📜
នមោ តស្ស ភគវតោ អរហតោ សម្មាសម្ពុទ្ធស្ស
ធម្មនីតិ
វន្ទិត្វា រតនំ សេដ្ឋំ ¶ , និស្សាយ បុព្ពកេ គរុំ;
និតិធម្មំបវក្ខាមិ, សព្ពលោកសុខាវហំ.
អាចរិយោចសិប្បញ្ច, បញ្ញាសុតំកថាធនំ;
ទេសោចនិស្សយោមិត្តំ, ទុជ្ជនោសុជនោពលំ.
ឥត្ថីបុត្តោចទាសោច ¶ , ឃរាវាសោកតាកតោ;
ញាតព្ពោចអលង្ការោ, រាជធម្មោបសេវកោ;
ទុកាទិមិស្សកោចេវ, បកិណ្ណកោតិមាតិកា.
កិន្តេហិបាទសុស្សសា ¶ , យេសំនត្ថិគរូនិហ;
យេតប្បាទរជោកិណ្ណា, តេវសាធូវិវេកិនោ.
វិនាគរូបទេសន្តំ, ពាលោលង្កត្តុមិច្ឆតិ;
សម្បាបុណេនវិញ្ញូហិ, ហសភាវំកថំនុសោ.
ឧដ្ឋានាឧបដ្ឋានាច, សុស្សុសាបរិចារិកា;
សក្កច្ចំសិប្បុគ្គហណំ, គរុំអារាធយេពុធោ.
ឧបជ្ឈាចរិយានញ្ច ¶ , មាតាបិតូនមេវច;
សក្កច្ចំយោនុបដ្ឋាតិ, សុតោបិតស្សតាទិសោ.
ឧបជ្ឈាចរិយានញ្ច, មាតាបិតូនមេវច;
សក្កច្ចំយោឧបដ្ឋាតិ, សុតោបិតស្សតាទិសោ;
សម្មាឧបបរិក្ខិត្វា;
អក្ខរេសុបទេសុច;
ចោរឃាតោសិស្សោសិយា,
គរុចោរដ្ដការកោ.
បណ្ឌិតោសុតសម្បន្នោ ¶ , យត្ថអត្ថីតិ ចេសុតោ;
មហុស្សាហេនតំឋានំ, គន្តព្ពំវសុតេសិនា.
សុខំរុក្ខស្សឆាយាវ, តតោញាតិមាតាបិតុ;
តតោអាចរិយោរញ្ញោ, តតោជិនស្សសាសនំ.
បាសាណឆត្តំគរុកំ, តតោទេវានចិក្ខនំ;
តតោវុឌ្ឍានមោវាទោ, តតោជិនស្សសាសនំ.
តុលំសល្លហុកំលោកេ ¶ , តតោចបលជាតិកោ;
តតោវុឌ្ឍាននោវាទោ, យតិធម្មេបមាទកោ.
សុតិសម្មុតិសង្ខ្យាច, យោគានិតិវិសេសកា;
គន្ធព្ពាគណិកាចេវ, ធនុពេទាចបូរណា.
តិកិច្ឆាឥតិហាសាច ¶ , ជោតិមាយាចឆន្ទតិ;
កេតុមន្តាចសទ្ទាច, សិប្បាដ្ឋារសកាឥមេ.
អលសស្សកុតោសិប្បំ, អសិប្បស្សកុតោធនំ;
អធនស្សកុតោមិត្តំ, អមិត្តស្សកុតោសុខំ;
អសុខស្សកុតោបុញ្ញំ, អបុញ្ញស្សកុតោនិព្ពានំ.
សិប្បំសមំធនំនត្ថិ, សិប្បំចោរានគណ្ហន្តិ;
ឥធលោកេសិប្បំមិត្តំ, បរលោកេសុខាវហំ.
ពោធបុត្រសទាវិត្យំ ¶ , មាខេទាចរិយំគរុំ;
សទេសេបូជិតោរាជា, ពុធោសព្ពត្ថបូជិតោ.
ពោធបុត្រកិមាលស្សេ, អពោធោភារវាហកោ;
ពោធកោបូជិតោ លោកេ, ពោធបុត្រទិនេទិនេ.
រូបយោព្ពន្នសម្បន្នា, វិសាលកុលសម្ភវា;
វិត្យាហីនានសោភន្តិ, និគន្ធាឥវកិំសុកា.
មាតាសត្រុរុបិតាច ¶ , ពាលកាលេនសិក្ខិត;
ន សោភតិសភាមជ្ឈេ, ហំសមជ្ឈេពកោយថា.
គុណោសេដ្ឋង្គតំយាតិ, នឧច្ចេសយនេវសេ;
បាសាទសីខរេវាសោ, កាកោកិំគរុឡោសិយា.
សព្ពសុតមធិយតេ, ហីនមុក្កដ្ឋមជ្ឈិមេ;
សព្ពស្សអត្ថំជានេយ្យ, នចសព្ពំបយោជយេ.
នលោកេសោភតេមុឡ្ហោ ¶ ,
កេវលត្តបសំសកោ;
អបិសម្បិហិតោកូបេ,
កតវិជ្ជោបកាសិតោ.
មទន្តទមនំសត្ថំ, ខលានំកុរុតេមទំ;
ចក្ខុសង្ខារកំតេជំ, ឧលូកានមិវន្ធកំ.
ភោជនំមេថុនំនិទ្ទា,
គវេបោសេចវិជ្ជតិ;
វិជ្ជាវិសេសោបោសស្ស,
តំហីនោគោសមោភវេ.
យោសិស្សោសិប្បលោភេន ¶ , ពហុំពហុំវគណ្ហាតិ;
មុគោវសុបិនំបស្សំ, នសក្កាកថិតុំ បរំ.
សុស្សុសាសុតវឌ្ឍនា, បញ្ញាយវឌ្ឍនំសុតំ;
បញ្ញាយអត្ថំជានន្តិ, ញាតោអត្ថោសុខាវហោ.
អនាគតំភយំទិស្វា ¶ , ទូរតោបរិវជ្ជយេ;
អាគតញ្ចភយំទិស្វា, អភិតោហោតិបណ្ឌិតោ.
លោភំកោធំមទំមានំ, តន្ទិំឥស្សំបមត្តកំ;
សោណ្ឌំនិទ្ទាលុកំមក្ខំ, មច្ឆេរញ្ចជហេពុធោ.
សទ្ធាហិរិចឱត្តប្បំ, ពាហុសច្ចំវិរំសតិ;
បញ្ញាចសត្តធម្មេហិ, សម្បន្នោបណ្ឌិតោមតោ.
ទិដ្ឋេធម្មេចយោអត្ថោ ¶ ,
យោចត្ថោសម្បរាយិកោ;
អត្ថាភិសមយាធីរោ,
បណ្ឌិតោតិបវុច្ចតិ.
សភាវសទិសំវាក្យំ, សភាវសទិសំបិយំ;
សភាវសទិសំកោធំ, យោជានាតិសបណ្ឌិតោ.
ភូបាលោបណ្ឌិតោនិច្ចំ, នេវតុល្យោកុទាចនំ;
សទេសេបូជិតោរាជា, ពុធោសព្ពត្ថបូជិតោ.
បណ្ឌិតស្សបសំសាយ ¶ , ទណ្ឌោពាលេនទិយ្យតេ;
បណ្ឌិតោបណ្ឌិតេនេវ, វណ្ណិតោវសុវណ្ណិតោ.
អត្តនាយទិឯកេន, វិនិថេនមហាជនា;
វិនយំយន្តិសព្ពេបិ, កោធំនាសេយ្យបណ្ឌិតោ.
សរីរស្សគុណានញ្ច, ទូរមច្ចន្តមន្តរំ;
សរីរំខណវិទ្ធំសិ, គុណាតុកប្បឋាយិនោ.
អត្ថំមហន្តមាបជ្ជំ, វិជ្ជំសម្បត្តិមេវច;
វិចរេយ្យាមានថទ្ធោ, បណ្ឌិតោសោបវុច្ចតិ.
នាលព្ភមតិបត្ថេន្តិ ¶ , នដ្ឋម្បិនចសោចរេ;
វិប្បត្យញ្ចនមុយ្ហន្តិ, យេនរាតេវបណ្ឌិតា.
គណ្ឋិឋានេឯកបទេ, នាតិមញ្ញេយ្យបណ្ឌិតោ;
កិមក្កោវេឡុបព្ភារោ, តិមហាទីបភានុទោ.
គុណទោសេសុនេកេន, អត្ថិកោចិវិវជ្ជិតោ;
សុខុមាលបទុមស្ស, នឡំភវតិកក្ខឡំ.
សុមហន្តានិសត្ថានិ, ធារយន្តាពហុស្សុតា;
ឆេទាយោសំសយានន្តុ, ក្លិស្សន្តិលោភមោហិតា.
ទោសំបិសគុណេទិស្វា ¶ , គុណវាទីវទន្តិន;
នលោកោវិជ្ជមានម្បិចន្ទេបស្សតិលញ្ជនំ.
សកិំបិវិញ្ញូធីរេន, ករោតិសហសង្គមំ;
អត្តត្ថញ្ចបរត្ថញ្ច, និព្ពានន្តំសុខំលភេ.
នទីតីរេដ្ឋិតេកូបេ, អរណិតាលវណ្ឌកេ;
នវទាបាទិនត្ថីតិ, នមុខេវចនំតថា.
បណ្ឌិតោអបុដ្ឋោភេរី ¶ , បជ្ជុន្នោហោតិបុច្ឆិតោ;
ពាលោបុដ្ឋោអបុដ្ឋោបិ, ពហុំវិកត្ថតេសទា.
គុណសម្បន្នលង្ការោ, សព្ពសត្តហិតាវហោ;
បរត្តត្ថំនចរេយ្យ, កុតោសោបណ្ឌិតោភវេ.
សបរត្ថំចរេធីរោ, អសក្កោន្តោសកំចរេ;
តម្បិចេវអសក្កោន្តោ, បាបាត្តានំវិយោជយេ.
សព្ពំសុណាតិសោតេន ¶ , សព្ពំបស្សតិចក្ខុនា;
នចទិដ្ឋំសុតំធីរោ, សព្ពិច្ឆិតុមរហតិ.
ចក្ខុមាស្សយថាអន្ធោ, សោតវាពធិរោយថា;
បញ្ញាវាបិយថាមុគោ, ពលវាទុព្ពលោរិវ;
អថអត្ថេសមុប្បន្នេ, សយេយ្យមតសាយិតំ.
អតិជាតំមនុជាតំ, បុត្តមិច្ឆន្តិបណ្ឌិតា;
អវជាតំនឥច្ឆន្តិ, យោហោតិកុលឆិន្នកោ.
