📜

នមោ តស្ស ភគវតោ អរហតោ សម្មាសម្ពុទ្ធស្ស

វិនយបិដក

សំគាយនស្ស បុច្ឆា វិស្សជ្ជនា

ឱកាស ទានកថា

សុណាតុ ¶ មេ ភន្តេ សង្ឃោ, មហតី អយំ បរិសា, ឯវរូបាយ បរិសាយ ន សុករា សព្ពសោ កថំ សាវេតុំ, តស្មា អាយស្មតោ ច ជវនត្ថេរស្ស បខុក្កូនគរវាសិនោ អាយស្មតោ ច វិចិត្តសារាភិវំសស្ស តិបិដកធរ ធម្មភណ្ឌាគារិកស្ស វិនយបុច្ឆនភារញ្ច វិនយវិស្សជ្ជន ភារញ្ច អាវហិតុំ ឱកាសំ ទម្មិ, ករោថ តុម្ហេ អាវុសោ ឆដ្ឋសំគីតិបុព្ពង្គមានិ វិនយបុច្ឆន វិនយវិស្សជ្ជន កិច្ចានិ យថាធម្មំ យថាវិនយំ.

អគ្គមហាបណ្ឌិត ¶ ភទន្តជវន មហាថេរេន

ឋបិតា

បុច្ឆក សម្មុតិ ញាត្តិ

សុណាតុ មេ ភន្តេ សង្ឃោ, យទិ សង្ឃស្ស បត្តកល្លំ, អហំ អាយស្មន្តំ វិចិត្តសារាភិវំសំ តិបិដកធរ ធម្មភណ្ឌាគារិកំ វិនយំ បុច្ឆេយ្យំ.

តិបិដកធរ ធម្មភណ្ឌាគារិក

ភទន្តវិចិត្តសារាភិវំសេន

ឋបិតា វិស្សជ្ជក សម្មុតិ ញាត្តិ

សុណាតុ មេ ភន្តេ សង្ឃោ, យទិ សង្ឃស្ស បត្តកល្លំ, អហំ អាយស្មតា ជវនត្ថេរេន សង្ឃនាយក មហាថេរស្ស បដិនិធិភូតេន វិនយំ បុដ្ឋោ វិស្សជ្ជេយ្យំ.

បឋម បារាជិក សិក្ខាបុច្ឆា

បុច្ឆា – យំ ¶ តេន អាវុសោ ភគវតា ជានតា បស្សតា អរហតា សម្មាសម្ពុទ្ធេន បឋមំ បារាជិកំ កត្ថ បញ្ញត្តំ.

វិស្សជ្ជនា – វេសាលិយំ ភន្តេ បញ្ញត្តំ.

បុច្ឆា – កំ អាវុសោ អារព្ភ បញ្ញត្តំ.

វិស្សជ្ជនា – សុទិន្នំ ភន្តេ កលន្ទបុត្តំ អារព្ភ បញ្ញត្តំ.

បុច្ឆា – កិស្មិំ អាវុសោ វត្ថុស្មិំ បញ្ញត្តំ.

វិស្សជ្ជនា – សុទិន្ទោ ភន្តេ កលន្ទបុត្តោ បុរាណទុតិយិកាយ មេថុនំ ធម្មំ បដិសេវិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – អត្ថិ អាវុសោ តត្ថ បញ្ញត្តិ អនុបញ្ញត្តិ អនុប្បន្នបញ្ញត្តិ.

វិស្សជ្ជនា – ឯកា ភន្តេ បញ្ញត្តិ ទ្វេ អនុបញ្ញត្តិយោ, អនុប្បន្នបញ្ញត្តិ តស្មិំ នត្ថិ.

បុច្ឆា – សព្ពត្ថបញ្ញត្តិនុខោ ¶ អាវុសោ បទេសបញ្ញត្តិនុខោ.

វិស្សជ្ជនា – សព្ពត្ថបញ្ញត្តិ ភន្តេ.

បុច្ឆា – សាធារណបញ្ញត្តិនុខោ អាវុសោ អសាធារណបញ្ញត្តិនុខោ.

វិស្សជ្ជនា – សាធារណបញ្ញត្តិ ភន្តេ.

បុច្ឆា – ឯកតោបញ្ញត្តិនុខោ អាវុសោ ឧភតោបញ្ញត្តិនុខោ.

វិស្សជ្ជនា – ឧភតោបញ្ញត្តិ ភន្តេ.

បុច្ឆា – បញ្ចន្នំ អាវុសោ បាតិមោក្ខុទ្ទេសានំ កត្ថោគធំ កត្ថ បរិយាបន្នំ.

វិស្សជ្ជនា – និទានោគធំ ¶ ភន្តេ និទានបរិយាបន្នំ.

បុច្ឆា – កតមេន អាវុសោ ឧទ្ទេសេន ឧទ្ទេសំ អាគច្ឆតិ.

វិស្សជ្ជនា – ទុតិយេន ភន្តេ ឧទ្ទេសេន ឧទ្ទេសំ អាគច្ឆតិ.

បុច្ឆា – ចតុន្នំ អាវុសោ វិបត្តីនំ កតមា វិបត្តិ.

វិស្សជ្ជនា – សីលវិបត្តិ ភន្តេ.

បុច្ឆា – កា អាវុសោ វិបត្តិ.

វិស្សជ្ជនា – អសំវរោ ភន្តេ វិបត្តិ.

បុច្ឆា – កា អាវុសោ សម្បត្តិ.

វិស្សជ្ជនា – សំវរោ ភន្តេ សម្មត្តិ.

បុច្ឆា – កា ¶ អាវុសោ បដិបត្តិ.

វិស្សជ្ជនា – ន ឯវរូបំ ករិស្សាមីតិ យាវជីវំ អាបាណកោដិកំ សមាទាយ សិក្ខតិ សិក្ខាបទេសុ, អយំ ភន្តេ បដិបត្តិ.

បុច្ឆា – កតិ អាវុសោ អត្ថវសេ បដិច្ច ភគវតា បឋមំ បារាជិកំ បញ្ញត្តំ.

វិស្សជ្ជនា – ទស ភន្តេ អត្ថវសេ បដិច្ច ភគវតា បឋមំ បារាជិកំ បញ្ញត្តំ, ១ - សង្ឃសុដ្ឋុតាយ, ២ - សង្ឃផាសុតាយ, ៣ - ទុម្មង្កូនំ បុគ្គលានំ និគ្គហាយ, ៤ - បេសលានំ ភិក្ខូនំ ផាសុវិហារាយ, ៥ - ទិដ្ឋធម្មិកានំ អាសវានំ សំវរាយ, ៦ - សម្បរាយិកានំ អាសវានំ បដិឃាតាយ, ៧ - អប្បសន្នានំ បសាទាយ, ៨ - បសន្នានំ ភិយ្យោភាវាយ, ៩ - សទ្ធម្មដ្ឋិតិយា, ១០ - វិនយានុគ្គហាយ.

បុច្ឆា – កេ ¶ អាវុសោ សិក្ខន្តិ.

វិស្សជ្ជនា – សេក្ខាច ភន្តេ បុថុជ្ជនកល្យាណកាច សិក្ខន្តិ.

បុច្ឆា – កេ អាវុសោ សិក្ខិតសិក្ខា.

វិស្សជ្ជនា – អរហន្តោ ភន្តេ សិក្ខិតសិក្ខា.

បុច្ឆា – កត្ថ អាវុសោ ឋិតំ.

វិស្សជ្ជនា – សិក្ខាកាមេសុ ភន្តេ ឋិតំ.

បុច្ឆា – កេ អាវុសោ ធារេន្តិ.

វិស្សជ្ជនា – យេសំ ភន្តេ វត្តតិ តេ ធារេន្តិ.

បុច្ឆា – កស្ស ¶ អាវុសោ វចនំ.

វិស្សជ្ជនា – ភគវតោ ភន្តេ វចនំ អរហតោ សម្មាសម្ពុទ្ធស្ស.

បុច្ឆា – កេនាវុសោ អាភតំ.

វិស្សជ្ជនា – បរម្បរាយ ភន្តេ អាភតំ.

សំគាយនត្ថាយ សង្ឃស្ស ញាបនំ

សុណាតុ មេ ភន្តេ សង្ឃោ អហំ ភន្តេ អាយស្មន្តំ វិចិត្ថសារាភិវំសំ តិបិដកធរ ធម្មភណ្ឌាគារិកំ បឋមស្ស បារាជិកស្ស និទានម្បិ បុច្ឆិំ, បុគ្គលម្បិ បុច្ឆិំ, វត្ថុម្បិ បុច្ឆិំ, បញ្ញត្តិ អនុបញ្ញត្តិអាទីនិបិ បុច្ឆិំ, បុដ្ឋោ បុដ្ឋោច សោ អាយស្មាវិចិត្តសារាភិវំសោ វិស្សជ្ជេសិ, ឥតិហិទំ ភន្តេ បឋមំ បារាជិក សិក្ខាបទំ និម្មលំ សុបរិសុទ្ធំ តស្សេវ ភគវតោ វចនំ អរហតោ សម្មាសម្ពុទ្ធស្ស, តស្មា យថាបុរេ មហាកស្សបាទយោ មហាថេរវរា បោរាណសំគីតិការា ព្រហ្មចរិយ សង្ខាតស្ស ពុទ្ធសាសនស្ស ចិរដ្ឋិតិយា ពហុជនហិតាយ ពហុជនសុខាយ លោកានុកម្បាយ អត្ថាយ ហិតាយ សុខាយ ទេវមនុស្សានំ ធម្មវិនយំ សង្គាយិំសុចេវ អនុសង្គាយិំសុច, ឯវមេវ មយម្បិ ទានិ សព្ពេវ ឆដ្ឋសំគីតិមហាធម្មសភាបរិយាបន្នា ឥទំ បឋម បារាជិក សិក្ខាបទំ ឯកតោសជ្ឈាយនវសេន សំគាយេយ្យាម.

រេវតាភិ បណ្ឌិតធជ សាសនវំស មហាធម្មរាជគុរុនោ

អភិធជមហារដ្ឋគុរុនោច សង្ឃនាយក មហាថេរស្ស

ឱកាស ទានកថា

សុណាតុ ¶ មេ ភន្តេ សង្ឃោ, មហតី អយំ បរិសា, ឯវរូបាយ បរិសាយ ន សុករា សព្ពសោ កថំ សាវេតុំ, តស្មា អាយស្មតោច សោភនស្ស សាសនរិ សារាមាធិវាសិនោ អាយស្មតោច វិចិត្តសារាភិវំសស្ស តិបិដកធរ ធម្មភណ្ឌាគារិកស្ស វិនយបុច្ឆនភារញ្ច វិនយវិស្សជ្ជនភារញ្ច អាវហិតុំ ឱកាសំ ទម្មិ, ករោថ តុម្ហេ អាវុសោ ឆដ្ឋសំគីតិបុព្ពង្គមានិ វិនយបុច្ឆន វិនយវិស្សជ្ជន កិច្ចានិ យថាធម្មំ យថាវិនយំ.

អគ្គមហាបណ្ឌិត ភទន្ត សោភនត្ថេរេន

ឋបិតា បុច្ឆក សម្មុតិ ញាត្តិ

សុណាតុ មេ ភន្តេ សង្ឃោ, យទិ សង្ឃស្ស បត្តកល្លំ, អហំ អាយស្មន្តំ វិចិត្តសារាភិវំសំ តិបិដកធរ ធម្មភណ្ឌាគារិកំ វិនយំ បុច្ឆេយ្យំ.

តិបិដកធរ ធម្មភណ្ឌាគារិក

ភទន្តវិចិត្តសារាភិវំសេន

ឋបិតា វិស្សជ្ជក សម្មុតិ ញាត្តិ

សុណាតុ ¶ មេ ភន្តេ សង្ឃោ, យទិសង្ឃស្ស បត្តកល្លំ, អហំ អាយស្មតា សោភនត្ថេរេន សង្ឃនាយក មហាថេរស្ស បដិនិធិភូតេន វិនយំ បុដ្ឋោ វិស្សជ្ជេយ្យំ.

ទុតិយ បារាជិក សិក្ខាបុច្ឆា

បុច្ឆា – យំ ¶ តេន អាវុសោ ភគវតា ជានតា បស្សតា អរហតា សម្មាសម្ពុទ្ធេន ទុតិយំ បារាជិកំ កត្ថ បញ្ញត្តំ.

វិស្សជ្ជនា – រាជគហេ ភន្តេ បញ្ញត្តំ.

បុច្ឆា – កំ អាវុសោ អារព្ភ បញ្ញត្តំ.

វិស្សជ្ជនា – ធនិយំ ភន្តេ កុម្ភការបុត្តំ អារព្ភ បញ្ញត្តំ.

បុច្ឆា – កិស្មិំ អាវុសោ វត្ថុស្មិំ បញ្ញត្តំ.

វិស្សជ្ជនា – ធនិយោ ភន្តេ កុម្ភការបុត្តោ រញ្ញោ ទារូនិ អទិន្នំ អាទិយិ, តស្មិំ វត្ថុស្មិំ បញ្ញត្តំ.

បុច្ឆា – អត្ថិ ¶ អាវុសោ តត្ថ បញ្ញត្តិ អនុបញ្ញត្តិ អនុប្បន្នបញ្ញត្តិ.

វិស្សជ្ជនា – ឯកា ភន្តេ បញ្ញត្តិ ឯកា អនុបញ្ញត្តិ អនុប្បន្នបញ្ញត្តិ តស្មិំ នត្ថិ.

បុច្ឆា – កា អាវុសោ តត្ថ មូលបញ្ញត្តិ.

វិស្សជ្ជនា – យោ បន ភិក្ខុ អទិន្នំ ថេយ្យសង្ខាតំ អាទិយេយ្យ, យថារូបេ អទិន្នាទានេ រាជានោ ចោរំ គហេត្វា ហនេយ្យុំវា ពន្ធេយ្យុំវា បព្ពាជេយ្យុំវា ចោរោសិ ពាលោសិ មុឡ្ហោសិ ថេនោសីតិ តថារូបំ ភិក្ខុ អទិន្នំ អាទិយមានោ អយម្បិ បារាជិកោ ហោតិ អសំវាសោតិ អយំ ភន្តេ តត្ថ មូលបញ្ញត្តិ.

បុច្ឆា – កា ¶ អាវុសោ តត្ថ អនុបញ្ញត្តិ.

វិស្សជ្ជនា – គាមាវា អរញ្ញាវាតិ អយំ ភន្តេ តត្ថ អនុបញ្ញត្តិ.

បុច្ឆា – កា អាវុសោ តត្ថ បរិបុណ្ណបញ្ញត្តិ.

វិស្សជ្ជនា – យោ បន ភិក្ខុ គាមាវា អរញ្ញាវា អទិន្នំ ថេយ្យសង្ខាតំ អាទិយេយ្យ, កថារូបេ អទិន្នាទានេ រាជានោ ចោរំ គហេត្វា ហនេយ្យុំវា ពន្ធេយ្យុំវា បព្ពាជេយ្យុំវា ចោរោសិ ពាលោសិ មូឡ្ហោសិ ថេនោសីតិ តថារូបំ ភិក្ខុ អទិន្នំ អាទិយមានោ អយម្បិ បារាជិកោ ហោតិ អសំវាសោតិ អយំ ភន្តេ តត្ថ បរិបុណ្ណបញ្ញត្តិ.

បុច្ឆា – សព្ពត្ថបញ្ញត្តិ ¶ នុខោ អាវុសោ បទេសបញ្ញត្តិនុខោ.

វិស្សជ្ជនា – សព្ពត្ថបញ្ញត្តិ ភន្តេ.

បុច្ឆា – សាធារណបញ្ញត្តិនុខោ អាវុសោ អសាធារណបញ្ញត្តិ នុខោ.

វិស្សជ្ជនា – សាធារណបញ្ញត្តិ ភន្តេ.

បុច្ឆា – ឯកតោបញ្ញត្តិនុខោ អាវុសោ ឧភតោបញ្ញត្តិនុខោ.

វិស្សជ្ជនា – ឧភតោបញ្ញត្តិ ភន្តេ.

បុច្ឆា – តស្មិំ ¶ អាវុសោ ទុតិយ បារាជិកេ អទិន្នំ អាទិយន្តោ កតិ អាបត្តិយោ អាបជ្ជតិ វិភជិត្វា វិស្សជ្ជេហិ.

វិស្សជ្ជនា – អទិន្នំ ភន្តេ អាទិយន្តោ តិស្សោ អាបត្តិយោ អាបជ្ជតិ, បញ្ច មាសកំវា អតិរេក បញ្ច មាសកំវា អគ្ឃនកំ អទិន្នំ ថេយ្យសង្ខាតំ អាទិយតិ អាបត្តិ បារាជិកស្ស, ឩនបញ្ចមាសកំវា អតិរេកមាសកំវា អទិន្នំ ថេយ្យសង្ខាតំ អាទិយតិ អាបត្តិ ថុល្លច្ចយស្ស, មាសកំវា ឩនមាសកវា អគ្ឃនកំ អទិន្នំ ថេយ្យសង្ខាតំ អាទិយតិ អាបត្តិ ទុក្កដស្ស, អទិន្នំ ភន្តេ អាទិយន្តោ ឥមា តិស្សោ អាបត្តិយោ អាបជ្ជតិ.

បុច្ឆា – កេសំ ¶ អាវុសោ អនាបត្តិ.

វិស្សជ្ជនា – ទសន្នំ ភន្តេ បុគ្គលានំ អនាបត្តិ, សកសញ្ញិស្ស, វិស្សាសគ្គាហេន គណ្ហន្តស្ស, តាវកាលិកំ គណ្ហន្តស្ស, បេតបរិគ្គហំ គណ្ហន្តស្ស, តិរច្ឆានគតបរិគ្គហំ គណ្ហន្តស្ស, បំសុកូលសញ្ញិស្ស, ឧម្មត្តកស្ស, ខិត្តចិត្តស្ស, វេទនាដ្ដស្ស, អាទិកម្មិកស្សាតិ.

បុច្ឆា – បញ្ចន្នំ អាវុសោ បាតិមោក្ខុទ្ទេសានំ កត្ថោគធំ កត្ថបរិយាបន្នំ.

វិស្សជ្ជនា – និទានោគធំ ភន្តេ និទានបរិយាបន្នំ.

បុច្ឆា – កតមេន ¶ អាវុសោ ឧទ្ទេសេន ឧទ្ទេសំ អាគច្ឆតិ.

វិស្សជ្ជនា – ទុតិយេន ភន្តេ ឧទ្ទេសេន ឧទ្ទេសំ អាគច្ឆតិ.

បុច្ឆា – ចតុន្នំ អាវុសោ វិបត្តីនំ កតមា វិបត្តិ.

វិស្សជ្ជនា – សីលវិបត្តិ ភន្តេ.

បុច្ឆា – សត្តន្នំ អាវុសោ អាបត្តិក្ខន្ធានំ កតមោ អាបត្តិក្ខន្ធោ.

វិស្សជ្ជនា – បារាជិកាបត្តិក្ខន្ធោ ភន្តេ.

បុច្ឆា – ឆន្នំ អាវុសោ អាបត្តិសមុដ្ឋានានំ កតិហិ សមុដ្ឋានេហិ សមុដ្ឋាតិ.

វិស្សជ្ជនា – តីហិ ភន្តេ សមុដ្ឋានេហិ សមុដ្ឋាតិ, សិយា កាយតោច ចិត្តតោច សមុដ្ឋាតិ, ន វាចាតោ, សិយា វាចាតោច

ចិត្តតោច ¶ សមុដ្ឋាតិ, ន កាយតោ, សិយា កាយតោច វាចាតោច ចិត្តតោច សមុដ្ឋាតិ.

បុច្ឆា – ចតុន្នំ អាវុសោ អធិករណានំ កតមំ អធិករណំ.

វិស្សជ្ជនា – អាបត្តាធិករណំ ភន្តេ.

បុច្ឆា – សត្តន្នំ អាវុសោ សមថានំ កតិហិ សមថេហិ សម្មតិ.

វិស្សជ្ជនា – ទ្វិហិ ភន្តេ សមថេហិ សម្មតិ សម្មុខាវិនយេនច បដិញ្ញាត ករណេនច.

បុច្ឆា – កោ ¶ អាវុសោ តត្ថ វិនយោ, កោ តត្ថ អភិវិនយោ.

វិស្សជ្ជនា – បញ្ញត្តិ ភន្តេ វិនយោ វិភត្តិ អភិវិនយោ.

បុច្ឆា – កិំអាវុសោ តត្ថ បាតិមោក្ខំ កិំ តត្ថ អធិបាតិមោក្ខំ.

វិស្សជ្ជនា – បញ្ញត្តិ ភន្តេ បាតិមោក្ខំ, វិភត្តិ អធិបាតិមោក្ខំ.

បុច្ឆា – កា អាវុសោ វិបត្តិ.

វិស្សជ្ជនា – អសំវរោ ភន្តេ វិបត្តិ.

បុច្ឆា – កា ¶ អាវុសោ សម្បត្តិ.

វិស្សជ្ជនា – សំវរោ ភន្តេ សម្បត្តិ.

បុច្ឆា – កា អាវុសោ បដិបត្តិ.

វិស្សជ្ជនា – ន ឯវរូបំ ករិស្សាមីតិ យាវជីវំ អាបាណកោដិកំ សមាទាយ សិក្ខតិ សិក្ខាបទេសុ អយំ ភន្តេ តត្ថ បដិបត្តិ.

បុច្ឆា – កតិ អាវុសោ អត្ថវសេ បដិច្ច ភគវតា ទុតិយំ បារាជិកំ បញ្ញត្តំ.

វិស្សជ្ជនា – ទស ភន្តេ អត្ថវសេ បដិច្ច ភគវតា ទុតិយំ បារាជិកំ បញ្ញត្តំ. សង្ឃសុដ្ឋុតាយ សង្ឃផាសុតាយ ទុម្មង្កូនំ បុគ្គលានំ និគ្គហាយ បេសលានំ ភិក្ខូនំ ផាសុវិហារាយ ទិដ្ឋធម្មិកានំ អាសវានំ សំវរាយ សម្បរាយិកានំ អាសវានំ បដិឃាតាយ អប្បសន្នានំ បសាទាយ បសន្នានំ ភិយ្យោភាវាយ សទ្ធម្មដ្ឋិតិយា វិនយានុគ្គហាយ.

បុច្ឆា – កោ ¶ អាវុសោ សិក្ខន្តិ.

វិស្សជ្ជនា – សេក្ខាច ភន្តេ បុថុជ្ជនកល្យាណកាច សិក្ខន្តិ.

បុច្ឆា – កេ អាវុសោ សិក្ខិតសិក្ខា.

វិស្សជ្ជនា – អរហន្តោ ភន្តេ សិក្ខិតសិក្ខា.

បុច្ឆា – កត្ថ ¶ អាវុសោ ឋិតំ.

វិស្សជ្ជនា – សិក្ខាកាមេសុ ភន្តេ ឋិតំ.

បុច្ឆា – កេ អាវុសោ ធារេន្តិ.

វិស្សជ្ជនា – យេសំ ភន្តេ វត្តតិ តេ ធារេន្តិ.

បុច្ឆា – កស្ស អាវុសោ វចនំ.

វិស្សជ្ជនា – ភគវតា ភន្តេ វចនំ អរហតោ សម្មាសម្មុទ្ធស្ស.

បុច្ឆា – កេនាវុសោ ¶ អាភតំ.

វិស្សជ្ជនា – បរម្បរាយ ភន្តេ អាភតំ.

បុច្ឆា – អត្ថិ នុ ខោ អាវុសោ តត្ថ ឧបនេតព្ពំ វា អបនេតព្ពំ វា អក្ខរបទបច្ចាភដ្ឋំ វា វិរទ្ធបទព្យញ្ជនំ វា.

វិស្សជ្ជនា – នត្ថិ ភន្តេ.

‘‘សំគាយនត្ថាយ សង្ឃស្ស ញាបនំ’’

សុណាតុ ¶ មេ ភន្តេ សង្ឃោ អហំ ភន្តេ អាយស្មន្តំ វិចិត្តសារាភិវំស តិបិដកធរធម្មភណ្ឌាគារិកំ ទុតិយស្ស បារាជិកស្ស និទានម្បិ បុច្ឆិំ, បុគ្គលម្បិ បុច្ឆិំ, វត្ថុម្បិ បុច្ឆិំ, បញ្ញត្តិម្បិ បុច្ឆិំ, អនុបញ្ញត្តិម្បិ បុច្ឆិំ, អាបត្តិម្បិ បុច្ឆិំ, អនាបត្តិម្បិ បុច្ឆិំ, អញ្ញានិបិ ឦទិសានិ បុច្ឆិតព្ពដ្ឋានានិ អនេកានិ បុច្ឆិំ, បុដ្ឋោ បុដ្ឋោច សោ អាយស្មា វិចិត្តសារាភិវំសោ វិស្សជ្ជេសិ. ឥតិ ហិទំ ភន្តេ ឥទំ ទុតិយំ បារាជិក សិក្ខាបទំ និម្មលំ, សុបរិសុទ្ធំ, តស្សេវ ភគវតោ វចនំ អរហតោ សម្មាសម្ពុទ្ធស្ស, តស្មា យថា បុរេ មហាកស្ស បាទយោ មហាថេរវរា បោរាណសំគីតិការា ព្រហ្មចរិយសង្ខាតស្ស ពុទ្ធសាសនស្ស ចិរដ្ឋិតិយា, ពហុជនហិតាយ, ពហុជនសុខាយ លោកានុកម្បាយ អត្ថាយ, ហិតាយ, សុខាយ, ទេវមនុស្សានំ ធម្មវិនយំ សង្គាយិំសុចេវ អនុសង្គាយិំសុច, ឯវមេវ មយម្បិ ទានិ សព្ពេវ ឆដ្ឋសំគីតិមហាធម្មសភាបរិយាបន្នា ឥទំ ទុតិយ បារាជិក សិក្ខាបទំ ឯកតោ គណសជ្ឈាយំ កត្វា សមគ្គា សម្មោទមានា ហុត្វា សង្គាយេយ្យាម.

តតិយ បារាជិក សិក្ខាបុច្ឆា

បុច្ឆា – យំ ¶ តេន អាវុសោ ភគវតា (ប) សម្មាសម្ពុទ្ធេន តតិយំ បារាជិកំ កត្ថ បញ្ញត្តំ.

វិស្សជ្ជនា – វេសាលិយំ ភន្តេ បញ្ញត្តំ.

បុច្ឆា – កំ អាវុសោ អារព្ភ បញ្ញត្តំ.

វិស្សជ្ជនា – សម្ពហុលេ ភន្តេ ភិក្ខូ អារព្ភ បញ្ញត្តំ.

បុច្ឆា – កិស្មិំ អាវុសោ វត្ថុស្មិំ បញ្ញត្តំ.

វិស្សជ្ជនា – សម្ពហុលា ភន្តេ ភិក្ខុ អញ្ញមញ្ញំ ជីវិតា វោរោបេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – អត្ថិ ¶ នុខោ អាវុសោ តត្ថ បញ្ញត្តិ អនុបញ្ញត្តិ អនុប្បន្នបញ្ញត្តិ.

វិស្សជ្ជនា – ឯកា ភន្តេ បញ្ញត្តិ, ឯកា អនុបញ្ញត្តិ, អនុប្បន្នបញ្ញត្តិ តស្មិំ នត្ថិ.

បុច្ឆា – កា អាវុសោ តត្ថ មូលបញ្ញត្តិ.

វិស្សជ្ជនា – យោបន ភិក្ខុ សញ្ចិច្ច មនុស្សវិគ្គហំ ជីវិតា វោរោបេយ្យ, សត្ថហារកំវាស្ស បរិយេសេយ្យ អយម្បិ បារាជិកោ ហោតិ អសំវាសោតិ អយំ ភន្តេ តត្ថ មូលបញ្ញត្តិ.

បុច្ឆា – កា អាវុសោ តត្ថ អនុបញ្ញត្តិ.

វិស្សជ្ជនា – មរណវណ្ណំ វា សំវណ្ណេយ្យ មរណាយ វា សមាទបេយ្យ អម្ភោបុរិស កិំ តុយ្ហិមិនា បាបកេន ទុជ្ជីវិតេន មតន្តេ ជីវិតា

សេយ្យាតិ ¶ ឥតិ ចិត្តមនោ ចិត្តសង្កប្បោ អនេកបរិយាយេន មរណវណ្ណំ វា សំវណ្ណេយ្យ មរណាយ វា សមាទបេយ្យាតិ អយំ ភន្តេ តត្ថ អនុបញ្ញត្តិ.

បុច្ឆា – កា អាវុសោ តត្ថ បរិបុណ្ណបញ្ញត្តិ.

វិស្សជ្ជនា – យោ បន ភិក្ខុ សញ្ចិច្ច មនុស្សវិគ្គហំ ជីវិតា វោរោបេយ្យ, សត្ថហារកំវាស្ស បរិយេសេយ្យ, មរណវណ្ណំ វា សំវណ្ណេយ្យ, មរណាយ វា សមាទបេយ្យ, អម្ភោ បុរិស កិំ តុយ្ហិមិនា បាបកេន ទុជ្ជីវិតេន មតន្តេ ជីវិតា សេយ្យោតិ ឥតិ ចិត្តមនោ ចិត្តសង្កប្បោ អនេកបរិយាយេន មរណវណ្ណំវា សំវណ្ណេយ្យ, មរណាយ វា សមាទបេយ្យ, អយម្បិ បារាជិកោ ហោតិ អសំវាសោតិ អយំ ភន្តេ តត្ថ បរិបុណ្ណបញ្ញត្តិ.

បុច្ឆា – សព្ពត្ថបញ្ញត្តិ ¶ នុខោ អាវុសោបទេសបញ្ញត្តិ នុខោ.

វិស្សជ្ជនា – សព្ពត្ថបញ្ញត្តិ ភន្តេ.

បុច្ឆា – សាធារណបញ្ញត្តិនុខោ អាវុសោ អសាធារណបញ្ញត្តិ នុខោ.

វិស្សជ្ជនា – សាធារណបញ្ញត្តិ ភន្តេ.

បុច្ឆា – ឯកតោបញ្ញត្តិ ¶ នុខោ អាវុសោ ឧភតោបញ្ញត្តិ នុខោ.

វិស្សជ្ជនា – ឧភតោបញ្ញត្តិ ភន្តេ.

បុច្ឆា – តស្មិំ អាវុសោ តតិយ បារាជិកេ សញ្ចិច្ច មនុស្សវិគ្គហំ ជីវិតា វោរោបេន្តោ កតិ អាបត្តិយោ អាបជ្ជតិ.

វិស្សជ្ជនា – សញ្ចិស្ស ភន្តេ មនុស្សវិគ្គហំ ជីវិតា វោរោបេន្តោ តិស្សោ អាបត្តិយោ អាបជ្ជតិ, មនុស្សំ ឱទិស្ស បបាតំ ខណតិ បបតិត្វា មរិស្សតីតិ អាបត្តិ ទុក្កដស្ស, បបតិតេ ទុក្ខា វេទនា ឧប្បជ្ជតិ អាបត្តិ ថុល្លច្ចយស្ស, មរតិ អាបត្តិ បារាជិកស្ស, សញ្ចិច្ច ភន្តេ មនុស្សវិគ្គហំ ជីវិតា វោរោបេន្តោ ឥមា តិស្សោ អាបត្តិយោ អាបជ្ជតិ.

បុច្ឆា – កេសំ ¶ អាវុសោ អនាបត្តិ.

វិស្សជ្ជនា – សត្តន្នំ ភន្តេ បុគ្គលានំ អនាបត្តិ, អសញ្ចិច្ច មារេន្តស្ស, អជានន្តស្ស, ន មរណាធិប្បាយស្ស, ឧម្មត្តកស្ស, ខិត្តចិត្តស្ស, វេទនាដ្ដស្ស, អាទិកម្មិកស្ស.

បុច្ឆា – បញ្ចន្នំ អាវុសោ បាតិមោក្ខុទ្ទេសានំ កត្ថោគធំ កត្ថ បរិយាបន្នំ.

វិស្សជ្ជនា – និទានោគធំ ភន្តេ និទានបរិយាបន្នំ.

បុច្ឆា – កតមេន ¶ អាវុសោ ឧទ្ទេសេន ឧទ្ទេសំ អាគច្ឆតិ.

វិស្សជ្ជនា – ទុតិយេន ភន្តេ ឧទ្ទេសេន ឧទ្ទេសំ អាគច្ឆតិ.

បុច្ឆា – ចតុន្នំ អាវុសោ វិបត្តីនំ កតមា វិបត្តិ.

វិស្សជ្ជនា – សីលវិបត្តិ ភន្តេ.

បុច្ឆា – សត្តន្នំ អាវុសោ អាបត្តិក្ខន្ធានំ កតមោ អាបត្តិក្ខន្ធោ.

វិស្សជ្ជនា – បារាជិកាបត្តិក្ខន្ធោ ភន្តេ.

បុច្ឆា – ឆន្នំ អាវុសោ អាបត្តិសមុដ្ឋានានំ កតិហិ សមុដ្ឋានេហិ សមុដ្ឋាតិ.

វិស្សជ្ជនា – ឆន្នំ ភន្តេ អាបត្តិសមុដ្ឋានានំ តីហិ សមុដ្ឋានេហិ សមុដ្ឋាតិ, សិយា កាយតោច ចិត្តតោច សមុដ្ឋាតិ, ន វាចតោ ¶ , សិយា វាចតោច ចិត្តតោច សមុដ្ឋាតិ, ន កាយតោ, សិយា កាយតោច វាចតោច ចិត្តតោច សមុដ្ឋាតិ.

បុច្ឆា – ចតុន្នំ អាវុសោ អធិករណានំ កតមំ អធិករណំ.

វិស្សជ្ជនា – អាបត្តាធិករណំ ភន្តេ.

បុច្ឆា – សត្តន្នំ ¶ អាវុសោ សមថានំ កតិហិ សមថេហិ សម្មតិ.

វិស្សជ្ជនា – សត្តានំ ភន្តេ សមថានំ ទ្វីហិ សមថេហិ សម្មតិ, សម្មុខា វិនយេនច បដិញ្ញាតករណេនច.

បុច្ឆា – កោ តត្ថ អាវុសោ វិនយោ កោ តត្ថ អភិវិនយោ.

វិស្សជ្ជនា – បញ្ញត្តិ ភន្តេ វិនយោ វិភត្តិ អភិវិនយោ.

បុច្ឆា – កិំ អាវុសោ តត្ថ បាតិមោក្ខំ កិំ អធិបាតិមោក្ខំ.

វិស្សជ្ជនា – បញ្ញត្តិ ភន្តេ បាតិមោក្ខំ វិភត្តិ អធិបាតិមោក្ខំ.

បុច្ឆា – កា ¶ អាវុសោ វិបត្តិ.

វិស្សជ្ជនា – អសំវរោ ភន្តេ វិបត្តិ.

បុច្ឆា – កា អាវុសោ សម្បត្តិ.

វិស្សជ្ជនា – សំវរោ ភន្តេ សម្បត្តិ.

បុច្ឆា – កា អាវុសោ តត្ថ បដិបត្តិ.

វិស្សជ្ជនា – ន ឯវរូបំ ករិស្សាមីតិ យាវជីវំ អាបាណកោដិកំ សមាទាយ សិក្ខតិ សិក្ខាបទេសុ អយំ ភន្តេ តត្ថ បដិបត្តិ.

បុច្ឆា – កតិ ¶ អាវុសោ អត្ថវសេ បដិច្ច ភគវតា តតិយំ បារាជិកំ បញ្ញត្តំ.

វិស្សជ្ជនា – ទស ភន្តេ អត្ថវសេ បដិច្ច ភគវតា តតិយំ បារាជិកំ បញ្ញត្តំ សង្ឃសុដ្ឋុតាយ សង្ឃផាសុតាយ (ប) វិនយានុគ្គហាយ.

បុច្ឆា – កេ ¶ អាវុសោ សិក្ខន្តិ.

វិស្សជ្ជនា – សេក្ខាច ភន្តេ បុថុជ្ជនកល្យាណកាច សិក្ខន្តិ.

បុច្ឆា – កេ អាវុសោ សិក្ខិតសិក្ខា.

វិស្សជ្ជនា – អរហន្តោ ភន្តេ សិក្ខិតសិក្ខា.

បុច្ឆា – កត្ថ អាវុសោ ឋិតំ.

វិស្សជ្ជនា – សិក្ខាកាមេសុ ភន្តេ ឋិតំ.

បុច្ឆា – កេ អាវុសោ ធារេន្តិ.

វិស្សជ្ជនា – យេសំ ភន្តេ វត្តតិ តេ ធារេន្តិ.

បុច្ឆា – កស្ស ¶ អាវុសោ វចនំ.

វិស្សជ្ជនា – ភគវតោ ភន្តេ វចនំ អរហតោ សម្មាសម្ពុទ្ធស្ស.

បុច្ឆា – កេនាវុសោ អាភតំ.

វិស្សជ្ជនា – បរម្បរាយ ភន្តេ អាភតំ.

បុច្ឆា – អត្ថិនុខោ អាវុសោ តត្ថ កិញ្ចិ ឧបនេតព្ពំ វា អបនេតព្ពំ វា អក្ខរបទបច្ចាភដ្ឋំ វា វិរទ្ធបទព្យញ្ជនំ វា.

វិស្សជ្ជនា – នត្ថិ ភន្តេ.

សំគាយនត្ថាយ សង្ឃស្ស ញាបនំ

សុណាតុ ¶ មេ ភន្តេ សង្ឃោ, អហំ ភន្តេ អាយស្មន្តំ វិចិត្តសារាភិវំសំ តិបិដកធរ ធម្មភណ្ឌាគារិកំ តតិយស្ស បារាជិកស្ស និទានម្បិ បុច្ឆិំ, បុគ្គលម្បិ បុច្ឆិំ, វត្ថុម្បិ បុច្ឆិំ, បញ្ញត្តិម្បិ បុច្ឆិំ, អនុបញ្ញត្តិម្បិ បុច្ឆិំ, អាបត្តិម្បិ បុច្ឆិំ, អនាបត្តិម្បិ បុច្ឆិំ, អញ្ញានិបិ ឯវរូបានិ បុច្ឆិតព្ពដ្ឋានានិ អនេកានិ បុច្ឆិំ, បុដ្ឋោ បុដ្ឋោច សោ អាយស្មា វិចិត្តសារាភិវំសោ វិស្សជ្ជេសិ, ឥតិហិទំ ភន្តេ តតិយបារាជិកសិក្ខាបទំ និម្មលំ សុបរិសុទ្ធំ តស្សេវ ភគវតោ វចនំ អរហតោ សម្មាសម្មុទ្ធស្ស, តស្មា យថា បុរេ មហាកស្សបាទយោ មហាថេរវរា បោរាណសំគីតិការា ព្រហ្មចរិយសង្ខាតស្ស ពុទ្ធសាសនស្ស ចិរដ្ឋិតិយា ពហុជនហិតាយ ពហុជនសុខាយ លោកានុកម្បាយ អត្ថាយ ហិតាយ សុខាយ ទេវមនុស្សានំ ធម្មវិនយំ សង្គាយិំសុចេវ អនុសង្គាយិំសុច, ឯវមេវ មយម្បិ ទានិ សព្ពេវ ឆដ្ឋសំគីតិមហាធម្មសភាបរិយាបន្នា ឥទំ តតិយបារាជិកសិក្ខាបទំ ឯកតោ គណសជ្ឈាយំ កត្វា សមគ្គា សម្មោទមានា ហុត្វា សំគាយេយ្យាម.

ចតុត្ថ បារាជិក សិក្ខាបុច្ឆា

បុច្ឆា – យំ ¶ តេន អាវុសោ ភគវតា ជានតា បស្សតា…បេ… សម្មាសម្ពុទ្ធេន ចតុត្ថំ បារាជិកំ កត្ថ បញ្ញត្តំ.

វិស្សជ្ជនា – វេសាលិយំ ភន្តេ.

បុច្ឆា – កំ អាវុសោ អារព្ភ បញ្ញត្តំ.

វិស្សជ្ជនា – វគ្គុមុទាតីរិយេ ភន្តេ ភិក្ខូ អារព្ភ បញ្ញត្តំ.

បុច្ឆា – កិស្មិំ អាវុសោ វត្ថុស្មិំ បញ្ញត្តំ.

វិស្សជ្ជនា – វគ្គុមុទាតីរិយា ភន្តេ ភិក្ខូ គិហីនំ អញ្ញមញ្ញស្ស ឧត្តរិមនុស្សធម្មស្ស វណ្ណំ ភាសិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – អត្ថិ ¶ អាវុសោ តត្ថ បញ្ញត្តិ អនុបញ្ញត្តិ អនុប្បន្នបញ្ញត្តិ.

វិស្សជ្ជនា – ឯកា ភន្តេ បញ្ញត្តិ ឯកា អនុបញ្ញត្តិ អនុប្បន្នបញ្ញត្តិ តស្មិំ នត្ថិ.

បុច្ឆា – កតមា អាវុសោ តត្ថ មូលបញ្ញត្តិ.

វិស្សជ្ជនា – យោ បន ភិក្ខុ អនភិជានំ ឧត្តរិមនុស្សធម្មំ ឧត្តរិមនុស្សធម្មំ អត្តុបនាយិកំ អលមរិយញាណទស្សនំ សមុទាចរេយ្យ, ឥតិជានាមិ ឥតិបស្សាមីតិ, តតោ អបរេន សមយេន សមនុគ្គាហីយ មានោវា អសមនុគ្គាហីយ មានោវា អាបន្នោ វិសុទ្ធាបេក្ខោ ឯវំ វទេយ្យ អជានមេវំ អាវុសោ អវចំ ជានាមិ អបស្សំ បស្សាមិ តុច្ឆំ មុសាវិលបិន្តិ អយម្បិ បារាជិកោ ហោតិ អសំវាសោតិ អយំ ភន្តេ តត្ថ មូលបញ្ញត្តិ.

បុច្ឆា – កតមា ¶ អាវុសោ តត្ថ អនុបញ្ញត្តិ.

វិស្សជ្ជនា – អញ្ញត្រ អធិមានាតិ អយំ ភន្តេ តត្ថ អនុបញ្ញត្តិ.

ហោន្តិ យេ តេ អានន្ទ ភិក្ខូ អទិដ្ឋេ ទិដ្ឋសញ្ញិនោ អបត្តេ បត្តសញ្ញិនោ អនធិគតេ អធិគតសញ្ញិនោ អសច្ឆិកតេ សច្ឆិកតសញ្ញនោ អធិមានេន អញ្ញំ ព្យាករោន្តិ, តញ្ច ខោ ឯតំ អព្ពោហារិកំ.

បុច្ឆា – កតមា ¶ អាវុសោ តត្ថ បរិបុណ្ណបញ្ញត្តិ.

វិស្សជ្ជនា – យោបន ភិក្ខុ អនភិជានំ ឧត្តរិមនុស្សធម្មំ អត្តុបនាយិកំ អលមរិយញាណទស្សនំ សមុទាចរេយ្យ, ឥតិ ជានាមិ ឥតិ បស្សាមីតិ, តតោ អបរេន សមយេន សមនុគ្គាហីយមានោវា អសមនុគ្គាហីយមានោវា អាបន្នោ វិសុទ្ធាបេក្ខោ ឯវំ វទេយ្យ អជានមេវំ អាវុសោ អវចំជានាមិ អបស្សំ បស្សាមិ តុច្ឆំ មុសា វិលបិន្តិ, អញ្ញត្រ អធិមានា អយម្បិ បារាជិកោ ហោតិ អសំវាសោតិ អយំ ភន្តេ តត្ថ បរិបុណ្ណ បញ្ញត្តិ.

បុច្ឆា – សព្ពត្ថបញ្ញត្តិ ¶ នុខោ អាវុសោ បទេសបញ្ញត្តិ នុខោ.

វិស្សជ្ជនា – សព្ពត្ថបញ្ញត្តិ ភន្តេ.

បុច្ឆា – សាធារណបញ្ញត្តិ នុខោ អាវុសោ អសាធារណបញ្ញត្តិនុខោ.

វិស្សជ្ជនា – សាធារណបញ្ញត្តិ ភន្តេ.

បុច្ឆា – ឯកតោបញ្ញត្តិ នុខោ អាវុសោ ឧភតោ បញ្ញត្តិ នុខោ.

វិស្សជ្ជនា – ឧភតោបញ្ញត្តិ ភន្តេ.

បុច្ឆា – តស្មិំ ¶ អាវុសោ ចតុត្ថ បារាជិកេ អសន្តំ អភូតំ ឧត្តរិមនុស្សធម្មំ ឧល្លបន្តោ កតិ អាបត្តិយោ អាបជ្ជតិ, វិភជិត្វា វិស្សជ្ជេហិ.

