ມູລ > ສຸຕ຺ຕປິຏກ > ຂຸທ຺ທກນິກາຍ

[ກິມຄ຺ຆຕີ ຕຓ຺ຑຸລນາຬິກາ ຈ, ພາຣາຓສີ ອນ຺ຕຣພາຫິຣານິ; ອສ຺ສປຎ຺ຈສເຕ ຕານິ, ເອກາ ຕຓ຺ຑຸລນາຬິກາຕິ; (ສ຺ຍາ.)] ກິມຄ຺ຆຕິ ຕຓ຺ຑຸລນາຬິກາຍ, ອສ຺ສານ ມູລາຍ ວເທຫິ ຣາຊ [ນາຬິກາ ຈ (ສີ.), ນາຬິກາຍ (ກ. ສີ. ອຏ຺ຐ.)];

ພາຣາຓສິໍ ສນ຺ຕຣພາຫິຣໂຕ [ພາຫິຣນ຺ຕໍ (ສີ.)], ອຍມຄ຺ຆຕິ ຕຓ຺ຑຸລນາຬິກາຕິ [ກິມຄ຺ຆຕີ ວຓ຺ຑຸລນາຬິກາ ຈ, ພາຣາຓສີ ອນ຺ຕຣພາຫິຣານິ; ອສ຺ສປຎ຺ຈສເຕ ຕານິ, ເອກາ ຕຓ຺ຑຸລນາຬິກາຕິ; (ສ຺ຍາ.)].

ຫິຣິໂອຕ຺ຕປ຺ປສມ຺ປນ຺ນາ ¶ , ສຸກ຺ກຘມ຺ມສມາຫິຕາ;

ສນ຺ໂຕ ສປ຺ປຸຣິສາ ໂລເກ, ເທວຘມ຺ມາຕິ ວຸຈ຺ຈເຣຕິ.

ປຸຕ຺ໂຕ ຕ຺ຍາຫໍ ມຫາຣາຊ, ຕ຺ວໍ ມໍ ໂປສ ຊນາຘິປ;

ອຎ຺ເຎປິ ເທໂວ ໂປເສຕິ, ກິຎ຺ຈ [ກິຎ຺ຈິ (ກ.)] ເທໂວ ສກໍ ປຊນ຺ຕິ.

ກຏ຺ຐຫາຣິ [ກຏ຺ຐວາຫນ (ກ.)] ຊາຕກໍ ສຕ຺ຕມໍ.

ອປິ ¶ ¶ ອຕຣມານານໍ, ຜລາສາວ ສມິຊ຺ຌຕິ;

ວິປກ຺ກພ຺ຣຫ຺ມຈຣິໂຍສ຺ມິ, ເອວໍ ຊານາຫິ ຄາມຓີຕິ.

ອຸຕ຺ຕມງ຺ຄຣຸຫາ ມຍ຺ຫໍ, ອິເມ ຊາຕາ ວໂຍຫຣາ;

ປາຕຸຠູຕາ ເທວທູຕາ, ປພ຺ພຊ຺ຊາສມໂຍ ມມາຕິ.

ມຆເທວ [ມຂາເທວ (ສີ. ປີ.), ເທວທູຕ (ກ.)] ຊາຕກໍ ນວມໍ.

ຍຎ຺ຈ ¶ ອຎ຺ເຎ ນ ຣກ຺ຂນ຺ຕິ, ໂຍ ຈ ອຎ຺ເຎ ນ ຣກ຺ຂຕິ;

ສ ເວ ຣາຊ ສຸຂໍ ເສຕິ, ກາເມສຸ ອນເປກ຺ຂວາຕິ.

ວຣາປຓ຺ຓກ ວຓ຺ຓຸປຖ ເສຣິວໂຣ, ສຸວິຈກ຺ຂຓ ຕຓ຺ຑຸລນາຬິກສ຺ສາ;

ຫິຣິ ປຸຕ຺ຕວຣຸຕ຺ຕຄາມຓິນາ, ໂຍ ຈ ນ ຣກ຺ຂຕິ ເຕນ ທສາຕິ.

ໂຫຕິ ສີລວຕໍ ອຕ຺ໂຖ, ປຏິສນ຺ຖາຣ [ປຏິສນ຺ຘາຣ (ກ.)] ວຸຕ຺ຕິນໍ;

ລກ຺ຂຓໍ ປສ຺ສ ອາຍນ຺ຕໍ, ຎາຕິສງ຺ຆປຸຣກ຺ຂຕໍ [ປຸຣກ຺ຂິຕໍ (ສ຺ຍາ.), ປຸເຣກ຺ຂິຕໍ (ກ.)];

ອຖ ປສ຺ສສິມໍ ກາຬໍ, ສຸວິຫີນໍວ ຎາຕິຠີຕິ.

ນິຄ຺ໂຣຘເມວ ¶ ¶ ¶ ເສເວຍ຺ຍ, ນ ສາຂມຸປສໍວເສ;

ນິຄ຺ໂຣຘສ຺ມິໍ ມຕໍ ເສຍ຺ໂຍ, ຍຎ຺ເຈ ສາຂສ຺ມິ [ສາຂສ຺ມິໍ (ສີ. ປີ.)] ຊີວິຕນ຺ຕິ.

ຘິຣຕ຺ຖຸ ກຓ຺ຑິນໍ ສລ຺ລໍ, ປຸຣິສໍ ຄາຬ຺ຫເວຘິນໍ;

ຘິຣຕ຺ຖຸ ຕໍ ຊນປທໍ, ຍຕ຺ຖິຕ຺ຖີ ປຣິຓາຍິກາ;

ເຕ ຈາປິ ຘິກ຺ກິຕາ [ຘິກ຺ກຕາ (?)] ສຕ຺ຕາ, ເຍ ອິຕ຺ຖີນໍ ວສໍຄຕາຕິ.

ນ ກິຣຕ຺ຖິ ຣເສຫິ ປາປິໂຍ, ອາວາເສຫິ ວ [ວາ (ສພ຺ພຕ຺ຖ)] ສນ຺ຖເວຫິ ວາ;

ວາຕມິຄໍ ຄຫນນິສ຺ສິຕໍ [ເຄຫນິສ຺ສິຕໍ (ສີ. ປີ.)], ວສມາເນສິ ຣເສຫິ ສຎ຺ຊໂຍຕິ.

ອຏ຺ຐກ຺ຂຸຣໍ ຂຣາທິເຍ, ມິຄໍ ວງ຺ກາຕິວງ຺ກິນໍ;

ສຕ຺ຕຫິ ¶ ກາລາຕິກ຺ກນ຺ຕໍ [ສຕ຺ຕຫິ ກລາຫ’ຕິກ຺ກນ຺ຕໍ (ສີ.), ສຕ຺ຕກາເລຫ’ຕິກ຺ກນ຺ຕໍ (ສ຺ຍາ.), ສຕ຺ຕຫິ ກາລາຫ’ຕິກ຺ກນ຺ຕໍ (ປີ.)], ນ ນໍ ໂອວທິຕຸສ຺ສເຫຕິ.

ມິຄໍ ¶ ຕິປລ຺ລຕ຺ຖ [ຕິປລ຺ລຕ຺ຕ (ກ.)] ມເນກມາຍໍ, ອຏ຺ຐກ຺ຂຸຣໍ ອຑ຺ຒຣຕ຺ຕາປປາຍິໍ [ອຑ຺ຒຣຕ຺ຕາວປາຍິໍ (ສີ. ປີ.)];

ເອເກນ ໂສເຕນ ຉມາສ຺ສສນ຺ໂຕ, ຉຫິ ກລາຫິຕິໂຠຕິ [ກລາຫຕິໂຠຕິ (ສີ. ສ຺ຍາ. ປີ.)] ຠາຄິເນຍ຺ໂຍຕິ.

ກາເຬ ¶ ວາ ຍທິ ວາ ຊຸຓ຺ເຫ, ຍທາ ວາຍຕິ ມາລຸໂຕ;

ວາຕຊານິ ຫິ ສີຕານິ, ອຸໂຠຕ຺ຖມປຣາຊິຕາຕິ.

ເອວໍ ເຈ ສຕ຺ຕາ ຊາເນຍ຺ຍຸໍ, ທຸກ຺ຂາຍໍ ຊາຕິສມ຺ຠໂວ;

ນ ປາໂຓ ປາຓິນໍ ຫຎ຺ເຎ, ປາຓຆາຕີ ຫິ ໂສຈຕີຕິ.

ສເຈ ¶ ມຸຈ຺ເຈ [ມຸຎ຺ເຈ (ສີ. ສ຺ຍາ. ປີ.)] ເປຈ຺ຈ ມຸຈ຺ເຈ [ມຸຎ຺ເຈ (ສີ. ສ຺ຍາ. ປີ.)], ມຸຈ຺ຈມາໂນ ຫິ ພຊ຺ຌຕິ;

ນ ເຫວໍ ຘີຣາ ມຸຈ຺ຈນ຺ຕິ, ມຸຕ຺ຕິ ພາລສ຺ສ ພນ຺ຘນນ຺ຕິ.

ທິສ຺ວາ ປທມນຸຕ຺ຕິຓ຺ຓໍ, ທິສ຺ວາໂນຕຣິຕໍ ປທໍ;

ນເຬນ ວາຣິໍ ປິສ຺ສາມ [ປິວິສ຺ສາມ (ສີ. ສ຺ຍາ. ປີ.)], ເນວ [ນ ຈ (ກ.)] ມໍ ຕ຺ວໍ ວຘິສ຺ສສີຕິ.

ອຖ ¶ ລກ຺ຂຓ ສາຂ ຘິຣຕ຺ຖຸ ປຸນ, ນ ກິຣຕ຺ຖິ ຣເສຫິ ຂຣາທິຍາ;

ອຕິໂຠຕິ ວຣ [ຣສ (ສພ຺ພຕ຺ຖ)] ມາລຸຕ ປາຓ, ມຸຈ຺ເຈນ ນຬອວ຺ຫຍເນນ ຠວນ຺ຕິ ທສາຕິ.

ຎາຕເມຕໍ ¶ ກຸຣຸງ຺ຄສ຺ສ, ຍໍ ຕ຺ວໍ ເສປຓ຺ຓິ ສິຍ຺ຍສິ [ເສຍ຺ຍສິ (ສີ. ສ຺ຍາ. ປີ.)];

ອຎ຺ຎໍ ¶ ເສປຓ຺ຓິ ຄຈ຺ຉາມິ, ນ ເມ ເຕ ຣຸຈ຺ຈເຕ ຜລນ຺ຕິ.