តយោវបណ្ឌិតាសត្ថេ ¶ , អហមេវាតិវាទិច;
អហមបិតិវាទីច, នាហន្តិចឥមេតយោ;
នសាសភាយត្ថនសន្តិសន្តោ,
នតេសន្តោយេនវទន្តិធម្មំ;
រាគញ្ចទោសញ្ចបហាយមោហំ,
ធម្មំភណន្តាវភវន្តិសន្តោ.
ពាលេចុម្មត្តកេភូបេ, គុរុមាតាបិតូស្វបិ;
សង្ឃេជេឋេចភាតរិ, នទោសាករិយាពុធា.
អត្តនាមនោតាបញ្ច ¶ , ឃរេទុច្ចរិតានិច;
វញ្ចនញ្ចអវមានំ, មតិមានបកាសយេ.
បរទារំជនេត្តិំវ, លេឌ្ឌុំវបរសន្តកំ;
អត្តាវសព្ពសត្តានំ, យោបស្សតិសបណ្ឌិតោ.
សឋេនមិត្តំកលុសេនធម្មំ,
បរោបតាបេនសមិទ្ធិភាវំ;
សុខេនវិជ្ជំផរុសេននារិំ,
ឥច្ឆន្តិយេតេនចេវបណ្ឌិតា.
និបុណេសុហមេសេយ្យ ¶ , វិចិនិត្វាសុតត្ថិកោ;
សត្តំហុក្ខលិយំបក្កំ, ភាជនេបិតថាភវេ.
វសុំគណ្ហន្តិទូរដ្ឋា, បព្ពតេរតនោចិតេ;
នមិលក្ខាសមីបដ្ឋា, ឯវំពាលាពហុស្សុតេ.
ហិរញ្ញេនមិគានំវ ¶ , សុសីលេនអសីលិនោ;
អធម្មិកស្សធមេន, ពាលានម្បិសុតេនកិំ.
អប្បស្សុតាយំបុរិសោ, ពលិពទ្ធោវជីវតិ;
មំសានិតស្សវឌ្ឍន្តិ, បញ្ញាតស្សនវឌ្ឍតិ.
អប្បស្សុតោសុតំអប្បំ, ពហុមញ្ញតិមានិកោ;
សិន្ធូទកំអបស្សន្តោ, កូបេសោយំវមណ្ឌុកោ.
តទមិនាបិជានាថ ¶ , សោព្ភេសុបតីរេសុច;
សណន្តាយន្តិកុសោព្ភា, តុណ្ហីយន្តិមហោទធី.
សុភាសិតំឧត្តមមាហុសន្តោ,
ធម្មំភណេនាធម្មំ, តំទុតិយំ;
បិយំភណេនាបិយំតំតតិយំ,
សច្ចំភណេនាលិកំតំចតុត្ថំ.
សីហមេទាសុវណ្ណេវ ¶ , នចតិដ្ឋន្តិរចតេ;
បណ្ឌិតានំកថាវាក្យំ នចតិដ្ឋតិទុជ្ជនេ.
មហាតេជោបិតេជោយំ, មត្តិកំនមុទុំករេ;
អាបោបាបេតិមុទុកំ, សាធុវាចាចកក្ខឡំ;
មុទុនាវរិបុំជេតិ, មុទុនាជេតិទារុណំ;
នាសិទ្ធិមុទុនាកិញ្ចិ, យតោតោមុទុនាជយេ.
ចន្ទនំ ¶ សីតលំ លោកេ, តតោ ចន្ទំវ សីតលំ;
ចន្ទន ចន្ទ សីតម្ហា, សាធុវាក្យំ សុភាសិតំ.
សីតវាចោ ពហុមិត្តោ, ផរុសោតុ អមិត្តកោ;
ឧបមំ ឯត្ថ ញាតព្ពា, ចន្ទសូរិយរាជុនំ.
បត្តកល្លោទិតំអប្បំ, វាក្យំសុភាសិតំភវេ;
ខុទ្ទិតស្សកទន្នម្បិ, ភុត្តំសាទុរសោភវេ.
សត្ថកាបិពហុវាចា ¶ , នាទរាពហុភាណិនោ;
សោបការម្ប្យុទាសីនំ, ននុទិដ្ឋំនទីជលំ.
នាតិវេលំបភាសេយ្យ, នតុណ្ហិសព្ពទាសិយា;
អវិកិណ្ណំមិតំវាក្យំ, បត្តកាលេឧទីរយេ.
ឥច្ឆិតព្ពេសុកម្មេសុ, វាចាយកុសលំមូលំ;
វាចាយកុសលេនដ្ឋេ, ឥច្ឆិតព្ពំនសិជ្ឈតិ.
ហត្ថបាទាសិរោបិដ្ឋិ, កុច្ឆិបញ្ចឥមេជនា;
មុខមេវូបសេវន្តិ, សទាវអនុសាសិតា.
សទ្ធាធនំសីលធនំ ¶ , ហិរិឱត្តប្បិយំធនំ;
សុតធនញ្ចចាគោច, បញ្ញាវេសត្តមំធនំ.
ឥត្ថីនញ្ចធនំរូបំ, បុរិសានំធនំកុលំ;
ឧរគានំធនំវិសំ, ភូបាលានំធនំពលំ;
ភិក្ខូនញ្ចធនំសីលំ, ព្រហ្មណានំធនំវិជ្ជា.
នរូបំនចបញ្ញាណំ ¶ , នចកុលញ្ចសម្ភវោ;
កាលវិប្បត្តិសម្បត្តេ, ធនមេវវិសេសកំ.
ធនហីនំចជេមិត្តា, បុត្តទារាសហោទរា;
ធនវន្តំវសេវន្តិ, ធនំលោកេមហាសខា.
សត្តាសទូបសេវន្តិ, សោទកំវាបិអាទិកំ;
សភោគំសធនញ្ចេវ, តុច្ឆាតេចេជហន្តិតេ.
អត្តនាវកតាលក្ខី ¶ , អលក្ខីអត្តនាកតា;
នហិលក្ខិំអលក្ខិញ្ច, អញ្ញោអញ្ញស្សការិតោ.
ធនវាជោតិយោរាជា, នទីវេជ្ជោតថាឥមេ;
បញ្ចយត្ថនវិជ្ជន្តិ, នតត្ថទិវសំវសេ.
យត្ថទេសេនសមានោ ¶ , នបីតិនចពន្ធវោ;
នចវិជ្ជាគមោកោចិ, នតត្ថទិវសំវសេ.
អមាននាយត្ថសិយា, សន្តានំអវមាននំ;
ហីនសមាននាវាបិ, នតត្ថទិវសំវសេ.
ទេសមោសជ្ជគច្ឆន្តិ, សីហាសប្បុរិសាគជា;
តត្តេវនិធនំយន្តិ, កាកាកាបុរិសាមិគា.
យត្ថាលសោចទក្ខោច ¶ , សូរោភិរុសមបូជា;
នសន្តោតត្ថវសន្តិ, អវិសេសករេនកោ.
ចលត្យេកេនបាទេន, តិដ្ឋត្យេកេនបណ្ឌិតោ;
នាសមិក្ខ្យបរំឋានំ, បុព្ពមាយតនំចជេ.
ឋានភដ្ឋានសោភន្តេ, ទន្តាកេសានខានរា;
ឥតិវិញ្ញាយមតិមា, សឋានំនលហុំចជេ.
គុណោសព្ពញ្ញុតុល្យោបិ, សីទត្យេកោអនិស្សយោ;
អនគ្ឃំរតនំមណិ, ហេមំនិស្សាយសោភតេ.
នសេវេផរុសំសាមិំ, តំបិសេវេនមច្ឆរិំ;
តតោនិគ្គណ្ហិកំសាមិំ, នេវាបគ្គណ្ហិកំតតោ.
បរោក្ខេគុណហន្តារំ ¶ , បច្ចក្ខេបិយភាណិនំ;
តាទិសំនោបសេវេយ្យ, វិសកុម្ភំបលោភិតំ.
បិដ្ឋិតោក្កំនិសេវេយ្យ, និសេវេអគ្គិកុច្ឆិនា;
សាមីនំសព្ពកាយេន, បរលោកំអមុឡ្ហកោ.
នសេវេកតបាបម្ហិ, ន សេវាលិកវាទនេ;
នសេវេអត្តទត្ថម្ហិ, នសេវេអតិសន្តកេ.
មហន្តំនិស្សយំកត្វា ¶ , ខុទ្ទកោបិមហាភវេ;
ហេមបព្ពតំនិស្សាយ, ហេមបក្ខីភវន្តិតេ.
អសហាយោសមត្តោបិ, តេជសីកិំករិស្សតិ;
និវាតសណ្ឋិតោអគ្គិ, សយមេវូបសម្មតិ.
រុក្ខាសុភូមិនិស្សាយ, បុប្ផផលំបវឌ្ឍតិ;
សប្បូរិសូបនិស្សាយ, មហាបុញ្ញំបវឌ្ឍតិ.
អនលសោអចណ្ឌិក្កោ ¶ , អសដ្ឋោសុចិសច្ចវា;
អលុទ្ធោអត្ថកាមោច, តមុត្តំឧត្តមោនរោ.
អហិតេបដិសេធោច, ហិតេសុចនិយោជកោ;
ព្យសនេចាបរិច្ចាគោ, សង្ខេបំមិត្តលក្ខណំ.
អាតុរេព្យសនេសចេ ¶ , ទុព្ភិក្ខេបរវិគ្គហេ;
រាជទ្វារេសុសានេច, សង្ខេបំមិត្តលក្ខិណំ.
ហិតេសនោសុមិត្តោច, វិញ្ញូចទុល្លភោជនោ;
យថោសធញ្ចសាទុញ្ច, រោគហារីចសជ្ជនោ.
យោធុវានិបរិចជ្ជ, អធុវានោបសេវតិ;
ធុវានិតស្សនស្សន្តិ, អធុវេសុកថាវកា.
លុទ្ធមត្ថេនគណ្ហេយ្យ ¶ , ថទ្ធមញ្ជថិកម្មុនា;
ឆន្ទានុវត្តិយាមុឡ្ហំ, យថាភូតេនបណ្ឌិតំ.
សច្ចាភិក្ខណសំសគ្គា, អសមោសរណេនច;
ឯតេនមិត្តាជិរន្តិ, អកាលេយាចនេនច.
តស្មានាភិក្ខណំគច្ឆេ, នចគច្ឆេចិរាចិរំ;
កាលេនយាចំយាចេយ្យ, ឯវំមិត្តានជីយរេ.
យេនមិត្តេនសំសគ្គា ¶ , យោគក្ខេមោវិហីយតិ;
បុព្ពេវជ្ឈភវំតស្ស, រក្ខេយ្យគ្គិំវបណ្ឌិតោ.
