📜

សទ្ទពិន្ទុ ¶ បករណំ

នមោ តស្ស ភគវតោ អរហតោ សម្មាសម្ពុទ្ធស្ស

១.

យស្សញេយ្យេសុ ធម្មេសុ, នាណុមត្តម្បវេទិតំ,

នត្វាសទ្ធម្មសង្ឃំតំ, សទ្ទពិន្ទុំសមារភេ;

២. ¶

កាទិរិតា នវសង្ខ្យា, កមេនដា ទិ យាទិច,

បាទយោបញ្ច សង្ខ្យាតា, សុញ្ញនាមា សរញ្ញនា;

៣.

សរេហេវសរាបុព្ពេ លុត្តាវាវីបរេរមា,

ព្យញ្ជនាចាគមាវាវី ទីឃរស្សាទិសម្ភវា;

៤. ¶

កាកាសេនាគតោសិស កេនិទ្ធិមច្ចទស្សយិ,

អរាជខ្វគ្គិមេសីនំ សោតុកម្មេឃយិត្ថិយោ;

ឥតិ សន្ធិកប្បោ សមត្តោ.

៥. ¶

ពុទ្ធបុមយុវសន្ត រាជព្រហ្មសខាចសា,

យតាទិទេហីជន្តុច សត្ថុបិតាភិភូវិទូ;

៦.

កញ្ញាម្មារត្តិថិបោ, ក្ខរណីនទិរុមាតុភូ,

នបុំសកេតិយន្តាច, បទកម្មទធាយុនោ;

៧. ¶

គហិតាគហណេនេត្ថ សុទ្ធោស្យាទ្យន្តកាបុមេ,

វិមលាហោន្តិជាន្តេហិ ថ្យំបញ្ចន្តេហិទាធិកា;

៨.

នបុំសកេបយោគាតុ ជនកាហោន្តិត្យន្តតោ,

បធានានុគតាសព្ព នាមសមាសតទ្ធិតា;

៩. ¶

អត្តិលិង្គានិបាតាទិ តតោលុត្តាវស្យាទយោ,

សុត្តានុរូបតោសិទ្ធា ហោន្តិវត្តាមនាទយោ;

ឥតិ នាមកប្បោ សមត្តោ.

១០.

ឆការកេសសាមិស្មិំ សមាសោហោតិសម្ភវា,

តទ្ធីតាកត្តុកម្មស, ម្បទានោកាសសាមិសុ;

១១. ¶

សាធត្តយម្ហិអាខ្យាតោ កិតកោសត្តសាធនេ,

សព្ពត្ថបឋមាវុត្តេ អវុត្តេទុតិយាទយោ;

១២.

មនសាមុនិនោវុត្យា វនេពុទ្ធេនវណ្ណិតេ,

វដ្ដាហិតោវិវដ្ដត្ថំ ភិក្ខុភាវេតិភាវនំ;

ឥតិ ការកកប្បោ សមត្តោ.

១៣. ¶

រាសីទ្វិបទិកាទ្វន្ទា លិង្គេនវចនេនច,

លុត្តាតុល្យាធិករណា ពហុព្ពីហីតុខេមរូ;

១៤.

តប្បុរិសាចខេមោរា ទយាចកម្មធារយា,

ទិគវោចាវ្យយាហារា ឯតេសព្ពេបិហារិតា;

ឥតិ សមាសកប្បោ សមត្តោ.

១៥.

កច្ចាទិតោបិឯកម្ហា សទ្ទតោនិយមំវិនា,

នេកត្ថេសតិភោន្តេវ សព្ពេតទ្ធិតបច្ចយា;

ឥតិ តទ្ធិតកប្បោ សមត្តោ.

១៦. ¶

កត្តរិនាញ្ញថាកម្មេ តថាភាវេតុមេរយា,

សព្ពេតេបចធាតុម្ហិ សង្ខេបេនមរូមយា;

១៧. ¶

គមីម្ហាតិគុណាផត្តោ សម្ភវាអញ្ញធាតុសុ,

អនន្តាវបយោគាតេ អាទេសបច្ចយាទិហិ;

ឥតិ អាខ្យាតកប្បោ សមត្តោ.

១៨.

កិតាទិបច្ចយាសព្ពេ, ឯកម្ហាអបិធាតុតោ,

សិយុំនុរូបតោសត្ត, សាធនេសតិបាយតោ;

ឥតិ កិតកប្បោ សមត្តោ.

១៩. ¶

ឥមិនាកិញ្ចិលេសេន, សក្កាញាតុំជិនាគមេ,

បយោគាញាណិនាសិន្ធុ, រសោវេកេនពិន្ទុនា;

២០.

រម្មំសីឃប្បវេសាយ, បុរំបិដកសញ្ញិតំ,

មគ្គោជុមគ្គតំមគ្គំ, សទ្ទារញ្ញេវិសោធិតោ;

២១. ¶

តេនេវ កិញ្ចិ ជលិតោ ជលិតោ បទីបោ

កច្ចាយនុត្តិរតនោ ចិតគព្ភកោណេ,

ធម្មាទិរាជគុរុនា គរុមាមកេន

ធម្មេន យោព្ពិបតិនា សគរុត្តនីតោ;

ឥតិ សទ្ទពិន្ទុ បករណំ បរិសមត្តំ.

យោសញ្ញមោ គុណធនោ នយនំ និជំវ

សិក្ខាបយី មម មវំ សុគតាគមាទោ,

សល្លោក បុញ្ជ សុហទោ បទុមាទិ រាម

នាមោ មហា យតិវរា ចរិយោ សមយ្ហំ;

សទ្ធាធនេន វសតា វិទិតម្ហិ បុប្ផា

រាមេធុនា អរិយវំស ធជវ្ហយេន,

សន្តេន ញាណតិលកោ ត្យបរាខ្យកេន

ពាលានមេតមវិធីយិ មយាហិតាយ;