚತಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ದೇತಿ. ಯಸ್ಸಾಯಸ್ಮತೋ ಖಮತಿ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಸ್ಸ ದಾನಂ, ಸೋ ತುಣ್ಹಸ್ಸ ¶ ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ಏತಮತ್ಥಂ ವದಾಮಿ – ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಯಾಚತಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ದೇತಿ. ಯಸ್ಸಾಯಸ್ಮತೋ ಖಮತಿ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಸ್ಸ ದಾನಂ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ತತಿಯಮ್ಪಿ ಏತಮತ್ಥಂ ವದಾಮಿ – ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಯಾಚತಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ದೇತಿ. ಯಸ್ಸಾಯಸ್ಮತೋ ಖಮತಿ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಸ್ಸ ದಾನಂ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದಿನ್ನಂ ¶ ಸಙ್ಘೇನ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ ¶ .

ಅಪ್ಪಟಿಚ್ಛನ್ನಅಬ್ಭಾನಂ

೧೦೦. ಸೋ ¶ ಚಿಣ್ಣಮಾನತ್ತೋ ಭಿಕ್ಖೂನಂ ಆರೋಚೇಸಿ – ‘‘ಅಹಂ, ಆವುಸೋ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಯಾಚಿಂ. ತಸ್ಸ ಮೇ ಸಙ್ಘೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಅದಾಸಿ. ಸೋಹಂ ಚಿಣ್ಣಮಾನತ್ತೋ. ಕಥಂ ನು ಖೋ ಮಯಾ ಪಟಿಪಜ್ಜಿತಬ್ಬ’’ನ್ತಿ? ಭಗವತೋ ಏತಮತ್ಥಂ ಆರೋಚೇಸುಂ. ‘‘ತೇನ ಹಿ, ಭಿಕ್ಖವೇ, ಸಙ್ಘೋ ಉದಾಯಿಂ ಭಿಕ್ಖುಂ ಅಬ್ಭೇತು. ಏವಞ್ಚ ಪನ, ಭಿಕ್ಖವೇ, ಅಬ್ಭೇತಬ್ಬೋ –

ತೇನ, ಭಿಕ್ಖವೇ, ಉದಾಯಿನಾ ಭಿಕ್ಖುನಾ ಸಙ್ಘಂ ಉಪಸಙ್ಕಮಿತ್ವಾ ಏಕಂಸಂ ಉತ್ತರಾಸಙ್ಗಂ ಕರಿತ್ವಾ ವುಡ್ಢಾನಂ ಭಿಕ್ಖೂನಂ ಪಾದೇ ವನ್ದಿತ್ವಾ ಉಕ್ಕುಟಿಕಂ ನಿಸೀದಿತ್ವಾ ಅಞ್ಜಲಿಂ ಪಗ್ಗಹೇತ್ವಾ ಏವಮಸ್ಸ ವಚನೀಯೋ – ‘‘ಅಹಂ ಭನ್ತೇ ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ, ಸೋಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಯಾಚಿಂ. ತಸ್ಸ ಮೇ ಸಙ್ಘೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಅದಾಸಿ. ಸೋಹಂ, ಭನ್ತೇ, ಚಿಣ್ಣಮಾನತ್ತೋ ಸಙ್ಘಂ ಅಬ್ಭಾನಂ ಯಾಚಾಮಿ.

‘‘ಅಹಂ, ಭನ್ತೇ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋಹಂ ¶ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಯಾಚಿಂ. ತಸ್ಸ ಮೇ ಸಙ್ಘೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಅದಾಸಿ. ಸೋಹಂ ಚಿಣ್ಣಮಾನತ್ತೋ ದುತಿಯಮ್ಪಿ, ಭನ್ತೇ, ಸಙ್ಘಂ ಅಬ್ಭಾನಂ ಯಾಚಾಮಿ.

‘‘ಅಹಂ, ಭನ್ತೇ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಯಾಚಿಂ. ತಸ್ಸ ಮೇ ಸಙ್ಘೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಅದಾಸಿ. ಸೋಹಂ ಚಿಣ್ಣಮಾನತ್ತೋ ತತಿಯಮ್ಪಿ, ಭನ್ತೇ, ಸಙ್ಘಂ ಅಬ್ಭಾನಂ ಯಾಚಾಮೀತಿ. ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ¶ ಞಾಪೇತಬ್ಬೋ –

೧೦೧. ‘‘ಸುಣಾತು ¶ ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ¶ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಯಾಚಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಅದಾಸಿ. ಸೋ ಚಿಣ್ಣಮಾನತ್ತೋ ಸಙ್ಘಂ ಅಬ್ಭಾನಂ ಯಾಚತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಉದಾಯಿಂ ಭಿಕ್ಖುಂ ಅಬ್ಭೇಯ್ಯ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ¶ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಯಾಚಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಅದಾಸಿ. ಸೋ ಚಿಣ್ಣಮಾನತ್ತೋ ಸಙ್ಘಂ ಅಬ್ಭಾನಂ ಯಾಚತಿ. ಸಙ್ಘೋ ಉದಾಯಿಂ ಭಿಕ್ಖುಂ ಅಬ್ಭೇತಿ. ಯಸ್ಸಾಯಸ್ಮತೋ ಖಮತಿ ಉದಾಯಿಸ್ಸ ಭಿಕ್ಖುನೋ ಅಬ್ಭಾನಂ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ಏತಮತ್ಥಂ ವದಾಮಿ – ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಯಾಚಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಅದಾಸಿ. ಸೋ ಚಿಣ್ಣಮಾನತ್ತೋ ಸಙ್ಘಂ ಅಬ್ಭಾನಂ ಯಾಚತಿ. ಸಙ್ಘೋ ಉದಾಯಿಂ ಭಿಕ್ಖುಂ ಅಬ್ಭೇತಿ. ಯಸ್ಸಾಯಸ್ಮತೋ ಖಮತಿ ಉದಾಯಿಸ್ಸ ಭಿಕ್ಖುನೋ ಅಬ್ಭಾನಂ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ತತಿಯಮ್ಪಿ ಏತಮತ್ಥಂ ವದಾಮಿ – ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಯಾಚಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಅದಾಸಿ. ಸೋ ಚಿಣ್ಣಮಾನತ್ತೋ ¶ ಸಙ್ಘಂ ಅಬ್ಭಾನಂ ಯಾಚತಿ. ಸಙ್ಘೋ ಉದಾಯಿಂ ಭಿಕ್ಖುಂ ಅಬ್ಭೇತಿ. ಯಸ್ಸಾಯಸ್ಮತೋ ಖಮತಿ ಉದಾಯಿಸ್ಸ ಭಿಕ್ಖುನೋ ಅಬ್ಭಾನಂ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ಅಬ್ಭಿತೋ ¶ ¶ ಸಙ್ಘೇನ ಉದಾಯೀ ಭಿಕ್ಖು. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ಏಕಾಹಪ್ಪಟಿಚ್ಛನ್ನಪರಿವಾಸಂ

೧೦೨. ತೇನ ಖೋ ಪನ ಸಮಯೇನ ಆಯಸ್ಮಾ ಉದಾಯೀ ಏಕಂ ಆಪತ್ತಿಂ ಆಪನ್ನೋ ಹೋತಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಏಕಾಹಪ್ಪಟಿಚ್ಛನ್ನಂ. ಸೋ ಭಿಕ್ಖೂನಂ ಆರೋಚೇಸಿ – ‘‘ಅಹಂ, ಆವುಸೋ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಏಕಾಹಪ್ಪಟಿಚ್ಛನ್ನಂ. ಕಥಂ ನು ಖೋ ಮಯಾ ಪಟಿಪಜ್ಜಿತಬ್ಬ’’ನ್ತಿ? ಭಗವತೋ ಏತಮತ್ಥಂ ಆರೋಚೇಸುಂ. ‘‘ತೇನ ಹಿ, ಭಿಕ್ಖವೇ, ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಏಕಾಹಪರಿವಾಸಂ ದೇತು. ಏವಞ್ಚ ಪನ, ಭಿಕ್ಖವೇ, ದಾತಬ್ಬೋ –

‘‘ತೇನ, ಭಿಕ್ಖವೇ, ಉದಾಯಿನಾ ಭಿಕ್ಖುನಾ ಸಙ್ಘಂ ಉಪಸಙ್ಕಮಿತ್ವಾ ಏಕಂಸಂ ಉತ್ತರಾಸಙ್ಗಂ ಕರಿತ್ವಾ ವುಡ್ಢಾನಂ ಭಿಕ್ಖೂನಂ ಪಾದೇ ವನ್ದಿತ್ವಾ ಉಕ್ಕುಟಿಕಂ ನಿಸೀದಿತ್ವಾ ಅಞ್ಜಲಿಂ ಪಗ್ಗಹೇತ್ವಾ ಏವಮಸ್ಸ ವಚನೀಯೋ – ‘ಅಹಂ, ಭನ್ತೇ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಏಕಾಹಪ್ಪಟಿಚ್ಛನ್ನಂ. ಸೋಹಂ, ಭನ್ತೇ, ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಏಕಾಹಪರಿವಾಸಂ ಯಾಚಾಮೀ’ತಿ. ದುತಿಯಮ್ಪಿ ಯಾಚಿತಬ್ಬೋ. ತತಿಯಮ್ಪಿ ಯಾಚಿತಬ್ಬೋ. ‘‘ಬ್ಯತ್ತೇನ ¶ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೧೦೩. ‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಏಕಾಹಪ್ಪಟಿಚ್ಛನ್ನಂ. ಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಏಕಾಹಪರಿವಾಸಂ ಯಾಚತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಉದಾಯಿಸ್ಸ ಭಿಕ್ಖುನೋ ¶ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಏಕಾಹಪರಿವಾಸಂ ದದೇಯ್ಯ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಏಕಾಹಪ್ಪಟಿಚ್ಛನ್ನಂ. ಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಏಕಾಹಪರಿವಾಸಂ ಯಾಚತಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಏಕಾಹಪರಿವಾಸಂ ದೇತಿ ¶ . ಯಸ್ಸಾಯಸ್ಮತೋ ಖಮತಿ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ¶ ಏಕಾಹಪ್ಪಟಿಚ್ಛನ್ನಾಯ ಏಕಾಹಪರಿವಾಸಸ್ಸ ದಾನಂ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ಏತಮತ್ಥಂ ವದಾಮಿ…ಪೇ… ¶ .

‘‘ದಿನ್ನೋ ಸಙ್ಘೇನ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಏಕಾಹಪರಿವಾಸೋ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ಏಕಾಹಪ್ಪಟಿಚ್ಛನ್ನಮಾನತ್ತಂ

೧೦೪. ಸೋ ಪರಿವುತ್ಥಪರಿವಾಸೋ ಭಿಕ್ಖೂನಂ ಆರೋಚೇಸಿ – ‘‘ಅಹಂ, ಆವುಸೋ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಏಕಾಹಪ್ಪಟಿಚ್ಛನ್ನಂ. ಸೋಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಏಕಾಹಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಏಕಾಹಪರಿವಾಸಂ ಅದಾಸಿ. ಸೋಹಂ ಪರಿವುತ್ಥಪರಿವಾಸೋ. ಕಥಂ ನು ಖೋ ಮಯಾ ಪಟಿಪಜ್ಜಿತಬ್ಬ’’ನ್ತಿ? ಭಗವತೋ ಏತಮತ್ಥಂ ಆರೋಚೇಸುಂ. ‘‘ತೇನ ಹಿ, ಭಿಕ್ಖವೇ, ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ದೇತು. ಏವಞ್ಚ ಪನ, ಭಿಕ್ಖವೇ, ದಾತಬ್ಬಂ –

‘‘ತೇನ, ಭಿಕ್ಖವೇ, ಉದಾಯಿನಾ ಭಿಕ್ಖುನಾ ಸಙ್ಘಂ ಉಪಸಙ್ಕಮಿತ್ವಾ…ಪೇ… ಏವಮಸ್ಸ ವಚನೀಯೋ – ‘ಅಹಂ, ಭನ್ತೇ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ¶ ಏಕಾಹಪ್ಪಟಿಚ್ಛನ್ನಂ. ಸೋಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಏಕಾಹಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಏಕಾಹಪರಿವಾಸಂ ಅದಾಸಿ. ಸೋಹಂ, ಭನ್ತೇ, ಪರಿವುತ್ಥಪರಿವಾಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಯಾಚಾಮೀ’ತಿ. ದುತಿಯಮ್ಪಿ ಯಾಚಿತಬ್ಬಂ [ಯಾಚಿತಬ್ಬೋ (ಸೀ. ಏವಮುಪರಿಪಿ)]. ತತಿಯಮ್ಪಿ ಯಾಚಿತಬ್ಬಂ [ಯಾಚಿತಬ್ಬೋ (ಸೀ. ಏವಮುಪರಿಪಿ)]. ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೧೦೫. ‘‘ಸುಣಾತು ¶ ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ¶ ಏಕಾಹಪ್ಪಟಿಚ್ಛನ್ನಂ. ಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಏಕಾಹಪರಿವಾಸಂ ಯಾಚಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ¶ ಏಕಾಹಪ್ಪಟಿಚ್ಛನ್ನಾಯ ಏಕಾಹಪರಿವಾಸಂ ಅದಾಸಿ. ಸೋ ಪರಿವುತ್ಥಪರಿವಾಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಯಾಚತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ದದೇಯ್ಯ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಏಕಾಹಪ್ಪಟಿಚ್ಛನ್ನಂ. ಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ¶ ಏಕಾಹಪ್ಪಟಿಚ್ಛನ್ನಾಯ ಏಕಾಹಪರಿವಾಸಂ ಯಾಚಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಏಕಾಹಪರಿವಾಸಂ ಅದಾಸಿ. ಸೋ ಪರಿವುತ್ಥಪರಿವಾಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಯಾಚತಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ದೇತಿ. ಯಸ್ಸಾಯಸ್ಮತೋ ಖಮತಿ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಸ್ಸ ದಾನಂ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ಏತಮತ್ಥಂ ವದಾಮಿ…ಪೇ… ¶ .

‘‘ದಿನ್ನಂ ಸಙ್ಘೇನ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ಏಕಾಹಪ್ಪಟಿಚ್ಛನ್ನಅಬ್ಭಾನಂ

೧೦೬. ಸೋ ಚಿಣ್ಣಮಾನತ್ತೋ ಭಿಕ್ಖೂನಂ ಆರೋಚೇಸಿ – ‘‘ಅಹಂ, ಆವುಸೋ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಏಕಾಹಪ್ಪಟಿಚ್ಛನ್ನಂ. ಸೋಹಂ ¶ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಏಕಾಹಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಏಕಾಹಪರಿವಾಸಂ ಅದಾಸಿ. ಸೋಹಂ ಪರಿವುತ್ಥಪರಿವಾಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಯಾಚಿಂ. ತಸ್ಸ ಮೇ ಸಙ್ಘೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ¶ ಏಕಾಹಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಅದಾಸಿ. ಸೋಹಂ ಚಿಣ್ಣಮಾನತ್ತೋ. ಕಥಂ ನು ಖೋ ಮಯಾ ಪಟಿಪಜ್ಜಿತಬ್ಬ’’ನ್ತಿ? ಭಗವತೋ ಏತಮತ್ಥಂ ಆರೋಚೇಸುಂ. ‘‘ತೇನ ಹಿ, ಭಿಕ್ಖವೇ, ಸಙ್ಘೋ ಉದಾಯಿಂ ಭಿಕ್ಖುಂ ಅಬ್ಭೇತು. ಏವಞ್ಚ ಪನ, ಭಿಕ್ಖವೇ, ಅಬ್ಭೇತಬ್ಬೋ –

‘‘ತೇನ ಭಿಕ್ಖವೇ, ಉದಾಯಿನಾ ಭಿಕ್ಖುನಾ ಸಙ್ಘಂ ಉಪಸಙ್ಕಮಿತ್ವಾ…ಪೇ… ಏವಮಸ್ಸ ¶ ವಚನೀಯೋ – ‘ಅಹಂ, ಭನ್ತೇ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಏಕಾಹಪ್ಪಟಿಚ್ಛನ್ನಂ. ಸೋಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಏಕಾಹಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಏಕಾಹಪರಿವಾಸಂ ಅದಾಸಿ. ಸೋಹಂ ಪರಿವುತ್ಥಪರಿವಾಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಯಾಚಿಂ. ತಸ್ಸ ಮೇ ಸಙ್ಘೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಅದಾಸಿ. ಸೋಹಂ, ಭನ್ತೇ, ಚಿಣ್ಣಮಾನತ್ತೋ ಸಙ್ಘಂ ಅಬ್ಭಾನಂ ಯಾಚಾಮೀ’ತಿ. ದುತಿಯಮ್ಪಿ ಯಾಚಿತಬ್ಬಂ. ತತಿಯಮ್ಪಿ ಯಾಚಿತಬ್ಬಂ. ಬ್ಯತ್ತೇನ ¶ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೧೦೭. ‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಏಕಾಹಪ್ಪಟಿಚ್ಛನ್ನಂ. ಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಏಕಾಹಪರಿವಾಸಂ ಯಾಚಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಏಕಾಹಪರಿವಾಸಂ ಅದಾಸಿ. ಸೋ ಪರಿವುತ್ಥಪರಿವಾಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಯಾಚಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ¶ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಅದಾಸಿ. ಸೋ ಚಿಣ್ಣಮಾನತ್ತೋ ¶ ಸಙ್ಘಂ ಅಬ್ಭಾನಂ ಯಾಚತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಉದಾಯಿಂ ಭಿಕ್ಖುಂ ಅಬ್ಭೇಯ್ಯ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಏಕಾಹಪ್ಪಟಿಚ್ಛನ್ನಂ. ಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಏಕಾಹಪರಿವಾಸಂ ಯಾಚಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ಏಕಾಹಪರಿವಾಸಂ ಅದಾಸಿ. ಸೋ ಪರಿವುತ್ಥಪರಿವಾಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ¶ ಛಾರತ್ತಂ ಮಾನತ್ತಂ ಯಾಚಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಏಕಾಹಪ್ಪಟಿಚ್ಛನ್ನಾಯ ¶ ಛಾರತ್ತಂ ಮಾನತ್ತಂ ಅದಾಸಿ. ಸೋ ಚಿಣ್ಣಮಾನತ್ತೋ ಸಙ್ಘಂ ಅಬ್ಭಾನಂ ಯಾಚತಿ. ಸಙ್ಘೋ ಉದಾಯಿಂ ಭಿಕ್ಖುಂ ಅಬ್ಭೇತಿ. ಯಸ್ಸಾಯಸ್ಮತೋ ಖಮತಿ ಉದಾಯಿಸ್ಸ ಭಿಕ್ಖುನೋ ಅಬ್ಭಾನಂ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ಏತಮತ್ಥಂ ವದಾಮಿ…ಪೇ….

‘‘ಅಬ್ಭಿತೋ ಸಙ್ಘೇನ ಉದಾಯೀ ಭಿಕ್ಖು. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ಪಞ್ಚಾಹಪ್ಪಟಿಚ್ಛನ್ನಪರಿವಾಸೋ

೧೦೮. ತೇನ ಖೋ ಪನ ಸಮಯೇನ ಆಯಸ್ಮಾ ಉದಾಯೀ ಏಕಂ ಆಪತ್ತಿಂ ಆಪನ್ನೋ ಹೋತಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ದ್ವೀಹಪ್ಪಟಿಚ್ಛನ್ನಂ…ಪೇ… ತೀಹಪ್ಪಟಿಚ್ಛನ್ನಂ…ಪೇ… ¶ ಚತೂಹಪ್ಪಟಿಚ್ಛನ್ನಂ…ಪೇ… ಪಞ್ಚಾಹಪ್ಪಟಿಚ್ಛನ್ನಂ. ಸೋ ಭಿಕ್ಖೂನಂ ಆರೋಚೇಸಿ – ‘‘ಅಹಂ, ಆವುಸೋ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ. ಕಥಂ ನು ಖೋ ಮಯಾ ಪಟಿಪಜ್ಜಿತಬ್ಬ’’ನ್ತಿ? ಭಗವತೋ ಏತಮತ್ಥಂ ಆರೋಚೇಸುಂ. ‘‘ತೇನ ಹಿ, ಭಿಕ್ಖವೇ, ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪಞ್ಚಾಹಪರಿವಾಸಂ ದೇತು. ಏವಞ್ಚ ಪನ, ಭಿಕ್ಖವೇ, ದಾತಬ್ಬೋ –

‘‘ತೇನ, ಭಿಕ್ಖವೇ, ಉದಾಯಿನಾ ಭಿಕ್ಖುನಾ ಸಙ್ಘಂ ಉಪಸಙ್ಕಮಿತ್ವಾ ಏಕಂಸಂ ಉತ್ತರಾಸಙ್ಗಂ ಕರಿತ್ವಾ ವುಡ್ಢಾನಂ ಭಿಕ್ಖೂನಂ ಪಾದೇ ವನ್ದಿತ್ವಾ ಉಕ್ಕುಟಿಕಂ ನಿಸೀದಿತ್ವಾ ಅಞ್ಜಲಿಂ ಪಗ್ಗಹೇತ್ವಾ ಏವಮಸ್ಸ ವಚನೀಯೋ – ‘ಅಹಂ, ಭನ್ತೇ, ಏಕಂ ಆಪತ್ತಿಂ ಆಪಜ್ಜಿಂ ¶ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ. ಸೋಹಂ, ಭನ್ತೇ, ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪಞ್ಚಾಹಪರಿವಾಸಂ ಯಾಚಾಮೀ’ತಿ. ದುತಿಯಮ್ಪಿ ಯಾಚಿತಬ್ಬೋ. ತತಿಯಮ್ಪಿ ಯಾಚಿತಬ್ಬೋ. ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೧೦೯. ‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ. ಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪಞ್ಚಾಹಪರಿವಾಸಂ ಯಾಚತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಉದಾಯಿಸ್ಸ ¶ ¶ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪಞ್ಚಾಹಪರಿವಾಸಂ ದದೇಯ್ಯ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ. ಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪಞ್ಚಾಹಪರಿವಾಸಂ ಯಾಚತಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪಞ್ಚಾಹಪರಿವಾಸಂ ದೇತಿ. ಯಸ್ಸಾಯಸ್ಮತೋ ಖಮತಿ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪಞ್ಚಾಹಪರಿವಾಸಸ್ಸ ದಾನಂ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ಏತಮತ್ಥಂ ವದಾಮಿ…ಪೇ….

‘‘ದಿನ್ನೋ ಸಙ್ಘೇನ ಉದಾಯಿಸ್ಸ ಭಿಕ್ಖುನೋ ¶ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪಞ್ಚಾಹಪರಿವಾಸೋ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ಪಾರಿವಾಸಿಕಮೂಲಾಯಪಟಿಕಸ್ಸನಾ

೧೧೦. ಸೋ ಪರಿವಸನ್ತೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋ ಭಿಕ್ಖೂನಂ ಆರೋಚೇಸಿ – ‘‘ಅಹಂ, ಆವುಸೋ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ. ಸೋಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪಞ್ಚಾಹಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ಏಕಿಸ್ಸಾ ಆಪತ್ತಿಯಾ ¶ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪಞ್ಚಾಹಪರಿವಾಸಂ ಅದಾಸಿ. ಸೋಹಂ ಪರಿವಸನ್ತೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಕಥಂ ನು ಖೋ ಮಯಾ ಪಟಿಪಜ್ಜಿತಬ್ಬ’’ನ್ತಿ? ಭಗವತೋ ಏತಮತ್ಥಂ ಆರೋಚೇಸುಂ. ‘‘ತೇನ ಹಿ, ಭಿಕ್ಖವೇ, ಸಙ್ಘೋ ಉದಾಯಿಂ ಭಿಕ್ಖುಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸತು. ಏವಞ್ಚ ಪನ, ಭಿಕ್ಖವೇ, ಮೂಲಾಯ ಪಟಿಕಸ್ಸಿತಬ್ಬೋ –

‘‘ತೇನ, ಭಿಕ್ಖವೇ, ಉದಾಯಿನಾ ಭಿಕ್ಖುನಾ ಸಙ್ಘಂ ಉಪಸಙ್ಕಮಿತ್ವಾ…ಪೇ… ಏವಮಸ್ಸ ವಚನೀಯೋ – ‘ಅಹಂ, ಭನ್ತೇ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ ¶ . ಸೋಹಂ ಸಙ್ಘಂ ಏಕಿಸ್ಸಾ ¶ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪಞ್ಚಾಹಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪಞ್ಚಾಹಪರಿವಾಸಂ ಅದಾಸಿ. ಸೋಹಂ ಪರಿವಸನ್ತೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋಹಂ, ಭನ್ತೇ, ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯ ¶ ಪಟಿಕಸ್ಸನಂ ಯಾಚಾಮೀ’ತಿ. ದುತಿಯಮ್ಪಿ ಯಾಚಿತಬ್ಬಾ [ಯಾಚಿತಬ್ಬೋ (ಸೀ. ಏವಮುಪರಿಪಿ)]. ತತಿಯಮ್ಪಿ ಯಾಚಿತಬ್ಬಾ [ಯಾಚಿತಬ್ಬೋ (ಸೀ. ಏವಮುಪರಿಪಿ)]. ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೧೧೧. ‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ. ಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪಞ್ಚಾಹಪರಿವಾಸಂ ಯಾಚಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪಞ್ಚಾಹಪರಿವಾಸಂ ಅದಾಸಿ. ಸೋ ಪರಿವಸನ್ತೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಂ ಯಾಚತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಉದಾಯಿಂ ಭಿಕ್ಖುಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸೇಯ್ಯ. ಏಸಾ ಞತ್ತಿ.

‘‘ಸುಣಾತು ¶ ಮೇ, ಭನ್ತೇ ¶ , ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ. ಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪಞ್ಚಾಹಪರಿವಾಸಂ ಯಾಚಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪಞ್ಚಾಹಪರಿವಾಸಂ ಅದಾಸಿ. ಸೋ ಪರಿವಸನ್ತೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಂ ಯಾಚತಿ. ಸಙ್ಘೋ ಉದಾಯಿಂ ಭಿಕ್ಖುಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸತಿ. ಯಸ್ಸಾಯಸ್ಮತೋ ಖಮತಿ ಉದಾಯಿಸ್ಸ ಭಿಕ್ಖುನೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಾ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ¶ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ಏತಮತ್ಥಂ ವದಾಮಿ…ಪೇ… ¶ .

‘‘ಪಟಿಕಸ್ಸಿತೋ ಸಙ್ಘೇನ ಉದಾಯೀ ಭಿಕ್ಖು ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಾ [ಮೂಲಾಯ (ಸ್ಯಾ.)]. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ಮಾನತ್ತಾರಹಮೂಲಾಯಪಟಿಕಸ್ಸನಾ

೧೧೨. ಸೋ ಪರಿವುತ್ಥಪರಿವಾಸೋ ಮಾನತ್ತಾರಹೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋ ಭಿಕ್ಖೂನಂ ಆರೋಚೇಸಿ – ‘‘ಅಹಂ, ಆವುಸೋ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ¶ ಪಞ್ಚಾಹಪ್ಪಟಿಚ್ಛನ್ನಂ. ಸೋಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪಞ್ಚಾಹಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪಞ್ಚಾಹಪರಿವಾಸಂ ಅದಾಸಿ. ಸೋಹಂ ಪರಿವಸನ್ತೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋಹಂ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಂ ಯಾಚಿಂ. ತಂ ಮಂ ಸಙ್ಘೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ¶ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸಿ. ಸೋಹಂ ಪರಿವುತ್ಥಪರಿವಾಸೋ ಮಾನತ್ತಾರಹೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಕಥಂ ನು ಖೋ ಮಯಾ ಪಟಿಪಜ್ಜಿತಬ್ಬ’’ನ್ತಿ? ಭಗವತೋ ಏತಮತ್ಥಂ ಆರೋಚೇಸುಂ. ‘‘ತೇನ ಹಿ, ಭಿಕ್ಖವೇ, ಸಙ್ಘೋ ಉದಾಯಿಂ ಭಿಕ್ಖುಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸತು. ಏವಞ್ಚ ಪನ, ಭಿಕ್ಖವೇ, ಮೂಲಾಯ ಪಟಿಕಸ್ಸಿತಬ್ಬೋ –

‘‘ತೇನ, ಭಿಕ್ಖವೇ, ಉದಾಯಿನಾ ಭಿಕ್ಖುನಾ ಸಙ್ಘಂ ಉಪಸಙ್ಕಮಿತ್ವಾ…ಪೇ… ಏವಮಸ್ಸ ವಚನೀಯೋ – ‘ಅಹಂ, ಭನ್ತೇ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ…ಪೇ… ¶ ಸೋಹಂ ಪರಿವುತ್ಥಪರಿವಾಸೋ ಮಾನತ್ತಾರಹೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿಂ ¶ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋಹಂ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಂ ಯಾಚಾಮೀ’ತಿ. ದುತಿಯಮ್ಪಿ ಯಾಚಿತಬ್ಬಾ. ತತಿಯಮ್ಪಿ ಯಾಚಿತಬ್ಬಾ. ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೧೧೩. ‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ…ಪೇ… ¶ ಸೋ ಪರಿವುತ್ಥಪರಿವಾಸೋ ಮಾನತ್ತಾರಹೋ ಅನ್ತರಾ ¶ ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಂ ಯಾಚತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಉದಾಯಿಂ ಭಿಕ್ಖುಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸೇಯ್ಯ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ…ಪೇ… ಸೋ ಪರಿವುತ್ಥಪರಿವಾಸೋ ಮಾನತ್ತಾರಹೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಂ ಯಾಚತಿ ¶ . ಸಙ್ಘೋ ಉದಾಯಿಂ ಭಿಕ್ಖುಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸತಿ. ಯಸ್ಸಾಯಸ್ಮತೋ ಖಮತಿ ಉದಾಯಿಸ್ಸ ಭಿಕ್ಖುನೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ¶ ಅಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಾ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ಏತಮತ್ಥಂ ವದಾಮಿ…ಪೇ….

‘‘ಪಟಿಕಸ್ಸಿತೋ ಸಙ್ಘೇನ ಉದಾಯೀ ಭಿಕ್ಖು ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಾ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ತಿಕಾಪತ್ತಿಮಾನತ್ತಂ

೧೧೪. ಸೋ ಪರಿವುತ್ಥಪರಿವಾಸೋ ಭಿಕ್ಖೂನಂ ಆರೋಚೇಸಿ – ‘‘ಅಹಂ, ಆವುಸೋ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ…ಪೇ… ¶ ಸೋಹಂ ಪರಿವುತ್ಥಪರಿವಾಸೋ. ಕಥಂ ನು ಖೋ ಮಯಾ ಪಟಿಪಜ್ಜಿತಬ್ಬ’’ನ್ತಿ? ಭಗವತೋ ಏತಮತ್ಥಂ ಆರೋಚೇಸುಂ. ‘‘ತೇನ ಹಿ, ಭಿಕ್ಖವೇ, ಸಙ್ಘೋ ಉದಾಯಿಸ್ಸ ಭಿಕ್ಖುನೋ ತಿಸ್ಸನ್ನಂ ಆಪತ್ತೀನಂ ಛಾರತ್ತಂ ಮಾನತ್ತಂ ದೇತು. ಏವಞ್ಚ ಪನ, ಭಿಕ್ಖವೇ, ದಾತಬ್ಬಂ –

‘‘ತೇನ, ಭಿಕ್ಖವೇ, ಉದಾಯಿನಾ ಭಿಕ್ಖುನಾ ಸಙ್ಘಂ ಉಪಸಙ್ಕಮಿತ್ವಾ…ಪೇ… ಏವಮಸ್ಸ ವಚನೀಯೋ – ‘ಅಹಂ, ಭನ್ತೇ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ. ಸೋಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ¶ ಪಞ್ಚಾಹಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪಞ್ಚಾಹಪರಿವಾಸಂ ಅದಾಸಿ…ಪೇ… ¶ ಸೋಹಂ, ಭನ್ತೇ, ಪರಿವುತ್ಥಪರಿವಾಸೋ ಸಙ್ಘಂ ತಿಸ್ಸನ್ನಂ ಆಪತ್ತೀನಂ ಛಾರತ್ತಂ ಮಾನತ್ತಂ ಯಾಚಾಮೀ’ತಿ. ದುತಿಯಮ್ಪಿ ಯಾಚಿತಬ್ಬಂ. ತತಿಯಮ್ಪಿ ಯಾಚಿತಬ್ಬಂ. ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೧೧೫. ‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ…ಪೇ… ¶ ಸೋ ಪರಿವುತ್ಥಪರಿವಾಸೋ ಸಙ್ಘಂ ತಿಸ್ಸನ್ನಂ ಆಪತ್ತೀನಂ ಛಾರತ್ತಂ ಮಾನತ್ತಂ ಯಾಚತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಉದಾಯಿಸ್ಸ ಭಿಕ್ಖುನೋ ತಿಸ್ಸನ್ನಂ ಆಪತ್ತೀನಂ ಛಾರತ್ತಂ ಮಾನತ್ತಂ ದದೇಯ್ಯ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ…ಪೇ… ¶ ಸೋ ಪರಿವುತ್ಥಪರಿವಾಸೋ ಸಙ್ಘಂ ¶ ತಿಸ್ಸನ್ನಂ ಆಪತ್ತೀನಂ ಛಾರತ್ತಂ ಮಾನತ್ತಂ ಯಾಚತಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ತಿಸ್ಸನ್ನಂ ಆಪತ್ತೀನಂ ¶ ಛಾರತ್ತಂ ಮಾನತ್ತಂ ದೇತಿ. ಯಸ್ಸಾಯಸ್ಮತೋ ಖಮತಿ ಉದಾಯಿಸ್ಸ ಭಿಕ್ಖುನೋ ತಿಸ್ಸನ್ನಂ ಆಪತ್ತೀನಂ ಛಾರತ್ತಂ ಮಾನತ್ತಸ್ಸ ದಾನಂ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ಏತಮತ್ಥಂ ವದಾಮಿ…ಪೇ….

‘‘ದಿನ್ನಂ ಸಙ್ಘೇನ ಉದಾಯಿಸ್ಸ ಭಿಕ್ಖುನೋ ತಿಸ್ಸನ್ನಂ ಆಪತ್ತೀನಂ ಛಾರತ್ತಂ ಮಾನತ್ತಂ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ಮಾನತ್ತಚಾರಿಕಮೂಲಾಯಪಟಿಕಸ್ಸನಾ

೧೧೬. ಸೋ ಮಾನತ್ತಂ ಚರನ್ತೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋ ಭಿಕ್ಖೂನಂ ಆರೋಚೇಸಿ – ‘‘ಅಹಂ, ಆವುಸೋ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ…ಪೇ… ¶ ಸೋಹಂ ಮಾನತ್ತಂ ಚರನ್ತೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಕಥಂ ನು ಖೋ ಮಯಾ ಪಟಿಪಜ್ಜಿತಬ್ಬ’’ನ್ತಿ? ಭಗವತೋ ಏತಮತ್ಥಂ ಆರೋಚೇಸುಂ. ‘‘ತೇನ ಹಿ, ಭಿಕ್ಖವೇ, ಸಙ್ಘೋ ಉದಾಯಿಂ ಭಿಕ್ಖುಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸಿತ್ವಾ ಛಾರತ್ತಂ ಮಾನತ್ತಂ ದೇತು. ಏವಞ್ಚ ಪನ, ಭಿಕ್ಖವೇ, ಮೂಲಾಯ ಪಟಿಕಸ್ಸಿತಬ್ಬೋ – ತೇನ, ಭಿಕ್ಖವೇ, ಉದಾಯಿನಾ ಭಿಕ್ಖುನಾ ಸಙ್ಘಂ ಉಪಸಙ್ಕಮಿತ್ವಾ…ಪೇ… ಏವಮಸ್ಸ ವಚನೀಯೋ – ‘ಅಹಂ, ಭನ್ತೇ ¶ , ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ…ಪೇ… ¶ ಸೋಹಂ ಮಾನತ್ತಂ ಚರನ್ತೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋಹಂ, ಭನ್ತೇ, ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಂ ಯಾಚಾಮೀ’ತಿ. ದುತಿಯಮ್ಪಿ ಯಾಚಿತಬ್ಬಾ. ತತಿಯಮ್ಪಿ ಯಾಚಿತಬ್ಬಾ. ‘‘ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೧೧೭. ‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು…ಪೇ… ¶ ಮೂಲಾಯಪಟಿಕಸ್ಸನಂ ಯಾಚತಿ ¶ . ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಉದಾಯಿಂ ಭಿಕ್ಖುಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸೇಯ್ಯ. ಏಸಾ ಞತ್ತಿ…ಪೇ… ¶ ಪಟಿಕಸ್ಸಿತೋ ಸಙ್ಘೇನ ಉದಾಯೀ ಭಿಕ್ಖು ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ¶ ಅಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಾ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀತಿ.

‘‘ಏವಞ್ಚ ಪನ, ಭಿಕ್ಖವೇ, ಛಾರತ್ತಂ ಮಾನತ್ತಂ ದಾತಬ್ಬಂ – ತೇನ, ಭಿಕ್ಖವೇ, ಉದಾಯಿನಾ ಭಿಕ್ಖುನಾ…ಪೇ… ಏವಮಸ್ಸ ವಚನೀಯೋ – ‘ಅಹಂ, ಭನ್ತೇ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ…ಪೇ… ಸೋಹಂ ಮಾನತ್ತಂ ಚರನ್ತೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋಹಂ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ¶ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಂ ಯಾಚಿಂ. ತಂ ಮಂ ಸಙ್ಘೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸಿ. ಸೋಹಂ, ಭನ್ತೇ, ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಯಾಚಾಮೀ’ತಿ. ದುತಿಯಮ್ಪಿ ಯಾಚಿತಬ್ಬಂ. ತತಿಯಮ್ಪಿ ಯಾಚಿತಬ್ಬಂ. ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು…ಪೇ… ಛಾರತ್ತಂ ಮಾನತ್ತಂ ಯಾಚತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ದದೇಯ್ಯ. ಏಸಾ ಞತ್ತಿ…ಪೇ… ¶ ದಿನ್ನಂ ಸಙ್ಘೇನ ಉದಾಯಿಸ್ಸ ಭಿಕ್ಖುನೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ಅಬ್ಭಾನಾರಹಮೂಲಾಯಪಟಿಕಸ್ಸನಾ

೧೧೮. ಸೋ ¶ ¶ ಚಿಣ್ಣಮಾನತ್ತೋ ಅಬ್ಭಾನಾರಹೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋ ಭಿಕ್ಖೂನಂ ಆರೋಚೇಸಿ – ‘‘ಅಹಂ, ಆವುಸೋ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ…ಪೇ… ಸೋಹಂ ಚಿಣ್ಣಮಾನತ್ತೋ ಅಬ್ಭಾನಾರಹೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಕಥಂ ನು ಖೋ ಮಯಾ ಪಟಿಪಜ್ಜಿತಬ್ಬ’’ನ್ತಿ? ಭಗವತೋ ಏತಮತ್ಥಂ ಆರೋಚೇಸುಂ. ‘‘ತೇನ ಹಿ, ಭಿಕ್ಖವೇ, ಸಙ್ಘೋ ಉದಾಯಿಂ ಭಿಕ್ಖುಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸಿತ್ವಾ ಛಾರತ್ತಂ ಮಾನತ್ತಂ ದೇತು. ಏವಞ್ಚ ಪನ, ಭಿಕ್ಖವೇ, ಮೂಲಾಯ ಪಟಿಕಸ್ಸಿತಬ್ಬೋ…ಪೇ….

‘‘ಏವಞ್ಚ ¶ ಪನ, ಭಿಕ್ಖವೇ, ಛಾರತ್ತಂ ಮಾನತ್ತಂ ದಾತಬ್ಬಂ…ಪೇ….

‘‘ದಿನ್ನಂ ಸಙ್ಘೇನ ಉದಾಯಿಸ್ಸ ಭಿಕ್ಖುನೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ಮೂಲಾಯಪಟಿಕಸ್ಸಿತಅಬ್ಭಾನಂ

೧೧೯. ಸೋ ಚಿಣ್ಣಮಾನತ್ತೋ ಭಿಕ್ಖೂನಂ ಆರೋಚೇಸಿ – ‘‘ಅಹಂ, ಆವುಸೋ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ…ಪೇ… ಸೋಹಂ ¶ ಚಿಣ್ಣಮಾನತ್ತೋ. ಕಥಂ ನು ಖೋ ಮಯಾ ಪಟಿಪಜ್ಜಿತಬ್ಬ’’ನ್ತಿ? ಭಗವತೋ ಏತಮತ್ಥಂ ಆರೋಚೇಸುಂ. ತೇನ ಹಿ, ಭಿಕ್ಖವೇ, ಸಙ್ಘೋ ಉದಾಯಿಂ ಭಿಕ್ಖುಂ ಅಬ್ಭೇತು. ಏವಞ್ಚ ಪನ, ಭಿಕ್ಖವೇ, ಅಬ್ಭೇತಬ್ಬೋ –

‘‘ತೇನ, ಭಿಕ್ಖವೇ, ಉದಾಯಿನಾ ¶ ಭಿಕ್ಖುನಾ ಸಙ್ಘಂ ಉಪಸಙ್ಕಮಿತ್ವಾ…ಪೇ… ಏವಮಸ್ಸ ವಚನೀಯೋ – ‘ಅಹಂ, ಭನ್ತೇ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ. ಸೋಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪಞ್ಚಾಹಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪಞ್ಚಾಹಪರಿವಾಸಂ ಅದಾಸಿ. ಸೋಹಂ ಪರಿವಸನ್ತೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋಹಂ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಂ ಯಾಚಿಂ. ತಂ ಮಂ ಸಙ್ಘೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ¶ ಅಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸಿ. ಸೋಹಂ ಪರಿವುತ್ಥಪರಿವಾಸೋ ಮಾನತ್ತಾರಹೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋಹಂ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಂ ಯಾಚಿಂ. ತಂ ಮಂ ಸಙ್ಘೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸಿ. ಸೋಹಂ ಪರಿವುತ್ಥಪರಿವಾಸೋ ಸಙ್ಘಂ ತಿಸ್ಸನ್ನಂ ಆಪತ್ತೀನಂ ಛಾರತ್ತಂ ಮಾನತ್ತಂ ಯಾಚಿಂ. ತಸ್ಸ ಮೇ ಸಙ್ಘೋ ತಿಸ್ಸನ್ನಂ ಆಪತ್ತೀನಂ ಛಾರತ್ತಂ ಮಾನತ್ತಂ ಅದಾಸಿ. ಸೋಹಂ ಮಾನತ್ತಂ ಚರನ್ತೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ¶ ಅಪ್ಪಟಿಚ್ಛನ್ನಂ. ಸೋಹಂ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಂ ಯಾಚಿಂ. ತಂ ಮಂ ಸಙ್ಘೋ ¶ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸಿ. ಸೋಹಂ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಯಾಚಿಂ. ತಸ್ಸ ಮೇ ಸಙ್ಘೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಅದಾಸಿ. ಸೋಹಂ ಚಿಣ್ಣಮಾನತ್ತೋ ಅಬ್ಭಾನಾರಹೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋಹಂ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಂ ಯಾಚಿಂ. ತಂ ಮಂ ಸಙ್ಘೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸಿ. ಸೋಹಂ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಯಾಚಿಂ. ತಸ್ಸ ಮೇ ಸಙ್ಘೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಅದಾಸಿ. ಸೋಹಂ, ಭನ್ತೇ, ಚಿಣ್ಣಮಾನತ್ತೋ ಸಙ್ಘಂ ಅಬ್ಭಾನಂ ಯಾಚಾಮೀ’’’ತಿ.

‘‘ದುತಿಯಮ್ಪಿ ಯಾಚಿತಬ್ಬಂ. ತತಿಯಮ್ಪಿ ಯಾಚಿತಬ್ಬಂ. ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೧೨೦. ‘‘ಸುಣಾತು ಮೇ ¶ , ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ¶ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ. ಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪಞ್ಚಾಹಪರಿವಾಸಂ ಯಾಚಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪಞ್ಚಾಹಪರಿವಾಸಂ ಅದಾಸಿ. ಸೋ ಪರಿವಸನ್ತೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ¶ ಮೂಲಾಯಪಟಿಕಸ್ಸನಂ ಯಾಚಿ. ಸಙ್ಘೋ ಉದಾಯಿಂ ಭಿಕ್ಖುಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸಿ. ಸೋ ಪರಿವುತ್ಥಪರಿವಾಸೋ ಮಾನತ್ತಾರಹೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಂ ಯಾಚಿ. ಸಙ್ಘೋ ಉದಾಯಿಂ ಭಿಕ್ಖುಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ¶ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸಿ. ಸೋ ಪರಿವುತ್ಥಪರಿವಾಸೋ ಸಙ್ಘಂ ತಿಸ್ಸನ್ನಂ ಆಪತ್ತೀನಂ ಛಾರತ್ತಂ ಮಾನತ್ತಂ ಯಾಚಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ತಿಸ್ಸನ್ನಂ ಆಪತ್ತೀನಂ ಛಾರತ್ತಂ ಮಾನತ್ತಂ ಅದಾಸಿ. ಸೋ ಮಾನತ್ತಂ ಚರನ್ತೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಂ ಯಾಚಿ. ಸಙ್ಘೋ ಉದಾಯಿಂ ಭಿಕ್ಖುಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ¶ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸಿ. ಸೋ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಯಾಚಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಅದಾಸಿ. ಸೋ ಚಿಣ್ಣಮಾನತ್ತೋ ಅಬ್ಭಾನಾರಹೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಅಪ್ಪಟಿಚ್ಛನ್ನಂ. ಸೋ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಂ ಯಾಚಿ. ಸಙ್ಘೋ ಉದಾಯಿಂ ಭಿಕ್ಖುಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸಿ. ಸೋ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಯಾಚಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಅಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಅದಾಸಿ. ಸೋ ಚಿಣ್ಣಮಾನತ್ತೋ ಸಙ್ಘಂ ಅಬ್ಭಾನಂ ಯಾಚತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಉದಾಯಿಂ ಭಿಕ್ಖುಂ ಅಬ್ಭೇಯ್ಯ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ…ಪೇ… ಸೋ ಚಿಣ್ಣಮಾನತ್ತೋ ಸಙ್ಘಂ ಅಬ್ಭಾನಂ ಯಾಚತಿ. ಸಙ್ಘೋ ಉದಾಯಿಂ ಭಿಕ್ಖುಂ ಅಬ್ಭೇತಿ. ಯಸ್ಸಾಯಸ್ಮತೋ ಖಮತಿ ಉದಾಯಿಸ್ಸ ಭಿಕ್ಖುನೋ ಅಬ್ಭಾನಂ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ¶ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ಏತಮತ್ಥಂ ವದಾಮಿ…ಪೇ….

‘‘ಅಬ್ಭಿತೋ ¶ ಸಙ್ಘೇನ ಉದಾಯೀ ಭಿಕ್ಖು. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ಪಕ್ಖಪ್ಪಟಿಚ್ಛನ್ನಪರಿವಾಸೋ

೧೨೧. ತೇನ ¶ ಖೋ ಪನ ಸಮಯೇನ ಆಯಸ್ಮಾ ಉದಾಯೀ ಏಕಂ ಆಪತ್ತಿಂ ಆಪನ್ನೋ ಹೋತಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಕ್ಖಪ್ಪಟಿಚ್ಛನ್ನಂ. ಸೋ ಭಿಕ್ಖೂನಂ ಆರೋಚೇಸಿ – ‘‘ಅಹಂ, ಆವುಸೋ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಕ್ಖಪ್ಪಟಿಚ್ಛನ್ನಂ. ಕಥಂ ನು ಖೋ ಮಯಾ ಪಟಿಪಜ್ಜಿತಬ್ಬ’’ನ್ತಿ? ಭಗವತೋ ಏತಮತ್ಥಂ ಆರೋಚೇಸುಂ. ‘‘ತೇನ ಹಿ, ಭಿಕ್ಖವೇ, ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಕ್ಖಪ್ಪಟಿಚ್ಛನ್ನಾಯ ಪಕ್ಖಪರಿವಾಸಂ ದೇತು. ಏವಞ್ಚ ಪನ, ಭಿಕ್ಖವೇ, ದಾತಬ್ಬೋ –

‘‘ತೇನ, ಭಿಕ್ಖವೇ, ಉದಾಯಿನಾ ಭಿಕ್ಖುನಾ ಸಙ್ಘಂ ಉಪಸಙ್ಕಮಿತ್ವಾ…ಪೇ… ಏವಮಸ್ಸ ವಚನೀಯೋ – ‘ಅಹಂ, ಭನ್ತೇ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಕ್ಖಪ್ಪಟಿಚ್ಛನ್ನಂ. ಸೋಹಂ, ಭನ್ತೇ, ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಕ್ಖಪ್ಪಟಿಚ್ಛನ್ನಾಯ ಪಕ್ಖಪರಿವಾಸಂ ಯಾಚಾಮೀ’ತಿ. ದುತಿಯಮ್ಪಿ ಯಾಚಿತಬ್ಬೋ. ತತಿಯಮ್ಪಿ ಯಾಚಿತಬ್ಬೋ. ಬ್ಯತ್ತೇನ ಭಿಕ್ಖುನೋ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೧೨೨. ‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಕ್ಖಪ್ಪಟಿಚ್ಛನ್ನಂ. ಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ¶ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಕ್ಖಪ್ಪಟಿಚ್ಛನ್ನಾಯ ಪಕ್ಖಪರಿವಾಸಂ ಯಾಚತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಕ್ಖಪ್ಪಟಿಚ್ಛನ್ನಾಯ ಪಕ್ಖಪರಿವಾಸಂ ದದೇಯ್ಯ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಕ್ಖಪ್ಪಟಿಚ್ಛನ್ನಂ. ಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಕ್ಖಪ್ಪಟಿಚ್ಛನ್ನಾಯ ಪಕ್ಖಪರಿವಾಸಂ ಯಾಚತಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಕ್ಖಪ್ಪಟಿಚ್ಛನ್ನಾಯ ಪಕ್ಖಪರಿವಾಸಂ ದೇತಿ. ಯಸ್ಸಾಯಸ್ಮತೋ ಖಮತಿ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಕ್ಖಪ್ಪಟಿಚ್ಛನ್ನಾಯ ಪಕ್ಖಪರಿವಾಸಸ್ಸ ದಾನಂ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ¶ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ಏತಮತ್ಥಂ ವದಾಮಿ…ಪೇ….

‘‘ದಿನ್ನೋ ¶ ಸಙ್ಘೇನ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಕ್ಖಪ್ಪಟಿಚ್ಛನ್ನಾಯ ಪಕ್ಖಪರಿವಾಸೋ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ಪಕ್ಖಪಾರಿವಾಸಿಕಮೂಲಾಯಪಟಿಕಸ್ಸನಾ

೧೨೩. ಸೋ ಪರಿವಸನ್ತೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ. ಸೋ ಭಿಕ್ಖೂನಂ ಆರೋಚೇಸಿ – ‘‘ಅಹಂ, ಆವುಸೋ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಕ್ಖಪ್ಪಟಿಚ್ಛನ್ನಂ. ಸೋಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಕ್ಖಪ್ಪಟಿಚ್ಛನ್ನಾಯ ಪಕ್ಖಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ಏಕಿಸ್ಸಾ ¶ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಕ್ಖಪ್ಪಟಿಚ್ಛನ್ನಾಯ ಪಕ್ಖಪರಿವಾಸಂ ಅದಾಸಿ. ಸೋಹಂ ಪರಿವಸನ್ತೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ. ಕಥಂ ನು ಖೋ ಮಯಾ ಪಟಿಪಜ್ಜಿತಬ್ಬ’’ನ್ತಿ! ಭಗವತೋ ಏತಮತ್ಥಂ ಆರೋಚೇಸುಂ. ‘‘ತೇನ ಹಿ, ಭಿಕ್ಖವೇ, ಸಙ್ಘೋ ಉದಾಯಿಂ ಭಿಕ್ಖುಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸಿತ್ವಾ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸಂ ದೇತು. ಏವಞ್ಚ ಪನ, ಭಿಕ್ಖವೇ, ಮೂಲಾಯ ಪಟಿಕಸ್ಸಿತಬ್ಬೋ –

‘‘ತೇನ, ಭಿಕ್ಖವೇ, ಉದಾಯಿನಾ ಭಿಕ್ಖುನಾ ಸಙ್ಘಂ ಉಪಸಙ್ಕಮಿತ್ವಾ…ಪೇ… ಏವಮಸ್ಸ ವಚನೀಯೋ – ‘ಅಹಂ, ಭನ್ತೇ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಕ್ಖಪ್ಪಟಿಚ್ಛನ್ನಂ. ಸೋಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಕ್ಖಪ್ಪಟಿಚ್ಛನ್ನಾಯ ಪಕ್ಖಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಕ್ಖಪ್ಪಟಿಚ್ಛನ್ನಾಯ ಪಕ್ಖಪರಿವಾಸಂ ¶ ಅದಾಸಿ. ಸೋಹಂ ಪರಿವಸನ್ತೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ. ಸೋಹಂ, ಭನ್ತೇ, ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಂ ಯಾಚಾಮೀ’ತಿ. ದುತಿಯಮ್ಪಿ ಯಾಚಿತಬ್ಬಾ. ತತಿಯಮ್ಪಿ ಯಾಚಿತಬ್ಬಾ. ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೧೨೪. ‘‘ಸುಣಾತು ¶ ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಕ್ಖಪ್ಪಟಿಚ್ಛನ್ನಂ. ಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ¶ ಪಕ್ಖಪ್ಪಟಿಚ್ಛನ್ನಾಯ ಪಕ್ಖಪರಿವಾಸಂ ಯಾಚಿ ¶ . ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಕ್ಖಪ್ಪಟಿಚ್ಛನ್ನಾಯ ಪಕ್ಖಪರಿವಾಸಂ ಅದಾಸಿ. ಸೋ ಪರಿವಸನ್ತೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ. ಸೋ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಂ ಯಾಚತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಉದಾಯಿಂ ಭಿಕ್ಖುಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸೇಯ್ಯ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಕ್ಖಪ್ಪಟಿಚ್ಛನ್ನಂ. ಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಕ್ಖಪ್ಪಟಿಚ್ಛನ್ನಾಯ ಪಕ್ಖಪರಿವಾಸಂ ಯಾಚಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಕ್ಖಪ್ಪಟಿಚ್ಛನ್ನಾಯ ಪಕ್ಖಪರಿವಾಸಂ ಅದಾಸಿ. ಸೋ ಪರಿವಸನ್ತೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ. ಸೋ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಂ ಯಾಚತಿ. ಸಙ್ಘೋ ಉದಾಯಿಂ ಭಿಕ್ಖುಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ¶ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸತಿ. ಯಸ್ಸಾಯಸ್ಮತೋ ಖಮತಿ ಉದಾಯಿಸ್ಸ ಭಿಕ್ಖುನೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಾ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ಏತಮತ್ಥಂ ವದಾಮಿ…ಪೇ….

‘‘ಪಟಿಕಸ್ಸಿತೋ ಸಙ್ಘೇನ ಉದಾಯೀ ಭಿಕ್ಖು ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಾ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ಸಮೋಧಾನಪರಿವಾಸೋ

೧೨೫. ‘‘ಏವಞ್ಚ ಪನ, ಭಿಕ್ಖವೇ, ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ ದಾತಬ್ಬೋ – ತೇನ, ಭಿಕ್ಖವೇ, ಉದಾಯಿನಾ ಭಿಕ್ಖುನಾ ಸಙ್ಘಂ ಉಪಸಙ್ಕಮಿತ್ವಾ…ಪೇ… ಏವಮಸ್ಸ ವಚನೀಯೋ – ‘ಅಹಂ, ಭನ್ತೇ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ¶ ಪಕ್ಖಪ್ಪಟಿಚ್ಛನ್ನಂ. ಸೋಹಂ ಸಙ್ಘಂ ಏಕಿಸ್ಸಾ ¶ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಕ್ಖಪ್ಪಟಿಚ್ಛನ್ನಾಯ ಪಕ್ಖಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಕ್ಖಪ್ಪಟಿಚ್ಛನ್ನಾಯ ಪಕ್ಖಪರಿವಾಸಂ ಅದಾಸಿ. ಸೋಹಂ ಪರಿವಸನ್ತೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ. ಸೋಹಂ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಂ ಯಾಚಿಂ. ತಂ ಮಂ ಸಙ್ಘೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ¶ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸಿ. ಸೋಹಂ, ಭನ್ತೇ, ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸಂ ಯಾಚಾಮೀ’’’ತಿ.

‘‘ದುತಿಯಮ್ಪಿ ಯಾಚಿತಬ್ಬೋ. ತತಿಯಮ್ಪಿ ಯಾಚಿತಬ್ಬೋ. ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೧೨೬. ‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಕ್ಖಪ್ಪಟಿಚ್ಛನ್ನಂ. ಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಕ್ಖಪ್ಪಟಿಚ್ಛನ್ನಾಯ ಪಕ್ಖಪರಿವಾಸಂ ಯಾಚಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಕ್ಖಪ್ಪಟಿಚ್ಛನ್ನಾಯ ಪಕ್ಖಪರಿವಾಸಂ ಅದಾಸಿ. ಸೋ ಪರಿವಸನ್ತೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ. ಸೋ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಂ ಯಾಚಿ. ಸಙ್ಘೋ ಉದಾಯಿಂ ಭಿಕ್ಖುಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸಿ. ಸೋ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸಂ ಯಾಚತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ¶ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸಂ ದದೇಯ್ಯ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಕ್ಖಪ್ಪಟಿಚ್ಛನ್ನಂ. ಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ¶ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಕ್ಖಪ್ಪಟಿಚ್ಛನ್ನಾಯ ಪಕ್ಖಪರಿವಾಸಂ ಯಾಚಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಕ್ಖಪ್ಪಟಿಚ್ಛನ್ನಾಯ ಪಕ್ಖಪರಿವಾಸಂ ಅದಾಸಿ. ಸೋ ಪರಿವಸನ್ತೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ ¶ . ಸೋ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಂ ಯಾಚಿ. ಸಙ್ಘೋ ಉದಾಯಿಂ ಭಿಕ್ಖುಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸಿ. ಸೋ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸಂ ಯಾಚತಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸಂ ದೇತಿ. ಯಸ್ಸಾಯಸ್ಮತೋ ಖಮತಿ ಉದಾಯಿಸ್ಸ ಭಿಕ್ಖುನೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸಸ್ಸ ದಾನಂ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ಏತಮತ್ಥಂ ವದಾಮಿ…ಪೇ….

‘‘ದಿನ್ನೋ ಸಙ್ಘೇನ ಉದಾಯಿಸ್ಸ ¶ ಭಿಕ್ಖುನೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ಮಾನತ್ತಾರಹಮೂಲಾಯಪಟಿಕಸ್ಸನಾದಿ

೧೨೭. ಸೋ ಪರಿವುತ್ಥಪರಿವಾಸೋ ಮಾನತ್ತಾರಹೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ. ಸೋ ಭಿಕ್ಖೂನಂ ಆರೋಚೇಸಿ – ‘‘ಅಹಂ, ಆವುಸೋ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಕ್ಖಪ್ಪಟಿಚ್ಛನ್ನಂ…ಪೇ… ಸೋಹಂ ಪರಿವುತ್ಥಪರಿವಾಸೋ ಮಾನತ್ತಾರಹೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ. ಕಥಂ ನು ಖೋ ಮಯಾ ಪಟಿಪಜ್ಜಿತಬ್ಬ’’ನ್ತಿ? ಭಗವತೋ ಏತಮತ್ಥಂ ಆರೋಚೇಸುಂ. ‘‘ತೇನ ಹಿ, ಭಿಕ್ಖವೇ, ಸಙ್ಘೋ ಉದಾಯಿಂ ಭಿಕ್ಖುಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸಿತ್ವಾ ಪುರಿಮಾಯ ¶ ಆಪತ್ತಿಯಾ ಸಮೋಧಾನಪರಿವಾಸಂ ದೇತು. ಏವಞ್ಚ ಪನ, ಭಿಕ್ಖವೇ, ಮೂಲಾಯ ಪಟಿಕಸ್ಸಿತಬ್ಬೋ…ಪೇ….

‘‘ಏವಞ್ಚ ಪನ, ಭಿಕ್ಖವೇ, ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ ದಾತಬ್ಬೋ…ಪೇ… ದೇತಿ…ಪೇ….

‘‘ದಿನ್ನೋ ಸಙ್ಘೇನ ಉದಾಯಿಸ್ಸ ಭಿಕ್ಖುನೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ¶ ಪಞ್ಚಾಹಪ್ಪಟಿಚ್ಛನ್ನಾಯ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ತಿಕಾಪತ್ತಿಮಾನತ್ತಂ

೧೨೮. ಸೋ ಪರಿವುತ್ಥಪರಿವಾಸೋ ಭಿಕ್ಖೂನಂ ಆರೋಚೇಸಿ – ‘‘ಅಹಂ, ಆವುಸೋ, ಏಕಂ ¶ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಕ್ಖಪ್ಪಟಿಚ್ಛನ್ನಂ…ಪೇ… ಸೋಹಂ ಪರಿವುತ್ಥಪರಿವಾಸೋ. ಕಥಂ ನು ಖೋ ಮಯಾ ಪಟಿಪಜ್ಜಿತಬ್ಬ’’ನ್ತಿ? ಭಗವತೋ ಏತಮತ್ಥಂ ಆರೋಚೇಸುಂ. ‘‘ತೇನ ಹಿ ¶ , ಭಿಕ್ಖವೇ, ಸಙ್ಘೋ ಉದಾಯಿಸ್ಸ ಭಿಕ್ಖುನೋ ತಿಸ್ಸನ್ನಂ ಆಪತ್ತೀನಂ ಛಾರತ್ತಂ ಮಾನತ್ತಂ ದೇತು. ಏವಞ್ಚ ಪನ, ಭಿಕ್ಖವೇ, ದಾತಬ್ಬಂ –

‘‘ತೇನ, ಭಿಕ್ಖವೇ, ಉದಾಯಿನಾ ಭಿಕ್ಖುನಾ ಸಙ್ಘಂ ಉಪಸಙ್ಕಮಿತ್ವಾ…ಪೇ… ಏವಮಸ್ಸ ವಚನೀಯೋ – ‘ಅಹಂ, ಭನ್ತೇ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಕ್ಖಪ್ಪಟಿಚ್ಛನ್ನಂ…ಪೇ… ಸೋಹಂ, ಭನ್ತೇ, ಪರಿವುತ್ಥಪರಿವಾಸೋ ಸಙ್ಘಂ ತಿಸ್ಸನ್ನಂ ಆಪತ್ತೀನಂ ಛಾರತ್ತಂ ಮಾನತ್ತಂ ಯಾಚಾಮೀ’ತಿ. ದುತಿಯಮ್ಪಿ ಯಾಚಿತಬ್ಬಂ. ತತಿಯಮ್ಪಿ ಯಾಚಿತಬ್ಬಂ. ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೧೨೯. ‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಕ್ಖಪ್ಪಟಿಚ್ಛನ್ನಂ…ಪೇ… ಸೋ ಪರಿವುತ್ಥಪರಿವಾಸೋ ಸಙ್ಘಂ ತಿಸ್ಸನ್ನಂ ಆಪತ್ತೀನಂ ಛಾರತ್ತಂ ಮಾನತ್ತಂ ಯಾಚತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಉದಾಯಿಸ್ಸ ಭಿಕ್ಖುನೋ ತಿಸ್ಸನ್ನಂ ಆಪತ್ತೀನಂ ಛಾರತ್ತಂ ಮಾನತ್ತಂ ದದೇಯ್ಯ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಕ್ಖಪ್ಪಟಿಚ್ಛನ್ನಂ…ಪೇ… ಸೋ ಪರಿವುತ್ಥಪರಿವಾಸೋ ಸಙ್ಘಂ ತಿಸ್ಸನ್ನಂ ಆಪತ್ತೀನಂ ಛಾರತ್ತಂ ಮಾನತ್ತಂ ಯಾಚತಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ¶ ತಿಸ್ಸನ್ನಂ ಆಪತ್ತೀನಂ ಛಾರತ್ತಂ ಮಾನತ್ತಂ ದೇತಿ. ಯಸ್ಸಾಯಸ್ಮತೋ ಖಮತಿ ¶ ಉದಾಯಿಸ್ಸ ಭಿಕ್ಖುನೋ ತಿಸ್ಸನ್ನಂ ಆಪತ್ತೀನಂ ಛಾರತ್ತಂ ಮಾನತ್ತಸ್ಸ ದಾನಂ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ಏತಮತ್ಥಂ ವದಾಮಿ…ಪೇ….