យេនមិត្តេនសំសគ្គា, យោគក្ខេមោបវឌ្ឍតិ;
ករេយ្យត្តសមំវុត្តិំ, សព្ពកិច្ចេសុបណ្ឌិតោ.
បព្ពេបព្ពេកមេនុច្ឆុ, វិសេសរសវាគ្គតោ;
តថាសុមេត្តិកោសាធុ, វិបរិត្តោវទុជ្ជនោ.
តេនេវមុនិនាវុត្តំ ¶ , ធម្មាយេកេចិលោកិយា;
តតាលោកុត្តរាចេវ, ធម្មានិព្ពានគាមិនោ.
កល្យាណមិត្តមាគម្ម, សព្ពេតេហោន្តិបាណិនំ;
តស្មាកល្យាណមិត្តេសុ, កាតព្ពំហិសទាទរំ.
យោហវេកតញ្ញូកតវេទិធីរោ,
កល្យាណមិត្តេទឡ្ហភត្តិចហោតិ;
ទុក្ខិតស្សសក្កច្ចំករោតិកិច្ចំ,
តព្ភាវំសប្បុរិសំវទន្តិលោកេ.
ហិតការោបរោពន្ធុ ¶ , ពន្ធូបិអហិតោបរោ;
អហិតោទេហជោព្យាធិ, ហិតមារញ្ញមោសធំ.
បទុមំវមុខយស្ស, វាចាចន្ទនសីតលំ;
មធុតិដ្ឋតិជិវ្ហគ្គេ, ហទយេសុហលាហលំ;
តាទិសំនោបសេវេយ្យ, តំមិត្តំបរិវជ្ជយេ.
កត្វានកុសលំកម្មំ ¶ , កត្វាន, កុសលំបុរេ;
សុខិតំទុក្ខិតំហោន្តំ, សោពាលោយោនបស្សតិ.
កាលក្ខេបេនហាបេតិ, ទានសីលាទិកំជឡោ;
អថិរំបិថិរំមញ្ញេ, អត្តានំសស្សតីសមំ.
ពាលោធបាបកំកត្វា, នតំឆដ្ដិតុមុស្សហេ;
កិំព្យគ្ឃអាទិគច្ឆន្តោ, បទំមក្ខេតុមុស្សហេ.
និទ្ធនោបិចកាមេតិ ¶ , ទុព្ពលោវេរិកំករោ;
មន្ទសត្ថោវិវាទត្ថី, តិវិធំមុឡ្ហលក្ខណំ.
អនវ្ហាយំគមយន្តោ, អបុច្ឆាពហុភាសកោ;
អត្តគ្គុណំបសំសន្តិ, តិវិធំហីនលក្ខណំ.
យថាចុដ្ដម្បរាបក្កា, ពហិរត្តកមេវច;
អន្តោកិមិលបូរណោ, ឯវំទុជ្ជនធម្មតា.
យទូនកំសណតិតំ, យំបូរំសន្តមេវតំ;
អឌ្ឍកុម្ភុបមោពាលោ, យំបូរកុម្ភោវបណ្ឌិតោ.
ពុធេហិសាសមានោបិ ¶ , ខលោពហុតកេតវោ;
ឃំសិយមានោបង្គារោ, និលមត្តំនិគច្ឆតិ.
មុឡ្ហសិស្សោបទេសេន, កុនារីភរណេនច;
ខលសត្តូហិសំយោគា, បណ្ឌិតោប្យវសីទតិ.
ចារុតាបរទារាយ, ធនំលោកតបត្តិយា;
បសុតំសាធុនាសាយ, ខលេខលតរាគុណា.
ឥតោហាសតរំលោកេ ¶ , កិញ្ចិតស្សនវិជ្ជតិ;
ទុជ្ជនោតិចយំអាហ, សុជនំទុជ្ជនោសយំ.
នវិនាបរវាទេន, រមន្តិទុជ្ជនាខលុ;
នសាសព្ពរសេភុត្វា, វិនាសុទ្ធេនតុស្សតិ.
តប្បតេយាតិសម្ពន្ធំ, ទ្រវំភវត្យវនតំ;
មុទុទុជ្ជនចិត្តំន កិំលោហេនបមីយតេ.
តស្មាទុជ្ជនសំសគ្គំ ¶ , អាសិវីសមិវោរគំ;
អារកាបរិវជ្ជេយ្យ, ភូតកាមោវិចក្ខណោ.
ទុជ្ជនេនហិសំសគ្គំ, សត្តុតាបិនយុជ្ជតិ;
តត្តោវឌយ្ហត្យង្គារោ, សន្តោកាឡាយតំករោ;
ទុជ្ជនោវជ្ជនីយោវ, វិជ្ជាយាលង្កតោបិចេ;
មណិនាលង្កតោសន្តោ, សព្ពោកិំនុភយំករោ.
អគ្គិនោទហតោទាយំ, សខាភវតិមាលុតោ;
សោឯវទីបំនាសេតិ, ខលេនត្ថេវមិត្តតា.
សព្ពោទុដ្ឋោខលោទុដ្ឋោ ¶ , សព្ពាទុដ្ឋតរោខលោ;
មន្តោសធេហិសោសព្ពោ, ខលោកេនុបសម្មតិ.
ហទយដ្ឋេនសុតេន, ខលោនេវសុសីលវា;
មធុនាកោដរដ្ឋេន, និម្ពោកិំមធុរោភវេ.
អសតំសម្បយោគេន, សន្តោបិអសន្តោភវេ;
មគ្គោកចវរយុត្តោ, ឧជុម្បិអសាធុភវេ.
បុតិមច្ឆំកុសគ្គេន ¶ , យោនរោឧបនយ្ហតិ;
កុសាបិបុតិំវាយន្តិ, ឯវំពាលុបសេវនា.
ពាលំនបស្សេនសុណេ, នចពាសេនសំវសេ;
ពាលេនាលាបសល្លាបំ, នករេនចរោចយេ.
អនយំនេតិទុម្មេធោ, អធុរាយនិយុញ្ជតិ;
ទុន្នយោសេយ្យសោហោតិ, សម្មាវុត្តោបិកុប្បតិ;
វិនយំសោនជានាតិ, សាធុសេនអទស្សនំ.
យាវជីវំបិចេពាលោ ¶ , បណ្ឌិតំបយិរូបាសិ;
នសោធម្មំវិជានាតិ, ទព្ពិសូបរសំយថា.
ផលំវេកទលិំហន្តិ, ហន្តិវេឡុនឡំផលំ;
សក្ការោកាបុរិសំហន្តិ, គព្ភោអស្សតរិំយថា.
សុនខោសុនខំទិស្វា, ទន្តំទស្សេតិហិំសិតុំ;
ទុជ្ជនោទុជ្ជនំទិស្វា, រោសយំហិំសមិច្ឆតិ.
មណ្ឌូកោបិនុក្កោសីហោ ¶ , សុករោបិនុក្កោទីបិ;
ពិលារោសទិសោព្យគ្ឃោ, ទុប្បញ្ញោបិនបញ្ញវា.
មណ្ឌូកោបិសីហោវិយ,
កាកោគណ្ហេបិញ្ញេបិញ្ញេ;
ពាលោចបណ្ឌិតោវិយ,
ធីរោបុច្ឆេវយេវយេ.
កាកោទុដ្ឋោសកុណេសុ, ឃរេទុដ្ឋោចមូសិកោ;
វានរោចវនេទុដ្ឋោ, មនុស្សេសុចព្រហ្មណោ.
តិណានិភូមិចោទកំ ¶ , ចតុត្ថំវាក្យសុដ្ឋុតំ;
ឯតានិហិសតំគេហេ, នោឆិជ្ជន្តេកទាចិបិ.
អម្ពុំបិវន្តិនោនជ្ជោ, រុក្ខាខាទន្តិនោផលំ;
មេឃោកទាចិនោសស្សំ, បរត្ថាយសតំធនំ.
គុណាកុព្ពន្តិទូតត្តំ ¶ , ទូរេបិវសតំសតំ;
កេដកេគន្ធមាឃាយ, គច្ឆន្តិភមរាសយំ.
អាកិណ្ណោបិអសព្ភីធ, អសំសដ្ឋោវភទ្ទកោ;
ពហុនាសន្នជាតេន, គច្ឆេ នឧម្មត្តកេន.
បាបមិត្តេវិវជ្ជេត្វា, ភជេយ្យុត្តមបុគ្គលំ;
ឱវាទេចស្សតិដ្ឋេយ្យ, បត្ថន្តោអចលំសុខំ.
យថាចបនសាបក្កា, ពហិសណ្ឌកមេវច;
អន្តោអមតបូរណោ, ឯវំ សុជនធម្មតា.
តគ្គរញ្ជបលាសេន ¶ , យោនរោឧបនយ្ហតិ;
បត្តាបិគន្ធំវាយន្តិ, ឯវំធីរុបសេវនា.
ធីរំបស្សេសុណេធីរំ, ធីរេនសហសំវសេ;
ធីរេនាលាបសល្លាបំ, តំករេតញ្ចរោចយេ.
នយំនយតិ មេធាវី, អធុរាយនយុជ្ជតិ;
សុនយោសេយ្យសោហោតិ, សម្មាវុត្តោនកុប្បតិ;
វិនយំសោបជានាតិ, សាធុតេនសមាគមោ.
អប្បកេនបិចេវិញ្ញូ ¶ , បណ្ឌិតំបយិរូបាសិ;
ខិប្បំធម្មំវិជានាតិ, ជិវ្ហាសូបរសំយថា.
ពាហុពលញ្ចអមច្ចំ, ភោគំអភិជច្ចំពលំ;
ឥមេហិចតុពលេហិ, បញ្ញាវេសេឋតំពលំ.
ពលំបក្ខីនមាកាសោ ¶ , មច្ឆានំឧទកំពលំ;
ទុព្ពលស្សពលំរាជា, កុមារានំរុទំពលំ.
ពលំចន្ទោពលំសូរោ, ពលំសមណព្រហ្មណា;
ពលំវេលំសមុទ្ទស្ស, ពលំតិពលមិត្ថិយា.
សបាទានំពលំសីហោ, តតោបុឡុវកោពលំ;
តតោកិប្បិលិកោនរោ, រាជាសព្ពេសមន្តតោ.
គតិមិគានំបវនំ, អាកាសោបក្ខិនំគតិ;
វិរាគោគតិធម្មានំ, និព្ពានារហតំគតិ.
ចរេយ្យកុលជំបញ្ញោ ¶ , វិរូបមវិកញ្ញកំ;
ហីនាយបិសុរូបាយ, វិវាហសទិសំករេ.
