មូល > អភិធម្មបិដក > ធម្មសង្គណីបាឡិ

១. កតមេ ¶ ¶ ¶ ¶ ធម្មា កុសលា? យស្មិំ សមយេ កាមាវចរំ កុសលំ ចិត្តំ ឧប្បន្នំ ហោតិ សោមនស្សសហគតំ ញាណសម្បយុត្តំ រូបារម្មណំ វា សទ្ទារម្មណំ វា គន្ធារម្មណំ វា រសារម្មណំ វា ផោដ្ឋព្ពារម្មណំ វា ធម្មារម្មណំ វា យំ យំ វា បនារព្ភ, តស្មិំ សមយេ ផស្សោ ហោតិ, វេទនា ហោតិ, សញ្ញា ហោតិ, ចេតនា ហោតិ, ចិត្តំ ហោតិ, វិតក្កោ ហោតិ, វិចារោ ហោតិ, បីតិ ហោតិ, សុខំ ហោតិ, ចិត្តស្សេកគ្គតា ហោតិ, សទ្ធិន្ទ្រិយំ ហោតិ, វីរិយិន្ទ្រិយំ [វិរិយិន្ទ្រិយំ (សី. ស្យា.)] ហោតិ, សតិន្ទ្រិយំ ហោតិ, សមាធិន្ទ្រិយំ ហោតិ, បញ្ញិន្ទ្រិយំ ហោតិ, មនិន្ទ្រិយំ ហោតិ, សោមនស្សិន្ទ្រិយំ ហោតិ, ជីវិតិន្ទ្រិយំ ហោតិ, សម្មាទិដ្ឋិ ហោតិ, សម្មាសង្កប្បោ ហោតិ, សម្មាវាយាមោ ហោតិ, សម្មាសតិ ហោតិ, សម្មាសមាធិ ហោតិ, សទ្ធាពលំ ហោតិ, វីរិយពលំ [វិរិយពលំ (សី. ស្យា.)] ហោតិ, សតិពលំ ហោតិ, សមាធិពលំ ហោតិ, បញ្ញាពលំ ហោតិ, ហិរិពលំ ហោតិ, ឱត្តប្បពលំ ហោតិ, អលោភោ ហោតិ, អទោសោ ហោតិ, អមោហោ ហោតិ, អនភិជ្ឈា ហោតិ, អព្យាបាទោ ហោតិ, សម្មាទិដ្ឋិ ហោតិ, ហិរី ហោតិ, ឱត្តប្បំ ហោតិ, កាយបស្សទ្ធិ [កាយប្បស្សទ្ធិ (ស្យា.)] ហោតិ, ចិត្តបស្សទ្ធិ [ចិត្តប្បស្សទ្ធិ (ស្យា.)] ហោតិ, កាយលហុតា ហោតិ, ចិត្តលហុតា ហោតិ, កាយមុទុតា ហោតិ, ចិត្តមុទុតា ហោតិ, កាយកម្មញ្ញតា ហោតិ, ចិត្តកម្មញ្ញតា ហោតិ, កាយបាគុញ្ញតា ហោតិ, ចិត្តបាគុញ្ញតា ហោតិ, កាយុជុកតា [កាយុជ្ជុកតា (សី. ក.)] ហោតិ, ចិត្តុជុកតា ¶ [ចិត្តុជ្ជុកតា (សី. ក.)] ហោតិ, សតិ ហោតិ, សម្បជញ្ញំ ហោតិ, សមថោ ហោតិ, វិបស្សនា ហោតិ, បគ្គាហោ ហោតិ, អវិក្ខេបោ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា កុសលា.

២. កតមោ ¶ ¶ តស្មិំ សមយេ ផស្សោ ហោតិ? យោ តស្មិំ សមយេ ផស្សោ ផុសនា សំផុសនា សំផុសិតត្តំ – អយំ តស្មិំ សមយេ ផស្សោ ហោតិ.

៣. កតមា តស្មិំ សមយេ វេទនា ហោតិ? យំ តស្មិំ សមយេ តជ្ជាមនោវិញ្ញាណធាតុសម្ផស្សជំ ចេតសិកំ សាតំ ចេតសិកំ សុខំ ចេតោសម្ផស្សជំ សាតំ ¶ សុខំ វេទយិតំ ចេតោសម្ផស្សជា សាតា សុខា វេទនា – អយំ តស្មិំ សមយេ វេទនា ហោតិ.

៤. កតមា តស្មិំ សមយេ សញ្ញា ហោតិ? យា តស្មិំ សមយេ តជ្ជាមនោវិញ្ញាណធាតុសម្ផស្សជា សញ្ញា សញ្ជាននា សញ្ជានិតត្តំ – អយំ តស្មិំ សមយេ សញ្ញា ហោតិ.

៥. កតមា តស្មិំ សមយេ ចេតនា ហោតិ? យា តស្មិំ សមយេ តជ្ជាមនោវិញ្ញាណធាតុសម្ផស្សជា ចេតនា សញ្ចេតនា ចេតយិតត្តំ [សញ្ចេតយិតត្តំ (ស្យា.)] – អយំ តស្មិំ សមយេ ចេតនា ហោតិ.

៦. កតមំ តស្មិំ សមយេ ចិត្តំ ហោតិ? យំ តស្មិំ សមយេ ចិត្តំ មនោ មានសំ ហទយំ បណ្ឌរំ មនោ មនាយតនំ មនិន្ទ្រិយំ វិញ្ញាណំ វិញ្ញាណក្ខន្ធោ តជ្ជាមនោវិញ្ញាណធាតុ – ឥទំ តស្មិំ សមយេ ចិត្តំ ហោតិ.

៧. កតមោ តស្មិំ សមយេ វិតក្កោ ហោតិ? យោ តស្មិំ សមយេ តក្កោ ¶ វិតក្កោ សង្កប្បោ អប្បនា ព្យប្បនា ចេតសោ អភិនិរោបនា សម្មាសង្កប្បោ – អយំ តស្មិំ សមយេ វិតក្កោ ហោតិ.

៨. កតមោ តស្មិំ សមយេ វិចារោ ហោតិ? យោ តស្មិំ សមយេ ចារោ វិចារោ អនុវិចារោ ឧបវិចារោ ចិត្តស្ស អនុសន្ធានតា អនុបេក្ខនតា – អយំ តស្មិំ សមយេ វិចារោ ហោតិ.

៩. កតមា តស្មិំ សមយេ បីតិ ហោតិ? យា តស្មិំ សមយេ បីតិ បាមោជ្ជំ អាមោទនា បមោទនា ហាសោ បហាសោ វិត្តិ ឱទគ្យំ អត្តមនតា ចិត្តស្ស – អយំ តស្មិំ សមយេ បីតិ ហោតិ.

១០. កតមំ ¶ ¶ តស្មិំ សមយេ សុខំ ហោតិ? យំ តស្មិំ សមយេ ចេតសិកំ សាតំ ចេតសិកំ សុខំ ចេតោសម្ផស្សជំ សាតំ សុខំ វេទយិតំ ចេតោសម្ផស្សជា សាតា សុខា វេទនា – ឥទំ តស្មិំ សមយេ សុខំ ហោតិ.

១១. កតមា តស្មិំ សមយេ ចិត្តស្សេកគ្គតា ហោតិ? យា តស្មិំ សមយេ ចិត្តស្ស ឋិតិ សណ្ឋិតិ អវដ្ឋិតិ អវិសាហារោ អវិក្ខេបោ អវិសាហដមានសតា សមថោ សមាធិន្ទ្រិយំ សមាធិពលំ សម្មាសមាធិ – អយំ តស្មិំ សមយេ ចិត្តស្សេកគ្គតា ហោតិ.

១២. កតមំ តស្មិំ សមយេ សទ្ធិន្ទ្រិយំ ហោតិ? យា តស្មិំ សមយេ សទ្ធា សទ្ទហនា ឱកប្បនា អភិប្បសាទោ ¶ សទ្ធា សទ្ធិន្ទ្រិយំ សទ្ធាពលំ – ឥទំ តស្មិំ សមយេ សទ្ធិន្ទ្រិយំ ហោតិ.

១៣. កតមំ តស្មិំ សមយេ វីរិយិន្ទ្រិយំ ហោតិ? យោ តស្មិំ សមយេ ចេតសិកោ វីរិយារម្ភោ [វិរិយារម្ភោ (សី. ស្យា.)] និក្កមោ បរក្កមោ ឧយ្យាមោ វាយាមោ ឧស្សាហោ ¶ ឧស្សោឡ្ហី [ឧស្សោឡ្ហិ (សី.)] ថាមោ ធិតិ អសិថិលបរក្កមតា អនិក្ខិត្តឆន្ទតា អនិក្ខិត្តធុរតា ធុរសម្បគ្គាហោ វីរិយំ វីរិយិន្ទ្រិយំ វីរិយពលំ សម្មាវាយាមោ – ឥទំ តស្មិំ សមយេ វីរិយិន្ទ្រិយំ ហោតិ.

១៤. កតមំ តស្មិំ សមយេ សតិន្ទ្រិយំ ហោតិ? យា តស្មិំ សមយេ សតិ អនុស្សតិ បដិស្សតិ សតិ សរណតា ធារណតា អបិលាបនតា អសម្មុស្សនតា សតិ សតិន្ទ្រិយំ សតិពលំ សម្មាសតិ – ឥទំ តស្មិំ សមយេ សតិន្ទ្រិយំ ហោតិ.

១៥. កតមំ តស្មិំ សមយេ សមាធិន្ទ្រិយំ ហោតិ? យា តស្មិំ សមយេ ចិត្តស្ស ឋិតិ សណ្ឋិតិ អវដ្ឋិតិ អវិសាហារោ អវិក្ខេបោ អវិសាហដមានសតា សមថោ សមាធិន្ទ្រិយំ សមាធិពលំ សម្មាសមាធិ – ឥទំ តស្មិំ សមយេ សមាធិន្ទ្រិយំ ហោតិ.

១៦. កតមំ តស្មិំ សមយេ បញ្ញិន្ទ្រិយំ ហោតិ? យា តស្មិំ សមយេ បញ្ញា បជាននា វិចយោ បវិចយោ ធម្មវិចយោ សល្លក្ខណា ឧបលក្ខណា បច្ចុបលក្ខណា បណ្ឌិច្ចំ កោសល្លំ នេបុញ្ញំ វេភព្យា ចិន្តា ឧបបរិក្ខា ភូរី មេធា ¶ ¶ បរិណាយិកា វិបស្សនា សម្បជញ្ញំ បតោទោ បញ្ញា បញ្ញិន្ទ្រិយំ បញ្ញាពលំ បញ្ញាសត្ថំ បញ្ញាបាសាទោ បញ្ញាអាលោកោ បញ្ញាឱភាសោ បញ្ញាបជ្ជោតោ បញ្ញារតនំ អមោហោ ធម្មវិចយោ សម្មាទិដ្ឋិ – ឥទំ តស្មិំ សមយេ បញ្ញិន្ទ្រិយំ ហោតិ.

១៧. កតមំ តស្មិំ សមយេ មនិន្ទ្រិយំ ហោតិ? យំ តស្មិំ សមយេ ចិត្តំ មនោ មានសំ ហទយំ បណ្ឌរំ មនោ មនាយតនំ មនិន្ទ្រិយំ វិញ្ញាណំ ¶ វិញ្ញាណក្ខន្ធោ តជ្ជាមនោវិញ្ញាណធាតុ – ឥទំ តស្មិំ សមយេ មនិន្ទ្រិយំ ហោតិ.

១៨. កតមំ តស្មិំ សមយេ សោមនស្សិន្ទ្រិយំ ហោតិ? យំ តស្មិំ សមយេ ចេតសិកំ សាតំ ចេតសិកំ សុខំ ចេតោសម្ផស្សជំ សាតំ សុខំ វេទយិតំ ចេតោសម្ផស្សជា សាតា សុខា វេទនា – ឥទំ តស្មិំ សមយេ សោមនស្សិន្ទ្រិយំ ហោតិ.

១៩. កតមំ តស្មិំ សមយេ ជីវិតិន្ទ្រិយំ ហោតិ? យោ តេសំ អរូបីនំ ធម្មានំ អាយុ ឋិតិ យបនា យាបនា ឥរិយនា [ឥរីយនា (សី.)] ¶ វត្តនា បាលនា ជីវិតំ ជីវិតិន្ទ្រិយំ – ឥទំ តស្មិំ សមយេ ជីវិតិន្ទ្រិយំ ហោតិ.

២០. កតមា តស្មិំ សមយេ សម្មាទិដ្ឋិ ហោតិ? យា តស្មិំ សមយេ បញ្ញា បជាននា វិចយោ បវិចយោ ធម្មវិចយោ សល្លក្ខណា ឧបលក្ខណា បច្ចុបលក្ខណា បណ្ឌិច្ចំ កោសល្លំ នេបុញ្ញំ វេភព្យា ចិន្តា ឧបបរិក្ខា ភូរី មេធា បរិណាយិកា វិបស្សនា សម្បជញ្ញំ បតោទោ បញ្ញា បញ្ញិន្ទ្រិយំ បញ្ញាពលំ បញ្ញាសត្ថំ បញ្ញាបាសាទោ បញ្ញាអាលោកោ បញ្ញាឱភាសោ បញ្ញាបជ្ជោតោ បញ្ញារតនំ អមោហោ ធម្មវិចយោ សម្មាទិដ្ឋិ – អយំ តស្មិំ សមយេ សម្មាទិដ្ឋិ ហោតិ.

២១. កតមោ តស្មិំ សមយេ សម្មាសង្កប្បោ ហោតិ? យោ តស្មិំ សមយេ តក្កោ វិតក្កោ សង្កប្បោ អប្បនា ព្យប្បនា ចេតសោ អភិនិរោបនា សម្មាសង្កប្បោ – អយំ តស្មិំ សមយេ សម្មាសង្កប្បោ ហោតិ.

២២. កតមោ ¶ ¶ ¶ តស្មិំ សមយេ សម្មាវាយាមោ ហោតិ? យោ តស្មិំ សមយេ ចេតសិកោ វីរិយារម្ភោ និក្កមោ បរក្កមោ ឧយ្យាមោ វាយាមោ ឧស្សាហោ ឧស្សោឡ្ហី ថាមោ ធិតិ អសិថិលបរក្កមតា អនិក្ខិត្តឆន្ទតា អនិក្ខិត្តធុរតា ធុរសម្បគ្គាហោ វីរិយំ វីរិយិន្ទ្រិយំ វីរិយពលំ សម្មាវាយាមោ – អយំ តស្មិំ សមយេ សម្មាវាយាមោ ហោតិ.

២៣. កតមា តស្មិំ សមយេ សម្មាសតិ ហោតិ? យា តស្មិំ សមយេ សតិ អនុស្សតិ បដិស្សតិ សតិ សរណតា ធារណតា អបិលាបនតា អសម្មុស្សនតា សតិ សតិន្ទ្រិយំ សតិពលំ សម្មាសតិ – អយំ តស្មិំ សមយេ សម្មាសតិ ហោតិ.

២៤. កតមោ តស្មិំ សមយេ សម្មាសមាធិ ហោតិ? យា តស្មិំ សមយេ ចិត្តស្ស ឋិតិ សណ្ឋិតិ អវដ្ឋិតិ អវិសាហារោ អវិក្ខេបោ អវិសាហដមានសតា សមថោ សមាធិន្ទ្រិយំ សមាធិពលំ សម្មាសមាធិ – អយំ តស្មិំ សមយេ សម្មាសមាធិ ហោតិ.

២៥. កតមំ តស្មិំ សមយេ សទ្ធាពលំ ហោតិ? យា តស្មិំ សមយេ សទ្ធា សទ្ទហនា ឱកប្បនា អភិប្បសាទោ សទ្ធា សទ្ធិន្ទ្រិយំ សទ្ធាពលំ – ឥទំ តស្មិំ សមយេ សទ្ធាពលំ ហោតិ.

២៦. កតមំ តស្មិំ សមយេ វីរិយពលំ ហោតិ? យោ តស្មិំ សមយេ ចេតសិកោ វីរិយារម្ភោ និក្កមោ បរក្កមោ ឧយ្យាមោ វាយាមោ ឧស្សាហោ ឧស្សោឡ្ហី ថាមោ ធិតិ អសិថិលបរក្កមតា អនិក្ខិត្តឆន្ទតា អនិក្ខិត្តធុរតា ធុរសម្បគ្គាហោ ¶ វីរិយំ វីរិយិន្ទ្រិយំ វីរិយពលំ សម្មាវាយាមោ – ឥទំ ¶ តស្មិំ សមយេ វីរិយពលំ ហោតិ.

២៧. កតមំ តស្មិំ សមយេ សតិពលំ ហោតិ? យា តស្មិំ សមយេ សតិ អនុស្សតិ បដិស្សតិ សតិ សរណតា ធារណតា អបិលាបនតា អសម្មុស្សនតា សតិ សតិន្ទ្រិយំ សតិពលំ សម្មាសតិ – ឥទំ តស្មិំ សមយេ សតិពលំ ហោតិ.

២៨. កតមំ តស្មិំ សមយេ សមាធិពលំ ហោតិ? យា តស្មិំ សមយេ ចិត្តស្ស ឋិតិ សណ្ឋិតិ អវដ្ឋិតិ អវិសាហារោ អវិក្ខេបោ អវិសាហដមានសតា សមថោ សមាធិន្ទ្រិយំ សមាធិពលំ សម្មាសមាធិ – ឥទំ តស្មិំ សមយេ សមាធិពលំ ហោតិ.

២៩. កតមំ ¶ តស្មិំ សមយេ បញ្ញាពលំ ហោតិ? យា តស្មិំ សមយេ បញ្ញា បជាននា វិចយោ ¶ បវិចយោ ធម្មវិចយោ សល្លក្ខណា ឧបលក្ខណា បច្ចុបលក្ខណា បណ្ឌិច្ចំ កោសល្លំ នេបុញ្ញំ វេភព្យា ចិន្តា ឧបបរិក្ខា ភូរី មេធា បរិណាយិកា វិបស្សនា សម្បជញ្ញំ បតោទោ បញ្ញា បញ្ញិន្ទ្រិយំ បញ្ញាពលំ បញ្ញាសត្ថំ បញ្ញាបាសាទោ បញ្ញាអាលោកោ បញ្ញាឱភាសោ បញ្ញាបជ្ជោតោ បញ្ញារតនំ អមោហោ ធម្មវិចយោ សម្មាទិដ្ឋិ – ឥទំ តស្មិំ សមយេ បញ្ញាពលំ ហោតិ.

៣០. កតមំ តស្មិំ សមយេ ហិរិពលំ ហោតិ? យំ តស្មិំ សមយេ ហិរីយតិ ហិរិយិតព្ពេន ហិរីយតិ បាបកានំ អកុសលានំ ធម្មានំ សមាបត្តិយា – ឥទំ តស្មិំ សមយេ ហិរិពលំ ហោតិ.

៣១. កតមំ តស្មិំ សមយេ ឱត្តប្បពលំ ហោតិ? យំ តស្មិំ សមយេ ឱត្តប្បតិ ¶ ឱត្តប្បិតព្ពេន ឱត្តប្បតិ បាបកានំ អកុសលានំ ធម្មានំ សមាបត្តិយា – ឥទំ តស្មិំ សមយេ ឱត្តប្បពលំ ហោតិ.

៣២. កតមោ តស្មិំ សមយេ អលោភោ ហោតិ? យោ តស្មិំ សមយេ អលោភោ អលុព្ភនា អលុព្ភិតត្តំ អសារាគោ អសារជ្ជនា អសារជ្ជិតត្តំ អនភិជ្ឈា អលោភោ កុសលមូលំ – អយំ តស្មិំ សមយេ អលោភោ ហោតិ.

៣៣. កតមោ តស្មិំ សមយេ អទោសោ ហោតិ? យោ តស្មិំ សមយេ អទោសោ អទុស្សនា អទុស្សិតត្តំ [អទូសនា អទូសិតត្តំ (ស្យា.)] អព្យាបាទោ អព្យាបជ្ជោ អទោសោ កុសលមូលំ – អយំ តស្មិំ សមយេ អទោសោ ហោតិ?

៣៤. កតមោ តស្មិំ សមយេ អមោហោ ហោតិ? យា តស្មិំ សមយេ បញ្ញា បជាននា វិចយោ បវិចយោ ធម្មវិចយោ ¶ សល្លក្ខណា ឧបលក្ខណា បច្ចុបលក្ខណា បណ្ឌិច្ចំ កោសល្លំ នេបុញ្ញំ វេភព្យា ចិន្តា ឧបបរិក្ខា ភូរី មេធា បរិណាយិកា វិបស្សនា សម្បជញ្ញំ បតោទោ បញ្ញា បញ្ញិន្ទ្រិយំ បញ្ញាពលំ បញ្ញាសត្ថំ បញ្ញាបាសាទោ បញ្ញាអាលោកោ បញ្ញាឱភាសោ បញ្ញាបជ្ជោតោ បញ្ញារតនំ អមោហោ ធម្មវិចយោ សម្មាទិដ្ឋិ អមោហោ កុសលមូលំ – អយំ តស្មិំ សមយេ អមោហោ ហោតិ.

៣៥. កតមា ¶ តស្មិំ សមយេ អនភិជ្ឈា ហោតិ? យោ តស្មិំ សមយេ អលោភោ អលុព្ភនា ¶ អលុព្ភិតត្តំ អសារាគោ អសារជ្ជនា អសារជ្ជិតត្តំ អនភិជ្ឈា អលោភោ កុសលមូលំ – អយំ តស្មិំ សមយេ អនភិជ្ឈា ហោតិ.

៣៦. កតមោ តស្មិំ សមយេ អព្យាបាទោ ហោតិ? យោ តស្មិំ សមយេ អទោសោ ¶ អទុស្សនា អទុស្សិតត្តំ អព្យាបាទោ អព្យាបជ្ជោ អទោសោ កុសលមូលំ – អយំ តស្មិំ សមយេ អព្យាបាទោ ហោតិ.

៣៧. កតមា តស្មិំ សមយេ សម្មាទិដ្ឋិ ហោតិ? យា តស្មិំ សមយេ បញ្ញា បជាននា វិចយោ បវិចយោ ធម្មវិចយោ សល្លក្ខណា ឧបលក្ខណា បច្ចុបលក្ខណា បណ្ឌិច្ចំ កោសល្លំ នេបុញ្ញំ វេភព្យា ចិន្តា ឧបបរិក្ខា ភូរី មេធា បរិណាយិកា វិបស្សនា សម្បជញ្ញំ បតោទោ បញ្ញា បញ្ញិន្ទ្រិយំ បញ្ញាពលំ បញ្ញាសត្ថំ បញ្ញាបាសាទោ បញ្ញាអាលោកោ បញ្ញាឱភាសោ បញ្ញាបជ្ជោតោ បញ្ញារតនំ អមោហោ ធម្មវិចយោ សម្មាទិដ្ឋិ – អយំ តស្មិំ សមយេ សម្មាទិដ្ឋិ ហោតិ.

៣៨. កតមា តស្មិំ សមយេ ហិរី ហោតិ? យំ តស្មិំ សមយេ ហិរីយតិ ហិរិយិតព្ពេន ហិរីយតិ បាបកានំ អកុសលានំ ធម្មានំ សមាបត្តិយា – អយំ តស្មិំ សមយេ ហិរី ហោតិ.

៣៩. កតមំ តស្មិំ សមយេ ឱត្តប្បំ ហោតិ? យំ តស្មិំ សមយេ ឱត្តប្បតិ ឱត្តប្បិតព្ពេន ឱត្តប្បតិ បាបកានំ អកុសលានំ ធម្មានំ សមាបត្តិយា – ឥទំ តស្មិំ សមយេ ឱត្តប្បំ ហោតិ.

៤០. កតមា តស្មិំ សមយេ កាយបស្សទ្ធិ ហោតិ? យា តស្មិំ សមយេ វេទនាក្ខន្ធស្ស សញ្ញាក្ខន្ធស្ស សង្ខារក្ខន្ធស្ស បស្សទ្ធិ បដិបស្សទ្ធិ [បដិប្បស្សទ្ធិ (សី. ស្យា.)] បស្សម្ភនា បដិបស្សម្ភនា [បដិប្បស្សម្ភនា (សី. ស្យា.)] បដិបស្សម្ភិតត្តំ [បដិប្បស្សម្ភិតត្តំ (សី. ស្យា.)] – អយំ តស្មិំ សមយេ កាយបស្សទ្ធិ ហោតិ.

៤១. កតមា តស្មិំ សមយេ ចិត្តបស្សទ្ធិ ហោតិ? យា ¶ តស្មិំ សមយេ ¶ វិញ្ញាណក្ខន្ធស្ស បស្សទ្ធិ បដិបស្សទ្ធិ បស្សម្ភនា បដិបស្សម្ភនា បដិបស្សម្ភិតត្តំ – អយំ តស្មិំ សមយេ ចិត្តបស្សទ្ធិ ហោតិ.

៤២. កតមា ¶ ¶ តស្មិំ សមយេ កាយលហុតា ហោតិ? យា តស្មិំ សមយេ វេទនាក្ខន្ធស្ស សញ្ញាក្ខន្ធស្ស សង្ខារក្ខន្ធស្ស លហុតា លហុបរិណាមតា អទន្ធនតា អវិត្ថនតា – អយំ តស្មិំ សមយេ កាយលហុតា ហោតិ.

៤៣. កតមា តស្មិំ សមយេ ចិត្តលហុតា ហោតិ? យា តស្មិំ សមយេ វិញ្ញាណក្ខន្ធស្ស លហុតា លហុបរិណាមតា អទន្ធនតា អវិត្ថនតា – អយំ តស្មិំ សមយេ ចិត្តលហុតា ហោតិ.

៤៤. កតមា តស្មិំ សមយេ កាយមុទុតា ហោតិ? យា តស្មិំ សមយេ វេទនាក្ខន្ធស្ស សញ្ញាក្ខន្ធស្ស សង្ខារក្ខន្ធស្ស មុទុតា មទ្ទវតា អកក្ខឡតា អកថិនតា – អយំ តស្មិំ សមយេ កាយមុទុតា ហោតិ.

៤៥. កតមា តស្មិំ សមយេ ចិត្តមុទុតា ហោតិ? យា តស្មិំ សមយេ វិញ្ញាណក្ខន្ធស្ស មុទុតា មទ្ទវតា អកក្ខឡតា អកថិនតា – អយំ តស្មិំ សមយេ ចិត្តមុទុតា ហោតិ.

៤៦. កតមា តស្មិំ សមយេ កាយកម្មញ្ញតា ហោតិ? យា តស្មិំ សមយេ វេទនាក្ខន្ធស្ស សញ្ញាក្ខន្ធស្ស សង្ខារក្ខន្ធស្ស កម្មញ្ញតា កម្មញ្ញត្តំ កម្មញ្ញភាវោ – អយំ តស្មិំ សមយេ កាយកម្មញ្ញតា ហោតិ.

៤៧. កតមា ¶ តស្មិំ សមយេ ចិត្តកម្មញ្ញតា ហោតិ? យា តស្មិំ សមយេ វិញ្ញាណក្ខន្ធស្ស កម្មញ្ញតា កម្មញ្ញត្តំ កម្មញ្ញភាវោ – អយំ តស្មិំ សមយេ ចិត្តកម្មញ្ញតា ហោតិ.

៤៨. កតមា តស្មិំ សមយេ កាយបាគុញ្ញតា ហោតិ? យា តស្មិំ សមយេ វេទនាក្ខន្ធស្ស សញ្ញាក្ខន្ធស្ស សង្ខារក្ខន្ធស្ស បគុណតា បគុណត្តំ បគុណភាវោ – អយំ តស្មិំ សមយេ កាយបាគុញ្ញតា ហោតិ.

៤៩. កតមា តស្មិំ សមយេ ចិត្តបាគុញ្ញតា ហោតិ? យា តស្មិំ សមយេ វិញ្ញាណក្ខន្ធស្ស បគុណតា បគុណត្តំ បគុណភាវោ – អយំ តស្មិំ សមយេ ចិត្តបាគុញ្ញតា ហោតិ.

៥០. កតមា ¶ តស្មិំ សមយេ កាយុជុកតា ហោតិ? យា តស្មិំ សមយេ វេទនាក្ខន្ធស្ស សញ្ញាក្ខន្ធស្ស សង្ខារក្ខន្ធស្ស ¶ ឧជុតា ឧជុកតា អជិម្ហតា អវង្កតា អកុដិលតា – អយំ តស្មិំ សមយេ កាយុជុកតា ហោតិ.

៥១. កតមា ¶ តស្មិំ សមយេ ចិត្តុជុកតា ហោតិ? យា តស្មិំ សមយេ វិញ្ញាណក្ខន្ធស្ស ឧជុតា ឧជុកតា អជិម្ហតា អវង្កតា អកុដិលតា – អយំ តស្មិំ សមយេ ចិត្តុជុកតា ហោតិ.

៥២. កតមា តស្មិំ សមយេ សតិ ហោតិ? យា តស្មិំ សមយេ សតិ អនុស្សតិ បដិស្សតិ សតិ សរណតា ធារណតា អបិលាបនតា អសម្មុស្សនតា សតិ សតិន្ទ្រិយំ សតិពលំ សម្មាសតិ – អយំ តស្មិំ សមយេ សតិ ហោតិ.

៥៣. កតមំ តស្មិំ សមយេ សម្បជញ្ញំ ហោតិ? យា តស្មិំ សមយេ បញ្ញា បជាននា វិចយោ បវិចយោ ធម្មវិចយោ សល្លក្ខណា ឧបលក្ខណា បច្ចុបលក្ខណា ¶ បណ្ឌិច្ចំ កោសល្លំ នេបុញ្ញំ វេភព្យា ចិន្តា ឧបបរិក្ខា ភូរី មេធា បរិណាយិកា វិបស្សនា សម្បជញ្ញំ បតោទោ បញ្ញា បញ្ញិន្ទ្រិយំ បញ្ញាពលំ បញ្ញាសត្ថំ បញ្ញាបាសាទោ បញ្ញាអាលោកោ បញ្ញាឱភាសោ បញ្ញាបជ្ជោតោ បញ្ញារតនំ អមោហោ ធម្មវិចយោ សម្មាទិដ្ឋិ – ឥទំ តស្មិំ សមយេ សម្បជញ្ញំ ហោតិ.

៥៤. កតមោ តស្មិំ សមយេ សមថោ ហោតិ? យា តស្មិំ សមយេ ចិត្តស្ស ឋិតិ សណ្ឋិតិ អវដ្ឋិតិ អវិសាហារោ អវិក្ខេបោ អវិសាហដមានសតា សមថោ សមាធិន្ទ្រិយំ សមាធិពលំ សម្មាសមាធិ – អយំ តស្មិំ សមយេ សមថោ ហោតិ.

៥៥. កតមា តស្មិំ សមយេ វិបស្សនា ហោតិ? យា តស្មិំ សមយេ បញ្ញា បជាននា វិចយោ បវិចយោ ធម្មវិចយោ សល្លក្ខណា ឧបលក្ខណា បច្ចុបលក្ខណា បណ្ឌិច្ចំ កោសល្លំ នេបុញ្ញំ វេភព្យា ចិន្តា ឧបបរិក្ខា ភូរី មេធា បរិណាយិកា វិបស្សនា សម្បជញ្ញំ បតោទោ បញ្ញា បញ្ញិន្ទ្រិយំ បញ្ញាពលំ បញ្ញាសត្ថំ បញ្ញាបាសាទោ បញ្ញាអាលោកោ បញ្ញាឱភាសោ បញ្ញាបជ្ជោតោ បញ្ញារតនំ អមោហោ ធម្មវិចយោ សម្មាទិដ្ឋិ – អយំ តស្មិំ សមយេ វិបស្សនា ហោតិ.

៥៦. កតមោ ¶ តស្មិំ សមយេ បគ្គាហោ ហោតិ? យោ តស្មិំ សមយេ ចេតសិកោ វីរិយារម្ភោ និក្កមោ បរក្កមោ ឧយ្យាមោ វាយាមោ ឧស្សាហោ ឧស្សោឡ្ហី ថាមោ ធិតិ អសិថិលបរក្កមតា អនិក្ខិត្តឆន្ទតា ¶ អនិក្ខិត្តធុរតា ¶ ធុរសម្បគ្គាហោ វីរិយំ វីរិយិន្ទ្រិយំ វីរិយពលំ សម្មាវាយាមោ – អយំ តស្មិំ សមយេ បគ្គាហោ ហោតិ.

៥៧. កតមោ ¶ តស្មិំ សមយេ អវិក្ខេបោ ហោតិ? យា តស្មិំ សមយេ ចិត្តស្ស ឋិតិ សណ្ឋិតិ អវដ្ឋិតិ អវិសាហារោ អវិក្ខេបោ អវិសាហដមានសតា សមថោ សមាធិន្ទ្រិយំ សមាធិពលំ សម្មាសមាធិ – អយំ តស្មិំ សមយេ អវិក្ខេបោ ហោតិ.

យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា កុសលា.

៥៨. តស្មិំ ខោ បន សមយេ ចត្តារោ ខន្ធា ហោន្តិ, ទ្វាយតនានិ ហោន្តិ, ទ្វេ ធាតុយោ ហោន្តិ, តយោ អាហារា ហោន្តិ, អដ្ឋិន្ទ្រិយានិ ហោន្តិ, បញ្ចង្គិកំ ឈានំ ហោតិ, បញ្ចង្គិកោ មគ្គោ ហោតិ, សត្ត ពលានិ ហោន្តិ, តយោ ហេតូ ហោន្តិ, ឯកោ ផស្សោ ហោតិ, ឯកា វេទនា ហោតិ, ឯកា សញ្ញា ហោតិ, ឯកា ចេតនា ហោតិ, ឯកំ ចិត្តំ ហោតិ, ឯកោ វេទនាក្ខន្ធោ ហោតិ, ឯកោ សញ្ញាក្ខន្ធោ ហោតិ, ឯកោ សង្ខារក្ខន្ធោ ហោតិ, ឯកោ វិញ្ញាណក្ខន្ធោ ហោតិ, ឯកំ មនាយតនំ ហោតិ, ឯកំ មនិន្ទ្រិយំ ហោតិ, ឯកា មនោវិញ្ញាណធាតុ ហោតិ, ឯកំ ធម្មាយតនំ ហោតិ, ឯកា ធម្មធាតុ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា កុសលា.

៥៩. កតមេ ¶ ¶ តស្មិំ សមយេ ចត្តារោ ខន្ធា ហោន្តិ? វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ, វិញ្ញាណក្ខន្ធោ.

៦០. កតមោ តស្មិំ សមយេ វេទនាក្ខន្ធោ ហោតិ? យំ តស្មិំ សមយេ ចេតសិកំ សាតំ ចេតសិកំ សុខំ ចេតោសម្ផស្សជំ សាតំ សុខំ ¶ វេទយិតំ ចេតោសម្ផស្សជា សាតា សុខា វេទនា – អយំ តស្មិំ សមយេ វេទនាក្ខន្ធោ ហោតិ.

៦១. កតមោ តស្មិំ សមយេ សញ្ញាក្ខន្ធោ ហោតិ? យា តស្មិំ សមយេ សញ្ញា សញ្ជាននា សញ្ជានិតត្តំ – អយំ តស្មិំ សមយេ សញ្ញាក្ខន្ធោ ហោតិ.

៦២. កតមោ តស្មិំ សមយេ សង្ខារក្ខន្ធោ ហោតិ? ផស្សោ ចេតនា វិតក្កោ វិចារោ បីតិ ចិត្តស្សេកគ្គតា សទ្ធិន្ទ្រិយំ ¶ វីរិយិន្ទ្រិយំ សតិន្ទ្រិយំ សមាធិន្ទ្រិយំ បញ្ញិន្ទ្រិយំ ជីវិតិន្ទ្រិយំ សម្មាទិដ្ឋិ សម្មាសង្កប្បោ សម្មាវាយាមោ សម្មាសតិ សម្មាសមាធិ សទ្ធាពលំ វីរិយពលំ សតិពលំ សមាធិពលំ បញ្ញាពលំ ហិរិពលំ ឱត្តប្បពលំ អលោភោ អទោសោ អមោហោ អនភិជ្ឈា អព្យាបាទោ សម្មាទិដ្ឋិ ហិរី ឱត្តប្បំ កាយបស្សទ្ធិ ចិត្តបស្សទ្ធិ កាយលហុតា ចិត្តលហុតា កាយមុទុតា ចិត្តមុទុតា កាយកម្មញ្ញតា ចិត្តកម្មញ្ញតា កាយបាគុញ្ញតា ចិត្តបាគុញ្ញតា កាយុជុកតា ចិត្តុជុកតា សតិ សម្បជញ្ញំ សមថោ វិបស្សនា បគ្គាហោ អវិក្ខេបោ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា ឋបេត្វា [ថបេត្វា (ក.)] វេទនាក្ខន្ធំ ឋបេត្វា សញ្ញាក្ខន្ធំ ឋបេត្វា វិញ្ញាណក្ខន្ធំ – អយំ តស្មិំ សមយេ សង្ខារក្ខន្ធោ ហោតិ.

៦៣. កតមោ តស្មិំ សមយេ វិញ្ញាណក្ខន្ធោ ហោតិ ¶ ? យំ តស្មិំ សមយេ ចិត្តំ មនោ មានសំ ហទយំ បណ្ឌរំ មនោ មនាយតនំ មនិន្ទ្រិយំ វិញ្ញាណំ វិញ្ញាណក្ខន្ធោ តជ្ជាមនោវិញ្ញាណធាតុ – អយំ តស្មិំ សមយេ វិញ្ញាណក្ខន្ធោ ហោតិ.

ឥមេ តស្មិំ សមយេ ចត្តារោ ខន្ធា ហោន្តិ.

៦៤. កតមានិ តស្មិំ សមយេ ទ្វាយតនានិ ហោន្តិ? មនាយតនំ ធម្មាយតនំ.

៦៥. កតមំ ¶ តស្មិំ សមយេ មនាយតនំ ហោតិ? យំ តស្មិំ សមយេ ចិត្តំ មនោ មានសំ ហទយំ បណ្ឌរំ មនោ មនាយតនំ មនិន្ទ្រិយំ វិញ្ញាណំ វិញ្ញាណក្ខន្ធោ តជ្ជាមនោវិញ្ញាណធាតុ – ឥទំ តស្មិំ សមយេ មនាយតនំ ហោតិ.

៦៦. កតមំ ¶ តស្មិំ សមយេ ធម្មាយតនំ ហោតិ? វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ – ឥទំ តស្មិំ សមយេ ធម្មាយតនំ ហោតិ.

ឥមានិ តស្មិំ សមយេ ទ្វាយតនានិ ហោន្តិ.

៦៧. កតមា តស្មិំ សមយេ ទ្វេ ធាតុយោ ហោន្តិ? មនោវិញ្ញាណធាតុ, ធម្មធាតុ.

៦៨. កតមា តស្មិំ សមយេ មនោវិញ្ញាណធាតុ ហោតិ? យំ តស្មិំ សមយេ ចិត្តំ មនោ មានសំ ហទយំ បណ្ឌរំ មនោ មនាយតនំ មនិន្ទ្រិយំ វិញ្ញាណំ វិញ្ញាណក្ខន្ធោ តជ្ជាមនោវិញ្ញាណធាតុ – អយំ តស្មិំ សមយេ មនោវិញ្ញាណធាតុ ហោតិ.

៦៩. កតមា តស្មិំ សមយេ ធម្មធាតុ ហោតិ? វេទនាក្ខន្ធោ, ¶ សញ្ញាក្ខន្ធោ, សង្ខារក្ខន្ធោ – អយំ តស្មិំ សមយេ ធម្មធាតុ ហោតិ.

ឥមា តស្មិំ សមយេ ទ្វេ ធាតុយោ ហោន្តិ.

៧០. កតមេ តស្មិំ សមយេ តយោ អាហារា ហោន្តិ? ផស្សាហារោ, មនោសញ្ចេតនាហារោ ¶ , វិញ្ញាណាហារោ.

៧១. កតមោ តស្មិំ សមយេ ផស្សាហារោ ហោតិ? យោ តស្មិំ សមយេ ផស្សោ ផុសនា សំផុសនា សំផុសិតត្តំ – អយំ តស្មិំ សមយេ ផស្សាហារោ ហោតិ.

៧២. កតមោ តស្មិំ សមយេ មនោសញ្ចេតនាហារោ ហោតិ? យា តស្មិំ សមយេ ចេតនា សញ្ចេតនា ចេតយិតត្តំ – អយំ តស្មិំ សមយេ មនោសញ្ចេតនាហារោ ហោតិ.

៧៣. កតមោ ¶ តស្មិំ សមយេ វិញ្ញាណាហារោ ហោតិ? យំ តស្មិំ សមយេ ចិត្តំ មនោ មានសំ ហទយំ បណ្ឌរំ មនោ មនាយតនំ មនិន្ទ្រិយំ វិញ្ញាណំ វិញ្ញាណក្ខន្ធោ តជ្ជាមនោវិញ្ញាណធាតុ – អយំ តស្មិំ សមយេ វិញ្ញាណាហារោ ហោតិ.

ឥមេ តស្មិំ សមយេ តយោ អាហារា ហោន្តិ.

៧៤. កតមានិ ¶ តស្មិំ សមយេ អដ្ឋិន្ទ្រិយានិ ហោន្តិ? សទ្ធិន្ទ្រិយំ, វីរិយិន្ទ្រិយំ, សតិន្ទ្រិយំ, សមាធិន្ទ្រិយំ, បញ្ញិន្ទ្រិយំ, មនិន្ទ្រិយំ, សោមនស្សិន្ទ្រិយំ, ជីវិតិន្ទ្រិយំ.

៧៥. កតមំ តស្មិំ សមយេ សទ្ធិន្ទ្រិយំ ហោតិ? យា តស្មិំ សមយេ សទ្ធា សទ្ទហនា ឱកប្បនា អភិប្បសាទោ សទ្ធា សទ្ធិន្ទ្រិយំ សទ្ធាពលំ – ឥទំ តស្មិំ សមយេ សទ្ធិន្ទ្រិយំ ហោតិ.

៧៦. កតមំ តស្មិំ សមយេ វីរិយិន្ទ្រិយំ ហោតិ? យោ តស្មិំ សមយេ ចេតសិកោ វីរិយារម្ភោ និក្កមោ បរក្កមោ ឧយ្យាមោ វាយាមោ ឧស្សាហោ ឧស្សោឡ្ហី ថាមោ ធិតិ អសិថិលបរក្កមតា អនិក្ខិត្តឆន្ទតា អនិក្ខិត្តធុរតា ធុរសម្បគ្គាហោ វីរិយំ វីរិយិន្ទ្រិយំ វីរិយពលំ សម្មាវាយាមោ – ឥទំ តស្មិំ សមយេ វីរិយិន្ទ្រិយំ ហោតិ.

៧៧. កតមំ តស្មិំ សមយេ សតិន្ទ្រិយំ ហោតិ? យា តស្មិំ សមយេ សតិ អនុស្សតិ បដិស្សតិ សតិ សរណតា ធារណតា ¶ អបិលាបនតា អសម្មុស្សនតា សតិ សតិន្ទ្រិយំ សតិពលំ សម្មាសតិ – ឥទំ តស្មិំ សមយេ សតិន្ទ្រិយំ ហោតិ.

៧៨. កតមំ តស្មិំ សមយេ សមាធិន្ទ្រិយំ ហោតិ? យា តស្មិំ សមយេ ចិត្តស្ស ឋិតិ សណ្ឋិតិ អវដ្ឋិតិ អវិសាហារោ អវិក្ខេបោ អវិសាហដមានសតា សមថោ សមាធិន្ទ្រិយំ សមាធិពលំ ¶ សម្មាសមាធិ – ឥទំ តស្មិំ សមយេ សមាធិន្ទ្រិយំ ហោតិ.

៧៩. កតមំ តស្មិំ សមយេ បញ្ញិន្ទ្រិយំ ហោតិ? យា តស្មិំ សមយេ បញ្ញា បជាននា វិចយោ បវិចយោ ធម្មវិចយោ សល្លក្ខណា ឧបលក្ខណា បច្ចុបលក្ខណា បណ្ឌិច្ចំ កោសល្លំ នេបុញ្ញំ វេភព្យា ចិន្តា ឧបបរិក្ខា ភូរី មេធា បរិណាយិកា វិបស្សនា សម្បជញ្ញំ បតោទោ បញ្ញា ¶ បញ្ញិន្ទ្រិយំ បញ្ញាពលំ បញ្ញាសត្ថំ បញ្ញាបាសាទោ បញ្ញាអាលោកោ បញ្ញាឱភាសោ បញ្ញាបជ្ជោតោ បញ្ញារតនំ អមោហោ ធម្មវិចយោ សម្មាទិដ្ឋិ – ឥទំ តស្មិំ សមយេ បញ្ញិន្ទ្រិយំ ហោតិ.

៨០. កតមំ តស្មិំ សមយេ មនិន្ទ្រិយំ ហោតិ? យំ តស្មិំ សមយេ ចិត្តំ មនោ មានសំ ហទយំ បណ្ឌរំ មនោ មនាយតនំ មនិន្ទ្រិយំ វិញ្ញាណំ វិញ្ញាណក្ខន្ធោ តជ្ជាមនោវិញ្ញាណធាតុ – ឥទំ តស្មិំ សមយេ មនិន្ទ្រិយំ ហោតិ.

៨១. កតមំ ¶ តស្មិំ សមយេ សោមនស្សិន្ទ្រិយំ ហោតិ? យំ តស្មិំ សមយេ ចេតសិកំ សាតំ ចេតសិកំ សុខំ ចេតោសម្ផស្សជំ សាតំ សុខំ វេទយិតំ ចេតោសម្ផស្សជា សាតា សុខា វេទនា – ឥទំ តស្មិំ សមយេ សោមនស្សិន្ទ្រិយំ ហោតិ.

៨២. កតមំ តស្មិំ សមយេ ជីវិតិន្ទ្រិយំ ហោតិ? យោ តេសំ អរូបីនំ ធម្មានំ អាយុ ឋិតិ យបនា យាបនា ឥរិយនា វត្តនា បាលនា ជីវិតំ ជីវិតិន្ទ្រិយំ – ឥទំ តស្មិំ សមយេ ជីវិតិន្ទ្រិយំ ហោតិ ¶ .

ឥមានិ តស្មិំ សមយេ អដ្ឋិន្ទ្រិយានិ ហោន្តិ.

៨៣. កតមំ តស្មិំ សមយេ បញ្ចង្គិកំ ឈានំ ហោតិ? វិតក្កោ, វិចារោ, បីតិ, សុខំ, ចិត្តស្សេកគ្គតា.

៨៤. កតមោ តស្មិំ សមយេ វិតក្កោ ហោតិ? យោ តស្មិំ សមយេ តក្កោ វិតក្កោ សង្កប្បោ អប្បនា ព្យប្បនា ចេតសោ អភិនិរោបនា សម្មាសង្កប្បោ – អយំ តស្មិំ សមយេ វិតក្កោ ហោតិ.

៨៥. កតមោ តស្មិំ សមយេ វិចារោ ហោតិ? យោ តស្មិំ សមយេ ចារោ វិចារោ អនុវិចារោ ឧបវិចារោ ចិត្តស្ស អនុសន្ធានតា អនុបេក្ខនតា – អយំ តស្មិំ សមយេ វិចារោ ហោតិ.

៨៦. កតមា ¶ តស្មិំ សមយេ បីតិ ហោតិ? យា ¶ តស្មិំ សមយេ បីតិ បាមោជ្ជំ អាមោទនា បមោទនា ហាសោ បហាសោ វិត្តិ ឱទគ្យំ អត្តមនតា ចិត្តស្ស – អយំ តស្មិំ សមយេ បីតិ ហោតិ.

៨៧. កតមំ តស្មិំ សមយេ សុខំ ហោតិ? យំ តស្មិំ សមយេ ចេតសិកំ សាតំ ចេតសិកំ សុខំ ចេតោសម្ផស្សជំ សាតំ សុខំ វេទយិតំ ចេតោសម្ផស្សជា សាតា សុខា វេទនា – ឥទំ តស្មិំ សមយេ សុខំ ហោតិ.

៨៨. កតមា តស្មិំ សមយេ ចិត្តស្សេកគ្គតា ហោតិ? យា តស្មិំ សមយេ ចិត្តស្ស ឋិតិ សណ្ឋិតិ អវដ្ឋិតិ អវិសាហារោ អវិក្ខេបោ អវិសាហដមានសតា សមថោ សមាធិន្ទ្រិយំ សមាធិពលំ សម្មាសមាធិ – អយំ តស្មិំ សមយេ ចិត្តស្សេកគ្គតា ហោតិ.

ឥទំ តស្មិំ សមយេ បញ្ចង្គិកំ ឈានំ ហោតិ.

៨៩. កតមោ ¶ តស្មិំ សមយេ បញ្ចង្គិកោ មគ្គោ ហោតិ? សម្មាទិដ្ឋិ, សម្មាសង្កប្បោ, សម្មាវាយាមោ, សម្មាសតិ, សម្មាសមាធិ.

៩០. កតមា តស្មិំ ¶ សមយេ សម្មាទិដ្ឋិ ហោតិ? យា តស្មិំ សមយេ បញ្ញា បជាននា វិចយោ បវិចយោ ធម្មវិចយោ សល្លក្ខណា ឧបលក្ខណា បច្ចុបលក្ខណា បណ្ឌិច្ចំ កោសល្លំ នេបុញ្ញំ វេភព្យា ចិន្តា ឧបបរិក្ខា ភូរី មេធា បរិណាយិកា វិបស្សនា សម្បជញ្ញំ បតោទោ បញ្ញា បញ្ញិន្ទ្រិយំ បញ្ញាពលំ បញ្ញាសត្ថំ បញ្ញាបាសាទោ បញ្ញាអាលោកោ បញ្ញាឱភាសោ បញ្ញាបជ្ជោតោ បញ្ញារតនំ អមោហោ ធម្មវិចយោ សម្មាទិដ្ឋិ – អយំ តស្មិំ សមយេ សម្មាទិដ្ឋិ ហោតិ.

៩១. កតមោ តស្មិំ សមយេ សម្មាសង្កប្បោ ហោតិ? យោ តស្មិំ សមយេ តក្កោ វិតក្កោ សង្កប្បោ អប្បនា ព្យប្បនា ចេតសោ អភិនិរោបនា សម្មាសង្កប្បោ – អយំ តស្មិំ សមយេ សម្មាសង្កប្បោ ហោតិ.

៩២. កតមោ តស្មិំ សមយេ សម្មាវាយាមោ ហោតិ? យោ តស្មិំ សមយេ ចេតសិកោ វីរិយារម្ភោ ¶ និក្កមោ បរក្កមោ ឧយ្យាមោ វាយាមោ ឧស្សាហោ ឧស្សោឡ្ហី ថាមោ ធិតិ អសិថិលបរក្កមតា អនិក្ខិត្តឆន្ទតា អនិក្ខិត្តធុរតា ធុរសម្បគ្គាហោ វីរិយំ វីរិយិន្ទ្រិយំ វីរិយពលំ សម្មាវាយាមោ – អយំ តស្មិំ សមយេ សម្មាវាយាមោ ហោតិ.

៩៣. កតមា តស្មិំ សមយេ សម្មាសតិ ហោតិ? យា តស្មិំ សមយេ សតិ អនុស្សតិ បដិស្សតិ សតិ សរណតា ធារណតា ¶ អបិលាបនតា អសម្មុស្សនតា សតិ សតិន្ទ្រិយំ សតិពលំ សម្មាសតិ – អយំ តស្មិំ សមយេ សម្មាសតិ ហោតិ.

៩៤. កតមោ តស្មិំ សមយេ សម្មាសមាធិ ហោតិ? យា តស្មិំ សមយេ ចិត្តស្ស ឋិតិ សណ្ឋិតិ អវដ្ឋិតិ អវិសាហារោ អវិក្ខេបោ អវិសាហដមានសតា សមថោ សមាធិន្ទ្រិយំ សមាធិពលំ សម្មាសមាធិ ¶ – អយំ តស្មិំ សមយេ សម្មាសមាធិ ហោតិ.

អយំ តស្មិំ សមយេ បញ្ចង្គិកោ មគ្គោ ហោតិ.

៩៥. កតមានិ ¶ តស្មិំ សមយេ សត្ត ពលានិ ហោន្តិ? សទ្ធាពលំ, វីរិយពលំ, សតិពលំ, សមាធិពលំ, បញ្ញាពលំ, ហិរិពលំ, ឱត្តប្បពលំ.

៩៦. កតមំ តស្មិំ សមយេ សទ្ធាពលំ ហោតិ? យា តស្មិំ សមយេ សទ្ធា សទ្ទហនា ឱកប្បនា អភិប្បសាទោ សទ្ធា សទ្ធិន្ទ្រិយំ សទ្ធាពលំ – ឥទំ តស្មិំ សមយេ សទ្ធាពលំ ហោតិ.

៩៧. កតមំ តស្មិំ សមយេ វីរិយពលំ ហោតិ? យោ តស្មិំ សមយេ ចេតសិកោ វីរិយារម្ភោ និក្កមោ បរក្កមោ ឧយ្យាមោ វាយាមោ ឧស្សាហោ ឧស្សោឡ្ហី ថាមោ ធិតិ អសិថិលបរក្កមតា អនិក្ខិត្តឆន្ទតា អនិក្ខិត្តធុរតា ធុរសម្បគ្គាហោ វីរិយំ វីរិយិន្ទ្រិយំ វីរិយពលំ សម្មាវាយាមោ – ឥទំ តស្មិំ សមយេ វីរិយពលំ ហោតិ.

៩៨. កតមំ តស្មិំ សមយេ សតិពលំ ហោតិ? យា តស្មិំ សមយេ សតិ អនុស្សតិ បដិស្សតិ សតិ សរណតា ធារណតា អបិលាបនតា អសម្មុស្សនតា សតិ សតិន្ទ្រិយំ សតិពលំ សម្មាសតិ – ឥទំ តស្មិំ សមយេ សតិពលំ ហោតិ.

៩៩. កតមំ ¶ តស្មិំ សមយេ សមាធិពលំ ហោតិ? យា តស្មិំ សមយេ ចិត្តស្ស ឋិតិ សណ្ឋិតិ អវដ្ឋិតិ អវិសាហារោ អវិក្ខេបោ អវិសាហដមានសតា សមថោ សមាធិន្ទ្រិយំ សមាធិពលំ សម្មាសមាធិ – ឥទំ តស្មិំ សមយេ សមាធិពលំ ហោតិ.

១០០. កតមំ តស្មិំ សមយេ បញ្ញាពលំ ហោតិ? យា តស្មិំ សមយេ បញ្ញា បជាននា វិចយោ បវិចយោ ធម្មវិចយោ សល្លក្ខណា ឧបលក្ខណា បច្ចុបលក្ខណា បណ្ឌិច្ចំ កោសល្លំ នេបុញ្ញំ វេភព្យា ចិន្តា ឧបបរិក្ខា ភូរី មេធា បរិណាយិកា ¶ វិបស្សនា សម្បជញ្ញំ បតោទោ បញ្ញា បញ្ញិន្ទ្រិយំ បញ្ញាពលំ បញ្ញាសត្ថំ បញ្ញាបាសាទោ បញ្ញាអាលោកោ ¶ បញ្ញាឱភាសោ បញ្ញាបជ្ជោតោ បញ្ញារតនំ អមោហោ ធម្មវិចយោ សម្មាទិដ្ឋិ – ឥទំ តស្មិំ សមយេ បញ្ញាពលំ ហោតិ.

១០១. កតមំ តស្មិំ សមយេ ហិរិពលំ ហោតិ? យំ តស្មិំ សមយេ ហិរីយតិ ហិរិយិតព្ពេន ហិរីយតិ បាបកានំ អកុសលានំ ធម្មានំ សមាបត្តិយា – ឥទំ តស្មិំ សមយេ ហិរិពលំ ហោតិ.

១០២. កតមំ ¶ តស្មិំ សមយេ ឱត្តប្បពលំ ហោតិ? យំ តស្មិំ សមយេ ឱត្តប្បតិ ឱត្តប្បិតព្ពេន ឱត្តប្បតិ បាបកានំ អកុសលានំ ធម្មានំ សមាបត្តិយា – ឥទំ តស្មិំ សមយេ ឱត្តប្បពលំ ហោតិ.

ឥមានិ តស្មិំ សមយេ សត្ត ពលានិ ហោន្តិ.

១០៣. កតមេ តស្មិំ សមយេ តយោ ហេតូ ហោន្តិ? អលោភោ, អទោសោ, អមោហោ.

១០៤. កតមោ តស្មិំ សមយេ អលោភោ ហោតិ? យោ តស្មិំ សមយេ អលោភោ អលុព្ភនា អលុព្ភិតត្តំ អសារាគោ អសារជ្ជនា អសារជ្ជិតត្តំ អនភិជ្ឈា អលោភោ កុសលមូលំ – អយំ តស្មិំ សមយេ អលោភោ ហោតិ.

១០៥. កតមោ តស្មិំ សមយេ អទោសោ ហោតិ? យោ តស្មិំ សមយេ អទោសោ អទុស្សនា អទុស្សិតត្តំ ¶ អព្យាបាទោ អព្យាបជ្ជោ អទោសោ កុសលមូលំ – អយំ តស្មិំ សមយេ អទោសោ ហោតិ.

១០៦. កតមោ តស្មិំ សមយេ អមោហោ ហោតិ? យា តស្មិំ សមយេ បញ្ញា បជាននា…បេ… ¶ អមោហោ ធម្មវិចយោ សម្មាទិដ្ឋិ – អយំ តស្មិំ សមយេ អមោហោ ហោតិ.

ឥមេ តស្មិំ សមយេ តយោ ហេតូ ហោន្តិ.

១០៧. កតមោ តស្មិំ សមយេ ឯកោ ផស្សោ ហោតិ? យោ តស្មិំ សមយេ ផស្សោ ផុសនា សំផុសនា សំផុសិតត្តំ – អយំ តស្មិំ សមយេ ឯកោ ផស្សោ ហោតិ.

១០៨. កតមា តស្មិំ សមយេ ឯកា វេទនា ហោតិ? យំ តស្មិំ សមយេ ចេតសិកំ សាតំ ចេតសិកំ សុខំ ចេតោសម្ផស្សជំ សាតំ សុខំ វេទយិតំ ចេតោសម្ផស្សជា សាតា សុខា វេទនា – អយំ តស្មិំ សមយេ ឯកា វេទនា ហោតិ.

១០៩. កតមា តស្មិំ សមយេ ឯកា សញ្ញា ហោតិ? យា ¶ តស្មិំ សមយេ សញ្ញា សញ្ជាននា សញ្ជានិតត្តំ – អយំ តស្មិំ សមយេ ឯកា សញ្ញា ហោតិ.

១១០. កតមា ¶ តស្មិំ សមយេ ឯកា ចេតនា ហោតិ? យា តស្មិំ សមយេ ចេតនា សញ្ចេតនា ចេតយិតត្តំ – អយំ តស្មិំ សមយេ ឯកា ចេតនា ហោតិ.

១១១. កតមំ ¶ តស្មិំ សមយេ ឯកំ ចិត្តំ ហោតិ? យំ តស្មិំ សមយេ ចិត្តំ មនោ មានសំ ហទយំ បណ្ឌរំ មនោ មនាយតនំ មនិន្ទ្រិយំ វិញ្ញាណំ វិញ្ញាណក្ខន្ធោ តជ្ជាមនោវិញ្ញាណធាតុ – ឥទំ តស្មិំ សមយេ ឯកំ ចិត្តំ ហោតិ.

១១២. កតមោ តស្មិំ សមយេ ឯកោ វេទនាក្ខន្ធោ ហោតិ? យំ តស្មិំ សមយេ ចេតសិកំ សាតំ ចេតសិកំ សុខំ ចេតោសម្ផស្សជំ សាតំ សុខំ វេទយិតំ ចេតោសម្ផស្សជា សាតា សុខា វេទនា – អយំ តស្មិំ សមយេ ឯកោ វេទនាក្ខន្ធោ ហោតិ.

១១៣. កតមោ ¶ តស្មិំ សមយេ ឯកោ សញ្ញាក្ខន្ធោ ហោតិ? យា តស្មិំ សមយេ សញ្ញា សញ្ជាននា សញ្ជានិតត្តំ – អយំ តស្មិំ សមយេ ឯកោ សញ្ញាក្ខន្ធោ ហោតិ.

១១៤. កតមោ តស្មិំ សមយេ ឯកោ សង្ខារក្ខន្ធោ ហោតិ? ផស្សោ ចេតនា វិតក្កោ វិចារោ បីតិ ចិត្តស្សេកគ្គតា សទ្ធិន្ទ្រិយំ វីរិយិន្ទ្រិយំ សតិន្ទ្រិយំ សមាធិន្ទ្រិយំ បញ្ញិន្ទ្រិយំ ជីវិតិន្ទ្រិយំ សម្មាទិដ្ឋិ សម្មាសង្កប្បោ សម្មាវាយាមោ សម្មាសតិ សម្មាសមាធិ សទ្ធាពលំ វីរិយពលំ សតិពលំ សមាធិពលំ បញ្ញាពលំ ហិរិពលំ ឱត្តប្បពលំ អលោភោ អទោសោ អមោហោ អនភិជ្ឈា អព្យាបាទោ សម្មាទិដ្ឋិ ហិរី ឱត្តប្បំ កាយបស្សទ្ធិ ចិត្តបស្សទ្ធិ កាយលហុតា ចិត្តលហុតា កាយមុទុតា ចិត្តមុទុតា កាយកម្មញ្ញតា ចិត្តកម្មញ្ញតា កាយបាគុញ្ញតា ចិត្តបាគុញ្ញតា កាយុជុកតា ចិត្តុជុកតា សតិ សម្បជញ្ញំ សមថោ វិបស្សនា ¶ បគ្គាហោ អវិក្ខេបោ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា ឋបេត្វា វេទនាក្ខន្ធំ ឋបេត្វា សញ្ញាក្ខន្ធំ ឋបេត្វា វិញ្ញាណក្ខន្ធំ – អយំ តស្មិំ សមយេ ឯកោ សង្ខារក្ខន្ធោ ហោតិ.

១១៥. កតមោ តស្មិំ សមយេ ឯកោ វិញ្ញាណក្ខន្ធោ ហោតិ? យំ តស្មិំ សមយេ ចិត្តំ មនោ មានសំ ហទយំ បណ្ឌរំ មនោ មនាយតនំ មនិន្ទ្រិយំ ¶ វិញ្ញាណំ វិញ្ញាណក្ខន្ធោ តជ្ជាមនោវិញ្ញាណធាតុ – អយំ តស្មិំ សមយេ ឯកោ វិញ្ញាណក្ខន្ធោ ហោតិ.

១១៦. កតមំ ¶ តស្មិំ សមយេ ឯកំ មនាយតនំ ហោតិ? យំ តស្មិំ សមយេ ចិត្តំ មនោ មានសំ ហទយំ បណ្ឌរំ មនោ មនាយតនំ មនិន្ទ្រិយំ វិញ្ញាណំ វិញ្ញាណក្ខន្ធោ តជ្ជាមនោវិញ្ញាណធាតុ – ឥទំ តស្មិំ សមយេ ឯកំ មនាយតនំ ហោតិ.

១១៧. កតមំ តស្មិំ សមយេ ឯកំ មនិន្ទ្រិយំ ហោតិ? យំ តស្មិំ សមយេ ចិត្តំ មនោ មានសំ ហទយំ បណ្ឌរំ មនោ មនាយតនំ មនិន្ទ្រិយំ វិញ្ញាណំ វិញ្ញាណក្ខន្ធោ តជ្ជាមនោវិញ្ញាណធាតុ – ឥទំ តស្មិំ សមយេ ឯកំ មនិន្ទ្រិយំ ហោតិ.

១១៨. កតមា តស្មិំ សមយេ ឯកា មនោវិញ្ញាណធាតុ ហោតិ? យំ តស្មិំ សមយេ ចិត្តំ មនោ ¶ មានសំ ហទយំ បណ្ឌរំ មនោ មនាយតនំ មនិន្ទ្រិយំ វិញ្ញាណំ វិញ្ញាណក្ខន្ធោ តជ្ជាមនោវិញ្ញាណធាតុ – អយំ តស្មិំ សមយេ ឯកា មនោវិញ្ញាណធាតុ ហោតិ.

១១៩. កតមំ តស្មិំ សមយេ ឯកំ ធម្មាយតនំ ហោតិ? វេទនាក្ខន្ធោ, សញ្ញាក្ខន្ធោ ¶ , សង្ខារក្ខន្ធោ – ឥទំ តស្មិំ សមយេ ឯកំ ធម្មាយតនំ ហោតិ.

១២០. កតមា តស្មិំ សមយេ ឯកា ធម្មធាតុ ហោតិ? វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ – អយំ តស្មិំ សមយេ ឯកា ធម្មធាតុ ហោតិ.

១២១. តស្មិំ ខោ បន សមយេ ធម្មា ហោន្តិ, ខន្ធា ហោន្តិ, អាយតនានិ ហោន្តិ, ធាតុយោ ហោន្តិ, អាហារា ហោន្តិ, ឥន្ទ្រិយានិ ¶ ហោន្តិ, ឈានំ ហោតិ, មគ្គោ ហោតិ, ពលានិ ហោន្តិ, ហេតូ ហោន្តិ, ផស្សោ ហោតិ, វេទនា ហោតិ, សញ្ញា ហោតិ, ចេតនា ហោតិ, ចិត្តំ ហោតិ, វេទនាក្ខន្ធោ ហោតិ, សញ្ញាក្ខន្ធោ ហោតិ, សង្ខារក្ខន្ធោ ហោតិ, វិញ្ញាណក្ខន្ធោ ហោតិ, មនាយតនំ ហោតិ, មនិន្ទ្រិយំ ហោតិ, មនោវិញ្ញាណធាតុ ហោតិ, ធម្មាយតនំ ហោតិ, ធម្មធាតុ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា កុសលា.

១២២. កតមេ តស្មិំ សមយេ ធម្មា ហោន្តិ? វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ, វិញ្ញាណក្ខន្ធោ – ឥមេ តស្មិំ សមយេ ធម្មា ហោន្តិ.

១២៣. កតមេ ¶ តស្មិំ សមយេ ខន្ធា ហោន្តិ? វេទនាក្ខន្ធោ, ¶ សញ្ញាក្ខន្ធោ ¶ , សង្ខារក្ខន្ធោ, វិញ្ញាណក្ខន្ធោ – ឥមេ តស្មិំ សមយេ ខន្ធា ហោន្តិ.

១២៤. កតមានិ តស្មិំ សមយេ អាយតនានិ ហោន្តិ? មនាយតនំ, ធម្មាយតនំ – ឥមានិ តស្មិំ សមយេ អាយតនានិ ហោន្តិ.

១២៥. កតមា តស្មិំ សមយេ ធាតុយោ ហោន្តិ? មនោវិញ្ញាណធាតុ, ធម្មធាតុ – ឥមា តស្មិំ សមយេ ធាតុយោ ហោន្តិ.

១២៦. កតមេ តស្មិំ សមយេ អាហារា ហោន្តិ? ផស្សាហារោ, មនោសញ្ចេតនាហារោ, វិញ្ញាណាហារោ – ឥមេ តស្មិំ សមយេ អាហារា ហោន្តិ.

១២៧. កតមានិ តស្មិំ សមយេ ឥន្ទ្រិយានិ ហោន្តិ? សទ្ធិន្ទ្រិយំ, វីរិយិន្ទ្រិយំ, សតិន្ទ្រិយំ, សមាធិន្ទ្រិយំ, បញ្ញិន្ទ្រិយំ, មនិន្ទ្រិយំ, សោមនស្សិន្ទ្រិយំ, ជីវិតិន្ទ្រិយំ – ឥមានិ តស្មិំ សមយេ ឥន្ទ្រិយានិ ហោន្តិ.

១២៨. កតមំ តស្មិំ សមយេ ឈានំ ហោតិ? វិតក្កោ, វិចារោ, បីតិ, សុខំ, ចិត្តស្សេកគ្គតា – ឥទំ តស្មិំ សមយេ ឈានំ ហោតិ.

១២៩. កតមោ តស្មិំ សមយេ មគ្គោ ហោតិ? សម្មាទិដ្ឋិ, សម្មាសង្កប្បោ, សម្មាវាយាមោ, សម្មាសតិ, សម្មាសមាធិ – អយំ តស្មិំ សមយេ មគ្គោ ហោតិ.

១៣០. កតមានិ ¶ តស្មិំ សមយេ ពលានិ ហោន្តិ? សទ្ធាពលំ, វីរិយពលំ, សតិពលំ, សមាធិពលំ, បញ្ញាពលំ, ហិរិពលំ, ឱត្តប្បពលំ – ឥមានិ តស្មិំ សមយេ ពលានិ ហោន្តិ.

១៣១. កតមេ ¶ តស្មិំ សមយេ ហេតូ ហោន្តិ? អលោភោ, អទោសោ, អមោហោ – ឥមេ តស្មិំ សមយេ ហេតូ ហោន្តិ.

១៣២. កតមោ ¶ តស្មិំ សមយេ ផស្សោ ហោតិ…បេ… អយំ តស្មិំ សមយេ ផស្សោ ហោតិ.

១៣៣. កតមា តស្មិំ សមយេ វេទនា ហោតិ…បេ… អយំ តស្មិំ សមយេ វេទនា ហោតិ.

១៣៤. កតមា តស្មិំ សមយេ សញ្ញា ហោតិ…បេ… អយំ តស្មិំ សមយេ សញ្ញា ហោតិ.

១៣៥. កតមា តស្មិំ សមយេ ចេតនា ហោតិ…បេ… អយំ តស្មិំ សមយេ ចេតនា ហោតិ?

១៣៦. កតមំ តស្មិំ សមយេ ចិត្តំ ហោតិ…បេ… ឥទំ តស្មិំ សមយេ ចិត្តំ ហោតិ.

១៣៧. កតមោ តស្មិំ សមយេ វេទនាក្ខន្ធោ ហោតិ…បេ… អយំ តស្មិំ សមយេ វេទនាក្ខន្ធោ ហោតិ.

១៣៨. កតមោ តស្មិំ សមយេ សញ្ញាក្ខន្ធោ ហោតិ…បេ… អយំ តស្មិំ សមយេ សញ្ញាក្ខន្ធោ ហោតិ.

១៣៩. កតមោ តស្មិំ សមយេ សង្ខារក្ខន្ធោ ហោតិ…បេ… អយំ តស្មិំ សមយេ សង្ខារក្ខន្ធោ ហោតិ.

១៤០. កតមោ តស្មិំ សមយេ វិញ្ញាណក្ខន្ធោ ហោតិ…បេ… អយំ តស្មិំ សមយេ វិញ្ញាណក្ខន្ធោ ហោតិ.

១៤១. កតមំ ¶ តស្មិំ សមយេ មនាយតនំ ហោតិ…បេ… ឥទំ តស្មិំ សមយេ មនាយតនំ ហោតិ.

១៤២. កតមំ ¶ តស្មិំ សមយេ មនិន្ទ្រិយំ ហោតិ…បេ… ឥទំ តស្មិំ សមយេ មនិន្ទ្រិយំ ហោតិ.

១៤៣. កតមា ¶ តស្មិំ សមយេ មនោវិញ្ញាណធាតុ ហោតិ…បេ… អយំ តស្មិំ សមយេ មនោវិញ្ញាណធាតុ ហោតិ.

១៤៤. កតមំ តស្មិំ សមយេ ធម្មាយតនំ ហោតិ? វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ – ឥទំ តស្មិំ សមយេ ធម្មាយតនំ ហោតិ.

១៤៥. កតមា តស្មិំ សមយេ ធម្មធាតុ ហោតិ? វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ – អយំ តស្មិំ សមយេ ធម្មធាតុ ហោតិ.

១៤៦. កតមេ ¶ ធម្មា កុសលា? យស្មិំ ¶ សមយេ កាមាវចរំ កុសលំ ចិត្តំ ឧប្បន្នំ ហោតិ សោមនស្សសហគតំ ញាណសម្បយុត្តំ សសង្ខារេន រូបារម្មណំ វា…បេ… ធម្មារម្មណំ វា យំ យំ វា បនារព្ភ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

១៤៧. កតមេ ធម្មា កុសលា? យស្មិំ សមយេ កាមាវចរំ កុសលំ ចិត្តំ ឧប្បន្នំ ហោតិ សោមនស្សសហគតំ ញាណវិប្បយុត្តំ រូបារម្មណំ វា សទ្ទារម្មណំ វា គន្ធារម្មណំ វា រសារម្មណំ វា ផោដ្ឋព្ពារម្មណំ វា ធម្មារម្មណំ វា យំ យំ វា បនារព្ភ, តស្មិំ សមយេ ផស្សោ ហោតិ, វេទនា ហោតិ, សញ្ញា ហោតិ, ចេតនា ហោតិ, ចិត្តំ ហោតិ, វិតក្កោ ហោតិ, វិចារោ ហោតិ, បីតិ ហោតិ, សុខំ ហោតិ, ចិត្តស្សេកគ្គតា ហោតិ, សទ្ធិន្ទ្រិយំ ហោតិ, វីរិយិន្ទ្រិយំ ហោតិ, សតិន្ទ្រិយំ ¶ ហោតិ, សមាធិន្ទ្រិយំ ហោតិ ¶ , មនិន្ទ្រិយំ ហោតិ, សោមនស្សិន្ទ្រិយំ ហោតិ, ជីវិតិន្ទ្រិយំ ហោតិ, សម្មាសង្កប្បោ ហោតិ, សម្មាវាយាមោ ហោតិ, សម្មាសតិ ហោតិ, សម្មាសមាធិ ហោតិ, សទ្ធាពលំ ហោតិ, វីរិយពលំ ហោតិ, សតិពលំ ហោតិ, សមាធិពលំ ហោតិ, ហិរិពលំ ហោតិ, ឱត្តប្បពលំ ហោតិ, អលោភោ ហោតិ, អទោសោ ហោតិ, អនភិជ្ឈា ហោតិ, អព្យាបាទោ ហោតិ, ហិរី ហោតិ, ឱត្តប្បំ ហោតិ, កាយបស្សទ្ធិ ហោតិ, ចិត្តបស្សទ្ធិ ហោតិ, កាយលហុតា ហោតិ, ចិត្តលហុតា ហោតិ, កាយមុទុតា ហោតិ, ចិត្តមុទុតា ហោតិ, កាយកម្មញ្ញតា ហោតិ, ចិត្តកម្មញ្ញតា ហោតិ, កាយបាគុញ្ញតា ហោតិ, ចិត្តបាគុញ្ញតា ហោតិ, កាយុជុកតា ហោតិ, ចិត្តុជុកតា ហោតិ, សតិ ហោតិ, សមថោ ហោតិ, បគ្គាហោ ហោតិ, អវិក្ខេបោ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា កុសលា…បេ….

តស្មិំ ខោ បន សមយេ ចត្តារោ ខន្ធា ហោន្តិ, ទ្វាយតនានិ ហោន្តិ, ទ្វេ ធាតុយោ ហោន្តិ, តយោ អាហារា ហោន្តិ, សត្តិន្ទ្រិយានិ ហោន្តិ ¶ , បញ្ចង្គិកំ ឈានំ ហោតិ, ចតុរង្គិកោ មគ្គោ ហោតិ, ឆ ពលានិ ហោន្តិ, ទ្វេ ហេតូ ហោន្តិ, ឯកោ ផស្សោ ហោតិ…បេ… ឯកំ ធម្មាយតនំ ហោតិ, ឯកា ធម្មធាតុ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា កុសលា…បេ….

១៤៨. កតមោ ¶ តស្មិំ សមយេ សង្ខារក្ខន្ធោ ហោតិ? ផស្សោ ចេតនា វិតក្កោ វិចារោ បីតិ ចិត្តស្សេកគ្គតា សទ្ធិន្ទ្រិយំ វីរិយិន្ទ្រិយំ សតិន្ទ្រិយំ សមាធិន្ទ្រិយំ ជីវិតិន្ទ្រិយំ សម្មាសង្កប្បោ សម្មាវាយាមោ សម្មាសតិ សម្មាសមាធិ សទ្ធាពលំ វីរិយពលំ សតិពលំ សមាធិពលំ ហិរិពលំ ឱត្តប្បពលំ អលោភោ អទោសោ អនភិជ្ឈា អព្យាបាទោ ហិរី ឱត្តប្បំ កាយបស្សទ្ធិ ចិត្តបស្សទ្ធិ កាយលហុតា ចិត្តលហុតា កាយមុទុតា ចិត្តមុទុតា កាយកម្មញ្ញតា ចិត្តកម្មញ្ញតា កាយបាគុញ្ញតា ចិត្តបាគុញ្ញតា កាយុជុកតា ចិត្តុជុកតា សតិ សមថោ បគ្គាហោ អវិក្ខេបោ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា ឋបេត្វា វេទនាក្ខន្ធំ ឋបេត្វា សញ្ញាក្ខន្ធំ ឋបេត្វា វិញ្ញាណក្ខន្ធំ – អយំ តស្មិំ សមយេ សង្ខារក្ខន្ធោ ហោតិ…បេ… ឥមេ ធម្មា កុសលា.

១៤៩. កតមេ ¶ ¶ ធម្មា កុសលា? យស្មិំ សមយេ កាមាវចរំ កុសលំ ចិត្តំ ឧប្បន្នំ ហោតិ សោមនស្សសហគតំ ញាណវិប្បយុត្តំ សសង្ខារេន រូបារម្មណំ ¶ វា…បេ… ធម្មារម្មណំ វា យំ យំ វា បនារព្ភ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

១៥០. កតមេ ធម្មា កុសលា? យស្មិំ សមយេ កាមាវចរំ កុសលំ ចិត្តំ ឧប្បន្នំ ហោតិ ឧបេក្ខាសហគតំ ញាណសម្បយុត្តំ រូបារម្មណំ វា សទ្ទារម្មណំ វា គន្ធារម្មណំ វា រសារម្មណំ វា ផោដ្ឋព្ពារម្មណំ វា ធម្មារម្មណំ វា យំ យំ វា បនារព្ភ, តស្មិំ សមយេ ផស្សោ ហោតិ, វេទនា ហោតិ, សញ្ញា ហោតិ, ចេតនា ហោតិ, ចិត្តំ ហោតិ, វិតក្កោ ហោតិ, វិចារោ ហោតិ, ឧបេក្ខា ហោតិ, ចិត្តស្សេកគ្គតា ហោតិ, សទ្ធិន្ទ្រិយំ ហោតិ, វីរិយិន្ទ្រិយំ ហោតិ, សតិន្ទ្រិយំ ហោតិ, សមាធិន្ទ្រិយំ ហោតិ, បញ្ញិន្ទ្រិយំ ហោតិ, មនិន្ទ្រិយំ ហោតិ, ឧបេក្ខិន្ទ្រិយំ ហោតិ, ជីវិតិន្ទ្រិយំ ហោតិ, សម្មាទិដ្ឋិ ហោតិ, សម្មាសង្កប្បោ ហោតិ, សម្មាវាយាមោ ហោតិ, សម្មាសតិ ហោតិ, សម្មាសមាធិ ហោតិ, សទ្ធាពលំ ហោតិ, វីរិយពលំ ហោតិ, សតិពលំ ហោតិ, សមាធិពលំ ហោតិ, បញ្ញាពលំ ហោតិ, ហិរិពលំ ហោតិ, ឱត្តប្បពលំ ហោតិ, អលោភោ ហោតិ, អទោសោ ហោតិ, អមោហោ ហោតិ, អនភិជ្ឈា ហោតិ, អព្យាបាទោ ហោតិ, សម្មាទិដ្ឋិ ហោតិ, ហិរី ហោតិ, ឱត្តប្បំ ហោតិ, កាយបស្សទ្ធិ ហោតិ, ចិត្តបស្សទ្ធិ ហោតិ, កាយលហុតា ហោតិ, ចិត្តលហុតា ហោតិ, កាយមុទុតា ហោតិ, ចិត្តមុទុតា ហោតិ, កាយកម្មញ្ញតា ហោតិ, ចិត្តកម្មញ្ញតា ហោតិ កាយបាគុញ្ញតា ¶ ហោតិ, ចិត្តបាគុញ្ញតា ហោតិ, កាយុជុកតា ហោតិ, ចិត្តុជុកតា ហោតិ, សតិ ហោតិ, សម្បជញ្ញំ ហោតិ, សមថោ ហោតិ, វិបស្សនា ហោតិ, បគ្គាហោ ហោតិ, អវិក្ខេបោ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា កុសលា.

១៥១. កតមោ តស្មិំ សមយេ ផស្សោ ហោតិ? យោ តស្មិំ សមយេ ផស្សោ ផុសនា សំផុសនា សំផុសិតត្តំ – អយំ តស្មិំ សមយេ ផស្សោ ហោតិ.

១៥២. កតមា ¶ តស្មិំ សមយេ វេទនា ហោតិ? យំ តស្មិំ សមយេ តជ្ជាមនោវិញ្ញាណធាតុសម្ផស្សជំ ¶ ចេតសិកំ នេវ សាតំ នាសាតំ ចេតោសម្ផស្សជំ អទុក្ខមសុខំ វេទយិតំ ចេតោសម្ផស្សជា អទុក្ខមសុខា វេទនា – អយំ តស្មិំ សមយេ វេទនា ហោតិ…បេ….

១៥៣. កតមា តស្មិំ សមយេ ឧបេក្ខា ហោតិ? យំ តស្មិំ សមយេ ចេតសិកំ នេវ សាតំ នាសាតំ ចេតោសម្ផស្សជំ អទុក្ខមសុខំ វេទយិតំ ចេតោសម្ផស្សជា អទុក្ខមសុខា វេទនា – អយំ តស្មិំ សមយេ ឧបេក្ខា ហោតិ…បេ….

១៥៤. កតមំ តស្មិំ សមយេ ឧបេក្ខិន្ទ្រិយំ ហោតិ? យំ តស្មិំ សមយេ ចេតសិកំ នេវ សាតំ នាសាតំ ចេតោសម្ផស្សជំ អទុក្ខមសុខំ វេទយិតំ ចេតោសម្ផស្សជា អទុក្ខមសុខា វេទនា – ឥទំ តស្មិំ សមយេ ឧបេក្ខិន្ទ្រិយំ ហោតិ…បេ… យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា កុសលា…បេ….

តស្មិំ ខោ បន សមយេ ចត្តារោ ខន្ធា ហោន្តិ, ទ្វាយតនានិ ហោន្តិ ¶ , ទ្វេ ធាតុយោ ហោន្តិ, តយោ អាហារា ហោន្តិ, អដ្ឋិន្ទ្រិយានិ ហោន្តិ, ចតុរង្គិកំ ឈានំ ហោតិ, បញ្ចង្គិកោ មគ្គោ ហោតិ, សត្ត ពលានិ ហោន្តិ, តយោ ហេតូ ហោន្តិ, ឯកោ ផស្សោ ហោតិ…បេ… ឯកំ ធម្មាយតនំ ហោតិ, ឯកា ធម្មធាតុ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា កុសលា…បេ….

១៥៥. កតមោ ¶ តស្មិំ សមយេ សង្ខារក្ខន្ធោ ហោតិ? ផស្សោ ចេតនា វិតក្កោ វិចារោ ចិត្តស្សេកគ្គតា សទ្ធិន្ទ្រិយំ វីរិយិន្ទ្រិយំ សតិន្ទ្រិយំ សមាធិន្ទ្រិយំ បញ្ញិន្ទ្រិយំ ជីវិតិន្ទ្រិយំ សម្មាទិដ្ឋិ សម្មាសង្កប្បោ សម្មាវាយាមោ សម្មាសតិ សម្មាសមាធិ សទ្ធាពលំ វីរិយពលំ សតិពលំ សមាធិពលំ បញ្ញាពលំ ហិរិពលំ ឱត្តប្បពលំ អលោភោ អទោសោ អមោហោ អនភិជ្ឈា អព្យាបាទោ សម្មាទិដ្ឋិ ហិរី ឱត្តប្បំ កាយបស្សទ្ធិ ចិត្តបស្សទ្ធិ កាយលហុតា ចិត្តលហុតា កាយមុទុតា ចិត្តមុទុតា កាយកម្មញ្ញតា ចិត្តកម្មញ្ញតា កាយបាគុញ្ញតា ចិត្តបាគុញ្ញតា កាយុជុកតា ចិត្តុជុកតា សតិ សម្បជញ្ញំ សមថោ វិបស្សនា បគ្គាហោ អវិក្ខេបោ.

យេ ¶ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា ឋបេត្វា វេទនាក្ខន្ធំ ¶ ឋបេត្វា សញ្ញាក្ខន្ធំ ឋបេត្វា វិញ្ញាណក្ខន្ធំ – អយំ តស្មិំ សមយេ សង្ខារក្ខន្ធោ ហោតិ…បេ… ឥមេ ធម្មា កុសលា.

១៥៦. កតមេ ¶ ធម្មា កុសលា? យស្មិំ សមយេ កាមាវចរំ កុសលំ ចិត្តំ ឧប្បន្នំ ហោតិ ឧបេក្ខាសហគតំ ញាណសម្បយុត្តំ សសង្ខារេន រូបារម្មណំ វា…បេ… ធម្មារម្មណំ វា យំ យំ វា បនារព្ភ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

១៥៧. កតមេ ធម្មា កុសលា? យស្មិំ សមយេ កាមាវចរំ កុសលំ ចិត្តំ ឧប្បន្នំ ហោតិ ឧបេក្ខាសហគតំ ញាណវិប្បយុត្តំ រូបារម្មណំ វា សទ្ទារម្មណំ វា គន្ធារម្មណំ វា រសារម្មណំ វា ផោដ្ឋព្ពារម្មណំ វា ធម្មារម្មណំ វា យំ យំ វា បនារព្ភ, តស្មិំ សមយេ ផស្សោ ហោតិ, វេទនា ហោតិ, សញ្ញា ហោតិ, ចេតនា ហោតិ, ចិត្តំ ហោតិ, វិតក្កោ ហោតិ, វិចារោ ហោតិ, ឧបេក្ខា ហោតិ, ចិត្តស្សេកគ្គតា ហោតិ, សទ្ធិន្ទ្រិយំ ហោតិ, វីរិយិន្ទ្រិយំ ហោតិ, សតិន្ទ្រិយំ ហោតិ, សមាធិន្ទ្រិយំ ហោតិ, មនិន្ទ្រិយំ ហោតិ, ឧបេក្ខិន្ទ្រិយំ ហោតិ, ជីវិតិន្ទ្រិយំ ហោតិ, សម្មាសង្កប្បោ ហោតិ, សម្មាវាយាមោ ហោតិ, សម្មាសតិ ហោតិ, សម្មាសមាធិ ហោតិ, សទ្ធាពលំ ហោតិ, វីរិយពលំ ហោតិ, សតិពលំ ហោតិ, សមាធិពលំ ហោតិ, ហិរិពលំ ហោតិ, ឱត្តប្បពលំ ហោតិ, អលោភោ ហោតិ, អទោសោ ហោតិ, អនភិជ្ឈា ហោតិ, អព្យាបាទោ ហោតិ, ហិរី ហោតិ, ឱត្តប្បំ ហោតិ, កាយបស្សទ្ធិ ហោតិ, ចិត្តបស្សទ្ធិ ហោតិ, កាយលហុតា ហោតិ, ចិត្តលហុតា ហោតិ, កាយមុទុតា ហោតិ, ចិត្តមុទុតា ហោតិ, កាយកម្មញ្ញតា ហោតិ, ចិត្តកម្មញ្ញតា ហោតិ, កាយបាគុញ្ញតា ហោតិ ¶ , ចិត្តបាគុញ្ញតា ហោតិ, កាយុជុកតា ហោតិ, ចិត្តុជុកតា ហោតិ, សតិ ហោតិ, សមថោ ហោតិ, បគ្គាហោ ហោតិ, អវិក្ខេបោ ¶ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា កុសលា…បេ….

តស្មិំ ខោ បន សមយេ ចត្តារោ ខន្ធា ហោន្តិ, ទ្វាយតនានិ ហោន្តិ, ទ្វេ ធាតុយោ ហោន្តិ, តយោ អាហារា ហោន្តិ ¶ , សត្តិន្ទ្រិយានិ ហោន្តិ, ចតុរង្គិកំ ឈានំ ហោតិ, ចតុរង្គិកោ មគ្គោ ហោតិ ¶ , ឆ ពលានិ ហោន្តិ, ទ្វេ ហេតូ ហោន្តិ, ឯកោ ផស្សោ ហោតិ…បេ… ឯកំ ធម្មាយតនំ ហោតិ, ឯកា ធម្មធាតុ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា កុសលា…បេ….

១៥៨. កតមោ តស្មិំ សមយេ សង្ខារក្ខន្ធោ ហោតិ? ផស្សោ ចេតនា វិតក្កោ វិចារោ ចិត្តស្សេកគ្គតា សទ្ធិន្ទ្រិយំ វីរិយិន្ទ្រិយំ សតិន្ទ្រិយំ សមាធិន្ទ្រិយំ ជីវិតិន្ទ្រិយំ សម្មាសង្កប្បោ សម្មាវាយាមោ សម្មាសតិ សម្មាសមាធិ សទ្ធាពលំ វីរិយពលំ សតិពលំ សមាធិពលំ ហិរិពលំ ឱត្តប្បពលំ អលោភោ អទោសោ អនភិជ្ឈា អព្យាបាទោ ហិរី ឱត្តប្បំ កាយបស្សទ្ធិ ចិត្តបស្សទ្ធិ កាយលហុតា ចិត្តលហុតា កាយមុទុតា ចិត្តមុទុតា កាយកម្មញ្ញតា ចិត្តកម្មញ្ញតា កាយបាគុញ្ញតា ចិត្តបាគុញ្ញតា កាយុជុកតា ចិត្តុជុកតា សតិ សមថោ បគ្គាហោ អវិក្ខេបោ.

យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា ឋបេត្វា វេទនាក្ខន្ធំ ឋបេត្វា ¶ សញ្ញាក្ខន្ធំ ឋបេត្វា វិញ្ញាណក្ខន្ធំ – អយំ តស្មិំ សមយេ សង្ខារក្ខន្ធោ ហោតិ…បេ… ឥមេ ធម្មា កុសលា.

១៥៩. កតមេ ធម្មា កុសលា? យស្មិំ សមយេ កាមាវចរំ កុសលំ ចិត្តំ ឧប្បន្នំ ហោតិ ឧបេក្ខាសហគតំ ញាណវិប្បយុត្តំ សសង្ខារេន រូបារម្មណំ វា…បេ… ធម្មារម្មណំ វា យំ យំ វា បនារព្ភ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

អដ្ឋ កាមាវចរមហាកុសលចិត្តានិ.

១៦០. កតមេ ¶ ¶ ¶ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ វិវិច្ច អកុសលេហិ ធម្មេហិ សវិតក្កំ សវិចារំ វិវេកជំ បីតិសុខំ បឋមំ ឈានំ [បឋមជ្ឈានំ (សី.)] ឧបសម្បជ្ជ វិហរតិ បថវីកសិណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

១៦១. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិតក្កវិចារានំ វូបសមា អជ្ឈត្តំ សម្បសាទនំ ចេតសោ ឯកោទិភាវំ ¶ អវិតក្កំ អវិចារំ សមាធិជំ បីតិសុខំ ទុតិយំ ឈានំ [ទុតិយជ្ឈានំ (សី.)] ឧបសម្បជ្ជ វិហរតិ បថវីកសិណំ, តស្មិំ សមយេ ផស្សោ ហោតិ, វេទនា ហោតិ, សញ្ញា ហោតិ, ចេតនា ហោតិ, ចិត្តំ ហោតិ, បីតិ ហោតិ, សុខំ ហោតិ, ចិត្តស្សេកគ្គតា ហោតិ, សទ្ធិន្ទ្រិយំ ហោតិ, វីរិយិន្ទ្រិយំ ហោតិ, សតិន្ទ្រិយំ ហោតិ, សមាធិន្ទ្រិយំ ហោតិ, បញ្ញិន្ទ្រិយំ ហោតិ, មនិន្ទ្រិយំ ហោតិ, សោមនស្សិន្ទ្រិយំ ហោតិ, ជីវិតិន្ទ្រិយំ ហោតិ, សម្មាទិដ្ឋិ ហោតិ, សម្មាវាយាមោ ហោតិ…បេ… បគ្គាហោ ហោតិ, អវិក្ខេបោ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា កុសលា…បេ….

តស្មិំ ខោ បន សមយេ ចត្តារោ ខន្ធា ហោន្តិ, ទ្វាយតនានិ ហោន្តិ, ទ្វេ ធាតុយោ ហោន្តិ, តយោ អាហារា ហោន្តិ, អដ្ឋិន្ទ្រិយានិ ហោន្តិ, តិវង្គិកំ ឈានំ ហោតិ, ចតុរង្គិកោ មគ្គោ ហោតិ, សត្ត ពលានិ ហោន្តិ, តយោ ហេតូ ហោន្តិ, ឯកោ ផស្សោ ហោតិ…បេ… ឯកំ ធម្មាយតនំ ហោតិ, ឯកា ធម្មធាតុ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា កុសលា…បេ….

១៦២. កតមោ តស្មិំ សមយេ សង្ខារក្ខន្ធោ ហោតិ? ផស្សោ ចេតនា បីតិ ចិត្តស្សេកគ្គតា សទ្ធិន្ទ្រិយំ វីរិយិន្ទ្រិយំ សតិន្ទ្រិយំ សមាធិន្ទ្រិយំ បញ្ញិន្ទ្រិយំ ជីវិតិន្ទ្រិយំ សម្មាទិដ្ឋិ សម្មាវាយាមោ…បេ… បគ្គាហោ អវិក្ខេបោ; យេ វា បន តស្មិំ សមយេ អញ្ញេបិ អត្ថិ ¶ បដិច្ចសមុប្បន្នា អរូបិនោ ធម្មា ឋបេត្វា ¶ វេទនាក្ខន្ធំ ឋបេត្វា ¶ សញ្ញាក្ខន្ធំ ឋបេត្វា វិញ្ញាណក្ខន្ធំ – អយំ តស្មិំ សមយេ សង្ខារក្ខន្ធោ ហោតិ…បេ… ឥមេ ធម្មា កុសលា.

១៦៣. កតមេ ធម្មា កុសលា? យស្មិំ ¶ សមយេ រូបូបបត្តិយា មគ្គំ ភាវេតិ បីតិយា ច វិរាគា ឧបេក្ខកោ ច វិហរតិ សតោ ច សម្បជានោ សុខញ្ច កាយេន បដិសំវេទេតិ, យំ តំ អរិយា អាចិក្ខន្តិ – ‘‘ឧបេក្ខកោ សតិមា សុខវិហារី’’តិ តតិយំ ឈានំ [តតិយជ្ឈានំ (សី.)] ឧបសម្បជ្ជ វិហរតិ បថវីកសិណំ, តស្មិំ សមយេ ផស្សោ ហោតិ, វេទនា ហោតិ, សញ្ញា ហោតិ, ចេតនា ហោតិ, ចិត្តំ ហោតិ, សុខំ ហោតិ, ចិត្តស្សេកគ្គតា ហោតិ, សទ្ធិន្ទ្រិយំ ហោតិ, វីរិយិន្ទ្រិយំ ហោតិ, សតិន្ទ្រិយំ ហោតិ, សមាធិន្ទ្រិយំ ហោតិ, បញ្ញិន្ទ្រិយំ ហោតិ, មនិន្ទ្រិយំ ហោតិ, សោមនស្សិន្ទ្រិយំ ហោតិ, ជីវិតិន្ទ្រិយំ ហោតិ, សម្មាទិដ្ឋិ ហោតិ, សម្មាវាយាមោ ហោតិ…បេ… បគ្គាហោ ហោតិ, អវិក្ខេបោ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា កុសលា…បេ….

តស្មិំ ខោ បន សមយេ ចត្តារោ ខន្ធា ហោន្តិ, ទ្វាយតនានិ ហោន្តិ, ទ្វេ ធាតុយោ ហោន្តិ, តយោ អាហារា ហោន្តិ, អដ្ឋិន្ទ្រិយានិ ហោន្តិ, ទុវង្គិកំ ឈានំ ហោតិ, ចតុរង្គិកោ មគ្គោ ហោតិ, សត្ត ពលានិ ហោន្តិ, តយោ ហេតូ ហោន្តិ, ឯកោ ផស្សោ ហោតិ…បេ… ឯកំ ធម្មាយតនំ ហោតិ, ឯកា ធម្មធាតុ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា កុសលា…បេ….

១៦៤. កតមោ តស្មិំ សមយេ សង្ខារក្ខន្ធោ ហោតិ? ផស្សោ ចេតនា ¶ ចិត្តស្សេកគ្គតា សទ្ធិន្ទ្រិយំ វីរិយិន្ទ្រិយំ សតិន្ទ្រិយំ សមាធិន្ទ្រិយំ បញ្ញិន្ទ្រិយំ ជីវិតិន្ទ្រិយំ សម្មាទិដ្ឋិ សម្មាវាយាមោ…បេ… បគ្គាហោ អវិក្ខេបោ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា ឋបេត្វា វេទនាក្ខន្ធំ ឋបេត្វា សញ្ញាក្ខន្ធំ ឋបេត្វា វិញ្ញាណក្ខន្ធំ – អយំ តស្មិំ សមយេ សង្ខារក្ខន្ធោ ហោតិ…បេ… ឥមេ ធម្មា កុសលា.

១៦៥. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ សុខស្ស ច បហានា ទុក្ខស្ស ច បហានា បុព្ពេវ សោមនស្សទោមនស្សានំ អត្ថង្គមា អទុក្ខមសុខំ ឧបេក្ខាសតិបារិសុទ្ធិំ ចតុត្ថំ ឈានំ ¶ [ចតុត្ថជ្ឈានំ (សី.)] ឧបសម្បជ្ជ វិហរតិ បថវីកសិណំ, តស្មិំ សមយេ ផស្សោ ហោតិ ¶ , វេទនា ហោតិ, សញ្ញា ហោតិ, ចេតនា ហោតិ, ចិត្តំ ហោតិ, ឧបេក្ខា ហោតិ, ចិត្តស្សេកគ្គតា ហោតិ, សទ្ធិន្ទ្រិយំ ហោតិ, វីរិយិន្ទ្រិយំ ហោតិ, សតិន្ទ្រិយំ ហោតិ, សមាធិន្ទ្រិយំ ហោតិ, បញ្ញិន្ទ្រិយំ ហោតិ, មនិន្ទ្រិយំ ហោតិ ឧបេក្ខិន្ទ្រិយំ ¶ ហោតិ, ជីវិតិន្ទ្រិយំ ហោតិ, សម្មាទិដ្ឋិ ហោតិ, សម្មាវាយាមោ ហោតិ…បេ… បគ្គាហោ ហោតិ, អវិក្ខេបោ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា កុសលា…បេ….

តស្មិំ ខោ បន សមយេ ចត្តារោ ខន្ធា ហោន្តិ, ទ្វាយតនានិ ហោន្តិ, ទ្វេ ធាតុយោ ហោន្តិ, តយោ អាហារា ហោន្តិ, អដ្ឋិន្ទ្រិយានិ ហោន្តិ, ទុវង្គិកំ ឈានំ ហោតិ, ចតុរង្គិកោ មគ្គោ ហោតិ, សត្ត ពលានិ ហោន្តិ ¶ , តយោ ហេតូ ហោន្តិ, ឯកោ ផស្សោ ហោតិ…បេ… ឯកំ ធម្មាយតនំ ហោតិ, ឯកា ធម្មធាតុ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា កុសលា…បេ….

១៦៦. កតមោ តស្មិំ សមយេ សង្ខារក្ខន្ធោ ហោតិ? ផស្សោ ចេតនា ចិត្តស្សេកគ្គតា សទ្ធិន្ទ្រិយំ វីរិយិន្ទ្រិយំ សតិន្ទ្រិយំ សមាធិន្ទ្រិយំ បញ្ញិន្ទ្រិយំ ជីវិតិន្ទ្រិយំ សម្មាទិដ្ឋិ សម្មាវាយាមោ…បេ… បគ្គាហោ អវិក្ខេបោ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា ឋបេត្វា វេទនាក្ខន្ធំ ឋបេត្វា សញ្ញាក្ខន្ធំ ឋបេត្វា វិញ្ញាណក្ខន្ធំ – អយំ តស្មិំ សមយេ សង្ខារក្ខន្ធោ ហោតិ…បេ… ឥមេ ធម្មា កុសលា.

១៦៧. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ បថវីកសិណំ ¶ – តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

១៦៨. កតមេ ¶ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អវិតក្កំ វិចារមត្តំ សមាធិជំ បីតិសុខំ ទុតិយំ ឈានំ ឧបសម្បជ្ជ វិហរតិ បថវីកសិណំ, តស្មិំ សមយេ ផស្សោ ហោតិ, វេទនា ហោតិ, សញ្ញា ហោតិ, ចេតនា ហោតិ, ចិត្តំ ហោតិ, វិចារោ ហោតិ, បីតិ ហោតិ, សុខំ ហោតិ, ចិត្តស្សេកគ្គតា ហោតិ, សទ្ធិន្ទ្រិយំ ហោតិ, វីរិយិន្ទ្រិយំ ¶ ហោតិ, សតិន្ទ្រិយំ ហោតិ, សមាធិន្ទ្រិយំ ហោតិ, បញ្ញិន្ទ្រិយំ ហោតិ, មនិន្ទ្រិយំ ហោតិ, សោមនស្សិន្ទ្រិយំ ហោតិ, ជីវិតិន្ទ្រិយំ ហោតិ, សម្មាទិដ្ឋិ ហោតិ, សម្មាវាយាមោ ហោតិ…បេ… បគ្គាហោ ហោតិ, អវិក្ខេបោ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ¶ ធម្មា កុសលា…បេ….

តស្មិំ ខោ បន សមយេ ចត្តារោ ខន្ធា ហោន្តិ, ទ្វាយតនានិ ហោន្តិ, ទ្វេ ធាតុយោ ហោន្តិ, តយោ អាហារា ហោន្តិ, អដ្ឋិន្ទ្រិយានិ ហោន្តិ, ចតុរង្គិកំ ឈានំ ហោតិ, ចតុរង្គិកោ មគ្គោ ហោតិ, សត្ត ពលានិ ហោន្តិ, តយោ ហេតូ ហោន្តិ, ឯកោ ផស្សោ ហោតិ…បេ… ឯកំ ធម្មាយតនំ ហោតិ, ឯកា ធម្មធាតុ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា កុសលា…បេ….

១៦៩. កតមោ តស្មិំ សមយេ សង្ខារក្ខន្ធោ ហោតិ? ផស្សោ ចេតនា វិចារោ បីតិ ចិត្តស្សេកគ្គតា សទ្ធិន្ទ្រិយំ វីរិយិន្ទ្រិយំ សតិន្ទ្រិយំ សមាធិន្ទ្រិយំ បញ្ញិន្ទ្រិយំ ជីវិតិន្ទ្រិយំ សម្មាទិដ្ឋិ សម្មាវាយាមោ…បេ… បគ្គាហោ អវិក្ខេបោ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា ឋបេត្វា វេទនាក្ខន្ធំ ឋបេត្វា សញ្ញាក្ខន្ធំ ឋបេត្វា វិញ្ញាណក្ខន្ធំ – អយំ តស្មិំ សមយេ សង្ខារក្ខន្ធោ ហោតិ…បេ… ឥមេ ធម្មា កុសលា.

១៧០. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ ¶ វិតក្កវិចារានំ វូបសមា…បេ… តតិយំ ឈានំ ឧបសម្បជ្ជ វិហរតិ បថវីកសិណំ, តស្មិំ សមយេ ផស្សោ ហោតិ, វេទនា ហោតិ ¶ , សញ្ញា ហោតិ, ចេតនា ហោតិ, ចិត្តំ ហោតិ, បីតិ ហោតិ, សុខំ ហោតិ, ចិត្តស្សេកគ្គតា ហោតិ, សទ្ធិន្ទ្រិយំ ហោតិ, វីរិយិន្ទ្រិយំ ហោតិ, សតិន្ទ្រិយំ ហោតិ, សមាធិន្ទ្រិយំ ហោតិ, បញ្ញិន្ទ្រិយំ ហោតិ, មនិន្ទ្រិយំ ហោតិ, សោមនស្សិន្ទ្រិយំ ហោតិ, ជីវិតិន្ទ្រិយំ ហោតិ, សម្មាទិដ្ឋិ ហោតិ, សម្មាវាយាមោ ហោតិ…បេ… បគ្គាហោ ហោតិ, អវិក្ខេបោ ¶ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា កុសលា…បេ….

១៧១. កតមោ តស្មិំ សមយេ សង្ខារក្ខន្ធោ ហោតិ? ផស្សោ ចេតនា បីតិ ចិត្តស្សេកគ្គតា សទ្ធិន្ទ្រិយំ ¶ វីរិយិន្ទ្រិយំ សតិន្ទ្រិយំ សមាធិន្ទ្រិយំ បញ្ញិន្ទ្រិយំ ជីវិតិន្ទ្រិយំ សម្មាទិដ្ឋិ សម្មាវាយាមោ…បេ… បគ្គាហោ អវិក្ខេបោ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា ឋបេត្វា វេទនាក្ខន្ធំ ឋបេត្វា ¶ សញ្ញាក្ខន្ធំ ឋបេត្វា វិញ្ញាណក្ខន្ធំ – អយំ តស្មិំ សមយេ សង្ខារក្ខន្ធោ ហោតិ…បេ… ឥមេ ធម្មា កុសលា.