ເຍ ກຸກ຺ກຸຣາ ຣາຊກຸລມ຺ຫິ ວທ຺ຘາ, ໂກເລຍ຺ຍກາ ວຓ຺ຓພລູປປນ຺ນາ;

ເຕເມ ນ ວຊ຺ຌາ ມຍມສ຺ມ ວຊ຺ຌາ, ນາຍໍ ສຆຈ຺ຈາ ທຸພ຺ພລຆາຕິກາຍນ຺ຕິ.

ອປິ ປສ຺ເສນ ເສມາໂນ, ສລ຺ເລຠິ ສລ຺ລລີກໂຕ;

ເສຍ຺ໂຍວ ວຬວາ ໂຄໂຊ [ໂຠຊ຺ໂຊ (ສີ.), ໂຠຊ຺ໂຌ (ສ຺ຍາ. ປີ.)], ຍຸຎ຺ຊ ມຎ຺ເຎວ ສາຣຖີຕິ.

ໂຄຊານີຍ [ໂຠຊາຊານີຍ (ສີ. ສ຺ຍາ. ປີ.)] ຊາຕກໍ ຕຕິຍໍ.

ຍທາ ຍທາ ຍຕ຺ຖ ຍທາ, ຍຕ຺ຖ ຍຕ຺ຖ ຍທາ ຍທາ;

ອາຊຎ຺ໂຎ ກຸຣຸເຕ ເວຄໍ, ຫາຍນ຺ຕິ ຕຕ຺ຖ ວາຬວາຕິ.

ອຎ຺ຎມຎ຺ເຎຫິ ¶ ¶ ຕິຕ຺ເຖຫິ, ອສ຺ສໍ ປາເຍຫິ ສາຣຖິ;

ອຈ຺ຈາສນສ຺ສ ປຸຣິໂສ, ປາຍາສສ຺ສປິ ຕປ຺ປຕີຕິ.

ປຸຣາຓໂຈຣານ ¶ ວໂຈ ນິສມ຺ມ, ມຫິຬາມຸໂຂ ໂປຖຍມນ຺ວຈາຣີ;

ສຸສຎ຺ຎຕານຎ຺ຫິ ວໂຈ ນິສມ຺ມ, ຄຊຸຕ຺ຕໂມ ສພ຺ພຄຸເຓສຸ ອຏ຺ຐາຕິ.

ນາລໍ ກພຬໍ ປທາຕເວ, ນ ຈ ປິຓ຺ຑໍ ນ ກຸເສ ນ ຆໍສິຕຸໍ;

ມຎ຺ຎາມິ ອຠິຓ຺ຫທສ຺ສນາ, ນາໂຄ ສ຺ເນຫມກາສິ [ສິເນຫມກາສິ (ສີ. ສ຺ຍາ. ປີ.)] ກຸກ຺ກຸເຣຕິ.

ມນຸຎ຺ຎເມວ ¶ ຠາເສຍ຺ຍ, ນາມນຸຎ຺ຎໍ ກຸທາຈນໍ;

ມນຸຎ຺ຎໍ ຠາສມານສ຺ສ, ຄຣຸໍ ຠາຣໍ ອຸທທ຺ຘຣິ;

ຘນຎ຺ຈ ນໍ ອລາເຠສິ, ເຕນ ຈຕ຺ຕມໂນ ອຫູຕິ.

ຍໂຕ ຍໂຕ ຄຣຸ ຘຸຣໍ, ຍໂຕ ຄມ຺ຠີຣວຕ຺ຕນີ;

ຕທາສ຺ສຸ ກຓ຺ຫໍ ຍຸຎ຺ຊນ຺ຕິ, ສ຺ວາສ຺ສຸ ຕໍ ວຫເຕ ຘຸຣນ຺ຕິ.

ມາ ¶ ມຸນິກສ຺ສ ປິຫຍິ, ອາຕຸຣນ຺ນານິ ຠຸຎ຺ຊຕິ;

ອປ຺ໂປສ຺ສຸກ຺ໂກ ຠຸສໍ ຂາທ, ເອຕໍ ທີຆາຍຸລກ຺ຂຓນ຺ຕິ.

ກຸຣຸງ຺ຄສ຺ສ ¶ ກຸກ຺ກຸຣໂຄຊວໂຣ, ປຸນ ວາຬວສ຺ສສິຣິວ຺ຫຍໂນ [ສິຣິວຍໂນ (ສພ຺ພຕ຺ຖ)];

ມຫິຬາມຸຂນາມນຸຎ຺ຎວໂຣ, ວຫເຕ ຘຸຣ ມຸນິເກນ ທສາຕິ.

ກຸລາວກາ ¶ ມາຕລິ ສິມ຺ພລິສ຺ມິໍ, ອີສາມຸເຂນ ປຣິວຊ຺ຊຍສ຺ສຸ;

ກາມໍ ຈຊາມ ອສຸເຣສຸ ປາຓໍ, ມາ ເມ ທິຊາ ວິກ຺ກຸລວາ [ມາຍິເມ ທິຊາ ວິກຸລາວາ (ສີ. ສ຺ຍາ. ປີ.)] ອເຫສຸນ຺ຕິ.

ຣຸທໍ ມນຸຎ຺ຎໍ ຣຸຈິຣາ ຈ ປິຏ຺ຐິ, ເວຬຸຣິຍວຓ຺ຓູປນິຠາ [ວຓ຺ຓູປຏິຠາ (ສ຺ຍາ.), ວຓ຺ຓສນ຺ນິຠາ (ກ.)] ຈ ຄີວາ;

ພ຺ຍາມມຕ຺ຕານິ ຈ ເປຂຸຓານິ, ນຈ຺ເຈນ ເຕ ຘີຕຣໍ ໂນ ທທາມີຕິ.

ສມ຺ໂມທມານາ ¶ ຄຈ຺ຉນ຺ຕິ, ຊາລມາທາຍ ປກ຺ຂິໂນ;

ຍທາ ເຕ ວິວທິສ຺ສນ຺ຕິ, ຕທາ ເອຫິນ຺ຕິ ເມ ວສນ຺ຕິ.

ນ ¶ ມໍ ສີຕໍ ນ ມໍ ອຸຓ຺ຫໍ, ນ ມໍ ຊາລສ຺ມິ ພາຘນໍ;

ຍຎ຺ຈ ມໍ ມຎ຺ຎເຕ ມຈ຺ຉີ, ອຎ຺ຎໍ ໂສ ຣຕິຍາ ຄໂຕຕິ.

ສນ຺ຕິ ¶ ປກ຺ຂາ ອປຕນາ, ສນ຺ຕິ ປາທາ ອວຎ຺ຈນາ;

ມາຕາປິຕາ ຈ ນິກ຺ຂນ຺ຕາ, ຊາຕເວທ ປຏິກ຺ກມາຕິ.

ຍໍ ນິສ຺ສິຕາ ຊຄຕິຣຸຫໍ ວິຫງ຺ຄມາ, ສ຺ວາຍໍ ອຄ຺ຄິໍ ປມຸຎ຺ຈຕິ;

ທິສາ ຠຊຖ ວກ຺ກງ຺ຄາ [ວງ຺ກງ຺ຄາ (ສ຺ຍາ.)], ຊາຕໍ ສຣຓໂຕ ຠຍນ຺ຕິ.

ເຍ ວຸຑ຺ຒ [ວທ຺ຘ (ສີ. ປີ.)] ມປຈາຍນ຺ຕິ, ນຣາ ຘມ຺ມສ຺ສ ໂກວິທາ;

ທິຏ຺ເຐວ ຘມ຺ເມ ປາສໍສາ, ສມ຺ປຣາເຍ ຈ ສຸຄ຺ຄຕີຕິ.

ນາຈ຺ຈນ຺ຕໍ ¶ ນິກຕິປ຺ປຎ຺ໂຎ, ນິກຕ຺ຍາ ສຸຂເມຘຕິ;

ອາຣາເຘຕິ ນິກຕິປ຺ປຎ຺ໂຎ [ອາຣາເຘ ນິກຕິປ຺ປຎ຺ໂຎ (ປີ.)], ພໂກ ກກ຺ກຏກາມິວາຕິ.

ມຎ຺ເຎ ¶ ໂສວຓ຺ຓໂຍ ຣາສິ, ໂສຓ຺ຓມາລາ ຈ ນນ຺ທໂກ;

ຍຕ຺ຖ ທາໂສ ອາມຊາໂຕ, ຐິໂຕ ຖຸລ຺ລານິ [ຖູລານິ (ກ.)] ຄຊ຺ຊຕີຕິ.

ກາມໍ ¶ ປຕາມິ ນິຣຍໍ, ອຸທ຺ຘໍປາໂທ ອວໍສິໂຣ;

ນານຣິຍໍ ກຣິສ຺ສາມິ, ຫນ຺ທ ປິຓ຺ຑໍ ປຏິຄ຺ຄຫາຕິ.

ສິຣິມາຕລິ ຘີຕຣ ປກ຺ຂິວໂຣ, ຣຕິຍາຄໂຕ ມາຕາປິຕາ ຈ ປຸນ;

ຊຄຕີຣຸຫ ວຸຑ຺ຒ ສຸກກ຺ກຏໂກ, ຕຖາ ນນ຺ທກປິຓ຺ຑວເຣນ ທສາຕິ.

ໂຍ ¶ ອຕ຺ຖກາມສ຺ສ ຫິຕານຸກມ຺ປິໂນ, ໂອວຊ຺ຊມາໂນ ນ ກໂຣຕິ ສາສນໍ;

ອຊິຍາ ປາທໂມລມ຺ພ [ປາທໂມລຸມ຺ພ (ສີ. ສ຺ຍາ. ປີ.)], ມິຕ຺ຕໂກ ວິຍ ໂສຈຕີຕິ.

ໂຍ ¶ ອຕ຺ຖກາມສ຺ສ ຫິຕານຸກມ຺ປິໂນ, ໂອວຊ຺ຊມາໂນ ນ ກໂຣຕິ ສາສນໍ;

ກໂປຕກສ຺ສ ວຈນໍ ອກຕ຺ວາ, ອມິຕ຺ຕຫຕ຺ຖຕ຺ຖຄໂຕວ ເສຕີຕິ.

