📜

នមោ តស្ស ភគវតោ អរហតោ សម្មាសម្ពុទ្ធស្ស

អភិធម្មបិដកេ

ធាតុកថាបាឡិ

ឧទ្ទេសោ

១. នយមាតិកា

១. (១) សង្គហោ ¶ ¶ ¶ ¶ អសង្គហោ (២) សង្គហិតេន អសង្គហិតំ (៣) អសង្គហិតេន សង្គហិតំ (៤) សង្គហិតេន សង្គហិតំ (៥) អសង្គហិតេន អសង្គហិតំ (៦) សម្បយោគោ វិប្បយោគោ (៧)សម្បយុត្តេន វិប្បយុត្តំ (៨) វិប្បយុត្តេន សម្បយុត្តំ (៩) សម្បយុត្តេន សម្បយុត្តំ (១០)វិប្បយុត្តេន វិប្បយុត្តំ (១១) សង្គហិតេន សម្បយុត្តំ វិប្បយុត្តំ (១២) សម្បយុត្តេន សង្គហិតំ អសង្គហិតំ (១៣) អសង្គហិតេន សម្បយុត្តំ វិប្បយុត្តំ (១៤) វិប្បយុត្តេន សង្គហិតំ អសង្គហិតំ.

២. អព្ភន្តរមាតិកា

២. (១) បញ្ចក្ខន្ធា ¶ (២) ទ្វាទសាយតនានិ (៣) អដ្ឋារស ធាតុយោ (៤) ចត្តារិ សច្ចានិ (៥) ពាវីសតិន្ទ្រិយានិ (៦) បដិច្ចសមុប្បាទោ (៧) ចត្តារោ សតិបដ្ឋានា (៨)ចត្តារោ សម្មប្បធានា (៩) ចត្តារោ ឥទ្ធិបាទា (១០) ចត្តារិ ឈានានិ (១១) ចតស្សោ អប្បមញ្ញាយោ (១២) បញ្ចិន្ទ្រិយានិ (១៣) បញ្ច ពលានិ (១៤) សត្ត ពោជ្ឈង្គា (១៥)អរិយោ អដ្ឋង្គិកោ មគ្គោ (១៦) ផស្សោ វេទនា សញ្ញា ចេតនា ចិត្តំ អធិមោក្ខោ មនសិការោ.

៣. នយមុខមាតិកា

៣. តីហិ ¶ សង្គហោ, តីហិ អសង្គហោ, ចតូហិ សម្បយោគោ, ចតូហិ វិប្បយោគោ.

៤. លក្ខណមាតិកា

៤. សភាគោ, វិសភាគោ.

៥. ពាហិរមាតិកា

៥. សព្ពាបិ ធម្មសង្គណី ធាតុកថាយ មាតិកាតិ.

១. បឋមនយោ

១. សង្គហាសង្គហបទនិទ្ទេសោ

១. ខន្ធោ

៦. រូបក្ខន្ធោ ¶ ¶ ¶ កតិហិ ខន្ធេហិ កតិហាយតនេហិ កតិហិ ធាតូហិ សង្គហិតោ? រូបក្ខន្ធោ ¶ ឯកេន ខន្ធេន ឯកាទសហាយតនេហិ ឯកាទសហិ ធាតូហិ សង្គហិតោ. កតិហិ អសង្គហិតោ? ចតូហិ ខន្ធេហិ ឯកេនាយតនេន សត្តហិ ធាតូហិ អសង្គហិតោ.

៧. វេទនាក្ខន្ធោ កតិហិ ខន្ធេហិ កតិហាយតនេហិ កតិហិ ធាតូហិ សង្គហិតោ? វេទនាក្ខន្ធោ ឯកេន ខន្ធេន ឯកេនាយតនេន ឯកាយ ធាតុយា សង្គហិតោ. កតិហិ អសង្គហិតោ? ចតូហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតោ.

៨. សញ្ញាក្ខន្ធោ កតិហិ ខន្ធេហិ កតិហាយតនេហិ កតិហិ ធាតូហិ សង្គហិតោ? សញ្ញាក្ខន្ធោ ឯកេន ខន្ធេន ឯកេនាយតនេន ឯកាយ ធាតុយា សង្គហិតោ. កតិហិ អសង្គហិតោ? ចតូហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតោ.

៩. សង្ខារក្ខន្ធោ កតិហិ ខន្ធេហិ កតិហាយតនេហិ កតិហិ ធាតូហិ សង្គហិតោ? សង្ខារក្ខន្ធោ ឯកេន ខន្ធេន ឯកេនាយតនេន ឯកាយ ធាតុយា សង្គហិតោ. កតិហិ អសង្គហិតោ? ចតូហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតោ.

១០. វិញ្ញាណក្ខន្ធោ ¶ កតិហិ ខន្ធេហិ កតិហាយតនេហិ កតិហិ ធាតូហិ សង្គហិតោ? វិញ្ញាណក្ខន្ធោ ឯកេន ខន្ធេន ឯកេនាយតនេន សត្តហិ ធាតូហិ សង្គហិតោ. កតិហិ អសង្គហិតោ? ចតូហិ ខន្ធេហិ ឯកាទសហាយតនេហិ ¶ ឯកាទសហិ ធាតូហិ អសង្គហិតោ.

(ឯកមូលកំ.)

១១. រូបក្ខន្ធោ ច វេទនាក្ខន្ធោ ច កតិហិ ខន្ធេហិ កតិហាយតនេហិ កតិហិ ធាតូហិ សង្គហិតា? រូបក្ខន្ធោ ច វេទនាក្ខន្ធោ ច ទ្វីហិ ខន្ធេហិ ឯកាទសហាយតនេហិ ¶ ឯកាទសហិ ធាតូហិ សង្គហិតា. កតិហិ ¶ អសង្គហិតា? តីហិ ខន្ធេហិ ឯកេនាយតនេន សត្តហិ ធាតូហិ អសង្គហិតា.

១២. រូបក្ខន្ធោ ច សញ្ញាក្ខន្ធោ ច…បេ… ទ្វីហិ ខន្ធេហិ ឯកាទសហាយតនេហិ ឯកាទសហិ ធាតូហិ សង្គហិតា. កតិហិ អសង្គហិតា? តីហិ ខន្ធេហិ ឯកេនាយតនេន សត្តហិ ធាតូហិ អសង្គហិតា.

១៣. រូបក្ខន្ធោ ច សង្ខារក្ខន្ធោ ច…បេ… ទ្វីហិ ខន្ធេហិ ឯកាទសហាយតនេហិ ឯកាទសហិ ធាតូហិ សង្គហិតា. កតិហិ អសង្គហិតា? តីហិ ខន្ធេហិ ឯកេនាយតនេន សត្តហិ ធាតូហិ អសង្គហិតា.

១៤. រូបក្ខន្ធោ ច វិញ្ញាណក្ខន្ធោ ច…បេ… ទ្វីហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? តីហិ ខន្ធេហិ, ន កេហិចិ អាយតនេហិ ន កាហិចិ ធាតូហិ អសង្គហិតា.

(ទុកមូលកំ.)

១៥. រូបក្ខន្ធោ ច វេទនាក្ខន្ធោ ច សញ្ញាក្ខន្ធោ ច កតិហិ ខន្ធេហិ កតិហាយតនេហិ កតិហិ ធាតូហិ សង្គហិតា? រូបក្ខន្ធោ ច វេទនាក្ខន្ធោ ច សញ្ញាក្ខន្ធោ ច តីហិ ¶ ខន្ធេហិ ឯកាទសហាយតនេហិ ឯកាទសហិ ធាតូហិ សង្គហិតា. កតិហិ អសង្គហិតា? ទ្វីហិ ខន្ធេហិ ឯកេនាយតនេន សត្តហិ ធាតូហិ អសង្គហិតា.

១៦. រូបក្ខន្ធោ ច វេទនាក្ខន្ធោ ច សង្ខារក្ខន្ធោ ច…បេ… តីហិ ¶ ខន្ធេហិ ឯកាទសហាយតនេហិ ឯកាទសហិ ធាតូហិ សង្គហិតា. កតិហិ អសង្គហិតា? ទ្វីហិ ខន្ធេហិ ឯកេនាយតនេន សត្តហិ ធាតូហិ អសង្គហិតា.

១៧. រូបក្ខន្ធោ ច វេទនាក្ខន្ធោ ច វិញ្ញាណក្ខន្ធោ ច…បេ… តីហិ ¶ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ទ្វីហិ ខន្ធេហិ, ន កេហិចិ អាយតនេហិ ន កាហិចិ ធាតូហិ អសង្គហិតា.

(តិកមូលកំ.)

១៨. រូបក្ខន្ធោ ¶ ច វេទនាក្ខន្ធោ ច សញ្ញាក្ខន្ធោ ច សង្ខារក្ខន្ធោ ច កតិហិ ខន្ធេហិ កតិហាយតនេហិ កតិហិ ធាតូហិ សង្គហិតា? រូបក្ខន្ធោ ច វេទនាក្ខន្ធោ ច សញ្ញាក្ខន្ធោ ច សង្ខារក្ខន្ធោ ច ចតូហិ ខន្ធេហិ ឯកាទសហាយតនេហិ ឯកាទសហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ឯកេនាយតនេន សត្តហិ ធាតូហិ អសង្គហិតា.

១៩. រូបក្ខន្ធោ ច វេទនាក្ខន្ធោ ច សញ្ញាក្ខន្ធោ ច វិញ្ញាណក្ខន្ធោ ច…បេ… ចតូហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន, ន កេហិចិ អាយតនេហិ ន កាហិចិ ធាតូហិ អសង្គហិតា.

(ចតុក្កមូលកំ.)

២០. រូបក្ខន្ធោ ច វេទនាក្ខន្ធោ ច សញ្ញាក្ខន្ធោ ច សង្ខារក្ខន្ធោ ច វិញ្ញាណក្ខន្ធោ ច កតិហិ ខន្ធេហិ កតិហាយតនេហិ កតិហិ ធាតូហិ សង្គហិតា? រូបក្ខន្ធោ ច វេទនាក្ខន្ធោ ច សញ្ញាក្ខន្ធោ ច សង្ខារក្ខន្ធោ ច វិញ្ញាណក្ខន្ធោ ច បញ្ចហិ ខន្ធេហិ ទ្វាទសាយតនេហិ ¶ ¶ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

២១. បញ្ចក្ខន្ធា កតិហិ ខន្ធេហិ កតិហាយតនេហិ កតិហិ ធាតូហិ សង្គហិតា? បញ្ចក្ខន្ធា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

(បញ្ចកំ.)

២. អាយតនំ

២២. ចក្ខាយតនំ ¶ កតិហិ ខន្ធេហិ កតិហាយតនេហិ កតិហិ ធាតូហិ សង្គហិតំ? ចក្ខាយតនំ ឯកេន ខន្ធេន ឯកេនាយតនេន ឯកាយ ធាតុយា សង្គហិតំ. កតិហិ អសង្គហិតំ? ចតូហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតំ.

២៣. សោតាយតនំ ¶ … ឃានាយតនំ… ជិវ្ហាយតនំ… កាយាយតនំ… រូបាយតនំ… សទ្ទាយតនំ… គន្ធាយតនំ… រសាយតនំ… ផោដ្ឋព្ពាយតនំ…បេ… ឯកេន ខន្ធេន ឯកេនាយតនេន ឯកាយ ធាតុយា សង្គហិតំ. កតិហិ អសង្គហិតំ? ចតូហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតំ.

២៤. មនាយតនំ ឯកេន ខន្ធេន ឯកេនាយតនេន សត្តហិ ធាតូហិ សង្គហិតំ. កតិហិ អសង្គហិតំ? ចតូហិ ខន្ធេហិ ឯកាទសហាយតនេហិ ឯកាទសហិ ធាតូហិ អសង្គហិតំ.

២៥. ធម្មាយតនំ អសង្ខតំ ខន្ធតោ ឋបេត្វា ចតូហិ ខន្ធេហិ ឯកេនាយតនេន ឯកាយ ធាតុយា សង្គហិតំ. កតិហិ អសង្គហិតំ? ឯកេន ខន្ធេន ឯកាទសហាយតនេហិ សត្តរសហិ ធាតូហិ អសង្គហិតំ.

(ឯកមូលកំ.)

២៦. ចក្ខាយតនញ្ច ¶ ¶ សោតាយតនញ្ច ឯកេន ខន្ធេន ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ចតូហិ ខន្ធេហិ ទសហាយតនេហិ សោឡសហិ ធាតូហិ អសង្គហិតា.

២៧. ចក្ខាយតនញ្ច ¶ ឃានាយតនញ្ច… ចក្ខាយតនញ្ច ជិវ្ហាយតនញ្ច… ចក្ខាយតនញ្ច កាយាយតនញ្ច… ចក្ខាយតនញ្ច រូបាយតនញ្ច… ចក្ខាយតនញ្ច សទ្ទាយតនញ្ច… ចក្ខាយតនញ្ច គន្ធាយតនញ្ច… ចក្ខាយតនញ្ច រសាយតនញ្ច… ចក្ខាយតនញ្ច ផោដ្ឋព្ពាយតនញ្ច ឯកេន ខន្ធេន ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ចតូហិ ខន្ធេហិ ទសហាយតនេហិ សោឡសហិ ធាតូហិ អសង្គហិតា.

២៨. ចក្ខាយតនញ្ច មនាយតនញ្ច ទ្វីហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា. កតិហិ អសង្គហិតា? តីហិ ខន្ធេហិ ទសហាយតនេហិ ទសហិ ធាតូហិ អសង្គហិតា.

២៩. ចក្ខាយតនញ្ច ធម្មាយតនញ្ច អសង្ខតំ ខន្ធតោ ឋបេត្វា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

(ទុកមូលកំ.)

៣០. ទ្វាទសាយតនានិ ¶ កតិហិ ខន្ធេហិ កតិហាយតនេហិ កតិហិ ធាតូហិ សង្គហិតា? ទ្វាទសាយតនានិ អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

(ទ្វាទសកំ.)

៣. ធាតុ

៣១. ចក្ខុធាតុ ¶ ¶ កតិហិ ខន្ធេហិ កតិហាយតនេហិ កតិហិ ធាតូហិ សង្គហិតា? ចក្ខុធាតុ ឯកេន ខន្ធេន ឯកេនាយតនេន ឯកាយ ធាតុយា សង្គហិតា. កតិហិ អសង្គហិតា? ចតូហិ ¶ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

៣២. សោតធាតុ… ឃានធាតុ… ជិវ្ហាធាតុ… កាយធាតុ… រូបធាតុ… សទ្ទធាតុ… គន្ធធាតុ… រសធាតុ… ផោដ្ឋព្ពធាតុ… ចក្ខុវិញ្ញាណធាតុ… សោតវិញ្ញាណធាតុ… ឃានវិញ្ញាណធាតុ… ជិវ្ហាវិញ្ញាណធាតុ… កាយវិញ្ញាណធាតុ… មនោធាតុ… មនោវិញ្ញាណធាតុ ឯកេន ខន្ធេន ឯកេនាយតនេន ឯកាយ ធាតុយា សង្គហិតា. កតិហិ អសង្គហិតា? ចតូហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

៣៣. ធម្មធាតុ អសង្ខតំ ខន្ធតោ ឋបេត្វា ចតូហិ ខន្ធេហិ ឯកេនាយតនេន ឯកាយ ធាតុយា សង្គហិតា. កតិហិ អសង្គហិតា? ឯកេន ខន្ធេន ឯកាទសហាយតនេហិ សត្តរសហិ ធាតូហិ អសង្គហិតា.

(ឯកមូលកំ.)

៣៤. ចក្ខុធាតុ ច សោតធាតុ ច ឯកេន ខន្ធេន ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ចតូហិ ខន្ធេហិ ទសហាយតនេហិ សោឡសហិ ធាតូហិ អសង្គហិតា.

៣៥. ចក្ខុធាតុ ច ឃានធាតុ ច… ចក្ខុធាតុ ច ជិវ្ហាធាតុ ច… ចក្ខុធាតុ ច កាយធាតុ ច… ចក្ខុធាតុ ច រូបធាតុ ច… ចក្ខុធាតុ ច សទ្ទធាតុ ច… ចក្ខុធាតុ ¶ ច គន្ធធាតុ ច… ចក្ខុធាតុ ច រសធាតុ ច… ចក្ខុធាតុ ច ផោដ្ឋព្ពធាតុ ច ឯកេន ¶ ខន្ធេន ទ្វីហាយតនេហិ ទ្វីហិ ¶ ធាតូហិ សង្គហិតា. កតិហិ អសង្គហិតា? ចតូហិ ខន្ធេហិ ទសហាយតនេហិ សោឡសហិ ធាតូហិ អសង្គហិតា.

៣៦. ចក្ខុធាតុ ¶ ច ចក្ខុវិញ្ញាណធាតុ ច ទ្វីហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? តីហិ ខន្ធេហិ ទសហាយតនេហិ សោឡសហិ ធាតូហិ អសង្គហិតា.

៣៧. ចក្ខុធាតុ ច សោតវិញ្ញាណធាតុ ច… ចក្ខុធាតុ ច ឃានវិញ្ញាណធាតុ ច… ចក្ខុធាតុ ច ជិវ្ហាវិញ្ញាណធាតុ ច… ចក្ខុធាតុ ច កាយវិញ្ញាណធាតុ ច… ចក្ខុធាតុ ច មនោធាតុ ច… ចក្ខុធាតុ ច មនោវិញ្ញាណធាតុ ច ទ្វីហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? តីហិ ខន្ធេហិ ទសហាយតនេហិ សោឡសហិ ធាតូហិ អសង្គហិតា.

៣៨. ចក្ខុធាតុ ច ធម្មធាតុ ច អសង្ខតំ ខន្ធតោ ឋបេត្វា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

(ទុកមូលកំ.)

៣៩. អដ្ឋារស ធាតុយោ កតិហិ ខន្ធេហិ កតិហាយតនេហិ កតិហិ ធាតូហិ សង្គហិតា? អដ្ឋារស ធាតុយោ អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

(អដ្ឋារសកំ.)

៤. សច្ចំ

៤០. ទុក្ខសច្ចំ ¶ កតិហិ ខន្ធេហិ កតិហាយតនេហិ កតិហិ ធាតូហិ សង្គហិតំ? ទុក្ខសច្ចំ ¶ បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតំ. កតិហិ អសង្គហិតំ? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតំ.

៤១. សមុទយសច្ចំ ¶ … ¶ មគ្គសច្ចំ ឯកេន ខន្ធេន ឯកេនាយតនេន ឯកាយ ធាតុយា សង្គហិតំ. កតិហិ អសង្គហិតំ? ចតូហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតំ.

៤២. និរោធសច្ចំ ន កេហិចិ ខន្ធេហិ ឯកេនាយតនេន ឯកាយ ធាតុយា សង្គហិតំ. កតិហិ អសង្គហិតំ? បញ្ចហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតំ.

(ឯកមូលកំ.)

៤៣. ទុក្ខសច្ចញ្ច សមុទយសច្ចញ្ច បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

៤៤. ទុក្ខសច្ចញ្ច មគ្គសច្ចញ្ច បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

៤៥. ទុក្ខសច្ចញ្ច និរោធសច្ចញ្ច អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

(ទុកមូលកំ.)

៤៦. ទុក្ខសច្ចញ្ច ¶ សមុទយសច្ចញ្ច មគ្គសច្ចញ្ច បញ្ចហិ ¶ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

៤៧. ទុក្ខសច្ចញ្ច សមុទយសច្ចញ្ច និរោធសច្ចញ្ច អសង្ខតំ ខន្ធតោ ឋបេត្វា បញ្ចហិ ខន្ធេហិ ¶ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

(តិកមូលកំ.)

៤៨. ទុក្ខសច្ចញ្ច ¶ សមុទយសច្ចញ្ច មគ្គសច្ចញ្ច និរោធសច្ចញ្ច អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

៤៩. ចត្តារិ សច្ចានិ កតិហិ ខន្ធេហិ កតិហាយតនេហិ កតិហិ ធាតូហិ សង្គហិតានិ? ចត្តារិ សច្ចានិ អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតានិ. កតិហិ អសង្គហិតានិ? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតានិ.

(ចតុក្កំ.)

៥. ឥន្ទ្រិយំ

៥០. ចក្ខុន្ទ្រិយំ កតិហិ ខន្ធេហិ កតិហាយតនេហិ កតិហិ ធាតូហិ សង្គហិតំ? ចក្ខុន្ទ្រិយំ ឯកេន ខន្ធេន ឯកេនាយតនេន ឯកាយ ធាតុយា សង្គហិតំ. កតិហិ អសង្គហិតំ? ចតូហិ ខន្ធេហិ ឯកាទសហាយតនេហិ ¶ សត្តរសហិ ធាតូហិ អសង្គហិតំ.

៥១. សោតិន្ទ្រិយំ… ឃានិន្ទ្រិយំ… ជិវ្ហិន្ទ្រិយំ… កាយិន្ទ្រិយំ… ឥត្ថិន្ទ្រិយំ ¶ … បុរិសិន្ទ្រិយំ ឯកេន ខន្ធេន ឯកេនាយតនេន ឯកាយ ធាតុយា សង្គហិតំ. កតិហិ អសង្គហិតំ? ចតូហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតំ.

៥២. មនិន្ទ្រិយំ ¶ ឯកេន ខន្ធេន ឯកេនាយតនេន សត្តហិ ធាតូហិ សង្គហិតំ. កតិហិ អសង្គហិតំ? ចតូហិ ខន្ធេហិ ឯកាទសហាយតនេហិ ឯកាទសហិ ធាតូហិ អសង្គហិតំ.

៥៣. ជីវិតិន្ទ្រិយំ ទ្វីហិ ខន្ធេហិ ឯកេនាយតនេន ឯកាយ ធាតុយា សង្គហិតំ. កតិហិ អសង្គហិតំ? តីហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតំ.

៥៤. សុខិន្ទ្រិយំ ¶ … ទុក្ខិន្ទ្រិយំ… សោមនស្សិន្ទ្រិយំ… ទោមនស្សិន្ទ្រិយំ… ឧបេក្ខិន្ទ្រិយំ… សទ្ធិន្ទ្រិយំ… វីរិយិន្ទ្រិយំ… សតិន្ទ្រិយំ… សមាធិន្ទ្រិយំ… បញ្ញិន្ទ្រិយំ… អនញ្ញាតញ្ញស្សាមីតិន្ទ្រិយំ… អញ្ញិន្ទ្រិយំ… អញ្ញាតាវិន្ទ្រិយំ ឯកេន ខន្ធេន ឯកេនាយតនេន ឯកាយ ធាតុយា សង្គហិតំ. កតិហិ អសង្គហិតំ? ចតូហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតំ.

(ឯកមូលកំ.)

៥៥. ចក្ខុន្ទ្រិយញ្ច សោតិន្ទ្រិយញ្ច ឯកេន ¶ ខន្ធេន ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ចតូហិ ខន្ធេហិ ទសហាយតនេហិ សោឡសហិ ធាតូហិ អសង្គហិតា.

៥៦. ចក្ខុន្ទ្រិយញ្ច ¶ ឃានិន្ទ្រិយញ្ច… ចក្ខុន្ទ្រិយញ្ច ជិវ្ហិន្ទ្រិយញ្ច… ចក្ខុន្ទ្រិយញ្ច កាយិន្ទ្រិយញ្ច… ចក្ខុន្ទ្រិយញ្ច ឥត្ថិន្ទ្រិយញ្ច… ចក្ខុន្ទ្រិយញ្ច បុរិសិន្ទ្រិយញ្ច ឯកេន ខន្ធេន ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ចតូហិ ខន្ធេហិ ទសហាយតនេហិ សោឡសហិ ធាតូហិ អសង្គហិតា.

៥៧. ចក្ខុន្ទ្រិយញ្ច មនិន្ទ្រិយញ្ច ទ្វីហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា. កតិហិ អសង្គហិតា? តីហិ ខន្ធេហិ ទសហាយតនេហិ ទសហិ ធាតូហិ អសង្គហិតា.

៥៨. ចក្ខុន្ទ្រិយញ្ច ជីវិតិន្ទ្រិយញ្ច ទ្វីហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? តីហិ ខន្ធេហិ ទសហាយតនេហិ សោឡសហិ ធាតូហិ អសង្គហិតា.

៥៩. ចក្ខុន្ទ្រិយញ្ច ¶ សុខិន្ទ្រិយញ្ច… ចក្ខុន្ទ្រិយញ្ច ទុក្ខិន្ទ្រិយញ្ច… ចក្ខុន្ទ្រិយញ្ច សោមនស្សិន្ទ្រិយញ្ច… ចក្ខុន្ទ្រិយញ្ច ទោមនស្សិន្ទ្រិយញ្ច… ចក្ខុន្ទ្រិយញ្ច ឧបេក្ខិន្ទ្រិយញ្ច… ចក្ខុន្ទ្រិយញ្ច ¶ សទ្ធិន្ទ្រិយញ្ច… ចក្ខុន្ទ្រិយញ្ច វីរិយិន្ទ្រិយញ្ច… ចក្ខុន្ទ្រិយញ្ច សតិន្ទ្រិយញ្ច… ចក្ខុន្ទ្រិយញ្ច សមាធិន្ទ្រិយញ្ច… ចក្ខុន្ទ្រិយញ្ច បញ្ញិន្ទ្រិយញ្ច… ចក្ខុន្ទ្រិយញ្ច អនញ្ញាតញ្ញស្សាមីតិន្ទ្រិយញ្ច… ចក្ខុន្ទ្រិយញ្ច អញ្ញិន្ទ្រិយញ្ច… ចក្ខុន្ទ្រិយញ្ច អញ្ញាតាវិន្ទ្រិយញ្ច ទ្វីហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? តីហិ ខន្ធេហិ ទសហាយតនេហិ សោឡសហិ ធាតូហិ អសង្គហិតា.

(ទុកមូលកំ.)

៦០. ពាវីសតិន្ទ្រិយានិ ¶ ¶ កតិហិ ខន្ធេហិ កតិហាយតនេហិ កតិហិ ធាតូហិ សង្គហិតានិ? ពាវីសតិន្ទ្រិយានិ ចតូហិ ខន្ធេហិ សត្តហាយតនេហិ តេរសហិ ធាតូហិ សង្គហិតានិ. កតិហិ អសង្គហិតានិ? ឯកេន ខន្ធេន បញ្ចហាយតនេហិ បញ្ចហិ ធាតូហិ អសង្គហិតានិ.

៦. បដិច្ចសមុប្បាទាទិ

៦១. អវិជ្ជា ឯកេន ខន្ធេន ឯកេនាយតនេន ឯកាយ ធាតុយា សង្គហិតា. កតិហិ អសង្គហិតា? ចតូហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

៦២. អវិជ្ជាបច្ចយា សង្ខារា ឯកេន ខន្ធេន ឯកេនាយតនេន ឯកាយ ធាតុយា សង្គហិតា. កតិហិ អសង្គហិតា? ចតូហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

៦៣. សង្ខារបច្ចយា វិញ្ញាណំ ឯកេន ¶ ខន្ធេន ឯកេនាយតនេន សត្តហិ ធាតូហិ សង្គហិតំ. កតិហិ អសង្គហិតំ? ចតូហិ ខន្ធេហិ ឯកាទសហាយតនេហិ ឯកាទសហិ ធាតូហិ អសង្គហិតំ.

៦៤. វិញ្ញាណបច្ចយា នាមរូបំ ចតូហិ ខន្ធេហិ ឯកាទសហាយតនេហិ ឯកាទសហិ ធាតូហិ សង្គហិតំ. កតិហិ អសង្គហិតំ? ឯកេន ខន្ធេន ឯកេនាយតនេន សត្តហិ ធាតូហិ អសង្គហិតំ.

៦៥. នាមរូបបច្ចយា ¶ សឡាយតនំ ទ្វីហិ ខន្ធេហិ ឆហាយតនេហិ ទ្វាទសហិ ធាតូហិ សង្គហិតំ. កតិហិ អសង្គហិតំ? តីហិ ខន្ធេហិ ឆហាយតនេហិ ឆហិ ធាតូហិ អសង្គហិតំ.

៦៦. សឡាយតនបច្ចយា ផស្សោ… ផស្សបច្ចយា វេទនា… វេទនាបច្ចយា តណ្ហា… តណ្ហាបច្ចយា ឧបាទានំ… កម្មភវោ ¶ [ឧបាទានបច្ចយា កម្មភវោ (សី. ស្យា.)] ឯកេន ខន្ធេន ឯកេនាយតនេន ឯកាយ ធាតុយា សង្គហិតោ. កតិហិ អសង្គហិតោ? ចតូហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតោ.

៦៧. ឧបបត្តិភវោ ¶ … កាមភវោ… សញ្ញាភវោ… បញ្ចវោការភវោ បញ្ចហិ ខន្ធេហិ ឯកាទសហាយតនេហិ សត្តរសហិ ធាតូហិ សង្គហិតោ. កតិហិ អសង្គហិតោ? ន កេហិចិ ខន្ធេហិ ឯកេនាយតនេន ឯកាយ ធាតុយា អសង្គហិតោ.

៦៨. រូបភវោ បញ្ចហិ ខន្ធេហិ បញ្ចហាយតនេហិ អដ្ឋហិ ធាតូហិ សង្គហិតោ. កតិហិ ¶ អសង្គហិតោ? ន កេហិចិ ខន្ធេហិ សត្តហាយតនេហិ ទសហិ ធាតូហិ អសង្គហិតោ.