១៧២. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ បីតិយា ច វិរាគា…បេ… ចតុត្ថំ ឈានំ ឧបសម្បជ្ជ វិហរតិ បថវីកសិណំ, តស្មិំ សមយេ ផស្សោ ហោតិ, វេទនា ហោតិ, សញ្ញា ហោតិ, ចេតនា ហោតិ, ចិត្តំ ហោតិ, សុខំ ហោតិ, ចិត្តស្សេកគ្គតា ហោតិ, សទ្ធិន្ទ្រិយំ ហោតិ, វីរិយិន្ទ្រិយំ ហោតិ, សតិន្ទ្រិយំ ហោតិ, សមាធិន្ទ្រិយំ ហោតិ, បញ្ញិន្ទ្រិយំ ហោតិ, មនិន្ទ្រិយំ ហោតិ, សោមនស្សិន្ទ្រិយំ ហោតិ, ជីវិតិន្ទ្រិយំ ហោតិ, សម្មាទិដ្ឋិ ហោតិ, សម្មាវាយាមោ ហោតិ…បេ… បគ្គាហោ ហោតិ, អវិក្ខេបោ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា កុសលា…បេ….

តស្មិំ ¶ ខោ បន សមយេ ចត្តារោ ខន្ធា ហោន្តិ, ទ្វាយតនានិ ហោន្តិ, ទ្វេ ធាតុយោ ហោន្តិ, តយោ អាហារា ហោន្តិ, អដ្ឋិន្ទ្រិយានិ ហោន្តិ, ទុវង្គិកំ ឈានំ ហោតិ, ចតុរង្គិកោ មគ្គោ ហោតិ, សត្ត ពលានិ ហោន្តិ, តយោ ហេតូ ហោន្តិ, ឯកោ ផស្សោ ហោតិ…បេ… ឯកំ ធម្មាយតនំ ហោតិ, ឯកា ធម្មធាតុ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា កុសលា…បេ….

១៧៣. កតមោ ¶ តស្មិំ សមយេ សង្ខារក្ខន្ធោ ហោតិ? ផស្សោ ចេតនា ចិត្តស្សេកគ្គតា សទ្ធិន្ទ្រិយំ វីរិយិន្ទ្រិយំ សតិន្ទ្រិយំ សមាធិន្ទ្រិយំ បញ្ញិន្ទ្រិយំ ¶ ជីវិតិន្ទ្រិយំ សម្មាទិដ្ឋិ សម្មាវាយាមោ…បេ… បគ្គាហោ អវិក្ខេបោ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា ឋបេត្វា វេទនាក្ខន្ធំ ឋបេត្វា សញ្ញាក្ខន្ធំ ឋបេត្វា វិញ្ញាណក្ខន្ធំ – អយំ តស្មិំ សមយេ សង្ខារក្ខន្ធោ ហោតិ…បេ… ឥមេ ធម្មា កុសលា.

១៧៤. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ សុខស្ស ច បហានា…បេ… បញ្ចមំ ឈានំ [បញ្ចមជ្ឈានំ (សី.)] ឧបសម្បជ្ជ វិហរតិ ¶ បថវីកសិណំ, តស្មិំ សមយេ ផស្សោ ហោតិ, វេទនា ហោតិ, សញ្ញា ហោតិ, ចេតនា ហោតិ, ចិត្តំ ហោតិ, ឧបេក្ខា ហោតិ, ចិត្តស្សេកគ្គតា ហោតិ, សទ្ធិន្ទ្រិយំ ហោតិ, វីរិយិន្ទ្រិយំ ហោតិ, សតិន្ទ្រិយំ ហោតិ, សមាធិន្ទ្រិយំ ហោតិ, បញ្ញិន្ទ្រិយំ ហោតិ, មនិន្ទ្រិយំ ហោតិ, ឧបេក្ខិន្ទ្រិយំ ហោតិ, ជីវិតិន្ទ្រិយំ ហោតិ, សម្មាទិដ្ឋិ ហោតិ, សម្មាវាយាមោ ហោតិ…បេ… បគ្គាហោ ហោតិ, អវិក្ខេបោ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា កុសលា…បេ….

តស្មិំ ខោ បន សមយេ ចត្តារោ ខន្ធា ហោន្តិ, ទ្វាយតនានិ ហោន្តិ, ទ្វេ ធាតុយោ ហោន្តិ, តយោ អាហារា ហោន្តិ, អដ្ឋិន្ទ្រិយានិ ហោន្តិ, ទុវង្គិកំ ឈានំ ហោតិ, ចតុរង្គិកោ មគ្គោ ហោតិ, សត្ត ពលានិ ហោន្តិ, តយោ ហេតូ ហោន្តិ, ឯកោ ផស្សោ ហោតិ…បេ… ឯកំ ធម្មាយតនំ ហោតិ, ឯកា ធម្មធាតុ ហោតិ; យេ វា ¶ បន តស្មិំ សមយេ ¶ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា កុសលា…បេ….

១៧៥. កតមោ តស្មិំ សមយេ សង្ខារក្ខន្ធោ ហោតិ? ផស្សោ ចេតនា ចិត្តស្សេកគ្គតា សទ្ធិន្ទ្រិយំ វីរិយិន្ទ្រិយំ សតិន្ទ្រិយំ សមាធិន្ទ្រិយំ បញ្ញិន្ទ្រិយំ ជីវិតិន្ទ្រិយំ សម្មាទិដ្ឋិ សម្មាវាយាមោ…បេ… បគ្គាហោ អវិក្ខេបោ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា ឋបេត្វា វេទនាក្ខន្ធំ ឋបេត្វា សញ្ញាក្ខន្ធំ ឋបេត្វា វិញ្ញាណក្ខន្ធំ – អយំ តស្មិំ សមយេ សង្ខារក្ខន្ធោ ហោតិ…បេ… ឥមេ ធម្មា កុសលា.

១៧៦. កតមេ ¶ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ [ទុក្ខាបដិបទំ (ពហូសុ)] ទន្ធាភិញ្ញំ បថវីកសិណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

១៧៧. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ខិប្បាភិញ្ញំ បថវីកសិណំ, តស្មិំ ¶ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

១៧៨. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុខបដិបទំ ¶ [សុខាបដិបទំ (ពហូសុ)] ទន្ធាភិញ្ញំ បថវីកសិណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

១៧៩. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុខបដិបទំ ខិប្បាភិញ្ញំ ¶ បថវីកសិណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា…បេ….

១៨០. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិតក្កវិចារានំ វូបសមា…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ បថវីកសិណំ…បេ… ទុក្ខបដិបទំ ខិប្បាភិញ្ញំ បថវីកសិណំ…បេ… សុខបដិបទំ ទន្ធាភិញ្ញំ បថវីកសិណំ…បេ… សុខបដិបទំ ខិប្បាភិញ្ញំ បថវីកសិណំ – តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

១៨១. កតមេ ¶ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ បរិត្តំ បរិត្តារម្មណំ បថវីកសិណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

១៨២. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ¶ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ បរិត្តំ អប្បមាណារម្មណំ បថវីកសិណំ – តស្មិំ សមយេ ¶ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

១៨៣. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ អប្បមាណំ បរិត្តារម្មណំ បថវីកសិណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

១៨៤. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ អប្បមាណំ អប្បមាណារម្មណំ បថវីកសិណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

១៨៥. កតមេ ¶ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិតក្កវិចារានំ វូបសមា…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ បរិត្តំ បរិត្តារម្មណំ បថវីកសិណំ…បេ… បរិត្តំ អប្បមាណារម្មណំ បថវីកសិណំ…បេ… អប្បមាណំ បរិត្តារម្មណំ បថវីកសិណំ…បេ… អប្បមាណំ អប្បមាណារម្មណំ បថវីកសិណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

១៨៦. កតមេ ¶ ¶ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ បរិត្តំ បរិត្តារម្មណំ បថវីកសិណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

១៨៧. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ បរិត្តំ អប្បមាណារម្មណំ ¶ បថវីកសិណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

១៨៨. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ អប្បមាណំ បរិត្តារម្មណំ បថវីកសិណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

១៨៩. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ អប្បមាណំ អប្បមាណារម្មណំ បថវីកសិណំ តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

១៩០. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ខិប្បាភិញ្ញំ ¶ បរិត្តំ បរិត្តារម្មណំ បថវីកសិណំ, តស្មិំ ¶ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

១៩១. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ ¶ …បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ខិប្បាភិញ្ញំ បរិត្តំ អប្បមាណារម្មណំ បថវីកសិណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

១៩២. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ខិប្បាភិញ្ញំ អប្បមាណំ បរិត្តារម្មណំ បថវីកសិណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

១៩៣. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ¶ ទុក្ខបដិបទំ ខិប្បាភិញ្ញំ អប្បមាណំ អប្បមាណារម្មណំ បថវីកសិណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

១៩៤. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុខបដិបទំ ទន្ធាភិញ្ញំ បរិត្តំ បរិត្តារម្មណំ បថវីកសិណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

១៩៥. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុខបដិបទំ ¶ ទន្ធាភិញ្ញំ បរិត្តំ អប្បមាណារម្មណំ បថវីកសិណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

១៩៦. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុខបដិបទំ ទន្ធាភិញ្ញំ អប្បមាណំ បរិត្តារម្មណំ បថវីកសិណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

១៩៧. កតមេ ¶ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុខបដិបទំ ទន្ធាភិញ្ញំ ¶ អប្បមាណំ អប្បមាណារម្មណំ បថវីកសិណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

១៩៨. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុខបដិបទំ ខិប្បាភិញ្ញំ បរិត្តំ បរិត្តារម្មណំ បថវីកសិណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

១៩៩. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុខបដិបទំ ខិប្បាភិញ្ញំ បរិត្តំ អប្បមាណារម្មណំ ¶ បថវីកសិណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២០០. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ¶ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុខបដិបទំ ខិប្បាភិញ្ញំ អប្បមាណំ បរិត្តារម្មណំ បថវីកសិណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២០១. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុខបដិបទំ ខិប្បាភិញ្ញំ អប្បមាណំ អប្បមាណារម្មណំ បថវីកសិណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២០២. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិតក្កវិចារានំ វូបសមា…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ ¶ បរិត្តំ បរិត្តារម្មណំ បថវីកសិណំ…បេ… ទុក្ខបដិបទំ ទន្ធាភិញ្ញំ បរិត្តំ អប្បមាណារម្មណំ បថវីកសិណំ…បេ… ទុក្ខបដិបទំ ទន្ធាភិញ្ញំ អប្បមាណំ បរិត្តារម្មណំ បថវីកសិណំ…បេ… ទុក្ខបដិបទំ ទន្ធាភិញ្ញំ អប្បមាណំ អប្បមាណារម្មណំ បថវីកសិណំ…បេ… ទុក្ខបដិបទំ ខិប្បាភិញ្ញំ បរិត្តំ បរិត្តារម្មណំ បថវីកសិណំ…បេ… ទុក្ខបដិបទំ ខិប្បាភិញ្ញំ បរិត្តំ អប្បមាណារម្មណំ បថវីកសិណំ…បេ… ទុក្ខបដិបទំ ខិប្បាភិញ្ញំ អប្បមាណំ បរិត្តារម្មណំ បថវីកសិណំ…បេ… ទុក្ខបដិបទំ ខិប្បាភិញ្ញំ អប្បមាណំ អប្បមាណារម្មណំ បថវីកសិណំ…បេ… សុខបដិបទំ ¶ ទន្ធាភិញ្ញំ បរិត្តំ ¶ បរិត្តារម្មណំ បថវីកសិណំ…បេ… សុខបដិបទំ ទន្ធាភិញ្ញំ បរិត្តំ អប្បមាណារម្មណំ បថវីកសិណំ…បេ… សុខបដិបទំ ទន្ធាភិញ្ញំ អប្បមាណំ បរិត្តារម្មណំ បថវីកសិណំ…បេ… សុខបដិបទំ ¶ ទន្ធាភិញ្ញំ អប្បមាណំ អប្បមាណារម្មណំ បថវីកសិណំ…បេ… សុខបដិបទំ ខិប្បាភិញ្ញំ បរិត្តំ បរិត្តារម្មណំ បថវីកសិណំ…បេ… សុខបដិបទំ ខិប្បាភិញ្ញំ បរិត្តំ អប្បមាណារម្មណំ បថវីកសិណំ…បេ… សុខបដិបទំ ខិប្បាភិញ្ញំ អប្បមាណំ បរិត្តារម្មណំ បថវីកសិណំ…បេ… សុខបដិបទំ ខិប្បាភិញ្ញំ អប្បមាណំ អប្បមាណារម្មណំ បថវីកសិណំ – តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២០៣. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ អាបោកសិណំ…បេ… តេជោកសិណំ…បេ… វាយោកសិណំ…បេ… នីលកសិណំ…បេ… បីតកសិណំ…បេ… លោហិតកសិណំ…បេ… ឱទាតកសិណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២០៤. កតមេ ¶ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ បរិត្តានិ តានិ ¶ អភិភុយ្យ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២០៥. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ បរិត្តានិ, តានិ អភិភុយ្យ ជានាមិ បស្សាមីតិ វិតក្កវិចារានំ វូបសមា…បេ… ទុតិយំ ឈានំ ¶ …បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ, តស្មិំ សមយេ ផស្សោ ¶ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២០៦. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ បរិត្តានិ, តានិ អភិភុយ្យ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២០៧. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ បរិត្តានិ, តានិ អភិភុយ្យ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ខិប្បាភិញ្ញំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២០៨. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ¶ ពហិទ្ធា រូបានិ បស្សតិ បរិត្តានិ, តានិ អភិភុយ្យ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុខបដិបទំ ទន្ធាភិញ្ញំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២០៩. កតមេ ¶ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ បរិត្តានិ, តានិ អភិភុយ្យ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុខបដិបទំ ខិប្បាភិញ្ញំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២១០. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ បរិត្តានិ, តានិ អភិភុយ្យ ជានាមិ បស្សាមីតិ វិតក្កវិចារានំ វូបសមា…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ ¶ ទុក្ខបដិបទំ ទន្ធាភិញ្ញំ…បេ… ទុក្ខបដិបទំ ខិប្បាភិញ្ញំ ¶ …បេ… សុខបដិបទំ ទន្ធាភិញ្ញំ…បេ… សុខបដិបទំ ខិប្បាភិញ្ញំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២១១. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ បរិត្តានិ, តានិ អភិភុយ្យ ¶ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ បរិត្តំ បរិត្តារម្មណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២១២. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ បរិត្តានិ, តានិ អភិភុយ្យ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ អប្បមាណំ បរិត្តារម្មណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២១៣. កតមេ ¶ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ បរិត្តានិ, តានិ អភិភុយ្យ ជានាមិ បស្សាមីតិ វិតក្កវិចារានំ វូបសមា…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ បរិត្តំ បរិត្តារម្មណំ…បេ… អប្បមាណំ បរិត្តារម្មណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២១៤. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ បរិត្តានិ, តានិ អភិភុយ្យ ¶ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ បរិត្តំ បរិត្តារម្មណំ, តស្មិំ ¶ សមយេ ផស្សោ ¶ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២១៥. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ បរិត្តានិ, តានិ អភិភុយ្យ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ អប្បមាណំ បរិត្តារម្មណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២១៦. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ បរិត្តានិ, តានិ អភិភុយ្យ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ខិប្បាភិញ្ញំ បរិត្តំ ¶ បរិត្តារម្មណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២១៧. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ បរិត្តានិ, តានិ អភិភុយ្យ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ខិប្បាភិញ្ញំ អប្បមាណំ បរិត្តារម្មណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២១៨. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ បរិត្តានិ, តានិ អភិភុយ្យ ជានាមិ បស្សាមីតិ វិវិច្ចេវ កាមេហិ…បេ… ¶ បឋមំ ឈានំ ឧបសម្បជ្ជ វិហរតិ សុខបដិបទំ ទន្ធាភិញ្ញំ បរិត្តំ បរិត្តារម្មណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២១៩. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ បរិត្តានិ, តានិ អភិភុយ្យ ជានាមិ បស្សាមីតិ វិវិច្ចេវ កាមេហិ…បេ… បឋមំ ¶ ឈានំ ឧបសម្បជ្ជ វិហរតិ សុខបដិបទំ ទន្ធាភិញ្ញំ អប្បមាណំ បរិត្តារម្មណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២២០. កតមេ ¶ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ បរិត្តានិ, តានិ អភិភុយ្យ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុខបដិបទំ ខិប្បាភិញ្ញំ បរិត្តំ បរិត្តារម្មណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២២១. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ¶ ពហិទ្ធា រូបានិ បស្សតិ បរិត្តានិ, តានិ អភិភុយ្យ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុខបដិបទំ ខិប្បាភិញ្ញំ អប្បមាណំ បរិត្តារម្មណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២២២. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ ¶ បស្សតិ បរិត្តានិ, តានិ អភិភុយ្យ ជានាមិ បស្សាមីតិ វិតក្កវិចារានំ វូបសមា…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ បរិត្តំ បរិត្តារម្មណំ…បេ… ទុក្ខបដិបទំ ទន្ធាភិញ្ញំ អប្បមាណំ បរិត្តារម្មណំ…បេ… ទុក្ខបដិបទំ ខិប្បាភិញ្ញំ បរិត្តំ បរិត្តារម្មណំ…បេ… ទុក្ខបដិបទំ ខិប្បាភិញ្ញំ អប្បមាណំ បរិត្តារម្មណំ…បេ… សុខបដិបទំ ទន្ធាភិញ្ញំ បរិត្តំ បរិត្តារម្មណំ…បេ… សុខបដិបទំ ទន្ធាភិញ្ញំ អប្បមាណំ បរិត្តារម្មណំ…បេ… សុខបដិបទំ ខិប្បាភិញ្ញំ បរិត្តំ បរិត្តារម្មណំ…បេ… សុខបដិបទំ ខិប្បាភិញ្ញំ អប្បមាណំ បរិត្តារម្មណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២២៣. កតមេ ¶ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ បរិត្តានិ សុវណ្ណទុព្ពណ្ណានិ, តានិ អភិភុយ្យ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២២៤. កតមេ ¶ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ¶ ពហិទ្ធា រូបានិ បស្សតិ បរិត្តានិ សុវណ្ណទុព្ពណ្ណានិ ¶ , តានិ អភិភុយ្យ ជានាមិ បស្សាមីតិ វិតក្កវិចារានំ វូបសមា…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២២៥. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ អប្បមាណានិ, តានិ អភិភុយ្យ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២២៦. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ អប្បមាណានិ, តានិ អភិភុយ្យ ជានាមិ បស្សាមីតិ វិតក្កវិចារានំ វូបសមា…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២២៧. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ អប្បមាណានិ, តានិ អភិភុយ្យ ¶ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ¶ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២២៨. កតមេ ¶ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ អប្បមាណានិ, តានិ អភិភុយ្យ ¶ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ខិប្បាភិញ្ញំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២២៩. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ អប្បមាណានិ, តានិ អភិភុយ្យ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុខបដិបទំ ទន្ធាភិញ្ញំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៣០. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ អប្បមាណានិ, តានិ អភិភុយ្យ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុខបដិបទំ ខិប្បាភិញ្ញំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៣១. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ អប្បមាណានិ, តានិ អភិភុយ្យ ជានាមិ បស្សាមីតិ វិតក្កវិចារានំ វូបសមា…បេ… ទុតិយំ ឈានំ…បេ… ¶ តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ…បេ… ទុក្ខបដិបទំ ខិប្បាភិញ្ញំ…បេ… សុខបដិបទំ ទន្ធាភិញ្ញំ…បេ… សុខបដិបទំ ខិប្បាភិញ្ញំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៣២. កតមេ ¶ ¶ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ អប្បមាណានិ, តានិ អភិភុយ្យ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ បរិត្តំ អប្បមាណារម្មណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៣៣. កតមេ ¶ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ អប្បមាណានិ, តានិ អភិភុយ្យ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ អប្បមាណំ អប្បមាណារម្មណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៣៤. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ អប្បមាណានិ, តានិ អភិភុយ្យ ជានាមិ បស្សាមីតិ វិតក្កវិចារានំ វូបសមា…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ¶ ឧបសម្បជ្ជ វិហរតិ បរិត្តំ អប្បមាណារម្មណំ…បេ… អប្បមាណំ អប្បមាណារម្មណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៣៥. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ អប្បមាណានិ, តានិ អភិភុយ្យ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ បរិត្តំ ¶ អប្បមាណារម្មណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៣៦. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ អប្បមាណានិ, តានិ អភិភុយ្យ ¶ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ អប្បមាណំ អប្បមាណារម្មណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៣៧. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ អប្បមាណានិ, តានិ អភិភុយ្យ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ¶ ទុក្ខបដិបទំ ខិប្បាភិញ្ញំ បរិត្តំ អប្បមាណារម្មណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ¶ ធម្មា កុសលា.

២៣៨. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ អប្បមាណានិ, តានិ អភិភុយ្យ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ខិប្បាភិញ្ញំ អប្បមាណំ អប្បមាណារម្មណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៣៩. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ អប្បមាណានិ, តានិ អភិភុយ្យ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុខបដិបទំ ទន្ធាភិញ្ញំ បរិត្តំ អប្បមាណារម្មណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៤០. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ¶ ពហិទ្ធា រូបានិ បស្សតិ អប្បមាណានិ, តានិ អភិភុយ្យ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុខបដិបទំ ទន្ធាភិញ្ញំ អប្បមាណំ អប្បមាណារម្មណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៤១. កតមេ ធម្មា កុសលា? យស្មិំ ¶ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ អប្បមាណានិ, តានិ អភិភុយ្យ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ ¶ វិហរតិ សុខបដិបទំ ខិប្បាភិញ្ញំ បរិត្តំ អប្បមាណារម្មណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៤២. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ អប្បមាណានិ, តានិ អភិភុយ្យ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុខបដិបទំ ខិប្បាភិញ្ញំ អប្បមាណំ អប្បមាណារម្មណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៤៣. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ អប្បមាណានិ, តានិ អភិភុយ្យ ¶ ជានាមិ បស្សាមីតិ វិតក្កវិចារានំ វូបសមា…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ បរិត្តំ អប្បមាណារម្មណំ…បេ… ទុក្ខបដិបទំ ទន្ធាភិញ្ញំ អប្បមាណំ អប្បមាណារម្មណំ…បេ… ទុក្ខបដិបទំ ខិប្បាភិញ្ញំ បរិត្តំ អប្បមាណារម្មណំ…បេ… ទុក្ខបដិបទំ ខិប្បាភិញ្ញំ អប្បមាណំ អប្បមាណារម្មណំ…បេ… សុខបដិបទំ ទន្ធាភិញ្ញំ បរិត្តំ អប្បមាណារម្មណំ…បេ… សុខបដិបទំ ទន្ធាភិញ្ញំ អប្បមាណំ អប្បមាណារម្មណំ…បេ… សុខបដិបទំ ខិប្បាភិញ្ញំ បរិត្តំ អប្បមាណារម្មណំ…បេ… សុខបដិបទំ ខិប្បាភិញ្ញំ អប្បមាណំ ¶ អប្បមាណារម្មណំ ¶ , តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៤៤. កតមេ ¶ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ អប្បមាណានិ សុវណ្ណទុព្ពណ្ណានិ, តានិ អភិភុយ្យ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៤៥. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ អប្បមាណានិ សុវណ្ណទុព្ពណ្ណានិ, តានិ អភិភុយ្យ ជានាមិ បស្សាមីតិ វិតក្កវិចារានំ វូបសមា…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៤៦. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ នីលានិ នីលវណ្ណានិ នីលនិទស្សនានិ នីលនិភាសានិ, តានិ អភិភុយ្យ ជានាមិ បស្សាមីតិ វិវិច្ចេវ ¶ កាមេហិ…បេ… បឋមំ ឈានំ ឧបសម្បជ្ជ វិហរតិ ¶ , តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៤៧. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ¶ ពហិទ្ធា រូបានិ បស្សតិ បីតានិ បីតវណ្ណានិ បីតនិទស្សនានិ បីតនិភាសានិ…បេ… លោហិតកានិ លោហិតកវណ្ណានិ លោហិតកនិទស្សនានិ លោហិតកនិភាសានិ…បេ… ឱទាតានិ ឱទាតវណ្ណានិ ឱទាតនិទស្សនានិ ឱទាតនិភាសានិ, តានិ អភិភុយ្យ ជានាមិ បស្សាមីតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

ឥមានិបិ អភិភាយតនានិ សោឡសក្ខត្តុកានិ.

តីណិ វិមោក្ខានិ សោឡសក្ខត្តុកានិ

២៤៨. កតមេ ធម្មា កុសលា? យស្មិំ ¶ សមយេ រូបូបបត្តិយា មគ្គំ ភាវេតិ រូបី រូបានិ បស្សតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៤៩. កតមេ ¶ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អជ្ឈត្តំ អរូបសញ្ញី ពហិទ្ធា រូបានិ បស្សតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៥០. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ សុភន្តិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ, តស្មិំ សមយេ ផស្សោ ¶ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

ឥមានិបិ តីណិ វិមោក្ខានិ សោឡសក្ខត្តុកានិ.

ចត្តារិ ព្រហ្មវិហារឈានានិ សោឡសក្ខត្តុកានិ

២៥១. កតមេ ¶ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ មេត្តាសហគតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៥២. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិតក្កវិចារានំ វូបសមា…បេ… ទុតិយំ ឈានំ ឧបសម្បជ្ជ វិហរតិ មេត្តាសហគតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៥៣. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ បីតិយា ច វិរាគា…បេ… តតិយំ ឈានំ ឧបសម្បជ្ជ វិហរតិ មេត្តាសហគតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៥៤. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ មេត្តាសហគតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៥៥. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ អវិតក្កំ វិចារមត្តំ ¶ សមាធិជំ បីតិសុខំ ទុតិយំ ឈានំ ឧបសម្បជ្ជ វិហរតិ មេត្តាសហគតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៥៦. កតមេ ធម្មា កុសលា? យស្មិំ សមយេ ¶ រូបូបបត្តិយា មគ្គំ ភាវេតិ វិតក្កវិចារានំ វូបសមា…បេ… តតិយំ ឈានំ ឧបសម្បជ្ជ វិហរតិ មេត្តាសហគតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៥៧. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ បីតិយា ច ¶ វិរាគា…បេ… ចតុត្ថំ ឈានំ ឧបសម្បជ្ជ វិហរតិ មេត្តាសហគតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៥៨. កតមេ ¶ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ករុណាសហគតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៥៩. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិតក្កវិចារានំ វូបសមា…បេ… ទុតិយំ ឈានំ…បេ… តតិយំ ឈានំ…បេ… បឋមំ ឈានំ…បេ… ចតុត្ថំ ឈានំ ឧបសម្បជ្ជ វិហរតិ ករុណាសហគតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៦០. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ មុទិតាសហគតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៦១. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិតក្កវិចារានំ វូបសមា…បេ… ទុតិយំ ឈានំ…បេ… តតិយំ ឈានំ…បេ… បឋមំ ¶ ឈានំ…បេ… ចតុត្ថំ ឈានំ ឧបសម្បជ្ជ វិហរតិ មុទិតាសហគតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៦២. កតមេ ¶ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ សុខស្ស ច បហានា…បេ… ចតុត្ថំ ឈានំ ឧបសម្បជ្ជ វិហរតិ ឧបេក្ខាសហគតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

ចត្តារិ ព្រហ្មវិហារឈានានិ [ព្រហ្មវិហារជ្ឈានានិ (សី. ស្យា.)] សោឡសក្ខត្តុកានិ.

២៦៣. កតមេ ¶ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ឧទ្ធុមាតកសញ្ញាសហគតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៦៤. កតមេ ¶ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ វិនីលកសញ្ញាសហគតំ…បេ… វិបុព្ពកសញ្ញាសហគតំ…បេ… វិច្ឆិទ្ទកសញ្ញាសហគតំ…បេ… វិក្ខាយិតកសញ្ញាសហគតំ…បេ… វិក្ខិត្តកសញ្ញាសហគតំ…បេ… ហតវិក្ខិត្តកសញ្ញាសហគតំ…បេ… លោហិតកសញ្ញាសហគតំ…បេ… បុឡវកសញ្ញាសហគតំ [បុឡុវកសញ្ញាសហគតំ (ក.)] …បេ… អដ្ឋិកសញ្ញាសហគតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

អសុភឈានំ [អសុភជ្ឈានំ (សី. ស្យា.)] សោឡសក្ខត្តុកំ.

ចត្តារិ អរូបឈានានិ [អរូបជ្ឈានានិ (សី. ស្យា.)] សោឡសក្ខត្តុកានិ

២៦៥. កតមេ ¶ ធម្មា កុសលា? យស្មិំ សមយេ អរូបូបបត្តិយា មគ្គំ ភាវេតិ សព្ពសោ រូបសញ្ញានំ សមតិក្កមា បដិឃសញ្ញានំ អត្ថង្គមា នានត្តសញ្ញានំ អមនសិការា អាកាសានញ្ចាយតនសញ្ញាសហគតំ សុខស្ស ច បហានា…បេ… ចតុត្ថំ ឈានំ ឧបសម្បជ្ជ វិហរតិ ឧបេក្ខាសហគតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៦៦. កតមេ ¶ ធម្មា កុសលា? យស្មិំ សមយេ អរូបូបបត្តិយា មគ្គំ ភាវេតិ សព្ពសោ អាកាសានញ្ចាយតនំ សមតិក្កម្ម វិញ្ញាណញ្ចាយតនសញ្ញាសហគតំ ¶ សុខស្ស ច បហានា…បេ… ចតុត្ថំ ឈានំ ឧបសម្បជ្ជ វិហរតិ ឧបេក្ខាសហគតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៦៧. កតមេ ធម្មា កុសលា? យស្មិំ សមយេ អរូបូបបត្តិយា មគ្គំ ភាវេតិ សព្ពសោ វិញ្ញាណញ្ចាយតនំ សមតិក្កម្ម អាកិញ្ចញ្ញាយតនសញ្ញាសហគតំ សុខស្ស ច បហានា…បេ… ចតុត្ថំ ឈានំ ឧបសម្បជ្ជ វិហរតិ ឧបេក្ខាសហគតំ ¶ , តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៦៨. កតមេ ធម្មា កុសលា? យស្មិំ សមយេ អរូបូបបត្តិយា មគ្គំ ភាវេតិ សព្ពសោ អាកិញ្ចញ្ញាយតនំ សមតិក្កម្ម នេវសញ្ញានាសញ្ញាយតនសញ្ញាសហគតំ សុខស្ស ច បហានា…បេ… ចតុត្ថំ ឈានំ ឧបសម្បជ្ជ វិហរតិ ឧបេក្ខាសហគតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

ចត្តារិ អរូបឈានានិ សោឡសក្ខត្តុកានិ.

២៦៩. កតមេ ¶ ធម្មា កុសលា? យស្មិំ សមយេ កាមាវចរំ កុសលំ ចិត្តំ ឧប្បន្នំ ហោតិ សោមនស្សសហគតំ ញាណសម្បយុត្តំ ហីនំ…បេ… មជ្ឈិមំ…បេ… បណីតំ…បេ… ឆន្ទាធិបតេយ្យំ…បេ… វីរិយាធិបតេយ្យំ…បេ… ចិត្តាធិបតេយ្យំ…បេ… វីមំសាធិបតេយ្យំ…បេ… ឆន្ទាធិបតេយ្យំ ហីនំ…បេ… មជ្ឈិមំ…បេ… បណីតំ…បេ… វីរិយាធិបតេយ្យំ ¶ ហីនំ…បេ… មជ្ឈិមំ…បេ… បណីតំ…បេ… ចិត្តាធិបតេយ្យំ ហីនំ…បេ… មជ្ឈិមំ…បេ… បណីតំ…បេ… វីមំសាធិបតេយ្យំ ហីនំ…បេ… មជ្ឈិមំ…បេ… បណីតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៧០. កតមេ ធម្មា កុសលា? យស្មិំ សមយេ កាមាវចរំ កុសលំ ចិត្តំ ឧប្បន្នំ ហោតិ សោមនស្សសហគតំ ញាណសម្បយុត្តំ សសង្ខារេន…បេ… ¶ សោមនស្សសហគតំ ញាណវិប្បយុត្តំ…បេ… សោមនស្សសហគតំ ញាណវិប្បយុត្តំ សសង្ខារេន…បេ… ឧបេក្ខាសហគតំ ញាណសម្បយុត្តំ…បេ… ឧបេក្ខាសហគតំ ញាណសម្បយុត្តំ សសង្ខារេន…បេ… ឧបេក្ខាសហគតំ ញាណវិប្បយុត្តំ…បេ… ឧបេក្ខាសហគតំ ញាណវិប្បយុត្តំ សសង្ខារេន ហីនំ…បេ… មជ្ឈិមំ…បេ… បណីតំ…បេ… ឆន្ទាធិបតេយ្យំ…បេ… វីរិយាធិបតេយ្យំ…បេ… ចិត្តាធិបតេយ្យំ…បេ… ឆន្ទាធិបតេយ្យំ ហីនំ…បេ… មជ្ឈិមំ…បេ… បណីតំ…បេ… វីរិយាធិបតេយ្យំ ហីនំ…បេ… មជ្ឈិមំ…បេ… បណីតំ…បេ… ¶ ចិត្តាធិបតេយ្យំ ហីនំ…បេ… មជ្ឈិមំ…បេ… បណីតំ, តស្មិំ សមយេ ផស្សោ ហោតិ…បេ… ¶ អវិក្ខេបោ ហោតិ…បេ… ឥមេ ធម្មា កុសលា.

២៧១. កតមេ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ បថវីកសិណំ ហីនំ…បេ… មជ្ឈិមំ…បេ… បណីតំ…បេ… ឆន្ទាធិបតេយ្យំ…បេ… វីរិយាធិបតេយ្យំ…បេ… ចិត្តាធិបតេយ្យំ…បេ… វីមំសាធិបតេយ្យំ…បេ… ឆន្ទាធិបតេយ្យំ ហីនំ…បេ… មជ្ឈិមំ…បេ… បណីតំ…បេ… វីរិយាធិបតេយ្យំ ហីនំ…បេ… មជ្ឈិមំ…បេ… បណីតំ…បេ… ចិត្តាធិបតេយ្យំ ហីនំ…បេ… មជ្ឈិមំ…បេ… បណីតំ…បេ… វីមំសាធិបតេយ្យំ ហីនំ…បេ… មជ្ឈិមំ…បេ… បណីតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៧២. កតមេ ¶ ធម្មា កុសលា? យស្មិំ សមយេ រូបូបបត្តិយា មគ្គំ ភាវេតិ វិតក្កវិចារានំ វូបសមា…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ¶ ឧបសម្បជ្ជ វិហរតិ បថវីកសិណំ ហីនំ…បេ… មជ្ឈិមំ…បេ… បណីតំ…បេ… ឆន្ទាធិបតេយ្យំ…បេ… វីរិយាធិបតេយ្យំ…បេ… ចិត្តាធិបតេយ្យំ…បេ… វីមំសាធិបតេយ្យំ…បេ… ឆន្ទាធិបតេយ្យំ ហីនំ…បេ… មជ្ឈិមំ…បេ… បណីតំ…បេ… វីរិយាធិបតេយ្យំ ហីនំ…បេ… មជ្ឈិមំ…បេ… បណីតំ…បេ… ចិត្តាធិបតេយ្យំ ហីនំ…បេ… មជ្ឈិមំ…បេ… បណីតំ…បេ… វីមំសាធិបតេយ្យំ ហីនំ…បេ… មជ្ឈិមំ…បេ… បណីតំ, តស្មិំ ¶ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៧៣. កតមេ ធម្មា កុសលា? យស្មិំ សមយេ អរូបូបបត្តិយា មគ្គំ ភាវេតិ សព្ពសោ រូបសញ្ញានំ សមតិក្កមា បដិឃសញ្ញានំ អត្ថង្គមា នានត្តសញ្ញានំ ¶ អមនសិការា អាកាសានញ្ចាយតនសញ្ញាសហគតំ សុខស្ស ច បហានា…បេ… ចតុត្ថំ ឈានំ ឧបសម្បជ្ជ វិហរតិ ហីនំ…បេ… មជ្ឈិមំ…បេ… បណីតំ…បេ… ឆន្ទាធិបតេយ្យំ…បេ… វីរិយាធិបតេយ្យំ…បេ… ចិត្តាធិបតេយ្យំ…បេ… វីមំសាធិបតេយ្យំ…បេ… ឆន្ទាធិបតេយ្យំ ហីនំ…បេ… មជ្ឈិមំ…បេ… បណីតំ…បេ… វីរិយាធិបតេយ្យំ ហីនំ…បេ… មជ្ឈិមំ…បេ… បណីតំ…បេ… ចិត្តាធិបតេយ្យំ ¶ ហីនំ…បេ… មជ្ឈិមំ…បេ… បណីតំ…បេ… វីមំសាធិបតេយ្យំ ហីនំ…បេ… មជ្ឈិមំ…បេ… បណីតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៧៤. កតមេ ធម្មា កុសលា? យស្មិំ សមយេ អរូបូបបត្តិយា មគ្គំ ភាវេតិ សព្ពសោ អាកាសានញ្ចាយតនំ សមតិក្កម្ម វិញ្ញាណញ្ចាយតនសញ្ញាសហគតំ សុខស្ស ច បហានា…បេ… ចតុត្ថំ ¶ ឈានំ ឧបសម្បជ្ជ វិហរតិ ហីនំ…បេ… មជ្ឈិមំ…បេ… បណីតំ…បេ… ឆន្ទាធិបតេយ្យំ…បេ… វីរិយាធិបតេយ្យំ…បេ… ចិត្តាធិបតេយ្យំ…បេ… វីមំសាធិបតេយ្យំ…បេ… ឆន្ទាធិបតេយ្យំ ហីនំ…បេ… មជ្ឈិមំ…បេ… បណីតំ…បេ… ¶ វីរិយាធិបតេយ្យំ ហីនំ…បេ… មជ្ឈិមំ…បេ… បណីតំ…បេ… ចិត្តាធិបតេយ្យំ ហីនំ…បេ… មជ្ឈិមំ…បេ… បណីតំ…បេ… វីមំសាធិបតេយ្យំ ហីនំ…បេ… មជ្ឈិមំ…បេ… បណីតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៧៥. កតមេ ធម្មា កុសលា? យស្មិំ សមយេ អរូបូបបត្តិយា មគ្គំ ភាវេតិ សព្ពសោ វិញ្ញាណញ្ចាយតនំ សមតិក្កម្ម អាកិញ្ចញ្ញាយតនសញ្ញាសហគតំ សុខស្ស ច បហានា…បេ… ចតុត្ថំ ឈានំ ឧបសម្បជ្ជ វិហរតិ ហីនំ…បេ… មជ្ឈិមំ…បេ… បណីតំ…បេ… ឆន្ទាធិបតេយ្យំ…បេ… វីរិយាធិបតេយ្យំ…បេ… ចិត្តាធិបតេយ្យំ…បេ… វីមំសាធិបតេយ្យំ…បេ… ឆន្ទាធិបតេយ្យំ ហីនំ…បេ… មជ្ឈិមំ…បេ… បណីតំ…បេ… វីរិយាធិបតេយ្យំ ហីនំ…បេ… មជ្ឈិមំ…បេ… បណីតំ…បេ… ចិត្តាធិបតេយ្យំ ហីនំ…បេ… មជ្ឈិមំ…បេ… បណីតំ…បេ… វីមំសាធិបតេយ្យំ ហីនំ…បេ… មជ្ឈិមំ…បេ… បណីតំ ¶ , តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៧៦. កតមេ ធម្មា កុសលា? យស្មិំ សមយេ អរូបូបបត្តិយា មគ្គំ ភាវេតិ សព្ពសោ អាកិញ្ចញ្ញាយតនំ សមតិក្កម្ម នេវសញ្ញានាសញ្ញាយតនសញ្ញាសហគតំ សុខស្ស ច បហានា…បេ… ចតុត្ថំ ឈានំ ឧបសម្បជ្ជ វិហរតិ ហីនំ…បេ… មជ្ឈិមំ…បេ… បណីតំ…បេ… ឆន្ទាធិបតេយ្យំ…បេ… វីរិយាធិបតេយ្យំ…បេ… ចិត្តាធិបតេយ្យំ…បេ… វីមំសាធិបតេយ្យំ…បេ… ឆន្ទាធិបតេយ្យំ ហីនំ…បេ… មជ្ឈិមំ…បេ… បណីតំ…បេ… ¶ វីរិយាធិបតេយ្យំ ¶ ហីនំ…បេ… មជ្ឈិមំ…បេ… បណីតំ…បេ… ចិត្តាធិបតេយ្យំ ហីនំ…បេ… មជ្ឈិមំ…បេ… បណីតំ…បេ… វីមំសាធិបតេយ្យំ ហីនំ…បេ… មជ្ឈិមំ…បេ… បណីតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

២៧៧. កតមេ ¶ ធម្មា កុសលា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ, តស្មិំ សមយេ ផស្សោ ហោតិ, វេទនា ហោតិ, សញ្ញា ហោតិ, ចេតនា ហោតិ, ចិត្តំ ហោតិ, វិតក្កោ ហោតិ, វិចារោ ហោតិ, បីតិ ហោតិ, សុខំ ហោតិ, ចិត្តស្សេកគ្គតា ហោតិ, សទ្ធិន្ទ្រិយំ ហោតិ, វីរិយិន្ទ្រិយំ ហោតិ, សតិន្ទ្រិយំ ហោតិ, សមាធិន្ទ្រិយំ ហោតិ, បញ្ញិន្ទ្រិយំ ហោតិ, មនិន្ទ្រិយំ ហោតិ, សោមនស្សិន្ទ្រិយំ ហោតិ, ជីវិតិន្ទ្រិយំ ហោតិ, អនញ្ញាតញ្ញស្សាមីតិន្ទ្រិយំ ហោតិ, សម្មាទិដ្ឋិ ហោតិ, សម្មាសង្កប្បោ ហោតិ, សម្មាវាចា ហោតិ, សម្មាកម្មន្តោ ហោតិ, សម្មាអាជីវោ ហោតិ, សម្មាវាយាមោ ហោតិ, សម្មាសតិ ហោតិ, សម្មាសមាធិ ហោតិ, សទ្ធាពលំ ហោតិ, វីរិយពលំ ហោតិ, សតិពលំ ហោតិ, សមាធិពលំ ហោតិ, បញ្ញាពលំ ហោតិ, ហិរិពលំ ហោតិ, ឱត្តប្បពលំ ហោតិ, អលោភោ ហោតិ, អទោសោ ហោតិ, អមោហោ ¶ ហោតិ, អនភិជ្ឈា ហោតិ, អព្យាបាទោ ហោតិ, សម្មាទិដ្ឋិ ហោតិ, ហិរី ហោតិ, ឱត្តប្បំ ហោតិ, កាយបស្សទ្ធិ ហោតិ, ចិត្តបស្សទ្ធិ ហោតិ, កាយលហុតា ហោតិ, ចិត្តលហុតា ហោតិ, កាយមុទុតា ហោតិ, ចិត្តមុទុតា ហោតិ, កាយកម្មញ្ញតា ហោតិ, ចិត្តកម្មញ្ញតា ហោតិ, កាយបាគុញ្ញតា ហោតិ, ចិត្តបាគុញ្ញតា ហោតិ, កាយុជុកតា ហោតិ, ចិត្តុជុកតា ហោតិ, សតិ ហោតិ, សម្បជញ្ញំ ហោតិ, សមថោ ហោតិ, វិបស្សនា ហោតិ, បគ្គាហោ ¶ ហោតិ, អវិក្ខេបោ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា កុសលា.

២៧៨. កតមោ តស្មិំ សមយេ ផស្សោ ហោតិ? យោ តស្មិំ សមយេ ផស្សោ ផុសនា សំផុសនា សំផុសិតត្តំ – អយំ តស្មិំ សមយេ ផស្សោ ហោតិ.

២៧៩. កតមា តស្មិំ សមយេ វេទនា ហោតិ? យំ តស្មិំ សមយេ តជ្ជាមនោវិញ្ញាណធាតុសម្ផស្សជំ ¶ ចេតសិកំ សាតំ ចេតសិកំ សុខំ ចេតោសម្ផស្សជំ សាតំ សុខំ វេទយិតំ ចេតោសម្ផស្សជា សាតា សុខា វេទនា – អយំ តស្មិំ សមយេ វេទនា ហោតិ.

២៨០. កតមា ¶ តស្មិំ សមយេ សញ្ញា ហោតិ? យា តស្មិំ សមយេ តជ្ជាមនោវិញ្ញាណធាតុសម្ផស្សជា សញ្ញា សញ្ជាននា សញ្ជានិតត្តំ – អយំ តស្មិំ សមយេ សញ្ញា ហោតិ.

២៨១. កតមា តស្មិំ សមយេ ចេតនា ហោតិ? យា តស្មិំ សមយេ តជ្ជាមនោវិញ្ញាណធាតុសម្ផស្សជា ចេតនា សញ្ចេតនា ចេតយិតត្តំ – អយំ តស្មិំ សមយេ ចេតនា ហោតិ.

២៨២. កតមំ ¶ តស្មិំ សមយេ ចិត្តំ ហោតិ? យំ តស្មិំ សមយេ ចិត្តំ មនោ មានសំ ហទយំ បណ្ឌរំ មនោ មនាយតនំ មនិន្ទ្រិយំ វិញ្ញាណំ វិញ្ញាណក្ខន្ធោ តជ្ជាមនោវិញ្ញាណធាតុ – ឥទំ តស្មិំ សមយេ ចិត្តំ ហោតិ.

២៨៣. កតមោ តស្មិំ សមយេ វិតក្កោ ហោតិ? យោ តស្មិំ សមយេ តក្កោ វិតក្កោ សង្កប្បោ អប្បនា ព្យប្បនា ចេតសោ អភិនិរោបនា សម្មាសង្កប្បោ មគ្គង្គំ មគ្គបរិយាបន្នំ – អយំ តស្មិំ សមយេ វិតក្កោ ហោតិ.

២៨៤. កតមោ តស្មិំ សមយេ វិចារោ ហោតិ? យោ តស្មិំ សមយេ ចារោ វិចារោ អនុវិចារោ ឧបវិចារោ ចិត្តស្ស អនុសន្ធានតា អនុបេក្ខនតា – អយំ តស្មិំ សមយេ វិចារោ ហោតិ.

២៨៥. កតមា ¶ តស្មិំ សមយេ បីតិ ហោតិ? យា តស្មិំ សមយេ បីតិ បាមោជ្ជំ អាមោទនា បមោទនា ហាសោ បហាសោ វិត្តិ ឱទគ្យំ អត្តមនតា ចិត្តស្ស បីតិសម្ពោជ្ឈង្គោ – អយំ តស្មិំ សមយេ បីតិ ហោតិ.

២៨៦. កតមំ តស្មិំ សមយេ សុខំ ហោតិ? យំ តស្មិំ សមយេ ចេតសិកំ សាតំ ចេតសិកំ សុខំ ចេតោសម្ផស្សជំ សាតំ សុខំ វេទយិតំ ចេតោសម្ផស្សជា សាតា សុខា វេទនា – ឥទំ តស្មិំ សមយេ សុខំ ហោតិ.

២៨៧. កតមា ¶ តស្មិំ សមយេ ចិត្តស្សេកគ្គតា ហោតិ? យា តស្មិំ សមយេ ¶ ចិត្តស្ស ឋិតិ សណ្ឋិតិ អវដ្ឋិតិ អវិសាហារោ អវិក្ខេបោ អវិសាហដមានសតា សមថោ សមាធិន្ទ្រិយំ សមាធិពលំ សម្មាសមាធិ សមាធិសម្ពោជ្ឈង្គោ មគ្គង្គំ មគ្គបរិយាបន្នំ – អយំ តស្មិំ សមយេ ចិត្តស្សេកគ្គតា ហោតិ.

២៨៨. កតមំ ¶ តស្មិំ សមយេ សទ្ធិន្ទ្រិយំ ហោតិ? យា តស្មិំ សមយេ សទ្ធា សទ្ទហនា ឱកប្បនា អភិប្បសាទោ សទ្ធា សទ្ធិន្ទ្រិយំ សទ្ធាពលំ – ឥទំ តស្មិំ សមយេ សទ្ធិន្ទ្រិយំ ហោតិ.

២៨៩. កតមំ តស្មិំ សមយេ វីរិយិន្ទ្រិយំ ហោតិ? យោ តស្មិំ សមយេ ចេតសិកោ វីរិយារម្ភោ និក្កមោ បរក្កមោ ឧយ្យាមោ វាយាមោ ឧស្សាហោ ឧស្សោឡ្ហី ថាមោ ធិតិ អសិថិលបរក្កមតា អនិក្ខិត្តឆន្ទតា អនិក្ខិត្តធុរតា ធុរសម្បគ្គាហោ វីរិយំ វីរិយិន្ទ្រិយំ វីរិយពលំ សម្មាវាយាមោ វីរិយសម្ពោជ្ឈង្គោ មគ្គង្គំ មគ្គបរិយាបន្នំ – ឥទំ តស្មិំ សមយេ វីរិយិន្ទ្រិយំ ហោតិ.

២៩០. កតមំ តស្មិំ សមយេ សតិន្ទ្រិយំ ហោតិ? យា តស្មិំ សមយេ សតិ អនុស្សតិ បដិស្សតិ សតិ សរណតា ធារណតា អបិលាបនតា អសម្មុស្សនតា សតិ សតិន្ទ្រិយំ សតិពលំ សម្មាសតិ សតិសម្ពោជ្ឈង្គោ មគ្គង្គំ មគ្គបរិយាបន្នំ – ឥទំ តស្មិំ សមយេ សតិន្ទ្រិយំ ហោតិ.

២៩១. កតមំ តស្មិំ សមយេ សមាធិន្ទ្រិយំ ហោតិ? យា តស្មិំ សមយេ ចិត្តស្ស ឋិតិ សណ្ឋិតិ អវដ្ឋិតិ អវិសាហារោ អវិក្ខេបោ អវិសាហដមានសតា ¶ សមថោ សមាធិន្ទ្រិយំ សមាធិពលំ សម្មាសមាធិ សមាធិសម្ពោជ្ឈង្គោ ¶ មគ្គង្គំ មគ្គបរិយាបន្នំ – ឥទំ តស្មិំ សមយេ សមាធិន្ទ្រិយំ ហោតិ.

២៩២. កតមំ តស្មិំ សមយេ បញ្ញិន្ទ្រិយំ ហោតិ? យា តស្មិំ សមយេ បញ្ញា បជាននា វិចយោ បវិចយោ ធម្មវិចយោ សល្លក្ខណា ឧបលក្ខណា បច្ចុបលក្ខណា បណ្ឌិច្ចំ កោសល្លំ នេបុញ្ញំ វេភព្យា ចិន្តា ឧបបរិក្ខា ភូរី មេធា បរិណាយិកា វិបស្សនា សម្បជញ្ញំ បតោទោ បញ្ញា បញ្ញិន្ទ្រិយំ បញ្ញាពលំ បញ្ញាសត្ថំ បញ្ញាបាសាទោ បញ្ញាអាលោកោ បញ្ញាឱភាសោ បញ្ញាបជ្ជោតោ ¶ បញ្ញារតនំ អមោហោ ធម្មវិចយោ សម្មាទិដ្ឋិ ធម្មវិចយសម្ពោជ្ឈង្គោ មគ្គង្គំ មគ្គបរិយាបន្នំ – ឥទំ តស្មិំ សមយេ បញ្ញិន្ទ្រិយំ ហោតិ.

២៩៣. កតមំ តស្មិំ សមយេ មនិន្ទ្រិយំ ហោតិ? យំ តស្មិំ សមយេ ចិត្តំ មនោ មានសំ ហទយំ បណ្ឌរំ មនោ មនាយតនំ មនិន្ទ្រិយំ វិញ្ញាណំ វិញ្ញាណក្ខន្ធោ តជ្ជាមនោវិញ្ញាណធាតុ – ឥទំ តស្មិំ សមយេ មនិន្ទ្រិយំ ហោតិ.

២៩៤. កតមំ តស្មិំ សមយេ សោមនស្សិន្ទ្រិយំ ហោតិ? យំ ¶ តស្មិំ សមយេ ចេតសិកំ សាតំ ចេតសិកំ សុខំ ចេតោសម្ផស្សជំ សាតំ សុខំ វេទយិតំ ចេតោសម្ផស្សជា សាតា សុខា វេទនា – ឥទំ តស្មិំ សមយេ សោមនស្សិន្ទ្រិយំ ហោតិ.

២៩៥. កតមំ តស្មិំ សមយេ ជីវិតិន្ទ្រិយំ ហោតិ? យោ តេសំ អរូបីនំ ធម្មានំ អាយុ ឋិតិ យបនា យាបនា ឥរិយនា វត្តនា បាលនា ជីវិតំ ¶ ជីវិតិន្ទ្រិយំ – ឥទំ តស្មិំ សមយេ ជីវិតិន្ទ្រិយំ ហោតិ.

២៩៦. កតមំ តស្មិំ សមយេ អនញ្ញាតញ្ញស្សាមីតិន្ទ្រិយំ ហោតិ? យា តេសំ ធម្មានំ អនញ្ញាតានំ អទិដ្ឋានំ អប្បត្តានំ អវិទិតានំ អសច្ឆិកតានំ សច្ឆិកិរិយាយ បញ្ញា បជាននា វិចយោ បវិចយោ ធម្មវិចយោ សល្លក្ខណា ឧបលក្ខណា បច្ចុបលក្ខណា បណ្ឌិច្ចំ កោសល្លំ នេបុញ្ញំ វេភព្យា ចិន្តា ឧបបរិក្ខា ភូរី មេធា បរិណាយិកា វិបស្សនា សម្បជញ្ញំ បតោទោ បញ្ញា ¶ បញ្ញិន្ទ្រិយំ បញ្ញាពលំ បញ្ញាសត្ថំ បញ្ញាបាសាទោ បញ្ញាអាលោកោ បញ្ញាឱភាសោ បញ្ញាបជ្ជោតោ បញ្ញារតនំ អមោហោ ធម្មវិចយោ សម្មាទិដ្ឋិ ធម្មវិចយសម្ពោជ្ឈង្គោ មគ្គង្គំ មគ្គបរិយាបន្នំ – ឥទំ តស្មិំ សមយេ អនញ្ញាតញ្ញស្សាមីតិន្ទ្រិយំ ហោតិ.

២៩៧. កតមា តស្មិំ សមយេ សម្មាទិដ្ឋិ ហោតិ? យា តស្មិំ សមយេ បញ្ញា បជាននា វិចយោ បវិចយោ ធម្មវិចយោ សល្លក្ខណា ឧបលក្ខណា បច្ចុបលក្ខណា បណ្ឌិច្ចំ កោសល្លំ នេបុញ្ញំ វេភព្យា ចិន្តា ឧបបរិក្ខា ភូរី មេធា បរិណាយិកា វិបស្សនា សម្បជញ្ញំ បតោទោ បញ្ញា បញ្ញិន្ទ្រិយំ បញ្ញាពលំ បញ្ញាសត្ថំ បញ្ញាបាសាទោ បញ្ញាអាលោកោ បញ្ញាឱភាសោ បញ្ញាបជ្ជោតោ ¶ បញ្ញារតនំ អមោហោ ធម្មវិចយោ សម្មាទិដ្ឋិ ធម្មវិចយសម្ពោជ្ឈង្គោ មគ្គង្គំ មគ្គបរិយាបន្នំ – អយំ តស្មិំ សមយេ សម្មាទិដ្ឋិ ហោតិ.

២៩៨. កតមោ តស្មិំ សមយេ សម្មាសង្កប្បោ ហោតិ? យោ តស្មិំ សមយេ ¶ តក្កោ វិតក្កោ សង្កប្បោ អប្បនា ព្យប្បនា ចេតសោ អភិនិរោបនា សម្មាសង្កប្បោ មគ្គង្គំ មគ្គបរិយាបន្នំ – អយំ តស្មិំ សមយេ សម្មាសង្កប្បោ ហោតិ.

២៩៩. កតមា តស្មិំ សមយេ សម្មាវាចា ហោតិ? យា តស្មិំ សមយេ ចតូហិ វចីទុច្ចរិតេហិ អារតិ វិរតិ បដិវិរតិ វេរមណី អកិរិយា អករណំ អនជ្ឈាបត្តិ វេលាអនតិក្កមោ សេតុឃាតោ សម្មាវាចា មគ្គង្គំ មគ្គបរិយាបន្នំ – អយំ តស្មិំ សមយេ សម្មាវាចា ហោតិ.

៣០០. កតមោ ¶ តស្មិំ សមយេ សម្មាកម្មន្តោ ហោតិ? យា តស្មិំ សមយេ តីហិ កាយទុច្ចរិតេហិ អារតិ វិរតិ បដិវិរតិ វេរមណី អកិរិយា អករណំ អនជ្ឈាបត្តិ វេលាអនតិក្កមោ សេតុឃាតោ សម្មាកម្មន្តោ មគ្គង្គំ មគ្គបរិយាបន្នំ – អយំ តស្មិំ សមយេ សម្មាកម្មន្តោ ហោតិ.

៣០១. កតមោ តស្មិំ សមយេ សម្មាអាជីវោ ហោតិ? យា តស្មិំ សមយេ មិច្ឆាអាជីវា អារតិ វិរតិ បដិវិរតិ វេរមណី អកិរិយា អករណំ អនជ្ឈាបត្តិ វេលាអនតិក្កមោ សេតុឃាតោ សម្មាអាជីវោ មគ្គង្គំ មគ្គបរិយាបន្នំ – អយំ តស្មិំ សមយេ សម្មាអាជីវោ ហោតិ.

៣០២. កតមោ ¶ តស្មិំ សមយេ សម្មាវាយាមោ ហោតិ? យោ តស្មិំ សមយេ ចេតសិកោ វីរិយារម្ភោ និក្កមោ បរក្កមោ ឧយ្យាមោ វាយាមោ ឧស្សាហោ ឧស្សោឡ្ហី ថាមោ ធិតិ អសិថិលបរក្កមតា អនិក្ខិត្តឆន្ទតា អនិក្ខិត្តធុរតា ធុរសម្បគ្គាហោ វីរិយំ វីរិយិន្ទ្រិយំ វីរិយពលំ សម្មាវាយាមោ ¶ វីរិយសម្ពោជ្ឈង្គោ មគ្គង្គំ មគ្គបរិយាបន្នំ – អយំ តស្មិំ សមយេ សម្មាវាយាមោ ហោតិ.

៣០៣. កតមា ¶ តស្មិំ សមយេ សម្មាសតិ ហោតិ? យា តស្មិំ សមយេ សតិ អនុស្សតិ បដិស្សតិ សតិ សរណតា ធារណតា អបិលាបនតា អសម្មុស្សនតា សតិ សតិន្ទ្រិយំ សតិពលំ សម្មាសតិ សតិសម្ពោជ្ឈង្គោ មគ្គង្គំ មគ្គបរិយាបន្នំ – អយំ តស្មិំ សមយេ សម្មាសតិ ហោតិ.

៣០៤. កតមោ តស្មិំ សមយេ សម្មាសមាធិ ហោតិ? យា តស្មិំ សមយេ ចិត្តស្ស ឋិតិ សណ្ឋិតិ អវដ្ឋិតិ អវិសាហារោ អវិក្ខេបោ អវិសាហដមានសតា សមថោ សមាធិន្ទ្រិយំ សមាធិពលំ សម្មាសមាធិ សមាធិសម្ពោជ្ឈង្គោ មគ្គង្គំ មគ្គបរិយាបន្នំ – អយំ តស្មិំ សមយេ សម្មាសមាធិ ហោតិ.

៣០៥. កតមំ តស្មិំ សមយេ សទ្ធាពលំ ហោតិ? យា តស្មិំ សមយេ សទ្ធា សទ្ទហនា ឱកប្បនា អភិប្បសាទោ សទ្ធា សទ្ធិន្ទ្រិយំ សទ្ធាពលំ – ឥទំ តស្មិំ សមយេ សទ្ធាពលំ ហោតិ.

៣០៦. កតមំ តស្មិំ សមយេ វីរិយពលំ ហោតិ? យោ តស្មិំ សមយេ ចេតសិកោ វីរិយារម្ភោ និក្កមោ បរក្កមោ ឧយ្យាមោ វាយាមោ ឧស្សាហោ ឧស្សោឡ្ហី ថាមោ ធិតិ អសិថិលបរក្កមតា អនិក្ខិត្តឆន្ទតា អនិក្ខិត្តធុរតា ធុរសម្បគ្គាហោ វីរិយំ វីរិយិន្ទ្រិយំ វីរិយពលំ សម្មាវាយាមោ វីរិយសម្ពោជ្ឈង្គោ មគ្គង្គំ មគ្គបរិយាបន្នំ – ឥទំ តស្មិំ សមយេ វីរិយពលំ ហោតិ.

៣០៧. កតមំ ¶ ¶ តស្មិំ សមយេ សតិពលំ ហោតិ? យា តស្មិំ សមយេ សតិ អនុស្សតិ បដិស្សតិ សតិ សរណតា ធារណតា អបិលាបនតា អសម្មុស្សនតា សតិ សតិន្ទ្រិយំ សតិពលំ សម្មាសតិ សតិសម្ពោជ្ឈង្គោ ¶ មគ្គង្គំ មគ្គបរិយាបន្នំ – ឥទំ តស្មិំ សមយេ សតិពលំ ហោតិ.

៣០៨. កតមំ តស្មិំ សមយេ សមាធិពលំ ហោតិ? យា តស្មិំ សមយេ ចិត្តស្ស ឋិតិ សណ្ឋិតិ អវដ្ឋិតិ អវិសាហារោ អវិក្ខេបោ អវិសាហដមានសតា សមថោ សមាធិន្ទ្រិយំ សមាធិពលំ សម្មាសមាធិ សមាធិសម្ពោជ្ឈង្គោ មគ្គង្គំ មគ្គបរិយាបន្នំ – ឥទំ តស្មិំ សមយេ សមាធិពលំ ហោតិ.

៣០៩. កតមំ តស្មិំ សមយេ បញ្ញាពលំ ហោតិ? យា តស្មិំ សមយេ បញ្ញា បជាននា វិចយោ ¶ បវិចយោ ធម្មវិចយោ សល្លក្ខណា ឧបលក្ខណា បច្ចុបលក្ខណា បណ្ឌិច្ចំ កោសល្លំ នេបុញ្ញំ វេភព្យា ចិន្តា ឧបបរិក្ខា ភូរី មេធា បរិណាយិកា វិបស្សនា សម្បជញ្ញំ បតោទោ បញ្ញា បញ្ញិន្ទ្រិយំ បញ្ញាពលំ បញ្ញាសត្ថំ បញ្ញាបាសាទោ បញ្ញាអាលោកោ បញ្ញាឱភាសោ បញ្ញាបជ្ជោតោ បញ្ញារតនំ អមោហោ ធម្មវិចយោ សម្មាទិដ្ឋិ ធម្មវិចយសម្ពោជ្ឈង្គោ មគ្គង្គំ មគ្គបរិយាបន្នំ – ឥទំ តស្មិំ សមយេ បញ្ញាពលំ ហោតិ.

៣១០. កតមំ តស្មិំ សមយេ ហិរិពលំ ហោតិ? យំ តស្មិំ សមយេ ហិរីយតិ ហិរិយិតព្ពេន ហិរីយតិ បាបកានំ អកុសលានំ ធម្មានំ សមាបត្តិយា – ឥទំ តស្មិំ សមយេ ហិរិពលំ ហោតិ.

៣១១. កតមំ ¶ តស្មិំ សមយេ ឱត្តប្បពលំ ហោតិ? យំ តស្មិំ សមយេ ឱត្តប្បតិ ឱត្តប្បិតព្ពេន ឱត្តប្បតិ បាបកានំ អកុសលានំ ធម្មានំ សមាបត្តិយា – ឥទំ តស្មិំ សមយេ ឱត្តប្បពលំ ហោតិ.

៣១២. កតមោ តស្មិំ សមយេ អលោភោ ហោតិ? យោ តស្មិំ សមយេ អលោភោ អលុព្ភនា អលុព្ភិតត្តំ អសារាគោ អសារជ្ជនា អសារជ្ជិតត្តំ អនភិជ្ឈា អលោភោ កុសលមូលំ – អយំ តស្មិំ សមយេ អលោភោ ហោតិ.

៣១៣. កតមោ តស្មិំ សមយេ អទោសោ ហោតិ? យោ តស្មិំ សមយេ អទោសោ អទុស្សនា អទុស្សិតត្តំ អព្យាបាទោ អព្យាបជ្ជោ អទោសោ កុសលមូលំ – អយំ តស្មិំ សមយេ អទោសោ ហោតិ.

៣១៤. កតមោ ¶ តស្មិំ សមយេ អមោហោ ហោតិ? យា តស្មិំ សមយេ បញ្ញា បជាននា វិចយោ បវិចយោ ធម្មវិចយោ សល្លក្ខណា ឧបលក្ខណា បច្ចុបលក្ខណា បណ្ឌិច្ចំ កោសល្លំ នេបុញ្ញំ វេភព្យា ចិន្តា ឧបបរិក្ខា ភូរី មេធា បរិណាយិកា វិបស្សនា សម្បជញ្ញំ បតោទោ បញ្ញា បញ្ញិន្ទ្រិយំ បញ្ញាពលំ បញ្ញាសត្ថំ បញ្ញាបាសាទោ បញ្ញាអាលោកោ បញ្ញាឱភាសោ បញ្ញាបជ្ជោតោ បញ្ញារតនំ អមោហោ ធម្មវិចយោ សម្មាទិដ្ឋិ ធម្មវិចយសម្ពោជ្ឈង្គោ ¶ មគ្គង្គំ មគ្គបរិយាបន្នំ – អយំ តស្មិំ សមយេ អមោហោ ហោតិ.

៣១៥. កតមា ¶ តស្មិំ សមយេ អនភិជ្ឈា ហោតិ? យោ តស្មិំ សមយេ អលោភោ អលុព្ភនា អលុព្ភិតត្តំ អសារាគោ អសារជ្ជនា អសារជ្ជិតត្តំ អនភិជ្ឈា អលោភោ កុសលមូលំ – អយំ តស្មិំ សមយេ អនភិជ្ឈា ហោតិ.

៣១៦. កតមោ ¶ តស្មិំ សមយេ អព្យាបាទោ ហោតិ? យោ តស្មិំ សមយេ អទោសោ អទុស្សនា អទុស្សិតត្តំ អព្យាបាទោ អព្យាបជ្ជោ អទោសោ កុសលមូលំ – អយំ តស្មិំ សមយេ អព្យាបាទោ ហោតិ.

៣១៧. កតមា តស្មិំ សមយេ សម្មាទិដ្ឋិ ហោតិ? យា តស្មិំ សមយេ បញ្ញា បជាននា វិចយោ បវិចយោ ធម្មវិចយោ សល្លក្ខណា ឧបលក្ខណា បច្ចុបលក្ខណា បណ្ឌិច្ចំ កោសល្លំ នេបុញ្ញំ វេភព្យា ចិន្តា ឧបបរិក្ខា ភូរី មេធា បរិណាយិកា វិបស្សនា សម្បជញ្ញំ បតោទោ បញ្ញា បញ្ញិន្ទ្រិយំ បញ្ញាពលំ បញ្ញាសត្ថំ បញ្ញាបាសាទោ បញ្ញាអាលោកោ បញ្ញាឱភាសោ បញ្ញាបជ្ជោតោ បញ្ញារតនំ អមោហោ ធម្មវិចយោ សម្មាទិដ្ឋិ ធម្មវិចយសម្ពោជ្ឈង្គោ មគ្គង្គំ មគ្គបរិយាបន្នំ – អយំ តស្មិំ សមយេ សម្មាទិដ្ឋិ ហោតិ.

៣១៨. កតមា តស្មិំ សមយេ ហិរី ហោតិ? យំ តស្មិំ សមយេ ហិរីយតិ ហិរិយិតព្ពេន ហិរីយតិ បាបកានំ អកុសលានំ ធម្មានំ សមាបត្តិយា – អយំ តស្មិំ សមយេ ហិរី ហោតិ.

៣១៩. កតមំ តស្មិំ សមយេ ឱត្តប្បំ ហោតិ? យំ តស្មិំ សមយេ ឱត្តប្បតិ ឱត្តប្បិតព្ពេន ឱត្តប្បតិ បាបកានំ អកុសលានំ ធម្មានំ សមាបត្តិយា – ឥទំ តស្មិំ សមយេ ឱត្តប្បំ ហោតិ.

៣២០. កតមា ¶ តស្មិំ សមយេ កាយបស្សទ្ធិ ហោតិ? យា តស្មិំ សមយេ វេទនាក្ខន្ធស្ស សញ្ញាក្ខន្ធស្ស សង្ខារក្ខន្ធស្ស បស្សទ្ធិ បដិបស្សទ្ធិ បស្សម្ភនា បដិបស្សម្ភនា បដិបស្សម្ភិតត្តំ បស្សទ្ធិសម្ពោជ្ឈង្គោ ¶ – អយំ តស្មិំ សមយេ កាយបស្សទ្ធិ ហោតិ.

៣២១. កតមា តស្មិំ សមយេ ចិត្តបស្សទ្ធិ ហោតិ? យា តស្មិំ សមយេ វិញ្ញាណក្ខន្ធស្ស ¶ បស្សទ្ធិ បដិបស្សទ្ធិ បស្សម្ភនា បដិបស្សម្ភនា បដិបស្សម្ភិតត្តំ បស្សទ្ធិសម្ពោជ្ឈង្គោ – អយំ តស្មិំ សមយេ ចិត្តបស្សទ្ធិ ហោតិ.

៣២២. កតមា តស្មិំ សមយេ កាយលហុតា ហោតិ? យា តស្មិំ សមយេ វេទនាក្ខន្ធស្ស សញ្ញាក្ខន្ធស្ស សង្ខារក្ខន្ធស្ស លហុតា លហុបរិណាមតា អទន្ធនតា អវិត្ថនតា – អយំ តស្មិំ សមយេ កាយលហុតា ហោតិ.

៣២៣. កតមា តស្មិំ សមយេ ចិត្តលហុតា ហោតិ? យា តស្មិំ សមយេ វិញ្ញាណក្ខន្ធស្ស លហុតា លហុបរិណាមតា ¶ អទន្ធនតា អវិត្ថនតា – អយំ តស្មិំ សមយេ ចិត្តលហុតា ហោតិ.

៣២៤. កតមា តស្មិំ សមយេ កាយមុទុតា ហោតិ? យា តស្មិំ សមយេ វេទនាក្ខន្ធស្ស សញ្ញាក្ខន្ធស្ស សង្ខារក្ខន្ធស្ស មុទុតា មទ្ទវតា អកក្ខឡតា អកថិនតា – អយំ តស្មិំ សមយេ កាយមុទុតា ហោតិ.

៣២៥. កតមា តស្មិំ សមយេ ចិត្តមុទុតា ហោតិ? យា តស្មិំ សមយេ វិញ្ញាណក្ខន្ធស្ស មុទុតា មទ្ទវតា អកក្ខឡតា អកថិនតា – អយំ តស្មិំ សមយេ ចិត្តមុទុតា ហោតិ.

៣២៦. កតមា តស្មិំ សមយេ កាយកម្មញ្ញតា ហោតិ? យា តស្មិំ សមយេ វេទនាក្ខន្ធស្ស សញ្ញាក្ខន្ធស្ស សង្ខារក្ខន្ធស្ស កម្មញ្ញតា កម្មញ្ញត្តំ ¶ កម្មញ្ញភាវោ – អយំ តស្មិំ សមយេ កាយកម្មញ្ញតា ហោតិ.

៣២៧. កតមា តស្មិំ សមយេ ចិត្តកម្មញ្ញតា ហោតិ? យា តស្មិំ សមយេ វិញ្ញាណក្ខន្ធស្ស កម្មញ្ញតា កម្មញ្ញត្តំ កម្មញ្ញភាវោ – អយំ តស្មិំ សមយេ ចិត្តកម្មញ្ញតា ហោតិ.

៣២៨. កតមា ¶ តស្មិំ សមយេ កាយបាគុញ្ញតា ហោតិ? យា តស្មិំ សមយេ វេទនាក្ខន្ធស្ស សញ្ញាក្ខន្ធស្ស សង្ខារក្ខន្ធស្ស បគុណតា បគុណត្តំ បគុណភាវោ – អយំ តស្មិំ សមយេ កាយបាគុញ្ញតា ហោតិ.

៣២៩. កតមា ¶ តស្មិំ សមយេ ចិត្តបាគុញ្ញតា ហោតិ? យា តស្មិំ សមយេ វិញ្ញាណក្ខន្ធស្ស បគុណតា បគុណត្តំ បគុណភាវោ – អយំ តស្មិំ សមយេ ចិត្តបាគុញ្ញតា ហោតិ.

៣៣០. កតមា តស្មិំ សមយេ កាយុជុកតា ហោតិ? យា តស្មិំ សមយេ វេទនាក្ខន្ធស្ស សញ្ញាក្ខន្ធស្ស សង្ខារក្ខន្ធស្ស ឧជុតា ឧជុកតា អជិម្ហតា អវង្កតា អកុដិលតា – អយំ តស្មិំ សមយេ កាយុជុកតា ហោតិ.

៣៣១. កតមា តស្មិំ សមយេ ចិត្តុជុកតា ហោតិ? យា តស្មិំ សមយេ វិញ្ញាណក្ខន្ធស្ស ឧជុតា ឧជុកតា អជិម្ហតា អវង្កតា អកុដិលតា – អយំ តស្មិំ សមយេ ចិត្តុជុកតា ហោតិ.

៣៣២. កតមា តស្មិំ សមយេ សតិ ហោតិ? យា តស្មិំ សមយេ សតិ អនុស្សតិ បដិស្សតិ សតិ សរណតា ធារណតា អបិលាបនតា អសម្មុស្សនតា សតិ សតិន្ទ្រិយំ សតិពលំ សម្មាសតិ សតិសម្ពោជ្ឈង្គោ មគ្គង្គំ ¶ មគ្គបរិយាបន្នំ – អយំ តស្មិំ សមយេ សតិ ហោតិ.

៣៣៣. កតមំ ¶ តស្មិំ សមយេ សម្បជញ្ញំ ហោតិ? យា តស្មិំ សមយេ បញ្ញា បជាននា វិចយោ បវិចយោ ធម្មវិចយោ សល្លក្ខណា ឧបលក្ខណា បច្ចុបលក្ខណា បណ្ឌិច្ចំ កោសល្លំ នេបុញ្ញំ វេភព្យា ចិន្តា ឧបបរិក្ខា ភូរី មេធា បរិណាយិកា វិបស្សនា សម្បជញ្ញំ បតោទោ បញ្ញា បញ្ញិន្ទ្រិយំ បញ្ញាពលំ បញ្ញាសត្ថំ បញ្ញាបាសាទោ បញ្ញាអាលោកោ បញ្ញាឱភាសោ បញ្ញាបជ្ជោតោ បញ្ញារតនំ អមោហោ ធម្មវិចយោ សម្មាទិដ្ឋិ ធម្មវិចយសម្ពោជ្ឈង្គោ មគ្គង្គំ មគ្គបរិយាបន្នំ – ឥទំ តស្មិំ សមយេ សម្បជញ្ញំ ហោតិ.

៣៣៤. កតមោ តស្មិំ សមយេ សមថោ ហោតិ? យា តស្មិំ សមយេ ចិត្តស្ស ឋិតិ សណ្ឋិតិ អវដ្ឋិតិ អវិសាហារោ អវិក្ខេបោ អវិសាហដមានសតា សមថោ សមាធិន្ទ្រិយំ សមាធិពលំ សម្មាសមាធិ សមាធិសម្ពោជ្ឈង្គោ មគ្គង្គំ មគ្គបរិយាបន្នំ – អយំ តស្មិំ សមយេ សមថោ ហោតិ.

៣៣៥. កតមា ¶ តស្មិំ សមយេ វិបស្សនា ហោតិ? យា តស្មិំ សមយេ បញ្ញា បជាននា វិចយោ ¶ បវិចយោ ធម្មវិចយោ សល្លក្ខណា ឧបលក្ខណា បច្ចុបលក្ខណា បណ្ឌិច្ចំ កោសល្លំ នេបុញ្ញំ វេភព្យា ចិន្តា ឧបបរិក្ខា ភូរី មេធា បរិណាយិកា វិបស្សនា សម្បជញ្ញំ បតោទោ បញ្ញា បញ្ញិន្ទ្រិយំ បញ្ញាពលំ បញ្ញាសត្ថំ បញ្ញាបាសាទោ បញ្ញាអាលោកោ បញ្ញាឱភាសោ បញ្ញាបជ្ជោតោ បញ្ញារតនំ ¶ អមោហោ ធម្មវិចយោ សម្មាទិដ្ឋិ ធម្មវិចយសម្ពោជ្ឈង្គោ មគ្គង្គំ មគ្គបរិយាបន្នំ – អយំ តស្មិំ សមយេ វិបស្សនា ហោតិ.

៣៣៦. កតមោ តស្មិំ សមយេ បគ្គាហោ ហោតិ? យោ តស្មិំ សមយេ ចេតសិកោ វីរិយារម្ភោ និក្កមោ បរក្កមោ ឧយ្យាមោ វាយាមោ ឧស្សាហោ ឧស្សោឡ្ហី ថាមោ ធិតិ អសិថិលបរក្កមតា អនិក្ខិត្តឆន្ទតា អនិក្ខិត្តធុរតា ធុរសម្បគ្គាហោ វីរិយំ វីរិយិន្ទ្រិយំ វីរិយពលំ សម្មាវាយាមោ វីរិយសម្ពោជ្ឈង្គោ មគ្គង្គំ មគ្គបរិយាបន្នំ – អយំ តស្មិំ សមយេ បគ្គាហោ ហោតិ.

៣៣៧. កតមោ តស្មិំ សមយេ អវិក្ខេបោ ហោតិ? យា តស្មិំ សមយេ ចិត្តស្ស ឋិតិ សណ្ឋិតិ អវដ្ឋិតិ អវិសាហារោ អវិក្ខេបោ អវិសាហដមានសតា សមថោ សមាធិន្ទ្រិយំ សមាធិពលំ សម្មាសមាធិ សមាធិសម្ពោជ្ឈង្គោ មគ្គង្គំ មគ្គបរិយាបន្នំ – អយំ តស្មិំ សមយេ អវិក្ខេបោ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា កុសលា.

តស្មិំ ខោ បន សមយេ ចត្តារោ ខន្ធា ហោន្តិ, ទ្វាយតនានិ ហោន្តិ, ទ្វេ ធាតុយោ ហោន្តិ, តយោ អាហារា ហោន្តិ, នវិន្ទ្រិយានិ ហោន្តិ, បញ្ចង្គិកំ ឈានំ ហោតិ, អដ្ឋង្គិកោ មគ្គោ ហោតិ, សត្ត ពលានិ ហោន្តិ, តយោ ហេតូ ហោន្តិ, ឯកោ ផស្សោ ហោតិ, ឯកា វេទនា ហោតិ, ឯកា សញ្ញា ហោតិ, ឯកា ចេតនា ហោតិ, ឯកំ ចិត្តំ ហោតិ, ឯកោ វេទនាក្ខន្ធោ ¶ ហោតិ, ឯកោ សញ្ញាក្ខន្ធោ ហោតិ, ឯកោ សង្ខារក្ខន្ធោ ហោតិ, ឯកោ វិញ្ញាណក្ខន្ធោ ហោតិ, ឯកំ មនាយតនំ ហោតិ, ឯកំ មនិន្ទ្រិយំ ហោតិ, ឯកា មនោវិញ្ញាណធាតុ ហោតិ, ឯកំ ធម្មាយតនំ ហោតិ, ឯកា ធម្មធាតុ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា កុសលា…បេ….

៣៣៨. កតមោ ¶ តស្មិំ សមយេ សង្ខារក្ខន្ធោ ហោតិ? ផស្សោ ចេតនា វិតក្កោ វិចារោ បីតិ ¶ ចិត្តស្សេកគ្គតា សទ្ធិន្ទ្រិយំ វីរិយិន្ទ្រិយំ សតិន្ទ្រិយំ សមាធិន្ទ្រិយំ បញ្ញិន្ទ្រិយំ ¶ ជីវិតិន្ទ្រិយំ អនញ្ញាតញ្ញស្សាមីតិន្ទ្រិយំ សម្មាទិដ្ឋិ សម្មាសង្កប្បោ សម្មាវាចា សម្មាកម្មន្តោ សម្មាអាជីវោ សម្មាវាយាមោ សម្មាសតិ សម្មាសមាធិ សទ្ធាពលំ វីរិយពលំ សតិពលំ សមាធិពលំ បញ្ញាពលំ ហិរិពលំ ឱត្តប្បពលំ អលោភោ អទោសោ អមោហោ អនភិជ្ឈា អព្យាបាទោ សម្មាទិដ្ឋិ ហិរី ឱត្តប្បំ កាយបស្សទ្ធិ ចិត្តបស្សទ្ធិ កាយលហុតា ចិត្តលហុតា កាយមុទុតា ចិត្តមុទុតា កាយកម្មញ្ញតា ចិត្តកម្មញ្ញតា កាយបាគុញ្ញតា ចិត្តបាគុញ្ញតា កាយុជុកតា ចិត្តុជុកតា សតិ សម្បជញ្ញំ សមថោ វិបស្សនា បគ្គាហោ អវិក្ខេបោ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា ឋបេត្វា វេទនាក្ខន្ធំ ឋបេត្វា សញ្ញាក្ខន្ធំ ឋបេត្វា វិញ្ញាណក្ខន្ធំ – អយំ តស្មិំ សមយេ សង្ខារក្ខន្ធោ ហោតិ…បេ… ឥមេ ធម្មា កុសលា.

៣៣៩. កតមេ ធម្មា កុសលា? យស្មិំ សមយេ លោកុត្តរំ ឈានំ ភាវេតិ ¶ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ខិប្បាភិញ្ញំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

៣៤០. កតមេ ធម្មា កុសលា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុខបដិបទំ ទន្ធាភិញ្ញំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

៣៤១. កតមេ ធម្មា កុសលា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុខបដិបទំ ខិប្បាភិញ្ញំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

៣៤២. កតមេ ធម្មា កុសលា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា ¶ វិតក្កវិចារានំ វូបសមា ¶ …បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ…បេ… ទុក្ខបដិបទំ ខិប្បាភិញ្ញំ…បេ… សុខបដិបទំ ទន្ធាភិញ្ញំ…បេ… សុខបដិបទំ ខិប្បាភិញ្ញំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

៣៤៣. កតមេ ធម្មា កុសលា? យស្មិំ សមយេ លោកុត្តរំ ឈានំ ភាវេតិ ¶ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុញ្ញតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

៣៤៤. កតមេ ធម្មា កុសលា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិតក្កវិចារានំ ¶ វូបសមា…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ សុញ្ញតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

៣៤៥. កតមេ ¶ ¶ ធម្មា កុសលា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ សុញ្ញតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

៣៤៦. កតមេ ¶ ធម្មា កុសលា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ខិប្បាភិញ្ញំ សុញ្ញតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

៣៤៧. កតមេ ធម្មា កុសលា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ¶ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុខបដិបទំ ទន្ធាភិញ្ញំ សុញ្ញតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

៣៤៨. កតមេ ធម្មា កុសលា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុខបដិបទំ ខិប្បាភិញ្ញំ សុញ្ញតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

៣៤៩. កតមេ ធម្មា កុសលា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ ¶ បហានាយ បឋមាយ ភូមិយា បត្តិយា វិតក្កវិចារានំ វូបសមា…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ សុញ្ញតំ…បេ… ទុក្ខបដិបទំ ខិប្បាភិញ្ញំ សុញ្ញតំ…បេ… សុខបដិបទំ ទន្ធាភិញ្ញំ សុញ្ញតំ…បេ… សុខបដិបទំ ¶ ខិប្បាភិញ្ញំ សុញ្ញតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

៣៥០. កតមេ ធម្មា កុសលា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ អប្បណិហិតំ ¶ , តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

៣៥១. កតមេ ធម្មា កុសលា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិតក្កវិចារានំ វូបសមា…បេ… ទុតិយំ ឈានំ…បេ… តតិយំ ឈានំ…បេ… ¶ ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ អប្បណិហិតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

៣៥២. កតមេ ¶ ធម្មា កុសលា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ¶ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ អប្បណិហិតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

៣៥៣. កតមេ ធម្មា កុសលា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ខិប្បាភិញ្ញំ អប្បណិហិតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

៣៥៤. កតមេ ធម្មា កុសលា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុខបដិបទំ ទន្ធាភិញ្ញំ អប្បណិហិតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

៣៥៥. កតមេ ¶ ធម្មា កុសលា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុខបដិបទំ ខិប្បាភិញ្ញំ អប្បណិហិតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

៣៥៦. កតមេ ធម្មា កុសលា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ¶ ទិដ្ឋិគតានំ បហានាយ បឋមាយ ភូមិយា បត្តិយា វិតក្កវិចារានំ វូបសមា…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ អប្បណិហិតំ…បេ… ទុក្ខបដិបទំ ខិប្បាភិញ្ញំ ¶ អប្បណិហិតំ…បេ… សុខបដិបទំ ទន្ធាភិញ្ញំ អប្បណិហិតំ…បេ… សុខបដិបទំ ខិប្បាភិញ្ញំ អប្បណិហិតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

៣៥៧. កតមេ ¶ ធម្មា កុសលា? យស្មិំ សមយេ លោកុត្តរំ មគ្គំ ភាវេតិ…បេ… លោកុត្តរំ សតិបដ្ឋានំ ភាវេតិ…បេ… លោកុត្តរំ សម្មប្បធានំ ភាវេតិ…បេ… លោកុត្តរំ ឥទ្ធិបាទំ ភាវេតិ…បេ… លោកុត្តរំ ឥន្ទ្រិយំ ភាវេតិ…បេ… លោកុត្តរំ ពលំ ភាវេតិ…បេ… លោកុត្តរំ ពោជ្ឈង្គំ ភាវេតិ…បេ… លោកុត្តរំ សច្ចំ ភាវេតិ…បេ… លោកុត្តរំ សមថំ ភាវេតិ…បេ… លោកុត្តរំ ធម្មំ ភាវេតិ…បេ… លោកុត្តរំ ខន្ធំ ភាវេតិ…បេ… លោកុត្តរំ អាយតនំ ភាវេតិ…បេ… លោកុត្តរំ ធាតុំ ភាវេតិ…បេ… លោកុត្តរំ អាហារំ ភាវេតិ…បេ… លោកុត្តរំ ផស្សំ ភាវេតិ…បេ… លោកុត្តរំ វេទនំ ភាវេតិ…បេ… លោកុត្តរំ សញ្ញំ ភាវេតិ…បេ… លោកុត្តរំ ចេតនំ ភាវេតិ…បេ… លោកុត្តរំ ចិត្តំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ ¶ វិហរតិ ទុក្ខបដិបទំ ទន្ធាភិញ្ញំ, តស្មិំ ¶ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

៣៥៨. កតមេ ធម្មា កុសលា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ ឆន្ទាធិបតេយ្យំ…បេ… វីរិយាធិបតេយ្យំ…បេ… ចិត្តាធិបតេយ្យំ…បេ… វីមំសាធិបតេយ្យំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

៣៥៩. កតមេ ធម្មា កុសលា? យស្មិំ ¶ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិតក្កវិចារានំ វូបសមា…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ ¶ …បេ… បញ្ចមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ ឆន្ទាធិបតេយ្យំ…បេ… វីរិយាធិបតេយ្យំ…បេ… ចិត្តាធិបតេយ្យំ…បេ… វីមំសាធិបតេយ្យំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

៣៦០. កតមេ ធម្មា កុសលា? យស្មិំ សមយេ លោកុត្តរំ មគ្គំ ភាវេតិ…បេ… លោកុត្តរំ សតិបដ្ឋានំ ភាវេតិ…បេ… លោកុត្តរំ សម្មប្បធានំ ភាវេតិ…បេ… លោកុត្តរំ ឥទ្ធិបាទំ ភាវេតិ…បេ… លោកុត្តរំ ឥន្ទ្រិយំ ភាវេតិ…បេ… លោកុត្តរំ ពលំ ភាវេតិ…បេ… លោកុត្តរំ ពោជ្ឈង្គំ ភាវេតិ…បេ… លោកុត្តរំ ¶ សច្ចំ ភាវេតិ…បេ… លោកុត្តរំ សមថំ ភាវេតិ…បេ… លោកុត្តរំ ធម្មំ ភាវេតិ…បេ… លោកុត្តរំ ខន្ធំ ភាវេតិ…បេ… លោកុត្តរំ អាយតនំ ភាវេតិ…បេ… លោកុត្តរំ ធាតុំ ភាវេតិ…បេ… លោកុត្តរំ អាហារំ ភាវេតិ…បេ… លោកុត្តរំ ផស្សំ ភាវេតិ…បេ… លោកុត្តរំ វេទនំ ភាវេតិ…បេ… លោកុត្តរំ សញ្ញំ ភាវេតិ…បេ… លោកុត្តរំ ចេតនំ ភាវេតិ…បេ… លោកុត្តរំ ចិត្តំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… ¶ បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ ឆន្ទាធិបតេយ្យំ…បេ… វីរិយាធិបតេយ្យំ…បេ… ចិត្តាធិបតេយ្យំ…បេ… វីមំសាធិបតេយ្យំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

៣៦១. កតមេ ធម្មា កុសលា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ កាមរាគព្យាបាទានំ តនុភាវាយ ទុតិយាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ, តស្មិំ សមយេ ផស្សោ ហោតិ…បេ… អញ្ញិន្ទ្រិយំ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

៣៦២. កតមេ ¶ ¶ ធម្មា កុសលា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ កាមរាគព្យាបាទានំ អនវសេសប្បហានាយ តតិយាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ ¶ , តស្មិំ សមយេ ផស្សោ ហោតិ…បេ… អញ្ញិន្ទ្រិយំ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា.

៣៦៣. កតមេ ធម្មា កុសលា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ រូបរាគអរូបរាគមានឧទ្ធច្ចអវិជ្ជាយ អនវសេសប្បហានាយ ចតុត្ថាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ, តស្មិំ សមយេ ផស្សោ ¶ ហោតិ…បេ… អញ្ញិន្ទ្រិយំ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា…បេ….

៣៦៤. កតមំ តស្មិំ សមយេ អញ្ញិន្ទ្រិយំ ហោតិ? យា តេសំ ធម្មានំ ញាតានំ ទិដ្ឋានំ បត្តានំ វិទិតានំ សច្ឆិកតានំ សច្ឆិកិរិយាយ បញ្ញា បជាននា វិចយោ បវិចយោ ធម្មវិចយោ សល្លក្ខណា ឧបលក្ខណា បច្ចុបលក្ខណា បណ្ឌិច្ចំ កោសល្លំ នេបុញ្ញំ វេភព្យា ចិន្តា ឧបបរិក្ខា ភូរី មេធា បរិណាយិកា វិបស្សនា សម្បជញ្ញំ បតោទោ បញ្ញា បញ្ញិន្ទ្រិយំ បញ្ញាពលំ បញ្ញាសត្ថំ បញ្ញាបាសាទោ បញ្ញាអាលោកោ បញ្ញាឱភាសោ បញ្ញាបជ្ជោតោ ¶ បញ្ញារតនំ អមោហោ ធម្មវិចយោ សម្មាទិដ្ឋិ ធម្មវិចយសម្ពោជ្ឈង្គោ មគ្គង្គំ មគ្គបរិយាបន្នំ, ឥទំ តស្មិំ សមយេ អញ្ញិន្ទ្រិយំ ហោតិ…បេ… អវិក្ខេបោ ហោតិ…បេ… យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា កុសលា.

៣៦៥. កតមេ ¶ ធម្មា អកុសលា? យស្មិំ សមយេ អកុសលំ ចិត្តំ ឧប្បន្នំ ហោតិ សោមនស្សសហគតំ ទិដ្ឋិគតសម្បយុត្តំ រូបារម្មណំ វា សទ្ទារម្មណំ វា គន្ធារម្មណំ វា រសារម្មណំ វា ផោដ្ឋព្ពារម្មណំ វា ធម្មារម្មណំ វា យំ យំ វា បនារព្ភ, តស្មិំ សមយេ ផស្សោ ហោតិ, វេទនា ហោតិ, សញ្ញា ហោតិ, ចេតនា ហោតិ, ចិត្តំ ហោតិ, វិតក្កោ ហោតិ, វិចារោ ហោតិ, បីតិ ហោតិ, សុខំ ហោតិ, ចិត្តស្សេកគ្គតា ហោតិ, វីរិយិន្ទ្រិយំ ហោតិ, សមាធិន្ទ្រិយំ ហោតិ, មនិន្ទ្រិយំ ហោតិ, សោមនស្សិន្ទ្រិយំ ហោតិ, ជីវិតិន្ទ្រិយំ ហោតិ, មិច្ឆាទិដ្ឋិ ហោតិ, មិច្ឆាសង្កប្បោ ហោតិ, មិច្ឆាវាយាមោ ហោតិ, មិច្ឆាសមាធិ ហោតិ, វីរិយពលំ ហោតិ, សមាធិពលំ ¶ ហោតិ, អហិរិកពលំ ហោតិ, អនោត្តប្បពលំ ហោតិ, លោភោ ហោតិ, មោហោ ហោតិ, អភិជ្ឈា ហោតិ, មិច្ឆាទិដ្ឋិ ហោតិ, អហិរិកំ ហោតិ ¶ , អនោត្តប្បំ ហោតិ, សមថោ ហោតិ, បគ្គាហោ ហោតិ, អវិក្ខេបោ ហោតិ ¶ ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អកុសលា.

៣៦៦. កតមោ តស្មិំ សមយេ ផស្សោ ហោតិ? យោ តស្មិំ សមយេ ផស្សោ ផុសនា សំផុសនា សំផុសិតត្តំ – អយំ តស្មិំ សមយេ ផស្សោ ហោតិ.

៣៦៧. កតមា តស្មិំ សមយេ វេទនា ហោតិ? យំ តស្មិំ សមយេ តជ្ជាមនោវិញ្ញាណធាតុសម្ផស្សជំ ចេតសិកំ សាតំ ចេតសិកំ សុខំ ចេតោសម្ផស្សជំ សាតំ សុខំ វេទយិតំ ចេតោសម្ផស្សជា សាតា សុខា វេទនា – អយំ តស្មិំ សមយេ វេទនា ហោតិ.

៣៦៨. កតមា តស្មិំ សមយេ សញ្ញា ហោតិ? យា តស្មិំ សមយេ តជ្ជាមនោវិញ្ញាណធាតុសម្ផស្សជា សញ្ញា សញ្ជាននា សញ្ជានិតត្តំ – អយំ តស្មិំ សមយេ សញ្ញា ហោតិ.

៣៦៩. កតមា តស្មិំ សមយេ ចេតនា ហោតិ? យា តស្មិំ សមយេ តជ្ជាមនោវិញ្ញាណធាតុសម្ផស្សជា ចេតនា សញ្ចេតនា ចេតយិតត្តំ – អយំ តស្មិំ សមយេ ចេតនា ហោតិ.

៣៧០. កតមំ តស្មិំ សមយេ ចិត្តំ ហោតិ? យំ តស្មិំ សមយេ ចិត្តំ មនោ មានសំ ហទយំ ¶ បណ្ឌរំ មនោ មនាយតនំ មនិន្ទ្រិយំ វិញ្ញាណំ វិញ្ញាណក្ខន្ធោ តជ្ជាមនោវិញ្ញាណធាតុ – ឥទំ តស្មិំ សមយេ ចិត្តំ ហោតិ.

៣៧១. កតមោ តស្មិំ សមយេ វិតក្កោ ហោតិ? យោ តស្មិំ សមយេ តក្កោ វិតក្កោ សង្កប្បោ អប្បនា ព្យប្បនា ចេតសោ អភិនិរោបនា មិច្ឆាសង្កប្បោ ¶ – អយំ តស្មិំ សមយេ វិតក្កោ ហោតិ.

៣៧២. កតមោ តស្មិំ សមយេ វិចារោ ហោតិ? យោ តស្មិំ សមយេ ចារោ វិចារោ អនុវិចារោ ឧបវិចារោ ចិត្តស្ស អនុសន្ធានតា ¶ អនុបេក្ខនតា – អយំ តស្មិំ សមយេ វិចារោ ហោតិ.

៣៧៣. កតមា ¶ តស្មិំ សមយេ បីតិ ហោតិ? យា តស្មិំ សមយេ បីតិ បាមោជ្ជំ អាមោទនា បមោទនា ហាសោ បហាសោ វិត្តិ ឱទគ្យំ អត្តមនតា ចិត្តស្ស – អយំ តស្មិំ សមយេ បីតិ ហោតិ.

៣៧៤. កតមំ តស្មិំ សមយេ សុខំ ហោតិ? យំ តស្មិំ សមយេ ចេតសិកំ សាតំ ចេតសិកំ សុខំ ចេតោសម្ផស្សជំ សាតំ សុខំ វេទយិតំ ចេតោសម្ផស្សជា សាតា សុខា វេទនា – ឥទំ តស្មិំ សមយេ សុខំ ហោតិ.

៣៧៥. កតមា តស្មិំ សមយេ ចិត្តស្សេកគ្គតា ហោតិ? យា តស្មិំ សមយេ ចិត្តស្ស ឋិតិ សណ្ឋិតិ អវដ្ឋិតិ អវិសាហារោ អវិក្ខេបោ អវិសាហដមានសតា សមថោ សមាធិន្ទ្រិយំ សមាធិពលំ មិច្ឆាសមាធិ – អយំ តស្មិំ សមយេ ចិត្តស្សេកគ្គតា ហោតិ.

៣៧៦. កតមំ តស្មិំ សមយេ វីរិយិន្ទ្រិយំ ហោតិ? យោ តស្មិំ សមយេ ចេតសិកោ វីរិយារម្ភោ និក្កមោ បរក្កមោ ឧយ្យាមោ វាយាមោ ឧស្សាហោ ឧស្សោឡ្ហី ថាមោ ធិតិ អសិថិលបរក្កមតា អនិក្ខិត្តឆន្ទតា អនិក្ខិត្តធុរតា ធុរសម្បគ្គាហោ វីរិយំ វីរិយិន្ទ្រិយំ វីរិយពលំ មិច្ឆាវាយាមោ – ឥទំ តស្មិំ សមយេ វីរិយិន្ទ្រិយំ ហោតិ.

៣៧៧. កតមំ ¶ តស្មិំ សមយេ សមាធិន្ទ្រិយំ ហោតិ? យា តស្មិំ សមយេ ចិត្តស្ស ¶ ឋិតិ សណ្ឋិតិ អវដ្ឋិតិ អវិសាហារោ អវិក្ខេបោ អវិសាហដមានសតា សមថោ សមាធិន្ទ្រិយំ សមាធិពលំ មិច្ឆាសមាធិ – ឥទំ តស្មិំ សមយេ សមាធិន្ទ្រិយំ ហោតិ?

៣៧៨. កតមំ តស្មិំ សមយេ មនិន្ទ្រិយំ ហោតិ? យំ តស្មិំ សមយេ ចិត្តំ មនោ មានសំ ហទយំ បណ្ឌរំ មនោ មនាយតនំ មនិន្ទ្រិយំ វិញ្ញាណំ វិញ្ញាណក្ខន្ធោ តជ្ជាមនោវិញ្ញាណធាតុ – ឥទំ តស្មិំ សមយេ មនិន្ទ្រិយំ ហោតិ.

៣៧៩. កតមំ តស្មិំ សមយេ សោមនស្សិន្ទ្រិយំ ហោតិ? យំ តស្មិំ សមយេ ចេតសិកំ សាតំ ចេតសិកំ សុខំ ចេតោសម្ផស្សជំ សាតំ សុខំ វេទយិតំ ចេតោសម្ផស្សជា សាតា សុខា វេទនា – ឥទំ តស្មិំ សមយេ សោមនស្សិន្ទ្រិយំ ហោតិ.

៣៨០. កតមំ ¶ តស្មិំ សមយេ ជីវិតិន្ទ្រិយំ ហោតិ? យោ តេសំ អរូបីនំ ធម្មានំ អាយុ ឋិតិ យបនា យាបនា ឥរិយនា ¶ វត្តនា បាលនា ជីវិតំ ជីវិតិន្ទ្រិយំ – ឥទំ តស្មិំ សមយេ ជីវិតិន្ទ្រិយំ ហោតិ.

៣៨១. កតមា តស្មិំ សមយេ មិច្ឆាទិដ្ឋិ ហោតិ? យា តស្មិំ សមយេ ទិដ្ឋិ ទិដ្ឋិគតំ ទិដ្ឋិគហនំ ទិដ្ឋិកន្តារោ ទិដ្ឋិវិសូកាយិកំ ទិដ្ឋិវិប្ផន្ទិតំ ទិដ្ឋិសំយោជនំ គាហោ បតិដ្ឋាហោ [បដិគ្គាហោ (សី. ស្យា.)] អភិនិវេសោ បរាមាសោ កុម្មគ្គោ មិច្ឆាបថោ មិច្ឆត្តំ តិត្ថាយតនំ វិបរិយាសគ្គាហោ [វិបរិយេសគាហោ (ក.)] – អយំ តស្មិំ សមយេ មិច្ឆាទិដ្ឋិ ហោតិ.

៣៨២. កតមោ តស្មិំ សមយេ មិច្ឆាសង្កប្បោ ហោតិ? យោ តស្មិំ សមយេ ¶ តក្កោ វិតក្កោ សង្កប្បោ អប្បនា ព្យប្បនា ចេតសោ អភិនិរោបនា មិច្ឆាសង្កប្បោ – អយំ តស្មិំ សមយេ មិច្ឆាសង្កប្បោ ហោតិ.

៣៨៣. កតមោ តស្មិំ សមយេ មិច្ឆាវាយាមោ ហោតិ? យោ តស្មិំ សមយេ ចេតសិកោ វីរិយារម្ភោ និក្កមោ បរក្កមោ ឧយ្យាមោ វាយាមោ ឧស្សាហោ ឧស្សោឡ្ហី ថាមោ ធិតិ អសិថិលបរក្កមតា ¶ អនិក្ខិត្តឆន្ទតា អនិក្ខិត្តធុរតា ធុរសម្បគ្គាហោ វីរិយំ វីរិយិន្ទ្រិយំ វីរិយពលំ មិច្ឆាវាយាមោ – អយំ តស្មិំ សមយេ មិច្ឆាវាយាមោ ហោតិ.

៣៨៤. កតមោ តស្មិំ សមយេ មិច្ឆាសមាធិ ហោតិ? យា តស្មិំ សមយេ ចិត្តស្ស ឋិតិ សណ្ឋិតិ អវដ្ឋិតិ អវិសាហារោ អវិក្ខេបោ អវិសាហដមានសតា សមថោ សមាធិន្ទ្រិយំ សមាធិពលំ មិច្ឆាសមាធិ – អយំ តស្មិំ សមយេ មិច្ឆាសមាធិ ហោតិ.

៣៨៥. កតមំ តស្មិំ សមយេ វីរិយពលំ ហោតិ? យោ តស្មិំ សមយេ ចេតសិកោ វីរិយារម្ភោ និក្កមោ បរក្កមោ ឧយ្យាមោ វាយាមោ ឧស្សាហោ ឧស្សោឡ្ហី ថាមោ ធិតិ អសិថិលបរក្កមតា អនិក្ខិត្តឆន្ទតា អនិក្ខិត្តធុរតា ធុរសម្បគ្គាហោ វីរិយំ វីរិយិន្ទ្រិយំ វីរិយពលំ មិច្ឆាវាយាមោ – ឥទំ តស្មិំ សមយេ វីរិយពលំ ហោតិ.

៣៨៦. កតមំ ¶ តស្មិំ សមយេ សមាធិពលំ ហោតិ? យា តស្មិំ សមយេ ចិត្តស្ស ឋិតិ សណ្ឋិតិ អវដ្ឋិតិ អវិសាហារោ អវិក្ខេបោ អវិសាហដមានសតា សមថោ សមាធិន្ទ្រិយំ សមាធិពលំ មិច្ឆាសមាធិ – ឥទំ តស្មិំ ¶ សមយេ សមាធិពលំ ហោតិ.

៣៨៧. កតមំ តស្មិំ សមយេ អហិរិកពលំ ហោតិ? យំ តស្មិំ សមយេ ន ហិរីយតិ ហិរិយិតព្ពេន ន ហិរីយតិ បាបកានំ អកុសលានំ ធម្មានំ សមាបត្តិយា – ឥទំ តស្មិំ សមយេ អហិរិកពលំ ហោតិ.

៣៨៨. កតមំ តស្មិំ សមយេ អនោត្តប្បពលំ ហោតិ? យំ តស្មិំ សមយេ ន ឱត្តប្បតិ ឱត្តប្បិតព្ពេន ន ឱត្តប្បតិ បាបកានំ អកុសលានំ ធម្មានំ សមាបត្តិយា – ឥទំ តស្មិំ សមយេ អនោត្តប្បពលំ ហោតិ.

