📜

នមោ តស្ស ភគវតោ អរហតោ សម្មាសម្ពុទ្ធស្ស

អភិធម្មបិដកេ

បដ្ឋានបាឡិ

(ទុតិយោ ភាគោ)

ធម្មានុលោមេ

តិកបដ្ឋានំ

៦. វិតក្កត្តិកំ

១. បដិច្ចវារោ

១. បច្ចយានុលោមំ

១. វិភង្គវារោ

ហេតុបច្ចយោ

១. សវិតក្កសវិចារំ ¶ ¶ ¶ ធម្មំ បដិច្ច សវិតក្កសវិចារោ ធម្មោ ឧប្បជ្ជតិ ហេតុបច្ចយា – សវិតក្កសវិចារំ ឯកំ ខន្ធំ បដិច្ច តយោ ខន្ធា, តយោ ខន្ធេ បដិច្ច ឯកោ ខន្ធោ ¶ , ទ្វេ ខន្ធេ បដិច្ច ទ្វេ ខន្ធា. បដិសន្ធិក្ខណេ សវិតក្កសវិចារំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

សវិតក្កសវិចារំ ធម្មំ បដិច្ច អវិតក្កវិចារមត្តោ ធម្មោ ឧប្បជ្ជតិ ហេតុបច្ចយា – សវិតក្កសវិចារេ ខន្ធេ បដិច្ច វិតក្កោ. បដិសន្ធិក្ខណេ សវិតក្កសវិចារេ ខន្ធេ បដិច្ច វិតក្កោ. (២)

សវិតក្កសវិចារំ ធម្មំ បដិច្ច អវិតក្កអវិចារោ ធម្មោ ឧប្បជ្ជតិ ហេតុបច្ចយា – សវិតក្កសវិចារេ ខន្ធេ បដិច្ច ចិត្តសមុដ្ឋានំ រូបំ. បដិសន្ធិក្ខណេ សវិតក្កសវិចារេ ខន្ធេ បដិច្ច កដត្តារូបំ. (៣)

សវិតក្កសវិចារំ ¶ ធម្មំ បដិច្ច សវិតក្កសវិចារោ ច អវិតក្កអវិចារោ ¶ ច ធម្មា ឧប្បជ្ជន្តិ ហេតុបច្ចយា – សវិតក្កសវិចារំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ. បដិសន្ធិក្ខណេ សវិតក្កសវិចារំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ… ទ្វេ ខន្ធេ បដិច្ច ទ្វេ ខន្ធា កដត្តា ច រូបំ. (៤)

សវិតក្កសវិចារំ ធម្មំ បដិច្ច អវិតក្កវិចារមត្តោ ច អវិតក្កអវិចារោ ច ធម្មា ឧប្បជ្ជន្តិ ហេតុបច្ចយា – សវិតក្កសវិចារេ ខន្ធេ បដិច្ច វិតក្កោ ចិត្តសមុដ្ឋានញ្ច រូបំ. បដិសន្ធិក្ខណេ សវិតក្កសវិចារេ ខន្ធេ បដិច្ច វិតក្កោ កដត្តា ច រូបំ. (៥)

សវិតក្កសវិចារំ ធម្មំ បដិច្ច សវិតក្កសវិចារោ ច អវិតក្កវិចារមត្តោ ច ធម្មា ឧប្បជ្ជន្តិ ហេតុបច្ចយា – សវិតក្កសវិចារំ ឯកំ ខន្ធំ បដិច្ច តយោ ខន្ធា វិតក្កោ ច…បេ… ទ្វេ ខន្ធេ បដិច្ច ទ្វេ ខន្ធា វិតក្កោ ច. បដិសន្ធិក្ខណេ សវិតក្កសវិចារំ ឯកំ ខន្ធំ បដិច្ច តយោ ខន្ធា វិតក្កោ ច…បេ… ទ្វេ ខន្ធេ បដិច្ច ទ្វេ ខន្ធា វិតក្កោ ច. (៦)

សវិតក្កសវិចារំ ធម្មំ បដិច្ច សវិតក្កសវិចារោ ច អវិតក្កវិចារមត្តោ ¶ ច អវិតក្កអវិចារោ ច ធម្មា ឧប្បជ្ជន្តិ ហេតុបច្ចយា – សវិតក្កសវិចារំ ឯកំ ខន្ធំ បដិច្ច តយោ ខន្ធា វិតក្កោ ច ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា វិតក្កោ ច ចិត្តសមុដ្ឋានញ្ច រូបំ. បដិសន្ធិក្ខណេ សវិតក្កសវិចារំ ឯកំ ខន្ធំ បដិច្ច តយោ ខន្ធា វិតក្កោ ច កដត្តា ច រូបំ…បេ… ទ្វេ ខន្ធេ បដិច្ច ទ្វេ ខន្ធា វិតក្កោ ច កដត្តា ច រូបំ. (៧)

២. អវិតក្កវិចារមត្តំ ¶ ធម្មំ បដិច្ច អវិតក្កវិចារមត្តោ ធម្មោ ឧប្បជ្ជតិ ហេតុបច្ចយា – អវិតក្កវិចារមត្តំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. បដិសន្ធិក្ខណេ អវិតក្កវិចារមត្តំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

អវិតក្កវិចារមត្តំ ធម្មំ បដិច្ច សវិតក្កសវិចារោ ធម្មោ ឧប្បជ្ជតិ ហេតុបច្ចយា – វិតក្កំ បដិច្ច សវិតក្កសវិចារា ខន្ធា. បដិសន្ធិក្ខណេ វិតក្កំ បដិច្ច សវិតក្កសវិចារា ខន្ធា. (២)

អវិតក្កវិចារមត្តំ ធម្មំ បដិច្ច អវិតក្កអវិចារោ ធម្មោ ឧប្បជ្ជតិ ហេតុបច្ចយា – អវិតក្កវិចារមត្តេ ខន្ធេ បដិច្ច វិចារោ ចិត្តសមុដ្ឋានញ្ច រូបំ ¶ ; វិតក្កំ បដិច្ច ចិត្តសមុដ្ឋានំ រូបំ. បដិសន្ធិក្ខណេ អវិតក្កវិចារមត្តេ ខន្ធេ បដិច្ច វិចារោ កដត្តា ច រូបំ. បដិសន្ធិក្ខណេ វិតក្កំ បដិច្ច កដត្តារូបំ. (៣)

អវិតក្កវិចារមត្តំ ធម្មំ បដិច្ច សវិតក្កសវិចារោ ច អវិតក្កអវិចារោ ច ធម្មា ឧប្បជ្ជន្តិ ហេតុបច្ចយា – វិតក្កំ បដិច្ច សវិតក្កសវិចារា ខន្ធា ចិត្តសមុដ្ឋានញ្ច រូបំ. បដិសន្ធិក្ខណេ វិតក្កំ បដិច្ច សវិតក្កសវិចារា ខន្ធា កដត្តា ច រូបំ. (៤)

អវិតក្កវិចារមត្តំ ធម្មំ បដិច្ច អវិតក្កវិចារមត្តោ ច អវិតក្កអវិចារោ ច ធម្មា ឧប្បជ្ជន្តិ ហេតុបច្ចយា – អវិតក្កវិចារមត្តំ ឯកំ ខន្ធំ បដិច្ច តយោ ខន្ធា វិចារោ ច ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា វិចារោ ច ចិត្តសមុដ្ឋានញ្ច រូបំ. បដិសន្ធិក្ខណេ អវិតក្កវិចារមត្តំ ¶ ឯកំ ខន្ធំ បដិច្ច តយោ ខន្ធា វិចារោ ¶ ច កដត្តា ច រូបំ…បេ… ទ្វេ ខន្ធេ បដិច្ច ទ្វេ ខន្ធា វិចារោ ច កដត្តា ច រូបំ. (៥)

៣. អវិតក្កអវិចារំ ធម្មំ បដិច្ច អវិតក្កអវិចារោ ធម្មោ ឧប្បជ្ជតិ ហេតុបច្ចយា – អវិតក្កអវិចារំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ; វិចារំ បដិច្ច ចិត្តសមុដ្ឋានំ រូបំ. បដិសន្ធិក្ខណេ អវិតក្កអវិចារំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ… ទ្វេ ខន្ធេ បដិច្ច ទ្វេ ខន្ធា កដត្តា ច រូបំ. បដិសន្ធិក្ខណេ វិចារំ បដិច្ច កដត្តារូបំ, ខន្ធេ បដិច្ច វត្ថុ, វត្ថុំ បដិច្ច ខន្ធា, វិចារំ បដិច្ច វត្ថុ, វត្ថុំ បដិច្ច វិចារោ. ឯកំ មហាភូតំ បដិច្ច តយោ មហាភូតា…បេ… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ. (១)

អវិតក្កអវិចារំ ធម្មំ បដិច្ច សវិតក្កសវិចារោ ធម្មោ ឧប្បជ្ជតិ ហេតុបច្ចយា – បដិសន្ធិក្ខណេ វត្ថុំ បដិច្ច សវិតក្កសវិចារា ខន្ធា. (២)

អវិតក្កអវិចារំ ធម្មំ បដិច្ច អវិតក្កវិចារមត្តោ ធម្មោ ឧប្បជ្ជតិ ហេតុបច្ចយា – វិចារំ បដិច្ច អវិតក្កវិចារមត្តា ខន្ធា. បដិសន្ធិក្ខណេ វិចារំ បដិច្ច អវិតក្កវិចារមត្តា ខន្ធា. បដិសន្ធិក្ខណេ វត្ថុំ បដិច្ច អវិតក្កវិចារមត្តា ខន្ធា. បដិសន្ធិក្ខណេ វត្ថុំ បដិច្ច វិតក្កោ. (៣)

អវិតក្កអវិចារំ ¶ ធម្មំ បដិច្ច សវិតក្កសវិចារោ ច អវិតក្កអវិចារោ ច ធម្មា ឧប្បជ្ជន្តិ ហេតុបច្ចយា – បដិសន្ធិក្ខណេ វត្ថុំ បដិច្ច ¶ សវិតក្កសវិចារា ខន្ធា; មហាភូតេ បដិច្ច កដត្តារូបំ. (៤)

អវិតក្កអវិចារំ ធម្មំ បដិច្ច អវិតក្កវិចារមត្តោ ច អវិតក្កអវិចារោ ច ធម្មា ឧប្បជ្ជន្តិ ហេតុបច្ចយា – វិចារំ បដិច្ច អវិតក្កវិចារមត្តា ខន្ធា ចិត្តសមុដ្ឋានញ្ច រូបំ. បដិសន្ធិក្ខណេ វិចារំ បដិច្ច អវិតក្កវិចារមត្តា ខន្ធា កដត្តា ច រូបំ. បដិសន្ធិក្ខណេ វត្ថុំ បដិច្ច អវិតក្កវិចារមត្តា ខន្ធា; មហាភូតេ បដិច្ច កដត្តារូបំ. បដិសន្ធិក្ខណេ ¶ វត្ថុំ បដិច្ច វិតក្កោ; មហាភូតេ បដិច្ច កដត្តារូបំ. បដិសន្ធិក្ខណេ វត្ថុំ បដិច្ច អវិតក្កវិចារមត្តា ខន្ធា ច វិចារោ ច. (៥)

អវិតក្កអវិចារំ ធម្មំ បដិច្ច សវិតក្កសវិចារោ ច អវិតក្កវិចារមត្តោ ច ធម្មា ឧប្បជ្ជន្តិ ហេតុបច្ចយា – បដិសន្ធិក្ខណេ វត្ថុំ បដិច្ច សវិតក្កសវិចារា ខន្ធា ច វិតក្កោ ច. (៦)

អវិតក្កអវិចារំ ធម្មំ បដិច្ច សវិតក្កសវិចារោ ច អវិតក្កវិចារមត្តោ ច អវិតក្កអវិចារោ ច ធម្មា ឧប្បជ្ជន្តិ ហេតុបច្ចយា – បដិសន្ធិក្ខណេ វត្ថុំ បដិច្ច សវិតក្កសវិចារា ខន្ធា ច វិតក្កោ ច; មហាភូតេ បដិច្ច កដត្តារូបំ. (៧)

៤. សវិតក្កសវិចារញ្ច អវិតក្កអវិចារញ្ច ធម្មំ បដិច្ច សវិតក្កសវិចារោ ធម្មោ ឧប្បជ្ជតិ ហេតុបច្ចយា – បដិសន្ធិក្ខណេ សវិតក្កសវិចារំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច វត្ថុញ្ច បដិច្ច ទ្វេ ខន្ធា. (១)

សវិតក្កសវិចារញ្ច អវិតក្កអវិចារញ្ច ធម្មំ បដិច្ច អវិតក្កវិចារមត្តោ ធម្មោ ឧប្បជ្ជតិ ហេតុបច្ចយា – បដិសន្ធិក្ខណេ ¶ សវិតក្កសវិចារេ ខន្ធេ ច វត្ថុញ្ច បដិច្ច វិតក្កោ. (២)

សវិតក្កសវិចារញ្ច អវិតក្កអវិចារញ្ច ធម្មំ បដិច្ច អវិតក្កអវិចារោ ធម្មោ ឧប្បជ្ជតិ ហេតុបច្ចយា – សវិតក្កសវិចារេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. បដិសន្ធិក្ខណេ សវិតក្កសវិចារេ ខន្ធេ ច មហាភូតេ ច បដិច្ច កដត្តារូបំ. (៣)

សវិតក្កសវិចារញ្ច អវិតក្កអវិចារញ្ច ធម្មំ បដិច្ច សវិតក្កសវិចារោ ច អវិតក្កអវិចារោ ច ធម្មា ឧប្បជ្ជន្តិ ហេតុបច្ចយា – បដិសន្ធិក្ខណេ សវិតក្កសវិចារំ ¶ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច វត្ថុញ្ច បដិច្ច ទ្វេ ខន្ធា; សវិតក្កសវិចារេ ខន្ធេ ច មហាភូតេ ច បដិច្ច កដត្តារូបំ. (៤)

សវិតក្កសវិចារញ្ច ¶ អវិតក្កអវិចារញ្ច ធម្មំ បដិច្ច អវិតក្កវិចារមត្តោ ច អវិតក្កអវិចារោ ច ធម្មា ឧប្បជ្ជន្តិ ហេតុបច្ចយា – បដិសន្ធិក្ខណេ សវិតក្កសវិចារេ ខន្ធេ ច វត្ថុញ្ច បដិច្ច វិតក្កោ; សវិតក្កសវិចារេ ខន្ធេ ច មហាភូតេ ច បដិច្ច កដត្តារូបំ. (៥)

សវិតក្កសវិចារញ្ច អវិតក្កអវិចារញ្ច ធម្មំ បដិច្ច សវិតក្កសវិចារោ ច អវិតក្កវិចារមត្តោ ច ធម្មា ឧប្បជ្ជន្តិ ហេតុបច្ចយា – បដិសន្ធិក្ខណេ សវិតក្កសវិចារំ ឯកំ ខន្ធញ្ច វត្ថុញ្ច បដិច្ច តយោ ខន្ធា វិតក្កោ ច…បេ… ទ្វេ ខន្ធេ ច វត្ថុញ្ច បដិច្ច ទ្វេ ខន្ធា វិតក្កោ ច. (៦)

សវិតក្កសវិចារញ្ច អវិតក្កអវិចារញ្ច ធម្មំ បដិច្ច សវិតក្កសវិចារោ ច អវិតក្កវិចារមត្តោ ច អវិតក្កអវិចារោ ច ធម្មា ឧប្បជ្ជន្តិ ¶ ហេតុបច្ចយា – បដិសន្ធិក្ខណេ សវិតក្កសវិចារំ ឯកំ ខន្ធញ្ច វត្ថុញ្ច បដិច្ច តយោ ខន្ធា វិតក្កោ ច…បេ… ទ្វេ ខន្ធេ ច វត្ថុញ្ច បដិច្ច ទ្វេ ខន្ធា វិតក្កោ ច; សវិតក្កសវិចារេ ខន្ធេ ច មហាភូតេ ច បដិច្ច កដត្តារូបំ. (៧)

៥. អវិតក្កវិចារមត្តញ្ច អវិតក្កអវិចារញ្ច ធម្មំ បដិច្ច សវិតក្កសវិចារោ ធម្មោ ឧប្បជ្ជតិ ហេតុបច្ចយា – បដិសន្ធិក្ខណេ វិតក្កញ្ច វត្ថុញ្ច បដិច្ច សវិតក្កសវិចារា ខន្ធា. (១)

អវិតក្កវិចារមត្តញ្ច អវិតក្កអវិចារញ្ច ធម្មំ បដិច្ច អវិតក្កវិចារមត្តោ ធម្មោ ឧប្បជ្ជតិ ហេតុបច្ចយា – អវិតក្កវិចារមត្តំ ឯកំ ខន្ធញ្ច វិចារញ្ច បដិច្ច តយោ ខន្ធា…បេ… ទ្វេ ខន្ធេ ច វិចារញ្ច បដិច្ច ទ្វេ ខន្ធា. បដិសន្ធិក្ខណេ អវិតក្កវិចារមត្តំ ឯកំ ខន្ធញ្ច វិចារញ្ច បដិច្ច តយោ ខន្ធា…បេ… ទ្វេ ខន្ធេ ច វិចារញ្ច បដិច្ច ទ្វេ ខន្ធា. បដិសន្ធិក្ខណេ អវិតក្កវិចារមត្តំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច វត្ថុញ្ច បដិច្ច ទ្វេ ខន្ធា. (២)

អវិតក្កវិចារមត្តញ្ច អវិតក្កអវិចារញ្ច ធម្មំ បដិច្ច អវិតក្កអវិចារោ ធម្មោ ¶ ឧប្បជ្ជតិ ហេតុបច្ចយា – អវិតក្កវិចារមត្តេ ខន្ធេ ច វិចារញ្ច បដិច្ច ចិត្តសមុដ្ឋានំ រូបំ; អវិតក្កវិចារមត្តេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ; វិតក្កញ្ច មហាភូតេ ច បដិច្ច ចិត្តសមុដ្ឋានំ រូបំ. បដិសន្ធិក្ខណេ ¶ អវិតក្កវិចារមត្តេ ខន្ធេ ច វិចារញ្ច បដិច្ច កដត្តារូបំ. បដិសន្ធិក្ខណេ អវិតក្កវិចារមត្តេ ¶ ខន្ធេ ច មហាភូតេ ច បដិច្ច កដត្តារូបំ. បដិសន្ធិក្ខណេ វិតក្កញ្ច មហាភូតេ ច បដិច្ច កដត្តារូបំ. បដិសន្ធិក្ខណេ អវិតក្កវិចារមត្តេ ខន្ធេ ច វត្ថុញ្ច បដិច្ច វិចារោ. (៣)

អវិតក្កវិចារមត្តញ្ច អវិតក្កអវិចារញ្ច ធម្មំ បដិច្ច សវិតក្កសវិចារោ ច អវិតក្កអវិចារោ ច ធម្មា ឧប្បជ្ជន្តិ ហេតុបច្ចយា – បដិសន្ធិក្ខណេ វិតក្កញ្ច វត្ថុញ្ច បដិច្ច សវិតក្កសវិចារា ខន្ធា; វិតក្កញ្ច មហាភូតេ ច បដិច្ច កដត្តារូបំ. (៤)

អវិតក្កវិចារមត្តញ្ច អវិតក្កអវិចារញ្ច ធម្មំ បដិច្ច អវិតក្កវិចារមត្តោ ច អវិតក្កអវិចារោ ច ធម្មា ឧប្បជ្ជន្តិ ហេតុបច្ចយា – អវិតក្កវិចារមត្តំ ឯកំ ខន្ធញ្ច វិចារញ្ច បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ ច វិចារញ្ច បដិច្ច ទ្វេ ខន្ធា ចិត្តសមុដ្ឋានញ្ច រូបំ. បដិសន្ធិក្ខណេ អវិតក្កវិចារមត្តំ ឯកំ ខន្ធញ្ច វិចារញ្ច បដិច្ច តយោ ខន្ធា កដត្តា ច រូបំ…បេ… ទ្វេ ខន្ធេ ច វិចារញ្ច បដិច្ច ទ្វេ ខន្ធា កដត្តា ច រូបំ. បដិសន្ធិក្ខណេ អវិតក្កវិចារមត្តំ ឯកំ ខន្ធញ្ច វត្ថុញ្ច បដិច្ច តយោ ខន្ធា វិចារោ ច…បេ… ទ្វេ ខន្ធេ ច វត្ថុញ្ច បដិច្ច ទ្វេ ខន្ធា វិចារោ ច. (៥)

៦. សវិតក្កសវិចារញ្ច អវិតក្កវិចារមត្តញ្ច ធម្មំ បដិច្ច សវិតក្កសវិចារោ ធម្មោ ឧប្បជ្ជតិ ហេតុបច្ចយា – សវិតក្កសវិចារំ ឯកំ ខន្ធញ្ច វិតក្កញ្ច បដិច្ច តយោ ខន្ធា…បេ… ទ្វេ ខន្ធេ ច វិតក្កញ្ច បដិច្ច ទ្វេ ខន្ធា. បដិសន្ធិក្ខណេ សវិតក្កសវិចារំ ឯកំ ¶ ខន្ធញ្ច វិតក្កញ្ច បដិច្ច តយោ ខន្ធា…បេ… ទ្វេ ខន្ធេ ច វិតក្កញ្ច បដិច្ច ទ្វេ ខន្ធា. (១)

សវិតក្កសវិចារញ្ច អវិតក្កវិចារមត្តញ្ច ធម្មំ បដិច្ច អវិតក្កអវិចារោ ធម្មោ ឧប្បជ្ជតិ ហេតុបច្ចយា – សវិតក្កសវិចារេ ខន្ធេ ច វិតក្កញ្ច បដិច្ច ចិត្តសមុដ្ឋានំ រូបំ. បដិសន្ធិក្ខណេ សវិតក្កសវិចារេ ខន្ធេ ច វិតក្កញ្ច បដិច្ច កដត្តារូបំ. (២)

សវិតក្កសវិចារញ្ច ¶ អវិតក្កវិចារមត្តញ្ច ធម្មំ បដិច្ច សវិតក្កសវិចារោ ច អវិតក្កអវិចារោ ច ធម្មា ឧប្បជ្ជន្តិ ហេតុបច្ចយា – សវិតក្កសវិចារំ ឯកំ ខន្ធញ្ច វិតក្កញ្ច បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ ច ¶ វិតក្កញ្ច បដិច្ច ទ្វេ ខន្ធា ចិត្តសមុដ្ឋានញ្ច រូបំ. បដិសន្ធិក្ខណេ សវិតក្កសវិចារំ ឯកំ ខន្ធញ្ច វិតក្កញ្ច បដិច្ច តយោ ខន្ធា កដត្តា ច រូបំ…បេ… ទ្វេ ខន្ធេ ច វិតក្កញ្ច បដិច្ច ទ្វេ ខន្ធា កដត្តា ច រូបំ. (៣)

៧. សវិតក្កសវិចារញ្ច អវិតក្កវិចារមត្តញ្ច អវិតក្កអវិចារញ្ច ធម្មំ បដិច្ច សវិតក្កសវិចារោ ធម្មោ ឧប្បជ្ជតិ ហេតុបច្ចយា – បដិសន្ធិក្ខណេ សវិតក្កសវិចារំ ឯកំ ខន្ធញ្ច វិតក្កញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច វិតក្កញ្ច វត្ថុញ្ច បដិច្ច ទ្វេ ខន្ធា. (១)

សវិតក្កសវិចារញ្ច អវិតក្កវិចារមត្តញ្ច អវិតក្កអវិចារញ្ច ធម្មំ បដិច្ច អវិតក្កអវិចារោ ធម្មោ ឧប្បជ្ជតិ ហេតុបច្ចយា – សវិតក្កសវិចារេ ខន្ធេ ច វិតក្កញ្ច មហាភូតេ ច បដិច្ច ចិត្តសមុដ្ឋានំ ¶ រូបំ. បដិសន្ធិក្ខណេ សវិតក្កសវិចារេ ខន្ធេ ច វិតក្កញ្ច មហាភូតេ ច បដិច្ច កដត្តារូបំ. (២)

សវិតក្កសវិចារញ្ច អវិតក្កវិចារមត្តញ្ច អវិតក្កអវិចារញ្ច ធម្មំ បដិច្ច សវិតក្កសវិចារោ ច អវិតក្កអវិចារោ ច ធម្មា ឧប្បជ្ជន្តិ ហេតុបច្ចយា – បដិសន្ធិក្ខណេ សវិតក្កសវិចារំ ឯកំ ខន្ធញ្ច វិតក្កញ្ច វត្ថុញ្ច បដិច្ច តយោ ខន្ធា, តយោ ខន្ធេ ច វិតក្កញ្ច វត្ថុញ្ច បដិច្ច ឯកោ ខន្ធោ, ទ្វេ ខន្ធេ ច វិតក្កញ្ច វត្ថុញ្ច បដិច្ច ទ្វេ ខន្ធា; សវិតក្កសវិចារេ ខន្ធេ ច វិតក្កញ្ច មហាភូតេ ច បដិច្ច កដត្តារូបំ. (៣)

អារម្មណបច្ចយោ

៨. សវិតក្កសវិចារំ ធម្មំ បដិច្ច សវិតក្កសវិចារោ ធម្មោ ឧប្បជ្ជតិ អារម្មណបច្ចយា – សវិតក្កសវិចារំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. បដិសន្ធិក្ខណេ…បេ…. (១)

សវិតក្កសវិចារំ ¶ ធម្មំ បដិច្ច អវិតក្កវិចារមត្តោ ធម្មោ ឧប្បជ្ជតិ អារម្មណបច្ចយា – សវិតក្កសវិចារេ ខន្ធេ បដិច្ច វិតក្កោ. បដិសន្ធិក្ខណេ…បេ…. (២)

សវិតក្កសវិចារំ ធម្មំ បដិច្ច សវិតក្កសវិចារោ ច អវិតក្កវិចារមត្តោ ច ធម្មា ឧប្បជ្ជន្តិ អារម្មណបច្ចយា – សវិតក្កសវិចារំ ឯកំ ខន្ធំ បដិច្ច តយោ ខន្ធា វិតក្កោ ច…បេ… ទ្វេ ខន្ធេ បដិច្ច ទ្វេ ខន្ធា វិតក្កោ ច. បដិសន្ធិក្ខណេ…បេ…. (៣)

៩. អវិតក្កវិចារមត្តំ ¶ ធម្មំ បដិច្ច អវិតក្កវិចារមត្តោ ធម្មោ ឧប្បជ្ជតិ ¶ អារម្មណបច្ចយា – អវិតក្កវិចារមត្តំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. បដិសន្ធិក្ខណេ…បេ…. (១)

អវិតក្កវិចារមត្តំ ធម្មំ បដិច្ច សវិតក្កសវិចារោ ធម្មោ ឧប្បជ្ជតិ អារម្មណបច្ចយា – វិតក្កំ បដិច្ច សវិតក្កសវិចារា ខន្ធា. បដិសន្ធិក្ខណេ…បេ…. (២)

អវិតក្កវិចារមត្តំ ធម្មំ បដិច្ច អវិតក្កអវិចារោ ធម្មោ ឧប្បជ្ជតិ អារម្មណបច្ចយា – អវិតក្កវិចារមត្តេ ខន្ធេ បដិច្ច វិចារោ. បដិសន្ធិក្ខណេ…បេ…. (៣)

អវិតក្កវិចារមត្តំ ធម្មំ បដិច្ច អវិតក្កវិចារមត្តោ ច អវិតក្កអវិចារោ ច ធម្មា ឧប្បជ្ជន្តិ អារម្មណបច្ចយា – អវិតក្កវិចារមត្តំ ឯកំ ខន្ធំ បដិច្ច តយោ ខន្ធា វិចារោ ច…បេ… ទ្វេ ខន្ធេ បដិច្ច ទ្វេ ខន្ធា វិចារោ ច បដិសន្ធិក្ខណេ…បេ…. (៤)

១០. អវិតក្កអវិចារំ ធម្មំ បដិច្ច អវិតក្កអវិចារោ ធម្មោ ឧប្បជ្ជតិ អារម្មណបច្ចយា – អវិតក្កអវិចារំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. បដិសន្ធិក្ខណេ អវិតក្កអវិចារំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. បដិសន្ធិក្ខណេ វត្ថុំ បដិច្ច ខន្ធា, វត្ថុំ បដិច្ច វិចារោ. (១)

អវិតក្កអវិចារំ ¶ ធម្មំ បដិច្ច សវិតក្កសវិចារោ ធម្មោ ឧប្បជ្ជតិ អារម្មណបច្ចយា – បដិសន្ធិក្ខណេ វត្ថុំ បដិច្ច សវិតក្កសវិចារា ខន្ធា. (២)

អវិតក្កអវិចារំ ធម្មំ បដិច្ច អវិតក្កវិចារមត្តោ ធម្មោ ឧប្បជ្ជតិ អារម្មណបច្ចយា – វិចារំ បដិច្ច អវិតក្កវិចារមត្តា ខន្ធា. បដិសន្ធិក្ខណេ វិចារំ បដិច្ច អវិតក្កវិចារមត្តា ខន្ធា ¶ . បដិសន្ធិក្ខណេ វត្ថុំ បដិច្ច អវិតក្កវិចារមត្តា ខន្ធា. បដិសន្ធិក្ខណេ វត្ថុំ បដិច្ច វិតក្កោ. (៣)

អវិតក្កអវិចារំ ធម្មំ បដិច្ច អវិតក្កវិចារមត្តោ ច អវិតក្កអវិចារោ ច ធម្មា ឧប្បជ្ជន្តិ អារម្មណបច្ចយា – បដិសន្ធិក្ខណេ វត្ថុំ បដិច្ច អវិតក្កវិចារមត្តា ខន្ធា វិចារោ ច. (៤)

អវិតក្កអវិចារំ ¶ ធម្មំ បដិច្ច សវិតក្កសវិចារោ ច អវិតក្កវិចារមត្តោ ច ធម្មា ឧប្បជ្ជន្តិ អារម្មណបច្ចយា – បដិសន្ធិក្ខណេ វត្ថុំ បដិច្ច សវិតក្កសវិចារា ខន្ធា ច វិតក្កោ ច. (៥)

១១. សវិតក្កសវិចារញ្ច អវិតក្កអវិចារញ្ច ធម្មំ បដិច្ច សវិតក្កសវិចារោ ធម្មោ ឧប្បជ្ជតិ អារម្មណបច្ចយា – បដិសន្ធិក្ខណេ សវិតក្កសវិចារំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច វត្ថុញ្ច បដិច្ច ទ្វេ ខន្ធា. (១)

សវិតក្កសវិចារញ្ច អវិតក្កអវិចារញ្ច ធម្មំ បដិច្ច អវិតក្កវិចារមត្តោ ធម្មោ ឧប្បជ្ជតិ អារម្មណបច្ចយា – បដិសន្ធិក្ខណេ សវិតក្កសវិចារេ ខន្ធេ ច វត្ថុញ្ច បដិច្ច វិតក្កោ. (២)

សវិតក្កសវិចារញ្ច អវិតក្កអវិចារញ្ច ធម្មំ បដិច្ច សវិតក្កសវិចារោ ច អវិតក្កវិចារមត្តោ ច ធម្មា ឧប្បជ្ជន្តិ អារម្មណបច្ចយា – បដិសន្ធិក្ខណេ សវិតក្កសវិចារំ ឯកំ ខន្ធញ្ច វត្ថុញ្ច បដិច្ច តយោ ខន្ធា វិតក្កោ ច…បេ… ទ្វេ ខន្ធេ ច វត្ថុញ្ច បដិច្ច ទ្វេ ខន្ធា វិតក្កោ ច. (៣)

១២. អវិតក្កវិចារមត្តញ្ច ¶ ¶ អវិតក្កអវិចារញ្ច ធម្មំ បដិច្ច សវិតក្កសវិចារោ ធម្មោ ឧប្បជ្ជតិ អារម្មណបច្ចយា – បដិសន្ធិក្ខណេ វិតក្កញ្ច វត្ថុញ្ច បដិច្ច សវិតក្កសវិចារា ខន្ធា. (១)

អវិតក្កវិចារមត្តញ្ច អវិតក្កអវិចារញ្ច ធម្មំ បដិច្ច អវិតក្កវិចារមត្តោ ធម្មោ ឧប្បជ្ជតិ អារម្មណបច្ចយា – អវិតក្កវិចារមត្តំ ឯកំ ខន្ធញ្ច វិចារញ្ច បដិច្ច តយោ ខន្ធា…បេ… ទ្វេ ខន្ធេ ច វិចារញ្ច បដិច្ច ទ្វេ ខន្ធា. បដិសន្ធិក្ខណេ អវិតក្កវិចារមត្តំ ឯកំ ខន្ធញ្ច វិចារញ្ច បដិច្ច តយោ ខន្ធា…បេ… ទ្វេ ខន្ធេ ច វិចារញ្ច បដិច្ច ទ្វេ ខន្ធា. បដិសន្ធិក្ខណេ អវិតក្កវិចារមត្តំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច វត្ថុញ្ច បដិច្ច ទ្វេ ខន្ធា. (២)

អវិតក្កវិចារមត្តញ្ច អវិតក្កអវិចារញ្ច ធម្មំ បដិច្ច អវិតក្កអវិចារោ ធម្មោ ឧប្បជ្ជតិ អារម្មណបច្ចយា – បដិសន្ធិក្ខណេ អវិតក្កវិចារមត្តេ ខន្ធេ ច វត្ថុញ្ច បដិច្ច វិចារោ. (៣)

អវិតក្កវិចារមត្តញ្ច អវិតក្កអវិចារញ្ច ធម្មំ បដិច្ច អវិតក្កវិចារមត្តោ ច អវិតក្កអវិចារោ ច ធម្មា ឧប្បជ្ជន្តិ អារម្មណបច្ចយា – បដិសន្ធិក្ខណេ អវិតក្កវិចារមត្តំ ¶ ឯកំ ខន្ធញ្ច វត្ថុញ្ច បដិច្ច តយោ ខន្ធា វិចារោ ច…បេ… ទ្វេ ខន្ធេ ច វត្ថុញ្ច បដិច្ច ទ្វេ ខន្ធា វិចារោ ច. (៤)

១៣. សវិតក្កសវិចារញ្ច អវិតក្កវិចារមត្តញ្ច ធម្មំ បដិច្ច សវិតក្កសវិចារោ ធម្មោ ឧប្បជ្ជតិ អារម្មណបច្ចយា – សវិតក្កសវិចារំ ឯកំ ¶ ខន្ធញ្ច វិតក្កញ្ច បដិច្ច តយោ ខន្ធា…បេ… ទ្វេ ខន្ធេ ច វិតក្កញ្ច បដិច្ច ទ្វេ ខន្ធា. បដិសន្ធិក្ខណេ…បេ…. (១)

សវិតក្កសវិចារញ្ច អវិតក្កវិចារមត្តញ្ច អវិតក្កអវិចារញ្ច ធម្មំ បដិច្ច សវិតក្កសវិចារោ ធម្មោ ឧប្បជ្ជតិ អារម្មណបច្ចយា – បដិសន្ធិក្ខណេ សវិតក្កសវិចារំ ឯកំ ¶ ខន្ធញ្ច វិតក្កញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច វិតក្កញ្ច វត្ថុញ្ច បដិច្ច ទ្វេ ខន្ធា. (១)

(ទ្វេ បច្ចយា សជ្ឈាយមគ្គេន វិភត្តា, ឯវំ អវសេសា វីសតិបច្ចយា វិភជិតព្ពា.)

វិប្បយុត្តបច្ចយោ

១៤. សវិតក្កសវិចារំ ធម្មំ បដិច្ច សវិតក្កសវិចារោ ធម្មោ ឧប្បជ្ជតិ វិប្បយុត្តបច្ចយា – សវិតក្កសវិចារំ ឯកំ ខន្ធំ បដិច្ច តយោ ខន្ធា…បេ… វត្ថុំ វិប្បយុត្តបច្ចយា. បដិសន្ធិក្ខណេ សវិតក្កសវិចារំ ឯកំ ខន្ធំ បដិច្ច តយោ ខន្ធា…បេ… វត្ថុំ វិប្បយុត្តបច្ចយា. (១)

សវិតក្កសវិចារំ ធម្មំ បដិច្ច អវិតក្កវិចារមត្តោ ធម្មោ ឧប្បជ្ជតិ វិប្បយុត្តបច្ចយា – សវិតក្កសវិចារេ ខន្ធេ បដិច្ច វិតក្កោ; វត្ថុំ វិប្បយុត្តបច្ចយា. បដិសន្ធិក្ខណេ…បេ…. (២)

សវិតក្កសវិចារំ ធម្មំ បដិច្ច អវិតក្កអវិចារោ ធម្មោ ឧប្បជ្ជតិ វិប្បយុត្តបច្ចយា – សវិតក្កសវិចារេ ខន្ធេ បដិច្ច ចិត្តសមុដ្ឋានំ រូបំ, ខន្ធេ វិប្បយុត្តបច្ចយា. បដិសន្ធិក្ខណេ…បេ…. (៣)

សវិតក្កសវិចារំ ធម្មំ បដិច្ច សវិតក្កសវិចារោ ច អវិតក្កអវិចារោ ច ធម្មា ឧប្បជ្ជន្តិ វិប្បយុត្តបច្ចយា – សវិតក្កសវិចារំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ខន្ធា វត្ថុំ វិប្បយុត្តបច្ចយា ¶ . ចិត្តសមុដ្ឋានំ រូបំ ខន្ធេ វិប្បយុត្តបច្ចយា. បដិសន្ធិក្ខណេ…បេ…. (៤)

សវិតក្កសវិចារំ ¶ ធម្មំ បដិច្ច អវិតក្កវិចារមត្តោ ច អវិតក្កអវិចារោ ច ធម្មា ឧប្បជ្ជន្តិ វិប្បយុត្តបច្ចយា – សវិតក្កសវិចារេ ខន្ធេ បដិច្ច វិតក្កោ ច ចិត្តសមុដ្ឋានញ្ច ¶ រូបំ. វិតក្កោ វត្ថុំ វិប្បយុត្តបច្ចយា. ចិត្តសមុដ្ឋានំ រូបំ ខន្ធេ វិប្បយុត្តបច្ចយា. បដិសន្ធិក្ខណេ…បេ…. (៥)

សវិតក្កសវិចារំ ធម្មំ បដិច្ច សវិតក្កសវិចារោ ច អវិតក្កវិចារមត្តោ ច ធម្មា ឧប្បជ្ជន្តិ វិប្បយុត្តបច្ចយា – សវិតក្កសវិចារំ ឯកំ ខន្ធំ បដិច្ច តយោ ខន្ធា វិតក្កោ ច…បេ… ទ្វេ ខន្ធេ បដិច្ច ទ្វេ ខន្ធា វិតក្កោ ច, វត្ថុំ វិប្បយុត្តបច្ចយា. បដិសន្ធិក្ខណេ…បេ…. (៦)

សវិតក្កសវិចារំ ធម្មំ បដិច្ច សវិតក្កសវិចារោ ច អវិតក្កវិចារមត្តោ ច អវិតក្កអវិចារោ ច ធម្មា ឧប្បជ្ជន្តិ វិប្បយុត្តបច្ចយា – សវិតក្កសវិចារំ ឯកំ ខន្ធំ បដិច្ច តយោ ខន្ធា វិតក្កោ ច ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា វិតក្កោ ច ចិត្តសមុដ្ឋានញ្ច រូបំ. ខន្ធា ច វិតក្កោ ច វត្ថុំ វិប្បយុត្តបច្ចយា. ចិត្តសមុដ្ឋានំ រូបំ ខន្ធេ វិប្បយុត្តបច្ចយា. បដិសន្ធិក្ខណេ…បេ…. (៧)

១៥. អវិតក្កវិចារមត្តំ ធម្មំ បដិច្ច អវិតក្កវិចារមត្តោ ធម្មោ ឧប្បជ្ជតិ…បេ… អវិតក្កវិចារមត្តំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… វត្ថុំ វិប្បយុត្តបច្ចយា. បដិសន្ធិក្ខណេ…បេ…. (១)

អវិតក្កវិចារមត្តំ ធម្មំ បដិច្ច សវិតក្កសវិចារោ ធម្មោ ឧប្បជ្ជតិ វិប្បយុត្តបច្ចយា – វិតក្កំ បដិច្ច សវិតក្កសវិចារា ខន្ធា, វត្ថុំ វិប្បយុត្តបច្ចយា ¶ . បដិសន្ធិក្ខណេ…បេ…. (២)

អវិតក្កវិចារមត្តំ ធម្មំ បដិច្ច អវិតក្កអវិចារោ ធម្មោ ឧប្បជ្ជតិ វិប្បយុត្តបច្ចយា – អវិតក្កវិចារមត្តេ ខន្ធេ បដិច្ច វិចារោ ច ចិត្តសមុដ្ឋានញ្ច រូបំ, វិចារោ វត្ថុំ វិប្បយុត្តបច្ចយា. ចិត្តសមុដ្ឋានំ រូបំ ខន្ធេ វិប្បយុត្តបច្ចយា. វិតក្កំ បដិច្ច ចិត្តសមុដ្ឋានំ រូបំ, វិតក្កំ វិប្បយុត្តបច្ចយា. បដិសន្ធិក្ខណេ…បេ…. (៣)

អវិតក្កវិចារមត្តំ ធម្មំ បដិច្ច សវិតក្កសវិចារោ ច អវិតក្កអវិចារោ ច ធម្មា ឧប្បជ្ជន្តិ វិប្បយុត្តបច្ចយា – វិតក្កំ បដិច្ច សវិតក្កសវិចារា ខន្ធា ចិត្តសមុដ្ឋានញ្ច រូបំ, ខន្ធា វត្ថុំ វិប្បយុត្តបច្ចយា. ចិត្តសមុដ្ឋានំ រូបំ វិតក្កំ វិប្បយុត្តបច្ចយា. បដិសន្ធិក្ខណេ…បេ…. (៤)

អវិតក្កវិចារមត្តំ ¶ ¶ ធម្មំ បដិច្ច អវិតក្កវិចារមត្តោ ច អវិតក្កអវិចារោ ច ធម្មា ឧប្បជ្ជន្តិ វិប្បយុត្តបច្ចយា – អវិតក្កវិចារមត្តំ ឯកំ ខន្ធំ បដិច្ច តយោ ខន្ធា វិចារោ ច ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា វិចារោ ច ចិត្តសមុដ្ឋានញ្ច រូបំ. ខន្ធា ច វិចារោ ច វត្ថុំ វិប្បយុត្តបច្ចយា. ចិត្តសមុដ្ឋានំ រូបំ ខន្ធេ វិប្បយុត្តបច្ចយា. បដិសន្ធិក្ខណេ…បេ…. (៥)

១៦. អវិតក្កអវិចារំ ធម្មំ បដិច្ច អវិតក្កអវិចារោ ធម្មោ ឧប្បជ្ជតិ វិប្បយុត្តបច្ចយា – អវិតក្កអវិចារំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… ខន្ធា វត្ថុំ វិប្បយុត្តបច្ចយា, ចិត្តសមុដ្ឋានំ រូបំ ខន្ធេ វិប្បយុត្តបច្ចយា. វិចារំ ¶ បដិច្ច ចិត្តសមុដ្ឋានំ រូបំ, វិចារំ វិប្បយុត្តបច្ចយា. បដិសន្ធិក្ខណេ…បេ… បដិសន្ធិក្ខណេ វិចារំ បដិច្ច កដត្តារូបំ, វិចារំ វិប្បយុត្តបច្ចយា. ខន្ធេ បដិច្ច វត្ថុ, វត្ថុំ បដិច្ច ខន្ធា. ខន្ធា វត្ថុំ វិប្បយុត្តបច្ចយា. វត្ថុ ខន្ធេ វិប្បយុត្តបច្ចយា. វិចារំ បដិច្ច វត្ថុ, វត្ថុំ បដិច្ច វិចារោ, វិចារោ វត្ថុំ វិប្បយុត្តបច្ចយា. វត្ថុ វិចារំ វិប្បយុត្តបច្ចយា; ឯកំ មហាភូតំ បដិច្ច តយោ មហាភូតា…បេ… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ, ខន្ធេ វិប្បយុត្តបច្ចយា. (១)

អវិតក្កអវិចារំ ធម្មំ បដិច្ច សវិតក្កសវិចារោ ធម្មោ ឧប្បជ្ជតិ វិប្បយុត្តបច្ចយា – បដិសន្ធិក្ខណេ វត្ថុំ បដិច្ច សវិតក្កសវិចារា ខន្ធា, វត្ថុំ វិប្បយុត្តបច្ចយា. (២)

អវិតក្កអវិចារំ ធម្មំ បដិច្ច អវិតក្កវិចារមត្តោ ធម្មោ ឧប្បជ្ជតិ វិប្បយុត្តបច្ចយា – វិចារំ បដិច្ច អវិតក្កវិចារមត្តា ខន្ធា, វត្ថុំ វិប្បយុត្តបច្ចយា. បដិសន្ធិក្ខណេ វិចារំ បដិច្ច អវិតក្កវិចារមត្តា ខន្ធា, វត្ថុំ វិប្បយុត្តបច្ចយា. បដិសន្ធិក្ខណេ វត្ថុំ បដិច្ច អវិតក្កវិចារមត្តា ខន្ធា, វត្ថុំ វិប្បយុត្តបច្ចយា. បដិសន្ធិក្ខណេ វត្ថុំ បដិច្ច វិតក្កោ, វត្ថុំ វិប្បយុត្តបច្ចយា. (៣)

អវិតក្កអវិចារំ ធម្មំ បដិច្ច សវិតក្កសវិចារោ ច អវិតក្កអវិចារោ ច ធម្មា ¶ ឧប្បជ្ជន្តិ វិប្បយុត្តបច្ចយា – បដិសន្ធិក្ខណេ វត្ថុំ បដិច្ច សវិតក្កសវិចារា ខន្ធា, មហាភូតេ បដិច្ច កដត្តារូបំ, ខន្ធា វត្ថុំ វិប្បយុត្តបច្ចយា. កដត្តារូបំ ខន្ធេ វិប្បយុត្តបច្ចយា. (៤)

អវិតក្កអវិចារំ ¶ ¶ ធម្មំ បដិច្ច អវិតក្កវិចារមត្តោ ច អវិតក្កអវិចារោ ច ធម្មា ឧប្បជ្ជន្តិ វិប្បយុត្តបច្ចយា – វិចារំ បដិច្ច អវិតក្កវិចារមត្តា ខន្ធា ច ចិត្តសមុដ្ឋានញ្ច រូបំ…បេ… ខន្ធា វត្ថុំ វិប្បយុត្តបច្ចយា. ចិត្តសមុដ្ឋានំ រូបំ វិចារំ វិប្បយុត្តបច្ចយា. បដិសន្ធិក្ខណេ វិចារំ បដិច្ច អវិតក្កវិចារមត្តា ខន្ធា ច កដត្តា ច រូបំ, ខន្ធា វត្ថុំ វិប្បយុត្តបច្ចយា. កដត្តារូបំ វិចារំ វិប្បយុត្តបច្ចយា. បដិសន្ធិក្ខណេ វត្ថុំ បដិច្ច អវិតក្កវិចារមត្តា ខន្ធា មហាភូតេ បដិច្ច កដត្តារូបំ, ខន្ធា វត្ថុំ វិប្បយុត្តបច្ចយា. កដត្តារូបំ ខន្ធេ វិប្បយុត្តបច្ចយា. បដិសន្ធិក្ខណេ វត្ថុំ បដិច្ច វិតក្កោ, មហាភូតេ បដិច្ច កដត្តារូបំ, វិតក្កោ វត្ថុំ វិប្បយុត្តបច្ចយា. កដត្តារូបំ ខន្ធេ វិប្បយុត្តបច្ចយា. បដិសន្ធិក្ខណេ វត្ថុំ បដិច្ច អវិតក្កវិចារមត្តា ខន្ធា ច វិចារោ ច, វត្ថុំ វិប្បយុត្តបច្ចយា. (៥)

អវិតក្កអវិចារំ ធម្មំ បដិច្ច សវិតក្កសវិចារោ ច អវិតក្កវិចារមត្តោ ច ធម្មា ឧប្បជ្ជន្តិ វិប្បយុត្តបច្ចយា – បដិសន្ធិក្ខណេ វត្ថុំ បដិច្ច សវិតក្កសវិចារា ខន្ធា ច វិតក្កោ ច, វត្ថុំ វិប្បយុត្តបច្ចយា. (៦)

អវិតក្កអវិចារំ ធម្មំ បដិច្ច សវិតក្កសវិចារោ ច អវិតក្កវិចារមត្តោ ច អវិតក្កអវិចារោ ច ធម្មា ឧប្បជ្ជន្តិ វិប្បយុត្តបច្ចយា – បដិសន្ធិក្ខណេ វត្ថុំ បដិច្ច សវិតក្កសវិចារា ខន្ធា ច វិតក្កោ ច, មហាភូតេ បដិច្ច កដត្តារូបំ, ខន្ធា ច វិតក្កោ ច, វត្ថុំ វិប្បយុត្តបច្ចយា. កដត្តារូបំ ខន្ធេ វិប្បយុត្តបច្ចយា. (៧)

១៧. សវិតក្កសវិចារញ្ច ¶ អវិតក្កអវិចារញ្ច ធម្មំ បដិច្ច សវិតក្កសវិចារោ ធម្មោ ឧប្បជ្ជតិ វិប្បយុត្តបច្ចយា – បដិសន្ធិក្ខណេ សវិតក្កសវិចារំ ឯកំ ខន្ធញ្ច វត្ថុញ្ច បដិច្ច តយោ ខន្ធា, វត្ថុំ វិប្បយុត្តបច្ចយា. (១)

សវិតក្កសវិចារញ្ច ¶ អវិតក្កអវិចារញ្ច ធម្មំ បដិច្ច អវិតក្កវិចារមត្តោ ធម្មោ…បេ… បដិសន្ធិក្ខណេ សវិតក្កសវិចារេ ខន្ធេ ច វត្ថុញ្ច បដិច្ច វិតក្កោ, វត្ថុំ វិប្បយុត្តបច្ចយា. (២)

សវិតក្កសវិចារញ្ច អវិតក្កអវិចារញ្ច ធម្មំ បដិច្ច អវិតក្កអវិចារោ ធម្មោ…បេ… សវិតក្កសវិចារេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ, ខន្ធេ វិប្បយុត្តបច្ចយា. បដិសន្ធិក្ខណេ…បេ…. (៣)

សវិតក្កសវិចារញ្ច ¶ អវិតក្កអវិចារញ្ច ធម្មំ បដិច្ច សវិតក្កសវិចារោ ច អវិតក្កអវិចារោ ច ធម្មា…បេ… បដិសន្ធិក្ខណេ សវិតក្កសវិចារំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច វត្ថុញ្ច បដិច្ច ទ្វេ ខន្ធា, សវិតក្កសវិចារេ ខន្ធេ ច មហាភូតេ ច បដិច្ច កដត្តារូបំ, ខន្ធា វត្ថុំ វិប្បយុត្តបច្ចយា. កដត្តារូបំ ខន្ធេ វិប្បយុត្តបច្ចយា. (៤)

សវិតក្កសវិចារញ្ច អវិតក្កអវិចារញ្ច ធម្មំ បដិច្ច អវិតក្កវិចារមត្តោ ច អវិតក្កអវិចារោ ច ធម្មា…បេ… បដិសន្ធិក្ខណេ សវិតក្កសវិចារេ ខន្ធេ ច វត្ថុញ្ច បដិច្ច វិតក្កោ, សវិតក្កសវិចារេ ខន្ធេ ច មហាភូតេ ច បដិច្ច កដត្តារូបំ, វិតក្កោ វត្ថុំ វិប្បយុត្តបច្ចយា. កដត្តារូបំ ខន្ធេ វិប្បយុត្តបច្ចយា. (៥)

សវិតក្កសវិចារញ្ច អវិតក្កអវិចារញ្ច ធម្មំ បដិច្ច សវិតក្កសវិចារោ ¶ ច អវិតក្កវិចារមត្តោ ច ធម្មា…បេ… បដិសន្ធិក្ខណេ សវិតក្កសវិចារំ ឯកំ ខន្ធញ្ច វត្ថុញ្ច បដិច្ច តយោ ខន្ធា វិតក្កោ ច…បេ… ទ្វេ ខន្ធេ ច វត្ថុញ្ច បដិច្ច ទ្វេ ខន្ធា វិតក្កោ ច, វត្ថុំ វិប្បយុត្តបច្ចយា. (៦)

សវិតក្កសវិចារញ្ច អវិតក្កអវិចារញ្ច ធម្មំ បដិច្ច សវិតក្កសវិចារោ ច អវិតក្កវិចារមត្តោ ច អវិតក្កអវិចារោ ច ធម្មា…បេ… បដិសន្ធិក្ខណេ សវិតក្កសវិចារំ ឯកំ ខន្ធញ្ច វត្ថុញ្ច បដិច្ច តយោ ខន្ធា វិតក្កោ ច…បេ… ទ្វេ ខន្ធេ ច វត្ថុញ្ច បដិច្ច ទ្វេ ខន្ធា វិតក្កោ ច. សវិតក្កសវិចារេ ខន្ធេ ច មហាភូតេ ច ¶ បដិច្ច កដត្តារូបំ. ខន្ធា ច វិតក្កោ ច, វត្ថុំ វិប្បយុត្តបច្ចយា. កដត្តារូបំ ខន្ធេ វិប្បយុត្តបច្ចយា. (៧)

១៨. អវិតក្កវិចារមត្តញ្ច អវិតក្កអវិចារញ្ច ធម្មំ បដិច្ច សវិតក្កសវិចារោ ធម្មោ…បេ… បដិសន្ធិក្ខណេ វិតក្កញ្ច វត្ថុញ្ច បដិច្ច សវិតក្កសវិចារា ខន្ធា, វត្ថុំ វិប្បយុត្តបច្ចយា. (១)

អវិតក្កវិចារមត្តញ្ច អវិតក្កអវិចារញ្ច ធម្មំ បដិច្ច អវិតក្កវិចារមត្តោ ធម្មោ…បេ… អវិតក្កវិចារមត្តំ ឯកំ ខន្ធញ្ច វិចារញ្ច បដិច្ច តយោ ខន្ធា…បេ… ទ្វេ ខន្ធេ ច…បេ… វត្ថុំ វិប្បយុត្តបច្ចយា. បដិសន្ធិក្ខណេ អវិតក្កវិចារមត្តំ ឯកំ ខន្ធញ្ច វិចារញ្ច បដិច្ច តយោ ខន្ធា…បេ… ទ្វេ ខន្ធេ ច…បេ… វត្ថុំ វិប្បយុត្តបច្ចយា. បដិសន្ធិក្ខណេ អវិតក្កវិចារមត្តំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ¶ ខន្ធេ ច…បេ… វត្ថុំ វិប្បយុត្តបច្ចយា. (២)

អវិតក្កវិចារមត្តញ្ច ¶ អវិតក្កអវិចារញ្ច ធម្មំ បដិច្ច អវិតក្កអវិចារោ ធម្មោ…បេ… អវិតក្កវិចារមត្តេ ខន្ធេ ច វិចារញ្ច បដិច្ច ចិត្តសមុដ្ឋានំ រូបំ. ខន្ធេ ច វិចារញ្ច វិប្បយុត្តបច្ចយា. អវិតក្កវិចារមត្តេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. ខន្ធេ វិប្បយុត្តបច្ចយា. វិតក្កញ្ច មហាភូតេ ច បដិច្ច ចិត្តសមុដ្ឋានំ រូបំ. វិតក្កំ វិប្បយុត្តបច្ចយា. បដិសន្ធិក្ខណេ អវិតក្កវិចារមត្តេ ខន្ធេ ច វិចារញ្ច បដិច្ច កដត្តារូបំ. ខន្ធេ ច វិចារញ្ច វិប្បយុត្តបច្ចយា. បដិសន្ធិក្ខណេ អវិតក្កវិចារមត្តេ ខន្ធេ ច មហាភូតេ ច បដិច្ច កដត្តារូបំ. ខន្ធេ វិប្បយុត្តបច្ចយា. បដិសន្ធិក្ខណេ វិតក្កញ្ច មហាភូតេ ច បដិច្ច កដត្តារូបំ. វិតក្កំ វិប្បយុត្តបច្ចយា. បដិសន្ធិក្ខណេ អវិតក្កវិចារមត្តេ ខន្ធេ ច វត្ថុញ្ច បដិច្ច វិចារោ. វត្ថុំ វិប្បយុត្តបច្ចយា. (៣)

អវិតក្កវិចារមត្តញ្ច អវិតក្កអវិចារញ្ច ធម្មំ បដិច្ច សវិតក្កសវិចារោ ច អវិតក្កអវិចារោ ច ធម្មា ឧប្បជ្ជន្តិ វិប្បយុត្តបច្ចយា – បដិសន្ធិក្ខណេ វិតក្កញ្ច វត្ថុញ្ច បដិច្ច សវិតក្កសវិចារា ខន្ធា. វិតក្កញ្ច មហាភូតេ ច បដិច្ច កដត្តារូបំ. ខន្ធា វត្ថុំ វិប្បយុត្តបច្ចយា. កដត្តារូបំ វិតក្កំ វិប្បយុត្តបច្ចយា. (៤)

អវិតក្កវិចារមត្តញ្ច ¶ អវិតក្កអវិចារញ្ច ធម្មំ បដិច្ច អវិតក្កវិចារមត្តោ ច អវិតក្កអវិចារោ ច ធម្មា…បេ… អវិតក្កវិចារមត្តំ ¶ ឯកំ ខន្ធញ្ច វិចារញ្ច បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ខន្ធា វត្ថុំ វិប្បយុត្តបច្ចយា. ចិត្តសមុដ្ឋានំ រូបំ ខន្ធេ ច វិចារញ្ច វិប្បយុត្តបច្ចយា. បដិសន្ធិក្ខណេ អវិតក្កវិចារមត្តំ ឯកំ ខន្ធញ្ច វិចារញ្ច បដិច្ច តយោ ខន្ធា កដត្តា ច រូបំ…បេ… ខន្ធា វត្ថុំ វិប្បយុត្តបច្ចយា. កដត្តារូបំ ខន្ធេ ច វិចារញ្ច វិប្បយុត្តបច្ចយា. បដិសន្ធិក្ខណេ អវិតក្កវិចារមត្តំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច…បេ… អវិតក្កវិចារមត្តេ ខន្ធេ ច មហាភូតេ ច បដិច្ច កដត្តារូបំ. ខន្ធា វត្ថុំ វិប្បយុត្តបច្ចយា. កដត្តារូបំ ខន្ធេ វិប្បយុត្តបច្ចយា. បដិសន្ធិក្ខណេ អវិតក្កវិចារមត្តំ ឯកំ ខន្ធញ្ច វត្ថុញ្ច បដិច្ច តយោ ខន្ធា វិចារោ ច…បេ… ទ្វេ ខន្ធេ ច…បេ… វត្ថុំ វិប្បយុត្តបច្ចយា. (៥)

១៩. សវិតក្កសវិចារញ្ច អវិតក្កវិចារមត្តញ្ច ធម្មំ បដិច្ច សវិតក្កសវិចារោ ធម្មោ ឧប្បជ្ជតិ…បេ… សវិតក្កសវិចារំ ឯកំ ខន្ធញ្ច វិតក្កញ្ច បដិច្ច តយោ ¶ ខន្ធា…បេ… ទ្វេ ខន្ធេ ច…បេ… វត្ថុំ វិប្បយុត្តបច្ចយា. បដិសន្ធិក្ខណេ…បេ… វត្ថុំ វិប្បយុត្តបច្ចយា. (១)

សវិតក្កសវិចារញ្ច អវិតក្កវិចារមត្តញ្ច ធម្មំ បដិច្ច អវិតក្កអវិចារោ ធម្មោ ឧប្បជ្ជតិ…បេ… សវិតក្កសវិចារេ ខន្ធេ ច វិតក្កញ្ច បដិច្ច ចិត្តសមុដ្ឋានំ រូបំ. ខន្ធេ ច វិតក្កញ្ច វិប្បយុត្តបច្ចយា. បដិសន្ធិក្ខណេ…បេ… ខន្ធេ ច វិតក្កញ្ច វិប្បយុត្តបច្ចយា. (២)

សវិតក្កសវិចារញ្ច អវិតក្កវិចារមត្តញ្ច ធម្មំ បដិច្ច សវិតក្កសវិចារោ ¶ ច អវិតក្កអវិចារោ ច ធម្មា ឧប្បជ្ជន្តិ…បេ… សវិតក្កសវិចារំ ឯកំ ខន្ធញ្ច វិតក្កញ្ច បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… ខន្ធា វត្ថុំ វិប្បយុត្តបច្ចយា. ចិត្តសមុដ្ឋានំ រូបំ ខន្ធេ ច វិតក្កញ្ច វិប្បយុត្តបច្ចយា. បដិសន្ធិក្ខណេ…បេ… ខន្ធា វត្ថុំ វិប្បយុត្តបច្ចយា. កដត្តារូបំ ខន្ធេ ច វិតក្កញ្ច វិប្បយុត្តបច្ចយា. (៣)

២០. សវិតក្កសវិចារញ្ច ¶ អវិតក្កវិចារមត្តញ្ច អវិតក្កអវិចារញ្ច ធម្មំ បដិច្ច សវិតក្កសវិចារោ ធម្មោ ឧប្បជ្ជតិ…បេ… បដិសន្ធិក្ខណេ សវិតក្កសវិចារំ ឯកំ ខន្ធញ្ច វិតក្កញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ…បេ… ខន្ធា វត្ថុំ វិប្បយុត្តបច្ចយា. (១)

សវិតក្កសវិចារញ្ច អវិតក្កវិចារមត្តញ្ច អវិតក្កអវិចារញ្ច ធម្មំ បដិច្ច អវិតក្កអវិចារោ ធម្មោ ឧប្បជ្ជតិ…បេ… សវិតក្កសវិចារេ ខន្ធេ ច វិតក្កញ្ច មហាភូតេ ច បដិច្ច ចិត្តសមុដ្ឋានំ រូបំ. ខន្ធេ ច វិតក្កញ្ច វិប្បយុត្តបច្ចយា. បដិសន្ធិក្ខណេ…បេ… ខន្ធេ ច វិតក្កញ្ច វិប្បយុត្តបច្ចយា. (២)

សវិតក្កសវិចារញ្ច អវិតក្កវិចារមត្តញ្ច អវិតក្កអវិចារញ្ច ធម្មំ បដិច្ច សវិតក្កសវិចារោ ច អវិតក្កអវិចារោ ច ធម្មា ឧប្បជ្ជន្តិ វិប្បយុត្តបច្ចយា – បដិសន្ធិក្ខណេ សវិតក្កសវិចារំ ឯកំ ខន្ធញ្ច វិតក្កញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច…បេ… សវិតក្កសវិចារេ ខន្ធេ ច វិតក្កញ្ច មហាភូតេ ច បដិច្ច កដត្តារូបំ ¶ . ខន្ធា វត្ថុំ វិប្បយុត្តបច្ចយា. កដត្តារូបំ ខន្ធេ ច វិតក្កញ្ច វិប្បយុត្តបច្ចយា. (៣)

អត្ថិ-អវិគតបច្ចយា

២១. សវិតក្កសវិចារំ ធម្មំ បដិច្ច សវិតក្កសវិចារោ ធម្មោ ឧប្បជ្ជតិ អត្ថិបច្ចយា…បេ… នត្ថិបច្ចយា, វិគតបច្ចយា, អវិគតបច្ចយា (សំខិត្តំ).

១. បច្ចយានុលោមំ

២. សង្ខ្យាវារោ

សុទ្ធំ

២២. ហេតុយា ¶ សត្តតិំស, អារម្មណេ ឯកវីស, អធិបតិយា តេវីស, អនន្តរេ ឯកវីស, សមនន្តរេ ¶ ឯកវីស, សហជាតេ សត្តតិំស, អញ្ញមញ្ញេ អដ្ឋវីស, និស្សយេ សត្តតិំស, ឧបនិស្សយេ ឯកវីស, បុរេជាតេ ឯកាទស, អាសេវនេ ឯកាទស, កម្មេ សត្តតិំស, វិបាកេ សត្តតិំស, អាហារេ ឥន្ទ្រិយេ ឈានេ មគ្គេ សត្តតិំស, សម្បយុត្តេ ឯកវីស, វិប្បយុត្តេ សត្តតិំស, អត្ថិយា សត្តតិំស, នត្ថិយា ឯកវីស, វិគតេ ឯកវីស, អវិគតេ សត្តតិំស.

ទុកំ

ហេតុបច្ចយា អារម្មណេ ឯកវីស…បេ… អវិគតេ សត្តតិំស (សំខិត្តំ).

(យថា កុសលត្តិកេ គណនា, ឯវំ គណេតព្ពំ).

អនុលោមំ.

២. បច្ចយបច្ចនីយំ

១. វិភង្គវារោ

នហេតុបច្ចយោ

២៣. សវិតក្កសវិចារំ ធម្មំ បដិច្ច សវិតក្កសវិចារោ ធម្មោ ឧប្បជ្ជតិ នហេតុបច្ចយា – អហេតុកំ សវិតក្កសវិចារំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. អហេតុកបដិសន្ធិក្ខណេ…បេ… វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ. (១)

សវិតក្កសវិចារំ ធម្មំ បដិច្ច អវិតក្កវិចារមត្តោ ¶ ធម្មោ ឧប្បជ្ជតិ នហេតុបច្ចយា – អហេតុកេ សវិតក្កសវិចារេ ខន្ធេ បដិច្ច វិតក្កោ. អហេតុកបដិសន្ធិក្ខណេ…បេ…. (២)

សវិតក្កសវិចារំ ធម្មំ បដិច្ច អវិតក្កអវិចារោ ធម្មោ ឧប្បជ្ជតិ នហេតុបច្ចយា – អហេតុកេ សវិតក្កសវិចារេ ខន្ធេ បដិច្ច ចិត្តសមុដ្ឋានំ រូបំ. អហេតុកបដិសន្ធិក្ខណេ…បេ…. (៣)

សវិតក្កសវិចារំ ¶ ¶ ធម្មំ បដិច្ច សវិតក្កសវិចារោ ច អវិតក្កអវិចារោ ច ធម្មា ឧប្បជ្ជន្តិ នហេតុបច្ចយា – អហេតុកំ សវិតក្កសវិចារំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ. អហេតុកបដិសន្ធិក្ខណេ…បេ…. (៤)

សវិតក្កសវិចារំ ធម្មំ បដិច្ច អវិតក្កវិចារមត្តោ ច អវិតក្កអវិចារោ ច ធម្មា ឧប្បជ្ជន្តិ នហេតុបច្ចយា – អហេតុកេ សវិតក្កសវិចារេ ខន្ធេ បដិច្ច វិតក្កោ ច ចិត្តសមុដ្ឋានញ្ច រូបំ. អហេតុកបដិសន្ធិក្ខណេ…បេ…. (៥)

សវិតក្កសវិចារំ ធម្មំ បដិច្ច សវិតក្កសវិចារោ ច អវិតក្កវិចារមត្តោ ច ធម្មា ឧប្បជ្ជន្តិ នហេតុបច្ចយា – អហេតុកំ សវិតក្កសវិចារំ ឯកំ ខន្ធំ បដិច្ច តយោ ខន្ធា វិតក្កោ ច…បេ… ទ្វេ ខន្ធេ បដិច្ច ទ្វេ ខន្ធា វិតក្កោ ច. អហេតុកបដិសន្ធិក្ខណេ…បេ…. (៦)

សវិតក្កសវិចារំ ធម្មំ បដិច្ច សវិតក្កសវិចារោ ច អវិតក្កវិចារមត្តោ ច អវិតក្កអវិចារោ ច ធម្មា ឧប្បជ្ជន្តិ នហេតុបច្ចយា – អហេតុកំ សវិតក្កសវិចារំ ឯកំ ខន្ធំ បដិច្ច តយោ ខន្ធា វិតក្កោ ¶ ច ចិត្តសមុដ្ឋានញ្ច រូបំ…បេ… អហេតុកបដិសន្ធិក្ខណេ…បេ…. (៧)

២៤. អវិតក្កវិចារមត្តំ ធម្មំ បដិច្ច សវិតក្កសវិចារោ ធម្មោ ឧប្បជ្ជតិ នហេតុបច្ចយា – អហេតុកំ វិតក្កំ បដិច្ច សវិតក្កសវិចារា ខន្ធា. អហេតុកបដិសន្ធិក្ខណេ វិតក្កំ បដិច្ច សវិតក្កសវិចារា ខន្ធា; វិចិកិច្ឆាសហគតំ ឧទ្ធច្ចសហគតំ វិតក្កំ បដិច្ច វិចិកិច្ឆាសហគតោ ឧទ្ធច្ចសហគតោ មោហោ. (១)

អវិតក្កវិចារមត្តំ ធម្មំ បដិច្ច អវិតក្កអវិចារោ ធម្មោ ឧប្បជ្ជតិ នហេតុបច្ចយា – អហេតុកំ វិតក្កំ បដិច្ច ចិត្តសមុដ្ឋានំ រូបំ. អហេតុកបដិសន្ធិក្ខណេ វិតក្កំ បដិច្ច កដត្តារូបំ. (២)

អវិតក្កវិចារមត្តំ ¶ ធម្មំ បដិច្ច សវិតក្កសវិចារោ ច អវិតក្កអវិចារោ ច ធម្មា ឧប្បជ្ជន្តិ នហេតុបច្ចយា – អហេតុកំ វិតក្កំ បដិច្ច សវិតក្កសវិចារា ខន្ធា ចិត្តសមុដ្ឋានញ្ច រូបំ. អហេតុកបដិសន្ធិក្ខណេ វិតក្កំ បដិច្ច សវិតក្កសវិចារា ខន្ធា កដត្តា ច រូបំ. (៣)

អវិតក្កអវិចារំ ធម្មំ បដិច្ច អវិតក្កអវិចារោ ធម្មោ ឧប្បជ្ជតិ នហេតុបច្ចយា – អហេតុកំ អវិតក្កអវិចារំ ឯកំ ខន្ធំ បដិច្ច តយោ ខន្ធា, តយោ ¶ ខន្ធេ បដិច្ច ឯកោ ខន្ធោ, ទ្វេ ខន្ធេ បដិច្ច ទ្វេ ខន្ធា; ឯកំ មហាភូតំ បដិច្ច តយោ មហាភូតា…បេ… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ; ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ បដិច្ច…បេ… មហាភូតេ បដិច្ច កដត្តារូបំ ឧបាទារូបំ. (១)

អវិតក្កអវិចារំ ធម្មំ បដិច្ច សវិតក្កសវិចារោ ធម្មោ ឧប្បជ្ជតិ នហេតុបច្ចយា – អហេតុកបដិសន្ធិក្ខណេ ¶ វត្ថុំ បដិច្ច សវិតក្កសវិចារា ខន្ធា. (២)

អវិតក្កអវិចារំ ធម្មំ បដិច្ច អវិតក្កវិចារមត្តោ ធម្មោ ឧប្បជ្ជតិ នហេតុបច្ចយា – អហេតុកបដិសន្ធិក្ខណេ វត្ថុំ បដិច្ច វិតក្កោ. (៣)

អវិតក្កអវិចារំ ធម្មំ បដិច្ច សវិតក្កសវិចារោ ច អវិតក្កអវិចារោ ច ធម្មា ឧប្បជ្ជន្តិ នហេតុបច្ចយា – អហេតុកបដិសន្ធិក្ខណេ វត្ថុំ បដិច្ច សវិតក្កសវិចារា ខន្ធា; មហាភូតេ បដិច្ច កដត្តារូបំ. (៤)

អវិតក្កអវិចារំ ធម្មំ បដិច្ច អវិតក្កវិចារមត្តោ ច អវិតក្កអវិចារោ ច ធម្មា ឧប្បជ្ជន្តិ នហេតុបច្ចយា – អហេតុកបដិសន្ធិក្ខណេ វត្ថុំ បដិច្ច វិតក្កោ; មហាភូតេ បដិច្ច កដត្តារូបំ. (៥)

អវិតក្កអវិចារំ ធម្មំ បដិច្ច សវិតក្កសវិចារោ ច អវិតក្កវិចារមត្តោ ច ធម្មា ឧប្បជ្ជន្តិ នហេតុបច្ចយា – អហេតុកបដិសន្ធិក្ខណេ វត្ថុំ បដិច្ច សវិតក្កសវិចារា ខន្ធា ច វិតក្កោ ច. (៦)

អវិតក្កអវិចារំ ¶ ធម្មំ បដិច្ច សវិតក្កសវិចារោ ច អវិតក្កវិចារមត្តោ ច អវិតក្កអវិចារោ ច ធម្មា ឧប្បជ្ជន្តិ នហេតុបច្ចយា – អហេតុកបដិសន្ធិក្ខណេ វត្ថុំ បដិច្ច សវិតក្កសវិចារា ខន្ធា ច វិតក្កោ ច; មហាភូតេ បដិច្ច កដត្តារូបំ. (៧)

២៥. សវិតក្កសវិចារញ្ច អវិតក្កអវិចារញ្ច ធម្មំ បដិច្ច សវិតក្កសវិចារោ ធម្មោ ឧប្បជ្ជតិ នហេតុបច្ចយា – អហេតុកបដិសន្ធិក្ខណេ សវិតក្កសវិចារំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច វត្ថុញ្ច បដិច្ច ទ្វេ ខន្ធា. (១)

សវិតក្កសវិចារញ្ច ¶ អវិតក្កអវិចារញ្ច ¶ ធម្មំ បដិច្ច អវិតក្កវិចារមត្តោ ធម្មោ ឧប្បជ្ជតិ នហេតុបច្ចយា – អហេតុកបដិសន្ធិក្ខណេ សវិតក្កសវិចារេ ខន្ធេ ច វត្ថុញ្ច បដិច្ច វិតក្កោ. (២)

សវិតក្កសវិចារញ្ច អវិតក្កអវិចារញ្ច ធម្មំ បដិច្ច អវិតក្កអវិចារោ ធម្មោ ឧប្បជ្ជតិ នហេតុបច្ចយា – អហេតុកេ សវិតក្កសវិចារេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. អហេតុកបដិសន្ធិក្ខណេ សវិតក្កសវិចារេ ខន្ធេ ច មហាភូតេ ច បដិច្ច កដត្តារូបំ. (៣)

សវិតក្កសវិចារញ្ច អវិតក្កអវិចារញ្ច ធម្មំ បដិច្ច សវិតក្កសវិចារោ ច អវិតក្កអវិចារោ ច ធម្មា ឧប្បជ្ជន្តិ នហេតុបច្ចយា – អហេតុកបដិសន្ធិក្ខណេ សវិតក្កសវិចារំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច វត្ថុញ្ច បដិច្ច ទ្វេ ខន្ធា; សវិតក្កសវិចារេ ខន្ធេ ច មហាភូតេ ច បដិច្ច កដត្តារូបំ. (៤)

សវិតក្កសវិចារញ្ច អវិតក្កអវិចារញ្ច ធម្មំ បដិច្ច អវិតក្កវិចារមត្តោ ច អវិតក្កអវិចារោ ច ធម្មា ឧប្បជ្ជន្តិ នហេតុបច្ចយា – អហេតុកបដិសន្ធិក្ខណេ សវិតក្កសវិចារេ ខន្ធេ ច វត្ថុញ្ច បដិច្ច វិតក្កោ; សវិតក្កសវិចារេ ខន្ធេ ច មហាភូតេ ច បដិច្ច កដត្តារូបំ. (៥)

សវិតក្កសវិចារញ្ច អវិតក្កអវិចារញ្ច ធម្មំ បដិច្ច សវិតក្កសវិចារោ ច អវិតក្កវិចារមត្តោ ¶ ច ធម្មា ឧប្បជ្ជន្តិ នហេតុបច្ចយា – អហេតុកបដិសន្ធិក្ខណេ សវិតក្កសវិចារំ ឯកំ ខន្ធញ្ច វត្ថុញ្ច បដិច្ច តយោ ខន្ធា វិតក្កោ ច…បេ… ទ្វេ ខន្ធេ ច វត្ថុញ្ច បដិច្ច ទ្វេ ខន្ធា វិតក្កោ ច. (៦)

សវិតក្កសវិចារញ្ច ¶ អវិតក្កអវិចារញ្ច ធម្មំ បដិច្ច សវិតក្កសវិចារោ ច អវិតក្កវិចារមត្តោ ច អវិតក្កអវិចារោ ច ធម្មា ឧប្បជ្ជន្តិ នហេតុបច្ចយា – អហេតុកបដិសន្ធិក្ខណេ សវិតក្កសវិចារំ ឯកំ ខន្ធញ្ច វត្ថុញ្ច បដិច្ច តយោ ខន្ធា វិតក្កោ ច…បេ… ទ្វេ ខន្ធេ ច វត្ថុញ្ច បដិច្ច ទ្វេ ខន្ធា វិតក្កោ ច; សវិតក្កសវិចារេ ខន្ធេ ច មហាភូតេ ច បដិច្ច កដត្តារូបំ. (៧)

២៦. អវិតក្កវិចារមត្តញ្ច អវិតក្កអវិចារញ្ច ធម្មំ បដិច្ច សវិតក្កសវិចារោ ធម្មោ ឧប្បជ្ជតិ នហេតុបច្ចយា – អហេតុកបដិសន្ធិក្ខណេ វិតក្កញ្ច វត្ថុញ្ច បដិច្ច សវិតក្កសវិចារា ខន្ធា. (១)

អវិតក្កវិចារមត្តញ្ច ¶ អវិតក្កអវិចារញ្ច ធម្មំ បដិច្ច អវិតក្កអវិចារោ ធម្មោ ឧប្បជ្ជតិ នហេតុបច្ចយា – អហេតុកំ វិតក្កញ្ច មហាភូតេ ច បដិច្ច ចិត្តសមុដ្ឋានំ រូបំ. អហេតុកបដិសន្ធិក្ខណេ វិតក្កញ្ច មហាភូតេ ច បដិច្ច កដត្តារូបំ. (២)

អវិតក្កវិចារមត្តញ្ច អវិតក្កអវិចារញ្ច ធម្មំ បដិច្ច សវិតក្កសវិចារោ ច អវិតក្កអវិចារោ ច ធម្មា ឧប្បជ្ជន្តិ នហេតុបច្ចយា – អហេតុកបដិសន្ធិក្ខណេ វិតក្កញ្ច វត្ថុញ្ច បដិច្ច សវិតក្កសវិចារា ខន្ធា; វិតក្កញ្ច មហាភូតេ ច បដិច្ច កដត្តារូបំ. (៣)

២៧. សវិតក្កសវិចារញ្ច អវិតក្កវិចារមត្តញ្ច ធម្មំ បដិច្ច សវិតក្កសវិចារោ ធម្មោ ឧប្បជ្ជតិ នហេតុបច្ចយា – អហេតុកំ សវិតក្កសវិចារំ ឯកំ ខន្ធញ្ច វិតក្កញ្ច បដិច្ច តយោ ខន្ធា…បេ… ទ្វេ ខន្ធេ ¶ ច វិតក្កញ្ច បដិច្ច ទ្វេ ខន្ធា. អហេតុកបដិសន្ធិក្ខណេ សវិតក្កសវិចារំ ឯកំ ខន្ធញ្ច វិតក្កញ្ច បដិច្ច តយោ ខន្ធា…បេ… ទ្វេ ខន្ធេ ច វិតក្កញ្ច បដិច្ច ទ្វេ ខន្ធា; វិចិកិច្ឆាសហគតេ ឧទ្ធច្ចសហគតេ ខន្ធេ ច វិតក្កញ្ច បដិច្ច វិចិកិច្ឆាសហគតោ ឧទ្ធច្ចសហគតោ មោហោ. (១)

សវិតក្កសវិចារញ្ច ¶ អវិតក្កវិចារមត្តញ្ច ធម្មំ បដិច្ច អវិតក្កអវិចារោ ធម្មោ ឧប្បជ្ជតិ នហេតុបច្ចយា – អហេតុកេ សវិតក្កសវិចារេ ខន្ធេ ច វិតក្កញ្ច បដិច្ច ចិត្តសមុដ្ឋានំ រូបំ. អហេតុកបដិសន្ធិក្ខណេ…បេ…. (២)

សវិតក្កសវិចារញ្ច អវិតក្កវិចារមត្តញ្ច ធម្មំ បដិច្ច សវិតក្កសវិចារោ ច អវិតក្កអវិចារោ ច ធម្មា ឧប្បជ្ជន្តិ នហេតុបច្ចយា – អហេតុកំ សវិតក្កសវិចារំ ឯកំ ខន្ធញ្ច វិតក្កញ្ច បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ ច វិតក្កញ្ច បដិច្ច ទ្វេ ខន្ធា ចិត្តសមុដ្ឋានញ្ច រូបំ. អហេតុកបដិសន្ធិក្ខណេ…បេ…. (៣)

២៨. សវិតក្កសវិចារញ្ច អវិតក្កវិចារមត្តញ្ច អវិតក្កអវិចារញ្ច ធម្មំ បដិច្ច សវិតក្កសវិចារោ ធម្មោ ឧប្បជ្ជតិ នហេតុបច្ចយា – អហេតុកបដិសន្ធិក្ខណេ សវិតក្កសវិចារំ ឯកំ ខន្ធញ្ច វិតក្កញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច វិតក្កញ្ច វត្ថុញ្ច បដិច្ច ទ្វេ ខន្ធា. (១)

សវិតក្កសវិចារញ្ច អវិតក្កវិចារមត្តញ្ច អវិតក្កអវិចារញ្ច ធម្មំ បដិច្ច អវិតក្កអវិចារោ ធម្មោ ឧប្បជ្ជតិ នហេតុបច្ចយា – អហេតុកេ សវិតក្កសវិចារេ ¶ ខន្ធេ ច វិតក្កញ្ច ¶ មហាភូតេ ច បដិច្ច ចិត្តសមុដ្ឋានំ រូបំ. អហេតុកបដិសន្ធិក្ខណេ…បេ…. (២)

សវិតក្កសវិចារញ្ច អវិតក្កវិចារមត្តញ្ច អវិតក្កអវិចារញ្ច ធម្មំ បដិច្ច សវិតក្កសវិចារោ ច អវិតក្កអវិចារោ ច ធម្មា ឧប្បជ្ជន្តិ នហេតុបច្ចយា – អហេតុកបដិសន្ធិក្ខណេ សវិតក្កសវិចារំ ឯកំ ខន្ធញ្ច វិតក្កញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច វិតក្កញ្ច វត្ថុញ្ច បដិច្ច ទ្វេ ខន្ធា; សវិតក្កសវិចារេ ខន្ធេ ច វិតក្កញ្ច មហាភូតេ ច បដិច្ច កដត្តារូបំ. (៣)

នអារម្មណបច្ចយោ

២៩. សវិតក្កសវិចារំ ធម្មំ បដិច្ច អវិតក្កអវិចារោ ធម្មោ ឧប្បជ្ជតិ នអារម្មណបច្ចយា ¶ – សវិតក្កសវិចារេ ខន្ធេ បដិច្ច ចិត្តសមុដ្ឋានំ រូបំ. បដិសន្ធិក្ខណេ សវិតក្កសវិចារេ ខន្ធេ បដិច្ច កដត្តារូបំ. (១)

អវិតក្កវិចារមត្តំ ធម្មំ បដិច្ច អវិតក្កអវិចារោ ធម្មោ ឧប្បជ្ជតិ នអារម្មណបច្ចយា – អវិតក្កវិចារមត្តេ ខន្ធេ បដិច្ច ចិត្តសមុដ្ឋានំ រូបំ, វិតក្កំ បដិច្ច ចិត្តសមុដ្ឋានំ រូបំ. បដិសន្ធិក្ខណេ អវិតក្កវិចារមត្តេ ខន្ធេ បដិច្ច កដត្តារូបំ. បដិសន្ធិក្ខណេ វិតក្កំ បដិច្ច កដត្តារូបំ. (១)

អវិតក្កអវិចារំ ធម្មំ បដិច្ច អវិតក្កអវិចារោ ធម្មោ ឧប្បជ្ជតិ នអារម្មណបច្ចយា – អវិតក្កអវិចារេ ខន្ធេ បដិច្ច ចិត្តសមុដ្ឋានំ រូបំ, វិចារំ បដិច្ច ចិត្តសមុដ្ឋានំ រូបំ. បដិសន្ធិក្ខណេ អវិតក្កអវិចារេ ¶ ខន្ធេ បដិច្ច កដត្តារូបំ, វិចារំ បដិច្ច កដត្តារូបំ, ខន្ធេ បដិច្ច វត្ថុ, វិចារំ បដិច្ច វត្ថុ; ឯកំ មហាភូតំ បដិច្ច…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ បដិច្ច…បេ…. (១)

៣០. សវិតក្កសវិចារញ្ច អវិតក្កអវិចារញ្ច ធម្មំ បដិច្ច អវិតក្កអវិចារោ ធម្មោ ឧប្បជ្ជតិ នអារម្មណបច្ចយា – សវិតក្កសវិចារេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. បដិសន្ធិក្ខណេ សវិតក្កសវិចារេ ខន្ធេ ច មហាភូតេ ច បដិច្ច កដត្តារូបំ. (១)

អវិតក្កវិចារមត្តញ្ច អវិតក្កអវិចារញ្ច ធម្មំ បដិច្ច អវិតក្កអវិចារោ ធម្មោ ឧប្បជ្ជតិ នអារម្មណបច្ចយា – អវិតក្កវិចារមត្តេ ខន្ធេ ច វិចារញ្ច បដិច្ច ¶ ចិត្តសមុដ្ឋានំ រូបំ, អវិតក្កវិចារមត្តេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ, វិតក្កញ្ច មហាភូតេ ច បដិច្ច ចិត្តសមុដ្ឋានំ រូបំ. បដិសន្ធិក្ខណេ អវិតក្កវិចារមត្តេ ខន្ធេ ច វិចារញ្ច…បេ… កដត្តារូបំ. (១)

សវិតក្កសវិចារញ្ច អវិតក្កវិចារមត្តញ្ច ធម្មំ បដិច្ច អវិតក្កអវិចារោ ធម្មោ ឧប្បជ្ជតិ ¶ នអារម្មណបច្ចយា – សវិតក្កសវិចារេ ខន្ធេ ច វិតក្កញ្ច បដិច្ច ចិត្តសមុដ្ឋានំ រូបំ. បដិសន្ធិក្ខណេ…បេ…. (១)

សវិតក្កសវិចារញ្ច អវិតក្កវិចារមត្តញ្ច អវិតក្កអវិចារញ្ច ធម្មំ បដិច្ច អវិតក្កអវិចារោ ធម្មោ ឧប្បជ្ជតិ នអារម្មណបច្ចយា ¶ – សវិតក្កសវិចារេ ខន្ធេ ច វិតក្កញ្ច មហាភូតេ ច បដិច្ច ចិត្តសមុដ្ឋានំ រូបំ. បដិសន្ធិក្ខណេ…បេ… កដត្តារូបំ. (១)

នអធិបតិបច្ចយោ

៣១. សវិតក្កសវិចារំ ធម្មំ បដិច្ច សវិតក្កសវិចារោ ធម្មោ ឧប្បជ្ជតិ នអធិបតិបច្ចយា…បេ… សត្ត.

