📜
ນໂມ ຕສ຺ສ ຠຄວໂຕ ອຣຫໂຕ ສມ຺ມາສມ຺ພຸທ຺ຘສ຺ສ
ອຏ຺ຐກຖາ
ສໍຄາຍນສ຺ສ ປຸຈ຺ຉາ-ວິສ຺ສຊ຺ຊນາ
ສເທວໂກປິ ¶ ເຈ ໂລໂກ, ອາຄນ຺ຕ຺ວາ ຕາສເຍຍ຺ຍ ມໍ;
ນ ເມ ປຏິພໂລ ອສ຺ສ, ຊເນຕຸໍ ຠຍເຠຣວໍ.
ສເຈປິ ຕ຺ວໍ ມຫິໍ ສພ຺ພໍ, ສສມຸທ຺ທໍ ສປພ຺ພຕໍ;
ອຸກ຺ຂິປິຕ຺ວາ ມຫານາຄ, ຂິເປຍ຺ຍາສິ ມມູປຣິ;
ເນວ ເມ ສກ຺ກຸເຓຍ຺ຍາສິ, ຊເນຕຸໍ ຠຍເຠຣວໍ;
ອຎ຺ຎທຕ຺ຖຸ ຕເວວສ຺ສ, ວິຆາໂຕ ອຸຣຄາຘິປ.
ມາ ¶ ທານິ ໂກຘໍ ຊນຍິຕ຺ຖ, ອິໂຕ ອຸທ຺ຘໍ ຍຖາ ປຸເຣ;
ສສ຺ສຆາຕຎ຺ຈ ມາກຕ຺ຖ, ສຸຂກາມາ ຫິ ປາຓິໂນ;
ກໂຣຖ ເມຕ຺ຕໍ ສຕ຺ເຕສຸ, ວສນ຺ຕຸ ມນຸຊາ ສຸຂໍ.
ຈຕ຺ຕາໂຣ ¶ ອາສີວິສາ ອຸຄ຺ຄເຕຊາ ໂຆຣວິສາຕິ ໂຂ ຠິກ຺ຂເວ ຈຕຸນ຺ເນຕໍ ມຫາຠູຕານໍ ອຘິວຈນໍ.
ປຎ຺ຈ ¶ ວຘກາ ປຈ຺ຈຕ຺ຖິກາຕິ ໂຂ ຠິກ຺ຂເວ ປຎ຺ຈນ຺ເນຕໍ ອຸປາທານກ຺ຂນ຺ຘານໍ ອຘິວຈນໍ.
ຉຏ຺ໂຐ ¶ ອນ຺ຕຣຈໂຣ ວຘໂກ ອຸກ຺ຂິຕ຺ຕາສິໂກຕິ ໂຂ ຠິກ຺ຂເວ ນນ຺ທີຣາຄສ຺ເສຕໍ ອຘິວຈນໍ.
ສຸຎ຺ໂຎ ¶ ຄາໂມຕິ ໂຂ ຠິກ຺ຂເວ ຉນ຺ເນຕໍ ອຊ຺ຌຕ຺ຕິການໍ ອາຍຕນານໍ ອຘິວຈນໍ.
ໂຈຣາ ¶ ຄາມຆາຕກາຕິ ໂຂ ຠິກ຺ຂເວ ຉນ຺ເນຕໍ ພາຫິຣານໍ ອາຍຕນານໍ ອຘິວຈນໍ.
ມຫາອຸທກຓ຺ຓໂວ ¶ ໂຂ ຠິກ຺ຂເວ ຈຕຸນ຺ເນຕໍ ໂອຆານໍ ອຘິວຈນໍ.
ໂອຣິມໍ ¶ ຕີຣໍ ສາສງ຺ກໍ ສປ຺ປຏິຠຍນ຺ຕິ ໂຂ ຠິກ຺ຂເວ ສກ຺ກາຍສ຺ເສຕໍ ອຘິວຈນໍ.
ປາຣິມໍ ¶ ຕີຣໍ ເຂມໍ ອປ຺ປຏິຠຍນ຺ຕິ ໂຂ ຠິກ຺ຂເວ ນິພ຺ພານສ຺ເສຕໍ ອຘິວຈນໍ.
ວີຣິຍາຣມ຺ຠສ຺ເສຕໍ ¶ ອຘິວຈນໍ.
ຄນ຺ຕ຺ວາ ¶ ກສ຺ມີຣຄນ຺ຘາຣໍ, ອິສິ ມຊ຺ຌນ຺ຕິກາ ຕທາ;
ທຸຏ຺ຐໍ ນາຄໍ ປສາເທຕ຺ວາ, ໂມເຈສິ ພນ຺ຘນາ ພຫູ.
ປຸນປິ ¶ ຠນ຺ເຕ ທກ຺ເຂມຸ ສງ຺ຄຕິ ເຈ ຠວິສ຺ສຕິ.
ອຊ຺ຊາປິ ¶ ສນ຺ຕານມຍໍ, ມາລໍ ຄນ຺ເຖນ຺ຕິ ນນ຺ທເນ;
ເທວປຸຕ຺ໂຕ ຊໂວ ນາມ, ໂຍ ເມ ມາລໍ ປຏິຈ຺ຉຕິ.
ມຸຫຸຕ຺ໂຕວິຍ ¶ ໂສ ທິພ຺ໂພ, ອິຘ ວສ຺ສານິ ໂສຬສ;
ຣຕ຺ຕິນ຺ທິໂວ ຈ ໂສ ທິພ຺ໂພ, ມານຸສິໍ ສຣໂທ ສຕໍ.
ອິຕິ ກມ຺ມານິ ອນ຺ເວນ຺ຕິ, ອສງ຺ເຂຍ຺ຍາປິ ຊາຕິໂຍ;
ກລ຺ຍາຓໍ ຍທິ ວາ ປາປໍ, ນ ຫິ ກມ຺ມໍ ວິນສ຺ສຕິ.
ໂຍ ¶ ອິຈ຺ເຉ ປຸຣິໂສ ໂຫຕຸໍ, ຊາຕິ ຊາຕິ ປຸນປ຺ປຸນໍ;
ປຣທາຣໍ ວິວຊ຺ເຊຍ຺ຍ, ໂຘຕປາໂທວ ກທ຺ທມໍ.
ຍາ ¶ ອິຈ຺ເຉ ປຸຣິໂສ ໂຫຕຸໍ, ຊາຕິ ຊາຕິ ປຸນປ຺ປຸນໍ;
ສາມິກໍ ອປຈາເຍຍ຺ຍ, ອິນ຺ທໍວ ປຣິຈາຣິກາ.
ໂຍ ¶ ອິຈ຺ເຉ ທິພ຺ພໂຠຄຎ຺ຈ, ທິພ຺ພມາຍຸໍ ຍສໍ ສຸຂໍ;
ປາປານິ ປຣິວຊ຺ເຊຕ຺ວາ, ຕິວິຘໍ ຘມ຺ມມາຈເຣ.
ຍໍ ¶ ຠິກ຺ຂເວ ສເທວກສ຺ສ ໂລກສ຺ສ ສມາຣກສ຺ສ ສພ຺ຣຫ຺ມກສ຺ສ ສສ຺ສມຓພ຺ຣາຫ຺ມຓິຍາ ປຊາຍ ສເທວມນຸສ຺ສາຍ ທິຏ຺ຐໍ ສຸຕໍ ມຸຕໍ ວິຎ຺ຎາຕໍ ປຕ຺ຕໍ ປຣິເຍສິຕໍ ອນຸວິຈຣິຕໍ ມນສາ, ຕມຫໍ ຊານາມິ ຕມຫໍ ອຠິຎ຺ຎາສິໍ, ຕໍ ຕຖາຄຕສ຺ສ ວິທິຕໍ, ຕໍ ຕຖາຄໂຕ ນ ອຸປຏ຺ຐາຕິ.
ອິຕິ ¶ ໂຂ ຠິກ຺ຂເວ ຕຖາຄໂຕ ທິຏ຺ຐສຸຕມຸຕວິຎ຺ຎາຕພ຺ເພສຸ ຘມ຺ເມສຸ ຕາທີເຍວ ຕາທີ, ຕຸມ຺ຫາ ຈ ປນ ຕາທິມ຺ຫາ ອຎ຺ໂຎ ຕາທີ ອຸຕ຺ຕຣິຕໂຣ ວາ ປຓີຕຕໂຣ ວາ ນຕ຺ຖີຕິ ວທາມິ.
ສຸວຓ຺ຓຠູມິໍ ¶ ຄນ຺ຕ຺ວານ, ໂສຓຸຕ຺ຕຣາ ມຫິທ຺ຘິກາ;
ປິສາເຈ ນິທ຺ຘເມຕ຺ວານ, ພ຺ຣຫ຺ມຊາລມເທສິສຸໍ.
ສມຓາ ¶ ມຍໍ ມຫາຣາຊ, ຘມ຺ມຣາຊສ຺ສ ສາວກາ;
ຕເວວ ອນຸກມ຺ປາຍ, ຊມ຺ພຸທີປາ ອິຘາຄຕາ.
ອຫໍ ພຸທ຺ຘຎ຺ຈ ຘມ຺ມຎ຺ຈ, ສງ຺ຆຎ຺ຈ ສຣຓໍ ຄໂຕ,
ອຸປາສກຕ຺ຕໍ ເທເສສິໍ, ສກ຺ຍປຸຕ຺ຕສ຺ສ ສາສເນ.
ເຕນ ¶ ສມເຍນ ພຸທ຺ໂຘ ຠຄວາ ເວຣຎ຺ຊາຍໍ ວິຫຣຕິ ນເຬຣຸປຸຈິ ມນ຺ທມູເລ.
ສຄ຺ຄາໂຣຫຓໂສປາຓໍ ¶ , ອຎ຺ຎໍ ສີລສມໍ ກຸໂຕ;
ທ຺ວາຣໍ ວາ ປນ ນິພ຺ພານ, ນຄຣສ຺ສ ປເວສເນ.
ອລເມວ ¶ ກາຕຸໍ ກລ຺ຍາຓໍ, ທານໍ ທາຕຸໍ ຍຖາຣຫໍ;
ປາຓິໍ ກາມທທໍ ທິສ຺ວາ, ໂກ ປຸຎ຺ຎໍ ນກຣິສ຺ສຕິ.
ທສ຺ສາມນ຺ນຎ຺ຈ ¶ ປານຎ຺ຈ, ວຕ຺ຖເສນາສນານິ ຈ;
ປປຎ຺ຈ ອຸທປານຎ຺ຈ, ທຸຄ຺ເຄ ສງ຺ກມນານິ ຈ.
ມຫາອຏ຺ຐກຖຎ຺ເຈວ ¶ , ມຫາປຈ຺ຈຣິເມວຈ;
ກຸຣຸນ຺ທິຎ຺ຈາຕິ ຕິສ຺ໂສປິ, ສີຫຬຏ຺ຐກຖາ ອິມາ;
ພຸທ຺ຘມິຕ຺ໂຕຕິ ນາເມນ, ວິສຸຕສ຺ສ ຍສສ຺ສິໂນ;
ວິນຍຎ຺ຎຸສ຺ສ ຘີຣສ຺ສ, ສຸຕ຺ວາ ເຖຣສ຺ສ ສນ຺ຕິເກ.
ອຸປທ຺ທວາກຸເລ ¶ ໂລເກ, ນິຣຸປທ຺ທວໂຕ ອຍໍ;
ເອກສໍວຈ຺ຉເຣເນວ, ຍຖາ ນິຏ຺ຐໍ ອຸປາຄຕາ;
ເອວໍ ສພ຺ພສ຺ສ ໂລກສ຺ສ, ນິຏ຺ຐໍ ຘມ຺ມູປສໍຫິຕາ;
ສີຆໍ ຄຈ຺ຉນ຺ຕຸ ອາຣມ຺ຠາ, ສພ຺ເພປິ ນິຣຸປທ຺ທວາ.
ຈິຣຏ຺ຐິຕຕ຺ຖໍ ¶ ຘມ຺ມສ຺ສ, ກໂຣນ຺ເຕນ ມຍາ ອິມໍ;
ສທ຺ຘມ຺ມພຫຸມາເນນ, ຍຎ຺ຈ ປຸຎ຺ຎໍ ສມາຈິຕໍ;
ສພ຺ພສ຺ສ ອານຸຠາເວນ, ຕສ຺ສ ສພ຺ເພປິ ປາຓິໂນ;
ຠວນ຺ຕຸ ຘມ຺ມຣາຊສ຺ສ, ສທ຺ຘມ຺ມຣສເສວິໂນ.
ຈິຣໍ ¶ ຕິຏ຺ຐຕຸ ສທ຺ຘມ຺ໂມ, ກາເລ ວສ຺ສໍ ຈິຣໍ ປຊໍ;
ຕປ຺ເປຕຸ ເທໂວ ຘມ຺ເມນ, ຣາຊາ ຣກ຺ຂຕຸ ເມທິນິໍ.
ຕາວ ຕິຏ຺ຐຕຸ ໂລກສ຺ມິໍ, ໂລກນິຕ຺ຖຣເຓສິນໍ;
ທສ຺ເສນ຺ຕີ ກຸລປຸຕ຺ຕານໍ, ນຍໍ ສີລວິສຸທ຺ຘິຍາ;
ຍາວ ພຸທ຺ໂຘຕິ ນາມມ຺ປິ, ສຸທ຺ຘຈິຕ຺ຕສ຺ສ ຕາທິໂນ;
ໂລກມ຺ຫິ ໂລກເຊຏ຺ຐສ຺ສ, ປວຕ຺ຕຕິ ມເຫສິໂນ.
ກຣຸຓາສີຕລຫທຍໍ ¶ , ປຎ຺ຎາປຊ຺ໂຊຕວິຫຕໂມຫຕມໍ;
ສນຣາມຣໂລກຄຣຸໍ, ວນ຺ເທ ສຸຄຕໍ ຄຕິວິມຸຕ຺ຕໍ.
ພຸທ຺ໂຘປິ ¶ ພຸທ຺ຘຠາວໍ, ຠາເວຕ຺ວາ ເຈວ ສຈ຺ຉິກຕ຺ວາຈ;
ຍໍ ອຸປຄໂຕ ຄຕມລໍ, ວນ຺ເທ ຕມນຸຕ຺ຕຣໍ ຘມ຺ມໍ.
ສຸຄຕສ຺ສ ໂອຣສານໍ, ປຸຕ຺ຕານໍ ມາຣເສນມຖນານໍ;
ອຏ຺ຐນ຺ນມ຺ປິ ສມູຫໍ, ສິຣສາ ວນ຺ເທ ອຣິຍສງ຺ຆໍ.
ທີຆສ຺ສ ¶ ທີຆສຸຕ຺ຕງ຺ກິຕສ຺ສ, ນິປຸຓສ຺ສ ອາຄມວຣສ຺ສ;
ພຸທ຺ຘານຸພຸທ຺ຘສໍວຓ຺ຓິຕສ຺ສ, ສທ຺ຘາວຫຄຸຓສ຺ສ.
ສມ຺ມາສມ຺ພຸທ຺ເຘເນວ ¶ ຫິ ຕິຓ຺ຓມ຺ປິ ປິຏການໍ ອຕ຺ຖວຓ຺ຓນາກ຺ກໂມ ຠາສິໂຕ, ຍາປກິຓ຺ຓກເທສນາຕິ ວຸຈ຺ຈຕິ, ຕໂຕ ສໍຄາຍນາທິວເສນ ສາວເກຫີຕິ ອາຈຣິຍາ ວທນ຺ຕິ.
ອຕ຺ຖປ຺ປກາສນຕ຺ຖໍ, ອຏ຺ຐກຖາ ອາທິໂຕ ວສິສເຕຫິ;
ປຎ຺ຈຫິ ຍາສງ຺ຄີຕາ, ອນຸສງ຺ຄີຕາ ຈ ປຈ຺ຉາປິ.
ມຊ຺ເຌ ¶ ວິສຸທ຺ຘິມຄ຺ຄາ, ເອສ ຈຕຸນ຺ນມ຺ປິ ອາຄມານຎ຺ຫິ;
ຐຕ຺ວາ ປກາສຍິສ຺ສຕິ, ຕຕ຺ຖ ຍຖາ ຠາສິຕມຕ຺ຖໍ;
ອິຈ຺ເຈວ ກໂຕ ຕສ຺ມາ, ຕມ຺ປິ ຄເຫຕ຺ວານ ສທ຺ຘິເມຕາຍ;
ອຏ຺ຐກຖາຍ ວິຊານາຖ, ທີຆາຄມນິສ຺ສິຕໍ ອຕ຺ຖໍ.
ອຕ຺ຖານໍ ¶ ສູຈນໂຕ, ສຸວຸຕ຺ຕໂຕ ສວນໂຕຖສູທນໂຕ,
ສຸຕ຺ຕາຓາ ສຸຕ຺ຕສຠາຄໂຕຈ, ສຸຕ຺ຕນ຺ຕິ ອກ຺ຂາຕໍ.
ສຸທຸທ຺ທສໍ ¶ ສຸນິປຸຓໍ, ຍຕ຺ຖກາມນິປາຕິນໍ;
ຈິຕ຺ຕໍ ຣກ຺ເຂຖ ເມຘາວີ, ຈິຕ຺ຕໍ ຄຸຕ຺ຕໍ ສຸຂາວຫໍ.
ໂສ ¶ ເອວໍ ສມາຫິເຕ ຈິຕ຺ເຕ ປຣິສຸທ຺ເຘ ປຣິໂຍທາເຕ ອນງ຺ຄເຓ ວິຄຕູປກ຺ກິເລເສ ມຸທຸຠູເຕ ກມ຺ມນິເຍ ຐິເຕ ອານຎ຺ຊປ຺ປຕ຺ເຕ ຎາຓທສ຺ສນາຍ ຈິຕ຺ຕໍ ອຠິນີຫຣຕິ ອຠິນິນ຺ນາເມຕິ –
ຍໍຫິຕໍ ¶ ຠິກ຺ຂເວ ສມ຺ມາວທມາເນ ວເທຍ຺ຍ ສມນ຺ຕປາໂສ ມາຣສ຺ສາຕິ, ມາຕຸຄາມໍເຍວ ສມ຺ມາ ວທມາໂນ ວເທຍ຺ຍ ສມນ຺ຕປາໂສ ມາຣສ຺ສາຕິ.
ໂຍ ¶ ຠິກ຺ຂຸ ທິວສໍ ຈງ຺ກເມນ ນິສຊ຺ຊາຍ ຈ ອາວຣຓີເຍຫິ ຘມ຺ເມຫິ ຈິຕ຺ຕໍ ປຣິໂສເຘຕ຺ວາ.
ອິຕິ ¶ ຈິຕ຺ຕກິຣິຍວາໂຍຘາຕຸວິປ຺ຜາຣວເສນ ອຍໍ ກາຍສມ຺ມໂຕ ອຏ຺ຐິສງ຺ຆາໂຕ ອຠິກ຺ກມຕິ.
ກຣຸຓາ ¶ ວິຍ ສຕ຺ເຕສຸ, ປຎ຺ຎາ ຍສ຺ສ ມເຫສິໂນ;
ເຎຍ຺ຍຘມ຺ເມສຸ ສພ຺ເພສຸ, ປວຕ຺ຕິຕ຺ຖ ຍຖາຣຸຈິ.
ທສາຍ ¶ ຕາຍ ສຕ຺ເຕສຸ, ສມຸສ຺ສາຫິຕມານໂສ;
ປາຏິຫີຣາວສານມ຺ຫິ, ວສນ຺ໂຕ ຕິທສາລເຍ;
ປາຣິຈ຺ຉຕ຺ຕກມູລມ຺ຫິ, ປຓ຺ຑຸກມ຺ພລນາມເກ;
ສິລາສເນ ສນ຺ນິສິນ຺ໂນ, ອາທິຈ຺ໂຈວ ຍຸຄນ຺ຘເຣ.
ຈກ຺ກວາຬສຫສ຺ເສຫິ, ທສາຫາຄມ຺ມ ສພ຺ພໂສ;
ສນ຺ນິສິນ຺ເນນ ເທວານໍ, ຄເຓນ ປຣິວາຣິໂຕ;
ມາຕຣໍ ປມຸຂໍ ກຕ຺ວາ, ຕສ຺ສາ ປຎ຺ຎາຍ ເຕຊສາ;
ອຠິຘມ຺ມກຖາມຄ຺ຄໍ, ເທວານໍ ສມ຺ປວຕ຺ຕຍິ.
ຕສ຺ສ ¶ ປາເທ ນມສ຺ສິຕ຺ວາ, ສມ຺ພຸທ຺ຘສ຺ສ ສິຣີມໂຕ;
ສທ຺ຘມ຺ມຎ຺ຈສ຺ສ ປູເຊຕ຺ວາ, ກຕ຺ວາ ສງ຺ຆສ຺ສ ຈຎ຺ຊລິໍ.
ຍໍ ¶ ເທວເທໂວ ເທວານໍ, ເທເສຕ຺ວາ ນຍໂຕ ປຸນ;
ເຖຣສ຺ສ ສາຣິປຸຕ຺ຕສ຺ສ, ສມາຈິກ຺ຂິ ວິນາຍໂກ.
ອໂນຕຕ຺ຕທເຫ ກຕ຺ວາ, ອຸປຏ຺ຐານໍ ມເຫສິໂນ;
ຍຎ຺ຈ ສຸຕ຺ວານ ໂສ ເຖໂຣ, ອາຫຣິຕ຺ວາ ມຫີຕລໍ.
ຠິກ຺ຂູນໍ ປຣິຣຸທາຫາສິ, ອິຕິ ຠິກ຺ຂູຫິ ຘາຣິໂຕ;
ສງ຺ຄີຕິກາເລ ສໍງ຺ຄີໂຕ, ເວເທຫມຸນິນາ ປຸນ.
ຍໍ ¶ ກໂຣມສິ ພ຺ຣຫ຺ມຸໂນ, ສມໍ ເທເວຫິ ມາຣິສ;
ຕທຊ຺ຊ ຕຸຍ຺ຫໍ ກສ຺ສາມ, ຫນ຺ທ ສາມໍ ກໂຣມ ເຕ.