សាមាមិគក្ខីសុកេសី, តនុមជ្ឈិមទន្តវា;
ទស្សនីយាមុខវណ្ណា, គម្ភីរនាភិវាចកា;
សុសីលាវាយមតិច, ហីនកុលំបិវាហយេ.
សុត្តោមាតាវភោជេសិ ¶ , ភរណេសុចធាតិយោ;
កម្មេសុសកបន្តិ ច, កតកម្មេសុធាតិនំ.
ធម្មេសុបតិដ្ឋានិច្ចំ, សយនេសុចវណ្ណិភា;
កុលេសុភាតរំវាចី, យានារីសេដ្ឋសម្មតា.
យោនំភរតិសព្ពទា ¶ , និច្ចំអាតាបិឧស្សុកោ;
សព្ពកាមហរំបោសំ, ភត្តារំនាតិមញ្ញតិ.
នចាបិស្វត្ថិភត្តារំ, ឥច្ឆាចារេនរោសយេ;
ភត្តុចគរុនោសព្ពេ, បតិបូជេតិបណ្ឌិតា.
ឧដ្ឋាហិកាអនលស្សា, សង្គាហិកាបរិជនេ;
ភត្តុមនាបំចរតិ, សម្ភតមនុរក្ខតិ.
ឯវំវត្តតិយានារី, ភត្តុឆន្ទវសានុគា;
មនាបានាមតេទេវា, យត្ថសាឧបបជ្ជតិ.
ឥត្ថិយេកច្ចិយោវាបិ ¶ , សេយ្យាវុត្តាវមុនិនា;
ភណ្ឌានំឧត្តមាឥត្ថី, អគ្គុបដ្ឋាយិកាតិបិ.
មាតរាធីតរាវាបិ, ភគិនិយាវិចក្ខណោ;
នវិវិត្តាសនេមន្តេ, នារីមាយាវិនីននុ.
វិជ្ជុតានញ្ចលោលត្តំ, សត្ថានញ្ចាតិតិក្ខណំ;
សិង្ឃតំវាយុតេជានំ, អនុកុព្ពន្តិនារិយោ.
ទិគុណោថីនមាហារោ ¶ ,
ពុទ្ធិចាបិចតុគ្គុណោ;
ឆគុណោហោតិវាយាមោ,
កាមោត្វដ្ឋគុណោភវេ.
ឯកមេកាយឥត្ថិយា, អដ្ឋអដ្ឋបតិនោសិយុំ;
សូរោចបលវន្តោច, សព្ពកាមរសាហរា;
ករេយ្យនវមេឆន្ទំ, ឧន្នត្តាហិនបូរតិ.
វិវាទសីលីឧស្សុយា ¶ , បស្សន្តតណ្ហិកាគតា;
អមិតាភុញ្ជនានិទ្ទា, សតំបុត្តំបិតំជហេ.
លបន្តីសទ្ធិមញ្ញេន, បស្សន្តញ្ញំសវិព្ភមា;
ចិត្តកំចិន្តយន្តញ្ញំ, នារីនំនាមកោបិយោ.
គណ្ហេយ្យវាតំជាលេន, សាគរមេកបាណិនា;
ឱសិញ្ចេយ្យចតាឡេន, សកេនជនយេរវំ;
បមាទាសុវិសជ្ជេយ្យ, ឥត្ថិយេសាវធម្មតា.
ជិវ្ហាសហស្សិកោយោហិ ¶ , ជីវេវស្សសតំនរោ;
តេននិកម្មុនាវុត្តោ, ថិទោសោកិំខយំគតោ.
បញ្ចឋានានិសម្បស្សំ ¶ , បុត្តមិច្ឆន្តិបណ្ឌិតា;
ភតោវានោភរិស្សតិ, កិច្ចំវានោករិស្សតិ.
កុលវំសោចិរំតិដ្ឋេ, ទាយជ្ជំបតិបជ្ជតិ;
អថវាបនបេតានំ, ទក្ខិណានុបទស្សតិ.
អតិជាតមនុជាតំ, បុត្តមិច្ឆន្តិបណ្ឌិតា;
អវជាតំនឥច្ឆន្តិ, យោហោតិកុលឆិន្នកោ.
ឯកូទរសមុប្បន្នា, នភវន្តិសមស្សមា;
នានាវណ្ណានានាចរា, យថាពទរកណ្ឌកា.
អទម្មេពហវោទោសេ ¶ , ទម្មេតុពហវោគុណេ;
តស្មាបុត្តញ្ចសិស្សញ្ច, ទម្មកាលេវទម្មយេ.
ឱវាទេយ្យានុសាសេយ្យ,
អសប្បាយានិវារយេ;
ទន្តោហិយោបិយោហោតិ,
អទន្តោហោតិអប្បិយោ.
បុត្តំវាភាតរំទុដ្ឋំ, អនុសាសេយ្យនោជហេ;
កិំនុឆេជ្ជំហត្ថបាទំ, លិត្តអសុចិនាសិយា.
អន្តោជាតោធនក្កិតោ ¶ , ទាសព្យោបគតោសយំ;
ទាសាករមរានិតោ, ឥច្ចេវំចតុធាសិយុំ.
ទាសាបញ្ចេវចោរយ្យ, សខញាតត្តសទិសា;
តថាវិញ្ញូហិវិញ្ញេយ្យ, មិត្តាទារាចពន្ធវា.
ទុដ្ឋទារេនអមិត្យា ¶ , ទាសោចុត្តរវាចកោ;
សសប្បេចឃរេវាសោ, មច្ចុមេវនសំសយោ.
យសំលាភំបត្ថយន្តំ, នរំវជ្ជន្តិទូរតោ;
តស្មាអនបេក្ខិត្វាន, តំមគ្គំមគ្គយេពុធោ.
ខលំសាលំបសុំខេត្តំ ¶ , គន្តាចស្សអភិក្ខណំ;
មិតំធញ្ញំនិធាបេយ្យ, មិតញ្ចបាចយេឃរេ.
អញ្ជនានំខយំទិស្វា, វម្មិកានញ្ចសញ្ចយំ;
មធូនញ្ចសមាហារំ, បណ្ឌិតោឃរមាវសេ.
សយំអាយំវយំជញ្ញា, សយំជញ្ញាកតាកតំ;
និគ្គណ្ហេនិគ្គណ្ហារហំ, បគ្គណ្ហេបគ្គណ្ហារហំ.
ឯកយាមោនរាធិប្បោ ¶ ,
ទ្វិយាមោបណ្ឌិតោនរោ;
តយោយាមោឃរាវាសោច,
ចតុយាមោចទុគ្គតោ.
យោចពន្ធុហិតេយុត្តោ,
សោបិតាយោចបោសកោ;
តំមិត្តំយត្ថវិសាសោ,
ភរិយាយត្ថនិព្ពុតិ.
សទ្ធាបេមេសុសន្តេសុ, នគណេមាសកំសតំ;
សទ្ធាបេមេអសន្តេសុ, មាសកំបិសតំគណេ.
យាចកោអបិយោហោតិ ¶ , យាចំអទទមប្បិយំ;
តស្មាសេដ្ឋនរោលោកេ, ធនំសិប្បំបរិគ្គហេ.
សព្ពទាបិធនំរក្ខេ, ទារំរក្ខេធនំបិច;
ទារំធនញ្ចអត្តានំ, រក្ខាយេវសទាភវេ.
នសាធារណទារស្ស, នភុញ្ជេសាទុមេកកោ;
នសេវេលោកាយតិកំ, នេតំបញ្ញាយវឌ្ឍនំ.
សីលវាវត្តសម្បន្នោ ¶ , អប្បមត្តោវិចក្ខណោ;
និវាតវុត្តិអថទ្ធោ, សូរតោសខិលោមុទុ.
សង្គហេតាវមិត្តានំ, សំវិភាគីវិជានវា;
តប្បេយ្យអន្នបានេន, សទាសមណព្រហ្មណា.
ធម្មកាមោសុតទ្ធរោ, ភវេយ្យបរិបុច្ឆាកោ;
សក្កច្ចំបយិរូបាសេ, សីលវន្តេពហុស្សុតេ.
បុព្ពសិរោសិមេធាវី ¶ , ទីឃាយុទក្ខិណំសិរោ;
បច្ឆិមោចិត្តសន្តោសិ, មរណំឧត្តរោភវេ.
អាយុមាបាចិនំមូខំ, ធនវាទក្ខិណំភវេ;
បច្ឆិមំយសសីភុញ្ជេ, នោភុញ្ជេឧត្តរំមុខំ;
ភុត្វានិសីទនំថូលំ, តិដ្ឋន្តោពលវឌ្ឍនោ;
អាយុមាចង្កមោសិយា, ធាវន្តោរោគវជ្ជិតោ.
យោចសិតញ្ចឧណ្ហញ្ច ¶ , តិណាភិយ្យោនមញ្ញតិ;
ករំបុរិសកិច្ចានិ, សោសុខានវិហាយតិ.
វិសម្ហាមតមាទេយ្យ, អសុទ្ធម្ហាបិកញ្ចនំ;
នីចម្ហាប្យុត្តមោវិជ្ជំ, រតនថិំបិទុក្កុលា.
គុយ្ហមត្ថមសម្ពុទ្ធំ, សម្ពោធយតិយោនរោ;
មន្តភេទភយាតស្ស, ទាសភូតោតិតិក្ខតិ.
អញ្ញាតវាសវសតា, ជាតវេទសមេនបិ;
ខមិតព្ពំសបញ្ញេន, អបិទាសស្សតជ្ជិតំ.
ធនធញ្ញបយោគេសុ ¶ , តថាវិជ្ជាគមេសុច;
ទូតេចព្យាហារេសុ, ចត្តោលជ្ជំសទាភវេ.
នហិកោចិកតេកិច្ចេ, កត្តារំសមបេក្ខតេ;
តស្មាសព្ពានិកម្មានិ, សាវសេសានិការយេ.
ឧបការំហិតេនេវ, សត្តុនាសត្តុមុទ្ធរេ;
បាទលគ្គំករដ្ឋេន, កណ្ឌកេនេវកណ្ឌកំ.
នមេនមន្តស្សភជេភជន្តំ ¶ ,
កិច្ចានិកុព្ពស្សករេយ្យកិច្ចំ;
នានត្ថកាមស្សករេយ្យអត្ថំ,
អសម្ភជន្តំបិនសម្ភជេយ្យ.
វជេចជន្តិសិនេហាកិរិយា,
អបេមចិត្តេន នសម្ភជេយ្យ;
ទិជោវទុមំខិណផលំញត្វា,
អញ្ញំអបេក្ខេយ្យមហាហិលោកោ.
ចជេឯកំកុលស្សត្ថំ, គាមស្សត្ថំកុលំចជេ,
គាមំជនបទស្សត្ថំ, អត្តត្ថំបថវិំចជេ.