វិស្សជ្ជនា – តស្មិំ ភន្តេ ចតុត្ថបារាជិកេ អសន្តំ អភូតំ ឧត្តរិមនុស្សធម្មំ ឧល្លបន្តោ តិស្សោ អាបត្តិយោ អាបជ្ជតិ, អសន្តំ អភូតំ ឧត្តរិមនុស្សធម្មំ ឧល្លបតិ អាបត្តិបារាជិកស្ស, យោ តេ វិហារេ វសតិ សោ ភិក្ខុ អរហាតិ ភណតិ បដិវិជានន្តស្ស អាបត្តិ ថុល្លច្ចយស្ស, អប្បដិវិជានន្តស្ស អាបត្តិ ទុក្កដស្ស, ឧត្តរិមនុស្សធម្មំ ភន្តេ ឧល្លបន្តោ ឥមា តិស្សោ អាបត្តិយោ អាបជ្ជតិ.

បុច្ឆា – កេសំ ¶ អាវុសោ អនាបត្តិ.

វិស្សជ្ជនា – ឆន្នំ ភន្តេ បុគ្គលានំ អនាបត្តិ អធិមានេន ភណន្តស្ស អនុល្លបនាធិប្បាយស្ស ឧម្មត្តកស្ស ខិត្តចិត្តស្ស វេទនាដ្ដស្ស អាទិកម្មិកស្ស.

បុច្ឆា – បញ្ចន្នំ ¶ អាវុសោ បាតិមោក្ខុទ្ទេសានំ កត្ថោគធំ កត្ថ បរិយាបន្នំ.

វិស្សជ្ជនា – និទានោគធំ ភន្តេ និទានបរិយាបន្នំ.

បុច្ឆា – កតមេន អាវុសោ ឧទ្ទេសេន ឧទ្ទេសំ អាគច្ឆតិ.

វិស្សជ្ជនា – ទុតិយេន ភន្តេ ឧទ្ទេសេន ឧទ្ទេសំ អាគច្ឆតិ.

បុច្ឆា – ចតុន្នំ អាវុសោ វិបត្តីនំ កតមា វិបត្តិ.

វិស្សជ្ជនា – សីលវិបត្តិ ភន្តេ.

បុច្ឆា – សត្តន្នំ ¶ អាវុសោ អាបត្តិក្ខន្ធានំ កតមោ អាបត្តិក្ខន្ធោ.

វិស្សជ្ជនា – បារាជិកាបត្តិក្ខន្ធោ ភន្តេ.

បុច្ឆា – ឆន្នំ អាវុសោ អាបត្តិសមុដ្ឋានានំ កតិហិ សមុដ្ឋានេហិ សមុដ្ឋាតិ.

វិស្សជ្ជនា – ឆន្នំ ភន្តេ អាបត្តិសមុដ្ឋានានំ តីហិ សមុដ្ឋានេហិ សមុដ្ឋាតិ, សិយា កាយតោច ចិត្តតោច សមុដ្ឋាតិ, ន វាចតោ, សិយា វាចតោច ចិត្តតោច សមុដ្ឋាតិ, ន កាយតោ, សិយា កាយតោច វាចតោច ចិត្តតោច សមុដ្ឋាតិ.

បុច្ឆា – ចតុន្នំ ¶ អាវុសោ អធិករណានំ កតមំ អធិករណំ.

វិស្សជ្ជនា – អាបត្តាធិករណំ ភន្តេ.

បុច្ឆា – សត្តន្នំ អាវុសោ សមថានំ កតិហិ សមថេហិ សម្មតិ.

វិស្សជ្ជនា – សត្តន្នំ ភន្តេ សមថានំ ទ្វីហិ សមថេហិ សម្មតិ, សម្មុខាវិនយេនច បដិញ្ញាតករណេនច.

បុច្ឆា – កោ តត្ថ អាវុសោ វិនយោ, កោ តត្ថ អភិវិនយោ.

វិស្សជ្ជនា – បញ្ញត្តិ ភន្តេ វិនយោ, វិភត្តិ អភិវិនយោ.

បុច្ឆា – កិំ ¶ អាវុសោ តត្ថ បាតិមោក្ខំ, កិំ អធិបាតិមោក្ខំ.

វិស្សជ្ជនា – បញ្ញត្តិ ភន្តេ បាតិមោក្ខំ, វិភត្តិ អធិបាតិមោក្ខំ.

បុច្ឆា – កា អាវុសោ វិបត្តិ.

វិស្សជ្ជនា – អសំវរោ ភន្តេ វិបត្តិ.

បុច្ឆា – កា អាវុសោ សម្បត្តិ.

វិស្សជ្ជនា – សំវរោ ភន្តេ សម្បត្តិ.

បុច្ឆា – កា ¶ អាវុសោ តត្ថ បដិបត្តិ.

វិស្សជ្ជនា – ន ឯវរូបំ ករិស្សាមីតិ យាវជីវំ អាបាណកោដិកំ សមាទាយ សិក្ខតិ សិក្ខាបទេសុ អយំ ភន្តេ តត្ថ បដិបត្តិ.

បុច្ឆា – កតិ អាវុសោ អត្ថវសេ បដិច្ច ភគវតា ចតុត្ថំ បារាជិកំ បញ្ញត្តំ.

វិស្សជ្ជនា – ទស ភន្តេ អត្ថវសេ បដិច្ច ភគវតា ចតុត្ថំ បារាជិកំ បញ្ញត្តំ, សង្ឃសុដ្ឋុតាយ សង្ឃផាសុតាយ…បេ… វិនយានុគ្គហាយ.

បុច្ឆា – កេ ¶ អាវុសោ សិក្ខន្តិ.

វិស្សជ្ជនា – សេក្ខាច ភន្តេ បុថុជ្ជនកល្យាណកាច សិក្ខន្តិ.

បុច្ឆា – កេ អាវុសោ សិក្ខិតសិក្ខា.

វិស្សជ្ជនា – អរហន្តោ ភន្តេ សិក្ខិតសិក្ខា.

បុច្ឆា – កត្ថ អាវុសោ ឋិតំ.

វិស្សជ្ជនា – សិក្ខាកាមេសុ ភន្តេ ឋិតំ.

បុច្ឆា – កេ អាវុសោ ធារេន្តិ.

វិស្សជ្ជនា – យេសំ ភន្តេ វត្តតិ តេ ធារេន្តិ.

បុច្ឆា – កស្ស ¶ អាវុសោ វចនំ.

វិស្សជ្ជនា – ភគវតោ ភន្តេ វចនំ អរហតោ សម្មាសម្ពុទ្ធស្ស.

បុច្ឆា – កេនាវុសោ អាភតំ.

វិស្សជ្ជនា – បរម្បរាយ ភន្តេ អាភតំ.

បុច្ឆា – អត្ថិ នុខោ អាវុសោ តត្ថ កិញ្ចិ ឧបនេតព្ពំ វា អបនេតព្ពំ វា អក្ខរបទបច្ចាភដ្ឋំ វា វិរទ្ធបទព្យញ្ជនំ វា.

វិស្សជ្ជនា – នត្ថិ ភន្តេ.

សង្ឃាទិសេស សិក្ខាបុច្ឆា

១. សុក្កវិស្សដ្ឋិសង្ឃាទិសេស សិក្ខាបុច្ឆា

បុច្ឆា – យំ ¶ តេន អាវុសោ ភគវតា ជានតា បស្សតា អរហតា សម្មាសម្ពុទ្ធេន ឧបក្កមិត្វា អសុចិំ មោចេន្តស្ស សង្ឃាទិសេសោ កត្ថ បញ្ញត្តោ.

វិស្សជ្ជនា – សាវត្ថិយំ ភន្តេ បញ្ញត្តោ.

បុច្ឆា – កំ អាវុសោ អារព្ភ បញ្ញត្តោ.

វិស្សជ្ជនា – អាយស្មន្តំ ភន្តេ សេយ្យសកំ អារព្ភ បញ្ញត្តោ.

បុច្ឆា – កិស្មិំ អាវុសោ វត្ថុស្មិំ បញ្ញត្តោ.

វិស្សជ្ជនា – អាយស្មា ភន្តេ សេយ្យសកោ ហត្ថេន ឧបក្កមិត្វា អសុចិំ មោចេសិ, តស្មិំ ភន្តេ វត្ថុស្មិំ បញ្ញត្តោ.

បុច្ឆា – អត្ថិ ¶ អាវុសោ តត្ថ បញ្ញត្តិ អនុបញ្ញត្តិ អនុប្បន្នបញ្ញត្តិ.

វិស្សជ្ជនា – ឯកា ភន្តេ បញ្ញត្តិ, ឯកា អនុបញ្ញត្តិ, អនុប្បន្នបញ្ញត្តិ តស្មិំ នត្ថិ.

បុច្ឆា – កតមា អាវុសោ តត្ថ មូលបញ្ញត្តិ.

វិស្សជ្ជនា – សញ្ចេតនិកា សុក្កវិស្សដ្ឋិ សង្ឃាទិសេសោតិ អយំ ភន្តេ តត្ថ មូលបញ្ញត្តិ.

បុច្ឆា – កតមា បនាវុសោ តត្ថ អនុបញ្ញត្តិ.

វិស្សជ្ជនា – អញ្ញត្រ សុបិនន្តាតិ អយំ ភន្តេ តត្ថ អនុបញ្ញត្តិ.

បុច្ឆា – កតមា ¶ បនាវុសោ តត្ថ បរិបុណ្ណបញ្ញត្តិ.

វិស្សជ្ជនា – សញ្ចេតនិកា សុក្កវិស្សដ្ឋិ អញ្ញត្រសុបិនន្តា សង្ឃាទិសោតិ អយំ ភន្តេ តត្ថ បរិបុណ្ណបញ្ញត្តិ.

បុច្ឆា – សាធារណ បញ្ញត្តិនុខោ អាវុសោ អសាធារណ បញ្ញត្តិនុខោ.

វិស្សជ្ជនា – អសាធារណបញ្ញត្តិ ភន្តេ.

បុច្ឆា – តត្ថ អាវុសោ ឧបក្កមិត្វា អសុចិំ មោចេន្តោ កតិ អាបត្តិយោ អាបជ្ជតិ.

វិស្សជ្ជនា – ឧបក្កមិត្វា ភន្តេ អសុចិំ មោចេន្តោ តិស្សោ អាបត្តិយោ អាបជ្ជតិ, ចេតេតិ ឧបក្កមតិ មុច្ចតិ អាបត្តិ

សង្ឃាទិសេសស្ស ¶ , ចេតេតិ ឧបក្កមតិ ន មុច្ចតិ អាបត្តិ ថុល្លច្ចយស្ស, បយោគេ ទុក្កដំ.

បុច្ឆា – កេសំ អាវុសោ អនាបត្តិ.

វិស្សជ្ជនា – ឆន្នំ ភន្តេ អនាបត្តិ សុបិនន្តេន មោចេន្តស្ស ន មោចនាធិប្បាយស្ស ឧម្មត្តកស្ស ខិត្តចិត្តស្ស វេទនាដ្ដស្ស អាទិកម្មិកស្ស ឥមេសំ ខោ ភន្តេ ឆន្នំ អនាបត្តិ.

បុច្ឆា – បញ្ចន្នំ ¶ អាវុសោ បាតិមោក្ខុទ្ទេសានំ កតមេន ឧទ្ទេសេន ឧទ្ទេសំ អាគច្ឆតិ.

វិស្សជ្ជនា – បញ្ចន្នំ ភន្តេ បាតិមោក្ខុទ្ទេសានំ តតិយេន ឧទ្ទេសេន ឧទ្ទេសំ អាគច្ឆតិ.

បុច្ឆា – ចតុន្នំ អាវុសោ វិបត្តីនំ កតមា វិបត្តិ.

វិស្សជ្ជនា – ចតុន្នំ ភន្តេ វិបត្តីនំ សីលវិបត្តិ.

បុច្ឆា – កា អាវុសោ វិបត្តិ.

វិស្សជ្ជនា – អសំវរោ ភន្តេ វិបត្តិ.

បុច្ឆា – កា ¶ អាវុសោ សម្បត្តិ.

វិស្សជ្ជនា – សំវរោ ភន្តេ សម្បត្តិ.

បុច្ឆា – កា អាវុសោ បដិបត្តិ.

វិស្សជ្ជនា – ន ឯវ រូបំ ករិស្សាមីតិ យាវជីវំ អាបាណកោដិកំ សមាទាយ សិក្ខតិ សិក្ខាបទេសុ អយំ ភន្តេ បដិបត្តិ.

បុច្ឆា – កតិ អាវុសោ អត្ថវសេ បដិច្ច ភគវតា ឧបក្កមិត្វា អសុចិំ មោចេន្តស្ស សង្ឃាទិសេសោ បញ្ញត្តោ.

វិស្សជ្ជនា – ទស ¶ ភន្តេ អត្ថវសេ បដិច្ច ភគវតា ឧបក្កមិត្វា អសុចិំ មោចេន្តស្ស សង្ឃាទិសេសោ បញ្ញត្តោ សង្ឃសុដ្ឋុតាយ…បេ… វិនយានុគ្គហាយ.

បុច្ឆា – កត្ថ អាវុសោ ឋិតំ.

វិស្សជ្ជនា – សិក្ខាកាមេសុ ភន្តេ ឋិតំ.

បុច្ឆា – កេ អាវុសោ ធារេន្តិ.

វិស្សជ្ជនា – យេសំ ភន្តេ វត្តតិ តេ ធារេន្តិ.

បុច្ឆា – កស្ស ¶ អាវុសោ វចនំ.

វិស្សជ្ជនា – ភគវតោ ភន្តេ វចនំ អរហតោ សម្មាសម្ពុទ្ធស្ស.

បុច្ឆា – កេនាវុសោ អាភតំ.

វិស្សជ្ជនា – បរម្បរាយ ភន្តេ អាភតំ.

បុច្ឆា – អត្ថិ នុខោ អាវុសោ តត្ថ សនិទានេ សបទភាជនីយេ សវិនីតវត្ថុកេ ឧបនេតព្ពំ វា អបនេតព្ពំ វា អក្ខរបទបច្ចាភដ្ឋំ វា វិរទ្ធបទព្យញ្ជនំ វា.

សំគាយនត្ថាយ សង្ឃស្ស ញាបនំ

សុណាតុ ¶ មេ ភន្តេ សង្ឃោ អាយស្មន្តំ វិចិត្តសារាភិវំសំ តិបិដកធរ ធម្មភណ្ឌាគារិកំ បឋមស្ស សង្ឃាទិសេស សិក្ខាបទស្ស និទានម្បិ បុច្ឆិំ, បុគ្គលម្បិ បុច្ឆិំ, វត្ថុម្បិ បុច្ឆិំ, បញ្ញត្តិម្បិ បុច្ឆិំ, អនុបញ្ញត្តិម្បិ បុច្ឆិ, អាបត្តិម្បិ បុច្ឆិំ, អនាបត្តិម្បិ បុច្ឆិំ, អញ្ញានិបិ ឯវរូបានិ អនេកានិ បុច្ឆិតព្ពដ្ឋានានិ បុច្ឆិំ, បុដ្ឋោ បុដ្ឋោ ច សោ អាយស្មា វិចិត្តសារាភិវំសោ វិស្សជ្ជេសិ, ឥតិហិទំ ភន្តេ បឋម សង្ឃាទិសេស សិក្ខាបទំ សបរិវារំ និម្មលំ សុបរិសុទ្ធំ តស្សេវ ភគវតោ វចនំ អរហតោ សម្មាសម្ពុទ្ធស្ស. តស្មា យថាបុរេ មហាកស្សបាទយោ មហាថេរវរា បោរាណសំគីតិការា ព្រហ្មចរិយស្ស ចិរដ្ឋិតិយា ពហុជនហិតាយ ពហុជនសុខាយ លោកានុកម្បាយ អត្ថាយ ហិតាយ សុខាយ ទេវមនុស្សានំ ¶ ធម្មវិនយំ សំគាយិំសុចេវ អនុសំគាយិំសុច, ឯវមេវ មយម្បិ សព្ពេវ ឆដ្ឋសំគីតិមហាធម្មសភា បរិយាបន្នា ឥទំ បឋមំ សង្ឃាទិសេស សិក្ខាបទំ និទានតោ បដ្ឋាយ ឯកច្ចានំ វចសា សជ្ឈាយវសេន ឯកច្ចានំ មនសា មនសិករណវសេនច ឯកតោ គណសជ្ឈាយំ កត្វា សំគាយេយ្យាម.

បុច្ឆា – យំ ¶ តេន អាវុសោ ភគវតា…បេ… សម្មាសម្ពុទ្ធេន មាតុកាមេន សទ្ធិំ កាយសំសគ្គំ សមាបជ្ជន្តស្ស ច, មាតុគាមំ ទុដ្ឋុល្លាហិ វាចាហិ ឱភាសន្តស្ស ច, មាតុគាមស្ស សន្តិកេ អត្តកាម បារិចរិយាយ វណ្ណំ ភាសន្តស្ស ច, សញ្ចរិត្តំ សមាបជ្ជន្តស្ស ច សង្ឃាទិសេសោ កត្ថ បញ្ញត្តោ.

វិស្សជ្ជនា – សាវត្ថិយំ ភន្តេ បញ្ញត្តោ.

បុច្ឆា – កំ ¶ អាវុសោ អារព្ភ បញ្ញត្តោ.

វិស្សជ្ជនា – អាយស្មន្តំ ភន្តេ ឧទាយិត្ថេរំ អារព្ភ បញ្ញត្តោ.

បុច្ឆា – កិស្មិំ អាវុសោ វត្ថុស្មិំ បញ្ញត្តោ.

វិស្សជ្ជនា – អាយស្មា ភន្តេ ឧទាយិត្ថេរោ មាតុគាមេន សទ្ធិំ កាយសំសគ្គំ សមាបជ្ជិ, អាយស្មាយេវ ភន្តេ ឧទាយិត្ថេរោ មាតុគាមំ ទុដ្ឋុល្លាហិ វាចាហិ ឱភាសិ, អាយស្មាយេវ ភន្តេ ឧទាយិត្ថេរោ មាតុគាមស្ស សន្តិកេ អត្តកាម បារិចរិយាយ វណ្ណំ អភាសិ, អាយស្មាយេវ ភន្តេ ឧទាយិត្ថេរោ សញ្ចរិត្តំ សមាបជ្ជិំ, តស្មិំ ភន្តេ វត្ថុស្មិំ បញ្ញត្តោ.

៦. កុដិការ សង្ឃាទិសេស សិក្ខាបុច្ឆា

បុច្ឆា – យំ ¶ តេន អាវុសោ…បេ… សម្មាសម្ពុទ្ធេន សញ្ញាចិកាយ កុដិំ ការាបេន្តស្ស សង្ឃាទិសេសោ កត្ថ បញ្ញត្តោ.

វិស្សជ្ជនា – អាឡវិយំ ភន្តេ បញ្ញត្ថោ.

បុច្ឆា – កំ អាវុសោ អារព្ភ បញ្ញត្តោ.

វិស្សជ្ជនា – អាឡវិកេ ភន្តេ ភិក្ខូ អារព្ភ បញ្ញត្តោ.

បុច្ឆា – កិស្មិំ ¶ អាវុសោ វត្ថុស្មិំ បញ្ញត្តោ.

វិស្សជ្ជនា – អាឡវិកា ភន្តេ ភិក្ខូ សញ្ញាចិកាយោ កុដិយោ ការាបេសុំ, តស្មិំ ភន្តេ វត្ថុស្មិំ បញ្ញត្តោ.

៧. វិហារការ សង្ឃាទិសេស សិក្ខាបុច្ឆា

បុច្ឆា – យំ តេន អាវុសោ…បេ… សម្មាសម្ពុទ្ធេន មហល្លកំ វិហារំ ការាបេន្តស្ស សង្ឃាទិសេសោ កត្ថ បញ្ញត្តោ.

វិស្សជ្ជនា – កោសម្ពិយំ ភន្តេ.

បុច្ឆា – កំ ¶ អាវុសោ អារព្ភ បញ្ញត្តោ.

វិស្សជ្ជនា – អាយស្មន្តំ ភន្តេ ឆន្នត្ថេរំ អារព្ភ បញ្ញត្តោ.

បុច្ឆា – កិស្មិំ អាវុសោ វត្ថុស្មិំ បញ្ញត្តោ.

វិស្សជ្ជនា – អាយស្មា ភន្តេ ឆន្នោ វិហារវត្ថុំ សោធេន្តោ អញ្ញតរំ ចេតិយរុក្ខំ ឆេទាបេសិ គាមបូជិតំ និគមបូជិតំ នគរ បូជិតំ ជនបទបូជិតំ រដ្ឋបូជិតំ, តស្មិំ ភន្តេ វត្ថុស្មិំ បញ្ញត្តោ.

៨-៩. ទុដ្ឋទោស សង្ឃាទិសេស សិក្ខាបុច្ឆា

បុច្ឆា – យំ តេន អាវុសោ ភគវតា…បេ… សម្មាសម្ពុទ្ធេន ភិក្ខុំ អមូលកេន បារាជិកេន ធម្មេន អនុទ្ធំសេន្តស្ស ច, ភិក្ខុំ អញ្ញភាគិយស្ស អធិករណស្ស កិញ្ចិទេសំ លេសមត្តំ ឧបាទាយ បារាជិកេន ធម្មេន អនុទ្ធំសេន្តស្ស ច សង្ឃាទិសេសោ កត្ថ បញ្ញត្តោ.

វិស្សជ្ជនា – រាជគហេ ¶ ភន្តេ បញ្ញត្តោ.

បុច្ឆា – កំ អាវុសោ អារព្ភ កិស្មិំ វត្ថុស្មិំ បញ្ញត្តោ.

វិស្សជ្ជនា – មេត្តិយភូមជកា ភន្តេ ភិក្ខូ អារព្ភ បញ្ញត្តោ, មេត្តិយភូមជកា ភន្តេ ភិក្ខូ អាយស្មន្តំ ទព្ពំ មល្លបុត្តំ អមូលកេន បារាជិកេន ធម្មេន អនុទ្ធំសេសុំ, តេយេវ ភន្តេ មេត្តិយភូមជកា ភិក្ខូ អាយស្មន្តំ ទព្ពំ មល្លបុត្តំ អញ្ញភាគិយស្ស អធិករណស្ស កិញ្ចិទេសំ លេសមត្តំ ឧបាទាយ បារាជិកេន ធម្មេន អនុទ្ធំសេសុំ, តស្មិំ ភន្តេ វត្ថុស្មិំ, បញ្ញត្តោ.

១០. សង្ឃភេទក សង្ឃាទិសេស សិក្ខាបុច្ឆា

បុច្ឆា – យំ ¶ តេន អាវុសោ ភគវតា…បេ… សម្មាសម្ពុទ្ធេន សង្ឃភេទកស្ស ភិក្ខុនោ យាវតតិយំ សមនុភាសនាយ អប្បដិនិស្សជ្ជន្តស្ស សង្ឃាទិសេសោ កត្ថ បញ្ញត្តោ.

វិស្សជ្ជនា – រាជគហេ ភន្តេ បញ្ញត្តោ.

បុច្ឆា – កំ ¶ អាវុសោ អារព្ភ កិស្មិំ វត្ថុស្មិំ បញ្ញត្ថោ.

វិស្សជ្ជនា – ទេវទត្តំ ភន្តេ អារព្ភ បញ្ញត្តោ.

ទេវទត្តោ ភន្តេ សមគ្គស្ស សង្ឃស្ស ភេទាយ បរក្កមិ, តស្មិំ ភន្តេ វត្ថុស្មិំ បញ្ញត្តោ.

១១. ភេទានុវត្តក សិក្ខាបុច្ឆា

បុច្ឆា – យំ ¶ តេន អាវុសោ ភគវតា…បេ… សម្មាសម្ពុទ្ធេន ភេទានុវត្តកានំ ភិក្ខូនំ យាវតតិយំ សមនុភាសនាយ អប្បដិនិស្សជ្ជន្តានំ សង្ឃាទិសេសោ កត្ថ បញ្ញត្តោ.

វិស្សជ្ជនា – រាជគហេ ភន្តេ បញ្ញត្តោ.

បុច្ឆា – កំ អាវុសោ អារព្ភ កិស្មិំ វត្ថុស្មិំ បញ្ញត្តោ.

វិស្សជ្ជនា – សម្ពហុលេ ភន្តេ ភិក្ខូ អារព្ភ បញ្ញត្តោ, សម្ពហុលា ភន្តេ ភិក្ខូ ទេវទត្តស្ស សង្ឃាភេទាយ បរក្កមន្តស្ស អនុវត្តកា អហេសុំ វគ្គវាទកា, តស្មិំ ភន្តេ វត្ថុស្មិំ បញ្ញត្តោ.

១២. ទុព្ពច, សង្ឃាទិសេស សិក្ខាបុច្ឆា

បុច្ឆា – យំ ¶ តេន អាវុសោ ភគវតា…បេ… សម្មាសម្ពុទ្ធេន ទុព្ពចស្ស ភិក្ខុនោ យាវតតិយំ សមនុភាសនាយ អប្បដិនិស្សជ្ជន្តស្ស សង្ឃាទិសេសោ កត្ថ បញ្ញត្តោ.

វិស្សជ្ជនា – កោសម្ពិយំ ភន្តេ បញ្ញត្តោ.

បុច្ឆា – កំ ¶ អាវុសោ អារព្ភ កិស្មិំ វត្ថុស្មិំ បញ្ញត្តោ.

វិស្សជ្ជនា – អាយស្មន្តំ ភន្តេ ឆន្នំ អារព្ភ បញ្ញត្តោ, អាយស្មា ភន្តេ ឆន្នោ ភិក្ខូហិ សហធម្មិកំ វុច្ចមានោ អត្តានំ អវចនីយំ អកាសិ, តស្មិំ ភន្តេ វត្ថុស្មិំ បញ្ញត្តោ.

១៣. កុលទូសក សង្ឃាទិសេស សិក្ខាបុច្ឆា

បុច្ឆា – យំ ¶ តេន អាវុសោ ភគវតា…បេ… សម្មាសម្ពុទ្ធេន កុលទូសកស្ស ភិក្ខុនោ យាវតតិយំ សមនុភាសនាយ អប្បដិនិស្សជ្ជន្តស្ស សង្ឃាទិសេសោ កត្ថ បញ្ញត្តោ.

វិស្សជ្ជនា – សាវត្ថិយំ ¶ ភន្តេ បញ្ញត្តោ.

បុច្ឆា – កំ អារព្ភ អាវុសោ កិស្មិំ វត្ថុស្មិំ បញ្ញត្តោ.

វិស្សជ្ជនា – អស្សជិ បុនព្ពសុកេ ភន្តេ ភិក្ខូ អារព្ភ បញ្ញត្តោ, អស្សជិបុនព្ពសុកា ភន្តេ ភិក្ខូ សង្ឃេន បព្ពាជនីយកម្មកតា ឆន្ទគាមិតា ទោសគាមិតា មោហគាមិតា ភយគាមិតា បាបេសុំ, តស្មិំ ភន្តេ វត្ថុស្មិំ បញ្ញត្តោ.

អនិយត សិក្ខាបុច្ឆា

បុច្ឆា – យំ ¶ តេន អាវុសោ ភគវតា…បេ… សម្មាសម្ពុទ្ធេន បឋមោ ច អនិយតោ ទុតិយោ ច អនិយតោ កត្ថ បញ្ញត្តោ.

វិស្សជ្ជនា – សាវត្ថិយំ ភន្តេ បញ្ញត្តោ.

បុច្ឆា – កំ អាវុសោ អារព្ភ កិស្មិំ វត្ថុស្មិំ បញ្ញត្តោ.

វិស្សជ្ជនា – អាយស្មន្តំ ភន្តេ ឧទាយិំ អារព្ភ បញ្ញត្តោ, អាយស្មា ភន្តេ ឧទាយី មាតុគាមេន សទ្ធិំ ឯកោឯកាយ រហោ បដិច្ឆន្នេ អាសនេ អលំកម្មនិយេ និសជ្ជំ កប្បេសិ, តស្មិញ្ច វត្ថុស្មិំ, អាយស្មាយេវ ភន្តេ ឧទាយី មាតុគាមេន សទ្ធិំ រហោ និសជ្ជំ អកាសិ, តស្មិញ្ច ភន្តេ វត្ថុស្មិំ បញ្ញត្តោ.

បុច្ឆា – កស្ស ¶ អាវុសោ វចនំ.

វិស្សជ្ជនា – ភគវតោ ភន្តេ វចនំ អរហតោ សម្មាសម្ពុទ្ធស្ស.

បុច្ឆា – កេនាវុសោ អាភតំ.

វិស្សជ្ជនា – បរម្បរាយ ភន្តេ អាភតំ.

បុច្ឆា – អត្ថិ នុខោ អាវុសោ ឯត្ថ កោចិបិ វិរទ្ធទោសោ.

វិស្សជ្ជនា – នត្ថិ ភន្តេ.

សំគាយនត្ថាយ សង្ឃស្សញាបនំ

សុណាតុ ¶ មេ ភន្តេ សង្ឃោ, អហំ ភន្តេ អាយស្មន្តំ វិចិត្តសារាភិវំសំ តិបិដកធរ ធម្មភណ្ឌាគារិកំ បឋម ទុដ្ឋទោស សិក្ខាបទតោ បដ្ឋាយ បុច្ឆិតព្ពានិ អនេកានិ ឋានានិ បុច្ឆិំ, សោ ច អាយស្មា បុដ្ឋោ បុដ្ឋោ វិស្សជ្ជេតិ, ឥតិហិទំ ភន្តេ សព្ពំ សិក្ខាបទំ និម្មលំ សុបរិសុទ្ធំ តស្សេវ ភគវតោ វចនំ អរហតោ សម្មាសម្ពុទ្ធស្ស, តស្មា យថាបុរេ មហាកស្សបាទយោ មហាថេរវរា បោរាណសំគីតិការា ព្រហ្មចរិយស្ស ចិរដ្ឋិតិយា ពហុជនហិតាយ ពហុជនសុខាយ លោកានុកម្បាយ អត្ថាយ ហិតាយ សុខាយ ទេវមនុស្សានំ សំគាយិំសុចេវ អនុសំគាយិំសុច, ឯវមេវ មយម្បិ ទានិ សព្ពេវ ឆដ្ឋសំគីតិ មហាធម្មសភាបរិយាបន្នា ឥមានិ សិក្ខាបទានិ ឯកតោ គណសជ្ឈាយំ កត្វា សំគាយេយ្យាម.

និស្សគ្គិបាចិត្តិយ

១. ចីវរវគ្គ ១. បឋមកថិន សិក្ខាបុច្ឆា

បុច្ឆា – យំ ¶ តេន អាវុសោ ភគវតា…បេ… សម្មាសម្ពុទ្ធេន អតិរេកចីវរំ ទសាហំ អតិក្កាមេន្តស្ស និស្សគ្គិយំ បាចិត្តិយំ កត្ថ បញ្ញត្តំ.

វិស្សជ្ជនា – វេសាលិយំ ភន្តេ បញ្ញត្តំ.

បុច្ឆា – កំ អាវុសោ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – ឆព្ពគ្គិយេ ភន្តេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ អតិរេកចីវរំ ធារេសុំ, តស្មិំ ភន្តេ វត្ថុស្មិំ បញ្ញត្តំ.

១. ចីវរវគ្គ ២. ឧទោសិត សិក្ខាបុច្ឆា

បុច្ឆា – ឯករត្តំ ¶ អាវុសោ តិចិវរេន វិប្បវសន្តស្ស និស្សគ្គិយំ បាចិត្តិយំ ភគវតា កត្ថ បញ្ញត្តំ.

វិស្សជ្ជនា – សាវត្ថិយំ ភន្តេ បញ្ញត្តំ.

បុច្ឆា – កំ អាវុសោ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សម្ពហុលេ ភន្តេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ ភិក្ខូនំ ហត្ថេ ចីវរំ និក្ខិបិត្វា សន្តរុត្តរេន ជនបទចារិកំ បក្កមិំសុ, តស្មិំ ភន្តេ វត្ថុស្មិំ បញ្ញត្តំ.

១. ចីវរវគ្គ ៣. តតិយកថិន សិក្ខាបុច្ឆា

បុច្ឆា – អកាលចីវរំ ¶ អាវុសោ បដិគ្គហេត្វា មាសំ អតិក្កាមេន្តស្ស និស្សគ្គិយំ បាចិត្តិយំ ភគវតា កត្ថ បញ្ញត្តំ.

វិស្សជ្ជនា – សាវត្ថិយំ ភន្តេ បញ្ញត្តំ.

បុច្ឆា – កំ អាវុសោ អារព្ព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សម្ពហុលេ ភន្តេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ អកាលចីវរំ បដិគ្គហេត្វា មាសំ អតិក្កាមេសុំ, តស្មិំ ភន្តេ វត្ថុស្មិំ បញ្ញត្តំ.

១. ចីវរវគ្គ ៤. បុរាណចីវរ សិក្ខាបុច្ឆា

បុច្ឆា – អញ្ញាតិកាយ ¶ អាវុសោ ភិក្ខុនិយា បុរាណចីវរំ ធោវាបេន្តស្ស និស្សគ្គិយំ បាចិត្តិយំ ភគវតា កត្ថ បញ្ញត្តំ.

វិស្សជ្ជនា – សាវត្ថិយំ ភន្តេ បញ្ញត្តំ.

បុច្ឆា – កំ អាវុសោ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – អាយស្មន្តំ ភន្តេ ឧទាយិំ អារព្ភ បញ្ញត្តំ, អាយស្មា ភន្តេ ឧទាយី អញ្ញាតិកាយ ភិក្ខុនិយា បុរាណចីវរំ ធោវាបេសិ, តស្មិំ ភន្តេ វត្ថុស្មិំ បញ្ញត្តំ.

១. ចីវរវគ្គ ៥. ចីវរបដិគ្គហណ សិក្ខាបុច្ឆា

បុច្ឆា – អញ្ញាតិកាយ ¶ អាវុសោ ភិក្ខុនិយា ហត្ថតោ ចីវរំ បដិគ្គណ្ហន្តស្ស និស្សគ្គិយំ បាចិត្តិយំ ភគវតា កត្ថ បញ្ញត្តំ.

វិស្សជ្ជនា – រាជគហេ ភន្តេ បញ្ញត្តំ.

បុច្ឆា – កំ អាវុសោ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – អាយស្មន្តំ ភន្តេ ឧទាយិំ អារព្ភ បញ្ញត្តំ, អាយស្មា ភន្តេ ឧទាយី អញ្ញាតិកាយ ភិក្ខុនិយា ហត្ថតោ ចីវរំ បដិគ្គហេសិ, តស្មិំ ភន្តេ វត្ថុស្មិំ បញ្ញត្តំ.

១. ចីវរវគ្គ ៦. អញ្ញាតកវិញ្ញត្តិ សិក្ខាបុច្ឆា

បុច្ឆា – អញ្ញាតកំ ¶ អាវុសោ គហបតិំវា គហតានិំវា ចីវរំ វិញ្ញាបេន្តស្ស និស្សគ្គិយំ បាចិត្តិយំ ភគវតា កត្ថ បញ្ញត្តំ.

វិស្សជ្ជនា – សាវត្ថិយំ ភន្តេ បញ្ញត្តំ.

បុច្ឆា – កំ អាវុសោ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – អាយស្មន្តំ ភន្តេ ឧបនន្ទំ សក្យបុត្តំ អារព្ភ បញ្ញត្តំ, អាយស្មា ភន្តេ ឧបនន្ទោ សក្យបុត្តោ អញ្ញាតកំ សេដ្ឋិបុត្តំ ចីវរំ វិញ្ញាបេសិ, តស្មិំ ភន្តេ វត្ថុស្មិំ បញ្ញត្តំ.

១. ចីវរវគ្គ ៧. តតុត្តរិ សិក្ខាបុច្ឆា

បុច្ឆា – អញ្ញាតកំ ¶ អាវុសោ គហបតិំ វា គហបតានិំ វា តតុត្តរិ ចីវរំ វិញ្ញាបេន្តស្ស និស្សគ្គិយំ បាចិត្តិយំ ភគវតា កត្ថ បញ្ញត្តំ.

វិស្សជ្ជនា – សាវត្ថិយំ ភន្តេ បញ្ញត្តំ.

បុច្ឆា – កំ អាវុសោ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – ឆព្ពគ្គិយេ ភន្តេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ន មត្តំ ជានិត្វា ពហុម្បិ ចីវរំ វិញ្ញាបេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – បុព្ពេ ¶ អប្បវារិតស្ស អាវុសោ អញ្ញាតកំ គហបតិំ វា គហតានិំ វា ឧបសង្កមិត្វា ចីវរេ វិកប្បំ អាបជ្ជន្តស្ស ច អញ្ញាតកេ គហបតិកេ ឧបសង្កមិត្វា ចីវរេ វិកប្បំ អាបជ្ជន្តស្ស ច និស្សគ្គិយំ បាចិត្តិយំ ភគវតា កត្ថ បញ្ញត្តំ.

វិស្សជ្ជនា – សាវត្ថិយំ ភន្តេ បញ្ញត្តំ.

បុច្ឆា – កំ អាវុសោ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – អាយស្មន្តំ ភន្តេ ឧបនន្ទំ សក្យបុត្តំ អារព្ភ បញ្ញត្តំ, អាយស្មា ភន្តេ ឧបនន្ទោ សក្យបុត្តោ បុព្ពេ អប្បវារិតោ អញ្ញាតកំ គហបតិកំ ឧបសង្កមិត្វា ចីវរេ វិកប្បំ អាបជ្ជិ. សោយេវ ភន្តេ អាយស្មា ឧបនន្ទោ សក្យបុត្តោ បុព្ពេ អប្បវារិតោ អញ្ញាតកេ គហបតិកេ ឧបសង្កមិត្វា ចីវរេ វិកប្បំ អាបជ្ជិ, តស្មិំ ភន្តេ វត្ថុស្មិំ បញ្ញត្តំ.

១. ចីវរវគ្គ ១០. រាជ សិក្ខាបុច្ឆា

បុច្ឆា – អតិរេកតិក្ខត្តុំ អាវុសោ ចោទនាយ អតិរេក ឆក្ខត្តុំ ឋានេន ចីវរំ អភិនិប្ផាទេន្តស្ស និស្សគ្គិយំ បាចិត្តិយំ ភគវតា កត្ថ បញ្ញត្តំ.

វិស្សជ្ជនា – សាវត្ថិយំ ភន្តេ បញ្ញត្តំ.

បុច្ឆា – កំ ¶ អាវុសោ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – អាយស្មន្តំ ភន្តេ ឧបនន្ទំ សក្យបុត្តំ អារព្ភ បញ្ញត្តំ, អាយស្មា ភន្តេ ឧបនន្ទោ សក្យបុត្តោ ឧបាសកេន អជ្ជណ្ហោ ភន្តេ អាគមេហីតិ វុច្ចមានោ នាគមេសិ, តស្មិំ ភន្តេ វត្ថុស្មិំ បញ្ញត្តំ.

២. កោសិយវគ្គ, ១. កោសិយ សិក្ខាបុច្ឆា

បុច្ឆា – កោសិយមិស្សកំ អាវុសោ សន្ថកំ ការាបេន្តស្ស និស្សគ្គិយំ បាចិត្តិយំ ភគវតា កត្ថ បញ្ញត្តំ.

វិស្សជ្ជនា – អាឡវិយំ ភន្តេ បញ្ញត្តំ.

បុច្ឆា – កំ ¶ ០ អាវុសោ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – ឆព្ពគ្គិយេ ភន្តេ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ កោសិយការកេ ឧបសង្កមិត្វា ឯវមហំសុ ពហូ អាវុសោ កោសការកេ បចថ អម្ហាកម្បិ ទស្សថ មយម្បិ ឥច្ឆាម កោសិយមិស្សកំ សន្តកំ កាតុន្តិ, តស្មិំ ភន្តេ វត្ថុស្មិំ បញ្ញត្តំ.

២. កោសិយវគ្គ ២. សុទ្ធកាឡក សិក្ខាបុច្ឆា

បុច្ឆា – សុទ្ធកាឡកានំ អាវុសោ ឯឡកលោមានំ សន្ថតំ ការាបេន្តស្ស និស្សគ្គិយំ បាចិត្តិយំ ភគវតា កត្ថ បញ្ញត្តំ.

វិស្សជ្ជនា – វេសាលិយំ ភន្តេ បញ្ញត្ថំ.

បុច្ឆា – កំ ¶ អាវុសោ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – ឆព្ពគ្គិយេ ភន្តេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ សុទ្ធកាឡកានំ ឯឡកលោមានំ សន្ថតំ ការាបេសុំ, តស្មិំ ភន្តេ វត្ថុស្មិំ បញ្ញត្តំ.

២. កោសិយវគ្គ ៣. ទ្វេភាគ សិក្ខាបុច្ឆា

បុច្ឆា – អនាទិយិត្វា អាវុសោ តុលំ ឱទាតានំ តុលំ គោចរិយានំ នវំ សន្ថតំ ការាបេន្តស្ស និស្សគ្គិយំ បាចិត្តិយំ ភគវតា កត្ថ បញ្ញត្តំ.

វិស្សជ្ជនា – សាវត្ថិយំ ភន្តេ បញ្ញត្តំ.

បុច្ឆា – កំ ¶ អាវុសោ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – ឆព្ពគ្គិយេ ភន្តេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ថោកំយេវ ឱទាតំ អន្តេ អាទិយិត្វា តថេវ សុទ្ធកាឡកានំ ឯឡកលោមានំ សន្ថតំ ការាបេសុំ, តស្មិំ ភន្តេ វត្ថុស្មិំ បញ្ញត្តំ.

២. កោសិយវគ្គ ៤. ឆព្ពស្ស សិក្ខាបុច្ឆា

បុច្ឆា – យំ តេន អាវុសោ ភគវតា…បេ… សម្មាសម្ពុទ្ធេន អនុវស្សំ ការាបេន្តស្ស និស្សគ្គិយំ បាចិត្តិយំ កត្ថ បញ្ញត្តំ.

វិស្សជ្ជនា – សាវត្ថិយំ ភន្តេ បញ្ញត្តំ.

បុច្ឆា – កំ ¶ អាវុសោ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សម្ពហុលេ ភន្តេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ អនុវស្សំ សន្ថតំ ការាបេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – កស្ស អាវុសោ វចនំ.

វិស្សជ្ជនា – ភគវតោ ភន្តេ វចនំ អរហតោ សម្មាសម្ពុទ្ធស្ស.

បុច្ឆា – កេនាវុសោ អាភតំ.

វិស្សជ្ជនា – បរម្បរាយ ភន្តេ អាភតំ.

បុច្ឆា – អត្ថិ ¶ នុខោ អាវុសោ ឯត្ថ កោចិ វិរទ្ធទោសោ.

វិស្សជ្ជនា – នត្ថិ ភន្តេ.

សំគាយនត្ថាយ សង្ឃស្ស ញាបនំ

សុណាតុ មេ ភន្តេ សង្ឃោ, អហំ អាយស្មន្តំ វិចិត្តសារាភិវំសំ តិបិដកធរ ធម្មភណ្ឌាគារិកំ ឥមេសំ និស្សគ្គិយបាចិត្តិយសិក្ខាបទានំ យាវ ឆព្ពស្សសិក្ខាបទំ និទានាទីនិ បុច្ឆិតព្ពានិ អនេកានិ ឋានានិ បុច្ឆិំ, បុដ្ឋោបុដ្ឋោ ច សោ អាយស្មា វិចិត្តសារាភិវំសោ វិស្សជ្ជេសិ, ឥតិហិទំ ភន្តេ ឥមានិ សិក្ខាបទានិ និម្មលានិ សុបរិសុទ្ធានី តស្សេវ ភគវតោ វចនានិ អរហតោ សម្មាសម្ពុទ្ធស្ស, តស្មា យថាបុរេ មហាកស្សបាទយោ មហាថេរវរា បោរាណសំគីតិការា ព្រហ្មចរិយស្ស ចិរដ្ឋិតិយា ពហុជនហិតាយ ពហុជនសុខាយ លោកានុកម្បាយ អត្ថាយ ហិតាយ សុខាយ ទេវមនុស្សានំ ធម្មវិនយំ សំគាយិំសុ ចេវ អនុសំគាយិំសុ ច, ឯវមេវ មយម្បិ ទានិ សព្ពេវ ឆដ្ឋសំគីតិ មហាធម្មសភា បរិយាបន្នា ឆព្ពស្ស និស្សគ្គិយ សិក្ខាបទតោ បដ្ឋាយ ឥមានិ និស្សគ្គិយសិក្ខាបទានិ ឯកតោ គណសជ្ឈាយំ កត្វា សំហាយេយ្យាម.

២. កោសិយវគ្គ ៥. និសីទនសន្ថត សិក្ខាបុច្ឆា

បុច្ឆា – យំ ¶ តេន អាវុសោ ភគវតា…បេ… សម្មាសម្ពុទ្ធេន អនាទិយិត្វា បុរាណសន្ថតស្ស សាមន្តា សុគតវិទត្តិំ នវំ និសីទនសន្ថតំ ការាបេន្តស្ស និស្សគ្គិយំ បាចិត្តិយំ កត្ថ បញ្ញត្តំ.

វិស្សជ្ជនា – សាវត្ថិយំ ភន្តេ បញ្ញត្តំ.