អវិតក្កវិចារមត្តំ ធម្មំ បដិច្ច អវិតក្កវិចារមត្តោ ធម្មោ ឧប្បជ្ជតិ នអធិបតិបច្ចយា – អវិតក្កវិចារមត្តេ ខន្ធេ បដិច្ច អវិតក្កវិចារមត្តា អធិបតិ, វិបាកំ អវិតក្កវិចារមត្តំ ឯកំ ខន្ធំ បដិច្ច តយោ ខន្ធា…បេ… បដិសន្ធិក្ខណេ…បេ…. (១)

អវិតក្កវិចារមត្តំ ធម្មំ បដិច្ច សវិតក្កសវិចារោ ធម្មោ ឧប្បជ្ជតិ នអធិបតិបច្ចយា – វិតក្កំ បដិច្ច សវិតក្កសវិចារា ខន្ធា. បដិសន្ធិក្ខណេ…បេ…. (២)

អវិតក្កវិចារមត្តំ ធម្មំ បដិច្ច អវិតក្កអវិចារោ ធម្មោ ឧប្បជ្ជតិ នអធិបតិបច្ចយា – វិបាកេ អវិតក្កវិចារមត្តេ ខន្ធេ បដិច្ច វិចារោ ច ចិត្តសមុដ្ឋានញ្ច រូបំ. បដិសន្ធិក្ខណេ…បេ…. (៣)

អវិតក្កវិចារមត្តំ ធម្មំ បដិច្ច សវិតក្កសវិចារោ ច អវិតក្កអវិចារោ ច ធម្មា ឧប្បជ្ជន្តិ នអធិបតិបច្ចយា – វិតក្កំ បដិច្ច សវិតក្កសវិចារា ខន្ធា ចិត្តសមុដ្ឋានញ្ច រូបំ. បដិសន្ធិក្ខណេ…បេ…. (៤)

អវិតក្កវិចារមត្តំ ធម្មំ បដិច្ច អវិតក្កវិចារមត្តោ ច អវិតក្កអវិចារោ ច ធម្មា ឧប្បជ្ជន្តិ នអធិបតិបច្ចយា – វិបាកំ អវិតក្កវិចារមត្តំ ឯកំ ខន្ធំ បដិច្ច តយោ ខន្ធា វិចារោ ច ចិត្តសមុដ្ឋានញ្ច រូបំ…បេ… បដិសន្ធិក្ខណេ…បេ…. (៥)

៣២. អវិតក្កអវិចារំ ¶ ¶ ធម្មំ បដិច្ច អវិតក្កអវិចារោ ធម្មោ ឧប្បជ្ជតិ ¶ នអធិបតិបច្ចយា – អវិតក្កអវិចារេ ខន្ធេ បដិច្ច អវិតក្កអវិចារា អធិបតិ, វិបាកំ អវិតក្កអវិចារំ ឯកំ ខន្ធំ បដិច្ច តយោ ខន្ធា…បេ… បដិសន្ធិក្ខណេ…បេ…. (១)

អវិតក្កអវិចារំ ធម្មំ បដិច្ច សវិតក្កសវិចារោ ធម្មោ ឧប្បជ្ជតិ នអធិបតិបច្ចយា – បដិសន្ធិក្ខណេ វត្ថុំ បដិច្ច សវិតក្កសវិចារា ខន្ធា. (២)

អវិតក្កអវិចារំ ធម្មំ បដិច្ច អវិតក្កវិចារមត្តោ ធម្មោ ឧប្បជ្ជតិ នអធិបតិបច្ចយា – វិចារំ បដិច្ច អវិតក្កវិចារមត្តា អធិបតិ, វិបាកំ វិចារំ បដិច្ច អវិតក្កវិចារមត្តា ខន្ធា. បដិសន្ធិក្ខណេ…បេ…. (៣)

អវិតក្កអវិចារំ ធម្មំ បដិច្ច… សត្ត.

៣៣. សវិតក្កសវិចារញ្ច អវិតក្កអវិចារញ្ច ធម្មំ បដិច្ច… សត្ត (សំខិត្តំ).

អវិតក្កវិចារមត្តញ្ច អវិតក្កអវិចារញ្ច ធម្មំ បដិច្ច សវិតក្កសវិចារោ ធម្មោ ឧប្បជ្ជតិ…បេ… អវិតក្កវិចារមត្តោ ធម្មោ ឧប្បជ្ជតិ នអធិបតិបច្ចយា, អវិតក្កវិចារមត្តេ ខន្ធេ ច វិចារញ្ច បដិច្ច អវិតក្កវិចារមត្តា អធិបតិ, វិបាកំ អវិតក្កវិចារមត្តំ ឯកំ ខន្ធញ្ច វិចារញ្ច បដិច្ច (សំខិត្តំ).

នអនន្តរបច្ចយាទិ

៣៤. សវិតក្កសវិចារំ ធម្មំ បដិច្ច អវិតក្កអវិចារោ ធម្មោ ឧប្បជ្ជតិ នអនន្តរបច្ចយា… នសមនន្តរបច្ចយា… នអញ្ញមញ្ញបច្ចយា… នឧបនិស្សយបច្ចយា (នអារម្មណសទិសំ).

នបុរេជាតបច្ចយោ

៣៥. សវិតក្កសវិចារំ ¶ ធម្មំ បដិច្ច សវិតក្កសវិចារោ ធម្មោ ឧប្បជ្ជតិ នបុរេជាតបច្ចយា… សត្ត.

អវិតក្កវិចារមត្តំ ធម្មំ បដិច្ច អវិតក្កវិចារមត្តោ ធម្មោ ឧប្បជ្ជតិ ¶ នបុរេជាតបច្ចយា – អរូបេ អវិតក្កវិចារមត្តំ ឯកំ ខន្ធំ បដិច្ច…បេ… បដិសន្ធិក្ខណេ…បេ…. (១)

អវិតក្កវិចារមត្តំ ¶ ធម្មំ បដិច្ច សវិតក្កសវិចារោ ធម្មោ ឧប្បជ្ជតិ នបុរេជាតបច្ចយា – អរូបេ វិតក្កំ បដិច្ច សវិតក្កសវិចារា ខន្ធា. បដិសន្ធិក្ខណេ…បេ…. (២)

អវិតក្កវិចារមត្តំ ធម្មំ បដិច្ច អវិតក្កអវិចារោ ធម្មោ ឧប្បជ្ជតិ នបុរេជាតបច្ចយា – អរូបេ អវិតក្កវិចារមត្តេ ខន្ធេ បដិច្ច វិចារោ, អវិតក្កវិចារមត្តេ ខន្ធេ បដិច្ច ចិត្តសមុដ្ឋានំ រូបំ, វិតក្កំ បដិច្ច ចិត្តសមុដ្ឋានំ រូបំ. បដិសន្ធិក្ខណេ…បេ…. (៣)

អវិតក្កវិចារមត្តំ ធម្មំ បដិច្ច សវិតក្កសវិចារោ ច អវិតក្កអវិចារោ ច ធម្មា ឧប្បជ្ជន្តិ នបុរេជាតបច្ចយា – បដិសន្ធិក្ខណេ វិតក្កំ បដិច្ច សវិតក្កសវិចារា ខន្ធា កដត្តា ច រូបំ. (៤)

អវិតក្កវិចារមត្តំ ធម្មំ បដិច្ច អវិតក្កវិចារមត្តោ ច អវិតក្កអវិចារោ ច ធម្មា ឧប្បជ្ជន្តិ នបុរេជាតបច្ចយា…បេ… អរូបេ អវិតក្កវិចារមត្តំ ឯកំ ខន្ធំ បដិច្ច តយោ ខន្ធា វិចារោ ច…បេ… បដិសន្ធិក្ខណេ…បេ…. (៥)

៣៦. អវិតក្កអវិចារំ ធម្មំ បដិច្ច អវិតក្កអវិចារោ ធម្មោ ឧប្បជ្ជតិ នបុរេជាតបច្ចយា – អរូបេ អវិតក្កអវិចារំ ឯកំ ខន្ធំ បដិច្ច តយោ ខន្ធា…បេ… អវិតក្កអវិចារេ ¶ ខន្ធេ បដិច្ច ចិត្តសមុដ្ឋានំ រូបំ, វិចារំ បដិច្ច ចិត្តសមុដ្ឋានំ រូបំ. បដិសន្ធិក្ខណេ…បេ…. (១)

អវិតក្កអវិចារំ ធម្មំ បដិច្ច សវិតក្កសវិចារោ ធម្មោ ឧប្បជ្ជតិ នបុរេជាតបច្ចយា – បដិសន្ធិក្ខណេ វត្ថុំ បដិច្ច សវិតក្កសវិចារា ខន្ធា. (២)

អវិតក្កអវិចារំ ធម្មំ បដិច្ច អវិតក្កវិចារមត្តោ ធម្មោ ឧប្បជ្ជតិ នបុរេជាតបច្ចយា ¶ – អរូបេ វិចារំ បដិច្ច អវិតក្កវិចារមត្តា ខន្ធា. បដិសន្ធិក្ខណេ…បេ… (សំខិត្តំ). (៧)

សវិតក្កសវិចារញ្ច អវិតក្កអវិចារញ្ច ធម្មំ បដិច្ច… សត្ត.

៣៧. អវិតក្កវិចារមត្តញ្ច អវិតក្កអវិចារញ្ច ធម្មំ បដិច្ច អវិតក្កវិចារមត្តោ ធម្មោ ឧប្បជ្ជតិ នបុរេជាតបច្ចយា – អរូបេ អវិតក្កវិចារមត្តំ ឯកំ ខន្ធញ្ច វិចារញ្ច បដិច្ច តយោ ខន្ធា…បេ… បដិសន្ធិក្ខណេ…បេ… (សំខិត្តំ). (៧)

អវិតក្កវិចារមត្តញ្ច ¶ អវិតក្កអវិចារញ្ច ធម្មំ បដិច្ច អវិតក្កវិចារមត្តោ ច អវិតក្កអវិចារោ ច ធម្មា ឧប្បជ្ជន្តិ…បេ… បដិសន្ធិក្ខណេ…បេ… (សំខិត្តំ).

(នបុរេជាតមូលកេ យថា សុទ្ធិកំ អរូបំ, តថា អរូបា កាតព្ពា).

នបច្ឆាជាតបច្ចយាទិ

៣៨. សវិតក្កសវិចារំ ធម្មំ បដិច្ច សវិតក្កសវិចារោ ធម្មោ ឧប្បជ្ជតិ នបច្ឆាជាតបច្ចយា…បេ… នអាសេវនបច្ចយា… សត្ត.

អវិតក្កវិចារមត្តំ ធម្មំ បដិច្ច អវិតក្កវិចារមត្តោ ធម្មោ ឧប្បជ្ជតិ នអាសេវនបច្ចយា – វិបាកំ អវិតក្កវិចារមត្តំ ឯកំ ខន្ធំ បដិច្ច… (សំខិត្តំ). (៥)

អវិតក្កអវិចារំ ¶ ធម្មំ បដិច្ច អវិតក្កអវិចារោ ធម្មោ ឧប្បជ្ជតិ នអាសេវនបច្ចយា – វិបាកំ អវិតក្កអវិចារំ ឯកំ ខន្ធំ បដិច្ច… (សំខិត្តំ).

(នអាសេវនមូលកេ អវិតក្កវិចារមត្តំ វិបាកេន សហ គច្ឆន្តេន នបុរេជាតសទិសំ កាតព្ពំ, អវិតក្កវិចារមត្តញ្ច អវិតក្កវិចារមត្តគច្ឆន្តេន វិបាកោ ទស្សេតព្ពោ.)

នកម្មបច្ចយោ

៣៩. សវិតក្កសវិចារំ ធម្មំ បដិច្ច សវិតក្កសវិចារោ ធម្មោ ឧប្បជ្ជតិ នកម្មបច្ចយា – សវិតក្កសវិចារេ ខន្ធេ បដិច្ច សវិតក្កសវិចារា ចេតនា. (១)

អវិតក្កវិចារមត្តំ ធម្មំ បដិច្ច អវិតក្កវិចារមត្តោ ធម្មោ ឧប្បជ្ជតិ ¶ នកម្មបច្ចយា – អវិតក្កវិចារមត្តេ ខន្ធេ បដិច្ច អវិតក្កវិចារមត្តា ចេតនា. (១)

អវិតក្កវិចារមត្តំ ធម្មំ បដិច្ច សវិតក្កសវិចារោ ធម្មោ ឧប្បជ្ជតិ នកម្មបច្ចយា – វិតក្កំ បដិច្ច សវិតក្កសវិចារា ចេតនា. (២)

អវិតក្កអវិចារំ ធម្មំ បដិច្ច អវិតក្កអវិចារោ ធម្មោ ឧប្បជ្ជតិ នកម្មបច្ចយា – អវិតក្កអវិចារេ ខន្ធេ បដិច្ច អវិតក្កអវិចារា ចេតនា; ពាហិរំ… អាហារសមុដ្ឋានំ… ឧតុសមុដ្ឋានំ ឯកំ មហាភូតំ បដិច្ច…បេ…. (១)

អវិតក្កអវិចារំ ធម្មំ បដិច្ច អវិតក្កវិចារមត្តោ ធម្មោ ឧប្បជ្ជតិ នកម្មបច្ចយា – វិចារំ បដិច្ច អវិតក្កវិចារមត្តា ចេតនា. (២)

អវិតក្កវិចារមត្តញ្ច ¶ អវិតក្កអវិចារញ្ច ធម្មំ បដិច្ច អវិតក្កវិចារមត្តោ ធម្មោ ឧប្បជ្ជតិ នកម្មបច្ចយា – អវិតក្កវិចារមត្តេ ខន្ធេ ច វិចារញ្ច បដិច្ច អវិតក្កវិចារមត្តា ចេតនា. (១)

សវិតក្កសវិចារញ្ច ¶ អវិតក្កវិចារមត្តញ្ច ធម្មំ បដិច្ច សវិតក្កសវិចារោ ធម្មោ ឧប្បជ្ជតិ នកម្មបច្ចយា – សវិតក្កសវិចារេ ខន្ធេ ច វិតក្កញ្ច បដិច្ច សវិតក្កសវិចារា ចេតនា. (១)

នវិបាកបច្ចយាទិ

៤០. សវិតក្កសវិចារំ ធម្មំ បដិច្ច សវិតក្កសវិចារោ ធម្មោ ឧប្បជ្ជតិ នវិបាកបច្ចយា…បេ… នអាហារបច្ចយា – ពាហិរំ… ឧតុសមុដ្ឋានំ…បេ… នឥន្ទ្រិយបច្ចយា – ពាហិរំ… អាហារសមុដ្ឋានំ… ឧតុសមុដ្ឋានំ…បេ… អសញ្ញសត្តានំ មហាភូតេ បដិច្ច រូបជីវិតិន្ទ្រិយំ…បេ… នឈានបច្ចយា – បញ្ចវិញ្ញាណសហគតំ ឯកំ ខន្ធំ…បេ… ពាហិរំ… អាហារសមុដ្ឋានំ… ¶ ឧតុសមុដ្ឋានំ… អសញ្ញសត្តានំ…បេ… នមគ្គបច្ចយា… នសម្បយុត្តបច្ចយា….

នវិប្បយុត្តបច្ចយោ

៤១. នវិប្បយុត្តបច្ចយា… អរូបេ សវិតក្កសវិចារំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

សវិតក្កសវិចារំ ធម្មំ បដិច្ច អវិតក្កវិចារមត្តោ ធម្មោ ឧប្បជ្ជតិ នវិប្បយុត្តបច្ចយា – អរូបេ សវិតក្កសវិចារេ ខន្ធេ បដិច្ច វិតក្កោ. (២)

សវិតក្កសវិចារំ ធម្មំ បដិច្ច សវិតក្កសវិចារោ ច អវិតក្កវិចារមត្តោ ច ធម្មា ឧប្បជ្ជន្តិ នវិប្បយុត្តបច្ចយា – អរូបេ សវិតក្កសវិចារំ ឯកំ ខន្ធំ បដិច្ច តយោ ខន្ធា វិតក្កោ ច…បេ… ទ្វេ ខន្ធេ បដិច្ច ទ្វេ ខន្ធា វិតក្កោ ច. (៣)

៤២. អវិតក្កវិចារមត្តំ ធម្មំ បដិច្ច អវិតក្កវិចារមត្តោ ធម្មោ ឧប្បជ្ជតិ នវិប្បយុត្តបច្ចយា – អរូបេ អវិតក្កវិចារមត្តំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

អវិតក្កវិចារមត្តំ ធម្មំ បដិច្ច សវិតក្កសវិចារោ ធម្មោ ឧប្បជ្ជតិ នវិប្បយុត្តបច្ចយា – អរូបេ វិតក្កំ បដិច្ច សវិតក្កសវិចារា ខន្ធា. (២)

អវិតក្កវិចារមត្តំ ¶ ¶ ធម្មំ បដិច្ច អវិតក្កអវិចារោ ធម្មោ ឧប្បជ្ជតិ នវិប្បយុត្តបច្ចយា – អរូបេ អវិតក្កវិចារមត្តេ ខន្ធេ បដិច្ច វិចារោ. (៣)

អវិតក្កវិចារមត្តំ ធម្មំ បដិច្ច អវិតក្កវិចារមត្តោ ច អវិតក្កអវិចារោ ច ធម្មា ឧប្បជ្ជន្តិ នវិប្បយុត្តបច្ចយា – អរូបេ អវិតក្កវិចារមត្តំ ¶ ឯកំ ខន្ធំ បដិច្ច តយោ ខន្ធា វិចារោ ច…បេ… ទ្វេ ខន្ធេ បដិច្ច ទ្វេ ខន្ធា វិចារោ ច. (៤)

អវិតក្កអវិចារំ ធម្មំ បដិច្ច អវិតក្កអវិចារោ ធម្មោ ឧប្បជ្ជតិ នវិប្បយុត្តបច្ចយា – អរូបេ អវិតក្កអវិចារំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា; ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ បដិច្ច…បេ…. (១)

អវិតក្កអវិចារំ ធម្មំ បដិច្ច អវិតក្កវិចារមត្តោ ធម្មោ ឧប្បជ្ជតិ នវិប្បយុត្តបច្ចយា – អរូបេ វិចារំ បដិច្ច អវិតក្កវិចារមត្តា ខន្ធា. (២)

អវិតក្កវិចារមត្តញ្ច អវិតក្កអវិចារញ្ច ធម្មំ បដិច្ច អវិតក្កវិចារមត្តោ ធម្មោ ឧប្បជ្ជតិ នវិប្បយុត្តបច្ចយា – អរូបេ អវិតក្កវិចារមត្តំ ឯកំ ខន្ធញ្ច វិចារញ្ច បដិច្ច តយោ ខន្ធា…បេ… ទ្វេ ខន្ធេ ច វិចារញ្ច បដិច្ច ទ្វេ ខន្ធា. (១)

សវិតក្កសវិចារញ្ច អវិតក្កវិចារមត្តញ្ច ធម្មំ បដិច្ច សវិតក្កសវិចារោ ធម្មោ ឧប្បជ្ជតិ នវិប្បយុត្តបច្ចយា – អរូបេ សវិតក្កសវិចារំ ឯកំ ខន្ធញ្ច វិតក្កញ្ច បដិច្ច តយោ ខន្ធា…បេ… ទ្វេ ខន្ធេ ច វិតក្កញ្ច បដិច្ច ទ្វេ ខន្ធា. (១)

នោនត្ថិ-នោវិគតបច្ចយា

៤៣. សវិតក្កសវិចារំ ធម្មំ បដិច្ច អវិតក្កអវិចារោ ធម្មោ ឧប្បជ្ជតិ នោនត្ថិបច្ចយា… នោវិគតបច្ចយា… (សំខិត្តំ).

២. បច្ចយបច្ចនីយំ

២. សង្ខ្យាវារោ

សុទ្ធំ

៤៤. នហេតុយា ¶ តេត្តិំស, នអារម្មណេ សត្ត, នអធិបតិយា សត្តតិំស ¶ , នអនន្តរេ សត្ត, នសមនន្តរេ សត្ត, នអញ្ញមញ្ញេ សត្ត, នឧបនិស្សយេ សត្ត, នបុរេជាតេ សត្តតិំស, នបច្ឆាជាតេ សត្តតិំស, នអាសេវនេ សត្តតិំស, នកម្មេ សត្ត, នវិបាកេ តេវីស, នអាហារេ ឯកំ ¶ នឥន្ទ្រិយេ ឯកំ, នឈានេ ឯកំ, នមគ្គេ តេត្តិំស, នសម្បយុត្តេ សត្ត, នវិប្បយុត្តេ ឯកាទស, នោនត្ថិយា សត្ត, នោវិគតេ សត្ត (សំខិត្តំ).

(យថា កុសលត្តិកេ បច្ចនីយគណនា, ឯវំ គណេតព្ពំ.)

បច្ចនីយំ.

៣. បច្ចយានុលោមបច្ចនីយំ

៤៥. ហេតុបច្ចយា នអារម្មណេ សត្ត…បេ… នោវិគតេ សត្ត.

(យថា កុសលត្តិកេ អនុលោមបច្ចនីយគណនា, ឯវំ គណេតព្ពំ.)

៤. បច្ចយបច្ចនីយានុលោមំ

នហេតុទុកំ

៤៦. នហេតុបច្ចយា អារម្មណេ ចុទ្ទស, អនន្តរេ សមនន្តរេ ចុទ្ទស, សហជាតេ តេត្តិំស, អញ្ញមញ្ញេ ពាវីស, និស្សយេ តេត្តិំស, ឧបនិស្សយេ ចុទ្ទស, បុរេជាតេ ឆ, អាសេវនេ បញ្ច, កម្មេ តេត្តិំស…បេ… ឈានេ តេត្តិំស, មគ្គេ តីណិ, សម្បយុត្តេ ចុទ្ទស, វិប្បយុត្តេ តេត្តិំស…បេ… អវិគតេ តេត្តិំស (សំខិត្តំ).

(យថា ¶ កុសលត្តិកេ បច្ចនីយានុលោមគណនា, ឯវំ គណេតព្ពំ.)

បដិច្ចវារោ.

២. សហជាតវារោ

(សហជាតវារោបិ បដិច្ចវារសទិសោ កាតព្ពោ.)

៣. បច្ចយវារោ

១. បច្ចយានុលោមំ

ហេតុបច្ចយោ

៤៧. សវិតក្កសវិចារំ ធម្មំ បច្ចយា សវិតក្កសវិចារោ ធម្មោ ឧប្បជ្ជតិ ហេតុបច្ចយា – សវិតក្កសវិចារំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធា… សត្ត.

អវិតក្កវិចារមត្តំ ¶ ធម្មំ បច្ចយា… បញ្ច (បដិច្ចវារសទិសា).

អវិតក្កអវិចារំ ធម្មំ បច្ចយា អវិតក្កអវិចារោ ធម្មោ ឧប្បជ្ជតិ ហេតុបច្ចយា – អវិតក្កអវិចារំ ឯកំ ខន្ធំ បច្ចយា តយោ ខន្ធា ¶ ចិត្តសមុដ្ឋានញ្ច រូបំ…បេ… ទ្វេ ខន្ធេ បច្ចយា…បេ… វិចារំ បច្ចយា ចិត្តសមុដ្ឋានំ រូបំ. បដិសន្ធិក្ខណេ…បេ… វត្ថុំ បច្ចយា អវិតក្កអវិចារា ខន្ធា, វត្ថុំ បច្ចយា វិចារោ. (១)

អវិតក្កអវិចារំ ធម្មំ បច្ចយា សវិតក្កសវិចារោ ធម្មោ ឧប្បជ្ជតិ…បេ… វត្ថុំ បច្ចយា សវិតក្កសវិចារា ខន្ធា. បដិសន្ធិក្ខណេ…បេ…. (២)

អវិតក្កអវិចារំ ធម្មំ បច្ចយា អវិតក្កវិចារមត្តោ ធម្មោ…បេ… វិចារំ បច្ចយា អវិតក្កវិចារមត្តា ខន្ធា, វត្ថុំ បច្ចយា អវិតក្កវិចារមត្តា ¶ ខន្ធា, វត្ថុំ បច្ចយា វិតក្កោ. បដិសន្ធិក្ខណេ…បេ…. (៣)

អវិតក្កអវិចារំ ធម្មំ បច្ចយា សវិតក្កសវិចារោ ច អវិតក្កអវិចារោ ច ធម្មា ឧប្បជ្ជន្តិ…បេ… វត្ថុំ បច្ចយា សវិតក្កសវិចារា ខន្ធា, មហាភូតេ បច្ចយា ចិត្តសមុដ្ឋានំ រូបំ. បដិសន្ធិក្ខណេ…បេ…. (៤)

អវិតក្កអវិចារំ ធម្មំ បច្ចយា អវិតក្កវិចារមត្តោ ច អវិតក្កអវិចារោ ច ធម្មា…បេ… វិចារំ បច្ចយា អវិតក្កវិចារមត្តា ខន្ធា ចិត្តសមុដ្ឋានញ្ច រូបំ, វត្ថុំ បច្ចយា អវិតក្កវិចារមត្តា ខន្ធា, មហាភូតេ បច្ចយា ចិត្តសមុដ្ឋានំ រូបំ, វត្ថុំ បច្ចយា វិតក្កោ, មហាភូតេ បច្ចយា ចិត្តសមុដ្ឋានំ រូបំ, វត្ថុំ បច្ចយា អវិតក្កវិចារមត្តា ខន្ធា ច វិចារោ ច. បដិសន្ធិក្ខណេ…បេ…. (៥)

អវិតក្កអវិចារំ ធម្មំ បច្ចយា សវិតក្កសវិចារោ ច អវិតក្កវិចារមត្តោ ច ធម្មា…បេ… វត្ថុំ បច្ចយា សវិតក្កសវិចារា ខន្ធា ច វិតក្កោ ច. បដិសន្ធិក្ខណេ…បេ…. (៦)

អវិតក្កអវិចារំ ធម្មំ បច្ចយា សវិតក្កសវិចារោ ច អវិតក្កវិចារមត្តោ ច អវិតក្កអវិចារោ ¶ ច ធម្មា…បេ… វត្ថុំ បច្ចយា សវិតក្កសវិចារា ខន្ធា ច វិតក្កោ ច, មហាភូតេ បច្ចយា ចិត្តសមុដ្ឋានំ រូបំ. បដិសន្ធិក្ខណេ…បេ…. (៧)

៤៨. សវិតក្កសវិចារញ្ច អវិតក្កអវិចារញ្ច ធម្មំ បច្ចយា សវិតក្កសវិចារោ ធម្មោ…បេ… សវិតក្កសវិចារំ ឯកំ ខន្ធញ្ច វត្ថុញ្ច បច្ចយា តយោ ខន្ធា ¶ …បេ… ទ្វេ ខន្ធេ…បេ… បដិសន្ធិក្ខណេ…បេ… សវិតក្កសវិចារញ្ច អវិតក្កអវិចារញ្ច ធម្មំ បច្ចយា អវិតក្កវិចារមត្តោ ធម្មោ…បេ… (បឋមឧទាហរណេ បវត្តេ បដិសន្ធិក្ខណេ សត្ត បញ្ហា កាតព្ពា).

អវិតក្កវិចារមត្តញ្ច អវិតក្កអវិចារញ្ច ធម្មំ បច្ចយា សវិតក្កសវិចារោ ធម្មោ ¶ …បេ… វិតក្កញ្ច វត្ថុញ្ច បច្ចយា សវិតក្កសវិចារា ខន្ធា. បដិសន្ធិក្ខណេ…បេ…. (១)

អវិតក្កវិចារមត្តញ្ច អវិតក្កអវិចារញ្ច ធម្មំ បច្ចយា អវិតក្កវិចារមត្តោ ធម្មោ…បេ… អវិតក្កវិចារមត្តំ ឯកំ ខន្ធញ្ច វិចារញ្ច បច្ចយា តយោ ខន្ធា…បេ… អវិតក្កវិចារមត្តំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… បដិសន្ធិក្ខណេ អវិតក្កវិចារមត្តំ ឯកំ ខន្ធញ្ច វិចារញ្ច បច្ចយា តយោ ខន្ធា…បេ… បដិសន្ធិក្ខណេ អវិតក្កវិចារមត្តំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ…. (២)

អវិតក្កវិចារមត្តញ្ច អវិតក្កអវិចារញ្ច ធម្មំ បច្ចយា អវិតក្កអវិចារោ ធម្មោ ឧប្បជ្ជតិ…បេ… អវិតក្កវិចារមត្តេ ខន្ធេ ច វិចារញ្ច បច្ចយា ចិត្តសមុដ្ឋានំ រូបំ, អវិតក្កវិចារមត្តេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ, វិតក្កញ្ច ¶ មហាភូតេ ច បច្ចយា ចិត្តសមុដ្ឋានំ រូបំ, អវិតក្កវិចារមត្តេ ខន្ធេ ច វត្ថុញ្ច បច្ចយា វិចារោ (ឯវំ បដិសន្ធិក្ខណេ ចត្តារោ). (៣)

អវិតក្កវិចារមត្តញ្ច អវិតក្កអវិចារញ្ច ធម្មំ បច្ចយា សវិតក្កសវិចារោ ច អវិតក្កអវិចារោ ច ធម្មា ឧប្បជ្ជន្តិ…បេ… វិតក្កញ្ច វត្ថុញ្ច បច្ចយា សវិតក្កសវិចារា ខន្ធា, វិតក្កញ្ច មហាភូតេ ច បច្ចយា ចិត្តសមុដ្ឋានំ រូបំ. បដិសន្ធិក្ខណេ…បេ…. (៤)

អវិតក្កវិចារមត្តញ្ច អវិតក្កអវិចារញ្ច ធម្មំ បច្ចយា អវិតក្កវិចារមត្តោ ច អវិតក្កអវិចារោ ច ធម្មា ឧប្បជ្ជន្តិ…បេ… អវិតក្កវិចារមត្តំ ឯកំ ខន្ធញ្ច វិចារញ្ច បច្ចយា តយោ ខន្ធា ចិត្តសមុដ្ឋានញ្ច រូបំ…បេ… អវិតក្កវិចារមត្តំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… អវិតក្កវិចារមត្តេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ, អវិតក្កវិចារមត្តំ ឯកំ ខន្ធញ្ច វត្ថុញ្ច បច្ចយា តយោ ខន្ធា វិចារោ ច…បេ… បដិសន្ធិក្ខណេ តយោ ខន្ធា…បេ…. (៥)

(អវសេសេសុ ទ្វីសុ ឃដនេសុ បវត្តិ បដិសន្ធិ វិត្ថារេតព្ពា.)

ហេតុបច្ចយោ.

(ហេតុបច្ចយំ ¶ ¶ អនុមជ្ជន្តេន បច្ចយវារោ វិត្ថារេតព្ពោ. យថា បដិច្ចគណនា ឯវំ គណេតព្ពា. អធិបតិយា សត្តតិំស, បុរេជាតេ ច អាសេវនេ ច ឯកវីស, អយំ ឯត្ថ វិសេសោ.)

២. បច្ចយបច្ចនីយំ

៤៩. បច្ចនីយេ – នហេតុយា តេត្តិំស បញ្ហា, សត្តសុ ឋានេសុ សត្ត ¶ មោហា ឧទ្ធរិតព្ពា មូលបទេសុយេវ. នអារម្មណេ សត្ត ចិត្តសមុដ្ឋានា ឧទ្ធរិតព្ពា.

នអធិបតិបច្ចយោ

៥០. សវិតក្កសវិចារមូលកា សត្ត បញ្ហា នអធិបតិយា កាតព្ពា.

អវិតក្កវិចារមត្តំ ធម្មំ បច្ចយា អវិតក្កវិចារមត្តោ ធម្មោ ឧប្បជ្ជតិ នអធិបតិបច្ចយា – អវិតក្កវិចារមត្តេ ខន្ធេ បច្ចយា អវិតក្កវិចារមត្តា អធិបតិ, វិបាកំ អវិតក្កវិចារមត្តំ ឯកំ ខន្ធំ បច្ចយា តយោ ខន្ធា…បេ… បដិសន្ធិក្ខណេ…បេ…. (១)

អវិតក្កវិចារមត្តំ ធម្មំ បច្ចយា (យថា បដិច្ចនយេ តថា បញ្ច បញ្ហា កាតព្ពា).

៥១. អវិតក្កអវិចារំ ធម្មំ បច្ចយា អវិតក្កអវិចារោ ធម្មោ ឧប្បជ្ជតិ…បេ… អវិតក្កអវិចារេ ខន្ធេ បច្ចយា អវិតក្កអវិចារា អធិបតិ, វិបាកំ អវិតក្កអវិចារំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… វិបាកំ វិចារំ បច្ចយា ចិត្តសមុដ្ឋានំ រូបំ. បដិសន្ធិក្ខណេ…បេ… វត្ថុំ បច្ចយា អវិតក្កអវិចារា អធិបតិ, វត្ថុំ បច្ចយា វិបាកា អវិតក្កអវិចារា ខន្ធា ច វិចារោ ច…បេ…. (១)

អវិតក្កអវិចារំ ធម្មំ បច្ចយា សវិតក្កសវិចារោ ធម្មោ…បេ… វត្ថុំ បច្ចយា សវិតក្កសវិចារា ខន្ធា. បដិសន្ធិក្ខណេ…បេ…. (២)

អវិតក្កអវិចារំ ¶ ធម្មំ បច្ចយា អវិតក្កវិចារមត្តោ ធម្មោ…បេ… វិចារំ បច្ចយា អវិតក្កវិចារមត្តា អធិបតិ, វត្ថុំ បច្ចយា អវិតក្កវិចារមត្តា អធិបតិ, វិបាកំ វិចារំ បច្ចយា អវិតក្កវិចារមត្តា ខន្ធា, វត្ថុំ បច្ចយា វិបាកា អវិតក្កវិចារមត្តា ខន្ធា. បដិសន្ធិក្ខណេ…បេ…. (៣)

អវិតក្កអវិចារំ ¶ ធម្មំ បច្ចយា សវិតក្កសវិចារោ ¶ ច អវិតក្កអវិចារោ ច ធម្មា…បេ… វត្ថុំ បច្ចយា សវិតក្កសវិចារា ខន្ធា, មហាភូតេ បច្ចយា ចិត្តសមុដ្ឋានំ រូបំ. បដិសន្ធិក្ខណេ…បេ…. (៤)

អវិតក្កអវិចារំ ធម្មំ បច្ចយា អវិតក្កវិចារមត្តោ ច អវិតក្កអវិចារោ ច ធម្មា…បេ… វិបាកំ វិចារំ បច្ចយា អវិតក្កវិចារមត្តា ខន្ធា ចិត្តសមុដ្ឋានញ្ច រូបំ, វត្ថុំ បច្ចយា វិបាកា អវិតក្កវិចារមត្តា ខន្ធា, មហាភូតេ បច្ចយា ចិត្តសមុដ្ឋានំ រូបំ, វត្ថុំ បច្ចយា វិតក្កោ, មហាភូតេ បច្ចយា ចិត្តសមុដ្ឋានំ រូបំ, វត្ថុំ បច្ចយា វិបាកា អវិតក្កវិចារមត្តា ខន្ធា ច វិចារោ ច. បដិសន្ធិក្ខណេ…បេ…. (៥)

អវិតក្កអវិចារំ ធម្មំ បច្ចយា សវិតក្កសវិចារោ ច អវិតក្កវិចារមត្តោ ច ធម្មា…បេ… វត្ថុំ បច្ចយា សវិតក្កសវិចារា ខន្ធា ច វិតក្កោ ច. បដិសន្ធិក្ខណេ…បេ…. (៦)

(បឋមឃដនាយំ សម្បុណ្ណា សត្ត បញ្ហា កាតព្ពា.)

៥២. អវិតក្កវិចារមត្តញ្ច អវិតក្កអវិចារញ្ច ធម្មំ បច្ចយា សវិតក្កសវិចារោ ធម្មោ ឧប្បជ្ជតិ…បេ… វិតក្កញ្ច វត្ថុញ្ច បច្ចយា សវិតក្កសវិចារា ខន្ធា. បដិសន្ធិក្ខណេ…បេ….

អវិតក្កវិចារមត្តញ្ច អវិតក្កអវិចារញ្ច ធម្មំ បច្ចយា អវិតក្កវិចារមត្តោ ធម្មោ ឧប្បជ្ជតិ…បេ… អវិតក្កវិចារមត្តេ ខន្ធេ ច វិចារញ្ច បច្ចយា អវិតក្កវិចារមត្តា អធិបតិ, អវិតក្កវិចារមត្តេ ខន្ធេ ច វត្ថុញ្ច បច្ចយា អវិតក្កវិចារមត្តា ¶ អធិបតិ, វិបាកំ អវិតក្កវិចារមត្តំ ឯកំ ខន្ធញ្ច វិចារញ្ច បច្ចយា…បេ… វិបាកំ អវិតក្កវិចារមត្តំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ….

(បដិសន្ធិក្ខណេ បញ្ច បញ្ហា កាតព្ពា. យត្ថ ¶ អវិតក្កវិចារមត្តំ អាគច្ឆតិ តត្ថ វិបាកំ កាតព្ពំ. នអធិបតិមូលកេ សត្តតិំស បញ្ហា កាតព្ពា.)

នអនន្តរបច្ចយាទិ

៥៣. នអនន្តរម្បិ [នអនន្តរេបិ (ក.)] នសមនន្តរម្បិ នអញ្ញមញ្ញម្បិ នឧបនិស្សយម្បិ សត្ត បញ្ហា រូបំយេវ. នបុរេជាតេ សត្តតិំស បដិច្ចវារបច្ចនីយសទិសំ. នបច្ឆាជាតេ សត្តតិំស ¶ , នអាសេវនេបិ សទិសំ. យត្ថ អវិតក្កវិចារមត្តោបិ អាគច្ឆតិ, តត្ថ វិបាកា កាតព្ពា.

នកម្មបច្ចយោ

៥៤. សវិតក្កសវិចារំ ធម្មំ បច្ចយា សវិតក្កសវិចារោ ធម្មោ ឧប្បជ្ជតិ នកម្មបច្ចយា – សវិតក្កសវិចារេ ខន្ធេ បច្ចយា សវិតក្កសវិចារា ចេតនា. (១)

អវិតក្កវិចារមត្តំ ធម្មំ បច្ចយា អវិតក្កវិចារមត្តោ ធម្មោ…បេ… អវិតក្កវិចារមត្តេ ខន្ធេ បច្ចយា អវិតក្កវិចារមត្តា ចេតនា. សវិតក្កសវិចារោ ធម្មោ…បេ… វិតក្កំ បច្ចយា សវិតក្កសវិចារា ចេតនា. (២)

អវិតក្កអវិចារំ ធម្មំ បច្ចយា អវិតក្កអវិចារោ ធម្មោ…បេ… អវិតក្កអវិចារា ចេតនា…បេ… (បរិបុណ្ណំ កាតព្ពំ) សវិតក្កសវិចារោ…បេ… វត្ថុំ បច្ចយា សវិតក្កសវិចារា ចេតនា. អវិតក្កវិចារមត្តោ…បេ… វិចារំ បច្ចយា អវិតក្កវិចារមត្តា ចេតនា. វត្ថុំ បច្ចយា អវិតក្កវិចារមត្តា ចេតនា. (៣)

៥៥. សវិតក្កសវិចារញ្ច អវិតក្កអវិចារញ្ច ធម្មំ បច្ចយា សវិតក្កសវិចារោ ធម្មោ…បេ… សវិតក្កសវិចារេ ខន្ធេ ច វត្ថុញ្ច បច្ចយា សវិតក្កសវិចារា ចេតនា. (១)

អវិតក្កវិចារមត្តញ្ច ¶ អវិតក្កអវិចារញ្ច ធម្មំ បច្ចយា សវិតក្កសវិចារោ ធម្មោ…បេ… វិតក្កញ្ច វត្ថុញ្ច បច្ចយា សវិតក្កសវិចារា ចេតនា. (១)

អវិតក្កវិចារមត្តញ្ច អវិតក្កអវិចារញ្ច ធម្មំ បច្ចយា អវិតក្កវិចារមត្តោ ធម្មោ…បេ… អវិតក្កវិចារមត្តេ ¶ ខន្ធេ ច វិចារញ្ច បច្ចយា អវិតក្កវិចារមត្តា ចេតនា. អវិតក្កវិចារមត្តេ ខន្ធេ ច វត្ថុញ្ច បច្ចយា អវិតក្កវិចារមត្តា ចេតនា. (២)

សវិតក្កសវិចារញ្ច អវិតក្កវិចារមត្តញ្ច ធម្មំ បច្ចយា សវិតក្កសវិចារោ ធម្មោ…បេ… សវិតក្កសវិចារេ ខន្ធេ ច វិតក្កញ្ច បច្ចយា សវិតក្កសវិចារា ចេតនា. (១)

សវិតក្កសវិចារញ្ច ¶ អវិតក្កវិចារមត្តញ្ច អវិតក្កអវិចារញ្ច ធម្មំ បច្ចយា សវិតក្កសវិចារោ ធម្មោ ឧប្បជ្ជតិ នកម្មបច្ចយា – សវិតក្កសវិចារេ ខន្ធេ ច វិតក្កញ្ច វត្ថុញ្ច បច្ចយា សវិតក្កសវិចារា ចេតនា. (១)

(នវិបាកេ សត្តតិំស បញ្ហា កាតព្ពា. នអាហារ-នឥន្ទ្រិយ-នឈាន-នមគ្គ-នសម្បយុត្តនវិប្បយុត្ត-នោនត្ថិ-នោវិគតបច្ចយា វិត្ថារេតព្ពា.)

២. បច្ចយបច្ចនីយំ

២. សង្ខ្យាវារោ

សុទ្ធំ

៥៦. នហេតុយា តេត្តិំស, នអារម្មណេ សត្ត, នអធិបតិយា សត្តតិំស, នអនន្តរេ នសមនន្តរេ នអញ្ញមញ្ញេ នឧបនិស្សយេ សត្ត, នបុរេជាតេ នបច្ឆាជាតេ នអាសេវនេ សត្តតិំស, នកម្មេ ឯកាទស, នវិបាកេ សត្តតិំស, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ តេត្តិំស, នសម្បយុត្តេ សត្ត, នវិប្បយុត្តេ ឯកាទស, នោនត្ថិយា សត្ត, នោវិគតេ សត្ត.

៣. បច្ចយានុលោមបច្ចនីយំ

៥៧. ហេតុបច្ចយា ¶ នអារម្មណេ សត្ត…បេ… នោវិគតេ សត្ត.

អនុលោមបច្ចនីយំ.

៤. បច្ចយបច្ចនីយានុលោមំ

៥៨. នហេតុបច្ចយា អារម្មណេ អនន្តរេ សមនន្តរេ ចុទ្ទស, សហជាតេ តេត្តិំស, អញ្ញមញ្ញេ ពាវីស, និស្សយេ តេត្តិំស, ឧបនិស្សយេ បុរេជាតេ ចុទ្ទស, អាសេវនេ តេរស, កម្មេ វិបាកេ អាហារេ ឥន្ទ្រិយេ ឈានេ តេត្តិំស, មគ្គេ បញ្ច, សម្បយុត្តេ ចុទ្ទស, វិប្បយុត្តេ អត្ថិយា តេត្តិំស…បេ… អវិគតេ តេត្តិំស.

បច្ចនីយានុលោមំ.

បច្ចយវារោ.

៤. និស្សយវារោ

(និស្សយម្បិ និន្នានំ)

៥. សំសដ្ឋវារោ

១. បច្ចយានុលោមំ

ហេតុបច្ចយោ

៥៩. សវិតក្កសវិចារំ ¶ ¶ ¶ ធម្មំ សំសដ្ឋោ សវិតក្កសវិចារោ ធម្មោ ឧប្បជ្ជតិ ហេតុបច្ចយា – សវិតក្កសវិចារំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. (១)

សវិតក្កសវិចារំ ធម្មំ សំសដ្ឋោ អវិតក្កវិចារមត្តោ ធម្មោ…បេ… សវិតក្កសវិចារេ ខន្ធេ សំសដ្ឋោ វិតក្កោ. បដិសន្ធិក្ខណេ…បេ…. (២)

សវិតក្កសវិចារំ ធម្មំ សំសដ្ឋោ សវិតក្កសវិចារោ ច អវិតក្កវិចារមត្តោ ច ធម្មា…បេ… សវិតក្កសវិចារំ ឯកំ ខន្ធំ សំសដ្ឋា តយោ ខន្ធា វិតក្កោ ច…បេ… ទ្វេ ខន្ធេ…បេ… បដិសន្ធិក្ខណេ…បេ…. (៣)

៦០. អវិតក្កវិចារមត្តំ ធម្មំ សំសដ្ឋោ អវិតក្កវិចារមត្តោ ធម្មោ ឧប្បជ្ជតិ ហេតុបច្ចយា – អវិតក្កវិចារមត្តំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. (១)

អវិតក្កវិចារមត្តំ ធម្មំ សំសដ្ឋោ សវិតក្កសវិចារោ ធម្មោ…បេ… វិតក្កំ សំសដ្ឋា សវិតក្កសវិចារា ខន្ធា. បដិសន្ធិក្ខណេ…បេ…. (២)

អវិតក្កវិចារមត្តំ ធម្មំ សំសដ្ឋោ អវិតក្កអវិចារោ ធម្មោ…បេ… អវិតក្កវិចារមត្តេ ខន្ធេ សំសដ្ឋោ វិចារោ. បដិសន្ធិក្ខណេ អវិតក្កវិចារមត្តេ ខន្ធេ សំសដ្ឋោ វិចារោ. (៣)

អវិតក្កវិចារមត្តំ ធម្មំ សំសដ្ឋោ អវិតក្កវិចារមត្តោ ច អវិតក្កអវិចារោ ច ធម្មា ¶ …បេ… អវិតក្កវិចារមត្តំ ឯកំ ខន្ធំ សំសដ្ឋា តយោ ខន្ធា វិចារោ ច…បេ… ទ្វេ ខន្ធេ…បេ… បដិសន្ធិក្ខណេ…បេ…. (៤)

៦១. អវិតក្កអវិចារំ ធម្មំ សំសដ្ឋោ អវិតក្កអវិចារោ ធម្មោ ឧប្បជ្ជតិ ហេតុបច្ចយា – អវិតក្កអវិចារំ ឯកំ ខន្ធំ សំសដ្ឋា ¶ តយោ ខន្ធា…បេ… ទ្វេ ខន្ធេ សំសដ្ឋា…បេ… បដិសន្ធិក្ខណេ…បេ…. (១)

អវិតក្កអវិចារំ ¶ ធម្មំ សំសដ្ឋោ អវិតក្កវិចារមត្តោ ធម្មោ…បេ… វិចារំ សំសដ្ឋា អវិតក្កវិចារមត្តា ខន្ធា. បដិសន្ធិក្ខណេ វិចារំ សំសដ្ឋា…បេ…. (២)

អវិតក្កវិចារមត្តញ្ច អវិតក្កអវិចារញ្ច ធម្មំ សំសដ្ឋោ អវិតក្កវិចារមត្តោ ធម្មោ…បេ… អវិតក្កវិចារមត្តំ ឯកំ ខន្ធញ្ច វិចារញ្ច សំសដ្ឋា តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. (១)

សវិតក្កសវិចារញ្ច អវិតក្កវិចារមត្តញ្ច ធម្មំ សំសដ្ឋោ សវិតក្កសវិចារោ ធម្មោ ឧប្បជ្ជតិ ហេតុបច្ចយា – សវិតក្កសវិចារំ ឯកំ ខន្ធញ្ច វិតក្កញ្ច សំសដ្ឋា តយោ ខន្ធា…បេ… ទ្វេ ខន្ធេ ច វិតក្កញ្ច…បេ… បដិសន្ធិក្ខណេ…បេ…. (១)

(ហេតុបច្ចយំ អនុមជ្ជន្តេន សព្ពេ បច្ចយា វិត្ថារេតព្ពា).

សុទ្ធំ

៦២. ហេតុយា ឯកាទស, អារម្មណេ អធិបតិយា អនន្តរេ សមនន្តរេ សហជាតេ អញ្ញមញ្ញេ និស្សយេ ឧបនិស្សយេ បុរេជាតេ អាសេវនេ កម្មេ វិបាកេ អាហារេ ឥន្ទ្រិយេ ឈានេ មគ្គេ សម្បយុត្តេ វិប្បយុត្តេ អត្ថិយា នត្ថិយា វិគតេ អវិគតេ សព្ពត្ថ ឯកាទស.

អនុលោមំ.

២. បច្ចយបច្ចនីយំ

(បច្ចនីយំ ¶ កាតព្ពំ អសម្មោហន្តេន.)

៦៣. នហេតុយា ឆ, នអធិបតិយា ឯកាទស, នបុរេជាតេ ឯកាទស, នបច្ឆាជាតេ ឯកាទស, នអាសេវនេ ឯកាទស, នកម្មេ សត្ត, នវិបាកេ ¶ ឯកាទស, នឈានេ ឯកំ, នមគ្គេ ឆ, នវិប្បយុត្តេ ឯកាទស.

បច្ចនីយំ.

៣. បច្ចយានុលោមបច្ចនីយំ

ទុកំ

៦៤. ហេតុបច្ចយា ¶ នអធិបតិយា ឯកាទស…បេ… នវិប្បយុត្តេ ឯកាទស (សំខិត្តំ).

អនុលោមបច្ចនីយំ.

៤. បច្ចយបច្ចនីយានុលោមំ

៦៥. នហេតុបច្ចយា អារម្មណេ ឆ…បេ… បុរេជាតេ ឆ, អាសេវនេ បញ្ច, កម្មេ ឆ…បេ… ឈានេ ឆ, មគ្គេ តីណិ, សម្បយុត្តេ ឆ…បេ… អវិគតេ ឆ.

បច្ចនីយានុលោមំ

៦. សម្បយុត្តវារោ

(សម្បយុត្តវារោបិ វិត្ថារេតព្ពោ).

៧. បញ្ហាវារោ

១. បច្ចយានុលោមំ

១. វិភង្គវារោ

ហេតុបច្ចយោ

៦៦. សវិតក្កសវិចារោ ¶ ធម្មោ សវិតក្កសវិចារស្ស ធម្មស្ស ហេតុបច្ចយេន បច្ចយោ – សវិតក្កសវិចារា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ. បដិសន្ធិក្ខណេ…បេ…. (១)

សវិតក្កសវិចារោ ធម្មោ អវិតក្កវិចារមត្តស្ស ធម្មស្ស ហេតុបច្ចយេន បច្ចយោ – សវិតក្កសវិចារា ហេតូ វិតក្កស្ស ហេតុបច្ចយេន បច្ចយោ. បដិសន្ធិក្ខណេ…បេ…. (២)

សវិតក្កសវិចារោ ធម្មោ អវិតក្កអវិចារស្ស ធម្មស្ស ហេតុបច្ចយេន បច្ចយោ – សវិតក្កសវិចារា ហេតូ ចិត្តសមុដ្ឋានានំ រូបានំ ហេតុបច្ចយេន បច្ចយោ. បដិសន្ធិក្ខណេ សវិតក្កសវិចារា ហេតូ កដត្តារូបានំ ហេតុបច្ចយេន បច្ចយោ. (៣)

សវិតក្កសវិចារោ ¶ ធម្មោ សវិតក្កសវិចារស្ស ច អវិតក្កអវិចារស្ស ច ធម្មស្ស ហេតុបច្ចយេន បច្ចយោ – សវិតក្កសវិចារា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. បដិសន្ធិក្ខណេ សវិតក្កសវិចារា ហេតូ សម្បយុត្តកានំ ¶ ខន្ធានំ កដត្តា ច រូបានំ ហេតុបច្ចយេន បច្ចយោ. (៤)

សវិតក្កសវិចារោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស ហេតុបច្ចយេន បច្ចយោ – សវិតក្កសវិចារា ហេតូ វិតក្កស្ស ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. បដិសន្ធិក្ខណេ សវិតក្កសវិចារា ហេតូ វិតក្កស្ស កដត្តា ច រូបានំ ហេតុបច្ចយេន បច្ចយោ. (៥)

សវិតក្កសវិចារោ ¶ ធម្មោ សវិតក្កសវិចារស្ស ច អវិតក្កវិចារមត្តស្ស ច ធម្មស្ស ហេតុបច្ចយេន បច្ចយោ – សវិតក្កសវិចារា ហេតូ សម្បយុត្តកានំ ខន្ធានំ វិតក្កស្ស ច ហេតុបច្ចយេន បច្ចយោ. បដិសន្ធិក្ខណេ សវិតក្កសវិចារា ហេតូ សម្បយុត្តកានំ ខន្ធានំ វិតក្កស្ស ច ហេតុបច្ចយេន បច្ចយោ. (៦)

សវិតក្កសវិចារោ ធម្មោ សវិតក្កសវិចារស្ស ច អវិតក្កវិចារមត្តស្ស ច អវិតក្កអវិចារស្ស ច ធម្មស្ស ហេតុបច្ចយេន បច្ចយោ – សវិតក្កសវិចារា ហេតូ សម្បយុត្តកានំ ខន្ធានំ វិតក្កស្ស ច ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. បដិសន្ធិក្ខណេ សវិតក្កសវិចារា ហេតូ សម្បយុត្តកានំ ខន្ធានំ វិតក្កស្ស ច កដត្តា ច រូបានំ ហេតុបច្ចយេន បច្ចយោ. (៧)

៦៧. អវិតក្កវិចារមត្តោ ធម្មោ អវិតក្កវិចារមត្តស្ស ធម្មស្ស ហេតុបច្ចយេន បច្ចយោ – អវិតក្កវិចារមត្តា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ. បដិសន្ធិក្ខណេ អវិតក្កវិចារមត្តា ហេតូ ¶ សម្បយុត្តកានំ ខន្ធានំ ហេតុបច្ចយេន បច្ចយោ. (១)

អវិតក្កវិចារមត្តោ ធម្មោ អវិតក្កអវិចារស្ស ធម្មស្ស ហេតុបច្ចយេន បច្ចយោ – អវិតក្កវិចារមត្តា ហេតូ វិចារស្ស ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. បដិសន្ធិក្ខណេ អវិតក្កវិចារមត្តា ហេតូ វិចារស្ស ច កដត្តា ច រូបានំ ហេតុបច្ចយេន បច្ចយោ. (២)

អវិតក្កវិចារមត្តោ ¶ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស ហេតុបច្ចយេន បច្ចយោ – អវិតក្កវិចារមត្តា ហេតូ សម្បយុត្តកានំ ខន្ធានំ វិចារស្ស ច ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. បដិសន្ធិក្ខណេ អវិតក្កវិចារមត្តា ហេតូ សម្បយុត្តកានំ ខន្ធានំ វិចារស្ស ច កដត្តា ច រូបានំ ហេតុបច្ចយេន បច្ចយោ. (៣)

៦៨. អវិតក្កអវិចារោ ធម្មោ អវិតក្កអវិចារស្ស ធម្មស្ស ហេតុបច្ចយេន បច្ចយោ – អវិតក្កអវិចារា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន ¶ បច្ចយោ. បដិសន្ធិក្ខណេ អវិតក្កអវិចារា ហេតូ សម្បយុត្តកានំ ខន្ធានំ កដត្តា ច រូបានំ ហេតុបច្ចយេន បច្ចយោ. (១)

អារម្មណបច្ចយោ

៦៩. សវិតក្កសវិចារោ ធម្មោ សវិតក្កសវិចារស្ស ធម្មស្ស អារម្មណបច្ចយេន បច្ចយោ – ទានំ ទត្វា សីលំ សមាទិយិត្វា ឧបោសថកម្មំ កត្វា តំ បច្ចវេក្ខតិ; បុព្ពេ សុចិណ្ណានិ បច្ចវេក្ខតិ; សវិតក្កសវិចារា ¶ ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា ផលំ បច្ចវេក្ខតិ. អរិយា បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ. សវិតក្កសវិចារេ ខន្ធេ អនិច្ចតោ ទុក្ខតោ អនត្តតោ វិបស្សន្តិ អស្សាទេន្តិ អភិនន្ទន្តិ; តំ អារព្ភ រាគោ ឧប្បជ្ជតិ…បេ… ទោមនស្សំ ឧប្បជ្ជតិ. សវិតក្កសវិចារេ ខន្ធេ អារព្ភ សវិតក្កសវិចារា ខន្ធា ឧប្បជ្ជន្តិ. (១)

សវិតក្កសវិចារោ ធម្មោ អវិតក្កវិចារមត្តស្ស ធម្មស្ស អារម្មណបច្ចយេន បច្ចយោ – ទានំ ទត្វា សីលំ សមាទិយិត្វា ឧបោសថកម្មំ កត្វា តំ បច្ចវេក្ខតិ; តំ អារព្ភ វិតក្កោ ឧប្បជ្ជតិ. បុព្ពេ សុចិណ្ណានិ បច្ចវេក្ខតិ; សវិតក្កសវិចារា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា ផលំ បច្ចវេក្ខតិ; តំ អារព្ភ វិតក្កោ ឧប្បជ្ជតិ. អរិយា បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ. សវិតក្កសវិចារេ ខន្ធេ អនិច្ចតោ ទុក្ខតោ ¶ អនត្តតោ វិបស្សន្តិ អស្សាទេន្តិ អភិនន្ទន្តិ; តំ អារព្ភ វិតក្កោ ឧប្បជ្ជតិ. សវិតក្កសវិចារេ ខន្ធេ អារព្ភ វិតក្កោ ឧប្បជ្ជតិ. (២)

សវិតក្កសវិចារោ ធម្មោ អវិតក្កអវិចារស្ស ធម្មស្ស អារម្មណបច្ចយេន បច្ចយោ – ចេតោបរិយញាណេន សវិតក្កសវិចារចិត្តសមង្គិស្ស ចិត្តំ ជានាតិ; សវិតក្កសវិចារា ខន្ធា ចេតោបរិយញាណស្ស ¶ , បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស អារម្មណបច្ចយេន បច្ចយោ. សវិតក្កសវិចារេ ខន្ធេ អារព្ភ អវិតក្កអវិចារា ខន្ធា ឧប្បជ្ជន្តិ. (៣)

សវិតក្កសវិចារោ ¶ ធម្មោ សវិតក្កសវិចារស្ស ច អវិតក្កវិចារមត្តស្ស ច ធម្មស្ស អារម្មណបច្ចយេន បច្ចយោ – ទានំ ទត្វា សីលំ សមាទិយិត្វា ឧបោសថកម្មំ កត្វា តំ បច្ចវេក្ខតិ; តំ អារព្ភ សវិតក្កសវិចារា ខន្ធា ច វិតក្កោ ច ឧប្បជ្ជន្តិ. បុព្ពេ សុចិណ្ណានិ បច្ចវេក្ខតិ; សវិតក្កសវិចារា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា ផលំ បច្ចវេក្ខតិ; តំ អារព្ភ សវិតក្កសវិចារា ខន្ធា ច វិតក្កោ ច ឧប្បជ្ជន្តិ. អរិយា បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ. សវិតក្កសវិចារេ ខន្ធេ អនិច្ចតោ ទុក្ខតោ អនត្តតោ វិបស្សន្តិ អស្សាទេន្តិ អភិនន្ទន្តិ; តំ អារព្ភ សវិតក្កសវិចារា ខន្ធា ច វិតក្កោ ច ឧប្បជ្ជន្តិ. សវិតក្កសវិចារេ ខន្ធេ អារព្ភ សវិតក្កសវិចារា ខន្ធា ច វិតក្កោ ច ឧប្បជ្ជន្តិ. (៤)

៧០. អវិតក្កវិចារមត្តោ ធម្មោ អវិតក្កវិចារមត្តស្ស ធម្មស្ស អារម្មណបច្ចយេន បច្ចយោ – អវិតក្កវិចារមត្តា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា ផលំ បច្ចវេក្ខតិ; តំ អារព្ភ វិតក្កោ ឧប្បជ្ជតិ. អវិតក្កវិចារមត្តេ ខន្ធេ ច វិតក្កញ្ច អនិច្ចតោ ទុក្ខតោ អនត្តតោ វិបស្សតិ អស្សាទេតិ អភិនន្ទតិ; តំ អារព្ភ វិតក្កោ ¶ ឧប្បជ្ជតិ. អវិតក្កវិចារមត្តេ ខន្ធេ ច វិតក្កញ្ច អារព្ភ វិតក្កោ ឧប្បជ្ជតិ. (១)

អវិតក្កវិចារមត្តោ ធម្មោ សវិតក្កសវិចារស្ស ធម្មស្ស អារម្មណបច្ចយេន បច្ចយោ – អវិតក្កវិចារមត្តា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា ផលំ បច្ចវេក្ខន្តិ; តំ អារព្ភ សវិតក្កសវិចារា ខន្ធា ឧប្បជ្ជន្តិ. អវិតក្កវិចារមត្តេ ខន្ធេ ច វិតក្កញ្ច អនិច្ចតោ ទុក្ខតោ អនត្តតោ ¶ វិបស្សតិ អស្សាទេតិ អភិនន្ទតិ; តំ អារព្ភ រាគោ ឧប្បជ្ជតិ…បេ… ទោមនស្សំ ឧប្បជ្ជតិ. អវិតក្កវិចារមត្តេ ខន្ធេ ច វិតក្កញ្ច អារព្ភ សវិតក្កសវិចារា ខន្ធា ឧប្បជ្ជន្តិ. (២)

អវិតក្កវិចារមត្តោ ធម្មោ អវិតក្កអវិចារស្ស ធម្មស្ស អារម្មណបច្ចយេន បច្ចយោ – ចេតោបរិយញាណេន អវិតក្កវិចារមត្តចិត្តសមង្គិស្ស ចិត្តំ ជានាតិ. អវិតក្កវិចារមត្តា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស ¶ អារម្មណបច្ចយេន បច្ចយោ. អវិតក្កវិចារមត្តេ ខន្ធេ ច វិតក្កញ្ច អារព្ភ អវិតក្កអវិចារា ខន្ធា ឧប្បជ្ជន្តិ. (៣)

អវិតក្កវិចារមត្តោ ធម្មោ សវិតក្កសវិចារស្ស ច អវិតក្កវិចារមត្តស្ស ច ធម្មស្ស អារម្មណបច្ចយេន បច្ចយោ – អវិតក្កវិចារមត្តា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា ផលំ បច្ចវេក្ខតិ; តំ អារព្ភ សវិតក្កសវិចារា ខន្ធា ច វិតក្កោ ច ឧប្បជ្ជន្តិ. អវិតក្កវិចារមត្តេ ¶ ខន្ធេ ច វិតក្កញ្ច អនិច្ចតោ ទុក្ខតោ អនត្តតោ វិបស្សតិ អស្សាទេតិ អភិនន្ទតិ; តំ អារព្ភ សវិតក្កសវិចារា ខន្ធា ច វិតក្កោ ច ឧប្បជ្ជន្តិ. អវិតក្កវិចារមត្តេ ខន្ធេ ច វិតក្កញ្ច អារព្ភ សវិតក្កសវិចារា ខន្ធា ច វិតក្កោ ច ឧប្បជ្ជន្តិ. (៤)

៧១. អវិតក្កអវិចារោ ធម្មោ អវិតក្កអវិចារស្ស ធម្មស្ស អារម្មណបច្ចយេន បច្ចយោ – និព្ពានំ អវិតក្កអវិចារស្ស មគ្គស្ស ផលស្ស វិចារស្ស ច អារម្មណបច្ចយេន បច្ចយោ. ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, ចេតោបរិយញាណេន អវិតក្កអវិចារចិត្តសមង្គិស្ស ចិត្តំ ជានាតិ. អាកាសានញ្ចាយតនំ វិញ្ញាណញ្ចាយតនស្ស…បេ… អាកិញ្ចញ្ញាយតនំ នេវសញ្ញានាសញ្ញាយតនស្ស អារម្មណបច្ចយេន បច្ចយោ. រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស អារម្មណបច្ចយេន បច្ចយោ. អវិតក្កអវិចារា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស អារម្មណបច្ចយេន បច្ចយោ. អវិតក្កអវិចារេ ខន្ធេ ច វិចារញ្ច អារព្ភ អវិតក្កអវិចារា ខន្ធា ឧប្បជ្ជន្តិ. (១)

អវិតក្កអវិចារោ ¶ ធម្មោ សវិតក្កសវិចារស្ស ធម្មស្ស អារម្មណបច្ចយេន បច្ចយោ – អរិយា អវិតក្កអវិចារា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា ផលំ បច្ចវេក្ខន្តិ; តំ អារព្ភ សវិតក្កសវិចារា ខន្ធា ឧប្បជ្ជន្តិ. អរិយា និព្ពានំ បច្ចវេក្ខន្តិ, និព្ពានំ ¶ គោត្រភុស្ស វោទានស្ស សវិតក្កសវិចារស្ស មគ្គស្ស ផលស្ស អាវជ្ជនាយ អារម្មណបច្ចយេន បច្ចយោ. ចក្ខុំ អនិច្ចតោ ទុក្ខតោ អនត្តតោ វិបស្សតិ អស្សាទេតិ អភិនន្ទតិ; តំ អារព្ភ រាគោ ឧប្បជ្ជតិ…បេ… ទោមនស្សំ ឧប្បជ្ជតិ. សោតំ… ឃានំ ¶ … ជិវ្ហំ… កាយំ… រូបេ… សទ្ទេ… គន្ធេ… រសេ… ផោដ្ឋព្ពេ… វត្ថុំ… អវិតក្កអវិចារេ ខន្ធេ ច វិចារញ្ច អនិច្ចតោ ទុក្ខតោ អនត្តតោ វិបស្សតិ អស្សាទេតិ អភិនន្ទតិ; តំ អារព្ភ រាគោ ឧប្បជ្ជតិ…បេ… ទោមនស្សំ ឧប្បជ្ជតិ. អវិតក្កអវិចារេ ខន្ធេ ច វិចារញ្ច អារព្ភ សវិតក្កសវិចារា ខន្ធា ឧប្បជ្ជន្តិ. (២)

អវិតក្កអវិចារោ ធម្មោ អវិតក្កវិចារមត្តស្ស ធម្មស្ស អារម្មណបច្ចយេន បច្ចយោ – អរិយា អវិតក្កអវិចារា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា ផលំ បច្ចវេក្ខន្តិ; តំ អារព្ភ វិតក្កោ ឧប្បជ្ជតិ. អរិយា និព្ពានំ បច្ចវេក្ខន្តិ, និព្ពានំ អវិតក្កវិចារមត្តស្ស មគ្គស្ស ផលស្ស វិតក្កស្ស ច អារម្មណបច្ចយេន បច្ចយោ. ចក្ខុំ អនិច្ចតោ ទុក្ខតោ អនត្តតោ…បេ… វត្ថុំ… អវិតក្កអវិចារេ ខន្ធេ ច វិចារញ្ច អនិច្ចតោ ទុក្ខតោ អនត្តតោ វិបស្សតិ អស្សាទេតិ អភិនន្ទតិ; តំ អារព្ភ វិតក្កោ ឧប្បជ្ជតិ. អវិតក្កអវិចារេ ខន្ធេ ច វិចារញ្ច អារព្ភ វិតក្កោ ឧប្បជ្ជតិ. (៣)