ໂຍ ອຕ຺ຖກາມສ຺ສ ຫິຕານຸກມ຺ປິໂນ, ໂອວຊ຺ຊມາໂນ ນ ກໂຣຕິ ສາສນໍ;

ເອວໍ ໂສ ນິຫໂຕ ເສຕິ, ເວຬຸກສ຺ສ ຍຖາ ປິຕາຕິ.

ເສຍ຺ໂຍ ¶ ¶ ອມິຕ຺ໂຕ ມຕິຍາ ອຸເປໂຕ, ນ ຕ຺ເວວ ມິຕ຺ໂຕ ມຕິວິປ຺ປຫີໂນ;

ມກສໍ ວຘິສ຺ສນ຺ຕິ ຫິ ເອຬມູໂຄ, ປຸຕ຺ໂຕ ປິຕຸ ອພ຺ຠິທາ ອຸຕ຺ຕມງ຺ຄນ຺ຕິ.

ເສຍ຺ໂຍ ອມິຕ຺ໂຕ ເມຘາວີ, ຍຎ຺ເຈ ພາລານຸກມ຺ປໂກ;

ປສ຺ສ ໂຣຫິຓິກໍ ຊມ຺ມິໍ, ມາຕຣໍ ຫນ຺ຕ຺ວານ ໂສຈຕີຕິ.

ນ ເວ ອນຕ຺ຖກຸສເລນ, ອຕ຺ຖຈຣິຍາ ສຸຂາວຫາ;

ຫາເປຕິ ອຕ຺ຖໍ ທຸມ຺ເມໂຘ, ກປິ ອາຣາມິໂກ ຍຖາຕິ.

ນ ¶ ເວ ອນຕ຺ຖກຸສເລນ, ອຕ຺ຖຈຣິຍາ ສຸຂາວຫາ;

ຫາເປຕິ ອຕ຺ຖໍ ທຸມ຺ເມໂຘ, ໂກຓ຺ຑຎ຺ໂຎ ວາຣຸຓິໍ ຍຖາຕິ.

ອນຸປາເຍນ ¶ ໂຍ ອຕ຺ຖໍ, ອິຈ຺ຉຕິ ໂສ ວິຫຎ຺ຎຕິ;

ເຈຕາ ຫນິໍສຸ ເວທພ຺ພໍ [ເວທພ຺ຠໍ (ສີ. ປີ.)], ສພ຺ເພ ເຕ ພ຺ຍສນມຊ຺ຌຄູຕິ.

ເວທພ຺ພ [ເວທພ຺ຠ (ສີ. ປີ.)] ຊາຕກໍ ອຏ຺ຐມໍ.

ນກ຺ຂຕ຺ຕໍ ¶ ປຏິມາເນນ຺ຕໍ, ອຕ຺ໂຖ ພາລໍ ອຸປຈ຺ຈຄາ;

ອຕ຺ໂຖ ອຕ຺ຖສ຺ສ ນກ຺ຂຕ຺ຕໍ, ກິໍ ກຣິສ຺ສນ຺ຕິ ຕາຣກາຕິ.

ທຸມ຺ເມຘານໍ ສຫສ຺ເສນ, ຍຎ຺ໂຎ ເມ ອຸປຍາຈິໂຕ;

ອິທານິ ໂຂຫໍ ຍຊິສ຺ສາມິ, ພຫຸ [ພຫູ (ສີ. ປີ.), ພຫຸໍ (ກ.)] ອຘມ຺ມິໂກ ຊໂນຕິ.

ອຖ ມິຕ຺ຕກ ມາຕຸ ກໂປຕວໂຣ, ຕຖາ ເວຬູກ ເອຬມູໂຄ ໂຣຫິຓີ;

ກປິ ¶ ວາຣຸຓິ ເຈຕຈຣາ ຈ ປຸນ, ຕຖາ ຕາຣກ ຍຎ຺ຎວເຣນ ທສາຕິ.

ອາສີເສເຖວ ¶ [ອາສິໍເສເຖວ (ສີ. ສ຺ຍາ. ປີ.)] ປຸຣິໂສ, ນ ນິພ຺ພິນ຺ເທຍ຺ຍ ປຓ຺ຑິໂຕ;

ປສ຺ສາມິ ໂວຫໍ ອຕ຺ຕານໍ, ຍຖາ ອິຈ຺ຉິໍ ຕຖາ ອຫູຕິ.

ວາຍເມເຖວ ປຸຣິໂສ, ນ ນິພ຺ພິນ຺ເທຍ຺ຍ ປຓ຺ຑິໂຕ;

ປສ຺ສາມິ ໂວຫໍ ອຕ຺ຕານໍ, ອຸທກາ ຖລມຸພ຺ຠຕນ຺ຕິ.

ຕເຖວ ¶ ປຸຓ຺ຓາ ປາຕິໂຍ, ອຎ຺ຎາຍໍ ວຕ຺ຕເຕ ກຖາ;

ອາກາຣເຓນ [ອາກາຣເກນ (ສີ. ສ຺ຍາ. ປີ.)] ຊານາມິ, ນ ຈາຍໍ ຠທ຺ທິກາ ສຸຣາຕິ.

ນາຍໍ ¶ ຣຸກ຺ໂຂ ທຸຣາຣຸໂຫ, ນປິ ຄາມໂຕ ອາຣກາ;

ອາກາຣເຓນ ຊານາມິ, ນາຍໍ ສາທຸຜໂລ ທຸໂມຕິ.

ໂຍ ອລີເນນ ຈິຕ຺ເຕນ, ອລີນມນໂສ ນໂຣ;

ຠາເວຕິ ກຸສລໍ ຘມ຺ມໍ, ໂຍຄກ຺ເຂມສ຺ສ ປຕ຺ຕິຍາ;

ປາປຸເຓ ອນຸປຸພ຺ເພນ, ສພ຺ພສໍໂຍຊນກ຺ຂຍນ຺ຕິ.

ໂຍ ¶ ປຫຏ຺ເຐນ ຈິຕ຺ເຕນ, ປຫຏ຺ຐມນໂສ ນໂຣ;

ຠາເວຕິ ກຸສລໍ ຘມ຺ມໍ, ໂຍຄກ຺ເຂມສ຺ສ ປຕ຺ຕິຍາ;

ປາປຸເຓ ອນຸປຸພ຺ເພນ, ສພ຺ພສໍໂຍຊນກ຺ຂຍນ຺ຕິ.

ຍສ຺ເສເຕ ຈຕຸໂຣ ຘມ຺ມາ, ວານຣິນ຺ທ ຍຖາ ຕວ;

ສຈ຺ຈໍ ຘມ຺ໂມ ຘິຕິ [ຘິຕີ (ສີ. ປີ.)] ຈາໂຄ, ທິຏ຺ຐໍ ໂສ ອຕິວຕ຺ຕຕີຕິ.

ຍສ຺ເສເຕ ¶ ¶ ຈ [ຍສ຺ສ ເອເຕ (ສີ. ປີ.)] ຕໂຍ ຘມ຺ມາ, ວານຣິນ຺ທ ຍຖາ ຕວ;

ທກ຺ຂິຍໍ ສູຣິຍໍ ປຎ຺ຎາ, ທິຏ຺ຐໍ ໂສ ອຕິວຕ຺ຕຕີຕິ.

ຘເມ ຘເມ ນາຕິຘເມ, ອຕິຘນ຺ຕຎ຺ຫິ ປາປກໍ;

ຘນ຺ເຕນ ຫິ ສຕໍ ລທ຺ຘໍ, ອຕິຘນ຺ເຕນ ນາສິຕນ຺ຕິ.

ຘເມ ຘເມ ນາຕິຘເມ, ອຕິຘນ຺ຕຎ຺ຫິ ປາປກໍ;

ຘນ຺ເຕນາຘິຄຕາ ໂຠຄາ, ເຕ ຕາໂຕ ວິຘມີ ຘມນ຺ຕິ.

ຍຖາ ¶ ອິຈ຺ຉິໍ ຕຖາຫຸທກາ ຖລາ, ສຸຣ ສາທຸຜໂລ ຈ ອລີນມໂນ;

ສມ຺ປຫຏ຺ຐມໂນ ¶ ຈຕຸໂຣ ຈ ຕໂຍ, ສຕລທ຺ຘກ ໂຠຄຘເນນ ທສາຕິ.

ອສາ ໂລກິຕ຺ຖິໂຍ ນາມ, ເວລາ ຕາສໍ ນ ວິຊ຺ຊຕິ;

ສາຣຕ຺ຕາ ຈ ປຄພ຺ຠາ ຈ, ສິຂີ ສພ຺ພຆໂສ ຍຖາ;

ຕາ ຫິຕ຺ວາ ປພ຺ພຊິສ຺ສາມິ, ວິເວກມນຸພ຺ຣູຫຍນ຺ຕິ.

ຍໍ ¶ ພ຺ຣາຫ຺ມໂຓ ອວາເທສິ, ວີຓໍ ສມຸຂເວຐິໂຕ;

ອຓ຺ຑຠູຕາ ຠຕາ ຠຣິຍາ, ຕາສຸ ໂກ ຊາຕຸ ວິສ຺ສເສຕິ.

ໂກຘນາ ອກຕຎ຺ຎູ ຈ, ປິສຸຓາ ມິຕ຺ຕເຠທິກາ [ປິສຸຓາ ຈ ວິເຠທິກາ (ສີ. ສ຺ຍາ. ປີ.)];

ພ຺ຣຫ຺ມຈຣິຍໍ ຈຣ ຠິກ຺ຂຸ, ໂສ ສຸຂໍ ນ ວິຫາຫສີຕິ [ປິຫາຫິສີຕິ (ສີ. ສ຺ຍາ. ປີ.), ວິຫາຍສິ (ກ.)].

ຕກ຺ກປຓ຺ຑິຕຊາຕກໍ [ຕກ຺ກຊາຕກໍ (ສີ. ສ຺ຍາ. ປີ. ອຏ຺ຐ.)] ຕຕິຍໍ.

ມາ ¶ ສຸ ນນ຺ທິ ອິຈ຺ຉຕິ ມໍ, ມາ ສຸ ໂສຈິ ນ ມິຈ຺ຉຕິ [ນ ອິຈ຺ຉຕິ (ສີ. ສ຺ຍາ. ປີ.)];

ຖີນໍ ຠາໂວ ທຸຣາຊາໂນ, ມຈ຺ຉສ຺ເສໂວທເກ ຄຕນ຺ຕິ.