បុច្ឆា – កំ ¶ អាវុសោ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សម្ពហុលេ ភន្តេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ សន្ថតានិ ឧជ្ឈិត្វា អារញ្ញិកំ បិណ្ឌបាតិកង្គំ បំសុកូលកង្គំ សមាទិយិំសុ, តស្មិំ ភន្តេ វត្ថុស្មិំ បញ្ញត្តំ.

២. កោសិយវគ្គ ៦. ឯឡកលោម សិក្ខាបុច្ឆា

បុច្ឆា – ឯឡកលោមានិ អាវុសោ បដិគ្គហេត្វា តិយោជនំ អតិក្កាមេន្តស្ស និស្សគ្គិយំ បាចិត្តិយំ កត្ថ បញ្ញត្តំ.

វិស្សជ្ជនា – សាវត្ថិយំ ភន្តេ បញ្ញត្តំ.

បុច្ឆា – កំ ¶ អាវុសោ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – អញ្ញតរំ ភន្តេ ភិក្ខុំ អារព្ភ បញ្ញត្តំ, អញ្ញតរោ ភន្តេ ភិក្ខុ ឯឡកលោមានិ បដិគ្គហេត្វា តិយោជនំ អតិក្កាមេសិ, តស្មិំ ភន្តេ វត្ថុស្មិំ បញ្ញត្តំ.

២. កោសិយវគ្គ ៧. ឯឡកលោមធោវាបន សិក្ខាបុច្ឆា

បុច្ឆា – អញ្ញាតិកាយ ¶ អាវុសោ ភិក្ខុនិយា ឯឡកលោមានិ ធោវាបេន្តស្ស និស្សគ្គិយំ បាចិត្តិយំ កត្ថ បញ្ញត្តំ.

វិស្សជ្ជនា – សក្កេសុ ភន្តេ បញ្ញត្តំ.

បុច្ឆា – កំ អាវុសោ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – ឆព្ពគ្គិយេ ភន្តេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ អញ្ញាតិកាហិ ភិក្ខូនីហិ ឯឡកលោមានិ ធោវាបេសុំ, តស្មិំ ភន្តេ វត្ថុស្មិំ បញ្ញត្តំ.

២. កោសិយវគ្គ ៨. រូបិយ សិក្ខាបុច្ឆា

បុច្ឆា – រូបិយំ ¶ អាវុសោ បដិគ្គណ្ហន្តស្ស និស្សគ្គិយំ បាចិត្តិយំ ភគវតា កត្ថ បញ្ញត្តំ.

វិស្សជ្ជនា – រាជគហេ ភន្តេ បញ្ញត្តំ.

បុច្ឆា – កំ អាវុសោ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – អាយស្មន្តំ ភន្តេ ឧបនន្ទំ សក្យបុត្តំ អារព្ភ បញ្ញត្តំ, អាយស្មា ភន្តេ ឧបនន្ទោ សក្យបុត្តោ រូបិយំ បដិគ្គហេសិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – កថំ ¶ អាវុសោ តត្ថ បដិបជ្ជន្តោ រូបិយំ បដិគ្គណ្ហាតិ នាម.

វិស្សជ្ជនា – សយំ ភន្តេ គណ្ហាតិ, អញ្ញំ វា គណ្ហាបេសិ, ឥទំ អយ្យស្ស ហោតូតិ ឧបនិក្ខិត្តំ សាទិយតិ, ឯវំ ខោ ភន្តេ បដិបជ្ជន្តោ ភិក្ខុ រូបិយំ បដិគ្គណ្ហាតិ នាម.

បុច្ឆា – កថំ អាវុសោ តត្ថ បដិបជ្ជន្តោ ភិក្ខុ រូបិយំ ន បដិគ្គណ្ហាតិ នាម.

វិស្សជ្ជនា – យថា ¶ ភន្តេ រាជសិក្ខាបទេ យថា ច ភន្តេ មេណ្ឌកសិក្ខាបទេ អាគច្ឆតិ, តថា ភន្តេ បដិបជ្ជន្តោ ភិក្ខុ រូបិយំ ន បដិគ្គណ្ហាតិនាម.

២. កោសិយវគ្គ ៩. រូបិយសំវោហារ សិក្ខាបុច្ឆា

បុច្ឆា – រូបិយសំវោហារំ ¶ អាវុសោ សមាបជ្ជន្តស្ស និស្សគ្គិយំ បាចិត្តិយំ ភគវតា កត្ថ បញ្ញត្តំ.

វិស្សជ្ជនា – សាវត្ថិយំ ភន្តេ បញ្ញត្តំ.

បុច្ឆា – កំ អាវុសោ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – ឆព្ពគ្គិយេ ភន្តេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ នានប្បការកំ រូបិយសំវោហារំ សមាបជ្ជិំសុ, តស្មិំ ភន្តេ វត្ថុស្មិំ បញ្ញត្តំ.

២. កោសិយវគ្គ, ១០. កយវិក្កយ សិក្ខាបុច្ឆា

បុច្ឆា – នានប្បការកំ អាវុសោ កយវិក្កយំ អាបជ្ជន្តស្ស និស្សគ្គិយំ បាចិត្តិយំ ភគវតា កត្ថ បញ្ញត្តំ.

វិស្សជ្ជនា – សាវត្ថិយំ ភន្តេ បញ្ញត្តំ.

បុច្ឆា – កំ អាវុសោ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – អាយស្មន្តំ ភន្តេ ឧបនន្ទំ សក្យបុត្តំ អារព្ភ បញ្ញត្តំ, អាយស្មា ភន្តេ ឧបនន្ទោ សក្យបុត្តោ បរិព្ពាជកេន សទ្ធិ កយវិក្កយំ សមាបជ្ជិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – កថំ អាវុសោ តត្ថ បដិបជ្ជន្តោ ភិក្ខុ កយវិក្កយំ សមាបជ្ជតិនាម.

វិស្សជ្ជនា – ឥមិនា ឥមំ ទេហិ ឥមិនា ឥមំ អាហរ ឥមិនា ឥមំ បរិវត្តេហិ ឥមិនា ឥមំ ចេតាមេហីតិ អជ្ឈាចរតិ, ឯវំ ខោ ភន្តេ បដិបជ្ជន្តោ កយវិក្កយំ សមាបជ្ជតិនាម.

បុច្ឆា – កថំ ¶ អាវុសោ តត្ថ បដិបជ្ជន្តោ ភិក្ខុ ន កយវិក្កយំ សមាបជ្ជតិនាម.

វិស្សជ្ជនា – យោ ភន្តេ អគ្ឃំ បុច្ឆតិ, យោ ច ភន្តេ កប្បិយការកស្ស អាចិក្ខតិ, យោ ច ភន្តេ អម្ហាកញ្ច ឥទំ អត្ថិ អម្ហាកញ្ច ឥមិនា ច ឥមិនា ច អត្ថោតិ ភណតិ, ឯវំ ខោ ភន្តេ បដិបជ្ជន្តោ ភិក្ខុ ន កយវិក្កយំ សមាបជ្ជតិនាម.

៣. បត្តវគ្គ, ១. បត្ត សិក្ខាបុច្ឆា

បុច្ឆា – អតិរេកបត្តំ អាវុសោ ទសាហំ អតិក្កាមេន្តស្ស និស្សគ្គិយំ បាចិត្តិយំ កត្ថ បញ្ញត្តំ.

វិស្សជ្ជនា – សាវត្ថិយំ ភន្តេ បញ្ញត្តំ.

បុច្ឆា – កំ ¶ អាវុសោ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – ឆព្ពគ្គិយេ ភន្តេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ អតិរេកបត្តំ ធារេសុំ, តស្មិំ ភន្តេ វត្ថុស្មិំ បញ្ញត្តំ.

៥១៤ ៣. បត្តវគ្គ, ២. ឩនបញ្ចពន្ធន សិក្ខាបុច្ឆា

បុច្ឆា – ឩនបញ្ចពន្ធនេន បត្តេន អញ្ញំ នវំ បត្តំ ចេតាបេន្តស្ស និស្សគ្គិយំ បាចិត្តិយំ កត្ថ បញ្ញត្តំ.

វិស្សជ្ជនា – សក្កេសុ ភន្តេ បញ្ញត្តំ.

បុច្ឆា – កំ ¶ អាវុសោ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – ឆព្ពគ្គិយេ ភន្តេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ អប្បមត្តកេនបិ ភិន្នេន អប្បមត្តកេនបិ ខណ្ឌេន វិលិខិតមត្តេនបិ ពហូ បត្តេ វិយ្យាបេសុំ, តស្មិំ ភន្តេ វត្ថុស្មិំ បញ្ញត្តំ.

ន ភិក្ខវេ បត្តោ វិញ្ញាបេតព្ពោ, យោ វិញ្ញាបេយ្យ អាបត្តិ ទុក្កដស្ស.

៣. បត្តវគ្គ ៣. ភេសជ្ជ សិក្ខាបុច្ឆា

បុច្ឆា – ភេសជ្ជានិ ¶ អាវុសោ បដិគ្គហេត្វា សត្តាហំ អតិក្កាមេន្តស្ស និស្សគ្គិយំ បាចិត្តិយំ កត្ថ បញ្ញត្តំ.

វិស្សជ្ជនា – សាវត្ថិយំ ភន្តេ បញ្ញត្តំ.

បុច្ឆា – កំ អាវុសោ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សម្ពហុលេ ភន្តេ ភិក្ខូ អារព្ភ អារព្ភ បញ្ញត្តំ, សម្ពហុលា ភន្តេ ភិក្ខូ ភេសជ្ជានិ បដិគ្គហេត្វា សត្តាហំ អតិក្កាមេសុំ, តស្មិំ ភន្តេ វត្ថុស្មិំ បញ្ញត្តំ.

៣. បត្តវគ្គ ៤. វស្សិកសាដិក សិក្ខាបុច្ឆា

បុច្ឆា – អតិរេកមាសេ ¶ សេសេ គិមានេ អាវុសោ វស្សិកសាដិកចីវរំ បរិយេសន្តស្ស និស្សគ្គិយំ បាចិត្តិយំ កត្ថ បញ្ញត្តំ.

វិស្សជ្ជនា – សាវត្ថិយំ ភន្តេ បញ្ញត្តំ.

បុច្ឆា – កំ ¶ អាវុសោ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – ឆព្ពគ្គិយេ ភន្តេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ អតិរេកមាសេ សេសេ គិម្ហានេ វស្សិកសាដិកចីវរំ បរិយេសិំសុ, តស្មិំ ភន្តេ វត្ថុស្មិំ បញ្ញត្តំ.

៣. បត្តវគ្គ ៥. ចីវរអច្ឆិន្ទន សិក្ខាបុច្ឆា

បុច្ឆា – ភិក្ខុស្ស អាវុសោ សាមំ ចីវរំ ទត្វា កុបិតេន អនត្តមនេន អច្ឆិន្ទន្តស្ស និស្សគ្គិយំ បាចិត្តិយំ កត្ថ បញ្ញត្តំ.

វិស្សជ្ជនា – សាវត្ថិយំ ភន្តេ បញ្ញត្តំ.

បុច្ឆា – កំ ¶ អាវុសោ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – អាយស្មន្តំ ភន្តេ ឧបនន្ទំ សក្យបុត្តំ អារព្ភ បញ្ញត្តំ, អាយស្មា ភន្តេ ឧបនន្ទោ សក្យបុត្តោ ភិក្ខុស្ស សាមំ ចីវរំ ទត្វា កុបិតោ អនត្តមនោ អច្ឆិន្ទិ, តស្មិំ ភន្តេ វត្ថុស្មិំ បញ្ញត្តំ.

៣. បត្តវគ្គោ, ៦. សុត្តវិញ្ញត្តិ សិក្ខាបុច្ឆា

បុច្ឆា – សាមំ អាវុសោ សុត្តំ វិញ្ញាបេត្វា តន្តវាយេហិ ចីវរំ វាយាបេន្តស្ស និស្សគ្គិយំ បាចិត្តិយំ កត្ថ បញ្ញត្តំ.

វិស្សជ្ជនា – រាជគហេ ភន្តេ បញ្ញត្តំ.

បុច្ឆា – កំ អាវុសោ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – ឆព្ពគ្គិយេ ភន្តេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ សាមំ សុត្តំ វិញ្ញាបេត្វា តន្តវាយេហិ ចីវរំ វាយាបេសុំ, តស្មិំ ភន្តេ វត្ថុស្មិំ បញ្ញត្តំ.

៣. បត្តវគ្គ, ៧. មហាបេសការ សិក្ខាបុច្ឆា

បុច្ឆា – បុព្ពេ ¶ អប្បវារិតស្ស អាវុសោ អញ្ញាតកស្ស គហបតិកស្ស តន្តវាយេ ឧបសង្កមិត្វា ចីវរេ វិកប្បំ អាបជ្ជន្តស្ស និស្សគ្គិយំ បាចិត្តិយំ កត្ថ បញ្ញត្តំ.

វិស្សជ្ជនា – សាវត្ថិ យំ ភន្តេ បញ្ញត្តំ.

បុច្ឆា – កំ ¶ អាវុសោ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – អាយស្មន្តំ ភន្តេ ឧបនន្ទំ សក្យបុត្តំ អារព្ភ បញ្ញត្តំ, អាយស្មា ភន្តេ ឧបនន្ទោ សក្យបុត្តោ បុព្ពេ អប្បវារិតោ អញ្ញាតកស្ស គហបតិកស្ស តន្តវាយេ ឧបសង្កមិត្វា ចីវរេ វិកប្បំ អាបជ្ជិ, តស្មិំ ភន្តេ វត្ថុស្មិំ បញ្ញត្តំ.

៣. បត្តវគ្គោ, ៨. អច្ចេកចីវរ សិក្ខាបុច្ឆា

បុច្ឆា – អច្ចេក ចីវរំ អាវុសោ បដិគ្គហេត្វា ចីវរកាលសមយំ អតិក្កាមេន្តស្ស និស្សគ្គិយំ បាចិត្តិយំ កត្ថ បញ្ញត្តំ.

វិស្សជ្ជនា – សាវត្ថិយំ ភន្តេ បញ្ញត្តំ.

បុច្ឆា – កំ ¶ អាវុសោ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សម្ពហុលេ ភន្តេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ អច្ចេកចីវរំ បដិគ្គហេត្វា ចីវរកាលសមយំ អតិក្កាមេសុំ, តស្មិំ ភន្តេ វត្ថុស្មិំ បញ្ញត្តំ.

៣. បត្តវគ្គោ, ៩. សាសង្ក សិក្ខាបុច្ឆា

បុច្ឆា – តិណ្ណំ អាវុសោ ចីវរានំ អញ្ញតរំ ចីវរំ អន្តរឃរេ និក្ខិបិត្វា អតិរេកឆារត្តំ វិប្បវសន្តស្ស និស្សគ្គិយំ បាចិត្តិយំ កត្ថ បញ្ញត្តំ.

វិស្សជ្ជនា – សាវត្ថិយំ ភន្តេ បញ្ញត្តំ.

បុច្ឆា – កំ ¶ អាវុសោ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សម្ពហុលេ ភន្តេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ តិណ្ណំ ចីវរានំ អញ្ញតរំ ចីវរំ អន្តរឃរេ និក្ខិបិត្វា អតិរេកឆារត្តំ វិប្បវសិំសុ, តស្មិំ ភន្តេ វត្ថុស្មិំ បញ្ញត្តំ.

៣. បត្តវគ្គោ, ១០. បរិណត សិក្ខាបុច្ឆា

បុច្ឆា – យំ តេន អាវុសោ ភគវតា បស្សតា អរហតា សម្មាសម្ពុទ្ធេន ជានំ សង្ឃិកំ លាភំ អត្ថនោ បរិណាមេន្តស្ស និស្សគ្គិយំ បាចិត្តិយំ កត្ថ បញ្ញត្តំ.

វិស្សជ្ជនា – សាវត្ថិយំ ភន្តេ បញ្ញត្តំ.

បុច្ឆា – កំ ¶ អាវុសោ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – ឆព្ពគ្គិយេ ភន្តេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ជានំ សង្ឃិកំ លាភំ បរិណតំ អត្តនោ បរិណាមេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ជានំ ¶ អាវុសោ សង្ឃិកំ លាភំ បរិណតំ អត្តនោ បរិណាមេន្តោ, កតិ អាបត្តិយោ អាបជ្ជតិ.

វិស្សជ្ជនា – ជានំ ភន្តេ សង្ឃិកំ លាភំ បរិណតំ អត្តនោ បរិណាមេន្តោ ទ្វេ អាបត្តិយោ អាបជ្ជតិ, បរិណាមេតិ បយោគេ ទុក្កដំ, បរិណាមិតេ និស្សគ្គិយំ បាចិត្តិយំ, ជានំ ភន្តេ សង្ឃិកំ លាភំ បរិណតំ អត្តនោ បរិណាមេន្តោ ឥមា ទ្វេ អាបត្តិយោ អាបជ្ជតិ.

បុច្ឆា – កស្ស ¶ អាវុសោ វចនំ.

វិស្សជ្ជនា – ភគវតោ ភន្តេ វចនំ អរហតោ សម្មាសម្ពុទ្ធស្ស.

បុច្ឆា – កេនាវុសោ អាភតំ.

វិស្សជ្ជនា – បរម្បរាយ ភន្តេ អាភតំ.

បុច្ឆា – អត្ថិ នុខោ អាវុសោ តត្ថ កោចិបិ វិរទ្ធទោសោ.

វិស្សជ្ជនា – នត្ថិ ភន្តេ.

សំគាយនត្ថាយ ញាបនំ

សុណាតុ ¶ មេ ភន្តេ សង្ឃោ, អហំ ភន្តេ ឥមេសំ សោឡសន្នំ និស្សគ្គិយបាចិត្តិយសិក្ខាបទានំ និទានាទីនិ អនេកានិ បុច្ឆិតព្ពានិ អាយស្មន្តំ វិចិត្តសារាភិវំសំ តិបិដកធរ ធម្មភណ្ឌាគារិកំ បុច្ឆិំ, សោ ច បុដ្ឋោ បុដ្ឋោ វិស្សជ្ជេតិ, ឥតិហិទំ ភន្តេ សិក្ខាបទសញ្ជាតំ និម្មលំ សុ បរិសុទ្ធំ តស្សេវ ភគវតោ វចនំ អរហតោ សម្មាសម្ពុទ្ធស្ស, តស្មា យថា បុរេ មហាកស្សបាទយោ មហាថេរ វរា បោរាណសំគីតិការា ព្រហ្មចរិយសង្ខាតស្ស ពុទ្ធសាសនស្ស ចិរដ្ឋិតិយា ពហុជនហិតាយ ពហុជនសុខាយ លោកានុកម្បាយ អត្ថាយ ហិតាយ សុខាយ ទេវមនុស្សានំ ធម្មវិនយំ សំគាយិំសុចេវ អនុសំគាយិំសុច, ឯវមេវ មយម្បិ ទានិ ឆដ្ឋសំគីតិ មហាធម្មសភាបរិយាបន្នា ឥមានិ សិក្ខាបទានិ យថានុប្បត្តដ្ឋានតោ បដ្ឋាយ ឯកតោ គណសជ្ឈាយំ កត្វា សំគាយេយ្យាម.

បាចិត្តិយបាឡិ

១. មុសាវាទវគ្គ, ១. មុសាវាទ សិក្ខាបុច្ឆា

បុច្ឆា – យំ តេន អាវុសោ ភគវតា ជានតា បស្សតា អរហតា សម្មាសម្ពុទ្ធេន សម្បជានមុសាវាទេ បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ បញ្ញត្តំ, ហត្ថកំ សក្យបុត្តំ អារព្ភ បញ្ញត្តំ, ហត្ថកោ ភន្តេ សក្យបុត្តោ តិត្ថិយេហិ សទ្ធិំ សល្លបន្តោ អវជានិត្វា បដិជានាតិ បដិជានិត្វា អវជានាតិ, តស្មិំ ភន្តេ វត្ថុស្មិំ បញ្ញត្តំ.

១. មុសាវាទវគ្គោ, ២-៣. ឱមសវាទ, បេសុញ្ញ សិក្ខាបុច្ឆា

បុច្ឆា – ឱមសវាទេ បាចិត្តិយញ្ច អាវុសោ ភិក្ខុបេសុញ្ញេ បាចិត្តិយញ្ច ភគវតា កត្ថបញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ¶ ភន្តេ បញ្ញត្តំ, ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ភិក្ខូហិ សទ្ធិំ ភណ្ឌន្តា ឱមសិំសុ តស្មិំច វត្ថុស្មិំ, ឆព្ពគ្គិយា ភន្តេ ភិក្ខូ ភិក្ខូនំ ភណ្ឌនជាតានំ កលហជាតានំ វិវាទាបន្នានំ បេសុញ្ញំ ឧបសំហរិំសុ, តស្មិំ ភន្តេ វត្ថុស្មិំ បញ្ញត្តំ.

១. មុសាវាទវគ្គ, ៤. បទសោធម្ម សិក្ខាបុច្ឆា

បុច្ឆា – អនុបសម្បន្នំ អាវុសោ បទសោ វាចេន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ បញ្ញត្តំ, ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ឧបាសកេ បទសោ ធម្មំ វាចេសុំ, តស្មិំ ភន្តេ វត្ថុស្មិំ បញ្ញត្តំ.

១. មុសាវាទវគ្គោ ៥. សហសេយ្យ សិក្ខាបុច្ឆា

បុច្ឆា – អនុបសម្បន្នេន អាវុសោ ឧត្តរិទិរត្តតិរត្តំ សហសេយ្យំ កប្បេន្តស្ស បាចិត្តិយំ កត្ថ បញ្ញត្តំ, កំអារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – អាឡវិយំ ភន្តេ បញ្ញត្តំ, សម្ពហុលេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ អនុបសម្បន្នេន សហសេយ្យំ កប្បេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – កេសំ ¶ អាវុសោ ឯត្ថ អនុបសម្បន្នេន សហសេយ្យំ កប្បេន្តានម្បិ អនាបត្តិ ហោតិ.

វិស្សជ្ជនា – ឯកាទសន្នំ ភន្តេ បុគ្គលានំ អនុបសម្បន្នេន សហសេយ្យំ កប្បេន្តានំ អនាបត្តិ, ទ្វេតិស្សោ រត្តិយោ វសតី, ឩនកទ្វេ តិស្សោ រត្តិយោ វសតិ, ទ្វេរត្តិយោ វសិត្វា តតិយាយរត្តិយា បុរារុណា និក្ខមិត្វា បុន វសតិ, សព្ពច្ឆន្នេ សព្ពអបរិច្ឆន្នេ, សព្ពបរិច្ឆន្នេ សព្ពអច្ឆន្នេ, យេភុយ្យេន អច្ឆន្នេ យេភុយ្យេន អបរិច្ឆន្នេ, អនុបសម្បន្នេ និបន្នេ ភិក្ខុ និសីទតិ, ភិក្ខុនិបន្នេ អនុបសម្បន្នោ និសីទតិ, ឧភោវា និសីទន្តិ, ឧម្មត្តកស្ស, អាទិកម្មិកស្ស, ឥមេសំខោ ភន្តេ ឯកាទសន្នំ បុគ្គលានំ អនុបសម្បន្នេន សហសេយ្យំ កប្បេន្តានំ អនាបត្តិ.

១. មុសាវាទវគ្គោ, ៦. ទុតិយ សហសេយ្យ សិក្ខាបុច្ឆា

បុច្ឆា – មាតុគាមេន ¶ អាវុសោ សហសេយ្យំ កប្បេន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អាយស្មន្តំ អនុរុទ្ធំ អារព្ភ បញ្ញត្តំ, អាយស្មា ភន្តេ អនុរុទ្ធោ មាតុគាមេន សហសេយ្យំ កប្បេសិ, តស្មិំ ភន្តេ វត្ថុស្មិំ បញ្ញត្តំ.

១. មុសាវាទវគ្គោ, ៧. ធម្មទេសនា សិក្ខាបុច្ឆា

បុច្ឆា – មាតុគាមស្ស ¶ អាវុសោ ឧត្តរិ ឆប្បញ្ចវាចាហិ ធម្មំ ទេសេន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អាយស្មន្តំ ឧទាយិំ អារព្ភ បញ្ញត្តំ, អាយស្មា ភន្តេ ឧទាយី មាតុគាមស្ស ធម្មំទេសេតិ, តស្មិំ ភន្តេ វត្ថុស្មិំ បញ្ញត្តំ.

១. មុសាវាទវគ្គោ, ៨. ភូតារោចន សិក្ខាបុច្ឆា

បុច្ឆា – អនុបសម្បន្នស្ស ¶ អាវុសោ ឧត្តរិមនុស្សធម្មំ ភូតំ អារោចេន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – វេសាលិយំ ភន្តេ វគ្គុមុទាតីរិយេ ភិក្ខូ អារព្ភ បញ្ញត្តំ, វគ្គុមុទាតីរិយា ភន្តេ ភិក្ខូ គិហីនំ អញ្ញមញ្ញស្ស ឧត្តរិមនុស្សធម្មស្ស វណ្ណំ ភាសិំសុ, តស្មិំ ភន្តេ វត្ថុស្មិំ បញ្ញត្តំ.

១. មុសាវាទវគ្គោ, ៩. ទុដ្ឋុល្លារោចន សិក្ខាបុច្ឆា

បុច្ឆា – ភិក្ខុស្ស ¶ អាវុសោ ទុដ្ឋុល្លាបត្តិំ អនុបសម្បន្នស្ស អារោចេន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ភិក្ខុស្ស ទុដ្ឋុល្លាបត្តិំ អនុបសម្បន្នស្ស អារោចេសុំ, តស្មិំ ភន្តេ វត្ថុស្មិំ បញ្ញត្តំ.

១. មុសាវាទវគ្គោ, ១០. បថវីខណន សិក្ខាបុច្ឆា

បុច្ឆា – បថវិំខណន្តស្ស ¶ អាវុសោ បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – អាឡវិយំ ភន្តេ អាឡវិកេ ភិក្ខូ អារព្ភ បញ្ញត្តំ, អាឡវិកា ភន្តេ ភិក្ខូ បថវិំខណិំសុ, តស្មិំ ភន្តេ វត្ថុស្មិំ បញ្ញត្តំ.

២. ភូតគាមវគ្គោ, ១. ភូតគាម សិក្ខាបុច្ឆា

បុច្ឆា – ភូតគាមបាតព្យតាយ ¶ បាចិត្តិយំ អាវុសោ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – អាឡវិយំ ភន្តេ អាឡវិកេ ភិក្ខូ អារព្ភ បញ្ញត្តំ, អាឡវិកា ភន្តេ ភិក្ខូ រុក្ខំ ឆិន្ទិំ សុ, តស្មិំ ភន្តេ វត្ថុស្មិំ បញ្ញត្តំ.

២. ភូតគាមវគ្គ, ២. អញ្ញវាទក សិក្ខាបុច្ឆា

បុច្ឆា – អញ្ញវាទកេ វិហេសកេ បាចិត្តិយំ អាវុសោ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – កោសម្ពិយំ ¶ ភន្តេ អាយស្មន្តំ ឆន្នំ អារព្ភ បញ្ញត្តំ, អាយស្មា ភន្តេ ឆន្នោ សង្ឃមជ្ឈេ អាបត្តិយា អនុយុញ្ជីយមានោ អញ្ញេនញ្ញំ បដិចរិ, តស្មិំ ភន្តេ វត្ថុស្មិំ បញ្ញត្តំ.

២. ភូតគាមវគ្គ, ៣. ឧជ្ឈាបនក សិក្ខាបុច្ឆា

បុច្ឆា – ឧជ្ឈាបនកេ ខិយ្យនកេ បាចិត្តិយំ អាវុសោ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ មេត្តិយភូមជកេ ភិក្ខូ អារព្ភ បញ្ញត្តំ, មេត្តិយភូមជកា ភន្តេ ភិក្ខូ អាយស្មន្តំ ទព្ពំ មល្លបុត្តំ ភិក្ខូ ឧជ្ឈាបេសុំ, តស្មិំ ភន្តេ វត្ថុស្មិំ បញ្ញត្តំ.

២. ភូតគាមវគ្គ, ៤. បឋម សេនាសន សិក្ខាបុច្ឆា

បុច្ឆា – សង្ឃិកំ ¶ អាវុសោ មញ្ចំវា បីឋំវា ភិសិំវា កោច្ឆំវា អជ្ឈោកាសេ សន្ថរិត្វា អនុទ្ធរិត្វា អនាបុច្ឆា បក្កមន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ សង្ឃិកំ សេនាសនំ អជ្ឈោកាសេ សន្ថរិត្វា អនុទ្ធរិត្វា អនាបុច្ឆា បក្កមិំសុ, តស្មិំ ភន្តេ វត្ថុស្មិំ បញ្ញត្តំ.

២. ភូតគាមវគ្គ, ៥. ទុតិយ សេនាសន សិក្ខាបុច្ឆា

បុច្ឆា – សង្ឃិកេ ¶ អាវុសោ វិហារេ សេយ្យំ សន្ថរិត្វា អនុទ្ធរិត្វា អនាបុច្ឆា បក្កមន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ សត្តរសវគ្គិយេ ភិក្ខូ អារព្ភ បញ្ញត្តំ, សត្តរសវគ្គិយា ភន្តេ ភិក្ខូ សង្ឃិកេ វិហារេ សេយ្យំ សន្ថរិត្វា អនុទ្ធរិត្វា អនាបុច្ឆា បក្កមិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – កស្ស ¶ អាវុសោ វចនំ.

វិស្សជ្ជនា – ភគវតា ភន្តេ វចនំ អរហតោ សម្មាសម្ពុទ្ធស្ស.

បុច្ឆា – កេនាវុសោ អាភតំ.

វិស្សជ្ជនា – បរម្បរាយ ភន្តេ អាភតំ.

បុច្ឆា – អត្ថិ ¶ នុខោ អាវុសោ ឯត្ថ កោចិបិ វិរទ្ធទោសោ.

វិស្សជ្ជនា – នត្ថិ ភន្តេ.

សង្ឃស្ស ញាបនំ

សុណាតុ មេ ភន្តេ សង្ឃោ, អហំ ភន្តេ អាយស្មន្តំ វិចិត្តសារាភិវំសំ ឥមេសំ បន្នរសន្នំ សិក្ខាបទានំ និទានាទីនិ បុច្ឆិតព្ពានិ អនេកានិ ឋានានិ បុច្ឆិំ, សោ ច បុដ្ឋោ បុដ្ឋោ វិស្សជ្ជេតិ, ឥតិ ហិទំ ភន្តេ និម្មលំ សុបរិសុទ្ធំ តស្សេវ ភគវតោ វចនំ អរហតោ សម្មាសម្ពុទ្ធស្ស, តស្មា យថាបុរេ មហាកស្សបាទយោ មហាថេរវរា បោរាណសំគីតិការា ព្រហ្មចរិយស្ស ចិរដ្ឋិតិយា ពហុជនហិតាយ ពហុជនសុខាយ លោនុកម្បាយ អត្ថាយ ហិតាយ សុខាយ ទេវមនុស្សានំ ធម្មវិនយំ សំគាយិំសុចេវ អនុសំគាយិំសុច, ឯវមេវ មយម្បិ ទានិ ឆដ្ឋសំគីតិមហាធម្មសភា បរិយាបន្នា យថានុប្បដ្ឋានតោ បដ្ឋាយ ឥមានិ សិក្ខាបទានិ ឯកតោ គណសជ្ឈាយំ កត្វា សំគាយេយ្យាម.

២. ភូតគាមវគ្គ, ៦. អនុបខជ្ជ សិក្ខាបុច្ឆា

បុច្ឆា – យំ ¶ តេន អាវុសោ…បេ… សម្មាសម្ពុទ្ធេន សង្ឃិកេ វិហារេ ជានំ បុព្ពុបគតំ ភិក្ខុំ អនុបខជ្ជ សេយ្យំ កប្បេន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ថេរេ ភិក្ខូ អនុបខជ្ជ សេយ្យំ កប្បេសុំ, តស្មិំ ភន្តេ វត្ថុស្មិំ បញ្ញត្តំ.

២. ភូតគាមវគ្គ, ៧. និកឌ្ឍន សិក្ខាបុច្ឆា

បុច្ឆា – ភិក្ខុំ ¶ អាវុសោ កុបិតេន អនត្តមនេន សង្ឃិកា វិហារា និក្កឌ្ឍេន្តស្ស បាចិត្តិយំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ កុបិតា អនត្តមនា ភិក្ខូ សង្ឃិកាវិហារា និក្កឌ្ឍិំសុ, តស្មិំ ភន្តេ វត្ថុស្មិំ បញ្ញត្តំ.

២. ភូតគាមវគ្គ, ៨. វេហាសកុដិ សិក្ខាបុច្ឆា

បុច្ឆា – ឧបរិវេហាសកុដិយា អាវុសោ អាហច្ចបាទកំ មញ្ចំវា បីឋំវា អភិនិសីទន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ¶ ភន្តេ អញ្ញតរំ ភិក្ខុំ អារព្ភ បញ្ញត្តំ, អញ្ញតរោ ភន្តេ ភិក្ខុ សង្ឃិកេ វិហារេ ឧបរិវេហាស កុដិយា អាហច្ចបាទកំ មញ្ចំ សហសា អភិនិសីទិ, តស្មិំ ភន្តេ វត្ថុស្មិំ បញ្ញត្តំ.

២. ភូតគាមវគ្គ, ៩. មហល្លកវិហារ សិក្ខាបុច្ឆា

បុច្ឆា – ទ្វត្តិ បរិយាយេ អាវុសោ អធិដ្ឋហិត្វា តតុត្តរិ អធិដ្ឋហន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – កោសម្ពិយំ ភន្តេ អាយស្មន្តំ ឆន្នត្ថេរំ អារព្ភ បញ្ញត្តំ, អាយស្មា ភន្តេ ឆន្ទោ កតបរិយោសិតំ វិហារំ បុនប្បុនំ ឆាទាបេសិ បុនប្បុនំ លេបាបេសិ, អតិភារិតោ វិហារោ បរិបតិ, តស្មិំ ភន្តេ វត្ថុស្មិំ បញ្ញត្តំ.

២. ភូតគាមវគ្គ, ១០. សប្បាណក សិក្ខាបុច្ឆា

បុច្ឆា – ជានំ ¶ អាវុសោ សប្បាណកំ ឧទកំ តិណំវា មត្តិកំវា សិញ្ចន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – អាឡវិយំ ភន្តេ អាឡវិកេ ភិក្ខូ អារព្ភ បញ្ញត្តំ, អាឡវិកា ភន្តេ ភិក្ខូ ជានំ សប្បាណកំ ឧទកំ តិណម្បិ មត្តិកម្បិ សិញ្ចិំសុ, តស្មិំ ភន្តេ វត្ថុស្មិំ បញ្ញត្តំ.

៣. ឱវាទវគ្គ, ១. ឱវាទ សិក្ខាបុច្ឆា

បុច្ឆា – អសម្មតេន ¶ អាវុសោ ភិក្ខុនិយោ ឱវទន្តស្ស បាចិត្តិយំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ អសម្មតា ភិក្ខុនិយោ ឱវទិំសុ, តស្មិំ ភន្តេ វត្ថុស្មិំ បញ្ញត្តំ.

៣. ឱវាទវគ្គ, ២. អត្ថង្គត សិក្ខាបុច្ឆា

បុច្ឆា – អត្ថង្គតេ អាវុសោ សូរិយេ ភិក្ខុនិយោ ឱវទន្តស្ស បាចិត្តិយំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អាយស្មន្តំ ចូឡបន្ថកំ អារព្ភ បញ្ញត្តំ, អាយស្មា ភន្តេ ចូឡបន្ថកោ អត្ថង្គតេ សូរិយេ ភិក្ខុនិយោ ឱវទិ, តស្មិំ ភន្តេ វត្ថុស្មិំ បញ្ញត្តំ.

៣. ឱវាទវគ្គ, ៣-៤. ភិក្ខុនុបស្សយ, អាមិស សិក្ខាបុច្ឆា

បុច្ឆា – ភិក្ខុនុបស្សយំ ¶ អាវុសោ ឧបសង្កមិត្វា ភិក្ខុនិយោ ឱវទន្តស្សច អាមិសហេតុ ថេរា ភិក្ខូ ភិក្ខុនិយោ ឱវទន្តីតិ ភណន្តស្សច បាចិត្តិយំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – ភិក្ខុនុបស្សយំ ឧបសង្កមិត្វា ភិក្ខុនិយោ ឱវទន្តស្ស បាចិត្តិយំ ភន្តេ សក្កេសុ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ភិក្ខុនុបស្សយំ ឧបសង្កមិត្វា ភិក្ខុនិយោ ឱវទិំសុ, អាមិសហេតុ ថេរា ភិក្ខូ ភិក្ខុនិយោ ឱវទន្តីតិ ភណន្តស្ស បាចិត្តិយំ សាវត្ថិយំ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ អាមិសហេតុ ថេរា ភិក្ខូ ¶ ភិក្ខុនិយោ ឱវទន្តីតិ ភណិំសុ, តស្មិំ ភន្តេ វត្ថុស្មិំ បញ្ញត្តំ.

៣. ឱវាទវគ្គ, ៥. ចីវរទាន សិក្ខាបុច្ឆា

បុច្ឆា – អញ្ញាតិកាយ ¶ អាវុសោ ភិក្ខុនិយា ចីវរំ ទេន្តស្ស បាចិត្តិយំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អញ្ញតរំ ភិក្ខុំ អារព្ភ បញ្ញត្តំ, អញ្ញតរោ ភន្តេ ភិក្ខុ អញ្ញាតិកាយ ភិក្ខុនិយា ចីវរំ អទាសិ, តស្មិំ ភន្តេ វត្ថុស្មិំ បញ្ញត្តំ.

៣. ឱវាទវគ្គ, ៦. ចីវរសិព្ពន សិក្ខាបុច្ឆា

បុច្ឆា – អញ្ញាតិកាយ អាវុសោ ភិក្ខុនិយា ចីវរំ សិព្ពេន្តស្ស បាចិត្តិយំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អាយស្មន្តំ ឧទាយិំ អារព្ភ បញ្ញត្តំ, អាយស្មា ភន្តេ ឧទាយី អញ្ញាតិកាយ ភិក្ខុនិយា ចីវរំ សិព្ពេសិ, តស្មិំ ភន្តេ វត្ថុស្មិំ បញ្ញត្តំ.

៣. ឱវាទវគ្គ, ៧. សំវិធាន សិក្ខាបុច្ឆា

បុច្ឆា – ភិក្ខុនយា ¶ អាវុសោ សទ្ធិំ សំវិធាយ ឯកទ្ធានមគ្គំ បដិបជ្ជន្តស្ស បាចិត្តិយំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ភិក្ខុនីហិ សទ្ធិំ សំវិធាយ ឯកទ្ធានមគ្គំ បដិបជ្ជិំសុ, តស្មិំ ភន្តេ វត្ថុស្មិំ បញ្ញត្តំ.

៣. ឱវាទវគ្គ, ៨. នាវាភិរុហន សិក្ខាបុច្ឆា

បុច្ឆា – ភិក្ខុនិយា ¶ អាវុសោ សទ្ធិំ សំវិធាយ ឯកំ នាវំ អភិរុហន្តស្ស បាចិត្តិយំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ភិក្ខូនីហិ សទ្ធិំ សំវិធាយ ឯកំ នាវំ អភិរុហិំសុ, តស្មិំ ភន្តេ វត្ថុស្មិំ បញ្ញត្តំ.

៣. ឱវាទវគ្គ, ៩. បរិបាចិត សិក្ខាបុច្ឆា

បុច្ឆា – ជានំ អាវុសោ ភិក្ខុនិបរិបាចិតំ បិណ្ឌបាតំ ភុញ្ជន្តស្ស បាចិត្តិយំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ ទេវទត្តំ អារព្ភ បញ្ញត្តំ, ទេវទត្តោ ភន្តេ ជានំ ភិក្ខុនិបរិបាចិតំ បិណ្ឌបាតំ ភុញ្ជិ, តស្មិំ ភន្តេ វត្ថុស្មិំ បញ្ញត្តំ.

៣. ឱវាទវគ្គ, ១០. រហោនិសជ្ជ សិក្ខាបុច្ឆា

បុច្ឆា – ភិក្ខុនិយា ¶ សទ្ធិំ អាវុសោ ឯកោ ឯកាយ រហោ និសជ្ជំ កប្បេន្តស្ស បាចិត្តិយំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អាយស្មន្តំ ឧទាយិំ អារព្ភ បញ្ញត្តំ, អាយស្មា ភន្តេ ឧទាយី ភិក្ខុនិយា សទ្ធិំ ឯកោ ឯកាយ រហោ និសជ្ជំ កប្បេសិ, តស្មិំ ភន្តេ វត្ថុស្មិំ បញ្ញត្តំ.

៤. ភោជនវគ្គ, ១. អាវសថបិណ្ឌ សិក្ខាបុច្ឆា

បុច្ឆា – តតុត្តរិ ¶ អាវុសោ អាវសថបិណ្ឌំ ភុញ្ជន្តស្ស បាចិត្តិយំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ អនុវសិត្វា អនុវសិត្វា អាវសថបិណ្ឌំ បរិភុញ្ជិំសុ, តស្មិំ ភន្តេ វត្ថុស្មិំ បញ្ញត្តំ.

៤. ភោជនវគ្គ, ២. គណភោជន សិក្ខាបុច្ឆា

បុច្ឆា – គណភោជនេ បាចិត្តិយំ អាវុសោ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ ទេវទត្តំ អារព្ភ បញ្ញត្តំ, ទេវទត្តោ ភន្តេ សបរិសោ កុលេសុ វិញ្ញាបេត្វា ភុញ្ជិ, តស្មិំ ភន្តេ វត្ថុស្មិំ បញ្ញត្តំ.

៤. ភោជនវគ្គ ៣. បរម្បរភោជន សិក្ខាបុច្ឆា

បុច្ឆា – បរម្បរ ¶ ភោជនេ បាចិត្តិយំ អាវុសោ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – វេសាលិយំ ភន្តេ សម្ពហុលេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ អញ្ញត្រ និមន្តិតា អញ្ញត្រ ភុញ្ជិំសុ, តស្មិំ ភន្តេ វត្ថុស្មិំ បញ្ញត្តំ.

៤. ភោជនវគ្គ, ៤. កាណមាតុ សិក្ខាបុច្ឆា

បុច្ឆា – ទ្វត្តិបត្តបូរំ ¶ បូវំ បដិគ្គហេត្វា តតុត្តរិ បដិគ្គណ្ហន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ ន មត្តំ ជានិត្វា បូវំ បដិគ្គហេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – កស្ស អាវុសោ វចនំ.

វិស្សជ្ជនា – ភគវតោ ភន្តេ វចនំ អរហតោ សម្មាសម្ពុទ្ធស្ស.

បុច្ឆា – កេនាវុសោ អាភតំ.

វិស្សជ្ជនា – បរម្បរាយ ភន្តេ អាភតំ.

បុច្ឆា – អត្ថិ នុខោ អាវុសោ ឯត្ថ កោចិបិ វិរទ្ធទោសោ.

វិស្សជ្ជនា – នត្ថិ ភន្តេ.

៤. ភោជនវគ្គ, ៥. បឋមបវារណា សិក្ខាបុច្ឆា

បុច្ឆា – យំ ¶ តេន សាវុសោ…បេ… សម្មាសម្ពុទ្ធេន ភុត្តាវិនា បរិវាតេន អនតិរិត្តំ ខាទនីយំវា ភោជនីយំវា ភុញ្ជន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ ភុត្តាវី បវារិតា អញ្ញត្រ ភុញ្ជិំសុ, តស្មិំ ភន្តេ វត្ថុស្មិំ បញ្ញត្តំ.

៤. ភោជនវគ្គ, ៦. ទុតិយ បវារណា សិក្ខាបុច្ឆា

បុច្ឆា – ភិក្ខុំ ¶ អាវុសោ ភុត្តាវិំ បវារិតំ អនតិរិត្តេន ខាទនីយេន ភោជនីយេន អភិហដ្ឋុំ បវារេន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អញ្ញតរំ ភិក្ខុំ អារព្ភ បញ្ញត្តំ, អញ្ញតរោ ភន្តេ ភិក្ខុ ភិក្ខុំ ភុត្តាវិំ បវារិតំ អនតិរិត្តេន ភោជនីយេន អភិហដ្ឋុំ បវារេសិ, តស្មិំ ភន្តេ វត្ថុស្មិំ បញ្ញត្តំ.

៤. ភោជនវគ្គ, ៧. វិកាលភោជន សិក្ខាបុច្ឆា

បុច្ឆា – វិកាលេ អាវុសោ ខាទនីយំ វា ភោជនីយំ វា ភុញ្ជន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ សត្តរសវគ្គិយេ ភិក្ខូ អារព្ភ បញ្ញត្តំ, សត្តរសវគ្គិយា ភន្តេ ភិក្ខូ វិកាលេ ភោជនំ ភុញ្ជិំសុ, តស្មិំ ភន្តេ វត្ថុស្មិំ បញ្ញត្តំ.