ອຕ຺ຖໍ ¶ ປກາສຍິສ຺ສາມິ, ອາຄມຏ຺ຐກຖາສຸປິ;
ຄເຫຕພ຺ພໍ ຄເຫຕ຺ວານ, ໂຕສຍນ຺ໂຕ ວິຈກ຺ຂເຓ.
ອິຕິເມ ¶ ຠາສມານສ຺ສ, ອຠິຘມ຺ມກຖໍ ອິມໍ;
ອວິກ຺ຂິຕ຺ຕາ ນິສາເມຖ, ທຸລ຺ລຠາຫິອຍໍກຖາ.
ເອຕ຺ເຖເຕ ¶ ປາປກາ ອກຸສລາ ຘມ຺ມາ ອປຣິເສສາ ນິຣຸຊ຺ຌນ຺ຕິ.
ຈກ຺ຂຸໍ ¶ ຈາວຸໂສ ປຏິຈ຺ຈ ຣູເປຈ ອຸປ຺ປຊ຺ຊຕິ ຈກ຺ຂຸວິຎ຺ຎາຓໍ, ຕິຓ຺ຓໍ ສງ຺ຄຕິ ຜສ຺ໂສ, ຜສ຺ສປຈ຺ຈຍາ ເວທນາ, ຍໍ ເວເທຕິ, ຕໍ ສຎ຺ຊານາຕິ. ຍໍ ສຎ຺ຊານາຕິ, ຕໍ ວິຕກ຺ເກຕິ, ຍໍ ວິຕກ຺ເກຕິ, ຕໍ ປປຎ຺ເຈຕິ, ຍໍ ປປຎ຺ເຈຕິ, ຕໂຕ ນິທານໍ ປຸຣິສໍ ປປຎ຺ຈສຎ຺ຎາສງ຺ຂາ ສມຸທາຈຣນ຺ຕິ ອຕີຕານາຄຕປຈ຺ຈຸປ຺ປນ຺ເນສຸ ຈກ຺ຂຸວິຎ຺ເຎຍ຺ຍສຸ ຣູເປສຸ –
ປຸຣິມາ ¶ ຠິກ຺ຂເວ ໂກຏິ ນ ປຎ຺ຎາຍຕິ ອວິຊ຺ຊາຍ.
ອຕ຺ເຖວ ¶ ຄມ຺ຠີຣຄຕໍ ສຸທຸພ຺ພຸຘໍ,
ສຍໍ ອຠິຎ຺ຎາຍ ສເຫຕຸສມ຺ຠວໍ;
ຍຖານຸປຸພ຺ພໍ ນິຂິເລນ ເທສິຕໍ,
ມເຫສິນາ ຣູປຄຕໍວ ປສ຺ສຕິ.
ອຠິກ຺ກມິສ຺ສາມິ ¶ ປຏິກ຺ກມິສ຺ສາມີຕິ ຫິ ຈິຕ຺ຕໍ ອຸປ຺ປຊ຺ຊມານໍ ຣູປໍ ສມຸຏ຺ຐາເປຕິ.
ນ ¶ ອນ຺ຕລິກ຺ເຂນ ນ ສມຸທ຺ທມຊ຺ເຌ,
ນ ປພ຺ພຕານໍ ວິວຣໍ ປວິສ຺ສ;
ນ ວິຊ຺ຊເຕ ໂສ ຊຄຕິປ຺ປເທໂສ,
ຍຕ຺ຖຏ຺ຐິໂຕ ມຸຈ຺ເຈຍ຺ຍ ປາປກມ຺ມາ.
ຍໍ ¶ ປຕ຺ຕໍ ກຸສລໍ ຕສ຺ສ, ອານຸຠາເວນ ປາຓິໂນ;
ສພ຺ເພ ສທ຺ຘມ຺ມຣາຊສ຺ສ, ຎຕ຺ວາ ຘມ຺ມໍ ສຸຂາວຫໍ;
ປາປຸຓນ຺ຕຸ ວິສຸທ຺ຘາຍ, ສຸຂາຍ ປຏິປຕ຺ຕິຍາ;
ອໂສກມນຸປາຍາສໍ, ນິພ຺ພານສຸຂມຸຕ຺ຕມໍ.
ຈິຣໍ ຕິຏ຺ຐຕຸ ສທ຺ຘມ຺ໂມ, ຘມ຺ເມ ໂຫນ຺ຕຸ ສຄາຣວາ;
ສພ຺ເພປິ ສຕ຺ຕາ ກາເລນ, ສມ຺ມາ ເທໂວ ປວສ຺ສຕຸ;
ຍຖາ ຣກ຺ຂິໍສຸ ໂປຣາຓາ, ສຸຣາຊາໂນ ຕເຖວິມໍ;
ຣາຊາ ຣກ຺ຂຕຸ ຘມ຺ເມນ, ອຕ຺ຕໂນວ ປຊໍປຊໍ.
ຕາວ ¶ ຕິຏ຺ຐຕຸ ໂລກສ຺ມິໍ, ໂລກນິຕ຺ຖຣເຓສິນໍ;
ທສ຺ເສນ຺ຕີ ກຸລປຸຕ຺ຕານໍ, ນຍໍ ປຎ຺ຎາວິສຸທ຺ຘິຍາ;
ຍາວ ພຸທ຺ໂຘຕິ ນາມມ຺ປິ, ສຸທ຺ຘຈິຕ຺ຕສ຺ສ ຕາທິໂນ;
ໂລກມ຺ຫິ ໂລກເຊຏ຺ຐສ຺ສ, ປວຕ຺ຕຕິ ມເຫສິໂນ.
ທຸຕິຍສນ຺ນິປາຕ
ມຫາປທານສຸຕ຺ຕ ອຏ຺ຐກຖາ
ປຸຈ຺ຉາ – ອຏ຺ຐກຖາ ¶ ສໍຄີຕິຍາ ອາວຸໂສ ປຐເມ ສນ຺ນິປາເຕ ສກລາ ຈ ວິນຍສໍວຓ຺ຓນາ ທີຆນິກາເຍ ຈ ສີລກ຺ຂນ຺ຘວຄ຺ຄວຓ຺ຓນາ ອຠິຘມ຺ເມ ຈ ຘມ຺ມສງ຺ຄຫສໍວຓ຺ຓນາ ສໍຄີຕາ ເຖເຣຫິ ຉຏ຺ຐສໍຄີຕິກາເຣຫິ. ອິທານິ ປນ ທຸຕິເຍ ສນ຺ນິປາເຕ ທີຆນິກາເຍ ມຫາວຄ຺ຄວຓ຺ຓນາໂຕ ປຏ຺ຐາຍ ຕທວເສສານໍ ຍຖາວວຕ຺ຖິຕສໍວຓ຺ຓນານໍ ສໍຄາຍໂນກາໂສ ອນຸປ຺ປຕ຺ໂຕ. ຕສ຺ມາ ອິມິສ຺ສາ ທຸຕິຍສນ຺ນິປາຕສໍຄີຕິຍາ ປຸພ຺ພກິຈ຺ຈວເສນ ຍຖານຸປ຺ປຕ຺ຕາຍ ມຫາວຄ຺ເຄ ມຫາປທານສຸຕ຺ຕສໍວຓ຺ຓນາຍ ປຸຈ຺ຉາວິສ຺ສຊ຺ຊນໍ ກາຕຸໍ ສມາຣຠາມ. ມຫາປທານສຸຕ຺ຕສ຺ສ ອາວຸໂສ ນິທາເນ ປຣິຍາປນ຺ນສ຺ສ ‘‘ກເຣຣິກຸຏິກາຍ’’ນ຺ຕິປທສ຺ສ ອຕ຺ໂຖ ກຖໍ ອຏ຺ຐກຖາຈຣິເຍນ ກຖິໂຕ.
ວິສ຺ສຊ຺ຊນາ – ມຫາປທານສຸຕ຺ຕສ຺ສ ຠນ຺ເຕ ນິທາເນ ປຣິຍາປນ຺ນສ຺ສ ກເຣຣິກຸຏິກາຍນ຺ຕິປທສ຺ສ ອຕ຺ໂຖ ‘‘ກເຣຣິກຸຏິກາຍ’’ນ຺ຕິ ກເຣຣີຕິ ວຣຸຓຣຸກ຺ຂສ຺ສ ນາມໍ. ກເຣຣິມຓ຺ຑໂປ ຕສ຺ສາ ກຸຏິກາຍ ¶ ທ຺ວາເຣ ຐິໂຕ, ຕສ຺ມາ ກເຣຣິກຸຏິກາຕິ ວຸຈ຺ຈຕິ. ຍຖາ ໂກສມ຺ພຣຸກ຺ຂສ຺ສ ທ຺ວາເຣຐິຕຕ຺ຕາ ໂກສມ຺ພກຸຏິກາຕິ ເອວມາທິນາ ຠນ຺ເຕ ອຏ຺ຐກຖາຈຣິເຍນ ກຖິໂຕ.
ກເຣຣິກຸຏິກາຍນ຺ຕິ ¶ ກເຣຣີຕິ ວຣຸຓຣຸກ຺ຂສ຺ສ ນາມໍ.
ກເຣຣິມຓ຺ຑໂປ ¶ ຕສ຺ສາ ກຸຏິກາຍ ທ຺ວາເຣ ຐິໂຕ, ຕສ຺ມາ ກເຣຣິກຸຏິກາຕິ ວຸຈ຺ຈຕິ. ຍຖາ ໂກສມ຺ພຣຸກ຺ຂສ຺ສ ທ຺ວາເຣ ຐິຕຕ຺ຕາ ເອກາສມ຺ພກຸຏິກາຕິ.
ອນ຺ໂຕເຊຕວເນ ກິຣ ກເຣຣິກຸຏິ ໂກສມ຺ພກຸຏິ ຄນ຺ຘກຸຏິ ສລຬາຄາຣນ຺ຕິ ຈຕ຺ຕາຣິ ມຫາເຄຫານິ –
ເອເກກໍ ສຕສຫສ຺ສປຣິຈ຺ຈາເຄນ ນິປ຺ຜນ຺ນໍ.
ເຕສຸ ສລຬາຄາຣໍ ຣຎ຺ຎາ ປເສນທິນາ ກາຣິຕໍ.
ປຸພ຺ເພນິວາສ
ປຸຈ຺ຉາ – ຕຕ຺ເຖວ ¶ ອາວຸໂສ ນິທາເນ ປຸພ຺ເພນິວາສປຏິສໍຍຸຕ຺ຕາ ຘມ຺ມີກຖາ ອຸທປາທີຕິວຈນສ຺ສ ອຕ຺ໂຖ ກຖໍ ອຏ຺ຐກຖາຈຣິເຍນ ກຖິໂຕ.
ວິສ຺ສຊ຺ຊນາ – ຕຕ຺ເຖວ ຠນ຺ເຕ ນິທາເນ ປຸພ຺ເພນິວາສປຏິສໍຍຸຕ຺ຕາ ຘມ຺ມີກຖາ ອຸທປາທີຕິ ວຈນສ຺ສ ອຕ຺ໂຖ ປຸພ຺ເພນິວາສປຏິສໍຍຸຕ຺ຕາຕິ ເອກມ຺ປິຊາຕິໍ ທ຺ເວປິ ຊາຕິໂຍຕິ ເອວໍ ນິພທ຺ເຘນ ປຸພ຺ເພນິວຸຏ຺ຐຂນ຺ຘສນ຺ຕານສງ຺ຂາເຕນ ປຸພ຺ເພນິວາເສນ ສທ຺ຘິໍ ໂຍເຊຕ຺ວາ ປວຕ຺ຕິຕາ. ຘມ຺ມີຕິ ຘມ຺ມສໍຍຸຕ຺ຕາ. ອຸທປາທີຕິ ອໂຫ ອຈ຺ຉຣິຍໍ ທສພລສ຺ສ ປຸພ຺ເພນິວາສຎາຓໍ. ປຸພ຺ເພນິວາສໍ ນາມ ເກ ອນຸສ຺ສຣນ຺ຕິ ເກ ນານຸສ຺ສຣນ຺ຕີຕິ ທິຏ຺ຐິຍາ ອນຸສ຺ສຣນ຺ຕິ, ສາວກາ ສ ປຈ຺ເຈກພຸທ຺ຘາ ຈ ພຸທ຺ຘາ ຈ ອນຸສ຺ສຣນ຺ຕິ. ກຕຣທິຏ຺ຐິໂຍ ອນຸສ຺ສຣນ຺ຕິ. ເຍ ອຄ຺ຄປຕ຺ຕາ ກມ຺ມວາທິໂນ ເຕປິ ຈຕ຺ຕາລີສໍເຍວ ກປ຺ເປ ອນຸສ຺ສຣນ຺ຕິ, ນ ຕໂຕ ປຣນ຺ຕິ ເອວມາທິນາ ຠນ຺ເຕ ອຏ຺ຐກຖາຈຣິເຍນ ກຖິໂຕ.
ປຸພ຺ເພນິວາສປຏິສໍຍຸຕ຺ຕາຕິ ¶ ເອກມ຺ປິ ຊາຕິໍ ທ຺ເວປິ ຊາຕິໂຍຕິ ເອວໍ ນິພທ຺ເຘນ ປຸພ຺ເພນິວຸຏ຺ຐຂນ຺ຘສນ຺ຕານສງ຺ຂາເຕນ ປຸພ຺ເພນິວາເສນ ສທ຺ຘິໍ ໂຍເຊຕ຺ວາ ປວຕ຺ຕິຕາ.
ກປ຺ປປຣິຈ຺ເຉທວາຣ
ປຸຈ຺ຉາ – ຕສ຺ມິໍ ¶ ອາວຸໂສ ມຫາປທານສຸຕ຺ເຕ ອຸທ຺ເທສວາເຣ ນວສຸ ປຣິຈ຺ເຉທວາເຣສຸ ປຐເມ ກປ຺ປປຣິຈ຺ເຉທວາເຣ ຠທ຺ທກປ຺ເປຕິ ປທສ຺ສ ອຕ຺ໂຖ ອຏ຺ຐກຖາຈຣິເຍນ ກຖໍ ກຖິໂຕ.
ວິສ຺ສຊ຺ຊນາ – ຕສ຺ມິໍ ¶ ຠນ຺ເຕ ມຫາປທານສຸຕ຺ເຕ ອຸທ຺ເທສວາເຣ ນວສຸ ປຣິຈ຺ເຉທວາເຣສຸ ປຐເມ ກປ຺ປປຣິຈ຺ເຉທວາເຣ ຠທ຺ທກປ຺ເປຕິ ປທສ຺ສ ອຕ຺ໂຖ ຠທ຺ທກປ຺ເປຕິ ປຎ຺ຈພຸທ຺ຘຸປ຺ປາທປຏິມຓ຺ຑິຕຕ຺ຕາ ສຸນ຺ທຣກປ຺ເປ ສາຣກປ຺ເປຕິ ຠຄວາ ອິມໍ ກປ຺ປໍ ໂຖເມນ຺ໂຕ ເອວມາຫ. ຍໂຕ ປຏ຺ຐາຍ ກິຣ ອມ຺ຫາກໍ ຠຄວາ ອຠິນີຫາໂຣ ກໂຕ, ເອກສ຺ມິໍ ອນ຺ຕເຣ ເອກສ຺ມິມ຺ປິ ກປ຺ເປ ປຎ຺ຈພຸທ຺ຘາ ນິພ຺ພຕ຺ຕາ ນາມ ນຕ຺ຖີຕິ ເອວມາທິນາ ຠນ຺ເຕ ອຏ຺ຐກຖາຈຣິເຍນ ກຖິໂຕ.
ວິປສ຺ສິສ຺ສ ¶ ຠິກ຺ຂເວ ຠຄວໂຕ ອິໂຕ ໂສ ຠິກ຺ຂເວ ຉນວຸຕິກປ຺ເປ ຍໍ ວິປສ຺ສີ ຠຄວາ ອຣຫໍ ສມ຺ມາສມ຺ພຸທ຺ໂຘ ໂລເກ ອຸທປາທິ –
ສທ຺ທກປ຺ເປຕິ ປຎ຺ຈພຸທ຺ຘຸປ຺ປາທປຏິມຓ຺ຑິຕຕ຺ຕາ ສຸນ຺ທຣກປ຺ເປ ສາຣກປ຺ເປຕິ ຠຄວາ ອິມໍ ກປ຺ປໍ ໂຖເມນ຺ໂຕ ເອວມາຫ –
‘‘ຍໂຕ ປຏ຺ຐາຍ ກິຣ ອມ຺ຫາກໍ ຠຄວຕາຠິນີຫາໂຣ ກໂຕ, ເອຕສ຺ມິໍ ອນ຺ຕເຣ ເອກສ຺ມິມ຺ປິ ກປ຺ເປ ປຎ຺ຈພຸທ຺ຘາ ນິພ຺ພຕ຺ຕາ ນາມ ນຕ຺ຖິ’’ –
ອາຍຸປຣິຈ຺ເຉທວາຣ
ປຸຈ຺ຉາ – ຈຕຸຕ຺ເຖ ¶ ປນາວຸໂສ ອາຍຸປຣິຈ຺ເຉທວາເຣ ອປ຺ປໍ ວາ ຠິຍ຺ໂຍຕິ ເອເຕສໍ ປທານໍ ອຕ຺ໂຖ ກຖໍ ອຏ຺ຐກຖາຈຣິເຍນ ກຖິໂຕ.
ວິສ຺ສຊ຺ຊນາ – ຈຕຸຕ຺ເຖ ປນ ຠນ຺ເຕ ອາຍຸປຣິຈ຺ເຉທວາເຣ ອປ຺ປໍ ວາ ຠິຍ຺ໂຍຕິ ເອເຕສໍ ປທານໍ ອຕ຺ໂຖ ‘‘ອປ຺ປໍ ວາ ຠິຍ຺ໂຍຕິ ວສ຺ສສຕໂຕ ວາ ອຸປຣິ ອປ຺ປໍ, ອຎ຺ຎໍ ວສ຺ສສຕໍ ອປຕ຺ວາ ວີສໍ ວາ ຕິໍສໍ ວາ ຈຕ຺ຕາລີສໍ ວາ ປຓ຺ຓາສໍ ວາ ສຏ຺ຐິ ວາ ວສ຺ສານິ ຊີວຕິ. ເອວໍ ທີຆາຍຸໂກ ປນ ອຕິທຸລ຺ລໂຠ, ອສຸໂກ ກິຣ ເອວໍ ຈິຣໍ ຊີວຕີຕິ ຕຕ຺ຖ ຕຕ຺ຖ ຄນ຺ຕ຺ວາ ທຏ຺ຐພ຺ໂພ ໂຫຕີ’’ຕິ ເອວມາທິນາ ຠນ຺ເຕ ຕຕ຺ຖ ອຏ຺ຐກຖາຈຣິເຍນ ກຖິໂຕ.
ມຍ຺ຫໍ ¶ ຠິກ຺ຂເວ ເອຕຣຫິ ອປ຺ປກໍ ອາຍຸປ຺ປມາຓໍ ປຣິຕ຺ຕໍ ລຫຸກໍ ໂຍ ຈິຣໍ ຊີວຕິ ໂສ ວສ຺ສສຕໍ ອປ຺ປໍ ວາ ຠິຍ຺ໂຍ.
ອປ຺ປໍ ວາ ຠິຍ຺ໂຍຕິ ວສ຺ສສຕໂຕ ວາ ອຸປຣິ ອປ຺ປໍ, ອຍ຺ຍໍ ວສ຺ສສຕໍ ອປຕ຺ວາ ວີສໍ ວາ ຕິໍສໍ ວາ ຈຕ຺ຕາລີສໍວາ ວາ ປຓ຺ຓາສໍ ວາ ສຏ຺ຐິ ວາ ວສ຺ສານິ ຊີວຕິ–
ອຸປຏ຺ຐາກປຣິຈ຺ເຉທວາຣ
ປຸຈ຺ຉາ – ອຏ຺ຐເມ ¶ ປນາວຸໂສ ອຸປຏ຺ຐາກປຣິຈ຺ເຉທວາເຣ ອານນ຺ໂທຕິປເທ ກຖໍ ອຏ຺ຐກຖາຈຣິເຍນ ວຓ຺ຓິໂຕ.
ວິສ຺ສຊ຺ຊນາ – ອຏ຺ຐເມ ປນ ຠນ຺ເຕ ອຸປຏ຺ຐາກປຣິຈ຺ເຉເທ ປນ ອານນ຺ໂທຕິ ນິພທ຺ຘຸປຏ຺ຐາກຠາວໍ ສນ຺ຘາຍ ວຸຕ຺ຕນ຺ຕິ ເອວມາທິນາ ຠນ຺ເຕ ອຏ຺ຐກຖາຈຣິເຍນ ວຓ຺ຓິໂຕ.
ມຍ຺ຫໍ ¶ ຠິກ຺ຂເວ ເອຕຣຫິ ອານນ຺ໂທ ນາມ ຠິກ຺ຂຸ ອຸປຏ຺ຐາໂກ ອໂຫສິ ອຄ຺ຄຸປຏ຺ຐາໂກ–
ຠຄວໂຕຫິ ¶ ປຐມໂພຘິຍໍ ອນິພທ຺ຘາ ອຸປຏ຺ຐາກາ ອເຫສຸໍ.
ເອກທາ ນາຄສມາໂລ ປຕ຺ຕຈີວຣໍ ຄເຫຕ຺ວາ ວິຈຣິ.
ອິທເມວ ¶ ເຕ ກາຣຓໍ ສລ຺ລກ຺ເຂຕ຺ວາ ນິວາຣຍິມ຺ຫ.
ເອກຈ຺ເຈ ¶ ຠິກ຺ຂູ ອິມິນາ ມຄ຺ເຄນ ຄຈ຺ຉາມາຕິ ວຸຕ຺ເຕ ອຎ຺ເຎນ ຄຈ຺ຉນ຺ຕິ.
ອຸຏ຺ເຐຫິ ¶ ອາວຸໂສ ອານນ຺ທ, ອຸຏ຺ເຐຫິ ອາວຸໂສ ອານນ຺ທ.
ກໍ ປເນຕ຺ຖ ອານນ຺ທ ອາທີນວໍ ປສ຺ສສິ.