ຍຖາ ¶ ນທີ ຈ ປນ຺ໂຖ ຈ, ປານາຄາຣໍ ສຠາ ປປາ;

ເອວໍ ໂລກິຕ຺ຖິໂຍ ນາມ, ນາສໍ ກຸຊ຺ຌນ຺ຕິ ປຓ຺ຑິຕາຕິ.

ເອກາ ອິຈ຺ຉາ ປຸເຣ ອາສິ, ອລທ຺ຘາ ມຸທຸລກ຺ຂຓໍ;

ຍໂຕ ລທ຺ຘາ ອຬາຣກ຺ຂີ, ອິຈ຺ຉາ ອິຈ຺ຉໍ ວິຊາຍຖາຕິ.

ອຸຈ຺ຉງ຺ເຄ ເທວ ເມ ປຸຕ຺ໂຕ, ປເຖ ຘາວນ຺ຕິຍາ ປຕິ;

ຕຎ຺ຈ ເທສໍ ນ ປສ຺ສາມິ, ຍໂຕ ໂສທຣິຍມານເຍຕິ [ໂສທຣິຍໍ ນເຍ (ກ.)].

ຍສ຺ມິໍ ¶ ¶ ມໂນ ນິວິສຕິ, ຈິຕ຺ຕຎ຺ຈາປິ [ຈິຕ຺ຕໍ ວາປິ (ກຕ຺ຖຈິ)] ປສີທຕິ;

ອທິຏ຺ຐປຸພ຺ພເກ ໂປເສ, ກາມໍ ຕສ຺ມິມ຺ປິ ວິສ຺ສເສຕິ.

ຘິຣຕ຺ຖຸ ຕໍ ວິສໍ ວນ຺ຕໍ, ຍມຫໍ ຊີວິຕກາຣຓາ;

ວນ຺ຕໍ ປຈ຺ຈາວມິສ຺ສາມິ [ປຈ຺ຈາຫຣິສ຺ສາມິ (ກ.)], ມຕໍ ເມ ຊີວິຕາ ວຣນ຺ຕິ.

ນ ຕໍ ຊິຕໍ ສາຘຸ ຊິຕໍ, ຍໍ ຊິຕໍ ອວຊີຍຕິ;

ຕໍ ໂຂ ຊິຕໍ ສາຘຸ ຊິຕໍ, ຍໍ ຊິຕໍ ນາວຊີຍຕີຕິ.

ສິຂີສພ຺ພຆໂສປິ ¶ ຈ ວີຓວໂຣ, ປິສຸຓາ ມິຕ຺ຕເຠທິກາ ນນ຺ທີ ນທີ;

ມຸທຸລກ຺ຂຓ ໂສທຣິຍາ ຈ ມໂນ, ວິສ ສາຘຸຊິເຕນ ຠວນ຺ຕິ ທສາຕິ.

ໂຍ ¶ ປຸພ຺ເພ ກຣຓີຍານິ, ປຈ຺ຉາ ໂສ ກາຕຸມິຈ຺ຉຕິ;

ວຣຸຓກຏ຺ຐ [ວຣຓກຏ຺ຐ (ສີ. ປີ.)] ຠຎ຺ໂຊວ, ສ ປຈ຺ຉາ ມນຸຕປ຺ປຕີຕິ.

ອກຕຎ຺ຎຸສ຺ສ ¶ ໂປສສ຺ສ, ນິຈ຺ຈໍ ວິວຣທສ຺ສິໂນ;

ສພ຺ພໍ ເຈ ປຖວິໍ [ປຐວິໍ (ສີ. ສ຺ຍາ. ປີ.)] ທຊ຺ຊາ, ເນວ ນໍ ອຠິຣາຘເຍຕິ.

ສຈ຺ຈໍ ກິເຣວມາຫໍສຸ, ນຣາ ເອກຈ຺ຈິຍາ ອິຘ;

ກຏ຺ຐໍ ນິປ຺ລວິຕໍ [ວິປ຺ລາວິຕໍ (ສີ. ປີ.)] ເສຍ຺ໂຍ, ນ ຕ຺ເວເວກຈ຺ຈິໂຍ ນໂຣຕິ.

ສາຘູ ສມ຺ພຫຸລາ ຎາຕີ, ອປິ ຣຸກ຺ຂາ ອຣຎ຺ຎຊາ;

ວາໂຕ ¶ ວຫຕິ ເອກຏ຺ຐໍ, ພ຺ຣຫນ຺ຕມ຺ປິ ວນປ຺ປຕິນ຺ຕິ.

ອຠິຕ຺ຖນຍ ¶ ປຊ຺ຊຸນ຺ນ, ນິຘິໍ ກາກສ຺ສ ນາສຍ;

ກາກໍ ໂສກາຍ ຣນ຺ເຘຫິ, ມຎ຺ຈ ໂສກາ ປໂມຈຍາຕິ.

ອສງ຺ກິໂຍມ຺ຫິ ຄາມມ຺ຫິ, ອຣຎ຺ເຎ ນຕ຺ຖິ ເມ ຠຍໍ;

ອຸຊຸໍ ມຄ຺ຄໍ ສມາຣູຬ຺ໂຫ, ເມຕ຺ຕາຍ ກຣຸຓາຍ ຈາຕິ.

ອຸສຠາ ¶ ຣຸກ຺ຂາ ຄາວິໂຍ ຄວາ ຈ, ອສ຺ໂສ ກໍໂສ ສິງ຺ຄາລີ [ສິຄາສີ (ສີ. ສ຺ຍາ. ປີ.)] ຈ ກຸມ຺ໂຠ;

ໂປກ຺ຂຣຓີ ຈ ອປາກຈນ຺ທນໍ, ລາພູນິ ສີທນ຺ຕິ ສິລາ ປ຺ລວນ຺ຕິ.

ມຓ຺ຑູກິໂຍ ກຓ຺ຫສປ຺ເປ ຄິລນ຺ຕິ, ກາກໍ ສຸປຓ຺ຓາ ປຣິວາຣຍນ຺ຕິ;

ຕສາ ¶ ວກາ ເອຬການໍ ຠຍາຫິ, ວິປຣິຍາໂສ [ວິປຣິຍາໂຍ (ສ຺ຍາ. ກ.)] ວຕ຺ຕຕິ ນຍິຘ ມຕ຺ຖີຕິ.

ອຸໂຠ ຂຎ຺ຊາ ອຸໂຠ ກຸຓີ, ອຸໂຠ ວິສມຈກ຺ຂຸກາ [ຈກ຺ຂຸລາ (ສີ. ປີ.)];

ອຸຠິນ຺ນໍ ປິຬກາ [ປີຬກາ (ສ຺ຍາ.)] ຊາຕາ, ນາຫໍ ປສ຺ສາມິ ອິລ຺ລິສນ຺ຕິ.

ຍໂຕ ¶ ວິລຸຕ຺ຕາ ຈ ຫຕາ ຈ ຄາໂວ, ທຑ຺ຒານິ ເຄຫານິ ຊໂນ ຈ ນີໂຕ;

ອຖາຄມາ ປຸຕ຺ຕຫຕາຍ ປຸຕ຺ໂຕ, ຂຣສ຺ສຣໍ ຑິຓ຺ຑິມໍ [ເທຓ຺ຑິມໍ (ສີ. ສ຺ຍາ. ປີ.), ຑິນ຺ທິມໍ (ກ.)] ວາທຍນ຺ໂຕຕິ.

ຍໍ ເຕ ປວິກຕ຺ຖິຕໍ ປຸເຣ, ອຖ ເຕ ປູຕິສຣາ ສຊນ຺ຕິ ປຈ຺ຉາ;

ອຸຠຍໍ ¶ ນ ສເມຕິ ຠີມເສນ, ຍຸທ຺ຘກຖາ ຈ ອິທຎ຺ຈ ເຕ ວິຫຎ຺ຎນ຺ຕິ.

ວຣຸຓວຄ຺ໂຄ [ວຣຓວຄ຺ໂຄ (ສີ. ປີ.)] ອຏ຺ຐໂມ.

ວຣຸຓາ ອກຕຎ຺ຎູວເຣ ຕຸ ສຈ຺ຈວຣໍ, ສວນປ຺ປຕິນາ ຈ ອຠິຕ຺ຖນຍ;

ກຣຸຓາຍ ສິລາປ຺ລວ ອິລ຺ລິສໂຕ, ປຸນ ຑິຓ຺ຑິມປູຕິສເຣນ ທສາຕິ.

ອປາຍິມ຺ຫ ¶ ອນຈ຺ຈິມ຺ຫ, ອຄາຍິມ຺ຫ ຣຸທິມ຺ຫ ຈ;

ວິສຎ຺ຎິກຣຓິໍ ປິຕ຺ວາ [ປີຕ຺ວາ (ສີ. ສ຺ຍາ. ປີ.)], ທິຏ຺ຐາ ນາຫຸມ຺ຫ ວານຣາຕິ.

ອຕິກ຺ກມ຺ມ ¶ ¶ ຣມຓກໍ, ສທາມຕ຺ຕຎ຺ຈ ທູຠກໍ;

ສ຺ວາສິ ປາສາຓມາສີໂນ, ຍສ຺ມາ ຊີວໍ ນ ໂມກ຺ຂສີຕິ.

ມິຕ຺ໂຕ ຫເວ ສຕ຺ຕປເທນ ໂຫຕິ, ສຫາໂຍ ປນ ທ຺ວາທສເກນ ໂຫຕິ;

ມາສຑ຺ຒມາເສນ ຈ ຎາຕິ ໂຫຕິ, ຕຕຸຕ຺ຕຣິໍ ອຕ຺ຕສໂມປິ ໂຫຕິ;

ໂສຫໍ ກຖໍ ອຕ຺ຕສຸຂສ຺ສ ເຫຕຸ, ຈິຣສນ຺ຖຸຕໍ [ຈິຣສນ຺ຘວໍ (ກ.), ຈິຣສຕ຺ຖຸນໍ (ປີ.)] ກາຬກຓ຺ຓິໍ ຊເຫຍ຺ຍນ຺ຕິ.

ອາໂຣຄ຺ຍມິຈ຺ເຉ ປຣມຎ຺ຈ ລາຠໍ, ສີລຎ຺ຈ ວຸທ຺ຘານຸມຕໍ ສຸຕຎ຺ຈ;

ຘມ຺ມານຸວຕ຺ຕີ ຈ ອລີນຕາ ຈ, ອຕ຺ຖສ຺ສ ທ຺ວາຣາ ປມຸຂາ ຉເຬເຕຕິ.