៤. ភោជនវគ្គ, ៨. សន្និធិការក សិក្ខាបុច្ឆា

បុច្ឆា – សន្និធិការកំ អាវុសោ ខាទនីយំ វា ភោជនីយំ វា ភុញ្ជន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អាយស្មន្តំ ពេលដ្ឋសីសំ អារព្ភ បញ្ញត្តំ, អាយស្មា ភន្តេ ពេលដ្ឋសីសោ សន្និធិការកំ ភោជនំ ភុញ្ជិ, តស្មិំ ភន្តេ វត្ថុស្មិំ បញ្ញត្តំ.

៤. ភោជនវគ្គ, ៩. បណីតភោជន សិក្ខាបុច្ឆា

បុច្ឆា – បណីត ភោជនានិ អាវុសោ អត្តនោ អត្ថាយ វិញ្ញាបេត្វា ភុញ្ជន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ¶ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ បណីតភោជនានិ អត្តនោ អត្ថាយ វិញ្ញាបេត្វា ភុញ្ជិំសុ, តស្មិំ ភន្តេ វត្ថុស្មិំ បញ្ញត្តំ.

៤. ភោជនវគ្គ, ១០. ទន្តបោន សិក្ខាបុច្ឆា

បុច្ឆា – អទិន្នំ អាវុសោ មុខទ្វារំ អាហារំ អាហរន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – វេសាលិយំ ភន្តេ អញ្ញតរំ ភិក្ខុំ អារព្ភ បញ្ញត្តំ, អញ្ញតរោ ភន្តេ ភិក្ខុ អទិន្នំ មុខទ្វារំ អាហារំ អាហរិ, តស្មិំ ភន្តេ វត្ថុស្មិំ បញ្ញត្តំ.

៥. អចេលកវគ្គ, ១. អចេលក សិក្ខាបុច្ឆា

បុច្ឆា – អចេលកស្សវា ¶ អាវុសោ បរិព្ពាជកស្សវា បរិព្ពាជិកាយវា សហត្ថា ខាទនីយំវា ភោជនីយំវា ទេន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – វេសាលិយំ ភន្តេ អាយស្មន្តំ អានន្ទំ អារព្ភ បញ្ញត្តំ, អាយស្មា ភន្តេ អានន្ទោ អញ្ញតរិស្សា បរិព្ពាជិកាយ ឯកំ មញ្ញមានោ ទ្វេ បូវេ អទាសិ, តស្មិំ ភន្តេ វត្ថុស្មិំ បញ្ញត្តំ.

៥. អចេលកវគ្គ, ២. ឧយ្យោជន សិក្ខាបុច្ឆា

បុច្ឆា – ភិក្ខុំ ¶ ឯហាវុសោ គាមំវា និគមំវា បិណ្ឌាយ បវិសិស្សាមាតិ តស្ស ទាបេត្វាវា អទាបេត្វាវា ឧយ្យោជេន្តស្ស អាវុសោ បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អាយស្មន្តំ ឧបនន្ទំ សក្យបុត្តំ អារព្ភ បញ្ញត្តំ, អាយស្មា ភន្តេ ឧបនន្ទោ សក្យបុត្តោ ភិក្ខុ ឯហាវុសោ គាមំ បិណ្ឌាយ បវិសិស្សាមាតិ តស្ស អទាបេត្វា ឧយ្យោជេសិ, តស្មិំ ភន្តេ វត្ថុស្មិំ បញ្ញត្តំ.

៥. អចេលកវគ្គ, ៣. សភោជន សិក្ខាបុច្ឆា

បុច្ឆា – សភោជនេ កុលេ អនុបខជ្ជ និសជ្ជំ កប្បេន្តស្ស អាវុសោ បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ¶ ភន្តេ អាយស្មន្តំ ឧបនន្ទំ សក្យបុត្តំ អារព្ភ បញ្ញត្តំ, អាយស្មា ភន្តេ ឧបនន្ទោ សក្យបុត្តោ សភោជនេ កុលេ អនុបខជ្ជ និសជ្ជំ កប្បេសិ, តស្មិំ ភន្តេវត្ថុស្មិំ បញ្ញត្តំ.

៥. អចេលកវគ្គ ៤-៥. រហោបដិច្ឆន្ន, រហោនិសជ្ជ សិក្ខាបុច្ឆា

បុច្ឆា – មាតុគាមេន សទ្ធិំ រហោ បដិច្ឆន្នេ អាសនេ និសជ្ជំ កប្បេន្តស្សច អាវុសោ មាតុគាមេន សទ្ធិំ ឯកោ ឯកាយ រហោ និសជ្ជំ កប្បេន្តស្សច បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អាយស្មន្តំ ឧបនន្ទំ សក្យបុត្តំ អារព្ភ បញ្ញត្តំ, អាយស្មា ភន្តេ ឧបនន្ទោ សក្យបុត្តោ មាតុគាមេន សទ្ធិំ រហោ បដិច្ឆន្នេ អាសនេ និសជ្ជំ កប្បេសិ, មាតុគាមេន សទ្ធិំ ឯកោ ឯកាយ រហោ និសជ្ជំ កប្បេសិ, តស្មិំ ភន្តេ វត្ថុស្មិំ បញ្ញត្តំ.

៥. អចេលកវគ្គ, ៦. ចារិត្ត សិក្ខាបុច្ឆា

បុច្ឆា – និមន្តិតេន ¶ អាវុសោ សភត្តេន សន្តំ ភិក្ខុំ អនាបុច្ឆា បុរេភត្តំវា បច្ឆាភត្តំវា កុលេសុ ចារិត្តំ អាបជ្ជន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ អាយស្មន្តំ ឧបនន្ទំ សក្យបុត្តំ អារព្ភ បញ្ញត្តំ, អាយស្មា ភន្តេ ឧបនន្ទោ សក្យបុត្តោ និមន្តិតោ សភត្តោ សមានោ បុរេភត្តំ បច្ឆាភត្តំ កុលេសុ ចារិត្តំ អាបជ្ជិ, តស្មិំ ភន្តេ វត្ថុស្មិំ បញ្ញត្តំ.

៥. អចេលកវគ្គ, ៧. មហានាម សិក្ខាបុច្ឆា

បុច្ឆា – តតុត្តរិ អាវុសោ ភេសជ្ជំ វិញ្ញាបេន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សក្កេសុ ¶ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ មហានាមេន សក្កេន អជ្ជណ្ហោ ភន្តេ អាគមេតាតិ វុច្ចមានា នាគមេសុំ, តស្មិំ ភន្តេ វត្ថុស្មិំ បញ្ញត្តំ.

៥. អចេលកវគ្គ ៨-៩-១០. ឧយ្យុត្តសេនា ចសោ សិក្ខាបុច្ឆា

បុច្ឆា – ឧយ្យុត្តំ អាវុសោ សេនំ ទស្សនាយ គច្ឆន្តស្ស ច អតិរេកតិរត្តំ សេនាយ វសន្តស្ស ច ឧយ្យោធិកំ គច្ឆន្តស្ស ច បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ឧយ្យុត្តំ សេនំ ទស្សនាយ អគមំសុ, តេយេវ ភន្តេ ឆព្ពគ្គិយា ភិក្ខូ អតិរេកតិរត្តំ សេនាយ វសិំសុ, តេយេវ ភន្តេ ឆព្ពគ្គិយា ភិក្ខូ ឧយ្យោធិកំ អគមំសុ, តស្មិំ ភន្តេ វត្ថុស្មិំ បញ្ញត្តំ.

៦. សុរាបានវគ្គ, ១. សុរាបាន សិក្ខាបុច្ឆា

បុច្ឆា – សុរាមេរយបានេ ¶ អាវុសោ បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – កោសម្ពិយំ ភន្តេ អាយស្មន្តំ សាគតំ អារព្ភ បញ្ញត្តំ, អាយស្មា ភន្តេ សាគតោ មជ្ជំ បិវិ, តស្មិំ ភន្តេ វត្ថុស្មិំ បញ្ញត្តំ.

៦. សុរាបានវគ្គ, ២. អង្គុលិបតោទក សិក្ខាបុច្ឆា

បុច្ឆា – អង្គុលិបតោទកេ ¶ អាវុសោ បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ភិក្ខុំ អង្គុលិបតោទកេន ហាសេសុំ, តស្មិំ ភន្តេ វត្ថុស្មិំ បញ្ញត្តំ.

៦. សុរាបានវគ្គ, ៣. ហសធម្ម សិក្ខាបុច្ឆា

បុច្ឆា – ឧទកេ ហសធម្មេ អាវុសោ បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ សត្តរសវគ្គិយេ ភិក្ខូ អារព្ភ បញ្ញត្តំ, សត្តរសវគ្គិយា ភន្តេ ភិក្ខូ អចិរវតិយា នទិយា ឧទកេ កីឡិំសុ, តស្មិំ ភន្តេ វត្ថុស្មិំ បញ្ញត្តំ.

៦. សុរាបានវគ្គ, ៤. អនាទរិយ សិក្ខាបុច្ឆា

បុច្ឆា – អនាទរិយ ¶ អាវុសោ បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – កោសម្ពិយំ ភន្តេ អាយស្មន្តំ ឆន្នំ អារព្ភ បញ្ញត្តំ, អាយស្មា ភន្តេ ឆន្នោ អាបត្តិយា អនុយុញ្ជិយមានោ អនាទរិយំ អកាសិ, តស្មិំ ភន្តេ វត្ថុស្មិំ បញ្ញត្តំ.

៦. សុរាបានវគ្គ, ៥. ភិំសាបន សិក្ខាបុច្ឆា

បុច្ឆា – ភិក្ខុំ ¶ ភិំសាបេន្តស្ស អាវុសោ បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ភិក្ខុំ ភិំសាបេសុំ, តស្មិំ ភន្តេ វត្ថុស្មិំ បញ្ញត្តំ.

៦. សុរាបានវគ្គ, ៦. ជោតិក សិក្ខាបុច្ឆា

បុច្ឆា – ជោតិំ អាវុសោ សមាទហិត្វា វិសិព្ពេន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – ភគ្គេសុ ភន្តេ សម្ពហុលេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ ជោតិំ សមាទបេត្វា វិសិព្ពេសុំ, តស្មិំ ភន្តេ វត្ថុស្មិំ បញ្ញត្តំ.

៦. សុរាបានវគ្គ, ៧. នហាន សិក្ខាបុច្ឆា

បុច្ឆា – ឱរេនទ្ធមាសំ ¶ អាវុសោ នហាយន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ សម្ពហុលេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ រាជានម្បិ បស្សិត្វា ន មត្តំ ជានិត្វា នហាយិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – កស្ស ¶ អាវុសោ វចនំ.

វិស្សជ្ជនា – ភគវតោ ភន្តេ វចនំ អរហតោ សម្មាសម្ពុទ្ធស្ស.

បុច្ឆា – កេនាវុសោ អាភតំ.

វិស្សជ្ជនា – បរម្បរាយ ភន្តេ អាភតំ.

បុច្ឆា – អត្ថិ នុខោ អាវុសោ ឯត្ថ កោចិបិ វិរុទ្ធទោសោ.

វិស្សជ្ជនា – នត្ថិ ភន្តេ.

សុណាតុ មេ ភន្តេ សង្ឃោ…បេ… សំគាយេយ្យាម.

បុច្ឆា – យំ ¶ តេន អាវុសោ…បេ… សម្មាសម្ពុទ្ធេន អនាទិយិត្វា តិណ្ណំ ទុព្ពណ្ណករណានំ អញ្ញតរំ ទុព្ពណ្ណករណំ នវំ ចីវរំ បរិភុញ្ជន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ អត្តនោ ចីវរំ ន សញ្ជានិំសុ, តស្មិំ ភន្តេ វត្ថុស្មិំ បញ្ញត្តំ.

៦. សុរាបានវគ្គ, ១០. ចីវរអបនិធាន សិក្ខាបុច្ឆា

បុច្ឆា – ភិក្ខុស្ស អាវុសោ បត្តំ វា ចីវរំ វា និសីទនំ វា សូចិឃរំ វា កាយពន្ធនំ វា អបនិធេន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ¶ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ភិក្ខូនំ បត្តម្បិ ចីវរម្បិ អបនិធេសុំ, តស្មិំ ភន្តេ វត្ថុស្មិំ បញ្ញត្តំ.

៧. សប្បាណកវគ្គ, ១. សញ្ចិច្ច សិក្ខាបុច្ឆា

បុច្ឆា – សញ្ចិច្ច អាវុសោ បាណំ ជីវិតា វោរោបេន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អាយស្មន្តំ ឧទាយិំ អារព្ភ បញ្ញត្តំ អាយស្មា ភន្តេ ឧទាយី សញ្ចិច្ច បាណំ ជីវិតា វោរោបេសិ, តស្មិំ ភន្តេ វត្ថុស្មិំ បញ្ញត្តំ.

៧. សប្បាណកវគ្គ, ២. សប្បាណក សិក្ខាបុច្ឆា

បុច្ឆា – ជានំ ¶ អាវុសោ សប្បាណកំ ឧទកំ បរិភុញ្ជន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ជានំ សប្បាណកំ ឧទកំ បរិភុញ្ជិំសុ, តស្មិំ ភន្តេ វត្ថុស្មិំ បញ្ញត្តំ.

៧. សប្បាណកវគ្គ, ៦. ថេយ្យសត្ថ សិក្ខាបុច្ឆា

បុច្ឆា – ជានំ អាវុសោ ថេយ្យសត្ថេន សទ្ធិំ សំវិធាយ ឯកទ្ធានមគ្គំ បដិបជ្ជន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អញ្ញតរំ ភិក្ខុំ អារព្ភ បញ្ញត្តំ, អញ្ញតរោ ភន្តេ ភិក្ខុ ជានំ ថេយ្យសត្ថេន សទ្ធិំ សំវិធាយ ឯកទ្ធានមគ្គំ បដិបជ្ជិ, តស្មិំ ភន្តេ វត្ថុស្មិំ បញ្ញត្តំ.

៧. សប្បាណកវគ្គ, ៧. សំវិធាន សិក្ខាបុច្ឆា

បុច្ឆា – មាតុគាមេន ¶ សទ្ធិំ អាវុសោ សំវិធាយ ឯកទ្ធានមគ្គំ បដិបជ្ជន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អញ្ញតរំ ភិក្ខុំ អារព្ភ បញ្ញត្តំ, អញ្ញតរោ ភន្តេ ភិក្ខុ មាតុគាមេន សទ្ធិំ សំវិធាយ ឯកទ្ធានមគ្គំ បដិបជ្ជិ, តស្មិំ ភន្តេ វត្ថុស្មិំ បញ្ញត្តំ.

៨. សហធម្មិកវគ្គ, ១. សហធម្មិក សិក្ខាបុច្ឆា

បុច្ឆា – ភិក្ខូហិ អាវុសោ សហធម្មិកំ វុច្ចមានេន ន តាវាហំ អាវុសោ ឯតស្មិំ សិក្ខាបទេ សិក្ខិស្សាមិ, យាវ ន អញ្ញំ ភិក្ខុំ ព្យត្តំ វិនយធរំ បរិបុច្ឆិស្សាមីតិ ភណន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – កោសម្ពិយំ ¶ ភន្តេ អាយស្មន្តំ ឆន្នំ អារព្ភ បញ្ញត្តំ, អាយស្មា ភន្តេ ឆន្នោ ភិក្ខូហិ សហធម្មិកំ វុច្ចមានោ ន តាវាហំ អាវុសោ ឯតស្មិំ សិក្ខាបទេ សិក្ខិស្សាមិ, យាវ ន អញ្ញំ ភិក្ខុំ ព្យត្តំ វិនយធរំ បរិបុច្ឆិស្សាមីតិ ភណិ, តស្មិំ ភន្តេ វត្ថុស្មិំ បញ្ញត្តំ.

៨. សហធម្មិកវគ្គ, ២. វិលេខន សិក្ខាបុច្ឆា

បុច្ឆា – វិនយំ វិវណ្ណេន្តស្ស អាវុសោ បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ វិនយំ វិវណ្ណេសុំ, តស្មិំ ភន្តេ វត្ថុស្មិំ បញ្ញត្តំ.

៨. សហធម្មិកវគ្គ, ៣. មោហន សិក្ខាបុច្ឆា

បុច្ឆា – មោហនកេ ¶ អាវុសោ បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ មោហេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ភិក្ខុស្ស ¶ អាវុសោ កុបិតេន អនត្តមនេន បហារំ ទេន្តស្ស ច តលសត្តិកំ ឧគ្គិរន្តស្ស ច បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ កុបិតា អនត្តមនា សត្តរសវគ្គិយានំ ភិក្ខូនំ បហារំ អទំសុ, តលសត្តិកញ្ច ឧគ្គិរិំសុ, តស្មិំ ភន្តេ វត្ថុស្មិំ បញ្ញត្តំ.

៨. សហធម្មិកវគ្គ, ៧. សញ្ចិច្ច សិក្ខាបុច្ឆា

បុច្ឆា – ភិក្ខុស្ស អាវុសោ សញ្ចិច្ច កុក្កុច្ចំ ឧបទហន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ភិក្ខូនំ សញ្ចិច្ច កុក្កុច្ចំ ឧបទហិំសុ, តស្មិំ ភន្តេ វត្ថុស្មិំ បញ្ញត្តំ.

៨. សហធម្មិកវគ្គ, ៨. ឧបស្សុតិ សិក្ខាបុច្ឆា

បុច្ឆា – ភិក្ខូនំ ¶ អាវុសោ ភណ្ឌនជាតានំ កលហជាតានំ វិវាទា បន្នានំ ឧបស្សុតិំ តិដ្ឋន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ភិក្ខូនំ ភណ្ឌនជាតានំ កលហ ជាតានំ វិវាទាបន្នានំ ឧបស្សុតិំ តិដ្ឋហិំសុ, តស្មិំ ភន្តេ វត្ថុស្មិំ បញ្ញត្តំ.

៨. សហធម្មិកវគ្គ, ៩. កម្មបដិពាហន សិក្ខាបុច្ឆា

បុច្ឆា – ធម្មិកានំ អាវុសោ កម្មានំ ឆន្ទំ ទត្វា បច្ឆា ខីយនធម្មំ អាបជ្ជន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ¶ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ធម្មិកានំ កម្មានំ ឆន្ទំ ទត្វា បច្ឆា ខីយនធម្មំ អាបជ្ជិំសុ, តស្មិំ ភន្តេ វត្ថុស្មិំ បញ្ញត្តំ.

៨. សហធម្មិកវគ្គ ១០. ឆន្ទំ អទត្វាគមន សិក្ខាបុច្ឆា

បុច្ឆា – សង្ឃេ អាវុសោ វិនិច្ឆកថាយ វត្តមានាយ ឆន្ទំ អទត្វា ឧដ្ឋាយាសនា បក្កមន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អញ្ញតរំ ភិក្ខុំ អារព្ភ បញ្ញត្តំ, អញ្ញតរោ ភន្តេ ឆព្ពគ្គិយោ ភិក្ខុ សង្ឃេ វិនិច្ឆយកថាយ វត្តមានាយ ឆន្ទំ អទត្វា ឧដ្ឋាយាសនា បក្កាមិ, តស្មិំ ភន្តេ វត្ថុស្មិំ បញ្ញត្តំ.

៨. សហធម្មិកវគ្គ, ១២. បរិណាមន សិក្ខាបុច្ឆា

បុច្ឆា – ជានំ ¶ អាវុសោ សង្ឃិកំ លាភំ បរិណតំ បុគ្គលស្ស បរិណាមេន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ជានំ សង្ឃិកំ លាភំ បរិណតំ បុគ្គលស្ស បរិណាមេសុំ, តស្មិំ ភន្តេ វត្ថុស្មិំ បញ្ញត្តំ.

៩. រតនវគ្គ, ១. អន្តេបុរ សិក្ខាបុច្ឆា

បុច្ឆា – បុព្ពេ អប្បដិសំវិទិតេន អាវុសោ រញ្ញោ អន្តេបុរំ បវិសន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ¶ ភន្តេ អាយស្មន្តំ អានន្ទំ អារព្ភ បញ្ញត្តំ, អាយស្មា ភន្តេ អានន្ទោ បុព្ពេ អប្បដិសំវិទិតោ រញ្ញោ អន្តេបុរំ បាវិសិ, តស្មិំ ភន្តេ វត្ថុស្មិំ បញ្ញត្តំ.

៩. រតនវគ្គ, ២. រតន សិក្ខាបុច្ឆា

បុច្ឆា – រតនំ អាវុសោ ឧគ្គណ្ហន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អញ្ញតរំ ភិក្ខុំ អារព្ភ បញ្ញត្តំ, អញ្ញតរោ ភន្តេ ភិក្ខុ រតនំ ឧគ្គហេសិ, តស្មិំ ភន្តេ វត្ថុស្មិំ បញ្ញត្តំ.

៩. រតនវគ្គ, ៣. វិកាលគាមប្បវិសន សិក្ខាបុច្ឆា

បុច្ឆា – សន្តំ ¶ អាវុសោ ភិក្ខុំ អនាបុច្ឆា វិកាលេ គាមំ បវិសន្តស្ស បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ សន្តំ ភិក្ខុំ អនាបុច្ឆា វិកាលេ គាមំ បវិសិំសុ, តស្មិំ ភន្តេ វត្ថុស្មិំ បញ្ញត្តំ.

បាដិទេសនីយ

៣. តតិយបាដិទេសនី សិក្ខាបុច្ឆា

បុច្ឆា – សេក្ខសម្មតេសុ ¶ អាវុសោ កុលេសុ ខាទនីយំ វា ភោជនីយំ វា សហត្ថា បដិគ្គហេត្វា ភុញ្ជន្តស្ស បាដិទេសនីយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ នមត្តំ ជានិត្វា បដិគ្គហេសុំ, តស្មិំ ភន្តេ វត្ថុស្មិំ បញ្ញត្តំ.

សេខិយកណ្ឌ

បុច្ឆា – អនាទរិយំ ¶ អាវុសោ បដិច្ច បុរតោ វា បច្ឆតោ វា ឱលម្ពេន្តេន និវាសេន្តស្សច បារុបន្តស្សច ទុក្កដំ កត្ថ បញ្ញត្តំ, កំ អារព្ភ កិស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ បុរតោ ច បច្ឆតោ ច ឱលម្ពន្តា និវាសេសុំចេវ បារុបិំសុច, តស្មិំ ភន្តេ វត្ថុស្មិំ បញ្ញត្តំ.

បុច្ឆា – អនាទរិយំ អាវុសោ បដិច្ច កាយំ វិវរិត្វា អន្តរឃរេ គច្ឆន្តស្ស ច និសីទន្តស្ស ច ទុក្កដំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គីយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ កាយំ វិវរិត្វា អន្តរឃរេ គច្ឆិំសុ ចេវ និសីទិំសុច, តស្មិំ ភន្តេ វត្ថុស្មិំ បញ្ញត្តំ.

បុច្ឆា – អនាទរិយំ ¶ អាវុសោ បដិច្ច ហត្ថំ វា បាទំ វា កីឡាបេន្តេន អន្តរឃរេ គច្ឆន្តស្ស ច និសីទន្តស្ស ច, តហំ តហំ ឱលោកេន្តេន អន្តរឃរេ គច្ឆន្តស្ស ច និសីទន្តស្ស ច, ឧក្ខិត្តកាយ អន្តរឃរេ គច្ឆន្តស្ស ច និសីទន្តស្ស ច ទុក្កដំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ហត្ថម្បិ បាទម្បិ កីឡាបេន្តា តហំ តហំបិ ឱលោកេន្តា អន្តរឃរេ គច្ឆិំសុចេវ និសីទិំសុ ច, តេយេវ ភន្តេ ឆព្ពគ្គិយា ភិក្ខូ ឧក្ខិត្តកាយ អន្តរឃរេ គច្ឆិំសុចេវ និសីទិំសុច, តស្មិំ ភន្តេ វត្ថុស្មិំ បញ្ញត្តំ.

បុច្ឆា – អនាទរិយំ ¶ អាវុសោ បដិច្ច ឧជ្ជគ្ឃិកាយ វា ឧច្ចាសទ្ទំ មហាសទ្ទំ ករោន្តេន វា អន្តរឃរេ គច្ឆន្តស្សច និសីទន្តស្សច ទុក្កដំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ មហាហសិតំ ហសន្តា ច ឧច្ចាសទ្ទំ មហាសទ្ទំ ករោន្តា ច អន្តរឃរេ គច្ឆិំសុចេវ និសីទិំសុច, តស្មិំ ភន្តេ វត្ថុស្មិំ បញ្ញត្តំ.

បុច្ឆា – អនាទរិយំ អាវុសោ បដិច្ច កាយប្បចាលកំ វា ពាហុប្ប ចាលកំ វា សីសប្បចាលកំ វា ខម្ភកតេន វា ឱគុណ្ឋិតេន វា អន្តរឃរេ គច្ឆន្តស្ស ច និសីទន្តស្ស ច ឧក្កុដិកាយ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ កាយប្បចាលកំ ពាហុប្បចាលកំ សីសប្បចាលកំ ករោន្តា ច ខម្ភីកតា ច ឱគុណ្ឋិតា ច អន្តរឃរេ គច្ឆិំសុចេវ និសីទិំសុច, ឧក្កុដិកាយច អន្តរឃរេ គច្ឆិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – អនាទរិយំ ¶ អាវុសោ បដិច្ច បល្លត្ថិកាយ អន្តរឃរេ និសិន្នស្ស ទុក្កដំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ បល្លត្ថិកាយ អន្តរឃរេ និសីទិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – អនាទរិយំ ¶ អាវុសោ បដិច្ច អសក្កច្ចំ បិណ្ឌបាតំ បដិគ្គណ្ហន្តស្ស ច តហំ តហំ ឱលោកេន្តេន បិណ្ឌបាតំ បដិគ្គណ្ហន្តស្សច សូបញ្ញេវ ពហុំ បដិគ្គណ្ហន្តស្សច ថូបីកតំ បិណ្ឌបាតំ បដិគ្គណ្ហន្តស្សច ទុក្កដំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ អសក្កច្ចំ បិណ្ឌបាតំ បដិគ្គហេសុំ, តហំ តហំ ឱលោកេន្តា បិណ្ឌបាតំ បដិគ្គហេសុំ, សូបញ្ញេវ ពហុំ បដិគ្គហេសុំ, ថូបីកតំ បិណ្ឌបាតំ បដិគ្គហេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – អនាទរិយំ ¶ អាវុសោ បដិច្ច អាសក្កច្ចំ បិណ្ឌបាតំ ភុញ្ជន្តស្សច តហំ តហំ ឱលោកេន្តន បិណ្ឌបាតំ ភុញ្ជន្តស្ស ច តហំ តហំ ឱមសិត្វា បិណ្ឌបាតំ ភុញ្ជន្តស្ស ច សូបញ្ញេវ ពហុំ ភុញ្ជន្តស្ស ច ថូបកតោ ឱមទ្ទិត្វា បិណ្ឌបាតំ ភុញ្ជន្តស្ស ច សូបំ វា ព្យញ្ជនំ វា ឱទនេន បដិច្ឆាទេន្តស្ស ច ទុក្កដំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ អសក្កច្ចំ បិណ្ឌបាតំ ភុញ្ជិំសុ, តហំ តហំ ឱលោកេន្តា បិណ្ឌបាតំ ភុញ្ជិំសុ, តេយេវ ភន្តេ ឆព្ពគ្គិយា ភិក្ខូ តហំ តហំ ឱមសិត្វា បិណ្ឌបាតំ ភុញ្ជិំសុ, តេយេវ ភន្តេ ឆព្ពគ្គិយា ភិក្ខូ ពហុំ សូបំ ភុញ្ជិំសុ, តេយេវ ភន្តេ ឆព្ពគ្គិយា ភិក្ខូ ថូបកតោ ឱមទ្ទិត្វា បិណ្ឌបាតំ ភុញ្ជិំសុ, តេយេវ ភន្តេ ឆព្ពគ្គិយា ភិក្ខូ សូបម្បិ ព្យញ្ជនម្បិ ឱទនេន បដិច្ឆាទេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – អនាទរិយំ ¶ អាវុសោ បដិច្ច សូបំវា ឱទនំវា អគិលានេន អត្តនោ អត្ថាយ វិញ្ញាបេត្វា ភុញ្ជន្តស្ស ទុក្កដំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ សូបម្បិ ឱទនម្បិ អត្តនោ អត្ថាយ វិញ្ញាបេត្វា ភុញ្ជិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – អនាទរិយំ អាវុសោ បដិច្ច ឧជ្ឈានសញ្ញិនា បរេសំ បត្តំ ឱលោកេន្តស្ស ច អតិមហន្តំ កពឡំ ករោន្តស្ស ច ទីឃំ អាលោបំ ករោន្តស្ស ច ទុក្កដំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ¶ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ឧជ្ឈានសញ្ញិនោ បរេសំ បត្តំ ឱលោកេសុំ, តេយេវ ភន្តេ ឆព្ពគ្គិយា ភិក្ខូ អតិមហន្តំ កពឡំ ករិំសុ, តេយេវ ភន្តេ ឆព្ពគ្គិយា ភិក្ខូ ទីឃំ អាលោបំ ករិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – អនាទរិយំ អាវុសោ បដិច្ច អនាហដេ កពឡេ មុខទ្វារំ វិវរន្តស្ស ច ភុញ្ជមានេ សព្ពំ ហត្ថំ មុខេ បក្ខិបន្តស្ស ច សកពឡេន មុខេន ព្យាហរន្តស្ស ច បិណ្ឌុក្ខេបកំ បិណ្ឌបាតំ ភុញ្ជន្តស្ស ច កពឡាវច្ឆេទកំ បិណ្ឌបាតំ ភុញ្ជន្តស្ស ច អវគណ្ឌការកំ បិណ្ឌបាតំ ភុញ្ជន្តស្ស ច ហត្ថនិទ្ធុនកំ សិត្ថាវការកំ ជិវ្ហានិច្ឆារកំ ចបុចបុការកំ បិណ្ឌបាតំ ភុញ្ជន្តស្ស ច ទុក្កដំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ អនាហដេ កពឡេ មុខទ្វារំ វិវរិំសុ, ភុញ្ជមានា សព្ពំ ហត្ថំ មុខេ បក្ខិបិំសុ, សកពឡេន មុខេន ព្យាហរិំសុ, បិណ្ឌុក្ខេបកំ ភុញ្ជិំសុ, កពឡាវច្ឆេទកំ ភុញ្ជិំសុ, អវគណ្ឌការកំ ភុញ្ជិំសុ, ហត្ថនិទ្ធុនកំ សិត្ថាវការកំ ជិវ្ហានិច្ឆារកំ ¶ ចបុចបុការកំ ភុញ្ជិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – អនាទរិយំ អាវុសោ បដិច្ច សុរុសុរុការកំ ភុញ្ជន្តស្សច ហត្ថនិល្លេហកំវា បត្តនិល្លេហកំ វា ឱដ្ឋនិល្លេហកំ វា ភុញ្ជន្តស្ស ច សាមិសេន ហត្ថេន បានីយថាលកំ បដិគ្គណ្ហន្តស្ស ច សសិត្ថកំ បត្តធោវនំ អន្តរឃរេ ចឌ្ឌេន្តស្ស ច ទុក្កដំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សុរុ សុរុការកំ ភន្តេ ភុញ្ជន្តស្ស ទុក្កដំ កោសម្ពិយំ បញ្ញត្តំ, សម្ពហុលេ ភន្តេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ សុរុសុរុការកំ ខីរំ បិវិំសុ, តស្មិំ ភន្តេ វត្ថុស្មិំ បញ្ញត្តំ. ហត្ថនិល្លេហកំ ¶ ភុញ្ជន្តស្ស ច បត្តនិល្លេហកំ ភុញ្ជន្តស្ស ច ឱដ្ឋនិល្លេហកំ ភុញ្ជន្តស្ស ទុក្កដំ សាវត្ថិយំ បញ្ញត្តំ, ឆព្ពគ្គិយេ ភន្តេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ហត្ថនិល្លេហកំ ភុញ្ជិំសុ, បត្តនិល្លេហកំ ភុញ្ជិំសុ, ឱដ្ឋនិល្លេហកំ ភុញ្ជិំសុ, តស្មិំ ភន្តេ វត្ថុស្មិំ បញ្ញត្តំ.

សាមិសេន ហត្ថេន បានីយថាលកំ បដិគ្គណ្ហន្តស្ស ច សសិត្ថកំ បត្តធោវនំ អន្តរឃរេ ឆឌ្ឌេន្តស្ស ច ទុក្កដំ ភគ្គេសុ បញ្ញត្តំ, សម្ពហុលេ ភិក្ខូ អារព្ភ បញ្ញត្តំ, សម្ពហុលា ភិក្ខូ សាមិសេន ហត្ថេន បានីយថាលកំ បដិគ្គហេសុំ, តេយេវ ភន្តេ សម្ពហុលា ភិក្ខូ សសិត្ថកំ បត្តធោវនំ អន្តរឃរេ ឆឌ្ឌេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – អនាទរិយំ ¶ អាវុសោ បដិច្ច ឆត្តបាណិស្ស ធម្មំ ទេសេន្តស្ស ច ទណ្ឌបាណិស្ស វា សត្ថបាណិស្ស វា អាវុធបាណិស្ស វា ធម្មំ ទេសេន្តស្ស ច ទុក្កដំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ឆត្តបាណិស្ស ទណ្ឌបាណិស្ស សត្ថបាណិស្ស អាវុធបាណិស្ស ធម្មំ ទេសេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – អនាទរិយំ អាវុសោ បដិច្ច បាទុការុឡ្ហស្ស ច ឧបហនារុឡ្ហស្ស ច យានគតស្ស ច សយនគតស្ស ច ធម្មំ ទេសេន្តស្ស ទុក្កដំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ បាទុការុឡ្ហស្ស ឧបហនារុឡ្ហស្ស យានគតស្ស សយនគតស្ស ធម្មំ ទេសេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – អនាទរិយំ ¶ អាវុសោ បដិច្ច បល្លត្ថិកាយ និសិន្នស្ស ច វេឋិតសីសស្ស ច ឱគុណ្ឋិតសីសស្ស ច ឆមាយំ និសីទិត្វា អាសនេ និសិន្នស្ស ច នីចេ អាសនេ និសីទិត្វា ឧច្ចេ អាសនេ និសិន្នស្ស ច ឋិតេន និសិន្នស្ស ច បច្ឆតោ គច្ឆន្តេន បុរតោ គច្ឆន្តស្ស ច ឧប្បថេន គច្ឆន្តេន បថេន គច្ឆន្តស្ស ច ធម្មំ ទេសេន្តស្ស ទុក្កដំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេវ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ បល្លត្ថិកាយ និសិន្នស្ស ច វេឋិតសីសស្ស ច ឱគុណ្ឋិតសីសស្ស ច ឆមាយំ និសីទិត្វា អាសនេ និសិន្នស្ស ច នីចេ អាសនេ និសីទិត្វា ឧច្ចេ អាសនេ និសិន្នស្ស ច ឋិតានិសិន្នស្ស ច បច្ឆតោ គច្ឆន្តា បុរតោ គច្ឆន្តស្ស ច ឧប្បថេន គច្ឆន្តា បថេន គច្ឆន្តស្ស ច ធម្មំ ទេសេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – អនាទរិយំ ¶ អាវុសោ បដិច្ច ឋិតេន ឧច្ចារំ វា បស្សាវំ វា ករោន្តស្ស ច ហរិតេ វា ឧទកេ វា ឧច្ចារំ វា បស្សាវំ វា ខេឡំ វា ករោន្តស្ស ច ទុក្កដំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេវ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ឋិតា ឧច្ចារម្បិ បស្សាវម្បិ អកំសុ, តេយេវ ភន្តេ ឆព្ពគ្គិយា ភិក្ខូ ហរិតេបិ ឧទកេបិ ឧច្ចារម្បិ បស្សាវម្បិ ខេឡម្បិ អកំសុ, តស្មិំ ភន្តេ វត្ថុស្មិំ បញ្ញត្តំ.

ភិក្ខុនីវិភង្គ

៥. បញ្ចម បារាជិក សិក្ខាបុច្ឆា

បុច្ឆា – ភិក្ខុនីនំ ¶ អាវុសោ បញ្ចម បារាជិកំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ សុន្ទរីនន្ទំ ភិក្ខុនិំ អារព្ភ បញ្ញត្តំ, សុន្ទរីនន្ទា ភន្តេ ភិក្ខុនី អវស្សុតា អវស្សុតស្ស បុរិសបុគ្គលស្ស កាយសំសគ្គំ សាទិយិ, តស្មិំ ភន្តេ វត្ថុស្មិំ បញ្ញត្តំ.

ភិក្ខុនីវិភង្គ, សង្ឃាទិសេស សិក្ខាបុច្ឆា

បុច្ឆា – ឧស្សយវាទិកាយ អាវុសោ ភិក្ខុនិយា អឌ្ឌំ ករោន្តិយា សង្ឃាទិសេសោ កត្ថ បញ្ញត្តោ, កំ អារព្ភ កិស្មិំ វត្ថុស្មិំ បញ្ញត្តោ.

វិស្សជ្ជនា – សាវត្ថិយំ ភន្តេ តុល្លនន្ទំ ភិក្ខុនិំ អារព្ភ បញ្ញត្តោ, ថុល្លនន្ទា ភន្តេ ភិក្ខុនី ឧស្សយវាទិកា វិហរិ, តស្មិំ ភន្តេ វត្ថុស្មិំ បញ្ញត្តោ.

បុច្ឆា – ចោរិំ ¶ អាវុសោ វុដ្ឋាបេន្តិយា សង្ឃាទិសេសោ កត្ថ បញ្ញត្តោ, កំ អារព្ភ កិស្មិំ វត្ថុស្មិំ បញ្ញត្តោ.

វិស្សជ្ជនា – សាវត្ថិយំ ភន្តេ ថុល្លនន្ទំ ភិក្ខុនិំ អារព្ភ បញ្ញត្តោ, ថុល្លនន្ទា ភន្តេ ភិក្ខុនី ចោរិំ វុដ្ឋាបេសិ, តស្មិំ ភន្តេ វត្ថុស្មិំ បញ្ញត្តោ.

បុច្ឆា – ឯកាយ ¶ អាវុសោ គាមន្តរំ គច្ឆន្តិយា សង្ឃាទិសេសោ កត្ថ បញ្ញត្តោ, កំ អារព្ភ កិស្មិំ វត្ថុស្មិំ បញ្ញត្តោ.

វិស្សជ្ជនា – សាវត្ថិយំ ភន្តេ អញ្ញតរំ ភិក្ខុនិំ អារព្ភ បញ្ញត្តោ, អញ្ញតរា ភន្តេ ភិក្ខុនី ឯកា គាមន្តរំ គច្ឆិ, តស្មិំ ភន្តេ វត្ថុស្មិំ បញ្ញត្តោ.

បុច្ឆា – អវស្សុតាយ អាវុសោ ភិក្ខុនិយា អវស្សុតស្ស បុរិសបុគ្គលស្ស ហត្ថតោ ខាទនីយំវា ភោជនីយំវា សហត្ថា បដិគ្គហេត្វា ភុញ្ជន្តស្ស សង្ឃាទិសេសោ កត្ថ បញ្ញត្តោ, កំ អារព្ភ កិស្មិំ វត្ថុស្មិំ បញ្ញត្តោ.

វិស្សជ្ជនា – សាវត្ថិយំ ភន្តេ សុន្ទរីនន្ទំ ភិក្ខុនិំ អារព្ភ បញ្ញត្តោ, សុន្ទរីនន្ទា ភន្តេ ភិក្ខុនី អវស្សុតា អវស្សុតស្ស បុរិសបុគ្គលស្ស ¶ ហត្ថតោ អាមិសំ បដិគ្គហេសិ តស្មិំ ភន្តេ វត្ថុស្មិំ បញ្ញត្តោ.

បុច្ឆា – កុបិតាយ អាវុសោ អនត្តមនាយ ភិក្ខុនិយា យាវតតិយំ សមនុភាសន្តិយា ន បដិនិសជ្ជន្តិយា សង្ឃាទិសេសោ កត្ថ បញ្ញត្តោ, កំ អារព្ភ កិស្មិំ វត្ថុស្មិំ បញ្ញត្តោ.

វិស្សជ្ជនា – សាវត្ថិយំ ភន្តេ ចណ្ឌកាឡិំ ភិក្ខុនិំ អារព្ភ បញ្ញត្តោ, ចណ្ឌកាឡី ភន្តេ ភិក្ខុនី កុបិតា អនត្តមនា ឯវំ អភណិ, ពុទ្ធំ បច្ចាចិក្ខាមិ, ធម្មំ បច្ចាចិក្ខាមិ, សង្ឃំ បច្ចាចិក្ខាមិ, សិក្ខំ បច្ចាចិក្ខាមិ, កិន្នុមាវ សមណិយោ យា សមណិយោ សក្យធីតរោ, សន្តញ្ញាបិ សមណិយោ លជ្ជិនិយោ កុក្កុច្ចិកា សិក្ខាកាមា, តាសាហំ សន្តិកេ ព្រហ្មចរិយំ ចរិស្សាមីតិ, តស្មិំ ភន្តេ វត្ថុស្មិំ បញ្ញត្តោ.

បុច្ឆា – កស្ស ¶ អាវុសោ វចនំ.

វិស្សជ្ជនា – ភគវតោ ភន្តេ វចនំ អរហតោ សម្មាសម្ពុទ្ធស្ស.

បុច្ឆា – កេនាវុសោ អាភតំ.

វិស្សជ្ជនា – បរម្បរាយ ភន្តេ អាភតំ.

បុច្ឆា – អត្ថិ នុខោ អាវុសោ ឯត្ថ កោចិបិ វិរទ្ធទោសោ.

វិស្សជ្ជនា – នត្ថិ ភន្តេ.

ភិក្ខុនី វិភង្គបាចិត្តិយ

១. លសុណវគ្គ, ១. បឋម សិក្ខាបុច្ឆា

បុច្ឆា – យំ ¶ តេន អាវុសោ ភគវតា…បេ… សម្មាសម្ពុទ្ធេន លក្ខណំ ខាទន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ថុល្លនន្ទំ ភិក្ខុនិំ អារព្ភ បញ្ញត្តំ, ថុល្លនន្ទា ភន្តេ ភិក្ខុនី ន មត្តំ ជានិត្វា ពហុំ លសុណំ ហរាបេសិ, តស្មិំ ភន្តេ វត្ថុស្មិំ បញ្ញត្តំ.

១. លសុណវគ្គ, ៦. ឆដ្ឋ សិក្ខាបុច្ឆា

បុច្ឆា – ភិក្ខុស្ស អាវុសោ ភុញ្ជមានស្ស អន្នេន វា បានេន វា វិធូបនេន វា ឧបតិដ្ឋន្តិយា ភិក្ខុនិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ¶ ភន្តេ អញ្ញតរំ ភិក្ខុនិំ អារព្ភ បញ្ញត្តំ, អញ្ញតរា ភន្តេ ភិក្ខុនី ភិក្ខុស្ស ភុញ្ជមានស្ស បានីយេន វិធូបនេន ច ឧបតិដ្ឋតិ, តស្មិំ ភន្តេ វត្ថុស្មិំ បញ្ញត្តំ.

១. លសុណវគ្គ, ៨. អដ្ឋម សិក្ខាបុច្ឆា

បុច្ឆា – ឧច្ចារំវា អាវុសោ បស្សាវំវា សង្ការំវា វិឃាសំវា ថិរោកុដ្ដេ ឆឌ្ឌេន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អញ្ញតរំ ភិក្ខុនិំ អារព្ភ បញ្ញត្តំ, អញ្ញតរា ភន្តេ ភិក្ខុនី ឧច្ចារំ តិរោកុដ្ដេ ឆឌ្ឌេសិ, តស្មិំ ភន្តេ វត្ថុស្មិំ បញ្ញត្តំ.

១. លសុណវគ្គ, ១០. ទសម សិក្ខាបុច្ឆា

បុច្ឆា – នច្ចំ ¶ វា អាវុសោ គីតំ វា វាទិតំ វា ទស្សនាយ គច្ឆន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយា ភិក្ខុនិយោ អារព្ភ បញ្ញត្តំ, ឆព្ពគ្គិយា ភន្តេ ភិក្ខុនិយោ នច្ចម្បិ គីតម្បិ វាទិតម្បិ ទស្សនាយ អគមំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ភិក្ខុបន ¶ អាវុសោ នច្ចំ វា គីតំ វា វាទិតំ វា ទស្សនាយ គច្ឆន្តោ កំ នាម អាបត្តិំ អាបជ្ជតិ.

វិស្សជ្ជនា – ទុក្កដំ ភន្តេ អាបត្តិំ អាបជ្ជតិ.

១. បឋម សិក្ខាបុច្ឆា

បុច្ឆា – រត្តន្ធការេ អាវុសោ អបទីបេ បុរិសេន សទ្ធិំ ឯកេនេកាយ សន្តិដ្ឋន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អញ្ញតរំ ភិក្ខុនិំ អារព្ភ បញ្ញត្តំ, អញ្ញតរា ភន្តេ ភិក្ខុនី រត្តន្ធការេ អបទីបេ បុរិសេន សទ្ធិំ ឯកេនេកា សន្តិដ្ឋិ, តស្មិំ ភន្តេ វត្ថុស្មិំ បញ្ញត្តំ.