‘‘ದಿನ್ನಂ ¶ ಸಙ್ಘೇನ ಉದಾಯಿಸ್ಸ ಭಿಕ್ಖುನೋ ತಿಸ್ಸನ್ನಂ ಆಪತ್ತೀನಂ ಛಾರತ್ತಂ ಮಾನತ್ತಂ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ಮಾನತ್ತಚಾರಿಕಮೂಲಾಯಪಟಿಕಸ್ಸನಾದಿ

೧೩೦. ಸೋ ಮಾನತ್ತಂ ಚರನ್ತೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ. ಸೋ ಭಿಕ್ಖೂನಂ ಆರೋಚೇಸಿ – ‘‘ಅಹಂ, ಆವುಸೋ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಕ್ಖಪ್ಪಟಿಚ್ಛನ್ನಂ…ಪೇ… ಸೋಹಂ ಮಾನತ್ತಂ ಚರನ್ತೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ. ಕಥಂ ನು ಖೋ ಮಯಾ ಪಟಿಪಜ್ಜಿತಬ್ಬ’’ನ್ತಿ? ಭಗವತೋ ಏತಮತ್ಥಂ ಆರೋಚೇಸುಂ. ‘‘ತೇನ ಹಿ, ಭಿಕ್ಖವೇ, ಸಙ್ಘೋ ಉದಾಯಿಂ ಭಿಕ್ಖುಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸಿತ್ವಾ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸಂ ದತ್ವಾ ಛಾರತ್ತಂ ಮಾನತ್ತಂ ದೇತು. ಏವಞ್ಚ ಪನ, ಭಿಕ್ಖವೇ, ಮೂಲಾಯ ಪಟಿಕಸ್ಸಿತಬ್ಬೋ…ಪೇ….

‘‘ಏವಞ್ಚ ಪನ, ಭಿಕ್ಖವೇ, ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ ದಾತಬ್ಬೋ…ಪೇ….

‘‘ಏವಞ್ಚ ಪನ, ಭಿಕ್ಖವೇ, ಛಾರತ್ತಂ ಮಾನತ್ತಂ ದಾತಬ್ಬಂ…ಪೇ… ದೇತಿ…ಪೇ… ¶ .

‘‘ದಿನ್ನಂ ಸಙ್ಘೇನ ಉದಾಯಿಸ್ಸ ಭಿಕ್ಖುನೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ಅಬ್ಭಾನಾರಹಮೂಲಾಯಪಟಿಕಸ್ಸನಾದಿ

೧೩೧. ಸೋ ಚಿಣ್ಣಮಾನತ್ತೋ ಅಬ್ಭಾನಾರಹೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ. ಸೋ ಭಿಕ್ಖೂನಂ ಆರೋಚೇಸಿ – ‘‘ಅಹಂ, ಆವುಸೋ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಕ್ಖಪ್ಪಟಿಚ್ಛನ್ನಂ…ಪೇ… ಸೋಹಂ ಚಿಣ್ಣಮಾನತ್ತೋ ಅಬ್ಭಾನಾರಹೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ. ಕಥಂ ನು ಖೋ ಮಯಾ ¶ ಪಟಿಪಜ್ಜಿತಬ್ಬ’’ನ್ತಿ? ಭಗವತೋ ಏತಮತ್ಥಂ ಆರೋಚೇಸುಂ. ‘‘ತೇನ ಹಿ, ಭಿಕ್ಖವೇ, ಸಙ್ಘೋ ಉದಾಯಿಂ ಭಿಕ್ಖುಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸಿತ್ವಾ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸಂ ದತ್ವಾ ಛಾರತ್ತಂ ಮಾನತ್ತಂ ದೇತು. ಏವಞ್ಚ ಪನ, ಭಿಕ್ಖವೇ, ಮೂಲಾಯ ಪಟಿಕಸ್ಸಿತಬ್ಬೋ…ಪೇ….

‘‘ಏವಞ್ಚ ¶ ಪನ, ಭಿಕ್ಖವೇ, ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ ದಾತಬ್ಬೋ…ಪೇ….

‘‘ಏವಞ್ಚ ಪನ, ಭಿಕ್ಖವೇ, ಛಾರತ್ತಂ ಮಾನತ್ತಂ ದಾತಬ್ಬಂ…ಪೇ… ದೇತಿ…ಪೇ….

‘‘ದಿನ್ನಂ ಸಙ್ಘೇನ ಉದಾಯಿಸ್ಸ ಭಿಕ್ಖುನೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ಪಕ್ಖಪ್ಪಟಿಚ್ಛನ್ನಅಬ್ಭಾನಂ

೧೩೨. ಸೋ ¶ ¶ ಚಿಣ್ಣಮಾನತ್ತೋ ಭಿಕ್ಖೂನಂ ಆರೋಚೇಸಿ – ‘‘ಅಹಂ, ಆವುಸೋ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಕ್ಖಪ್ಪಟಿಚ್ಛನ್ನಂ…ಪೇ… ಸೋಹಂ ಚಿಣ್ಣಮಾನತ್ತೋ. ಕಥಂ ನು ಖೋ ಮಯಾ ಪಟಿಪಜ್ಜಿತಬ್ಬ’’ನ್ತಿ? ಭಗವತೋ ಏತಮತ್ಥಂ ಆರೋಚೇಸುಂ. ‘‘ತೇನ ಹಿ, ಭಿಕ್ಖವೇ, ಸಙ್ಘೋ ಉದಾಯಿಂ ಭಿಕ್ಖುಂ ಅಬ್ಭೇತು. ಏವಞ್ಚ ಪನ, ಭಿಕ್ಖವೇ, ಅಬ್ಭೇತಬ್ಬೋ –

‘‘ತೇನ, ಭಿಕ್ಖವೇ, ಉದಾಯಿನಾ ಭಿಕ್ಖುನಾ ಸಙ್ಘಂ ಉಪಸಙ್ಕಮಿತ್ವಾ, ಏಕಂಸಂ ಉತ್ತರಾಸಙ್ಗಂ ಕರಿತ್ವಾ, ವುಡ್ಢಾನಂ ಭಿಕ್ಖೂನಂ ಪಾದೇ ವನ್ದಿತ್ವಾ, ಉಕ್ಕುಟಿಕಂ ನಿಸೀದಿತ್ವಾ, ಅಞ್ಜಲಿಂ ಪಗ್ಗಹೇತ್ವಾ, ಏವಮಸ್ಸ ವಚನೀಯೋ – ‘ಅಹಂ, ಭನ್ತೇ, ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಕ್ಖಪ್ಪಟಿಚ್ಛನ್ನಂ. ಸೋಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಕ್ಖಪ್ಪಟಿಚ್ಛನ್ನಾಯ ಪಕ್ಖಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಕ್ಖಪ್ಪಟಿಚ್ಛನ್ನಾಯ ಪಕ್ಖಪರಿವಾಸಂ ಅದಾಸಿ. ಸೋಹಂ ಪರಿವಸನ್ತೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ. ಸೋಹಂ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಂ ಯಾಚಿಂ. ತಂ ಮಂ ಸಙ್ಘೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸಿ. ಸೋಹಂ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ¶ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸಂ ಯಾಚಿಂ. ತಸ್ಸ ¶ ಮೇ ಸಙ್ಘೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸಂ ಅದಾಸಿ. ಸೋಹಂ ಪರಿವುತ್ಥಪರಿವಾಸೋ ಮಾನತ್ತಾರಹೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ. ಸೋಹಂ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಂ ಯಾಚಿಂ. ತಂ ಮಂ ಸಙ್ಘೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ¶ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸಿ. ಸೋಹಂ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ¶ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸಂ ಅದಾಸಿ. ಸೋಹಂ ಪರಿವುತ್ಥಪರಿವಾಸೋ ಸಙ್ಘಂ ತಿಸ್ಸನ್ನಂ ಆಪತ್ತೀನಂ ಛಾರತ್ತಂ ಮಾನತ್ತಂ ಯಾಚಿಂ. ತಸ್ಸ ಮೇ ಸಙ್ಘೋ ತಿಸ್ಸನ್ನಂ ಆಪತ್ತೀನಂ ಛಾರತ್ತಂ ಮಾನತ್ತಂ ಅದಾಸಿ. ಸೋಹಂ ಮಾನತ್ತಂ ಚರನ್ತೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ. ಸೋಹಂ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಂ ಯಾಚಿಂ. ತಂ ಮಂ ಸಙ್ಘೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸಿ. ಸೋಹಂ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸಂ ಅದಾಸಿ. ಸೋಹಂ ಪರಿವುತ್ಥಪರಿವಾಸೋ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಯಾಚಿಂ. ತಸ್ಸ ಮೇ ಸಙ್ಘೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಅದಾಸಿ. ಸೋಹಂ ಚಿಣ್ಣಮಾನತ್ತೋ ಅಬ್ಭಾನಾರಹೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿಂ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ. ಸೋಹಂ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಂ ಯಾಚಿಂ. ತಂ ಮಂ ಸಙ್ಘೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ¶ ಮೂಲಾಯ ಪಟಿಕಸ್ಸಿ. ಸೋಹಂ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ¶ ಪಞ್ಚಾಹಪ್ಪಟಿಚ್ಛನ್ನಾಯ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸಂ ಅದಾಸಿ. ಸೋಹಂ ಪರಿವುತ್ಥಪರಿವಾಸೋ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಯಾಚಿಂ. ತಸ್ಸ ಮೇ ಸಙ್ಘೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಅದಾಸಿ. ಸೋಹಂ, ಭನ್ತೇ, ಚಿಣ್ಣಮಾನತ್ತೋ ಸಙ್ಘಂ ಅಬ್ಭಾನಂ ಯಾಚಾಮೀ’’’ತಿ.

‘‘ದುತಿಯಮ್ಪಿ ಯಾಚಿತಬ್ಬಂ. ತತಿಯಮ್ಪಿ ಯಾಚಿತಬ್ಬಂ. ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೧೩೩. ‘‘ಸುಣಾತು ¶ ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಕ್ಖಪ್ಪಟಿಚ್ಛನ್ನಂ. ಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಕ್ಖಪ್ಪಟಿಚ್ಛನ್ನಾಯ ಪಕ್ಖಪರಿವಾಸಂ ಯಾಚಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಕ್ಖಪ್ಪಟಿಚ್ಛನ್ನಾಯ ಪಕ್ಖಪರಿವಾಸಂ ಅದಾಸಿ. ಸೋ ಪರಿವಸನ್ತೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ. ಸೋ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಂ ಯಾಚಿ. ಸಙ್ಘೋ ಉದಾಯಿಂ ಭಿಕ್ಖುಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸಿ. ಸೋ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸಂ ಯಾಚಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸಂ ಅದಾಸಿ. ಸೋ ಪರಿವುತ್ಥಪರಿವಾಸೋ ಮಾನತ್ತಾರಹೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ¶ ಪಞ್ಚಾಹಪ್ಪಟಿಚ್ಛನ್ನಂ. ಸೋ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಂ ಯಾಚಿ. ಸಙ್ಘೋ ಉದಾಯಿಂ ಭಿಕ್ಖುಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸಿ. ಸೋ ಸಙ್ಘಂ ಅನ್ತರಾ ಏಕಿಸ್ಸಾ ¶ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸಂ ಯಾಚಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸಂ ಅದಾಸಿ. ಸೋ ಪರಿವುತ್ಥಪರಿವಾಸೋ ಸಙ್ಘಂ ತಿಸ್ಸನ್ನಂ ಆಪತ್ತೀನಂ ಛಾರತ್ತಂ ಮಾನತ್ತಂ ಯಾಚಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ತಿಸ್ಸನ್ನಂ ಆಪತ್ತೀನಂ ಛಾರತ್ತಂ ಮಾನತ್ತಂ ಅದಾಸಿ. ಸೋ ಮಾನತ್ತಂ ಚರನ್ತೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ. ಸೋ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಂ ಯಾಚಿ. ಸಙ್ಘೋ ಉದಾಯಿಂ ಭಿಕ್ಖುಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸಿ. ಸೋ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸಂ ಯಾಚಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸಂ ಅದಾಸಿ. ಸೋ ಪರಿವುತ್ಥಪರಿವಾಸೋ ¶ ಸಙ್ಘಂ [ಸೋ ಸಂಘಂ (ಕ.)] ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಯಾಚಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ¶ ಅದಾಸಿ. ಸೋ ಚಿಣ್ಣಮಾನತ್ತೋ ಅಬ್ಭಾನಾರಹೋ ಅನ್ತರಾ ಏಕಂ ಆಪತ್ತಿಂ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಞ್ಚಾಹಪ್ಪಟಿಚ್ಛನ್ನಂ. ಸೋ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯಪಟಿಕಸ್ಸನಂ ಯಾಚಿ. ಸಙ್ಘೋ ಉದಾಯಿಂ ಭಿಕ್ಖುಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಮೂಲಾಯ ಪಟಿಕಸ್ಸಿ. ಸೋ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸಂ ಯಾಚಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸಂ ಅದಾಸಿ. ಸೋ ಪರಿವುತ್ಥಪರಿವಾಸೋ ಸಙ್ಘಂ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಛಾರತ್ತಂ ¶ ಮಾನತ್ತಂ ಯಾಚಿ. ಸಙ್ಘೋ ಉದಾಯಿಸ್ಸ ಭಿಕ್ಖುನೋ ಅನ್ತರಾ ಏಕಿಸ್ಸಾ ಆಪತ್ತಿಯಾ ಸಞ್ಚೇತನಿಕಾಯ ಸುಕ್ಕವಿಸ್ಸಟ್ಠಿಯಾ ಪಞ್ಚಾಹಪ್ಪಟಿಚ್ಛನ್ನಾಯ ಛಾರತ್ತಂ ಮಾನತ್ತಂ ಅದಾಸಿ. ಸೋ ಚಿಣ್ಣಮಾನತ್ತೋ ಸಙ್ಘಂ ಅಬ್ಭಾನಂ ಯಾಚತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಉದಾಯಿಂ ಭಿಕ್ಖುಂ ಅಬ್ಭೇಯ್ಯ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉದಾಯೀ ಭಿಕ್ಖು ಏಕಂ ಆಪತ್ತಿಂ ¶ ಆಪಜ್ಜಿ ಸಞ್ಚೇತನಿಕಂ ಸುಕ್ಕವಿಸ್ಸಟ್ಠಿಂ ಪಕ್ಖಪ್ಪಟಿಚ್ಛನ್ನಂ…ಪೇ… ಸೋ ಚಿಣ್ಣಮಾನತ್ತೋ ಸಙ್ಘಂ ಅಬ್ಭಾನಂ ಯಾಚತಿ. ಸಙ್ಘೋ ಉದಾಯಿಂ ಭಿಕ್ಖುಂ ಅಬ್ಭೇತಿ. ಯಸ್ಸಾಯಸ್ಮತೋ ಖಮತಿ ಉದಾಯಿಸ್ಸ ಭಿಕ್ಖುನೋ ಅಬ್ಭಾನಂ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ಏತಮತ್ಥಂ ವದಾಮಿ…ಪೇ….

‘‘ಅಬ್ಭಿತೋ ಸಙ್ಘೇನ ಉದಾಯೀ ಭಿಕ್ಖು. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ಸುಕ್ಕವಿಸ್ಸಟ್ಠಿ ಸಮತ್ತಾ.

೨. ಪರಿವಾಸೋ

ಅಗ್ಘಸಮೋಧಾನಪರಿವಾಸೋ

೧೩೪. ತೇನ ಖೋ ಪನ ಸಮಯೇನ ಅಞ್ಞತರೋ ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪನ್ನೋ ಹೋತಿ – ಏಕಾ ಆಪತ್ತಿ ಏಕಾಹಪ್ಪಟಿಚ್ಛನ್ನಾ, ಏಕಾ ಆಪತ್ತಿ ದ್ವೀಹಪ್ಪಟಿಚ್ಛನ್ನಾ, ಏಕಾ ಆಪತ್ತಿ ತೀಹಪ್ಪಟಿಚ್ಛನ್ನಾ, ಏಕಾ ಆಪತ್ತಿ ಚತೂಹಪ್ಪಟಿಚ್ಛನ್ನಾ, ಏಕಾ ಆಪತ್ತಿ ಪಞ್ಚಾಹಪ್ಪಟಿಚ್ಛನ್ನಾ, ಏಕಾ ¶ ಆಪತ್ತಿ ಛಾಹಪ್ಪಟಿಚ್ಛನ್ನಾ, ಏಕಾ ಆಪತ್ತಿ ಸತ್ತಾಹಪ್ಪಟಿಚ್ಛನ್ನಾ, ಏಕಾ ಆಪತ್ತಿ ಅಟ್ಠಾಹಪ್ಪಟಿಚ್ಛನ್ನಾ, ಏಕಾ ಆಪತ್ತಿ ನವಾಹಪ್ಪಟಿಚ್ಛನ್ನಾ, ಏಕಾ ಆಪತ್ತಿ ದಸಾಹಪ್ಪಟಿಚ್ಛನ್ನಾ. ಸೋ ಭಿಕ್ಖೂನಂ ಆರೋಚೇಸಿ – ‘‘ಅಹಂ, ಆವುಸೋ, ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ – ಏಕಾ ಆಪತ್ತಿ ಏಕಾಹಪ್ಪಟಿಚ್ಛನ್ನಾ…ಪೇ… ಏಕಾ ಆಪತ್ತಿ ದಸಾಹಪ್ಪಟಿಚ್ಛನ್ನಾ. ಕಥಂ ನು ಖೋ ಮಯಾ ಪಟಿಪಜ್ಜಿತಬ್ಬ’’ನ್ತಿ? ಭಗವತೋ ಏತಮತ್ಥಂ ಆರೋಚೇಸುಂ. ‘‘ತೇನ ಹಿ, ಭಿಕ್ಖವೇ, ಸಙ್ಘೋ ತಸ್ಸ ಭಿಕ್ಖುನೋ ತಾಸಂ ಆಪತ್ತೀನಂ ಯಾ ಆಪತ್ತಿ ದಸಾಹಪ್ಪಟಿಚ್ಛನ್ನಾ ¶ ತಸ್ಸಾ ಅಗ್ಘೇನ ಸಮೋಧಾನಪರಿವಾಸಂ ದೇತು. ಏವಞ್ಚ ಪನ, ಭಿಕ್ಖವೇ, ದಾತಬ್ಬೋ –

‘‘ತೇನ ¶ , ಭಿಕ್ಖವೇ, ಭಿಕ್ಖುನಾ ಸಙ್ಘಂ ಉಪಸಙ್ಕಮಿತ್ವಾ…ಪೇ… ಏವಮಸ್ಸ ವಚನೀಯೋ – ‘ಅಹಂ, ಭನ್ತೇ, ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ – ಏಕಾ ಆಪತ್ತಿ ಏಕಾಹಪ್ಪಟಿಚ್ಛನ್ನಾ…ಪೇ… ಏಕಾ ಆಪತ್ತಿ ದಸಾಹಪ್ಪಟಿಚ್ಛನ್ನಾ. ಸೋಹಂ, ಭನ್ತೇ, ಸಙ್ಘಂ ತಾಸಂ ಆಪತ್ತೀನಂ ಯಾ ಆಪತ್ತಿ ದಸಾಹಪ್ಪಟಿಚ್ಛನ್ನಾ ತಸ್ಸಾ ಅಗ್ಘೇನ ಸಮೋಧಾನಪರಿವಾಸಂ ಯಾಚಾಮೀ’ತಿ. ದುತಿಯಮ್ಪಿ ಯಾಚಿತಬ್ಬೋ. ತತಿಯಮ್ಪಿ ಯಾಚಿತಬ್ಬೋ. ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೧೩೫. ‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಇತ್ಥನ್ನಾಮೋ ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ¶ ಆಪತ್ತಿಯೋ ಆಪಜ್ಜಿ – ಏಕಾ ಆಪತ್ತಿ ಏಕಾಹಪ್ಪಟಿಚ್ಛನ್ನಾ…ಪೇ… ಏಕಾ ಆಪತ್ತಿ ದಸಾಹಪ್ಪಟಿಚ್ಛನ್ನಾ. ಸೋ ಸಙ್ಘಂ ತಾಸಂ ಆಪತ್ತೀನಂ ಯಾ ಆಪತ್ತಿ ದಸಾಹಪ್ಪಟಿಚ್ಛನ್ನಾ ತಸ್ಸಾ ಅಗ್ಘೇನ ಸಮೋಧಾನಪರಿವಾಸಂ ಯಾಚತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಇತ್ಥನ್ನಾಮಸ್ಸ ಭಿಕ್ಖುನೋ ತಾಸಂ ಆಪತ್ತೀನಂ ಯಾ ಆಪತ್ತಿ ದಸಾಹಪ್ಪಟಿಚ್ಛನ್ನಾ ತಸ್ಸಾ ಅಗ್ಘೇನ ಸಮೋಧಾನಪರಿವಾಸಂ ದದೇಯ್ಯ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಇತ್ಥನ್ನಾಮೋ ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿ – ಏಕಾ ಆಪತ್ತಿ ಏಕಾಹಪ್ಪಟಿಚ್ಛನ್ನಾ…ಪೇ… ಏಕಾ ಆಪತ್ತಿ ದಸಾಹಪ್ಪಟಿಚ್ಛನ್ನಾ. ಸೋ ಸಙ್ಘಂ ತಾಸಂ ಆಪತ್ತೀನಂ ಯಾ ¶ ಆಪತ್ತಿ ದಸಾಹಪ್ಪಟಿಚ್ಛನ್ನಾ ತಸ್ಸಾ ಅಗ್ಘೇನ ಸಮೋಧಾನಪರಿವಾಸಂ ಯಾಚತಿ. ಸಙ್ಘೋ ಇತ್ಥನ್ನಾಮಸ್ಸ ಭಿಕ್ಖುನೋ ತಾಸಂ ಆಪತ್ತೀನಂ ಯಾ ಆಪತ್ತಿ ದಸಾಹಪ್ಪಟಿಚ್ಛನ್ನಾ ತಸ್ಸಾ ಅಗ್ಘೇನ ಸಮೋಧಾನಪರಿವಾಸಂ ದೇತಿ. ಯಸ್ಸಾಯಸ್ಮತೋ ಖಮತಿ ಇತ್ಥನ್ನಾಮಸ್ಸ ಭಿಕ್ಖುನೋ ತಾಸಂ ಆಪತ್ತೀನಂ ಯಾ ಆಪತ್ತಿ ದಸಾಹಪ್ಪಟಿಚ್ಛನ್ನಾ; ತಸ್ಸಾ ಅಗ್ಘೇನ ಸಮೋಧಾನಪರಿವಾಸಸ್ಸ ದಾನಂ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ¶ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ಏತಮತ್ಥಂ ವದಾಮಿ…ಪೇ….

‘‘ದಿನ್ನೋ ಸಙ್ಘೇನ ಇತ್ಥನ್ನಾಮಸ್ಸ ಭಿಕ್ಖುನೋ ತಾಸಂ ಆಪತ್ತೀನಂ ಯಾ ಆಪತ್ತಿ ದಸಾಹಪ್ಪಟಿಚ್ಛನ್ನಾ ತಸ್ಸಾ ಅಗ್ಘೇನ ಸಮೋಧಾನಪರಿವಾಸೋ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ಸಬ್ಬಚಿರಪ್ಪಟಿಚ್ಛನ್ನಅಗ್ಘಸಮೋಧಾನಂ

೧೩೬. ತೇನ ಖೋ ಪನ ಸಮಯೇನ ಅಞ್ಞತರೋ ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪನ್ನೋ ಹೋತಿ – ಏಕಾ ಆಪತ್ತಿ ಏಕಾಹಪ್ಪಟಿಚ್ಛನ್ನಾ ¶ , ದ್ವೇ ಆಪತ್ತಿಯೋ ದ್ವೀಹಪ್ಪಟಿಚ್ಛನ್ನಾಯೋ [ದ್ವೀಹಪ್ಪಟಿಚ್ಛನ್ನಾ (ಕ. ಏವಂ ಯಾವದಸಾಹಪ್ಪಟಿಚ್ಛನ್ನಾ)], ತಿಸ್ಸೋ ಆಪತ್ತಿಯೋ ತೀಹಪ್ಪಟಿಚ್ಛನ್ನಾಯೋ, ಚತಸ್ಸೋ ಆಪತ್ತಿಯೋ ಚತೂಹಪ್ಪಟಿಚ್ಛನ್ನಾಯೋ, ಪಞ್ಚ ಆಪತ್ತಿಯೋ ಪಞ್ಚಾಹಪ್ಪಟಿಚ್ಛನ್ನಾಯೋ, ಛ ಆಪತ್ತಿಯೋ ಛಾಹಪ್ಪಟಿಚ್ಛನ್ನಾಯೋ, ಸತ್ತ ಆಪತ್ತಿಯೋ ಸತ್ತಾಹಪ್ಪಟಿಚ್ಛನ್ನಾಯೋ, ಅಟ್ಠ ಆಪತ್ತಿಯೋ ಅಟ್ಠಾಹಪ್ಪಟಿಚ್ಛನ್ನಾಯೋ, ನವ ಆಪತ್ತಿಯೋ ನವಾಹಪ್ಪಟಿಚ್ಛನ್ನಾಯೋ, ದಸ ಆಪತ್ತಿಯೋ ದಸಾಹಪ್ಪಟಿಚ್ಛನ್ನಾಯೋ. ಸೋ ಭಿಕ್ಖೂನಂ ಆರೋಚೇಸಿ – ‘‘ಅಹಂ, ಆವುಸೋ, ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ, ಏಕಾ ಆಪತ್ತಿ ಏಕಾಹಪ್ಪಟಿಚ್ಛನ್ನಾ…ಪೇ… ದಸ ಆಪತ್ತಿಯೋ ದಸಾಹಪ್ಪಟಿಚ್ಛನ್ನಾಯೋ ¶ . ಕಥಂ ನು ಖೋ ಮಯಾ ಪಟಿಪಜ್ಜಿತಬ್ಬ’’ನ್ತಿ? ಭಗವತೋ ಏತಮತ್ಥಂ ಆರೋಚೇಸುಂ. ‘‘ತೇನ ಹಿ, ಭಿಕ್ಖವೇ, ಸಙ್ಘೋ ತಸ್ಸ ಭಿಕ್ಖುನೋ ತಾಸಂ ಆಪತ್ತೀನಂ ಯಾ ಆಪತ್ತಿಯೋ ಸಬ್ಬಚಿರಪ್ಪಟಿಚ್ಛನ್ನಾಯೋ ತಾಸಂ ಅಗ್ಘೇನ ಸಮೋಧಾನಪರಿವಾಸಂ ದೇತು. ಏವಞ್ಚ ಪನ, ಭಿಕ್ಖವೇ, ದಾತಬ್ಬೋ –

‘‘ತೇನ, ಭಿಕ್ಖವೇ, ಭಿಕ್ಖುನಾ ಸಙ್ಘಂ ಉಪಸಙ್ಕಮಿತ್ವಾ…ಪೇ… ಏವಮಸ್ಸ ವಚನೀಯೋ – ‘ಅಹಂ, ಭನ್ತೇ, ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ, ಏಕಾ ಆಪತ್ತಿ ಏಕಾಹಪ್ಪಟಿಚ್ಛನ್ನಾ…ಪೇ… ದಸ ಆಪತ್ತಿಯೋ ದಸಾಹಪ್ಪಟಿಚ್ಛನ್ನಾಯೋ. ಸೋಹಂ, ಭನ್ತೇ, ಸಙ್ಘಂ ತಾಸಂ ಆಪತ್ತೀನಂ ಯಾ ಆಪತ್ತಿಯೋ ಸಬ್ಬಚಿರಪ್ಪಟಿಚ್ಛನ್ನಾಯೋ ತಾಸಂ ಅಗ್ಘೇನ ಸಮೋಧಾನಪರಿವಾಸಂ ಯಾಚಾಮೀ’ತಿ. ದುತಿಯಮ್ಪಿ ಯಾಚಿತಬ್ಬೋ. ತತಿಯಮ್ಪಿ ಯಾಚಿತಬ್ಬೋ. ‘‘ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೧೩೭. ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಇತ್ಥನ್ನಾಮೋ ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿ, ಏಕಾ ಆಪತ್ತಿ ಏಕಾಹಪ್ಪಟಿಚ್ಛನ್ನಾ…ಪೇ… ದಸ ಆಪತ್ತಿಯೋ ದಸಾಹಪ್ಪಟಿಚ್ಛನ್ನಾಯೋ. ಸೋ ಸಙ್ಘಂ ತಾಸಂ ಆಪತ್ತೀನಂ ಯಾ ಆಪತ್ತಿಯೋ ಸಬ್ಬಚಿರಪ್ಪಟಿಚ್ಛನ್ನಾಯೋ ತಾಸಂ ಅಗ್ಘೇನ ಸಮೋಧಾನಪರಿವಾಸಂ ಯಾಚತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ ಸಙ್ಘೋ ಇತ್ಥನ್ನಾಮಸ್ಸ ಭಿಕ್ಖುನೋ ತಾಸಂ ಆಪತ್ತೀನಂ ಯಾ ಆಪತ್ತಿಯೋ ಸಬ್ಬಚಿರಪ್ಪಟಿಚ್ಛನ್ನಾಯೋ ತಾಸಂ ಅಗ್ಘೇನ ಸಮೋಧಾನಪರಿವಾಸಂ ದದೇಯ್ಯ. ಏಸಾ ಞತ್ತಿ.

‘‘ಸುಣಾತು ¶ ಮೇ, ಭನ್ತೇ, ಸಙ್ಘೋ. ಅಯಂ ಇತ್ಥನ್ನಾಮೋ ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ¶ ಆಪಜ್ಜಿ – ಏಕಾ ಆಪತ್ತಿ ಏಕಾಹಪ್ಪಟಿಚ್ಛನ್ನಾ…ಪೇ… ದಸ ಆಪತ್ತಿಯೋ ದಸಾಹಪ್ಪಟಿಚ್ಛನ್ನಾಯೋ. ಸೋ ಸಙ್ಘಂ ತಾಸಂ ಆಪತ್ತೀನಂ ಯಾ ¶ ಆಪತ್ತಿಯೋ ಸಬ್ಬಚಿರಪ್ಪಟಿಚ್ಛನ್ನಾಯೋ ತಾಸಂ ಅಗ್ಘೇನ ಸಮೋಧಾನಪರಿವಾಸಂ ಯಾಚತಿ. ಸಙ್ಘೋ ಇತ್ಥನ್ನಾಮಸ್ಸ ಭಿಕ್ಖುನೋ ತಾಸಂ ಆಪತ್ತೀನಂ ಯಾ ಆಪತ್ತಿಯೋ ಸಬ್ಬಚಿರಪ್ಪಟಿಚ್ಛನ್ನಾಯೋ ತಾಸಂ ಅಗ್ಘೇನ ಸಮೋಧಾನಪರಿವಾಸಂ ದೇತಿ. ಯಸ್ಸಾಯಸ್ಮತೋ ಖಮತಿ ಇತ್ಥನ್ನಾಮಸ್ಸ ಭಿಕ್ಖುನೋ ತಾಸಂ ಆಪತ್ತೀನಂ ಯಾ ಆಪತ್ತಿಯೋ ಸಬ್ಬಚಿರಪ್ಪಟಿಚ್ಛನ್ನಾಯೋ ತಾಸಂ ಅಗ್ಘೇನ ಸಮೋಧಾನಪರಿವಾಸಸ್ಸ ದಾನಂ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ಏತಮತ್ಥಂ ವದಾಮಿ…ಪೇ….

‘‘ದಿನ್ನೋ ಸಙ್ಘೇನ ಇತ್ಥನ್ನಾಮಸ್ಸ ಭಿಕ್ಖುನೋ ತಾಸಂ ಆಪತ್ತೀನಂ ಯಾ ಆಪತ್ತಿಯೋ ಸಬ್ಬಚಿರಪ್ಪಟಿಚ್ಛನ್ನಾಯೋ ತಾಸಂ ಅಗ್ಘೇನ ಸಮೋಧಾನಪರಿವಾಸೋ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

ದ್ವೇಮಾಸಪರಿವಾಸೋ

೧೩೮. ತೇನ ¶ ಖೋ ಪನ ಸಮಯೇನ ಅಞ್ಞತರೋ ಭಿಕ್ಖು ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪನ್ನೋ ಹೋತಿ ದ್ವೇಮಾಸಪ್ಪಟಿಚ್ಛನ್ನಾಯೋ. ತಸ್ಸ ಏತದಹೋಸಿ – ‘‘ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ಯಂನೂನಾಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚೇಯ್ಯ’’ನ್ತಿ. ಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚಿ. ತಸ್ಸ ಸಙ್ಘೋ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಅದಾಸಿ. ತಸ್ಸ ಪರಿವಸನ್ತಸ್ಸ ¶ ಲಜ್ಜೀಧಮ್ಮೋ ಓಕ್ಕಮಿ – ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ತಸ್ಸ ಮೇ ಏತದಹೋಸಿ – ‘‘ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ಯಂನೂನಾಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚೇಯ್ಯನ್ತಿ. ಸೋಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಅದಾಸಿ. ತಸ್ಸ ಮೇ ಪರಿವಸನ್ತಸ್ಸ ಲಜ್ಜೀಧಮ್ಮೋ ಓಕ್ಕಮಿ. ಯಂನೂನಾಹಂ ಸಙ್ಘಂ ಇತರಿಸ್ಸಾಪಿ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚೇಯ್ಯ’’ನ್ತಿ.

ಸೋ ಭಿಕ್ಖೂನಂ ಆರೋಚೇಸಿ – ‘‘ಅಹಂ, ಆವುಸೋ, ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ತಸ್ಸ ಮೇ ಏತದಹೋಸಿ – ‘ಅಹಂ ¶ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ¶ ದ್ವೇಮಾಸಪ್ಪಟಿಚ್ಛನ್ನಾಯೋ. ಯಂನೂನಾಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚೇಯ್ಯ’ನ್ತಿ. ಸೋಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಅದಾಸಿ. ತಸ್ಸ ಮೇ ಪರಿವಸನ್ತಸ್ಸ ಲಜ್ಜೀಧಮ್ಮೋ ಓಕ್ಕಮಿ – ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ತಸ್ಸ ಮೇ ಏತದಹೋಸಿ – ‘ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ಯಂನೂನಾಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ¶ ಯಾಚೇಯ್ಯ’ನ್ತಿ. ಸೋಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಅದಾಸಿ. ತಸ್ಸ ಮೇ ಪರಿವಸನ್ತಸ್ಸ ಲಜ್ಜೀಧಮ್ಮೋ ಓಕ್ಕಮಿ – ಯಂನೂನಾಹಂ ಸಙ್ಘಂ ಇತರಿಸ್ಸಾಪಿ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚೇಯ್ಯನ್ತಿ. ಕಥಂ ನು ಖೋ ಮಯಾ ಪಟಿಪಜ್ಜಿತಬ್ಬ’’ನ್ತಿ? ಭಗವತೋ ಏತಮತ್ಥಂ ಆರೋಚೇಸುಂ. ‘‘ತೇನ ಹಿ, ಭಿಕ್ಖವೇ, ಸಙ್ಘೋ ತಸ್ಸ ಭಿಕ್ಖುನೋ ಇತರಿಸ್ಸಾಪಿ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ದೇತು. ಏವಞ್ಚ ಪನ, ಭಿಕ್ಖವೇ, ದಾತಬ್ಬೋ –

‘‘ತೇನ, ಭಿಕ್ಖವೇ, ಭಿಕ್ಖುನಾ ಸಙ್ಘಂ ಉಪಸಙ್ಕಮಿತ್ವಾ, ಏಕಂಸಂ ಉತ್ತರಾಸಙ್ಗಂ ಕರಿತ್ವಾ, ವುಡ್ಢಾನಂ ಭಿಕ್ಖೂನಂ ಪಾದೇ ವನ್ದಿತ್ವಾ, ಉಕ್ಕುಟಿಕಂ ನಿಸೀದಿತ್ವಾ, ಅಞ್ಜಲಿಂ ಪಗ್ಗಹೇತ್ವಾ, ಏವಮಸ್ಸ ವಚನೀಯೋ – ‘ಅಹಂ, ಭನ್ತೇ, ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ತಸ್ಸ ಮೇ ಏತದಹೋಸಿ – ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ ¶ . ಯಂನೂನಾಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚೇಯ್ಯ’ನ್ತಿ. ಸೋಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಅದಾಸಿ. ತಸ್ಸ ಮೇ ಪರಿವಸನ್ತಸ್ಸ ಲಜ್ಜೀಧಮ್ಮೋ ಓಕ್ಕಮಿ – ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ತಸ್ಸ ಮೇ ಏತದಹೋಸಿ – ‘ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ಯಂನೂನಾಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚೇಯ್ಯ’ನ್ತಿ. ಸೋಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ¶ ಯಾಚಿಂ. ತಸ್ಸ ಮೇ ಸಙ್ಘೋ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಅದಾಸಿ. ತಸ್ಸ ಮೇ ಪರಿವಸನ್ತಸ್ಸ ಲಜ್ಜೀಧಮ್ಮೋ ಓಕ್ಕಮಿ – ಯಂನೂನಾಹಂ ಸಙ್ಘಂ ಇತರಿಸ್ಸಾಪಿ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚೇಯ್ಯನ್ತಿ. ಸೋಹಂ, ಭನ್ತೇ, ಸಙ್ಘಂ ಇತರಿಸ್ಸಾಪಿ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚಾಮೀತಿ.

‘‘ದುತಿಯಮ್ಪಿ ¶ ¶ ಯಾಚಿತಬ್ಬೋ. ತತಿಯಮ್ಪಿ ಯಾಚಿತಬ್ಬೋ. ‘‘ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೧೩೯. ‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಇತ್ಥನ್ನಾಮೋ ಭಿಕ್ಖು ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿ ದ್ವೇಮಾಸಪ್ಪಟಿಚ್ಛನ್ನಾಯೋ. ತಸ್ಸ ಏತದಹೋಸಿ – ‘ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ಯಂನೂನಾಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚೇಯ್ಯ’ನ್ತಿ. ಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚಿ. ತಸ್ಸ ಸಙ್ಘೋ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಅದಾಸಿ. ತಸ್ಸ ಪರಿವಸನ್ತಸ್ಸ ಲಜ್ಜೀಧಮ್ಮೋ ಓಕ್ಕಮಿ – ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ತಸ್ಸ ಮೇ ಏತದಹೋಸಿ – ‘ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ಯಂನೂನಾಹಂ ¶ ಸಙ್ಘಂ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚೇಯ್ಯ’ನ್ತಿ. ಸೋಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಅದಾಸಿ. ತಸ್ಸ ಮೇ ಪರಿವಸನ್ತಸ್ಸ ಲಜ್ಜೀಧಮ್ಮೋ ಓಕ್ಕಮಿ. ಯಂನೂನಾಹಂ ಸಙ್ಘಂ ಇತರಿಸ್ಸಾಪಿ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚೇಯ್ಯನ್ತಿ. ಸೋ ಸಙ್ಘಂ ಇತರಿಸ್ಸಾಪಿ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಇತ್ಥನ್ನಾಮಸ್ಸ ಭಿಕ್ಖುನೋ ಇತರಿಸ್ಸಾಪಿ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ದದೇಯ್ಯ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಇತ್ಥನ್ನಾಮೋ ಭಿಕ್ಖು ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿ ದ್ವೇಮಾಸಪ್ಪಟಿಚ್ಛನ್ನಾಯೋ. ತಸ್ಸ ಏತದಹೋಸಿ – ‘ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ಯಂನೂನಾಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ¶ ದ್ವೇಮಾಸಪರಿವಾಸಂ ಯಾಚೇಯ್ಯ’ನ್ತಿ. ಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚಿ. ತಸ್ಸ ಸಙ್ಘೋ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಅದಾಸಿ. ತಸ್ಸ ಪರಿವಸನ್ತಸ್ಸ ಲಜ್ಜೀಧಮ್ಮೋ ಓಕ್ಕಮಿ – ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ತಸ್ಸ ಮೇ ಏತದಹೋಸಿ – ‘ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ಯಂನೂನಾಹಂ ಸಙ್ಘಂ ¶ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚೇಯ್ಯ’ನ್ತಿ. ಸೋಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಅದಾಸಿ. ತಸ್ಸ ಮೇ ಪರಿವಸನ್ತಸ್ಸ ಲಜ್ಜೀಧಮ್ಮೋ ಓಕ್ಕಮಿ. ಯಂನೂನಾಹಂ ಸಙ್ಘಂ ಇತರಿಸ್ಸಾಪಿ ¶ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚೇಯ್ಯನ್ತಿ. ಸೋ ಸಙ್ಘಂ ಇತರಿಸ್ಸಾಪಿ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚತಿ. ಸಙ್ಘೋ ಇತ್ಥನ್ನಾಮಸ್ಸ ಭಿಕ್ಖುನೋ ಇತರಿಸ್ಸಾಪಿ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ದೇತಿ. ಯಸ್ಸಾಯಸ್ಮತೋ ಖಮತಿ ಇತ್ಥನ್ನಾಮಸ್ಸ ಭಿಕ್ಖುನೋ ಇತರಿಸ್ಸಾಪಿ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಸ್ಸ ದಾನಂ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ಏತಮತ್ಥಂ ವದಾಮಿ…ಪೇ….

‘‘ದಿನ್ನೋ ಸಙ್ಘೇನ ಇತ್ಥನ್ನಾಮಸ್ಸ ಭಿಕ್ಖುನೋ ಇತರಿಸ್ಸಾಪಿ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸೋ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ. ತೇನ, ಭಿಕ್ಖವೇ, ಭಿಕ್ಖುನಾ ತದುಪಾದಾಯ ದ್ವೇ ಮಾಸಾ ಪರಿವಸಿತಬ್ಬಾ.

ದ್ವೇ ಮಾಸಾ ಪರಿವಸಿತಬ್ಬವಿಧಿ

೧೪೦. ‘‘ಇಧ ಪನ, ಭಿಕ್ಖವೇ, ಭಿಕ್ಖು ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ದ್ವೇಮಾಸಪ್ಪಟಿಚ್ಛನ್ನಾಯೋ. ತಸ್ಸ ಏವಂ ಹೋತಿ – ‘ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ಯಂನೂನಾಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚೇಯ್ಯ’ನ್ತಿ ¶ . ಸೋ ಸಙ್ಘಂ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚತಿ. ತಸ್ಸ ಸಙ್ಘೋ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ದೇತಿ. ತಸ್ಸ ಪರಿವಸನ್ತಸ್ಸ ಲಜ್ಜೀಧಮ್ಮೋ ಓಕ್ಕಮಿ ¶ – ‘ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ತಸ್ಸ ಮೇ ಏತದಹೋಸಿ – ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ಯಂನೂನಾಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚೇಯ್ಯ’ನ್ತಿ. ಸೋಹಂ ಸಙ್ಘಂ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ಏಕಿಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಅದಾಸಿ. ತಸ್ಸ ಮೇ ಪರಿವಸನ್ತಸ್ಸ ಲಜ್ಜೀಧಮ್ಮೋ ಓಕ್ಕಮಿ. ಯಂನೂನಾಹಂ ಸಙ್ಘಂ ಇತರಿಸ್ಸಾಪಿ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚೇಯ್ಯನ್ತಿ. ಸೋ ಸಙ್ಘಂ ಇತರಿಸ್ಸಾಪಿ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚತಿ. ತಸ್ಸ ಸಙ್ಘೋ ಇತರಿಸ್ಸಾಪಿ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ದೇತಿ. ತೇನ, ಭಿಕ್ಖವೇ, ಭಿಕ್ಖುನಾ ತದುಪಾದಾಯ ದ್ವೇ ಮಾಸಾ ಪರಿವಸಿತಬ್ಬಾ.

೧೪೧. ‘‘ಇಧ ಪನ, ಭಿಕ್ಖವೇ, ಭಿಕ್ಖು ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ದ್ವೇಮಾಸಪ್ಪಟಿಚ್ಛನ್ನಾಯೋ ¶ ; ಏಕಂ ಆಪತ್ತಿಂ ಜಾನಾತಿ, ಏಕಂ ಆಪತ್ತಿಂ ನ ಜಾನಾತಿ. ಸೋ ಸಙ್ಘಂ ಯಂ ಆಪತ್ತಿಂ ಜಾನಾತಿ ತಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚತಿ. ತಸ್ಸ ಸಙ್ಘೋ ತಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ದೇತಿ. ಸೋ ಪರಿವಸನ್ತೋ ¶ ಇತರಮ್ಪಿ ಆಪತ್ತಿಂ ಜಾನಾತಿ. ತಸ್ಸ ಏವಂ ಹೋತಿ – ‘ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ; ಏಕಂ ಆಪತ್ತಿಂ ಜಾನಿಂ, ಏಕಂ ಆಪತ್ತಿಂ ನ ಜಾನಿಂ. ಸೋಹಂ ಸಙ್ಘಂ ಯಂ ಆಪತ್ತಿಂ ಜಾನಿಂ ತಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ತಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಅದಾಸಿ. ಸೋಹಂ ಪರಿವಸನ್ತೋ ಇತರಮ್ಪಿ ಆಪತ್ತಿಂ ಜಾನಾಮಿ. ಯಂನೂನಾಹಂ ಸಙ್ಘಂ ಇತರಿಸ್ಸಾಪಿ ¶ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚೇಯ್ಯ’ನ್ತಿ. ಸೋ ಸಙ್ಘಂ ಇತರಿಸ್ಸಾಪಿ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚತಿ. ತಸ್ಸ ಸಙ್ಘೋ ಇತರಿಸ್ಸಾಪಿ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ದೇತಿ. ತೇನ, ಭಿಕ್ಖವೇ, ಭಿಕ್ಖುನಾ ತದುಪಾದಾಯ ದ್ವೇ ಮಾಸಾ ಪರಿವಸಿತಬ್ಬಾ.

೧೪೨. ‘‘ಇಧ ಪನ, ಭಿಕ್ಖವೇ, ಭಿಕ್ಖು ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ದ್ವೇಮಾಸಪ್ಪಟಿಚ್ಛನ್ನಾಯೋ; ಏಕಂ ಆಪತ್ತಿಂ ಸರತಿ, ಏಕಂ ಆಪತ್ತಿಂ ನಸ್ಸರತಿ. ಸೋ ಸಙ್ಘಂ ಯಂ ಆಪತ್ತಿಂ ಸರತಿ ತಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ¶ ದ್ವೇಮಾಸಪರಿವಾಸಂ ಯಾಚತಿ. ತಸ್ಸ ಸಙ್ಘೋ ತಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ದೇತಿ. ಸೋ ಪರಿವಸನ್ತೋ ಇತರಮ್ಪಿ ಆಪತ್ತಿಂ ಸರತಿ. ತಸ್ಸ ಏವಂ ಹೋತಿ – ‘ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ; ಏಕಂ ಆಪತ್ತಿಂ ಸರಿಂ, ಏಕಂ ಆಪತ್ತಿಂ ನಸ್ಸರಿಂ. ಸೋಹಂ ಸಙ್ಘಂ ಯಂ ಆಪತ್ತಿಂ ಸರಿಂ, ತಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ¶ ಯಾಚಿಂ. ತಸ್ಸ ಮೇ ಸಙ್ಘೋ ತಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಅದಾಸಿ. ಸೋಹಂ ಪರಿವಸನ್ತೋ ಇತರಮ್ಪಿ ಆಪತ್ತಿಂ ಸರಾಮಿ. ಯಂನೂನಾಹಂ ಸಙ್ಘಂ ಇತರಿಸ್ಸಾಪಿ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚೇಯ್ಯ’ನ್ತಿ. ಸೋ ಸಙ್ಘಂ ಇತರಿಸ್ಸಾಪಿ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚತಿ. ತಸ್ಸ ಸಙ್ಘೋ ಇತರಿಸ್ಸಾಪಿ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ದೇತಿ. ತೇನ, ಭಿಕ್ಖವೇ, ಭಿಕ್ಖುನಾ ತದುಪಾದಾಯ ದ್ವೇ ಮಾಸಾ ಪರಿವಸಿತಬ್ಬಾ.

೧೪೩. ‘‘ಇಧ ಪನ, ಭಿಕ್ಖವೇ, ಭಿಕ್ಖು ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ದ್ವೇಮಾಸಪ್ಪಟಿಚ್ಛನ್ನಾಯೋ; ಏಕಾಯ ಆಪತ್ತಿಯಾ ನಿಬ್ಬೇಮತಿಕೋ, ಏಕಾಯ ಆಪತ್ತಿಯಾ ವೇಮತಿಕೋ. ಸೋ ಸಙ್ಘಂ ಯಾಯ ಆಪತ್ತಿಯಾ ನಿಬ್ಬೇಮತಿಕೋ ತಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚತಿ. ತಸ್ಸ ಸಙ್ಘೋ ತಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ದೇತಿ. ಸೋ ಪರಿವಸನ್ತೋ ಇತರಿಸ್ಸಾಪಿ ಆಪತ್ತಿಯಾ ನಿಬ್ಬೇಮತಿಕೋ ಹೋತಿ. ತಸ್ಸ ಏವಂ ಹೋತಿ – ‘ಅಹಂ ಖೋ ದ್ವೇ ಸಙ್ಘಾದಿಸೇಸಾ ¶ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ; ಏಕಾಯ ಆಪತ್ತಿಯಾ ನಿಬ್ಬೇಮತಿಕೋ, ಏಕಾಯ ಆಪತ್ತಿಯಾ ವೇಮತಿಕೋ. ಸೋಹಂ ಸಙ್ಘಂ ಯಾಯ ಆಪತ್ತಿಯಾ ನಿಬ್ಬೇಮತಿಕೋ ತಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ತಸ್ಸಾ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಅದಾಸಿ. ಸೋಹಂ ಪರಿವಸನ್ತೋ ಇತರಿಸ್ಸಾಪಿ ಆಪತ್ತಿಯಾ ನಿಬ್ಬೇಮತಿಕೋ. ಯಂನೂನಾಹಂ ¶ ಸಙ್ಘಂ ಇತರಿಸ್ಸಾಪಿ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚೇಯ್ಯ’ನ್ತಿ. ಸೋ ಸಙ್ಘಂ ಇತರಿಸ್ಸಾಪಿ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ಯಾಚತಿ. ತಸ್ಸ ಸಙ್ಘೋ ಇತರಿಸ್ಸಾಪಿ ಆಪತ್ತಿಯಾ ದ್ವೇಮಾಸಪ್ಪಟಿಚ್ಛನ್ನಾಯ ದ್ವೇಮಾಸಪರಿವಾಸಂ ದೇತಿ. ತೇನ, ಭಿಕ್ಖವೇ, ಭಿಕ್ಖುನಾ ತದುಪಾದಾಯ ದ್ವೇ ಮಾಸಾ ಪರಿವಸಿತಬ್ಬಾ.

೧೪೪. ‘‘ಇಧ ¶ ಪನ, ಭಿಕ್ಖವೇ, ಭಿಕ್ಖು ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ದ್ವೇಮಾಸಪ್ಪಟಿಚ್ಛನ್ನಾಯೋ; ಏಕಾ ಆಪತ್ತಿ ಜಾನಪ್ಪಟಿಚ್ಛನ್ನಾ, ಏಕಾ ಆಪತ್ತಿ ಅಜಾನಪ್ಪಟಿಚ್ಛನ್ನಾ. ಸೋ ಸಙ್ಘಂ ತಾಸಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ದ್ವೇಮಾಸಪರಿವಾಸಂ ಯಾಚತಿ. ತಸ್ಸ ಸಙ್ಘೋ ತಾಸಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ದ್ವೇಮಾಸಪರಿವಾಸಂ ದೇತಿ. ತಸ್ಸ ಪರಿವಸನ್ತಸ್ಸ ಅಞ್ಞೋ ಭಿಕ್ಖು ಆಗಚ್ಛತಿ ಬಹುಸ್ಸುತೋ ಆಗತಾಗಮೋ ಧಮ್ಮಧರೋ ವಿನಯಧರೋ ಮಾತಿಕಾಧರೋ ಪಣ್ಡಿತೋ ವಿಯತ್ತೋ ಮೇಧಾವೀ ಲಜ್ಜೀ ಕುಕ್ಕುಚ್ಚಕೋ ಸಿಕ್ಖಾಕಾಮೋ. ಸೋ ಏವಂ ವದೇತಿ – ‘ಕಿಂ ಅಯಂ, ಆವುಸೋ, ಭಿಕ್ಖು ಆಪನ್ನೋ? ಕಿಸ್ಸಾಯಂ ಭಿಕ್ಖು ಪರಿವಸತೀ’ತಿ? ತೇ ಏವಂ ವದೇನ್ತಿ – ‘ಅಯಂ, ಆವುಸೋ, ಭಿಕ್ಖು ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿ ದ್ವೇಮಾಸಪ್ಪಟಿಚ್ಛನ್ನಾಯೋ; ಏಕಾ ಆಪತ್ತಿ ಜಾನಪ್ಪಟಿಚ್ಛನ್ನಾ, ಏಕಾ ಆಪತ್ತಿ ಅಜಾನಪ್ಪಟಿಚ್ಛನ್ನಾ. ಸೋ ಸಙ್ಘಂ ತಾಸಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ದ್ವೇಮಾಸಪರಿವಾಸಂ ಯಾಚತಿ. ತಸ್ಸ ಸಙ್ಘೋ ತಾಸಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ದ್ವೇಮಾಸಪರಿವಾಸಂ ಅದಾಸಿ. ತಾಯೋ ಅಯಂ, ಆವುಸೋ, ಭಿಕ್ಖು ಆಪನ್ನೋ, ತಾಸಾಯಂ ಭಿಕ್ಖು ಪರಿವಸತೀ’ತಿ. ಸೋ ಏವಂ ವದೇತಿ – ‘ಯಾಯಂ, ಆವುಸೋ ¶ , ಆಪತ್ತಿ ಜಾನಪ್ಪಟಿಚ್ಛನ್ನಾ, ಧಮ್ಮಿಕಂ ತಸ್ಸಾ ಆಪತ್ತಿಯಾ ಪರಿವಾಸದಾನಂ; ಧಮ್ಮತ್ತಾ ರುಹತಿ. ಯಾ ಚ ಖ್ವಾಯಂ, ಆವುಸೋ, ಆಪತ್ತಿ ಅಜಾನಪ್ಪಟಿಚ್ಛನ್ನಾ, ಅಧಮ್ಮಿಕಂ ತಸ್ಸಾ ಆಪತ್ತಿಯಾ ಪರಿವಾಸದಾನಂ; ಅಧಮ್ಮತ್ತಾ ನ ರುಹತಿ. ಏಕಿಸ್ಸಾ, ಆವುಸೋ, ಆಪತ್ತಿಯಾ ಭಿಕ್ಖು ಮಾನತ್ತಾರಹೋ’’’ತಿ.

೧೪೫. ‘‘ಇಧ ಪನ, ಭಿಕ್ಖವೇ, ಭಿಕ್ಖು ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ದ್ವೇಮಾಸಪ್ಪಟಿಚ್ಛನ್ನಾಯೋ; ಏಕಾ ಆಪತ್ತಿ ಸರಮಾನಪ್ಪಟಿಚ್ಛನ್ನಾ, ಏಕಾ ಆಪತ್ತಿ ಅಸ್ಸರಮಾನಪ್ಪಟಿಚ್ಛನ್ನಾ. ಸೋ ಸಙ್ಘಂ ತಾಸಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ದ್ವೇಮಾಸಪರಿವಾಸಂ ಯಾಚತಿ. ತಸ್ಸ ಸಙ್ಘೋ ತಾಸಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ದ್ವೇಮಾಸಪರಿವಾಸಂ ದೇತಿ. ತಸ್ಸ ಪರಿವಸನ್ತಸ್ಸ ಅಞ್ಞೋ ಭಿಕ್ಖು ಆಗಚ್ಛತಿ ಬಹುಸ್ಸುತೋ ಆಗತಾಗಮೋ ಧಮ್ಮಧರೋ ವಿನಯಧರೋ ಮಾತಿಕಾಧರೋ ಪಣ್ಡಿತೋ ವಿಯತ್ತೋ ಮೇಧಾವೀ ಲಜ್ಜೀ ¶ ಕುಕ್ಕುಚ್ಚಕೋ ಸಿಕ್ಖಾಕಾಮೋ. ಸೋ ಏವಂ ವದೇತಿ – ‘ಕಿ ಅಯಂ, ಆವುಸೋ, ಭಿಕ್ಖು ಆಪನ್ನೋ? ಕಿಸ್ಸಾಯಂ ಭಿಕ್ಖು ಪರಿವಸತೀ’ತಿ? ತೇ ಏವಂ ವದೇನ್ತಿ – ‘ಅಯಂ, ಆವುಸೋ, ಭಿಕ್ಖು ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿ ದ್ವೇಮಾಸಪ್ಪಟಿಚ್ಛನ್ನಾಯೋ; ಏಕಾ ಆಪತ್ತಿ ಸರಮಾನಪ್ಪಟಿಚ್ಛನ್ನಾ, ಏಕಾ ಆಪತ್ತಿ ಅಸ್ಸರಮಾನಪ್ಪಟಿಚ್ಛನ್ನಾ. ಸೋ ಸಙ್ಘಂ ತಾಸಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ದ್ವೇಮಾಸಪರಿವಾಸಂ ಯಾಚಿ. ತಸ್ಸ ಸಙ್ಘೋ ತಾಸಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ದ್ವೇಮಾಸಪರಿವಾಸಂ ಅದಾಸಿ. ತಾಯೋ ¶ ಅಯಂ, ಆವುಸೋ, ಭಿಕ್ಖು ಆಪನ್ನೋ; ತಾಸಾಯಂ ಭಿಕ್ಖು ಪರಿವಸತೀ’ತಿ. ಸೋ ಏವಂ ವದೇತಿ – ‘ಯಾಯಂ, ಆವುಸೋ ¶ , ಆಪತ್ತಿ ಸರಮಾನಪ್ಪಟಿಚ್ಛನ್ನಾ ಧಮ್ಮಿಕಂ ತಸ್ಸಾ ಆಪತ್ತಿಯಾ ಪರಿವಾಸದಾನಂ; ಧಮ್ಮತ್ತಾ ರುಹತಿ. ಯಾ ಚ ಖ್ವಾಯಂ, ಆವುಸೋ, ಆಪತ್ತಿ ಅಸ್ಸರಮಾನಪ್ಪಟಿಚ್ಛನ್ನಾ, ಅಧಮ್ಮಿಕಂ ತಸ್ಸಾ ಆಪತ್ತಿಯಾ ಪರಿವಾಸದಾನಂ; ಅಧಮ್ಮತ್ತಾ ನ ರುಹತಿ. ಏಕಿಸ್ಸಾ, ಆವುಸೋ, ಆಪತ್ತಿಯಾ ಭಿಕ್ಖು ಮಾನತ್ತಾರಹೋ’’’ತಿ.

೧೪೬. ‘‘ಇಧ ಪನ, ಭಿಕ್ಖವೇ, ಭಿಕ್ಖು ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ದ್ವೇಮಾಸಪ್ಪಟಿಚ್ಛನ್ನಾಯೋ; ಏಕಾ ಆಪತ್ತಿ ನಿಬ್ಬೇಮತಿಕಪ್ಪಟಿಚ್ಛನ್ನಾ, ಏಕಾ ಆಪತ್ತಿ ವೇಮತಿಕಪ್ಪಟಿಚ್ಛನ್ನಾ. ಸೋ ಸಙ್ಘಂ ತಾಸಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ದ್ವೇಮಾಸಪರಿವಾಸಂ ಯಾಚತಿ. ತಸ್ಸ ಸಙ್ಘೋ ತಾಸಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ದ್ವೇಮಾಸಪರಿವಾಸಂ ದೇತಿ. ತಸ್ಸ ಪರಿವಸನ್ತಸ್ಸ ಅಞ್ಞೋ ಭಿಕ್ಖು ಆಗಚ್ಛತಿ ಬಹುಸ್ಸುತೋ ಆಗತಾಗಮೋ ಧಮ್ಮಧರೋ ವಿನಯಧರೋ ಮಾತಿಕಾಧರೋ ಪಣ್ಡಿತೋ ವಿಯತ್ತೋ ಮೇಧಾವೀ ಲಜ್ಜೀ ಕುಕ್ಕುಚ್ಚಕೋ ಸಿಕ್ಖಾಕಾಮೋ. ಸೋ ಏವಂ ವದೇತಿ – ‘ಕಿಂ ಅಯಂ, ಆವುಸೋ, ಭಿಕ್ಖು ಆಪನ್ನೋ? ಕಿಸ್ಸಾಯಂ ಭಿಕ್ಖು ಪರಿವಸತೀ’ತಿ? ತೇ ಏವಂ ವದೇನ್ತಿ – ‘ಅಯಂ, ಆವುಸೋ, ಭಿಕ್ಖು ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿ ದ್ವೇಮಾಸಪ್ಪಟಿಚ್ಛನ್ನಾಯೋ; ಏಕಾ ಆಪತ್ತಿ ನಿಬ್ಬೇಮತಿಕಪ್ಪಟಿಚ್ಛನ್ನಾ, ಏಕಾ ಆಪತ್ತಿ ವೇಮತಿಕಪ್ಪಟಿಚ್ಛನ್ನಾ. ಸೋ ಸಙ್ಘಂ ತಾಸಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ದ್ವೇಮಾಸಪರಿವಾಸಂ ಯಾಚಿ. ತಸ್ಸ ಸಙ್ಘೋ ತಾಸಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ದ್ವೇಮಾಸಪರಿವಾಸಂ ಅದಾಸಿ. ತಾಯೋ ಅಯಂ, ಆವುಸೋ, ಭಿಕ್ಖು ಆಪನ್ನೋ; ತಾಸಾಯಂ ಭಿಕ್ಖು ಪರಿವಸತೀ’ತಿ. ಸೋ ಏವಂ ವದೇತಿ – ‘ಯಾಯಂ ¶ , ಆವುಸೋ, ಆಪತ್ತಿ ನಿಬ್ಬೇಮತಿಕಪ್ಪಟಿಚ್ಛನ್ನಾ, ಧಮ್ಮಿಕಂ ತಸ್ಸಾ ಆಪತ್ತಿಯಾ ಪರಿವಾಸದಾನಂ; ಧಮ್ಮತ್ತಾ ರುಹತಿ. ಯಾ ಚ ಖ್ವಾಯಂ, ಆವುಸೋ, ಆಪತ್ತಿ ವೇಮತಿಕಪ್ಪಟಿಚ್ಛನ್ನಾ ಅಧಮ್ಮಿಕಂ ತಸ್ಸಾ ಆಪತ್ತಿಯಾ ಪರಿವಾಸದಾನಂ; ಅಧಮ್ಮತ್ತಾ ನ ರುಹತಿ. ಏಕಿಸ್ಸಾ, ಆವುಸೋ, ಆಪತ್ತಿಯಾ ಭಿಕ್ಖು ಮಾನತ್ತಾರಹೋ’’ತಿ.