ກໍ ¶ ປເນຕ຺ຖ ອານນ຺ທ ອານິສໍສໍ ປສ຺ສສິ.
ສມວຕ຺ຕກ຺ຂນ຺ໂຘ ¶ ອຕຸໂລ, ສຸປ຺ປພຸທ຺ໂຘ ຈ ອຸຕ຺ຕໂຣ;
ສຕ຺ຕວາໂຫ ວິຊິຕເສໂນ, ຣາຫຸໂລ ຠວຕິ ສຕ຺ຕໂມ –
ສຸຕນາ ¶ ສພ຺ພກາມາຈ, ສຸຈິຕ຺ຕາ ອຖ ໂຣຈິນີ;
ຣຸຈຄ຺ຄຕີ ສຸນນ຺ທາຈ, ພິມ຺ພາ ຠວຕິ ສຕ຺ຕມາ.
ອເນກຊາຕິສໍສາຣໍ ¶ , ສນ຺ຘາວິສ຺ສໍ ອນິພ຺ພິສໍ;
ຄຫກາຣໍ ຄເວສນ຺ໂຕ, ທຸກ຺ຂາ ຊາຕິ ປຸນປ຺ປຸນໍ;
ຄຫກາຣກ ທິຏ຺ໂຐສິ, ປຸນ ເຄຫໍ ນ ກາຫສິ.
ສພ຺ພາ ເຕ ຜາສຸກາ ຠຄ຺ຄາ, ຄຫກູຏໍ ວິສງ຺ຂຕໍ;
ວິສງ຺ຂາຣຄຕໍ ຈິຕ຺ຕໍ, ຕຓ຺ຫານໍ ຂຍມຊ຺ຌຄາ.
ອໂຍຆນຫຕສ຺ເສວ ¶ , ຊລໂຕ ຊາຕເວທໂສ;
ອນຸປຸພ຺ພູປສນ຺ຕສ຺ສ, ຍຖາ ນ ຎາຎເຕ ຄຕິ;
ເອວໍ ສມ຺ມາວິມຸຕ຺ຕານໍ, ກາມພນ຺ໂຘຆຕາຣິນໍ;
ປຎ຺ຎາເປຕຸໍ ຄຕິ ນຕ຺ຖິ, ປຕ຺ຕານໍ ອຈລໍ ສຸຂໍ.
ນ ¶ ປນ ຠຄວາ ມິລກ຺ຂຸສທິໂສ ໂຫຕິ ນາປິ ອາມຸຕ຺ຕມຓິກຸຓ຺ຑໂລ.
ເຕ ປນ ອຕ຺ຕໂນ ສມານສຓ຺ຐານເມວ ປສ຺ສນ຺ຕິ.
ນ ¶ ໂຂ ອານນ຺ທ ເອຕ຺ຕາວຕາ ຕຖາຄໂຕ ສກ຺ກໂຕ ວາ ໂຫຕິ ຄຣຸກໂຕ ວາ ມານິໂຕ ວາ ປູຊິໂຕ ວາ ອປຈິໂຕ ວາ.
ກສ຺ມາ ¶ ປນ ຠຄວາ ອຎ຺ຎຕ຺ຖ ເອກໍ ອຸມາປຸປ຺ຜມຕ຺ຕມ຺ປິ ຄເຫຕ຺ວາ ພຸທ຺ຘ ຄຸເຓ ອາວຊ຺ເຊຕ຺ວາ ກຕາຍ ປູຊາຍ ພຸທ຺ຘຎາເຓນາປິ ອປຣິຈ຺ຉິນ຺ນໍ ວິປາກໍ ວຓ຺ເຓຕ຺ວາ–
ໂຍ ¶ ໂຂ ອານນ຺ທ ຠິກ຺ຂຸ ວາ ຠິກ຺ຂຸນີ ວາ ອຸປາສໂກ ວາ ອຸປາສິກາ ວາ ຘມ຺ມານຸຘມ຺ມປ຺ປຏິປນ຺ໂນ ວິຫຣຕິ ສາມີຈິປ຺ປຏິປນ຺ໂນ ອນຸຘມ຺ມຈາຣີ ໂສ ຕຖາ ຄຕໍ ສກ຺ກໂຣຕິ ຄຣຸກໂຣຕິ ມາເນຕິ ປູເຊຕິ ອປຈິຍຕິ ປຣມາຍ –
ສິຍາ ¶ ໂຂ ປນານນ຺ທ ຕຸມ຺ຫາກໍ ເອວມສ຺ສ ‘ອຕີຕສຕ຺ຖຸກໍ ປາວຈນໍ, ນຕ຺ຖິ ໂນ ສຕ຺ຖາ’ຕິ.
ນ ¶ ໂຂ ປເນຕໍ ອານນ຺ທ ເອວໍ ທຏ຺ຐພ຺ພໍ.
ຘມ຺ໂມປິ ເທສິໂຕ ເຈວ ປຎ຺ຎຕ຺ໂຕຈ, ວິນໂຍປິ ເທສິໂຕ ເຈວ ປຎ຺ຎຕ຺ໂຕ ຈ–
ອສ຺ໂສສິ ¶ ໂຂ ຣາຊາ ມາຄໂຘ ອຊາຕສຕ຺ຕຸ ເວເທຫິປຸຕ຺ໂຕ ຠຄວາ ກິຣ ກຸສິນາຣາຍໍ ປຣິນິພ຺ພຸໂຕຕິ.
ສຕ຺ຖາ ນາມ ປຣິນິພ຺ພຸໂຕ, ນ ໂສ ສກ຺ກາ ປຸນ ອາຫຣິຕຸໍ, ໂປຖຸຊ຺ຊນິກສທ຺ຘາຍ ປນ ອມ຺ຫາກໍ ຣຎ຺ຎາ ສທິໂສ ນຕ຺ຖິ, ສເຈ ເອສ ອິມິນາວ ນິຍາເມນ ສຸຓິສ຺ສຕິ, ຫທຍມສ຺ສ ຜລິສ຺ສຕິ. ຣາຊາ ໂຂ ປນ ອມ຺ເຫຫິ ອນຸຣກ຺ຂິຕພ຺ໂພຕິ.
ເທວ ¶ ອມ຺ເຫຫິ ສຸປິນໂກ ທິຏ຺ໂຐ, ຕສ຺ສ ປຏິຆາຕຕ຺ຖໍ ຕຸມ຺ເຫຫິ ທຸກູລທຸປຏ຺ຏໍ ນິວາເສຕ຺ວາ ຍຖາ ນາສາປຸຏມຕ຺ຕໍ ປຎ຺ຎາຍຕິ, ເອວໍ ຈຕຸມຘຸຣໂທຓິຍາ ນິປຊ຺ຊິຕຸໍ ວຏ຺ຏຕີຕິ.
ເທວ ¶ ມຣຓໂຕ ມຸຈ຺ຈນກສຕ຺ໂຕ ນາມ ນຕ຺ຖິ, ອມ຺ຫາກໍ ອາຍຸວຑ຺ຒໂນ ເຈຕິຍຏ຺ຐານໍ ປຸຎ຺ຎກ຺ເຂຕ຺ຕໍ ອຠິເສກສິຎ຺ຈໂກ ໂສ ຠຄວາ ສຕ຺ຖາ ກຸສິນາຣາຍ ປຣິນິພ຺ພຸໂຕຕິ.
ຠຄວາ ¶ ສພ຺ພຎ຺ຎຸ ນນຸ ອິມສ຺ມິໍ ຐາເນ ນິສີທິຕ຺ວາ ຘມ຺ມໍ ເທສຍິຕ຺ຖ, ໂສກສລ຺ລໍ ເມ ວິໂນທຍິຕ຺ຖ, ຕຸມ຺ເຫ ມຍ຺ຫໍ ໂສກສລ຺ລໍ ນີຫຣິຕ຺ຖ, ອຫໍ ຕຸມ຺ຫາກໍ ສຣຓໍ ຄໂຕ, ອິທານິ ປນ ເມ ປຏິວຈນມ຺ປິ ນ ເທຖ ຠຄວາຕິ.
ນນຸ ¶ ຠຄວາ ອຫໍ ອຎ຺ຎທາ ເອວຣູເປ ກາເລ ຕຸມ຺ເຫ ມຫາຠິກ຺ຂຸ ສງ຺ຆປຣິວາຣາ ຊມ຺ພຸທີປຕເລ ຈາຣິກໍ ຈຣຖາຕິ ສຸໂຓມິ.
ມມ ປຣິເທວິເຕເນວ ນ ສິຊ຺ຌຕິ, ທສພລສ຺ສ ຘາຕຸໂຍ ອາຫຣາເປສ຺ສາມີຕິ ເອວໍ ອສ຺ໂສສິ.
ສເຈ ¶ ທສ຺ສນ຺ຕິ, ສຸນ຺ທຣໍ. ໂນ ເຈ ທສ຺ສນ຺ຕິ, ອາຫຣຓຸປາເຍນ ອາຫຣິສ຺ສາມີຕິ ຈຕຸຣງ຺ຄິນິໍ ເສນໍ ສນ຺ນຍ຺ຫິຕ຺ວາ ສຍມ຺ປິ ນິກ຺ຂນ຺ໂຕເຍວ.
ຍຖາ ຈ ອຊາຕສຕ຺ຕຸ, ເອວໍ ລິຈ຺ຉວີ ອາທໂຍປິ.
ອມ຺ຫາກໍ ¶ ຘາຕຸໂຍ ວາ ເທນ຺ຕຸ, ຍຸທ຺ຘໍ ວາຕິ ກຸສິນາຣານຄຣໍ ປຣິວາເຣຕ຺ວາ ຐິເຕ ເອຕໍ ຠຄວາ ອມ຺ຫາກໍ ຄາມກ຺ເຂຕ຺ເຕຫິ ປຏິວຈນໍ ອໂວຈຸໍ.
ນ ມຍໍ ສຕ຺ຖຸ ສາສນໍ ປຫິຓິມ຺ຫ, ນາປິ ຄນ຺ຕ຺ວາ ອານຍິມ຺ຫ. ສຕ຺ຖາ ປນ ສຍເມວ ອາຄນ຺ຕ຺ວາ ສາສນໍ ເປເສຕ຺ວາ ອມ຺ເຫ ປກ຺ໂກສາເປສິ. ຕຸມ຺ເຫປິ ໂຂ ປນ ຍໍ ຕຸມ຺ຫາກໍ ຄາມກ຺ເຂຕ຺ເຕ ຣຕນໍ ອຸປ຺ປຊ຺ຊຕິ. ນ ຕໍ ອມ຺ຫາກໍ ເທຖ. ສເທວເກ ຈ ໂລເກ ພຸທ຺ຘຣຕນສມໍ ຣຕນໍ ນາມ ນຕ຺ຖິ ¶ , ເອວຣູປໍ ອຸຕ຺ຕມຣຕນໍ ລຠິຕ຺ວາ ມຍໍ ນທສ຺ສາມ, ນ ໂຂ ປນ ຕຸມ຺ເຫຫິເຍວ ມາຕຸຖນໂຕ ຂີຣໍ ປີຕໍ. ອມ຺ເຫຫິປິ ມາຕຸຖນໂຕ ຂີຣໍ ປີຕໍ, ນ ຕຸມ຺ເຫເຍວ ປຸຣິສາ, ອມ຺ເຫປິ ປຸຣິສາ. ໂຫຕູຕິ ອຎ຺ຎມຎ຺ຎໍ ອຫໍກາຣໍ ກຕ຺ວາ ສາສນປຏິສາສນໍ ເປເສນ຺ຕິ. ອຎ຺ຎມຎ຺ຎໍ ມານຄຊ຺ຊິຕໍ ຄຊ຺ຊນ຺ຕິ.
ເອເຕ ¶ ຣາຊາໂນ ຠຄວໂຕ ປຣິນິພ຺ພຸຕຏ຺ຐາເນ ວິວາທໍ ກໂຣນ຺ຕິ, ນ ໂຂ ປເນຕໍ ປຕິຣູປໍ, ອລໍ ອິມິນາ ກລເຫນ, ວູປສເມສ຺ສາມິ ນນ຺ຕິ.
ອາຈຣິຍສ຺ສ ¶ ວິຍ ໂຠ ສທ຺ໂທ, ອາຈຣິຍສ຺ສ ວິຍ ໂຠ ສທ຺ໂທຕິ ສພ຺ເພ ນິຣວາ ອເຫສຸໍ.
(໑)
ສຸຓນ຺ຕຸ ໂຠນ຺ໂຕ ມມ ເອກວາຈໍ,
ອມ຺ຫາກ ພຸທ຺ໂຘ ອຫຸ ຂນ຺ຕິວາໂທ;
ນຫິ ¶ ສາຘຸຍໍ ອຸຕ຺ຕມປຸຄ຺ຄລສ຺ສ,
ສຣີຣຠາເຄ ສິຍາ ສມ຺ປຫາໂຣ.
(໒)
ສພ຺ເພວ ໂຠນ຺ໂຕ ສຫິຕາ ສມຄ຺ຄາ,
ສມ຺ໂມທມານາ ກໂຣມຏ຺ຐຠາເຄ;
ວິຕ຺ຖາຣິກາ ໂຫນ຺ຕຸ, ທິສາສຸ ຖູປາ;
ພຫູ ຊນາ ຈກ຺ຂຸມໂຕ ປສນ຺ນາ.
ນ ¶ ຫິ ສາຘຸກໍ ອຸຕ຺ຕມປຸຄ຺ຄລສ຺ສ, ສຣີຣຠາເຄ ສິຍາ ສມ຺ປຫາໂຣຕິ ນ ຫິ ສາຘຸຍນ຺ຕິ ນ ຫິ ສາຘຸ ອຍໍ –
ຠຄວາ ¶ ສພ຺ພສຸ ປຸພ຺ເພ ມຍໍ ຕຸມ຺ຫາກໍ ທ຺ວຕ຺ຕິໍສມຫາປຸຣິສລກ຺ຂຓປຏິມຓ຺ຑິຕໍ ຉພ຺ພຓ຺ຓພຸທ຺ຘຣສ຺ມິຂຈິຕໍ ອສີຕິອນຸພ຺ຍຎ຺ຊນສມຸຊ຺ຊລິຕໂສຠໍ ສຸວຓ຺ຓວຓ຺ຓໍ ສຣີຣໍ ອທ຺ທສາມ, ອິທານິ ປນ ສຸວຓ຺ຓວຓ຺ຓາວ ຘາຕຸໂຍ ອວສິຏ຺ຐາ ຊາຕາ, ນຍຸຕ຺ຕມິທໍ ຠຄວາ ຕຸມ຺ຫາກນ຺ຕິ ປຣິເທວິໍສຸ.
ເກນ ¶ ນຸ ໂຂ ສເທວກສ຺ສ ໂລກສ຺ສ ກງ຺ຂຈ຺ເຉທນຕ຺ຖາຍ ຈຕຸສຈ຺ຈກຖາຍ ປຈ຺ຈຍຠູຕາ ຠຄວໂຕ ທກ຺ຂິຓທາຐາ ຄຫິຕາຕິ ໂອໂລເກນ຺ໂຕ ພ຺ຣາຫ຺ມເຓນ ຄຫິຕາຕິ ທິສ຺ວາ ພ຺ຣາຫ຺ມໂຓປິ ທຐາຍ ອນຸຈ຺ຉວິກໍ ສກ຺ກາຣໍ ນສກ຺ຂິສ຺ສຕິ ຄຓ຺ຫາມິ ນຕ຺ຖິ ເວຏ຺ຐນ຺ຕຣໂຕ ຄເຫຕ຺ວາ ສຸວຓ຺ຓຈງ຺ໂກຏເກ ຐເປຕ຺ວາ ເທວໂລກໍ ເນຕ຺ວາ ຈູຬາມຓິເຈຕິເຍ ປຕິຏ຺ຐເປສິ –
ຣາຊຄເຫ ¶ ຠຄວໂຕ ສຣີຣານໍ ຖູປຎ຺ຈ ມຫຎ຺ຈ ອກາສິ.
ສມຓສ຺ສ ¶ ໂຄຕມສ຺ສ ປຣິນິພ຺ພຸຕກາລໂຕ ປຏ຺ຐາຍ ພລກ຺ກາເຣນ ສາຘຸກີຬິຕາຍ ອຸປທ຺ທຸຕຸມ຺ຫ, ສພ຺ເພ ໂນ ກມ຺ມນ຺ຕາ ນຏ຺ຐາຕິ.
ມຫາຊໂນ ມນໍ ປໂທເສຕ຺ວາ ອປາເຍ ນິພ຺ພຕ຺ຕີຕິ ທິສ຺ວາ ສກ຺ກໍ ເທວຣາຊານໍ ຘາຕຸອາຫຣຓູປາຍໍ ກາເຣສ຺ສາມາຕິ ຕສ຺ສ ສນ຺ຕິກໍ ¶ ຄນ຺ຕ຺ວາ ຕມຕ຺ຖໍ ອາໂຣເຈຕ຺ວາ ຘາຕຸອາຫຣຓູປາຍໍ ກໂຣມິ ມຫາຣາຊາຕິ ອາຫໍສຸ.
ຠນ຺ເຕ ປຸຖຸຊ຺ຊໂນ ນາມ ອຊາຕສຕ຺ຕຸນາ ສໂມ ສທ຺ໂຘ ນາມ ນຕ຺ຖິ, ນ ໂສ ມມ ວຈນໍ ກຣິສ຺ສຕິ, ອປິຈ ໂຂ ມາຣວິຠິໍ ສກສທິສໍ ວິຠິໍສກໍ ທສ຺ເສສ຺ສາມິ ມຫາສທ຺ທໍ ສາເວສ຺ສາມິ ຍກ຺ຂຄາຫກຂິປິຕກອໂຣຈເກ ກຣິສ຺ສາມິ, ຕຸມ຺ເຫ ອມນຸສ຺ສາ ມຫາຣາຊ ກຸປິຕາ ຘາຕຸໂຍ ອາຫຣາເປຖາຕິ ວເທຍ຺ຍາຖ, ເອວໍ ໂສ ອາຫຣາເປສ຺ສຕີຕິ–
ມຫາຣາຊ ¶ ອມນຸສ຺ສາ ກຸປິຕາ, ຘາຕຸໂຍ ອາຫຣາເປຫີຕິ ຠຓິໍສຸ.
ນ ຕາວ ຠນ຺ເຕ ມຍ຺ຫໍ ຈິຕ຺ຕໍ ຕຸສ຺ສຕິ, ເອວໍ ສນ຺ເຕປິ ອາຫຣນ຺ຕູຕິ ອາຫ.
ມຫາຣາຊ ¶ ເອກໍ ຘາຕຸນິຘານໍ ກາຕຸໍ ວຏ຺ຏຕີຕິ ອາຫ.
ອນາຄເຕ ¶ ລງ຺ກາທີເປ ມຫາວິຫາເຣ ມຫາເຈຕິຍມ຺ຫິ ນິທຫິສ຺ສນ຺ຕິ.
ມຫາສາວກ ເຈຕີ
ອິມສ຺ມິໍ ¶ ຐາເນ ໂຍ ປາສາໂຓ ອຕ຺ຖິ, ໂສ ອນ຺ຕຣຘາຍຕຸ, ປໍສຸ ສຸວິສຸທ຺ຘາ ໂຫຕຸ, ອຸທກໍ ມາ ອຸຏ຺ຐຫຕູຕິ ອຘິຏ຺ຐາສິ.
ອິຘ ຣາຊາ ກິໍ ກາເຣຕີຕິ ປຸຈ຺ຉນ຺ຕານມ຺ປິ ມຫາສາວການໍ ເຈຕິຍານີຕິ ວທນ຺ຕິ.
ມາລາ ¶ ມາ ມິລາຍນ຺ຕຸ, ຄນ຺ຘາ ມາ ວິນສ຺ສນ຺ຕຸ, ທີປາ ມາ ວິຊ຺ຌາຍນ຺ຕູຕິ ອຘິຏ຺ຐຫິຕ຺ວາ ສຸວຓ຺ຓປຏ຺ເຏ ອກ຺ຂຣານິ ຉິນ຺ທາເປສິ –
ອນາຄເຕ ປິຍໂທໂສ ນາມ ກຸມາໂຣ ຉຕ຺ຕໍ ອຸສ຺ສາເປຕ຺ວາ ອໂສໂກ ຘມ຺ມຣາຊາ ຠວິສ຺ສຕິ, ໂສ ອິມາ ຘາຕຸໂຍ ວິຕ຺ຖາຣິກາ ກຣິສ຺ສຕີຕິ.
ອນາຄເຕ ¶ ທລິທ຺ທຣາຊາ ອິມໍ ມຓິໍ ຄເຫຕ຺ວາ ຘາຕູນໍ ສກ຺ກາຣໍ ກໂຣຕູຕິ ອກ຺ຂຣໍ ຉິນ຺ທາເປສິ.
ຕາຕ ອຊາຕສຕ຺ຕຸນາ ຘາຕຸນິຘານໍ ກຕໍ, ເອຕ຺ຖ ອາຣກ຺ຂໍ ປຏ຺ຐເປຫີຕິ ປຫິຓິ.
ປຣິກ຺ຂີໂຓທານິ ¶ ເມ ອາຍູຕິ ອຎ຺ຎາສິ.
ເຍສຎ຺ຈ ເທວປຸຕ຺ຕານໍ ມຣຓນິມິຕ຺ຕານິ ອາວິ ຠວນ຺ຕິ.
ນສ຺ສຕິ ¶ ວຕ ໂຠ ເມ ອຍໍ ສມ຺ປຕ຺ຕີຕິ ຠຍາຠິຠູໂຕ ອໂຫສິ.
ອຕ຺ຖິ ນຸ ໂຂ ໂກຈິ ສມໂຓ ວາ ພ຺ຣາຫ຺ມໂຓ ວາ ໂລກປິຕາ ມໂຫ ມຫາພ຺ຣຫ຺ມາວາ, ໂຍ ເມ ຫທຍນິສ຺ສິຕໍ ໂສກສລ຺ລໍ ສມຸທ຺ຘຣິຕ຺ວາ ອິມໍ ສມ຺ປຕ຺ຕິໍ ຖາວຣໍ ກເຣຍ຺ຍາຕິ ໂອໂລເກນ຺ໂຕ ກຎ຺ຈິ ອທິສ຺ວາ ປຸນ ອທ຺ທສ ມາທິສານໍ ສຕສຫສ຺ສານມ຺ປິ ອຸປ຺ປນ຺ນໍ ໂສກສລ຺ລໍ ສມ຺ມາສມ຺ພຸທ຺ໂຘ ອຸທ຺ຘຣິຕຸໍ ປຏິພໂລຕິ.