២. អន្ធការវគ្គ, ២-៣. ទុតិយ, តតិយ សិក្ខាបុច្ឆា

បុច្ឆា – បដិច្ឆន្នេ ¶ វា អាវុសោ ឱកាសេ អជ្ឈោកាសេ វា បុរិសេន សទ្ធិំ ឯកេនេកាយ សន្តិដ្ឋន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អញ្ញតរំ ភិក្ខុនិំ អារព្ភ បញ្ញត្តំ, អញ្ញតរា ភន្តេ ភិក្ខុនី បដិច្ឆន្នេ ឱកាសេ អជ្ឈោកាសេ ច បុរិសេន សទ្ធិំ ឯកេនេកា សន្តិដ្ឋិ, តស្មិំ ភន្តេ វត្ថុស្មិំ បញ្ញត្តំ.

២. អន្ធការវគ្គ, ៨. អដ្ឋម សិក្ខាបុច្ឆា

បុច្ឆា – ទុគ្គហិតេន អាវុសោ ទូបធារិតេន បរំ ឧជ្ឈាបេន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អញ្ញតរំ ភិក្ខុនិំ អារព្ភ បញ្ញត្តំ, អញ្ញតរា ភន្តេ ភិក្ខុនី ទុគ្គហិតេន ទូបធារិតេន បរំ ឧជ្ឈាបេសិ, តស្មិំ ភន្តេ វត្ថុស្មិំ បញ្ញត្តំ.

២. អន្ធការវគ្គ, ៩. នវម សិក្ខាបុច្ឆា

បុច្ឆា – អត្តានំ ¶ វា អាវុសោ បរំ វា និរយេន វា ព្រហ្មចរិយេន វា អភិសបន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ចណ្ឌកាឡិំ ភិក្ខុនិំ អារព្ភ បញ្ញត្តំ, ចណ្ឌកាឡី ភន្តេ ភិក្ខុនី អត្តានម្បិ បរម្បិ និរយេនបិ ព្រហ្មចរិយេនបិ អភិសបិ, តស្មិំ ភន្តេ វត្ថុស្មិំ បញ្ញត្តំ.

២. អន្ធការវគ្គ, ១០. ទសម សិក្ខាបុច្ឆា

បុច្ឆា – អត្តានំ ¶ អាវុសោ វធិត្វា វធិត្វា រោទន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ចណ្ឌកាឡិំ ភិក្ខុនិំ អារព្ភ បញ្ញត្តំ, ចណ្ឌកាឡី ភន្តេ ភិក្ខុនី ភិក្ខុនីហិ សទ្ធិំ ភណ្ឌិត្វា អត្តានំ វធិត្វា វធិត្វា រោទិ, តស្មិំ ភន្តេ វត្ថុស្មិំ បញ្ញត្តំ.

៣. នគ្គវគ្គ, ៣. តតិយ សិក្ខាបុច្ឆា

បុច្ឆា – ភិក្ខុនិយា ¶ អាវុសោ ចីវរំ វិសិព្ពេត្វា វា វិសិព្ពាបេត្វា វា នេវ សិព្ពេន្តិយា ន សិព្ពាបនាយ ឧស្សុក្កំ ករោន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ថុល្លនន្ទំ ភិក្ខុនិំ អារព្ភ បញ្ញត្តំ, ថុល្លនន្ទា ភន្តេ ភិក្ខុនី ភិក្ខុនិយា ចីវរំ វិសិព្ពាបេត្វា នេវ សិព្ពេសិ ន សិព្ពាបនាយ ឧស្សុក្កំ អកាសិ, តស្មិំ ភន្តេ វត្ថុស្មិំ បញ្ញត្តំ.

៣. នគ្គវគ្គ, ៨. អដ្ឋម សិក្ខាបុច្ឆា

បុច្ឆា – អគារិកស្ស ¶ វា អាវុសោ បរិព្ពាជកស្ស វា បរិព្ពាជិកាយ វា សមណចីវរំ ទេន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ថុល្លនន្ទំ ភិក្ខុនិំ អារព្ភ បញ្ញត្តំ, ថុល្លនន្ទា ភន្តេ ភិក្ខុនី អគារិកស្ស សមណចីវរំ អទាសិ, តស្មិំ ភន្តេ វត្ថុស្មិំ បញ្ញត្តំ.

៤. តុវដ្ដវគ្គ, ១-២. បឋម, ទុតិយ សិក្ខាបុច្ឆា

បុច្ឆា – ទ្វិន្នំ អាវុសោ ភិក្ខុនីនំ ឯកមញ្ចេ វា ឯកត្ថរណបាវុរណេ វា តុវដ្ដេន្តីនំ បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ សម្ពហុលា ភិក្ខុនិយោ អារព្ភ បញ្ញត្តំ, សម្ពហុលា ភន្តេ ភិក្ខុនិយោ ទ្វេ ឯកមញ្ចេ តុវដ្ដេសុំ, ឯកត្ថរណបាវុរណេ តុវដ្ដេសុំ, តស្មិំ ភន្តេ វត្ថុស្មិំ បញ្ញត្តំ.

៤. តុវដ្ដវគ្គ, ៣. តតិយ សិក្ខាបុច្ឆា

បុច្ឆា – ភិក្ខុនិយា ¶ អាវុសោ សញ្ចិច្ច អផាសុំ ករោន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ថុល្លនន្ទំ ភិក្ខុនិំ អារព្ភ បញ្ញត្តំ, ថុល្លនន្ទា ភន្តេ ភិក្ខុនី ភិក្ខុនិយា សញ្ចិច្ច អផាសុំ អកាសិ, តស្មិំ ភន្តេ វត្ថុស្មិំ បញ្ញត្តំ.

៤. តុវដ្ដវគ្គ, ៤. ចតុត្ថ សិក្ខាបុច្ឆា

បុច្ឆា – ទុក្ខិតំ ¶ អាវុសោ សហជីវិនិំ នេវ ឧបដ្ឋេន្តិយា ន ឧបដ្ឋាបនាយ ឧស្សុក្កំ ករោន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ថុល្លនន្ទំយេវ ភិក្ខុនិំ អារព្ភ បញ្ញត្តំ, ថុល្លនន្ទា ភន្តេ ភិក្ខុនី ទុក្ខិតំ សហជីវិនិំ នេវឧបដ្ឋេសិ ន ឧបដ្ឋាបនាយ ឧស្សុក្កំ អកាសិ, តស្មិំ ភន្តេ វត្ថុស្មិំ បញ្ញត្តំ.

៤. តុវដ្ដវគ្គ, ៥. បញ្ចម សិក្ខាបុច្ឆា

បុច្ឆា – ភិក្ខុនិយា ¶ អាវុសោ ឧបស្សយំ ទត្វា កុបិតាយ អនត្តមនាយ និក្កឌ្ឍន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ថុល្លនន្ទំយេវ ភិក្ខុនិំ អារព្ភ បញ្ញត្តំ, ថុល្លនន្ទា ភន្តេ ភិក្ខុនី ភិក្ខុនិយា ឧបស្សយំ ទត្វា កុបិតា អនត្តមនា និក្កឌ្ឍិ, តស្មិំ ភន្តេ វត្ថុស្មិំ បញ្ញត្តំ.

៤. តុវដ្ដវគ្គ, ៦. ឆដ្ឋ សិក្ខាបុច្ឆា

បុច្ឆា – សំសដ្ឋាយ ¶ អាវុសោ ភិក្ខុនិយា យាវតតិយំ សមនុភាសនាយ ន បដិនិស្សជ្ជន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ចណ្ឌកាឡិំ ភិក្ខុនិំ អារព្ភ បញ្ញត្តំ, ចណ្ឌកាឡី ភន្តេ ភិក្ខុនី សំសដ្ឋា វិហរិ, តស្មិំ ភន្តេ វត្ថុស្មិំ បញ្ញត្តំ.

៤. តុវដ្ដវគ្គ, ៧-៨. សត្តម អដ្ឋម សិក្ខាបុច្ឆា

បុច្ឆា – អន្តោរដ្ឋេ ¶ វា អាវុសោ តិរោរដ្ឋេ វា សាសង្កសម្មតេ សប្បដិភយេ អសត្ថិកាយ ចារិកំ ចរន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ សម្ពហុលា ភិក្ខុនិយោ អារព្ភ បញ្ញត្តំ, សម្ពហុលា ភន្តេ ភិក្ខុនិយោ អន្តោរដ្ឋេបិ តិរោរដ្ឋេបិ សាសង្កសម្មតេ សប្បដិភយេ អសត្ថិកាយោ ចារិកំ ចរិំសុ, តស្មិំ ភន្តេ វត្ថុស្មិំ បញ្ញត្តំ.

៤. តុវដ្ដវគ្គ, ៩. នវម សិក្ខាបុច្ឆា

បុច្ឆា – អន្តោវស្សំ អាវុសោ ចារិកំ ចរន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ សម្ពហុលា ភិក្ខុនិយោ អារព្ភ បញ្ញត្តំ, សម្ពហុលា ភន្តេ ភិក្ខុនិយោ អន្តោវស្សំ ចារិកំ បក្កមិំសុ, តស្មិំ ភន្តេ វត្ថុស្មិំ បញ្ញត្តំ.

៤. តុវដ្ដវគ្គ, ១០. ទសម សិក្ខាបុច្ឆា

បុច្ឆា – វស្សំ ¶ វុដ្ឋាយ អាវុសោ ភិក្ខុនិយា ចារិកំ ន បក្កមន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ សម្ពហុលា ភិក្ខុនិយោ អារព្ភំ បញ្ញត្តំ, សម្ពហុលា ភន្តេ ភិក្ខុនិយោ វស្សំវុដ្ឋា ចារិកំ ន បក្កមិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – កស្ស ¶ អាវុសោ វចនំ.

វិស្សជ្ជនា – ភគវតោ ភន្តេ វចនំ អរហតោ សម្មាសម្ពុទ្ធស្ស.

បុច្ឆា – កេនាវុសោ អាភតំ.

វិស្សជ្ជនា – បរម្បរាយ ភន្តេ វចនំ.

សុណាតុ មេ ភន្តេ សង្ឃោ…បេ… សំគាយេយ្យាម.

៥. ចិត្តាគារវគ្គ, ១. បឋម សិក្ខាបុច្ឆា

បុច្ឆា – យំ តេន អាវុសោ ភគវតា…បេ… សម្មាសម្ពុទ្ធេន រាជាគារំ វា ចិត្តាគារំ វា អារាមំ វា ឧយ្យានំ វា បោក្ខរណិំ វា ទស្សនាយ គច្ឆន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ¶ ភន្តេ ឆព្ពគ្គិយា ភិក្ខុនិយោ អារព្ភ បញ្ញត្តំ, ឆព្ពគ្គិយា ភន្តេ ភិក្ខុនិយោ រាជាគារម្បិ ចិត្តាគារម្បិ ទស្សនាយ គច្ឆិំសុ, តស្មិំ ភន្តេ វត្ថុស្មិំ បញ្ញត្តំ.

៥. ចិត្តាគារវគ្គ, ៤. ចតុត្ថ សិក្ខាបុច្ឆា

បុច្ឆា – គិហិវេយ្យាវច្ចំ អាវុសោ ករោន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ សម្ពហុលា ភិក្ខុនិយោ អារព្ភ បញ្ញត្តំ, សម្ពហុលា ភន្តេ ភិក្ខុនិយោគិហិ វេយ្យាវច្ចំ អកំសុ, តស្មិំ ភន្តេ វត្ថុស្មិំ បញ្ញត្តំ.

៥. ចិត្តាគារវគ្គ, ៦. ឆដ្ឋ សិក្ខាបុច្ឆា

បុច្ឆា – អគារិកស្ស ¶ វា អាវុសោ បរិព្ពាជកស្ស វា បរិព្ពាជិកាយ វា សហត្ថា ខាទនីយំ ភោជនីយំ ទេន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ថុល្លនន្ទំ ភិក្ខុនិំ អារព្ភ បញ្ញត្តំ, ថុល្លនន្ទា ភន្តេ ភិក្ខុនី អគារិកស្ស សហត្ថា ខាទនីយម្បិ ភោជនីយម្បិ អទាសិ, តស្មិំ ភន្តេ វត្ថុស្មិំ បញ្ញត្តំ.

៥. ចិត្តាគារវគ្គ, ៩-១០. នវម, ទសម សិក្ខាបុច្ឆា

បុច្ឆា – តិរច្ឆានវិជ្ជំ អាវុសោ បរិយាបុណន្តិយា ច វាចេន្តិយា ច បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយា ភិក្ខុនិយោ អារព្ភ បញ្ញត្តំ, ឆព្ពគ្គិយា ភន្តេ ភិក្ខុនិយោ តិរច្ឆានវិជ្ជំ បរិយាបុណិំសុចេវ វាចេសុញ្ច, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ភិក្ខុ ¶ បន អាវុសោ តាទិសំ តិរច្ឆានវិជ្ជំ បរិយាបុណន្តោ ច វាចេន្តោ ច កិំ នាម អាបត្តិំ អាបជ្ជតិ.

វិស្សជ្ជនា – ទុក្កដំ ភន្តេ អាបត្តិំ អាបជ្ជតិ.

៦. អារាមវគ្គ, ១. បឋម សិក្ខាបុច្ឆា

បុច្ឆា – ជានំ អាវុសោ សភិក្ខុកំ អារាមំ អនាបុច្ឆា បវិសន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ សម្ពហុលា ភិក្ខុនិយោ អារព្ភ បញ្ញត្តំ, សម្ពហុលា ភន្តេ ភិក្ខុនិយោ អារាមំ អនាបុច្ឆា បវិសិំសុ, តស្មិំ ភន្តេ វត្ថុស្មិំ បញ្ញត្តំ.

៦. អារាមវគ្គ, ២. ទុតិយ សិក្ខាបុច្ឆា

បុច្ឆា – ភិក្ខុំ ¶ អាវុសោ អក្កោសន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – វេសាលិយំ ភន្តេ ឆព្ពគ្គិយា ភិក្ខុនិយោ អារព្ភ បញ្ញត្តំ, ឆព្ពគ្គិយា ភន្តេ ភិក្ខុនិយោ អាយស្មន្តំ ឧបាលិំ អក្កោសិំសុ, តស្មិំ ភន្តេ វត្ថុស្មិំ បញ្ញត្តំ.

៦. អារាមវគ្គ, ៣. តតិយ សិក្ខាបុច្ឆា

បុច្ឆា – ចណ្ឌិកតាយ ¶ អាវុសោ គណំ បរិភាសន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ថុល្លនន្ទំ ភិក្ខុនិំ អារព្ភ បញ្ញត្តំ, ថុល្លនន្ទា ភន្តេ ភិក្ខុនី ចណ្ឌិកតាយ គណំ បរិភាសិ, តស្មិំ ភន្តេ វត្ថុស្មិំ បញ្ញត្តំ.

៦. អារាមវគ្គ, ៥. បញ្ចម សិក្ខាបុច្ឆា

បុច្ឆា – កុលំ ¶ អាវុសោ មច្ឆរាយន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អញ្ញតរំ ភិក្ខុនិំ អារព្ភ បញ្ញត្តំ, អញ្ញតរា ភន្តេ ភិក្ខុនី កុលំ មច្ឆរាយិ, តស្មិំ ភន្តេ វត្ថុស្មិំ បញ្ញត្តំ.

៦. អារាមវគ្គ, ៦. ឆដ្ឋ សិក្ខាបុច្ឆា

បុច្ឆា – អភិក្ខុកេ ¶ អាវុសោ អាវាសេ វស្សំ វសន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ សម្ពហុលា ភិក្ខុនិយោ អារព្ភ បញ្ញត្តំ, សម្ពហុលា ភន្តេ ភិក្ខុនិយោ អភិក្ខុកេ អាវាសេ វស្សំ វសិំសុ, តស្មិំ ភន្តេ វត្ថុស្មិំ បញ្ញត្តំ.

៦. អារាមវគ្គ, ៧. សត្តម សិក្ខាបុច្ឆា

បុច្ឆា – វស្សំ ¶ វុដ្ឋាយ អាវុសោ ភិក្ខុនិយា ឧភតោសង្ឃេ តីហិ ឋានេហិ ន បវារេន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ សម្ពហុលា ភិក្ខុនិយោ អារព្ភ បញ្ញត្តំ, សម្ពហុលា ភន្តេ ភិក្ខុនិយោ វស្សំ វុដ្ឋា ភិក្ខុសង្ឃំ ន បវារេសុំ, តស្មិំ ភន្តេ វត្ថុស្មិំ បញ្ញត្តំ.

៦. អារាមវគ្គ, ៨. អដ្ឋម សិក្ខាបុច្ឆា

បុច្ឆា – ឱវាទាយ វា អាវុសោ សំវាសាយ វា នគច្ឆន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សក្កេសុ ភន្តេ ឆព្ពគ្គិយា ភិក្ខុនិយោ អារព្ភ បញ្ញត្តំ, ឆព្ពគ្គិយា ភន្តេ ភិក្ខុនិយោ ឱវាទំ នគច្ឆិំសុ, តស្មិំ ភន្តេ វត្ថុស្មិំ បញ្ញត្តំ.

៦. អារាមវគ្គ, ៩. នវម សិក្ខាបុច្ឆា

បុច្ឆា – ឧបោសថម្បិ ¶ អាវុសោ ន បុច្ឆន្តិយា ឱវាទម្បិ ន យាចន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ សម្ពហុលា ភិក្ខុនិយោ អារព្ភ បញ្ញត្តំ, សម្ពហុលា ភន្តេ ភិក្ខុនិយោ ឧបោសថំ ន បុច្ឆិំសុ, ឱវាទម្បិ ន យាចិំសុ, តស្មិំ ភន្តេ វត្ថុស្មិំ បញ្ញត្តំ.

៧. គព្ភិនីវគ្គ, ១-២. បឋម, ទុតិយ សិក្ខាបុច្ឆា

បុច្ឆា – គព្ភិនិំ វា អាវុសោ បាយន្តិំ វា វុដ្ឋាបេន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ¶ ភន្តេ សម្ពហុលា ភិក្ខុនិយោ អារព្ភ បញ្ញត្តំ, សម្ពហុលា ភន្តេ ភិក្ខុនិយោ គព្ភិនិំ វុដ្ឋាបេសុំ, បាយន្តិំ វុដ្ឋាបេសុំ, តស្មិំ ភន្តេ វត្ថុស្មិំ បញ្ញត្តំ.

៧. គព្ភិនីវគ្គ, ៣. តតិយ សិក្ខាបុច្ឆា

បុច្ឆា – ទ្វេ វស្សានិ អាវុសោ ឆសុ ធម្មេសុ អសិក្ខិតសិក្ខំ សិក្ខមានំ វុដ្ឋាបេន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ សម្ពហុលា ភិក្ខុនិយោ អារព្ភ បញ្ញត្តំ, សម្ពហុលា ភន្តេ ភិក្ខុនិយោ ទ្វេ វស្សានិ ឆសុ ធម្មេសុ អសិក្ខិតសិក្ខំ សិក្ខមានំ វុដ្ឋាបេសុំ, តស្មិំ ភន្តេ វត្ថុស្មិំ បញ្ញត្តំ.

៨. កុមារីភូតវគ្គ, ៩. នវម សិក្ខាបុច្ឆា

បុច្ឆា – បុរិសសំសដ្ឋំ ¶ អាវុសោ កុមារកសំសដ្ឋំ ចណ្ឌិំ សោកាវាសំ សិក្ខមានំ វុដ្ឋាបេន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ថុល្លនន្ទំ ភិក្ខុនិំ អារព្ភ បញ្ញត្តំ, ថុល្លនន្ទា ភន្តេ ភិក្ខុនី បុរិសសំសដ្ឋំ កុមារកសំសដ្ឋំ ចណ្ឌិំ សោកាវាសំ ចណ្ឌកាឡិំ សេក្ខមានំ វុដ្ឋាបេសិ, តស្មិំ ភន្តេ វត្ថុស្មិំ បញ្ញត្តំ.

៨. កុមារីភូតវគ្គ, ១០. ទសម សិក្ខាបុច្ឆា

បុច្ឆា – មាតាបិតូហិ ¶ វា អាវុសោ សាមិកេន វា អននុញ្ញាតំ សិក្ខមានំ វុដ្ឋាបេន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ថុល្លនន្ទំ ភិក្ខុនិំ អារព្ភ បញ្ញត្តំ, ថុល្លនន្ទា ភន្តេ ភិក្ខុនី មាតាបិតូហិបិ សាមិកេនបិ អននុញ្ញាតំ សិក្ខមានំ វុដ្ឋាបេសិ, តស្មិំ ភន្តេ វត្ថុស្មិំ បញ្ញត្តំ.

៩. ឆត្តុបាហនវគ្គ, ១-២. បឋម, ទុតិយ សិក្ខាបុច្ឆា

បុច្ឆា – ឆត្តុបាហនំ អាវុសោ ធារេន្តិយា ច យានេន យាយន្តិយា ច បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយា ភិក្ខុនិយោ អារព្ភ បញ្ញត្តំ, ឆព្ពគ្គិយា ភន្តេ ភិក្ខុនិយោ ឆត្តុបាហនំ ធារេសុំ, យានេន យាយិំសុ, តស្មិំ ភន្តេ វត្ថុស្មិំ បញ្ញត្តំ.

៩. ឆត្តុបាហនវគ្គ, ៤. ចតុត្ថ សិក្ខាបុច្ឆា

បុច្ឆា – ឥត្ថាលង្ការំ ¶ អាវុសោ ធារេន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយា ភិក្ខុនិយោ អារព្ភ បញ្ញត្តំ, ឆព្ពគ្គិយា ភន្តេ ភិក្ខុនិយោ ឥត្ថាលង្ការំ ធារេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ភិក្ខុ បន អាវុសោ បុរិសាលង្ការំ ធារេន្តោ កិំ នាម អាបត្តិំ អាបជ្ជេយ្យ.

វិស្សជ្ជនា – ទុក្កដំ ភន្តេ អាបត្តិំ អាបជ្ជេយ្យ.

៩. ឆត្តុបាហនវគ្គ, ៥. បញ្ចម សិក្ខាបុច្ឆា

បុច្ឆា – គន្ធវណ្ណកេន ¶ អាវុសោ នហាយន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយា ភិក្ខុនិយោ អារព្ភ បញ្ញត្តំ, ឆព្ពគ្គិយា ភន្តេ ភិក្ខុនិយោ គន្ធវណ្ណកេន នហាយិំសុ, តស្មិំ ភន្តេ វត្ថុស្មិំ បញ្ញត្តំ.

៩. ឆត្តុបាហនវគ្គ, ១១. ឯកាទសម សិក្ខាបុច្ឆា

បុច្ឆា – ភិក្ខុស្ស អាវុសោ បុរតោ អនាបុច្ឆា អាសនេ និសីទន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ សម្ពហុលា ភិក្ខុនិយោ អារព្ភ បញ្ញត្តំ, សម្ពហុលា ភន្តេ ភិក្ខុនិយោ ភិក្ខុស្ស បុរតោ អនាបុច្ឆា អាសនេ និសីទិំសុ, តស្មិំ ភន្តេ វត្ថុស្មិំ បញ្ញត្តំ.

៩. ឆត្តុបាហនវគ្គ, ១២. ទ្វាទសម សិក្ខាបុច្ឆា

បុច្ឆា – អនោកាសកតំ ¶ អាវុសោ ភិក្ខុំ បញ្ហំ បុច្ឆន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ សម្ពហុលា ភិក្ខុនិយោ អារព្ភ បញ្ញត្តំ, សម្ពហុលា ភន្តេ ភិក្ខុនិយោ អនោកាសកតំ ភិក្ខុំ បញ្ហំ បុច្ឆិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – សប្បិំ វា អាវុសោ តេលំ វា មធុំ វា ផាណិតំ វា មច្ឆំ វា មំសំ វា ខីរំ វា ទធិំ វា វិញ្ញាបេត្វា ភុញ្ជន្តិយា បាដិទេសនីយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយា ភិក្ខុនិយោ អារព្ភ បញ្ញត្តំ, ឆព្ពគ្គិយា ភន្តេ ភិក្ខុនិយោ សប្បិម្បិ តេលម្បិ មធុម្បិ ផាណិតម្បិ មច្ឆម្បិ មំសម្បិ ខីរម្បិ ទធិម្បិ វិញ្ញាបេត្វា ភុញ្ជិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ចតុន្នំ ¶ អាវុសោ វិបត្តីនំ កតមា វិបត្តិ.

វិស្សជ្ជនា – អាចារវិបត្តិ ភន្តេ.

បុច្ឆា – ឆន្នំ អាវុសោ អាបត្តិសមុដ្ឋានានំ កតិហិ សមុដ្ឋានេហិ សមុដ្ឋាតិ.

វិស្សជ្ជនា – ចតូហិ ភន្តេ សមុដ្ឋានេហិ សមុដ្ឋាតិ, សិយា កាយតោ សមុដ្ឋាតិ, នវាចតោ នចិត្តតោ, សិយា កាយតោ ច វាចតោ ច សមុដ្ឋាតិ, នចិត្តតោ, សិយា កាយតោ ច ចិត្តតោ ច សមុដ្ឋាតិ, នវាចតោ, សិយា កាយតោ ច វាចតោ ច ចិត្តតោ ច សមុដ្ឋាតិ, ឥមេហិ ភន្តេ ចតូហិ សមុដ្ឋានេហិ សមុដ្ឋាតិ.

បុច្ឆា – កា ¶ អាវុសោ វិបត្តិ.

វិស្សជ្ជនា – អសំវរោ ភន្តេ វិបត្តិ.

បុច្ឆា – កា អាវុសោ សម្បត្តិ.

វិស្សជ្ជនា – សំវរោ ភន្តេ សម្បត្តិ.

បុច្ឆា – កា ¶ អាវុសោ បដិបត្តិ.

វិស្សជ្ជនា – ន ឯវរូបំ ករិស្សាមីតិ យាវជីវំ អាបាណកោដិកំ សមាទាយ សិក្ខតិ សិក្ខាបទេសុ, អយំ ភន្តេ បដិបត្តិ.

បុច្ឆា – កស្ស អាវុសោ វចនំ.

វិស្សជ្ជនា – ភគវតោ ភន្តេ វចនំ អរហតោ សម្មាសម្ពុទ្ធស្ស.

បុច្ឆា – កេនាវុសោ អាភតំ.

វិស្សជ្ជនា – បរម្បរាយ ភន្តេ អាភតំ.

សុណាតុ មេ ភន្តេ សង្ឃោ…បេ… សំគាយេយ្យាម.

មហាវគ្គបាឡិ

សំគាយនស្ស បុច្ឆា វិស្សជ្ជនា

បុច្ឆា – ឧភតោ ¶ វិភង្គានន្តរំ អាវុសោ បោរាណកេហិ សំគីតិការមហាថេរេហិ កំ នាម បាវចនំ សំគីតំ.

វិស្សជ្ជនា – ឧភតោ វិភង្គានន្តរំ ភន្តេ បោរាណកេហិ សំគីតិការមហាថេរេហិ ខន្ធកា សំគីតា.

បុច្ឆា – តេ បន អាវុសោ ខន្ធកា វគ្គភេទេន កតិវិធា.

វិស្សជ្ជនា – តេ ¶ បន ភន្តេ ខន្ធកា ទុវិធា វគ្គភេទេន មហាវគ្គោ ចូឡវគ្គោតិ.

បុច្ឆា – មហាវគ្គេ អាវុសោ កតិ ខន្ធកា បរិយាបន្នា.

វិស្សជ្ជនា – មហាវគ្គេ ភន្តេ ទសខន្ធកា បរិយាបន្នា, សេយ្យថិទំ, មហាខន្ធកោ ឧបោសថក្ខន្ធកោ វស្សូបនាយិកក្ខន្ធកោ បវារណាក្ខន្ធកោ ចម្មក្ខន្ធកោ ភេសជ្ជក្ខន្ធកោ កថិនក្ខន្ធកោ ចីវរក្ខន្ធកោ ចម្បេយ្យក្ខន្ធកោ កោសម្ពកក្ខន្ធកោតិ.

បុច្ឆា – មហាខន្ធកេ អាវុសោ ពហូ កថាយោ, កតមា តាសំ អាទិកថា.

វិស្សជ្ជនា – មហាខន្ធកេ ភន្តេ ពោធិកថា អាទិ.

មហាខន្ធក

មហាពោធិបុច្ឆា

បុច្ឆា – តស្មាតិហ ¶ អាវុសោ តតោ បដ្ឋាយ តំ បុច្ឆិស្សាមិ, ភគវា អាវុសោ បឋមាភិសម្ពុទ្ធកាលេ កត្ថ កីវចីរំ កេនាការេន វិហាសិ.

វិស្សជ្ជនា – ភគវា ភន្តេ បឋមាភិសម្ពុទ្ធោ ពោធិរុក្ខមូលេ សត្តាហំ ឯកបល្លង្កេន វិហាសិ វិមុត្តិសុខំ បដិសំវេទី.

បុច្ឆា – តទា អាវុសោ ភគវា កីទិសំ ធម្មំ មនសិកត្វា កីទិសំ ឧទានំ ឧទានេសិ.

វិស្សជ្ជនា – តទា ភន្តេ ភគវា រត្តិយា បឋមំ យាមំ រត្តិយា មជ្ឈិមំ យាមំ រត្តិយា បច្ឆិមំ យាមំ បដិច្ចសមុប្បាទំ អនុលោមំ បដិលោមំ មនសិកត្វា តីណិ ឧទានានិ ឧទានេសិ.

អជបាល

បុច្ឆា – តស្ស ¶ អាវុសោ សត្តាហស្ស អច្ចយេន ភគវា កត្ថ វិហាសិ.

វិស្សជ្ជនា – តស្ស ភន្តេ សត្តាហស្ស អច្ចយេន ភគវា អជបាល និគ្រោធមូលេ វិហាសិ, សត្តាហំ ឯកបល្លង្កេន វិហាសិ វិមុត្តិសុខំ បដិសំវេទី.

មុចលិន្ទា

បុច្ឆា – តស្សបិ អាវុសោ សត្តាហស្ស អច្ចយេន ភគវា កត្ថ វិហាសិ.

វិស្សជ្ជនា – តស្ស ¶ ភន្តេ សត្តាហស្ស អច្ចយេន ភគវា មុចលិន្ទមូលេ សត្តាហំ ឯកបល្លង្កេន និសីទិ.

បុច្ឆា – តស្សបិ អាវុសោ សត្តាហស្ស អច្ចយេន ភគវា កត្ថ វិហាសិ.

វិស្សជ្ជនា – តស្សបិ ភន្តេ សត្តាហស្ស អច្ចយេន ភគវា រាជាយតនមូលេ សត្តាហំ ឯកបល្លង្កេន និសីទិ វិមុត្តិសុខំ បដិសំវេទី.

បុច្ឆា – តស្សបិ ¶ អាវុសោ សត្តាហស្ស អច្ចយេន ភគវា កត្ថ វិហាសិ.

វិស្សជ្ជនា – តស្ស ភន្តេ សត្តាហស្ស អច្ចយេន ភគវា បុនទេវ អជបាលនិគ្រោធមូលេ វិហាសិ.

បុច្ឆា – តស្មិំ បន អាវុសោ អជបាលនិគ្រោធេ វិហរន្តស្ស ភគវតោ កថំ ចេតសោ បរិវិតក្កោ ឧទបាទិ.

វិស្សជ្ជនា – តស្មិំ បន ភន្តេ អជបាលនិគ្រោធេ វិហរន្តស្ស ភគវតោ រហោគតស្ស បដិសល្លីនស្ស ធម្មគម្ភីរតាបដិសំយុត្តោ ចេតសោ បរិវិតក្កោ ឧទបាទិ.

អធិគតោ ខោ ម្យាយំ ធម្មោ គម្ភីរោ ទុទ្ទសោ អរនុពោធោ សន្តោ បណីតោ អតក្កាវចរា និបុណោ បណ្ឌិតវេទនីយោ.

អាលយរាមាខោ ¶ បនាយំ បជា អាលយរតា អាលយសម្មុទិតា,

សហម្បតិ ព្រហ្មា

បុច្ឆា – កថំ អាវុសោ តទា ធម្មទេសនាយ ព្រហ្មយាចនា ច ភគវតោ បដិញ្ញាច អហោសិ.

វិស្សជ្ជនា – ទេសេតុ ភន្តេ ភគវា ធម្មំ, ទេសេតុ សុគតោ ធម្មំ, សន្តិ សត្តា អប្បរជក្ខជាតិកា អស្សវនតា ធម្មស្ស បរិហាយន្តិ, ភវិស្សន្តិ ធម្មស្ស អញ្ញាតារោតិ ឥតិ ភន្តេ ព្រហ្មុនោ ធម្មទេសនាយ យាចនា អហោសិ,

‘‘អបារុតា តេសំ អមតស្ស ទ្វារា,

យេ សោតវន្តោ បមុញ្ចន្តុ សទ្ធំ;

វិហិំសសញ្ញី បគុណំ នភាសិំ,

ធម្មំ បណីតំ មនុជេសុ ព្រហ្មេ’’តិ.

ឯវំ ខោ ភន្តេ ភគវតោ ធម្មទេសនាយ បដិញ្ញា ច អហោសិ.

នស្សតិ ¶ វត លោកោ…

ទេសេតុ ភន្តេ ភគវា ធម្មំ…

អបារុតា តេសំ អមតស្ស ទ្វារា,

យេ សោតវន្តោ បមុញ្ចន្តុ សទ្ធំ.

បុច្ឆា – ឯវំ ¶ ខោ អាវុសោ ភគវា ធម្មទេសនាយ បដិញ្ញំ កត្វា បឋមំ ធម្មំ ទេសេន្តោ កត្ថ កីទិសំ ធម្មំ កស្ស ទេសេសិ.

វិស្សជ្ជនា – ពារាណសិយំ ភន្តេ ឥសិបតនេ មិគទាយេ បញ្ចវគ្គិយ ភិក្ខុបមុខានំ ព្រហ្មគណានំ ធម្មចក្កបវត្តនសុត្តំ ទេសេសិ.

បុច្ឆា – តស្មិំ ¶ ខោ បន អាវុសោ ធម្មចក្កបវត្តនសុត្តេ ទេសិយមានេ មនុស្សលោកេ កស្ស ធម្មាភិសមយោ អហោសិ.

វិស្សជ្ជនា – អាយស្មតោ ភន្តេ កោណ្ឌញ្ញស្ស ធម្មាភិសមយោ អហោសិ.

បុច្ឆា – កថំ នុ ខោ អាវុសោ ឥមស្មិំ ពុទ្ធសាសនេ បឋមំ បព្ពជ្ជា ច ឧបសម្បទា ច អហោសិ.

វិស្សជ្ជនា – ឥមស្មិំ ភន្តេ ពុទ្ធសាសនេ បឋមំ ឯហិភិក្ខុបសម្បទា អហោសិ.

លភេយ្យាហំ ¶ ភន្តេ ភគវតោ សន្តិកេ បព្ពជំ, លភេយ្យំ ឧបសម្បទំ.

ឯហិ ភិក្ខុ ស្វាខាតោ ធម្មោ, ចរ ព្រហ្មចរិយំ សម្មា ទុក្ខស្ស អន្តកិរិយាយ.

បុច្ឆា – ឥតរេសំ បន អាវុសោ ចតុន្នំ បញ្ចវគ្គិយានំ កទា ធម្មាភិសមយោ អហោសិ.

វិស្សជ្ជនា – បាដិបទេ ភន្តេ ទិវសេ អាយស្មតោ វប្បស្ស, ទុតិយេ ភន្តេ ទិវសេ អាយស្មតោ ភទ្ទិយស្ស, តតិយេ ភន្តេ ទិវសេ អាយស្មតោ មហានាមស្ស, ចតុត្ថេ ភន្តេ ទិវសេ អាយស្មតោ អស្សជិស្ស ធម្មាភិសមយោ អហោសិ.

បុច្ឆា – សព្ពេសម្បិ ¶ អាវុសោ តេសំ បញ្ចវគ្គិយានំ ភិក្ខូនំ កទា អរហត្តបត្តិ ហោតិ.

វិស្សជ្ជនា – សព្ពេសម្បិ ភន្តេ តេសំ បញ្ចវគ្គិយានំ ភិក្ខូនំ បក្ខស្ស បញ្ចមិយំ អនត្តលក្ខណសុត្តេ ទេសិយមានេ អរហត្តបត្តិ ហោតិ.

បុច្ឆា – កទា អាវុសោ ភគវតា ភិក្ខូ តត្ថ តត្ថ ចារិកំ ចរិត្វា ធម្មទេសនត្ថាយ បេសិតា.

វិស្សជ្ជនា – យសប្បមុខានំ ភន្តេ ចតុបញ្ញាស សហាយកានំ បព្ពជិតកាលេ ភគវតា ភិក្ខូ តត្ថ តត្ថ ចារិកំ ចរិត្វា ធម្មទេសនត្ថាយ បេសិតា.

សរណគមន

បុច្ឆា – កទា ¶ អាវុសោ ភគវតា តីហិ សរណគមនេហិ បព្ពជ្ជូប សម្បទា អនុញ្ញាតោ អហោសិ.

វិស្សជ្ជនា – យសប្បមុខានំ ភន្តេ ចតុបញ្ញាសាយ គិហិ សហាយកានំ បព្ពជិត្វា តត្ថ តត្ថ ចារិកំ ចរិត្វា ធម្មទេសនត្ថាយ បេសិតកាលេ ភគវតា តីហិ សរណគមនេហិ បព្ពជ្ជា ច ឧបសម្បទា ច អនុញ្ញាតា.

អនុជានាមិ ¶ ភិក្ខវេ តុម្ហេវ ទានិ តាសុ តាសុ ទិសាសុ តេសុ តេសុ ជនបទេសុ បព្ពាជេថ ឧបសម្បាទេថ.

បុច្ឆា – ភគវតា អាវុសោ ភិក្ខូនំ អារាមោ បដិគ្គណ្ហិតុំ កត្ថ កិស្មិំ វត្ថុស្មិំ អនុញ្ញាតោ.

វិស្សជ្ជនា – ភគវតា ភន្តេ ភិក្ខូនំ អារាមំ បដិគ្គណ្ហិតុំ រាជគហេ អនុញ្ញាតោ, រាជា ភន្តេ មាគធោ សេនិយោ ពិម្ពិសារោ ពុទ្ធប្បមុខស្ស ភិក្ខុសង្ឃស្ស វេឡុវនំ ឧយ្យានំ អទាសិ, តស្មិំ ភន្តេ វត្ថុស្មិំ អនុញ្ញាតោ.

ឯតាហំ ¶ ភន្តេ វេឡុវនំ ឧយ្យានំ ពុទ្ធប្បមុខស្ស ភិក្ខុសង្ឃស្ស ទម្មិ –

អនុជានាមិ ភិក្ខវេ អារាមំ.

បុច្ឆា – កថញ្ច ¶ អាវុសោ ទ្វិន្នំ អគ្គសាវកានំ បព្ពជ្ជូបសម្បទា អហោសិ.

វិស្សជ្ជនា – ទ្វិន្នំ ភន្តេ អគ្គសាវកានំ ឯហិ ភិក្ខុបសម្បទា អហោសិ.

វិប្បសន្នានិ ¶ ខោ តេ អាវុសោ ឥន្ទ្រិយានិ.

កំសិ ត្វំ អាវុសោ ឧទ្ទិស្ស បព្ពជិតោ.

កោ វា តេ សត្ថា.

កស្ស វា ត្វំ ធម្មំ រោចេសិ.

អត្ថាវុសោ មហាសមណោ សក្យបុត្តោ សក្យកុលា បព្ពជិតោ.

កិំ វាទី បនាយស្មតោ សត្ថា កិមក្ខាយី.

យេ ¶ ធម្មា ហេតុប្បភវា, តេសំ ហេតុំ តថាគតោ;

អាហ តេសញ្ច យោ និរោធោ, ឯវំ វាទី មហាសមណោ.

អលំ អាវុសោ មា អគមិត្ថ.

ឯតេ ភិក្ខវេ ទ្វេ សហាយកា អាគច្ឆន្តិ កោលិតោ ឧបតិស្សោ ច ឯតំ មេ សាវកយុគំ ភវិស្សតិ អគ្គំ ភទ្ទយុគំ.

លភេយ្យាម ¶ មយំ ភន្តេ ភគវតោ សន្តិកេ បព្ពជ្ជំ លភេយ្យាម ឧបសម្បទំ.

ឯថ ភិក្ខវោ ស្វាខាតោ ធម្មោ, ចរថ ព្រហ្មចរិយំ សម្មា ទុក្ខស្ស អន្តកិរិយាយ.

បុច្ឆា – ឧបជ្ឈាយោ អាវុសោ គណ្ហិតុំ ភគវតា កត្ថ អនុញ្ញាតោ, កំ អារព្ភ កិស្មិំ វត្ថុស្មិំ អនុញ្ញាតោ.

វិស្សជ្ជនា – រាជគហេ ភន្តេ សម្ពហុលេ ភិក្ខូ អារព្ភ អនុញ្ញាតោ, សម្ពហុលា ភន្តេ ភិក្ខូ អនុបជ្ឈាយកា អនាចរិយកា អនោវទិយមានា អននុសាសិយមានា ទុន្និវត្ថា ទុប្បារុតា អនោកប្បសម្បន្នា បិណ្ឌាយ ចរិំសុ, តស្មិំ ភន្តេ វត្ថុស្មិំ អនុញ្ញាតោ.

បុច្ឆា – ឧបជ្ឈាយម្ហិ អាវុសោ ន សម្មាវត្តន្តស្ស ទុក្កដំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ¶ ភន្តេ សម្ពហុលេ សទ្ធិវិហារិកេ អារព្ភ បញ្ញត្តំ, សម្ពហុលា ភន្តេ សទ្ធិវិហារិកា ឧបជ្ឈាយម្ហិ ន សម្មាវត្តិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – កទា អាវុសោ ភគវតា តីហិ សរណគមនេហិ ឧបសម្បទំ បដិក្ខិបិត្វា ញាតិចតុត្ថេន កម្មេន ឧបសម្បទា អនុញ្ញាតា.

វិស្សជ្ជនា – រាធព្រាហ្មណស្ស ភន្តេ បព្ពជិតកាលេ ភគវតា តីហិ សរណគមនេហិ ឧបសម្បទំ បដិក្ខិបិត្វា ញាត្តិចតុត្ថេន កម្មេន ឧបសម្បទា អនុញ្ញាតា.

កោនុ ¶ ខោ ភិក្ខវេ តស្ស ព្រាហ្មណស្ស អធិការំ សរតិ.

អហំ ខោ ភន្តេ តស្ស ព្រាហ្មណស្ស អធិការំ សរាមិ.

សាធុ សាធុ សារិបុត្ត, កតញ្ញុនោ ហិ សារិបុត្ត សប្បុរិសា កតវេទិនោ.

កថាហំ ភន្តេ តំ ព្រាហ្មណំ ឧបសម្បាទេមិ.

យាសា ¶ ភិក្ខវេ មយា តីហិ សរណគមនេហិ ឧបសម្បទាអនុញ្ញាតា, តំ អជ្ជតគ្គេ បដិក្ខិបាមិ.

អនុជានាមិ ភិក្ខវេ ញាត្តិចតុត្ថេន កម្មេន ឧបសម្បាទេតុំ.

បុច្ឆា – អយាចិតកំ អាវុសោ ឧបសម្បទាបេក្ខំ ឧបសម្បាទេន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ អញ្ញតរំ ភិក្ខុំ អារព្ភ បញ្ញត្តំ, អញ្ញតរោ ភន្តេ ភិក្ខុ ឧបសម្បន្នសមនន្តរំ អនាចារំ អចរិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ចតុន្នំ ¶ អាវុសោ និស្សយានំ អាចិក្ខណា ភគវតា កត្ថ អនុញ្ញាតា, កំ អារព្ភ កិស្មិំ វត្ថុស្មិំ អនុញ្ញាតា.

វិស្សជ្ជនា – រាជគហេ ភន្តេ អញ្ញតរំ ភិក្ខុំ អារព្ភ អនុញ្ញាតា, អញ្ញតរោ ភន្តេ ភិក្ខុ ឧទរស្ស ការណា បព្ពជិ, តស្មិំ ភន្តេ វត្ថុស្មិំ អនុញ្ញាតា.

ឯហិ ¶ ទានិ អាវុសោ បិណ្ឌាយ ចរិស្សាម.

កថញ្ហិ នាម ភិក្ខុ ឯវំ ស្វាក្ខាតេ ធម្មវិនយេ ឧទរស្ស ការណា បព្ពជិស្សតិ.