೧೪೭. ತೇನ ¶ ಖೋ ಪನ ಸಮಯೇನ ಅಞ್ಞತ್ತರೋ ಭಿಕ್ಖು ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪನ್ನೋ ಹೋತಿ ದ್ವೇಮಾಸಪ್ಪಟಿಚ್ಛನ್ನಾಯೋ. ತಸ್ಸ ಏತದಹೋಸಿ – ‘‘ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ಯಂನೂನಾಹಂ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ¶ ಯಾಚೇಯ್ಯ’’ನ್ತಿ. ಸೋ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ¶ ಯಾಚಿ. ತಸ್ಸ ಸಙ್ಘೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ಅದಾಸಿ. ತಸ್ಸ ಪರಿವಸನ್ತಸ್ಸ ಲಜ್ಜೀಧಮ್ಮೋ ಓಕ್ಕಮಿ – ‘‘ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ತಸ್ಸ ಮೇ ಏತದಹೋಸಿ – ‘ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ಯಂನೂನಾಹಂ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ಯಾಚೇಯ್ಯ’ನ್ತಿ. ಸೋಹಂ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ಅದಾಸಿ. ತಸ್ಸ ಮೇ ಪರಿವಸನ್ತಸ್ಸ ಲಜ್ಜೀಧಮ್ಮೋ ಓಕ್ಕಮಿ. ಯಂನೂನಾಹಂ ಸಙ್ಘಂ ¶ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಇತರಮ್ಪಿ ಮಾಸಂ ಪರಿವಾಸಂ [ಇತರಮ್ಪಿ ಮಾಸಪರಿವಾಸಂ (ಸ್ಯಾ. ಕ. ಏವಮುಪರಿಪಿ)] ಯಾಚೇಯ್ಯ’’ನ್ತಿ.

ಸೋ ಭಿಕ್ಖೂನಂ ಆರೋಚೇಸಿ – ‘‘ಅಹಂ ಖೋ, ಆವುಸೋ, ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ತಸ್ಸ ಮೇ ಏತದಹೋಸಿ – ‘ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ಯಂನೂನಾಹಂ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ಯಾಚೇಯ್ಯ’ನ್ತಿ. ಸೋಹಂ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ಅದಾಸಿ. ತಸ್ಸ ಮೇ ಪರಿವಸನ್ತಸ್ಸ ಲಜ್ಜೀಧಮ್ಮೋ ಓಕ್ಕಮಿ – ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ತಸ್ಸ ಮೇ ಏತದಹೋಸಿ – ‘ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ಯಂನೂನಾಹಂ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ಯಾಚೇಯ್ಯ’ನ್ತಿ. ಸೋಹಂ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ಅದಾಸಿ. ತಸ್ಸ ಮೇ ಪರಿವಸನ್ತಸ್ಸ ಲಜ್ಜೀಧಮ್ಮೋ ಓಕ್ಕಮಿ. ಯಂನೂನಾಹಂ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಇತರಮ್ಪಿ ಮಾಸಂ ಪರಿವಾಸಂ ಯಾಚೇಯ್ಯ’ನ್ತಿ. ಕಥಂ ನು ಖೋ ಮಯಾ ಪಟಿಪಜ್ಜಿತಬ್ಬ’’ನ್ತಿ? ಭಗವತೋ ಏತಮತ್ಥಂ ಆರೋಚೇಸುಂ. ‘‘ತೇನ ಹಿ, ಭಿಕ್ಖವೇ, ಸಙ್ಘೋ ತಸ್ಸ ಭಿಕ್ಖುನೋ ದ್ವಿನ್ನಂ ¶ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಇತರಮ್ಪಿ ಮಾಸಂ ಪರಿವಾಸಂ ದೇತು. ಏವಞ್ಚ ಪನ, ಭಿಕ್ಖವೇ, ದಾತಬ್ಬೋ –

‘‘ತೇನ, ಭಿಕ್ಖವೇ, ಭಿಕ್ಖುನಾ ಸಙ್ಘಂ ಉಪಸಙ್ಕಮಿತ್ವಾ…ಪೇ… ಏವಮಸ್ಸ ವಚನೀಯೋ – ಅಹಂ, ಭನ್ತೇ, ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ ¶ . ತಸ್ಸ ಮೇ ಏತದಹೋಸಿ – ‘ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ಯಂನೂನಾಹಂ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ಯಾಚೇಯ್ಯ’ನ್ತಿ. ಸೋಹಂ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ¶ ಏಕಮಾಸಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ಅದಾಸಿ. ತಸ್ಸ ಮೇ ಪರಿವಸನ್ತಸ್ಸ ಲಜ್ಜೀಧಮ್ಮೋ ಓಕ್ಕಮಿ – ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ತಸ್ಸ ಮೇ ಏತದಹೋಸಿ – ‘ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ಯಂನೂನಾಹಂ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ಯಾಚೇಯ್ಯ’ನ್ತಿ. ಸೋಹಂ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ಅದಾಸಿ. ತಸ್ಸ ಮೇ ಪರಿವಸನ್ತಸ್ಸ ಲಜ್ಜೀಧಮ್ಮೋ ಓಕ್ಕಮಿ. ಯಂನೂನಾಹಂ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಇತರಮ್ಪಿ ಮಾಸಂ ಪರಿವಾಸಂ ಯಾಚೇಯ್ಯನ್ತಿ. ಸೋಹಂ, ಭನ್ತೇ, ಸಙ್ಘಂ ¶ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಇತರಮ್ಪಿ ಮಾಸಂ ಪರಿವಾಸಂ ಯಾಚಾಮೀತಿ. ದುತಿಯಮ್ಪಿ ¶ ಯಾಚಿತಬ್ಬೋ. ತತಿಯಮ್ಪಿ ಯಾಚಿತಬ್ಬೋ. ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೧೪೮. ‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಇತ್ಥನ್ನಾಮೋ ಭಿಕ್ಖು ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿ ದ್ವೇಮಾಸಪ್ಪಟಿಚ್ಛನ್ನಾಯೋ. ತಸ್ಸ ಏತದಹೋಸಿ – ‘ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ಯಂನೂನಾಹಂ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ಯಾಚೇಯ್ಯ’ನ್ತಿ. ಸೋ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ಯಾಚಿ. ತಸ್ಸ ಸಙ್ಘೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ಅದಾಸಿ. ತಸ್ಸ ಪರಿವಸನ್ತಸ್ಸ ಲಜ್ಜೀಧಮ್ಮೋ ಓಕ್ಕಮಿ – ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ತಸ್ಸ ಮೇ ಏತದಹೋಸಿ – ‘ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ಯಂನೂನಾಹಂ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ಯಾಚೇಯ್ಯ’ನ್ತಿ. ಸೋಹಂ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ಅದಾಸಿ. ತಸ್ಸ ಮೇ ಪರಿವಸನ್ತಸ್ಸ ಲಜ್ಜೀಧಮ್ಮೋ ಓಕ್ಕಮಿ. ಯಂನೂನಾಹಂ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಇತರಮ್ಪಿ ಮಾಸಂ ಪರಿವಾಸಂ ಯಾಚೇಯ್ಯನ್ತಿ. ಸೋ ಸಙ್ಘಂ ದ್ವಿನ್ನಂ ಆಪತ್ತೀನಂ ¶ ದ್ವೇಮಾಸಪ್ಪಟಿಚ್ಛನ್ನಾನಂ ಇತರಮ್ಪಿ ಮಾಸಂ ಪರಿವಾಸಂ ಯಾಚತಿ. ಯದಿ ¶ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಇತ್ಥನ್ನಾಮಸ್ಸ ಭಿಕ್ಖುನೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಇತರಮ್ಪಿ ಮಾಸಂ ಪರಿವಾಸಂ ದದೇಯ್ಯ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಇತ್ಥನ್ನಾಮೋ ಭಿಕ್ಖು ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿ ದ್ವೇಮಾಸಪ್ಪಟಿಚ್ಛನ್ನಾಯೋ. ತಸ್ಸ ಏತದಹೋಸಿ – ‘ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ಯಂನೂನಾಹಂ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ¶ ಯಾಚೇಯ್ಯ’ನ್ತಿ. ಸೋ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ಯಾಚಿ. ತಸ್ಸ ಸಙ್ಘೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ಅದಾಸಿ. ತಸ್ಸ ಪರಿವಸನ್ತಸ್ಸ ಲಜ್ಜೀಧಮ್ಮೋ ಓಕ್ಕಮಿ – ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ತಸ್ಸ ಮೇ ಏತದಹೋಸಿ – ‘ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ಯಂನೂನಾಹಂ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ಯಾಚೇಯ್ಯ’ನ್ತಿ. ಸೋಹಂ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ಅದಾಸಿ. ತಸ್ಸ ಮೇ ಪರಿವಸನ್ತಸ್ಸ ಲಜ್ಜೀಧಮ್ಮೋ ಓಕ್ಕಮಿ. ಯಂನೂನಾಹಂ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಇತರಮ್ಪಿ ಮಾಸಂ ಪರಿವಾಸಂ ಯಾಚೇಯ್ಯ’ನ್ತಿ. ಸೋ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಇತರಮ್ಪಿ ಮಾಸಂ ಪರಿವಾಸಂ ಯಾಚತಿ. ಸಙ್ಘೋ ಇತ್ಥನ್ನಾಮಸ್ಸ ಭಿಕ್ಖುನೋ ದ್ವಿನ್ನಂ ¶ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಇತರಮ್ಪಿ ಮಾಸಂ ಪರಿವಾಸಂ ದೇತಿ. ಯಸ್ಸಾಯಸ್ಮತೋ ಖಮತಿ ಇತ್ಥನ್ನಾಮಸ್ಸ ಭಿಕ್ಖುನೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಇತರಮ್ಪಿ ಮಾಸಂ ಪರಿವಾಸಸ್ಸ [ಇತರಮ್ಪಿ ಮಾಸಪರಿವಾಸಸ್ಸ (ಕ.), ಇತರಸ್ಸಪಿ ಮಾಸಪರಿವಾಸಸ್ಸ (ಸ್ಯಾ.)] ದಾನಂ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ಏತಮತ್ಥಂ ವದಾಮಿ…ಪೇ….

‘‘ದಿನ್ನೋ ಸಙ್ಘೇನ ಇತ್ಥನ್ನಾಮಸ್ಸ ಭಿಕ್ಖುನೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಇತರಮ್ಪಿ ಮಾಸಂ ಪರಿವಾಸೋ [ಇತರಮ್ಪಿ ಮಾಸಪರಿವಾಸೋ (ಕ.), ಇತರೋಪಿ ಮಾಸಪರಿವಾಸೋ (ಸ್ಯಾ.)]. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

‘‘ತೇನ, ಭಿಕ್ಖವೇ, ಭಿಕ್ಖುನಾ ಪುರಿಮಂ ಉಪಾದಾಯ ದ್ವೇ ಮಾಸಾ ಪರಿವಸಿತಬ್ಬಾ.

೧೪೯. ‘‘ಇಧ ¶ ಪನ, ಭಿಕ್ಖವೇ, ಭಿಕ್ಖು ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ದ್ವೇಮಾಸಪ್ಪಟಿಚ್ಛನ್ನಾಯೋ. ತಸ್ಸ ಏವಂ ಹೋತಿ – ‘ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ಯಂನೂನಾಹಂ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ಯಾಚೇಯ್ಯ’ನ್ತಿ. ಸೋ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ಯಾಚತಿ. ತಸ್ಸ ಸಙ್ಘೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ದೇತಿ. ತಸ್ಸ ಪರಿವಸನ್ತಸ್ಸ ಲಜ್ಜೀಧಮ್ಮೋ ಓಕ್ಕಮಿ – ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ತಸ್ಸ ಮೇ ಏತದಹೋಸಿ – ‘ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ. ಯಂನೂನಾಹಂ ¶ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ಯಾಚೇಯ್ಯ’ನ್ತಿ. ಸೋಹಂ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಏಕಮಾಸಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ¶ ಏಕಮಾಸಪರಿವಾಸಂ ಅದಾಸಿ. ತಸ್ಸ ಮೇ ಪರಿವಸನ್ತಸ್ಸ ಲಜ್ಜೀಧಮ್ಮೋ ಓಕ್ಕಮಿ. ಯಂನೂನಾಹಂ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಇತರಮ್ಪಿ ಮಾಸಂ ಪರಿವಾಸಂ ಯಾಚೇಯ್ಯ’ನ್ತಿ. ಸೋ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಇತರಮ್ಪಿ ಮಾಸಂ ಪರಿವಾಸಂ ಯಾಚತಿ. ತಸ್ಸ ಸಙ್ಘೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಇತರಮ್ಪಿ ಮಾಸಂ ಪರಿವಾಸಂ ದೇತಿ. ತೇನ, ಭಿಕ್ಖವೇ, ಭಿಕ್ಖುನಾ ಪುರಿಮಂ ಉಪಾದಾಯ ದ್ವೇ ಮಾಸಾ ಪರಿವಸಿತಬ್ಬಾ.

೧೫೦. ‘‘ಇಧ ಪನ, ಭಿಕ್ಖವೇ, ಭಿಕ್ಖು ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ದ್ವೇಮಾಸಪ್ಪಟಿಚ್ಛನ್ನಾಯೋ; ಏಕಂ ಮಾಸಂ ಜಾನಾತಿ, ಏಕಂ ಮಾಸಂ ನ ಜಾನಾತಿ. ಸೋ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಯಂ ಮಾಸಂ ಜಾನಾತಿ ತಂ ಮಾಸಂ ಪರಿವಾಸಂ ಯಾಚತಿ. ತಸ್ಸ ಸಙ್ಘೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಯಂ ಮಾಸಂ ಜಾನಾತಿ ತಂ ಮಾಸಂ ಪರಿವಾಸಂ ದೇತಿ. ಸೋ ಪರಿವಸನ್ತೋ ಇತರಮ್ಪಿ ಮಾಸಂ ಜಾನಾತಿ. ತಸ್ಸ ಏವಂ ಹೋತಿ – ‘ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ; ಏಕಂ ಮಾಸಂ ಜಾನಿಂ, ಏಕಂ ಮಾಸಂ ನ ಜಾನಿಂ. ಸೋಹಂ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಯಂ ಮಾಸಂ ಜಾನಿಂ ತಂ ಮಾಸಂ ಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಯಂ ¶ ಮಾಸಂ ಜಾನಿಂ ತಂ ಮಾಸಂ ಪರಿವಾಸಂ ಅದಾಸಿ. ಸೋಹಂ ಪರಿವಸನ್ತೋ ಇತರಮ್ಪಿ ಮಾಸಂ ಜಾನಾಮಿ. ಯಂನೂನಾಹಂ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಇತರಮ್ಪಿ ಮಾಸಂ ಪರಿವಾಸಂ ಯಾಚೇಯ್ಯ’ನ್ತಿ. ಸೋ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಇತರಮ್ಪಿ ಮಾಸಂ ಪರಿವಾಸಂ ಯಾಚತಿ ¶ . ತಸ್ಸ ಸಙ್ಘೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಇತರಮ್ಪಿ ಮಾಸಂ ಪರಿವಾಸಂ ದೇತಿ. ತೇನ, ಭಿಕ್ಖವೇ, ಭಿಕ್ಖುನಾ ಪುರಿಮಂ ಉಪಾದಾಯ ದ್ವೇ ಮಾಸಾ ಪರಿವಸಿತಬ್ಬಾ.

೧೫೧. ‘‘ಇಧ ಪನ, ಭಿಕ್ಖವೇ, ಭಿಕ್ಖು ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ದ್ವೇಮಾಸಪ್ಪಟಿಚ್ಛನ್ನಾಯೋ; ಏಕಂ ಮಾಸಂ ಸರತಿ, ಏಕಂ ಮಾಸಂ ನಸ್ಸರತಿ. ಸೋ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಯಂ ಮಾಸಂ ಸರತಿ ತಂ ಮಾಸಂ ಪರಿವಾಸಂ ಯಾಚತಿ. ತಸ್ಸ ಸಙ್ಘೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಯಂ ಮಾಸಂ ಸರತಿ ತಂ ಮಾಸಂ ಪರಿವಾಸಂ ದೇತಿ. ಸೋ ಪರಿವಸನ್ತೋ ಇತರಮ್ಪಿ ಮಾಸಂ ಸರತಿ. ತಸ್ಸ ಏವಂ ಹೋತಿ – ‘ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ; ಏಕಂ ಮಾಸಂ ಸರಿಂ, ಏಕಂ ಮಾಸಂ ನಸ್ಸರಿಂ. ಸೋಹಂ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಯಂ ಮಾಸಂ ಸರಿಂ ತಂ ಮಾಸಂ ಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಯಂ ಮಾಸಂ ಸರಿಂ ತಂ ಮಾಸಂ ಪರಿವಾಸಂ ಅದಾಸಿ. ಸೋಹಂ ಪರಿವಸನ್ತೋ ಇತರಮ್ಪಿ ಮಾಸಂ ಸರಾಮಿ. ಯಂನೂನಾಹಂ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಇತರಮ್ಪಿ ಮಾಸಂ ಪರಿವಾಸಂ ಯಾಚೇಯ್ಯ’ನ್ತಿ. ಸೋ ಸಙ್ಘಂ ದ್ವಿನ್ನಂ ¶ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಇತರಮ್ಪಿ ಮಾಸಂ ಪರಿವಾಸಂ ಯಾಚತಿ. ತಸ್ಸ ¶ ಸಙ್ಘೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಇತರಮ್ಪಿ ಮಾಸಂ ಪರಿವಾಸಂ ದೇತಿ. ತೇನ, ಭಿಕ್ಖವೇ, ಭಿಕ್ಖುನಾ ಪುರಿಮಂ ಉಪಾದಾಯ ದ್ವೇ ಮಾಸಾ ಪರಿವಸಿತಬ್ಬಾ.

೧೫೨. ‘‘ಇಧ ಪನ, ಭಿಕ್ಖವೇ, ಭಿಕ್ಖು ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ದ್ವೇಮಾಸಪ್ಪಟಿಚ್ಛನ್ನಾಯೋ; ಏಕಂ ಮಾಸಂ ನಿಬ್ಬೇಮತಿಕೋ, ಏಕಂ ಮಾಸಂ ವೇಮತಿಕೋ. ಸೋ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಯಂ ಮಾಸಂ ನಿಬ್ಬೇಮತಿಕೋ ತಂ ಮಾಸಂ ಪರಿವಾಸಂ ಯಾಚತಿ. ತಸ್ಸ ಸಙ್ಘೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಯಂ ಮಾಸಂ ನಿಬ್ಬೇಮತಿಕೋ ತಂ ಮಾಸಂ ಪರಿವಾಸಂ ದೇತಿ. ಸೋ ಪರಿವಸನ್ತೋ ಇತರಮ್ಪಿ ಮಾಸಂ ನಿಬ್ಬೇಮತಿಕೋ ಹೋತಿ. ತಸ್ಸ ಏವಂ ಹೋತಿ – ‘ಅಹಂ ಖೋ ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ದ್ವೇಮಾಸಪ್ಪಟಿಚ್ಛನ್ನಾಯೋ; ಏಕಂ ಮಾಸಂ ನಿಬ್ಬೇಮತಿಕೋ, ಏಕಂ ಮಾಸಂ ವೇಮತಿಕೋ ¶ . ಸೋಹಂ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಯಂ ಮಾಸಂ ನಿಬ್ಬೇಮತಿಕೋ ತಂ ಮಾಸಂ ಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛಾನ್ನಾನಂ ಯಂ ಮಾಸಂ ನಿಬ್ಬೇಮತಿಕೋ ತಂ ಮಾಸಂ ಪರಿವಾಸಂ ಅದಾಸಿ. ಸೋಹಂ ಪರಿವಸನ್ತೋ ಇತರಮ್ಪಿ ಮಾಸಂ ನಿಬ್ಬೇಮತಿಕೋ. ಯಂನೂನಾಹಂ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ¶ ಇತರಮ್ಪಿ ಮಾಸಂ ಪರಿವಾಸಂ ಯಾಚೇಯ್ಯ’ನ್ತಿ. ಸೋ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಇತರಮ್ಪಿ ಮಾಸಂ ಪರಿವಾಸಂ ಯಾಚತಿ. ತಸ್ಸ ಸಙ್ಘೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ಇತರಮ್ಪಿ ಮಾಸಂ ಪರಿವಾಸಂ ದೇತಿ. ತೇನ, ಭಿಕ್ಖವೇ ¶ , ಭಿಕ್ಖುನಾ ಪುರಿಮಂ ಉಪಾದಾಯ ದ್ವೇ ಮಾಸಾ ಪರಿವಸಿತಬ್ಬಾ.

೧೫೩. ‘‘ಇಧ ಪನ, ಭಿಕ್ಖವೇ, ಭಿಕ್ಖು ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ದ್ವೇಮಾಸಪ್ಪಟಿಚ್ಛನ್ನಾಯೋ; ಏಕೋ ಮಾಸೋ ಜಾನಪ್ಪಟಿಚ್ಛನ್ನೋ, ಏಕೋ ಮಾಸೋ ಅಜಾನಪ್ಪಟಿಚ್ಛನ್ನೋ. ಸೋ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ದ್ವೇಮಾಸಪರಿವಾಸಂ ಯಾಚತಿ. ತಸ್ಸ ಸಙ್ಘೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ದ್ವೇಮಾಸಪರಿವಾಸಂ ದೇತಿ. ತಸ್ಸ ಪರಿವಸನ್ತಸ್ಸ ಅಞ್ಞೋ ಭಿಕ್ಖು ಆಗಚ್ಛತಿ ಬಹುಸ್ಸುತೋ ಆಗತಾಗಮೋ ಧಮ್ಮಧರೋ ವಿನಯಧರೋ ಮಾತಿಕಾಧರೋ ಪಣ್ಡಿತೋ ವಿಯತ್ತೋ ಮೇಧಾವೀ ಲಜ್ಜೀ ಕುಕ್ಕುಚ್ಚಕೋ ಸಿಕ್ಖಾಕಾಮೋ. ಸೋ ಏವಂ ವದೇತಿ – ‘ಕಿಂ ಅಯಂ, ಆವುಸೋ, ಭಿಕ್ಖು ಆಪನ್ನೋ? ಕಿಸ್ಸಾಯಂ ಭಿಕ್ಖು ಪರಿವಸತೀ’ತಿ? ತೇ ಏವಂ ವದೇನ್ತಿ – ‘ಅಯಂ, ಆವುಸೋ, ಭಿಕ್ಖು ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿ ದ್ವೇಮಾಸಪ್ಪಟಿಚ್ಛನ್ನಾಯೋ. ಏಕೋ ಮಾಸೋ ಜಾನಪ್ಪಟಿಚ್ಛನ್ನೋ, ಏಕೋ ಮಾಸೋ ಅಜಾನಪ್ಪಟಿಚ್ಛನ್ನೋ. ಸೋ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ದ್ವೇಮಾಸಪರಿವಾಸಂ ಯಾಚಿ. ತಸ್ಸ ಸಙ್ಘೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ದ್ವೇಮಾಸಪರಿವಾಸಂ ಅದಾಸಿ. ತಾಯೋ ಅಯಂ, ಆವುಸೋ, ಭಿಕ್ಖು ಆಪನ್ನೋ ತಾಸಾಯಂ ಭಿಕ್ಖು ಪರಿವಸತೀ’ತಿ. ಸೋ ಏವಂ ವದೇತಿ – ‘ಯ್ವಾಯಂ, ಆವುಸೋ, ಮಾಸೋ ಜಾನಪ್ಪಟಿಚ್ಛನ್ನೋ ಧಮ್ಮಿಕಂ ತಸ್ಸ ಮಾಸಸ್ಸ ಪರಿವಾಸದಾನಂ; ಧಮ್ಮತ್ತಾ ರುಹತಿ. ಯೋ ಚ ¶ ಖ್ವಾಯಂ, ಆವುಸೋ, ಮಾಸೋ ಅಜಾನಪ್ಪಟಿಚ್ಛನ್ನೋ ಅಧಮ್ಮಿಕಂ ತಸ್ಸ ಮಾಸಸ್ಸ ಪರಿವಾಸದಾನಂ; ಅಧಮ್ಮತ್ತಾ ನ ರುಹತಿ. ಏಕಸ್ಸ, ಆವುಸೋ ¶ , ಮಾಸಸ್ಸ ಭಿಕ್ಖು ಮಾನತ್ತಾರಹೋ’ತಿ.

೧೫೪. ‘‘ಇಧ ಪನ, ಭಿಕ್ಖವೇ, ಭಿಕ್ಖು ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ದ್ವೇಮಾಸಪ್ಪಟಿಚ್ಛನ್ನಾಯೋ; ಏಕೋ ಮಾಸೋ ಸರಮಾನಪ್ಪಟಿಚ್ಛನ್ನೋ, ಏಕೋ ಮಾಸೋ ಅಸ್ಸರಮಾನಪ್ಪಟಿಚ್ಛನ್ನೋ. ಸೋ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ದ್ವೇಮಾಸಪರಿವಾಸಂ ಯಾಚತಿ. ತಸ್ಸ ಸಙ್ಘೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ದ್ವೇಮಾಸಪರಿವಾಸಂ ದೇತಿ. ತಸ್ಸ ಪರಿವಸನ್ತಸ್ಸ ಅಞ್ಞೋ ಭಿಕ್ಖು ಆಗಚ್ಛತಿ ಬಹುಸ್ಸುತೋ ಆಗತಾಗಮೋ ಧಮ್ಮಧರೋ ವಿನಯಧರೋ ಮಾತಿಕಾಧರೋ ಪಣ್ಡಿತೋ ವಿಯತ್ತೋ ಮೇಧಾವೀ ಲಜ್ಜೀ ಕುಕ್ಕುಚ್ಚಕೋ ಸಿಕ್ಖಾಕಾಮೋ ¶ . ಸೋ ಏವಂ ವದೇತಿ – ‘ಕಿಂ ಅಯಂ, ಆವುಸೋ, ಭಿಕ್ಖು ಆಪನ್ನೋ? ಕಿಸ್ಸಾಯಂ ಭಿಕ್ಖು ಪರಿವಸತೀ’ತಿ? ತೇ ಏವಂ ವದೇನ್ತಿ – ‘ಅಯಂ, ಆವುಸೋ, ಭಿಕ್ಖು ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿ ದ್ವೇಮಾಸಪ್ಪಟಿಚ್ಛನ್ನಾಯೋ; ಏಕೋ ಮಾಸೋ ಸರಮಾನಪ್ಪಟಿಚ್ಛನ್ನೋ, ಏಕೋ ಮಾಸೋ ಅಸ್ಸರಮಾನಪ್ಪಟಿಚ್ಛನ್ನೋ. ಸೋ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ದ್ವೇಮಾಸಪರಿವಾಸಂ ಯಾಚಿ. ತಸ್ಸ ಸಙ್ಘೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ದ್ವೇಮಾಸಪರಿವಾಸಂ ಅದಾಸಿ. ತಾಯೋ ಅಯಂ, ಆವುಸೋ, ಭಿಕ್ಖು ಆಪನ್ನೋ ತಾಸಾಯಂ ಭಿಕ್ಖು ಪರಿವಸತೀ’ತಿ. ಸೋ ಏವಂ ವದೇತಿ – ‘ಯ್ವಾಯಂ, ಆವುಸೋ, ಮಾಸೋ ಸರಮಾನಪ್ಪಟಿಚ್ಛನ್ನೋ ಧಮ್ಮಿಕಂ ತಸ್ಸ ಮಾಸಸ್ಸ ಪರಿವಾಸದಾನಂ; ಧಮ್ಮತ್ತಾ ರುಹತಿ. ಯೋ ಚ ಖ್ವಾಯಂ, ಆವುಸೋ, ಮಾಸೋ ಅಸ್ಸರಮಾನಪ್ಪಟಿಚ್ಛನ್ನೋ ಅಧಮ್ಮಿಕಂ ತಸ್ಸ ಮಾಸಸ್ಸ ಪರಿವಾಸದಾನಂ; ಅಧಮ್ಮತ್ತಾ ನ ರುಹತಿ. ಏಕಸ್ಸ, ಆವುಸೋ, ಮಾಸಸ್ಸ ಭಿಕ್ಖು ಮಾನತ್ತಾರಹೋ’ತಿ.

೧೫೫. ‘‘ಇಧ ¶ ಪನ, ಭಿಕ್ಖವೇ, ಭಿಕ್ಖು ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ದ್ವೇಮಾಸಪ್ಪಟಿಚ್ಛನ್ನಾಯೋ; ಏಕೋ ಮಾಸೋ ನಿಬ್ಬೇಮತಿಕಪ್ಪಟಿಚ್ಛನ್ನೋ, ಏಕೋ ಮಾಸೋ ವೇಮತಿಕಪ್ಪಟಿಚ್ಛನ್ನೋ. ಸೋ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ದ್ವೇಮಾಸಪರಿವಾಸಂ ಯಾಚತಿ. ತಸ್ಸ ಸಙ್ಘೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ದ್ವೇಮಾಸಪರಿವಾಸಂ ದೇತಿ. ತಸ್ಸ ಪರಿವಸನ್ತಸ್ಸ ಅಞ್ಞೋ ಭಿಕ್ಖು ಆಗಚ್ಛತಿ ಬಹುಸ್ಸುತೋ ಆಗತಾಗಮೋ ಧಮ್ಮಧರೋ ವಿನಯಧರೋ ಮಾತಿಕಾಧರೋ ಪಣ್ಡಿತೋ ವಿಯತ್ತೋ ಮೇಧಾವೀ ಲಜ್ಜೀ ಕುಕ್ಕುಚ್ಚಕೋ ಸಿಕ್ಖಾಕಾಮೋ. ಸೋ ಏವಂ ವದೇತಿ – ‘ಕಿಂ ಅಯಂ, ಆವುಸೋ, ಭಿಕ್ಖು ಆಪನ್ನೋ? ಕಿಸ್ಸಾಯಂ ಭಿಕ್ಖು ಪರಿವಸತೀ’ತಿ? ತೇ ಏವಂ ವದೇನ್ತಿ – ‘ಅಯಂ, ಆವುಸೋ, ಭಿಕ್ಖು ದ್ವೇ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿ ದ್ವೇಮಾಸಪ್ಪಟಿಚ್ಛನ್ನಾಯೋ; ಏಕೋ ಮಾಸೋ ನಿಬ್ಬೇಮತಿಕಪ್ಪಟಿಚ್ಛನ್ನೋ, ಏಕೋ ಮಾಸೋ ವೇಮತಿಕಪ್ಪಟಿಚ್ಛನ್ನೋ. ಸೋ ಸಙ್ಘಂ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ದ್ವೇಮಾಸಪರಿವಾಸಂ ಯಾಚಿ. ತಸ್ಸ ಸಙ್ಘೋ ದ್ವಿನ್ನಂ ಆಪತ್ತೀನಂ ದ್ವೇಮಾಸಪ್ಪಟಿಚ್ಛನ್ನಾನಂ ದ್ವೇಮಾಸಪರಿವಾಸಂ ಅದಾಸಿ. ತಾಯೋ ಅಯಂ, ಆವುಸೋ, ಭಿಕ್ಖು ಆಪನ್ನೋ ತಾಸಾಯಂ ಭಿಕ್ಖು ಪರಿವಸತೀ’ತಿ ¶ . ಸೋ ಏವಂ ವದೇತಿ – ‘ಯ್ವಾಯಂ, ಆವುಸೋ, ಮಾಸೋ ನಿಬ್ಬೇಮತಿಕಪ್ಪಟಿಚ್ಛನ್ನೋ ಧಮ್ಮಿಕಂ ತಸ್ಸ ಮಾಸಸ್ಸ ಪರಿವಾಸದಾನಂ; ಧಮ್ಮತ್ತಾ ರುಹತಿ. ಯೋ ಚ ಖ್ವಾಯಂ, ಆವುಸೋ, ಮಾಸೋ ವೇಮತಿಕಪ್ಪಟಿಚ್ಛನ್ನೋ ಅಧಮ್ಮಿಕಂ ತಸ್ಸ ಮಾಸಸ್ಸ ಪರಿವಾಸದಾನಂ; ಅಧಮ್ಮತ್ತಾ ನ ರುಹತಿ. ಏಕಸ್ಸ, ಆವುಸೋ, ಮಾಸಸ್ಸ ಭಿಕ್ಖು ಮಾನತ್ತಾರಹೋ’’ತಿ.

ಸುದ್ಧನ್ತಪರಿವಾಸೋ

೧೫೬. ತೇನ ¶ ಖೋ ಪನ ಸಮಯೇನ ಅಞ್ಞತರೋ ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ¶ ಆಪತ್ತಿಯೋ ಆಪನ್ನೋ ಹೋತಿ. ಸೋ ಆಪತ್ತಿಪರಿಯನ್ತಂ ನ ಜಾನಾತಿ; ರತ್ತಿಪರಿಯನ್ತಂ ನ ಜಾನಾತಿ; ಆಪತ್ತಿಪರಿಯನ್ತಂ ನಸ್ಸರತಿ, ರತ್ತಿಪರಿಯನ್ತಂ ನಸ್ಸರತಿ; ಆಪತ್ತಿಪರಿಯನ್ತೇ ವೇಮತಿಕೋ, ರತ್ತಿಪರಿಯನ್ತೇ ವೇಮತಿಕೋ. ಸೋ ಭಿಕ್ಖೂನಂ ಆರೋಚೇಸಿ – ‘‘ಅಹಂ, ಆವುಸೋ, ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ; ಆಪತ್ತಿಪರಿಯನ್ತಂ ¶ ನ ಜಾನಾಮಿ, ರತ್ತಿಪರಿಯನ್ತಂ ನ ಜಾನಾಮಿ; ಆಪತ್ತಿಪರಿಯನ್ತಂ ನಸ್ಸರಾಮಿ, ರತ್ತಿಪರಿಯನ್ತಂ ನಸ್ಸರಾಮಿ; ಆಪತ್ತಿಪರಿಯನ್ತೇ ವೇಮತಿಕೋ, ರತ್ತಿಪರಿಯನ್ತೇ ವೇಮತಿಕೋ. ಕಥಂ ನು ಖೋ ಮಯಾ ಪಟಿಪಜ್ಜಿತಬ್ಬ’’ನ್ತಿ? ಭಗವತೋ ಏತಮತ್ಥಂ ಆರೋಚೇಸುಂ. ‘‘ತೇನ ಹಿ, ಭಿಕ್ಖವೇ, ಸಙ್ಘೋ ತಸ್ಸ ಭಿಕ್ಖುನೋ ತಾಸಂ ಆಪತ್ತೀನಂ ಸುದ್ಧನ್ತಪರಿವಾಸಂ ದೇತು. ಏವಞ್ಚ ಪನ, ಭಿಕ್ಖವೇ, ದಾತಬ್ಬೋ –

‘‘ತೇನ, ಭಿಕ್ಖವೇ, ಭಿಕ್ಖುನಾ ಸಙ್ಘಂ ಉಪಸಙ್ಕಮಿತ್ವಾ…ಪೇ… ಏವಮಸ್ಸ ವಚನೀಯೋ – ‘ಅಹಂ, ಭನ್ತೇ, ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ. ಆಪತ್ತಿಪರಿಯನ್ತಂ ನ ಜಾನಾಮಿ, ರತ್ತಿಪರಿಯನ್ತಂ ನ ಜಾನಾಮಿ; ಆಪತ್ತಿಪರಿಯನ್ತಂ ನಸ್ಸರಾಮಿ, ರತ್ತಿಪರಿಯನ್ತಂ ನಸ್ಸರಾಮಿ; ಆಪತ್ತಿಪರಿಯನ್ತೇ ವೇಮತಿಕೋ, ರತ್ತಿಪರಿಯನ್ತೇ ವೇಮತಿಕೋ. ಸೋಹಂ, ಭನ್ತೇ, ಸಙ್ಘಂ ತಾಸಂ ಆಪತ್ತೀನಂ ಸುದ್ಧನ್ತಪರಿವಾಸಂ ಯಾಚಾಮೀ’ತಿ. ದುತಿಯಮ್ಪಿ ಯಾಚಿತಬ್ಬೋ. ತತಿಯಮ್ಪಿ ಯಾಚಿತಬ್ಬೋ. ಬ್ಯತ್ತೇನ ¶ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೧೫೭. ‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಇತ್ಥನ್ನಾಮೋ ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿ. ಆಪತ್ತಿಪರಿಯನ್ತಂ ನ ಜಾನಾತಿ, ರತ್ತಿಪರಿಯನ್ತಂ ನ ಜಾನಾತಿ; ಆಪತ್ತಿಪರಿಯನ್ತಂ ನಸ್ಸರತಿ, ರತ್ತಿಪರಿಯನ್ತಂ ನಸ್ಸರತಿ; ಆಪತ್ತಿಪರಿಯನ್ತೇ ವೇಮತಿಕೋ, ರತ್ತಿಪರಿಯನ್ತೇ ವೇಮತಿಕೋ. ಸೋ ಸಙ್ಘಂ ತಾಸಂ ಆಪತ್ತೀನಂ ಸುದ್ಧನ್ತಪರಿವಾಸಂ ಯಾಚತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಇತ್ಥನ್ನಾಮಸ್ಸ ಭಿಕ್ಖುನೋ ತಾಸಂ ಆಪತ್ತೀನಂ ಸುದ್ಧನ್ತಪರಿವಾಸಂ ದದೇಯ್ಯ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಇತ್ಥನ್ನಾಮೋ ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿ. ಆಪತ್ತಿಪರಿಯನ್ತಂ ನ ಜಾನಾತಿ, ರತ್ತಿಪರಿಯನ್ತಂ ನ ಜಾನಾತಿ; ಆಪತ್ತಿಪರಿಯನ್ತಂ ನಸ್ಸರತಿ ¶ , ರತ್ತಿಪರಿಯನ್ತಂ ನಸ್ಸರತಿ; ಆಪತ್ತಿಪರಿಯನ್ತೇ ವೇಮತಿಕೋ, ರತ್ತಿಪರಿಯನ್ತೇ ವೇಮತಿಕೋ. ಸೋ ಸಙ್ಘಂ ತಾಸಂ ¶ ಆಪತ್ತೀನಂ ಸುದ್ಧನ್ತಪರಿವಾಸಂ ಯಾಚತಿ. ಸಙ್ಘೋ ಇತ್ಥನ್ನಾಮಸ್ಸ ಭಿಕ್ಖುನೋ ತಾಸಂ ಆಪತ್ತೀನಂ ಸುದ್ಧನ್ತಪರಿವಾಸಂ ದೇತಿ. ಯಸ್ಸಾಯಸ್ಮತೋ ಖಮತಿ ಇತ್ಥನ್ನಾಮಸ್ಸ ಭಿಕ್ಖುನೋ ತಾಸಂ ಆಪತ್ತೀನಂ ಸುದ್ಧನ್ತಪರಿವಾಸಸ್ಸ ದಾನಂ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ಏತಮತ್ಥಂ ವದಾಮಿ…ಪೇ….

‘‘ದಿನ್ನೋ ಸಙ್ಘೇನ ಇತ್ಥನ್ನಾಮಸ್ಸ ಭಿಕ್ಖುನೋ ತಾಸಂ ಆಪತ್ತೀನಂ ಸುದ್ಧನ್ತಪರಿವಾಸೋ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

೧೫೮. ‘‘ಏವಂ ಖೋ, ಭಿಕ್ಖವೇ, ಸುದ್ಧನ್ತಪರಿವಾಸೋ ದಾತಬ್ಬೋ; ಏವಂ ¶ ಪರಿವಾಸೋ ದಾತಬ್ಬೋ. ಕಥಞ್ಚ, ಭಿಕ್ಖವೇ, ಸುದ್ಧನ್ತಪರಿವಾಸೋ ದಾತಬ್ಬೋ? ಆಪತ್ತಿಪರಿಯನ್ತಂ ನ ಜಾನಾತಿ, ರತ್ತಿಪರಿಯನ್ತಂ ನ ಜಾನಾತಿ; ಆಪತ್ತಿಪರಿಯನ್ತಂ ನಸ್ಸರತಿ, ರತ್ತಿಪರಿಯನ್ತಂ ನಸ್ಸರತಿ; ಆಪತ್ತಿಪರಿಯನ್ತೇ ವೇಮತಿಕೋ, ರತ್ತಿಪರಿಯನ್ತೇ ವೇಮತಿಕೋ – ಸುದ್ಧನ್ತಪರಿವಾಸೋ ದಾತಬ್ಬೋ.

‘‘ಆಪತ್ತಿಪರಿಯನ್ತಂ ಜಾನಾತಿ, ರತ್ತಿಪರಿಯನ್ತಂ ನ ಜಾನಾತಿ; ಆಪತ್ತಿಪರಿಯನ್ತಂ ಸರತಿ, ರತ್ತಿಪರಿಯನ್ತಂ ನಸ್ಸರತಿ; ಆಪತ್ತಿಪರಿಯನ್ತೇ ನಿಬ್ಬೇಮತಿಕೋ, ರತ್ತಿಪರಿಯನ್ತೇ ವೇಮತಿಕೋ – ಸುದ್ಧನ್ತಪರಿವಾಸೋ ದಾತಬ್ಬೋ.

‘‘ಆಪತ್ತಿಪರಿಯನ್ತಂ ಏಕಚ್ಚಂ ಜಾನಾತಿ, ಏಕಚ್ಚಂ ನ ಜಾನಾತಿ, ರತ್ತಿಪರಿಯನ್ತಂ ನ ಜಾನಾತಿ; ಆಪತ್ತಿಪರಿಯನ್ತಂ ಏಕಚ್ಚಂ ಸರತಿ, ಏಕಚ್ಚಂ ನಸ್ಸರತಿ, ರತ್ತಿಪರಿಯನ್ತಂ ನಸ್ಸರತಿ; ಆಪತ್ತಿಪರಿಯನ್ತೇ ಏಕಚ್ಚೇ ವೇಮತಿಕೋ, ಏಕಚ್ಚೇ ನಿಬ್ಬೇಮತಿಕೋ, ರತ್ತಿಪರಿಯನ್ತೇ ವೇಮತಿಕೋ – ಸುದ್ಧನ್ತಪರಿವಾಸೋ ದಾತಬ್ಬೋ.

‘‘ಆಪತ್ತಿಪರಿಯನ್ತಂ ನ ಜಾನಾತಿ, ರತ್ತಿಪರಿಯನ್ತಂ ಏಕಚ್ಚಂ ಜಾನಾತಿ, ಏಕಚ್ಚಂ ನ ಜಾನಾತಿ; ಆಪತ್ತಿಪರಿಯನ್ತಂ ನಸ್ಸರತಿ, ರತ್ತಿಪರಿಯನ್ತಂ ಏಕಚ್ಚಂ ಸರತಿ, ಏಕಚ್ಚಂ ನಸ್ಸರತಿ; ಆಪತ್ತಿಪರಿಯನ್ತೇ ವೇಮತಿಕೋ, ರತ್ತಿಪರಿಯನ್ತೇ ಏಕಚ್ಚೇ ವೇಮತಿಕೋ, ಏಕಚ್ಚೇ ನಿಬ್ಬೇಮತಿಕೋ – ಸುದ್ಧನ್ತಪರಿವಾಸೋ ದಾತಬ್ಬೋ.

‘‘ಆಪತ್ತಿಪರಿಯನ್ತಂ ಜಾನಾತಿ, ರತ್ತಿಪರಿಯನ್ತಂ ಏಕಚ್ಚಂ ಜಾನಾತಿ, ಏಕಚ್ಚಂ ನ ಜಾನಾತಿ; ಆಪತ್ತಿಪರಿಯನ್ತಂ ¶ ಸರತಿ, ರತ್ತಿಪರಿಯನ್ತಂ ಏಕಚ್ಚಂ ಸರತಿ, ಏಕಚ್ಚಂ ನಸ್ಸರತಿ; ಆಪತ್ತಿಪರಿಯನ್ತೇ ನಿಬ್ಬೇಮತಿಕೋ, ರತ್ತಿಪರಿಯನ್ತೇ ಏಕಚ್ಚೇ ವೇಮತಿಕೋ, ಏಕಚ್ಚೇ ನಿಬ್ಬೇಮತಿಕೋ – ಸುದ್ಧನ್ತಪರಿವಾಸೋ ¶ ದಾತಬ್ಬೋ.

‘‘ಆಪತ್ತಿಪರಿಯನ್ತಂ ಏಕಚ್ಚಂ ಜಾನಾತಿ, ಏಕಚ್ಚಂ ನ ಜಾನಾತಿ; ರತ್ತಿಪರಿಯನ್ತಂ ¶ ಏಕಚ್ಚಂ ಜಾನಾತಿ, ಏಕಚ್ಚಂ ನ ಜಾನಾತಿ; ಆಪತ್ತಿಪರಿಯನ್ತಂ ಏಕಚ್ಚಂ ಸರತಿ, ಏಕಚ್ಚಂ ನಸ್ಸರತಿ ¶ ; ರತ್ತಿಪರಿಯನ್ತಂ ಏಕಚ್ಚಂ ಸರತಿ, ಏಕಚ್ಚಂ ನಸ್ಸರತಿ; ಆಪತ್ತಿಪರಿಯನ್ತೇ ಏಕಚ್ಚೇ ವೇಮತಿಕೋ, ಏಕಚ್ಚೇ ನಿಬ್ಬೇಮತಿಕೋ; ರತ್ತಿಪರಿಯನ್ತೇ ಏಕಚ್ಚೇ ವೇಮತಿಕೋ, ಏಕಚ್ಚೇ ನಿಬ್ಬೇಮತಿಕೋ – ಸುದ್ಧನ್ತಪರಿವಾಸೋ ದಾತಬ್ಬೋ. ಏವಂ ಖೋ, ಭಿಕ್ಖವೇ, ಸುದ್ಧನ್ತಪರಿವಾಸೋ ದಾತಬ್ಬೋ.

೧೫೯. ‘‘ಕಥಞ್ಚ, ಭಿಕ್ಖವೇ, ಪರಿವಾಸೋ ದಾತಬ್ಬೋ? ಆಪತ್ತಿಪರಿಯನ್ತಂ ಜಾನಾತಿ, ರತ್ತಿಪರಿಯನ್ತಂ ಜಾನಾತಿ; ಆಪತ್ತಿಪರಿಯನ್ತಂ ಸರತಿ, ರತ್ತಿಪರಿಯನ್ತಂ ಸರತಿ; ಆಪತ್ತಿಪರಿಯನ್ತೇ ನಿಬ್ಬೇಮತಿಕೋ, ರತ್ತಿಪರಿಯನ್ತೇ ನಿಬ್ಬೇಮತಿಕೋ – ಪರಿವಾಸೋ ದಾತಬ್ಬೋ.

‘‘ಆಪತ್ತಿಪರಿಯನ್ತಂ ನ ಜಾನಾತಿ, ರತ್ತಿಪರಿಯನ್ತಂ ಜಾನಾತಿ; ಆಪತ್ತಿಪರಿಯನ್ತಂ ನಸ್ಸರತಿ, ರತ್ತಿಪರಿಯನ್ತಂ ಸರತಿ, ಆಪತ್ತಿಪರಿಯನ್ತೇ ವೇಮತಿಕೋ, ರತ್ತಿಪರಿಯನ್ತೇ ನಿಬ್ಬೇಮತಿಕೋ – ಪರಿವಾಸೋ ದಾತಬ್ಬೋ.

‘‘ಆಪತ್ತಿಪರಿಯನ್ತಂ ಏಕಚ್ಚಂ ಜಾನಾತಿ, ಏಕಚ್ಚಂ ನ ಜಾನಾತಿ, ರತ್ತಿಪರಿಯನ್ತಂ ಜಾನಾತಿ; ಆಪತ್ತಿಪರಿಯನ್ತಂ ಏಕಚ್ಚಂ ಸರತಿ, ಏಕಚ್ಚಂ ನಸ್ಸರತಿ, ರತ್ತಿಪರಿಯನ್ತಂ ಸರತಿ; ಆಪತ್ತಿಪರಿಯನ್ತೇ ಏಕಚ್ಚೇ ವೇಮತಿಕೋ, ಏಕಚ್ಚೇ ನಿಬ್ಬೇಮತಿಕೋ, ರತ್ತಿಪರಿಯನ್ತೇ ನಿಬ್ಬೇಮತಿಕೋ – ಪರಿವಾಸೋ ದಾತಬ್ಬೋ. ಏವಂ ಖೋ, ಭಿಕ್ಖವೇ, ಪರಿವಾಸೋ ದಾತಬ್ಬೋ.

ಪರಿವಾಸೋ ನಿಟ್ಠಿತೋ.

೩. ಚತ್ತಾಲೀಸಕಂ

೧೬೦. ತೇನ ಖೋ ಪನ ಸಮಯೇನ ಅಞ್ಞತರೋ ಭಿಕ್ಖು ಪರಿವಸನ್ತೋ ವಿಬ್ಭಮಿ. ಸೋ ಪುನ ಪಚ್ಚಾಗನ್ತ್ವಾ ಭಿಕ್ಖೂ ಉಪಸಮ್ಪದಂ ಯಾಚಿ. ಭಗವತೋ ¶ ಏತಮತ್ಥಂ ಆರೋಚೇಸುಂ.

‘‘ಇಧ ¶ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ ವಿಬ್ಭಮತಿ. ವಿಬ್ಭನ್ತಕಸ್ಸ, ಭಿಕ್ಖವೇ, ಪರಿವಾಸೋ ನ ರುಹತಿ. ಸೋ ಚೇ ಪುನ ಉಪಸಮ್ಪಜ್ಜತಿ, ತಸ್ಸ ತದೇವ ಪುರಿಮಂ ಪರಿವಾಸದಾನಂ. ಯೋ ಪರಿವಾಸೋ ದಿನ್ನೋ ಸುದಿನ್ನೋ, ಯೋ ಪರಿವುತ್ಥೋ ಸುಪರಿವುತ್ಥೋ, ಅವಸೇಸೋ ಪರಿವಸಿತಬ್ಬೋ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ ಸಾಮಣೇರೋ ಹೋತಿ. ಸಾಮಣೇರಸ್ಸ, ಭಿಕ್ಖವೇ, ಪರಿವಾಸೋ ನ ರುಹತಿ. ಸೋ ಚೇ ಪುನ ಉಪಸಮ್ಪಜ್ಜತಿ, ತಸ್ಸ ¶ ತದೇವ ಪುರಿಮಂ ಪರಿವಾಸದಾನಂ. ಯೋ ಪರಿವಾಸೋ ದಿನ್ನೋ ಸುದಿನ್ನೋ, ಯೋ ಪರಿವುತ್ಥೋ ಸುಪರಿವುತ್ಥೋ, ಅವಸೇಸೋ ಪರಿವಸಿತಬ್ಬೋ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ ಉಮ್ಮತ್ತಕೋ ಹೋತಿ. ಉಮ್ಮತ್ತಕಸ್ಸ, ಭಿಕ್ಖವೇ, ಪರಿವಾಸೋ ನ ರುಹತಿ. ಸೋ ಚೇ ಪುನ ಅನುಮ್ಮತ್ತಕೋ ಹೋತಿ, ತಸ್ಸ ತದೇವ ಪುರಿಮಂ ಪರಿವಾಸದಾನಂ. ಯೋ ಪರಿವಾಸೋ ದಿನ್ನೋ ಸುದಿನ್ನೋ, ಯೋ ಪರಿವುತ್ಥೋ ಸುಪರಿವುತ್ಥೋ, ಅವಸೇಸೋ ಪರಿವಸಿತಬ್ಬೋ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ ಖಿತ್ತಚಿತ್ತೋ ಹೋತಿ. ಖಿತ್ತಚಿತ್ತಸ್ಸ, ಭಿಕ್ಖವೇ, ಪರಿವಾಸೋ ನ ¶ ರುಹತಿ. ಸೋ ಚೇ ಪುನ ಅಖಿತ್ತಚಿತ್ತೋ ಹೋತಿ, ತಸ್ಸ ತದೇವ ಪುರಿಮಂ ಪರಿವಾಸದಾನಂ. ಯೋ ಪರಿವಾಸೋ ದಿನ್ನೋ ಸುದಿನ್ನೋ, ಯೋ ಪುರಿವುತ್ಥೋ ಸುಪರಿವುತ್ಥೋ, ಅವಸೇಸೋ ಪರಿವಸಿತಬ್ಬೋ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ ವೇದನಾಟ್ಟೋ ಹೋತಿ. ವೇದನಾಟ್ಟಸ್ಸ ¶ , ಭಿಕ್ಖವೇ, ಪರಿವಾಸೋ ನ ರುಹತಿ. ಸೋ ಚೇ ಪುನ ಅವೇದನಾಟ್ಟೋ ಹೋತಿ, ತಸ್ಸ ತದೇವ ಪುರಿಮಂ ಪರಿವಾಸದಾನಂ. ಯೋ ಪರಿವಾಸೋ ದಿನ್ನೋ ಸುದಿನ್ನೋ, ಯೋ ಪರಿವುತ್ಥೋ ಸುಪರಿವುತ್ಥೋ, ಅವಸೇಸೋ ಪರಿವಸಿತಬ್ಬೋ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ, ಆಪತ್ತಿಯಾ ಅದಸ್ಸನೇ, ಉಕ್ಖಿಪಿಯ್ಯತಿ [ಉಕ್ಖಿಪಿಯತಿ (ಸ್ಯಾ.), ಉಕ್ಖಿಪೀಯತಿ (ಕ.)]. ಉಕ್ಖಿತ್ತಕಸ್ಸ, ಭಿಕ್ಖವೇ, ಪರಿವಾಸೋ ನ ರುಹತಿ. ಸೋ ಚೇ ಪುನ ಓಸಾರಿಯ್ಯತಿ [ಓಸಾರಿಯತಿ (ಸ್ಯಾ.), ಓಸಾರೀಯತಿ (ಕ.)], ತಸ್ಸ ತದೇವ ಪುರಿಮಂ ಪರಿವಾಸದಾನಂ. ಯೋ ಪರಿವಾಸೋ ದಿನ್ನೋ ಸುದಿನ್ನೋ, ಯೋ ಪರಿವುತ್ಥೋ ಸುಪರಿವುತ್ಥೋ, ಅವಸೇಸೋ ಪರಿವಸಿತಬ್ಬೋ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ, ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖಿಪಿಯ್ಯತಿ. ಉಕ್ಖಿತ್ತಕಸ್ಸ, ಭಿಕ್ಖವೇ, ಪರಿವಾಸೋ ನ ರುಹತಿ. ಸೋ ಚೇ ಪುನ ಓಸಾರಿಯ್ಯತಿ, ತಸ್ಸ ತದೇವ ಪುರಿಮಂ ಪರಿವಾಸದಾನಂ. ಯೋ ಪರಿವಾಸೋ ದಿನ್ನೋ ಸುದಿನ್ನೋ, ಯೋ ಪರಿವುತ್ಥೋ ಸುಪರಿವುತ್ಥೋ, ಅವಸೇಸೋ ಪರಿವಸಿತಬ್ಬೋ.

‘‘ಇಧ ¶ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ, ಪಾಪಿಕಾಯ ದಿಟ್ಠಿಯಾ, ಅಪ್ಪಟಿನಿಸ್ಸಗ್ಗೇ, ಉಕ್ಖಿಪಿಯ್ಯತಿ. ಉಕ್ಖಿತ್ತಕಸ್ಸ, ಭಿಕ್ಖವೇ, ಪರಿವಾಸೋ ನ ರುಹತಿ. ಸೋ ಚೇ ಪುನ ಓಸಾರಿಯ್ಯತಿ, ತಸ್ಸ ತದೇವ ಪುರಿಮಂ ಪರಿವಾಸದಾನಂ. ಯೋ ಪರಿವಾಸೋ ದಿನ್ನೋ ಸುದಿನ್ನೋ, ಯೋ ಪರಿವುತ್ಥೋ ಸುಪರಿವುತ್ಥೋ, ಅವಸೇಸೋ ಪರಿವಸಿತಬ್ಬೋ.

೧೬೧. ‘‘ಇಧ ¶ ಪನ, ಭಿಕ್ಖವೇ, ಭಿಕ್ಖು ಮೂಲಾಯಪಟಿಕಸ್ಸನಾರಹೋ ವಿಬ್ಭಮತಿ. ವಿಬ್ಭನ್ತಕಸ್ಸ, ಭಿಕ್ಖವೇ, ಮೂಲಾಯಪಟಿಕಸ್ಸನಾ ನ ರುಹತಿ. ಸೋ ಚೇ ಪುನ ¶ ಉಪಸಮ್ಪಜ್ಜತಿ, ತಸ್ಸ ತದೇವ ಪುರಿಮಂ ಪರಿವಾಸದಾನಂ. ಯೋ ಪರಿವಾಸೋ ದಿನ್ನೋ ಸುದಿನ್ನೋ, ಯೋ ಪರಿವುತ್ಥೋ ಸುಪರಿವುತ್ಥೋ. ಸೋ ಭಿಕ್ಖು ಮೂಲಾಯ ಪಟಿಕಸ್ಸಿತಬ್ಬೋ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಮೂಲಾಯಪಟಿಕಸ್ಸನಾರಹೋ ಸಾಮಣೇರೋ ಹೋತಿ…ಪೇ… ಉಮ್ಮತ್ತಕೋ ಹೋತಿ…ಪೇ… ಖಿತ್ತಚಿತ್ತೋ ಹೋತಿ…ಪೇ… ವೇದನಾಟ್ಟೋ ಹೋತಿ…ಪೇ… ಆಪತ್ತಿಯಾ ಅದಸ್ಸನೇ ಉಕ್ಖಿಪಿಯ್ಯತಿ…ಪೇ… ಆಪತ್ತಿಯಾ ಅಪ್ಪಟಿಕಮ್ಮೇ ಉಕ್ಖಿಪಿಯ್ಯತಿ…ಪೇ… ಪಾಪಿಕಾಯ ದಿಟ್ಠಿಯಾ, ಅಪ್ಪಟಿನಿಸ್ಸಗ್ಗೇ, ಉಕ್ಖಿಪಿಯ್ಯತಿ. ಉಕ್ಖಿತ್ತಕಸ್ಸ, ಭಿಕ್ಖವೇ, ಮೂಲಾಯಪಟಿಕಸ್ಸನಾ ನ ರುಹತಿ. ಸೋ ಚೇ ಪುನ ಓಸಾರಿಯ್ಯತಿ, ತಸ್ಸ ತದೇವ ಪುರಿಮಂ ಪರಿವಾಸದಾನಂ. ಯೋ ಪರಿವಾಸೋ ದಿನ್ನೋ ಸುದಿನ್ನೋ, ಯೋ ಪರಿವುತ್ಥೋ ಸುಪರಿವುತ್ಥೋ. ಸೋ ಭಿಕ್ಖು ಮೂಲಾಯ ಪಟಿಕಸ್ಸಿತಬ್ಬೋ.

೧೬೨. ‘‘ಇಧ ಪನ, ಭಿಕ್ಖವೇ, ಭಿಕ್ಖು ಮಾನತ್ತಾರಹೋ ವಿಬ್ಭಮತಿ. ವಿಬ್ಭನ್ತಕಸ್ಸ, ಭಿಕ್ಖವೇ, ಮಾನತ್ತದಾನಂ ನ ರುಹತಿ. ಸೋ ಚೇ ಪುನ ಉಪಸಮ್ಪಜ್ಜತಿ, ತಸ್ಸ ತದೇವ ಪುರಿಮಂ ಪರಿವಾಸದಾನಂ. ಯೋ ಪರಿವಾಸೋ ದಿನ್ನೋ ಸುದಿನ್ನೋ, ಯೋ ಪರಿವುತ್ಥೋ ಸುಪರಿವುತ್ಥೋ. ತಸ್ಸ ಭಿಕ್ಖುನೋ ಮಾನತ್ತಂ ದಾತಬ್ಬಂ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಮಾನತ್ತಾರಹೋ ಸಾಮಣೇರೋ ಹೋತಿ…ಪೇ… ಉಮ್ಮತ್ತಕೋ ಹೋತಿ…ಪೇ… ಖಿತ್ತಚಿತ್ತೋ ಹೋತಿ…ಪೇ… ವೇದನಾಟ್ಟೋ ಹೋತಿ…ಪೇ… ಆಪತ್ತಿಯಾ ಅದಸ್ಸನೇ, ಉಕ್ಖಿಪಿಯ್ಯತಿ…ಪೇ… ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖಿಪಿಯ್ಯತಿ…ಪೇ… ಪಾಪಿಕಾಯ ದಿಟ್ಠಿಯಾ, ಅಪ್ಪಟಿನಿಸ್ಸಗ್ಗೇ ¶ , ಉಕ್ಖಿಪಿಯ್ಯತಿ. ಉಕ್ಖಿತ್ತಕಸ್ಸ, ಭಿಕ್ಖವೇ, ಮಾನತ್ತದಾನಂ ನ ರುಹತಿ. ಸೋ ಚೇ ಪುನ ಓಸಾರಿಯ್ಯತಿ, ತಸ್ಸ ತದೇವ ಪುರಿಮಂ ಪರಿವಾಸದಾನಂ. ಯೋ ಪರಿವಾಸೋ ದಿನ್ನೋ ಸುದಿನ್ನೋ, ಯೋ ಪರಿವುತ್ಥೋ ಸುಪರಿವುತ್ಥೋ. ತಸ್ಸ ಭಿಕ್ಖುನೋ ಮಾನತ್ತಂ ದಾತಬ್ಬಂ.

೧೬೩. ‘‘ಇಧ ಪನ, ಭಿಕ್ಖವೇ, ಭಿಕ್ಖು ಮಾನತ್ತಂ ಚರನ್ತೋ ವಿಬ್ಭಮತಿ. ವಿಬ್ಭನ್ತಕಸ್ಸ, ಭಿಕ್ಖವೇ ¶ , ಮಾನತ್ತಚರಿಯಾ ನ ರುಹತಿ. ಸೋ ಚೇ ಪುನ ಉಪಸಮ್ಪಜ್ಜತಿ ತಸ್ಸ ತದೇವ ಪುರಿಮಂ ಪರಿವಾಸದಾನಂ. ಯೋ ಪರಿವಾಸೋ ದಿನ್ನೋ ಸುದಿನ್ನೋ, ಯೋ ಪರಿವುತ್ಥೋ ಸುಪರಿವುತ್ಥೋ; ಯಂ ಮಾನತ್ತಂ ದಿನ್ನಂ ಸುದಿನ್ನಂ, ಯಂ ಮಾನತ್ತಂ ಚಿಣ್ಣಂ ಸುಚಿಣ್ಣಂ, ಅವಸೇಸಂ ಚರಿತಬ್ಬಂ.

‘‘ಇಧ ¶ ಪನ, ಭಿಕ್ಖವೇ, ಭಿಕ್ಖು ಮಾನತ್ತಂ ಚರನ್ತೋ ಸಾಮಣೇರೋ ಹೋತಿ…ಪೇ… ಉಮ್ಮತ್ತಕೋ ಹೋತಿ…ಪೇ… ಖಿತ್ತಚಿತ್ತೋ ಹೋತಿ…ಪೇ… ವೇದನಾಟ್ಟೋ ಹೋತಿ…ಪೇ… ಆಪತ್ತಿಯಾ ಅದಸ್ಸನೇ, ಉಕ್ಖಿಪಿಯ್ಯತಿ…ಪೇ… ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖಿಪಿಯ್ಯತಿ…ಪೇ… ಪಾಪಿಕಾಯ ದಿಟ್ಠಿಯಾ, ಅಪ್ಪಟಿನಿಸ್ಸಗ್ಗೇ, ಉಕ್ಖಿಪಿಯ್ಯತಿ. ಉಕ್ಖಿತ್ತಕಸ್ಸ, ಭಿಕ್ಖವೇ, ಮಾನತ್ತಚರಿಯಾ ನ ರುಹತಿ. ಸೋ ಚೇ ಪುನ ಓಸಾರಿಯ್ಯತಿ, ತಸ್ಸ ತದೇವ ಪುರಿಮಂ ಪರಿವಾಸದಾನಂ. ಯೋ ಪರಿವಾಸೋ ದಿನ್ನೋ ಸುದಿನ್ನೋ, ಯೋ ಪುರಿವುತ್ಥೋ ಸುಪರಿವುತ್ಥೋ; ಯಂ ಮಾನತ್ತಂ ದಿನ್ನಂ ಸುದಿನ್ನಂ, ಯಂ ಮಾನತ್ತಂ ಚಿಣ್ಣಂ ಸುಚಿಣ್ಣಂ, ಅವಸೇಸಂ ಚರಿತಬ್ಬಂ.