៦៩. អរូបភវោ… នេវសញ្ញានាសញ្ញាភវោ… ចតុវោការភវោ ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតោ. កតិហិ អសង្គហិតោ? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតោ.

៧០. អសញ្ញាភវោ… ឯកវោការភវោ ឯកេន ខន្ធេន ទ្វីហាយតនេហិ ទ្វីហិ ធាតូហិ សង្គហិតោ. កតិហិ អសង្គហិតោ? ចតូហិ ខន្ធេហិ ទសហាយតនេហិ សោឡសហិ ធាតូហិ អសង្គហិតោ.

៧១. ជាតិ ទ្វីហិ ខន្ធេហិ… ជរា ទ្វីហិ ខន្ធេហិ… មរណំ ទ្វីហិ ខន្ធេហិ ឯកេនាយតនេន ឯកាយ ធាតុយា សង្គហិតំ. កតិហិ អសង្គហិតំ? តីហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតំ.

៧២. សោកោ… បរិទេវោ… ទុក្ខំ… ទោមនស្សំ… ឧបាយាសោ… សតិបដ្ឋានំ… សម្មប្បធានំ ¶ ឯកេន ខន្ធេន ឯកេនាយតនេន ឯកាយ ធាតុយា សង្គហិតំ. កតិហិ អសង្គហិតំ? ចតូហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតំ.

៧៣. ឥទ្ធិបាទោ ¶ ទ្វីហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតោ. កតិហិ អសង្គហិតោ? តីហិ ខន្ធេហិ ទសហាយតនេហិ សោឡសហិ ធាតូហិ អសង្គហិតោ.

៧៤. ឈានំ ¶ ទ្វីហិ ខន្ធេហិ ឯកេនាយតនេន ឯកាយ ធាតុយា សង្គហិតំ. កតិហិ អសង្គហិតំ? តីហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតំ.

៧៥. អប្បមញ្ញា ¶ … បញ្ចិន្ទ្រិយានិ… បញ្ច ពលានិ… សត្ត ពោជ្ឈង្គា… អរិយោ អដ្ឋង្គិកោ មគ្គោ… ផស្សោ… វេទនា… សញ្ញា… ចេតនា… អធិមោក្ខោ… មនសិការោ ឯកេន ខន្ធេន ឯកេនាយតនេន ឯកាយ ធាតុយា សង្គហិតោ. កតិហិ អសង្គហិតោ? ចតូហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតោ.

៧៦. ចិត្តំ ឯកេន ខន្ធេន ឯកេនាយតនេន សត្តហិ ធាតូហិ សង្គហិតំ. កតិហិ អសង្គហិតំ? ចតូហិ ខន្ធេហិ ឯកាទសហាយតនេហិ ឯកាទសហិ ធាតូហិ អសង្គហិតំ.

៧. តិកំ

៧៧. កុសលា ធម្មា… អកុសលា ធម្មា កតិហិ ខន្ធេហិ កតិហាយតនេហិ កតិហិ ធាតូហិ សង្គហិតា? កុសលា ធម្មា… អកុសលា ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ¶ ខន្ធេន ទសហាយតនេហិ សោឡសហិ ធាតូហិ អសង្គហិតា.

៧៨. អព្យាកតា ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

៧៩. សុខាយ វេទនាយ សម្បយុត្តា ធម្មា… ទុក្ខាយ វេទនាយ សម្បយុត្តា ធម្មា តីហិ ខន្ធេហិ ទ្វីហាយតនេហិ តីហិ ធាតូហិ សង្គហិតា. កតិហិ អសង្គហិតា? ទ្វីហិ ¶ ខន្ធេហិ ទសហាយតនេហិ បន្នរសហិ ធាតូហិ អសង្គហិតា.

៨០. អទុក្ខមសុខាយ ¶ វេទនាយ សម្បយុត្តា ធម្មា តីហិ ខន្ធេហិ ទ្វីហាយតនេហិ សត្តហិ ធាតូហិ សង្គហិតា. កតិហិ អសង្គហិតា? ទ្វីហិ ខន្ធេហិ ទសហាយតនេហិ ឯកាទសហិ ធាតូហិ អសង្គហិតា.

៨១. វិបាកា ¶ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា.

៨២. វិបាកធម្មធម្មា… សំកិលិដ្ឋសំកិលេសិកា ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

៨៣. នេវវិបាកនវិបាកធម្មធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ តេរសហិ ធាតូហិ សង្គហិតា. កតិហិ អសង្គហិតា ¶ ? ន កេហិចិ ខន្ធេហិ ន កេហិចិ អាយតនេហិ បញ្ចហិ ធាតូហិ អសង្គហិតា.

៨៤. ឧបាទិន្នុបាទានិយា ធម្មា បញ្ចហិ ខន្ធេហិ ឯកាទសហាយតនេហិ សត្តរសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ឯកេនាយតនេន ឯកាយ ធាតុយា អសង្គហិតា.

៨៥. អនុបាទិន្នុបាទានិយា ធម្មា បញ្ចហិ ខន្ធេហិ សត្តហាយតនេហិ អដ្ឋហិ ធាតូហិ សង្គហិតា. កតិហិ ¶ អសង្គហិតា? ន កេហិចិ ខន្ធេហិ បញ្ចហាយតនេហិ ទសហិ ធាតូហិ អសង្គហិតា.

៨៦. អនុបាទិន្នអនុបាទានិយា ធម្មា… អសំកិលិដ្ឋអសំកិលេសិកា ធម្មា អសង្ខតំ ខន្ធតោ ឋបេត្វា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

៨៧. អសំកិលិដ្ឋសំកិលេសិកា ធម្មា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ ¶ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

៨៨. សវិតក្កសវិចារា ធម្មា ចតូហិ ខន្ធេហិ ទ្វីហាយតនេហិ តីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ បន្នរសហិ ធាតូហិ អសង្គហិតា.

៨៩. អវិតក្កវិចារមត្តា ¶ ធម្មា… បីតិសហគតា ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ¶ ខន្ធេន ទសហាយតនេហិ សោឡសហិ ធាតូហិ អសង្គហិតា.

៩០. អវិតក្កអវិចារា ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ សត្តរសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ឯកាយ ធាតុយា អសង្គហិតា.

៩១. សុខសហគតា ធម្មា តីហិ ខន្ធេហិ ទ្វីហាយតនេហិ តីហិ ធាតូហិ សង្គហិតា. កតិហិ អសង្គហិតា? ទ្វីហិ ខន្ធេហិ ទសហាយតនេហិ បន្នរសហិ ធាតូហិ អសង្គហិតា.

៩២. ឧបេក្ខាសហគតា ¶ ធម្មា តីហិ ខន្ធេហិ ទ្វីហាយតនេហិ សត្តហិ ធាតូហិ សង្គហិតា. កតិហិ អសង្គហិតា? ទ្វីហិ ខន្ធេហិ ទសហាយតនេហិ ឯកាទសហិ ធាតូហិ អសង្គហិតា.

៩៣. ទស្សនេន បហាតព្ពា ធម្មា… ភាវនាយ បហាតព្ពា ធម្មា… ទស្សនេន បហាតព្ពហេតុកា ធម្មា… ភាវនាយ បហាតព្ពហេតុកា ធម្មា… អាចយគាមិនោ ធម្មា… អបចយគាមិនោ ធម្មា… សេក្ខា ធម្មា… អសេក្ខា ធម្មា… មហគ្គតា ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

៩៤. នេវ ទស្សនេន ន ភាវនាយ បហាតព្ពា ធម្មា… នេវ ទស្សនេន ន ភាវនាយ បហាតព្ពហេតុកា ធម្មា… នេវាចយគាមិនាបចយគាមិនោ ធម្មា… នេវសេក្ខនាសេក្ខា ធម្មា អសង្ខតំ ¶ ខន្ធតោ ឋបេត្វា បញ្ចហិ ខន្ធេហិ ¶ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

៩៥. បរិត្តា ធម្មា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

៩៦. អប្បមាណា ¶ ធម្មា… បណីតា ធម្មា អសង្ខតំ ខន្ធតោ ឋបេត្វា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ ¶ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

៩៧. បរិត្តារម្មណា [បរិត្តារមណា (?)] ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា.

៩៨. មហគ្គតារម្មណា ធម្មា… អប្បមាណារម្មណា ធម្មា… ហីនា ធម្មា… មិច្ឆត្តនិយតា ធម្មា… សម្មត្តនិយតា ធម្មា… មគ្គារម្មណា ធម្មា… មគ្គហេតុកា ធម្មា… មគ្គាធិបតិនោ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

៩៩. មជ្ឈិមា ធម្មា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ¶ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

១០០. អនិយតា ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

១០១. ឧប្បន្នា ¶ ធម្មា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

១០២. អនុប្បន្នា ¶ ធម្មា បញ្ចហិ ខន្ធេហិ សត្តហាយតនេហិ អដ្ឋហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ បញ្ចហាយតនេហិ ទសហិ ធាតូហិ អសង្គហិតា.

១០៣. ឧប្បាទិនោ ¶ ធម្មា បញ្ចហិ ខន្ធេហិ ឯកាទសហាយតនេហិ សត្តរសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ឯកេនាយតនេន ឯកាយ ធាតុយា អសង្គហិតា.

១០៤. អតីតា ធម្មា… អនាគតា ធម្មា… បច្ចុប្បន្នា ធម្មា… អជ្ឈត្តា ធម្មា… អជ្ឈត្តពហិទ្ធា ធម្មា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

១០៥. ពហិទ្ធា ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ¶ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

១០៦. អតីតារម្មណា ធម្មា… អនាគតារម្មណា ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

១០៧. បច្ចុប្បន្នារម្មណា ធម្មា… អជ្ឈត្តារម្មណា ធម្មា… ពហិទ្ធារម្មណា ធម្មា… អជ្ឈត្តពហិទ្ធារម្មណា ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា. កតិហិ អសង្គហិតា? ឯកេន ¶ ខន្ធេន ទសហាយតនេហិ ទសហិ ធាតូហិ អសង្គហិតា.

១០៨. សនិទស្សនសប្បដិឃា ធម្មា ឯកេន ខន្ធេន ឯកេនាយតនេន ឯកាយ ធាតុយា សង្គហិតា ¶ . កតិហិ អសង្គហិតា? ចតូហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

១០៩. អនិទស្សនសប្បដិឃា ធម្មា ឯកេន ខន្ធេន នវហាយតនេហិ នវហិ ធាតូហិ សង្គហិតា. កតិហិ អសង្គហិតា? ចតូហិ ខន្ធេហិ តីហាយតនេហិ នវហិ ធាតូហិ អសង្គហិតា.

១១០. អនិទស្សនអប្បដិឃា ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ, ទសហាយតនេហិ ទសហិ ធាតូហិ អសង្គហិតា.

៨. ទុកំ

១១១. ហេតូ ¶ ¶ ធម្មា… ហេតូ ចេវ សហេតុកា ច ធម្មា… ហេតូ ចេវ ហេតុសម្បយុត្តា ច ធម្មា ឯកេន ខន្ធេន ឯកេនាយតនេន ឯកាយ ធាតុយា សង្គហិតា. កតិហិ អសង្គហិតា? ចតូហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

១១២. ន ហេតូ ធម្មា… អហេតុកា ធម្មា… ហេតុវិប្បយុត្តា ធម្មា… ន ហេតូ អហេតុកា [ន ហេតូ អហេតុកា (ស្យា. ក.) វិភ. ទុកបញ្ហាបុច្ឆកេបិ] ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

១១៣. សហេតុកា ធម្មា… ហេតុសម្បយុត្តា ធម្មា… សហេតុកា ចេវ ន ច ហេតូ ធម្មា… ហេតុសម្បយុត្តា ចេវ ន ច ហេតូ ធម្មា… ន ហេតូ សហេតុកា ធម្មា ចតូហិ ¶ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

១១៤. សប្បច្ចយា ធម្មា… សង្ខតា ធម្មា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ ¶ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

១១៥. អប្បច្ចយា ធម្មា… អសង្ខតា ធម្មា ន កេហិចិ ខន្ធេហិ ឯកេនាយតនេន ឯកាយ ធាតុយា សង្គហិតា. កតិហិ អសង្គហិតា? បញ្ចហិ ¶ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

១១៦. សនិទស្សនា ធម្មា ឯកេន ខន្ធេន ឯកេនាយតនេន ឯកាយ ធាតុយា សង្គហិតា. កតិហិ អសង្គហិតា? ចតូហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

១១៧. អនិទស្សនា ¶ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ឯកាទសហាយតនេហិ សត្តរសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ, ឯកេនាយតនេន ឯកាយ ធាតុយា អសង្គហិតា.

១១៨. សប្បដិឃា ធម្មា ឯកេន ខន្ធេន ទសហាយតនេហិ ទសហិ ធាតូហិ សង្គហិតា. កតិហិ អសង្គហិតា? ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ អសង្គហិតា.

១១៩. អប្បដិឃា ធម្មា អសង្ខតំ ¶ ខន្ធតោ ឋបេត្វា បញ្ចហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ, ទសហាយតនេហិ ទសហិ ធាតូហិ អសង្គហិតា.

១២០. រូបិនោ ធម្មា ឯកេន ខន្ធេន ឯកាទសហាយតនេហិ ឯកាទសហិ ធាតូហិ សង្គហិតា. កតិហិ អសង្គហិតា? ចតូហិ ខន្ធេហិ ឯកេនាយតនេន សត្តហិ ធាតូហិ អសង្គហិតា.

១២១. អរូបិនោ ធម្មា អសង្ខតំ ខន្ធតោ ឋបេត្វា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា.

១២២. លោកិយា ¶ ¶ ធម្មា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

១២៣. លោកុត្តរា ធម្មា អសង្ខតំ ខន្ធតោ ឋបេត្វា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

១២៤. កេនចិ វិញ្ញេយ្យា ធម្មា… កេនចិ ន វិញ្ញេយ្យា ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

១២៥. អាសវា ¶ ធម្មា… អាសវា ចេវ សាសវា ច ធម្មា… អាសវា ចេវ អាសវសម្បយុត្តា ច ធម្មា ឯកេន ¶ ខន្ធេន ឯកេនាយតនេន ឯកាយ ធាតុយា សង្គហិតា. កតិហិ អសង្គហិតា? ចតូហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

១២៦. នោ អាសវា ធម្មា… អាសវវិប្បយុត្តា ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

១២៧. សាសវា ធម្មា… សាសវា ចេវ នោ ច អាសវា ធម្មា… អាសវវិប្បយុត្តា សាសវា ធម្មា បញ្ចហិ ខន្ធេហិ ទ្វាទសហាយតនេហិ ¶ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

១២៨. អនាសវា ធម្មា… អាសវវិប្បយុត្តា អនាសវា ធម្មា អសង្ខតំ ខន្ធតោ ឋបេត្វា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

១២៩. អាសវសម្បយុត្តា ¶ ធម្មា… អាសវសម្បយុត្តា ចេវ នោ ច អាសវា ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

១៣០. សំយោជនា ធម្មា… គន្ថា ធម្មា… ឱឃា ធម្មា… យោគា ធម្មា… នីវរណា ធម្មា… បរាមាសា ធម្មា… បរាមាសា ចេវ បរាមដ្ឋា ច ធម្មា ឯកេន ¶ ខន្ធេន ឯកេនាយតនេន ឯកាយ ធាតុយា សង្គហិតា. កតិហិ អសង្គហិតា? ចតូហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

១៣១. នោ បរាមាសា ធម្មា… បរាមាសវិប្បយុត្តា ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា ¶ . កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

១៣២. បរាមដ្ឋា ធម្មា… បរាមដ្ឋា ចេវ នោ ច បរាមាសា ធម្មា… បរាមាសវិប្បយុត្តា បរាមដ្ឋា ធម្មា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

១៣៣. អបរាមដ្ឋា ធម្មា… បរាមាសវិប្បយុត្តា អបរាមដ្ឋា ធម្មា អសង្ខតំ ខន្ធតោ ឋបេត្វា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

១៣៤. បរាមាសសម្បយុត្តា ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

១៣៥. សារម្មណា ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា.

១៣៦. អនារម្មណា ¶ ធម្មា អសង្ខតំ ខន្ធតោ ឋបេត្វា ឯកេន ខន្ធេន ឯកាទសហាយតនេហិ ឯកាទសហិ ¶ ធាតូហិ សង្គហិតា. កតិហិ អសង្គហិតា? ចតូហិ ខន្ធេហិ ឯកេនាយតនេន សត្តហិ ធាតូហិ អសង្គហិតា.

១៣៧. ចិត្តា ធម្មា ឯកេន ខន្ធេន ឯកេនាយតនេន សត្តហិ ធាតូហិ សង្គហិតា. កតិហិ អសង្គហិតា? ចតូហិ ខន្ធេហិ ឯកាទសហាយតនេហិ ឯកាទសហិ ធាតូហិ អសង្គហិតា.

១៣៨. នោ ចិត្តា ធម្មា អសង្ខតំ ខន្ធតោ ឋបេត្វា ចតូហិ ខន្ធេហិ ¶ ឯកាទសហាយតនេហិ ឯកាទសហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ឯកេនាយតនេន សត្តហិ ធាតូហិ អសង្គហិតា.

១៣៩. ចេតសិកា ¶ ធម្មា… ចិត្តសម្បយុត្តា ធម្មា… ចិត្តសំសដ្ឋា ធម្មា តីហិ ខន្ធេហិ ឯកេនាយតនេន ឯកាយ ធាតុយា សង្គហិតា. កតិហិ អសង្គហិតា? ទ្វីហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

១៤០. អចេតសិកា ធម្មា អសង្ខតំ ខន្ធតោ ឋបេត្វា ទ្វីហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? តីហិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

១៤១. ចិត្តវិប្បយុត្តា ធម្មា… ចិត្តវិសំសដ្ឋា ធម្មា អសង្ខតំ ខន្ធតោ ឋបេត្វា ឯកេន ខន្ធេន ឯកាទសហាយតនេហិ ឯកាទសហិ ធាតូហិ សង្គហិតា. កតិហិ អសង្គហិតា? ចតូហិ ខន្ធេហិ ឯកេនាយតនេន សត្តហិ ធាតូហិ អសង្គហិតា.

១៤២. ចិត្តសមុដ្ឋានា ¶ ធម្មា ចតូហិ ខន្ធេហិ ឆហាយតនេហិ ឆហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ឆហាយតនេហិ ទ្វាទសហិ ធាតូហិ អសង្គហិតា.

១៤៣. នោ ចិត្តសមុដ្ឋានា ធម្មា… នោ ចិត្តសហភុនោ ធម្មា… នោ ចិត្តានុបរិវត្តិនោ ធម្មា អសង្ខតំ ខន្ធតោ ឋបេត្វា ទ្វីហិ ខន្ធេហិ ¶ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? តីហិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

១៤៤. ចិត្តសហភុនោ ¶ ធម្មា… ចិត្តានុបរិវត្តិនោ ធម្មា ចតូហិ ខន្ធេហិ ឯកេនាយតនេន ឯកាយ ធាតុយា សង្គហិតា. កតិហិ អសង្គហិតា? ឯកេន ខន្ធេន ឯកាទសហាយតនេហិ សត្តរសហិ ធាតូហិ អសង្គហិតា.

១៤៥. ចិត្តសំសដ្ឋសមុដ្ឋានា ធម្មា… ចិត្តសំសដ្ឋសមុដ្ឋានសហភុនោ ធម្មា… ចិត្តសំសដ្ឋសមុដ្ឋានានុបរិវត្តិនោ ធម្មា តីហិ ខន្ធេហិ ឯកេនាយតនេន ឯកាយ ធាតុយា សង្គហិតា. កតិហិ អសង្គហិតា? ទ្វីហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

១៤៦. នោ ¶ ចិត្តសំសដ្ឋសមុដ្ឋានា ធម្មា… នោ ចិត្តសំសដ្ឋសមុដ្ឋានសហភុនោ ធម្មា… នោ ចិត្តសំសដ្ឋសមុដ្ឋានានុបរិវត្តិនោ ធម្មា អសង្ខតំ ខន្ធតោ ឋបេត្វា ទ្វីហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? តីហិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

១៤៧. អជ្ឈត្តិកា ធម្មា ទ្វីហិ ¶ ខន្ធេហិ ឆហាយតនេហិ ទ្វាទសហិ ធាតូហិ សង្គហិតា. កតិហិ អសង្គហិតា? តីហិ ខន្ធេហិ ឆហាយតនេហិ ឆហិ ធាតូហិ អសង្គហិតា.

១៤៨. ពាហិរា ធម្មា អសង្ខតំ ខន្ធតោ ឋបេត្វា ចតូហិ ខន្ធេហិ ឆហាយតនេហិ ឆហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ¶ ឆហាយតនេហិ ទ្វាទសហិ ធាតូហិ អសង្គហិតា.

១៤៩. ឧបាទា ធម្មា ឯកេន ខន្ធេន ទសហាយតនេហិ ទសហិ ធាតូហិ សង្គហិតា. កតិហិ អសង្គហិតា? ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ អសង្គហិតា.

១៥០. នោ ឧបាទា ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ តីហាយតនេហិ នវហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ នវហាយតនេហិ នវហិ ធាតូហិ អសង្គហិតា.

១៥១. ឧបាទិន្នា ធម្មា បញ្ចហិ ខន្ធេហិ ឯកាទសហាយតនេហិ សត្តរសហិ ធាតូហិ សង្គហិតា ¶ . កតិហិ អសង្គហិតា? ន កេហិចិ ខន្ធេហិ ឯកេនាយតនេន ឯកាយ ធាតុយា អសង្គហិតា.

១៥២. អនុបាទិន្នា ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ សត្តហាយតនេហិ អដ្ឋហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ បញ្ចហាយតនេហិ ទសហិ ធាតូហិ អសង្គហិតា.

១៥៣. ឧបាទានា ធម្មា… កិលេសា ធម្មា… កិលេសា ចេវ សំកិលេសិកា ច ធម្មា… កិលេសា ចេវ សំកិលិដ្ឋា ច ធម្មា… កិលេសា ចេវ កិលេសសម្បយុត្តា ច ធម្មា ឯកេន ¶ ខន្ធេន ឯកេនាយតនេន ឯកាយ ធាតុយា ¶ សង្គហិតា. កតិហិ អសង្គហិតា? ចតូហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

១៥៤. នោ កិលេសា ធម្មា… អសំកិលិដ្ឋា ធម្មា… កិលេសវិប្បយុត្តា ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ¶ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

១៥៥. សំកិលេសិកា ធម្មា… សំកិលេសិកា ចេវ នោ ច កិលេសា ធម្មា… កិលេសវិប្បយុត្តា សំកិលេសិកា ធម្មា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

១៥៦. អសំកិលេសិកា ធម្មា… កិលេសវិប្បយុត្តា អសំកិលេសិកា ធម្មា អសង្ខតំ ខន្ធតោ ឋបេត្វា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

១៥៧. សំកិលិដ្ឋា ធម្មា… កិលេសសម្បយុត្តា ធម្មា… សំកិលិដ្ឋា ចេវ នោ ច កិលេសា ធម្មា… កិលេសសម្បយុត្តា ចេវ នោ ច កិលេសា ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ ¶ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

១៥៨. ទស្សនេន បហាតព្ពា ធម្មា… ភាវនាយ បហាតព្ពា ធម្មា… ទស្សនេន បហាតព្ពហេតុកា ធម្មា… ភាវនាយ បហាតព្ពហេតុកា ធម្មា ចតូហិ ¶ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

១៥៩. ន ទស្សនេន បហាតព្ពា ធម្មា… ន ភាវនាយ បហាតព្ពា ធម្មា ¶ … ន ទស្សនេន បហាតព្ពហេតុកា ធម្មា… ន ភាវនាយ បហាតព្ពហេតុកា ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ¶ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

១៦០. សវិតក្កា ធម្មា… សវិចារា ធម្មា ចតូហិ ខន្ធេហិ ទ្វីហាយតនេហិ តីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ បន្នរសហិ ធាតូហិ អសង្គហិតា.

១៦១. អវិតក្កា ធម្មា… អវិចារា ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ សត្តរសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ឯកាយ ធាតុយា អសង្គហិតា.

១៦២. សប្បីតិកា ធម្មា… បីតិសហគតា ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

១៦៣. អប្បីតិកា ធម្មា… ន បីតិសហគតា ធម្មា… ន សុខសហគតា ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ ¶ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

១៦៤. សុខសហគតា ¶ ធម្មា តីហិ ខន្ធេហិ ទ្វីហាយតនេហិ តីហិ ធាតូហិ សង្គហិតា. កតិហិ អសង្គហិតា? ទ្វីហិ ខន្ធេហិ ទសហាយតនេហិ បន្នរសហិ ¶ ធាតូហិ អសង្គហិតា.

១៦៥. ឧបេក្ខាសហគតា ធម្មា តីហិ ខន្ធេហិ ទ្វីហាយតនេហិ សត្តហិ ធាតូហិ សង្គហិតា. កតិហិ អសង្គហិតា? ទ្វីហិ ខន្ធេហិ ទសហាយតនេហិ ឯកាទសហិ ធាតូហិ អសង្គហិតា.

១៦៦. ន ឧបេក្ខាសហគតា ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ តេរសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ បញ្ចហិ ធាតូហិ អសង្គហិតា.

១៦៧. កាមាវចរា ¶ ធម្មា… បរិយាបន្នា ធម្មា… សឧត្តរា ធម្មា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

១៦៨. ន កាមាវចរា ធម្មា… អបរិយាបន្នា ធម្មា… អនុត្តរា ធម្មា អសង្ខតំ ខន្ធតោ ឋបេត្វា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

១៦៩. រូបាវចរា ធម្មា… អរូបាវចរា ធម្មា… និយ្យានិកា ធម្មា… និយតា ធម្មា… សរណា ធម្មា ចតូហិ ¶ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

១៧០. ន ¶ រូបាវចរា ធម្មា… ន អរូបាវចរា ធម្មា… អនិយ្យានិកា ធម្មា… អនិយតា ធម្មា… អរណា ធម្មា កតិហិ ខន្ធេហិ កតិហាយតនេហិ កតិហិ ធាតូហិ សង្គហិតា? អរណា ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

សង្គហាសង្គហបទនិទ្ទេសោ បឋមោ.

២. ទុតិយនយោ

២. សង្គហិតេនអសង្គហិតបទនិទ្ទេសោ

១៧១. ចក្ខាយតនេន ¶ ¶ ¶ យេ ធម្មា… ផោដ្ឋព្ពាយតនេន យេ ធម្មា… ចក្ខុធាតុយា យេ ធម្មា… ផោដ្ឋព្ពធាតុយា យេ ធម្មា ខន្ធសង្គហេន សង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ អសង្គហិតា? តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ អសង្គហិតា.

១៧២. ចក្ខុវិញ្ញាណធាតុយា យេ ធម្មា… សោតវិញ្ញាណធាតុយា យេ ធម្មា… ឃានវិញ្ញាណធាតុយា យេ ធម្មា… ជិវ្ហាវិញ្ញាណធាតុយា យេ ធម្មា… កាយវិញ្ញាណធាតុយា យេ ធម្មា… មនោធាតុយា យេ ធម្មា… មនោវិញ្ញាណធាតុយា យេ ធម្មា ខន្ធសង្គហេន សង្គហិតា អាយតនសង្គហេន ¶ អសង្គហិតា ធាតុសង្គហេន អសង្គហិតា…បេ… តេ ធម្មា ចតូហិ ខន្ធេហិ ឯកាទសហាយតនេហិ ទ្វាទសហិ ធាតូហិ អសង្គហិតា.

១៧៣. ចក្ខុន្ទ្រិយេន យេ ធម្មា… សោតិន្ទ្រិយេន យេ ធម្មា… ឃានិន្ទ្រិយេន យេ ធម្មា… ជិវ្ហិន្ទ្រិយេន យេ ធម្មា… កាយិន្ទ្រិយេន យេ ធម្មា… ឥត្ថិន្ទ្រិយេន យេ ធម្មា… បុរិសិន្ទ្រិយេន យេ ធម្មា ខន្ធសង្គហេន សង្គហិតា អាយតនសង្គហេន អសង្គហិតា ធាតុសង្គហេន អសង្គហិតា…បេ… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ អសង្គហិតា.

១៧៤. អសញ្ញាភវេន យេ ធម្មា… ឯកវោការភវេន យេ ធម្មា ខន្ធសង្គហេន សង្គហិតា អាយតនសង្គហេន អសង្គហិតា ធាតុសង្គហេន អសង្គហិតា…បេ… តេ ធម្មា ចតូហិ ¶ ខន្ធេហិ តីហាយតនេហិ នវហិ ធាតូហិ អសង្គហិតា.

១៧៥. បរិទេវេន យេ ធម្មា… សនិទស្សនសប្បដិឃេហិ ធម្មេហិ យេ ធម្មា ខន្ធសង្គហេន សង្គហិតា អាយតនសង្គហេន អសង្គហិតា ធាតុសង្គហេន អសង្គហិតា…បេ… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ អសង្គហិតា.

១៧៦. អនិទស្សនសប្បដិឃេហិ ¶ ធម្មេហិ យេ ធម្មា ខន្ធសង្គហេន សង្គហិតា អាយតនសង្គហេន អសង្គហិតា ធាតុសង្គហេន អសង្គហិតា…បេ… តេ ធម្មា ចតូហិ ខន្ធេហិ ទសហាយតនេហិ សោឡសហិ ធាតូហិ អសង្គហិតា.