អវិតក្កអវិចារោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស អារម្មណបច្ចយេន បច្ចយោ – និព្ពានំ អវិតក្កវិចារមត្តស្ស មគ្គស្ស ផលស្ស វិចារស្ស ច អារម្មណបច្ចយេន ¶ បច្ចយោ. (៤)

អវិតក្កអវិចារោ ធម្មោ សវិតក្កសវិចារស្ស ច អវិតក្កវិចារមត្តស្ស ច ធម្មស្ស អារម្មណបច្ចយេន បច្ចយោ – អរិយា អវិតក្កអវិចារា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា ផលំ បច្ចវេក្ខន្តិ; តំ អារព្ភ សវិតក្កសវិចារា ខន្ធា ច វិតក្កោ ច ឧប្បជ្ជន្តិ. អរិយា និព្ពានំ បច្ចវេក្ខន្តិ, និព្ពានំ គោត្រភុស្ស វិតក្កស្ស ច វោទានស្ស វិតក្កស្ស ច សវិតក្កសវិចារស្ស មគ្គស្ស វិតក្កស្ស ច សវិតក្កសវិចារស្ស ផលស្ស វិតក្កស្ស ច អាវជ្ជនាយ វិតក្កស្ស ច អារម្មណបច្ចយេន ¶ បច្ចយោ. ចក្ខុំ អនិច្ចតោ ទុក្ខតោ អនត្តតោ វិបស្សតិ អស្សាទេតិ អភិនន្ទតិ; តំ អារព្ភ សវិតក្កសវិចារា ខន្ធា ច វិតក្កោ ច ឧប្បជ្ជន្តិ. សោតំ…បេ… ផោដ្ឋព្ពំ… វត្ថុំ… អវិតក្កអវិចារេ ខន្ធេ ច វិចារញ្ច អនិច្ចតោ ទុក្ខតោ អនត្តតោ វិបស្សតិ អស្សាទេតិ អភិនន្ទតិ; តំ អារព្ភ សវិតក្កសវិចារា ខន្ធា ច វិតក្កោ ច ឧប្បជ្ជន្តិ. (៥)

៧២. អវិតក្កវិចារមត្តោ ¶ ច អវិតក្កអវិចារោ ច ធម្មា សវិតក្កសវិចារស្ស អារម្មណបច្ចយេន បច្ចយោ – អវិតក្កវិចារមត្តេ ខន្ធេ ច វិចារញ្ច អារព្ភ សវិតក្កសវិចារា ខន្ធា ឧប្បជ្ជន្តិ. (១)

អវិតក្កវិចារមត្តោ ច អវិតក្កអវិចារោ ច ធម្មា អវិតក្កវិចារមត្តស្ស អារម្មណបច្ចយេន បច្ចយោ – អវិតក្កវិចារមត្តេ ខន្ធេ ច វិចារញ្ច អារព្ភ វិតក្កោ ឧប្បជ្ជតិ. (២)

អវិតក្កវិចារមត្តោ ច អវិតក្កអវិចារោ ច ធម្មា អវិតក្កអវិចារស្ស ¶ ធម្មស្ស អារម្មណបច្ចយេន បច្ចយោ – អវិតក្កវិចារមត្តា ខន្ធា ច វិចារោ ច ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស អារម្មណបច្ចយេន បច្ចយោ. អវិតក្កវិចារមត្តេ ខន្ធេ ច វិចារញ្ច អារព្ភ អវិតក្កអវិចារា ខន្ធា ឧប្បជ្ជន្តិ. (៣)

អវិតក្កវិចារមត្តោ ច អវិតក្កអវិចារោ ច ធម្មា សវិតក្កសវិចារស្ស ច អវិតក្កវិចារមត្តស្ស ច ធម្មស្ស អារម្មណបច្ចយេន បច្ចយោ – អវិតក្កវិចារមត្តេ ខន្ធេ ច វិចារញ្ច អារព្ភ សវិតក្កសវិចារា ខន្ធា ច វិតក្កោ ច ឧប្បជ្ជន្តិ. (៤)

៧៣. សវិតក្កសវិចារោ ច អវិតក្កវិចារមត្តោ ច ធម្មា សវិតក្កសវិចារស្ស អារម្មណបច្ចយេន បច្ចយោ – សវិតក្កសវិចារេ ខន្ធេ ច វិតក្កញ្ច អារព្ភ សវិតក្កសវិចារា ខន្ធា ឧប្បជ្ជន្តិ. (១)

សវិតក្កសវិចារោ ច អវិតក្កវិចារមត្តោ ច ធម្មា អវិតក្កវិចារមត្តស្ស អារម្មណបច្ចយេន បច្ចយោ – សវិតក្កសវិចារេ ខន្ធេ ច វិតក្កញ្ច អារព្ភ វិតក្កោ ឧប្បជ្ជតិ. (២)

សវិតក្កសវិចារោ ¶ ច អវិតក្កវិចារមត្តោ ច ធម្មា អវិតក្កអវិចារស្ស ធម្មស្ស អារម្មណបច្ចយេន បច្ចយោ – សវិតក្កសវិចារា ខន្ធា ច វិតក្កោ ច ចេតោបរិយញាណស្ស, បុព្ពេនិវាសានុស្សតិញាណស្ស ¶ , យថាកម្មូបគញាណស្ស, អនាគតំសញាណស្ស អារម្មណបច្ចយេន បច្ចយោ. សវិតក្កសវិចារេ ខន្ធេ ច វិតក្កញ្ច អារព្ភ អវិតក្កអវិចារា ¶ ខន្ធា ឧប្បជ្ជន្តិ. (៣)

សវិតក្កសវិចារោ ច អវិតក្កវិចារមត្តោ ច ធម្មា សវិតក្កសវិចារស្ស ច អវិតក្កវិចារមត្តស្ស ច ធម្មស្ស អារម្មណបច្ចយេន បច្ចយោ – សវិតក្កសវិចារេ ខន្ធេ ច វិតក្កញ្ច អារព្ភ សវិតក្កសវិចារា ខន្ធា ច វិតក្កោ ច ឧប្បជ្ជន្តិ. (៤)

អធិបតិបច្ចយោ

៧៤. សវិតក្កសវិចារោ ធម្មោ សវិតក្កសវិចារស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ ទត្វា សីលំ សមាទិយិត្វា ឧបោសថកម្មំ កត្វា តំ គរុំ កត្វា បច្ចវេក្ខតិ; បុព្ពេ សុចិណ្ណានិ គរុំ កត្វា បច្ចវេក្ខតិ. សវិតក្កសវិចារា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា ផលំ គរុំ កត្វា បច្ចវេក្ខតិ. សវិតក្កសវិចារេ ខន្ធេ គរុំ កត្វា អស្សាទេតិ អភិនន្ទតិ; តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. សហជាតាធិបតិ – សវិតក្កសវិចារា អធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ. (១)

សវិតក្កសវិចារោ ធម្មោ អវិតក្កវិចារមត្តស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ ទត្វា សីលំ សមាទិយិត្វា ឧបោសថកម្មំ កត្វា តំ គរុំ កត្វា បច្ចវេក្ខតិ; តំ គរុំ កត្វា វិតក្កោ ឧប្បជ្ជតិ. បុព្ពេ សុចិណ្ណានិ គរុំ កត្វា បច្ចវេក្ខតិ. សវិតក្កសវិចារា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា ផលំ គរុំ កត្វា បច្ចវេក្ខន្តិ ¶ ; តំ គរុំ កត្វា វិតក្កោ ឧប្បជ្ជតិ. សវិតក្កសវិចារេ ខន្ធេ គរុំ កត្វា អស្សាទេតិ អភិនន្ទតិ; តំ គរុំ កត្វា វិតក្កោ ឧប្បជ្ជតិ. សហជាតាធិបតិ – សវិតក្កសវិចារា អធិបតិ វិតក្កស្ស អធិបតិបច្ចយេន បច្ចយោ. (២)

សវិតក្កសវិចារោ ¶ ធម្មោ អវិតក្កអវិចារស្ស ធម្មស្ស អធិបតិបច្ចយេន បច្ចយោ. សហជាតាធិបតិ ¶ – សវិតក្កសវិចារា អធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ. (៣)

សវិតក្កសវិចារោ ធម្មោ សវិតក្កសវិចារស្ស ច អវិតក្កអវិចារស្ស ច ធម្មស្ស អធិបតិបច្ចយេន បច្ចយោ. សហជាតាធិបតិ – សវិតក្កសវិចារា អធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (៤)

សវិតក្កសវិចារោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស អធិបតិបច្ចយេន បច្ចយោ. សហជាតាធិបតិ – សវិតក្កសវិចារា អធិបតិ វិតក្កស្ស ច ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (៥)

សវិតក្កសវិចារោ ធម្មោ សវិតក្កសវិចារស្ស ច អវិតក្កវិចារមត្តស្ស ច ធម្មស្ស អធិបតិបច្ចយេន បច្ចយោ – អារម្មណាធិបតិ សហជាតាធិបតិ. អារម្មណាធិបតិ – ទានំ ទត្វា សីលំ សមាទិយិត្វា, ឧបោសថកម្មំ កត្វា តំ គរុំ កត្វា បច្ចវេក្ខតិ; តំ គរុំ កត្វា សវិតក្កសវិចារា ខន្ធា ច វិតក្កោ ច ឧប្បជ្ជន្តិ. បុព្ពេ សុចិណ្ណានិ គរុំ ¶ កត្វា បច្ចវេក្ខតិ, សវិតក្កសវិចារា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា ផលំ គរុំ កត្វា បច្ចវេក្ខតិ; តំ គរុំ កត្វា សវិតក្កសវិចារា ខន្ធា ច វិតក្កោ ច ឧប្បជ្ជន្តិ. សវិតក្កសវិចារេ ខន្ធេ គរុំ កត្វា អស្សាទេតិ អភិនន្ទតិ; តំ គរុំ កត្វា សវិតក្កសវិចារា ខន្ធា ច វិតក្កោ ច ឧប្បជ្ជន្តិ. សហជាតាធិបតិ – សវិតក្កសវិចារា អធិបតិ សម្បយុត្តកានំ ខន្ធានំ វិតក្កស្ស ច អធិបតិបច្ចយេន បច្ចយោ. (៦)

សវិតក្កសវិចារោ ធម្មោ សវិតក្កសវិចារស្ស ច អវិតក្កវិចារមត្តស្ស ច អវិតក្កអវិចារស្ស ច ធម្មស្ស អធិបតិបច្ចយេន បច្ចយោ. សហជាតាធិបតិ – សវិតក្កសវិចារា អធិបតិ សម្បយុត្តកានំ ខន្ធានំ វិតក្កស្ស ច ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (៧)

៧៥. អវិតក្កវិចារមត្តោ ធម្មោ អវិតក្កវិចារមត្តស្ស ធម្មស្ស អធិបតិបច្ចយេន បច្ចយោ ¶ – អារម្មណាធិបតិ, សហជាតាធិបតិ. អារម្មណាធិបតិ – អវិតក្កវិចារមត្តា ឈានា វុដ្ឋហិត្វា, មគ្គា វុដ្ឋហិត្វា, ផលា ¶ វុដ្ឋហិត្វា ផលំ គរុំ កត្វា បច្ចវេក្ខតិ; តំ គរុំ កត្វា វិតក្កោ ឧប្បជ្ជតិ. អវិតក្កវិចារមត្តេ ខន្ធេ ច វិតក្កញ្ច គរុំ កត្វា អស្សាទេតិ អភិនន្ទតិ; តំ គរុំ កត្វា វិតក្កោ ឧប្បជ្ជតិ. សហជាតាធិបតិ – អវិតក្កវិចារមត្តា អធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ. (១)

អវិតក្កវិចារមត្តោ ធម្មោ សវិតក្កសវិចារស្ស ធម្មស្ស អធិបតិបច្ចយេន ¶ បច្ចយោ. អារម្មណាធិបតិ – អវិតក្កវិចារមត្តា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា ផលំ គរុំ កត្វា បច្ចវេក្ខតិ; តំ គរុំ កត្វា សវិតក្កសវិចារា ខន្ធា ឧប្បជ្ជន្តិ. អវិតក្កវិចារមត្តេ ខន្ធេ ច វិតក្កញ្ច គរុំ កត្វា អស្សាទេតិ អភិនន្ទតិ; តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. (២)

អវិតក្កវិចារមត្តោ ធម្មោ អវិតក្កអវិចារស្ស ធម្មស្ស អធិបតិបច្ចយេន បច្ចយោ. សហជាតាធិបតិ – អវិតក្កវិចារមត្តា អធិបតិ វិចារស្ស ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (៣)

អវិតក្កវិចារមត្តោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស អធិបតិបច្ចយេន បច្ចយោ. សហជាតាធិបតិ – អវិតក្កវិចារមត្តា អធិបតិ សម្បយុត្តកានំ ខន្ធានំ វិចារស្ស ច ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (៤)

អវិតក្កវិចារមត្តោ ធម្មោ សវិតក្កសវិចារស្ស ច អវិតក្កវិចារមត្តស្ស ច ធម្មស្ស អធិបតិបច្ចយេន បច្ចយោ. អារម្មណាធិបតិ – អវិតក្កវិចារមត្តា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា ផលំ គរុំ កត្វា បច្ចវេក្ខតិ; តំ គរុំ កត្វា សវិតក្កសវិចារា ខន្ធា ច វិតក្កោ ច ឧប្បជ្ជន្តិ. អវិតក្កវិចារមត្តេ ខន្ធេ ច វិតក្កញ្ច គរុំ កត្វា អស្សាទេតិ អភិនន្ទតិ; តំ គរុំ កត្វា សវិតក្កសវិចារា ខន្ធា ច វិតក្កោ ច ឧប្បជ្ជន្តិ. (៥)

៧៦. អវិតក្កអវិចារោ ធម្មោ អវិតក្កអវិចារស្ស ធម្មស្ស អធិបតិបច្ចយេន ¶ ¶ បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – និព្ពានំ អវិតក្កអវិចារស្ស មគ្គស្ស ផលស្ស វិចារស្ស ច អធិបតិបច្ចយេន បច្ចយោ. សហជាតាធិបតិ – អវិតក្កអវិចារា អធិបតិ ¶ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (១)

អវិតក្កអវិចារោ ធម្មោ សវិតក្កសវិចារស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – អរិយា អវិតក្កអវិចារា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា ផលំ គរុំ កត្វា បច្ចវេក្ខន្តិ; តំ គរុំ កត្វា សវិតក្កសវិចារា ខន្ធា ឧប្បជ្ជន្តិ, អរិយា និព្ពានំ គរុំ កត្វា បច្ចវេក្ខន្តិ; និព្ពានំ គោត្រភុស្ស វោទានស្ស សវិតក្កសវិចារស្ស មគ្គស្ស ផលស្ស អធិបតិបច្ចយេន បច្ចយោ. ចក្ខុំ គរុំ កត្វា អស្សាទេតិ អភិនន្ទតិ; តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. សោតំ… ឃានំ… ជិវ្ហំ… កាយំ… រូបេ… សទ្ទេ… គន្ធេ… រសេ… ផោដ្ឋព្ពេ… វត្ថុំ… អវិតក្កអវិចារេ ខន្ធេ ច វិចារញ្ច គរុំ កត្វា អស្សាទេតិ អភិនន្ទតិ; តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. (២)

អវិតក្កអវិចារោ ធម្មោ អវិតក្កវិចារមត្តស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – អរិយា អវិតក្កអវិចារា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា ផលំ គរុំ កត្វា បច្ចវេក្ខន្តិ; តំ គរុំ កត្វា វិតក្កោ ឧប្បជ្ជតិ, អរិយា និព្ពានំ គរុំ កត្វា បច្ចវេក្ខន្តិ ¶ ; និព្ពានំ អវិតក្កវិចារមត្តស្ស មគ្គស្ស ផលស្ស វិតក្កស្ស ច អធិបតិបច្ចយេន បច្ចយោ. ចក្ខុំ…បេ… វត្ថុំ… អវិតក្កអវិចារេ ខន្ធេ ច វិចារញ្ច គរុំ កត្វា អស្សាទេតិ អភិនន្ទតិ; តំ គរុំ កត្វា វិតក្កោ ឧប្បជ្ជតិ. (៣)

អវិតក្កអវិចារោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស អធិបតិបច្ចយេន បច្ចយោ. អារម្មណាធិបតិ – និព្ពានំ អវិតក្កវិចារមត្តស្ស មគ្គស្ស ផលស្ស វិចារស្ស ច អធិបតិបច្ចយេន បច្ចយោ. (៤)

អវិតក្កអវិចារោ ធម្មោ សវិតក្កសវិចារស្ស ច អវិតក្កវិចារមត្តស្ស ច ធម្មស្ស អធិបតិបច្ចយេន បច្ចយោ. អារម្មណាធិបតិ – អរិយា អវិតក្កអវិចារា ឈានា វុដ្ឋហិត្វា ¶ , មគ្គា វុដ្ឋហិត្វា, ផលា វុដ្ឋហិត្វា ផលំ គរុំ កត្វា បច្ចវេក្ខន្តិ; តំ គរុំ កត្វា សវិតក្កសវិចារា ខន្ធា ច វិតក្កោ ច ឧប្បជ្ជន្តិ, អរិយា និព្ពានំ គរុំ កត្វា បច្ចវេក្ខន្តិ; និព្ពានំ គោត្រភុស្ស វិតក្កស្ស ច វោទានស្ស វិតក្កស្ស ច សវិតក្កសវិចារស្ស មគ្គស្ស ¶ វិតក្កស្ស ច សវិតក្កសវិចារស្ស ផលស្ស វិតក្កស្ស ច អធិបតិបច្ចយេន បច្ចយោ. ចក្ខុំ គរុំ កត្វា…បេ… វត្ថុំ… អវិតក្កអវិចារេ ខន្ធេ ច វិចារញ្ច គរុំ កត្វា អស្សាទេតិ អភិនន្ទតិ; តំ គរុំ កត្វា សវិតក្កសវិចារា ខន្ធា ច វិតក្កោ ច ឧប្បជ្ជន្តិ. (៥)

៧៧. អវិតក្កវិចារមត្តោ ច អវិតក្កអវិចារោ ច ធម្មា សវិតក្កសវិចារស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – អវិតក្កវិចារមត្តេ ¶ ខន្ធេ ច វិចារញ្ច គរុំ កត្វា សវិតក្កសវិចារា ខន្ធា ឧប្បជ្ជន្តិ. (១)

អវិតក្កវិចារមត្តោ ច អវិតក្កអវិចារោ ច ធម្មា អវិតក្កវិចារមត្តស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – អវិតក្កវិចារមត្តេ ខន្ធេ ច វិចារញ្ច គរុំ កត្វា វិតក្កោ ឧប្បជ្ជតិ. (២)

អវិតក្កវិចារមត្តោ ច អវិតក្កអវិចារោ ច ធម្មា សវិតក្កសវិចារស្ស ច អវិតក្កវិចារមត្តស្ស ច ធម្មស្ស អធិបតិបច្ចយេន បច្ចយោ. អារម្មណាធិបតិ – អវិតក្កវិចារមត្តេ ខន្ធេ ច វិចារញ្ច គរុំ កត្វា សវិតក្កសវិចារា ខន្ធា ច វិតក្កោ ច ឧប្បជ្ជន្តិ. (៣)

៧៨. សវិតក្កសវិចារោ ច អវិតក្កវិចារមត្តោ ច ធម្មា សវិតក្កសវិចារស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – សវិតក្កសវិចារេ ខន្ធេ ច វិតក្កញ្ច គរុំ កត្វា សវិតក្កសវិចារា ខន្ធា ឧប្បជ្ជន្តិ. (១)

សវិតក្កសវិចារោ ច អវិតក្កវិចារមត្តោ ច ធម្មា អវិតក្កវិចារមត្តស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – សវិតក្កសវិចារេ ខន្ធេ ច វិតក្កញ្ច គរុំ កត្វា វិតក្កោ ឧប្បជ្ជតិ. (២)

សវិតក្កសវិចារោ ¶ ច អវិតក្កវិចារមត្តោ ច ធម្មា សវិតក្កសវិចារស្ស ច អវិតក្កវិចារមត្តស្ស ច ធម្មស្ស អធិបតិបច្ចយេន បច្ចយោ. អារម្មណាធិបតិ – សវិតក្កសវិចារេ ខន្ធេ ច វិតក្កញ្ច គរុំ កត្វា សវិតក្កសវិចារា ខន្ធា ច វិតក្កោ ច ឧប្បជ្ជន្តិ ¶ . (៣)

អនន្តរបច្ចយោ

៧៩. សវិតក្កសវិចារោ ¶ ធម្មោ សវិតក្កសវិចារស្ស ធម្មស្ស អនន្តរបច្ចយេន បច្ចយោ – បុរិមា បុរិមា សវិតក្កសវិចារា ខន្ធា បច្ឆិមានំ បច្ឆិមានំ សវិតក្កសវិចារានំ ខន្ធានំ អនន្តរបច្ចយេន បច្ចយោ. អនុលោមំ គោត្រភុស្ស… អនុលោមំ វោទានស្ស… គោត្រភុ សវិតក្កសវិចារស្ស មគ្គស្ស… វោទានំ សវិតក្កសវិចារស្ស មគ្គស្ស… សវិតក្កសវិចារោ មគ្គោ សវិតក្កសវិចារស្ស ផលស្ស… សវិតក្កសវិចារំ ផលំ សវិតក្កសវិចារស្ស ផលស្ស… អនុលោមំ សវិតក្កសវិចារាយ ផលសមាបត្តិយា អនន្តរបច្ចយេន បច្ចយោ. (១)

សវិតក្កសវិចារោ ធម្មោ អវិតក្កវិចារមត្តស្ស ធម្មស្ស អនន្តរបច្ចយេន បច្ចយោ – បុរិមា បុរិមា សវិតក្កសវិចារា ខន្ធា បច្ឆិមស្ស បច្ឆិមស្ស វិតក្កស្ស អនន្តរបច្ចយេន បច្ចយោ. សវិតក្កសវិចារំ ចុតិចិត្តំ អវិតក្កវិចារមត្តស្ស ឧបបត្តិចិត្តស្ស…បេ… សវិតក្កសវិចារា ខន្ធា អវិតក្កវិចារមត្តស្ស វុដ្ឋានស្ស វិតក្កស្ស ច…បេ… អវិតក្កវិចារមត្តស្ស ឈានស្ស បរិកម្មំ អវិតក្កវិចារមត្តស្ស ឈានស្ស… គោត្រភុ អវិតក្កវិចារមត្តស្ស មគ្គស្ស… វោទានំ អវិតក្កវិចារមត្តស្ស មគ្គស្ស… អនុលោមំ អវិតក្កវិចារមត្តាយ ផលសមាបត្តិយា វិតក្កស្ស ច អនន្តរបច្ចយេន បច្ចយោ. (២)

សវិតក្កសវិចារោ ធម្មោ អវិតក្កអវិចារស្ស ធម្មស្ស អនន្តរបច្ចយេន បច្ចយោ – សវិតក្កសវិចារំ ចុតិចិត្តំ អវិតក្កអវិចារស្ស ឧបបត្តិចិត្តស្ស វិចារស្ស ច អនន្តរបច្ចយេន បច្ចយោ – អាវជ្ជនា បញ្ចន្នំ វិញ្ញាណានំ អនន្តរបច្ចយេន ¶ បច្ចយោ. សវិតក្កសវិចារា ខន្ធា អវិតក្កអវិចារស្ស វុដ្ឋានស្ស វិចារស្ស ច…បេ… ទុតិយស្ស ឈានស្ស បរិកម្មំ ទុតិយេ ឈានេ វិចារស្ស អនន្តរបច្ចយេន បច្ចយោ. តតិយស្ស ឈានស្ស បរិកម្មំ ¶ …បេ… ចតុត្ថស្ស ឈានស្ស បរិកម្មំ…បេ… អាកាសានញ្ចាយតនស្ស បរិកម្មំ…បេ… វិញ្ញាណញ្ចាយតនស្ស បរិកម្មំ…បេ… អាកិញ្ចញ្ញាយតនស្ស បរិកម្មំ…បេ… នេវសញ្ញានាសញ្ញាយតនស្ស បរិកម្មំ…បេ… ទិព្ពស្ស ចក្ខុស្ស បរិកម្មំ…បេ… ទិព្ពាយ សោតធាតុយា បរិកម្មំ…បេ… ឥទ្ធិវិធញាណស្ស បរិកម្មំ…បេ… ចេតោបរិយញាណស្ស បរិកម្មំ…បេ… បុព្ពេនិវាសានុស្សតិញាណស្ស បរិកម្មំ…បេ… យថាកម្មូបគញាណស្ស បរិកម្មំ…បេ… អនាគតំសញាណស្ស បរិកម្មំ…បេ… គោត្រភុ អវិតក្កអវិចារស្ស មគ្គស្ស វិចារស្ស ច… វោទានំ អវិតក្កអវិចារស្ស មគ្គស្ស ¶ វិចារស្ស ច… អនុលោមំ អវិតក្កអវិចារាយ ផលសមាបត្តិយា វិចារស្ស ច អនន្តរបច្ចយេន បច្ចយោ. (៣)

សវិតក្កសវិចារោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស អនន្តរបច្ចយេន បច្ចយោ – សវិតក្កសវិចារំ ចុតិចិត្តំ អវិតក្កវិចារមត្តស្ស ឧបបត្តិចិត្តស្ស វិចារស្ស ច អនន្តរបច្ចយេន បច្ចយោ. សវិតក្កសវិចារា ខន្ធា អវិតក្កវិចារមត្តស្ស វុដ្ឋានស្ស វិចារស្ស ច អនន្តរបច្ចយេន បច្ចយោ. អវិតក្កវិចារមត្តស្ស ឈានស្ស បរិកម្មំ អវិតក្កវិចារមត្តស្ស ឈានស្ស វិចារស្ស ច អនន្តរបច្ចយេន បច្ចយោ. គោត្រភុ អវិតក្កវិចារមត្តស្ស ¶ មគ្គស្ស វិចារស្ស ច… វោទានំ អវិតក្កវិចារមត្តស្ស មគ្គស្ស វិចារស្ស ច… អនុលោមំ អវិតក្កវិចារមត្តាយ ផលសមាបត្តិយា វិចារស្ស ច អនន្តរបច្ចយេន បច្ចយោ. (៤)

សវិតក្កសវិចារោ ធម្មោ សវិតក្កសវិចារស្ស ច អវិតក្កវិចារមត្តស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា សវិតក្កសវិចារា ខន្ធា បច្ឆិមានំ បច្ឆិមានំ សវិតក្កសវិចារានំ ខន្ធានំ វិតក្កស្ស ច អនន្តរបច្ចយេន បច្ចយោ. អនុលោមំ គោត្រភុស្ស វិតក្កស្ស ច… អនុលោមំ វោទានស្ស វិតក្កស្ស ច… គោត្រភុ សវិតក្កសវិចារស្ស មគ្គស្ស វិតក្កស្ស ច… វោទានំ សវិតក្កសវិចារស្ស មគ្គស្ស វិតក្កស្ស ច… សវិតក្កសវិចារោ មគ្គោ សវិតក្កសវិចារស្ស ផលស្ស វិតក្កស្ស ច… សវិតក្កសវិចារំ ផលំ សវិតក្កសវិចារស្ស ផលស្ស វិតក្កស្ស ច… អនុលោមំ សវិតក្កសវិចារាយ ផលសមាបត្តិយា វិតក្កស្ស ច អនន្តរបច្ចយេន បច្ចយោ. (៥)

៨០. អវិតក្កវិចារមត្តោ ¶ ធម្មោ អវិតក្កវិចារមត្តស្ស ធម្មស្ស អនន្តរបច្ចយេន បច្ចយោ – បុរិមោ បុរិមោ វិតក្កោ បច្ឆិមស្ស បច្ឆិមស្ស វិតក្កស្ស អនន្តរបច្ចយេន បច្ចយោ. បុរិមា បុរិមា អវិតក្កវិចារមត្តា ខន្ធា បច្ឆិមានំ បច្ឆិមានំ អវិតក្កវិចារមត្តានំ ខន្ធានំ អនន្តរបច្ចយេន បច្ចយោ. អវិតក្កវិចារមត្តោ មគ្គោ អវិតក្កវិចារមត្តស្ស ផលស្ស… អវិតក្កវិចារមត្តំ ផលំ អវិតក្កវិចារមត្តស្ស ផលស្ស អនន្តរបច្ចយេន បច្ចយោ. (១)

អវិតក្កវិចារមត្តោ ¶ ¶ ធម្មោ សវិតក្កសវិចារស្ស ធម្មស្ស អនន្តរបច្ចយេន បច្ចយោ – បុរិមោ បុរិមោ វិតក្កោ បច្ឆិមានំ បច្ឆិមានំ សវិតក្កសវិចារានំ ខន្ធានំ អនន្តរបច្ចយេន បច្ចយោ. អវិតក្កវិចារមត្តំ ចុតិចិត្តំ សវិតក្កសវិចារស្ស ឧបបត្តិចិត្តស្ស អនន្តរបច្ចយេន បច្ចយោ. អវិតក្កវិចារមត្តំ ភវង្គំ អាវជ្ជនាយ អនន្តរបច្ចយេន បច្ចយោ. អវិតក្កវិចារមត្តា ខន្ធា សវិតក្កសវិចារស្ស វុដ្ឋានស្ស អនន្តរបច្ចយេន បច្ចយោ. (២)

អវិតក្កវិចារមត្តោ ធម្មោ អវិតក្កអវិចារស្ស ធម្មស្ស អនន្តរបច្ចយេន បច្ចយោ – បុរិមា បុរិមា អវិតក្កវិចារមត្តា ខន្ធា បច្ឆិមស្ស បច្ឆិមស្ស វិចារស្ស អនន្តរបច្ចយេន បច្ចយោ. អវិតក្កវិចារមត្តំ ចុតិចិត្តំ វិតក្កោ ច អវិតក្កអវិចារស្ស ឧបបត្តិចិត្តស្ស វិចារស្ស ច អនន្តរបច្ចយេន បច្ចយោ. អវិតក្កវិចារមត្តា ខន្ធា វិតក្កោ ច អវិតក្កអវិចារស្ស វុដ្ឋានស្ស វិចារស្ស ច អនន្តរបច្ចយេន បច្ចយោ. (៣)

អវិតក្កវិចារមត្តោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា អវិតក្កវិចារមត្តា ខន្ធា បច្ឆិមានំ បច្ឆិមានំ អវិតក្កវិចារមត្តានំ ខន្ធានំ វិចារស្ស ច អនន្តរបច្ចយេន បច្ចយោ. អវិតក្កវិចារមត្តោ មគ្គោ អវិតក្កវិចារមត្តស្ស ផលស្ស វិចារស្ស ច… អវិតក្កវិចារមត្តំ ផលំ អវិតក្កវិចារមត្តស្ស ផលស្ស វិចារស្ស ច អនន្តរបច្ចយេន ¶ បច្ចយោ. (៤)

អវិតក្កវិចារមត្តោ ¶ ធម្មោ សវិតក្កសវិចារស្ស ច អវិតក្កវិចារមត្តស្ស ច ធម្មស្ស អនន្តរបច្ចយេន បច្ចយោ – បុរិមោ បុរិមោ វិតក្កោ បច្ឆិមានំ បច្ឆិមានំ សវិតក្កសវិចារានំ ខន្ធានំ វិតក្កស្ស ច អនន្តរបច្ចយេន បច្ចយោ. អវិតក្កវិចារមត្តំ ចុតិចិត្តំ សវិតក្កសវិចារស្ស ឧបបត្តិចិត្តស្ស វិតក្កស្ស ច អនន្តរបច្ចយេន បច្ចយោ. អវិតក្កវិចារមត្តំ ភវង្គំ អាវជ្ជនាយ វិតក្កស្ស ច អនន្តរបច្ចយេន បច្ចយោ. អវិតក្កវិចារមត្តា ខន្ធា សវិតក្កសវិចារស្ស វុដ្ឋានស្ស វិតក្កស្ស ច អនន្តរបច្ចយេន បច្ចយោ. (៥)

៨១. អវិតក្កអវិចារោ ធម្មោ អវិតក្កអវិចារស្ស ធម្មស្ស អនន្តរបច្ចយេន បច្ចយោ – បុរិមោ បុរិមោ វិចារោ បច្ឆិមស្ស បច្ឆិមស្ស វិចារស្ស អនន្តរបច្ចយេន បច្ចយោ. បុរិមា បុរិមា អវិតក្កអវិចារា ខន្ធា បច្ឆិមានំ បច្ឆិមានំ ¶ អវិតក្កអវិចារានំ ខន្ធានំ អនន្តរបច្ចយេន បច្ចយោ. អវិតក្កអវិចារោ មគ្គោ អវិតក្កអវិចារស្ស ផលស្ស… អវិតក្កអវិចារំ ផលំ អវិតក្កអវិចារស្ស ផលស្ស អនន្តរបច្ចយេន បច្ចយោ. និរោធា វុដ្ឋហន្តស្ស នេវសញ្ញានាសញ្ញាយតនំ អវិតក្កអវិចារាយ ផលសមាបត្តិយា វិចារស្ស ច អនន្តរបច្ចយេន បច្ចយោ. (១)

អវិតក្កអវិចារោ ធម្មោ សវិតក្កសវិចារស្ស ធម្មស្ស អនន្តរបច្ចយេន បច្ចយោ – អវិតក្កអវិចារំ ចុតិចិត្តំ វិចារោ ច សវិតក្កសវិចារស្ស ¶ ឧបបត្តិចិត្តស្ស អនន្តរបច្ចយេន បច្ចយោ. អវិតក្កអវិចារំ ភវង្គំ វិចារោ ច អាវជ្ជនាយ អនន្តរបច្ចយេន បច្ចយោ. អវិតក្កអវិចារា ខន្ធា វិចារោ ច សវិតក្កសវិចារស្ស វុដ្ឋានស្ស អនន្តរបច្ចយេន បច្ចយោ. និរោធា វុដ្ឋហន្តស្ស នេវសញ្ញានាសញ្ញាយតនំ សវិតក្កសវិចារាយ ផលសមាបត្តិយា អនន្តរបច្ចយេន បច្ចយោ. (២)

អវិតក្កអវិចារោ ធម្មោ អវិតក្កវិចារមត្តស្ស ធម្មស្ស អនន្តរបច្ចយេន បច្ចយោ – បុរិមោ បុរិមោ វិចារោ បច្ឆិមានំ បច្ឆិមានំ អវិតក្កវិចារមត្តានំ ខន្ធានំ អនន្តរបច្ចយេន បច្ចយោ. អវិតក្កអវិចារំ ចុតិចិត្តំ វិចារោ ច អវិតក្កវិចារមត្តស្ស ឧបបត្តិចិត្តស្ស វិតក្កស្ស ច អនន្តរបច្ចយេន បច្ចយោ. អវិតក្កអវិចារា ខន្ធា វិចារោ ច អវិតក្កវិចារមត្តស្ស វុដ្ឋានស្ស វិតក្កស្ស ច អនន្តរបច្ចយេន បច្ចយោ. និរោធា ¶ វុដ្ឋហន្តស្ស នេវសញ្ញានាសញ្ញាយតនំ អវិតក្កវិចារមត្តាយ ផលសមាបត្តិយា វិតក្កស្ស ច អនន្តរបច្ចយេន បច្ចយោ. (៣)

អវិតក្កអវិចារោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស អនន្តរបច្ចយេន បច្ចយោ – បុរិមោ បុរិមោ វិចារោ បច្ឆិមានំ បច្ឆិមានំ អវិតក្កវិចារមត្តានំ ខន្ធានំ វិចារស្ស ច អនន្តរបច្ចយេន បច្ចយោ. អវិតក្កអវិចារំ ចុតិចិត្តំ អវិតក្កវិចារមត្តស្ស ឧបបត្តិចិត្តស្ស វិចារស្ស ច អនន្តរបច្ចយេន បច្ចយោ. អវិតក្កអវិចារា ខន្ធា អវិតក្កវិចារមត្តស្ស វុដ្ឋានស្ស វិចារស្ស ច អនន្តរបច្ចយេន បច្ចយោ. និរោធា វុដ្ឋហន្តស្ស ¶ នេវសញ្ញានាសញ្ញាយតនំ អវិតក្កវិចារមត្តាយ ផលសមាបត្តិយា វិចារស្ស ច អនន្តរបច្ចយេន បច្ចយោ. (៤)

អវិតក្កអវិចារោ ធម្មោ សវិតក្កសវិចារស្ស ច អវិតក្កវិចារមត្តស្ស ច ធម្មស្ស អនន្តរបច្ចយេន បច្ចយោ – អវិតក្កអវិចារំ ចុតិចិត្តំ វិចារោ ¶ ច សវិតក្កសវិចារស្ស ឧបបត្តិចិត្តស្ស វិតក្កស្ស ច អនន្តរបច្ចយេន បច្ចយោ. អវិតក្កអវិចារំ ភវង្គញ្ច វិចារោ ច អាវជ្ជនាយ វិតក្កស្ស ច អនន្តរបច្ចយេន បច្ចយោ. អវិតក្កអវិចារា ខន្ធា វិចារោ ច សវិតក្កសវិចារស្ស វុដ្ឋានស្ស វិតក្កស្ស ច អនន្តរបច្ចយេន បច្ចយោ. និរោធា វុដ្ឋហន្តស្ស នេវសញ្ញានាសញ្ញាយតនំ សវិតក្កសវិចារាយ ផលសមាបត្តិយា វិតក្កស្ស ច អនន្តរបច្ចយេន បច្ចយោ. (៥)

៨២. អវិតក្កវិចារមត្តោ ច អវិតក្កអវិចារោ ច ធម្មា សវិតក្កសវិចារស្ស ធម្មស្ស អនន្តរបច្ចយេន បច្ចយោ – អវិតក្កវិចារមត្តំ ចុតិចិត្តញ្ច វិចារោ ច សវិតក្កសវិចារស្ស ឧបបត្តិចិត្តស្ស អនន្តរបច្ចយេន បច្ចយោ. អវិតក្កវិចារមត្តំ ភវង្គញ្ច វិចារោ ច អាវជ្ជនាយ អនន្តរបច្ចយេន បច្ចយោ. អវិតក្កវិចារមត្តា ខន្ធា ច វិចារោ ច សវិតក្កសវិចារស្ស វុដ្ឋានស្ស អនន្តរបច្ចយេន បច្ចយោ. (១)

អវិតក្កវិចារមត្តោ ច អវិតក្កអវិចារោ ច ធម្មា អវិតក្កវិចារមត្តស្ស ធម្មស្ស អនន្តរបច្ចយេន បច្ចយោ – បុរិមា បុរិមា ¶ អវិតក្កវិចារមត្តា ខន្ធា ច វិចារោ ច បច្ឆិមានំ បច្ឆិមានំ អវិតក្កវិចារមត្តានំ ខន្ធានំ អនន្តរបច្ចយេន បច្ចយោ. អវិតក្កវិចារមត្តោ ¶ មគ្គោ ច វិចារោ ច អវិតក្កវិចារមត្តស្ស ផលស្ស អនន្តរបច្ចយេន បច្ចយោ. អវិតក្កវិចារមត្តំ ផលញ្ច វិចារោ ច អវិតក្កវិចារមត្តស្ស ផលស្ស អនន្តរបច្ចយេន បច្ចយោ. (២)

អវិតក្កវិចារមត្តោ ច អវិតក្កអវិចារោ ច ធម្មា អវិតក្កអវិចារស្ស ធម្មស្ស អនន្តរបច្ចយេន បច្ចយោ – បុរិមា បុរិមា អវិតក្កវិចារមត្តា ខន្ធា ច វិចារោ ច បច្ឆិមស្ស បច្ឆិមស្ស វិចារស្ស អនន្តរបច្ចយេន បច្ចយោ. អវិតក្កវិចារមត្តំ ចុតិចិត្តញ្ច វិចារោ ច អវិតក្កអវិចារស្ស ឧបបត្តិចិត្តស្ស អនន្តរបច្ចយេន បច្ចយោ. អវិតក្កវិចារមត្តា ខន្ធា ច វិចារោ ច អវិតក្កអវិចារស្ស វុដ្ឋានស្ស អនន្តរបច្ចយេន បច្ចយោ. (៣)

អវិតក្កវិចារមត្តោ ច អវិតក្កអវិចារោ ច ធម្មា អវិតក្កវិចារមត្តស្ស ច អវិតក្កអវិចារស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា អវិតក្កវិចារមត្តា ខន្ធា ច វិចារោ ច បច្ឆិមានំ បច្ឆិមានំ អវិតក្កវិចារមត្តានំ ខន្ធានំ វិចារស្ស ច អនន្តរបច្ចយេន បច្ចយោ. អវិតក្កវិចារមត្តោ មគ្គោ ច វិចារោ ច អវិតក្កវិចារមត្តស្ស ផលស្ស វិចារស្ស ¶ ច អនន្តរបច្ចយេន បច្ចយោ. អវិតក្កវិចារមត្តំ ផលញ្ច វិចារោ ច អវិតក្កវិចារមត្តស្ស ផលស្ស ច វិចារស្ស ច អនន្តរបច្ចយេន បច្ចយោ. (៤)

អវិតក្កវិចារមត្តោ ¶ ច អវិតក្កអវិចារោ ច ធម្មា សវិតក្កសវិចារស្ស ច អវិតក្កវិចារមត្តស្ស ច ធម្មស្ស អនន្តរបច្ចយេន បច្ចយោ – អវិតក្កវិចារមត្តំ ចុតិចិត្តញ្ច វិចារោ ច សវិតក្កសវិចារស្ស ឧបបត្តិចិត្តស្ស វិតក្កស្ស ច អនន្តរបច្ចយេន បច្ចយោ. អវិតក្កវិចារមត្តំ ភវង្គញ្ច វិចារោ ច អាវជ្ជនាយ វិតក្កស្ស ច អនន្តរបច្ចយេន បច្ចយោ. អវិតក្កវិចារមត្តា ខន្ធា ច វិចារោ ច សវិតក្កសវិចារស្ស វុដ្ឋានស្ស វិតក្កស្ស ច អនន្តរបច្ចយេន បច្ចយោ. (៥)

៨៣. សវិតក្កសវិចារោ ច អវិតក្កវិចារមត្តោ ច ធម្មា សវិតក្កសវិចារស្ស ធម្មស្ស អនន្តរបច្ចយេន បច្ចយោ – បុរិមា បុរិមា សវិតក្កសវិចារា ខន្ធា ច វិតក្កោ ច ¶ បច្ឆិមានំ បច្ឆិមានំ សវិតក្កសវិចារានំ ខន្ធានំ អនន្តរបច្ចយេន បច្ចយោ. អនុលោមញ្ច វិតក្កោ ច គោត្រភុស្ស… អនុលោមញ្ច វិតក្កោ ច វោទានស្ស… គោត្រភុ ច វិតក្កោ ច សវិតក្កសវិចារស្ស មគ្គស្ស… វោទានញ្ច វិតក្កោ ច សវិតក្កសវិចារស្ស មគ្គស្ស… សវិតក្កសវិចារោ មគ្គោ ច វិតក្កោ ច សវិតក្កសវិចារស្ស ផលស្ស… សវិតក្កសវិចារំ ផលញ្ច វិតក្កោ ច សវិតក្កសវិចារស្ស ផលស្ស… អនុលោមញ្ច វិតក្កោ ច សវិតក្កសវិចារាយ ផលសមាបត្តិយា អនន្តរបច្ចយេន បច្ចយោ. (១)

សវិតក្កសវិចារោ ច អវិតក្កវិចារមត្តោ ច ធម្មា អវិតក្កវិចារមត្តស្ស ធម្មស្ស អនន្តរបច្ចយេន បច្ចយោ – បុរិមា បុរិមា ¶ សវិតក្កសវិចារា ខន្ធា ច វិតក្កោ ច បច្ឆិមស្ស បច្ឆិមស្ស វិតក្កស្ស អនន្តរបច្ចយេន បច្ចយោ. សវិតក្កសវិចារំ ចុតិចិត្តញ្ច វិតក្កោ ច អវិតក្កវិចារមត្តស្ស ឧបបត្តិចិត្តស្ស អនន្តរបច្ចយេន បច្ចយោ. សវិតក្កសវិចារា ខន្ធា ច វិតក្កោ ច អវិតក្កវិចារមត្តស្ស វុដ្ឋានស្ស អនន្តរបច្ចយេន បច្ចយោ. អវិតក្កវិចារមត្តស្ស ឈានស្ស បរិកម្មញ្ច វិតក្កោ ច អវិតក្កវិចារមត្តស្ស ឈានស្ស អនន្តរបច្ចយេន បច្ចយោ. គោត្រភុ ច វិតក្កោ ច អវិតក្កវិចារមត្តស្ស មគ្គស្ស… វោទានញ្ច វិតក្កោ ច អវិតក្កវិចារមត្តស្ស មគ្គស្ស ¶ … អនុលោមញ្ច វិតក្កោ ច អវិតក្កវិចារមត្តាយ ផលសមាបត្តិយា អនន្តរបច្ចយេន បច្ចយោ. (២)

សវិតក្កសវិចារោ ច អវិតក្កវិចារមត្តោ ច ធម្មា អវិតក្កអវិចារស្ស ធម្មស្ស អនន្តរបច្ចយេន បច្ចយោ – សវិតក្កសវិចារំ ចុតិចិត្តញ្ច វិតក្កោ ច អវិតក្កអវិចារស្ស ឧបបត្តិចិត្តស្ស វិចារស្ស ច អនន្តរបច្ចយេន បច្ចយោ. អាវជ្ជនា ច វិតក្កោ ច បញ្ចន្នំ វិញ្ញាណានំ អនន្តរបច្ចយេន បច្ចយោ. សវិតក្កសវិចារា ខន្ធា ច វិតក្កោ ច អវិតក្កអវិចារស្ស វុដ្ឋានស្ស ច វិចារស្ស ច អនន្តរបច្ចយេន បច្ចយោ. ទុតិយស្ស ឈានស្ស បរិកម្មញ្ច វិតក្កោ ច ទុតិយេ ឈានេ វិចារស្ស អនន្តរបច្ចយេន បច្ចយោ. តតិយស្ស ឈានស្ស បរិកម្មញ្ច វិតក្កោ ច…បេ… ចតុត្ថស្ស ឈានស្ស បរិកម្មញ្ច វិតក្កោ ច…បេ… អាកាសានញ្ចាយតនស្ស បរិកម្មញ្ច វិតក្កោ ច…បេ… វិញ្ញាណញ្ចាយតនស្ស ¶ បរិកម្មញ្ច វិតក្កោ ច…បេ… អាកិញ្ចញ្ញាយតនស្ស បរិកម្មញ្ច វិតក្កោ ច…បេ… នេវសញ្ញានាសញ្ញាយតនស្ស បរិកម្មញ្ច វិតក្កោ ច ¶ …បេ… ទិព្ពស្ស ចក្ខុស្ស បរិកម្មញ្ច វិតក្កោ ច…បេ… ទិព្ពាយ សោតធាតុយា បរិកម្មញ្ច វិតក្កោ ច…បេ… ឥទ្ធិវិធញាណស្ស បរិកម្មញ្ច វិតក្កោ ច…បេ… ចេតោបរិយញាណស្ស បរិកម្មញ្ច វិតក្កោ ច…បេ… បុព្ពេនិវាសានុស្សតិញាណស្ស បរិកម្មញ្ច វិតក្កោ ច…បេ… យថាកម្មូបគញាណស្ស បរិកម្មញ្ច វិតក្កោ ច…បេ… អនាគតំសញាណស្ស បរិកម្មញ្ច វិតក្កោ ច…បេ… គោត្រភុ ច វិតក្កោ ច អវិតក្កអវិចារស្ស មគ្គស្ស វិចារស្ស ច… វោទានញ្ច វិតក្កោ ច អវិតក្កអវិចារស្ស មគ្គស្ស វិចារស្ស ច… អនុលោមញ្ច វិតក្កោ ច អវិតក្កអវិចារាយ ផលសមាបត្តិយា វិចារស្ស ច អនន្តរបច្ចយេន បច្ចយោ. (៣)

សវិតក្កសវិចារោ ច អវិតក្កវិចារមត្តោ ច ធម្មា អវិតក្កវិចារមត្តស្ស ច អវិតក្កអវិចារស្ស ច ធម្មស្ស អនន្តរបច្ចយេន បច្ចយោ – សវិតក្កសវិចារំ ចុតិចិត្តញ្ច វិតក្កោ ច អវិតក្កវិចារមត្តស្ស ឧបបត្តិចិត្តស្ស ច វិចារស្ស ច អនន្តរបច្ចយេន បច្ចយោ. សវិតក្កសវិចារា ខន្ធា ច វិតក្កោ ច អវិតក្កវិចារមត្តស្ស វុដ្ឋានស្ស ច វិចារស្ស ច អនន្តរបច្ចយេន បច្ចយោ. អវិតក្កវិចារមត្តស្ស ឈានស្ស បរិកម្មញ្ច វិតក្កោ ច អវិតក្កវិចារមត្តស្ស ឈានស្ស ច វិចារស្ស ច អនន្តរបច្ចយេន បច្ចយោ. គោត្រភុ ច វិតក្កោ ច អវិតក្កវិចារមត្តស្ស មគ្គស្ស ច វិចារស្ស ច អនន្តរបច្ចយេន បច្ចយោ. វោទានញ្ច វិតក្កោ ច អវិតក្កវិចារមត្តស្ស ¶ មគ្គស្ស ច វិចារស្ស ¶ ច… អនុលោមញ្ច វិតក្កោ ច អវិតក្កវិចារមត្តាយ ផលសមាបត្តិយា ច វិចារស្ស ច អនន្តរបច្ចយេន បច្ចយោ. (៤)

សវិតក្កសវិចារោ ច អវិតក្កវិចារមត្តោ ច ធម្មា សវិតក្កសវិចារស្ស ច អវិតក្កវិចារមត្តស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា សវិតក្កសវិចារា ខន្ធា ច វិតក្កោ ច បច្ឆិមានំ បច្ឆិមានំ សវិតក្កសវិចារានំ ខន្ធានំ វិតក្កស្ស ច អនន្តរបច្ចយេន បច្ចយោ. អនុលោមញ្ច វិតក្កោ ច គោត្រភុស្ស ច វិតក្កស្ស ច… អនុលោមញ្ច វិតក្កោ ច វោទានស្ស ច វិតក្កស្ស ច… គោត្រភុ ច វិតក្កោ ច សវិតក្កសវិចារស្ស ច មគ្គស្ស ច វិតក្កស្ស ច… វោទានញ្ច វិតក្កោ ច សវិតក្កសវិចារស្ស មគ្គស្ស ច វិតក្កស្ស ច អនន្តរបច្ចយេន បច្ចយោ. សវិតក្កសវិចារោ មគ្គោ ច វិតក្កោ ច សវិតក្កសវិចារស្ស ផលស្ស ច វិតក្កស្ស ច ¶ … សវិតក្កសវិចារំ ផលញ្ច វិតក្កោ ច សវិតក្កសវិចារស្ស ផលស្ស ច វិតក្កស្ស ច… អនុលោមញ្ច វិតក្កោ ច សវិតក្កសវិចារាយ ផលសមាបត្តិយា ច វិតក្កស្ស ច អនន្តរបច្ចយេន បច្ចយោ. (៥)

សមនន្តរបច្ចយោ

៨៤. សវិតក្កសវិចារោ ធម្មោ សវិតក្កសវិចារស្ស ធម្មស្ស សមនន្តរបច្ចយេន បច្ចយោ (អនន្តរបច្ចយោបិ សមនន្តរបច្ចយោបិ សទិសោ).

សហជាតបច្ចយោ

៨៥. សវិតក្កសវិចារោ ¶ ធម្មោ សវិតក្កសវិចារស្ស ធម្មស្ស សហជាតបច្ចយេន បច្ចយោ – សវិតក្កសវិចារោ ឯកោ ខន្ធោ តិណ្ណន្នំ ខន្ធានំ សហជាតបច្ចយេន បច្ចយោ. តយោ ខន្ធា ឯកស្ស ខន្ធស្ស សហជាតបច្ចយេន បច្ចយោ. ទ្វេ ខន្ធា ទ្វិន្នំ ខន្ធានំ សហជាតបច្ចយេន បច្ចយោ. បដិសន្ធិក្ខណេ សវិតក្កសវិចារោ ឯកោ ខន្ធោ តិណ្ណន្នំ ខន្ធានំ…បេ… ទ្វេ ខន្ធា ទ្វិន្នំ ខន្ធានំ…បេ…. (១)

សវិតក្កសវិចារោ ធម្មោ អវិតក្កវិចារមត្តស្ស ធម្មស្ស សហជាតបច្ចយេន បច្ចយោ – សវិតក្កសវិចារា ខន្ធា វិតក្កស្ស សហជាតបច្ចយេន បច្ចយោ. បដិសន្ធិក្ខណេ…បេ…. (២)

សវិតក្កសវិចារោ ¶ ធម្មោ អវិតក្កអវិចារស្ស ធម្មស្ស សហជាតបច្ចយេន បច្ចយោ – សវិតក្កសវិចារា ខន្ធា ចិត្តសមុដ្ឋានានំ រូបានំ សហជាតបច្ចយេន បច្ចយោ. បដិសន្ធិក្ខណេ…បេ… កដត្តារូបានំ…បេ…. (៣)

សវិតក្កសវិចារោ ធម្មោ សវិតក្កសវិចារស្ស ច អវិតក្កអវិចារស្ស ច ធម្មស្ស សហជាតបច្ចយេន បច្ចយោ – សវិតក្កសវិចារោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ សហជាតបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ ចិត្តសមុដ្ឋានានញ្ច រូបានំ សហជាតបច្ចយេន បច្ចយោ. បដិសន្ធិក្ខណេ…បេ…. (៤)

សវិតក្កសវិចារោ ¶ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស សហជាតបច្ចយេន បច្ចយោ – សវិតក្កសវិចារា ¶ ខន្ធា វិតក្កស្ស ច ចិត្តសមុដ្ឋានានញ្ច រូបានំ សហជាតបច្ចយេន បច្ចយោ. បដិសន្ធិក្ខណេ…បេ…. (៥)

សវិតក្កសវិចារោ ធម្មោ សវិតក្កសវិចារស្ស ច អវិតក្កវិចារមត្តស្ស ច ធម្មស្ស សហជាតបច្ចយេន បច្ចយោ – សវិតក្កសវិចារោ ឯកោ ខន្ធោ តិណ្ណន្នំ ខន្ធានំ វិតក្កស្ស ច សហជាតបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ វិតក្កស្ស ច សហជាតបច្ចយេន បច្ចយោ. បដិសន្ធិក្ខណេ…បេ…. (៦)

សវិតក្កសវិចារោ ធម្មោ សវិតក្កសវិចារស្ស ច អវិតក្កវិចារមត្តស្ស ច អវិតក្កអវិចារស្ស ច ធម្មស្ស សហជាតបច្ចយេន បច្ចយោ – សវិតក្កសវិចារោ ឯកោ ខន្ធោ តិណ្ណន្នំ ខន្ធានំ វិតក្កស្ស ច ចិត្តសមុដ្ឋានានញ្ច រូបានំ សហជាតបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ វិតក្កស្ស ច ចិត្តសមុដ្ឋានានញ្ច រូបានំ…បេ… បដិសន្ធិក្ខណេ…បេ…. (៧)

៨៦. អវិតក្កវិចារមត្តោ ធម្មោ អវិតក្កវិចារមត្តស្ស ធម្មស្ស សហជាតបច្ចយេន បច្ចយោ – អវិតក្កវិចារមត្តោ ឯកោ ខន្ធោ តិណ្ណន្នំ ខន្ធានំ សហជាតបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ…បេ… បដិសន្ធិក្ខណេ…បេ…. (១)

អវិតក្កវិចារមត្តោ ធម្មោ សវិតក្កសវិចារស្ស ធម្មស្ស សហជាតបច្ចយេន បច្ចយោ – វិតក្កោ សវិតក្កសវិចារានំ ខន្ធានំ សហជាតបច្ចយេន បច្ចយោ. បដិសន្ធិក្ខណេ…បេ…. (២)

អវិតក្កវិចារមត្តោ ¶ ¶ ធម្មោ អវិតក្កអវិចារស្ស ធម្មស្ស សហជាតបច្ចយេន បច្ចយោ – អវិតក្កវិចារមត្តា ខន្ធា វិចារស្ស ចិត្តសមុដ្ឋានានញ្ច រូបានំ សហជាតបច្ចយេន បច្ចយោ, វិតក្កោ ចិត្តសមុដ្ឋានានំ រូបានំ សហជាតបច្ចយេន បច្ចយោ. បដិសន្ធិក្ខណេ…បេ…. (៣)

អវិតក្កវិចារមត្តោ ¶ ធម្មោ សវិតក្កសវិចារស្ស ច អវិតក្កអវិចារស្ស ច ធម្មស្ស សហជាតបច្ចយេន បច្ចយោ – វិតក្កោ សវិតក្កសវិចារានំ ខន្ធានំ ចិត្តសមុដ្ឋានានញ្ច រូបានំ សហជាតបច្ចយេន បច្ចយោ. បដិសន្ធិក្ខណេ…បេ…. (៤)

អវិតក្កវិចារមត្តោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស សហជាតបច្ចយេន បច្ចយោ – អវិតក្កវិចារមត្តោ ឯកោ ខន្ធោ តិណ្ណន្នំ ខន្ធានំ វិចារស្ស ច ចិត្តសមុដ្ឋានានញ្ច រូបានំ សហជាតបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ វិចារស្ស ច ចិត្តសមុដ្ឋានានញ្ច រូបានំ…បេ… បដិសន្ធិក្ខណេ…បេ…. (៥)

៨៧. អវិតក្កអវិចារោ ធម្មោ អវិតក្កអវិចារស្ស ធម្មស្ស សហជាតបច្ចយេន បច្ចយោ – អវិតក្កអវិចារោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ សហជាតបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ ចិត្តសមុដ្ឋានានញ្ច រូបានំ សហជាតបច្ចយេន បច្ចយោ. វិចារោ ចិត្តសមុដ្ឋានានំ រូបានំ…បេ… បដិសន្ធិក្ខណេ អវិតក្កអវិចារោ ¶ ឯកោ ខន្ធោ តិណ្ណន្នំ ខន្ធានំ កដត្តា ច រូបានំ…បេ… ទ្វេ ខន្ធា ទ្វិន្នំ ខន្ធានំ កដត្តា ច រូបានំ…បេ… វិចារោ កដត្តារូបានំ…បេ… ខន្ធា វត្ថុស្ស…បេ… វត្ថុ ខន្ធានំ…បេ… វិចារោ វត្ថុស្ស…បេ… វត្ថុ វិចារស្ស…បេ… ឯកំ មហាភូតំ តិណ្ណន្នំ មហាភូតានំ…បេ… មហាភូតា ចិត្តសមុដ្ឋានានំ រូបានំ កដត្តារូបានំ ឧបាទារូបានំ…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ…បេ… មហាភូតា កដត្តារូបានំ ឧបាទារូបានំ សហជាតបច្ចយេន បច្ចយោ. (១)

អវិតក្កអវិចារោ ធម្មោ សវិតក្កសវិចារស្ស ធម្មស្ស សហជាតបច្ចយេន បច្ចយោ – បដិសន្ធិក្ខណេ វត្ថុ សវិតក្កសវិចារានំ ខន្ធានំ សហជាតបច្ចយេន បច្ចយោ. (២)

អវិតក្កអវិចារោ ¶ ធម្មោ អវិតក្កវិចារមត្តស្ស ធម្មស្ស សហជាតបច្ចយេន បច្ចយោ – វិចារោ អវិតក្កវិចារមត្តានំ ខន្ធានំ សហជាតបច្ចយេន បច្ចយោ. បដិសន្ធិក្ខណេ វិចារោ អវិតក្កវិចារមត្តានំ ខន្ធានំ សហជាតបច្ចយេន បច្ចយោ. បដិសន្ធិក្ខណេ វត្ថុ អវិតក្កវិចារមត្តានំ ខន្ធានំ សហជាតបច្ចយេន បច្ចយោ. បដិសន្ធិក្ខណេ វត្ថុ វិតក្កស្ស សហជាតបច្ចយេន បច្ចយោ. (៣)

អវិតក្កអវិចារោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស សហជាតបច្ចយេន បច្ចយោ – វិចារោ អវិតក្កវិចារមត្តានំ ខន្ធានំ ចិត្តសមុដ្ឋានានញ្ច រូបានំ សហជាតបច្ចយេន បច្ចយោ. បដិសន្ធិក្ខណេ វិចារោ អវិតក្កវិចារមត្តានំ ខន្ធានំ ¶ កដត្តា ច រូបានំ…បេ… បដិសន្ធិក្ខណេ វត្ថុ អវិតក្កវិចារមត្តានំ ខន្ធានំ វិចារស្ស ច សហជាតបច្ចយេន បច្ចយោ. (៤)

អវិតក្កអវិចារោ ¶ ធម្មោ សវិតក្កសវិចារស្ស ច អវិតក្កវិចារមត្តស្ស ច ធម្មស្ស សហជាតបច្ចយេន បច្ចយោ – បដិសន្ធិក្ខណេ វត្ថុ សវិតក្កសវិចារានំ ខន្ធានំ វិតក្កស្ស ច សហជាតបច្ចយេន បច្ចយោ. (៥)

៨៨. សវិតក្កសវិចារោ ច អវិតក្កអវិចារោ ច ធម្មា សវិតក្កសវិចារស្ស ធម្មស្ស សហជាតបច្ចយេន បច្ចយោ – បដិសន្ធិក្ខណេ សវិតក្កសវិចារោ ឯកោ ខន្ធោ ច វត្ថុ ច តិណ្ណន្នំ ខន្ធានំ សហជាតបច្ចយេន បច្ចយោ…បេ… ទ្វេ ខន្ធា ច វត្ថុ ច ទ្វិន្នំ ខន្ធានំ សហជាតបច្ចយេន បច្ចយោ. (១)

សវិតក្កសវិចារោ ច អវិតក្កអវិចារោ ច ធម្មា អវិតក្កវិចារមត្តស្ស ធម្មស្ស សហជាតបច្ចយេន បច្ចយោ – បដិសន្ធិក្ខណេ សវិតក្កសវិចារា ខន្ធា ច វត្ថុ ច វិតក្កស្ស សហជាតបច្ចយេន បច្ចយោ. (២)

សវិតក្កសវិចារោ ច អវិតក្កអវិចារោ ច ធម្មា អវិតក្កអវិចារស្ស ធម្មស្ស សហជាតបច្ចយេន បច្ចយោ – សវិតក្កសវិចារា ខន្ធា ច មហាភូតា ច ចិត្តសមុដ្ឋានានំ រូបានំ សហជាតបច្ចយេន បច្ចយោ. បដិសន្ធិក្ខណេ សវិតក្កសវិចារា ខន្ធា ច មហាភូតា ច កដត្តារូបានំ សហជាតបច្ចយេន បច្ចយោ. (៣)

សវិតក្កសវិចារោ ¶ ¶ ច អវិតក្កអវិចារោ ច ធម្មា សវិតក្កសវិចារស្ស ច អវិតក្កវិចារមត្តស្ស ច ធម្មស្ស សហជាតបច្ចយេន បច្ចយោ – បដិសន្ធិក្ខណេ សវិតក្កសវិចារោ ឯកោ ខន្ធោ ច វត្ថុ ច តិណ្ណន្នំ ខន្ធានំ វិតក្កស្ស ច…បេ… ទ្វេ ខន្ធា ច វត្ថុ ច ទ្វិន្នំ ខន្ធានំ វិតក្កស្ស ច សហជាតបច្ចយេន បច្ចយោ. (៤)

៨៩. អវិតក្កវិចារមត្តោ ¶ ច អវិតក្កអវិចារោ ច ធម្មា សវិតក្កសវិចារស្ស ធម្មស្ស សហជាតបច្ចយេន បច្ចយោ – បដិសន្ធិក្ខណេ វិតក្កោ ច វត្ថុ ច សវិតក្កសវិចារានំ ខន្ធានំ សហជាតបច្ចយេន បច្ចយោ. (១)

អវិតក្កវិចារមត្តោ ច អវិតក្កអវិចារោ ច ធម្មា អវិតក្កវិចារមត្តស្ស ធម្មស្ស សហជាតបច្ចយេន បច្ចយោ – អវិតក្កវិចារមត្តោ ឯកោ ខន្ធោ ច វិចារោ ច តិណ្ណន្នំ ខន្ធានំ…បេ… ទ្វេ ខន្ធា ច វិចារោ ច ទ្វិន្នំ ខន្ធានំ សហជាតបច្ចយេន បច្ចយោ. បដិសន្ធិក្ខណេ អវិតក្កវិចារមត្តោ ឯកោ ខន្ធោ ច វិចារោ ច តិណ្ណន្នំ ខន្ធានំ…បេ… ទ្វេ ខន្ធា ច វិចារោ ច ទ្វិន្នំ ខន្ធានំ…បេ… បដិសន្ធិក្ខណេ អវិតក្កវិចារមត្តោ ឯកោ ខន្ធោ ច វត្ថុ ច តិណ្ណន្នំ ខន្ធានំ សហជាតបច្ចយេន បច្ចយោ. (២)

អវិតក្កវិចារមត្តោ ច អវិតក្កអវិចារោ ច ធម្មា អវិតក្កអវិចារស្ស ធម្មស្ស សហជាតបច្ចយេន បច្ចយោ – អវិតក្កវិចារមត្តា ខន្ធា ច វិចារោ ច ចិត្តសមុដ្ឋានានំ រូបានំ សហជាតបច្ចយេន ¶ បច្ចយោ. អវិតក្កវិចារមត្តា ខន្ធា ច មហាភូតា ច ចិត្តសមុដ្ឋានានំ រូបានំ…បេ… វិតក្កោ ច មហាភូតា ច ចិត្តសមុដ្ឋានានំ រូបានំ…បេ… បដិសន្ធិក្ខណេ អវិតក្កវិចារមត្តា ខន្ធា ច វិចារោ ច កដត្តារូបានំ…បេ… បដិសន្ធិក្ខណេ អវិតក្កវិចារមត្តា ខន្ធា ច មហាភូតា ច កដត្តារូបានំ…បេ… បដិសន្ធិក្ខណេ វិតក្កោ ច មហាភូតា ច កដត្តារូបានំ…បេ… បដិសន្ធិក្ខណេ អវិតក្កវិចារមត្តា ខន្ធា ច វត្ថុ ច វិចារស្ស សហជាតបច្ចយេន បច្ចយោ. (៣)

អវិតក្កវិចារមត្តោ ច អវិតក្កអវិចារោ ច ធម្មា អវិតក្កវិចារមត្តស្ស ច អវិតក្កអវិចារស្ស ច ធម្មស្ស សហជាតបច្ចយេន បច្ចយោ – អវិតក្កវិចារមត្តោ ឯកោ ខន្ធោ ច វិចារោ ច តិណ្ណន្នំ ខន្ធានំ ចិត្តសមុដ្ឋានានញ្ច រូបានំ សហជាតបច្ចយេន បច្ចយោ. តយោ ខន្ធា ច វិចារោ ច ឯកស្ស ខន្ធស្ស ចិត្តសមុដ្ឋានានញ្ច រូបានំ សហជាតបច្ចយេន បច្ចយោ. ទ្វេ ¶ ខន្ធា ច វិចារោ ច ទ្វិន្នំ ខន្ធានំ ចិត្តសមុដ្ឋានានញ្ច រូបានំ សហជាតបច្ចយេន បច្ចយោ. បដិសន្ធិក្ខណេ អវិតក្កវិចារមត្តោ ឯកោ ខន្ធោ ច វិចារោ ច តិណ្ណន្នំ ខន្ធានំ កដត្តា ច រូបានំ សហជាតបច្ចយេន បច្ចយោ…បេ… ទ្វេ ខន្ធា…បេ… បដិសន្ធិក្ខណេ អវិតក្កវិចារមត្តោ ឯកោ ខន្ធោ ច វត្ថុ ច តិណ្ណន្នំ ខន្ធានំ វិចារស្ស ច ¶ សហជាតបច្ចយេន បច្ចយោ…បេ… ទ្វេ ខន្ធា ច វត្ថុ ច ទ្វិន្នំ ខន្ធានំ វិចារស្ស ច សហជាតបច្ចយេន បច្ចយោ. (៤)

៩០. សវិតក្កសវិចារោ ¶ ច អវិតក្កវិចារមត្តោ ច ធម្មា សវិតក្កសវិចារស្ស ធម្មស្ស សហជាតបច្ចយេន បច្ចយោ – សវិតក្កសវិចារោ ឯកោ ខន្ធោ ច វិតក្កោ ច តិណ្ណន្នំ ខន្ធានំ សហជាតបច្ចយេន បច្ចយោ…បេ… ទ្វេ ខន្ធា ច វិតក្កោ ច ទ្វិន្នំ ខន្ធានំ សហជាតបច្ចយេន បច្ចយោ. បដិសន្ធិក្ខណេ…បេ…. (១)

សវិតក្កសវិចារោ ច អវិតក្កវិចារមត្តោ ច ធម្មា អវិតក្កអវិចារស្ស ធម្មស្ស សហជាតបច្ចយេន បច្ចយោ – សវិតក្កសវិចារា ខន្ធា ច វិតក្កោ ច ចិត្តសមុដ្ឋានានំ រូបានំ សហជាតបច្ចយេន បច្ចយោ. បដិសន្ធិក្ខណេ…បេ…. (២)

សវិតក្កសវិចារោ ច អវិតក្កវិចារមត្តោ ច ធម្មា សវិតក្កសវិចារស្ស ច អវិតក្កអវិចារស្ស ច ធម្មស្ស សហជាតបច្ចយេន បច្ចយោ – សវិតក្កសវិចារោ ឯកោ ខន្ធោ ច វិតក្កោ ច តិណ្ណន្នំ ខន្ធានំ ចិត្តសមុដ្ឋានានញ្ច រូបានំ សហជាតបច្ចយេន បច្ចយោ…បេ… ទ្វេ ខន្ធា ច វិតក្កោ ច ទ្វិន្នំ ខន្ធានំ ចិត្តសមុដ្ឋានានញ្ច រូបានំ សហជាតបច្ចយេន បច្ចយោ. បដិសន្ធិក្ខណេ…បេ…. (៣)

៩១. សវិតក្កសវិចារោ ច អវិតក្កវិចារមត្តោ ច អវិតក្កអវិចារោ ច ធម្មា សវិតក្កសវិចារស្ស ធម្មស្ស សហជាតបច្ចយេន បច្ចយោ – បដិសន្ធិក្ខណេ សវិតក្កសវិចារោ ឯកោ ខន្ធោ ច វិតក្កោ ច វត្ថុ ច តិណ្ណន្នំ ខន្ធានំ សហជាតបច្ចយេន បច្ចយោ…បេ… ទ្វេ ខន្ធា ច វិតក្កោ ច វត្ថុ ច ទ្វិន្នំ ខន្ធានំ សហជាតបច្ចយេន បច្ចយោ. (១)

សវិតក្កសវិចារោ ¶ ច អវិតក្កវិចារមត្តោ ច អវិតក្កអវិចារោ ច ធម្មា អវិតក្កអវិចារស្ស ធម្មស្ស សហជាតបច្ចយេន បច្ចយោ – សវិតក្កសវិចារា ខន្ធា ច វិតក្កោ ច មហាភូតា ច ចិត្តសមុដ្ឋានានំ រូបានំ សហជាតបច្ចយេន ¶ បច្ចយោ. បដិសន្ធិក្ខណេ សវិតក្កសវិចារា ខន្ធា ច វិតក្កោ ច មហាភូតា ច កដត្តារូបានំ សហជាតបច្ចយេន បច្ចយោ. (២)

អញ្ញមញ្ញបច្ចយោ

៩២. សវិតក្កសវិចារោ ¶ ធម្មោ សវិតក្កសវិចារស្ស ធម្មស្ស អញ្ញមញ្ញបច្ចយេន បច្ចយោ – សវិតក្កសវិចារោ ឯកោ ខន្ធោ តិណ្ណន្នំ ខន្ធានំ អញ្ញមញ្ញបច្ចយេន បច្ចយោ…បេ… បដិសន្ធិក្ខណេ សវិតក្កសវិចារោ ឯកោ ខន្ធោ តិណ្ណន្នំ ខន្ធានំ អញ្ញមញ្ញបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ អញ្ញមញ្ញបច្ចយេន បច្ចយោ. (១)

សវិតក្កសវិចារោ ធម្មោ អវិតក្កវិចារមត្តស្ស ធម្មស្ស អញ្ញមញ្ញបច្ចយេន បច្ចយោ – សវិតក្កសវិចារា ខន្ធា វិតក្កស្ស អញ្ញមញ្ញបច្ចយេន បច្ចយោ. បដិសន្ធិក្ខណេ…បេ…. (២)

សវិតក្កសវិចារោ ធម្មោ អវិតក្កអវិចារស្ស ធម្មស្ស អញ្ញមញ្ញបច្ចយេន បច្ចយោ – បដិសន្ធិក្ខណេ សវិតក្កសវិចារា ខន្ធា វត្ថុស្ស អញ្ញមញ្ញបច្ចយេន បច្ចយោ. (៣)

សវិតក្កសវិចារោ ធម្មោ សវិតក្កសវិចារស្ស ច អវិតក្កអវិចារស្ស ច ធម្មស្ស អញ្ញមញ្ញបច្ចយេន បច្ចយោ – បដិសន្ធិក្ខណេ សវិតក្កសវិចារោ ¶ ឯកោ ខន្ធោ តិណ្ណន្នំ ខន្ធានំ វត្ថុស្ស ច អញ្ញមញ្ញបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ វត្ថុស្ស ច អញ្ញមញ្ញបច្ចយេន បច្ចយោ. (៤)

សវិតក្កសវិចារោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស អញ្ញមញ្ញបច្ចយេន បច្ចយោ – បដិសន្ធិក្ខណេ សវិតក្កសវិចារា ខន្ធា វិតក្កស្ស ច វត្ថុស្ស ច អញ្ញមញ្ញបច្ចយេន បច្ចយោ. (៥)

សវិតក្កសវិចារោ ធម្មោ សវិតក្កសវិចារស្ស ច អវិតក្កវិចារមត្តស្ស ច ធម្មស្ស អញ្ញមញ្ញបច្ចយេន បច្ចយោ – សវិតក្កសវិចារោ ឯកោ ខន្ធោ តិណ្ណន្នំ ខន្ធានំ វិតក្កស្ស ច អញ្ញមញ្ញបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ វិតក្កស្ស ច អញ្ញមញ្ញបច្ចយេន បច្ចយោ. បដិសន្ធិក្ខណេ…បេ…. (៦)

សវិតក្កសវិចារោ ¶ ធម្មោ សវិតក្កសវិចារស្ស ច អវិតក្កវិចារមត្តស្ស ច អវិតក្កអវិចារស្ស ច ធម្មស្ស អញ្ញមញ្ញបច្ចយេន បច្ចយោ – បដិសន្ធិក្ខណេ សវិតក្កសវិចារោ ឯកោ ខន្ធោ តិណ្ណន្នំ ខន្ធានំ វិតក្កស្ស ច ¶ វត្ថុស្ស ច អញ្ញមញ្ញបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ វិតក្កស្ស ច វត្ថុស្ស ច អញ្ញមញ្ញបច្ចយេន បច្ចយោ. (៧)

៩៣. អវិតក្កវិចារមត្តោ ធម្មោ អវិតក្កវិចារមត្តស្ស ធម្មស្ស អញ្ញមញ្ញបច្ចយេន បច្ចយោ – អវិតក្កវិចារមត្តោ ឯកោ ខន្ធោ តិណ្ណន្នំ ¶ ខន្ធានំ អញ្ញមញ្ញបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ អញ្ញមញ្ញបច្ចយេន បច្ចយោ. បដិសន្ធិក្ខណេ…បេ…. (១)

អវិតក្កវិចារមត្តោ ធម្មោ សវិតក្កសវិចារស្ស ធម្មស្ស អញ្ញមញ្ញបច្ចយេន បច្ចយោ – វិតក្កោ សវិតក្កសវិចារានំ ខន្ធានំ អញ្ញមញ្ញបច្ចយេន បច្ចយោ. បដិសន្ធិក្ខណេ…បេ…. (២)

អវិតក្កវិចារមត្តោ ធម្មោ អវិតក្កអវិចារស្ស ធម្មស្ស អញ្ញមញ្ញបច្ចយេន បច្ចយោ – អវិតក្កវិចារមត្តា ខន្ធា វិចារស្ស អញ្ញមញ្ញបច្ចយេន បច្ចយោ. បដិសន្ធិក្ខណេ អវិតក្កវិចារមត្តា ខន្ធា វិចារស្ស ច វត្ថុស្ស ច អញ្ញមញ្ញបច្ចយេន បច្ចយោ. បដិសន្ធិក្ខណេ វិតក្កោ វត្ថុស្ស អញ្ញមញ្ញបច្ចយេន បច្ចយោ. (៣)