೧೬೪. ‘‘ಇಧ ಪನ, ಭಿಕ್ಖವೇ, ಭಿಕ್ಖು ಅಬ್ಭಾನಾರಹೋ ವಿಬ್ಭಮತಿ. ವಿಬ್ಭನ್ತಕಸ್ಸ, ಭಿಕ್ಖವೇ, ಅಬ್ಭಾನಂ ನ ರುಹತಿ. ಸೋ ಚೇ ಪುನ ಉಪಸಮ್ಪಜ್ಜತಿ ¶ , ತಸ್ಸ ತದೇವ ಪುರಿಮಂ ಪರಿವಾಸದಾನಂ. ಯೋ ಪರಿವಾಸೋ ದಿನ್ನೋ ಸುದಿನ್ನೋ, ಯೋ ಪರಿವುತ್ಥೋ ಸುಪರಿವುತ್ಥೋ; ಯಂ ಮಾನತ್ತಂ ದಿನ್ನಂ ಸುದಿನ್ನಂ, ಯಂ ಮಾನತ್ತಂ ಚಿಣ್ಣಂ ಸುಚಿಣ್ಣಂ. ಸೋ ಭಿಕ್ಖು ಅಬ್ಭೇತಬ್ಬೋ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಅಬ್ಭಾನಾರಹೋ ಸಾಮಣೇರೋ ಹೋತಿ…ಪೇ… ಉಮ್ಮತ್ತಕೋ ಹೋತಿ…ಪೇ…

ಖಿತ್ತಚಿತ್ತೋ ಹೋತಿ…ಪೇ… ವೇದನಾಟ್ಟೋ ಹೋತಿ…ಪೇ… ಆಪತ್ತಿಯಾ ಅದಸ್ಸನೇ, ಉಕ್ಖಿಪಿಯ್ಯತಿ…ಪೇ… ಆಪತ್ತಿಯಾ ಅಪ್ಪಟಿಕಮ್ಮೇ, ಉಕ್ಖಿಪಿಯ್ಯತಿ…ಪೇ… ಪಾಪಿಕಾಯ ದಿಟ್ಠಿಯಾ, ಅಪ್ಪಟಿನಿಸ್ಸಗ್ಗೇ, ಉಕ್ಖಿಪಿಯ್ಯತಿ. ಉಕ್ಖಿತ್ತಕಸ್ಸ, ಭಿಕ್ಖವೇ, ಅಬ್ಭಾನಂ ¶ ನ ರುಹತಿ. ಸೋ ಚೇ ಪುನ ಓಸಾರಿಯ್ಯತಿ, ತಸ್ಸ ತದೇವ ಪುರಿಮಂ ಪರಿವಾಸದಾನಂ. ಯೋ ಪರಿವಾಸೋ ದಿನ್ನೋ ಸುದಿನ್ನೋ, ಯೋ ಪರಿವುತ್ಥೋ ಸುಪರಿವುತ್ಥೋ; ಯಂ ಮಾನತ್ತಂ ದಿನ್ನಂ ಸುದಿನ್ನಂ, ಯಂ ಮಾನತ್ತಂ ಚಿಣ್ಣಂ ಸುಚಿಣ್ಣಂ. ಸೋ ಭಿಕ್ಖು ಅಬ್ಭೇತಬ್ಬೋ.

ಚತ್ತಾಲೀಸಕಂ ಸಮತ್ತಂ.

೪. ಛತ್ತಿಂಸಕಂ

೧೬೫. ‘‘ಇಧ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಾ [ಪರಿಮಾಣಾಯೋ (ಸೀ. ಸ್ಯಾ.)] ಅಪ್ಪಟಿಚ್ಛನ್ನಾಯೋ. ಸೋ ಭಿಕ್ಖು ಮೂಲಾಯ ಪಟಿಕಸ್ಸಿತಬ್ಬೋ.

‘‘ಇಧ ¶ ¶ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಾ ಪಟಿಚ್ಛನ್ನಾಯೋ. ಸೋ ಭಿಕ್ಖು ಮೂಲಾಯ ಪಟಿಕಸ್ಸಿತಬ್ಬೋ. ಯಥಾಪಟಿಚ್ಛನ್ನಾನಞ್ಚಸ್ಸ ಆಪತ್ತೀನಂ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ ದಾತಬ್ಬೋ.

‘‘ಇಧ ¶ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಾ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ. ಸೋ ಭಿಕ್ಖು ಮೂಲಾಯ ಪಟಿಕಸ್ಸಿತಬ್ಬೋ. ಯಥಾಪಟಿಚ್ಛನ್ನಾನಞ್ಚಸ್ಸ ಆಪತ್ತೀನಂ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ ದಾತಬ್ಬೋ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಅಪರಿಮಾಣಾ [ಅಪರಿಮಾಣಾಯೋ (ಸೀ. ಸ್ಯಾ.)] ಅಪ್ಪಟಿಚ್ಛನ್ನಾಯೋ…ಪೇ… ಅಪರಿಮಾಣಾ ಪಟಿಚ್ಛನ್ನಾಯೋ…ಪೇ… ಅಪರಿಮಾಣಾ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ…ಪೇ… ಪರಿಮಾಣಾಯೋಪಿ ಅಪರಿಮಾಣಾಯೋಪಿ ಅಪ್ಪಟಿಚ್ಛನ್ನಾಯೋ…ಪೇ… ಪರಿಮಾಣಾಯೋಪಿ ಅಪರಿಮಾಣಾಯೋಪಿ ಪಟಿಚ್ಛನ್ನಾಯೋ…ಪೇ… ¶ ಪರಿಮಾಣಾಯೋಪಿ ಅಪರಿಮಾಣಾಯೋಪಿ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ. ಸೋ ಭಿಕ್ಖು ಮೂಲಾಯ ಪಟಿಕಸ್ಸಿತಬ್ಬೋ. ಯಥಾಪಟಿಚ್ಛನ್ನಾನಞ್ಚಸ್ಸ ಆಪತ್ತೀನಂ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ ದಾತಬ್ಬೋ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಮಾನತ್ತಾರಹೋ…ಪೇ… ಮಾನತ್ತಂ ಚರನ್ತೋ…ಪೇ… (ಯಥಾಪರಿವಾಸಂ ತಥಾ ವಿತ್ಥಾರೇತಬ್ಬಂ) ಅಬ್ಭಾನಾರಹೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಾ ಅಪ್ಪಟಿಚ್ಛನ್ನಾಯೋ…ಪೇ… ಪರಿಮಾಣಾ ಪಟಿಚ್ಛನ್ನಾಯೋ…ಪೇ… ¶ ಪರಿಮಾಣಾ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ…ಪೇ… ಅಪರಿಮಾಣಾ ಅಪ್ಪಟಿಚ್ಛನ್ನಾಯೋ…ಪೇ… ಅಪರಿಮಾಣಾ ಪಟಿಚ್ಛನ್ನಾಯೋ…ಪೇ… ಅಪರಿಮಾಣಾ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ…ಪೇ… ಪರಿಮಾಣಾಯೋಪಿ ಅಪರಿಮಾಣಾಯೋಪಿ ಅಪ್ಪಟಿಚ್ಛನ್ನಾಯೋ…ಪೇ… ¶ ಪರಿಮಾಣಾಯೋಪಿ ಅಪರಿಮಾಣಾಯೋಪಿ ಪಟಿಚ್ಛನ್ನಾಯೋ…ಪೇ… ಪರಿಮಾಣಾಯೋಪಿ ಅಪರಿಮಾಣಾಯೋಪಿ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ. ಸೋ ಭಿಕ್ಖು ಮೂಲಾಯ ಪಟಿಕಸ್ಸಿತಬ್ಬೋ. ಯಥಾಪಟಿಚ್ಛನ್ನಾನಞ್ಚಸ್ಸ ಆಪತ್ತೀನಂ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ ದಾತಬ್ಬೋ.

ಛತ್ತಿಂಸಕಂ ಸಮತ್ತಂ.

೫. ಮಾನತ್ತಸತಕಂ

೧೬೬. ‘‘ಇಧ ¶ ¶ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿತ್ವಾ ಅಪ್ಪಟಿಚ್ಛಾದೇತ್ವಾ ವಿಬ್ಭಮತಿ. ಸೋ ಪುನ [ಸೋ ಚೇ ಪುನ (ಕ.)] ಉಪಸಮ್ಪನ್ನೋ ತಾ ಆಪತ್ತಿಯೋ ನಚ್ಛಾದೇತಿ. ತಸ್ಸ, ಭಿಕ್ಖವೇ, ಭಿಕ್ಖುನೋ ಮಾನತ್ತಂ ದಾತಬ್ಬಂ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ¶ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿತ್ವಾ ಅಪ್ಪಟಿಚ್ಛಾದೇತ್ವಾ ವಿಬ್ಭಮತಿ. ಸೋ ಪುನ ಉಪಸಮ್ಪನ್ನೋ ತಾ ಆಪತ್ತಿಯೋ ಛಾದೇತಿ. ತಸ್ಸ, ಭಿಕ್ಖವೇ, ಭಿಕ್ಖುನೋ ಪಚ್ಛಿಮಸ್ಮಿಂ ಆಪತ್ತಿಕ್ಖನ್ಧೇ ಯಥಾಪಟಿಚ್ಛನ್ನೇ ಪರಿವಾಸಂ ದತ್ವಾ ಮಾನತ್ತಂ ದಾತಬ್ಬಂ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿತ್ವಾ ಪಟಿಚ್ಛಾದೇತ್ವಾ ವಿಬ್ಭಮತಿ. ಸೋ ಪುನ ಉಪಸಮ್ಪನ್ನೋ ತಾ ಆಪತ್ತಿಯೋ ನಚ್ಛಾದೇತಿ. ತಸ್ಸ, ಭಿಕ್ಖವೇ, ಭಿಕ್ಖುನೋ ಪುರಿಮಸ್ಮಿಂ ಆಪತ್ತಿಕ್ಖನ್ಧೇ ¶ ಯಥಾಪಟಿಚ್ಛನ್ನೇ ಪರಿವಾಸಂ ದತ್ವಾ ಮಾನತ್ತಂ ದಾತಬ್ಬಂ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿತ್ವಾ ಪಟಿಚ್ಛಾದೇತ್ವಾ ವಿಬ್ಭಮತಿ. ಸೋ ಪುನ ಉಪಸಮ್ಪನ್ನೋ ತಾ ಆಪತ್ತಿಯೋ ಛಾದೇತಿ. ತಸ್ಸ, ಭಿಕ್ಖವೇ, ಭಿಕ್ಖುನೋ ಪುರಿಮಸ್ಮಿಞ್ಚ ಪಚ್ಛಿಮಸ್ಮಿಞ್ಚ ಆಪತ್ತಿಕ್ಖನ್ಧೇ ಯಥಾಪಟಿಚ್ಛನ್ನೇ ಪರಿವಾಸಂ ದತ್ವಾ ಮಾನತ್ತಂ ದಾತಬ್ಬಂ.

೧೬೭. ‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ತಸ್ಸ ಹೋನ್ತಿ ಆಪತ್ತಿಯೋ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಚ್ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಚ್ಛಾದೇತಿ. ತಸ್ಸ, ಭಿಕ್ಖವೇ, ಭಿಕ್ಖುನೋ ಪುರಿಮಸ್ಮಿಂ ಆಪತ್ತಿಕ್ಖನ್ಧೇ ಯಥಾಪಟಿಚ್ಛನ್ನೇ ಪರಿವಾಸಂ ದತ್ವಾ ಮಾನತ್ತಂ ದಾತಬ್ಬಂ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ತಸ್ಸ ಹೋನ್ತಿ ಆಪತ್ತಿಯೋ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಚ್ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಛಾದೇತಿ. ತಸ್ಸ, ಭಿಕ್ಖವೇ, ಭಿಕ್ಖುನೋ ಪುರಿಮಸ್ಮಿಞ್ಚ ಪಚ್ಛಿಮಸ್ಮಿಞ್ಚ ಆಪತ್ತಿಕ್ಖನ್ಧೇ ಯಥಾಪಟಿಚ್ಛನ್ನೇ ಪರಿವಾಸಂ ದತ್ವಾ ಮಾನತ್ತಂ ದಾತಬ್ಬಂ.

‘‘ಇಧ ¶ ¶ ¶ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ತಸ್ಸ ಹೋನ್ತಿ ಆಪತ್ತಿಯೋ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಚ್ಛಾದೇತಿ. ತಸ್ಸ, ಭಿಕ್ಖವೇ, ಭಿಕ್ಖುನೋ ಪುರಿಮಸ್ಮಿಞ್ಚ ಪಚ್ಛಿಮಸ್ಮಿಞ್ಚ ಆಪತ್ತಿಕ್ಖನ್ಧೇ ಯಥಾಪಟಿಚ್ಛನ್ನೇ ಪರಿವಾಸಂ ದತ್ವಾ ಮಾನತ್ತಂ ದಾತಬ್ಬಂ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ತಸ್ಸ ಹೋನ್ತಿ ಆಪತ್ತಿಯೋ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಛಾದೇತಿ. ತಸ್ಸ, ಭಿಕ್ಖವೇ, ಭಿಕ್ಖುನೋ ಪುರಿಮಸ್ಮಿಞ್ಚ ಪಚ್ಛಿಮಸ್ಮಿಞ್ಚ ಆಪತ್ತಿಕ್ಖನ್ಧೇ ಯಥಾಪಟಿಚ್ಛನ್ನೇ ಪರಿವಾಸಂ ದತ್ವಾ ಮಾನತ್ತಂ ದಾತಬ್ಬಂ.

೧೬೮. ‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ಏಕಚ್ಚಾ ಆಪತ್ತಿಯೋ ಜಾನಾತಿ, ಏಕಚ್ಚಾ ಆಪತ್ತಿಯೋ ನ ಜಾನಾತಿ. ಯಾ ಆಪತ್ತಿಯೋ ಜಾನಾತಿ ತಾ ಆಪತ್ತಿಯೋ ಛಾದೇತಿ. ಯಾ ಆಪತ್ತಿಯೋ ನ ಜಾನಾತಿ ¶ ತಾ ಆಪತ್ತಿಯೋ ನಚ್ಛಾದೇತಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ಜಾನಿತ್ವಾ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಜಾನಿತ್ವಾ ನಚ್ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ¶ ಅಜಾನಿತ್ವಾ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಜಾನಿತ್ವಾ ನಚ್ಛಾದೇತಿ. ತಸ್ಸ, ಭಿಕ್ಖವೇ, ಭಿಕ್ಖುನೋ ಪುರಿಮಸ್ಮಿಂ ಆಪತ್ತಿಕ್ಖನ್ಧೇ ಯಥಾಪಟಿಚ್ಛನ್ನೇ ಪರಿವಾಸಂ ದತ್ವಾ ಮಾನತ್ತಂ ದಾತಬ್ಬಂ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ಏಕಚ್ಚಾ ಆಪತ್ತಿಯೋ ಜಾನಾತಿ, ಏಕಚ್ಚಾ ಆಪತ್ತಿಯೋ ನ ಜಾನಾತಿ. ಯಾ ಆಪತ್ತಿಯೋ ಜಾನಾತಿ ತಾ ಆಪತ್ತಿಯೋ ಛಾದೇತಿ. ಯಾ ಆಪತ್ತಿಯೋ ನ ಜಾನಾತಿ ತಾ ಆಪತ್ತಿಯೋ ನಚ್ಛಾದೇತಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ಜಾನಿತ್ವಾ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಜಾನಿತ್ವಾ ನಚ್ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ಅಜಾನಿತ್ವಾ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಜಾನಿತ್ವಾ ಛಾದೇತಿ. ತಸ್ಸ ¶ , ಭಿಕ್ಖವೇ, ಭಿಕ್ಖುನೋ ಪುರಿಮಸ್ಮಿಞ್ಚ ಪಚ್ಛಿಮಸ್ಮಿಞ್ಚ ಆಪತ್ತಿಕ್ಖನ್ಧೇ ಯಥಾಪಟಿಚ್ಛನ್ನೇ ಪರಿವಾಸಂ ದತ್ವಾ ಮಾನತ್ತಂ ದಾತಬ್ಬಂ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ಏಕಚ್ಚಾ ಆಪತ್ತಿಯೋ ಜಾನಾತಿ, ಏಕಚ್ಚಾ ಆಪತ್ತಿಯೋ ನ ಜಾನಾತಿ. ಯಾ ಆಪತ್ತಿಯೋ ಜಾನಾತಿ ತಾ ಆಪತ್ತಿಯೋ ¶ ಛಾದೇತಿ. ಯಾ ಆಪತ್ತಿಯೋ ನ ಜಾನಾತಿ ತಾ ಆಪತ್ತಿಯೋ ನಚ್ಛಾದೇತಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ಜಾನಿತ್ವಾ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಜಾನಿತ್ವಾ ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ಅಜಾನಿತ್ವಾ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಜಾನಿತ್ವಾ ನಚ್ಛಾದೇತಿ. ತಸ್ಸ, ಭಿಕ್ಖವೇ, ಭಿಕ್ಖುನೋ ಪುರಿಮಸ್ಮಿಞ್ಚ ಪಚ್ಛಿಮಸ್ಮಿಞ್ಚ ಆಪತ್ತಿಕ್ಖನ್ಧೇ ¶ ಯಥಾಪಟಿಚ್ಛನ್ನೇ ಪರಿವಾಸಂ ದತ್ವಾ ಮಾನತ್ತಂ ದಾತಬ್ಬಂ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ಏಕಚ್ಚಾ ಆಪತ್ತಿಯೋ ಜಾನಾತಿ, ಏಕಚ್ಚಾ ಆಪತ್ತಿಯೋ ನ ಜಾನಾತಿ. ಯಾ ಆಪತ್ತಿಯೋ ಜಾನಾತಿ ತಾ ಆಪತ್ತಿಯೋ ಛಾದೇತಿ; ಯಾ ಆಪತ್ತಿಯೋ ನ ಜಾನಾತಿ ತಾ ಆಪತ್ತಿಯೋ ನಚ್ಛಾದೇತಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ಜಾನಿತ್ವಾ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಜಾನಿತ್ವಾ ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ಅಜಾನಿತ್ವಾ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಜಾನಿತ್ವಾ ಛಾದೇತಿ. ತಸ್ಸ, ಭಿಕ್ಖವೇ, ಭಿಕ್ಖುನೋ ಪುರಿಮಸ್ಮಿಞ್ಚ ಪಚ್ಛಿಮಸ್ಮಿಞ್ಚ ಆಪತ್ತಿಕ್ಖನ್ಧೇ ಯಥಾಪಟಿಚ್ಛನ್ನೇ ಪರಿವಾಸಂ ದತ್ವಾ ಮಾನತ್ತಂ ದಾತಬ್ಬಂ.

೧೬೯. ‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ಏಕಚ್ಚಾ ಆಪತ್ತಿಯೋ ಸರತಿ, ಏಕಚ್ಚಾ ಆಪತ್ತಿಯೋ ನಸ್ಸರತಿ. ಯಾ ಆಪತ್ತಿಯೋ ಸರತಿ ತಾ ಆಪತ್ತಿಯೋ ಛಾದೇತಿ; ಯಾ ಆಪತ್ತಿಯೋ ನಸ್ಸರತಿ ತಾ ಆಪತ್ತಿಯೋ ನಚ್ಛಾದೇತಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ಸರಿತ್ವಾ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಸರಿತ್ವಾ ನಚ್ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ಅಸ್ಸರಿತ್ವಾ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಸರಿತ್ವಾ ನಚ್ಛಾದೇತಿ. ತಸ್ಸ, ಭಿಕ್ಖವೇ, ಭಿಕ್ಖುನೋ ಪುರಿಮಸ್ಮಿಂ ಆಪತ್ತಿಕ್ಖನ್ಧೇ ಯಥಾಪಟಿಚ್ಛನ್ನೇ ಪರಿವಾಸಂ ದತ್ವಾ ಮಾನತ್ತಂ ದಾತಬ್ಬಂ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ¶ . ಏಕಚ್ಚಾ ಆಪತ್ತಿಯೋ ಸರತಿ, ಏಕಚ್ಚಾ ಆಪತ್ತಿಯೋ ನಸ್ಸರತಿ. ಯಾ ¶ ಆಪತ್ತಿಯೋ ಸರತಿ ತಾ ಆಪತ್ತಿಯೋ ಛಾದೇತಿ; ಯಾ ಆಪತ್ತಿಯೋ ನಸ್ಸರತಿ ತಾ ಆಪತ್ತಿಯೋ ನಚ್ಛಾದೇತಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ಸರಿತ್ವಾ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಸರಿತ್ವಾ ನಚ್ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ಅಸ್ಸರಿತ್ವಾ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಸರಿತ್ವಾ ಛಾದೇತಿ. ತಸ್ಸ, ಭಿಕ್ಖವೇ, ಭಿಕ್ಖುನೋ ಪುರಿಮಸ್ಮಿಞ್ಚ ಪಚ್ಛಿಮಸ್ಮಿಞ್ಚ ಆಪತ್ತಿಕ್ಖನ್ಧೇ ಯಥಾಪಟಿಚ್ಛನ್ನೇ ಪರಿವಾಸಂ ದತ್ವಾ ಮಾನತ್ತಂ ದಾತಬ್ಬಂ.

‘‘ಇಧ ¶ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ಏಕಚ್ಚಾ ಆಪತ್ತಿಯೋ ಸರತಿ, ಏಕಚ್ಚಾ ಆಪತ್ತಿಯೋ ನಸ್ಸರತಿ. ಯಾ ಆಪತ್ತಿಯೋ ಸರತಿ ತಾ ಆಪತ್ತಿಯೋ ಛಾದೇತಿ; ಯಾ ಆಪತ್ತಿಯೋ ನಸ್ಸರತಿ ತಾ ಆಪತ್ತಿಯೋ ನಚ್ಛಾದೇತಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ಸರಿತ್ವಾ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಸರಿತ್ವಾ ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ಅಸ್ಸರಿತ್ವಾ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಸರಿತ್ವಾ ನಚ್ಛಾದೇತಿ. ತಸ್ಸ, ಭಿಕ್ಖವೇ, ಭಿಕ್ಖುನೋ ಪುರಿಮಸ್ಮಿಞ್ಚ ಪಚ್ಛಿಮಸ್ಮಿಞ್ಚ ಆಪತ್ತಿಕ್ಖನ್ಧೇ ಯಥಾಪಟಿಚ್ಛನ್ನೇ ಪರಿವಾಸಂ ದತ್ವಾ ಮಾನತ್ತಂ ದಾತಬ್ಬಂ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ಏಕಚ್ಚಾ ಆಪತ್ತಿಯೋ ಸರತಿ, ಏಕಚ್ಚಾ ಆಪತ್ತಿಯೋ ನಸ್ಸರತಿ. ಯಾ ಆಪತ್ತಿಯೋ ಸರತಿ ತಾ ಆಪತ್ತಿಯೋ ಛಾದೇತಿ; ಯಾ ಆಪತ್ತಿಯೋ ¶ ನಸ್ಸರತಿ ತಾ ಆಪತ್ತಿಯೋ ನಚ್ಛಾದೇತಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ಸರಿತ್ವಾ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಸರಿತ್ವಾ ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ಅಸ್ಸರಿತ್ವಾ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಸರಿತ್ವಾ ಛಾದೇತಿ. ತಸ್ಸ, ಭಿಕ್ಖವೇ, ಭಿಕ್ಖುನೋ ಪುರಿಮಸ್ಮಿಞ್ಚ ಪಚ್ಛಿಮಸ್ಮಿಞ್ಚ ಆಪತ್ತಿಕ್ಖನ್ಧೇ ಯಥಾಪಟಿಚ್ಛನ್ನೇ ಪರಿವಾಸಂ ದತ್ವಾ ಮಾನತ್ತಂ ದಾತಬ್ಬಂ.

೧೭೦. ‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ಏಕಚ್ಚಾಸು ಆಪತ್ತೀಸು ನಿಬ್ಬೇಮತಿಕೋ, ಏಕಚ್ಚಾಸು ಆಪತ್ತೀಸು ವೇಮತಿಕೋ. ಯಾಸು ಆಪತ್ತೀಸು ನಿಬ್ಬೇಮತಿಕೋ ತಾ ಆಪತ್ತಿಯೋ ಛಾದೇತಿ; ಯಾಸು ಆಪತ್ತೀಸು ವೇಮತಿಕೋ ತಾ ಆಪತ್ತಿಯೋ ನಚ್ಛಾದೇತಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ನಿಬ್ಬೇಮತಿಕೋ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ನಚ್ಛಾದೇತಿ; ಯಾ ಆಪತ್ತಿಯೋ ¶ ಪುಬ್ಬೇ ವೇಮತಿಕೋ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ನಚ್ಛಾದೇತಿ. ತಸ್ಸ, ಭಿಕ್ಖವೇ, ಭಿಕ್ಖುನೋ ಪುರಿಮಸ್ಮಿಂ ಆಪತ್ತಿಕ್ಖನ್ಧೇ ಯಥಾಪಟಿಚ್ಛನ್ನೇ ಪರಿವಾಸಂ ದತ್ವಾ ಮಾನತ್ತಂ ದಾತಬ್ಬಂ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ಏಕಚ್ಚಾಸು ಆಪತ್ತೀಸು ನಿಬ್ಬೇಮತಿಕೋ, ಏಕಚ್ಚಾಸು ಆಪತ್ತೀಸು ವೇಮತಿಕೋ. ಯಾಸು ಆಪತ್ತೀಸು ನಿಬ್ಬೇಮತಿಕೋ ತಾ ಆಪತ್ತಿಯೋ ಛಾದೇತಿ; ಯಾಸು ಆಪತ್ತೀಸು ವೇಮತಿಕೋ ತಾ ಆಪತ್ತಿಯೋ ನಚ್ಛಾದೇತಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ನಿಬ್ಬೇಮತಿಕೋ ಛಾದೇಸಿ ¶ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ನಚ್ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ವೇಮತಿಕೋ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ¶ ನಿಬ್ಬೇಮತಿಕೋ ಛಾದೇತಿ. ತಸ್ಸ, ಭಿಕ್ಖವೇ, ಭಿಕ್ಖುನೋ ಪುರಿಮಸ್ಮಿಞ್ಚ ಪಚ್ಛಿಮಸ್ಮಿಞ್ಚ ಆಪತ್ತಿಕ್ಖನ್ಧೇ ಯಥಾಪಟಿಚ್ಛನ್ನೇ ಪರಿವಾಸಂ ದತ್ವಾ ಮಾನತ್ತಂ ದಾತಬ್ಬಂ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ಏಕಚ್ಚಾಸು ಆಪತ್ತೀಸು ನಿಬ್ಬೇಮತಿಕೋ, ಏಕಚ್ಚಾಸು ಆಪತ್ತೀಸು ವೇಮತಿಕೋ. ಯಾಸು ಆಪತ್ತೀಸು ನಿಬ್ಬೇಮತಿಕೋ ತಾ ಆಪತ್ತಿಯೋ ಛಾದೇತಿ; ಯಾಸು ಆಪತ್ತೀಸು ವೇಮತಿಕೋ ತಾ ಆಪತ್ತಿಯೋ ನಚ್ಛಾದೇತಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ನಿಬ್ಬೇಮತಿಕೋ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ವೇಮತಿಕೋ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ನಚ್ಛಾದೇತಿ. ತಸ್ಸ, ಭಿಕ್ಖವೇ, ಭಿಕ್ಖುನೋ ಪುರಿಮಸ್ಮಿಞ್ಚ ಪಚ್ಛಿಮಸ್ಮಿಞ್ಚ ಆಪತ್ತಿಕ್ಖನ್ಧೇ ಯಥಾಪಟಿಚ್ಛನ್ನೇ ಪರಿವಾಸಂ ದತ್ವಾ ಮಾನತ್ತಂ ದಾತಬ್ಬಂ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ಏಕಚ್ಚಾಸು ಆಪತ್ತೀಸು ನಿಬ್ಬೇಮತಿಕೋ, ಏಕಚ್ಚಾಸು ಆಪತ್ತೀಸು ವೇಮತಿಕೋ. ಯಾಸು ಆಪತ್ತೀಸು ನಿಬ್ಬೇಮತಿಕೋ ತಾ ಆಪತ್ತಿಯೋ ಛಾದೇತಿ; ಯಾಸು ಆಪತ್ತೀಸು ವೇಮತಿಕೋ ತಾ ಆಪತ್ತಿಯೋ ನಚ್ಛಾದೇತಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ನಿಬ್ಬೇಮತಿಕೋ ¶ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ವೇಮತಿಕೋ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ಛಾದೇತಿ. ತಸ್ಸ, ಭಿಕ್ಖವೇ, ಭಿಕ್ಖುನೋ ಪುರಿಮಸ್ಮಿಞ್ಚ ಪಚ್ಛಿಮಸ್ಮಿಞ್ಚ ಆಪತ್ತಿಕ್ಖನ್ಧೇ ಯಥಾಪಟಿಚ್ಛನ್ನೇ ಪರಿವಾಸಂ ದತ್ವಾ ಮಾನತ್ತಂ ದಾತಬ್ಬಂ.

೧೭೧. ‘‘ಇಧ ¶ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿತ್ವಾ ಅಪ್ಪಟಿಚ್ಛಾದೇತ್ವಾ ಸಾಮಣೇರೋ ಹೋತಿ…ಪೇ… ಉಮ್ಮತ್ತಕೋ ಹೋತಿ…ಪೇ… ಖಿತ್ತಚಿತ್ತೋ ಹೋತಿ…ಪೇ… (ಯಥಾ ಹೇಟ್ಠಾ ತಥಾ ವಿತ್ಥಾರೇತಬ್ಬಂ) ವೇದನಾಟ್ಟೋ ಹೋತಿ…ಪೇ… ತಸ್ಸ ಹೋನ್ತಿ ಆಪತ್ತಿಯೋ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ…ಪೇ… ಏಕಚ್ಚಾ ಆಪತ್ತಿಯೋ ಜಾನಾತಿ, ಏಕಚ್ಚಾ ಆಪತ್ತಿಯೋ ನ ಜಾನಾತಿ…ಪೇ… ಏಕಚ್ಚಾ ಆಪತ್ತಿಯೋ ಸರತಿ, ಏಕಚ್ಚಾ ¶ ಆಪತ್ತಿಯೋ ನಸ್ಸರತಿ…ಪೇ… ಏಕಚ್ಚಾಸು ಆಪತ್ತೀಸು ನಿಬ್ಬೇಮತಿಕೋ, ಏಕಚ್ಚಾಸು ಆಪತ್ತೀಸು ವೇಮತಿಕೋ. ಯಾಸು ಆಪತ್ತೀಸು ನಿಬ್ಬೇಮತಿಕೋ ತಾ ಆಪತ್ತಿಯೋ ಛಾದೇತಿ; ಯಾಸು ಆಪತ್ತೀಸು ವೇಮತಿಕೋ ತಾ ಆಪತ್ತಿಯೋ ನಚ್ಛಾದೇತಿ. ಸೋ ವೇದನಾಟ್ಟೋ ಹೋತಿ. ಸೋ ಪುನ ಅವೇದನಾಟ್ಟೋ ಹುತ್ವಾ ಯಾ ಆಪತ್ತಿಯೋ ಪುಬ್ಬೇ ನಿಬ್ಬೇಮತಿಕೋ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ನಚ್ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ವೇಮತಿಕೋ ನಚ್ಛಾದೇಸಿ ¶ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ನಚ್ಛಾದೇತಿ…ಪೇ… ಯಾ ಆಪತ್ತಿಯೋ ಪುಬ್ಬೇ ನಿಬ್ಬೇಮತಿಕೋ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ನಚ್ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ¶ ವೇಮತಿಕೋ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ಛಾದೇತಿ…ಪೇ… ಯಾ ಆಪತ್ತಿಯೋ ಪುಬ್ಬೇ ನಿಬ್ಬೇಮತಿಕೋ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ವೇಮತಿಕೋ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ನಚ್ಛಾದೇತಿ…ಪೇ… ಯಾ ಆಪತ್ತಿಯೋ ಪುಬ್ಬೇ ನಿಬ್ಬೇಮತಿಕೋ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ವೇಮತಿಕೋ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ಛಾದೇತಿ. ತಸ್ಸ, ಭಿಕ್ಖವೇ, ಭಿಕ್ಖುನೋ ಪುರಿಮಸ್ಮಿಞ್ಚ ಪಚ್ಛಿಮಸ್ಮಿಞ್ಚ ಆಪತ್ತಿಕ್ಖನ್ಧೇ ಯಥಾಪಟಿಚ್ಛನ್ನೇ ಪರಿವಾಸಂ ದತ್ವಾ ಮಾನತ್ತಂ ದಾತಬ್ಬಂ.

ಮಾನತ್ತಸತಂ ನಿಟ್ಠಿತಂ.

೬. ಸಮೂಲಾಯಸಮೋಧಾನಪರಿವಾಸಚತುಸ್ಸತಂ

೧೭೨. ‘‘ಇಧ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿತ್ವಾ ಅಪ್ಪಟಿಚ್ಛಾದೇತ್ವಾ ವಿಬ್ಭಮತಿ. ಸೋ ¶ ಪುನ ಉಪಸಮ್ಪನ್ನೋ ತಾ ಆಪತ್ತಿಯೋ ನಚ್ಛಾದೇತಿ. ಸೋ ಭಿಕ್ಖು ಮೂಲಾಯ ಪಟಿಕಸ್ಸಿತಬ್ಬೋ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿತ್ವಾ ಅಪ್ಪಟಿಚ್ಛಾದೇತ್ವಾ ವಿಬ್ಭಮತಿ. ಸೋ ಪುನ ಉಪಸಮ್ಪನ್ನೋ ತಾ ಆಪತ್ತಿಯೋ ಛಾದೇತಿ. ಸೋ ಭಿಕ್ಖು ಮೂಲಾಯ ಪಟಿಕಸ್ಸಿತಬ್ಬೋ. ಯಥಾಪಟಿಚ್ಛನ್ನಾನಞ್ಚಸ್ಸ ಆಪತ್ತೀನಂ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ ದಾತಬ್ಬೋ.

‘‘ಇಧ ¶ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿತ್ವಾ ಪಟಿಚ್ಛಾದೇತ್ವಾ ವಿಬ್ಭಮತಿ. ಸೋ ಪುನ ಉಪಸಮ್ಪನ್ನೋ ತಾ ಆಪತ್ತಿಯೋ ನಚ್ಛಾದೇತಿ. ಸೋ ಭಿಕ್ಖು ಮೂಲಾಯ ಪಟಿಕಸ್ಸಿತಬ್ಬೋ. ಯಥಾಪಟಿಚ್ಛನ್ನಾನಞ್ಚಸ್ಸ ಆಪತ್ತೀನಂ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ ದಾತಬ್ಬೋ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿತ್ವಾ ಪಟಿಚ್ಛಾದೇತ್ವಾ ವಿಬ್ಭಮತಿ. ಸೋ ಪುನ ಉಪಸಮ್ಪನ್ನೋ ತಾ ಆಪತ್ತಿಯೋ ಛಾದೇತಿ. ಸೋ ಭಿಕ್ಖು ಮೂಲಾಯ ಪಟಿಕಸ್ಸಿತಬ್ಬೋ. ಯಥಾಪಟಿಚ್ಛನ್ನಾನಞ್ಚಸ್ಸ ಆಪತ್ತೀನಂ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ ದಾತಬ್ಬೋ.

೧೭೩. ‘‘ಇಧ ¶ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ತಸ್ಸ ಹೋನ್ತಿ ಆಪತ್ತಿಯೋ ¶ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಚ್ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಚ್ಛಾದೇತಿ. ಸೋ ಭಿಕ್ಖು ಮೂಲಾಯ ಪಟಿಕಸ್ಸಿತಬ್ಬೋ. ಯಥಾಪಟಿಚ್ಛನ್ನಾನಞ್ಚಸ್ಸ ಆಪತ್ತೀನಂ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ ದಾತಬ್ಬೋ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ತಸ್ಸ ಹೋನ್ತಿ ಆಪತ್ತಿಯೋ ಪಟಿಚ್ಛನ್ನಾಯೋಪಿ ¶ ಅಪ್ಪಟಿಚ್ಛನ್ನಾಯೋಪಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಚ್ಛಾದೇತಿ; ಯಾ ¶ ಆಪತ್ತಿಯೋ ಪುಬ್ಬೇ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಛಾದೇತಿ. ಸೋ ಭಿಕ್ಖು ಮೂಲಾಯ ಪಟಿಕಸ್ಸಿತಬ್ಬೋ. ಯಥಾಪಟಿಚ್ಛನ್ನಾನಞ್ಚಸ್ಸ ಆಪತ್ತೀನಂ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ ದಾತಬ್ಬೋ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ತಸ್ಸ ಹೋನ್ತಿ ಆಪತ್ತಿಯೋ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಚ್ಛಾದೇತಿ. ಸೋ ಭಿಕ್ಖು ಮೂಲಾಯ ಪಟಿಕಸ್ಸಿತಬ್ಬೋ. ಯಥಾಪಟಿಚ್ಛನ್ನಾನಞ್ಚಸ್ಸ ಆಪತ್ತೀನಂ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ ದಾತಬ್ಬೋ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ತಸ್ಸ ಹೋನ್ತಿ ಆಪತ್ತಿಯೋ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಛಾದೇತಿ. ಸೋ ಭಿಕ್ಖು ಮೂಲಾಯ ಪಟಿಕಸ್ಸಿತಬ್ಬೋ. ಯಥಾಪಟಿಚ್ಛನ್ನಾನಞ್ಚಸ್ಸ ¶ ಆಪತ್ತೀನಂ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ ದಾತಬ್ಬೋ.

೧೭೪. ‘‘ಇಧ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ಏಕಚ್ಚಾ ಆಪತ್ತಿಯೋ ಜಾನಾತಿ, ಏಕಚ್ಚಾ ಆಪತ್ತಿಯೋ ನ ಜಾನಾತಿ. ಯಾ ಆಪತ್ತಿಯೋ ಜಾನಾತಿ ತಾ ಆಪತ್ತಿಯೋ ಛಾದೇತಿ; ಯಾ ಆಪತ್ತಿಯೋ ನ ಜಾನಾತಿ ತಾ ಆಪತ್ತಿಯೋ ನಚ್ಛಾದೇತಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ಜಾನಿತ್ವಾ ಛಾದೇಸಿ ತಾ ಆಪತ್ತಿಯೋ ¶ ಪಚ್ಛಾ ಜಾನಿತ್ವಾ ನಚ್ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ಅಜಾನಿತ್ವಾ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಜಾನಿತ್ವಾ ನಚ್ಛಾದೇತಿ. ಸೋ ಭಿಕ್ಖು ಮೂಲಾಯ ಪಟಿಕಸ್ಸಿತಬ್ಬೋ. ಯಥಾಪಟಿಚ್ಛನ್ನಾನಞ್ಚಸ್ಸ ಆಪತ್ತೀನಂ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ ದಾತಬ್ಬೋ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ಏಕಚ್ಚಾ ಆಪತ್ತಿಯೋ ಜಾನಾತಿ, ಏಕಚ್ಚಾ ಆಪತ್ತಿಯೋ ¶ ನ ಜಾನಾತಿ. ಯಾ ಆಪತ್ತಿಯೋ ಜಾನಾತಿ ತಾ ಆಪತ್ತಿಯೋ ಛಾದೇತಿ; ಯಾ ಆಪತ್ತಿಯೋ ನ ಜಾನಾತಿ ತಾ ಆಪತ್ತಿಯೋ ನಚ್ಛಾದೇತಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ಜಾನಿತ್ವಾ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಜಾನಿತ್ವಾ ನಚ್ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ಅಜಾನಿತ್ವಾ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಜಾನಿತ್ವಾ ಛಾದೇತಿ. ಸೋ ಭಿಕ್ಖು ಮೂಲಾಯ ಪಟಿಕಸ್ಸಿತಬ್ಬೋ. ಯಥಾಪಟಿಚ್ಛನ್ನಾನಞ್ಚಸ್ಸ ¶ ಆಪತ್ತೀನಂ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ ದಾತಬ್ಬೋ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ಏಕಚ್ಚಾ ಆಪತ್ತಿಯೋ ಜಾನಾತಿ, ಏಕಚ್ಚಾ ಆಪತ್ತಿಯೋ ನ ಜಾನಾತಿ. ಯಾ ಆಪತ್ತಿಯೋ ಜಾನಾತಿ ತಾ ಆಪತ್ತಿಯೋ ಛಾದೇತಿ; ಯಾ ಆಪತ್ತಿಯೋ ನ ಜಾನಾತಿ ತಾ ಆಪತ್ತಿಯೋ ನಚ್ಛಾದೇತಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ಜಾನಿತ್ವಾ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಜಾನಿತ್ವಾ ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ಅಜಾನಿತ್ವಾ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಜಾನಿತ್ವಾ ನಚ್ಛಾದೇತಿ. ಸೋ ಭಿಕ್ಖು ಮೂಲಾಯ ಪಟಿಕಸ್ಸಿತಬ್ಬೋ. ಯಥಾಪಟಿಚ್ಛನ್ನಾನಞ್ಚಸ್ಸ ಆಪತ್ತೀನಂ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ ದಾತಬ್ಬೋ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ಏಕಚ್ಚಾ ಆಪತ್ತಿಯೋ ಜಾನಾತಿ, ಏಕಚ್ಚಾ ಆಪತ್ತಿಯೋ ನ ಜಾನಾತಿ. ಯಾ ಆಪತ್ತಿಯೋ ಜಾನಾತಿ ತಾ ಆಪತ್ತಿಯೋ ಛಾದೇತಿ, ಯಾ ಆಪತ್ತಿಯೋ ನ ಜಾನಾತಿ ತಾ ಆಪತ್ತಿಯೋ ನಚ್ಛಾದೇತಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ಜಾನಿತ್ವಾ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಜಾನಿತ್ವಾ ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ಅಜಾನಿತ್ವಾ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಜಾನಿತ್ವಾ ಛಾದೇತಿ. ಸೋ ಭಿಕ್ಖು ಮೂಲಾಯ ಪಟಿಕಸ್ಸಿತಬ್ಬೋ. ಯಥಾಪಟಿಚ್ಛನ್ನಾನಞ್ಚಸ್ಸ ¶ ಆಪತ್ತೀನಂ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ ದಾತಬ್ಬೋ.

೧೭೫. ‘‘ಇಧ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ಏಕಚ್ಚಾ ಆಪತ್ತಿಯೋ ಸರತಿ, ಏಕಚ್ಚಾ ಆಪತ್ತಿಯೋ ನಸ್ಸರತಿ. ಯಾ ಆಪತ್ತಿಯೋ ¶ ಸರತಿ ತಾ ಆಪತ್ತಿಯೋ ¶ ಛಾದೇತಿ; ಯಾ ಆಪತ್ತಿಯೋ ನಸ್ಸರತಿ ತಾ ಆಪತ್ತಿಯೋ ನಚ್ಛಾದೇತಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ಸರಿತ್ವಾ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಸರಿತ್ವಾ ನಚ್ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ಅಸ್ಸರಿತ್ವಾ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಸರಿತ್ವಾ ನಚ್ಛಾದೇತಿ. ಸೋ ಭಿಕ್ಖು ಮೂಲಾಯ ಪಟಿಕಸ್ಸಿತಬ್ಬೋ. ಯಥಾಪಟಿಚ್ಛನ್ನಾನಞ್ಚಸ್ಸ ಆಪತ್ತೀನಂ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ ದಾತಬ್ಬೋ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ಏಕಚ್ಚಾ ಆಪತ್ತಿಯೋ ಸರತಿ, ಏಕಚ್ಚಾ ಆಪತ್ತಿಯೋ ನಸ್ಸರತಿ. ಯಾ ಆಪತ್ತಿಯೋ ಸರತಿ ತಾ ಆಪತ್ತಿಯೋ ಛಾದೇತಿ; ಯಾ ಆಪತ್ತಿಯೋ ನಸ್ಸರತಿ ತಾ ಆಪತ್ತಿಯೋ ನಚ್ಛಾದೇತಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ಸರಿತ್ವಾ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಸರಿತ್ವಾ ನಚ್ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ಅಸ್ಸರಿತ್ವಾ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಸರಿತ್ವಾ ಛಾದೇತಿ. ಸೋ ಭಿಕ್ಖು ಮೂಲಾಯ ಪಟಿಕಸ್ಸಿತಬ್ಬೋ ¶ . ಯಥಾಪಟಿಚ್ಛನ್ನಾನಞ್ಚಸ್ಸ ಆಪತ್ತೀನಂ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ ದಾತಬ್ಬೋ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ಏಕಚ್ಚಾ ಆಪತ್ತಿಯೋ ಸರತಿ, ಏಕಚ್ಚಾ ಆಪತ್ತಿಯೋ ನಸ್ಸರತಿ. ಯಾ ಆಪತ್ತಿಯೋ ಸರತಿ ತಾ ಆಪತ್ತಿಯೋ ಛಾದೇತಿ; ಯಾ ಆಪತ್ತಿಯೋ ನಸ್ಸರತಿ ತಾ ಆಪತ್ತಿಯೋ ನಚ್ಛಾದೇತಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ಸರಿತ್ವಾ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಸರಿತ್ವಾ ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ಅಸ್ಸರಿತ್ವಾ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಸರಿತ್ವಾ ನಚ್ಛಾದೇತಿ. ಸೋ ಭಿಕ್ಖು ಮೂಲಾಯ ಪಟಿಕಸ್ಸಿತಬ್ಬೋ. ಯಥಾಪಟಿಚ್ಛನ್ನಾನಞ್ಚಸ್ಸ ಆಪತ್ತೀನಂ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ ದಾತಬ್ಬೋ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ಏಕಚ್ಚಾ ಆಪತ್ತಿಯೋ ಸರತಿ, ಏಕಚ್ಚಾ ಆಪತ್ತಿಯೋ ನಸ್ಸರತಿ. ಯಾ ಆಪತ್ತಿಯೋ ಸರತಿ ತಾ ಆಪತ್ತಿಯೋ ಛಾದೇತಿ; ಯಾ ಆಪತ್ತಿಯೋ ನಸ್ಸರತಿ ತಾ ಆಪತ್ತಿಯೋ ನಚ್ಛಾದೇತಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ಸರಿತ್ವಾ ಛಾದೇಸಿ ¶ ತಾ ಆಪತ್ತಿಯೋ ಪಚ್ಛಾ ಸರಿತ್ವಾ ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ಅಸ್ಸರಿತ್ವಾ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ಸರಿತ್ವಾ ಛಾದೇತಿ. ಸೋ ಭಿಕ್ಖು ಮೂಲಾಯ ಪಟಿಕಸ್ಸಿತಬ್ಬೋ. ಯಥಾಪಟಿಚ್ಛನ್ನಾನಞ್ಚಸ್ಸ ¶ ಆಪತ್ತೀನಂ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ ದಾತಬ್ಬೋ.

೧೭೬. ‘‘ಇಧ ¶ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ಏಕಚ್ಚಾಸು ಆಪತ್ತೀಸು ನಿಬ್ಬೇಮತಿಕೋ, ಏಕಚ್ಚಾಸು ಆಪತ್ತೀಸು ವೇಮತಿಕೋ. ಯಾಸು ಆಪತ್ತೀಸು ನಿಬ್ಬೇಮತಿಕೋ ತಾ ಆಪತ್ತಿಯೋ ಛಾದೇತಿ; ಯಾಸು ಆಪತ್ತೀಸು ವೇಮತಿಕೋ ತಾ ಆಪತ್ತಿಯೋ ನಚ್ಛಾದೇತಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ನಿಬ್ಬೇಮತಿಕೋ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ನಚ್ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ವೇಮತಿಕೋ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ನಚ್ಛಾದೇತಿ. ಸೋ ಭಿಕ್ಖು ಮೂಲಾಯ ಪಟಿಕಸ್ಸಿತಬ್ಬೋ. ಯಥಾಪಟಿಚ್ಛನ್ನಾನಞ್ಚಸ್ಸ ಆಪತ್ತೀನಂ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ ದಾತಬ್ಬೋ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ಏಕಚ್ಚಾಸು ಆಪತ್ತೀಸು ನಿಬ್ಬೇಮತಿಕೋ, ಏಕಚ್ಚಾಸು ಆಪತ್ತೀಸು ವೇಮತಿಕೋ. ಯಾಸು ಆಪತ್ತೀಸು ನಿಬ್ಬೇಮತಿಕೋ ತಾ ಆಪತ್ತಿಯೋ ಛಾದೇತಿ; ಯಾಸು ಆಪತ್ತೀಸು ವೇಮತಿಕೋ ತಾ ಆಪತ್ತಿಯೋ ನಚ್ಛಾದೇತಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ನಿಬ್ಬೇಮತಿಕೋ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ನಚ್ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ವೇಮತಿಕೋ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ಛಾದೇತಿ. ಸೋ ಭಿಕ್ಖು ಮೂಲಾಯ ಪಟಿಕಸ್ಸಿತಬ್ಬೋ ¶ . ಯಥಾಪಟಿಚ್ಛನ್ನಾನಞ್ಚಸ್ಸ ಆಪತ್ತೀನಂ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ ದಾತಬ್ಬೋ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ಏಕಚ್ಚಾಸು ಆಪತ್ತೀಸು ನಿಬ್ಬೇಮತಿಕೋ, ಏಕಚ್ಚಾಸು ಆಪತ್ತೀಸು ವೇಮತಿಕೋ. ಯಾಸು ಆಪತ್ತೀಸು ನಿಬ್ಬೇಮತಿಕೋ ತಾ ಆಪತ್ತಿಯೋ ಛಾದೇತಿ; ಯಾಸು ಆಪತ್ತೀಸು ವೇಮತಿಕೋ ತಾ ಆಪತ್ತಿಯೋ ನಚ್ಛಾದೇತಿ. ಸೋ ವಿಬ್ಭಮಿತ್ವಾ ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ¶ ಪುಬ್ಬೇ ನಿಬ್ಬೇಮತಿಕೋ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ವೇಮತಿಕೋ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ನಚ್ಛಾದೇತಿ. ಸೋ ಭಿಕ್ಖು ಮೂಲಾಯ ಪಟಿಕಸ್ಸಿತಬ್ಬೋ. ಯಥಾಪಟಿಚ್ಛನ್ನಾನಞ್ಚಸ್ಸ ಆಪತ್ತೀನಂ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ ದಾತಬ್ಬೋ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ. ಏಕಚ್ಚಾಸು ಆಪತ್ತೀಸು ನಿಬ್ಬೇಮತಿಕೋ, ಏಕಚ್ಚಾಸು ಆಪತ್ತೀಸು ವೇಮತಿಕೋ. ಯಾಸು ಆಪತ್ತೀಸು ನಿಬ್ಬೇಮತಿಕೋ ತಾ ಆಪತ್ತಿಯೋ ಛಾದೇತಿ; ಯಾಸು ಆಪತ್ತೀಸು ವೇಮತಿಕೋ ತಾ ಆಪತ್ತಿಯೋ ನಚ್ಛಾದೇತಿ. ಸೋ ವಿಬ್ಭಮಿತ್ವಾ [ಸೋ ಭಿಕ್ಖು ವಿಬ್ಭಮಿತ್ವಾ (ಕ.)] ಪುನ ಉಪಸಮ್ಪನ್ನೋ ಯಾ ಆಪತ್ತಿಯೋ ಪುಬ್ಬೇ ನಿಬ್ಬೇಮತಿಕೋ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ವೇಮತಿಕೋ ನಚ್ಛಾದೇಸಿ ತಾ ಆಪತ್ತಿಯೋ ¶ ಪಚ್ಛಾ ನಿಬ್ಬೇಮತಿಕೋ ಛಾದೇತಿ. ಸೋ ಭಿಕ್ಖು ಮೂಲಾಯ ಪಟಿಕಸ್ಸಿತಬ್ಬೋ ¶ . ಯಥಾಪಟಿಚ್ಛನ್ನಾನಞ್ಚಸ್ಸ ಆಪತ್ತೀನಂ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ ದಾತಬ್ಬೋ.

೧೭೭. ‘‘ಇಧ ಪನ, ಭಿಕ್ಖವೇ, ಭಿಕ್ಖು ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿತ್ವಾ ಅಪ್ಪಟಿಚ್ಛಾದೇತ್ವಾ ಸಾಮಣೇರೋ ಹೋತಿ…ಪೇ… ಉಮ್ಮತ್ತಕೋ ಹೋತಿ…ಪೇ… ಖಿತ್ತಚಿತ್ತೋ ಹೋತಿ…ಪೇ… ವೇದನಾಟ್ಟೋ ಹೋತಿ…ಪೇ… ತಸ್ಸ ಹೋನ್ತಿ ಆಪತ್ತಿಯೋ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ (ಯಥಾ ಹೇಟ್ಠಾ ವಿತ್ಥಾರಿತಂ ತಥಾ ವಿತ್ಥಾರೇತಬ್ಬಂ)…ಪೇ… ಏಕಚ್ಚಾ ಆಪತ್ತಿಯೋ ಜಾನಾತಿ, ಏಕಚ್ಚಾ ಆಪತ್ತಿಯೋ ನ ಜಾನಾತಿ…ಪೇ… ಏಕಚ್ಚಾ ಆಪತ್ತಿಯೋ ಸರತಿ, ಏಕಚ್ಚಾ ಆಪತ್ತಿಯೋ ನಸ್ಸರತಿ…ಪೇ… ಏಕಚ್ಚಾಸು ಆಪತ್ತೀಸು ನಿಬ್ಬೇಮತಿಕೋ, ಏಕಚ್ಚಾಸು ಆಪತ್ತೀಸು ವೇಮತಿಕೋ. ಯಾಸು ಆಪತ್ತೀಸು ನಿಬ್ಬೇಮತಿಕೋ ತಾ ಆಪತ್ತಿಯೋ ಛಾದೇತಿ; ಯಾಸು ಆಪತ್ತೀಸು ವೇಮತಿಕೋ ತಾ ಆಪತ್ತಿಯೋ ನಚ್ಛಾದೇತಿ. ಸೋ ವೇದನಾಟ್ಟೋ ಹೋತಿ. ಸೋ ಪುನ ಅವೇದನಾಟ್ಟೋ ಹುತ್ವಾ ಯಾ ಆಪತ್ತಿಯೋ ಪುಬ್ಬೇ ನಿಬ್ಬೇಮತಿಕೋ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ನಚ್ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ವೇಮತಿಕೋ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ನಚ್ಛಾದೇತಿ…ಪೇ… ಯಾ ಆಪತ್ತಿಯೋ ಪುಬ್ಬೇ ನಿಬ್ಬೇಮತಿಕೋ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ನಚ್ಛಾದೇತಿ ¶ ; ಯಾ ಆಪತ್ತಿಯೋ ಪುಬ್ಬೇ ವೇಮತಿಕೋ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ಛಾದೇತಿ…ಪೇ… ಯಾ ಆಪತ್ತಿಯೋ ಪುಬ್ಬೇ ನಿಬ್ಬೇಮತಿಕೋ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ಛಾದೇತಿ ¶ ; ಯಾ ಆಪತ್ತಿಯೋ ಪುಬ್ಬೇ ವೇಮತಿಕೋ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ನಚ್ಛಾದೇತಿ…ಪೇ… ಯಾ ಆಪತ್ತಿಯೋ ಪುಬ್ಬೇ ನಿಬ್ಬೇಮತಿಕೋ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ವೇಮತಿಕೋ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ಛಾದೇತಿ. ಸೋ ಭಿಕ್ಖು ಮೂಲಾಯ ಪಟಿಕಸ್ಸಿತಬ್ಬೋ. ಯಥಾಪಟಿಚ್ಛನ್ನಾನಞ್ಚಸ್ಸ ಆಪತ್ತೀನಂ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ ದಾತಬ್ಬೋ.

೧೭೮. ‘‘ಇಧ ಪನ, ಭಿಕ್ಖವೇ, ಭಿಕ್ಖು ಮಾನತ್ತಾರಹೋ…ಪೇ… ಮಾನತ್ತಂ ಚರನ್ತೋ…ಪೇ… ಅಬ್ಭಾನಾರಹೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿತ್ವಾ ಅಪ್ಪಟಿಚ್ಛಾದೇತ್ವಾ ವಿಬ್ಭಮತಿ…ಪೇ… (ಮಾನತ್ತಾರಹೋ ಚ ಮಾನತ್ತಚಾರೀ ಚ ಅಬ್ಭಾನಾರಹೋ ಚ ಯಥಾ ಪರಿವಾಸೋ ವಿತ್ಥಾರಿತೋ ತಥಾ ವಿತ್ಥಾರೇತಬ್ಬೋ).

೧೭೯. ‘‘ಇಧ ಪನ, ಭಿಕ್ಖವೇ, ಭಿಕ್ಖು ಅಬ್ಭಾನಾರಹೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿತ್ವಾ ಅಪ್ಪಟಿಚ್ಛಾದೇತ್ವಾ ಸಾಮಣೇರೋ ಹೋತಿ…ಪೇ… ಉಮ್ಮತ್ತಕೋ ಹೋತಿ…ಪೇ… ಖಿತ್ತಚಿತ್ತೋ ಹೋತಿ…ಪೇ… ವೇದನಾಟ್ಟೋ ಹೋತಿ…ಪೇ… ತಸ್ಸ ಹೋನ್ತಿ ಆಪತ್ತಿಯೋ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ ¶ …ಪೇ… ಏಕಚ್ಚಾ ಆಪತ್ತಿಯೋ ಜಾನಾತಿ, ಏಕಚ್ಚಾ ಆಪತ್ತಿಯೋ ನ ಜಾನಾತಿ…ಪೇ… ಏಕಚ್ಚಾ ಆಪತ್ತಿಯೋ ಸರತಿ, ಏಕಚ್ಚಾ ಆಪತ್ತಿಯೋ ನಸ್ಸರತಿ…ಪೇ… ಏಕಚ್ಚಾಸು ಆಪತ್ತೀಸು ನಿಬ್ಬೇಮತಿಕೋ, ಏಕಚ್ಚಾಸು ¶ ಆಪತ್ತೀಸು ವೇಮತಿಕೋ. ಯಾಸು ಆಪತ್ತೀಸು ನಿಬ್ಬೇಮತಿಕೋ ತಾ ಆಪತ್ತಿಯೋ ಛಾದೇತಿ; ಯಾಸು ಆಪತ್ತೀಸು ವೇಮತಿಕೋ ತಾ ಆಪತ್ತಿಯೋ ನಚ್ಛಾದೇತಿ. ಸೋ ವೇದನಾಟ್ಟೋ ಹೋತಿ. ಸೋ ಪುನ ಅವೇದನಾಟ್ಟೋ ಹುತ್ವಾ ಯಾ ಆಪತ್ತಿಯೋ ಪುಬ್ಬೇ ನಿಬ್ಬೇಮತಿಕೋ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ನಚ್ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ವೇಮತಿಕೋ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ನಚ್ಛಾದೇತಿ…ಪೇ… ಯಾ ಆಪತ್ತಿಯೋ ಪುಬ್ಬೇ ನಿಬ್ಬೇಮತಿಕೋ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ನಚ್ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ವೇಮತಿಕೋ ನಚ್ಛಾದೇಸಿ ¶ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ಛಾದೇತಿ…ಪೇ… ಯಾ ಆಪತ್ತಿಯೋ ಪುಬ್ಬೇ ನಿಬ್ಬೇಮತಿಕೋ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ವೇಮತಿಕೋ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ನಚ್ಛಾದೇತಿ…ಪೇ… ಯಾ ಆಪತ್ತಿಯೋ ಪುಬ್ಬೇ ನಿಬ್ಬೇಮತಿಕೋ ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ಛಾದೇತಿ; ಯಾ ಆಪತ್ತಿಯೋ ಪುಬ್ಬೇ ವೇಮತಿಕೋ ನಚ್ಛಾದೇಸಿ ತಾ ಆಪತ್ತಿಯೋ ಪಚ್ಛಾ ನಿಬ್ಬೇಮತಿಕೋ ಛಾದೇತಿ. ಸೋ ಭಿಕ್ಖು ಮೂಲಾಯ ಪಟಿಕಸ್ಸಿತಬ್ಬೋ. ಯಥಾಪಟಿಚ್ಛನ್ನಾನಞ್ಚಸ್ಸ ಆಪತ್ತೀನಂ ¶ ಪುರಿಮಾಯ ಆಪತ್ತಿಯಾ ಸಮೋಧಾನಪರಿವಾಸೋ ದಾತಬ್ಬೋ.

ಸಮೂಲಾಯಸಮೋಧಾನಪರಿವಾಸಚತುಸ್ಸತಂ ನಿಟ್ಠಿತಂ.

೭. ಪರಿಮಾಣಾದಿವಾರಅಟ್ಠಕಂ

೧೮೦. ‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿತ್ವಾ ಪರಿಮಾಣಾ ಅಪ್ಪಟಿಚ್ಛಾದೇತ್ವಾ…ಪೇ… ಅಪರಿಮಾಣಾ ಅಪ್ಪಟಿಚ್ಛಾದೇತ್ವಾ…ಪೇ… ಏಕನಾಮಾ ಅಪ್ಪಟಿಚ್ಛಾದೇತ್ವಾ…ಪೇ… ¶ ನಾನಾನಾಮಾ ಅಪ್ಪಟಿಚ್ಛಾದೇತ್ವಾ…ಪೇ… ಸಭಾಗಾ ಅಪ್ಪಟಿಚ್ಛಾದೇತ್ವಾ…ಪೇ… ವಿಸಭಾಗಾ ಅಪ್ಪಟಿಚ್ಛಾದೇತ್ವಾ…ಪೇ… ವವತ್ಥಿತಾ ಅಪ್ಪಟಿಚ್ಛಾದೇತ್ವಾ…ಪೇ… ಸಮ್ಭಿನ್ನಾ ಅಪ್ಪಟಿಚ್ಛಾದೇತ್ವಾ ವಿಬ್ಭಮತಿ…ಪೇ… (ಯಥಾ ಹೇಟ್ಠಾ ತಥಾ ವಿತ್ಥಾರೇತಬ್ಬಂ).

ಪರಿಮಾಣಾದಿವಾರಅಟ್ಠಕಂ ನಿಟ್ಠಿತಂ.

೮. ದ್ವೇಭಿಕ್ಖುವಾರಏಕಾದಸಕಂ

೧೮೧. ‘‘ದ್ವೇ ¶ ಭಿಕ್ಖೂ ಸಙ್ಘಾದಿಸೇಸಂ ಆಪನ್ನಾ ಹೋನ್ತಿ. ತೇ ಸಙ್ಘಾದಿಸೇಸೇ ಸಙ್ಘಾದಿಸೇಸದಿಟ್ಠಿನೋ ಹೋನ್ತಿ. ಏಕೋ ಛಾದೇತಿ, ಏಕೋ ನಚ್ಛಾದೇತಿ. ಯೋ ಛಾದೇತಿ ಸೋ ದುಕ್ಕಟಂ ದೇಸಾಪೇತಬ್ಬೋ. ಯಥಾಪಟಿಚ್ಛನ್ನೇ [ಯಥಾಪಟಿಚ್ಛನ್ನಾನಂ (ಸೀ.)] ಚಸ್ಸ ಪರಿವಾಸಂ ದತ್ವಾ ಉಭಿನ್ನಮ್ಪಿ ಮಾನತ್ತಂ ದಾತಬ್ಬಂ.

‘‘ದ್ವೇ ¶ ಭಿಕ್ಖೂ ಸಙ್ಘಾದಿಸೇಸಂ ಆಪನ್ನಾ ಹೋನ್ತಿ. ತೇ ಸಙ್ಘಾದಿಸೇಸೇ ವೇಮತಿಕಾ ಹೋನ್ತಿ. ಏಕೋ ಛಾದೇತಿ, ಏಕೋ ನಚ್ಛಾದೇತಿ. ಯೋ ಛಾದೇತಿ ಸೋ ದುಕ್ಕಟಂ ದೇಸಾಪೇತಬ್ಬೋ. ಯಥಾಪಟಿಚ್ಛನ್ನೇ ಚಸ್ಸ ಪರಿವಾಸಂ ದತ್ವಾ ಉಭಿನ್ನಮ್ಪಿ ಮಾನತ್ತಂ ದಾತಬ್ಬಂ.