បុច្ឆា – ឩនទសវស្សេន ¶ អាវុសោ ឧបសម្បាទេន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ អាយស្មន្តំ ឧបសេនំ វង្គន្តបុត្តំ អារព្ភ បញ្ញត្តំ, អាយស្មា ភន្តេ ឧបសេនោ វង្គន្តបុត្តោ ឯកវស្សោ សទ្ធិវិហារិកំ ឧបសម្បាទេសិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ពាលេន ¶ អាវុសោ អព្យត្តេន ឧបសម្បាទេន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ សម្ពហុលេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ ‘‘ទសវស្សម្ហា ទសវស្សម្ហា’’តិ ពាលា អព្យត្តា ឧបសម្បាទេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – អាចរិយោ ¶ អាវុសោ គណ្ហិតុំ ភគវតា កត្ថ អនុញ្ញាតោ, កំ អារព្ភ កិស្មិំ វត្ថុស្មិំ អនុញ្ញាតោ.

វិស្សជ្ជនា – រាជគហេ ភន្តេ សម្ពហុលេ ភិក្ខូ អារព្ភ អនុញ្ញាតោ, សម្ពហុលា ភន្តេ ភិក្ខូ ឧបជ្ឈាយេសុ បក្កន្តេសុបិ វិព្ភន្តេសុបិ កាលង្កតេសុបិ បក្ខសង្កន្តេសុបិ អនាចរិយកា អនោវទិយមានា អននុសាសិយមានា ទុន្និវត្ថា ទុប្បារុតា អនាកប្បសម្បន្នា បិណ្ឌាយ ចរិំសុ, តស្មិំ ភន្តេ វត្ថុស្មិំ អនុញ្ញាតោ.

បុច្ឆា – បញ្ចហិ ¶ អាវុសោ អាពាធេហិ ផុដ្ឋំ បព្ពាជេន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ សម្ពហុលេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ បញ្ចហិ អាពាធេហិ ផុដ្ឋំ បព្ពាជេសុំ, តស្មិំ ភន្តេ វត្ថុស្មិំ បញ្ញត្តំ.

សាធុ ¶ ភន្តេ អយ្យា បញ្ចហិ អាពាធេហិ ផុដ្ឋំ ន បព្ពាជេយ្យុំ…

បុច្ឆា – រាជភដំ អាវុសោ បព្ពាជេន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ សម្ពហុលេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ រាជភដេ បព្ពាជេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ធជពន្ធំ ¶ អាវុសោ ចោរំ បព្ពាជេន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេយេវ ភន្តេ អង្គុលិមាលំ ចោរំ អារព្ភ បញ្ញត្តំ, អង្គុលិមាលោ ភន្តេ ចោរោ ភិក្ខូសុ បព្ពជិតោ ហោតិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ការភេទកំ អាវុសោ ចោរំ បព្ពាជេន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេយេវ ¶ ភន្តេ សម្ពហុលេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ ការភេទកចោរំ បព្ពាជេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ឥណាយិកំ អាវុសោ បព្ពាជេន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេយេវ ភន្តេ សម្ពហុលេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ ឥណាយិកំ បព្ពាជេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ទាសំ ¶ អាវុសោ បព្ពជេន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេយេវ ភន្តេ សម្ពហុលេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ ទាសំ បព្ពាជេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ភណ្ឌុកម្មាយ អាវុសោ អបលោកនំ ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – រាជគហេយេវ ភន្តេ អញ្ញតរំ កម្មារភណ្ឌុបុត្តំ អារព្ភ អនុញ្ញាតំ អញ្ញតរោ ភន្តេ កម្មារភណ្ឌុបុត្តោ មាតាបិតូហិ សទ្ធិំ ភណ្ឌិត្វា ភិក្ខូសុ បព្ពជិតោ ហោតិ, តស្មិំ ភន្តេ វត្ថុស្មិំ អនុញ្ញាតំ.

បុច្ឆា – ឩនវីសតិវស្សស្ស ¶ អាវុសោ បុគ្គលស្ស ឧបសម្បទា ភគវតា កត្ថ បដិក្ខិត្តា, កំ អារព្ភ កិស្មិំ វត្ថុស្មិំ បដិក្ខិត្តា.

វិស្សជ្ជនា – រាជគហេ ¶ ភន្តេ សម្ពហុលេ ភិក្ខូ អារព្ភ បដិក្ខិត្តា, សម្ពហុលា ភន្តេ ភិក្ខូ ឩនវីសតិវស្សំ បុគ្គលំ ឧបសម្បាទេសុំ, តស្មិំ ភន្តេ វត្ថុស្មិំ បដិក្ខិត្តា.

ន ¶ ភិក្ខវេ ជានំ ឩនវីសតិវស្សោ បុគ្គលោ ឧបសម្បាទេតព្ពោ, យោឧបសម្បាទេយ្យ, យថាធម្មោ ការេតព្ពោ.

បុច្ឆា – មាតាបិតូហិ ¶ អាវុសោ អននុញ្ញាតំ បុត្តំ បព្ពាជេន្តស្ស ទុក្កដំ ភគវតា កត្ថ បញ្ញត្តំ, កិស្មិំ វត្ថុស្មិំ បញ្ញត្តំ.

វិស្សជ្ជនា – សក្កេសុ ភន្តេ បញ្ញត្តំ, រាជា ភន្តេ សុទ្ធោទនោ ភគវន្តំ ឧបសង្កមិត្វា វរំ យាចិ, សាធុ ភន្តេ អយ្យាអននុញ្ញាតំ មាតាបិតូហិ បុត្តំ បព្ពាជេយ្យុន្តិ, តស្មិំ ភន្តេ វត្ថុស្មិំ បញ្ញត្តំ.

ន ¶ ភិក្ខវេ អននុញ្ញាតោ មាតាបិតូហិ បុត្តោ បព្ពាជេតព្ពោ, យោ បព្ពាជេយ្យ, អាបត្តិទុក្កដស្ស.

បុច្ឆា – ថេយ្យសំវាសកស្ស អាវុសោ ឧបសម្បទា ភគវតា កត្ថ បដិក្ខិត្តា, កំ អារព្ភ កិស្មិំ វត្ថុស្មិំ បដិក្ខិត្តា.

វិស្សជ្ជនា – សាវត្ថិយំ ភន្តេ អញ្ញតរំ បុរាណកុលបុត្តំ អារព្ភ បដិក្ខិត្តា, អញ្ញតរោ ភន្តេ បុរាណកុលបុត្តោ ខីណ កោលញ្ញោ សាមំ បត្តចីវរំ បដិយាទេត្វា កេសមស្សុំ ឱហារេត្វា ¶ កាសាយានិ វត្ថានិ អច្ឆាទេត្វា អារាមំ គន្ត្វា ភិក្ខូហិ សទ្ធិំ សំវសិ, ភន្តេ វត្ថុស្មិំ បដិក្ខិត្តា.

បុច្ឆា – តិរច្ឆានគតស្ស ¶ អាវុសោ ឧបសម្បទា ភគវតា កត្ថ បដិក្ខិត្តា, កំ អារព្ភ កិស្មិំ វត្ថុស្មិំ បដិក្ខិត្តា.

វិស្សជ្ជនា – សាវត្ថិយំ ភន្តេ អញ្ញតរំ នាគំ អារព្ភ បដិក្ខិត្តា, អញ្ញតរោ ភន្តេ នាគោ មាណវកវណ្ណេន ភិក្ខូ ឧបសង្កមិត្វា បព្ពជ្ជំ យាចិ, តំ ភិក្ខូ បព្ពាជេសុំ ឧបសម្បាទេសុំ, តស្មិំ ភន្តេ វត្ថុស្មិំ បដិក្ខិត្តា.

បុច្ឆា – មាតុឃាតកស្ស ¶ ច អាវុសោ បិតុឃាតកស្ស ច ឧបសម្បទា ភគវតា កត្ថ បដិក្ខិត្តា, កំ អារព្ភ កិស្មិំ វត្ថុស្មិំ បដិក្ខិត្តា.

វិស្សជ្ជនា – សាវត្ថិយំយេវ ¶ ភន្តេ អញ្ញតរំ មាណវកំ អារព្ភ បដិក្ខិត្តា, អញ្ញតរោ ច ភន្តេ មាណវកោ អញ្ញតរោ ច មាណវកោ មាតរំ ជីវិតា វោរោបេសិ បិតរំ ជីវិតា វោរោបេសិ, តស្មិំ ភន្តេ វត្ថុស្មិំ បដិក្ខិត្តា.

មាតុឃាតកោ ¶ ភិក្ខវេ អនុបសម្បន្នោ នឧបសម្បាទេតព្ពោ, ឧបសម្បន្នោ នាសេតព្ពោ, បិតុឃាតកោ ភិក្ខវេ អនុបសម្បន្នោ នឧបសម្បាទេតព្ពោ, ឧបសម្បន្នោ នាសេតព្ពោ.

បុច្ឆា – អបត្តចីវរកំ វា អាវុសោ យាចិតបត្តចីវរកំ វា ឧបសម្បាទេន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ អបត្តចីវរកំ ឧបសម្បាទេសុំ, យាចិតកេន បត្តចីវរេន ឧបសម្បាទេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ឧបសម្បទំ ¶ បុច្ឆិស្សំ, សនិទានំ សឧទ្ទេសំ. សមុក្កដ្ឋបទានំ អាវុសោ កតិ អាបត្តិយោ.

វិស្សជ្ជនា – ឧបសម្បទំ វិស្សជ្ជិស្សំ, សនិទានំ សនិទ្ទេសំ. សមុក្កដ្ឋបទានំ ភន្តេ ទ្វេ អាបត្តិយោ.

២. ឧបោសថក្ខន្ធក

បុច្ឆា – ចាតុទ្ទសេ ¶ ច អាវុសោ បន្នរសេ ច បក្ខស្ស ច អដ្ឋមិយា សន្និបតិត្វា ធម្មំ ភាសិតុំ ភគវតា កត្ថ អនុញ្ញាតំ, កិស្មិំ វត្ថុស្មិំ អនុញ្ញាតំ.

វិស្សជ្ជនា – រាជគហេ ភន្តេ សម្ពហុលេ ភិក្ខូ អារព្ភ អនុញ្ញាតា, សម្ពហុលា ភន្តេ ភិក្ខូ ចាតុទ្ទេស បន្នរសេ អដ្ឋមិយា ច បក្ខស្ស សន្និបតិត្វា តុណ្ហី និសីទិំសុ, តស្មិំ ភន្តេ វត្ថុស្មិំ អនុញ្ញាតា.

អនុជានាមិ ¶ ភិក្ខវេ ចាតុទ្ទសេ បន្នរសេ អដ្ឋមិយា ច បក្ខស្ស សន្និបតិតុំ.

ននុ នាម សន្និបតិតេហិ ធម្មោ ភាសិតព្ពោ.

បុច្ឆា – កទា អាវុសោ ភិក្ខូនំ បាតិមោក្ខុទ្ទេសោ ភគវតា អនុញ្ញាតោ.

វិស្សជ្ជនា – យទា ភន្តេ ភគវតោ រហោគតស្ស បដិសល្លីនស្ស ឯវំ ចេតសោ បរិវិតក្កោ ឧទបាទិ ‘‘យំនូនាហំ យានិ មយា ភិក្ខូនំ បញ្ញត្តានិ សិក្ខាបទានិ, តានិ នេសំ បាតិមោក្ខុទ្ទេសំ អនុជានេយ្យំ, សោ នេសំ ភវិស្សតិ ឧបោសថកម្ម’’ន្តិ ¶ តទា ភន្តេ ភគវតា ភិក្ខូនំ បាតិមោក្ខុទ្ទេសោ អនុញ្ញាតោ.

បុច្ឆា – សីមំ អាវុសោ សម្មនិតុំ ភគវតា កត្ថ អនុញ្ញាតំ, កិស្មិញ្ច វត្ថុស្មិំ អនុញ្ញាតំ.

វិស្សជ្ជនា – រាជគហេ ភន្តេ អនុញ្ញាតំ, រាជគហេ ភន្តេ ភគវតិ វិហរតិ ភិក្ខូនំ ឯតទហោសិ ‘‘ភគវតា បញ្ញត្តំ ឯត្តាវតា សាមគ្គី, យាវតា ឯកាវាសោតិ កិត្តាវតានុខោ ឯកាវាសោ ហោតី’’តិ, តស្មិំ ភន្តេ វត្ថុស្មិំ អនុញ្ញាតំ.

បុច្ឆា – កតិ ¶ អាវុសោ ឧបោសថា ទិវសវសេន ច ការកបុគ្គលវសេន ច កាតព្ពាការវសេន ច.

វិស្សជ្ជនា – ទិវសវសេន ភន្តេ តយោ ឧបោសថា, បុគ្គលវសេន ច ភន្តេ តយោ ឧបោសថា, កាតព្ពាការវសេន ច ភន្តេ តយោ ឧបោសថា.

បុច្ឆា – កតិ ¶ អាវុសោ ឧបោសថកម្មានិ តេសុ ច កីទិសំ ឧបោសថកម្មំ ភគវតា អនុញ្ញាតំ, កីទិសំ អននុញ្ញាតំ.

វិស្សជ្ជនា – ចត្តារិមានិ ភន្តេ ឧបោសថកម្មានិ, អធម្មេន វគ្គំ ឧបោសថកម្មំ, អធម្មេន សមគ្គំ ឧបោសថកម្មំ, ធម្មេន វគ្គំ ឧបោសថកម្មំ, ធម្មេន សមគ្គំ ឧបោសថកម្មំ. តត្រ ភន្តេ យទិទំ អធម្មេន វគ្គំ ឧបោសថកម្មំ, អធម្មេន សមគ្គំ ឧបោសថកម្មំ ធម្មេន វគ្គំ ឧបោសថកម្មំ, ឯវរូបំ ភន្តេ ឧបោសថកម្មំ អននុញ្ញាតំ, តត្រ ភន្តេ យទិទំ ធម្មេន សមគ្គំ ឧបោសថកម្មំ, ឯវរូបំ ភន្តេ ឧបោសថកម្មំ អនុញ្ញាតំ.

បុច្ឆា – ឧបោសថំ ¶ បុច្ឆិស្សំ, សនិទានំ សនិទ្ទេសំ. សមុក្កដ្ឋបទានំ អាវុសោ កតិ អាបត្តិយោ.

វិស្សជ្ជនា – ឧបោសថំ វិស្សជ្ជិស្សំ, សនិទានំ សនិទ្ទេសំ. សមុក្កដ្ឋបទានំ ភន្តេ តិស្សោ អាបត្តិយោ.

៣. វស្សុបនាយិកក្ខន្ធក

បុច្ឆា – វស្សូបនាយិកំ អាវុសោ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ សម្ពហុលា ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ ហេមន្តម្បិ គិម្ហម្បិ វស្សម្បិ ចារិកំ ចរិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – កតិបនាវុសោ វស្សូបនាយិកា ភគវតា អនុញ្ញាតា.

វិស្សជ្ជនា – ទ្វេមា ភន្តេ វស្សូបនាយិកា ភគវតា អនុញ្ញាតា បុរិមិកា បច្ឆិមិកា, អបរជ្ជុគតាយ ភន្តេ អាសឡ្ហិយា បុរិមិកា ឧបគន្តព្ពា, មាសគតាយ ភន្តេ អាសឡ្ហិយា បច្ឆិមិកា ឧបគន្តព្ពា, ឥមា ខោ ភន្តេ ទ្វេ វស្សូបនាយិកា ភគវតា អនុញ្ញាតា.

បុច្ឆា – វស្សំ ¶ អាវុសោ ឧបគន្ត្វា បុរិមំ វា តេមាសំ បច្ឆិមំ វា តេមាសំ អវសិត្វា ចារិកំ បក្កមន្តស្ស ទុក្កដំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ វស្សំ ឧបគន្ត្វា អន្តរា វស្សំ ចារិកំ បក្កមិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – សត្តាហ ករណីយេន អាវុសោ បហិតេ គន្តុំ ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ អនុញ្ញាតំ, សម្ពហុលា ភន្តេ ភិក្ខូ ឧទេនេន ឧបាសកេន បហិតេ ន គច្ឆិំសុ, តស្មិំ ភន្តេ វត្ថុស្មិំ អនុញ្ញាតំ.

បុច្ឆា – សត្តាហករណីយេន ¶ អាវុសោ សត្តន្នំ អបហិតេបិ គន្តុំ ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – សាវត្ថិយំ ភន្តេ អញ្ញតរស្ស ភិក្ខុនោ មាតុគិលាន វត្ថុស្មិំ អនុញ្ញាតំ.

អនុជានាមិ ¶ ភិក្ខវេ សត្តន្នំ សត្តាហករណីយេន អបហិតេបិ គន្តុំ, បគេវ បហិតេ.

បុច្ឆា – កិស្មិំចិ អាវុសោ អន្តរាយេ សតិ អន្តោវស្សំ បក្កមិតុំ ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ អនុញ្ញាតំ, សម្ពហុលា ភន្តេ ភិក្ខូ កោសលេសុ ជនបទេសុ វស្សំ ឧបគច្ឆិំសុ, តេ វស្សូបគតា វាឡេហិ ឧព្ពាឡ្ហា អហេសុំ, តស្មិំ ភន្តេ វត្ថុស្មិំ អនុញ្ញាតំ.

បុច្ឆា – រុក្ខ ¶ សុសិរេ វា អាវុសោ រុក្ខវិដភិយា វា អជ្ឈោកាសេ វា វស្សំ ឧបគច្ឆន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ រុក្ខសុសិរេបិ រុក្ខវិដភិយាបិ អជ្ឈោកាសេបិ វស្សំ ឧបគច្ឆិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – អសេនាសនិកេន ¶ អាវុសោ វស្សំ ឧបគច្ឆន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – តស្មិំយេវ ភន្តេ សាវត្ថិយំ សម្ពហុលេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ អសេនាសនិកា វស្សំ ឧបគច្ឆិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ឆវកុដិកាយ វា អាវុសោ ឆត្តេ វា ចាដិយា វា វស្សំ ឧបគច្ឆន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំយេវ ភន្តេ សម្ពហុលេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ ឆវកុដិកាយបិ ឆត្តេបិ ចាដិយាបិ វស្សំ ឧបគច្ឆិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – បដិស្សវំ ¶ អាវុសោ វិសំ វាទេន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អាយស្មន្តំ ឧបនន្ទំ សក្យបុត្តំ អារព្ភ បញ្ញត្តំ, អាយស្មា ភន្តេ ឧបនន្ទោ សក្យបុត្តោ រញ្ញោ បសេនទិស្ស កោសលស្ស វស្សំ វាសំ បដិស្សុណិត្វា វិសំវាទេសិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – វស្សូបនាយិកំ ¶ បុច្ឆិស្សំ, សនិទានំ សនិទ្ទេសំ. សមុក្កដ្ឋបទានំ អាវុសោ កតិ អាបត្តិយោ.

វិស្សជ្ជនា – វស្សូបនាយិកំ វិស្សជ្ជិស្សំ, សនិទានំ សនិទ្ទេសំ. សមុក្កដ្ឋបទានំ ភន្តេ ឯកា អាបត្តិ.

៤. បវារណាក្ខន្ធក

បុច្ឆា – វស្សំ ¶ វុដ្ឋានំ អាវុសោ ភិក្ខូនំ តីហិ ឋានេហិ បវារិតុំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ អនុញ្ញាតំ, សម្ពហុលា ភន្តេ ភិក្ខូ សន្ទិដ្ឋា សម្ភត្តា អន្តោវស្សំ នេវ អាលបិំសុ ន សល្លបិំសុ, តស្មិំ ភន្តេ វត្ថុស្មិំ អនុញ្ញាតំ.

អនុជានាមិ ¶ ភិក្ខវេ វស្សំ វុដ្ឋានំ ភិក្ខូនំ តីហិ ឋានេហិ បវារេតុំ, ទិដ្ឋេវ វា សុតេន វា បរិសង្កាយ វា.

បុច្ឆា – កតិ អាវុសោ បវារណា ទិវសវសេន ច បុគ្គលវសេន ច កាតព្ពាការវសេន ច.

វិស្សជ្ជនា – ទិវសវសេន ភន្តេ តិស្សោ បវារណា, តថា បុគ្គលវសេន កាតព្ពាការវសេនច.

បុច្ឆា – កតីនំ ¶ អាវុសោ សង្ឃេ បវារេតុំ ភគវតា អនុញ្ញាតំ, កតីនំ បនាវុសោ អញ្ញមញ្ញំ បវារេតុំ ភគវតា អនុញ្ញាតំ.

វិស្សជ្ជនា – បញ្ចន្នំ ភន្តេ ភិក្ខូនំ សង្ឃេ បវារេតុំ ភគវតា អនុញ្ញាតំ, ចតុន្នំ វា ភន្តេ តិណ្ណំ វា ទ្វិន្នំ វា អញ្ញមញ្ញំ បវារេតុំ អនុញ្ញាតំ.

បុច្ឆា – ឯកេន បនាវុសោ វស្សំវុដ្ឋេន ភិក្ខុនា កថំ បដិបជ្ជិតព្ពន្តិ ភគវតា អនុញ្ញាតំ.

វិស្សជ្ជនា – ឯកេន បន ភន្តេ ភិក្ខុនា ‘‘អជ្ជ មេ បវារណា’’តិ អធិដ្ឋាតព្ពន្តិ ភគវតា អនុញ្ញាតំ.

បុច្ឆា – បវារណំ ¶ បុច្ឆិស្សំ, សនិទានំ សនិទ្ទេសំ. សមុក្កដ្ឋបទានំ អាវុសោ កតិ អាបត្តិយោ.

វិស្សជ្ជនា – បវារណំ វិស្សជ្ជិស្សំ, សនិទានំ សនិទ្ទេសំ. សមុក្កដ្ឋបទានំ ភន្តេ តិស្សោ អាបត្តិយោ.

៥. ចម្មក្ខន្ធក

សោណមថេរ វត្ថុ

បុច្ឆា – ឧបាហនំ ¶ អាវុសោ ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – រាជគហេ ភន្តេ អាយស្មន្តំ សោណំ អារព្ភ អនុញ្ញាតំ, អាយស្មតោ ភន្តេ សោណស្ស អច្ចារទ្ធវីរិយស្ស ចង្កមតោ បាទា ភិជ្ជិំសុ, ចង្កមោ លោហិតេន ផុដោ អហោសិ, តស្មិំ ភន្តេ វត្ថុស្មិំ អនុញ្ញាតំ.

បុច្ឆា – សព្ពនីលិកា ¶ វា អាវុសោ សព្ពបីតិកា វា សព្ពលោហិតិកា វា សព្ពមញ្ជិដ្ឋិកា វា សព្ពកណ្ហា វា សព្ពមហារង្គរត្តា វា សព្ពមហានាមរត្តា ¶ វា ឧបាហនាយោ ធារេន្តស្ស ទុក្កដំ ភគវតា កត្ថ កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ សព្ពនីលិកាយោ ឧបាហនាយោ ធារេសុំ, សព្ពបីតិកាយោ សព្ពលោហិតិកាយោ សព្ពមញ្ជិដ្ឋិកាយោ សព្ពកណ្ហាយោ សព្ពមហារង្គរត្តា សព្ពមហានាមរត្តាយោបិ ឧបាហនាយោ ធារេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ខល្លកពន្ធា ¶ វា អាវុសោ បុដពន្ធា វា បាលិគុណ្ឋិមា វា តូលបុណ្ណិកា វា តិត្តិរបត្តិកា វា មេណ្ឌវិសាណវទ្ធិកា វា អជវិសាណវទ្ធិកា វា វិច្ឆិកាឡិកា វា មោរបិញ្ឆ បរិសិព្ពិកា វា ចិត្រា វា ឧបាហនាយោ ធារេន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ខល្លកពន្ធា ឧបាហនាយោបិ ធារេសុំ, បុដពន្ធា ឧបាហនាយោបិ ធារេសុំ, បាលិគុណ្ឋិមា ឧបាហនាយោបិ ធារេសុំ, តូលបុណ្ណិកា ឧបាហនាយោបិ ធារេសុំ, តិត្តិរបត្តិកា ឧបាហនាយោបិ ធារេសុំ, មេណ្ឌវិសាណវទ្ធិកា ឧបាហនាយោបិ ធារេសុំ, អជវិសាណវទ្ធិកា ឧបាហនាយោបិ ធារេសុំ, វិច្ឆិកាឡិកា ឧបាហនាយោបិ ធារេសុំ, មោរបិញ្ឆ បរិសិព្ពិតា ឧបាហនាយោ ធារេសុំ, ចិត្រា ឧបាហនាយោបិ ធារេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – កដ្ឋបាទុកាយោ ¶ អាវុសោ ធារេន្តស្ស ទុក្កដំ ភគវតា កត្ថ កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ ឆព្ពគ្គីយេវ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ រត្តិយា បច្ចូសសមយំ បច្ចុដ្ឋាយ កដ្ឋបាទុកាយោ អភិរុហិត្វា អជ្ឈោកាសេ ចង្កមន្តិ ឧច្ចាសទ្ទា មហាសទ្ទា ខដខដសទ្ទា អនេកវិហិតំ តិរច្ឆានកថំ កថេន្តា, តស្មិំ ភន្តេ វត្ថុស្មិំ បញ្ញត្តំ.

បុច្ឆា – យានេន ¶ អាវុសោ យាយន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ យានេន យាយិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – គិលានស្ស ¶ អាវុសោ យានំ ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – សាវត្ថិយំ ភន្តេ អញ្ញតរំ គិលានំ ភិក្ខុំ អារព្ភ អនុញ្ញាតំ, អញ្ញតរោ ភន្តេ ភិក្ខុ កោសលេសុ ជនបទេ សាវត្ថិំ គច្ឆន្តោ ភគវន្តំ ទស្សនាយ អន្តរាមគ្គេ គិលានោ កុក្កុច្ចាយន្តោ យានំ នាភិរុហិ, តស្មិំ ភន្តេ វត្ថុស្មិំ អនុញ្ញាតំ.

បុច្ឆា – ឧច្ចាសយនមហាសយនានិ ¶ អាវុសោ ធារេន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ឧច្ចាសយនមហាសយនានិ ធារេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – គោចម្មានិ អាវុសោ ធារេន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អញ្ញតរំ បាបភិក្ខុំ អារព្ភ បញ្ញត្តំ, អញ្ញតរោ ភន្តេ ភិក្ខុ បាណាតិបាតេ សមាទបេសិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – បច្ចន្តិមេសុ ¶ អាវុសោ ជនបទេសុ វិនយធរបញ្ចមេន គណេន ឧបសម្បទា ច គុណង្គុណូបហនញ្ច ធុវនហានញ្ច ចម្មានិ អត្ថរណានិ ច និស្សីមគតានំ ចីវរទានញ្ចាតិ ឥមានិ បញ្ច ភគវតា កត្ថ អនុញ្ញាតានិ, កំ អារព្ភ កិស្មិំ វត្ថុស្មិំ អនុញ្ញាតានិ.

វិស្សជ្ជនា – សាវត្ថិយំ ភន្តេ អាយស្មន្តំ សោណំ កុដិកណ្ណំ អារព្ភ អនុញ្ញាតា, អាយស្មា ភន្តេ សោណោ កុដិកណ្ណោ ឯតានិ បញ្ចវត្ថូនិ អាយស្មតោ មហាកច្ចានស្ស វចនេន ភគវន្តំ យាចិ, តស្មិំ ភន្តេ វត្ថុស្មិំ អនុញ្ញាតា.

បុច្ឆា – ចម្មសញ្ញុត្តំ ¶ បុច្ឆិស្សំ, សនិទានំ សនិទ្ទេសំ. សមុក្កដ្ឋបទានំ អាវុសោ កតិ អាបត្តិយោ.

វិស្សជ្ជនា – ចម្មសញ្ញុត្តំ វិស្សជ្ជិស្សំ, សនិទានំ សនិទ្ទេសំ. សមុក្កដ្ឋបទានំ ភន្តេ តិស្សោ អាបត្តិយោ.

៦. ភេសជ្ជក្ខន្ធក

បុច្ឆា – បញ្ច ¶ អាវុសោ ភេសជ្ជានិ បដិគ្គហេត្វា កាលេបិ វិកាលេបិ បរិភុញ្ជិតុំ ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ អនុញ្ញាតំ, សម្ពហុលានំ ភន្តេ ភិក្ខូនំ សារទិកេន អាពាធេន បុដ្ឋានំ យាគុបិ ន សម្មា បរិណាមំ គច្ឆិ, ភត្តម្បិ ភុត្តំ ន សម្មា បរិណាមំ គច្ឆិ, តេ តេន កិសា អហេសុំ លូខា ទុព្ពណ្ណា ឧប្បណ្ឌុប្បណ្ឌុកជាតា ធមនិសន្ថតគត្តា, តស្មិំ ភន្តេ វត្ថុស្មិំ អនុញ្ញាតំ.

បុច្ឆា – មូលាទិភេសជ្ជានិ ¶ អាវុសោ ភគវតា កត្ថ អនុញ្ញាតានិ, កំ អារព្ភ កិស្មិំ វត្ថុស្មិំ អនុញ្ញាតានិ.

វិស្សជ្ជនា – សាវត្ថិយំ ភន្តេ សម្ពហុលេ គិលានេ ភិក្ខូ អារព្ភ អនុញ្ញាតានិ, សម្ពហុលានំ គិលានានំ ភិក្ខូនំ មូលេហិ ភេសជ្ជេហិ អត្ថោ អហោសិ, តស្មិំ ភន្តេ វត្ថុស្មិំ អនុញ្ញាតានិ.

បុច្ឆា – អន្តោវុដ្ឋំវា អាវុសោ អន្តោបក្កំ វា សាមំបក្កំ វា បរិភុញ្ជន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ អាយស្មន្តំ អានន្ទំ អារព្ភ បញ្ញត្តំ, អាយស្មា ភន្តេ អានន្ទោ សាមំ តិលម្បិ តណ្ឌុលម្បិ មុគ្គម្បិ វិញ្ញាបេត្វា អន្តោ វាសេត្វា អន្តោ សាមំ បចិ, តស្មិំ ភន្តេ វត្ថុស្មិំ បញ្ញត្តំ.

សុប្បិយា វត្ថុ

បុច្ឆា – មនុស្សមំសំ ¶ អាវុសោ បរិភុញ្ជន្តស្ស ថុល្លច្ចយញ្ច អប្បដិវេក្ខិត្វា មំសំ បរិភុញ្ជន្តស្ស ទុក្កដញ្ច ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – ពារាណសិយំ ភន្តេ អញ្ញតរំ ភិក្ខុំ អារព្ភ បញ្ញត្តំ, អញ្ញតរោ ភន្តេ ភិក្ខុ អប្បដិវេក្ខិត្វា មនុស្សមំសំ ភុញ្ជិ, តស្មិំ ភន្តេ វត្ថុស្មិំ បញ្ញត្តំ.

ន ¶ ភិក្ខវេ មនុស្សមំសំ បរិភុញ្ជិតព្ពំ, យោ បរិភុញ្ជេយ្យ, អាបត្តិ ថុល្លច្ចយស្ស, ន ច ភិក្ខវេ អប្បដិវេក្ខិត្វា មំសំ បរិភុញ្ជិតព្ពំ, យោ បរិភុញ្ជេយ្យ អាបត្តិ ទុក្កដស្ស.

បុច្ឆា – ហត្ថិមំសំ វា អាវុសោ អស្សមំសំ វា បរិភុញ្ជន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – ពារាណសិយំ ភន្តេ សម្ពហុលេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ ហត្ថិមំសម្បិ អស្សមំសម្បិ បរិភុញ្ជិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – សុនក្ខមំសំ ¶ វា អាវុសោ អហិមំសំ វា ភុញ្ជន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – ពារាណសិយំ ភន្តេ សម្ពហុលេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ សុនក្ខមំសម្បិ អហិមំសម្បិ បរិភុញ្ជិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – សីហមំសំ ¶ វា អាវុសោ ព្យគ្ឃមំសំ វា ទីបិមំសំ វា អច្ឆមំសំ វា តរច្ឆមំសំ វា ភុញ្ជន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – ពារាណសិយំយេវ ភន្តេ សម្ពហុលេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ សីហមំសម្បិ ព្យគ្ឃមំសម្បិ ទីបិមំសម្បិ អច្ឆមំសម្បិ តរច្ឆមំសម្បិ បរិភុញ្ជិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – គិលានស្ស ¶ អាវុសោ គុឡំ វា អគិលានស្ស គុឡោទកំ វា ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – រាជគហេ ភន្តេ សម្ពហុលេ ភិក្ខូ អារព្ភ អនុញ្ញាតំ, សម្ពហុលា ភន្តេ ភិក្ខូ គិលានស្សេវ ភគវតា គុឡោ អនុញ្ញាតោ នោ អគិលានស្សាតិ កុក្កុច្ចាយន្តា គុឡំ ន ភុញ្ជិំសុ, តស្មិំ ភន្តេ វត្ថុស្មិំ អនុញ្ញាតំ.

បុច្ឆា – ជានំ ¶ អាវុសោ ឧទ្ទិស្ស កតំ មំសំ បរិភុញ្ជន្តស្ស ទុក្កដំ បញ្ញបេត្វា តិកោដិបរិសុទ្ធំ មំសំ ភគវតា កត្ថ អនុញ្ញាតំ.

វិស្សជ្ជនា – វេសាលិយំ ភន្តេ សីហស្ស សេដាបតិនោ វត្ថុស្មិំ អនុញ្ញាតំ.

មេណ្ឌក វត្ថុ

បុច្ឆា – បាថេយ្យំ ¶ អាវុសោ បរិយេសិតុញ្ច កប្បិយការកានំ ហត្ថេ ឧបនិក្ខិត្តហិរញ្ញតោ និព្ពត្តំ កប្បិយបច្ចយំ សាទិតុញ្ច ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – អន្តរា ¶ ច ភន្តេ ភទ្ទិយំ អន្តរា ច អង្គុត្តរាបំ មេណ្ឌកំ គហបតិំ អារព្ភ អនុញ្ញាតំ, មេណ្ឌកោ ភន្តេ គហបតិ ភគវន្តំ យាចិ ‘‘សន្តិ ភន្តេ មគ្គា កន្តារា អប្បោទកា អប្បភក្ខា ន សុករា អបាថេយ្យេន គន្តុំ, សាធុ ភន្តេ ភគវា ភិក្ខូនំ បាថេយ្យំ អនុជានាតូ’’តិ, តស្មិំ ភន្តេ វត្ថុស្មិំ អនុញ្ញាតំ.

កេណិយ វត្ថុ

បុច្ឆា – អដ្ឋ ¶ អាវុសោ បានានិ ភគវតា កត្ថ អនុញ្ញាតានិ, កំ អារព្ភ កិស្មិំ វត្ថុស្មិំ អនុញ្ញាតានិ.

វិស្សជ្ជនា – អាបណេ ភន្តេ សម្ពហុលេ ភិក្ខូ អារព្ភ អនុញ្ញាតានិ, សម្ពហុលា ភន្តេ ភិក្ខូ កុក្កុច្ចាយន្តា បានានិ ន បដិគ្គណ្ហិំសុ, តស្មិំ ភន្តេ វត្ថុស្មិំ អនុញ្ញាតានិ.

រោជមល្លា វត្ថុ

បុច្ឆា – សព្ពញ្ច ¶ អាវុសោ ឌាកំ សព្ពញ្ច បិដ្ឋខាទនីយំ ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – កុសិនារាយំ ភន្តេ សម្ពហុលេ ភិក្ខូ អារព្ភ អនុញ្ញាតំ, សម្ពហុលា ភន្តេ ភិក្ខូ កុក្កុច្ចាយន្តា ឌាកញ្ច បិដ្ឋខាទនីយញ្ច ន បដិគ្គហេសុំ, តស្មិំ ភន្តេ វត្ថុស្មិំ អនុញ្ញាតំ.

បុច្ឆា – អកប្បិយំ ¶ អាវុសោ សមាទបេន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – អាតុមាយំ ភន្តេ អញ្ញតរំ វុឌ្ឍបព្ពជិតំ អារព្ភ បញ្ញត្តំ, អញ្ញតរោ ភន្តេ វុឌ្ឍបព្ពជិតោ អកប្បិយេ សមាទបេតិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – សង្ឃិកានិ ¶ វា អាវុសោ បុគ្គលិកានិ វា ពីជានិ បុគ្គលិកាយ វា សង្ឃិកាយ វា ភូមិយា រោបិតានិ ភាគំ ទត្វា បរិភុញ្ជិតុំ ភគវតា កត្ថ អនុញ្ញាតំ, កិស្មិំ វត្ថុស្មិំ អនុញ្ញាតំ.

វិស្សជ្ជនា – សាវត្ថិយំ ភន្តេ អនុញ្ញាតំ, សាវត្ថិយំ ភន្តេ ភគវតិ វិហរតិ សង្ឃិកានិបិ ពីជានិ បុគ្គលិកាយ ភូមិយា រោបិយិំសុ, បុគ្គលិកានិបិ ពីជានិ សង្ឃិកាយ ភូមិយា រោបិយិំសុ, តស្មិំ ភន្តេ វត្ថុស្មិំ អនុញ្ញាតំ.

បុច្ឆា – វិនយមហាបទេសសង្ខាតានិ ¶ អាវុសោ ចត្តារិ កប្បិយាកប្បិយអនុលោមានិ ភគវតា កត្ថ បញ្ញត្តានិ, កំ អារព្ភ កិស្មិំ វត្ថុស្មិំ បញ្ញត្តានិ.

វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ បញ្ញត្តានិ, សម្ពហុលានំ ភន្តេ ភិក្ខូនំ កិស្មិញ្ចិ កិស្មិញ្ចិឋានេ កុក្កុច្ចំ ឧប្បជ្ជិ, តស្មិំ ភន្តេ វត្ថុស្មិំ បញ្ញត្តានិ.

បុច្ឆា – យាវកាលិកាទីហិ ¶ សំសដ្ឋានំ អាវុសោ យាមកាលិកាទីនំ បរិភោគកាលមរិយាទំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ បញ្ញត្តំ, សម្ពហុលានំ ភន្តេ ភិក្ខូនំ ឯតទហោសិ ‘‘កប្បតិ នុខោ យាវកាលិកេន យាមកាលិកំ សត្តាហកាលិកំ យាវជីវិកំ, ន នុខោ កប្បតិ. កប្បតិនុខោ យាមកាលិកេន សត្តាហកាលិកំ យាវជីវិកំ, ន នុខោ កប្បតិ. កប្បតិ នុខោ សត្តាហកាលិកេន យាវជីវិកំ, ន នុខោ កប្បតី’’តិ. តស្មិំ ភន្តេ វត្ថុស្មិំ បញ្ញត្តំ.

បុច្ឆា – ភេសជ្ជកំ ¶ បុច្ឆិស្សំ, សនិទានំ សនិទ្ទេសំ. សមុក្កដ្ឋបទានំ អាវុសោ កតិ អាបត្តិយោ.

វិស្សជ្ជនា – ភេសជ្ជកំ វិស្សជ្ជិស្សំ សនិទានំ សនិទ្ទេសំ. សមុក្កដ្ឋបទានំ ភន្តេ តិស្សោ អាបត្តិយោ.

៧. កថិនក្ខន្ធក

បុច្ឆា – វស្សំវុដ្ឋានំ ¶ អាវុសោ ភិក្ខូនំ កថិនំ អត្ថរិតុំ ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – សាវត្ថិយំ ភន្តេ តិំសមត្តេ បាវេយ្យកេ ភិក្ខូ អារព្ភ អនុញ្ញាតំ, តិំសមត្តា ភន្តេ បាវេយ្យកា ភិក្ខូ សាវត្ថិំ អាគច្ឆន្តា ភគវន្តំ ទស្សនាយ ឧបកដ្ឋាយ វស្សូបនាយិកាយ នាសក្ខិំសុ សាវត្ថិយំ វស្សូបនាយិកំ សម្ភាវេតុំ, តស្មិំ ភន្តេ វត្ថុស្មិំ អនុញ្ញាតំ.

បុច្ឆា – កថិនកំ ¶ បុច្ឆិស្សំ, សនិទានំ សនិទ្ទេសំ. សមុក្កដ្ឋបទានំ អាវុសោ កតិ អាបត្តិយោ.

វិស្សជ្ជនា – កថិនកំ វិស្សជ្ជិស្សំ, សនិទានំ សនិទ្ទេសំ. សមុក្កដ្ឋបទានំ ភន្តេ ន កតមា អាបត្តិ.

៨. ចីវរក្ខន្ធក

ជីវកវត្ថុ

បុច្ឆា – គហបតិចីវរំ ¶ អាវុសោ សាទិយិតុំ ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – រាជគហេ ភន្តេ ជីវកំ កោមារភច្ចំ អារព្ភ អនុញ្ញាតំ, ជីវកោ ភន្តេ កោមារភច្ចោ ភិក្ខូនំ គហបតិចីវរំ អនុជានិតុំ ភគវន្តំ យាចិ, តស្មិំ ភន្តេ វត្ថុស្មិំ អនុញ្ញាតំ.

បុច្ឆា – ឆ ¶ អាវុសោ រជនានិ ភគវតា កត្ថ អនុញ្ញាតានិ, កិស្មិំ វត្ថុស្មិំ អនុញ្ញាតានិ.

វិស្សជ្ជនា – រាជគហេ ភន្តេ សម្ពហុលេ ភិក្ខូ អារព្ភ អនុញ្ញាតានិ, សម្ពហុលា ភន្តេ ភិក្ខូ ឆកណេនបិ បណ្ឌុមត្តិកាយបិ ចីវរំ រជិំសុ, ចីវរំ ទុព្ពណ្ណំ ហោតិ, តស្មិំ ភន្តេ វត្ថុស្មិំ អនុញ្ញាតានិ.

បុច្ឆា – អច្ឆិន្នកានិ ¶ អាវុសោ ចីវរានិ ធារេន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ សម្ពហុលេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ អច្ឆិន្នកានិ ចីវរានិ ធារេសុំ ទន្តកសាវានិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – កទា អាវុសោ ភគវា អនុញ្ញាសិ ឆិន្នកំ សង្ឃាដិំ ឆិន្នកំ ឧត្តរាសង្គំ ឆិន្នកំ អន្តរវាសកំ.

វិស្សជ្ជនា – ទក្ខិណាគិរិតោ ភន្តេ បច្ឆាគតកាលេ ភគវា អនុញ្ញាសិ ឆិន្នកំ សង្ឃាដិំ ឆិន្នកំ ឧត្តរាសង្គំ ឆិន្នកំ អន្តរវាសកំ.

បុច្ឆា – អគ្គឡំ ¶ ច អាវុសោ តុន្នញ្ច ឱវដ្ដិកញ្ច កណ្ឌុសកញ្ច ទឡ្ហីកម្មញ្ច ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – ពារាណសិយំ ភន្តេ អញ្ញតរំ ភិក្ខុំ អារព្ភ អនុញ្ញាតំ, អញ្ញតរោ ភន្តេ ភិក្ខុ អគ្គឡំ អច្ឆុបេសិ, តស្មិំ ភន្តេ វត្ថុស្មិំ អនុញ្ញាតំ.

បុច្ឆា – វស្សិកសាដិកា ¶ ច អាវុសោ អាគន្តុកភត្តញ្ច គមិកភត្តញ្ច គិលានភត្តញ្ច គិលានុបដ្ឋាកភត្តញ្ច គិលានភេសជ្ជញ្ច ធុវយាគុ ច ភិក្ខុនិសង្ឃស្ស ឧទកសាដិកាចាតិ ឥមា អដ្ឋ ភគវតា កត្ថ អនុញ្ញាតា, កំ អារព្ភ កិស្មិំ វត្ថុស្មិំ អនុញ្ញាតា.

វិស្សជ្ជនា – សាវត្ថិយំ ភន្តេ វិសាខំ មិគារមាតរំ អារព្ភ អនុញ្ញាតា, វិសាខា ភន្តេ មិគារមាតា ភគវន្តំ អដ្ឋវរានិ យាចិ, តស្មិំ ភន្តេ វត្ថុស្មិំ អនុញ្ញាតា.

បុច្ឆា – ភគវតា ¶ អាវុសោ មាតាបិតូនំ ទានំ អនុជានិត្វា សទ្ធាទេយ្យំ វិនិបាតេន្តស្ស ទុក្កដំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អញ្ញតរំ ភិក្ខុំ អារព្ភ បញ្ញត្តំ, អញ្ញតរស្ស ភន្តេ ភិក្ខុនោ ពហុំ ចីវរំ ឧប្បន្នំ អហោសិ, សោ ច តំចីវរំ មាតាបិតូនំ ទាតុកាមោ អហោសិ, តស្មិំ ភន្តេ វត្ថុស្មិំ បញ្ញត្តំ.