១៧៧. សនិទស្សនេហិ ធម្មេហិ យេ ធម្មា ខន្ធសង្គហេន សង្គហិតា អាយតនសង្គហេន ¶ អសង្គហិតា ធាតុសង្គហេន អសង្គហិតា…បេ… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ អសង្គហិតា.

១៧៨. សប្បដិឃេហិ ធម្មេហិ យេ ធម្មា… ឧបាទាធម្មេហិ យេ ធម្មា ខន្ធសង្គហេន សង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ អសង្គហិតា? តេ ធម្មា ចតូហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

ទសាយតនា សត្តរស ធាតុយោ,

សត្តិន្ទ្រិយា អសញ្ញាភវោ ឯកវោការភវោ;

បរិទេវោ សនិទស្សនសប្បដិឃំ,

អនិទស្សនំ បុនទេវ [បុនរេវ (បី.)] សប្បដិឃំ ឧបាទាតិ.

សង្គហិតេនអសង្គហិតបទនិទ្ទេសោ ទុតិយោ.

៣. តតិយនយោ

៣. អសង្គហិតេនសង្គហិតបទនិទ្ទេសោ

១៧៩. វេទនាក្ខន្ធេន ¶ ¶ ¶ យេ ធម្មា… សញ្ញាក្ខន្ធេន យេ ធម្មា… សង្ខារក្ខន្ធេន យេ ធម្មា… សមុទយសច្ចេន យេ ធម្មា… មគ្គសច្ចេន យេ ធម្មា ខន្ធសង្គហេន អសង្គហិតា អាយតនសង្គហេន សង្គហិតា ធាតុសង្គហេន សង្គហិតា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ សង្គហិតា? តេ ធម្មា អសង្ខតំ ខន្ធតោ ឋបេត្វា តីហិ ខន្ធេហិ ឯកេនាយតនេន ឯកាយ ធាតុយា សង្គហិតា.

១៨០. និរោធសច្ចេន យេ ធម្មា ខន្ធសង្គហេន អសង្គហិតា អាយតនសង្គហេន ¶ សង្គហិតា ធាតុសង្គហេន សង្គហិតា…បេ… តេ ធម្មា ចតូហិ ខន្ធេហិ ឯកេនាយតនេន ឯកាយ ធាតុយា សង្គហិតា.

១៨១. ជីវិតិន្ទ្រិយេន យេ ធម្មា ខន្ធសង្គហេន អសង្គហិតា អាយតនសង្គហេន សង្គហិតា ធាតុសង្គហេន សង្គហិតា…បេ… តេ ធម្មា អសង្ខតំ ខន្ធតោ ឋបេត្វា ទ្វីហិ ខន្ធេហិ ឯកេនាយតនេន ឯកាយ ធាតុយា សង្គហិតា.

១៨២. ឥត្ថិន្ទ្រិយេន យេ ធម្មា… បុរិសិន្ទ្រិយេន យេ ធម្មា… សុខិន្ទ្រិយេន យេ ធម្មា… ទុក្ខិន្ទ្រិយេន យេ ធម្មា… សោមនស្សិន្ទ្រិយេន យេ ធម្មា… ទោមនស្សិន្ទ្រិយេន យេ ធម្មា… ឧបេក្ខិន្ទ្រិយេន យេ ធម្មា… សទ្ធិន្ទ្រិយេន យេ ធម្មា… វីរិយិន្ទ្រិយេន យេ ធម្មា… សតិន្ទ្រិយេន យេ ធម្មា… សមាធិន្ទ្រិយេន យេ ធម្មា… បញ្ញិន្ទ្រិយេន យេ ធម្មា… អនញ្ញាតញ្ញស្សាមីតិន្ទ្រិយេន យេ ធម្មា… អញ្ញិន្ទ្រិយេន យេ ធម្មា… អញ្ញាតាវិន្ទ្រិយេន យេ ធម្មា… អវិជ្ជាយ យេ ធម្មា… អវិជ្ជាបច្ចយា ¶ សង្ខារេន យេ ធម្មា… សឡាយតនបច្ចយា ផស្សេន យេ ធម្មា… ផស្សបច្ចយា វេទនាយ យេ ធម្មា… វេទនាបច្ចយា ¶ តណ្ហាយ យេ ធម្មា… តណ្ហាបច្ចយា ឧបាទានេន យេ ធម្មា… កម្មភវេន [ឧបាទានបច្ចយា កម្មភវេន (ស្យា.)] យេ ធម្មា ខន្ធសង្គហេន អសង្គហិតា អាយតនសង្គហេន សង្គហិតា ធាតុសង្គហេន សង្គហិតា…បេ… តេ ធម្មា អសង្ខតំ ខន្ធតោ ឋបេត្វា តីហិ ខន្ធេហិ ឯកេនាយតនេន ឯកាយ ធាតុយា សង្គហិតា.

១៨៣. ជាតិយា ¶ ¶ យេ ធម្មា… ជរាយ យេ ធម្មា… មរណេន យេ ធម្មា… ឈានេន យេ ធម្មា ខន្ធសង្គហេន អសង្គហិតា អាយតនសង្គហេន សង្គហិតា ធាតុសង្គហេន សង្គហិតា…បេ… តេ ធម្មា អសង្ខតំ ខន្ធតោ ឋបេត្វា ទ្វីហិ ខន្ធេហិ ឯកេនាយតនេន ឯកាយ ធាតុយា សង្គហិតា.

១៨៤. សោកេន យេ ធម្មា… ទុក្ខេន យេ ធម្មា… ទោមនស្សេន យេ ធម្មា… ឧបាយាសេន យេ ធម្មា… សតិបដ្ឋានេន យេ ធម្មា… សម្មប្បធានេន យេ ធម្មា… អប្បមញ្ញាយ យេ ធម្មា… បញ្ចហិ ឥន្ទ្រិយេហិ យេ ធម្មា… បញ្ចហិ ពលេហិ យេ ធម្មា… សត្តហិ ពោជ្ឈង្គេហិ យេ ធម្មា… អរិយេន អដ្ឋង្គិកេន មគ្គេន យេ ធម្មា… ផស្សេន យេ ធម្មា… វេទនាយ យេ ធម្មា… សញ្ញាយ យេ ធម្មា… ចេតនាយ យេ ធម្មា… អធិមោក្ខេន យេ ធម្មា… មនសិការេន យេ ធម្មា… ហេតូហិ ធម្មេហិ យេ ធម្មា… ហេតូហិ ចេវ សហេតុកេហិ ច ធម្មេហិ យេ ធម្មា… ហេតូហិ ចេវ ហេតុសម្បយុត្តេហិ ច ធម្មេហិ យេ ធម្មា ខន្ធសង្គហេន អសង្គហិតា អាយតនសង្គហេន សង្គហិតា ធាតុសង្គហេន សង្គហិតា…បេ… តេ ធម្មា អសង្ខតំ ខន្ធតោ ឋបេត្វា តីហិ ខន្ធេហិ ឯកេនាយតនេន ឯកាយ ធាតុយា សង្គហិតា.

១៨៥. អប្បច្ចយេហិ ធម្មេហិ យេ ធម្មា… អសង្ខតេហិ ធម្មេហិ យេ ធម្មា ខន្ធសង្គហេន អសង្គហិតា អាយតនសង្គហេន សង្គហិតា ធាតុសង្គហេន សង្គហិតា…បេ… តេ ធម្មា ចតូហិ ខន្ធេហិ ឯកេនាយតនេន ឯកាយ ធាតុយា ¶ សង្គហិតា.

១៨៦. អាសវេហិ ធម្មេហិ យេ ធម្មា… អាសវេហិ ចេវ សាសវេហិ ច ធម្មេហិ យេ ធម្មា… អាសវេហិ ចេវ អាសវសម្បយុត្តេហិ ច ធម្មេហិ យេ ធម្មា ខន្ធសង្គហេន អសង្គហិតា អាយតនសង្គហេន សង្គហិតា ធាតុសង្គហេន សង្គហិតា… តេ ធម្មា អសង្ខតំ ¶ ខន្ធតោ ឋបេត្វា តីហិ ខន្ធេហិ ឯកេនាយតនេន ឯកាយ ធាតុយា សង្គហិតា.

១៨៧. សំយោជនេហិ ¶ … គន្ថេហិ… ឱឃេហិ… យោគេហិ… នីវរណេហិ… បរាមាសេហិ ធម្មេហិ យេ ធម្មា… បរាមាសេហិ ចេវ បរាមដ្ឋេហិ ច ធម្មេហិ យេ ធម្មា ខន្ធសង្គហេន អសង្គហិតា អាយតនសង្គហេន សង្គហិតា ធាតុសង្គហេន សង្គហិតា… តេ ធម្មា អសង្ខតំ ខន្ធតោ ឋបេត្វា តីហិ ខន្ធេហិ ឯកេនាយតនេន ឯកាយ ធាតុយា សង្គហិតា.

១៨៨. ចេតសិកេហិ ¶ ធម្មេហិ យេ ធម្មា… ចិត្តសម្បយុត្តេហិ ធម្មេហិ យេ ធម្មា… ចិត្តសំសដ្ឋេហិ ធម្មេហិ យេ ធម្មា… ចិត្តសំសដ្ឋសមុដ្ឋានេហិ ធម្មេហិ យេ ធម្មា… ចិត្តសំសដ្ឋសមុដ្ឋានសហភូហិ ធម្មេហិ យេ ធម្មា… ចិត្តសំសដ្ឋសមុដ្ឋានានុបរិវត្តីហិ ធម្មេហិ យេ ធម្មា ខន្ធសង្គហេន អសង្គហិតា អាយតនសង្គហេន សង្គហិតា ធាតុសង្គហេន សង្គហិតា…បេ… តេ ធម្មា អសង្ខតំ ខន្ធតោ ឋបេត្វា ឯកេន ខន្ធេន ឯកេនាយតនេន ឯកាយ ធាតុយា សង្គហិតា.

១៨៩. ចិត្តសហភូមិ ¶ ធម្មេហិ យេ ធម្មា… ចិត្តានុបរិវត្តីហិ ធម្មេហិ យេ ធម្មា ខន្ធសង្គហេន អសង្គហិតា អាយតនសង្គហេន សង្គហិតា ធាតុសង្គហេន សង្គហិតា…បេ… តេ ធម្មា ន កេហិចិ ខន្ធេហិ ឯកេនាយតនេន ឯកាយ ធាតុយា សង្គហិតា.

១៩០. ឧបាទានេហិ ធម្មេហិ យេ ធម្មា… កិលេសេហិ ធម្មេហិ យេ ធម្មា… កិលេសេហិ ចេវ សំកិលេសិកេហិ ច ធម្មេហិ យេ ធម្មា… កិលេសេហិ ចេវ សំកិលិដ្ឋេហិ ច ធម្មេហិ យេ ធម្មា… កិលេសេហិ ចេវ កិលេសសម្បយុត្តេហិ ច ធម្មេហិ យេ ធម្មា ខន្ធសង្គហេន អសង្គហិតា អាយតនសង្គហេន សង្គហិតា ធាតុសង្គហេន សង្គហិតា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ សង្គហិតា? តេ ធម្មា អសង្ខតំ ខន្ធតោ ឋបេត្វា តីហិ ខន្ធេហិ ឯកេនាយតនេន ឯកាយ ធាតុយា សង្គហិតា.

តយោ ខន្ធា តថា សច្ចា, ឥន្ទ្រិយានិ ច សោឡស;

បទានិ បច្ចយាការេ, ចុទ្ទសូបរិ ចុទ្ទស.

សមតិំស បទា ហោន្តិ, គោច្ឆកេសុ ទសស្វថ;

ទុវេ ចូឡន្តរទុកា [ចុល្លន្តរទុកា (សី.)], អដ្ឋ ហោន្តិ មហន្តរាតិ.

អសង្គហិតេនសង្គហិតបទនិទ្ទេសោ តតិយោ.

៤. ចតុត្ថនយោ

៤. សង្គហិតេនសង្គហិតបទនិទ្ទេសោ

១៩១. សមុទយសច្ចេន ¶ ¶ ¶ យេ ធម្មា… មគ្គសច្ចេន យេ ធម្មា ខន្ធសង្គហេន សង្គហិតា អាយតនសង្គហេន សង្គហិតា ធាតុសង្គហេន សង្គហិតា, តេហិ ធម្មេហិ យេ ធម្មា ខន្ធសង្គហេន សង្គហិតា អាយតនសង្គហេន សង្គហិតា ធាតុសង្គហេន សង្គហិតា, តេ ធម្មា កតិហិ ខន្ធេហិ ¶ កតិហាយតនេហិ កតិហិ ធាតូហិ សង្គហិតា? តេ ធម្មា ឯកេន ខន្ធេន ឯកេនាយតនេន ឯកាយ ធាតុយា សង្គហិតា.

១៩២. ឥត្ថិន្ទ្រិយេន យេ ធម្មា… បុរិសិន្ទ្រិយេន យេ ធម្មា… សុខិន្ទ្រិយេន យេ ធម្មា… ទុក្ខិន្ទ្រិយេន យេ ធម្មា… សោមនស្សិន្ទ្រិយេន យេ ធម្មា… ទោមនស្សិន្ទ្រិយេន យេ ធម្មា… ឧបេក្ខិន្ទ្រិយេន យេ ធម្មា… សទ្ធិន្ទ្រិយេន យេ ធម្មា… វីរិយិន្ទ្រិយេន យេ ធម្មា… សតិន្ទ្រិយេន យេ ធម្មា… សមាធិន្ទ្រិយេន យេ ធម្មា… បញ្ញិន្ទ្រិយេន យេ ធម្មា… អនញ្ញាតញ្ញស្សាមីតិន្ទ្រិយេន យេ ធម្មា… អញ្ញិន្ទ្រិយេន យេ ធម្មា… អញ្ញាតាវិន្ទ្រិយេន យេ ធម្មា….

អវិជ្ជាយ យេ ធម្មា… អវិជ្ជាបច្ចយា សង្ខារេន យេ ធម្មា… សឡាយតនបច្ចយា ផស្សេន យេ ធម្មា… វេទនាបច្ចយា តណ្ហាយ យេ ធម្មា… តណ្ហាបច្ចយា ឧបាទានេន យេ ធម្មា… កម្មភវេន យេ ធម្មា… សោកេន យេ ធម្មា… បរិទេវេន យេ ធម្មា… ទុក្ខេន យេ ធម្មា… ទោមនស្សេន យេ ធម្មា… ឧបាយាសេន យេ ធម្មា….

សតិបដ្ឋានេន យេ ធម្មា… សម្មប្បធានេន យេ ធម្មា… អប្បមញ្ញាយ យេ ធម្មា… បញ្ចហិ ឥន្ទ្រិយេហិ យេ ធម្មា… បញ្ចហិ ពលេហិ យេ ធម្មា… សត្តហិ ពោជ្ឈង្គេហិ យេ ធម្មា… អរិយេន អដ្ឋង្គិកេន ¶ មគ្គេន យេ ធម្មា… ផស្សេន យេ ធម្មា… ចេតនាយ យេ ធម្មា… អធិមោក្ខេន យេ ធម្មា… មនសិការេន យេ ធម្មា ¶ ….

ហេតូហិ ធម្មេហិ យេ ធម្មា… ហេតូហិ ចេវ សហេតុកេហិ ច ធម្មេហិ យេ ធម្មា… ហេតូហិ ចេវ ហេតុសម្បយុត្តេហិ ច ធម្មេហិ ¶ យេ ធម្មា… អាសវេហិ… សំយោជនេហិ… គន្ថេហិ… ឱឃេហិ… យោគេហិ… នីវរណេហិ… បរាមាសេហិ… ឧបាទានេហិ… កិលេសេហិ ធម្មេហិ យេ ធម្មា… កិលេសេហិ ចេវ ¶ សំកិលេសិកេហិ ច ធម្មេហិ យេ ធម្មា… កិលេសេហិ ចេវ សំកិលិដ្ឋេហិ ច ធម្មេហិ យេ ធម្មា… កិលេសេហិ ចេវ កិលេសសម្បយុត្តេហិ ច ធម្មេហិ យេ ធម្មា ខន្ធសង្គហេន សង្គហិតា អាយតនសង្គហេន សង្គហិតា ធាតុសង្គហេន សង្គហិតា, តេហិ ធម្មេហិ យេ ធម្មា ខន្ធសង្គហេន សង្គហិតា អាយតនសង្គហេន សង្គហិតា ធាតុសង្គហេន សង្គហិតា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ សង្គហិតា? តេ ធម្មា ឯកេន ខន្ធេន ឯកេនាយតនេន ឯកាយ ធាតុយា សង្គហិតា.

ទ្វេ សច្ចា បន្នរសិន្ទ្រិយា, ឯកាទស បដិច្ចបទា;

ឧទ្ធំ បុន ឯកាទស, គោច្ឆកបទមេត្ថ តិំសវិធាតិ [តិំសវិធន្តិ (បី.)].

សង្គហិតេនសង្គហិតបទនិទ្ទេសោ ចតុត្ថោ.

៥. បញ្ចមនយោ

៥. អសង្គហិតេនអសង្គហិតបទនិទ្ទេសោ

១៩៣. រូបក្ខន្ធេន ¶ ¶ ¶ យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេហិ ធម្មេហិ យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេ ធម្មា កតិហិ ខន្ធេហិ កតិហាយតនេហិ កតិហិ ¶ ធាតូហិ អសង្គហិតា? តេ ធម្មា ឯកេន ខន្ធេន ឯកេនាយតនេន សត្តហិ ធាតូហិ អសង្គហិតា.

១៩៤. វេទនាក្ខន្ធេន យេ ធម្មា… សញ្ញាក្ខន្ធេន យេ ធម្មា… សង្ខារក្ខន្ធេន យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេហិ ធម្មេហិ យេ ធម្មា…បេ… តេ ធម្មា ទ្វីហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

១៩៥. វិញ្ញាណក្ខន្ធេន យេ ធម្មា… មនាយតនេន យេ ធម្មា… ចក្ខុវិញ្ញាណធាតុយា យេ ធម្មា…បេ… មនោធាតុយា យេ ធម្មា… មនោវិញ្ញាណធាតុយា យេ ធម្មា… មនិន្ទ្រិយេន យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេហិ ធម្មេហិ យេ ធម្មា…បេ… តេ ធម្មា ចតូហិ ខន្ធេហិ ឯកាទសហាយតនេហិ ឯកាទសហិ ធាតូហិ អសង្គហិតា.

១៩៦. ចក្ខាយតនេន យេ ធម្មា…បេ… ផោដ្ឋព្ពាយតនេន យេ ធម្មា… ចក្ខុធាតុយា យេ ធម្មា…បេ… ផោដ្ឋព្ពធាតុយា យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេហិ ធម្មេហិ យេ ធម្មា…បេ… តេ ធម្មា ចតូហិ ¶ ខន្ធេហិ ទ្វីហាយតនេហិ អដ្ឋហិ ធាតូហិ អសង្គហិតា.

១៩៧. ធម្មាយតនេន ¶ យេ ធម្មា… ធម្មធាតុយា យេ ធម្មា… ឥត្ថិន្ទ្រិយេន យេ ធម្មា… បុរិសិន្ទ្រិយេន យេ ធម្មា… ជីវិតិន្ទ្រិយេន យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន ¶ អសង្គហិតា, តេហិ ធម្មេហិ យេ ធម្មា…បេ… តេ ធម្មា ឯកេន ខន្ធេន ឯកេនាយតនេន សត្តហិ ធាតូហិ អសង្គហិតា.

១៩៨. សមុទយសច្ចេន ¶ យេ ធម្មា… មគ្គសច្ចេន យេ ធម្មា… និរោធសច្ចេន យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេហិ ធម្មេហិ យេ ធម្មា…បេ… តេ ធម្មា ទ្វីហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

១៩៩. ចក្ខុន្ទ្រិយេន យេ ធម្មា…បេ… កាយិន្ទ្រិយេន យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេហិ ធម្មេហិ យេ ធម្មា…បេ… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ អសង្គហិតា.

២០០. សុខិន្ទ្រិយេន យេ ធម្មា… ទុក្ខិន្ទ្រិយេន យេ ធម្មា… សោមនស្សិន្ទ្រិយេន យេ ធម្មា… ទោមនស្សិន្ទ្រិយេន យេ ធម្មា… ឧបេក្ខិន្ទ្រិយេន យេ ធម្មា… សទ្ធិន្ទ្រិយេន យេ ធម្មា… វីរិយិន្ទ្រិយេន យេ ធម្មា… សតិន្ទ្រិយេន យេ ធម្មា… សមាធិន្ទ្រិយេន យេ ធម្មា… បញ្ញិន្ទ្រិយេន យេ ធម្មា… អនញ្ញាតញ្ញស្សាមីតិន្ទ្រិយេន យេ ធម្មា… អញ្ញិន្ទ្រិយេន យេ ធម្មា… អញ្ញាតាវិន្ទ្រិយេន យេ ធម្មា… អវិជ្ជាយ យេ ធម្មា… អវិជ្ជាបច្ចយា សង្ខារេន យេ ធម្មា ខន្ធសង្គហេន អសង្គហិតា អាយតនសង្គហេន ¶ អសង្គហិតា ធាតុសង្គហេន អសង្គហិតា, តេហិ ធម្មេហិ យេ ធម្មា…បេ… តេ ធម្មា ទ្វីហិ ខន្ធេហិ ឯកាទសហាយតនេហិ សត្តរសហិ ធាតូហិ ¶ អសង្គហិតា.

២០១. សង្ខារបច្ចយា វិញ្ញាណេន យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេហិ ធម្មេហិ យេ ធម្មា…បេ… តេ ធម្មា ចតូហិ ខន្ធេហិ ឯកាទសហាយតនេហិ ឯកាទសហិ ធាតូហិ អសង្គហិតា.

២០២. វិញ្ញាណបច្ចយា នាមរូបេន យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេហិ ធម្មេហិ យេ ធម្មា…បេ… តេ ធម្មា ឯកេន ខន្ធេន ឯកេនាយតនេន សត្តហិ ធាតូហិ អសង្គហិតា.

២០៣. នាមរូបបច្ចយា ¶ សឡាយតនេន យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេហិ ធម្មេហិ យេ ធម្មា…បេ… តេ ធម្មា តីហិ ខន្ធេហិ ឯកេនាយតនេន ឯកាយ ធាតុយា អសង្គហិតា.

២០៤. សឡាយតនបច្ចយា ¶ ផស្សេន យេ ធម្មា… ផស្សបច្ចយា វេទនាយ យេ ធម្មា… វេទនាបច្ចយា តណ្ហាយ យេ ធម្មា… តណ្ហាបច្ចយា ឧបាទានេន យេ ធម្មា… កម្មភវេន យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេហិ ធម្មេហិ យេ ធម្មា…បេ… តេ ធម្មា ទ្វីហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

២០៥. អរូបភវេន យេ ធម្មា… នេវសញ្ញានាសញ្ញាភវេន យេ ធម្មា ¶ … ចតុវោការភវេន យេ ធម្មា… ឥទ្ធិបាទេន យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេហិ ធម្មេហិ យេ ធម្មា…បេ… តេ ធម្មា ឯកេន ខន្ធេន ទសហាយតនេហិ ទសហិ ធាតូហិ អសង្គហិតា.

២០៦. អសញ្ញាភវេន យេ ធម្មា… ឯកវោការភវេន យេ ធម្មា… ជាតិយា យេ ធម្មា… ជរាយ យេ ធម្មា… មរណេន យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា ¶ , តេហិ ធម្មេហិ យេ ធម្មា…បេ… តេ ធម្មា ឯកេន ខន្ធេន ឯកេនាយតនេន សត្តហិ ធាតូហិ អសង្គហិតា.

២០៧. បរិទេវេន យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេហិ ធម្មេហិ យេ ធម្មា…បេ… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ អសង្គហិតា.

២០៨. សោកេន យេ ធម្មា… ទុក្ខេន យេ ធម្មា… ទោមនស្សេន យេ ធម្មា… ឧបាយាសេន យេ ធម្មា… សតិបដ្ឋានេន យេ ធម្មា… សម្មប្បធានេន យេ ធម្មា… ឈានេន យេ ធម្មា… អប្បមញ្ញាយ យេ ធម្មា… បញ្ចហិ ឥន្ទ្រិយេហិ យេ ធម្មា… បញ្ចហិ ពលេហិ យេ ធម្មា… សត្តហិ ពោជ្ឈង្គេហិ យេ ធម្មា… អរិយេន អដ្ឋង្គិកេន មគ្គេន យេ ធម្មា… ផស្សេន យេ ធម្មា… វេទនាយ យេ ធម្មា… សញ្ញាយ យេ ធម្មា… ចេតនាយ យេ ធម្មា… អធិមោក្ខេន យេ ធម្មា ¶ … មនសិការេន យេ ¶ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេហិ ធម្មេហិ យេ ធម្មា…បេ… តេ ធម្មា ទ្វីហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

២០៩. ចិត្តេន ¶ យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេហិ ធម្មេហិ យេ ធម្មា…បេ… តេ ធម្មា ចតូហិ ខន្ធេហិ ឯកាទសហាយតនេហិ ឯកាទសហិ ធាតូហិ អសង្គហិតា.

១. តិកំ

២១០. កុសលេហិ ធម្មេហិ យេ ធម្មា… អកុសលេហិ ធម្មេហិ យេ ធម្មា… សុខាយ វេទនាយ សម្បយុត្តេហិ ធម្មេហិ យេ ធម្មា… ទុក្ខាយ វេទនាយ សម្បយុត្តេហិ ធម្មេហិ យេ ធម្មា… អទុក្ខមសុខាយ វេទនាយ សម្បយុត្តេហិ ធម្មេហិ យេ ធម្មា… វិបាកេហិ ធម្មេហិ យេ ធម្មា… វិបាកធម្មធម្មេហិ យេ ធម្មា… អនុបាទិន្នអនុបាទានិយេហិ ធម្មេហិ យេ ធម្មា… សំកិលិដ្ឋសំកិលេសិកេហិ ធម្មេហិ យេ ធម្មា… អសំកិលិដ្ឋអសំកិលេសិកេហិ ¶ ធម្មេហិ យេ ធម្មា… សវិតក្កសវិចារេហិ ធម្មេហិ យេ ធម្មា… អវិតក្កវិចារមត្តេហិ ធម្មេហិ យេ ធម្មា… បីតិសហគតេហិ ធម្មេហិ យេ ធម្មា… សុខសហគតេហិ ធម្មេហិ យេ ធម្មា… ឧបេក្ខាសហគតេហិ ធម្មេហិ យេ ធម្មា… ទស្សនេន បហាតព្ពេហិ ធម្មេហិ យេ ធម្មា… ភាវនាយ បហាតព្ពេហិ ធម្មេហិ យេ ធម្មា… ទស្សនេន បហាតព្ពហេតុកេហិ ធម្មេហិ យេ ធម្មា… ភាវនាយ បហាតព្ពហេតុកេហិ ធម្មេហិ យេ ¶ ធម្មា… អាចយគាមីហិ ធម្មេហិ យេ ធម្មា… អបចយគាមីហិ ធម្មេហិ យេ ធម្មា… សេក្ខេហិ ធម្មេហិ យេ ធម្មា… អសេក្ខេហិ ធម្មេហិ យេ ធម្មា… មហគ្គតេហិ ធម្មេហិ យេ ធម្មា… អប្បមាណេហិ ធម្មេហិ យេ ធម្មា… បរិត្តារម្មណេហិ ធម្មេហិ យេ ធម្មា… មហគ្គតារម្មណេហិ ធម្មេហិ យេ ធម្មា… អប្បមាណារម្មណេហិ ធម្មេហិ យេ ធម្មា… ហីនេហិ ធម្មេហិ យេ ធម្មា… បណីតេហិ ធម្មេហិ យេ ធម្មា… មិច្ឆត្តនិយតេហិ ធម្មេហិ យេ ធម្មា… សម្មត្តនិយតេហិ ធម្មេហិ យេ ធម្មា… មគ្គារម្មណេហិ ធម្មេហិ យេ ធម្មា… មគ្គហេតុកេហិ ធម្មេហិ យេ ធម្មា… មគ្គាធិបតីហិ ធម្មេហិ យេ ធម្មា… អតីតារម្មណេហិ ធម្មេហិ យេ ធម្មា… អនាគតារម្មណេហិ ធម្មេហិ យេ ធម្មា… បច្ចុបន្នារម្មណេហិ ធម្មេហិ យេ ធម្មា… អជ្ឈត្តារម្មណេហិ ធម្មេហិ យេ ធម្មា… ពហិទ្ធារម្មណេហិ ធម្មេហិ យេ ធម្មា… អជ្ឈត្តពហិទ្ធារម្មណេហិ ធម្មេហិ យេ ធម្មា ខន្ធសង្គហេន អសង្គហិតា អាយតនសង្គហេន ¶ អសង្គហិតា ធាតុសង្គហេន អសង្គហិតា, តេហិ ធម្មេហិ យេ ធម្មា…បេ… តេ ធម្មា ឯកេន ខន្ធេន ទសហាយតនេហិ ទសហិ ធាតូហិ អសង្គហិតា.

២១១. សនិទស្សនសប្បដិឃេហិ ¶ ធម្មេហិ យេ ធម្មា… អនិទស្សនសប្បដិឃេហិ ធម្មេហិ យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេហិ ធម្មេហិ យេ ធម្មា…បេ… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ អសង្គហិតា ¶ .