‘‘ದ್ವೇ ಭಿಕ್ಖೂ ಸಙ್ಘಾದಿಸೇಸಂ ಆಪನ್ನಾ ಹೋನ್ತಿ. ತೇ ಸಙ್ಘಾದಿಸೇಸೇ ಮಿಸ್ಸಕದಿಟ್ಠಿನೋ ಹೋನ್ತಿ. ಏಕೋ ಛಾದೇತಿ, ಏಕೋ ನಚ್ಛಾದೇತಿ. ಯೋ ಛಾದೇತಿ ಸೋ ದುಕ್ಕಟಂ ದೇಸಾಪೇತಬ್ಬೋ. ಯಥಾಪಟಿಚ್ಛನ್ನೇ ಚಸ್ಸ ಪರಿವಾಸಂ ದತ್ವಾ ಉಭಿನ್ನಮ್ಪಿ ಮಾನತ್ತಂ ದಾತಬ್ಬಂ.

‘‘ದ್ವೇ ಭಿಕ್ಖೂ ಮಿಸ್ಸಕಂ ಆಪನ್ನಾ ಹೋನ್ತಿ. ತೇ ಮಿಸ್ಸಕೇ ಸಙ್ಘಾದಿಸೇಸದಿಟ್ಠಿನೋ ಹೋನ್ತಿ. ಏಕೋ ಛಾದೇತಿ, ಏಕೋ ನಚ್ಛಾದೇತಿ. ಯೋ ಛಾದೇತಿ ಸೋ ದುಕ್ಕಟಂ ದೇಸಾಪೇತಬ್ಬೋ. ಯಥಾಪಟಿಚ್ಛನ್ನೇ ಚಸ್ಸ ಪರಿವಾಸಂ ದತ್ವಾ ಉಭಿನ್ನಮ್ಪಿ ಮಾನತ್ತಂ ದಾತಬ್ಬಂ.

‘‘ದ್ವೇ ¶ ಭಿಕ್ಖೂ ಮಿಸ್ಸಕಂ ಆಪನ್ನಾ ಹೋನ್ತಿ. ತೇ ಮಿಸ್ಸಕೇ ಮಿಸ್ಸಕದಿಟ್ಠಿನೋ ಹೋನ್ತಿ. ಏಕೋ ಛಾದೇತಿ, ಏಕೋ ನಚ್ಛಾದೇತಿ. ಯೋ ಛಾದೇತಿ ಸೋ ದುಕ್ಕಟಂ ದೇಸಾಪೇತಬ್ಬೋ. ಯಥಾಪಟಿಚ್ಛನ್ನೇ ಚಸ್ಸ ಪರಿವಾಸಂ ದತ್ವಾ ಉಭಿನ್ನಮ್ಪಿ ಮಾನತ್ತಂ ದಾತಬ್ಬಂ.

‘‘ದ್ವೇ ಭಿಕ್ಖೂ ಸುದ್ಧಕಂ ಆಪನ್ನಾ ಹೋನ್ತಿ. ತೇ ಸುದ್ಧಕೇ ಸಙ್ಘಾದಿಸೇಸದಿಟ್ಠಿನೋ ಹೋನ್ತಿ. ಏಕೋ ಛಾದೇತಿ, ಏಕೋ ನಚ್ಛಾದೇತಿ. ಯೋ ಛಾದೇತಿ ಸೋ ದುಕ್ಕಟಂ ದೇಸಾಪೇತಬ್ಬೋ. ಉಭೋಪಿ ಯಥಾಧಮ್ಮಂ ಕಾರಾಪೇತಬ್ಬಾ.

‘‘ದ್ವೇ ಭಿಕ್ಖೂ ಸುದ್ಧಕಂ ಆಪನ್ನಾ ಹೋನ್ತಿ. ತೇ ಸುದ್ಧಕೇ ಸುದ್ಧಕದಿಟ್ಠಿನೋ ಹೋನ್ತಿ. ಏಕೋ ಛಾದೇತಿ, ಏಕೋ ನಚ್ಛಾದೇತಿ. ಯೋ ಛಾದೇತಿ ಸೋ ದುಕ್ಕಟಂ ದೇಸಾಪೇತಬ್ಬೋ. ಉಭೋಪಿ ಯಥಾಧಮ್ಮಂ ಕಾರಾಪೇತಬ್ಬಾ.

‘‘ದ್ವೇ ¶ ಭಿಕ್ಖೂ ಸಙ್ಘಾದಿಸೇಸಂ ಆಪನ್ನಾ ಹೋನ್ತಿ. ತೇ ಸಙ್ಘಾದಿಸೇಸೇ ಸಙ್ಘಾದಿಸೇಸದಿಟ್ಠಿನೋ ಹೋನ್ತಿ. ಏಕಸ್ಸ ಹೋತಿ ಆರೋಚೇಸ್ಸಾಮೀತಿ, ಏಕಸ್ಸ ಹೋತಿ ನ ಆರೋಚೇಸ್ಸಾಮೀತಿ. ಸೋ ಪಠಮಮ್ಪಿ ¶ ಯಾಮಂ ಛಾದೇತಿ, ದುತಿಯಮ್ಪಿ ಯಾಮಂ ಛಾದೇತಿ, ತತಿಯಮ್ಪಿ ಯಾಮಂ ಛಾದೇತಿ – ಉಟ್ಠಿತೇ ಅರುಣೇ ಛನ್ನಾ ಹೋತಿ ಆಪತ್ತಿ. ಯೋ ಛಾದೇತಿ ಸೋ ದುಕ್ಕಟಂ ದೇಸಾಪೇತಬ್ಬೋ. ಯಥಾಪಟಿಚ್ಛನ್ನೇ ಚಸ್ಸ ಪರಿವಾಸಂ ದತ್ವಾ ಉಭಿನ್ನಮ್ಪಿ ¶ ಮಾನತ್ತಂ ದಾತಬ್ಬಂ.

‘‘ದ್ವೇ ¶ ಭಿಕ್ಖೂ ಸಙ್ಘಾದಿಸೇಸಂ ಆಪನ್ನಾ ಹೋನ್ತಿ. ತೇ ಸಙ್ಘಾದಿಸೇಸೇ ಸಙ್ಘಾದಿಸೇಸದಿಟ್ಠಿನೋ ಹೋನ್ತಿ. ತೇ ಗಚ್ಛನ್ತಿ ಆರೋಚೇಸ್ಸಾಮಾತಿ. ಏಕಸ್ಸ ಅನ್ತರಾಮಗ್ಗೇ ಮಕ್ಖಧಮ್ಮೋ ಉಪ್ಪಜ್ಜತಿ ನ ಆರೋಚೇಸ್ಸಾಮೀತಿ. ಸೋ ಪಠಮಮ್ಪಿ ಯಾಮಂ ಛಾದೇತಿ, ದುತಿಯಮ್ಪಿ ಯಾಮಂ ಛಾದೇತಿ, ತತಿಯಮ್ಪಿ ಯಾಮಂ ಛಾದೇತಿ – ಉಟ್ಠಿತೇ ಅರುಣೇ ಛನ್ನಾ ಹೋತಿ ಆಪತ್ತಿ. ಯೋ ಛಾದೇತಿ ಸೋ ದುಕ್ಕಟಂ ದೇಸಾಪೇತಬ್ಬೋ. ಯಥಾಪಟಿಚ್ಛನ್ನೇ ಚಸ್ಸ ಪರಿವಾಸಂ ದತ್ವಾ ಉಭಿನ್ನಮ್ಪಿ ಮಾನತ್ತಂ ದಾತಬ್ಬಂ.

‘‘ದ್ವೇ ಭಿಕ್ಖೂ ಸಙ್ಘಾದಿಸೇಸಂ ಆಪನ್ನಾ ಹೋನ್ತಿ. ತೇ ಸಙ್ಘಾದಿಸೇಸೇ ಸಙ್ಘಾದಿಸೇಸದಿಟ್ಠಿನೋ ಹೋನ್ತಿ. ತೇ ಉಮ್ಮತ್ತಕಾ ಹೋನ್ತಿ. ತೇ ಪಚ್ಛಾ ಅನುಮ್ಮತ್ತಕಾ ಹುತ್ವಾ ಏಕೋ ಛಾದೇತಿ, ಏಕೋ ನಚ್ಛಾದೇತಿ. ಯೋ ಛಾದೇತಿ ಸೋ ದುಕ್ಕಟಂ ದೇಸಾಪೇತಬ್ಬೋ. ಯಥಾಪಟಿಚ್ಛನ್ನೇ ಚಸ್ಸ ಪರಿವಾಸಂ ದತ್ವಾ ಉಭಿನ್ನಮ್ಪಿ ಮಾನತ್ತಂ ದಾತಬ್ಬಂ.

‘‘ದ್ವೇ ಭಿಕ್ಖೂ ಸಙ್ಘಾದಿಸೇಸಂ ಆಪನ್ನಾ ಹೋನ್ತಿ. ತೇ ಪಾತಿಮೋಕ್ಖೇ ಉದ್ದಿಸ್ಸಮಾನೇ ಏವಂ ವದನ್ತಿ – ‘ಇದಾನೇವ ಖೋ ಮಯಂ ಜಾನಾಮ – ಅಯಮ್ಪಿ ಕಿರ ಧಮ್ಮೋ ಸುತ್ತಾಗತೋ ಸುತ್ತಪರಿಯಾಪನ್ನೋ ಅನ್ವದ್ಧಮಾಸಂ ಉದ್ದೇಸಂ ಆಗಚ್ಛತೀ’ತಿ. ತೇ ಸಙ್ಘಾದಿಸೇಸೇ ಸಙ್ಘಾದಿಸೇಸದಿಟ್ಠಿನೋ ಹೋನ್ತಿ. ಏಕೋ ಛಾದೇತಿ, ಏಕೋ ನಚ್ಛಾದೇತಿ. ಯೋ ಛಾದೇತಿ ಸೋ ದುಕ್ಕಟಂ ದೇಸಾಪೇತಬ್ಬೋ. ಯಥಾಪಟಿಚ್ಛನ್ನೇ ಚಸ್ಸ ಪರಿವಾಸಂ ದತ್ವಾ ಉಭಿನ್ನಮ್ಪಿ ಮಾನತ್ತಂ ದಾತಬ್ಬಂ.

ದ್ವೇಭಿಕ್ಖುವಾರಏಕಾದಸಕಂ ನಿಟ್ಠಿತಂ.

೯. ಮೂಲಾಯಅವಿಸುದ್ಧಿನವಕಂ

೧೮೨. ‘‘ಇಧ ¶ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಮ್ಪಿ ಅಪರಿಮಾಣಮ್ಪಿ, ಏಕನಾಮಮ್ಪಿ ನಾನಾನಾಮಮ್ಪಿ, ಸಭಾಗಮ್ಪಿ ವಿಸಭಾಗಮ್ಪಿ, ವವತ್ಥಿತಮ್ಪಿ ಸಮ್ಭಿನ್ನಮ್ಪಿ. ಸೋ ಸಙ್ಘಂ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ಯಾಚತಿ. ತಸ್ಸ ಸಙ್ಘೋ ತಾಸಂ ಆಪತ್ತೀನಂ ¶ ಸಮೋಧಾನಪರಿವಾಸಂ ದೇತಿ. ಸೋ ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಾಯೋ ಅಪ್ಪಟಿಚ್ಛನ್ನಾಯೋ. ಸೋ ಸಙ್ಘಂ ಅನ್ತರಾಆಪತ್ತೀನಂ ಮೂಲಾಯಪಟಿಕಸ್ಸನಂ ಯಾಚತಿ. ತಂ ಸಙ್ಘೋ ಅನ್ತರಾಆಪತ್ತೀನಂ ಮೂಲಾಯ ಪಟಿಕಸ್ಸತಿ ¶ ಧಮ್ಮಿಕೇನ ಕಮ್ಮೇನ ಅಕುಪ್ಪೇನ ಠಾನಾರಹೇನ, ಧಮ್ಮೇನ ಸಮೋಧಾನಪರಿವಾಸಂ ದೇತಿ; ಅಧಮ್ಮೇನ ಮಾನತ್ತಂ ದೇತಿ, ಅಧಮ್ಮೇನ ಅಬ್ಭೇತಿ. ಸೋ, ಭಿಕ್ಖವೇ, ಭಿಕ್ಖು ಅವಿಸುದ್ಧೋ ತಾಹಿ ಆಪತ್ತೀಹಿ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಮ್ಪಿ ಅಪರಿಮಾಣಮ್ಪಿ, ಏಕನಾಮಮ್ಪಿ ನಾನಾನಾಮಮ್ಪಿ, ಸಭಾಗಮ್ಪಿ ವಿಸಭಾಗಮ್ಪಿ, ವವತ್ಥಿತಮ್ಪಿ ¶ ಸಮ್ಭಿನ್ನಮ್ಪಿ. ಸೋ ಸಙ್ಘಂ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ಯಾಚತಿ. ತಸ್ಸ ಸಙ್ಘೋ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ದೇತಿ. ಸೋ ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಾಯೋ ಪಟಿಚ್ಛನ್ನಾಯೋ. ಸೋ ಸಙ್ಘಂ ಅನ್ತರಾಆಪತ್ತೀನಂ ಮೂಲಾಯಪಟಿಕಸ್ಸನಂ ಯಾಚತಿ. ತಂ ಸಙ್ಘೋ ಅನ್ತರಾಆಪತ್ತೀನಂ ಮೂಲಾಯ ಪಟಿಕಸ್ಸತಿ ಧಮ್ಮಿಕೇನ ಕಮ್ಮೇನ ಅಕುಪ್ಪೇನ ಠಾನಾರಹೇನ, ಧಮ್ಮೇನ ಸಮೋಧಾನಪರಿವಾಸಂ ದೇತಿ; ಅಧಮ್ಮೇನ ಮಾನತ್ತಂ ¶ ದೇತಿ, ಅಧಮ್ಮೇನ ಅಬ್ಭೇತಿ. ಸೋ, ಭಿಕ್ಖವೇ, ಭಿಕ್ಖು ಅವಿಸುದ್ಧೋ ತಾಹಿ ಆಪತ್ತೀಹಿ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಮ್ಪಿ ಅಪರಿಮಾಣಮ್ಪಿ, ಏಕನಾಮಮ್ಪಿ ನಾನಾನಾಮಮ್ಪಿ, ಸಭಾಗಮ್ಪಿ ವಿಸಭಾಗಮ್ಪಿ, ವವತ್ಥಿತಮ್ಪಿ ಸಮ್ಭಿನ್ನಮ್ಪಿ. ಸೋ ಸಙ್ಘಂ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ಯಾಚತಿ. ತಸ್ಸ ಸಙ್ಘೋ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ದೇತಿ. ಸೋ ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಾಯೋ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ. ಸೋ ಸಙ್ಘಂ ಅನ್ತರಾಆಪತ್ತೀನಂ ಮೂಲಾಯಪಟಿಕಸ್ಸನಂ ಯಾಚತಿ. ತಂ ಸಙ್ಘೋ ಅನ್ತರಾಆಪತ್ತೀನಂ ಮೂಲಾಯ ಪಟಿಕಸ್ಸತಿ ಧಮ್ಮಿಕೇನ ಕಮ್ಮೇನ ಅಕುಪ್ಪೇನ ಠಾನಾರಹೇನ, ಧಮ್ಮೇನ ಸಮೋಧಾನಪರಿವಾಸಂ ದೇತಿ, ಅಧಮ್ಮೇನ ಮಾನತ್ತಂ ದೇತಿ, ಅಧಮ್ಮೇನ ಅಬ್ಭೇತಿ. ಸೋ, ಭಿಕ್ಖವೇ, ಭಿಕ್ಖು ಅವಿಸುದ್ಧೋ ತಾಹಿ ಆಪತ್ತೀಹಿ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಮ್ಪಿ ಅಪರಿಮಾಣಮ್ಪಿ, ಏಕನಾಮಮ್ಪಿ ನಾನಾನಾಮಮ್ಪಿ, ಸಭಾಗಮ್ಪಿ ವಿಸಭಾಗಮ್ಪಿ, ವವತ್ಥಿತಮ್ಪಿ ಸಮ್ಭಿನ್ನಮ್ಪಿ. ಸೋ ಸಙ್ಘಂ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ಯಾಚತಿ. ತಸ್ಸ ಸಙ್ಘೋ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ದೇತಿ. ಸೋ ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಅಪರಿಮಾಣಾಯೋ ಅಪ್ಪಟಿಚ್ಛನ್ನಾಯೋ…ಪೇ… ಅಪರಿಮಾಣಾಯೋ ಪಟಿಚ್ಛನ್ನಾಯೋ…ಪೇ… ಅಪರಿಮಾಣಾಯೋ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ ¶ …ಪೇ… ಪರಿಮಾಣಾಯೋಪಿ ಅಪರಿಮಾಣಾಯೋಪಿ ಅಪ್ಪಟಿಚ್ಛನ್ನಾಯೋ ¶ . ಸೋ ಸಙ್ಘಂ ಅನ್ತರಾಆಪತ್ತೀನಂ ಮೂಲಾಯಪಟಿಕಸ್ಸನಂ ಯಾಚತಿ ¶ . ತಂ ಸಙ್ಘೋ ಅನ್ತರಾಆಪತ್ತೀನಂ ಮೂಲಾಯ ಪಟಿಕಸ್ಸತಿ ಧಮ್ಮಿಕೇನ ಕಮ್ಮೇನ ಅಕುಪ್ಪೇನ ಠಾನಾರಹೇನ, ಧಮ್ಮೇನ ಸಮೋಧಾನಪರಿವಾಸಂ ದೇತಿ; ಅಧಮ್ಮೇನ ಮಾನತ್ತಂ ದೇತಿ, ಅಧಮ್ಮೇನ ಅಬ್ಭೇತಿ. ಸೋ, ಭಿಕ್ಖವೇ, ಭಿಕ್ಖು ಅವಿಸುದ್ಧೋ ತಾಹಿ ಆಪತ್ತೀಹಿ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಮ್ಪಿ ಅಪರಿಮಾಣಮ್ಪಿ, ಏಕನಾಮಮ್ಪಿ ನಾನಾನಾಮಮ್ಪಿ, ಸಭಾಗಮ್ಪಿ ವಿಸಭಾಗಮ್ಪಿ, ವವತ್ಥಿತಮ್ಪಿ ಸಮ್ಭಿನ್ನಮ್ಪಿ. ಸೋ ಸಙ್ಘಂ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ಯಾಚತಿ. ತಸ್ಸ ಸಙ್ಘೋ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ದೇತಿ. ಸೋ ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಾಯೋಪಿ ಅಪರಿಮಾಣಾಯೋಪಿ ಪಟಿಚ್ಛನ್ನಾಯೋ. ಸೋ ಸಙ್ಘಂ ಅನ್ತರಾಆಪತ್ತೀನಂ ಮೂಲಾಯಪಟಿಕಸ್ಸನಂ ಯಾಚತಿ. ತಂ ಸಙ್ಘೋ ಅನ್ತರಾಆಪತ್ತೀನಂ ಮೂಲಾಯ ಪಟಿಕಸ್ಸತಿ ಧಮ್ಮಿಕೇನ ಕಮ್ಮೇನ ಅಕುಪ್ಪೇನ ಠಾನಾರಹೇನ, ಧಮ್ಮೇನ ಸಮೋಧಾನಪರಿವಾಸಂ ದೇತಿ; ಅಧಮ್ಮೇನ ¶ ಮಾನತ್ತಂ ದೇತಿ, ಅಧಮ್ಮೇನ ಅಬ್ಭೇತಿ. ಸೋ, ಭಿಕ್ಖವೇ, ಭಿಕ್ಖು ಅವಿಸುದ್ಧೋ ತಾಹಿ ಆಪತ್ತೀಹಿ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಮ್ಪಿ ಅಪರಿಮಾಣಮ್ಪಿ, ಏಕನಾಮಮ್ಪಿ ನಾನಾನಾಮಮ್ಪಿ, ಸಭಾಗಮ್ಪಿ ವಿಸಭಾಗಮ್ಪಿ, ವವತ್ಥಿತಮ್ಪಿ ಸಮ್ಭಿನ್ನಮ್ಪಿ. ಸೋ ಸಙ್ಘಂ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ಯಾಚತಿ. ತಸ್ಸ ಸಙ್ಘೋ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ದೇತಿ. ಸೋ ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಾಯೋಪಿ ಅಪರಿಮಾಣಾಯೋಪಿ ಪಟಿಚ್ಛನ್ನಾಯೋಪಿ ¶ ಅಪ್ಪಟಿಚ್ಛನ್ನಾಯೋಪಿ. ಸೋ ಸಙ್ಘಂ ಅನ್ತರಾಆಪತ್ತೀನಂ ಮೂಲಾಯಪಟಿಕಸ್ಸನಂ ಯಾಚತಿ. ತಂ ಸಙ್ಘೋ ಅನ್ತರಾಆಪತ್ತೀನಂ ಮೂಲಾಯ ಪಟಿಕಸ್ಸತಿ ಧಮ್ಮಿಕೇನ ಕಮ್ಮೇನ ಅಕುಪ್ಪೇನ ಠಾನಾರಹೇನ; ಧಮ್ಮೇನ ಸಮೋಧಾನಪರಿವಾಸಂ ದೇತಿ; ಅಧಮ್ಮೇನ ಮಾನತ್ತಂ ದೇತಿ; ಅಧಮ್ಮೇನ ಅಬ್ಭೇತಿ. ಸೋ, ಭಿಕ್ಖವೇ, ಭಿಕ್ಖು ಅವಿಸುದ್ಧೋ ತಾಹಿ ಆಪತ್ತೀಹಿ.

ಮೂಲಾಯಅವಿಸುದ್ಧಿನವಕಂ [ಸಮೂಲಾವಿಸುದ್ಧಿನವಕಂ (ಕ.)] ನಿಟ್ಠಿತಂ.

೧೦. ದುತಿಯನವಕಂ [ಇದಂ ನವಕಂ ಪೋರಾಣಪೋತ್ಥಕೇಸು ಅವಿಸುದ್ಧಿವಸೇನೇವ ಆಗತಂ, ವುಚ್ಚಮಾನತತಿಯನವಕೇನ ಚ ಸಂಸಟ್ಠಂ. ತಂ ಪಟಿವಿಸೋಧಕೇಹಿ ಅಸಂಸಟ್ಠಂ ಕತ್ವಾ ವಿಸುಂ ಪತಿಟ್ಠಾಪಿತಂ. ಸೀಹಳಸ್ಯಾಮಪೋತ್ಥಕೇಸು ಪನ ತಂ ವಿಸುದ್ಧಿವಸೇನೇವ ಆಗತಂ. ತಂ ಪನೇವಂ ವೇದಿತಬ್ಬಂ –§೧೦- ಮೂಲಾಯವಿಸುದ್ಧಿನವಕ (ಸೀ. ಸ್ಯಾ.)§೧೮೩. ಇಧ ಪನ ಭಿಕ್ಖವೇ ಭಿಕ್ಖು ಸಮ್ಬಹುಲಾ ಸಂಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಮ್ಪಿ ಅಪರಿಮಾಣಮ್ಪಿ…ಪೇ… ವವತ್ಥಿತಮ್ಪಿ ಸಮ್ಭಿನ್ನಮ್ಪಿ. ಸೋ ಸಂಘಂ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ಯಾಚತಿ, ತಸ್ಸ ತಸ್ಸ ಸಂಘೋ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ದೇತಿ, ಸೋ ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಂಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಾಯೋ ಅಪ್ಪಟಿಚ್ಛನ್ನಾಯೋ…ಪೇ… ಪರಿಮಾಣಾಯೋ ಪಟಿಚ್ಛನ್ನಾಯೋ…ಪೇ… ಪರಿಮಾಣಾಯೋ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ. ಸೋ ಸಂಘಂ ಅನ್ತರಾಆಪತ್ತೀನಂ ಮೂಲಾಯಪಟಿಕಸ್ಸನಂ ಯಾಚತಿ, ತಂ ಸಂಘೋ ಅನ್ತರಾಆಪತ್ತೀನಂ ಮೂಲಾಯ ಪಟಿಕಸ್ಸತಿ ಧಮ್ಮಿಕೇನ ಕಮ್ಮೇನ ಅಕುಪ್ಪೇನ ಠಾನಾರಹೇನ, ಧಮ್ಮೇನ ಸಮೋಧಾನಪರಿವಾಸಂ ದೇತಿ, ಧಮ್ಮೇನ ಮಾನತ್ತಂ ದೇತಿ, ಧಮ್ಮೇನ ಅಬ್ಭೇತಿ. ಸೋ ಭಿಕ್ಖವೇ ಭಿಕ್ಖು ವಿಸುದ್ಧೋ ತಾಹಿ ಆಪತ್ತೀಹಿ. (೧-೩)§ಇಧ ಪನ ಭಿಕ್ಖವೇ ಭಿಕ್ಖು ಸಮ್ಬಹುಲಾ ಸಂಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಮ್ಪಿ ಅಪರಿಮಾಣಮ್ಪಿ…ಪೇ… ವವತ್ಥಿತಮ್ಪಿ ಸಮ್ಭಿನ್ನಮ್ಪಿ. ಸೋ ಸಂಘಂ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ಯಾಚತಿ, ತಸ್ಸ ಸಂಘೋ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ದೇತಿ, ಸೋ ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಂಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಅಪರಿಮಾಣಾಯೋ ಅಪ್ಪಟಿಚ್ಛನ್ನಾಯೋ…ಪೇ… ಅಪರಿಮಾಣಾಯೋ ಪಟಿಚ್ಛನ್ನಾಯೋ…ಪೇ… ಅಪರಿಮಾಣಾಯೋ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ. ಸೋ ಸಂಘಂ ಅನ್ತರಾಆಪತ್ತೀನಂ ಮೂಲಾಯಪಟಿಕಸ್ಸನಂ ಯಾಚತಿ, ತಂ ಸಂಘೋ ಅನ್ತರಾಆಪತ್ತೀನಂ ಮೂಲಾಯ ಪಟಿಕಸ್ಸತಿ ಧಮ್ಮಿಕೇನ ಕಮ್ಮೇನ ಅಕುಪ್ಪೇನ ಠಾನಾರಹೇನ, ಧಮ್ಮೇನ ಸಮೋಧಾನಪರಿವಾಸಂ ದೇತಿ, ಧಮ್ಮೇನ ಮಾನತ್ತಂ ದೇತಿ, ಧಮ್ಮೇನ ಅಬ್ಭೇತಿ. ಸೋ ಭಿಕ್ಖವೇ ಭಿಕ್ಖು ವಿಸುದ್ಧೋ ತಾಹಿ ಆಪತ್ತೀತಿ. (೪-೬)§ಇಧ ಪನ ಭಿಕ್ಖವೇ ಭಿಕ್ಖು ಸಮ್ಬಹುಲಾ ಸಂಘಾದಿಸೇಸಾ ಆಪತ್ತಿಯೋ ಆಪಜ್ಜತೀ ಪರಿಮಾಣಮ್ಪಿ ಅಪರಿಮಾಣಮ್ಪಿ…ಪೇ… ವವತ್ಥಿತಮ್ಪಿ ಸಮ್ಭಿನ್ನಮ್ಪಿ. ಸೋ ಸಂಘಂ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ಯಾಚತಿ, ತಸ್ಸ ಸಂಘೋ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ದೇತಿ, ಸೋ ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಂಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಾಯೋಪಿ ಅಪರಿಮಾಣಾಯೋಪಿ ಅಪ್ಪಟಿಚ್ಛನ್ನಾಯೋ…ಪೇ… ಪರಿಮಾಣಾಯೋಪಿ ಅಪರಿಮಾಣಾಯೋಪಿ ಪಟಿಚ್ಛನ್ನಾಯೋ…ಪೇ… ಪರಿಮಾಣಾಯೋಪಿ ಅಪರಿಮಾಣಾಯೋಪಿ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ. ಸೋ ಸಂಘಂ ಅನ್ತರಾಆಪತ್ತೀನಂ ಮೂಲಾಯಪಟಿಕಸ್ಸನಂ ಯಾಚತಿ, ತಂ ಸಂಘೋ ಅನ್ತರಾಆಪತ್ತೀನಂ ಮೂಲಾಯ ಪಟಿಕಸ್ಸತಿ ಧಮ್ಮಿಕೇನ ಕಮ್ಮೇನ ಅಕುಪ್ಪೇನ ಠಾನಾರಹೇನ, ಧಮ್ಮೇನ ಸಮೋಧಾನಪರಿವಾಸಂ ದೇತಿ, ಧಮ್ಮೇನ ಮಾನತ್ತಂ ದೇತಿ, ಧಮ್ಮೇನ ಅಬ್ಭೇತಿ. ಸೋ ಭಿಕ್ಖವೇ ಭಿಕ್ಖು ವಿಸುದ್ಧೋ ತಾಹಿ ಆಪತ್ತೀಹಿ. (೭-೯)§ಮೂಲಾಯ ವಿಸುದ್ಧಿನವಕಂ ನಿಟ್ಠಿತಂ.]

೧೮೩. ‘‘ಇಧ ¶ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಮ್ಪಿ ಅಪರಿಮಾಣಮ್ಪಿ…ಪೇ… ವವತ್ಥಿತಮ್ಪಿ ಸಮ್ಭಿನ್ನಮ್ಪಿ. ಸೋ ಸಙ್ಘಂ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ಯಾಚತಿ. ತಸ್ಸ ಸಙ್ಘೋ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ದೇತಿ. ಸೋ ಪರಿವಸನ್ತೋ ¶ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಾ ಅಪ್ಪಟಿಚ್ಛನ್ನಾಯೋ. ಸೋ ಸಙ್ಘಂ ಅನ್ತರಾಆಪತ್ತೀನಂ ಮೂಲಾಯಪಟಿಕಸ್ಸನಂ ಯಾಚತಿ. ತಂ ಸಙ್ಘೋ ಅನ್ತರಾಆಪತ್ತೀನಂ ಮೂಲಾಯ ಪಟಿಕಸ್ಸತಿ ಅಧಮ್ಮಿಕೇನ ಕಮ್ಮೇನ ಕುಪ್ಪೇನ ಅಟ್ಠಾನಾರಹೇನ, ಅಧಮ್ಮೇನ ಸಮೋಧಾನಪರಿವಾಸಂ ದೇತಿ; ಧಮ್ಮೇನ ಮಾನತ್ತಂ ದೇತಿ, ಧಮ್ಮೇನ ಅಬ್ಭೇತಿ. ಸೋ, ಭಿಕ್ಖವೇ, ಭಿಕ್ಖು ಅವಿಸುದ್ಧೋ ತಾಹಿ ಆಪತ್ತೀಹಿ. (೧)

ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಮ್ಪಿ ಅಪರಿಮಾಣಮ್ಪಿ…ಪೇ… ವವತ್ಥಿತಮ್ಪಿ ಸಮ್ಭಿನ್ನಮ್ಪಿ. ಸೋ ಸಙ್ಘಂ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ಯಾಚತಿ. ತಸ್ಸ ಸಙ್ಘೋ ತಾಸಂ ¶ ಆಪತ್ತೀನಂ ಸಮೋಧಾನಪರಿವಾಸಂ ದೇತಿ. ಸೋ ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಾ ಪಟಿಚ್ಛನ್ನಾಯೋ. ಸೋ ಸಙ್ಘಂ ಅನ್ತರಾಆಪತ್ತೀನಂ ಮೂಲಾಯಪಟಿಕಸ್ಸನಂ ಯಾಚತಿ. ತಂ ಸಙ್ಘೋ ಅನ್ತರಾಆಪತ್ತೀನಂ ಮೂಲಾಯ ಪಟಿಕಸ್ಸತಿ ಅಧಮ್ಮಿಕೇನ ಕಮ್ಮೇನ ಕುಪ್ಪೇನ ಅಟ್ಠಾನಾರಹೇನ ¶ , ಅಧಮ್ಮೇನ ಸಮೋಧಾನಪರಿವಾಸಂ ದೇತಿ; ಧಮ್ಮೇನ ಮಾನತ್ತಂ ದೇತಿ, ಧಮ್ಮೇನ ಅಬ್ಭೇತಿ. ಸೋ, ಭಿಕ್ಖವೇ, ಭಿಕ್ಖು ಅವಿಸುದ್ಧೋ ತಾಹಿ ಆಪತ್ತೀಹಿ. (೨)

‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಮ್ಪಿ ಅಪರಿಮಾಣಮ್ಪಿ…ಪೇ… ವವತ್ಥಿತಮ್ಪಿ ಸಮ್ಭಿನ್ನಮ್ಪಿ. ಸೋ ಸಙ್ಘಂ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ಯಾಚತಿ. ತಸ್ಸ ಸಙ್ಘೋ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ದೇತಿ. ಸೋ ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಾ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ. ಸೋ ಸಙ್ಘಂ ಅನ್ತರಾಆಪತ್ತೀನಂ ಮೂಲಾಯಪಟಿಕಸ್ಸನಂ ಯಾಚತಿ. ತಂ ಸಙ್ಘೋ ಅನ್ತರಾಆಪತ್ತೀನಂ ಮೂಲಾಯ ಪಟಿಕಸ್ಸತಿ ಅಧಮ್ಮಿಕೇನ ಕಮ್ಮೇನ ಕುಪ್ಪೇನ ಅಟ್ಠಾನಾರಹೇನ, ಅಧಮ್ಮೇನ ಸಮೋಧಾನಪರಿವಾಸಂ ದೇತಿ; ಧಮ್ಮೇನ ಮಾನತ್ತಂ ದೇತಿ, ಧಮ್ಮೇನ ಅಬ್ಭೇತಿ. ಸೋ ಭಿಕ್ಖವೇ, ಭಿಕ್ಖು ಅವಿಸುದ್ಧೋ ತಾಹಿ ಆಪತ್ತೀಹಿ. (೩)

‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಮ್ಪಿ ಅಪರಿಮಾಣಮ್ಪಿ, ಏಕನಾಮಮ್ಪಿ ನಾನಾನಾಮಮ್ಪಿ, ಸಭಾಗಮ್ಪಿ ವಿಸಭಾಗಮ್ಪಿ, ವವತ್ಥಿತಮ್ಪಿ ಸಮ್ಭಿನ್ನಮ್ಪಿ. ಸೋ ಸಙ್ಘಂ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ಯಾಚತಿ. ತಸ್ಸ ಸಙ್ಘೋ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ದೇತಿ ¶ . ಸೋ ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಅಪರಿಮಾಣಾ ಅಪ್ಪಟಿಚ್ಛನ್ನಾಯೋ…ಪೇ… ಅಪರಿಮಾಣಾ ಪಟಿಚ್ಛನ್ನಾಯೋ…ಪೇ… ಅಪರಿಮಾಣಾ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ…ಪೇ… ಪರಿಮಾಣಾಯೋಪಿ ಅಪರಿಮಾಣಾಯೋಪಿ ಅಪ್ಪಟಿಚ್ಛನ್ನಾಯೋ. ಸೋ ಸಙ್ಘಂ ಅನ್ತರಾಆಪತ್ತೀನಂ ಮೂಲಾಯಪಟಿಕಸ್ಸನಂ ಯಾಚತಿ. ತಂ ಸಙ್ಘೋ ಅನ್ತರಾಆಪತ್ತೀನಂ ಮೂಲಾಯ ಪಟಿಕಸ್ಸತಿ ಅಧಮ್ಮಿಕೇನ ಕಮ್ಮೇನ ಕುಪ್ಪೇನ ಅಟ್ಠಾನಾರಹೇನ, ಅಧಮ್ಮೇನ ಸಮೋಧಾನಪರಿವಾಸಂ ¶ ದೇತಿ; ಧಮ್ಮೇನ ಮಾನತ್ತಂ ದೇತಿ, ಧಮ್ಮೇನ ಅಬ್ಭೇತಿ. ಸೋ, ಭಿಕ್ಖವೇ, ಭಿಕ್ಖು ಅವಿಸುದ್ಧೋ ತಾಹಿ ಆಪತ್ತೀಹಿ. (೪-೭)

‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಮ್ಪಿ ಅಪರಿಮಾಣಮ್ಪಿ…ಪೇ… ವವತ್ಥಿತಮ್ಪಿ ಸಮ್ಭಿನ್ನಮ್ಪಿ. ಸೋ ಸಙ್ಘಂ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ಯಾಚತಿ. ತಸ್ಸ ಸಙ್ಘೋ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ದೇತಿ. ಸೋ ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಾಯೋಪಿ ಅಪರಿಮಾಣಾಯೋಪಿ ಪಟಿಚ್ಛನ್ನಾಯೋ. ಸೋ ಸಙ್ಘಂ ಅನ್ತರಾಆಪತ್ತೀನಂ ಮೂಲಾಯಪಟಿಕಸ್ಸನಂ ಯಾಚತಿ. ತಂ ಸಙ್ಘೋ ಅನ್ತರಾಆಪತ್ತೀನಂ ¶ ಮೂಲಾಯ ಪಟಿಕಸ್ಸತಿ ಅಧಮ್ಮಿಕೇನ ಕಮ್ಮೇನ ಕುಪ್ಪೇನ ಅಟ್ಠಾನಾರಹೇನ, ಅಧಮ್ಮೇನ ಸಮೋಧಾನಪರಿವಾಸಂ ದೇತಿ, ಧಮ್ಮೇನ ಮಾನತ್ತಂ ದೇತಿ, ಧಮ್ಮೇನ ಅಬ್ಭೇತಿ. ಸೋ, ಭಿಕ್ಖವೇ, ಭಿಕ್ಖು ಅವಿಸುದ್ಧೋ ತಾಹಿ ಆಪತ್ತೀಹಿ. (೮)

‘‘ಇಧ ¶ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಮ್ಪಿ ಅಪರಿಮಾಣಮ್ಪಿ…ಪೇ… ವವತ್ಥಿತಮ್ಪಿ ಸಮ್ಭಿನ್ನಮ್ಪಿ. ಸೋ ಸಙ್ಘಂ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ಯಾಚತಿ. ತಸ್ಸ ಸಙ್ಘೋ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ದೇತಿ. ಸೋ ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಾಯೋಪಿ ಅಪರಿಮಾಣಾಯೋಪಿ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ. ಸೋ ಸಙ್ಘಂ ಅನ್ತರಾಆಪತ್ತೀನಂ ಮೂಲಾಯಪಟಿಕಸ್ಸನಂ ಯಾಚತಿ. ತಂ ಸಙ್ಘೋ ಅನ್ತರಾಆಪತ್ತೀನಂ ಮೂಲಾಯ ಪಟಿಕಸ್ಸತಿ ಅಧಮ್ಮಿಕೇನ ಕಮ್ಮೇನ ಕುಪ್ಪೇನ ಅಟ್ಠಾನಾರಹೇನ, ಅಧಮ್ಮೇನ ಸಮೋಧಾನಪರಿವಾಸಂ ದೇತಿ; ಧಮ್ಮೇನ ಮಾನತ್ತಂ ದೇತಿ, ಧಮ್ಮೇನ ಅಬ್ಭೇತಿ. ಸೋ, ಭಿಕ್ಖವೇ, ಭಿಕ್ಖು ಅವಿಸುದ್ಧೋ ತಾಹಿ ಆಪತ್ತೀಹಿ. (೯)

ದುತಿಯನವಕಂ ನಿಟ್ಠಿತಂ.

೧೧. ತತಿಯನವಕಂ

೧೮೪. ‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಮ್ಪಿ ಅಪರಿಮಾಣಮ್ಪಿ…ಪೇ… ವವತ್ಥಿತಮ್ಪಿ ಸಮ್ಭಿನ್ನಮ್ಪಿ. ಸೋ ಸಙ್ಘಂ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ಯಾಚತಿ. ತಸ್ಸ ¶ ಸಙ್ಘೋ ತಾಸಂ ಆಪತ್ತೀನಂ ¶ ಸಮೋಧಾನಪರಿವಾಸಂ ದೇತಿ. ಸೋ ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಾಯೋ ಅಪ್ಪಟಿಚ್ಛನ್ನಾಯೋ. ಸೋ ಸಙ್ಘಂ ಅನ್ತರಾಆಪತ್ತೀನಂ ಮೂಲಾಯಪಟಿಕಸ್ಸನಂ ಯಾಚತಿ. ತಂ ಸಙ್ಘೋ ಅನ್ತರಾಆಪತ್ತೀನಂ ¶ ಮೂಲಾಯ ಪಟಿಕಸ್ಸತಿ ಅಧಮ್ಮಿಕೇನ ಕಮ್ಮೇನ ಕುಪ್ಪೇನ ಅಟ್ಠಾನಾರಹೇನ, ಅಧಮ್ಮೇನ ಸಮೋಧಾನಪರಿವಾಸಂ ದೇತಿ ¶ . ಸೋ ಪರಿವಸಾಮೀತಿ ಮಞ್ಞಮಾನೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಾಯೋ ಅಪ್ಪಟಿಚ್ಛನ್ನಾಯೋ. ಸೋ ತಸ್ಮಿಂ ಭೂಮಿಯಂ ಠಿತೋ ಪುರಿಮಾಆಪತ್ತೀನಂ ಅನ್ತರಾಆಪತ್ತಿಯೋ ಸರತಿ, ಅಪರಾಆಪತ್ತೀನಂ ಅನ್ತರಾಆಪತ್ತಿಯೋ ಸರತಿ. ತಸ್ಸ ಏವಂ ಹೋತಿ – ‘ಅಹಂ ಖೋ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ಪರಿಮಾಣಮ್ಪಿ ಅಪರಿಮಾಣಮ್ಪಿ…ಪೇ… ವವತ್ಥಿತಮ್ಪಿ ಸಮ್ಭಿನ್ನಮ್ಪಿ. ಸೋಹಂ ಸಙ್ಘಂ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ಅದಾಸಿ. ಸೋಹಂ ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ಪರಿಮಾಣಾಯೋ ಅಪ್ಪಟಿಚ್ಛನ್ನಾಯೋ. ಸೋಹಂ ಸಙ್ಘಂ ಅನ್ತರಾಆಪತ್ತೀನಂ ಮೂಲಾಯಪಟಿಕಸ್ಸನಂ ಯಾಚಿಂ. ತಂ ಮಂ ಸಙ್ಘೋ ಅನ್ತರಾಆಪತ್ತೀನಂ ಮೂಲಾಯ ಪಟಿಕಸ್ಸಿ ಅಧಮ್ಮಿಕೇನ ಕಮ್ಮೇನ ಕುಪ್ಪೇನ ಅಟ್ಠಾನಾರಹೇನ, ಅಧಮ್ಮೇನ ಸಮೋಧಾನಪರಿವಾಸಂ ಅದಾಸಿ. ಸೋಹಂ ಪರಿವಸಾಮೀತಿ ಮಞ್ಞಮಾನೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ಪರಿಮಾಣಾಯೋ ಅಪ್ಪಟಿಚ್ಛನ್ನಾಯೋ ¶ . ಸೋಹಂ ತಸ್ಮಿಂ ಭೂಮಿಯಂ ಠಿತೋ ಪುರಿಮಾಆಪತ್ತೀನಂ ಅನ್ತರಾಆಪತ್ತಿಯೋ ಸರಾಮಿ, ಅಪರಾಆಪತ್ತೀನಂ ಅನ್ತರಾಆಪತ್ತಿಯೋ ಸರಾಮಿ. ಯಂನೂನಾಹಂ ಸಙ್ಘಂ ಪುರಿಮಾಆಪತ್ತೀನಂ ಅನ್ತರಾಆಪತ್ತೀನಞ್ಚ ಅಪರಾಆಪತ್ತೀನಂ ಅನ್ತರಾಆಪತ್ತೀನಞ್ಚ ಮೂಲಾಯಪಟಿಕಸ್ಸನಂ ಯಾಚೇಯ್ಯಂ ಧಮ್ಮಿಕೇನ ಕಮ್ಮೇನ ಅಕುಪ್ಪೇನ ಠಾನಾರಹೇನ, ಧಮ್ಮೇನ ಸಮೋಧಾನಪರಿವಾಸಂ; ಧಮ್ಮೇನ ಮಾನತ್ತಂ, ಧಮ್ಮೇನ ಅಬ್ಭಾನ’ನ್ತಿ. ಸೋ ಸಙ್ಘಂ ಪುರಿಮಾಆಪತ್ತೀನಂ ಅನ್ತರಾಆಪತ್ತೀನಞ್ಚ, ಅಪರಾಆಪತ್ತೀನಂ ಅನ್ತರಾಆಪತ್ತೀನಞ್ಚ, ಮೂಲಾಯಪಟಿಕಸ್ಸನಂ ಯಾಚತಿ ಧಮ್ಮಿಕೇನ ಕಮ್ಮೇನ ಅಕುಪ್ಪೇನ ಠಾನಾರಹೇನ, ಧಮ್ಮೇನ ಸಮೋಧಾನಪರಿವಾಸಂ; ಧಮ್ಮೇನ ಮಾನತ್ತಂ, ಧಮ್ಮೇನ ಅಬ್ಭಾನಂ. ತಂ ಸಙ್ಘೋ ಪುರಿಮಾಆಪತ್ತೀನಂ ಅನ್ತರಾಆಪತ್ತೀನಞ್ಚ, ಅಪರಾಆಪತ್ತೀನಂ ಅನ್ತರಾಆಪತ್ತೀನಞ್ಚ, ಮೂಲಾಯ ಪಟಿಕಸ್ಸತಿ ಧಮ್ಮಿಕೇನ ಕಮ್ಮೇನ ಅಕುಪ್ಪೇನ ಠಾನಾರಹೇನ, ಧಮ್ಮೇನ ಸಮೋಧಾನಪರಿವಾಸಂ ದೇತಿ; ಧಮ್ಮೇನ ಮಾನತ್ತಂ ದೇತಿ, ಧಮ್ಮೇನ ಅಬ್ಭೇತಿ. ಸೋ, ಭಿಕ್ಖವೇ, ಭಿಕ್ಖು ವಿಸುದ್ಧೋ ತಾಹಿ ಆಪತ್ತೀಹಿ [ಅಯಂ ಪಠಮವಾರೋ ಸೀ ಸ್ಯಾ. ಪೋತ್ಥಕೇಸು ಪರಿಪುಣ್ಣೋ ದಿಸ್ಸತಿ].

‘‘ಇಧ ¶ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಮ್ಪಿ ಅಪರಿಮಾಣಮ್ಪಿ…ಪೇ… ವವತ್ಥಿತಮ್ಪಿ ಸಮ್ಭಿನ್ನಮ್ಪಿ. ಸೋ ಸಙ್ಘಂ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ಯಾಚತಿ. ತಸ್ಸ ಸಙ್ಘೋ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ದೇತಿ. ಸೋ ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಾ ಪಟಿಚ್ಛನ್ನಾಯೋ. ಸೋ ಸಙ್ಘಂ ಅನ್ತರಾಆಪತ್ತೀನಂ ಮೂಲಾಯಪಟಿಕಸ್ಸನಂ ಯಾಚತಿ ¶ . ತಂ ಸಙ್ಘೋ ಅನ್ತರಾಆಪತ್ತೀನಂ ಮೂಲಾಯ ಪಟಿಕಸ್ಸತಿ, ಅಧಮ್ಮಿಕೇನ ಕಮ್ಮೇನ ಕುಪ್ಪೇನ ಅಟ್ಠಾನಾರಹೇನ, ಅಧಮ್ಮೇನ ಸಮೋಧಾನಪರಿವಾಸಂ ದೇತಿ. ಸೋ ಪರಿವಸಾಮೀತಿ ಮಞ್ಞಮಾನೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಾ ಪಟಿಚ್ಛನ್ನಾಯೋ. ಸೋ ತಸ್ಮಿಂ ಭೂಮಿಯಂ ಠಿತೋ ಪುರಿಮಾಆಪತ್ತೀನಂ [ಪುರಿಮಾನಂ ಆಪತ್ತೀನಂ (ಕ.)] ಅನ್ತರಾಆಪತ್ತಿಯೋ ಸರತಿ, ಅಪರಾಆಪತ್ತೀನಂ ¶ ಅನ್ತರಾಆಪತ್ತಿಯೋ ಸರತಿ. ತಸ್ಸ ಏವಂ ಹೋತಿ – ‘ಅಹಂ ಖೋ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ಪರಿಮಾಣಮ್ಪಿ ಅಪರಿಮಾಣಮ್ಪಿ…ಪೇ… ವವತ್ಥಿತಮ್ಪಿ ಸಮ್ಭಿನ್ನಮ್ಪಿ. ಸೋಹಂ ಸಙ್ಘಂ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ಅದಾಸಿ. ಸೋಹಂ ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ಪರಿಮಾಣಾ ಪಟಿಚ್ಛನ್ನಾಯೋ. ಸೋಹಂ ಸಙ್ಘಂ ಅನ್ತರಾಆಪತ್ತೀನಂ ಮೂಲಾಯಪಟಿಕಸ್ಸನಂ ಯಾಚಿಂ. ತಂ ಮಂ ಸಙ್ಘೋ ಅನ್ತರಾಆಪತ್ತೀನಂ ಮೂಲಾಯಪಟಿಕಸ್ಸಿ, ಅಧಮ್ಮಿಕೇನ ಕಮ್ಮೇನ ಕುಪ್ಪೇನ ಅಟ್ಠಾನಾರಹೇನ, ಅಧಮ್ಮೇನ ಸಮೋಧಾನಪರಿವಾಸಂ ಅದಾಸಿ. ಸೋಹಂ ಪರಿವಸಾಮೀತಿ ಮಞ್ಞಮಾನೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ಪರಿಮಾಣಾ ಪಟಿಚ್ಛನ್ನಾಯೋ. ಸೋಹಂ ತಸ್ಮಿಂ ಭೂಮಿಯಂ ಠಿತೋ ಪುರಿಮಾಪತ್ತೀನಂ ಅನ್ತರಾಆಪತ್ತಿಯೋ ಸರಾಮಿ, ಅಪರಾಆಪತ್ತೀನಂ ಅನ್ತರಾಆಪತ್ತಿಯೋ ಸರಾಮಿ. ಯಂನೂನಾಹಂ ಸಙ್ಘಂ ಪುರಿಮಾಪತ್ತೀನಂ ಅನ್ತರಾಆಪತ್ತೀನಞ್ಚ, ಅಪರಾ ಆಪತ್ತೀನಂ ಅನ್ತರಾಆಪತ್ತೀನಞ್ಚ, ಮೂಲಾಯಪಟಿಕಸ್ಸನಂ ಯಾಚೇಯ್ಯಂ ¶ ಧಮ್ಮಿಕೇನ ಕಮ್ಮೇನ ಅಕುಪ್ಪೇನ ಠಾನಾರಹೇನ, ಧಮ್ಮೇನ ಸಮೋಧಾನಪರಿವಾಸಂ, ಧಮ್ಮೇನ ಮಾನತ್ತಂ, ಧಮ್ಮೇನ ಅಬ್ಭಾನ’ನ್ತಿ. ಸೋ ಸಙ್ಘಂ ಪುರಿಮಾಪತ್ತೀನಂ ಅನ್ತರಾಆಪತ್ತೀನಞ್ಚ, ಅಪರಾಆಪತ್ತೀನಂ ಅನ್ತರಾಆಪತ್ತೀನಞ್ಚ ಮೂಲಾಯಪಟಿಕಸ್ಸನಂ ಯಾಚತಿ ಧಮ್ಮಿಕೇನ ಕಮ್ಮೇನ ಅಕುಪ್ಪೇನ ಠಾನಾರಹೇನ, ಧಮ್ಮೇನ ಸಮೋಧಾನಪರಿವಾಸಂ, ಧಮ್ಮೇನ ಮಾನತ್ತಂ, ಧಮ್ಮೇನ ಅಬ್ಭಾನಂ. ತಂ ಸಙ್ಘೋ ಪುರಿಮಾಪತ್ತೀನಂ ಅನ್ತರಾಆಪತ್ತೀನಞ್ಚ, ಅಪರಾಆಪತ್ತೀನಂ ಅನ್ತರಾಆಪತ್ತೀನಞ್ಚ, ಮೂಲಾಯ ಪಟಿಕಸ್ಸತಿ ಧಮ್ಮಿಕೇನ ¶ ಕಮ್ಮೇನ ಅಕುಪ್ಪೇನ ಠಾನಾರಹೇನ, ಧಮ್ಮೇನ ಸಮೋಧಾನಪರಿವಾಸಂ ದೇತಿ, ಧಮ್ಮೇನ ಮಾನತ್ತಂ ದೇತಿ, ಧಮ್ಮೇನ ಅಬ್ಭೇತಿ. ಸೋ, ಭಿಕ್ಖವೇ, ಭಿಕ್ಖು ವಿಸುದ್ಧೋ ತಾಹಿ ಆಪತ್ತೀಹಿ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಮ್ಪಿ ಅಪರಿಮಾಣಮ್ಪಿ…ಪೇ… ವವತ್ಥಿತಮ್ಪಿ ಸಮ್ಭಿನ್ನಮ್ಪಿ. ಸೋ ಸಙ್ಘಂ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ಯಾಚತಿ. ತಸ್ಸ ಸಙ್ಘೋ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ದೇತಿ. ಸೋ ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಾ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ. ಸೋ ಸಙ್ಘಂ ಅನ್ತರಾಆಪತ್ತೀನಂ ಮೂಲಾಯಪಟಿಕಸ್ಸನಂ ಯಾಚತಿ. ತಂ ಸಙ್ಘೋ ಅನ್ತರಾಆಪತ್ತೀನಂ ಮೂಲಾಯ ಪಟಿಕಸ್ಸತಿ ಅಧಮ್ಮಿಕೇನ ಕಮ್ಮೇನ ಕುಪ್ಪೇನ ಅಟ್ಠಾನಾರಹೇನ, ಅಧಮ್ಮೇನ ಸಮೋಧಾನಪರಿವಾಸಂ ¶ ದೇತಿ. ಸೋ ಪರಿವಸಾಮೀತಿ ಮಞ್ಞಮಾನೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಾ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ. ಸೋ ತಸ್ಮಿಂ ಭೂಮಿಯಂ ಠಿತೋ ಪುರಿಮಾಪತ್ತೀನಂ ಅನ್ತರಾಆಪತ್ತಿಯೋ ಸರತಿ, ಅಪರಾಆಪತ್ತೀನಂ ಅನ್ತರಾಆಪತ್ತಿಯೋ ಸರತಿ. ತಸ್ಸ ಏವಂ ಹೋತಿ – ‘ಅಹಂ ಖೋ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ಪರಿಮಾಣಮ್ಪಿ ಅಪರಿಮಾಣಮ್ಪಿ…ಪೇ… ವವತ್ಥಿತಮ್ಪಿ ಸಮ್ಭಿನ್ನಮ್ಪಿ. ಸೋಹಂ ಸಙ್ಘಂ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ಅದಾಸಿ. ಸೋಹಂ ಪರಿವಸನ್ತೋ ಅನ್ತರಾ ಸಮ್ಬಹುಲಾ ¶ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ಪರಿಮಾಣಾ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ. ಸೋಹಂ ಸಙ್ಘಂ ಅನ್ತರಾಆಪತ್ತೀನಂ ಮೂಲಾಯಪಟಿಕಸ್ಸನಂ ಯಾಚಿಂ. ತಂ ಮಂ ಸಙ್ಘೋ ಅನ್ತರಾಆಪತ್ತೀನಂ ಮೂಲಾಯ ಪಟಿಕಸ್ಸಿ ಅಧಮ್ಮಿಕೇನ ಕಮ್ಮೇನ ಕುಪ್ಪೇನ ಅಟ್ಠಾನಾರಹೇನ, ಅಧಮ್ಮೇನ ಸಮೋಧಾನಪರಿವಾಸಂ ಅದಾಸಿ. ಸೋಹಂ ಪರಿವಸಾಮೀತಿ ಮಞ್ಞಮಾನೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ಪರಿಮಾಣಾ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ. ಸೋಹಂ ತಸ್ಮಿಂ ಭೂಮಿಯಂ ಠಿತೋ ಪುರಿಮಾಪತ್ತೀನಂ ಅನ್ತರಾಆಪತ್ತಿಯೋ ಸರಾಮಿ, ಅಪರಾಆಪತ್ತೀನಂ ಅನ್ತರಾಆಪತ್ತಿಯೋ ಸರಾಮಿ. ಯಂನೂನಾಹಂ ಸಙ್ಘಂ ಪುರಿಮಾಪತ್ತೀನಂ ಅನ್ತರಾಆಪತ್ತೀನಞ್ಚ, ಅಪರಾಆಪತ್ತೀನಂ ಅನ್ತರಾಆಪತ್ತೀನಞ್ಚ, ಮೂಲಾಯಪಟಿಕಸ್ಸನಂ ಯಾಚೇಯ್ಯಂ ಧಮ್ಮಿಕೇನ ಕಮ್ಮೇನ ಅಕುಪ್ಪೇನ ಠಾನಾರಹೇನ, ಧಮ್ಮೇನ ಸಮೋಧಾನಪರಿವಾಸಂ, ಧಮ್ಮೇನ ಮಾನತ್ತಂ, ಧಮ್ಮೇನ ಅಬ್ಭಾನ’ನ್ತಿ. ಸೋ ಸಙ್ಘಂ ಪುರಿಮಾಪತ್ತೀನಂ ಅನ್ತರಾ ಆಪತ್ತೀನಞ್ಚ, ಅಪರಾ ಆಪತ್ತೀನಂ ಅನ್ತರಾ ಆಪತ್ತೀನಞ್ಚ, ಮೂಲಾಯಪಟಿಕಸ್ಸನಂ ¶ ಯಾಚತಿ ಧಮ್ಮಿಕೇನ ಕಮ್ಮೇನ ಅಕುಪ್ಪೇನ ಠಾನಾರಹೇನ, ಧಮ್ಮೇನ ಸಮೋಧಾನಪರಿವಾಸಂ, ಧಮ್ಮೇನ ಮಾನತ್ತಂ, ಧಮ್ಮೇನ ಅಬ್ಭಾನಂ. ತಂ ಸಙ್ಘೋ ಪುರಿಮಾಪತ್ತೀನಂ ಅನ್ತರಾ ಆಪತ್ತೀನಞ್ಚ, ಅಪರಾ ಆಪತ್ತೀನಂ ಅನ್ತರಾ ಆಪತ್ತೀನಞ್ಚ, ಮೂಲಾಯ ಪಟಿಕಸ್ಸತಿ ಧಮ್ಮಿಕೇನ ಕಮ್ಮೇನ ಅಕುಪ್ಪೇನ ಠಾನಾರಹೇನ, ಧಮ್ಮೇನ ಸಮೋಧಾನಪರಿವಾಸಂ ದೇತಿ, ಧಮ್ಮೇನ ಮಾನತ್ತಂ ದೇತಿ, ಧಮ್ಮೇನ ಅಬ್ಭೇತಿ. ಸೋ, ಭಿಕ್ಖವೇ, ಭಿಕ್ಖು ವಿಸುದ್ಧೋ ತಾಹಿ ಆಪತ್ತೀಹಿ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಮ್ಪಿ ಅಪರಿಮಾಣಮ್ಪಿ…ಪೇ… ವವತ್ಥಿತಮ್ಪಿ ಸಮ್ಭಿನ್ನಮ್ಪಿ. ಸೋ ಸಙ್ಘಂ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ಯಾಚತಿ. ತಸ್ಸ ಸಙ್ಘೋ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ದೇತಿ. ಸೋ ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಅಪರಿಮಾಣಾಯೋ ಅಪ್ಪಟಿಚ್ಛನ್ನಾಯೋ…ಪೇ… ಅಪರಿಮಾಣಾಯೋ ಪಟಿಚ್ಛನ್ನಾಯೋ…ಪೇ… ಅಪರಿಮಾಣಾಯೋ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ…ಪೇ… ಪರಿಮಾಣಾಯೋಪಿ ಅಪರಿಮಾಣಾಯೋಪಿ ಅಪ್ಪಟಿಚ್ಛನ್ನಾಯೋ. ಸೋ ಸಙ್ಘಂ ಅನ್ತರಾಆಪತ್ತೀನಂ ಮೂಲಾಯಪಟಿಕಸ್ಸನಂ ¶ ಯಾಚತಿ. ತಂ ಸಙ್ಘೋ ಅನ್ತರಾಆಪತ್ತೀನಂ ಮೂಲಾಯ ಪಟಿಕಸ್ಸಿ ಅಧಮ್ಮಿಕೇನ ಕಮ್ಮೇನ ಕುಪ್ಪೇನ ಅಟ್ಠಾನಾರಹೇನ, ಅಧಮ್ಮೇನ ಸಮೋಧಾನಪರಿವಾಸಂ ದೇತಿ. ಸೋ ಪರಿವಸಾಮೀತಿ ಮಞ್ಞಮಾನೋ…ಪೇ… ತಂ ಸಙ್ಘೋ ಪುರಿಮಾ ಆಪತ್ತೀನಂ ಅನ್ತರಾಆಪತ್ತೀನಞ್ಚ, ಅಪರಾಆಪತ್ತೀನಂ ಅನ್ತರಾಆಪತ್ತೀನಞ್ಚ, ಮೂಲಾಯ ಪಟಿಕಸ್ಸತಿ ಧಮ್ಮಿಕೇನ ಕಮ್ಮೇನ ಅಕುಪ್ಪೇನ ಠಾನಾರಹೇನ, ಧಮ್ಮೇನ ಸಮೋಧಾನಪರಿವಾಸಂ ದೇತಿ, ಧಮ್ಮೇನ ಮಾನತ್ತಂ ದೇತಿ, ಧಮ್ಮೇನ ಅಬ್ಭೇತಿ. ಸೋ, ಭಿಕ್ಖವೇ, ಭಿಕ್ಖು ವಿಸುದ್ಧೋ ತಾಹಿ ಆಪತ್ತೀಹಿ [ಇಮೇಪಿ ಚತ್ತಾರೋ ವಾರಾ ಸೀ. ಸ್ಯಾ. ಪೋತ್ಥಕೇಸು ಪರಿಪುಣ್ಣಾ ದಿಸ್ಸನ್ತಿ].

‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಮ್ಪಿ ಅಪರಿಮಾಣಮ್ಪಿ…ಪೇ… ವವತ್ಥಿತಮ್ಪಿ ಸಮ್ಭಿನ್ನಮ್ಪಿ. ಸೋ ಸಙ್ಘಂ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ¶ ಯಾಚತಿ. ತಸ್ಸ ಸಙ್ಘೋ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ದೇತಿ. ಸೋ ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಾಯೋಪಿ ¶ ಅಪರಿಮಾಣಾಯೋಪಿ ಪಟಿಚ್ಛನ್ನಾಯೋ. ಸೋ ಸಙ್ಘಂ ಅನ್ತರಾಆಪತ್ತೀನಂ ಮೂಲಾಯಪಟಿಕಸ್ಸನಂ ಯಾಚತಿ. ತಂ ಸಙ್ಘೋ ಅನ್ತರಾಆಪತ್ತೀನಂ ಮೂಲಾಯ ಪಟಿಕಸ್ಸತಿ ಅಧಮ್ಮಿಕೇನ ಕಮ್ಮೇನ ಕುಪ್ಪೇನ ಅಟ್ಠಾನಾರಹೇನ, ಅಧಮ್ಮೇನ ಸಮೋಧಾನಪರಿವಾಸಂ ದೇತಿ. ಸೋ ಪರಿವಸಾಮೀತಿ ಮಞ್ಞಮಾನೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ¶ ಆಪತ್ತಿಯೋ ಆಪಜ್ಜತಿ ಪರಿಮಾಣಾಯೋಪಿ ಅಪರಿಮಾಣಾಯೋಪಿ ಪಟಿಚ್ಛನ್ನಾಯೋ. ಸೋ ತಸ್ಮಿಂ ಭೂಮಿಯಂ ಠಿತೋ ಪುರಿಮಾ ಆಪತ್ತೀನಂ ಅನ್ತರಾಆಪತ್ತಿಯೋ ಸರತಿ, ಅಪರಾಆಪತ್ತೀನಂ ಅನ್ತರಾಆಪತ್ತಿಯೋ ಸರತಿ. ತಸ್ಸ ಏವಂ ಹೋತಿ – ‘ಅಹಂ ಖೋ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ಪರಿಮಾಣಮ್ಪಿ ಅಪರಿಮಾಣಮ್ಪಿ…ಪೇ… ವವತ್ಥಿತಮ್ಪಿ ಸಮ್ಭಿನ್ನಮ್ಪಿ. ಸೋಹಂ ಸಙ್ಘಂ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ಅದಾಸಿ. ಸೋಹಂ ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ಪರಿಮಾಣಾಯೋಪಿ ಅಪರಿಮಾಣಾಯೋಪಿ ಪಟಿಚ್ಛನ್ನಾಯೋ. ಸೋಹಂ ಸಙ್ಘಂ ಅನ್ತರಾಆಪತ್ತೀನಂ ಮೂಲಾಯಪಟಿಕಸ್ಸನಂ ಯಾಚಿಂ. ತಂ ಮಂ ಸಙ್ಘೋ ಅನ್ತರಾಆಪತ್ತೀನಂ ಮೂಲಾಯಪಟಿಕಸ್ಸಿ ಅಧಮ್ಮಿಕೇನ ಕಮ್ಮೇನ ಕುಪ್ಪೇನ ಅಟ್ಠಾನಾರಹೇನ, ಅಧಮ್ಮೇನ ಸಮೋಧಾನಪರಿವಾಸಂ ಅದಾಸಿ. ಸೋಹಂ ಪರಿವಸಾಮೀತಿ ಮಞ್ಞಮಾನೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ಪರಿಮಾಣಾಯೋಪಿ ಅಪರಿಮಾಣಾಯೋಪಿ ಪಟಿಚ್ಛನ್ನಾಯೋ. ಸೋಹಂ ತಸ್ಮಿಂ ಭೂಮಿಯಂ ಠಿತೋ ಪುರಿಮಾ ಆಪತ್ತೀನಂ ಅನ್ತರಾಆಪತ್ತಿಯೋ ಸರಾಮಿ, ಅಪರಾಆಪತ್ತೀನಂ ಅನ್ತರಾಆಪತ್ತಿಯೋ ಸರಾಮಿ. ಯಂನೂನಾಹಂ ಸಙ್ಘಂ ಪುರಿಮಾ ಆಪತ್ತೀನಂ ಅನ್ತರಾ ಪತ್ತೀನಞ್ಚ, ಅಪರಾಆಪತ್ತೀನ ¶ ಅನ್ತರಾಆಪತ್ತೀನಞ್ಚ, ಮೂಲಾಯಪಟಿಕಸ್ಸನಂ ಯಾಚೇಯ್ಯಂ ಧಮ್ಮಿಕೇನ ಕಮ್ಮೇನ ಅಕುಪ್ಪೇನ ಠಾನಾರಹೇನ, ಧಮ್ಮೇನ ಸಮೋಧಾನಪರಿವಾಸಂ, ಧಮ್ಮೇನ ಮಾನತ್ತಂ, ಧಮ್ಮೇನ ಅಬ್ಭಾನ’ನ್ತಿ. ಸೋ ಸಙ್ಘಂ ಪುರಿಮಾ ಆಪತ್ತೀನಂ ಅನ್ತರಾಆಪತ್ತೀನಞ್ಚ, ಅಪರಾಆಪತ್ತೀನಂ ಅನ್ತರಾಆಪತ್ತೀನಞ್ಚ, ಮೂಲಾಯಪಟಿಕಸ್ಸನಂ ಯಾಚತಿ ಧಮ್ಮಿಕೇನ ಕಮ್ಮೇನ ಅಕುಪ್ಪೇನ ಠಾನಾರಹೇನ, ಧಮ್ಮೇನ ಸಮೋಧಾನಪರಿವಾಸಂ, ಧಮ್ಮೇನ ಮಾನತ್ತಂ, ಧಮ್ಮೇನ ಅಬ್ಭಾನಂ. ತಂ ಸಙ್ಘೋ ಪುರಿಮಾ ಆಪತ್ತೀನಂ ಅನ್ತರಾಆಪತ್ತೀನಞ್ಚ, ಅಪರಾಆಪತ್ತೀನಂ ಅನ್ತರಾಆಪತ್ತೀನಞ್ಚ, ಮೂಲಾಯ ಪಟಿಕಸ್ಸತಿ ಧಮ್ಮಿಕೇನ ಕಮ್ಮೇನ ಅಕುಪ್ಪೇನ ಠಾನಾರಹೇನ, ಧಮ್ಮೇನ ಸಮೋಧಾನಪರಿವಾಸಂ ದೇತಿ, ಧಮ್ಮೇನ ಮಾನತ್ತಂ ದೇತಿ, ಧಮ್ಮೇನ ಅಬ್ಭೇತಿ. ಸೋ, ಭಿಕ್ಖವೇ, ಭಿಕ್ಖು ವಿಸುದ್ಧೋ ತಾಹಿ ಆಪತ್ತೀಹಿ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಮ್ಪಿ ಅಪರಿಮಾಣಮ್ಪಿ…ಪೇ… ವವತ್ಥಿತಮ್ಪಿ ಸಮ್ಭಿನ್ನಮ್ಪಿ. ಸೋ ಸಙ್ಘಂ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ಯಾಚತಿ. ತಸ್ಸ ಸಙ್ಘೋ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ದೇತಿ. ಸೋ ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಾಯೋಪಿ ಅಪರಿಮಾಣಾಯೋಪಿ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ. ಸೋ ಸಙ್ಘಂ ಅನ್ತರಾಆಪತ್ತೀನಂ ¶ ಮೂಲಾಯಪಟಿಕಸ್ಸನಂ ¶ ಯಾಚತಿ. ತಂ ಸಙ್ಘೋ ಅನ್ತರಾಆಪತ್ತೀನಂ ಮೂಲಾಯ ಪಟಿಕಸ್ಸತಿ ಅಧಮ್ಮಿಕೇನ ಕಮ್ಮೇನ ಕುಪ್ಪೇನ ಅಟ್ಠಾನಾರಹೇನ, ಅಧಮ್ಮೇನ ಸಮೋಧಾನಪರಿವಾಸಂ ದೇತಿ. ಸೋ ಪರಿವಸಾಮೀತಿ ಮಞ್ಞಮಾನೋ ¶ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜತಿ ಪರಿಮಾಣಾಯೋಪಿ ಅಪರಿಮಾಣಾಯೋಪಿ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ. ಸೋ ತಸ್ಮಿಂ ಭೂಮಿಯಂ ಠಿತೋ ಪುರಿಮಾ ಆಪತ್ತೀನಂ ಅನ್ತರಾಆಪತ್ತಿಯೋ ಸರತಿ, ಅಪರಾಆಪತ್ತೀನಂ ಅನ್ತರಾಆಪತ್ತಿಯೋ ಸರತಿ. ತಸ್ಸ ಏವಂ ಹೋತಿ – ‘ಅಹಂ ಖೋ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ಪರಿಮಾಣಮ್ಪಿ ಅಪರಿಮಾಣಮ್ಪಿ…ಪೇ… ವವತ್ಥಿತಮ್ಪಿ ಸಮ್ಭಿನ್ನಮ್ಪಿ. ಸೋಹಂ ಸಙ್ಘಂ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ಯಾಚಿಂ. ತಸ್ಸ ಮೇ ಸಙ್ಘೋ ತಾಸಂ ಆಪತ್ತೀನಂ ಸಮೋಧಾನಪರಿವಾಸಂ ಅದಾಸಿ. ಸೋಹಂ ಪರಿವಸನ್ತೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ಪರಿಮಾಣಾಯೋಪಿ ಅಪರಿಮಾಣಾಯೋಪಿ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ. ಸೋಹಂ ಸಙ್ಘಂ ಅನ್ತರಾಆಪತ್ತೀನಂ ಮೂಲಾಯಪಟಿಕಸ್ಸನಂ ಯಾಚಿಂ. ತಂ ಮಂ ಸಙ್ಘೋ ಅನ್ತರಾಆಪತ್ತೀನಂ ಮೂಲಾಯ ಪಟಿಕಸ್ಸಿ ಅಧಮ್ಮಿಕೇನ ಕಮ್ಮೇನ ಕುಪ್ಪೇನ ಅಟ್ಠಾನಾರಹೇನ, ಅಧಮ್ಮೇನ ಸಮೋಧಾನಪರಿವಾಸಂ ಅದಾಸಿ. ಸೋಹಂ ಪರಿವಸಾಮೀತಿ ಮಞ್ಞಮಾನೋ ಅನ್ತರಾ ಸಮ್ಬಹುಲಾ ಸಙ್ಘಾದಿಸೇಸಾ ಆಪತ್ತಿಯೋ ಆಪಜ್ಜಿಂ ಪರಿಮಾಣಾಯೋಪಿ ಅಪರಿಮಾಣಾಯೋಪಿ ಪಟಿಚ್ಛನ್ನಾಯೋಪಿ ಅಪ್ಪಟಿಚ್ಛನ್ನಾಯೋಪಿ. ಸೋಹಂ ತಸ್ಮಿಂ ಭೂಮಿಯಂ ಠಿತೋ ಪುರಿಮಾ ಆಪತ್ತೀನಂ ಅನ್ತರಾಆಪತ್ತಿಯೋ ಸರಾಮಿ, ಅಪರಾಆಪತ್ತೀನಂ ಅನ್ತರಾಆಪತ್ತಿಯೋ ಸರಾಮಿ. ಯಂನೂನಾಹಂ ಸಙ್ಘಂ ಪುರಿಮಾಪತ್ತೀನಂ ಅನ್ತರಾಆಪತ್ತೀನಞ್ಚ, ಅಪರಾಆಪತ್ತೀನಂ ಅನ್ತರಾಆಪತ್ತೀನಞ್ಚ, ಮೂಲಾಯಪಟಿಕಸ್ಸನಂ ಯಾಚೇಯ್ಯಂ ಧಮ್ಮಿಕೇನ ಕಮ್ಮೇನ ಅಕುಪ್ಪೇನ ಠಾನಾರಹೇನ, ಧಮ್ಮೇನ ¶ ಸಮೋಧಾನಪರಿವಾಸಂ, ಧಮ್ಮೇನ ಮಾನತ್ತಂ, ಧಮ್ಮೇನ ಅಬ್ಭಾನ’ನ್ತಿ. ಸೋ ಸಙ್ಘಂ ಪುರಿಮಾ ಆಪತ್ತೀನಂ ಅನ್ತರಾಆಪತ್ತೀನಞ್ಚ, ಅಪರಾಆಪತ್ತೀನಂ ಅನ್ತರಾಆಪತ್ತೀನಞ್ಚ, ಮೂಲಾಯ ಪಟಿಕಸ್ಸನಂ ಯಾಚತಿ ಧಮ್ಮಿಕೇನ ಕಮ್ಮೇನ ಅಕುಪ್ಪೇನ ಠಾನಾರಹೇನ, ಧಮ್ಮೇನ ಸಮೋಧಾನಪರಿವಾಸಂ, ಧಮ್ಮೇನ ಮಾನತ್ತಂ, ಧಮ್ಮೇನ ಅಬ್ಭಾನಂ. ತಂ ಸಙ್ಘೋ ಪುರಿಮಾ ಆಪತ್ತೀನಂ ಅನ್ತರಾ ಆಪತ್ತೀನಞ್ಚ, ಅಪರಾ ಆಪತ್ತೀನಂ ಅನ್ತರಾ ಆಪತ್ತೀನಞ್ಚ, ಮೂಲಾಯ ಪಟಿಕಸ್ಸತಿ ಧಮ್ಮಿಕೇನ ಕಮ್ಮೇನ ಅಕುಪ್ಪೇನ ಠಾನಾರಹೇನ, ಧಮ್ಮೇನ ಸಮೋಧಾನಪರಿವಾಸಂ ದೇತಿ, ಧಮ್ಮೇನ ಮಾನತ್ತಂ ದೇತಿ, ಧಮ್ಮೇನ ಅಬ್ಭೇತಿ. ಸೋ, ಭಿಕ್ಖವೇ, ಭಿಕ್ಖು ವಿಸುದ್ಧೋ ತಾಹಿ ಆಪತ್ತೀಹಿ’’.

ತತಿಯನವಕಂ ನಿಟ್ಠಿತಂ.

ಸಮುಚ್ಚಯಕ್ಖನ್ಧಕೋ ತತಿಯೋ.

ತಸ್ಸುದ್ದಾನಂ –

ಅಪ್ಪಟಿಚ್ಛನ್ನಾ ¶ ಏಕಾಹ-ದ್ವೀಹ-ತೀಹ-ಚತೂಹ ಚ;

ಪಞ್ಚಾಹಪಕ್ಖದಸನ್ನಂ, ಆಪತ್ತಿಮಾಹ ಮಹಾಮುನಿ.

ಸುದ್ಧನ್ತೋ ¶ ಚ ವಿಬ್ಭಮನ್ತೋ, ಪರಿಮಾಣಮುಖಂ ದ್ವೇ ಭಿಕ್ಖೂ;

ತತ್ಥ ಸಞ್ಞಿನೋ ದ್ವೇ ಯಥಾ, ವೇಮತಿಕಾ ತಥೇವ ಚ.

ಮಿಸ್ಸಕದಿಟ್ಠಿನೋ ¶ ದ್ವೇ ಚ, ಅಸುದ್ಧಕೇಕದಿಟ್ಠಿನೋ;

ದ್ವೇ ಚೇವ ಸುದ್ಧದಿಟ್ಠಿನೋ.

ತಥೇವ ಚ ಏಕೋ ಛಾದೇತಿ, ಅಥ ಮಕ್ಖಮತೇನ ಚ;

ಉಮ್ಮತ್ತಕದೇಸನಞ್ಚ, ಮೂಲಾ ಅಟ್ಠಾರಸ [ಪನ್ನರಸ (ಕ.)] ವಿಸುದ್ಧತೋ.

ಆಚರಿಯಾನಂ ವಿಭಜ್ಜಪದಾನಂ [ವಿಭಜ್ಜವಾದೀನಂ (ಸೀ.)], ತಮ್ಬಪಣ್ಣಿದೀಪಪಸಾದಕಾನಂ;

ಮಹಾವಿಹಾರವಾಸೀನಂ, ವಾಚನಾ ಸದ್ಧಮ್ಮಟ್ಠಿತಿಯಾತಿ.

ಸಮುಚ್ಚಯಕ್ಖನ್ಧಕಂ ನಿಟ್ಠಿತಂ.

೪. ಸಮಥಕ್ಖನ್ಧಕಂ

೧. ಸಮ್ಮುಖಾವಿನಯೋ

೧೮೫. ತೇನ ¶ ¶ ¶ ¶ ಸಮಯೇನ ಬುದ್ಧೋ ಭಗವಾ ಸಾವತ್ಥಿಯಂ ವಿಹರತಿ ಜೇತವನೇ ಅನಾಥಪಿಣ್ಡಿಕಸ್ಸ ಆರಾಮೇ. ತೇನ ಖೋ ಪನ ಸಮಯೇನ ಛಬ್ಬಗ್ಗಿಯಾ ಭಿಕ್ಖೂ ಅಸಮ್ಮುಖೀಭೂತಾನಂ ಭಿಕ್ಖೂನಂ ಕಮ್ಮಾನಿ ಕರೋನ್ತಿ – ತಜ್ಜನೀಯಮ್ಪಿ, ನಿಯಸ್ಸಮ್ಪಿ, ಪಬ್ಬಾಜನೀಯಮ್ಪಿ, ಪಟಿಸಾರಣೀಯಮ್ಪಿ, ಉಕ್ಖೇಪನೀಯಮ್ಪಿ. ಯೇ ತೇ ಭಿಕ್ಖೂ ಅಪ್ಪಿಚ್ಛಾ…ಪೇ… ತೇ ಉಜ್ಝಾಯನ್ತಿ ಖಿಯ್ಯನ್ತಿ ವಿಪಾಚೇನ್ತಿ – ‘‘ಕಥಞ್ಹಿ ನಾಮ ಛಬ್ಬಗ್ಗಿಯಾ ಭಿಕ್ಖೂ ಅಸಮ್ಮುಖೀಭೂತಾನಂ ಭಿಕ್ಖೂನಂ ಕಮ್ಮಾನಿ ಕರಿಸ್ಸನ್ತಿ – ತಜ್ಜನೀಯಮ್ಪಿ, ನಿಯಸ್ಸಮ್ಪಿ, ಪಬ್ಬಾಜನೀಯಮ್ಪಿ, ಪಟಿಸಾರಣೀಯಮ್ಪಿ, ಉಕ್ಖೇಪನೀಯಮ್ಪೀ’’ತಿ! ಅಥ ಖೋ ತೇ ಭಿಕ್ಖೂ ಭಗವತೋ ಏತಮತ್ಥಂ ಆರೋಚೇಸುಂ…ಪೇ… ‘‘ಸಚ್ಚಂ ಕಿರ, ಭಿಕ್ಖವೇ, ಛಬ್ಬಗ್ಗಿಯಾ ಭಿಕ್ಖೂ ಅಸಮ್ಮುಖೀಭೂತಾನಂ ಭಿಕ್ಖೂನಂ ಕಮ್ಮಾನಿ ಕರೋನ್ತಿ – ತಜ್ಜನೀಯಮ್ಪಿ, ನಿಯಸ್ಸಮ್ಪಿ, ಪಬ್ಬಾಜನೀಯಮ್ಪಿ, ಪಟಿಸಾರಣೀಯಮ್ಪಿ, ಉಕ್ಖೇಪನೀಯಮ್ಪೀ’’ತಿ? ‘‘ಸಚ್ಚಂ ಭಗವಾ’’ತಿ. ವಿಗರಹಿ ಬುದ್ಧೋ ಭಗವಾ – ‘‘ಅನನುಚ್ಛವಿಕಂ, ಭಿಕ್ಖವೇ, ತೇಸಂ ಮೋಘಪುರಿಸಾನಂ ಅನನುಲೋಮಿಕಂ ಅಪ್ಪತಿರೂಪಂ ಅಸ್ಸಾಮಣಕಂ ಅಕಪ್ಪಿಯಂ ಅಕರಣೀಯಂ. ಕಥಞ್ಹಿ ನಾಮ ತೇ, ಭಿಕ್ಖವೇ, ಮೋಘಪುರಿಸಾ ಅಸಮ್ಮುಖೀಭೂತಾನಂ ಭಿಕ್ಖೂನಂ ಕಮ್ಮಾನಿ ಕರಿಸ್ಸನ್ತಿ – ತಜ್ಜನೀಯಮ್ಪಿ, ನಿಯಸ್ಸಮ್ಪಿ, ಪಬ್ಬಾಜನೀಯಮ್ಪಿ, ಪಟಿಸಾರಣೀಯಮ್ಪಿ, ಉಕ್ಖೇಪನೀಯಮ್ಪಿ! ನೇತಂ, ಭಿಕ್ಖವೇ, ಅಪ್ಪಸನ್ನಾನಂ ವಾ ಪಸಾದಾಯ…ಪೇ… ವಿಗರಹಿತ್ವಾ…ಪೇ… ಧಮ್ಮಿಂ ಕಥಂ ಕತ್ವಾ ಭಿಕ್ಖೂ ಆಮನ್ತೇಸಿ – ನ, ಭಿಕ್ಖವೇ, ಅಸಮ್ಮುಖೀಭೂತಾನಂ ಭಿಕ್ಖೂನಂ ಕಮ್ಮಂ ಕಾತಬ್ಬಂ – ತಜ್ಜನೀಯಂ ವಾ, ನಿಯಸ್ಸಂ ವಾ, ಪಬ್ಬಾಜನೀಯಂ ವಾ, ಪಟಿಸಾರಣೀಯಂ ವಾ, ಉಕ್ಖೇಪನೀಯಂ ವಾ. ಯೋ ಕರೇಯ್ಯ ¶ , ಆಪತ್ತಿ ದುಕ್ಕಟಸ್ಸ.

೧೮೬. ‘‘ಅಧಮ್ಮವಾದೀ ಪುಗ್ಗಲೋ ಅಧಮ್ಮವಾದೀ ಸಮ್ಬಹುಲಾ ಅಧಮ್ಮವಾದೀ ಸಙ್ಘೋ. ಧಮ್ಮವಾದೀ ಪುಗ್ಗಲೋ ಧಮ್ಮವಾದೀ ಸಮ್ಬಹುಲಾ ಧಮ್ಮವಾದೀ ಸಙ್ಘೋ.

ಕಣ್ಹಪಕ್ಖನವಕಂ

೧೮೭. ‘‘ಅಧಮ್ಮವಾದೀ ¶ ಪುಗ್ಗಲೋ ಧಮ್ಮವಾದಿಂ ಪುಗ್ಗಲಂ ಸಞ್ಞಾಪೇತಿ ನಿಜ್ಝಾಪೇತಿ ಪೇಕ್ಖೇತಿ ಅನುಪೇಕ್ಖೇತಿ ದಸ್ಸೇತಿ ಅನುದಸ್ಸೇತಿ – ಅಯಂ ಧಮ್ಮೋ, ಅಯಂ ವಿನಯೋ, ಇದಂ ಸತ್ಥುಸಾಸನಂ, ಇಮಂ ಗಣ್ಹಾಹಿ, ಇಮಂ ¶ ರೋಚೇಹೀತಿ. ಏವಞ್ಚೇತಂ ಅಧಿಕರಣಂ ವೂಪಸಮ್ಮತಿ, ಅಧಮ್ಮೇನ ವೂಪಸಮ್ಮತಿ ಸಮ್ಮುಖಾವಿನಯಪತಿರೂಪಕೇನ.

‘‘ಅಧಮ್ಮವಾದೀ ಪುಗ್ಗಲೋ ಧಮ್ಮವಾದೀ ಸಮ್ಬಹುಲೇ ಸಞ್ಞಾಪೇತಿ ನಿಜ್ಝಾಪೇತಿ ಪೇಕ್ಖೇತಿ ಅನುಪೇಕ್ಖೇತಿ ದಸ್ಸೇತಿ ಅನುದಸ್ಸೇತಿ – ಅಯಂ ಧಮ್ಮೋ, ಅಯಂ ವಿನಯೋ ¶ , ಇದಂ ಸತ್ಥುಸಾಸನಂ, ಇಮಂ ಗಣ್ಹಥ, ಇಮಂ ರೋಚೇಥಾತಿ. ಏವಞ್ಚೇತಂ ಅಧಿಕರಣಂ ವೂಪಸಮ್ಮತಿ, ಅಧಮ್ಮೇನ ವೂಪಸಮ್ಮತಿ ಸಮ್ಮುಖಾವಿನಯಪತಿರೂಪಕೇನ.

‘‘ಅಧಮ್ಮವಾದೀ ಪುಗ್ಗಲೋ ಧಮ್ಮವಾದಿಂ ಸಙ್ಘಂ ಸಞ್ಞಾಪೇತಿ ನಿಜ್ಝಾಪೇತಿ ಪೇಕ್ಖೇತಿ ಅನುಪೇಕ್ಖೇತಿ ದಸ್ಸೇತಿ ಅನುದಸ್ಸೇತಿ – ಅಯಂ ಧಮ್ಮೋ, ಅಯಂ ವಿನಯೋ, ಇದಂ ಸತ್ಥುಸಾಸನಂ, ಇಮಂ ಗಣ್ಹಾಹಿ, ಇಮಂ ರೋಚೇಹೀತಿ [ಇಮಂ ಗಣ್ಹಥ, ಇಮಂ ರೋಚೇಥಾತಿ (ಕ.)]. ಏವಞ್ಚೇತಂ ಅಧಿಕರಣಂ ವೂಪಸಮ್ಮತಿ, ಅಧಮ್ಮೇನ ವೂಪಸಮ್ಮತಿ ಸಮ್ಮುಖಾವಿನಯಪತಿರೂಪಕೇನ.

‘‘ಅಧಮ್ಮವಾದೀ ಸಮ್ಬಹುಲಾ ಧಮ್ಮವಾದಿಂ ಪುಗ್ಗಲಂ ಸಞ್ಞಾಪೇನ್ತಿ ನಿಜ್ಝಾಪೇನ್ತಿ ಪೇಕ್ಖೇನ್ತಿ ಅನುಪೇಕ್ಖೇನ್ತಿ ದಸ್ಸೇನ್ತಿ ಅನುದಸ್ಸೇನ್ತಿ – ಅಯಂ ಧಮ್ಮೋ, ಅಯಂ ವಿನಯೋ, ಇದಂ ಸತ್ಥುಸಾಸನಂ, ಇಮಂ ಗಣ್ಹಾಹಿ, ಇಮಂ ರೋಚೇಹೀತಿ. ಏವಞ್ಚೇತಂ ಅಧಿಕರಣಂ ವೂಪಸಮ್ಮತಿ, ಅಧಮ್ಮೇನ ವೂಪಸಮ್ಮತಿ ಸಮ್ಮುಖಾವಿನಯಪತಿರೂಪಕೇನ.

‘‘ಅಧಮ್ಮವಾದೀ ¶ ಸಮ್ಬಹುಲಾ ಧಮ್ಮವಾದೀ ಸಮ್ಬಹುಲೇ ಸಞ್ಞಾಪೇನ್ತಿ ನಿಜ್ಝಾಪೇನ್ತಿ ಪೇಕ್ಖೇನ್ತಿ ಅನುಪೇಕ್ಖೇನ್ತಿ ದಸ್ಸೇನ್ತಿ ಅನುದಸ್ಸೇನ್ತಿ – ಅಯಂ ಧಮ್ಮೋ, ಅಯಂ ವಿನಯೋ, ಇದಂ ಸತ್ಥುಸಾಸನಂ, ಇಮಂ ಗಣ್ಹಥ, ಇಮಂ ರೋಚೇಥಾತಿ. ಏವಞ್ಚೇತಂ ಅಧಿಕರಣಂ ವೂಪಸಮ್ಮತಿ, ಅಧಮ್ಮೇನ ವೂಪಸಮ್ಮತಿ ಸಮ್ಮುಖಾವಿನಯಪತಿರೂಪಕೇನ.

‘‘ಅಧಮ್ಮವಾದೀ ಸಮ್ಬಹುಲಾ ಧಮ್ಮವಾದಿಂ ಸಙ್ಘಂ ಸಞ್ಞಾಪೇನ್ತಿ ನಿಜ್ಝಾಪೇನ್ತಿ ಪೇಕ್ಖೇನ್ತಿ ಅನುಪೇಕ್ಖೇನ್ತಿ ದಸ್ಸೇನ್ತಿ ಅನುದಸ್ಸೇನ್ತಿ – ಅಯಂ ಧಮ್ಮೋ, ಅಯಂ ವಿನಯೋ, ಇದಂ ಸತ್ಥುಸಾಸನಂ, ಇಮಂ ಗಣ್ಹಾಹಿ, ಇಮಂ ರೋಚೇಹೀತಿ. ಏವಞ್ಚೇತಂ ಅಧಿಕರಣಂ ವೂಪಸಮ್ಮತಿ, ಅಧಮ್ಮೇನ ವೂಪಸಮ್ಮತಿ ಸಮ್ಮುಖಾವಿನಯಪತಿರೂಪಕೇನ.

‘‘ಅಧಮ್ಮವಾದೀ ಸಙ್ಘೋ ಧಮ್ಮವಾದಿಂ ಪುಗ್ಗಲಂ ಸಞ್ಞಾಪೇತಿ ನಿಜ್ಝಾಪೇತಿ ಪೇಕ್ಖೇತಿ ಅನುಪೇಕ್ಖೇತಿ ದಸ್ಸೇತಿ ¶ ಅನುದಸ್ಸೇತಿ – ಅಯಂ ಧಮ್ಮೋ, ಅಯಂ ವಿನಯೋ, ಇದಂ ಸತ್ಥುಸಾಸನಂ, ಇಮಂ ಗಣ್ಹಾಹಿ, ಇಮಂ ರೋಚೇಹೀತಿ. ಏವಞ್ಚೇತಂ ಅಧಿಕರಣಂ ವೂಪಸಮ್ಮತಿ, ಅಧಮ್ಮೇನ ವೂಪಸಮ್ಮತಿ ಸಮ್ಮುಖಾವಿನಯಪತಿರೂಪಕೇನ.

‘‘ಅಧಮ್ಮವಾದೀ ಸಙ್ಘೋ ಧಮ್ಮವಾದೀ ಸಮ್ಬಹುಲೇ ಸಞ್ಞಾಪೇತಿ ನಿಜ್ಝಾಪೇತಿ ಪೇಕ್ಖೇತಿ ಅನುಪೇಕ್ಖೇತಿ ದಸ್ಸೇತಿ ಅನುದಸ್ಸೇತಿ – ಅಯಂ ಧಮ್ಮೋ, ಅಯಂ ವಿನಯೋ, ಇದಂ ಸತ್ಥುಸಾಸನಂ, ಇಮಂ ಗಣ್ಹಥ, ಇಮಂ ರೋಚೇಥಾತಿ. ಏವಞ್ಚೇತಂ ಅಧಿಕರಣಂ ವೂಪಸಮ್ಮತಿ, ಅಧಮ್ಮೇನ ವೂಪಸಮ್ಮತಿ ಸಮ್ಮುಖಾವಿನಯಪತಿರೂಪಕೇನ.

‘‘ಅಧಮ್ಮವಾದೀ ಸಙ್ಘೋ ಧಮ್ಮವಾದಿಂ ಸಙ್ಘಂ ಸಞ್ಞಾಪೇತಿ ನಿಜ್ಝಾಪೇತಿ ಪೇಕ್ಖೇತಿ ಅನುಪೇಕ್ಖೇತಿ ದಸ್ಸೇತಿ ಅನುದಸ್ಸೇತಿ – ಅಯಂ ಧಮ್ಮೋ, ಅಯಂ ವಿನಯೋ, ಇದಂ ¶ ಸತ್ಥುಸಾಸನಂ, ಇಮಂ ಗಣ್ಹಾಹಿ, ಇಮಂ ರೋಚೇಹೀತಿ. ಏವಞ್ಚೇತಂ ಅಧಿಕರಣಂ ವೂಪಸಮ್ಮತಿ, ಅಧಮ್ಮೇನ ¶ ವೂಪಸಮ್ಮತಿ ಸಮ್ಮುಖಾವಿನಯಪತಿರೂಪಕೇನ.

ಕಣ್ಹಪಕ್ಖನವಕಂ ನಿಟ್ಠಿತಂ.

ಸುಕ್ಕಪಕ್ಖನವಕಂ

೧೮೮. ‘‘ಧಮ್ಮವಾದೀ ಪುಗ್ಗಲೋ ಅಧಮ್ಮವಾದಿಂ ಪುಗ್ಗಲಂ ಸಞ್ಞಾಪೇತಿ ನಿಜ್ಝಾಪೇತಿ ಪೇಕ್ಖೇತಿ ಅನುಪೇಕ್ಖೇತಿ ದಸ್ಸೇತಿ ಅನುದಸ್ಸೇತಿ – ಅಯಂ ಧಮ್ಮೋ, ಅಯಂ ವಿನಯೋ, ಇದಂ ಸತ್ಥುಸಾಸನಂ, ಇಮಂ ಗಣ್ಹಾಹಿ, ಇಮಂ ರೋಚೇಹೀತಿ. ಏವಞ್ಚೇತಂ ಅಧಿಕರಣಂ ವೂಪಸಮ್ಮತಿ, ಧಮ್ಮೇನ ವೂಪಸಮ್ಮತಿ ಸಮ್ಮುಖಾವಿನಯೇನ.

‘‘ಧಮ್ಮವಾದೀ ಪುಗ್ಗಲೋ ಅಧಮ್ಮವಾದೀ ಸಮ್ಬಹುಲೇ ಸಞ್ಞಾಪೇತಿ ನಿಜ್ಝಾಪೇತಿ ಪೇಕ್ಖೇತಿ ಅನುಪೇಕ್ಖೇತಿ ದಸ್ಸೇತಿ ಅನುದಸ್ಸೇತಿ – ಅಯಂ ಧಮ್ಮೋ, ಅಯಂ ವಿನಯೋ, ಇದಂ ಸತ್ಥುಸಾಸನಂ, ಇಮಂ ಗಣ್ಹಥ, ಇಮಂ ರೋಚೇಥಾತಿ. ಏವಞ್ಚೇತಂ ಅಧಿಕರಣಂ ವೂಪಸಮ್ಮತಿ, ಧಮ್ಮೇನ ವೂಪಸಮ್ಮತಿ ಸಮ್ಮುಖಾವಿನಯೇನ.

‘‘ಧಮ್ಮವಾದೀ ಪುಗ್ಗಲೋ ಅಧಮ್ಮವಾದಿಂ ಸಙ್ಘಂ ಸಞ್ಞಾಪೇತಿ ನಿಜ್ಝಾಪೇತಿ ಪೇಕ್ಖೇತಿ ಅನುಪೇಕ್ಖೇತಿ ದಸ್ಸೇತಿ ಅನುದಸ್ಸೇತಿ – ಅಯಂ ಧಮ್ಮೋ, ಅಯಂ ವಿನಯೋ, ಇದಂ ಸತ್ಥುಸಾಸನಂ, ಇಮಂ ಗಣ್ಹಾಹಿ, ಇಮಂ ರೋಚೇಹೀತಿ. ಏವಞ್ಚೇತಂ ಅಧಿಕರಣಂ ವೂಪಸಮ್ಮತಿ, ಧಮ್ಮೇನ ವೂಪಸಮ್ಮತಿ ಸಮ್ಮುಖಾವಿನಯೇನ.

‘‘ಧಮ್ಮವಾದೀ ಸಮ್ಬಹುಲಾ ಅಧಮ್ಮವಾದಿಂ ಪುಗ್ಗಲಂ ಸಞ್ಞಾಪೇನ್ತಿ ನಿಜ್ಝಾಪೇನ್ತಿ ಪೇಕ್ಖೇನ್ತಿ ಅನುಪೇಕ್ಖೇನ್ತಿ ದಸ್ಸೇನ್ತಿ ಅನುದಸ್ಸೇನ್ತಿ – ಅಯಂ ಧಮ್ಮೋ, ಅಯಂ ವಿನಯೋ, ಇದಂ ಸತ್ಥುಸಾಸನಂ, ಇಮಂ ಗಣ್ಹಾಹಿ ¶ , ಇಮಂ ರೋಚೇಹೀತಿ. ಏವಞ್ಚೇತಂ ಅಧಿಕರಣಂ ವೂಪಸಮ್ಮತಿ, ಧಮ್ಮೇನ ವೂಪಸಮ್ಮತಿ ಸಮ್ಮುಖಾವಿನಯೇನ.

‘‘ಧಮ್ಮವಾದೀ ಸಮ್ಬಹುಲಾ ಅಧಮ್ಮವಾದೀ ಸಮ್ಬಹುಲೇ ಸಞ್ಞಾಪೇನ್ತಿ ನಿಜ್ಝಾಪೇನ್ತಿ ಪೇಕ್ಖೇನ್ತಿ ಅನುಪೇಕ್ಖೇನ್ತಿ ದಸ್ಸೇನ್ತಿ ¶ ಅನುದಸ್ಸೇನ್ತಿ – ಅಯಂ ಧಮ್ಮೋ, ಅಯಂ ವಿನಯೋ, ಇದಂ ಸತ್ಥುಸಾಸನಂ, ಇಮಂ ಗಣ್ಹಥ, ಇಮಂ ರೋಚೇಥಾತಿ. ಏವಞ್ಚೇತಂ ಅಧಿಕರಣಂ ವೂಪಸಮ್ಮತಿ, ಧಮ್ಮೇನ ವೂಪಸಮ್ಮತಿ ಸಮ್ಮುಖಾವಿನಯೇನ.

‘‘ಧಮ್ಮವಾದೀ ಸಮ್ಬಹುಲಾ ಅಧಮ್ಮವಾದಿಂ ಸಙ್ಘಂ ಸಞ್ಞಾಪೇನ್ತಿ ನಿಜ್ಝಾಪೇನ್ತಿ ಪೇಕ್ಖೇನ್ತಿ ಅನುಪೇಕ್ಖೇನ್ತಿ ದಸ್ಸೇನ್ತಿ ಅನುದಸ್ಸೇನ್ತಿ – ಅಯಂ ಧಮ್ಮೋ, ಅಯಂ ವಿನಯೋ, ಇದಂ ಸತ್ಥುಸಾಸನಂ ¶ , ಇಮಂ ಗಣ್ಹಾಹಿ, ಇಮಂ ರೋಚೇಹೀತಿ. ಏವಞ್ಚೇತಂ ಅಧಿಕರಣಂ ವೂಪಸಮ್ಮತಿ, ಧಮ್ಮೇನ ವೂಪಸಮ್ಮತಿ ಸಮ್ಮುಖಾವಿನಯೇನ.

‘‘ಧಮ್ಮವಾದೀ ಸಙ್ಘೋ ಅಧಮ್ಮವಾದಿಂ ಪುಗ್ಗಲಂ ಸಞ್ಞಾಪೇತಿ ನಿಜ್ಝಾಪೇತಿ ಪೇಕ್ಖೇತಿ ಅನುಪೇಕ್ಖೇತಿ ದಸ್ಸೇತಿ ಅನುದಸ್ಸೇತಿ – ಅಯಂ ಧಮ್ಮೋ, ಅಯಂ ವಿನಯೋ, ಇದಂ ಸತ್ಥುಸಾಸನಂ, ಇಮಂ ಗಣ್ಹಾಹಿ, ಇಮಂ ರೋಚೇಹೀತಿ. ಏವಞ್ಚೇತಂ ಅಧಿಕರಣಂ ವೂಪಸಮ್ಮತಿ, ಧಮ್ಮೇನ ವೂಪಸಮ್ಮತಿ ಸಮ್ಮುಖಾವಿನಯೇನ.

‘‘ಧಮ್ಮವಾದೀ ಸಙ್ಘೋ ಅಧಮ್ಮವಾದೀ ಸಮ್ಬಹುಲೇ ಸಞ್ಞಾಪೇತಿ ನಿಜ್ಝಾಪೇತಿ ಪೇಕ್ಖೇತಿ ಅನುಪೇಕ್ಖೇತಿ ದಸ್ಸೇತಿ ಅನುದಸ್ಸೇತಿ – ಅಯಂ ಧಮ್ಮೋ, ಅಯಂ ವಿನಯೋ, ಇದಂ ಸತ್ಥುಸಾಸನಂ, ಇಮಂ ಗಣ್ಹಥ, ಇಮಂ ರೋಚೇಥಾತಿ. ಏವಞ್ಚೇತಂ ಅಧಿಕರಣಂ ವೂಪಸಮ್ಮತಿ, ಧಮ್ಮೇನ ವೂಪಸಮ್ಮತಿ ಸಮ್ಮುಖಾವಿನಯೇನ.

‘‘ಧಮ್ಮವಾದೀ ಸಙ್ಘೋ ಅಧಮ್ಮವಾದಿಂ ಸಙ್ಘಂ ಸಞ್ಞಾಪೇತಿ ನಿಜ್ಝಾಪೇತಿ ಪೇಕ್ಖೇತಿ ಅನುಪೇಕ್ಖೇತಿ ದಸ್ಸೇತಿ ಅನುದಸ್ಸೇತಿ – ಅಯಂ ಧಮ್ಮೋ, ಅಯಂ ವಿನಯೋ, ಇದಂ ಸತ್ಥುಸಾಸನಂ, ಇಮಂ ಗಣ್ಹಾಹಿ, ಇಮಂ ರೋಚೇಹೀತಿ. ಏವಞ್ಚೇತಂ ಅಧಿಕರಣಂ ವೂಪಸಮ್ಮತಿ, ಧಮ್ಮೇನ ವೂಪಸಮ್ಮತಿ ಸಮ್ಮುಖಾವಿನಯೇನಾ’’ತಿ.

ಸುಕ್ಕಪಕ್ಖನವಕಂ ನಿಟ್ಠಿತಂ.

೨. ಸತಿವಿನಯೋ

೧೮೯. [ಇದಂ ವತ್ಥು ಪಾರಾ. ೩೮೦ ಆದಯೋ] ತೇನ ¶ ಸಮಯೇನ ಬುದ್ಧೋ ಭಗವಾ ರಾಜಗಹೇ ವಿಹರತಿ ವೇಳುವನೇ ಕಲನ್ದಕನಿವಾಪೇ. ತೇನ ಖೋ ಪನ ಸಮಯೇನ ಆಯಸ್ಮತಾ ದಬ್ಬೇನ ಮಲ್ಲಪುತ್ತೇನ ಜಾತಿಯಾ ಸತ್ತವಸ್ಸೇನ ಅರಹತ್ತಂ ಸಚ್ಛಿಕತಂ ಹೋತಿ ¶ . ಯಂ ಕಿಞ್ಚಿ ಸಾವಕೇನ ಪತ್ತಬ್ಬಂ ಸಬ್ಬಂ ತೇನ ಅನುಪ್ಪತ್ತಂ ಹೋತಿ. ನತ್ಥಿ ಚಸ್ಸ ಕಿಞ್ಚಿ ಉತ್ತರಿ [ಉತ್ತರಿಂ (ಸೀ.)] ಕರಣೀಯಂ, ಕತಸ್ಸ ವಾ ಪತಿಚಯೋ. ಅಥ ಖೋ ಆಯಸ್ಮತೋ ದಬ್ಬಸ್ಸ ಮಲ್ಲಪುತ್ತಸ್ಸ ರಹೋಗತಸ್ಸ ಪಟಿಸಲ್ಲೀನಸ್ಸ ಏವಂ ಚೇತಸೋ ಪರಿವಿತಕ್ಕೋ ಉದಪಾದಿ – ‘‘ಮಯಾ ಖೋ ಜಾತಿಯಾ ಸತ್ತವಸ್ಸೇನ ಅರಹತ್ತಂ ಸಚ್ಛಿಕತಂ. ಯಂ ಕಿಞ್ಚಿ ಸಾವಕೇನ ಪತ್ತಬ್ಬಂ ಸಬ್ಬಂ ಮಯಾ ಅನುಪ್ಪತ್ತಂ. ನತ್ಥಿ ಚ ಮೇ ಕಿಞ್ಚಿ ಉತ್ತರಿಕರಣೀಯಂ, ಕತಸ್ಸ ವಾ ಪತಿಚಯೋ. ಕಿಂ ನು ಖೋ ಅಹಂ ಸಙ್ಘಸ್ಸ ವೇಯ್ಯಾವಚ್ಚಂ ಕರೇಯ್ಯ’’ನ್ತಿ?

ಅಥ ¶ ಖೋ ಆಯಸ್ಮತೋ ದಬ್ಬಸ್ಸ ಮಲ್ಲಪುತ್ತಸ್ಸ ಏತದಹೋಸಿ – ‘‘ಯಂನೂನಾಹಂ ಸಙ್ಘಸ್ಸ ಸೇನಾಸನಞ್ಚ ¶ ಪಞ್ಞಪೇಯ್ಯಂ ಭತ್ತಾನಿ ಚ ಉದ್ದಿಸೇಯ್ಯ’’ನ್ತಿ. ಅಥ ಖೋ ಆಯಸ್ಮಾ ದಬ್ಬೋ ಮಲ್ಲಪುತ್ತೋ ಸಾಯನ್ಹಸಮಯಂ ಪಟಿಸಲ್ಲಾನಾ ವುಟ್ಠಿತೋ ಯೇನ ಭಗವಾ ತೇನುಪಸಙ್ಕಮಿ, ಉಪಸಙ್ಕಮಿತ್ವಾ ಭಗವನ್ತಂ ಅಭಿವಾದೇತ್ವಾ ಏಕಮನ್ತಂ ನಿಸೀದಿ. ಏಕಮನ್ತಂ ನಿಸಿನ್ನೋ ಖೋ ಆಯಸ್ಮಾ ದಬ್ಬೋ ಮಲ್ಲಪುತ್ತೋ ಭಗವನ್ತಂ ಏತದವೋಚ – ‘‘ಇಧ ಮಯ್ಹಂ, ಭನ್ತೇ, ರಹೋಗತಸ್ಸ ಪಟಿಸಲ್ಲೀನಸ್ಸ ಏವಂ ಚೇತಸೋ ಪರಿವಿತಕ್ಕೋ ಉದಪಾದಿ – ‘ಮಯಾ ಖೋ ಜಾತಿಯಾ ಸತ್ತವಸ್ಸೇನ ಅರಹತ್ತಂ ಸಚ್ಛಿಕತಂ. ಯಂ ಕಿಞ್ಚಿ ಸಾವಕೇನ ಪತ್ತಬ್ಬಂ, ಸಬ್ಬಂ ಮಯಾ ಅನುಪ್ಪತ್ತಂ. ನತ್ಥಿ ಚ ಮೇ ಕಿಞ್ಚಿ ಉತ್ತರಿಕರಣೀಯಂ, ಕತಸ್ಸ ವಾ ಪತಿಚಯೋ. ಕಿಂ ನು ಖೋ ಅಹಂ ಸಙ್ಘಸ್ಸ ವೇಯ್ಯಾವಚ್ಚಂ ಕರೇಯ್ಯ’ನ್ತಿ ¶ ? ತಸ್ಸ ಮಯ್ಹಂ, ಭನ್ತೇ, ಏತದಹೋಸಿ – ‘ಯಂನೂನಾಹಂ ಸಙ್ಘಸ್ಸ ಸೇನಾಸನಞ್ಚ ಪಞ್ಞಪೇಯ್ಯಂ ಭತ್ತಾನಿ ಚ ಉದ್ದಿಸೇಯ್ಯ’ನ್ತಿ. ಇಚ್ಛಾಮಹಂ, ಭನ್ತೇ, ಸಙ್ಘಸ್ಸ ಸೇನಾಸನಞ್ಚ ಪಞ್ಞಾಪೇತುಂ ಭತ್ತಾನಿ ಚ ಉದ್ದಿಸಿತು’’ನ್ತಿ. ‘‘ಸಾಧು ಸಾಧು, ದಬ್ಬ. ತೇನ ಹಿ ತ್ವಂ, ದಬ್ಬ, ಸಙ್ಘಸ್ಸ ಸೇನಾಸನಞ್ಚ ಪಞ್ಞಪೇಹಿ ಭತ್ತಾನಿ ಚ ಉದ್ದಿಸಾಹೀ’’ತಿ [ಉದ್ದಿಸಾತಿ (ಪಾರಾ. ೩೮೦)]. ‘‘ಏವಂ, ಭನ್ತೇ’’ತಿ ಖೋ ಆಯಸ್ಮಾ ದಬ್ಬೋ ಮಲ್ಲಪುತ್ತೋ ಭಗವತೋ ಪಚ್ಚಸ್ಸೋಸಿ. ಅಥ ಖೋ ಭಗವಾ ಏತಸ್ಮಿಂ ನಿದಾನೇ ಏತಸ್ಮಿಂ ಪಕರಣೇ ಧಮ್ಮಿಂ ಕಥಂ ಕತ್ವಾ ಭಿಕ್ಖೂ ಆಮನ್ತೇಸಿ – ‘‘ತೇನ ಹಿ, ಭಿಕ್ಖವೇ, ಸಙ್ಘೋ ದಬ್ಬಂ ಮಲ್ಲಪುತ್ತಂ ಸೇನಾಸನಪಞ್ಞಾಪಕಞ್ಚ ಭತ್ತುದ್ದೇಸಕಞ್ಚ ಸಮ್ಮನ್ನತು. ಏವಞ್ಚ ಪನ, ಭಿಕ್ಖವೇ, ಸಮ್ಮನ್ನಿತಬ್ಬೋ. ಪಠಮಂ ದಬ್ಬೋ ಮಲ್ಲಪುತ್ತೋ ಯಾಚಿತಬ್ಬೋ [ದಬ್ಬೋ ಯಾಚಿತಬ್ಬೋ (ಸ್ಯಾ. ಕ.)]. ಯಾಚಿತ್ವಾ ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೧೯೦. ‘‘ಸುಣಾತು ಮೇ, ಭನ್ತೇ, ಸಙ್ಘೋ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಆಯಸ್ಮನ್ತಂ ದಬ್ಬಂ ಮಲ್ಲಪುತ್ತಂ ಸೇನಾಸನಪಞ್ಞಾಪಕಞ್ಚ ಭತ್ತುದ್ದೇಸಕಞ್ಚ ಸಮ್ಮನ್ನೇಯ್ಯ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಸಙ್ಘೋ ಆಯಸ್ಮನ್ತಂ ದಬ್ಬಂ ಮಲ್ಲಪುತ್ತಂ ಸೇನಾಸನಪಞ್ಞಾಪಕಞ್ಚ ಭತ್ತುದ್ದೇಸಕಞ್ಚ ಸಮ್ಮನ್ನತಿ. ಯಸ್ಸಾಯಸ್ಮತೋ ಖಮತಿ ಆಯಸ್ಮತೋ ದಬ್ಬಸ್ಸ ಮಲ್ಲಪುತ್ತಸ್ಸ ಸೇನಾಸನಪಞ್ಞಾಪಕಸ್ಸ ಚ ಭತ್ತುದ್ದೇಸಕಸ್ಸ ಚ ಸಮ್ಮುತಿ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ಸಮ್ಮತೋ ¶ ಸಙ್ಘೇನ ಆಯಸ್ಮಾ ದಬ್ಬೋ ಮಲ್ಲಪುತ್ತೋ ಸೇನಾಸನಪಞ್ಞಾಪಕೋ ಚ ಭತ್ತುದ್ದೇಸಕೋ ಚ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ ¶ .

೧೯೧. ಸಮ್ಮತೋ ¶ ಚ ಪನಾಯಸ್ಮಾ ದಬ್ಬೋ ಮಲ್ಲಪುತ್ತೋ ಸಭಾಗಾನಂ ಭಿಕ್ಖೂನಂ ಏಕಜ್ಝಂ ಸೇನಾಸನಂ ಪಞ್ಞಪೇತಿ. ಯೇ ತೇ ಭಿಕ್ಖೂ ಸುತ್ತನ್ತಿಕಾ ತೇಸಂ ಏಕಜ್ಝಂ ಸೇನಾಸನಂ ಪಞ್ಞಪೇತಿ – ತೇ ಅಞ್ಞಮಞ್ಞಂ ಸುತ್ತನ್ತಂ ಸಙ್ಗಾಯಿಸ್ಸನ್ತೀತಿ. ಯೇ ತೇ ಭಿಕ್ಖೂ ವಿನಯಧರಾ ತೇಸಂ ಏಕಜ್ಝಂ ಸೇನಾಸನಂ ಪಞ್ಞಪೇತಿ – ತೇ ಅಞ್ಞಮಞ್ಞಂ ವಿನಯಂ ವಿನಿಚ್ಛಿನಿಸ್ಸನ್ತೀತಿ. ಯೇ ತೇ ಭಿಕ್ಖೂ ಧಮ್ಮಕಥಿಕಾ ತೇಸಂ ಏಕಜ್ಝಂ ಸೇನಾಸನಂ ಪಞ್ಞಪೇತಿ – ತೇ ಅಞ್ಞಮಞ್ಞಂ ಧಮ್ಮಂ ಸಾಕಚ್ಛಿಸ್ಸನ್ತೀತಿ. ಯೇ ತೇ ಭಿಕ್ಖೂ ಝಾಯಿನೋ ತೇಸಂ ಏಕಜ್ಝಂ ಸೇನಾಸನಂ ಪಞ್ಞಪೇತಿ – ತೇ ಅಞ್ಞಮಞ್ಞಂ ನ ಬ್ಯಾಬಾಧಿಸ್ಸನ್ತೀತಿ ¶ . ಯೇ ತೇ ಭಿಕ್ಖೂ ತಿರಚ್ಛಾನಕಥಿಕಾ ಕಾಯದಳ್ಹಿಬಹುಲಾ [ಕಾಯದಡ್ಢಿಬಹುಲಾ (ಸೀ.)] ವಿಹರನ್ತಿ ತೇಸಮ್ಪಿ ಏಕಜ್ಝಂ ಸೇನಾಸನಂ ಪಞ್ಞಪೇತಿ – ಇಮಾಯಪಿಮೇ ಆಯಸ್ಮನ್ತೋ ರತಿಯಾ ಅಚ್ಛಿಸ್ಸನ್ತೀತಿ. ಯೇಪಿ ತೇ ಭಿಕ್ಖೂ ವಿಕಾಲೇ ಆಗಚ್ಛನ್ತಿ ತೇಸಮ್ಪಿ ತೇಜೋಧಾತುಂ ಸಮಾಪಜ್ಜಿತ್ವಾ ತೇನೇವ ಆಲೋಕೇನ ಸೇನಾಸನಂ ಪಞ್ಞಪೇತಿ; ಅಪಿಸು ಭಿಕ್ಖೂ ಸಞ್ಚಿಚ್ಚ ವಿಕಾಲೇ ಆಗಚ್ಛನ್ತಿ – ಮಯಂ ಆಯಸ್ಮತೋ ದಬ್ಬಸ್ಸ ಮಲ್ಲಪುತ್ತಸ್ಸ ಇದ್ಧಿಪಾಟಿಹಾರಿಯಂ ಪಸ್ಸಿಸ್ಸಾಮಾತಿ.

ತೇ ಆಯಸ್ಮನ್ತಂ ದಬ್ಬಂ ಮಲ್ಲಪುತ್ತಂ ಉಪಸಙ್ಕಮಿತ್ವಾ ಏವಂ ವದನ್ತಿ – ‘‘ಅಮ್ಹಾಕಂ, ಆವುಸೋ ದಬ್ಬ, ಸೇನಾಸನಂ ಪಞ್ಞಪೇಹೀ’’ತಿ. ತೇ ಆಯಸ್ಮಾ ದಬ್ಬೋ ಮಲ್ಲಪುತ್ತೋ ಏವಂ ವದೇತಿ – ‘‘ಕತ್ಥ ಆಯಸ್ಮನ್ತಾ ಇಚ್ಛನ್ತಿ ಕತ್ಥ ಪಞ್ಞಪೇಮೀ’’ತಿ? ತೇ ಸಞ್ಚಿಚ್ಚ ದೂರೇ ಅಪದಿಸನ್ತಿ – ‘‘ಅಮ್ಹಾಕಂ, ಆವುಸೋ ದಬ್ಬ, ಗಿಜ್ಝಕೂಟೇ ಪಬ್ಬತೇ ಸೇನಾಸನಂ ¶ ಪಞ್ಞಪೇಹಿ. ಅಮ್ಹಾಕಂ, ಆವುಸೋ, ಚೋರಪಪಾತೇ ಸೇನಾಸನಂ ಪಞ್ಞಪೇಹಿ. ಅಮ್ಹಾಕಂ, ಆವುಸೋ, ಇಸಿಗಿಲಿಪಸ್ಸೇ ಕಾಳಸಿಲಾಯಂ ಸೇನಾಸನಂ ಪಞ್ಞಪೇಹಿ. ಅಮ್ಹಾಕಂ, ಆವುಸೋ, ವೇಭಾರಪಸ್ಸೇ ಸತ್ತಪಣ್ಣಿಗುಹಾಯಂ ಸೇನಾಸನಂ ಪಞ್ಞಪೇಹಿ. ಅಮ್ಹಾಕಂ, ಆವುಸೋ, ಸೀತವನೇ ಸಪ್ಪಸೋಣ್ಡಿಕಪಬ್ಭಾರೇ ಸೇನಾಸನಂ ಪಞ್ಞಪೇಹಿ. ಅಮ್ಹಾಕಂ, ಆವುಸೋ, ಗೋತಮಕಕನ್ದರಾಯಂ [ಗೋಮಟಕನ್ದರಾಯಂ (ಸ್ಯಾ. ಕಂ.)] ಸೇನಾಸನಂ ಪಞ್ಞಪೇಹಿ. ಅಮ್ಹಾಕಂ, ಆವುಸೋ, ತಿನ್ದುಕಕನ್ದರಾಯಂ ಸೇನಾಸನಂ ಪಞ್ಞಪೇಹಿ. ಅಮ್ಹಾಕಂ, ಆವುಸೋ, ತಪೋದಕನ್ದರಾಯಂ [ಕಪೋತಕನ್ದರಾಯಂ (ಕ.)] ಸೇನಾಸನಂ ಪಞ್ಞಪೇಹಿ. ಅಮ್ಹಾಕಂ, ಆವುಸೋ, ತಪೋದಾರಾಮೇ ಸೇನಾಸನಂ ಪಞ್ಞಪೇಹಿ. ಅಮ್ಹಾಕಂ, ಆವುಸೋ, ಜೀವಕಮ್ಬವನೇ ಸೇನಾಸನಂ ಪಞ್ಞಪೇಹಿ. ಅಮ್ಹಾಕಂ, ಆವುಸೋ, ಮದ್ದಕುಚ್ಛಿಮ್ಹಿ ಮಿಗದಾಯೇ ಸೇನಾಸನಂ ಪಞ್ಞಪೇಹೀ’’ತಿ.

ತೇಸಂ ¶ ಆಯಸ್ಮಾ ದಬ್ಬೋ ಮಲ್ಲಪುತ್ತೋ ತೇಜೋಧಾತುಂ ಸಮಾಪಜ್ಜಿತ್ವಾ ಅಙ್ಗುಲಿಯಾ ಜಲಮಾನಾಯ ಪುರತೋ ಪುರತೋ ಗಚ್ಛತಿ. ತೇಪಿ ತೇನೇವ ಆಲೋಕೇನ ಆಯಸ್ಮತೋ ದಬ್ಬಸ್ಸ ಮಲ್ಲಪುತ್ತಸ್ಸ ಪಿಟ್ಠಿತೋ ಪಿಟ್ಠಿತೋ ಗಚ್ಛನ್ತಿ. ತೇಸಂ ಆಯಸ್ಮಾ ದಬ್ಬೋ ಮಲ್ಲಪುತ್ತೋ ಏವಂ ಸೇನಾಸನಂ ಪಞ್ಞಪೇತಿ – ಅಯಂ ಮಞ್ಚೋ, ಇದಂ ಪೀಠಂ ¶ , ಅಯಂ ಭಿಸಿ, ಇದಂ ಬಿಬ್ಬೋಹನಂ [ಬಿಮ್ಬೋಹನಂ (ಸೀ. ಸ್ಯಾ. ಕಂ.)], ಇದಂ ವಚ್ಚಟ್ಠಾನಂ, ಇದಂ ಪಸ್ಸಾವಟ್ಠಾನಂ, ಇದಂ ಪಾನೀಯಂ, ಇದಂ ಪರಿಭೋಜನೀಯಂ, ಅಯಂ ಕತ್ತರದಣ್ಡೋ, ಇದಂ ಸಙ್ಘಸ್ಸ ಕತಿಕಸಣ್ಠಾನಂ, ಇಮಂ ಕಾಲಂ ಪವಿಸಿತಬ್ಬಂ ¶ , ಇಮಂ ಕಾಲಂ ನಿಕ್ಖಮಿತಬ್ಬನ್ತಿ. ತೇಸಂ ಆಯಸ್ಮಾ ದಬ್ಬೋ ಮಲ್ಲಪುತ್ತೋ ಏವಂ ಸೇನಾಸನಂ ಪಞ್ಞಪೇತ್ವಾ ಪುನದೇವ ವೇಳುವನಂ ಪಚ್ಚಾಗಚ್ಛತಿ.

೧೯೨. ತೇನ ಖೋ ಪನ ಸಮಯೇನ ಮೇತ್ತಿಯಭೂಮಜಕಾ [ಮೇತ್ತಿಯಭುಮ್ಮಜಕಾ (ಸೀ. ಸ್ಯಾ. ಕಂ.)] ಭಿಕ್ಖೂ ನವಕಾ ಚೇವ ಹೋನ್ತಿ ಅಪ್ಪಪುಞ್ಞಾ ಚ. ಯಾನಿ ಸಙ್ಘಸ್ಸ ಲಾಮಕಾನಿ ಸೇನಾಸನಾನಿ ತಾನಿ ತೇಸಂ ಪಾಪುಣನ್ತಿ ಲಾಮಕಾನಿ ಚ ಭತ್ತಾನಿ. ತೇನ ಖೋ ಪನ ಸಮಯೇನ ರಾಜಗಹೇ ಮನುಸ್ಸಾ ಇಚ್ಛನ್ತಿ ¶ ಥೇರಾನಂ ಭಿಕ್ಖೂನಂ ಅಭಿಸಙ್ಖಾರಿಕಂ ಪಿಣ್ಡಪಾತಂ ದಾತುಂ – ಸಪ್ಪಿಮ್ಪಿ, ತೇಲಮ್ಪಿ, ಉತ್ತರಿಭಙ್ಗಮ್ಪಿ. ಮೇತ್ತಿಯಭೂಮಜಕಾನಂ ಪನ ಭಿಕ್ಖೂನಂ ಪಾಕತಿಕಂ ದೇನ್ತಿ – ಯಥಾರನ್ಧಂ [ಯಥಾರದ್ಧಂ (ಸ್ಯಾ.)] ಕಣಾಜಕಂ ಬಿಲಙ್ಗದುತಿಯಂ. ತೇ ಪಚ್ಛಾಭತ್ತಂ ಪಿಣ್ಡಪಾತಪ್ಪಟಿಕ್ಕನ್ತಾ ಥೇರೇ ಭಿಕ್ಖೂ ಪುಚ್ಛನ್ತಿ – ‘‘ತುಮ್ಹಾಕಂ, ಆವುಸೋ, ಭತ್ತಗ್ಗೇ ಕಿಂ ಅಹೋಸಿ, ತುಮ್ಹಾಕಂ ಕಿಂ ಅಹೋಸೀ’’ತಿ [ಕಿಂ ನಾಹೋಸಿ (ಸ್ಯಾ. ಕಂ.)]? ಏಕಚ್ಚೇ ಥೇರಾ ಏವಂ ವದನ್ತಿ – ‘‘ಅಮ್ಹಾಕಂ, ಆವುಸೋ, ಸಪ್ಪಿ ಅಹೋಸಿ, ತೇಲಂ ಅಹೋಸಿ, ಉತ್ತರಿಭಙ್ಗಂ ಅಹೋಸೀ’’ತಿ. ಮೇತ್ತಿಯಭೂಮಜಕಾ ಪನ ಭಿಕ್ಖೂ ಏವಂ ವದನ್ತಿ – ‘‘ಅಮ್ಹಾಕಂ, ಆವುಸೋ, ನ ಕಿಞ್ಚಿ ಅಹೋಸಿ – ಪಾಕತಿಕಂ ಯಥಾರನ್ಧಂ ಕಣಾಜಕಂ ಬಿಲಙ್ಗದುತಿಯ’’ನ್ತಿ.