ອປຣິປກ຺ກໍ ¶ ຕາວສ຺ສ ຎາຓໍ, ກຕິປາຫໍ ປນ ອຕິກ຺ກມິຕ຺ວາ ມຍິ ອິນ຺ທສາລຄຸຫາຍໍ ວິຫຣນ຺ເຕ ປຎ຺ຈ ປຸພ຺ພນິມິຕ຺ຕານິ ທິສ຺ວາ ມຣຓຠຍຠີໂຕ ທ຺ວີສຸ ເທວໂລເກສຸ ເທວຕາຫິ ສທ຺ຘິໍ ອຸປສງ຺ກມິຕ຺ວາ ຈຸທ຺ທສ ປຎ຺ເຫ ປຸຈ຺ຉິຕ຺ວາ ອຸເປກ຺ຂາປຎ຺ຫວິສ຺ສຊ຺ຊນາວສາເນ ອສີຕິຍາ ເທວຕາສຫສ຺ເສຫິ ສທ຺ຘິໍ ໂສຕາປຕ຺ຕິຜເລ ປຕິຏ຺ຐຫິສ຺ສຕີຕິ ຈິນ຺ເຕຕ຺ວາ ໂອກາສໍ ນາກາສິ.
ມມ ¶ ປຸພ຺ເພປິ ເອກກສ຺ສ ຄຕຕ຺ຕາ ສຕ຺ຖາຣາ ໂອກາໂສ ນກໂຕ, ອທ຺ຘາ ເມ ນຕ຺ຖິ ມຄ຺ຄຜລສ຺ສ ອຸປນິສ຺ສໂຍ, ເອກສ຺ສ ປນ ອຸປນິສ຺ສເຍ ສຕິ ຈກ຺ກວາຬປຣິຍນ຺ຕາຍປິ ປຣິສາຍ ຠຄວາ ຘມ຺ມໍ ເທເສຕິເຍວ. ອວສ຺ສໍ ໂຂ ປນ ທ຺ວີສຸ ເທວໂລເກສຸ ກສ຺ສຈິ ເທວສ຺ສ ອຸປນິສ຺ສໂຍ ຠວິສ຺ສຕິ, ຕໍ ສນ຺ຘາຍ ສຕ຺ຖາ ທມ຺ມໍ ເທເສສ຺ສຕິ. ຕໍ ສຸຕ຺ວາ ອຫມ຺ປິ ອຕ຺ຕໂນ ໂທມນສ຺ສໍ ວູປສເມສ຺ສາມີຕິ.
ທ຺ວີສຸ ¶ ເທວໂລເກສຸ ເທວຕາ ຄເຫຕ຺ວາ ຘຸເຣນ ປຫຣນ຺ຕສ຺ສ ວິຍ ສຕ຺ຖາຣໍ ອຸປສງ຺ກມິຕຸໍ ນຍຸຕ຺ຕໍ, ອຍໍປນ ປຎ຺ຈສິໂຂ ທສພລສ຺ສ ອຸປຏ຺ຐາໂກ ¶ ວລ຺ລໂຠ ອິຈ຺ຉິຕິຈ຺ຉິຕກ຺ຂເຓ ຄນ຺ຕ຺ວາ ປຎ຺ຫໍ ປຸຈ຺ຉິຕ຺ວາ ຘມ຺ມໍ ສຸຓາຕິ, ອິມໍ ປຸຣໂຕ ເປເສຕ຺ວາ ໂອກາສໍ ກາເຣຕ຺ວາ ອິມິນາ ກໂຕກາເສ ອຸປສງ຺ກມິຕ຺ວາ ປຎ຺ຫໍ ປຸຈ຺ຉິສ຺ສາມີຕິ ໂອກາສກຣຓຕ຺ຖໍ ອາມນ຺ເຕສິ.
ເອວໍ ມຫາຣາຊ ໂຫຕຸ, ຠທ຺ທໍ ຕວ ໂຍ ຕ຺ວໍ ມໍ ເອຫິ ມາຣິສ ອຸຍ຺ຍານ ກີຬາທີນິ ວາ ນຏສມຊ຺ຊາທີນິ ວາ ທສ຺ສນາຍ ຄຈ຺ຉາມາຕິ ອວຕ຺ວາ ພຸທ຺ຘໍ ປສ຺ສິສ຺ສາມ ຘມ຺ມໍ ໂສສ຺ສາມາຕິ ວທສີຕິ ທຬ຺ຫຕຣໍ ອຸປຕ຺ຖມ຺ເຠນ຺ໂຕ ເທວານມິນ຺ທສ຺ສ ວຈນໍ ປຏິສ຺ສຸຕ຺ວາ ອນຸຈຣິຍໍ ສຫຈຣຓໍ ເອກໂຕ ຄມນໍ ອຸປາຄມິ.
ວນ຺ເທ ¶ ເຕ ປິຕຣໍ ຠທ຺ເທ, ຕິມ຺ພຣຸໍ ສູຣິຍວຈ຺ຉເສ;
ເຍນ ຊາຕາສິ ກລ຺ຍາຓີ, ອານນ຺ທຊນນີ ມມ.
ເອວໍ ວຸຕ຺ເຕ ຠຄວາ ປຎ຺ຈສິຂໍ ຄນ຺ຘພ຺ພເທວປຸຕ຺ຕໍ ເອຕທໂວຈ. ສໍສນ຺ທຕິ ໂຂ ເຕ ປຎ຺ຈສິຂ ຕນ຺ຕິສ຺ສໂຣ ຄີຕສ຺ສເຣນ ຄີຕສ຺ສໂຣ ຈ ຕນ຺ຕິສ຺ສເຣນ, ນຈ ປນ ເຕ ປຎ຺ຈສິຂ ຕນ຺ຕິສ຺ສໂຣ ຄີຕສ຺ສຣໍ ອຕິວຕ຺ຕຕິ ຄີຕສ຺ສໂຣ ຈ ຕນ຺ຕິສ຺ສຣໍ. ກທາ ສໍຍູຬ຺ຫາ ປນ ເຕ ປຎ຺ຈສິຂ ວ຺ມິ ຄາຖາ ພຸທ຺ຘູປສຎ຺ຫິຕາ ຘມ຺ມູປສຎ຺ຫິຕາ ສໍຍູປສຎ຺ຫິຕາ ອຣຫນ຺ຕູປສຎ຺ຫິຕາ ກາມູປສຎ຺ຫິຕາຕິ –
ຠຄວຕາ ¶ ປຎ຺ຈສິຂສ຺ສ ໂອກາໂສ ນກໂຕຕິ ເທວຕາ ຄເຫຕ຺ວາ ຕໂຕວ ປຏິນິວຕ຺ເຕຍ຺ຍ. ຕໂຕ ມຫາຊານິໂຍ ຠເວຍ຺ຍ, ວຓ຺ເຓ ປນ ກຖິເຕ ກໂຕ ຠຄວຕາ ປຎ຺ຈສິຂສ຺ສ ໂອກາໂສຕິ ເທວຕາຫິ ສທ຺ຘິໍ ອຸປສງ຺ກມິຕ຺ວາ ປຎ຺ຫໍ ປຸຈ຺ຉິຕ຺ວາ ວິສ຺ສຊ຺ຊນາວສາເນ ອສີຕິຍາ ເທວຕາສຫສ຺ເສຫິ ສທ຺ຘິໍ ໂສຕາປຕ຺ຕິຜເລ ປຕິຏ຺ຐຫິສ຺ສຕີຕິ ຎຕ຺ວາ ວຓ຺ຓໍ ກເຖສິ.
ອຖ ¶ ໂຂ ຠຄວາ ສກ຺ກໍ ເທວານມິນ຺ທໍ ເອຕທໂວຈ ‘‘ອຈ຺ຉຣິຍມິທໍ ອາຍສ຺ມໂຕ ໂກສິຍສ຺ສ, ອພ຺ຠຸຕມິທໍ ອາຍສ຺ມໂຕ ໂກສິຍສ຺ສ ຕາວ ພຫຸກິຈ຺ຈສ຺ສ ພຫຸກຣຓີຍສ຺ສ ຍທິທໍ ອິຘາຄມນ’’ນ຺ຕິ.
ຈິຣປຏິກາຫໍ ຠນ຺ເຕ ຠຄວນ຺ຕໍ ທສ຺ສນາຍ ອຸປສງ຺ກມິຕຸກາໂມ, ອປິ ຈ ເທວານໍ ຕາວຕິໍສານໍ ເກຫິຈິ ເກຫິຈິ ກິຈ຺ຈກຣຓີເຍຫິ ພ຺ຍາວໂຏ, ເອວາຫໍ ນາສກ຺ຂິໍ ຠຄວນ຺ຕໍ ທສ຺ສນາຍ ອຸປສງ຺ກມິຕຸໍ.
ເຕ ¶ ‘‘ຕວ ສນ຺ຕກາ, ມມ ສນ຺ຕກາ’’ຕິ ນິຈ຺ເຉຕຸໍ ອສກ຺ໂກນ຺ຕາ ອຑ຺ຑໍ ກໂຣນ຺ຕິ, ສກ຺ກໍ ເທວຣາຊານໍ ປຸຈ຺ຉນ຺ຕິ, ໂສ ‘‘ຍສ຺ສ ວິມານໍ ອາສນ຺ນຕຣໍ, ຕສ຺ສ ສນ຺ຕກາ’’ຕິ ວທຕິ.
ຍສ຺ສ ¶ ວິມານໍ ໂອໂລເກນ຺ຕີ ຐິຕາ, ຕສ຺ສ ສນ຺ຕກາຕິ ວທຕິ.
ອິເຘວ ¶ ຠນ຺ເຕ ກປິລວຕ຺ຖຸສ຺ມິໍ ໂຄປິກາ ນາມ ສກ຺ຍຘີຕາ ອໂຫສິ ພຸທ຺ເຘ ປສນ຺ນາ ຘມ຺ເມ ປສນ຺ນາ ສງ຺ເຆ ປສນ຺ນາ ສີເລສຸ ປຣິປູຣກາຣິນີ, ສາ ອິຕ຺ຖິຕ຺ຕໍ ວິຣາເຊຕ຺ວາ ປຸຣິສຕ຺ຕໍ ຠາເວຕ຺ວາ ກາຍສ຺ສ ເຠທາ ປຣໍ ມຣຓາ ສຸຄຕິໍ ສຄ຺ຄໍ ໂລກໍ ອຸປປນ຺ນາ.
ຕສ຺ສ ¶ ຘມ຺ມສ຺ສ ປຕ຺ຕິຍາ, ອາຄຕມ຺ຫາສິ ມາຣິສ;
ກຕາວກາສາ ຠຄວຕາ, ປຎ຺ຫໍ ປຸຈ຺ເຉມຸ ມາຣິສ.
ປຸຈ຺ຉ ວາສວ ມໍ ປຎ຺ຫໍ, ຍໍ ກິຎ຺ຈິ ມນສິຈ຺ຉສິ;
ຕສ຺ສ ຕສ຺ເສວ ປຎ຺ຫສ຺ສ, ອຫໍ ອນ຺ຕໍ ກໂຣມິ ເຕ.
ກິໍ ¶ ສໍໂຍຊນາ ນຸ ໂຂ ມາຣິສ ເທວາ ມນຸສ຺ສາ ອສຸຣາ ນາຄາ ຄນ຺ຘພ຺ພາ ເຍ ຈຎ຺ເຎ ສນ຺ຕິ ປຸຖຸກາຍາ, ເຕ ອເວຣາ ອທຓ຺ຑາ ອສປຕ຺ຕາ ອພ຺ຍາປຊ຺ຊາ ວິຫເຣມຸ ອເວຣິໂນຕິ ອິຕິ ຈ ເນສໍ ໂຫຕິ. ອຖ ຈ ປນ ສເວຣາ ສທຓ຺ຑາ ສສປຕ຺ຕາ ສພ຺ຍາປຊ຺ຊາ ວິຫຣນ຺ຕິ ສເວຣິໂນຕິ.
ອິສ຺ສາມຈ຺ຉຣິຍສໍໂຍຊນາ ¶ ໂຂ ເທວານມິນ຺ທ ເທວາ ມນຸສ຺ສາ ອສຸຣາ ນາຄາ ຄນ຺ຘພ຺ພາ ເຍຈຎ຺ເຎ ສນ຺ຕິ ປຸຖຸກາຍາ, ເຕ ອເວຣາ ອທຓ຺ຑາ ອສປຕ຺ຕາ ອພ຺ຍາປຊ຺ຊາ ວິຫເຣມຸ ອເວຣິໂນຕິ ອິຕິ ຈ ເນສໍໂຫຕິ, ອຖ ຈ ປນ ສເວຣາ ສທຓ຺ຑາ ສສປຕ຺ຕາ ສພ຺ຍາປຊ຺ຊາ ວິຫຣນ຺ຕິ ສເວຣິໂນຕິ.
ອິສ຺ສຕີຕິ ¶ ອິສ຺ສາ, ສາ ປຣສມ຺ປຕ຺ຕີນໍ ອຸສູຍນລກ຺ຂຓາ, ຕຕ຺ເຖວ ອນຠິຣຕິຣສາ, ຕໂຕ ວິມຸຂຠາວປຈ຺ຈຸປຏ຺ຐານາ, ປຣສມ຺ປຕ຺ຕິ ປທຏ຺ຐານາ, ສໍໂຍຊນນ຺ຕິ ທຏ຺ຐພ຺ພາ.
ມຈ຺ເຉຣຠາໂວ ¶ ມຈ຺ຉຣິຍໍ, ຕໍລທ຺ຘານໍ ວາ ລຠິຕພ຺ພານໍ ວາ ອຕ຺ຕໂນ ສມ຺ປຕ຺ຕີນໍ ນິຄູຫນລກ຺ຂຓໍ, ຕາສໍເຍວ ປເຣຫິ ສາຘາຣຓຠາວ ອກ຺ຂມນຣສໍ, ສງ຺ໂກຈນປຈ຺ຈຸປຏ຺ຐານໍ, ກຏຸກຎ຺ຈຸກຕາ ປຈ຺ຈຸປຏ຺ຐານໍ ວາ, ອຕ຺ຕສມ຺ປຕ຺ຕິປທຏ຺ຐານໍ, ເຈຕໂສ ວິຣູປຠາໂວຕິ ທຏ຺ຐພ຺ພໍ.
ກິໍ ¶ ວຓ຺ໂຓ ເອໂສຕິ ຕໍ ຕໍ ໂທສໍ ວທນ຺ໂຕ ປຣິຍຕ຺ຕິຎ຺ຈ ກສ຺ສຈິ ກິຎ຺ຈິ ອເທນ຺ໂຕ ທຸພ຺ພຓ຺ໂຓ ເຈວ ເອຬມູໂຄຈ ໂຫຕິ.
ຍາວ ¶ ຕໍ ນປ຺ປຫີຍຕິ, ຕາວ ເທວມນຸສ຺ສາ ອເວຣຕາທີນິ ປຕ຺ຖຍນ຺ຕາປິ ເວຣາທີນິ ນປຣິມຸຈ຺ຈນ຺ຕິເຍວ.
ອຖ ¶ ໂຂ ສກ຺ໂກ ເທວານມິນ຺ໂທ ຠຄວນ຺ຕໍ ອຸຕ຺ຕຣິ ປຎ຺ຫໍ ອປຸຈ຺ຉິ–
ອິສ຺ສາມຈ຺ຉຣິຍໍ ປນ ມາຣິສ ກິໍ ນິທານໍ ກິໍ ສມຸທຍໍ ກິໍ ຊາຕິກໍ ກິໍ ປຠວໍ, ກິສ຺ມິໍ ສຕິ ອິສ຺ສາມຈ຺ຉຣິຍໍ ໂຫຕິ, ກິສ຺ມິໍ ອສຕິ ອິສ຺ສາມຈ຺ຉຣິຍໍ ນ ໂຫຕີຕິ.
ອິສ຺ສາມຈ຺ຉຣິຍໍ ¶ ໂຂ ເທວານມິນ຺ທ ປິຍາປ຺ປິຍນິທານໍ ປິຍາປ຺ປິຍສມຸທຍໍ ປິຍາປ຺ປິຍຊາຕິກໍ ປິຍາປ຺ປິຍປຠວໍ, ປິຍາປ຺ປິເຍ ສຕິ ອິສ຺ສາມຈ຺ຉຣິຍໍ ໂຫຕິ, ປິຍາປ຺ປິເຍ ອສຕິ ອິສ຺ສາມຈ຺ຉຣິຍໍ ນໂຫຕີຕິ.
ນ ¶ ສກ຺ກາ ທາຕຸໍ, ກິລມິສ຺ສຕິ ວາ ອຸກ຺ກຓ຺ຐິສ຺ສຕິ ວາຕິອາທີນິ ວຕ຺ວາ ມຈ຺ຉຣິຍໍ ກໂຣຕິ.
ອໂຫ ¶ ວຕສ຺ສ ເອວຣູປໍ ນ ຠເວຍ຺ຍາຕິ ອິສ຺ສໍ ກໂຣຕິ.
ມຍມ຺ເປຕໍ ມມາຍນ຺ຕາ ນ ປຣິຠຸຎ຺ຊາມ, ນ ສກ຺ກາ ທາຕຸນ຺ຕິ ມຈ຺ຉຣິຍ ກໂຣຕິ.
ຐເປຕ຺ວາ ¶ ມໍ ໂກ ອຎ຺ໂຎ ເອວຣູປສ຺ສ ລາຠີຕິ ອິສ຺ສໍ ວາ ກໂຣຕິ, ຍາຈິໂຕ ຕາວກາລິກມ຺ປິ ອທທມາໂນ ມຈ຺ຉຣິຍໍ ວາ ກໂຣຕິ.
ປິຍາປ຺ປິຍໍ ໂຂ ປນ ມາຣິສ ກິໍນິທານໍ ກິໍສມຸທຍໍ ກິໍຊາຕິກໍ ກິໍປຠວໍ, ກິສ຺ມິໍ ສຕິ ປິຍາປ຺ປິຍໍ ໂຫຕິ, ກິສ຺ມິໍ ອສຕິ ປິຍາປ຺ປິຍໍ ນ ໂຫຕີຕິ.
ປິຍາປ຺ປິຍໍ ¶ ໂຂ ເທວານມິນ຺ທ ຉນ຺ທນິທານໍ ຉນ຺ທສມຸທຍໍ ຉນ຺ທຊາຕິກໍ ຉນ຺ທປຠວໍ, ຉນ຺ເທ ສຕິ ປິຍາປ຺ປິຍໍ ໂຫຕິ, ຉນ຺ເທ ອສຕິ ປິຍາປ຺ປິຍໍ ນ ໂຫຕີຕິ.
ຉນ຺ທນິທານນ຺ຕິເອຕ຺ຖ ¶ ປຣິເຍສນຉນ຺ໂທ, ປຏິລາຠຉນ຺ໂທ, ປຣິໂຠຄ ຉນ຺ໂທ, ສນ຺ນິຘິຉນ຺ໂທ, ວິສ຺ສຊ຺ຊນຉນ຺ໂທຕິ ປຎ຺ຈວິໂຘ ຉນ຺ໂທ.
ອິເມ ¶ ມໍ ຣກ຺ຂິສ຺ສນ຺ຕິ ໂຄປິສ຺ສນ຺ຕິ ມມາຍິສ຺ສນ຺ຕິ ສມ຺ປຣິວາຣຍິສ຺ສນ຺ຕີຕິ.
ຉນ຺ໂທ ໂຂ ປນ ມາຣິສ ກິໍນິທາໂນ ກິໍສມຸທໂຍ ກິໍຊາຕິໂກ ກິໍປຠໂວ, ກິສ຺ມິໍ ສຕິ ຉນ຺ໂທ ໂຫຕິ, ກິສ຺ມິໍ ອສຕິ ຉນ຺ໂທ ນໂຫຕີຕິ. ຉນ຺ໂທ ໂຂ ເທວານມິນ຺ທ ວິຕກ຺ກນິທາໂນ ວິຕກ຺ກສມຸທໂຍ ວິຕກ຺ກຊາຕິໂກ ວິຕກ຺ກປຠໂວ, ວິຕກ຺ເກ ສຕິ ຉນ຺ໂທ ໂຫຕິ, ວິຕກ຺ເກ ອສຕິ ຉນ຺ໂທ ນ ໂຫຕີຕິ.
ເອຕ຺ຕກໍ ¶ ຣູປສ຺ສ ຠວິສ຺ສຕິ, ເອຕ຺ຕກໍ ສທ຺ທສ຺ສ, ເອຕ຺ຕກໍ ຄນ຺ຘສ຺ສ, ເອຕ຺ຕກໍ ຣສສ຺ສ, ເອຕ຺ຕກໍ ໂຜຏ຺ຐພ຺ພສ຺ສ ຠວິສ຺ສຕິ, ເອຕ຺ຕກໍ ມຍ຺ຫໍ ຠວິສ຺ສຕິ, ເອຕ຺ຕກໍ ປຣສ຺ສ ຠວິສ຺ສຕິ, ເອຕ຺ຕກໍ ນິທຫິສ຺ສາມິ, ເອຕ຺ຕກໍ ປຣສ຺ສ ທສ຺ສາມີຕິ ວວຕ຺ຖານໍ ວິຕກ຺ກວິນິຈ຺ຉເຍນ ໂຫຕິ. ເຕນາຫ ຉນ຺ໂທ ໂຂ ເທວານມິນ຺ທ ວິຕກ຺ກນິທາໂນຕິ.
ກຖໍ ¶ ປຏິປນ຺ໂນ ປນ ມາຣິສ ຠິກ຺ຂຸ ປປຎ຺ຈສຎ຺ຎາສງ຺ຂານິໂຣຘສາຣຸປ຺ປຄາມິນິໍ ປຏິປທໍ ປຏິປນ຺ໂນ ໂຫຕີຕິ.