មាតាបិតរោតិ ¶ ខោ ភិក្ខវេ ទទមានេ កិំ វទេយ្យាម, អនុជានាមិ ភិក្ខវេ មាតាបិតូនំ ទាតុំ, ន ច ភិក្ខវេ សទ្ធាទេយ្យំ វិនិបាតេតព្ពំ, យោ វិនិបាតេយ្យ អាបត្តិ ទុក្កដស្ស –

បុច្ឆា – អញ្ញត្រ វស្សំ វុដ្ឋេន អាវុសោ អញ្ញត្រ ចីវរភាគំ សាទិយន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អាយស្មន្តំ ឧបនន្ទំ សក្យបុត្តំ អារព្ភ បញ្ញត្តំ, អាយស្មា ភន្តេ ឧបនន្ទោ សក្យបុត្តោ អញ្ញត្រ វស្សំ វុដ្ឋោ អញ្ញត្រ ចីវរភាគំ សាទិយិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – អនាថកំ ¶ អាវុសោ ភិក្ខុំ គិលានំ ន ឧបដ្ឋហន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អញ្ញតរំ ភិក្ខុំ អារព្ភ បញ្ញត្តំ, ភគវតិ ភន្តេ សាវត្ថិយំ វិហរតិ អញ្ញតរស្ស ភិក្ខុនោ កុច្ឆិវិការាពាធោ អហោសិ, សោ សកេ មុត្តករីសេ បលិបន្នោ សយិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – នគ្គិយំ ¶ អាវុសោ តិត្ថិយសមាទានំ សមាទិយន្តស្ស ថុល្លច្ចយំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អញ្ញតរំ ភិក្ខុំ អារព្ភ បញ្ញត្តំ, អញ្ញតរោ ភន្តេ ភិក្ខុ នគ្គិយំ តិត្ថិយសមាទានំ សមាទិយិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – សព្ពនីលកានិ ¶ វា អាវុសោ ចីវរានិ សព្ពបីតកានិ វា សព្ពលោហិតកានិ វា សព្ពមញ្ជិដ្ឋកានិ វា សព្ពកណ្ហានិវាតិ ឯវរូបានិ ចីវរានិ ធារេន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ¶ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ សព្ពនីលកាទីនិ ចីវរានិ ធារេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – កញ្ចុកំ ¶ វា អាវុសោ វេឋនំ វា ធារេន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេវ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ កញ្ចុកម្បិ ធារេសុំ វេឋនម្បិ ធារេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ចីវរសញ្ញុត្តំ បុច្ឆិស្សំ, សនិទានំ សនិទ្ទេសំ. សមុក្កដ្ឋបទានំ អាវុសោ កតិ អាបត្តិយោ.

វិស្សជ្ជនា – ចីវរសញ្ញុត្តំ វិស្សជ្ជិស្សំ, សនិទានំ សនិទ្ទេសំ. សមុក្កដ្ឋបទានំ ភន្តេ តិស្សោ អាបត្តិយោ.

៦. ចម្បេយ្យក្ខន្ធក

បុច្ឆា – សុទ្ធំ ¶ អាវុសោ ភិក្ខុំ អនាបត្តិកំ អវត្ថុស្មិំ អការណេ ឧក្ខិបន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – ចម្បាយំ ភន្តេ សម្ពហុលេ ភិក្ខូ អារព្ភ បញ្ញត្តំ, ភគវតិ ភន្តេ ចម្បាយំ វិហរតិ សម្ពហុលា ភិក្ខូ កាសីសុ វាសភគាមេ សុទ្ធំ កស្សបគោត្តំ ភិក្ខុំ អនាបត្តិកំ អវត្ថុស្មិំ អការណេ ឧក្ខិបិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ចម្បេយ្យកំ ¶ បុច្ឆិស្សំ, សនិទានំ សនិទ្ទេសំ. សមុក្កដ្ឋបទានំ អាវុសោ កតិ អាបត្តិយោ.

វិស្សជ្ជនា – ចម្បេយ្យកំ វិស្សជ្ជិស្សំ, សនិទានំ សនិទ្ទេសំ. សមុក្កដ្ឋបទានំ ភន្តេ ឯកា អាបត្តិ.

១០. កោសម្ពកក្ខន្ធក

បុច្ឆា – ភេទគរុកេហិ ¶ ភិក្ខវេ ភិក្ខូហិ ន សោ ភិក្ខុ អាបត្តិយា អទស្សនេ ឧក្ខិបិតព្ពោតិ ច, ភេទគរុកេន ភិក្ខវេ ភិក្ខុនា បរេសម្បិ សទ្ធាយ អាបត្តិទេសេតព្ពាតិ ច អាវុសោ អយំ សាមគ្គិរសឱវាទោ ភគវតា កត្ថ ទិន្នោ, កំ អារព្ភ កិស្មិំ វត្ថុស្មិំ ទិន្នោ.

វិស្សជ្ជនា – កោសម្ពិយំ ភន្តេ សម្ពហុលេ ភិក្ខូ អារព្ភ ទិន្នោ, ភគវតិ ភន្តេ កោសម្ពិយំ វិហរតិ អញ្ញតរោ ភិក្ខុ អាបត្តិំ អាបន្នោ អហោសិ, សោ តស្សា អាបត្តិយា អាបត្តិ ទិដ្ឋិ អហោសិ, អញ្ញេ ភិក្ខូ តស្សា អាបត្តិយា អនាបត្តិ ទិដ្ឋិនោ អហេសុំ. សោ អបរេន សមយេន តស្សា អាបត្តិយា អនាបត្តិទិដ្ឋិ អហោសិ, អញ្ញេ ភិក្ខូ តស្សា អាបត្តិយា អាបត្តិទិដ្ឋិនោ អហេសុំ. អថ ខោ តេ ភន្តេ ភិក្ខូ សាមគ្គិំ លភិត្វា តំ ភិក្ខុំ អាបត្តិយា អទស្សនេ ឧក្ខិបិំសុ, តស្មិំ ភន្តេ វត្ថុស្មិំ ទិន្នោ.

បុច្ឆា – សង្ឃភេទស្ស ¶ អាវុសោ មូលភូតេ ភិក្ខុម្ហិ ឧក្ខិត្តកេ ឱសារិតេ តស្ស វត្ថុស្ស វូបសមាយ សង្ឃសាមគ្គិញ្ច កាតុំ សាមគ្គី ឧបោសថញ្ច កាតុំ ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – សាវត្ថិយំ ភន្តេ តេយេវ ឧក្ខិត្តកានុវត្តកេ ភិក្ខូ អារព្ភ អនុញ្ញាតំ, តេ ភន្តេ ឧក្ខិត្តកានុវត្តកា ភិក្ខូ តំ ឧក្ខិត្តកំ ភិក្ខុំ ឱសារេត្វា យេន ឧក្ខេបកា ភិក្ខូ តេនុបសង្កមិំសុ ឧបសង្កមិត្វា តេ ឧក្ខេបកេ ភិក្ខូ ឯកទវោចុំ ‘‘យស្មិំ អាវុសោ វត្ថុស្មិំ អហោសិ សង្ឃស្ស ¶ ភណ្ឌនំ កលហោ វិគ្គហោ វិវាទោ សង្ឃភេទោ សង្ឃរាជិ សង្ឃវវត្ថានំ សង្ឃនានាករណំ, សោ ឯសោ ភិក្ខុំ អាបន្នោ ច ឧក្ខិត្តោ ច បស្សិ ច ឱសារិតោ ច, ហន្ទ មយំ អាវុសោ តស្ស វត្ថុស្ស វូបសមាយ សង្ឃសាមគ្គិំ ករោមា’’តិ, តស្មិំ ភន្តេ វត្ថុស្មិំ អនុញ្ញាតំ.

បុច្ឆា – កោសម្ពកំ ¶ បុច្ឆិស្សំ, សនិទានំ សនិទ្ទេសំ. សមុក្កដ្ឋបទានំ អាវុសោ កតិ អាបត្តិយោ.

វិស្សជ្ជនា – កោសម្ពកំ វិស្សជ្ជិស្សំ, សនិទានំ សនិទ្ទេសំ. សមុក្កដ្ឋបទានំ ភន្តេ ឯកា អាបត្តិ.

ចូឡវគ្គបាឡិ

១. កម្ពក្ខន្ធក

បុច្ឆា – ភណ្ឌនាទិការកស្ស ¶ អាវុសោ ភិក្ខុនោ តជ្ជនីយកម្មំ កាតុំ ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – សាវត្ថិយំ ភន្តេ បណ្ឌុកលោហិតកេ ភិក្ខូ អារព្ភ អនុញ្ញាតំ, បណ្ឌុកលោហិតកា ភន្តេ ភិក្ខូ អត្តនា ភណ្ឌនការកា កលហការកា វិវាទការកា ភស្សការកា សង្ឃេ អធិករណការកា, យេបិ ចញ្ញេ ភិក្ខូ ភណ្ឌនការកា កលហការកា វិវាទការកា ភស្សការកា សង្ឃេ អធិករណការកា តេ ឧបសង្កមិត្វា ឯវមាហំសុ ‘‘មា ខោ តុម្ហេ អាយស្មន្តោ ឯសោ អជេសិ, ពលវាពលវំ បដិមន្តេថ, តុម្ហេ តេន បណ្ឌិតតរា ច ព្យត្តតរា ច ពហុស្សុតតរា ច អលមត្តតរា ច, មា ចស្ស ភាយិត្ថ, មយម្បិ តុម្ហាកំ បក្ខា ភវិស្សាមា’’តិ, តេន អនុប្បន្នានិ ចេវ ភណ្ឌនានិ ឧប្បជ្ជន្តិ, ឧប្បន្នានិ ច ភណ្ឌនានិ ភិយ្យោភាវាយ វេបុល្លាយ សំវត្តន្តិ. តស្មិំ ភន្តេ វត្ថុស្មិំ អនុញ្ញាតំ.

បុច្ឆា – តជ្ជនីយកម្មកតស្ស ¶ អាវុសោ ភិក្ខុនោ កតិសុ វត្តេសុ សម្មា វត្តន្តស្ស តំ កម្មំ បដិប្បស្សម្ភេតុំ ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – អដ្ឋារសសុ ¶ ភន្តេ វត្តេសុ សម្មា វត្តន្តស្ស តជ្ជនីយកម្មកតស្ស ភិក្ខុនោ តំ កម្មំ បដិប្បស្សម្ភេតុំ ភគវតា សាវត្ថិយំ អនុញ្ញាតំ, តេយេវ បណ្ឌុកលោហិតកា ភិក្ខូ សង្ឃេន តជ្ជនីយកម្មកតា សម្មា វត្តិត្វា សង្ឃំ ឧបសង្កមិត្វា យាចិំសុ, តស្មិំ ភន្តេ វត្ថុស្មិំ អនុញ្ញាតំ.

បុច្ឆា – ពាលស្ស ¶ អាវុសោ អព្យត្តស្ស អាបត្តិពហុលស្ស អនបទានស្ស គិហិសំសដ្ឋស្ស អននុលោមិកេហិ គិហិសំសគ្គេហិ និយស្សកម្មំ កាតុំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អាយស្មន្តំ សេយ្យសកំ អារព្ភ បញ្ញត្តំ, អាយស្មា ភន្តេ សេយ្យសកោ ពាលោ អហោសិ អព្យត្តោ អាបត្តិពហុលោ អនបទានោ គិហិសំសដ្ឋោ វិហាសិ អននុលោមិកេហិ គិហិសំសគ្គេហិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – និយស្សកម្មកតស្ស ¶ អាវុសោ ភិក្ខុនោ កតិសុ វត្តេសុ សម្មា វត្តន្តស្ស តំ កម្មំ បដិប្បស្សម្ភេតុំ ភគវតា អនុញ្ញាតំ.

វិស្សជ្ជនា – អដ្ឋារសសុ ភន្តេ វត្តេសុ សម្មា វត្តន្តស្ស និយស្ស កម្មកតស្ស ភិក្ខុនោ តំ កម្មំ បដិប្បស្សម្ភេតុំ ភគវតា អនុញ្ញាតំ, ន ឧបសម្បាទេតព្ពំ, ន និស្សយោ ទាតព្ពោ, ន សាមណេរោ ឧបដ្ឋាបេតព្ពោ, ន ភិក្ខុនោវាទកសម្មុតិ សាទិតព្ពា, សម្មតេនបិ ភិក្ខុនិយោ ន ឱវទិតព្ពា, ឯវមាទីសុ ភន្តេ អដ្ឋារសសុ វត្តេសុ សម្មា វត្តន្តស្ស និយស្សកម្មកតស្ស ភិក្ខុនោ តំ កម្មំ បដិប្បស្សម្ភេតុំ ភគវតា អនុញ្ញាតំ.

បុច្ឆា – កុលទូសកស្ស ¶ អាវុសោ បាបសមាចារស្ស ភិក្ខុនោ បព្ពាជនីយកម្មំ កាតុំ ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – សាវត្ថិយំ ភន្តេ អស្សជិបុនព្ពសុកេ ភិក្ខូ អារព្ភ អនុញ្ញាតំ, អស្សជិបុនព្ពសុកា ភន្តេ ភិក្ខូ កីដាគិរិស្មិំ កុលទូសកា អហេសុំ បាបសមាចារា, តស្មិំ ភន្តេ វត្ថុស្មិំ អនុញ្ញាតំ.

បុច្ឆា – បដិសារណីយកម្មំ ¶ អាវុសោ បុច្ឆាមិ, សទ្ធំ អាវុសោ បសន្នំ គហបតិំ ទាយកំ ការកំ សង្ឃុបដ្ឋាកំ ហីនេន ខុំសេន្តស្ស ភិក្ខុនោ ¶ បដិសារណីយកម្មំ កាតុំ ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – សាវត្ថិយំ ភន្តេ អាយស្មន្តំ សុធម្មំ អារព្ភ អនុញ្ញាតំ, ភគវតិ ភន្តេ សាវត្ថិយំ វិហរតិ អាយស្មា សុធម្មោ មច្ឆិកាសណ្ឌេ ចិត្តំ គហបតិំ សទ្ធំ បសន្នំ ទាយកំ ការកំ សង្ឃុបដ្ឋាកំ ហីនេន ខុំសេសិ ហីនេន វម្ភេសិ, តស្មិំ ភន្តេ វត្ថុស្មិំ អនុញ្ញាតំ.

តេនហិ ¶ ភិក្ខវេ សង្ឃោ សុធម្មស្ស ភិក្ខុនោ បដិសារណីយកម្មំ ករោតុ ‘‘ចិត្តោ តេ គហបតិ ខមាបេតព្ពោ’’តិ –

បុច្ឆា – បដិសារណីយកម្មកតស្ស ¶ អាវុសោ ភិក្ខុនោ អនុទូតំ ទាតុញ្ច តេន អនុទូតេន សទ្ធិំ គន្ត្វា យថាខុំសិតំ គហបតិំ ខមាបេតុំ ¶ ច ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – សាវត្ថិយំ ភន្តេ អាយស្មន្តំយេវ សុធម្មំ អារព្ភ អនុញ្ញាតំ, អាយស្មា ភន្តេ សុធម្មោ មច្ឆិកាសណ្ឌំ គន្ត្វា មង្កុភូតោ នាសក្ខិ ចិត្តំ គហបតិំ ខមាបេតុំ, តស្មិំ ភន្តេ វត្ថុស្មិំ អនុញ្ញាតំ.

បុច្ឆា – បដិសារណីយកម្មកតស្ស ¶ អាវុសោ ភិក្ខុនោ កតិសុ វត្តេសុ សម្មា វត្តន្តស្ស តំ កម្មំ បដិប្បស្សម្ភេតុំ ភគវតា អនុញ្ញាតំ.

វិស្សជ្ជនា – អដ្ឋារសសុ ភន្តេ វត្តេសុ សម្មា វត្តន្តស្ស បដិសារណីយ កម្មកតស្ស ភិក្ខុនោ តំ កម្មំ បដិប្បស្សម្ភេតុំ ភគវតា អនុញ្ញាតំ.

បុច្ឆា – អាបត្តិំ ¶ អាវុសោ អាបជ្ជិត្វា តំ អាបត្តិំ បស្សិតុំ វា បដិកាតុំ វា ន ឥច្ឆន្តស្ស ភិក្ខុនោ អាបត្តិយា អទស្សនេ វា អប្បដិកម្មេ វា ឧក្ខេបនីយកម្មំ កាតុំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – កោសម្ពិយំ ភន្តេ អាយស្មន្តំ ឆន្នត្ថេរំ អារព្ភ បញ្ញត្តំ, អាយស្មា ភន្តេ ឆន្នោ អាបត្តិំ អាបជ្ជិត្វា ន ឥច្ឆិ តំ អាបត្តិំ បស្សិតុំ វា បដិកាតុំ វា, តស្មិំ ភន្តេ វត្ថុស្មិំ បញ្ញត្តំ.

បុច្ឆា – អាបត្តិយា ¶ អាវុសោ អទស្សនេន វា អប្បដិកម្មេ វា ឧក្ខេបនីយ កម្មកតេន ភិក្ខុនា កតិសុ វត្តេសុ សម្មា វត្តិតព្ពំ.

វិស្សជ្ជនា – តេចត្តាលីសាយ ភន្តេ វត្តេសុ សម្មា វត្តិតព្ពំ.

បុច្ឆា – ឧក្ខេបនីយកម្មកតស្ស ¶ អាវុសោ ភិក្ខុនោ សម្មា វត្តន្តស្ស តំ កម្មំ បដិប្បស្សម្ភេតុំ ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – កោសម្ពិយំ ភន្តេ អាយស្មន្តំយេវ ឆន្នំ អារព្ភ អនុញ្ញាតំ, អាយស្មា ភន្តេ ឆន្នោ សង្ឃេន អាបត្តិយា អទស្សនេ វា អប្បដិកម្មេ វា ឧក្ខេបនីយកម្មកតោ សម្មា វត្តេសិ លោមំបាតេសិ នេត្ថារំ វត្តេសិ សង្ឃំ ឧបសង្កមិត្វា តស្ស កម្មស្ស បដិប្បស្សទ្ធិយា យាចិ, តស្មិំ ភន្តេ វត្ថុស្មិំ អនុញ្ញាតំ.

បុច្ឆា – បាបិកំ ¶ អាវុសោ ទិដ្ឋិំ គហេត្វា តំ ទិដ្ឋិំ ន បដិនិស្សជ្ជន្តស្ស បាបិកាយ ទិដ្ឋិយា អប្បដិនិស្សគ្គេ ឧក្ខេបនីយកម្មំ កាតុំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អរិដ្ឋំ ភិក្ខុំ គទ្ធពាធិបុព្ពំ អារព្ភ បញ្ញត្តំ, ភគវតិ ភន្តេ សាវត្ថិយំ វិហរតិ អរិដ្ឋស្ស នាម ភិក្ខុនោ គទ្ធពាធិបុព្ពស្ស ឯវរូបំ បាបកំ ទិដ្ឋិគតំ ឧប្បន្នំ អហោសិ ‘‘តថាហំ ភគវតា ធម្មំ ទេសិតំ អាជានាមិ, យថាយេមេ អន្តរាយិកា ធម្មា វុត្តា ភគវតា, តេ បដិសេវតោ ¶ នាលំ អន្តរាយាយា’’តិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – បាបិកាយ អាវុសោ ទិដ្ឋិយា អប្បដិនិស្សគ្គេ ឧក្ខេបនីយកម្មកតេន ភិក្ខុនា កតិសុ វត្តេសុ សម្មា វត្តិតព្ពំ.

វិស្សជ្ជនា – តេចត្តាលីសាយ ¶ ភន្តេ វត្តេសុ សម្មា វត្តិតព្ពំ.

បុច្ឆា – កម្មក្ខន្ធកំ បុច្ឆិស្សំ, សនិទានិ សនិទ្ទេសំ. សមុក្កដ្ឋបទានំ អាវុសោ កតិ អាបត្តិយោ.

វិស្សជ្ជនា – កម្មក្ខន្ធកំ វិស្សជ្ជិស្សំ, សនិទានំ សនិទ្ទេសំ. សមុក្កដ្ឋបទានំ ភន្តេ ឯកា អាបត្តិ.

២. បារិវាសិកក្ខន្ធក

បុច្ឆា – បារិវាសិកស្ស ¶ អាវុសោ បកតត្តានំ ភិក្ខូនំ អភិវាទនាទីនិ សាទិយន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ បារិវាសិកេ ភិក្ខូ អារព្ភ បញ្ញត្តំ, បារិវាសិកា ភន្តេ ភិក្ខូ សាទិយិំសុ បកតត្តានំ ភិក្ខូនំ អភិវាទនាទីនិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – បារិវាសិកេន ¶ អាវុសោ ភិក្ខុនា កតិសុ វត្តេសុ សម្មា វត្តិតព្ពំ.

វិស្សជ្ជនា – បារិវាសិកេន ភន្តេ ភិក្ខុនា ចតុនវុតិយា វត្តេសុ សម្មា វត្តិតព្ពំ.

បុច្ឆា – បារិវាសិកំ បុច្ឆិស្សំ, សនិទានំ សនិទ្ទេសំ. សមុក្កដ្ឋបទានំ អាវុសោ កតិ អាបត្តិយោ.

វិស្សជ្ជនា – បារិវាសិកំ វិស្សជ្ជិស្សំ, សនិទានំ សនិទ្ទេសំ. សមុក្កដ្ឋបទានំ ភន្តេ ឯកា អាបត្តិ.

៣. សមុច្ចយក្ខន្ធក

បុច្ឆា – សមុច្ចយំ ¶ បុច្ឆិស្សំ, សនិទានំ សនិទ្ទេសំ. សមុក្កដ្ឋបទានំ អាវុសោ កតិ អាបត្តិយោ.

វិស្សជ្ជនា – សមុច្ចយំ វិស្សជ្ជិស្សំ, សនិទានំ សនិទ្ទេសំ. សមុក្កដ្ឋបទានំ ភន្តេ ឯកា អាបត្តិ.

៤. សមថក្ខន្ធក

បុច្ឆា – អសម្មុខីភូតានំ ¶ អាវុសោ ភិក្ខូនំ តជ្ជនីយំ វា និយស្សំ វា បព្ពាជនីយំ វា បដិសារណីយំ វា ឧក្ខេបនីយំ វា កម្មំ ករោន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ អសម្មុខីភូតានំ ភិក្ខូនំ កម្មំ អកំសុ តជ្ជនីយម្បិ និយស្សម្បិ បព្ពាជនីយម្បិ បដិសារណីយម្បិ ឧក្ខេបនីយម្បិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – សតិវេបុល្លបត្តស្ស ¶ អាវុសោ ភិក្ខុនោ សតិវិនយំ ទានំ ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – រាជគហេ ភន្តេ មេត្តិយភូមជកេ ភិក្ខូ អារព្ភ អនុញ្ញាតំ មេត្តិយភូមជកា ភន្តេ ភិក្ខូ អាយស្មន្តំ ទព្ពំ មល្លបុត្តំ អមូលិកាយ សីលវិបត្តិយា អនុទ្ធំសេសុំ, តស្មិំ ភន្តេ វត្ថុស្មិំ អនុញ្ញាតំ.

បុច្ឆា – កតិបនាវុសោ ¶ ឯត្ថ ធម្មិកានិ សតិវិនយទានានិ.

វិស្សជ្ជនា – បញ្ចិមានិ ភន្តេ ធម្មិកានិ សតិវិនយស្ស ទានានិ, សុទ្ធោ ហោតិ ភិក្ខុ អនាបត្តិកោ, អនុវទន្តិ ច នំ, យាចតិ ច, តស្ស សង្ឃោ សតិវិនយំ ទេតិ ធម្មេន សមគ្គេន, ឥមានិ ខោ ភន្តេ បញ្ច ធម្មិកានិ សតិ វិនយស្ស ទានានិ.

បុច្ឆា – អមូឡ្ហស្ស ¶ អាវុសោ ភិក្ខុនោ អមូឡ្ហវិនយំ ទាតុំ ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – រាជគហេ ភន្តេ សម្ពហុលេ ភិក្ខូ អារព្ភ អនុញ្ញាតំ, សម្ពហុលា ភន្តេ ភិក្ខូ គគ្គំ ភិក្ខុំ ឧម្មត្តកេន ចិត្តវិបរិយាសកតេន ¶ អជ្ឈាចិណ្ណេន អាបត្តិយា ចោទេសុំ ‘‘សរតា យស្មា ឯវរូបិំ អាបត្តិំ អាបជ្ជិតា’’តិ, សោ ឯវំ វទេតិ ‘‘អហំ ខោ អាវុសោ ឧម្មត្តកោ អហោសិ ចិត្តវិបរិយាសកតោ, តេន មេ ឧម្មត្តកេន ចិត្តវិបរិយាសកតេន ពហុំ អស្សាមណកំ អជ្ឈាចិណ្ណំ ភាសិតបរិក្កន្តំ, នាហំ តំ សរាមិ, មូឡ្ហេន មេ ឯតំ កត’’ន្តិ. ឯវម្បិ នំ វុច្ចមានា ចោទេន្តេវ ‘‘សរតា យស្មា ឯវរូបិំ អាបត្តិំ អាបជ្ជិតា’’តិ, តស្មិំ ភន្តេ វត្ថុស្មិំ អនុញ្ញាតំ.

បុច្ឆា – កតិ ¶ អាវុសោ អធម្មិកានិ អមូឡ្ហវិនយស្ស ទានានិ, វិភជិត្វា កថេហិ.

វិស្សជ្ជនា – តីណិ ភន្តេ អធម្មិកានិ អមូឡ្ហវិនយស្ស ទានានិ, ឥធ ភន្តេ ភិក្ខុ អាបត្តិំ អាបន្នោ ហោតិ, តមេនំ ចោទេតិ សង្ឃោ វា សម្ពហុលា វា ឯកបុគ្គលោ វា ‘‘សរតាយស្មា ឯវរូបិំ អាបត្តិំ អាបជ្ជិតា’’តិ, សោ សរមានោវ ឯវំ វទេតិ ‘‘ន ខោ អហំ អាវុសោ សរាមិ ឯវរូបិំ អាបត្តិំ អាបជ្ជិតា’’តិ. អញ្ញោ សរមានោវ ឯវំ វទេតិ ‘‘សរាមិ ខោ អហំ អាវុសោ យថា សុបិនន្តេនា’’តិ. អញ្ញោ អនុម្មត្តកោវ ឧម្មត្តកាលយំ ករោតិ ‘‘អហម្បិ ខោ ឯវំ ករោមិ, តុម្ហេបិ ឯវំ ករោថ, មយ្ហម្បិ ឯតំ កប្បតិ, តុម្ហាកម្បេតំ កប្បតី’’តិ. ឯសំ សង្ឃោ អមូឡ្ហវិនយំ ទេតិ, អធម្មិកំ ភន្តេ អមូឡ្ហវិនយស្ស ទានំ. ឥមានិ ខោ ភន្តេ តីណិ អធម្មិកានិ អមូឡ្ហវិនយស្ស ទានានិ.

បុច្ឆា – កតិ ¶ អាវុសោ ធម្មិកានិ អមូឡ្ហវិនយស្ស ទានានិ, វិភជិត្វា កថេហិ.

វិស្សជ្ជនា – តីណិ ភន្តេ ធម្មិកានិ អមូឡ្ហវិនយស្ស ទានានិ, ឥធ ភន្តេ ភិក្ខុ ឧម្មត្តកោ ហោតិ ចិត្តវិបរិយាសកតោ តេន ឧម្មត្តកេន ចិត្តវិបរិយាសកតេន ពហុំ អស្សាមណកំ អជ្ឈាចិណ្ណំ ហោតិ ភាសិតបរិក្កន្តំ, តមេនំ ចោទេតិ សង្ឃោ វា សម្ពហុលា វា ឯកបុគ្គលោ វា ‘‘សរតាយស្មា ឯវរូបិំ អាបត្តិំ អាបជ្ជិតា’’តិ, សោ អស្សរមានោវ ឯវំ វទេតិ ‘‘ន ខោ អហំ អាវុសោ សរាមិ ឯវរូបិំ អាបត្តិំ អាបជ្ជិតា’’តិ. អញ្ញោបិ អស្សរមានោវ ឯវំ វទេតិ ‘‘សរាមិ ខោ អហំ អាវុសោ យថា សុបិនន្តេនា’’តិ. អញ្ញោបិ ឧម្មត្តកោវ ឧម្មត្តកាលយំ ករោតិ ‘‘អហម្បិ ឯវំ ករោមិ, តុម្ហេបិ ឯវំ ករោថ, មយ្ហម្បិ ឯតំ កប្បតិ, តុម្ហាកម្បេតំ កប្បតី’’តិ. ឯសំ ភន្តេ តិណ្ណំ ភិក្ខូនំ សង្ឃោ អមូឡ្ហវិនយំ ទេតិ, ធម្មិកំ ភន្តេ អមូឡ្ហវិនយស្ស ទានំ. ឥមានិ ខោ ភន្តេ តីណិ ធម្មិកានិ អមូឡ្ហវិនយស្ស ទានានិ.

បុច្ឆា – អប្បដិញ្ញាយ ¶ អាវុសោ ភិក្ខូនំ តជ្ជនីយាទីនិ កម្មានិ ករោន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ¶ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ អប្បដិញ្ញាយ ភិក្ខូនំ កម្មានិ អកំសុ តជ្ជនីយាទីនិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – កថំ អាវុសោ អធម្មិកំ ហោតិ បដិញ្ញាតករណំ.

វិស្សជ្ជនា – អញ្ញថា ភន្តេ អាបត្តិំ អាបជ្ជន្តស្ស អញ្ញថា បដិជានន្តស្ស យថា សោ បដិជានាតិ, តថា សង្ឃោ ការេតិ, ឯវំ ខោ ភន្តេ អធម្មិកំ ហោតិ បដិញ្ញាតករណំ.

បុច្ឆា – កថំ ¶ អាវុសោ ធម្មិកំ ហោតិ បដិញ្ញាតករណំ.

វិស្សជ្ជនា – យំ ភន្តេ អាបត្តិំ អាបជ្ជន្តស្ស តមេវ បដិជានន្តស្ស តេនេវ សង្ឃោ ការេតិ, ឯវំ ខោ ភន្តេ ធម្មិកំ បដិញ្ញាតករណំ.

បុច្ឆា – យេភុយ្យសិកាយ ¶ អាវុសោ អធិករណំ វូបសមេតុំ ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – រាជគហេ ¶ ភន្តេ សម្ពហុលេ ភិក្ខូ អារព្ភ អនុញ្ញាតំ, សម្ពហុលា ភន្តេ ភិក្ខូ ភណ្ឌនជាតា កលហជាតា វិវាទាបន្នា អញ្ញមញ្ញំ មុខសត្តីហិ វិតុទន្តា វិហរិំសុ, ន សក្កោន្តិ តំ អធិករណំ វូបសមេតុំ, តស្មិំ ភន្តេ វត្ថុស្មិំ អនុញ្ញាតំ.

បុច្ឆា – កថំ អាវុសោ អធិករណំ យេភុយ្យសិកាយ វូបសមេតព្ពំ.

វិស្សជ្ជនា – បញ្ចហិ ភន្តេ អង្គេហិ សមន្នាគតោ ភិក្ខុ សលាកគ្គាហាបកោ សម្មន្និតព្ពោ, តេន ភន្តេ សលាកគ្គាហាបកេន ¶ សលាកា គាហាតព្ពា យថា ពហុតរា ភិក្ខូ ធម្មវាទិនោ វទន្តិ តថា តំ អធិករណំ វូបសមេតព្ពំ, ឯវំ ខោ ភន្តេ យេភុយ្យសិកាយ អធិករណំ វូបសមេតព្ពំ.

បុច្ឆា – កតិ ¶ អាវុសោ អធម្មិកា សលាកគ្គាហា.

វិស្សជ្ជនា – ទស ភន្តេ អធម្មិកា សលាកគ្គាហា, ឱរមត្តកញ្ច អធិករណំ ហោតិ, ន ច គតិគតំ ហោតិ, ន ច សរិតសារិតំ ហោតិ, ជានាតិ ‘អធម្មវាទី ពហុតរា’តិ, អប្បេវ នាម អធម្មវាទី ពហុតរា អស្សូតិ, ជានាតិ ‘សង្ឃោ ភិជ្ជិស្សតី’តិ, អប្បេវ នាម សង្ឃោ ភិជ្ជេយ្យាតិ, អធម្មេន គណ្ហន្តិ, វគ្គា គណ្ហន្តិ, ន ច យថាទិដ្ឋិយា គណ្ហន្តិ, ឥមេ ខោ ភន្តេ ទស អធម្មិកា កលាកគ្គាហា.

បុច្ឆា – កតិ ¶ អាវុសោ ធម្មិកា សលាកគ្គាហា.

វិស្សជ្ជនា – ទស ភន្តេ ធម្មិកា សលាកគ្គាហា វុត្តវិបរិយាយេន.

បុច្ឆា – បាបុស្សន្នស្ស អាវុសោ ភិក្ខុស្ស តស្ស បាបិយសិកា កម្មំ កាតុំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ ឧបវាឡំ ភិក្ខុំ អារព្ភ បញ្ញត្តំ, ឧបវាឡោ ភន្តេ ភិក្ខុ សង្ឃមជ្ឈេ អាបត្តិយា អនុយុញ្ជិយមានោ អវជានិត្វា បដិជានាតិ, បដិជានិត្វា អវជានាតិ, អញ្ញេនញ្ញំ បដិចរតិ, សម្បជានមុសា ភាសតិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – កតិ ¶ អាវុសោ ធម្មិកានិ តស្សបាបិយសិកា កម្មស្ស ករណានិ.

វិស្សជ្ជនា – បញ្ចិមានិ ភន្តេ ធម្មិកានិ តស្សបាបិយសិកា កម្មស្ស ករណានិ. អសុចិ ច ហោតិ, អលជ្ជី ច, សានុវាទោ ច, តស្ស សង្ឃោ តស្សបាបិយសិកា កម្មំ ករោតិ ធម្មេន សមគ្គេន, ឥមានិ ខោ ភន្តេ បញ្ច ធម្មិកានិ តស្ស បាបិយសិកា កម្មស្ស ករណានិ.

បុច្ឆា – តស្ស ¶ បាបិយសិកាកម្មកតេន អាវុសោ ភិក្ខុនា កតិសុ វត្តេសុ សម្មា វត្តិតព្ពំ.

វិស្សជ្ជនា – តស្ស បាបិយសិកាកម្មកតេន ភន្តេ ភិក្ខុនា អដ្ឋារសសុ វត្តេសុ សម្មា វត្តិតព្ពំ. ន ឧបសម្បាទេតព្ពំ, ន និស្សយោ ទាតព្ពោ, ន សាមណេរោ ឧបដ្ឋាបេតព្ពោ, ឯវមាទីសុ ភន្តេ អដ្ឋារសសុ វត្តេសុ សម្មា វត្តិតព្ពំ.

បុច្ឆា – កតិ ¶ អាវុសោ អធិករណានិ សមថេហិ វូបសមេតព្ពានិ.

វិស្សជ្ជនា – ចត្តារិមានិ ភន្តេ អធិករណានិ សមថេហិ វូបសមេតព្ពានិ, វិវាទាធិករណំ អនុវាទាធិករណំ អាបត្តាធិករណំ កិច្ចាធិករណំ, ឥមានិ ភន្តេ ចត្តារិ អធិករណានិ សមថេហិ វូបសមេតព្ពានិ.

បុច្ឆា – កិំ ¶ អាវុសោ វិវាទាធិករណស្ស មូលំ.

វិស្សជ្ជនា – ឆ ភន្តេ វិវាទមូលានិ វិវាទាធិករណស្ស មូលំ, តីណិបិ អកុសលមូលានិ វិវាទាធិករណស្ស មូលំ, តីណិបិ កុសលមូលានិ វិវាទាធិករណស្ស មូលំ, ឥទំ ភន្តេ វិវាទាធិករណស្ស មូលំ.

បុច្ឆា – កិំ ¶ បនាវុសោ អនុវាទាធិករណស្ស មូលំ.

វិស្សជ្ជនា – ឆ ភន្តេ អនុវាទមូលានិ អនុវាទាធិករណស្ស មូលំ, តីណិបិ អកុសលមូលានិ អនុវាទាធិករណស្ស មូលំ, តីណិបិ កុសលមូលានិ អនុវាទាធិករណស្ស មូលំ, កាយោបិ អនុវាទាធិករណស្ស មូលំ, វាចាបិ អនុវាទាធិករណស្ស មូលំ, ឥទំ ខោ ភន្តេ អនុវាទាធិករណស្ស មូលំ.

បុច្ឆា – កិំ ¶ បនាវុសោ អាបត្តាធិករណស្ស មូលំ.

វិស្សជ្ជនា – ឆ ភន្តេ អាបត្តិសមុដ្ឋានា អាបត្តាធិករណស្ស មូលំ, អត្តិ ភន្តេ អាបត្តិ កាយតោ សមុដ្ឋាតិ ន វាចតោ ន ចិត្តតោ, អត្ថិ ភន្តេ អាបត្តិ វាចតោ សមុដ្ឋាតិ ន កាយតោ ន ចិត្តតោ, អត្ថិ ភន្តេ អាបត្តិ កាយតោ ¶ ច វាចតោ ច សមុដ្ឋាតិ ន ចិត្តតោ, អត្ថិ ភន្តេ អាបត្តិ កាយតោ ច ចិត្តតោ ច សមុដ្ឋាតិ ន វាចតោ, អត្ថិ ភន្តេ អាបត្តិ វាចតោ ច ចិត្តតោ ច សមុដ្ឋាតិ ន កាយតោ, អត្ថិ ភន្តេ អាបត្តិ កាយតោ ច វាចតោ ច ចិត្តតោ ច សមុដ្ឋាតិ, ឥមានិ ភន្តេ ឆ អាបត្តិ សមុដ្ឋានានិ អាបត្តាធិករណស្ស មូលំ.

បុច្ឆា – កិំ ¶ បនាវុសោ កិច្ចាធិករណស្ស មូលំ.

វិស្សជ្ជនា – កិច្ចាធិករណស្ស ភន្តេ ឯកំ មូលំ សង្ឃោ.

បុច្ឆា – សមថំ អាវុសោ បុច្ឆិស្សំ, សនិទានំ សនិទ្ទេសំ. សមុក្កដ្ឋបទានំ អាវុសោ កតិ អាបត្តិយោ.

វិស្សជ្ជនា – សមថំ ភន្តេ វិស្សជ្ជិស្សំ, សនិទានំ សនិទ្ទេសំ. សមុក្កដ្ឋបទានំ ភន្តេ ទ្វេ អាបត្តិយោ.

៥. ខុទ្ទកវត្ថុក្ខន្ធក

បុច្ឆា – នហាយន្តេន ¶ អាវុសោ ភិក្ខុនា រុក្ខេ វា ថម្ភេ វា កុដ្ដេ វា កាយំ ឧគ្ឃំសេន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ នហាយមានា រុក្ខេបិ ថម្ភេបិ កុដ្ដេបិ កាយំ ឧគ្ឃំសេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – គន្ធព្ពហត្ថកេន វា អាវុសោ កុរុវិន្ទកសុត្តិយា វា មល្លកេន វា នហាយន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ ឆព្ពគ្គិយេវ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ គន្ធព្ពហត្ថកេនបិ កុរុវិន្ទកសុត្តិយាបិ ¶ មល្លកេនបិ នហាយិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – បាណិនា អាវុសោ បរិកម្មំ កាតុំ ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – រាជគហេ ភន្តេ សម្ពហុលេ ភិក្ខូ អារព្ភ អនុញ្ញាតំ, សម្ពហុលា ភន្តេ ភិក្ខូ បិដ្ឋិបរិកម្មំ កាតុំ កុក្កុច្ចាយិំសុ, តស្មិំ ភន្តេ វត្ថុស្មិំ អនុញ្ញាតំ.

បុច្ឆា – វល្លិកំ ¶ វា អាវុសោ បាមង្គំ វា កណ្ឋសុត្តកំ វា កដិសុត្តកំ វា ឱវដ្ដិកំ វា កាយុរំ វា ហត្ថាភរណំ វា អង្គុលិមុទ្ទិកំ វា ធារេន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ វល្លិកាទីនិ ធារេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ទីឃេ ¶ អាវុសោ កេសេ ធារេន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ទីឃេ កេសេ ធារេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – កោច្ឆេនវា ¶ អាវុសោ ផណកេនវា ហត្ថផណកេនវា កេសេ ឱសណ្ឋេន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ ឆព្ពគ្គិយេវ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ កោច្ឆាទីហិ កេសេ ឱសណ្ឋេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – អាទាសេ ¶ វា អាវុសោ ឧទកបត្តេ វា មុខនិមិត្តំ ឱលោកេន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ ឆព្ពគ្គិយេវ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ អាទាសេបិ ឧទកបត្តេបិ មុខនិមិត្តំ ឱលោកេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – អាពាធបច្ចយា ¶ បនាវុសោ អាទាសេ វា ឧទកបត្តេ វា មុខនិមិត្តំ ឱលោកេតុំ ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – រាជគហេ ភន្តេ អញ្ញតរំ ភិក្ខុំ អារព្ភ អនុញ្ញាតំ, ភគវតិ ភន្តេ រាជគហេ វិហរតិ អញ្ញតរស្ស ភិក្ខុនោ មុខេ វណោ អហោសិ, សោ ភិក្ខូ ឯតទវោច ‘‘កីទិសោ មេ អាវុសោ វណោ’’តិ, ភិក្ខូ ឯវមាហំសុ ‘‘ឯទិសោ តេ អាវុសោ វណោ’’តិ, សោ ន សទ្ទហតិ, តស្មិំ ភន្តេ វត្ថុស្មិំ អនុញ្ញាតំ.

បុច្ឆា – មុខាលេបនាទីនិ ¶ អាវុសោ ករោន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ មុខាលេបនាទីនិ អកំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – នច្ចំ ¶ វា អាវុសោ គីតំ វា វាទិតំ វា ទស្សនាយ គច្ឆន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ នច្ចម្បិ គីតម្បិ វាទិតម្បិ ទស្សនាយ គច្ឆិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – កថំ អាវុសោ នច្ចាទីនិ បស្សន្តស្ស អាបត្តិ ហោតិ, កថំ បន អនាបត្តិ.

វិស្សជ្ជនា – នច្ចំ វា ភន្តេ គីតំ វា វាទិតំ វា ទស្សនាយ គច្ឆតិ អាបត្តិ ទុក្កដស្ស, យត្ថ ឋិតោ បស្សតិ វា សុណាតិ វា អាបត្តិ ទុក្កដស្ស ¶ , ទស្សនូបចារំ វិជហិត្វា បុនប្បុនំ បស្សតិ អាបត្តិ ទុក្កដស្ស, អារាមេ ឋិតស្ស បស្សតោ អនាបត្តិ, វិហារតោ បន វិហារំ បស្សិស្សាមីតិ គច្ឆតោ អាបត្តិយេវ, យត្ថ ឋិតោ បស្សតិ វា សុណាតិ វា អាបត្តិ ទុក្កដស្ស, អាសនសាលាយ និសិន្នោ បស្សតិ អនាបត្តិ, បស្សិស្សាមីតិ វុដ្ឋហិត្វា គច្ឆតិ អាបត្តិ ទុក្កដស្ស, យត្ថ ឋិតោ បស្សតិ វា សុណាតិ វា អាបត្តិ ទុក្កដស្ស, បតិបថំ គច្ឆន្តោ បស្សតិ អនាបត្តិ, គីវំ បរិវត្តេត្វា បស្សតោ បន អាបត្តិ ភន្តេ.

បុច្ឆា – អាយតកេន ¶ អាវុសោ គីតស្សរេន ធម្មំ គាយន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ អាយតកេន គីតស្សរេន ធម្មំ គាយិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ទារុបត្តំ ¶ អាវុសោ ធារេន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ អាយស្មន្តំ បិណ្ឌោលភារទ្វាជំ អារព្ភ បញ្ញត្តំ, អាយស្មា ភន្តេ បិណ្ឌោលភារទ្វាជោ ឆវស្ស ទារុបត្តស្ស ការណា គិហីនំ ឧត្តរិមនុស្សធម្មំ ឥទ្ធិបាដិហារិយំ ទស្សេតិ, តស្មិំ ភន្តេ វត្ថុស្មិំ បញ្ញត្តំ.

ន ¶ ច ភិក្ខវេ ទារុបត្តោ ធារេតព្ពោ, យោ ធារេយ្យ អាបត្តិ ទុក្កដស្ស –

បុច្ឆា – ភគវតា អាវុសោ ឧច្ចាវចេ បត្តេ បដិក្ខិបិត្វា អយោ បត្តោ ភូមិបត្តោតិ ឥមេយេវ ទ្វេ បត្តា កត្ថ អនុញ្ញាតា, កំ អារព្ភ កិស្មិំ វត្ថុស្មិំ អនុញ្ញាតា.

វិស្សជ្ជនា – រាជគហេ ភន្តេ ឆព្ពគ្គិយេ ភិក្ខូ អារព្ភ អនុញ្ញាតា, ឆព្ពគ្គិយា ភន្តេ ភិក្ខូ ឧច្ចាវចេ បត្តេ ធារេសុំ សោវណ្ណមយា ¶ រូបិយមយា, តស្មិំ ភន្តេ វត្ថុស្មិំ អនុញ្ញាតា.