អវិតក្កវិចារមត្តោ ធម្មោ សវិតក្កសវិចារស្ស ច អវិតក្កអវិចារស្ស ច ធម្មស្ស អញ្ញមញ្ញបច្ចយេន បច្ចយោ – បដិសន្ធិក្ខណេ វិតក្កោ សវិតក្កសវិចារានំ ខន្ធានំ វត្ថុស្ស ច អញ្ញមញ្ញបច្ចយេន បច្ចយោ. (៤)

អវិតក្កវិចារមត្តោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស អញ្ញមញ្ញបច្ចយេន បច្ចយោ – អវិតក្កវិចារមត្តោ ឯកោ ខន្ធោ តិណ្ណន្នំ ខន្ធានំ វិចារស្ស ច អញ្ញមញ្ញបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ វិចារស្ស ច អញ្ញមញ្ញបច្ចយេន បច្ចយោ. បដិសន្ធិក្ខណេ អវិតក្កវិចារមត្តោ ឯកោ ខន្ធោ តិណ្ណន្នំ ខន្ធានំ ¶ វិចារស្ស ច វត្ថុស្ស ¶ ច អញ្ញមញ្ញបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ វិចារស្ស ច វត្ថុស្ស ច អញ្ញមញ្ញបច្ចយេន បច្ចយោ. (៥)

៩៤. អវិតក្កអវិចារោ ធម្មោ អវិតក្កអវិចារស្ស ធម្មស្ស អញ្ញមញ្ញបច្ចយេន បច្ចយោ – អវិតក្កអវិចារោ ឯកោ ខន្ធោ តិណ្ណន្នំ ខន្ធានំ អញ្ញមញ្ញបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ អញ្ញមញ្ញបច្ចយេន បច្ចយោ. បដិសន្ធិក្ខណេ អវិតក្កអវិចារោ ឯកោ ខន្ធោ តិណ្ណន្នំ ខន្ធានំ វត្ថុស្ស ¶ ច អញ្ញមញ្ញបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ វត្ថុស្ស ច អញ្ញមញ្ញបច្ចយេន បច្ចយោ. ខន្ធា វត្ថុស្ស…បេ… វត្ថុ ខន្ធានំ…បេ… វិចារោ វត្ថុស្ស…បេ… វត្ថុ វិចារស្ស…បេ… ឯកំ មហាភូតំ តិណ្ណន្នំ មហាភូតានំ…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ…បេ…. (១)

អវិតក្កអវិចារោ ធម្មោ សវិតក្កសវិចារស្ស ធម្មស្ស អញ្ញមញ្ញបច្ចយេន បច្ចយោ – បដិសន្ធិក្ខណេ វត្ថុ សវិតក្កសវិចារានំ ខន្ធានំ អញ្ញមញ្ញបច្ចយេន បច្ចយោ. (២)

អវិតក្កអវិចារោ ធម្មោ អវិតក្កវិចារមត្តស្ស ធម្មស្ស អញ្ញមញ្ញបច្ចយេន បច្ចយោ – វិចារោ អវិតក្កវិចារមត្តានំ ខន្ធានំ អញ្ញមញ្ញបច្ចយេន បច្ចយោ. បដិសន្ធិក្ខណេ វិចារោ អវិតក្កវិចារមត្តានំ ខន្ធានំ អញ្ញមញ្ញបច្ចយេន បច្ចយោ. បដិសន្ធិក្ខណេ វត្ថុ អវិតក្កវិចារមត្តានំ ខន្ធានំ អញ្ញមញ្ញបច្ចយេន បច្ចយោ. បដិសន្ធិក្ខណេ ¶ វត្ថុ វិតក្កស្ស អញ្ញមញ្ញបច្ចយេន បច្ចយោ. (៣)

អវិតក្កអវិចារោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស អញ្ញមញ្ញបច្ចយេន បច្ចយោ – បដិសន្ធិក្ខណេ វិចារោ អវិតក្កវិចារមត្តានំ ខន្ធានំ វត្ថុស្ស ច អញ្ញមញ្ញបច្ចយេន បច្ចយោ. បដិសន្ធិក្ខណេ វត្ថុ អវិតក្កវិចារមត្តានំ ខន្ធានំ វិចារស្ស ច អញ្ញមញ្ញបច្ចយេន បច្ចយោ. (៤)

អវិតក្កអវិចារោ ធម្មោ សវិតក្កសវិចារស្ស ច អវិតក្កវិចារមត្តស្ស ច ធម្មស្ស ¶ អញ្ញមញ្ញបច្ចយេន បច្ចយោ – បដិសន្ធិក្ខណេ វត្ថុ សវិតក្កសវិចារានំ ខន្ធានំ វិតក្កស្ស ច អញ្ញមញ្ញបច្ចយេន បច្ចយោ. (៥)

៩៥. សវិតក្កសវិចារោ ច អវិតក្កអវិចារោ ច ធម្មា សវិតក្កសវិចារស្ស ធម្មស្ស អញ្ញមញ្ញបច្ចយេន បច្ចយោ – បដិសន្ធិក្ខណេ សវិតក្កសវិចារោ ឯកោ ខន្ធោ ច វត្ថុ ច តិណ្ណន្នំ ខន្ធានំ…បេ… ទ្វេ ខន្ធា ច វត្ថុ ច ទ្វិន្នំ ខន្ធានំ អញ្ញមញ្ញបច្ចយេន បច្ចយោ. (១)

សវិតក្កសវិចារោ ¶ ច អវិតក្កអវិចារោ ច ធម្មា អវិតក្កវិចារមត្តស្ស ធម្មស្ស អញ្ញមញ្ញបច្ចយេន បច្ចយោ – បដិសន្ធិក្ខណេ សវិតក្កសវិចារា ខន្ធា ច វត្ថុ ច វិតក្កស្ស អញ្ញមញ្ញបច្ចយេន បច្ចយោ. (២)

សវិតក្កសវិចារោ ច អវិតក្កអវិចារោ ច ធម្មា សវិតក្កសវិចារស្ស ច អវិតក្កវិចារមត្តស្ស ច ធម្មស្ស អញ្ញមញ្ញបច្ចយេន ¶ បច្ចយោ – បដិសន្ធិក្ខណេ សវិតក្កសវិចារោ ឯកោ ខន្ធោ ច វត្ថុ ច តិណ្ណន្នំ ខន្ធានំ វិតក្កស្ស ច អញ្ញមញ្ញបច្ចយេន បច្ចយោ…បេ… ទ្វេ ខន្ធា ច វត្ថុ ច ទ្វិន្នំ ខន្ធានំ វិតក្កស្ស ច អញ្ញមញ្ញបច្ចយេន បច្ចយោ. (៣)

៩៦. អវិតក្កវិចារមត្តោ ច អវិតក្កអវិចារោ ច ធម្មា សវិតក្កសវិចារស្ស ធម្មស្ស អញ្ញមញ្ញបច្ចយេន បច្ចយោ – បដិសន្ធិក្ខណេ វិតក្កោ ច វត្ថុ ច សវិតក្កសវិចារានំ ខន្ធានំ អញ្ញមញ្ញបច្ចយេន បច្ចយោ. (១)

អវិតក្កវិចារមត្តោ ច អវិតក្កអវិចារោ ច ធម្មា អវិតក្កវិចារមត្តស្ស ធម្មស្ស អញ្ញមញ្ញបច្ចយេន បច្ចយោ – អវិតក្កវិចារមត្តោ ឯកោ ខន្ធោ ច វិចារោ ច តិណ្ណន្នំ ខន្ធានំ អញ្ញមញ្ញបច្ចយេន បច្ចយោ…បេ… ទ្វេ ខន្ធា ច វិចារោ ច ទ្វិន្នំ ខន្ធានំ អញ្ញមញ្ញបច្ចយេន បច្ចយោ. បដិសន្ធិក្ខណេ អវិតក្កវិចារមត្តោ ឯកោ ខន្ធោ ច វិចារោ ច វត្ថុ ច តិណ្ណន្នំ ខន្ធានំ…បេ… ទ្វេ ខន្ធា ច វិចារោ ច វត្ថុ ច ទ្វិន្នំ ខន្ធានំ អញ្ញមញ្ញបច្ចយេន បច្ចយោ. (២)

អវិតក្កវិចារមត្តោ ¶ ច អវិតក្កអវិចារោ ច ធម្មា អវិតក្កអវិចារស្ស ធម្មស្ស អញ្ញមញ្ញបច្ចយេន បច្ចយោ – បដិសន្ធិក្ខណេ អវិតក្កវិចារមត្តា ខន្ធា ច វិចារោ ច វត្ថុស្ស អញ្ញមញ្ញបច្ចយេន បច្ចយោ. បដិសន្ធិក្ខណេ អវិតក្កវិចារមត្តា ខន្ធា ច វត្ថុ ច វិចារស្ស អញ្ញមញ្ញបច្ចយេន បច្ចយោ. (៣)

អវិតក្កវិចារមត្តោ ¶ ច អវិតក្កអវិចារោ ច ធម្មា អវិតក្កវិចារមត្តស្ស ច អវិតក្កអវិចារស្ស ច ធម្មស្ស អញ្ញមញ្ញបច្ចយេន បច្ចយោ – បដិសន្ធិក្ខណេ អវិតក្កវិចារមត្តោ ឯកោ ខន្ធោ ច វិចារោ ច តិណ្ណន្នំ ខន្ធានំ វត្ថុស្ស ច អញ្ញមញ្ញបច្ចយេន បច្ចយោ…បេ… ទ្វេ ខន្ធា ច វិចារោ ច ទ្វិន្នំ ខន្ធានំ វត្ថុស្ស ច អញ្ញមញ្ញបច្ចយេន បច្ចយោ. បដិសន្ធិក្ខណេ អវិតក្កវិចារមត្តោ ឯកោ ខន្ធោ ច វត្ថុ ច តិណ្ណន្នំ ខន្ធានំ វិចារស្ស ច អញ្ញមញ្ញបច្ចយេន ¶ បច្ចយោ…បេ… ទ្វេ ខន្ធា ច វត្ថុ ច ទ្វិន្នំ ខន្ធានំ វិចារស្ស ច អញ្ញមញ្ញបច្ចយេន បច្ចយោ. (៤)

៩៧. សវិតក្កសវិចារោ ច អវិតក្កវិចារមត្តោ ច ធម្មា សវិតក្កសវិចារស្ស ធម្មស្ស អញ្ញមញ្ញបច្ចយេន បច្ចយោ – សវិតក្កសវិចារោ ឯកោ ខន្ធោ ច វិតក្កោ ច តិណ្ណន្នំ ខន្ធានំ អញ្ញមញ្ញបច្ចយេន បច្ចយោ…បេ… ទ្វេ ខន្ធា ច វិតក្កោ ច ទ្វិន្នំ ខន្ធានំ អញ្ញមញ្ញបច្ចយេន បច្ចយោ. បដិសន្ធិក្ខណេ…បេ…. (១)

សវិតក្កសវិចារោ ច អវិតក្កវិចារមត្តោ ច ធម្មា អវិតក្កអវិចារស្ស ធម្មស្ស អញ្ញមញ្ញបច្ចយេន បច្ចយោ – បដិសន្ធិក្ខណេ សវិតក្កសវិចារា ខន្ធា ច វិតក្កោ ច វត្ថុស្ស អញ្ញមញ្ញបច្ចយេន បច្ចយោ. (២)

សវិតក្កសវិចារោ ច អវិតក្កវិចារមត្តោ ច ធម្មា សវិតក្កសវិចារស្ស ច អវិតក្កអវិចារស្ស ច ធម្មស្ស អញ្ញមញ្ញបច្ចយេន ¶ បច្ចយោ – បដិសន្ធិក្ខណេ សវិតក្កសវិចារោ ឯកោ ខន្ធោ ច វិតក្កោ ច តិណ្ណន្នំ ខន្ធានំ វត្ថុស្ស ច អញ្ញមញ្ញបច្ចយេន បច្ចយោ…បេ… ទ្វេ ខន្ធា ច វិតក្កោ ច ទ្វិន្នំ ខន្ធានំ វត្ថុស្ស ច អញ្ញមញ្ញបច្ចយេន បច្ចយោ. (៣)

សវិតក្កសវិចារោ ¶ ច អវិតក្កវិចារមត្តោ ច អវិតក្កអវិចារោ ច ធម្មា សវិតក្កសវិចារស្ស ធម្មស្ស អញ្ញមញ្ញបច្ចយេន បច្ចយោ – បដិសន្ធិក្ខណេ សវិតក្កសវិចារោ ឯកោ ខន្ធោ ច វិតក្កោ ច វត្ថុ ច តិណ្ណន្នំ ខន្ធានំ អញ្ញមញ្ញបច្ចយេន បច្ចយោ…បេ… ទ្វេ ខន្ធា ច វិតក្កោ ច វត្ថុ ច ទ្វិន្នំ ខន្ធានំ អញ្ញមញ្ញបច្ចយេន បច្ចយោ. (១)

និស្សយបច្ចយោ

៩៨. សវិតក្កសវិចារោ ធម្មោ សវិតក្កសវិចារស្ស ធម្មស្ស និស្សយបច្ចយេន បច្ចយោ – សវិតក្កសវិចារោ ឯកោ ខន្ធោ តិណ្ណន្នំ ខន្ធានំ (សំខិត្តំ) សត្ត.

អវិតក្កវិចារមត្តោ ធម្មោ អវិតក្កវិចារមត្តស្ស ធម្មស្ស និស្សយបច្ចយេន បច្ចយោ (សំខិត្តំ) បញ្ច.

អវិតក្កអវិចារោ ធម្មោ អវិតក្កអវិចារស្ស ធម្មស្ស និស្សយបច្ចយេន បច្ចយោ – អវិតក្កអវិចារោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច ¶ រូបានំ និស្សយបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ ចិត្តសមុដ្ឋានានញ្ច រូបានំ និស្សយបច្ចយេន បច្ចយោ. វិចារោ ចិត្តសមុដ្ឋានានំ រូបានំ និស្សយបច្ចយេន បច្ចយោ. បដិសន្ធិក្ខណេ អវិតក្កអវិចារោ ឯកោ ខន្ធោ តិណ្ណន្នំ ខន្ធានំ កដត្តា ¶ ច រូបានំ និស្សយបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ…បេ… អសញ្ញសត្តានំ ឯកំ មហាភូតំ…បេ… ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស…បេ… វត្ថុ អវិតក្កអវិចារានំ ខន្ធានំ វិចារស្ស ច និស្សយបច្ចយេន បច្ចយោ. (១)

អវិតក្កអវិចារោ ធម្មោ សវិតក្កសវិចារស្ស ធម្មស្ស និស្សយបច្ចយេន បច្ចយោ – វត្ថុ សវិតក្កសវិចារានំ ខន្ធានំ និស្សយបច្ចយេន បច្ចយោ. បដិសន្ធិក្ខណេ វត្ថុ…បេ…. (២)

អវិតក្កអវិចារោ ធម្មោ អវិតក្កវិចារមត្តស្ស ធម្មស្ស និស្សយបច្ចយេន បច្ចយោ – វិចារោ ¶ អវិតក្កវិចារមត្តានំ ខន្ធានំ និស្សយបច្ចយេន បច្ចយោ, វត្ថុ អវិតក្កវិចារមត្តានំ ខន្ធានំ វិតក្កស្ស ច និស្សយបច្ចយេន បច្ចយោ. បដិសន្ធិក្ខណេ វិចារោ…បេ…. (៣)

អវិតក្កអវិចារោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស និស្សយបច្ចយេន បច្ចយោ – វិចារោ អវិតក្កវិចារមត្តានំ ខន្ធានំ ចិត្តសមុដ្ឋានានញ្ច រូបានំ…បេ… វត្ថុ អវិតក្កវិចារមត្តានំ ខន្ធានំ វិចារស្ស ច និស្សយបច្ចយេន បច្ចយោ. បដិសន្ធិក្ខណេ វិចារោ…បេ…. (៤)

អវិតក្កអវិចារោ ធម្មោ សវិតក្កសវិចារស្ស ច អវិតក្កវិចារមត្តស្ស ច ធម្មស្ស និស្សយបច្ចយេន បច្ចយោ – វត្ថុ សវិតក្កសវិចារានំ ខន្ធានំ វិតក្កស្ស ច និស្សយបច្ចយេន បច្ចយោ. បដិសន្ធិក្ខណេ វត្ថុ…បេ…. (៥)

៩៩. សវិតក្កសវិចារោ ¶ ច អវិតក្កអវិចារោ ច ធម្មា សវិតក្កសវិចារស្ស ធម្មស្ស និស្សយបច្ចយេន បច្ចយោ – សវិតក្កសវិចារោ ឯកោ ខន្ធោ ច វត្ថុ ច តិណ្ណន្នំ ខន្ធានំ និស្សយបច្ចយេន បច្ចយោ…បេ… (បវត្តិបិ, បដិសន្ធិបិ ទីបេតព្ពា). (១)

សវិតក្កសវិចារោ ¶ ច អវិតក្កអវិចារោ ច ធម្មា អវិតក្កវិចារមត្តស្ស ធម្មស្ស និស្សយបច្ចយេន បច្ចយោ – សវិតក្កសវិចារា ខន្ធា ច វត្ថុ ច វិតក្កស្ស…បេ… បដិសន្ធិក្ខណេ…បេ…. (២)

សវិតក្កសវិចារោ ច អវិតក្កអវិចារោ ច ធម្មា អវិតក្កអវិចារស្ស ធម្មស្ស និស្សយបច្ចយេន បច្ចយោ – សវិតក្កសវិចារា ខន្ធា ច មហាភូតា ច ចិត្តសមុដ្ឋានានំ រូបានំ និស្សយបច្ចយេន បច្ចយោ. បដិសន្ធិក្ខណេ…បេ…. (៣)

សវិតក្កសវិចារោ ច អវិតក្កអវិចារោ ច ធម្មា សវិតក្កសវិចារស្ស ច អវិតក្កវិចារមត្តស្ស ច ធម្មស្ស និស្សយបច្ចយេន បច្ចយោ – សវិតក្កសវិចារោ ឯកោ ខន្ធោ ¶ ច វត្ថុ ច តិណ្ណន្នំ ខន្ធានំ វិតក្កស្ស ច និស្សយបច្ចយេន បច្ចយោ…បេ… បដិសន្ធិក្ខណេ…បេ…. (៤)

១០០. អវិតក្កវិចារមត្តោ ច អវិតក្កអវិចារោ ច ធម្មា សវិតក្កសវិចារស្ស ធម្មស្ស និស្សយបច្ចយេន បច្ចយោ – វិតក្កោ ច វត្ថុ ច សវិតក្កសវិចារានំ ខន្ធានំ…បេ… បដិសន្ធិក្ខណេ…បេ…. (១)

អវិតក្កវិចារមត្តោ ច អវិតក្កអវិចារោ ច ធម្មា អវិតក្កវិចារមត្តស្ស ធម្មស្ស និស្សយបច្ចយេន បច្ចយោ – អវិតក្កវិចារមត្តោ ឯកោ ¶ ខន្ធោ ច វិចារោ ច តិណ្ណន្នំ ខន្ធានំ…បេ… អវិតក្កវិចារមត្តោ ឯកោ ខន្ធោ ច វត្ថុ ច តិណ្ណន្នំ ខន្ធានំ…បេ… បដិសន្ធិក្ខណេ…បេ…. (២)

អវិតក្កវិចារមត្តោ ច អវិតក្កអវិចារោ ច ធម្មា អវិតក្កអវិចារស្ស ធម្មស្ស និស្សយបច្ចយេន បច្ចយោ – អវិតក្កវិចារមត្តា ខន្ធា ច វិចារោ ច ចិត្តសមុដ្ឋានានំ រូបានំ និស្សយបច្ចយេន បច្ចយោ. អវិតក្កវិចារមត្តា ខន្ធា ច មហាភូតា ច ចិត្តសមុដ្ឋានានំ រូបានំ…បេ… វិតក្កោ ច មហាភូតា ច ចិត្តសមុដ្ឋានានំ រូបានំ…បេ… អវិតក្កវិចារមត្តា ខន្ធា ច វត្ថុ ច វិចារស្ស និស្សយបច្ចយេន បច្ចយោ (បដិសន្ធិកានិ ចត្តារិ. សំខិត្តំ). (៣)

អវិតក្កវិចារមត្តោ ច អវិតក្កអវិចារោ ច ធម្មា អវិតក្កវិចារមត្តស្ស ច អវិតក្កអវិចារស្ស ច ធម្មស្ស និស្សយបច្ចយេន បច្ចយោ – អវិតក្កវិចារមត្តោ ឯកោ ខន្ធោ ច វិចារោ ច តិណ្ណន្នំ ខន្ធានំ ចិត្តសមុដ្ឋានានញ្ច រូបានំ និស្សយបច្ចយេន បច្ចយោ…បេ… ទ្វេ ខន្ធា ច វិចារោ ច ¶ ទ្វិន្នំ ខន្ធានំ ចិត្តសមុដ្ឋានានញ្ច រូបានំ និស្សយបច្ចយេន បច្ចយោ. អវិតក្កវិចារមត្តោ ឯកោ ខន្ធោ ច វត្ថុ ច តិណ្ណន្នំ ខន្ធានំ វិចារស្ស ច…បេ… ទ្វេ ខន្ធា ច វត្ថុ ច ទ្វិន្នំ ខន្ធានំ វិចារស្ស ច និស្សយបច្ចយេន បច្ចយោ. បដិសន្ធិក្ខណេ…បេ…. (៤)

១០១. សវិតក្កសវិចារោ ច អវិតក្កវិចារមត្តោ ច ធម្មា សវិតក្កសវិចារស្ស ធម្មស្ស ¶ …បេ… អវិតក្កអវិចារស្ស ធម្មស្ស…បេ… សវិតក្កសវិចារស្ស ច អវិតក្កអវិចារស្ស ច ធម្មស្ស…បេ… តីណិ.

សវិតក្កសវិចារោ ¶ ច អវិតក្កវិចារមត្តោ ច អវិតក្កអវិចារោ ច ធម្មា សវិតក្កសវិចារស្ស ធម្មស្ស…បេ… អវិតក្កអវិចារស្ស ធម្មស្ស និស្សយបច្ចយេន បច្ចយោ (ទ្វេ វារា វិត្ថារេតព្ពា).

ឧបនិស្សយបច្ចយោ

១០២. សវិតក្កសវិចារោ ធម្មោ សវិតក្កសវិចារស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សវិតក្កសវិចារំ សទ្ធំ ឧបនិស្សាយ ទានំ ទេតិ, សីលំ សមាទិយតិ, ឧបោសថកម្មំ ករោតិ, សវិតក្កសវិចារំ ឈានំ ឧប្បាទេតិ, វិបស្សនំ ឧប្បាទេតិ, មគ្គំ…បេ… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ. សវិតក្កសវិចារំ សីលំ… សុតំ… ចាគំ… បញ្ញំ… រាគំ… ទោសំ… មោហំ… មានំ… ទិដ្ឋិំ… បត្ថនំ ឧបនិស្សាយ ទានំ ទេតិ, សីលំ សមាទិយតិ, ឧបោសថកម្មំ ករោតិ, សវិតក្កសវិចារំ ឈានំ ឧប្បាទេតិ, វិបស្សនំ ឧប្បាទេតិ, មគ្គំ…បេ… សមាបត្តិំ…បេ… បាណំ ហនតិ…បេ… សង្ឃំ ភិន្ទតិ. សវិតក្កសវិចារា សទ្ធា… សីលំ… សុតំ… ចាគោ… បញ្ញា… រាគោ… ទោសោ… មោហោ… មានោ… ទិដ្ឋិ… បត្ថនា សវិតក្កសវិចារាយ សទ្ធាយ… សីលស្ស… សុតស្ស… ចាគស្ស… បញ្ញាយ… រាគស្ស… ទោសស្ស… មោហស្ស… មានស្ស… ទិដ្ឋិយា… បត្ថនាយ… ឧបនិស្សយបច្ចយេន បច្ចយោ. (១)

សវិតក្កសវិចារោ ធម្មោ អវិតក្កវិចារមត្តស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សវិតក្កសវិចារំ សទ្ធំ ឧបនិស្សាយ អវិតក្កវិចារមត្តំ ឈានំ ឧប្បាទេតិ, មគ្គំ…បេ… សមាបត្តិំ…បេ… សវិតក្កសវិចារំ ¶ សីលំ ¶ …បេ… បត្ថនំ ឧបនិស្សាយ អវិតក្កវិចារមត្តំ ឈានំ ឧប្បាទេតិ, មគ្គំ…បេ… សមាបត្តិំ…បេ… សវិតក្កសវិចារា សទ្ធា…បេ… បត្ថនា អវិតក្កវិចារមត្តាយ សទ្ធាយ… សីលស្ស… សុតស្ស… ចាគស្ស… បញ្ញាយ វិតក្កស្ស ច ឧបនិស្សយបច្ចយេន បច្ចយោ. (២)

សវិតក្កសវិចារោ ¶ ធម្មោ អវិតក្កអវិចារស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សវិតក្កសវិចារំ សទ្ធំ ឧបនិស្សាយ អវិតក្កអវិចារំ ឈានំ ឧប្បាទេតិ, មគ្គំ…បេ… អភិញ្ញំ…បេ… សមាបត្តិំ ឧប្បាទេតិ. សវិតក្កសវិចារំ សីលំ…បេ… បត្ថនំ ឧបនិស្សាយ អវិតក្កអវិចារំ ឈានំ ឧប្បាទេតិ, មគ្គំ…បេ… អភិញ្ញំ…បេ… សមាបត្តិំ ឧប្បាទេតិ. សវិតក្កសវិចារា សទ្ធា…បេ… បត្ថនា អវិតក្កអវិចារាយ សទ្ធាយ… សីលស្ស… សុតស្ស… ចាគស្ស… បញ្ញាយ វិចារស្ស ច… កាយិកស្ស សុខស្ស កាយិកស្ស ទុក្ខស្ស ឧបនិស្សយបច្ចយេន បច្ចយោ. (៣)

សវិតក្កសវិចារោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស ឧបនិស្សយបច្ចយេន បច្ចយោ. អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សវិតក្កសវិចារា សទ្ធា…បេ… បត្ថនា អវិតក្កវិចារមត្តាយ សទ្ធាយ… សីលស្ស… សុតស្ស… ចាគស្ស… បញ្ញាយ វិចារស្ស ច ឧបនិស្សយបច្ចយេន បច្ចយោ. (៤)

សវិតក្កសវិចារោ ធម្មោ សវិតក្កសវិចារស្ស ច អវិតក្កវិចារមត្តស្ស ច ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ ¶ , អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សវិតក្កសវិចារា សទ្ធា…បេ… បត្ថនា សវិតក្កសវិចារាយ សទ្ធាយ…បេ… បត្ថនាយ វិតក្កស្ស ច ឧបនិស្សយបច្ចយេន បច្ចយោ. (៥)

១០៣. អវិតក្កវិចារមត្តោ ធម្មោ អវិតក្កវិចារមត្តស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – អវិតក្កវិចារមត្តំ សទ្ធំ ឧបនិស្សាយ អវិតក្កវិចារមត្តំ ឈានំ ឧប្បាទេតិ, មគ្គំ…បេ… សមាបត្តិំ ឧប្បាទេតិ. អវិតក្កវិចារមត្តំ សីលំ… សុតំ… ចាគំ… បញ្ញំ… វិតក្កំ ឧបនិស្សាយ អវិតក្កវិចារមត្តំ ឈានំ ឧប្បាទេតិ, មគ្គំ…បេ… សមាបត្តិំ ឧប្បាទេតិ. អវិតក្កវិចារមត្តា សទ្ធា… សីលំ… សុតំ… ចាគោ… បញ្ញា វិតក្កោ ច អវិតក្កវិចារមត្តាយ ¶ សទ្ធាយ… សីលស្ស… សុតស្ស… ចាគស្ស… បញ្ញាយ វិតក្កស្ស ច ឧបនិស្សយបច្ចយេន បច្ចយោ. (១)

អវិតក្កវិចារមត្តោ ¶ ធម្មោ សវិតក្កសវិចារស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – អវិតក្កវិចារមត្តំ សទ្ធំ ឧបនិស្សាយ ទានំ ទេតិ, សីលំ សមាទិយតិ, ឧបោសថកម្មំ ករោតិ, សវិតក្កសវិចារំ ឈានំ ឧប្បាទេតិ, វិបស្សនំ…បេ… មគ្គំ…បេ… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ. អវិតក្កវិចារមត្តំ សីលំ… សុតំ… ចាគំ… បញ្ញំ… វិតក្កំ ឧបនិស្សាយ ទានំ ទេតិ, សីលំ សមាទិយតិ, ឧបោសថកម្មំ ករោតិ, សវិតក្កសវិចារំ ឈានំ ឧប្បាទេតិ, វិបស្សនំ ឧប្បាទេតិ, មគ្គំ ឧប្បាទេតិ ¶ , សមាបត្តិំ ឧប្បាទេតិ, បាណំ ហនតិ…បេ… សង្ឃំ ភិន្ទតិ. អវិតក្កវិចារមត្តា សទ្ធា… សីលំ… សុតំ… ចាគោ… បញ្ញា វិតក្កោ ច សវិតក្កសវិចារាយ សទ្ធាយ…បេ… បត្ថនាយ ឧបនិស្សយបច្ចយេន បច្ចយោ. (២)

អវិតក្កវិចារមត្តោ ធម្មោ អវិតក្កអវិចារស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – អវិតក្កវិចារមត្តំ សទ្ធំ ឧបនិស្សាយ អវិតក្កអវិចារំ ឈានំ ឧប្បាទេតិ, មគ្គំ…បេ… អភិញ្ញំ…បេ… សមាបត្តិំ ឧប្បាទេតិ. អវិតក្កវិចារមត្តំ សីលំ… សុតំ… ចាគំ… បញ្ញំ… វិតក្កំ ឧបនិស្សាយ អវិតក្កអវិចារំ ឈានំ ឧប្បាទេតិ, មគ្គំ…បេ… អភិញ្ញំ…បេ… សមាបត្តិំ ឧប្បាទេតិ. អវិតក្កវិចារមត្តា សទ្ធា… សីលំ… សុតំ… ចាគោ… បញ្ញា វិតក្កោ ច អវិតក្កអវិចារាយ សទ្ធាយ… សីលស្ស… សុតស្ស… ចាគស្ស… បញ្ញាយ វិចារស្ស ច… កាយិកស្ស សុខស្ស កាយិកស្ស ទុក្ខស្ស ឧបនិស្សយបច្ចយេន បច្ចយោ. (៣)

អវិតក្កវិចារមត្តោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – អវិតក្កវិចារមត្តា សទ្ធា… សីលំ… សុតំ… ចាគោ… បញ្ញា វិតក្កោ ច អវិតក្កវិចារមត្តាយ សទ្ធាយ… សីលស្ស… សុតស្ស… ចាគស្ស… បញ្ញាយ វិចារស្ស ច ឧបនិស្សយបច្ចយេន បច្ចយោ. (៤)

អវិតក្កវិចារមត្តោ ¶ ធម្មោ សវិតក្កសវិចារស្ស ច អវិតក្កវិចារមត្តស្ស ¶ ច ធម្មស្ស ¶ ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – អវិតក្កវិចារមត្តា សទ្ធា… សីលំ… សុតំ… ចាគោ… បញ្ញា វិតក្កោ ច សវិតក្កសវិចារាយ សទ្ធាយ…បេ… បត្ថនាយ វិតក្កស្ស ច ឧបនិស្សយបច្ចយេន បច្ចយោ. (៥)

១០៤. អវិតក្កអវិចារោ ធម្មោ អវិតក្កអវិចារស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – អវិតក្កអវិចារំ សទ្ធំ ឧបនិស្សាយ អវិតក្កអវិចារំ ឈានំ ឧប្បាទេតិ, មគ្គំ…បេ… អភិញ្ញំ…បេ… សមាបត្តិំ ឧប្បាទេតិ. អវិតក្កអវិចារំ សីលំ… សុតំ… ចាគំ… បញ្ញំ… វិចារំ… កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ ឧបនិស្សាយ អវិតក្កអវិចារំ ឈានំ ឧប្បាទេតិ, មគ្គំ…បេ… អភិញ្ញំ…បេ… សមាបត្តិំ ឧប្បាទេតិ. អវិតក្កអវិចារា សទ្ធា… សីលំ… សុតំ… ចាគោ… បញ្ញា… វិចារោ… កាយិកំ សុខំ… កាយិកំ ទុក្ខំ… ឧតុ… ភោជនំ… សេនាសនំ អវិតក្កអវិចារាយ សទ្ធាយ… សីលស្ស… សុតស្ស… ចាគស្ស… បញ្ញាយ… វិចារស្ស… កាយិកស្ស សុខស្ស កាយិកស្ស ទុក្ខស្ស ឧបនិស្សយបច្ចយេន បច្ចយោ. (១)

អវិតក្កអវិចារោ ធម្មោ សវិតក្កសវិចារស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – អវិតក្កអវិចារំ សទ្ធំ ឧបនិស្សាយ ទានំ ទេតិ, សីលំ សមាទិយតិ, ឧបោសថកម្មំ ករោតិ, សវិតក្កសវិចារំ ឈានំ ¶ ឧប្បាទេតិ, វិបស្សនំ…បេ… មគ្គំ…បេ… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ. អវិតក្កអវិចារំ សីលំ… សុតំ… ចាគំ… បញ្ញំ… វិចារំ… កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ ឧបនិស្សាយ ទានំ ទេតិ, សីលំ សមាទិយតិ, ឧបោសថកម្មំ ករោតិ, សវិតក្កសវិចារំ ឈានំ ឧប្បាទេតិ, វិបស្សនំ…បេ… មគ្គំ…បេ… សមាបត្តិំ ឧប្បាទេតិ, បាណំ ហនតិ…បេ… សង្ឃំ ភិន្ទតិ. អវិតក្កអវិចារា សទ្ធា…បេ… សេនាសនំ សវិតក្កសវិចារាយ សទ្ធាយ… សីលស្ស…បេ… បត្ថនាយ ឧបនិស្សយបច្ចយេន បច្ចយោ. (២)

អវិតក្កអវិចារោ ធម្មោ អវិតក្កវិចារមត្តស្ស ធម្មស្ស ឧបនិស្សយបច្ចយេន បច្ចយោ ¶ – អារម្មណូបនិស្សយោ, អនន្តរូបនិស្សយោ, បកតូបនិស្សយោ ¶ …បេ…. បកតូបនិស្សយោ – អវិតក្កអវិចារំ សទ្ធំ ឧបនិស្សាយ អវិតក្កវិចារមត្តំ ឈានំ ឧប្បាទេតិ, វិបស្សនំ…បេ… មគ្គំ…បេ… សមាបត្តិំ ឧប្បាទេតិ. អវិតក្កអវិចារំ សីលំ…បេ… សេនាសនំ ឧបនិស្សាយ អវិតក្កវិចារមត្តំ ឈានំ ឧប្បាទេតិ, វិបស្សនំ…បេ… មគ្គំ…បេ… សមាបត្តិំ ឧប្បាទេតិ. អវិតក្កអវិចារា សទ្ធា…បេ… សេនាសនំ អវិតក្កវិចារមត្តាយ សទ្ធាយ… សីលស្ស… សុតស្ស… ចាគស្ស… បញ្ញាយ វិតក្កស្ស ច ឧបនិស្សយបច្ចយេន បច្ចយោ. (៣)

អវិតក្កអវិចារោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – អវិតក្កអវិចារា ¶ សទ្ធា…បេ… សេនាសនំ អវិតក្កវិចារមត្តាយ សទ្ធាយ… សីលស្ស… សុតស្ស… ចាគស្ស… បញ្ញាយ វិចារស្ស ច ឧបនិស្សយបច្ចយេន បច្ចយោ. (៤)

អវិតក្កអវិចារោ ធម្មោ សវិតក្កសវិចារស្ស ច អវិតក្កវិចារមត្តស្ស ច ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – អវិតក្កអវិចារា សទ្ធា…បេ… សេនាសនំ សវិតក្កសវិចារាយ សទ្ធាយ… សីលស្ស…បេ… បត្ថនាយ វិតក្កស្ស ច ឧបនិស្សយបច្ចយេន បច្ចយោ. (៥)

១០៥. អវិតក្កវិចារមត្តោ ច អវិតក្កអវិចារោ ច ធម្មា សវិតក្កសវិចារស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – អវិតក្កវិចារមត្តា សទ្ធា… សីលំ… សុតំ… ចាគោ… បញ្ញា វិចារោ ច សវិតក្កសវិចារាយ សទ្ធាយ…បេ… បត្ថនាយ ឧបនិស្សយបច្ចយេន បច្ចយោ. (១)

អវិតក្កវិចារមត្តោ ច អវិតក្កអវិចារោ ច ធម្មា អវិតក្កវិចារមត្តស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ ¶ …បេ…. បកតូបនិស្សយោ – អវិតក្កវិចារមត្តា សទ្ធា… សីលំ… សុតំ… ចាគោ… បញ្ញា វិចារោ ច អវិតក្កវិចារមត្តាយ សទ្ធាយ… សីលស្ស… សុតស្ស… ចាគស្ស… បញ្ញាយ វិតក្កស្ស ច ឧបនិស្សយបច្ចយេន បច្ចយោ. (២)

អវិតក្កវិចារមត្តោ ¶ ច អវិតក្កអវិចារោ ច ធម្មា អវិតក្កអវិចារស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ ¶ , បកតូបនិស្សយោ…បេ…. បកតូបនិស្សយោ – អវិតក្កវិចារមត្តា សទ្ធា… សីលំ… សុតំ… ចាគោ… បញ្ញា វិចារោ ច អវិតក្កអវិចារាយ សទ្ធាយ… សីលស្ស… សុតស្ស… ចាគស្ស… បញ្ញាយ វិចារស្ស ច… កាយិកស្ស សុខស្ស កាយិកស្ស ទុក្ខស្ស ឧបនិស្សយបច្ចយេន បច្ចយោ. (៣)

អវិតក្កវិចារមត្តោ ច អវិតក្កអវិចារោ ច ធម្មា អវិតក្កវិចារមត្តស្ស ច អវិតក្កអវិចារស្ស ច ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – អវិតក្កវិចារមត្តា សទ្ធា… សីលំ… សុតំ… ចាគោ… បញ្ញា វិចារោ ច អវិតក្កវិចារមត្តាយ សទ្ធាយ… សីលស្ស… សុតស្ស… ចាគស្ស… បញ្ញាយ វិចារស្ស ច ឧបនិស្សយបច្ចយេន បច្ចយោ. (៤)

អវិតក្កវិចារមត្តោ ច អវិតក្កអវិចារោ ច ធម្មា សវិតក្កសវិចារស្ស ច អវិតក្កវិចារមត្តស្ស ច ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – អវិតក្កវិចារមត្តា សទ្ធា… សីលំ… សុតំ… ចាគោ… បញ្ញា វិចារោ ច សវិតក្កសវិចារាយ សទ្ធាយ… សីលស្ស… សុតស្ស… ចាគស្ស… បញ្ញាយ… រាគស្ស… ទោសស្ស… មោហស្ស… មានស្ស… ទិដ្ឋិយា… បត្ថនាយ វិតក្កស្ស ច ឧបនិស្សយបច្ចយេន បច្ចយោ. (៥)

១០៦. សវិតក្កសវិចារោ ច អវិតក្កវិចារមត្តោ ច ធម្មា សវិតក្កសវិចារស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សវិតក្កសវិចារា ¶ សទ្ធា… សីលំ… សុតំ… ចាគោ… បញ្ញា… រាគោ… ទោសោ… មោហោ… មានោ… ទិដ្ឋិ… បត្ថនា វិតក្កោ ច សវិតក្កសវិចារាយ សទ្ធាយ សីលស្ស…បេ… បត្ថនាយ ឧបនិស្សយបច្ចយេន បច្ចយោ. (១)

សវិតក្កសវិចារោ ¶ ច អវិតក្កវិចារមត្តោ ច ធម្មា អវិតក្កវិចារមត្តស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សវិតក្កសវិចារា ¶ សទ្ធា សីលំ…បេ… បត្ថនា វិតក្កោ ច អវិតក្កវិចារមត្តាយ សទ្ធាយ… សីលស្ស… សុតស្ស… ចាគស្ស… បញ្ញាយ វិតក្កស្ស ច ឧបនិស្សយបច្ចយេន បច្ចយោ. (២)

សវិតក្កសវិចារោ ច អវិតក្កវិចារមត្តោ ច ធម្មា អវិតក្កអវិចារស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សវិតក្កសវិចារា សទ្ធា… សីលំ… សុតំ… ចាគោ… បញ្ញា…បេ… បត្ថនា វិតក្កោ ច អវិតក្កអវិចារាយ សទ្ធាយ… សីលស្ស… សុតស្ស… ចាគស្ស… បញ្ញាយ វិចារស្ស ច… កាយិកស្ស សុខស្ស កាយិកស្ស ទុក្ខស្ស ឧបនិស្សយបច្ចយេន បច្ចយោ. (៣)

សវិតក្កសវិចារោ ច អវិតក្កវិចារមត្តោ ច ធម្មា អវិតក្កវិចារមត្តស្ស ច អវិតក្កអវិចារស្ស ច ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សវិតក្កសវិចារា សទ្ធា… សីលំ… សុតំ… ចាគោ… បញ្ញា…បេ… បត្ថនា ¶ វិតក្កោ ច អវិតក្កវិចារមត្តាយ សទ្ធាយ… សីលស្ស… សុតស្ស… ចាគស្ស… បញ្ញាយ វិចារស្ស ច ឧបនិស្សយបច្ចយេន បច្ចយោ. (៤)

សវិតក្កសវិចារោ ច អវិតក្កវិចារមត្តោ ច ធម្មា សវិតក្កសវិចារស្ស ច អវិតក្កវិចារមត្តស្ស ច ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សវិតក្កសវិចារា សទ្ធា… សីលំ… សុតំ… ចាគោ… បញ្ញា… រាគោ… ទោសោ… មោហោ… មានោ… ទិដ្ឋិ… បត្ថនា វិតក្កោ ច សវិតក្កសវិចារាយ សទ្ធាយ…បេ… បត្ថនាយ វិតក្កស្ស ច ឧបនិស្សយបច្ចយេន បច្ចយោ. (៥)

បុរេជាតបច្ចយោ

១០៧. អវិតក្កអវិចារោ ធម្មោ អវិតក្កអវិចារស្ស ធម្មស្ស បុរេជាតបច្ចយេន បច្ចយោ ¶ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស បុរេជាតបច្ចយេន បច្ចយោ. វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស…បេ… វត្ថុ អវិតក្កអវិចារានំ ខន្ធានំ វិចារស្ស ច បុរេជាតបច្ចយេន បច្ចយោ. (១)

អវិតក្កអវិចារោ ¶ ធម្មោ សវិតក្កសវិចារស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ អនិច្ចតោ ទុក្ខតោ អនត្តតោ វិបស្សតិ…បេ… ផោដ្ឋព្ពេ… ¶ វត្ថុំ អនិច្ចតោ ទុក្ខតោ អនត្តតោ វិបស្សតិ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ…បេ… ទោមនស្សំ ឧប្បជ្ជតិ. វត្ថុបុរេជាតំ – វត្ថុ សវិតក្កសវិចារានំ ខន្ធានំ បុរេជាតបច្ចយេន បច្ចយោ. (២)

អវិតក្កអវិចារោ ធម្មោ អវិតក្កវិចារមត្តស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ អនិច្ចតោ ទុក្ខតោ អនត្តតោ វិបស្សតិ អស្សាទេតិ អភិនន្ទតិ, តំ អារព្ភ វិតក្កោ ឧប្បជ្ជតិ…បេ… វត្ថុំ អនិច្ចតោ ទុក្ខតោ អនត្តតោ វិបស្សតិ, អស្សាទេតិ អភិនន្ទតិ, តំ អារព្ភ វិតក្កោ ឧប្បជ្ជតិ. វត្ថុបុរេជាតំ – វត្ថុ អវិតក្កវិចារមត្តានំ ខន្ធានំ វិតក្កស្ស ច បុរេជាតបច្ចយេន បច្ចយោ. (៣)

អវិតក្កអវិចារោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស បុរេជាតបច្ចយេន បច្ចយោ. វត្ថុបុរេជាតំ – វត្ថុ អវិតក្កវិចារមត្តានំ ខន្ធានំ វិចារស្ស ច បុរេជាតបច្ចយេន បច្ចយោ. (៤)

អវិតក្កអវិចារោ ធម្មោ សវិតក្កសវិចារស្ស ច អវិតក្កវិចារមត្តស្ស ច ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ អនិច្ចតោ ទុក្ខតោ អនត្តតោ វិបស្សតិ អស្សាទេតិ អភិនន្ទតិ, តំ អារព្ភ សវិតក្កសវិចារា ខន្ធា ច វិតក្កោ ច ឧប្បជ្ជន្តិ. សោតំ… ឃានំ… ¶ ជិវ្ហំ… កាយំ… រូបេ… សទ្ទេ… គន្ធេ… រសេ… ផោដ្ឋព្ពេ… វត្ថុំ អនិច្ចតោ ទុក្ខតោ អនត្តតោ វិបស្សតិ អស្សាទេតិ ¶ អភិនន្ទតិ, តំ អារព្ភ សវិតក្កសវិចារា ខន្ធា ច វិតក្កោ ច ឧប្បជ្ជន្តិ. វត្ថុបុរេជាតំ – វត្ថុ សវិតក្កសវិចារានំ ខន្ធានំ វិតក្កស្ស ច បុរេជាតបច្ចយេន បច្ចយោ. (៥)

បច្ឆាជាតបច្ចយោ

១០៨. សវិតក្កសវិចារោ ធម្មោ អវិតក្កអវិចារស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា សវិតក្កសវិចារា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ. (១)

អវិតក្កវិចារមត្តោ ¶ ធម្មោ អវិតក្កអវិចារស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា អវិតក្កវិចារមត្តា ខន្ធា ច វិតក្កោ ច បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ. (១)

អវិតក្កអវិចារោ ធម្មោ អវិតក្កអវិចារស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា អវិតក្កអវិចារា ខន្ធា ច វិចារោ ច បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ. (១)

អវិតក្កវិចារមត្តោ ច អវិតក្កអវិចារោ ច ធម្មា អវិតក្កអវិចារស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា អវិតក្កវិចារមត្តា ខន្ធា ច វិចារោ ច បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ. (១)

សវិតក្កសវិចារោ ច អវិតក្កវិចារមត្តោ ច ធម្មា អវិតក្កអវិចារស្ស ¶ ធម្មស្ស បច្ឆាជាតបច្ចយេន បច្ចយោ – បច្ឆាជាតា សវិតក្កសវិចារា ខន្ធា ច វិតក្កោ ច បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ. (១)

អាសេវនបច្ចយោ

១០៩. សវិតក្កសវិចារោ ធម្មោ សវិតក្កសវិចារស្ស ធម្មស្ស អាសេវនបច្ចយេន បច្ចយោ ¶ – បុរិមា បុរិមា សវិតក្កសវិចារា ខន្ធា បច្ឆិមានំ បច្ឆិមានំ សវិតក្កសវិចារានំ ខន្ធានំ អាសេវនបច្ចយេន បច្ចយោ. អនុលោមំ គោត្រភុស្ស… អនុលោមំ វោទានស្ស… គោត្រភុ សវិតក្កសវិចារស្ស មគ្គស្ស… វោទានំ សវិតក្កសវិចារស្ស មគ្គស្ស អាសេវនបច្ចយេន បច្ចយោ. (១)

សវិតក្កសវិចារោ ធម្មោ អវិតក្កវិចារមត្តស្ស ធម្មស្ស អាសេវនបច្ចយេន បច្ចយោ – បុរិមា បុរិមា សវិតក្កសវិចារា ខន្ធា បច្ឆិមស្ស បច្ឆិមស្ស វិតក្កស្ស អាសេវនបច្ចយេន បច្ចយោ. អវិតក្កវិចារមត្តស្ស ឈានស្ស បរិកម្មំ អវិតក្កវិចារមត្តស្ស ឈានស្ស អាសេវនបច្ចយេន បច្ចយោ. គោត្រភុ អវិតក្កវិចារមត្តស្ស មគ្គស្ស អាសេវនបច្ចយេន បច្ចយោ. វោទានំ អវិតក្កវិចារមត្តស្ស មគ្គស្ស អាសេវនបច្ចយេន បច្ចយោ. (២)

សវិតក្កសវិចារោ ធម្មោ អវិតក្កអវិចារស្ស ធម្មស្ស អាសេវនបច្ចយេន បច្ចយោ – ទុតិយស្ស ឈានស្ស បរិកម្មំ ទុតិយេ ឈានេ វិចារស្ស អាសេវនបច្ចយេន ¶ បច្ចយោ. តតិយស្ស ឈានស្ស បរិកម្មំ តតិយស្ស ឈានស្ស…បេ… ចតុត្ថស្ស ឈានស្ស បរិកម្មំ ចតុត្ថស្ស ឈានស្ស…បេ… ¶ អាកាសានញ្ចាយតនស្ស បរិកម្មំ អាកាសានញ្ចាយតនស្ស…បេ… វិញ្ញាណញ្ចាយតនស្ស បរិកម្មំ វិញ្ញាណញ្ចាយតនស្ស…បេ… អាកិញ្ចញ្ញាយតនស្ស បរិកម្មំ អាកិញ្ចញ្ញាយតនស្ស…បេ… នេវសញ្ញានាសញ្ញាយតនស្ស បរិកម្មំ នេវសញ្ញានាសញ្ញាយតនស្ស…បេ… ទិព្ពស្ស ចក្ខុស្ស បរិកម្មំ ទិព្ពស្ស ចក្ខុស្ស…បេ… ទិព្ពាយ សោតធាតុយា បរិកម្មំ ទិព្ពាយ សោតធាតុយា…បេ… ឥទ្ធិវិធញាណស្ស បរិកម្មំ…បេ… ចេតោបរិយញាណស្ស បរិកម្មំ…បេ… បុព្ពេនិវាសានុស្សតិញាណស្ស បរិកម្មំ…បេ… យថាកម្មូបគញាណស្ស បរិកម្មំ…បេ… អនាគតំសញាណស្ស បរិកម្មំ…បេ… គោត្រភុ អវិតក្កអវិចារស្ស មគ្គស្ស វិចារស្ស ច… វោទានំ អវិតក្កអវិចារស្ស មគ្គស្ស វិចារស្ស ច អាសេវនបច្ចយេន បច្ចយោ. (៣)

សវិតក្កសវិចារោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស អាសេវនបច្ចយេន បច្ចយោ – អវិតក្កវិចារមត្តស្ស ឈានស្ស បរិកម្មំ អវិតក្កវិចារមត្តស្ស ឈានស្ស វិចារស្ស ច អាសេវនបច្ចយេន បច្ចយោ. គោត្រភុ អវិតក្កវិចារមត្តស្ស ¶ មគ្គស្ស វិចារស្ស ច… វោទានំ អវិតក្កវិចារមត្តស្ស មគ្គស្ស វិចារស្ស ច អាសេវនបច្ចយេន បច្ចយោ. (៤)

សវិតក្កសវិចារោ ធម្មោ សវិតក្កសវិចារស្ស ច អវិតក្កវិចារមត្តស្ស ច ធម្មស្ស អាសេវនបច្ចយេន បច្ចយោ – បុរិមា បុរិមា សវិតក្កសវិចារា ខន្ធា បច្ឆិមានំ បច្ឆិមានំ សវិតក្កសវិចារានំ ខន្ធានំ ¶ វិតក្កស្ស ច អាសេវនបច្ចយេន បច្ចយោ. អនុលោមំ គោត្រភុស្ស វិតក្កស្ស ច… អនុលោមំ វោទានស្ស វិតក្កស្ស ច… គោត្រភុ សវិតក្កសវិចារស្ស មគ្គស្ស វិតក្កស្ស ច… វោទានំ សវិតក្កសវិចារស្ស មគ្គស្ស វិតក្កស្ស ច អាសេវនបច្ចយេន បច្ចយោ. (៥)

១១០. អវិតក្កវិចារមត្តោ ធម្មោ អវិតក្កវិចារមត្តស្ស ធម្មស្ស អាសេវនបច្ចយេន បច្ចយោ – បុរិមោ បុរិមោ វិតក្កោ បច្ឆិមស្ស បច្ឆិមស្ស វិតក្កស្ស អាសេវនបច្ចយេន បច្ចយោ. បុរិមា បុរិមា អវិតក្កវិចារមត្តា ខន្ធា បច្ឆិមានំ បច្ឆិមានំ អវិតក្កវិចារមត្តានំ ខន្ធានំ អាសេវនបច្ចយេន បច្ចយោ. (១)

អវិតក្កវិចារមត្តោ ¶ ធម្មោ សវិតក្កសវិចារស្ស ធម្មស្ស អាសេវនបច្ចយេន បច្ចយោ – បុរិមោ បុរិមោ វិតក្កោ បច្ឆិមានំ បច្ឆិមានំ សវិតក្កសវិចារានំ ខន្ធានំ អាសេវនបច្ចយេន បច្ចយោ. (២)

អវិតក្កវិចារមត្តោ ធម្មោ អវិតក្កអវិចារស្ស ធម្មស្ស អាសេវនបច្ចយេន បច្ចយោ – បុរិមា បុរិមា អវិតក្កវិចារមត្តា ខន្ធា បច្ឆិមស្ស បច្ឆិមស្ស វិចារស្ស អាសេវនបច្ចយេន បច្ចយោ. (៣)

អវិតក្កវិចារមត្តោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស អាសេវនបច្ចយេន បច្ចយោ – បុរិមា បុរិមា អវិតក្កវិចារមត្តា ខន្ធា បច្ឆិមានំ បច្ឆិមានំ អវិតក្កវិចារមត្តានំ ខន្ធានំ វិចារស្ស ច អាសេវនបច្ចយេន បច្ចយោ. (៤)

អវិតក្កវិចារមត្តោ ធម្មោ សវិតក្កសវិចារស្ស ច អវិតក្កវិចារមត្តស្ស ¶ ច ធម្មស្ស ¶ អាសេវនបច្ចយេន បច្ចយោ – បុរិមោ បុរិមោ វិតក្កោ បច្ឆិមានំ បច្ឆិមានំ សវិតក្កសវិចារានំ ខន្ធានំ វិតក្កស្ស ច អាសេវនបច្ចយេន បច្ចយោ. (៥)

១១១. អវិតក្កអវិចារោ ធម្មោ អវិតក្កអវិចារស្ស ធម្មស្ស អាសេវនបច្ចយេន បច្ចយោ – បុរិមោ បុរិមោ វិចារោ បច្ឆិមស្ស បច្ឆិមស្ស វិចារស្ស អាសេវនបច្ចយេន បច្ចយោ. បុរិមា បុរិមា អវិតក្កអវិចារា ខន្ធា បច្ឆិមានំ បច្ឆិមានំ អវិតក្កអវិចារានំ ខន្ធានំ អាសេវនបច្ចយេន បច្ចយោ. (១)

អវិតក្កអវិចារោ ធម្មោ អវិតក្កវិចារមត្តស្ស ធម្មស្ស អាសេវនបច្ចយេន បច្ចយោ – បុរិមោ បុរិមោ វិចារោ បច្ឆិមានំ បច្ឆិមានំ អវិតក្កវិចារមត្តានំ ខន្ធានំ អាសេវនបច្ចយេន បច្ចយោ. (២)

អវិតក្កអវិចារោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស អាសេវនបច្ចយេន បច្ចយោ – បុរិមោ បុរិមោ វិចារោ បច្ឆិមានំ បច្ឆិមានំ អវិតក្កវិចារមត្តានំ ខន្ធានំ វិចារស្ស ច អាសេវនបច្ចយេន បច្ចយោ. (៣)

១១២. អវិតក្កវិចារមត្តោ ¶ ច អវិតក្កអវិចារោ ច ធម្មា អវិតក្កវិចារមត្តស្ស ធម្មស្ស អាសេវនបច្ចយេន បច្ចយោ – បុរិមា បុរិមា អវិតក្កវិចារមត្តា ខន្ធា ច វិចារោ ច បច្ឆិមានំ បច្ឆិមានំ អវិតក្កវិចារមត្តានំ ខន្ធានំ អាសេវនបច្ចយេន បច្ចយោ. (១)

អវិតក្កវិចារមត្តោ ច អវិតក្កអវិចារោ ច ធម្មា អវិតក្កអវិចារស្ស ¶ ធម្មស្ស អាសេវនបច្ចយេន បច្ចយោ – បុរិមា បុរិមា អវិតក្កវិចារមត្តា ខន្ធា ច វិចារោ ច បច្ឆិមស្ស បច្ឆិមស្ស វិចារស្ស អាសេវនបច្ចយេន បច្ចយោ. (២)

អវិតក្កវិចារមត្តោ ច អវិតក្កអវិចារោ ច ធម្មា អវិតក្កវិចារមត្តស្ស ច អវិតក្កអវិចារស្ស ច ធម្មស្ស អាសេវនបច្ចយេន បច្ចយោ – បុរិមា បុរិមា អវិតក្កវិចារមត្តា ខន្ធា ច វិចារោ ច បច្ឆិមានំ បច្ឆិមានំ អវិតក្កវិចារមត្តានំ ខន្ធានំ វិចារស្ស ច អាសេវនបច្ចយេន បច្ចយោ. (៣)

១១៣. សវិតក្កសវិចារោ ច អវិតក្កវិចារមត្តោ ច ធម្មា សវិតក្កសវិចារស្ស ធម្មស្ស អាសេវនបច្ចយេន បច្ចយោ – បុរិមា បុរិមា សវិតក្កសវិចារា ខន្ធា ច វិតក្កោ ច បច្ឆិមានំ បច្ឆិមានំ សវិតក្កសវិចារានំ ខន្ធានំ អាសេវនបច្ចយេន បច្ចយោ. អនុលោមញ្ច វិតក្កោ ច គោត្រភុស្ស… អនុលោមញ្ច វិតក្កោ ច វោទានស្ស… គោត្រភុ ច វិតក្កោ ច សវិតក្កសវិចារស្ស មគ្គស្ស… វោទានញ្ច វិតក្កោ ច សវិតក្កសវិចារស្ស មគ្គស្ស អាសេវនបច្ចយេន បច្ចយោ. (១)

សវិតក្កសវិចារោ ច អវិតក្កវិចារមត្តោ ច ធម្មា អវិតក្កវិចារមត្តស្ស ធម្មស្ស អាសេវនបច្ចយេន បច្ចយោ – បុរិមា បុរិមា សវិតក្កសវិចារា ខន្ធា ច វិតក្កោ ច បច្ឆិមស្ស បច្ឆិមស្ស វិតក្កស្ស អាសេវនបច្ចយេន បច្ចយោ. អវិតក្កវិចារមត្តស្ស ឈានស្ស បរិកម្មញ្ច វិតក្កោ ច អវិតក្កវិចារមត្តស្ស ឈានស្ស អាសេវនបច្ចយេន បច្ចយោ. គោត្រភុ ច វិតក្កោ ច អវិតក្ក វិចារមត្តស្ស មគ្គស្ស… វោទានញ្ច វិតក្កោ ច អវិតក្កវិចារមត្តស្ស មគ្គស្ស អាសេវនបច្ចយេន បច្ចយោ. (២)

សវិតក្កសវិចារោ ច អវិតក្កវិចារមត្តោ ច ធម្មា អវិតក្កអវិចារស្ស ធម្មស្ស អាសេវនបច្ចយេន បច្ចយោ – ទុតិយស្ស ឈានស្ស បរិកម្មញ្ច វិតក្កោ ¶ ច ទុតិយេ ឈានេ វិចារស្ស អាសេវនបច្ចយេន បច្ចយោ…បេ… នេវសញ្ញានាសញ្ញាយតនស្ស បរិកម្មញ្ច វិតក្កោ ច…បេ… ទិព្ពស្ស ចក្ខុស្ស បរិកម្មញ្ច វិតក្កោ ច…បេ… អនាគតំសញាណស្ស បរិកម្មញ្ច វិតក្កោ ច អនាគតំសញាណស្ស អាសេវនបច្ចយេន ¶ បច្ចយោ. គោត្រភុ ច វិតក្កោ ច អវិតក្កអវិចារស្ស មគ្គស្ស វិចារស្ស ច អាសេវនបច្ចយេន បច្ចយោ. វោទានញ្ច វិតក្កោ ច អវិតក្កអវិចារស្ស មគ្គស្ស វិចារស្ស ច អាសេវនបច្ចយេន បច្ចយោ. (៣)

សវិតក្កសវិចារោ ច អវិតក្កវិចារមត្តោ ច ធម្មា អវិតក្កវិចារមត្តស្ស ច អវិតក្កអវិចារស្ស ច ធម្មស្ស អាសេវនបច្ចយេន បច្ចយោ – អវិតក្កវិចារមត្តស្ស ឈានស្ស ¶ បរិកម្មញ្ច វិតក្កោ ច អវិតក្កវិចារមត្តស្ស ឈានស្ស វិចារស្ស ច… គោត្រភុ ច វិតក្កោ ច អវិតក្កវិចារមត្តស្ស មគ្គស្ស វិចារស្ស ច… វោទានញ្ច វិតក្កោ ច អវិតក្កវិចារមត្តស្ស មគ្គស្ស វិចារស្ស ច អាសេវនបច្ចយេន បច្ចយោ. (៤)

សវិតក្កសវិចារោ ច អវិតក្កវិចារមត្តោ ច ធម្មា សវិតក្កសវិចារស្ស ច អវិតក្កវិចារមត្តស្ស ច ធម្មស្ស អាសេវនបច្ចយេន បច្ចយោ ¶ – បុរិមា បុរិមា សវិតក្កសវិចារា ខន្ធា ច វិតក្កោ ច បច្ឆិមានំ បច្ឆិមានំ សវិតក្កសវិចារានំ ខន្ធានំ វិតក្កស្ស ច អាសេវនបច្ចយេន បច្ចយោ. អនុលោមញ្ច វិតក្កោ ច គោត្រភុស្ស វិតក្កស្ស ច… អនុលោមញ្ច វិតក្កោ ច វោទានស្ស វិតក្កស្ស ច… គោត្រភុ ច វិតក្កោ ច សវិតក្កសវិចារស្ស មគ្គស្ស វិតក្កស្ស ច… វោទានញ្ច វិតក្កោ ច សវិតក្កសវិចារស្ស មគ្គស្ស វិតក្កស្ស ច អាសេវនបច្ចយេន បច្ចយោ. (៥)

កម្មបច្ចយោ

១១៤. សវិតក្កសវិចារោ ធម្មោ សវិតក្កសវិចារស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – សវិតក្កសវិចារា ចេតនា សម្បយុត្តកានំ ខន្ធានំ កម្មបច្ចយេន បច្ចយោ. បដិសន្ធិក្ខណេ សវិតក្កសវិចារា ចេតនា សម្បយុត្តកានំ ខន្ធានំ កម្មបច្ចយេន បច្ចយោ. នានាក្ខណិកា – សវិតក្កសវិចារា ចេតនា វិបាកានំ សវិតក្កសវិចារានំ ខន្ធានំ កម្មបច្ចយេន បច្ចយោ. (១)

សវិតក្កសវិចារោ ¶ ធម្មោ អវិតក្កវិចារមត្តស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – សវិតក្កសវិចារា ចេតនា វិតក្កស្ស កម្មបច្ចយេន បច្ចយោ. បដិសន្ធិក្ខណេ សវិតក្កសវិចារា ចេតនា វិតក្កស្ស កម្មបច្ចយេន បច្ចយោ. នានាក្ខណិកា – សវិតក្កសវិចារា ចេតនា វិបាកស្ស វិតក្កស្ស កម្មបច្ចយេន បច្ចយោ. (២)

សវិតក្កសវិចារោ ធម្មោ អវិតក្កអវិចារស្ស ធម្មស្ស កម្មបច្ចយេន ¶ បច្ចយោ – សហជាតា, នានាក្ខណិកា. សហជាតា – សវិតក្កសវិចារា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ. បដិសន្ធិក្ខណេ សវិតក្កសវិចារា ចេតនា កដត្តា រូបានំ កម្មបច្ចយេន ¶ បច្ចយោ. នានាក្ខណិកា – សវិតក្កសវិចារា ចេតនា វិបាកានំ អវិតក្កអវិចារានំ ខន្ធានំ កដត្តា ច រូបានំ កម្មបច្ចយេន បច្ចយោ. (៣)

សវិតក្កសវិចារោ ធម្មោ សវិតក្កសវិចារស្ស ច អវិតក្កអវិចារស្ស ច ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – សវិតក្កសវិចារា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ. បដិសន្ធិក្ខណេ សវិតក្កសវិចារា ចេតនា សម្បយុត្តកានំ ខន្ធានំ កដត្តា ច រូបានំ កម្មបច្ចយេន បច្ចយោ. នានាក្ខណិកា – សវិតក្កសវិចារា ចេតនា វិបាកានំ សវិតក្កសវិចារានំ ខន្ធានំ កដត្តា ច រូបានំ កម្មបច្ចយេន បច្ចយោ. (៤)

សវិតក្កសវិចារោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – សវិតក្កសវិចារា ចេតនា វិតក្កស្ស ច ចិត្តសមុដ្ឋានានញ្ច រូបានំ កម្មបច្ចយេន បច្ចយោ. បដិសន្ធិក្ខណេ សវិតក្កសវិចារា ចេតនា វិតក្កស្ស ច កដត្តា ច រូបានំ កម្មបច្ចយេន បច្ចយោ. នានាក្ខណិកា – សវិតក្កសវិចារា ចេតនា វិបាកស្ស ¶ វិតក្កស្ស ច កដត្តា ច រូបានំ កម្មបច្ចយេន បច្ចយោ. (៥)

សវិតក្កសវិចារោ ធម្មោ សវិតក្កសវិចារស្ស ច អវិតក្កវិចារមត្តស្ស ច ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – សវិតក្កសវិចារា ចេតនា សម្បយុត្តកានំ ខន្ធានំ វិតក្កស្ស ច កម្មបច្ចយេន បច្ចយោ. បដិសន្ធិក្ខណេ សវិតក្កសវិចារា ចេតនា សម្បយុត្តកានំ ¶ ខន្ធានំ វិតក្កស្ស ច កម្មបច្ចយេន បច្ចយោ. នានាក្ខណិកា – សវិតក្កសវិចារា ចេតនា វិចាកានំ សវិតក្កសវិចារានំ ខន្ធានំ វិតក្កស្ស ច កម្មបច្ចយេន បច្ចយោ. (៦)

សវិតក្កសវិចារោ ធម្មោ សវិតក្កសវិចារស្ស ច អវិតក្កវិចារមត្តស្ស ច អវិតក្កអវិចារស្ស ច ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – សវិតក្កសវិចារា ចេតនា សម្បយុត្តកានំ ខន្ធានំ វិតក្កស្ស ច ចិត្តសមុដ្ឋានានញ្ច ¶ រូបានំ កម្មបច្ចយេន បច្ចយោ. បដិសន្ធិក្ខណេ សវិតក្កសវិចារា ចេតនា សម្បយុត្តកានំ ខន្ធានំ វិតក្កស្ស ច កដត្តា ច រូបានំ កម្មបច្ចយេន បច្ចយោ. នានាក្ខណិកា – សវិតក្កសវិចារា ចេតនា វិបាកានំ សវិតក្កសវិចារានំ ខន្ធានំ វិតក្កស្ស ច កដត្តា ច រូបានំ កម្មបច្ចយេន បច្ចយោ. (៧)

១១៥. អវិតក្កវិចារមត្តោ ធម្មោ អវិតក្កវិចារមត្តស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – អវិតក្កវិចារមត្តា ¶ ចេតនា សម្បយុត្តកានំ ខន្ធានំ កម្មបច្ចយេន បច្ចយោ. បដិសន្ធិក្ខណេ…បេ…. នានាក្ខណិកា – អវិតក្កវិចារមត្តា ចេតនា វិបាកានំ អវិតក្កវិចារមត្តានំ ខន្ធានំ កម្មបច្ចយេន បច្ចយោ. (១)

អវិតក្កវិចារមត្តោ ធម្មោ អវិតក្កអវិចារស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – អវិតក្កវិចារមត្តា ចេតនា វិចារស្ស ច ចិត្តសមុដ្ឋានានញ្ច រូបានំ កម្មបច្ចយេន បច្ចយោ. បដិសន្ធិក្ខណេ អវិតក្កវិចារមត្តា ចេតនា វិបាកស្ស វិចារស្ស ច កដត្តា ច រូបានំ កម្មបច្ចយេន បច្ចយោ. នានាក្ខណិកា – អវិតក្កវិចារមត្តា ចេតនា វិបាកស្ស វិចារស្ស ច កដត្តា ច រូបានំ កម្មបច្ចយេន បច្ចយោ. (២)

អវិតក្កវិចារមត្តោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – អវិតក្កវិចារមត្តា ចេតនា សម្បយុត្តកានំ ខន្ធានំ វិចារស្ស ច ចិត្តសមុដ្ឋានានញ្ច រូបានំ កម្មបច្ចយេន បច្ចយោ. បដិសន្ធិក្ខណេ អវិតក្កវិចារមត្តា ចេតនា សម្បយុត្តកានំ ខន្ធានំ វិចារស្ស ច កដត្តា ច រូបានំ កម្មបច្ចយេន បច្ចយោ. នានាក្ខណិកា ¶ – អវិតក្កវិចារមត្តា ចេតនា វិបាកានំ អវិតក្កវិចារមត្តានំ ខន្ធានំ វិចារស្ស ច កដត្តា ច រូបានំ កម្មបច្ចយេន បច្ចយោ. (៣)

អវិតក្កអវិចារោ ធម្មោ អវិតក្កអវិចារស្ស ធម្មស្ស កម្មបច្ចយេន ¶ បច្ចយោ – សហជាតា, នានាក្ខណិកា. សហជាតា – អវិតក្កអវិចារា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច ¶ រូបានំ កម្មបច្ចយេន បច្ចយោ. បដិសន្ធិក្ខណេ អវិតក្កអវិចារា ចេតនា សម្បយុត្តកានំ ខន្ធានំ កដត្តា ច រូបានំ កម្មបច្ចយេន បច្ចយោ. នានាក្ខណិកា – អវិតក្កអវិចារា ចេតនា វិបាកានំ អវិតក្កអវិចារានំ ខន្ធានំ កដត្តា ច រូបានំ កម្មបច្ចយេន បច្ចយោ. (១)

វិបាកបច្ចយោ

១១៦. សវិតក្កសវិចារោ ធម្មោ សវិតក្កសវិចារស្ស ធម្មស្ស វិបាកបច្ចយេន បច្ចយោ – វិបាកោ សវិតក្កសវិចារោ ឯកោ ខន្ធោ តិណ្ណន្នំ ខន្ធានំ វិបាកបច្ចយេន បច្ចយោ…បេ… បដិសន្ធិក្ខណេ សវិតក្កសវិចារោ ឯកោ ខន្ធោ តិណ្ណន្នំ ខន្ធានំ វិបាកបច្ចយេន បច្ចយោ…បេ….

សវិតក្កសវិចារោ ធម្មោ អវិតក្កវិចារមត្តស្ស ធម្មស្ស វិបាកបច្ចយេន បច្ចយោ – វិបាកា សវិតក្កសវិចារា ខន្ធា វិតក្កស្ស វិបាកបច្ចយេន បច្ចយោ. បដិសន្ធិក្ខណេ…បេ….

(សវិតក្កសវិចារមូលកា សត្តបិ បញ្ហា បរិបុណ្ណា.)

អវិតក្កវិចារមត្តោ ធម្មោ អវិតក្កវិចារមត្តស្ស ធម្មស្ស វិបាកបច្ចយេន បច្ចយោ – វិបាកោ អវិតក្កវិចារមត្តោ ឯកោ ខន្ធោ តិណ្ណន្នំ ខន្ធានំ វិបាកបច្ចយេន បច្ចយោ…បេ… ទ្វេ ខន្ធា…បេ… បដិសន្ធិក្ខណេ វិបាកោ អវិតក្កវិចារមត្តោ ឯកោ ខន្ធោ…បេ….

(អវិតក្កវិចារមត្តមូលកា ¶ បញ្ច បញ្ហា កាតព្ពា, វិបាកន្តិ និយាមេតព្ពា.)

១១៧. អវិតក្កអវិចារោ ធម្មោ អវិតក្កអវិចារស្ស ធម្មស្ស វិបាកបច្ចយេន បច្ចយោ – វិបាកោ អវិតក្កអវិចារោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ វិបាកបច្ចយេន បច្ចយោ…បេ… ទ្វេ ខន្ធា ¶ …បេ… វិបាកោ វិចារោ ចិត្តសមុដ្ឋានានំ ¶ រូបានំ វិបាកបច្ចយេន បច្ចយោ. បដិសន្ធិក្ខណេ…បេ… ខន្ធា វត្ថុស្ស វិបាកបច្ចយេន បច្ចយោ. វិចារោ វត្ថុស្ស វិបាកបច្ចយេន បច្ចយោ. (១)

អវិតក្កអវិចារោ ធម្មោ អវិតក្កវិចារមត្តស្ស ធម្មស្ស វិបាកបច្ចយេន បច្ចយោ – វិបាកោ វិចារោ អវិតក្កវិចារមត្តានំ ខន្ធានំ វិបាកបច្ចយេន បច្ចយោ. បដិសន្ធិក្ខណេ វិបាកោ វិចារោ អវិតក្កវិចារមត្តានំ ខន្ធានំ វិបាកបច្ចយេន បច្ចយោ. (២)

អវិតក្កអវិចារោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស វិបាកបច្ចយេន បច្ចយោ – វិបាកោ វិចារោ អវិតក្កវិចារមត្តានំ ខន្ធានំ ចិត្តសមុដ្ឋានានញ្ច រូបានំ វិបាកបច្ចយេន បច្ចយោ. បដិសន្ធិក្ខណេ វិបាកោ វិចារោ អវិតក្កវិចារមត្តានំ ខន្ធានំ កដត្តា ច រូបានំ វិបាកបច្ចយេន បច្ចយោ. (៣)

១១៨. អវិតក្កវិចារមត្តោ ច អវិតក្កអវិចារោ ច ធម្មា អវិតក្កវិចារមត្តស្ស ធម្មស្ស វិបាកបច្ចយេន បច្ចយោ – វិបាកោ អវិតក្កវិចារមត្តោ ឯកោ ខន្ធោ ច វិចារោ ច តិណ្ណន្នំ ខន្ធានំ វិបាកបច្ចយេន ¶ បច្ចយោ…បេ… ទ្វេ ខន្ធា…បេ… បដិសន្ធិក្ខណេ…បេ…. (១)

អវិតក្កវិចារមត្តោ ច អវិតក្កអវិចារោ ច ធម្មា អវិតក្កអវិចារស្ស ធម្មស្ស វិបាកបច្ចយេន បច្ចយោ – វិបាកា អវិតក្កវិចារមត្តា ខន្ធា ច វិចារោ ច ចិត្តសមុដ្ឋានានំ រូបានំ វិបាកបច្ចយេន បច្ចយោ. បដិសន្ធិក្ខណេ អវិតក្កវិចារមត្តា ខន្ធា ច វិចារោ ច កដត្តារូបានំ វិបាកបច្ចយេន បច្ចយោ. (២)

អវិតក្កវិចារមត្តោ ច អវិតក្កអវិចារោ ច ធម្មា អវិតក្កវិចារមត្តស្ស ច អវិតក្កអវិចារស្ស ច ធម្មស្ស វិបាកបច្ចយេន បច្ចយោ – វិបាកោ អវិតក្កវិចារមត្តោ ឯកោ ខន្ធោ ច វិចារោ ច តិណ្ណន្នំ ខន្ធានំ ចិត្តសមុដ្ឋានានញ្ច រូបានំ វិបាកបច្ចយេន បច្ចយោ…បេ… បដិសន្ធិក្ខណេ វិបាកោ អវិតក្កវិចារមត្តោ ឯកោ ខន្ធោ ច វិចារោ ច តិណ្ណន្នំ ខន្ធានំ កដត្តា ច រូបានំ វិបាកបច្ចយេន បច្ចយោ. (៣)

សវិតក្កសវិចារោ ¶ ច អវិតក្កវិចារមត្តោ ច ធម្មា សវិតក្កសវិចារស្ស ធម្មស្ស វិបាកបច្ចយេន បច្ចយោ – វិបាកោ សវិតក្កសវិចារោ ឯកោ ¶ ខន្ធោ ច វិតក្កោ ច តិណ្ណន្នំ ខន្ធានំ វិបាកបច្ចយេន បច្ចយោ…បេ… ទ្វេ ខន្ធា…បេ… បដិសន្ធិក្ខណេ…បេ…. (១)

សវិតក្កសវិចារោ ច អវិតក្កវិចារមត្តោ ច ធម្មា អវិតក្កអវិចារស្ស ធម្មស្ស វិបាកបច្ចយេន បច្ចយោ – វិបាកា សវិតក្កសវិចារា ខន្ធា ច វិតក្កោ ច ចិត្តសមុដ្ឋានានំ រូបានំ វិបាកបច្ចយេន ¶ បច្ចយោ. បដិសន្ធិក្ខណេ…បេ…. (២)

សវិតក្កសវិចារោ ច អវិតក្កវិចារមត្តោ ច ធម្មា សវិតក្កសវិចារស្ស ច អវិតក្កអវិចារស្ស ច ធម្មស្ស វិបាកបច្ចយេន បច្ចយោ – វិបាកោ សវិតក្កសវិចារោ ឯកោ ខន្ធោ ច វិតក្កោ ច តិណ្ណន្នំ ខន្ធានំ ចិត្តសមុដ្ឋានានញ្ច រូបានំ វិបាកបច្ចយេន បច្ចយោ. បដិសន្ធិក្ខណេ…បេ…. (៣)

អាហារបច្ចយោ

១១៩. សវិតក្កសវិចារោ ធម្មោ សវិតក្កសវិចារស្ស ធម្មស្ស អាហារបច្ចយេន បច្ចយោ – សវិតក្កសវិចារា អាហារា សម្បយុត្តកានំ ខន្ធានំ អាហារបច្ចយេន បច្ចយោ. បដិសន្ធិក្ខណេ…បេ…. (១)

សវិតក្កសវិចារោ ធម្មោ អវិតក្កវិចារមត្តស្ស ធម្មស្ស អាហារបច្ចយេន បច្ចយោ – សវិតក្កសវិចារា អាហារា វិតក្កស្ស អាហារបច្ចយេន បច្ចយោ. បដិសន្ធិក្ខណេ…បេ….