ໂສມນສ຺ສໍປາຫໍ ¶ ເທວານມິນ຺ທ ທຸວິເຘນ ວທາມິ ເສວິຕພ຺ພໍປິ ອເສວິຕພ຺ພໍປິ. ໂທມນສ຺ສໍປາຫໍ ເທວານມິນ຺ທ ທຸວິເຘນ ວທາມິ ເສວິຕພ຺ພໍປິ ອເສວິຕພ຺ພໍປິ. ອຸເປກ຺ຂໍປາຫໍ ເທວານມິນ຺ທ ທຸວິເຘນ ວທາມິ ເສວິຕພ຺ພໍປິ ອເສວິຕພ຺ພໍປິ.
ກິໍ ¶ ປນ ຠຄວຕາ ປຸຈ຺ຉິຕໍ ກຖິຕໍ ອປຸຈ຺ຉິຕໍ, ສານຸສນ຺ຘິກໍ ອນນຸສນ຺ຘິກນ຺ຕິ.
ປຸຈ຺ຉິຕເມວ ກຖິຕໍ ໂນ ອປຸຈ຺ຉິຕໍ. ສານຸສນ຺ຘິກເມວ ໂນ ອນນຸສນ຺ຘິກໍ.
ອິເມ ¶ ປຎ຺ຈກ຺ຂນ຺ຘາ ກິໍ ເຫຕຸກາຕິ ອຸປປຣິກ຺ຂນ຺ໂຘ ອວິຊ຺ຊາທິເຫຕຸກາຕິ ປສ຺ສຕິ.
ອໂຫສຸຂໍ ¶ ອໂຫສຸຂນ຺ຕິ ວາຈໍ ນິຈ຺ຉາຣຍມານວເສນ ອຸປ຺ປຊ຺ຊຕິ.
ອໂຫທຸກ຺ຂໍ ¶ ອໂຫທຸກ຺ຂນ຺ຕິ ວິປ຺ປລາປຍມານເມວ ອຸປ຺ປຊ຺ຊຕິ.
‘‘ໂສມນສ຺ສໍປາຫໍ ¶ ເທວານມິນ຺ທ ທຸວິເຘນ ວທາມິ ເສວິຕພ຺ພໍປິ ອເສວິຕພ຺ພໍປີ’’ຕິ ອິຕິໂຂ ປເນຕໍ ວຸຕ຺ຕໍ, ກິຎ຺ເຈຕໍ ປຏິຈ຺ຈ ວຸຕ຺ຕໍ. ຕຕ຺ຖ ຍໍ ຊຎ຺ຎາ ໂສມນສ຺ສໍ ‘‘ອິມໍ ໂຂ ເມ ໂສມນສ຺ສໍ ເສວໂຕ ອກຸສລາ ຘມ຺ມາ ອຠິວຑ຺ຒນ຺ຕິ, ກຸສລາ ຘມ຺ມາ ປຣິຫາຍນ຺ຕີ’’ຕິ, ເອວຣູປໍ ໂສມນສ຺ສໍ ນ ¶ ເສວິຕພ຺ພໍ. ຕຕ຺ຖ ຍໍ ຊຎ຺ຎາ ໂສມນສ຺ສໍ ‘‘ອິມໍ ໂຂ ເມ ໂສມນສ຺ສໍ ເສວໂຕ ອກຸສລາ ຘມ຺ມາ ປຣິຫາຍນ຺ຕິ, ກຸສລາ ຘມ຺ມາ ອຠິວຑ຺ຒນ຺ຕີ’’ຕິ, ເອວຣູປໍ ໂສມນສ຺ສໍ ເສວິຕພ຺ພໍ. ຕຕ຺ຖ ຍໍ ເຈ ສວິຕກ຺ກໍ ສວິຈາຣໍ, ຍໍເຈ ອວິຕກ຺ກໍ ອວິຈາຣໍ, ເຍ ອວິຕກ຺ເກ ອວິຈາເຣ, ເຕ ປຓີຕຕເຣ. ‘‘ໂສມນສ຺ສໍປາຫໍ ເທວານມິນ຺ທ ທຸວິເຘນ ວທາມິ ເສວິຕພ຺ພໍປິ ອເສວິຕພ຺ພໍປີ’’ຕິ ອິຕິ ຍໍ ຕໍ ວຸຕ຺ຕໍ, ອິທເມຕໍ ປຏິຈ຺ຈ ວຸຕ຺ຕໍ.
ນ ¶ ລທ຺ຘໍ ວຕ ເມ ສພ຺ຣຫ຺ມຈາຣີຫິ ສທ຺ຘິໍ ວິສຸທ຺ຘິປວາຣຓໍ ປວາເຣຕຸນ຺ຕິ ອາວຊ຺ຊໂຕ ໂທມນສ຺ສໍ ອຸປ຺ປຊ຺ຊຕິ, ອສ຺ສຸຘາຣາ ປວຕ຺ຕນ຺ຕິ ຄາມນ຺ຕ ປພ຺ຠາຣວາສີ ມຫາສີວຕ຺ເຖຣສ຺ສ ວິຍ.
ອມ຺ຫາກໍ ¶ ອາຈຣິໂຍ ອຎ຺ເຎສໍ ອວສ຺ສໂຍ ໂຫຕິ, ອຕ຺ຕໂນ ຠວິຕຸໍ ນ ສກ຺ໂກຕິ, ໂອວາທມສ຺ສ ທສ຺ສາມີຕິ ອາກາເສນ ຄນ຺ຕ຺ວາ ວິຫາຣສມີເປ ໂອຕຣິຕ຺ວາ ທິວາຏ຺ຐາເນ ນິສິນ຺ນໍ ອາຈຣິຍໍ ອຸປສງ຺ກມິຕ຺ວາ ວຕ຺ຕໍ ທສ຺ເສຕ຺ວາ ເອກມນ຺ຕໍ ນິສີທິ.
ກິໍ ກາຣຓາ ອາຄໂຕສິ ປິຓ຺ຑປາຕິກາຕິ ອາຫ.
ນ ¶ ເຕ ຕຸມ຺ຫາກໍ ອນຸໂມທນາຍ ອຕ຺ໂຖຕິ ອາກາເສ ອຸປ຺ປຕິຕ຺ວາ ອຄມາສິ.
ອິມສ຺ສ ¶ ຠິກ຺ຂຸໂນ ປຣິຍຕ຺ຕິຍາ ກມ຺ມໍ ນຕ຺ຖິ, ມຍ຺ຫໍ ປນ ອງ຺ກຸສໂກ ຠວິສ຺ສາມີຕິ ອາຄໂຕຕິ ຎຕ຺ວາ ອິທານິ ໂອກາໂສ ນ ຠວິສ຺ສຕິ, ປຈ຺ຈູສກາເລ ຄມິສ຺ສາມີຕິ ປຕ຺ຕຈີວຣໍ ສມີເປ ກຕ຺ວາ ສພ຺ພໍ ທິວສຠາຄໍ ປຐມຍາມ ມຊ຺ຌິມຍາມຎ຺ຈ ຘມ຺ມໍ ວາເຈຕ຺ວາ ປຈ຺ຉິມຍາເມ ເອກສ຺ມິໍ ເຖເຣ ອຸທ຺ເທສໍ ຄເຫຕ຺ວາ ນິກ຺ຂນ຺ເຕ ປຕ຺ຕຈີວຣໍ ຄເຫຕ຺ວາ ເຕເນວ ສທ຺ຘິໍ ນິກ຺ຂນ຺ໂຕ.
ຕໂຕ ¶ ‘‘ນ ມຎ຺ເຈ ມຍ຺ຫໍ ຈຕູຫິ ອິຣິຍາປເຖຫິ ມຄ຺ຄຜລໍ ອຸປ຺ປຊ຺ຊິສ຺ສຕິ ອຣຫຕ຺ຕໍ ອປຕ຺ວາ ເນວ ມຎ຺ເຈ ປິຏ຺ຐິໍ ປສາເຣສ຺ສາມິ, ນ ປາເທ ໂຘວິສ຺ສາມີຕິ ມຎ຺ຈໍ ອຸສ຺ສາເປຕ຺ວາ ຐເປສິ.
ອິທານິ ¶ ເມ ຕິໍສວສ຺ສານິ ສມຓຘມ຺ມໍ ກໂຣນ຺ຕສ຺ສ, ນາສກ຺ຂິໍ ອຣຫຕ຺ຕໍ ປາປຸຓິຕຸໍ, ອທ຺ຘາ ເມ ອິມສ຺ມິໍ ອຕ຺ຕຠາເວ ມຄ຺ໂຄວາ ຜລໍວາ ນຕ຺ຖິ, ນ ເມ ລທ຺ຘໍ ສພ຺ຣຫ຺ມຈາຣີຫິ ສທ຺ຘິໍ ວິສຸທ຺ຘິປວາຣຓໍ ປວາເຣຕຸນ຺ຕິ ຈິນ຺ເຕສິ.
ໂຠ ¶ ມຫາສີວຕ຺ເຖຣ ເທວຕາປິ ຕຍາ ສທ຺ຘິໍ ເກຬິໍ ກໂຣນ຺ຕິ, ອນຸຈ຺ຉວິກໍ ນຸ ໂຂ ເຕ ເອຕນ຺ຕິ ວິປສ຺ສນໍ ວຑ຺ເຒຕ຺ວາ ສຫ ປຏິສມ຺ຠິທາຫິ ອຣຫຕ຺ຕໍ ອຄ຺ຄເຫສິ. ໂສ ອິທານິ ນິປຊ຺ຊິສ຺ສາມີຕິ ເສນາສນໍ ປຏິຊຄ຺ຄິຕ຺ວາ ມຎ຺ຈກໍ ປຎ຺ຎເປຕ຺ວາ ອຸທກຏ຺ຐາເນ ອຸທກໍ ປຈ຺ຈຸປຏ຺ຐເປຕ຺ວາ ປາເທ ໂຘວິສ຺ສາມີຕິ ໂສປານຜລເກ ນິສີທິ.
ອເປຖ ¶ ຠນ຺ເຕ ມາຕຸຄາໂມຕິ ໂອກາສໍ ກາເຣຕ຺ວາ ເຖຣໍ ອຸປສງ຺ກມິຕ຺ວາ ວນ຺ທິຕ຺ວາ ປຸຣໂຕ ອຸກ຺ກຸຏິໂກ ນິສີທິຕ຺ວາ ປາເທ ໂຘວິສ຺ສາມີຕິ ອາຫ.
ເຕ ¶ ປຓີຕຕຣາ ເທວາ,
ອກນິຏ຺ຐາ ຍສສ຺ສິໂນ;
ອນ຺ຕິເມ ວຕ຺ຕມານມ຺ຫິ,
ໂສ ນິວາໂສ ຠວິສ຺ສຕິ;
ຘມ຺ມທາຍາທາ ¶ ເມ ຠິກ຺ຂເວ ຠວຖ, ມາ ອາມິສທາຍາທາ, ອຕ຺ຖິ ເມ ຕຸມ຺ເຫສຸ ອນຸກມ຺ປາ, ກິນ຺ຕິ ເມ ສາວກາ ຘມ຺ມທາຍາທາ ຠເວຍ຺ຍຸໍ, ໂນ ອາມິສທາຍາທາຕິ. ຕຸມ຺ເຫ ຈ ຠິກ຺ຂເວ ອາມິສທາຍາທາ ຠເວຍ຺ຍາຖ, ໂນ ຘມ຺ມທາຍາທາ. ຕຸມ຺ເຫປິ ເຕນ ອາທິຍາ ຠເວຍ຺ຍາຖ, ອາມິສ ທາຍາທາ ສຕ຺ຖຸສາວກາ ວິຫຣນ຺ຕິ, ໂນ ຘມ຺ມທາຍາທາຕິ. ອຫມ຺ປິເຕນ ອາທິໂຍ ຠເວຍ຺ຍໍ ອາມິສທາຍາທາ ສຕ຺ຖຸ ສາວກາ ວິຫຣນ຺ຕິ, ໂນ ຘມ຺ມທາຍາທາຕິ. ຕຸມ຺ເຫ ຈ ເມ ຠິກ຺ຂເວ ຘມ຺ມທາຍາທາ ຠເວຍ຺ຍາຖ ໂນ ອາມິສທາຍາທາ. ຕຸມ຺ເຫປິ ເຕນ ອາທິຍາ ຠເວຍ຺ຍາຖ ຘມ຺ມທາຍາທາ ສຕ຺ຖຸ ສາວກາ ວິຫຣນ຺ຕິ, ໂນ ອາມິສທາຍາທາຕິ. ອຫມ຺ປິ ເຕນ ນ ອາທິໂຍ ຠເວຍ຺ຍໍ. ຘມ຺ມທາຍາທາ ສຕ຺ຖຸ ສາວກາ ວິຫຣນ຺ຕິ, ໂນ ອາມິສທາຍາທາຕິ. ຕສ຺ມາຕິຫ ເມ ຠິກ຺ຂເວ ຘມ຺ມທາຍາທາ ຠວຖ, ມາ ອາມິສທາຍາທາ, ອຕ຺ຖິເມ ຕຸມ຺ເຫສຸ ອນຸກມ຺ປາ, ກິນ຺ຕິ ເມ ສາວກາ ຘມ຺ມທາຍາທາ ຠເວຍ຺ຍຸໍ, ໂນ ອາມິສທາຍາທາຕິ.
ກຫໍ ¶ ພຸທ຺ໂຘ ກຫໍ ຠຄວາ ກຫໍ ເທວເທໂວ ນຣາສໂຠ ປຸຣິສສີໂຫຕິ ຠຄວນ຺ຕໍ ປຣິເຍສນ຺ຕິ.
ວຸຕ຺ຕມ຺ປິເຈຕໍ ¶ ‘‘ເຕນ ໂຂ ປນ ສມເຍນ ຠຄວາ ສກ຺ກໂຕ ໂຫຕິ ຄຣຸກໂຕ ມານິໂຕ ປູຊິໂຕ ອປຈິໂຕ ລາຠີ ຈີວຣ ປິຓ຺ຑປາຕເສນາສນຄິລານປຈ຺ຈຍເຠສຊ຺ຊປຣິກ຺ຂາຣານໍ, ຠິກ຺ຂຸສງ຺ໂຆປິ ໂຂ ສກ຺ກໂຕ ໂຫຕິ…ເປ… ປຣິກ຺ຂາຣານ’’ນ຺ຕິ.
ຍາວຕາ ໂຂ ຈຸນ຺ທ ເອຕຣຫິ ສງ຺ໂຆ ວາ ຄໂຓ ວາ ໂລເກ ອຸປ຺ປນ຺ໂນ, ນາຫໍ ຈຸນ຺ທ ອຎ຺ຎໍ ເອກສງ຺ຆມ຺ປິ ສມນຸປສ຺ສາມິ, ເອວໍ ລາຠຄ຺ຄ ຍສຄ຺ຄປຕ຺ຕໍ, ຍຖຣິວ ຈຸນ຺ທ ຠິກ຺ຂຸສງ຺ໂຆຕິ.
ອມ຺ຫາກໍ ¶ ອາຈຣິຍສ຺ສ ເທຖ, ອຸປຊ຺ຌາຍສ຺ສ ເທຖາຕິ ອຸຈ຺ຈາສທ຺ທ ມຫາສທ຺ທໍ ກໂຣນ຺ຕິ. ສາ ຈ ເນສໍ ປວຕ຺ຕິ ຠຄວໂຕປິ ປາກຏາ ອໂຫສິ. ຕໂຕ ຠຄວາ ອນນຸຈ຺ຉວິກນ຺ຕິ ຘມ຺ມສໍເວຄໍ ອຸປ຺ປາເທຕ຺ວາ ຈິນ຺ເຕສິ.
ປຈ຺ຈຍາ ອກປ຺ປິຍາຕິ ນ ສກ຺ກາ ສິກ຺ຂາປທໍ ປຎ຺ຎເປຕຸໍ. ປຈ຺ຈຍປຏິພທ຺ຘາ ຫິ ກຸລປຸຕ຺ຕານໍ ສມຓຘມ຺ມວຸຕ຺ຕິ. ຫນ຺ທາຫໍ ຘມ຺ມທາຍາທປຏິປທໍ ເທເສມິ.
ສາ ¶ ສິກ຺ຂາກາມານໍ ກຸລປຸຕ຺ຕານໍ ສິກ຺ຂາປທປຎ຺ຎຕ຺ຕິ ວິຍ ຠວິສ຺ສຕິ ນຄຣທ຺ວາເຣ ຐປິຕສພ຺ພກາຍິກອາທາໂສ ວິຍ ຈ, ຍຖາ ຫິ ນຄຣ ທ຺ວາເຣ ຐປິເຕ ສພ຺ພກາຍິເກ ອາທາເສ ຈຕ຺ຕາໂຣ ວຓ຺ຓາ ອຕ຺ຕໂນ ຉາຍໍ ທິສ຺ວາ ວຊ຺ຊໍ ປຫາຍ ນິທ຺ໂທສາ ໂຫນ຺ຕິ.
ໂສ ¶ ຫິ ພ຺ຣາຫ຺ມຓ ຠຄວາ ອນຸປ຺ປນ຺ນສ຺ສ ມຄ຺ຄສ຺ສ ອຸປ຺ປາເທຕາ, ອສຎ຺ຊາຕສ຺ສ ມຄ຺ຄສ຺ສ ສຎ຺ຊເນຕາ, ອນກ຺ຂາຕສ຺ສ ມຄ຺ຄສ຺ສ ອກ຺ຂາຕາ, ມຄ຺ຄຎ຺ຎູ ມຄ຺ຄວິທູ ມຄ຺ຄໂກວິໂທຕິຈ. ໂສ ຫາວຸໂສ ຠຄວາ ຊານໍ ຊານາຕິ, ປສ຺ສໍ ປສ຺ສຕິ ຈກ຺ຂຸຠູໂຕ ຎາຓຠູໂຕ ຘມ຺ມຠູໂຕ ພ຺ຣຫ຺ມຠູໂຕ ວຕ຺ຕາ ປວຕ຺ຕາ ອຕ຺ຖສ຺ສ ນິນ຺ເນຕາ ອມຕສ຺ສ ທາຕາ ຘມ຺ມສ຺ສາມີ ຕຖາຄໂຕຕິຈ, ….
ປຓີເຕນ ¶ ຂາທນີເຍນ ໂຠຊນີເຍນ ສຫຕ຺ຖາ ສນ຺ຕປ຺ເປສິ ສມ຺ປວາເຣສິ.
ອເຣ ¶ ຕ຺ວໍ ສຸຄຕາຕິຣິຕ຺ຕມ຺ປິ ປິຓ຺ຑປາຕໍ ປຏິກ຺ຂິປິຕ຺ວາ ອີທິສໍ ອິຈ຺ຉໍ ອຸປ຺ປາເທສິ.
ທຸພ຺ຠໂຣ ¶ ຠິກ຺ຂຸ ນ ສກ຺ກາ ໂປສິຕຸໍ.
ອມ຺ຫາກໍ ¶ ຠທນ຺ໂຕ ສຸຠໂຣ ໂຖເກນປິ ຕຸສ຺ສຕິ, ມຍເມວ ນໍ ໂປສິສ຺ສາມາຕິ ປຏິຎ຺ຎໍ ກຕ຺ວາ ໂປເສນ຺ຕິ.
‘‘ອເຣ ¶ ຕ຺ວໍ ນາມ ຕທາ ສຸຄຕາຕິຣິຕ຺ຕມ຺ປິ ປິຓ຺ຑປາຕໍ ປຏິກ຺ຂິປິຕ຺ວາ ຕຖາ ຊິຆຈ຺ຉາທຸພ຺ພລ຺ຍປເຣໂຕປິ ສມຓຘມ຺ມໍ ກຕ຺ວາ ອຊ຺ຊ ໂກສຊ຺ຊມນຸຍຸຎ຺ຊສິ’’ –
ຍາ ¶ ຈ ໂຂ ອານນ຺ທກຖາ ອຠິສລ຺ເລຂິຕາ ເຈໂຕວິນີວຣຓສປ຺ປາຍາ ເອກນ຺ຕນິພ຺ພິທາຍ ວິຣາຄາຍ ນິໂຣຘາຍ ອຸປສມາຍ ອຠິຎ຺ຎາຍ ສມ຺ໂພຘາຍ ນິພ຺ພານາຍ ສໍວຕ຺ຕຕິ. ເສຍ຺ຍຖິທໍ ອປ຺ປິຈ຺ຉກຖາຕິ …,.
ອິທມໂວຈ ¶ ຠຄວາ, ອິທໍ ວຕ຺ວານ ສຸຄໂຕ ອຸຏ຺ຐາຍາສນາ ວິຫາຣໍ ປາວິສິ.
ອິມໍ ¶ ມຍາ ສໍຂິຕ຺ເຕນ ອຸທ຺ເທສໍ ອຸທ຺ທິຏ຺ຐໍ ວິຕ຺ຖາເຣນ ອວິຠຕ຺ຕໍ, ຘມ຺ມປຏິຄ຺ຄາຫກາ ຠິກ຺ຂູ ອຸຄ຺ຄເຫຕ຺ວາ ອານນ຺ທໍ ວາ ກຈ຺ຈານໍ ວາ ອຸປສງ຺ກມິຕ຺ວາ ປຸຈ຺ຉິສ຺ສນ຺ຕິ, ເຕ ມຍ຺ຫໍ ຎາເຓນ ສໍສນ຺ເທຕ຺ວາ ກເຖສ຺ສນ຺ຕິ, ຕໂຕ ຘມ຺ມປຏິຄ຺ຄາຫກາ ປຸນ ມໍ ປຸຈ຺ຉິສ຺ສນ຺ຕິ, ເຕສໍ ອຫໍ ສຸກຖິຕໍ ຠິກ຺ຂເວ ອານນ຺ເທນ, ສຸກຖິຕໍ ກຈ຺ຈາເນນ, ມໍ ເຈປິ ຕຸມ຺ເຫ ເອກມຕ຺ຖໍ ປຸຈ຺ເຉຍ຺ຍາຖ, ອຫມ຺ປິ ນໍ ເອວເມວ ພ຺ຍາກເຣຍ຺ຍນ຺ຕິ.