ធនំចជេអង្គំវរស្សហេតុ ¶ ,
អង្គំចជេជីវិតំរក្ខមានោ;
ធនំអង្គំជីវិតញ្ចាបិសព្ពំ,
ចជេនរោធម្មមនុស្សរន្តោ.
អហាគច្ឆន្តិហាយន្តា, សត្តានមិហជីវិតំ;
តស្មាហិមាបមត្តតំ, គច្ឆន្តុជិនសាសនេ.
ឯតេសិយ្យោសមាយន្តិ ¶ , សន្តិតេសំនជីរតិ;
យោអធិប្បន្នំសហតិ, យោចជានាតិទេសនំ.
អគ្គិអាបោឥត្ថីមុឡ្ហោ, សប្បោរាជកុលានិច;
បយតនោវគន្តព្ពោ, មច្ចុបាណហរានិតិ.
សត្ថំសុនិច្ឆិតមបីតិវិចិន្តនីយំ,
សារាធិតោប្យវនិបោបរិសង្កនីយោ;
ហត្ថង្គតាបិយុវតីបរិរក្ខនីយា,
សត្ថាវនីបយុវតីសុកុតោវសីតំ.
ឧស្សាហោរិបុវមិត្តំ ¶ , អលសោមិត្តំវរិបុ,
វិសំវិយាមតំវិជ្ជា, បមាទោអមតំវិសំ.
វហេអមិត្តំខន្ធេន, យាវកាលេអនាគតេ;
តមេវអាគតេកាលេ, ភិន្ទេកុម្ភំវសិលាយំ.
សិង្គិំបញ្ញាសហត្ថេន ¶ , សតេនវាហនំចជេ;
ហត្ថីនន្តុសហស្សេន, ទេសចជ្ជេនទុជ្ជនំ.
បច្ចក្ខេគរវោសំសេ, បរោក្ខេមិត្តពន្ធវេ;
កម្មន្តេចទាសភច្ចេ, បុត្តទារេសំសេមតេ.
សិនេសិប្បំសិនេធនំ, សិនេបព្ពតមារុហេ;
សិនេកាមោចកោធោច, ឥមេបញ្ចសិនេសិនេ.
សតំចក្ខុសតំកណ្ណា ¶ , នាយកស្សសុតោសទា;
តថាបិអន្ធពធិរោ, ឯសានាយកធម្មតា.
ពហូនំអប្បសារានំ, សាមគ្គិយាតិទុជ្ជយោ;
តិណេនវដ្ដតេរជ្ជុ, តេននាគោបិពន្ធតេ.
ឧប្បជ្ជតេសចេកោធោ, អាវជ្ជេកកចូបមំ;
ឧប្បជ្ជតេរសេតណ្ហា, បុត្តមំសូបមំសរេ.
ទានំសិនេហភេសជ្ជំ, មច្ឆេរំទោសនោសធំ;
ទានំយសស្សិភេសជ្ជំ, មច្ឆេរំកប្បនោសធំ.
ធនមិច្ឆេវណិជ្ជេយ្យ ¶ , សិប្បមិច្ឆេពហុស្សុតេ;
បុត្តមិច្ឆេនារិកញ្ញេ, រាជាមច្ចំឥច្ឆាគតេ.
មហន្តំវដ្ដរុក្ខាទិំ, ខុទ្ទពីជំពហុប្ផលំ;
សក្ខិំកត្វាឧទិក្ខេយ្យ, បុញ្ញបាបំករោនរោ.
គរុកាតព្ពបោសេសុ, នីចវុត្តិំករោតិយោ;
នីចត្តំសោបហន្ត្វាន, ឧត្តមត្ថេបតិដ្ឋតិ.
ឧត្តមំបណិបាតេន ¶ , សូរំភេទេនវិជយេ;
ហីនមប្បបទានេន, វិក្កមេនសមំជយេ.
នត្តទោសំបរេជញ្ញា, ជញ្ញាទោសំបរស្សតុ;
កុម្មោគុយ្ហាឥវង្គានិ, បរភាវញ្ចលក្ខយេ.
ឧស្សូរសេយ្យំអាលស្យំ ¶ , ចណ្ឌិក្កំទីឃសុត្តិយំ;
ឯកស្សទ្ធានគមនំ, បរទារុបសេវនំ;
ឯតំព្រហ្មណស្សេវស្សុ, អនត្ថាយភវិស្សតិ.
សុរាយោគោវិកាលោច, សមជ្ជានឃរង្គតោ;
ខិឌ្ឌធុត្តោបាបមិត្តោ, អលសោសោឥមេជនា;
មហាភោគាវិនស្សន្តិ, ហីនភាវស្សិទំផលំ.
អតិសីតំអតិឧណ្ហំ, អតិសាយមិទំអហុ;
ឥតិវិស្សដ្ឋកម្មន្តេ, ខណាអច្ចន្តិមាណវេ.
បរនាសនតោនដ្ឋោ ¶ , បុរេវបរនាសកោ;
សិង្ឃំវអានសំយាតិ, តិណោបាសាទឈាបកោ.
នវិសាសេអមិត្តស្ស, មិត្តញ្ចាបិនវិសាសេ;
កទាចិកុប្បិតោមិត្តោ, សព្ពទោសបកាសកោ.
កុទេសញ្ចកុមិត្តញ្ច, កុសម្ពន្ធំកុពន្ធវំ;
កុទារញ្ចកុរាជានំ, ទូរតោបរិវជ្ជយេ.
កក្កដោអសីសោយាតិ ¶ , សព្ពាបទោវគច្ឆតិ;
អថនីកុក្កុដីបុត្តា, បុរិសេនាវមញ្ញរេ.
ហីនបុត្តោរាជាមច្ចោ, ពាលបុត្តោបិបណ្ឌិតោ;
អធនស្សបុត្តោសេដ្ឋិ, បុរិសេនាវមញ្ញរេ.
យេនមិច្ឆតិសម្ពន្ធំ, តេនតីណិនការយេ;
វិវាទមត្ថសម្ពន្ធំ, បរោក្ខេទារទស្សនំ.
ឥណសេសោអគ្គិសេសោ ¶ ,
សត្រុសេសោតថេវច;
បុនប្បុនម្បិវឌ្ឍន្តិ,
តស្មាសេសំនការយេ.
កុលជាតោកុលបុត្តោ, កុលវំសសុរក្ខិតោ;
អត្តនាទុក្ខបត្តោបិ, ហីនកម្មំនការយេ.
សមិទ្ធោធនធញ្ញេន, នកដ្ឋោទតិណគ្គិហិ;
សព្ពតោទុគ្គតោនដ្ឋោ, តស្មានទុក្កដំករេ.
នគណស្សគ្គថោគច្ឆេ ¶ , សិទ្ធេកម្មេសមំផលំ;
កម្មវិប្បត្តិចេហោតិ, ផរុសំតស្សភាសយេ.
ពាលក្កោបេតធូមោច, វុឌ្ឍិត្ថិបល្លលោទកំ;
អាយុក្ខយករំនិច្ចំ, រត្តោចទធិភោជនំ.
ឥត្ថីនំទុជ្ជនានញ្ច, វិសាសោនោបបជ្ជតេ;
វិសេសិគិម្ហិនទិយំ, រោគេរាជកុលម្ហិច.
អយុត្តកម្មារភនំវិរោធោ ¶ ,
សង្ឃស្សយុទ្ធញ្ចមហាពលេហិ;
វិសាសកម្មំបមទាសុនិច្ចំ,
ទ្វារានិមច្ចុស្សវទន្តិវិទ្វា.
ថិយោសេវេយ្យនច្ចន្តំ, សាទុភុញ្ជេយ្យនាហិតំ;
បូជយេមានយេវុឌ្ឍេ, គរុំមាយាយនោភជេ.
វិនាសត្ថំនគច្ឆេយ្យ, សូរោសង្គាមភូមិយំ;
បណ្ឌិត្វទ្ធគូវាណិជ្ជោ, វិទេសគមនោតថា.
ទេហីតិវចនទ្វារា ¶ , ទេហដ្ឋាបញ្ចទេវតា;
សជ្ជនិយ្យន្តិធិកិត្តិ, មតិហីរិសិរីបិច.
នត្ថីតិវចនំទុក្ខំ, ទេហីតិវចនំតថា;
វាក្យនត្ថីតិទេហីតិ, មាភវេយ្យភវាភវេ.
យត្ថវោសំនជានន្តិ, ជាតិយាវិនយេនវា;
នតត្ថមានំកិរិយា, ជនេវសមញ្ញាតកេ.
មាតាហីនស្សទុព្ភាសា ¶ , បិតាហីនស្សទុក្រិយា;
ឧភោមាតាបិតាហីនា, ទុព្ភាសាចទុក្កិរិយា.
មាតាសេដ្ឋស្សសុភាសា,
បិតាសេដ្ឋស្សសុកិរិយា;
ឧភោមាតាបិតាសេដ្ឋា,
សុភាសាចសុកិរិយា.
អតិទីឃោមហាមុឡ្ហោ ¶ , មជ្ឈិមោចវិចក្ខណោ;
វាសុទេវំបុរេក្ខិត្វា, សព្ពេវាមនកាសឋា.
អាចារោកុលមក្ខាតិ, ទេសមក្ខតិភាសិតំ;
សម្ភវោបេមមក្ខាតិ, ទេហមក្ខាតិភោជនំ.
ជលប្បមាណំកុមុទនាឡំ,
កុលប្បមាណំករណកម្មំ;
បញ្ញាបមាណំកថិតវាក្យំ,
ភូមិប្បមាណំភជ្ជលតិណំ.
ជវេនភទ្រំជានន្តិ ¶ , វហេនចពលិពទ្ធំ;
ទុហេនធេនុជានន្តិ, ភាសមានេនបណ្ឌិតំ.
ជានេយ្យបេសនេភច្ចំ ពន្ធវំបិភយាគមេ,
ព្យសនេចតថាមិត្តំ, ទារញ្ចវិភវក្ខយេ.
វិនាសត្ថំនជានន្តិ, កាលំសព្ពេបិជោតិកា;
កុក្កុដាបនជានន្តិ, តតោរុក្ខាតតោភ្វាបា.
បថវីភូសនំមេរុ ¶ , រត្តិយាភូសនំសសី;
ជនានំភូសនំរាជា, សេនានំភូសនំគជោ.
សីលតាសោភតេរូបំ,
ចារិតាសោភតេកុលំ;
សបុប្ផាសោភតេរញ្ញំ,
សគជាសោភតេពលំ.
កោកិលានំសទ្ទំរូបំ ¶ , នារីរូបំបតិព្ពតំ;
វិជ្ជារូបំអរូបានំ, ខមារូបំតបស្សិនំ.