៣៨៩. កតមោ តស្មិំ សមយេ លោភោ ហោតិ? យោ ¶ តស្មិំ សមយេ លោភោ លុព្ភនា លុព្ភិតត្តំ សារាគោ សារជ្ជនា សារជ្ជិតត្តំ អភិជ្ឈា លោភោ អកុសលមូលំ – អយំ តស្មិំ សមយេ លោភោ ហោតិ.

៣៩០. កតមោ ¶ តស្មិំ សមយេ មោហោ ហោតិ? យំ តស្មិំ សមយេ អញ្ញាណំ អទស្សនំ អនភិសមយោ អននុពោធោ អសម្ពោធោ អប្បដិវេធោ អសំគាហនា អបរិយោគាហនា អសមបេក្ខនា អបច្ចវេក្ខនា អបច្ចក្ខកម្មំ ទុម្មេជ្ឈំ ពាល្យំ អសម្បជញ្ញំ មោហោ បមោហោ សម្មោហោ អវិជ្ជា អវិជ្ជោឃោ អវិជ្ជាយោគោ អវិជ្ជានុសយោ អវិជ្ជាបរិយុដ្ឋានំ អវិជ្ជាលង្គី មោហោ អកុសលមូលំ – អយំ តស្មិំ សមយេ មោហោ ហោតិ.

៣៩១. កតមា តស្មិំ សមយេ អភិជ្ឈា ហោតិ? យោ តស្មិំ សមយេ លោភោ លុព្ភនា លុព្ភិតត្តំ សារាគោ សារជ្ជនា សារជ្ជិតត្តំ អភិជ្ឈា លោភោ អកុសលមូលំ – អយំ តស្មិំ សមយេ អភិជ្ឈា ហោតិ.

៣៩២. កតមា តស្មិំ សមយេ មិច្ឆាទិដ្ឋិ ហោតិ? យា តស្មិំ សមយេ ¶ ទិដ្ឋិ ទិដ្ឋិគតំ ទិដ្ឋិគហនំ ទិដ្ឋិកន្តារោ ទិដ្ឋិវិសូកាយិកំ ទិដ្ឋិវិប្ផន្ទិតំ ទិដ្ឋិសំយោជនំ គាហោ បតិដ្ឋាហោ អភិនិវេសោ បរាមាសោ កុម្មគ្គោ មិច្ឆាបថោ ¶ មិច្ឆត្តំ តិត្ថាយតនំ វិបរិយាសគ្គាហោ – អយំ តស្មិំ សមយេ មិច្ឆាទិដ្ឋិ ហោតិ.

៣៩៣. កតមំ តស្មិំ សមយេ អហិរិកំ ហោតិ? យំ តស្មិំ សមយេ ន ហិរីយតិ ហិរិយិតព្ពេន ន ហិរីយតិ បាបកានំ អកុសលានំ ធម្មានំ សមាបត្តិយា – ឥទំ តស្មិំ សមយេ អហិរិកំ ហោតិ.

៣៩៤. កតមំ តស្មិំ សមយេ អនោត្តប្បំ ហោតិ? យំ តស្មិំ សមយេ ន ឱត្តប្បតិ ឱត្តប្បិតព្ពេន ន ឱត្តប្បតិ បាបកានំ អកុសលានំ ធម្មានំ សមាបត្តិយា – ឥទំ តស្មិំ សមយេ អនោត្តប្បំ ហោតិ.

៣៩៥. កតមោ តស្មិំ សមយេ សមថោ ហោតិ? យា តស្មិំ សមយេ ចិត្តស្ស ឋិតិ សណ្ឋិតិ អវដ្ឋិតិ អវិសាហារោ អវិក្ខេបោ អវិសាហដមានសតា សមថោ សមាធិន្ទ្រិយំ សមាធិពលំ មិច្ឆាសមាធិ – អយំ តស្មិំ សមយេ សមថោ ហោតិ.

៣៩៦. កតមោ តស្មិំ សមយេ បគ្គាហោ ហោតិ? យោ តស្មិំ សមយេ ចេតសិកោ វីរិយារម្ភោ ¶ និក្កមោ បរក្កមោ ឧយ្យាមោ វាយាមោ ឧស្សាហោ ឧស្សោឡ្ហី ថាមោ ធិតិ អសិថិលបរក្កមតា អនិក្ខិត្តឆន្ទតា អនិក្ខិត្តធុរតា ធុរសម្បគ្គាហោ វីរិយំ វីរិយិន្ទ្រិយំ វីរិយពលំ មិច្ឆាវាយាមោ – អយំ តស្មិំ សមយេ បគ្គាហោ ហោតិ.

៣៩៧. កតមោ តស្មិំ សមយេ អវិក្ខេបោ ហោតិ? យា តស្មិំ សមយេ ¶ ចិត្តស្ស ឋិតិ សណ្ឋិតិ អវដ្ឋិតិ អវិសាហារោ អវិក្ខេបោ អវិសាហដមានសតា សមថោ សមាធិន្ទ្រិយំ សមាធិពលំ មិច្ឆាសមាធិ – អយំ តស្មិំ សមយេ អវិក្ខេបោ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អកុសលា.

តស្មិំ ខោ បន សមយេ ចត្តារោ ខន្ធា ហោន្តិ, ទ្វាយតនានិ ហោន្តិ, ទ្វេ ធាតុយោ ហោន្តិ, តយោ អាហារា ហោន្តិ, បញ្ចិន្ទ្រិយានិ ហោន្តិ, បញ្ចង្គិកំ ឈានំ ហោតិ, ចតុរង្គិកោ មគ្គោ ហោតិ, ចត្តារិ ពលានិ ហោន្តិ, ទ្វេ ហេតូ ហោន្តិ, ឯកោ ផស្សោ ហោតិ…បេ… ឯកំ ធម្មាយតនំ ¶ ហោតិ, ឯកា ធម្មធាតុ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អកុសលា…បេ….

៣៩៨. កតមោ ¶ តស្មិំ សមយេ សង្ខារក្ខន្ធោ ហោតិ? ផស្សោ ចេតនា វិតក្កោ វិចារោ បីតិ ចិត្តស្សេកគ្គតា វីរិយិន្ទ្រិយំ សមាធិន្ទ្រិយំ ជីវិតិន្ទ្រិយំ មិច្ឆាទិដ្ឋិ មិច្ឆាសង្កប្បោ មិច្ឆាវាយាមោ មិច្ឆាសមាធិ វីរិយពលំ សមាធិពលំ អហិរិកពលំ អនោត្តប្បពលំ លោភោ មោហោ អភិជ្ឈា មិច្ឆាទិដ្ឋិ អហិរិកំ អនោត្តប្បំ សមថោ បគ្គាហោ អវិក្ខេបោ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា ឋបេត្វា វេទនាក្ខន្ធំ ឋបេត្វា សញ្ញាក្ខន្ធំ ឋបេត្វា វិញ្ញាណក្ខន្ធំ – អយំ តស្មិំ សមយេ សង្ខារក្ខន្ធោ ហោតិ…បេ… ឥមេ ¶ ធម្មា អកុសលា.

៣៩៩. កតមេ ធម្មា អកុសលា? យស្មិំ សមយេ អកុសលំ ចិត្តំ ឧប្បន្នំ ហោតិ សោមនស្សសហគតំ ទិដ្ឋិគតសម្បយុត្តំ សសង្ខារេន រូបារម្មណំ វា…បេ… ធម្មារម្មណំ វា យំ យំ វា បនារព្ភ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អកុសលា.

៤០០. កតមេ ¶ ធម្មា អកុសលា? យស្មិំ សមយេ អកុសលំ ចិត្តំ ឧប្បន្នំ ហោតិ សោមនស្សសហគតំ ទិដ្ឋិគតវិប្បយុត្តំ រូបារម្មណំ វា សទ្ទារម្មណំ វា គន្ធារម្មណំ វា រសារម្មណំ វា ផោដ្ឋព្ពារម្មណំ វា ធម្មារម្មណំ វា យំ យំ វា បនារព្ភ, តស្មិំ សមយេ ផស្សោ ហោតិ, វេទនា ហោតិ, សញ្ញា ហោតិ, ចេតនា ហោតិ, ចិត្តំ ហោតិ, វិតក្កោ ហោតិ, វិចារោ ហោតិ, បីតិ ហោតិ, សុខំ ហោតិ, ចិត្តស្សេកគ្គតា ហោតិ, វីរិយិន្ទ្រិយំ ហោតិ, សមាធិន្ទ្រិយំ ហោតិ, មនិន្ទ្រិយំ ហោតិ, សោមនស្សិន្ទ្រិយំ ហោតិ, ជីវិតិន្ទ្រិយំ ហោតិ, មិច្ឆាសង្កប្បោ ហោតិ, មិច្ឆាវាយាមោ ហោតិ, មិច្ឆាសមាធិ ហោតិ, វីរិយពលំ ហោតិ, សមាធិពលំ ហោតិ, អហិរិកពលំ ហោតិ, អនោត្តប្បពលំ ហោតិ, លោភោ ហោតិ, មោហោ ហោតិ, អភិជ្ឈា ហោតិ, អហិរិកំ ហោតិ, អនោត្តប្បំ ហោតិ, សមថោ ហោតិ, បគ្គាហោ ហោតិ, អវិក្ខេបោ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អកុសលា…បេ….

តស្មិំ ខោ បន សមយេ ¶ ចត្តារោ ខន្ធា ហោន្តិ, ទ្វាយតនានិ ហោន្តិ ¶ , ទ្វេ ធាតុយោ ហោន្តិ, តយោ អាហារា ហោន្តិ, បញ្ចិន្ទ្រិយានិ ហោន្តិ, បញ្ចង្គិកំ ឈានំ ហោតិ, តិវង្គិកោ មគ្គោ ហោតិ, ចត្តារិ ពលានិ ហោន្តិ, ទ្វេ ហេតូ ហោន្តិ, ឯកោ ផស្សោ ហោតិ…បេ… ឯកំ ធម្មាយតនំ ¶ ហោតិ, ឯកា ធម្មធាតុ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អកុសលា…បេ….

៤០១. កតមោ តស្មិំ សមយេ សង្ខារក្ខន្ធោ ហោតិ? ផស្សោ ចេតនា វិតក្កោ វិចារោ បីតិ ចិត្តស្សេកគ្គតា វីរិយិន្ទ្រិយំ សមាធិន្ទ្រិយំ ជីវិតិន្ទ្រិយំ មិច្ឆាសង្កប្បោ មិច្ឆាវាយាមោ មិច្ឆាសមាធិ វីរិយពលំ សមាធិពលំ អហិរិកពលំ អនោត្តប្បពលំ លោភោ មោហោ អភិជ្ឈា អហិរិកំ អនោត្តប្បំ សមថោ បគ្គាហោ អវិក្ខេបោ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា ឋបេត្វា វេទនាក្ខន្ធំ ឋបេត្វា សញ្ញាក្ខន្ធំ ឋបេត្វា វិញ្ញាណក្ខន្ធំ – អយំ តស្មិំ សមយេ សង្ខារក្ខន្ធោ ហោតិ…បេ… ឥមេ ធម្មា អកុសលា.

៤០២. កតមេ ¶ ធម្មា អកុសលា? យស្មិំ សមយេ អកុសលំ ចិត្តំ ឧប្បន្នំ ហោតិ សោមនស្សសហគតំ ទិដ្ឋិគតវិប្បយុត្តំ សសង្ខារេន រូបារម្មណំ វា…បេ… ធម្មារម្មណំ វា យំ យំ វា បនារព្ភ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អកុសលា.

៤០៣. កតមេ ធម្មា អកុសលា? យស្មិំ សមយេ អកុសលំ ចិត្តំ ឧប្បន្នំ ¶ ហោតិ ឧបេក្ខាសហគតំ ទិដ្ឋិគតសម្បយុត្តំ រូបារម្មណំ វា សទ្ទារម្មណំ វា គន្ធារម្មណំ វា រសារម្មណំ វា ផោដ្ឋព្ពារម្មណំ វា ធម្មារម្មណំ វា យំ យំ វា បនារព្ភ, តស្មិំ សមយេ ផស្សោ ហោតិ, វេទនា ហោតិ, សញ្ញា ហោតិ, ចេតនា ហោតិ, ចិត្តំ ហោតិ, វិតក្កោ ហោតិ, វិចារោ ហោតិ, ឧបេក្ខា ហោតិ, ចិត្តស្សេកគ្គតា ហោតិ, វីរិយិន្ទ្រិយំ ហោតិ, សមាធិន្ទ្រិយំ ហោតិ, មនិន្ទ្រិយំ ហោតិ, ឧបេក្ខិន្ទ្រិយំ ហោតិ, ជីវិតិន្ទ្រិយំ ហោតិ, មិច្ឆាទិដ្ឋិ ហោតិ, មិច្ឆាសង្កប្បោ ហោតិ, មិច្ឆាវាយាមោ ហោតិ, មិច្ឆាសមាធិ ហោតិ, វីរិយពលំ ហោតិ, សមាធិពលំ ហោតិ, អហិរិកពលំ ហោតិ, អនោត្តប្បពលំ ហោតិ, លោភោ ហោតិ, មោហោ ហោតិ, អភិជ្ឈា ហោតិ, មិច្ឆាទិដ្ឋិ ហោតិ, អហិរិកំ ហោតិ, អនោត្តប្បំ ហោតិ, សមថោ ហោតិ, បគ្គាហោ ហោតិ, អវិក្ខេបោ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អកុសលា.

៤០៤. កតមោ ¶ តស្មិំ សមយេ ផស្សោ ហោតិ? យោ តស្មិំ សមយេ ផស្សោ ផុសនា សំផុសនា សំផុសិតត្តំ – អយំ តស្មិំ សមយេ ផស្សោ ហោតិ.

៤០៥. កតមា តស្មិំ សមយេ វេទនា ហោតិ? យំ តស្មិំ សមយេ តជ្ជាមនោវិញ្ញាណធាតុសម្ផស្សជំ ចេតសិកំ នេវ សាតំ នាសាតំ ចេតោសម្ផស្សជំ អទុក្ខមសុខំ ¶ វេទយិតំ ចេតោសម្ផស្សជា អទុក្ខមសុខា វេទនា – អយំ តស្មិំ សមយេ វេទនា ហោតិ…បេ….

៤០៦. កតមា តស្មិំ សមយេ ឧបេក្ខា ហោតិ? យំ តស្មិំ សមយេ ចេតសិកំ នេវ សាតំ នាសាតំ ចេតោសម្ផស្សជំ អទុក្ខមសុខំ ¶ វេទយិតំ ចេតោសម្ផស្សជា អទុក្ខមសុខា វេទនា – អយំ តស្មិំ សមយេ ឧបេក្ខា ហោតិ…បេ….

៤០៧. កតមំ តស្មិំ សមយេ ឧបេក្ខិន្ទ្រិយំ ហោតិ? យំ តស្មិំ សមយេ ចេតសិកំ នេវ សាតំ នាសាតំ ចេតោសម្ផស្សជំ អទុក្ខមសុខំ វេទយិតំ ចេតោសម្ផស្សជា អទុក្ខមសុខា វេទនា – ឥទំ តស្មិំ សមយេ ឧបេក្ខិន្ទ្រិយំ ហោតិ…បេ… យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អកុសលា.

តស្មិំ ខោ បន សមយេ ចត្តារោ ខន្ធា ហោន្តិ, ទ្វាយតនានិ ហោន្តិ, ទ្វេ ធាតុយោ ហោន្តិ, តយោ ¶ អាហារា ហោន្តិ, បញ្ចិន្ទ្រិយានិ ហោន្តិ, ចតុរង្គិកំ ឈានំ ហោតិ, ចតុរង្គិកោ មគ្គោ ហោតិ, ចត្តារិ ពលានិ ហោន្តិ, ទ្វេ ហេតូ ហោន្តិ, ឯកោ ផស្សោ ហោតិ…បេ… ឯកំ ធម្មាយតនំ ហោតិ, ឯកា ធម្មធាតុ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អកុសលា…បេ….

៤០៨. កតមោ តស្មិំ សមយេ សង្ខារក្ខន្ធោ ហោតិ? ផស្សោ ចេតនា វិតក្កោ វិចារោ ចិត្តស្សេកគ្គតា វីរិយិន្ទ្រិយំ សមាធិន្ទ្រិយំ ជីវិតិន្ទ្រិយំ មិច្ឆាទិដ្ឋិ មិច្ឆាសង្កប្បោ មិច្ឆាវាយាមោ មិច្ឆាសមាធិ វីរិយពលំ សមាធិពលំ អហិរិកពលំ អនោត្តប្បពលំ លោភោ មោហោ អភិជ្ឈា មិច្ឆាទិដ្ឋិ អហិរិកំ អនោត្តប្បំ សមថោ បគ្គាហោ អវិក្ខេបោ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា ឋបេត្វា វេទនាក្ខន្ធំ ឋបេត្វា សញ្ញាក្ខន្ធំ ឋបេត្វា វិញ្ញាណក្ខន្ធំ ¶ – អយំ តស្មិំ សមយេ សង្ខារក្ខន្ធោ ហោតិ…បេ… ឥមេ ធម្មា អកុសលា.

៤០៩. កតមេ ¶ ធម្មា អកុសលា? យស្មិំ សមយេ អកុសលំ ចិត្តំ ឧប្បន្នំ ហោតិ ឧបេក្ខាសហគតំ ទិដ្ឋិគតសម្បយុត្តំ សសង្ខារេន រូបារម្មណំ វា…បេ… ធម្មារម្មណំ វា យំ យំ វា បនារព្ភ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អកុសលា.

៤១០. កតមេ ធម្មា អកុសលា? យស្មិំ សមយេ អកុសលំ ចិត្តំ ឧប្បន្នំ ហោតិ ឧបេក្ខាសហគតំ ទិដ្ឋិគតវិប្បយុត្តំ រូបារម្មណំ វា សទ្ទារម្មណំ វា គន្ធារម្មណំ វា រសារម្មណំ វា ផោដ្ឋព្ពារម្មណំ វា ធម្មារម្មណំ វា យំ យំ វា បនារព្ភ, តស្មិំ សមយេ ផស្សោ ហោតិ, វេទនា ហោតិ, សញ្ញា ហោតិ, ចេតនា ហោតិ, ចិត្តំ ហោតិ, វិតក្កោ ហោតិ, វិចារោ ហោតិ, ឧបេក្ខា ហោតិ, ចិត្តស្សេកគ្គតា ហោតិ, វីរិយិន្ទ្រិយំ ហោតិ, សមាធិន្ទ្រិយំ ហោតិ, មនិន្ទ្រិយំ ហោតិ, ឧបេក្ខិន្ទ្រិយំ ហោតិ ¶ , ជីវិតិន្ទ្រិយំ ហោតិ, មិច្ឆាសង្កប្បោ ហោតិ, មិច្ឆាវាយាមោ ហោតិ, មិច្ឆាសមាធិ ហោតិ, វីរិយពលំ ហោតិ, សមាធិពលំ ហោតិ, អហិរិកពលំ ហោតិ, អនោត្តប្បពលំ ហោតិ, លោភោ ហោតិ, មោហោ ហោតិ, អភិជ្ឈា ហោតិ, អហិរិកំ ហោតិ, អនោត្តប្បំ ហោតិ, សមថោ ហោតិ, បគ្គាហោ ហោតិ, អវិក្ខេបោ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អកុសលា…បេ….

តស្មិំ ¶ ខោ បន សមយេ ចត្តារោ ខន្ធា ហោន្តិ, ទ្វាយតនានិ ហោន្តិ ¶ , ទ្វេ ធាតុយោ ហោន្តិ, តយោ អាហារា ហោន្តិ, បញ្ចិន្ទ្រិយានិ ហោន្តិ, ចតុរង្គិកំ ឈានំ ហោតិ, តិវង្គិកោ មគ្គោ ហោតិ, ចត្តារិ ពលានិ ហោន្តិ, ទ្វេ ហេតូ ហោន្តិ, ឯកោ ផស្សោ ហោតិ…បេ… ឯកំ ធម្មាយតនំ ហោតិ, ឯកា ធម្មធាតុ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អកុសលា…បេ….

៤១១. កតមោ តស្មិំ សមយេ សង្ខារក្ខន្ធោ ហោតិ? ផស្សោ ចេតនា វិតក្កោ វិចារោ ចិត្តស្សេកគ្គតា វីរិយិន្ទ្រិយំ សមាធិន្ទ្រិយំ ជីវិតិន្ទ្រិយំ មិច្ឆាសង្កប្បោ មិច្ឆាវាយាមោ មិច្ឆាសមាធិ វីរិយពលំ សមាធិពលំ អហិរិកពលំ អនោត្តប្បពលំ លោភោ មោហោ អភិជ្ឈា អហិរិកំ អនោត្តប្បំ សមថោ បគ្គាហោ អវិក្ខេបោ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា ឋបេត្វា វេទនាក្ខន្ធំ ¶ ឋបេត្វា សញ្ញាក្ខន្ធំ ឋបេត្វា វិញ្ញាណក្ខន្ធំ – អយំ តស្មិំ សមយេ សង្ខារក្ខន្ធោ ហោតិ…បេ… ឥមេ ធម្មា អកុសលា.

៤១២. កតមេ ធម្មា អកុសលា? យស្មិំ សមយេ អកុសលំ ចិត្តំ ឧប្បន្នំ ហោតិ ឧបេក្ខាសហគតំ ទិដ្ឋិគតវិប្បយុត្តំ សសង្ខារេន រូបារម្មណំ វា…បេ… ធម្មារម្មណំ វា យំ យំ វា បនារព្ភ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អកុសលា.

៤១៣. កតមេ ធម្មា អកុសលា? យស្មិំ សមយេ អកុសលំ ចិត្តំ ឧប្បន្នំ ¶ ហោតិ ទោមនស្សសហគតំ បដិឃសម្បយុត្តំ រូបារម្មណំ វា សទ្ទារម្មណំ វា គន្ធារម្មណំ វា រសារម្មណំ វា ផោដ្ឋព្ពារម្មណំ វា ធម្មារម្មណំ វា យំ យំ វា បនារព្ភ, តស្មិំ សមយេ ផស្សោ ហោតិ, វេទនា ហោតិ, សញ្ញា ហោតិ, ចេតនា ហោតិ, ចិត្តំ ហោតិ, វិតក្កោ ហោតិ, វិចារោ ហោតិ, ទុក្ខំ ហោតិ, ចិត្តស្សេកគ្គតា ហោតិ, វីរិយិន្ទ្រិយំ ហោតិ, សមាធិន្ទ្រិយំ ហោតិ, មនិន្ទ្រិយំ ហោតិ, ទោមនស្សិន្ទ្រិយំ ហោតិ, ជីវិតិន្ទ្រិយំ ហោតិ, មិច្ឆាសង្កប្បោ ហោតិ, មិច្ឆាវាយាមោ ហោតិ, មិច្ឆាសមាធិ ហោតិ, វីរិយពលំ ហោតិ, សមាធិពលំ ហោតិ, អហិរិកពលំ ហោតិ, អនោត្តប្បពលំ ហោតិ, ទោសោ ហោតិ, មោហោ ហោតិ, ព្យាបាទោ ហោតិ, អហិរិកំ ហោតិ, អនោត្តប្បំ ហោតិ, សមថោ ហោតិ, បគ្គាហោ ហោតិ, អវិក្ខេបោ ហោតិ; យេ វា បន តស្មិំ ¶ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អកុសលា.

៤១៤. កតមោ ¶ តស្មិំ សមយេ ផស្សោ ហោតិ? យោ តស្មិំ សមយេ ផស្សោ ផុសនា សំផុសនា សំផុសិតត្តំ – អយំ តស្មិំ សមយេ ផស្សោ ហោតិ.

៤១៥. កតមា តស្មិំ សមយេ វេទនា ហោតិ? យំ តស្មិំ សមយេ តជ្ជាមនោវិញ្ញាណធាតុសម្ផស្សជំ ចេតសិកំ អសាតំ ចេតសិកំ ទុក្ខំ ចេតោសម្ផស្សជំ អសាតំ ទុក្ខំ វេទយិតំ ចេតោសម្ផស្សជា អសាតា ទុក្ខា វេទនា – អយំ តស្មិំ សមយេ វេទនា ហោតិ…បេ….

៤១៦. កតមំ តស្មិំ សមយេ ទុក្ខំ ហោតិ? យំ តស្មិំ សមយេ ចេតសិកំ អសាតំ ចេតសិកំ ទុក្ខំ ចេតោសម្ផស្សជំ អសាតំ ទុក្ខំ វេទយិតំ ¶ ចេតោសម្ផស្សជា អសាតា ទុក្ខា ¶ វេទនា – ឥទំ តស្មិំ សមយេ ទុក្ខំ ហោតិ…បេ….

៤១៧. កតមំ តស្មិំ សមយេ ទោមនស្សិន្ទ្រិយំ ហោតិ? យំ តស្មិំ សមយេ ចេតសិកំ អសាតំ ចេតសិកំ ទុក្ខំ ចេតោសម្ផស្សជំ អសាតំ ទុក្ខំ វេទយិតំ ចេតោសម្ផស្សជា អសាតា ទុក្ខា វេទនា – ឥទំ តស្មិំ សមយេ ទោមនស្សិន្ទ្រិយំ ហោតិ…បេ….

៤១៨. កតមោ តស្មិំ សមយេ ទោសោ ហោតិ? យោ តស្មិំ សមយេ ទោសោ ទុស្សនា ទុស្សិតត្តំ ព្យាបត្តិ ព្យាបជ្ជនា ព្យាបជ្ជិតត្តំ វិរោធោ បដិវិរោធោ ចណ្ឌិក្កំ អសុរោបោ អនត្តមនតា ចិត្តស្ស – អយំ តស្មិំ សមយេ ទោសោ ហោតិ…បេ….

៤១៩. កតមោ តស្មិំ សមយេ ព្យាបាទោ ហោតិ? យោ តស្មិំ សមយេ ទោសោ ទុស្សនា ទុស្សិតត្តំ ព្យាបត្តិ ព្យាបជ្ជនា ព្យាបជ្ជិតត្តំ វិរោធោ បដិវិរោធោ ចណ្ឌិក្កំ អសុរោបោ អនត្តមនតា ចិត្តស្ស – អយំ តស្មិំ សមយេ ព្យាបាទោ ហោតិ…បេ… យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អកុសលា.

តស្មិំ ខោ បន សមយេ ចត្តារោ ខន្ធា ហោន្តិ, ទ្វាយតនានិ ហោន្តិ, ទ្វេ ធាតុយោ ហោន្តិ, តយោ អាហារា ហោន្តិ, បញ្ចិន្ទ្រិយានិ ហោន្តិ, ចតុរង្គិកំ ឈានំ ហោតិ, តិវង្គិកោ មគ្គោ ហោតិ, ចត្តារិ ពលានិ ហោន្តិ, ទ្វេ ហេតូ ហោន្តិ, ឯកោ ផស្សោ ហោតិ…បេ… ឯកំ ធម្មាយតនំ ហោតិ ¶ , ឯកា ធម្មធាតុ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អកុសលា…បេ….

៤២០. កតមោ ¶ តស្មិំ សមយេ សង្ខារក្ខន្ធោ ហោតិ? ផស្សោ ចេតនា វិតក្កោ វិចារោ ចិត្តស្សេកគ្គតា វីរិយិន្ទ្រិយំ សមាធិន្ទ្រិយំ ជីវិតិន្ទ្រិយំ មិច្ឆាសង្កប្បោ មិច្ឆាវាយាមោ ¶ មិច្ឆាសមាធិ វីរិយពលំ សមាធិពលំ អហិរិកពលំ អនោត្តប្បពលំ ទោសោ មោហោ ព្យាបាទោ អហិរិកំ អនោត្តប្បំ សមថោ បគ្គាហោ អវិក្ខេបោ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា ឋបេត្វា វេទនាក្ខន្ធំ ឋបេត្វា សញ្ញាក្ខន្ធំ ឋបេត្វា វិញ្ញាណក្ខន្ធំ – អយំ តស្មិំ សមយេ សង្ខារក្ខន្ធោ ហោតិ…បេ… ឥមេ ធម្មា អកុសលា.

៤២១. កតមេ ¶ ធម្មា អកុសលា? យស្មិំ សមយេ អកុសលំ ចិត្តំ ឧប្បន្នំ ហោតិ ទោមនស្សសហគតំ បដិឃសម្បយុត្តំ សសង្ខារេន រូបារម្មណំ វា…បេ… ធម្មារម្មណំ វា យំ យំ វា បនារព្ភ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អកុសលា.

៤២២. កតមេ ធម្មា អកុសលា? យស្មិំ សមយេ អកុសលំ ចិត្តំ ឧប្បន្នំ ហោតិ ឧបេក្ខាសហគតំ វិចិកិច្ឆាសម្បយុត្តំ រូបារម្មណំ វា សទ្ទារម្មណំ វា គន្ធារម្មណំ វា រសារម្មណំ វា ផោដ្ឋព្ពារម្មណំ វា ធម្មារម្មណំ វា យំ យំ វា បនារព្ភ, តស្មិំ សមយេ ផស្សោ ហោតិ, វេទនា ហោតិ, សញ្ញា ហោតិ, ចេតនា ហោតិ, ចិត្តំ ហោតិ, វិតក្កោ ហោតិ, វិចារោ ហោតិ, ឧបេក្ខា ហោតិ, ចិត្តស្សេកគ្គតា ហោតិ, វីរិយិន្ទ្រិយំ ¶ ហោតិ, មនិន្ទ្រិយំ ហោតិ, ឧបេក្ខិន្ទ្រិយំ ហោតិ, ជីវិតិន្ទ្រិយំ ហោតិ, មិច្ឆាសង្កប្បោ ហោតិ, មិច្ឆាវាយាមោ ហោតិ, វីរិយពលំ ហោតិ, អហិរិកពលំ ហោតិ, អនោត្តប្បពលំ ហោតិ, វិចិកិច្ឆា ហោតិ, មោហោ ហោតិ, អហិរិកំ ហោតិ, អនោត្តប្បំ ហោតិ, បគ្គាហោ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អកុសលា.

៤២៣. កតមោ តស្មិំ សមយេ ផស្សោ ហោតិ? យោ តស្មិំ សមយេ ផស្សោ ផុសនា សំផុសនា សំផុសិតត្តំ – អយំ តស្មិំ សមយេ ផស្សោ ហោតិ…បេ….

៤២៤. កតមា ¶ តស្មិំ សមយេ ចិត្តស្សេកគ្គតា ហោតិ? យា តស្មិំ សមយេ ចិត្តស្ស ឋិតិ – អយំ តស្មិំ សមយេ ចិត្តស្សេកគ្គតា ហោតិ…បេ….

៤២៥. កតមា តស្មិំ សមយេ វិចិកិច្ឆា ហោតិ? យា តស្មិំ សមយេ កង្ខា កង្ខាយនា កង្ខាយិតត្តំ វិមតិ វិចិកិច្ឆា ទ្វេឡ្ហកំ ទ្វេធាបថោ សំសយោ អនេកំសគ្គាហោ អាសប្បនា បរិសប្បនា អបរិយោគាហនា ថម្ភិតត្តំ ចិត្តស្ស មនោវិលេខោ – អយំ តស្មិំ សមយេ វិចិកិច្ឆា ហោតិ…បេ… ¶ យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អកុសលា.

តស្មិំ ខោ បន សមយេ ចត្តារោ ខន្ធា ហោន្តិ, ទ្វាយតនានិ ហោន្តិ, ទ្វេ ធាតុយោ ហោន្តិ, តយោ អាហារា ហោន្តិ, ចត្តារិ ឥន្ទ្រិយានិ ហោន្តិ ¶ , ចតុរង្គិកំ ឈានំ ហោតិ, ទុវង្គិកោ មគ្គោ ហោតិ, តីណិ ពលានិ ហោន្តិ, ឯកោ ហេតុ ហោតិ, ឯកោ ផស្សោ ហោតិ…បេ… ឯកំ ធម្មាយតនំ ហោតិ ¶ , ឯកា ធម្មធាតុ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អកុសលា…បេ….

៤២៦. កតមោ តស្មិំ សមយេ សង្ខារក្ខន្ធោ ហោតិ? ផស្សោ ចេតនា វិតក្កោ វិចារោ ចិត្តស្សេកគ្គតា វីរិយិន្ទ្រិយំ ជីវិតិន្ទ្រិយំ មិច្ឆាសង្កប្បោ មិច្ឆាវាយាមោ វីរិយពលំ អហិរិកពលំ អនោត្តប្បពលំ វិចិកិច្ឆា មោហោ អហិរិកំ អនោត្តប្បំ បគ្គាហោ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា ឋបេត្វា វេទនាក្ខន្ធំ ឋបេត្វា សញ្ញាក្ខន្ធំ ឋបេត្វា វិញ្ញាណក្ខន្ធំ – អយំ តស្មិំ សមយេ សង្ខារក្ខន្ធោ ហោតិ…បេ… ឥមេ ធម្មា អកុសលា.

៤២៧. កតមេ ធម្មា អកុសលា? យស្មិំ សមយេ អកុសលំ ចិត្តំ ឧប្បន្នំ ហោតិ ឧបេក្ខាសហគតំ ឧទ្ធច្ចសម្បយុត្តំ រូបារម្មណំ វា…បេ… យំ យំ វា បនារព្ភ, តស្មិំ សមយេ ផស្សោ ហោតិ, វេទនា ហោតិ, សញ្ញា ហោតិ, ចេតនា ហោតិ, ចិត្តំ ហោតិ, វិតក្កោ ហោតិ, វិចារោ ហោតិ, ឧបេក្ខា ហោតិ, ចិត្តស្សេកគ្គតា ហោតិ, វីរិយិន្ទ្រិយំ ហោតិ, សមាធិន្ទ្រិយំ ហោតិ, មនិន្ទ្រិយំ ហោតិ, ឧបេក្ខិន្ទ្រិយំ ហោតិ, ជីវិតិន្ទ្រិយំ ហោតិ, មិច្ឆាសង្កប្បោ ហោតិ, មិច្ឆាវាយាមោ ហោតិ, មិច្ឆាសមាធិ ហោតិ, វីរិយពលំ ហោតិ, សមាធិពលំ ហោតិ, អហិរិកពលំ ហោតិ ¶ , អនោត្តប្បពលំ ហោតិ, ឧទ្ធច្ចំ ហោតិ, មោហោ ហោតិ, អហិរិកំ ហោតិ, អនោត្តប្បំ ហោតិ, សមថោ ហោតិ, បគ្គាហោ ហោតិ, អវិក្ខេបោ ហោតិ; យេ ¶ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អកុសលា.

៤២៨. កតមោ តស្មិំ សមយេ ផស្សោ ហោតិ? យោ តស្មិំ សមយេ ផស្សោ ផុសនា សំផុសនា សំផុសិតត្តំ – អយំ តស្មិំ សមយេ ផស្សោ ហោតិ…បេ….

៤២៩. កតមំ តស្មិំ សមយេ ឧទ្ធច្ចំ ហោតិ? យំ តស្មិំ សមយេ ចិត្តស្ស ឧទ្ធច្ចំ អវូបសមោ ចេតសោ វិក្ខេបោ ភន្តត្តំ ចិត្តស្ស – ឥទំ តស្មិំ សមយេ ¶ ឧទ្ធច្ចំ ហោតិ ¶ …បេ… យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អកុសលា.

តស្មិំ ខោ បន សមយេ ចត្តារោ ខន្ធា ហោន្តិ, ទ្វាយតនានិ ហោន្តិ, ទ្វេ ធាតុយោ ហោន្តិ, តយោ អាហារា ហោន្តិ, បញ្ចិន្ទ្រិយានិ ហោន្តិ, ចតុរង្គិកំ ឈានំ ហោតិ, តិវង្គិកោ មគ្គោ ហោតិ, ចត្តារិ ពលានិ ហោន្តិ, ឯកោ ហេតុ ហោតិ, ឯកោ ផស្សោ ហោតិ…បេ… ឯកំ ធម្មាយតនំ ហោតិ, ឯកា ធម្មធាតុ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អកុសលា…បេ….

៤៣០. កតមោ តស្មិំ សមយេ សង្ខារក្ខន្ធោ ហោតិ? ផស្សោ ចេតនា វិតក្កោ វិចារោ ចិត្តស្សេកគ្គតា វីរិយិន្ទ្រិយំ សមាធិន្ទ្រិយំ ជីវិតិន្ទ្រិយំ មិច្ឆាសង្កប្បោ មិច្ឆាវាយាមោ មិច្ឆាសមាធិ វីរិយពលំ សមាធិពលំ អហិរិកពលំ អនោត្តប្បពលំ ឧទ្ធច្ចំ មោហោ អហិរិកំ អនោត្តប្បំ សមថោ ¶ បគ្គាហោ អវិក្ខេបោ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា ឋបេត្វា វេទនាក្ខន្ធំ ឋបេត្វា សញ្ញាក្ខន្ធំ ឋបេត្វា វិញ្ញាណក្ខន្ធំ – អយំ តស្មិំ សមយេ សង្ខារក្ខន្ធោ ហោតិ…បេ… ឥមេ ធម្មា អកុសលា.

៤៣១. កតមេ ¶ ធម្មា អព្យាកតា? យស្មិំ សមយេ កាមាវចរស្ស កុសលស្ស កម្មស្ស កតត្តា ឧបចិតត្តា វិបាកំ ចក្ខុវិញ្ញាណំ ឧប្បន្នំ ហោតិ ឧបេក្ខាសហគតំ រូបារម្មណំ, តស្មិំ សមយេ ផស្សោ ហោតិ, វេទនា ហោតិ, សញ្ញា ហោតិ, ចេតនា ហោតិ, ចិត្តំ ហោតិ, ឧបេក្ខា ហោតិ, ចិត្តស្សេកគ្គតា ហោតិ, មនិន្ទ្រិយំ ហោតិ, ឧបេក្ខិន្ទ្រិយំ ហោតិ, ជីវិតិន្ទ្រិយំ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អព្យាកតា.

៤៣២. កតមោ ¶ តស្មិំ សមយេ ផស្សោ ហោតិ? យោ តស្មិំ សមយេ ផស្សោ ផុសនា សំផុសនា សំផុសិតត្តំ – អយំ តស្មិំ សមយេ ផស្សោ ហោតិ.

៤៣៣. កតមា តស្មិំ សមយេ វេទនា ហោតិ? យំ តស្មិំ សមយេ តជ្ជាចក្ខុវិញ្ញាណធាតុសម្ផស្សជំ ចេតសិកំ នេវ សាតំ នាសាតំ ចេតោសម្ផស្សជំ អទុក្ខមសុខំ វេទយិតំ ចេតោសម្ផស្សជា អទុក្ខមសុខា វេទនា – អយំ តស្មិំ សមយេ វេទនា ហោតិ.

៤៣៤. កតមា ¶ ¶ តស្មិំ សមយេ សញ្ញា ហោតិ? យា តស្មិំ សមយេ តជ្ជាចក្ខុវិញ្ញាណធាតុសម្ផស្សជា សញ្ញា សញ្ជាននា សញ្ជានិតត្តំ – អយំ តស្មិំ សមយេ សញ្ញា ហោតិ.

៤៣៥. កតមា តស្មិំ សមយេ ចេតនា ហោតិ? យា តស្មិំ សមយេ តជ្ជាចក្ខុវិញ្ញាណធាតុសម្ផស្សជា ចេតនា សញ្ចេតនា ចេតយិតត្តំ – អយំ តស្មិំ សមយេ ចេតនា ហោតិ.

៤៣៦. កតមំ តស្មិំ សមយេ ចិត្តំ ហោតិ? យំ តស្មិំ សមយេ ចិត្តំ មនោ មានសំ ហទយំ បណ្ឌរំ មនោ មនាយតនំ មនិន្ទ្រិយំ វិញ្ញាណំ វិញ្ញាណក្ខន្ធោ តជ្ជាចក្ខុវិញ្ញាណធាតុ – ឥទំ តស្មិំ សមយេ ចិត្តំ ហោតិ.

៤៣៧. កតមា ¶ តស្មិំ សមយេ ឧបេក្ខា ហោតិ? យំ តស្មិំ សមយេ ចេតសិកំ នេវ សាតំ នាសាតំ ចេតោសម្ផស្សជំ អទុក្ខមសុខំ វេទយិតំ ចេតោសម្ផស្សជា អទុក្ខមសុខា វេទនា – អយំ តស្មិំ សមយេ ឧបេក្ខា ហោតិ.

៤៣៨. កតមា តស្មិំ សមយេ ចិត្តស្សេកគ្គតា ហោតិ? យា តស្មិំ សមយេ ចិត្តស្ស ឋិតិ – អយំ តស្មិំ សមយេ ចិត្តស្សេកគ្គតា ហោតិ.

៤៣៩. កតមំ តស្មិំ សមយេ មនិន្ទ្រិយំ ហោតិ? យំ តស្មិំ សមយេ ចិត្តំ មនោ មានសំ ហទយំ បណ្ឌរំ មនោ មនាយតនំ មនិន្ទ្រិយំ វិញ្ញាណំ វិញ្ញាណក្ខន្ធោ តជ្ជាចក្ខុវិញ្ញាណធាតុ – ឥទំ តស្មិំ សមយេ មនិន្ទ្រិយំ ហោតិ.

៤៤០. កតមំ ¶ តស្មិំ សមយេ ឧបេក្ខិន្ទ្រិយំ ហោតិ? យំ តស្មិំ សមយេ ¶ ចេតសិកំ នេវ សាតំ នាសាតំ ចេតោសម្ផស្សជំ អទុក្ខមសុខំ វេទយិតំ ចេតោសម្ផស្សជា អទុក្ខមសុខា វេទនា – ឥទំ តស្មិំ សមយេ ឧបេក្ខិន្ទ្រិយំ ហោតិ.

៤៤១. កតមំ តស្មិំ សមយេ ជីវិតិន្ទ្រិយំ ហោតិ? យោ តេសំ អរូបីនំ ធម្មានំ អាយុ ឋិតិ យបនា យាបនា ឥរិយនា វត្តនា បាលនា ជីវិតំ ជីវិតិន្ទ្រិយំ – ឥទំ តស្មិំ សមយេ ជីវិតិន្ទ្រិយំ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អព្យាកតា.

តស្មិំ ខោ បន សមយេ ចត្តារោ ខន្ធា ហោន្តិ, ទ្វាយតនានិ ហោន្តិ, ទ្វេ ធាតុយោ ហោន្តិ, តយោ អាហារា ហោន្តិ, តីណិន្ទ្រិយានិ ហោន្តិ, ឯកោ ផស្សោ ហោតិ…បេ… ឯកា ចក្ខុវិញ្ញាណធាតុ ហោតិ, ឯកំ ធម្មាយតនំ ហោតិ, ឯកា ¶ ធម្មធាតុ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អព្យាកតា…បេ….

៤៤២. កតមោ តស្មិំ សមយេ សង្ខារក្ខន្ធោ ហោតិ? ផស្សោ ចេតនា ចិត្តស្សេកគ្គតា ជីវិតិន្ទ្រិយំ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា ឋបេត្វា ¶ វេទនាក្ខន្ធំ ឋបេត្វា សញ្ញាក្ខន្ធំ ឋបេត្វា វិញ្ញាណក្ខន្ធំ – អយំ តស្មិំ សមយេ សង្ខារក្ខន្ធោ ហោតិ…បេ… ឥមេ ធម្មា អព្យាកតា.

៤៤៣. កតមេ ធម្មា អព្យាកតា? យស្មិំ សមយេ កាមាវចរស្ស កុសលស្ស ¶ កម្មស្ស កតត្តា ឧបចិតត្តា វិបាកំ សោតវិញ្ញាណំ ឧប្បន្នំ ហោតិ ឧបេក្ខាសហគតំ សទ្ទារម្មណំ…បេ… ឃានវិញ្ញាណំ ឧប្បន្នំ ហោតិ ឧបេក្ខាសហគតំ គន្ធារម្មណំ…បេ… ជិវ្ហាវិញ្ញាណំ ឧប្បន្នំ ហោតិ ឧបេក្ខាសហគតំ រសារម្មណំ…បេ… កាយវិញ្ញាណំ ឧប្បន្នំ ហោតិ សុខសហគតំ ផោដ្ឋព្ពារម្មណំ, តស្មិំ សមយេ ផស្សោ ហោតិ, វេទនា ហោតិ, សញ្ញា ហោតិ, ចេតនា ហោតិ, ចិត្តំ ហោតិ, សុខំ ហោតិ, ចិត្តស្សេកគ្គតា ហោតិ, មនិន្ទ្រិយំ ហោតិ, សុខិន្ទ្រិយំ ហោតិ, ជីវិតិន្ទ្រិយំ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អព្យាកតា.

៤៤៤. កតមោ ¶ តស្មិំ សមយេ ផស្សោ ហោតិ? យោ តស្មិំ សមយេ ផស្សោ ផុសនា សំផុសនា សំផុសិតត្តំ – អយំ តស្មិំ សមយេ ផស្សោ ហោតិ.

៤៤៥. កតមា តស្មិំ សមយេ វេទនា ហោតិ? យំ តស្មិំ សមយេ តជ្ជាកាយវិញ្ញាណធាតុសម្ផស្សជំ កាយិកំ សាតំ កាយិកំ សុខំ កាយសម្ផស្សជំ សាតំ សុខំ វេទយិតំ កាយសម្ផស្សជា សាតា សុខា វេទនា – អយំ តស្មិំ សមយេ វេទនា ហោតិ.

៤៤៦. កតមា តស្មិំ សមយេ សញ្ញា ហោតិ? យា តស្មិំ សមយេ តជ្ជាកាយវិញ្ញាណធាតុសម្ផស្សជា សញ្ញា សញ្ជាននា សញ្ជានិតត្តំ – អយំ តស្មិំ សមយេ សញ្ញា ហោតិ.

៤៤៧. កតមា តស្មិំ សមយេ ចេតនា ហោតិ? យា តស្មិំ សមយេ តជ្ជាកាយវិញ្ញាណធាតុសម្ផស្សជា ចេតនា សញ្ចេតនា ចេតយិតត្តំ – អយំ ¶ តស្មិំ សមយេ ចេតនា ហោតិ.

៤៤៨. កតមំ ¶ តស្មិំ សមយេ ចិត្តំ ហោតិ? យំ តស្មិំ សមយេ ចិត្តំ មនោ មានសំ ហទយំ បណ្ឌរំ មនោ មនាយតនំ មនិន្ទ្រិយំ វិញ្ញាណំ វិញ្ញាណក្ខន្ធោ តជ្ជាកាយវិញ្ញាណធាតុ – ឥទំ តស្មិំ សមយេ ចិត្តំ ហោតិ.

៤៤៩. កតមំ ¶ តស្មិំ សមយេ សុខំ ហោតិ? យំ តស្មិំ សមយេ កាយិកំ សាតំ កាយិកំ សុខំ កាយសម្ផស្សជំ សាតំ សុខំ វេទយិតំ កាយសម្ផស្សជា សាតា សុខា វេទនា – ឥទំ តស្មិំ សមយេ សុខំ ហោតិ.

៤៥០. កតមា តស្មិំ សមយេ ចិត្តស្សេកគ្គតា ហោតិ? យា តស្មិំ សមយេ ចិត្តស្ស ឋិតិ – អយំ តស្មិំ សមយេ ចិត្តស្សេកគ្គតា ហោតិ.

៤៥១. កតមំ តស្មិំ សមយេ មនិន្ទ្រិយំ ហោតិ? យំ តស្មិំ សមយេ ចិត្តំ មនោ មានសំ ហទយំ បណ្ឌរំ មនោ មនាយតនំ មនិន្ទ្រិយំ វិញ្ញាណំ វិញ្ញាណក្ខន្ធោ តជ្ជាកាយវិញ្ញាណធាតុ – ឥទំ តស្មិំ សមយេ មនិន្ទ្រិយំ ហោតិ.

៤៥២. កតមំ ¶ តស្មិំ សមយេ សុខិន្ទ្រិយំ ហោតិ? យំ តស្មិំ សមយេ កាយិកំ សាតំ កាយិកំ សុខំ កាយសម្ផស្សជំ សាតំ សុខំ វេទយិតំ កាយសម្ផស្សជា សាតា សុខា វេទនា – ឥទំ តស្មិំ សមយេ សុខិន្ទ្រិយំ ហោតិ.

៤៥៣. កតមំ តស្មិំ សមយេ ជីវិតិន្ទ្រិយំ ហោតិ? យោ តេសំ អរូបីនំ ធម្មានំ អាយុ ឋិតិ យបនា យាបនា ឥរិយនា វត្តនា បាលនា ជីវិតំ ជីវិតិន្ទ្រិយំ – ឥទំ តស្មិំ សមយេ ជីវិតិន្ទ្រិយំ ហោតិ; យេ ¶ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អព្យាកតា.

តស្មិំ ខោ បន សមយេ ចត្តារោ ខន្ធា ហោន្តិ, ទ្វាយតនានិ ហោន្តិ, ទ្វេ ធាតុយោ ហោន្តិ, តយោ អាហារា ហោន្តិ, តីណិន្ទ្រិយានិ ហោន្តិ, ឯកោ ផស្សោ ហោតិ…បេ… ឯកា កាយវិញ្ញាណធាតុ ហោតិ, ឯកំ ធម្មាយតនំ ហោតិ, ឯកា ធម្មធាតុ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អព្យាកតា…បេ….

៤៥៤. កតមោ តស្មិំ សមយេ សង្ខារក្ខន្ធោ ហោតិ? ផស្សោ ចេតនា ចិត្តស្សេកគ្គតា ជីវិតិន្ទ្រិយំ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា ឋបេត្វា ¶ វេទនាក្ខន្ធំ ឋបេត្វា សញ្ញាក្ខន្ធំ ឋបេត្វា វិញ្ញាណក្ខន្ធំ – អយំ តស្មិំ សមយេ សង្ខារក្ខន្ធោ ហោតិ…បេ… ឥមេ ធម្មា អព្យាកតា.

កុសលវិបាកានិ បញ្ចវិញ្ញាណានិ.

៤៥៥. កតមេ ¶ ធម្មា អព្យាកតា? យស្មិំ សមយេ កាមាវចរស្ស កុសលស្ស កម្មស្ស កតត្តា ឧបចិតត្តា វិបាកា មនោធាតុ ឧប្បន្នា ហោតិ ឧបេក្ខាសហគតា រូបារម្មណា វា…បេ… ផោដ្ឋព្ពារម្មណា វា យំ យំ វា បនារព្ភ, តស្មិំ សមយេ ផស្សោ ហោតិ, វេទនា ហោតិ, សញ្ញា ហោតិ, ចេតនា ហោតិ, ចិត្តំ ហោតិ, វិតក្កោ ហោតិ, វិចារោ ហោតិ ¶ , ឧបេក្ខា ហោតិ, ចិត្តស្សេកគ្គតា ហោតិ, មនិន្ទ្រិយំ ហោតិ ¶ , ឧបេក្ខិន្ទ្រិយំ ហោតិ, ជីវិតិន្ទ្រិយំ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អព្យាកតា.

៤៥៦. កតមោ តស្មិំ សមយេ ផស្សោ ហោតិ? យោ តស្មិំ សមយេ ផស្សោ ផុសនា សំផុសនា សំផុសិតត្តំ – អយំ តស្មិំ សមយេ ផស្សោ ហោតិ.

៤៥៧. កតមា តស្មិំ សមយេ វេទនា ហោតិ? យំ តស្មិំ សមយេ តជ្ជាមនោធាតុសម្ផស្សជំ ចេតសិកំ នេវ សាតំ នាសាតំ ចេតោសម្ផស្សជំ អទុក្ខមសុខំ វេទយិតំ ចេតោសម្ផស្សជា អទុក្ខមសុខា វេទនា – អយំ តស្មិំ សមយេ វេទនា ហោតិ.

៤៥៨. កតមា តស្មិំ សមយេ សញ្ញា ហោតិ? យា តស្មិំ សមយេ តជ្ជាមនោធាតុសម្ផស្សជា សញ្ញា សញ្ជាននា សញ្ជានិតត្តំ – អយំ តស្មិំ សមយេ សញ្ញា ហោតិ.

៤៥៩. កតមា ¶ តស្មិំ សមយេ ចេតនា ហោតិ? យា តស្មិំ សមយេ តជ្ជាមនោធាតុសម្ផស្សជា ចេតនា សញ្ចេតនា ចេតយិតត្តំ – អយំ តស្មិំ សមយេ ចេតនា ហោតិ.

៤៦០. កតមំ តស្មិំ សមយេ ចិត្តំ ហោតិ? យំ តស្មិំ សមយេ ចិត្តំ មនោ មានសំ ហទយំ បណ្ឌរំ មនោ មនាយតនំ មនិន្ទ្រិយំ វិញ្ញាណំ វិញ្ញាណក្ខន្ធោ តជ្ជាមនោធាតុ – ឥទំ តស្មិំ សមយេ ចិត្តំ ហោតិ.

៤៦១. កតមោ តស្មិំ សមយេ វិតក្កោ ហោតិ? យោ តស្មិំ សមយេ តក្កោ វិតក្កោ សង្កប្បោ អប្បនា ព្យប្បនា ចេតសោ អភិនិរោបនា – អយំ ¶ តស្មិំ សមយេ វិតក្កោ ហោតិ.

៤៦២. កតមោ តស្មិំ សមយេ វិចារោ ហោតិ? យោ តស្មិំ សមយេ ចារោ វិចារោ អនុវិចារោ ឧបវិចារោ ចិត្តស្ស អនុសន្ធានតា អនុបេក្ខនតា – អយំ តស្មិំ សមយេ វិចារោ ហោតិ.

៤៦៣. កតមា ¶ តស្មិំ សមយេ ឧបេក្ខា ហោតិ? យំ ¶ តស្មិំ សមយេ ចេតសិកំ នេវ សាតំ នាសាតំ ចេតោសម្ផស្សជំ អទុក្ខមសុខំ វេទយិតំ ចេតោសម្ផស្សជា អទុក្ខមសុខា វេទនា – អយំ តស្មិំ សមយេ ឧបេក្ខា ហោតិ.

៤៦៤. កតមា តស្មិំ សមយេ ចិត្តស្សេកគ្គតា ហោតិ? យា តស្មិំ សមយេ ចិត្តស្ស ឋិតិ – អយំ តស្មិំ សមយេ ចិត្តស្សេកគ្គតា ហោតិ.

៤៦៥. កតមំ តស្មិំ សមយេ មនិន្ទ្រិយំ ហោតិ? យំ តស្មិំ សមយេ ចិត្តំ មនោ មានសំ ហទយំ បណ្ឌរំ មនោ មនាយតនំ មនិន្ទ្រិយំ វិញ្ញាណំ វិញ្ញាណក្ខន្ធោ តជ្ជាមនោធាតុ – ឥទំ តស្មិំ សមយេ មនិន្ទ្រិយំ ហោតិ.

៤៦៦. កតមំ តស្មិំ សមយេ ឧបេក្ខិន្ទ្រិយំ ហោតិ? យំ តស្មិំ សមយេ ចេតសិកំ នេវ សាតំ នាសាតំ ចេតោសម្ផស្សជំ អទុក្ខមសុខំ វេទយិតំ ចេតោសម្ផស្សជា អទុក្ខមសុខា វេទនា – ឥទំ តស្មិំ សមយេ ឧបេក្ខិន្ទ្រិយំ ហោតិ.

៤៦៧. កតមំ ¶ តស្មិំ សមយេ ជីវិតិន្ទ្រិយំ ហោតិ? យោ តេសំ អរូបីនំ ធម្មានំ អាយុ ឋិតិ យបនា យាបនា ឥរិយនា វត្តនា បាលនា ជីវិតំ ជីវិតិន្ទ្រិយំ – ឥទំ តស្មិំ សមយេ ជីវិតិន្ទ្រិយំ ហោតិ; យេ ¶ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អព្យាកតា.

តស្មិំ ខោ បន សមយេ ចត្តារោ ខន្ធា ហោន្តិ, ទ្វាយតនានិ ហោន្តិ, ទ្វេ ធាតុយោ ហោន្តិ, តយោ អាហារា ហោន្តិ, តីណិន្ទ្រិយានិ ហោន្តិ, ឯកោ ផស្សោ ហោតិ…បេ… ឯកា មនោធាតុ ហោតិ, ឯកំ ធម្មាយតនំ ហោតិ, ឯកា ធម្មធាតុ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អព្យាកតា…បេ….

៤៦៨. កតមោ តស្មិំ សមយេ សង្ខារក្ខន្ធោ ហោតិ? ផស្សោ ចេតនា វិតក្កោ វិចារោ ចិត្តស្សេកគ្គតា ជីវិតិន្ទ្រិយំ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា ឋបេត្វា វេទនាក្ខន្ធំ ¶ ឋបេត្វា សញ្ញាក្ខន្ធំ ឋបេត្វា វិញ្ញាណក្ខន្ធំ – អយំ តស្មិំ សមយេ សង្ខារក្ខន្ធោ ហោតិ…បេ… ឥមេ ធម្មា អព្យាកតា.

កុសលវិបាកមនោវិញ្ញាណធាតុសោមនស្សសហគតា

៤៦៩. កតមេ ធម្មា អព្យាកតា? យស្មិំ សមយេ កាមាវចរស្ស កុសលស្ស កម្មស្ស កតត្តា ឧបចិតត្តា វិបាកា មនោវិញ្ញាណធាតុ ឧប្បន្នា ហោតិ សោមនស្សសហគតា រូបារម្មណា វា…បេ… ធម្មារម្មណា ¶ វា យំ យំ វា បនារព្ភ, តស្មិំ សមយេ ផស្សោ ហោតិ, វេទនា ហោតិ, សញ្ញា ហោតិ, ចេតនា ហោតិ, ចិត្តំ ហោតិ, វិតក្កោ ហោតិ, វិចារោ ហោតិ, បីតិ ហោតិ, សុខំ ហោតិ, ចិត្តស្សេកគ្គតា ហោតិ, មនិន្ទ្រិយំ ¶ ហោតិ, សោមនស្សិន្ទ្រិយំ ហោតិ, ជីវិតិន្ទ្រិយំ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អព្យាកតា.

៤៧០. កតមោ ¶ តស្មិំ សមយេ ផស្សោ ហោតិ? យោ តស្មិំ សមយេ ផស្សោ ផុសនា សំផុសនា សំផុសិតត្តំ – អយំ តស្មិំ សមយេ ផស្សោ ហោតិ.

៤៧១. កតមា តស្មិំ សមយេ វេទនា ហោតិ? យំ តស្មិំ សមយេ តជ្ជាមនោវិញ្ញាណធាតុសម្ផស្សជំ ចេតសិកំ សាតំ ចេតសិកំ សុខំ ចេតោសម្ផស្សជំ សាតំ សុខំ វេទយិតំ ចេតោសម្ផស្សជា សាតា សុខា វេទនា – អយំ តស្មិំ សមយេ វេទនា ហោតិ.

៤៧២. កតមា តស្មិំ សមយេ សញ្ញា ហោតិ? យា តស្មិំ សមយេ តជ្ជាមនោវិញ្ញាណធាតុសម្ផស្សជា សញ្ញា សញ្ជាននា សញ្ជានិតត្តំ – អយំ តស្មិំ សមយេ សញ្ញា ហោតិ.

៤៧៣. កតមា តស្មិំ សមយេ ចេតនា ហោតិ. យា តស្មិំ សមយេ តជ្ជាមនោវិញ្ញាណធាតុសម្ផស្សជា ចេតនា សញ្ចេតនា ចេតយិតត្តំ – អយំ តស្មិំ សមយេ ចេតនា ហោតិ.

៤៧៤. កតមំ ¶ តស្មិំ សមយេ ចិត្តំ ហោតិ? យំ តស្មិំ សមយេ ចិត្តំ មនោ មានសំ ហទយំ បណ្ឌរំ មនោ មនាយតនំ មនិន្ទ្រិយំ វិញ្ញាណំ វិញ្ញាណក្ខន្ធោ តជ្ជាមនោវិញ្ញាណធាតុ – ឥទំ តស្មិំ សមយេ ចិត្តំ ហោតិ.

៤៧៥. កតមោ តស្មិំ សមយេ វិតក្កោ ហោតិ? យោ តស្មិំ សមយេ តក្កោ ¶ វិតក្កោ សង្កប្បោ អប្បនា ព្យប្បនា ចេតសោ អភិនិរោបនា – អយំ តស្មិំ សមយេ វិតក្កោ ហោតិ.

៤៧៦. កតមោ តស្មិំ សមយេ វិចារោ ហោតិ? យោ តស្មិំ សមយេ ចារោ វិចារោ អនុវិចារោ ឧបវិចារោ ចិត្តស្ស អនុសន្ធានតា អនុបេក្ខនតា – អយំ តស្មិំ សមយេ វិចារោ ហោតិ.

៤៧៧. កតមា តស្មិំ សមយេ បីតិ ហោតិ? យា តស្មិំ សមយេ បីតិ បាមោជ្ជំ អាមោទនា បមោទនា ហាសោ បហាសោ វិត្តិ ឱទគ្យំ អត្តមនតា ចិត្តស្ស – អយំ តស្មិំ សមយេ បីតិ ហោតិ.

៤៧៨. កតមំ ¶ ¶ តស្មិំ សមយេ សុខំ ហោតិ? យំ តស្មិំ សមយេ ចេតសិកំ សាតំ ចេតសិកំ សុខំ ចេតោសម្ផស្សជំ សាតំ សុខំ វេទយិតំ ចេតោសម្ផស្សជា សាតា សុខា វេទនា – ឥទំ តស្មិំ សមយេ សុខំ ហោតិ.

៤៧៩. កតមា តស្មិំ សមយេ ចិត្តស្សេកគ្គតា ហោតិ? យា តស្មិំ សមយេ ចិត្តស្ស ឋិតិ – អយំ តស្មិំ សមយេ ចិត្តស្សេកគ្គតា ហោតិ.

៤៨០. កតមំ តស្មិំ សមយេ មនិន្ទ្រិយំ ហោតិ? យំ តស្មិំ សមយេ ចិត្តំ មនោ មានសំ ហទយំ បណ្ឌរំ មនោ មនាយតនំ មនិន្ទ្រិយំ វិញ្ញាណំ វិញ្ញាណក្ខន្ធោ តជ្ជាមនោវិញ្ញាណធាតុ – ឥទំ តស្មិំ សមយេ មនិន្ទ្រិយំ ហោតិ.

៤៨១. កតមំ តស្មិំ សមយេ សោមនស្សិន្ទ្រិយំ ហោតិ? យំ តស្មិំ សមយេ ចេតសិកំ សាតំ ចេតសិកំ សុខំ ចេតោសម្ផស្សជំ សាតំ សុខំ វេទយិតំ ¶ ចេតោសម្ផស្សជា សាតា សុខា វេទនា – ឥទំ តស្មិំ សមយេ សោមនស្សិន្ទ្រិយំ ហោតិ.

៤៨២. កតមំ ¶ តស្មិំ សមយេ ជីវិតិន្ទ្រិយំ ហោតិ? យោ តេសំ អរូបីនំ ធម្មានំ អាយុ ឋិតិ យបនា យាបនា ឥរិយនា វត្តនា បាលនា ជីវិតំ ជីវិតិន្ទ្រិយំ – ឥទំ តស្មិំ សមយេ ជីវិតិន្ទ្រិយំ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អព្យាកតា.

តស្មិំ ខោ បន សមយេ ចត្តារោ ខន្ធា ហោន្តិ, ទ្វាយតនានិ ហោន្តិ, ទ្វេ ធាតុយោ ហោន្តិ, តយោ អាហារា ហោន្តិ, តីណិន្ទ្រិយានិ ហោន្តិ, ឯកោ ផស្សោ ហោតិ…បេ… ឯកា មនោវិញ្ញាណធាតុ ហោតិ, ឯកំ ធម្មាយតនំ ហោតិ, ឯកា ធម្មធាតុ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អព្យាកតា…បេ….

៤៨៣. កតមោ តស្មិំ សមយេ សង្ខារក្ខន្ធោ ហោតិ? ផស្សោ ចេតនា វិតក្កោ វិចារោ បីតិ ចិត្តស្សេកគ្គតា ជីវិតិន្ទ្រិយំ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា ¶ អរូបិនោ ធម្មា ឋបេត្វា វេទនាក្ខន្ធំ ឋបេត្វា សញ្ញាក្ខន្ធំ ឋបេត្វា វិញ្ញាណក្ខន្ធំ – អយំ តស្មិំ សមយេ សង្ខារក្ខន្ធោ ហោតិ…បេ… ឥមេ ធម្មា អព្យាកតា.

កុសលវិបាកា មនោវិញ្ញាណធាតុ សោមនស្សសហគតា.

កុសលវិបាកមនោវិញ្ញាណធាតុឧបេក្ខាសហគតា

៤៨៤. កតមេ ¶ ធម្មា អព្យាកតា? យស្មិំ សមយេ កាមាវចរស្ស កុសលស្ស កម្មស្ស កតត្តា ¶ ឧបចិតត្តា វិបាកា មនោវិញ្ញាណធាតុ ឧប្បន្នា ហោតិ ឧបេក្ខាសហគតា រូបារម្មណា វា…បេ… ធម្មារម្មណា វា យំ យំ វា បនារព្ភ, តស្មិំ សមយេ ផស្សោ ហោតិ, វេទនា ហោតិ, សញ្ញា ហោតិ, ចេតនា ហោតិ, ចិត្តំ ហោតិ, វិតក្កោ ហោតិ, វិចារោ ហោតិ, ឧបេក្ខា ហោតិ, ចិត្តស្សេកគ្គតា ហោតិ, មនិន្ទ្រិយំ ហោតិ, ឧបេក្ខិន្ទ្រិយំ ហោតិ, ជីវិតិន្ទ្រិយំ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អព្យាកតា.

៤៨៥. កតមោ ¶ តស្មិំ សមយេ ផស្សោ ហោតិ? យោ តស្មិំ សមយេ ផស្សោ ផុសនា សំផុសនា សំផុសិតត្តំ – អយំ តស្មិំ សមយេ ផស្សោ ហោតិ.

៤៨៦. កតមា តស្មិំ សមយេ វេទនា ហោតិ? យំ តស្មិំ សមយេ តជ្ជាមនោវិញ្ញាណធាតុសម្ផស្សជំ ចេតសិកំ នេវ សាតំ នាសាតំ ចេតោសម្ផស្សជំ អទុក្ខមសុខំ វេទយិតំ ចេតោសម្ផស្សជា អទុក្ខមសុខា វេទនា – អយំ តស្មិំ សមយេ វេទនា ហោតិ.

៤៨៧. កតមា តស្មិំ សមយេ សញ្ញា ហោតិ? យា តស្មិំ សមយេ តជ្ជាមនោវិញ្ញាណធាតុសម្ផស្សជា សញ្ញា សញ្ជាននា សញ្ជានិតត្តំ – អយំ តស្មិំ សមយេ សញ្ញា ហោតិ.

៤៨៨. កតមា ¶ តស្មិំ សមយេ ចេតនា ហោតិ? យា តស្មិំ សមយេ តជ្ជាមនោវិញ្ញាណធាតុសម្ផស្សជា ចេតនា សញ្ចេតនា ចេតយិតត្តំ – អយំ ¶ តស្មិំ សមយេ ចេតនា ហោតិ.

៤៨៩. កតមំ តស្មិំ សមយេ ចិត្តំ ហោតិ? យំ តស្មិំ សមយេ ចិត្តំ មនោ មានសំ ហទយំ បណ្ឌរំ មនោ មនាយតនំ មនិន្ទ្រិយំ វិញ្ញាណំ វិញ្ញាណក្ខន្ធោ តជ្ជាមនោវិញ្ញាណធាតុ – ឥទំ តស្មិំ សមយេ ចិត្តំ ហោតិ.

៤៩០. កតមោ តស្មិំ សមយេ វិតក្កោ ហោតិ? យោ តស្មិំ សមយេ តក្កោ វិតក្កោ សង្កប្បោ អប្បនា ព្យប្បនា ចេតសោ អភិនិរោបនា – អយំ តស្មិំ សមយេ វិតក្កោ ហោតិ.

៤៩១. កតមោ តស្មិំ សមយេ វិចារោ ហោតិ? យោ តស្មិំ សមយេ ចារោ វិចារោ អនុវិចារោ ឧបវិចារោ ចិត្តស្ស អនុសន្ធានតា អនុបេក្ខនតា – អយំ តស្មិំ សមយេ វិចារោ ហោតិ.

៤៩២. កតមា តស្មិំ សមយេ ឧបេក្ខា ហោតិ? យំ តស្មិំ សមយេ ចេតសិកំ នេវ សាតំ នាសាតំ ចេតោសម្ផស្សជំ អទុក្ខមសុខំ វេទយិតំ ចេតោសម្ផស្សជា អទុក្ខមសុខា វេទនា – អយំ តស្មិំ សមយេ ឧបេក្ខា ហោតិ.

៤៩៣. កតមា ¶ តស្មិំ សមយេ ចិត្តស្សេកគ្គតា ហោតិ? យា តស្មិំ សមយេ ចិត្តស្ស ឋិតិ – អយំ តស្មិំ សមយេ ចិត្តស្សេកគ្គតា ហោតិ.

៤៩៤. កតមំ តស្មិំ សមយេ មនិន្ទ្រិយំ ហោតិ? យំ ¶ តស្មិំ សមយេ ចិត្តំ មនោ មានសំ ហទយំ បណ្ឌរំ មនោ មនាយតនំ មនិន្ទ្រិយំ វិញ្ញាណំ វិញ្ញាណក្ខន្ធោ តជ្ជាមនោវិញ្ញាណធាតុ – ឥទំ តស្មិំ សមយេ មនិន្ទ្រិយំ ហោតិ.

៤៩៥. កតមំ ¶ តស្មិំ សមយេ ឧបេក្ខិន្ទ្រិយំ ហោតិ? យំ តស្មិំ សមយេ ចេតសិកំ នេវ សាតំ នាសាតំ ចេតោសម្ផស្សជំ អទុក្ខមសុខំ វេទយិតំ ចេតោសម្ផស្សជា អទុក្ខមសុខា វេទនា – ឥទំ តស្មិំ សមយេ ឧបេក្ខិន្ទ្រិយំ ហោតិ.

៤៩៦. កតមំ ¶ តស្មិំ សមយេ ជីវិតិន្ទ្រិយំ ហោតិ? យោ តេសំ អរូបីនំ ធម្មានំ អាយុ ឋិតិ យបនា យាបនា ឥរិយនា វត្តនា បាលនា ជីវិតំ ជីវិតិន្ទ្រិយំ – ឥទំ តស្មិំ សមយេ ជីវិតិន្ទ្រិយំ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អព្យាកតា.

៤៩៧. កតមោ តស្មិំ សមយេ សង្ខារក្ខន្ធោ ហោតិ? ផស្សោ ចេតនា វិតក្កោ វិចារោ ចិត្តស្សេកគ្គតា ជីវិតិន្ទ្រិយំ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា ឋបេត្វា វេទនាក្ខន្ធំ ឋបេត្វា សញ្ញាក្ខន្ធំ ឋបេត្វា វិញ្ញាណក្ខន្ធំ – អយំ តស្មិំ សមយេ សង្ខារក្ខន្ធោ ហោតិ…បេ… ឥមេ ¶ ធម្មា អព្យាកតា.

កុសលវិបាកា ឧបេក្ខាសហគតា មនោវិញ្ញាណធាតុ.

៤៩៨. កតមេ ¶ ធម្មា អព្យាកតា? យស្មិំ សមយេ កាមាវចរស្ស កុសលស្ស កម្មស្ស កតត្តា ឧបចិតត្តា វិបាកា មនោវិញ្ញាណធាតុ ឧប្បន្នា ហោតិ សោមនស្សសហគតា ញាណសម្បយុត្តា…បេ… សោមនស្សសហគតា ញាណសម្បយុត្តា សសង្ខារេន…បេ… សោមនស្សសហគតា ញាណវិប្បយុត្តា…បេ… សោមនស្សសហគតា ញាណវិប្បយុត្តា សសង្ខារេន…បេ… ឧបេក្ខាសហគតា ញាណសម្បយុត្តា…បេ… ឧបេក្ខាសហគតា ញាណសម្បយុត្តា សសង្ខារេន…បេ… ឧបេក្ខាសហគតា ញាណវិប្បយុត្តា…បេ… ឧបេក្ខាសហគតា ញាណវិប្បយុត្តា សសង្ខារេន ¶ រូបារម្មណា វា…បេ… ធម្មារម្មណា វា យំ យំ វា បនារព្ភ, តស្មិំ សមយេ ផស្សោ ហោតិ…បេ… អវិក្ខេបោ ហោតិ ¶ …បេ… ឥមេ ធម្មា អព្យាកតា…បេ… អលោភោ អព្យាកតមូលំ…បេ… អទោសោ អព្យាកតមូលំ…បេ… ឥមេ ធម្មា អព្យាកតា.

៤៩៩. កតមេ ធម្មា អព្យាកតា? យស្មិំ សមយេ រូបូបបត្តិយា មគ្គំ ភាវេតិ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ បថវីកសិណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ¶ ឥមេ ធម្មា កុសលា. តស្សេវ រូបាវចរស្ស កុសលស្ស កម្មស្ស កតត្តា ឧបចិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ បថវីកសិណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥០០. កតមេ ធម្មា អព្យាកតា? យស្មិំ សមយេ រូបូបបត្តិយា មគ្គំ ភាវេតិ វិតក្កវិចារានំ វូបសមា…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ បថវីកសិណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ រូបាវចរស្ស កុសលស្ស កម្មស្ស កតត្តា ឧបចិតត្តា វិបាកំ សុខស្ស ច បហានា…បេ… បញ្ចមំ ឈានំ ឧបសម្បជ្ជ វិហរតិ បថវីកសិណំ, តស្មិំ ¶ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥០១. កតមេ ¶ ធម្មា អព្យាកតា? យស្មិំ សមយេ អរូបូបបត្តិយា មគ្គំ ភាវេតិ សព្ពសោ រូបសញ្ញានំ សមតិក្កមា បដិឃសញ្ញានំ អត្ថង្គមា នានត្តសញ្ញានំ អមនសិការា អាកាសានញ្ចាយតនសញ្ញាសហគតំ សុខស្ស ច បហានា…បេ… ចតុត្ថំ ឈានំ ឧបសម្បជ្ជ វិហរតិ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ¶ ធម្មា កុសលា. តស្សេវ អរូបាវចរស្ស កុសលស្ស កម្មស្ស កតត្តា ឧបចិតត្តា វិបាកំ សព្ពសោ រូបសញ្ញានំ សមតិក្កមា បដិឃសញ្ញានំ អត្ថង្គមា នានត្តសញ្ញានំ អមនសិការា អាកាសានញ្ចាយតនសញ្ញាសហគតំ សុខស្ស ¶ ច បហានា…បេ… ចតុត្ថំ ឈានំ ឧបសម្បជ្ជ វិហរតិ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥០២. កតមេ ធម្មា អព្យាកតា? យស្មិំ សមយេ អរូបូបបត្តិយា មគ្គំ ភាវេតិ សព្ពសោ អាកាសានញ្ចាយតនំ សមតិក្កម្ម វិញ្ញាណញ្ចាយតនសញ្ញាសហគតំ សុខស្ស ច បហានា…បេ… ចតុត្ថំ ឈានំ ឧបសម្បជ្ជ វិហរតិ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ អរូបាវចរស្ស កុសលស្ស កម្មស្ស កតត្តា ឧបចិតត្តា វិបាកំ សព្ពសោ អាកាសានញ្ចាយតនំ សមតិក្កម្ម វិញ្ញាណញ្ចាយតនសញ្ញាសហគតំ សុខស្ស ច បហានា…បេ… ចតុត្ថំ ឈានំ ឧបសម្បជ្ជ វិហរតិ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥០៣. កតមេ ធម្មា អព្យាកតា? យស្មិំ សមយេ អរូបូបបត្តិយា មគ្គំ ភាវេតិ សព្ពសោ វិញ្ញាណញ្ចាយតនំ សមតិក្កម្ម អាកិញ្ចញ្ញាយតនសញ្ញាសហគតំ សុខស្ស ច បហានា…បេ… ចតុត្ថំ ឈានំ ឧបសម្បជ្ជ វិហរតិ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ អរូបាវចរស្ស កុសលស្ស កម្មស្ស ¶ កតត្តា ឧបចិតត្តា វិបាកំ ¶ សព្ពសោ វិញ្ញាណញ្ចាយតនំ សមតិក្កម្ម អាកិញ្ចញ្ញាយតនសញ្ញាសហគតំ សុខស្ស ច បហានា…បេ… ចតុត្ថំ ឈានំ ឧបសម្បជ្ជ វិហរតិ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥០៤. កតមេ ធម្មា អព្យាកតា? យស្មិំ សមយេ អរូបូបបត្តិយា មគ្គំ ភាវេតិ សព្ពសោ ¶ អាកិញ្ចញ្ញាយតនំ សមតិក្កម្ម នេវសញ្ញានាសញ្ញាយតនសញ្ញាសហគតំ សុខស្ស ច បហានា…បេ… ចតុត្ថំ ឈានំ ឧបសម្បជ្ជ វិហរតិ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ អរូបាវចរស្ស កុសលស្ស កម្មស្ស កតត្តា ឧបចិតត្តា វិបាកំ សព្ពសោ អាកិញ្ចញ្ញាយតនំ សមតិក្កម្ម នេវសញ្ញានាសញ្ញាយតនសញ្ញាសហគតំ សុខស្ស ច បហានា…បេ… ចតុត្ថំ ឈានំ ឧបសម្បជ្ជ ¶ វិហរតិ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥០៥. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ, តស្មិំ សមយេ ផស្សោ ហោតិ…បេ… អវិក្ខេបោ ¶ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ឈានស្ស កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ សុញ្ញតំ, តស្មិំ សមយេ ផស្សោ ហោតិ…បេ… អញ្ញិន្ទ្រិយំ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥០៦. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា ¶ កុសលា. តស្សេវ លោកុត្តរស្ស កុសលស្ស ឈានស្ស កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ ¶ វិហរតិ ទុក្ខបដិបទំ ទន្ធាភិញ្ញំ អនិមិត្តំ, តស្មិំ សមយេ ផស្សោ ហោតិ…បេ… អញ្ញិន្ទ្រិយំ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥០៧. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា ¶ បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ឈានស្ស កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ¶ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ អប្បណិហិតំ, តស្មិំ សមយេ ផស្សោ ហោតិ…បេ… អញ្ញិន្ទ្រិយំ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥០៨. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិតក្កវិចារានំ វូបសមា…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញន្តិ កុសលំ…បេ… ទុក្ខបដិបទំ ទន្ធាភិញ្ញំ សុញ្ញតន្តិ វិបាកោ…បេ… ទុក្ខបដិបទំ ទន្ធាភិញ្ញន្តិ កុសលំ…បេ… ទុក្ខបដិបទំ ទន្ធាភិញ្ញំ អនិមិត្តន្តិ វិបាកោ…បេ… ទុក្ខបដិបទំ ទន្ធាភិញ្ញន្តិ កុសលំ…បេ… ទុក្ខបដិបទំ ទន្ធាភិញ្ញំ អប្បណិហិតន្តិ វិបាកោ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥០៩. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ខិប្បាភិញ្ញំ…បេ… សុខបដិបទំ ទន្ធាភិញ្ញំ…បេ… សុខបដិបទំ ខិប្បាភិញ្ញំ…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ សុខបដិបទំ ខិប្បាភិញ្ញន្តិ កុសលំ…បេ… សុខបដិបទំ ¶ ខិប្បាភិញ្ញំ សុញ្ញតន្តិ វិបាកោ…បេ… សុខបដិបទំ ខិប្បាភិញ្ញន្តិ កុសលំ…បេ… សុខបដិបទំ ខិប្បាភិញ្ញំ ¶ អនិមិត្តន្តិ ¶ វិបាកោ…បេ… សុខបដិបទំ ខិប្បាភិញ្ញន្តិ កុសលំ…បេ… សុខបដិបទំ ¶ ខិប្បាភិញ្ញំ អប្បណិហិតន្តិ វិបាកោ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥១០. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុញ្ញតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ឈានស្ស កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុញ្ញតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥១១. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុញ្ញតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ឈានស្ស កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ¶ អនិមិត្តំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥១២. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុញ្ញតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ឈានស្ស កតត្តា ភាវិតត្តា វិបាកំ ¶ វិវិច្ចេវ កាមេហិ…បេ… បឋមំ ¶ ឈានំ ឧបសម្បជ្ជ វិហរតិ អប្បណិហិតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥១៣. កតមេ ¶ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិតក្កវិចារានំ វូបសមា…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ សុញ្ញតន្តិ កុសលំ…បេ… សុញ្ញតន្តិ វិបាកោ…បេ… សុញ្ញតន្តិ កុសលំ…បេ… អនិមិត្តន្តិ វិបាកោ…បេ… សុញ្ញតន្តិ កុសលំ…បេ… អប្បណិហិតន្តិ វិបាកោ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥១៤. កតមេ ¶ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ សុញ្ញតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ឈានស្ស កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ សុញ្ញតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥១៥. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ សុញ្ញតំ, តស្មិំ សមយេ ផស្សោ ហោតិ ¶ …បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ឈានស្ស កតត្តា ភាវិតត្តា វិបាកំ វិវិច្ចេវ ¶ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ អនិមិត្តំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥១៦. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា ¶ ¶ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ សុញ្ញតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ឈានស្ស កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ អប្បណិហិតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥១៧. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិតក្កវិចារានំ វូបសមា…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ សុញ្ញតន្តិ កុសលំ…បេ… ទុក្ខបដិបទំ ទន្ធាភិញ្ញំ សុញ្ញតន្តិ វិបាកោ…បេ… ទុក្ខបដិបទំ ទន្ធាភិញ្ញំ សុញ្ញតន្តិ កុសលំ…បេ… ទុក្ខបដិបទំ ទន្ធាភិញ្ញំ អនិមិត្តន្តិ វិបាកោ…បេ… ទុក្ខបដិបទំ ទន្ធាភិញ្ញំ សុញ្ញតន្តិ កុសលំ…បេ… ទុក្ខបដិបទំ ទន្ធាភិញ្ញំ អប្បណិហិតន្តិ វិបាកោ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥១៨. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា ¶ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ខិប្បាភិញ្ញំ សុញ្ញតំ…បេ… សុខបដិបទំ ទន្ធាភិញ្ញំ សុញ្ញតំ…បេ… សុខបដិបទំ ខិប្បាភិញ្ញំ សុញ្ញតំ ¶ …បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ ¶ វិហរតិ សុខបដិបទំ ខិប្បាភិញ្ញំ សុញ្ញតន្តិ កុសលំ…បេ… សុខបដិបទំ ខិប្បាភិញ្ញំ សុញ្ញតន្តិ វិបាកោ…បេ… សុខបដិបទំ ខិប្បាភិញ្ញំ សុញ្ញតន្តិ កុសលំ…បេ… សុខបដិបទំ ខិប្បាភិញ្ញំ អនិមិត្តន្តិ វិបាកោ…បេ… សុខបដិបទំ ខិប្បាភិញ្ញំ សុញ្ញតន្តិ កុសលំ…បេ… សុខបដិបទំ ខិប្បាភិញ្ញំ អប្បណិហិតន្តិ វិបាកោ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥១៩. កតមេ ¶ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ អប្បណិហិតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ឈានស្ស កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ អប្បណិហិតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥២០. កតមេ ¶ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ អប្បណិហិតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ឈានស្ស កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ អនិមិត្តំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥២១. កតមេ ¶ ធម្មា អព្យាកតា? យស្មិំ ¶ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ អប្បណិហិតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ឈានស្ស កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុញ្ញតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥២២. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិតក្កវិចារានំ វូបសមា…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ¶ ឈានំ ឧបសម្បជ្ជ វិហរតិ អប្បណិហិតន្តិ កុសលំ…បេ… អប្បណិហិតន្តិ វិបាកោ…បេ… អប្បណិហិតន្តិ កុសលំ…បេ… ¶ អនិមិត្តន្តិ វិបាកោ…បេ… អប្បណិហិតន្តិ កុសលំ…បេ… សុញ្ញតន្តិ វិបាកោ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥២៣. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ អប្បណិហិតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ឈានស្ស កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ ¶ វិហរតិ ទុក្ខបដិបទំ ទន្ធាភិញ្ញំ អប្បណិហិតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥២៤. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… ¶ បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ អប្បណិហិតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ¶ ឈានស្ស កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ អនិមិត្តំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥២៥. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ អប្បណិហិតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ¶ ឈានស្ស កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ សុញ្ញតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥២៦. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិតក្កវិចារានំ វូបសមា…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ អប្បណិហិតន្តិ កុសលំ…បេ… ទុក្ខបដិបទំ ទន្ធាភិញ្ញំ អប្បណិហិតន្តិ វិបាកោ…បេ… ទុក្ខបដិបទំ ¶ ទន្ធាភិញ្ញំ អប្បណិហិតន្តិ កុសលំ…បេ… ទុក្ខបដិបទំ ទន្ធាភិញ្ញំ អនិមិត្តន្តិ វិបាកោ…បេ… ទុក្ខបដិបទំ ទន្ធាភិញ្ញំ អប្បណិហិតន្តិ កុសលំ…បេ… ទុក្ខបដិបទំ ទន្ធាភិញ្ញំ សុញ្ញតន្តិ វិបាកោ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥២៧. កតមេ ¶ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ខិប្បាភិញ្ញំ អប្បណិហិតំ…បេ… សុខបដិបទំ ទន្ធាភិញ្ញំ អប្បណិហិតំ…បេ… សុខបដិបទំ ¶ ខិប្បាភិញ្ញំ អប្បណិហិតំ…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ សុខបដិបទំ ខិប្បាភិញ្ញំ អប្បណិហិតន្តិ កុសលំ…បេ… សុខបដិបទំ ខិប្បាភិញ្ញំ អប្បណិហិតន្តិ វិបាកោ…បេ… សុខបដិបទំ ខិប្បាភិញ្ញំ អប្បណិហិតន្តិ កុសលំ…បេ… សុខបដិបទំ ខិប្បាភិញ្ញំ អនិមិត្តន្តិ វិបាកោ…បេ… សុខបដិបទំ ខិប្បាភិញ្ញំ អប្បណិហិតន្តិ កុសលំ…បេ… សុខបដិបទំ ខិប្បាភិញ្ញំ សុញ្ញតន្តិ វិបាកោ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥២៨. កតមេ ¶ ធម្មា អព្យាកតា? យស្មិំ សមយេ លោកុត្តរំ មគ្គំ ភាវេតិ…បេ… លោកុត្តរំ សតិបដ្ឋានំ ភាវេតិ…បេ… លោកុត្តរំ សម្មប្បធានំ ភាវេតិ…បេ… ¶ លោកុត្តរំ ឥទ្ធិបាទំ ភាវេតិ…បេ… លោកុត្តរំ ឥន្ទ្រិយំ ភាវេតិ…បេ… លោកុត្តរំ ពលំ ភាវេតិ…បេ… លោកុត្តរំ ពោជ្ឈង្គំ ភាវេតិ…បេ… លោកុត្តរំ សច្ចំ ភាវេតិ…បេ… លោកុត្តរំ សមថំ ភាវេតិ…បេ… លោកុត្តរំ ធម្មំ ភាវេតិ…បេ… លោកុត្តរំ ខន្ធំ ភាវេតិ…បេ… លោកុត្តរំ អាយតនំ ភាវេតិ…បេ… លោកុត្តរំ ធាតុំ ភាវេតិ…បេ… លោកុត្តរំ អាហារំ ភាវេតិ…បេ… លោកុត្តរំ ផស្សំ ភាវេតិ…បេ… លោកុត្តរំ វេទនំ ភាវេតិ…បេ… លោកុត្តរំ សញ្ញំ ភាវេតិ…បេ… លោកុត្តរំ ចេតនំ ភាវេតិ…បេ… លោកុត្តរំ ចិត្តំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ, តស្មិំ សមយេ ផស្សោ ហោតិ ¶ …បេ… អវិក្ខេបោ ហោតិ…បេ… ឥមេ ធម្មា កុសលា តស្សេវ លោកុត្តរស្ស កុសលស្ស ឈានស្ស កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ សុញ្ញតំ…បេ… អនិមិត្តំ ¶ …បេ… អប្បណិហិតំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥២៩. កតមេ ¶ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ ឆន្ទាធិបតេយ្យំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ឈានស្ស កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ សុញ្ញតំ ឆន្ទាធិបតេយ្យំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥៣០. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា ¶ បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ ឆន្ទាធិបតេយ្យំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ឈានស្ស កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ អនិមិត្តំ ឆន្ទាធិបតេយ្យំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥៣១. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ¶ ទិដ្ឋិគតានំ បហានាយ បឋមាយ ភូមិយា ¶ បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ ឆន្ទាធិបតេយ្យំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ឈានស្ស កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ អប្បណិហិតំ ឆន្ទាធិបតេយ្យំ ¶ , តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥៣២. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិតក្កវិចារានំ វូបសមា…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ ឆន្ទាធិបតេយ្យន្តិ កុសលំ…បេ… ទុក្ខបដិបទំ ទន្ធាភិញ្ញំ សុញ្ញតំ ឆន្ទាធិបតេយ្យន្តិ វិបាកោ…បេ… ទុក្ខបដិបទំ ទន្ធាភិញ្ញំ ឆន្ទាធិបតេយ្យន្តិ កុសលំ…បេ… ទុក្ខបដិបទំ ទន្ធាភិញ្ញំ អនិមិត្តំ ឆន្ទាធិបតេយ្យន្តិ វិបាកោ…បេ… ទុក្ខបដិបទំ ទន្ធាភិញ្ញំ ឆន្ទាធិបតេយ្យន្តិ កុសលំ…បេ… ទុក្ខបដិបទំ ទន្ធាភិញ្ញំ អប្បណិហិតំ ឆន្ទាធិបតេយ្យន្តិ វិបាកោ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥៣៣. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ ¶ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ¶ ខិប្បាភិញ្ញំ ឆន្ទាធិបតេយ្យំ…បេ… សុខបដិបទំ ទន្ធាភិញ្ញំ ឆន្ទាធិបតេយ្យំ…បេ… សុខបដិបទំ ខិប្បាភិញ្ញំ ឆន្ទាធិបតេយ្យំ…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ សុខបដិបទំ ខិប្បាភិញ្ញំ ឆន្ទាធិបតេយ្យន្តិ កុសលំ…បេ… សុខបដិបទំ ខិប្បាភិញ្ញំ សុញ្ញតំ ឆន្ទាធិបតេយ្យន្តិ វិបាកោ…បេ… សុខបដិបទំ ខិប្បាភិញ្ញំ ឆន្ទាធិបតេយ្យន្តិ កុសលំ…បេ… សុខបដិបទំ ខិប្បាភិញ្ញំ អនិមិត្តំ ឆន្ទាធិបតេយ្យន្តិ វិបាកោ…បេ… សុខបដិបទំ ខិប្បាភិញ្ញំ ឆន្ទាធិបតេយ្យន្តិ កុសលំ…បេ… សុខបដិបទំ ខិប្បាភិញ្ញំ អប្បណិហិតំ ឆន្ទាធិបតេយ្យន្តិ វិបាកោ ¶ , តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

ឆន្ទាធិបតេយ្យសុទ្ធិកសុញ្ញតា

៥៣៤. កតមេ ¶ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុញ្ញតំ ឆន្ទាធិបតេយ្យំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ឈានស្ស កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុញ្ញតំ ឆន្ទាធិបតេយ្យំ, តស្មិំ សមយេ ¶ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥៣៥. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុញ្ញតំ ឆន្ទាធិបតេយ្យំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ឈានស្ស កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ អនិមិត្តំ ឆន្ទាធិបតេយ្យំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥៣៦. កតមេ ¶ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុញ្ញតំ ឆន្ទាធិបតេយ្យំ, តស្មិំ សមយេ ផស្សោ ហោតិ…បេ… អវិក្ខេបោ ¶ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ឈានស្ស កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ អប្បណិហិតំ ឆន្ទាធិបតេយ្យំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥៣៧. កតមេ ¶ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិតក្កវិចារានំ វូបសមា…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ សុញ្ញតំ ឆន្ទាធិបតេយ្យន្តិ កុសលំ…បេ… សុញ្ញតំ ឆន្ទាធិបតេយ្យន្តិ វិបាកោ…បេ… សុញ្ញតំ ឆន្ទាធិបតេយ្យន្តិ កុសលំ…បេ… អនិមិត្តំ ¶ ឆន្ទាធិបតេយ្យន្តិ វិបាកោ…បេ… សុញ្ញតំ ឆន្ទាធិបតេយ្យន្តិ កុសលំ…បេ… អប្បណិហិតំ ឆន្ទាធិបតេយ្យន្តិ វិបាកោ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

ឆន្ទាធិបតេយ្យសុទ្ធិកសុញ្ញតា.

៥៣៨. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ សុញ្ញតំ ឆន្ទាធិបតេយ្យំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ឈានស្ស កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ សុញ្ញតំ ឆន្ទាធិបតេយ្យំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥៣៩. កតមេ ¶ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ ¶ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ សុញ្ញតំ ឆន្ទាធិបតេយ្យំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ¶ ឈានស្ស កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ អនិមិត្តំ ឆន្ទាធិបតេយ្យំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥៤០. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ សុញ្ញតំ ឆន្ទាធិបតេយ្យំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ឈានស្ស កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ អប្បណិហិតំ ឆន្ទាធិបតេយ្យំ, តស្មិំ ¶ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥៤១. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិតក្កវិចារានំ វូបសមា…បេ… ទុតិយំ ឈានំ…បេ… តតិយំ ¶ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ សុញ្ញតំ ឆន្ទាធិបតេយ្យន្តិ កុសលំ…បេ… ទុក្ខបដិបទំ ទន្ធាភិញ្ញំ សុញ្ញតំ ឆន្ទាធិបតេយ្យន្តិ វិបាកោ…បេ… ទុក្ខបដិបទំ ទន្ធាភិញ្ញំ សុញ្ញតំ ឆន្ទាធិបតេយ្យន្តិ កុសលំ…បេ… ទុក្ខបដិបទំ ទន្ធាភិញ្ញំ អនិមិត្តំ ឆន្ទាធិបតេយ្យន្តិ វិបាកោ…បេ… ទុក្ខបដិបទំ ទន្ធាភិញ្ញំ សុញ្ញតំ ឆន្ទាធិបតេយ្យន្តិ កុសលំ…បេ… ទុក្ខបដិបទំ ទន្ធាភិញ្ញំ អប្បណិហិតំ ឆន្ទាធិបតេយ្យន្តិ វិបាកោ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥៤២. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា ¶ បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ខិប្បាភិញ្ញំ សុញ្ញតំ ឆន្ទាធិបតេយ្យំ…បេ… សុខបដិបទំ ទន្ធាភិញ្ញំ សុញ្ញតំ ឆន្ទាធិបតេយ្យំ…បេ… សុខបដិបទំ ខិប្បាភិញ្ញំ សុញ្ញតំ ឆន្ទាធិបតេយ្យំ…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ ¶ …បេ… បញ្ចមំ ឈានំ ឧបសម្បជ្ជ វិហរតិ សុខបដិបទំ ខិប្បាភិញ្ញំ សុញ្ញតំ ឆន្ទាធិបតេយ្យន្តិ កុសលំ…បេ… សុខបដិបទំ ខិប្បាភិញ្ញំ សុញ្ញតំ ឆន្ទាធិបតេយ្យន្តិ វិបាកោ…បេ… សុខបដិបទំ ខិប្បាភិញ្ញំ សុញ្ញតំ ឆន្ទាធិបតេយ្យន្តិ កុសលំ…បេ… សុខបដិបទំ ខិប្បាភិញ្ញំ អនិមិត្តំ ឆន្ទាធិបតេយ្យន្តិ ¶ វិបាកោ…បេ… សុខបដិបទំ ខិប្បាភិញ្ញំ សុញ្ញតំ ឆន្ទាធិបតេយ្យន្តិ កុសលំ…បេ… សុខបដិបទំ ខិប្បាភិញ្ញំ អប្បណិហិតំ ឆន្ទាធិបតេយ្យន្តិ វិបាកោ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥៤៣. កតមេ ¶ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ អប្បណិហិតំ ឆន្ទាធិបតេយ្យំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ឈានស្ស កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ អប្បណិហិតំ ឆន្ទាធិបតេយ្យំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥៤៤. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ អប្បណិហិតំ ឆន្ទាធិបតេយ្យំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ឈានស្ស កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ, អនិមិត្តំ ឆន្ទាធិបតេយ្យំ ¶ , តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥៤៥. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ អប្បណិហិតំ ¶ ឆន្ទាធិបតេយ្យំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ឈានស្ស ¶ កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ សុញ្ញតំ ឆន្ទាធិបតេយ្យំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥៤៦. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិតក្កវិចារានំ វូបសមា…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ អប្បណិហិតំ ឆន្ទាធិបតេយ្យន្តិ កុសលំ…បេ… អប្បណិហិតំ ឆន្ទាធិបតេយ្យន្តិ វិបាកោ…បេ… អប្បណិហិតំ ឆន្ទាធិបតេយ្យន្តិ កុសលំ ¶ …បេ… អនិមិត្តំ ឆន្ទាធិបតេយ្យន្តិ វិបាកោ…បេ… អប្បណិហិតំ ឆន្ទាធិបតេយ្យន្តិ កុសលំ…បេ… សុញ្ញតំ ឆន្ទាធិបតេយ្យន្តិ វិបាកោ, តស្មិំ សមយេ ផស្សោ ហោតិ…បេ… អវិក្ខេបោ ¶ ហោតិ…បេ… ឥមេ ធម្មា អព្យាកតា.

៥៤៧. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ អប្បណិហិតំ ឆន្ទាធិបតេយ្យំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ឈានស្ស កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ អប្បណិហិតំ ឆន្ទាធិបតេយ្យំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥៤៨. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ អប្បណិហិតំ ឆន្ទាធិបតេយ្យំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ឈានស្ស កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ អនិមិត្តំ ឆន្ទាធិបតេយ្យំ ¶ , តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥៤៩. កតមេ ¶ ¶ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ អប្បណិហិតំ ឆន្ទាធិបតេយ្យំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ឈានស្ស កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ សុញ្ញតំ ឆន្ទាធិបតេយ្យំ ¶ , តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥៥០. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិតក្កវិចារានំ វូបសមា…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ អប្បណិហិតំ ឆន្ទាធិបតេយ្យន្តិ កុសលំ…បេ… ទុក្ខបដិបទំ ទន្ធាភិញ្ញំ អប្បណិហិតំ ឆន្ទាធិបតេយ្យន្តិ វិបាកោ…បេ… ទុក្ខបដិបទំ ទន្ធាភិញ្ញំ អប្បណិហិតំ ឆន្ទាធិបតេយ្យន្តិ កុសលំ…បេ… ទុក្ខបដិបទំ ទន្ធាភិញ្ញំ អនិមិត្តំ ឆន្ទាធិបតេយ្យន្តិ វិបាកោ…បេ… ទុក្ខបដិបទំ ទន្ធាភិញ្ញំ អប្បណិហិតំ ឆន្ទាធិបតេយ្យន្តិ កុសលំ…បេ… ទុក្ខបដិបទំ ទន្ធាភិញ្ញំ សុញ្ញតំ ឆន្ទាធិបតេយ្យន្តិ វិបាកោ, តស្មិំ សមយេ ផស្សោ ហោតិ…បេ… អវិក្ខេបោ ¶ ហោតិ…បេ… ឥមេ ធម្មា អព្យាកតា.

៥៥១. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ខិប្បាភិញ្ញំ អប្បណិហិតំ ឆន្ទាធិបតេយ្យំ…បេ… សុខបដិបទំ ទន្ធាភិញ្ញំ អប្បណិហិតំ ឆន្ទាធិបតេយ្យំ…បេ… សុខបដិបទំ ខិប្បាភិញ្ញំ អប្បណិហិតំ ឆន្ទាធិបតេយ្យំ…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ សុខបដិបទំ ខិប្បាភិញ្ញំ អប្បណិហិតំ ឆន្ទាធិបតេយ្យន្តិ កុសលំ…បេ… សុខបដិបទំ ខិប្បាភិញ្ញំ អប្បណិហិតំ ឆន្ទាធិបតេយ្យន្តិ វិបាកោ…បេ… សុខបដិបទំ ¶ ខិប្បាភិញ្ញំ អប្បណិហិតំ ឆន្ទាធិបតេយ្យន្តិ កុសលំ…បេ… សុខបដិបទំ ខិប្បាភិញ្ញំ អនិមិត្តំ ឆន្ទាធិបតេយ្យន្តិ ¶ វិបាកោ…បេ… សុខបដិបទំ ខិប្បាភិញ្ញំ អប្បណិហិតំ ឆន្ទាធិបតេយ្យន្តិ កុសលំ…បេ… សុខបដិបទំ ខិប្បាភិញ្ញំ សុញ្ញតំ ឆន្ទាធិបតេយ្យន្តិ វិបាកោ, តស្មិំ សមយេ ផស្សោ ហោតិ…បេ… ¶ អវិក្ខេបោ ហោតិ…បេ… ឥមេ ធម្មា អព្យាកតា.

៥៥២. កតមេ ធម្មា អព្យាកតា? យស្មិំ សមយេ លោកុត្តរំ មគ្គំ ភាវេតិ…បេ… លោកុត្តរំ សតិបដ្ឋានំ ភាវេតិ…បេ… លោកុត្តរំ សម្មប្បធានំ ភាវេតិ…បេ… លោកុត្តរំ ¶ ឥទ្ធិបាទំ ភាវេតិ…បេ… លោកុត្តរំ ឥន្ទ្រិយំ ភាវេតិ…បេ… លោកុត្តរំ ពលំ ភាវេតិ…បេ… លោកុត្តរំ ពោជ្ឈង្គំ ភាវេតិ…បេ… លោកុត្តរំ សច្ចំ ភាវេតិ…បេ… លោកុត្តរំ សមថំ ភាវេតិ…បេ… លោកុត្តរំ ធម្មំ ភាវេតិ…បេ… លោកុត្តរំ ខន្ធំ ភាវេតិ…បេ… លោកុត្តរំ អាយតនំ ភាវេតិ…បេ… លោកុត្តរំ ធាតុំ ភាវេតិ…បេ… លោកុត្តរំ អាហារំ ភាវេតិ…បេ… លោកុត្តរំ ផស្សំ ភាវេតិ…បេ… លោកុត្តរំ វេទនំ ភាវេតិ…បេ… លោកុត្តរំ សញ្ញំ ភាវេតិ…បេ… លោកុត្តរំ ចេតនំ ភាវេតិ…បេ… លោកុត្តរំ ចិត្តំ ភាវេតិ និយ្យានិកំ អបចយគាមិំ ទិដ្ឋិគតានំ បហានាយ បឋមាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ ឆន្ទាធិបតេយ្យំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ឈានស្ស កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ សុញ្ញតំ…បេ… អនិមិត្តំ…បេ… អប្បណិហិតំ ឆន្ទាធិបតេយ្យំ…បេ… វីរិយាធិបតេយ្យំ…បេ… ចិត្តាធិបតេយ្យំ…បេ… វីមំសាធិបតេយ្យំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥៥៣. កតមេ ធម្មា អព្យាកតា? យស្មិំ សមយេ លោកុត្តរំ ឈានំ ភាវេតិ និយ្យានិកំ អបចយគាមិំ កាមរាគព្យាបាទានំ ¶ តនុភាវាយ ទុតិយាយ ¶ ភូមិយា បត្តិយា…បេ… កាមរា គព្យាបាទានំ ¶ ¶ អនវសេសប្បហានាយ តតិយាយ ភូមិយា បត្តិយា…បេ… រូបរាគអរូបរាគមានឧទ្ធច្ចអវិជ្ជាយ អនវសេសប្បហានាយ ចតុត្ថាយ ភូមិយា បត្តិយា វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ, តស្មិំ សមយេ ផស្សោ ហោតិ…បេ… អញ្ញិន្ទ្រិយំ ហោតិ…បេ… អវិក្ខេបោ ហោតិ…បេ… ឥមេ ធម្មា កុសលា. តស្សេវ លោកុត្តរស្ស កុសលស្ស ឈានស្ស កតត្តា ភាវិតត្តា វិបាកំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ ទុក្ខបដិបទំ ទន្ធាភិញ្ញំ សុញ្ញតំ, តស្មិំ សមយេ ផស្សោ ហោតិ…បេ… អញ្ញាតាវិន្ទ្រិយំ ហោតិ…បេ… អវិក្ខេបោ ហោតិ…បេ… យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អព្យាកតា.

៥៥៤. កតមោ តស្មិំ សមយេ ផស្សោ ហោតិ? យោ តស្មិំ សមយេ ផស្សោ ផុសនា សំផុសនា សំផុសិតត្តំ – អយំ តស្មិំ សមយេ ផស្សោ ហោតិ…បេ….