២. ទុកំ

២១២. ហេតូហិ ធម្មេហិ យេ ធម្មា… ហេតូហិ ចេវ សហេតុកេហិ ច ធម្មេហិ ¶ យេ ធម្មា… ហេតូហិ ចេវ ហេតុសម្បយុត្តេហិ ច ធម្មេហិ យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេហិ ធម្មេហិ យេ ធម្មា…បេ… តេ ធម្មា ទ្វីហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

២១៣. សហេតុកេហិ ធម្មេហិ យេ ធម្មា… ហេតុសម្បយុត្តេហិ ធម្មេហិ យេ ធម្មា… សហេតុកេហិ ចេវ ន ច ហេតូហិ ធម្មេហិ យេ ធម្មា… ហេតុសម្បយុត្តេហិ ចេវ ន ច ហេតូហិ ធម្មេហិ យេ ធម្មា… ន ហេតុសហេតុកេហិ [ន ហេតូ សហេតុកេហិ (សី.), ន ហេតូហិ សហេតុកេហិ (ស្យា. ក.)] ធម្មេហិ យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេហិ ធម្មេហិ យេ ធម្មា…បេ… តេ ធម្មា ឯកេន ខន្ធេន ទសហាយតនេហិ ទសហិ ធាតូហិ អសង្គហិតា.

២១៤. អប្បច្ចយេហិ ធម្មេហិ យេ ធម្មា… អសង្ខតេហិ ធម្មេហិ យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេហិ ធម្មេហិ យេ ធម្មា…បេ… តេ ធម្មា ទ្វីហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

២១៥. សនិទស្សនេហិ ធម្មេហិ យេ ធម្មា… សប្បដិឃេហិ ធម្មេហិ យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេហិ ធម្មេហិ យេ ធម្មា…បេ… តេ ធម្មា ចតូហិ ¶ ខន្ធេហិ ទ្វីហាយតនេហិ អដ្ឋហិ ធាតូហិ អសង្គហិតា.

២១៦. រូបីហិ ¶ ធម្មេហិ យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេហិ ធម្មេហិ យេ ¶ ធម្មា…បេ… តេ ធម្មា ឯកេន ខន្ធេន ឯកេនាយតនេន សត្តហិ ធាតូហិ អសង្គហិតា.

២១៧. អរូបីហិ ធម្មេហិ យេ ធម្មា… លោកុត្តរេហិ ធម្មេហិ ¶ យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេហិ ធម្មេហិ យេ ធម្មា…បេ… តេ ធម្មា ឯកេន ខន្ធេន ទសហាយតនេហិ ទសហិ ធាតូហិ អសង្គហិតា.

២១៨. អាសវេហិ ធម្មេហិ យេ ធម្មា… អាសវេហិ ចេវ សាសវេហិ ច ធម្មេហិ យេ ធម្មា… អាសវេហិ ចេវ អាសវសម្បយុត្តេហិ ច ធម្មេហិ យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេហិ ធម្មេហិ យេ ធម្មា…បេ… តេ ធម្មា ទ្វីហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

២១៩. អនាសវេហិ ធម្មេហិ យេ ធម្មា… អាសវសម្បយុត្តេហិ ធម្មេហិ យេ ធម្មា… អាសវសម្បយុត្តេហិ ចេវ នោ ច អាសវេហិ ធម្មេហិ យេ ធម្មា… អាសវវិប្បយុត្តេហិ អនាសវេហិ ធម្មេហិ យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេហិ ធម្មេហិ យេ ធម្មា…បេ… តេ ធម្មា ឯកេន ខន្ធេន ទសហាយតនេហិ ទសហិ ធាតូហិ អសង្គហិតា.

២២០. សំយោជនេហិ ¶ ធម្មេហិ យេ ធម្មា… គន្ថេហិ ធម្មេហិ យេ ធម្មា… ឱឃេហិ ធម្មេហិ យេ ធម្មា… យោគេហិ ធម្មេហិ យេ ធម្មា… នីវរណេហិ ធម្មេហិ យេ ធម្មា… បរាមាសេហិ ធម្មេហិ យេ ធម្មា… បរាមាសេហិ ចេវ បរាមដ្ឋេហិ ច ធម្មេហិ យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេហិ ធម្មេហិ យេ ធម្មា…បេ… តេ ធម្មា ទ្វីហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

២២១. អបរាមដ្ឋេហិ ធម្មេហិ យេ ធម្មា… បរាមាសសម្បយុត្តេហិ ធម្មេហិ យេ ធម្មា… បរាមាសវិប្បយុត្តេហិ អបរាមដ្ឋេហិ ធម្មេហិ យេ ធម្មា… សារម្មណេហិ ធម្មេហិ យេ ធម្មា ខន្ធសង្គហេន អសង្គហិតា ¶ អាយតនសង្គហេន អសង្គហិតា ធាតុសង្គហេន អសង្គហិតា ¶ , តេហិ ធម្មេហិ យេ ធម្មា…បេ… តេ ធម្មា ឯកេន ខន្ធេន ទសហាយតនេហិ ទសហិ ធាតូហិ អសង្គហិតា.

២២២. អនារម្មណេហិ ¶ ធម្មេហិ យេ ធម្មា… នោ ចិត្តេហិ ធម្មេហិ យេ ធម្មា… ចិត្តវិប្បយុត្តេហិ ធម្មេហិ យេ ធម្មា… ចិត្តវិសំសដ្ឋេហិ ធម្មេហិ យេ ធម្មា… ចិត្តសមុដ្ឋានេហិ ធម្មេហិ យេ ធម្មា… ចិត្តសហភូហិ ធម្មេហិ យេ ធម្មា… ចិត្តានុបរិវត្តីហិ ធម្មេហិ យេ ធម្មា… ពាហិរេហិ ធម្មេហិ យេ ធម្មា… ឧបាទាធម្មេហិ យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេហិ ធម្មេហិ យេ ធម្មា…បេ… តេ ធម្មា ឯកេន ខន្ធេន ឯកេនាយតនេន សត្តហិ ¶ ធាតូហិ អសង្គហិតា.

២២៣. ចិត្តេហិ ធម្មេហិ យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេហិ ធម្មេហិ យេ ធម្មា…បេ… តេ ធម្មា ចតូហិ ខន្ធេហិ ឯកាទសហាយតនេហិ ឯកាទសហិ ធាតូហិ អសង្គហិតា.

២២៤. ចេតសិកេហិ ធម្មេហិ យេ ធម្មា… ចិត្តសម្បយុត្តេហិ ធម្មេហិ យេ ធម្មា… ចិត្តសំសដ្ឋេហិ ធម្មេហិ យេ ធម្មា… ចិត្តសំសដ្ឋសមុដ្ឋានេហិ ធម្មេហិ យេ ធម្មា… ចិត្តសំសដ្ឋសមុដ្ឋានសហភូហិ ធម្មេហិ យេ ធម្មា… ចិត្តសំសដ្ឋសមុដ្ឋានានុបរិវត្តីហិ ធម្មេហិ យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេហិ ធម្មេហិ យេ ធម្មា…បេ… តេ ធម្មា ទ្វីហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

២២៥. អជ្ឈត្តិកេហិ ធម្មេហិ យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា តេហិ ធម្មេហិ យេ ធម្មា…បេ… តេ ធម្មា តីហិ ខន្ធេហិ ឯកេនាយតនេន ឯកាយ ធាតុយា អសង្គហិតា.

២២៦. ឧបាទានេហិ ¶ ធម្មេហិ យេ ធម្មា… កិលេសេហិ ធម្មេហិ យេ ធម្មា… កិលេសេហិ ចេវ សំកិលេសិកេហិ ច ធម្មេហិ យេ ធម្មា… កិលេសេហិ ចេវ សំកិលិដ្ឋេហិ ច ធម្មេហិ យេ ធម្មា… កិលេសេហិ ចេវ កិលេសសម្បយុត្តេហិ ច ធម្មេហិ យេ ធម្មា ខន្ធសង្គហេន អសង្គហិតា អាយតនសង្គហេន ¶ ¶ អសង្គហិតា ធាតុសង្គហេន អសង្គហិតា, តេហិ ធម្មេហិ យេ ធម្មា…បេ… តេ ធម្មា ទ្វីហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

២២៧. អសំកិលេសិកេហិ ¶ ធម្មេហិ យេ ធម្មា… សំកិលិដ្ឋេហិ ធម្មេហិ យេ ធម្មា… កិលេសសម្បយុត្តេហិ ធម្មេហិ យេ ធម្មា… សំកិលិដ្ឋេហិ ចេវ នោ ច កិលេសេហិ ធម្មេហិ យេ ធម្មា… កិលេសសម្បយុត្តេហិ ចេវ នោ ច កិលេសេហិ ធម្មេហិ យេ ធម្មា… កិលេសវិប្បយុត្តេហិ អសំកិលេសិកេហិ ធម្មេហិ យេ ធម្មា… ទស្សនេន បហាតព្ពេហិ ធម្មេហិ យេ ធម្មា… ភាវនាយ បហាតព្ពេហិ ធម្មេហិ យេ ធម្មា… ទស្សនេន បហាតព្ពហេតុកេហិ ធម្មេហិ យេ ធម្មា… ភាវនាយ បហាតព្ពហេតុកេហិ ធម្មេហិ យេ ធម្មា… សវិតក្កេហិ ធម្មេហិ យេ ធម្មា… សវិចារេហិ ធម្មេហិ យេ ធម្មា… សប្បីតិកេហិ ធម្មេហិ យេ ធម្មា… បីតិសហគតេហិ ធម្មេហិ យេ ធម្មា… សុខសហគតេហិ ធម្មេហិ យេ ធម្មា… ឧបេក្ខាសហគតេហិ ធម្មេហិ យេ ធម្មា… ន កាមាវចរេហិ ធម្មេហិ យេ ធម្មា… រូបាវចរេហិ ធម្មេហិ យេ ធម្មា… អរូបាវចរេហិ ធម្មេហិ យេ ធម្មា… អបរិយាបន្នេហិ ធម្មេហិ យេ ធម្មា… និយ្យានិកេហិ ធម្មេហិ យេ ធម្មា… និយតេហិ ធម្មេហិ យេ ធម្មា… អនុត្តរេហិ ធម្មេហិ យេ ធម្មា… សរណេហិ ធម្មេហិ យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេហិ ធម្មេហិ យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន ¶ អសង្គហិតា, តេ ធម្មា ¶ កតិហិ ខន្ធេហិ កតិហាយតនេហិ កតិហិ ធាតូហិ អសង្គហិតា? តេ ធម្មា ឯកេន ខន្ធេន ទសហាយតនេហិ ទសហិ ធាតូហិ អសង្គហិតា.

រូបញ្ច ធម្មាយតនំ ធម្មធាតុ, ឥត្ថិបុមំ ជីវិតំ នាមរូបំ;

ទ្វេ ភវា ជាតិ ជរា មច្ចុរូបំ, អនារម្មណំ នោ ចិត្តំ ចិត្តេន វិប្បយុត្តំ.

វិសំសដ្ឋំ សមុដ្ឋាន-សហភុ អនុបរិវត្តិ;

ពាហិរំ ឧបាទា ទ្វេ, វិសយោ [ទ្វេវីសតិ (ស្យា.)] ឯសនយោ សុពុទ្ធោ.

អសង្គហិតេនអសង្គហិតបទនិទ្ទេសោ បញ្ចមោ.

៦. ឆដ្ឋនយោ

៦. សម្បយោគវិប្បយោគបទនិទ្ទេសោ

១. ខន្ធោ

២២៨. រូបក្ខន្ធោ ¶ ¶ ¶ កតិហិ ខន្ធេហិ កតិហាយតនេហិ កតិហិ ធាតូហិ សម្បយុត្តោតិ? នត្ថិ. កតិហិ វិប្បយុត្តោ? ចតូហិ ខន្ធេហិ ឯកេនាយតនេន សត្តហិ ធាតូហិ វិប្បយុត្តោ; ឯកេនាយតនេន ឯកាយ ធាតុយា កេហិចិ វិប្បយុត្តោ.

២២៩. វេទនាក្ខន្ធោ… សញ្ញាក្ខន្ធោ… សង្ខារក្ខន្ធោ តីហិ ខន្ធេហិ ឯកេនាយតនេន សត្តហិ ធាតូហិ សម្បយុត្តោ; ឯកេនាយតនេន ឯកាយ ធាតុយា កេហិចិ សម្បយុត្តោ. កតិហិ វិប្បយុត្តោ? ឯកេន ខន្ធេន ទសហាយតនេហិ ទសហិ ធាតូហិ វិប្បយុត្តោ; ឯកេនាយតនេន ឯកាយ ធាតុយា កេហិចិ វិប្បយុត្តោ.

២៣០. វិញ្ញាណក្ខន្ធោ ¶ តីហិ ខន្ធេហិ សម្បយុត្តោ; ឯកេនាយតនេន ឯកាយ ធាតុយា កេហិចិ សម្បយុត្តោ. កតិហិ វិប្បយុត្តោ? ឯកេន ខន្ធេន ទសហាយតនេហិ ទសហិ ធាតូហិ វិប្បយុត្តោ; ឯកេនាយតនេន ឯកាយ ធាតុយា កេហិចិ វិប្បយុត្តោ.

២. អាយតនំ

២៣១. ចក្ខាយតនំ…បេ… ផោដ្ឋព្ពាយតនំ…បេ… សម្បយុត្តន្តិ? នត្ថិ. កតិហិ វិប្បយុត្តំ ¶ ? ចតូហិ ខន្ធេហិ ឯកេនាយតនេន សត្តហិ ធាតូហិ វិប្បយុត្តំ; ឯកេនាយតនេន ឯកាយ ធាតុយា កេហិចិ វិប្បយុត្តំ.

២៣២. មនាយតនំ តីហិ ខន្ធេហិ សម្បយុត្តំ; ឯកេនាយតនេន ¶ ឯកាយ ធាតុយា កេហិចិ សម្បយុត្តំ. កតិហិ វិប្បយុត្តំ? ឯកេន ខន្ធេន ទសហាយតនេហិ ទសហិ ធាតូហិ វិប្បយុត្តំ; ឯកេនាយតនេន ឯកាយ ធាតុយា កេហិចិ វិប្បយុត្តំ.

៣. ធាតុ

២៣៣. ចក្ខុធាតុ ¶ …បេ… ផោដ្ឋព្ពធាតុ…បេ… សម្បយុត្តាតិ? នត្ថិ. កតិហិ វិប្បយុត្តា? ចតូហិ ខន្ធេហិ ឯកេនាយតនេន សត្តហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៣៤. ចក្ខុវិញ្ញាណធាតុ…បេ… មនោធាតុ… មនោវិញ្ញាណធាតុ តីហិ ខន្ធេហិ សម្បយុត្តា; ឯកេនាយតនេន ឯកាយ ធាតុយា កេហិចិ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៤. សច្ចាទិ

២៣៥. សមុទយសច្ចំ… មគ្គសច្ចំ តីហិ ខន្ធេហិ ឯកេនាយតនេន ឯកាយ ¶ ធាតុយា សម្បយុត្តំ; ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តំ. កតិហិ វិប្បយុត្តំ? ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តំ; ឯកេនាយតនេន ឯកាយ ធាតុយា កេហិចិ វិប្បយុត្តំ.

២៣៦. និរោធសច្ចំ… ចក្ខុន្ទ្រិយំ…បេ… កាយិន្ទ្រិយំ… ឥត្ថិន្ទ្រិយំ… បុរិសិន្ទ្រិយំ…បេ… សម្បយុត្តន្តិ? នត្ថិ. កតិហិ វិប្បយុត្តំ? ចតូហិ ខន្ធេហិ ឯកេនាយតនេន សត្តហិ ធាតូហិ វិប្បយុត្តំ; ឯកេនាយតនេន ឯកាយ ធាតុយា កេហិចិ វិប្បយុត្តំ.

២៣៧. មនិន្ទ្រិយំ ¶ តីហិ ខន្ធេហិ សម្បយុត្តំ; ឯកេនាយតនេន ឯកាយ ធាតុយា កេហិចិ សម្បយុត្តំ. កតិហិ វិប្បយុត្តំ? ឯកេន ខន្ធេន ទសហាយតនេហិ ទសហិ ធាតូហិ វិប្បយុត្តំ; ឯកេនាយតនេន ឯកាយ ធាតុយា កេហិចិ វិប្បយុត្តំ.

២៣៨. សុខិន្ទ្រិយំ… ទុក្ខិន្ទ្រិយំ… សោមនស្សិន្ទ្រិយំ… ទោមនស្សិន្ទ្រិយំ តីហិ ខន្ធេហិ ឯកេនាយតនេន ឯកាយ ធាតុយា សម្បយុត្តំ; ឯកេនាយតនេន ឯកាយ ធាតុយា កេហិចិ សម្បយុត្តំ. កតិហិ វិប្បយុត្តំ? ឯកេន ¶ ខន្ធេន ទសហាយតនេហិ សោឡសហិ ធាតូហិ វិប្បយុត្តំ; ឯកេនាយតនេន ឯកាយ ធាតុយា កេហិចិ វិប្បយុត្តំ.

២៣៩. ឧបេក្ខិន្ទ្រិយំ ¶ តីហិ ខន្ធេហិ ឯកេនាយតនេន ឆហិ ធាតូហិ សម្បយុត្តំ; ឯកេនាយតនេន ឯកាយ ធាតុយា កេហិចិ សម្បយុត្តំ. កតិហិ វិប្បយុត្តំ? ឯកេន ខន្ធេន ទសហាយតនេហិ ឯកាទសហិ ធាតូហិ វិប្បយុត្តំ ¶ ; ឯកេនាយតនេន ឯកាយ ធាតុយា កេហិចិ វិប្បយុត្តំ.

២៤០. សទ្ធិន្ទ្រិយំ… វីរិយិន្ទ្រិយំ… សតិន្ទ្រិយំ… សមាធិន្ទ្រិយំ… បញ្ញិន្ទ្រិយំ… អនញ្ញាតញ្ញស្សាមីតិន្ទ្រិយំ… អញ្ញិន្ទ្រិយំ… អញ្ញាតាវិន្ទ្រិយំ… អវិជ្ជា… អវិជ្ជាបច្ចយា សង្ខារា តីហិ ខន្ធេហិ ឯកេនាយតនេន ឯកាយ ធាតុយា សម្បយុត្តា; ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៤១. សង្ខារបច្ចយា វិញ្ញាណំ តីហិ ខន្ធេហិ សម្បយុត្តំ; ឯកេនាយតនេន ឯកាយ ធាតុយា កេហិចិ សម្បយុត្តំ. កតិហិ វិប្បយុត្តំ? ឯកេន ខន្ធេន ទសហាយតនេហិ ទសហិ ធាតូហិ វិប្បយុត្តំ; ឯកេនាយតនេន ឯកាយ ធាតុយា កេហិចិ វិប្បយុត្តំ.

២៤២. សឡាយតនបច្ចយា ផស្សោ តីហិ ខន្ធេហិ ឯកេនាយតនេន សត្តហិ ធាតូហិ សម្បយុត្តោ; ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តោ. កតិហិ វិប្បយុត្តោ? ឯកេន ខន្ធេន ទសហាយតនេហិ ទសហិ ធាតូហិ វិប្បយុត្តោ; ឯកេនាយតនេន ឯកាយ ធាតុយា កេហិចិ វិប្បយុត្តោ.

២៤៣. ផស្សបច្ចយា ¶ វេទនា តីហិ ខន្ធេហិ ឯកេនាយតនេន សត្តហិ ធាតូហិ សម្បយុត្តា; ឯកេនាយតនេន ឯកាយ ធាតុយា កេហិចិ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ ទសហិ ធាតូហិ វិប្បយុត្តា ¶ ; ឯកេនាយតនេន ឯកាយ ធាតុយា កេហិចិ វិប្បយុត្តា.

២៤៤. វេទនាបច្ចយា តណ្ហា… តណ្ហាបច្ចយា ឧបាទានំ… កម្មភវោ តីហិ ខន្ធេហិ ឯកេនាយតនេន ឯកាយ ធាតុយា សម្បយុត្តោ; ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តោ. កតិហិ វិប្បយុត្តោ ¶ ? ឯកេន ¶ ខន្ធេន ទសហាយតនេហិ សោឡសហិ ធាតូហិ វិប្បយុត្តោ; ឯកេនាយតនេន ឯកាយ ធាតុយា កេហិចិ វិប្បយុត្តោ.

២៤៥. រូបភវោ…បេ… សម្បយុត្តោតិ? នត្ថិ. កតិហិ វិប្បយុត្តោ? ន កេហិចិ ខន្ធេហិ ន កេហិចិ អាយតនេហិ តីហិ ធាតូហិ វិប្បយុត្តោ.

២៤៦. អរូបភវោ… នេវសញ្ញានាសញ្ញាភវោ… ចតុវោការភវោ…បេ… សម្បយុត្តោតិ? នត្ថិ. កតិហិ វិប្បយុត្តោ? ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តោ; ឯកេនាយតនេន ឯកាយ ធាតុយា កេហិចិ វិប្បយុត្តោ.

២៤៧. អសញ្ញាភវោ… ឯកវោការភវោ… បរិទេវោ…បេ… សម្បយុត្តោតិ? នត្ថិ. កតិហិ វិប្បយុត្តោ? ចតូហិ ខន្ធេហិ ឯកេនាយតនេន សត្តហិ ធាតូហិ វិប្បយុត្តោ; ឯកេនាយតនេន ឯកាយ ធាតុយា កេហិចិ វិប្បយុត្តោ.

២៤៨. សោកោ… ទុក្ខំ… ទោមនស្សំ តីហិ ខន្ធេហិ ឯកេនាយតនេន ឯកាយ ធាតុយា សម្បយុត្តំ; ឯកេនាយតនេន ឯកាយ ធាតុយា កេហិចិ សម្បយុត្តំ. កតិហិ វិប្បយុត្តំ? ឯកេន ខន្ធេន ទសហាយតនេហិ សោឡសហិ ¶ ធាតូហិ វិប្បយុត្តំ; ឯកេនាយតនេន ឯកាយ ធាតុយា កេហិចិ វិប្បយុត្តំ.

២៤៩. ឧបាយាសោ… សតិបដ្ឋានំ… សម្មប្បធានំ តីហិ ខន្ធេហិ ឯកេនាយតនេន ឯកាយ ធាតុយា សម្បយុត្តំ; ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តំ. កតិហិ វិប្បយុត្តំ? ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តំ; ឯកេនាយតនេន ឯកាយ ធាតុយា កេហិចិ វិប្បយុត្តំ.

២៥០. ឥទ្ធិបាទោ ¶ ទ្វីហិ ខន្ធេហិ សម្បយុត្តោ; ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តោ. កតិហិ វិប្បយុត្តោ? ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តោ; ឯកេនាយតនេន ឯកាយ ធាតុយា កេហិចិ វិប្បយុត្តោ.

២៥១. ឈានំ ¶ ទ្វីហិ ខន្ធេហិ ឯកេនាយតនេន ឯកាយ ធាតុយា សម្បយុត្តំ; ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តំ. កតិហិ វិប្បយុត្តំ? ឯកេន ខន្ធេន ទសហាយតនេហិ ¶ សោឡសហិ ធាតូហិ វិប្បយុត្តំ; ឯកេនាយតនេន ឯកាយ ធាតុយា កេហិចិ វិប្បយុត្តំ.

២៥២. អប្បមញ្ញា… បញ្ចិន្ទ្រិយានិ… បញ្ច ពលានិ… សត្ត ពោជ្ឈង្គា… អរិយោ អដ្ឋង្គិកោ មគ្គោ តីហិ ខន្ធេហិ ឯកេនាយតនេន ឯកាយ ធាតុយា សម្បយុត្តោ; ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តោ. កតិហិ វិប្បយុត្តោ? ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តោ; ឯកេនាយតនេន ឯកាយ ធាតុយា កេហិចិ វិប្បយុត្តោ.

២៥៣. ផស្សោ ¶ … ចេតនា… មនសិការោ តីហិ ខន្ធេហិ ឯកេនាយតនេន សត្តហិ ធាតូហិ សម្បយុត្តោ; ឯកេន ខន្ធេន ឯកេនាយតនេន ¶ ឯកាយ ធាតុយា កេហិចិ សម្បយុត្តោ. កតិហិ វិប្បយុត្តោ? ឯកេន ខន្ធេន ទសហាយតនេហិ ទសហិ ធាតូហិ វិប្បយុត្តោ; ឯកេនាយតនេន ឯកាយ ធាតុយា កេហិចិ វិប្បយុត្តោ.

២៥៤. វេទនា… សញ្ញា តីហិ ខន្ធេហិ ឯកេនាយតនេន សត្តហិ ធាតូហិ សម្បយុត្តា; ឯកេនាយតនេន ឯកាយ ធាតុយា កេហិចិ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ ទសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៥៥. ចិត្តំ តីហិ ខន្ធេហិ សម្បយុត្តំ; ឯកេនាយតនេន ឯកាយ ធាតុយា កេហិចិ សម្បយុត្តំ. កតិហិ វិប្បយុត្តំ? ឯកេន ខន្ធេន ទសហាយតនេហិ ទសហិ ធាតូហិ វិប្បយុត្តំ; ឯកេនាយតនេន ឯកាយ ធាតុយា កេហិចិ វិប្បយុត្តំ.

២៥៦. អធិមោក្ខោ តីហិ ខន្ធេហិ ឯកេនាយតនេន ទ្វីហិ ធាតូហិ សម្បយុត្តោ; ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តោ. កតិហិ វិប្បយុត្តោ? ឯកេន ខន្ធេន ទសហាយតនេហិ បន្នរសហិ ធាតូហិ វិប្បយុត្តោ; ឯកេនាយតនេន ឯកាយ ធាតុយា កេហិចិ វិប្បយុត្តោ.

៥. តិកំ

២៥៧. កុសលា ¶ ធម្មា… អកុសលា ធម្មា កតិហិ ខន្ធេហិ កតិហាយតនេហិ កតិហិ ធាតូហិ សម្បយុត្តាតិ? នត្ថិ. កតិហិ វិប្បយុត្តា ¶ ? ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៥៨. សុខាយ វេទនាយ សម្បយុត្តា ធម្មា… ទុក្ខាយ វេទនាយ សម្បយុត្តា ធម្មា ឯកេន ខន្ធេន សម្បយុត្តា ¶ ; ឯកេនាយតនេន ឯកាយ ធាតុយា កេហិចិ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ បន្នរសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៥៩. អទុក្ខមសុខាយ វេទនាយ សម្បយុត្តា ធម្មា ឯកេន ខន្ធេន សម្បយុត្តា; ឯកេនាយតនេន ឯកាយ ធាតុយា កេហិចិ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ ឯកាទសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៦០. វិបាកា ធម្មា…បេ… សម្បយុត្តាតិ? នត្ថិ. កតិហិ វិប្បយុត្តា? ឯកេន ខន្ធេន ទសហាយតនេហិ ទសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៦១. វិបាកធម្មធម្មា… សំកិលិដ្ឋសំកិលេសិកា ធម្មា…បេ… សម្បយុត្តាតិ? នត្ថិ. កតិហិ វិប្បយុត្តា? ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៦២. នេវវិបាកនវិបាកធម្មធម្មា… អនុបាទិន្នុបាទានិយា ធម្មា…បេ… សម្បយុត្តាតិ ¶ ? នត្ថិ. កតិហិ វិប្បយុត្តា? ន កេហិចិ ខន្ធេហិ ន ¶ កេហិចិ អាយតនេហិ បញ្ចហិ ធាតូហិ វិប្បយុត្តា.

២៦៣. អនុបាទិន្នអនុបាទានិយា ធម្មា… អសំកិលិដ្ឋអសំកិលេសិកា ធម្មា…បេ… សម្បយុត្តាតិ? នត្ថិ. កតិហិ វិប្បយុត្តា? ន កេហិចិ ខន្ធេហិ ន កេហិចិ អាយតនេហិ ឆហិ ធាតូហិ វិប្បយុត្តា.

២៦៤. សវិតក្កសវិចារា ¶ ធម្មា ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ បន្នរសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៦៥. អវិតក្កវិចារមត្តា ធម្មា… បីតិសហគតា ធម្មា ¶ ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៦៦. អវិតក្កអវិចារា ធម្មា…បេ… សម្បយុត្តាតិ? នត្ថិ. កតិហិ វិប្បយុត្តា? ន កេហិចិ ខន្ធេហិ ន កេហិចិ អាយតនេហិ ឯកាយ ធាតុយា វិប្បយុត្តា.

២៦៧. សុខសហគតា ធម្មា ឯកេន ខន្ធេន សម្បយុត្តា; ឯកេនាយតនេន ឯកាយ ធាតុយា កេហិចិ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ បន្នរសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៦៨. ឧបេក្ខាសហគតា ធម្មា ឯកេន ខន្ធេន សម្បយុត្តា; ឯកេនាយតនេន ¶ ឯកាយ ធាតុយា កេហិចិ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ ឯកាទសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៦៩. ទស្សនេន បហាតព្ពា ធម្មា ភាវនាយ បហាតព្ពា ធម្មា… ទស្សនេន បហាតព្ពហេតុកា ធម្មា… ភាវនាយ បហាតព្ពហេតុកា ធម្មា… អាចយគាមិនោ ធម្មា… អបចយគាមិនោ ¶ ធម្មា… សេក្ខា ធម្មា… អសេក្ខា ធម្មា… មហគ្គតា ធម្មា…បេ… សម្បយុត្តាតិ? នត្ថិ. កតិហិ វិប្បយុត្តា? ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៧០. អប្បមាណា ធម្មា… បណីតា ធម្មា…បេ… សម្បយុត្តាតិ? នត្ថិ. កតិហិ វិប្បយុត្តា? ន កេហិចិ ខន្ធេហិ ន កេហិចិ អាយតនេហិ ឆហិ ធាតូហិ វិប្បយុត្តា.