ອາຍຕິໍ ¶ ໂທສໍ ນາຎ຺ຎາຍ, ໂຍ ກາເມ ປຏິເສວຕິ;

ວິປາກນ຺ເຕ ຫນນ຺ຕິ ນໍ, ກິໍປກ຺ກມິວ ຠກ຺ຂິຕນ຺ຕິ.

ສີລໍ ¶ ກິເຣວ ກລ຺ຍາຓໍ, ສີລໍ ໂລເກ ອນຸຕ຺ຕຣໍ;

ປສ຺ສ ໂຆຣວິໂສ ນາໂຄ, ສີລວາຕິ ນ ຫຎ຺ຎຕີຕິ.

ຍສ຺ສ ¶ ມງ຺ຄລາ ສມູຫຕາເສ [ສມູຫຕາ (ສີ. ສ຺ຍາ. ປີ. ສຸ. ນິ. ໓໖໒], ອຸປ຺ປາຕາ [ອຸປ຺ປາທາ (ປີ.)] ສຸປິນາ ຈ ລກ຺ຂຓາ ຈ;

ໂສ [ສ (ສີ. ປີ. ກ.)] ມງ຺ຄລໂທສວີຕິວຕ຺ໂຕ, ຍຸຄໂຍຄາຘິຄໂຕ ນ ຊາຕຸເມຕີຕິ.

ກລ຺ຍາຓິເມວ ມຸຎ຺ເຈຍ຺ຍ, ນ ຫິ ມຸຎ຺ເຈຍ຺ຍ ປາປິກໍ;

ໂມກ຺ໂຂ ກລ຺ຍາຓິຍາ ສາຘຸ, ມຸຕ຺ວາ ຕປ຺ປຕິ ປາປິກນ຺ຕິ.

ວາຈາວ ¶ ກິຣ ເຕ ອາສິ, ສຓ຺ຫາ ສຂິລຠາຓິໂນ;

ຕິຓມຕ຺ເຕ ອສຊ຺ຊິຕ຺ໂຖ, ໂນ ຈ ນິກ຺ຂສຕໍ ຫຣນ຺ຕິ.

ໂຍ ປຸພ຺ເພ ກຕກລ຺ຍາໂຓ, ກຕຕ຺ໂຖ ນາວພຸຊ຺ຌຕິ;

ປຈ຺ຉາ ກິຈ຺ເຈ ສມຸປ຺ປນ຺ເນ, ກຕ຺ຕາຣໍ ນາຘິຄຈ຺ຉຕີຕິ.

ອປາຍິມ຺ຫ ຈ ທູຠກໍ ສຕ຺ຕປທໍ, ຉຬທ຺ວຣ ຈ ອາຍຕິນາ ຈ ປຸນ;

ອຫິສີລວ ມງ຺ຄລິ ປາປິກສ຺ສາ, ສຕໍນິກ຺ຂ ກຕຕ຺ຖວເຣນ ທສາຕິ.

ລິຕ຺ຕໍ ¶ ¶ ປຣເມນ ເຕຊສາ, ຄິລມກ຺ຂໍ ¶ ປຸຣິໂສ ນ ພຸຊ຺ຌຕິ;

ຄິລ ເຣ ຄິລ ປາປຘຸຕ຺ຕກ, ປຈ຺ຉາ ເຕ ກຏຸກໍ ຠວິສ຺ສຕີຕິ.

ອຸກ຺ກຏ຺ເຐ ສູຣມິຈ຺ຉນ຺ຕິ, ມນ຺ຕີສຸ ອກຸຕູຫລໍ;

ປິຍຎ຺ຈ ອນ຺ນປານມ຺ຫິ, ອຕ຺ເຖ ຊາເຕ ຈ ປຓ຺ຑິຕນ຺ຕິ.

ນ ວິສ຺ສເສ ອວິສ຺ສຕ຺ເຖ, ວິສ຺ສຕ຺ເຖປິ ນ ວິສ຺ສເສ;

ວິສ຺ສາສາ ຠຍມນ຺ເວຕິ, ສີຫໍວ ມິຄມາຕຸກາຕິ [ມິຄມາຕຸຍາ (ກ.)].

ໂສຕຕ຺ໂຕ ໂສສິນ຺ໂທ [ໂສສີໂຕ (ສີ. ສ຺ຍາ. ປີ.), ໂສສິໂນ (ກ.)] ເຈວ, ເອໂກ ຠິໍສນເກ ວເນ;

ນຄ຺ໂຄ ນ ຈຄ຺ຄິມາສີໂນ, ເອສນາປສຸໂຕ ມຸນີຕິ.

ອນິຈ຺ຈາ ¶ ວຕ ສງ຺ຂາຣາ, ອຸປ຺ປາທວຍຘມ຺ມິໂນ;

ອຸປ຺ປຊ຺ຊິຕ຺ວາ ນິຣຸຊ຺ຌນ຺ຕິ, ເຕສໍ ວູປສໂມ ສຸໂຂຕິ.

ສມຕິຕ຺ຕິກໍ ¶ ອນວເສກໍ, ເຕລປຕ຺ຕໍ ຍຖາ ປຣິຫເຣຍ຺ຍ;

ເອວໍ ສຈິຕ຺ຕມນຸຣກ຺ເຂ, ປຕ຺ຖຍາໂນ ທິສໍ ອຄຕປຸພ຺ພນ຺ຕິ.

ຊີວກຎ຺ຈ ¶ ມຕໍ ທິສ຺ວາ, ຘນປາລິຎ຺ຈ ທຸຄ຺ຄຕໍ;

ປນ຺ຖກຎ຺ຈ ວເນ ມູຬ຺ຫໍ, ປາປໂກ ປຸນຣາຄໂຕຕິ.

ສາຘຸ ¶ ໂຂ ປຓ຺ຑິໂຕ ນາມ, ນ ຕ຺ເວວ ອຕິປຓ຺ຑິໂຕ;

ອຕິປຓ຺ຑິເຕນ ປຸຕ຺ເຕນ, ມນມ຺ຫິ ອຸປກູຬິໂຕຕິ [ອຸປກູລິໂຕຕິ (ສີ.), ອຸປກຸຏ຺ຐິໂຕຕິ (ສ຺ຍາ.), ອຸປກຸຏິໂຕ (ກ.)].

ປໂຣສຫສ຺ສມ຺ປິ ສມາຄຕານໍ, ກນ຺ເທຍ຺ຍຸໍ ເຕ ວສ຺ສສຕໍ ອປຎ຺ຎາ;

ເອໂກວ ເສຍ຺ໂຍ ປຸຣິໂສ ສປຎ຺ໂຎ, ໂຍ ຠາສິຕສ຺ສ ວິຊານາຕິ ອຕ຺ຖນ຺ຕິ.

ອສາຕໍ ສາຕຣູເປນ, ປິຍຣູເປນ ອປ຺ປິຍໍ;

ທຸກ຺ຂໍ ສຸຂສ຺ສ ຣູເປນ, ປມຕ຺ຕມຕິວຕ຺ຕຕີຕິ.

ຄິລມກ຺ຂກຸຕູຫລ ¶ ¶ ມາຕຸກສ຺ສາ, ມຸນິນາ ຈ ອນິຈ຺ຈຕ ປຕ຺ຕວຣໍ;

ຘນປາລິວໂຣ ອຕິປຓ຺ຑິຕໂກ, ສປໂຣສຫສ຺ສອສາຕທສາຕິ.

ປໂຣສຕໍ ¶ ເຈປິ ສມາຄຕານໍ, ຌາເຍຍ຺ຍຸໍ ເຕ ວສ຺ສສຕໍ ອປຎ຺ຎາ;

ເອໂກວ ເສຍ຺ໂຍ ປຸຣິໂສ ສປຎ຺ໂຎ, ໂຍ ຠາສິຕສ຺ສ ວິຊານາຕິ ອຕ຺ຖນ຺ຕິ.

ໂຍ ທຸກ຺ຂຜຸຏ຺ຐາຍ ຠເວຍ຺ຍ ຕາຓໍ, ໂສ ເມ ປິຕາ ທຸພ຺ຠິ [ທູຠິ (ສີ. ປີ.)] ວເນ ກໂຣຕິ;

ສາ ກສ຺ສ ກນ຺ທາມິ ວນສ຺ສ ມຊ຺ເຌ, ໂຍ ຕາຍິຕາ ໂສ ສຫສໍ [ສຫສາ (ສີ. ສ຺ຍາ. ປີ.)] ກໂຣຕີຕິ.

ຍຕ຺ຖ ¶ ເວຣີ ນິວິສຕິ [ນິວສຕິ (ສີ. ກ.)], ນ ວເສ ຕຕ຺ຖ ປຓ຺ຑິໂຕ;

ເອກຣຕ຺ຕໍ ທິຣຕ຺ຕໍ ວາ, ທຸກ຺ຂໍ ວສຕິ ເວຣິສູຕິ.

ຈຕຸພ຺ຠິ ອຏ຺ຐຊ຺ຌຄມາ, ອຏ຺ຐາຫິປິ ຈ ໂສຬສ;

ໂສຬສາຫິ ຈ ພາຕ຺ຕິໍສ [ພຕ຺ຕິໍສ (ສີ. ສ຺ຍາ. ປີ.)], ອຕ຺ຣິຈ຺ຉໍ ຈກ຺ກມາສໂທ;

ອິຈ຺ຉາຫຕສ຺ສ ໂປສສ຺ສ, ຈກ຺ກໍ ຠມຕິ ມຕ຺ຖເກຕິ.

ພຫຸມ຺ເປຕໍ ¶ ¶ ວເນ ກຏ຺ຐໍ, ວາໂຕ ຠຎ຺ຊຕິ ທຸພ຺ພລໍ;

ຕສ຺ສ ເຈ ຠາຍສີ ນາຄ, ກິໂສ ນູນ ຠວິສ຺ສສີຕິ.

ສຸຂໍ ວຕ ມໍ ຊີວນ຺ຕໍ [ສຸຂກໍ ວຕ ຊີວໍ (ກ.)], ປຈມານາ ອຸທຎ຺ຈນີ;

ໂຈຣີ ຊາຍປ຺ປວາເທນ, ເຕລໍ ໂລຓຎ຺ຈ ຍາຈຕີຕິ.