ತೇನ ಖೋ ಪನ ಸಮಯೇನ ಕಲ್ಯಾಣಭತ್ತಿಕೋ ಗಹಪತಿ ಸಙ್ಘಸ್ಸ ಚತುಕ್ಕಭತ್ತಂ ದೇತಿ ನಿಚ್ಚಭತ್ತಂ. ಸೋ ಭತ್ತಗ್ಗೇ ಸಪುತ್ತದಾರೋ ಉಪತಿಟ್ಠಿತ್ವಾ ಪರಿವಿಸತಿ – ಅಞ್ಞೇ ಓದನೇನ ಪುಚ್ಛನ್ತಿ, ಅಞ್ಞೇ ಸೂಪೇನ ಪುಚ್ಛನ್ತಿ, ಅಞ್ಞೇ ತೇಲೇನ ಪುಚ್ಛನ್ತಿ, ಅಞ್ಞೇ ಉತ್ತರಿಭಙ್ಗೇನ ಪುಚ್ಛನ್ತಿ. ತೇನ ಖೋ ಪನ ಸಮಯೇನ ಕಲ್ಯಾಣಭತ್ತಿಕಸ್ಸ ಗಹಪತಿನೋ ಭತ್ತಂ ಸ್ವಾತನಾಯ ಮೇತ್ತಿಯಭೂಮಜಕಾನಂ ಭಿಕ್ಖೂನಂ ಉದ್ದಿಟ್ಠಂ ಹೋತಿ. ಅಥ ¶ ಖೋ ಕಲ್ಯಾಣಭತ್ತಿಕೋ ಗಹಪತಿ ಆರಾಮಂ ಅಗಮಾಸಿ ಕೇನಚಿದೇವ ಕರಣೀಯೇನ. ಸೋ ಯೇನಾಯಸ್ಮಾ ದಬ್ಬೋ ಮಲ್ಲಪುತ್ತೋ ತೇನುಪಸಙ್ಕಮಿ, ಉಪಸಙ್ಕಮಿತ್ವಾ ಆಯಸ್ಮನ್ತಂ ದಬ್ಬಂ ಮಲ್ಲಪುತ್ತಂ ಅಭಿವಾದೇತ್ವಾ ಏಕಮನ್ತಂ ¶ ನಿಸೀದಿ. ಏಕಮನ್ತಂ ನಿಸಿನ್ನಂ ಖೋ ಕಲ್ಯಾಣಭತ್ತಿಕಂ ಗಹಪತಿಂ ಆಯಸ್ಮಾ ದಬ್ಬೋ ಮಲ್ಲಪುತ್ತೋ ಧಮ್ಮಿಯಾ ಕಥಾಯ ಸನ್ದಸ್ಸೇಸಿ ಸಮಾದಪೇಸಿ ಸಮುತ್ತೇಜೇಸಿ ಸಮ್ಪಹಂಸೇಸಿ. ಅಥ ಖೋ ಕಲ್ಯಾಣಭತ್ತಿಕೋ ಗಹಪತಿ ಆಯಸ್ಮತಾ ದಬ್ಬೇನ ಮಲ್ಲಪುತ್ತೇನ ಧಮ್ಮಿಯಾ ಕಥಾಯ ಸನ್ದಸ್ಸಿತೋ ಸಮಾದಪಿತೋ ಸಮುತ್ತೇಜಿತೋ ಸಮ್ಪಹಂಸಿತೋ ಆಯಸ್ಮನ್ತಂ ದಬ್ಬಂ ಮಲ್ಲಪುತ್ತಂ ಏತದವೋಚ – ‘‘ಕಸ್ಸ, ಭನ್ತೇ, ಅಮ್ಹಾಕಂ ಘರೇ ಸ್ವಾತನಾಯ ಭತ್ತಂ ಉದ್ದಿಟ್ಠ’’ನ್ತಿ? ‘‘ಮೇತ್ತಿಯಭೂಮಜಕಾನಂ ಖೋ, ಗಹಪತಿ, ಭಿಕ್ಖೂನಂ ತುಮ್ಹಾಕಂ ಘರೇ ಸ್ವಾತನಾಯ ಭತ್ತಂ ಉದ್ದಿಟ್ಠ’’ನ್ತಿ. ಅಥ ಖೋ ಕಲ್ಯಾಣಭತ್ತಿಕೋ ಗಹಪತಿ ಅನತ್ತಮನೋ ಅಹೋಸಿ. ಕಥಞ್ಹಿ ನಾಮ ಪಾಪಭಿಕ್ಖೂ ಅಮ್ಹಾಕಂ ಘರೇ ಭುಞ್ಜಿಸ್ಸನ್ತೀತಿ ಘರಂ ಗನ್ತ್ವಾ ದಾಸಿಂ ಆಣಾಪೇಸಿ – ‘‘ಯೇ, ಜೇ, ಸ್ವೇ ಭತ್ತಿಕಾ ಆಗಚ್ಛನ್ತಿ ತೇ ಕೋಟ್ಠಕೇ ಆಸನಂ ಪಞ್ಞಪೇತ್ವಾ ಕಣಾಜಕೇನ ಬಿಲಙ್ಗದುತಿಯೇನ ¶ ಪರಿವಿಸಾ’’ತಿ. ‘‘ಏವಂ ಅಯ್ಯಾ’’ತಿ ಖೋ ಸಾ ದಾಸೀ ಕಲ್ಯಾಣಭತ್ತಿಕಸ್ಸ ಗಹಪತಿನೋ ಪಚ್ಚಸ್ಸೋಸಿ.

ಅಥ ಖೋ ಮೇತ್ತಿಯಭೂಮಜಕಾ ಭಿಕ್ಖೂ – ಹಿಯ್ಯೋ ಖೋ, ಆವುಸೋ, ಅಮ್ಹಾಕಂ ಕಲ್ಯಾಣಭತ್ತಿಕಸ್ಸ ಗಹಪತಿನೋ ಭತ್ತಂ ಉದ್ದಿಟ್ಠಂ; ಸ್ವೇ ಅಮ್ಹೇ ಕಲ್ಯಾಣಭತ್ತಿಕೋ ಗಹಪತಿ ಸಪುತ್ತದಾರೋ ಉಪತಿಟ್ಠಿತ್ವಾ ಪರಿವಿಸಿಸ್ಸತಿ; ಅಞ್ಞೇ ಓದನೇನ ಪುಚ್ಛಿಸ್ಸನ್ತಿ, ಅಞ್ಞೇ ಸೂಪೇನ ಪುಚ್ಛಿಸ್ಸನ್ತಿ, ಅಞ್ಞೇ ¶ ತೇಲೇನ ಪುಚ್ಛಿಸ್ಸನ್ತಿ, ಅಞ್ಞೇ ಉತ್ತರಿಭಙ್ಗೇನ ಪುಚ್ಛಿಸ್ಸನ್ತೀತಿ. ತೇ ತೇನೇವ ಸೋಮನಸ್ಸೇನ ¶ ನ ಚಿತ್ತರೂಪಂ ರತ್ತಿಯಾ ಸುಪಿಂಸು. ಅಥ ಖೋ ಮೇತ್ತಿಯಭೂಮಜಕಾ ಭಿಕ್ಖೂ ಪುಬ್ಬಣ್ಹಸಮಯಂ ನಿವಾಸೇತ್ವಾ ಪತ್ತಚೀವರಮಾದಾಯ ಯೇನ ಕಲ್ಯಾಣಭತ್ತಿಕಸ್ಸ ಗಹಪತಿನೋ ನಿವೇಸನಂ ತೇನುಪಸಙ್ಕಮಿಂಸು. ಅದ್ದಸಾ ಖೋ ಸಾ ದಾಸೀ ಮೇತ್ತಿಯಭೂಮಜಕೇ ಭಿಕ್ಖೂ ದೂರತೋವ ಆಗಚ್ಛನ್ತೇ; ದಿಸ್ವಾನ ಕೋಟ್ಠಕೇ ಆಸನಂ ಪಞ್ಞಾಪೇತ್ವಾ ಮೇತ್ತಿಯಭೂಮಜಕೇ ಭಿಕ್ಖೂ ಏತದವೋಚ – ‘‘ನಿಸೀದಥ, ಭನ್ತೇ’’ತಿ. ಅಥ ಖೋ ಮೇತ್ತಿಯಭೂಮಜಕಾನಂ ಭಿಕ್ಖೂನಂ ಏತದಹೋಸಿ – ‘‘ನಿಸ್ಸಂಸಯಂ ಖೋ ನ ತಾವ ಭತ್ತಂ ಸಿದ್ಧಂ ಭವಿಸ್ಸತಿ ಯಥಾ ಮಯಂ ಕೋಟ್ಠಕೇ ನಿಸೀದಾಪಿಯಾಮಾ’’ತಿ [ನಿಸೀದಾಪೇಯ್ಯಾಮಾತಿ (ಕ.)]. ಅಥ ಖೋ ಸಾ ದಾಸೀ ಕಣಾಜಕೇನ [ಕಾಣಾಜಕೇನ (ಸ್ಯಾ. ಕಂ.)] ಬಿಲಙ್ಗದುತಿಯೇನ ಉಪಗಞ್ಛಿ – ಭುಞ್ಜಥ, ಭನ್ತೇತಿ. ‘‘ಮಯಂ ಖೋ, ಭಗಿನಿ, ನಿಚ್ಚಭತ್ತಿಕಾ’’ತಿ. ‘‘ಜಾನಾಮಿ ಅಯ್ಯಾ ನಿಚ್ಚಭತ್ತಿಕಾತಿ. ಅಪಿ ಚಾಹಂ ಹಿಯ್ಯೋವ ಗಹಪತಿನಾ ಆಣತ್ತಾ – ‘ಯೇ, ಜೇ, ಸ್ವೇ ಭತ್ತಿಕಾ ಆಗಚ್ಛನ್ತಿ, ತೇ ಕೋಟ್ಠಕೇ ಆಸನಂ ಪಞ್ಞಾಪೇತ್ವಾ ಕಣಾಜಕೇನ ಬಿಲಙ್ಗದುತಿಯೇನ ಪರಿವಿಸಾ’ತಿ. ಭುಞ್ಜಥ, ಭನ್ತೇ’’ತಿ. ಅಥ ಖೋ ಮೇತ್ತಿಯಭೂಮಜಕಾ ಭಿಕ್ಖೂ – ಹಿಯ್ಯೋ ಖೋ, ಆವುಸೋ, ಕಲ್ಯಾಣಭತ್ತಿಕೋ ಗಹಪತಿ ಆರಾಮಂ ಅಗಮಾಸಿ ದಬ್ಬಸ್ಸ ಮಲ್ಲಪುತ್ತಸ್ಸ ¶ ಸನ್ತಿಕೇ. ನಿಸ್ಸಂಸಯಂ ಖೋ ಮಯಂ ದಬ್ಬೇನ ಮಲ್ಲಪುತ್ತೇನ ಗಹಪತಿನೋ ಅನ್ತರೇ ಪರಿಭಿನ್ನಾತಿ [ಸನ್ತಿಕೇ ಪರಿಭಿನ್ನಾತಿ (ಸ್ಯಾ. ಕಂ.)]. ತೇ ತೇನೇವ ದೋಮನಸ್ಸೇನ ನ ಚಿತ್ತರೂಪಂ ಭುಞ್ಜಿಂಸು. ಅಥ ಖೋ ಮೇತ್ತಿಯಭೂಮಜಕಾ ಭಿಕ್ಖೂ ಪಚ್ಛಾಭತ್ತಂ ಪಿಣ್ಡಪಾತಪ್ಪಟಿಕ್ಕನ್ತಾ ಆರಾಮಂ ಗನ್ತ್ವಾ ಪತ್ತಚೀವರಂ ಪಟಿಸಾಮೇತ್ವಾ ಬಹಾರಾಮಕೋಟ್ಠಕೇ ಸಙ್ಘಾಟಿಪಲ್ಲತ್ಥಿಕಾಯ ನಿಸೀದಿಂಸು ತುಣ್ಹೀಭೂತಾ ಮಙ್ಕುಭೂತಾ ಪತ್ತಕ್ಖನ್ಧಾ ಅಧೋಮುಖಾ ಪಜ್ಝಾಯನ್ತಾ ¶ ಅಪ್ಪಟಿಭಾನಾ.

ಅಥ ಖೋ ಮೇತ್ತಿಯಾ ಭಿಕ್ಖುನೀ ಯೇನ ಮೇತ್ತಿಯಭೂಮಜಕಾ ಭಿಕ್ಖೂ ತೇನುಪಸಙ್ಕಮಿ, ಉಪಸಙ್ಕಮಿತ್ವಾ ಮೇತ್ತಿಯಭೂಮಜಕೇ ಭಿಕ್ಖೂ ಏತದವೋಚ – ‘‘ವನ್ದಾಮಿ ಅಯ್ಯಾ’’ತಿ. ಏವಂ ವುತ್ತೇ ಮೇತ್ತಿಯಭೂಮಜಕಾ ಭಿಕ್ಖೂ ನಾಲಪಿಂಸು. ದುತಿಯಮ್ಪಿ ಖೋ…ಪೇ… ತತಿಯಮ್ಪಿ ಖೋ ಮೇತ್ತಿಯಾ ಭಿಕ್ಖುನೀ ಮೇತ್ತಿಯಭೂಮಜಕೇ ಭಿಕ್ಖೂ ಏತದವೋಚ – ‘‘ವನ್ದಾಮಿ ಅಯ್ಯಾ’’ತಿ. ತತಿಯಮ್ಪಿ ಖೋ ಮೇತ್ತಿಯಭೂಮಜಕಾ ಭಿಕ್ಖೂ ನಾಲಪಿಂಸು. ‘‘ಕ್ಯಾಹಂ ಅಯ್ಯಾನಂ ಅಪರಜ್ಝಾಮಿ? ಕಿಸ್ಸ ಮಂ ಅಯ್ಯಾ ನಾಲಪನ್ತೀ’’ತಿ? ‘‘ತಥಾ ಹಿ ಪನ ತ್ವಂ, ಭಗಿನಿ, ಅಮ್ಹೇ ದಬ್ಬೇನ ಮಲ್ಲಪುತ್ತೇನ ವಿಹೇಠಿಯಮಾನೇ ಅಜ್ಝುಪೇಕ್ಖಸೀ’’ತಿ? ‘‘ಕ್ಯಾಹಂ, ಅಯ್ಯಾ, ಕರೋಮೀ’’ತಿ? ‘‘ಸಚೇ ಖೋ ತ್ವಂ, ಭಗಿನಿ, ಇಚ್ಛೇಯ್ಯಾಸಿ, ಅಜ್ಜೇವ ಭಗವಾ ಆಯಸ್ಮನ್ತಂ ದಬ್ಬಂ ¶ ಮಲ್ಲಪುತ್ತಂ ನಾಸಾಪೇಯ್ಯಾ’’ತಿ. ‘‘ಕ್ಯಾಹಂ, ಅಯ್ಯಾ, ಕರೋಮಿ? ಕಿಂ ಮಯಾ ಸಕ್ಕಾ ಕಾತು’’ನ್ತಿ? ‘‘ಏಹಿ ತ್ವಂ, ಭಗಿನಿ, ಯೇನ ಭಗವಾ ತೇನುಪಸಙ್ಕಮಿ, ಉಪಸಙ್ಕಮಿತ್ವಾ ಭಗವನ್ತಂ ಏವಂ ವದೇಹಿ – ‘ಇದಂ ¶ , ಭನ್ತೇ, ನಚ್ಛನ್ನಂ ನಪ್ಪತಿರೂಪಂ, ಯಾಯಂ, ಭನ್ತೇ, ದಿಸಾ ಅಭಯಾ ಅನೀತಿಕಾ ಅನುಪದ್ದವಾ ಸಾಯಂ ದಿಸಾ ಸಭಯಾ ಸಈತಿಕಾ ಸಉಪದ್ದವಾ; ಯತೋ ನಿವಾತಂ ತತೋ ಸವಾತಂ [ತತೋ ಪವಾತಂ (ಸೀ. ಸ್ಯಾ. ಕಂ.)]; ಉದಕಂ ಮಞ್ಞೇ ಆದಿತ್ತಂ; ಅಯ್ಯೇನಮ್ಹಿ ದಬ್ಬೇನ ಮಲ್ಲಪುತ್ತೇನ ದೂಸಿತಾ’’’ತಿ. ‘‘ಏವಂ ಅಯ್ಯಾ’’ತಿ ಖೋ ಮೇತ್ತಿಯಾ ಭಿಕ್ಖುನೀ ಮೇತ್ತಿಯಭೂಮಜಕಾನಂ ಭಿಕ್ಖೂನಂ ಪಟಿಸ್ಸುತ್ವಾ [ಪಟಿಸ್ಸುಣಿತ್ವಾ (ಸ್ಯಾ. ಕಂ.)] ಯೇನ ಭಗವಾ ತೇನುಪಸಙ್ಕಮಿ, ಉಪಸಙ್ಕಮಿತ್ವಾ ಭಗವನ್ತಂ ಅಭಿವಾದೇತ್ವಾ ಏಕಮನ್ತಂ ಅಟ್ಠಾಸಿ. ಏಕಮನ್ತಂ ಠಿತಾ ಖೋ ಮೇತ್ತಿಯಾ [ಸಾ ಮೇತ್ತಿಯಾ (ಸ್ಯಾ. ಕ.)] ಭಿಕ್ಖುನೀ ಭಗವನ್ತಂ ಏತದವೋಚ ¶ – ‘‘ಇದಂ, ಭನ್ತೇ, ನಚ್ಛನ್ನಂ ನಪ್ಪತಿರೂಪಂ, ಯಾಯಂ, ಭನ್ತೇ, ದಿಸಾ ಅಭಯಾ ಅನೀತಿಕಾ ಅನುಪದ್ದವಾ ಸಾಯಂ ದಿಸಾ ಸಭಯಾ ಸಈತಿಕಾ ಸಉಪದ್ದವಾ; ಯತೋ ನಿವಾತಂ ತತೋ ಸವಾತಂ; ಉದಕಂ ಮಞ್ಞೇ ಆದಿತ್ತಂ; ಅಯ್ಯೇನಮ್ಹಿ ದಬ್ಬೇನ ಮಲ್ಲಪುತ್ತೇನ ದೂಸಿತಾ’’ತಿ.

೧೯೩. ಅಥ ಖೋ ಭಗವಾ ಏತಸ್ಮಿಂ ನಿದಾನೇ ಏತಸ್ಮಿಂ ಪಕರಣೇ ಭಿಕ್ಖುಸಙ್ಘಂ ಸನ್ನಿಪಾತಾಪೇತ್ವಾ ಆಯಸ್ಮನ್ತಂ ದಬ್ಬಂ ಮಲ್ಲಪುತ್ತಂ ಪಟಿಪುಚ್ಛಿ – ‘‘ಸರಸಿ ತ್ವಂ, ದಬ್ಬ, ಏವರೂಪಂ ಕತ್ತಾ ¶ ಯಥಾಯಂ ಭಿಕ್ಖುನೀ ಆಹಾ’’ತಿ? ‘‘ಯಥಾ ಮಂ, ಭನ್ತೇ, ಭಗವಾ ಜಾನಾತೀ’’ತಿ. ದುತಿಯಮ್ಪಿ ಖೋ ಭಗವಾ ಆಯಸ್ಮನ್ತಂ ದಬ್ಬಂ ಮಲ್ಲಪುತ್ತಂ ಏತದವೋಚ – ‘‘ಸರಸಿ ತ್ವಂ, ದಬ್ಬ, ಏವರೂಪಂ ಕತ್ತಾ ಯಥಾಯಂ ಭಿಕ್ಖುನೀ ಆಹಾ’’ತಿ? ‘‘ಯಥಾ ಮಂ, ಭನ್ತೇ, ಭಗವಾ ಜಾನಾತೀ’’ತಿ. ತತಿಯಮ್ಪಿ ಖೋ ಭಗವಾ ಆಯಸ್ಮನ್ತಂ ದಬ್ಬಂ ಮಲ್ಲಪುತ್ತಂ ಏತದವೋಚ – ‘‘ಸರಸಿ ತ್ವಂ, ದಬ್ಬ, ಏವರೂಪಂ ಕತ್ತಾ ಯಥಾಯಂ ಭಿಕ್ಖುನೀ ಆಹಾ’’ತಿ? ‘‘ಯಥಾ ಮಂ, ಭನ್ತೇ, ಭಗವಾ ಜಾನಾತೀ’’ತಿ. ‘‘ನ ಖೋ, ದಬ್ಬ, ದಬ್ಬಾ ಏವಂ ನಿಬ್ಬೇಠೇನ್ತಿ. ಸಚೇ ತಯಾ ಕತಂ ಕತನ್ತಿ ವದೇಹಿ. ಸಚೇ ಅಕತಂ ಅಕತನ್ತಿ ವದೇಹೀ’’ತಿ. ‘‘ಯತೋಹಂ, ಭನ್ತೇ, ಜಾತೋ ನಾಭಿಜಾನಾಮಿ ಸುಪಿನನ್ತೇನಪಿ ಮೇಥುನಂ ಧಮ್ಮಂ ಪಟಿಸೇವಿತಾ, ಪಗೇವ ಜಾಗರೋ’’ತಿ. ಅಥ ಖೋ ಭಗವಾ ಭಿಕ್ಖೂ ಆಮನ್ತೇಸಿ – ‘‘ತೇನ ಹಿ, ಭಿಕ್ಖವೇ, ಮೇತ್ತಿಯಂ ಭಿಕ್ಖುನಿಂ ನಾಸೇಥ. ಇಮೇ ಚ ಭಿಕ್ಖೂ ಅನುಯುಞ್ಜಥಾ’’ತಿ. ಇದಂ ವತ್ವಾ ಭಗವಾ ಉಟ್ಠಾಯಾಸನಾ ವಿಹಾರಂ ಪಾವಿಸಿ.

ಅಥ ಖೋ ತೇ ಭಿಕ್ಖೂ ಮೇತ್ತಿಯಂ ಭಿಕ್ಖುನಿಂ ನಾಸೇಸುಂ. ಅಥ ಖೋ ಮೇತ್ತಿಯಭೂಮಜಕಾ ಭಿಕ್ಖೂ ತೇ ಭಿಕ್ಖೂ ಏತದವೋಚುಂ – ‘‘ಮಾವುಸೋ, ಮೇತ್ತಿಯಂ ಭಿಕ್ಖುನಿಂ ನಾಸೇಥ, ನ ಸಾ ಕಿಞ್ಚಿ ಅಪರಜ್ಝತಿ; ಅಮ್ಹೇಹಿ ಸಾ ಉಸ್ಸಾಹಿತಾ ಕುಪಿತೇಹಿ ಅನತ್ತಮನೇಹಿ ಚಾವನಾಧಿಪ್ಪಾಯೇಹೀ’’ತಿ. ‘‘ಕಿಂ ಪನ ತುಮ್ಹೇ, ಆವುಸೋ, ಆಯಸ್ಮನ್ತಂ ದಬ್ಬಂ ¶ ಮಲ್ಲಪುತ್ತಂ ಅಮೂಲಿಕಾಯ ಸೀಲವಿಪತ್ತಿಯಾ ಅನುದ್ಧಂಸೇಥಾ’’ತಿ? ‘‘ಏವಮಾವುಸೋ’’ತಿ. ಯೇ ತೇ ಭಿಕ್ಖೂ ಅಪ್ಪಿಚ್ಛಾ…ಪೇ… ತೇ ಉಜ್ಝಾಯನ್ತಿ ಖಿಯ್ಯನ್ತಿ ವಿಪಾಚೇನ್ತಿ – ‘‘ಕಥಞ್ಹಿ ನಾಮ ಮೇತ್ತಿಯಭೂಮಜಕಾ ಭಿಕ್ಖೂ ಆಯಸ್ಮನ್ತಂ ದಬ್ಬಂ ಮಲ್ಲಪುತ್ತಂ ಅಮೂಲಿಕಾಯ ಸೀಲವಿಪತ್ತಿಯಾ ಅನುದ್ಧಂಸೇಸ್ಸನ್ತೀ’’ತಿ! ಅಥ ಖೋ ತೇ ಭಿಕ್ಖೂ ಭಗವತೋ ಏತಮತ್ಥಂ ಆರೋಚೇಸುಂ ¶ …ಪೇ… ‘‘ಸಚ್ಚಂ ಕಿರ, ಭಿಕ್ಖವೇ, ಮೇತ್ತಿಯಭೂಮಜಕಾ ಭಿಕ್ಖೂ ದಬ್ಬಂ ಮಲ್ಲಪುತ್ತಂ ಅಮೂಲಿಕಾಯ ಸೀಲವಿಪತ್ತಿಯಾ ಅನುದ್ಧಂಸೇನ್ತೀ’’ತಿ? ‘‘ಸಚ್ಚಂ ಭಗವಾ’’ತಿ…ಪೇ… ವಿಗರಹಿತ್ವಾ…ಪೇ… ಧಮ್ಮಿಂ ಕಥಂ ಕತ್ವಾ ಭಿಕ್ಖೂ ಆಮನ್ತೇಸಿ –

‘‘ತೇನ ಹಿ, ಭಿಕ್ಖವೇ, ಸಙ್ಘೋ ದಬ್ಬಸ್ಸ ಮಲ್ಲಪುತ್ತಸ್ಸ ಸತಿವೇಪುಲ್ಲಪ್ಪತ್ತಸ್ಸ ಸತಿವಿನಯಂ ದೇತು. ಏವಞ್ಚ ¶ ಪನ, ಭಿಕ್ಖವೇ, ದಾತಬ್ಬೋ – ‘‘ತೇನ, ಭಿಕ್ಖವೇ, ದಬ್ಬೇನ ಮಲ್ಲಪುತ್ತೇನ ಸಙ್ಘಂ ಉಪಸಙ್ಕಮಿತ್ವಾ, ಏಕಂಸಂ ಉತ್ತರಾಸಙ್ಗಂ ಕರಿತ್ವಾ, ವುಡ್ಢಾನಂ ಭಿಕ್ಖೂನಂ ಪಾದೇ ವನ್ದಿತ್ವಾ, ಉಕ್ಕುಟಿಕಂ ನಿಸೀದಿತ್ವಾ, ಅಞ್ಜಲಿಂ ಪಗ್ಗಹೇತ್ವಾ, ಏವಮಸ್ಸ ವಚನೀಯೋ – ‘ಇಮೇ ಮಂ, ಭನ್ತೇ, ಮೇತ್ತಿಯಭೂಮಜಕಾ ಭಿಕ್ಖೂ ಅಮೂಲಿಕಾಯ ಸೀಲವಿಪತ್ತಿಯಾ ಅನುದ್ಧಂಸೇನ್ತಿ. ಸೋಹಂ, ಭನ್ತೇ, ಸತಿವೇಪುಲ್ಲಪ್ಪತ್ತೋ ಸಙ್ಘಂ ಸತಿವಿನಯಂ ಯಾಚಾಮೀ’ತಿ. ದುತಿಯಮ್ಪಿ ಯಾಚಿತಬ್ಬೋ. ತತಿಯಮ್ಪಿ ಯಾಚಿತಬ್ಬೋ – ‘ಇಮೇ ಮಂ, ಭನ್ತೇ ಮೇತ್ತಿಯಭೂಮಜಕಾ ಭಿಕ್ಖೂ ಅಮೂಲಿಕಾಯ ಸೀಲವಿಪತ್ತಿಯಾ ಅನುದ್ಧಂಸೇನ್ತಿ. ಸೋಹಂ ¶ [ಸೋಹಂ ಭನ್ತೇ (ಕ.)] ಸತಿವೇಪುಲ್ಲಪ್ಪತ್ತೋ ತತಿಯಮ್ಪಿ, ಭನ್ತೇ, ಸಙ್ಘಂ ಸತಿವಿನಯಂ ಯಾಚಾಮೀ’ತಿ. ‘‘ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೧೯೪. ಸುಣಾತು ¶ ಮೇ, ಭನ್ತೇ, ಸಙ್ಘೋ. ಇಮೇ ಮೇತ್ತಿಯಭೂಮಜಕಾ ಭಿಕ್ಖೂ ಆಯಸ್ಮನ್ತಂ ದಬ್ಬಂ ಮಲ್ಲಪುತ್ತಂ ಅಮೂಲಿಕಾಯ ಸೀಲವಿಪತ್ತಿಯಾ ಅನುದ್ಧಂಸೇನ್ತಿ. ಆಯಸ್ಮಾ ದಬ್ಬೋ ಮಲ್ಲಪುತ್ತೋ ಸತಿವೇಪುಲ್ಲಪ್ಪತ್ತೋ ಸಙ್ಘಂ ಸತಿವಿನಯಂ ಯಾಚತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಆಯಸ್ಮತೋ ದಬ್ಬಸ್ಸ ಮಲ್ಲಪುತ್ತಸ್ಸ ಸತಿವೇಪುಲ್ಲಪ್ಪತ್ತಸ್ಸ ಸತಿವಿನಯಂ ದದೇಯ್ಯ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಇಮೇ ಮೇತ್ತಿಯಭೂಮಜಕಾ ಭಿಕ್ಖೂ ಆಯಸ್ಮನ್ತಂ ದಬ್ಬಂ ಮಲ್ಲಪುತ್ತಂ ಅಮೂಲಿಕಾಯ ಸೀಲವಿಪತ್ತಿಯಾ ಅನುದ್ಧಂಸೇನ್ತಿ. ಆಯಸ್ಮಾ ದಬ್ಬೋ ಮಲ್ಲಪುತ್ತೋ ಸತಿವೇಪುಲ್ಲಪ್ಪತ್ತೋ ಸಙ್ಘಂ ಸತಿವಿನಯಂ ಯಾಚತಿ. ಸಙ್ಘೋ ಆಯಸ್ಮತೋ ದಬ್ಬಸ್ಸ ಮಲ್ಲಪುತ್ತಸ್ಸ ಸತಿವೇಪುಲ್ಲಪ್ಪತ್ತಸ್ಸ ಸತಿವಿನಯಂ ದೇತಿ. ಯಸ್ಸಾಯಸ್ಮತೋ ಖಮತಿ ಆಯಸ್ಮತೋ ದಬ್ಬಸ್ಸ ಮಲ್ಲಪುತ್ತಸ್ಸ ಸತಿವೇಪುಲ್ಲಪ್ಪತ್ತಸ್ಸ ಸತಿವಿನಯಸ್ಸ ದಾನಂ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ಏತಮತ್ಥಂ ವದಾಮಿ – ಸುಣಾತು ಮೇ, ಭನ್ತೇ, ಸಙ್ಘೋ. ಇಮೇ ಮೇತ್ತಿಯಭೂಮಜಕಾ ಭಿಕ್ಖೂ ಆಯಸ್ಮನ್ತಂ ದಬ್ಬಂ ಮಲ್ಲಪುತ್ತಂ ಅಮೂಲಿಕಾಯ ಸೀಲವಿಪತ್ತಿಯಾ ಅನುದ್ಧಂಸೇನ್ತಿ. ಆಯಸ್ಮಾ ದಬ್ಬೋ ಮಲ್ಲಪುತ್ತೋ ಸತಿವೇಪುಲ್ಲಪ್ಪತ್ತೋ ಸಙ್ಘಂ ಸತಿವಿನಯಂ ಯಾಚತಿ. ಸಙ್ಘೋ ಆಯಸ್ಮತೋ ದಬ್ಬಸ್ಸ ಮಲ್ಲಪುತ್ತಸ್ಸ ಸತಿವೇಪುಲ್ಲಪ್ಪತ್ತಸ್ಸ ಸತಿವಿನಯಂ ದೇತಿ. ಯಸ್ಸಾಯಸ್ಮತೋ ಖಮತಿ ಆಯಸ್ಮತೋ ¶ ದಬ್ಬಸ್ಸ ಮಲ್ಲಪುತ್ತಸ್ಸ ಸತಿವೇಪುಲ್ಲಪ್ಪತ್ತಸ್ಸ ಸತಿವಿನಯಸ್ಸ ದಾನಂ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದಿನ್ನೋ ಸಙ್ಘೇನ ಆಯಸ್ಮತೋ ದಬ್ಬಸ್ಸ ಮಲ್ಲಪುತ್ತಸ್ಸ ಸತಿವೇಪುಲ್ಲಪ್ಪತ್ತಸ್ಸ ¶ ಸತಿವಿನಯೋ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

೧೯೫. ‘‘ಪಞ್ಚಿಮಾನಿ, ಭಿಕ್ಖವೇ, ಧಮ್ಮಿಕಾನಿ ಸತಿವಿನಯಸ್ಸ ದಾನಾನಿ. ಸುದ್ಧೋ ಹೋತಿ ಭಿಕ್ಖು ಅನಾಪತ್ತಿಕೋ, ಅನುವದನ್ತಿ ಚ ನಂ, ಯಾಚತಿ ಚ, ತಸ್ಸ ಸಙ್ಘೋ ಸತಿವಿನಯಂ ದೇತಿ ಧಮ್ಮೇನ ಸಮಗ್ಗೇನ – ಇಮಾನಿ ಖೋ, ಭಿಕ್ಖವೇ, ಪಞ್ಚ ಧಮ್ಮಿಕಾನಿ ಸತಿವಿನಯಸ್ಸ ದಾನಾನೀ’’ತಿ.

೩. ಅಮೂಳ್ಹವಿನಯೋ

೧೯೬. ತೇನ ¶ ಖೋ ಪನ ಸಮಯೇನ ಗಗ್ಗೋ ಭಿಕ್ಖು ಉಮ್ಮತ್ತಕೋ ಹೋತಿ, ಚಿತ್ತವಿಪರಿಯಾಸಕತೋ. ತೇನ ಉಮ್ಮತ್ತಕೇನ ಚಿತ್ತವಿಪರಿಯಾಸಕತೇನ ಬಹುಂ ಅಸ್ಸಾಮಣಕಂ ಅಜ್ಝಾಚಿಣ್ಣಂ ಹೋತಿ ಭಾಸಿತಪರಿಕ್ಕನ್ತಂ. ಭಿಕ್ಖೂ ಗಗ್ಗಂ ಭಿಕ್ಖುಂ ಉಮ್ಮತ್ತಕೇನ ಚಿತ್ತವಿಪರಿಯಾಸಕತೇನ ಅಜ್ಝಾಚಿಣ್ಣೇನ ಆಪತ್ತಿಯಾ ಚೋದೇನ್ತಿ – ‘‘ಸರತಾಯಸ್ಮಾ ಏವರೂಪಿಂ ಆಪತ್ತಿಂ ಆಪಜ್ಜಿತಾ’’ತಿ? ಸೋ ಏವಂ ವದೇತಿ – ‘‘ಅಹಂ ಖೋ, ಆವುಸೋ ¶ , ಉಮ್ಮತ್ತಕೋ ಅಹೋಸಿಂ ಚಿತ್ತವಿಪರಿಯಾಸಕತೋ. ತೇನ ಮೇ ಉಮ್ಮತ್ತಕೇನ ಚಿತ್ತವಿಪರಿಯಾಸಕತೇನ ಬಹುಂ ಅಸ್ಸಾಮಣಕಂ ಅಜ್ಝಾಚಿಣ್ಣಂ ಭಾಸಿತಪರಿಕ್ಕನ್ತಂ. ನಾಹಂ ತಂ ಸರಾಮಿ. ಮೂಳ್ಹೇನ ಮೇ ಏತಂ ಕತ’’ನ್ತಿ. ಏವಮ್ಪಿ ನಂ ವುಚ್ಚಮಾನಾ ಚೋದೇನ್ತೇವ – ‘‘ಸರತಾಯಸ್ಮಾ ಏವರೂಪಿಂ ಆಪತ್ತಿಂ ಆಪಜ್ಜಿತಾ’’ತಿ? ಯೇ ತೇ ಭಿಕ್ಖೂ ಅಪ್ಪಿಚ್ಛಾ..ಪೇ… ತೇ ಉಜ್ಝಾಯನ್ತಿ ಖಿಯ್ಯನ್ತಿ ವಿಪಾಚೇನ್ತಿ – ‘‘ಕಥಞ್ಹಿ ನಾಮ ಭಿಕ್ಖೂ ಗಗ್ಗಂ ಭಿಕ್ಖುಂ ಉಮ್ಮತ್ತಕೇನ ಚಿತ್ತವಿಪರಿಯಾಸಕತೇನ ಅಜ್ಝಾಚಿಣ್ಣೇನ ಆಪತ್ತಿಯಾ ಚೋದೇಸ್ಸನ್ತಿ – ‘‘ಸರತಾಯಸ್ಮಾ ಏವರೂಪಿಂ ಆಪತ್ತಿಂ ಆಪಜ್ಜಿತಾ’ತಿ! ಸೋ ಏವಂ ವದೇತಿ ¶ – ‘ಅಹಂ ಖೋ, ಆವುಸೋ, ಉಮ್ಮತ್ತಕೋ ಅಹೋಸಿಂ ಚಿತ್ತವಿಪರಿಯಾಸಕತೋ. ತೇನ ಮೇ ಉಮ್ಮತ್ತಕೇನ ಚಿತ್ತವಿಪರಿಯಾಸಕತೇನ ಬಹುಂ ಅಸ್ಸಾಮಣಕಂ ಅಜ್ಝಾಚಿಣ್ಣಂ ಭಾಸಿತಪರಿಕ್ಕನ್ತಂ. ನಾಹಂ ತಂ ಸರಾಮಿ. ಮೂಳ್ಹೇನ ಮೇ ಏತಂ ಕತ’ನ್ತಿ. ಏವಮ್ಪಿ ನಂ ವುಚ್ಚಮಾನಾ ಚೋದೇನ್ತೇವ – ‘‘ಸರತಾಯಸ್ಮಾ ಏವರೂಪಿಂ ಆಪತ್ತಿಂ ಆಪಜ್ಜಿತಾ’’ತಿ? ಅಥ ಖೋ ತೇ ಭಿಕ್ಖೂ ಭಗವತೋ ಏತಮತ್ಥಂ ಆರೋಚೇಸುಂ…ಪೇ… ‘‘ಸಚ್ಚಂ ಕಿರ, ಭಿಕ್ಖವೇ…ಪೇ… ಸಚ್ಚಂ ಭಗವಾ’’ತಿ…ಪೇ… ವಿಗರಹಿತ್ವಾ…ಪೇ… ಧಮ್ಮಿಂ ಕಥಂ ಕತ್ವಾ ಭಿಕ್ಖೂ ಆಮನ್ತೇಸಿ –

‘‘ತೇನ ಹಿ, ಭಿಕ್ಖವೇ, ಸಙ್ಘೋ ಗಗ್ಗಸ್ಸ ಭಿಕ್ಖುನೋ ಅಮೂಳ್ಹಸ್ಸ ಅಮೂಳ್ಹವಿನಯಂ ದೇತು. ಏವಞ್ಚ ¶ ಪನ, ಭಿಕ್ಖವೇ, ದಾತಬ್ಬೋ – ‘‘ತೇನ, ಭಿಕ್ಖವೇ, ಗಗ್ಗೇನ ಭಿಕ್ಖುನಾ ಸಙ್ಘಂ ಉಪಸಙ್ಕಮಿತ್ವಾ, ಏಕಂಸಂ ಉತ್ತರಾಸಙ್ಗಂ ಕರಿತ್ವಾ, ವುಡ್ಢಾನಂ ಭಿಕ್ಖೂನಂ ಪಾದೇ ವನ್ದಿತ್ವಾ, ಉಕ್ಕುಟಿಕಂ ನಿಸೀದಿತ್ವಾ, ಅಞ್ಜಲಿಂ ಪಗ್ಗಹೇತ್ವಾ, ಏವಮಸ್ಸ ವಚನೀಯೋ – ‘ಅಹಂ, ಭನ್ತೇ, ಉಮ್ಮತ್ತಕೋ ಅಹೋಸಿಂ ಚಿತ್ತವಿಪರಿಯಾಸಕತೋ. ತೇನ ಮೇ ಉಮ್ಮತ್ತಕೇನ ಚಿತ್ತವಿಪರಿಯಾಸಕತೇನ ಬಹುಂ ಅಸ್ಸಾಮಣಕಂ ಅಜ್ಝಾಚಿಣ್ಣಂ ಭಾಸಿತಪರಿಕ್ಕನ್ತಂ. ಮಂ ಭಿಕ್ಖೂ ಉಮ್ಮತ್ತಕೇನ ಚಿತ್ತವಿಪರಿಯಾಸಕತೇನ ಅಜ್ಝಾಚಿಣ್ಣೇನ ಆಪತ್ತಿಯಾ ಚೋದೇನ್ತಿ – ‘ಸರತಾಯಸ್ಮಾ ಏವರೂಪಿಂ ಆಪತ್ತಿಂ ಆಪಜ್ಜಿತಾ’ತಿ? ತ್ಯಾಹಂ ಏವಂ ವದಾಮಿ – ‘ಅಹಂ ಖೋ, ಆವುಸೋ, ಉಮ್ಮತ್ತಕೋ ಅಹೋಸಿಂ ಚಿತ್ತವಿಪರಿಯಾಸಕತೋ. ತೇನ ಮೇ ಉಮ್ಮತ್ತಕೇನ ಚಿತ್ತವಿಪರಿಯಾಸಕತೇನ ಬಹುಂ ಅಸ್ಸಾಮಣಕಂ ಅಜ್ಝಾಚಿಣ್ಣಂ ಭಾಸಿತಪರಿಕ್ಕನ್ತಂ. ನಾಹಂ ತಂ ಸರಾಮಿ. ಮೂಳ್ಹೇನ ಮೇ ಏತಂ ಕತ’ನ್ತಿ. ಏವಮ್ಪಿ ಮಂ ವುಚ್ಚಮಾನಾ ಚೋದೇನ್ತೇವ ¶ – ‘ಸರತಾಯಸ್ಮಾ ಏವರೂಪಿಂ ಆಪತ್ತಿಂ ಆಪಜ್ಜಿತಾ’ತಿ? ಸೋಹಂ ¶ , ಭನ್ತೇ, ಅಮೂಳ್ಹೋ ಸಙ್ಘಂ ಅಮೂಳ್ಹವಿನಯಂ ಯಾಚಾಮೀ’ತಿ. ದುತಿಯಮ್ಪಿ ಯಾಚಿತಬ್ಬೋ. ತತಿಯಮ್ಪಿ ಯಾಚಿತಬ್ಬೋ – ‘ಅಹಂ, ಭನ್ತೇ, ಉಮ್ಮತ್ತಕೋ ಅಹೋಸಿಂ ಚಿತ್ತವಿಪರಿಯಾಸಕತೋ. ತೇನ ಮೇ ಉಮ್ಮತ್ತಕೇನ ಚಿತ್ತವಿಪರಿಯಾಸಕತೇನ ಬಹುಂ ಅಸ್ಸಾಮಣಕಂ ಅಜ್ಝಾಚಿಣ್ಣಂ ಭಾಸಿತಪರಿಕ್ಕನ್ತಂ. ಮಂ ಭಿಕ್ಖೂ ಉಮ್ಮತ್ತಕೇನ ಚಿತ್ತವಿಪರಿಯಾಸಕತೇನ ಅಜ್ಝಾಚಿಣ್ಣೇನ ಆಪತ್ತಿಯಾ ಚೋದೇನ್ತಿ – ‘ಸರತಾಯಸ್ಮಾ ಏವರೂಪಿಂ ಆಪತ್ತಿಂ ಆಪಜ್ಜಿತಾ’ತಿ? ತ್ಯಾಹಂ ಏವಂ ವದಾಮಿ – ‘ಅಹಂ ಖೋ, ಆವುಸೋ, ಉಮ್ಮತ್ತಕೋ ಅಹೋಸಿಂ ಚಿತ್ತವಿಪರಿಯಾಸಕತೋ. ತೇನ ಮೇ ಉಮ್ಮತ್ತಕೇನ ಚಿತ್ತವಿಪರಿಯಾಸಕತೇನ ಬಹುಂ ಅಸ್ಸಾಮಣಕಂ ಅಜ್ಝಾಚಿಣ್ಣಂ ಭಾಸಿತಪರಿಕ್ಕನ್ತಂ. ನಾಹಂ ತಂ ಸರಾಮಿ ಮೂಳ್ಹೇನ ಮೇ ಏತಂ ಕತ’ನ್ತಿ. ಏವಮ್ಪಿ ಮಂ ವುಚ್ಚಮಾನಾ ಚೋದೇನ್ತೇವ – ‘ಸರತಾಯಸ್ಮಾ ಏವರೂಪಿಂ ಆಪತ್ತಿಂ ಆಪಜ್ಜಿತಾ’ತಿ? ಸೋಹಂ ಅಮೂಳ್ಹೋ [ಸೋಹಂ ಭನ್ತೇ ಅಮೂಳ್ಹೋ (ಕ.)] ತತಿಯಮ್ಪಿ, ಭನ್ತೇ, ಸಙ್ಘಂ ಅಮೂಳ್ಹವಿನಯಂ ಯಾಚಾಮೀ’ತಿ. ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೧೯೭. ‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಗಗ್ಗೋ ಭಿಕ್ಖು ಉಮ್ಮತ್ತಕೋ ಅಹೋಸಿ ಚಿತ್ತವಿಪರಿಯಾಸಕತೋ. ತೇನ ಉಮ್ಮತ್ತಕೇನ ಚಿತ್ತವಿಪರಿಯಾಸಕತೇನ ಬಹುಂ ಅಸ್ಸಾಮಣಕಂ ಅಜ್ಝಾಚಿಣ್ಣಂ ಭಾಸಿತಪರಿಕ್ಕನ್ತಂ. ಭಿಕ್ಖೂ ಗಗ್ಗಂ ಭಿಕ್ಖುಂ ಉಮ್ಮತ್ತಕೇನ ಚಿತ್ತವಿಪರಿಯಾಸಕತೇನ ಅಜ್ಝಾಚಿಣ್ಣೇನ ಆಪತ್ತಿಯಾ ಚೋದೇನ್ತಿ – ‘ಸರತಾಯಸ್ಮಾ ಏವರೂಪಿಂ ಆಪತ್ತಿಂ ಆಪಜ್ಜಿತಾ’ತಿ? ಸೋ ಏವಂ ವದೇತಿ – ‘ಅಹಂ ಖೋ, ಆವುಸೋ, ಉಮ್ಮತ್ತಕೋ ಅಹೋಸಿಂ ಚಿತ್ತವಿಪರಿಯಾಸಕತೋ. ತೇನ ಮೇ ಉಮ್ಮತ್ತಕೇನ ಚಿತ್ತವಿಪರಿಯಾಸಕತೇನ ಬಹುಂ ಅಸ್ಸಾಮಣಕಂ ಅಜ್ಝಾಚಿಣ್ಣಂ ¶ ಭಾಸಿತಪರಿಕ್ಕನ್ತಂ. ನಾಹಂ ತಂ ಸರಾಮಿ, ಮೂಳ್ಹೇನ ¶ ಮೇ ಏತಂ ಕತ’ನ್ತಿ. ಏವಮ್ಪಿ ನಂ ವುಚ್ಚಮಾನಾ ಚೋದೇನ್ತೇವ – ‘ಸರತಾಯಸ್ಮಾ ಏವರೂಪಿಂ ಆಪತ್ತಿಂ ಆಪಜ್ಜಿತಾ’ತಿ? ಸೋ ಅಮೂಳ್ಹೋ ಸಙ್ಘಂ ಅಮೂಳ್ಹವಿನಯಂ ಯಾಚತಿ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಗಗ್ಗಸ್ಸ ಭಿಕ್ಖುನೋ ಅಮೂಳ್ಹಸ್ಸ ಅಮೂಳ್ಹವಿನಯಂ ದದೇಯ್ಯ. ಏಸಾ ಞತ್ತಿ.

‘‘ಸುಣಾತು ¶ ಮೇ, ಭನ್ತೇ, ಸಙ್ಘೋ. ಅಯಂ ಗಗ್ಗೋ ಭಿಕ್ಖು ಉಮ್ಮತ್ತಕೋ ಅಹೋಸಿ ಚಿತ್ತವಿಪರಿಯಾಸಕತೋ. ತೇನ ಉಮ್ಮತ್ತಕೇನ ಚಿತ್ತವಿಪರಿಯಾಸಕತೇನ ಬಹುಂ ಅಸ್ಸಾಮಣಕಂ ಅಜ್ಝಾಚಿಣ್ಣಂ ಭಾಸಿತಪರಿಕ್ಕನ್ತಂ. ಭಿಕ್ಖೂ ಗಗ್ಗಂ ಭಿಕ್ಖುಂ ಉಮ್ಮತ್ತಕೇನ ಚಿತ್ತವಿಪರಿಯಾಸಕತೇನ ಅಜ್ಝಾಚಿಣ್ಣೇನ ಆಪತ್ತಿಯಾ ಚೋದೇನ್ತಿ – ‘ಸರತಾಯಸ್ಮಾ ಏವರೂಪಿಂ ಆಪತ್ತಿಂ ಆಪಜ್ಜಿತಾ’ತಿ? ಸೋ ಏವಂ ವದೇತಿ – ‘ಅಹಂ ಖೋ, ಆವುಸೋ, ಉಮ್ಮತ್ತಕೋ ಅಹೋಸಿಂ ಚಿತ್ತವಿಪರಿಯಾಸಕತೋ. ತೇನ ಮೇ ಉಮ್ಮತ್ತಕೇನ ಚಿತ್ತವಿಪರಿಯಾಸಕತೇನ ಬಹುಂ ಅಸ್ಸಾಮಣಕಂ ಅಜ್ಝಾಚಿಣ್ಣಂ ¶ ಭಾಸಿತಪರಿಕ್ಕನ್ತಂ. ನಾಹಂ ತಂ ಸರಾಮಿ ಮೂಳ್ಹೇನ ಮೇ ಏತಂ ಕತ’ನ್ತಿ. ಏವಮ್ಪಿ ನಂ ವುಚ್ಚಮಾನಾ ಚೋದೇನ್ತೇವ – ‘ಸರತಾಯಸ್ಮಾ ಏವರೂಪಿಂ ಆಪತ್ತಿಂ ಆಪಜ್ಜಿತಾ’ತಿ? ಸೋ ಅಮೂಳ್ಹೋ ಸಙ್ಘಂ ಅಮೂಳ್ಹವಿನಯಂ ಯಾಚತಿ. ಸಙ್ಘೋ ಗಗ್ಗಸ್ಸ ಭಿಕ್ಖುನೋ ಅಮೂಳ್ಹಸ್ಸ ಅಮೂಳ್ಹವಿನಯಂ ದೇತಿ. ಯಸ್ಸಾಯಸ್ಮತೋ ಖಮತಿ ಗಗ್ಗಸ್ಸ ಭಿಕ್ಖುನೋ ಅಮೂಳ್ಹಸ್ಸ ಅಮೂಳ್ಹವಿನಯಸ್ಸ ದಾನಂ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ಏತಮತ್ಥಂ ವದಾಮಿ…ಪೇ….

‘‘ದಿನ್ನೋ ಸಙ್ಘೇನ ಗಗ್ಗಸ್ಸ ಭಿಕ್ಖುನೋ ಅಮೂಳ್ಹಸ್ಸ ಅಮೂಳ್ಹವಿನಯೋ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ ¶ , ಏವಮೇತಂ ಧಾರಯಾಮೀ’’ತಿ.

೧೯೮. ‘‘ತೀಣಿಮಾನಿ, ಭಿಕ್ಖವೇ, ಅಧಮ್ಮಿಕಾನಿ ಅಮೂಳ್ಹವಿನಯಸ್ಸ ದಾನಾನಿ, ತೀಣಿ ಧಮ್ಮಿಕಾನಿ. ಕಮ್ಮಾನಿ ತೀಣಿ ಅಧಮ್ಮಿಕಾನಿ ಅಮೂಳ್ಹವಿನಯಸ್ಸ ದಾನಾನಿ?

‘‘ಇಧ ಪನ, ಭಿಕ್ಖವೇ, ಭಿಕ್ಖು ಆಪತ್ತಿಂ ಆಪನ್ನೋ ಹೋತಿ. ತಮೇನಂ ಚೋದೇತಿ ಸಙ್ಘೋ ವಾ, ಸಮ್ಬಹುಲಾ ವಾ, ಏಕಪುಗ್ಗಲೋ ವಾ – ‘ಸರತಾಯಸ್ಮಾ ಏವರೂಪಿಂ ಆಪತ್ತಿಂ ಆಪಜ್ಜಿತಾ’ತಿ? ಸೋ ಸರಮಾನೋವ ಏವಂ ವದೇತಿ – ‘ನ ಖೋ ಅಹಂ, ಆವುಸೋ, ಸರಾಮಿ ಏವರೂಪಿಂ ಆಪತ್ತಿಂ ಆಪಜ್ಜಿತಾ’ತಿ. ತಸ್ಸ ಸಙ್ಘೋ ಅಮೂಳ್ಹವಿನಯಂ ದೇತಿ. ಅಧಮ್ಮಿಕಂ ಅಮೂಳ್ಹವಿನಯಸ್ಸ ದಾನಂ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಆಪತ್ತಿಂ ಆಪನ್ನೋ ಹೋತಿ. ತಮೇನಂ ಚೋದೇತಿ ಸಙ್ಘೋ ವಾ, ಸಮ್ಬಹುಲಾ ವಾ, ಏಕಪುಗ್ಗಲೋ ವಾ – ‘ಸರತಾಯಸ್ಮಾ ಏವರೂಪಿಂ ಆಪತ್ತಿಂ ಆಪಜ್ಜಿತಾ’ತಿ? ಸೋ ಸರಮಾನೋವ ಏವಂ ವದೇತಿ – ‘ಸರಾಮಿ ಖೋ ಅಹಂ, ಆವುಸೋ, ಯಥಾಸುಪಿನನ್ತೇನಾ’ತಿ. ತಸ್ಸ ಸಙ್ಘೋ ಅಮೂಳ್ಹವಿನಯಂ ದೇತಿ. ಅಧಮ್ಮಿಕಂ ಅಮೂಳ್ಹವಿನಯಸ್ಸ ದಾನಂ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಆಪತ್ತಿಂ ಆಪನ್ನೋ ಹೋತಿ. ತಮೇನಂ ಚೋದೇತಿ ಸಙ್ಘೋ ವಾ, ಸಮ್ಬಹುಲಾ ¶ ವಾ, ಏಕಪುಗ್ಗಲೋ ವಾ – ‘ಸರತಾಯಸ್ಮಾ ಏವರೂಪಿಂ ಆಪತ್ತಿಂ ಆಪಜ್ಜಿತಾ’ತಿ? ಸೋ ಅನುಮ್ಮತ್ತಕೋ ಉಮ್ಮತ್ತಕಾಲಯಂ ಕರೋತಿ – ‘ಅಹಮ್ಪಿ ಖೋ ಏವಂ ಕರೋಮಿ. ತುಮ್ಹೇಪಿ ಏವಂ ಕರೋಥ. ಮಯ್ಹಮ್ಪಿ ಏತಂ ಕಪ್ಪತಿ. ತುಮ್ಹಾಕಮ್ಪೇತಂ ಕಪ್ಪತೀ’ತಿ. ತಸ್ಸ ಸಙ್ಘೋ ಅಮೂಳ್ಹವಿನಯಂ ದೇತಿ. ಅಧಮ್ಮಿಕಂ ಅಮೂಳ್ಹವಿನಯಸ್ಸ ದಾನಂ. ಇಮಾನಿ ತೀಣಿ ಅಧಮ್ಮಿಕಾನಿ ಅಮೂಳ್ಹವಿನಯಸ್ಸ ದಾನಾನಿ.

೧೯೯. ‘‘ಕತಮಾನಿ ¶ ¶ ತೀಣಿ ಧಮ್ಮಿಕಾನಿ ಅಮೂಳ್ಹವಿನಯಸ್ಸ ದಾನಾನಿ?

‘‘ಇಧ ಪನ, ಭಿಕ್ಖವೇ, ಭಿಕ್ಖು ಉಮ್ಮತ್ತಕೋ ಹೋತಿ ಚಿತ್ತವಿಪರಿಯಾಸಕತೋ. ತೇನ ಉಮ್ಮತ್ತಕೇನ ಚಿತ್ತವಿಪರಿಯಾಸಕತೇನ ಬಹುಂ ಅಸ್ಸಾಮಣಕಂ ಅಜ್ಝಾಚಿಣ್ಣಂ ಹೋತಿ ಭಾಸಿತಪರಿಕ್ಕನ್ತಂ. ತಮೇನಂ ಚೋದೇತಿ ಸಙ್ಘೋ ವಾ, ಸಮ್ಬಹುಲಾ ವಾ, ಏಕಪುಗ್ಗಲೋ ವಾ – ‘ಸರತಾಯಸ್ಮಾ ಏವರೂಪಿಂ ಆಪತ್ತಿಂ ಆಪಜ್ಜಿತಾ’ತಿ? ಸೋ ಅಸ್ಸರಮಾನೋವ ಏವಂ ವದೇತಿ – ‘ನ ಖೋ ಅಹಂ, ಆವುಸೋ, ಸರಾಮಿ ಏವರೂಪಿಂ ಆಪತ್ತಿಂ ಆಪಜ್ಜಿತಾ’ತಿ. ತಸ್ಸ ಸಙ್ಘೋ ಅಮೂಳ್ಹವಿನಯಂ ದೇತಿ. ಧಮ್ಮಿಕಂ ಅಮೂಳ್ಹವಿನಯಸ್ಸ ದಾನಂ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಉಮ್ಮತ್ತಕೋ ಹೋತಿ ಚಿತ್ತವಿಪರಿಯಾಸಕತೋ. ತೇನ ಉಮ್ಮತ್ತಕೇನ ಚಿತ್ತವಿಪರಿಯಾಸಕತೇನ ಬಹುಂ ಅಸ್ಸಾಮಣಕಂ ಅಜ್ಝಾಚಿಣ್ಣಂ ಹೋತಿ ಭಾಸಿತಪರಿಕ್ಕನ್ತಂ. ತಮೇನಂ ಚೋದೇತಿ ಸಙ್ಘೋ ವಾ, ಸಮ್ಬಹುಲಾ ವಾ, ಏಕಪುಗ್ಗಲೋ ವಾ – ‘ಸರತಾಯಸ್ಮಾ ಏವರೂಪಿಂ ಆಪತ್ತಿಂ ಆಪಜ್ಜಿತಾ’ತಿ ¶ ? ಸೋ ಅಸ್ಸರಮಾನೋವ ಏವಂ ವದೇತಿ – ‘ಸರಾಮಿ ಖೋ ಅಹಂ, ಆವುಸೋ, ಯಥಾ ಸುಪಿನನ್ತೇನಾ’ತಿ. ತಸ್ಸ ಸಙ್ಘೋ ಅಮೂಳ್ಹವಿನಯಂ ದೇತಿ. ಧಮ್ಮಿಕಂ ಅಮೂಳ್ಹವಿನಯಸ್ಸ ದಾನಂ.

‘‘ಇಧ ಪನ, ಭಿಕ್ಖವೇ, ಭಿಕ್ಖು ಉಮ್ಮತ್ತಕೋ ಹೋತಿ ಚಿತ್ತವಿಪರಿಯಾಸಕತೋ. ತೇನ ಉಮ್ಮತ್ತಕೇನ ಚಿತ್ತವಿಪರಿಯಾಸಕತೇನ ಬಹುಂ ಅಸ್ಸಾಮಣಕಂ ಅಜ್ಝಾಚಿಣ್ಣಂ ಹೋತಿ ಭಾಸಿತಪರಿಕ್ಕನ್ತಂ. ತಮೇನಂ ಚೋದೇತಿ ಸಙ್ಘೋ ವಾ, ಸಮ್ಬಹುಲಾ ವಾ, ಏಕಪುಗ್ಗಲೋ ವಾ – ‘ಸರತಾಯಸ್ಮಾ ಏವರೂಪಿಂ ಆಪತ್ತಿಂ ಆಪಜ್ಜಿತಾ’ತಿ? ಸೋ ಉಮ್ಮತ್ತಕೋ ಉಮ್ಮತ್ತಕಾಲಯಂ ಕರೋತಿ – ‘ಅಹಮ್ಪಿ ಏವಂ ¶ ಕರೋಮಿ. ತುಮ್ಹೇಪಿ ಏವಂ ಕರೋಥ. ಮಯ್ಹಮ್ಪಿ ಏತಂ ಕಪ್ಪತಿ. ತುಮ್ಹಾಕಮ್ಪೇತಂ ಕಪ್ಪತೀ’ತಿ. ತಸ್ಸ ಸಙ್ಘೋ ಅಮೂಳ್ಹವಿನಯಂ ದೇತಿ. ಧಮ್ಮಿಕಂ ಅಮೂಳ್ಹವಿನಯಸ್ಸ ದಾನಂ. ‘‘ಇಮಾನಿ ತೀಣಿ ಧಮ್ಮಿಕಾನಿ ಅಮೂಳ್ಹವಿನಯಸ್ಸ ದಾನಾನೀ’’ತಿ.

೪. ಪಟಿಞ್ಞಾತಕರಣಂ

೨೦೦. ತೇನ ಖೋ ಪನ ಸಮಯೇನ ಛಬ್ಬಗ್ಗಿಯಾ ಭಿಕ್ಖೂ ಅಪ್ಪಟಿಞ್ಞಾಯ ಭಿಕ್ಖೂನಂ ಕಮ್ಮಾನಿ ಕರೋನ್ತಿ ¶ – ತಜ್ಜನೀಯಮ್ಪಿ, ನಿಯಸ್ಸಮ್ಪಿ, ಪಬ್ಬಾಜನೀಯಮ್ಪಿ, ಪಟಿಸಾರಣೀಯಮ್ಪಿ, ಉಕ್ಖೇಪನೀಯಮ್ಪಿ. ಯೇ ತೇ ಭಿಕ್ಖೂ ಅಪ್ಪಿಚ್ಛಾ…ಪೇ… ತೇ ಉಜ್ಝಾಯನ್ತಿ ಖಿಯ್ಯನ್ತಿ ವಿಪಾಚೇನ್ತಿ – ‘‘ಕಥಞ್ಹಿ ನಾಮ ಛಬ್ಬಗ್ಗಿಯಾ ಭಿಕ್ಖೂ ಅಪ್ಪಟಿಞ್ಞಾಯ ಭಿಕ್ಖೂನಂ ಕಮ್ಮಾನಿ ಕರಿಸ್ಸನ್ತಿ – ತಜ್ಜನೀಯಮ್ಪಿ, ನಿಯಸ್ಸಮ್ಪಿ, ಪಬ್ಬಾಜನೀಯಮ್ಪಿ, ಪಟಿಸಾರಣೀಯಮ್ಪಿ, ಉಕ್ಖೇಪನೀಯಮ್ಪೀ’’ತಿ! ಅಥ ಖೋ ¶ ತೇ ಭಿಕ್ಖೂ ಭಗವತೋ ಏತಮತ್ಥಂ ಆರೋಚೇಸುಂ…ಪೇ… ‘‘ಸಚ್ಚಂ ಕಿರ, ಭಿಕ್ಖವೇ…ಪೇ… ‘‘ಸಚ್ಚಂ ಭಗವಾ’’ತಿ…ಪೇ… ವಿಗರಹಿತ್ವಾ…ಪೇ… ಧಮ್ಮಿಂ ಕಥಂ ಕತ್ವಾ ಭಿಕ್ಖೂ ಆಮನ್ತೇಸಿ – ‘‘ನ, ಭಿಕ್ಖವೇ, ಅಪ್ಪಟಿಞ್ಞಾಯ ಭಿಕ್ಖೂನಂ ಕಮ್ಮಂ ಕಾತಬ್ಬಂ – ತಜ್ಜನೀಯಂ ವಾ, ನಿಯಸ್ಸಂ ವಾ, ಪಬ್ಬಾಜನೀಯಂ ವಾ, ಪಟಿಸಾರಣೀಯಂ ವಾ, ಉಕ್ಖೇಪನೀಯಂ ವಾ. ಯೋ ಕರೇಯ್ಯ, ಆಪತ್ತಿ ದುಕ್ಕಟಸ್ಸ.

೨೦೧. ‘‘ಏವಂ ಖೋ, ಭಿಕ್ಖವೇ, ಅಧಮ್ಮಿಕಂ ಹೋತಿ ಪಟಿಞ್ಞಾತಕರಣಂ, ಏವಂ ಧಮ್ಮಿಕಂ. ಕಥಞ್ಚ, ಭಿಕ್ಖವೇ, ಅಧಮ್ಮಿಕಂ ಹೋತಿ ಪಟಿಞ್ಞಾತಕರಣಂ?

‘‘ಭಿಕ್ಖು ಪಾರಾಜಿಕಂ ಅಜ್ಝಾಪನ್ನೋ ಹೋತಿ. ತಮೇನಂ ಚೋದೇತಿ ಸಙ್ಘೋ ವಾ, ಸಮ್ಬಹುಲಾ ವಾ, ಏಕಪುಗ್ಗಲೋ ವಾ – ‘ಪಾರಾಜಿಕಂ ಆಯಸ್ಮಾ ಅಜ್ಝಾಪನ್ನೋ’ತಿ? ಸೋ ಏವಂ ವದೇತಿ – ‘ನ ಖೋ ಅಹಂ, ಆವುಸೋ, ಪಾರಾಜಿಕಂ ಅಜ್ಝಾಪನ್ನೋ ¶ , ಸಙ್ಘಾದಿಸೇಸಂ ಅಜ್ಝಾಪನ್ನೋ’ತಿ. ತಂ ಸಙ್ಘೋ ಸಙ್ಘಾದಿಸೇಸೇನ ಕಾರೇತಿ. ಅಧಮ್ಮಿಕಂ ಪಟಿಞ್ಞಾತಕರಣಂ.

‘‘ಭಿಕ್ಖು ಪಾರಾಜಿಕಂ ಅಜ್ಝಾಪನ್ನೋ ಹೋತಿ. ತಮೇನಂ ಚೋದೇತಿ ಸಙ್ಘೋ ವಾ, ಸಮ್ಬಹುಲಾ ವಾ, ಏಕಪುಗ್ಗಲೋ ವಾ – ‘ಪಾರಾಜಿಕಂ ಆಯಸ್ಮಾ ಅಜ್ಝಾಪನ್ನೋ’ತಿ? ಸೋ ಏವಂ ವದೇತಿ – ‘ನ ಖೋ ಅಹಂ, ಆವುಸೋ, ಪಾರಾಜಿಕಂ ಅಜ್ಝಾಪನ್ನೋ, ಥುಲ್ಲಚ್ಚಯಂ…ಪೇ… ಪಾಚಿತ್ತಿಯಂ…ಪೇ… ಪಾಟಿದೇಸನೀಯಂ…ಪೇ… ದುಕ್ಕಟಂ…ಪೇ… ¶ ದುಬ್ಭಾಸಿತಂ ಅಜ್ಝಾಪನ್ನೋ’ತಿ. ತಂ ಸಙ್ಘೋ ದುಬ್ಭಾಸಿತೇನ ಕಾರೇತಿ. ಅಧಮ್ಮಿಕಂ ಪಟಿಞ್ಞಾತಕರಣಂ.