បុច្ឆា – សោទកំ ¶ អាវុសោ បត្តំ បដិសាមេន្តស្ស ច ឱតាបេន្តស្សច ឧណ្ហេ បត្តំ និទហន្តស្ស ច ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ សម្ពហុលេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ សោទកំ បត្តំ បដិសាមេសុំ, ឱតាបេសុំ, ឧណ្ហេ បត្តំ និទហិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ឆវសីសបត្តំ ¶ អាវុសោ ធារេន្តស្ស ច សព្ពបំសុកូលិកស្ស ច ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ អញ្ញតរំ ភិក្ខុំ អារព្ភ បញ្ញត្តំ, អញ្ញតរោ ភន្តេ ភិក្ខុ សព្ពបំសុកូលិកោ អហោសិ, សោ ឆវសីសស្ស បត្តំ ធារេសិ, អញ្ញតរា ឥត្ថី បស្សិត្វា ភីតា ¶ វិស្សរមកាសិ ‘‘អភុំ មេ បិសាចោ វតាយ’’ន្តិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ចលកានិ វា អាវុសោ អដ្ឋិកានិ វា ឧច្ឆិដ្ឋោទកំ វា បត្តេន នីហរន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ សម្ពហុលេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ ចលកានិបិ អដ្ឋិកានិបិ ឧច្ឆិដ្ឋោ ទកម្បិ បត្តេន នីហរិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ឧបាហនត្ថវិកា ¶ អាវុសោ ភគវតា កត្ថ អនុញ្ញាតា, កំ អារព្ភ កិស្មិំ វត្ថុស្មិំ អនុញ្ញាតា.

វិស្សជ្ជនា – អន្តរា ច ភន្តេ រាជគហំ អន្តរា ច វេសាលិំ អញ្ញតរំ ភិក្ខុំ អារព្ភ អនុញ្ញាតា, អញ្ញតរោ ភន្តេ ភិក្ខុ ឧបាហនាយោ កាយពន្ធនេន ពន្ធិត្វា គាមំ បិណ្ឌាយ បាវិសិ, អញ្ញតរោ ឧបាសកោ តំ ភិក្ខុំ អភិវាទេន្តោ ឧបាហនាយោ សីសេន ឃដ្ដេតិ, សោ ភិក្ខុ មង្កុ អហោសិ, តស្មិំ ភន្តេ វត្ថុស្មិំ អនុញ្ញាតា.

បុច្ឆា – អទ្ធានមគ្គប្បដិបន្នេន ¶ អាវុសោ បរិស្សាវនំ យាចិយមានេន ន ទទន្តស្ស ច អប្បដិស្សាវនកេន អទ្ធានំ បដិបជ្ជន្តស្ស ច ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – អន្តរា ច ភន្តេ រាជគហំ អន្តរា ច វេសាលិំ អញ្ញតរំ ភិក្ខុំ អារព្ភ បញ្ញត្តំ, អញ្ញតរោ ភន្តេ ភិក្ខុ បរិស្សាវនំ យាចិយមានោ ន អទាសិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – បុប្ផាភិកិណ្ណេ ¶ អាវុសោ សយនេ សយន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – វេសាលិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ បុប្ផាភិកិណ្ណេសុ សយនេសុ សយិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ឯកភាជនេ វា អាវុសោ ភុញ្ជន្តានំ ឯកថាលកេ វា បិវន្តានំ ឯកត្ថរណបាវុរណានំ វា តុវដ្ដានំ ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – វេសាលិយំ ភន្តេ ឆព្ពគ្គិយេវ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ឯកភាជនេបិ ភុញ្ជិំសុ, ឯកថាលកេបិ ¶ បិវិំសុ, ឯកមញ្ចកេបិ តុវដ្ដេសុំ, ឯកត្ថរណាបិ តុវដ្ដេសុំ, ឯកបាវុរណាបិ តុវដ្ដេសុំ, ឯកត្ថរណបាវុរណាបិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ចាមរិពីជនិំ អាវុសោ បដិក្ខិបិត្វា តិស្សោ ពីជនិយោ ភគវតា កត្ថ អនុញ្ញាតា, កិស្មិញ្ច វត្ថុស្មិំ អនុញ្ញាតា.

វិស្សជ្ជនា – សាវត្ថិយំ ភន្តេ អនុញ្ញាតា, សាវត្ថិយំ ភន្តេ ភគវតិ វិហរតិ សង្ឃស្ស ចាមរិពីជនី ឧប្បន្នា អហោសិ, ភគវតោ ឯតមត្ថំ អារោចេសុំ, តស្មិំ ភន្តេ វត្ថុស្មិំ អនុញ្ញាតា.

ន ¶ ភិក្ខវេ ចាមរិពីជនី ធារេតព្ពា, យោ ធារេយ្យ, អាបត្តិ ទុក្កដស្ស. អនុជានាមិ ភិក្ខវេ តិស្សោ ពីជនិយោ វាកមយំ ឧសីរមយំ មោរបិញ្ឆា មយំ.

បុច្ឆា – ទីឃេ អាវុសោ នខេ ធារេន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ¶ ភន្តេ អញ្ញតរំ ភិក្ខុំ អារព្ភ បញ្ញត្តំ, អញ្ញតរោ ភន្តេ ភិក្ខុ ទីឃេ នខេ ធារេសិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – កត្តរិកាយ ¶ អាវុសោ កេសេ ឆេទាបេន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ កត្តរិកាយ កេសេ ឆិន្ទិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ទីឃេ ¶ អាវុសោ នាសិកាលោមេ ធារេន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ ទីឃានិ នាសិកាលោមានិ ធារេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ឧច្ចាវចា អាវុសោ កណ្ណមលហរណិយោ បដិក្ខិបិត្វា ទស កណ្ណមលហរណិយោ ភគវតា កត្ថ អនុញ្ញាតា, កំ អារព្ភ កិស្មិំ វត្ថុស្មិំ អនុញ្ញាតា.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ អនុញ្ញាតា, ឆព្ពគ្គិយា ភន្តេ ភិក្ខូ ឧច្ចាវចា កណ្ណមលហរណិយោ ធារេសុំ ¶ សោវណ្ណមយំ រូបិយមយំ, តស្មិំ ភន្តេ វត្ថុស្មិំ អនុញ្ញាតា.

បុច្ឆា – សង្ឃាដិបល្លត្ថិកាយ និសីទន្តស្ស អាវុសោ ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ សង្ឃាដិបល្លត្ថិកាយ និសីទិំសុ, សង្ឃាដិយា ¶ បត្តា លុជ្ជិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – អកាយពន្ធនេន អាវុសោ គាមំ បវិសន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អញ្ញតរំ ភិក្ខុំ អារព្ភ បញ្ញត្តំ, អញ្ញតរោ ភន្តេ ភិក្ខុ អកាយពន្ធនោ គាមំ បិណ្ឌាយ បាវិសិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – គិហិនិវត្ថំ ¶ អាវុសោ និវាសេន្តស្ស ច, គិហិបារុតំ បារុបន្តស្ស ច, សំវេល្លិយំ និវាសេន្តស្ស ច ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ គិហិនិវត្ថំ និវាសិំសុ, គិហិបារុតម្បិ បារុបិំសុ, សំវេល្លិយម្បិ និវាសិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ឧភតោ ¶ កាជំ អាវុសោ ធារេន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ឧភតោ កាជំ ធារេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – លោកាយតំ ¶ អាវុសោ បរិយាបុណន្តស្ស ច វាចេន្តស្ស ច ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ លោកាយតំ បរិយាបុណិំសុបិ វាចេសុម្បិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – តិរច្ឆានវិជ្ជំ ¶ អាវុសោ បរិយាបុណន្តស្ស ច វាចេន្តស្ស ច ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ តិរច្ឆានវិជ្ជំ បរិយាបុណិំសុបិ វាចេសុម្បិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ខិបិតេ អាវុសោ ‘‘ជីវា’’តិវទន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ¶ ភន្តេ សម្ពហុលេ ភិក្ខូ អារព្ភ បញ្ញត្តំ, ភគវា ភន្តេ មហតិយា បរិសាយ បរិវុតោ ធម្មំ ទេសេន្តោ ខិបិ, ភិក្ខូ ‘‘ជីវតុ ភន្តេ ភគវា, ជីវតុ សុគតោតិ’’ ឧច្ចាសទ្ទំ មហាសទ្ទំ អកំសុ, តេន សទ្ទេន ធម្មកថា អន្តរា អហោសិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – អារាមេ អាវុសោ បស្សាវវច្ចានំ តហំ តហំ ករណំ បដិក្ខិបិត្វា ឯកមន្តំ កាតុំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ អារាមេ តហំ តហំ បស្សាវំ អកំសុ, តហំ តហំ វច្ចំ អកំសុ, អារាមោ ទុស្សិ, តស្មិំ ភន្តេ វត្ថុស្មិំ បញ្ញត្តំ.

ខុទ្ទកវត្ថុក្ខន្ធក

បុច្ឆា – ខុទ្ទកវត្ថុំ ¶ បុច្ឆិស្សំ, សនិទានំ សនិទ្ទេសំ. សមុក្កដ្ឋបទានំ អាវុសោ កតិ អាបត្តិយោ.

វិស្សជ្ជនា – ខុទ្ទកំ វិស្សជ្ជិស្សំ, សនិទានំ សនិទ្ទេសំ. សមុក្កដ្ឋបទានំ ភន្តេ តិស្សោ អាបត្តិយោ.

៦. សេនាសនក្ខន្ធក

បុច្ឆា – បញ្ច ¶ អាវុសោ លេណានិ ភគវតា កត្ថ អនុញ្ញាតានិ, កំ អារព្ភ កិស្មិំ វត្ថុស្មិំ អនុញ្ញាតានិ.

វិស្សជ្ជនា – រាជគហេ ភន្តេ សម្ពហុលេ ភិក្ខូ អារព្ភ អនុញ្ញាតានិ, សម្ពហុលា ភន្តេ ភិក្ខូ ភគវន្តំ ឧបសង្កមិត្វា ឯតទវោចុំ ‘‘រាជគហកោ ភន្តេ សេដ្ឋី វិហារេ ការាបេតុកាមោ, កថំ នុ ខោ ភន្តេ បដិបជ្ជិតព្ព’’ន្តិ, តស្មិំ ភន្តេ វត្ថុស្មិំ អនុញ្ញាតានិ.

បុច្ឆា – កថំ ¶ អាវុសោ វិហារា បឋមំ ឧប្បន្នា, កថញ្ច តេ បតិដ្ឋាបិ តា.

វិស្សជ្ជនា – ឯកាហេនេវ ¶ ភន្តេ រាជគហកេន សេដ្ឋិនា ឆដ្ឋិវិហារា បតិដ្ឋាបិតា, តេ ឥធ ភន្តេ សដ្ឋិវិហារា ពុទ្ធប្បមុខស្ស អាគតានាគតស្ស ចាតុទ្ទិសស្ស សង្ឃស្ស បតិដ្ឋាបិតា.

បុច្ឆា – វិហារេ ¶ អាវុសោ បដិភានកម្មំ បដិក្ខិបិត្វា មាលាកម្មាទីនិ ភគវតា កត្ថ អនុញ្ញាតានិ, កំ អារព្ភ កិស្មិំ វត្ថុស្មិំ អនុញ្ញាតានិ.

វិស្សជ្ជនា – រាជគហេ ភន្តេ ឆព្ពគ្គិយេ ភិក្ខូ អារព្ភ អនុញ្ញាតានិ. ឆព្ពគ្គិយា ភន្តេ ភិក្ខូ វិហារេ បដិភានចិត្តំ ការាបេសុំ ឥត្ថិរូបកំ បុរិសរូបកំ, តស្មិំ ភន្តេ វត្ថុស្មិំ អនុញ្ញាតានិ.

បុច្ឆា – យថាវុឌ្ឍំ ¶ អាវុសោ អភិវាទនាទីនិ ច អគ្គាសនាទីនិ ច អនុជានិត្វា សង្ឃិកំ យថាវុឌ្ឍំ បដិពាហន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – អន្តរា ច ភន្តេ វេសាលិំ អន្តរា ច សាវត្ថិំ ឆព្ពគ្គិយានំ ភិក្ខូនំ អន្តេវាសិកេ ភិក្ខូ អារព្ភ បញ្ញត្តំ, ឆព្ពគ្គិយានំ ភន្តេ ភិក្ខូនំ អន្តេវាសិកា ភិក្ខូ ពុទ្ធប្បមុខស្ស សង្ឃស្ស បុរតោ បុរតោ គន្ត្វា វិហារេ បដិគ្គហេសុំ, សេយ្យាយោ បដិគ្គហេសុំ ‘‘ឥទំ អម្ហាកំ ឧបជ្ឈាយានំ ភវិស្សតិ, ឥទំ អម្ហាកំ អាចរិយានំ ភវិស្សតិ, ឥទំ អម្ហាកំ ភវិស្សតី’’តិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ឯកេន ¶ អាវុសោ ទ្វេ បដិពាហន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អាយស្មន្តំ ឧបនន្ទំ សក្យបុត្តំ អារព្ភ បញ្ញត្តំ, អាយស្មា ភន្តេ ឧបនន្ទោ សក្យបុត្តោ ឯកោ ទ្វេ បដិពាហិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – នវកេន ¶ អាវុសោ ឧទ្ទិសន្តេន សមកេ វា អាសនេ និសីទិតុំ ឧច្ចតរេ វា ធម្មគារវេន, ថេរេន បន ភិក្ខុនា ឧទ្ទិសាបេន្តេន សមកេ វា អាសនេ និសីទិតុំ នីចតរេ វា ធម្មគារវេន ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ អនុញ្ញាតំ, សម្ពហុលា ភន្តេ ភិក្ខូ អាយស្មតោ ឧបាលិស្ស សន្តិកេ វិនយំ បរិយាបុណិំសុ, អាយស្មា ភន្តេ ឧបាលិ ឋិតកោវ ឧទ្ទិសតិ ថេរានំ ភិក្ខូនំ គារវេន, តត្ថ ភន្តេ ថេរា ចេវ ភិក្ខូ កិលមិំសុ អាយស្មា ច ឧបាលិ កិលមិ, តស្មិំ ភន្តេ វត្ថុស្មិំ អនុញ្ញាតំ.

បុច្ឆា – តិវស្សន្តរេន ¶ អាវុសោ សហ និសីទិតុំ ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ អនុញ្ញាតំ, សម្ពហុលានំ ភន្តេ ភិក្ខូនំ ឯតទហោសិ ‘‘កិត្តាវតានុ ខោ សមានាសនិកោ ហោតី’’តិ, តស្មិំ ភន្តេ វត្ថុស្មិំ អនុញ្ញាតំ.

បុច្ឆា – មញ្ចេ ¶ ច អាវុសោ បីឋេ ច ទ្វិន្នំយេវ និសីទិតុំ ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – សាវត្ថិយំ ភន្តេ សម្ពហុលេ សមានាសនិកេ អារព្ភ បញ្ញត្តំ, សម្ពហុលា ភន្តេ ភិក្ខូ សមានាសនិកា មញ្ចេ និសីទិត្វា មញ្ចំ ភិន្ទិំសុ, បីឋេ និសីទិត្វា បីឋំ ភិន្ទិំសុ, តស្មិំ ភន្តេ វត្ថុស្មិំ អនុញ្ញាតំ.

បុច្ឆា – ទីឃាសនេ ¶ បនាវុសោ អសមានាសនិកេហិបិ និសីទិតុំ ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ អនុញ្ញាតំ, សម្ពហុលា ភន្តេ ភិក្ខូ ទីឃាសនេ អសមានាសនិកេហិ សហ និសីទិតុំ កុក្កុច្ចាយិំសុ, តស្មិំ ភន្តេ វត្ថុស្មិំ អនុញ្ញាតំ.

បុច្ឆា – បញ្ច ¶ អាវុសោ អវិស្សជ្ជិយានិ ភគវតា កត្ថ បញ្ញត្តានិ, កំ អារព្ភ កិស្មិំ វត្ថុស្មិំ បញ្ញត្តានិ.

វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ បញ្ញត្តានិ, សម្ពហុលា ភន្តេ ភិក្ខូ សង្ឃិកំ សេនាសនំ វិស្សជ្ជេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – បញ្ច ¶ អាវុសោ អវេភង្គិយានិ ភគវតា កត្ថ បញ្ញត្តានិ, កំ អារព្ភ កិស្មិំ វត្ថុស្មិំ បញ្ញត្តានិ.

វិស្សជ្ជនា – កីដាគិរិស្មិំ ភន្តេ អស្សជិបុនព្ពសុកេ ភិក្ខូ អារព្ភ បញ្ញត្តានិ, អស្សជិបុនព្ពសុកា ភន្តេ ភិក្ខូ សង្ឃិកំ សេនាសនំ វិភជិំសុ, តស្មិំ ភន្តេ វត្ថុស្មិំ បញ្ញត្តានិ.

បុច្ឆា – អញ្ញត្រ ¶ បរិភោគំ អាវុសោ អញ្ញត្រ បរិភុញ្ជន្តស្ស ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – អាឡវិយំ ភន្តេ សម្ពហុលេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ អញ្ញតរស្ស ឧបាសកស្ស វិហារបរិភោគំ សេនាសនំ អញ្ញត្រ បរិភុញ្ជិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – អធោតេហិ ច អាវុសោ អល្លេហិ ច បាទេហិ សេនាសនំ អក្កមន្តស្ស ច សឧបាហនេន សេនាសនំ អក្កមន្តស្ស ច ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – អាឡវិយំ ¶ ភន្តេ សម្ពហុលេ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ អធោតេហិ បាទេហិ សេនាសនំ អក្កមិំសុ, អល្លេហិ ច បាទេហិ សេនាសនំ អក្កមិំសុ, សឧបាហនាបិ សេនាសនំ អក្កមិំសុ, សេនាសនំ ទុស្សិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – បរិកម្មកតាយ អាវុសោ ភូមិយា និដ្ឋុភន្តស្ស ច បរិកម្មកតំ ភិត្តិំ អបស្សយន្តស្ស ច ទុក្កដំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – អាឡវិយំ ¶ ភន្តេ សម្ពហុលេវ ភិក្ខូ អារព្ភ បញ្ញត្តំ, សម្ពហុលា ភន្តេ ភិក្ខូ បរិកម្មកតាយ ភូមិយា និដ្ឋុភិំសុ, បរិកម្មកតំ ភិត្តិំ អបស្សយិំសុ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – សេនាសនក្ខន្ធកំ បុច្ឆិស្សំ, សនិទានំ សនិទ្ទេសំ. សមុក្កដ្ឋបទានំ អាវុសោ កតិ អាបត្តិយោ.

វិស្សជ្ជនា – សេនាសនក្ខន្ធកំ ¶ វិស្សជ្ជិស្សំ, សនិទានំ សនិទ្ទេសំ. សមុក្កដ្ឋបទានំ ភន្តេ តិស្សោ អាបត្តិយោ.

៧. សង្ឃតេទកក្ខន្ធក

បុច្ឆា – កថំ ¶ អាវុសោ ឆន្នំ សក្យកុមារានំ សហ ឧបាលិកប្បកេន បព្ពជ្ជា អហោសិ, កថញ្ច នេសំ វិសេសោ ឧទបាទិ.

វិស្សជ្ជនា – ភគវា ភន្តេ ឧបាលិំ កប្បកំ បឋមំ បព្ពាជេសិ, បច្ឆា តេ សក្យកុមារេ, អថ ភន្តេ អាយស្មា ភទ្ទិយោ តេនេវ អន្តរវស្សេន តិស្សោ វិជ្ជា សច្ឆាកាសិ, អាយស្មា អនុរុទ្ធោ ទិព្ពចក្ខុំ ឧប្បាទេសិ, អាយស្មា អានន្ទោ សោតាបត្តិផលំ សច្ឆាកាសិ, ទេវទត្តោ បោថុជ្ជនិកំ ឥទ្ធិំ អភិនិប្ផាទេសិ. ឯវំ ខោ ភន្តេ ឆន្នំ សក្យកុមារានំ ឧបាលិកប្បកេន សហ បព្ពជ្ជា អហោសិ, ឯវញ្ច បន ភន្តេ តេសំ វិសេសាធិគមោ អហោសិ.

បកាសនីយ

បុច្ឆា – បកាសនីយកម្មំ ¶ អាវុសោ កាតុំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ ទេវទត្តំ អារព្ភ បញ្ញត្តំ, ទេវទត្តោ ភន្តេ ‘‘សរាជិកាយ មំ ភគវា បរិសាយ ខេឡាសកវាទេន អបសាទេតិ, សារិបុត្តមោគ្គល្លានេវ ឧក្កំសតី’’តិ កុបិតោ អនត្តមនោ ភគវតិ អាឃាតំ ពន្ធិ, តស្មិំ ភន្តេ វត្ថុស្មិំ បញ្ញត្តំ.

បកាសនីយ

បុច្ឆា – ទេវទត្តស្ស ¶ អាវុសោ បកាសនីយកម្មំ ការាបេត្វា កថំ ភគវា បកាសេតុំ អាណាបេសិ.

វិស្សជ្ជនា – ភគវា ភន្តេ ទេវទត្តស្ស បកាសនីយកម្មំ កាតុំ បញ្ញបេត្វា អាយស្មន្តំ សារិបុត្តំ អាមន្តេសិ ‘‘តេន ហិ ត្វំ សារិបុត្ត ទេវទត្តំ រាជគហេ បកាសេហី’’តិ, ឯវំ ខោ ភន្តេ ទេវទត្តស្ស បកាសនីយកម្មំ កត្វា ទេវទត្តំ រាជគហេ បកាសេតុំ ភគវា អាណាបេសិ.

ទេវទត្ត

បុច្ឆា – កថំ ¶ អាវុសោ ទេវទត្តេន ទុដ្ឋចិត្តេន វធកចិត្តេន តថា គតស្ស រុហិរំ ឧប្បាទេត្វា បឋមំ អានន្តរិយំ កម្មំ ឧបចិតំ.

វិស្សជ្ជនា – ភគវា ភន្តេ គិជ្ឈកូដស្ស បព្ពតស្ស ឆាយាយំ ចង្កមិ, អថ ភន្តេ ទេវទត្តោ គិជ្ឈកូដំ បព្ពតំ អារុហិត្វា មហតិំ សិលំ បវិជ្ឈិ ‘‘ឥមាយ សមណំ គោតមំ ជីវិតា វោរោបេស្សាមី’’តិ, អថ ខោ ភន្តេ ទ្វេ បព្ពតកូដានិ សមាគន្ត្វា តំ សិលំ សម្បដិច្ឆិំសុ, តតោ បបតិកា ឧប្បតិត្វា ភគវតោ បាទេ រុហិរំ ឧប្បាទេសិ. ឯវំ ខោ ភន្តេ ទេវទត្តេន ទុដ្ឋេន វធកចិត្តេន តថាគតស្ស រុហិរំ ឧប្បាទេត្វា បឋមំ អានន្តរិយកម្មំ ឧបចិតំ.

បុច្ឆា – កុលេសុ ¶ អាវុសោ តិកភោជនំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ ទេវទត្តំ អារព្ភ បញ្ញត្តំ, ទេវទត្តោ ភន្តេ បរិហីនលាភសក្ការោ សបរិសោ កុលេសុ វិញ្ញាបេត្វា វិញ្ញាបេត្វា ភុញ្ជិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – អលំ ¶ ទេវទត្ត, មា តេ រុច្ចិ សង្ឃភេទោ, គរុកោ ខោ ទេវទត្ត សង្ឃភេទោតិអាទិកោ អាវុសោ ឱវាទោ ភគវតា កត្ថ ទិន្នោ, កិស្មិំ វត្ថុស្មិំ ទិន្នោ.

វិស្សជ្ជនា – រាជគហេ ភន្តេ ទេវទត្តំ អារព្ភ ទិន្នោ, ទេវទត្តោ ភន្តេ សង្ឃភេទាយ បរក្កមិ ចក្កភេទាយ, តស្មិំ ភន្តេ វត្ថុស្មិំ ទិន្នោ.

អលំ ¶ ទេវទត្ត, មា តេ រុច្ចិ សង្ឃភេទោ, គរុកោ ខោ ទេវទត្ត សង្ឃភេទោ –

បុច្ឆា – ‘‘សុករំ សាធុនា សាធុំ, សាធុំ បាបេន ទុក្ករំ. បាបំ បាបេន សុករំ, បាបមរិយេហិ ទុក្ករ’’ន្តិ- អាវុសោ ¶ ឥទំ ឧទានំ ភគវតា កត្ថ ឧទានិតំ, កំ អារព្ភ កិស្មិំ វត្ថុស្មិំ ឧទានិតំ.

វិស្សជ្ជនា – រាជគហេ ភន្តេ ទេវទត្តំយេវ អារព្ភ ឧទានិតំ, អាយស្មា ភន្តេ អានន្ទោ បុព្ពណ្ហសមយំ និវាសេត្វា បត្តចីវរមាទាយ រាជគហំ បិណ្ឌាយ បាវិសិ, អថ ខោ ភន្តេ ទេវទត្តោ យេនាយស្មា អានន្ទោ តេនុបសង្កមិ, ឧបសង្កមិត្វា អាយស្មន្តំ អានន្ទំ ឯតទវោច ‘‘អជ្ជតគ្គេ ទានាហំ អាវុសោ អានន្ទ អញ្ញត្រេវ ភគវតា អញ្ញត្រេវ ភិក្ខុសង្ឃា ឧបោសថំ ករិស្សាមិ សង្ឃកម្មំ ករិស្សាមី’’តិ, តស្មិំ ភន្តេ វត្ថុស្មិំ ឧទានិតំ.

សុករំ សាធុនា សាធុំ, សាធុំ បាបេន ទុក្ករំ;

បាបំ បាបេន សុករំ, បាបមរិយេហិ ទុក្ករំ.

បុច្ឆា – ភេទានុវត្តកានំ ¶ អាវុសោ ភិក្ខូនំ ថុល្លច្ចយំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – រាជគហេ ភន្តេ សម្ពហុលេ ភិក្ខូ អារព្ភ បញ្ញត្តំ, អាយស្មា ភន្តេ សារិបុត្តោ ភគវន្តំ ឧបសង្កមិត្វា ឯតទវោច ‘‘សាធុ ភន្តេ ភេទានុវត្តកា ភិក្ខូ បុន ឧបសម្បជ្ជេយ្យុ’’ន្តិ, តស្មិំ ភន្តេ វត្ថុស្មិំ បញ្ញត្តំ.

‘‘សាធុ ¶ ភន្តេ ភេទានុវត្តកា ភិក្ខូ បុន ឧបសម្បជ្ជេយ្យុ’’ន្តិ –

បុច្ឆា – កិត្តាវតា ¶ នុ ខោ អាវុសោ សង្ឃរាជិ ហោតិ នោ ច សង្ឃភេទោ, កិត្តាវតា ច បន សង្ឃរាជិ ចេវ ហោតិ សង្ឃភេទោ ច.

វិស្សជ្ជនា – ឯកតោ ភន្តេ ឯកោ ហោតិ, ឯកតោ ទ្វេ ចតុត្ថោ អនុស្សាវេតិ, សលាកំ គាហេតិ ‘‘អយំ ធម្មោ អយំ វិនយោ ឥទំ សត្ថុសាសនំ ឥមំ គណ្ហថ ឥមំ រោចេថាតិ’’, ឯតេនេវ ភន្តេ នយេន ចតុន្នំ វា បញ្ចន្នំ វា ឆន្នំ វា សត្តន្នំ វា អដ្ឋន្នំ វា សង្ឃរាជិ ហោតិ, នោ ច សង្ឃភេទោ, ឯកតោ ភន្តេ ចត្តារោ ហោន្តិ, ឯកតោ ចត្តារោ, នវមោ អនុស្សាវេតិ, សលាកំ គាហេតិ ‘‘អយំ ធម្មោ អយំ វិនយោ ឥទំ សត្ថុសាសនំ ឥមំ គណ្ហថ ឥមំ រោចេថា’’តិ, ឯវំ ខោ ភន្តេ សង្ឃរាជិ ចេវ ហោតិ សង្ឃភេទោ ច. ឯវំ ខោ ភន្តេ សង្ឃរាជិ ហោតិ, នោ ច សង្ឃភេទោ, ឯវញ្ច បន ភន្តេ សង្ឃរាជិ ចេវ ហោតិ សង្ឃភេទោ ច.

បុច្ឆា – កិត្តាវតា ¶ នុ ខោ អាវុសោ សង្ឃោ ភិន្នោ ហោតិ.

វិស្សជ្ជនា – ឥធ ភន្តេ ភិក្ខូ អធម្មាទិំ ធម្មាទីនីតិ ទីបេន្តិ, តេ ឥមេហិ អដ្ឋារសហិ វត្ថូហិ អបកស្សន្តិ, អវបកស្សន្តិ, អាវេនិំ ¶ ឧបោសថំ ករោន្តិ, អាវេនិំ បវារណំ ករោន្តិ, អាវេនិំ សង្ឃកម្មំ ករោន្តិ, ឯវំ ខោ ភន្តេ សង្ឃោ ភិន្នោ ហោតិ.

បុច្ឆា – កិត្តាវតា នុ ខោ អាវុសោ សង្ឃោ សមគ្គោ ហោតិ.

វិស្សជ្ជនា – ឥធ ភន្តេ ភិក្ខូ អធម្មំ អធម្មោតិ ទីបេន្តិ, ធម្មំ ធម្មោតិ ទីបេន្តិ, អវិនយំ អវិនយោតិ ទីបេន្តិ…បេ… ទុដ្ឋុល្លំ អាបត្តិំ ទុដ្ឋុល្លា អាបត្តីតិ ទីបេន្តិ, អទុដ្ឋុល្លំ អាបត្តិំ អទុដ្ឋុល្លា អាបត្តីតិ ទីបេន្តិ, តេ ឥមេហិ អដ្ឋារសហិ វត្ថូហិ ន អបកស្សន្តិ, ន អវបកស្សន្តិ, ន អាវេនិំ ឧបោសថំ ករោន្តិ, ន អាវេនិំ បវារណំ ករោន្តិ, ន អាវេនិំ សង្ឃកម្មំ ករោន្តិ, ឯត្តាវតា ខោ ភន្តេ សង្ឃោ សមគ្គោ ហោតិ.

បុច្ឆា – សមគ្គំ ¶ អាវុសោ សង្ឃំ ភិន្ទិត្វា កិំ សោ បសវតិ.

វិស្សជ្ជនា – សមគ្គំ ខោ ភន្តេ សង្ឃំ ភិន្ទិត្វា កប្បដ្ឋិតិកំ កិព្ពិសំ បសវតិ, កប្បំ និរយម្ហិ បច្ចតិ.

បុច្ឆា – ភិន្នំ ¶ ខោ អាវុសោ សង្ឃំ សមគ្គំ កត្វា កិំ សោ បសវតិ.

វិស្សជ្ជនា – ភិន្នំ ខោ ភន្តេ សង្ឃំ សមគ្គំ កត្វា ព្រហ្មំ បុញ្ញំ បសវតិ, កប្បំ សគ្គម្ហិ មោទតិ.

បុច្ឆា – សង្ឃភេទំ ¶ បុច្ឆិស្សំ, សនិទានំ សនិទ្ទេសំ. សមុក្កដ្ឋបទានំ អាវុសោ កតិ អាបត្តិយោ.

វិស្សជ្ជនា – សង្ឃភេទំ វិស្សជ្ជិស្សំ, សនិទានំ សនិទ្ទេសំ. សមុក្កដ្ឋបទានំ ភន្តេ ទ្វេ អាបត្តិយោ.

៨. វត្តក្ខន្ធក

បុច្ឆា – អាគន្តុកានំ ¶ អាវុសោ ភិក្ខូនំ វត្តំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ សម្ពហុលេ អាគន្តុកេ ភិក្ខូ អារព្ភ បញ្ញត្តំ, អាគន្តុកា ភន្តេ ភិក្ខូ សឧបាហនាបិ អារាមំ បវិសិំសុ, ឆត្តបគ្គហិតាបិ អារាមំ បវិសិំសុ, ឱគុណ្ឋិតាបិ អារាមំ បវិសិំសុ, សីសេបិ ចីវរំ ករិត្វា អារាមំ បវិសិំសុ, បានីយេនបិ បាទេ ទោវិំសុ, វុឌ្ឍតរេបិ អាវាសិកេ ភិក្ខូ នាភិវាទេសុំ, នបិ សេនាសនំ បុច្ឆិំសុ, តស្មិំ ភន្តេ វត្ថុស្មិំ ‘‘តេន ហិ ភិក្ខវេ អាគន្តុកានំ ភិក្ខូនំ វត្តំ បញ្ញបេស្សាមិ, យថា អាគន្តុកេហិ ភិក្ខូហិ សម្មា វត្តិតព្ពំ, អាគន្តុកេន ភិក្ខវេ ភិក្ខុនា ឥទានិ អារាមំ បវិសិស្សាមីតិ ឧបាហនា ឱមុញ្ចិត្វា នីចំ កត្វា បប្ផោដេត្វា គហេត្វា ឆត្តំ អបនាមេត្វា សីសំ វិវរិត្វា សីសេ ចីវរំ ខន្ធេ កត្វា សាធុកំ អតរមានេន អារាមោ បវិសិតព្ពោ’’ ឯវមាទិនា ភន្តេ អាគន្តុកានំ ភិក្ខូនំ វត្តំ បញ្ញត្តំ.

បុច្ឆា – អាវាសិកានំ ¶ អាវុសោ ភិក្ខូនំ វត្តំ ភគវតា កត្ថ កំ អារព្ភ កិស្មិំ វត្ថុស្មិំ បញ្ញត្តំ, កថញ្ច បន បញ្ញត្តំ.

វិស្សជ្ជនា – សាវត្ថិយំ ភន្តេ សម្ពហុលេ អាវាសិកេ ភិក្ខូ អារព្ភ បញ្ញត្តំ, សម្ពហុលា ភន្តេ អាវាសិកា ភិក្ខូ អាគន្តុកេ ភិក្ខូ ទិស្វា នេវ អាសនំ បញ្ញបេសុំ, ន បាទោទកំ បាទបីឋំ បាទកថលិកំ ឧបនិក្ខិបិំសុ, ន បច្ចុគ្គន្ត្វា បត្តចីវរំ បដិគ្គហេសុំ, ន សេនាសនំ បញ្ញបេសុំ, តស្មិំ ភន្តេ វត្ថុស្មិំ បញ្ញត្តំ, តស្មិំ ភន្តេ វត្ថុស្មិំ –

‘‘អាវាសិកេន ភិក្ខវេ ភិក្ខុនា អាគន្តុកំ ភិក្ខុំ វុឌ្ឍតរំ ទិស្វា អាសនំ បញ្ញបេតព្ពំ, បាទោទកំ បាទបីឋំ បាទកថលិកំ ឧបនិក្ខិបិតព្ពំ, បច្ចុគ្គន្ត្វា បត្តចីវរំ បដិគ្គហេតព្ពំ ¶ បានីយេន បុច្ឆិតព្ពោ’’ ឯវមាទិនា ភន្តេ អាវាសិកានំ ភិក្ខូនំ វត្តំ ភគវតា បញ្ញត្តំ.

បុច្ឆា – គមិកានំ ¶ អាវុសោ ភិក្ខូនំ វត្តំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ, កថញ្ចបន បញ្ញត្តំ.

វិស្សជ្ជនា – សាវត្ថិយំ ភន្តេ សម្ពហុលេ គមិកេ ភិក្ខូ អារព្ភ បញ្ញត្តំ, សម្ពហុលា ភន្តេ គមិកា ភិក្ខូ ទារុភណ្ឌំ មត្តិកាភណ្ឌំ អប្បដិសាមេត្វា ទ្វារវាតបានំ វិវរិត្វា សេនាសនំ អនាបុច្ឆា បក្កមិំសុ, តស្មិំ ភន្តេ វត្ថុស្មិំ ‘‘គមិកេន ភិក្ខវេ ភិក្ខុនា ទារុភណ្ឌំ បដិសាមេត្វា ទ្វារវាតបានំ ថកេត្វា សេនាសនំ អាបុច្ឆា បក្កមិតព្ពំ’’ ឯវមាទិនា ភន្តេ អាការេន ភគវតា គមិកានំ ភិក្ខូនំ វត្តំ បញ្ញត្តំ.

បុច្ឆា – ភត្តគ្គេ ¶ អាវុសោ អនុមោទិតុំ ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – សាវត្ថិយំ ¶ ភន្តេ សម្ពហុលេ ភិក្ខូ អារព្ភ អនុញ្ញាតំ, សម្ពហុលា ភន្តេ ភិក្ខូ ភត្តគ្គេ នានុមោទិំសុ, តស្មិំ ភន្តេ វត្ថុស្មិំ អនុញ្ញាតំ.

បុច្ឆា – ភិក្ខូនំ អាវុសោ ភត្តគ្គវត្តំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ទុន្និវត្ថា ទុប្បារុតា អនាកប្បសម្បន្នា ភត្តគ្គំ គច្ឆិំសុ, តស្មិំ ភន្តេ វត្ថុស្មិំ ‘‘សចេ អារាមេ កាលោ អារោចិតោ ហោតិ, តិមណ្ឌលំ បដិច្ឆាទេន្តេន បរិមណ្ឌលំ និវាសេត្វា កាយពន្ធនំ ពន្ធិត្វា សគុណំ កត្វា សង្ឃាដិយោ បារុបិត្វា គណ្ឋិកំ បដិមុញ្ចិត្វា ធោវិត្វា ¶ បត្តំ គហេត្វា សាធុកំ អតរមានេន គាមោ បវិសិតព្ពោ’’តិ ឯវមាទិនា ភន្តេ ភត្តគ្គវត្តំ បញ្ញត្តំ.

បុច្ឆា – ភិក្ខូនំ ¶ អាវុសោ សេនាសនវត្តំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ, កថញ្ច តំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ភិក្ខូសុ អជ្ឈោកាសេ ចីវរំ ករោន្តេសុ បដិវាតេ អង្គណេ សេនាសនំ បប្ផោដេសុំ, តស្មិំ ភន្តេ វត្ថុស្មិំ ‘‘យស្មិំ វិហារេ វិហរតិ, សចេ សោ វិហារោ ឧក្លាបោ ហោតិ, សចេ ឧស្សហតិ សោធេតព្ពោ’’តិ ឯវមាទិនា ភន្តេ ភិក្ខូនំ សេនាសនវត្តំ ភគវតា បញ្ញត្តំ.

បុច្ឆា – សមាចារំ បុច្ឆិស្សំ, សនិទានំ សនិទ្ទេសំ. សមុក្កដ្ឋបទានំ អាវុសោ កតិ អាបត្តិយោ.

វិស្សជ្ជនា – សមាចារំ វិស្សជ្ជិស្សំ, សនិទានំ សនិទ្ទេសំ. សមុក្កដ្ឋបទានំ ភន្តេ ឯកា អាបត្តិ.

៩. បាតិមោក្ខដ្ឋបនក្ខន្ធក

បុច្ឆា – សាបត្តិកេន ¶ អាវុសោ បាតិមោក្ខំ សុណន្តស្ស បាតិមោក្ខំ ឋបេតុំ ភគវតា កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អញ្ញតរំ បុគ្គលំ ទុស្សីលំ បាបធម្មំ អារព្ភ បញ្ញត្តំ, អញ្ញតរោ ភន្តេ បុគ្គលោ ទុស្សីលោ បាបធម្មោ តទហុបោសថេ សង្ឃមជ្ឈេ និសិន្នោ អហោសិ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ឋបនំ ¶ អាវុសោ បុច្ឆិស្សំ, សនិទានំ សនិទ្ទេសំ. សមុក្កដ្ឋបទានំ អាវុសោ កតិ អាបត្តិយោ.

វិស្សជ្ជនា – ឋបនំ វិស្សជ្ជិស្សំ, សនិទានំ សនិទ្ទេសំ. សមុក្កដ្ឋបទានំ ភន្តេ ឯកា អាបត្តិ.

១០. ភិក្ខុនិក្ខន្ធក

បុច្ឆា – អដ្ឋហិ ¶ អាវុសោ គរុធម្មេហិ ឧបសម្បទា ភគវតា កត្ថ អនុញ្ញាតា, កស្ស អនុញ្ញាតា, កិស្មិញ្ច វត្ថុស្មិំ អនុញ្ញាតា.

វិស្សជ្ជនា – វេសាលិយំ ភន្តេ មហាបជាបតិយា គោតមិយា អនុញ្ញាតា, មហាបជាបតិ ភន្តេ គោតមី សូនេហិ បាទេហិ រជោកិណ្ណេន គត្តេន ទុក្ខី ទុម្មនា អស្សុមុខី រុទមានា ពហិទ្វារកោដ្ឋកេ អដ្ឋាសិ, អថ ខោ ភន្តេ អាយស្មា អានន្ទោ មហាបជាបតិំ គោតមិំ តំ ការណំ បុច្ឆិត្វា ភគវន្តំ ចតុក្ខត្តុំ យាចិ មាតុគាមស្ស តថាគតប្បវេទិតេ ធម្មវិនយេ អាគារស្មា អនាគារិយំ បព្ពជ្ជំ, តស្មិំ ភន្តេ វត្ថុស្មិំ អនុញ្ញាតា.

បុច្ឆា – ភិក្ខូហិ ¶ អាវុសោ ភិក្ខុនិយោ ឧបសម្បាទេតុំ ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – វេសាលិយំ ភន្តេ មហាបជាបតិំ គោតមិំ អារព្ភ អនុញ្ញាតំ, មហាបជាបតិ ភន្តេ គោតមី ភគវន្តំ ឯតទវោច ‘‘កថាហំ ភន្តេ ឥមាសុ សាកិយានីសុ បដិបជ្ជាមី’’តិ, តស្មិំ ភន្តេ វត្ថុស្មិំ អនុញ្ញាតំ.

បុច្ឆា – ឯកតោ ¶ ឧបសម្បន្នាយ អាវុសោ ភិក្ខុនិសង្ឃេ វិសុទ្ធាយ ភិក្ខុសង្ឃេ ឧបសម្បាទេតុំ ភគវតា កត្ថ អនុញ្ញាតំ, កំ អារព្ភ កិស្មិំ វត្ថុស្មិំ អនុញ្ញាតំ.

វិស្សជ្ជនា – សាវត្ថិយំ ភន្តេ សម្ពហុលេ ភិក្ខូ អារព្ភ អនុញ្ញាតំ, សម្ពហុលា ភន្តេ ភិក្ខូ ភិក្ខុនីនំ អន្តរាយិកេ ធម្មេ បុច្ឆិំសុ, ឧបសម្បទាបេក្ខាយោ វិត្ថាយិំសុ, មង្កូ អហេសុំ, ន សក្ខិំសុ វិស្សជ្ជេតុំ, តស្មិំ ភន្តេ វត្ថុស្មិំ អនុញ្ញាតំ.

បុច្ឆា – ភិក្ខុនិក្ខន្ធកំ ¶ បុច្ឆិស្សំ, សនិទានំ សនិទ្ទេសំ. សមុក្កដ្ឋបទានំ អាវុសោ កតិ អាបត្តិយោ.

វិស្សជ្ជនា – ភិក្ខុនិក្ខន្ធកំ វិស្សជ្ជិស្សំ, សនិទានំ សនិទ្ទេសំ. សមុក្កដ្ឋបទានំ ភន្តេ ទ្វេ អាបត្តិយោ.

១១. បញ្ចសតិកក្ខន្ធក

បឋម សំគាយនា

បុច្ឆា – បញ្ចសតិកំ ¶ បុច្ឆិស្សំ, សនិទានំ សនិទ្ទេសំ. សមុក្កដ្ឋបទានំ អាវុសោ កតិ អាបត្តិយោ.

វិស្សជ្ជនា – បញ្ចសតិកំ វិស្សជ្ជិស្សំ, សនិទានំ សនិទ្ទេសំ. សមុក្កដ្ឋបទានំ ភន្តេ ន កតមា អាបត្តិ.

១២. សត្តសតិកក្ខន្ធក

ទុតិយ សំគាយនា

បុច្ឆា – សត្តសតិកំ ¶ បុច្ឆិស្សំ, សនិទានំ សនិទ្ទេសំ. សមុក្កដ្ឋបទានំ អាវុសោ កតិ អាបត្តិយោ.

វិស្សជ្ជនា – សត្តសតិកំ វិស្សជ្ជិស្សំ, សនិទានំ សនិទ្ទេសំ. សមុក្កដ្ឋបទានំ ភន្តេ ន កតមា អាបត្តិ.

បុច្ឆា – កស្ស ¶ អាវុសោ វចនំ.

វិស្សជ្ជនា – ភគវតោ ភន្តេ វចនំ អរហតោ សម្មាសម្ពុទ្ធស្ស.

បុច្ឆា – កេ អាវុសោ សិក្ខន្តិ.

វិស្សជ្ជនា – សេក្ខា ច ភន្តេ បុថុជ្ជនកល្យាណកា ច សិក្ខន្តិ.

បុច្ឆា – កេ ¶ អាវុសោ សិក្ខិតសិក្ខា.

វិស្សជ្ជនា – អរហន្តោ ភន្តេ សិក្ខិតសិក្ខា.

បុច្ឆា – កត្ថ អាវុសោ ឋិតំ.

វិស្សជ្ជនា – សិក្ខាកាមេសុ ភន្តេ ឋិតំ.

បុច្ឆា – កេនាវុសោ អាភតំ.

វិស្សជ្ជនា – បរម្បរាយ ភន្តេ អាភតំ.