ສາຘຸ ¶ ໂຂ ສິປ຺ປກໍ ນາມ, ອປິ ຍາທິສ ກີທິສໍ;

ປສ຺ສ ຂຎ຺ຊປ຺ປຫາເຣນ, ລທ຺ຘາ ຄາມາ ຈຕຸທ຺ທິສາຕິ.

ສິກ຺ເຂຍ຺ຍ ສິກ຺ຂິຕພ຺ພານິ, ສນ຺ຕິ ຕຈ຺ຉນ຺ທິໂນ [ສຈ຺ຉນ຺ທິໂນ (ສີ. ປີ.)] ຊນາ;

ພາຫິຍາ ຫິ [ປິ (ສີ. ສ຺ຍາ. ປີ.)] ສຸຫນ຺ເນນ, ຣາຊານມຠິຣາຘຍີຕິ.

ຍຖນ຺ໂນ ປຸຣິໂສ ໂຫຕິ, ຕຖນ຺ນາ ຕສ຺ສ ເທວຕາ;

ອາຫເຣຕໍ ກຸຓ຺ຑປູວໍ [ກຓໍ ປູວໍ (ສີ. ປີ.)], ມາ ເມ ຠາຄໍ ວິນາສຍາຕິ.

ສພ຺ພສໍຫາຣໂກ ¶ ¶ [ສພ຺ພສາຫາຣໂກ (ກ.)] ນຕ຺ຖິ, ສຸທ຺ຘໍ ກງ຺ຄຸ ປວາຍຕິ;

ອລິກໍ ຠາຍຕິຍໍ ຘຸຕ຺ຕີ, ສຈ຺ຈມາຫ ມຫລ຺ລິກາຕິ.

ສປໂຣສຕ ຕາຍິຕ ເວຣີ ¶ ປຸນ, ຠມຈກ຺ກຖ ນາຄສິຣິວ຺ຫຍໂນ;

ສຸຂກຎ຺ຈ ວຕ ສິປ຺ປກ ພາຫິຍາ, ກຸຓ຺ຑປູວ ມຫລ຺ລິກກາ ຈ ທສາຕິ.

ຫໍຈິ [ຫໍສິ (ສີ. ສ຺ຍາ.), ຫຎ຺ຈິ (?)] ຕຸວໍ ເອວມຎ຺ຎສິ ເສຍ຺ໂຍ, ປຸຕ຺ເຕນ ປິຕາຕິ ຣາຊເສຏ຺ຐ;

ຫນ຺ທສ຺ສຕຣສ຺ສ ເຕ ອຍໍ, ອສ຺ສຕຣສ຺ສ ຫິ ຄທ຺ຣໂຠ ປິຕາຕິ.

ເຍນ ສຕ຺ຕຸພິລງ຺ຄາ ຈ, ທິຄຸຓປລາໂສ ຈ ປຸປ຺ຜິໂຕ;

ເຍນ ທທາມິ [ເຍນາ’ທາມິ (ສີ. ສ຺ຍາ.)] ເຕນ ວທາມິ, ເຍນ ນ ທທາມິ [ເຍນ ນາ’ທາມິ (ສີ. ສ຺ຍາ.)] ນ ເຕນ ວທາມິ;

ເອສ ¶ ມຄ຺ໂຄ ຍວມຊ຺ຌກສ຺ສ, ເອຕໍ ຉນ຺ນປຖໍ ວິຊານາຫີຕິ.

ສທ຺ທຫາສິ ¶ ສິງ຺ຄາລສ຺ສ [ສິຄາລສ຺ສ (ສີ. ສ຺ຍາ. ປີ.)], ສຸຣາປີຕສ຺ສ ພ຺ຣາຫ຺ມຓ;

ສິປ຺ປິການໍ ສຕໍ ນຕ຺ຖິ, ກຸໂຕ ກໍສສຕາ ທຸເວຕິ.

ພຫຸຈິນ຺ຕີ ¶ ອປ຺ປຈິນ຺ຕີ, ອຸໂຠ ຊາເລ ອພຊ຺ຌເຣ;

ມິຕຈິນ຺ຕີ ປໂມເຈສີ, ອຸໂຠ ຕຕ຺ຖ ສມາຄຕາຕິ.

ຍາຍຎ຺ຎ [ຍາຍຎ຺ເຎ (ກ.)] ມນຸສາສຕິ, ສຍໍ ໂລລຸປ຺ປຈາຣິນີ;

ສາຍໍ ວິປກ຺ຂິກາ ເສຕິ, ຫຕາ ຈກ຺ເກນ ສາສິກາຕິ [ສາລິກາຕິ (ສີ. ສ຺ຍາ. ປີ.)].

ອຕິກຣມກຣາຈຣິຍ ¶ , ມຍ຺ຫມ຺ເປຕໍ ນ ຣຸຈ຺ຈຕິ;

ຈຕຸຕ຺ເຖ ລງ຺ຆຍິຕ຺ວານ, ປຎ຺ຈມາຍສິ ອາວຸໂຕຕິ.

ອຈ຺ຈຸຄ຺ຄຕາຕິລປຕາ [ອຕິພລຕາ (ສີ. ສ຺ຍາ. ປີ.), ອຕິລປກາ (ກຕ຺ຖຈິ)], ອຕິເວລໍ ປຠາສິຕາ;

ວາຈາ ຫນຕິ ທຸມ຺ເມຘໍ, ຕິຕ຺ຕິຣໍວາຕິວສ຺ສິຕນ຺ຕິ.

ນາຈິນ຺ຕຍນ຺ໂຕ ປຸຣິໂສ, ວິເສສມຘິຄຈ຺ຉຕິ;

ຈິນ຺ຕິຕສ຺ສ ຜລໍ ປສ຺ສ, ມຸຕ຺ໂຕສ຺ມິ ວຘພນ຺ຘນາຕິ.

ອມາຕາປິຕຣສໍວທ຺ໂຘ ¶ [ປິຕຣິ (ສີ. ປີ.), ປິຕຸ (ສ຺ຍາ.)], ອນາເຈຣກຸເລ ວສໍ;

ນາຍໍ ກາລໍ ອກາລໍ ວາ, ອຠິຊານາຕິ ກຸກ຺ກຸໂຏຕິ.

ອພທ຺ຘາ ¶ ¶ ຕຕ຺ຖ ພຊ຺ຌນ຺ຕິ, ຍຕ຺ຖ ພາລາ ປຠາສເຣ;

ພທ຺ຘາປິ ຕຕ຺ຖ ມຸຈ຺ຈນ຺ຕິ, ຍຕ຺ຖ ຘີຣາ ປຠາສເຣຕິ.

ຫໍຈິວຄ຺ໂຄ [ຫໍສິວຄ຺ໂຄ (ສີ. ສ຺ຍາ.)] ທ຺ວາທສໂມ.

ອຖ ຄທ຺ຣຠ ສຕ຺ຕຸວ ກໍສສຕໍ, ພຫຸຈິນ຺ຕິ ສາສິກາຍາຕິກຣ;

ອຕິເວລ ວິເສສມນາຈຣິໂຍວ, ຘີຣາປຠາສຣເຕນ ທສາຕິ.

ກເຣ ສຣິກ຺ໂຂ ອຖ ວາປິ ເສຏ຺ໂຐ, ນິຫີນໂກ ວາປິ ກເຣຍ຺ຍ ເອໂກ;

ກເຣຍ຺ຍຸເມເຕ [ກເຣຍ຺ຍຸໍ ເຕ (ສີ. ປີ.)] ພ຺ຍສເນ ອຸຕ຺ຕມຕ຺ຖໍ, ຍຖາ ອຫໍ ກຸສນາຬິ ຣຸຈາຍນ຺ຕິ.

ຍສໍ ¶ ¶ ລທ຺ຘານ ທຸມ຺ເມໂຘ, ອນຕ຺ຖໍ ຈຣຕິ ອຕ຺ຕໂນ;

ອຕ຺ຕໂນ ຈ ປເຣສຎ຺ຈ, ຫິໍສາຍ ປຏິປຊ຺ຊຕີຕິ.

ອສພ຺ພຕ຺ຖຄາມິໍ ວາຈໍ, ພາໂລ ສພ຺ພຕ຺ຖ ຠາສຕິ;

ນາຍໍ ທຘິໍ ເວທິ ນ [ນ ເວທິ (ກ.)] ນງ຺ຄລີສໍ, ທຘິປ຺ປຍໍ [ທຘິມ຺ປຍໍ (ສີ. ປີ.)] ມຎ຺ຎຕິ ນງ຺ຄລີສນ຺ຕິ.

ວາຍເມເຖວ ¶ ປຸຣິໂສ, ນ ນິພ຺ພິນ຺ເທຍ຺ຍ ປຓ຺ຑິໂຕ;

ວາຍາມສ຺ສ ຜລໍ ປສ຺ສ, ຠຸຕ຺ຕາ ອມ຺ພາ ອນີຕິຫນ຺ຕິ.

ພຫຸມ຺ປິ ໂສ ວິກຕ຺ເຖຍ຺ຍ, ອຎ຺ຎໍ ຊນປທໍ ຄໂຕ;

ອນ຺ວາຄນ຺ຕ຺ວານ ທູເສຍ຺ຍ, ຠຸຎ຺ຊ ໂຠເຄ ກຏາຫກາຕິ.

ຕເທເວກສ຺ສ ¶ [ຕເຖເວກສ຺ສ (ສີ. ສ຺ຍາ. ປີ. ອຏ຺ຐ. ມູລປາໂຐ)] ກລ຺ຍາຓໍ, ຕເທເວກສ຺ສ ປາປກໍ;

ຕສ຺ມາ ສພ຺ພໍ ນ ກລ຺ຍາຓໍ, ສພ຺ພໍ ວາປິ ນ ປາປກນ຺ຕິ.

ເຕ ເທສາ ຕານິ ວຕ຺ຖູນິ, ອຫຎ຺ຈ ວນໂຄຈໂຣ;

ອນຸວິຈ຺ຈ ໂຂ ຕໍ ຄຓ຺ເຫຍ຺ຍຸໍ, ປິວ [ປິປ (ສີ. ປີ.)] ຂີຣໍ ກລຓ຺ຑຸກາຕິ.

ໂຍ ¶ ເວ ຘມ຺ມໍ ຘຊໍ [ຘມ຺ມຘຊໍ (ສ຺ຍາ. ປີ. ກ.)] ກຕ຺ວາ, ນິຄູຬ຺ໂຫ ປາປມາຈເຣ;

ວິສ຺ສາສຍິຕ຺ວາ ຠູຕານິ, ພິຬາຣໍ ນາມ ຕໍ ວຕນ຺ຕິ.