២៧១. បរិត្តារម្មណា ¶ ធម្មា…បេ… សម្បយុត្តាតិ? នត្ថិ. កតិហិ វិប្បយុត្តា? ឯកេន ខន្ធេន ទសហាយតនេហិ ទសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៧២. មហគ្គតារម្មណា ធម្មា… អប្បមាណារម្មណា ធម្មា… ហីនា ធម្មា… មិច្ឆត្តនិយតា ធម្មា… សម្មត្តនិយតា ធម្មា… មគ្គារម្មណា ធម្មា… មគ្គហេតុកា ¶ ធម្មា… មគ្គាធិបតិនោ ធម្មា…បេ… សម្បយុត្តាតិ? នត្ថិ. កតិហិ វិប្បយុត្តា? ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា ¶ កេហិចិ វិប្បយុត្តា.

២៧៣. អនុប្បន្នា ធម្មា…បេ… សម្បយុត្តាតិ? នត្ថិ. កតិហិ វិប្បយុត្តា? ន កេហិចិ ខន្ធេហិ ន កេហិចិ អាយតនេហិ បញ្ចហិ ធាតូហិ វិប្បយុត្តា.

២៧៤. អតីតារម្មណា ធម្មា…បេ… អនាគតារម្មណា ធម្មា…បេ… សម្បយុត្តាតិ? នត្ថិ. កតិហិ វិប្បយុត្តា? ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៧៥. បច្ចុប្បន្នារម្មណា ធម្មា… អជ្ឈត្តារម្មណា ធម្មា… ពហិទ្ធារម្មណា ធម្មា… អជ្ឈត្តពហិទ្ធារម្មណា ធម្មា…បេ… សម្បយុត្តាតិ? នត្ថិ. កតិហិ វិប្បយុត្តា? ឯកេន ខន្ធេន ទសហាយតនេហិ ទសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៧៦. សនិទស្សនសប្បដិឃា ធម្មា… អនិទស្សនសប្បដិឃា ធម្មា…បេ… សម្បយុត្តាតិ ¶ ? នត្ថិ. កតិហិ វិប្បយុត្តា? ចតូហិ ខន្ធេហិ ឯកេនាយតនេន សត្តហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៦. ទុកំ

២៧៧. ហេតូ ធម្មា… ហេតូ ចេវ សហេតុកា ច ធម្មា… ហេតូ ចេវ ហេតុសម្បយុត្តា ច ធម្មា តីហិ ខន្ធេហិ ឯកេនាយតនេន ឯកាយ ធាតុយា សម្បយុត្តា; ឯកេន ខន្ធេន ឯកេនាយតនេន ឯកាយ ធាតុយា កេហិចិ ¶ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ សោឡសហិ ¶ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៧៨. សហេតុកា ធម្មា… ហេតុសម្បយុត្តា ធម្មា…បេ… សម្បយុត្តាតិ? នត្ថិ. កតិហិ វិប្បយុត្តា? ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៧៩. សហេតុកា ចេវ ន ច ហេតូ ធម្មា… ហេតុសម្បយុត្តា ចេវ ន ច ហេតូ ធម្មា… ន ហេតុសហេតុកា ធម្មា ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តា. កតិហិ វិប្បយុត្តា? ឯកេន ¶ ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៨០. អប្បច្ចយា ធម្មា… អសង្ខតា ធម្មា… សនិទស្សនា ធម្មា… សប្បដិឃា ធម្មា… រូបិនោ ធម្មា…បេ… សម្បយុត្តាតិ? នត្ថិ. កតិហិ វិប្បយុត្តា? ចតូហិ ខន្ធេហិ ឯកេនាយតនេន សត្តហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៨១. លោកុត្តរា ធម្មា…បេ… សម្បយុត្តាតិ? នត្ថិ. កតិហិ វិប្បយុត្តា? ន កេហិចិ ខន្ធេហិ ន កេហិចិ អាយតនេហិ ឆហិ ធាតូហិ វិប្បយុត្តា.

២៨២. អាសវា ¶ ធម្មា… អាសវា ចេវ សាសវា ច ធម្មា… អាសវា ចេវ អាសវសម្បយុត្តា ច ធម្មា តីហិ ខន្ធេហិ ឯកេនាយតនេន ឯកាយ ធាតុយា សម្បយុត្តា; ឯកេន ខន្ធេន ឯកេនាយតនេន ¶ ឯកាយ ធាតុយា កេហិចិ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៨៣. អនាសវា ធម្មា… អាសវវិប្បយុត្តា អនាសវា ធម្មា…បេ… សម្បយុត្តាតិ? នត្ថិ. កតិហិ វិប្បយុត្តា? ន កេហិចិ ខន្ធេហិ ន កេហិចិ អាយតនេហិ ឆហិ ធាតូហិ វិប្បយុត្តា.

២៨៤. អាសវសម្បយុត្តា ¶ ធម្មា…បេ… សម្បយុត្តាតិ? នត្ថិ. កតិហិ វិប្បយុត្តា? ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៨៥. អាសវសម្បយុត្តា ចេវ នោ ច អាសវា ធម្មា ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៨៦. សំយោជនា ធម្មា… គន្ថា ធម្មា… ឱឃា ធម្មា… យោគា ធម្មា… នីវរណា ធម្មា… បរាមាសា ធម្មា… បរាមាសា ចេវ បរាមដ្ឋា ច ធម្មា តីហិ ខន្ធេហិ ឯកេនាយតនេន ឯកាយ ធាតុយា សម្បយុត្តា; ឯកេន ខន្ធេន ឯកេនាយតនេន ឯកាយ ធាតុយា ¶ កេហិចិ សម្បយុត្តា. កតិហិ វិប្បយុត្តា? ឯកេន ¶ ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៨៧. អបរាមដ្ឋា ធម្មា… បរាមាសវិប្បយុត្តា អបរាមដ្ឋា ធម្មា សម្បយុត្តាតិ? នត្ថិ. កតិហិ វិប្បយុត្តា? ន កេហិចិ ខន្ធេហិ ន កេហិចិ អាយតនេហិ ឆហិ ធាតូហិ វិប្បយុត្តា.

២៨៨. បរាមាសសម្បយុត្តា ធម្មា ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៨៩. សារម្មណា ¶ ធម្មា…បេ… សម្បយុត្តាតិ? នត្ថិ. កតិហិ វិប្បយុត្តា? ឯកេន ខន្ធេន ទសហាយតនេហិ ទសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៩០. អនារម្មណា ធម្មា… ចិត្តវិប្បយុត្តា ធម្មា… ចិត្តវិសំសដ្ឋា ធម្មា… ឧបាទា ធម្មា…បេ… សម្បយុត្តាតិ? នត្ថិ. កតិហិ វិប្បយុត្តា? ចតូហិ ខន្ធេហិ ឯកេនាយតនេន សត្តហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៩១. ចិត្តា ¶ ធម្មា តីហិ ខន្ធេហិ សម្បយុត្តា; ឯកេនាយតនេន ឯកាយ ធាតុយា កេហិចិ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ ទសហិ ធាតូហិ វិប្បយុត្តា; ឯកេនាយតនេន ឯកាយ ¶ ធាតុយា កេហិចិ វិប្បយុត្តា.

២៩២. ចេតសិកា ធម្មា… ចិត្តសម្បយុត្តា ធម្មា… ចិត្តសំសដ្ឋា ធម្មា… ចិត្តសំសដ្ឋសមុដ្ឋានា ធម្មា… ចិត្តសំសដ្ឋសមុដ្ឋានសហភុនោ ធម្មា… ចិត្តសំសដ្ឋសមុដ្ឋានានុបរិវត្តិនោ ធម្មា ឯកេន ខន្ធេន ឯកេនាយតនេន សត្តហិ ធាតូហិ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ ទសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៩៣. អនុបាទិន្នា ធម្មា…បេ… សម្បយុត្តាតិ? នត្ថិ. កតិហិ វិប្បយុត្តា? ន កេហិចិ ខន្ធេហិ ន កេហិចិ អាយតនេហិ បញ្ចហិ ធាតូហិ វិប្បយុត្តា.

២៩៤. ឧបាទានា ¶ ធម្មា… កិលេសា ធម្មា… កិលេសា ចេវ សំកិលេសិកា ច ធម្មា… កិលេសា ចេវ សំកិលិដ្ឋា ច ធម្មា… កិលេសា ចេវ កិលេសសម្បយុត្តា ច ធម្មា តីហិ ខន្ធេហិ ឯកេនាយតនេន ឯកាយ ធាតុយា សម្បយុត្តា; ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៩៥. អសំកិលេសិកា ធម្មា… កិលេសវិប្បយុត្តា អសំកិលេសិកា ធម្មា…បេ… សម្បយុត្តាតិ ¶ ? នត្ថិ. កតិហិ វិប្បយុត្តា? ន កេហិចិ ខន្ធេហិ ន កេហិចិ អាយតនេហិ ឆហិ ធាតូហិ វិប្បយុត្តា.

២៩៦. សំកិលិដ្ឋា ¶ ធម្មា… កិលេសសម្បយុត្តា ធម្មា…បេ… សម្បយុត្តាតិ? នត្ថិ. កតិហិ វិប្បយុត្តា? ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៩៧. សំកិលិដ្ឋា ចេវ នោ ច កិលេសា ធម្មា… កិលេសសម្បយុត្តា ចេវ នោ ច កិលេសា ធម្មា ឯកេន ខន្ធេន ឯកេនាយតនេន ឯកាយ ធាតុយា ¶ កេហិចិ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៩៨. ទស្សនេន បហាតព្ពា ធម្មា… ភាវនាយ បហាតព្ពា ធម្មា… ទស្សនេន បហាតព្ពហេតុកា ធម្មា… ភាវនាយ បហាតព្ពហេតុកា ធម្មា… សម្បយុត្តាតិ? នត្ថិ. កតិហិ វិប្បយុត្តា? ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២៩៩. សវិតក្កា ធម្មា… សវិចារា ធម្មា ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ បន្នរសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣០០. អវិតក្កា ធម្មា… អវិចារា ធម្មា…បេ… សម្បយុត្តាតិ? នត្ថិ. កតិហិ វិប្បយុត្តា? ន កេហិចិ ខន្ធេហិ ន កេហិចិ អាយតនេហិ ឯកាយ ¶ ធាតុយា វិប្បយុត្តា.

៣០១. សប្បីតិកា ¶ ធម្មា… បីតិសហគតា ធម្មា ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣០២. សុខសហគតា ¶ ធម្មា ឯកេន ខន្ធេន សម្បយុត្តា; ឯកេនាយតនេន ឯកាយ ធាតុយា កេហិចិ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ បន្នរសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣០៣. ឧបេក្ខាសហគតា ធម្មា ឯកេន ខន្ធេន សម្បយុត្តា; ឯកេនាយតនេន ឯកាយ ធាតុយា កេហិចិ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ ឯកាទសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣០៤. ន ¶ កាមាវចរា ធម្មា… អបរិយាបន្នា ធម្មា… អនុត្តរា ធម្មា…បេ… សម្បយុត្តាតិ? នត្ថិ. កតិហិ វិប្បយុត្តា? ន កេហិចិ ខន្ធេហិ ន កេហិចិ អាយតនេហិ ឆហិ ធាតូហិ វិប្បយុត្តា.

៣០៥. រូបាវចរា ធម្មា… អរូបាវចរា ធម្មា… និយ្យានិកា ធម្មា… និយតា ធម្មា… សរណា ធម្មា កតិហិ ខន្ធេហិ កតិហាយតនេហិ កតិហិ ធាតូហិ សម្បយុត្តាតិ? នត្ថិ. កតិហិ វិប្បយុត្តា? ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ¶ ធាតុយា កេហិចិ វិប្បយុត្តា.

ធម្មាយតនំ ធម្មធាតុ, ទុក្ខសច្ចញ្ច ជីវិតំ;

សឡាយតនំ នាមរូបំ, ចត្តារោ ច មហាភវា.

ជាតិ ជរា ច មរណំ, តិកេស្វេកូនវីសតិ;

គោច្ឆកេសុ ច បញ្ញាស, អដ្ឋ ចូឡន្តរេ បទា.

មហន្តរេ បន្នរស, អដ្ឋារស តតោ បរេ;

តេវីស បទសតំ ឯតំ, សម្បយោគេ ន លព្ភតីតិ.

សម្បយោគវិប្បយោគបទនិទ្ទេសោ ឆដ្ឋោ.

៧. សត្តមនយោ

៧. សម្បយុត្តេនវិប្បយុត្តបទនិទ្ទេសោ

៣០៦. វេទនាក្ខន្ធេន ¶ ¶ ¶ យេ ធម្មា… សញ្ញាក្ខន្ធេន យេ ធម្មា… សង្ខារក្ខន្ធេន យេ ធម្មា… វិញ្ញាណក្ខន្ធេន យេ ធម្មា… មនាយតនេន យេ ធម្មា សម្បយុត្តា, តេហិ ធម្មេហិ យេ ធម្មា វិប្បយុត្តា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ វិប្បយុត្តា? តេ ធម្មា ចតូហិ ខន្ធេហិ ឯកេនាយតនេន សត្តហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣០៧. ចក្ខុវិញ្ញាណធាតុយា យេ ធម្មា…បេ… មនោធាតុយា យេ ធម្មា… មនោវិញ្ញាណធាតុយា យេ ធម្មា សម្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ន កេហិចិ ខន្ធេហិ ន កេហិចិ អាយតនេហិ ឯកាយ ធាតុយា វិប្បយុត្តា.

៣០៨. មនិន្ទ្រិយេន យេ ធម្មា សម្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ឯកេនាយតនេន សត្តហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣០៩. ឧបេក្ខិន្ទ្រិយេន យេ ធម្មា សម្បយុត្តា, តេហិ ធម្មេហិ យេ ¶ ធម្មា វិប្បយុត្តា… តេ ធម្មា ន កេហិចិ ខន្ធេហិ ន កេហិចិ អាយតនេហិ បញ្ចហិ ធាតូហិ វិប្បយុត្តា.

៣១០. សង្ខារបច្ចយា វិញ្ញាណេន យេ ធម្មា… សឡាយតនបច្ចយា ផស្សេន យេ ធម្មា… ផស្សបច្ចយា ¶ វេទនាយ យេ ធម្មា… ផស្សេន យេ ធម្មា… វេទនាយ យេ ធម្មា… សញ្ញាយ យេ ធម្មា… ចេតនាយ យេ ធម្មា… ចិត្តេន យេ ធម្មា… មនសិការេន យេ ធម្មា សម្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ¶ ខន្ធេហិ ឯកេនាយតនេន សត្តហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣១១. អធិមោក្ខេន យេ ធម្មា សម្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ន កេហិចិ ខន្ធេហិ ន កេហិចិ អាយតនេហិ ឯកាយ ធាតុយា វិប្បយុត្តា.

៣១២. អទុក្ខមសុខាយ ¶ វេទនាយ សម្បយុត្តេហិ ធម្មេហិ យេ ធម្មា… ឧបេក្ខាសហគតេហិ ធម្មេហិ យេ ធម្មា សម្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ន កេហិចិ ខន្ធេហិ ន កេហិចិ អាយតនេហិ បញ្ចហិ ធាតូហិ វិប្បយុត្តា.

៣១៣. សវិតក្កសវិចារេហិ ធម្មេហិ យេ ធម្មា សម្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ន កេហិចិ ខន្ធេហិ ន កេហិចិ អាយតនេហិ ឯកាយ ធាតុយា វិប្បយុត្តា.

៣១៤. ចិត្តេហិ ធម្មេហិ យេ ធម្មា… ចេតសិកេហិ ធម្មេហិ យេ ធម្មា… ចិត្តសម្បយុត្តេហិ ធម្មេហិ យេ ធម្មា ¶ … ចិត្តសំសដ្ឋេហិ ធម្មេហិ យេ ធម្មា… ចិត្តសំសដ្ឋសមុដ្ឋានេហិ ធម្មេហិ យេ ធម្មា… ចិត្តសំសដ្ឋសមុដ្ឋានសហភូហិ ធម្មេហិ យេ ធម្មា… ចិត្តសំសដ្ឋសមុដ្ឋានានុបរិវត្តីហិ ធម្មេហិ យេ ធម្មា សម្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ឯកេនាយតនេន សត្តហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣១៥. សវិតក្កេហិ ធម្មេហិ យេ ធម្មា… សវិចារេហិ ធម្មេហិ យេ ធម្មា សម្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ន កេហិចិ ខន្ធេហិ ន កេហិចិ អាយតនេហិ ឯកាយ ធាតុយា វិប្បយុត្តា.

៣១៦. ឧបេក្ខាសហគតេហិ ធម្មេហិ យេ ធម្មា សម្បយុត្តា, តេហិ ធម្មេហិ យេ ធម្មា វិប្បយុត្តា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ វិប្បយុត្តា? តេ ធម្មា ន កេហិចិ ខន្ធេហិ ន កេហិចិ អាយតនេហិ បញ្ចហិ ធាតូហិ វិប្បយុត្តា.

ខន្ធា ¶ ¶ ចតុរោ អាយតនញ្ច មេកំ;

ធាតូសុ សត្ត ទ្វេបិ ច ឥន្ទ្រិយតោ.

តយោ បដិច្ច តថរិវ ផស្សបញ្ចមា;

អធិមុច្ចនា មនសិ តិកេសុ តីណិ.

សត្តន្តរា ទ្វេ ច មនេន យុត្តា;

វិតក្កវិចារណា ឧបេក្ខកាយ ចាតិ.

សម្បយុត្តេនវិប្បយុត្តបទនិទ្ទេសោ សត្តមោ.

៨. អដ្ឋមនយោ

៨. វិប្បយុត្តេនសម្បយុត្តបទនិទ្ទេសោ

៣១៧. រូបក្ខន្ធេន ¶ ¶ ¶ ¶ យេ ធម្មា វិប្បយុត្តា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ សម្បយុត្តាតិ? នត្ថិ.

៣១៨. វេទនាក្ខន្ធេន យេ ធម្មា… សញ្ញាក្ខន្ធេន យេ ធម្មា… សង្ខារក្ខន្ធេន យេ ធម្មា… វិញ្ញាណក្ខន្ធេន យេ ធម្មា…បេ… សរណេហិ ធម្មេហិ យេ ធម្មា… អរណេហិ ធម្មេហិ យេ ធម្មា វិប្បយុត្តា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ សម្បយុត្តាតិ? នត្ថិ.

ធម្មាយតនំ ធម្មធាតុ, អថ ជីវិតំ នាមរូបំ;

សឡាយតនំ ជាតិជរាមតំ, ទ្វេ ច តិកេ ន លព្ភរេ.

បឋមន្តរេ សត្ត ច, គោច្ឆកេ ទស អបរន្តេ;

ចុទ្ទស ឆ ច មត្ថកេ, ឥច្ចេតេ សត្តចត្តាលីស ធម្មា;

សមុច្ឆេទេ ន លព្ភន្តិ, មោឃបុច្ឆកេន ចាតិ.

វិប្បយុត្តេនសម្បយុត្តបទនិទ្ទេសោ អដ្ឋមោ.

៩. នវមនយោ

៩. សម្បយុត្តេនសម្បយុត្តបទនិទ្ទេសោ

៣១៩. វេទនាក្ខន្ធេន ¶ ¶ ¶ យេ ធម្មា… សញ្ញាក្ខន្ធេន យេ ធម្មា… សង្ខារក្ខន្ធេន យេ ធម្មា សម្បយុត្តា, តេហិ ធម្មេហិ យេ ធម្មា សម្បយុត្តា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ សម្បយុត្តា? តេ ធម្មា តីហិ ខន្ធេហិ ឯកេនាយតនេន សត្តហិ ធាតូហិ សម្បយុត្តា; ឯកេនាយតនេន ឯកាយ ធាតុយា កេហិចិ សម្បយុត្តា.

៣២០. វិញ្ញាណក្ខន្ធេន យេ ធម្មា… មនាយតនេន យេ ធម្មា… ចក្ខុវិញ្ញាណធាតុយា យេ ធម្មា…បេ… មនោធាតុយា យេ ធម្មា… មនោវិញ្ញាណធាតុយា ¶ យេ ធម្មា សម្បយុត្តា, តេហិ ធម្មេហិ យេ ធម្មា សម្បយុត្តា…បេ… តេ ធម្មា តីហិ ខន្ធេហិ សម្បយុត្តា; ឯកេនាយតនេន ឯកាយ ធាតុយា កេហិចិ សម្បយុត្តា.

៣២១. សមុទយសច្ចេន យេ ធម្មា… មគ្គសច្ចេន យេ ធម្មា សម្បយុត្តា, តេហិ ធម្មេហិ យេ ធម្មា សម្បយុត្តា… តេ ធម្មា តីហិ ខន្ធេហិ ឯកេនាយតនេន ឯកាយ ធាតុយា សម្បយុត្តា; ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តា.

៣២២. មនិន្ទ្រិយេន យេ ធម្មា សម្បយុត្តា, តេហិ ធម្មេហិ យេ ធម្មា សម្បយុត្តា… តេ ធម្មា តីហិ ខន្ធេហិ សម្បយុត្តា; ឯកេនាយតនេន ឯកាយ ធាតុយា កេហិចិ សម្បយុត្តា.

៣២៣. សុខិន្ទ្រិយេន យេ ធម្មា… ទុក្ខិន្ទ្រិយេន យេ ធម្មា… សោមនស្សិន្ទ្រិយេន យេ ធម្មា ¶ … ទោមនស្សិន្ទ្រិយេន ¶ យេ ធម្មា សម្បយុត្តា, តេហិ ធម្មេហិ យេ ធម្មា សម្បយុត្តា… តេ ធម្មា តីហិ ខន្ធេហិ ឯកេនាយតនេន ឯកាយ ធាតុយា សម្បយុត្តា; ឯកេនាយតនេន ឯកាយ ធាតុយា កេហិចិ សម្បយុត្តា.

៣២៤. ឧបេក្ខិន្ទ្រិយេន យេ ធម្មា សម្បយុត្តា, តេហិ ធម្មេហិ យេ ធម្មា សម្បយុត្តា… តេ ធម្មា តីហិ ខន្ធេហិ ឯកេនាយតនេន ឆហិ ធាតូហិ សម្បយុត្តា; ឯកេនាយតនេន ឯកាយ ធាតុយា កេហិចិ សម្បយុត្តា.

៣២៥. សទ្ធិន្ទ្រិយេន ¶ យេ ធម្មា… វីរិយិន្ទ្រិយេន យេ ធម្មា… សតិន្ទ្រិយេន ¶ យេ ធម្មា… សមាធិន្ទ្រិយេន យេ ធម្មា… បញ្ញិន្ទ្រិយេន យេ ធម្មា… អនញ្ញាតញ្ញស្សាមីតិន្ទ្រិយេន យេ ធម្មា… អញ្ញិន្ទ្រិយេន យេ ធម្មា… អញ្ញាតាវិន្ទ្រិយេន យេ ធម្មា… អវិជ្ជាយ យេ ធម្មា… អវិជ្ជាបច្ចយា សង្ខារេហិ យេ ធម្មា សម្បយុត្តា, តេហិ ធម្មេហិ យេ ធម្មា សម្បយុត្តា… តេ ធម្មា តីហិ ខន្ធេហិ ឯកេនាយតនេន ឯកាយ ធាតុយា សម្បយុត្តា; ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តា.

៣២៦. សង្ខារបច្ចយា វិញ្ញាណេន យេ ធម្មា សម្បយុត្តា, តេហិ ធម្មេហិ យេ ធម្មា សម្បយុត្តា… តេ ធម្មា តីហិ ខន្ធេហិ សម្បយុត្តា; ឯកេនាយតនេន ឯកាយ ធាតុយា កេហិចិ សម្បយុត្តា.

៣២៧. សឡាយតនបច្ចយា ផស្សេន យេ ធម្មា សម្បយុត្តា, តេហិ ធម្មេហិ យេ ធម្មា សម្បយុត្តា… តេ ធម្មា តីហិ ខន្ធេហិ ឯកេនាយតនេន សត្តហិ ធាតូហិ សម្បយុត្តា; ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តា.

៣២៨. ផស្សបច្ចយា វេទនាយ យេ ធម្មា សម្បយុត្តា, តេហិ ធម្មេហិ យេ ធម្មា សម្បយុត្តា… តេ ធម្មា តីហិ ខន្ធេហិ ឯកេនាយតនេន សត្តហិ ធាតូហិ សម្បយុត្តា; ឯកេនាយតនេន ឯកាយ ធាតុយា កេហិចិ សម្បយុត្តា.

៣២៩. វេទនាបច្ចយា តណ្ហាយ យេ ធម្មា… តណ្ហាបច្ចយា ឧបាទានេន យេ ធម្មា… កម្មភវេន ¶ យេ ធម្មា សម្បយុត្តា, តេហិ ធម្មេហិ ¶ យេ ធម្មា សម្បយុត្តា… តេ ធម្មា តីហិ ¶ ខន្ធេហិ ឯកេនាយតនេន ឯកាយ ធាតុយា សម្បយុត្តា; ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តា.

៣៣០. សោកេន យេ ធម្មា… ទុក្ខេន យេ ធម្មា… ទោមនស្សេន យេ ធម្មា សម្បយុត្តា, តេហិ ធម្មេហិ យេ ធម្មា សម្បយុត្តា… តេ ធម្មា តីហិ ខន្ធេហិ ឯកេនាយតនេន ឯកាយ ធាតុយា សម្បយុត្តា; ឯកេនាយតនេន ឯកាយ ធាតុយា កេហិចិ សម្បយុត្តា.

៣៣១. ឧបាយាសេន ¶ យេ ធម្មា… សតិបដ្ឋានេន យេ ធម្មា… សម្មប្បធានេន យេ ធម្មា សម្បយុត្តា, តេហិ ធម្មេហិ យេ ធម្មា សម្បយុត្តា… តេ ធម្មា តីហិ ខន្ធេហិ ឯកេនាយតនេន ឯកាយ ធាតុយា សម្បយុត្តា; ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តា.

៣៣២. ឥទ្ធិបាទេន យេ ធម្មា សម្បយុត្តា, តេហិ ធម្មេហិ យេ ធម្មា សម្បយុត្តា… តេ ធម្មា ទ្វីហិ ខន្ធេហិ សម្បយុត្តា; ឯកេនាយតនេន ឯកាយ ធាតុយា កេហិចិ សម្បយុត្តា.

៣៣៣. ឈានេន យេ ធម្មា សម្បយុត្តា, តេហិ ធម្មេហិ យេ ធម្មា សម្បយុត្តា… តេ ធម្មា ទ្វីហិ ខន្ធេហិ ឯកេនាយតនេន ឯកាយ ធាតុយា សម្បយុត្តា; ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តា.

៣៣៤. អប្បមញ្ញាយ យេ ធម្មា… បញ្ចហិ ឥន្ទ្រិយេហិ យេ ធម្មា ¶ … បញ្ចហិ ពលេហិ យេ ធម្មា… សត្តហិ ពោជ្ឈង្គេហិ យេ ធម្មា… អរិយេន អដ្ឋង្គិកេន មគ្គេន យេ ធម្មា សម្បយុត្តា, តេហិ ធម្មេហិ យេ ធម្មា សម្បយុត្តា… តេ ធម្មា តីហិ ខន្ធេហិ ឯកេនាយតនេន ឯកាយ ធាតុយា សម្បយុត្តា; ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តា.

៣៣៥. ផស្សេន យេ ធម្មា… ចេតនាយ យេ ធម្មា… មនសិការេន យេ ធម្មា សម្បយុត្តា, តេហិ ធម្មេហិ យេ ធម្មា សម្បយុត្តា… តេ ធម្មា តីហិ ខន្ធេហិ ឯកេនាយតនេន សត្តហិ ធាតូហិ សម្បយុត្តា; ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តា.

៣៣៦. វេទនាយ ¶ យេ ធម្មា… សញ្ញាយ យេ ធម្មា សម្បយុត្តា ¶ , តេហិ ធម្មេហិ យេ ធម្មា សម្បយុត្តា… តេ ធម្មា តីហិ ខន្ធេហិ ឯកេនាយតនេន សត្តហិ ធាតូហិ សម្បយុត្តា; ឯកេនាយតនេន ឯកាយ ធាតុយា កេហិចិ សម្បយុត្តា.

៣៣៧. ចិត្តេន យេ ធម្មា សម្បយុត្តា, តេហិ ធម្មេហិ យេ ធម្មា សម្បយុត្តា… តេ ធម្មា តីហិ ខន្ធេហិ សម្បយុត្តា; ឯកេនាយតនេន ឯកាយ ធាតុយា កេហិចិ សម្បយុត្តា.

៣៣៨. អធិមោក្ខេន ¶ យេ ធម្មា សម្បយុត្តា, តេហិ ធម្មេហិ យេ ធម្មា សម្បយុត្តា… តេ ធម្មា តីហិ ខន្ធេហិ ឯកេនាយតនេន ទ្វីហិ ធាតូហិ សម្បយុត្តា; ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តា.