(សវិតក្កសវិចារមូលកា ឥមិនា ការណេន សត្ត បញ្ហា វិភជិតព្ពា.)

អវិតក្កវិចារមត្តោ ធម្មោ អវិតក្កវិចារមត្តស្ស ធម្មស្ស អាហារបច្ចយេន បច្ចយោ – អវិតក្កវិចារមត្តា អាហារា សម្បយុត្តកានំ ខន្ធានំ អាហារបច្ចយេន បច្ចយោ. បដិសន្ធិក្ខណេ…បេ…. (១)

អវិតក្កវិចារមត្តោ ¶ ធម្មោ អវិតក្កអវិចារស្ស ធម្មស្ស អាហារបច្ចយេន បច្ចយោ – អវិតក្កវិចារមត្តា អាហារា វិចារស្ស ច ចិត្តសមុដ្ឋានានញ្ច រូបានំ អាហារបច្ចយេន បច្ចយោ. បដិសន្ធិក្ខណេ…បេ…. (២)

អវិតក្កវិចារមត្តោ ¶ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស អាហារបច្ចយេន បច្ចយោ – អវិតក្កវិចារមត្តា អាហារា ¶ សម្បយុត្តកានំ ខន្ធានំ វិចារស្ស ច ចិត្តសមុដ្ឋានានញ្ច រូបានំ អាហារបច្ចយេន បច្ចយោ. បដិសន្ធិក្ខណេ…បេ…. (៣)

អវិតក្កអវិចារោ ធម្មោ អវិតក្កអវិចារស្ស ធម្មស្ស អាហារបច្ចយេន បច្ចយោ – អវិតក្កអវិចារា អាហារា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អាហារបច្ចយេន បច្ចយោ. បដិសន្ធិក្ខណេ…បេ… កពឡីការោ អាហារោ ឥមស្ស កាយស្ស អាហារបច្ចយេន បច្ចយោ.

ឥន្ទ្រិយបច្ចយោ

១២០. សវិតក្កសវិចារោ ធម្មោ សវិតក្កសវិចារស្ស ធម្មស្ស ឥន្ទ្រិយបច្ចយេន បច្ចយោ – សវិតក្កសវិចារា ឥន្ទ្រិយា សម្បយុត្តកានំ ខន្ធានំ ឥន្ទ្រិយបច្ចយេន បច្ចយោ. បដិសន្ធិក្ខណេ…បេ…. (១)

សវិតក្កសវិចារោ ធម្មោ អវិតក្កវិចារមត្តស្ស ធម្មស្ស ឥន្ទ្រិយបច្ចយេន បច្ចយោ – សវិតក្កសវិចារា ឥន្ទ្រិយា វិតក្កស្ស ឥន្ទ្រិយបច្ចយេន បច្ចយោ. បដិសន្ធិក្ខណេ…បេ…. (៧)

(សវិតក្កសវិចារមូលកា សត្ត បញ្ហា ឥមិនា ការណេន វិភជិតព្ពា.)

អវិតក្កវិចារមត្តោ ធម្មោ អវិតក្កវិចារមត្តស្ស ធម្មស្ស ឥន្ទ្រិយបច្ចយេន បច្ចយោ – អវិតក្កវិចារមត្តា ឥន្ទ្រិយា សម្បយុត្តកានំ ខន្ធានំ ឥន្ទ្រិយបច្ចយេន បច្ចយោ. បដិសន្ធិក្ខណេ…បេ…. (១)

អវិតក្កវិចារមត្តោ ¶ ធម្មោ អវិតក្កអវិចារស្ស ធម្មស្ស ឥន្ទ្រិយបច្ចយេន ¶ បច្ចយោ – អវិតក្កវិចារមត្តា ឥន្ទ្រិយា វិចារស្ស ច ចិត្តសមុដ្ឋានានញ្ច រូបានំ ឥន្ទ្រិយបច្ចយេន បច្ចយោ. បដិសន្ធិក្ខណេ…បេ…. (២)

អវិតក្កវិចារមត្តោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស ឥន្ទ្រិយបច្ចយេន បច្ចយោ – អវិតក្កវិចារមត្តា ឥន្ទ្រិយា សម្បយុត្តកានំ ខន្ធានំ វិចារស្ស ច ចិត្តសមុដ្ឋានានញ្ច រូបានំ ឥន្ទ្រិយបច្ចយេន បច្ចយោ. បដិសន្ធិក្ខណេ…បេ…. (៣)

អវិតក្កអវិចារោ ធម្មោ អវិតក្កអវិចារស្ស ធម្មស្ស ឥន្ទ្រិយបច្ចយេន បច្ចយោ – អវិតក្កអវិចារា ឥន្ទ្រិយា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ឥន្ទ្រិយបច្ចយេន បច្ចយោ. បដិសន្ធិក្ខណេ…បេ… ចក្ខុន្ទ្រិយំ ចក្ខុវិញ្ញាណស្ស ¶ …បេ… កាយិន្ទ្រិយំ កាយវិញ្ញាណស្ស ឥន្ទ្រិយបច្ចយេន បច្ចយោ. រូបជីវិតិន្ទ្រិយំ កដត្តារូបានំ ឥន្ទ្រិយបច្ចយេន បច្ចយោ. (១)

ឈានបច្ចយោ

១២១. សវិតក្កសវិចារោ ធម្មោ សវិតក្កសវិចារស្ស ធម្មស្ស ឈានបច្ចយេន បច្ចយោ – សវិតក្កសវិចារានិ ឈានង្គានិ សម្បយុត្តកានំ ខន្ធានំ ឈានបច្ចយេន បច្ចយោ. បដិសន្ធិក្ខណេ…បេ…. (៧)

(សវិតក្កសវិចារមូលកា សត្ត បញ្ហា ឥមិនា ការណេន វិភជិតព្ពា.)

អវិតក្កវិចារមត្តោ ធម្មោ អវិតក្កវិចារមត្តស្ស ធម្មស្ស ឈានបច្ចយេន បច្ចយោ – អវិតក្កវិចារមត្តានិ ឈានង្គានិ សម្បយុត្តកានំ ខន្ធានំ ឈានបច្ចយេន បច្ចយោ. បដិសន្ធិក្ខណេ…បេ…. (៥)

(អវិតក្កវិចារមត្តមូលកា ¶ បញ្ច បញ្ហា ឥមិនា ការណេន វិភជិតព្ពា.)

អវិតក្កអវិចារោ ¶ ធម្មោ អវិតក្កអវិចារស្ស ធម្មស្ស ឈានបច្ចយេន បច្ចយោ – អវិតក្កអវិចារានិ ឈានង្គានិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ឈានបច្ចយេន បច្ចយោ. វិចារោ ចិត្តសមុដ្ឋានានំ រូបានំ ឈានបច្ចយេន បច្ចយោ. បដិសន្ធិក្ខណេ វិចារោ កដត្តារូបានំ ឈានបច្ចយេន បច្ចយោ. វិចារោ វត្ថុស្ស ឈានបច្ចយេន បច្ចយោ. (១)

អវិតក្កអវិចារោ ធម្មោ អវិតក្កវិចារមត្តស្ស ធម្មស្ស ឈានបច្ចយេន បច្ចយោ – វិចារោ អវិតក្កវិចារមត្តានំ ខន្ធានំ ឈានបច្ចយេន បច្ចយោ. បដិសន្ធិក្ខណេ វិចារោ អវិតក្កវិចារមត្តានំ ខន្ធានំ ឈានបច្ចយេន បច្ចយោ. (២)

អវិតក្កអវិចារោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស ឈានបច្ចយេន បច្ចយោ – វិចារោ អវិតក្កវិចារមត្តានំ ខន្ធានំ ចិត្តសមុដ្ឋានានញ្ច រូបានំ ឈានបច្ចយេន បច្ចយោ. បដិសន្ធិក្ខណេ វិចារោ អវិតក្កវិចារមត្តានំ ខន្ធានំ កដត្តា ច រូបានំ ឈានបច្ចយេន បច្ចយោ. (៣)

១២២. អវិតក្កវិចារមត្តោ ¶ ច អវិតក្កអវិចារោ ច ធម្មា អវិតក្កវិចារមត្តស្ស ធម្មស្ស ឈានបច្ចយេន បច្ចយោ – អវិតក្កវិចារមត្តានិ ឈានង្គានិ វិចារោ ច សម្បយុត្តកានំ ខន្ធានំ ឈានបច្ចយេន បច្ចយោ. បដិសន្ធិក្ខណេ…បេ…. (១)

អវិតក្កវិចារមត្តោ ¶ ច អវិតក្កអវិចារោ ច ធម្មា អវិតក្កអវិចារស្ស ធម្មស្ស ឈានបច្ចយេន បច្ចយោ – អវិតក្កវិចារមត្តានិ ឈានង្គានិ វិចារោ ច ចិត្តសមុដ្ឋានានំ រូបានំ ឈានបច្ចយេន បច្ចយោ. បដិសន្ធិក្ខណេ…បេ…. (២)

អវិតក្កវិចារមត្តោ ច អវិតក្កអវិចារោ ច ធម្មា អវិតក្កវិចារមត្តស្ស ច អវិតក្កអវិចារស្ស ច ធម្មស្ស ឈានបច្ចយេន បច្ចយោ – អវិតក្កវិចារមត្តានិ ឈានង្គានិ វិចារោ ច សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ឈានបច្ចយេន បច្ចយោ. បដិសន្ធិក្ខណេ អវិតក្កវិចារមត្តានិ ឈានង្គានិ វិចារោ ច សម្បយុត្តកានំ ខន្ធានំ កដត្តា ច រូបានំ ឈានបច្ចយេន បច្ចយោ. (៣)

សវិតក្កសវិចារោ ¶ ច អវិតក្កវិចារមត្តោ ច ធម្មា សវិតក្កសវិចារស្ស ធម្មស្ស ឈានបច្ចយេន បច្ចយោ – សវិតក្កសវិចារានិ ឈានង្គានិ វិតក្កោ ច សម្បយុត្តកានំ ខន្ធានំ ឈានបច្ចយេន បច្ចយោ. បដិសន្ធិក្ខណេ…បេ…. (១)

សវិតក្កសវិចារោ ច អវិតក្កវិចារមត្តោ ច ធម្មា អវិតក្កអវិចារស្ស ធម្មស្ស ឈានបច្ចយេន បច្ចយោ – សវិតក្កសវិចារានិ ឈានង្គានិ វិតក្កោ ច ចិត្តសមុដ្ឋានានំ រូបានំ ឈានបច្ចយេន បច្ចយោ. បដិសន្ធិក្ខណេ…បេ…. (២)

សវិតក្កសវិចារោ ច អវិតក្កវិចារមត្តោ ច ធម្មា សវិតក្កសវិចារស្ស ច អវិតក្កអវិចារស្ស ច ធម្មស្ស ឈានបច្ចយេន បច្ចយោ – សវិតក្កសវិចារានិ ¶ ឈានង្គានិ វិតក្កោ ច សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ឈានបច្ចយេន បច្ចយោ. បដិសន្ធិក្ខណេ…បេ…. (៣)

មគ្គបច្ចយោ

១២៣. សវិតក្កសវិចារោ ¶ ធម្មោ សវិតក្កសវិចារស្ស ធម្មស្ស មគ្គបច្ចយេន បច្ចយោ – សវិតក្កសវិចារានិ មគ្គង្គានិ សម្បយុត្តកានំ ខន្ធានំ មគ្គបច្ចយេន បច្ចយោ. បដិសន្ធិក្ខណេ…បេ….

(សវិតក្កសវិចារមូលកា សត្ត បញ្ហា ឥមិនា ការណេន វិភជិតព្ពា.)

អវិតក្កវិចារមត្តោ ធម្មោ អវិតក្កវិចារមត្តស្ស ធម្មស្ស មគ្គបច្ចយេន បច្ចយោ – អវិតក្កវិចារមត្តានិ ¶ មគ្គង្គានិ សម្បយុត្តកានំ ខន្ធានំ មគ្គបច្ចយេន បច្ចយោ. បដិសន្ធិក្ខណេ…បេ….

(អវិតក្កវិចារមត្តមូលកា បញ្ច បញ្ហា ឥមិនា ការណេន វិភជិតព្ពា.)

អវិតក្កអវិចារោ ធម្មោ អវិតក្កអវិចារស្ស ធម្មស្ស មគ្គបច្ចយេន បច្ចយោ – អវិតក្កអវិចារានិ មគ្គង្គានិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ មគ្គបច្ចយេន បច្ចយោ. បដិសន្ធិក្ខណេ…បេ…. (១)

សវិតក្កសវិចារោ ច អវិតក្កវិចារមត្តោ ច ធម្មា សវិតក្កសវិចារស្ស ធម្មស្ស មគ្គបច្ចយេន បច្ចយោ – សវិតក្កសវិចារានិ មគ្គង្គានិ វិតក្កោ ច សម្បយុត្តកានំ ខន្ធានំ មគ្គបច្ចយេន បច្ចយោ. បដិសន្ធិក្ខណេ…បេ…. (១)

សវិតក្កសវិចារោ ច អវិតក្កវិចារមត្តោ ច ធម្មា អវិតក្កអវិចារស្ស ធម្មស្ស មគ្គបច្ចយេន បច្ចយោ – សវិតក្កសវិចារានិ មគ្គង្គានិ ¶ វិតក្កោ ច ចិត្តសមុដ្ឋានានំ រូបានំ មគ្គបច្ចយេន បច្ចយោ. បដិសន្ធិក្ខណេ…បេ…. (២)

សវិតក្កសវិចារោ ច អវិតក្កវិចារមត្តោ ច ធម្មា សវិតក្កសវិចារស្ស ច អវិតក្កអវិចារស្ស ច ធម្មស្ស មគ្គបច្ចយេន បច្ចយោ – សវិតក្កសវិចារានិ មគ្គង្គានិ វិតក្កោ ច សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ មគ្គបច្ចយេន បច្ចយោ. បដិសន្ធិក្ខណេ…បេ…. (៣)

សម្បយុត្តបច្ចយោ

១២៤. សវិតក្កសវិចារោ ធម្មោ សវិតក្កសវិចារស្ស ធម្មស្ស សម្បយុត្តបច្ចយេន បច្ចយោ – សវិតក្កសវិចារោ ឯកោ ខន្ធោ តិណ្ណន្នំ ខន្ធានំ ¶ សម្បយុត្តបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ…បេ… បដិសន្ធិក្ខណេ…បេ…. (១)

សវិតក្កសវិចារោ ធម្មោ អវិតក្កវិចារមត្តស្ស ធម្មស្ស សម្បយុត្តបច្ចយេន បច្ចយោ – សវិតក្កសវិចារា ខន្ធា វិតក្កស្ស សម្បយុត្តបច្ចយេន បច្ចយោ. បដិសន្ធិក្ខណេ…បេ…. (២)

សវិតក្កសវិចារោ ធម្មោ សវិតក្កសវិចារស្ស ច អវិតក្កវិចារមត្តស្ស ច ធម្មស្ស សម្បយុត្តបច្ចយេន បច្ចយោ – សវិតក្កសវិចារោ ឯកោ ខន្ធោ តិណ្ណន្នំ ខន្ធានំ វិតក្កស្ស ច ¶ សម្បយុត្តបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ វិតក្កស្ស ច…បេ… បដិសន្ធិក្ខណេ…បេ…. (៣)

១២៥. អវិតក្កវិចារមត្តោ ធម្មោ អវិតក្កវិចារមត្តស្ស ធម្មស្ស សម្បយុត្តបច្ចយេន បច្ចយោ – អវិតក្កវិចារមត្តោ ឯកោ ខន្ធោ តិណ្ណន្នំ ¶ ខន្ធានំ សម្បយុត្តបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ…បេ… បដិសន្ធិក្ខណេ…បេ…. (១)

អវិតក្កវិចារមត្តោ ធម្មោ សវិតក្កសវិចារស្ស ធម្មស្ស សម្បយុត្តបច្ចយេន បច្ចយោ – វិតក្កោ សវិតក្កសវិចារានំ ខន្ធានំ សម្បយុត្តបច្ចយេន បច្ចយោ. បដិសន្ធិក្ខណេ…បេ…. (២)

អវិតក្កវិចារមត្តោ ធម្មោ អវិតក្កអវិចារស្ស ធម្មស្ស សម្បយុត្តបច្ចយេន បច្ចយោ – អវិតក្កវិចារមត្តា ខន្ធា វិចារស្ស សម្បយុត្តបច្ចយេន បច្ចយោ. បដិសន្ធិក្ខណេ…បេ…. (៣)

អវិតក្កវិចារមត្តោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស សម្បយុត្តបច្ចយេន បច្ចយោ – អវិតក្កវិចារមត្តោ ឯកោ ខន្ធោ តិណ្ណន្នំ ខន្ធានំ វិចារស្ស ច សម្បយុត្តបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ វិចារស្ស ច…បេ… បដិសន្ធិក្ខណេ…បេ…. (៤)

១២៦. អវិតក្កអវិចារោ ធម្មោ អវិតក្កអវិចារស្ស ធម្មស្ស សម្បយុត្តបច្ចយេន បច្ចយោ – អវិតក្កអវិចារោ ឯកោ ខន្ធោ តិណ្ណន្នំ ខន្ធានំ សម្បយុត្តបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ…បេ… បដិសន្ធិក្ខណេ…បេ…. (១)

អវិតក្កអវិចារោ ¶ ធម្មោ អវិតក្កវិចារមត្តស្ស ធម្មស្ស សម្បយុត្តបច្ចយេន បច្ចយោ – វិចារោ អវិតក្កវិចារមត្តានំ ខន្ធានំ សម្បយុត្តបច្ចយេន បច្ចយោ. បដិសន្ធិក្ខណេ…បេ…. (២)

អវិតក្កវិចារមត្តោ ¶ ច អវិតក្កអវិចារោ ច ធម្មា អវិតក្កវិចារមត្តស្ស ¶ ធម្មស្ស សម្បយុត្តបច្ចយេន បច្ចយោ – អវិតក្កវិចារមត្តោ ឯកោ ខន្ធោ ច វិចារោ ច តិណ្ណន្នំ ខន្ធានំ សម្បយុត្តបច្ចយេន បច្ចយោ…បេ… ទ្វេ ខន្ធា ច វិចារោ ច ទ្វិន្នំ ខន្ធានំ…បេ… បដិសន្ធិក្ខណេ…បេ…. (១)

សវិតក្កសវិចារោ ច អវិតក្កវិចារមត្តោ ច ធម្មា សវិតក្កសវិចារស្ស ធម្មស្ស សម្បយុត្តបច្ចយេន បច្ចយោ – សវិតក្កសវិចារោ ឯកោ ខន្ធោ ច វិតក្កោ ច តិណ្ណន្នំ ខន្ធានំ សម្បយុត្តបច្ចយេន បច្ចយោ…បេ… ទ្វេ ខន្ធា ច វិតក្កោ ច ទ្វិន្នំ ខន្ធានំ…បេ… បដិសន្ធិក្ខណេ…បេ…. (១)

វិប្បយុត្តបច្ចយោ

១២៧. សវិតក្កសវិចារោ ធម្មោ អវិតក្កអវិចារស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ. សហជាតា – សវិតក្កសវិចារា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ. បដិសន្ធិក្ខណេ សវិតក្កសវិចារា ខន្ធា កដត្តារូបានំ វិប្បយុត្តបច្ចយេន បច្ចយោ. បច្ឆាជាតា – សវិតក្កសវិចារា ខន្ធា បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ. (១)

អវិតក្កវិចារមត្តោ ធម្មោ អវិតក្កអវិចារស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ. សហជាតា – អវិតក្កវិចារមត្តា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ, វិតក្កោ ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ. បដិសន្ធិក្ខណេ អវិតក្កវិចារមត្តា ខន្ធា កដត្តារូបានំ វិប្បយុត្តបច្ចយេន បច្ចយោ. វិតក្កោ កដត្តារូបានំ វិប្បយុត្តបច្ចយេន បច្ចយោ. បច្ឆាជាតា – អវិតក្កវិចារមត្តា ខន្ធា ច វិតក្កោ ច បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ. (១)

១២៨. អវិតក្កអវិចារោ ¶ ធម្មោ អវិតក្កអវិចារស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ. សហជាតា ¶ – អវិតក្កអវិចារា ខន្ធា ចិត្តសមុដ្ឋានានំ ¶ រូបានំ វិប្បយុត្តបច្ចយេន បច្ចយោ. វិចារោ ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ. បដិសន្ធិក្ខណេ អវិតក្កអវិចារា ខន្ធា កដត្តារូបានំ វិប្បយុត្តបច្ចយេន បច្ចយោ. វិចារោ កដត្តារូបានំ វិប្បយុត្តបច្ចយេន បច្ចយោ; ខន្ធា វត្ថុស្ស វិប្បយុត្តបច្ចយេន បច្ចយោ, វត្ថុ ខន្ធានំ វិប្បយុត្តបច្ចយេន បច្ចយោ; វិចារោ វត្ថុស្ស វិប្បយុត្តបច្ចយេន បច្ចយោ; វត្ថុ វិចារស្ស វិប្បយុត្តបច្ចយេន បច្ចយោ. បុរេជាតំ – ចក្ខាយតនំ ចក្ខុវិញ្ញាណស្ស វិប្បយុត្តបច្ចយេន បច្ចយោ…បេ… កាយាយតនំ កាយវិញ្ញាណស្ស វិប្បយុត្តបច្ចយេន បច្ចយោ, វត្ថុ អវិតក្កអវិចារានំ ខន្ធានំ វិចារស្ស ច វិប្បយុត្តបច្ចយេន បច្ចយោ. បច្ឆាជាតា – អវិតក្កអវិចារា ខន្ធា ច វិចារោ ច បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ. (១)

អវិតក្កអវិចារោ ធម្មោ សវិតក្កសវិចារស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ. សហជាតំ – បដិសន្ធិក្ខណេ វត្ថុ សវិតក្កសវិចារានំ ខន្ធានំ វិប្បយុត្តបច្ចយេន បច្ចយោ. បុរេជាតំ – វត្ថុ សវិតក្កសវិចារានំ ខន្ធានំ វិប្បយុត្តបច្ចយេន បច្ចយោ. (២)

អវិតក្កអវិចារោ ធម្មោ អវិតក្កវិចារមត្តស្ស ធម្មស្ស វិប្បយុត្តបច្ចយេន ¶ បច្ចយោ – សហជាតំ, បុរេជាតំ. សហជាតំ – បដិសន្ធិក្ខណេ វត្ថុ អវិតក្កវិចារមត្តានំ ខន្ធានំ វិតក្កស្ស ច វិប្បយុត្តបច្ចយេន បច្ចយោ. បុរេជាតំ – វត្ថុ អវិតក្កវិចារមត្តានំ ខន្ធានំ វិតក្កស្ស ច វិប្បយុត្តបច្ចយេន បច្ចយោ. (៣)

អវិតក្កអវិចារោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ. សហជាតំ – បដិសន្ធិក្ខណេ វត្ថុ អវិតក្កវិចារមត្តានំ ខន្ធានំ វិចារស្ស ច វិប្បយុត្តបច្ចយេន បច្ចយោ. បុរេជាតំ – វត្ថុ អវិតក្កវិចារមត្តានំ ខន្ធានំ វិចារស្ស ច វិប្បយុត្តបច្ចយេន បច្ចយោ. (៤)

អវិតក្កអវិចារោ ធម្មោ សវិតក្កសវិចារស្ស ច អវិតក្កវិចារមត្តស្ស ច ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ. សហជាតំ – បដិសន្ធិក្ខណេ វត្ថុ សវិតក្កសវិចារានំ ខន្ធានំ វិតក្កស្ស ច វិប្បយុត្តបច្ចយេន បច្ចយោ. បុរេជាតំ – វត្ថុ សវិតក្កសវិចារានំ ¶ ខន្ធានំ វិតក្កស្ស ច វិប្បយុត្តបច្ចយេន បច្ចយោ. (៥)

១២៩. អវិតក្កវិចារមត្តោ ¶ ច អវិតក្កអវិចារោ ច ធម្មា អវិតក្កអវិចារស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ. សហជាតា – អវិតក្កវិចារមត្តា ខន្ធា ច វិចារោ ច ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ. បដិសន្ធិក្ខណេ អវិតក្កវិចារមត្តា ខន្ធា ច វិចារោ ច កដត្តារូបានំ វិប្បយុត្តបច្ចយេន បច្ចយោ. បច្ឆាជាតា – អវិតក្កវិចារមត្តា ខន្ធា ច វិចារោ ¶ ច បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ. (១)

សវិតក្កសវិចារោ ច អវិតក្កវិចារមត្តោ ច ធម្មា អវិតក្កអវិចារស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ. សហជាតា – សវិតក្កសវិចារា ខន្ធា ច វិតក្កោ ច ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ. បដិសន្ធិក្ខណេ សវិតក្កសវិចារា ខន្ធា ច វិតក្កោ ច កដត្តារូបានំ វិប្បយុត្តបច្ចយេន បច្ចយោ. បច្ឆាជាតា – សវិតក្កសវិចារា ខន្ធា ច វិតក្កោ ច បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ. (១)

អត្ថិបច្ចយោ

១៣០. សវិតក្កសវិចារោ ធម្មោ សវិតក្កសវិចារស្ស ធម្មស្ស អត្ថិបច្ចយេន បច្ចយោ – សវិតក្កសវិចារោ ឯកោ ខន្ធោ តិណ្ណន្នំ ខន្ធានំ អត្ថិបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ…បេ… បដិសន្ធិក្ខណេ…បេ…. (១)

សវិតក្កសវិចារោ ធម្មោ អវិតក្កវិចារមត្តស្ស ធម្មស្ស អត្ថិបច្ចយេន បច្ចយោ – សវិតក្កសវិចារា ខន្ធា វិតក្កស្ស អត្ថិបច្ចយេន បច្ចយោ. បដិសន្ធិក្ខណេ…បេ…. (២)

សវិតក្កសវិចារោ ធម្មោ អវិតក្កអវិចារស្ស ធម្មស្ស អត្ថិបច្ចយេន បច្ចយោ – សហជាតំ ¶ , បច្ឆាជាតំ. សហជាតា – សវិតក្កសវិចារា ខន្ធា ចិត្តសមុដ្ឋានានំ រូបានំ អត្ថិបច្ចយេន បច្ចយោ. បដិសន្ធិក្ខណេ សវិតក្កសវិចារា ខន្ធា កដត្តារូបានំ អត្ថិបច្ចយេន បច្ចយោ. បច្ឆាជាតា – សវិតក្កសវិចារា ខន្ធា បុរេជាតស្ស ឥមស្ស កាយស្ស អត្ថិបច្ចយេន បច្ចយោ. (៣)

(សវិតក្កសវិចារមូលកេ អវសេសា ¶ បញ្ហា សហជាតបច្ចយសទិសា.)

១៣១. អវិតក្កវិចារមត្តោ ¶ ធម្មោ អវិតក្កវិចារមត្តស្ស ធម្មស្ស អត្ថិបច្ចយេន បច្ចយោ – អវិតក្កវិចារមត្តោ ឯកោ ខន្ធោ តិណ្ណន្នំ ខន្ធានំ អត្ថិបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ…បេ… បដិសន្ធិក្ខណេ…បេ…. (១)

អវិតក្កវិចារមត្តោ ធម្មោ សវិតក្កសវិចារស្ស ធម្មស្ស អត្ថិបច្ចយេន បច្ចយោ – វិតក្កោ សវិតក្កសវិចារានំ ខន្ធានំ អត្ថិបច្ចយេន បច្ចយោ. បដិសន្ធិក្ខណេ…បេ…. (២)

អវិតក្កវិចារមត្តោ ធម្មោ អវិតក្កអវិចារស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ. សហជាតា – អវិតក្កវិចារមត្តា ខន្ធា វិចារស្ស ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ. វិតក្កោ ចិត្តសមុដ្ឋានានំ រូបានំ អត្ថិបច្ចយេន បច្ចយោ. បដិសន្ធិក្ខណេ អវិតក្កវិចារមត្តា ខន្ធា វិចារស្ស កដត្តា ច រូបានំ អត្ថិបច្ចយេន បច្ចយោ; វិតក្កោ កដត្តារូបានំ អត្ថិបច្ចយេន បច្ចយោ. បច្ឆាជាតា – អវិតក្កវិចារមត្តា ខន្ធា ច វិតក្កោ ច បុរេជាតស្ស ឥមស្ស កាយស្ស អត្ថិបច្ចយេន បច្ចយោ. (៣)

(អវិតក្កវិចារមត្តមូលកា បញ្ច បញ្ហា. អវសេសា សហជាតបច្ចយសទិសា.)

១៣២. អវិតក្កអវិចារោ ធម្មោ អវិតក្កអវិចារស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ. សហជាតោ – អវិតក្កអវិចារោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ… ទ្វេ ខន្ធា ¶ ទ្វិន្នំ ខន្ធានំ…បេ… វិចារោ ចិត្តសមុដ្ឋានានំ រូបានំ អត្ថិបច្ចយេន បច្ចយោ. បដិសន្ធិក្ខណេ ¶ អវិតក្កអវិចារោ ឯកោ ខន្ធោ តិណ្ណន្នំ ខន្ធានំ កដត្តា ច រូបានំ អត្ថិបច្ចយេន បច្ចយោ…បេ… ខន្ធា វត្ថុស្ស អត្ថិបច្ចយេន បច្ចយោ, វត្ថុ ខន្ធានំ អត្ថិបច្ចយេន បច្ចយោ; វិចារោ វត្ថុស្ស អត្ថិបច្ចយេន បច្ចយោ, វត្ថុ វិចារស្ស អត្ថិបច្ចយេន បច្ចយោ; ឯកំ មហាភូតំ តិណ្ណន្នំ មហាភូតានំ អត្ថិបច្ចយេន បច្ចយោ…បេ… មហាភូតា ចិត្តសមុដ្ឋានានំ រូបានំ កដត្តារូបានំ ឧបាទារូបានំ អត្ថិបច្ចយេន បច្ចយោ; ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ តិណ្ណន្នំ មហាភូតានំ…បេ… មហាភូតា កដត្តារូបានំ ឧបាទារូបានំ អត្ថិបច្ចយេន បច្ចយោ. បុរេជាតំ – ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា ¶ សទ្ទំ សុណាតិ, រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស អត្ថិបច្ចយេន បច្ចយោ, ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស អត្ថិបច្ចយេន បច្ចយោ. វត្ថុ អវិតក្កអវិចារានំ ខន្ធានំ វិចារស្ស ច អត្ថិបច្ចយេន បច្ចយោ. បច្ឆាជាតា – អវិតក្កអវិចារា ខន្ធា ច វិចារោ ច បុរេជាតស្ស ឥមស្ស កាយស្ស អត្ថិបច្ចយេន បច្ចយោ. កពឡីការោ អាហារោ ឥមស្ស កាយស្ស អត្ថិបច្ចយេន បច្ចយោ. រូបជីវិតិន្ទ្រិយំ កដត្តារូបានំ អត្ថិបច្ចយេន បច្ចយោ. (១)

អវិតក្កអវិចារោ ធម្មោ សវិតក្កសវិចារស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតំ – បដិសន្ធិក្ខណេ វត្ថុ ¶ សវិតក្កសវិចារានំ ខន្ធានំ អត្ថិបច្ចយេន បច្ចយោ. បុរេជាតំ – ចក្ខុំ អនិច្ចតោ ទុក្ខតោ អនត្តតោ វិបស្សតិ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ…បេ… ទោមនស្សំ ឧប្បជ្ជតិ. សោតំ… ឃានំ… ជិវ្ហំ… កាយំ… រូបេ… សទ្ទេ… គន្ធេ… រសេ… ផោដ្ឋព្ពេ… វត្ថុំ អនិច្ចតោ ទុក្ខតោ អនត្តតោ វិបស្សតិ…បេ… ទោមនស្សំ ឧប្បជ្ជតិ. វត្ថុ សវិតក្កសវិចារានំ ខន្ធានំ អត្ថិបច្ចយេន បច្ចយោ. (២)

អវិតក្កអវិចារោ ធម្មោ អវិតក្កវិចារមត្តស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – វិចារោ អវិតក្កវិចារមត្តានំ ខន្ធានំ អត្ថិបច្ចយេន បច្ចយោ. បដិសន្ធិក្ខណេ វិចារោ អវិតក្កវិចារមត្តានំ ខន្ធានំ អត្ថិបច្ចយេន បច្ចយោ. បដិសន្ធិក្ខណេ វត្ថុ អវិតក្កវិចារមត្តានំ ខន្ធានំ វិតក្កស្ស ច អត្ថិបច្ចយេន បច្ចយោ. បុរេជាតំ – ចក្ខុំ អនិច្ចតោ ទុក្ខតោ អនត្តតោ វិបស្សតិ អស្សាទេតិ អភិនន្ទតិ, តំ អារព្ភ ¶ វិតក្កោ ឧប្បជ្ជតិ. សោតំ… ឃានំ… ជិវ្ហំ… កាយំ… រូបេ… សទ្ទេ… គន្ធេ… រសេ… ផោដ្ឋព្ពេ… វត្ថុំ អនិច្ចតោ ទុក្ខតោ អនត្តតោ វិបស្សតិ អស្សាទេតិ អភិនន្ទតិ, តំ អារព្ភ វិតក្កោ ឧប្បជ្ជតិ. វត្ថុ អវិតក្កវិចារមត្តានំ ខន្ធានំ វិតក្កស្ស ច អត្ថិបច្ចយេន បច្ចយោ. (៣)

អវិតក្កអវិចារោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – វិចារោ អវិតក្កវិចារមត្តានំ ខន្ធានំ ចិត្តសមុដ្ឋានានញ្ច ¶ រូបានំ អត្ថិបច្ចយេន បច្ចយោ. បដិសន្ធិក្ខណេ វិចារោ អវិតក្កវិចារមត្តានំ ខន្ធានំ ¶ កដត្តា ច រូបានំ អត្ថិបច្ចយេន បច្ចយោ. បដិសន្ធិក្ខណេ វត្ថុ អវិតក្កវិចារមត្តានំ ខន្ធានំ វិចារស្ស ច អត្ថិបច្ចយេន បច្ចយោ. បុរេជាតំ – វត្ថុ អវិតក្កវិចារមត្តានំ ខន្ធានំ វិចារស្ស ច អត្ថិបច្ចយេន បច្ចយោ. (៤)

អវិតក្កអវិចារោ ធម្មោ សវិតក្កសវិចារស្ស ច អវិតក្កវិចារមត្តស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតំ – បដិសន្ធិក្ខណេ វត្ថុ សវិតក្កសវិចារានំ ខន្ធានំ វិតក្កស្ស ច អត្ថិបច្ចយេន បច្ចយោ. បុរេជាតំ – ចក្ខុំ អនិច្ចតោ ទុក្ខតោ អនត្តតោ វិបស្សតិ អស្សាទេតិ អភិនន្ទតិ, តំ អារព្ភ សវិតក្កសវិចារា ខន្ធា ច វិតក្កោ ច ឧប្បជ្ជន្តិ. សោតំ… ឃានំ… ជិវ្ហំ… កាយំ…បេ… វត្ថុំ អនិច្ចតោ ទុក្ខតោ អនត្តតោ វិបស្សតិ អស្សាទេតិ អភិនន្ទតិ, តំ អារព្ភ សវិតក្កសវិចារា ខន្ធា ច វិតក្កោ ច ឧប្បជ្ជន្តិ. វត្ថុ សវិតក្កសវិចារានំ ខន្ធានំ វិតក្កស្ស ច អត្ថិបច្ចយេន បច្ចយោ. (៥)

១៣៣. សវិតក្កសវិចារោ ច អវិតក្កអវិចារោ ច ធម្មា សវិតក្កសវិចារស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – សវិតក្កសវិចារោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ… ទ្វេ ខន្ធា ច វត្ថុ ច ទ្វិន្នំ ខន្ធានំ អត្ថិបច្ចយេន បច្ចយោ. បដិសន្ធិក្ខណេ សវិតក្កសវិចារោ ¶ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ… ទ្វេ ខន្ធា ច វត្ថុ ច ទ្វិន្នំ ខន្ធានំ អត្ថិបច្ចយេន បច្ចយោ. (១)

សវិតក្កសវិចារោ ¶ ច អវិតក្កអវិចារោ ច ធម្មា អវិតក្កវិចារមត្តស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតា – សវិតក្កសវិចារា ខន្ធា ច វត្ថុ ច វិតក្កស្ស អត្ថិបច្ចយេន បច្ចយោ. បដិសន្ធិក្ខណេ សវិតក្កសវិចារា ខន្ធា ច វត្ថុ ច វិតក្កស្ស អត្ថិបច្ចយេន បច្ចយោ. (២)

សវិតក្កសវិចារោ ច អវិតក្កអវិចារោ ច ធម្មា អវិតក្កអវិចារស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ, អាហារំ, ឥន្ទ្រិយំ. សហជាតា – សវិតក្កសវិចារា ខន្ធា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ. បដិសន្ធិក្ខណេ សវិតក្កសវិចារា ខន្ធា ច មហាភូតា ច កដត្តារូបានំ អត្ថិបច្ចយេន បច្ចយោ. បច្ឆាជាតា ¶ – សវិតក្កសវិចារា ខន្ធា ច កពឡីការោ អាហារោ ច បុរេជាតស្ស ឥមស្ស កាយស្ស អត្ថិបច្ចយេន បច្ចយោ. បច្ឆាជាតា – សវិតក្កសវិចារា ខន្ធា ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ. (៣)

សវិតក្កសវិចារោ ច អវិតក្កអវិចារោ ច ធម្មា សវិតក្កសវិចារស្ស ច អវិតក្កវិចារមត្តស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – សវិតក្កសវិចារោ ឯកោ ខន្ធោ ¶ ច វត្ថុ ច តិណ្ណន្នំ ខន្ធានំ វិតក្កស្ស ច អត្ថិបច្ចយេន បច្ចយោ…បេ… ទ្វេ ខន្ធា ច វត្ថុ ច ទ្វិន្នំ ខន្ធានំ វិតក្កស្ស ច អត្ថិបច្ចយេន បច្ចយោ. បដិសន្ធិក្ខណេ…បេ…. (៤)

១៣៤. អវិតក្កវិចារមត្តោ ច អវិតក្កអវិចារោ ច ធម្មា សវិតក្កសវិចារស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – វិតក្កោ ច វត្ថុ ច សវិតក្កសវិចារានំ ខន្ធានំ អត្ថិបច្ចយេន បច្ចយោ. បដិសន្ធិក្ខណេ វិតក្កោ ច វត្ថុ ច សវិតក្កសវិចារានំ ខន្ធានំ អត្ថិបច្ចយេន បច្ចយោ. (១)

អវិតក្កវិចារមត្តោ ច អវិតក្កអវិចារោ ច ធម្មា អវិតក្កវិចារមត្តស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – អវិតក្កវិចារមត្តោ ឯកោ ខន្ធោ ច វិចារោ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ… ទ្វេ ខន្ធា ច វិចារោ ច ទ្វិន្នំ ខន្ធានំ… អវិតក្កវិចារមត្តោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ… ទ្វេ ខន្ធា ច វត្ថុ ច ទ្វិន្នំ ខន្ធានំ អត្ថិបច្ចយេន បច្ចយោ. បដិសន្ធិក្ខណេ អវិតក្កវិចារមត្តោ ឯកោ ខន្ធោ ច វិចារោ ច តិណ្ណន្នំ ខន្ធានំ អត្ថិបច្ចយេន ¶ បច្ចយោ…បេ… ទ្វេ ខន្ធា ច វិចារោ ច ទ្វិន្នំ ខន្ធានំ…បេ… បដិសន្ធិក្ខណេ អវិតក្កវិចារមត្តោ ឯកោ ខន្ធោ ច វត្ថុ ច តិណ្ណន្នំ ខន្ធានំ…បេ… ទ្វេ ខន្ធា ច វត្ថុ ច ទ្វិន្នំ ខន្ធានំ អត្ថិបច្ចយេន បច្ចយោ. (២)

អវិតក្កវិចារមត្តោ ¶ ច អវិតក្កអវិចារោ ច ធម្មា អវិតក្កអវិចារស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ. សហជាតា – អវិតក្កវិចារមត្តា ខន្ធា ច វិចារោ ច ចិត្តសមុដ្ឋានានំ រូបានំ អត្ថិបច្ចយេន បច្ចយោ. សហជាតា ¶ – អវិតក្កវិចារមត្តា ខន្ធា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ. សហជាតោ – វិតក្កោ ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ. សហជាតា – អវិតក្កវិចារមត្តា ខន្ធា ច វត្ថុ ច វិចារស្ស អត្ថិបច្ចយេន បច្ចយោ. បដិសន្ធិក្ខណេ អវិតក្កវិចារមត្តា ខន្ធា ច វិចារោ ច កដត្តារូបានំ អត្ថិបច្ចយេន បច្ចយោ. បដិសន្ធិក្ខណេ អវិតក្កវិចារមត្តា ខន្ធា ច មហាភូតា ច កដត្តារូបានំ អត្ថិបច្ចយេន បច្ចយោ. បដិសន្ធិក្ខណេ វិតក្កោ ច មហាភូតា ច កដត្តារូបានំ អត្ថិបច្ចយេន បច្ចយោ. បដិសន្ធិក្ខណេ អវិតក្កវិចារមត្តា ខន្ធា ច វត្ថុ ច វិចារស្ស អត្ថិបច្ចយេន បច្ចយោ. បច្ឆាជាតា – អវិតក្កវិចារមត្តា ខន្ធា ច វិចារោ ច បុរេជាតស្ស ឥមស្ស កាយស្ស អត្ថិបច្ចយេន បច្ចយោ. បច្ឆាជាតា – អវិតក្កវិចារមត្តា ខន្ធា ច វិតក្កោ ច កពឡីការោ អាហារោ ច បុរេជាតស្ស ឥមស្ស កាយស្ស អត្ថិបច្ចយេន បច្ចយោ. បច្ឆាជាតា – អវិតក្កវិចារមត្តា ខន្ធា ច វិតក្កោ ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ. (៣)

អវិតក្កវិចារមត្តោ ¶ ច អវិតក្កអវិចារោ ច ធម្មា អវិតក្កវិចារមត្តស្ស ច អវិតក្កអវិចារស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – អវិតក្កវិចារមត្តោ ឯកោ ខន្ធោ ច វិចារោ ច តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ… ទ្វេ ខន្ធា ច វិចារោ ច…បេ… អវិតក្កវិចារមត្តោ ឯកោ ខន្ធោ ច វត្ថុ ច តិណ្ណន្នំ ខន្ធានំ វិចារស្ស ច អត្ថិបច្ចយេន បច្ចយោ…បេ… ទ្វេ ខន្ធា ច វត្ថុ ច…បេ… បដិសន្ធិក្ខណេ…បេ…. (៤)

១៣៥. សវិតក្កសវិចារោ ¶ ច អវិតក្កវិចារមត្តោ ច ធម្មា សវិតក្កសវិចារស្ស ធម្មស្ស អត្ថិបច្ចយេន បច្ចយោ – សវិតក្កសវិចារោ ឯកោ ខន្ធោ ច វិតក្កោ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ… ទ្វេ ខន្ធា ច វិតក្កោ ច…បេ… បដិសន្ធិក្ខណេ…បេ…. (១)

សវិតក្កសវិចារោ ច អវិតក្កវិចារមត្តោ ច ធម្មា អវិតក្កអវិចារស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ. សហជាតា – សវិតក្កសវិចារា ខន្ធា ច វិតក្កោ ច ចិត្តសមុដ្ឋានានំ រូបានំ អត្ថិបច្ចយេន បច្ចយោ. បដិសន្ធិក្ខណេ សវិតក្កសវិចារា ខន្ធា ច វិតក្កោ ¶ ច កដត្តារូបានំ អត្ថិបច្ចយេន បច្ចយោ. បច្ឆាជាតា – សវិតក្កសវិចារា ខន្ធា ច វិតក្កោ ច បុរេជាតស្ស ឥមស្ស កាយស្ស អត្ថិបច្ចយេន បច្ចយោ. (២)

សវិតក្កសវិចារោ ច អវិតក្កវិចារមត្តោ ច ធម្មា សវិតក្កសវិចារស្ស ¶ ច អវិតក្កអវិចារស្ស ច ធម្មស្ស អត្ថិបច្ចយេន បច្ចយោ – សវិតក្កសវិចារោ ឯកោ ខន្ធោ ច វិតក្កោ ច តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ… ទ្វេ ខន្ធា ច វិតក្កោ ច ទ្វិន្នំ ខន្ធានំ…បេ… បដិសន្ធិក្ខណេ…បេ…. (៣)

១៣៦. សវិតក្កសវិចារោ ច អវិតក្កវិចារមត្តោ ច អវិតក្កអវិចារោ ច ធម្មា សវិតក្កសវិចារស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – សវិតក្កសវិចារោ ឯកោ ខន្ធោ ច វិតក្កោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ… បដិសន្ធិក្ខណេ…បេ…. (១)

សវិតក្កសវិចារោ ច អវិតក្កវិចារមត្តោ ច អវិតក្កអវិចារោ ច ធម្មា អវិតក្កអវិចារស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ, អាហារំ, ឥន្ទ្រិយំ. សហជាតា – សវិតក្កសវិចារា ខន្ធា ច វិតក្កោ ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ. បដិសន្ធិក្ខណេ…បេ…. បច្ឆាជាតា – សវិតក្កសវិចារា ខន្ធា ច វិតក្កោ ច កពឡីការោ អាហារោ ច បុរេជាតស្ស ឥមស្ស កាយស្ស ¶ អត្ថិបច្ចយេន បច្ចយោ. បច្ឆាជាតា – សវិតក្កសវិចារា ខន្ធា ច វិតក្កោ ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ. (២)

នត្ថិវិគតាវិគតបច្ចយា

១៣៧. សវិតក្កសវិចារោ ធម្មោ សវិតក្កសវិចារស្ស ធម្មស្ស នត្ថិបច្ចយេន បច្ចយោ… វិគតបច្ចយេន បច្ចយោ.

(នត្ថិបច្ចយញ្ច ¶ វិគតបច្ចយញ្ច អនន្តរសទិសំ, អវិគតំ អត្ថិសទិសំ.)

១. បច្ចយានុលោមំ

២. សង្ខ្យាវារោ

សុទ្ធំ

១៣៨. ហេតុយា ¶ ឯកាទស, អារម្មណេ ឯកវីស, អធិបតិយា តេវីស, អនន្តរេ បញ្ចវីស, សមនន្តរេ បញ្ចវីស, សហជាតេ តិំស, អញ្ញមញ្ញេ អដ្ឋវីស, និស្សយេ តិំស, ឧបនិស្សយេ បញ្ចវីស, បុរេជាតេ បញ្ច, បច្ឆាជាតេ បញ្ច, អាសេវនេ ឯកវីស, កម្មេ ឯកាទស, វិបាកេ ឯកវីស, អាហារេ ឯកាទស, ឥន្ទ្រិយេ ឯកាទស, ឈានេ ឯកវីស, មគ្គេ សោឡស, សម្បយុត្តេ ឯកាទស, វិប្បយុត្តេ នវ, អត្ថិយា តិំស, នត្ថិយា បញ្ចវីស, វិគតេ បញ្ចវីស, អវិគតេ តិំស.

(ឃដនា កុសលត្តិកសទិសាយេវ. បញ្ហាវារគណនំ ឯវំ អសម្មោហន្តេន គណេតព្ពំ.)

អនុលោមំ.

បច្ចនីយុទ្ធារោ

១៣៩. សវិតក្កសវិចារោ ¶ ធម្មោ សវិតក្កសវិចារស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ. (១)

សវិតក្កសវិចារោ ធម្មោ អវិតក្កវិចារមត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ. (២)

សវិតក្កសវិចារោ ធម្មោ អវិតក្កអវិចារស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន ¶ បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ. (៣)

សវិតក្កសវិចារោ ធម្មោ សវិតក្កសវិចារស្ស ច អវិតក្កអវិចារស្ស ច ធម្មស្ស សហជាតបច្ចយេន បច្ចយោ… កម្មបច្ចយេន បច្ចយោ. (៤)

សវិតក្កសវិចារោ ¶ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ. (៥)

សវិតក្កសវិចារោ ធម្មោ សវិតក្កសវិចារស្ស ច អវិតក្កវិចារមត្តស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ. (៦)

សវិតក្កសវិចារោ ធម្មោ សវិតក្កសវិចារស្ស ច អវិតក្កវិចារមត្តស្ស ច អវិតក្កអវិចារស្ស ច ធម្មស្ស សហជាតបច្ចយេន បច្ចយោ… កម្មបច្ចយេន បច្ចយោ. (៧)

១៤០. អវិតក្កវិចារមត្តោ ¶ ធម្មោ អវិតក្កវិចារមត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (១)

អវិតក្កវិចារមត្តោ ធម្មោ សវិតក្កសវិចារស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន ¶ បច្ចយោ. (២)

អវិតក្កវិចារមត្តោ ធម្មោ អវិតក្កអវិចារស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ. (៣)

អវិតក្កវិចារមត្តោ ធម្មោ សវិតក្កសវិចារស្ស ច អវិតក្កអវិចារស្ស ច ធម្មស្ស សហជាតបច្ចយេន បច្ចយោ. (៤)

អវិតក្កវិចារមត្តោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ. (៥)

អវិតក្កវិចារមត្តោ ធម្មោ សវិតក្កសវិចារស្ស ច អវិតក្កវិចារមត្តស្ស ច ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ. (៦)

១៤១. អវិតក្កអវិចារោ ¶ ធម្មោ អវិតក្កអវិចារស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ. (១)

អវិតក្កអវិចារោ ធម្មោ សវិតក្កសវិចារស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន ¶ បច្ចយោ… បុរេជាតបច្ចយេន បច្ចយោ. (២)

អវិតក្កអវិចារោ ¶ ធម្មោ អវិតក្កវិចារមត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (៣)

អវិតក្កអវិចារោ ធម្មោ អវិតក្កវិចារមត្តស្ស ច អវិតក្កអវិចារស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (៤)

អវិតក្កអវិចារោ ធម្មោ សវិតក្កសវិចារស្ស ច អវិតក្កវិចារមត្តស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (៥)

១៤២. សវិតក្កសវិចារោ ច អវិតក្កអវិចារោ ច ធម្មា សវិតក្កសវិចារស្ស ធម្មស្ស សហជាតំ… បុរេជាតំ. (១)

សវិតក្កសវិចារោ ច អវិតក្កអវិចារោ ច ធម្មា អវិតក្កវិចារមត្តស្ស ធម្មស្ស សហជាតំ… បុរេជាតំ. (២)

សវិតក្កសវិចារោ ច អវិតក្កអវិចារោ ច ធម្មា អវិតក្កអវិចារស្ស ធម្មស្ស សហជាតំ… បច្ឆាជាតំ… អាហារំ… ឥន្ទ្រិយំ. (៣)

សវិតក្កសវិចារោ ច អវិតក្កអវិចារោ ច ធម្មា សវិតក្កសវិចារស្ស ច អវិតក្កវិចារមត្តស្ស ច ធម្មស្ស សហជាតំ… បុរេជាតំ ¶ . (៤)

១៤៣. អវិតក្កវិចារមត្តោ ច អវិតក្កអវិចារោ ច ធម្មា សវិតក្កសវិចារស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (១)

អវិតក្កវិចារមត្តោ ¶ ច អវិតក្កអវិចារោ ច ធម្មា អវិតក្កវិចារមត្តស្ស ធម្មស្ស ¶ អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (២)

អវិតក្កវិចារមត្តោ ច អវិតក្កអវិចារោ ច ធម្មា អវិតក្កអវិចារស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ. (៣)

អវិតក្កវិចារមត្តោ ច អវិតក្កអវិចារោ ច ធម្មា អវិតក្កវិចារមត្តស្ស ច អវិតក្កអវិចារស្ស ច ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (៤)

អវិតក្កវិចារមត្តោ ច អវិតក្កអវិចារោ ច ធម្មា សវិតក្កសវិចារស្ស ច អវិតក្កវិចារមត្តស្ស ច ធម្មស្ស អារម្មណបច្ចយេន ¶ បច្ចយោ… ឧបនិស្សយបច្ចយេន បច្ចយោ. (៥)

១៤៤. សវិតក្កសវិចារោ ច អវិតក្កវិចារមត្តោ ច ធម្មា សវិតក្កសវិចារស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (១)

សវិតក្កសវិចារោ ច អវិតក្កវិចារមត្តោ ច ធម្មា អវិតក្កវិចារមត្តស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ. (២)

សវិតក្កសវិចារោ ច អវិតក្កវិចារមត្តោ ច ធម្មា អវិតក្កអវិចារស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ. (៣)

សវិតក្កសវិចារោ ច អវិតក្កវិចារមត្តោ ច ធម្មា សវិតក្កសវិចារស្ស ច អវិតក្កអវិចារស្ស ច ធម្មស្ស សហជាតបច្ចយេន បច្ចយោ. (៤)

សវិតក្កសវិចារោ ច អវិតក្កវិចារមត្តោ ច ធម្មា អវិតក្កវិចារមត្តស្ស ច អវិតក្កអវិចារស្ស ច ធម្មស្ស ឧបនិស្សយបច្ចយេន បច្ចយោ. (៥)

សវិតក្កសវិចារោ ¶ ¶ ច អវិតក្កវិចារមត្តោ ច ធម្មា សវិតក្កសវិចារស្ស ច អវិតក្កវិចារមត្តស្ស ច ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ. (៦)

សវិតក្កសវិចារោ ច អវិតក្កវិចារមត្តោ ច អវិតក្កអវិចារោ ¶ ច ធម្មា សវិតក្កសវិចារស្ស ធម្មស្ស សហជាតំ… បុរេជាតំ. (១)

សវិតក្កសវិចារោ ច អវិតក្កវិចារមត្តោ ច អវិតក្កអវិចារោ ច ធម្មា អវិតក្កអវិចារស្ស ធម្មស្ស សហជាតំ… បច្ឆាជាតំ… អាហារំ… ឥន្ទ្រិយំ. (២)

បច្ចនីយុទ្ធារោ.

២. បច្ចយបច្ចនីយំ

២. សង្ខ្យាវារោ

សុទ្ធំ

១៤៥. នហេតុយា បញ្ចតិំស, នអារម្មណេ បញ្ចតិំស, នអធិបតិយា បញ្ចតិំស, នអនន្តរេ បញ្ចតិំស, នសមនន្តរេ បញ្ចតិំស, នសហជាតេ ឯកូនតិំស, នអញ្ញមញ្ញេ ឯកូនតិំស, ននិស្សយេ ឯកូនតិំស, នឧបនិស្សយេ ចតុត្តិំស, នបុរេជាតេ បញ្ចតិំស, នបច្ឆាជាតេ នអាសេវនេ នកម្មេ នវិបាកេ នអាហារេ នឥន្ទ្រិយេ នឈានេ នមគ្គេ បញ្ចតិំស, នសម្បយុត្តេ ឯកូនតិំស, នវិប្បយុត្តេ សត្តវីស, នោអត្ថិយា សត្តវីស, នោនត្ថិយា បញ្ចតិំស, នោវិគតេ បញ្ចតិំស, នោអវិគតេ សត្តវីស.

(បច្ចនីយំ គណេន្តេន ឥមានិ បទានិ អនុមជ្ជន្តេន គណេតព្ពានិ.)

បច្ចនីយំ.

៣. បច្ចយានុលោមបច្ចនីយំ

ហេតុទុកំ

១៤៦. ហេតុបច្ចយា ¶ នអារម្មណេ ឯកាទស, នអធិបតិយា ឯកាទស, នអនន្តរេ នសមនន្តរេ ឯកាទស, នអញ្ញមញ្ញេ តីណិ, នឧបនិស្សយេ ឯកាទស, នបុរេជាតេ នបច្ឆាជាតេ នអាសេវនេ នកម្មេ នវិបាកេ នអាហារេ ¶ នឥន្ទ្រិយេ នឈានេ នមគ្គេ សព្ពេ ឯកាទស, នសម្បយុត្តេ តីណិ, នវិប្បយុត្តេ សត្ត, នោនត្ថិយា ឯកាទស, នោវិគតេ ឯកាទស ¶ .

(អនុលោមបច្ចនីយគណនា ឥមិនា ការណេន គណេតព្ពា.)

អនុលោមបច្ចនីយំ.

៤. បច្ចយបច្ចនីយានុលោមំ

នហេតុទុកំ

១៤៧. នហេតុបច្ចយា អារម្មណេ ឯកវីស, អធិបតិយា តេវីស, អនន្តរេ បញ្ចវីស, សមនន្តរេ បញ្ចវីស, សហជាតេ តិំស, អញ្ញមញ្ញេ អដ្ឋវីស, និស្សយេ តិំស, ឧបនិស្សយេ បញ្ចវីស, បុរេជាតេ បញ្ច, បច្ឆាជាតេ បញ្ច, អាសេវនេ ឯកវីស, កម្មេ ឯកាទស, វិបាកេ ឯកវីស, អាហារេ ឯកាទស, ឥន្ទ្រិយេ ឯកាទស, ឈានេ ឯកវីស, មគ្គេ សោឡស, សម្បយុត្តេ ឯកាទស, វិប្បយុត្តេ នវ, អត្ថិយា តិំស, នត្ថិយា បញ្ចវីស, វិគតេ បញ្ចវីស, អវិគតេ តិំស.

(បច្ចនីយានុលោមំ ឥមិនា ការណេន វិភជិតព្ពំ.)

បច្ចនីយានុលោមំ.

វិតក្កត្តិកំ និដ្ឋិតំ.

៧. បីតិត្តិកំ

១. បដិច្ចវារោ

១. បច្ចយានុលោមំ

១. វិភង្គវារោ

ហេតុបច្ចយោ

១. បីតិសហគតំ ¶ ¶ ¶ ធម្មំ បដិច្ច បីតិសហគតោ ធម្មោ ឧប្បជ្ជតិ ហេតុបច្ចយា – បីតិសហគតំ ឯកំ ខន្ធំ បដិច្ច តយោ ខន្ធា, តយោ ខន្ធេ បដិច្ច ឯកោ ខន្ធោ, ទ្វេ ខន្ធេ បដិច្ច ទ្វេ ខន្ធា. បដិសន្ធិក្ខណេ បីតិសហគតំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

បីតិសហគតំ ធម្មំ បដិច្ច សុខសហគតោ ធម្មោ ឧប្បជ្ជតិ ហេតុបច្ចយា – បីតិសហគតំ ឯកំ ខន្ធំ បដិច្ច សុខសហគតា តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. បដិសន្ធិក្ខណេ បីតិសហគតំ ឯកំ ខន្ធំ បដិច្ច សុខសហគតា តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (២)

បីតិសហគតំ ធម្មំ បដិច្ច បីតិសហគតោ ច សុខសហគតោ ច ធម្មា ឧប្បជ្ជន្តិ ហេតុបច្ចយា – បីតិសហគតំ ឯកំ ខន្ធំ បដិច្ច បីតិសហគតា ច សុខសហគតា ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. បដិសន្ធិក្ខណេ បីតិសហគតំ ឯកំ ខន្ធំ បដិច្ច បីតិសហគតា ច សុខសហគតា ច តយោ ខន្ធា ¶ …បេ… ទ្វេ ខន្ធេ បដិច្ច ទ្វេ ខន្ធា. (៣)

២. សុខសហគតំ ធម្មំ បដិច្ច សុខសហគតោ ធម្មោ ឧប្បជ្ជតិ ហេតុបច្ចយា – សុខសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ ¶ បដិច្ច ឯកោ ខន្ធោ. បដិសន្ធិក្ខណេ សុខសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ. (១)

សុខសហគតំ ធម្មំ បដិច្ច បីតិសហគតោ ធម្មោ ឧប្បជ្ជតិ ហេតុបច្ចយា – សុខសហគតំ ឯកំ ខន្ធំ បដិច្ច បីតិសហគតា តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. បដិសន្ធិក្ខណេ សុខសហគតំ ឯកំ ខន្ធំ បដិច្ច បីតិសហគតា តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (២)

សុខសហគតំ ធម្មំ បដិច្ច បីតិសហគតោ ច សុខសហគតោ ច ធម្មា ឧប្បជ្ជន្តិ ហេតុបច្ចយា – សុខសហគតំ ឯកំ ខន្ធំ បដិច្ច បីតិសហគតា ច សុខសហគតា ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ. បដិសន្ធិក្ខណេ សុខសហគតំ ¶ ឯកំ ខន្ធំ បដិច្ច បីតិសហគតា ច សុខសហគតា ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ. (៣)

៣. ឧបេក្ខាសហគតំ ធម្មំ បដិច្ច ឧបេក្ខាសហគតោ ធម្មោ ឧប្បជ្ជតិ ហេតុបច្ចយា – ឧបេក្ខាសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ. បដិសន្ធិក្ខណេ…បេ…. (១)

បីតិសហគតញ្ច សុខសហគតញ្ច ធម្មំ បដិច្ច បីតិសហគតោ ធម្មោ ឧប្បជ្ជតិ ហេតុបច្ចយា – បីតិសហគតញ្ច សុខសហគតញ្ច ឯកំ ខន្ធំ បដិច្ច បីតិសហគតា តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. បដិសន្ធិក្ខណេ បីតិសហគតញ្ច សុខសហគតញ្ច ឯកំ ខន្ធំ បដិច្ច បីតិសហគតា តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

បីតិសហគតញ្ច សុខសហគតញ្ច ធម្មំ បដិច្ច សុខសហគតោ ធម្មោ ឧប្បជ្ជតិ ¶ ហេតុបច្ចយា – បីតិសហគតញ្ច សុខសហគតញ្ច ឯកំ ខន្ធំ បដិច្ច សុខសហគតា ទ្វេ ខន្ធា, ទ្វេ ខន្ធេ ¶ បដិច្ច ឯកោ ខន្ធោ. បដិសន្ធិក្ខណេ បីតិសហគតញ្ច សុខសហគតញ្ច ឯកំ ខន្ធំ បដិច្ច សុខសហគតា ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ. (២)

បីតិសហគតញ្ច សុខសហគតញ្ច ធម្មំ បដិច្ច បីតិសហគតោ ច សុខសហគតោ ច ធម្មា ឧប្បជ្ជន្តិ ហេតុបច្ចយា – បីតិសហគតញ្ច សុខសហគតញ្ច ឯកំ ខន្ធំ បដិច្ច បីតិសហគតា ច សុខសហគតា ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ. បដិសន្ធិក្ខណេ បីតិសហគតញ្ច សុខសហគតញ្ច ឯកំ ខន្ធំ បដិច្ច បីតិសហគតា ច សុខសហគតា ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ. (៣)

អារម្មណបច្ចយាទិ

៤. បីតិសហគតំ ធម្មំ បដិច្ច បីតិសហគតោ ធម្មោ ឧប្បជ្ជតិ អារម្មណបច្ចយា… អធិបតិបច្ចយា… (បដិសន្ធិក្ខណេ នត្ថិ) អនន្តរបច្ចយា… សមនន្តរបច្ចយា… សហជាតបច្ចយា… អញ្ញមញ្ញបច្ចយា… និស្សយបច្ចយា… ឧបនិស្សយបច្ចយា… បុរេជាតបច្ចយា… (បុរេជាតេ បដិសន្ធិក្ខណេ នត្ថិ) អាសេវនបច្ចយា… (អាសេវនេ វិបាកំ នត្ថិ) កម្មបច្ចយា… វិបាកបច្ចយា… អាហារ…បេ… ឥន្ទ្រិយ… ឈាន… មគ្គ… សម្បយុត្ត… វិប្បយុត្ត… អត្ថិ… នត្ថិ… វិគត… អវិគតបច្ចយា.

១. បច្ចយានុលោមំ

២. សង្ខ្យាវារោ

សុទ្ធំ

៥. ហេតុយា ¶ ¶ ទស, អារម្មណេ ទស, អធិបតិយា ទស, អនន្តរេ សមនន្តរេ សហជាតេ អញ្ញមញ្ញេ និស្សយេ ឧបនិស្សយេ បុរេជាតេ អាសេវនេ កម្មេ វិបាកេ អាហារេ ឥន្ទ្រិយេ ឈានេ មគ្គេ សម្បយុត្តេ វិប្បយុត្តេ អត្ថិយា នត្ថិយា វិគតេ អវិគតេ សព្ពត្ថ ទស.

(ឯវំ អនុលោមគណនា គណេតព្ពា.)

អនុលោមំ.

២. បច្ចយបច្ចនីយំ

១. វិភង្គវារោ

នហេតុបច្ចយោ

៦. បីតិសហគតំ ¶ ធម្មំ បដិច្ច បីតិសហគតោ ធម្មោ ឧប្បជ្ជតិ នហេតុបច្ចយា – អហេតុកំ បីតិសហគតំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

បីតិសហគតំ ធម្មំ បដិច្ច សុខសហគតោ ធម្មោ ឧប្បជ្ជតិ នហេតុបច្ចយា – អហេតុកំ បីតិសហគតំ ឯកំ ខន្ធំ បដិច្ច សុខសហគតា តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (២)

បីតិសហគតំ ធម្មំ បដិច្ច បីតិសហគតោ ច សុខសហគតោ ច ធម្មា ឧប្បជ្ជន្តិ នហេតុបច្ចយា – អហេតុកំ បីតិសហគតំ ឯកំ ខន្ធំ បដិច្ច បីតិសហគតា ច សុខសហគតា ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (៣)

៧. សុខសហគតំ ធម្មំ បដិច្ច សុខសហគតោ ធម្មោ ឧប្បជ្ជតិ នហេតុបច្ចយា – អហេតុកំ សុខសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ. (១)

សុខសហគតំ ធម្មំ បដិច្ច បីតិសហគតោ ធម្មោ ឧប្បជ្ជតិ នហេតុបច្ចយា – អហេតុកំ សុខសហគតំ ឯកំ ខន្ធំ បដិច្ច បីតិសហគតា តយោ ខន្ធា…បេ… ទ្វេ ខន្ធេ បដិច្ច ទ្វេ ¶ ខន្ធា. (២)

សុខសហគតំ ¶ ធម្មំ បដិច្ច បីតិសហគតោ ច សុខសហគតោ ច ធម្មា ឧប្បជ្ជន្តិ នហេតុបច្ចយា – អហេតុកំ សុខសហគតំ ឯកំ ខន្ធំ បដិច្ច បីតិសហគតា ច សុខសហគតា ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ. (៣)

៨. ឧបេក្ខាសហគតំ ធម្មំ បដិច្ច ឧបេក្ខាសហគតោ ធម្មោ ឧប្បជ្ជតិ នហេតុបច្ចយា – អហេតុកំ ¶ ឧបេក្ខាសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ. អហេតុកបដិសន្ធិក្ខណេ ឧបេក្ខាសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ. វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ. (១)

៩. បីតិសហគតញ្ច សុខសហគតញ្ច ធម្មំ បដិច្ច បីតិសហគតោ ធម្មោ ឧប្បជ្ជតិ នហេតុបច្ចយា – អហេតុកំ បីតិសហគតញ្ច សុខសហគតញ្ច ឯកំ ខន្ធំ បដិច្ច បីតិសហគតា តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

បីតិសហគតញ្ច សុខសហគតញ្ច ធម្មំ បដិច្ច សុខសហគតោ ធម្មោ ឧប្បជ្ជតិ នហេតុបច្ចយា – អហេតុកំ បីតិសហគតញ្ច សុខសហគតញ្ច ឯកំ ខន្ធំ បដិច្ច សុខសហគតា ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ. (២)

បីតិសហគតញ្ច សុខសហគតញ្ច ធម្មំ បដិច្ច បីតិសហគតោ ច សុខសហគតោ ច ធម្មា ឧប្បជ្ជន្តិ នហេតុបច្ចយា – អហេតុកំ បីតិសហគតញ្ច សុខសហគតញ្ច ឯកំ ខន្ធំ បដិច្ច បីតិសហគតា ច សុខសហគតា ច ទ្វេ ខន្ធា, ទ្វេ ខន្ធេ បដិច្ច ¶ ឯកោ ខន្ធោ. (៣)

នអធិបតិ-នអាសេវនបច្ចយា

១០. បីតិសហគតំ ធម្មំ បដិច្ច បីតិសហគតោ ធម្មោ ឧប្បជ្ជតិ នអធិបតិបច្ចយា (នអធិបតិបដិសន្ធិក្ខណេ បរិបុណ្ណំ)… នបុរេជាតបច្ចយា… (‘‘អរូបេ’’តិ និយាមេតព្ពំ ‘‘បដិសន្ធិក្ខណេ’’តិ ច) នបច្ឆាជាតបច្ចយា… នអាសេវនបច្ចយា.

នកម្មបច្ចយោ

១១. បីតិសហគតំ ធម្មំ បដិច្ច បីតិសហគតោ ធម្មោ ឧប្បជ្ជតិ នកម្មបច្ចយា – បីតិសហគតេ ខន្ធេ បដិច្ច បីតិសហគតា ចេតនា.

បីតិសហគតំ ¶ ¶ ធម្មំ បដិច្ច សុខសហគតោ ធម្មោ ឧប្បជ្ជតិ នកម្មបច្ចយា – បីតិសហគតេ ខន្ធេ បដិច្ច សុខសហគតា ចេតនា.

(ឥមិនា ការណេន ទស បញ្ហា វិត្ថារេតព្ពា.)

នវិបាកបច្ចយោ

១២. បីតិសហគតំ ធម្មំ បដិច្ច បីតិសហគតោ ធម្មោ ឧប្បជ្ជតិ នវិបាកបច្ចយា…បេ… (បរិបុណ្ណំ, បដិសន្ធិ នត្ថិ).

នឈានបច្ចយាទិ

១៣. សុខសហគតំ ធម្មំ បដិច្ច សុខសហគតោ ធម្មោ ឧប្បជ្ជតិ នឈានបច្ចយា – សុខសហគតំ កាយវិញ្ញាណសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ. (១)

ឧបេក្ខាសហគតំ ធម្មំ បដិច្ច ឧបេក្ខាសហគតោ ធម្មោ ឧប្បជ្ជតិ នឈានបច្ចយា – ចតុវិញ្ញាណសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ. (១)

(នមគ្គបច្ចយា នហេតុបច្ចយសទិសំ. មោហោ នត្ថិ. នវិប្បយុត្តបច្ចយា បរិបុណ្ណំ អរូបបញ្ហមេវ.)

២. បច្ចយបច្ចនីយំ

២. សង្ខ្យាវារោ

សុទ្ធំ

១៤. នហេតុយា ¶ ¶ ទស, នអធិបតិយា ទស, នបុរេជាតេ នបច្ឆាជាតេ នអាសេវនេ នកម្មេ នវិបាកេ ទស, នឈានេ ទ្វេ, នមគ្គេ ទស, នវិប្បយុត្តេ ទស (បច្ចនីយំ បរិបុណ្ណំ កាតព្ពំ).

បច្ចនីយំ.

៣. បច្ចយានុលោមបច្ចនីយំ

ទុកំ

១៥. ហេតុបច្ចយា ¶ នអធិបតិយា ទស, នបុរេជាតេ ទស, នបច្ឆាជាតេ នអាសេវនេ នកម្មេ នវិបាកេ នវិប្បយុត្តេ ទស.

(អនុលោមបច្ចនីយំ វិត្ថារេន គណេតព្ពំ.)

អនុលោមបច្ចនីយំ.

៤. បច្ចយបច្ចនីយានុលោមំ

ទុកំ

១៦. នហេតុបច្ចយា អារម្មណេ ទស, អនន្តរេ ទស, សមនន្តរេ ទស, សហជាតេ អញ្ញមញ្ញេ និស្សយេ ¶ ឧបនិស្សយេ បុរេជាតេ អាសេវនេ កម្មេ វិបាកេ អាហារេ ឥន្ទ្រិយេ ឈានេ សព្ពេ ទស, មគ្គេ ឯកំ, សម្បយុត្តេ ទស, វិប្បយុត្តេ អត្ថិយា នត្ថិយា វិគតេ អវិគតេ សព្ពេ ទស.

បច្ចនីយានុលោមំ.

បដិច្ចវារោ.

២-៦. សហជាត-បច្ចយ-និស្សយ-សំសដ្ឋ-សម្បយុត្តវារោ

(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា.)

៧. បញ្ហាវារោ

១. បច្ចយានុលោមំ

១. វិភង្គវារោ

ហេតុបច្ចយោ

១៧. បីតិសហគតោ ធម្មោ បីតិសហគតស្ស ធម្មស្ស ហេតុបច្ចយេន បច្ចយោ – បីតិសហគតា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ. បដិសន្ធិក្ខណេ បីតិសហគតា ហេតូ សម្បយុត្តកានំ ខន្ធានំ ហេតុបច្ចយេន ¶ បច្ចយោ. (១)

បីតិសហគតោ ¶ ធម្មោ សុខសហគតស្ស ធម្មស្ស ហេតុបច្ចយេន បច្ចយោ – បីតិសហគតា ហេតូ សម្បយុត្តកានំ សុខសហគតានំ ខន្ធានំ ហេតុបច្ចយេន បច្ចយោ. បដិសន្ធិក្ខណេ…បេ…. (២)

បីតិសហគតោ ធម្មោ បីតិសហគតស្ស ច សុខសហគតស្ស ច ធម្មស្ស ហេតុបច្ចយេន បច្ចយោ ¶ – បីតិសហគតា ហេតូ សម្បយុត្តកានំ បីតិសហគតានញ្ច សុខសហគតានញ្ច ខន្ធានំ ហេតុបច្ចយេន បច្ចយោ. បដិសន្ធិក្ខណេ…បេ…. (៣)

១៨. សុខសហគតោ ធម្មោ សុខសហគតស្ស ធម្មស្ស…បេ… បីតិសហគតស្ស ធម្មស្ស…បេ… បីតិសហគតស្ស ច សុខសហគតស្ស ច ធម្មស្ស…បេ… (សុខមូលេ តីណិ).