កិសាសោភាតបស្សីច,
ថូលាសោភាចតុប្បទា;
វិជ្ជាសោភាមនុស្សាច,
ឥត្ថីសោភាចសាមិកា.
រត្តិហីនោនចន្ទរោ, ឩមិហីនោនសាគរោ;
ហំសហីនោនសំផុល្លោ, ឥត្ថិហីនោនបុរិសោ.
វត្ថហីនំនលង្ការំ ¶ , បតិហីនាននារិកា;
សិប្បហីនោនបុរិសោ, ធេនុហីនំនភោជនំ.
ទីបកេទីបកោចន្ទោ, នារិកេទីបកោបតិ;
តិលោកេទីបកោធម្មោ, សុបុត្តោកុលទីបកោ.
អបុត្តកំឃរំសុញ្ញំ, ទេសំសុញ្ញំអរាជិកំ;
អបញ្ញស្សមុខំសុញ្ញំ, សព្ពសុញ្ញំទលិទ្ទកំ.
សោតំសុតេនេវនកុណ្ឌលេន ¶ ,
ទានេនបាណីនតុកង្កណេន;
អាភាតិកាយោបុរិសុត្តមស្ស,
បរោបការេននចន្ទនេន.
ទានំសីលំបរិច្ចាគំ ¶ , អជ្ជវំមទ្ទវំតបំ;
អកោធំអវិហិំសញ្ច, ខន្តីចអវិរោធនំ;
ទសេតេធម្មេរាជានោ, អប្បមត្តេនធារេយ្យុំ.
ទានំអត្ថចរិយាបិយ, វាចាអត្តសមំបិច;
សង្គហាចតុរោឥមេ, មុនិន្ទេនបកាសិតា.
វនេមិគានលភន្តិ, មតាភយានិទ្ទសុខំ;
រាជានោបិនលភន្តិ, ឧត្តរថាមភីតតោ;
សំសារភយភិតេន, នរមន្តិយេបណ្ឌិតា.
ខមាជាគរិយុដ្ឋានំ ¶ , សំវិភាគោទយិក្ខនា;
នាយកស្សគុណាឯតេ, ឥច្ឆិតព្ពាហិតត្ថិនោ.
បរិភូតោមុទុហោតិ, អតិតិក្ខញ្ចវេរវា;
ឯតញ្ចឧភយំញត្វា, អនុមជ្ឈំសមាចរេ.
នេកន្តមុទុនាសក្កា, ឯកន្តតិខិណេនវា;
មហត្តេដ្ឋបិតុអត្តំ, តស្មាឧភយមាចរេ.
កស្សកោវាណិជោមច្ចោ ¶ , សមណោសុតសីលវា;
តេសុវិបុលជាតេសុ, រដ្ឋំបិវិបុលំសិយា.
តេសុទុព្ពលជាតេសុ, រដ្ឋំបិទុព្ពលំសិយា;
សរដ្ឋំវិបុលំតស្មា, ធារេយ្យរដ្ឋភារវា.
មហារុក្ខស្សផលិនោ, អាមំឆិន្ទតិយោផលំ;
រសញ្ចស្សនជានាតិ, ពីជញ្ចស្សវិនស្សតិ.
មហារុក្ខូបមំរដ្ឋំ, អធម្មេនបសាសតិ;
រសញ្ចស្សនជានាតិ, រដ្ឋញ្ចាបិវិនស្សតិ.
មហារុក្ខស្សផលិនោ ¶ , បក្កំឆិន្ទតិយោផលំ;
រសញ្ចស្សវិជានាតិ, ពីជញ្ចស្សននស្សតិ.
មហារុក្ខូបមំរដ្ឋំ, ធម្មេន យោបសាសតិ;
រសញ្ចស្សវិជានាតិ, រដ្ឋញ្ចាបិននស្សតិ.
យោចរាជាជនបទំ, អធម្មេនបសាសតិ;
សព្ពោសធីហិសោរាជា, វិរុទ្ធោហោតិខត្តិយោ.
តថេវនេគមេហិំសំ ¶ , យេយុត្តាកយវិក្កយេ;
ឱជាទានពលិការេ, សកោសេនវិរុជ្ឈតិ.
បហារវរខេត្តញ្ញូ, សង្គាមេកតនិស្សមេ;
ឧស្សិតេហិំសយំរាជា, សពលេនវិរុជ្ឈតិ.
តថេវឥសយោហិំសំ, សំយមេព្រហ្មចារិយោ;
អធម្មចារិខត្តិយោ, សសគ្គេនវិរុជ្ឈតិ.
សយំកតានបរេន ¶ , មហានជ្ជោជុវង្កតា;
ឥស្សរេនតថារញ្ញា, សរដ្ឋេអធិបច្ចត្តា.
បុត្តោបាបំកតោមាតា,
សិស្សោបាបំកតោគរុ;
នាគរេហិកតោរាជា,
រាជាបាបំបុរោហិតោ.
បុញ្ញាបុញ្ញំករោន្តេសុ, ឆភាគោឯកទេសកំ;
រាជាលភតិសព្ពេហិ, តស្មាបាបានិវារយេ;
បុញ្ញមេវបវឌ្ឍេន្តោ, ជនកាយំបសាសយេ.
ពាលស្សជីវិតំអប្បំ ¶ , បណ្ឌិតស្សពហុតរំ;
ជនកាយស្សរាជាវ, រាជធម្មោវរាជុនំ.
អនាយកាវិនស្សន្តិ, នស្សន្តិពហុនាយកា;
ថិនាយកាវិនស្សន្តិ, នស្សន្តិសុសុនាយកា.
កច្ឆបីនញ្ចមច្ឆីនំ, កុក្កុដីនញ្ចធេនុនំ;
បុត្តបោសោយថាហោតិ, តថាមច្ចេសុរាជុនំ.
នហិរាជកុលំបត្តោ ¶ , អញ្ញាតោលភតេយសំ;
នាសូរោនាតិទុម្មេធោ, នបមត្តោកុទាចនំ.
យទាសីលញ្ចបញ្ញញ្ច ¶ , សោចេយ្យញ្ចាធិគច្ឆតិ;
អថវិសាសិតោតម្ហិ, គុយ្ហញ្ចស្សនរក្ខតិ.
ទិវាវាយទិវារត្តិំ, រាជកិច្ចេសុបណ្ឌិតោ;
អជ្ឈិដ្ឋោនវិកប្បេយ្យ, សរាជវសតិំវសេ.
នរញ្ញាសមកំវត្ថំ, នមាលំនវិលេបនំ;
អាកប្បំសរកុត្តិំវា, នរញ្ញាសទិសមាចរេ.
កិឡេរាជាអមច្ចេហិ ¶ , ភរិយាបរិវារិតោ;
នាមច្ចោរាជភរិយា, ភាវំកុព្ពេថបណ្ឌិតោ.
អនុទ្ធតោអចបលោ, និបកោសំវុតិន្ទ្រិយោ;
មនោបណិធិសម្បន្នោ, សរាជវសតិំវសេ.
នាស្សភរិយាកិឡេយ្យ, នមន្តេយ្យរហោគតោ;
នាស្សកោសេធនំគណ្ហេ, សរាជវសតិំវសេ.
ន ¶ និទ្ទំពហុំមញ្ញេយ្យ, នមទាយសុរំបិវេ;
នាសទាយេមិគេហញ្ញេ, សរាជវសតិំវសេ.
នាស្សបិដ្ឋំនបល្លង្កំ, នកោច្ឆំននាវំរថំ;
សម្មតោម្ហីតិអារុឡ្ហេ, សរាជវសតិំវសេ.
នាតិទូរេភជេរញ្ញោ, នច្ចាសន្នេវិចក្ខណោ;
សមុខាចស្សតិដ្ឋេយ្យ, សន្តសន្តោសភត្តុនោ.
នមេរាជាសខាហោតិ ¶ ៦, នរាជាហោតិមេថុនោ;
ខិប្បំកុជ្ឈន្តិរាជានោ, សុលេនក្ខិវឃដ្ដិតំ.
នបូជិតោមញ្ញមានោ, មេធាវីបណ្ឌិតោនរោ;
ផរុសំបតិមន្តេយ្យ, រាជានំបរិសំគតំ.
លទ្ធទ្វារោលភេទ្វារំ, នេវរាជូសុវីសយេ;
អគ្គិំវសំយតោតិដ្ឋេ, សរាជវសតិំវសេ.
បុត្តំវាភាតរំវាបិ ¶ , សម្បគ្គណ្ហាតិខត្តិយោ;
គាមេហិនិគមេហិវា, រដ្ឋេហិជនបទេហិ;
តុណ្ហិភូតោវុទិក្ខេយ្យ, នភណេឆេកបាបកំ.
ហត្ថារោហេអនិកដ្ឋេ, រថិកេបត្តិការកេ;
តេសំកម្មាវធានេន, រាជាវឌ្ឍេតិវេត្តនំ;
នតេសំអន្តរាគច្ឆេ, សរាជវសតិំវសេ.
ចាបោវូនូទរោចស្ស ¶ , វំសោវាបិបកម្បយ្យេ;
បដិលោមំនវត្តេយ្យ, សរាជវសតិំវសេ.
ចាបោវូនូទរោចស្ស, មច្ឆោវស្សអជិវ្ហកោ;
អភាសំនិបកោសូរោ, សរាជវសតិំវសេ.
នពាឡ្ហំឥត្ថិំគច្ឆេយ្យ, សម្បស្សំ តេជសង្ខយំ;
កាសំសាសំថទ្ធាពលំ, ខីណមេធោនិគច្ឆតិ.
នាតិវេលំបភាសេយ្យ ¶ , នតុណ្ហិសព្ពទាសិយា;
អវិតិណ្ណំមិតំវាចំ, បត្ថកាលេឧទីរយេ.
អកោធនោអសង្ឃដ្ដោ,
សច្ចោសណ្ហោអបេសុណោ;
សម្ផំគិរំនភាសេយ្យ,
សរាជវសតិំវសេ.
មាតាបិតុភរោអស្ស ¶ , កុលេជេដ្ឋាបចាយិកោ;
ហិរិឱត្តប្បសម្បន្នោ, សរាជវសតិំវសេ.
វិនិតោសិប្បវាទន្តោ, យតត្តោនិយតោមុទុ;
អប្បមត្តោសុចិទក្ខោ, សរាជវសតិំវសេ.
និវាតវុត្តិវុឌ្ឍេសុ ¶ , សប្បតិស្សោសគារវោ;
សូរតោសុខសំវាសោ, សរាជវសតិំវសេ.
អារកាបរិវជ្ជេយ្យ, សញ្ញិតុំបហិតំជនំ;
ភត្តារមេវុទិក្ខេយ្យ, នចអញ្ញស្សរាជិនោ.