ນາຍໍ ສິຂາ ປຸຎ຺ຎເຫຕຸ, ຆາສເຫຕຸ ອຍໍ ສິຂາ;

ນາງ຺ຄຸຏ຺ຐຄຓນໍ ຍາຕິ, ອລໍ ເຕ ໂຫຕຸ ອຄ຺ຄິກາຕິ.

ຍຖາ ¶ ¶ ວາຈາ ຈ ຠຸຎ຺ຊສ຺ສຸ, ຍຖາ ຠຸຕ຺ຕຎ຺ຈ ພ຺ຍາຫຣ;

ອຸຠຍໍ ເຕ ນ ສເມຕິ, ວາຈາ ຠຸຕ຺ຕຎ຺ຈ ໂກສິເຍຕິ.

ກຸສນາຬິວຄ຺ໂຄ [ສຣິກ຺ຂວຄ຺ໂຄ (ກ.)] ເຕຣສໂມ.

ກຸສນາຬິສິຣິວ຺ຫຍໂນ ຈ ຍສໍ, ທຘິ ມມ຺ພ ກຏາຫກປຎ຺ຈມໂກ;

ອຖ ປາປກ ຂີຣ ພິຬາຣວຕໍ, ສິຂິ ໂກສິຍສວ຺ຫຍເນນ ທສາຕິ.

ອສມ຺ປທາເນນິຕຣີຕຣສ຺ສ, ພາລສ຺ສ ມິຕ຺ຕານິ ກລີ ຠວນ຺ຕິ;

ຕສ຺ມາ ຫຣາມິ ຠຸສໍ ອຑ຺ຒມານໍ, ມາ ເມ ມິຕ຺ຕິ ຊີຍິຕ຺ຖ ສສ຺ສຕາຍນ຺ຕິ.

ກຸສລູປເທເສ ¶ ¶ ຘິຕິຍາ ທຬ຺ຫາຍ ຈ, ອນິວຕ຺ຕິຕຕ຺ຕາຠຍຠີຣຸຕາຍ [ອວຕ຺ຖິຕຕ຺ຕາຠຍຠີຣຸຕາຍ (ສີ. ສ຺ຍາ. ປີ.)] ຈ;

ນ ຣກ຺ຂສີນໍ ວສມາຄມິມ຺ຫເສ, ສ ໂສຕ຺ຖິຠາໂວ ມຫຕາ ຠເຍນ ເມຕິ.

ຠີຣຸກ [ປຎ຺ຈຄຣຸກ (ສີ. ປີ.), ປຎ຺ຈຠີຣຸກ (ສ຺ຍາ.), ອຠຍຠີຣຸຕ§(?)] ຊາຕກໍ ທຸຕິຍໍ.

ເຂມໍ ຍຫິໍ ຕຕ຺ຖ ອຣີ ອຸທີຣິໂຕ [ອຣິ ອຸທ຺ຘຣິໂຕ (ກ.)], ທກສ຺ສ ມຊ຺ເຌ ຊລເຕ ຆຕາສໂນ;

ນ ອຊ຺ຊ ວາໂສ ມຫິຍາ ມຫີຣຸເຫ, ທິສາ ຠຊວ຺ໂຫ ສຣຓາຊ຺ຊ ໂນ ຠຍນ຺ຕິ.

ເຍ ¶ ສຎ຺ຎິໂນ ເຕປິ ທຸຄ຺ຄຕາ, ເຍປິ ອສຎ຺ຎິໂນ ເຕປິ ທຸຄ຺ຄຕາ;

ເອຕໍ ອຸຠຍໍ ວິວຊ຺ຊຍ, ຕໍ ¶ ສມາປຕ຺ຕິສຸຂໍ ອນງ຺ຄຓນ຺ຕິ.

ຈນ຺ທາຠໍ ສູຣິຍາຠຎ຺ຈ, ໂຍຘ ປຎ຺ຎາຍ ຄາຘຕິ.

ອວິຕກ຺ເກນ ຌາເນນ, ໂຫຕິ ອາຠສ຺ສຣູປໂຄຕິ.

ຍໍ ¶ ລທ຺ຘໍ ເຕນ ຕຸຏ຺ຐພ຺ພໍ, ອຕິໂລໂຠ ຫິ ປາປໂກ;

ຫໍສຣາຊໍ ຄເຫຕ຺ວານ, ສຸວຓ຺ຓາ ປຣິຫາຍຖາຕິ.

ຍຕ຺ເຖໂກ ລຠເຕ ພພ຺ພຸ, ທຸຕິໂຍ ຕຕ຺ຖ ຊາຍຕິ;

ຕຕິໂຍ ຈ ຈຕຸຕ຺ໂຖ ຈ, ອິທໍ ເຕ ພພ຺ພຸກາ ພິລນ຺ຕິ.

ກິໍ ເຕ ຊຏາຫິ ທຸມ຺ເມຘ, ກິໍ ເຕ ອຊິນສາຏິຍາ;

ອພ຺ຠນ຺ຕຣໍ ¶ ເຕ ຄຫນໍ, ພາຫິຣໍ ປຣິມຊ຺ຊສີຕິ.

ອກ຺ຂີ ຠິນ຺ນາ ປໂຏ ນຏ຺ໂຐ, ສຂິເຄເຫ ຈ ຠຓ຺ຑນໍ;

ອຸຠໂຕ ປທຸຏ຺ຐາ ກມ຺ມນ຺ຕາ [ປທຸຏ຺ຐກມ຺ມນ຺ໂຕ (ສີ.), ປທຸຏ຺ໂຐ ກມ຺ມນ຺ໂຕ (ປີ.)], ອຸທກມ຺ຫິ ຖລມ຺ຫິ ຈາຕິ.

ນິຈ຺ຈໍ ¶ ອຸພ຺ພິຄ຺ຄຫທຍາ, ສພ຺ພໂລກວິເຫສກາ;

ຕສ຺ມາ ເນສໍ ວສາ ນຕ຺ຖິ, ກາການມ຺ຫາກ [ກາການສ຺ມາກ (ສີ. ສ຺ຍາ. ປີ.)] ຎາຕິນນ຺ຕິ.

ອິຕຣີຕຣ ¶ ຣກ຺ຂສິ ເຂມິໂຍ ຈ, ປໂຣສຕປຎ຺ເຫນ ອາຠສ຺ສໂຣ ປຸນ;

ອຖ ຫໍສວຣຸຕ຺ຕມພພ຺ພຸຊຏໍ, ປຏນຏ຺ຐກ ກາກວເຣນ ທສາຕິ.

ນ ¶ ປາປຊນສໍເສວີ, ອຈ຺ຈນ຺ຕສຸຂເມຘຕິ;

ໂຄຘາກຸລໍ [ໂຄຘກ຺ກຸລໍ (ກ.)] ກກຓ຺ຏາວ [ກກຓ຺ຏກາ (ກ.)], ກລິໍ ປາເປຕິ ອຕ຺ຕນນ຺ຕິ.

ເອຕຎ຺ຫິ ເຕ ທຸຣາຊານໍ, ຍໍ ເສສິ ມຕສາຍິກໍ;

ຍສ຺ສ ເຕ ກຑ຺ຒມານສ຺ສ, ຫຕ຺ຖາ ທຓ຺ໂຑ ນ ມຸຈ຺ຈຕີຕິ.

ລສີ ຈ ເຕ ນິປ຺ຜລິຕາ, ມຕ຺ຖໂກ ຈ ປທາລິໂຕ [ວິທາລິໂຕ (ສີ. ປີ.)];

ສພ຺ພາ ເຕ ຜາສຸກາ ຠຄ຺ຄາ, ອຊ຺ຊ ໂຂ ຕ຺ວໍ ວິໂຣຈສີຕິ.

ພຫຸມ຺ເປຕໍ ¶ ອສພ຺ຠິ [ພຫຸເປຕມສພ຺ຠິ (ກ.)] ຊາຕເວທ, ຍໍ ຕໍ ວາລຘິນາຠິປູຊຍາມ;

ມໍສາຣຫສ຺ສ ¶ ນຕ຺ຖຊ຺ຊ ມໍສໍ, ນງ຺ຄຸຏ຺ຐມ຺ປິ ຠວໍ ປຏິຄ຺ຄຫາຕູຕິ.

ນ ¶ ຕ຺ວໍ ຣາຘ ວິຊານາສິ, ອຑ຺ຒຣຕ຺ເຕ ອນາຄເຕ;

ອພ຺ຍຍຕໍ [ອພ຺ຍາຍຕໍ (ສີ. ສ຺ຍາ. ປີ.), ອພ຺ຍຕ຺ຕຕໍ (?)] ວິລປສິ, ວິຣຕ຺ຕາ ໂກສິຍາຍເນຕິ.

ອປິ ນຸ ຫນຸກາ ສນ຺ຕາ, ມຸຂຎ຺ຈ ປຣິສຸສ຺ສຕິ;

ໂອຣມາມ ນ ປາເຣມ, ປູຣເຕວ ມໂຫທຘີຕິ.

ນຍິທໍ ທຸກ຺ຂໍ ອທຸໍ ທຸກ຺ຂໍ, ຍໍ ມໍ ຕຸທຕິ ວາຍໂສ;

ຍໍ ສາມາ ປຸປ຺ຜຣຕ຺ເຕນ, ກຕ຺ຕິກໍ ນານຸໂຠສ຺ສຕີຕິ.

ນາຫໍ ¶ ປຸນໍ ນ ຈ ປຸນໍ, ນ ຈາປິ ອປຸນປ຺ປຸນໍ;

ຫຕ຺ຖິໂພນ຺ທິໍ ປເວກ຺ຂາມິ, ຕຖາ ຫິ ຠຍຕຊ຺ຊິໂຕຕິ.

ເອກປຓ຺ໂຓ ອຍໍ ຣຸກ຺ໂຂ, ນ ຠູມ຺ຍາ ຈຕຸຣງ຺ຄຸໂລ;

ຜເລນ ວິສກປ຺ເປນ, ມຫາຍໍ ກິໍ ຠວິສ຺ສຕີຕິ.

ອສນ຺ຕໍ ¶ ¶ ໂຍ ປຄ຺ຄຓ຺ຫາຕິ, ອສນ຺ຕໍ ຈູປເສວຕິ;

ຕເມວ ຆາສໍ ກຸຣຸເຕ, ພ຺ຍຄ຺ໂຆ ສຎ຺ຊີວໂກ ຍຖາຕິ.