៥៥៥. កតមំ តស្មិំ សមយេ អញ្ញាតាវិន្ទ្រិយំ ហោតិ? យា តេសំ អញ្ញាតាវីនំ ធម្មានំ អញ្ញា បញ្ញា បជាននា វិចយោ បវិចយោ ធម្មវិចយោ សល្លក្ខណា ឧបលក្ខណា បច្ចុបលក្ខណា បណ្ឌិច្ចំ កោសល្លំ នេបុញ្ញំ វេភព្យា ចិន្តា ឧបបរិក្ខា ភូរី មេធា បរិណាយិកា វិបស្សនា សម្បជញ្ញំ បតោទោ បញ្ញា បញ្ញិន្ទ្រិយំ បញ្ញាពលំ បញ្ញាសត្ថំ បញ្ញាបាសាទោ បញ្ញាអាលោកោ បញ្ញាឱភាសោ បញ្ញាបជ្ជោតោ បញ្ញារតនំ ¶ អមោហោ ធម្មវិចយោ សម្មាទិដ្ឋិ ធម្មវិចយសម្ពោជ្ឈង្គោ មគ្គង្គំ មគ្គបរិយាបន្នំ – ឥទំ តស្មិំ សមយេ អញ្ញាតាវិន្ទ្រិយំ ហោតិ…បេ… យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អព្យាកតា.

៥៥៦. កតមេ ¶ ¶ ធម្មា អព្យាកតា? យស្មិំ សមយេ អកុសលស្ស កម្មស្ស កតត្តា ឧបចិតត្តា វិបាកំ ចក្ខុវិញ្ញាណំ ឧប្បន្នំ ហោតិ ឧបេក្ខាសហគតំ រូបារម្មណំ…បេ… សោតវិញ្ញាណំ ឧប្បន្នំ ហោតិ ឧបេក្ខាសហគតំ សទ្ទារម្មណំ…បេ… ឃានវិញ្ញាណំ ឧប្បន្នំ ហោតិ ឧបេក្ខាសហគតំ គន្ធារម្មណំ ¶ …បេ… ជិវ្ហាវិញ្ញាណំ ឧប្បន្នំ ហោតិ ឧបេក្ខាសហគតំ រសារម្មណំ…បេ… កាយវិញ្ញាណំ ឧប្បន្នំ ហោតិ ទុក្ខសហគតំ ផោដ្ឋព្ពារម្មណំ, តស្មិំ សមយេ ផស្សោ ហោតិ, វេទនា ហោតិ, សញ្ញា ហោតិ, ចេតនា ហោតិ, ចិត្តំ ហោតិ, ទុក្ខំ ហោតិ, ចិត្តស្សេកគ្គតា ហោតិ, មនិន្ទ្រិយំ ហោតិ, ទុក្ខិន្ទ្រិយំ ហោតិ, ជីវិតិន្ទ្រិយំ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អព្យាកតា.

៥៥៧. កតមោ តស្មិំ សមយេ ផស្សោ ហោតិ? យោ តស្មិំ សមយេ ផស្សោ ផុសនា សំផុសនា សំផុសិតត្តំ – អយំ តស្មិំ សមយេ ផស្សោ ហោតិ.

៥៥៨. កតមា តស្មិំ សមយេ វេទនា ហោតិ? យំ តស្មិំ សមយេ តជ្ជាកាយវិញ្ញាណធាតុសម្ផស្សជំ ¶ កាយិកំ អសាតំ កាយិកំ ទុក្ខំ កាយសម្ផស្សជំ អសាតំ ទុក្ខំ វេទយិតំ កាយសម្ផស្សជា អសាតា ទុក្ខា វេទនា – អយំ តស្មិំ សមយេ វេទនា ហោតិ…បេ….

៥៥៩. កតមំ តស្មិំ សមយេ ទុក្ខំ ហោតិ? យំ តស្មិំ សមយេ កាយិកំ អសាតំ កាយិកំ ទុក្ខំ កាយសម្ផស្សជំ អសាតំ ទុក្ខំ វេទយិតំ កាយសម្ផស្សជា អសាតា ទុក្ខា វេទនា – ឥទំ តស្មិំ សមយេ ទុក្ខំ ហោតិ…បេ….

៥៦០. កតមំ តស្មិំ សមយេ ទុក្ខិន្ទ្រិយំ ហោតិ? យំ តស្មិំ សមយេ កាយិកំ អសាតំ កាយិកំ ទុក្ខំ កាយសម្ផស្សជំ អសាតំ ទុក្ខំ វេទយិតំ កាយសម្ផស្សជា អសាតា ទុក្ខា វេទនា ¶ – ឥទំ តស្មិំ សមយេ ទុក្ខិន្ទ្រិយំ ហោតិ…បេ… យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អព្យាកតា.

តស្មិំ ¶ ខោ បន សមយេ ចត្តារោ ខន្ធា ហោន្តិ, ទ្វាយតនានិ ហោន្តិ, ទ្វេ ធាតុយោ ហោន្តិ, តយោ អាហារា ហោន្តិ, តីណិន្ទ្រិយានិ ហោន្តិ, ឯកោ ផស្សោ ហោតិ…បេ… ឯកា កាយវិញ្ញាណធាតុ ហោតិ, ឯកំ ធម្មាយតនំ ហោតិ, ឯកា ធម្មធាតុ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អព្យាកតា…បេ….

៥៦១. កតមោ តស្មិំ សមយេ សង្ខារក្ខន្ធោ ហោតិ? ផស្សោ ចេតនា ចិត្តស្សេកគ្គតា ជីវិតិន្ទ្រិយំ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា ឋបេត្វា វេទនាក្ខន្ធំ ឋបេត្វា សញ្ញាក្ខន្ធំ ឋបេត្វា វិញ្ញាណក្ខន្ធំ – អយំ ¶ តស្មិំ សមយេ សង្ខារក្ខន្ធោ ¶ ហោតិ…បេ… ឥមេ ធម្មា អព្យាកតា.

៥៦២. កតមេ ធម្មា អព្យាកតា? យស្មិំ សមយេ អកុសលស្ស កម្មស្ស កតត្តា ឧបចិតត្តា វិបាកា មនោធាតុ ឧប្បន្នា ហោតិ ឧបេក្ខាសហគតា រូបារម្មណា វា…បេ… ផោដ្ឋព្ពារម្មណា វា យំ យំ វា បនារព្ភ, តស្មិំ សមយេ ផស្សោ ហោតិ, វេទនា ហោតិ, សញ្ញា ហោតិ, ចេតនា ហោតិ, ចិត្តំ ហោតិ, វិតក្កោ ហោតិ, វិចារោ ហោតិ, ឧបេក្ខា ហោតិ, ចិត្តស្សេកគ្គតា ហោតិ, មនិន្ទ្រិយំ ហោតិ, ឧបេក្ខិន្ទ្រិយំ ហោតិ, ជីវិតិន្ទ្រិយំ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អព្យាកតា…បេ….

តស្មិំ ខោ បន សមយេ ចត្តារោ ខន្ធា ហោន្តិ, ទ្វាយតនានិ ហោន្តិ, ទ្វេ ធាតុយោ ហោន្តិ, តយោ ¶ អាហារា ហោន្តិ, តីណិន្ទ្រិយានិ ហោន្តិ, ឯកោ ផស្សោ ហោតិ…បេ… ឯកា មនោធាតុ ហោតិ, ឯកំ ធម្មាយតនំ ហោតិ, ឯកា ធម្មធាតុ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អព្យាកតា…បេ….

៥៦៣. កតមោ ¶ តស្មិំ សមយេ សង្ខារក្ខន្ធោ ហោតិ? ផស្សោ ចេតនា វិតក្កោ វិចារោ ចិត្តស្សេកគ្គតា ជីវិតិន្ទ្រិយំ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា ឋបេត្វា វេទនាក្ខន្ធំ ឋបេត្វា សញ្ញាក្ខន្ធំ ឋបេត្វា វិញ្ញាណក្ខន្ធំ ¶ – អយំ តស្មិំ សមយេ សង្ខារក្ខន្ធោ ហោតិ…បេ… ឥមេ ធម្មា អព្យាកតា.

៥៦៤. កតមេ ធម្មា អព្យាកតា? យស្មិំ សមយេ អកុសលស្ស កម្មស្ស កតត្តា ឧបចិតត្តា វិបាកា មនោវិញ្ញាណធាតុ ឧប្បន្នា ហោតិ ឧបេក្ខាសហគតា រូបារម្មណា វា…បេ… ធម្មារម្មណា វា យំ យំ វា បនារព្ភ, តស្មិំ សមយេ ផស្សោ ហោតិ, វេទនា ហោតិ, សញ្ញា ហោតិ, ចេតនា ហោតិ, ចិត្តំ ហោតិ, វិតក្កោ ហោតិ, វិចារោ ហោតិ, ឧបេក្ខា ហោតិ, ចិត្តស្សេកគ្គតា ហោតិ, មនិន្ទ្រិយំ ហោតិ, ឧបេក្ខិន្ទ្រិយំ ហោតិ, ជីវិតិន្ទ្រិយំ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អព្យាកតា…បេ….

តស្មិំ ខោ បន សមយេ ចត្តារោ ខន្ធា ហោន្តិ, ទ្វាយតនានិ ហោន្តិ, ទ្វេ ធាតុយោ ហោន្តិ, តយោ អាហារា ហោន្តិ, តីណិន្ទ្រិយានិ ហោន្តិ, ឯកោ ផស្សោ ហោតិ…បេ… ឯកា មនោវិញ្ញាណធាតុ ហោតិ ¶ , ឯកំ ធម្មាយតនំ ហោតិ, ឯកា ធម្មធាតុ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អព្យាកតា…បេ….

៥៦៥. កតមោ ¶ តស្មិំ សមយេ សង្ខារក្ខន្ធោ ហោតិ? ផស្សោ ចេតនា វិតក្កោ វិចារោ ចិត្តស្សេកគ្គតា ជីវិតិន្ទ្រិយំ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា ឋបេត្វា វេទនាក្ខន្ធំ ¶ ឋបេត្វា ¶ សញ្ញាក្ខន្ធំ ឋបេត្វា វិញ្ញាណក្ខន្ធំ – អយំ តស្មិំ សមយេ សង្ខារក្ខន្ធោ ហោតិ…បេ… ឥមេ ធម្មា អព្យាកតា.

៥៦៦. កតមេ ធម្មា អព្យាកតា? យស្មិំ សមយេ មនោធាតុ ឧប្បន្នា ហោតិ កិរិយា នេវ កុសលា នាកុសលា ន ច កម្មវិបាកា ឧបេក្ខាសហគតា រូបារម្មណា វា…បេ… ផោដ្ឋព្ពារម្មណា វា យំ យំ វា បនារព្ភ, តស្មិំ សមយេ ផស្សោ ហោតិ, វេទនា ហោតិ, សញ្ញា ហោតិ, ចេតនា ហោតិ, ចិត្តំ ហោតិ, វិតក្កោ ហោតិ, វិចារោ ហោតិ, ឧបេក្ខា ហោតិ, ចិត្តស្សេកគ្គតា ហោតិ, មនិន្ទ្រិយំ ហោតិ, ឧបេក្ខិន្ទ្រិយំ ហោតិ, ជីវិតិន្ទ្រិយំ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អព្យាកតា…បេ….

៥៦៧. កតមោ តស្មិំ សមយេ សង្ខារក្ខន្ធោ ហោតិ? ផស្សោ ចេតនា វិតក្កោ ¶ វិចារោ ចិត្តស្សេកគ្គតា ¶ ជីវិតិន្ទ្រិយំ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា ឋបេត្វា វេទនាក្ខន្ធំ ឋបេត្វា សញ្ញាក្ខន្ធំ ឋបេត្វា វិញ្ញាណក្ខន្ធំ – អយំ តស្មិំ សមយេ សង្ខារក្ខន្ធោ ហោតិ…បេ… ឥមេ ធម្មា អព្យាកតា.

កិរិយាមនោវិញ្ញាណធាតុសោមនស្សសហគតា

៥៦៨. កតមេ ¶ ធម្មា អព្យាកតា? យស្មិំ សមយេ មនោវិញ្ញាណធាតុ ឧប្បន្នា ហោតិ កិរិយា នេវ ¶ កុសលា នាកុសលា ន ច កម្មវិបាកា សោមនស្សសហគតា រូបារម្មណា វា…បេ… ធម្មារម្មណា វា យំ យំ វា បនារព្ភ, តស្មិំ សមយេ ផស្សោ ហោតិ, វេទនា ហោតិ, សញ្ញា ហោតិ, ចេតនា ហោតិ, ចិត្តំ ហោតិ, វិតក្កោ ហោតិ, វិចារោ ហោតិ, បីតិ ហោតិ, សុខំ ហោតិ, ចិត្តស្សេកគ្គតា ហោតិ, វីរិយិន្ទ្រិយំ ហោតិ, សមាធិន្ទ្រិយំ ហោតិ, មនិន្ទ្រិយំ ហោតិ, សោមនស្សិន្ទ្រិយំ ហោតិ, ជីវិតិន្ទ្រិយំ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អព្យាកតា.

៥៦៩. កតមោ តស្មិំ សមយេ ផស្សោ ហោតិ? យោ តស្មិំ សមយេ ផស្សោ ផុសនា សំផុសនា សំផុសិតត្តំ – អយំ តស្មិំ សមយេ ផស្សោ ហោតិ…បេ….

៥៧០. កតមា តស្មិំ សមយេ ចិត្តស្សេកគ្គតា ហោតិ? យា តស្មិំ សមយេ ចិត្តស្ស ឋិតិ សណ្ឋិតិ អវដ្ឋិតិ អវិសាហារោ អវិក្ខេបោ អវិសាហដមានសតា សមថោ សមាធិន្ទ្រិយំ សមាធិពលំ – អយំ តស្មិំ សមយេ ចិត្តស្សេកគ្គតា ហោតិ.

៥៧១. កតមំ តស្មិំ សមយេ វីរិយិន្ទ្រិយំ ហោតិ? យោ តស្មិំ សមយេ ចេតសិកោ វីរិយារម្ភោ និក្កមោ បរក្កមោ ឧយ្យាមោ ¶ វាយាមោ ឧស្សាហោ ឧស្សោឡ្ហី ថាមោ ធិតិ អសិថិលបរក្កមតា ¶ អនិក្ខិត្តឆន្ទតា អនិក្ខិត្តធុរតា ធុរសម្បគ្គាហោ វីរិយំ វីរិយិន្ទ្រិយំ វីរិយពលំ – ឥទំ តស្មិំ សមយេ វីរិយិន្ទ្រិយំ ហោតិ.

៥៧២. កតមំ តស្មិំ សមយេ សមាធិន្ទ្រិយំ ហោតិ? យា តស្មិំ សមយេ ចិត្តស្ស ឋិតិ សណ្ឋិតិ អវដ្ឋិតិ អវិសាហារោ អវិក្ខេបោ អវិសាហដមានសតា សមថោ សមាធិន្ទ្រិយំ សមាធិពលំ – ឥទំ តស្មិំ សមយេ សមាធិន្ទ្រិយំ ហោតិ…បេ… យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អព្យាកតា.

តស្មិំ ខោ បន សមយេ ចត្តារោ ខន្ធា ហោន្តិ, ទ្វាយតនានិ ហោន្តិ, ទ្វេ ធាតុយោ ហោន្តិ, តយោ អាហារា ហោន្តិ, បញ្ចិន្ទ្រិយានិ ហោន្តិ, ឯកោ ¶ ផស្សោ ហោតិ…បេ… ឯកា មនោវិញ្ញាណធាតុ ហោតិ, ឯកំ ធម្មាយតនំ ហោតិ, ឯកា ធម្មធាតុ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អព្យាកតា…បេ….

៥៧៣. កតមោ តស្មិំ សមយេ សង្ខារក្ខន្ធោ ហោតិ? ផស្សោ ចេតនា វិតក្កោ វិចារោ បីតិ ចិត្តស្សេកគ្គតា វីរិយិន្ទ្រិយំ សមាធិន្ទ្រិយំ ជីវិតិន្ទ្រិយំ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា ឋបេត្វា ¶ វេទនាក្ខន្ធំ ឋបេត្វា សញ្ញាក្ខន្ធំ ឋបេត្វា វិញ្ញាណក្ខន្ធំ – អយំ តស្មិំ សមយេ សង្ខារក្ខន្ធោ ហោតិ…បេ… ឥមេ ធម្មា អព្យាកតា.

កិរិយា មនោវិញ្ញាណធាតុ សោមនស្សសហគតា.

កិរិយាមនោវិញ្ញាណធាតុឧបេក្ខាសហគតា

៥៧៤. កតមេ ¶ ធម្មា អព្យាកតា? យស្មិំ សមយេ មនោវិញ្ញាណធាតុ ឧប្បន្នា ហោតិ កិរិយា នេវ កុសលា នាកុសលា ន ច កម្មវិបាកា ឧបេក្ខាសហគតា រូបារម្មណា វា…បេ… ធម្មារម្មណា វា យំ យំ វា បនារព្ភ, តស្មិំ សមយេ ផស្សោ ហោតិ, វេទនា ហោតិ, សញ្ញា ហោតិ, ចេតនា ហោតិ, ចិត្តំ ហោតិ, វិតក្កោ ហោតិ, វិចារោ ហោតិ, ឧបេក្ខា ហោតិ, ចិត្តស្សេកគ្គតា ¶ ហោតិ, វីរិយិន្ទ្រិយំ ហោតិ, សមាធិន្ទ្រិយំ ហោតិ មនិន្ទ្រិយំ ហោតិ, ឧបេក្ខិន្ទ្រិយំ ហោតិ, ជីវិតិន្ទ្រិយំ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អព្យាកតា…បេ….

តស្មិំ ខោ បន សមយេ ចត្តារោ ខន្ធា ហោន្តិ, ទ្វាយតនានិ ហោន្តិ, ទ្វេ ធាតុយោ ហោន្តិ, តយោ អាហារា ហោន្តិ, បញ្ចិន្ទ្រិយានិ ហោន្តិ, ឯកោ ផស្សោ ហោតិ…បេ… ឯកា មនោវិញ្ញាណធាតុ ហោតិ, ឯកំ ធម្មាយតនំ ហោតិ, ឯកា ធម្មធាតុ ហោតិ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា – ឥមេ ធម្មា អព្យាកតា…បេ….

៥៧៥. កតមោ ¶ តស្មិំ សមយេ សង្ខារក្ខន្ធោ ហោតិ? ផស្សោ ចេតនា វិតក្កោ វិចារោ ចិត្តស្សេកគ្គតា វីរិយិន្ទ្រិយំ សមាធិន្ទ្រិយំ ជីវិតិន្ទ្រិយំ; យេ វា បន តស្មិំ សមយេ អញ្ញេបិ អត្ថិ បដិច្ចសមុប្បន្នា អរូបិនោ ធម្មា ឋបេត្វា វេទនាក្ខន្ធំ ឋបេត្វា សញ្ញាក្ខន្ធំ ឋបេត្វា វិញ្ញាណក្ខន្ធំ – អយំ តស្មិំ សមយេ សង្ខារក្ខន្ធោ ហោតិ…បេ… ឥមេ ¶ ធម្មា អព្យាកតា.

កិរិយា មនោវិញ្ញាណធាតុ ឧបេក្ខាសហគតា.

៥៧៦. កតមេ ធម្មា អព្យាកតា? យស្មិំ សមយេ មនោវិញ្ញាណធាតុ ឧប្បន្នា ហោតិ កិរិយា នេវ កុសលា នាកុសលា ន ច កម្មវិបាកា សោមនស្សសហគតា ញាណសម្បយុត្តា…បេ… សោមនស្សសហគតា ញាណសម្បយុត្តា សសង្ខារេន…បេ… សោមនស្សសហគតា ញាណវិប្បយុត្តា…បេ… សោមនស្សសហគតា ញាណវិប្បយុត្តា សសង្ខារេន…បេ… ឧបេក្ខាសហគតា ញាណសម្បយុត្តា…បេ… ឧបេក្ខាសហគតា ញាណសម្បយុត្តា សសង្ខារេន…បេ… ឧបេក្ខាសហគតា ញាណវិប្បយុត្តា…បេ… ឧបេក្ខាសហគតា ញាណវិប្បយុត្តា សសង្ខារេន រូបារម្មណា វា…បេ… ធម្មារម្មណា វា យំ យំ វា បនារព្ភ ¶ , តស្មិំ សមយេ ផស្សោ ហោតិ…បេ… អវិក្ខេបោ ហោតិ ¶ …បេ… ឥមេ ធម្មា អព្យាកតា…បេ… អលោភោ អព្យាកតមូលំ…បេ… អទោសោ អព្យាកតមូលំ…បេ… ឥមេ ធម្មា អព្យាកតា.

៥៧៧. កតមេ ធម្មា អព្យាកតា? យស្មិំ សមយេ រូបាវចរំ ឈានំ ភាវេតិ កិរិយំ នេវ កុសលំ នាកុសលំ ន ច កម្មវិបាកំ ទិដ្ឋធម្មសុខវិហារំ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ បថវីកសិណំ, តស្មិំ ¶ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥៧៨. កតមេ ¶ ធម្មា អព្យាកតា? យស្មិំ សមយេ រូបាវចរំ ឈានំ ភាវេតិ កិរិយំ នេវ កុសលំ នាកុសលំ ន ច កម្មវិបាកំ ទិដ្ឋធម្មសុខវិហារំ វិតក្កវិចារានំ វូបសមា…បេ… ទុតិយំ ឈានំ…បេ… តតិយំ ឈានំ…បេ… ចតុត្ថំ ឈានំ…បេ… បឋមំ ឈានំ…បេ… បញ្ចមំ ឈានំ ឧបសម្បជ្ជ វិហរតិ បថវីកសិណំ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥៧៩. កតមេ ធម្មា អព្យាកតា? យស្មិំ សមយេ អរូបាវចរំ ឈានំ ភាវេតិ កិរិយំ នេវ កុសលំ នាកុសលំ ន ច កម្មវិបាកំ ទិដ្ឋធម្មសុខវិហារំ សព្ពសោ រូបសញ្ញានំ សមតិក្កមា បដិឃសញ្ញានំ អត្ថង្គមា នានត្តសញ្ញានំ អមនសិការា អាកាសានញ្ចាយតនសញ្ញាសហគតំ ¶ សុខស្ស ច បហានា…បេ… ចតុត្ថំ ឈានំ ឧបសម្បជ្ជ វិហរតិ តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥៨០. កតមេ ធម្មា អព្យាកតា? យស្មិំ សមយេ អរូបាវចរំ ឈានំ ភាវេតិ កិរិយំ នេវ ¶ កុសលំ នាកុសលំ ន ច កម្មវិបាកំ ទិដ្ឋធម្មសុខវិហារំ សព្ពសោ អាកាសានញ្ចាយតនំ សមតិក្កម្ម វិញ្ញាណញ្ចាយតនសញ្ញាសហគតំ សុខស្ស ច បហានា…បេ… ចតុត្ថំ ឈានំ ឧបសម្បជ្ជ វិហរតិ, តស្មិំ សមយេ ផស្សោ ហោតិ…បេ… អវិក្ខេបោ ¶ ហោតិ…បេ… ឥមេ ធម្មា អព្យាកតា.

៥៨១. កតមេ ធម្មា អព្យាកតា? យស្មិំ សមយេ អរូបាវចរំ ឈានំ ភាវេតិ កិរិយំ នេវ កុសលំ នាកុសលំ ន ច កម្មវិបាកំ ទិដ្ឋធម្មសុខវិហារំ សព្ពសោ វិញ្ញាណញ្ចាយតនំ សមតិក្កម្ម អាកិញ្ចញ្ញាយតនសញ្ញាសហគតំ សុខស្ស ច បហានា…បេ… ចតុត្ថំ ឈានំ ឧបសម្បជ្ជ វិហរតិ ¶ , តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា.

៥៨២. កតមេ ធម្មា អព្យាកតា? យស្មិំ សមយេ អរូបាវចរំ ឈានំ ភាវេតិ កិរិយំ នេវ កុសលំ នាកុសលំ ន ច កម្មវិបាកំ ទិដ្ឋធម្មសុខវិហារំ សព្ពសោ អាកិញ្ចញ្ញាយតនំ សមតិក្កម្ម នេវសញ្ញានាសញ្ញាយតនសញ្ញាសហគតំ សុខស្ស ច បហានា…បេ… ចតុត្ថំ ឈានំ ឧបសម្បជ្ជ វិហរតិ, តស្មិំ សមយេ ផស្សោ ហោតិ…បេ… អវិក្ខេបោ ហោតិ…បេ… ឥមេ ធម្មា អព្យាកតា…បេ… អលោភោ អព្យាកតមូលំ…បេ… អទោសោ អព្យាកតមូលំ…បេ… អមោហោ អព្យាកតមូលំ…បេ… ឥមេ ធម្មា អព្យាកតា.

៥៨៣. កតមេ ¶ ¶ ¶ ធម្មា អព្យាកតា? កុសលាកុសលានំ ធម្មានំ វិបាកា កាមាវចរា រូបាវចរា អរូបាវចរា អបរិយាបន្នា វេទនាក្ខន្ធោ សញ្ញាក្ខន្ធោ សង្ខារក្ខន្ធោ វិញ្ញាណក្ខន្ធោ, យេ ច ធម្មា កិរិយា នេវ កុសលា នាកុសលា ន ច កម្មវិបាកា, សព្ពញ្ច រូបំ, អសង្ខតា ច ធាតុ – ឥមេ ធម្មា អព្យាកតា.

៥៨៤. តត្ថ កតមំ សព្ពំ រូបំ? ចត្តារោ ច មហាភូតា, ចតុន្នញ្ច មហាភូតានំ ឧបាទាយ រូបំ – ឥទំ វុច្ចតិ សព្ពំ រូបំ. សព្ពំ រូបំ ន ហេតុ, អហេតុកំ, ហេតុវិប្បយុត្តំ, សប្បច្ចយំ ¶ , សង្ខតំ, រូបំ [រូបិយំ (សី.)], លោកិយំ, សាសវំ, សំយោជនិយំ, គន្ថនិយំ, ឱឃនិយំ, យោគនិយំ, នីវរណិយំ, បរាមដ្ឋំ, ឧបាទានិយំ, សំកិលេសិកំ, អព្យាកតំ, អនារម្មណំ, អចេតសិកំ, ចិត្តវិប្បយុត្តំ, នេវវិបាកនវិបាកធម្មធម្មំ, អសំកិលិដ្ឋសំកិលេសិកំ, ន សវិតក្កសវិចារំ, ន អវិតក្កវិចារមត្តំ, អវិតក្កអវិចារំ, ន បីតិសហគតំ, ន សុខសហគតំ, ន ឧបេក្ខាសហគតំ, នេវ ទស្សនេន ន ភាវនាយ បហាតព្ពំ, នេវ ទស្សនេន ន ភាវនាយ បហាតព្ពហេតុកំ, នេវ អាចយគាមិ ន អបចយគាមិ, នេវសេក្ខនាសេក្ខំ, បរិត្តំ, កាមាវចរំ, ន រូបាវចរំ, ន ¶ អរូបាវចរំ, បរិយាបន្នំ, នោ អបរិយាបន្នំ, អនិយតំ, អនិយ្យានិកំ, ឧប្បន្នំ, ឆហិ វិញ្ញាណេហិ វិញ្ញេយ្យំ, អនិច្ចំ, ជរាភិភូតំ.

អត្ថិ រូបំ ឧបាទា, អត្ថិ រូបំ នោ ឧបាទា.

អត្ថិ រូបំ ឧបាទិណ្ណំ, អត្ថិ រូបំ អនុបាទិណ្ណំ.

អត្ថិ រូបំ ឧបាទិណ្ណុបាទានិយំ, អត្ថិ រូបំ អនុបាទិណ្ណុបាទានិយំ.

អត្ថិ រូបំ សនិទស្សនំ, អត្ថិ រូបំ អនិទស្សនំ.

អត្ថិ រូបំ សប្បដិឃំ, អត្ថិ រូបំ អប្បដិឃំ.

អត្ថិ រូបំ ឥន្ទ្រិយំ, អត្ថិ រូបំ ន ឥន្ទ្រិយំ.

អត្ថិ រូបំ មហាភូតំ, អត្ថិ រូបំ ន មហាភូតំ.

អត្ថិ រូបំ វិញ្ញត្តិ, អត្ថិ រូបំ ន វិញ្ញត្តិ.

អត្ថិ រូបំ ចិត្តសមុដ្ឋានំ, អត្ថិ រូបំ ន ចិត្តសមុដ្ឋានំ.

អត្ថិ រូបំ ចិត្តសហភុ, អត្ថិ រូបំ ន ចិត្តសហភុ.

អត្ថិ រូបំ ចិត្តានុបរិវត្តិ, អត្ថិ រូបំ ន ចិត្តានុបរិវត្តិ.

អត្ថិ រូបំ អជ្ឈត្តិកំ, អត្ថិ រូបំ ពាហិរំ.

អត្ថិ រូបំ ឱឡារិកំ, អត្ថិ រូបំ សុខុមំ.

អត្ថិ រូបំ ទូរេ, អត្ថិ រូបំ សន្តិកេ.

អត្ថិ រូបំ ចក្ខុសម្ផស្សស្ស វត្ថុ, អត្ថិ រូបំ ចក្ខុសម្ផស្សស្ស ន វត្ថុ. អត្ថិ រូបំ ចក្ខុសម្ផស្សជាយ ¶ វេទនាយ…បេ… សញ្ញាយ…បេ… ចេតនាយ…បេ… ចក្ខុវិញ្ញាណស្ស វត្ថុ, អត្ថិ រូបំ ចក្ខុវិញ្ញាណស្ស ន វត្ថុ.

អត្ថិ រូបំ សោតសម្ផស្សស្ស…បេ… ឃានសម្ផស្សស្ស…បេ… ¶ ជិវ្ហាសម្ផស្សស្ស…បេ… កាយសម្ផស្សស្ស វត្ថុ, អត្ថិ រូបំ កាយសម្ផស្សស្ស ន វត្ថុ. អត្ថិ រូបំ កាយសម្ផស្សជាយ វេទនាយ…បេ… សញ្ញាយ…បេ… ចេតនាយ ¶ …បេ… កាយវិញ្ញាណស្ស វត្ថុ, អត្ថិ រូបំ កាយវិញ្ញាណស្ស ន វត្ថុ.

អត្ថិ រូបំ ចក្ខុសម្ផស្សស្ស អារម្មណំ, អត្ថិ រូបំ ចក្ខុសម្ផស្សស្ស នារម្មណំ. អត្ថិ រូបំ ចក្ខុសម្ផស្សជាយ វេទនាយ…បេ… សញ្ញាយ…បេ… ចេតនាយ…បេ… ចក្ខុវិញ្ញាណស្ស អារម្មណំ, អត្ថិ រូបំ ចក្ខុវិញ្ញាណស្ស នារម្មណំ.

អត្ថិ រូបំ សោតសម្ផស្សស្ស…បេ… ¶ ឃានសម្ផស្សស្ស…បេ… ជិវ្ហាសម្ផស្សស្ស…បេ… កាយសម្ផស្សស្ស អារម្មណំ, អត្ថិ រូបំ កាយសម្ផស្សស្ស នារម្មណំ. អត្ថិ រូបំ កាយសម្ផស្សជាយ វេទនាយ…បេ… សញ្ញាយ…បេ… ចេតនាយ…បេ… កាយវិញ្ញាណស្ស អារម្មណំ, អត្ថិ រូបំ កាយវិញ្ញាណស្ស នារម្មណំ.

អត្ថិ រូបំ ចក្ខាយតនំ, អត្ថិ រូបំ ន ចក្ខាយតនំ. អត្ថិ រូបំ សោតាយតនំ…បេ… ឃានាយតនំ…បេ… ជិវ្ហាយតនំ…បេ… កាយាយតនំ, អត្ថិ រូបំ ន កាយាយតនំ.

អត្ថិ រូបំ រូបាយតនំ, អត្ថិ រូបំ ន រូបាយតនំ. អត្ថិ រូបំ សទ្ទាយតនំ…បេ… គន្ធាយតនំ…បេ… រសាយតនំ…បេ… ផោដ្ឋព្ពាយតនំ, អត្ថិ រូបំ ន ផោដ្ឋព្ពាយតនំ.

អត្ថិ រូបំ ចក្ខុធាតុ, អត្ថិ រូបំ ន ចក្ខុធាតុ. អត្ថិ រូបំ សោតធាតុ…បេ… ឃានធាតុ…បេ… ជិវ្ហាធាតុ…បេ… កាយធាតុ, អត្ថិ រូបំ ន កាយធាតុ.

អត្ថិ រូបំ រូបធាតុ, អត្ថិ រូបំ ន រូបធាតុ. អត្ថិ រូបំ សទ្ទធាតុ…បេ… គន្ធធាតុ…បេ… រសធាតុ…បេ… ផោដ្ឋព្ពធាតុ, អត្ថិ រូបំ ន ផោដ្ឋព្ពធាតុ.

អត្ថិ ¶ រូបំ ចក្ខុន្ទ្រិយំ, អត្ថិ រូបំ ន ចក្ខុន្ទ្រិយំ. អត្ថិ រូបំ សោតិន្ទ្រិយំ…បេ… ឃានិន្ទ្រិយំ…បេ… ជិវ្ហិន្ទ្រិយំ…បេ… កាយិន្ទ្រិយំ, អត្ថិ រូបំ ន កាយិន្ទ្រិយំ.

អត្ថិ រូបំ ឥត្ថិន្ទ្រិយំ, អត្ថិ រូបំ ន ឥត្ថិន្ទ្រិយំ.

អត្ថិ រូបំ បុរិសិន្ទ្រិយំ, អត្ថិ រូបំ ន បុរិសិន្ទ្រិយំ.

អត្ថិ រូបំ ជីវិតិន្ទ្រិយំ, អត្ថិ រូបំ ន ជីវិតិន្ទ្រិយំ.

អត្ថិ រូបំ កាយវិញ្ញត្តិ, អត្ថិ រូបំ ន កាយវិញ្ញត្តិ.

អត្ថិ រូបំ វចីវិញ្ញត្តិ, អត្ថិ រូបំ ន វចីវិញ្ញត្តិ.

អត្ថិ រូបំ អាកាសធាតុ, អត្ថិ រូបំ ន អាកាសធាតុ.

អត្ថិ រូបំ ¶ អាបោធាតុ, អត្ថិ រូបំ ន អាបោធាតុ.

អត្ថិ រូបំ រូបស្ស លហុតា, អត្ថិ រូបំ រូបស្ស ន លហុតា.

អត្ថិ រូបំ រូបស្ស មុទុតា, អត្ថិ រូបំ ¶ រូបស្ស ន មុទុតា.

អត្ថិ រូបំ រូបស្ស កម្មញ្ញតា, អត្ថិ រូបំ រូបស្ស ន កម្មញ្ញតា.

អត្ថិ រូបំ រូបស្ស ឧបចយោ, អត្ថិ រូបំ រូបស្ស ន ឧបចយោ.

អត្ថិ រូបំ រូបស្ស សន្តតិ, អត្ថិ រូបំ រូបស្ស ន សន្តតិ.

អត្ថិ ¶ រូបំ រូបស្ស ជរតា, អត្ថិ រូបំ រូបស្ស ន ជរតា.

អត្ថិ រូបំ រូបស្ស អនិច្ចតា, អត្ថិ រូបំ រូបស្ស ន អនិច្ចតា.

អត្ថិ រូបំ កពឡីការោ អាហារោ, អត្ថិ រូបំ ន កពឡីការោ អាហារោ.

៥៨៥. យំ តំ រូបំ អជ្ឈត្តិកំ, តំ ឧបាទា. យំ តំ រូបំ ពាហិរំ, តំ អត្ថិ ឧបាទា, អត្ថិ នោ ឧបាទា.

យំ តំ រូបំ អជ្ឈត្តិកំ, តំ ឧបាទិណ្ណំ. យំ តំ រូបំ ពាហិរំ, តំ អត្ថិ ឧបាទិណ្ណំ, អត្ថិ អនុបាទិណ្ណំ.

យំ តំ រូបំ អជ្ឈត្តិកំ, តំ ឧបាទិណ្ណុបាទានិយំ. យំ តំ រូបំ ពាហិរំ, តំ អត្ថិ ឧបាទិណ្ណុបាទានិយំ, អត្ថិ អនុបាទិណ្ណុបាទានិយំ.

យំ តំ រូបំ អជ្ឈត្តិកំ, តំ អនិទស្សនំ. យំ តំ រូបំ ពាហិរំ, តំ អត្ថិ សនិទស្សនំ, អត្ថិ អនិទស្សនំ.

យំ តំ រូបំ អជ្ឈត្តិកំ, តំ សប្បដិឃំ. យំ តំ រូបំ ពាហិរំ, តំ អត្ថិ សប្បដិឃំ, អត្ថិ អប្បដិឃំ.

យំ តំ រូបំ អជ្ឈត្តិកំ, តំ ឥន្ទ្រិយំ. យំ តំ រូបំ ពាហិរំ, តំ អត្ថិ ឥន្ទ្រិយំ, អត្ថិ ន ឥន្ទ្រិយំ.

យំ តំ រូបំ អជ្ឈត្តិកំ, តំ ន មហាភូតំ. យំ តំ រូបំ ពាហិរំ, តំ អត្ថិ មហាភូតំ, អត្ថិ ន មហាភូតំ.

យំ តំ រូបំ អជ្ឈត្តិកំ, តំ ន វិញ្ញត្តិ. យំ តំ រូបំ ពាហិរំ, តំ អត្ថិ វិញ្ញត្តិ, អត្ថិ ន វិញ្ញត្តិ.

យំ ¶ ¶ តំ រូបំ អជ្ឈត្តិកំ, តំ ន ចិត្តសមុដ្ឋានំ. យំ តំ រូបំ ពាហិរំ, តំ អត្ថិ ចិត្តសមុដ្ឋានំ, អត្ថិ ន ចិត្តសមុដ្ឋានំ.

យំ តំ រូបំ អជ្ឈត្តិកំ, តំ ន ចិត្តសហភុ. យំ តំ រូបំ ពាហិរំ, តំ អត្ថិ ¶ ចិត្តសហភុ, អត្ថិ ន ចិត្តសហភុ.

យំ តំ រូបំ អជ្ឈត្តិកំ, តំ ន ចិត្តានុបរិវត្តិ. យំ តំ រូបំ ពាហិរំ, តំ អត្ថិ ចិត្តានុបរិវត្តិ, អត្ថិ ន ចិត្តានុបរិវត្តិ.

យំ តំ រូបំ អជ្ឈត្តិកំ, តំ ឱឡារិកំ. យំ តំ រូបំ ពាហិរំ, តំ អត្ថិ ឱឡារិកំ, អត្ថិ សុខុមំ.

យំ តំ រូបំ អជ្ឈត្តិកំ, តំ សន្តិកេ. យំ តំ រូបំ ពាហិរំ, តំ អត្ថិ ទូរេ, អត្ថិ សន្តិកេ.

យំ តំ រូបំ ពាហិរំ, តំ ចក្ខុសម្ផស្សស្ស ន វត្ថុ. យំ តំ រូបំ អជ្ឈត្តិកំ, តំ ¶ អត្ថិ ចក្ខុសម្ផស្សស្ស វត្ថុ, អត្ថិ ចក្ខុសម្ផស្សស្ស ន វត្ថុ.

យំ តំ រូបំ ពាហិរំ, តំ ចក្ខុសម្ផស្សជាយ វេទនាយ…បេ… សញ្ញាយ…បេ… ចេតនាយ…បេ… ចក្ខុវិញ្ញាណស្ស ន វត្ថុ. យំ តំ រូបំ អជ្ឈត្តិកំ, តំ អត្ថិ ចក្ខុវិញ្ញាណស្ស វត្ថុ, អត្ថិ ចក្ខុវិញ្ញាណស្ស ន វត្ថុ.

យំ តំ រូបំ ពាហិរំ, តំ សោតសម្ផស្សស្ស…បេ… ឃានសម្ផស្សស្ស…បេ… ជិវ្ហាសម្ផស្សស្ស…បេ… កាយសម្ផស្សស្ស ន វត្ថុ. យំ តំ រូបំ អជ្ឈត្តិកំ, តំ អត្ថិ កាយសម្ផស្សស្ស វត្ថុ, អត្ថិ កាយសម្ផស្សស្ស ន វត្ថុ. យំ តំ រូបំ ពាហិរំ, តំ កាយសម្ផស្សជាយ វេទនាយ…បេ… សញ្ញាយ…បេ… ចេតនាយ…បេ… កាយវិញ្ញាណស្ស ន វត្ថុ. យំ តំ រូបំ អជ្ឈត្តិកំ, តំ អត្ថិ កាយវិញ្ញាណស្ស វត្ថុ, អត្ថិ កាយវិញ្ញាណស្ស ន វត្ថុ.

យំ ¶ តំ រូបំ អជ្ឈត្តិកំ, តំ ចក្ខុសម្ផស្សស្ស នារម្មណំ. យំ តំ រូបំ ពាហិរំ, តំ អត្ថិ ចក្ខុសម្ផស្សស្ស អារម្មណំ, អត្ថិ ចក្ខុសម្ផស្សស្ស នារម្មណំ. យំ តំ រូបំ អជ្ឈត្តិកំ, តំ ចក្ខុសម្ផស្សជាយ វេទនាយ…បេ… សញ្ញាយ…បេ… ចេតនាយ…បេ… ចក្ខុវិញ្ញាណស្ស នារម្មណំ. យំ តំ រូបំ ពាហិរំ, តំ អត្ថិ ¶ ចក្ខុវិញ្ញាណស្ស អារម្មណំ, អត្ថិ ចក្ខុវិញ្ញាណស្ស នារម្មណំ.

យំ តំ រូបំ អជ្ឈត្តិកំ, តំ សោតសម្ផស្សស្ស…បេ… ឃានសម្ផស្សស្ស…បេ… ជិវ្ហាសម្ផស្សស្ស…បេ… កាយសម្ផស្សស្ស នារម្មណំ. យំ តំ រូបំ ពាហិរំ, តំ អត្ថិ កាយសម្ផស្សស្ស អារម្មណំ, អត្ថិ កាយសម្ផស្សស្ស នារម្មណំ. យំ តំ រូបំ អជ្ឈត្តិកំ ¶ , តំ កាយសម្ផស្សជាយ វេទនាយ…បេ… សញ្ញាយ…បេ… ចេតនាយ…បេ… កាយវិញ្ញាណស្ស នារម្មណំ. យំ តំ រូបំ ពាហិរំ, តំ អត្ថិ កាយវិញ្ញាណស្ស អារម្មណំ, អត្ថិ កាយវិញ្ញាណស្ស នារម្មណំ.

យំ តំ រូបំ ពាហិរំ, តំ ន ចក្ខាយតនំ. យំ តំ រូបំ អជ្ឈត្តិកំ, តំ អត្ថិ ចក្ខាយតនំ, អត្ថិ ន ចក្ខាយតនំ. យំ តំ រូបំ ពាហិរំ, តំ ន សោតាយតនំ…បេ… ន ឃានាយតនំ…បេ… ន ជិវ្ហាយតនំ…បេ… ន កាយាយតនំ. យំ តំ រូបំ អជ្ឈត្តិកំ, តំ អត្ថិ កាយាយតនំ, អត្ថិ ន កាយាយតនំ.

យំ តំ រូបំ អជ្ឈត្តិកំ, តំ ន រូបាយតនំ. យំ តំ រូបំ ពាហិរំ, តំ អត្ថិ រូបាយតនំ, អត្ថិ ន រូបាយតនំ ¶ . យំ តំ រូបំ អជ្ឈត្តិកំ, តំ ន សទ្ទាយតនំ…បេ… ន គន្ធាយតនំ…បេ… ន រសាយតនំ…បេ… ន ផោដ្ឋព្ពាយតនំ. យំ តំ រូបំ ពាហិរំ, តំ អត្ថិ ផោដ្ឋព្ពាយតនំ, អត្ថិ ន ផោដ្ឋព្ពាយតនំ.

យំ តំ រូបំ ពាហិរំ, តំ ន ចក្ខុធាតុ. យំ តំ រូបំ អជ្ឈត្តិកំ, តំ អត្ថិ ចក្ខុធាតុ, អត្ថិ ន ចក្ខុធាតុ. យំ តំ រូបំ ពាហិរំ, តំ ន សោតធាតុ…បេ… ន ឃានធាតុ…បេ… ន ជិវ្ហាធាតុ…បេ… ន កាយធាតុ. យំ តំ រូបំ អជ្ឈត្តិកំ, តំ អត្ថិ កាយធាតុ, អត្ថិ ន កាយធាតុ.

យំ ¶ តំ រូបំ អជ្ឈត្តិកំ, តំ ន រូបធាតុ. យំ តំ រូបំ ពាហិរំ, តំ អត្ថិ រូបធាតុ, អត្ថិ ន រូបធាតុ. យំ តំ រូបំ អជ្ឈត្តិកំ, តំ ន សទ្ទធាតុ…បេ… ន គន្ធធាតុ…បេ… ន ¶ រសធាតុ…បេ… ន ផោដ្ឋព្ពធាតុ. យំ តំ រូបំ ពាហិរំ, តំ អត្ថិ ផោដ្ឋព្ពធាតុ, អត្ថិ ន ផោដ្ឋព្ពធាតុ.

យំ តំ រូបំ ពាហិរំ, តំ ន ចក្ខុន្ទ្រិយំ. យំ តំ រូបំ អជ្ឈត្តិកំ, តំ អត្ថិ ចក្ខុន្ទ្រិយំ, អត្ថិ ន ចក្ខុន្ទ្រិយំ. យំ តំ រូបំ ពាហិរំ, តំ ន សោតិន្ទ្រិយំ…បេ… ន ឃានិន្ទ្រិយំ…បេ… ន ជិវ្ហិន្ទ្រិយំ…បេ… ន កាយិន្ទ្រិយំ. យំ តំ រូបំ អជ្ឈត្តិកំ, តំ អត្ថិ កាយិន្ទ្រិយំ, អត្ថិ ន កាយិន្ទ្រិយំ.

យំ តំ រូបំ អជ្ឈត្តិកំ, តំ ន ឥត្ថិន្ទ្រិយំ. យំ តំ រូបំ ពាហិរំ, តំ អត្ថិ ឥត្ថិន្ទ្រិយំ, អត្ថិ ន ឥត្ថិន្ទ្រិយំ.

យំ តំ រូបំ អជ្ឈត្តិកំ, តំ ន បុរិសិន្ទ្រិយំ. យំ តំ រូបំ ពាហិរំ, តំ អត្ថិ បុរិសិន្ទ្រិយំ, អត្ថិ ន បុរិសិន្ទ្រិយំ.

យំ តំ រូបំ អជ្ឈត្តិកំ, តំ ន ជីវិតិន្ទ្រិយំ. យំ តំ រូបំ ពាហិរំ, តំ អត្ថិ ជីវិតិន្ទ្រិយំ, អត្ថិ ន ជីវិតិន្ទ្រិយំ.

យំ ¶ តំ រូបំ អជ្ឈត្តិកំ, តំ ន កាយវិញ្ញត្តិ. យំ តំ រូបំ ពាហិរំ, តំ អត្ថិ កាយវិញ្ញត្តិ, អត្ថិ ន កាយវិញ្ញត្តិ.

យំ តំ រូបំ អជ្ឈត្តិកំ, តំ ន វចីវិញ្ញត្តិ. យំ តំ រូបំ ពាហិរំ, តំ អត្ថិ វចីវិញ្ញត្តិ, អត្ថិ ន វចីវិញ្ញត្តិ.

យំ តំ រូបំ អជ្ឈត្តិកំ, តំ ន អាកាសធាតុ. យំ តំ រូបំ ពាហិរំ, តំ អត្ថិ អាកាសធាតុ, អត្ថិ ន អាកាសធាតុ.

យំ ¶ តំ រូបំ អជ្ឈត្តិកំ, តំ ន អាបោធាតុ. យំ តំ រូបំ ពាហិរំ, តំ អត្ថិ អាបោធាតុ, អត្ថិ ន អាបោធាតុ.

យំ តំ រូបំ អជ្ឈត្តិកំ, តំ រូបស្ស ន លហុតា. យំ តំ រូបំ ពាហិរំ, តំ អត្ថិ រូបស្ស លហុតា, អត្ថិ រូបស្ស ន លហុតា.

យំ តំ រូបំ អជ្ឈត្តិកំ, តំ រូបស្ស ន មុទុតា. យំ តំ រូបំ ¶ ពាហិរំ, តំ អត្ថិ រូបស្ស មុទុតា, អត្ថិ រូបស្ស ន មុទុតា.

យំ តំ រូបំ អជ្ឈត្តិកំ, តំ រូបស្ស ន កម្មញ្ញតា. យំ តំ រូបំ ពាហិរំ, តំ អត្ថិ រូបស្ស កម្មញ្ញតា, អត្ថិ រូបស្ស ន កម្មញ្ញតា.

យំ តំ រូបំ អជ្ឈត្តិកំ, តំ រូបស្ស ន ឧបចយោ. យំ តំ រូបំ ពាហិរំ, តំ អត្ថិ រូបស្ស ឧបចយោ, អត្ថិ ¶ រូបស្ស ន ឧបចយោ.

យំ តំ រូបំ អជ្ឈត្តិកំ, តំ រូបស្ស ន សន្តតិ. យំ តំ រូបំ ពាហិរំ, តំ អត្ថិ រូបស្ស សន្តតិ, អត្ថិ រូបស្ស ន សន្តតិ.

យំ តំ រូបំ អជ្ឈត្តិកំ, តំ រូបស្ស ន ជរតា. យំ តំ រូបំ ពាហិរំ, តំ អត្ថិ រូបស្ស ជរតា, អត្ថិ រូបស្ស ន ជរតា.

យំ តំ រូបំ អជ្ឈត្តិកំ, តំ រូបស្ស ន អនិច្ចតា. យំ តំ រូបំ ពាហិរំ, តំ អត្ថិ រូបស្ស អនិច្ចតា, អត្ថិ រូបស្ស ន អនិច្ចតា.

យំ តំ រូបំ អជ្ឈត្តិកំ, តំ ន កពឡីការោ អាហារោ. យំ តំ រូបំ ពាហិរំ, តំ អត្ថិ កពឡីការោ អាហារោ, អត្ថិ ន កពឡីការោ អាហារោ.

៥៨៦. យំ តំ រូបំ ឧបាទា, តំ អត្ថិ ឧបាទិណ្ណំ, អត្ថិ អនុបាទិណ្ណំ. យំ តំ រូបំ នោ ឧបាទា, តំ អត្ថិ ឧបាទិណ្ណំ, អត្ថិ អនុបាទិណ្ណំ.

យំ តំ រូបំ ឧបាទា, តំ អត្ថិ ឧបាទិណ្ណុបាទានិយំ, អត្ថិ អនុបាទិណ្ណុបាទានិយំ. យំ តំ រូបំ នោ ឧបាទា, តំ អត្ថិ ឧបាទិណ្ណុបាទានិយំ, អត្ថិ អនុបាទិណ្ណុបាទានិយំ.

យំ តំ រូបំ ឧបាទា, តំ អត្ថិ សប្បដិឃំ, អត្ថិ អប្បដិឃំ. យំ តំ រូបំ នោ ឧបាទា, តំ អត្ថិ សប្បដិឃំ, អត្ថិ អប្បដិឃំ.

យំ តំ រូបំ ឧបាទា, តំ អត្ថិ ឱឡារិកំ, អត្ថិ សុខុមំ. យំ តំ រូបំ នោ ឧបាទា, តំ អត្ថិ ឱឡារិកំ, អត្ថិ សុខុមំ.

យំ តំ រូបំ ឧបាទា, តំ អត្ថិ ទូរេ, អត្ថិ សន្តិកេ. យំ តំ រូបំ នោ ឧបាទា, តំ អត្ថិ ទូរេ, អត្ថិ សន្តិកេ.

យំ តំ រូបំ ឧបាទិណ្ណំ, តំ អត្ថិ សនិទស្សនំ, អត្ថិ អនិទស្សនំ. យំ តំ រូបំ អនុបាទិណ្ណំ, តំ អត្ថិ សនិទស្សនំ, អត្ថិ អនិទស្សនំ.

យំ តំ រូបំ ឧបាទិណ្ណំ, តំ អត្ថិ សប្បដិឃំ អត្ថិ អប្បដិឃំ. យំ តំ រូបំ អនុបាទិណ្ណំ, តំ អត្ថិ សប្បដិឃំ, អត្ថិ អប្បដិឃំ.

យំ តំ រូបំ ឧបាទិណ្ណំ, តំ អត្ថិ មហាភូតំ, អត្ថិ ¶ ន មហាភូតំ. យំ តំ រូបំ អនុបាទិណ្ណំ, តំ អត្ថិ មហាភូតំ ¶ , អត្ថិ ន មហាភូតំ.

យំ ¶ តំ រូបំ ឧបាទិណ្ណំ, តំ អត្ថិ ឱឡារិកំ, អត្ថិ សុខុមំ. យំ តំ រូបំ អនុបាទិណ្ណំ, តំ អត្ថិ ឱឡារិកំ, អត្ថិ សុខុមំ.

យំ តំ រូបំ ឧបាទិណ្ណំ, តំ អត្ថិ ទូរេ, អត្ថិ សន្តិកេ. យំ តំ រូបំ អនុបាទិណ្ណំ, តំ អត្ថិ ទូរេ, អត្ថិ សន្តិកេ.

យំ ¶ តំ រូបំ ឧបាទិណ្ណុបាទានិយំ, តំ អត្ថិ សនិទស្សនំ, អត្ថិ អនិទស្សនំ. យំ តំ រូបំ អនុបាទិណ្ណុបាទានិយំ, តំ អត្ថិ សនិទស្សនំ, អត្ថិ អនិទស្សនំ.

យំ តំ រូបំ ឧបាទិណ្ណុបាទានិយំ, តំ អត្ថិ សប្បដិឃំ, អត្ថិ អប្បដិឃំ. យំ តំ រូបំ អនុបាទិណ្ណុបាទានិយំ, តំ អត្ថិ សប្បដិឃំ, អត្ថិ អប្បដិឃំ.

យំ តំ រូបំ ឧបាទិណ្ណុបាទានិយំ, តំ អត្ថិ មហាភូតំ, អត្ថិ ន មហាភូតំ. យំ តំ រូបំ អនុបាទិណ្ណុបាទានិយំ, តំ អត្ថិ មហាភូតំ, អត្ថិ ន មហាភូតំ.

យំ តំ រូបំ ឧបាទិណ្ណុបាទានិយំ, តំ អត្ថិ ឱឡារិកំ, អត្ថិ សុខុមំ. យំ តំ រូបំ អនុបាទិណ្ណុបាទានិយំ, តំ អត្ថិ ឱឡារិកំ, អត្ថិ សុខុមំ.

យំ តំ រូបំ ឧបាទិណ្ណុបាទានិយំ, តំ អត្ថិ ទូរេ, អត្ថិ សន្តិកេ. យំ តំ រូបំ អនុបាទិណ្ណុបាទានិយំ, តំ អត្ថិ ទូរេ, អត្ថិ សន្តិកេ.

យំ តំ រូបំ សប្បដិឃំ, តំ អត្ថិ ឥន្ទ្រិយំ, អត្ថិ ន ឥន្ទ្រិយំ. យំ តំ រូបំ អប្បដិឃំ, តំ អត្ថិ ឥន្ទ្រិយំ, អត្ថិ ន ឥន្ទ្រិយំ.

យំ តំ រូបំ សប្បដិឃំ, តំ អត្ថិ មហាភូតំ, អត្ថិ ន មហាភូតំ. យំ តំ រូបំ អប្បដិឃំ, តំ អត្ថិ មហាភូតំ, អត្ថិ ន មហាភូតំ.

យំ តំ រូបំ ឥន្ទ្រិយំ, តំ អត្ថិ ឱឡារិកំ, អត្ថិ សុខុមំ. យំ តំ រូបំ ន ឥន្ទ្រិយំ, តំ អត្ថិ ឱឡារិកំ, អត្ថិ សុខុមំ.

យំ ¶ តំ រូបំ ឥន្ទ្រិយំ, តំ អត្ថិ ទូរេ, អត្ថិ សន្តិកេ. យំ តំ រូបំ ន ឥន្ទ្រិយំ, តំ អត្ថិ ទូរេ, អត្ថិ សន្តិកេ.

យំ តំ រូបំ មហាភូតំ, តំ អត្ថិ ឱឡារិកំ, អត្ថិ សុខុមំ. យំ តំ រូបំ ន មហាភូតំ, តំ អត្ថិ ឱឡារិកំ, អត្ថិ សុខុមំ.

យំ តំ រូបំ មហាភូតំ, តំ អត្ថិ ទូរេ, អត្ថិ ¶ សន្តិកេ. យំ តំ រូបំ ន មហាភូតំ, តំ អត្ថិ ទូរេ, អត្ថិ សន្តិកេ.

ទិដ្ឋំ សុតំ មុតំ វិញ្ញាតំ រូបំ.

៥៨៧. បថវីធាតុ, អាបោធាតុ, តេជោធាតុ, វាយោធាតុ, យញ្ច រូបំ ឧបាទា.

៥៨៨. ចក្ខុវិញ្ញេយ្យំ ¶ រូបំ, សោតវិញ្ញេយ្យំ រូបំ, ឃានវិញ្ញេយ្យំ រូបំ, ជិវ្ហាវិញ្ញេយ្យំ រូបំ, កាយវិញ្ញេយ្យំ រូបំ, មនោវិញ្ញេយ្យំ រូបំ.

៥៨៩. ចក្ខុវិញ្ញេយ្យំ រូបំ, សោតវិញ្ញេយ្យំ រូបំ, ឃានវិញ្ញេយ្យំ រូបំ, ជិវ្ហាវិញ្ញេយ្យំ រូបំ, កាយវិញ្ញេយ្យំ រូបំ, មនោធាតុវិញ្ញេយ្យំ រូបំ, មនោវិញ្ញាណធាតុវិញ្ញេយ្យំ រូបំ.

៥៩០. ចក្ខុវិញ្ញេយ្យំ រូបំ, សោតវិញ្ញេយ្យំ រូបំ, ឃានវិញ្ញេយ្យំ រូបំ, ជិវ្ហាវិញ្ញេយ្យំ រូបំ, កាយវិញ្ញេយ្យំ រូបំ, អត្ថិ សុខសម្ផស្សំ, អត្ថិ ទុក្ខសម្ផស្សំ, មនោធាតុវិញ្ញេយ្យំ រូបំ, មនោវិញ្ញាណធាតុវិញ្ញេយ្យំ រូបំ.

៥៩១. ចក្ខុន្ទ្រិយំ, សោតិន្ទ្រិយំ, ឃានិន្ទ្រិយំ, ជិវ្ហិន្ទ្រិយំ កាយិន្ទ្រិយំ, ឥត្ថិន្ទ្រិយំ, បុរិសិន្ទ្រិយំ, ជីវិតិន្ទ្រិយំ, យញ្ច រូបំ ន ឥន្ទ្រិយំ.

៥៩២. ចក្ខុន្ទ្រិយំ, សោតិន្ទ្រិយំ, ឃានិន្ទ្រិយំ, ជិវ្ហិន្ទ្រិយំ កាយិន្ទ្រិយំ, ឥត្ថិន្ទ្រិយំ, បុរិសិន្ទ្រិយំ, ជីវិតិន្ទ្រិយំ, ន ឥន្ទ្រិយំ រូបំ អត្ថិ សប្បដិឃំ, អត្ថិ អប្បដិឃំ.

៥៩៣. ចក្ខាយតនំ, សោតាយតនំ, ឃានាយតនំ, ជិវ្ហាយតនំ, កាយាយតនំ, រូបាយតនំ, សទ្ទាយតនំ ¶ , គន្ធាយតនំ, រសាយតនំ, ផោដ្ឋព្ពាយតនំ, យញ្ច រូបំ អនិទស្សនអប្បដិឃំ [អនិទស្សនំ អប្បដិឃំ (សី. ស្យា.)] ធម្មាយតនបរិយាបន្នំ.

៥៩៤. សព្ពំ ¶ រូបំ ន ហេតុមេវ, អហេតុកមេវ, ហេតុវិប្បយុត្តមេវ, សប្បច្ចយមេវ, សង្ខតមេវ, រូបមេវ, លោកិយមេវ, សាសវមេវ, សំយោជនិយមេវ, គន្ថនិយមេវ, ឱឃនិយមេវ, យោគនិយមេវ, នីវរណិយមេវ, បរាមដ្ឋមេវ, ឧបាទានិយមេវ, សំកិលេសិកមេវ, អព្យាកតមេវ, អនារម្មណមេវ, អចេតសិកមេវ, ចិត្តវិប្បយុត្តមេវ, នេវវិបាកនវិបាកធម្មធម្មមេវ, អសំកិលិដ្ឋសំកិលេសិកមេវ, ន សវិតក្កសវិចារមេវ, ន អវិតក្កវិចារមត្តមេវ, អវិតក្កអវិចារមេវ ¶ , ន បីតិសហគតមេវ, ន សុខសហគតមេវ, ន ឧបេក្ខាសហគតមេវ, នេវ ទស្សនេន ន ភាវនាយ បហាតព្ពមេវ, នេវ ទស្សនេន ន ភាវនាយ បហាតព្ពហេតុកមេវ, នេវ អាចយគាមិ ន អបចយគាមិមេវ, នេវសេក្ខនាសេក្ខមេវ, បរិត្តមេវ, កាមាវចរមេវ, ន រូបាវចរមេវ, ន អរូបាវចរមេវ, បរិយាបន្នមេវ, នោ អបរិយាបន្នមេវ, អនិយតមេវ, អនិយ្យានិកមេវ, ឧប្បន្នំ ឆហិ វិញ្ញាណេហិ វិញ្ញេយ្យមេវ, អនិច្ចមេវ, ជរាភិភូតមេវ.

៥៩៥. កតមំ ¶ ¶ តំ រូបំ ឧបាទា? ចក្ខាយតនំ, សោតាយតនំ, ឃានាយតនំ, ជិវ្ហាយតនំ, កាយាយតនំ, រូបាយតនំ, សទ្ទាយតនំ, គន្ធាយតនំ, រសាយតនំ, ឥត្ថិន្ទ្រិយំ, បុរិសិន្ទ្រិយំ, ជីវិតិន្ទ្រិយំ, កាយវិញ្ញត្តិ, វចីវិញ្ញត្តិ, អាកាសធាតុ, រូបស្ស លហុតា, រូបស្ស មុទុតា, រូបស្ស កម្មញ្ញតា, រូបស្ស ឧបចយោ, រូបស្ស សន្តតិ, រូបស្ស ជរតា, រូបស្ស អនិច្ចតា, កពឡីការោ អាហារោ.

៥៩៦. កតមំ ¶ តំ រូបំ ចក្ខាយតនំ? យំ ចក្ខុ [ចក្ខុំ (សី. ស្យា.)] ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យេន ចក្ខុនា អនិទស្សនេន សប្បដិឃេន រូបំ សនិទស្សនំ សប្បដិឃំ បស្សិ វា បស្សតិ វា បស្សិស្សតិ វា បស្សេ វា, ចក្ខុំ បេតំ ចក្ខាយតនំ បេតំ ចក្ខុធាតុ បេសា ចក្ខុន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ នេត្តំ បេតំ នយនំ បេតំ ឱរិមំ ¶ តីរំ បេតំ សុញ្ញោ គាមោបេសោ – ឥទំ តំ រូបំ ចក្ខាយតនំ.

៥៩៧. កតមំ តំ រូបំ ចក្ខាយតនំ? យំ ចក្ខុ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យម្ហិ ចក្ខុម្ហិ អនិទស្សនម្ហិ សប្បដិឃម្ហិ រូបំ សនិទស្សនំ សប្បដិឃំ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, ចក្ខុំ បេតំ ចក្ខាយតនំ បេតំ ចក្ខុធាតុ បេសា ចក្ខុន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ នេត្តំ បេតំ នយនំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ ចក្ខាយតនំ.

៥៩៨. កតមំ តំ រូបំ ចក្ខាយតនំ? យំ ចក្ខុ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យំ ចក្ខុ អនិទស្សនំ សប្បដិឃំ រូបម្ហិ សនិទស្សនម្ហិ សប្បដិឃម្ហិ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, ចក្ខុំ បេតំ ចក្ខាយតនំ បេតំ ចក្ខុធាតុ បេសា ចក្ខុន្ទ្រិយំ បេតំ លោកោ បេសោ ទ្វារា បេសា ¶ សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ នេត្តំ បេតំ នយនំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ ចក្ខាយតនំ.

៥៩៩. កតមំ តំ រូបំ ចក្ខាយតនំ? យំ ចក្ខុ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យំ ចក្ខុំ ¶ និស្សាយ រូបំ អារព្ភ ចក្ខុសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ… យំ ចក្ខុំ និស្សាយ រូបំ អារព្ភ ចក្ខុសម្ផស្សជា វេទនា…បេ… សញ្ញា…បេ… ចេតនា…បេ… ចក្ខុវិញ្ញាណំ ¶ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ… យំ ចក្ខុំ និស្សាយ រូបារម្មណោ ចក្ខុសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ… យំ ចក្ខុំ និស្សាយ រូបារម្មណា ចក្ខុសម្ផស្សជា វេទនា…បេ… សញ្ញា…បេ… ចេតនា…បេ… ចក្ខុវិញ្ញាណំ ¶ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា, ចក្ខុំ បេតំ ចក្ខាយតនំ បេតំ ចក្ខុធាតុ បេសា ចក្ខុន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ នេត្តំ បេតំ នយនំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ ចក្ខាយតនំ.

៦០០. កតមំ តំ រូបំ សោតាយតនំ? យំ សោតំ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យេន សោតេន អនិទស្សនេន សប្បដិឃេន សទ្ទំ អនិទស្សនំ សប្បដិឃំ សុណិ វា សុណាតិ វា សុណិស្សតិ វា សុណេ វា, សោតំ បេតំ សោតាយតនំ បេតំ សោតធាតុ បេសា សោតិន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ សោតាយតនំ.

៦០១. កតមំ តំ រូបំ សោតាយតនំ? យំ សោតំ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យម្ហិ សោតម្ហិ អនិទស្សនម្ហិ សប្បដិឃម្ហិ សទ្ទោ អនិទស្សនោ សប្បដិឃោ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, សោតំ បេតំ សោតាយតនំ បេតំ សោតធាតុ បេសា សោតិន្ទ្រិយំ បេតំ ¶ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ សោតាយតនំ.

៦០២. កតមំ ¶ តំ រូបំ សោតាយតនំ? យំ សោតំ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យំ សោតំ អនិទស្សនំ សប្បដិឃំ សទ្ទម្ហិ អនិទស្សនម្ហិ សប្បដិឃម្ហិ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, សោតំ បេតំ សោតាយតនំ បេតំ សោតធាតុ បេសា សោតិន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ សោតាយតនំ.

៦០៣. កតមំ តំ រូបំ សោតាយតនំ? យំ ¶ សោតំ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យំ សោតំ និស្សាយ សទ្ទំ អារព្ភ សោតសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ ¶ វា ឧប្បជ្ជេ វា…បេ… យំ សោតំ និស្សាយ សទ្ទំ អារព្ភ សោតសម្ផស្សជា វេទនា…បេ… សញ្ញា…បេ… ចេតនា…បេ… សោតវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ… យំ សោតំ និស្សាយ សទ្ទារម្មណោ សោតសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ… យំ សោតំ និស្សាយ សទ្ទារម្មណា សោតសម្ផស្សជា វេទនា…បេ… សញ្ញា…បេ… ចេតនា…បេ… សោតវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា, សោតំ បេតំ សោតាយតនំ បេតំ សោតធាតុ បេសា សោតិន្ទ្រិយំ បេតំ លោកោ ¶ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ សោតាយតនំ.

៦០៤. កតមំ តំ រូបំ ឃានាយតនំ? យំ ឃានំ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យេន ឃានេន អនិទស្សនេន សប្បដិឃេន គន្ធំ អនិទស្សនំ សប្បដិឃំ ឃាយិ វា ឃាយតិ វា ឃាយិស្សតិ វា ឃាយេ វា, ឃានំ បេតំ ឃានាយតនំ បេតំ ឃានធាតុ បេសា ឃានិន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ ឃានាយតនំ.

៦០៥. កតមំ តំ រូបំ ឃានាយតនំ? យំ ឃានំ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យម្ហិ ឃានម្ហិ អនិទស្សនម្ហិ សប្បដិឃម្ហិ គន្ធោ អនិទស្សនោ សប្បដិឃោ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, ឃានំ ¶ បេតំ ឃានាយតនំ បេតំ ឃានធាតុ បេសា ឃានិន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ ឃានាយតនំ.

៦០៦. កតមំ តំ រូបំ ឃានាយតនំ? យំ ឃានំ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យំ ឃានំ អនិទស្សនំ សប្បដិឃំ គន្ធម្ហិ អនិទស្សនម្ហិ សប្បដិឃម្ហិ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, ឃានំ បេតំ ឃានាយតនំ បេតំ ¶ ឃានធាតុ បេសា ឃានិន្ទ្រិយំ បេតំ លោកោ បេសោ ទ្វារា បេសា សមុទ្ទោ ¶ បេសោ ¶ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោបេសោ – ឥទំ តំ រូបំ ឃានាយតនំ.

៦០៧. កតមំ តំ រូបំ ឃានាយតនំ? យំ ឃានំ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យំ ឃានំ និស្សាយ គន្ធំ អារព្ភ ឃានសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ… យំ ឃានំ និស្សាយ គន្ធំ អារព្ភ ឃានសម្ផស្សជា វេទនា…បេ… សញ្ញា…បេ… ចេតនា…បេ… ឃានវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ… យំ ឃានំ និស្សាយ គន្ធារម្មណោ ឃានសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ… យំ ឃានំ និស្សាយ គន្ធារម្មណា ឃានសម្ផស្សជា វេទនា…បេ… សញ្ញា…បេ… ចេតនា…បេ… ឃានវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា, ឃានំ បេតំ ឃានាយតនំ បេតំ ឃានធាតុ បេសា ឃានិន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ ឃានាយតនំ.

៦០៨. កតមំ តំ រូបំ ជិវ្ហាយតនំ? យា ជិវ្ហា ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យាយ ជិវ្ហាយ អនិទស្សនាយ សប្បដិឃាយ រសំ អនិទស្សនំ សប្បដិឃំ សាយិ វា សាយតិ វា សាយិស្សតិ វា សាយេ វា, ជិវ្ហា បេសា ជិវ្ហាយតនំ បេតំ ជិវ្ហាធាតុ បេសា ជិវ្ហិន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ ¶ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ ជិវ្ហាយតនំ.

៦០៩. កតមំ ¶ តំ រូបំ ជិវ្ហាយតនំ? យា ជិវ្ហា ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យាយ ជិវ្ហាយ អនិទស្សនាយ សប្បដិឃាយ រសោ អនិទស្សនោ សប្បដិឃោ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, ជិវ្ហា បេសា ជិវ្ហាយតនំ បេតំ ជិវ្ហាធាតុ បេសា ជិវ្ហិន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ ជិវ្ហាយតនំ.

៦១០. កតមំ ¶ តំ រូបំ ជិវ្ហាយតនំ? យា ជិវ្ហា ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យា ¶ ជិវ្ហា អនិទស្សនា សប្បដិឃា រសម្ហិ អនិទស្សនម្ហិ សប្បដិឃម្ហិ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, ជិវ្ហា បេសា ជិវ្ហាយតនំ បេតំ ជិវ្ហាធាតុ បេសា ជិវ្ហិន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ ជិវ្ហាយតនំ.

៦១១. កតមំ តំ រូបំ ជិវ្ហាយតនំ? យា ជិវ្ហា ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យំ ជិវ្ហំ និស្សាយ រសំ អារព្ភ ជិវ្ហាសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ… យំ ជិវ្ហំ និស្សាយ រសំ អារព្ភ ជិវ្ហាសម្ផស្សជា វេទនា…បេ… សញ្ញា…បេ… ចេតនា…បេ… ជិវ្ហាវិញ្ញាណំ ¶ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ… យំ ជិវ្ហំ និស្សាយ រសារម្មណោ ជិវ្ហាសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ… យំ ជិវ្ហំ និស្សាយ រសារម្មណា ជិវ្ហាសម្ផស្សជា វេទនា…បេ… សញ្ញា…បេ… ចេតនា…បេ… ជិវ្ហាវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា, ជិវ្ហា បេសា ជិវ្ហាយតនំ បេតំ ជិវ្ហាធាតុ បេសា ជិវ្ហិន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ ជិវ្ហាយតនំ.

៦១២. កតមំ តំ រូបំ កាយាយតនំ? យោ កាយោ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យេន កាយេន អនិទស្សនេន សប្បដិឃេន ផោដ្ឋព្ពំ អនិទស្សនសប្បដិឃំ ¶ ផុសិ វា ផុសតិ វា ផុសិស្សតិ វា ផុសេ វា, កាយោ បេសោ កាយាយតនំ បេតំ កាយធាតុ បេសា កាយិន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ កាយាយតនំ.

៦១៣. កតមំ តំ រូបំ កាយាយតនំ? យោ កាយោ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យម្ហិ កាយម្ហិ អនិទស្សនម្ហិ សប្បដិឃម្ហិ ផោដ្ឋព្ពោ អនិទស្សនោ សប្បដិឃោ បដិហញ្ញិ វា បដិហញ្ញតិ វា បដិហញ្ញិស្សតិ ¶ វា បដិហញ្ញេ វា, កាយោ បេសោ កាយាយតនំ បេតំ កាយធាតុ បេសា កាយិន្ទ្រិយំ ¶ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ ¶ វត្ថុំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ កាយាយតនំ.

៦១៤. កតមំ តំ រូបំ កាយាយតនំ? យោ កាយោ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យោ កាយោ អនិទស្សនោ សប្បដិឃោ ផោដ្ឋព្ពម្ហិ អនិទស្សនម្ហិ សប្បដិឃម្ហិ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, កាយោ បេសោ កាយាយតនំ បេតំ កាយធាតុ បេសា កាយិន្ទ្រិយំ បេតំ លោកោ បេសោ ទ្វារា បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ កាយាយតនំ.

៦១៥. កតមំ តំ រូបំ កាយាយតនំ? យោ កាយោ ចតុន្នំ មហាភូតានំ ឧបាទាយ បសាទោ អត្តភាវបរិយាបន្នោ អនិទស្សនោ សប្បដិឃោ, យំ កាយំ និស្សាយ ផោដ្ឋព្ពំ អារព្ភ កាយសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ… យំ កាយំ និស្សាយ ផោដ្ឋព្ពំ អារព្ភ កាយសម្ផស្សជា វេទនា…បេ… សញ្ញា…បេ… ចេតនា…បេ… កាយវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ… យំ កាយំ និស្សាយ ផោដ្ឋព្ពារម្មណោ កាយសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ… យំ កាយំ និស្សាយ ផោដ្ឋព្ពារម្មណា កាយសម្ផស្សជា វេទនា…បេ… សញ្ញា…បេ… ចេតនា…បេ… កាយវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ ¶ វា ឧប្បជ្ជេ វា, កាយោ បេសោ កាយាយតនំ បេតំ កាយធាតុ បេសា កាយិន្ទ្រិយំ បេតំ លោកោ បេសោ ទ្វារា ¶ បេសា សមុទ្ទោ បេសោ បណ្ឌរំ បេតំ ខេត្តំ បេតំ វត្ថុំ បេតំ ឱរិមំ តីរំ បេតំ សុញ្ញោ គាមោ បេសោ – ឥទំ តំ រូបំ កាយាយតនំ.

៦១៦. កតមំ តំ រូបំ រូបាយតនំ? យំ រូបំ ចតុន្នំ មហាភូតានំ ឧបាទាយ វណ្ណនិភា សនិទស្សនំ សប្បដិឃំ នីលំ បីតកំ លោហិតកំ ឱទាតំ កាឡកំ មញ្ជិដ្ឋកំ [មញ្ជេដ្ឋកំ (សី. ស្យា.)] ហរិ ហរិវណ្ណំ អម្ពង្កុរវណ្ណំ ទីឃំ រស្សំ អណុំ ថូលំ វដ្ដំ បរិមណ្ឌលំ ចតុរំសំ [ចតុរស្សំ (សី. ក.)] ឆឡំសំ អដ្ឋំសំ សោឡសំសំ និន្នំ ថលំ ឆាយា អាតបោ អាលោកោ អន្ធការោ អព្ភា មហិកា ធូមោ រជោ ចន្ទមណ្ឌលស្ស វណ្ណនិភា សូរិយមណ្ឌលស្ស [សុរិយមណ្ឌលស្ស (សី. ស្យា.)] វណ្ណនិភា តារករូបានំ ¶ វណ្ណនិភា អាទាសមណ្ឌលស្ស វណ្ណនិភា មណិសង្ខមុត្តាវេឡុរិយស្ស វណ្ណនិភា ជាតរូបរជតស្ស វណ្ណនិភា, យំ វា បនញ្ញម្បិ អត្ថិ រូបំ ចតុន្នំ មហាភូតានំ ឧបាទាយ វណ្ណនិភា សនិទស្សនំ សប្បដិឃំ, យំ រូបំ សនិទស្សនំ សប្បដិឃំ ចក្ខុនា អនិទស្សនេន សប្បដិឃេន បស្សិ វា បស្សតិ វា បស្សិស្សតិ វា បស្សេ វា, រូបំ បេតំ រូបាយតនំ បេតំ រូបធាតុ បេសា – ឥទំ តំ រូបំ រូបាយតនំ.

៦១៧. កតមំ ¶ តំ រូបំ រូបាយតនំ? យំ រូបំ ចតុន្នំ មហាភូតានំ ឧបាទាយ វណ្ណនិភា សនិទស្សនំ សប្បដិឃំ នីលំ បីតកំ លោហិតកំ ឱទាតំ កាឡកំ មញ្ជិដ្ឋកំ ហរិ ហរិវណ្ណំ អម្ពង្កុរវណ្ណំ ទីឃំ រស្សំ អណុំ ថូលំ វដ្ដំ បរិមណ្ឌលំ ចតុរំសំ ឆឡំសំ អដ្ឋំសំ សោឡសំសំ និន្នំ ថលំ ឆាយា អាតបោ អាលោកោ អន្ធការោ ¶ អព្ភា មហិកា ធូមោ រជោ ចន្ទមណ្ឌលស្ស វណ្ណនិភា សូរិយមណ្ឌលស្ស វណ្ណនិភា តារករូបានំ វណ្ណនិភា អាទាសមណ្ឌលស្ស វណ្ណនិភា មណិសង្ខមុត្តាវេឡុរិយស្ស វណ្ណនិភា ជាតរូបរជតស្ស វណ្ណនិភា, យំ វា បនញ្ញម្បិ អត្ថិ រូបំ ចតុន្នំ មហាភូតានំ ឧបាទាយ វណ្ណនិភា សនិទស្សនំ សប្បដិឃំ, យម្ហិ រូបម្ហិ សនិទស្សនម្ហិ សប្បដិឃម្ហិ ចក្ខុំ អនិទស្សនំ សប្បដិឃំ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, រូបំ បេតំ រូបាយតនំ បេតំ រូបធាតុ បេសា – ឥទំ តំ រូបំ រូបាយតនំ.

៦១៨. កតមំ តំ រូបំ រូបាយតនំ? យំ រូបំ ចតុន្នំ មហាភូតានំ ឧបាទាយ វណ្ណនិភា សនិទស្សនំ សប្បដិឃំ នីលំ បីតកំ លោហិតកំ ឱទាតំ កាឡកំ មញ្ជិដ្ឋកំ ហរិ ហរិវណ្ណំ អម្ពង្កុរវណ្ណំ ទីឃំ រស្សំ អណុំ ថូលំ វដ្ដំ បរិមណ្ឌលំ ចតុរំសំ ឆឡំសំ អដ្ឋំសំ សោឡសំសំ និន្នំ ថលំ ឆាយា អាតបោ អាលោកោ អន្ធការោ អព្ភា មហិកា ធូមោ រជោ ចន្ទមណ្ឌលស្ស វណ្ណនិភា សូរិយមណ្ឌលស្ស ¶ វណ្ណនិភា តារករូបានំ វណ្ណនិភា អាទាសមណ្ឌលស្ស វណ្ណនិភា មណិសង្ខមុត្តាវេឡុរិយស្ស វណ្ណនិភា ជាតរូបរជតស្ស វណ្ណនិភា, យំ វា បនញ្ញម្បិ អត្ថិ រូបំ ចតុន្នំ មហាភូតានំ ឧបាទាយ វណ្ណនិភា សនិទស្សនំ សប្បដិឃំ, យំ រូបំ សនិទស្សនំ សប្បដិឃំ ចក្ខុម្ហិ អនិទស្សនម្ហិ សប្បដិឃម្ហិ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, រូបំ បេតំ រូបាយតនំ បេតំ រូបធាតុ បេសា – ឥទំ តំ រូបំ រូបាយតនំ.

៦១៩. កតមំ ¶ តំ រូបំ រូបាយតនំ? យំ ¶ រូបំ ចតុន្នំ មហាភូតានំ ឧបាទាយ វណ្ណនិភា សនិទស្សនំ សប្បដិឃំ នីលំ បីតកំ លោហិតកំ ឱទាតំ កាឡកំ មញ្ជិដ្ឋកំ ហរិ ហរិវណ្ណំ អម្ពង្កុរវណ្ណំ ទីឃំ រស្សំ អណុំ ថូលំ វដ្ដំ បរិមណ្ឌលំ ចតុរំសំ ឆឡំសំ អដ្ឋំសំ សោឡសំសំ និន្នំ ថលំ ឆាយា អាតបោ អាលោកោ អន្ធការោ អព្ភា មហិកា ធូមោ រជោ ចន្ទមណ្ឌលស្ស វណ្ណនិភា សូរិយមណ្ឌលស្ស វណ្ណនិភា តារករូបានំ វណ្ណនិភា អាទាសមណ្ឌលស្ស វណ្ណនិភា មណិសង្ខមុត្តាវេឡុរិយស្ស វណ្ណនិភា ជាតរូបរជតស្ស វណ្ណនិភា, យំ វា បនញ្ញម្បិ អត្ថិ រូបំ ចតុន្នំ មហាភូតានំ ឧបាទាយ វណ្ណនិភា សនិទស្សនំ សប្បដិឃំ, យំ រូបំ អារព្ភ ចក្ខុំ និស្សាយ ចក្ខុសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ… យំ រូបំ អារព្ភ ចក្ខុំ និស្សាយ ចក្ខុសម្ផស្សជា វេទនា…បេ… សញ្ញា…បេ… ចេតនា…បេ… ចក្ខុវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ… យំ រូបារម្មណោ ចក្ខុំ និស្សាយ ចក្ខុសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ… យំ រូបារម្មណា ចក្ខុំ និស្សាយ ចក្ខុសម្ផស្សជា វេទនា…បេ… សញ្ញា…បេ… ចេតនា…បេ… ចក្ខុវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា, រូបំ បេតំ រូបាយតនំ បេតំ រូបធាតុ បេសា – ឥទំ តំ រូបំ រូបាយតនំ.

៦២០. កតមំ តំ រូបំ សទ្ទាយតនំ? យោ សទ្ទោ ចតុន្នំ មហាភូតានំ ឧបាទាយ ¶ អនិទស្សនោ សប្បដិឃោ ភេរិសទ្ទោ មុទិង្គសទ្ទោ សង្ខសទ្ទោ បណវសទ្ទោ គីតសទ្ទោ វាទិតសទ្ទោ សម្មសទ្ទោ បាណិសទ្ទោ សត្តានំ និគ្ឃោសសទ្ទោ ធាតូនំ សន្និឃាតសទ្ទោ វាតសទ្ទោ ឧទកសទ្ទោ មនុស្សសទ្ទោ អមនុស្សសទ្ទោ, យោ វា បនញ្ញោបិ អត្ថិ សទ្ទោ ចតុន្នំ មហាភូតានំ ឧបាទាយ អនិទស្សនោ សប្បដិឃោ, យំ សទ្ទំ អនិទស្សនំ សប្បដិឃំ សោតេន អនិទស្សនេន សប្បដិឃេន សុណិ វា ¶ សុណាតិ វា សុណិស្សតិ វា សុណេ វា, សទ្ទោ បេសោ សទ្ទាយតនំ បេតំ សទ្ទធាតុ បេសា – ឥទំ តំ រូបំ សទ្ទាយតនំ.

៦២១. កតមំ តំ រូបំ សទ្ទាយតនំ? យោ ¶ សទ្ទោ ចតុន្នំ មហាភូតានំ ឧបាទាយ អនិទស្សនោ សប្បដិឃោ ភេរិសទ្ទោ មុទិង្គសទ្ទោ សង្ខសទ្ទោ បណវសទ្ទោ គីតសទ្ទោ វាទិតសទ្ទោ សម្មសទ្ទោ បាណិសទ្ទោ សត្តានំ និគ្ឃោសសទ្ទោ ធាតូនំ សន្និឃាតសទ្ទោ វាតសទ្ទោ ឧទកសទ្ទោ មនុស្សសទ្ទោ អមនុស្សសទ្ទោ, យោ វា បនញ្ញោបិ អត្ថិ សទ្ទោ ចតុន្នំ មហាភូតានំ ¶ ឧបាទាយ អនិទស្សនោ សប្បដិឃោ, យម្ហិ សទ្ទម្ហិ អនិទស្សនម្ហិ សប្បដិឃម្ហិ សោតំ អនិទស្សនំ សប្បដិឃំ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, សទ្ទោ បេសោ សទ្ទាយតនំ បេតំ សទ្ទធាតុ បេសា – ឥទំ តំ រូបំ សទ្ទាយតនំ.

៦២២. កតមំ តំ រូបំ សទ្ទាយតនំ? យោ សទ្ទោ ចតុន្នំ មហាភូតានំ ឧបាទាយ អនិទស្សនោ សប្បដិឃោ ភេរិសទ្ទោ មុទិង្គសទ្ទោ សង្ខសទ្ទោ បណវសទ្ទោ គីតសទ្ទោ វាទិតសទ្ទោ សម្មសទ្ទោ បាណិសទ្ទោ សត្តានំ និគ្ឃោសសទ្ទោ ធាតូនំ សន្និឃាតសទ្ទោ វាតសទ្ទោ ឧទកសទ្ទោ ¶ មនុស្សសទ្ទោ អមនុស្សសទ្ទោ, យោ វា បនញ្ញោបិ អត្ថិ សទ្ទោ ចតុន្នំ មហាភូតានំ ឧបាទាយ អនិទស្សនោ សប្បដិឃោ, យោ សទ្ទោ អនិទស្សនោ សប្បដិឃោ សោតម្ហិ អនិទស្សនម្ហិ សប្បដិឃម្ហិ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, សទ្ទោ បេសោ សទ្ទាយតនំ បេតំ សទ្ទធាតុ បេសា – ឥទំ តំ រូបំ សទ្ទាយតនំ.

៦២៣. កតមំ តំ រូបំ សទ្ទាយតនំ? យោ សទ្ទោ ចតុន្នំ មហាភូតានំ ឧបាទាយ អនិទស្សនោ សប្បដិឃោ ភេរិសទ្ទោ មុទិង្គសទ្ទោ សង្ខសទ្ទោ បណវសទ្ទោ គីតសទ្ទោ វាទិតសទ្ទោ សម្មសទ្ទោ បាណិសទ្ទោ សត្តានំ និគ្ឃោសសទ្ទោ ធាតូនំ សន្និឃាតសទ្ទោ វាតសទ្ទោ ឧទកសទ្ទោ មនុស្សសទ្ទោ អមនុស្សសទ្ទោ, យោ វា បនញ្ញោបិ អត្ថិ សទ្ទោ ចតុន្នំ មហាភូតានំ ឧបាទាយ អនិទស្សនោ សប្បដិឃោ, យំ សទ្ទំ អារព្ភ សោតំ និស្សាយ សោតសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ… យំ សទ្ទំ អារព្ភ សោតំ និស្សាយ សោតសម្ផស្សជា វេទនា…បេ… សញ្ញា…បេ… ចេតនា…បេ… សោតវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ… យំ សទ្ទារម្មណោ សោតំ និស្សាយ សោតសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ… យំ សទ្ទារម្មណា ¶ សោតំ និស្សាយ សោតសម្ផស្សជា វេទនា…បេ… សញ្ញា…បេ… ចេតនា…បេ… សោតវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា, សទ្ទោ បេសោ សទ្ទាយតនំ បេតំ សទ្ទធាតុ បេសា – ឥទំ ¶ តំ រូបំ សទ្ទាយតនំ.

៦២៤. កតមំ តំ រូបំ គន្ធាយតនំ? យោ គន្ធោ ចតុន្នំ មហាភូតានំ ឧបាទាយ អនិទស្សនោ សប្បដិឃោ មូលគន្ធោ សារគន្ធោ តចគន្ធោ បត្តគន្ធោ បុប្ផគន្ធោ ផលគន្ធោ អាមកគន្ធោ វិស្សគន្ធោ សុគន្ធោ ទុគ្គន្ធោ ¶ , យោ វា បនញ្ញោបិ អត្ថិ គន្ធោ ចតុន្នំ មហាភូតានំ ឧបាទាយ អនិទស្សនោ សប្បដិឃោ, យំ គន្ធំ អនិទស្សនំ សប្បដិឃំ ឃានេន អនិទស្សនេន សប្បដិឃេន ឃាយិ វា ឃាយតិ វា ឃាយិស្សតិ វា ឃាយេ វា, គន្ធោ បេសោ គន្ធាយតនំ បេតំ គន្ធធាតុ បេសា – ឥទំ តំ រូបំ គន្ធាយតនំ.

៦២៥. កតមំ តំ រូបំ គន្ធាយតនំ? យោ គន្ធោ ចតុន្នំ មហាភូតានំ ឧបាទាយ អនិទស្សនោ សប្បដិឃោ មូលគន្ធោ សារគន្ធោ តចគន្ធោ បត្តគន្ធោ បុប្ផគន្ធោ ផលគន្ធោ អាមកគន្ធោ វិស្សគន្ធោ សុគន្ធោ ទុគ្គន្ធោ, យោ វា បនញ្ញោបិ អត្ថិ គន្ធោ ចតុន្នំ មហាភូតានំ ឧបាទាយ អនិទស្សនោ សប្បដិឃោ, យម្ហិ គន្ធម្ហិ អនិទស្សនម្ហិ សប្បដិឃម្ហិ ឃានំ អនិទស្សនំ សប្បដិឃំ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ ¶ វា, គន្ធោ បេសោ គន្ធាយតនំ បេតំ គន្ធធាតុ បេសា – ឥទំ តំ រូបំ គន្ធាយតនំ.

៦២៦. កតមំ តំ រូបំ គន្ធាយតនំ? យោ គន្ធោ ចតុន្នំ មហាភូតានំ ឧបាទាយ អនិទស្សនោ សប្បដិឃោ មូលគន្ធោ សារគន្ធោ តចគន្ធោ បត្តគន្ធោ បុប្ផគន្ធោ ផលគន្ធោ អាមកគន្ធោ វិស្សគន្ធោ សុគន្ធោ ទុគ្គន្ធោ, យោ វា បនញ្ញោបិ អត្ថិ គន្ធោ ចតុន្នំ មហាភូតានំ ឧបាទាយ អនិទស្សនោ សប្បដិឃោ, យោ ¶ គន្ធោ អនិទស្សនោ សប្បដិឃោ ឃានម្ហិ អនិទស្សនម្ហិ សប្បដិឃម្ហិ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, គន្ធោ បេសោ គន្ធាយតនំ បេតំ គន្ធធាតុ បេសា – ឥទំ តំ រូបំ គន្ធាយតនំ.

៦២៧. កតមំ តំ រូបំ គន្ធាយតនំ? យោ គន្ធោ ចតុន្នំ មហាភូតានំ ឧបាទាយ អនិទស្សនោ សប្បដិឃោ មូលគន្ធោ សារគន្ធោ តចគន្ធោ បត្តគន្ធោ បុប្ផគន្ធោ ផលគន្ធោ អាមកគន្ធោ វិស្សគន្ធោ សុគន្ធោ ទុគ្គន្ធោ, យោ វា បនញ្ញោបិ អត្ថិ គន្ធោ ចតុន្នំ មហាភូតានំ ឧបាទាយ ¶ អនិទស្សនោ សប្បដិឃោ, យំ គន្ធំ អារព្ភ ឃានំ និស្សាយ ឃានសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ… យំ គន្ធំ អារព្ភ ឃានំ និស្សាយ ឃានសម្ផស្សជា វេទនា…បេ… សញ្ញា…បេ… ចេតនា…បេ… ឃានវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ… យំ គន្ធារម្មណោ ឃានំ និស្សាយ ឃានសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ ¶ វា ឧប្បជ្ជេ វា…បេ… យំ គន្ធារម្មណា ឃានំ និស្សាយ ឃានសម្ផស្សជា វេទនា…បេ… សញ្ញា…បេ… ចេតនា…បេ… ឃានវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា, គន្ធោ បេសោ គន្ធាយតនំ បេតំ គន្ធធាតុ បេសា – ឥទំ តំ រូបំ គន្ធាយតនំ.

៦២៨. កតមំ តំ រូបំ រសាយតនំ? យោ រសោ ចតុន្នំ មហាភូតានំ ឧបាទាយ អនិទស្សនោ សប្បដិឃោ មូលរសោ ខន្ធរសោ តចរសោ បត្តរសោ បុប្ផរសោ ¶ ផលរសោ អម្ពិលំ មធុរំ តិត្តកំ កដុកំ លោណិកំ ខារិកំ លម្ពិលំ [លបិលកំ (សី.)] កសាវោ សាទុ អសាទុ, យោ វា បនញ្ញោបិ អត្ថិ រសោ ចតុន្នំ មហាភូតានំ ឧបាទាយ អនិទស្សនោ សប្បដិឃោ, យំ រសំ អនិទស្សនំ សប្បដិឃំ ជិវ្ហាយ អនិទស្សនាយ សប្បដិឃាយ សាយិ វា សាយតិ វា សាយិស្សតិ វា សាយេ វា, រសោ បេសោ រសាយតនំ បេតំ រសធាតុ បេសា – ឥទំ តំ រូបំ រសាយតនំ.

៦២៩. កតមំ តំ រូបំ រសាយតនំ? យោ រសោ ចតុន្នំ មហាភូតានំ ឧបាទាយ អនិទស្សនោ សប្បដិឃោ មូលរសោ ខន្ធរសោ តចរសោ បត្តរសោ បុប្ផរសោ ផលរសោ អម្ពិលំ មធុរំ តិត្តកំ កដុកំ លោណិកំ ខារិកំ លម្ពិលំ កសាវោ សាទុ អសាទុ, យោ វា បនញ្ញោបិ អត្ថិ រសោ ចតុន្នំ មហាភូតានំ ឧបាទាយ អនិទស្សនោ សប្បដិឃោ, យម្ហិ រសម្ហិ អនិទស្សនម្ហិ សប្បដិឃម្ហិ ជិវ្ហា អនិទស្សនា សប្បដិឃា បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, រសោ បេសោ រសាយតនំ បេតំ រសធាតុ បេសា – ឥទំ តំ រូបំ រសាយតនំ.

៦៣០. កតមំ ¶ តំ រូបំ រសាយតនំ? យោ រសោ ចតុន្នំ មហាភូតានំ ឧបាទាយ អនិទស្សនោ សប្បដិឃោ មូលរសោ ខន្ធរសោ តចរសោ បត្តរសោ បុប្ផរសោ ផលរសោ អម្ពិលំ មធុរំ តិត្តកំ កដុកំ លោណិកំ ខារិកំ លម្ពិលំ កសាវោ សាទុ អសាទុ, យោ វា បនញ្ញោបិ អត្ថិ រសោ ចតុន្នំ មហាភូតានំ ឧបាទាយ អនិទស្សនោ សប្បដិឃោ, យោ រសោ អនិទស្សនោ សប្បដិឃោ ជិវ្ហាយ ¶ អនិទស្សនាយ សប្បដិឃាយ បដិហញ្ញិ វា បដិហញ្ញតិ វា បដិហញ្ញិស្សតិ វា ¶ បដិហញ្ញេ វា, រសោ បេសោ រសាយតនំ បេតំ រសធាតុ បេសា – ឥទំ តំ រូបំ រសាយតនំ.

៦៣១. កតមំ ¶ តំ រូបំ រសាយតនំ? យោ រសោ ចតុន្នំ មហាភូតានំ ឧបាទាយ អនិទស្សនោ សប្បដិឃោ មូលរសោ ខន្ធរសោ តចរសោ បត្តរសោ បុប្ផរសោ ផលរសោ អម្ពិលំ មធុរំ តិត្តកំ កដុកំ លោណិកំ ខារិកំ លម្ពិលំ កសាវោ សាទុ អសាទុ, យោ វា បនញ្ញោបិ អត្ថិ រសោ ចតុន្នំ មហាភូតានំ ឧបាទាយ អនិទស្សនោ សប្បដិឃោ, យំ រសំ អារព្ភ ជិវ្ហំ និស្សាយ ជិវ្ហាសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ… យំ រសំ អារព្ភ ជិវ្ហំ និស្សាយ ជិវ្ហាសម្ផស្សជា វេទនា…បេ… សញ្ញា…បេ… ចេតនា…បេ… ជិវ្ហាវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ… យំ រសារម្មណោ ជិវ្ហំ និស្សាយ ជិវ្ហាសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ… យំ រសារម្មណា ជិវ្ហំ និស្សាយ ជិវ្ហាសម្ផស្សជា វេទនា…បេ… សញ្ញា…បេ… ចេតនា…បេ… ជិវ្ហាវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា, រសោ បេសោ រសាយតនំ បេតំ រសធាតុ បេសា – ឥទំ តំ រូបំ រសាយតនំ.

៦៣២. កតមំ តំ រូបំ ឥត្ថិន្ទ្រិយំ? យំ ឥត្ថិយា ឥត្ថិលិង្គំ ឥត្ថិនិមិត្តំ ឥត្ថិកុត្តំ ឥត្ថាកប្បោ ឥត្ថត្តំ ឥត្ថិភាវោ [ឥត្ថិត្តំ ឥត្ថីភាវោ (ស្យា.)] – ឥទំ តំ រូបំ ឥត្ថិន្ទ្រិយំ.

៦៣៣. កតមំ ¶ តំ រូបំ បុរិសិន្ទ្រិយំ? យំ បុរិសស្ស បុរិសលិង្គំ បុរិសនិមិត្តំ បុរិសកុត្តំ បុរិសាកប្បោ បុរិសត្តំ បុរិសភាវោ – ឥទំ តំ រូបំ បុរិសិន្ទ្រិយំ.

៦៣៤. កតមំ តំ រូបំ ជីវិតិន្ទ្រិយំ? យោ តេសំ រូបីនំ ធម្មានំ អាយុ ឋិតិ យបនា យាបនា ឥរិយនា វត្តនា បាលនា ជីវិតំ ជីវិតិន្ទ្រិយំ – ឥទំ តំ រូបំ ជីវិតិន្ទ្រិយំ.

៦៣៥. កតមំ តំ រូបំ កាយវិញ្ញត្តិ? យា កុសលចិត្តស្ស វា អកុសលចិត្តស្ស វា អព្យាកតចិត្តស្ស វា អភិក្កមន្តស្ស វា បដិក្កមន្តស្ស វា អាលោកេន្តស្ស វា វិលោកេន្តស្ស វា សមិញ្ជេន្តស្ស វា បសារេន្តស្ស វា កាយស្ស ថម្ភនា សន្ថម្ភនា សន្ថម្ភិតត្តំ វិញ្ញត្តិ វិញ្ញាបនា វិញ្ញាបិតត្តំ – ឥទំ តំ រូបំ កាយវិញ្ញត្តិ.

៦៣៦. កតមំ ¶ តំ រូបំ វចីវិញ្ញត្តិ? យា កុសលចិត្តស្ស វា អកុសលចិត្តស្ស វា អព្យាកតចិត្តស្ស វា វាចា គិរា ព្យប្បថោ ឧទីរណំ ឃោសោ ឃោសកម្មំ វាចា វចីភេទោ ¶ – អយំ វុច្ចតិ វាចា. យា តាយ វាចាយ វិញ្ញត្តិ វិញ្ញាបនា វិញ្ញាបិតត្តំ – ឥទំ តំ រូបំ វចីវិញ្ញត្តិ.

៦៣៧. កតមំ ¶ តំ រូបំ អាកាសធាតុ? យោ អាកាសោ អាកាសគតំ អឃំ អឃគតំ វិវរោ វិវរគតំ អសម្ផុដ្ឋំ ចតូហិ មហាភូតេហិ – ឥទំ តំ រូបំ អាកាសធាតុ.

៦៣៨. កតមំ ¶ តំ រូបំ រូបស្ស លហុតា? យា រូបស្ស លហុតា លហុបរិណាមតា អទន្ធនតា អវិត្ថនតា – ឥទំ តំ រូបំ រូបស្ស លហុតា.

៦៣៩. កតមំ តំ រូបំ រូបស្ស មុទុតា? យា រូបស្ស មុទុតា មទ្ទវតា អកក្ខឡតា អកថិនតា – ឥទំ តំ រូបំ រូបស្ស មុទុតា.

៦៤០. កតមំ តំ រូបំ រូបស្ស កម្មញ្ញតា? យា រូបស្ស កម្មញ្ញតា កម្មញ្ញត្តំ កម្មញ្ញភាវោ – ឥទំ តំ រូបំ រូបស្ស កម្មញ្ញតា.

៦៤១. កតមំ តំ រូបំ រូបស្ស ឧបចយោ? យោ អាយតនានំ អាចយោ, សោ រូបស្ស ឧបចយោ – ឥទំ តំ រូបំ រូបស្ស ឧបចយោ.

៦៤២. កតមំ តំ រូបំ រូបស្ស សន្តតិ? យោ រូបស្ស ឧបចយោ, សា រូបស្ស សន្តតិ – ឥទំ តំ រូបំ រូបស្ស សន្តតិ.

៦៤៣. កតមំ តំ រូបំ រូបស្ស ជរតា? យា រូបស្ស ជរា ជីរណតា ខណ្ឌិច្ចំ បាលិច្ចំ វលិត្តចតា អាយុនោ សំហានិ ឥន្ទ្រិយានំ បរិបាកោ – ឥទំ តំ រូបំ រូបស្ស ជរតា.

៦៤៤. កតមំ តំ រូបំ រូបស្ស អនិច្ចតា? យោ រូបស្ស ខយោ វយោ ភេទោ បរិភេទោ អនិច្ចតា អន្តរធានំ – ឥទំ តំ រូបំ រូបស្ស អនិច្ចតា.

៦៤៥. កតមំ ¶ តំ រូបំ កពឡីការោ អាហារោ? ឱទនោ កុម្មាសោ សត្តុ មច្ឆោ មំសំ ខីរំ ទធិ សប្បិ នវនីតំ តេលំ មធុ ផាណិតំ, យំ វា បនញ្ញម្បិ អត្ថិ រូបំ យម្ហិ យម្ហិ ជនបទេ តេសំ តេសំ ¶ សត្តានំ មុខាសិយំ ទន្តវិខាទនំ គលជ្ឈោហរណីយំ កុច្ឆិវិត្ថម្ភនំ, យាយ ឱជាយ សត្តា យាបេន្តិ – ឥទំ តំ រូបំ កពឡីការោ អាហារោ.

៦៤៦. កតមំ ¶ ¶ តំ រូបំ នោ ឧបាទា? ផោដ្ឋព្ពាយតនំ, អាបោធាតុ.

៦៤៧. កតមំ តំ រូបំ ផោដ្ឋព្ពាយតនំ? បថវីធាតុ តេជោធាតុ វាយោធាតុ កក្ខឡំ មុទុកំ សណ្ហំ ផរុសំ សុខសម្ផស្សំ ទុក្ខសម្ផស្សំ គរុកំ លហុកំ, យំ ផោដ្ឋព្ពំ អនិទស្សនំ សប្បដិឃំ កាយេន អនិទស្សនេន សប្បដិឃេន ផុសិ វា ផុសតិ វា ផុសិស្សតិ វា ផុសេ វា ផោដ្ឋព្ពោ បេសោ ផោដ្ឋព្ពាយតនំ បេតំ ផោដ្ឋព្ពធាតុ បេសា – ឥទំ តំ រូបំ ផោដ្ឋព្ពាយតនំ.

៦៤៨. កតមំ តំ រូបំ ផោដ្ឋព្ពាយតនំ? បថវីធាតុ តេជោធាតុ វាយោធាតុ កក្ខឡំ មុទុកំ សណ្ហំ ផរុសំ សុខសម្ផស្សំ ទុក្ខសម្ផស្សំ គរុកំ លហុកំ, យម្ហិ ផោដ្ឋព្ពម្ហិ អនិទស្សនម្ហិ សប្បដិឃម្ហិ កាយោ អនិទស្សនោ សប្បដិឃោ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, ផោដ្ឋព្ពោ បេសោ ផោដ្ឋព្ពាយតនំ បេតំ ផោដ្ឋព្ពធាតុ បេសា – ឥទំ តំ រូបំ ផោដ្ឋព្ពាយតនំ.

៦៤៩. កតមំ តំ រូបំ ផោដ្ឋព្ពាយតនំ? បថវីធាតុ តេជោធាតុ វាយោធាតុ កក្ខឡំ មុទុកំ សណ្ហំ ផរុសំ សុខសម្ផស្សំ ទុក្ខសម្ផស្សំ គរុកំ លហុកំ, យោ ផោដ្ឋព្ពោ អនិទស្សនោ សប្បដិឃោ កាយម្ហិ អនិទស្សនម្ហិ ¶ សប្បដិឃម្ហិ បដិហញ្ញិ វា បដិហញ្ញតិ វា បដិហញ្ញិស្សតិ វា បដិហញ្ញេ វា, ផោដ្ឋព្ពោ បេសោ ផោដ្ឋព្ពាយតនំ បេតំ ផោដ្ឋព្ពធាតុ បេសា – ឥទំ តំ រូបំ ផោដ្ឋព្ពាយតនំ.