‘‘ಭಿಕ್ಖು ಸಙ್ಘಾದಿಸೇಸಂ…ಪೇ… ಥುಲ್ಲಚ್ಚಯಂ…ಪೇ… ಪಾಚಿತ್ತಿಯಂ…ಪೇ… ಪಾಟಿದೇಸನೀಯಂ…ಪೇ… ದುಕ್ಕಟಂ…ಪೇ… ದುಬ್ಭಾಸಿತಂ ಅಜ್ಝಾಪನ್ನೋ ಹೋತಿ. ತಮೇನಂ ಚೋದೇತಿ ಸಙ್ಘೋ ವಾ, ಸಮ್ಬಹುಲಾ ವಾ, ಏಕಪುಗ್ಗಲೋ ವಾ – ‘ದುಬ್ಭಾಸಿತಂ ಆಯಸ್ಮಾ ಅಜ್ಝಾಪನ್ನೋ’ತಿ ¶ ? ಸೋ ಏವಂ ವದೇತಿ – ‘ನ ಖೋ ಅಹಂ, ಆವುಸೋ, ದುಬ್ಭಾಸಿತಂ ಅಜ್ಝಾಪನ್ನೋ, ಪಾರಾಜಿಕಂ ಅಜ್ಝಾಪನ್ನೋ’ತಿ. ತಂ ಸಙ್ಘೋ ಪಾರಾಜಿಕೇನ ಕಾರೇತಿ. ಅಧಮ್ಮಿಕಂ ಪಟಿಞ್ಞಾತಕರಣಂ.

‘‘ಭಿಕ್ಖು ದುಬ್ಭಾಸಿತಂ ಅಜ್ಝಾಪನ್ನೋ ಹೋತಿ. ತಮೇನಂ ಚೋದೇತಿ ಸಙ್ಘೋ ವಾ, ಸಮ್ಬಹುಲಾ ವಾ, ಏಕಪುಗ್ಗಲೋ ¶ ವಾ – ‘ದುಬ್ಭಾಸಿತಂ ಆಯಸ್ಮಾ ಅಜ್ಝಾಪನ್ನೋ’ತಿ? ಸೋ ಏವಂ ವದೇತಿ – ‘ನ ಖೋ ಅಹಂ, ಆವುಸೋ, ದುಬ್ಭಾಸಿತಂ ಅಜ್ಝಾಪನ್ನೋ, ಸಙ್ಘಾದಿಸೇಸಂ…ಪೇ… ಥುಲ್ಲಚ್ಚಯಂ…ಪೇ… ಪಾಚಿತ್ತಿಯಂ…ಪೇ… ಪಾಟಿದೇಸನೀಯಂ…ಪೇ… ದುಕ್ಕಟಂ ಅಜ್ಝಾಪನ್ನೋ’ತಿ. ತಂ ಸಙ್ಘೋ ದುಕ್ಕಟೇನ ಕಾರೇತಿ. ಅಧಮ್ಮಿಕಂ ಪಟಿಞ್ಞಾತಕರಣಂ. ‘‘ಏವಂ ಖೋ, ಭಿಕ್ಖವೇ, ಅಧಮ್ಮಿಕಂ ಹೋತಿ ಪಟಿಞ್ಞಾತಕರಣಂ.

‘‘ಕಥಞ್ಚ ¶ , ಭಿಕ್ಖವೇ, ಧಮ್ಮಿಕಂ ಹೋತಿ ಪಟಿಞ್ಞಾತಕರಣಂ? ಭಿಕ್ಖು ಪಾರಾಜಿಕಂ ಅಜ್ಝಾಪನ್ನೋ ಹೋತಿ. ತಮೇನಂ ಚೋದೇತಿ ಸಙ್ಘೋ ವಾ, ಸಮ್ಬಹುಲಾ ವಾ, ಏಕಪುಗ್ಗಲೋ ವಾ – ‘ಪಾರಾಜಿಕಂ ಆಯಸ್ಮಾ ಅಜ್ಝಾಪನ್ನೋ’ತಿ? ಸೋ ¶ ಏವಂ ವದೇತಿ – ‘ಆಮ, ಆವುಸೋ, ಪಾರಾಜಿಕಂ ಅಜ್ಝಾಪನ್ನೋ’ತಿ. ತಂ ಸಙ್ಘೋ ಪಾರಾಜಿಕೇನ ಕಾರೇತಿ. ಧಮ್ಮಿಕಂ ಪಟಿಞ್ಞಾತಕರಣಂ.

‘‘ಭಿಕ್ಖು ಸಙ್ಘಾದಿಸೇಸಂ…ಪೇ… ಥುಲ್ಲಚ್ಚಯಂ…ಪೇ… ಪಾಚಿತ್ತಿಯಂ…ಪೇ… ಪಾಟಿದೇಸನೀಯಂ…ಪೇ… ದುಕ್ಕಟಂ…ಪೇ… ದುಬ್ಭಾಸಿತಂ ಅಜ್ಝಾಪನ್ನೋ ಹೋತಿ. ತಮೇನಂ ಚೋದೇತಿ ಸಙ್ಘೋ ವಾ, ಸಮ್ಬಹುಲಾ ವಾ, ಏಕಪುಗ್ಗಲೋ ವಾ – ‘ದುಬ್ಭಾಸಿತಂ ಆಯಸ್ಮಾ ಅಜ್ಝಾಪನ್ನೋ’ತಿ? ಸೋ ಏವಂ ವದೇತಿ – ‘ಆಮ, ಆವುಸೋ, ದುಬ್ಭಾಸಿತಂ ಅಜ್ಝಾಪನ್ನೋ’ತಿ. ತಂ ಸಙ್ಘೋ ದುಬ್ಭಾಸಿತೇನ ಕಾರೇತಿ. ಧಮ್ಮಿಕಂ ಪಟಿಞ್ಞಾತಕರಣಂ. ಏವಂ ಖೋ, ಭಿಕ್ಖವೇ, ಧಮ್ಮಿಕಂ ಹೋತಿ ಪಟಿಞ್ಞಾತಕರಣ’’ನ್ತಿ.

೫. ಯೇಭುಯ್ಯಸಿಕಾ

೨೦೨. ತೇನ ಖೋ ಪನ ಸಮಯೇನ ಭಿಕ್ಖೂ ಸಙ್ಘಮಜ್ಝೇ ಭಣ್ಡನಜಾತಾ ಕಲಹಜಾತಾ ವಿವಾದಾಪನ್ನಾ ಅಞ್ಞಮಞ್ಞಂ ಮುಖಸತ್ತೀಹಿ ವಿತುದನ್ತಾ ವಿಹರನ್ತಿ, ನ ಸಕ್ಕೋನ್ತಿ ತಂ ಅಧಿಕರಣಂ ವೂಪಸಮೇತುಂ. ಭಗವತೋ ಏತಮತ್ಥಂ ಆರೋಚೇಸುಂ. ‘‘ಅನುಜಾನಾಮಿ, ಭಿಕ್ಖವೇ, ಏವರೂಪಂ ಅಧಿಕರಣಂ ಯೇಭುಯ್ಯಸಿಕಾಯ ವೂಪಸಮೇತುಂ. ಪಞ್ಚಹಙ್ಗೇಹಿ ಸಮನ್ನಾಗತೋ ಭಿಕ್ಖು ಸಲಾಕಗ್ಗಾಹಾಪಕೋ ಸಮ್ಮನ್ನಿತಬ್ಬೋ – ಯೋ ನ ಛನ್ದಾಗತಿಂ ಗಚ್ಛೇಯ್ಯ, ನ ದೋಸಾಗತಿಂ ಗಚ್ಛೇಯ್ಯ, ನ ಮೋಹಾಗತಿಂ ಗಚ್ಛೇಯ್ಯ, ನ ಭಯಾಗತಿಂ ಗಚ್ಛೇಯ್ಯ, ಗಹಿತಾಗಹಿತುಞ್ಚ ಜಾನೇಯ್ಯ. ಏವಞ್ಚ ಪನ, ಭಿಕ್ಖವೇ, ಸಮ್ಮನ್ನಿತಬ್ಬೋ. ಪಠಮಂ ಭಿಕ್ಖು ಯಾಚಿತಬ್ಬೋ, ಯಾಚಿತ್ವಾ ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೨೦೩. ‘‘ಸುಣಾತು ಮೇ, ಭನ್ತೇ, ಸಙ್ಘೋ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಇತ್ಥನ್ನಾಮಂ ಭಿಕ್ಖುಂ ಸಲಾಕಗ್ಗಾಹಾಪಕಂ ಸಮ್ಮನ್ನೇಯ್ಯ. ಏಸಾ ¶ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಸಙ್ಘೋ ಇತ್ಥನ್ನಾಮಂ ಭಿಕ್ಖುಂ ಸಲಾಕಗ್ಗಾಹಾಪಕಂ ಸಮ್ಮನ್ನತಿ. ಯಸ್ಸಾಯಸ್ಮತೋ ¶ ಖಮತಿ ಇತ್ಥನ್ನಾಮಸ್ಸ ಭಿಕ್ಖುನೋ ಸಲಾಕಗ್ಗಾಹಾಪಕಸ್ಸ ಸಮ್ಮುತಿ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ಸಮ್ಮತೋ ಸಙ್ಘೇನ ಇತ್ಥನ್ನಾಮೋ ಭಿಕ್ಖು ಸಲಾಕಗ್ಗಾಹಾಪಕೋ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

೨೦೪. ‘‘ದಸಯಿಮೇ ¶ ¶ , ಭಿಕ್ಖವೇ, ಅಧಮ್ಮಿಕಾ ಸಲಾಕಗ್ಗಾಹಾ, ದಸ ಧಮ್ಮಿಕಾ [ದಸ ಧಮ್ಮಿಕಾ ಸಲಾಕಗ್ಗಾಹಾ (ಕ.)]. ಕತಮೇ ದಸ ಅಧಮ್ಮಿಕಾ ಸಲಾಕಗ್ಗಾಹಾ? ಓರಮತ್ತಕಞ್ಚ ಅಧಿಕರಣಂ ಹೋತಿ, ನ ಚ ಗತಿಗತಂ ಹೋತಿ, ನ ಚ ಸರಿತಸಾರಿತಂ ಹೋತಿ, ಜಾನಾತಿ ಅಧಮ್ಮವಾದೀ ಬಹುತರಾತಿ, ಅಪ್ಪೇವ ನಾಮ ಅಧಮ್ಮವಾದೀ ಬಹುತರಾ ಅಸ್ಸೂತಿ, ಜಾನಾತಿ ಸಙ್ಘೋ ಭಿಜ್ಜಿಸ್ಸತೀತಿ, ಅಪ್ಪೇವ ನಾಮ ಸಙ್ಘೋ ಭಿಜ್ಜೇಯ್ಯಾತಿ, ಅಧಮ್ಮೇನ ಗಣ್ಹನ್ತಿ, ವಗ್ಗಾ ಗಣ್ಹನ್ತಿ, ನ ಚ ಯಥಾದಿಟ್ಠಿಯಾ ಗಣ್ಹನ್ತಿ – ಇಮೇ ದಸ ಅಧಮ್ಮಿಕಾ ಸಲಾಕಗ್ಗಾಹಾ.

‘‘ಕತಮೇ ದಸ ಧಮ್ಮಿಕಾ ಸಲಾಕಗ್ಗಾಹಾ? ನ ಚ ಓರಮತ್ತಕಂ ಅಧಿಕರಣಂ ಹೋತಿ, ಗತಿಗತಞ್ಚ ಹೋತಿ, ಸರಿತಸಾರಿತಞ್ಚ ಹೋತಿ, ಜಾನಾತಿ ಧಮ್ಮವಾದೀ ಬಹುತರಾತಿ, ಅಪ್ಪೇವ ನಾಮ ಧಮ್ಮವಾದೀ ಬಹುತರಾ ಅಸ್ಸೂತಿ, ಜಾನಾತಿ ಸಙ್ಘೋ ನ ಭಿಜ್ಜಿಸ್ಸತೀತಿ, ಅಪ್ಪೇವ ನಾಮ ಸಙ್ಘೋ ನ ಭಿಜ್ಜೇಯ್ಯಾತಿ, ಧಮ್ಮೇನ ಗಣ್ಹನ್ತಿ, ಸಮಗ್ಗಾ ಗಣ್ಹನ್ತಿ, ಯಥಾದಿಟ್ಠಿಯಾ ಚ ಗಣ್ಹನ್ತಿ – ಇಮೇ ದಸ ಧಮ್ಮಿಕಾ ಸಲಾಕಗ್ಗಾಹಾ’’ತಿ.

೬. ತಸ್ಸಪಾಪಿಯಸಿಕಾ

೨೦೫. ತೇನ ಖೋ ಪನ ಸಮಯೇನ ಉಪವಾಳೋ ಭಿಕ್ಖು ಸಙ್ಘಮಜ್ಝೇ ಆಪತ್ತಿಯಾ ¶ ಅನುಯುಞ್ಜಿಯಮಾನೋ ಅವಜಾನಿತ್ವಾ ಪಟಿಜಾನಾತಿ, ಪಟಿಜಾನಿತ್ವಾ ಅವಜಾನಾತಿ, ಅಞ್ಞೇನಞ್ಞಂ ಪಟಿಚರತಿ, ಸಮ್ಪಜಾನಮುಸಾ ಭಾಸತಿ. ಯೇ ತೇ ಭಿಕ್ಖೂ ಅಪ್ಪಿಚ್ಛಾ…ಪೇ… ತೇ ಉಜ್ಝಾಯನ್ತಿ ಖಿಯ್ಯನ್ತಿ ವಿಪಾಚೇನ್ತಿ – ‘‘ಕಥಞ್ಹಿ ನಾಮ ಉಪವಾಳೋ ಭಿಕ್ಖು ಸಙ್ಘಮಜ್ಝೇ ಆಪತ್ತಿಯಾ ಅನುಯುಞ್ಜಿಯಮಾನೋ ಅವಜಾನಿತ್ವಾ ಪಟಿಜಾನಿಸ್ಸತಿ, ಪಟಿಜಾನಿತ್ವಾ ಅವಜಾನಿಸ್ಸತಿ, ಅಞ್ಞೇನಞ್ಞಂ ಪಟಿಚರಿಸ್ಸತಿ, ಸಮ್ಪಜಾನಮುಸಾ ಭಾಸಿಸ್ಸತೀ’’ತಿ! ಅಥ ಖೋ ತೇ ಭಿಕ್ಖೂ ಭಗವತೋ ಏತಮತ್ಥಂ ಆರೋಚೇಸುಂ…ಪೇ… ‘‘ಸಚ್ಚಂ ಕಿರ, ಭಿಕ್ಖವೇ…ಪೇ… ‘‘ಸಚ್ಚಂ ಭಗವಾ’’ತಿ…ಪೇ… ವಿಗರಹಿತ್ವಾ…ಪೇ… ಧಮ್ಮಿಂ ಕಥಂ ಕತ್ವಾ ಭಿಕ್ಖೂ ಆಮನ್ತೇಸಿ – ತೇನ ಹಿ, ಭಿಕ್ಖವೇ, ಸಙ್ಘೋ ಉಪವಾಳಸ್ಸ ಭಿಕ್ಖುನೋ ತಸ್ಸಪಾಪಿಯಸಿಕಾಕಮ್ಮಂ ಕರೋತು. ಏವಞ್ಚ ಪನ, ಭಿಕ್ಖವೇ, ಕಾತಬ್ಬಂ. ಪಠಮಂ ¶ ಉಪವಾಳೋ ಭಿಕ್ಖು ಚೋದೇತಬ್ಬೋ, ಚೋದೇತ್ವಾ ಸಾರೇತಬ್ಬೋ, ಸಾರೇತ್ವಾ ಆಪತ್ತಿಂ ಆರೋಪೇತಬ್ಬೋ, ಆಪತ್ತಿಂ ಆರೋಪೇತ್ವಾ ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

೨೦೬. ‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉಪವಾಳೋ ಭಿಕ್ಖು ಸಙ್ಘಮಜ್ಝೇ ಆಪತ್ತಿಯಾ ಅನುಯುಞ್ಜಿಯಮಾನೋ ಅವಜಾನಿತ್ವಾ ಪಟಿಜಾನಾತಿ, ಪಟಿಜಾನಿತ್ವಾ ಅವಜಾನಾತಿ, ಅಞ್ಞೇನಞ್ಞಂ ಪಟಿಚರತಿ, ಸಮ್ಪಜಾನಮುಸಾ ‘ಭಾಸತಿ. ಯದಿ ¶ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಉಪವಾಳಸ್ಸ ಭಿಕ್ಖುನೋ ತಸ್ಸಪಾಪಿಯಸಿಕಾಕಮ್ಮಂ ಕರೇಯ್ಯ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಯಂ ಉಪವಾಳೋ ಭಿಕ್ಖು ಸಙ್ಘಮಜ್ಝೇ ಆಪತ್ತಿಯಾ ಅನುಯುಞ್ಜಿಯಮಾನೋ ಅವಜಾನಿತ್ವಾ ಪಟಿಜಾನಾತಿ, ಪಟಿಜಾನಿತ್ವಾ ¶ ಅವಜಾನಾತಿ, ಅಞ್ಞೇನಞ್ಞಂ ಪಟಿಚರತಿ, ಸಮ್ಪಜಾನಮುಸಾ ಭಾಸತಿ. ಸಙ್ಘೋ ಉಪವಾಳಸ್ಸ ಭಿಕ್ಖುನೋ ತಸ್ಸಪಾಪಿಯಸಿಕಾಕಮ್ಮಂ ಕರೋತಿ. ಯಸ್ಸಾಯಸ್ಮತೋ ಖಮತಿ ಉಪವಾಳಸ್ಸ ಭಿಕ್ಖುನೋ ತಸ್ಸಪಾಪಿಯಸಿಕಾಕಮ್ಮಸ್ಸ ಕರಣಂ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದುತಿಯಮ್ಪಿ ಏತಮತ್ಥಂ ವದಾಮಿ…ಪೇ… ತತಿಯಮ್ಪಿ ಏತಮತ್ಥಂ ವದಾಮಿ…ಪೇ….

‘‘ಕತಂ ಸಙ್ಘೇನ ಉಪವಾಳಸ್ಸ ಭಿಕ್ಖುನೋ ತಸ್ಸಪಾಪಿಯಸಿಕಾಕಮ್ಮಂ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

೨೦೭. ‘‘ಪಞ್ಚಿಮಾನಿ ¶ , ಭಿಕ್ಖವೇ, ಧಮ್ಮಿಕಾನಿ ತಸ್ಸಪಾಪಿಯಸಿಕಾಕಮ್ಮಸ್ಸ ಕರಣಾನಿ. ಅಸುಚಿ ಚ ಹೋತಿ, ಅಲಜ್ಜೀ ಚ, ಸಾನುವಾದೋ ಚ, ತಸ್ಸ ಸಙ್ಘೋ ತಸ್ಸಪಾಪಿಯಸಿಕಾಕಮ್ಮಂ ಕರೋತಿ ಧಮ್ಮೇನ, ಸಮಗ್ಗೇನ – ಇಮಾನಿ ಖೋ, ಭಿಕ್ಖವೇ, ಪಞ್ಚ ಧಮ್ಮಿಕಾನಿ ತಸ್ಸಪಾಪಿಯಸಿಕಾಕಮ್ಮಸ್ಸ ಕರಣಾನಿ.

ಅಧಮ್ಮಕಮ್ಮದ್ವಾದಸಕಂ

೨೦೮. ‘‘ತೀಹಿ, ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಂ ತಸ್ಸಪಾಪಿಯಸಿಕಾಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ. ಅಸಮ್ಮುಖಾ ಕತಂ ಹೋತಿ, ಅಪ್ಪಟಿಪುಚ್ಛಾಕತಂ ಹೋತಿ, ಅಪ್ಪಟಿಞ್ಞಾಯ ಕತಂ ಹೋತಿ…ಪೇ… ಅಧಮ್ಮೇನ ಕತಂ ಹೋತಿ, ವಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಸ್ಸಪಾಪಿಯಸಿಕಾಕಮ್ಮಂ ಅಧಮ್ಮಕಮ್ಮಞ್ಚ ಹೋತಿ, ಅವಿನಯಕಮ್ಮಞ್ಚ, ದುವೂಪಸನ್ತಞ್ಚ.

ಧಮ್ಮಕಮ್ಮದ್ವಾದಸಕಂ

೨೦೯. ‘‘ತೀಹಿ ¶ , ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಂ ತಸ್ಸಪಾಪಿಯಸಿಕಾಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ. ಸಮ್ಮುಖಾ ಕತಂ ಹೋತಿ, ಪಟಿಪುಚ್ಛಾಕತಂ ಹೋತಿ, ಪಟಿಞ್ಞಾಯ ಕತಂ ಹೋತಿ…ಪೇ… ¶ ಧಮ್ಮೇನ ಕತಂ ಹೋತಿ, ಸಮಗ್ಗೇನ ಕತಂ ಹೋತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಂ ತಸ್ಸಪಾಪಿಯಸಿಕಾಕಮ್ಮಂ ಧಮ್ಮಕಮ್ಮಞ್ಚ ಹೋತಿ, ವಿನಯಕಮ್ಮಞ್ಚ, ಸುವೂಪಸನ್ತಞ್ಚ.

ಆಕಙ್ಖಮಾನಛಕ್ಕಂ

೨೧೦. ‘‘ತೀಹಿ ¶ , ಭಿಕ್ಖವೇ, ಅಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ಆಕಙ್ಖಮಾನೋ ಸಙ್ಘೋ ತಸ್ಸಪಾಪಿಯಸಿಕಾಕಮ್ಮಂ ಕರೇಯ್ಯ. ಭಣ್ಡನಕಾರಕೋ ಹೋತಿ ಕಲಹಕಾರಕೋ ವಿವಾದಕಾರಕೋ ಭಸ್ಸಕಾರಕೋ ಸಙ್ಘೇ ಅಧಿಕರಣಕಾರಕೋ; ಬಾಲೋ ಹೋತಿ ಅಬ್ಯತ್ತೋ ಆಪತ್ತಿಬಹುಲೋ ಅನಪದಾನೋ; ಗಿಹಿಸಂಸಟ್ಠೋ ವಿಹರತಿ ಅನನುಲೋಮಿಕೇಹಿ ಗಿಹಿಸಂಸಗ್ಗೇಹಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ಆಕಙ್ಖಮಾನೋ ಸಙ್ಘೋ ತಸ್ಸಪಾಪಿಯಸಿಕಾಕಮ್ಮಂ ಕರೇಯ್ಯ.

‘‘ಅಪರೇಹಿಪಿ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ಆಕಙ್ಖಮಾನೋ ¶ ಸಙ್ಘೋ ತಸ್ಸಪಾಪಿಯಸಿಕಾಕಮ್ಮಂ ಕರೇಯ್ಯ. ಅಧಿಸೀಲೇ ಸೀಲವಿಪನ್ನೋ ಹೋತಿ, ಅಜ್ಝಾಚಾರೇ ಆಚಾರವಿಪನ್ನೋ ಹೋತಿ, ಅತಿದಿಟ್ಠಿಯಾ ದಿಟ್ಠಿವಿಪನ್ನೋ ಹೋತಿ – ಇಮೇಹಿ ಖೋ, ಭಿಕ್ಖವೇ…ಪೇ….

‘‘ಅಪರೇಹಿಪಿ, ಭಿಕ್ಖವೇ…ಪೇ… ಬುದ್ಧಸ್ಸ ಅವಣ್ಣಂ ಭಾಸತಿ, ಧಮ್ಮಸ್ಸ ಅವಣ್ಣಂ ಭಾಸತಿ, ಸಙ್ಘಸ್ಸ ಅವಣ್ಣಂ ಭಾಸತಿ – ಇಮೇಹಿ ಖೋ, ಭಿಕ್ಖವೇ, ತೀಹಙ್ಗೇಹಿ ಸಮನ್ನಾಗತಸ್ಸ ಭಿಕ್ಖುನೋ ಆಕಙ್ಖಮಾನೋ ಸಙ್ಘೋ ತಸ್ಸಪಾಪಿಯಸಿಕಾಕಮ್ಮಂ ಕರೇಯ್ಯ.

‘‘ತಿಣ್ಣಂ, ಭಿಕ್ಖವೇ, ಭಿಕ್ಖೂನಂ ಆಕಙ್ಖಮಾನೋ ಸಙ್ಘೋ ತಸ್ಸಪಾಪಿಯಸಿಕಾಕಮ್ಮಂ ಕರೇಯ್ಯ. ಏಕೋ ಭಣ್ಡನಕಾರಕೋ ಹೋತಿ…ಪೇ… ಸಙ್ಘೇ ಅಧಿಕರಣಕಾರಕೋ; ಏಕೋ ಬಾಲೋ ಹೋತಿ ಅಬ್ಯತ್ತೋ ಆಪತ್ತಿಬಹುಲೋ ಅನಪದಾನೋ; ಏಕೋ ಗಿಹಿಸಂಸಟ್ಠೋ ವಿಹರತಿ ಅನನುಲೋಮಿಕೇಹಿ ಗಿಹಿಸಂಸಗ್ಗೇಹಿ – ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ ಆಕಙ್ಖಮಾನೋ ಸಙ್ಘೋ ತಸ್ಸಪಾಪಿಯಸಿಕಾಕಮ್ಮಂ ಕರೇಯ್ಯ.

‘‘ಅಪರೇಸಮ್ಪಿ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ ಆಕಙ್ಖಮಾನೋ ಸಙ್ಘೋ ತಸ್ಸಪಾಪಿಯಸಿಕಾಕಮ್ಮಂ ಕರೇಯ್ಯ. ಏಕೋ ಅಧಿಸೀಲೇ ಸೀಲವಿಪನ್ನೋ ಹೋತಿ, ಏಕೋ ಅಜ್ಝಾಚಾರೇ ಆಚಾರವಿಪನ್ನೋ ಹೋತಿ, ಏಕೋ ಅತಿದಿಟ್ಠಿಯಾ ದಿಟ್ಠಿವಿಪನ್ನೋ ಹೋತಿ – ಇಮೇಸಂ ಖೋ, ಭಿಕ್ಖವೇ…ಪೇ….

‘‘ಅಪರೇಸಮ್ಪಿ ¶ , ಭಿಕ್ಖವೇ…ಪೇ… ಏಕೋ ಬುದ್ಧಸ್ಸ ಅವಣ್ಣಂ ಭಾಸತಿ, ಏಕೋ ಧಮ್ಮಸ್ಸ ಅವಣ್ಣಂ ಭಾಸತಿ, ಏಕೋ ಸಙ್ಘಸ್ಸ ಅವಣ್ಣಂ ಭಾಸತಿ – ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಭಿಕ್ಖೂನಂ ಆಕಙ್ಖಮಾನೋ ಸಙ್ಘೋ ತಸ್ಸಪಾಪಿಯಸಿಕಾಕಮ್ಮಂ ¶ ಕರೇಯ್ಯ.

ಅಟ್ಠಾರಸವತ್ತಂ

೨೧೧. ‘‘ತಸ್ಸಪಾಪಿಯಸಿಕಾಕಮ್ಮಕತೇನ ¶ , ಭಿಕ್ಖವೇ, ಭಿಕ್ಖುನಾ ಸಮ್ಮಾ ವತ್ತಿತಬ್ಬಂ. ತತ್ರಾಯಂ ಸಮ್ಮಾವತ್ತನಾ –

ನ ಉಪಸಮ್ಪಾದೇತಬ್ಬಂ, ನ ನಿಸ್ಸಯೋ ದಾತಬ್ಬೋ, ನ ಸಾಮಣೇರೋ ಉಪಟ್ಠಾಪೇತಬ್ಬೋ, ನ ಭಿಕ್ಖುನೋವಾದಕಸಮ್ಮುತಿ ಸಾದಿತಬ್ಬಾ, ಸಮ್ಮತೇನಪಿ ಭಿಕ್ಖುನಿಯೋ ನ ಓವದಿತಬ್ಬಾ…ಪೇ… ನ ಭಿಕ್ಖೂಹಿ ಸಮ್ಪಯೋಜೇತಬ್ಬ’’ನ್ತಿ. ಅಥ ಖೋ ಸಙ್ಘೋ ಉಪವಾಳಸ್ಸ ಭಿಕ್ಖುನೋ ತಸ್ಸಪಾಪಿಯಸಿಕಾಕಮ್ಮಂ ಅಕಾಸಿ.

೭. ತಿಣವತ್ಥಾರಕಂ

೨೧೨. ತೇನ ಖೋ ಪನ ಸಮಯೇನ ಭಿಕ್ಖೂನಂ ಭಣ್ಡನಜಾತಾನಂ ಕಲಹಜಾತಾನಂ ವಿವಾದಾಪನ್ನಾನಂ ವಿಹರತಂ ಬಹುಂ ಅಸ್ಸಾಮಣಕಂ ಅಜ್ಝಾಚಿಣ್ಣಂ ಹೋತಿ ಭಾಸಿತಪರಿಕ್ಕನ್ತಂ. ಅಥ ಖೋ ತೇಸಂ ಭಿಕ್ಖೂನಂ ಏತದಹೋಸಿ – ‘‘ಅಮ್ಹಾಕಂ ಖೋ ಭಣ್ಡನಜಾತಾನಂ ಕಲಹಜಾತಾನಂ ವಿವಾದಾಪನ್ನಾನಂ ವಿಹರತಂ ಬಹುಂ ಅಸ್ಸಾಮಣಕಂ ಅಜ್ಝಾಚಿಣ್ಣಂ ಭಾಸಿತಪರಿಕ್ಕನ್ತಂ. ಸಚೇ ಮಯಂ ಇಮಾಹಿ ಆಪತ್ತೀಹಿ ಅಞ್ಞಮಞ್ಞಂ ಕಾರೇಸ್ಸಾಮ, ಸಿಯಾಪಿ ತಂ ಅಧಿಕರಣಂ ಕಕ್ಖಳತ್ತಾಯ ವಾಳತ್ತಾಯ [ಕಕ್ಖಳತಾಯ ವಾಳತಾಯ (ಸ್ಯಾ. ಕಂ.)] ಭೇದಾಯ ಸಂವತ್ತೇಯ್ಯ. ಕಥಂ ನು ಖೋ ¶ ಅಮ್ಹೇಹಿ ಪಟಿಪಜ್ಜಿತಬ್ಬ’’ನ್ತಿ? ಭಗವತೋ ಏತಮತ್ಥಂ ಆರೋಚೇಸುಂ.

‘‘ಇಧ ಪನ, ಭಿಕ್ಖವೇ, ಭಿಕ್ಖೂನಂ ಭಣ್ಡನಜಾತಾನಂ ಕಲಹಜಾತಾನಂ ವಿವಾದಾಪನ್ನಾನಂ ವಿಹರತಂ ಬಹುಂ ಅಸ್ಸಾಮಣಕಂ ಅಜ್ಝಾಚಿಣ್ಣಂ ಹೋತಿ ಭಾಸಿತಪರಿಕ್ಕನ್ತಂ ¶ . ತತ್ರ ಚೇ ಭಿಕ್ಖೂನಂ [ತತ್ರ ಚೇ ಭಿಕ್ಖವೇ ಭಿಕ್ಖೂನಂ (ಸ್ಯಾ.)] ಏವಂ ಹೋತಿ – ‘ಅಮ್ಹಾಕಂ ಖೋ ಭಣ್ಡನಜಾತಾನಂ ಕಲಹಜಾತಾನಂ ವಿವಾದಾಪನ್ನಾನಂ ವಿಹರತಂ ಬಹುಂ ಅಸ್ಸಾಮಣಕಂ ಅಜ್ಝಾಚಿಣ್ಣಂ ಭಾಸಿತಪರಿಕ್ಕನ್ತಂ; ಸಚೇ ಮಯಂ ಇಮಾಹಿ ಆಪತ್ತೀಹಿ ಅಞ್ಞಮಞ್ಞಂ ಕಾರೇಸ್ಸಾಮ, ಸಿಯಾಪಿ ತಂ ಅಧಿಕರಣಂ ಕಕ್ಖಳತ್ತಾಯ ವಾಳತ್ತಾಯ ಭೇದಾಯ ಸಂವತ್ತೇಯ್ಯಾ’ತಿ, ಅನುಜಾನಾಮಿ, ಭಿಕ್ಖವೇ, ಏವರೂಪಂ ಅಧಿಕರಣಂ ತಿಣವತ್ಥಾರಕೇನ ವೂಪಸಮೇತುಂ. ಏವಞ್ಚ ಪನ, ಭಿಕ್ಖವೇ, ವೂಪಸಮೇತಬ್ಬಂ. ಸಬ್ಬೇಹೇವ ಏಕಜ್ಝಂ ಸನ್ನಿಪತಿತಬ್ಬಂ, ಸನ್ನಿಪತಿತ್ವಾ ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

‘‘ಸುಣಾತು ¶ ಮೇ, ಭನ್ತೇ, ಸಙ್ಘೋ. ಅಮ್ಹಾಕಂ ಭಣ್ಡನಜಾತಾನಂ ಕಲಹಜಾತಾನಂ ವಿವಾದಾಪನ್ನಾನಂ ವಿಹರತಂ ಬಹುಂ ಅಸ್ಸಾಮಣಕಂ ಅಜ್ಝಾಚಿಣ್ಣಂ ಭಾಸಿತಪರಿಕ್ಕನ್ತಂ. ಸಚೇ ಮಯಂ ಇಮಾಹಿ ಆಪತ್ತೀಹಿ ಅಞ್ಞಮಞ್ಞಂ ಕಾರೇಸ್ಸಾಮ, ಸಿಯಾಪಿ ತಂ ¶ ಅಧಿಕರಣಂ ಕಕ್ಖಳತ್ತಾಯ ವಾಳತ್ತಾಯ ಭೇದಾಯ ಸಂವತ್ತೇಯ್ಯ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಸಙ್ಘೋ ಇಮಂ ಅಧಿಕರಣಂ ತಿಣವತ್ಥಾರಕೇನ ವೂಪಸಮೇಯ್ಯ, ಠಪೇತ್ವಾ ಥುಲ್ಲವಜ್ಜಂ, ಠಪೇತ್ವಾ ಗಿಹಿಪ್ಪಟಿಸಂಯುತ್ತ’’ನ್ತಿ. ‘‘ಏಕತೋಪಕ್ಖಿಕಾನಂ ಭಿಕ್ಖೂನಂ ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಕೋ ಪಕ್ಖೋ ಞಾಪೇತಬ್ಬೋ –

‘‘ಸುಣನ್ತು ಮೇ ಆಯಸ್ಮನ್ತಾ. ಅಮ್ಹಾಕಂ ಭಣ್ಡನಜಾತಾನಂ ಕಲಹಜಾತಾನಂ ವಿವಾದಾಪನ್ನಾನಂ ವಿಹರತಂ ಬಹುಂ ಅಸ್ಸಾಮಣಕಂ ಅಜ್ಝಾಚಿಣ್ಣಂ ಭಾಸಿತಪರಿಕ್ಕನ್ತಂ. ಸಚೇ ಮಯಂ ಇಮಾಹಿ ಆಪತ್ತೀಹಿ ಅಞ್ಞಮಞ್ಞಂ ಕಾರೇಸ್ಸಾಮ, ಸಿಯಾಪಿ ತಂ ಅಧಿಕರಣಂ ಕಕ್ಖಳತ್ತಾಯ ¶ ವಾಳತ್ತಾಯ ಭೇದಾಯ ಸಂವತ್ತೇಯ್ಯ. ಯದಾಯಸ್ಮನ್ತಾನಂ ಪತ್ತಕಲ್ಲಂ, ಅಹಂ ಯಾ ಚೇವ ಆಯಸ್ಮನ್ತಾನಂ ಆಪತ್ತಿ, ಯಾ ಚ ಅತ್ತನೋ ಆಪತ್ತಿ, ಆಯಸ್ಮನ್ತಾನಞ್ಚೇವ ಅತ್ಥಾಯ, ಅತ್ತನೋ ಚ ಅತ್ಥಾಯ, ಸಙ್ಘಮಜ್ಝೇ ತಿಣವತ್ಥಾರಕೇನ ದೇಸೇಯ್ಯಂ, ಠಪೇತ್ವಾ ಥುಲ್ಲವಜ್ಜಂ, ಠಪೇತ್ವಾ ಗಿಹಿಪ್ಪಟಿಸಂಯುತ್ತ’’ನ್ತಿ.

‘‘ಅಥಾಪರೇಸಂ ಏಕತೋಪಕ್ಖಿಕಾನಂ ಭಿಕ್ಖೂನಂ ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಕೋ ಪಕ್ಖೋ ಞಾಪೇತಬ್ಬೋ –

‘‘ಸುಣನ್ತು ಮೇ ಆಯಸ್ಮನ್ತಾ. ಅಮ್ಹಾಕಂ ಭಣ್ಡನಜಾತಾನಂ ಕಲಹಜಾತಾನಂ ವಿವಾದಾಪನ್ನಾನಂ ವಿಹರತಂ ಬಹುಂ ಅಸ್ಸಾಮಣಕಂ ಅಜ್ಝಾಚಿಣ್ಣಂ ಭಾಸಿತಪರಿಕ್ಕನ್ತಂ. ಸಚೇ ಮಯಂ ಇಮಾಹಿ ಆಪತ್ತೀಹಿ ಅಞ್ಞಮಞ್ಞಂ ಕಾರೇಸ್ಸಾಮ, ಸಿಯಾಪಿ ತಂ ಅಧಿಕರಣಂ ಕಕ್ಖಳತ್ತಾಯ ವಾಳತ್ತಾಯ ಭೇದಾಯ ಸಂವತ್ತೇಯ್ಯ. ಯದಾಯಸ್ಮನ್ತಾನಂ ಪತ್ತಕಲ್ಲಂ, ಅಹಂ ಯಾ ಚೇವ ಆಯಸ್ಮನ್ತಾನಂ ಆಪತ್ತಿ, ಯಾ ಚ ಅತ್ತನೋ ಆಪತ್ತಿ, ಆಯಸ್ಮನ್ತಾನಞ್ಚೇವ ಅತ್ಥಾಯ, ಅತ್ತನೋ ಚ ಅತ್ಥಾಯ, ಸಙ್ಘಮಜ್ಝೇ ತಿಣವತ್ಥಾರಕೇನ ದೇಸೇಯ್ಯಂ, ಠಪೇತ್ವಾ ಥುಲ್ಲವಜ್ಜಂ, ಠಪೇತ್ವಾ ಗಿಹಿಪ್ಪಟಿಸಂಯುತ್ತ’’ನ್ತಿ.

೨೧೩. ‘‘ಅಥಾಪರೇಸಂ ಏಕತೋಪಕ್ಖಿಕಾನಂ ಭಿಕ್ಖೂನಂ ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಮ್ಹಾಕಂ ಭಣ್ಡನಜಾತಾನಂ ಕಲಹಜಾತಾನಂ ವಿವಾದಾಪನ್ನಾನಂ ವಿಹರತಂ ಬಹುಂ ಅಸ್ಸಾಮಣಕಂ ಅಜ್ಝಾಚಿಣ್ಣಂ ಭಾಸಿತಪರಿಕ್ಕನ್ತಂ. ಸಚೇ ಮಯಂ ಇಮಾಹಿ ಆಪತ್ತೀಹಿ ಅಞ್ಞಮಞ್ಞಂ ಕಾರೇಸ್ಸಾಮ, ಸಿಯಾಪಿ ತಂ ಅಧಿಕರಣಂ ಕಕ್ಖಳತ್ತಾಯ ವಾಳತ್ತಾಯ ಭೇದಾಯ ಸಂವತ್ತೇಯ್ಯ. ಯದಿ ¶ ಸಙ್ಘಸ್ಸ ಪತ್ತಕಲ್ಲಂ, ಅಹಂ ಯಾ ಚೇವ ¶ ಇಮೇಸಂ ಆಯಸ್ಮನ್ತಾನಂ ಆಪತ್ತಿ, ಯಾ ಚ ಅತ್ತನೋ ಆಪತ್ತಿ, ಇಮೇಸಞ್ಚೇವ ಆಯಸ್ಮನ್ತಾನಂ ಅತ್ಥಾಯ, ಅತ್ತನೋ ಚ ¶ ಅತ್ಥಾಯ, ಸಙ್ಘಮಜ್ಝೇ ತಿಣವತ್ಥಾರಕೇನ ದೇಸೇಯ್ಯಂ, ಠಪೇತ್ವಾ ಥುಲ್ಲವಜ್ಜಂ, ಠಪೇತ್ವಾ ಗಿಹಿಪ್ಪಟಿಸಂಯುತ್ತಂ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಮ್ಹಾಕಂ ಭಣ್ಡನಜಾತಾನಂ ಕಲಹಜಾತಾನಂ ವಿವಾದಾಪನ್ನಾನಂ ವಿಹರತಂ ಬಹುಂ ಅಸ್ಸಾಮಣಕಂ ಅಜ್ಝಾಚಿಣ್ಣಂ ಭಾಸಿತಪರಿಕ್ಕನ್ತಂ. ಸಚೇ ಮಯಂ ಇಮಾಹಿ ಆಪತ್ತೀಹಿ ಅಞ್ಞಮಞ್ಞಂ ಕಾರೇಸ್ಸಾಮ, ಸಿಯಾಪಿ ತಂ ಅಧಿಕರಣಂ ಕಕ್ಖಳತ್ತಾಯ ವಾಳತ್ತಾಯ ಭೇದಾಯ ಸಂವತ್ತೇಯ್ಯ. ಅಹಂ ಯಾ ಚೇವ ಇಮೇಸಂ ಆಯಸ್ಮನ್ತಾನಂ ಆಪತ್ತಿ, ಯಾ ಚ ಅತ್ತನೋ ಆಪತ್ತಿ, ಇಮೇಸಞ್ಚೇವ ಆಯಸ್ಮನ್ತಾನಂ ಅತ್ಥಾಯ, ಅತ್ತನೋ ಚ ಅತ್ಥಾಯ, ಸಙ್ಘಮಜ್ಝೇ ತಿಣವತ್ಥಾರಕೇನ ದೇಸೇಮಿ, ಠಪೇತ್ವಾ ಥುಲ್ಲವಜ್ಜಂ, ಠಪೇತ್ವಾ ಗಿಹಿಪ್ಪಟಿಸಂಯುತ್ತಂ. ಯಸ್ಸಾಯಸ್ಮತೋ ಖಮತಿ ಅಮ್ಹಾಕಂ ಇಮಾಸಂ ಆಪತ್ತೀನಂ ಸಙ್ಘಮಜ್ಝೇ ತಿಣವತ್ಥಾರಕೇನ ದೇಸನಾ, ಠಪೇತ್ವಾ ಥುಲ್ಲವಜ್ಜಂ, ಠಪೇತ್ವಾ ಗಿಹಿಪ್ಪಟಿಸಂಯುತ್ತಂ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದೇಸಿತಾ ಅಮ್ಹಾಕಂ ಇಮಾ ಆಪತ್ತಿಯೋ ಸಙ್ಘಮಜ್ಝೇ ತಿಣವತ್ಥಾರಕೇನ, ಠಪೇತ್ವಾ ಥುಲ್ಲವಜ್ಜಂ, ಠಪೇತ್ವಾ ¶ ಗಿಹಿಪ್ಪಟಿಸಂಯುತ್ತಂ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

೨೧೪. ‘‘ಅಥಾಪರೇಸಂ ಏಕತೋಪಕ್ಖಿಕಾನಂ ಭಿಕ್ಖೂನಂ ಬ್ಯತ್ತೇನ ಭಿಕ್ಖುನಾ ಪಟಿಬಲೇನ ಸಙ್ಘೋ ಞಾಪೇತಬ್ಬೋ –

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಮ್ಹಾಕಂ ಭಣ್ಡನಜಾತಾನಂ ಕಲಹಜಾತಾನಂ ವಿವಾದಾಪನ್ನಾನಂ ವಿಹರತಂ ಬಹುಂ ಅಸ್ಸಾಮಣಕಂ ಅಜ್ಝಾಚಿಣ್ಣಂ ಭಾಸಿತಪರಿಕ್ಕನ್ತಂ. ಸಚೇ ಮಯಂ ಇಮಾಹಿ ಆಪತ್ತೀಹಿ ಅಞ್ಞಮಞ್ಞಂ ¶ ಕಾರೇಸ್ಸಾಮ, ಸಿಯಾಪಿ ತಂ ಅಧಿಕರಣಂ ಕಕ್ಖಳತ್ತಾಯ ವಾಳತ್ತಾಯ ಭೇದಾಯ ಸಂವತ್ತೇಯ್ಯ. ಯದಿ ಸಙ್ಘಸ್ಸ ಪತ್ತಕಲ್ಲಂ, ಅಹಂ ಯಾ ಚೇವ ಇಮೇಸಂ ಆಯಸ್ಮನ್ತಾನಂ ಆಪತ್ತಿ, ಯಾ ಚ ಅತ್ತನೋ ಆಪತ್ತಿ, ಇಮೇಸಞ್ಚೇವ ಆಯಸ್ಮನ್ತಾನಂ ಅತ್ಥಾಯ, ಅತ್ತನೋ ಚ ಅತ್ಥಾಯ, ಸಙ್ಘಮಜ್ಝೇ ತಿಣವತ್ಥಾರಕೇನ ದೇಸೇಯ್ಯಂ, ಠಪೇತ್ವಾ ಥುಲ್ಲವಜ್ಜಂ, ಠಪೇತ್ವಾ ಗಿಹಿಪ್ಪಟಿಸಂಯುತ್ತಂ. ಏಸಾ ಞತ್ತಿ.

‘‘ಸುಣಾತು ಮೇ, ಭನ್ತೇ, ಸಙ್ಘೋ. ಅಮ್ಹಾಕಂ ಭಣ್ಡನಜಾತಾನಂ ಕಲಹಜಾತಾನಂ ವಿವಾದಾಪನ್ನಾನಂ ವಿಹರತಂ ಬಹುಂ ಅಸ್ಸಾಮಣಕಂ ಅಜ್ಝಾಚಿಣ್ಣಂ ಭಾಸಿತಪರಿಕ್ಕನ್ತಂ. ಸಚೇ ಮಯಂ ಇಮಾಹಿ ಆಪತ್ತೀಹಿ ಅಞ್ಞಮಞ್ಞಂ ಕಾರೇಸ್ಸಾಮ, ಸಿಯಾಪಿ ತಂ ಅಧಿಕರಣಂ ಕಕ್ಖಳತ್ತಾಯ ವಾಳತ್ತಾಯ ಭೇದಾಯ ಸಂವತ್ತೇಯ್ಯ. ಅಹಂ ಯಾ ಚೇವ ಇಮೇಸಂ ಆಯಸ್ಮನ್ತಾನಂ ಆಪತ್ತಿ, ಯಾ ಚ ಅತ್ತನೋ ಆಪತ್ತಿ, ಇಮೇಸಞ್ಚೇವ ಆಯಸ್ಮನ್ತಾನಂ ¶ ¶ ಅತ್ಥಾಯ, ಅತ್ತನೋ ಚ ಅತ್ಥಾಯ, ಸಙ್ಘಮಜ್ಝೇ ತಿಣವತ್ಥಾರಕೇನ ದೇಸೇಮಿ, ಠಪೇತ್ವಾ ಥುಲ್ಲವಜ್ಜಂ, ಠಪೇತ್ವಾ ಗಿಹಿಪ್ಪಟಿಸಂಯುತ್ತಂ. ಯಸ್ಸಾಯಸ್ಮತೋ ಖಮತಿ ಅಮ್ಹಾಕಂ ಇಮಾಸಂ ಆಪತ್ತೀನಂ ಸಙ್ಘಮಜ್ಝೇ ತಿಣವತ್ಥಾರಕೇನ ದೇಸನಾ, ಠಪೇತ್ವಾ ಥುಲ್ಲವಜ್ಜಂ, ಠಪೇತ್ವಾ ಗಿಹಿಪ್ಪಟಿಸಂಯುತ್ತಂ, ಸೋ ತುಣ್ಹಸ್ಸ; ಯಸ್ಸ ನಕ್ಖಮತಿ, ಸೋ ಭಾಸೇಯ್ಯ.

‘‘ದೇಸಿತಾ ಅಮ್ಹಾಕಂ ಇಮಾ ಆಪತ್ತಿಯೋ ಸಙ್ಘಮಜ್ಝೇ ತಿಣವತ್ಥಾರಕೇನ, ಠಪೇತ್ವಾ ಥುಲ್ಲವಜ್ಜಂ, ಠಪೇತ್ವಾ ಗಿಹಿಪ್ಪಟಿಸಂಯುತ್ತಂ. ಖಮತಿ ಸಙ್ಘಸ್ಸ, ತಸ್ಮಾ ತುಣ್ಹೀ, ಏವಮೇತಂ ಧಾರಯಾಮೀ’’ತಿ.

‘‘ಏವಞ್ಚ ಪನ, ಭಿಕ್ಖವೇ, ತೇ ಭಿಕ್ಖೂ ತಾಹಿ ಆಪತ್ತೀಹಿ ವುಟ್ಠಿತಾ ಹೋನ್ತಿ, ಠಪೇತ್ವಾ ಥುಲ್ಲವಜ್ಜಂ, ಠಪೇತ್ವಾ ಗಿಹಿಪ್ಪಟಿಸಂಯುತ್ತಂ, ಠಪೇತ್ವಾ ದಿಟ್ಠಾವಿಕಮ್ಮಂ ¶ , ಠಪೇತ್ವಾ ಯೇ ನ ತತ್ಥ ಹೋನ್ತೀ’’ತಿ.

೮. ಅಧಿಕರಣಂ

೨೧೫. ತೇನ ಖೋ ಪನ ಸಮಯೇನ (ಭಿಕ್ಖೂಪಿ ಭಿಕ್ಖೂಹಿ ವಿವದನ್ತಿ,) [( ) ನತ್ಥಿ (ಸೀ. ಸ್ಯಾ. ಕಂ.)] ಭಿಕ್ಖೂಪಿ ಭಿಕ್ಖುನೀಹಿ ವಿವದನ್ತಿ, ಭಿಕ್ಖುನಿಯೋಪಿ ಭಿಕ್ಖೂಹಿ ವಿವದನ್ತಿ, ಛನ್ನೋಪಿ ಭಿಕ್ಖು ಭಿಕ್ಖುನೀನಂ ಅನುಪಖಜ್ಜ ಭಿಕ್ಖೂಹಿ ಸದ್ಧಿಂ ವಿವದತಿ, ಭಿಕ್ಖುನೀನಂ ಪಕ್ಖಂ ಗಾಹೇತಿ. ಯೇ ತೇ ಭಿಕ್ಖೂ ಅಪ್ಪಿಚ್ಛಾ…ಪೇ… ತೇ ಉಜ್ಝಾಯನ್ತಿ ಖಿಯ್ಯನ್ತಿ ವಿಪಾಚೇನ್ತಿ – ‘‘ಕಥಞ್ಹಿ ನಾಮ ಛನ್ನೋ ಭಿಕ್ಖು ಭಿಕ್ಖುನೀನಂ ಅನುಪಖಜ್ಜ ಭಿಕ್ಖೂಹಿ ಸದ್ಧಿಂ ವಿವದಿಸ್ಸತಿ, ಭಿಕ್ಖುನೀನಂ ಪಕ್ಖಂ ಗಾಹೇಸ್ಸತೀತಿ! ಅಥ ಖೋ ತೇ ಭಿಕ್ಖೂ ಭಗವತೋ ಏತಮತ್ಥಂ ಆರೋಚೇಸುಂ…ಪೇ… ಸಚ್ಚಂ ಕಿರ, ಭಿಕ್ಖವೇ…ಪೇ… ಸಚ್ಚಂ ಭಗವಾ’’ತಿ…ಪೇ… ವಿಗರಹಿತ್ವಾ…ಪೇ… ಧಮ್ಮಿಂ ಕಥಂ ಕತ್ವಾ ಭಿಕ್ಖೂ ಆಮನ್ತೇಸಿ –

[ಪರಿ. ೨೭೫] ‘‘ಚತ್ತಾರಿಮಾನಿ, ಭಿಕ್ಖವೇ, ಅಧಿಕರಣಾನಿ – ವಿವಾದಾಧಿಕರಣಂ, ಅನುವಾದಾಧಿಕರಣಂ, ಆಪತ್ತಾಧಿಕರಣಂ, ಕಿಚ್ಚಾಧಿಕರಣಂ [ಕಿಚ್ಚಾಧಿಕರಣಞ್ಚ (ಕ.)].

‘‘ತತ್ಥ ಕತಮಂ ವಿವಾದಾಧಿಕರಣಂ [ಪರಿ. ೩೧೪]? ಇಧ ಪನ, ಭಿಕ್ಖವೇ, ಭಿಕ್ಖೂ [ಭಿಕ್ಖೂ ಭಿಕ್ಖುಂ (ಕ.)] ವಿವದನ್ತಿ – ಧಮ್ಮೋತಿ ವಾ ಅಧಮ್ಮೋತಿ ವಾ, ವಿನಯೋತಿ ವಾ ಅವಿನಯೋತಿ ವಾ, ಭಾಸಿತಂ ಲಪಿತಂ ತಥಾಗತೇನಾತಿ ವಾ ಅಭಾಸಿತಂ ಅಲಪಿತಂ ತಥಾಗತೇನಾತಿ ವಾ, ಆಚಿಣ್ಣಂ ತಥಾಗತೇನಾತಿ ವಾ ಅನಾಚಿಣ್ಣಂ ತಥಾಗತೇನಾತಿ ವಾ, ಪಞ್ಞತ್ತಂ ತಥಾಗತೇನಾತಿ ವಾ ಅಪ್ಪಞ್ಞತ್ತಂ ತಥಾಗತೇನಾತಿ ವಾ, ಆಪತ್ತೀತಿ ವಾ ಅನಾಪತ್ತೀತಿ ವಾ ¶ , ಲಹುಕಾ ಆಪತ್ತೀತಿ ವಾ ಗರುಕಾ ಆಪತ್ತೀತಿ ವಾ, ಸಾವಸೇಸಾ ಆಪತ್ತೀತಿ ವಾ ಅನವಸೇಸಾ ಆಪತ್ತೀತಿ ವಾ, ದುಟ್ಠುಲ್ಲಾ ಆಪತ್ತೀತಿ ವಾ ಅದುಟ್ಠುಲ್ಲಾ ಆಪತ್ತೀತಿ ವಾ? ಯಂ ತತ್ಥ ¶ ಭಣ್ಡನಂ ಕಲಹೋ ವಿಗ್ಗಹೋ ¶ ವಿವಾದೋ ನಾನಾವಾದೋ ಅಞ್ಞಥಾವಾದೋ ವಿಪಚ್ಚತಾಯ ವೋಹಾರೋ ಮೇಧಗಂ – ಇದಂ ವುಚ್ಚತಿ ವಿವಾದಾಧಿಕರಣಂ.

‘‘ತತ್ಥ ಕತಮಂ ಅನುವಾದಾಧಿಕರಣಂ? [ಪರಿ. ೩೧೫] ಇಧ ಪನ, ಭಿಕ್ಖವೇ, ಭಿಕ್ಖೂ ಭಿಕ್ಖುಂ ಅನುವದನ್ತಿ ಸೀಲವಿಪತ್ತಿಯಾ ವಾ ಆಚಾರವಿಪತ್ತಿಯಾ ವಾ ದಿಟ್ಠಿವಿಪತ್ತಿಯಾ ವಾ ಆಜೀವವಿಪತ್ತಿಯಾ ವಾ. ಯೋ ತತ್ಥ ಅನುವಾದೋ ಅನುವದನಾ ಅನುಲ್ಲಪನಾ ಅನುಭಣನಾ ಅನುಸಮ್ಪವಙ್ಕತಾ ಅಬ್ಭುಸ್ಸಹನತಾ ಅನುಬಲಪ್ಪದಾನಂ – ಇದಂ ವುಚ್ಚತಿ ಅನುವಾದಾಧಿಕರಣಂ.

‘‘ತತ್ಥ ಕತಮಂ ಆಪತ್ತಾಧಿಕರಣಂ? ಪಞ್ಚಪಿ ಆಪತ್ತಿಕ್ಖನ್ಧಾ ಆಪತ್ತಾಧಿಕರಣಂ, ಸತ್ತಪಿ ಆಪತ್ತಿಕ್ಖನ್ಧಾ ಆಪತ್ತಾಧಿಕರಣಂ – ಇದಂ ವುಚ್ಚತಿ ಆಪತ್ತಾಧಿಕರಣಂ ¶ .

‘‘ತತ್ಥ ಕತಮಂ ಕಿಚ್ಚಾಧಿಕರಣಂ? [ಪರಿ. ೩೧೭] ಯಾ ಸಙ್ಘಸ್ಸ ಕಿಚ್ಚಯತಾ, ಕರಣೀಯತಾ, ಅಪಲೋಕನಕಮ್ಮಂ, ಞತ್ತಿಕಮ್ಮಂ, ಞತ್ತಿದುತಿಯಕಮ್ಮಂ, ಞತ್ತಿಚತುತ್ಥಕಮ್ಮಂ – ಇದಂ ವುಚ್ಚತಿ ಕಿಚ್ಚಾಧಿಕರಣಂ.

೨೧೬. ‘‘ವಿವಾದಾಧಿಕರಣಸ್ಸ ಕಿಂ ಮೂಲಂ? ಛ ವಿವಾದಮೂಲಾನಿ ವಿವಾದಾಧಿಕರಣಸ್ಸ ಮೂಲಂ. ತೀಣಿಪಿ ಅಕುಸಲಮೂಲಾನಿ ವಿವಾದಾಧಿಕರಣಸ್ಸ ಮೂಲಂ, ತೀಣಿಪಿ ಕುಸಲಮೂಲಾನಿ ವಿವಾದಾಧಿಕರಣಸ್ಸ ಮೂಲಂ. [ಪರಿ. ೨೭೨; ಅ. ನಿ. ೨.೩೫-೩೬; ಮ. ನಿ. ೩.೪೪] ಕತಮಾನಿ ಛ ವಿವಾದಮೂಲಾನಿ ವಿವಾದಾಧಿಕರಣಸ್ಸ ಮೂಲಂ? ಇಧ ಪನ, ಭಿಕ್ಖವೇ, ಭಿಕ್ಖು ಕೋಧನೋ ಹೋತಿ ಉಪನಾಹೀ. ಯೋ ಸೋ, ಭಿಕ್ಖವೇ, ಭಿಕ್ಖು ಕೋಧನೋ ಹೋತಿ ಉಪನಾಹೀ, ಸೋ ಸತ್ಥರಿಪಿ ಅಗಾರವೋ ವಿಹರತಿ ಅಪ್ಪತಿಸ್ಸೋ, ಧಮ್ಮೇಪಿ ಅಗಾರವೋ ವಿಹರತಿ ಅಪ್ಪತಿಸ್ಸೋ ¶ , ಸಙ್ಘೇಪಿ ಅಗಾರವೋ ವಿಹರತಿ ಅಪ್ಪತಿಸ್ಸೋ, ಸಿಕ್ಖಾಯಪಿ ನ ಪರಿಪೂರಕಾರೀ ಹೋತಿ. ಯೋ ಸೋ, ಭಿಕ್ಖವೇ, ಭಿಕ್ಖು ಸತ್ಥರಿಪಿ ಅಗಾರವೋ ವಿಹರತಿ ಅಪ್ಪತಿಸ್ಸೋ, ಧಮ್ಮೇಪಿ…ಪೇ… ಸಙ್ಘೇಪಿ…ಪೇ… ಸಿಕ್ಖಾಯಪಿ ನ ಪರಿಪೂರಕಾರೀ, ಸೋ ಸಙ್ಘೇ ವಿವಾದಂ ಜನೇತಿ. ಯೋ ಹೋತಿ ವಿವಾದೋ ಬಹುಜನಾಹಿತಾಯ ಬಹುಜನಾಸುಖಾಯ ಬಹುನೋ ಜನಸ್ಸ ಅನತ್ಥಾಯ ಅಹಿತಾಯ ದುಕ್ಖಾಯ ದೇವಮನುಸ್ಸಾನಂ. ಏವರೂಪಞ್ಚೇ ತುಮ್ಹೇ, ಭಿಕ್ಖವೇ, ವಿವಾದಮೂಲಂ ಅಜ್ಝತ್ತಂ ವಾ ಬಹಿದ್ಧಾ ವಾ ಸಮನುಪಸ್ಸೇಯ್ಯಾಥ, ತತ್ರ ತುಮ್ಹೇ, ಭಿಕ್ಖವೇ, ತಸ್ಸೇವ ಪಾಪಕಸ್ಸ ವಿವಾದಮೂಲಸ್ಸ ಪಹಾನಾಯ ವಾಯಮೇಯ್ಯಾಥ. ಏವರೂಪಞ್ಚೇ ತುಮ್ಹೇ, ಭಿಕ್ಖವೇ, ವಿವಾದಮೂಲಂ ಅಜ್ಝತ್ತಂ ವಾ ಬಹಿದ್ಧಾ ವಾ ನ ಸಮನುಪಸ್ಸೇಯ್ಯಾಥ, ತತ್ರ ತುಮ್ಹೇ, ಭಿಕ್ಖವೇ, ತಸ್ಸೇವ ಪಾಪಕಸ್ಸ ವಿವಾದಮೂಲಸ್ಸ ¶ ಆಯತಿಂ ಅನವಸ್ಸವಾಯ ಪಟಿಪಜ್ಜೇಯ್ಯಾಥ. ಏವಮೇತಸ್ಸ ಪಾಪಕಸ್ಸ ವಿವಾದಮೂಲಸ್ಸ ಪಹಾನಂ ಹೋತಿ. ಏವಮೇತಸ್ಸ ಪಾಪಕಸ್ಸ ವಿವಾದಮೂಲಸ್ಸ ಆಯತಿಂ ಅನವಸ್ಸವೋ ಹೋತಿ.

[ಪರಿ.೨೭೨] ‘‘ಪುನ ಚಪರಂ, ಭಿಕ್ಖವೇ, ಭಿಕ್ಖು ಮಕ್ಖೀ ಹೋತಿ ಪಳಾಸೀ…ಪೇ… ಇಸ್ಸುಕೀ ಹೋತಿ ಮಚ್ಛರೀ ¶ , ಸಠೋ ಹೋತಿ ಮಾಯಾವೀ, ಪಾಪಿಚ್ಛೋ ಹೋತಿ ಮಿಚ್ಛಾದಿಟ್ಠೀ, ಸನ್ದಿಟ್ಠಿಪರಾಮಾಸೀ ಹೋತಿ ಆಧಾನಗ್ಗಾಹೀ ದುಪ್ಪಟಿನಿಸ್ಸಗ್ಗೀ. ಯೋ ಸೋ, ಭಿಕ್ಖವೇ, ಭಿಕ್ಖು ಸನ್ದಿಟ್ಠಿಪರಾಮಾಸೀ ಹೋತಿ ಆಧಾನಗ್ಗಾಹೀ ¶ ದುಪ್ಪಟಿನಿಸ್ಸಗ್ಗೀ, ಸೋ ಸತ್ಥರಿಪಿ ಅಗಾರವೋ ವಿಹರತಿ ಅಪ್ಪತಿಸ್ಸೋ, ಧಮ್ಮೇಪಿ ಅಗಾರವೋ ವಿಹರತಿ ಅಪ್ಪತಿಸ್ಸೋ, ಸಙ್ಘೇಪಿ ಅಗಾರವೋ ವಿಹರತಿ ಅಪ್ಪತಿಸ್ಸೋ, ಸಿಕ್ಖಾಯಪಿ ನ ಪರಿಪೂರಕಾರೀ ಹೋತಿ. ಯೋ ಸೋ, ಭಿಕ್ಖವೇ, ಭಿಕ್ಖು ಸತ್ಥರಿಪಿ ಅಗಾರವೋ ವಿಹರತಿ ಅಪ್ಪತಿಸ್ಸೋ, ಧಮ್ಮೇಪಿ…ಪೇ… ಸಙ್ಘೇಪಿ…ಪೇ… ಸಿಕ್ಖಾಯಪಿ ನ ಪರಿಪೂರಕಾರೀ, ಸೋ ಸಙ್ಘೇ ವಿವಾದಂ ಜನೇತಿ. ಯೋ ಹೋತಿ ವಿವಾದೋ ಬಹುಜನಾಹಿತಾಯ ಬಹುಜನಾ