ຈູຬໂຄສິງ຺ຄສຸຕ຺ຕ
ເອວໍ ¶ ເມ ສຸຕໍ ເອກໍ ສມຍໍ ຠຄວາ ນາຕິເກ ວິຫຣຕິ ຄິຎ຺ຊກາວສເຖ, ເຕນ ໂຂ ປນ ສມເຍນ ອາຍສ຺ມາ ຈ ອນຸຣຸທ຺ໂຘ ອາຍສ຺ມາ ຈ ນນ຺ທິໂຍ ອາຍສ຺ມາ ຈ ກິມິໂລ ໂຄສິງ຺ຄສາລວນທາເຍ ວິຫຣນ຺ຕິ. ອຖໂຂ ຠຄວາ ສາຍນ຺ຫສມຍໍ ປຏິສລ຺ລານາ ວຸຏ຺ຐິໂຕ ເຍນ ໂຄສິງ຺ຄສາລວນທາໂຍ, ເຕນຸປສງ຺ກມິ. ອທ຺ທສາ ໂຂ ທາຍປາໂລ ຠຄວນ຺ຕໍ ທູຣໂຕວ ອາຄຈ຺ຉນ຺ຕໍ. ທິສ຺ວານ ຠຄວນ຺ຕໍ ເອຕທໂວຈ ‘‘ມາ ມຫາສມຓ ເອຕໍ ທາຍໍ ປາວິສິ, ສນ຺ເຕຕ຺ຖ ຕໂຍ ກຸລປຸຕ຺ຕາ ອຕ຺ຕກາມຣູປາ ວິຫຣນ຺ຕິ, ມາ ເຕສໍ ອຜາສຸກມກາສີ’’ຕິ.
ອຫໍ ¶ ອິເມ ກຸລປຸຕ຺ເຕ ປຄ຺ຄຓ຺ຫິຕ຺ວາ ອຸກ຺ກໍສິຕ຺ວາ ປຏິສນ຺ຖາຣໍ ກຕ຺ວາ ຘມ຺ມໍ ເນສໍ ເທເສສ຺ສາມີຕິ.
ອສ຺ໂສສິ ¶ ໂຂ ອາຍສ຺ມາ ອນຸຣຸທ຺ໂຘ ທາຍປາລສ຺ສ ຠຄວຕາ ສທ຺ຘິໍ ມນ຺ຕຍມານສ຺ສ. ສຸຕ຺ວານ ທາຍປາລໍ ເອຕທໂວຈ, ມາ ອາວຸໂສ ທາຍປາລ ຠຄວນ຺ຕໍ ວາເຣສິ, ສຕ຺ຖາ ໂນ ຠຄວາ ອນຸປ຺ປຕ຺ໂຕຕິ.
ມຍໍ ¶ ຕໂຍ ຊນາ ອິຘ ວິຫຣາມ, ອຎ຺ເຎ ປພ຺ພຊິຕາ ນາມ ນຕ຺ຖິ, ອຍຎ຺ຈ ທາຍປາໂລ ປພ຺ພຊິເຕນ ວິຍ ສທ຺ຘິໍ ກເຖຕິ, ໂກ ນຸ ໂຂ ຠວິສ຺ສຕີຕິ.
ອຍໍ ¶ ທາຍປາໂລ ຜຓກຕໍ ອາສິວິສໍ ຄີວາຍ ຄເຫຕຸໍ ຫຕ຺ຖໍ ປສາເຣນ຺ໂຕວິຍ ໂລເກ ອຄ຺ຄປຸຄ຺ຄເລນ ສທ຺ຘິໍ ກເຖນ຺ໂຕວ ນ ຊານາຕິ, ອຎ຺ຎຕຣຠິກ຺ຂຸນາ ວິຍ ສທ຺ຘິໍ ກເຖຕີຕິ.
ມຍໍ ¶ ຕໂຍ ຊນາ ສມຄ຺ຄວາຍໍ ວສາມ. ສຈາຫໍ ເອກໂກວ ປຈ຺ຈຸຄ຺ຄມນໍ ກຣິສ຺ສາມິ. ສມຄ຺ຄວາໂສ ນາມ ນ ຠວິສ຺ສຕີຕິ ປິຍມິຕ຺ເຕ ຄເຫຕ຺ວາວ ປຈ຺ຈຸຄ຺ຄມນໍ ກຣິສ຺ສາມິ. ຍຖາ ຈ ຠຄວາ ມຍ຺ຫໍ ປິໂຍ, ເອວໍ ສຫາຍານມ຺ປິ ເມ ປິໂຍຕິ, ເຕຫິ ສທ຺ຘິໍ ປຈ຺ຈຸຄ຺ຄມນໍ ກາຕຸກາໂມ ສຍໍ ອກຕ຺ວາວ ອຸປສງ຺ກມິ.
ຕສ຺ສ ¶ ມຍ຺ຫໍ ຠນ຺ເຕ ເອວໍ ໂຫຕິ, ຍໍ ນູນາຫໍ ສກໍ ຈິຕ຺ຕໍ ນິກ຺ຂິປິຕ຺ວາ ອິເມສໍເຍວ ອາຍສ຺ມນ຺ຕານໍ ຈິຕ຺ຕສ຺ສ ວເສນ ວຕ຺ເຕຍ຺ຍນ຺ຕິ. ໂສ ໂຂ ອຫໍ ຠນ຺ເຕ ສກໍ ຈິຕ຺ຕໍ ນິກ຺ຂິປິຕ຺ວາ ອິເມສໍເຍວ ອາຍສ຺ມນ຺ຕານໍ ຈິຕ຺ຕສ຺ສ ວເສນ ວຕ຺ຕາມິ, ນານາຫິ ໂຂ ໂນ ຠນ຺ເຕ ກາຍາ ເອກຎ຺ຈ ປນ ມຎ຺ເຎ ຈິຕ຺ຕນ຺ຕິ.
ສາຘຸ ¶ ສາຘຸ ອນຸຣຸທ຺ຘາ, ກຈ຺ຈິ ປນ ໂວ ອນຸຣຸທ຺ຘາ ອປ຺ປມຕ຺ຕາ ອາຕາປິໂນ ປຫິຕຕ຺ຕາ ວິຫຣຖາຕິ.
ຕຄ຺ຆ ມຍໍ ຠນ຺ເຕ ອປ຺ປມຕ຺ຕາ ອາຕາປິໂນ ປຫິຕຕ຺ຕາ ວິຫຣາມາຕິ.
ຍຖາ ¶ ກຖໍ ປນ ຕຸມ຺ເຫ ອນຸຣຸທ຺ຘາ ອປ຺ປມຕ຺ຕາ ອາຕາປິໂນ ປຫິຕຕ຺ຕາ ວິຫຣຖາຕິ.
ອຕ຺ຖິ ¶ ປນ ໂວ ອນຸຣຸທ຺ຘາ ເອວໍ ອປ຺ປມຕ຺ຕານໍ ອາຕາປີນໍ ປຫິຕຕ຺ຕານໍ ວິຫຣນ຺ຕານໍ ອຸຕ຺ຕຣິມນຸສ຺ສຘມ຺ມາ ອລມຣິຍຎາຓທສ຺ສນວິເສໂສ ອຘິຄໂຕ ຜາສຸວິຫາໂຣຕິ.
ກິໍ ¶ ຫິ ໂນ ສິຍາ ຠນ຺ເຕ. ອິຘ ມຍໍ ຠນ຺ເຕ ຍາວເທວ ອາກງ຺ຂາມ, ວິວິຈ຺ເຈວ ກາເມຫິ ວິວິຈ຺ຈ ອກຸສເລຫິ ຘມ຺ເມຫິ ສວິຕກ຺ກໍ ສວິຈາຣໍ ວິເວກຊໍ ປີຕິສຸຂໍ ປຐມໍ ຌານໍ ອຸປສມ຺ປຊ຺ຊ ວິຫຣາມ, ອຍໍ ໂຂ ໂນ ຠນ຺ເຕ ອມ຺ຫາກໍ ອປ຺ປມຕ຺ຕານໍ ອາຕາປີນໍ ປຫິຕຕ຺ຕານໍ ວິຫຣນ຺ຕານໍ ອຸຕ຺ຕຣິມນຸສ຺ສຘມ຺ມາ ອລມຣິຍຎາຓທສ຺ສນວິເສໂສ ອຘິຄໂຕ ຜາສຸວິຫາໂຣຕິ.
ສຄາຖາວຄ຺ຄສໍຍຸຕ຺ຕ ອຏ຺ຐກຖາ
ຍກ຺ຂສໍຍຸຕ຺ຕ
ອາຬວກສຸຕ຺ຕ
ເອວໍ ¶ ເມ ສຸຕໍ ເອກໍ ສມຍໍ ຠຄວາ ອາຬວິຍໍ ວິຫຣຕິ ອາຬວກສ຺ສ ຍກ຺ຂສ຺ສ ຠວເນ.
ນາສກ຺ຂິ ¶ ມິຄໍ ຄເຫຕຸນ຺ຕິ ອປວາທໂມຈນຕ຺ຖໍ ກາເຊນາທາຍ ອາຄຈ຺ຉນ຺ໂຕ ນຄຣສ຺ສາວິທູເຣ ພຫລປຕ຺ຕປລາສໍ ມຫານິຄ຺ໂຣຘໍ ທິສ຺ວາ ປຣິສ຺ສມວິໂນທນຕ຺ຖໍ ຕສ຺ສ ມູລມຸປຄໂຕ.
ເຍ ¶ ເຍ ວຊ຺ຊາ ໂຫນ຺ຕິ, ເຕ ເຕ ສນ຺ຘາຍ ‘‘ໂຍ ຊີວິຕຕ຺ຖິໂກ, ໂສ ນິກ຺ຂມຕູ’’ຕິ ຠຓຕິ.
ຣາຊາ ¶ ໂຈເຣ ຄເຫຕ຺ວາ ຍກ຺ຂສ຺ສ ເທຕີຕິ ມນຸສ຺ສາ ໂຈຣກມ຺ມ ໂຕ ປຏິວິຣຕາ. ຕໂຕ ອປເຣນ ສມເຍນ ນວໂຈຣານໍ ອຠາເວນ ປຸຣາຓໂຈຣານຎ຺ຈ ປຣິກ຺ຂເຍນ ພນ຺ຘນາຄາຣານິ ສຸຎ຺ຎານິ ອເຫສຸໍ.
ຣາຊາ ¶ ອມ຺ຫາກໍ ປິຕຣໍ ອມ຺ຫາກໍ ປິຕາມຫໍ ເປເສຕີຕິ ມນຸສ຺ສາ ໂຂຠໍ ກຣິສ຺ສນ຺ຕິ, ມາ ໂວ ເອຕໍ ຣຸຈ຺ຈີຕິ ວາເຣສິ.
ນຕ຺ຖິ ¶ ເທວ ນຄເຣ ທາຣໂກ ຐເປຕ຺ວາ ອນ຺ເຕປຸເຣ ຕວ ປຸຕ຺ຕໍ ອາຬວກກຸມາຣນ຺ຕິ.
ອຖ ¶ ໂຂ ອາຬວໂກ ຍກ຺ໂຂ ເຍນ ຠຄວາ ເຕນຸປສງ຺ກມິ, ອຸປສງ຺ກມິຕ຺ວາ ຠຄວນ຺ຕໍ ເອຕທໂວຈ ນິກ຺ຂມ ສມຓາຕິ. ສາຘາວຸໂສຕິ ຠຄວາ ນິກ຺ຂມິ. ປວິສ ສມຓາຕິ. ສາຘາວຸໂສຕິ ຠຄວາ ປາວິສິ. ທຸຕິຍມ຺ປິ ໂຂ ໂອຬວໂກ ຍກ຺ໂຂ ຠຄວນ຺ຕໍ ເອຕທໂວຈ ນິກ຺ຂມ ສມຓາຕິ. ສາຘາວຸໂສຕິ ຠຄວາ ນິກ຺ຂມິ. ປວິສ ສມຓາຕິ. ສາຘາວຸໂສຕິ ຠຄວາ ປາວິສິ. ຕຕິຍມ຺ປິ ໂຂ ອາຬວໂກ ຍກ຺ໂຂ ຠຄວນ຺ຕໍ ເອຕທໂວຈ ນິກ຺ຂມ ສມຓາຕິ. ສາຘາວຸໂສຕິ ຠຄວາ ນິກ຺ຂມິ. ປວິສ ສມຓາຕິ. ສາຘາວຸໂສຕິ ຠຄວາ ປາວິສິ. ຈຕຸຕ຺ຖມ຺ປິ ໂຂ ອາຬວໂກ ຍກ຺ໂຂ ຠຄວນ຺ຕໍ ເອຕທໂວຈ ນິກ຺ຂມ ສມຓາຕິ. ນ ຂ຺ວາຫໍ ຕໍ ອາວຸໂສ ນິກ຺ຂມິສ຺ສາມິ. ຍໍ ເຕ ກຣຓີຍໍ, ຕໍ ກໂຣຫີຕິ. ປຎ຺ຫໍ ຕໍ ສມຓ ປຸຈ຺ຉິສ຺ສາມິ, ສເຈ ເມ ນ ພ຺ຍາກຣິສ຺ສສິ, ຈິຕ຺ຕໍ ວາ ເຕ ຂິປິສ຺ສາມິ, ຫທຍໍ ວາ ເຕ ຜາເລສ຺ສາມິ, ປາເທສຸ ວາ ຄເຫຕ຺ວາ ປາຣຄງ຺ຄາຍ ຂິປິສ຺ສາມີຕິ. ນ ຂ຺ວາຫໍ ຕໍ ອາວຸໂສ ປສ຺ສາມິ ສເທວເກ ໂລເກ ສມາຣເກ ສພ຺ຣຫ຺ມເກ ສສ຺ສມຓພ຺ຣາຫ຺ມຓິຍາ ປຊາຍ ສເທວມນຸສ຺ສາຍ, ໂຍ ເມ ຈິຕ຺ຕໍ ວາ ຂິເປຍ຺ຍ ຫທຍໍ ວາ ຜາເລຍ຺ຍ ປາເທສຸ ວາ ຄເຫຕ຺ວາ ປາຣຄງ຺ຄາຍ ຂິເປຍ຺ຍ. ອປິຈ ຕ຺ວໍ ອາວຸໂສ ປຸຈ຺ຉ ຍທາ ກງ຺ຂສີຕິ.
ໂກ ¶ ໂສ ຠຄວານາມ, ໂຍ ມມ ຠວນໍ ປວິຏ຺ໂຐຕິ ອາຫ.
ນ ຕ຺ວໍ ອາວຸໂສ ຊານາສິ ຠຄວນ຺ຕໍ ອມ຺ຫາກໍ ສຕ຺ຖາຣໍ, ໂຍ ຕຸສິຕຠວເນ ຐິໂຕ ປຎ຺ຈມຫາວິໂລກິຕໍ ວິໂລເກຕ຺ວາຕິອາທິນາ ນເຍນ ຍາວ ທມ຺ມຈກ຺ກປວຕ຺ຕນາ ກເຖນ຺ຕາ ປຏິສນ຺ຘິອາທີສຸ ທ຺ວຕ຺ຕິໍສປຸພ຺ພນິມິຕ຺ຕານິ ວຕ຺ວາ ອິມານິປິ ຕ຺ວໍ ອາວຸໂສ ອຈ຺ຉຣິຍານິ ນາທ຺ທສາຕິ ໂຈເທສຸໍ.
ປສ຺ສຖ ¶ ທານິ ຕຸມ຺ຫາກໍ ວາ ສຕ຺ຖາ ມຫານຸຠາໂວ, ອຫໍ ວາຕິ ທກ຺ຂິຓປາເທນ ສຏ຺ຐິໂຍຊນມຕ຺ຕໍ ເກລາສປພ຺ພຕກູຏໍ ອກ຺ກມິ.
ຍໍ ¶ ນູນາຫໍ ເກນຈິ ອເຊຍ຺ຍໍ ທຸສ຺ສາວຸຘໍ ມຸຎ຺ເຈຍ຺ຍນ຺ຕິ.
ອິທໍ ¶ ກາຣຓໍ ເມຕ຺ຕາວິຫາຣຍຸຕ຺ໂຕ ສມໂຓ, ຫນ຺ທ ນໍ ໂຣເສຕ຺ວາ ເມຕ຺ຕາຍ ວິໂຍເຊມີຕິ ອິມິນາ ສມ຺ພນ຺ເຘເນຕໍ ວຸຕ຺ຕໍ, ອຖ ໂຂ ອາຬວໂກ ຍກ຺ໂຂ ເຍນ ຠຄວາ…ເປ… ນິກ຺ຂມ ສມຓາຕິ.
‘‘ສຸພ຺ພໂຈ ¶ ວຕາຍໍ ສມໂຓ ເອກວຈເນເນວ ນິກ຺ຂນ຺ໂຕ, ເອວໍ ນາມ ນິກ຺ຂເມຕຸໍ ສຸຂໍ ສມຓໍ ອກາຣເຓເນວາຫໍ ສກລຣຕ຺ຕິໍ ຍຸທ຺ເຘນ ອພ຺ຠຸຍ຺ຍາສິນ຺ຕິ ມຸທຸຈິຕ຺ໂຕ ຫຸຕ຺ວາ ປຸນ ຈິນ຺ເຕສິ –
ສຸພ຺ພໂຈ ¶ ອຍໍ ສມໂຓ ນິກ຺ຂມາຕິ ວຸຕ຺ໂຕ ນິກ຺ຂມຕິ. ປວິສາຕິ ວຸຕ຺ໂຕ ປວິສຕິ. ຍໍນູນາຫໍ ອິມໍ ສມຓໍ ເອວເມວ ສກລຣຕ຺ຕິໍ ກິລເມຕ຺ວາ ປາເທ ຄເຫຕ຺ວາ ປາຣຄງ຺ຄາຍ ຂິເປຍ຺ຍນ຺ຕິ ປາປກໍ ຈິຕ຺ຕໍ ອຸປ຺ປາເທຕ຺ວາ ຈຕຸຕ຺ຖວາຣໍ ອາຫ ນິກ຺ຂມ ສມຓາຕິ.
ກິໍ ¶ ສູຘ ວິຕ຺ຕໍ ປຸຣິສສ຺ສ ເສຏ຺ຐໍ,
ກິໍສຸ ສຸຈິຓ຺ຓໍ ສຸຂມາວຫາຕິ;
ກິໍສຸ ຫເວ ສາທຸຕຣໍ ຣສານໍ,
ກຖໍ ຊີວິໍ ຊີວິຕມາຫຸ ເສຏ຺ຐນ຺ຕິ;
ສທ຺ຘີຘ ¶ ວິຕ຺ຕໍ ປຸຣິສສ຺ສ ເສຏ຺ຐໍ,
ຘມ຺ໂມ ສຸຈິຓ຺ໂຓ ສຸຂມາວຫາຕິ;
ສຈ຺ຈໍ ຫເວ ສາທຸຕຣໍ ຣສານໍ,
ປຎ຺ຎາຊີວິໍ ຊີວິຕມາຫຸ ເສຏ຺ຐນ຺ຕິ.
ສທ຺ໂຘ ¶ ສີເລນ ສມ຺ປນ຺ໂນ,
ຍໂສ ໂຠຄສມປ຺ປິໂຕ;
ຍໍ ຍໍ ປເທສໍ ຠຊຕິ,
ຕຕ຺ຖ ຕຕ຺ເຖວ ປູຊິໂຕຕິ ວຈນໂຕ –
ສຈ຺ເຈນ ¶ ວາເຈນຸທກມ຺ປິ ຘາວຕິ,
ວິສມ຺ປິ ສຈ຺ເຈນ ຫນນ຺ຕິ ປຓ຺ຑິຕາ;
ສຈ຺ເຈນ ເທໂວ ຖນຍໍ ປວສ຺ສຕິ,
ສຈ຺ເຈ ຐິຕາ ນິພ຺ພຸຕິໍ ປຕ຺ຖຍນ຺ຕິ.
ເຍເກຈິເມ ອຕ຺ຖິ ຣສາ ປຖພ຺ຍາ,
ສຈ຺ຈໍ ເຕສໍ ສາທຸຕຣໍ ຣສານໍ;
ສຈ຺ເຈ ຐິຕາ ສມຓພ຺ຣາຫ຺ມຓາ ຈ,
ຕຣນ຺ຕິ ຊາຕິມຣຓສ຺ສ ປາຣນ຺ຕິ.
ກຖໍສຸ ¶ ຕຣຕິ ໂອຆໍ, ກຖໍສຸ ຕຣຕິ ອຓ຺ຓວໍ;
ກຖໍສຸ ທຸກ຺ຂມຈ຺ເຈຕິ, ກຖໍສຸ ປຣິສຸຊ຺ຌຕິ.
ສທ຺ຘາຍ ¶ ຕຣຕິ ໂອຆໍ, ອປ຺ປມາເທນ ອຓ຺ຓວໍ;
ວີຣິເຍນ ທຸກ຺ຂມຈ຺ເຈຕິ, ປຎ຺ຎາຍ ປຣິສຸຊ຺ຌຕິ.
ກຖໍສຸ ¶ ລຠເຕ ປຎ຺ຎໍ, ກຖໍສຸ ວິນ຺ທເຕ ຘນໍ;
ກຖໍສຸ ກິຕ຺ຕິໍ ປປ຺ໂປຕິ, ກຖໍ ມິຕ຺ຕານິ ຄນ຺ຖຕິ;
ອສ຺ມາ ໂລກາ ປຣໍ ໂລກໍ, ກຖໍ ເປຈ຺ຈ ນ ໂສຈຕີຕິ–
ສທ຺ທຫາໂນ ¶ ອຣຫຕໍ, ຘມ຺ມໍ ນິພ຺ພານປຕ຺ຕິຍາ;
ສຸສ຺ສູສໍ ລຠເຕ ປຎ຺ຎໍ, ອປ຺ປມຕ຺ໂຕ ວິຈກ຺ຂໂຓ.