៦៥០. កតមំ ¶ តំ រូបំ ផោដ្ឋព្ពាយតនំ? បថវីធាតុ តេជោធាតុ វាយោធាតុ កក្ខឡំ មុទុកំ សណ្ហំ ផរុសំ សុខសម្ផស្សំ ទុក្ខសម្ផស្សំ គរុកំ លហុកំ, យំ ផោដ្ឋព្ពំ អារព្ភ កាយំ និស្សាយ កាយសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ… យំ ផោដ្ឋព្ពំ អារព្ភ កាយំ និស្សាយ កាយសម្ផស្សជា វេទនា…បេ… សញ្ញា…បេ… ចេតនា…បេ… កាយវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ… យំ ផោដ្ឋព្ពារម្មណោ កាយំ និស្សាយ កាយសម្ផស្សោ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា…បេ… យំ ផោដ្ឋព្ពារម្មណា កាយំ និស្សាយ កាយសម្ផស្សជា វេទនា…បេ… សញ្ញា…បេ… ចេតនា…បេ… កាយវិញ្ញាណំ ឧប្បជ្ជិ វា ឧប្បជ្ជតិ វា ឧប្បជ្ជិស្សតិ វា ឧប្បជ្ជេ វា, ផោដ្ឋព្ពោ បេសោ ផោដ្ឋព្ពាយតនំ បេតំ ផោដ្ឋព្ពធាតុ បេសា – ឥទំ តំ រូបំ ផោដ្ឋព្ពាយតនំ.

៦៥១. កតមំ ¶ តំ រូបំ អាបោធាតុ? យំ ¶ អាបោ អាបោគតំ សិនេហោ សិនេហគតំ ពន្ធនត្តំ រូបស្ស – ឥទំ តំ រូបំ អាបោធាតុ.

៦៥២. កតមំ ¶ តំ រូបំ ឧបាទិណ្ណំ? ចក្ខាយតនំ សោតាយតនំ ឃានាយតនំ ជិវ្ហាយតនំ កាយាយតនំ ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទិណ្ណំ.

៦៥៣. កតមំ តំ រូបំ អនុបាទិណ្ណំ? សទ្ទាយតនំ កាយវិញ្ញត្តិ វចីវិញ្ញត្តិ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ អនុបាទិណ្ណំ.

៦៥៤. កតមំ តំ រូបំ ឧបាទិណ្ណុបាទានិយំ? ចក្ខាយតនំ…បេ… កាយាយតនំ ឥត្ថិន្ទ្រិយំ ¶ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទិណ្ណុបាទានិយំ.

៦៥៥. កតមំ តំ រូបំ អនុបាទិណ្ណុបាទានិយំ? សទ្ទាយតនំ កាយវិញ្ញត្តិ វចីវិញ្ញត្តិ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន កម្មស្ស កតត្តា, រូបាយតនំ គន្ធាយតនំ រសាយតនំ ផោដ្ឋព្ពាយតនំ ¶ អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ អនុបាទិណ្ណុបាទានិយំ.

៦៥៦. កតមំ តំ រូបំ សនិទស្សនំ? រូបាយតនំ – ឥទំ តំ រូបំ សនិទស្សនំ.

៦៥៧. កតមំ ¶ តំ រូបំ អនិទស្សនំ? ចក្ខាយតនំ…បេ… កពឡីការោ អាហារោ – ឥទំ តំ រូបំ អនិទស្សនំ.

៦៥៨. កតមំ ¶ តំ រូបំ សប្បដិឃំ? ចក្ខាយតនំ សោតាយតនំ ឃានាយតនំ ជិវ្ហាយតនំ កាយាយតនំ រូបាយតនំ សទ្ទាយតនំ គន្ធាយតនំ រសាយតនំ ផោដ្ឋព្ពាយតនំ – ឥទំ តំ រូបំ សប្បដិឃំ.

៦៥៩. កតមំ តំ រូបំ អប្បដិឃំ? ឥត្ថិន្ទ្រិយំ…បេ… កពឡីការោ អាហារោ – ឥទំ តំ រូបំ អប្បដិឃំ.

៦៦០. កតមំ តំ រូបំ ឥន្ទ្រិយំ? ចក្ខុន្ទ្រិយំ សោតិន្ទ្រិយំ ឃានិន្ទ្រិយំ ជិវ្ហិន្ទ្រិយំ កាយិន្ទ្រិយំ ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ – ឥទំ តំ រូបំ ឥន្ទ្រិយំ.

៦៦១. កតមំ តំ រូបំ ន ឥន្ទ្រិយំ? រូបាយតនំ…បេ… កពឡីការោ អាហារោ – ឥទំ តំ រូបំ ន ឥន្ទ្រិយំ.

៦៦២. កតមំ តំ រូបំ មហាភូតំ? ផោដ្ឋព្ពាយតនំ អាបោធាតុ – ឥទំ តំ រូបំ មហាភូតំ.

៦៦៣. កតមំ ¶ តំ រូបំ ន មហាភូតំ? ចក្ខាយតនំ…បេ… កពឡីការោ អាហារោ – ឥទំ តំ រូបំ ន មហាភូតំ.

៦៦៤. កតមំ តំ រូបំ វិញ្ញត្តិ? កាយវិញ្ញត្តិ វចីវិញ្ញត្តិ – ឥទំ តំ រូបំ វិញ្ញត្តិ.

៦៦៥. កតមំ តំ រូបំ ន វិញ្ញត្តិ? ចក្ខាយតនំ…បេ… កពឡីការោ អាហារោ – ឥទំ តំ រូបំ ន វិញ្ញត្តិ.

៦៦៦. កតមំ តំ រូបំ ចិត្តសមុដ្ឋានំ? កាយវិញ្ញត្តិ វចីវិញ្ញត្តិ យំ ¶ វា បនញ្ញម្បិ អត្ថិ រូបំ ចិត្តជំ ចិត្តហេតុកំ ចិត្តសមុដ្ឋានំ រូបាយតនំ សទ្ទាយតនំ គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ចិត្តសមុដ្ឋានំ.

៦៦៧. កតមំ តំ រូបំ ន ចិត្តសមុដ្ឋានំ? ចក្ខាយតនំ…បេ… កាយាយតនំ ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ រូបស្ស ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន ចិត្តជំ ន ចិត្តហេតុកំ ន ចិត្តសមុដ្ឋានំ រូបាយតនំ សទ្ទាយតនំ ¶ គន្ធាយតនំ ¶ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ន ចិត្តសមុដ្ឋានំ.

៦៦៨. កតមំ តំ រូបំ ចិត្តសហភុ? កាយវិញ្ញត្តិ វចីវិញ្ញត្តិ – ឥទំ តំ រូបំ ចិត្តសហភុ.

៦៦៩. កតមំ តំ រូបំ ន ចិត្តសហភុ? ចក្ខាយតនំ…បេ… កពឡីការោ អាហារោ – ឥទំ តំ រូបំ ន ចិត្តសហភុ.

៦៧០. កតមំ តំ រូបំ ចិត្តានុបរិវត្តិ? កាយវិញ្ញត្តិ វចីវិញ្ញត្តិ – ឥទំ តំ រូបំ ចិត្តានុបរិវត្តិ.

៦៧១. កតមំ ¶ តំ រូបំ ន ចិត្តានុបរិវត្តិ? ចក្ខាយតនំ…បេ… កពឡីការោ អាហារោ – ឥទំ តំ រូបំ ន ចិត្តានុបរិវត្តិ.

៦៧២. កតមំ តំ រូបំ អជ្ឈត្តិកំ? ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ.

៦៧៣. កតមំ តំ រូបំ ពាហិរំ? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ.

៦៧៤. កតមំ ¶ តំ រូបំ ឱឡារិកំ? ចក្ខាយតនំ…បេ… ផោដ្ឋព្ពាយតនំ – ឥទំ តំ រូបំ ឱឡារិកំ.

៦៧៥. កតមំ តំ រូបំ សុខុមំ? ឥត្ថិន្ទ្រិយំ…បេ… កពឡីការោ អាហារោ – ឥទំ តំ រូបំ សុខុមំ.

៦៧៦. កតមំ តំ រូបំ ទូរេ? ឥត្ថិន្ទ្រិយំ…បេ… កពឡីការោ អាហារោ – ឥទំ តំ រូបំ ទូរេ.

៦៧៧. កតមំ តំ រូបំ សន្តិកេ? ចក្ខាយតនំ…បេ… ផោដ្ឋព្ពាយតនំ – ឥទំ តំ រូបំ សន្តិកេ.

៦៧៨. កតមំ តំ រូបំ ចក្ខុសម្ផស្សស្ស វត្ថុ? ចក្ខាយតនំ – ឥទំ តំ រូបំ ចក្ខុសម្ផស្សស្ស វត្ថុ.

៦៧៩. កតមំ ¶ តំ រូបំ ចក្ខុសម្ផស្សស្ស ន វត្ថុ? សោតាយតនំ…បេ… កពឡីការោ អាហារោ – ឥទំ តំ រូបំ ចក្ខុសម្ផស្សស្ស ន វត្ថុ.

៦៨០. កតមំ ¶ តំ រូបំ ចក្ខុសម្ផស្សជាយ វេទនាយ…បេ… សញ្ញាយ…បេ… ចេតនាយ ¶ …បេ… ចក្ខុវិញ្ញាណស្ស វត្ថុ? ចក្ខាយតនំ – ឥទំ តំ រូបំ ចក្ខុវិញ្ញាណស្ស វត្ថុ.

៦៨១. កតមំ តំ រូបំ ចក្ខុវិញ្ញាណស្ស ន វត្ថុ? សោតាយតនំ…បេ… កពឡីការោ អាហារោ – ឥទំ តំ រូបំ ចក្ខុវិញ្ញាណស្ស ន វត្ថុ.

៦៨២. កតមំ តំ រូបំ សោតសម្ផស្សស្ស…បេ… ឃានសម្ផស្សស្ស…បេ… ជិវ្ហាសម្ផស្សស្ស…បេ… កាយសម្ផស្សស្ស វត្ថុ? កាយាយតនំ – ឥទំ តំ រូបំ កាយសម្ផស្សស្ស វត្ថុ.

៦៨៣. កតមំ តំ រូបំ កាយសម្ផស្សស្ស ន វត្ថុ? ចក្ខាយតនំ…បេ… កពឡីការោ អាហារោ – ឥទំ តំ រូបំ កាយសម្ផស្សស្ស ន វត្ថុ.

៦៨៤. កតមំ ¶ តំ រូបំ កាយសម្ផស្សជាយ វេទនាយ…បេ… សញ្ញាយ…បេ… ចេតនាយ…បេ… កាយវិញ្ញាណស្ស វត្ថុ? កាយាយតនំ – ឥទំ តំ រូបំ កាយវិញ្ញាណស្ស វត្ថុ.

៦៨៥. កតមំ តំ រូបំ កាយវិញ្ញាណស្ស ន វត្ថុ? ចក្ខាយតនំ…បេ… កពឡីការោ អាហារោ – ឥទំ តំ រូបំ កាយវិញ្ញាណស្ស ន វត្ថុ.

៦៨៦. កតមំ តំ រូបំ ចក្ខុសម្ផស្សស្ស អារម្មណំ? រូបាយតនំ – ឥទំ តំ រូបំ ចក្ខុសម្ផស្សស្ស អារម្មណំ.

៦៨៧. កតមំ តំ រូបំ ចក្ខុសម្ផស្សស្ស ន អារម្មណំ? ចក្ខាយតនំ…បេ… កពឡីការោ អាហារោ – ឥទំ តំ រូបំ ចក្ខុសម្ផស្សស្ស ន អារម្មណំ.

៦៨៨. កតមំ តំ រូបំ ចក្ខុសម្ផស្សជាយ វេទនាយ…បេ… សញ្ញាយ…បេ… ចេតនាយ…បេ… ចក្ខុវិញ្ញាណស្ស អារម្មណំ? រូបាយតនំ – ឥទំ តំ រូបំ ចក្ខុវិញ្ញាណស្ស អារម្មណំ.

៦៨៩. កតមំ តំ រូបំ ចក្ខុវិញ្ញាណស្ស ន អារម្មណំ? ចក្ខាយតនំ…បេ… កពឡីការោ អាហារោ – ឥទំ តំ រូបំ ចក្ខុវិញ្ញាណស្ស ន អារម្មណំ.

៦៩០. កតមំ ¶ ¶ តំ រូបំ សោតសម្ផស្សស្ស…បេ… ឃានសម្ផស្សស្ស ¶ …បេ… ជិវ្ហាសម្ផស្សស្ស…បេ… កាយសម្ផស្សស្ស អារម្មណំ? ផោដ្ឋព្ពាយតនំ – ឥទំ តំ រូបំ កាយសម្ផស្សស្ស អារម្មណំ.

៦៩១. កតមំ តំ រូបំ កាយសម្ផស្សស្ស ន អារម្មណំ? ចក្ខាយតនំ…បេ… កពឡីការោ អាហារោ – ឥទំ តំ រូបំ កាយសម្ផស្សស្ស ន អារម្មណំ.

៦៩២. កតមំ តំ រូបំ កាយសម្ផស្សជាយ វេទនាយ…បេ… សញ្ញាយ…បេ… ចេតនាយ…បេ… ¶ កាយវិញ្ញាណស្ស អារម្មណំ? ផោដ្ឋព្ពាយតនំ – ឥទំ តំ រូបំ កាយវិញ្ញាណស្ស អារម្មណំ.

៦៩៣. កតមំ តំ រូបំ កាយវិញ្ញាណស្ស ន អារម្មណំ? ចក្ខាយតនំ…បេ… កពឡីការោ អាហារោ – ឥទំ តំ រូបំ កាយវិញ្ញាណស្ស ន អារម្មណំ.

៦៩៤. កតមំ តំ រូបំ ចក្ខាយតនំ? យំ ចក្ខុ ចតុន្នំ មហាភូតានំ ឧបាទាយ បសាទោ…បេ… សុញ្ញោ គាមោ បេសោ – ឥទំ តំ រូបំ ចក្ខាយតនំ.

៦៩៥. កតមំ តំ រូបំ ន ចក្ខាយតនំ? សោតាយតនំ…បេ… កពឡីការោ អាហារោ – ឥទំ តំ រូបំ ន ចក្ខាយតនំ.

៦៩៦. កតមំ តំ រូបំ សោតាយតនំ…បេ… ឃានាយតនំ…បេ… ជិវ្ហាយតនំ…បេ… កាយាយតនំ? យោ កាយោ ចតុន្នំ មហាភូតានំ ឧបាទាយ បសាទោ…បេ… សុញ្ញោ គាមោ បេសោ – ឥទំ តំ រូបំ កាយាយតនំ.

៦៩៧. កតមំ តំ រូបំ ន កាយាយតនំ? ចក្ខាយតនំ…បេ… កពឡីការោ អាហារោ – ឥទំ តំ រូបំ ន កាយាយតនំ.

៦៩៨. កតមំ ¶ តំ រូបំ រូបាយតនំ? យំ រូបំ ចតុន្នំ មហាភូតានំ ឧបាទាយ វណ្ណនិភា…បេ… រូបធាតុ បេសា – ឥទំ តំ រូបំ រូបាយតនំ.

៦៩៩. កតមំ តំ រូបំ ន រូបាយតនំ? ចក្ខាយតនំ…បេ… កពឡីការោ អាហារោ – ឥទំ តំ រូបំ ន រូបាយតនំ.

៧០០. កតមំ តំ រូបំ សទ្ទាយតនំ…បេ… គន្ធាយតនំ ¶ …បេ… រសាយតនំ…បេ… ផោដ្ឋព្ពាយតនំ? បថវីធាតុ…បេ… ផោដ្ឋព្ពធាតុ បេសា – ឥទំ តំ រូបំ ផោដ្ឋព្ពាយតនំ.

៧០១. កតមំ តំ រូបំ ន ផោដ្ឋព្ពាយតនំ ¶ ? ចក្ខាយតនំ…បេ… កពឡីការោ អាហារោ – ឥទំ តំ រូបំ ន ផោដ្ឋព្ពាយតនំ.

៧០២. កតមំ ¶ តំ រូបំ ចក្ខុធាតុ? ចក្ខាយតនំ – ឥទំ តំ រូបំ ចក្ខុធាតុ.

៧០៣. កតមំ តំ រូបំ ន ចក្ខុធាតុ? សោតាយតនំ…បេ… កពឡីការោ អាហារោ – ឥទំ តំ រូបំ ន ចក្ខុធាតុ.

៧០៤. កតមំ តំ រូបំ សោតធាតុ…បេ… ឃានធាតុ…បេ… ជិវ្ហាធាតុ…បេ… កាយធាតុ? កាយាយតនំ – ឥទំ តំ រូបំ កាយធាតុ.

៧០៥. កតមំ តំ រូបំ ន កាយធាតុ? ចក្ខាយតនំ…បេ… កពឡីការោ អាហារោ – ឥទំ តំ រូបំ ន កាយធាតុ.

៧០៦. កតមំ តំ រូបំ រូបធាតុ? រូបាយតនំ – ឥទំ តំ រូបំ រូបធាតុ.

៧០៧. កតមំ តំ រូបំ ន រូបធាតុ? ចក្ខាយតនំ…បេ… កពឡីការោ អាហារោ – ឥទំ តំ រូបំ ន រូបធាតុ.

៧០៨. កតមំ ¶ តំ រូបំ សទ្ទធាតុ…បេ… គន្ធធាតុ…បេ… រសធាតុ…បេ… ផោដ្ឋព្ពធាតុ? ផោដ្ឋព្ពាយតនំ – ឥទំ តំ រូបំ ផោដ្ឋព្ពធាតុ.

៧០៩. កតមំ តំ រូបំ ន ផោដ្ឋព្ពធាតុ? ចក្ខាយតនំ…បេ… កពឡីការោ អាហារោ – ឥទំ តំ រូបំ ន ផោដ្ឋព្ពធាតុ.

៧១០. កតមំ តំ រូបំ ចក្ខុន្ទ្រិយំ? យំ ចក្ខុ ចតុន្នំ មហាភូតានំ ឧបាទាយ បសាទោ…បេ… សុញ្ញោ គាមោ បេសោ – ឥទំ តំ រូបំ ចក្ខុន្ទ្រិយំ.

៧១១. កតមំ តំ រូបំ ន ចក្ខុន្ទ្រិយំ? សោតាយតនំ…បេ… កពឡីការោ អាហារោ – ឥទំ តំ រូបំ ន ចក្ខុន្ទ្រិយំ.

៧១២. កតមំ ¶ តំ រូបំ សោតិន្ទ្រិយំ…បេ… ឃានិន្ទ្រិយំ…បេ… ជិវ្ហិន្ទ្រិយំ…បេ… កាយិន្ទ្រិយំ? យោ កាយោ ចតុន្នំ មហាភូតានំ ឧបាទាយ បសាទោ…បេ… សុញ្ញោ គាមោ បេសោ – ឥទំ តំ រូបំ កាយិន្ទ្រិយំ.

៧១៣. កតមំ តំ រូបំ ន កាយិន្ទ្រិយំ? ចក្ខាយតនំ…បេ… កពឡីការោ អាហារោ – ឥទំ តំ រូបំ ន កាយិន្ទ្រិយំ.

៧១៤. កតមំ តំ រូបំ ឥត្ថិន្ទ្រិយំ? យំ ¶ ឥត្ថិយា ឥត្ថិលិង្គំ ឥត្ថិនិមិត្តំ ឥត្ថិកុត្តំ ឥត្ថាកប្បោ ឥត្ថត្តំ ឥត្ថិភាវោ – ឥទំ តំ រូបំ ឥត្ថិន្ទ្រិយំ.

៧១៥. កតមំ ¶ តំ រូបំ ន ឥត្ថិន្ទ្រិយំ? ចក្ខាយតនំ…បេ… កពឡីការោ អាហារោ – ឥទំ តំ រូបំ ន ឥត្ថិន្ទ្រិយំ.

៧១៦. កតមំ ¶ តំ រូបំ បុរិសិន្ទ្រិយំ? យំ បុរិសស្ស បុរិសលិង្គំ បុរិសនិមិត្តំ បុរិសកុត្តំ បុរិសាកប្បោ បុរិសត្តំ បុរិសភាវោ – ឥទំ តំ រូបំ បុរិសិន្ទ្រិយំ.

៧១៧. កតមំ តំ រូបំ ន បុរិសិន្ទ្រិយំ? ចក្ខាយតនំ…បេ… កពឡីការោ អាហារោ – ឥទំ តំ រូបំ ន បុរិសិន្ទ្រិយំ.

៧១៨. កតមំ តំ រូបំ ជីវិតិន្ទ្រិយំ? យោ តេសំ រូបីនំ ធម្មានំ អាយុ ឋិតិ យបនា យាបនា ឥរិយនា វត្តនា បាលនា ជីវិតំ ជីវិតិន្ទ្រិយំ – ឥទំ តំ រូបំ ជីវិតិន្ទ្រិយំ.

៧១៩. កតមំ តំ រូបំ ន ជីវិតិន្ទ្រិយំ? ចក្ខាយតនំ…បេ… កពឡីការោ អាហារោ – ឥទំ តំ រូបំ ន ជីវិតិន្ទ្រិយំ.

៧២០. កតមំ តំ រូបំ កាយវិញ្ញត្តិ? យា កុសលចិត្តស្ស វា អកុសលចិត្តស្ស វា អព្យាកតចិត្តស្ស វា អភិក្កមន្តស្ស វា បដិក្កមន្តស្ស វា អាលោកេន្តស្ស វា វិលោកេន្តស្ស វា សមិញ្ជេន្តស្ស ¶ វា បសារេន្តស្ស វា កាយស្ស ថម្ភនា សន្ថម្ភនា សន្ថម្ភិតត្តំ វិញ្ញត្តិ វិញ្ញាបនា វិញ្ញាបិតត្តំ – ឥទំ តំ រូបំ កាយវិញ្ញត្តិ.

៧២១. កតមំ តំ រូបំ ន កាយវិញ្ញត្តិ? ចក្ខាយតនំ…បេ… កពឡីការោ អាហារោ – ឥទំ តំ រូបំ ន កាយវិញ្ញត្តិ.

៧២២. កតមំ តំ រូបំ វចីវិញ្ញត្តិ? យា កុសលចិត្តស្ស វា អកុសលចិត្តស្ស វា អព្យាកតចិត្តស្ស វា វាចា គិរា ព្យប្បថោ ឧទីរណំ ឃោសោ ឃោសកម្មំ វាចា វចីភេទោ, អយំ វុច្ចតិ វាចា. យា តាយ វាចាយ វិញ្ញត្តិ វិញ្ញាបនា វិញ្ញាបិតត្តំ – ឥទំ តំ រូបំ វចីវិញ្ញត្តិ.

៧២៣. កតមំ តំ រូបំ ន វចីវិញ្ញត្តិ? ចក្ខាយតនំ…បេ… កពឡីការោ អាហារោ – ឥទំ តំ រូបំ ន វចីវិញ្ញត្តិ.

៧២៤. កតមំ តំ រូបំ អាកាសធាតុ? យោ អាកាសោ អាកាសគតំ អឃំ អឃគតំ វិវរោ វិវរគតំ អសម្ផុដ្ឋំ ចតូហិ មហាភូតេហិ – ឥទំ តំ រូបំ អាកាសធាតុ.

៧២៥. កតមំ ¶ ¶ តំ រូបំ ន អាកាសធាតុ? ចក្ខាយតនំ ¶ …បេ… កពឡីការោ អាហារោ – ឥទំ តំ រូបំ ន អាកាសធាតុ.

៧២៦. កតមំ តំ រូបំ អាបោធាតុ? យំ អាបោ អាបោគតំ សិនេហោ សិនេហគតំ ពន្ធនត្តំ រូបស្ស – ឥទំ តំ រូបំ អាបោធាតុ.

៧២៧. កតមំ តំ រូបំ ន អាបោធាតុ? ចក្ខាយតនំ…បេ… កពឡីការោ អាហារោ – ឥទំ តំ រូបំ ន អាបោធាតុ.

៧២៨. កតមំ តំ រូបំ រូបស្ស លហុតា? យា រូបស្ស លហុតា លហុបរិណាមតា អទន្ធនតា អវិត្ថនតា – ឥទំ តំ រូបំ រូបស្ស លហុតា ¶ .

៧២៩. កតមំ តំ រូបំ រូបស្ស ន លហុតា? ចក្ខាយតនំ…បេ… កពឡីការោ អាហារោ – ឥទំ តំ រូបំ រូបស្ស ន លហុតា.

៧៣០. កតមំ តំ រូបំ រូបស្ស មុទុតា? យា រូបស្ស មុទុតា មទ្ទវតា អកក្ខឡតា អកថិនតា – ឥទំ តំ រូបំ រូបស្ស មុទុតា.

៧៣១. កតមំ តំ រូបំ រូបស្ស ន មុទុតា? ចក្ខាយតនំ…បេ… កពឡីការោ អាហារោ – ឥទំ តំ រូបំ រូបស្ស ន មុទុតា.

៧៣២. កតមំ តំ រូបំ រូបស្ស កម្មញ្ញតា? យា រូបស្ស កម្មញ្ញតា កម្មញ្ញត្តំ កម្មញ្ញភាវោ – ឥទំ តំ រូបំ រូបស្ស កម្មញ្ញតា.

៧៣៣. កតមំ តំ រូបំ រូបស្ស ន កម្មញ្ញតា? ចក្ខាយតនំ…បេ… កពឡីការោ អាហារោ – ឥទំ តំ រូបំ រូបស្ស ន កម្មញ្ញតា.

៧៣៤. កតមំ ¶ តំ រូបំ រូបស្ស ឧបចយោ? យោ អាយតនានំ អាចយោ, សោ រូបស្ស ឧបចយោ – ឥទំ តំ រូបំ រូបស្ស ឧបចយោ.

៧៣៥. កតមំ តំ រូបំ រូបស្ស ន ឧបចយោ? ចក្ខាយតនំ…បេ… កពឡីការោ អាហារោ – ឥទំ តំ រូបំ រូបស្ស ន ឧបចយោ.

៧៣៦. កតមំ តំ រូបំ រូបស្ស សន្តតិ? យោ រូបស្ស ឧបចយោ, សា រូបស្ស សន្តតិ – ឥទំ តំ រូបំ រូបស្ស សន្តតិ.

៧៣៧. កតមំ តំ រូបំ រូបស្ស ន សន្តតិ? ចក្ខាយតនំ…បេ… កពឡីការោ អាហារោ – ឥទំ តំ រូបំ រូបស្ស ន សន្តតិ.

៧៣៨. កតមំ ¶ ¶ តំ រូបំ រូបស្ស ជរតា? យា រូបស្ស ជរា ជីរណតា ខណ្ឌិច្ចំ បាលិច្ចំ វលិត្តចតា អាយុនោ សំហានិ ឥន្ទ្រិយានំ បរិបាកោ ¶ – ឥទំ តំ រូបំ រូបស្ស ជរតា.

៧៣៩. កតមំ តំ រូបំ រូបស្ស ន ជរតា? ចក្ខាយតនំ…បេ… កពឡីការោ អាហារោ – ឥទំ តំ រូបំ រូបស្ស ន ជរតា.

៧៤០. កតមំ តំ រូបំ រូបស្ស អនិច្ចតា? យោ រូបស្ស ខយោ វយោ ភេទោ បរិភេទោ អនិច្ចតា អន្តរធានំ – ឥទំ តំ រូបំ រូបស្ស អនិច្ចតា.

៧៤១. កតមំ តំ រូបំ រូបស្ស ន អនិច្ចតា? ចក្ខាយតនំ…បេ… កពឡីការោ អាហារោ – ឥទំ តំ រូបំ រូបស្ស ន អនិច្ចតា.

៧៤២. កតមំ តំ រូបំ កពឡីការោ អាហារោ? ឱទនោ កុម្មាសោ សត្តុ មច្ឆោ មំសំ ខីរំ ទធិ សប្បិ នវនីតំ តេលំ មធុ ផាណិតំ, យំ វា បនញ្ញម្បិ អត្ថិ រូបំ យម្ហិ យម្ហិ ជនបទេ តេសំ តេសំ សត្តានំ មុខាសិយំ ទន្តវិខាទនំ គលជ្ឈោហរណីយំ កុច្ឆិវិត្ថម្ភនំ, យាយ ឱជាយ សត្តា យាបេន្តិ – ឥទំ តំ រូបំ កពឡីការោ អាហារោ.

៧៤៣. កតមំ ¶ តំ រូបំ ន កពឡីការោ អាហារោ? ចក្ខាយតនំ…បេ… រូបស្ស អនិច្ចតា – ឥទំ តំ រូបំ ន កពឡីការោ អាហារោ.

៧៤៤. កតមំ តំ រូបំ អជ្ឈត្តិកំ ឧបាទា? ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ ឧបាទា.

៧៤៥. កតមំ តំ រូបំ ពាហិរំ ឧបាទា? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ ឧបាទា.

៧៤៦. កតមំ តំ រូបំ ពាហិរំ នោ ឧបាទា? ផោដ្ឋព្ពាយតនំ ¶ អាបោធាតុ – ឥទំ តំ រូបំ ពាហិរំ នោ ឧបាទា.

៧៤៧. កតមំ ¶ តំ រូបំ អជ្ឈត្តិកំ ឧបាទិណ្ណំ? ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ ឧបាទិណ្ណំ.

៧៤៨. កតមំ ¶ តំ រូបំ ពាហិរំ ឧបាទិណ្ណំ? ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ពាហិរំ ឧបាទិណ្ណំ.

៧៤៩. កតមំ តំ រូបំ ពាហិរំ អនុបាទិណ្ណំ? សទ្ទាយតនំ កាយវិញ្ញត្តិ វចីវិញ្ញត្តិ រូបស្ស ¶ លហុតា រូបស្ស មុទុតា រូបស្ស កម្មញ្ញតា រូបស្ស ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ពាហិរំ អនុបាទិណ្ណំ.

៧៥០. កតមំ តំ រូបំ អជ្ឈត្តិកំ ឧបាទិណ្ណុបាទានិយំ. ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ ឧបាទិណ្ណុបាទានិយំ.

៧៥១. កតមំ តំ រូបំ ពាហិរំ ឧបាទិណ្ណុបាទានិយំ? ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ពាហិរំ ឧបាទិណ្ណុបាទានិយំ.

៧៥២. កតមំ តំ រូបំ ពាហិរំ អនុបាទិណ្ណុបាទានិយំ ¶ ? សទ្ទាយតនំ កាយវិញ្ញត្តិ វចីវិញ្ញត្តិ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ពាហិរំ អនុបាទិណ្ណុបាទានិយំ.

៧៥៣. កតមំ តំ រូបំ អជ្ឈត្តិកំ អនិទស្សនំ? ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ អនិទស្សនំ.

៧៥៤. កតមំ តំ រូបំ ពាហិរំ សនិទស្សនំ? រូបាយតនំ – ឥទំ តំ រូបំ ពាហិរំ សនិទស្សនំ.

៧៥៥. កតមំ ¶ តំ រូបំ ពាហិរំ អនិទស្សនំ? សទ្ទាយតនំ ¶ …បេ… កពឡីការោ អាហារោ – ឥទំ តំ រូបំ ពាហិរំ អនិទស្សនំ.

៧៥៦. កតមំ ¶ តំ រូបំ អជ្ឈត្តិកំ សប្បដិឃំ? ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ សប្បដិឃំ.

៧៥៧. កតមំ តំ រូបំ ពាហិរំ សប្បដិឃំ? រូបាយតនំ…បេ… ផោដ្ឋព្ពាយតនំ – ឥទំ តំ រូបំ ពាហិរំ សប្បដិឃំ.

៧៥៨. កតមំ តំ រូបំ ពាហិរំ អប្បដិឃំ? ឥត្ថិន្ទ្រិយំ…បេ… កពឡីការោ អាហារោ – ឥទំ តំ រូបំ ពាហិរំ អប្បដិឃំ.

៧៥៩. កតមំ តំ រូបំ អជ្ឈត្តិកំ ឥន្ទ្រិយំ? ចក្ខុន្ទ្រិយំ…បេ… កាយិន្ទ្រិយំ – ឥទំ តំ រូបំ អជ្ឈត្តិកំ ឥន្ទ្រិយំ.

៧៦០. កតមំ តំ រូបំ ពាហិរំ ឥន្ទ្រិយំ? ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ – ឥទំ តំ រូបំ ពាហិរំ ឥន្ទ្រិយំ.

៧៦១. កតមំ តំ រូបំ ពាហិរំ ន ឥន្ទ្រិយំ? រូបាយតនំ…បេ… កពឡីការោ ¶ អាហារោ – ឥទំ តំ រូបំ ពាហិរំ ន ឥន្ទ្រិយំ.

៧៦២. កតមំ តំ រូបំ អជ្ឈត្តិកំ ន មហាភូតំ? ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ ន មហាភូតំ.

៧៦៣. កតមំ តំ រូបំ ពាហិរំ មហាភូតំ? ផោដ្ឋព្ពាយតនំ អាបោធាតុ – ឥទំ តំ រូបំ ពាហិរំ មហាភូតំ.

៧៦៤. កតមំ តំ រូបំ ពាហិរំ ន មហាភូតំ? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ ន មហាភូតំ.

៧៦៥. កតមំ តំ រូបំ អជ្ឈត្តិកំ ន វិញ្ញត្តិ? ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ ន វិញ្ញត្តិ?

៧៦៦. កតមំ តំ រូបំ ពាហិរំ វិញ្ញត្តិ? កាយវិញ្ញត្តិ វចីវិញ្ញត្តិ – ឥទំ តំ រូបំ ពាហិរំ វិញ្ញត្តិ.

៧៦៧. កតមំ ¶ តំ រូបំ ពាហិរំ ន វិញ្ញត្តិ? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ ន វិញ្ញត្តិ.

៧៦៨. កតមំ ¶ ¶ តំ រូបំ អជ្ឈត្តិកំ ន ចិត្តសមុដ្ឋានំ? ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ ន ចិត្តសមុដ្ឋានំ.

៧៦៩. កតមំ តំ រូបំ ពាហិរំ ចិត្តសមុដ្ឋានំ? កាយវិញ្ញត្តិ វចីវិញ្ញត្តិ, យំ វា បនញ្ញម្បិ អត្ថិ រូបំ ចិត្តជំ ចិត្តហេតុកំ ចិត្តសមុដ្ឋានំ រូបាយតនំ សទ្ទាយតនំ គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ពាហិរំ ចិត្តសមុដ្ឋានំ.

៧៧០. កតមំ តំ រូបំ ពាហិរំ ន ចិត្តសមុដ្ឋានំ? ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ រូបស្ស ជរតា រូបស្ស អនិច្ចតា, យំ ¶ វា បនញ្ញម្បិ អត្ថិ រូបំ ន ចិត្តជំ ន ចិត្តហេតុកំ ន ចិត្តសមុដ្ឋានំ រូបាយតនំ សទ្ទាយតនំ គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ពាហិរំ ន ចិត្តសមុដ្ឋានំ.

៧៧១. កតមំ តំ រូបំ អជ្ឈត្តិកំ ន ចិត្តសហភុ? ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ ន ចិត្តសហភុ.

៧៧២. កតមំ តំ រូបំ ពាហិរំ ចិត្តសហភុ? កាយវិញ្ញត្តិ វចីវិញ្ញត្តិ – ឥទំ តំ រូបំ ពាហិរំ ចិត្តសហភុ.

៧៧៣. កតមំ តំ រូបំ ពាហិរំ ន ចិត្តសហភុ? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ ន ចិត្តសហភុ?

៧៧៤. កតមំ ¶ តំ រូបំ អជ្ឈត្តិកំ ន ចិត្តានុបរិវត្តិ? ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ ន ចិត្តានុបរិវត្តិ.

៧៧៥. កតមំ តំ រូបំ ពាហិរំ ចិត្តានុបរិវត្តិ? កាយវិញ្ញត្តិ វចីវិញ្ញត្តិ – ឥទំ តំ រូបំ ពាហិរំ ចិត្តានុបរិវត្តិ.

៧៧៦. កតមំ តំ រូបំ ពាហិរំ ន ចិត្តានុបរិវត្តិ? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ ន ចិត្តានុបរិវត្តិ.

៧៧៧. កតមំ តំ រូបំ អជ្ឈត្តិកំ ឱឡារិកំ? ចក្ខាយតនំ ¶ …បេ… កាយាយតនំ – ឥទំ តំ រូបំ អជ្ឈត្តិកំ ឱឡារិកំ.

៧៧៨. កតមំ ¶ តំ រូបំ ពាហិរំ ឱឡារិកំ? រូបាយតនំ…បេ… ផោដ្ឋព្ពាយតនំ – ឥទំ តំ រូបំ ពាហិរំ ឱឡារិកំ.

៧៧៩. កតមំ តំ រូបំ ពាហិរំ សុខុមំ? ឥត្ថិន្ទ្រិយំ…បេ… កពឡីការោ ¶ អាហារោ – ឥទំ តំ រូបំ ពាហិរំ សុខុមំ.

៧៨០. កតមំ តំ រូបំ អជ្ឈត្តិកំ សន្តិកេ? ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ សន្តិកេ.

៧៨១. កតមំ តំ រូបំ ពាហិរំ ទូរេ? ឥត្ថិន្ទ្រិយំ…បេ… កពឡីការោ អាហារោ – ឥទំ តំ រូបំ ពាហិរំ ទូរេ.

៧៨២. កតមំ តំ រូបំ ពាហិរំ សន្តិកេ? រូបាយតនំ…បេ… ផោដ្ឋព្ពាយតនំ – ឥទំ តំ រូបំ ពាហិរំ សន្តិកេ.

៧៨៣. កតមំ ¶ តំ រូបំ ពាហិរំ ចក្ខុសម្ផស្សស្ស ន វត្ថុ? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ ចក្ខុសម្ផស្សស្ស ន វត្ថុ.

៧៨៤. កតមំ តំ រូបំ អជ្ឈត្តិកំ ចក្ខុសម្ផស្សស្ស វត្ថុ? ចក្ខាយតនំ – ឥទំ តំ រូបំ អជ្ឈត្តិកំ ចក្ខុសម្ផស្សស្ស វត្ថុ.

៧៨៥. កតមំ តំ រូបំ អជ្ឈត្តិកំ ចក្ខុសម្ផស្សស្ស ន វត្ថុ? សោតាយតនំ…បេ… កាយាយតនំ – ឥទំ តំ រូបំ អជ្ឈត្តិកំ ចក្ខុសម្ផស្សស្ស ន វត្ថុ.

៧៨៦. កតមំ តំ រូបំ ពាហិរំ ចក្ខុសម្ផស្សជាយ វេទនាយ…បេ… សញ្ញាយ…បេ… ចេតនាយ…បេ… ចក្ខុវិញ្ញាណស្ស ន វត្ថុ? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ ចក្ខុវិញ្ញាណស្ស ន វត្ថុ.

៧៨៧. កតមំ តំ រូបំ អជ្ឈត្តិកំ ចក្ខុវិញ្ញាណស្ស វត្ថុ? ចក្ខាយតនំ – ឥទំ តំ រូបំ អជ្ឈត្តិកំ ចក្ខុវិញ្ញាណស្ស វត្ថុ.

៧៨៨. កតមំ ¶ តំ រូបំ អជ្ឈត្តិកំ ចក្ខុវិញ្ញាណស្ស ន វត្ថុ? សោតាយតនំ…បេ… កាយាយតនំ – ឥទំ តំ រូបំ អជ្ឈត្តិកំ ចក្ខុវិញ្ញាណស្ស ន វត្ថុ?

៧៨៩. កតមំ ¶ តំ រូបំ ពាហិរំ សោតសម្ផស្សស្ស…បេ… ឃានសម្ផស្សស្ស…បេ… ជិវ្ហាសម្ផស្សស្ស…បេ… កាយសម្ផស្សស្ស ន វត្ថុ? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ កាយសម្ផស្សស្ស ន វត្ថុ.

៧៩០. កតមំ តំ រូបំ អជ្ឈត្តិកំ កាយសម្ផស្សស្ស វត្ថុ? កាយាយតនំ – ឥទំ តំ រូបំ អជ្ឈត្តិកំ កាយសម្ផស្សស្ស វត្ថុ.

៧៩១. កតមំ ¶ តំ រូបំ អជ្ឈត្តិកំ កាយសម្ផស្សស្ស ន វត្ថុ? ចក្ខាយតនំ…បេ… ជិវ្ហាយតនំ – ឥទំ តំ រូបំ អជ្ឈត្តិកំ កាយសម្ផស្សស្ស ន វត្ថុ.

៧៩២. កតមំ ¶ តំ រូបំ ពាហិរំ កាយសម្ផស្សជាយ វេទនាយ…បេ… សញ្ញាយ…បេ… ចេតនាយ…បេ… កាយវិញ្ញាណស្ស ន វត្ថុ? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ កាយវិញ្ញាណស្ស ន វត្ថុ.

៧៩៣. កតមំ តំ រូបំ អជ្ឈត្តិកំ កាយវិញ្ញាណស្ស វត្ថុ? កាយាយតនំ – ឥទំ តំ រូបំ អជ្ឈត្តិកំ កាយវិញ្ញាណស្ស វត្ថុ.

៧៩៤. កតមំ តំ រូបំ អជ្ឈត្តិកំ កាយវិញ្ញាណស្ស ន វត្ថុ? ចក្ខាយតនំ…បេ… ជិវ្ហាយតនំ – ឥទំ តំ រូបំ អជ្ឈត្តិកំ កាយវិញ្ញាណស្ស ន វត្ថុ.

៧៩៥. កតមំ តំ រូបំ អជ្ឈត្តិកំ ចក្ខុសម្ផស្សស្ស ន អារម្មណំ? ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ ចក្ខុសម្ផស្សស្ស ន អារម្មណំ.

៧៩៦. កតមំ តំ រូបំ ពាហិរំ ចក្ខុសម្ផស្សស្ស អារម្មណំ? រូបាយតនំ – ឥទំ តំ រូបំ ពាហិរំ ចក្ខុសម្ផស្សស្ស អារម្មណំ.

៧៩៧. កតមំ ¶ តំ រូបំ ពាហិរំ ចក្ខុសម្ផស្សស្ស ន អារម្មណំ? សទ្ទាយតនំ…បេ… ¶ កពឡីការោ អាហារោ – ឥទំ តំ រូបំ ពាហិរំ ចក្ខុសម្ផស្សស្ស ន អារម្មណំ.

៧៩៨. កតមំ តំ រូបំ អជ្ឈត្តិកំ ចក្ខុសម្ផស្សជាយ វេទនាយ…បេ… សញ្ញាយ…បេ… ចេតនាយ…បេ… ចក្ខុវិញ្ញាណស្ស ន អារម្មណំ? ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ ចក្ខុវិញ្ញាណស្ស ន អារម្មណំ.

៧៩៩. កតមំ តំ រូបំ ពាហិរំ ចក្ខុវិញ្ញាណស្ស អារម្មណំ? រូបាយតនំ – ឥទំ តំ រូបំ ពាហិរំ ចក្ខុវិញ្ញាណស្ស អារម្មណំ.

៨០០. កតមំ តំ រូបំ ពាហិរំ ចក្ខុវិញ្ញាណស្ស ន អារម្មណំ? សទ្ទាយតនំ…បេ… កពឡីការោ អាហារោ – ឥទំ តំ រូបំ ពាហិរំ ចក្ខុវិញ្ញាណស្ស ន អារម្មណំ.

៨០១. កតមំ ¶ តំ រូបំ អជ្ឈត្តិកំ សោតសម្ផស្សស្ស…បេ… ឃានសម្ផស្សស្ស…បេ… ជិវ្ហាសម្ផស្សស្ស…បេ… កាយសម្ផស្សស្ស ន អារម្មណំ? ចក្ខាយតនំ…បេ… ¶ កាយាយតនំ – ឥទំ តំ រូបំ អជ្ឈត្តិកំ កាយសម្ផស្សស្ស ន អារម្មណំ.

៨០២. កតមំ តំ រូបំ ពាហិរំ កាយសម្ផស្សស្ស អារម្មណំ? ផោដ្ឋព្ពាយតនំ – ឥទំ តំ រូបំ ពាហិរំ កាយសម្ផស្សស្ស អារម្មណំ.

៨០៣. កតមំ តំ រូបំ ពាហិរំ កាយសម្ផស្សស្ស ន អារម្មណំ? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ កាយសម្ផស្សស្ស ន អារម្មណំ.

៨០៤. កតមំ តំ រូបំ អជ្ឈត្តិកំ កាយសម្ផស្សជាយ វេទនាយ…បេ… សញ្ញាយ…បេ… ចេតនាយ…បេ… កាយវិញ្ញាណស្ស ន អារម្មណំ? ចក្ខាយតនំ…បេ… ¶ កាយាយតនំ – ឥទំ តំ រូបំ អជ្ឈត្តិកំ កាយវិញ្ញាណស្ស ន អារម្មណំ.

៨០៥. កតមំ តំ រូបំ ពាហិរំ កាយវិញ្ញាណស្ស អារម្មណំ? ផោដ្ឋព្ពាយតនំ ¶ – ឥទំ តំ រូបំ ពាហិរំ កាយវិញ្ញាណស្ស អារម្មណំ.

៨០៦. កតមំ តំ រូបំ ពាហិរំ កាយវិញ្ញាណស្ស ន អារម្មណំ? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ កាយវិញ្ញាណស្ស ន អារម្មណំ.

៨០៧. កតមំ តំ រូបំ ពាហិរំ ន ចក្ខាយតនំ? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ ន ចក្ខាយតនំ.

៨០៨. កតមំ តំ រូបំ អជ្ឈត្តិកំ ចក្ខាយតនំ? យំ ចក្ខុ ចតុន្នំ មហាភូតានំ ឧបាទាយ បសាទោ…បេ… សុញ្ញោ គាមោ បេសោ – ឥទំ តំ រូបំ អជ្ឈត្តិកំ ចក្ខាយតនំ.

៨០៩. កតមំ តំ រូបំ អជ្ឈត្តិកំ ន ចក្ខាយតនំ? សោតាយតនំ…បេ… កាយាយតនំ – ឥទំ តំ រូបំ អជ្ឈត្តិកំ ន ចក្ខាយតនំ.

៨១០. កតមំ ¶ តំ រូបំ ពាហិរំ ន សោតាយតនំ…បេ… ន ឃានាយតនំ…បេ… ន ជិវ្ហាយតនំ…បេ… ន កាយាយតនំ? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ ន កាយាយតនំ.

៨១១. កតមំ ¶ តំ រូបំ អជ្ឈត្តិកំ កាយាយតនំ? យោ កាយោ ចតុន្នំ មហាភូតានំ ឧបាទាយ បសាទោ…បេ… សុញ្ញោ គាមោ បេសោ – ឥទំ តំ រូបំ អជ្ឈត្តិកំ កាយាយតនំ.

៨១២. កតមំ តំ រូបំ អជ្ឈត្តិកំ ន កាយាយតនំ? ចក្ខាយតនំ…បេ… ជិវ្ហាយតនំ – ឥទំ តំ រូបំ អជ្ឈត្តិកំ ន កាយាយតនំ.

៨១៣. កតមំ តំ រូបំ អជ្ឈត្តិកំ ន រូបាយតនំ? ចក្ខាយតនំ…បេ… កាយាយតនំ ¶ – ឥទំ តំ រូបំ អជ្ឈត្តិកំ ន រូបាយតនំ.

៨១៤. កតមំ តំ រូបំ ពាហិរំ រូបាយតនំ? យំ រូបំ ចតុន្នំ មហាភូតានំ ឧបាទាយ វណ្ណនិភា…បេ… រូបធាតុ បេសា – ឥទំ តំ រូបំ ពាហិរំ រូបាយតនំ.

៨១៥. កតមំ តំ រូបំ ពាហិរំ ន រូបាយតនំ? សទ្ទាយតនំ…បេ… កពឡីការោ អាហារោ – ឥទំ តំ រូបំ ពាហិរំ ន រូបាយតនំ.

៨១៦. កតមំ តំ រូបំ អជ្ឈត្តិកំ ន សទ្ទាយតនំ…បេ… ¶ ន គន្ធាយតនំ…បេ… ន រសាយតនំ…បេ… ន ផោដ្ឋព្ពាយតនំ? ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ ន ផោដ្ឋព្ពាយតនំ.

៨១៧. កតមំ តំ រូបំ ពាហិរំ ផោដ្ឋព្ពាយតនំ? បថវីធាតុ…បេ… ផោដ្ឋព្ពធាតុ បេសា – ឥទំ តំ រូបំ ពាហិរំ ផោដ្ឋព្ពាយតនំ.

៨១៨. កតមំ តំ រូបំ ពាហិរំ ន ផោដ្ឋព្ពាយតនំ? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ ន ផោដ្ឋព្ពាយតនំ.

៨១៩. កតមំ ¶ តំ រូបំ ពាហិរំ ន ចក្ខុធាតុ? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ ន ចក្ខុធាតុ.

៨២០. កតមំ តំ រូបំ អជ្ឈត្តិកំ ចក្ខុធាតុ? ចក្ខាយតនំ – ឥទំ តំ រូបំ អជ្ឈត្តិកំ ចក្ខុធាតុ.

៨២១. កតមំ តំ រូបំ អជ្ឈត្តិកំ ន ចក្ខុធាតុ? សោតាយតនំ…បេ… កាយាយតនំ – ឥទំ តំ រូបំ អជ្ឈត្តិកំ ន ចក្ខុធាតុ.

៨២២. កតមំ តំ រូបំ ពាហិរំ ន សោតធាតុ…បេ… ន ឃានធាតុ…បេ… ន ជិវ្ហាធាតុ…បេ… ន កាយធាតុ? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ ន កាយធាតុ.

៨២៣. កតមំ ¶ តំ រូបំ ¶ អជ្ឈត្តិកំ កាយធាតុ? កាយាយតនំ – ឥទំ តំ រូបំ អជ្ឈត្តិកំ កាយធាតុ.

៨២៤. កតមំ តំ រូបំ អជ្ឈត្តិកំ ន កាយធាតុ? ចក្ខាយតនំ…បេ… ជិវ្ហាយតនំ – ឥទំ តំ រូបំ អជ្ឈត្តិកំ ន កាយធាតុ.

៨២៥. កតមំ តំ រូបំ អជ្ឈត្តិកំ ន រូបធាតុ? ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ ន រូបធាតុ.

៨២៦. កតមំ តំ រូបំ ពាហិរំ រូបធាតុ? រូបាយតនំ – ឥទំ តំ រូបំ ពាហិរំ រូបធាតុ.

៨២៧. កតមំ តំ រូបំ ពាហិរំ ន រូបធាតុ? សទ្ទាយតនំ…បេ… កពឡីការោ អាហារោ – ឥទំ តំ រូបំ ពាហិរំ ន រូបធាតុ.

៨២៨. កតមំ តំ រូបំ អជ្ឈត្តិកំ ន សទ្ទធាតុ…បេ… ¶ ន គន្ធធាតុ…បេ… ន រសធាតុ ¶ …បេ… ន ផោដ្ឋព្ពធាតុ? ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ ន ផោដ្ឋព្ពធាតុ.

៨២៩. កតមំ តំ រូបំ ពាហិរំ ផោដ្ឋព្ពធាតុ? ផោដ្ឋព្ពាយតនំ – ឥទំ តំ រូបំ ពាហិរំ ផោដ្ឋព្ពធាតុ.

៨៣០. កតមំ តំ រូបំ ពាហិរំ ន ផោដ្ឋព្ពធាតុ? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ ន ផោដ្ឋព្ពធាតុ.

៨៣១. កតមំ តំ រូបំ ពាហិរំ ន ចក្ខុន្ទ្រិយំ? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ ន ចក្ខុន្ទ្រិយំ.

៨៣២. កតមំ តំ រូបំ អជ្ឈត្តិកំ ចក្ខុន្ទ្រិយំ? យំ ចក្ខុ ចតុន្នំ មហាភូតានំ ឧបាទាយ បសាទោ…បេ… សុញ្ញោ គាមោ បេសោ – ឥទំ តំ រូបំ អជ្ឈត្តិកំ ចក្ខុន្ទ្រិយំ.

៨៣៣. កតមំ តំ រូបំ អជ្ឈត្តិកំ ន ចក្ខុន្ទ្រិយំ? សោតាយតនំ…បេ… កាយាយតនំ – ឥទំ តំ រូបំ អជ្ឈត្តិកំ ន ចក្ខុន្ទ្រិយំ.

៨៣៤. កតមំ ¶ តំ រូបំ ពាហិរំ ន សោតិន្ទ្រិយំ…បេ… ន ឃានិន្ទ្រិយំ…បេ… ន ជិវ្ហិន្ទ្រិយំ…បេ… ន កាយិន្ទ្រិយំ? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ ន កាយិន្ទ្រិយំ.

៨៣៥. កតមំ ¶ តំ រូបំ អជ្ឈត្តិកំ កាយិន្ទ្រិយំ? យោ កាយោ ចតុន្នំ មហាភូតានំ ឧបាទាយ បសាទោ…បេ… សុញ្ញោ គាមោ បេសោ – ឥទំ តំ រូបំ អជ្ឈត្តិកំ កាយិន្ទ្រិយំ.

៨៣៦. កតមំ តំ រូបំ អជ្ឈត្តិកំ ន កាយិន្ទ្រិយំ? ចក្ខាយតនំ…បេ… ជិវ្ហាយតនំ – ឥទំ តំ រូបំ អជ្ឈត្តិកំ ន កាយិន្ទ្រិយំ.

៨៣៧. កតមំ ¶ តំ រូបំ អជ្ឈត្តិកំ ន ឥត្ថិន្ទ្រិយំ? ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ ន ឥត្ថិន្ទ្រិយំ.

៨៣៨. កតមំ តំ រូបំ ពាហិរំ ឥត្ថិន្ទ្រិយំ? យំ ឥត្ថិយា ឥត្ថិលិង្គំ ឥត្ថិនិមិត្តំ ឥត្ថិកុត្តំ ឥត្ថាកប្បោ ឥត្ថត្តំ ឥត្ថិភាវោ – ឥទំ តំ រូបំ ពាហិរំ ឥត្ថិន្ទ្រិយំ.

៨៣៩. កតមំ ¶ តំ រូបំ ពាហិរំ ន ឥត្ថិន្ទ្រិយំ? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ ន ឥត្ថិន្ទ្រិយំ.

៨៤០. កតមំ តំ រូបំ អជ្ឈត្តិកំ ន បុរិសិន្ទ្រិយំ? ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ ន បុរិសិន្ទ្រិយំ.

៨៤១. កតមំ តំ រូបំ ពាហិរំ បុរិសិន្ទ្រិយំ? យំ បុរិសស្ស បុរិសលិង្គំ បុរិសនិមិត្តំ បុរិសកុត្តំ បុរិសាកប្បោ បុរិសត្តំ បុរិសភាវោ – ឥទំ តំ រូបំ ពាហិរំ បុរិសិន្ទ្រិយំ.

៨៤២. កតមំ តំ រូបំ ពាហិរំ ន បុរិសិន្ទ្រិយំ? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ ន បុរិសិន្ទ្រិយំ.

៨៤៣. កតមំ តំ រូបំ អជ្ឈត្តិកំ ន ជីវិតិន្ទ្រិយំ? ចក្ខាយតនំ…បេ… កាយាយតនំ ¶ – ឥទំ តំ រូបំ អជ្ឈត្តិកំ ន ជីវិតិន្ទ្រិយំ.

៨៤៤. កតមំ តំ រូបំ ពាហិរំ ជីវិតិន្ទ្រិយំ? យោ តេសំ រូបីនំ ធម្មានំ អាយុ ឋិតិ យបនា យាបនា ឥរិយនា វត្តនា បាលនា ជីវិតំ ជីវិតិន្ទ្រិយំ – ឥទំ តំ រូបំ ពាហិរំ ជីវិតិន្ទ្រិយំ.

៨៤៥. កតមំ តំ រូបំ ពាហិរំ ន ជីវិតិន្ទ្រិយំ? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ ន ជីវិតិន្ទ្រិយំ.

៨៤៦. កតមំ ¶ តំ រូបំ អជ្ឈត្តិកំ ន កាយវិញ្ញត្តិ? ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ ន កាយវិញ្ញត្តិ.

៨៤៧. កតមំ ¶ តំ រូបំ ពាហិរំ កាយវិញ្ញត្តិ? យា កុសលចិត្តស្ស វា អកុសលចិត្តស្ស វា អព្យាកតចិត្តស្ស វា អភិក្កមន្តស្ស វា បដិក្កមន្តស្ស វា អាលោកេន្តស្ស វា វិលោកេន្តស្ស វា សមិញ្ជេន្តស្ស វា បសារេន្តស្ស វា កាយស្ស ថម្ភនា សន្ថម្ភនា សន្ថម្ភិតត្តំ វិញ្ញត្តិ វិញ្ញាបនា វិញ្ញាបិតត្តំ – ឥទំ តំ រូបំ ពាហិរំ កាយវិញ្ញត្តិ.

៨៤៨. កតមំ តំ រូបំ ពាហិរំ ន កាយវិញ្ញត្តិ? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ ន កាយវិញ្ញត្តិ.

៨៤៩. កតមំ តំ រូបំ អជ្ឈត្តិកំ ន វចីវិញ្ញត្តិ? ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ ន វចីវិញ្ញត្តិ.

៨៥០. កតមំ ¶ តំ រូបំ ពាហិរំ វចីវិញ្ញត្តិ? យា កុសលចិត្តស្ស វា អកុសលចិត្តស្ស វា អព្យាកតចិត្តស្ស វា វាចា គិរា ព្យប្បថោ ឧទីរណំ ធោសោ ឃោសកម្មំ វាចា វចីភេទោ, អយំ វុច្ចតិ វាចា. យា តាយ វាចាយ វិញ្ញត្តិ វិញ្ញាបនា វិញ្ញាបិតត្តំ – ឥទំ តំ រូបំ ពាហិរំ វចីវិញ្ញត្តិ ¶ .

៨៥១. កតមំ តំ រូបំ ពាហិរំ ន វចីវិញ្ញត្តិ? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ ន វចីវិញ្ញត្តិ.

៨៥២. កតមំ តំ រូបំ អជ្ឈត្តិកំ ន អាកាសធាតុ? ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ ន អាកាសធាតុ.

៨៥៣. កតមំ តំ រូបំ ពាហិរំ អាកាសធាតុ? យោ អាកាសោ អាកាសគតំ អឃំ អឃគតំ វិវរោ វិវរគតំ អសម្ផុដ្ឋំ ចតូហិ មហាភូតេហិ – ឥទំ តំ រូបំ ពាហិរំ អាកាសធាតុ.

៨៥៤. កតមំ ¶ តំ រូបំ ពាហិរំ ន អាកាសធាតុ? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ ន អាកាសធាតុ.

៨៥៥. កតមំ តំ រូបំ អជ្ឈត្តិកំ ន អាបោធាតុ? ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ ន អាបោធាតុ.

៨៥៦. កតមំ តំ រូបំ ពាហិរំ អាបោធាតុ? យំ អាបោ អាបោគតំ សិនេហោ សិនេហគតំ ពន្ធនត្តំ រូបស្ស – ឥទំ តំ រូបំ ពាហិរំ អាបោធាតុ.

៨៥៧. កតមំ តំ រូបំ ពាហិរំ ន អាបោធាតុ? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ ន អាបោធាតុ.

៨៥៨. កតមំ ¶ តំ រូបំ អជ្ឈត្តិកំ រូបស្ស ន លហុតា? ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ រូបស្ស ន លហុតា.

៨៥៩. កតមំ តំ រូបំ ពាហិរំ រូបស្ស លហុតា? យា រូបស្ស លហុតា លហុបរិណាមតា អទន្ធនតា អវិត្ថនតា – ឥទំ តំ រូបំ ពាហិរំ រូបស្ស លហុតា.

៨៦០. កតមំ តំ រូបំ ពាហិរំ រូបស្ស ន លហុតា? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ រូបស្ស ន លហុតា.

៨៦១. កតមំ ¶ តំ រូបំ អជ្ឈត្តិកំ រូបស្ស ន មុទុតា? ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ រូបស្ស ន មុទុតា.

៨៦២. កតមំ តំ រូបំ ពាហិរំ រូបស្ស មុទុតា? យា ¶ រូបស្ស មុទុតា មទ្ទវតា អកក្ខឡតា អកថិនតា – ឥទំ តំ រូបំ ពាហិរំ រូបស្ស មុទុតា.

៨៦៣. កតមំ ¶ តំ រូបំ ពាហិរំ រូបស្ស ន មុទុតា? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ រូបស្ស ន មុទុតា.

៨៦៤. កតមំ តំ រូបំ អជ្ឈត្តិកំ រូបស្ស ន កម្មញ្ញតា? ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ រូបស្ស ន កម្មញ្ញតា.

៨៦៥. កតមំ តំ រូបំ ពាហិរំ រូបស្ស កម្មញ្ញតា? យា រូបស្ស កម្មញ្ញតា កម្មញ្ញត្តំ កម្មញ្ញភាវោ – ឥទំ តំ រូបំ ពាហិរំ រូបស្ស កម្មញ្ញតា.

៨៦៦. កតមំ តំ រូបំ ពាហិរំ រូបស្ស ន កម្មញ្ញតា? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ រូបស្ស ន កម្មញ្ញតា.

៨៦៧. កតមំ តំ រូបំ អជ្ឈត្តិកំ រូបស្ស ន ឧបចយោ? ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ រូបស្ស ន ឧបចយោ.

៨៦៨. កតមំ តំ រូបំ ពាហិរំ រូបស្ស ឧបចយោ? យោ អាយតនានំ អាចយោ, សោ រូបស្ស ឧបចយោ – ឥទំ តំ រូបំ ពាហិរំ រូបស្ស ឧបចយោ.

៨៦៩. កតមំ តំ រូបំ ពាហិរំ រូបស្ស ន ឧបចយោ? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ រូបស្ស ន ឧបចយោ.

៨៧០. កតមំ តំ រូបំ អជ្ឈត្តិកំ រូបស្ស ន សន្តតិ? ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ រូបស្ស ន សន្តតិ.

៨៧១. កតមំ ¶ ¶ តំ រូបំ ពាហិរំ រូបស្ស សន្តតិ? យោ រូបស្ស ឧបចយោ, សា រូបស្ស សន្តតិ – ឥទំ តំ រូបំ ពាហិរំ រូបស្ស សន្តតិ.

៨៧២. កតមំ ¶ តំ រូបំ ពាហិរំ រូបស្ស ន សន្តតិ? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ រូបស្ស ន សន្តតិ.

៨៧៣. កតមំ តំ រូបំ អជ្ឈត្តិកំ រូបស្ស ន ជរតា? ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ រូបស្ស ន ជរតា.

៨៧៤. កតមំ តំ រូបំ ពាហិរំ រូបស្ស ជរតា? យា រូបស្ស ជរា ជីរណតា ខណ្ឌិច្ចំ បាលិច្ចំ វលិត្តចតា អាយុនោ សំហានិ ឥន្ទ្រិយានំ បរិបាកោ – ឥទំ តំ រូបំ ពាហិរំ រូបស្ស ជរតា.

៨៧៥. កតមំ តំ រូបំ ពាហិរំ រូបស្ស ន ជរតា? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ រូបស្ស ន ជរតា.

៨៧៦. កតមំ ¶ តំ រូបំ អជ្ឈត្តិកំ រូបស្ស ន អនិច្ចតា? ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ រូបស្ស ន អនិច្ចតា.

៨៧៧. កតមំ តំ រូបំ ពាហិរំ រូបស្ស អនិច្ចតា? យោ រូបស្ស ខយោ វយោ ភេទោ បរិភេទោ អនិច្ចតា អន្តរធានំ – ឥទំ តំ រូបំ ពាហិរំ រូបស្ស អនិច្ចតា.

៨៧៨. កតមំ តំ រូបំ ពាហិរំ រូបស្ស ន អនិច្ចតា? រូបាយតនំ…បេ… កពឡីការោ អាហារោ – ឥទំ តំ រូបំ ពាហិរំ រូបស្ស ន អនិច្ចតា.

៨៧៩. កតមំ តំ រូបំ អជ្ឈត្តិកំ ន កពឡីការោ អាហារោ? ចក្ខាយតនំ…បេ… កាយាយតនំ – ឥទំ តំ រូបំ អជ្ឈត្តិកំ ន កពឡីការោ អាហារោ ¶ .

៨៨០. កតមំ តំ រូបំ ពាហិរំ កពឡីការោ អាហារោ? ឱទនោ កុម្មាសោ សត្តុ មច្ឆោ មំសំ ខីរំ ទធិ សប្បិ នវនីតំ តេលំ មធុ ផាណិតំ, យំ វា បនញ្ញម្បិ អត្ថិ រូបំ យម្ហិ យម្ហិ ¶ ជនបទេ តេសំ តេសំ សត្តានំ មុខាសិយំ ទន្តវិខាទនំ គលជ្ឈោហរណីយំ កុច្ឆិវិត្ថម្ភនំ យាយ ឱជាយ សត្តា យាបេន្តិ – ឥទំ តំ រូបំ ពាហិរំ កពឡីការោ អាហារោ.

៨៨១. កតមំ ¶ តំ រូបំ ពាហិរំ ន កពឡីការោ អាហារោ? រូបាយតនំ…បេ… រូបស្ស អនិច្ចតា – ឥទំ តំ រូបំ ពាហិរំ ន កពឡីការោ អាហារោ.

៨៨២. កតមំ តំ រូបំ ឧបាទា ឧបាទិណ្ណំ? ចក្ខាយតនំ…បេ… កាយាយតនំ, ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា រូបាយតនំ គន្ធាយតនំ រសាយតនំ អាកាសធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទា ឧបាទិណ្ណំ.

៨៨៣. កតមំ តំ រូបំ ឧបាទា អនុបាទិណ្ណំ? សទ្ទាយតនំ កាយវិញ្ញត្តិ វចីវិញ្ញត្តិ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន កម្មស្ស កតត្តា ¶ រូបាយតនំ គន្ធាយតនំ រសាយតនំ អាកាសធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទា អនុបាទិណ្ណំ.

៨៨៤. កតមំ តំ រូបំ នោ ឧបាទា ឧបាទិណ្ណំ? កម្មស្ស កតត្តា ផោដ្ឋព្ពាយតនំ អាបោធាតុ – ឥទំ ¶ តំ រូបំ នោ ឧបាទា ឧបាទិណ្ណំ.

៨៨៥. កតមំ ¶ តំ រូបំ នោ ឧបាទា អនុបាទិណ្ណំ? ន កម្មស្ស កតត្តា ផោដ្ឋព្ពាយតនំ អាបោធាតុ – ឥទំ តំ រូបំ នោ ឧបាទា អនុបាទិណ្ណំ.

៨៨៦. កតមំ តំ រូបំ ឧបាទា ឧបាទិណ្ណុបាទានិយំ? ចក្ខាយតនំ…បេ… កាយាយតនំ, ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា រូបាយតនំ គន្ធាយតនំ រសាយតនំ អាកាសធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទា ឧបាទិណ្ណុបាទានិយំ.

៨៨៧. កតមំ តំ រូបំ ឧបាទា អនុបាទិណ្ណុបាទានិយំ? សទ្ទាយតនំ កាយវិញ្ញត្តិ វចីវិញ្ញត្តិ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ¶ ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន កម្មស្ស កតត្តា រូបាយតនំ គន្ធាយតនំ រសាយតនំ អាកាសធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទា អនុបាទិណ្ណុបាទានិយំ.

៨៨៨. កតមំ តំ រូបំ នោ ឧបាទា ឧបាទិណ្ណុបាទានិយំ? កម្មស្ស កតត្តា ផោដ្ឋព្ពាយតនំ អាបោធាតុ – ឥទំ តំ រូបំ នោ ឧបាទា ឧបាទិណ្ណុបាទានិយំ.

៨៨៩. កតមំ តំ រូបំ នោ ឧបាទា អនុបាទិណ្ណុបាទានិយំ? ន កម្មស្ស កតត្តា ផោដ្ឋព្ពាយតនំ អាបោធាតុ – ឥទំ តំ រូបំ នោ ឧបាទា អនុបាទិណ្ណុបាទានិយំ.

៨៩០. កតមំ តំ រូបំ ឧបាទា សប្បដិឃំ? ចក្ខាយតនំ…បេ… រសាយតនំ – ឥទំ តំ រូបំ ឧបាទា សប្បដិឃំ.

៨៩១. កតមំ តំ រូបំ ឧបាទា ¶ អប្បដិឃំ? ឥត្ថិន្ទ្រិយំ…បេ… កពឡីការោ អាហារោ – ឥទំ តំ រូបំ ឧបាទា អប្បដិឃំ.

៨៩២. កតមំ តំ រូបំ នោ ឧបាទា សប្បដិឃំ? ផោដ្ឋព្ពាយតនំ – ឥទំ តំ រូបំ នោ ឧបាទា សប្បដិឃំ.

៨៩៣. កតមំ ¶ ¶ តំ រូបំ នោ ឧបាទា អប្បដិឃំ? អាបោធាតុ – ឥទំ តំ រូបំ នោ ឧបាទា អប្បដិឃំ.

៨៩៤. កតមំ តំ រូបំ ឧបាទា ឱឡារិកំ? ចក្ខាយតនំ…បេ… រសាយតនំ – ឥទំ តំ រូបំ ឧបាទា ឱឡារិកំ.

៨៩៥. កតមំ តំ រូបំ ឧបាទា សុខុមំ ឥត្ថិន្ទ្រិយំ…បេ… កពឡីការោ អាហារោ – ឥទំ តំ រូបំ ឧបាទា សុខុមំ.

៨៩៦. កតមំ តំ រូបំ នោ ឧបាទា ឱឡារិកំ? ផោដ្ឋព្ពាយតនំ – ឥទំ តំ រូបំ នោ ឧបាទា ឱឡារិកំ.

៨៩៧. កតមំ តំ រូបំ នោ ឧបាទា សុខុមំ? អាបោធាតុ – ឥទំ តំ រូបំ នោ ឧបាទា សុខុមំ.

៨៩៨. កតមំ តំ រូបំ ឧបាទា ទូរេ? ឥត្ថិន្ទ្រិយំ…បេ… កពឡីការោ អាហារោ – ឥទំ តំ រូបំ ឧបាទា ទូរេ.

៨៩៩. កតមំ ¶ តំ រូបំ ឧបាទា សន្តិកេ? ចក្ខាយតនំ…បេ… រសាយតនំ – ឥទំ តំ រូបំ ឧបាទា សន្តិកេ.

៩០០. កតមំ តំ រូបំ នោ ឧបាទា ទូរេ? អាបោធាតុ – ឥទំ តំ រូបំ នោ ឧបាទា ទូរេ.

៩០១. កតមំ តំ រូបំ នោ ឧបាទា សន្តិកេ? ផោដ្ឋព្ពាយតនំ – ឥទំ តំ រូបំ នោ ឧបាទា សន្តិកេ.

៩០២. កតមំ តំ រូបំ ឧបាទិណ្ណំ សនិទស្សនំ? កម្មស្ស កតត្តា រូបាយតនំ – ឥទំ តំ រូបំ ឧបាទិណ្ណំ សនិទស្សនំ.

៩០៣. កតមំ ¶ តំ រូបំ ឧបាទិណ្ណំ អនិទស្សនំ? ចក្ខាយតនំ…បេ… កាយាយតនំ, ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា ¶ គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទិណ្ណំ អនិទស្សនំ.

៩០៤. កតមំ តំ រូបំ អនុបាទិណ្ណំ សនិទស្សនំ? ន កម្មស្ស កតត្តា រូបាយតនំ – ឥទំ តំ រូបំ អនុបាទិណ្ណំ សនិទស្សនំ.

៩០៥. កតមំ តំ រូបំ អនុបាទិណ្ណំ អនិទស្សនំ? សទ្ទាយតនំ កាយវិញ្ញត្តិ វចីវិញ្ញត្តិ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ជរតា រូបស្ស អនិច្ចតា ¶ , យំ វា បនញ្ញម្បិ អត្ថិ រូបំ ន កម្មស្ស កតត្តា គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ អនុបាទិណ្ណំ អនិទស្សនំ.

៩០៦. កតមំ តំ រូបំ ឧបាទិណ្ណំ សប្បដិឃំ? ចក្ខាយតនំ…បេ… កាយាយតនំ, យំ វា បនញ្ញម្បិ អត្ថិ រូបំ កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ – ឥទំ តំ រូបំ ឧបាទិណ្ណំ សប្បដិឃំ.

៩០៧. កតមំ តំ រូបំ ឧបាទិណ្ណំ អប្បដិឃំ? ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទិណ្ណំ អប្បដិឃំ.

៩០៨. កតមំ ¶ តំ រូបំ អនុបាទិណ្ណំ សប្បដិឃំ? សទ្ទាយតនំ, យំ វា បនញ្ញម្បិ អត្ថិ រូបំ ន កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ – ឥទំ តំ រូបំ អនុបាទិណ្ណំ សប្បដិឃំ.

៩០៩. កតមំ តំ រូបំ អនុបាទិណ្ណំ អប្បដិឃំ? កាយវិញ្ញត្តិ វចីវិញ្ញត្តិ ¶ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ជរតា រូបស្ស អនិច្ចតា, យំ វា បនញ្ញម្បិ ¶ អត្ថិ រូបំ ន កម្មស្ស កតត្តា អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ អនុបាទិណ្ណំ អប្បដិឃំ.

៩១០. កតមំ តំ រូបំ ឧបាទិណ្ណំ មហាភូតំ? កម្មស្ស កតត្តា ផោដ្ឋព្ពាយតនំ អាបោធាតុ – ឥទំ តំ រូបំ ឧបាទិណ្ណំ មហាភូតំ.

៩១១. កតមំ តំ រូបំ ឧបាទិណ្ណំ ន មហាភូតំ? ចក្ខាយតនំ…បេ… កាយាយតនំ ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា រូបាយតនំ គន្ធាយតនំ រសាយតនំ អាកាសធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទិណ្ណំ ន មហាភូតំ.

៩១២. កតមំ តំ រូបំ អនុបាទិណ្ណំ មហាភូតំ? ន កម្មស្ស កតត្តា ផោដ្ឋព្ពាយតនំ អាបោធាតុ – ឥទំ តំ រូបំ អនុបាទិណ្ណំ មហាភូតំ.

៩១៣. កតមំ តំ រូបំ អនុបាទិណ្ណំ ន មហាភូតំ? សទ្ទាយតនំ ¶ កាយវិញ្ញត្តិ វចីវិញ្ញត្តិ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន កម្មស្ស កតត្តា រូបាយតនំ គន្ធាយតនំ រសាយតនំ អាកាសធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ អនុបាទិណ្ណំ ន មហាភូតំ.

៩១៤. កតមំ តំ រូបំ ឧបាទិណ្ណំ ឱឡារិកំ? ចក្ខាយតនំ…បេ… កាយាយតនំ, យំ វា បនញ្ញម្បិ អត្ថិ រូបំ កម្មស្ស កតត្តា រូបាយតនំ ¶ គន្ធាយតនំ រសាយតនំ ផោដ្ឋព្ពាយតនំ – ឥទំ តំ រូបំ ឧបាទិណ្ណំ ឱឡារិកំ.

៩១៥. កតមំ តំ រូបំ ឧបាទិណ្ណំ សុខុមំ? ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា អាកាសធាតុ អាបោធាតុ រូបស្ស ¶ ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទិណ្ណំ សុខុមំ.

៩១៦. កតមំ ¶ តំ រូបំ អនុបាទិណ្ណំ ឱឡារិកំ? សទ្ទាយតនំ, យំ វា បនញ្ញម្បិ អត្ថិ រូបំ ន កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ – ឥទំ តំ រូបំ អនុបាទិណ្ណំ ឱឡារិកំ.

៩១៧. កតមំ តំ រូបំ អនុបាទិណ្ណំ សុខុមំ? កាយវិញ្ញត្តិ វចីវិញ្ញត្តិ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន កម្មស្ស កតត្តា អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ អនុបាទិណ្ណំ សុខុមំ.

៩១៨. កតមំ តំ រូបំ ឧបាទិណ្ណំ ទូរេ? ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទិណ្ណំ ទូរេ.

៩១៩. កតមំ តំ រូបំ ឧបាទិណ្ណំ សន្តិកេ? ចក្ខាយតនំ…បេ… កាយាយតនំ, យំ វា បនញ្ញម្បិ អត្ថិ រូបំ កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ – ឥទំ តំ រូបំ ឧបាទិណ្ណំ សន្តិកេ.

៩២០. កតមំ តំ រូបំ អនុបាទិណ្ណំ ទូរេ? កាយវិញ្ញត្តិ ¶ វចីវិញ្ញត្តិ រូបស្ស លហុតា រូបស្ស មុទុតា រូបស្ស ¶ កម្មញ្ញតា រូបស្ស ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន កម្មស្ស កតត្តា អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ អនុបាទិណ្ណំ ទូរេ.

៩២១. កតមំ តំ រូបំ អនុបាទិណ្ណំ សន្តិកេ? សទ្ទាយតនំ, យំ វា បនញ្ញម្បិ អត្ថិ រូបំ ន កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ – ឥទំ តំ រូបំ អនុបាទិណ្ណំ សន្តិកេ.

៩២២. កតមំ តំ រូបំ ឧបាទិណ្ណុបាទានិយំ សនិទស្សនំ? កម្មស្ស កតត្តា រូបាយតនំ – ឥទំ តំ រូបំ ឧបាទិណ្ណុបាទានិយំ សនិទស្សនំ.

៩២៣. កតមំ ¶ ¶ តំ រូបំ ឧបាទិណ្ណុបាទានិយំ អនិទស្សនំ? ចក្ខាយតនំ…បេ… កាយាយតនំ, ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទិណ្ណុបាទានិយំ អនិទស្សនំ.

៩២៤. កតមំ តំ រូបំ អនុបាទិណ្ណុបាទានិយំ សនិទស្សនំ? ន កម្មស្ស កតត្តា រូបាយតនំ – ឥទំ តំ រូបំ អនុបាទិណ្ណុបាទានិយំ សនិទស្សនំ.

៩២៥. កតមំ តំ រូបំ អនុបាទិណ្ណុបាទានិយំ អនិទស្សនំ? សទ្ទាយតនំ កាយវិញ្ញត្តិ វចីវិញ្ញត្តិ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន កម្មស្ស កតត្តា គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ ¶ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ អនុបាទិណ្ណុបាទានិយំ អនិទស្សនំ.

៩២៦. កតមំ តំ រូបំ ឧបាទិណ្ណុបាទានិយំ សប្បដិឃំ? ចក្ខាយតនំ…បេ… កាយាយតនំ, យំ វា បនញ្ញម្បិ អត្ថិ រូបំ កម្មស្ស កតត្តា រូបាយតនំ គន្ធាយតនំ ¶ រសាយតនំ ផោដ្ឋព្ពាយតនំ – ឥទំ តំ រូបំ ឧបាទិណ្ណុបាទានិយំ សប្បដិឃំ.

៩២៧. កតមំ តំ រូបំ ឧបាទិណ្ណុបាទានិយំ អប្បដិឃំ? ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទិណ្ណុបាទានិយំ អប្បដិឃំ.

៩២៨. កតមំ តំ រូបំ អនុបាទិណ្ណុបាទានិយំ សប្បដិឃំ? សទ្ទាយតនំ, យំ វា បនញ្ញម្បិ អត្ថិ រូបំ ន កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ – ឥទំ តំ រូបំ អនុបាទិណ្ណុបាទានិយំ សប្បដិឃំ.

៩២៩. កតមំ តំ រូបំ អនុបាទិណ្ណុបាទានិយំ អប្បដិឃំ? កាយវិញ្ញត្តិ វចីវិញ្ញត្តិ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ជរតា រូបស្ស អនិច្ចតា, យំ វា ¶ បនញ្ញម្បិ អត្ថិ រូបំ ន កម្មស្ស កតត្តា អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ អនុបាទិណ្ណុបាទានិយំ អប្បដិឃំ.

៩៣០. កតមំ ¶ តំ រូបំ ឧបាទិណ្ណុបាទានិយំ មហាភូតំ? កម្មស្ស កតត្តា ផោដ្ឋព្ពាយតនំ អាបោធាតុ – ឥទំ តំ រូបំ ឧបាទិណ្ណុបាទានិយំ មហាភូតំ ¶ .

៩៣១. កតមំ តំ រូបំ ឧបាទិណ្ណុបាទានិយំ ន មហាភូតំ? ចក្ខាយតនំ…បេ… កាយាយតនំ ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា រូបាយតនំ គន្ធាយតនំ រសាយតនំ អាកាសធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទិណ្ណុបាទានិយំ ន មហាភូតំ.

៩៣២. កតមំ តំ រូបំ អនុបាទិណ្ណុបាទានិយំ មហាភូតំ? ន កម្មស្ស កតត្តា ផោដ្ឋព្ពាយតនំ អាបោធាតុ – ឥទំ តំ រូបំ អនុបាទិណ្ណុបាទានិយំ មហាភូតំ.

៩៣៣. កតមំ តំ រូបំ អនុបាទិណ្ណុបាទានិយំ ន មហាភូតំ? សទ្ទាយតនំ ¶ កាយវិញ្ញត្តិ វចីវិញ្ញត្តិ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន កម្មស្ស កតត្តា រូបាយតនំ គន្ធាយតនំ រសាយតនំ អាកាសធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ អនុបាទិណ្ណុបាទានិយំ ន មហាភូតំ.

៩៣៤. កតមំ តំ រូបំ ឧបាទិណ្ណុបាទានិយំ ឱឡារិកំ? ចក្ខាយតនំ…បេ… កាយាយតនំ, យំ វា បនញ្ញម្បិ អត្ថិ រូបំ កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ – ឥទំ តំ រូបំ ឧបាទិណ្ណុបាទានិយំ ឱឡារិកំ.

៩៣៥. កតមំ តំ រូបំ ឧបាទិណ្ណុបាទានិយំ សុខុមំ? ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទិណ្ណុបាទានិយំ ¶ សុខុមំ.

៩៣៦. កតមំ ¶ តំ រូបំ អនុបាទិណ្ណុបាទានិយំ ឱឡារិកំ? សទ្ទាយតនំ, យំ វា បនញ្ញម្បិ អត្ថិ រូបំ ន កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ – ឥទំ តំ រូបំ អនុបាទិណ្ណុបាទានិយំ ឱឡារិកំ.

៩៣៧. កតមំ ¶ តំ រូបំ អនុបាទិណ្ណុបាទានិយំ សុខុមំ? កាយវិញ្ញត្តិ វចីវិញ្ញត្តិ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន កម្មស្ស កតត្តា អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ អនុបាទិណ្ណុបាទានិយំ សុខុមំ.

៩៣៨. កតមំ តំ រូបំ ឧបាទិណ្ណុបាទានិយំ ទូរេ? ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ, យំ វា បនញ្ញម្បិ អត្ថិ រូបំ កម្មស្ស កតត្តា អាកាសធាតុ អាបោធាតុ រូបស្ស ឧបចយោ រូបស្ស សន្តតិ កពឡីការោ អាហារោ – ឥទំ តំ រូបំ ឧបាទិណ្ណុបាទានិយំ ទូរេ.

៩៣៩. កតមំ តំ រូបំ ឧបាទិណ្ណុបាទានិយំ សន្តិកេ ចក្ខាយតនំ…បេ… កាយាយតនំ, យំ វា បនញ្ញម្បិ អត្ថិ រូបំ កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ – ឥទំ តំ រូបំ ឧបាទិណ្ណុបាទានិយំ សន្តិកេ.

៩៤០. កតមំ ¶ តំ រូបំ អនុបាទិណ្ណុបាទានិយំ ទូរេ? កាយវិញ្ញត្តិ វចីវិញ្ញត្តិ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ជរតា រូបស្ស អនិច្ចតា, យំ វា បនញ្ញម្បិ អត្ថិ រូបំ ន កម្មស្ស កតត្តា អាកាសធាតុ អាបោធាតុ រូបស្ស ឧបចយោ រូបស្ស សន្តតិ ¶ កពឡីការោ អាហារោ – ឥទំ តំ រូបំ អនុបាទិណ្ណុបាទានិយំ ទូរេ.

៩៤១. កតមំ តំ រូបំ អនុបាទិណ្ណុបាទានិយំ សន្តិកេ? សទ្ទាយតនំ, យំ វា បនញ្ញម្បិ អត្ថិ រូបំ ន កម្មស្ស កតត្តា រូបាយតនំ គន្ធាយតនំ រសាយតនំ ផោដ្ឋព្ពាយតនំ – ឥទំ តំ រូបំ អនុបាទិណ្ណុបាទានិយំ សន្តិកេ.

៩៤២. កតមំ តំ រូបំ សប្បដិឃំ ឥន្ទ្រិយំ? ចក្ខុន្ទ្រិយំ…បេ… កាយិន្ទ្រិយំ – ឥទំ តំ រូបំ សប្បដិឃំ ឥន្ទ្រិយំ.

៩៤៣. កតមំ ¶ តំ រូបំ សប្បដិឃំ ន ឥន្ទ្រិយំ? រូបាយតនំ…បេ… ផោដ្ឋព្ពាយតនំ – ឥទំ តំ រូបំ សប្បដិឃំ ន ឥន្ទ្រិយំ.

៩៤៤. កតមំ តំ រូបំ អប្បដិឃំ ឥន្ទ្រិយំ? ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ – ឥទំ តំ រូបំ អប្បដិឃំ ឥន្ទ្រិយំ.

៩៤៥. កតមំ ¶ តំ រូបំ អប្បដិឃំ ន ឥន្ទ្រិយំ? កាយវិញ្ញត្តិ វចីវិញ្ញត្តិ…បេ… កពឡីការោ អាហារោ – ឥទំ តំ រូបំ អប្បដិឃំ ន ឥន្ទ្រិយំ.

៩៤៦. កតមំ តំ រូបំ សប្បដិឃំ មហាភូតំ? ផោដ្ឋព្ពាយតនំ – ឥទំ តំ រូបំ សប្បដិឃំ មហាភូតំ.

៩៤៧. កតមំ តំ រូបំ សប្បដិឃំ ន មហាភូតំ? ចក្ខាយតនំ…បេ… រសាយតនំ – ឥទំ តំ រូបំ សប្បដិឃំ ន មហាភូតំ.

៩៤៨. កតមំ តំ រូបំ អប្បដិឃំ មហាភូតំ? អាបោធាតុ – ឥទំ តំ រូបំ អប្បដិឃំ មហាភូតំ.

៩៤៩. កតមំ តំ រូបំ អប្បដិឃំ ន មហាភូតំ? ឥត្ថិន្ទ្រិយំ…បេ… កពឡីការោ អាហារោ – ឥទំ តំ រូបំ អប្បដិឃំ ន មហាភូតំ.

៩៥០. កតមំ តំ រូបំ ឥន្ទ្រិយំ ឱឡារិកំ? ចក្ខុន្ទ្រិយំ…បេ… កាយិន្ទ្រិយំ – ឥទំ តំ រូបំ ឥន្ទ្រិយំ ឱឡារិកំ.

៩៥១. កតមំ តំ រូបំ ឥន្ទ្រិយំ សុខុមំ? ឥត្ថិន្ទ្រិយំ ¶ បុរិសិន្ទ្រិយំ ជីវិតិន្ទ្រិយំ – ឥទំ តំ រូបំ ឥន្ទ្រិយំ ¶ សុខុមំ.

៩៥២. កតមំ ¶ តំ រូបំ ន ឥន្ទ្រិយំ ឱឡារិកំ? រូបាយតនំ…បេ… ផោដ្ឋព្ពាយតនំ – ឥទំ តំ រូបំ ន ឥន្ទ្រិយំ ឱឡារិកំ.

៩៥៣. កតមំ តំ រូបំ ន ឥន្ទ្រិយំ សុខុមំ? កាយវិញ្ញត្តិ វចីវិញ្ញត្តិ…បេ… កពឡីការោ អាហារោ – ឥទំ តំ រូបំ ន ឥន្ទ្រិយំ សុខុមំ.

៩៥៤. កតមំ តំ រូបំ ឥន្ទ្រិយំ ទូរេ? ឥត្ថិន្ទ្រិយំ បុរិសិន្ទ្រិយំ ជីវិតិន្ទ្រិយំ – ឥទំ តំ រូបំ ឥន្ទ្រិយំ ទូរេ.

៩៥៥. កតមំ តំ រូបំ ឥន្ទ្រិយំ សន្តិកេ? ចក្ខុន្ទ្រិយំ…បេ… កាយិន្ទ្រិយំ – ឥទំ តំ រូបំ ឥន្ទ្រិយំ សន្តិកេ.

៩៥៦. កតមំ តំ រូបំ ន ឥន្ទ្រិយំ ទូរេ? កាយវិញ្ញត្តិ វចីវិញ្ញត្តិ…បេ… កពឡីការោ អាហារោ – ឥទំ តំ រូបំ ន ឥន្ទ្រិយំ ទូរេ.

៩៥៧. កតមំ តំ រូបំ ន ឥន្ទ្រិយំ សន្តិកេ? រូបាយតនំ…បេ… ផោដ្ឋព្ពាយតនំ – ឥទំ តំ រូបំ ន ឥន្ទ្រិយំ សន្តិកេ.

៩៥៨. កតមំ តំ រូបំ មហាភូតំ ឱឡារិកំ? ផោដ្ឋព្ពាយតនំ – ឥទំ តំ រូបំ មហាភូតំ ឱឡារិកំ.

៩៥៩. កតមំ ¶ តំ រូបំ មហាភូតំ សុខុមំ? អាបោធាតុ – ឥទំ តំ រូបំ មហាភូតំ សុខុមំ.

៩៦០. កតមំ តំ រូបំ ន មហាភូតំ ឱឡារិកំ? ចក្ខាយតនំ…បេ… រសាយតនំ – ឥទំ តំ រូបំ ន មហាភូតំ ឱឡារិកំ.

៩៦១. កតមំ ¶ តំ រូបំ ន មហាភូតំ សុខុមំ? ឥត្ថិន្ទ្រិយំ…បេ… កពឡីការោ អាហារោ – ឥទំ តំ រូបំ ន មហាភូតំ សុខុមំ.

៩៦២. កតមំ តំ រូបំ មហាភូតំ ទូរេ? អាបោធាតុ – ឥទំ តំ រូបំ មហាភូតំ ទូរេ.

៩៦៣. កតមំ តំ រូបំ មហាភូតំ សន្តិកេ? ផោដ្ឋព្ពាយតនំ – ឥទំ តំ រូបំ មហាភូតំ សន្តិកេ.

៩៦៤. កតមំ តំ រូបំ ន មហាភូតំ ទូរេ? ឥត្ថិន្ទ្រិយំ…បេ… ¶ កពឡីការោ អាហារោ – ឥទំ តំ រូបំ ន មហាភូតំ ទូរេ.

៩៦៥. កតមំ ¶ តំ រូបំ ន មហាភូតំ សន្តិកេ? ចក្ខាយតនំ…បេ… រសាយតនំ – ឥទំ តំ រូបំ ន មហាភូតំ សន្តិកេ.

៩៦៦. រូបាយតនំ ទិដ្ឋំ, សទ្ទាយតនំ សុតំ, គន្ធាយតនំ រសាយតនំ ផោដ្ឋព្ពាយតនំ មុតំ, សព្ពំ រូបំ មនសា វិញ្ញាតំ រូបំ.

៩៦៧. កតមំ តំ រូបំ បថវីធាតុ? យំ កក្ខឡំ ខរគតំ [ខរិគតំ (ក.)] កក្ខឡត្តំ កក្ខឡភាវោ អជ្ឈត្តំ វា ពហិទ្ធា វា ឧបាទិណ្ណំ វា អនុបាទិណ្ណំ វា – ឥទំ តំ រូបំ បថវីធាតុ.

៩៦៨. កតមំ ¶ តំ រូបំ អាបោធាតុ? យំ អាបោ អាបោគតំ សិនេហោ សិនេហគតំ ពន្ធនត្តំ រូបស្ស អជ្ឈត្តំ វា ពហិទ្ធា វា ឧបាទិណ្ណំ វា អនុបាទិណ្ណំ វា – ឥទំ តំ រូបំ អាបោធាតុ.

៩៦៩. កតមំ ¶ តំ រូបំ តេជោធាតុ? យំ តេជោ តេជោគតំ ឧស្មា ឧស្មាគតំ ឧសុមំ ឧសុមគតំ អជ្ឈត្តំ វា ពហិទ្ធា វា ឧបាទិណ្ណំ វា អនុបាទិណ្ណំ វា – ឥទំ តំ រូបំ តេជោធាតុ.

៩៧០. កតមំ តំ រូបំ វាយោធាតុ? យំ វាយោ វាយោគតំ ថម្ភិតត្តំ រូបស្ស អជ្ឈត្តំ វា ពហិទ្ធា វា ឧបាទិណ្ណំ វា អនុបាទិណ្ណំ វា – ឥទំ តំ រូបំ វាយោធាតុ.

៩៧១. កតមំ តំ រូបំ ឧបាទា? ចក្ខាយតនំ…បេ… កពឡីការោ អាហារោ – ឥទំ តំ រូបំ ឧបាទា.

៩៧២. រូបាយតនំ ¶ ចក្ខុវិញ្ញេយ្យំ រូបំ, សទ្ទាយតនំ សោតវិញ្ញេយ្យំ រូបំ, គន្ធាយតនំ ឃានវិញ្ញេយ្យំ រូបំ, រសាយតនំ ជិវ្ហាវិញ្ញេយ្យំ រូបំ, ផោដ្ឋព្ពាយតនំ កាយវិញ្ញេយ្យំ រូបំ, សព្ពំ រូបំ មនោវិញ្ញេយ្យំ រូបំ.

៩៧៣. រូបាយតនំ ¶ ¶ ចក្ខុវិញ្ញេយ្យំ រូបំ, សទ្ទាយតនំ សោតវិញ្ញេយ្យំ រូបំ, គន្ធាយតនំ ឃានវិញ្ញេយ្យំ រូបំ, រសាយតនំ ជិវ្ហាវិញ្ញេយ្យំ រូបំ, ផោដ្ឋព្ពាយតនំ កាយវិញ្ញេយ្យំ រូបំ, រូបាយតនំ សទ្ទាយតនំ គន្ធាយតនំ រសាយតនំ ផោដ្ឋព្ពាយតនំ មនោធាតុវិញ្ញេយ្យំ រូបំ, សព្ពំ រូបំ មនោវិញ្ញាណធាតុវិញ្ញេយ្យំ រូបំ.

៩៧៤. រូបាយតនំ ¶ ចក្ខុវិញ្ញេយ្យំ រូបំ, សទ្ទាយតនំ សោតវិញ្ញេយ្យំ រូបំ, គន្ធាយតនំ ឃានវិញ្ញេយ្យំ រូបំ, រសាយតនំ ជិវ្ហាវិញ្ញេយ្យំ រូបំ, មនាបិយោ ផោដ្ឋព្ពោ សុខសម្ផស្សោ កាយវិញ្ញេយ្យំ រូបំ, អមនាបិយោ ផោដ្ឋព្ពោ ទុក្ខសម្ផស្សោ កាយវិញ្ញេយ្យំ រូបំ, រូបាយតនំ សទ្ទាយតនំ គន្ធាយតនំ រសាយតនំ ផោដ្ឋព្ពាយតនំ មនោធាតុវិញ្ញេយ្យំ រូបំ, សព្ពំ រូបំ មនោវិញ្ញាណធាតុវិញ្ញេយ្យំ រូបំ.

៩៧៥. កតមំ តំ រូបំ ចក្ខុន្ទ្រិយំ? យំ ចក្ខុ ចតុន្នំ មហាភូតានំ ឧបាទាយ បសាទោ…បេ… សុញ្ញោ គាមោ បេសោ – ឥទំ តំ រូបំ ចក្ខុន្ទ្រិយំ ¶ .

៩៧៦. កតមំ តំ រូបំ សោតិន្ទ្រិយំ…បេ… ឃានិន្ទ្រិយំ…បេ… ជិវ្ហិន្ទ្រិយំ…បេ… កាយិន្ទ្រិយំ ¶ …បេ… ឥត្ថិន្ទ្រិយំ…បេ… បុរិសិន្ទ្រិយំ…បេ… ជីវិតិន្ទ្រិយំ? យោ តេសំ រូបីនំ ធម្មានំ អាយុ ឋិតិ យបនា យាបនា ឥរិយនា វត្តនា បាលនា ជីវិតំ ជីវិតិន្ទ្រិយំ – ឥទំ តំ រូបំ ជីវិតិន្ទ្រិយំ.

៩៧៧. កតមំ តំ រូបំ ន ឥន្ទ្រិយំ? រូបាយតនំ…បេ… កពឡីការោ អាហារោ – ឥទំ តំ រូបំ ន ឥន្ទ្រិយំ.

៩៧៨. កតមំ ¶ តំ រូបំ ចក្ខុន្ទ្រិយំ? យំ ចក្ខុ ចតុន្នំ មហាភូតានំ ឧបាទាយ បសាទោ…បេ… សុញ្ញោ គាមោ បេសោ – ឥទំ តំ រូបំ ចក្ខុន្ទ្រិយំ.

៩៧៩. កតមំ តំ រូបំ សោតិន្ទ្រិយំ…បេ… ឃានិន្ទ្រិយំ…បេ… ជិវ្ហិន្ទ្រិយំ…បេ… កាយិន្ទ្រិយំ…បេ… ឥត្ថិន្ទ្រិយំ…បេ… បុរិសិន្ទ្រិយំ…បេ… ជីវិតិន្ទ្រិយំ? យោ តេសំ រូបីនំ ធម្មានំ ¶ អាយុ ឋិតិ យបនា យាបនា ឥរិយនា វត្តនា បាលនា ជីវិតំ ជីវិតិន្ទ្រិយំ – ឥទំ តំ រូបំ ជីវិតិន្ទ្រិយំ.

៩៨០. កតមំ តំ រូបំ ន ឥន្ទ្រិយំ សប្បដិឃំ? រូបាយតនំ…បេ… ផោដ្ឋព្ពាយតនំ – ឥទំ តំ រូបំ ន ឥន្ទ្រិយំ សប្បដិឃំ.

៩៨១. កតមំ តំ រូបំ ន ឥន្ទ្រិយំ អប្បដិឃំ? កាយវិញ្ញត្តិ…បេ… កពឡីការោ អាហារោ – ឥទំ តំ រូបំ ន ឥន្ទ្រិយំ អប្បដិឃំ.

៩៨២. កតមំ ¶ តំ រូបំ ចក្ខាយតនំ? យំ ចក្ខុ ចតុន្នំ មហាភូតានំ ឧបាទាយ បសាទោ…បេ… សុញ្ញោ គាមោ បេសោ – ឥទំ តំ រូបំ ចក្ខាយតនំ ¶ .

៩៨៣. កតមំ តំ រូបំ សោតាយតនំ…បេ… ឃានាយតនំ…បេ… ជិវ្ហាយតនំ…បេ… កាយាយតនំ…បេ… រូបាយតនំ…បេ… សទ្ទាយតនំ…បេ… គន្ធាយតនំ…បេ… រសាយតនំ…បេ… ផោដ្ឋព្ពាយតនំ? បថវីធាតុ…បេ… ផោដ្ឋព្ពធាតុ បេសា – ឥទំ តំ រូបំ ផោដ្ឋព្ពាយតនំ.

៩៨៤. កតមំ តំ រូបំ អនិទស្សនំ អប្បដិឃំ ធម្មាយតនបរិយាបន្នំ? ឥត្ថិន្ទ្រិយំ…បេ… កពឡីការោ អាហារោ – ឥទំ តំ រូបំ អនិទស្សនំ អប្បដិឃំ ធម្មាយតនបរិយាបន្នំ.

៩៨៥. កតមេ ¶ ¶ ¶ ¶ ធម្មា កុសលា? តីណិ កុសលមូលានិ – អលោភោ, អទោសោ, អមោហោ; តំសម្បយុត្តោ វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ, វិញ្ញាណក្ខន្ធោ; តំសមុដ្ឋានំ កាយកម្មំ, វចីកម្មំ, មនោកម្មំ – ឥមេ ធម្មា កុសលា.

៩៨៦. កតមេ ធម្មា អកុសលា? តីណិ អកុសលមូលានិ – លោភោ, ទោសោ, មោហោ; តទេកដ្ឋា ច កិលេសា; តំសម្បយុត្តោ វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ, វិញ្ញាណក្ខន្ធោ; តំសមុដ្ឋានំ កាយកម្មំ, វចីកម្មំ, មនោកម្មំ – ឥមេ ធម្មា អកុសលា.

៩៨៧. កតមេ ធម្មា អព្យាកតា? កុសលាកុសលានំ ធម្មានំ វិបាកា កាមាវចរា, រូបាវចរា, អរូបាវចរា, អបរិយាបន្នា; វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ, វិញ្ញាណក្ខន្ធោ; យេ ច ធម្មា កិរិយា នេវ កុសលា នាកុសលា ន ច កម្មវិបាកា; សព្ពញ្ច រូបំ, អសង្ខតា ច ធាតុ – ឥមេ ធម្មា អព្យាកតា.

៩៨៨. កតមេ ធម្មា សុខាយ វេទនាយ សម្បយុត្តា? សុខភូមិយំ កាមាវចរេ, រូបាវចរេ, អបរិយាបន្នេ, សុខំ វេទនំ ឋបេត្វា; តំសម្បយុត្តោ សញ្ញាក្ខន្ធោ, សង្ខារក្ខន្ធោ, វិញ្ញាណក្ខន្ធោ – ឥមេ ធម្មា សុខាយ វេទនាយ សម្បយុត្តា.

៩៨៩. កតមេ ធម្មា ទុក្ខាយ វេទនាយ សម្បយុត្តា? ទុក្ខភូមិយំ កាមាវចរេ, ទុក្ខំ វេទនំ ¶ ឋបេត្វា; តំសម្បយុត្តោ សញ្ញាក្ខន្ធោ, សង្ខារក្ខន្ធោ, វិញ្ញាណក្ខន្ធោ – ឥមេ ធម្មា ទុក្ខាយ វេទនាយ សម្បយុត្តា ¶ .

៩៩០. កតមេ ធម្មា អទុក្ខមសុខាយ វេទនាយ សម្បយុត្តា? អទុក្ខមសុខភូមិយំ កាមាវចរេ, រូបាវចរេ, អរូបាវចរេ, អបរិយាបន្នេ, អទុក្ខមសុខំ វេទនំ ឋបេត្វា; តំសម្បយុត្តោ សញ្ញាក្ខន្ធោ, សង្ខារក្ខន្ធោ, វិញ្ញាណក្ខន្ធោ – ឥមេ ធម្មា អទុក្ខមសុខាយ វេទនាយ សម្បយុត្តា.

៩៩១. កតមេ ¶ ធម្មា វិបាកា? កុសលាកុសលានំ ធម្មានំ វិបាកា កាមាវចរា, រូបាវចរា, អរូបាវចរា, អបរិយាបន្នា; វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា វិបាកា.

៩៩២. កតមេ ¶ ធម្មា វិបាកធម្មធម្មា? កុសលាកុសលា ធម្មា កាមាវចរា, រូបាវចរា, អរូបាវចរា, អបរិយាបន្នា; វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា វិបាកធម្មធម្មា.

៩៩៣. កតមេ ធម្មា នេវវិបាកនវិបាកធម្មធម្មា? យេ ច ធម្មា កិរិយា នេវ កុសលា នាកុសលា ន ច កម្មវិបាកា, សព្ពញ្ច រូបំ, អសង្ខតា ច ធាតុ – ឥមេ ធម្មា នេវវិបាកនវិបាកធម្មធម្មា.

៩៩៤. កតមេ ធម្មា ឧបាទិណ្ណុបាទានិយា? សាសវា កុសលាកុសលានំ ធម្មានំ វិបាកា កាមាវចរា, រូបាវចរា, អរូបាវចរា; វេទនាក្ខន្ធោ…បេ… វិញ្ញាណក្ខន្ធោ; យញ្ច រូបំ កម្មស្ស កតត្តា – ឥមេ ធម្មា ឧបាទិណ្ណុបាទានិយា.

៩៩៥. កតមេ ធម្មា អនុបាទិណ្ណុបាទានិយា? សាសវា កុសលាកុសលា ធម្មា កាមាវចរា, រូបាវចរា, អរូបាវចរា; វេទនាក្ខន្ធោ…បេ… វិញ្ញាណក្ខន្ធោ; យេ ច ធម្មា កិរិយា នេវ កុសលា នាកុសលា ន ច កម្មវិបាកា; យញ្ច រូបំ ន កម្មស្ស ¶ កតត្តា – ឥមេ ធម្មា អនុបាទិណ្ណុបាទានិយា.

៩៩៦. កតមេ ¶ ធម្មា អនុបាទិណ្ណអនុបាទានិយា? អបរិយាបន្នា មគ្គា ច, មគ្គផលានិ ច, អសង្ខតា ច ធាតុ – ឥមេ ធម្មា អនុបាទិណ្ណអនុបាទានិយា.