សមណេព្រហ្មណេចាបិ, សីលវន្តេពហុស្សុតេ;
សក្កច្ចំបយិរូបាសេ, អន្នបានេនតប្បយ្យេ;
អាសជ្ជបញ្ហេបុច្ឆេយ្យ, អាកង្ខំវុឌ្ឍិមត្តនោ.
ទិន្នបុព្ពំនហាបេយ្យ ¶ , ទានំសមណព្រហ្មណេ;
នចកិញ្ចិនិវារេយ្យ, ទានកាលេវណិព្ពកេ.
បញ្ញាវាវុឌ្ឍិសម្បន្នោ, វិធានវិធិកោវិទោ;
កាលញ្ញូសមយញ្ញូច, សរាជវសតិំវសេ.
ឧដ្ឋាតាកម្មចេរេសុ, អប្បមត្តោវិចក្ខណោ;
សុសំវិហិតកម្មន្តោ, សរាជវសតិំវសេ.
ខលំសាលំបសុំខេត្តំ ¶ , គន្តាចស្សអភិក្ខណំ;
មិតំធញ្ញំនិធាបេយ្យ, មិតញ្ចបាចយេឃរេ.
បុត្តំវាភាតរំវាបិ, សីលេសុអសមាហិតំ;
អនង្គវាហិតេពាលា, យថាបេតាតថេវតេ;
ចោឡញ្ចនេសំបិណ្ឌញ្ច, អាសនញ្ចបទាបរេ.
ទាសេកម្មករេបោសេ ¶ , សីលេសុសុសមាហិតេ;
ទក្ខេឧដ្ឋានសម្បន្នេ, អធិបច្ចម្ហិឋាបយេ.
សីលវាចអលោភោច, អនុរុត្តោចរាជិនោ;
អាវីរហោហិតោចស្ស, សរាជវសតិំវសេ.
ឆន្ទញ្ញូរាជិនោអស្ស, ចិត្តដ្ឋោចស្សរាជិនោ;
អសង្កុសកវុត្តិស្ស, សរាជវសតិំវសេ.
ឧច្ឆាទនេន្ហាបនេច ¶ , ធោតេបាទេអទោសិរំ;
អាហតោបិនកុប្បេយ្យ, សរាជវសតិំវសេ.
កុម្ភិញ្ហិបញ្ជលិំក្រិយា, ចាតញ្ចាបិបទក្ខិណំ;
កិមេវសព្ពកាមានំ, នទាទំធីរមុត្តមំ.
យោទេតិសយនំវត្ថំ, យានំអាវសតំឃរំ;
បជ្ជុន្នោរិវភូតានំ, ភោគេហិអភិវស្សតិ.
ទ្វេវិមេកណ្ឌកាតិក្ខា ¶ , សរីរបរិសោសិតា;
កាមេតិនិទ្ធនោយោច, យោចកុប្បត្យនិស្សរោ.
អធនស្សរសំខាទា, អពលស្សហតាហតា;
អបញ្ញស្សកថាវាក្យា, តិវិធំហីនលក្ខណំ.
បថព្យាមធុរាតីណិ ¶ , ឧច្ឆុនារីសុភាសិតំ;
ឧច្ឆុនារីសុតប្បន្តិ, នតប្បន្តិសុភាសិតំ.
បថព្យាតីណិរតនានិ, សង្គហានិមហីតលេ;
សិប្បំធញ្ញញ្ចមិត្តញ្ច, ភវន្តិរតនាឥមេ.
កល្យាណមិត្តំកន្តារំ, យុទ្ធំសភាយភាសិតុំ;
អសត្ថាគន្តុមិច្ឆន្តិ, មុឡ្ហាតេចតុរោជនា.
ជីវន្តោបិមតាបញ្ច ¶ , ព្យាសេនបរិកិត្តិតា;
ទុក្ខិតោព្យាធិតោបក្ខោ, ឥណវានិត្យសេវកោ.
ចក្ខុទ្វារាទិកំឆក្កំ, សំវុតោសបញ្ញោនរោ;
ឆព្ពិធោហោតិសីលេន, អសីលេនាបិឆព្ពិធោ.
និទ្ទាលុកោបមាទោច, សុខិតោរោគវាលសោ;
និច្ឆន្ទោចកម្មារាមោ, សត្តេតេសត្ថវជ្ជិតា.
កុលជោបញ្ញវាឆន្ទោ ¶ , ហិរោត្តប្បោសុតទ្ធរោ;
អត្ថកាមោសុរក្ខោច, អដ្ឋេតេសត្ថយុជ្ជិតា.
កុលសេដ្ឋោសបញ្ញោច, វុឌ្ឍិសូរោចសីលវា;
ពហុស្សុតោវុដ្ឋានោច, មីរោសុគតិគាមិកោ;
នវេតេសុជនាសេដ្ឋា, បាបាត្តានំនិវារយេ.
ពុទ្ធោបច្ចេកពុទ្ធោច, អរហាអគ្គសាវកោ;
មាតាបិតាគរុសត្ថា, ទាយកោធម្មទេសកោ;
បណ្ឌិតេហិឥមេទស, ន ទុព្ភន្តីតិជានិយា.
ធម្មត្ថកាមមោក្ខានំ ¶ , បាណោសំសិទ្ធិការណំ;
តំនិឃាតោកិំនិហតោ, រក្ខិតោកិំនរក្ខតិ.
សថំទីឃាយុកោសព្ព ¶ , សត្តានំសុខការណំ;
អសថំបនសព្ពេសំ, ទុក្ខហេតុនសំសយោ.
យន្តគតោឧច្ឆុរសំ, នជហាតិគជោតថា;
សង្គាមេសុគតោលិឡំ, សុស្សុតេនាបិចន្ទនំ.
សារគន្ធំនជហាតិ, ទុក្ខបត្តោបិបណ្ឌិតោ;
នជហាតិសតំធម្មំ, សុខកាលេកថាវកា.
អត្តាពន្ធុមនុស្សានំ, រិបុអត្តាវជន្តុនំ;
អត្តាវនិយតោញាតិ, អត្តាវនិយតោរិបុ.
អត្តានំបរិច្ចាគេន ¶ , យំនិស្សិតានុរក្ខនំ;
ករោន្តិសជ្ជនាយេវ, នតំនិតិមាតាមតំ.
សត្ថកព្ពវិចារេន, កាលោគច្ឆតិធីមតំ;
ព្យសនេនអសាធូនំ, និទ្ទាយកលហេនវា.
ភមរាបុប្ផមិច្ឆន្តិ, បុតិមិច្ឆន្តិមក្ខិកា;
សុជានាគុណមិច្ឆន្តិ, ទោសមិច្ឆន្តិទុជ្ជនា.
នមន្តិផលិនោរុក្ខា ¶ , នមតេវពុធាជនា;
សុក្ខកដ្ឋញ្ចមុឡ្ហោច, នេវនមន្តិភិជ្ជតេ.
សចេសន្តោវិវាទតិ, ខិប្បសន្ធិយរេបុន;
ពាលោបត្តាវភិជ្ជន្តិ, នតេសមតមាគមុំ.
អប្បម្បិសាធូនំធនំ, កូបាវារិវនិស្សយោ;
ពហុកំបិអសាធូនំ, នចវារិវអណ្ណវេ.
សោកឋានសហស្សានិ ¶ , ភយឋានសតានិច;
ទិវសេទិវសេមុឡ្ហំ, អាវីសន្តិនបណ្ឌិតំ.
ទុដ្ឋចិត្តោបនាហិស្ស, កោធោបាសាណលេខិតោ;
កុច្ឆិតព្ពោសុជនស្ស, ជលេលេខាចិរដ្ឋិតា.
និទុលុកោអសន្តុដ្ឋោ, អកតញ្ញូចភិរុកោ;
សក្កោន្តិនសមាចារំ, សិក្ខិតុំតេកទាចិបិ.
សាធុត្តំសុជនសមាគមាខលានំ ¶ ,
សាធូនំនខលសមាគមាខលត្តំ;
អាមោទំកុសុមភវំទធាតិភូមិ,
ភូគន្ធំនចកុសុមានិធារយន្តិ.
គុណមទ្ធិសមំមក្ខេ, បរេនកលហេសតិ;
អទ្ធិសមំបកាសេន្តំ, អនុមត្តំបិទោសកំ.
ទោសំបរស្សបស្សន្តិ, អត្តទោសំនបស្សតិ;
តិលមត្តំបរទោសំ, នាឡិកេរំនបស្សតិ.
កោធោអត្ថំនជានាតិ ¶ , កោធោធម្មំនបស្សតិ;
អន្ធតមំតទាហោតិ, យំកោធោសហតេនរំ.
កោធោអព្ភន្តរេជាតោ, ធុវំនាសេតិកោធនំ;
វត្ថាលង្ការបុណ្ណាយំ, មញ្ជុសាយំសិខីយថា.
រាគោនាមមនោសល្លំ, គុណវរត្តចោរកោ;
រាហុវិជ្ជាសសង្កិស្ស, តបោធនហុតាសនោ.
នតិត្តិរាជាធនេន ¶ , បណ្ឌិតោបិសុភាសិតេ;
ចក្ខូបិបិយទស្សនេ, សាគរោបិមហាជលេ.
អសន្តុដ្ឋោយតិនដ្ឋោ, សន្តុដ្ឋោបិមហីបតិ;
សសជ្ជាគណិកានដ្ឋា, និលជ្ជាសុកុលគតា.
ភូបាណ្ណវគ្គិថីសិប្បី, អភិជ្ឈាលុចបុគ្គលោ;
ឯតេសំមហិច្ឆន្តានំ, មហិច្ឆតាអនិច្ឆិតា.
អារោគ្យំបរមំលាភំ ¶ , សន្តុដ្ឋីបរមំធនំ;
វិសាសោបរមំញាតិ, និព្ពានំបរមំសុខំ.
ទុគ្គតំគច្ឆភោលាភ, លាភោលាភេនបូរតិ;
ថលេបវុដ្ឋបជ្ជុន្ន, អាបោអាបេនបូរតិ.
ពោធយន្តិនយាចន្តិ, ទេហីតិបច្ឆិមាជនា;
បស្សវត្ថុំអទានស្ស, មាភវតូតិឦទិសោ.
សេលេសេលេនមាណិកំ ¶ , គជេគជេនមុត្តិកំ;
វនេវនេនចន្ទនំ, ឋានេឋានេនបណ្ឌិតំ.
សតេសុជាយតេសូរោ, សហស្សេសុចបណ្ឌិតោ;
វាក្យំសតសហស្សេសុ, ចាគោភវតិវានវា.