ឧបេក្ខាសហគតោ ធម្មោ ឧបេក្ខាសហគតស្ស ធម្មស្ស ហេតុបច្ចយេន បច្ចយោ – ឧបេក្ខាសហគតា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ. បដិសន្ធិក្ខណេ…បេ…. (១)

បីតិសហគតោ ច សុខសហគតោ ច ធម្មា បីតិសហគតស្ស ធម្មស្ស…បេ… សុខសហគតស្ស ធម្មស្ស…បេ… បីតិសហគតស្ស ច សុខសហគតស្ស ច ធម្មស្ស ហេតុបច្ចយេន បច្ចយោ – បីតិសហគតា ច សុខសហគតា ច ហេតូ សម្បយុត្តកានំ បីតិសហគតានញ្ច សុខសហគតានញ្ច ខន្ធានំ ហេតុបច្ចយេន បច្ចយោ. បដិសន្ធិក្ខណេ…បេ…. (២)

អារម្មណបច្ចយោ

១៩. បីតិសហគតោ ធម្មោ បីតិសហគតស្ស ធម្មស្ស អារម្មណបច្ចយេន ¶ បច្ចយោ – បីតិសហគតេន ចិត្តេន ទានំ ទត្វា សីលំ សមាទិយិត្វា ឧបោសថកម្មំ កត្វា តំ បីតិសហគតេន ចិត្តេន បច្ចវេក្ខតិ, បីតិសហគតា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា តំ បីតិសហគតេន ចិត្តេន បច្ចវេក្ខតិ. អរិយា បីតិសហគតេន ចិត្តេន បីតិសហគតេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ. បីតិសហគតេ ខន្ធេ បីតិសហគតេន ចិត្តេន អនិច្ចតោ ទុក្ខតោ អនត្តតោ វិបស្សន្តិ អស្សាទេន្តិ អភិនន្ទន្តិ; តំ អារព្ភ បីតិសហគតោ រាគោ ឧប្បជ្ជតិ, ទិដ្ឋិ ឧប្បជ្ជតិ. បីតិសហគតេ ខន្ធេ អារព្ភ បីតិសហគតា ខន្ធា ឧប្បជ្ជន្តិ. (១)

បីតិសហគតោ ¶ ធម្មោ សុខសហគតស្ស ធម្មស្ស អារម្មណបច្ចយេន បច្ចយោ – បីតិសហគតេន ចិត្តេន ទានំ ទត្វា សីលំ សមាទិយិត្វា ឧបោសថកម្មំ កត្វា តំ សុខសហគតេន ចិត្តេន បច្ចវេក្ខតិ, បីតិសហគតា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា តំ សុខសហគតេន ¶ ចិត្តេន បច្ចវេក្ខតិ. អរិយា សុខសហគតេន ចិត្តេន បីតិសហគតេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ. បីតិសហគតេ ខន្ធេ សុខសហគតេន ចិត្តេន អនិច្ចតោ ទុក្ខតោ អនត្តតោ វិបស្សន្តិ អស្សាទេន្តិ អភិនន្ទន្តិ; តំ អារព្ភ សុខសហគតោ រាគោ ឧប្បជ្ជតិ, ទិដ្ឋិ ឧប្បជ្ជតិ. បីតិសហគតេ ខន្ធេ អារព្ភ សុខសហគតា ខន្ធា ឧប្បជ្ជន្តិ. (២)

បីតិសហគតោ ¶ ធម្មោ ឧបេក្ខាសហគតស្ស ធម្មស្ស អារម្មណបច្ចយេន បច្ចយោ – បីតិសហគតេន ចិត្តេន ទានំ ទត្វា សីលំ សមាទិយិត្វា ឧបោសថកម្មំ កត្វា តំ ឧបេក្ខាសហគតេន ចិត្តេន បច្ចវេក្ខតិ, បីតិសហគតា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា តំ ឧបេក្ខាសហគតេន ចិត្តេន បច្ចវេក្ខតិ. អរិយា ឧបេក្ខាសហគតេន ចិត្តេន បីតិសហគតេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ. បីតិសហគតេ ខន្ធេ ឧបេក្ខាសហគតេន ចិត្តេន អនិច្ចតោ ទុក្ខតោ អនត្តតោ វិបស្សន្តិ អស្សាទេន្តិ អភិនន្ទន្តិ; តំ អារព្ភ ឧបេក្ខាសហគតោ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ឧទ្ធច្ចំ ឧប្បជ្ជតិ. ចេតោបរិយញាណេន បីតិសហគតចិត្តសមង្គិស្ស ចិត្តំ ជានន្តិ, បីតិសហគតា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. បីតិសហគតេ ខន្ធេ អារព្ភ ឧបេក្ខាសហគតា ខន្ធា ឧប្បជ្ជន្តិ. (៣)

បីតិសហគតោ ធម្មោ បីតិសហគតស្ស ច សុខសហគតស្ស ច ធម្មស្ស អារម្មណបច្ចយេន បច្ចយោ – បីតិសហគតេន ចិត្តេន ទានំ ទត្វា សីលំ សមាទិយិត្វា ឧបោសថកម្មំ កត្វា តំ បីតិសហគតេន ច សុខសហគតេន ច ចិត្តេន ¶ បច្ចវេក្ខតិ, បីតិសហគតា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា តំ បីតិសហគតេន ច សុខសហគតេន ច ចិត្តេន បច្ចវេក្ខតិ. អរិយា បីតិសហគតេន ច សុខសហគតេន ច ចិត្តេន បីតិសហគតេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ ¶ , បុព្ពេ សមុទាចិណ្ណេ កិលេសេ ជានន្តិ. បីតិសហគតេ ខន្ធេ បីតិសហគតេន ច សុខសហគតេន ច ចិត្តេន អនិច្ចតោ ទុក្ខតោ អនត្តតោ វិបស្សន្តិ អស្សាទេន្តិ អភិនន្ទន្តិ; តំ អារព្ភ បីតិសហគតោ ច សុខសហគតោ ច រាគោ ឧប្បជ្ជតិ, ទិដ្ឋិ ឧប្បជ្ជតិ. បីតិសហគតេ ខន្ធេ អារព្ភ បីតិសហគតា ច សុខសហគតា ច ខន្ធា ឧប្បជ្ជន្តិ. (៤)

២០. សុខសហគតោ ¶ ធម្មោ សុខសហគតស្ស ធម្មស្ស អារម្មណបច្ចយេន បច្ចយោ… សុខសហគតោ ធម្មោ បីតិសហគតស្ស ធម្មស្ស…បេ… ឧបេក្ខាសហគតស្ស ធម្មស្ស…បេ… បីតិសហគតស្ស ច សុខសហគតស្ស ច ធម្មស្ស អារម្មណបច្ចយេន បច្ចយោ – សុខសហគតេ ខន្ធេ អារព្ភ បីតិសហគតា ច សុខសហគតា ច ខន្ធា ឧប្បជ្ជន្តិ. (៤)

ឧបេក្ខាសហគតោ ធម្មោ ឧបេក្ខាសហគតស្ស ធម្មស្ស អារម្មណបច្ចយេន បច្ចយោ – ឧបេក្ខាសហគតេន ចិត្តេន ទានំ ទត្វា សីលំ សមាទិយិត្វា ឧបោសថកម្មំ កត្វា តំ ឧបេក្ខាសហគតេន ចិត្តេន បច្ចវេក្ខតិ, ឧបេក្ខាសហគតា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា តំ ឧបេក្ខាសហគតេន ចិត្តេន បច្ចវេក្ខតិ. អរិយា ឧបេក្ខាសហគតេន ចិត្តេន ឧបេក្ខាសហគតេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ. ឧបេក្ខាសហគតេ ខន្ធេ ឧបេក្ខាសហគតេន ចិត្តេន អនិច្ចតោ ទុក្ខតោ អនត្តតោ ¶ វិបស្សន្តិ អស្សាទេន្តិ អភិនន្ទន្តិ; តំ អារព្ភ ឧបេក្ខាសហគតោ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ឧទ្ធច្ចំ ឧប្បជ្ជតិ. ចេតោបរិយញាណេន ឧបេក្ខាសហគតចិត្តសមង្គិស្ស ចិត្តំ ជានាតិ. អាកាសានញ្ចាយតនំ វិញ្ញាណញ្ចាយតនស្ស អារម្មណបច្ចយេន បច្ចយោ…បេ… អាកិញ្ចញ្ញាយតនំ នេវសញ្ញានាសញ្ញាយតនស្ស អារម្មណបច្ចយេន បច្ចយោ. ឧបេក្ខាសហគតា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស អាវជ្ជនាយ អារម្មណបច្ចយេន បច្ចយោ. ឧបេក្ខាសហគតេ ខន្ធេ អារព្ភ ឧបេក្ខាសហគតា ខន្ធា ឧប្បជ្ជន្តិ. (១)

ឧបេក្ខាសហគតោ ធម្មោ បីតិសហគតស្ស ធម្មស្ស…បេ… សុខសហគតស្ស ធម្មស្ស…បេ… បីតិសហគតស្ស ច សុខសហគតស្ស ច ធម្មស្ស អារម្មណបច្ចយេន បច្ចយោ – ឧបេក្ខាសហគតេន ចិត្តេន ទានំ ទត្វា សីលំ ¶ សមាទិយិត្វា ឧបោសថកម្មំ កត្វា តំ បីតិសហគតេន ច សុខសហគតេន ច ចិត្តេន បច្ចវេក្ខតិ, ឧបេក្ខាសហគតា ឈានា វុដ្ឋហិត្វា, មគ្គា វុដ្ឋហិត្វា ផលា វុដ្ឋហិត្វា, តំ បីតិសហគតេន ច សុខសហគតេន ច ចិត្តេន បច្ចវេក្ខតិ. អរិយា បីតិសហគតេន ច សុខសហគតេន ច ចិត្តេន ឧបេក្ខាសហគតេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ. ឧបេក្ខាសហគតេ ខន្ធេ បីតិសហគតេន ច សុខសហគតេន ច ¶ ចិត្តេន អនិច្ចតោ ទុក្ខតោ អនត្តតោ វិបស្សន្តិ អស្សាទេន្តិ ¶ អភិនន្ទន្តិ; តំ អារព្ភ បីតិសហគតោ ច សុខសហគតោ ច រាគោ ឧប្បជ្ជតិ, ទិដ្ឋិ ឧប្បជ្ជតិ. ឧបេក្ខាសហគតេ ខន្ធេ អារព្ភ បីតិសហគតា ច សុខសហគតា ច ខន្ធា ឧប្បជ្ជន្តិ. (៣)

២១. បីតិសហគតោ ច សុខសហគតោ ច ធម្មា បីតិសហគតស្ស ធម្មស្ស…បេ… សុខសហគតស្ស ធម្មស្ស…បេ… ឧបេក្ខាសហគតស្ស ធម្មស្ស អារម្មណបច្ចយេន បច្ចយោ – បីតិសហគតេន ច សុខសហគតេន ច ចិត្តេន ទានំ ទត្វា សីលំ សមាទិយិត្វា ឧបោសថកម្មំ កត្វា…បេ… បីតិសហគតេ ច សុខសហគតេ ច ខន្ធេ ឧបេក្ខាសហគតេន ចិត្តេន អនិច្ចតោ ទុក្ខតោ អនត្តតោ វិបស្សតិ អស្សាទេតិ អភិនន្ទតិ; តំ អារព្ភ ឧបេក្ខាសហគតោ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ឧទ្ធច្ចំ ឧប្បជ្ជតិ. ចេតោបរិយញាណេន បីតិសហគតសុខសហគតចិត្តសមង្គិស្ស ចិត្តំ ជានាតិ. បីតិសហគតា ច សុខសហគតា ច ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. បីតិសហគតេ ច សុខសហគតេ ច ខន្ធេ អារព្ភ ឧបេក្ខាសហគតា ខន្ធា ឧប្បជ្ជន្តិ. (៣)

បីតិសហគតោ ច សុខសហគតោ ច ធម្មា បីតិសហគតស្ស ច សុខសហគតស្ស ច ធម្មស្ស អារម្មណបច្ចយេន បច្ចយោ (សំខិត្តំ). (៤)

អធិបតិបច្ចយោ

២២. បីតិសហគតោ ធម្មោ បីតិសហគតស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – បីតិសហគតេន ¶ ចិត្តេន ទានំ ទត្វា សីលំ សមាទិយិត្វា ឧបោសថកម្មំ កត្វា ¶ បីតិសហគតេន ចិត្តេន តំ គរុំ កត្វា បច្ចវេក្ខតិ, បីតិសហគតា ឈានា វុដ្ឋហិត្វា, មគ្គា វុដ្ឋហិត្វា, ផលា វុដ្ឋហិត្វា បីតិសហគតេន ចិត្តេន តំ គរុំ កត្វា បច្ចវេក្ខតិ. បីតិសហគតេ ខន្ធេ បីតិសហគតេន ចិត្តេន គរុំ កត្វា អស្សាទេតិ អភិនន្ទតិ; តំ គរុំ កត្វា បីតិសហគតោ រាគោ ឧប្បជ្ជតិ, ទិដ្ឋិ ឧប្បជ្ជតិ. សហជាតាធិបតិ – បីតិសហគតាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ. (១)

បីតិសហគតោ ¶ ធម្មោ សុខសហគតស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – បីតិសហគតេន ចិត្តេន ទានំ ទត្វា…បេ…. សហជាតាធិបតិ – បីតិសហគតាធិបតិ សម្បយុត្តកានំ សុខសហគតានំ ខន្ធានំ អធិបតិបច្ចយេន បច្ចយោ. (២)

បីតិសហគតោ ធម្មោ ឧបេក្ខាសហគតស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – បីតិសហគតេន ចិត្តេន ទានំ ទត្វា…បេ… ឧបេក្ខាសហគតេន ចិត្តេន (សំខិត្តំ). (៣)

បីតិសហគតោ ធម្មោ បីតិសហគតស្ស ច សុខសហគតស្ស ច ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – បីតិសហគតេន ចិត្តេន ទានំ ទត្វា…បេ…. សហជាតាធិបតិ – បីតិសហគតាធិបតិ សម្បយុត្តកានំ បីតិសហគតានញ្ច សុខសហគតានញ្ច ខន្ធានំ អធិបតិបច្ចយេន បច្ចយោ. (៤)

២៣. សុខសហគតោ ¶ ធម្មោ សុខសហគតស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – សុខសហគតេន ចិត្តេន ទានំ ទត្វា…បេ…. សហជាតាធិបតិ – សុខសហគតាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ. (១)

សុខសហគតោ ធម្មោ បីតិសហគតស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ…បេ…. សហជាតាធិបតិ – សុខសហគតាធិបតិ សម្បយុត្តកានំ បីតិសហគតានំ ខន្ធានំ អធិបតិបច្ចយេន បច្ចយោ. (២)

សុខសហគតោ ធម្មោ ឧបេក្ខាសហគតស្ស ធម្មស្ស អធិបតិបច្ចយេន បច្ចយោ – អារម្មណាធិបតិ (សំខិត្តំ). (៣)

សុខសហគតោ ¶ ធម្មោ បីតិសហគតស្ស ច សុខសហគតស្ស ច ធម្មស្ស អធិបតិបច្ចយេន បច្ចយោ ¶ – អារម្មណាធិបតិ, សហជាតាធិបតិ…បេ…. សហជាតាធិបតិ – សុខសហគតាធិបតិ សម្បយុត្តកានំ បីតិសហគតានញ្ច សុខសហគតានញ្ច ខន្ធានំ អធិបតិបច្ចយេន បច្ចយោ. (៤)

២៤. ឧបេក្ខាសហគតោ ធម្មោ ឧបេក្ខាសហគតស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ…បេ…. សហជាតាធិបតិ – ឧបេក្ខាសហគតាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ. (១)

ឧបេក្ខាសហគតោ ធម្មោ បីតិសហគតស្ស ធម្មស្ស អធិបតិបច្ចយេន បច្ចយោ – អារម្មណាធិបតិ (សំខិត្តំ). (២)

ឧបេក្ខាសហគតោ ¶ ធម្មោ សុខសហគតស្ស ធម្មស្ស អធិបតិបច្ចយេន បច្ចយោ – អារម្មណាធិបតិ (សំខិត្តំ). (៣)

ឧបេក្ខាសហគតោ ធម្មោ បីតិសហគតស្ស ច សុខសហគតស្ស ច ធម្មស្ស អធិបតិបច្ចយេន បច្ចយោ – អារម្មណាធិបតិ (សំខិត្តំ). (៤)

២៥. បីតិសហគតោ ច សុខសហគតោ ច ធម្មា បីតិសហគតស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ…បេ…. សហជាតាធិបតិ – បីតិសហគតា ច សុខសហគតា ច អធិបតិ សម្បយុត្តកានំ បីតិសហគតានំ ខន្ធានំ អធិបតិបច្ចយេន បច្ចយោ. (១)

បីតិសហគតោ ច សុខសហគតោ ច ធម្មា សុខសហគតស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ…បេ…. សហជាតាធិបតិ – បីតិសហគតា ច សុខសហគតា ច អធិបតិ សម្បយុត្តកានំ សុខសហគតានំ ខន្ធានំ អធិបតិបច្ចយេន បច្ចយោ. (២)

បីតិសហគតោ ច សុខសហគតោ ច ធម្មា ឧបេក្ខាសហគតស្ស ធម្មស្ស អធិបតិបច្ចយេន បច្ចយោ – អារម្មណាធិបតិ (សំខិត្តំ). (៣)

បីតិសហគតោ ¶ ច សុខសហគតោ ច ធម្មា បីតិសហគតស្ស ច សុខសហគតស្ស ច ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ ¶ …បេ…. សហជាតាធិបតិ – បីតិសហគតា ច សុខសហគតា ច អធិបតិ សម្បយុត្តកានំ បីតិសហគតានញ្ច សុខសហគតានញ្ច ខន្ធានំ អធិបតិបច្ចយេន បច្ចយោ. (៤)

អនន្តរបច្ចយោ

២៦. បីតិសហគតោ ធម្មោ បីតិសហគតស្ស ធម្មស្ស អនន្តរបច្ចយេន ¶ បច្ចយោ – បុរិមា បុរិមា បីតិសហគតា ខន្ធា បច្ឆិមានំ បច្ឆិមានំ បីតិសហគតានំ ខន្ធានំ អនន្តរបច្ចយេន បច្ចយោ. បីតិសហគតំ អនុលោមំ គោត្រភុស្ស អនន្តរបច្ចយេន បច្ចយោ. (ឥមិនា ការណេន សព្ពេសំ បទានំ បច្ចយោតិ ទីបេតព្ពោ). អនុលោមំ វោទានស្ស… គោត្រភុ មគ្គស្ស… វោទានំ មគ្គស្ស… មគ្គោ ផលស្ស… ផលំ ផលស្ស… អនុលោមំ បីតិសហគតាយ ផលសមាបត្តិយា អនន្តរបច្ចយេន បច្ចយោ. (១)

បីតិសហគតោ ធម្មោ សុខសហគតស្ស ធម្មស្ស អនន្តរបច្ចយេន បច្ចយោ – បុរិមា បុរិមា បីតិសហគតា ខន្ធា បច្ឆិមានំ បច្ឆិមានំ សុខសហគតានំ ខន្ធានំ អនន្តរបច្ចយេន បច្ចយោ. បីតិសហគតំ អនុលោមំ សុខសហគតស្ស គោត្រភុស្ស អនន្តរបច្ចយេន បច្ចយោ. បីតិសហគតំ អនុលោមំ សុខសហគតស្ស វោទានស្ស អនន្តរបច្ចយេន បច្ចយោ. បីតិសហគតំ អនុលោមំ សុខសហគតាយ ផលសមាបត្តិយា អនន្តរបច្ចយេន បច្ចយោ. (២)

បីតិសហគតោ ធម្មោ ឧបេក្ខាសហគតស្ស ធម្មស្ស អនន្តរបច្ចយេន បច្ចយោ – បីតិសហគតំ ចុតិចិត្តំ ឧបេក្ខាសហគតស្ស ឧបបត្តិចិត្តស្ស អនន្តរបច្ចយេន បច្ចយោ. បីតិសហគតំ ភវង្គំ អាវជ្ជនាយ អនន្តរបច្ចយេន បច្ចយោ. បីតិសហគតា វិបាកមនោវិញ្ញាណធាតុ កិរិយមនោវិញ្ញាណធាតុយា អនន្តរបច្ចយេន បច្ចយោ. បីតិសហគតំ ភវង្គំ ឧបេក្ខាសហគតស្ស ភវង្គស្ស អនន្តរបច្ចយេន បច្ចយោ ¶ . បីតិសហគតំ កុសលាកុសលំ ឧបេក្ខាសហគតស្ស វុដ្ឋានស្ស… កិរិយំ វុដ្ឋានស្ស… ផលំ វុដ្ឋានស្ស អនន្តរបច្ចយេន បច្ចយោ. (៣)

បីតិសហគតោ ¶ ធម្មោ បីតិសហគតស្ស ច សុខសហគតស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា បីតិសហគតា ខន្ធា បច្ឆិមានំ បច្ឆិមានំ បីតិសហគតានញ្ច សុខសហគតានញ្ច ខន្ធានំ អនន្តរបច្ចយេន បច្ចយោ ¶ . បីតិសហគតំ អនុលោមំ បីតិសហគតស្ស ច សុខសហគតស្ស ច គោត្រភុស្ស អនន្តរបច្ចយេន បច្ចយោ…បេ… បីតិសហគតំ អនុលោមំ បីតិសហគតាយ ច សុខសហគតាយ ច ផលសមាបត្តិយា អនន្តរបច្ចយេន បច្ចយោ. (៤)

២៧. សុខសហគតោ ធម្មោ សុខសហគតស្ស ធម្មស្ស អនន្តរបច្ចយេន បច្ចយោ – បុរិមា បុរិមា សុខសហគតា ខន្ធា បច្ឆិមានំ បច្ឆិមានំ សុខសហគតានំ ខន្ធានំ អនន្តរបច្ចយេន បច្ចយោ. សុខសហគតំ អនុលោមំ សុខសហគតស្ស គោត្រភុស្ស អនន្តរបច្ចយេន បច្ចយោ…បេ… សុខសហគតំ អនុលោមំ សុខសហគតាយ ផលសមាបត្តិយា អនន្តរបច្ចយេន បច្ចយោ. (១)

សុខសហគតោ ធម្មោ បីតិសហគតស្ស ធម្មស្ស អនន្តរបច្ចយេន បច្ចយោ – បុរិមា បុរិមា សុខសហគតា ខន្ធា បច្ឆិមានំ បច្ឆិមានំ បីតិសហគតានំ ខន្ធានំ អនន្តរបច្ចយេន បច្ចយោ…បេ… សុខសហគតំ អនុលោមំ បីតិសហគតាយ ផលសមាបត្តិយា អនន្តរបច្ចយេន បច្ចយោ. (២)

សុខសហគតោ ធម្មោ ឧបេក្ខាសហគតស្ស ធម្មស្ស អនន្តរបច្ចយេន ¶ បច្ចយោ – សុខសហគតំ ចុតិចិត្តំ ឧបេក្ខាសហគតស្ស ឧបបត្តិចិត្តស្ស អនន្តរបច្ចយេន បច្ចយោ. សុខសហគតំ ភវង្គំ អាវជ្ជនាយ អនន្តរបច្ចយេន បច្ចយោ. សុខសហគតំ កាយវិញ្ញាណំ វិបាកមនោធាតុយា អនន្តរបច្ចយេន បច្ចយោ. សុខសហគតា វិបាកមនោវិញ្ញាណធាតុ កិរិយមនោវិញ្ញាណធាតុយា អនន្តរបច្ចយេន បច្ចយោ សុខសហគតំ ភវង្គំ ឧបេក្ខាសហគតស្ស ភវង្គស្ស អនន្តរបច្ចយេន បច្ចយោ. សុខសហគតំ កុសលាកុសលំ ឧបេក្ខាសហគតស្ស វុដ្ឋានស្ស… កិរិយំ វុដ្ឋានស្ស… ផលំ វុដ្ឋានស្ស អនន្តរបច្ចយេន បច្ចយោ. (៣)

សុខសហគតោ ធម្មោ បីតិសហគតស្ស ច សុខសហគតស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា សុខសហគតា ខន្ធា បច្ឆិមានំ បច្ឆិមានំ បីតិសហគតានញ្ច សុខសហគតានញ្ច ខន្ធានំ អនន្តរបច្ចយេន បច្ចយោ…បេ… សុខសហគតំ អនុលោមំ បីតិសហគតាយ ច សុខសហគតាយ ច ផលសមាបត្តិយា អនន្តរបច្ចយេន បច្ចយោ. (៤)

២៨. ឧបេក្ខាសហគតោ ¶ ¶ ធម្មោ ឧបេក្ខាសហគតស្ស ធម្មស្ស អនន្តរបច្ចយេន បច្ចយោ – បុរិមា បុរិមា ឧបេក្ខាសហគតា ខន្ធា បច្ឆិមានំ បច្ឆិមានំ ឧបេក្ខាសហគតានំ ខន្ធានំ…បេ… អាវជ្ជនា បញ្ចន្នំ វិញ្ញាណានំ អនន្តរបច្ចយេន បច្ចយោ. ឧបេក្ខាសហគតំ អនុលោមំ ឧបេក្ខាសហគតាយ ផលសមាបត្តិយា… និរោធា វុដ្ឋហន្តស្ស នេវសញ្ញានាសញ្ញាយតនំ ឧបេក្ខាសហគតាយ ផលសមាបត្តិយា អនន្តរបច្ចយេន បច្ចយោ. (១)

ឧបេក្ខាសហគតោ ¶ ធម្មោ បីតិសហគតស្ស ធម្មស្ស អនន្តរបច្ចយេន បច្ចយោ – ឧបេក្ខាសហគតំ ចុតិចិត្តំ បីតិសហគតស្ស ឧបបត្តិចិត្តស្ស…បេ… អាវជ្ជនា បីតិសហគតានំ ខន្ធានំ…បេ… វិបាកមនោធាតុ បីតិសហគតាយ វិបាកមនោវិញ្ញាណធាតុយា…បេ… ឧបេក្ខាសហគតំ ភវង្គំ បីតិសហគតស្ស ភវង្គស្ស…បេ… ឧបេក្ខាសហគតំ កុសលាកុសលំ បីតិសហគតស្ស វុដ្ឋានស្ស… កិរិយំ វុដ្ឋានស្ស… ផលំ វុដ្ឋានស្ស… និរោធា វុដ្ឋហន្តស្ស នេវសញ្ញានាសញ្ញាយតនំ បីតិសហគតាយ ផលសមាបត្តិយា អនន្តរបច្ចយេន បច្ចយោ. (២)

ឧបេក្ខាសហគតោ ធម្មោ សុខសហគតស្ស ធម្មស្ស…បេ… បីតិសហគតស្ស ច សុខសហគតស្ស ច ធម្មស្ស អនន្តរបច្ចយេន បច្ចយោ. (៤)

(តានិយេវ ច គមនានិ និយាមេតព្ពានិ.)

២៩. បីតិសហគតោ ច សុខសហគតោ ច ធម្មា បីតិសហគតស្ស ធម្មស្ស…បេ… សុខសហគតស្ស ធម្មស្ស…បេ… ឧបេក្ខាសហគតស្ស ធម្មស្ស អនន្តរបច្ចយេន បច្ចយោ – បីតិសហគតញ្ច សុខសហគតញ្ច ចុតិចិត្តំ ឧបេក្ខាសហគតស្ស ឧបបត្តិចិត្តស្ស…បេ… បីតិសហគតញ្ច សុខសហគតញ្ច ភវង្គំ អាវជ្ជនាយ…បេ… បីតិសហគតា ច សុខសហគតា ច វិបាកមនោវិញ្ញាណធាតុ កិរិយមនោវិញ្ញាណធាតុយា…បេ… បីតិសហគតញ្ច សុខសហគតញ្ច ភវង្គំ ឧបេក្ខាសហគតស្ស ភវង្គស្ស…បេ… បីតិសហគតញ្ច សុខសហគតញ្ច កុសលាកុសលំ ឧបេក្ខាសហគតស្ស វុដ្ឋានស្ស… កិរិយំ វុដ្ឋានស្ស… ផលំ វុដ្ឋានស្ស អនន្តរបច្ចយេន បច្ចយោ. (៣)

បីតិសហគតោ ¶ ¶ ច សុខសហគតោ ច ធម្មា បីតិសហគតស្ស ច សុខសហគតស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា បីតិសហគតា ¶ ច សុខសហគតា ច ខន្ធា បច្ឆិមានំ បច្ឆិមានំ បីតិសហគតានញ្ច សុខសហគតានញ្ច ខន្ធានំ…បេ… បីតិសហគតញ្ច សុខសហគតញ្ច អនុលោមំ បីតិសហគតាយ ច សុខសហគតាយ ច ផលសមាបត្តិយា អនន្តរបច្ចយេន បច្ចយោ. (៤)

សមនន្តរបច្ចយោ

៣០. បីតិសហគតោ ធម្មោ បីតិសហគតស្ស ធម្មស្ស សមនន្តរបច្ចយេន បច្ចយោ (អនន្តរបច្ចយសទិសំ).

សហជាតបច្ចយោ

៣១. បីតិសហគតោ ធម្មោ បីតិសហគតស្ស ធម្មស្ស សហជាតបច្ចយេន បច្ចយោ – បីតិសហគតោ ឯកោ ខន្ធោ តិណ្ណន្នំ ខន្ធានំ សហជាតបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ សហជាតបច្ចយេន បច្ចយោ…បេ… (បដិច្ចសទិសំ សហជាតេ ទស បញ្ហា).

អញ្ញមញ្ញ-និស្សយបច្ចយា

៣២. បីតិសហគតោ ធម្មោ បីតិសហគតស្ស ធម្មស្ស អញ្ញមញ្ញបច្ចយេន បច្ចយោ… និស្សយបច្ចយេន បច្ចយោ (ទស បញ្ហា កាតព្ពា).

ឧបនិស្សយបច្ចយោ

៣៣. បីតិសហគតោ ធម្មោ បីតិសហគតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – បីតិសហគតំ សទ្ធំ ឧបនិស្សាយ បីតិសហគតេន ចិត្តេន ទានំ ទេតិ, សីលំ សមាទិយតិ, ឧបោសថកម្មំ ករោតិ, បីតិសហគតំ ឈានំ ឧប្បាទេតិ, វិបស្សនំ ឧប្បាទេតិ, មគ្គំ ឧប្បាទេតិ, សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ. បីតិសហគតំ សីលំ… សុតំ… ចាគំ… បញ្ញំ ¶ ¶ ឧបនិស្សាយ បីតិសហគតេន ចិត្តេន ទានំ ទេតិ, សីលំ សមាទិយតិ…បេ… មានំ ជប្បេតិ, ទិដ្ឋិំ គណ្ហាតិ. បីតិសហគតំ រាគំ… មោហំ… មានំ… ទិដ្ឋិំ… បត្ថនំ ឧបនិស្សាយ បីតិសហគតេន ចិត្តេន ទានំ ទេតិ, សីលំ សមាទិយតិ, ឧបោសថកម្មំ ករោតិ, បីតិសហគតំ ឈានំ ឧប្បាទេតិ…បេ… សមាបត្តិំ ឧប្បាទេតិ. បីតិសហគតេន ចិត្តេន អទិន្នំ អាទិយតិ, មុសា ភណតិ ¶ , បិសុណំ ភណតិ, សម្ផំ បលបតិ, សន្ធិំ ឆិន្ទតិ, និល្លោបំ ហរតិ, ឯកាគារិកំ ករោតិ, បរិបន្ថេ តិដ្ឋតិ, បរទារំ គច្ឆតិ, គាមឃាតំ ករោតិ, និគមឃាតំ ករោតិ. បីតិសហគតា សទ្ធា… សីលំ… សុតំ… ចាគោ… បញ្ញា… រាគោ… មោហោ… មានោ… ទិដ្ឋិ… បត្ថនា បីតិសហគតាយ សទ្ធាយ… សីលស្ស… សុតស្ស… ចាគស្ស… បញ្ញាយ… រាគស្ស… មោហស្ស… មានស្ស… ទិដ្ឋិយា… បត្ថនាយ ឧបនិស្សយបច្ចយេន បច្ចយោ. (១)

បីតិសហគតោ ធម្មោ សុខសហគតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – បីតិសហគតំ សទ្ធំ ឧបនិស្សាយ សុខសហគតេន ចិត្តេន ទានំ ទេតិ…បេ… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ. បីតិសហគតំ សីលំ… សុតំ… ចាគំ… បញ្ញំ… រាគំ… មោហំ… មានំ… ទិដ្ឋិំ… បត្ថនំ ឧបនិស្សាយ សុខសហគតេន ចិត្តេន ទានំ ទេតិ…បេ… សមាបត្តិំ ឧប្បាទេតិ. សុខសហគតេន ចិត្តេន អទិន្នំ អាទិយតិ…បេ… និគមឃាតំ ករោតិ. បីតិសហគតា សទ្ធា…បេ… បត្ថនា សុខសហគតាយ សទ្ធាយ…បេ… បត្ថនាយ សុខសហគតស្ស កាយវិញ្ញាណស្ស ឧបនិស្សយបច្ចយេន បច្ចយោ. (២)

បីតិសហគតោ ¶ ធម្មោ ឧបេក្ខាសហគតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – បីតិសហគតំ សទ្ធំ ឧបនិស្សាយ ឧបេក្ខាសហគតេន ចិត្តេន ទានំ ទេតិ…បេ… អភិញ្ញំ ឧប្បាទេតិ, សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ. បីតិសហគតំ សីលំ…បេ… បត្ថនំ ឧបនិស្សាយ ឧបេក្ខាសហគតេន ចិត្តេន ទានំ ទេតិ…បេ… និគមឃាតំ ករោតិ. បីតិសហគតា សទ្ធា…បេ… បត្ថនា ឧបេក្ខាសហគតាយ សទ្ធាយ…បេ… បត្ថនាយ ឧបនិស្សយបច្ចយេន បច្ចយោ. (៣)

បីតិសហគតោ ¶ ធម្មោ បីតិសហគតស្ស ច សុខសហគតស្ស ច ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – បីតិសហគតំ សទ្ធំ ឧបនិស្សាយ បីតិសហគតេន ច សុខសហគតេន ច ចិត្តេន ទានំ ទេតិ…បេ… ទិដ្ឋិំ គណ្ហាតិ. បីតិសហគតំ សីលំ…បេ… បត្ថនំ ឧបនិស្សាយ បីតិសហគតេន ច សុខសហគតេន ច ចិត្តេន ទានំ ទេតិ…បេ… និគមឃាតំ ករោតិ. បីតិសហគតា ¶ សទ្ធា…បេ… បត្ថនា បីតិសហគតាយ ច សុខសហគតាយ ច សទ្ធាយ…បេ… បត្ថនាយ ឧបនិស្សយបច្ចយេន បច្ចយោ. (៤)

៣៤. សុខសហគតោ ធម្មោ សុខសហគតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សុខសហគតំ សទ្ធំ ឧបនិស្សាយ សុខសហគតេន ចិត្តេន ទានំ ទេតិ…បេ… ទិដ្ឋិំ គណ្ហាតិ. សុខសហគតំ សីលំ…បេ… បត្ថនំ សុខសហគតំ ¶ កាយវិញ្ញាណំ ឧបនិស្សាយ សុខសហគតេន ចិត្តេន ទានំ ទេតិ…បេ… និគមឃាតំ ករោតិ. សុខសហគតា សទ្ធា…បេ… បត្ថនា សុខសហគតំ កាយវិញ្ញាណំ សុខសហគតាយ សទ្ធាយ…បេ… បត្ថនាយ សុខសហគតស្ស កាយវិញ្ញាណស្ស ឧបនិស្សយបច្ចយេន បច្ចយោ. (១)

សុខសហគតោ ធម្មោ បីតិសហគតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សុខសហគតំ សទ្ធំ ឧបនិស្សាយ បីតិសហគតេន ចិត្តេន ទានំ ទេតិ…បេ… ទិដ្ឋិំ គណ្ហាតិ. សុខសហគតំ សីលំ…បេ… បត្ថនំ សុខសហគតំ កាយវិញ្ញាណំ ឧបនិស្សាយ បីតិសហគតេន ចិត្តេន ទានំ ទេតិ…បេ… និគមឃាតំ ករោតិ. សុខសហគតា សទ្ធា…បេ… បត្ថនា សុខសហគតំ កាយវិញ្ញាណំ បីតិសហគតាយ សទ្ធាយ…បេ… បត្ថនាយ ឧបនិស្សយបច្ចយេន បច្ចយោ. (២)

សុខសហគតោ ធម្មោ ឧបេក្ខាសហគតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សុខសហគតំ សទ្ធំ ឧបនិស្សាយ ឧបេក្ខាសហគតេន ចិត្តេន ទានំ ទេតិ…បេ… អភិញ្ញំ ឧប្បាទេតិ…បេ… ទិដ្ឋិំ គណ្ហាតិ. សុខសហគតំ សីលំ…បេ… បត្ថនំ សុខសហគតំ កាយវិញ្ញាណំ ឧបនិស្សាយ ឧបេក្ខាសហគតេន ចិត្តេន ទានំ ទេតិ…បេ… និគមឃាតំ ករោតិ. សុខសហគតា សទ្ធា…បេ… បត្ថនា សុខសហគតំ កាយវិញ្ញាណំ ឧបេក្ខាសហគតាយ សទ្ធាយ…បេ… បត្ថនាយ ឧបនិស្សយបច្ចយេន បច្ចយោ. (៣)

សុខសហគតោ ¶ ធម្មោ បីតិសហគតស្ស ច សុខសហគតស្ស ច ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ ¶ …បេ…. បកតូបនិស្សយោ – សុខសហគតំ សទ្ធំ ឧបនិស្សាយ បីតិសហគតេន ច សុខសហគតេន ច ចិត្តេន ទានំ ទេតិ…បេ… ទិដ្ឋិំ គណ្ហាតិ. សុខសហគតំ សីលំ…បេ… បត្ថនំ សុខសហគតំ កាយវិញ្ញាណំ ¶ ឧបនិស្សាយ បីតិសហគតេន ច សុខសហគតេន ច ចិត្តេន ទានំ ទេតិ…បេ… និគមឃាតំ ករោតិ. សុខសហគតា សទ្ធា…បេ… បត្ថនា សុខសហគតំ កាយវិញ្ញាណំ បីតិសហគតាយ ច សុខសហគតាយ ច សទ្ធាយ…បេ… បត្ថនាយ ឧបនិស្សយបច្ចយេន បច្ចយោ. (៤)

៣៥. ឧបេក្ខាសហគតោ ធម្មោ ឧបេក្ខាសហគតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – ឧបេក្ខាសហគតំ សទ្ធំ ឧបនិស្សាយ ឧបេក្ខាសហគតេន ចិត្តេន ទានំ ទេតិ…បេ… អភិញ្ញំ ឧប្បាទេតិ…បេ… ទិដ្ឋិំ គណ្ហាតិ. ឧបេក្ខាសហគតំ សីលំ…បេ… បត្ថនំ ឧបនិស្សាយ ឧបេក្ខាសហគតេន ចិត្តេន ទានំ ទេតិ…បេ… និគមឃាតំ ករោតិ. ឧបេក្ខាសហគតា សទ្ធា…បេ… បត្ថនា ឧបេក្ខាសហគតាយ សទ្ធាយ…បេ… បត្ថនាយ ឧបនិស្សយបច្ចយេន បច្ចយោ. (១)

ឧបេក្ខាសហគតោ ធម្មោ បីតិសហគតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – ឧបេក្ខាសហគតំ សទ្ធំ ឧបនិស្សាយ បីតិសហគតេន ¶ ចិត្តេន ទានំ ទេតិ…បេ… ទិដ្ឋិំ គណ្ហាតិ. ឧបេក្ខាសហគតំ សីលំ…បេ… បត្ថនំ ឧបនិស្សាយ បីតិសហគតេន ចិត្តេន ទានំ ទេតិ…បេ… និគមឃាតំ ករោតិ. ឧបេក្ខាសហគតា សទ្ធា…បេ… បត្ថនា បីតិសហគតាយ សទ្ធាយ…បេ… បត្ថនាយ ឧបនិស្សយបច្ចយេន បច្ចយោ. (២)

ឧបេក្ខាសហគតោ ¶ ធម្មោ សុខសហគតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – ឧបេក្ខាសហគតំ សទ្ធំ ឧបនិស្សាយ សុខសហគតេន ចិត្តេន ទានំ ទេតិ…បេ… ទិដ្ឋិំ គណ្ហាតិ. ឧបេក្ខាសហគតំ សីលំ…បេ… បត្ថនំ ឧបនិស្សាយ សុខសហគតេន ចិត្តេន ទានំ ទេតិ…បេ… និគមឃាតំ ករោតិ. ឧបេក្ខាសហគតា សទ្ធា…បេ… បត្ថនា សុខសហគតាយ សទ្ធាយ…បេ… បត្ថនាយ សុខសហគតស្ស កាយវិញ្ញាណស្ស ឧបនិស្សយបច្ចយេន បច្ចយោ. (៣)

ឧបេក្ខាសហគតោ ¶ ធម្មោ បីតិសហគតស្ស ច សុខសហគតស្ស ច ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – ឧបេក្ខាសហគតំ សទ្ធំ ឧបនិស្សាយ បីតិសហគតេន ច សុខសហគតេន ច ចិត្តេន ទានំ ទេតិ…បេ… ទិដ្ឋិំ គណ្ហាតិ. ឧបេក្ខាសហគតំ សីលំ…បេ… បត្ថនំ ឧបនិស្សាយ បីតិសហគតេន ច សុខសហគតេន ច ចិត្តេន ទានំ ទេតិ…បេ… និគមឃាតំ ករោតិ. ឧបេក្ខាសហគតា សទ្ធា…បេ… បត្ថនា បីតិសហគតាយ ច សុខសហគតាយ ច សទ្ធាយ…បេ… បត្ថនាយ ឧបនិស្សយបច្ចយេន បច្ចយោ. (៤)

៣៦. បីតិសហគតោ ច សុខសហគតោ ច ធម្មា បីតិសហគតស្ស ធម្មស្ស ¶ ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – បីតិសហគតញ្ច សុខសហគតញ្ច សទ្ធំ ឧបនិស្សាយ បីតិសហគតេន ចិត្តេន ទានំ ទេតិ…បេ… ទិដ្ឋិំ គណ្ហាតិ. បីតិសហគតញ្ច សុខសហគតញ្ច សីលំ…បេ… បត្ថនំ ឧបនិស្សាយ បីតិសហគតេន ចិត្តេន ទានំ ទេតិ…បេ… និគមឃាតំ ករោតិ. បីតិសហគតា ច សុខសហគតា ច សទ្ធា…បេ… បត្ថនា បីតិសហគតាយ សទ្ធាយ…បេ… បត្ថនាយ ឧបនិស្សយបច្ចយេន បច្ចយោ. (១)

បីតិសហគតោ ច សុខសហគតោ ច ធម្មា សុខសហគតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – បីតិសហគតញ្ច សុខសហគតញ្ច សទ្ធំ ឧបនិស្សាយ សុខសហគតេន ចិត្តេន ទានំ ទេតិ…បេ… ទិដ្ឋិំ គណ្ហាតិ. បីតិសហគតញ្ច សុខសហគតញ្ច សីលំ…បេ… បត្ថនំ ឧបនិស្សាយ សុខសហគតេន ចិត្តេន ទានំ ទេតិ…បេ… និគមឃាតំ ករោតិ. បីតិសហគតា ច សុខសហគតា ¶ ច សទ្ធា…បេ… បត្ថនា សុខសហគតាយ សទ្ធាយ…បេ… បត្ថនាយ សុខសហគតស្ស កាយវិញ្ញាណស្ស ឧបនិស្សយបច្ចយេន បច្ចយោ. (២)

បីតិសហគតោ ច សុខសហគតោ ច ធម្មា ឧបេក្ខាសហគតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – បីតិសហគតញ្ច សុខសហគតញ្ច សទ្ធំ ឧបនិស្សាយ ឧបេក្ខាសហគតេន ចិត្តេន ទានំ ទេតិ ¶ …បេ… អភិញ្ញំ ឧប្បាទេតិ…បេ… ទិដ្ឋិំ គណ្ហាតិ. បីតិសហគតញ្ច សុខសហគតញ្ច សីលំ…បេ… ¶ បត្ថនំ ឧបនិស្សាយ ឧបេក្ខាសហគតេន ចិត្តេន ទានំ ទេតិ…បេ… និគមឃាតំ ករោតិ. បីតិសហគតា ច សុខសហគតា ច សទ្ធា…បេ… បត្ថនា ឧបេក្ខាសហគតាយ សទ្ធាយ…បេ… បត្ថនាយ ឧបនិស្សយបច្ចយេន បច្ចយោ. (៣)

បីតិសហគតោ ច សុខសហគតោ ច ធម្មា បីតិសហគតស្ស ច សុខសហគតស្ស ច ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – បីតិសហគតញ្ច សុខសហគតញ្ច សទ្ធំ ឧបនិស្សាយ បីតិសហគតេន ច សុខសហគតេន ច ចិត្តេន ទានំ ទេតិ, សីលំ សមាទិយតិ, ឧបោសថកម្មំ ករោតិ. បីតិសហគតញ្ច សុខសហគតញ្ច ឈានំ ឧប្បាទេតិ, វិបស្សនំ ឧប្បាទេតិ, មគ្គំ ឧប្បាទេតិ, សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ. បីតិសហគតញ្ច សុខសហគតញ្ច សីលំ… សុតំ… ចាគំ… បញ្ញំ… រាគំ… មោហំ… មានំ… ទិដ្ឋិំ… បត្ថនំ ឧបនិស្សាយ បីតិសហគតេន ច សុខសហគតេន ច ចិត្តេន ទានំ ទេតិ, សីលំ សមាទិយតិ, ឧបោសថកម្មំ ករោតិ. បីតិសហគតញ្ច សុខសហគតញ្ច ឈានំ ឧប្បាទេតិ…បេ… សមាបត្តិំ ឧប្បាទេតិ. បីតិសហគតេន ច សុខសហគតេន ច ចិត្តេន អទិន្នំ អាទិយតិ, មុសា ភណតិ, បិសុណំ ភណតិ, សម្ផំ បលបតិ, សន្ធិំ ឆិន្ទតិ, និល្លោបំ ហរតិ, ឯកាគារិកំ ករោតិ, បរិបន្ថេ តិដ្ឋតិ, បរទារំ គច្ឆតិ, គាមឃាតំ ករោតិ, និគមឃាតំ ករោតិ. បីតិសហគតា ច សុខសហគតា ច សទ្ធា…បេ… បត្ថនា បីតិសហគតាយ ច សុខសហគតាយ ច សទ្ធាយ…បេ… បត្ថនាយ ឧបនិស្សយបច្ចយេន បច្ចយោ. (៤)

អាសេវនបច្ចយោ

៣៧. បីតិសហគតោ ¶ ធម្មោ បីតិសហគតស្ស ធម្មស្ស អាសេវនបច្ចយេន ¶ បច្ចយោ – បុរិមា បុរិមា បីតិសហគតា ខន្ធា បច្ឆិមានំ បច្ឆិមានំ បីតិសហគតានំ ខន្ធានំ អាសេវនបច្ចយេន បច្ចយោ. បីតិសហគតំ អនុលោមំ បីតិសហគតស្ស គោត្រភុស្ស… អនុលោមំ វោទានស្ស… គោត្រភុ មគ្គស្ស… វោទានំ មគ្គស្ស អាសេវនបច្ចយេន បច្ចយោ. (១)

បីតិសហគតោ ធម្មោ សុខសហគតស្ស ធម្មស្ស អាសេវនបច្ចយេន បច្ចយោ – បុរិមា បុរិមា បីតិសហគតា ខន្ធា បច្ឆិមានំ បច្ឆិមានំ សុខសហគតានំ ¶ ខន្ធានំ អាសេវនបច្ចយេន បច្ចយោ. បីតិសហគតំ អនុលោមំ សុខសហគតស្ស គោត្រភុស្ស អាសេវនបច្ចយេន បច្ចយោ. បីតិសហគតំ អនុលោមំ សុខសហគតស្ស វោទានស្ស អាសេវនបច្ចយេន បច្ចយោ. បីតិសហគតំ គោត្រភុ សុខសហគតស្ស មគ្គស្ស… បីតិសហគតំ វោទានំ សុខសហគតស្ស មគ្គស្ស អាសេវនបច្ចយេន បច្ចយោ. (២)

បីតិសហគតោ ធម្មោ បីតិសហគតស្ស ច សុខសហគតស្ស ច ធម្មស្ស អាសេវនបច្ចយេន បច្ចយោ – បុរិមា បុរិមា បីតិសហគតា ខន្ធា បច្ឆិមានំ បច្ឆិមានំ បីតិសហគតានញ្ច សុខសហគតានញ្ច អាសេវនបច្ចយេន បច្ចយោ…បេ… បីតិសហគតំ វោទានំ បីតិសហគតស្ស ច សុខសហគតស្ស ច មគ្គស្ស អាសេវនបច្ចយេន បច្ចយោ. (៣)

៣៨. សុខសហគតោ ធម្មោ សុខសហគតស្ស ធម្មស្ស…បេ… បីតិសហគតស្ស ធម្មស្ស…បេ… បីតិសហគតស្ស ច សុខសហគតស្ស ច ធម្មស្ស អាសេវនបច្ចយេន បច្ចយោ (សំខិត្តំ. បីតិនយំ បស្សិត្វា កាតព្ពំ).

ឧបេក្ខាសហគតោ ធម្មោ ឧបេក្ខាសហគតស្ស ធម្មស្ស អាសេវនបច្ចយេន ¶ បច្ចយោ – បុរិមា បុរិមា ឧបេក្ខាសហគតា ខន្ធា បច្ឆិមានំ បច្ឆិមានំ ឧបេក្ខាសហគតានំ ខន្ធានំ…បេ… ឧបេក្ខាសហគតំ វោទានំ ឧបេក្ខាសហគតស្ស មគ្គស្ស អាសេវនបច្ចយេន បច្ចយោ. (១)

៣៩. បីតិសហគតោ ច សុខសហគតោ ច ធម្មា បីតិសហគតស្ស ធម្មស្ស…បេ… សុខសហគតស្ស ¶ ធម្មស្ស…បេ… បីតិសហគតស្ស ច សុខសហគតស្ស ច ធម្មស្ស អាសេវនបច្ចយេន បច្ចយោ – បុរិមា បុរិមា បីតិសហគតា ច សុខសហគតា ច ខន្ធា បច្ឆិមានំ បច្ឆិមានំ បីតិសហគតានញ្ច សុខសហគតានញ្ច ខន្ធានំ អាសេវនបច្ចយេន បច្ចយោ…បេ… បីតិសហគតញ្ច សុខសហគតញ្ច វោទានំ បីតិសហគតស្ស ច សុខសហគតស្ស ច មគ្គស្ស អាសេវនបច្ចយេន បច្ចយោ. (៣)

កម្មបច្ចយោ

៤០. បីតិសហគតោ ធម្មោ បីតិសហគតស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា [នានាខណិកា (ស្យា. ក.)]. សហជាតា – បីតិសហគតា ចេតនា សម្បយុត្តកានំ ខន្ធានំ កម្មបច្ចយេន បច្ចយោ. បដិសន្ធិក្ខណេ បីតិសហគតា ¶ ចេតនា សម្បយុត្តកានំ ខន្ធានំ កម្មបច្ចយេន បច្ចយោ. នានាក្ខណិកា – បីតិសហគតា ចេតនា វិបាកានំ បីតិសហគតានំ ខន្ធានំ កម្មបច្ចយេន បច្ចយោ. (១)

បីតិសហគតោ ធម្មោ សុខសហគតស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – បីតិសហគតា ចេតនា សម្បយុត្តកានំ សុខសហគតានំ ខន្ធានំ កម្មបច្ចយេន បច្ចយោ. បដិសន្ធិក្ខណេ បីតិសហគតា ចេតនា សម្បយុត្តកានំ សុខសហគតានំ ខន្ធានំ កម្មបច្ចយេន ¶ បច្ចយោ. នានាក្ខណិកា – បីតិសហគតា ចេតនា វិបាកានំ សុខសហគតានំ ខន្ធានំ កម្មបច្ចយេន បច្ចយោ. (២)

បីតិសហគតោ ធម្មោ ឧបេក្ខាសហគតស្ស ធម្មស្ស កម្មបច្ចយេន បច្ចយោ. នានាក្ខណិកា – បីតិសហគតា ចេតនា វិបាកានំ ឧបេក្ខាសហគតានំ ខន្ធានំ កម្មបច្ចយេន បច្ចយោ. (៣)

បីតិសហគតោ ធម្មោ បីតិសហគតស្ស ច សុខសហគតស្ស ច ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – បីតិសហគតា ចេតនា សម្បយុត្តកានំ បីតិសហគតានញ្ច សុខសហគតានញ្ច ខន្ធានំ កម្មបច្ចយេន បច្ចយោ. បដិសន្ធិក្ខណេ ¶ …បេ…. នានាក្ខណិកា – បីតិសហគតា ចេតនា វិបាកានំ បីតិសហគតានញ្ច សុខសហគតានញ្ច ខន្ធានំ កម្មបច្ចយេន បច្ចយោ. (៤)

៤១. សុខសហគតោ ធម្មោ សុខសហគតស្ស ធម្មស្ស (ចត្តារិបិ គណនានិ បស្សិត្វា កាតព្ពានិ).

៤២. ឧបេក្ខាសហគតោ ធម្មោ ឧបេក្ខាសហគតស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា…បេ….

ឧបេក្ខាសហគតោ ធម្មោ បីតិសហគតស្ស ធម្មស្ស កម្មបច្ចយេន បច្ចយោ. នានាក្ខណិកា – ឧបេក្ខាសហគតា ចេតនា…បេ….

ឧបេក្ខាសហគតោ ធម្មោ សុខសហគតស្ស ធម្មស្ស កម្មបច្ចយេន បច្ចយោ. នានាក្ខណិកា – ឧបេក្ខាសហគតា ចេតនា…បេ….

ឧបេក្ខាសហគតោ ¶ ធម្មោ បីតិសហគតស្ស ច សុខសហគតស្ស ច ធម្មស្ស កម្មបច្ចយេន បច្ចយោ. នានាក្ខណិកា – ឧបេក្ខាសហគតា ចេតនា…បេ…. (៤)

បីតិសហគតោ ច សុខសហគតោ ច ធម្មា បីតិសហគតស្ស ធម្មស្ស (ចត្តារិ ¶ កាតព្ពានិ, បីតិសហគតំ អនុមជ្ជន្តេន វិភជិតព្ពំ). (៤)

វិបាកបច្ចយោ

៤៣. បីតិសហគតោ ធម្មោ បីតិសហគតស្ស ធម្មស្ស វិបាកបច្ចយេន បច្ចយោ – បីតិសហគតោ វិបាកោ ឯកោ ខន្ធោ តិណ្ណន្នំ ខន្ធានំ វិបាកបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ…បេ… បដិសន្ធិក្ខណេ បីតិសហគតោ ឯកោ ខន្ធោ តិណ្ណន្នំ ខន្ធានំ…បេ… ទ្វេ ខន្ធា ទ្វិន្នំ ខន្ធានំ…បេ….

(យថា ¶ បដិច្ចវារេ ហេតុបច្ចយេ ឯវំ វិត្ថារេតព្ពា ទស បញ្ហា.)

អាហារបច្ចយាទិ

៤៤. បីតិសហគតោ ធម្មោ បីតិសហគតស្ស ធម្មស្ស អាហារបច្ចយេន បច្ចយោ… ឥន្ទ្រិយបច្ចយេន បច្ចយោ… ឈានបច្ចយេន បច្ចយោ… មគ្គបច្ចយេន បច្ចយោ… សម្បយុត្តបច្ចយេន បច្ចយោ… អត្ថិបច្ចយេន បច្ចយោ… (ទស បញ្ហា វិត្ថារេតព្ពា) នត្ថិបច្ចយេន បច្ចយោ… វិគតបច្ចយេន បច្ចយោ… (នត្ថិបិ វិគតម្បិ អនន្តរសទិសំ) អវិគតបច្ចយេន បច្ចយោ.

១. បច្ចយានុលោមំ

២. សង្ខ្យាវារោ

សុទ្ធំ

៤៥. ហេតុយា ទស, អារម្មណេ សោឡស, អធិបតិយា សោឡស, អនន្តរេ សោឡស, សមនន្តរេ សោឡស, សហជាតេ ទស, អញ្ញមញ្ញេ ទស, និស្សយេ ទស, ឧបនិស្សយេ សោឡស, អាសេវនេ ទស, កម្មេ សោឡស, វិបាកេ ទស, អាហារេ ឥន្ទ្រិយេ ឈានេ មគ្គេ សម្បយុត្តេ អត្ថិយា ទស, នត្ថិយា សោឡស, វិគតេ សោឡស, អវិគតេ ទស.

(កុសលត្តិកំ អនុលោមំ អនុមជ្ជន្តេន គណេតព្ពំ.)

អនុលោមំ.

បច្ចនីយុទ្ធារោ

៤៦. បីតិសហគតោ ¶ ¶ ¶ ធម្មោ បីតិសហគតស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ. (១)

បីតិសហគតោ ធម្មោ សុខសហគតស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ. (២)

បីតិសហគតោ ធម្មោ ឧបេក្ខាសហគតស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ. (៣)

បីតិសហគតោ ធម្មោ បីតិសហគតស្ស ច សុខសហគតស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ. (៤)

៤៧. សុខសហគតោ ធម្មោ សុខសហគតស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ. (១)

សុខសហគតោ ធម្មោ បីតិសហគតស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ. (២)

សុខសហគតោ ធម្មោ ឧបេក្ខាសហគតស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ. (៣)

សុខសហគតោ ¶ ធម្មោ បីតិសហគតស្ស ច សុខសហគតស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ. (៤)

៤៨. ឧបេក្ខាសហគតោ ¶ ធម្មោ ឧបេក្ខាសហគតស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ. (១)

ឧបេក្ខាសហគតោ ធម្មោ បីតិសហគតស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ. (២)

ឧបេក្ខាសហគតោ ¶ ធម្មោ សុខសហគតស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ. (៣)

ឧបេក្ខាសហគតោ ធម្មោ បីតិសហគតស្ស ច សុខសហគតស្ស ច ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ. (៤)

៤៩. បីតិសហគតោ ច សុខសហគតោ ច ធម្មា បីតិសហគតស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ. (១)

បីតិសហគតោ ច សុខសហគតោ ច ធម្មា សុខសហគតស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន ¶ បច្ចយោ… កម្មបច្ចយេន បច្ចយោ. (២)

បីតិសហគតោ ច សុខសហគតោ ច ធម្មា ឧបេក្ខាសហគតស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ. (៣)

បីតិសហគតោ ច សុខសហគតោ ច ធម្មា បីតិសហគតស្ស ច សុខសហគតស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ. (៤)

២. បច្ចយបច្ចនីយំ

២. សង្ខ្យាវារោ

សុទ្ធំ

៥០. នហេតុយា ¶ សោឡស, នអារម្មណេ នអធិបតិយា នអនន្តរេ នសមនន្តរេ នសហជាតេ នអញ្ញមញ្ញេ ននិស្សយេ នឧបនិស្សយេ នបុរេជាតេ នបច្ឆាជាតេ នអាសេវនេ នកម្មេ នវិបាកេ នអាហារេ នឥន្ទ្រិយេ នឈានេ នមគ្គេ នសម្បយុត្តេ នវិប្បយុត្តេ នោអត្ថិយា នោនត្ថិយា នោវិគតេ នោអវិគតេ សព្ពត្ថ សោឡស.

(បច្ចនីយំ អនុមជ្ជន្តេន គណេតព្ពំ.)

បច្ចនីយំ.

៣. បច្ចយានុលោមបច្ចនីយំ

ទុកំ

៥១. ហេតុបច្ចយា ¶ នអារម្មណេ ទស, នអធិបតិយា ទស, នអនន្តរេ នសមនន្តរេ នឧបនិស្សយេ នបុរេជាតេ នបច្ឆាជាតេ នអាសេវនេ នកម្មេ នវិបាកេ នអាហារេ នឥន្ទ្រិយេ នឈានេ នមគ្គេ នវិប្បយុត្តេ នោនត្ថិយា នោវិគតេ សព្ពត្ថ ទស.

(អនុលោមបច្ចនីយំ អនុមជ្ជន្តេន គណេតព្ពំ.)

អនុលោមបច្ចនីយំ.

៤. បច្ចយបច្ចនីយានុលោមំ

ទុកំ

៥២. នហេតុបច្ចយា ¶ ¶ អារម្មណេ សោឡស, អធិបតិយា អនន្តរេ សមនន្តរេ សោឡស, សហជាតេ ទស, អញ្ញមញ្ញេ ទស, និស្សយេ ទស, ឧបនិស្សយេ សោឡស, អាសេវនេ ទស, កម្មេ សោឡស, វិបាកេ ទស, អាហារេ ទស, ឥន្ទ្រិយេ ទស, ឈានេ ទស, មគ្គេ ទស, សម្បយុត្តេ ទស, អត្ថិយា ទស, នត្ថិយា សោឡស, វិគតេ សោឡស, អវិគតេ ទស.

(បច្ចនីយានុលោមំ អនុមជ្ជន្តេន គណេតព្ពំ.)

បច្ចនីយានុលោមំ.

បីតិត្តិកំ និដ្ឋិតំ.

៨. ទស្សនេនបហាតព្ពត្តិកំ

១. បដិច្ចវារោ

១. បច្ចយានុលោមំ

១. វិភង្គវារោ

ហេតុបច្ចយោ

១. ទស្សនេន ¶ ¶ ¶ បហាតព្ពំ ធម្មំ បដិច្ច ទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

ទស្សនេន បហាតព្ពំ ធម្មំ បដិច្ច នេវទស្សនេន នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពេ ខន្ធេ បដិច្ច ចិត្តសមុដ្ឋានំ រូបំ. (២)

ទស្សនេន បហាតព្ពំ ធម្មំ បដិច្ច ទស្សនេន បហាតព្ពោ ច នេវទស្សនេន នភាវនាយ បហាតព្ពោ ច ធម្មា ឧប្បជ្ជន្តិ ហេតុបច្ចយា – ទស្សនេន បហាតព្ពំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ. (៣)

២. ភាវនាយ បហាតព្ពំ ធម្មំ បដិច្ច ភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា ¶ – ភាវនាយ បហាតព្ពំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

ភាវនាយ បហាតព្ពំ ធម្មំ បដិច្ច នេវទស្សនេន នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា – ភាវនាយ បហាតព្ពេ ខន្ធេ បដិច្ច ចិត្តសមុដ្ឋានំ រូបំ. (២)

ភាវនាយ បហាតព្ពំ ធម្មំ បដិច្ច ភាវនាយ បហាតព្ពោ ច នេវទស្សនេន នភាវនាយ បហាតព្ពោ ច ធម្មា ឧប្បជ្ជន្តិ ¶ ហេតុបច្ចយា – ភាវនាយ បហាតព្ពំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ. (៣)

៣. នេវទស្សនេន នភាវនាយ បហាតព្ពំ ធម្មំ បដិច្ច នេវទស្សនេន នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា – នេវទស្សនេន នភាវនាយ បហាតព្ពំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ¶ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ. បដិសន្ធិក្ខណេ នេវទស្សនេន នភាវនាយ បហាតព្ពំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ… ទ្វេ ខន្ធេ បដិច្ច ទ្វេ ខន្ធា កដត្តា ច រូបំ, ខន្ធេ បដិច្ច វត្ថុ, វត្ថុំ បដិច្ច ខន្ធា; ឯកំ មហាភូតំ បដិច្ច តយោ មហាភូតា…បេ… ទ្វេ មហាភូតេ បដិច្ច ទ្វេ មហាភូតា, មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ. (១)

៤. ទស្សនេន បហាតព្ពញ្ច នេវទស្សនេន នភាវនាយ បហាតព្ពញ្ច ធម្មំ បដិច្ច នេវទស្សនេន នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

ភាវនាយ បហាតព្ពញ្ច នេវទស្សនេន នភាវនាយ បហាតព្ពញ្ច ធម្មំ បដិច្ច នេវទស្សនេន នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា – ភាវនាយ បហាតព្ពេ ខន្ធេ ច មហាភូតេ ច បដិច្ច ¶ ចិត្តសមុដ្ឋានំ រូបំ. (១)

អារម្មណបច្ចយោ

៥. ទស្សនេន ¶ បហាតព្ពំ ធម្មំ បដិច្ច ទស្សនេន បហាតព្ពោ ធម្មោ ឧប្បជ្ជតិ អារម្មណបច្ចយា – ទស្សនេន បហាតព្ពំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

ភាវនាយ បហាតព្ពំ ធម្មំ បដិច្ច ភាវនាយ បហាតព្ពោ ធម្មោ ឧប្បជ្ជតិ អារម្មណបច្ចយា – ភាវនាយ បហាតព្ពំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

នេវទស្សនេន នភាវនាយ បហាតព្ពំ ធម្មំ បដិច្ច នេវទស្សនេន នភាវនាយ បហាតព្ពោ ធម្មោ ឧប្បជ្ជតិ អារម្មណបច្ចយា – នេវទស្សនេន នភាវនាយ បហាតព្ពំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. បដិសន្ធិក្ខណេ នេវទស្សនេន នភាវនាយ បហាតព្ពំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. វត្ថុំ បដិច្ច ខន្ធា. (១)

អធិបតិបច្ចយោ

៦. ទស្សនេន បហាតព្ពំ ធម្មំ បដិច្ច ទស្សនេន បហាតព្ពោ ធម្មោ ឧប្បជ្ជតិ អធិបតិបច្ចយា… តីណិ.

ភាវនាយ ¶ បហាតព្ពំ ធម្មំ បដិច្ច ភាវនាយ បហាតព្ពោ ធម្មោ ឧប្បជ្ជតិ អធិបតិបច្ចយា… តីណិ.

នេវទស្សនេន នភាវនាយ បហាតព្ពំ ធម្មំ បដិច្ច នេវទស្សនេន នភាវនាយ បហាតព្ពោ ធម្មោ ឧប្បជ្ជតិ អធិបតិបច្ចយា – នេវទស្សនេន នភាវនាយ បហាតព្ពំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ ¶ ; ឯកំ មហាភូតំ បដិច្ច តយោ មហាភូតា…បេ… ទ្វេ មហាភូតេ បដិច្ច ទ្វេ មហាភូតា, មហាភូតេ បដិច្ច ចិត្តសមុដ្ឋានំ រូបំ ឧបាទារូបំ. (១)

៧. ទស្សនេន ¶ បហាតព្ពញ្ច នេវទស្សនេន នភាវនាយ បហាតព្ពញ្ច ធម្មំ បដិច្ច នេវទស្សនេន នភាវនាយ បហាតព្ពោ ធម្មោ ឧប្បជ្ជតិ អធិបតិបច្ចយា – ទស្សនេន បហាតព្ពេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

ភាវនាយ បហាតព្ពញ្ច នេវទស្សនេន នភាវនាយ បហាតព្ពញ្ច ធម្មំ បដិច្ច នេវទស្សនេន នភាវនាយ បហាតព្ពោ ធម្មោ ឧប្បជ្ជតិ អធិបតិបច្ចយា – ភាវនាយ បហាតព្ពេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

អនន្តរ-សមនន្តរបច្ចយា

៨. ទស្សនេន បហាតព្ពំ ធម្មំ បដិច្ច ទស្សនេន បហាតព្ពោ ធម្មោ ឧប្បជ្ជតិ អនន្តរបច្ចយា… សមនន្តរបច្ចយា (អារម្មណសទិសំ).

សហជាតបច្ចយោ

៩. ទស្សនេន បហាតព្ពំ ធម្មំ បដិច្ច ទស្សនេន បហាតព្ពោ ធម្មោ ឧប្បជ្ជតិ សហជាតបច្ចយា… តីណិ.

ភាវនាយ បហាតព្ពំ ធម្មំ បដិច្ច ភាវនាយ បហាតព្ពោ ធម្មោ ឧប្បជ្ជតិ សហជាតបច្ចយា… តីណិ.

នេវទស្សនេន នភាវនាយ បហាតព្ពំ ធម្មំ បដិច្ច នេវទស្សនេន នភាវនាយ បហាតព្ពោ ធម្មោ ឧប្បជ្ជតិ សហជាតបច្ចយា…បេ… ឯកំ មហាភូតំ បដិច្ច…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ…បេ…. (១)

១០. ទស្សនេន ¶ បហាតព្ពញ្ច នេវទស្សនេន នភាវនាយ បហាតព្ពញ្ច ធម្មំ បដិច្ច នេវទស្សនេន នភាវនាយ បហាតព្ពោ ធម្មោ ឧប្បជ្ជតិ សហជាតបច្ចយា – ទស្សនេន បហាតព្ពេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ.

ភាវនាយ ¶ បហាតព្ពញ្ច នេវទស្សនេន នភាវនាយ ¶ បហាតព្ពញ្ច ធម្មំ បដិច្ច នេវទស្សនេន នភាវនាយ បហាតព្ពោ ធម្មោ ឧប្បជ្ជតិ សហជាតបច្ចយា – ភាវនាយ បហាតព្ពេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

អញ្ញមញ្ញបច្ចយោ

១១. ទស្សនេន បហាតព្ពំ ធម្មំ បដិច្ច ទស្សនេន បហាតព្ពោ ធម្មោ ឧប្បជ្ជតិ អញ្ញមញ្ញបច្ចយា… ឯកំ.

ភាវនាយ បហាតព្ពំ ធម្មំ បដិច្ច ភាវនាយ បហាតព្ពោ ធម្មោ ឧប្បជ្ជតិ សហជាតបច្ចយា… ឯកំ.

នេវទស្សនេន នភាវនាយ បហាតព្ពំ ធម្មំ បដិច្ច នេវទស្សនេន នភាវនាយ បហាតព្ពោ ធម្មោ ឧប្បជ្ជតិ អញ្ញមញ្ញបច្ចយា – នេវទស្សនេន នភាវនាយ បហាតព្ពំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. បដិសន្ធិក្ខណេ នេវទស្សនេន នភាវនាយ បហាតព្ពំ ឯកំ ខន្ធំ បដិច្ច តយោ ខន្ធា វត្ថុ ច…បេ… ទ្វេ ខន្ធេ បដិច្ច ទ្វេ ខន្ធា វត្ថុ ច, ខន្ធេ បដិច្ច វត្ថុ, វត្ថុំ បដិច្ច ខន្ធា; ឯកំ មហាភូតំ បដិច្ច តយោ មហាភូតា…បេ… ទ្វេ មហាភូតេ បដិច្ច ទ្វេ មហាភូតា; ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ…បេ… ទ្វេ មហាភូតេ បដិច្ច ទ្វេ មហាភូតា.

និស្សយបច្ចយាទិ

១២. ទស្សនេន បហាតព្ពំ ធម្មំ បដិច្ច ទស្សនេន បហាតព្ពោ ធម្មោ ឧប្បជ្ជតិ និស្សយបច្ចយា… (ហេតុបច្ចយសទិសំ) ឧបនិស្សយបច្ចយា… តីណិ… បុរេជាតបច្ចយា… តីណិ (បដិសន្ធិ នត្ថិ)… អាសេវនបច្ចយា… (វិបាកបដិសន្ធិ នត្ថិ) កម្មបច្ចយា (បរិបុណ្ណំ. អជ្ឈត្តិកា ច អសញ្ញសត្តានញ្ច មហាភូតា).

វិបាកបច្ចយោ

១៣. នេវទស្សនេន ¶ នភាវនាយ បហាតព្ពំ ធម្មំ បដិច្ច នេវទស្សនេន ¶ នភាវនាយ បហាតព្ពោ ធម្មោ ឧប្បជ្ជតិ វិបាកបច្ចយា – វិបាកំ ឯកំ ខន្ធំ បដិច្ច ¶ តយោ ខន្ធា ចិត្តសមុដ្ឋានញ្ច រូបំ…បេ… បដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា; ឯកំ មហាភូតំ…បេ… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ. (១)

អាហារបច្ចយាទិ

១៤. ទស្សនេន បហាតព្ពំ ធម្មំ បដិច្ច ទស្សនេន បហាតព្ពោ ធម្មោ ឧប្បជ្ជតិ អាហារបច្ចយា (បរិបុណ្ណំ, អជ្ឈត្តិកា មហាភូតា ច អាហារសមុដ្ឋានញ្ច)… ឥន្ទ្រិយបច្ចយា (កម្មបច្ចយសទិសំ)… ឈានបច្ចយា… មគ្គបច្ចយា (ហេតុបច្ចយសទិសំ)… សម្បយុត្តបច្ចយា (អារម្មណបច្ចយសទិសំ)… វិប្បយុត្តបច្ចយា (កុសលត្តិកេ វិប្បយុត្តបច្ចយសទិសំ)… អត្ថិបច្ចយា (សហជាតបច្ចយសទិសំ)… នត្ថិបច្ចយា… វិគតបច្ចយា… អវិគតបច្ចយា.

១. បច្ចយានុលោមំ

២. សង្ខ្យាវារោ

សុទ្ធំ

១៥. ហេតុយា នវ, អារម្មណេ តីណិ, អធិបតិយា នវ, អនន្តរេ តីណិ, សមនន្តរេ តីណិ, សហជាតេ នវ, អញ្ញមញ្ញេ តីណិ, និស្សយេ នវ, ឧបនិស្សយេ តីណិ, បុរេជាតេ តីណិ, អាសេវនេ តីណិ, កម្មេ នវ, វិបាកេ ឯកំ, អាហារេ នវ, ឥន្ទ្រិយេ នវ, ឈានេ នវ, មគ្គេ នវ, សម្បយុត្តេ តីណិ, វិប្បយុត្តេ នវ, អត្ថិយា នវ, នត្ថិយា តីណិ, វិគតេ តីណិ, អវិគតេ នវ (ឥមានិ បទានិ អនុមជ្ជន្តេន អនុលោមំ គណេតព្ពំ).

អនុលោមំ.

២. បច្ចយបច្ចនីយំ

១. វិភង្គវារោ

នហេតុបច្ចយោ

១៦. ទស្សនេន ¶ ¶ បហាតព្ពំ ធម្មំ បដិច្ច ទស្សនេន បហាតព្ពោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ខន្ធេ បដិច្ច វិចិកិច្ឆាសហគតោ មោហោ. (១)

ភាវនាយ ¶ បហាតព្ពំ ធម្មំ បដិច្ច ភាវនាយ បហាតព្ពោ ធម្មោ ឧប្បជ្ជតិ នហេតុបច្ចយា – ឧទ្ធច្ចសហគតេ ខន្ធេ បដិច្ច ឧទ្ធច្ចសហគតោ មោហោ. (១)

នេវទស្សនេន នភាវនាយ បហាតព្ពំ ធម្មំ បដិច្ច នេវទស្សនេន នភាវនាយ បហាតព្ពោ ធម្មោ ឧប្បជ្ជតិ នហេតុបច្ចយា – អហេតុកំ នេវទស្សនេន នភាវនាយ បហាតព្ពំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច…បេ… អហេតុកបដិសន្ធិក្ខណេ នេវទស្សនេន នភាវនាយ បហាតព្ពំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ… ទ្វេ ខន្ធេ បដិច្ច ទ្វេ ខន្ធា…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា; ឯកំ មហាភូតំ បដិច្ច តយោ មហាភូតា…បេ… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ; ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ បដិច្ច តយោ មហាភូតា…បេ… មហាភូតេ បដិច្ច កដត្តារូបំ ឧបាទារូបំ. (១)

នអារម្មណបច្ចយោ

១៧. ទស្សនេន បហាតព្ពំ ធម្មំ បដិច្ច នេវទស្សនេន នភាវនាយ បហាតព្ពោ ធម្មោ ឧប្បជ្ជតិ នអារម្មណបច្ចយា – ទស្សនេន បហាតព្ពេ ខន្ធេ បដិច្ច ចិត្តសមុដ្ឋានំ រូបំ. (១)

ភាវនាយ ¶ បហាតព្ពំ ធម្មំ បដិច្ច នេវទស្សនេន នភាវនាយ បហាតព្ពោ ធម្មោ ឧប្បជ្ជតិ នអារម្មណបច្ចយា – ភាវនាយ បហាតព្ពេ ខន្ធេ បដិច្ច ចិត្តសមុដ្ឋានំ រូបំ. (១)

នេវទស្សនេន ¶ នភាវនាយ បហាតព្ពំ ធម្មំ បដិច្ច នេវទស្សនេន នភាវនាយ បហាតព្ពោ ធម្មោ ឧប្បជ្ជតិ នអារម្មណបច្ចយា – នេវទស្សនេន នភាវនាយ បហាតព្ពេ ខន្ធេ បដិច្ច ចិត្តសមុដ្ឋានំ រូបំ. បដិសន្ធិក្ខណេ នេវទស្សនេន នភាវនាយ បហាតព្ពេ ខន្ធេ បដិច្ច កដត្តារូបំ, ខន្ធេ បដិច្ច វត្ថុ; ឯកំ មហាភូតំ…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ…បេ…. (១)

១៨. ទស្សនេន បហាតព្ពញ្ច នេវទស្សនេន នភាវនាយ បហាតព្ពញ្ច ធម្មំ បដិច្ច នេវទស្សនេន នភាវនាយ បហាតព្ពោ ធម្មោ ឧប្បជ្ជតិ នអារម្មណបច្ចយា ¶ – ទស្សនេន បហាតព្ពេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

ភាវនាយ បហាតព្ពញ្ច នេវទស្សនេន នភាវនាយ បហាតព្ពញ្ច ធម្មំ បដិច្ច នេវទស្សនេន នភាវនាយ បហាតព្ពោ ធម្មោ ឧប្បជ្ជតិ នអារម្មណបច្ចយា – ភាវនាយ បហាតព្ពេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

នអធិបតិបច្ចយាទិ

១៩. ទស្សនេន បហាតព្ពំ ធម្មំ បដិច្ច ទស្សនេន បហាតព្ពោ ធម្មោ ឧប្បជ្ជតិ នអធិបតិបច្ចយា… (បរិបុណ្ណំ ហេតុបច្ចយសទិសំ) នអនន្តរបច្ចយា… ¶ នសមនន្តរបច្ចយា… នអញ្ញមញ្ញបច្ចយា… នឧបនិស្សយបច្ចយា.