៩៩៧. កតមេ ធម្មា សំកិលិដ្ឋសំកិលេសិកា? តីណិ អកុសលមូលានិ – លោភោ, ទោសោ, មោហោ; តទេកដ្ឋា ច កិលេសា; តំសម្បយុត្តោ វេទនាក្ខន្ធោ…បេ… វិញ្ញាណក្ខន្ធោ; តំសមុដ្ឋានំ កាយកម្មំ, វចីកម្មំ, មនោកម្មំ – ឥមេ ធម្មា សំកិលិដ្ឋសំកិលេសិកា.

៩៩៨. កតមេ ធម្មា អសំកិលិដ្ឋសំកិលេសិកា? សាសវា កុសលាព្យាកតា ធម្មា កាមាវចរា, រូបាវចរា, អរូបាវចរា; រូបក្ខន្ធោ, វេទនាក្ខន្ធោ ¶ , សញ្ញាក្ខន្ធោ, សង្ខារក្ខន្ធោ, វិញ្ញាណក្ខន្ធោ – ឥមេ ធម្មា អសំកិលិដ្ឋសំកិលេសិកា.

៩៩៩. កតមេ ធម្មា អសំកិលិដ្ឋអសំកិលេសិកា? អបរិយាបន្នា មគ្គា ច, មគ្គផលានិ ច, អសង្ខតា ច ធាតុ – ឥមេ ធម្មា អសំកិលិដ្ឋអសំកិលេសិកា.

១០០០. កតមេ ធម្មា សវិតក្កសវិចារា? សវិតក្កសវិចារភូមិយំ កាមាវចរេ, រូបាវចរេ, អបរិយាបន្នេ ¶ , វិតក្កវិចារេ ឋបេត្វា; តំសម្បយុត្តោ វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា សវិតក្កសវិចារា.

១០០១. កតមេ ធម្មា អវិតក្កវិចារមត្តា? អវិតក្កវិចារមត្តភូមិយំ រូបាវចរេ, អបរិយាបន្នេ, វិចារំ ឋបេត្វា; តំសម្បយុត្តោ វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា អវិតក្កវិចារមត្តា.

១០០២. កតមេ ធម្មា អវិតក្កអវិចារា? អវិតក្កអវិចារភូមិយំ កាមាវចរេ, រូបាវចរេ ¶ , អរូបាវចរេ, អបរិយាបន្នេ; វេទនាក្ខន្ធោ…បេ… វិញ្ញាណក្ខន្ធោ; សព្ពញ្ច រូបំ, អសង្ខតា ច ធាតុ – ឥមេ ធម្មា អវិតក្កអវិចារា.

១០០៣. កតមេ ធម្មា បីតិសហគតា? បីតិភូមិយំ កាមាវចរេ, រូបាវចរេ, អបរិយាបន្នេ ¶ , បីតិំ ឋបេត្វា; តំសម្បយុត្តោ វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា បីតិសហគតា.

១០០៤. កតមេ ធម្មា សុខសហគតា? សុខភូមិយំ កាមាវចរេ, រូបាវចរេ, អបរិយាបន្នេ, សុខំ ឋបេត្វា; តំសម្បយុត្តោ សញ្ញាក្ខន្ធោ, សង្ខារក្ខន្ធោ, វិញ្ញាណក្ខន្ធោ – ឥមេ ធម្មា សុខសហគតា.

១០០៥. កតមេ ធម្មា ឧបេក្ខាសហគតា? ឧបេក្ខាភូមិយំ កាមាវចរេ, រូបាវចរេ, អរូបាវចរេ, អបរិយាបន្នេ, ឧបេក្ខំ ឋបេត្វា; តំសម្បយុត្តោ សញ្ញាក្ខន្ធោ, សង្ខារក្ខន្ធោ, វិញ្ញាណក្ខន្ធោ – ឥមេ ធម្មា ឧបេក្ខាសហគតា.

១០០៦. កតមេ ធម្មា ទស្សនេន បហាតព្ពា? តីណិ សំយោជនានិ – សក្កាយទិដ្ឋិ, វិចិកិច្ឆា, សីលព្ពតបរាមាសោ.

១០០៧. តត្ថ ¶ កតមា សក្កាយទិដ្ឋិ? ឥធ អស្សុតវា បុថុជ្ជនោ អរិយានំ អទស្សាវី អរិយធម្មស្ស អកោវិទោ អរិយធម្មេ អវិនីតោ សប្បុរិសានំ អទស្សាវី សប្បុរិសធម្មស្ស អកោវិទោ សប្បុរិសធម្មេ អវិនីតោ រូបំ អត្តតោ សមនុបស្សតិ, រូបវន្តំ វា អត្តានំ, អត្តនិ វា រូបំ, រូបស្មិំ វា អត្តានំ. វេទនំ អត្តតោ សមនុបស្សតិ, វេទនាវន្តំ វា អត្តានំ, អត្តនិ វា វេទនំ, វេទនាយ វា អត្តានំ. សញ្ញំ អត្តតោ សមនុបស្សតិ, សញ្ញាវន្តំ វា អត្តានំ, អត្តនិ វា សញ្ញំ, សញ្ញាយ ¶ វា អត្តានំ. សង្ខារេ អត្តតោ ¶ សមនុបស្សតិ, សង្ខារវន្តំ វា អត្តានំ, អត្តនិ វា សង្ខារេ, សង្ខារេសុ វា អត្តានំ. វិញ្ញាណំ អត្តតោ សមនុបស្សតិ, វិញ្ញាណវន្តំ វា អត្តានំ, អត្តនិ វា វិញ្ញាណំ, វិញ្ញាណស្មិំ វា អត្តានំ. យា ឯវរូបា ទិដ្ឋិ ទិដ្ឋិគតំ ទិដ្ឋិគហនំ ទិដ្ឋិកន្តារោ ទិដ្ឋិវិសូកាយិកំ [ទិដ្ឋិវិសូកាយិតំ (សី.)] ទិដ្ឋិវិប្ផន្ទិតំ ទិដ្ឋិសំយោជនំ គាហោ បដិគ្គាហោ អភិនិវេសោ បរាមាសោ កុម្មគ្គោ មិច្ឆាបថោ មិច្ឆត្តំ តិត្ថាយតនំ វិបរិយាសគ្គាហោ – អយំ វុច្ចតិ សក្កាយទិដ្ឋិ.

១០០៨. តត្ថ កតមា វិចិកិច្ឆា? សត្ថរិ កង្ខតិ វិចិកិច្ឆតិ, ធម្មេ កង្ខតិ វិចិកិច្ឆតិ, សង្ឃេ កង្ខតិ វិចិកិច្ឆតិ, សិក្ខាយ កង្ខតិ វិចិកិច្ឆតិ, បុព្ពន្តេ កង្ខតិ ¶ វិចិកិច្ឆតិ, អបរន្តេ កង្ខតិ វិចិកិច្ឆតិ, បុព្ពន្តាបរន្តេ កង្ខតិ វិចិកិច្ឆតិ, ឥទប្បច្ចយតា បដិច្ចសមុប្បន្នេសុ ធម្មេសុ កង្ខតិ វិចិកិច្ឆតិ. យា ឯវរូបា កង្ខា កង្ខាយនា កង្ខាយិតត្តំ វិមតិ វិចិកិច្ឆា ទ្វេឡ្ហកំ ទ្វេធាបថោ សំសយោ អនេកំសគ្គាហោ អាសប្បនា បរិសប្បនា អបរិយោគាហនា ថម្ភិតត្តំ ចិត្តស្ស មនោវិលេខោ – អយំ វុច្ចតិ វិចិកិច្ឆា.

១០០៩. តត្ថ កតមោ សីលព្ពតបរាមាសោ? ឥតោ ពហិទ្ធា សមណព្រាហ្មណានំ ‘សីលេន សុទ្ធិ, វតេន សុទ្ធិ, សីលព្ពតេន សុទ្ធី’តិ យា ឯវរូបា ទិដ្ឋិ ទិដ្ឋិគតំ ទិដ្ឋិគហនំ ទិដ្ឋិកន្តារោ ទិដ្ឋិវិសូកាយិកំ ទិដ្ឋិវិប្ផន្ទិតំ ទិដ្ឋិសំយោជនំ គាហោ បដិគ្គាហោ អភិនិវេសោ បរាមាសោ កុម្មគ្គោ មិច្ឆាបថោ មិច្ឆត្តំ តិត្ថាយតនំ វិបរិយាសគ្គាហោ – អយំ ¶ វុច្ចតិ សីលព្ពតបរាមាសោ.

១០១០. ឥមានិ ¶ តីណិ សំយោជនានិ; តទេកដ្ឋា ច កិលេសា; តំសម្បយុត្តោ វេទនាក្ខន្ធោ…បេ… វិញ្ញាណក្ខន្ធោ; តំសមុដ្ឋានំ កាយកម្មំ វចីកម្មំ មនោកម្មំ – ឥមេ ធម្មា ទស្សនេន បហាតព្ពា.

១០១១. កតមេ ធម្មា ភាវនាយ បហាតព្ពា? អវសេសោ លោភោ, ទោសោ, មោហោ; តទេកដ្ឋា ច កិលេសា; តំសម្បយុត្តោ វេទនាក្ខន្ធោ…បេ… វិញ្ញាណក្ខន្ធោ; តំសមុដ្ឋានំ កាយកម្មំ, វចីកម្មំ, មនោកម្មំ – ឥមេ ធម្មា ភាវនាយ បហាតព្ពា.

១០១២. កតមេ ធម្មា នេវ ទស្សនេន ន ភាវនាយ បហាតព្ពា? កុសលាព្យាកតា ធម្មា កាមាវចរា, រូបាវចរា, អរូបាវចរា, អបរិយាបន្នា; វេទនាក្ខន្ធោ…បេ… វិញ្ញាណក្ខន្ធោ ¶ ; សព្ពញ្ច រូបំ, អសង្ខតា ច ធាតុ – ឥមេ ធម្មា នេវ ទស្សនេន ន ភាវនាយ បហាតព្ពា.

១០១៣. កតមេ ធម្មា ទស្សនេន បហាតព្ពហេតុកា? តីណិ សំយោជនានិ – សក្កាយទិដ្ឋិ, វិចិកិច្ឆា, សីលព្ពតបរាមាសោ.

១០១៤. តត្ថ កតមា សក្កាយទិដ្ឋិ…បេ… អយំ វុច្ចតិ សក្កាយទិដ្ឋិ.

១០១៥. តត្ថ ¶ កតមា វិចិកិច្ឆា…បេ… អយំ វុច្ចតិ វិចិកិច្ឆា.

១០១៦. តត្ថ កតមោ សីលព្ពតបរាមាសោ…បេ… អយំ វុច្ចតិ សីលព្ពតបរាមាសោ.

១០១៧. ឥមានិ តីណិ សំយោជនានិ; តទេកដ្ឋា ច កិលេសា; តំសម្បយុត្តោ វេទនាក្ខន្ធោ…បេ… វិញ្ញាណក្ខន្ធោ; តំសមុដ្ឋានំ កាយកម្មំ, វចីកម្មំ, មនោកម្មំ – ឥមេ ធម្មា ទស្សនេន បហាតព្ពហេតុកា. តីណិ សំយោជនានិ – សក្កាយទិដ្ឋិ, វិចិកិច្ឆា, សីលព្ពតបរាមាសោ ¶ – ឥមេ ធម្មា ទស្សនេន បហាតព្ពា. តទេកដ្ឋោ លោភោ, ទោសោ, មោហោ – ឥមេ ធម្មា ទស្សនេន បហាតព្ពហេតូ. តទេកដ្ឋា ច កិលេសា; តំសម្បយុត្តោ វេទនាក្ខន្ធោ…បេ… វិញ្ញាណក្ខន្ធោ; តំសមុដ្ឋានំ កាយកម្មំ, វចីកម្មំ, មនោកម្មំ – ឥមេ ធម្មា ទស្សនេន បហាតព្ពហេតុកា.

១០១៨. កតមេ ធម្មា ភាវនាយ បហាតព្ពហេតុកា? អវសេសោ លោភោ, ទោសោ, មោហោ – ឥមេ ធម្មា ភាវនាយ បហាតព្ពហេតូ. តទេកដ្ឋា ¶ ច កិលេសា; តំសម្បយុត្តោ វេទនាក្ខន្ធោ…បេ… វិញ្ញាណក្ខន្ធោ; តំសមុដ្ឋានំ កាយកម្មំ, វចីកម្មំ, មនោកម្មំ – ឥមេ ធម្មា ភាវនាយ បហាតព្ពហេតុកា.

១០១៩. កតមេ ធម្មា នេវ ទស្សនេន ន ភាវនាយ បហាតព្ពហេតុកា? តេ ធម្មេ ឋបេត្វា អវសេសា កុសលាកុសលាព្យាកតា ធម្មា កាមាវចរា រូបាវចរា, អរូបាវចរា, អបរិយាបន្នា; វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ, វិញ្ញាណក្ខន្ធោ; សព្ពញ្ច រូបំ, អសង្ខតា ច ធាតុ – ឥមេ ធម្មា នេវ ទស្សនេន ន ភាវនាយ បហាតព្ពហេតុកា.

១០២០. កតមេ ធម្មា អាចយគាមិនោ? សាសវា កុសលាកុសលា ធម្មា កាមាវចរា, រូបាវចរា, អរូបាវចរា; វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា អាចយគាមិនោ.

១០២១. កតមេ ធម្មា អបចយគាមិនោ? ចត្តារោ មគ្គា អបរិយាបន្នា – ឥមេ ធម្មា អបចយគាមិនោ.

១០២២. កតមេ ¶ ធម្មា នេវ អាចយគាមិ ន អបចយគាមិនោ? កុសលាកុសលានំ ធម្មានំ វិបាកា កាមាវចរា, រូបាវចរា, អរូបាវចរា, អបរិយាបន្នា ¶ ; វេទនាក្ខន្ធោ…បេ… វិញ្ញាណក្ខន្ធោ; យេ ច ធម្មា កិរិយា នេវ កុសលា នាកុសលា ន ច កម្មវិបាកា; សព្ពញ្ច រូបំ, អសង្ខតា ច ធាតុ – ឥមេ ធម្មា នេវ អាចយគាមិ ន អបចយគាមិនោ.

១០២៣. កតមេ ធម្មា សេក្ខា? ចត្តារោ មគ្គា អបរិយាបន្នា, ហេដ្ឋិមានិ ច តីណិ សាមញ្ញផលានិ – ឥមេ ធម្មា សេក្ខា.

១០២៤. កតមេ ¶ ធម្មា អសេក្ខា? ឧបរិដ្ឋិមំ [ឧបរិមំ (ស្យា.)] អរហត្តផលំ – ឥមេ ធម្មា អសេក្ខា.

១០២៥. កតមេ ធម្មា នេវសេក្ខនាសេក្ខា? តេ ធម្មេ ឋបេត្វា, អវសេសា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា; វេទនាក្ខន្ធោ…បេ… វិញ្ញាណក្ខន្ធោ; សព្ពញ្ច រូបំ, អសង្ខតា ច ធាតុ – ឥមេ ធម្មា នេវសេក្ខនាសេក្ខា.

១០២៦. កតមេ ¶ ធម្មា បរិត្តា? សព្ពេវ កាមាវចរា កុសលាកុសលាព្យាកតា ធម្មា; រូបក្ខន្ធោ…បេ… វិញ្ញាណក្ខន្ធោ – ឥមេ ធម្មា បរិត្តា.

១០២៧. កតមេ ធម្មា មហគ្គតា? រូបាវចរា, អរូបាវចរា, កុសលាព្យាកតា ធម្មា; វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា មហគ្គតា.

១០២៨. កតមេ ធម្មា អប្បមាណា? អបរិយាបន្នា មគ្គា ច, មគ្គផលានិ ច, អសង្ខតា ច ធាតុ – ឥមេ ធម្មា អប្បមាណា.

១០២៩. កតមេ ធម្មា បរិត្តារម្មណា? បរិត្តេ ធម្មេ អារព្ភ យេ ឧប្បជ្ជន្តិ ចិត្តចេតសិកា ធម្មា – ឥមេ ធម្មា បរិត្តារម្មណា.

១០៣០. កតមេ ធម្មា មហគ្គតារម្មណា? មហគ្គតេ ធម្មេ អារព្ភ យេ ឧប្បជ្ជន្តិ ¶ ចិត្តចេតសិកា ធម្មា – ឥមេ ធម្មា មហគ្គតារម្មណា.

១០៣១. កតមេ ធម្មា អប្បមាណារម្មណា? អប្បមាណេ ធម្មេ អារព្ភ យេ ឧប្បជ្ជន្តិ ចិត្តចេតសិកា ធម្មា – ឥមេ ធម្មា អប្បមាណារម្មណា.

១០៣២. កតមេ ¶ ធម្មា ហីនា? តីណិ អកុសលមូលានិ – លោភោ, ទោសោ, មោហោ; តទេកដ្ឋា ច កិលេសា; តំសម្បយុត្តោ វេទនាក្ខន្ធោ…បេ… វិញ្ញាណក្ខន្ធោ; តំសមុដ្ឋានំ កាយកម្មំ, វចីកម្មំ, មនោកម្មំ – ឥមេ ធម្មា ហីនា.

១០៣៣. កតមេ ធម្មា មជ្ឈិមា? សាសវា កុសលាព្យាកតា ធម្មា កាមាវចរា, រូបាវចរា, អរូបាវចរា, រូបក្ខន្ធោ…បេ… វិញ្ញាណក្ខន្ធោ – ឥមេ ធម្មា មជ្ឈិមា.

១០៣៤. កតមេ ធម្មា បណីតា? អបរិយាបន្នា មគ្គា ច, មគ្គផលានិ ច, អសង្ខតា ច ធាតុ – ឥមេ ធម្មា បណីតា.

១០៣៥. កតមេ ¶ ធម្មា មិច្ឆត្តនិយតា? បញ្ច កម្មានិ អានន្តរិកានិ, យា ច មិច្ឆាទិដ្ឋិនិយតា – ឥមេ ធម្មា មិច្ឆត្តនិយតា.

១០៣៦. កតមេ ធម្មា សម្មត្តនិយតា? ចត្តារោ មគ្គា អបរិយាបន្នា – ឥមេ ធម្មា សម្មត្តនិយតា.

១០៣៧. កតមេ ¶ ធម្មា អនិយតា? តេ ធម្មេ ឋបេត្វា, អវសេសា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា, អបរិយាបន្នា; វេទនាក្ខន្ធោ…បេ… វិញ្ញាណក្ខន្ធោ; សព្ពញ្ច រូបំ, អសង្ខតា ច ធាតុ – ឥមេ ធម្មា អនិយតា.

១០៣៨. កតមេ ធម្មា មគ្គារម្មណា? អរិយមគ្គំ អារព្ភ យេ ឧប្បជ្ជន្តិ ចិត្តចេតសិកា ធម្មា – ឥមេ ធម្មា មគ្គារម្មណា.

១០៣៩. កតមេ ¶ ធម្មា មគ្គហេតុកា? អរិយមគ្គសមង្គិស្ស មគ្គង្គានិ ឋបេត្វា; តំសម្បយុត្តោ វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា មគ្គហេតុកា. អរិយមគ្គសមង្គិស្ស ¶ សម្មាទិដ្ឋិ មគ្គោ ចេវ ហេតុ ច, សម្មាទិដ្ឋិំ ឋបេត្វា, តំសម្បយុត្តោ វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា មគ្គហេតុកា. អរិយមគ្គសមង្គិស្ស អលោភោ, អទោសោ, អមោហោ – ឥមេ ធម្មា មគ្គហេតូ. តំសម្បយុត្តោ វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា មគ្គហេតុកា.

១០៤០. កតមេ ធម្មា មគ្គាធិបតិនោ? អរិយមគ្គំ អធិបតិំ ករិត្វា យេ ឧប្បជ្ជន្តិ ចិត្តចេតសិកា ធម្មា – ឥមេ ធម្មា មគ្គាធិបតិនោ. អរិយមគ្គសមង្គិស្ស វីមំសាធិបតេយ្យំ មគ្គំ ភាវយន្តស្ស វីមំសំ ឋបេត្វា; តំសម្បយុត្តោ វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា មគ្គាធិបតិនោ.

១០៤១. កតមេ ធម្មា ឧប្បន្នា? យេ ធម្មា ជាតា ភូតា សញ្ជាតា និព្ពត្តា អភិនិព្ពត្តា បាតុភូតា ឧប្បន្នា សមុប្បន្នា ឧដ្ឋិតា សមុដ្ឋិតា ឧប្បន្នា ឧប្បន្នំសេន សង្គហិតា, រូបំ [រូបា (ពហូសុ)], វេទនា, សញ្ញា, សង្ខារា, វិញ្ញាណំ – ឥមេ ធម្មា ឧប្បន្នា.

១០៤២. កតមេ ធម្មា អនុប្បន្នា? យេ ធម្មា អជាតា អភូតា អសញ្ជាតា អនិព្ពត្តា អនភិនិព្ពត្តា អបាតុភូតា ¶ អនុប្បន្នា អសមុប្បន្នា អនុដ្ឋិតា អសមុដ្ឋិតា អនុប្បន្នា អនុប្បន្នំសេន សង្គហិតា, រូបំ, វេទនា, សញ្ញា, សង្ខារា, វិញ្ញាណំ – ឥមេ ធម្មា អនុប្បន្នា.

១០៤៣. កតមេ ¶ ធម្មា ឧប្បាទិនោ? កុសលាកុសលានំ ធម្មានំ អវិបក្កវិបាកានំ វិបាកា កាមាវចរា, រូបាវចរា, អរូបាវចរា, អបរិយាបន្នា; វេទនាក្ខន្ធោ…បេ… វិញ្ញាណក្ខន្ធោ; យញ្ច រូបំ កម្មស្ស កតត្តា ឧប្បជ្ជិស្សតិ – ឥមេ ធម្មា ឧប្បាទិនោ.

១០៤៤. កតមេ ¶ ធម្មា អតីតា? យេ ធម្មា អតីតា និរុទ្ធា វិគតា វិបរិណតា អត្ថង្គតា អព្ភត្ថង្គតា ឧប្បជ្ជិត្វា វិគតា អតីតា អតីតំសេន សង្គហិតា, រូបំ, វេទនា, សញ្ញា, សង្ខារា, វិញ្ញាណំ – ឥមេ ធម្មា អតីតា.

១០៤៥. កតមេ ធម្មា អនាគតា? យេ ធម្មា អជាតា អភូតា អសញ្ជាតា អនិព្ពត្តា អនភិនិព្ពត្តា ¶ អបាតុភូតា អនុប្បន្នា អសមុប្បន្នា អនុដ្ឋិតា អសមុដ្ឋិតា អនាគតា អនាគតំសេន សង្គហិតា, រូបំ, វេទនា, សញ្ញា, សង្ខារា, វិញ្ញាណំ – ឥមេ ធម្មា អនាគតា.

១០៤៦. កតមេ ធម្មា បច្ចុប្បន្នា? យេ ធម្មា ជាតា ភូតា សញ្ជាតា និព្ពត្តា អភិនិព្ពត្តា បាតុភូតា ឧប្បន្នា សមុប្បន្នា ឧដ្ឋិតា សមុដ្ឋិតា បច្ចុប្បន្នា បច្ចុប្បន្នំសេន សង្គហិតា, រូបំ, វេទនា, សញ្ញា, សង្ខារា, វិញ្ញាណំ – ឥមេ ធម្មា បច្ចុប្បន្នា.

១០៤៧. កតមេ ធម្មា អតីតារម្មណា? អតីតេ ធម្មេ អារព្ភ យេ ឧប្បជ្ជន្តិ ចិត្តចេតសិកា ធម្មា – ឥមេ ធម្មា អតីតារម្មណា.

១០៤៨. កតមេ ធម្មា អនាគតារម្មណា? អនាគតេ ធម្មេ អារព្ភ យេ ឧប្បជ្ជន្តិ ¶ ចិត្តចេតសិកា ធម្មា – ឥមេ ធម្មា អនាគតារម្មណា.

១០៤៩. កតមេ ធម្មា បច្ចុប្បន្នារម្មណា? បច្ចុប្បន្នេ ធម្មេ អារព្ភ យេ ឧប្បជ្ជន្តិ ចិត្តចេតសិកា ធម្មា – ឥមេ ធម្មា បច្ចុប្បន្នារម្មណា.

១០៥០. កតមេ ធម្មា អជ្ឈត្តា? យេ ធម្មា តេសំ តេសំ សត្តានំ អជ្ឈត្តំ បច្ចត្តំ និយតា បាដិបុគ្គលិកា ឧបាទិណ្ណា, រូបំ, វេទនា, សញ្ញា, សង្ខារា, វិញ្ញាណំ – ឥមេ ធម្មា អជ្ឈត្តា.

១០៥១. កតមេ ធម្មា ពហិទ្ធា? យេ ធម្មា តេសំ តេសំ បរសត្តានំ បរបុគ្គលានំ អជ្ឈត្តំ ¶ បច្ចត្តំ និយតា បាដិបុគ្គលិកា ឧបាទិណ្ណា, រូបំ, វេទនា, សញ្ញា, សង្ខារា, វិញ្ញាណំ – ឥមេ ធម្មា ពហិទ្ធា.

១០៥២. កតមេ ធម្មា អជ្ឈត្តពហិទ្ធា? តទុភយំ – ឥមេ ធម្មា អជ្ឈត្តពហិទ្ធា.

១០៥៣. កតមេ ធម្មា អជ្ឈត្តារម្មណា? អជ្ឈត្តេ ធម្មេ អារព្ភ យេ ឧប្បជ្ជន្តិ ចិត្តចេតសិកា ធម្មា – ឥមេ ធម្មា អជ្ឈត្តារម្មណា.

១០៥៤. កតមេ ¶ ¶ ធម្មា ពហិទ្ធារម្មណា? ពហិទ្ធា ធម្មេ អារព្ភ យេ ឧប្បជ្ជន្តិ ចិត្តចេតសិកា ធម្មា – ឥមេ ធម្មា ពហិទ្ធារម្មណា.

១០៥៥. កតមេ ធម្មា អជ្ឈត្តពហិទ្ធារម្មណា? អជ្ឈត្តពហិទ្ធា ធម្មេ អារព្ភ យេ ឧប្បជ្ជន្តិ ចិត្តចេតសិកា ធម្មា – ឥមេ ធម្មា អជ្ឈត្តពហិទ្ធារម្មណា.

១០៥៦. កតមេ ធម្មា សនិទស្សនសប្បដិឃា? រូបាយតនំ – ឥមេ ធម្មា សនិទស្សនសប្បដិឃា.

១០៥៧. កតមេ ធម្មា អនិទស្សនសប្បដិឃា? ចក្ខាយតនំ, សោតាយតនំ, ឃានាយតនំ, ជិវ្ហាយតនំ, កាយាយតនំ, សទ្ទាយតនំ, គន្ធាយតនំ ¶ , រសាយតនំ, ផោដ្ឋព្ពាយតនំ – ឥមេ ធម្មា អនិទស្សនសប្បដិឃា.

១០៥៨. កតមេ ធម្មា អនិទស្សនអប្បដិឃា? វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ, វិញ្ញាណក្ខន្ធោ; យញ្ច រូបំ អនិទស្សនំ អប្បដិឃំ ធម្មាយតនបរិយាបន្នំ; អសង្ខតា ច ធាតុ – ឥមេ ធម្មា អនិទស្សនអប្បដិឃា.

១០៥៩. កតមេ ធម្មា ហេតូ? តយោ កុសលហេតូ, តយោ អកុសលហេតូ, តយោ អព្យាកតហេតូ, នវ កាមាវចរហេតូ ឆ រូបាវចរហេតូ, ឆ អរូបាវចរហេតូ, ឆ អបរិយាបន្នហេតូ.

១០៦០. តត្ថ កតមេ តយោ កុសលហេតូ? អលោភោ, អទោសោ, អមោហោ.

១០៦១. តត្ថ ¶ កតមោ អលោភោ? យោ អលោភោ អលុព្ភនា អលុព្ភិតត្តំ អសារាគោ អសារជ្ជនា អសារជ្ជិតត្តំ អនភិជ្ឈា អលោភោ កុសលមូលំ – អយំ វុច្ចតិ អលោភោ.

១០៦២. តត្ថ ¶ កតមោ អទោសោ? យោ ¶ អទោសោ អទុស្សនា អទុស្សិតត្តំ មេត្តិ មេត្តាយនា មេត្តាយិតត្តំ អនុទ្ទា អនុទ្ទាយនា អនុទាយិតត្តំ ហិតេសិតា អនុកម្បា អព្យាបាទោ អព្យាបជ្ជោ អទោសោ កុសលមូលំ – អយំ វុច្ចតិ អទោសោ.

១០៦៣. តត្ថ កតមោ អមោហោ? ទុក្ខេ ញាណំ, ទុក្ខសមុទយេ ញាណំ, ទុក្ខនិរោធេ ញាណំ, ទុក្ខនិរោធគាមិនិយា បដិបទាយ ញាណំ, បុព្ពន្តេ ញាណំ, អបរន្តេ ញាណំ, បុព្ពន្តាបរន្តេ ញាណំ, ឥទប្បច្ចយតា បដិច្ចសមុប្បន្នេសុ ធម្មេសុ ញាណំ, យា ឯវរូបា បញ្ញា ¶ បជាននា វិចយោ បវិចយោ ធម្មវិចយោ សល្លក្ខណា ឧបលក្ខណា បច្ចុបលក្ខណា បណ្ឌិច្ចំ កោសល្លំ នេបុញ្ញំ វេភព្យា ចិន្តា ឧបបរិក្ខា ភូរី មេធា បរិណាយិកា វិបស្សនា សម្បជញ្ញំ បតោទោ បញ្ញា បញ្ញិន្ទ្រិយំ បញ្ញាពលំ បញ្ញាសត្ថំ បញ្ញាបាសាទោ បញ្ញាអាលោកោ បញ្ញាឱភាសោ បញ្ញាបជ្ជោតោ បញ្ញារតនំ អមោហោ ធម្មវិចយោ សម្មាទិដ្ឋិ – អយំ វុច្ចតិ អមោហោ.

១០៦៤. តត្ថ កតមេ តយោ អកុសលហេតូ? លោភោ, ទោសោ, មោហោ.

១០៦៥. តត្ថ កតមោ លោភោ? យោ រាគោ សារាគោ អនុនយោ អនុរោធោ នន្ទី នន្ទីរាគោ [នន្ទិរាគោ (សី.)] ចិត្តស្ស សារាគោ ឥច្ឆា មុច្ឆា អជ្ឈោសានំ គេធោ បលិគេធោ សង្គោ បង្កោ ឯជា មាយា ជនិកា សញ្ជននី សិព្ពិនី [សិព្ពនី (សី.)] ជាលិនី សរិតា វិសត្តិកា សុត្តំ វិសដា អាយូហិនី [អាយូហនី (សី. ស្យា.)] ទុតិយា បណិធិ ភវនេត្តិ វនំ វនថោ សន្ថវោ សិនេហោ អបេក្ខា បដិពន្ធុ អាសា អាសិសនា អាសិសិតត្តំ [អាសិំសនា អាសិំសិតត្តំ (សី. ស្យា.)] រូបាសា សទ្ទាសា គន្ធាសា រសាសា ផោដ្ឋព្ពាសា លាភាសា ធនាសា បុត្តាសា ជីវិតាសា ជប្បា បជប្បា អភិជប្បា ជប្បា ជប្បនា ជប្បិតត្តំ លោលុប្បំ លោលុប្បាយនា លោលុប្បាយិតត្តំ បុច្ឆញ្ជិកតា [បុញ្ចិកតា (ស្យា.) បុច្ឆិកតា (សី.)] សាធុកម្យតា អធម្មរាគោ វិសមលោភោ និកន្តិ និកាមនា បត្ថនា បិហនា សម្បត្ថនា កាមតណ្ហា ភវតណ្ហា វិភវតណ្ហា រូបតណ្ហា អរូបតណ្ហា និរោធតណ្ហា រូបតណ្ហា សទ្ទតណ្ហា គន្ធតណ្ហា ¶ រសតណ្ហា ផោដ្ឋព្ពតណ្ហា ធម្មតណ្ហា ¶ ឱឃោ យោគោ គន្ថោ ឧបាទានំ អាវរណំ នីវរណំ ឆាទនំ ពន្ធនំ ឧបក្កិលេសោ អនុសយោ បរិយុដ្ឋានំ លតា វេវិច្ឆំ ទុក្ខមូលំ ទុក្ខនិទានំ ¶ ទុក្ខប្បភវោ មារបាសោ មារពឡិសំ មារវិសយោ តណ្ហានទី តណ្ហាជាលំ តណ្ហាគទ្ទុលំ តណ្ហាសមុទ្ទោ អភិជ្ឈា លោភោ អកុសលមូលំ – អយំ វុច្ចតិ លោភោ.

១០៦៦. តត្ថ ¶ កតមោ ទោសោ? អនត្ថំ មេ អចរីតិ អាឃាតោ ជាយតិ, អនត្ថំ មេ ចរតីតិ អាឃាតោ ជាយតិ, អនត្ថំ មេ ចរិស្សតីតិ អាឃាតោ ជាយតិ, បិយស្ស មេ មនាបស្ស អនត្ថំ អចរិ…បេ… អនត្ថំ ចរតិ…បេ… អនត្ថំ ចរិស្សតីតិ អាឃាតោ ជាយតិ, អប្បិយស្ស មេ អមនាបស្ស អត្ថំ អចរិ…បេ… អត្ថំ ចរតិ…បេ… អត្ថំ ចរិស្សតីតិ អាឃាតោ ជាយតិ, អដ្ឋានេ វា បន អាឃាតោ ជាយតិ. យោ ឯវរូបោ ចិត្តស្ស អាឃាតោ បដិឃាតោ បដិឃំ បដិវិរោធោ កោបោ បកោបោ សម្បកោបោ ទោសោ បទោសោ សម្បទោសោ ចិត្តស្ស ព្យាបត្តិ មនោបទោសោ កោធោ កុជ្ឈនា កុជ្ឈិតត្តំ ទោសោ ទុស្សនា ទុស្សិតត្តំ ព្យាបត្តិ ព្យាបជ្ជនា ព្យាបជ្ជិតត្តំ វិរោធោ បដិវិរោធោ ចណ្ឌិក្កំ អសុរោបោ អនត្តមនតា ចិត្តស្ស – អយំ វុច្ចតិ ទោសោ.

១០៦៧. តត្ថ កតមោ មោហោ? ទុក្ខេ អញ្ញាណំ, ទុក្ខសមុទយេ អញ្ញាណំ, ទុក្ខនិរោធេ អញ្ញាណំ, ទុក្ខនិរោធគាមិនិយា បដិបទាយ អញ្ញាណំ, បុព្ពន្តេ អញ្ញាណំ, អបរន្តេ អញ្ញាណំ, បុព្ពន្តាបរន្តេ អញ្ញាណំ, ឥទប្បច្ចយតា បដិច្ចសមុប្បន្នេសុ ធម្មេសុ អញ្ញាណំ, យំ ឯវរូបំ អញ្ញាណំ អទស្សនំ អនភិសមយោ ¶ អននុពោធោ អសម្ពោធោ អប្បដិវេធោ អសំគាហនា អបរិយោគាហនា អសមបេក្ខនា អបច្ចវេក្ខណា អបច្ចក្ខកម្មំ ទុម្មេជ្ឈំ ពាល្យំ អសម្បជញ្ញំ មោហោ បមោហោ សម្មោហោ អវិជ្ជា អវិជ្ជោឃោ អវិជ្ជាយោគោ អវិជ្ជានុសយោ អវិជ្ជាបរិយុដ្ឋានំ អវិជ្ជាលង្គី មោហោ អកុសលមូលំ – អយំ វុច្ចតិ មោហោ.

១០៦៨. តត្ថ កតមេ តយោ អព្យាកតហេតូ? កុសលានំ វា ធម្មានំ វិបាកតោ កិរិយាព្យាកតេសុ វា ធម្មេសុ អលោភោ អទោសោ អមោហោ – ឥមេ តយោ អព្យាកតហេតូ.

១០៦៩. តត្ថ ¶ កតមេ នវ កាមាវចរហេតូ? តយោ កុសលហេតូ, តយោ អកុសលហេតូ, តយោ អព្យាកតហេតូ – ឥមេ នវ កាមាវចរហេតូ.

១០៧០. តត្ថ ¶ កតមេ ឆ រូបាវចរហេតូ? តយោ កុសលហេតូ, តយោ អព្យាកតហេតូ – ឥមេ ឆ រូបាវចរហេតូ.

១០៧១. តត្ថ កតមេ ឆ អរូបាវចរហេតូ? តយោ ¶ កុសលហេតូ, តយោ អព្យាកតហេតូ – ឥមេ ឆ អរូបាវចរហេតូ.

១០៧២. តត្ថ កតមេ ឆ អបរិយាបន្នហេតូ? តយោ កុសលហេតូ, តយោ អព្យាកតហេតូ – ឥមេ ឆ អបរិយាបន្នហេតូ.

១០៧៣. តត្ថ កតមេ តយោ កុសលហេតូ? អលោភោ, អទោសោ, អមោហោ.

១០៧៤. តត្ថ កតមោ អលោភោ? យោ អលោភោ អលុព្ភនា អលុព្ភិតត្តំ អសារាគោ អសារជ្ជនា អសារជ្ជិតត្តំ អនភិជ្ឈា អលោភោ កុសលមូលំ – អយំ វុច្ចតិ អលោភោ.

១០៧៥. តត្ថ កតមោ អទោសោ? យោ អទោសោ អទុស្សនា អទុស្សិតត្តំ…បេ… អព្យាបាទោ អព្យាបជ្ជោ អទោសោ កុសលមូលំ – អយំ វុច្ចតិ អទោសោ.

១០៧៦. តត្ថ កតមោ អមោហោ ¶ ? ទុក្ខេ ញាណំ, ទុក្ខសមុទយេ ញាណំ, ទុក្ខនិរោធេ ញាណំ, ទុក្ខនិរោធគាមិនិយា បដិបទាយ ញាណំ, បុព្ពន្តេ ញាណំ, អបរន្តេ ញាណំ, បុព្ពន្តាបរន្តេ ញាណំ, ឥទប្បច្ចយតា បដិច្ចសមុប្បន្នេសុ ធម្មេសុ ញាណំ, យា ឯវរូបា បញ្ញា បជាននា វិចយោ បវិចយោ ធម្មវិចយោ សល្លក្ខណា ឧបលក្ខណា បច្ចុបលក្ខណា បណ្ឌិច្ចំ កោសល្លំ នេបុញ្ញំ វេភព្យា ចិន្តា ឧបបរិក្ខា ភូរី មេធា បរិណាយិកា វិបស្សនា សម្បជញ្ញំ បតោទោ បញ្ញា បញ្ញិន្ទ្រិយំ បញ្ញាពលំ បញ្ញាសត្ថំ បញ្ញាបាសាទោ បញ្ញាអាលោកោ បញ្ញាឱភាសោ បញ្ញាបជ្ជោតោ បញ្ញារតនំ អមោហោ ធម្មវិចយោ សម្មាទិដ្ឋិ ធម្មវិចយសម្ពោជ្ឈង្គោ មគ្គង្គំ មគ្គបរិយាបន្នំ – អយំ វុច្ចតិ អមោហោ.

១០៧៧. តត្ថ ¶ ¶ កតមេ តយោ អព្យាកតហេតូ? កុសលានំ ធម្មានំ វិបាកតោ អលោភោ អទោសោ អមោហោ – ឥមេ តយោ អព្យាកតហេតូ. ឥមេ ឆ អបរិយាបន្នហេតូ – ឥមេ ធម្មា ហេតូ.

១០៧៨. កតមេ ធម្មា ន ហេតូ? តេ ធម្មេ ឋបេត្វា, អវសេសា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា, អបរិយាបន្នា; វេទនាក្ខន្ធោ…បេ… វិញ្ញាណក្ខន្ធោ; សព្ពញ្ច រូបំ, អសង្ខតា ច ធាតុ – ឥមេ ធម្មា ន ហេតូ.

១០៧៩. កតមេ ធម្មា សហេតុកា? តេហិ ធម្មេហិ យេ ធម្មា សហេតុកា វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា សហេតុកា ¶ .

១០៨០. កតមេ ធម្មា អហេតុកា? តេហិ ធម្មេហិ យេ ធម្មា អហេតុកា វេទនាក្ខន្ធោ…បេ… វិញ្ញាណក្ខន្ធោ, សព្ពញ្ច រូបំ, អសង្ខតា ច ធាតុ – ឥមេ ធម្មា អហេតុកា.

១០៨១. កតមេ ¶ ធម្មា ហេតុសម្បយុត្តា? តេហិ ធម្មេហិ យេ ធម្មា សម្បយុត្តា វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា ហេតុសម្បយុត្តា.

១០៨២. កតមេ ធម្មា ហេតុវិប្បយុត្តា? តេហិ ធម្មេហិ យេ ធម្មា វិប្បយុត្តា វេទនាក្ខន្ធោ…បេ… វិញ្ញាណក្ខន្ធោ, សព្ពញ្ច រូបំ, អសង្ខតា ច ធាតុ – ឥមេ ធម្មា ហេតុវិប្បយុត្តា.

១០៨៣. កតមេ ធម្មា ហេតូ ចេវ សហេតុកា ច? លោភោ មោហេន ហេតុ ចេវ សហេតុកោ ច, មោហោ លោភេន ហេតុ ចេវ សហេតុកោ ច, ទោសោ មោហេន ហេតុ ចេវ សហេតុកោ ច, មោហោ ទោសេន ហេតុ ចេវ សហេតុកោ ច; អលោភោ អទោសោ អមោហោ, តេ អញ្ញមញ្ញំ ហេតូ ចេវ សហេតុកា ច – ឥមេ ធម្មា ហេតូ ចេវ សហេតុកា ច.

១០៨៤. កតមេ ធម្មា សហេតុកា ចេវ ន ច ហេតូ? តេហិ ធម្មេហិ យេ ធម្មា សហេតុកា តេ ¶ ធម្មេ ឋបេត្វា, វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា សហេតុកា ចេវ ន ច ហេតូ.

១០៨៥. កតមេ ¶ ធម្មា ហេតូ ចេវ ហេតុសម្បយុត្តា ច? លោភោ មោហេន ហេតុ ចេវ ហេតុសម្បយុត្តោ ច, មោហោ លោភេន ហេតុ ចេវ ហេតុសម្បយុត្តោ ច, ទោសោ មោហេន ហេតុ ចេវ ហេតុសម្បយុត្តោ ច, មោហោ ទោសេន ហេតុ ចេវ ហេតុសម្បយុត្តោ ច; អលោភោ អទោសោ អមោហោ ¶ , តេ អញ្ញមញ្ញំ ហេតូ ចេវ ហេតុសម្បយុត្តា ច – ឥមេ ធម្មា ហេតូ ចេវ ហេតុសម្បយុត្តា ច.

១០៨៦. កតមេ ធម្មា ហេតុសម្បយុត្តា ចេវ ន ច ហេតូ? តេហិ ធម្មេហិ យេ ធម្មា សម្បយុត្តា តេ ធម្មេ ឋបេត្វា, វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា ហេតុសម្បយុត្តា ចេវ ន ច ហេតូ.

១០៨៧. កតមេ ធម្មា ន ហេតូ សហេតុកា? តេហិ ធម្មេហិ យេ ធម្មា ន ហេតូ សហេតុកា វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា ន ហេតូ សហេតុកា.

១០៨៨. កតមេ ធម្មា ន ហេតូ អហេតុកា? តេហិ ធម្មេហិ យេ ធម្មា ន ហេតូ អហេតុកា វេទនាក្ខន្ធោ…បេ… វិញ្ញាណក្ខន្ធោ, សព្ពញ្ច រូបំ, អសង្ខតា ច ធាតុ – ឥមេ ធម្មា ន ហេតូ អហេតុកា.

១០៨៩. កតមេ ធម្មា សប្បច្ចយា? បញ្ចក្ខន្ធា – រូបក្ខន្ធោ, វេទនាក្ខន្ធោ, សញ្ញាក្ខន្ធោ ¶ , សង្ខារក្ខន្ធោ, វិញ្ញាណក្ខន្ធោ – ឥមេ ធម្មា សប្បច្ចយា.

១០៩០. កតមេ ធម្មា អប្បច្ចយា? អសង្ខតា ធាតុ – ឥមេ ធម្មា អប្បច្ចយា.

១០៩១. កតមេ ធម្មា សង្ខតា? យេវ តេ ធម្មា សប្បច្ចយា, តេវ តេ ធម្មា សង្ខតា.

១០៩២. កតមេ ¶ ធម្មា អសង្ខតា? យោ ឯវ សោ ធម្មោ អប្បច្ចយោ, សោ ឯវ សោ ធម្មោ អសង្ខតោ.

១០៩៣. កតមេ ធម្មា សនិទស្សនា? រូបាយតនំ – ឥមេ ធម្មា សនិទស្សនា ¶ .

១០៩៤. កតមេ ¶ ធម្មា អនិទស្សនា? ចក្ខាយតនំ…បេ… ផោដ្ឋព្ពាយតនំ, វេទនាក្ខន្ធោ…បេ… វិញ្ញាណក្ខន្ធោ, យញ្ច រូបំ អនិទស្សនំ អប្បដិឃំ ធម្មាយតនបរិយាបន្នំ, អសង្ខតា ច ធាតុ – ឥមេ ធម្មា អនិទស្សនា.

១០៩៥. កតមេ ធម្មា សប្បដិឃា? ចក្ខាយតនំ…បេ… ផោដ្ឋព្ពាយតនំ – ឥមេ ធម្មា សប្បដិឃា.

១០៩៦. កតមេ ធម្មា អប្បដិឃា? វេទនាក្ខន្ធោ…បេ… វិញ្ញាណក្ខន្ធោ, យញ្ច រូបំ អនិទស្សនំ អប្បដិឃំ ធម្មាយតនបរិយាបន្នំ, អសង្ខតា ច ធាតុ – ឥមេ ធម្មា អប្បដិឃា.

១០៩៧. កតមេ ធម្មា រូបិនោ? ចត្តារោ ច មហាភូតា ចតុន្នញ្ច មហាភូតានំ ឧបាទាយ រូបំ – ឥមេ ធម្មា រូបិនោ.

១០៩៨. កតមេ ធម្មា អរូបិនោ? វេទនាក្ខន្ធោ…បេ… វិញ្ញាណក្ខន្ធោ, អសង្ខតា ច ធាតុ – ឥមេ ធម្មា អរូបិនោ.

១០៩៩. កតមេ ធម្មា លោកិយា? សាសវា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា, រូបក្ខន្ធោ…បេ… វិញ្ញាណក្ខន្ធោ – ឥមេ ធម្មា លោកិយា.

១១០០. កតមេ ធម្មា លោកុត្តរា? អបរិយាបន្នា មគ្គា ច, មគ្គផលានិ ច, អសង្ខតា ច ធាតុ – ឥមេ ធម្មា លោកុត្តរា.

១១០១. កតមេ ធម្មា កេនចិ វិញ្ញេយ្យា, កេនចិ ន វិញ្ញេយ្យា? យេ ¶ តេ ធម្មា ចក្ខុវិញ្ញេយ្យា ¶ , ន តេ ធម្មា សោតវិញ្ញេយ្យា; យេ វា បន តេ ធម្មា សោតវិញ្ញេយ្យា, ន តេ ធម្មា ចក្ខុវិញ្ញេយ្យា. យេ តេ ធម្មា ចក្ខុវិញ្ញេយ្យា, ន តេ ធម្មា ឃានវិញ្ញេយ្យា; យេ វា បន តេ ធម្មា ឃានវិញ្ញេយ្យា, ន តេ ធម្មា ចក្ខុវិញ្ញេយ្យា. យេ តេ ¶ ធម្មា ចក្ខុវិញ្ញេយ្យា, ន តេ ធម្មា ជិវ្ហាវិញ្ញេយ្យា; យេ វា បន តេ ធម្មា ជិវ្ហាវិញ្ញេយ្យា, ន តេ ធម្មា ចក្ខុវិញ្ញេយ្យា. យេ តេ ធម្មា ចក្ខុវិញ្ញេយ្យា, ន តេ ធម្មា កាយវិញ្ញេយ្យា; យេ វា បន តេ ធម្មា កាយវិញ្ញេយ្យា, ន តេ ធម្មា ចក្ខុវិញ្ញេយ្យា. យេ តេ ធម្មា សោតវិញ្ញេយ្យា, ន តេ ធម្មា ឃានវិញ្ញេយ្យា; យេ វា បន តេ ធម្មា ឃានវិញ្ញេយ្យា, ន តេ ធម្មា សោតវិញ្ញេយ្យា. យេ តេ ធម្មា សោតវិញ្ញេយ្យា, ន តេ ធម្មា ជិវ្ហាវិញ្ញេយ្យា; យេ វា បន តេ ធម្មា ¶ ជិវ្ហាវិញ្ញេយ្យា, ន តេ ធម្មា សោតវិញ្ញេយ្យា. យេ តេ ធម្មា សោតវិញ្ញេយ្យា, ន តេ ធម្មា កាយវិញ្ញេយ្យា; យេ វា បន តេ ធម្មា កាយវិញ្ញេយ្យា ន តេ ធម្មា សោតវិញ្ញេយ្យា. យេ តេ ធម្មា សោតវិញ្ញេយ្យា, ន តេ ធម្មា ចក្ខុវិញ្ញេយ្យា; យេ វា បន តេ ធម្មា ចក្ខុវិញ្ញេយ្យា, ន តេ ធម្មា សោតវិញ្ញេយ្យា. យេ តេ ធម្មា ឃានវិញ្ញេយ្យា, ន តេ ធម្មា ជិវ្ហាវិញ្ញេយ្យា; យេ វា បន តេ ធម្មា ជិវ្ហាវិញ្ញេយ្យា, ន តេ ធម្មា ឃានវិញ្ញេយ្យា. យេ តេ ធម្មា ឃានវិញ្ញេយ្យា, ន តេ ធម្មា កាយវិញ្ញេយ្យា; យេ វា បន តេ ធម្មា កាយវិញ្ញេយ្យា, ន តេ ធម្មា ឃានវិញ្ញេយ្យា. យេ តេ ធម្មា ឃានវិញ្ញេយ្យា, ន តេ ធម្មា ចក្ខុវិញ្ញេយ្យា; យេ វា បន តេ ធម្មា ចក្ខុវិញ្ញេយ្យា, ន តេ ធម្មា ឃានវិញ្ញេយ្យា. យេ ¶ តេ ធម្មា ឃានវិញ្ញេយ្យា, ន តេ ធម្មា សោតវិញ្ញេយ្យា; យេ វា បន តេ ធម្មា សោតវិញ្ញេយ្យា, ន តេ ធម្មា ឃានវិញ្ញេយ្យា. យេ តេ ធម្មា ជិវ្ហាវិញ្ញេយ្យា, ន តេ ធម្មា កាយវិញ្ញេយ្យា; យេ វា បន តេ ធម្មា កាយវិញ្ញេយ្យា, ន តេ ធម្មា ជិវ្ហាវិញ្ញេយ្យា. យេ តេ ធម្មា ជិវ្ហាវិញ្ញេយ្យា, ន តេ ធម្មា ចក្ខុវិញ្ញេយ្យា; យេ វា បន តេ ធម្មា ចក្ខុវិញ្ញេយ្យា, ន តេ ធម្មា ជិវ្ហាវិញ្ញេយ្យា. យេ តេ ធម្មា ជិវ្ហាវិញ្ញេយ្យា, ន តេ ធម្មា សោតវិញ្ញេយ្យា; យេ វា បន តេ ធម្មា សោតវិញ្ញេយ្យា, ន តេ ធម្មា ជិវ្ហាវិញ្ញេយ្យា. យេ តេ ធម្មា ជិវ្ហាវិញ្ញេយ្យា, ន តេ ធម្មា ឃានវិញ្ញេយ្យា; យេ វា បន តេ ធម្មា ឃានវិញ្ញេយ្យា, ន តេ ធម្មា ជិវ្ហាវិញ្ញេយ្យា. យេ តេ ធម្មា កាយវិញ្ញេយ្យា, ន តេ ធម្មា ចក្ខុវិញ្ញេយ្យា; យេ វា បន តេ ធម្មា ចក្ខុវិញ្ញេយ្យា, ន តេ ធម្មា កាយវិញ្ញេយ្យា. យេ តេ ធម្មា កាយវិញ្ញេយ្យា, ន តេ ធម្មា សោតវិញ្ញេយ្យា; យេ វា បន ¶ តេ ធម្មា សោតវិញ្ញេយ្យា, ន តេ ធម្មា កាយវិញ្ញេយ្យា. យេ តេ ធម្មា កាយវិញ្ញេយ្យា, ន តេ ធម្មា ឃានវិញ្ញេយ្យា; យេ វា បន តេ ធម្មា ឃានវិញ្ញេយ្យា, ន តេ ធម្មា កាយវិញ្ញេយ្យា. យេ តេ ធម្មា កាយវិញ្ញេយ្យា, ន តេ ធម្មា ¶ ជិវ្ហាវិញ្ញេយ្យា; យេ វា បន តេ ធម្មា ជិវ្ហាវិញ្ញេយ្យា, ន តេ ធម្មា កាយវិញ្ញេយ្យា. ឥមេ ធម្មា កេនចិ វិញ្ញេយ្យា កេនចិ ន វិញ្ញេយ្យា.

១១០២. កតមេ ¶ ធម្មា អាសវា? ចត្តារោ អាសវា – កាមាសវោ, ភវាសវោ, ទិដ្ឋាសវោ, អវិជ្ជាសវោ.

១១០៣. តត្ថ ¶ កតមោ កាមាសវោ? យោ កាមេសុ កាមច្ឆន្ទោ កាមរាគោ កាមនន្ទី កាមតណ្ហា កាមសិនេហោ កាមបរិឡាហោ កាមមុច្ឆា កាមជ្ឈោសានំ – អយំ វុច្ចតិ កាមាសវោ.

១១០៤. តត្ថ កតមោ ភវាសវោ? យោ ភវេសុ ភវឆន្ទោ [ភវច្ឆន្ទោ (សី. ស្យា.)] ភវរាគោ ភវនន្ទី ភវតណ្ហា ភវសិនេហោ ភវបរិឡាហោ ភវមុច្ឆា ភវជ្ឈោសានំ – អយំ វុច្ចតិ ភវាសវោ.

១១០៥. តត្ថ កតមោ ទិដ្ឋាសវោ? សស្សតោ លោកោតិ វា, អសស្សតោ លោកោតិ វា, អន្តវា លោកោតិ វា, អនន្តវា លោកោតិ វា, តំ ជីវំ តំ សរីរន្តិ វា, អញ្ញំ ជីវំ អញ្ញំ សរីរន្តិ វា, ហោតិ តថាគតោ បរំ មរណាតិ វា, ន ហោតិ តថាគតោ បរំ មរណាតិ វា, ហោតិ ច ន ច ហោតិ តថាគតោ បរំ មរណាតិ វា, នេវ ហោតិ ន ន ហោតិ តថាគតោ បរំ មរណាតិ វា; យា ឯវរូបា ទិដ្ឋិ ទិដ្ឋិគតំ ទិដ្ឋិគហនំ ទិដ្ឋិកន្តារោ ទិដ្ឋិវិសូកាយិកំ ទិដ្ឋិវិប្ផន្ទិតំ ទិដ្ឋិសំយោជនំ គាហោ បដិគ្គាហោ អភិនិវេសោ បរាមាសោ កុម្មគ្គោ មិច្ឆាបថោ មិច្ឆត្តំ តិត្ថាយតនំ វិបរិយាសគ្គាហោ – អយំ វុច្ចតិ ទិដ្ឋាសវោ. សព្ពាបិ មិច្ឆាទិដ្ឋិ ទិដ្ឋាសវោ.

១១០៦. តត្ថ កតមោ អវិជ្ជាសវោ? ទុក្ខេ អញ្ញាណំ, ទុក្ខសមុទយេ អញ្ញាណំ, ទុក្ខនិរោធេ អញ្ញាណំ, ទុក្ខនិរោធគាមិនិយា បដិបទាយ អញ្ញាណំ ¶ , បុព្ពន្តេ អញ្ញាណំ, អបរន្តេ អញ្ញាណំ, បុព្ពន្តាបរន្តេ អញ្ញាណំ, ឥទប្បច្ចយតា បដិច្ចសមុប្បន្នេសុ ធម្មេសុ អញ្ញាណំः យំ ឯវរូបំ អញ្ញាណំ អទស្សនំ អនភិសមយោ អននុពោធោ អសម្ពោធោ អប្បដិវេធោ អសំគាហនា អបរិយោគាហនា អសមបេក្ខនា អបច្ចវេក្ខណា អបច្ចក្ខកម្មំ ទុម្មេជ្ឈំ ពាល្យំ អសម្បជញ្ញំ ¶ មោហោ បមោហោ សម្មោហោ អវិជ្ជា អវិជ្ជោឃោ អវិជ្ជាយោគោ អវិជ្ជានុសយោ ¶ អវិជ្ជាបរិយុដ្ឋានំ អវិជ្ជាលង្គី មោហោ អកុសលមូលំ – អយំ វុច្ចតិ អវិជ្ជាសវោ.

១១០៧. កតមេ ធម្មា នោ អាសវា? តេ ធម្មេ ឋបេត្វា អវសេសា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា, អបរិយាបន្នា ¶ វេទនាក្ខន្ធោ…បេ… វិញ្ញាណក្ខន្ធោ; សព្ពញ្ច រូបំ អសង្ខតា ច ធាតុ – ឥមេ ធម្មា នោ អាសវា.

១១០៨. កតមេ ធម្មា សាសវា? កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា; រូបក្ខន្ធោ…បេ… វិញ្ញាណក្ខន្ធោ – ឥមេ ធម្មា សាសវា.

១១០៩. កតមេ ធម្មា អនាសវា? អបរិយាបន្នា មគ្គា ច មគ្គផលានិ ច, អសង្ខតា ច ធាតុ – ឥមេ ធម្មា អនាសវា.

១១១០. កតមេ ធម្មា អាសវសម្បយុត្តា? តេហិ ធម្មេហិ យេ ធម្មា សម្បយុត្តា វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា ¶ អាសវសម្បយុត្តា.

១១១១. កតមេ ធម្មា អាសវវិប្បយុត្តា? តេហិ ធម្មេហិ យេ ធម្មា វិប្បយុត្តា វេទនាក្ខន្ធោ…បេ… វិញ្ញាណក្ខន្ធោ; សព្ពញ្ច រូបំ, អសង្ខតា ច ធាតុ – ឥមេ ធម្មា អាសវវិប្បយុត្តា.

១១១២. កតមេ ធម្មា អាសវា ចេវ សាសវា ច? តេយេវ អាសវា អាសវា ចេវ សាសវា ច.

១១១៣. កតមេ ធម្មា សាសវា ចេវ នោ ច អាសវា? តេហិ ធម្មេហិ យេ ធម្មា សាសវា, តេ ធម្មេ ឋបេត្វា អវសេសា សាសវា កុសលាកុសលាព្យាកតា ធម្មា កាមាវចរា, រូបាវចរា ¶ , អរូបាវចរា; រូបក្ខន្ធោ…បេ… វិញ្ញាណក្ខន្ធោ – ឥមេ ធម្មា សាសវា ចេវ នោ ច អាសវា.

១១១៤. កតមេ ធម្មា អាសវា ចេវ អាសវសម្បយុត្តា ច? កាមាសវោ អវិជ្ជាសវេន អាសវោ ចេវ អាសវសម្បយុត្តោ ច, អវិជ្ជាសវោ កាមាសវេន អាសវោ ចេវ អាសវសម្បយុត្តោ ច, ភវាសវោ អវិជ្ជាសវេន អាសវោ ចេវ អាសវសម្បយុត្តោ ច, អវិជ្ជាសវោ ភវាសវេន អាសវោ ចេវ អាសវសម្បយុត្តោ ច, ទិដ្ឋាសវោ អវិជ្ជាសវេន អាសវោ ចេវ អាសវសម្បយុត្តោ ច, អវិជ្ជាសវោ ¶ ទិដ្ឋាសវេន អាសវោ ចេវ អាសវសម្បយុត្តោ ច – ឥមេ ធម្មា អាសវា ចេវ អាសវសម្បយុត្តា ច.

១១១៥. កតមេ ¶ ធម្មា អាសវសម្បយុត្តា ចេវ នោ ច អាសវា? តេហិ ធម្មេហិ យេ ធម្មា សម្បយុត្តា, តេ ធម្មេ ឋបេត្វា វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា អាសវសម្បយុត្តា ចេវ នោ ច អាសវា.

១១១៦. កតមេ ¶ ធម្មា អាសវវិប្បយុត្តា សាសវា? តេហិ ធម្មេហិ យេ ធម្មា វិប្បយុត្តា សាសវា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា, រូបក្ខន្ធោ…បេ… វិញ្ញាណក្ខន្ធោ – ឥមេ ធម្មា អាសវវិប្បយុត្តា សាសវា.

១១១៧. កតមេ ធម្មា អាសវវិប្បយុត្តា អនាសវា? អបរិយាបន្នា មគ្គា ច, មគ្គផលានិ ច, អសង្ខតា ច ធាតុ – ឥមេ ធម្មា អាសវវិប្បយុត្តា អនាសវា.

១១១៨. កតមេ ធម្មា សំយោជនា? ទស សំយោជនានិ – កាមរាគសំយោជនំ, បដិឃសំយោជនំ ¶ , មានសំយោជនំ, ទិដ្ឋិសំយោជនំ, វិចិកិច្ឆាសំយោជនំ, សីលព្ពតបរាមាសសំយោជនំ, ភវរាគសំយោជនំ, ឥស្សាសំយោជនំ, មច្ឆរិយសំយោជនំ, អវិជ្ជាសំយោជនំ.

១១១៩. តត្ថ កតមំ កាមរាគសំយោជនំ? យោ កាមេសុ កាមច្ឆន្ទោ កាមរាគោ កាមនន្ទី កាមតណ្ហា កាមសិនេហោ កាមបរិឡាហោ កាមមុច្ឆា កាមជ្ឈោសានំ – ឥទំ វុច្ចតិ កាមរាគសំយោជនំ.

១១២០. តត្ថ កតមំ បដិឃសំយោជនំ? អនត្ថំ មេ អចរីតិ អាឃាតោ ជាយតិ, អនត្ថំ មេ ចរតីតិ អាឃាតោ ជាយតិ, អនត្ថំ មេ ចរិស្សតីតិ អាឃាតោ ជាយតិ, បិយស្ស មេ មនាបស្ស អនត្ថំ អចរិ…បេ… អនត្ថំ ចរតិ…បេ… អនត្ថំ ចរិស្សតីតិ អាឃាតោ ជាយតិ, អប្បិយស្ស មេ អមនាបស្ស អត្ថំ អចរិ…បេ… អត្ថំ ចរតិ…បេ… អត្ថំ ចរិស្សតីតិ អាឃាតោ ¶ ជាយតិ, អដ្ឋានេ វា បន ¶ អាឃាតោ ជាយតិ. យោ ឯវរូបោ ចិត្តស្ស អាឃាតោ បដិឃាតោ បដិឃំ បដិវិរោធោ កោបោ បកោបោ សម្បកោបោ ទោសោ បទោសោ សម្បទោសោ ចិត្តស្ស ព្យាបត្តិ មនោបទោសោ កោធោ កុជ្ឈនា កុជ្ឈិតត្តំ ទោសោ ទុស្សនា ទុស្សិតត្តំ ព្យាបត្តិ ព្យាបជ្ជនា ព្យាបជ្ជិតត្តំ វិរោធោ បដិវិរោធោ ចណ្ឌិក្កំ អសុរោបោ អនត្តមនតា ចិត្តស្ស – ឥទំ វុច្ចតិ បដិឃសំយោជនំ.

១១២១. តត្ថ កតមំ មានសំយោជនំ? សេយ្យោហមស្មីតិ មានោ, សទិសោហមស្មីតិ មានោ, ហីនោហមស្មីតិ ¶ មានោ. យោ ឯវរូបោ មានោ មញ្ញនា មញ្ញិតត្តំ ឧន្នតិ ឧន្នមោ [ឧណ្ណតិ ឧណ្ណាមោ (ស្យា.)] ធជោ សម្បគ្គាហោ កេតុកម្យតា ចិត្តស្ស – ឥទំ វុច្ចតិ មានសំយោជនំ.

១១២២. តត្ថ កតមំ ទិដ្ឋិសំយោជនំ? សស្សតោ លោកោតិ វា, អសស្សតោ លោកោតិ វា, អន្តវា លោកោតិ វា, អនន្តវា លោកោតិ វា, តំ ជីវំ តំ សរីរន្តិ វា, អញ្ញំ ជីវំ អញ្ញំ សរីរន្តិ វា, ហោតិ តថាគតោ បរំ មរណាតិ វា, ន ហោតិ តថាគតោ បរំ មរណាតិ វា, ហោតិ ច ន ច ហោតិ តថាគតោ បរំ មរណាតិ វា, នេវ ហោតិ ន ន ហោតិ តថាគតោ បរំ មរណាតិ វា; យា ឯវរូបា ទិដ្ឋិ ទិដ្ឋិគតំ ទិដ្ឋិគហនំ ទិដ្ឋិកន្តារោ ទិដ្ឋិវិសូកាយិកំ ទិដ្ឋិវិប្ផន្ទិតំ ទិដ្ឋិសំយោជនំ គាហោ បដិគ្គាហោ អភិនិវេសោ បរាមាសោ កុម្មគ្គោ មិច្ឆាបថោ មិច្ឆត្តំ ¶ តិត្ថាយតនំ វិបរិយាសគ្គាហោ – ឥទំ វុច្ចតិ ទិដ្ឋិសំយោជនំ. ឋបេត្វា សីលព្ពតបរាមាសសំយោជនំ សព្ពាបិ មិច្ឆាទិដ្ឋិ ¶ ទិដ្ឋិសំយោជនំ.

១១២៣. តត្ថ កតមំ វិចិកិច្ឆាសំយោជនំ? សត្ថរិ កង្ខតិ វិចិកិច្ឆតិ, ធម្មេ កង្ខតិ វិចិកិច្ឆតិ, សង្ឃេ កង្ខតិ វិចិកិច្ឆតិ, សិក្ខាយ កង្ខតិ វិចិកិច្ឆតិ, បុព្ពន្តេ កង្ខតិ វិចិកិច្ឆតិ, អបរន្តេ កង្ខតិ វិចិកិច្ឆតិ, បុព្ពន្តាបរន្តេ កង្ខតិ វិចិកិច្ឆតិ, ឥទប្បច្ចយតា បដិច្ចសមុប្បន្នេសុ ធម្មេសុ កង្ខតិ វិចិកិច្ឆតិः យា ឯវរូបា កង្ខា កង្ខាយនា កង្ខាយិតត្តំ វិមតិ វិចិកិច្ឆា ទ្វេឡ្ហកំ ទ្វេធាបថោ សំសយោ អនេកំសគ្គាហោ អាសប្បនា បរិសប្បនា អបរិយោគាហនា ថម្ភិតត្តំ ចិត្តស្ស មនោវិលេខោ – ឥទំ វុច្ចតិ វិចិកិច្ឆាសំយោជនំ.

១១២៤. តត្ថ ¶ កតមំ សីលព្ពតបរាមាសសំយោជនំ? ឥតោ ពហិទ្ធា សមណព្រាហ្មណានំ សីលេន សុទ្ធិ វតេន សុទ្ធិ សីលព្ពតេន សុទ្ធីតិ; យា ឯវរូបា ទិដ្ឋិ ទិដ្ឋិគតំ ទិដ្ឋិគហនំ ទិដ្ឋិកន្តារោ ទិដ្ឋិវិសូកាយិកំ ទិដ្ឋិវិប្ផន្ទិតំ ទិដ្ឋិសំយោជនំ គាហោ បតិដ្ឋាហោ អភិនិវេសោ បរាមាសោ កុម្មគ្គោ មិច្ឆាបថោ មិច្ឆត្តំ តិត្ថាយតនំ វិបរិយាសគ្គាហោ – ឥទំ វុច្ចតិ សីលព្ពតបរាមាសសំយោជនំ.

១១២៥. តត្ថ កតមំ ភវរាគសំយោជនំ? យោ ភវេសុ ភវឆន្ទោ ភវរាគោ ភវនន្ទី ភវតណ្ហា ភវសិនេហោ ភវបរិឡាហោ ភវមុច្ឆា ភវជ្ឈោសានំ – ឥទំ វុច្ចតិ ភវរាគសំយោជនំ.

១១២៦. តត្ថ កតមំ ឥស្សាសំយោជនំ? យា បរលាភសក្ការគរុការមាននវន្ទនបូជនាសុ ឥស្សា ឥស្សាយនា ¶ ឥស្សាយិតត្តំ ឧសូយា ឧសូយនា ¶ ឧសូយិតត្តំ [ឧស្សុយា ឧស្សុយនា ឧស្សុយិតត្តំ (ក.)] – ឥទំ វុច្ចតិ ឥស្សាសំយោជនំ.

១១២៧. តត្ថ កតមំ មច្ឆរិយសំយោជនំ? បញ្ច មច្ឆរិយានិ – អាវាសមច្ឆរិយំ, កុលមច្ឆរិយំ, លាភមច្ឆរិយំ, វណ្ណមច្ឆរិយំ, ធម្មមច្ឆរិយំ. យំ ឯវរូបំ មច្ឆេរំ មច្ឆរាយនា មច្ឆរាយិតត្តំ វេវិច្ឆំ កទរិយំ កដុកញ្ចុកតា អគ្គហិតត្តំ ចិត្តស្ស – ឥទំ វុច្ចតិ មច្ឆរិយសំយោជនំ.

១១២៨. តត្ថ ¶ កតមំ អវិជ្ជាសំយោជនំ? ទុក្ខេ អញ្ញាណំ, ទុក្ខសមុទយេ អញ្ញាណំ, ទុក្ខនិរោធេ អញ្ញាណំ, ទុក្ខនិរោធគាមិនិយា បដិបទាយ អញ្ញាណំ, បុព្ពន្តេ អញ្ញាណំ, អបរន្តេ អញ្ញាណំ, បុព្ពន្តាបរន្តេ អញ្ញាណំ, ឥទប្បច្ចយតា បដិច្ចសមុប្បន្នេសុ ធម្មេសុ អញ្ញាណំः យំ ឯវរូបំ អញ្ញាណំ អទស្សនំ អនភិសមយោ អននុពោធោ អសម្ពោធោ អប្បដិវេធោ អសំគាហនា អបរិយោគាហនា អសមបេក្ខនា អបច្ចវេក្ខណា អបច្ចក្ខកម្មំ ទុម្មេជ្ឈំ ពាល្យំ អសម្បជញ្ញំ មោហោ បមោហោ សម្មោហោ អវិជ្ជា អវិជ្ជោឃោ អវិជ្ជាយោគោ អវិជ្ជានុសយោ អវិជ្ជាបរិយុដ្ឋានំ អវិជ្ជាលង្គី មោហោ អកុសលមូលំ – ឥទំ វុច្ចតិ អវិជ្ជាសំយោជនំ.

១១២៩. កតមេ ¶ ធម្មា នោ សំយោជនា? តេ ធម្មេ ឋបេត្វា អវសេសា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា, អបរិយាបន្នា; វេទនាក្ខន្ធោ…បេ… វិញ្ញាណក្ខន្ធោ; សព្ពញ្ច រូបំ, អសង្ខតា ច ធាតុ – ឥមេ ធម្មា នោ សំយោជនា.

១១៣០. កតមេ ¶ ធម្មា សំយោជនិយា? សាសវា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា; រូបក្ខន្ធោ…បេ… វិញ្ញាណក្ខន្ធោ – ឥមេ ធម្មា សំយោជនិយា.

១១៣១. កតមេ ធម្មា អសំយោជនិយា? អបរិយាបន្នា មគ្គា ច, មគ្គផលានិ ច, អសង្ខតា ច ធាតុ – ឥមេ ធម្មា អសំយោជនិយា.

១១៣២. កតមេ ធម្មា សំយោជនសម្បយុត្តា? តេហិ ធម្មេហិ យេ ធម្មា សម្បយុត្តា វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា សំយោជនសម្បយុត្តា.

១១៣៣. កតមេ ធម្មា សំយោជនវិប្បយុត្តា? តេហិ ធម្មេហិ យេ ធម្មា វិប្បយុត្តា វេទនាក្ខន្ធោ…បេ… វិញ្ញាណក្ខន្ធោ; សព្ពញ្ច រូបំ, អសង្ខតា ច ធាតុ – ឥមេ ធម្មា សំយោជនវិប្បយុត្តា.

១១៣៤. កតមេ ¶ ¶ ធម្មា សំយោជនា ចេវ សំយោជនិយា ច? តានេវ សំយោជនានិ សំយោជនា ចេវ សំយោជនិយា ច.

១១៣៥. កតមេ ធម្មា សំយោជនិយា ចេវ នោ ច សំយោជនា? តេហិ ធម្មេហិ យេ ធម្មា សំយោជនិយា, តេ ធម្មេ ឋបេត្វា អវសេសា សាសវា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា; រូបក្ខន្ធោ…បេ… វិញ្ញាណក្ខន្ធោ – ឥមេ ធម្មា សំយោជនិយា ចេវ នោ ច សំយោជនា.

១១៣៦. កតមេ ធម្មា សំយោជនា ចេវ សំយោជនសម្បយុត្តា ច? កាមរាគសំយោជនំ អវិជ្ជាសំយោជនេន សំយោជនញ្ចេវ សំយោជនសម្បយុត្តញ្ច, អវិជ្ជាសំយោជនំ កាមរាគសំយោជនេន សំយោជនញ្ចេវ ¶ សំយោជនសម្បយុត្តញ្ច, បដិឃសំយោជនំ អវិជ្ជាសំយោជនេន សំយោជនញ្ចេវ សំយោជនសម្បយុត្តញ្ច, អវិជ្ជាសំយោជនំ បដិឃសំយោជនេន សំយោជនញ្ចេវ ¶ សំយោជនសម្បយុត្តញ្ច, មានសំយោជនំ អវិជ្ជាសំយោជនេន សំយោជនញ្ចេវ សំយោជនសម្បយុត្តញ្ច, អវិជ្ជាសំយោជនំ មានសំយោជនេន សំយោជនញ្ចេវ សំយោជនសម្បយុត្តញ្ច, ទិដ្ឋិសំយោជនំ អវិជ្ជាសំយោជនេន សំយោជនញ្ចេវ សំយោជនសម្បយុត្តញ្ច, អវិជ្ជាសំយោជនំ ទិដ្ឋិសំយោជនេន សំយោជនញ្ចេវ សំយោជនសម្បយុត្តញ្ច, វិចិកិច្ឆាសំយោជនំ អវិជ្ជាសំយោជនេន សំយោជនញ្ចេវ សំយោជនសម្បយុត្តញ្ច, អវិជ្ជាសំយោជនំ វិចិកិច្ឆាសំយោជនេន សំយោជនញ្ចេវ សំយោជនសម្បយុត្តញ្ច, សីលព្ពតបរាមាសសំយោជនំ អវិជ្ជាសំយោជនេន សំយោជនញ្ចេវ សំយោជនសម្បយុត្តញ្ច, អវិជ្ជាសំយោជនំ សីលព្ពតបរាមាសសំយោជនេន សំយោជនញ្ចេវ សំយោជនសម្បយុត្តញ្ច, ភវរាគសំយោជនំ អវិជ្ជាសំយោជនេន សំយោជនញ្ចេវ សំយោជនសម្បយុត្តញ្ច, អវិជ្ជាសំយោជនំ ភវរាគសំយោជនេន សំយោជនញ្ចេវ សំយោជនសម្បយុត្តញ្ច, ឥស្សាសំយោជនំ អវិជ្ជាសំយោជនេន សំយោជនញ្ចេវ សំយោជនសម្បយុត្តញ្ច, អវិជ្ជាសំយោជនំ ឥស្សាសំយោជនេន សំយោជនញ្ចេវ សំយោជនសម្បយុត្តញ្ច, មច្ឆរិយសំយោជនំ អវិជ្ជាសំយោជនេន សំយោជនញ្ចេវ សំយោជនសម្បយុត្តញ្ច, អវិជ្ជាសំយោជនំ មច្ឆរិយសំយោជនេន ¶ សំយោជនញ្ចេវ សំយោជនសម្បយុត្តញ្ច – ឥមេ ធម្មា សំយោជនា ចេវ សំយោជនសម្បយុត្តា ច.

១១៣៧. កតមេ ¶ ធម្មា សំយោជនសម្បយុត្តា ចេវ នោ ច សំយោជនា? តេហិ ធម្មេហិ យេ ធម្មា ¶ សម្បយុត្តា, តេ ធម្មេ ឋបេត្វា វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា សំយោជនសម្បយុត្តា ចេវ នោ ច សំយោជនា.

១១៣៨. កតមេ ធម្មា សំយោជនវិប្បយុត្តា សំយោជនិយា? តេហិ ធម្មេហិ យេ ធម្មា វិប្បយុត្តា សាសវា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា; រូបក្ខន្ធោ…បេ… វិញ្ញាណក្ខន្ធោ – ឥមេ ធម្មា សំយោជនវិប្បយុត្តា សំយោជនិយា.

១១៣៩. កតមេ ធម្មា សំយោជនវិប្បយុត្តា អសំយោជនិយា? អបរិយាបន្នា មគ្គា ច, មគ្គផលានិ ច, អសង្ខតា ច ធាតុ – ឥមេ ធម្មា សំយោជនវិប្បយុត្តា អសំយោជនិយា.

១១៤០. កតមេ ¶ ធម្មា គន្ថា? ចត្តារោ គន្ថា – អភិជ្ឈា កាយគន្ថោ, ព្យាបាទោ កាយគន្ថោ, សីលព្ពតបរាមាសោ កាយគន្ថោ, ឥទំ សច្ចាភិនិវេសោ កាយគន្ថោ.

១១៤១. តត្ថ កតមោ អភិជ្ឈា កាយគន្ថោ? យោ រាគោ សារាគោ អនុនយោ អនុរោធោ នន្ទី នន្ទីរាគោ ចិត្តស្ស សារាគោ ឥច្ឆា មុច្ឆា អជ្ឈោសានំ គេធោ បលិគេធោ សង្គោ បង្កោ ឯជា មាយា ជនិកា សញ្ជននី សិព្ពិនី ជាលិនី សរិតា វិសត្តិកា សុត្តំ ¶ វិសដា អាយូហិនី ទុតិយា បណិធិ ភវនេត្តិ វនំ វនថោ សន្ថវោ សិនេហោ អបេក្ខា បដិពន្ធុ អាសា អាសិសនា អាសិសិតត្តំ រូបាសា សទ្ទាសា គន្ធាសា រសាសា ផោដ្ឋព្ពាសា លាភាសា ធនាសា បុត្តាសា ជីវិតាសា ជប្បា បជប្បា អភិជប្បា ជប្បា ជប្បនា ជប្បិតត្តំ លោលុប្បំ លោលុប្បាយនា លោលុប្បាយិតត្តំ បុច្ឆញ្ជិកតា សាធុកម្យតា អធម្មរាគោ វិសមលោភោ និកន្តិ និកាមនា បត្ថនា បិហនា សម្បត្ថនា កាមតណ្ហា ភវតណ្ហា វិភវតណ្ហា រូបតណ្ហា អរូបតណ្ហា និរោធតណ្ហា រូបតណ្ហា សទ្ទតណ្ហា គន្ធតណ្ហា រសតណ្ហា ផោដ្ឋព្ពតណ្ហា ធម្មតណ្ហា ឱឃោ យោគោ គន្ថោ ឧបាទានំ អាវរណំ នីវរណំ ឆាទនំ ពន្ធនំ ឧបក្កិលេសោ អនុសយោ បរិយុដ្ឋានំ លតា វេវិច្ឆំ ទុក្ខមូលំ ទុក្ខនិទានំ ទុក្ខប្បភវោ មារបាសោ មារពឡិសំ មារវិសយោ តណ្ហានទី តណ្ហាជាលំ តណ្ហាគទ្ទុលំ តណ្ហាសមុទ្ទោ អភិជ្ឈា លោភោ អកុសលមូលំ – អយំ វុច្ចតិ អភិជ្ឈា កាយគន្ថោ.

១១៤២. តត្ថ ¶ កតមោ ព្យាបាទោ កាយគន្ថោ? អនត្ថំ មេ អចរី តិ អាឃាតោ ជាយតិ, អនត្ថំ មេ ចរតីតិ អាឃាតោ ¶ ជាយតិ, អនត្ថំ មេ ចរិស្សតីតិ អាឃាតោ ជាយតិ, បិយស្ស មេ មនាបស្ស អនត្ថំ អចរិ…បេ… អនត្ថំ ចរតិ…បេ… អនត្ថំ ចរិស្សតីតិ អាឃាតោ ជាយតិ, អប្បិយស្ស មេ អមនាបស្ស អត្ថំ អចរិ…បេ… អត្ថំ ចរតិ…បេ… អត្ថំ ចរិស្សតីតិ អាឃាតោ ជាយតិ, អដ្ឋានេ វា ¶ បន អាឃាតោ ជាយតិ. យោ ឯវរូបោ ចិត្តស្ស អាឃាតោ បដិឃាតោ បដិឃំ បដិវិរោធោ កោបោ បកោបោ សម្បកោបោ ទោសោ បទោសោ សម្បទោសោ ចិត្តស្ស ព្យាបត្តិ មនោបទោសោ កោធោ កុជ្ឈនា កុជ្ឈិតត្តំ ទោសោ ទុស្សនា ¶ ទុស្សិតត្តំ ព្យាបត្តិ ព្យាបជ្ជនា ព្យាបជ្ជិតត្តំ វិរោធោ បដិវិរោធោ ចណ្ឌិក្កំ អសុរោបោ អនត្តមនតា ចិត្តស្ស – អយំ វុច្ចតិ ព្យាបាទោ កាយគន្ថោ.

១១៤៣. តត្ថ កតមោ សីលព្ពតបរាមាសោ កាយគន្ថោ? ឥតោ ពហិទ្ធា សមណព្រាហ្មណានំ សីលេន សុទ្ធិ, វតេន សុទ្ធិ, សីលព្ពតេន សុទ្ធីតិः យា ឯវរូបា ទិដ្ឋិ ទិដ្ឋិគតំ ទិដ្ឋិគហនំ ទិដ្ឋិកន្តារោ ទិដ្ឋិវិសូកាយិកំ ទិដ្ឋិវិប្ផន្ទិតំ ទិដ្ឋិសំយោជនំ គាហោ បតិដ្ឋាហោ អភិនិវេសោ បរាមាសោ កុម្មគ្គោ មិច្ឆាបថោ មិច្ឆត្តំ តិត្ថាយតនំ វិបរិយាសគ្គាហោ – អយំ វុច្ចតិ សីលព្ពតបរាមាសោ កាយគន្ថោ.

១១៤៤. តត្ថ កតមោ ឥទំសច្ចាភិនិវេសោ កាយគន្ថោ? សស្សតោ លោកោ, ឥទមេវ សច្ចំ មោឃមញ្ញន្តិ វា; អសស្សតោ លោកោ, ឥទមេវ សច្ចំ មោឃមញ្ញន្តិ វា; អន្តវា លោកោ, ឥទមេវ សច្ចំ មោឃមញ្ញន្តិ វា; អនន្តវា លោកោ, ឥទមេវ សច្ចំ មោឃមញ្ញន្តិ វា; តំ ជីវំ តំ សរីរំ, ឥទមេវ សច្ចំ មោឃមញ្ញន្តិ វា; អញ្ញំ ជីវំ អញ្ញំ សរីរំ, ឥទមេវ សច្ចំ មោឃមញ្ញន្តិ វា; ហោតិ តថាគតោ បរំ មរណា, ឥទមេវ សច្ចំ មោឃមញ្ញន្តិ វា; ន ហោតិ តថាគតោ បរំ មរណា, ឥទមេវ សច្ចំ មោឃមញ្ញន្តិ វា; ហោតិ ច ន ¶ ច ហោតិ តថាគតោ បរំ មរណា, ឥទមេវ សច្ចំ មោឃមញ្ញន្តិ វា; នេវ ហោតិ ន ន ហោតិ តថាគតោ បរំ មរណា, ឥទមេវ សច្ចំ មោឃមញ្ញន្តិ វាः យា ឯវរូបា ទិដ្ឋិ ទិដ្ឋិគតំ ទិដ្ឋិគហនំ ទិដ្ឋិកន្តារោ ទិដ្ឋិវិសូកាយិកំ ទិដ្ឋិវិប្ផន្ទិតំ ទិដ្ឋិសំយោជនំ គាហោ បតិដ្ឋាហោ អភិនិវេសោ បរាមាសោ កុម្មគ្គោ មិច្ឆាបថោ មិច្ឆត្តំ តិត្ថាយតនំ វិបរិយាសគ្គាហោ – អយំ វុច្ចតិ ឥទំសច្ចាភិនិវេសោ កាយគន្ថោ. ឋបេត្វា សីលព្ពតបរាមាសំ កាយគន្ថំ សព្ពាបិ មិច្ឆាទិដ្ឋិ ឥទំសច្ចាភិនិវេសោ កាយគន្ថោ.

១១៤៥. កតមេ ¶ ធម្មា នោ គន្ថា? តេ ¶ ធម្មេ ឋបេត្វា អវសេសា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា, អបរិយាបន្នា; វេទនាក្ខន្ធោ…បេ… វិញ្ញាណក្ខន្ធោ; សព្ពញ្ច រូបំ, អសង្ខតា ច ធាតុ – ឥមេ ធម្មា នោ គន្ថា.

១១៤៦. កតមេ ¶ ធម្មា គន្ថនិយា? សាសវា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា; រូបក្ខន្ធោ…បេ… វិញ្ញាណក្ខន្ធោ – ឥមេ ធម្មា គន្ថនិយា.

១១៤៧. កតមេ ធម្មា អគន្ថនិយា? អបរិយាបន្នា មគ្គា ច, មគ្គផលានិ ច, អសង្ខតា ច ធាតុ – ឥមេ ធម្មា អគន្ថនិយា.

១១៤៨. កតមេ ធម្មា គន្ថសម្បយុត្តា? តេហិ ធម្មេហិ យេ ធម្មា សម្បយុត្តា វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា ¶ គន្ថសម្បយុត្តា.

១១៤៩. កតមេ ធម្មា គន្ថវិប្បយុត្តា? តេហិ ធម្មេហិ យេ ធម្មា វិប្បយុត្តា វេទនាក្ខន្ធោ…បេ… វិញ្ញាណក្ខន្ធោ, សព្ពញ្ច រូបំ អសង្ខតា ច ធាតុ – ឥមេ ធម្មា គន្ថវិប្បយុត្តា.

១១៥០. កតមេ ធម្មា គន្ថា ចេវ គន្ថនិយា ច? តេវ គន្ថា គន្ថា ចេវ គន្ថនិយា ច.

១១៥១. កតមេ ធម្មា គន្ថនិយា ចេវ នោ ច គន្ថា? តេហិ ធម្មេហិ យេ ធម្មា គន្ថនិយា, តេ ធម្មេ ឋបេត្វា អវសេសា សាសវា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា; រូបក្ខន្ធោ…បេ… វិញ្ញាណក្ខន្ធោ – ឥមេ ធម្មា គន្ថនិយា ចេវ នោ ច គន្ថា.

១១៥២. កតមេ ធម្មា គន្ថា ចេវ គន្ថសម្បយុត្តា ច? សីលព្ពតបរាមាសោ កាយគន្ថោ អភិជ្ឈាកាយគន្ថេន គន្ថោ ចេវ គន្ថសម្បយុត្តោ ច, អភិជ្ឈាកាយគន្ថោ សីលព្ពតបរាមាសេន កាយគន្ថេន គន្ថោ ចេវ គន្ថសម្បយុត្តោ ច, ឥទំសច្ចាភិនិវេសោ កាយគន្ថោ អភិជ្ឈាកាយគន្ថេន គន្ថោ ¶ ចេវ គន្ថសម្បយុត្តោ ច, អភិជ្ឈាកាយគន្ថោ ឥទំសច្ចាភិនិវេសេន កាយគន្ថេន គន្ថោ ចេវ គន្ថសម្បយុត្តោ ច – ឥមេ ធម្មា គន្ថា ចេវ គន្ថសម្បយុត្តា ច.

១១៥៣. កតមេ ធម្មា គន្ថសម្បយុត្តា ចេវ នោ ច គន្ថា? តេហិ ¶ ធម្មេហិ យេ ធម្មា សម្បយុត្តា, តេ ធម្មេ ឋបេត្វា វេទនាក្ខន្ធោ…បេ… វិញ្ញាណក្ខន្ធោ – ឥមេ ¶ ធម្មា គន្ថសម្បយុត្តា ចេវ នោ ច គន្ថា.

១១៥៤. កតមេ ¶ ធម្មា គន្ថវិប្បយុត្តា គន្ថនិយា? តេហិ ធម្មេហិ យេ ធម្មា វិប្បយុត្តា សាសវា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា; រូបក្ខន្ធោ…បេ… វិញ្ញាណក្ខន្ធោ – ឥមេ ធម្មា គន្ថវិប្បយុត្តា គន្ថនិយា.

១១៥៥. កតមេ ធម្មា គន្ថវិប្បយុត្តា អគន្ថនិយា? អបរិយាបន្នា មគ្គា ច, មគ្គផលានិ ច, អសង្ខតា ច ធាតុ – ឥមេ ធម្មា គន្ថវិប្បយុត្តា អគន្ថនិយា.

១១៥៦. កតមេ ធម្មា ឱឃា? ចត្តារោ ឱឃា…បេ… ឥមេ ធម្មា ឱឃវិប្បយុត្តា ឱឃនិយា.

១១៥៧. កតមេ ធម្មា យោគា? ចត្តារោ យោគា…បេ… ឥមេ ធម្មា យោគវិប្បយុត្តា យោគនិយា.

១១៥៨. កតមេ ធម្មា នីវរណា? ឆ នីវរណា [នីវរណានិ (ស្យា.)] – កាមច្ឆន្ទនីវរណំ, ព្យាបាទនីវរណំ, ថិនមិទ្ធនីវរណំ, ឧទ្ធច្ចកុក្កុច្ចនីវរណំ, វិចិកិច្ឆានីវរណំ, អវិជ្ជានីវរណំ.

១១៥៩. តត្ថ ¶ កតមំ កាមច្ឆន្ទនីវរណំ? យោ កាមេសុ កាមច្ឆន្ទោ កាមរាគោ កាមនន្ទី កាមតណ្ហា កាមសិនេហោ កាមបរិឡាហោ កាមមុច្ឆា កាមជ្ឈោសានំ – ឥទំ វុច្ចតិ កាមច្ឆន្ទនីវរណំ.

១១៦០. តត្ថ កតមំ ព្យាបាទនីវរណំ? អនត្ថំ មេ អចរីតិ អាឃាតោ ជាយតិ, អនត្ថំ មេ ចរតីតិ អាឃាតោ ជាយតិ; អនត្ថំ មេ ចរិស្សតីតិ អាឃាតោ ជាយតិ; បិយស្ស មេ មនាបស្ស អនត្ថំ អចរិ…បេ… អនត្ថំ ចរតិ…បេ… អនត្ថំ ចរិស្សតីតិ អាឃាតោ ជាយតិ, អប្បិយស្ស ¶ មេ អមនាបស្ស អត្ថំ អចរិ…បេ… អត្ថំ ចរតិ…បេ… ¶ អត្ថំ ចរិស្សតីតិ អាឃាតោ ជាយតិ, អដ្ឋានេ វា បន អាឃាតោ ជាយតិ. យោ ឯវរូបោ ចិត្តស្ស អាឃាតោ បដិឃាតោ បដិឃំ បដិវិរោធោ កោបោ បកោបោ សម្បកោបោ ទោសោ បទោសោ សម្បទោសោ ចិត្តស្ស ព្យាបត្តិ មនោបទោសោ កោធោ កុជ្ឈនា កុជ្ឈិតត្តំ ទោសោ ទុស្សនា ទុស្សិតត្តំ ព្យាបត្តិ ព្យាបជ្ជនា ព្យាបជ្ជិតត្តំ វិរោធោ បដិវិរោធោ ចណ្ឌិក្កំ អសុរោបោ អនត្តមនតា ចិត្តស្ស – ឥទំ វុច្ចតិ ព្យាបាទនីវរណំ.

១១៦១. តត្ថ កតមំ ថិនមិទ្ធនីវរណំ? អត្ថិ ថិនំ, អត្ថិ មិទ្ធំ.

១១៦២. តត្ថ កតមំ ថិនំ? យា ចិត្តស្ស អកល្លតា អកម្មញ្ញតា ឱលីយនា សល្លីយនា លីនំ លីយនា ¶ លីយិតត្តំ ថិនំ ថិយនា ថិយិតត្តំ ចិត្តស្ស – ឥទំ វុច្ចតិ ថិនំ.

១១៦៣. តត្ថ កតមំ មិទ្ធំ? យា កាយស្ស អកល្លតា អកម្មញ្ញតា ឱនាហោ បរិយោនាហោ អន្តោសមោរោធោ មិទ្ធំ សោប្បំ បចលាយិកា សោប្បំ សុបនា សុបិតត្តំ – ឥទំ វុច្ចតិ មិទ្ធំ. ឥតិ ឥទញ្ច ថិនំ, ឥទញ្ច មិទ្ធំ – ឥទំ វុច្ចតិ ថិនមិទ្ធនីវរណំ.

១១៦៤. តត្ថ កតមំ ឧទ្ធច្ចកុក្កុច្ចនីវរណំ? អត្ថិ ឧទ្ធច្ចំ, អត្ថិ កុក្កុច្ចំ.

១១៦៥. តត្ថ កតមំ ឧទ្ធច្ចំ? យំ ចិត្តស្ស ឧទ្ធច្ចំ អវូបសមោ ចេតសោ វិក្ខេបោ ភន្តត្តំ ចិត្តស្ស – ឥទំ វុច្ចតិ ឧទ្ធច្ចំ.

១១៦៦. តត្ថ ¶ កតមំ កុក្កុច្ចំ? អកប្បិយេ កប្បិយសញ្ញិតា, កប្បិយេ អកប្បិយសញ្ញិតា, អវជ្ជេ វជ្ជសញ្ញិតា, វជ្ជេ អវជ្ជសញ្ញិតា. យំ ឯវរូបំ កុក្កុច្ចំ កុក្កុច្ចាយនា កុក្កុច្ចាយិតត្តំ ចេតសោ វិប្បដិសារោ មនោវិលេខោ ¶ – ឥទំ វុច្ចតិ កុក្កុច្ចំ. ឥតិ ឥទញ្ច ឧទ្ធច្ចំ, ឥទញ្ច កុក្កុច្ចំ – ឥទំ វុច្ចតិ ឧទ្ធច្ចកុក្កុច្ចនីវរណំ.

១១៦៧. តត្ថ កតមំ វិចិកិច្ឆានីវរណំ? សត្ថរិ កង្ខតិ វិចិកិច្ឆតិ, ធម្មេ កង្ខតិ វិចិកិច្ឆតិ, សង្ឃេ កង្ខតិ វិចិកិច្ឆតិ, សិក្ខាយ កង្ខតិ វិចិកិច្ឆតិ, បុព្ពន្តេ កង្ខតិ វិចិកិច្ឆតិ, អបរន្តេ កង្ខតិ វិចិកិច្ឆតិ, បុព្ពន្តាបរន្តេ ¶ កង្ខតិ វិចិកិច្ឆតិ, ឥទប្បច្ចយតា បដិច្ចសមុប្បន្នេសុ ធម្មេសុ កង្ខតិ វិចិកិច្ឆតិ. យា ឯវរូបា កង្ខា កង្ខាយនា កង្ខាយិតត្តំ វិមតិ វិចិកិច្ឆា ទ្វេឡ្ហកំ ទ្វេធាបថោ សំសយោ អនេកំសគ្គាហោ អាសប្បនា បរិសប្បនា អបរិយោគាហនា ថម្ភិតត្តំ ចិត្តស្ស មនោវិលេខោ – ឥទំ វុច្ចតិ វិចិកិច្ឆានីវរណំ.

១១៦៨. តត្ថ កតមំ អវិជ្ជានីវរណំ? ទុក្ខេ អញ្ញាណំ, ទុក្ខសមុទយេ អញ្ញាណំ, ទុក្ខនិរោធេ អញ្ញាណំ, ទុក្ខនិរោធគាមិនិយា បដិបទាយ អញ្ញាណំ, បុព្ពន្តេ អញ្ញាណំ, អបរន្តេ អញ្ញាណំ, បុព្ពន្តាបរន្តេ អញ្ញាណំ, ឥទប្បច្ចយតា បដិច្ចសមុប្បន្នេសុ ធម្មេសុ អញ្ញាណំः យំ ឯវរូបំ អញ្ញាណំ អទស្សនំ អនភិសមយោ អននុពោធោ អសម្ពោធោ អប្បដិវេធោ អសំគាហនា អបរិយោគាហនា អសមបេក្ខនា អបច្ចវេក្ខណា អបច្ចក្ខកម្មំ ទុម្មេជ្ឈំ ពាល្យំ អសម្បជញ្ញំ មោហោ បមោហោ សម្មោហោ អវិជ្ជា អវិជ្ជោឃោ អវិជ្ជាយោគោ អវិជ្ជានុសយោ អវិជ្ជាបរិយុដ្ឋានំ អវិជ្ជាលង្គី មោហោ អកុសលមូលំ – ឥទំ វុច្ចតិ អវិជ្ជានីវរណំ.

១១៦៩. កតមេ ¶ ¶ ធម្មា នោ នីវរណា? តេ ធម្មេ ឋបេត្វា អវសេសា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា, អបរិយាបន្នា; វេទនាក្ខន្ធោ…បេ… វិញ្ញាណក្ខន្ធោ; សព្ពញ្ច រូបំ, អសង្ខតា ច ធាតុ – ឥមេ ធម្មា នោ នីវរណា.

១១៧០. កតមេ ¶ ធម្មា នីវរណិយា? សាសវា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា; រូបក្ខន្ធោ…បេ… វិញ្ញាណក្ខន្ធោ – ឥមេ ធម្មា នីវរណិយា.

១១៧១. កតមេ ធម្មា អនីវរណិយា? អបរិយាបន្នា មគ្គា ច, មគ្គផលានិ ច, អសង្ខតា ច ធាតុ – ឥមេ ធម្មា អនីវរណិយា.

១១៧២. កតមេ ធម្មា នីវរណសម្បយុត្តា? តេហិ ធម្មេហិ យេ ធម្មា សម្បយុត្តា វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា នីវរណសម្បយុត្តា.

១១៧៣. កតមេ ¶ ធម្មា នីវរណវិប្បយុត្តា? តេហិ ធម្មេហិ យេ ធម្មា វិប្បយុត្តា វេទនាក្ខន្ធោ…បេ… វិញ្ញាណក្ខន្ធោ; សព្ពញ្ច រូបំ, អសង្ខតា ច ធាតុ – ឥមេ ធម្មា នីវរណវិប្បយុត្តា.

១១៧៤. កតមេ ធម្មា នីវរណា ចេវ នីវរណិយា ច? តានេវ នីវរណានិ នីវរណា ចេវ នីវរណិយា ច.

១១៧៥. កតមេ ធម្មា នីវរណិយា ចេវ នោ ច នីវរណា? តេហិ ធម្មេហិ យេ ធម្មា នីវរណិយា, តេ ធម្មេ ឋបេត្វា អវសេសា សាសវា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា; រូបក្ខន្ធោ…បេ… វិញ្ញាណក្ខន្ធោ – ឥមេ ធម្មា នីវរណិយា ចេវ នោ ច នីវរណា.

១១៧៦. កតមេ ¶ ធម្មា នីវរណា ចេវ នីវរណសម្បយុត្តា ច? កាមច្ឆន្ទនីវរណំ អវិជ្ជានីវរណេន នីវរណញ្ចេវ នីវរណសម្បយុត្តញ្ច, អវិជ្ជានីវរណំ កាមច្ឆន្ទនីវរណេន នីវរណញ្ចេវ នីវរណសម្បយុត្តញ្ច, ព្យាបាទនីវរណំ អវិជ្ជានីវរណេន នីវរណញ្ចេវ នីវរណសម្បយុត្តញ្ច, អវិជ្ជានីវរណំ ព្យាបាទនីវរណេន នីវរណញ្ចេវ នីវរណសម្បយុត្តញ្ច, ថិនមិទ្ធនីវរណំ អវិជ្ជានីវរណេន នីវរណញ្ចេវ នីវរណសម្បយុត្តញ្ច, អវិជ្ជានីវរណំ ថិនមិទ្ធនីវរណេន នីវរណញ្ចេវ នីវរណសម្បយុត្តញ្ច, ឧទ្ធច្ចនីវរណំ អវិជ្ជានីវរណេន នីវរណញ្ចេវ ¶ នីវរណសម្បយុត្តញ្ច, អវិជ្ជានីវរណំ ឧទ្ធច្ចនីវរណេន នីវរណញ្ចេវ នីវរណសម្បយុត្តញ្ច, កុក្កុច្ចនីវរណំ អវិជ្ជានីវរណេន នីវរណញ្ចេវ ¶ នីវរណសម្បយុត្តញ្ច, អវិជ្ជានីវរណំ កុក្កុច្ចនីវរណេន នីវរណញ្ចេវ នីវរណសម្បយុត្តញ្ច, វិចិកិច្ឆានីវរណំ អវិជ្ជានីវរណេន នីវរណញ្ចេវ នីវរណសម្បយុត្តញ្ច, អវិជ្ជានីវរណំ វិចិកិច្ឆានីវរណេន នីវរណញ្ចេវ នីវរណសម្បយុត្តញ្ច, កាមច្ឆន្ទនីវរណំ ឧទ្ធច្ចនីវរណេន នីវរណញ្ចេវ នីវរណសម្បយុត្តញ្ច, ឧទ្ធច្ចនីវរណំ កាមច្ឆន្ទនីវរណេន នីវរណញ្ចេវ នីវរណសម្បយុត្តញ្ច, ព្យាបាទនីវរណំ ឧទ្ធច្ចនីវរណេន នីវរណញ្ចេវ នីវរណសម្បយុត្តញ្ច, ឧទ្ធច្ចនីវរណំ ព្យាបាទនីវរណេន នីវរណញ្ចេវ នីវរណសម្បយុត្តញ្ច, ថិនមិទ្ធនីវរណំ ឧទ្ធច្ចនីវរណេន នីវរណញ្ចេវ នីវរណសម្បយុត្តញ្ច, ឧទ្ធច្ចនីវរណំ ថិនមិទ្ធនីវរណេន នីវរណញ្ចេវ នីវរណសម្បយុត្តញ្ច, កុក្កុច្ចនីវរណំ ឧទ្ធច្ចនីវរណេន នីវរណញ្ចេវ នីវរណសម្បយុត្តញ្ច, ឧទ្ធច្ចនីវរណំ ¶ កុក្កុច្ចនីវរណេន នីវរណញ្ចេវ នីវរណសម្បយុត្តញ្ច, វិចិកិច្ឆានីវរណំ ឧទ្ធច្ចនីវរណេន នីវរណញ្ចេវ ¶ នីវរណសម្បយុត្តញ្ច, ឧទ្ធច្ចនីវរណំ វិចិកិច្ឆានីវរណេន នីវរណញ្ចេវ នីវរណសម្បយុត្តញ្ច, អវិជ្ជានីវរណំ ឧទ្ធច្ចនីវរណេន នីវរណញ្ចេវ នីវរណសម្បយុត្តញ្ច, ឧទ្ធច្ចនីវរណំ អវិជ្ជានីវរណេន នីវរណញ្ចេវ នីវរណសម្បយុត្តញ្ច – ឥមេ ធម្មា នីវរណា ចេវ នីវរណសម្បយុត្តា ច.

១១៧៧. កតមេ ធម្មា នីវរណសម្បយុត្តា ចេវ នោ ច នីវរណា? តេហិ ធម្មេហិ យេ ធម្មា សម្បយុត្តា, តេ ធម្មេ ឋបេត្វា វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា នីវរណសម្បយុត្តា ចេវ នោ ច នីវរណា.

១១៧៨. កតមេ ធម្មា នីវរណវិប្បយុត្តា នីវរណិយា? តេហិ ធម្មេហិ យេ ធម្មា វិប្បយុត្តា សាសវា កុសលាព្យាកតា ធម្មា កាមាវចរា, រូបាវចរា, អរូបាវចរា; រូបក្ខន្ធោ…បេ… វិញ្ញាណក្ខន្ធោ – ឥមេ ធម្មា នីវរណវិប្បយុត្តា នីវរណិយា.

១១៧៩. កតមេ ធម្មា នីវរណវិប្បយុត្តា អនីវរណិយា? អបរិយាបន្នា មគ្គា ច, មគ្គផលានិ ច, អសង្ខតា ច ធាតុ – ឥមេ ធម្មា នីវរណវិប្បយុត្តា អនីវរណិយា.

១១៨០. កតមេ ¶ ¶ ធម្មា បរាមាសា? ទិដ្ឋិបរាមាសោ.