៣៣៩. សុខាយ ¶ វេទនាយ សម្បយុត្តេហិ ធម្មេហិ យេ ធម្មា… ទុក្ខាយ វេទនាយ សម្បយុត្តេហិ ធម្មេហិ យេ ធម្មា… អទុក្ខមសុខាយ វេទនាយ សម្បយុត្តេហិ ធម្មេហិ យេ ធម្មា សម្បយុត្តា, តេហិ ធម្មេហិ យេ ធម្មា សម្បយុត្តា… តេ ធម្មា ឯកេន ខន្ធេន សម្បយុត្តា; ឯកេនាយតនេន ឯកាយ ធាតុយា កេហិចិ សម្បយុត្តា.

៣៤០. សវិតក្កសវិចារេហិ ធម្មេហិ យេ ធម្មា… អវិតក្កវិចារមត្តេហិ ធម្មេហិ យេ ធម្មា… បីតិសហគតេហិ ធម្មេហិ យេ ធម្មា សម្បយុត្តា, តេហិ ធម្មេហិ យេ ធម្មា សម្បយុត្តា… តេ ធម្មា ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តា.

៣៤១. សុខសហគតេហិ ធម្មេហិ យេ ធម្មា… ឧបេក្ខាសហគតេហិ ធម្មេហិ យេ ធម្មា សម្បយុត្តា, តេហិ ធម្មេហិ យេ ធម្មា សម្បយុត្តា… តេ ធម្មា ឯកេន ខន្ធេន សម្បយុត្តា; ឯកេនាយតនេន ឯកាយ ធាតុយា កេហិចិ សម្បយុត្តា.

៣៤២. ហេតូហិ ធម្មេហិ យេ ធម្មា… ហេតូហិ ចេវ សហេតុកេហិ ច ធម្មេហិ យេ ធម្មា… ហេតូហិ ចេវ ហេតុសម្បយុត្តេហិ ច ធម្មេហិ យេ ធម្មា សម្បយុត្តា, តេហិ ធម្មេហិ យេ ធម្មា សម្បយុត្តា… តេ ធម្មា តីហិ ខន្ធេហិ ឯកេនាយតនេន ឯកាយ ធាតុយា សម្បយុត្តា; ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តា.

៣៤៣. សហេតុកេហិ ¶ ¶ ចេវ ន ច ហេតូហិ ធម្មេហិ យេ ធម្មា… ហេតុសម្បយុត្តេហិ ចេវ ន ច ហេតូហិ ធម្មេហិ យេ ធម្មា… ន ហេតុសហេតុកេហិ ¶ ធម្មេហិ យេ ធម្មា សម្បយុត្តា, តេហិ ធម្មេហិ [ន ហេតូហិ សហេតុកេហិ (ពហូសុ)] យេ ធម្មា សម្បយុត្តា… តេ ធម្មា ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តា.

៣៤៤. អាសវេហិ ¶ ធម្មេហិ យេ ធម្មា… អាសវេហិ ចេវ សាសវេហិ ច ធម្មេហិ យេ ធម្មា… អាសវេហិ ចេវ អាសវសម្បយុត្តេហិ ច ធម្មេហិ យេ ធម្មា សម្បយុត្តា, តេហិ ធម្មេហិ យេ ធម្មា សម្បយុត្តា… តេ ធម្មា តីហិ ខន្ធេហិ ឯកេនាយតនេន ឯកាយ ធាតុយា សម្បយុត្តា; ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តា.

៣៤៥. អាសវសម្បយុត្តេហិ ចេវ នោ ច អាសវេហិ ធម្មេហិ យេ ធម្មា សម្បយុត្តា, តេហិ ធម្មេហិ យេ ធម្មា សម្បយុត្តា… តេ ធម្មា ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តា.

៣៤៦. សំយោជនេហិ… គន្ថេហិ… ឱឃេហិ… យោគេហិ… នីវរណេហិ… បរាមាសេហិ ធម្មេហិ យេ ធម្មា… បរាមាសេហិ ចេវ បរាមដ្ឋេហិ ច ធម្មេហិ យេ ធម្មា សម្បយុត្តា, តេហិ ធម្មេហិ យេ ធម្មា សម្បយុត្តា… តេ ធម្មា តីហិ ខន្ធេហិ ឯកេនាយតនេន ឯកាយ ធាតុយា សម្បយុត្តា; ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តា.

៣៤៧. បរាមាសសម្បយុត្តេហិ ធម្មេហិ យេ ធម្មា សម្បយុត្តា, តេហិ ធម្មេហិ យេ ធម្មា សម្បយុត្តា… តេ ធម្មា ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តា.

៣៤៨. ចិត្តេហិ ធម្មេហិ យេ ធម្មា សម្បយុត្តា, តេហិ ធម្មេហិ យេ ¶ ធម្មា សម្បយុត្តា… តេ ធម្មា តីហិ ខន្ធេហិ សម្បយុត្តា; ឯកេនាយតនេន ឯកាយ ធាតុយា កេហិចិ សម្បយុត្តា.

៣៤៩. ចេតសិកេហិ ¶ ធម្មេហិ យេ ធម្មា… ចិត្តសម្បយុត្តេហិ ធម្មេហិ យេ ធម្មា… ចិត្តសំសដ្ឋេហិ ធម្មេហិ យេ ធម្មា… ចិត្តសំសដ្ឋសមុដ្ឋានេហិ ធម្មេហិ យេ ធម្មា… ចិត្តសំសដ្ឋសមុដ្ឋានសហភូហិ ធម្មេហិ យេ ធម្មា… ចិត្តសំសដ្ឋសមុដ្ឋានានុបរិវត្តីហិ ធម្មេហិ យេ ធម្មា សម្បយុត្តា ¶ , តេហិ ធម្មេហិ យេ ធម្មា សម្បយុត្តា… តេ ធម្មា ឯកេន ខន្ធេន ឯកេនាយតនេន សត្តហិ ធាតូហិ សម្បយុត្តា.

៣៥០. ឧបាទានេហិ ធម្មេហិ យេ ធម្មា… កិលេសេហិ ធម្មេហិ យេ ធម្មា… កិលេសេហិ ចេវ សំកិលេសិកេហិ ច ធម្មេហិ យេ ធម្មា… កិលេសេហិ ចេវ សំកិលិដ្ឋេហិ ច ធម្មេហិ យេ ធម្មា… កិលេសេហិ ចេវ កិលេសសម្បយុត្តេហិ ¶ ច ធម្មេហិ យេ ធម្មា សម្បយុត្តា, តេហិ ធម្មេហិ យេ ធម្មា សម្បយុត្តា… តេ ធម្មា តីហិ ខន្ធេហិ ឯកេនាយតនេន ឯកាយ ធាតុយា សម្បយុត្តា; ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តា.

៣៥១. សំកិលិដ្ឋេហិ ចេវ នោ ច កិលេសេហិ ធម្មេហិ យេ ធម្មា… កិលេសសម្បយុត្តេហិ ចេវ នោ ច កិលេសេហិ ធម្មេហិ យេ ធម្មា… សវិតក្កេហិ ធម្មេហិ យេ ធម្មា… សវិចារេហិ ធម្មេហិ យេ ធម្មា… សប្បីតិកេហិ ធម្មេហិ យេ ធម្មា… បីតិសហគតេហិ ធម្មេហិ យេ ធម្មា សម្បយុត្តា, តេហិ ធម្មេហិ យេ ធម្មា សម្បយុត្តា… តេ ធម្មា ឯកេន ខន្ធេន ឯកេនាយតនេន ¶ ឯកាយ ធាតុយា កេហិចិ សម្បយុត្តា.

៣៥២. សុខសហគតេហិ ធម្មេហិ យេ ធម្មា… ឧបេក្ខាសហគតេហិ ធម្មេហិ យេ ធម្មា សម្បយុត្តា, តេហិ ធម្មេហិ យេ ធម្មា សម្បយុត្តា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ សម្បយុត្តា? តេ ធម្មា ឯកេន ខន្ធេន សម្បយុត្តា; ឯកេនាយតនេន ឯកាយ ធាតុយា កេហិចិ សម្បយុត្តា.

អរូបក្ខន្ធា ចត្តារោ, មនាយតនមេវ ច;

វិញ្ញាណធាតុយោ សត្ត, ទ្វេ សច្ចា ចុទ្ទសិន្ទ្រិយា.

បច្ចយេ ទ្វាទស បទា, តតោ ឧបរិ សោឡស;

តិកេសុ អដ្ឋ គោច្ឆកេ, តេចត្តាលីសមេវ ច.

មហន្តរទុកេ សត្ត, បទា បិដ្ឋិ ទុកេសុ ឆ;

នវមស្ស បទស្សេតេ, និទ្ទេសេ សង្គហំ គតាតិ.

សម្បយុត្តេនសម្បយុត្តបទនិទ្ទេសោ នវមោ.

១០. ទសមនយោ

១០. វិប្បយុត្តេនវិប្បយុត្តបទនិទ្ទេសោ

៣៥៣. រូបក្ខន្ធេន ¶ ¶ ¶ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ វិប្បយុត្តា? តេ ធម្មា ចតូហិ ខន្ធេហិ ឯកេនាយតនេន សត្តហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៥៤. វេទនាក្ខន្ធេន យេ ធម្មា… សញ្ញាក្ខន្ធេន យេ ធម្មា… សង្ខារក្ខន្ធេន យេ ធម្មា… វិញ្ញាណក្ខន្ធេន យេ ធម្មា… មនាយតនេន យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា…បេ… តេ ធម្មា ឯកេន ខន្ធេន ទសហាយតនេហិ ទសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៥៥. ចក្ខាយតនេន ¶ យេ ធម្មា…បេ… ផោដ្ឋព្ពាយតនេន យេ ធម្មា… ចក្ខុធាតុយា យេ ធម្មា…បេ… ផោដ្ឋព្ពធាតុយា យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ឯកេនាយតនេន សត្តហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៥៦. ចក្ខុវិញ្ញាណធាតុយា យេ ធម្មា…បេ… មនោវិញ្ញាណធាតុយា យេ ធម្មា… សមុទយសច្ចេន យេ ធម្មា… មគ្គសច្ចេន យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៥៧. និរោធសច្ចេន ¶ យេ ធម្មា… ចក្ខុន្ទ្រិយេន យេ ធម្មា…បេ… កាយិន្ទ្រិយេន យេ ធម្មា.. ឥត្ថិន្ទ្រិយេន ¶ យេ ធម្មា… បុរិសិន្ទ្រិយេន យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ឯកេនាយតនេន សត្តហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៥៨. មនិន្ទ្រិយេន ¶ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ឯកេន ខន្ធេន ទសហាយតនេហិ ទសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៥៩. សុខិន្ទ្រិយេន យេ ធម្មា… ទុក្ខិន្ទ្រិយេន យេ ធម្មា… សោមនស្សិន្ទ្រិយេន យេ ធម្មា… ទោមនស្សិន្ទ្រិយេន យេ ធម្មា វិប្បយុត្តា, តេហិ ¶ ធម្មេហិ យេ ធម្មា វិប្បយុត្តា… តេ ធម្មា ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៦០. ឧបេក្ខិន្ទ្រិយេន យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ឯកេន ខន្ធេន ទសហាយតនេហិ ឯកាទសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៦១. សទ្ធិន្ទ្រិយេន យេ ធម្មា… វីរិយិន្ទ្រិយេន យេ ធម្មា… សតិន្ទ្រិយេន យេ ធម្មា… សមាធិន្ទ្រិយេន យេ ធម្មា… បញ្ញិន្ទ្រិយេន យេ ធម្មា… អនញ្ញាតញ្ញស្សាមីតិន្ទ្រិយេន យេ ធម្មា… អញ្ញិន្ទ្រិយេន យេ ធម្មា… អញ្ញាតាវិន្ទ្រិយេន យេ ធម្មា… អវិជ្ជាយ យេ ធម្មា… អវិជ្ជាបច្ចយា សង្ខារេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៦២. សង្ខារបច្ចយា វិញ្ញាណេន យេ ធម្មា… សឡាយតនបច្ចយា ផស្សេន យេ ធម្មា… ផស្សបច្ចយា វេទនាយ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ឯកេន ¶ ខន្ធេន ទសហាយតនេហិ ទសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៦៣. វេទនាបច្ចយា តណ្ហាយ យេ ធម្មា… តណ្ហាបច្ចយា ឧបាទានេន ¶ យេ ធម្មា… កម្មភវេន យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ឯកេន ¶ ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៦៤. រូបភវេន ¶ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ន កេហិចិ ខន្ធេហិ ន កេហិចិ អាយតនេហិ តីហិ ធាតូហិ វិប្បយុត្តា.

៣៦៥. អសញ្ញាភវេន យេ ធម្មា… ឯកវោការភវេន យេ ធម្មា… បរិទេវេន យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ឯកេនាយតនេន សត្តហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៦៦. អរូបភវេន យេ ធម្មា… នេវសញ្ញានាសញ្ញាភវេន យេ ធម្មា… ចតុវោការភវេន យេ ធម្មា… សោកេន យេ ធម្មា… ទុក្ខេន យេ ធម្មា… ទោមនស្សេន យេ ធម្មា… ឧបាយាសេន យេ ធម្មា… សតិបដ្ឋានេន យេ ធម្មា… សម្មប្បធានេន យេ ធម្មា… ឥទ្ធិបាទេន យេ ធម្មា… ឈានេន យេ ធម្មា… អប្បមញ្ញាយ យេ ធម្មា… បញ្ចហិ ឥន្ទ្រិយេហិ យេ ធម្មា… បញ្ចហិ ពលេហិ យេ ធម្មា… សត្តហិ ពោជ្ឈង្គេហិ យេ ធម្មា… អរិយេន អដ្ឋង្គិកេន មគ្គេន យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ¶ ឯកាយ ធាតុយា កេហិចិ វិប្បយុត្តា.

៣៦៧. ផស្សេន យេ ធម្មា… វេទនាយ យេ ធម្មា… សញ្ញាយ យេ ធម្មា… ចេតនាយ យេ ធម្មា… ចិត្តេន យេ ធម្មា… មនសិការេន យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ឯកេន ខន្ធេន ទសហាយតនេហិ ទសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៦៨. អធិមោក្ខេន យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ¶ ឯកេន ខន្ធេន ទសហាយតនេហិ បន្នរសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

១. តិកំ

៣៦៩. កុសលេហិ ធម្មេហិ យេ ធម្មា… អកុសលេហិ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ឯកេន ¶ ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៧០. សុខាយ ¶ វេទនាយ សម្បយុត្តេហិ ធម្មេហិ យេ ធម្មា… ទុក្ខាយ វេទនាយ សម្បយុត្តេហិ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ឯកេន ខន្ធេន ទសហាយតនេហិ បន្នរសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៧១. អទុក្ខមសុខាយ វេទនាយ សម្បយុត្តេហិ ធម្មេហិ យេ ធម្មា វិប្បយុត្តា ¶ , តេហិ ធម្មេហិ យេ ធម្មា វិប្បយុត្តា… តេ ធម្មា ឯកេន ខន្ធេន ទសហាយតនេហិ ឯកាទសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៧២. វិបាកេហិ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ឯកេន ខន្ធេន ទសហាយតនេហិ ទសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៧៣. វិបាកធម្មធម្មេហិ យេ ធម្មា… សំកិលិដ្ឋសំកិលេសិកេហិ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៧៤. នេវវិបាកនវិបាកធម្មធម្មេហិ យេ ធម្មា… អនុបាទិន្នុបាទានិយេហិ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ន កេហិចិ ខន្ធេហិ ន កេហិចិ អាយតនេហិ បញ្ចហិ ធាតូហិ វិប្បយុត្តា.

៣៧៥. អនុបាទិន្នអនុបាទានិយេហិ ¶ ធម្មេហិ យេ ធម្មា… អសំកិលិដ្ឋអសំកិលេសិកេហិ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ន កេហិចិ ខន្ធេហិ ន កេហិចិ អាយតនេហិ ឆហិ ធាតូហិ វិប្បយុត្តា.

៣៧៦. សវិតក្កសវិចារេហិ ធម្មេហិ យេ ធម្មា វិប្បយុត្តា, តេហិ ធម្មេហិ ¶ យេ ធម្មា វិប្បយុត្តា… តេ ធម្មា ឯកេន ¶ ខន្ធេន ទសហាយតនេហិ បន្នរសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៧៧. អវិតក្កវិចារមត្តេហិ ¶ ធម្មេហិ យេ ធម្មា… បីតិសហគតេហិ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៧៨. អវិតក្កអវិចារេហិ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ន កេហិចិ ខន្ធេហិ ន កេហិចិ អាយតនេហិ ឯកាយ ធាតុយា វិប្បយុត្តា.

៣៧៩. សុខសហគតេហិ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ឯកេន ខន្ធេន ទសហាយតនេហិ បន្នរសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៨០. ឧបេក្ខាសហគតេហិ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ឯកេន ខន្ធេន ទសហាយតនេហិ ឯកាទសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៨១. ទស្សនេន បហាតព្ពេហិ ធម្មេហិ យេ ធម្មា… ភាវនាយ បហាតព្ពេហិ ធម្មេហិ យេ ធម្មា… ទស្សនេន បហាតព្ពហេតុកេហិ ធម្មេហិ ¶ យេ ធម្មា… ភាវនាយ បហាតព្ពហេតុកេហិ ធម្មេហិ យេ ធម្មា… អាចយគាមីហិ ធម្មេហិ យេ ធម្មា… អបចយគាមីហិ ធម្មេហិ យេ ធម្មា… សេក្ខេហិ ធម្មេហិ យេ ធម្មា… អសេក្ខេហិ ធម្មេហិ យេ ធម្មា… មហគ្គតេហិ ធម្មេហិ យេ ធម្មា វិប្បយុត្តា, តេហិ ¶ ធម្មេហិ យេ ធម្មា វិប្បយុត្តា… តេ ធម្មា ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៨២. អប្បមាណេហិ ធម្មេហិ យេ ធម្មា… បណីតេហិ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ន ¶ កេហិចិ ខន្ធេហិ ន កេហិចិ អាយតនេហិ ឆហិ ធាតូហិ វិប្បយុត្តា.

៣៨៣. បរិត្តារម្មណេហិ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ឯកេន ខន្ធេន ទសហាយតនេហិ ទសហិ ¶ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៨៤. មហគ្គតារម្មណេហិ ធម្មេហិ យេ ធម្មា… អប្បមាណារម្មណេហិ ធម្មេហិ យេ ធម្មា… ហីនេហិ ធម្មេហិ យេ ធម្មា… មិច្ឆត្តនិយតេហិ ធម្មេហិ យេ ធម្មា… សម្មត្តនិយតេហិ ធម្មេហិ យេ ធម្មា… មគ្គារម្មណេហិ ធម្មេហិ យេ ធម្មា… មគ្គហេតុកេហិ ធម្មេហិ យេ ធម្មា… មគ្គាធិបតីហិ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៨៥. អនុប្បន្នេហិ ¶ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ន កេហិចិ ខន្ធេហិ ន កេហិចិ អាយតនេហិ បញ្ចហិ ធាតូហិ វិប្បយុត្តា.

៣៨៦. អតីតារម្មណេហិ ធម្មេហិ យេ ធម្មា… អនាគតារម្មណេហិ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៨៧. បច្ចុប្បន្នារម្មណេហិ ធម្មេហិ យេ ធម្មា… អជ្ឈត្តារម្មណេហិ ធម្មេហិ យេ ធម្មា… ពហិទ្ធារម្មណេហិ ធម្មេហិ យេ ធម្មា… អជ្ឈត្តពហិទ្ធារម្មណេហិ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ឯកេន ខន្ធេន ទសហាយតនេហិ ទសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៨៨. សនិទស្សនសប្បដិឃេហិ ¶ ធម្មេហិ យេ ធម្មា… អនិទស្សនសប្បដិឃេហិ ធម្មេហិ យេ ធម្មា វិប្បយុត្តា ¶ , តេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ឯកេនាយតនេន សត្តហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

២. ទុកំ

៣៨៩. ហេតូហិ ធម្មេហិ យេ ធម្មា… សហេតុកេហិ ធម្មេហិ យេ ធម្មា… ហេតុសម្បយុត្តេហិ ធម្មេហិ យេ ធម្មា… ហេតូហិ ចេវ សហេតុកេហិ ច ធម្មេហិ ¶ យេ ធម្មា… សហេតុកេហិ ចេវ ន ច ហេតូហិ ធម្មេហិ យេ ¶ ធម្មា… ហេតូហិ ចេវ ហេតុសម្បយុត្តេហិ ច ធម្មេហិ យេ ធម្មា… ហេតុសម្បយុត្តេហិ ចេវ ន ច ហេតូហិ ធម្មេហិ យេ ធម្មា… ន ហេតុសហេតុកេហិ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៩០. អប្បច្ចយេហិ ធម្មេហិ យេ ធម្មា… អសង្ខតេហិ ធម្មេហិ យេ ធម្មា… សនិទស្សនេហិ ធម្មេហិ យេ ធម្មា… សប្បដិឃេហិ ធម្មេហិ យេ ធម្មា… រូបីហិ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ឯកេនាយតនេន សត្តហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៩១. លោកុត្តរេហិ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ន កេហិចិ ខន្ធេហិ ន កេហិចិ អាយតនេហិ ឆហិ ធាតូហិ វិប្បយុត្តា.

៣៩២. អាសវេហិ ធម្មេហិ យេ ធម្មា… អាសវសម្បយុត្តេហិ ធម្មេហិ យេ ធម្មា… អាសវេហិ ចេវ សាសវេហិ ច ធម្មេហិ យេ ធម្មា… អាសវេហិ ចេវ អាសវសម្បយុត្តេហិ ច ធម្មេហិ យេ ធម្មា… អាសវសម្បយុត្តេហិ ចេវ នោ ច អាសវេហិ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៩៣. អនាសវេហិ ធម្មេហិ យេ ធម្មា… អាសវវិប្បយុត្តេហិ អនាសវេហិ ¶ ធម្មេហិ យេ ធម្មា ¶ វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ន ¶ កេហិចិ ខន្ធេហិ ន កេហិចិ អាយតនេហិ ឆហិ ធាតូហិ វិប្បយុត្តា.

៣៩៤. សំយោជនេហិ ធម្មេហិ យេ ធម្មា… គន្ថេហិ ធម្មេហិ យេ ធម្មា… ឱឃេហិ ធម្មេហិ យេ ធម្មា… យោគេហិ ធម្មេហិ យេ ធម្មា… នីវរណេហិ ធម្មេហិ យេ ធម្មា… បរាមាសេហិ ធម្មេហិ យេ ធម្មា… បរាមាសសម្បយុត្តេហិ ធម្មេហិ ¶ យេ ធម្មា… បរាមាសេហិ ចេវ បរាមដ្ឋេហិ ច ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៩៥. អបរាមដ្ឋេហិ ធម្មេហិ យេ ធម្មា… បរាមាសវិប្បយុត្តេហិ អបរាមដ្ឋេហិ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ន កេហិចិ ខន្ធេហិ ន កេហិចិ អាយតនេហិ ឆហិ ធាតូហិ វិប្បយុត្តា.

៣៩៦. សារម្មណេហិ ធម្មេហិ យេ ធម្មា… ចិត្តេហិ ធម្មេហិ យេ ធម្មា… ចេតសិកេហិ ធម្មេហិ យេ ធម្មា… ចិត្តសម្បយុត្តេហិ ធម្មេហិ យេ ធម្មា… ចិត្តសំសដ្ឋេហិ ធម្មេហិ យេ ធម្មា… ចិត្តសំសដ្ឋសមុដ្ឋានេហិ ធម្មេហិ យេ ធម្មា… ចិត្តសំសដ្ឋសមុដ្ឋានសហភូហិ ធម្មេហិ យេ ធម្មា… ចិត្តសំសដ្ឋសមុដ្ឋានានុបរិវត្តីហិ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ឯកេន ខន្ធេន ទសហាយតនេហិ ¶ ទសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៩៧. អនារម្មណេហិ [អនុបាទិណ្ណេហិ (សី. ក.)] ធម្មេហិ យេ ធម្មា… ចិត្តវិប្បយុត្តេហិ ធម្មេហិ យេ ធម្មា… ចិត្តវិសំសដ្ឋេហិ ធម្មេហិ យេ ធម្មា… ឧបាទាធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ឯកេនាយតនេន សត្តហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៣៩៨. អនុបាទិន្នេហិ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ន ¶ កេហិចិ ខន្ធេហិ ន កេហិចិ អាយតនេហិ បញ្ចហិ ធាតូហិ វិប្បយុត្តា.

៣៩៩. ឧបាទានេហិ ¶ ធម្មេហិ យេ ធម្មា… កិលេសេហិ ធម្មេហិ យេ ធម្មា… សំកិលិដ្ឋេហិ ធម្មេហិ យេ ធម្មា… កិលេសសម្បយុត្តេហិ ធម្មេហិ យេ ធម្មា… កិលេសេហិ ចេវ សំកិលេសិកេហិ ច ធម្មេហិ យេ ធម្មា… កិលេសេហិ ចេវ សំកិលិដ្ឋេហិ ច ធម្មេហិ យេ ធម្មា… សំកិលិដ្ឋេហិ ចេវ នោ ¶ ច កិលេសេហិ ធម្មេហិ យេ ធម្មា… កិលេសេហិ ចេវ កិលេសសម្បយុត្តេហិ ច ធម្មេហិ យេ ធម្មា… កិលេសសម្បយុត្តេហិ ចេវ នោ ច កិលេសេហិ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៤០០. អសំកិលេសិកេហិ ធម្មេហិ យេ ធម្មា… កិលេសវិប្បយុត្តេហិ អសំកិលេសិកេហិ ¶ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ន កេហិចិ ខន្ធេហិ ន កេហិចិ អាយតនេហិ ឆហិ ធាតូហិ វិប្បយុត្តា.

៤០១. ទស្សនេន បហាតព្ពេហិ ធម្មេហិ យេ ធម្មា… ភាវនាយ បហាតព្ពេហិ ធម្មេហិ យេ ធម្មា… ទស្សនេន បហាតព្ពហេតុកេហិ ធម្មេហិ យេ ធម្មា… ភាវនាយ បហាតព្ពហេតុកេហិ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៤០២. សវិតក្កេហិ ធម្មេហិ យេ ធម្មា… សវិចារេហិ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ឯកេន ខន្ធេន ទសហាយតនេហិ បន្នរសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៤០៣. អវិតក្កេហិ ធម្មេហិ យេ ធម្មា… អវិចារេហិ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ន កេហិចិ ខន្ធេហិ ន កេហិចិ អាយតនេហិ ឯកាយ ធាតុយា វិប្បយុត្តា.

៤០៤. សប្បីតិកេហិ ¶ ធម្មេហិ យេ ធម្មា… បីតិសហគតេហិ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៤០៥. សុខសហគតេហិ ¶ ¶ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ឯកេន ខន្ធេន ទសហាយតនេហិ បន្នរសហិ ធាតូហិ ¶ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៤០៦. ឧបេក្ខាសហគតេហិ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ឯកេន ខន្ធេន ទសហាយតនេហិ ឯកាទសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៤០៧. ន កាមាវចរេហិ ធម្មេហិ យេ ធម្មា… អបរិយាបន្នេហិ ធម្មេហិ យេ ធម្មា… អនុត្តរេហិ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា… តេ ធម្មា ន កេហិចិ ខន្ធេហិ ន កេហិចិ អាយតនេហិ ឆហិ ធាតូហិ វិប្បយុត្តា.

៤០៨. រូបាវចរេហិ ធម្មេហិ យេ ធម្មា… អរូបាវចរេហិ ធម្មេហិ យេ ធម្មា… និយ្យានិកេហិ ធម្មេហិ យេ ធម្មា… និយតេហិ ធម្មេហិ យេ ធម្មា… សរណេហិ ធម្មេហិ យេ ធម្មា វិប្បយុត្តា, តេហិ ធម្មេហិ យេ ធម្មា វិប្បយុត្តា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ វិប្បយុត្តា? តេ ធម្មា ឯកេន ខន្ធេន ទសហាយតនេហិ សោឡសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

ធម្មាយតនំ ធម្មធាតុ, ទុក្ខសច្ចញ្ច ជីវិតំ;

សឡាយតនំ នាមរូបំ, ចត្តារោ ច មហាភវា.

ជាតិ ជរា ច មរណំ, តិកេស្វេកូនវីសតិ;

គោច្ឆកេសុ ច បញ្ញាស, អដ្ឋ ចូឡន្តរេ បទា.

មហន្តរេ បន្នរស, អដ្ឋារស តតោ បរេ;

តេវីស បទសតំ ឯតំ, សម្បយោគេ ន លព្ភតីតិ.

វិប្បយុត្តេនវិប្បយុត្តបទនិទ្ទេសោ ទសមោ.