នបុរេជាតបច្ចយោ

២០. ទស្សនេន បហាតព្ពំ ធម្មំ បដិច្ច ទស្សនេន បហាតព្ពោ ធម្មោ ឧប្បជ្ជតិ នបុរេជាតបច្ចយា – អរូបេ ទស្សនេន បហាតព្ពំ ឯកំ ខន្ធំ បដិច្ច តយោ ខន្ធា…បេ…. (១)

ទស្សនេន បហាតព្ពំ ធម្មំ បដិច្ច នេវទស្សនេន នភាវនាយ បហាតព្ពោ ធម្មោ ឧប្បជ្ជតិ នបុរេជាតបច្ចយា – ទស្សនេន បហាតព្ពេ ខន្ធេ បដិច្ច ចិត្តសមុដ្ឋានំ រូបំ. (២)

ភាវនាយ ¶ បហាតព្ពំ ធម្មំ បដិច្ច ភាវនាយ បហាតព្ពោ…បេ… អរូបេ ភាវនាយ បហាតព្ពំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

ភាវនាយ បហាតព្ពំ ធម្មំ បដិច្ច នេវទស្សនេន នភាវនាយ បហាតព្ពោ…បេ… ភាវនាយ បហាតព្ពេ ខន្ធេ បដិច្ច ចិត្តសមុដ្ឋានំ រូបំ. (២)

២១. នេវទស្សនេន នភាវនាយ បហាតព្ពំ ធម្មំ បដិច្ច នេវទស្សនេន នភាវនាយ បហាតព្ពោ ធម្មោ ឧប្បជ្ជតិ នបុរេជាតបច្ចយា – អរូបេ នេវទស្សនេន នភាវនាយ បហាតព្ពំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា, នេវទស្សនេន នភាវនាយ បហាតព្ពេ ខន្ធេ បដិច្ច ចិត្តសមុដ្ឋានំ រូបំ. បដិសន្ធិក្ខណេ នេវទស្សនេន នភាវនាយ បហាតព្ពំ ឯកំ ¶ ខន្ធំ បដិច្ច តយោ ខន្ធា កដត្តា ច រូបំ…បេ… ទ្វេ ខន្ធេ បដិច្ច ទ្វេ ខន្ធា កដត្តា ច រូបំ, ខន្ធេ បដិច្ច វត្ថុ, វត្ថុំ បដិច្ច ខន្ធា; ឯកំ មហាភូតំ បដិច្ច តយោ មហាភូតា…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ…បេ…. (១)

ទស្សនេន ¶ បហាតព្ពញ្ច នេវទស្សនេន នភាវនាយ បហាតព្ពញ្ច ធម្មំ បដិច្ច នេវទស្សនេន នភាវនាយ បហាតព្ពោ ធម្មោ…បេ… ទស្សនេន បហាតព្ពេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

ភាវនាយ បហាតព្ពញ្ច នេវទស្សនេន នភាវនាយ បហាតព្ពញ្ច ធម្មំ បដិច្ច នេវទស្សនេន នភាវនាយ បហាតព្ពោ ធម្មោ ឧប្បជ្ជតិ នបុរេជាតបច្ចយា – ភាវនាយ បហាតព្ពេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

នបច្ឆាជាតបច្ចយាទិ

២២. ទស្សនេន បហាតព្ពំ ធម្មំ បដិច្ច ទស្សនេន បហាតព្ពោ ធម្មោ ឧប្បជ្ជតិ នបច្ឆាជាតបច្ចយា… នអាសេវនបច្ចយា.

នកម្មបច្ចយោ

២៣. ទស្សនេន ¶ បហាតព្ពំ ធម្មំ បដិច្ច ទស្សនេន បហាតព្ពោ ធម្មោ ឧប្បជ្ជតិ នកម្មបច្ចយា – ទស្សនេន បហាតព្ពេ ខន្ធេ បដិច្ច ទស្សនេន បហាតព្ពា ចេតនា. (១)

ភាវនាយ បហាតព្ពំ ធម្មំ បដិច្ច ភាវនាយ បហាតព្ពោ ធម្មោ ឧប្បជ្ជតិ នកម្មបច្ចយា – ភាវនាយ បហាតព្ពេ ខន្ធេ បដិច្ច ភាវនាយ បហាតព្ពា ចេតនា. (១)

នេវទស្សនេន នភាវនាយ បហាតព្ពំ ធម្មំ បដិច្ច នេវទស្សនេន នភាវនាយ បហាតព្ពោ ធម្មោ ឧប្បជ្ជតិ នកម្មបច្ចយា – នេវទស្សនេន នភាវនាយ បហាតព្ពេ ខន្ធេ បដិច្ច នេវទស្សនេន នភាវនាយ បហាតព្ពា ចេតនា; ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ…បេ…. (១)

នវិបាកបច្ចយោ

២៤. ទស្សនេន ¶ បហាតព្ពំ ធម្មំ បដិច្ច ទស្សនេន បហាតព្ពោ ធម្មោ ឧប្បជ្ជតិ នវិបាកបច្ចយា (នអធិបតិបច្ចយសទិសំ, បដិសន្ធិ នត្ថិ).

នអាហារបច្ចយោ

២៥. នេវទស្សនេន ¶ នភាវនាយ បហាតព្ពំ ធម្មំ បដិច្ច នេវទស្សនេន នភាវនាយ បហាតព្ពោ ធម្មោ ឧប្បជ្ជតិ នអាហារបច្ចយា – ពាហិរំ… ឧតុសមុដ្ឋានំ… អសញ្ញសត្តានំ ឯកំ មហាភូតំ…បេ….

នឥន្ទ្រិយបច្ចយោ

២៦. នេវទស្សនេន នភាវនាយ បហាតព្ពំ…បេ… នឥន្ទ្រិយបច្ចយា – ពាហិរំ… អាហារសមុដ្ឋានំ… ឧតុសមុដ្ឋាន… ឯកំ មហាភូតំ…បេ… អសញ្ញសត្តានំ មហាភូតេ បដិច្ច រូបជីវិតិន្ទ្រិយំ.

នឈានបច្ចយោ

២៧. នេវទស្សនេន ¶ នភាវនាយ បហាតព្ពំ ធម្មំ…បេ… នឈានបច្ចយា – បញ្ចវិញ្ញាណសហគតំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ…បេ…. ឧតុសមុដ្ឋានំ, អសញ្ញសត្តានំ ឯកំ មហាភូតំ…បេ….

នមគ្គបច្ចយោ

២៨. នេវទស្សនេន នភាវនាយ បហាតព្ពំ…បេ… នមគ្គបច្ចយា – អហេតុកំ នេវទស្សនេន នភាវនាយ បហាតព្ពំ…បេ… អហេតុកបដិសន្ធិក្ខណេ…បេ… ឯកំ មហាភូតំ…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ…បេ….

នសម្បយុត្តបច្ចយោ

២៩. ទស្សនេន បហាតព្ពំ ធម្មំ បដិច្ច នេវទស្សនេន នភាវនាយ បហាតព្ពោ ធម្មោ ឧប្បជ្ជតិ នសម្បយុត្តបច្ចយា (នអារម្មណសទិសំ).

នវិប្បយុត្តបច្ចយោ

៣០. ទស្សនេន បហាតព្ពំ…បេ… នវិប្បយុត្តបច្ចយា – អរូបេ ទស្សនេន បហាតព្ពំ ឯកំ ខន្ធំ បដិច្ច…បេ…. (១)

ភាវនាយ ¶ បហាតព្ពំ…បេ… នវិប្បយុត្តបច្ចយា – អរូបេ ភាវនាយ បហាតព្ពំ ឯកំ ខន្ធំ…បេ…. (១)

នេវទស្សនេន នភាវនាយ បហាតព្ពំ…បេ… នវិប្បយុត្តបច្ចយា ¶ – អរូបេ នេវទស្សនេន នភាវនាយ ¶ បហាតព្ពំ ឯកំ ខន្ធំ បដិច្ច…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ…បេ…. (១)

នោនត្ថិ-នោវិគតបច្ចយា

៣១. ទស្សនេន បហាតព្ពំ ធម្មំ បដិច្ច នេវទស្សនេន នភាវនាយ…បេ… នោនត្ថិបច្ចយា… នោវិគតបច្ចយា (នអារម្មណសទិសំ).

២. បច្ចយបច្ចនីយំ

២. សង្ខ្យាវារោ

៣២. នហេតុយា តីណិ, នអារម្មណេ បញ្ច, នអធិបតិយា នវ, នអនន្តរេ បញ្ច, នសមនន្តរេ បញ្ច, នអញ្ញមញ្ញេ បញ្ច, នឧបនិស្សយេ បញ្ច, នបុរេជាតេ សត្ត, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ បញ្ច, នវិប្បយុត្តេ តីណិ, នោនត្ថិយា បញ្ច, នោវិគតេ បញ្ច.

(ញត្វា គណេតព្ពំ.)

បច្ចនីយំ.

៣. បច្ចយានុលោមបច្ចនីយំ

ហេតុទុកំ

៣៣. ហេតុបច្ចយា នអារម្មណេ បញ្ច, នអធិបតិយា នវ, នអនន្តរេ បញ្ច, នសមនន្តរេ បញ្ច, នអញ្ញមញ្ញេ បញ្ច, នឧបនិស្សយេ បញ្ច, នបុរេជាតេ សត្ត, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នសម្បយុត្តេ បញ្ច, នវិប្បយុត្តេ តីណិ, នោនត្ថិយា បញ្ច, នោវិគតេ បញ្ច.

(ឯវំ អនុមជ្ជន្តេន គណេតព្ពំ.)

អនុលោមបច្ចនីយំ.

៤. បច្ចយបច្ចនីយានុលោមំ

នហេតុទុកំ

៣៤. នហេតុបច្ចយា ¶ ¶ ¶ អារម្មណេ តីណិ, អនន្តរេ តីណិ, សមនន្តរេ តីណិ, សហជាតេ តីណិ, អញ្ញមញ្ញេ តីណិ, និស្សយេ តីណិ, ឧបនិស្សយេ តីណិ, បុរេជាតេ តីណិ, អាសេវនេ តីណិ, កម្មេ តីណិ, វិបាកេ ឯកំ, អាហារេ តីណិ, ឥន្ទ្រិយេ តីណិ, ឈានេ តីណិ, មគ្គេ ទ្វេ, សម្បយុត្តេ តីណិ, វិប្បយុត្តេ តីណិ, អត្ថិយា តីណិ, នត្ថិយា តីណិ, វិគតេ តីណិ, អវិគតេ តីណិ.

(ឯវំ អនុមជ្ជន្តេន គណេតព្ពំ.)

បច្ចនីយានុលោមំ.

បដិច្ចវារោ.

២. សហជាតវារោ

១-៤. បច្ចយានុលោមាទិ

៣៥. ទស្សនេន បហាតព្ពំ ធម្មំ សហជាតោ ទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពំ ឯកំ ខន្ធំ សហជាតា តយោ ខន្ធា…បេ… ទ្វេ ខន្ធេ សហជាតា…បេ….

(សហជាតវារោ បដិច្ចវារសទិសោ.)

៣. បច្ចយវារោ

១. បច្ចយានុលោមំ

១. វិភង្គវារោ

ហេតុបច្ចយោ

៣៦. ទស្សនេន ¶ បហាតព្ពំ ធម្មំ បច្ចយា ទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា… តីណិ.

ភាវនាយ បហាតព្ពំ ធម្មំ បច្ចយា ភាវនាយ… តីណិ.

៣៧. នេវទស្សនេន ¶ នភាវនាយ បហាតព្ពំ ធម្មំ បច្ចយា នេវទស្សនេន នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា – នេវទស្សនេន នភាវនាយ បហាតព្ពំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច ¶ រូបំ…បេ… ទ្វេ ខន្ធេ…បេ… បដិសន្ធិក្ខណេ នេវទស្សនេន នភាវនាយ បហាតព្ពំ ឯកំ ខន្ធំ បច្ចយា តយោ ខន្ធា កដត្តា ច រូបំ…បេ… ទ្វេ ខន្ធេ បច្ចយា ទ្វេ ខន្ធា…បេ… ខន្ធេ បច្ចយា វត្ថុ, វត្ថុំ បច្ចយា ខន្ធា. ឯកំ មហាភូតំ បច្ចយា តយោ មហាភូតា…បេ… មហាភូតេ បច្ចយា ចិត្តសមុដ្ឋានំ រូបំ កដត្តារូបំ ឧបាទារូបំ. វត្ថុំ បច្ចយា នេវទស្សនេន នភាវនាយ បហាតព្ពា ខន្ធា. (១)

នេវទស្សនេន នភាវនាយ បហាតព្ពំ ធម្មំ បច្ចយា ទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា ទស្សនេន បហាតព្ពា ខន្ធា. (២)

នេវទស្សនេន នភាវនាយ បហាតព្ពំ ធម្មំ បច្ចយា ភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា ភាវនាយ បហាតព្ពា ខន្ធា. (៣)

នេវទស្សនេន នភាវនាយ បហាតព្ពំ ធម្មំ បច្ចយា ទស្សនេន បហាតព្ពោ ច នេវទស្សនេន នភាវនាយ ¶ បហាតព្ពោ ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា ទស្សនេន បហាតព្ពា ខន្ធា; មហាភូតេ បច្ចយា ចិត្តសមុដ្ឋានំ រូបំ. (៤)

នេវទស្សនេន នភាវនាយ បហាតព្ពំ ធម្មំ បច្ចយា ភាវនាយ បហាតព្ពោ ច នេវទស្សនេន នភាវនាយ បហាតព្ពោ ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា ភាវនាយ បហាតព្ពា ខន្ធា; មហាភូតេ បច្ចយា ចិត្តសមុដ្ឋានំ រូបំ. (៥)

៣៨. ទស្សនេន បហាតព្ពញ្ច នេវទស្សនេន នភាវនាយ បហាតព្ពញ្ច ធម្មំ បច្ចយា ទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា ¶ – ទស្សនេន បហាតព្ពំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា. (១)

ទស្សនេន បហាតព្ពញ្ច នេវទស្សនេន នភាវនាយ បហាតព្ពញ្ច ធម្មំ បច្ចយា នេវទស្សនេន នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា ¶ – ទស្សនេន បហាតព្ពេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (២)

ទស្សនេន បហាតព្ពញ្ច នេវទស្សនេន នភាវនាយ បហាតព្ពញ្ច ធម្មំ បច្ចយា ទស្សនេន បហាតព្ពោ ច នេវទស្សនេន នភាវនាយ បហាតព្ពោ ច ធម្មា ឧប្បជ្ជន្តិ ហេតុបច្ចយា – ទស្សនេន បហាតព្ពំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា, ទស្សនេន បហាតព្ពេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (៣)

៣៩. ភាវនាយ បហាតព្ពញ្ច នេវទស្សនេន នភាវនាយ បហាតព្ពញ្ច ធម្មំ បច្ចយា ភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា – ភាវនាយ បហាតព្ពំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច…បេ…. (១)

ភាវនាយ បហាតព្ពញ្ច នេវទស្សនេន នភាវនាយ បហាតព្ពញ្ច ធម្មំ បច្ចយា នេវទស្សនេន នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា – ភាវនាយ បហាតព្ពេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (២)

ភាវនាយ ¶ បហាតព្ពញ្ច នេវទស្សនេន នភាវនាយ បហាតព្ពញ្ច ធម្មំ បច្ចយា ភាវនាយ បហាតព្ពោ ច នេវទស្សនេន នភាវនាយ បហាតព្ពោ ច ធម្មា ឧប្បជ្ជន្តិ ¶ ហេតុបច្ចយា – ភាវនាយ បហាតព្ពំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច…បេ… ភាវនាយ បហាតព្ពេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (៣)

អារម្មណបច្ចយោ

៤០. ទស្សនេន បហាតព្ពំ ធម្មំ បច្ចយា ទស្សនេន បហាតព្ពោ ធម្មោ ឧប្បជ្ជតិ អារម្មណបច្ចយា – ទស្សនេន បហាតព្ពំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធេ…បេ…. (១)

ភាវនាយ បហាតព្ពំ ធម្មំ បច្ចយា ភាវនាយ បហាតព្ពោ ធម្មោ ឧប្បជ្ជតិ អារម្មណបច្ចយា – ភាវនាយ បហាតព្ពំ ឯកំ ខន្ធំ បច្ចយា តយោ ខន្ធា…បេ…. (១)

នេវទស្សនេន ¶ នភាវនាយ បហាតព្ពំ ធម្មំ បច្ចយា នេវទស្សនេន នភាវនាយ បហាតព្ពោ ធម្មោ ឧប្បជ្ជតិ អារម្មណបច្ចយា – នេវទស្សនេន នភាវនាយ បហាតព្ពំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធេ…បេ…. បដិសន្ធិក្ខណេ នេវទស្សនេន នភាវនាយ បហាតព្ពំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធេ…បេ… វត្ថុំ បច្ចយា ខន្ធា, ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ, វត្ថុំ បច្ចយា នេវទស្សនេន នភាវនាយ បហាតព្ពា ខន្ធា. (១)

នេវទស្សនេន នភាវនាយ បហាតព្ពំ ធម្មំ បច្ចយា ទស្សនេន បហាតព្ពោ ធម្មោ ឧប្បជ្ជតិ អារម្មណបច្ចយា – វត្ថុំ បច្ចយា ទស្សនេន បហាតព្ពា ខន្ធា. (២)

នេវទស្សនេន នភាវនាយ បហាតព្ពំ ធម្មំ បច្ចយា ភាវនាយ បហាតព្ពោ ធម្មោ ឧប្បជ្ជតិ អារម្មណបច្ចយា ¶ – វត្ថុំ បច្ចយា ភាវនាយ បហាតព្ពា ខន្ធា. (៣)

៤១. ទស្សនេន បហាតព្ពញ្ច នេវទស្សនេន នភាវនាយ បហាតព្ពញ្ច ធម្មំ បច្ចយា ទស្សនេន ¶ បហាតព្ពោ ធម្មោ ឧប្បជ្ជតិ អារម្មណបច្ចយា – ទស្សនេន បហាតព្ពំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា…បេ…. (១)

ភាវនាយ បហាតព្ពញ្ច នេវទស្សនេន នភាវនាយ បហាតព្ពញ្ច ធម្មំ បច្ចយា ភាវនាយ បហាតព្ពោ ធម្មោ ឧប្បជ្ជតិ អារម្មណបច្ចយា – ភាវនាយ បហាតព្ពំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា. (១)

អធិបតិបច្ចយាទិ

៤២. ទស្សនេន បហាតព្ពំ ធម្មំ បច្ចយា ទស្សនេន បហាតព្ពោ ធម្មោ ឧប្បជ្ជតិ អធិបតិបច្ចយា… (បរិបុណ្ណំ, បដិសន្ធិ នត្ថិ) អនន្តរបច្ចយា… សមនន្តរបច្ចយា (អារម្មណសទិសំ).

សហជាតបច្ចយោ

ទស្សនេន ¶ បហាតព្ពំ ធម្មំ បច្ចយា ទស្សនេន បហាតព្ពោ ធម្មោ ឧប្បជ្ជតិ សហជាតបច្ចយា – ទស្សនេន បហាតព្ពំ ឯកំ ខន្ធំ… តីណិ.

ភាវនាយ បហាតព្ពំ ធម្មំ បច្ចយា… តីណិ.

៤៣. នេវទស្សនេន នភាវនាយ បហាតព្ពំ ធម្មំ បច្ចយា នេវទស្សនេន នភាវនាយ បហាតព្ពោ ធម្មោ ឧប្បជ្ជតិ សហជាតបច្ចយា – នេវទស្សនេន នភាវនាយ បហាតព្ពំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បច្ចយា ទ្វេ ខន្ធា…បេ… បដិសន្ធិក្ខណេ…បេ… ខន្ធេ បច្ចយា វត្ថុ, វត្ថុំ បច្ចយា ខន្ធា; ឯកំ មហាភូតំ បច្ចយា តយោ មហាភូតា…បេ… មហាភូតេ បច្ចយា…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ¶ ឯកំ…បេ… ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ, វត្ថុំ បច្ចយា នេវទស្សនេន នភាវនាយ បហាតព្ពា ខន្ធា.

នេវទស្សនេន ¶ នភាវនាយ បហាតព្ពំ ធម្មំ បច្ចយា ទស្សនេន បហាតព្ពោ ធម្មោ ឧប្បជ្ជតិ សហជាតបច្ចយា (អវសេសា ហេតុបច្ចយសទិសា).

អញ្ញមញ្ញបច្ចយាទិ

៤៤. ទស្សនេន បហាតព្ពំ ធម្មំ បច្ចយា ទស្សនេន បហាតព្ពោ ធម្មោ ឧប្បជ្ជតិ អញ្ញមញ្ញបច្ចយា… និស្សយបច្ចយា… ឧបនិស្សយបច្ចយា… បុរេជាតបច្ចយា (បដិសន្ធិ នត្ថិ)… អាសេវនបច្ចយា… (បដិសន្ធិ នត្ថិ, វិបាកញ្ច) កម្មបច្ចយា… វិបាកបច្ចយា… អាហារបច្ចយា… ឥន្ទ្រិយបច្ចយា… ឈានបច្ចយា… មគ្គបច្ចយា… សម្បយុត្តបច្ចយា… វិប្បយុត្តបច្ចយា… អត្ថិបច្ចយា… នត្ថិបច្ចយា… វិគតបច្ចយា… អវិគតបច្ចយា.

១. បច្ចយានុលោមំ

២. សង្ខ្យាវារោ

៤៥. ហេតុយា សត្តរស, អារម្មណេ សត្ត, អធិបតិយា សត្តរស, អនន្តរេ សត្ត, សមនន្តរេ សត្ត, សហជាតេ សត្តរស, អញ្ញមញ្ញេ សត្ត, និស្សយេ សត្តរស, ឧបនិស្សយេ សត្ត, បុរេជាតេ សត្ត, អាសេវនេ ¶ សត្ត, កម្មេ សត្តរស, វិបាកេ ឯកំ, អាហារេ សត្តរស, ឥន្ទ្រិយេ សត្តរស, ឈានេ សត្តរស, មគ្គេ សត្តរស, សម្បយុត្តេ សត្ត, វិប្បយុត្តេ សត្តរស, អត្ថិយា សត្តរស, នត្ថិយា សត្ត, វិគតេ សត្ត, អវិគតេ សត្តរស (ឯវំ គណេតព្ពំ).

អនុលោមំ.

២. បច្ចយបច្ចនីយំ

១. វិភង្គវារោ

នហេតុបច្ចយោ

៤៦. ទស្សនេន ¶ ¶ បហាតព្ពំ ធម្មំ បច្ចយា ទស្សនេន បហាតព្ពោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ខន្ធេ បច្ចយា វិចិកិច្ឆាសហគតោ មោហោ. (១)

ភាវនាយ បហាតព្ពំ ធម្មំ បច្ចយា ភាវនាយ បហាតព្ពោ ធម្មោ ឧប្បជ្ជតិ នហេតុបច្ចយា – ឧទ្ធច្ចសហគតេ ខន្ធេ បច្ចយា ឧទ្ធច្ចសហគតោ មោហោ. (១)

នេវទស្សនេន នភាវនាយ បហាតព្ពំ ធម្មំ បច្ចយា នេវទស្សនេន នភាវនាយ បហាតព្ពោ ធម្មោ ឧប្បជ្ជតិ នហេតុបច្ចយា – អហេតុកំ នេវទស្សនេន នភាវនាយ បហាតព្ពំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… អហេតុកបដិសន្ធិក្ខណេ…បេ… ខន្ធេ បច្ចយា វត្ថុ, វត្ថុំ បច្ចយា ខន្ធា; ឯកំ មហាភូតំ…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ…បេ… ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ, វត្ថុំ បច្ចយា អហេតុកា នេវទស្សនេន នភាវនាយ បហាតព្ពា ខន្ធា. (១)

នេវទស្សនេន នភាវនាយ បហាតព្ពំ ធម្មំ បច្ចយា ទស្សនេន បហាតព្ពោ ធម្មោ ឧប្បជ្ជតិ នហេតុបច្ចយា – វត្ថុំ បច្ចយា វិចិកិច្ឆាសហគតោ មោហោ. (២)

នេវទស្សនេន នភាវនាយ បហាតព្ពំ ធម្មំ បច្ចយា ភាវនាយ បហាតព្ពោ ធម្មោ ឧប្បជ្ជតិ នហេតុបច្ចយា – វត្ថុំ បច្ចយា ឧទ្ធច្ចសហគតោ មោហោ. (៣)

៤៧. ទស្សនេន ¶ បហាតព្ពញ្ច នេវទស្សនេន នភាវនាយ បហាតព្ពញ្ច ¶ ធម្មំ បច្ចយា ទស្សនេន បហាតព្ពោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ មោហោ. (១)

ភាវនាយ ¶ បហាតព្ពញ្ច នេវទស្សនេន នភាវនាយ បហាតព្ពញ្ច ធម្មំ បច្ចយា ភាវនាយ បហាតព្ពោ ធម្មោ ឧប្បជ្ជតិ នហេតុបច្ចយា – ឧទ្ធច្ចសហគតេ ខន្ធេ ច វត្ថុញ្ច បច្ចយា ឧទ្ធច្ចសហគតោ មោហោ. (១)

នអារម្មណបច្ចយោ

៤៨. ទស្សនេន បហាតព្ពំ ធម្មំ បច្ចយា នេវទស្សនេន នភាវនាយ បហាតព្ពោ ធម្មោ ឧប្បជ្ជតិ នអារម្មណបច្ចយា – ទស្សនេន បហាតព្ពេ ខន្ធេ បច្ចយា ចិត្តសមុដ្ឋានំ រូបំ. (១)

ភាវនាយ បហាតព្ពំ ធម្មំ បច្ចយា នេវទស្សនេន នភាវនាយ បហាតព្ពោ ធម្មោ ឧប្បជ្ជតិ នអារម្មណបច្ចយា – ភាវនាយ បហាតព្ពេ ខន្ធេ បច្ចយា ចិត្តសមុដ្ឋានំ រូបំ. (១)

នេវទស្សនេន នភាវនាយ បហាតព្ពំ ធម្មំ បច្ចយា នេវទស្សនេន នភាវនាយ បហាតព្ពោ ធម្មោ ឧប្បជ្ជតិ នអារម្មណបច្ចយា – នេវទស្សនេន នភាវនាយ បហាតព្ពេ ខន្ធេ បច្ចយា ចិត្តសមុដ្ឋានំ រូបំ. បដិសន្ធិក្ខណេ នេវទស្សនេន នភាវនាយ បហាតព្ពេ ខន្ធេ បច្ចយា កដត្តារូបំ, ខន្ធេ បច្ចយា វត្ថុ; ឯកំ មហាភូតំ បច្ចយា…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ…បេ…. (១)

៤៩. ទស្សនេន បហាតព្ពញ្ច នេវទស្សនេន នភាវនាយ បហាតព្ពញ្ច ¶ ធម្មំ បច្ចយា ទស្សនេន បហាតព្ពោ ធម្មោ ឧប្បជ្ជតិ នអារម្មណបច្ចយា – ទស្សនេន បហាតព្ពេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (១)

ភាវនាយ បហាតព្ពញ្ច នេវទស្សនេន នភាវនាយ បហាតព្ពញ្ច ធម្មំ បច្ចយា នេវទស្សនេន នភាវនាយ បហាតព្ពោ ធម្មោ ឧប្បជ្ជតិ នអារម្មណបច្ចយា – ភាវនាយ បហាតព្ពេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (១)

នអធិបតិបច្ចយាទិ

៥០. ទស្សនេន ¶ បហាតព្ពំ ធម្មំ បច្ចយា ទស្សនេន បហាតព្ពោ ធម្មោ ឧប្បជ្ជតិ នអធិបតិបច្ចយា ¶ (សហជាតសទិសំ)… នអនន្តរបច្ចយា… នសមនន្តរបច្ចយា… នអញ្ញមញ្ញបច្ចយា… នឧបនិស្សយបច្ចយា.

នបុរេជាតបច្ចយោ

៥១. ទស្សនេន បហាតព្ពំ ធម្មំ បច្ចយា ទស្សនេន បហាតព្ពោ ធម្មោ ឧប្បជ្ជតិ នបុរេជាតបច្ចយា – អរូបេ ទស្សនេន បហាតព្ពំ ឯកំ ខន្ធំ បច្ចយា…បេ…. (១)

ទស្សនេន បហាតព្ពំ ធម្មំ បច្ចយា នេវទស្សនេន នភាវនាយ បហាតព្ពោ ធម្មោ ឧប្បជ្ជតិ នបុរេជាតបច្ចយា – ទស្សនេន បហាតព្ពេ ខន្ធេ បច្ចយា ចិត្តសមុដ្ឋានំ រូបំ. (២)

ភាវនាយ បហាតព្ពំ ធម្មំ បច្ចយា ភាវនាយ បហាតព្ពោ ធម្មោ ឧប្បជ្ជតិ នបុរេជាតបច្ចយា – អរូបេ ភាវនាយ បហាតព្ពំ ឯកំ ខន្ធំ បច្ចយា…បេ…. (១)

ភាវនាយ បហាតព្ពំ ធម្មំ បច្ចយា នេវទស្សនេន នភាវនាយ បហាតព្ពោ ធម្មោ ឧប្បជ្ជតិ នបុរេជាតបច្ចយា – ភាវនាយ បហាតព្ពេ ខន្ធេ បច្ចយា ¶ ចិត្តសមុដ្ឋានំ រូបំ. (២)

៥២. នេវទស្សនេន នភាវនាយ បហាតព្ពំ ធម្មំ បច្ចយា នេវទស្សនេន នភាវនាយ បហាតព្ពោ ធម្មោ ឧប្បជ្ជតិ នបុរេជាតបច្ចយា – អរូបេ នេវទស្សនេន នភាវនាយ បហាតព្ពំ ឯកំ ខន្ធំ បច្ចយា តយោ ខន្ធា…បេ… នេវទស្សនេន នភាវនាយ បហាតព្ពេ ខន្ធេ បច្ចយា ចិត្តសមុដ្ឋានំ រូបំ. បដិសន្ធិក្ខណេ…បេ… ខន្ធេ បច្ចយា កដត្តារូបំ, ខន្ធេ បច្ចយា វត្ថុ, វត្ថុំ បច្ចយា ខន្ធា; ឯកំ មហាភូតំ…បេ… ពាហិរំ… អាហារសមុដ្ឋានំ… ឧតុសមុដ្ឋានំ, អសញ្ញសត្តានំ…បេ…. (១)

ទស្សនេន បហាតព្ពញ្ច នេវទស្សនេន នភាវនាយ បហាតព្ពញ្ច ធម្មំ បច្ចយា នេវទស្សនេន នភាវនាយ បហាតព្ពោ ធម្មោ ឧប្បជ្ជតិ នបុរេជាតបច្ចយា – ទស្សនេន បហាតព្ពេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (១)

ភាវនាយ ¶ ¶ បហាតព្ពញ្ច នេវទស្សនេន នភាវនាយ បហាតព្ពញ្ច ធម្មំ បច្ចយា នេវទស្សនេន នភាវនាយ បហាតព្ពោ ធម្មោ ឧប្បជ្ជតិ នបុរេជាតបច្ចយា – ភាវនាយ បហាតព្ពេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (១)

នបច្ឆាជាតបច្ចយាទិ

៥៣. ទស្សនេន បហាតព្ពំ ធម្មំ បច្ចយា ទស្សនេន បហាតព្ពោ ធម្មោ ឧប្បជ្ជតិ នបច្ឆាជាតបច្ចយា… នអាសេវនបច្ចយា.

នកម្មបច្ចយោ

៥៤. ទស្សនេន បហាតព្ពំ ធម្មំ បច្ចយា ទស្សនេន បហាតព្ពោ ធម្មោ ឧប្បជ្ជតិ នកម្មបច្ចយា – ទស្សនេន បហាតព្ពេ ខន្ធេ បច្ចយា ទស្សនេន បហាតព្ពា ចេតនា. (១)

ភាវនាយ បហាតព្ពំ ធម្មំ…បេ… នកម្មបច្ចយា – ភាវនាយ បហាតព្ពេ ខន្ធេ បច្ចយា ភាវនាយ បហាតព្ពា ចេតនា. (១)

នេវទស្សនេន នភាវនាយ បហាតព្ពំ ធម្មំ…បេ… នកម្មបច្ចយា – នេវទស្សនេន នភាវនាយ បហាតព្ពេ ខន្ធេ បច្ចយា នេវទស្សនេន នភាវនាយ ¶ បហាតព្ពា ចេតនា; ពាហិរំ… អាហារសមុដ្ឋានំ… ឧតុសមុដ្ឋានំ…បេ…. (១)

នេវទស្សនេន នភាវនាយ បហាតព្ពំ ធម្មំ បច្ចយា ទស្សនេន បហាតព្ពោ ធម្មោ ឧប្បជ្ជតិ នកម្មបច្ចយា – វត្ថុំ បច្ចយា ទស្សនេន បហាតព្ពា ចេតនា. (២)

នេវទស្សនេន នភាវនាយ បហាតព្ពំ ធម្មំ បច្ចយា ភាវនាយ បហាតព្ពោ ធម្មោ ឧប្បជ្ជតិ នកម្មបច្ចយា – វត្ថុំ បច្ចយា ភាវនាយ បហាតព្ពា ចេតនា. (៣)

៥៥. ទស្សនេន បហាតព្ពញ្ច នេវទស្សនេន នភាវនាយ បហាតព្ពញ្ច ធម្មំ បច្ចយា ទស្សនេន ¶ បហាតព្ពោ ធម្មោ ឧប្បជ្ជតិ នកម្មបច្ចយា – ទស្សនេន បហាតព្ពេ ខន្ធេ ច វត្ថុញ្ច បច្ចយា ទស្សនេន បហាតព្ពា ចេតនា. (១)

ភាវនាយ បហាតព្ពញ្ច នេវទស្សនេន នភាវនាយ បហាតព្ពញ្ច ធម្មំ បច្ចយា ភាវនាយ បហាតព្ពោ ធម្មោ ឧប្បជ្ជតិ នកម្មបច្ចយា – ភាវនាយ ¶ បហាតព្ពេ ខន្ធេ ច វត្ថុញ្ច បច្ចយា ភាវនាយ បហាតព្ពា ចេតនា. (១)

នវិបាកបច្ចយាទិ

៥៦. ទស្សនេន បហាតព្ពំ ធម្មំ បច្ចយា ទស្សនេន បហាតព្ពោ ធម្មោ ឧប្បជ្ជតិ នវិបាកបច្ចយា (បរិបុណ្ណំ, បដិសន្ធិ នត្ថិ), នអាហារបច្ចយា – ពាហិរំ… ឧតុសមុដ្ឋានំ… អសញ្ញសត្តានំ…បេ… នឥន្ទ្រិយបច្ចយា – ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ…បេ… មហាភូតេ បច្ចយា រូបជីវិតិន្ទ្រិយំ… នឈានបច្ចយា – បញ្ចវិញ្ញាណំ…បេ… ពាហិរំ…បេ… អសញ្ញសត្តានំ…បេ… នមគ្គបច្ចយា – អហេតុកំ នេវទស្សនេន នភាវនាយ បហាតព្ពំ ¶ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… អហេតុកបដិសន្ធិក្ខណេ…បេ… ឯកំ មហាភូតំ…បេ… អសញ្ញសត្តានំ…បេ… នសម្បយុត្តបច្ចយា, នវិប្បយុត្តបច្ចយា – អរូបេ ទស្សនេន បហាតព្ពំ ឯកំ ខន្ធំ បច្ចយា…បេ… អរូបេ ភាវនាយ បហាតព្ពំ ឯកំ ខន្ធំ បច្ចយា តយោ ខន្ធា…បេ… នេវទស្សនេន នភាវនាយ បហាតព្ពំ ធម្មំ បច្ចយា នេវទស្សនេន…បេ… អរូបេ នេវទស្សនេន នភាវនាយ បហាតព្ពំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធេ…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ…បេ… នោនត្ថិបច្ចយា… នោវិគតបច្ចយា.

២. បច្ចយបច្ចនីយំ

២. សង្ខ្យាវារោ

៥៧. នហេតុយា សត្ត, នអារម្មណេ បញ្ច, នអធិបតិយា សត្តរស, នអនន្តរេ បញ្ច, នសមនន្តរេ បញ្ច, នអញ្ញមញ្ញេ បញ្ច, នឧបនិស្សយេ បញ្ច, នបុរេជាតេ សត្ត, នបច្ឆាជាតេ សត្តរស, នអាសេវនេ សត្តរស, នកម្មេ សត្ត, នវិបាកេ សត្តរស, នអាហារេ ឯកំ, នឥន្ទ្រិយេ ឯកំ ¶ , នឈានេ ឯកំ, នមគ្គេ ឯកំ, នសម្បយុត្តេ បញ្ច, នវិប្បយុត្តេ តីណិ, នោនត្ថិយា បញ្ច, នោវិគតេ បញ្ច.

បច្ចនីយំ.

៣. បច្ចយានុលោមបច្ចនីយំ

៥៨. ហេតុបច្ចយា នអារម្មណេ បញ្ច, នអធិបតិយា សត្តរស, នអនន្តរេ បញ្ច, នសមនន្តរេ បញ្ច, នអញ្ញមញ្ញេ បញ្ច, នឧបនិស្សយេ បញ្ច, នបុរេជាតេ ¶ សត្ត, នបច្ឆាជាតេ សត្តរស, នអាសេវនេ សត្តរស ¶ , នកម្មេ សត្ត, នវិបាកេ សត្តរស, នសម្បយុត្តេ បញ្ច, នវិប្បយុត្តេ តីណិ, នោនត្ថិយា បញ្ច, នោវិគតេ បញ្ច.

អនុលោមបច្ចនីយំ.

៤. បច្ចយបច្ចនីយានុលោមំ

៥៩. នហេតុបច្ចយា អារម្មណេ សត្ត, អនន្តរេ សត្ត, សមនន្តរេ សត្ត, សហជាតេ សត្ត, អញ្ញមញ្ញេ សត្ត, និស្សយេ សត្ត, ឧបនិស្សយេ សត្ត, បុរេជាតេ សត្ត, អាសេវនេ សត្ត, កម្មេ សត្ត, វិបាកេ ឯកំ, អាហារេ សត្ត, ឥន្ទ្រិយេ សត្ត, ឈានេ សត្ត, មគ្គេ ឆ, សម្បយុត្តេ សត្ត, វិប្បយុត្តេ សត្ត, អត្ថិយា សត្ត, នត្ថិយា សត្ត, វិគតេ សត្ត, អវិគតេ សត្ត (ឯវំ គណេតព្ពំ).

បច្ចនីយានុលោមំ.

បច្ចយវារោ.

៤. និស្សយវារោ

(និស្សយវារោ ¶ បច្ចយសទិសោ កាតព្ពោ.)

៥. សំសដ្ឋវារោ

១. បច្ចយានុលោមំ

១. វិភង្គវារោ

ហេតុបច្ចយោ

៦០. ទស្សនេន បហាតព្ពំ ធម្មំ សំសដ្ឋោ ទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ សំសដ្ឋា ទ្វេ ខន្ធា. (១)

ភាវនាយ បហាតព្ពំ ធម្មំ សំសដ្ឋោ ភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា – ភាវនាយ បហាតព្ពំ ឯកំ ខន្ធំ សំសដ្ឋា…បេ…. (១)

នេវទស្សនេន នភាវនាយ បហាតព្ពំ ធម្មំ សំសដ្ឋោ នេវទស្សនេន ¶ នភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា – នេវទស្សនេន នភាវនាយ ¶ បហាតព្ពំ ឯកំ ខន្ធំ សំសដ្ឋា តយោ ខន្ធា…បេ… បដិសន្ធិក្ខណេ នេវទស្សនេន នភាវនាយ បហាតព្ពំ ឯកំ ខន្ធំ សំសដ្ឋា…បេ…. (១)

អារម្មណបច្ចយោ

៦១. ទស្សនេន បហាតព្ពំ ធម្មំ សំសដ្ឋោ ទស្សនេន បហាតព្ពោ ធម្មោ ឧប្បជ្ជតិ អារម្មណបច្ចយា (សព្ពានិ បទានិ វិត្ថារេតព្ពានិ តីណិ, តីណិ).

១. បច្ចយានុលោមំ

២. សង្ខ្យាវារោ

៦២. ហេតុយា ¶ តីណិ, អារម្មណេ តីណិ, អធិបតិយា តីណិ, អនន្តរេ តីណិ, សមនន្តរេ តីណិ, សហជាតេ តីណិ, អញ្ញមញ្ញេ តីណិ, និស្សយេ តីណិ, ឧបនិស្សយេ តីណិ, បុរេជាតេ តីណិ, អាសេវនេ តីណិ, កម្មេ តីណិ, វិបាកេ ឯកំ, អាហារេ តីណិ, ឥន្ទ្រិយេ តីណិ, ឈានេ តីណិ, មគ្គេ តីណិ, សម្បយុត្តេ តីណិ, វិប្បយុត្តេ តីណិ, អត្ថិយា តីណិ, នត្ថិយា តីណិ, វិគតេ តីណិ, អវិគតេ តីណិ.

អនុលោមំ.

២. បច្ចយបច្ចនីយំ

១. វិភង្គវារោ

នហេតុបច្ចយោ

៦៣. ទស្សនេន បហាតព្ពំ ធម្មំ សំសដ្ឋោ ទស្សនេន បហាតព្ពោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ខន្ធេ សំសដ្ឋោ វិចិកិច្ឆាសហគតោ មោហោ. (១)

ភាវនាយ បហាតព្ពំ ធម្មំ សំសដ្ឋោ ភាវនាយ បហាតព្ពោ ធម្មោ ឧប្បជ្ជតិ នហេតុបច្ចយា – ឧទ្ធច្ចសហគតេ ខន្ធេ សំសដ្ឋោ ឧទ្ធច្ចសហគតោ មោហោ. (១)

នេវទស្សនេន នភាវនាយ បហាតព្ពំ ធម្មំ សំសដ្ឋោ នេវទស្សនេន ¶ នភាវនាយ បហាតព្ពោ ធម្មោ ឧប្បជ្ជតិ នហេតុបច្ចយា – អហេតុកំ នេវទស្សនេន នភាវនាយ បហាតព្ពំ ឯកំ ខន្ធំ សំសដ្ឋា តយោ ខន្ធា…បេ… អហេតុកបដិសន្ធិក្ខណេ…បេ…. (១)

នអធិបតិបច្ចយាទិ

៦៤. ទស្សនេន ¶ ¶ បហាតព្ពំ ធម្មំ សំសដ្ឋោ ទស្សនេន បហាតព្ពោ ធម្មោ ឧប្បជ្ជតិ នអធិបតិបច្ចយា… នបុរេជាតបច្ចយា… នបច្ឆាជាតបច្ចយា… នអាសេវនបច្ចយា… នកម្មបច្ចយា… នវិបាកបច្ចយា… – នេវទស្សនេន នភាវនាយ…បេ… នឈានបច្ចយា – បញ្ចវិញ្ញាណំ…បេ… នមគ្គបច្ចយា – អហេតុកំ…បេ… នេវទស្សនេន នភាវនាយ បហាតព្ពោ…បេ… នវិប្បយុត្តបច្ចយា… តីណិ.

២. បច្ចយបច្ចនីយំ

២. សង្ខ្យាវារោ

៦៥. នហេតុយា តីណិ, នអធិបតិយា តីណិ, នបុរេជាតេ តីណិ, នបច្ឆាជាតេ តីណិ, នអាសេវនេ តីណិ, នកម្មេ តីណិ, នវិបាកេ តីណិ, នឈានេ ឯកំ, នមគ្គេ ឯកំ, នវិប្បយុត្តេ តីណិ.

បច្ចនីយំ.

៣. បច្ចយានុលោមបច្ចនីយំ

៦៦. ហេតុបច្ចយា នអធិបតិយា តីណិ, នបុរេជាតេ តីណិ, នបច្ឆាជាតេ តីណិ, នអាសេវនេ តីណិ, នកម្មេ តីណិ, នវិបាកេ តីណិ, នវិប្បយុត្តេ តីណិ.

អនុលោមបច្ចនីយំ.

៤. បច្ចយបច្ចនីយានុលោមំ

៦៧. នហេតុបច្ចយា អារម្មណេ តីណិ, អនន្តរេ តីណិ, សមនន្តរេ តីណិ, សហជាតេ តីណិ ¶ , អញ្ញមញ្ញេ តីណិ, និស្សយេ តីណិ, ឧបនិស្សយេ តីណិ, បុរេជាតេ តីណិ, អាសេវនេ តីណិ, កម្មេ តីណិ, វិបាកេ ឯកំ, អាហារេ តីណិ, ឥន្ទ្រិយេ ¶ តីណិ, ឈានេ តីណិ, មគ្គេ ទ្វេ, សម្បយុត្តេ តីណិ, វិប្បយុត្តេ តីណិ, អត្ថិយា តីណិ, នត្ថិយា តីណិ, វិគតេ តីណិ, អវិគតេ តីណិ.

បច្ចនីយានុលោមំ.

សំសដ្ឋវារោ.

៦. សម្បយុត្តវារោ

១. បច្ចយានុលោមាទិ

៦៨. ទស្សនេន ¶ បហាតព្ពំ ធម្មំ សម្បយុត្តោ ទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា (សម្បយុត្តវារោ សំសដ្ឋវារសទិសោ).

៧. បញ្ហាវារោ

១. បច្ចយានុលោមំ

១. វិភង្គវារោ

ហេតុបច្ចយោ

៦៩. ទស្សនេន បហាតព្ពោ ធម្មោ ទស្សនេន បហាតព្ពស្ស ធម្មស្ស ហេតុបច្ចយេន បច្ចយោ – ទស្សនេន បហាតព្ពា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ. (១)

ទស្សនេន បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស ហេតុបច្ចយេន បច្ចយោ – ទស្សនេន បហាតព្ពា ហេតូ ចិត្តសមុដ្ឋានានំ រូបានំ ហេតុបច្ចយេន បច្ចយោ. (២)

ទស្សនេន ¶ បហាតព្ពោ ធម្មោ ទស្សនេន បហាតព្ពស្ស ច នេវទស្សនេន នភាវនាយ បហាតព្ពស្ស ច ធម្មស្ស ហេតុបច្ចយេន បច្ចយោ – ទស្សនេន បហាតព្ពា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (៣)

៧០. ភាវនាយ បហាតព្ពោ ធម្មោ…បេ… ធម្មស្ស ¶ ហេតុបច្ចយេន បច្ចយោ – ភាវនាយ បហាតព្ពា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ. (១)

ភាវនាយ បហាតព្ពោ ធម្មោ នេវទស្សនេន នភាវនាយ បហាតព្ពស្ស…បេ… ភាវនាយ បហាតព្ពា ហេតូ ចិត្តសមុដ្ឋានានំ រូបានំ ហេតុបច្ចយេន បច្ចយោ. (២)

ភាវនាយ បហាតព្ពោ ធម្មោ ភាវនាយ បហាតព្ពស្ស ច នេវទស្សនេន នភាវនាយ បហាតព្ពស្ស ច ធម្មស្ស…បេ… ភាវនាយ បហាតព្ពា ហេតូ ¶ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (៣)

នេវទស្សនេន នភាវនាយ បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស…បេ… នេវទស្សនេន នភាវនាយ បហាតព្ពា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. បដិសន្ធិក្ខណេ នេវទស្សនេន នភាវនាយ បហាតព្ពា ហេតូ សម្បយុត្តកានំ ខន្ធានំ កដត្តា ច រូបានំ ហេតុបច្ចយេន បច្ចយោ. (១)

អារម្មណបច្ចយោ

៧១. ទស្សនេន បហាតព្ពោ ធម្មោ ទស្សនេន បហាតព្ពស្ស ធម្មស្ស អារម្មណបច្ចយេន បច្ចយោ – ទស្សនេន បហាតព្ពំ រាគំ អស្សាទេតិ អភិនន្ទតិ, តំ អារព្ភ ទស្សនេន បហាតព្ពោ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ. ទស្សនេន បហាតព្ពំ ទោមនស្សំ ឧប្បជ្ជតិ, ទិដ្ឋិំ អស្សាទេតិ អភិនន្ទតិ, តំ អារព្ភ ទស្សនេន បហាតព្ពោ ¶ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ ¶ . ទស្សនេន បហាតព្ពំ ទោមនស្សំ ឧប្បជ្ជតិ, វិចិកិច្ឆំ អារព្ភ វិចិកិច្ឆា ឧប្បជ្ជតិ, ទិដ្ឋិ ឧប្បជ្ជតិ, ទស្សនេន បហាតព្ពំ ទោមនស្សំ ឧប្បជ្ជតិ. ទស្សនេន បហាតព្ពំ ទោមនស្សំ អារព្ភ ទស្សនេន បហាតព្ពំ ទោមនស្សំ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ. (១)

ទស្សនេន បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស អារម្មណបច្ចយេន បច្ចយោ – អរិយា ទស្សនេន បហាតព្ពេ បហីនេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ. ទស្សនេន បហាតព្ពេ ខន្ធេ អនិច្ចតោ ទុក្ខតោ អនត្តតោ វិបស្សន្តិ. ចេតោបរិយញាណេន ទស្សនេន បហាតព្ពចិត្តសមង្គិស្ស ចិត្តំ ជានន្តិ. ទស្សនេន បហាតព្ពា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (២)

៧២. ភាវនាយ បហាតព្ពោ ធម្មោ ភាវនាយ បហាតព្ពស្ស ធម្មស្ស អារម្មណបច្ចយេន បច្ចយោ – ភាវនាយ បហាតព្ពំ រាគំ អស្សាទេតិ អភិនន្ទតិ, តំ អារព្ភ ភាវនាយ បហាតព្ពោ រាគោ ឧប្បជ្ជតិ, ឧទ្ធច្ចំ ឧប្បជ្ជតិ ¶ . ភាវនាយ បហាតព្ពំ ទោមនស្សំ ឧប្បជ្ជតិ, ឧទ្ធច្ចំ អារព្ភ ឧទ្ធច្ចំ ឧប្បជ្ជតិ. ភាវនាយ បហាតព្ពំ ទោមនស្សំ ឧប្បជ្ជតិ, ភាវនាយ បហាតព្ពំ ទោមនស្សំ អារព្ភ ភាវនាយ បហាតព្ពំ ទោមនស្សំ ឧប្បជ្ជតិ, ឧទ្ធច្ចំ ឧប្បជ្ជតិ. (១)

ភាវនាយ ¶ បហាតព្ពោ ធម្មោ ទស្សនេន បហាតព្ពស្ស ធម្មស្ស អារម្មណបច្ចយេន បច្ចយោ – ភាវនាយ បហាតព្ពំ រាគំ អស្សាទេតិ អភិនន្ទតិ, តំ អារព្ភ ទស្សនេន បហាតព្ពោ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ទស្សនេន បហាតព្ពំ ទោមនស្សំ ឧប្បជ្ជតិ. ឧទ្ធច្ចំ អារព្ភ ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ទស្សនេន បហាតព្ពំ ទោមនស្សំ ឧប្បជ្ជតិ. ភាវនាយ បហាតព្ពំ ទោមនស្សំ អារព្ភ ទស្សនេន បហាតព្ពំ ទោមនស្សំ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ. (២)

ភាវនាយ បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស អារម្មណបច្ចយេន បច្ចយោ – អរិយា ភាវនាយ បហាតព្ពេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ. ភាវនាយ បហាតព្ពេ ខន្ធេ អនិច្ចតោ ទុក្ខតោ អនត្តតោ វិបស្សន្តិ, ចេតោបរិយញាណេន ភាវនាយ បហាតព្ពចិត្តសមង្គិស្ស ចិត្តំ ជានន្តិ. ភាវនាយ បហាតព្ពា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស ¶ , យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (៣)

៧៣. នេវទស្សនេន នភាវនាយ បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស អារម្មណបច្ចយេន បច្ចយោ – ទានំ ទត្វា សីលំ សមាទិយិត្វា ឧបោសថកម្មំ កត្វា តំ បច្ចវេក្ខតិ, បុព្ពេ សុចិណ្ណានិ បច្ចវេក្ខតិ, ឈានា វុដ្ឋហិត្វា ឈានំ បច្ចវេក្ខតិ. អរិយា ¶ មគ្គា វុដ្ឋហិត្វា មគ្គំ បច្ចវេក្ខន្តិ, ផលំ បច្ចវេក្ខន្តិ, និព្ពានំ បច្ចវេក្ខន្តិ; និព្ពានំ គោត្រភុស្ស, វោទានស្ស, មគ្គស្ស, ផលស្ស, អាវជ្ជនាយ អារម្មណបច្ចយេន បច្ចយោ. ចក្ខុំ អនិច្ចតោ ទុក្ខតោ អនត្តតោ វិបស្សតិ; សោតំ… ឃានំ… ជិវ្ហំ… កាយំ… រូបេ… សទ្ទេ… គន្ធេ… រសេ… ផោដ្ឋព្ពេ… វត្ថុំ… នេវទស្សនេន នភាវនាយ បហាតព្ពេ ខន្ធេ អនិច្ចតោ ទុក្ខតោ អនត្តតោ វិបស្សតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, ចេតោបរិយញាណេន នេវទស្សនេន នភាវនាយ បហាតព្ពចិត្តសមង្គិស្ស ចិត្តំ ជានន្តិ ¶ , អាកាសានញ្ចាយតនំ វិញ្ញាណញ្ចាយតនស្ស…បេ… អាកិញ្ចញ្ញាយតនំ នេវសញ្ញានាសញ្ញាយតនស្ស…បេ… រូបាយតនំ ចក្ខុវិញ្ញាណស្ស អារម្មណបច្ចយេន បច្ចយោ…បេ… ផោដ្ឋព្ពាយតនំ កាយវិញ្ញាណស្ស អារម្មណបច្ចយេន បច្ចយោ…បេ… នេវទស្សនេន នភាវនាយ បហាតព្ពា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (១)

នេវទស្សនេន នភាវនាយ បហាតព្ពោ ធម្មោ ទស្សនេន បហាតព្ពស្ស ធម្មស្ស អារម្មណបច្ចយេន បច្ចយោ – ទានំ ទត្វា សីលំ សមាទិយិត្វា ឧបោសថកម្មំ កត្វា តំ អស្សាទេតិ អភិនន្ទតិ, តំ អារព្ភ ទស្សនេន បហាតព្ពោ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ទស្សនេន បហាតព្ពំ ទោមនស្សំ ឧប្បជ្ជតិ. បុព្ពេ សុចិណ្ណានិ អស្សាទេតិ អភិនន្ទតិ…បេ… ឈានា វុដ្ឋហិត្វា ឈានំ អស្សាទេតិ អភិនន្ទតិ, តំ អារព្ភ ¶ ទស្សនេន បហាតព្ពោ រាគោ…បេ… ទិដ្ឋិ…បេ… វិចិកិច្ឆា…បេ… ឈានេ បរិហីនេ វិប្បដិសារិស្ស ទស្សនេន បហាតព្ពំ ទោមនស្សំ ឧប្បជ្ជតិ. ចក្ខុំ អស្សាទេតិ អភិនន្ទតិ…បេ… សោតំ… ឃានំ… ជិវ្ហំ… កាយំ… រូបេ… សទ្ទេ… គន្ធេ… រសេ… ផោដ្ឋព្ពេ… វត្ថុំ… នេវទស្សនេន នភាវនាយ បហាតព្ពេ ខន្ធេ អស្សាទេតិ អភិនន្ទតិ, តំ អារព្ភ ¶ ទស្សនេន បហាតព្ពោ រាគោ…បេ… ទិដ្ឋិ…បេ… វិចិកិច្ឆា…បេ… ទស្សនេន បហាតព្ពំ ទោមនស្សំ ឧប្បជ្ជតិ. (២)

នេវទស្សនេន នភាវនាយ បហាតព្ពោ ធម្មោ ភាវនាយ បហាតព្ពស្ស ធម្មស្ស អារម្មណបច្ចយេន បច្ចយោ – ទានំ ទត្វា សីលំ សមាទិយិត្វា ឧបោសថកម្មំ កត្វា តំ អស្សាទេតិ អភិនន្ទតិ, តំ អារព្ភ ភាវនាយ បហាតព្ពោ រាគោ ឧប្បជ្ជតិ, ឧទ្ធច្ចំ ឧប្បជ្ជតិ, ភាវនាយ បហាតព្ពំ ទោមនស្សំ ឧប្បជ្ជតិ. បុព្ពេ សុចិណ្ណានិ…បេ… ឈានា វុដ្ឋហិត្វា…បេ… ចក្ខុំ…បេ… វត្ថុំ… នេវទស្សនេន នភាវនាយ បហាតព្ពេ ខន្ធេ អស្សាទេតិ…បេ… តំ អារព្ភ ភាវនាយ បហាតព្ពោ រាគោ ឧប្បជ្ជតិ, ឧទ្ធច្ចំ ឧប្បជ្ជតិ, ភាវនាយ បហាតព្ពំ ទោមនស្សំ ឧប្បជ្ជតិ. (៣)

អធិបតិបច្ចយោ

៧៤. ទស្សនេន បហាតព្ពោ ធម្មោ ទស្សនេន បហាតព្ពស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ ¶ – ទស្សនេន បហាតព្ពំ រាគំ គរុំ កត្វា អស្សាទេតិ អភិនន្ទតិ, តំ គរុំ កត្វា ទស្សនេន បហាតព្ពោ រាគោ ឧប្បជ្ជតិ, ទិដ្ឋិ ឧប្បជ្ជតិ; ទិដ្ឋិំ គរុំ កត្វា អស្សាទេតិ អភិនន្ទតិ, តំ គរុំ កត្វា ទស្សនេន បហាតព្ពោ រាគោ ឧប្បជ្ជតិ, ទិដ្ឋិ ឧប្បជ្ជតិ. សហជាតាធិបតិ ¶ – ទស្សនេន បហាតព្ពាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ. (១)

ទស្សនេន បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស អធិបតិបច្ចយេន បច្ចយោ. សហជាតាធិបតិ – ទស្សនេន បហាតព្ពាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ. (២)

ទស្សនេន បហាតព្ពោ ធម្មោ ទស្សនេន បហាតព្ពស្ស ច នេវទស្សនេន នភាវនាយ បហាតព្ពស្ស ច ធម្មស្ស អធិបតិបច្ចយេន បច្ចយោ. សហជាតាធិបតិ – ទស្សនេន បហាតព្ពាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (៣)

៧៥. ភាវនាយ ¶ បហាតព្ពោ ធម្មោ ភាវនាយ បហាតព្ពស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ភាវនាយ បហាតព្ពំ រាគំ គរុំ កត្វា អស្សាទេតិ អភិនន្ទតិ, តំ គរុំ កត្វា ភាវនាយ បហាតព្ពោ រាគោ ឧប្បជ្ជតិ. សហជាតាធិបតិ – ភាវនាយ បហាតព្ពាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ. (១)

ភាវនាយ បហាតព្ពោ ធម្មោ ទស្សនេន បហាតព្ពស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – ភាវនាយ បហាតព្ពំ រាគំ គរុំ កត្វា អស្សាទេតិ អភិនន្ទតិ, តំ គរុំ កត្វា ទស្សនេន បហាតព្ពោ រាគោ ឧប្បជ្ជតិ, ទិដ្ឋិ ឧប្បជ្ជតិ. (២)

ភាវនាយ បហាតព្ពោ ធម្មោ នេវទស្សនេន នភាវនាយ បហាតព្ពស្ស ¶ ធម្មស្ស អធិបតិបច្ចយេន បច្ចយោ. សហជាតាធិបតិ – ភាវនាយ បហាតព្ពាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ. (៣)

ភាវនាយ បហាតព្ពោ ធម្មោ ភាវនាយ បហាតព្ពស្ស ច នេវទស្សនេន នភាវនាយ បហាតព្ពស្ស ច ធម្មស្ស អធិបតិបច្ចយេន បច្ចយោ. សហជាតាធិបតិ – ភាវនាយ បហាតព្ពាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (៤)

៧៦. នេវទស្សនេន ¶ នភាវនាយ បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ ទត្វា សីលំ សមាទិយិត្វា ឧបោសថកម្មំ កត្វា តំ គរុំ កត្វា បច្ចវេក្ខតិ, បុព្ពេ សុចិណ្ណានិ…បេ… ឈានា វុដ្ឋហិត្វា ឈានំ គរុំ កត្វា បច្ចវេក្ខតិ, អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ, ផលំ គរុំ កត្វា បច្ចវេក្ខន្តិ, និព្ពានំ គរុំ កត្វា បច្ចវេក្ខន្តិ; និព្ពានំ គោត្រភុស្ស, វោទានស្ស, មគ្គស្ស, ផលស្ស អធិបតិបច្ចយេន បច្ចយោ. សហជាតាធិបតិ – នេវទស្សនេន នភាវនាយ បហាតព្ពាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (១)

នេវទស្សនេន ¶ នភាវនាយ បហាតព្ពោ ធម្មោ ទស្សនេន បហាតព្ពស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – ទានំ ទត្វា សីលំ សមាទិយិត្វា ឧបោសថកម្មំ កត្វា តំ គរុំ កត្វា អស្សាទេតិ ¶ អភិនន្ទតិ, តំ គរុំ កត្វា ទស្សនេន បហាតព្ពោ រាគោ ឧប្បជ្ជតិ, ទិដ្ឋិ ឧប្បជ្ជតិ. បុព្ពេ សុចិណ្ណានិ គរុំ កត្វា…បេ… ឈានា វុដ្ឋហិត្វា ឈានំ គរុំ កត្វា…បេ… ចក្ខុំ…បេ… វត្ថុំ… នេវទស្សនេន នភាវនាយ បហាតព្ពេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា ទស្សនេន បហាតព្ពោ រាគោ ឧប្បជ្ជតិ, ទិដ្ឋិ ឧប្បជ្ជតិ. (២)

នេវទស្សនេន នភាវនាយ បហាតព្ពោ ធម្មោ ភាវនាយ បហាតព្ពស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – ទានំ ទត្វា សីលំ សមាទិយិត្វា ឧបោសថកម្មំ កត្វា តំ គរុំ កត្វា អស្សាទេតិ អភិនន្ទតិ, តំ គរុំ កត្វា ភាវនាយ បហាតព្ពោ រាគោ ឧប្បជ្ជតិ. បុព្ពេ…បេ… នេវទស្សនេន នភាវនាយ បហាតព្ពេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា ភាវនាយ បហាតព្ពោ រាគោ ឧប្បជ្ជតិ. (៣)

អនន្តរបច្ចយោ

៧៧. ទស្សនេន បហាតព្ពោ ធម្មោ ទស្សនេន បហាតព្ពស្ស ធម្មស្ស អនន្តរបច្ចយេន បច្ចយោ – បុរិមា បុរិមា ទស្សនេន បហាតព្ពា ខន្ធា បច្ឆិមានំ បច្ឆិមានំ ទស្សនេន បហាតព្ពានំ ខន្ធានំ អនន្តរបច្ចយេន បច្ចយោ.

ទស្សនេន ¶ បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស អនន្តរបច្ចយេន បច្ចយោ – ទស្សនេន បហាតព្ពា ខន្ធា វុដ្ឋានស្ស អនន្តរបច្ចយេន បច្ចយោ. (២)

ភាវនាយ បហាតព្ពោ ធម្មោ ភាវនាយ បហាតព្ពស្ស ធម្មស្ស អនន្តរបច្ចយេន បច្ចយោ – បុរិមា បុរិមា ភាវនាយ បហាតព្ពា ខន្ធា បច្ឆិមានំ ¶ បច្ឆិមានំ ភាវនាយ បហាតព្ពានំ ខន្ធានំ អនន្តរបច្ចយេន បច្ចយោ. (១)

ភាវនាយ ¶ បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស អនន្តរបច្ចយេន បច្ចយោ – ភាវនាយ បហាតព្ពា ខន្ធា វុដ្ឋានស្ស អនន្តរបច្ចយេន បច្ចយោ. (២)

នេវទស្សនេន នភាវនាយ បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស អនន្តរបច្ចយេន បច្ចយោ – បុរិមា បុរិមា នេវទស្សនេន នភាវនាយ បហាតព្ពា ខន្ធា បច្ឆិមានំ បច្ឆិមានំ នេវទស្សនេន នភាវនាយ បហាតព្ពានំ ខន្ធានំ អនន្តរបច្ចយេន បច្ចយោ. អនុលោមំ គោត្រភុស្ស… អនុលោមំ វោទានស្ស… គោត្រភុ មគ្គស្ស… វោទានំ មគ្គស្ស… មគ្គោ ផលស្ស… ផលំ ផលស្ស… អនុលោមំ ផលសមាបត្តិយា… និរោធា វុដ្ឋហន្តស្ស នេវសញ្ញានាសញ្ញាយតនំ ផលសមាបត្តិយា អនន្តរបច្ចយេន បច្ចយោ. (១)

នេវទស្សនេន នភាវនាយ បហាតព្ពោ ធម្មោ ទស្សនេន បហាតព្ពស្ស ធម្មស្ស…បេ… អាវជ្ជនា ទស្សនេន បហាតព្ពានំ ខន្ធានំ អនន្តរបច្ចយេន បច្ចយោ. (២)

នេវទស្សនេន នភាវនាយ បហាតព្ពោ ធម្មោ ភាវនាយ បហាតព្ពស្ស ធម្មស្ស អនន្តរបច្ចយេន បច្ចយោ – អាវជ្ជនា ភាវនាយ បហាតព្ពានំ ខន្ធានំ អនន្តរបច្ចយេន បច្ចយោ. (៣)

សមនន្តរបច្ចយោ

៧៨. ទស្សនេន បហាតព្ពោ ធម្មោ ទស្សនេន បហាតព្ពស្ស ធម្មស្ស ¶ សមនន្តរបច្ចយេន បច្ចយោ (អនន្តរសទិសំ).

សហជាតបច្ចយោ

៧៩. ទស្សនេន ¶ បហាតព្ពោ ធម្មោ ទស្សនេន បហាតព្ពស្ស ធម្មស្ស សហជាតបច្ចយេន បច្ចយោ… តីណិ.

ភាវនាយ បហាតព្ពោ ធម្មោ ភាវនាយ បហាតព្ពស្ស ធម្មស្ស… តីណិ.

នេវទស្សនេន នភាវនាយ បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស សហជាតបច្ចយេន ¶ បច្ចយោ – នេវទស្សនេន នភាវនាយ បហាតព្ពោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ សហជាតបច្ចយេន បច្ចយោ…បេ… ទ្វេ ខន្ធា…បេ… បដិសន្ធិក្ខណេ…បេ… ខន្ធា វត្ថុស្ស សហជាតបច្ចយេន បច្ចយោ. វត្ថុ ខន្ធានំ…បេ… ឯកំ មហាភូតំ តិណ្ណន្នំ មហាភូតានំ…បេ… មហាភូតា ចិត្តសមុដ្ឋានានំ រូបានំ…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ…បេ…. (១)

ទស្សនេន បហាតព្ពោ ច នេវទស្សនេន នភាវនាយ បហាតព្ពោ ច ធម្មា នេវទស្សនេន នភាវនាយ បហាតព្ពស្ស ធម្មស្ស សហជាតបច្ចយេន បច្ចយោ – ទស្សនេន បហាតព្ពា ខន្ធា ច មហាភូតា ច ចិត្តសមុដ្ឋានានំ រូបានំ សហជាតបច្ចយេន បច្ចយោ. (១)

ភាវនាយ បហាតព្ពោ ច នេវទស្សនេន នភាវនាយ បហាតព្ពោ ច ធម្មា នេវទស្សនេន នភាវនាយ បហាតព្ពស្ស ធម្មស្ស សហជាតបច្ចយេន បច្ចយោ – ភាវនាយ បហាតព្ពា ខន្ធា ច មហាភូតា ច ចិត្តសមុដ្ឋានានំ រូបានំ សហជាតបច្ចយេន បច្ចយោ. (១)

អញ្ញមញ្ញបច្ចយោ

៨០. ទស្សនេន ¶ បហាតព្ពោ ធម្មោ ទស្សនេន បហាតព្ពស្ស ធម្មស្ស អញ្ញមញ្ញបច្ចយេន បច្ចយោ – ទស្សនេន បហាតព្ពោ ឯកោ ខន្ធោ តិណ្ណន្នំ ខន្ធានំ…បេ…. (១)

ភាវនាយ បហាតព្ពោ ធម្មោ ភាវនាយ បហាតព្ពស្ស ធម្មស្ស…បេ… ភាវនាយ បហាតព្ពោ ឯកោ ខន្ធោ តិណ្ណន្នំ ខន្ធានំ…បេ…. (១)

នេវទស្សនេន ¶ នភាវនាយ បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស…បេ… នេវទស្សនេន នភាវនាយ បហាតព្ពោ ឯកោ ខន្ធោ តិណ្ណន្នំ ខន្ធានំ អញ្ញមញ្ញបច្ចយេន បច្ចយោ…បេ… ទ្វេ ខន្ធា…បេ… បដិសន្ធិក្ខណេ នេវទស្សនេន នភាវនាយ បហាតព្ពោ ឯកោ ខន្ធោ តិណ្ណន្នំ ខន្ធានំ វត្ថុស្ស ច អញ្ញមញ្ញបច្ចយេន បច្ចយោ…បេ… ទ្វេ ខន្ធា…បេ… ខន្ធា វត្ថុស្ស…បេ… វត្ថុ ខន្ធានំ…បេ… ឯកំ មហាភូតំ តិណ្ណន្នំ មហាភូតានំ អញ្ញមញ្ញបច្ចយេន បច្ចយោ…បេ… អសញ្ញសត្តានំ…បេ…. (១)

និស្សយបច្ចយោ

៨១. ទស្សនេន ¶ បហាតព្ពោ ធម្មោ ទស្សនេន បហាតព្ពស្ស ធម្មស្ស និស្សយបច្ចយេន បច្ចយោ… តីណិ.

ភាវនាយ បហាតព្ពោ ធម្មោ ភាវនាយ បហាតព្ពស្ស ធម្មស្ស… តីណិ.