១១៨១. តត្ថ កតមោ ទិដ្ឋិបរាមាសោ? សស្សតោ លោកោតិ វា, អសស្សតោ លោកោតិ វា, អន្តវា លោកោតិ វា, អនន្តវា លោកោតិ វា, តំ ជីវំ តំ ¶ សរីរន្តិ វា, អញ្ញំ ជីវំ អញ្ញំ សរីរន្តិ វា, ហោតិ តថាគតោ បរំ មរណាតិ វា, ន ហោតិ តថាគតោ បរំ មរណាតិ វា, ហោតិ ច ន ច ហោតិ តថាគតោ បរំ មរណាតិ វា, នេវ ហោតិ ន ន ហោតិ តថាគតោ បរំ មរណាតិ វាः យា ឯវរូបា ទិដ្ឋិ ទិដ្ឋិគតំ ទិដ្ឋិគហនំ ទិដ្ឋិកន្តារោ ទិដ្ឋិវិសូកាយិកំ ទិដ្ឋិវិប្ផន្ទិតំ ទិដ្ឋិសំយោជនំ គាហោ បតិដ្ឋាហោ អភិនិវេសោ បរាមាសោ កុម្មគ្គោ មិច្ឆាបថោ មិច្ឆត្តំ តិត្ថាយតនំ វិបរិយាសគ្គាហោ – អយំ វុច្ចតិ ទិដ្ឋិបរាមាសោ. សព្ពាបិ មិច្ឆាទិដ្ឋិ ទិដ្ឋិបរាមាសោ.

១១៨២. កតមេ ¶ ធម្មា នោ បរាមាសា? តេ ធម្មេ ឋបេត្វា អវសេសា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា, អបរិយាបន្នា; វេទនាក្ខន្ធោ…បេ… វិញ្ញាណក្ខន្ធោ; សព្ពញ្ច រូបំ, អសង្ខតា ច ធាតុ – ឥមេ ធម្មា នោ បរាមាសា.

១១៨៣. កតមេ ធម្មា បរាមដ្ឋា? សាសវា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា; រូបក្ខន្ធោ…បេ… វិញ្ញាណក្ខន្ធោ – ឥមេ ធម្មា បរាមដ្ឋា.

១១៨៤. កតមេ ធម្មា អបរាមដ្ឋា? អបរិយាបន្នា មគ្គា ច, មគ្គផលានិ ច, អសង្ខតា ច ធាតុ – ឥមេ ធម្មា អបរាមដ្ឋា.

១១៨៥. កតមេ ធម្មា បរាមាសសម្បយុត្តា? តេហិ ធម្មេហិ យេ ធម្មា សម្បយុត្តា វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា ¶ បរាមាសសម្បយុត្តា.

១១៨៦. កតមេ ¶ ធម្មា បរាមាសវិប្បយុត្តា? តេហិ ធម្មេហិ យេ ធម្មា វិប្បយុត្តា វេទនាក្ខន្ធោ…បេ… វិញ្ញាណក្ខន្ធោ; សព្ពញ្ច រូបំ, អសង្ខតា ច ធាតុ – ឥមេ ធម្មា បរាមាសវិប្បយុត្តា.

១១៨៧. កតមេ ធម្មា បរាមាសា ចេវ បរាមដ្ឋា ច? ស្វេវ បរាមាសោ បរាមាសោ ចេវ បរាមដ្ឋោ ច.

១១៨៨. កតមេ ធម្មា បរាមដ្ឋា ចេវ នោ ច បរាមាសា? តេហិ ធម្មេហិ យេ ធម្មា បរាមដ្ឋា, តេ ធម្មេ ឋបេត្វា ¶ អវសេសា សាសវា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា; រូបក្ខន្ធោ…បេ… វិញ្ញាណក្ខន្ធោ – ឥមេ ធម្មា បរាមដ្ឋា ចេវ នោ ច បរាមាសា.

១១៨៩. កតមេ ធម្មា បរាមាសវិប្បយុត្តា បរាមដ្ឋា? តេហិ ធម្មេហិ យេ ធម្មា វិប្បយុត្តា សាសវា កុសលាកុសលាព្យាកតា ធម្មា កាមាវចរា, រូបាវចរា អរូបាវចរា; រូបក្ខន្ធោ…បេ… វិញ្ញាណក្ខន្ធោ – ឥមេ ធម្មា បរាមាសវិប្បយុត្តា បរាមដ្ឋា.

១១៩០. កតមេ ធម្មា បរាមាសវិប្បយុត្តា អបរាមដ្ឋា? អបរិយាបន្នា មគ្គា ច, មគ្គផលានិ ច, អសង្ខតា ច ធាតុ – ឥមេ ធម្មា បរាមាសវិប្បយុត្តា អបរាមដ្ឋា.

១១៩១. កតមេ ¶ ធម្មា សារម្មណា? វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ, វិញ្ញាណក្ខន្ធោ – ឥមេ ធម្មា សារម្មណា.

១១៩២. កតមេ ¶ ធម្មា អនារម្មណា? សព្ពញ្ច រូបំ, អសង្ខតា ច ធាតុ – ឥមេ ធម្មា អនារម្មណា.

១១៩៣. កតមេ ¶ ធម្មា ចិត្តា? ចក្ខុវិញ្ញាណំ, សោតវិញ្ញាណំ, ឃានវិញ្ញាណំ, ជិវ្ហាវិញ្ញាណំ, កាយវិញ្ញាណំ, មនោធាតុ, មនោវិញ្ញាណធាតុ – ឥមេ ធម្មា ចិត្តា.

១១៩៤. កតមេ ធម្មា នោ ចិត្តា? វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ, សព្ពញ្ច រូបំ, អសង្ខតា ច ធាតុ – ឥមេ ធម្មា នោ ចិត្តា.

១១៩៥. កតមេ ធម្មា ចេតសិកា? វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ – ឥមេ ធម្មា ចេតសិកា.

១១៩៦. កតមេ ធម្មា អចេតសិកា? ចិត្តញ្ច, សព្ពញ្ច រូបំ, អសង្ខតា ច ធាតុ – ឥមេ ធម្មា អចេតសិកា.

១១៩៧. កតមេ ធម្មា ចិត្តសម្បយុត្តា? វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ – ឥមេ ធម្មា ចិត្តសម្បយុត្តា.

១១៩៨. កតមេ ធម្មា ចិត្តវិប្បយុត្តា? សព្ពញ្ច ¶ រូបំ, អសង្ខតា ច ធាតុ – ឥមេ ធម្មា ចិត្តវិប្បយុត្តា. ចិត្តំ ន វត្តព្ពំ – ចិត្តេន សម្បយុត្តន្តិបិ, ចិត្តេន វិប្បយុត្តន្តិបិ.

១១៩៩. កតមេ ធម្មា ចិត្តសំសដ្ឋា? វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ – ឥមេ ធម្មា ចិត្តសំសដ្ឋា.

១២០០. កតមេ ធម្មា ចិត្តវិសំសដ្ឋា? សព្ពញ្ច រូបំ, អសង្ខតា ច ធាតុ – ឥមេ ធម្មា ចិត្តវិសំសដ្ឋា. ចិត្តំ ន វត្តព្ពំ – ចិត្តេន សំសដ្ឋន្តិបិ, ចិត្តេន វិសំសដ្ឋន្តិបិ.

១២០១. កតមេ ¶ ¶ ធម្មា ចិត្តសមុដ្ឋានា? វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ; កាយវិញ្ញត្តិ វចីវិញ្ញត្តិ; យំ វា បនញ្ញម្បិ អត្ថិ រូបំ ចិត្តជំ ចិត្តហេតុកំ ចិត្តសមុដ្ឋានំ រូបាយតនំ សទ្ទាយតនំ គន្ធាយតនំ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស លហុតា ¶ រូបស្ស មុទុតា រូបស្ស កម្មញ្ញតា រូបស្ស ឧបចយោ រូបស្ស សន្តតិ កពឡីការោ អាហារោ – ឥមេ ធម្មា ចិត្តសមុដ្ឋានា.

១២០២. កតមេ ធម្មា នោ ចិត្តសមុដ្ឋានា? ចិត្តញ្ច, អវសេសញ្ច រូបំ, អសង្ខតា ច ធាតុ – ឥមេ ធម្មា នោ ចិត្តសមុដ្ឋានា.

១២០៣. កតមេ ធម្មា ចិត្តសហភុនោ? វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ, កាយវិញ្ញត្តិ, វចីវិញ្ញត្តិ – ឥមេ ធម្មា ចិត្តសហភុនោ.

១២០៤. កតមេ ធម្មា នោ ចិត្តសហភុនោ? ចិត្តញ្ច, អវសេសញ្ច រូបំ, អសង្ខតា ច ធាតុ – ឥមេ ធម្មា នោ ចិត្តសហភុនោ.

១២០៥. កតមេ ធម្មា ចិត្តានុបរិវត្តិនោ? វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ, កាយវិញ្ញត្តិ, វចីវិញ្ញត្តិ – ឥមេ ធម្មា ចិត្តានុបរិវត្តិនោ.

១២០៦. កតមេ ធម្មា នោ ចិត្តានុបរិវត្តិនោ? ចិត្តញ្ច, អវសេសញ្ច រូបំ, អសង្ខតា ច ធាតុ – ឥមេ ធម្មា នោ ចិត្តានុបរិវត្តិនោ.

១២០៧. កតមេ ធម្មា ចិត្តសំសដ្ឋសមុដ្ឋានា? វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ – ឥមេ ធម្មា ចិត្តសំសដ្ឋសមុដ្ឋានា.

១២០៨. កតមេ ¶ ធម្មា នោ ចិត្តសំសដ្ឋសមុដ្ឋានា? ចិត្តញ្ច, សព្ពញ្ច រូបំ, អសង្ខតា ច ធាតុ – ឥមេ ធម្មា នោ ចិត្តសំសដ្ឋសមុដ្ឋានា.

១២០៩. កតមេ ¶ ធម្មា ចិត្តសំសដ្ឋសមុដ្ឋានសហភុនោ? វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ – ឥមេ ធម្មា ចិត្តសំសដ្ឋសមុដ្ឋានសហភុនោ.

១២១០. កតមេ ¶ ធម្មា នោ ចិត្តសំសដ្ឋសមុដ្ឋានសហភុនោ? ចិត្តញ្ច, សព្ពញ្ច រូបំ, អសង្ខតា ច ធាតុ – ឥមេ ធម្មា នោ ចិត្តសំសដ្ឋសមុដ្ឋានសហភុនោ.

១២១១. កតមេ ធម្មា ចិត្តសំសដ្ឋសមុដ្ឋានានុបរិវត្តិនោ? វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ – ឥមេ ធម្មា ចិត្តសំសដ្ឋសមុដ្ឋានានុបរិវត្តិនោ.

១២១២. កតមេ ¶ ធម្មា នោ ចិត្តសំសដ្ឋសមុដ្ឋានានុបរិវត្តិនោ? ចិត្តញ្ច, សព្ពញ្ច រូបំ, អសង្ខតា ច ធាតុ – ឥមេ ធម្មា នោ ចិត្តសំសដ្ឋសមុដ្ឋានានុបរិវត្តិនោ.

១២១៣. កតមេ ធម្មា អជ្ឈត្តិកា? ចក្ខាយតនំ…បេ… មនាយតនំ – ឥមេ ធម្មា អជ្ឈត្តិកា.

១២១៤. កតមេ ធម្មា ពាហិរា? រូបាយតនំ…បេ… ធម្មាយតនំ – ឥមេ ធម្មា ពាហិរា.

១២១៥. កតមេ ធម្មា ឧបាទា? ចក្ខាយតនំ…បេ… កពឡីការោ អាហារោ – ឥមេ ធម្មា ឧបាទា.

១២១៦. កតមេ ធម្មា នោ ឧបាទា? វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ, វិញ្ញាណក្ខន្ធោ, ចត្តារោ ច មហាភូតា, អសង្ខតា ច ធាតុ – ឥមេ ធម្មា នោ ឧបាទា.

១២១៧. កតមេ ធម្មា ឧបាទិណ្ណា? សាសវា កុសលាកុសលានំ ធម្មានំ វិបាកា កាមាវចរា, រូបាវចរា, អរូបាវចរា; វេទនាក្ខន្ធោ…បេ… វិញ្ញាណក្ខន្ធោ; យញ្ច រូបំ កម្មស្ស កតត្តា – ឥមេ ធម្មា ឧបាទិណ្ណា ¶ .

១២១៨. កតមេ ធម្មា អនុបាទិណ្ណា? សាសវា ¶ កុសលាកុសលា ធម្មា កាមាវចរា, រូបាវចរា, អរូបាវចរា; វេទនាក្ខន្ធោ…បេ… វិញ្ញាណក្ខន្ធោ; យេ ច ធម្មា កិរិយា នេវ កុសលា នាកុសលា ន ច កម្មវិបាកា, យញ្ច រូបំ ន កម្មស្ស កតត្តា, អបរិយាបន្នា មគ្គា ច, មគ្គផលានិ ច, អសង្ខតា ច ធាតុ – ឥមេ ធម្មា អនុបាទិណ្ណា.

១២១៩. កតមេ ¶ ធម្មា ឧបាទានា? ចត្តារិ ឧបាទានានិ – កាមុបាទានំ, ទិដ្ឋុបាទានំ, សីលព្ពតុបាទានំ, អត្តវាទុបាទានំ [កាមូបាទានំ ទិដ្ឋូបាទានំ សីលព្ពតូបាទានំ អត្តវាទូបាទានំ (សី.)].

១២២០. តត្ថ ¶ កតមំ កាមុបាទានំ? យោ កាមេសុ កាមច្ឆន្ទោ កាមរាគោ កាមនន្ទី កាមតណ្ហា កាមសិនេហោ កាមបរិឡាហោ កាមមុច្ឆា កាមជ្ឈោសានំ – ឥទំ វុច្ចតិ កាមុបាទានំ.

១២២១. តត្ថ កតមំ ទិដ្ឋុបាទានំ? នត្ថិ ទិន្នំ, នត្ថិ យិដ្ឋំ, នត្ថិ ហុតំ, នត្ថិ សុកតទុក្កដានំ កម្មានំ ផលំ វិបាកោ, នត្ថិ អយំ លោកោ, នត្ថិ បរោ លោកោ, នត្ថិ មាតា, នត្ថិ បិតា, នត្ថិ សត្តា ឱបបាតិកា, នត្ថិ លោកេ សមណព្រាហ្មណា សម្មគ្គតា [សមគ្គតា (ក.)] សម្មាបដិបន្នា, យេ ឥមញ្ច លោកំ បរញ្ច លោកំ សយំ អភិញ្ញា សច្ឆិកត្វា បវេទេន្តីតិ – យា ឯវរូបា ទិដ្ឋិ ទិដ្ឋិគតំ ទិដ្ឋិគហនំ ទិដ្ឋិកន្តារោ ទិដ្ឋិវិសូកាយិកំ ទិដ្ឋិវិប្ផន្ទិតំ ទិដ្ឋិសំយោជនំ គាហោ បតិដ្ឋាហោ អភិនិវេសោ បរាមាសោ កុម្មគ្គោ មិច្ឆាបថោ មិច្ឆត្តំ ¶ តិត្ថាយតនំ វិបរិយាសគ្គាហោ – ឥទំ វុច្ចតិ ទិដ្ឋុបាទានំ. ឋបេត្វា សីលព្ពតុបាទានញ្ច អត្តវាទុបាទានញ្ច សព្ពាបិ មិច្ឆាទិដ្ឋិ ទិដ្ឋុបាទានំ.

១២២២. តត្ថ កតមំ សីលព្ពតុបាទានំ? ឥតោ ពហិទ្ធា សមណព្រាហ្មណានំ សីលេន សុទ្ធិ, វតេន សុទ្ធិ, សីលព្ពតេន សុទ្ធីតិ – យា ឯវរូបា ទិដ្ឋិ ទិដ្ឋិគតំ ទិដ្ឋិគហនំ ទិដ្ឋិកន្តារោ ទិដ្ឋិវិសូកាយិកំ ទិដ្ឋិវិប្ផន្ទិតំ ទិដ្ឋិសំយោជនំ គាហោ បតិដ្ឋាហោ អភិនិវេសោ បរាមាសោ កុម្មគ្គោ មិច្ឆាបថោ មិច្ឆត្តំ តិត្ថាយតនំ វិបរិយាសគ្គាហោ – ឥទំ វុច្ចតិ សីលព្ពតុបាទានំ.

១២២៣. តត្ថ កតមំ អត្តវាទុបាទានំ? ឥធ អស្សុតវា បុថុជ្ជនោ អរិយានំ អទស្សាវី អរិយធម្មស្ស អកោវិទោ អរិយធម្មេ អវិនីតោ សប្បុរិសានំ អទស្សាវី សប្បុរិសធម្មស្ស អកោវិទោ សប្បុរិសធម្មេ អវិនីតោ រូបំ អត្តតោ សមនុបស្សតិ, រូបវន្តំ វា អត្តានំ, អត្តនិ ¶ វា រូបំ, រូបស្មិំ វា អត្តានំ. វេទនំ…បេ… សញ្ញំ…បេ… សង្ខារេ…បេ… វិញ្ញាណំ អត្តតោ សមនុបស្សតិ, វិញ្ញាណវន្តំ វា អត្តានំ, អត្តនិ វា វិញ្ញាណំ វិញ្ញាណស្មិំ វា អត្តានំ. យា ឯវរូបា ទិដ្ឋិ ទិដ្ឋិគតំ ទិដ្ឋិគហនំ ¶ ទិដ្ឋិកន្តារោ ទិដ្ឋិវិសូកាយិកំ ¶ ទិដ្ឋិវិប្ផន្ទិតំ ទិដ្ឋិសំយោជនំ គាហោ បតិដ្ឋាហោ អភិនិវេសោ បរាមាសោ កុម្មគ្គោ មិច្ឆាបថោ មិច្ឆត្តំ តិត្ថាយតនំ វិបរិយាសគ្គាហោ – ឥទំ វុច្ចតិ អត្តវាទុបាទានំ.

១២២៤. កតមេ ¶ ធម្មា នោ ឧបាទានា? តេ ធម្មេ ឋបេត្វា អវសេសា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា, អបរិយាបន្នា; វេទនាក្ខន្ធោ…បេ… វិញ្ញាណក្ខន្ធោ; សព្ពញ្ច រូបំ, អសង្ខតា ច ធាតុ – ឥមេ ធម្មា នោ ឧបាទានា.

១២២៥. កតមេ ធម្មា ឧបាទានិយា? សាសវា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា; រូបក្ខន្ធោ…បេ… វិញ្ញាណក្ខន្ធោ – ឥមេ ធម្មា ឧបាទានិយា.

១២២៦. កតមេ ធម្មា អនុបាទានិយា? អបរិយាបន្នា មគ្គា ច, មគ្គផលានិ ច, អសង្ខតា ច ធាតុ – ឥមេ ធម្មា អនុបាទានិយា.

១២២៧. កតមេ ធម្មា ឧបាទានសម្បយុត្តា? តេហិ ធម្មេហិ យេ ធម្មា សម្បយុត្តា វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា ឧបាទានសម្បយុត្តា.

១២២៨. កតមេ ធម្មា ឧបាទានវិប្បយុត្តា? តេហិ ធម្មេហិ យេ ធម្មា វិប្បយុត្តា វេទនាក្ខន្ធោ…បេ… វិញ្ញាណក្ខន្ធោ; សព្ពញ្ច រូបំ, អសង្ខតា ច ធាតុ – ឥមេ ធម្មា ឧបាទានវិប្បយុត្តា.

១២២៩. កតមេ ¶ ធម្មា ឧបាទានា ចេវ ឧបាទានិយា ច? តានេវ ឧបាទានានិ ឧបាទានា ចេវ ឧបាទានិយា ច.

១២៣០. កតមេ ធម្មា ឧបាទានិយា ចេវ នោ ច ឧបាទានា? តេហិ ធម្មេហិ យេ ធម្មា ឧបាទានិយា ¶ , តេ ធម្មេ ឋបេត្វា អវសេសា សាសវា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា; រូបក្ខន្ធោ…បេ… វិញ្ញាណក្ខន្ធោ – ឥមេ ធម្មា ឧបាទានិយា ចេវ នោ ច ឧបាទានា.

១២៣១. កតមេ ធម្មា ឧបាទានា ចេវ ឧបាទានសម្បយុត្តា ច? ទិដ្ឋុបាទានំ ¶ កាមុបាទានេន ឧបាទានញ្ចេវ ឧបាទានសម្បយុត្តញ្ច, កាមុបាទានំ ទិដ្ឋុបាទានេន ឧបាទានញ្ចេវ ឧបាទានសម្បយុត្តញ្ច, សីលព្ពតុបាទានំ កាមុបាទានេន ឧបាទានញ្ចេវ ឧបាទានសម្បយុត្តញ្ច, កាមុបាទានំ សីលព្ពតុបាទានេន ឧបាទានញ្ចេវ ឧបាទានសម្បយុត្តញ្ច ¶ , អត្តវាទុបាទានំ កាមុបាទានេន ឧបាទានញ្ចេវ ឧបាទានសម្បយុត្តញ្ច, កាមុបាទានំ អត្តវាទុបាទានេន ឧបាទានញ្ចេវ ឧបាទានសម្បយុត្តញ្ច – ឥមេ ធម្មា ឧបាទានា ចេវ ឧបាទានសម្បយុត្តា ច.

១២៣២. កតមេ ធម្មា ឧបាទានសម្បយុត្តា ចេវ នោ ច ឧបាទានា? តេហិ ធម្មេហិ យេ ធម្មា សម្បយុត្តា, តេ ធម្មេ ឋបេត្វា វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា ឧបាទានសម្បយុត្តា ចេវ នោ ច ឧបាទានា.

១២៣៣. កតមេ ធម្មា ឧបាទានវិប្បយុត្តា ឧបាទានិយា? តេហិ ធម្មេហិ យេ ធម្មា វិប្បយុត្តា សាសវា កុសលាកុសលាព្យាកតា ធម្មា កាមាវចរា ¶ , រូបាវចរា, អរូបាវចរា; រូបក្ខន្ធោ…បេ… វិញ្ញាណក្ខន្ធោ – ឥមេ ធម្មា ឧបាទានវិប្បយុត្តា ឧបាទានិយា.

១២៣៤. កតមេ ធម្មា ឧបាទានវិប្បយុត្តា អនុបាទានិយា? អបរិយាបន្នា មគ្គា ច, មគ្គផលានិ ច, អសង្ខតា ច ធាតុ – ឥមេ ធម្មា ឧបាទានវិប្បយុត្តា អនុបាទានិយា.

១២៣៥. កតមេ ធម្មា កិលេសា? ទស កិលេសវត្ថូនិ – លោភោ, ទោសោ, មោហោ, មានោ, ទិដ្ឋិ, វិចិកិច្ឆា, ថិនំ, ឧទ្ធច្ចំ, អហិរីកំ, អនោត្តប្បំ.

១២៣៦. តត្ថ ¶ កតមោ លោភោ? យោ រាគោ សារាគោ អនុនយោ អនុរោធោ នន្ទី នន្ទីរាគោ ចិត្តស្ស សារាគោ ឥច្ឆា មុច្ឆា អជ្ឈោសានំ គេធោ បលិគេធោ សង្គោ បង្កោ ឯជា មាយា ជនិកា សញ្ជននី សិព្ពិនី ជាលិនី សរិតា វិសត្តិកា សុត្តំ វិសដា អាយូហិនី ទុតិយា បណិធិ ភវនេត្តិ វនំ វនថោ សន្ថវោ សិនេហោ អបេក្ខា បដិពន្ធុ អាសា អាសិសនា អាសិសិតត្តំ រូបាសា សទ្ទាសា គន្ធាសា រសាសា ¶ ផោដ្ឋព្ពាសា លាភាសា ធនាសា បុត្តាសា ជីវិតាសា ជប្បា បជប្បា អភិជប្បា ជប្បា ជប្បនា ជប្បិតត្តំ លោលុប្បំ លោលុប្បាយនា លោលុប្បាយិតត្តំ បុច្ឆញ្ជិកតា សាធុកម្យតា អធម្មរាគោ វិសមលោភោ និកន្តិ និកាមនា បត្ថនា បិហនា សម្បត្ថនា កាមតណ្ហា ភវតណ្ហា វិភវតណ្ហា រូបតណ្ហា អរូបតណ្ហា និរោធតណ្ហា រូបតណ្ហា សទ្ទតណ្ហា គន្ធតណ្ហា រសតណ្ហា ផោដ្ឋព្ពតណ្ហា ¶ ធម្មតណ្ហា ឱឃោ យោគោ គន្ថោ ឧបាទានំ អាវរណំ នីវរណំ ឆាទនំ ¶ ពន្ធនំ ឧបក្កិលេសោ អនុសយោ បរិយុដ្ឋានំ លតា វេវិច្ឆំ ទុក្ខមូលំ ទុក្ខនិទានំ ទុក្ខប្បភវោ មារបាសោ មារពឡិសំ មារវិសយោ តណ្ហានទី តណ្ហាជាលំ តណ្ហាគទ្ទុលំ តណ្ហាសមុទ្ទោ អភិជ្ឈា លោភោ អកុសលមូលំ – អយំ វុច្ចតិ លោភោ.

១២៣៧. តត្ថ កតមោ ទោសោ? អនត្ថំ មេ អចរីតិ អាឃាតោ ជាយតិ, អនត្ថំ មេ ចរតីតិ អាឃាតោ ជាយតិ, អនត្ថំ មេ ចរិស្សតីតិ អាឃាតោ ជាយតិ, បិយស្ស មេ មនាបស្ស អនត្ថំ អចរិ…បេ… អនត្ថំ ចរតិ…បេ… អនត្ថំ ចរិស្សតីតិ អាឃាតោ ជាយតិ, អប្បិយស្ស មេ អមនាបស្ស អត្ថំ អចរិ…បេ… អត្ថំ ចរតិ…បេ… អត្ថំ ចរិស្សតីតិ អាឃាតោ ជាយតិ, អដ្ឋានេ វា បន អាឃាតោ ជាយតិ. យោ ឯវរូបោ ចិត្តស្ស អាឃាតោ បដិឃាតោ បដិឃំ បដិវិរោធោ កោបោ បកោបោ សម្បកោបោ ទោសោ បទោសោ សម្បទោសោ ចិត្តស្ស ព្យាបត្តិ មនោបទោសោ កោធោ កុជ្ឈនា កុជ្ឈិតត្តំ ទោសោ ទុស្សនា ទុស្សិតត្តំ ព្យាបត្តិ ព្យាបជ្ជនា ព្យាបជ្ជិតត្តំ វិរោធោ បដិវិរោធោ ចណ្ឌិក្កំ អសុរោបោ អនត្តមនតា ចិត្តស្ស – អយំ វុច្ចតិ ទោសោ.

១២៣៨. តត្ថ កតមោ មោហោ? ទុក្ខេ អញ្ញាណំ, ទុក្ខសមុទយេ អញ្ញាណំ, ទុក្ខនិរោធេ អញ្ញាណំ, ទុក្ខនិរោធគាមិនិយា បដិបទាយ អញ្ញាណំ, បុព្ពន្តេ អញ្ញាណំ, អបរន្តេ អញ្ញាណំ, បុព្ពន្តាបរន្តេ អញ្ញាណំ, ឥទប្បច្ចយតា បដិច្ចសមុប្បន្នេសុ ធម្មេសុ អញ្ញាណំ ¶ . យំ ឯវរូបំ អញ្ញាណំ អទស្សនំ អនភិសមយោ អននុពោធោ អសម្ពោធោ អប្បដិវេធោ អសំគាហនា អបរិយោគាហនា អសមបេក្ខនា អបច្ចវេក្ខណា អបច្ចក្ខកម្មំ ទុម្មេជ្ឈំ ពាល្យំ អសម្បជញ្ញំ មោហោ ¶ បមោហោ សម្មោហោ អវិជ្ជា អវិជ្ជោឃោ អវិជ្ជាយោគោ អវិជ្ជានុសយោ អវិជ្ជាបរិយុដ្ឋានំ អវិជ្ជាលង្គី មោហោ អកុសលមូលំ – អយំ វុច្ចតិ មោហោ.

១២៣៩. តត្ថ ¶ កតមោ មានោ? សេយ្យោហមស្មីតិ មានោ, សទិសោហមស្មីតិ មានោ, ហីនោហមស្មីតិ មានោ; យោ ឯវរូបោ មានោ មញ្ញនា មញ្ញិតត្តំ ឧន្នតិ ឧន្នមោ ធជោ សម្បគ្គាហោ កេតុកម្យតា ចិត្តស្ស – អយំ វុច្ចតិ មានោ.

១២៤០. តត្ថ កតមា ទិដ្ឋិ? សស្សតោ លោកោតិ វា, អសស្សតោ លោកោតិ វា, អន្តវា លោកោតិ វា, អនន្តវា លោកោតិ វា, តំ ជីវំ តំ សរីរន្តិ វា, អញ្ញំ ជីវំ អញ្ញំ សរីរន្តិ វា, ហោតិ តថាគតោ បរំ មរណាតិ វា, ន ហោតិ ¶ តថាគតោ បរំ មរណាតិ វា, ហោតិ ច ន ច ហោតិ តថាគតោ បរំ មរណាតិ វា, នេវ ហោតិ ន ន ហោតិ តថាគតោ បរំ មរណាតិ វាः យា ឯវរូបា ទិដ្ឋិ ទិដ្ឋិគតំ ទិដ្ឋិគហនំ ទិដ្ឋិកន្តារោ ទិដ្ឋិវិសូកាយិកំ ទិដ្ឋិវិប្ផន្ទិតំ ទិដ្ឋិសំយោជនំ គាហោ បតិដ្ឋាហោ អភិនិវេសោ បរាមាសោ កុម្មគ្គោ មិច្ឆាបថោ មិច្ឆត្តំ តិត្ថាយតនំ វិបរិយាសគ្គាហោ – អយំ វុច្ចតិ ទិដ្ឋិ. សព្ពាបិ មិច្ឆាទិដ្ឋិ ទិដ្ឋិ.

១២៤១. តត្ថ ¶ កតមា វិចិកិច្ឆា? សត្ថរិ កង្ខតិ វិចិកិច្ឆតិ, ធម្មេ កង្ខតិ វិចិកិច្ឆតិ, សង្ឃេ កង្ខតិ វិចិកិច្ឆតិ សិក្ខាយ កង្ខតិ វិចិកិច្ឆតិ, បុព្ពន្តេ កង្ខតិ វិចិកិច្ឆតិ, អបរន្តេ កង្ខតិ វិចិកិច្ឆតិ, បុព្ពន្តាបរន្តេ កង្ខតិ វិចិកិច្ឆតិ, ឥទប្បច្ចយតា បដិច្ចសមុប្បន្នេសុ ធម្មេសុ កង្ខតិ វិចិកិច្ឆតិः យា ឯវរូបា កង្ខា កង្ខាយនា កង្ខាយិតត្តំ វិមតិ វិចិកិច្ឆា ទ្វេឡ្ហកំ ទ្វេធាបថោ សំសយោ, អនេកំសគ្គាហោ អាសប្បនា បរិសប្បនា អបរិយោគាហនា ថម្ភិតត្តំ ចិត្តស្ស មនោវិលេខោ – អយំ វុច្ចតិ វិចិកិច្ឆា.

១២៤២. តត្ថ កតមំ ថិនំ? យា ចិត្តស្ស អកល្លតា អកម្មញ្ញតា ឱលីយនា សល្លីយនា លីនំ លីយនា លីយិតត្តំ ថិនំ ថិយនា ថិយិតត្តំ ចិត្តស្ស – ឥទំ វុច្ចតិ ថិនំ.

១២៤៣. តត្ថ កតមំ ឧទ្ធច្ចំ? យំ ចិត្តស្ស ឧទ្ធច្ចំ អវូបសមោ ចេតសោ វិក្ខេបោ ភន្តត្តំ ចិត្តស្ស – ឥទំ វុច្ចតិ ឧទ្ធច្ចំ.

១២៤៤. តត្ថ ¶ កតមំ អហិរិកំ? យំ ន ហិរីយតិ ហិរិយិតព្ពេន, ន ហិរីយតិ បាបកានំ អកុសលានំ ធម្មានំ សមាបត្តិយា – ឥទំ វុច្ចតិ អហិរិកំ.

១២៤៥. តត្ថ ¶ កតមំ អនោត្តប្បំ? យំ ន ឱត្តប្បតិ ឱត្តប្បិតព្ពេន, ន ឱត្តប្បតិ បាបកានំ អកុសលានំ ធម្មានំ សមាបត្តិយា – ឥទំ វុច្ចតិ អនោត្តប្បំ.

១២៤៦. កតមេ ¶ ធម្មា នោ កិលេសា? តេ ធម្មេ ឋបេត្វា អវសេសា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា, អបរិយាបន្នា; វេទនាក្ខន្ធោ ¶ …បេ… វិញ្ញាណក្ខន្ធោ; សព្ពញ្ច រូបំ, អសង្ខតា ច ធាតុ – ឥមេ ធម្មា នោ កិលេសា.

១២៤៧. កតមេ ធម្មា សំកិលេសិកា? សាសវា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា; រូបក្ខន្ធោ…បេ… វិញ្ញាណក្ខន្ធោ – ឥមេ ធម្មា សំកិលេសិកា.

១២៤៨. កតមេ ធម្មា អសំកិលេសិកា? អបរិយាបន្នា មគ្គា ច, មគ្គផលានិ ច, អសង្ខតា ច ធាតុ – ឥមេ ធម្មា អសំកិលេសិកា.

១២៤៩. កតមេ ធម្មា សំកិលិដ្ឋា? តីណិ អកុសលមូលានិ – លោភោ, ទោសោ, មោហោ; តទេកដ្ឋា ច កិលេសា, តំសម្បយុត្តោ វេទនាក្ខន្ធោ…បេ… វិញ្ញាណក្ខន្ធោ, តំសមុដ្ឋានំ កាយកម្មំ, វចីកម្មំ, មនោកម្មំ – ឥមេ ធម្មា សំកិលិដ្ឋា.

១២៥០. កតមេ ធម្មា អសំកិលិដ្ឋា? កុសលាព្យាកតា ធម្មា កាមាវចរា, រូបាវចរា, អរូបាវចរា, អបរិយាបន្នា; វេទនាក្ខន្ធោ…បេ… វិញ្ញាណក្ខន្ធោ; សព្ពញ្ច រូបំ, អសង្ខតា ច ធាតុ – ឥមេ ធម្មា អសំកិលិដ្ឋា.

១២៥១. កតមេ ¶ ធម្មា កិលេសសម្បយុត្តា? តេហិ ធម្មេហិ យេ ធម្មា សម្បយុត្តា វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា កិលេសសម្បយុត្តា.

១២៥២. កតមេ ធម្មា កិលេសវិប្បយុត្តា? តេហិ ធម្មេហិ យេ ធម្មា វិប្បយុត្តា វេទនាក្ខន្ធោ…បេ… វិញ្ញាណក្ខន្ធោ ¶ ; សព្ពញ្ច រូបំ, អសង្ខតា ច ធាតុ – ឥមេ ធម្មា កិលេសវិប្បយុត្តា.

១២៥៣. កតមេ ¶ ធម្មា កិលេសា ចេវ សំកិលេសិកា ច? តេវ កិលេសា កិលេសា ចេវ សំកិលេសិកា ច.

១២៥៤. កតមេ ធម្មា សំកិលេសិកា ចេវ នោ ច កិលេសា? តេហិ ធម្មេហិ យេ ធម្មា សំកិលេសិកា, តេ ធម្មេ ឋបេត្វា អវសេសា សាសវា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា; រូបក្ខន្ធោ…បេ… វិញ្ញាណក្ខន្ធោ – ឥមេ ធម្មា សំកិលេសិកា ចេវ នោ ច កិលេសា.

១២៥៥. កតមេ ធម្មា កិលេសា ចេវ សំកិលិដ្ឋា ច? តេវ កិលេសា កិលេសា ចេវ សំកិលិដ្ឋា ច.

១២៥៦. កតមេ ធម្មា សំកិលិដ្ឋា ចេវ នោ ច កិលេសា? តេហិ ធម្មេហិ យេ ធម្មា សំកិលិដ្ឋា, តេ ធម្មេ ឋបេត្វា វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា សំកិលិដ្ឋា ចេវ នោ ច កិលេសា.

១២៥៧. កតមេ ធម្មា កិលេសា ចេវ កិលេសសម្បយុត្តា ច? លោភោ មោហេន កិលេសោ ចេវ កិលេសសម្បយុត្តោ ច, មោហោ លោភេន ¶ កិលេសោ ចេវ កិលេសសម្បយុត្តោ ច, ទោសោ មោហេន កិលេសោ ចេវ កិលេសសម្បយុត្តោ ច, មោហោ ទោសេន កិលេសោ ចេវ កិលេសសម្បយុត្តោ ច, មានោ មោហេន កិលេសោ ចេវ កិលេសសម្បយុត្តោ ច, មោហោ មានេន កិលេសោ ចេវ កិលេសសម្បយុត្តោ ច, ទិដ្ឋិ មោហេន កិលេសោ ចេវ កិលេសសម្បយុត្តា ច, មោហោ ទិដ្ឋិយា កិលេសោ ចេវ កិលេសសម្បយុត្តោ ច ¶ , វិចិកិច្ឆា មោហេន កិលេសោ ចេវ កិលេសសម្បយុត្តា ច, មោហោ វិចិកិច្ឆាយ ¶ កិលេសោ ចេវ កិលេសសម្បយុត្តោ ច, ថិនំ មោហេន កិលេសោ ចេវ កិលេសសម្បយុត្តញ្ច, មោហោ ថិនេន កិលេសោ ចេវ កិលេសសម្បយុត្តោ ច, ឧទ្ធច្ចំ មោហេន កិលេសោ ចេវ កិលេសសម្បយុត្តញ្ច, មោហោ ឧទ្ធច្ចេន កិលេសោ ចេវ កិលេសសម្បយុត្តោ ច, អហិរិកំ មោហេន កិលេសោ ចេវ កិលេសសម្បយុត្តញ្ច, មោហោ អហិរិកេន កិលេសោ ចេវ កិលេសសម្បយុត្តោ ច, អនោត្តប្បំ មោហេន កិលេសោ ចេវ កិលេសសម្បយុត្តញ្ច, មោហោ អនោត្តប្បេន កិលេសោ ចេវ កិលេសសម្បយុត្តោ ច, លោភោ ឧទ្ធច្ចេន ¶ កិលេសោ ចេវ កិលេសសម្បយុត្តោ ច, ឧទ្ធច្ចំ លោភេន កិលេសោ ចេវ កិលេសសម្បយុត្តញ្ច, ទោសោ ឧទ្ធច្ចេន កិលេសោ ចេវ កិលេសសម្បយុត្តោ ច, ឧទ្ធច្ចំ ទោសេន កិលេសោ ចេវ កិលេសសម្បយុត្តញ្ច, មោហោ ឧទ្ធច្ចេន កិលេសោ ចេវ កិលេសសម្បយុត្តោ ច, ឧទ្ធច្ចំ មោហេន កិលេសោ ចេវ កិលេសសម្បយុត្តញ្ច, មានោ ឧទ្ធច្ចេន កិលេសោ ចេវ កិលេសសម្បយុត្តោ ច, ឧទ្ធច្ចំ មានេន កិលេសោ ចេវ កិលេសសម្បយុត្តញ្ច, ទិដ្ឋិ ឧទ្ធច្ចេន កិលេសោ ចេវ កិលេសសម្បយុត្តា ច, ឧទ្ធច្ចំ ទិដ្ឋិយា កិលេសោ ចេវ កិលេសសម្បយុត្តញ្ច, វិចិកិច្ឆា ឧទ្ធច្ចេន កិលេសោ ចេវ កិលេសសម្បយុត្តា ច, ឧទ្ធច្ចំ វិចិកិច្ឆាយ កិលេសោ ចេវ កិលេសសម្បយុត្តញ្ច, ថិនំ ឧទ្ធច្ចេន កិលេសោ ចេវ កិលេសសម្បយុត្តញ្ច, ឧទ្ធច្ចំ ថិនេន កិលេសោ ចេវ កិលេសសម្បយុត្តញ្ច, អហិរិកំ ឧទ្ធច្ចេន កិលេសោ ចេវ កិលេសសម្បយុត្តញ្ច, ឧទ្ធច្ចំ អហិរិកេន ¶ កិលេសោ ចេវ កិលេសសម្បយុត្តញ្ច, អនោត្តប្បំ ឧទ្ធច្ចេន កិលេសោ ចេវ កិលេសសម្បយុត្តញ្ច, ឧទ្ធច្ចំ អនោត្តប្បេន កិលេសោ ចេវ កិលេសសម្បយុត្តញ្ច, លោភោ អហិរិកេន កិលេសោ ចេវ កិលេសសម្បយុត្តោ ច, អហិរិកំ លោភេន កិលេសោ ចេវ កិលេសសម្បយុត្តញ្ច, ទោសោ អហិរិកេន កិលេសោ ចេវ កិលេសសម្បយុត្តោ ច, អហិរិកំ ទោសេន កិលេសោ ចេវ កិលេសសម្បយុត្តញ្ច, មោហោ អហិរិកេន កិលេសោ ចេវ កិលេសសម្បយុត្តោ ច, អហិរិកំ មោហេន កិលេសោ ចេវ កិលេសសម្បយុត្តញ្ច, មានោ អហិរិកេន កិលេសោ ចេវ កិលេសសម្បយុត្តោ ច ¶ , អហិរិកំ មានេន កិលេសោ ចេវ កិលេសសម្បយុត្តញ្ច, ទិដ្ឋិ អហិរិកេន កិលេសោ ចេវ កិលេសសម្បយុត្តា ច, អហិរិកំ ទិដ្ឋិយា កិលេសោ ចេវ កិលេសសម្បយុត្តញ្ច, វិចិកិច្ឆា អហិរិកេន កិលេសោ ចេវ កិលេសសម្បយុត្តា ច, អហិរិកំ វិចិកិច្ឆាយ កិលេសោ ចេវ កិលេសសម្បយុត្តញ្ច, ថិនំ អហិរិកេន កិលេសោ ចេវ កិលេសសម្បយុត្តញ្ច, អហិរិកំ ថិនេន កិលេសោ ចេវ កិលេសសម្បយុត្តញ្ច, ឧទ្ធច្ចំ អហិរិកេន កិលេសោ ចេវ កិលេសសម្បយុត្តញ្ច, អហិរិកំ ឧទ្ធច្ចេន កិលេសោ ចេវ កិលេសសម្បយុត្តញ្ច, អនោត្តប្បំ អហិរិកេន កិលេសោ ចេវ កិលេសសម្បយុត្តញ្ច, អហិរិកំ អនោត្តប្បេន កិលេសោ ចេវ កិលេសសម្បយុត្តញ្ច, លោភោ អនោត្តប្បេន កិលេសោ ចេវ កិលេសសម្បយុត្តោ ច, អនោត្តប្បំ លោភេន ¶ កិលេសោ ចេវ កិលេសសម្បយុត្តញ្ច ¶ , ទោសោ អនោត្តប្បេន កិលេសោ ចេវ កិលេសសម្បយុត្តោ ច, អនោត្តប្បំ ទោសេន កិលេសោ ចេវ កិលេសសម្បយុត្តញ្ច, មោហោ អនោត្តប្បេន ¶ កិលេសោ ចេវ កិលេសសម្បយុត្តោ ច, អនោត្តប្បំ មោហេន កិលេសោ ចេវ កិលេសសម្បយុត្តញ្ច, មានោ អនោត្តប្បេន កិលេសោ ចេវ កិលេសសម្បយុត្តោ ច, អនោត្តប្បំ មានេន កិលេសោ ចេវ កិលេសសម្បយុត្តញ្ច, ទិដ្ឋិ អនោត្តប្បេន កិលេសោ ចេវ កិលេសសម្បយុត្តា ច, អនោត្តប្បំ ទិដ្ឋិយា កិលេសោ ចេវ កិលេសសម្បយុត្តញ្ច, វិចិកិច្ឆា អនោត្តប្បេន កិលេសោ ចេវ កិលេសសម្បយុត្តា ច, អនោត្តប្បំ វិចិកិច្ឆាយ កិលេសោ ចេវ កិលេសសម្បយុត្តញ្ច, ថិនំ អនោត្តប្បេន កិលេសោ ចេវ កិលេសសម្បយុត្តញ្ច, អនោត្តប្បំ ថិនេន កិលេសោ ចេវ កិលេសសម្បយុត្តញ្ច, ឧទ្ធច្ចំ អនោត្តប្បេន កិលេសោ ចេវ កិលេសសម្បយុត្តញ្ច, អនោត្តប្បំ ឧទ្ធច្ចេន កិលេសោ ចេវ កិលេសសម្បយុត្តញ្ច, អហិរិកំ អនោត្តប្បេន កិលេសោ ចេវ កិលេសសម្បយុត្តញ្ច, អនោត្តប្បំ អហិរិកេន កិលេសោ ចេវ កិលេសសម្បយុត្តញ្ច – ឥមេ ធម្មា កិលេសា ចេវ កិលេសសម្បយុត្តា ច.

១២៥៨. កតមេ ធម្មា កិលេសសម្បយុត្តា ចេវ នោ ច កិលេសា? តេហិ ធម្មេហិ យេ ធម្មា សម្បយុត្តា តេ ធម្មេ ឋបេត្វា វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា កិលេសសម្បយុត្តា ចេវ នោ ច កិលេសា.

១២៥៩. កតមេ ធម្មា កិលេសវិប្បយុត្តា សំកិលេសិកា? តេហិ ធម្មេហិ យេ ធម្មា វិប្បយុត្តា សាសវា កុសលាព្យាកតា ធម្មា កាមាវចរា, រូបាវចរា, អរូបាវចរា; រូបក្ខន្ធោ…បេ… ¶ វិញ្ញាណក្ខន្ធោ – ឥមេ ធម្មា កិលេសវិប្បយុត្តា សំកិលេសិកា.

១២៦០. កតមេ ធម្មា កិលេសវិប្បយុត្តា អសំកិលេសិកា ¶ ? អបរិយាបន្នា មគ្គា ច, មគ្គផលានិ ច, អសង្ខតា ច ធាតុ – ឥមេ ធម្មា កិលេសវិប្បយុត្តា អសំកិលេសិកា.

១២៦១. កតមេ ធម្មា ទស្សនេន បហាតព្ពា? តីណិ សំយោជនានិ – សក្កាយទិដ្ឋិ, វិចិកិច្ឆា, សីលព្ពតបរាមាសោ.

១២៦២. តត្ថ ¶ ¶ កតមា សក្កាយទិដ្ឋិ? ឥធ អស្សុតវា បុថុជ្ជនោ អរិយានំ អទស្សាវី អរិយធម្មស្ស អកោវិទោ អរិយធម្មេ អវិនីតោ សប្បុរិសានំ អទស្សាវី សប្បុរិសធម្មស្ស អកោវិទោ សប្បុរិសធម្មេ អវិនីតោ រូបំ អត្តតោ សមនុបស្សតិ, រូបវន្តំ វា អត្តានំ, អត្តនិ វា រូបំ, រូបស្មិំ វា អត្តានំ. វេទនំ…បេ… សញ្ញំ…បេ… សង្ខារេ…បេ… វិញ្ញាណំ អត្តតោ សមនុបស្សតិ, វិញ្ញាណវន្តំ វា អត្តានំ, អត្តនិ វា វិញ្ញាណំ, វិញ្ញាណស្មិំ វា អត្តានំ. យា ឯវរូបា ទិដ្ឋិ ទិដ្ឋិគតំ…បេ… វិបរិយាសគ្គាហោ – អយំ វុច្ចតិ សក្កាយទិដ្ឋិ.

១២៦៣. តត្ថ កតមា វិចិកិច្ឆា? សត្ថរិ កង្ខតិ វិចិកិច្ឆតិ…បេ… ថម្ភិតត្តំ ចិត្តស្ស មនោវិលេខោ – អយំ វុច្ចតិ វិចិកិច្ឆា.

១២៦៤. តត្ថ កតមោ សីលព្ពតបរាមាសោ? ឥតោ ពហិទ្ធា សមណព្រាហ្មណានំ សីលេន សុទ្ធិ វតេន សុទ្ធិ សីលព្ពតេន សុទ្ធីតិ – យា ឯវរូបា ទិដ្ឋិ ទិដ្ឋិគតំ…បេ… វិបរិយាសគ្គាហោ – អយំ វុច្ចតិ សីលព្ពតបរាមាសោ. ឥមានិ ¶ តីណិ សំយោជនានិ, តទេកដ្ឋា ច កិលេសា, តំសម្បយុត្តោ វេទនាក្ខន្ធោ…បេ… វិញ្ញាណក្ខន្ធោ, តំសមុដ្ឋានំ កាយកម្មំ វចីកម្មំ មនោកម្មំ – ឥមេ ធម្មា ទស្សនេន បហាតព្ពា.

១២៦៥. កតមេ ធម្មា ន ទស្សនេន បហាតព្ពា? តេ ធម្មេ ឋបេត្វា អវសេសា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា, អបរិយាបន្នា; វេទនាក្ខន្ធោ…បេ… វិញ្ញាណក្ខន្ធោ, សព្ពញ្ច រូបំ, អសង្ខតា ច ធាតុ – ឥមេ ធម្មា ន ទស្សនេន បហាតព្ពា.

១២៦៦. កតមេ ធម្មា ភាវនាយ បហាតព្ពា? អវសេសោ លោភោ ទោសោ មោហោ, តទេកដ្ឋា ច កិលេសា, តំសម្បយុត្តោ វេទនាក្ខន្ធោ…បេ… វិញ្ញាណក្ខន្ធោ, តំសមុដ្ឋានំ កាយកម្មំ, វចីកម្មំ មនោកម្មំ – ឥមេ ធម្មា ភាវនាយ បហាតព្ពា.

១២៦៧. កតមេ ¶ ធម្មា ន ភាវនាយ បហាតព្ពា? តេ ធម្មេ ឋបេត្វា អវសេសា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា, អបរិយាបន្នា; វេទនាក្ខន្ធោ ¶ …បេ… វិញ្ញាណក្ខន្ធោ; សព្ពញ្ច រូបំ, អសង្ខតា ច ធាតុ – ឥមេ ធម្មា ន ភាវនាយ បហាតព្ពា.

១២៦៨. កតមេ ¶ ធម្មា ទស្សនេន បហាតព្ពហេតុកា? តីណិ សំយោជនានិ – សក្កាយទិដ្ឋិ, វិចិកិច្ឆា, សីលព្ពតបរាមាសោ.

១២៦៩. តត្ថ កតមា សក្កាយទិដ្ឋិ? ឥធ អស្សុតវា បុថុជ្ជនោ អរិយានំ អទស្សាវី អរិយធម្មស្ស អកោវិទោ អរិយធម្មេ អវិនីតោ សប្បុរិសានំ អទស្សាវី សប្បុរិសធម្មស្ស អកោវិទោ សប្បុរិសធម្មេ អវិនីតោ ¶ រូបំ អត្តតោ សមនុបស្សតិ, រូបវន្តំ វា អត្តានំ, អត្តនិ វា រូបំ, រូបស្មិំ វា អត្តានំ. វេទនំ…បេ… សញ្ញំ…បេ… សង្ខារេ…បេ… វិញ្ញាណំ អត្តតោ សមនុបស្សតិ, វិញ្ញាណវន្តំ វា អត្តានំ, អត្តនិ វា វិញ្ញាណំ, វិញ្ញាណស្មិំ វា អត្តានំ. យា ឯវរូបា ទិដ្ឋិ ទិដ្ឋិគតំ…បេ… វិបរិយាសគ្គាហោ – អយំ វុច្ចតិ សក្កាយទិដ្ឋិ.

១២៧០. តត្ថ កតមា វិចិកិច្ឆា? សត្ថរិ កង្ខតិ វិចិកិច្ឆតិ…បេ… ថម្ភិតត្តំ ចិត្តស្ស មនោវិលេខោ – អយំ វុច្ចតិ វិចិកិច្ឆា.

១២៧១. តត្ថ កតមោ សីលព្ពតបរាមាសោ? ឥតោ ពហិទ្ធា សមណព្រាហ្មណានំ សីលេន សុទ្ធិ វតេន សុទ្ធិ សីលព្ពតេន សុទ្ធីតិ – យា ឯវរូបា ទិដ្ឋិ ទិដ្ឋិគតំ…បេ… វិបរិយាសគ្គាហោ – អយំ វុច្ចតិ សីលព្ពតបរាមាសោ. ឥមានិ តីណិ សំយោជនានិ, តទេកដ្ឋា ច កិលេសា, តំសម្បយុត្តោ វេទនាក្ខន្ធោ…បេ… វិញ្ញាណក្ខន្ធោ, តំសមុដ្ឋានំ កាយកម្មំ, វចីកម្មំ, មនោកម្មំ – ឥមេ ធម្មា ទស្សនេន បហាតព្ពហេតុកា. តីណិ សំយោជនានិ – សក្កាយទិដ្ឋិ, វិចិកិច្ឆា, សីលព្ពតបរាមាសោ – ឥមេ ធម្មា ទស្សនេន បហាតព្ពា. តទេកដ្ឋោ លោភោ ទោសោ មោហោ – ឥមេ ធម្មា ទស្សនេន បហាតព្ពហេតូ. តទេកដ្ឋា ច កិលេសា, តំសម្បយុត្តោ វេទនាក្ខន្ធោ…បេ… វិញ្ញាណក្ខន្ធោ, តំសមុដ្ឋានំ កាយកម្មំ, វចីកម្មំ, មនោកម្មំ – ឥមេ ធម្មា ទស្សនេន បហាតព្ពហេតុកា.

១២៧២. កតមេ ធម្មា ន ទស្សនេន បហាតព្ពហេតុកា? តេ ធម្មេ ឋបេត្វា អវសេសា ¶ កុសលាកុសលាព្យាកតា ¶ ធម្មា កាមាវចរា ¶ , រូបាវចរា, អរូបាវចរា, អបរិយាបន្នា; វេទនាក្ខន្ធោ…បេ… វិញ្ញាណក្ខន្ធោ; សព្ពញ្ច រូបំ, អសង្ខតា ច ធាតុ – ឥមេ ធម្មា ន ទស្សនេន បហាតព្ពហេតុកា.

១២៧៣. កតមេ ធម្មា ភាវនាយ បហាតព្ពហេតុកា? អវសេសោ លោភោ ទោសោ មោហោ – ឥមេ ធម្មា ភាវនាយ បហាតព្ពហេតូ. តទេកដ្ឋា ¶ ច កិលេសា, តំសម្បយុត្តោ វេទនាក្ខន្ធោ…បេ… វិញ្ញាណក្ខន្ធោ, តំសមុដ្ឋានំ កាយកម្មំ, វចីកម្មំ, មនោកម្មំ – ឥមេ ធម្មា ភាវនាយ បហាតព្ពហេតុកា.

១២៧៤. កតមេ ធម្មា ន ភាវនាយ បហាតព្ពហេតុកា? តេ ធម្មេ ឋបេត្វា អវសេសា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា, អបរិយាបន្នា; វេទនាក្ខន្ធោ…បេ… វិញ្ញាណក្ខន្ធោ; សព្ពញ្ច រូបំ, អសង្ខតា ច ធាតុ – ឥមេ ធម្មា ន ភាវនាយ បហាតព្ពហេតុកា.

១២៧៥. កតមេ ធម្មា សវិតក្កា? សវិតក្កភូមិយំ កាមាវចរេ រូបាវចរេ អបរិយាបន្នេ, វិតក្កំ ឋបេត្វា, តំសម្បយុត្តោ វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា សវិតក្កា.

១២៧៦. កតមេ ធម្មា អវិតក្កា? អវិតក្កភូមិយំ កាមាវចរេ រូបាវចរេ អរូបាវចរេ អបរិយាបន្នេ; វេទនាក្ខន្ធោ…បេ… វិញ្ញាណក្ខន្ធោ; វិតក្កោ ច, សព្ពញ្ច រូបំ, អសង្ខតា ច ធាតុ – ឥមេ ធម្មា អវិតក្កា.

១២៧៧. កតមេ ធម្មា សវិចារា? សវិចារភូមិយំ កាមាវចរេ រូបាវចរេ ¶ អបរិយាបន្នេ, វិចារំ ឋបេត្វា, តំសម្បយុត្តោ វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ, វិញ្ញាណក្ខន្ធោ – ឥមេ ធម្មា សវិចារា.

១២៧៨. កតមេ ធម្មា អវិចារា? អវិចារភូមិយំ កាមាវចរេ រូបាវចរេ អរូបាវចរេ ¶ អបរិយាបន្នេ; វេទនាក្ខន្ធោ…បេ… វិញ្ញាណក្ខន្ធោ; វិចារោ ច, សព្ពញ្ច រូបំ, អសង្ខតា ច ធាតុ – ឥមេ ធម្មា អវិចារា.

១២៧៩. កតមេ ធម្មា សប្បីតិកា? សប្បីតិកភូមិយំ កាមាវចរេ រូបាវចរេ អបរិយាបន្នេ ¶ , បីតិំ ឋបេត្វា, តំសម្បយុត្តោ វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា សប្បីតិកា.

១២៨០. កតមេ ធម្មា អប្បីតិកា? អប្បីតិកភូមិយំ កាមាវចរេ រូបាវចរេ អរូបាវចរេ អបរិយាបន្នេ; វេទនាក្ខន្ធោ…បេ… វិញ្ញាណក្ខន្ធោ; បីតិ ច, សព្ពញ្ច រូបំ, អសង្ខតា ច ធាតុ – ឥមេ ធម្មា អប្បីតិកា.

១២៨១. កតមេ ធម្មា បីតិសហគតា? បីតិភូមិយំ កាមាវចរេ រូបាវចរេ អបរិយាបន្នេ, បីតិំ ឋបេត្វា, តំសម្បយុត្តោ វេទនាក្ខន្ធោ…បេ… វិញ្ញាណក្ខន្ធោ – ឥមេ ធម្មា បីតិសហគតា.

១២៨២. កតមេ ¶ ធម្មា ន បីតិសហគតា? ន បីតិភូមិយំ កាមាវចរេ រូបាវចរេ អរូបាវចរេ អបរិយាបន្នេ; វេទនាក្ខន្ធោ…បេ… វិញ្ញាណក្ខន្ធោ; បីតិ ច, សព្ពញ្ច រូបំ, អសង្ខតា ច ធាតុ – ឥមេ ធម្មា ន បីតិសហគតា.

១២៨៣. កតមេ ធម្មា សុខសហគតា? សុខភូមិយំ កាមាវចរេ រូបាវចរេ អបរិយាបន្នេ, សុខំ ឋបេត្វា, តំសម្បយុត្តោ សញ្ញាក្ខន្ធោ, សង្ខារក្ខន្ធោ, វិញ្ញាណក្ខន្ធោ – ឥមេ ធម្មា សុខសហគតា.

១២៨៤. កតមេ ធម្មា ¶ ន សុខសហគតា? ន សុខភូមិយំ កាមាវចរេ រូបាវចរេ អរូបាវចរេ អបរិយាបន្នេ; វេទនាក្ខន្ធោ…បេ… វិញ្ញាណក្ខន្ធោ; សុខញ្ច, សព្ពញ្ច រូបំ, អសង្ខតា ច ធាតុ – ឥមេ ធម្មា ន សុខសហគតា.

១២៨៥. កតមេ ធម្មា ឧបេក្ខាសហគតា? ឧបេក្ខាភូមិយំ កាមាវចរេ រូបាវចរេ អរូបាវចរេ ¶ អបរិយាបន្នេ, ឧបេក្ខំ ឋបេត្វា, តំសម្បយុត្តោ សញ្ញាក្ខន្ធោ, សង្ខារក្ខន្ធោ, វិញ្ញាណក្ខន្ធោ – ឥមេ ធម្មា ឧបេក្ខាសហគតា.

១២៨៦. កតមេ ធម្មា ន ឧបេក្ខាសហគតា? ន ឧបេក្ខាភូមិយំ កាមាវចរេ រូបាវចរេ អបរិយាបន្នេ, វេទនាក្ខន្ធោ…បេ… វិញ្ញាណក្ខន្ធោ, ឧបេក្ខា ច, សព្ពញ្ច រូបំ, អសង្ខតា ច ធាតុ – ឥមេ ធម្មា ន ឧបេក្ខាសហគតា.

១២៨៧. កតមេ ធម្មា កាមាវចរា? ហេដ្ឋតោ អវិចិនិរយំ បរិយន្តំ ករិត្វា, ឧបរិតោ បរនិម្មិតវសវត្តី ¶ ទេវេ [បរនិម្មិតវសវត្តិទេវេ (សី. ក.)] អន្តោ ករិត្វា, យំ ឯតស្មិំ អន្តរេ ឯត្ថាវចរា ឯត្ថ បរិយាបន្នា ខន្ធធាតុ អាយតនា, រូបំ វេទនា សញ្ញា សង្ខារា វិញ្ញាណំ – ឥមេ ធម្មា កាមាវចរា.

១២៨៨. កតមេ ធម្មា ន កាមាវចរា? រូបាវចរា, អរូបាវចរា, អបរិយាបន្នា – ឥមេ ធម្មា ន កាមាវចរា.

១២៨៩. កតមេ ធម្មា រូបាវចរា? ហេដ្ឋតោ ព្រហ្មលោកំ បរិយន្តំ ករិត្វា, ឧបរិតោ អកនិដ្ឋេ ទេវេ [អកនិដ្ឋទេវេ (សី. ក.)] អន្តោ ករិត្វា, យំ ឯតស្មិំ អន្តរេ ឯត្ថាវចរា ឯត្ថ បរិយាបន្នា សមាបន្នស្ស វា ឧបបន្នស្ស វា ទិដ្ឋធម្មសុខវិហារិស្ស [ទិដ្ឋធម្មសុខវិហារស្ស (ក.)] វា ចិត្តចេតសិកា ធម្មា – ឥមេ ធម្មា រូបាវចរា ¶ .

១២៩០. កតមេ ¶ ធម្មា ន រូបាវចរា? កាមាវចរា, អរូបាវចរា, អបរិយាបន្នា – ឥមេ ធម្មា ន រូបាវចរា.

១២៩១. កតមេ ធម្មា អរូបាវចរា? ហេដ្ឋតោ អាកាសានញ្ចាយតនុបគេ ទេវេ បរិយន្តំ ករិត្វា, ឧបរិតោ នេវសញ្ញានាសញ្ញាយតនុបគេ ទេវេ អន្តោ ករិត្វា, យំ ឯតស្មិំ អន្តរេ ឯត្ថាវចរា ឯត្ថ បរិយាបន្នា សមាបន្នស្ស វា ឧបបន្នស្ស វា ទិដ្ឋធម្មសុខវិហារិស្ស វា ចិត្តចេតសិកា ធម្មា – ឥមេ ធម្មា អរូបាវចរា.

១២៩២. កតមេ ធម្មា ន អរូបាវចរា? កាមាវចរា, រូបាវចរា, អបរិយាបន្នា – ឥមេ ធម្មា ន អរូបាវចរា.

១២៩៣. កតមេ ¶ ធម្មា បរិយាបន្នា? សាសវា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា, រូបក្ខន្ធោ…បេ… វិញ្ញាណក្ខន្ធោ – ឥមេ ធម្មា បរិយាបន្នា.

១២៩៤. កតមេ ធម្មា អបរិយាបន្នា? មគ្គា ច, មគ្គផលានិ ច, អសង្ខតា ច ធាតុ – ឥមេ ធម្មា អបរិយាបន្នា.

១២៩៥. កតមេ ធម្មា និយ្យានិកា? ចត្តារោ មគ្គា អបរិយាបន្នា – ឥមេ ធម្មា និយ្យានិកា.

១២៩៦. កតមេ ធម្មា អនិយ្យានិកា? តេ ធម្មេ ឋបេត្វា អវសេសា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា, អបរិយាបន្នា; វេទនាក្ខន្ធោ…បេ… វិញ្ញាណក្ខន្ធោ, សព្ពញ្ច រូបំ, អសង្ខតា ច ធាតុ – ឥមេ ធម្មា អនិយ្យានិកា.

១២៩៧. កតមេ ¶ ធម្មា និយតា? បញ្ច កម្មានិ អានន្តរិកានិ, យា ¶ ច មិច្ឆាទិដ្ឋិ និយតា, ចត្តារោ មគ្គា អបរិយាបន្នា – ឥមេ ធម្មា និយតា.

១២៩៨. កតមេ ធម្មា អនិយតា? តេ ធម្មេ ឋបេត្វា អវសេសា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា, អបរិយាបន្នា; វេទនាក្ខន្ធោ…បេ… វិញ្ញាណក្ខន្ធោ, សព្ពញ្ច រូបំ, អសង្ខតា ច ធាតុ – ឥមេ ធម្មា អនិយតា.

១២៩៩. កតមេ ¶ ធម្មា សឧត្តរា? សាសវា កុសលាកុសលាព្យាកតា ធម្មា កាមាវចរា, រូបាវចរា, អរូបាវចរា; រូបក្ខន្ធោ…បេ… វិញ្ញាណក្ខន្ធោ – ឥមេ ធម្មា សឧត្តរា.

១៣០០. កតមេ ធម្មា អនុត្តរា? អបរិយាបន្នា មគ្គា ច, មគ្គផលានិ ច, អសង្ខតា ច ធាតុ – ឥមេ ធម្មា អនុត្តរា.

១៣០១. កតមេ ធម្មា សរណា? តីណិ អកុសលមូលានិ លោភោ, ទោសោ, មោហោ; តទេកដ្ឋា ច ¶ កិលេសា, តំសម្បយុត្តោ វេទនាក្ខន្ធោ…បេ… វិញ្ញាណក្ខន្ធោ, តំសមុដ្ឋានំ កាយកម្មំ, វចីកម្មំ, មនោកម្មំ – ឥមេ ធម្មា សរណា.

១៣០២. កតមេ ធម្មា អរណា? កុសលាព្យាកតា ធម្មា កាមាវចរា, រូបាវចរា, អរូបាវចរា, អបរិយាបន្នា; វេទនាក្ខន្ធោ…បេ… វិញ្ញាណក្ខន្ធោ, សព្ពញ្ច រូបំ, អសង្ខតា ច ធាតុ – ឥមេ ធម្មា អរណា.

១៣០៣. កតមេ ធម្មា វិជ្ជាភាគិនោ? វិជ្ជាយ សម្បយុត្តកា ធម្មា – ឥមេ ធម្មា វិជ្ជាភាគិនោ.

១៣០៤. កតមេ ធម្មា អវិជ្ជាភាគិនោ? អវិជ្ជាយ ¶ សម្បយុត្តកា ធម្មា – ឥមេ ធម្មា អវិជ្ជាភាគិនោ.

១៣០៥. កតមេ ធម្មា វិជ្ជូបមា? ហេដ្ឋិមេសុ តីសុ អរិយមគ្គេសុ បញ្ញា – ឥមេ ធម្មា វិជ្ជូបមា.

១៣០៦. កតមេ ធម្មា វជិរូបមា? ឧបរិដ្ឋិមេ ¶ អរហត្តមគ្គេ បញ្ញា – ឥមេ ធម្មា វជិរូបមា.

១៣០៧. កតមេ ធម្មា ពាលា? អហិរីកញ្ច អនោត្តប្បញ្ច – ឥមេ ធម្មា ពាលា. សព្ពេបិ អកុសលា ធម្មា ពាលា.

១៣០៨. កតមេ ¶ ¶ ធម្មា បណ្ឌិតា? ហិរី ច ឱត្តប្បញ្ច – ឥមេ ធម្មា បណ្ឌិតា. សព្ពេបិ កុសលា ធម្មា បណ្ឌិតា.

១៣០៩. កតមេ ធម្មា កណ្ហា? អហិរីកញ្ច អនោត្តប្បញ្ច – ឥមេ ធម្មា កណ្ហា. សព្ពេបិ អកុសលា ធម្មា កណ្ហា.

១៣១០. កតមេ ធម្មា សុក្កា? ហិរី ច ឱត្តប្បញ្ច – ឥមេ ធម្មា សុក្កា? សព្ពេបិ កុសលា ធម្មា សុក្កា.

១៣១១. កតមេ ធម្មា តបនីយា? កាយទុច្ចរិតំ, វចីទុច្ចរិតំ, មនោទុច្ចរិតំ – ឥមេ ធម្មា តបនីយា. សព្ពេបិ អកុសលា ធម្មា តបនីយា.

១៣១២. កតមេ ធម្មា អតបនីយា? កាយសុចរិតំ, វចីសុចរិតំ, មនោសុចរិតំ – ឥមេ ធម្មា អតបនីយា. សព្ពេបិ កុសលា ធម្មា អតបនីយា.

១៣១៣. កតមេ ធម្មា អធិវចនា? យា តេសំ តេសំ ធម្មានំ សង្ខា សមញ្ញា បញ្ញត្តិ វោហារោ នាមំ នាមកម្មំ នាមធេយ្យំ និរុត្តិ ព្យញ្ជនំ អភិលាបោ – ឥមេ ធម្មា អធិវចនា. សព្ពេវ ធម្មា អធិវចនបថា.

១៣១៤. កតមេ ¶ ធម្មា និរុត្តិ? យា តេសំ តេសំ ធម្មានំ សង្ខា សមញ្ញា បញ្ញត្តិ វោហារោ នាមំ នាមកម្មំ នាមធេយ្យំ និរុត្តិ ព្យញ្ជនំ អភិលាបោ – ឥមេ ធម្មា និរុត្តិ. សព្ពេវ ធម្មា និរុត្តិបថា.

១៣១៥. កតមេ ធម្មា បញ្ញត្តិ? យា តេសំ តេសំ ធម្មានំ សង្ខា សមញ្ញា បញ្ញត្តិ វោហារោ នាមំ នាមកម្មំ នាមធេយ្យំ និរុត្តិ ព្យញ្ជនំ អភិលាបោ – ឥមេ ធម្មា បញ្ញត្តិ. សព្ពេវ ធម្មា បញ្ញត្តិបថា.

១៣១៦. តត្ថ ¶ កតមំ នាមំ? វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ, វិញ្ញាណក្ខន្ធោ, អសង្ខតា ច ធាតុ – ឥទំ វុច្ចតិ នាមំ.

១៣១៧. តត្ថ ¶ កតមំ រូបំ? ចត្តារោ ច មហាភូតា, ចតុន្នញ្ច មហាភូតានំ ឧបាទាយ រូបំ – ឥទំ វុច្ចតិ រូបំ.

១៣១៨. តត្ថ កតមា អវិជ្ជា? យំ អញ្ញាណំ អទស្សនំ…បេ… អវិជ្ជាលង្គី មោហោ អកុសលមូលំ – អយំ វុច្ចតិ អវិជ្ជា.

១៣១៩. តត្ថ ¶ កតមា ភវតណ្ហា? យោ ភវេសុ ភវឆន្ទោ…បេ… ភវជ្ឈោសានំ – អយំ វុច្ចតិ ភវតណ្ហា.

១៣២០. តត្ថ កតមា ភវទិដ្ឋិ? ភវិស្សតិ អត្តា ច លោកោ ចាតិ, យា ឯវរូបា ទិដ្ឋិ ទិដ្ឋិគតំ…បេ… វិបរិយាសគ្គាហោ – អយំ វុច្ចតិ ភវទិដ្ឋិ.

១៣២១. តត្ថ កតមា វិភវទិដ្ឋិ? ន ភវិស្សតិ អត្តា ច លោកោ ចាតិ, យា ឯវរូបា ទិដ្ឋិ ទិដ្ឋិគតំ…បេ… វិបរិយាសគ្គាហោ – អយំ វុច្ចតិ វិភវទិដ្ឋិ.

១៣២២. តត្ថ ¶ កតមា សស្សតទិដ្ឋិ? សស្សតោ អត្តា ច លោកោ ចាតិ, យា ឯវរូបា ទិដ្ឋិ ទិដ្ឋិគតំ…បេ… វិបរិយាសគ្គាហោ – អយំ វុច្ចតិ សស្សតទិដ្ឋិ.

១៣២៣. តត្ថ កតមា ឧច្ឆេទទិដ្ឋិ? ឧច្ឆិជ្ជិស្សតិ អត្តា ច លោកោ ចាតិ, យា ឯវរូបា ទិដ្ឋិ ទិដ្ឋិគតំ…បេ… វិបរិយាសគ្គាហោ – អយំ វុច្ចតិ ឧច្ឆេទទិដ្ឋិ.

១៣២៤. តត្ថ កតមា អន្តវា ទិដ្ឋិ? អន្តវា អត្តា ច លោកោ ចាតិ, យា ឯវរូបា ទិដ្ឋិ ទិដ្ឋិគតំ…បេ… វិបរិយាសគ្គាហោ – អយំ វុច្ចតិ អន្តវា ទិដ្ឋិ.

១៣២៥. តត្ថ ¶ កតមា អនន្តវា ទិដ្ឋិ? អនន្តវា អត្តា ច លោកោ ចាតិ, យា ឯវរូបា ទិដ្ឋិ ទិដ្ឋិគតំ…បេ… វិបរិយាសគ្គាហោ – អយំ វុច្ចតិ អនន្តវា ទិដ្ឋិ.

១៣២៦. តត្ថ កតមា បុព្ពន្តានុទិដ្ឋិ? បុព្ពន្តំ អារព្ភ យា ឧប្បជ្ជតិ ទិដ្ឋិ ទិដ្ឋិគតំ…បេ… វិបរិយាសគ្គាហោ – អយំ វុច្ចតិ បុព្ពន្តានុទិដ្ឋិ.

១៣២៧. តត្ថ កតមា អបរន្តានុទិដ្ឋិ? អបរន្តំ អារព្ភ យា ឧប្បជ្ជតិ ទិដ្ឋិ ទិដ្ឋិគតំ…បេ… វិបរិយាសគ្គាហោ – អយំ វុច្ចតិ អបរន្តានុទិដ្ឋិ.

១៣២៨. តត្ថ កតមំ អហិរិកំ? យំ ន ហិរីយតិ ហិរិយិតព្ពេន, ន ហិរីយតិ បាបកានំ អកុសលានំ ធម្មានំ សមាបត្តិយា – ឥទំ វុច្ចតិ អហិរិកំ.

១៣២៩. តត្ថ កតមំ អនោត្តប្បំ? យំ ¶ ន ឱត្តប្បតិ ឱត្តប្បិតព្ពេន, ន ឱត្តប្បតិ បាបកានំ អកុសលានំ ធម្មានំ សមាបត្តិយា – ឥទំ វុច្ចតិ អនោត្តប្បំ.

១៣៣០. តត្ថ ¶ ¶ កតមា ហិរី? យំ ហិរីយតិ ហិរិយិតព្ពេន, ហិរីយតិ បាបកានំ អកុសលានំ ធម្មានំ សមាបត្តិយា – អយំ វុច្ចតិ ហិរី.

១៣៣១. តត្ថ កតមំ ឱត្តប្បំ? យំ ឱត្តប្បតិ ឱត្តប្បិតព្ពេន, ឱត្តប្បតិ បាបកានំ អកុសលានំ ធម្មានំ សមាបត្តិយា – ឥទំ វុច្ចតិ ឱត្តប្បំ.

១៣៣២. តត្ថ កតមា ទោវចស្សតា? សហធម្មិកេ វុច្ចមានេ ទោវចស្សាយំ ទោវចស្សិយំ ទោវចស្សតា វិប្បដិកូលគ្គាហិតា វិបច្ចនីកសាតតា អនាទរិយំ អនាទរតា អគារវតា អប្បដិស្សវតា – អយំ វុច្ចតិ ទោវចស្សតា.

១៣៣៣. តត្ថ កតមា បាបមិត្តតា? យេ តេ បុគ្គលា អស្សទ្ធា ទុស្សីលា អប្បស្សុតា មច្ឆរិនោ ទុប្បញ្ញា, យា តេសំ សេវនា និសេវនា សំសេវនា ភជនា សម្ភជនា ភត្តិ សម្ភត្តិ តំសម្បវង្កតា – អយំ វុច្ចតិ បាបមិត្តតា.

១៣៣៤. តត្ថ ¶ កតមា សោវចស្សតា? សហធម្មិកេ វុច្ចមានេ សោវចស្សាយំ សោវចស្សិយំ សោវចស្សតា អប្បដិកូលគ្គាហិតា អវិបច្ចនីកសាតតា សគារវតា សាទរិយំ សាទរតា សប្បដិស្សវតា – អយំ វុច្ចតិ សោវចស្សតា.

១៣៣៥. តត្ថ កតមា កល្យាណមិត្តតា? យេ តេ បុគ្គលា សទ្ធា សីលវន្តោ ពហុស្សុតា ចាគវន្តោ បញ្ញវន្តោ, យា តេសំ សេវនា និសេវនា សំសេវនា ភជនា សម្ភជនា ភត្តិ សម្ភត្តិ តំសម្បវង្កតា – អយំ វុច្ចតិ កល្យាណមិត្តតា.

១៣៣៦. តត្ថ កតមា អាបត្តិកុសលតា? បញ្ចបិ អាបត្តិក្ខន្ធា អាបត្តិយោ, សត្តបិ អាបត្តិក្ខន្ធា អាបត្តិយោ. យា តាសំ អាបត្តីនំ អាបត្តិកុសលតា ¶ បញ្ញា បជាននា…បេ… អមោហោ ធម្មវិចយោ សម្មាទិដ្ឋិ – អយំ វុច្ចតិ អាបត្តិកុសលតា.

១៣៣៧. តត្ថ កតមា អាបត្តិវុដ្ឋានកុសលតា? យា តាហិ អាបត្តីហិ វុដ្ឋានកុសលតា បញ្ញា បជាននា…បេ… អមោហោ ធម្មវិចយោ សម្មាទិដ្ឋិ – អយំ វុច្ចតិ អាបត្តិវុដ្ឋានកុសលតា.

១៣៣៨. តត្ថ ¶ កតមា សមាបត្តិកុសលតា? អត្ថិ ¶ សវិតក្កសវិចារា សមាបត្តិ, អត្ថិ អវិតក្កវិចារមត្តា សមាបត្តិ, អត្ថិ អវិតក្កអវិចារា សមាបត្តិ. យា តាសំ សមាបត្តីនំ សមាបត្តិកុសលតា បញ្ញា បជាននា…បេ… អមោហោ ធម្មវិចយោ សម្មាទិដ្ឋិ – អយំ វុច្ចតិ សមាបត្តិកុសលតា.

១៣៣៩. តត្ថ កតមា សមាបត្តិវុដ្ឋានកុសលតា? យា តាហិ សមាបត្តីហិ វុដ្ឋានកុសលតា បញ្ញា បជាននា…បេ… អមោហោ ធម្មវិចយោ សម្មាទិដ្ឋិ – អយំ វុច្ចតិ សមាបត្តិវុដ្ឋានកុសលតា.

១៣៤០. តត្ថ កតមា ធាតុកុសលតា? អដ្ឋារស ធាតុយោ ចក្ខុធាតុ រូបធាតុ ចក្ខុវិញ្ញាណធាតុ, សោតធាតុ សទ្ទធាតុ សោតវិញ្ញាណធាតុ, ឃានធាតុ គន្ធធាតុ ឃានវិញ្ញាណធាតុ, ជិវ្ហាធាតុ រសធាតុ ជិវ្ហាវិញ្ញាណធាតុ, កាយធាតុ ផោដ្ឋព្ពធាតុ កាយវិញ្ញាណធាតុ, មនោធាតុ ធម្មធាតុ ¶ មនោវិញ្ញាណធាតុ. យា តាសំ ធាតូនំ ធាតុកុសលតា បញ្ញា បជាននា…បេ… អមោហោ ធម្មវិចយោ សម្មាទិដ្ឋិ – អយំ វុច្ចតិ ធាតុកុសលតា.

១៣៤១. តត្ថ កតមា មនសិការកុសលតា? យា តាសំ ធាតូនំ មនសិការកុសលតា បញ្ញា បជាននា…បេ… អមោហោ ធម្មវិចយោ ¶ សម្មាទិដ្ឋិ – អយំ វុច្ចតិ មនសិការកុសលតា.

១៣៤២. តត្ថ កតមា អាយតនកុសលតា? ទ្វាទសាយតនានិ – ចក្ខាយតនំ, រូបាយតនំ, សោតាយតនំ, សទ្ទាយតនំ, ឃានាយតនំ, គន្ធាយតនំ, ជិវ្ហាយតនំ, រសាយតនំ, កាយាយតនំ, ផោដ្ឋព្ពាយតនំ, មនាយតនំ, ធម្មាយតនំ. យា តេសំ អាយតនានំ អាយតនកុសលតា បញ្ញា បជាននា…បេ… អមោហោ ធម្មវិចយោ សម្មាទិដ្ឋិ – អយំ វុច្ចតិ អាយតនកុសលតា.

១៣៤៣. តត្ថ កតមា បដិច្ចសមុប្បាទកុសលតា? អវិជ្ជាបច្ចយា សង្ខារា, សង្ខារបច្ចយា វិញ្ញាណំ, វិញ្ញាណបច្ចយា នាមរូបំ, នាមរូបបច្ចយា សឡាយតនំ, សឡាយតនបច្ចយា ផស្សោ, ផស្សបច្ចយា វេទនា, វេទនាបច្ចយា តណ្ហា, តណ្ហាបច្ចយា ឧបាទានំ, ឧបាទានបច្ចយា ភវោ, ភវបច្ចយា ជាតិ, ជាតិបច្ចយា ជរាមរណំ សោកបរិទេវទុក្ខទោមនស្សុបាយាសា សម្ភវន្តិ; ឯវមេតស្ស ¶ កេវលស្ស ទុក្ខក្ខន្ធស្ស សមុទយោ ហោតីតិ. យា តត្ថ បញ្ញា បជាននា…បេ… អមោហោ ធម្មវិចយោ សម្មាទិដ្ឋិ – អយំ វុច្ចតិ បដិច្ចសមុប្បាទកុសលតា.

១៣៤៤. តត្ថ ¶ កតមា ឋានកុសលតា? យេ យេ ធម្មា យេសំ យេសំ ធម្មានំ ហេតូ បច្ចយា ឧប្បាទាយ [ឧបាទាយ (សី. ក.)] តំ តំ ឋានន្តិ, យា តត្ថ បញ្ញា បជាននា…បេ… អមោហោ ធម្មវិចយោ សម្មាទិដ្ឋិ – អយំ វុច្ចតិ ឋានកុសលតា.

១៣៤៥. តត្ថ កតមា អដ្ឋានកុសលតា? យេ យេ ធម្មា យេសំ យេសំ ធម្មានំ ន ហេតូ ន បច្ចយា ឧប្បាទាយ តំ តំ អដ្ឋានន្តិ, យា តត្ថ បញ្ញា បជាននា…បេ… អមោហោ ធម្មវិចយោ សម្មាទិដ្ឋិ ¶ – អយំ វុច្ចតិ អដ្ឋានកុសលតា.

១៣៤៦. តត្ថ ¶ កតមោ អជ្ជវោ? យា អជ្ជវតា អជិម្ហតា អវង្កតា អកុដិលតា – អយំ វុច្ចតិ អជ្ជវោ.

១៣៤៧. តត្ថ កតមោ មទ្ទវោ? យា មុទុតា មទ្ទវតា អកក្ខឡតា អកថិនតា នីចចិត្តតា – អយំ វុច្ចតិ មទ្ទវោ.

១៣៤៨. តត្ថ កតមា ខន្តិ? យា ខន្តិ ខមនតា អធិវាសនតា អចណ្ឌិក្កំ អនសុរោបោ អត្តមនតា ចិត្តស្ស – អយំ វុច្ចតិ ខន្តិ.

១៣៤៩. តត្ថ កតមំ សោរច្ចំ? យោ កាយិកោ អវីតិក្កមោ, វាចសិកោ អវីតិក្កមោ, កាយិកវាចសិកោ អវីតិក្កមោ – ឥទំ វុច្ចតិ សោរច្ចំ. សព្ពោបិ សីលសំវរោ សោរច្ចំ.

១៣៥០. តត្ថ កតមំ សាខល្យំ? យា សា វាចា អណ្ឌកា កក្កសា បរកដុកា បរាភិសជ្ជនី កោធសាមន្តា អសមាធិសំវត្តនិកា, តថារូបិំ វាចំ បហាយ យា សា វាចា នេឡា កណ្ណសុខា បេមនីយា ហទយង្គមា បោរី ពហុជនកន្តា ពហុជនមនាបា តថារូបិំ វាចំ ភាសិតា ហោតិ; យា តត្ថ សណ្ហវាចតា សខិលវាចតា អផរុសវាចតា – ឥទំ វុច្ចតិ សាខល្យំ.

១៣៥១. តត្ថ ¶ កតមោ បដិសន្ថារោ? ទ្វេ បដិសន្ថារា – អាមិសបដិសន្ថារោ ច ធម្មបដិសន្ថារោ ច. ឥធេកច្ចោ បដិសន្ថារកោ ហោតិ អាមិសបដិសន្ថារេន វា ធម្មបដិសន្ថារេន វា – អយំ វុច្ចតិ បដិសន្ថារោ.

១៣៥២. តត្ថ កតមា ឥន្ទ្រិយេសុ អគុត្តទ្វារតា? ឥធេកច្ចោ ចក្ខុនា ¶ រូបំ ទិស្វា និមិត្តគ្គាហី ហោតិ អនុព្យញ្ជនគ្គាហី. យត្វាធិករណមេនំ ចក្ខុន្ទ្រិយំ ¶ អសំវុតំ វិហរន្តំ អភិជ្ឈាទោមនស្សា បាបកា អកុសលា ធម្មា អន្វាស្សវេយ្យុំ, តស្ស សំវរាយ ន បដិបជ្ជតិ, ន រក្ខតិ ចក្ខុន្ទ្រិយំ, ចក្ខុន្ទ្រិយេ ន សំវរំ អាបជ្ជតិ. សោតេន សទ្ទំ សុត្វា…បេ… ឃានេន គន្ធំ ឃាយិត្វា…បេ… ជិវ្ហាយ រសំ សាយិត្វា…បេ… កាយេន ផោដ្ឋព្ពំ ផុសិត្វា…បេ… មនសា ធម្មំ វិញ្ញាយ និមិត្តគ្គាហី ហោតិ អនុព្យញ្ជនគ្គាហី. យត្វាធិករណមេនំ ¶ មនិន្ទ្រិយំ អសំវុតំ វិហរន្តំ អភិជ្ឈាទោមនស្សា បាបកា អកុសលា ធម្មា អន្វាស្សវេយ្យុំ, តស្ស សំវរាយ ន បដិបជ្ជតិ, ន រក្ខតិ មនិន្ទ្រិយំ, មនិន្ទ្រិយេ ន សំវរំ អាបជ្ជតិ. យា ឥមេសំ ឆន្នំ ឥន្ទ្រិយានំ អគុត្តិ អគោបនា អនារក្ខោ អសំវរោ – អយំ វុច្ចតិ ឥន្ទ្រិយេសុ អគុត្តទ្វារតា.

១៣៥៣. តត្ថ កតមា ភោជនេ អមត្តញ្ញុតា? ឥធេកច្ចោ អប្បដិសង្ខា អយោនិសោ អាហារំ អាហារេតិ ទវាយ មទាយ មណ្ឌនាយ វិភូសនាយ. យា តត្ថ អសន្តុដ្ឋិតា អមត្តញ្ញុតា អប្បដិសង្ខា ភោជនេ – អយំ វុច្ចតិ ភោជនេ អមត្តញ្ញុតា.

១៣៥៤. តត្ថ កតមា ឥន្ទ្រិយេសុ គុត្តទ្វារតា? ឥធេកច្ចោ ចក្ខុនា រូបំ ទិស្វា ន និមិត្តគ្គាហី ហោតិ ន អនុព្យញ្ជនគ្គាហី. យត្វាធិករណមេនំ ចក្ខុន្ទ្រិយំ អសំវុតំ វិហរន្តំ អភិជ្ឈាទោមនស្សា បាបកា អកុសលា ធម្មា អន្វាស្សវេយ្យុំ, តស្ស សំវរាយ បដិបជ្ជតិ, រក្ខតិ ចក្ខុន្ទ្រិយំ, ចក្ខុន្ទ្រិយេ សំវរំ អាបជ្ជតិ. សោតេន សទ្ទំ សុត្វា…បេ… ¶ ឃានេន គន្ធំ ឃាយិត្វា…បេ… ជិវ្ហាយ រសំ សាយិត្វា…បេ… កាយេន ផោដ្ឋព្ពំ ផុសិត្វា…បេ… មនសា ធម្មំ វិញ្ញាយ ន និមិត្តគ្គាហី ហោតិ នានុព្យញ្ជនគ្គាហី. យត្វាធិករណមេនំ មនិន្ទ្រិយំ អសំវុតំ វិហរន្តំ អភិជ្ឈាទោមនស្សា បាបកា អកុសលា ធម្មា អន្វាស្សវេយ្យុំ, តស្ស សំវរាយ បដិបជ្ជតិ, រក្ខតិ មនិន្ទ្រិយំ, មនិន្ទ្រិយេ សំវរំ អាបជ្ជតិ. យា ឥមេសំ ឆន្នំ ឥន្ទ្រិយានំ គុត្តិ គោបនា អារក្ខោ សំវរោ – អយំ វុច្ចតិ ឥន្ទ្រិយេសុ គុត្តទ្វារតា.

១៣៥៥. តត្ថ ¶ កតមា ភោជនេ មត្តញ្ញុតា? ឥធេកច្ចោ បដិសង្ខា យោនិសោ អាហារំ អាហារេតិ – នេវ ទវាយ ន មទាយ ន មណ្ឌនាយ ន វិភូសនាយ យាវទេវ ឥមស្ស កាយស្ស ឋិតិយា យាបនាយ វិហិំសូបរតិយា ព្រហ្មចរិយានុគ្គហាយ ¶ , ឥតិ បុរាណញ្ច វេទនំ បដិហង្ខាមិ, នវញ្ច វេទនំ ន ឧប្បាទេស្សាមិ, យាត្រា ច មេ ភវិស្សតិ អនវជ្ជតា ច ផាសុវិហារោ ចាតិ. យា តត្ថ សន្តុដ្ឋិតា មត្តញ្ញុតា បដិសង្ខា ភោជនេ – អយំ វុច្ចតិ ភោជនេ មត្តញ្ញុតា.

១៣៥៦. តត្ថ កតមំ មុដ្ឋសច្ចំ? យា អសតិ អននុស្សតិ អប្បដិស្សតិ អសតិ អសរណតា អធារណតា បិលាបនតា សម្មុសនតា – ឥទំ វុច្ចតិ មុដ្ឋសច្ចំ.

១៣៥៧. តត្ថ ¶ កតមំ អសម្បជញ្ញំ? យំ អញ្ញាណំ អទស្សនំ…បេ… អវិជ្ជាលង្គី មោហោ អកុសលមូលំ – ឥទំ វុច្ចតិ អសម្បជញ្ញំ.

១៣៥៨. តត្ថ កតមា សតិ? យា សតិ អនុស្សតិ បដិស្សតិ សតិ សរណតា ធារណតា អបិលាបនតា អសម្មុសនតា សតិ សតិន្ទ្រិយំ សតិពលំ ¶ សម្មាសតិ – អយំ វុច្ចតិ សតិ.

១៣៥៩. តត្ថ កតមំ សម្បជញ្ញំ? យា បញ្ញា បជាននា…បេ… អមោហោ ធម្មវិចយោ សម្មាទិដ្ឋិ – ឥទំ វុច្ចតិ សម្បជញ្ញំ.

១៣៦០. តត្ថ កតមំ បដិសង្ខានពលំ? យា បញ្ញា បជាននា…បេ… អមោហោ ធម្មវិចយោ សម្មាទិដ្ឋិ – ឥទំ វុច្ចតិ បដិសង្ខានពលំ.

១៣៦១. តត្ថ កតមំ ភាវនាពលំ? យា កុសលានំ ធម្មានំ អាសេវនា ភាវនា ពហុលីកម្មំ – ឥទំ វុច្ចតិ ភាវនាពលំ. សត្តបិ ពោជ្ឈង្គា ភាវនាពលំ.

១៣៦២. តត្ថ កតមោ សមថោ? យា ចិត្តស្ស ឋិតិ…បេ… សម្មាសមាធិ – អយំ វុច្ចតិ សមថោ.

១៣៦៣. តត្ថ កតមា វិបស្សនា? យា បញ្ញា បជាននា…បេ… អមោហោ ធម្មវិចយោ សម្មាទិដ្ឋិ – អយំ វុច្ចតិ វិបស្សនា.

១៣៦៤. តត្ថ ¶ កតមំ សមថនិមិត្តំ? យា ចិត្តស្ស ឋិតិ…បេ… សម្មាសមាធិ – ឥទំ វុច្ចតិ សមថនិមិត្តំ.

១៣៦៥. តត្ថ កតមំ បគ្គាហនិមិត្តំ? យោ ចេតសិកោ វីរិយារម្ភោ…បេ… សម្មាវាយាមោ – ឥទំ វុច្ចតិ បគ្គាហនិមិត្តំ.

១៣៦៦. តត្ថ ¶ កតមោ បគ្គាហោ? យោ ¶ ចេតសិកោ វីរិយារម្ភោ…បេ… សម្មាវាយាមោ – អយំ វុច្ចតិ បគ្គាហោ.

១៣៦៧. តត្ថ កតមោ អវិក្ខេបោ? យា ចិត្តស្ស ឋិតិ…បេ… សម្មាសមាធិ – អយំ វុច្ចតិ អវិក្ខេបោ.

១៣៦៨. តត្ថ កតមា សីលវិបត្តិ? យោ កាយិកោ វីតិក្កមោ, វាចសិកោ វីតិក្កមោ ¶ , កាយិកវាចសិកោ វីតិក្កមោ – អយំ វុច្ចតិ សីលវិបត្តិ. សព្ពម្បិ ទុស្សិល្យំ សីលវិបត្តិ.

១៣៦៩. តត្ថ កតមា ទិដ្ឋិវិបត្តិ? នត្ថិ ទិន្នំ, នត្ថិ យិដ្ឋំ, នត្ថិ ហុតំ, នត្ថិ សុកតទុក្កដានំ កម្មានំ ផលំ វិបាកោ, នត្ថិ អយំ លោកោ, នត្ថិ បរោ លោកោ, នត្ថិ មាតា, នត្ថិ បិតា, នត្ថិ សត្តា ឱបបាតិកា, នត្ថិ លោកេ សមណព្រាហ្មណា សម្មគ្គតា សម្មាបដិបន្នា យេ ឥមញ្ច លោកំ បរញ្ច លោកំ សយំ អភិញ្ញា សច្ឆិកត្វា បវេទេន្តីតិः យា ឯវរូបា ទិដ្ឋិ ទិដ្ឋិគតំ…បេ… វិបរិយាសគ្គាហោ – អយំ វុច្ចតិ ទិដ្ឋិវិបត្តិ. សព្ពាបិ មិច្ឆាទិដ្ឋិ ទិដ្ឋិវិបត្តិ.

១៣៧០. តត្ថ កតមា សីលសម្បទា? យោ កាយិកោ អវីតិក្កមោ, វាចសិកោ អវីតិក្កមោ, កាយិកវាចសិកោ អវីតិក្កមោ – អយំ វុច្ចតិ សីលសម្បទា. សព្ពោបិ សីលសំវរោ សីលសម្បទា.

១៣៧១. តត្ថ កតមា ទិដ្ឋិសម្បទា? អត្ថិ ទិន្នំ, អត្ថិ យិដ្ឋំ, អត្ថិ ហុតំ, អត្ថិ សុកតទុក្កដានំ កម្មានំ ផលំ វិបាកោ, អត្ថិ អយំ លោកោ, អត្ថិ បរោ លោកោ, អត្ថិ មាតា, អត្ថិ បិតា, អត្ថិ សត្តា ឱបបាតិកា, អត្ថិ លោកេ សមណព្រាហ្មណា សម្មគ្គតា សម្មាបដិបន្នា យេ ឥមញ្ច លោកំ បរញ្ច លោកំ សយំ អភិញ្ញា សច្ឆិកត្វា បវេទេន្តីតិः យា ឯវរូបា បញ្ញា បជាននា…បេ… អមោហោ ធម្មវិចយោ សម្មាទិដ្ឋិ – អយំ វុច្ចតិ ទិដ្ឋិសម្បទា. សព្ពាបិ សម្មាទិដ្ឋិ ទិដ្ឋិសម្បទា.

១៣៧២. តត្ថ ¶ ¶ កតមា សីលវិសុទ្ធិ? យោ កាយិកោ អវីតិក្កមោ, វាចសិកោ អវីតិក្កមោ, កាយិកវាចសិកោ អវីតិក្កមោ – អយំ វុច្ចតិ សីលវិសុទ្ធិ. សព្ពោបិ ¶ សីលសំវរោ សីលវិសុទ្ធិ.

១៣៧៣. តត្ថ កតមា ទិដ្ឋិវិសុទ្ធិ? កម្មស្សកតញាណំ សច្ចានុលោមិកញាណំ មគ្គសមង្គិស្ស ញាណំ ផលសមង្គិស្ស ញាណំ.

១៣៧៤. ទិដ្ឋិវិសុទ្ធិ ¶ ខោ បនាតិ – យា បញ្ញា បជាននា…បេ… អមោហោ ធម្មវិចយោ សម្មាទិដ្ឋិ.

១៣៧៥. យថាទិដ្ឋិស្ស ច បធានន្តិ – យោ ចេតសិកោ វីរិយារម្ភោ…បេ… សម្មាវាយាមោ.

១៣៧៦. សំវេគោតិ – ជាតិភយំ ជរាភយំ ព្យាធិភយំ មរណភយំ. សំវេជនិយំ [សំវេជនីយំ (សី.)] ឋានន្តិ – ជាតិ ជរា ព្យាធិ មរណំ.

១៣៧៧. សំវិគ្គស្ស ច យោនិសោ បធានន្តិ – ឥធ ភិក្ខុ អនុប្បន្នានំ បាបកានំ អកុសលានំ ធម្មានំ អនុប្បាទាយ ឆន្ទំ ជនេតិ វាយមតិ វីរិយំ អារភតិ ចិត្តំ បគ្គណ្ហាតិ បទហតិ, ឧប្បន្នានំ បាបកានំ អកុសលានំ ធម្មានំ បហានាយ ឆន្ទំ ជនេតិ វាយមតិ វីរិយំ អារភតិ ចិត្តំ បគ្គណ្ហាតិ បទហតិ, អនុប្បន្នានំ កុសលានំ ធម្មានំ ឧប្បាទាយ ឆន្ទំ ជនេតិ វាយមតិ វីរិយំ អារភតិ ចិត្តំ បគ្គណ្ហាតិ បទហតិ, ឧប្បន្នានំ កុសលានំ ធម្មានំ ឋិតិយា អសម្មោសាយ ភិយ្យោភាវាយ វេបុល្លាយ ភាវនាយ បារិបូរិយា ឆន្ទំ ជនេតិ វាយមតិ វីរិយំ អារភតិ ចិត្តំ បគ្គណ្ហាតិ បទហតិ.

១៣៧៨. អសន្តុដ្ឋិតា ច កុសលេសុ ធម្មេសូតិ – យា កុសលានំ ធម្មានំ ភាវនាយ អសន្តុដ្ឋស្ស ភិយ្យោកម្យតា.

១៣៧៩. អប្បដិវានិតា ច បធានស្មិន្តិ – យា កុសលានំ ធម្មានំ ភាវនាយ សក្កច្ចកិរិយតា ¶ សាតច្ចកិរិយតា អដ្ឋិតកិរិយតា អនោលីនវុត្តិតា អនិក្ខិត្តឆន្ទតា អនិក្ខិត្តធុរតា អាសេវនា ¶ ភាវនា ពហុលីកម្មំ.

១៣៨០. វិជ្ជាតិ ¶ – តិស្សោ វិជ្ជា – បុព្ពេនិវាសានុស្សតិ ញាណំ វិជ្ជា, សត្តានំ ចុតូបបាតេ ញាណំ វិជ្ជា, អាសវានំ ខយេ ញាណំ វិជ្ជា.

១៣៨១. វិមុត្តីតិ – ទ្វេ វិមុត្តិយោ – ចិត្តស្ស [ចិត្តស្ស ច (សី. ស្យា.)] អធិមុត្តិ, និព្ពានញ្ច.

១៣៨២. ខយេ ញាណន្តិ – មគ្គសមង្គិស្ស ញាណំ.

១៣៨៣. អនុប្បាទេ ញាណន្តិ – ផលសមង្គិស្ស ញាណំ.

១៣៨៤. កតមេ ¶ ¶ ¶ ធម្មា កុសលា? ចតូសុ ភូមីសុ កុសលំ – ឥមេ ធម្មា កុសលា.

១៣៨៥. កតមេ ធម្មា អកុសលា? ទ្វាទស អកុសលចិត្តុប្បាទា – ឥមេ ធម្មា អកុសលា.

១៣៨៦. កតមេ ធម្មា អព្យាកតា? ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, រូបញ្ច, និព្ពានញ្ច – ឥមេ ធម្មា អព្យាកតា.

១៣៨៧. កតមេ ¶ ធម្មា សុខាយ វេទនាយ សម្បយុត្តា? កាមាវចរកុសលតោ ចត្តារោ សោមនស្សសហគតចិត្តុប្បាទា, អកុសលតោ ចត្តារោ កាមាវចរកុសលស្ស វិបាកតោ ច កិរិយតោ ច បញ្ច, រូបាវចរតិកចតុក្កជ្ឈានា កុសលតោ ច វិបាកតោ ច កិរិយតោ ច, លោកុត្តរតិកចតុក្កជ្ឈានា កុសលតោ ច វិបាកតោ ច, ឯត្ថុប្បន្នំ សុខំ វេទនំ ឋបេត្វា – ឥមេ ធម្មា សុខាយ វេទនាយ សម្បយុត្តា.

១៣៨៨. កតមេ ធម្មា ទុក្ខាយ វេទនាយ សម្បយុត្តា? ទ្វេ ទោមនស្សសហគតចិត្តុប្បាទា, ទុក្ខសហគតំ កាយវិញ្ញាណំ, ឯត្ថុប្បន្នំ ទុក្ខំ វេទនំ ឋបេត្វា – ឥមេ ធម្មា ទុក្ខាយ វេទនាយ សម្បយុត្តា.

១៣៨៩. កតមេ ¶ ធម្មា អទុក្ខមសុខាយ វេទនាយ សម្បយុត្តា? កាមាវចរកុសលតោ ចត្តារោ ឧបេក្ខាសហគតចិត្តុប្បាទា, អកុសលតោ ឆ, កាមាវចរកុសលស្ស វិបាកតោ ទស, អកុសលស្ស វិបាកតោ ឆ, កិរិយតោ ឆ, រូបាវចរំ ចតុត្ថំ ឈានំ កុសលតោ ច វិបាកតោ ច កិរិយតោ ច, ចត្តារោ អរូបាវចរា កុសលតោ ច វិបាកតោ ច កិរិយតោ ច, លោកុត្តរំ ចតុត្ថំ ¶ ឈានំ កុសលតោ ច វិបាកតោ ច, ឯត្ថុប្បន្នំ អទុក្ខមសុខំ វេទនំ ឋបេត្វា – ឥមេ ធម្មា អទុក្ខមសុខាយ វេទនាយ សម្បយុត្តា. តិស្សោ ច វេទនា, រូបញ្ច, និព្ពានញ្ច – ឥមេ ¶ ធម្មា ន វត្តព្ពា សុខាយ វេទនាយ សម្បយុត្តាតិបិ, ទុក្ខាយ វេទនាយ សម្បយុត្តាតិបិ, យ វេទនាយ សម្បយុត្តាតិបិ.

១៣៩០. កតមេ ធម្មា វិបាកា? ចតូសុ ភូមីសុ វិបាកោ – ឥមេ ធម្មា វិបាកា.

១៣៩១. កតមេ ធម្មា វិបាកធម្មធម្មា? ចតូសុ ភូមីសុ កុសលំ អកុសលំ – ឥមេ ធម្មា វិបាកធម្មធម្មា.

១៣៩២. កតមេ ធម្មា នេវវិបាកនវិបាកធម្មធម្មា? តីសុ ភូមីសុ កិរិយាព្យាកតំ, រូបញ្ច, និព្ពានញ្ច – ឥមេ ធម្មា នេវវិបាកនវិបាកធម្មធម្មា.

១៣៩៣. កតមេ ¶ ធម្មា ឧបាទិណ្ណុបាទានិយា? តីសុ ភូមីសុ វិបាកោ, យញ្ច រូបំ កម្មស្ស កតត្តា – ឥមេ ធម្មា ឧបាទិណ្ណុបាទានិយា.

១៣៩៤. កតមេ ធម្មា អនុបាទិណ្ណុបាទានិយា? តីសុ ភូមីសុ កុសលំ, អកុសលំ, តីសុ ភូមីសុ កិរិយាព្យាកតំ ¶ , យញ្ច រូបំ ន កម្មស្ស កតត្តា – ឥមេ ធម្មា អនុបាទិណ្ណុបាទានិយា.

១៣៩៥. កតមេ ធម្មា អនុបាទិណ្ណអនុបាទានិយា? ចត្តារោ មគ្គា អបរិយាបន្នា, ចត្តារិ ច សាមញ្ញផលានិ, និព្ពានញ្ច – ឥមេ ធម្មា អនុបាទិណ្ណអនុបាទានិយា.

១៣៩៦. កតមេ ធម្មា សំកិលិដ្ឋសំកិលេសិកា? ទ្វាទសាកុសលចិត្តុប្បាទា – ឥមេ ធម្មា សំកិលិដ្ឋសំកិលេសិកា.