ປຕິຣູປກາຣີ ¶ ຘຸຣວາ, ອຸຏ຺ຐາຕາ ວິນ຺ທເຕ ຘນໍ;
ສຈ຺ເຈນ ກິຕ຺ຕິໍ ປປ຺ໂປຕິ, ທທໍ ມິຕ຺ຕານິ ຄນ຺ຖຕິ.
ອສ຺ມາ ໂລໂກ ປຣໍ ໂລກໍ, ເອວໍ ເປຈ຺ຈ ນ ໂສຈຕິ.
ຍສ຺ເສເຕ ¶ ຈຕຸໂຣ ຘມ຺ມາ,
ສທ຺ຘສ຺ສ ຆຣເມສິໂນ;
ສຈ຺ຈໍ ທມ຺ໂມ ຘິຕິ ຈາໂຄ,
ສ ເວ ເປຈ຺ຈ ນ ໂສຈຕິ;
ອິງ຺ຆ ¶ ອຎ຺ເຎປິ ປຸຈ຺ຉສ຺ສຸ,
ປຸຖູ ສມຓພ຺ຣາຫ຺ມເຓ;
ຍທິ ສຈ຺ຈາ ຘມ຺ມາ ຈາຄາ,
ຂນ຺ຕ຺ຍາ ຠິຍ຺ໂຍຘ ວິຊ຺ຌຕິ.
ກຖໍ ¶ ນຸ ທານິ ປຸຈ຺ເຉຍ຺ຍໍ, ປຸຖູ ສມຓພ຺ຣາຫ຺ມເຓ;
ໂຍຫໍ ອຊ຺ຊ ປຊານາມິ, ໂຍ ອຕ຺ໂຖ ສມ຺ປຣາຍິໂກ.
ອຕ຺ຖາຍ ¶ ວຕ ເມ ພຸທ຺ໂຘ, ວາສາຍາຬວິມາຄມາ;
ໂຍຫໍ ອຊ຺ຊ ປຊານາມິ, ຍຕ຺ຖ ທິນ຺ນໍ ມຫປ຺ຜລໍ.
ໂສ ¶ ອຫໍ ວິຈຣິສ຺ສາມິ, ຄາມາ ຄາມໍ ປຸຣາ ປຸຣໍ;
ນມສ຺ສມາໂນ ສມ຺ພຸທ຺ຘໍ, ຘມ຺ມສ຺ສ ຈ ສຸຘມ຺ມຕໍ.
ອິມໍ ¶ ກຸມາຣໍ ສຕປຸຎ຺ຎລກ຺ຂຓໍ,
ສພ຺ພງ຺ຄຸເປຕໍ ປຣິປຸຓ຺ຓພ຺ຍຎ຺ຊນໍ;
ອຸທຄ຺ຄຈິຕ຺ໂຕ ສຸມໂນ ທທາມິ ເຕ,
ປຏິຄ຺ຄຫ ໂລກຫິຕາຍ ຈກ຺ຂຸມາຕິ.
ທີຆາຍຸໂກ ¶ ໂຫຕຸ ອຍໍ ກຸມາໂຣ,
ຕຸວຎ຺ຈ ຍກ຺ຂ ສຸຂິໂຕ ຠວາຫິ;
ອພ຺ຍາຘິຕາ ໂລກຫິຕາຍ ຕິຏ຺ຐຖ;
ອຍໍ ກຸມາໂຣ ສຣຓມຸເປຕິ ພຸທ຺ຘໍ…ເປ… ຘມ຺ມໍ…ເປ… ສງ຺ຆໍ.
ມຫາວຄ຺ຄສໍຍຸຕ຺ຕ ອຏ຺ຐກຖາ
ເອກໍ ¶ ສມຍໍ ຠຄວາ ສາວຕ຺ຖິຍໍ ວິຫຣຕິ ເຊຕວເນ ອນາຖປິຓ຺ຑິກສ຺ສ ອາຣາເມ. ເຕນ ໂຂ ປນ ສມເຍນ ອາຍສ຺ມາ ສາຣິປຸຕ຺ໂຕ ມຄເຘສຸ ວິຫຣຕິ ນາລກຄາມເກ ອາພາຘິໂກ ທຸກ຺ຂິໂຕ ພາຬ຺ຫຄິລາໂນ. ຈຸນ຺ໂທ ຈ ສມຓຸທ຺ເທໂສ ອາຍສ຺ມໂຕ ສາຣິປຸຕ຺ຕສ຺ສ ອຸປຏ຺ຐາໂກ ໂຫຕິ.
ອຖ ໂຂ ອາຍສ຺ມາ ສາຣິປຸຕ຺ໂຕ ເຕເນວ ອາພາເຘນ ປຣິນິພ຺ພາຍິ. ອຖ ໂຂ ຈຸນ຺ໂທ ສມຓຸທ຺ເທໂສ ອາຍສ຺ມໂຕ ສາຣິປຸຕ຺ຕສ຺ສ ປຕ຺ຕຈີວຣມາທາຍ ເຍນ ສາວຕ຺ຖິ ເຊຕວນໍ ອນາຖປິຓ຺ຑິກສ຺ສ ອາຣາໂມ, ເຍນາ ຍສ຺ມາ ອານນ຺ໂທ ເຕນຸປສງ຺ກມິ, ອຸປສງ຺ກມິຕ຺ວາ ອາຍສ຺ມນ຺ຕໍ ອານນ຺ທໍ ອຠິວາເທຕ຺ວາ ເອກມນ຺ຕໍ ນິສີທິ, ເອກມນ຺ຕໍ ນິສິນ຺ໂນ ໂຂ ຈຸນ຺ໂທ ສມຓຸທ຺ເທໂສ ອາຍສ຺ມນ຺ຕໍ ອານນ຺ທໍ ເອຕທໂວຈ ‘‘ອາຍສ຺ມາ ຠນ຺ເຕ ສາຣິປຸຕ຺ໂຕ ປຣິນິພ຺ພຸໂຕ, ອິທມສ຺ສ ປຕ຺ຕຈີວຣ’’ນ຺ຕິ. ອຕ຺ຖິ ໂຂ ອິທໍ ອາວຸໂສ ຈຸນ຺ທ ກຖາ ປາຠຕໍ ຠຄວນ຺ຕໍ ທສ຺ສນາຍ, ອາຍາມາວຸໂສ ຈຸນ຺ທ, ເຍນ ຠຄວາ ເຕນຸປສງ຺ກມິສ຺ສາມ, ອຸປສງ຺ກມິຕ຺ວາ ຠຄວໂຕ ເອຕມຕ຺ຖໍ ອາໂຣເຈສ຺ສາມາຕິ. ‘‘ເອວໍ ຠນ຺ເຕ’’ຕິ ໂຂ ຈຸນ຺ໂທ ສມຓຸທ຺ເທໂສ ອາຍສ຺ມໂຕ ອານນ຺ທສ຺ສ ປຈ຺ຈສ຺ໂສສິ.
ພຸທ຺ຘາ ¶ ນຸ ໂຂ ປຐມໍ ປຣິນິພ຺ພາຍນ຺ຕິ, ອຸທາຫຸ ອຄ຺ຄສາວກາຕິ.
ອນຸຊານາຕຸ ¶ ເມ ຠນ຺ເຕ ຠຄວາ, ອນຸຊານາຕຸ ສຸຄໂຕ. ປຣິນິພ຺ພານ ກາໂລ ເມ, ໂອສ຺ສຏ຺ໂຐ ເມ ອາຍຸສງ຺ຂາໂຣຕິ.
ກຕ຺ຖ ¶ ປຣິນິພ຺ພາຍິສ຺ສສິ ສາຣິປຸຕ຺ຕາຕິ.
ອຕ຺ຖິ ຠນ຺ເຕ ມຄເຘສຸ ນາລກຄາເມ ຊາໂຕວຣໂກ, ຕຕ຺ຖາຫໍ ປຣິນິພ຺ພາຍິສ຺ສາມີຕິ.
ຍສ຺ສ ທານິ ຕ຺ວໍ ສາຣິປຸຕ຺ຕ ກາລໍ ມຎ຺ຎສິ, ອິທານິ ປນ ເຕ ເຊຏ຺ຐກນິຏ຺ຐ ຠາຕິການໍ ຕາທິສສ຺ສ ຠິກ຺ຂຸໂນ ທສ຺ສນໍ ທຸລ຺ລຠໍ ຠວິສ຺ສຕິ, ເທເສຫິ ເນສໍ ຘມ຺ມນ຺ຕິ ອາຫ.
ອຖໂຂ ¶ ອາຍສ຺ມາ ຈ ອານນ຺ໂທ ຈຸນ຺ໂທ ຈ ສມຓຸທ຺ເທໂສ ເຍນ ຠຄວາ ເຕນຸປສງ຺ກມິໍສຸ, ອຸປສງ຺ກມິຕ຺ວາ ຠຄວນ຺ຕໍ ອຠິວາເທຕ຺ວາ ເອກມນ຺ຕໍ ນິສີທິໍສຸ, ເອກມນ຺ຕໍ ນິສິນ຺ໂນ ໂຂ ອາຍສ຺ມາ ອານນ຺ໂທ ຠຄວນ຺ຕໍ ເອຕທໂວຈ ‘‘ອຍໍ ຠນ຺ເຕ ຈຸນ຺ໂທ ສມຓຸທ຺ເທໂສ ‘ເອວມາຫ ອາຍສ຺ມາ ຠນ຺ເຕ ສາຣິປຸຕ຺ໂຕ ¶ ປຣິນິພ຺ພຸໂຕ, ອິທມສ຺ສ ປຕ຺ຕຈີວຣ’ນ຺ຕິ. ອປິຈ ເມ ຠນ຺ເຕ ‘ມຘຸຣກ ຊາໂຕ ວິຍ ກາໂຍ, ທິສາປິ ເມ ນ ປກ຺ຂາຍນ຺ຕິ, ຘມ຺ມາປິ ມໍ ນປ຺ປຏິຠນ຺ຕິ ອາຍສ຺ມາ ສາຣິປຸຕ຺ໂຕ ປຣິນິພ຺ພຸໂຕ’ຕິ’’ ສຸຕ຺ວາ–
ອປ຺ປເກນປິ ¶ ເມຘາວີ, ປາຠເຕນ ວິຈກ຺ຂໂຓ;
ສມຸຏ຺ຐາເປຕິ ອຕ຺ຕານໍ, ອຓຸໍ ອຄ຺ຄິໍວ ສນ຺ຘມນ຺ຕິ.
ໂຍ ¶ ປພ຺ພຊີ ຊາຕິສຕານິ ປຎ຺ຈ,
ປຫາຍ ກາມານິ ມໂນຣມານິ;
ຕໍວີຕຣາຄໍ ສຸສມາຫິຕິນ຺ທ຺ຣິຍໍ;
ປຣິນິພ຺ພຸຕໍ ວນ຺ທຖ ສາຣິປຸຕ຺ຕໍ.
ຂນ຺ຕິພໂລ ປຖວິສໂມ ນ ກຸປ຺ປຕິ,
ນຈາປິ ຈິຕ຺ຕສ຺ສ ວເສນ ວຕ຺ຕຕິ;
ອນຸກມ຺ປໂກ ກາຣຸຓິໂກ ຈ ນິພ຺ພຸໂຕ,
ປຣິນິພ຺ພຸຕໍ ວນ຺ທຖ ສາຣິປຸຕ຺ຕໍ.
ຈຓ຺ຑາລປຸຕ຺ໂຕ ¶ ຍຖາ ນຄຣໍ ປວິຏ຺ໂຐ,
ນີຈມໂນ ຈຣຕິ ກໂຬປິຫຕ຺ໂຖ;
ຕຖາ ອຍໍ ວິຫຣຕິ ສາຣິປຸຕ຺ໂຕ,
ປຣິນິພ຺ພຸຕໍ ວນ຺ທຖ ສາຣິປຸຕ຺ຕໍ.
ອຸສໂຠ ຍຖາ ຉິນ຺ນວິສາຓໂກ,
ອເຫຏ຺ຐຍນ຺ໂຕ ຈຣຕິ ປຸຣນ຺ຕເຣ ວເນ;
ຕຖາ ອຍໍ ວິຫຣຕິ ສາຣິປຸຕ຺ໂຕ;
ປຣິນິພ຺ພຸຕໍ ວນ຺ທຖ ສາຣິປຸຕ຺ຕນ຺ຕິ.
ອປິຈ ¶ ເມ ຠນ຺ເຕ ມຘຸຣກຊາໂຕ ວິຍ ກາໂຍ.
ກິໍ ¶ ນຸໂຂ ເຕ ອານນ຺ທ ສາຣິປຸຕ຺ໂຕ ສີລກ຺ຂນ຺ຘໍ ວາ ອາທາຍ ປຣິນິພ຺ພຸໂຕ, ສມາຘິກ຺ຂນ຺ຘໍ ວາ ອາທາຍ ປຣິນິພ຺ພຸໂຕ, ປຎ຺ຎາກ຺ຂນ຺ຘໍ ວາ ອາທາຍ ປຣິນິພ຺ພຸໂຕ, ວິມຸຕ຺ຕິກ຺ຂນ຺ຘໍ ວາ ອາທາຍ ປຣິນິພ຺ພຸໂຕ, ວິມຸຕ຺ຕິ ຎາຓທສ຺ສນກ຺ຂນ຺ຘໍ ວາ ອາທາຍ ປຣິນິພ຺ພຸໂຕຕິ.
ນນຸ ¶ ຕໍ ອານນ຺ທ ມຍາ ປຏິກຈ຺ເຈວ ອກ຺ຂາຕໍ ສພ຺ເພຫິ ປິເຍຫິ ມນາ ເປຫິ ນານາຠາໂວ ວິນາຠາໂວ ອຎ຺ຎຖາຠາໂວ, ຕໍ ກຸເຕຕ຺ຖ ອານນ຺ທ ລພ຺ຠາ ‘‘ຍໍ ຕໍ ຊາຕໍ ຠູຕໍ ສງ຺ຂຕໍ ປໂລກຘມ຺ມໍ, ຕໍ ວຕ ມາປລຸຊ຺ຊີ’’ຕິ ເນຕໍ ຐານໍ ວິຊ຺ຊຕິ.
ທສກນິທ຺ເທສ
ຕຕ຺ຖ ¶ ກຕມໍ ຕຖາຄຕສ຺ສ ຐານຎ຺ຈ ຐານໂຕ ອຏ຺ຐານຎ຺ຈ ອຏ຺ຐານໂຕ ຍຖາຠູຕໍ ຎາຓໍ. ອິຘ ຕຖາຄໂຕ ‘‘ອຏ຺ຐານເມຕໍ ອນວກາໂສ ຍໍ ທິຏ຺ຐິສມ຺ປນ຺ໂນ ປຸຄ຺ຄໂລ ກຎ຺ຈິ ສງ຺ຂາຣໍ ນິຈ຺ຈໂຕ ອຸປຄຈ຺ເຉຍ຺ຍ ເນຕໍ ຐານໍ ວິຊ຺ຊຕີ’’ຕິ ປຊານາຕິ, ‘‘ຐານຎ຺ຈ ໂຂ ເອຕໍ ວິຊ຺ຊຕິ ຍໍ ປຸຖຸຊ຺ຊໂນ ກຎ຺ຈິ ສງ຺ຂາຣໍ ນິຈ຺ຈໂຕ ອຸປຄຈ຺ເຉຍ຺ຍ ຐານເມຕໍ ວິຊ຺ຊຕີ’’ຕິ –
ກມ຺ມໂຕ ¶ ທ຺ວາຣໂຕ ເຈວ;
ກປ຺ປຏ຺ຐິຕິຍໂຕ ຕຖາ;
ປາກສາຘາຣຓາທີຫິ;
ວິຎ຺ຎາຕພ຺ໂພ ວິນິຈ຺ຉໂຍ.
ມຍາ ¶ ຠນ຺ເຕ ອຸປ຺ປນ຺ໂນ ໂຈໂຣ ນ ສກ຺ກາ ປຏິພາຫິຕຸໍ, ສງ຺ໂຆ ປຣສມຸທ຺ທໍ ຄຈ຺ຉຕຸ, ອຫໍ ສມຸທ຺ທາຣກ຺ຂໍ ກຣິສ຺ສາມີຕິ.
ອາວຸໂສ ມຫາໂສຓ ອຠິຣຸຫ ມຫາອຸລຸມ຺ປນ຺ຕິ.
ນາຫໍ ¶ ຠນ຺ເຕ ຕຸມ຺ເຫສຸ ອຄຈ຺ຉນ຺ເຕສຸ ຄມິສ຺ສາມີຕິ ຍາວຕຕິຍໍ ກເຖຕ຺ວາປິ ເຖຣໍ ອາໂຣເປຕຸໍ ອສກ຺ໂກນ຺ຕາ ນິວຕ຺ຕິໍສຸ.
ເອວຣູປສ຺ສ ¶ ນາມ ລາຠຄ຺ຄຍສຄ຺ຄປ຺ປຕ຺ຕສ຺ສ ສຣີຣຘາຕຸນິຈຍຏ຺ຐານໍ ອນາຖໍ ຊາຕນ຺ຕິ ຈິນ຺ຕຍມາໂນ ນິສີທິ.
ຠນ຺ເຕ ¶ ເອຕໍ ປຓ຺ຓຂາທກມນຸສ຺ສານໍ ວສນຏ຺ຐານໍ, ຘູໂມ ປຎ຺ຎາຍຕິ, ອຫໍ ປຸຣໂຕ ຄມິສ຺ສາມີຕິ ເຖຣໍ ວນ຺ທິຕ຺ວາ ອຕ຺ຕໂນ ຠວນໍ ອຄມາສິ. ເຖໂຣ ສພ຺ພມ຺ປິ ຠຍກາລໍ ປຓ຺ຓຂາທກມນຸສ຺ເສ ນິສ຺ສາຍ ວສິ.
ອາວຸໂສ ມຫາໂສຓ ຠິກ຺ຂາຫາໂຣ ປຎ຺ຎາຍຕີຕິ ວຕ຺ວາ ປຕ຺ຕຈີວຣໍ ອາໂຣເປຕ຺ວາ ຈີວຣໍ ປາຣຸປິຕ຺ວາ ປຕ຺ຕໍ ນີຫຣິຕ຺ວາ ອຏ຺ຐາສິ.
ມຫາໂສຓຕ຺ເຖໂຣ ¶ ປຎ຺ຈຠິກ຺ຂຸສຕປຣິວາໂຣ ມຓ຺ຑລາຣາມວິຫາຣໍ ປຕ຺ໂຕ, ເອເກໂກ ນວຫຕ຺ຖສາຏເກນ ສທ຺ຘິໍ ເອເກກກຫາປຓຄ຺ຆນກໍ ປິຓ຺ຑປາຕໍ ເທຕູຕິ ມນຸສ຺ເສ ອໂວຈຸໍ.
ອນາຍຕເນ ¶ ນຏ຺ຐານໍ ອຕ຺ຕຠາວານໍ ປມາຓໍ ນຕ຺ຖິ, ພຸທ຺ຘານໍ ອຸປຏ຺ຐານໍ ກຣິສ຺ສາມີຕິ ເຈຕິຍງ຺ຄຓໍ ຄນ຺ຕ຺ວາ ອປ຺ປຫຣິຕໍ ກໂຣຕິ.
ມຍໍ ¶ ຕາວ ມຫລ຺ລກາ, ອິທໍ ນາມ ຠວິສ຺ສຕີຕິ ນ ສກ຺ກາ ຊານິຕຸໍ, ຕຸວໍ ອຕ຺ຕານໍ ຣກ຺ເຂຍ຺ຍາສີຕິ.
ກຫໍ ¶ ວຕ຺ຕພ຺ພກນິຄ຺ໂຣຘຕ຺ເຖໂຣ, ກຫໍ ວຕ຺ຕພ຺ພກນິຄ຺ໂຣຘຕ຺ເຖໂຣຕິ ປຸຈ຺ຉິຕ຺ວາ ຕສ຺ສ ສນ຺ຕິກໍ ອຄມໍສຸ.
ກິໍ ¶ ເຖໂຣ ປິຍາຍຕີຕິ.
ກີທິໂສ ເຖໂຣຕິ.
ຘມ຺ມສກຏສ຺ສ ¶ ອກ຺ໂຂ ຠິຊ຺ຊຕິ ອກ຺ໂຂ ຠິຊ຺ຊຕີຕິ ປຣິເທວມາໂນ ວິຈຣິ.
໘. ສມ຺ມປ຺ປຘານວິຠງ຺ຄ
໑. ສຸຕ຺ຕນ຺ຕຠາຊນີຍວຓ຺ຓນາ
ຈຕ຺ຕາໂຣເມ ¶ ອາວຸໂສ ສມ຺ມປ຺ປຘານາ. ກຕເມ ຈຕ຺ຕາໂຣ. ອິຘາວຸໂສ ຠິກ຺ຂຸ ອນຸປ຺ປນ຺ນາ ເມ ປາປກາ ອກຸສລາ ຘມ຺ມາ ອຸປ຺ປຊ຺ຊມານາ ອນຕ຺ຖາຍ ສໍວຕ຺ເຕຍ຺ຍຸນ຺ຕິ ອາຕປ຺ປໍ ກໂຣຕິ, ອຸປ຺ປນ຺ນາ ເມ ປາປກາ ອກຸສລາ ຘມ຺ມາ ອປ຺ປຫີຍມານາ ອນຕ຺ຖາຍ ສໍວຕ຺ເຕຍ຺ຍຸນ຺ຕິ ອາຕປ຺ປໍ ກໂຣຕິ, ອນຸປ຺ປນ຺ນາ ເມ ກຸສລາ ຘມ຺ມາ ອນຸປ຺ປຊ຺ຊມານາ ອນຕ຺ຖາຍ ສໍວຕ຺ເຕຍ຺ຍຸນ຺ຕິ ອາຕປ຺ປໍ ກໂຣຕິ, ອນຸປ຺ປນ຺ນາ ເມ ກຸສລາ ຘມ຺ມາ ອນຸປ຺ປຊ຺ຊມານາ ອນຕ຺ຖາຍ ສໍວຕ຺ເຕຍ຺ຍຸນ຺ຕິ ອາຕປ຺ປໍ ກໂຣຕິ, ອຸປ຺ປນ຺ນາ ເມ ກຸສລາ ຘມ຺ມາ ນິຣຸຊ຺ຌມານາ ອນຕ຺ຖາຍ ສໍວຕ຺ເຕຍ຺ຍຸນ຺ຕິ ອາຕປ຺ປໍ ກໂຣຕີຕິ.