១១. ឯកាទសមនយោ

១១. សង្គហិតេនសម្បយុត្តវិប្បយុត្តបទនិទ្ទេសោ

៤០៩. សមុទយសច្ចេន ¶ ¶ ¶ ¶ យេ ធម្មា… មគ្គសច្ចេន យេ ធម្មា ខន្ធសង្គហេន សង្គហិតា អាយតនសង្គហេន សង្គហិតា ធាតុសង្គហេន សង្គហិតា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ សម្បយុត្តា? តេ ធម្មា តីហិ ខន្ធេហិ ឯកេនាយតនេន សត្តហិ ធាតូហិ សម្បយុត្តា; ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ ទសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៤១០. ឥត្ថិន្ទ្រិយេន យេ ធម្មា… បុរិសិន្ទ្រិយេន យេ ធម្មា ខន្ធសង្គហេន សង្គហិតា អាយតនសង្គហេន សង្គហិតា ធាតុសង្គហេន សង្គហិតា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ សម្បយុត្តាតិ? នត្ថិ. កតិហិ វិប្បយុត្តា? ចតូហិ ខន្ធេហិ ឯកេនាយតនេន សត្តហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៤១១. សុខិន្ទ្រិយេន យេ ធម្មា… ទុក្ខិន្ទ្រិយេន យេ ធម្មា… សោមនស្សិន្ទ្រិយេន យេ ធម្មា… ទោមនស្សិន្ទ្រិយេន យេ ធម្មា ខន្ធសង្គហេន សង្គហិតា អាយតនសង្គហេន សង្គហិតា ធាតុសង្គហេន សង្គហិតា…បេ… តេ ធម្មា តីហិ ខន្ធេហិ ឯកេនាយតនេន សត្តហិ ធាតូហិ សម្បយុត្តា; ឯកេនាយតនេន ឯកាយ ធាតុយា កេហិចិ សម្បយុត្តា. កតិហិ វិប្បយុត្តា? ឯកេន ¶ ខន្ធេន ទសហាយតនេហិ ទសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៤១២. ឧបេក្ខិន្ទ្រិយេន ¶ យេ ធម្មា ខន្ធសង្គហេន សង្គហិតា អាយតនសង្គហេន សង្គហិតា ធាតុសង្គហេន សង្គហិតា… តេ ធម្មា តីហិ ¶ ខន្ធេហិ ឯកេនាយតនេន ទ្វីហិ ធាតូហិ សម្បយុត្តា; ឯកេនាយតនេន ឯកាយ ធាតុយា កេហិចិ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ បន្នរសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៤១៣. សទ្ធិន្ទ្រិយេន ¶ យេ ធម្មា… វីរិយិន្ទ្រិយេន យេ ធម្មា… សតិន្ទ្រិយេន យេ ធម្មា… សមាធិន្ទ្រិយេន យេ ធម្មា… បញ្ញិន្ទ្រិយេន យេ ធម្មា… អនញ្ញាតញ្ញស្សាមីតិន្ទ្រិយេន យេ ធម្មា… អញ្ញិន្ទ្រិយេន យេ ធម្មា… អញ្ញាតាវិន្ទ្រិយេន យេ ធម្មា… អវិជ្ជាយ យេ ធម្មា… អវិជ្ជាបច្ចយា សង្ខារេហិ យេ ធម្មា… សឡាយតនបច្ចយា ផស្សេន យេ ធម្មា… វេទនាបច្ចយា តណ្ហាយ យេ ធម្មា… តណ្ហាបច្ចយា ឧបាទានេន យេ ធម្មា… កម្មភវេន យេ ធម្មា ខន្ធសង្គហេន សង្គហិតា អាយតនសង្គហេន សង្គហិតា ធាតុសង្គហេន សង្គហិតា តេ ធម្មា តីហិ ខន្ធេហិ ឯកេនាយតនេន សត្តហិ ធាតូហិ សម្បយុត្តា; ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ ទសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៤១៤. បរិទេវេន ¶ យេ ធម្មា ខន្ធសង្គហេន សង្គហិតា អាយតនសង្គហេន សង្គហិតា ធាតុសង្គហេន សង្គហិតា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ សម្បយុត្តាតិ? នត្ថិ. កតិហិ វិប្បយុត្តា? ចតូហិ ខន្ធេហិ ឯកេនាយតនេន សត្តហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៤១៥. សោកេន យេ ធម្មា… ទុក្ខេន យេ ធម្មា… ទោមនស្សេន យេ ធម្មា ខន្ធសង្គហេន សង្គហិតា អាយតនសង្គហេន សង្គហិតា ធាតុសង្គហេន សង្គហិតា… តេ ធម្មា តីហិ ខន្ធេហិ ឯកេនាយតនេន សត្តហិ ធាតូហិ សម្បយុត្តា; ឯកេនាយតនេន ឯកាយ ធាតុយា កេហិចិ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ ទសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៤១៦. ឧបាយាសេន យេ ធម្មា… សតិបដ្ឋានេន យេ ធម្មា… សម្មប្បធានេន ¶ យេ ធម្មា… អប្បមញ្ញាយ យេ ធម្មា… បញ្ចហិ ឥន្ទ្រិយេហិ យេ ធម្មា… បញ្ចហិ ពលេហិ យេ ធម្មា… សត្តហិ ពោជ្ឈង្គេហិ ¶ យេ ធម្មា… អរិយេន អដ្ឋង្គិកេន មគ្គេន យេ ធម្មា… ផស្សេន យេ ធម្មា… ចេតនាយ យេ ធម្មា… អធិមោក្ខេន យេ ធម្មា… មនសិការេន យេ ធម្មា… ហេតូហិ ធម្មេហិ យេ ធម្មា… ហេតូហិ ចេវ សហេតុកេហិ ច ធម្មេហិ យេ ធម្មា… ហេតូហិ ចេវ ហេតុសម្បយុត្តេហិ ច ធម្មេហិ យេ ធម្មា… អាសវេហិ ធម្មេហិ យេ ធម្មា… អាសវេហិ ចេវ សាសវេហិ ច ធម្មេហិ យេ ធម្មា… អាសវេហិ ចេវ អាសវសម្បយុត្តេហិ ¶ ច ធម្មេហិ យេ ធម្មា… សំយោជនេហិ ធម្មេហិ យេ ធម្មា… គន្ថេហិ ធម្មេហិ យេ ធម្មា… ឱឃេហិ ធម្មេហិ យេ ធម្មា… យោគេហិ ធម្មេហិ យេ ធម្មា… នីវរណេហិ ធម្មេហិ យេ ធម្មា… បរាមាសេហិ ធម្មេហិ យេ ធម្មា… ឧបាទានេហិ ធម្មេហិ យេ ធម្មា… កិលេសេហិ ធម្មេហិ យេ ធម្មា… កិលេសេហិ ចេវ សំកិលេសិកេហិ ច ធម្មេហិ យេ ធម្មា… កិលេសេហិ ចេវ សំកិលិដ្ឋេហិ ច ធម្មេហិ យេ ធម្មា… កិលេសេហិ ចេវ កិលេសសម្បយុត្តេហិ ច ធម្មេហិ យេ ធម្មា ខន្ធសង្គហេន សង្គហិតា អាយតនសង្គហេន សង្គហិតា ធាតុសង្គហេន សង្គហិតា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ សម្បយុត្តា? តេ ធម្មា តីហិ ខន្ធេហិ ឯកេនាយតនេន សត្តហិ ធាតូហិ សម្បយុត្តា; ឯកេន ខន្ធេន ឯកេនាយតនេន ឯកាយ ធាតុយា កេហិចិ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ ទសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

ទ្វេ សច្ចា បន្នរសិន្ទ្រិយា, ឯកាទស បដិច្ចបទា;

ឧទ្ធំ បុន ឯកាទស, គោច្ឆកបទមេត្ថ តិំសវិធាតិ.

សង្គហិតេនសម្បយុត្តវិប្បយុត្តបទនិទ្ទេសោ ឯកាទសមោ.

១២. ទ្វាទសមនយោ

១២. សម្បយុត្តេនសង្គហិតាសង្គហិតបទនិទ្ទេសោ

៤១៧. វេទនាក្ខន្ធេន ¶ ¶ ¶ យេ ធម្មា… សញ្ញាក្ខន្ធេន យេ ធម្មា… សង្ខារក្ខន្ធេន យេ ធម្មា សម្បយុត្តា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ សង្គហិតា? តេ ធម្មា តីហិ ខន្ធេហិ ទ្វីហាយតនេហិ ¶ អដ្ឋហិ ធាតូហិ សង្គហិតា. កតិហិ អសង្គហិតា? ទ្វីហិ ខន្ធេហិ ទសហាយតនេហិ ទសហិ ធាតូហិ អសង្គហិតា.

៤១៨. វិញ្ញាណក្ខន្ធេន យេ ធម្មា… មនាយតនេន យេ ធម្មា… ចក្ខុវិញ្ញាណធាតុយា យេ ធម្មា…បេ… មនោធាតុយា យេ ធម្មា… មនោវិញ្ញាណធាតុយា យេ ធម្មា សម្បយុត្តា…បេ… តេ ធម្មា តីហិ ខន្ធេហិ ឯកេនាយតនេន ឯកាយ ធាតុយា សង្គហិតា. កតិហិ អសង្គហិតា? ទ្វីហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

៤១៩. សមុទយសច្ចេន យេ ធម្មា… មគ្គសច្ចេន យេ ធម្មា សម្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

៤២០. មនិន្ទ្រិយេន យេ ធម្មា សម្បយុត្តា… តេ ធម្មា តីហិ ខន្ធេហិ ឯកេនាយតនេន ឯកាយ ធាតុយា សង្គហិតា. កតិហិ ¶ អសង្គហិតា? ទ្វីហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

៤២១. សុខិន្ទ្រិយេន ¶ យេ ធម្មា… ទុក្ខិន្ទ្រិយេន យេ ធម្មា… សោមនស្សិន្ទ្រិយេន យេ ធម្មា… ទោមនស្សិន្ទ្រិយេន យេ ធម្មា សម្បយុត្តា…, តេ ធម្មា តីហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ទ្វីហិ ខន្ធេហិ ទសហាយតនេហិ សោឡសហិ ធាតូហិ អសង្គហិតា.

៤២២. ឧបេក្ខិន្ទ្រិយេន យេ ធម្មា សម្បយុត្តា… តេ ធម្មា តីហិ ខន្ធេហិ ¶ ទ្វីហាយតនេហិ សត្តហិ ធាតូហិ សង្គហិតា. កតិហិ អសង្គហិតា? ទ្វីហិ ខន្ធេហិ ទសហាយតនេហិ ឯកាទសហិ ធាតូហិ អសង្គហិតា.

៤២៣. សទ្ធិន្ទ្រិយេន ¶ យេ ធម្មា… វីរិយិន្ទ្រិយេន យេ ធម្មា… សតិន្ទ្រិយេន យេ ធម្មា… សមាធិន្ទ្រិយេន យេ ធម្មា… បញ្ញិន្ទ្រិយេន យេ ធម្មា… អនញ្ញាតញ្ញស្សាមីតិន្ទ្រិយេន យេ ធម្មា… អញ្ញិន្ទ្រិយេន យេ ធម្មា… អញ្ញាតាវិន្ទ្រិយេន យេ ធម្មា… អវិជ្ជាយ យេ ធម្មា… អវិជ្ជាបច្ចយា សង្ខារេហិ យេ ធម្មា សម្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

៤២៤. សង្ខារបច្ចយា វិញ្ញាណេន យេ ធម្មា សម្បយុត្តា… តេ ធម្មា តីហិ ខន្ធេហិ ឯកេនាយតនេន ឯកាយ ធាតុយា សង្គហិតា. កតិហិ អសង្គហិតា? ទ្វីហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

៤២៥. សឡាយតនបច្ចយា ¶ ផស្សេន យេ ធម្មា សម្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា.

៤២៦. ផស្សបច្ចយា វេទនាយ យេ ធម្មា សម្បយុត្តា… តេ ធម្មា តីហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា. កតិហិ អសង្គហិតា? ទ្វីហិ ខន្ធេហិ ទសហាយតនេហិ ទសហិ ធាតូហិ អសង្គហិតា.

៤២៧. វេទនាបច្ចយា តណ្ហាយ យេ ធម្មា… តណ្ហាបច្ចយា ឧបាទានេន ¶ យេ ធម្មា… កម្មភវេន ¶ យេ ធម្មា សម្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

៤២៨. សោកេន យេ ធម្មា… ទុក្ខេន យេ ធម្មា… ទោមនស្សេន យេ ធម្មា សម្បយុត្តា… តេ ធម្មា តីហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ទ្វីហិ ខន្ធេហិ ទសហាយតនេហិ សោឡសហិ ធាតូហិ អសង្គហិតា.

៤២៩. ឧបាយាសេន យេ ធម្មា… សតិបដ្ឋានេន យេ ធម្មា… សម្មប្បធានេន យេ ធម្មា សម្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ ¶ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

៤៣០. ឥទ្ធិបាទេន យេ ធម្មា សម្បយុត្តា… តេ ធម្មា តីហិ ¶ ខន្ធេហិ ឯកេនាយតនេន ឯកាយ ធាតុយា សង្គហិតា. កតិហិ អសង្គហិតា? ទ្វីហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

៤៣១. ឈានេន យេ ធម្មា សម្បយុត្តា… តេ ធម្មា តីហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ទ្វីហិ ខន្ធេហិ ទសហាយតនេហិ សោឡសហិ ធាតូហិ អសង្គហិតា.

៤៣២. អប្បមញ្ញាយ យេ ធម្មា… បញ្ចហិ ឥន្ទ្រិយេហិ យេ ធម្មា… បញ្ចហិ ពលេហិ យេ ធម្មា… សត្តហិ ពោជ្ឈង្គេហិ យេ ធម្មា… អរិយេន អដ្ឋង្គិកេន មគ្គេន យេ ធម្មា សម្បយុត្តា… តេ ¶ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

៤៣៣. ផស្សេន យេ ធម្មា… ចេតនាយ យេ ធម្មា… មនសិការេន យេ ធម្មា សម្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា.

៤៣៤. វេទនាយ យេ ធម្មា… សញ្ញាយ យេ ធម្មា សម្បយុត្តា… តេ ធម្មា តីហិ ខន្ធេហិ ទ្វីហាយតនេហិ ¶ អដ្ឋហិ ធាតូហិ សង្គហិតា. កតិហិ អសង្គហិតា? ទ្វីហិ ខន្ធេហិ ទសហាយតនេហិ ទសហិ ធាតូហិ អសង្គហិតា.

៤៣៥. ចិត្តេន យេ ធម្មា សម្បយុត្តា… តេ ធម្មា តីហិ ខន្ធេហិ ឯកេនាយតនេន ឯកាយ ធាតុយា សង្គហិតា. កតិហិ ¶ អសង្គហិតា? ទ្វីហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

៤៣៦. អធិមោក្ខេន យេ ធម្មា សម្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ តីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ បន្នរសហិ ធាតូហិ អសង្គហិតា.

៤៣៧. សុខាយ ¶ វេទនាយ សម្បយុត្តេហិ ធម្មេហិ យេ ធម្មា… ទុក្ខាយ វេទនាយ សម្បយុត្តេហិ ធម្មេហិ យេ ធម្មា… អទុក្ខមសុខាយ វេទនាយ សម្បយុត្តេហិ ធម្មេហិ យេ ធម្មា… សវិតក្កសវិចារេហិ ធម្មេហិ យេ ធម្មា… អវិតក្កវិចារមត្តេហិ ធម្មេហិ យេ ធម្មា… បីតិសហគតេហិ ធម្មេហិ ¶ យេ ធម្មា… សុខសហគតេហិ ធម្មេហិ យេ ធម្មា… ឧបេក្ខាសហគតេហិ ធម្មេហិ យេ ធម្មា សម្បយុត្តា… តេ ធម្មា ឯកេន ខន្ធេន ឯកេនាយតនេន ឯកាយ ធាតុយា សង្គហិតា. កតិហិ អសង្គហិតា? ចតូហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

៤៣៨. ហេតូហិ ធម្មេហិ យេ ធម្មា… ហេតូហិ ចេវ សហេតុកេហិ ច ធម្មេហិ យេ ធម្មា… ហេតូហិ ចេវ ហេតុសម្បយុត្តេហិ ច ធម្មេហិ យេ ធម្មា សម្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

៤៣៩. សហេតុកេហិ ចេវ ន ច ហេតូហិ ធម្មេហិ យេ ធម្មា… ហេតុសម្បយុត្តេហិ ចេវ ន ច ហេតូហិ ធម្មេហិ យេ ធម្មា… ន ហេតុសហេតុកេហិ ធម្មេហិ យេ ធម្មា សម្បយុត្តា… តេ ធម្មា ឯកេន ខន្ធេន ឯកេនាយតនេន ឯកាយ ធាតុយា សង្គហិតា. កតិហិ អសង្គហិតា? ចតូហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

៤៤០. អាសវេហិ ¶ ធម្មេហិ យេ ធម្មា… អាសវេហិ ចេវ សាសវេហិ ច ធម្មេហិ យេ ធម្មា… អាសវេហិ ចេវ អាសវសម្បយុត្តេហិ ច ធម្មេហិ យេ ធម្មា សម្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ ¶ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

៤៤១. អាសវសម្បយុត្តេហិ ចេវ នោ ច អាសវេហិ ធម្មេហិ យេ ធម្មា ¶ សម្បយុត្តា… តេ ធម្មា ឯកេន ខន្ធេន ឯកេនាយតនេន ឯកាយ ធាតុយា សង្គហិតា. កតិហិ អសង្គហិតា? ចតូហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

៤៤២. សំយោជនេហិ ធម្មេហិ យេ ធម្មា… គន្ថេហិ ធម្មេហិ យេ ធម្មា… ឱឃេហិ ធម្មេហិ យេ ធម្មា… យោគេហិ ធម្មេហិ យេ ធម្មា… នីវរណេហិ ធម្មេហិ ¶ យេ ធម្មា… បរាមាសេហិ ធម្មេហិ យេ ធម្មា… បរាមាសេហិ ចេវ បរាមដ្ឋេហិ ច ធម្មេហិ យេ ធម្មា សម្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

៤៤៣. បរាមាសសម្បយុត្តេហិ ធម្មេហិ យេ ធម្មា សម្បយុត្តា… តេ ធម្មា ឯកេន ខន្ធេន ឯកេនាយតនេន ឯកាយ ធាតុយា សង្គហិតា. កតិហិ អសង្គហិតា? ចតូហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

៤៤៤. ចិត្តេហិ ធម្មេហិ យេ ធម្មា សម្បយុត្តា… តេ ធម្មា តីហិ ខន្ធេហិ ឯកេនាយតនេន ឯកាយ ធាតុយា សង្គហិតា. កតិហិ អសង្គហិតា? ទ្វីហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

៤៤៥. ចេតសិកេហិ ធម្មេហិ យេ ធម្មា… ចិត្តសម្បយុត្តេហិ ធម្មេហិ យេ ធម្មា… ចិត្តសំសដ្ឋេហិ ធម្មេហិ យេ ធម្មា… ចិត្តសំសដ្ឋសមុដ្ឋានេហិ ធម្មេហិ យេ ធម្មា… ចិត្តសំសដ្ឋសមុដ្ឋានសហភូហិ ធម្មេហិ យេ ¶ ធម្មា… ចិត្តសំសដ្ឋសមុដ្ឋានានុបរិវត្តីហិ ¶ ធម្មេហិ យេ ធម្មា សម្បយុត្តា… តេ ធម្មា ឯកេន ខន្ធេន ឯកេនាយតនេន សត្តហិ ធាតូហិ សង្គហិតា. កតិហិ អសង្គហិតា? ចតូហិ ខន្ធេហិ ឯកាទសហាយតនេហិ ឯកាទសហិ ធាតូហិ អសង្គហិតា.

៤៤៦. ឧបាទានេហិ ¶ ធម្មេហិ យេ ធម្មា… កិលេសេហិ ធម្មេហិ យេ ធម្មា… កិលេសេហិ ចេវ សំកិលេសិកេហិ ច ធម្មេហិ យេ ធម្មា… កិលេសេហិ ចេវ សំកិលិដ្ឋេហិ ច ធម្មេហិ យេ ធម្មា… កិលេសេហិ ចេវ កិលេសសម្បយុត្តេហិ ច ធម្មេហិ យេ ធម្មា សម្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

៤៤៧. សំកិលិដ្ឋេហិ ចេវ នោ ច កិលេសេហិ ធម្មេហិ យេ ធម្មា… កិលេសសម្បយុត្តេហិ ចេវ នោ ច កិលេសេហិ ធម្មេហិ យេ ធម្មា… សវិតក្កេហិ ធម្មេហិ យេ ធម្មា… សវិចារេហិ ធម្មេហិ យេ ធម្មា… សប្បីតិកេហិ ធម្មេហិ យេ ធម្មា… បីតិសហគតេហិ ធម្មេហិ យេ ធម្មា… សុខសហគតេហិ ធម្មេហិ ¶ យេ ធម្មា… ឧបេក្ខាសហគតេហិ ធម្មេហិ យេ ធម្មា សម្បយុត្តា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ សង្គហិតា? តេ ធម្មា ឯកេន ខន្ធេន ឯកេនាយតនេន ឯកាយ ធាតុយា សង្គហិតា. កតិហិ អសង្គហិតា? ចតូហិ ខន្ធេហិ ឯកាទសហាយតនេហិ សត្តរសហិ ធាតូហិ អសង្គហិតា.

រូបក្ខន្ធា ចត្តារោ, មនាយតនមេវ ច;

វិញ្ញាណធាតុយោ សត្ត, ទ្វេ សច្ចា ចុទ្ទសិន្ទ្រិយា.

បច្ចយេ ទ្វាទស បទា, តតោ ឧបរិ សោឡស;

តិកេសុ អដ្ឋ គោច្ឆកេ, តេចត្តាលីសមេវ ច.

មហន្តរទុកេ សត្ត, បទា បិដ្ឋិទុកេសុ ឆ;

នវមស្ស បទស្សេតេ, និទ្ទេសេ សង្គហំ គតាតិ.

សម្បយុត្តេនសង្គហិតាសង្គហិតបទនិទ្ទេសោ ទ្វាទសមោ.

១៣. តេរសមនយោ

១៣. អសង្គហិតេនសម្បយុត្តវិប្បយុត្តបទនិទ្ទេសោ

៤៤៨. រូបក្ខន្ធេន ¶ ¶ ¶ ¶ យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ សម្បយុត្តា? តេ ធម្មា តីហិ ខន្ធេហិ សម្បយុត្តា; ឯកេនាយតនេន ឯកាយ ធាតុយា កេហិចិ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ ទសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៤៤៩. ធម្មាយតនេន យេ ធម្មា… ធម្មធាតុយា យេ ធម្មា… ឥត្ថិន្ទ្រិយេន យេ ធម្មា… បុរិសិន្ទ្រិយេន យេ ធម្មា… ជីវិតិន្ទ្រិយេន យេ ធម្មា… វិញ្ញាណបច្ចយា នាមរូបេន យេ ធម្មា… អសញ្ញាភវេន យេ ធម្មា… ឯកវោការភវេន យេ ធម្មា… ជាតិយា យេ ធម្មា… ជរាយ យេ ធម្មា… មរណេន យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា…បេ… តេ ធម្មា តីហិ ខន្ធេហិ សម្បយុត្តា; ឯកេនាយតនេន ឯកាយ ធាតុយា កេហិចិ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ ទសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៤៥០. អរូបភវេន យេ ធម្មា… នេវសញ្ញានាសញ្ញាភវេន យេ ធម្មា… ចតុវោការភវេន យេ ធម្មា… ឥទ្ធិបាទេន យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា ¶ , តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ សម្បយុត្តាតិ ¶ ? នត្ថិ? កតិហិ វិប្បយុត្តា? ចតូហិ ¶ ខន្ធេហិ ឯកេនាយតនេន សត្តហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៤៥១. កុសលេហិ ធម្មេហិ យេ ធម្មា… អកុសលេហិ ធម្មេហិ យេ ធម្មា… សុខាយ វេទនាយ សម្បយុត្តេហិ ធម្មេហិ យេ ធម្មា… ទុក្ខាយ វេទនាយ សម្បយុត្តេហិ ធម្មេហិ យេ ធម្មា… អទុក្ខមសុខាយ វេទនាយ សម្បយុត្តេហិ ធម្មេហិ យេ ធម្មា… វិបាកេហិ ធម្មេហិ យេ ធម្មា… វិបាកធម្មធម្មេហិ យេ ធម្មា… អនុបាទិន្នអនុបាទានិយេហិ ¶ ធម្មេហិ យេ ធម្មា… សំកិលិដ្ឋសំកិលេសិកេហិ ធម្មេហិ យេ ធម្មា… អសំកិលិដ្ឋអសំកិលេសិកេហិ ធម្មេហិ យេ ធម្មា… សវិតក្កសវិចារេហិ ធម្មេហិ យេ ធម្មា… អវិតក្កវិចារមត្តេហិ ធម្មេហិ យេ ធម្មា… បីតិសហគតេហិ ធម្មេហិ យេ ធម្មា… សុខសហគតេហិ ធម្មេហិ យេ ធម្មា… ឧបេក្ខាសហគតេហិ ធម្មេហិ យេ ធម្មា… ទស្សនេន បហាតព្ពេហិ ធម្មេហិ យេ ធម្មា… ភាវនាយ បហាតព្ពេហិ ធម្មេហិ យេ ធម្មា… ទស្សនេន បហាតព្ពហេតុកេហិ ធម្មេហិ យេ ធម្មា… ភាវនាយ បហាតព្ពហេតុកេហិ ធម្មេហិ យេ ធម្មា… អាចយគាមីហិ ធម្មេហិ យេ ធម្មា… អបចយគាមីហិ ធម្មេហិ យេ ធម្មា… សេក្ខេហិ ធម្មេហិ យេ ធម្មា… អសេក្ខេហិ ធម្មេហិ យេ ធម្មា… មហគ្គតេហិ ធម្មេហិ យេ ធម្មា… អប្បមាណេហិ ធម្មេហិ យេ ធម្មា… បរិត្តារម្មណេហិ ធម្មេហិ យេ ធម្មា… មហគ្គតារម្មណេហិ ធម្មេហិ យេ ¶ ធម្មា… អប្បមាណារម្មណេហិ ធម្មេហិ យេ ធម្មា… ហីនេហិ ធម្មេហិ យេ ធម្មា… បណីតេហិ ធម្មេហិ យេ ធម្មា… មិច្ឆត្តនិយតេហិ ធម្មេហិ យេ ធម្មា… សម្មត្តនិយតេហិ ធម្មេហិ យេ ធម្មា… មគ្គារម្មណេហិ ធម្មេហិ យេ ធម្មា… មគ្គហេតុកេហិ ធម្មេហិ យេ ធម្មា… មគ្គាធិបតីហិ ធម្មេហិ យេ ធម្មា… អតីតារម្មណេហិ ធម្មេហិ យេ ធម្មា… អនាគតារម្មណេហិ ធម្មេហិ យេ ធម្មា… បច្ចុប្បន្នារម្មណេហិ ធម្មេហិ យេ ធម្មា… អជ្ឈត្តារម្មណេហិ ធម្មេហិ យេ ធម្មា… ពហិទ្ធារម្មណេហិ ធម្មេហិ យេ ធម្មា… អជ្ឈត្តពហិទ្ធារម្មណេហិ ធម្មេហិ យេ ធម្មា… សហេតុកេហិ ធម្មេហិ យេ ធម្មា… ហេតុសម្បយុត្តេហិ ធម្មេហិ យេ ធម្មា… សហេតុកេហិ ចេវ ន ច ហេតូហិ ធម្មេហិ យេ ធម្មា… ហេតុសម្បយុត្តេហិ ចេវ ន ច ហេតូហិ ធម្មេហិ យេ ធម្មា… ន ហេតុសហេតុកេហិ ¶ ធម្មេហិ យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ សម្បយុត្តាតិ? នត្ថិ. កតិហិ វិប្បយុត្តា? ចតូហិ ខន្ធេហិ ឯកេនាយតនេន សត្តហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៤៥២. រូបីហិ ធម្មេហិ យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន ¶ អសង្គហិតា… តេ ធម្មា តីហិ ខន្ធេហិ សម្បយុត្តា; ឯកេនាយតនេន ឯកាយ ធាតុយា កេហិចិ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ ទសហិ ធាតូហិ ¶ វិប្បយុត្តា ¶ ; ឯកេនាយតនេន ឯកាយ ធាតុយា កេហិចិ វិប្បយុត្តា.