១៣៩៧. កតមេ ធម្មា អសំកិលិដ្ឋសំកិលេសិកា? តីសុ ភូមីសុ កុសលំ, តីសុ ភូមីសុ វិបាកោ, តីសុ ¶ ភូមីសុ កិរិយាព្យាកតំ, សព្ពញ្ច រូបំ – ឥមេ ធម្មា អសំកិលិដ្ឋសំកិលេសិកា.

១៣៩៨. កតមេ ធម្មា អសំកិលិដ្ឋអសំកិលេសិកា? ចត្តារោ មគ្គា អបរិយាបន្នា, ចត្តារិ ច សាមញ្ញផលានិ, និព្ពានញ្ច – ឥមេ ធម្មា អសំកិលិដ្ឋអសំកិលេសិកា.

១៣៩៩. កតមេ ធម្មា សវិតក្កសវិចារា? កាមាវចរំ កុសលំ, អកុសលំ, កាមាវចរកុសលស្ស វិបាកតោ ឯកាទស ចិត្តុប្បាទា, អកុសលស្ស វិបាកតោ ទ្វេ, កិរិយតោ ឯកាទស, រូបាវចរំ បឋមំ ឈានំ ¶ កុសលតោ ច វិបាកតោ ច កិរិយតោ ច, លោកុត្តរំ បឋមំ ឈានំ កុសលតោ ច វិបាកតោ ច, ឯត្ថុប្បន្នេ វិតក្កវិចារេ ឋបេត្វា – ឥមេ ធម្មា សវិតក្កសវិចារា.

១៤០០. កតមេ ធម្មា អវិតក្កវិចារមត្តា? រូបាវចរបញ្ចកនយេ ទុតិយំ ឈានំ កុសលតោ ច វិបាកតោ ច កិរិយតោ ច, លោកុត្តរបញ្ចកនយេ ទុតិយំ ឈានំ កុសលតោ ច វិបាកតោ ច, ឯត្ថុប្បន្នំ វិចារំ ឋបេត្វា, វិតក្កោ ច – ឥមេ ធម្មា អវិតក្កវិចារមត្តា.

១៤០១. កតមេ ធម្មា អវិតក្កអវិចារា? ទ្វេបញ្ចវិញ្ញាណានិ, រូបាវចរតិកតិកជ្ឈានា កុសលតោ ច វិបាកតោ ច កិរិយតោ ច, ចត្តារោ អារុប្បា កុសលតោ ច វិបាកតោ ច កិរិយតោ ច លោកុត្តរតិកតិកជ្ឈានា កុសលតោ ច វិបាកតោ ច បញ្ចកនយេ ទុតិយេ ឈានេ [ទុតិយជ្ឈានេ (សី.)], ឧប្បន្នោ ច វិចារោ រូបញ្ច និព្ពានញ្ច – ឥមេ ធម្មា អវិតក្កអវិចារា. វិតក្កសហជាតោ វិចារោ ន វត្តព្ពោ សវិតក្កសវិចារោតិបិ, អវិតក្កវិចារមត្តោតិបិ, អវិតក្កអវិចារោតិបិ.

១៤០២. កតមេ ¶ ធម្មា បីតិសហគតា? កាមាវចរកុសលតោ ចត្តារោ សោមនស្សសហគតចិត្តុប្បាទា ¶ ¶ , អកុសលតោ ចត្តារោ, កាមាវចរកុសលស្ស វិបាកតោ បញ្ច, កិរិយតោ បញ្ច, រូបាវចរទុកតិកជ្ឈានា កុសលតោ ច វិបាកតោ ច កិរិយតោ ច, លោកុត្តរទុកតិកជ្ឈានា កុសលតោ ច វិបាកតោ ច, ឯត្ថុប្បន្នំ បីតិំ ឋបេត្វា – ឥមេ ធម្មា បីតិសហគតា.

១៤០៣. កតមេ ធម្មា សុខសហគតា? កាមាវចរកុសលតោ ចត្តារោ សោមនស្សសហគតចិត្តុប្បាទា, អកុសលតោ ចត្តារោ, កាមាវចរកុសលស្ស វិបាកតោ ឆ, កិរិយតោ បញ្ច, រូបាវចរតិកចតុក្កជ្ឈានា កុសលតោ ច វិបាកតោ ច កិរិយតោ ច, លោកុត្តរតិកចតុក្កជ្ឈានា កុសលតោ ច វិបាកតោ ច, ឯត្ថុប្បន្នំ សុខំ ឋបេត្វា – ឥមេ ធម្មា សុខសហគតា.

១៤០៤. កតមេ ធម្មា ឧបេក្ខាសហគតា? កាមាវចរកុសលតោ ចត្តារោ ឧបេក្ខាសហគតចិត្តុប្បាទា, អកុសលតោ ឆ, កាមាវចរកុសលស្ស ¶ វិបាកតោ ទស, អកុសលស្ស វិបាកតោ ឆ, កិរិយតោ ឆ, រូបាវចរំ ចតុត្ថំ ឈានំ កុសលតោ ច វិបាកតោ ច កិរិយតោ ច, ចត្តារោ អារុប្បា កុសលតោ ច វិបាកតោ ច កិរិយតោ ច, លោកុត្តរំ ចតុត្ថំ ឈានំ កុសលតោ ច វិបាកតោ ច, ឯត្ថុប្បន្នំ ឧបេក្ខំ ឋបេត្វា – ឥមេ ធម្មា ឧបេក្ខាសហគតា. បីតិ ន បីតិសហគតា, សុខសហគតា, ន ឧបេក្ខាសហគតា. សុខំ ន សុខសហគតំ, សិយា បីតិសហគតំ, ន ឧបេក្ខាសហគតំ, សិយា ន វត្តព្ពំ បីតិសហគតន្តិ. ទ្វេ ទោមនស្សសហគតចិត្តុប្បាទា, ទុក្ខសហគតកាយវិញ្ញាណំ, យា ច វេទនា ឧបេក្ខា ¶ , រូបញ្ច និព្ពានញ្ច – ឥមេ ធម្មា ន វត្តព្ពា បីតិសហគតាតិបិ, សុខសហគតាតិបិ, ឧបេក្ខាសហគតាតិបិ.

១៤០៥. កតមេ ធម្មា ទស្សនេន បហាតព្ពា? ចត្តារោ ទិដ្ឋិគតសម្បយុត្តចិត្តុប្បាទា, វិចិកិច្ឆាសហគតោ ចិត្តុប្បាទោ – ឥមេ ធម្មា ទស្សនេន បហាតព្ពា.

១៤០៦. កតមេ ធម្មា ភាវនាយ បហាតព្ពា? ឧទ្ធច្ចសហគតោ ចិត្តុប្បាទោ – ឥមេ ធម្មា ភាវនាយ បហាតព្ពា. ចត្តារោ ទិដ្ឋិគតវិប្បយុត្តា លោភសហគតចិត្តុប្បាទា, ទ្វេ ទោមនស្សសហគតចិត្តុប្បាទា – ឥមេ ធម្មា សិយា ទស្សនេន បហាតព្ពា សិយា ភាវនាយ បហាតព្ពា.

១៤០៧. កតមេ ¶ ធម្មា នេវ ទស្សនេន ន ភាវនាយ បហាតព្ពា? ចតូសុ ¶ ភូមីសុ កុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, រូបញ្ច, និព្ពានញ្ច – ឥមេ ធម្មា នេវ ទស្សនេន ន ភាវនាយ បហាតព្ពា.

១៤០៨. កតមេ ធម្មា ទស្សនេន បហាតព្ពហេតុកា? ចត្តារោ ទិដ្ឋិគតសម្បយុត្តចិត្តុប្បាទា, វិចិកិច្ឆាសហគតោ ចិត្តុប្បាទោ, ឯត្ថុប្បន្នំ មោហំ ឋបេត្វា – ឥមេ ធម្មា ទស្សនេន បហាតព្ពហេតុកា.

១៤០៩. កតមេ ធម្មា ភាវនាយ បហាតព្ពហេតុកា? ឧទ្ធច្ចសហគតោ ចិត្តុប្បាទោ, ឯត្ថុប្បន្នំ មោហំ ឋបេត្វា – ឥមេ ធម្មា ភាវនាយ បហាតព្ពហេតុកា. ចត្តារោ ទិដ្ឋិគតវិប្បយុត្តា លោភសហគតចិត្តុប្បាទា, ទ្វេ ទោមនស្សសហគតចិត្តុប្បាទា – ឥមេ ធម្មា សិយា ទស្សនេន បហាតព្ពហេតុកា, សិយា ភាវនាយ បហាតព្ពហេតុកា.

១៤១០. កតមេ ¶ ធម្មា នេវ ទស្សនេន ន ¶ ភាវនាយ បហាតព្ពហេតុកា? វិចិកិច្ឆាសហគតោ មោហោ, ឧទ្ធច្ចសហគតោ មោហោ, ចតូសុ ភូមីសុ កុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, រូបញ្ច, និព្ពានញ្ច – ឥមេ ធម្មា នេវ ទស្សនេន ន ភាវនាយ បហាតព្ពហេតុកា.

១៤១១. កតមេ ធម្មា អាចយគាមិនោ? តីសុ ភូមីសុ កុសលំ, អកុសលំ – ឥមេ ធម្មា អាចយគាមិនោ.

១៤១២. កតមេ ធម្មា អបចយគាមិនោ? ចត្តារោ មគ្គា អបរិយាបន្នា – ឥមេ ធម្មា អបចយគាមិនោ.

១៤១៣. កតមេ ធម្មា នេវាចយគាមិនាបចយគាមិនោ? ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, រូបញ្ច, និព្ពានញ្ច – ឥមេ ធម្មា នេវាចយគាមិនាបចយគាមិនោ.

១៤១៤. កតមេ ¶ ធម្មា សេក្ខា? ចត្តារោ មគ្គា អបរិយាបន្នា, ហេដ្ឋិមានិ ច តីណិ សាមញ្ញផលានិ – ឥមេ ធម្មា សេក្ខា.

១៤១៥. កតមេ ធម្មា អសេក្ខា? ឧបរិដ្ឋិមំ អរហត្តផលំ – ឥមេ ធម្មា អសេក្ខា.

១៤១៦. កតមេ ធម្មា នេវសេក្ខនាសេក្ខា? តីសុ ភូមីសុ កុសលំ, អកុសលំ, តីសុ ភូមីសុ វិបាកោ, តីសុ ភូមីសុ កិរិយាព្យាកតំ, រូបញ្ច, និព្ពានញ្ច – ឥមេ ធម្មា នេវសេក្ខនាសេក្ខា.

១៤១៧. កតមេ ធម្មា បរិត្តា? កាមាវចរកុសលំ ¶ , អកុសលំ, សព្ពោ កាមាវចរស្ស វិបាកោ, កាមាវចរកិរិយាព្យាកតំ, សព្ពញ្ច រូបំ – ឥមេ ធម្មា បរិត្តា.

១៤១៨. កតមេ ធម្មា មហគ្គតា? រូបាវចរា, អរូបាវចរា, កុសលាព្យាកតា – ឥមេ ធម្មា មហគ្គតា.

១៤១៩. កតមេ ធម្មា អប្បមាណា? ចត្តារោ ¶ មគ្គា អបរិយាបន្នា, ចត្តារិ ច សាមញ្ញផលានិ, និព្ពានញ្ច – ឥមេ ធម្មា អប្បមាណា.

១៤២០. កតមេ ¶ ធម្មា បរិត្តារម្មណា? សព្ពោ កាមាវចរស្ស វិបាកោ, កិរិយាមនោធាតុ, កិរិយាហេតុកមនោវិញ្ញាណធាតុ សោមនស្សសហគតា – ឥមេ ធម្មា បរិត្តារម្មណា.

១៤២១. កតមេ ធម្មា មហគ្គតារម្មណា? វិញ្ញាណញ្ចាយតនំ, នេវសញ្ញានាសញ្ញាយតនំ – ឥមេ ធម្មា មហគ្គតារម្មណា.

១៤២២. កតមេ ធម្មា អប្បមាណារម្មណា? ចត្តារោ មគ្គា អបរិយាបន្នា, ចត្តារិ ច សាមញ្ញផលានិ – ឥមេ ធម្មា អប្បមាណារម្មណា. កាមាវចរកុសលតោ ចត្តារោ ញាណវិប្បយុត្តចិត្តុប្បាទា, កិរិយតោ ចត្តារោ ញាណវិប្បយុត្តចិត្តុប្បាទា, សព្ពំ អកុសលំ – ឥមេ ធម្មា សិយា បរិត្តារម្មណា, សិយា មហគ្គតារម្មណា, ន អប្បមាណារម្មណា, សិយា ន វត្តព្ពា បរិត្តារម្មណាតិបិ, មហគ្គតារម្មណាតិបិ. កាមាវចរកុសលតោ ចត្តារោ ញាណសម្បយុត្តចិត្តុប្បាទា, កិរិយតោ ចត្តារោ ញាណសម្បយុត្តចិត្តុប្បាទា, រូបាវចរំ ចតុត្ថំ ឈានំ កុសលតោ ច កិរិយតោ ច, កិរិយាហេតុកមនោវិញ្ញាណធាតុ ឧបេក្ខាសហគតា – ឥមេ ធម្មា សិយា បរិត្តារម្មណា, សិយា មហគ្គតារម្មណា, សិយា អប្បមាណារម្មណា, សិយា ន វត្តព្ពា បរិត្តារម្មណាតិបិ ¶ , មហគ្គតារម្មណាតិបិ, អប្បមាណារម្មណាតិបិ. រូបាវចរតិកចតុក្កជ្ឈានា កុសលតោ ច វិបាកតោ ច កិរិយតោ ច, ចតុត្ថស្ស ឈានស្ស វិបាកោ, អាកាសានញ្ចាយតនំ ¶ , អាកិញ្ចញ្ញាយតនំ – ឥមេ ធម្មា ន វត្តព្ពា បរិត្តារម្មណាតិបិ, មហគ្គតារម្មណាតិបិ, អប្បមាណារម្មណាតិបិ. រូបញ្ច និព្ពានញ្ច អនារម្មណា.

១៤២៣. កតមេ ធម្មា ហីនា? ទ្វាទស អកុសលចិត្តុប្បាទា – ឥមេ ធម្មា ហីនា.

១៤២៤. កតមេ ធម្មា មជ្ឈិមា? តីសុ ¶ ភូមីសុ កុសលំ, តីសុ ភូមីសុ វិបាកោ, តីសុ ភូមីសុ កិរិយាព្យាកតំ, សព្ពញ្ច រូបំ – ឥមេ ធម្មា មជ្ឈិមា.

១៤២៥. កតមេ ធម្មា បណីតា? ចត្តារោ មគ្គា អបរិយាបន្នា, ចត្តារិ ច សាមញ្ញផលានិ, និព្ពានញ្ច – ឥមេ ធម្មា បណីតា.

១៤២៦. កតមេ ធម្មា មិច្ឆត្តនិយតា? ចត្តារោ ទិដ្ឋិគតសម្បយុត្តចិត្តុប្បាទា, ទ្វេ ទោមនស្សសហគតចិត្តុប្បាទា – ឥមេ ធម្មា សិយា មិច្ឆត្តនិយតា, សិយា អនិយតា.

១៤២៧. កតមេ ¶ ធម្មា សម្មត្តនិយតា? ចត្តារោ មគ្គា អបរិយាបន្នា – ឥមេ ធម្មា សម្មត្តនិយតា.

១៤២៨. កតមេ ធម្មា អនិយតា? ចត្តារោ ទិដ្ឋិគតវិប្បយុត្តលោភសហគតចិត្តុប្បាទា, វិចិកិច្ឆាសហគតោ ចិត្តុប្បាទោ, ឧទ្ធច្ចសហគតោ ចិត្តុប្បាទោ, តីសុ ភូមីសុ កុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, រូបញ្ច, និព្ពានញ្ច – ឥមេ ធម្មា អនិយតា.

១៤២៩. កតមេ ¶ ធម្មា មគ្គារម្មណា? កាមាវចរកុសលតោ ចត្តារោ ញាណសម្បយុត្តចិត្តុប្បាទា, កិរិយតោ ចត្តារោ ញាណសម្បយុត្តចិត្តុប្បាទា – ឥមេ ធម្មា សិយា មគ្គារម្មណា, ន មគ្គហេតុកា; សិយា មគ្គាធិបតិនោ, សិយា ន វត្តព្ពា មគ្គារម្មណាតិបិ, មគ្គាធិបតិនោតិបិ ¶ . ចត្តារោ អរិយមគ្គា ន មគ្គារម្មណា, មគ្គហេតុកា; សិយា មគ្គាធិបតិនោ, សិយា ន វត្តព្ពា មគ្គាធិបតិនោតិ. រូបាវចរចតុត្ថំ ឈានំ កុសលតោ ច កិរិយតោ ច, កិរិយាហេតុកមនោវិញ្ញាណធាតុ ឧបេក្ខាសហគតា – ឥមេ ធម្មា សិយា មគ្គារម្មណា; ន មគ្គហេតុកា, ន មគ្គាធិបតិនោ; សិយា ន វត្តព្ពា មគ្គារម្មណាតិ. កាមាវចរកុសលតោ ចត្តារោ ញាណវិប្បយុត្តចិត្តុប្បាទា, សព្ពំ អកុសលំ, សព្ពោ កាមាវចរស្ស វិបាកោ, កិរិយតោ ឆ ចិត្តុប្បាទា, រូបាវចរតិកចតុក្កជ្ឈានា កុសលតោ ច វិបាកតោ ច កិរិយតោ ច, ចតុត្ថស្ស ឈានស្ស វិបាកោ, ចត្តារោ អារុប្បា កុសលតោ ច វិបាកតោ ច កិរិយតោ ច, ចត្តារិ ច សាមញ្ញផលានិ – ឥមេ ធម្មា ន វត្តព្ពា មគ្គារម្មណាតិបិ, មគ្គហេតុកាតិបិ, មគ្គាធិបតិនោតិបិ. រូបញ្ច និព្ពានញ្ច អនារម្មណា.

១៤៣០. កតមេ ធម្មា ឧប្បន្នា? ចតូសុ ភូមីសុ វិបាកោ, យញ្ច រូបំ កម្មស្ស កតត្តា – ឥមេ ¶ ធម្មា សិយា ឧប្បន្នា, សិយា ឧប្បាទិនោ; ន វត្តព្ពា អនុប្បន្នាតិ. ចតូសុ ភូមីសុ កុសលំ, អកុសលំ, តីសុ ភូមីសុ កិរិយាព្យាកតំ, យញ្ច រូបំ ន កម្មស្ស កតត្តា – ឥមេ ធម្មា សិយា ឧប្បន្នា, សិយា អនុប្បន្នា, ន វត្តព្ពា ឧប្បាទិនោតិ. និព្ពានំ ន វត្តព្ពំ ឧប្បន្នន្តិបិ, អនុប្បន្នន្តិបិ, ឧប្បាទិនោតិបិ.

១៤៣១. និព្ពានំ ឋបេត្វា សព្ពេ ធម្មា សិយា អតីតា, សិយា អនាគតា, សិយា បច្ចុប្បន្នា. និព្ពានំ ន វត្តព្ពំ អតីតន្តិបិ, អនាគតន្តិបិ ¶ , បច្ចុប្បន្នន្តិបិ.

១៤៣២. កតមេ ¶ ធម្មា អតីតារម្មណា? វិញ្ញាណញ្ចាយតនំ, នេវសញ្ញានាសញ្ញាយតនំ – ឥមេ ធម្មា អតីតារម្មណា.

១៤៣៣. និយោគា អនាគតារម្មណា នត្ថិ.

១៤៣៤. កតមេ ធម្មា បច្ចុប្បន្នារម្មណា? ទ្វេបញ្ចវិញ្ញាណានិ, តិស្សោ ច មនោធាតុយោ ¶ – ឥមេ ធម្មា បច្ចុប្បន្នារម្មណា. កាមាវចរកុសលស្ស វិបាកតោ ទស ចិត្តុប្បាទា, អកុសលស្ស វិបាកតោ មនោវិញ្ញាណធាតុ ឧបេក្ខាសហគតា, កិរិយាហេតុកមនោវិញ្ញាណធាតុ សោមនស្សសហគតា – ឥមេ ធម្មា សិយា អតីតារម្មណា, សិយា អនាគតារម្មណា, សិយា បច្ចុប្បន្នារម្មណា. កាមាវចរកុសលំ, អកុសលំ, កិរិយតោ នវ ចិត្តុប្បាទា, រូបាវចរំ ចតុត្ថំ ឈានំ កុសលតោ ច កិរិយតោ ច – ឥមេ ធម្មា សិយា អតីតារម្មណា, សិយា អនាគតារម្មណា, សិយា បច្ចុប្បន្នារម្មណា; សិយា ន វត្តព្ពា អតីតារម្មណាតិបិ, អនាគតារម្មណាតិបិ, បច្ចុប្បន្នារម្មណាតិបិ. រូបាវចរតិកចតុក្កជ្ឈានា កុសលតោ ច វិបាកតោ ច កិរិយតោ ច, ចតុត្ថស្ស ឈានស្ស វិបាកោ, អាកាសានញ្ចាយតនំ, អាកិញ្ចញ្ញាយតនំ, ចត្តារោ មគ្គា អបរិយាបន្នា, ចត្តារិ ច សាមញ្ញផលានិ – ឥមេ ធម្មា ន វត្តព្ពា អតីតារម្មណាតិបិ, អនាគតារម្មណាតិបិ, បច្ចុប្បន្នារម្មណាតិបិ. រូបញ្ច និព្ពានញ្ច អនារម្មណា.

១៤៣៥. អនិន្ទ្រិយពទ្ធរូបញ្ច និព្ពានញ្ច ឋបេត្វា, សព្ពេ ធម្មា សិយា អជ្ឈត្តា, សិយា ពហិទ្ធា, សិយា អជ្ឈត្តពហិទ្ធា. អនិន្ទ្រិយពទ្ធរូបញ្ច ¶ និព្ពានញ្ច ពហិទ្ធា.

១៤៣៦. កតមេ ធម្មា អជ្ឈត្តារម្មណា? វិញ្ញាណញ្ចាយតនំ, នេវសញ្ញានាសញ្ញាយតនំ – ឥមេ ធម្មា អជ្ឈត្តារម្មណា.

១៤៣៧. កតមេ ធម្មា ពហិទ្ធារម្មណា? រូបាវចរតិកចតុក្កជ្ឈានា ¶ កុសលតោ ច វិបាកតោ ច កិរិយតោ ច, ចតុត្ថស្ស ឈានស្ស វិបាកោ, អាកាសានញ្ចាយតនំ, ចត្តារោ មគ្គា អបរិយាបន្នា ចត្តារិ ច សាមញ្ញផលានិ – ឥមេ ធម្មា ពហិទ្ធារម្មណា. រូបំ ឋបេត្វា, សព្ពេវ កាមាវចរា កុសលាកុសលាព្យាកតា ធម្មា, រូបាវចរំ ចតុត្ថំ ឈានំ កុសលតោ ច កិរិយតោ ច – ឥមេ ធម្មា សិយា អជ្ឈត្តារម្មណា, សិយា ¶ ពហិទ្ធារម្មណា, សិយា អជ្ឈត្តពហិទ្ធារម្មណា. អាកិញ្ចញ្ញាយតនំ ន វត្តព្ពំ អជ្ឈត្តារម្មណន្តិបិ, ពហិទ្ធារម្មណន្តិបិ, អជ្ឈត្តពហិទ្ធារម្មណន្តិបិ. រូបញ្ច និព្ពានញ្ច អនារម្មណា.

១៤៣៨. កតមេ ធម្មា សនិទស្សនសប្បដិឃា? រូបាយតនំ – ឥមេ ធម្មា សនិទស្សនសប្បដិឃា.

១៤៣៩. កតមេ ¶ ធម្មា អនិទស្សនសប្បដិឃា? ចក្ខាយតនំ…បេ… ផោដ្ឋព្ពាយតនំ – ឥមេ ធម្មា អនិទស្សនសប្បដិឃា.

១៤៤០. កតមេ ធម្មា អនិទស្សនអប្បដិឃា? ចតូសុ ភូមីសុ កុសលំ, អកុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, យញ្ច រូបំ អនិទស្សនំ អប្បដិឃំ ធម្មាយតនបរិយាបន្នំ, និព្ពានញ្ច – ឥមេ ធម្មា អនិទស្សនអប្បដិឃា.

១៤៤១. កតមេ ¶ ធម្មា ហេតូ? តយោ កុសលហេតូ, តយោ អកុសលហេតូ, តយោ អព្យាកតហេតូ. អលោភោ កុសលហេតុ, អទោសោ កុសលហេតុ, ចតូសុ ភូមីសុ កុសលេសុ ឧប្បជ្ជន្តិ. អមោហោ កុសលហេតុ, កាមាវចរកុសលតោ ចត្តារោ ញាណវិប្បយុត្តេ ចិត្តុប្បាទេ ឋបេត្វា, ចតូសុ ភូមីសុ កុសលេសុ ឧប្បជ្ជតិ.

លោភោ អដ្ឋសុ លោភសហគតេសុ ចិត្តុប្បាទេសុ ឧប្បជ្ជតិ. ទោសោ ទ្វីសុ ទោមនស្សសហគតេសុ ចិត្តុប្បាទេសុ ឧប្បជ្ជតិ. មោហោ សព្ពាកុសលេសុ ឧប្បជ្ជតិ.

អលោភោ វិបាកហេតុ អទោសោ វិបាកហេតុ, កាមាវចរស្ស វិបាកតោ អហេតុកេ ចិត្តុប្បាទេ ឋបេត្វា, ចតូសុ ភូមីសុ វិបាកេសុ ឧប្បជ្ជន្តិ. អមោហោ វិបាកហេតុ, កាមាវចរស្ស វិបាកតោ អហេតុកេ ¶ ចិត្តុប្បាទេ ឋបេត្វា, ចត្តារោ ញាណវិប្បយុត្តេ ចិត្តុប្បាទេ ឋបេត្វា, ចតូសុ ភូមីសុ វិបាកេសុ ឧប្បជ្ជតិ.

អលោភោ ¶ កិរិយហេតុ អទោសោ កិរិយហេតុ, កាមាវចរកិរិយតោ អហេតុកេ ចិត្តុប្បាទេ ឋបេត្វា, តីសុ ភូមីសុ កិរិយេសុ ឧប្បជ្ជន្តិ ¶ . អមោហោ កិរិយហេតុ, កាមាវចរកិរិយតោ អហេតុកេ ចិត្តុប្បាទេ ឋបេត្វា, ចត្តារោ ញាណវិប្បយុត្តេ ចិត្តុប្បាទេ ឋបេត្វា, តីសុ ភូមីសុ កិរិយេសុ ឧប្បជ្ជតិ – ឥមេ ធម្មា ហេតូ.

១៤៤២. កតមេ ធម្មា ន ហេតូ? ឋបេត្វា ហេតូ, ចតូសុ ភូមីសុ កុសលំ, អកុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, រូបញ្ច, និព្ពានញ្ច – ឥមេ ធម្មា ន ហេតូ.

១៤៤៣. កតមេ ធម្មា សហេតុកា? វិចិកិច្ឆាសហគតំ ឧទ្ធច្ចសហគតំ មោហំ ឋបេត្វា អវសេសំ អកុសលំ, ចតូសុ ភូមីសុ កុសលំ, កាមាវចរស្ស ¶ វិបាកតោ អហេតុកេ ចិត្តុប្បាទេ ឋបេត្វា ចតូសុ ភូមីសុ វិបាកោ, កាមាវចរកិរិយតោ អហេតុកេ ចិត្តុប្បាទេ ឋបេត្វា តីសុ ភូមីសុ កិរិយាព្យាកតំ – ឥមេ ធម្មា សហេតុកា.

១៤៤៤. កតមេ ធម្មា អហេតុកា? វិចិកិច្ឆាសហគតោ មោហោ, ឧទ្ធច្ចសហគតោ មោហោ, ទ្វេបញ្ចវិញ្ញាណានិ, តិស្សោ ច មនោធាតុយោ, បញ្ច ច អហេតុកមនោវិញ្ញាណធាតុយោ, រូបញ្ច, និព្ពានញ្ច – ឥមេ ធម្មា អហេតុកា.

១៤៤៥. កតមេ ធម្មា ហេតុសម្បយុត្តា? វិចិកិច្ឆាសហគតំ ឧទ្ធច្ចសហគតំ មោហំ ឋបេត្វា អវសេសំ អកុសលំ, ចតូសុ ភូមីសុ កុសលំ, កាមាវចរស្ស វិបាកតោ អហេតុកេ ចិត្តុប្បាទេ ឋបេត្វា ចតូសុ ភូមីសុ វិបាកោ, កាមាវចរកិរិយតោ អហេតុកេ ចិត្តុប្បាទេ ឋបេត្វា តីសុ ភូមីសុ កិរិយាព្យាកតំ – ឥមេ ធម្មា ហេតុសម្បយុត្តា.

១៤៤៦. កតមេ ធម្មា ហេតុវិប្បយុត្តា? វិចិកិច្ឆាសហគតោ មោហោ, ឧទ្ធច្ចសហគតោ មោហោ, ទ្វេបញ្ចវិញ្ញាណានិ តិស្សោ ច មនោធាតុយោ បញ្ច ច អហេតុកមនោវិញ្ញាណធាតុយោ, រូបញ្ច, និព្ពានញ្ច – ឥមេ ធម្មា ហេតុវិប្បយុត្តា.

១៤៤៧. កតមេ ¶ ¶ ធម្មា ហេតូ ចេវ សហេតុកា ច? យត្ថ ទ្វេ តយោ ហេតូ ឯកតោ ឧប្បជ្ជន្តិ – ឥមេ ធម្មា ហេតូ ចេវ សហេតុកា ច.

១៤៤៨. កតមេ ធម្មា សហេតុកា ចេវ ន ច ហេតូ? ចតូសុ ភូមីសុ កុសលំ, អកុសលំ, កាមាវចរស្ស វិបាកតោ អហេតុកេ ចិត្តុប្បាទេ ឋបេត្វា ចតូសុ ភូមីសុ ¶ វិបាកោ, កាមាវចរកិរិយតោ អហេតុកេ ចិត្តុប្បាទេ ឋបេត្វា តីសុ ភូមីសុ កិរិយាព្យាកតំ, ឯត្ថុប្បន្នេ ហេតូ ឋបេត្វា – ឥមេ ធម្មា សហេតុកា ចេវ ន ច ហេតូ. អហេតុកា ធម្មា ន វត្តព្ពា – ហេតូ ចេវ សហេតុកា ចាតិបិ, សហេតុកា ចេវ ន ច ហេតូតិបិ.

១៤៤៩. កតមេ ¶ ធម្មា ហេតូ ចេវ ហេតុសម្បយុត្តា ច? យត្ថ ទ្វេ តយោ ហេតូ ឯកតោ ឧប្បជ្ជន្តិ – ឥមេ ធម្មា ហេតូ ចេវ ហេតុសម្បយុត្តា ច.

១៤៥០. កតមេ ធម្មា ហេតុសម្បយុត្តា ចេវ ន ច ហេតូ? ចតូសុ ភូមីសុ កុសលំ, អកុសលំ, កាមាវចរស្ស វិបាកតោ អហេតុកេ ចិត្តុប្បាទេ ឋបេត្វា ចតូសុ ភូមីសុ វិបាកោ, កាមាវចរកិរិយតោ អហេតុកេ ចិត្តុប្បាទេ ឋបេត្វា តីសុ ភូមីសុ កិរិយាព្យាកតំ, ឯត្ថុប្បន្នេ ហេតូ ឋបេត្វា – ឥមេ ធម្មា ហេតុសម្បយុត្តា ចេវ ន ច ហេតូ. ហេតុវិប្បយុត្តា ធម្មា ន វត្តព្ពា – ហេតូ ចេវ ហេតុសម្បយុត្តា ចាតិបិ, ហេតុសម្បយុត្តា ចេវ ន ច ហេតូតិបិ.

១៤៥១. កតមេ ធម្មា ន ហេតូ សហេតុកា? ចតូសុ ភូមីសុ កុសលំ, អកុសលំ, កាមាវចរស្ស វិបាកតោ អហេតុកេ ចិត្តុប្បាទេ ឋបេត្វា ចតូសុ ភូមីសុ វិបាកោ, កាមាវចរកិរិយតោ អហេតុកេ ចិត្តុប្បាទេ ឋបេត្វា តីសុ ភូមីសុ កិរិយាព្យាកតំ, ឯត្ថុប្បន្នេ ហេតូ ឋបេត្វា – ឥមេ ធម្មា ន ហេតូ សហេតុកា.

១៤៥២. កតមេ ធម្មា ន ហេតូ អហេតុកា? ទ្វេបញ្ចវិញ្ញាណានិ, តិស្សោ ច មនោធាតុយោ, បញ្ច ច អហេតុកមនោវិញ្ញាណធាតុយោ, រូបញ្ច, និព្ពានញ្ច – ឥមេ ធម្មា ន ហេតូ អហេតុកា ¶ . ហេតូ ធម្មា ន វត្តព្ពា – ន ហេតូ សហេតុកាតិបិ, ន ហេតូ អហេតុកាតិបិ.

១៤៥៣. កតមេ ¶ ¶ ធម្មា សប្បច្ចយា? ចតូសុ ភូមីសុ កុសលំ, អកុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, សព្ពញ្ច រូបំ – ឥមេ ធម្មា សប្បច្ចយា.

១៤៥៤. កតមេ ធម្មា អប្បច្ចយា? និព្ពានំ – ឥមេ ធម្មា អប្បច្ចយា.

១៤៥៥. កតមេ ធម្មា សង្ខតា? ចតូសុ ភូមីសុ កុសលំ, អកុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, សព្ពញ្ច រូបំ – ឥមេ ធម្មា សង្ខតា.

១៤៥៦. កតមេ ធម្មា អសង្ខតា? និព្ពានំ – ឥមេ ធម្មា អសង្ខតា.

១៤៥៧. កតមេ ធម្មា សនិទស្សនា? រូបាយតនំ – ឥមេ ធម្មា សនិទស្សនា.

១៤៥៨. កតមេ ធម្មា អនិទស្សនា? ចក្ខាយតនំ ¶ …បេ… ផោដ្ឋព្ពាយតនំ, ចតូសុ ភូមីសុ កុសលំ, អកុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, យញ្ច រូបំ អនិទស្សនំ អប្បដិឃំ ធម្មាយតនបរិយាបន្នំ, និព្ពានញ្ច – ឥមេ ធម្មា អនិទស្សនា.

១៤៥៩. កតមេ ធម្មា សប្បដិឃា? ចក្ខាយតនំ…បេ… ផោដ្ឋព្ពាយតនំ – ឥមេ ធម្មា សប្បដិឃា.

១៤៦០. កតមេ ធម្មា អប្បដិឃា? ចតូសុ ភូមីសុ កុសលំ, អកុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, យញ្ច រូបំ អនិទស្សនំ អប្បដិឃំ ធម្មាយតនបរិយាបន្នំ, និព្ពានញ្ច ¶ – ឥមេ ធម្មា អប្បដិឃា.

១៤៦១. កតមេ ធម្មា រូបិនោ? ចត្តារោ ច មហាភូតា, ចតុន្នញ្ច មហាភូតានំ ឧបាទាយ រូបំ – ឥមេ ធម្មា រូបិនោ.

១៤៦២. កតមេ ¶ ធម្មា អរូបិនោ? ចតូសុ ភូមីសុ កុសលំ, អកុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, និព្ពានញ្ច – ឥមេ ធម្មា អរូបិនោ.

១៤៦៣. កតមេ ¶ ធម្មា លោកិយា? តីសុ ភូមីសុ កុសលំ, អកុសលំ, តីសុ ភូមីសុ វិបាកោ, តីសុ ភូមីសុ កិរិយាព្យាកតំ, សព្ពញ្ច រូបំ – ឥមេ ធម្មា លោកិយា.

១៤៦៤. កតមេ ធម្មា លោកុត្តរា? ចត្តារោ មគ្គា អបរិយាបន្នា, ចត្តារិ ច សាមញ្ញផលានិ, និព្ពានញ្ច – ឥមេ ធម្មា លោកុត្តរា. សព្ពេ [សព្ពេវ (ស្យា.)] ធម្មា កេនចិ វិញ្ញេយ្យា, កេនចិ ន វិញ្ញេយ្យា.

១៤៦៥. កតមេ ធម្មា អាសវា? ចត្តារោ អាសវា – កាមាសវោ, ភវាសវោ, ទិដ្ឋាសវោ, អវិជ្ជាសវោ. កាមាសវោ អដ្ឋសុ លោភសហគតេសុ ចិត្តុប្បាទេសុ ឧប្បជ្ជតិ ភវាសវោ ចតូសុ ទិដ្ឋិគតវិប្បយុត្តលោភសហគតេសុ ចិត្តុប្បាទេសុ ឧប្បជ្ជតិ ទិដ្ឋាសវោ ចតូសុ ទិដ្ឋិគតសម្បយុត្តេសុ ចិត្តុប្បាទេសុ ឧប្បជ្ជតិ. អវិជ្ជាសវោ សព្ពាកុសលេសុ ឧប្បជ្ជតិ – ឥមេ ធម្មា អាសវា.

១៤៦៦. កតមេ ធម្មា នោ អាសវា? ឋបេត្វា អាសវេ អវសេសំ អកុសលំ, ចតូសុ ភូមីសុ កុសលំ ¶ , ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, រូបញ្ច, និព្ពានញ្ច – ឥមេ ¶ ធម្មា នោ អាសវា.

១៤៦៧. កតមេ ធម្មា សាសវា? តីសុ ភូមីសុ កុសលំ, អកុសលំ, តីសុ ភូមីសុ វិបាកោ, តីសុ ភូមីសុ កិរិយាព្យាកតំ, សព្ពញ្ច រូបំ – ឥមេ ធម្មា សាសវា.

១៤៦៨. កតមេ ធម្មា អនាសវា? ចត្តារោ មគ្គា អបរិយាបន្នា, ចត្តារិ ច សាមញ្ញផលានិ, និព្ពានញ្ច – ឥមេ ធម្មា អនាសវា.

១៤៦៩. កតមេ ¶ ធម្មា អាសវសម្បយុត្តា? ទ្វេ ទោមនស្សសហគតចិត្តុប្បាទា ឯត្ថុប្បន្នំ មោហំ ឋបេត្វា, វិចិកិច្ឆាសហគតំ ឧទ្ធច្ចសហគតំ មោហំ ឋបេត្វា, អវសេសំ អកុសលំ – ឥមេ ធម្មា អាសវសម្បយុត្តា.

១៤៧០. កតមេ ¶ ធម្មា អាសវវិប្បយុត្តា? ទ្វីសុ ទោមនស្សសហគតេសុ ចិត្តុប្បាទេសុ ឧប្បន្នោ មោហោ, វិចិកិច្ឆាសហគតោ មោហោ, ឧទ្ធច្ចសហគតោ មោហោ, ចតូសុ ភូមីសុ កុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, រូបញ្ច, និព្ពានញ្ច – ឥមេ ធម្មា អាសវវិប្បយុត្តា.

១៤៧១. កតមេ ធម្មា អាសវា ចេវ សាសវា ច? តេវ អាសវា អាសវា ចេវ សាសវា ច.

១៤៧២. កតមេ ធម្មា សាសវា ចេវ នោ ច អាសវា? ឋបេត្វា អាសវេ, អវសេសំ អកុសលំ, តីសុ ភូមីសុ កុសលំ, តីសុ ភូមីសុ វិបាកោ, តីសុ ភូមីសុ កិរិយាព្យាកតំ, សព្ពញ្ច រូបំ – ឥមេ ធម្មា សាសវា ចេវ នោ ច អាសវា. អនាសវា ធម្មា ន វត្តព្ពា – អាសវា ចេវ សាសវា ចាតិបិ, សាសវា ចេវ នោ ច អាសវាតិបិ.

១៤៧៣. កតមេ ¶ ធម្មា អាសវា ចេវ អាសវសម្បយុត្តា ច? យត្ថ ទ្វេ តយោ អាសវា ឯកតោ ឧប្បជ្ជន្តិ – ឥមេ ធម្មា អាសវា ចេវ អាសវសម្បយុត្តា ច.

១៤៧៤. កតមេ ធម្មា អាសវសម្បយុត្តា ចេវ នោ ច អាសវា? ឋបេត្វា អាសវេ, អវសេសំ អកុសលំ – ឥមេ ធម្មា អាសវសម្បយុត្តា ចេវ នោ ច អាសវា. អាសវវិប្បយុត្តា ធម្មា ន វត្តព្ពា – អាសវា ចេវ អាសវសម្បយុត្តា ចាតិបិ, អាសវសម្បយុត្តា ចេវ នោ ច អាសវាតិបិ.

១៤៧៥. កតមេ ធម្មា អាសវវិប្បយុត្តា សាសវា? ទ្វីសុ ទោមនស្សសហគតេសុ ចិត្តុប្បាទេសុ ឧប្បន្នោ មោហោ, វិចិកិច្ឆាសហគតោ មោហោ, ឧទ្ធច្ចសហគតោ មោហោ, តីសុ ភូមីសុ ¶ ¶ កុសលំ, តីសុ ភូមីសុ វិបាកោ, តីសុ ភូមីសុ កិរិយាព្យាកតំ, សព្ពញ្ច រូបំ – ឥមេ ធម្មា អាសវវិប្បយុត្តា សាសវា.

១៤៧៦. កតមេ ធម្មា អាសវវិប្បយុត្តា អនាសវា? ចត្តារោ មគ្គា អបរិយាបន្នា, ចត្តារិ ច សាមញ្ញផលានិ, និព្ពានញ្ច – ឥមេ ធម្មា អាសវវិប្បយុត្តា អនាសវា. អាសវសម្បយុត្តា ធម្មា ន វត្តព្ពា – អាសវវិប្បយុត្តា សាសវាតិបិ, អាសវវិប្បយុត្តា អនាសវាតិបិ.

១៤៧៧. កតមេ ¶ ធម្មា សំយោជនា? ទស សំយោជនានិ – កាមរាគសំយោជនំ, បដិឃសំយោជនំ, មានសំយោជនំ, ទិដ្ឋិសំយោជនំ, វិចិកិច្ឆាសំយោជនំ, សីលព្ពតបរាមាសសំយោជនំ, ភវរាគសំយោជនំ, ឥស្សាសំយោជនំ, មច្ឆរិយសំយោជនំ, អវិជ្ជាសំយោជនំ. កាមរាគសំយោជនំ អដ្ឋសុ ¶ លោភសហគតេសុ ចិត្តុប្បាទេសុ ឧប្បជ្ជតិ. បដិឃសំយោជនំ ទ្វីសុ ទោមនស្សសហគតេសុ ចិត្តុប្បាទេសុ ឧប្បជ្ជតិ. មានសំយោជនំ ចតូសុ ទិដ្ឋិគតវិប្បយុត្តលោភសហគតេសុ ចិត្តុប្បាទេសុ ឧប្បជ្ជតិ. ទិដ្ឋិសំយោជនំ ចតូសុ ទិដ្ឋិគតសម្បយុត្តេសុ ចិត្តុប្បាទេសុ ឧប្បជ្ជតិ. វិចិកិច្ឆាសំយោជនំ វិចិកិច្ឆាសហគតេសុ ចិត្តុប្បាទេសុ ឧប្បជ្ជតិ. សីលព្ពតបរាមាសសំយោជនំ ចតូសុ ទិដ្ឋិគតសម្បយុត្តេសុ ចិត្តុប្បាទេសុ ឧប្បជ្ជតិ. ភវរាគសំយោជនំ ចតូសុ ទិដ្ឋិគតវិប្បយុត្តលោភសហគតេសុ ចិត្តុប្បាទេសុ ឧប្បជ្ជតិ. ឥស្សាសំយោជនញ្ច មច្ឆរិយសំយោជនញ្ច ទ្វីសុ ទោមនស្សសហគតេសុ ចិត្តុប្បាទេសុ ឧប្បជ្ជន្តិ. អវិជ្ជាសំយោជនំ សព្ពាកុសលេសុ ឧប្បជ្ជតិ – ឥមេ ធម្មា សំយោជនា.

១៤៧៨. កតមេ ធម្មា នោ សំយោជនា. ឋបេត្វា សំយោជនេ អវសេសំ អកុសលំ, ចតូសុ ភូមីសុ កុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, រូបញ្ច, និព្ពានញ្ច – ឥមេ ធម្មា នោ សំយោជនា.

១៤៧៩. កតមេ ធម្មា សំយោជនិយា? តីសុ ភូមីសុ កុសលំ, អកុសលំ, តីសុ ភូមីសុ វិបាកោ, តីសុ ភូមីសុ កិរិយាព្យាកតំ, សព្ពញ្ច រូបំ – ឥមេ ធម្មា សំយោជនិយា.

១៤៨០. កតមេ ¶ ធម្មា អសំយោជនិយា? ចត្តារោ មគ្គា អបរិយាបន្នា, ចត្តារិ ច សាមញ្ញផលានិ, និព្ពានញ្ច – ឥមេ ធម្មា អសំយោជនិយា.

១៤៨១. កតមេ ធម្មា សំយោជនសម្បយុត្តា? ឧទ្ធច្ចសហគតំ ¶ មោហំ ឋបេត្វា អវសេសំ អកុសលំ – ឥមេ ធម្មា សំយោជនសម្បយុត្តា.

១៤៨២. កតមេ ¶ ធម្មា សំយោជនវិប្បយុត្តា? ឧទ្ធច្ចសហគតោ មោហោ, ចតូសុ ភូមីសុ កុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, រូបញ្ច, និព្ពានញ្ច – ឥមេ ធម្មា សំយោជនវិប្បយុត្តា.

១៤៨៣. កតមេ ធម្មា សំយោជនា ចេវ សំយោជនិយា ច? តានេវ សំយោជនានិ សំយោជនា ចេវ សំយោជនិយា ច.

១៤៨៤. កតមេ ¶ ធម្មា សំយោជនិយា ចេវ នោ ច សំយោជនា? ឋបេត្វា សំយោជនេ អវសេសំ អកុសលំ, តីសុ ភូមីសុ កុសលំ, តីសុ ភូមីសុ វិបាកោ, តីសុ ភូមីសុ កិរិយាព្យាកតំ, សព្ពញ្ច រូបំ – ឥមេ ធម្មា សំយោជនិយា ចេវ នោ ច សំយោជនា. អសំយោជនិយា ធម្មា ន វត្តព្ពា – សំយោជនា ចេវ សំយោជនិយា ចាតិបិ, សំយោជនិយា ចេវ នោ ច សំយោជនាតិបិ.

១៤៨៥. កតមេ ធម្មា សំយោជនា ចេវ សំយោជនសម្បយុត្តា ច? យត្ថ ទ្វេ តីណិ សំយោជនានិ ឯកតោ ឧប្បជ្ជន្តិ – ឥមេ ធម្មា សំយោជនា ចេវ សំយោជនសម្បយុត្តា ច.

១៤៨៦. កតមេ ធម្មា សំយោជនសម្បយុត្តា ចេវ នោ ច សំយោជនា? ឋបេត្វា សំយោជនេ, អវសេសំ អកុសលំ – ឥមេ ធម្មា សំយោជនសម្បយុត្តា ចេវ នោ ច សំយោជនា. សំយោជនវិប្បយុត្តា ធម្មា ន វត្តព្ពា – សំយោជនា ចេវ សំយោជនសម្បយុត្តា ចាតិបិ, សំយោជនសម្បយុត្តា ចេវ នោ ច សំយោជនាតិបិ.

១៤៨៧. កតមេ ធម្មា សំយោជនវិប្បយុត្តា សំយោជនិយា? ឧទ្ធច្ចសហគតោ មោហោ, តីសុ ភូមីសុ ¶ កុសលំ, តីសុ ភូមីសុ វិបាកោ, តីសុ ¶ ភូមីសុ កិរិយាព្យាកតំ, សព្ពញ្ច រូបំ – ឥមេ ធម្មា សំយោជនវិប្បយុត្តា សំយោជនិយា.

១៤៨៨. កតមេ ធម្មា សំយោជនវិប្បយុត្តា អសំយោជនិយា? ចត្តារោ មគ្គា អបរិយាបន្នា, ចត្តារិ ច សាមញ្ញផលានិ, និព្ពានញ្ច – ឥមេ ធម្មា សំយោជនវិប្បយុត្តា អសំយោជនិយា. សំយោជនសម្បយុត្តា ធម្មា ន វត្តព្ពា – សំយោជនវិប្បយុត្តា សំយោជនិយាតិបិ, សំយោជនវិប្បយុត្តា អសំយោជនិយាតិបិ.

១៤៨៩. កតមេ ធម្មា គន្ថា? ចត្តារោ ¶ គន្ថា – អភិជ្ឈាកាយគន្ថោ, ព្យាបាទោ កាយគន្ថោ, សីលព្ពតបរាមាសោ កាយគន្ថោ, ឥទំសច្ចាភិនិវេសោ កាយគន្ថោ. អភិជ្ឈាកាយគន្ថោ អដ្ឋសុ លោភសហគតេសុ ¶ ចិត្តុប្បាទេសុ ឧប្បជ្ជតិ. ព្យាបាទោ កាយគន្ថោ ទ្វីសុ ទោមនស្សសហគតេសុ ចិត្តុប្បាទេសុ ឧប្បជ្ជតិ. សីលព្ពតបរាមាសោ កាយគន្ថោ ច ឥទំសច្ចាភិនិវេសោ កាយគន្ថោ ច ចតូសុ ទិដ្ឋិគតសម្បយុត្តេសុ ចិត្តុប្បាទេសុ ឧប្បជ្ជន្តិ – ឥមេ ធម្មា គន្ថា.

១៤៩០. កតមេ ធម្មា នោ គន្ថា? ឋបេត្វា គន្ថេ, អវសេសំ អកុសលំ, ចតូសុ ភូមីសុ កុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, រូបញ្ច, និព្ពានញ្ច – ឥមេ ធម្មា នោ គន្ថា.

១៤៩១. កតមេ ធម្មា គន្ថនិយា? តីសុ ភូមីសុ កុសលំ, អកុសលំ, តីសុ ភូមីសុ វិបាកោ, តីសុ ភូមីសុ កិរិយាព្យាកតំ, សព្ពញ្ច រូបំ – ឥមេ ធម្មា គន្ថនិយា.

១៤៩២. កតមេ ធម្មា អគន្ថនិយា? ចត្តារោ មគ្គា ¶ អបរិយាបន្នា, ចត្តារិ ច សាមញ្ញផលានិ, និព្ពានញ្ច – ឥមេ ធម្មា អគន្ថនិយា.

១៤៩៣. កតមេ ធម្មា គន្ថសម្បយុត្តា? ចត្តារោ ទិដ្ឋិគតសម្បយុត្តចិត្តុប្បាទា ¶ , ចត្តារោ ទិដ្ឋិគតវិប្បយុត្តលោភសហគតចិត្តុប្បាទា, ឯត្ថុប្បន្នំ លោភំ ឋបេត្វា, ទ្វេ ទោមនស្សសហគតចិត្តុប្បាទា, ឯត្ថុប្បន្នំ បដិឃំ ឋបេត្វា – ឥមេ ធម្មា គន្ថសម្បយុត្តា.

១៤៩៤. កតមេ ធម្មា គន្ថវិប្បយុត្តា? ចតូសុ ទិដ្ឋិគតវិប្បយុត្តលោភសហគតេសុ ចិត្តុប្បាទេសុ ឧប្បន្នោ លោភោ, ទ្វីសុ ទោមនស្សសហគតេសុ ចិត្តុប្បាទេសុ ឧប្បន្នំ បដិឃំ, វិចិកិច្ឆាសហគតោ ចិត្តុប្បាទោ, ឧទ្ធច្ចសហគតោ ចិត្តុប្បាទោ, ចតូសុ ភូមីសុ កុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, រូបញ្ច, និព្ពានញ្ច – ឥមេ ធម្មា គន្ថវិប្បយុត្តា.

១៤៩៥. កតមេ ធម្មា គន្ថា ចេវ គន្ថនិយា ច? តេវ គន្ថា គន្ថា ចេវ គន្ថនិយា ច.

១៤៩៦. កតមេ ធម្មា គន្ថនិយា ចេវ នោ ច គន្ថា? ឋបេត្វា គន្ថេ អវសេសំ អកុសលំ, តីសុ ភូមីសុ កុសលំ, តីសុ ភូមីសុ វិបាកោ, តីសុ ភូមីសុ កិរិយាព្យាកតំ, សព្ពញ្ច រូបំ – ឥមេ ធម្មា គន្ថនិយា ចេវ នោ ច គន្ថា. អគន្ថនិយា ¶ ធម្មា ន វត្តព្ពា – គន្ថា ចេវ គន្ថនិយា ចាតិបិ, គន្ថនិយា ចេវ នោ ច គន្ថាតិបិ.

១៤៩៧. កតមេ ¶ ធម្មា គន្ថា ចេវ គន្ថសម្បយុត្តា ច? យត្ថ ទិដ្ឋិ ច លោភោ ច ឯកតោ ឧប្បជ្ជន្តិ – ឥមេ ធម្មា គន្ថា ចេវ គន្ថសម្បយុត្តា ¶ ច.

១៤៩៨. កតមេ ធម្មា គន្ថសម្បយុត្តា ចេវ នោ ច គន្ថា? អដ្ឋ លោភសហគតចិត្តុប្បាទា ទ្វេ ទោមនស្សសហគតចិត្តុប្បាទា, ឯត្ថុប្បន្នេ គន្ថេ ឋបេត្វា – ឥមេ ធម្មា គន្ថសម្បយុត្តា ចេវ នោ ច គន្ថា. គន្ថវិប្បយុត្តា ធម្មា ន វត្តព្ពា – គន្ថា ចេវ គន្ថសម្បយុត្តា ចាតិបិ, គន្ថសម្បយុត្តា ចេវ នោ ច គន្ថាតិបិ.

១៤៩៩. កតមេ ធម្មា គន្ថវិប្បយុត្តា គន្ថនិយា? ចតូសុ ទិដ្ឋិគតវិប្បយុត្តលោភសហគតេសុ ចិត្តុប្បាទេសុ ឧប្បន្នោ លោភោ, ទ្វីសុ ទោមនស្សសហគតេសុ ចិត្តុប្បាទេសុ ឧប្បន្នំ បដិឃំ, វិចិកិច្ឆាសហគតោ ចិត្តុប្បាទោ, ឧទ្ធច្ចសហគតោ ចិត្តុប្បាទោ, តីសុ ភូមីសុ កុសលំ, តីសុ ¶ ភូមីសុ វិបាកោ, តីសុ ភូមីសុ កិរិយាព្យាកតំ, សព្ពញ្ច រូបំ – ឥមេ ធម្មា គន្ថវិប្បយុត្តា គន្ថនិយា.

១៥០០. កតមេ ធម្មា គន្ថវិប្បយុត្តា អគន្ថនិយា? ចត្តារោ មគ្គា អបរិយាបន្នា, ចត្តារិ ច សាមញ្ញផលានិ, និព្ពានញ្ច – ឥមេ ធម្មា គន្ថវិប្បយុត្តា អគន្ថនិយា. គន្ថសម្បយុត្តា ធម្មា ន វត្តព្ពា – គន្ថវិប្បយុត្តា គន្ថនិយាតិបិ, គន្ថវិប្បយុត្តា អគន្ថនិយាតិបិ.

១៥០៣. កតមេ ធម្មា នីវរណា? ឆ នីវរណា – កាមច្ឆន្ទនីវរណំ, ព្យាបាទនីវរណំ, ថិនមិទ្ធនីវរណំ, ឧទ្ធច្ចកុក្កុច្ចនីវរណំ, វិចិកិច្ឆានីវរណំ, អវិជ្ជានីវរណំ ¶ . កាមច្ឆន្ទនីវរណំ អដ្ឋសុ លោភសហគតេសុ ចិត្តុប្បាទេសុ ¶ ឧប្បជ្ជតិ, ព្យាបាទនីវរណំ ទ្វីសុ ទោមនស្សសហគតេសុ ចិត្តុប្បាទេសុ ឧប្បជ្ជតិ, ថិនមិទ្ធនីវរណំ សសង្ខារិកេសុ អកុសលេសុ ឧប្បជ្ជតិ, ឧទ្ធច្ចនីវរណំ ឧទ្ធច្ចសហគតេសុ ចិត្តុប្បាទេសុ ឧប្បជ្ជតិ, កុក្កុច្ចនីវរណំ ទ្វីសុ ទោមនស្សសហគតេសុ ចិត្តុប្បាទេសុ ឧប្បជ្ជតិ, វិចិកិច្ឆានីវរណំ វិចិកិច្ឆាសហគតេសុ ចិត្តុប្បាទេសុ ឧប្បជ្ជតិ, អវិជ្ជានីវរណំ ¶ សព្ពាកុសលេសុ ឧប្បជ្ជតិ – ឥមេ ធម្មា នីវរណា.

១៥០៤. កតមេ ធម្មា នោ នីវរណា? ឋបេត្វា នីវរណេ អវសេសំ អកុសលំ, ចតូសុ ភូមីសុ កុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, រូបញ្ច, និព្ពានញ្ច – ឥមេ ធម្មា នោ នីវរណា.

១៥០៥. កតមេ ¶ ធម្មា នីវរណិយា? តីសុ ភូមីសុ កុសលំ, អកុសលំ, តីសុ ភូមីសុ វិបាកោ, តីសុ ភូមីសុ កិរិយាព្យាកតំ, សព្ពញ្ច រូបំ – ឥមេ ធម្មា នីវរណិយា.

១៥០៦. កតមេ ធម្មា អនីវរណិយា? ចត្តារោ មគ្គា អបរិយាបន្នា, ចត្តារិ ច សាមញ្ញផលានិ, និព្ពានញ្ច – ឥមេ ធម្មា អនីវរណិយា.

១៥០៧. កតមេ ធម្មា នីវរណសម្បយុត្តា? ទ្វាទស អកុសលចិត្តុប្បាទា – ឥមេ ធម្មា នីវរណសម្បយុត្តា.

១៥០៨. កតមេ ធម្មា នីវរណវិប្បយុត្តា? ចតូសុ ភូមីសុ កុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, រូបញ្ច, និព្ពានញ្ច – ឥមេ ធម្មា នីវរណវិប្បយុត្តា.

១៥០៩. កតមេ ធម្មា នីវរណា ចេវ នីវរណិយា ច? តានេវ នីវរណានិ ¶ នីវរណា ចេវ នីវរណិយា ច.

១៥១០. កតមេ ធម្មា នីវរណិយា ចេវ នោ ច នីវរណា? ឋបេត្វា នីវរណេ, អវសេសំ អកុសលំ, តីសុ ភូមីសុ កុសលំ, តីសុ ភូមីសុ វិបាកោ, តីសុ ភូមីសុ កិរិយាព្យាកតំ, សព្ពញ្ច រូបំ – ឥមេ ធម្មា នីវរណិយា ចេវ នោ ច នីវរណា. អនីវរណិយា ធម្មា ន វត្តព្ពា – នីវរណា ចេវ នីវរណិយា ចាតិបិ, នីវរណិយា ចេវ នោ ច នីវរណាតិបិ.

១៥១១. កតមេ ¶ ធម្មា នីវរណា ចេវ នីវរណសម្បយុត្តា ច? យត្ថ ទ្វេ តីណិ នីវរណានិ ឯកតោ ឧប្បជ្ជន្តិ – ឥមេ ធម្មា នីវរណា ចេវ នីវរណសម្បយុត្តា ច.

១៥១២. កតមេ ធម្មា នីវរណសម្បយុត្តា ចេវ នោ ច នីវរណា? ឋបេត្វា នីវរណេ, អវសេសំ អកុសលំ – ឥមេ ធម្មា នីវរណសម្បយុត្តា ចេវ នោ ច នីវរណា. នីវរណវិប្បយុត្តា ធម្មា ន វត្តព្ពា – នីវរណា ចេវ នីវរណសម្បយុត្តា ¶ ចាតិបិ, នីវរណសម្បយុត្តា ចេវ នោ ច នីវរណាតិបិ.

១៥១៣. កតមេ ¶ ធម្មា នីវរណវិប្បយុត្តា នីវរណិយា? តីសុ ភូមីសុ កុសលំ, តីសុ ភូមីសុ វិបាកោ, តីសុ ភូមីសុ កិរិយាព្យាកតំ, សព្ពញ្ច រូបំ – ឥមេ ធម្មា នីវរណវិប្បយុត្តា នីវរណិយា.

១៥១៤. កតមេ ធម្មា នីវរណវិប្បយុត្តា អនីវរណិយា? ចត្តារោ មគ្គា អបរិយាបន្នា, ចត្តារិ ច សាមញ្ញផលានិ, និព្ពានញ្ច – ឥមេ ធម្មា នីវរណវិប្បយុត្តា អនីវរណិយា. នីវរណសម្បយុត្តា ធម្មា ន វត្តព្ពា – នីវរណវិប្បយុត្តា នីវរណិយាតិបិ, នីវរណវិប្បយុត្តា អនីវរណិយាតិបិ.

១៥១៥. កតមេ ¶ ធម្មា បរាមាសា? ទិដ្ឋិបរាមាសោ ចតូសុ ទិដ្ឋិគតសម្បយុត្តេសុ ចិត្តុប្បាទេសុ ឧប្បជ្ជតិ – ឥមេ ធម្មា បរាមាសា.

១៥១៦. កតមេ ធម្មា នោ បរាមាសា? ឋបេត្វា បរាមាសំ អវសេសំ អកុសលំ, ចតូសុ ភូមីសុ កុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, រូបញ្ច, និព្ពានញ្ច – ឥមេ ធម្មា នោ បរាមាសា.

១៥១៧. កតមេ ធម្មា បរាមដ្ឋា? តីសុ ភូមីសុ កុសលំ, អកុសលំ, តីសុ ភូមីសុ វិបាកោ, តីសុ ភូមីសុ កិរិយាព្យាកតំ, សព្ពញ្ច រូបំ – ឥមេ ធម្មា បរាមដ្ឋា.

១៥១៨. កតមេ ¶ ធម្មា អបរាមដ្ឋា? ចត្តារោ មគ្គា អបរិយាបន្នា, ចត្តារិ ច សាមញ្ញផលានិ និព្ពានញ្ច – ឥមេ ធម្មា អបរាមដ្ឋា.

១៥១៩. កតមេ ធម្មា បរាមាសសម្បយុត្តា? ចត្តារោ ទិដ្ឋិគតសម្បយុត្តចិត្តុប្បាទា, ឯត្ថុប្បន្នំ បរាមាសំ ឋបេត្វា – ឥមេ ធម្មា បរាមាសសម្បយុត្តា.

១៥២០. កតមេ ធម្មា បរាមាសវិប្បយុត្តា? ចត្តារោ ទិដ្ឋិគតវិប្បយុត្តលោភសហគតចិត្តុប្បាទា ¶ , ទ្វេ ទោមនស្សសហគតចិត្តុប្បាទា, វិចិកិច្ឆាសហគតោ ចិត្តុប្បាទោ, ឧទ្ធច្ចសហគតោ ចិត្តុប្បាទោ, ចតូសុ ភូមីសុ កុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, រូបញ្ច, និព្ពានញ្ច – ឥមេ ធម្មា បរាមាសវិប្បយុត្តា. បរាមាសោ ន វត្តព្ពោ – បរាមាសសម្បយុត្តោតិបិ, បរាមាសវិប្បយុត្តោតិបិ.

១៥២១. កតមេ ធម្មា បរាមាសា ចេវ បរាមដ្ឋា ច? សោ ¶ ឯវ បរាមាសោ ¶ បរាមាសោ ចេវ បរាមដ្ឋោ ច.

១៥២២. កតមេ ធម្មា បរាមដ្ឋា ចេវ នោ ច បរាមាសា? ឋបេត្វា បរាមាសំ អវសេសំ អកុសលំ, តីសុ ភូមីសុ កុសលំ, តីសុ ភូមីសុ វិបាកោ, តីសុ ភូមីសុ កិរិយាព្យាកតំ, សព្ពញ្ច រូបំ – ឥមេ ធម្មា បរាមដ្ឋា ចេវ នោ ច បរាមាសា. អបរាមដ្ឋា ធម្មា ន វត្តព្ពា – បរាមាសា ចេវ បរាមដ្ឋា ចាតិបិ, បរាមដ្ឋា ចេវ នោ ច បរាមាសាតិបិ.

១៥២៣. កតមេ ធម្មា បរាមាសវិប្បយុត្តា បរាមដ្ឋា? ចត្តារោ ទិដ្ឋិគតវិប្បយុត្តលោភសហគតចិត្តុប្បាទា, ទ្វេ ទោមនស្សសហគតចិត្តុប្បាទា, វិចិកិច្ឆាសហគតោ ចិត្តុប្បាទោ, ឧទ្ធច្ចសហគតោ ចិត្តុប្បាទោ, តីសុ ភូមីសុ កុសលំ, តីសុ ភូមីសុ វិបាកោ, តីសុ ភូមីសុ កិរិយាព្យាកតំ, សព្ពញ្ច រូបំ – ឥមេ ធម្មា បរាមាសវិប្បយុត្តា បរាមដ្ឋា.

១៥២៤. កតមេ ធម្មា បរាមាសវិប្បយុត្តា អបរាមដ្ឋា? ចត្តារោ មគ្គា អបរិយាបន្នា, ចត្តារិ ច សាមញ្ញផលានិ, និព្ពានញ្ច – ឥមេ ធម្មា បរាមាសវិប្បយុត្តា អបរាមដ្ឋា. បរាមាសា ច បរាមាសសម្បយុត្តា ច ធម្មា ន វត្តព្ពា – បរាមាសវិប្បយុត្តា បរាមដ្ឋាតិបិ, បរាមាសវិប្បយុត្តា អបរាមដ្ឋាតិបិ.

១៥២៥. កតមេ ¶ ធម្មា សារម្មណា? ចតូសុ ភូមីសុ កុសលំ, អកុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ – ឥមេ ធម្មា សារម្មណា.

១៥២៦. កតមេ ¶ ធម្មា អនារម្មណា? រូបញ្ច, និព្ពានញ្ច – ឥមេ ¶ ធម្មា អនារម្មណា.

១៥២៧. កតមេ ធម្មា ចិត្តា? ចក្ខុវិញ្ញាណំ, សោតវិញ្ញាណំ, ឃានវិញ្ញាណំ, ជិវ្ហាវិញ្ញាណំ, កាយវិញ្ញាណំ, មនោធាតុ, មនោវិញ្ញាណធាតុ – ឥមេ ធម្មា ចិត្តា.

១៥២៨. កតមេ ធម្មា នោ ចិត្តា? វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ, រូបញ្ច, និព្ពានញ្ច – ឥមេ ធម្មា នោ ចិត្តា.

១៥២៩. កតមេ ធម្មា ចេតសិកា? វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ – ឥមេ ធម្មា ចេតសិកា.

១៥៣០. កតមេ ធម្មា អចេតសិកា? ចិត្តញ្ច, រូបញ្ច, និព្ពានញ្ច – ឥមេ ធម្មា អចេតសិកា.

១៥៣១. កតមេ ¶ ធម្មា ចិត្តសម្បយុត្តា? វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ – ឥមេ ធម្មា ចិត្តសម្បយុត្តា.

១៥៣២. កតមេ ធម្មា ចិត្តវិប្បយុត្តា? រូបញ្ច, និព្ពានញ្ច – ឥមេ ធម្មា ចិត្តវិប្បយុត្តា. ចិត្តំ ន វត្តព្ពំ – ចិត្តេន សម្បយុត្តន្តិបិ, ចិត្តេន វិប្បយុត្តន្តិបិ.

១៥៣៣. កតមេ ធម្មា ចិត្តសំសដ្ឋា? វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ – ឥមេ ធម្មា ចិត្តសំសដ្ឋា.

១៥៣៤. កតមេ ធម្មា ចិត្តវិសំសដ្ឋា? រូបញ្ច, និព្ពានញ្ច – ឥមេ ធម្មា ចិត្តវិសំសដ្ឋា. ចិត្តំ ន វត្តព្ពំ – ចិត្តេន សំសដ្ឋន្តិបិ, ចិត្តេន វិសំសដ្ឋន្តិបិ.

១៥៣៥. កតមេ ធម្មា ចិត្តសមុដ្ឋានា? វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ, កាយវិញ្ញត្តិ, វចីវិញ្ញត្តិ, យំ វា បនញ្ញម្បិ អត្ថិ រូបំ ចិត្តជំ ចិត្តហេតុកំ ¶ ចិត្តសមុដ្ឋានំ ¶ – រូបាយតនំ សទ្ទាយតនំ គន្ធាយតនំ ¶ រសាយតនំ ផោដ្ឋព្ពាយតនំ អាកាសធាតុ អាបោធាតុ រូបស្ស លហុតា រូបស្ស មុទុតា រូបស្ស កម្មញ្ញតា រូបស្ស ឧបចយោ រូបស្ស សន្តតិ កពឡីការោ អាហារោ – ឥមេ ធម្មា ចិត្តសមុដ្ឋានា.

១៥៣៦. កតមេ ធម្មា នោ ចិត្តសមុដ្ឋានា? ចិត្តញ្ច, អវសេសញ្ច រូបំ, និព្ពានញ្ច – ឥមេ ធម្មា នោ ចិត្តសមុដ្ឋានា.

១៥៣៧. កតមេ ធម្មា ចិត្តសហភុនោ? វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ, កាយវិញ្ញត្តិ, វចីវិញ្ញត្តិ – ឥមេ ធម្មា ចិត្តសហភុនោ.

១៥៣៨. កតមេ ធម្មា នោ ចិត្តសហភុនោ? ចិត្តញ្ច, អវសេសញ្ច រូបំ, និព្ពានញ្ច – ឥមេ ធម្មា នោ ចិត្តសហភុនោ.

១៥៣៩. កតមេ ធម្មា ចិត្តានុបរិវត្តិនោ? វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ, កាយវិញ្ញត្តិ, វចីវិញ្ញត្តិ – ឥមេ ធម្មា ចិត្តានុបរិវត្តិនោ.

១៥៤០. កតមេ ធម្មា នោ ចិត្តានុបរិវត្តិនោ? ចិត្តញ្ច, អវសេសញ្ច រូបំ, និព្ពានញ្ច – ឥមេ ធម្មា នោ ចិត្តានុបរិវត្តិនោ.

១៥៤១. កតមេ ធម្មា ចិត្តសំសដ្ឋសមុដ្ឋានា? វេទនាក្ខន្ធោ ¶ , សញ្ញាក្ខន្ធោ, សង្ខារក្ខន្ធោ – ឥមេ ធម្មា ចិត្តសំសដ្ឋសមុដ្ឋានា.

១៥៤២. កតមេ ធម្មា នោ ចិត្តសំសដ្ឋសមុដ្ឋានា? ចិត្តញ្ច, រូបញ្ច, និព្ពានញ្ច – ឥមេ ធម្មា នោ ចិត្តសំសដ្ឋសមុដ្ឋានា.

១៥៤៣. កតមេ ធម្មា ចិត្តសំសដ្ឋសមុដ្ឋានសហភុនោ? វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ – ឥមេ ធម្មា ចិត្តសំសដ្ឋសមុដ្ឋានសហភុនោ.

១៥៤៤. កតមេ ¶ ធម្មា នោ ចិត្តសំសដ្ឋសមុដ្ឋានសហភុនោ? ចិត្តញ្ច, រូបញ្ច ¶ , និព្ពានញ្ច – ឥមេ ធម្មា នោ ចិត្តសំសដ្ឋសមុដ្ឋានសហភុនោ.

១៥៤៥. កតមេ ធម្មា ចិត្តសំសដ្ឋសមុដ្ឋានានុបរិវត្តិនោ? វេទនាក្ខន្ធោ, សញ្ញាក្ខន្ធោ, សង្ខារក្ខន្ធោ – ឥមេ ធម្មា ចិត្តសំសដ្ឋសមុដ្ឋានានុបរិវត្តិនោ.

១៥៤៦. កតមេ ¶ ធម្មា នោ ចិត្តសំសដ្ឋសមុដ្ឋានានុបរិវត្តិនោ? ចិត្តញ្ច, រូបញ្ច, និព្ពានញ្ច – ឥមេ ធម្មា នោ ចិត្តសំសដ្ឋសមុដ្ឋានានុបរិវត្តិនោ.

១៥៤៧. កតមេ ធម្មា អជ្ឈត្តិកា? ចក្ខាយតនំ…បេ… មនាយតនំ – ឥមេ ធម្មា អជ្ឈត្តិកា.

១៥៤៨. កតមេ ធម្មា ពាហិរា? រូបាយតនំ…បេ… ធម្មាយតនំ – ឥមេ ធម្មា ពាហិរា.

១៥៤៩. កតមេ ធម្មា ឧបាទា? ចក្ខាយតនំ…បេ… កពឡីការោ អាហារោ – ឥមេ ធម្មា ឧបាទា.

១៥៥០. កតមេ ធម្មា នោ ឧបាទា? ចតូសុ ភូមីសុ កុសលំ, អកុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, ចត្តារោ ច មហាភូតា, និព្ពានញ្ច – ឥមេ ធម្មា នោ ឧបាទា.

១៥៥១. កតមេ ធម្មា ឧបាទិណ្ណា? តីសុ ភូមីសុ វិបាកោ, យញ្ច រូបំ កម្មស្ស កតត្តា – ឥមេ ធម្មា ឧបាទិណ្ណា.

១៥៥២. កតមេ ធម្មា អនុបាទិណ្ណា? តីសុ ¶ ភូមីសុ កុសលំ, អកុសលំ, តីសុ ភូមីសុ កិរិយាព្យាកតំ, យញ្ច រូបំ ន កម្មស្ស កតត្តា, ចត្តារោ មគ្គា អបរិយាបន្នា, ចត្តារិ ច សាមញ្ញផលានិ, និព្ពានញ្ច – ឥមេ ធម្មា អនុបាទិណ្ណា.

១៥៥៣. កតមេ ¶ ធម្មា ឧបាទានា? ចត្តារិ ឧបាទានានិ – កាមុបាទានំ ¶ , ទិដ្ឋុបាទានំ, សីលព្ពតុបាទានំ, អត្តវាទុបាទានំ. កាមុបាទានំ អដ្ឋសុ លោភសហគតេសុ ចិត្តុប្បាទេសុ ឧប្បជ្ជតិ. ទិដ្ឋុបាទានញ្ច សីលព្ពតុបាទានញ្ច អត្តវាទុបាទានញ្ច ចតូសុ ទិដ្ឋិគតសម្បយុត្តេសុ ចិត្តុប្បាទេសុ ឧប្បជ្ជន្តិ – ឥមេ ធម្មា ឧបាទានា.

១៥៥៤. កតមេ ធម្មា នោ ឧបាទានា? ឋបេត្វា ឧបាទានេ អវសេសំ អកុសលំ, ចតូសុ ភូមីសុ កុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, រូបញ្ច, និព្ពានញ្ច – ឥមេ ធម្មា នោ ឧបាទានា.

១៥៥៥. កតមេ ¶ ធម្មា ឧបាទានិយា? តីសុ ភូមីសុ កុសលំ, អកុសលំ, តីសុ ភូមីសុ វិបាកោ, តីសុ ភូមីសុ កិរិយាព្យាកតំ, សព្ពញ្ច រូបំ – ឥមេ ធម្មា ឧបាទានិយា.

១៥៥៦. កតមេ ធម្មា អនុបាទានិយា? ចត្តារោ មគ្គា អបរិយាបន្នា, ចត្តារិ ច សាមញ្ញផលានិ, និព្ពានញ្ច – ឥមេ ធម្មា អនុបាទានិយា.

១៥៥៧. កតមេ ធម្មា ឧបាទានសម្បយុត្តា? ចត្តារោ ទិដ្ឋិគតសម្បយុត្តលោភសហគតចិត្តុប្បាទា, ចត្តារោ ទិដ្ឋិគតវិប្បយុត្តលោភសហគតចិត្តុប្បាទា, ឯត្ថុប្បន្នំ លោភំ ឋបេត្វា – ឥមេ ធម្មា ឧបាទានសម្បយុត្តា.

១៥៥៨. កតមេ ធម្មា ឧបាទានវិប្បយុត្តា? ចតូសុ ទិដ្ឋិគតវិប្បយុត្តលោភសហគតេសុ ចិត្តុប្បាទេសុ ឧប្បន្នោ លោភោ, ទ្វេ ទោមនស្សសហគតចិត្តុប្បាទា, វិចិកិច្ឆាសហគតោ ចិត្តុប្បាទោ, ឧទ្ធច្ចសហគតោ ចិត្តុប្បាទោ, ចតូសុ ភូមីសុ កុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, រូបញ្ច, និព្ពានញ្ច – ឥមេ ធម្មា ¶ ឧបាទានវិប្បយុត្តា.

១៥៥៩. កតមេ ធម្មា ឧបាទានា ចេវ ឧបាទានិយា ច? តានេវ ឧបាទានានិ ឧបាទានា ចេវ ឧបាទានិយា ច.

១៥៦០. កតមេ ¶ ធម្មា ឧបាទានិយា ចេវ នោ ច ឧបាទានា? ឋបេត្វា ឧបាទានេ អវសេសំ អកុសលំ, តីសុ ភូមីសុ កុសលំ, តីសុ ភូមីសុ វិបាកោ, តីសុ ភូមីសុ កិរិយាព្យាកតំ, សព្ពញ្ច រូបំ – ឥមេ ធម្មា ឧបាទានិយា ចេវ នោ ច ឧបាទានា ¶ . អនុបាទានិយា ធម្មា ន វត្តព្ពា – ឧបាទានា ចេវ ឧបាទានិយា ចាតិបិ, ឧបាទានិយា ចេវ នោ ច ឧបាទានាតិបិ.

១៥៦១. កតមេ ធម្មា ឧបាទានា ចេវ ឧបាទានសម្បយុត្តា ច? យត្ថ ទិដ្ឋិ ច លោភោ ច ឯកតោ ឧប្បជ្ជន្តិ – ឥមេ ធម្មា ឧបាទានា ចេវ ឧបាទានសម្បយុត្តា ច.

១៥៦២. កតមេ ធម្មា ឧបាទានសម្បយុត្តា ចេវ នោ ច ឧបាទានា? អដ្ឋ លោភសហគតចិត្តុប្បាទា, ឯត្ថុប្បន្នេ ឧបាទានេ ឋបេត្វា – ឥមេ ធម្មា ឧបាទានសម្បយុត្តា ចេវ នោ ច ឧបាទានា. ឧបាទានវិប្បយុត្តា ធម្មា ន វត្តព្ពា – ឧបាទានា ចេវ ឧបាទានសម្បយុត្តា ចាតិបិ, ឧបាទានសម្បយុត្តា ចេវ នោ ច ឧបាទានាតិបិ.

១៥៦៣. កតមេ ¶ ធម្មា ឧបាទានវិប្បយុត្តា ឧបាទានិយា? ចតូសុ ទិដ្ឋិគតវិប្បយុត្តលោភសហគតេសុ ចិត្តុប្បាទេសុ ឧប្បន្នោ លោភោ, ទ្វេ ទោមនស្សសហគតចិត្តុប្បាទា, វិចិកិច្ឆាសហគតោ ចិត្តុប្បាទោ, ឧទ្ធច្ចសហគតោ ចិត្តុប្បាទោ, តីសុ ភូមីសុ កុសលំ, តីសុ ភូមីសុ វិបាកោ, តីសុ ភូមីសុ កិរិយាព្យាកតំ, សព្ពញ្ច រូបំ – ឥមេ ធម្មា ឧបាទានវិប្បយុត្តា ¶ ឧបាទានិយា.

១៥៦៤. កតមេ ធម្មា ឧបាទានវិប្បយុត្តា អនុបាទានិយា? ចត្តារោ មគ្គា អបរិយាបន្នា, ចត្តារិ ច សាមញ្ញផលានិ, និព្ពានញ្ច – ឥមេ ធម្មា ឧបាទានវិប្បយុត្តា អនុបាទានិយា. ឧបាទានសម្បយុត្តា ធម្មា ន វត្តព្ពា – ឧបាទានវិប្បយុត្តា ឧបាទានិយាតិបិ, ឧបាទានវិប្បយុត្តា អនុបាទានិយាតិបិ.

១៥៦៥. កតមេ ធម្មា កិលេសា? ទស កិលេសវត្ថូនិ – លោភោ, ទោសោ, មោហោ, មានោ, ទិដ្ឋិ, វិចិកិច្ឆា, ថិនំ, ឧទ្ធច្ចំ, អហិរិកំ, អនោត្តប្បំ. លោភោ អដ្ឋសុ លោភសហគតេសុ ចិត្តុប្បាទេសុ ¶ ឧប្បជ្ជតិ. ទោសោ ទ្វីសុ ទោមនស្សសហគតេសុ ចិត្តុប្បាទេសុ ឧប្បជ្ជតិ. មោហោ សព្ពាកុសលេសុ ឧប្បជ្ជតិ. មានោ ចតូសុ ទិដ្ឋិគតវិប្បយុត្តលោភសហគតេសុ ចិត្តុប្បាទេសុ ឧប្បជ្ជតិ. ទិដ្ឋិ ចតូសុ ទិដ្ឋិគតសម្បយុត្តេសុ ចិត្តុប្បាទេសុ ឧប្បជ្ជតិ. វិចិកិច្ឆា វិចិកិច្ឆាសហគតេសុ ចិត្តុប្បាទេសុ ឧប្បជ្ជតិ. ថិនំ សសង្ខារិកេសុ អកុសលេសុ ឧប្បជ្ជតិ. ឧទ្ធច្ចញ្ច អហិរិកញ្ច អនោត្តប្បញ្ច សព្ពាកុសលេសុ ឧប្បជ្ជន្តិ – ឥមេ ធម្មា កិលេសា.

១៥៦៦. កតមេ ធម្មា នោ កិលេសា? ឋបេត្វា ¶ កិលេសេ អវសេសំ អកុសលំ, ចតូសុ ភូមីសុ កុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, រូបញ្ច, និព្ពានញ្ច – ឥមេ ធម្មា នោ កិលេសា.

១៥៦៧. កតមេ ធម្មា សំកិលេសិកា? តីសុ ភូមីសុ កុសលំ, អកុសលំ, តីសុ ភូមីសុ វិបាកោ, តីសុ ភូមីសុ កិរិយាព្យាកតំ សព្ពញ្ច រូបំ – ឥមេ ¶ ធម្មា សំកិលេសិកា.

១៥៦៨. កតមេ ធម្មា អសំកិលេសិកា? ចត្តារោ មគ្គា អបរិយាបន្នា, ចត្តារិ ច សាមញ្ញផលានិ, និព្ពានញ្ច – ឥមេ ធម្មា អសំកិលេសិកា.

១៥៦៩. កតមេ ¶ ធម្មា សំកិលិដ្ឋា? ទ្វាទស អកុសលចិត្តុប្បាទា – ឥមេ ធម្មា សំកិលិដ្ឋា.

១៥៧០. កតមេ ធម្មា អសំកិលិដ្ឋា? ចតូសុ ភូមីសុ កុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, រូបញ្ច, និព្ពានញ្ច – ឥមេ ធម្មា អសំកិលិដ្ឋា.

១៥៧១. កតមេ ធម្មា កិលេសសម្បយុត្តា? ទ្វាទស អកុសលចិត្តុប្បាទា – ឥមេ ធម្មា កិលេសសម្បយុត្តា.

១៥៧២. កតមេ ធម្មា កិលេសវិប្បយុត្តា? ចតូសុ ភូមីសុ កុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, រូបញ្ច, និព្ពានញ្ច – ឥមេ ធម្មា កិលេសវិប្បយុត្តា.

១៥៧៣. កតមេ ¶ ធម្មា កិលេសា ចេវ សំកិលេសិកា ច? តេវ កិលេសា កិលេសា ចេវ សំកិលេសិកា ច.

១៥៧៤. កតមេ ធម្មា សំកិលេសិកា ចេវ នោ ច កិលេសា? ឋបេត្វា កិលេសេ អវសេសំ អកុសលំ, តីសុ ភូមីសុ កុសលំ, តីសុ ភូមីសុ វិបាកោ, តីសុ ភូមីសុ កិរិយាព្យាកតំ, សព្ពញ្ច រូបំ – ឥមេ ធម្មា សំកិលេសិកា ចេវ នោ ច កិលេសា. អសំកិលេសិកា ធម្មា ន វត្តព្ពា – កិលេសា ចេវ សំកិលេសិកា ចាតិបិ, សំកិលេសិកា ចេវ នោ ច កិលេសាតិបិ.

១៥៧៥. កតមេ ធម្មា កិលេសា ចេវ សំកិលិដ្ឋា ច? តេវ កិលេសា កិលេសា ចេវ សំកិលិដ្ឋា ច.

១៥៧៦. កតមេ ធម្មា សំកិលិដ្ឋា ចេវ នោ ច កិលេសា? ឋបេត្វា កិលេសេ អវសេសំ អកុសលំ – ឥមេ ធម្មា សំកិលិដ្ឋា ចេវ នោ ច កិលេសា ¶ . អសំកិលិដ្ឋា ធម្មា ន វត្តព្ពា – កិលេសា ចេវ សំកិលិដ្ឋា ចាតិបិ, សំកិលិដ្ឋា ចេវ នោ ច កិលេសាតិបិ.

១៥៧៧. កតមេ ¶ ធម្មា កិលេសា ចេវ កិលេសសម្បយុត្តា ច? យត្ថ ទ្វេ តយោ កិលេសា ឯកតោ ឧប្បជ្ជន្តិ – ឥមេ ធម្មា កិលេសា ចេវ កិលេសសម្បយុត្តា ច.

១៥៧៨. កតមេ ¶ ធម្មា កិលេសសម្បយុត្តា ចេវ នោ ច កិលេសា? ឋបេត្វា កិលេសេ អវសេសំ អកុសលំ – ឥមេ ធម្មា កិលេសសម្បយុត្តា ចេវ នោ ច កិលេសា. កិលេសវិប្បយុត្តា ធម្មា ន វត្តព្ពា – កិលេសា ចេវ កិលេសសម្បយុត្តា ចាតិបិ, កិលេសសម្បយុត្តា ចេវ នោ ច កិលេសាតិបិ.

១៥៧៩. កតមេ ធម្មា កិលេសវិប្បយុត្តា សំកិលេសិកា? តីសុ ភូមីសុ កុសលំ, តីសុ ភូមីសុ វិបាកោ, តីសុ ភូមីសុ កិរិយាព្យាកតំ, សព្ពញ្ច រូបំ – ឥមេ ធម្មា កិលេសវិប្បយុត្តា សំកិលេសិកា.

១៥៨០. កតមេ ធម្មា កិលេសវិប្បយុត្តា អសំកិលេសិកា? ចត្តារោ មគ្គា អបរិយាបន្នា ¶ , ចត្តារិ ច សាមញ្ញផលានិ, និព្ពានញ្ច – ឥមេ ធម្មា កិលេសវិប្បយុត្តា អសំកិលេសិកា. កិលេសសម្បយុត្តា ធម្មា ន វត្តព្ពា – កិលេសវិប្បយុត្តា សំកិលេសិកាតិបិ, កិលេសវិប្បយុត្តា អសំកិលេសិកាតិបិ.

១៥៨១. កតមេ ធម្មា ទស្សនេន បហាតព្ពា? ចត្តារោ ទិដ្ឋិគតសម្បយុត្តចិត្តុប្បាទា, វិចិកិច្ឆាសហគតោ ចិត្តុប្បាទោ – ឥមេ ធម្មា ទស្សនេន បហាតព្ពា. ចត្តារោ ទិដ្ឋិគតវិប្បយុត្តលោភសហគតចិត្តុប្បាទា, ទ្វេ ទោមនស្សសហគតចិត្តុប្បាទា – ឥមេ ធម្មា ¶ សិយា ទស្សនេន បហាតព្ពា, សិយា ន ទស្សនេន បហាតព្ពា.

១៥៨២. កតមេ ធម្មា ន ទស្សនេន បហាតព្ពា? ឧទ្ធច្ចសហគតោ ចិត្តុប្បាទោ, ចតូសុ ភូមីសុ កុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, រូបញ្ច, និព្ពានញ្ច – ឥមេ ធម្មា ន ទស្សនេន បហាតព្ពា.

១៥៨៣. កតមេ ធម្មា ភាវនាយ បហាតព្ពា? ឧទ្ធច្ចសហគតោ ចិត្តុប្បាទោ – ឥមេ ធម្មា ភាវនាយ បហាតព្ពា. ចត្តារោ ទិដ្ឋិគតវិប្បយុត្តលោភសហគតចិត្តុប្បាទា, ទ្វេ ទោមនស្សសហគតចិត្តុប្បាទា – ឥមេ ធម្មា សិយា ភាវនាយ បហាតព្ពា, សិយា ន ភាវនាយ បហាតព្ពា.

១៥៨៤. កតមេ ¶ ធម្មា ន ភាវនាយ បហាតព្ពា? ចត្តារោ ទិដ្ឋិគតសម្បយុត្តចិត្តុប្បាទា, វិចិកិច្ឆាសហគតោ ចិត្តុប្បាទោ, ចតូសុ ភូមីសុ កុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, រូបញ្ច, និព្ពានញ្ច – ឥមេ ធម្មា ន ភាវនាយ បហាតព្ពា.

១៥៨៥. កតមេ ¶ ធម្មា ទស្សនេន បហាតព្ពហេតុកា? ចត្តារោ ទិដ្ឋិគតសម្បយុត្តចិត្តុប្បាទា, វិចិកិច្ឆាសហគតោ ចិត្តុប្បាទោ, ឯត្ថុប្បន្នំ មោហំ ឋបេត្វា – ឥមេ ធម្មា ទស្សនេន បហាតព្ពហេតុកា. ចត្តារោ ទិដ្ឋិគតវិប្បយុត្តលោភសហគតចិត្តុប្បាទា, ទ្វេ ទោមនស្សសហគតចិត្តុប្បាទា – ឥមេ ធម្មា សិយា ទស្សនេន បហាតព្ពហេតុកា, សិយា ន ទស្សនេន បហាតព្ពហេតុកា.

១៥៨៦. កតមេ ¶ ធម្មា ន ទស្សនេន បហាតព្ពហេតុកា? វិចិកិច្ឆាសហគតោ មោហោ, ឧទ្ធច្ចសហគតោ ចិត្តុប្បាទោ, ចតូសុ ភូមីសុ កុសលំ, ចតូសុ ភូមីសុ វិបាកោ, តីសុ ¶ ភូមីសុ កិរិយាព្យាកតំ, រូបញ្ច, និព្ពានញ្ច – ឥមេ ធម្មា ន ទស្សនេន បហាតព្ពហេតុកា.

១៥៨៧. កតមេ ធម្មា ភាវនាយ បហាតព្ពហេតុកា? ឧទ្ធច្ចសហគតោ ចិត្តុប្បាទោ, ឯត្ថុប្បន្នំ មោហំ ឋបេត្វា – ឥមេ ធម្មា ភាវនាយ បហាតព្ពហេតុកា. ចត្តារោ ទិដ្ឋិគតវិប្បយុត្តលោភសហគតចិត្តុប្បាទា, ទ្វេ ទោមនស្សសហគតចិត្តុប្បាទា – ឥមេ ធម្មា សិយា ភាវនាយ បហាតព្ពហេតុកា, សិយា ន ភាវនាយ បហាតព្ពហេតុកា.

១៥៨៨. កតមេ ធម្មា ន ភាវនាយ បហាតព្ពហេតុកា? ចត្តារោ ទិដ្ឋិគតសម្បយុត្តចិត្តុប្បាទា, វិចិកិច្ឆាសហគតោ ចិត្តុប្បាទោ, ឧទ្ធច្ចសហគតោ មោហោ, ចតូសុ ភូមីសុ កុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, រូបញ្ច, និព្ពានញ្ច – ឥមេ ធម្មា ន ភាវនាយ បហាតព្ពហេតុកា.

១៥៨៩. កតមេ ធម្មា សវិតក្កា? កាមាវចរកុសលំ, អកុសលំ, កាមាវចរកុសលស្ស វិបាកតោ ឯកាទស ចិត្តុប្បាទា, អកុសលស្ស វិបាកតោ ទ្វេ, កិរិយតោ ឯកាទស, រូបាវចរំ បឋមំ ឈានំ កុសលតោ ច វិបាកតោ ច កិរិយតោ ច លោកុត្តរំ បឋមំ ឈានំ កុសលតោ ច វិបាកតោ ច, ឯត្ថុប្បន្នំ វិតក្កំ ឋបេត្វា – ឥមេ ធម្មា សវិតក្កា.

១៥៩០. កតមេ ¶ ធម្មា អវិតក្កា? ទ្វេបញ្ចវិញ្ញាណានិ, រូបាវចរតិកចតុក្កជ្ឈានា កុសលតោ ច វិបាកតោ ច កិរិយតោ ច, ចត្តារោ អរូបាវចរា កុសលតោ ច វិបាកតោ ច កិរិយតោ ច, លោកុត្តរតិកចតុក្កជ្ឈានា ¶ កុសលតោ ច វិបាកតោ ច, វិតក្កោ ច, រូបញ្ច, និព្ពានញ្ច – ឥមេ ធម្មា អវិតក្កា.

១៥៩១. កតមេ ធម្មា សវិចារា? កាមាវចរកុសលំ ¶ , អកុសលំ, កាមាវចរកុសលស្ស វិបាកតោ ឯកាទស ចិត្តុប្បាទា, អកុសលស្ស វិបាកតោ ទ្វេ កិរិយតោ ឯកាទស, រូបាវចរឯកកទុកជ្ឈានា កុសលតោ ច វិបាកតោ ច កិរិយតោ ច, លោកុត្តរឯកកទុកជ្ឈានា កុសលតោ ច វិបាកតោ ច, ឯត្ថុប្បន្នំ វិចារំ ឋបេត្វា – ឥមេ ធម្មា សវិចារា.

១៥៩២. កតមេ ¶ ធម្មា អវិចារា? ទ្វេបញ្ចវិញ្ញាណានិ, រូបាវចរតិកតិកជ្ឈានា កុសលតោ ច វិបាកតោ ច កិរិយតោ ច, ចត្តារោ អារុប្បា កុសលតោ ច វិបាកតោ ច កិរិយតោ ច, លោកុត្តរតិកតិកជ្ឈានា កុសលតោ ច វិបាកតោ ច, វិចារោ ច, រូបញ្ច, និព្ពានញ្ច – ឥមេ ធម្មា អវិចារា.

១៥៩៣. កតមេ ធម្មា សប្បីតិកា? កាមាវចរកុសលតោ ចត្តារោ សោមនស្សសហគតចិត្តុប្បាទា, អកុសលតោ ចត្តារោ, កាមាវចរកុសលស្ស វិបាកតោ បញ្ច, កិរិយតោ បញ្ច, រូបាវចរទុកតិកជ្ឈានា កុសលតោ ច វិបាកតោ ច កិរិយតោ ច, លោកុត្តរទុកតិកជ្ឈានា កុសលតោ ច វិបាកតោ ច, ឯត្ថុប្បន្នំ បីតិំ ឋបេត្វា – ឥមេ ធម្មា សប្បីតិកា.

១៥៩៤. កតមេ ធម្មា អប្បីតិកា? កាមាវចរកុសលតោ ចត្តារោ ឧបេក្ខាសហគតចិត្តុប្បាទា, អកុសលតោ អដ្ឋ, កាមាវចរកុសលស្ស វិបាកតោ ឯកាទស, អកុសលស្ស វិបាកតោ សត្ត, កិរិយតោ ឆ, រូបាវចរទុកទុកជ្ឈានា កុសលតោ ¶ ច វិបាកតោ ច កិរិយតោ ច, ចត្តារោ អារុប្បា កុសលតោ ច វិបាកតោ ច កិរិយតោ ច, លោកុត្តរទុកទុកជ្ឈានា កុសលតោ ច វិបាកតោ ច បីតិ ច, រូបញ្ច, និព្ពានញ្ច – ឥមេ ធម្មា អប្បីតិកា.

១៥៩៥. កតមេ ¶ ធម្មា បីតិសហគតា? កាមាវចរកុសលតោ ចត្តារោ សោមនស្សសហគតចិត្តុប្បាទា, អកុសលតោ ចត្តារោ, កាមាវចរកុសលស្ស វិបាកតោ បញ្ច, កិរិយតោ បញ្ច, រូបាវចរទុកតិកជ្ឈានា កុសលតោ ច វិបាកតោ ច កិរិយតោ ច, លោកុត្តរទុកតិកជ្ឈានា កុសលតោ ច វិបាកតោ ច, ឯត្ថុប្បន្នំ បីតិំ ឋបេត្វា – ឥមេ ធម្មា បីតិសហគតា.

១៥៩៦. កតមេ ធម្មា ន បីតិសហគតា? កាមាវចរកុសលតោ ចត្តារោ ឧបេក្ខាសហគតចិត្តុប្បាទា, អកុសលតោ អដ្ឋ, កាមាវចរកុសលស្ស វិបាកតោ ឯកាទស, អកុសលស្ស វិបាកតោ សត្ត, កិរិយតោ ឆ, រូបាវចរទុកទុកជ្ឈានា កុសលតោ ច វិបាកតោ ច កិរិយតោ ច, ចត្តារោ អារុប្បា កុសលតោ ច ¶ វិបាកតោ ច កិរិយតោ ច, លោកុត្តរទុកទុកជ្ឈានា ¶ កុសលតោ ច វិបាកតោ ច, បីតិ ច, រូបញ្ច, និព្ពានញ្ច – ឥមេ ធម្មា ន បីតិសហគតា.

១៥៩៧. កតមេ ធម្មា សុខសហគតា? កាមាវចរកុសលតោ ចត្តារោ សោមនស្សសហគតចិត្តុប្បាទា, អកុសលតោ ចត្តារោ, កាមាវចរកុសលស្ស វិបាកតោ ឆ, កិរិយតោ បញ្ច, រូបាវចរតិកចតុក្កជ្ឈានា កុសលតោ ច វិបាកតោ ច កិរិយតោ ច លោកុត្តរតិកចតុក្កជ្ឈានា កុសលតោ ច វិបាកតោ ច, ឯត្ថុប្បន្នំ សុខំ ឋបេត្វា – ឥមេ ធម្មា ¶ សុខសហគតា.

១៥៩៨. កតមេ ធម្មា ន សុខសហគតា? កាមាវចរកុសលតោ ចត្តារោ ឧបេក្ខាសហគតចិត្តុប្បាទា, អកុសលតោ អដ្ឋ, កាមាវចរកុសលស្ស វិបាកតោ ទស, អកុសលស្ស វិបាកតោ សត្ត, កិរិយតោ ឆ, រូបាវចរំ ចតុត្ថំ ឈានំ កុសលតោ ច វិបាកតោ ច កិរិយតោ ច, ចត្តារោ អារុប្បា កុសលតោ ច វិបាកតោ ច កិរិយតោ ច លោកុត្តរំ ចតុត្ថំ ឈានំ កុសលតោ ច វិបាកតោ ច, សុខញ្ច, រូបញ្ច, និព្ពានញ្ច – ឥមេ ធម្មា ន សុខសហគតា.

១៥៩៩. កតមេ ធម្មា ឧបេក្ខាសហគតា? កាមាវចរកុសលតោ ចត្តារោ ឧបេក្ខាសហគតចិត្តុប្បាទា, អកុសលតោ ឆ, កាមាវចរកុសលស្ស វិបាកតោ ទស, អកុសលស្ស វិបាកតោ ឆ, កិរិយតោ ឆ ¶ , រូបាវចរំ ចតុត្ថំ ឈានំ កុសលតោ ច វិបាកតោ ច កិរិយតោ ច, ចត្តារោ អារុប្បា កុសលតោ ច វិបាកតោ ច កិរិយតោ ច, លោកុត្តរំ ចតុត្ថំ ឈានំ កុសលតោ ច វិបាកតោ ច, ឯត្ថុប្បន្នំ ឧបេក្ខំ ឋបេត្វា – ឥមេ ធម្មា ឧបេក្ខាសហគតា.

១៦០០. កតមេ ធម្មា ន ឧបេក្ខាសហគតា? កាមាវចរកុសលតោ ចត្តារោ សោមនស្សសហគតចិត្តុប្បាទា, អកុសលតោ ឆ, កាមាវចរកុសលស្ស វិបាកតោ ឆ, អកុសលស្ស វិបាកតោ ឯកោ, កិរិយតោ បញ្ច, រូបាវចរតិកចតុក្កជ្ឈានា កុសលតោ ច វិបាកតោ ច កិរិយតោ ច, លោកុត្តរតិកចតុក្កជ្ឈានា កុសលតោ ច វិបាកតោ ច, ឧបេក្ខា ច, រូបញ្ច, និព្ពានញ្ច – ឥមេ ធម្មា ន ឧបេក្ខាសហគតា.

១៦០១. កតមេ ¶ ធម្មា កាមាវចរា? កាមាវចរកុសលំ, អកុសលំ, សព្ពោ ¶ កាមាវចរស្ស វិបាកោ, កាមាវចរកិរិយាព្យាកតំ, សព្ពញ្ច រូបំ – ឥមេ ធម្មា កាមាវចរា.

១៦០២. កតមេ ធម្មា ន កាមាវចរា? រូបាវចរា ¶ , អរូបាវចរា, អបរិយាបន្នា – ឥមេ ធម្មា ន កាមាវចរា.

១៦០៣. កតមេ ធម្មា រូបាវចរា? រូបាវចរចតុក្កបញ្ចកជ្ឈានា កុសលតោ ច វិបាកតោ ច កិរិយតោ ច – ឥមេ ធម្មា រូបាវចរា.

១៦០៤. កតមេ ធម្មា ន រូបាវចរា? កាមាវចរា, អរូបាវចរា, អបរិយាបន្នា – ឥមេ ធម្មា ន រូបាវចរា.

១៦០៥. កតមេ ធម្មា អរូបាវចរា? ចត្តារោ អារុប្បា កុសលតោ ច វិបាកតោ ច កិរិយតោ ច – ឥមេ ធម្មា អរូបាវចរា.

១៦០៦. កតមេ ធម្មា ន អរូបាវចរា? កាមាវចរា, រូបាវចរា, អបរិយាបន្នា – ឥមេ ធម្មា ន អរូបាវចរា.

១៦០៧. កតមេ ធម្មា បរិយាបន្នា? តីសុ ភូមីសុ កុសលំ, អកុសលំ, តីសុ ភូមីសុ វិបាកោ, តីសុ ភូមីសុ កិរិយាព្យាកតំ, សព្ពញ្ច រូបំ – ឥមេ ធម្មា បរិយាបន្នា.

១៦០៨. កតមេ ធម្មា អបរិយាបន្នា? ចត្តារោ មគ្គា អបរិយាបន្នា, ចត្តារិ ច សាមញ្ញផលានិ, និព្ពានញ្ច – ឥមេ ធម្មា អបរិយាបន្នា.

១៦០៩. កតមេ ¶ ធម្មា និយ្យានិកា? ចត្តារោ មគ្គា អបរិយាបន្នា – ឥមេ ធម្មា និយ្យានិកា.

១៦១០. កតមេ ធម្មា អនិយ្យានិកា? តីសុ ភូមីសុ កុសលំ, អកុសលំ, ចតូសុ ភូមីសុ ¶ វិបាកោ, តីសុ ភូមីសុ កិរិយាព្យាកតំ, រូបញ្ច, និព្ពានញ្ច – ឥមេ ធម្មា អនិយ្យានិកា.

១៦១១. កតមេ ¶ ធម្មា និយតា? ចត្តារោ ទិដ្ឋិគតសម្បយុត្តចិត្តុប្បាទា, ទ្វេ ទោមនស្សសហគតចិត្តុប្បាទា – ឥមេ ធម្មា សិយា និយតា សិយា អនិយតា. ចត្តារោ មគ្គា អបរិយាបន្នា – ឥមេ ធម្មា និយតា.

១៦១២. កតមេ ធម្មា អនិយតា? ចត្តារោ ទិដ្ឋិគតវិប្បយុត្តលោភសហគតចិត្តុប្បាទា, វិចិកិច្ឆាសហគតោ ចិត្តុប្បាទោ, ឧទ្ធច្ចសហគតោ ចិត្តុប្បាទោ, តីសុ ភូមីសុ កុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, រូបញ្ច, និព្ពានញ្ច – ឥមេ ធម្មា អនិយតា.

១៦១៣. កតមេ ធម្មា សឧត្តរា? តីសុ ភូមីសុ កុសលំ, អកុសលំ, តីសុ ភូមីសុ វិបាកោ, តីសុ ¶ ភូមីសុ កិរិយាព្យាកតំ, សព្ពញ្ច រូបំ – ឥមេ ធម្មា សឧត្តរា.

១៦១៤. កតមេ ធម្មា អនុត្តរា? ចត្តារោ មគ្គា អបរិយាបន្នា, ចត្តារិ ច សាមញ្ញផលានិ, និព្ពានញ្ច – ឥមេ ធម្មា អនុត្តរា.

១៦១៥. កតមេ ធម្មា សរណា? ទ្វាទស អកុសលចិត្តុប្បាទា – ឥមេ ធម្មា សរណា.

១៦១៦. កតមេ ធម្មា អរណា? ចតូសុ ភូមីសុ កុសលំ, ចតូសុ ភូមីសុ វិបាកោ, តីសុ ភូមីសុ កិរិយាព្យាកតំ, រូបញ្ច, និព្ពានញ្ច – ឥមេ ធម្មា អរណា.