ອຸປຊ຺ຌາໂຍ ¶ ເມ ອຕິວິຍ ປສນ຺ນຈິຕ຺ໂຕ ວນ຺ທຕິ, ກິໍ ນຸ ໂຂ ປຸປ຺ຜານິ ລຠິຕ຺ວາ ປູຊໍ ກເຣຍ຺ຍາສີຕິ ຈິນ຺ເຕສິ.
‘‘ກທາ ¶ ອາຄໂຕສີຕິ ປຸຈ຺ຉິ’’
ຕ຺ວໍ ¶ ອມ຺ເຫ ອຸຈ຺ຈາກຸລາຕິ ສລ຺ລກ຺ເຂສິ.
໑໖. ຎາຓວິຠງ຺ຄ
໑໐. ທສກນິທ຺ເທສວຓ຺ຓນາ
ເອກິສ຺ສາ ໂລກຘາຕຸຍາ
ອຏ຺ຐານເມຕໍ ¶ ອນວກາໂສ ຍໍ ເອກິສ຺ສາ ໂລກຘາຕຸຍາ ທ຺ເວ ອຣຫນ຺ໂຕ ສມ຺ມາສມ຺ພຸທ຺ຘາ ອປຸພ຺ພໍ ອຈຣິມໍ ອຸປ຺ປຊ຺ເຊຍ຺ຍຸໍ, ເນຕໍ ຐານໍ ວິຊ຺ຊຕີຕິ ປຊານາຕິ.
ອຊ຺ຊ ¶ ສຕ຺ຖາ ປຣິນິພ຺ພາຍຕິ, ອຊ຺ຊ ສາສນໍ ໂອສກ຺ກຕິ, ປຈ຺ຉິມທສ຺ສນໍ ທານິ ອິທໍ ອມ຺ຫາກນ຺ຕິ ທສພລສ຺ສ ປຣິນິພ຺ພຸຕທິວສໂຕ ມຫນ຺ຕຕຣໍ ກາຣຸຎ຺ຎໍ ກຣິສ຺ສນ຺ຕິ.
ເອກປຸຄ຺ຄໂລ ¶ ຠິກ຺ຂເວ ໂລເກ ອຸປ຺ປຊ຺ຊມາໂນ ອຸປ຺ປຊ຺ຊຕິ ອຈ຺ຉຣິຍມນຸສ຺ໂສ, ກຕໂມ ເອກປຸຄ຺ຄໂລ ຕຖາຄໂຕ ຠິກ຺ຂເວ ອຣຫໍ ສມ຺ມາສມ຺ພຸທ຺ໂຘຕິ.
ຌານວິຠງ຺ຄ
ສຸຕ຺ຕນ຺ຕຠາຊນີຍ
ອຠິກ຺ກນ຺ເຕ ¶ ປຏິກ຺ກນ຺ເຕ ສມ຺ປຊານກາຣີ ໂຫຕິ.
ສໂຕ ¶ ສມ຺ປຊາໂນ ອຠິກ຺ກມຕິ,
ສໂຕ ສມ຺ປຊາໂນ ປຏິກ຺ກມຕີຕິ ວຸຕ຺ຕໍ.
ກິນ຺ນູ ເມ ເອຕ຺ຖ ຄເຕນ ອຕ຺ໂຖ ອຕ຺ຖິ ນຕ຺ຖີຕິ ອຕ຺ຖານຕ຺ຖໍ ປຣິຄ຺ຄເຫຕ຺ວາ ອຕ຺ຖປຣິຄ຺ຄຓ຺ຫນໍ ສາຕ຺ຖກສມ຺ປຊຎ຺ຎໍ.
ອາມິສໂຕປິ ¶ ວຑ຺ຒິ ອຕ຺ໂຖເຍວ, ຕໍ ນິສ຺ສາຍ ພ຺ຣຫ຺ມຈຣິຍາ ນຸຄ຺ຄຫາຍ ປຏິປນ຺ນຕ຺ຕາຕິ ວທນ຺ຕິ.
ມຍາ ¶ ປພ຺ພຊິຕທິວສໂຕ ປຏ຺ຐາຍ ຠິກ຺ຂຸນາ ສທ຺ຘິໍ ທ຺ເວກຖາ ນາມ ນກຖິຕປຸພ຺ພາ, ອຎ຺ຎສ຺ມິໍ ທິວເສ ອຸປຣິວິເສສໍ ນິພ຺ພຕ຺ເຕສ຺ສາມີຕິ ຈິນ຺ເຕຕ຺ວາ ‘‘ກິໍ ຠນ຺ເຕ’’ຕິ ປຏິວຈນໍ ອທາສິ.
ຠນ຺ເຕ ¶ ເອເຕ ມນຸສ຺ສາ ຕຸມ຺ຫາກໍ ກິໍໂຫນ຺ຕິ, ມາຕິປກ຺ຂໂຕ ສມ຺ພນ຺ຘາ ປິຕິປກ຺ຂໂຕຕິ.
ອາວຸໂສຍໍ ¶ ມາຕາປິຕູຫິປິ ທຸກ຺ກຣໍ, ຕໍ ເອເຕ ມນຸສ຺ສາ ອມ຺ຫາກໍ ກໂຣນ຺ຕິ, ປຕ຺ຕຈີວຣມ຺ປິ ໂນ ເອເຕສໍ ສນ຺ຕກເມວ, ເອເຕສໍ ອານຸຠາເວນ ເນວ ຠເຍ ຠຍໍ ນ ຉາຕເກ ຉາຕກໍ ຊານາມ, ເອທິສານາມ ອມ຺ຫາກໍ ອຸປກາຣິໂນ ນຕ຺ຖີຕິ ເຕສໍ ຄຸເຓ ກເຖນ຺ໂຕ ຄຈ຺ຉຕິ.
ກມ຺ມຏ຺ຐານໍ ¶ ນາມ ອຕ຺ຖີຕິປິ ສຎ຺ຎໍ ອກຕ຺ວາ ຄາມໍ ປິຓ຺ຑາຍ ປວິສິຕ຺ວາ ອນນຸໂລມິເກນ ຄິຫິສໍສຄ຺ເຄນ ສໍສຏ຺ໂຐ ຈຣິຕ຺ວາ ຈ ຠຸຎ຺ຊິຕ຺ວາ ຈ ຕຸຈ຺ໂຉ ນິກ຺ຂມຕິ.
ອາວຸໂສ ¶ ຕຸມ຺ເຫ ນ ອິຓຏ຺ຏາ ນ ຠຍຏ຺ຏາ ນ ອາຊີວິກາ ປກຕາ ປພ຺ພຊິຕາ, ທຸກ຺ຂາ ມຸຈ຺ຈິຕຸກາມາ ປເນຕ຺ຖ ປພ຺ພຊິຕາ. ຕສ຺ມາ ຄມເນ ອຸປ຺ປນ຺ນກິເລສໍ ຄມເນເຍວ ນິຄຓ຺ຫຖ. ຐາເນ, ນິສຊ຺ຊາຍ, ສຍເນ ອຸປ຺ປນ຺ນກິເລສໍ ສຍເນເຍວ ນິຄ຺ຄຓ຺ຫຖາຕິ.
ອຍໍ ¶ ຠິກ຺ຂຸ ຕຸຍ຺ຫໍ ອຸປ຺ປນ຺ນໍ ວິຕກ຺ກໍ ຊານາຕິ, ອນນຸຈ຺ຉວິກໍ ເຕ ເອຕນ຺ຕິ ອຕ຺ຕານໍ ປຏິໂຈເທຕ຺ວາ ວິປສ຺ສນໍ ວຑ຺ເຒຕ຺ວາ ອຣິຍຠູມິໍ ໂອກ຺ກມຕິ.
ອຍໍ ¶ ເຖໂຣ ປຸນປ຺ປຸນໍ ນິວຕ຺ຕິຕ຺ວາ ຄຈ຺ຉຕິ, ກິໍ ນຸໂຂ ມຄ຺ຄມູຬ຺ໂຫ ອຸທາຫຸ ກິຎ຺ຈິ ປມຸຏ຺ໂຐຕິ ສມຸລ຺ລປນ຺ຕິ.
ກິນ຺ນູ ¶ ໂຂ ເອເຕ ອມ຺ເຫເຫວ ສທ຺ຘິໍ ນ ສລ຺ລປນ຺ຕິ ອຸທາຫຸ ອຎ຺ຎ ມຎ຺ຎມ຺ປິ, ຍທິ ອຎ຺ຎມຎ຺ຎມ຺ປິ ນ ສລ຺ລປນ຺ຕິ, ອທ຺ຘາ ວິວາທຊາຕາ ຠວິສ຺ສນ຺ຕິ.
ອຎ຺ຎໍ ¶ ອຸປ຺ປຊ຺ຊເຕ ຈິຕ຺ຕໍ, ອຎ຺ຎໍ ຈິຕ຺ຕໍ ນິຣຸຊ຺ຌຕິ;
ອວີຈິ ມນຸສມ຺ພນ຺ໂຘ, ນທີ ໂສໂຕວ ວຕ຺ຕຕິ.
ອາໂລກິເຕ ວິໂລກິເຕ ສມ຺ປຊານກາຣີ ໂຫຕິ.
ສເຈ ¶ ຠິກ຺ຂເວ ນນ຺ທສ຺ສ ປຸຣຕ຺ຖິມາ ທິສາ ອາໂລເກຕພ຺ພາ ໂຫຕິ, ສພ຺ພໍ ເຈຕສາ ສມນ຺ນາຫຣິຕ຺ວາ ນນ຺ໂທ ປຸຣຕ຺ຖິມໍ ທິສໍ ອາໂລເກຕິ ‘ເອວໍ ເມ ປຸຣຕ຺ຖິມໍ ທິສໍ ອາໂລກຍໂຕ ນາຠິຊ຺ຌາ ໂທມນສ຺ສາ ປາປກາ ອກຸສລາ ຘມ຺ມາ ອນ຺ວາສ຺ສວິສ຺ສນ຺ຕີ’ຕິ. ອິຕິຫ ສາຕ຺ຖກ ສມ຺ປຊາໂນ ໂຫຕິ. ສເຈ ຠິກ຺ຂເວ ນນ຺ທສ຺ສ ປຈ຺ຉິມາ ທິສາ, ອຸຕ຺ຕຣາ ທິສາ, ທກ຺ຂິຓາ ທິສາ, ອຸທ຺ຘໍ, ອໂຘ, ອນຸທິສາ ອນຸວິໂລເກຕພ຺ພາ ໂຫຕິ, ສພ຺ພໍ ເຈຕສາ ສມນ຺ນາຫຣິຕ຺ວາ ນນ຺ໂທ ອນຸທິສໍ ອນຸວິໂລເກຕິ ‘ເອວໍ ເມ ອນຸທິສໍ ອນຸວິໂລກຍໂຕ…ເປ… ສມ຺ປຊາໂນ ໂຫຕີຕິ….
ຠວງ຺ຄາ ¶ ວຊ຺ຊນຎ຺ເຈວ, ທສ຺ສນໍ ສມ຺ປຏິຈ຺ຉນໍ;
ສນ຺ຕີຣຓໍ ໂວຏ຺ຐພ຺ພນໍ, ຊວນໍ ຠວຕິ ສຕ຺ຕມໍ.
ສມິຎ຺ຊິເຕ ¶ ປສາຣິເຕ ສມ຺ປຊານກາຣີ ໂຫຕິ.
ສມິຎ຺ຊິເຕ ປຫາຣິເຕຕິ ປພ຺ພານໍ ສມິຎ຺ຊນ ປສາຣເຓ.
ກສ຺ມາ ¶ ຠນ຺ເຕ ສຫສາ ຫຕ຺ຖໍ ສມິຎ຺ຊິຕ຺ວາ ປຸນ ຍຖາຐາເນ ຐເປຕ຺ວາ ສຓິກໍ ສມິຎ຺ຊິຕ຺ຖາຕິ.
ຍໂຕ ປຏ຺ຐາຍ ມຍາ ອາວຸໂສ ກມ຺ມຏ຺ຐານໍ ມນສິກາຕຸໍ ອາຣທ຺ໂຘ, ນ ເມ ກມ຺ມຏ຺ຐານໍ ມຸຎ຺ຊິຕ຺ວາ ຫຕ຺ໂຖ ສມິຎ຺ຊິຕປຸພ຺ໂພ, ອິທານິ ປນ ເມ ຕຸມ຺ເຫຫິ ສທ຺ຘິໍ ກຖຍມາເນນ ກມ຺ມຏ຺ຐານໍ ມຸຎ຺ຈິຕ຺ວາ ສມິຎ຺ຊິໂຕ, ຕສ຺ມາ ປຸນ ຍຖາ ຐາເນ ຐເປຕ຺ວາ ສມິຎ຺ເຊສິນ຺ຕິ.
ສາຘຸ ¶ ຠນ຺ເຕ ຠິກ຺ຂຸນາ ນາມ ເອວຣູເປນ ຠວິຕພ຺ພນ຺ຕິ.
ສງ຺ຆາຏິປຕ຺ຕຈີວຣຘາຣເຓ ສມ຺ປຊານກາຣີ ໂຫຕິ.
ປຸຄ຺ຄລປຎ຺ຎຕ຺ຕິອຏ຺ຐກຖາ
ເອກກນິທ຺ເທສ
ກຕໂມ ¶ ຈ ປຸຄ຺ຄໂລ ສມຍວິມຸຕ຺ໂຕ, ອິເຘກຈ຺ໂຈ ປຸຄ຺ຄໂລ ກາເລນ ກາລໍ ສມເຍນ ສມຍໍ ອຏ຺ຐ ວິໂມກ຺ເຂ ກາເຍນ ຜຸສິຕ຺ວາ ວິຫຣຕິ, ປຎ຺ຎາຍ ຈສ຺ສ ທິສ຺ວາ ເອກຈ຺ເຈ ອາສວາ ປຣິກ຺ຂີຓາ ໂຫນ຺ຕິ. ອຍໍ ວຸຈ຺ຈຕິ ປຸຄ຺ຄໂລ ສມຍວິມຸຕ຺ໂຕ.
ອສມຍວິມຸຕ຺ຕ
ກຕໂມ ¶ ຈ ປຸຄ຺ຄໂລ ອສມຍວິມຸຕ຺ໂຕ, ອິເຘກຈ຺ໂຈ ປຸຄ຺ຄໂລ ນເຫວ ໂຂ ກາເລນ ກາລໍ ສມເຍນ ສມຍໍ ອຏ຺ຐວິໂມກ຺ເຂ ກາເຍນ ຜຸສິຕ຺ວາ ວິຫຣຕິ, ປຎ຺ຎາຍ ຈສ຺ສ ທິສ຺ວາ ອາສວາ ປຣິກ຺ຂີຓາ ໂຫນ຺ຕິ. ອຍໍ ວຸຈ຺ຈຕິ ປຸຄ຺ຄໂລ ອສມຍວິມຸຕ຺ໂຕ. ສພ຺ເພປິ ອຣິຍ ປຸຄ຺ຄລາ ອຣິເຍ ວິໂມກ຺ເຂ ອສມຍວິມຸຕ຺ຕາ.
ກຸປ຺ປາກຸປ຺ປນິທ຺ເທສ
ກຕໂມ ¶ ຈ ປຸຄ຺ຄໂລ ກຸປ຺ປຘມ຺ໂມ, ອິເຘກຈ຺ໂຈ ປຸຄ຺ຄໂລ ລາຠີ ໂຫຕິ ຣູປສຫຄຕານໍ ວາ ອຣູປສຫຄຕານໍ ວາ ສມາປຕ຺ຕີນໍ, ໂສ ຈ ໂຂ ນ ນິກາມລາຠີ ໂຫຕິ ນ ອກິຈ຺ຉລາຠີ ນ ອກສິຣ ລາຠີ, ນ ຍຕ຺ຖິຈ຺ຉກໍ ຍທິຈ຺ຉກໍ ຍາວຕິຈ຺ຉກໍ ສມາປຊ຺ຊຕິປິ ວຸຏ຺ຐາຕິປິ, ຐານໍ ໂຂ ປເນຕໍ ວິຊ຺ຌຕິ, ຍໍ ຕສ຺ສ ປຸຄ຺ຄລສ຺ສ ປມາທມາຄມ຺ມ ຕາ ສມາປຕ຺ຕິໂຍ ກຸປ຺ເປຍ຺ຍຸໍ. ອຍໍ ວຸຈ຺ຈຕິ ປຸຄ຺ຄໂລ ກຸປ຺ປຘມ຺ໂມ.
ສຕ຺ຕກ຺ຂຕ຺ຕຸປຣມ ໂສຕາປນ຺ນ
ກຕໂມ ¶ ຈ ປຸຄ຺ຄໂລ ສຕ຺ຕກ຺ຂຕ຺ຕຸປຣໂມ, ອິເຘກຈ຺ໂຈ ປຸຄ຺ຄໂລ ຕິຓ຺ຓໍ ສໍໂຍຊນານໍ ປຣິກ຺ຂຍາ ໂສຕາປນ຺ໂນ ໂຫຕິ ອວິນິປາຕ ຘມ຺ໂມ ນິຍໂຕ ສມ຺ໂພຘິປຣາຍໂຓ, ໂສ ສຕ຺ຕກ຺ຂຕ຺ຕຸໍ ເທເວ ຈ ມານຸເສ ຈ ສນ຺ຘາວິຕ຺ວາ ສໍສຣິຕ຺ວາ ທຸກ຺ຂສ຺ສນ຺ຕໍ ກໂຣຕິ, ອຍໍ ວຸຈ຺ຈຕິ ປຸຄ຺ຄໂລ ສຕ຺ຕກ຺ຂຕ຺ຕຸປຣໂມ.
ໂສຕາປນ຺ນ ອຘິປ຺ປາຍ຺ຍ
ໂສໂຕ ¶ ໂສໂຕຕິ ຫິທໍ ສາຣິປຸຕ຺ຕ ວຸຈ຺ຈຕິ, ກຕໂມ ນຸໂຂ ສາຣິປຸຕ຺ຕ ໂສໂຕຕິ. ອຍເມວ ຫິ ຠນ຺ເຕ ອຣິໂຍ ອຏ຺ຐງ຺ຄິໂກ ມຄ຺ໂຄ ໂສໂຕ. ເສຍ຺ຍຖິທໍ, ສມ຺ມາທິຏ຺ຐິ…ເປ… ສມ຺ມາສມາຘີຕິ. ໂສຕາປນ຺ໂນ ໂສຕາປນ຺ໂນຕິ ຫິທໍ ສາຣິປຸຕ຺ຕ ວຸຈ຺ຈຕິ, ກຕໂມ ນຸໂຂ ສາຣິປຸຕ຺ຕ ໂສຕາປນ຺ໂນຕິ. ໂຍ ຫິ ຠນ຺ເຕ ອິມິນາ ອຣິເຍນ ອຏ຺ຐງ຺ຄິເກນ ມຄ຺ເຄນ ສມນ຺ນາຄໂຕ, ອຍໍ ວຸຈ຺ຈຕິ ໂສຕາປນ຺ໂນ, ສ຺ວາຍໍ ອາຍສ຺ມາ ເອວໍນາໂມ ເອວໍໂຄຕ຺ໂຕ ອິຕິ ວາຕິ, ອິຕິວາ….
ໂກລໍ ໂກລ ໂສຕາປນ຺ນ
ກຕໂມ ¶ ຈ ປຸຄ຺ຄໂລ ໂກລໍ ໂກໂລ. ອິເຘກຈ຺ໂຈ ປຸຄ຺ຄໂລ ຕິຓ຺ຓໍ ສໍໂຍຊນານໍ ປຣິກ຺ຂຍາ ໂສຕາປນ຺ໂນ ໂຫຕິ ອວິນິປາຕຘມ຺ໂມ ນິຍໂຕ ສມ຺ໂພຘິປຣາຍໂຓ, ໂສ ທ຺ເວ ວາ ຕີຓິ ວາ ກຸລານິ ສນ຺ຘາວິຕ຺ວາ ສໍສຣິຕ຺ວາ ທຸກ຺ຂສ຺ສນ຺ຕໍ ກໂຣຕິ, ອຍໍ ວຸຈ຺ຈຕິ ໂກລໍ ໂກໂລ.
ເອກພີຊີ ໂສຕາປນ຺ນ
ກຕໂມ ¶ ຈ ປຸຄ຺ຄໂລ ເອກພີຊີ, ອິເຘກຈ຺ໂຈ ປຸຄ຺ຄໂລ ຕິຓ຺ຓໍ ສໍໂຍຊນານໍ ປຣິກ຺ຂຍາ ໂສຕາປນ຺ໂນ ໂຫຕິ ອວິນິປາຕຘມ຺ໂມ ນິຍໂຕ ສມ຺ໂພຘິປຣາຍໂຓ, ໂສ ເອກໍເຍວ ມານຸສກໍ ຠວໍ ນິພ຺ພຕ຺ເຕຕ຺ວາ ທຸກ຺ຂສ຺ສນ຺ຕໍ ກໂຣຕິ, ອຍໍ ວຸຈ຺ຈຕິ ປຸຄ຺ຄໂລ ເອກພີຊີ.
ສກທາຄາມິນິທ຺ເທສ
ກຕໂມ ¶ ຈ ປຸຄ຺ຄໂລ ສກທາຄາມີ, ອິເຘ ກຈ຺ໂຈ ປຸຄ຺ຄໂລ ຕິຓ຺ຓໍ ສໍໂຍຊນານໍ ປຣິກ຺ຂຍາ ຣາຄໂທສໂມຫານໍ ຕນຸຕ຺ຕາ ສກທາຄາມີ ໂຫຕິ ສກິເທວ ອິມໍ ໂລກໍ ອາຄນ຺ຕ຺ວາ ທຸກ຺ຂສ຺ສນ຺ຕໍ ກໂຣຕິ. ອຍໍ ວຸຈ຺ຈຕິ ປຸຄ຺ຄໂລ ສກທາຄາມີ.