៤៥៣. អរូបីហិ ធម្មេហិ យេ ធម្មា… លោកុត្តរេហិ ធម្មេហិ យេ ធម្មា… អនាសវេហិ ធម្មេហិ យេ ធម្មា… អាសវសម្បយុត្តេហិ ធម្មេហិ យេ ធម្មា… អាសវវិប្បយុត្តេហិ ចេវ នោ ច អាសវេហិ ធម្មេហិ យេ ធម្មា… អាសវវិប្បយុត្តេហិ អនាសវេហិ ធម្មេហិ យេ ធម្មា… អសំយោជនិយេហិ ធម្មេហិ យេ ធម្មា… អគន្ថនិយេហិ ធម្មេហិ យេ ធម្មា… អនោឃនិយេហិ ធម្មេហិ យេ ធម្មា… អយោគនិយេហិ ធម្មេហិ យេ ធម្មា… អនីវរណិយេហិ ធម្មេហិ យេ ធម្មា… អបរាមដ្ឋេហិ ធម្មេហិ យេ ធម្មា… បរាមាសសម្បយុត្តេហិ ធម្មេហិ យេ ធម្មា… បរាមាសវិប្បយុត្តេហិ អបរាមដ្ឋេហិ ធម្មេហិ យេ ធម្មា… សារម្មណេហិ ធម្មេហិ យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ សម្បយុត្តាតិ? នត្ថិ. កតិហិ វិប្បយុត្តា? ចតូហិ ខន្ធេហិ ឯកេនាយតនេន សត្តហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៤៥៤. អនារម្មណេហិ ធម្មេហិ យេ ធម្មា… នោ ចិត្តេហិ ធម្មេហិ យេ ធម្មា… ចិត្តវិប្បយុត្តេហិ ធម្មេហិ យេ ធម្មា ¶ … ចិត្តវិសំសដ្ឋេហិ ធម្មេហិ យេ ធម្មា… ចិត្តសមុដ្ឋានេហិ ធម្មេហិ យេ ធម្មា… ចិត្តសហភូហិ ធម្មេហិ យេ ធម្មា… ចិត្តានុបរិវត្តីហិ ធម្មេហិ យេ ធម្មា… ពាហិរេហិ ធម្មេហិ យេ ធម្មា… ឧបាទាធម្មេហិ យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គេន អសង្គហិតា, តេ ធម្មា កតិហិ ខន្ធេហិ ¶ កតិហាយតនេហិ កតិហិ ធាតូហិ សម្បយុត្តា? តេ ធម្មា តីហិ ខន្ធេហិ សម្បយុត្តា; ឯកេនាយតនេន ឯកាយ ធាតុយា កេហិចិ សម្បយុត្តា. កតិហិ វិប្បយុត្តា? ឯកេន ខន្ធេន ទសហាយតនេហិ ទសហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

៤៥៥. អនុបាទានិយេហិ ធម្មេហិ យេ ធម្មា… ឧបាទានសម្បយុត្តេហិ ធម្មេហិ យេ ធម្មា… ឧបាទានសម្បយុត្តេហិ ចេវ នោ ច ឧបាទានេហិ ធម្មេហិ យេ ធម្មា… ឧបាទានវិប្បយុត្តេហិ អនុបាទានិយេហិ ធម្មេហិ យេ ធម្មា… អសំកិលេសិកេហិ ធម្មេហិ យេ ធម្មា… អសំកិលិដ្ឋេហិ ធម្មេហិ យេ ធម្មា… កិលេសសម្បយុត្តេហិ ធម្មេហិ យេ ធម្មា… សំកិលិដ្ឋេហិ ចេវ នោ ច កិលេសេហិ ¶ ¶ ធម្មេហិ យេ ធម្មា… កិលេសសម្បយុត្តេហិ ចេវ នោ ច កិលេសេហិ ធម្មេហិ យេ ធម្មា… កិលេសវិប្បយុត្តេហិ អសំកិលេសិកេហិ ធម្មេហិ យេ ធម្មា… ទស្សនេន បហាតព្ពេហិ ធម្មេហិ យេ ធម្មា… ភាវនាយ បហាតព្ពេហិ ធម្មេហិ យេ ធម្មា… ទស្សនេន បហាតព្ពហេតុកេហិ ធម្មេហិ យេ ធម្មា… ភាវនាយ បហាតព្ពហេតុកេហិ ធម្មេហិ យេ ធម្មា… សវិតក្កេហិ ធម្មេហិ យេ ធម្មា… សវិចារេហិ ធម្មេហិ យេ ធម្មា… សប្បីតិកេហិ ធម្មេហិ យេ ធម្មា… បីតិសហគតេហិ ធម្មេហិ យេ ធម្មា… សុខសហគតេហិ ធម្មេហិ យេ ធម្មា… ឧបេក្ខាសហគតេហិ ធម្មេហិ យេ ធម្មា… ន កាមាវចរេហិ ធម្មេហិ យេ ធម្មា… រូបាវចរេហិ ធម្មេហិ យេ ធម្មា… អរូបាវចរេហិ ធម្មេហិ យេ ធម្មា… អបរិយាបន្នេហិ ធម្មេហិ យេ ធម្មា… និយ្យានិកេហិ ធម្មេហិ យេ ធម្មា ¶ … និយតេហិ ធម្មេហិ យេ ធម្មា… អនុត្តរេហិ ធម្មេហិ យេ ធម្មា… សរណេហិ ធម្មេហិ យេ ធម្មា ខន្ធសង្គហេន អសង្គហិតា អាយតនសង្គហេន អសង្គហិតា ធាតុសង្គហេន អសង្គហិតា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ សម្បយុត្តាតិ? នត្ថិ. កតិហិ ¶ វិប្បយុត្តា? ចតូហិ ខន្ធេហិ ឯកេនាយតនេន សត្តហិ ធាតូហិ វិប្បយុត្តា; ឯកេនាយតនេន ឯកាយ ធាតុយា កេហិចិ វិប្បយុត្តា.

រូបញ្ច ធម្មាយតនំ ធម្មធាតុ, ឥត្ថិបុមំ ជីវិតំ នាមរូបំ;

ទ្វេ ភវា ជាតិជរា មច្ចុរូបំ, អនារម្មណំ នោ ចិត្តំ ចិត្តេន វិប្បយុត្តំ.

វិសំសដ្ឋំ សមុដ្ឋានសហភុ, អនុបរិវត្តិ ពាហិរំ ឧបាទា;

ទ្វេ វិសយោ ឯសនយោ សុពុទ្ធោតិ.

អសង្គហិតេនសម្បយុត្តវិប្បយុត្តបទនិទ្ទេសោ តេរសមោ.

១៤. ចុទ្ទសមនយោ

១៤. វិប្បយុត្តេនសង្គហិតាសង្គហិតបទនិទ្ទេសោ

១. ខន្ធាទិ

៤៥៦. រូបក្ខន្ធេន ¶ ¶ ¶ យេ ធម្មា វិប្បយុត្តា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ សង្គហិតា? តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា.

៤៥៧. វេទនាក្ខន្ធេន យេ ធម្មា… សញ្ញាក្ខន្ធេន យេ ធម្មា… សង្ខារក្ខន្ធេន យេ ធម្មា… វិញ្ញាណក្ខន្ធេន យេ ធម្មា… មនាយតនេន យេ ធម្មា… មនិន្ទ្រិយេន យេ ធម្មា វិប្បយុត្តា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ សង្គហិតា? តេ ធម្មា អសង្ខតំ ខន្ធតោ ឋបេត្វា ឯកេន ខន្ធេន ឯកាទសហាយតនេហិ ឯកាទសហិ ធាតូហិ សង្គហិតា. កតិហិ អសង្គហិតា? ចតូហិ ខន្ធេហិ ឯកេនាយតនេន សត្តហិ ធាតូហិ អសង្គហិតា.

៤៥៨. ចក្ខាយតនេន ¶ យេ ធម្មា…បេ… ផោដ្ឋព្ពាយតនេន យេ ធម្មា… ចក្ខុធាតុយា យេ ធម្មា…បេ… ផោដ្ឋព្ពធាតុយា យេ ធម្មា វិប្បយុត្តា…បេ… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា.

៤៥៩. ចក្ខុវិញ្ញាណធាតុយា យេ ធម្មា… សោតវិញ្ញាណធាតុយា ¶ យេ ធម្មា… ឃានវិញ្ញាណធាតុយា ¶ យេ ធម្មា… ជិវ្ហាវិញ្ញាណធាតុយា យេ ធម្មា… កាយវិញ្ញាណធាតុយា យេ ធម្មា… មនោធាតុយា យេ ធម្មា… មនោវិញ្ញាណធាតុយា យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ សត្តរសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ, ឯកាយ ធាតុយា អសង្គហិតា.

២. សច្ចាទិ

៤៦០. ទុក្ខសច្ចេន ¶ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

៤៦១. សមុទយសច្ចេន យេ ធម្មា… មគ្គសច្ចេន យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

៤៦២. និរោធសច្ចេន យេ ធម្មា… ចក្ខុន្ទ្រិយេន យេ ធម្មា ¶ … កាយិន្ទ្រិយេន យេ ធម្មា… ឥត្ថិន្ទ្រិយេន យេ ធម្មា… បុរិសិន្ទ្រិយេន យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា.

៤៦៣. សុខិន្ទ្រិយេន យេ ធម្មា… ទុក្ខិន្ទ្រិយេន យេ ធម្មា… សោមនស្សិន្ទ្រិយេន យេ ធម្មា… ទោមនស្សិន្ទ្រិយេន យេ ធម្មា វិប្បយុត្តា… តេ ធម្មា អសង្ខតំ ¶ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

៤៦៤. ឧបេក្ខិន្ទ្រិយេន យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ តេរសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ បញ្ចហិ ធាតូហិ អសង្គហិតា.

៤៦៥. សទ្ធិន្ទ្រិយេន ¶ យេ ធម្មា… វីរិយិន្ទ្រិយេន យេ ធម្មា… សតិន្ទ្រិយេន យេ ធម្មា… សមាធិន្ទ្រិយេន យេ ធម្មា… បញ្ញិន្ទ្រិយេន យេ ¶ ធម្មា… អនញ្ញាតញ្ញស្សាមីតិន្ទ្រិយេន យេ ធម្មា… អញ្ញិន្ទ្រិយេន យេ ធម្មា… អញ្ញាតាវិន្ទ្រិយេន យេ ធម្មា… អវិជ្ជាយ យេ ធម្មា… អវិជ្ជាបច្ចយា សង្ខារេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ¶ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

៤៦៦. សង្ខារបច្ចយា វិញ្ញាណេន យេ ធម្មា… សឡាយតនបច្ចយា ផស្សេន យេ ធម្មា… ផស្សបច្ចយា វេទនាយ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា ឯកេន ខន្ធេន ឯកាទសហាយតនេហិ ឯកាទសហិ ធាតូហិ សង្គហិតា. កតិហិ អសង្គហិតា? ចតូហិ ខន្ធេហិ ឯកេនាយតនេន សត្តហិ ធាតូហិ អសង្គហិតា.

៤៦៧. វេទនាបច្ចយា តណ្ហាយ យេ ធម្មា… តណ្ហាបច្ចយា ឧបាទានេន យេ ធម្មា… កម្មភវេន យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

៤៦៨. ឧបបត្តិភវេន យេ ធម្មា… សញ្ញាភវេន យេ ធម្មា… បញ្ចវោការភវេន យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ តីហិ ធាតូហិ សង្គហិតា. កតិហិ ¶ អសង្គហិតា? ឯកេន ខន្ធេន ទសហាយតនេហិ បន្នរសហិ ធាតូហិ អសង្គហិតា.

៤៦៩. កាមភវេន ¶ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ បញ្ចហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ តេរសហិ ធាតូហិ អសង្គហិតា.

៤៧០. រូបភវេន យេ ធម្មា… អសញ្ញាភវេន យេ ធម្មា… ឯកវោការភវេន យេ ធម្មា… បរិទេវេន យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា.

៤៧១. អរូបភវេន ¶ យេ ធម្មា… នេវសញ្ញានាសញ្ញាភវេន យេ ធម្មា… ចតុវោការភវេន យេ ធម្មា… សោកេន យេ ធម្មា… ទុក្ខេន យេ ធម្មា… ទោមនស្សេន យេ ធម្មា… ឧបាយាសេន យេ ធម្មា… សតិបដ្ឋានេន យេ ធម្មា… សម្មប្បធានេន យេ ធម្មា… ឥទ្ធិបាទេន យេ ធម្មា… ឈានេន យេ ធម្មា… អប្បមញ្ញាយ យេ ធម្មា… បញ្ចហិ ឥន្ទ្រិយេហិ យេ ធម្មា… បញ្ចហិ ពលេហិ យេ ធម្មា ¶ … សត្តហិ ពោជ្ឈង្គេហិ យេ ធម្មា… អរិយេន អដ្ឋង្គិកេន មគ្គេន យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

៣. ផស្សាទិសត្តកំ

៤៧២. ផស្សេន យេ ធម្មា… វេទនាយ យេ ធម្មា… សញ្ញាយ យេ ធម្មា… ចេតនាយ យេ ធម្មា… ចិត្តេន យេ ធម្មា… មនសិការេន យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា ឯកេន ¶ ខន្ធេន ឯកាទសហាយតនេហិ ឯកាទសហិ ធាតូហិ សង្គហិតា. កតិហិ ¶ អសង្គហិតា? ចតូហិ ខន្ធេហិ ឯកេនាយតនេន សត្តហិ ធាតូហិ អសង្គហិតា.

៤៧៣. អធិមោក្ខេន យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ សត្តរសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ឯកាយ ធាតុយា អសង្គហិតា.

៤. តិកំ

៤៧៤. កុសលេហិ ធម្មេហិ យេ ធម្មា… អកុសលេហិ ធម្មេហិ យេ ធម្មា… សុខាយ វេទនាយ សម្បយុត្តេហិ ធម្មេហិ យេ ធម្មា… ទុក្ខាយ វេទនាយ សម្បយុត្តេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

៤៧៥. អព្យាកតេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ ¶ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

៤៧៦. អទុក្ខមសុខាយ ¶ វេទនាយ សម្បយុត្តេហិ ធម្មេហិ យេ ធម្មា… វិបាកេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ¶ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ តេរសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ¶ បញ្ចហិ ធាតូហិ អសង្គហិតា.

៤៧៧. វិបាកធម្មធម្មេហិ យេ ធម្មា… សំកិលិដ្ឋសំកិលេសិកេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

៤៧៨. នេវវិបាកនវិបាកធម្មធម្មេហិ យេ ធម្មា… អនុបាទិន្នុបាទានិយេហិ ធម្មេហិ យេ ធម្មា… អនុបាទិន្នអនុបាទានិយេហិ ធម្មេហិ យេ ធម្មា… អសំកិលិដ្ឋអសំកិលេសិកេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា.

៤៧៩. ឧបាទិន្នុបាទានិយេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ តីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ បន្នរសហិ ធាតូហិ អសង្គហិតា.

៤៨០. អសំកិលិដ្ឋសំកិលេសិកេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

៤៨១. សវិតក្កសវិចារេហិ ¶ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា ¶ បញ្ចហិ ខន្ធេហិ ទ្វាទសហាយតនេហិ សត្តរសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ឯកាយ ធាតុយា អសង្គហិតា.

៤៨២. អវិតក្កវិចារមត្តេហិ ¶ ធម្មេហិ យេ ធម្មា… បីតិសហគតេហិ ធម្មេហិ យេ ធម្មា… សុខសហគតេហិ ធម្មេហិ ¶ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

៤៨៣. អវិតក្កអវិចារេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ តីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ បន្នរសហិ ធាតូហិ អសង្គហិតា.

៤៨៤. ឧបេក្ខាសហគតេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ តេរសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ បញ្ចហិ ធាតូហិ អសង្គហិតា.

៤៨៥. ទស្សនេន បហាតព្ពេហិ ធម្មេហិ យេ ធម្មា… ភាវនាយ បហាតព្ពេហិ ធម្មេហិ យេ ធម្មា… ទស្សនេន បហាតព្ពហេតុកេហិ ធម្មេហិ យេ ធម្មា… ភាវនាយ បហាតព្ពហេតុកេហិ ធម្មេហិ យេ ធម្មា… អាចយគាមីហិ ¶ ធម្មេហិ យេ ធម្មា… អបចយគាមីហិ ធម្មេហិ យេ ធម្មា… សេក្ខេហិ ធម្មេហិ យេ ធម្មា… អសេក្ខេហិ ធម្មេហិ យេ ធម្មា… មហគ្គតេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

៤៨៦. នេវ ទស្សនេន ន ភាវនាយ បហាតព្ពេហិ ធម្មេហិ យេ ធម្មា… នេវ ទស្សនេន ន ភាវនាយ បហាតព្ពហេតុកេហិ ¶ ធម្មេហិ យេ ធម្មា… នេវាចយគាមិនាបចយគាមីហិ ធម្មេហិ យេ ធម្មា… នេវសេក្ខនាសេក្ខេហិ ធម្មេហិ យេ ធម្មា… បរិត្តេហិ ធម្មេហិ យេ ធម្មា វិប្បយុត្តា… តេ ធម្មា ¶ ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

៤៨៧. អប្បមាណេហិ ¶ ធម្មេហិ យេ ធម្មា… បណីតេហិ ធម្មេហិ យេ វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា.

៤៨៨. បរិត្តារម្មណេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ ទ្វាទសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន ¶ កេហិចិ អាយតនេហិ ឆហិ ធាតូហិ អសង្គហិតា.

៤៨៩. មហគ្គតារម្មណេហិ ធម្មេហិ យេ ធម្មា… អប្បមាណារម្មណេហិ ធម្មេហិ យេ ធម្មា… ហីនេហិ ធម្មេហិ យេ ធម្មា… មិច្ឆត្តនិយតេហិ ធម្មេហិ យេ ធម្មា… សម្មត្តនិយតេហិ ធម្មេហិ យេ ធម្មា… មគ្គារម្មណេហិ ធម្មេហិ យេ ធម្មា… មគ្គហេតុកេហិ ធម្មេហិ យេ ធម្មា… មគ្គាធិបតីហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

៤៩០. មជ្ឈិមេហិ ធម្មេហិ យេ ធម្មា… អនិយតេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ ¶ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

៤៩១. ឧប្បន្នេហិ ធម្មេហិ យេ ធម្មា… អនុប្បន្នេហិ ធម្មេហិ យេ ធម្មា… ឧប្បាទីហិ ធម្មេហិ យេ ធម្មា… អតីតេហិ ធម្មេហិ យេ ធម្មា… អនាគតេហិ ធម្មេហិ យេ ធម្មា… បច្ចុប្បន្នេហិ ធម្មេហិ យេ ធម្មា… អជ្ឈត្តេហិ ធម្មេហិ យេ ធម្មា… ពហិទ្ធាហិ ធម្មេហិ យេ ធម្មា… សនិទស្សនសប្បដិឃេហិ ធម្មេហិ យេ ធម្មា… អនិទស្សនសប្បដិឃេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ ¶ ទសហិ ធាតូហិ អសង្គហិតា.

៤៩២. អតីតារម្មណេហិ ¶ ធម្មេហិ យេ ធម្មា… អនាគតារម្មណេហិ ធម្មេហិ យេ ធម្មា… អជ្ឈត្តារម្មណេហិ ធម្មេហិ យេ ធម្មា… ពហិទ្ធារម្មណេហិ ធម្មេហិ ¶ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

៤៩៣. បច្ចុប្បន្នារម្មណេហិ ធម្មេហិ យេ ធម្មា… អជ្ឈត្តពហិទ្ធារម្មណេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ ទ្វាទសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ឆហិ ធាតូហិ អសង្គហិតា.

៥. ទុកំ

៤៩៤. ហេតូហិ ធម្មេហិ យេ ធម្មា… សហេតុកេហិ ធម្មេហិ យេ ធម្មា… ហេតុសម្បយុត្តេហិ ធម្មេហិ យេ ធម្មា… ហេតូហិ ចេវ សហេតុកេហិ ច ធម្មេហិ យេ ធម្មា… សហេតុកេហិ ចេវ ន ច ហេតូហិ ធម្មេហិ យេ ធម្មា… ហេតូហិ ចេវ ហេតុសម្បយុត្តេហិ ច ធម្មេហិ យេ ធម្មា… ហេតុសម្បយុត្តេហិ ¶ ចេវ ន ច ហេតូហិ ធម្មេហិ យេ ធម្មា… ន ហេតុសហេតុកេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ¶ ន កាហិចិ ធាតូហិ អសង្គហិតា.

៤៩៥. អហេតុកេហិ ធម្មេហិ យេ ធម្មា… ហេតុវិប្បយុត្តេហិ ធម្មេហិ យេ ធម្មា… ន ហេតុអហេតុកេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

៤៩៦. អប្បច្ចយេហិ ធម្មេហិ យេ ធម្មា… អសង្ខតេហិ ធម្មេហិ យេ ធម្មា… សនិទស្សនេហិ ធម្មេហិ យេ ធម្មា… សប្បដិឃេហិ ធម្មេហិ យេ ធម្មា… រូបីហិ ធម្មេហិ យេ ធម្មា… លោកុត្តរេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា. កតិហិ ¶ អសង្គហិតា? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា.

៤៩៧. លោកិយេហិ ¶ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

៤៩៨. អាសវេហិ ធម្មេហិ យេ ធម្មា… អាសវសម្បយុត្តេហិ ធម្មេហិ យេ ធម្មា… អាសវេហិ ចេវ សាសវេហិ ច ធម្មេហិ យេ ធម្មា… អាសវេហិ ចេវ អាសវសម្បយុត្តេហិ ច ធម្មេហិ យេ ធម្មា… អាសវសម្បយុត្តេហិ ចេវ នោ ច អាសវេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ¶ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ¶ ន កាហិចិ ធាតូហិ អសង្គហិតា.

៤៩៩. សាសវេហិ ធម្មេហិ យេ ធម្មា… អាសវវិប្បយុត្តេហិ ធម្មេហិ យេ ធម្មា… សាសវេហិ ចេវ នោ ច អាសវេហិ ធម្មេហិ យេ ធម្មា… អាសវវិប្បយុត្តេហិ សាសវេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

៥០០. អនាសវេហិ ធម្មេហិ យេ ធម្មា… អាសវវិប្បយុត្តេហិ អនាសវេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា.

៥០១. សំយោជនេហិ ធម្មេហិ យេ ធម្មា… គន្ថេហិ ធម្មេហិ យេ ធម្មា… ឱឃេហិ ធម្មេហិ យេ ធម្មា… យោគេហិ ធម្មេហិ យេ ធម្មា… នីវរណេហិ ធម្មេហិ យេ ធម្មា… បរាមាសេហិ ធម្មេហិ យេ ធម្មា… បរាមាសសម្បយុត្តេហិ ធម្មេហិ យេ ធម្មា… បរាមាសេហិ ចេវ បរាមដ្ឋេហិ ច ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា ¶ ? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

៥០២. បរាមដ្ឋេហិ ធម្មេហិ យេ ធម្មា… បរាមាសវិប្បយុត្តេហិ ធម្មេហិ យេ ធម្មា… បរាមដ្ឋេហិ ចេវ នោ ច បរាមាសេហិ ធម្មេហិ យេ ធម្មា… បរាមាសវិប្បយុត្តេហិ បរាមដ្ឋេហិ ធម្មេហិ យេ ¶ ¶ ធម្មា វិប្បយុត្តា… តេ ធម្មា ចតូហិ ¶ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

៥០៣. អបរាមដ្ឋេហិ ធម្មេហិ យេ ធម្មា… បរាមាសវិប្បយុត្តេហិ អបរាមដ្ឋេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា.

៥០៤. សារម្មណេហិ ធម្មេហិ យេ ធម្មា… ចិត្តេហិ ធម្មេហិ យេ ធម្មា… ចេតសិកេហិ ធម្មេហិ យេ ធម្មា… ចិត្តសម្បយុត្តេហិ ធម្មេហិ យេ ធម្មា… ចិត្តសំសដ្ឋេហិ ធម្មេហិ យេ ធម្មា… ចិត្តសំសដ្ឋសមុដ្ឋានេហិ ធម្មេហិ យេ ធម្មា… ចិត្តសំសដ្ឋសមុដ្ឋានសហភូហិ ធម្មេហិ យេ ធម្មា… ចិត្តសំសដ្ឋសមុដ្ឋានានុបរិវត្តីហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា ឯកេន ខន្ធេន ឯកាទសហាយតនេហិ ឯកាទសហិ ធាតូហិ សង្គហិតា. កតិហិ អសង្គហិតា? ចតូហិ ខន្ធេហិ ឯកេនាយតនេន សត្តហិ ធាតូហិ អសង្គហិតា.

៥០៥. អនារម្មណេហិ ធម្មេហិ យេ ធម្មា… ចិត្តវិប្បយុត្តេហិ ធម្មេហិ យេ ធម្មា… ចិត្តសំសដ្ឋេហិ ធម្មេហិ យេ ធម្មា… ឧបាទាធម្មេហិ យេ ធម្មា… អនុបាទិន្នេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា. កតិហិ អសង្គហិតា ¶ ? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា.

៥០៦. ឧបាទិន្នេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ¶ ខន្ធេហិ ទ្វីហាយតនេហិ តីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ បន្នរសហិ ធាតូហិ អសង្គហិតា.

៥០៧. ឧបាទានេហិ ¶ ធម្មេហិ យេ ធម្មា… កិលេសេហិ ធម្មេហិ យេ ធម្មា… សំកិលិដ្ឋេហិ ធម្មេហិ យេ ធម្មា… កិលេសសម្បយុត្តេហិ ធម្មេហិ យេ ធម្មា… កិលេសេហិ ចេវ សំកិលេសិកេហិ ច ធម្មេហិ យេ ធម្មា… កិលេសេហិ ចេវ សំកិលិដ្ឋេហិ ច ធម្មេហិ យេ ធម្មា… សំកិលិដ្ឋេហិ ចេវ នោ ច កិលេសេហិ ធម្មេហិ យេ ធម្មា… កិលេសេហិ ចេវ កិលេសសម្បយុត្តេហិ ច ធម្មេហិ យេ ធម្មា… កិលេសសម្បយុត្តេហិ ចេវ នោ ច កិលេសេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ¶ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

៥០៨. សំកិលេសិកេហិ ធម្មេហិ យេ ធម្មា… អសំកិលិដ្ឋេហិ ធម្មេហិ យេ ធម្មា… កិលេសវិប្បយុត្តេហិ ធម្មេហិ យេ ធម្មា… សំកិលេសិកេហិ ចេវ នោ ច កិលេសេហិ ធម្មេហិ យេ ធម្មា… កិលេសវិប្បយុត្តេហិ សំកិលេសិកេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

៥០៩. អសំកិលេសិកេហិ ¶ ធម្មេហិ យេ ធម្មា… កិលេសវិប្បយុត្តេហិ អសំកិលេសិកេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា.

៥១០. ទស្សនេន បហាតព្ពេហិ ធម្មេហិ យេ ធម្មា… ភាវនាយ បហាតព្ពេហិ ធម្មេហិ យេ ធម្មា… ទស្សនេន បហាតព្ពហេតុកេហិ ¶ ធម្មេហិ យេ ធម្មា… ភាវនាយ បហាតព្ពហេតុកេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

៥១១. ន ទស្សនេន បហាតព្ពេហិ ធម្មេហិ យេ ធម្មា… ន ភាវនាយ បហាតព្ពេហិ ធម្មេហិ យេ ធម្មា… ន ទស្សនេន បហាតព្ពហេតុកេហិ ធម្មេហិ យេ ធម្មា… ន ភាវនាយ បហាតព្ពហេតុកេហិ ធម្មេហិ យេ ធម្មា ¶ វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

៥១២. សវិតក្កេហិ ធម្មេហិ យេ ធម្មា… សវិចារេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ សត្តរសហិ ធាតូហិ សង្គហិតា ¶ . កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ឯកាយ ធាតុយា ¶ អសង្គហិតា.

៥១៣. សប្បីតិកេហិ ធម្មេហិ យេ ធម្មា… បីតិសហគតេហិ ធម្មេហិ យេ ធម្មា… សុខសហគតេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

៥១៤. ឧបេក្ខាសហគតេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ តេរសហិ ធាតូហិ សង្គហិតា. កតិហិ ¶ អសង្គហិតា? ន កេហិចិ ខន្ធេហិ ន កេហិចិ អាយតនេហិ បញ្ចហិ ធាតូហិ អសង្គហិតា.

៥១៥. កាមាវចរេហិ ធម្មេហិ យេ ធម្មា… បរិយាបន្នេហិ ធម្មេហិ យេ ធម្មា… សឧត្តរេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

៥១៦. ន កាមាវចរេហិ ធម្មេហិ យេ ធម្មា… អបរិយាបន្នេហិ ធម្មេហិ យេ ធម្មា… អនុត្តរេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា. កតិហិ អសង្គហិតា? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា.

៥១៧. រូបាវចរេហិ ធម្មេហិ យេ ធម្មា… អរូបាវចរេហិ ធម្មេហិ យេ ធម្មា… និយ្យានិកេហិ ធម្មេហិ យេ ធម្មា… និយតេហិ ធម្មេហិ យេ ធម្មា ¶ … សរណេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា ¶ បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា. កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា.

៥១៨. ន រូបាវចរេហិ ធម្មេហិ យេ ធម្មា… ន អរូបាវចរេហិ ធម្មេហិ យេ ធម្មា… អនិយ្យានិកេហិ ធម្មេហិ យេ ធម្មា… អនិយតេហិ ធម្មេហិ យេ ធម្មា… អរណេហិ ធម្មេហិ យេ ធម្មា វិប្បយុត្តា ¶ , តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ សង្គហិតា? តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា. កតិហិ ¶ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា.

ធម្មាយតនំ ធម្មធាតុ, អថ ជីវិតំ នាមរូបំ;

សឡាយតនំ ជាតិជរាមតំ, ទ្វេ ច តិកេ ន លព្ភរេ.

បឋមន្តរេ សត្ត ច, គោច្ឆកេ ទស អបរន្តេ;

ចុទ្ទស ឆ ច មត្ថកេ, ឥច្ចេតេ សត្តចត្តាលីស ធម្មា;

សមុច្ឆេទេ ន លព្ភន្តិ, មោឃបុច្ឆកេន ចាតិ.

វិប្បយុត្តេនសង្គហិតាសង្គហិតបទនិទ្ទេសោ ចុទ្ទសមោ.

ធាតុកថាបករណំ និដ្ឋិតំ.