ជិនេនអាគតំសូរំ, ធនញ្ចគេហមាគតំ;
ជិណ្ណអន្នំបសំសេយ្យ, ទារញ្ចគតយោព្ពនំ.
បោត្ថកេសុចយំសិប្បំ ¶ , បរហត្ថេសុយំធនំ;
យទាឥច្ឆេសមុប្បន្នេ, នតំសិប្បំនតំធនំ.
វាចាវុធាចរាជានោ, សច្ចាវុធាចសមណា;
ធនាវុធាសេដ្ឋិនោច, គោណាវុធាទលិទ្ទកា.
ឧក្កដ្ឋេសូរមិច្ឆន្តិ, កោលាហលេសុភាសិតំ;
បិយំអន្នញ្ចបានញ្ច, អត្ថកិច្ចេសុបណ្ឌិតំ.
កបណេតារយេមិត្តំ ¶ , ទុព្ភិក្ខេធញ្ញំធារយេ;
សភាយំធារយេសិប្បំ, សង្គហានិមហីតលេ.
ទុព្ភិក្ខេអន្នទានញ្ច, សុភិក្ខេចហិរញ្ញទំ;
ភយេចភយធាតារំ, សព្ពេសំវរមំវរំ.
ហំសោមជ្ឈេនកាកានំ, សីហោគុន្នំនសោភតេ;
គទ្រភានំនតុរង្គោ, ពាលានញ្ចនបណ្ឌិតោ.
នសោរាជាយោអជេយ្យំ ¶ , ជិនាតិនសោសខារំ;
យោអយុត្តេនជិនាតិ, នសាភរិយាបតិនោ;
វិរោធតិនតេបុត្តា, យេនភរន្តិ ជិណ្ណ.
នត្ថិវិជ្ជាសមំមិត្តំ, នត្ថិព្យាធិសមោរិបុ;
នត្ថិអត្តសមំបេមំ, នត្ថិកម្មបរំពលំ.
ឥត្ថិមិស្សោកុតោសីលំ,
មំសភក្ខោកុតោទយំ;
សុរាបានោកុតោសច្ចំ,
មហាកោធោកុតោតបំ.
ក្វាតិភារោសមត្ថានំ ¶ , កិំទូរោព្យវហារិនំ;
កោវិទេសោសវិជ្ជានំ, កោបរោបិយវាទិនំ.
ទុព្ភិក្ខោកសិនោនត្ថិ, សន្តានំនត្ថិបាបកោ;
មុគស្សកលហោនត្ថិ, នត្ថិជាគរតោភយំ.
ពាលិត្ថីមក្ខិកាតុណ្ឌិ, ឥសីនញ្ចកមណ្ឌលុ;
សេតម្ពុផលំតម្ពុលំ, នោជ្ឈិដ្ឋមុបជាយតោ.
បញ្ចរត្យាសុគន្ធព្ពា ¶ , សត្តរត្យាធនុគ្គហា;
ឯកមាសាសុភរិយា, អឌ្ឍមាសាសិស្សាមលា.
មលិត្ថិយាទុច្ចរិតំ, មច្ឆេរំទទតោមលំ;
មលាវេលាមកាធម្មា, អស្មិំលោកេបរម្ហិច;
មលំមលតរំតតោ, អវិជ្ជាបរមំមលំ.
សុតស្សរក្ខាសព្ពទាភិយោគោ,
កុលស្សវត្ថំបុរិសស្សវិជ្ជា;
រញ្ញោបមាទោបសមោធនស្ស,
ឥត្ថីនន្តុនត្ថេវជាតុរក្ខា.
សត្តានំជរតាហន្តិ ¶ , តណ្ហាហន្តិសព្ពសុខំ;
សព្ពពលំចិន្តាហន្តិ, ទយាហន្តិសកំធនំ.
នីចេវាសោសិរិំហន្តិ, ហន្តិគរុំចយាចកោ;
បសំសាសុគុណំហន្តិ, ហន្តិចិត្តំអសញ្ញតា.
អសនំភយមន្តានំ ¶ , មច្ចានំមរណំភយំ;
ឧត្តមានន្តុសព្ពេសំ, អវមានំបរំភយំ.
សូរិយោតបនំតបោ, នសន្តិបរិវារិតា;
ចន្ទរំសីតលំជាតំ, តារកាបរិវារិតា;
ឧបមាឯត្ថញាតព្ពា, សូរិយចន្ទរាជុនំ.
អលសោមន្ទពុទ្ធិច, សុខិតោរោគបីឡិតោ;
និទ្ទារោមំសវឌ្ឍនោ, សុភក្ខោចវិលុទ្ធកោ.
បមាទោជាយតេមទា, បមាទាជាយតេខយោ;
ខយាទោសាបវឌ្ឍន្តិ, មទំកិំនជហេពុធោ.
យាទិសំវប្បតេពីជំ ¶ , តាទិសំផលំសម្បត្តោ;
កល្យាណការិកល្យាណំ, បាបការីចបាបកំ.
បុញ្ញាបាបផលំយោចេ, នសទ្ទហតិសច្ចតោ;
សោវេសកាននំខិប្បំ, អាទាសតលមានយេ.
សម្បរាយិកត្ថេយោ ¶ , នសទ្ទហតិចេបិសោ;
អាវាសេសប្បគាមីនំ, មោក្ខភេកិំនបស្សតិ.
សទ្ធាហិរិចឱត្តប្បំ, ពាហុសច្ចំវិរំសតិ;
បញ្ញាចសត្តធម្មេហិ, សម្បន្នោបណ្ឌិតោមតោ.
រវិមូលំសសីខន្ធំ, សោរិអង្គាចបត្តិកំ;
ពុទ្ធំបុប្ផំគរុពីជំ, ភរគុផលមេវច.
បោត្ថកាទីនិខេត្តំវ ¶ , លេខានិយុគនង្គលំ;
អក្ខរានិពីជំកត្វា, ចរន្តោបណ្ឌិតោភវេ.
អក្ខរំឯកមេកញ្ច, ពុទ្ធរូបំសមំសិយា;
តស្មាហិបណ្ឌិតោបោសោ, លិខេយ្យបិដកត្តយំ.
ទុគ្គតិំនាភិជាយេយ្យ, បិដកត្តយការកោ;
ពហុក្ខត្តុំចក្កវត្តិ, រាជាចតុទីបាធិបោ.
បទេសរជ្ជំវិបុលំ, គណនាតោអសង្ខ្យេយោ;
ឆកាមាវចរោទេវ, រាជាហោតិពហុក្ខត្តុំ.
ទានាទីនិចបុញ្ញានិ ¶ , ករោន្តោពោធិអង្កុរោ;
ភវាសព្ពង្គសម្បន្នោ, តិលោកបូជិតោភវេ.
អទ្ធេមហទ្ធនេផិតេ, ជាយរេកុលមុត្តមេ;
ឧត្តមេនេវសំវាសោ, បិដកត្តយវាចកោ.
ឯកក្ខរផលេនហិ, បិដកត្តយការកោ;
ចតុរាសីតិសហស្សំ, លភន្តិបវរំសុខំ.
អប្បកេនាបិមេធាវី, បាភតេនវិចក្ខណោ;
សមុដ្ឋាបេតិអត្តានំ, អនុមគ្គិវសន្ធមំ.
ទុក្ខំបាបស្សបុញ្ញស្ស ¶ , សុខំមិស្សស្សមិស្សកំ;
សព្ពំសទិសកំយាតិ, ញាតព្ពំកម្មុនោផលំ.
ចោទេន្តោចតុភាគាច, កម្មការាតយោភាគា;
សាមិនោសមភាគាច, ឯកភាគានុមោទនា.
អនត្តស្សវាក្យាបរមំតុណ្ហិ ¶ ,
អសន្តមិត្តាបរមំឯកំ;
សុរូបទារាវរមន្ធា,
ទូរេកលាភាវរមស្សសុក្ខំ.
ហីនចជ្ជោបិចេ ហោតិ, ឧដ្ឋាតាធីតិមានរោ;
សីលអាចារសម្បន្នោ, និសេអគ្គិវភាសតិ.
នចជ្ជវសលោហោតិ,
នចជ្ជហោតិព្រហ្មណោ;
កម្មុនាវសលោហោតិ,
កម្មុនាហោតិព្រហ្មណោ.
បថវីវេឡុកំបត្តំ ¶ , ចក្កវាឡំសុចិប្ផលំ;
សិនេរុវម្មិកំខុទ្ទំ, សមុទ្ទោបាតិតំយថា.
ឯកេនេវចកប្បេន, មាតុខីរំនសញ្ចយំ;
តតោតុសមុទ្ទោចាបិ, អតិរេកតរំពហុំ.
ព្រហ្មាតិមាតាបីតរោ, បុព្ពាចរិយាវុច្ចតេ;
អាហុនេយ្យាចបុត្តានំ, បជានមនុកម្បកា.
តស្មាហិនេនមស្សេយ្យ ¶ , សក្ករេយ្យចបណ្ឌិតោ;
អន្នេនអថោបានេន, វត្ថេនសយនេនច.
ឧច្ឆាទនេនន្ហាបេន, បាទានំធោវនេនច;
ឧដ្ឋាយបាទចរិយា, ឧបដ្ឋាបេយ្យបណ្ឌិតោ;
ឥធេវនំបសំសន្តិ, បច្ចសគ្គេបមោទតិ.
ឯកស្សេកេនកប្បេន ¶ , បុគ្គលស្សដ្ឋិសញ្ចយោ;
សមំបព្ពតរាសិម្ហិ, ឥតិវុត្តំមហេសិនា.
សព្ពទានំធម្មទានំជិនាតិ;
សព្ពរសំធម្មរសោជិនាតិ,
សព្ពរតិំធម្មរតិជិនាតិ;
សព្ពទុក្ខំតណ្ហក្ខយោជិនាតិ.
អប្បមាទរតាហោថ, សចិត្តមនុរក្ខថ;
ទុក្ខាឧទ្ធរថត្តានំ, បង្កេសន្នំវកុញ្ជរំ.
ចជទុជ្ជនសំសគ្គំ ¶ , ភជសាធុសមាគមំ;
ករបុញ្ញមហោរត្តិំ, សរនិច្ចមនិច្ចតំ.
អនិច្ចាវតសង្ខារា, ឧប្បាទវយធម្មិនោ;
ឧប្បជ្ជិត្វានិរុជ្ឈន្តិ, តេសំវូបសមោសុខោ.
នហិធម្មោអធម្មោច, ឧភោសមវិបាកិនោ;
អធម្មោនិរយំនេតិ, ធម្មោបាបេតិសុគ្គតិំ.
សមសីសំសមបាទំ ¶ , អន្តរញ្ចសមំសមំ;
ឥទំមនសិនិធាយ, លិខេយ្យបិដកត្តយន្តិ.