នេវទស្សនេន នភាវនាយ បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស និស្សយបច្ចយេន បច្ចយោ – នេវទស្សនេន នភាវនាយ បហាតព្ពោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ…បេ… ទ្វេ ខន្ធា…បេ… បដិសន្ធិក្ខណេ…បេ… ខន្ធា វត្ថុស្ស…បេ… វត្ថុ ខន្ធានំ…បេ… ឯកំ មហាភូតំ…បេ… អសញ្ញសត្តានំ…បេ… ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស…បេ… ¶ វត្ថុ…បេ…. (១)

នេវទស្សនេន នភាវនាយ បហាតព្ពោ ធម្មោ ទស្សនេន បហាតព្ពស្ស ធម្មស្ស និស្សយបច្ចយេន បច្ចយោ – វត្ថុ ទស្សនេន បហាតព្ពានំ ខន្ធានំ និស្សយបច្ចយេន បច្ចយោ. (២)

នេវទស្សនេន នភាវនាយ បហាតព្ពោ ធម្មោ ភាវនាយ បហាតព្ពស្ស ធម្មស្ស និស្សយបច្ចយេន បច្ចយោ – វត្ថុ ភាវនាយ បហាតព្ពានំ ខន្ធានំ និស្សយបច្ចយេន បច្ចយោ. (៣)

៨២. ទស្សនេន បហាតព្ពោ ច នេវទស្សនេន នភាវនាយ បហាតព្ពោ ច ធម្មា ទស្សនេន បហាតព្ពស្ស ធម្មស្ស និស្សយបច្ចយេន បច្ចយោ – ទស្សនេន បហាតព្ពោ ឯកោ ខន្ធោ ច វត្ថុ ច តិណ្ណន្នំ ខន្ធានំ និស្សយបច្ចយេន បច្ចយោ…បេ… ទ្វេ ខន្ធា…បេ…. (១)

ទស្សនេន បហាតព្ពោ ច នេវទស្សនេន នភាវនាយ បហាតព្ពោ ច ធម្មា នេវទស្សនេន នភាវនាយ បហាតព្ពស្ស ធម្មស្ស និស្សយបច្ចយេន បច្ចយោ ¶ – ទស្សនេន បហាតព្ពា ខន្ធា ច មហាភូតា ច ចិត្តសមុដ្ឋានានំ រូបានំ និស្សយបច្ចយេន បច្ចយោ. (២)

ភាវនាយ ¶ បហាតព្ពោ ច នេវទស្សនេន នភាវនាយ បហាតព្ពោ ច ធម្មា ភាវនាយ បហាតព្ពស្ស ធម្មស្ស និស្សយបច្ចយេន បច្ចយោ – ភាវនាយ បហាតព្ពោ ឯកោ ខន្ធោ ច វត្ថុ ច តិណ្ណន្នំ ខន្ធានំ និស្សយបច្ចយេន បច្ចយោ…បេ… ទ្វេ ខន្ធា…បេ…. (១)

ភាវនាយ បហាតព្ពោ ច នេវទស្សនេន នភាវនាយ បហាតព្ពោ ច ធម្មា នេវទស្សនេន នភាវនាយ បហាតព្ពស្ស ធម្មស្ស និស្សយបច្ចយេន ¶ បច្ចយោ – ភាវនាយ បហាតព្ពា ខន្ធា ច មហាភូតា ច ចិត្តសមុដ្ឋានានំ រូបានំ និស្សយបច្ចយេន បច្ចយោ. (២)

ឧបនិស្សយបច្ចយោ

៨៣. ទស្សនេន បហាតព្ពោ ធម្មោ ទស្សនេន បហាតព្ពស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – ទស្សនេន បហាតព្ពំ រាគំ ឧបនិស្សាយ បាណំ ហនតិ, អទិន្នំ អាទិយតិ…បេ… សង្ឃំ ភិន្ទតិ. ទស្សនេន បហាតព្ពំ ទោសំ… មោហំ… ទិដ្ឋិំ… បត្ថនំ ឧបនិស្សាយ បាណំ ហនតិ…បេ… សង្ឃំ ភិន្ទតិ. ទស្សនេន បហាតព្ពោ រាគោ… ទោសោ… មោហោ… ទិដ្ឋិ… បត្ថនា ទស្សនេន បហាតព្ពស្ស រាគស្ស.. ទោសស្ស… មោហស្ស… ទិដ្ឋិយា… បត្ថនាយ ឧបនិស្សយបច្ចយេន បច្ចយោ. (១)

ទស្សនេន បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – ទស្សនេន បហាតព្ពំ រាគំ ឧបនិស្សាយ ទានំ ទេតិ, សីលំ សមាទិយតិ, ឧបោសថកម្មំ ករោតិ…បេ… សមាបត្តិំ ឧប្បាទេតិ. ទស្សនេន បហាតព្ពំ ទោសំ…បេ… បត្ថនំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ. ទស្សនេន បហាតព្ពោ រាគោ… ទោសោ… មោហោ… ទិដ្ឋិ… បត្ថនា សទ្ធាយ…បេ… បញ្ញាយ កាយិកស្ស សុខស្ស, កាយិកស្ស ទុក្ខស្ស ផលសមាបត្តិយា ឧបនិស្សយបច្ចយេន បច្ចយោ. (២)

៨៤. ភាវនាយ ¶ បហាតព្ពោ ធម្មោ ភាវនាយ បហាតព្ពស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ ¶ , បកតូបនិស្សយោ…បេ…. បកតូបនិស្សយោ – ភាវនាយ ¶ បហាតព្ពោ រាគោ… ទោសោ… មោហោ… មានោ… បត្ថនា ភាវនាយ បហាតព្ពស្ស រាគស្ស… ទោសស្ស… មោហស្ស… មានស្ស… បត្ថនាយ ឧបនិស្សយបច្ចយេន បច្ចយោ. (១)

ភាវនាយ បហាតព្ពោ ធម្មោ ទស្សនេន បហាតព្ពស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, បកតូបនិស្សយោ…បេ…. បកតូបនិស្សយោ – ភាវនាយ បហាតព្ពំ រាគំ ឧបនិស្សាយ បាណំ ហនតិ…បេ… សង្ឃំ ភិន្ទតិ. ភាវនាយ បហាតព្ពំ ទោសំ… មោហំ… មានំ… បត្ថនំ ឧបនិស្សាយ បាណំ ហនតិ…បេ… សង្ឃំ ភិន្ទតិ. ភាវនាយ បហាតព្ពោ រាគោ… ទោសោ… មោហោ… មានោ… បត្ថនា ទស្សនេន បហាតព្ពស្ស រាគស្ស… ទោសស្ស… មោហស្ស… ទិដ្ឋិយា… បត្ថនាយ ឧបនិស្សយបច្ចយេន បច្ចយោ. សកភណ្ឌេ ឆន្ទរាគោ បរភណ្ឌេ ឆន្ទរាគស្ស ឧបនិស្សយបច្ចយេន បច្ចយោ. សកបរិគ្គហេ ឆន្ទរាគោ បរបរិគ្គហេ ឆន្ទរាគស្ស ឧបនិស្សយបច្ចយេន បច្ចយោ. (២)

ភាវនាយ បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – ភាវនាយ បហាតព្ពំ រាគំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ. ភាវនាយ បហាតព្ពំ ទោសំ… មោហំ… មានំ… បត្ថនំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ. ភាវនាយ បហាតព្ពោ រាគោ… ទោសោ… មោហោ… មានោ… ¶ បត្ថនា សទ្ធាយ…បេ… ផលសមាបត្តិយា ឧបនិស្សយបច្ចយេន បច្ចយោ. (៣)

៨៥. នេវទស្សនេន នភាវនាយ បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ. សីលំ… សុតំ… ចាគំ… បញ្ញំ… កាយិកំ… សុខំ… កាយិកំ ទុក្ខំ… ឧតុំ… ភោជនំ… សេនាសនំ… ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ. សទ្ធា… សីលំ… សុតំ… ចាគោ ¶ … បញ្ញា… កាយិកំ សុខំ… កាយិកំ ទុក្ខំ… ឧតុ… ភោជនំ… សេនាសនំ… សទ្ធាយ…បេ… បញ្ញាយ កាយិកស្ស សុខស្ស, កាយិកស្ស ទុក្ខស្ស ផលសមាបត្តិយា ឧបនិស្សយបច្ចយេន បច្ចយោ. (១)

នេវទស្សនេន ¶ នភាវនាយ បហាតព្ពោ ធម្មោ ទស្សនេន បហាតព្ពស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ ទិដ្ឋិំ គណ្ហាតិ. សីលំ…បេ… សេនាសនំ ឧបនិស្សាយ បាណំ ហនតិ…បេ… សង្ឃំ ភិន្ទតិ. សទ្ធា…បេ… សេនាសនំ ទស្សនេន បហាតព្ពស្ស រាគស្ស… ទោសស្ស… មោហស្ស… ទិដ្ឋិយា… បត្ថនាយ ឧបនិស្សយបច្ចយេន បច្ចយោ. (២)

នេវទស្សនេន នភាវនាយ បហាតព្ពោ ធម្មោ ភាវនាយ បហាតព្ពស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ ¶ មានំ ជប្បេតិ. សីលំ…បេ… បញ្ញំ… កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ… ឧបនិស្សាយ មានំ ជប្បេតិ. សទ្ធា…បេ… បញ្ញា… កាយិកំ សុខំ… កាយិកំ ទុក្ខំ… ឧតុ… ភោជនំ… សេនាសនំ ភាវនាយ បហាតព្ពស្ស រាគស្ស… ទោសស្ស… មោហស្ស… មានស្ស… បត្ថនាយ ឧបនិស្សយបច្ចយេន បច្ចយោ. (៣)

បុរេជាតបច្ចយោ

៨៦. នេវទស្សនេន នភាវនាយ បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ អនិច្ចតោ ទុក្ខតោ អនត្តតោ វិបស្សតិ, សោតំ… ឃានំ… ជិវ្ហំ… កាយំ… រូបេ… សទ្ទេ… គន្ធេ… រសេ… ផោដ្ឋព្ពេ… វត្ថុំ…បេ… ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស បុរេជាតបច្ចយេន បច្ចយោ. វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស…បេ… វត្ថុ នេវទស្សនេន នភាវនាយ បហាតព្ពានំ ខន្ធានំ បុរេជាតបច្ចយេន បច្ចយោ. (១)

នេវទស្សនេន ¶ នភាវនាយ បហាតព្ពោ ធម្មោ ទស្សនេន បហាតព្ពស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ អស្សាទេតិ អភិនន្ទតិ; តំ អារព្ភ ទស្សនេន បហាតព្ពោ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ¶ ឧប្បជ្ជតិ, ទស្សនេន បហាតព្ពំ ទោមនស្សំ ឧប្បជ្ជតិ…បេ… ¶ វត្ថុំ អស្សាទេតិ អភិនន្ទតិ; តំ អារព្ភ ទស្សនេន បហាតព្ពោ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ទស្សនេន បហាតព្ពំ ទោមនស្សំ ឧប្បជ្ជតិ. វត្ថុបុរេជាតំ – វត្ថុ ទស្សនេន បហាតព្ពានំ ខន្ធានំ បុរេជាតបច្ចយេន បច្ចយោ. (២)

នេវទស្សនេន នភាវនាយ បហាតព្ពោ ធម្មោ ភាវនាយ បហាតព្ពស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ អស្សាទេតិ អភិនន្ទតិ; តំ អារព្ភ ភាវនាយ បហាតព្ពោ រាគោ ឧប្បជ្ជតិ… ឧទ្ធច្ចំ ឧប្បជ្ជតិ… ភាវនាយ បហាតព្ពំ ទោមនស្សំ ឧប្បជ្ជតិ, សោតំ…បេ… កាយំ… រូបេ…បេ… ផោដ្ឋព្ពេ… វត្ថុំ អស្សាទេតិ អភិនន្ទតិ; តំ អារព្ភ ភាវនាយ បហាតព្ពោ រាគោ ឧប្បជ្ជតិ, ឧទ្ធច្ចំ ឧប្បជ្ជតិ, ភាវនាយ បហាតព្ពំ ទោមនស្សំ ឧប្បជ្ជតិ. វត្ថុបុរេជាតំ – វត្ថុ ភាវនាយ បហាតព្ពានំ ខន្ធានំ បុរេជាតបច្ចយេន បច្ចយោ. (៣)

បច្ឆាជាតបច្ចយោ

៨៧. ទស្សនេន បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា ទស្សនេន បហាតព្ពា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ. (១)

ភាវនាយ បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា ភាវនាយ បហាតព្ពា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន ¶ បច្ចយោ. (១)

នេវទស្សនេន នភាវនាយ បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា ¶ នេវទស្សនេន នភាវនាយ បហាតព្ពា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ. (១)

អាសេវនបច្ចយោ

៨៨. ទស្សនេន ¶ បហាតព្ពោ ធម្មោ ទស្សនេន បហាតព្ពស្ស ធម្មស្ស អាសេវនបច្ចយេន បច្ចយោ – បុរិមា បុរិមា ទស្សនេន បហាតព្ពា ខន្ធា បច្ឆិមានំ បច្ឆិមានំ…បេ… អាសេវនបច្ចយេន បច្ចយោ. (១)

ភាវនាយ បហាតព្ពោ ធម្មោ ភាវនាយ បហាតព្ពស្ស ធម្មស្ស អាសេវនបច្ចយេន បច្ចយោ – បុរិមា បុរិមា ភាវនាយ បហាតព្ពា ខន្ធា បច្ឆិមានំ បច្ឆិមានំ…បេ… អាសេវនបច្ចយេន បច្ចយោ. (១)

នេវទស្សនេន នភាវនាយ បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស អាសេវនបច្ចយេន បច្ចយោ – បុរិមា បុរិមា នេវទស្សនេន នភាវនាយ បហាតព្ពា ខន្ធា បច្ឆិមានំ បច្ឆិមានំ…បេ… អាសេវនបច្ចយេន បច្ចយោ. អនុលោមំ គោត្រភុស្ស… អនុលោមំ វោទានស្ស… គោត្រភុ មគ្គស្ស… វោទានំ មគ្គស្ស អាសេវនបច្ចយេន បច្ចយោ. (១)

កម្មបច្ចយោ

៨៩. ទស្សនេន បហាតព្ពោ ធម្មោ ទស្សនេន បហាតព្ពស្ស ធម្មស្ស កម្មបច្ចយេន បច្ចយោ – ទស្សនេន បហាតព្ពា ចេតនា សម្បយុត្តកានំ ខន្ធានំ កម្មបច្ចយេន បច្ចយោ. (១)

ទស្សនេន ¶ បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – ទស្សនេន បហាតព្ពា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ. នានាក្ខណិកា – ទស្សនេន បហាតព្ពា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ. (២)

ទស្សនេន បហាតព្ពោ ធម្មោ ទស្សនេន បហាតព្ពស្ស ច នេវទស្សនេន នភាវនាយ បហាតព្ពស្ស ច ធម្មស្ស កម្មបច្ចយេន បច្ចយោ – ទស្សនេន បហាតព្ពា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ. (៣)

ភាវនាយ ¶ ¶ បហាតព្ពោ ធម្មោ ភាវនាយ បហាតព្ពស្ស ធម្មស្ស កម្មបច្ចយេន បច្ចយោ – ភាវនាយ បហាតព្ពា ចេតនា សម្បយុត្តកានំ ខន្ធានំ កម្មបច្ចយេន បច្ចយោ. (១)

ភាវនាយ បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស កម្មបច្ចយេន បច្ចយោ – ភាវនាយ បហាតព្ពា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ. (២)

ភាវនាយ បហាតព្ពោ ធម្មោ ភាវនាយ បហាតព្ពស្ស ច នេវទស្សនេន នភាវនាយ បហាតព្ពស្ស ច ធម្មស្ស កម្មបច្ចយេន បច្ចយោ – ភាវនាយ បហាតព្ពា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ. (៣)

នេវទស្សនេន ¶ នភាវនាយ បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – នេវទស្សនេន នភាវនាយ បហាតព្ពា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ. បដិសន្ធិក្ខណេ នេវទស្សនេន នភាវនាយ បហាតព្ពា ចេតនា សម្បយុត្តកានំ ខន្ធានំ កដត្តា ច រូបានំ…បេ…. នានាក្ខណិកា – នេវទស្សនេន នភាវនាយ បហាតព្ពា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ. (១)

វិបាកបច្ចយោ

៩០. នេវទស្សនេន នភាវនាយ បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស វិបាកបច្ចយេន បច្ចយោ – វិបាកោ នេវទស្សនេន នភាវនាយ បហាតព្ពោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ វិបាកបច្ចយេន បច្ចយោ…បេ… បដិសន្ធិក្ខណេ…បេ… ខន្ធា វត្ថុស្ស វិបាកបច្ចយេន បច្ចយោ.

អាហារបច្ចយាទិ

៩១. ទស្សនេន បហាតព្ពោ ធម្មោ ទស្សនេន បហាតព្ពស្ស ធម្មស្ស អាហារបច្ចយេន បច្ចយោ (សំខិត្តំ) កពឡីការោ… សត្ត បញ្ហា… ឥន្ទ្រិយបច្ចយេន ¶ បច្ចយោ… ចក្ខុន្ទ្រិយញ្ច…បេ… រូបជីវិតិន្ទ្រិយញ្ច ¶ …បេ… សត្ត បញ្ហា ឈានបច្ចយេន បច្ចយោ… មគ្គបច្ចយេន បច្ចយោ… សម្បយុត្តបច្ចយេន បច្ចយោ.

វិប្បយុត្តបច្ចយោ

៩២. ទស្សនេន បហាតព្ពោ ធម្មោ ទស្សនេន បហាតព្ពស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ. សហជាតា – ទស្សនេន បហាតព្ពា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ ¶ . បច្ឆាជាតា – ទស្សនេន បហាតព្ពា ខន្ធា បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ. (១)

ភាវនាយ បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (ឥទម្បិ ទស្សនេន សទិសំ).

នេវទស្សនេន នភាវនាយ បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ. សហជាតា – នេវទស្សនេន នភាវនាយ បហាតព្ពា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ. បដិសន្ធិក្ខណេ នេវទស្សនេន នភាវនាយ បហាតព្ពា ខន្ធា កដត្តារូបានំ វិប្បយុត្តបច្ចយេន បច្ចយោ, ខន្ធា វត្ថុស្ស វិប្បយុត្តបច្ចយេន បច្ចយោ, វត្ថុ ខន្ធានំ វិប្បយុត្តបច្ចយេន បច្ចយោ. បុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស…បេ… វត្ថុ នេវទស្សនេន នភាវនាយ បហាតព្ពានំ ខន្ធានំ វិប្បយុត្តបច្ចយេន បច្ចយោ. បច្ឆាជាតា – នេវទស្សនេន នភាវនាយ បហាតព្ពា ខន្ធា បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ. (១)

នេវទស្សនេន នភាវនាយ បហាតព្ពោ ធម្មោ ទស្សនេន បហាតព្ពស្ស ធម្មស្ស វិប្បយុត្តបច្ចយេន បច្ចយោ – បុរេជាតំ វត្ថុ ទស្សនេន បហាតព្ពានំ ខន្ធានំ វិប្បយុត្តបច្ចយេន បច្ចយោ. (២)

នេវទស្សនេន នភាវនាយ បហាតព្ពោ ធម្មោ ភាវនាយ បហាតព្ពស្ស ¶ ធម្មស្ស វិប្បយុត្តបច្ចយេន បច្ចយោ – បុរេជាតំ វត្ថុ ភាវនាយ បហាតព្ពានំ ខន្ធានំ វិប្បយុត្តបច្ចយេន បច្ចយោ. (៣)

អត្ថិបច្ចយោ

៩៣. ទស្សនេន ¶ ¶ បហាតព្ពោ ធម្មោ ទស្សនេន បហាតព្ពស្ស ធម្មស្ស អត្ថិបច្ចយេន បច្ចយោ – ទស្សនេន បហាតព្ពោ ឯកោ ខន្ធោ តិណ្ណន្នំ ខន្ធានំ អត្ថិបច្ចយេន បច្ចយោ…បេ… ទ្វេ ខន្ធា…បេ…. (១)

ទស្សនេន បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ. សហជាតា – ទស្សនេន បហាតព្ពា ខន្ធា ចិត្តសមុដ្ឋានានំ រូបានំ អត្ថិបច្ចយេន បច្ចយោ. បច្ឆាជាតា – ទស្សនេន បហាតព្ពា ខន្ធា បុរេជាតស្ស ឥមស្ស កាយស្ស អត្ថិបច្ចយេន បច្ចយោ. (២)

ទស្សនេន បហាតព្ពោ ធម្មោ ទស្សនេន បហាតព្ពស្ស ច នេវទស្សនេន នភាវនាយ បហាតព្ពស្ស ច ធម្មស្ស អត្ថិបច្ចយេន បច្ចយោ – ទស្សនេន បហាតព្ពោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ…បេ… ទ្វេ ខន្ធា…បេ…. (៣)

ភាវនាយ បហាតព្ពោ ធម្មោ ភាវនាយ បហាតព្ពស្ស… តីណិ (ទស្សនេន សទិសំ កាតព្ពំ).

៩៤. នេវទស្សនេន នភាវនាយ បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ. សហជាតោ – នេវទស្សនេន នភាវនាយ បហាតព្ពោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ… បដិសន្ធិក្ខណេ…បេ… ខន្ធា ¶ វត្ថុស្ស…បេ… វត្ថុ ខន្ធានំ អត្ថិបច្ចយេន បច្ចយោ; ឯកំ មហាភូតំ…បេ… អសញ្ញសត្តានំ ឯកំ មហាភូតំ…បេ…. បុរេជាតំ – ចក្ខុំ អនិច្ចតោ ទុក្ខតោ អនត្តតោ វិបស្សតិ, សោតំ…បេ… កាយំ… រូបេ…បេ… ផោដ្ឋព្ពេ… វត្ថុំ អនិច្ចតោ ទុក្ខតោ អនត្តតោ វិបស្សតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស…បេ… ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស…បេ… វត្ថុ នេវទស្សនេន នភាវនាយ បហាតព្ពានំ ខន្ធានំ អត្ថិបច្ចយេន បច្ចយោ. បច្ឆាជាតា – នេវទស្សនេន នភាវនាយ បហាតព្ពា ¶ ខន្ធា បុរេជាតស្ស ឥមស្ស កាយស្ស អត្ថិបច្ចយេន ¶ បច្ចយោ. កពឡីការោ អាហារោ ឥមស្ស កាយស្ស…បេ… រូបជីវិតិន្ទ្រិយំ កដត្តារូបានំ អត្ថិបច្ចយេន បច្ចយោ. (១)

នេវទស្សនេន នភាវនាយ បហាតព្ពោ ធម្មោ ទស្សនេន បហាតព្ពស្ស ធម្មស្ស អត្ថិបច្ចយេន បច្ចយោ – បុរេជាតំ ចក្ខុំ អស្សាទេតិ អភិនន្ទតិ; តំ អារព្ភ ទស្សនេន បហាតព្ពោ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ទស្សនេន បហាតព្ពំ ទោមនស្សំ ឧប្បជ្ជតិ, សោតំ…បេ… វត្ថុំ អស្សាទេតិ…បេ… វត្ថុ ទស្សនេន បហាតព្ពានំ ខន្ធានំ អត្ថិបច្ចយេន បច្ចយោ. (២)

នេវទស្សនេន នភាវនាយ បហាតព្ពោ ធម្មោ ភាវនាយ បហាតព្ពស្ស ធម្មស្ស អត្ថិបច្ចយេន បច្ចយោ – បុរេជាតំ ចក្ខុំ អស្សាទេតិ អភិនន្ទតិ; តំ អារព្ភ ភាវនាយ បហាតព្ពោ រាគោ ឧប្បជ្ជតិ ¶ , ឧទ្ធច្ចំ ឧប្បជ្ជតិ, ភាវនាយ បហាតព្ពំ ទោមនស្សំ ឧប្បជ្ជតិ, សោតំ…បេ… វត្ថុំ អស្សាទេតិ អភិនន្ទតិ…បេ… វត្ថុ ភាវនាយ បហាតព្ពានំ ខន្ធានំ អត្ថិបច្ចយេន បច្ចយោ. (៣)

៩៥. ទស្សនេន បហាតព្ពោ ច នេវទស្សនេន នភាវនាយ បហាតព្ពោ ច ធម្មា ទស្សនេន បហាតព្ពស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – ទស្សនេន បហាតព្ពោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ… ទ្វេ ខន្ធា ច វត្ថុ ច…បេ…. (១)

ទស្សនេន បហាតព្ពោ ច នេវទស្សនេន នភាវនាយ បហាតព្ពោ ច ធម្មា នេវទស្សនេន នភាវនាយ បហាតព្ពស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ, អាហារំ, ឥន្ទ្រិយំ. សហជាតា – ទស្សនេន បហាតព្ពា ខន្ធា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ. បច្ឆាជាតា – ទស្សនេន បហាតព្ពា ខន្ធា ច កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ. បច្ឆាជាតា – ទស្សនេន បហាតព្ពា ខន្ធា ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ. (២)

ភាវនាយ ¶ បហាតព្ពោ ច នេវទស្សនេន នភាវនាយ បហាតព្ពោ ច ធម្មា ភាវនាយ បហាតព្ពស្ស…បេ… (ទ្វេ បញ្ហា កាតព្ពា).

នត្ថិវិគតាវិគតបច្ចយា

៩៦. ទស្សនេន ¶ បហាតព្ពោ ធម្មោ ទស្សនេន បហាតព្ពស្ស ធម្មស្ស ¶ នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ.

១. បច្ចយានុលោមំ

២. សង្ខ្យាវារោ

៩៧. ហេតុយា សត្ត, អារម្មណេ អដ្ឋ, អធិបតិយា ទស, អនន្តរេ សត្ត, សមនន្តរេ សត្ត, សហជាតេ នវ, អញ្ញមញ្ញេ តីណិ, និស្សយេ តេរស, ឧបនិស្សយេ អដ្ឋ, បុរេជាតេ តីណិ, បច្ឆាជាតេ តីណិ, អាសេវនេ តីណិ, កម្មេ សត្ត, វិបាកេ ឯកំ, អាហារេ សត្ត, ឥន្ទ្រិយេ សត្ត, ឈានេ សត្ត, មគ្គេ សត្ត, សម្បយុត្តេ តីណិ, វិប្បយុត្តេ បញ្ច, អត្ថិយា តេរស, នត្ថិយា សត្ត, វិគតេ សត្ត, អវិគតេ តេរស (ឯវំ គណេតព្ពំ).

អនុលោមំ.

បច្ចនីយុទ្ធារោ

៩៨. ទស្សនេន បហាតព្ពោ ធម្មោ ទស្សនេន បហាតព្ពស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (១)

ទស្សនេន បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ. (២)

ទស្សនេន ¶ បហាតព្ពោ ធម្មោ ទស្សនេន បហាតព្ពស្ស ច នេវទស្សនេន នភាវនាយ បហាតព្ពស្ស ច ធម្មស្ស សហជាតបច្ចយេន បច្ចយោ. (៣)

៩៩. ភាវនាយ ¶ បហាតព្ពោ ធម្មោ ភាវនាយ បហាតព្ពស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (១)

ភាវនាយ បហាតព្ពោ ធម្មោ ទស្សនេន បហាតព្ពស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ. (២)

ភាវនាយ ¶ បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ. (៣)

ភាវនាយ បហាតព្ពោ ធម្មោ ភាវនាយ បហាតព្ពស្ស ច នេវទស្សនេន នភាវនាយ បហាតព្ពស្ស ច ធម្មស្ស សហជាតបច្ចយេន បច្ចយោ. (៤)

១០០. នេវទស្សនេន នភាវនាយ បហាតព្ពោ ធម្មោ នេវទស្សនេន នភាវនាយ បហាតព្ពស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ. (១)

នេវទស្សនេន នភាវនាយ បហាតព្ពោ ធម្មោ ទស្សនេន បហាតព្ពស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (២)

នេវទស្សនេន នភាវនាយ បហាតព្ពោ ធម្មោ ភាវនាយ បហាតព្ពស្ស ¶ ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (៣)

១០១. ទស្សនេន ¶ បហាតព្ពោ ច នេវទស្សនេន នភាវនាយ បហាតព្ពោ ច ធម្មា ទស្សនេន បហាតព្ពស្ស ធម្មស្ស សហជាតំ, បុរេជាតំ. (១)

ទស្សនេន បហាតព្ពោ ច នេវទស្សនេន នភាវនាយ បហាតព្ពោ ច ធម្មា នេវទស្សនេន នភាវនាយ បហាតព្ពស្ស ធម្មស្ស សហជាតំ, បច្ឆាជាតំ, អាហារំ, ឥន្ទ្រិយំ. (២)

ភាវនាយ បហាតព្ពោ ច នេវទស្សនេន នភាវនាយ បហាតព្ពោ ច ធម្មា ភាវនាយ បហាតព្ពស្ស ធម្មស្ស សហជាតំ, បុរេជាតំ. (១)

ភាវនាយ បហាតព្ពោ ច នេវទស្សនេន នភាវនាយ បហាតព្ពោ ច ធម្មា នេវទស្សនេន នភាវនាយ បហាតព្ពស្ស ធម្មស្ស សហជាតំ, បច្ឆាជាតំ, អាហារំ, ឥន្ទ្រិយំ. (២)

២. បច្ចយបច្ចនីយំ

២. សង្ខ្យាវារោ

១០២. នហេតុយា ¶ ចុទ្ទស, នអារម្មណេ ចុទ្ទស, នអធិបតិយា ចុទ្ទស, នអនន្តរេ ចុទ្ទស, នសមនន្តរេ ចុទ្ទស, នសហជាតេ ទស, នអញ្ញមញ្ញេ ទស, ននិស្សយេ ទស, នឧបនិស្សយេ ចុទ្ទស, នបុរេជាតេ ទ្វាទស, នបច្ឆាជាតេ ចុទ្ទស, នអាសេវនេ ចុទ្ទស, នកម្មេ ចុទ្ទស, នវិបាកេ ចុទ្ទស, នអាហារេ ចុទ្ទស, នឥន្ទ្រិយេ ចុទ្ទស, នឈានេ ចុទ្ទស, នមគ្គេ ចុទ្ទស, នសម្បយុត្តេ ទស, នវិប្បយុត្តេ ¶ អដ្ឋ, នោអត្ថិយា អដ្ឋ, នោនត្ថិយា ចុទ្ទស, នោវិគតេ ចុទ្ទស, នោអវិគតេ អដ្ឋ (ឯវំ គណេតព្ពំ).

បច្ចនីយំ.

៣. បច្ចយានុលោមបច្ចនីយំ

១០៣. ហេតុបច្ចយា នអារម្មណេ សត្ត, នអធិបតិយា សត្ត, នអនន្តរេ សត្ត, នសមនន្តរេ ¶ សត្ត, នអញ្ញមញ្ញេ តីណិ, នឧបនិស្សយេ សត្ត, នបុរេជាតេ សត្ត, នបច្ឆាជាតេ សត្ត, នអាសេវនេ សត្ត, នកម្មេ សត្ត, នវិបាកេ សត្ត, នអាហារេ សត្ត, នឥន្ទ្រិយេ សត្ត, នឈានេ សត្ត, នមគ្គេ សត្ត, នសម្បយុត្តេ តីណិ, នវិប្បយុត្តេ តីណិ, នោនត្ថិយា សត្ត, នោវិគតេ សត្ត (ឯវំ គណេតព្ពំ).

អនុលោមបច្ចនីយំ.

៤. បច្ចយបច្ចនីយានុលោមំ

១០៤. នហេតុបច្ចយា អារម្មណេ អដ្ឋ, អធិបតិយា ទស, អនន្តរេ សត្ត, សមនន្តរេ សត្ត, សហជាតេ នវ, អញ្ញមញ្ញេ តីណិ, និស្សយេ តេរស, ឧបនិស្សយេ អដ្ឋ, បុរេជាតេ តីណិ, បច្ឆាជាតេ តីណិ, អាសេវនេ តីណិ, កម្មេ សត្ត, វិបាកេ ឯកំ, អាហារេ សត្ត, ឥន្ទ្រិយេ សត្ត, ឈានេ សត្ត, មគ្គេ សត្ត, សម្បយុត្តេ តីណិ, វិប្បយុត្តេ បញ្ច, អត្ថិយា តេរស, នត្ថិយា សត្ត, វិគតេ សត្ត, អវិគតេ តេរស (ឯវំ គណេតព្ពំ ).

បច្ចនីយានុលោមំ.

ទស្សនេនបហាតព្ពត្តិកំ និដ្ឋិតំ.

៩. ទស្សនេនបហាតព្ពហេតុកត្តិកំ

១. បដិច្ចវារោ

១. បច្ចយានុលោមំ

១. វិភង្គវារោ

ហេតុបច្ចយោ

១. ទស្សនេន ¶ ¶ ¶ បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពហេតុកំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធា. (១)

ទស្សនេន បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពហេតុកេ ខន្ធេ បដិច្ច ចិត្តសមុដ្ឋានំ រូបំ. (២)

ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ ហេតុបច្ចយា – ទស្សនេន បហាតព្ពហេតុកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធា…បេ…. (៣)

២. ភាវនាយ បហាតព្ពហេតុកំ ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ភាវនាយ បហាតព្ពហេតុកំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធា. (១)

ភាវនាយ ¶ បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ភាវនាយ បហាតព្ពហេតុកេ ខន្ធេ បដិច្ច ចិត្តសមុដ្ឋានំ រូបំ. (២)

ភាវនាយ បហាតព្ពហេតុកំ ធម្មំ បដិច្ច ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ¶ ឧប្បជ្ជន្តិ ហេតុបច្ចយា – ភាវនាយ បហាតព្ពហេតុកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ…. (៣)

៣. នេវទស្សនេន នភាវនាយ បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា – នេវទស្សនេន នភាវនាយ បហាតព្ពហេតុកំ ឯកំ ខន្ធំ បដិច្ច តយោ ខន្ធា ¶ ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ; វិចិកិច្ឆាសហគតំ ឧទ្ធច្ចសហគតំ មោហំ បដិច្ច ចិត្តសមុដ្ឋានំ រូបំ. បដិសន្ធិក្ខណេ នេវទស្សនេន នភាវនាយ បហាតព្ពហេតុកំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ… ទ្វេ ខន្ធា…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា; ឯកំ មហាភូតំ បដិច្ច…បេ… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ. (១)

នេវទស្សនេន នភាវនាយ បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – វិចិកិច្ឆាសហគតំ មោហំ បដិច្ច សម្បយុត្តកា ខន្ធា. (២)

នេវទស្សនេន នភាវនាយ បហាតព្ពហេតុកំ ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ឧទ្ធច្ចសហគតំ មោហំ បដិច្ច សម្បយុត្តកា ខន្ធា. (៣)

នេវទស្សនេន នភាវនាយ បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ ហេតុបច្ចយា – វិចិកិច្ឆាសហគតំ មោហំ បដិច្ច សម្បយុត្តកា ខន្ធា ចិត្តសមុដ្ឋានញ្ច រូបំ. (៤)

នេវទស្សនេន នភាវនាយ បហាតព្ពហេតុកំ ធម្មំ បដិច្ច ភាវនាយ បហាតព្ពហេតុកោ ច នេវទស្សនេន ¶ នភាវនាយ បហាតព្ពហេតុកោ ច ធម្មា ឧប្បជ្ជន្តិ ហេតុបច្ចយា – ឧទ្ធច្ចសហគតំ មោហំ បដិច្ច សម្បយុត្តកា ខន្ធា ចិត្តសមុដ្ឋានញ្ច រូបំ. (៥)

៤. ទស្សនេន ¶ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – វិចិកិច្ឆាសហគតំ ឯកំ ខន្ធញ្ច មោហញ្ច បដិច្ច តយោ ខន្ធា…បេ… ទ្វេ ខន្ធេ ច មោហញ្ច បដិច្ច ទ្វេ ខន្ធា. (១)

ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពហេតុកេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ; វិចិកិច្ឆាសហគតេ ខន្ធេ ច មោហញ្ច បដិច្ច ចិត្តសមុដ្ឋានំ រូបំ. (២)

ទស្សនេន ¶ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ ហេតុបច្ចយា – វិចិកិច្ឆាសហគតំ ឯកំ ខន្ធញ្ច មោហញ្ច បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ ច មោហញ្ច បដិច្ច ទ្វេ ខន្ធា…បេ…. (៣)

៥. ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ឧទ្ធច្ចសហគតំ ឯកំ ខន្ធញ្ច មោហញ្ច បដិច្ច តយោ ខន្ធា…បេ… ទ្វេ ខន្ធេ ច មោហញ្ច បដិច្ច ទ្វេ ខន្ធា. (១)

ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច នេវទស្សនេន ¶ នភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ភាវនាយ បហាតព្ពហេតុកេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ; ឧទ្ធច្ចសហគតេ ខន្ធេ ច មោហញ្ច បដិច្ច ចិត្តសមុដ្ឋានំ រូបំ. (២)

ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ ហេតុបច្ចយា – ឧទ្ធច្ចសហគតំ ឯកំ ខន្ធញ្ច មោហញ្ច បដិច្ច តយោ ខន្ធា ចិត្តសមុដ្ឋានញ្ច រូបំ…បេ…. (៣)

អារម្មណបច្ចយោ

៦. ទស្សនេន ¶ បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – ទស្សនេន បហាតព្ពហេតុកំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

ទស្សនេន បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – វិចិកិច្ឆាសហគតេ ខន្ធេ បដិច្ច វិចិកិច្ឆាសហគតោ មោហោ. (២)

ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ អារម្មណបច្ចយា – វិចិកិច្ឆាសហគតំ ឯកំ ខន្ធំ បដិច្ច តយោ ខន្ធា ច មោហោ ច…បេ… ទ្វេ ខន្ធេ បដិច្ច ទ្វេ ខន្ធា ច មោហោ ច. (៣)

ភាវនាយ ¶ បហាតព្ពហេតុកំ ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ អារម្មណបច្ចយា… តីណិ. (ទស្សនេន សទិសំ វិភជិតព្ពំ.)

៧. នេវទស្សនេន ¶ នភាវនាយ បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – នេវទស្សនេន នភាវនាយ បហាតព្ពហេតុកំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. បដិសន្ធិក្ខណេ…បេ… វត្ថុំ បដិច្ច ខន្ធា. (១)

នេវទស្សនេន នភាវនាយ បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – វិចិកិច្ឆាសហគតំ មោហំ បដិច្ច សម្បយុត្តកា ខន្ធា. (២)

នេវទស្សនេន នភាវនាយ បហាតព្ពហេតុកំ ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – ឧទ្ធច្ចសហគតំ មោហំ បដិច្ច សម្បយុត្តកា ខន្ធា. (៣)

៨. ទស្សនេន ¶ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – វិចិកិច្ឆាសហគតំ ឯកំ ខន្ធញ្ច មោហញ្ច បដិច្ច តយោ ខន្ធា…បេ… ទ្វេ ខន្ធេ ច មោហញ្ច បដិច្ច ទ្វេ ខន្ធា. (១)

ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – ឧទ្ធច្ចសហគតំ ឯកំ ខន្ធញ្ច មោហញ្ច បដិច្ច តយោ ខន្ធា…បេ… ទ្វេ ខន្ធេ ច មោហញ្ច បដិច្ច ទ្វេ ខន្ធា. (១)

អធិបតិបច្ចយោ

៩. ទស្សនេន ¶ បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ អធិបតិបច្ចយា… តីណិ (ហេតុសទិសា).

ភាវនាយ បហាតព្ពហេតុកំ ធម្មំ បដិច្ច…បេ… តីណិ (ហេតុសទិសា, អធិបតិយា មោហោ នត្ថិ).

នេវទស្សនេន ¶ នភាវនាយ បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ អធិបតិបច្ចយា – នេវទស្សនេន នភាវនាយ បហាតព្ពហេតុកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធា. ឯកំ មហាភូតំ បដិច្ច តយោ មហាភូតា…បេ… មហាភូតេ បដិច្ច ចិត្តសមុដ្ឋានំ រូបំ ឧបាទារូបំ. (១)

១០. ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ អធិបតិបច្ចយា – ទស្សនេន បហាតព្ពហេតុកេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច នេវទស្សនេន ¶ នភាវនាយ បហាតព្ពហេតុកោ ធម្មោ ឧប្បជ្ជតិ អធិបតិបច្ចយា – ភាវនាយ បហាតព្ពហេតុកេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

អនន្តរ-សមនន្តរបច្ចយា

១១. ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ អនន្តរបច្ចយា. សមនន្តរបច្ចយា (អារម្មណសទិសំ).

សហជាតបច្ចយោ

១២. ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ សហជាតបច្ចយា – ទស្សនេន បហាតព្ពហេតុកំ ¶ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

ទស្សនេន បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ សហជាតបច្ចយា – ទស្សនេន បហាតព្ពហេតុកេ ខន្ធេ បដិច្ច ចិត្តសមុដ្ឋានំ រូបំ; វិចិកិច្ឆាសហគតេ ខន្ធេ បដិច្ច មោហោ ចិត្តសមុដ្ឋានញ្ច រូបំ. (២)

ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ សហជាតបច្ចយា ¶ – ទស្សនេន បហាតព្ពហេតុកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ; វិចិកិច្ឆាសហគតំ ឯកំ ខន្ធំ បដិច្ច តយោ ខន្ធា មោហោ ច ចិត្តសមុដ្ឋានញ្ច រូបំ…បេ…. (៣)

១៣. ភាវនាយ បហាតព្ពហេតុកំ ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ សហជាតបច្ចយា – ភាវនាយ បហាតព្ពហេតុកំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

ភាវនាយ បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ ¶ សហជាតបច្ចយា – ភាវនាយ បហាតព្ពហេតុកេ ខន្ធេ បដិច្ច ចិត្តសមុដ្ឋានំ រូបំ; ឧទ្ធច្ចសហគតេ ខន្ធេ បដិច្ច មោហោ ច ចិត្តសមុដ្ឋានញ្ច រូបំ. (២)

ភាវនាយ បហាតព្ពហេតុកំ ធម្មំ បដិច្ច ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ សហជាតបច្ចយា ¶ – ភាវនាយ បហាតព្ពហេតុកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ; ឧទ្ធច្ចសហគតំ ឯកំ ខន្ធំ បដិច្ច តយោ ខន្ធា មោហោ ច ចិត្តសមុដ្ឋានញ្ច រូបំ…បេ…. (៣)

១៤. នេវទស្សនេន នភាវនាយ បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ សហជាតបច្ចយា – នេវទស្សនេន នភាវនាយ បហាតព្ពហេតុកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… វិចិកិច្ឆាសហគតំ ឧទ្ធច្ចសហគតំ មោហំ បដិច្ច ចិត្តសមុដ្ឋានំ រូបំ. បដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា; ឯកំ មហាភូតំ បដិច្ច តយោ មហាភូតា…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ…បេ…. (១)

នេវទស្សនេន នភាវនាយ បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ សហជាតបច្ចយា – វិចិកិច្ឆាសហគតំ មោហំ បដិច្ច សម្បយុត្តកា ខន្ធា. (២)

នេវទស្សនេន ¶ នភាវនាយ បហាតព្ពហេតុកំ ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ សហជាតបច្ចយា (សំខិត្តំ. ហេតុសទិសំ កាតព្ពំ). (៣)

អញ្ញមញ្ញបច្ចយាទិ

១៥. ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ អញ្ញមញ្ញបច្ចយា, និស្សយបច្ចយា, ឧបនិស្សយបច្ចយា, បុរេជាតបច្ចយា, អាសេវនបច្ចយា, កម្មបច្ចយា, វិបាកបច្ចយា, អាហារបច្ចយា, ឥន្ទ្រិយបច្ចយា, ឈានបច្ចយា, មគ្គបច្ចយា, សម្បយុត្តបច្ចយា ¶ ¶ , វិប្បយុត្តបច្ចយា, អត្ថិបច្ចយា, នត្ថិបច្ចយា, វិគតបច្ចយា, អវិគតបច្ចយា.

១. បច្ចយានុលោមំ

២. សង្ខ្យាវារោ

សុទ្ធំ

១៦. ហេតុយា សត្តរស, អារម្មណេ ឯកាទស, អធិបតិយា នវ, អនន្តរេ ឯកាទស, សមនន្តរេ ឯកាទស, សហជាតេ សត្តរស, អញ្ញមញ្ញេ ឯកាទស, និស្សយេ សត្តរស, ឧបនិស្សយេ ឯកាទស, បុរេជាតេ ឯកាទស, អាសេវនេ ឯកាទស, កម្មេ សត្តរស, វិបាកេ ឯកំ, អាហារេ សត្តរស, ឥន្ទ្រិយេ សត្តរស, ឈានេ សត្តរស, មគ្គេ សត្តរស, សម្បយុត្តេ ឯកាទស, វិប្បយុត្តេ សត្តរស, អត្ថិយា សត្តរស, នត្ថិយា ឯកាទស, វិគតេ ឯកាទស, អវិគតេ សត្តរស (ឯវំ គណេតព្ពំ).

អនុលោមំ.

២. បច្ចយបច្ចនីយំ

១. វិភង្គវារោ

នហេតុបច្ចយោ

១៧. ទស្សនេន បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ខន្ធេ បដិច្ច វិចិកិច្ឆាសហគតោ មោហោ. (១)

ភាវនាយ ¶ ¶ បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នហេតុបច្ចយា – ឧទ្ធច្ចសហគតេ ខន្ធេ បដិច្ច ឧទ្ធច្ចសហគតោ មោហោ. (១)

នេវទស្សនេន នភាវនាយ បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នហេតុបច្ចយា – អហេតុកំ នេវទស្សនេន នភាវនាយ បហាតព្ពហេតុកំ ឯកំ ខន្ធំ ¶ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធា; អហេតុកបដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា; ឯកំ មហាភូតំ បដិច្ច…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ…បេ…. (១)

នអារម្មណបច្ចយោ

១៨. ទស្សនេន បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នអារម្មណបច្ចយា – ទស្សនេន បហាតព្ពហេតុកេ ខន្ធេ បដិច្ច ចិត្តសមុដ្ឋានំ រូបំ. (១)

ភាវនាយ បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នអារម្មណបច្ចយា – ភាវនាយ បហាតព្ពហេតុកេ ខន្ធេ បដិច្ច ចិត្តសមុដ្ឋានំ រូបំ. (១)

នេវទស្សនេន នភាវនាយ បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នអារម្មណបច្ចយា – នេវទស្សនេន នភាវនាយ បហាតព្ពហេតុកេ ខន្ធេ បដិច្ច ចិត្តសមុដ្ឋានំ រូបំ; វិចិកិច្ឆាសហគតំ ឧទ្ធច្ចសហគតំ មោហំ បដិច្ច ចិត្តសមុដ្ឋានំ រូបំ. បដិសន្ធិក្ខណេ នេវទស្សនេន នភាវនាយ បហាតព្ពហេតុកេ ខន្ធេ បដិច្ច កដត្តារូបំ, ខន្ធេ បដិច្ច វត្ថុ…បេ… ឯកំ មហាភូតំ…បេ… អសញ្ញសត្តានំ…បេ…. (១)

១៩. ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច នេវទស្សនេន នភាវនាយ បហាតព្ពហេតុកោ ¶ ធម្មោ ឧប្បជ្ជតិ នអារម្មណបច្ចយា – ទស្សនេន ¶ បហាតព្ពហេតុកេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ; វិចិកិច្ឆាសហគតេ ខន្ធេ ច មោហញ្ច បដិច្ច ចិត្តសមុដ្ឋានំ រូបំ. (១)

ភាវនាយ ¶ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នអារម្មណបច្ចយា – ភាវនាយ បហាតព្ពហេតុកេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ; ឧទ្ធច្ចសហគតេ ខន្ធេ ច មោហញ្ច បដិច្ច ចិត្តសមុដ្ឋានំ រូបំ. (១)

នអធិបតិបច្ចយាទិ

២០. ទស្សនេន បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នអធិបតិបច្ចយា… (សហជាតសទិសំ) នអនន្តរបច្ចយា… នសមនន្តរបច្ចយា… នអញ្ញមញ្ញបច្ចយា… នឧបនិស្សយបច្ចយា.

នបុរេជាតបច្ចយោ

២១. ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ នបុរេជាតបច្ចយា – អរូបេ ទស្សនេន បហាតព្ពហេតុកំ ឯកំ ខន្ធំ បដិច្ច…បេ…. (១)

ទស្សនេន បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នបុរេជាតបច្ចយា – អរូបេ វិចិកិច្ឆាសហគតេ ខន្ធេ បដិច្ច វិចិកិច្ឆាសហគតោ មោហោ; ទស្សនេន បហាតព្ពហេតុកេ ខន្ធេ បដិច្ច ចិត្តសមុដ្ឋានំ រូបំ. (២)

ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ¶ ឧប្បជ្ជន្តិ នបុរេជាតបច្ចយា – អរូបេ វិចិកិច្ឆាសហគតំ ឯកំ ខន្ធំ បដិច្ច តយោ ខន្ធា មោហោ ច…បេ… ទ្វេ ខន្ធេ…បេ…. (៣)

ភាវនាយ បហាតព្ពហេតុកំ ធម្មំ… តីណិ (ទស្សនេន សទិសំ).

២២. នេវទស្សនេន ¶ នភាវនាយ បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នបុរេជាតបច្ចយា – អរូបេ នេវទស្សនេន នភាវនាយ បហាតព្ពហេតុកំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធា, នេវទស្សនេន នភាវនាយ បហាតព្ពហេតុកេ ខន្ធេ បដិច្ច ចិត្តសមុដ្ឋានំ រូបំ; វិចិកិច្ឆាសហគតំ ឧទ្ធច្ចសហគតំ ¶ មោហំ បដិច្ច ចិត្តសមុដ្ឋានំ រូបំ. បដិសន្ធិក្ខណេ…បេ… អសញ្ញសត្តានំ…បេ…. (១)

នេវទស្សនេន នភាវនាយ បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ នបុរេជាតបច្ចយា – អរូបេ វិចិកិច្ឆាសហគតំ មោហំ បដិច្ច សម្បយុត្តកា ខន្ធា. (២)

នេវទស្សនេន នភាវនាយ បហាតព្ពហេតុកំ ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ នបុរេជាតបច្ចយា – អរូបេ ឧទ្ធច្ចសហគតំ មោហំ បដិច្ច សម្បយុត្តកា ខន្ធា. (៣)

២៣. ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ នបុរេជាតបច្ចយា – អរូបេ វិចិកិច្ឆាសហគតំ ឯកំ ខន្ធញ្ច មោហញ្ច បដិច្ច តយោ ខន្ធា…បេ…. (១)

ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច ¶ នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នបុរេជាតបច្ចយា – ទស្សនេន បហាតព្ពហេតុកេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ; វិចិកិច្ឆាសហគតេ ខន្ធេ ច មោហញ្ច បដិច្ច ចិត្តសមុដ្ឋានំ រូបំ. (២)

ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ នបុរេជាតបច្ចយា (ឥមេបិ ទ្វេ កាតព្ពា).

នបច្ឆាជាតបច្ចយាទិ

២៤. ទស្សនេន ¶ បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ នបច្ឆាជាតបច្ចយា… នអាសេវនបច្ចយា.

នកម្មបច្ចយោ

២៥. ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ នកម្មបច្ចយា – ទស្សនេន បហាតព្ពហេតុកេ ខន្ធេ បដិច្ច ទស្សនេន បហាតព្ពហេតុកា ចេតនា. (១)

ភាវនាយ ¶ បហាតព្ពហេតុកំ ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ នកម្មបច្ចយា – ភាវនាយ បហាតព្ពហេតុកេ ខន្ធេ បដិច្ច ភាវនាយ បហាតព្ពហេតុកា ចេតនា. (១)

នេវទស្សនេន នភាវនាយ បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នកម្មបច្ចយា – នេវទស្សនេន នភាវនាយ បហាតព្ពហេតុកេ ខន្ធេ បដិច្ច នេវទស្សនេន នភាវនាយ បហាតព្ពហេតុកា ចេតនា; ពាហិរំ… អាហារសមុដ្ឋានំ… ឧតុសមុដ្ឋានំ…បេ…. (១)

នេវទស្សនេន នភាវនាយ បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ នកម្មបច្ចយា – វិចិកិច្ឆាសហគតំ មោហំ បដិច្ច សម្បយុត្តកា ចេតនា. (២)

នេវទស្សនេន នភាវនាយ ¶ បហាតព្ពហេតុកំ ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ នកម្មបច្ចយា – ឧទ្ធច្ចសហគតំ មោហំ បដិច្ច សម្បយុត្តកា ចេតនា. (៣)

២៦. ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ នកម្មបច្ចយា – វិចិកិច្ឆាសហគតេ ខន្ធេ ច មោហញ្ច បដិច្ច សម្បយុត្តកា ចេតនា. (១)

ភាវនាយ ¶ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ នកម្មបច្ចយា – ឧទ្ធច្ចសហគតេ ខន្ធេ ច មោហញ្ច បដិច្ច សម្បយុត្តកា ចេតនា. (១)

នវិបាកបច្ចយោ

២៧. ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ នវិបាកបច្ចយា (បដិសន្ធិ នត្ថិ).

នអាហារបច្ចយាទិ

២៨. នេវទស្សនេន នភាវនាយ បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នអាហារបច្ចយា – ពាហិរំ… ឧតុសមុដ្ឋានំ… អសញ្ញសត្តានំ…បេ… នឥន្ទ្រិយបច្ចយា – ពាហិរំ… អាហារសមុដ្ឋានំ… ¶ ឧតុសមុដ្ឋានំ, អសញ្ញសត្តានំ…បេ… មហាភូតេ បដិច្ច រូបជីវិតិន្ទ្រិយំ… នឈានបច្ចយា – បញ្ចវិញ្ញាណំ…បេ… (មហាភូតា កាតព្ពា) នមគ្គបច្ចយា – អហេតុកំ នេវទស្សនេន នភាវនាយ បហាតព្ពហេតុកំ ឯកំ ខន្ធំ…បេ… អសញ្ញសត្តានំ…បេ… នសម្បយុត្តបច្ចយា.

នវិប្បយុត្តបច្ចយាទិ

២៩. ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ¶ ធម្មោ ឧប្បជ្ជតិ នវិប្បយុត្តបច្ចយា – អរូបេ ទស្សនេន បហាតព្ពហេតុកំ ឯកំ ខន្ធំ បដិច្ច តយោ ខន្ធា…បេ…. (១)

ទស្សនេន បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នវិប្បយុត្តបច្ចយា – អរូបេ វិចិកិច្ឆាសហគតេ ខន្ធេ បដិច្ច វិចិកិច្ឆាសហគតោ មោហោ. (២)

ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ច នេវទស្សនេន នភាវនាយ ¶ បហាតព្ពហេតុកោ ច ធម្មា ឧប្បជ្ជន្តិ នវិប្បយុត្តបច្ចយា – អរូបេ វិចិកិច្ឆាសហគតំ ឯកំ ខន្ធំ បដិច្ច តយោ ខន្ធា មោហោ ច…បេ… ទ្វេ ខន្ធេ…បេ…. (៣)

ភាវនាយ បហាតព្ពហេតុកំ ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ នវិប្បយុត្តបច្ចយា – អរូបេ ភាវនាយ… តីណិ.

៣០. នេវទស្សនេន នភាវនាយ បហាតព្ពហេតុកំ ធម្មំ បដិច្ច នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ នវិប្បយុត្តបច្ចយា – អរូបេ នេវទស្សនេន នភាវនាយ បហាតព្ពហេតុកំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា; ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ…បេ…. (១)

នេវទស្សនេន នភាវនាយ បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ នវិប្បយុត្តបច្ចយា – អរូបេ វិចិកិច្ឆាសហគតំ មោហំ បដិច្ច សម្បយុត្តកា ខន្ធា. (២)

នេវទស្សនេន នភាវនាយ បហាតព្ពហេតុកំ ¶ ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ នវិប្បយុត្តបច្ចយា – អរូបេ ឧទ្ធច្ចសហគតំ មោហំ បដិច្ច សម្បយុត្តកា ខន្ធា. (៣)

៣១. ទស្សនេន ¶ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ នវិប្បយុត្តបច្ចយា – អរូបេ វិចិកិច្ឆាសហគតំ ឯកំ ខន្ធញ្ច មោហញ្ច បដិច្ច តយោ ខន្ធា…បេ… ទ្វេ ខន្ធា. (១)

ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បដិច្ច ភាវនាយ បហាតព្ពហេតុកោ ធម្មោ ឧប្បជ្ជតិ នវិប្បយុត្តបច្ចយា – អរូបេ ឧទ្ធច្ចសហគតំ ឯកំ ខន្ធញ្ច មោហញ្ច បដិច្ច តយោ ខន្ធា…បេ… ទ្វេ ខន្ធា… នោនត្ថិបច្ចយា… នោវិគតបច្ចយា.

២. បច្ចយបច្ចនីយំ

២. សង្ខ្យាវារោ

សុទ្ធំ

៣២. នហេតុយា ¶ តីណិ, នអារម្មណេ បញ្ច, នអធិបតិយា សត្តរស, នអនន្តរេ បញ្ច, នសមនន្តរេ បញ្ច, នអញ្ញមញ្ញេ បញ្ច, នឧបនិស្សយេ បញ្ច, នបុរេជាតេ តេរស, នបច្ឆាជាតេ សត្តរស, នអាសេវនេ សត្តរស, នកម្មេ សត្ត, នវិបាកេ សត្តរស, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ បញ្ច, នវិប្បយុត្តេ ឯកាទស, នោនត្ថិយា បញ្ច, នោវិគតេ បញ្ច (ឯវំ គណេតព្ពំ).

បច្ចនីយំ.

៣. បច្ចយានុលោមបច្ចនីយំ

៣៣. ហេតុបច្ចយា ¶ នអារម្មណេ បញ្ច, នអធិបតិយា សត្តរស, នអនន្តរេ បញ្ច, នសមនន្តរេ បញ្ច, នអញ្ញមញ្ញេ បញ្ច, នឧបនិស្សយេ បញ្ច, នបុរេជាតេ តេរស, នបច្ឆាជាតេ សត្តរស, នអាសេវនេ សត្តរស, នកម្មេ សត្ត, នវិបាកេ សត្តរស, នសម្បយុត្តេ បញ្ច, នវិប្បយុត្តេ ឯកាទស, នោនត្ថិយា បញ្ច, នោវិគតេ បញ្ច (ឯវំ គណេតព្ពំ).

អនុលោមបច្ចនីយំ.

៤. បច្ចយបច្ចនីយានុលោមំ

៣៤. នហេតុបច្ចយា ¶ អារម្មណេ តីណិ, អនន្តរេ តីណិ, សមនន្តរេ តីណិ, សហជាតេ តីណិ, អញ្ញមញ្ញេ តីណិ, និស្សយេ តីណិ, ឧបនិស្សយេ តីណិ, បុរេជាតេ តីណិ, អាសេវនេ តីណិ, កម្មេ តីណិ, វិបាកេ ឯកំ, អាហារេ តីណិ, ឥន្ទ្រិយេ តីណិ, ឈានេ តីណិ, មគ្គេ ទ្វេ, សម្បយុត្តេ ¶ តីណិ, វិប្បយុត្តេ តីណិ, អត្ថិយា តីណិ, នត្ថិយា តីណិ, វិគតេ តីណិ, អវិគតេ តីណិ (ឯវំ គណេតព្ពំ).

បច្ចនីយានុលោមំ.

បដិច្ចវារោ.

២. សហជាតវារោ

(សហជាតវារោ បដិច្ចវារសទិសោ.)

៣. បច្ចយវារោ

១. បច្ចយានុលោមំ

១. វិភង្គវារោ

ហេតុបច្ចយោ

៣៥. ទស្សនេន បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា… តីណិ (បដិច្ចវារសទិសំ).

ភាវនាយ បហាតព្ពហេតុកំ ធម្មំ បច្ចយា… តីណិ (បដិច្ចវារសទិសំ).

នេវទស្សនេន ¶ នភាវនាយ បហាតព្ពហេតុកំ ធម្មំ បច្ចយា នេវទស្សនេន នភាវនាយ… ឯកំ (បដិច្ចវារសទិសំ). វត្ថុំ បច្ចយា នេវទស្សនេន នភាវនាយ បហាតព្ពហេតុកា ខន្ធា. (១)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា ទស្សនេន បហាតព្ពហេតុកា ខន្ធា; វិចិកិច្ឆាសហគតំ មោហំ បច្ចយា សម្បយុត្តកា ខន្ធា. (២)

នេវទស្សនេន ¶ នភាវនាយ បហាតព្ពហេតុកំ ធម្មំ បច្ចយា ភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា ភាវនាយ បហាតព្ពហេតុកា ¶ ខន្ធា; ឧទ្ធច្ចសហគតំ មោហំ បច្ចយា សម្បយុត្តកា ខន្ធា. (៣)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា ទស្សនេន បហាតព្ពហេតុកា ខន្ធា; មហាភូតេ បច្ចយា ចិត្តសមុដ្ឋានំ រូបំ; វិចិកិច្ឆាសហគតំ មោហំ បច្ចយា សម្បយុត្តកា ខន្ធា ចិត្តសមុដ្ឋានញ្ច រូបំ. (៤)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា ភាវនាយ បហាតព្ពហេតុកា ខន្ធា; មហាភូតេ បច្ចយា ចិត្តសមុដ្ឋានំ រូបំ; ឧទ្ធច្ចសហគតំ មោហំ បច្ចយា សម្បយុត្តកា ខន្ធា ចិត្តសមុដ្ឋានញ្ច រូបំ. (៥)

៣៦. ទស្សនេន ¶ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច…បេ… វិចិកិច្ឆាសហគតំ ឯកំ ខន្ធញ្ច មោហញ្ច បច្ចយា តយោ ខន្ធា…បេ… ទ្វេ ខន្ធេ ច មោហញ្ច បច្ចយា ទ្វេ ខន្ធា. (១)

ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពហេតុកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ; វិចិកិច្ឆាសហគតេ ខន្ធេ ច មោហញ្ច បច្ចយា ចិត្តសមុដ្ឋានំ រូបំ. (២)

ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ ហេតុបច្ចយា – ទស្សនេន បហាតព្ពហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ¶ ខន្ធេ ច វត្ថុញ្ច បច្ចយា ទ្វេ ខន្ធា; ទស្សនេន បហាតព្ពហេតុកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ; វិចិកិច្ឆាសហគតំ ឯកំ ខន្ធញ្ច មោហញ្ច បច្ចយា តយោ ខន្ធា ចិត្តសមុដ្ឋានញ្ច រូបំ…បេ…. (៣)

ភាវនាយ ¶ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ភាវនាយ បហាតព្ពហេតុកោ ធម្មោ ឧប្បជ្ជតិ ហេតុបច្ចយា… តីណិ.

អារម្មណបច្ចយោ

៣៧. ទស្សនេន ¶ បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា… តីណិ (បដិច្ចវារេ អារម្មណសទិសា).

ភាវនាយ បហាតព្ពហេតុកំ ធម្មំ បច្ចយា… តីណិ (បដិច្ចវារសទិសា).

៣៨. នេវទស្សនេន នភាវនាយ បហាតព្ពហេតុកំ ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – នេវទស្សនេន នភាវនាយ បហាតព្ពហេតុកំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធា. បដិសន្ធិក្ខណេ…បេ… វត្ថុំ បច្ចយា ខន្ធា. ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ; វត្ថុំ បច្ចយា នេវទស្សនេន នភាវនាយ បហាតព្ពហេតុកា ខន្ធា. (១)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – វត្ថុំ បច្ចយា ទស្សនេន បហាតព្ពហេតុកា ខន្ធា; វិចិកិច្ឆាសហគតំ មោហំ បច្ចយា សម្បយុត្តកា ខន្ធា. (២)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ភាវនាយ បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – វត្ថុំ បច្ចយា ភាវនាយ បហាតព្ពហេតុកា ខន្ធា; ឧទ្ធច្ចសហគតំ មោហំ បច្ចយា សម្បយុត្តកា ខន្ធា. (៣)

នេវទស្សនេន ¶ នភាវនាយ បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ អារម្មណបច្ចយា – វត្ថុំ បច្ចយា វិចិកិច្ឆាសហគតា ខន្ធា ច មោហោ ច. (៤)

នេវទស្សនេន ¶ នភាវនាយ បហាតព្ពហេតុកំ ធម្មំ បច្ចយា ភាវនាយ បហាតព្ពហេតុកោ ច ¶ នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ អារម្មណបច្ចយា – វត្ថុំ បច្ចយា ឧទ្ធច្ចសហគតា ខន្ធា ច មោហោ ច. (៥)

៣៩. ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – ទស្សនេន បហាតព្ពហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធា; វិចិកិច្ឆាសហគតំ ឯកំ ខន្ធញ្ច មោហញ្ច បច្ចយា តយោ ខន្ធា…បេ… ទ្វេ ខន្ធេ ច មោហញ្ច បច្ចយា ទ្វេ ខន្ធា. (១)

ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – វិចិកិច្ឆាសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ មោហោ. (២)

ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ អារម្មណបច្ចយា – វិចិកិច្ឆាសហគតំ ឯកំ ខន្ធញ្ច វត្ថុញ្ច បច្ចយា តយោ ខន្ធា មោហោ ច…បេ… ទ្វេ ខន្ធេ ច វត្ថុញ្ច…បេ…. (៣)

៤០. ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ភាវនាយ បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – ភាវនាយ បហាតព្ពហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធា; ឧទ្ធច្ចសហគតំ ¶ ឯកំ ខន្ធញ្ច មោហញ្ច បច្ចយា តយោ ខន្ធា…បេ… ទ្វេ ខន្ធា. (១)

ភាវនាយ ¶ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – ឧទ្ធច្ចសហគតេ ខន្ធេ ច វត្ថុញ្ច បច្ចយា ឧទ្ធច្ចសហគតោ មោហោ. (២)

ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ភាវនាយ បហាតព្ពហេតុកោ ច នេវទស្សនេន នភាវនាយ ¶ បហាតព្ពហេតុកោ ច ធម្មា ឧប្បជ្ជន្តិ អារម្មណបច្ចយា – ឧទ្ធច្ចសហគតំ ឯកំ ខន្ធញ្ច វត្ថុញ្ច បច្ចយា តយោ ខន្ធា មោហោ ច…បេ… ទ្វេ ខន្ធេ ច…បេ…. (៣)

អធិបតិបច្ចយាទិ

៤១. ទស្សនេន បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ អធិបតិបច្ចយា… តីណិ.

ភាវនាយ បហាតព្ពហេតុកំ ធម្មំ បច្ចយា… តីណិ.

នេវទស្សនេន នភាវនាយ បហាតព្ពហេតុកំ ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ អធិបតិបច្ចយា – ឯកំ…បេ… វត្ថុំ បច្ចយា នេវទស្សនេន នភាវនាយ បហាតព្ពហេតុកា ខន្ធា. (១)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ អធិបតិបច្ចយា – វត្ថុំ បច្ចយា ទស្សនេន បហាតព្ពហេតុកា ខន្ធា. (២)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ភាវនាយ បហាតព្ពហេតុកោ ធម្មោ ឧប្បជ្ជតិ អធិបតិបច្ចយា – វត្ថុំ បច្ចយា ភាវនាយ បហាតព្ពហេតុកា ខន្ធា. (៣)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ¶ ច នេវទស្សនេន ¶ នភាវនាយ បហាតព្ពហេតុកោ ច ធម្មា ឧប្បជ្ជន្តិ អធិបតិបច្ចយា – វត្ថុំ បច្ចយា ទស្សនេន បហាតព្ពហេតុកា ខន្ធា; មហាភូតេ បច្ចយា ចិត្តសមុដ្ឋានំ រូបំ. (៤)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ អធិបតិបច្ចយា – វត្ថុំ បច្ចយា ភាវនាយ បហាតព្ពហេតុកា ខន្ធា; មហាភូតេ បច្ចយា ចិត្តសមុដ្ឋានំ រូបំ. (៥)

៤២. ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ អធិបតិបច្ចយា – ទស្សនេន បហាតព្ពហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច…បេ…. (១)

ទស្សនេន ¶ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ អធិបតិបច្ចយា – ទស្សនេន បហាតព្ពហេតុកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (២)

ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ អធិបតិបច្ចយា – ទស្សនេន បហាតព្ពហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច…បេ… ទស្សនេន បហាតព្ពហេតុកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (៣)

ភាវនាយ ¶ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ភាវនាយ បហាតព្ពហេតុកោ ធម្មោ ឧប្បជ្ជតិ អធិបតិបច្ចយា – ភាវនាយ បហាតព្ពហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… តីណិ… (ទស្សនេន សទិសា) អនន្តរបច្ចយា… សមនន្តរបច្ចយា.

សហជាតបច្ចយោ

៤៣. ទស្សនេន ¶ បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ សហជាតបច្ចយា – ទស្សនេន បហាតព្ពហេតុកំ ឯកំ ខន្ធំ បច្ចយា តយោ ខន្ធា…បេ…. (១)

ទស្សនេន បហាតព្ពហេតុកំ ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ សហជាតបច្ចយា – ទស្សនេន បហាតព្ពហេតុកេ ខន្ធេ បច្ចយា ចិត្តសមុដ្ឋានំ រូបំ; វិចិកិច្ឆាសហគតេ ខន្ធេ បច្ចយា វិចិកិច្ឆាសហគតោ មោហោ ចិត្តសមុដ្ឋានញ្ច រូបំ. (២)

ទស្សនេន បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ សហជាតបច្ចយា – ទស្សនេន បហាតព្ពហេតុកំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… វិចិកិច្ឆាសហគតំ ឯកំ ខន្ធំ បច្ចយា តយោ ខន្ធា មោហោ ច ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ…. (៣)

ភាវនាយ ¶ បហាតព្ពហេតុកំ ធម្មំ បច្ចយា… តីណិ (សំខិត្តំ. ទស្សនេន សទិសា ).

៤៤. នេវទស្សនេន នភាវនាយ បហាតព្ពហេតុកំ ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ សហជាតបច្ចយា ¶ – នេវទស្សនេន នភាវនាយ បហាតព្ពហេតុកំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… វិចិកិច្ឆាសហគតំ ឧទ្ធច្ចសហគតំ មោហំ បច្ចយា ចិត្តសមុដ្ឋានំ រូបំ. បដិសន្ធិក្ខណេ…បេ… ខន្ធេ បច្ចយា វត្ថុ, វត្ថុំ បច្ចយា ខន្ធា; ឯកំ មហាភូតំ បច្ចយា តយោ មហាភូតា…បេ… អសញ្ញសត្តានំ…បេ… ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ; វត្ថុំ បច្ចយា នេវទស្សនេន នភាវនាយ បហាតព្ពហេតុកា ខន្ធា. (១)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ សហជាតបច្ចយា – វត្ថុំ បច្ចយា ទស្សនេន បហាតព្ពហេតុកា ខន្ធា; វិចិកិច្ឆាសហគតំ មោហំ បច្ចយា សម្បយុត្តកា ខន្ធា. (២)

នេវទស្សនេន ¶ នភាវនាយ បហាតព្ពហេតុកំ ធម្មំ បច្ចយា ភាវនាយ បហាតព្ពហេតុកោ ធម្មោ ឧប្បជ្ជតិ សហជាតបច្ចយា – វត្ថុំ បច្ចយា ភាវនាយ បហាតព្ពហេតុកា ខន្ធា; ឧទ្ធច្ចសហគតំ មោហំ បច្ចយា សម្បយុត្តកា ខន្ធា. (៣)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ សហជាតបច្ចយា – វត្ថុំ បច្ចយា ទស្សនេន បហាតព្ពហេតុកា ខន្ធា; មហាភូតេ បច្ចយា ចិត្តសមុដ្ឋានំ រូបំ; វិចិកិច្ឆាសហគតំ មោហំ បច្ចយា សម្បយុត្តកា ខន្ធា ចិត្តសមុដ្ឋានញ្ច រូបំ; វត្ថុំ បច្ចយា វិចិកិច្ឆាសហគតា ខន្ធា ច មោហោ ច. (៤)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ សហជាតបច្ចយា – វត្ថុំ ¶ បច្ចយា ភាវនាយ បហាតព្ពហេតុកា ខន្ធា; មហាភូតេ បច្ចយា ចិត្តសមុដ្ឋានំ រូបំ; ឧទ្ធច្ចសហគតំ មោហំ ¶ បច្ចយា សម្បយុត្តកា ខន្ធា ចិត្តសមុដ្ឋានញ្ច រូបំ; វត្ថុំ បច្ចយា ឧទ្ធច្ចសហគតា ខន្ធា ច មោហោ ច. (៥)

៤៥. ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ សហជាតបច្ចយា – ទស្សនេន បហាតព្ពហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… វិចិកិច្ឆាសហគតំ ឯកំ ខន្ធញ្ច មោហញ្ច បច្ចយា តយោ ខន្ធា…បេ…. (១)

ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ សហជាតបច្ចយា – ទស្សនេន បហាតព្ពហេតុកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ; វិចិកិច្ឆាសហគតេ ខន្ធេ ច មោហញ្ច បច្ចយា ចិត្តសមុដ្ឋានំ រូបំ; វិចិកិច្ឆាសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ មោហោ. (២)

ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ទស្សនេន ¶ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ សហជាតបច្ចយា – ទស្សនេន បហាតព្ពហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ…បេ… ទស្សនេន បហាតព្ពហេតុកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ; វិចិកិច្ឆាសហគតំ ឯកំ ខន្ធញ្ច មោហញ្ច បច្ចយា តយោ ខន្ធា; ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… វិចិកិច្ឆាសហគតំ ឯកំ ខន្ធញ្ច ¶ វត្ថុញ្ច បច្ចយា តយោ ខន្ធា មោហោ ច…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា មោហោ ច. (៣)

ភាវនាយ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ភាវនាយ បហាតព្ពហេតុកោ ធម្មោ ឧប្បជ្ជតិ សហជាតបច្ចយា… តីណិ.

អញ្ញមញ្ញបច្ចយាទិ

៤៦. ទស្សនេន បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ អញ្ញមញ្ញបច្ចយា… និស្សយបច្ចយា… ឧបនិស្សយបច្ចយា… បុរេជាតបច្ចយា… អាសេវនបច្ចយា… កម្មបច្ចយា… វិបាកបច្ចយា… អាហារបច្ចយា… ឥន្ទ្រិយបច្ចយា… ឈានបច្ចយា… មគ្គបច្ចយា… សម្បយុត្តបច្ចយា.

វិប្បយុត្តបច្ចយោ

៤៧. ទស្សនេន ¶ បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ វិប្បយុត្តបច្ចយា – ទស្សនេន បហាតព្ពហេតុកំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធា, ខន្ធា វត្ថុំ វិប្បយុត្តបច្ចយា. (១)

ទស្សនេន បហាតព្ពហេតុកំ ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ វិប្បយុត្តបច្ចយា – ទស្សនេន បហាតព្ពហេតុកេ ខន្ធេ បច្ចយា ចិត្តសមុដ្ឋានំ រូបំ, ខន្ធេ វិប្បយុត្តបច្ចយា. វិចិកិច្ឆាសហគតេ ខន្ធេ បច្ចយា មោហោ ចិត្តសមុដ្ឋានញ្ច រូបំ, មោហោ វត្ថុំ វិប្បយុត្តបច្ចយា. ចិត្តសមុដ្ឋានំ រូបំ ខន្ធេ វិប្បយុត្តបច្ចយា. (២)

ទស្សនេន បហាតព្ពហេតុកំ ធម្មំ បច្ចយា ¶ ទស្សនេន បហាតព្ពហេតុកោ ច នេវទស្សនេន នភាវនាយ ¶ បហាតព្ពហេតុកោ ច ធម្មា ឧប្បជ្ជន្តិ វិប្បយុត្តបច្ចយា – ទស្សនេន បហាតព្ពហេតុកំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… ខន្ធា វត្ថុំ វិប្បយុត្តបច្ចយា. ចិត្តសមុដ្ឋានំ រូបំ ខន្ធេ វិប្បយុត្តបច្ចយា. វិចិកិច្ឆាសហគតំ ឯកំ ខន្ធំ បច្ចយា តយោ ខន្ធា មោហោ ច ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… ខន្ធា ច មោហោ ច វត្ថុំ វិប្បយុត្តបច្ចយា. ចិត្តសមុដ្ឋានំ រូបំ ខន្ធេ វិប្បយុត្តបច្ចយា. (៣)

ភាវនាយ បហាតព្ពហេតុកំ ធម្មំ បច្ចយា ភាវនាយ បហាតព្ពហេតុកោ ធម្មោ ឧប្បជ្ជតិ វិប្បយុត្តបច្ចយា… តីណិ (ទស្សនេន សទិសា).

៤៨. នេវទស្សនេន នភាវនាយ បហាតព្ពហេតុកំ ធម្មំ នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ វិប្បយុត្តបច្ចយា – នេវទស្សនេន នភាវនាយ បហាតព្ពហេតុកំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ… ទ្វេ ខន្ធេ…បេ… ខន្ធា វត្ថុំ វិប្បយុត្តបច្ចយា. ចិត្តសមុដ្ឋានំ រូបំ ខន្ធេ វិប្បយុត្តបច្ចយា. វិចិកិច្ឆាសហគតំ ឧទ្ធច្ចសហគតំ មោហំ បច្ចយា ចិត្តសមុដ្ឋានំ រូបំ, មោហំ វិប្បយុត្តបច្ចយា. បដិសន្ធិក្ខណេ…បេ… ខន្ធេ បច្ចយា វត្ថុ, វត្ថុំ បច្ចយា ខន្ធា. ខន្ធា វត្ថុំ វិប្បយុត្តបច្ចយា. វត្ថុ ខន្ធេ វិប្បយុត្តបច្ចយា. ឯកំ មហាភូតំ បច្ចយា តយោ មហាភូតា…បេ… មហាភូតេ បច្ចយា ចិត្តសមុដ្ឋានំ រូបំ កដត្តារូបំ ឧបាទារូបំ ¶ , ខន្ធេ វិប្បយុត្តបច្ចយា. ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ; វត្ថុំ បច្ចយា នេវទស្សនេន នភាវនាយ បហាតព្ពហេតុកា ខន្ធា. (១)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ¶ ឧប្បជ្ជតិ វិប្បយុត្តបច្ចយា – វត្ថុំ បច្ចយា ទស្សនេន បហាតព្ពហេតុកា ខន្ធា, វត្ថុំ វិប្បយុត្តបច្ចយា. វិចិកិច្ឆាសហគតំ មោហំ បច្ចយា សម្បយុត្តកា ខន្ធា, វត្ថុំ វិប្បយុត្តបច្ចយា. (២)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ភាវនាយ បហាតព្ពហេតុកោ ធម្មោ ឧប្បជ្ជតិ វិប្បយុត្តបច្ចយា – វត្ថុំ បច្ចយា ភាវនាយ បហាតព្ពហេតុកា ខន្ធា, វត្ថុំ វិប្បយុត្តបច្ចយា ¶ . ឧទ្ធច្ចសហគតំ មោហំ បច្ចយា សម្បយុត្តកា ខន្ធា, វត្ថុំ វិប្បយុត្តបច្ចយា. (៣)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ វិប្បយុត្តបច្ចយា – វត្ថុំ បច្ចយា ទស្សនេន បហាតព្ពហេតុកា ខន្ធា; មហាភូតេ បច្ចយា ចិត្តសមុដ្ឋានំ រូបំ, ខន្ធា វត្ថុំ វិប្បយុត្តបច្ចយា. ចិត្តសមុដ្ឋានំ រូបំ, ខន្ធេ វិប្បយុត្តបច្ចយា. វិចិកិច្ឆាសហគតំ មោហំ បច្ចយា សម្បយុត្តកា ខន្ធា ចិត្តសមុដ្ឋានញ្ច រូបំ, ខន្ធា វត្ថុំ វិប្បយុត្តបច្ចយា. ចិត្តសមុដ្ឋានំ រូបំ មោហំ វិប្បយុត្តបច្ចយា. វត្ថុំ បច្ចយា វិចិកិច្ឆាសហគតា ខន្ធា ច មោហោ ច, វត្ថុំ វិប្បយុត្តបច្ចយា. (៤)

នេវទស្សនេន នភាវនាយ បហាតព្ពហេតុកំ ធម្មំ បច្ចយា ភាវនាយ បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ វិប្បយុត្តបច្ចយា – វត្ថុំ បច្ចយា ភាវនាយ បហាតព្ពហេតុកា ខន្ធា…បេ… (ទស្សនេន សទិសំ). (៥)

៤៩. ទស្សនេន បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ វិប្បយុត្តបច្ចយា – ទស្សនេន ¶ បហាតព្ពហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ…បេ… វត្ថុំ វិប្បយុត្តបច្ចយា. វិចិកិច្ឆាសហគតំ ឯកំ ខន្ធញ្ច មោហញ្ច បច្ចយា តយោ ខន្ធា…បេ… ទ្វេ ខន្ធេ…បេ… វត្ថុំ វិប្បយុត្តបច្ចយា. (១)

ទស្សនេន ¶ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា នេវទស្សនេន នភាវនាយ បហាតព្ពហេតុកោ ធម្មោ ឧប្បជ្ជតិ វិប្បយុត្តបច្ចយា – ទស្សនេន បហាតព្ពហេតុកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ, ខន្ធេ វិប្បយុត្តបច្ចយា. វិចិកិច្ឆាសហគតេ ខន្ធេ ច មោហញ្ច បច្ចយា ចិត្តសមុដ្ឋានំ រូបំ, ខន្ធេ ច មោហញ្ច វិប្បយុត្តបច្ចយា. វិចិកិច្ឆាសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ មោហោ, វត្ថុំ វិប្បយុត្តបច្ចយា. (២)

ទស្សនេន ¶ បហាតព្ពហេតុកញ្ច នេវទស្សនេន នភាវនាយ បហាតព្ពហេតុកញ្ច ធម្មំ បច្ចយា ទស្សនេន បហាតព្ពហេតុកោ ច នេវទស្សនេន នភាវនាយ បហាតព្ពហេតុកោ ច ធម្មា ឧប្បជ្ជន្តិ វិប្បយុត្តបច្ចយា – ទស្សនេន បហាតព្ពហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ…បេ… ទស្សនេន បហាតព្ពហេតុកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ, ខន្ធា វត្ថុំ វិប្បយុត្តបច្ចយា. ចិត្តសមុដ្ឋានំ រូបំ ខន្ធេ វិប្បយុត្តបច្ចយា. វិចិកិច្ឆាសហគតំ ឯកំ ខន្ធញ្ច មោហញ្ច បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ ច…បេ… ខន្ធា វត្ថុំ វិប្បយុត្តបច្ចយា. ចិត្តសមុដ្ឋានំ រូបំ, ខន្ធេ ច មោហញ្ច វិប្បយុត្តបច្ចយា. វិចិកិច្ឆាសហគតំ ឯកំ ខន្ធញ្ច វត្ថុញ្ច ¶ បច្ចយា តយោ ខន្ធា មោហោ ច…បេ… ទ្វេ ខន្ធេ ច…បេ… វត្ថុំ វិប្បយុត្តបច្ចយា. (៣)

ភាវនាយ បហាតព្ពហេតុកញ្ច…បេ… តីណិ (ទស្សនេន សទិសា).

អត្ថិបច្ចយាទិ

៥០. ទស្សនេន បហាតព្ពហេតុកំ ធម្មំ បច្ចយា ទស្សនេន បហាតព្ពហេតុកោ ធម្មោ ឧប្បជ្ជតិ អត្ថិបច្ចយា… នត្ថិបច្ចយា… វិគតបច្ចយា… អវិគតបច្ចយា.

១. បច្ចយានុលោមំ

២. សង្ខ្យាវារោ

សុទ្ធំ

៥១. ហេតុយា សត្តរស, អារម្មណេ សត្តរស, អធិបតិយា សត្តរស, អនន្តរេ សត្តរស, សមនន្តរេ សត្តរស, សហជាតេ សត្តរស, អញ្ញមញ្ញេ សត្តារស និស្សយេ សត្តរស, ឧបនិស្សយេ សត្តរស, បុរេជាតេ ¶ សត្តរស, អាសេវនេ សត្តរស, កម្មេ សត្តរស, វិបាកេ ឯកំ, អាហារេ សត្តរស, ឥន្ទ្រិយេ សត្តរស, ឈានេ សត្តរស, មគ្គេ សត្តរស, សម្បយុត្តេ សត្តរស, វិប្បយុត្តេ សត្តរស, អត្ថិយា សត្តរស, នត្ថិយា សត្តរស, វិគតេ សត្តរស, អវិគតេ សត្តរស (ឯវំ គណេតព្ពំ).

អនុលោមំ.

២. បច្ចយបច្ចនីយំ

១. វិភង្គវារោ

នហេតុបច្ចយោ

៥២. ទស្សនេន