ກກຓ຺ຏກ [ປາປເສວນ (ກ.)] ວຄ຺ໂຄ ປນ຺ນຣສໂມ.

ສຸຂເມຘຕິ ທຓ຺ຑວໂຣ ຈ ປຸນ, ລສິ ວາລຘິ ປຎ຺ຈມຣາຘວໂຣ;

ສມໂຫທຘິ ¶ ກຕ຺ຕິກ ໂພນ຺ທິ ປຸນ, ຈຕຸຣງ຺ຄຸລພ຺ຍຄ຺ຆວເຣນ ທສາຕິ.

(ອຸປຣິໂມ ປຓ຺ຓາສໂກ.) [( ) ສີຫຬໂປຕ຺ຖເກເຍວ ທິສ຺ສຕິ]

ອປຓ຺ຓກໍ ສີລວຄ຺ຄກຸຣຸງ຺ຄ, ກຸລາວກໍ ອຕ຺ຖກາເມນ ປຎ຺ຈມໍ;

ອາສີໂສ ອິຕ຺ຖິວຣຸຓໍ ອປາຍິ, ລິຕ຺ຕວຄ຺ເຄນ ເຕ ທສ;

ປໂຣສຕໍ ຫໍຈິ ກຸສນາຬິ [ຫໍສິ ສຣິກ຺ຂໍ (ສພ຺ພຕ຺ຖ)], ອສມ຺ປທໍ ກກຓ຺ຏກວຄ຺ໂຄ.

ທຬ຺ຫໍ ¶ ¶ ¶ ທຬ຺ຫສ຺ສ ຂິປຕິ, ພລ຺ລິໂກ [ມລ຺ລິໂກ (ສີ. ປີ.)] ມຸທຸນາ ມຸທຸໍ;

ສາຘຸມ຺ປິ ສາຘຸນາ ເຊຕິ, ອສາຘຸມ຺ປິ ອສາຘຸນາ;

ເອຕາທິໂສ ອຍໍ ຣາຊາ, ມຄ຺ຄາ ອຸຍ຺ຍາຫິ ສາຣຖິ.

ອກ຺ໂກເຘນ ຊິເນ ໂກຘໍ, ອສາຘຸໍ ສາຘຸນາ ຊິເນ;

ຊິເນ ກທຣິຍໍ ທາເນນ, ສຈ຺ເຈນາລິກວາທິນໍ;

ເອຕາທິໂສ ອຍໍ ຣາຊາ, ມຄ຺ຄາ ອຸຍ຺ຍາຫິ ສາຣຖີຕິ.

໑໕໒. ອສເມກ຺ຂິຕກມ຺ມນ຺ຕໍ, ຕຸຣິຕາຠິນິປາຕິນໍ.

ສານິ ກມ຺ມານິ ຕປ຺ເປນ຺ຕິ, ອຸຓ຺ຫໍວຊ຺ໂຌຫິຕໍ ມຸເຂ.

ສີໂຫ ຈ ສີຫນາເທນ, ທທ຺ທຣໍ ອຠິນາທຍິ;

ສຸຕ຺ວາ ສີຫສ຺ສ ນິຄ຺ໂຆສໍ, ສິງ຺ຄາໂລ [ສິຄາໂລ (ສີ. ສ຺ຍາ. ປີ.)] ທທ຺ທເຣ ວສໍ;

ຠີໂຕ ສນ຺ຕາສມາປາທິ, ຫທຍຎ຺ຈສ຺ສ ອປ຺ຜລີຕິ.

ສິງ຺ຄາລຊາຕກໍ [ສິຄາລຊາຕກໍ (ສີ. ສ຺ຍາ. ປີ.)] ທຸຕິຍໍ.

ຈຕຸປ຺ປໂທ ¶ ອຫໍ ສມ຺ມ, ຕ຺ວມ຺ປິ ສມ຺ມ ຈຕຸປ຺ປໂທ;

ເອຫິ ສມ຺ມ [ສີຫ (ສີ. ປີ.)] ນິວຕ຺ຕສ຺ສຸ, ກິໍ ນຸ ຠີໂຕ ປລາຍສິ.

ອສຸຈິ ¶ ປູຕິໂລໂມສິ, ທຸຄ຺ຄນ຺ໂຘ ວາສິ ສູກຣ;

ສເຈ ຍຸຊ຺ຌິຕຸກາໂມສິ, ຊຍໍ ສມ຺ມ ທທາມິ ເຕຕິ.

ອິຘູຣຄານໍ ¶ ປວໂຣ ປວິຏ຺ໂຐ, ເສລສ຺ສ ວຓ຺ເຓນ ປໂມກ຺ຂມິຈ຺ຉໍ;

ພ຺ຣຫ຺ມຎ຺ຈ ວຓ຺ຓໍ [ວກ຺ກໍ (ກ.)] ອປຈາຍມາໂນ, ພຸຠຸກ຺ຂິໂຕ ໂນ ວິຕຣາມິ [ວິສຫາມິ (ກ. ສິ. ສ຺ຍາ. ປີ.)] ໂຠຕ຺ຕຸໍ.

ໂສ ພ຺ຣຫ຺ມຄຸຕ຺ໂຕ ຈິຣເມວ ຊີວ, ທິພ຺ຍາ ຈ ເຕ ປາຕຸຠວນ຺ຕຸ ຠກ຺ຂາ;

ໂຍ ພ຺ຣຫ຺ມວຓ຺ຓໍ ອປຈາຍມາໂນ, ພຸຠຸກ຺ຂິໂຕ ໂນ ວິຕຣາສິ [ສພ຺ພຕ຺ຖປິ ສມານໍ] ໂຠຕ຺ຕຸນ຺ຕິ.

ຊີວ ¶ ວສ຺ສສຕໍ ຠຄ຺ຄ [ຄຄ຺ຄ (ສີ. ປີ.)], ອປຣານິ ຈ ວີສຕິໍ [ວີສຕິ (ສ຺ຍາ. ກ.)];

ມາ ມໍ ປິສາຈາ ຂາທນ຺ຕຸ, ຊີວ ຕ຺ວໍ ສຣໂທ ສຕໍ.

ຕ຺ວມ຺ປິ ວສ຺ສສຕໍ ຊີວ, ອປຣານິ ຈ ວີສຕິໍ;

ວິສໍ ປິສາຈາ ຂາທນ຺ຕຸ, ຊີວ ຕ຺ວໍ ສຣໂທ ສຕນ຺ຕິ.

ອລີນຈິຕ຺ຕໍ ນິສ຺ສາຍ, ປຫຏ຺ຐາ ມຫຕີ ຈມູ;

ໂກສລໍ ເສນາສນ຺ຕຸຏ຺ຐໍ, ຊີວຄ຺ຄາຫໍ ອຄາຫຍິ.

ເອວໍ ນິສ຺ສຍສມ຺ປນ຺ໂນ, ຠິກ຺ຂຸ ອາຣທ຺ຘວີຣິໂຍ;

ຠາວຍໍ ກຸສລໍ ຘມ຺ມໍ, ໂຍຄກ຺ເຂມສ຺ສ ປຕ຺ຕິຍາ;

ປາປຸເຓ ອນຸປຸພ຺ເພນ, ສພ຺ພສໍໂຍຊນກ຺ຂຍນ຺ຕິ.

ເຍນ ¶ ກາມໍ ປຓາເມຕິ, ຘມ຺ໂມ ພລວຕໍ ມິຄີ;

ອຸນ຺ນທນ຺ຕີ ວິຊານາຫິ, ຊາຕໍ ສຣຓໂຕ ຠຍໍ.

ອປິ ¶ ເຈປິ ທຸພ຺ພໂລ ມິຕ຺ໂຕ, ມິຕ຺ຕຘມ຺ເມສຸ ຕິຏ຺ຐຕິ;

ໂສ ຎາຕໂກ ຈ ພນ຺ຘຸ ຈ, ໂສ ມິຕ຺ໂຕ ໂສ ຈ ເມ ສຂາ;

ທາຐິນິ ¶ ມາຕິມຎ຺ຎິຕ຺ໂຖ [ມຎ຺ຎິໂວ (ສ຺ຍາ.), ມຎ຺ຎວ຺ໂຫ (ກ.)], ສິງ຺ຄາໂລ ມມ ປາຓໂທຕິ.

ນຍິທໍ ວິສມສີເລນ, ໂສເຓນ ສຸຫນູ ສຫ;

ສຸຫນູປິ ຕາທິໂສເຍວ, ໂຍ ໂສຓສ຺ສ ສໂຄຈໂຣ.

ປກ຺ຂນ຺ທິນາ ປຄພ຺ເຠນ, ນິຈ຺ຈໍ ສນ຺ທານຂາທິນາ;

ສເມຕິ ປາປໍ ປາເປນ, ສເມຕິ ອສຕາ ອສນ຺ຕິ.

ອຸເທຕຍໍ ຈກ຺ຂຸມາ ເອກຣາຊາ, ຫຣິສ຺ສວຓ຺ໂຓ ປຖວິປ຺ປຠາໂສ [ປຐວິປ຺ປຠາໂສ (ສີ. ສ຺ຍາ. ປີ.)];

ຕໍ ຕໍ ນມສ຺ສາມິ ຫຣິສ຺ສວຓ຺ຓໍ ປຖວິປ຺ປຠາສໍ, ຕຍາຊ຺ຊ ຄຸຕ຺ຕາ ວິຫເຣມຸ ທິວສໍ.

ເຍ ພ຺ຣາຫ຺ມຓາ ເວທຄູ ສພ຺ພຘມ຺ເມ, ເຕ ເມ ນໂມ ເຕ ຈ ມໍ ປາລຍນ຺ຕຸ;

ນມຕ຺ຖຸ ພຸທ຺ຘານໍ [ພຸທ຺ຘານ (?)] ນມຕ຺ຖຸ ໂພຘິຍາ, ນໂມ ວິມຸຕ຺ຕານໍ [ວິມຸຕ຺ຕານ (?)] ນໂມ ວິມຸຕ຺ຕິຍາ;

ອິມໍ ໂສ ປຣິຕ຺ຕໍ ກຕ຺ວາ, ໂມໂຣ ຈຣຕິ ເອສນາ.

ອເປຕຍໍ ¶ ¶ ຈກ຺ຂຸມາ ເອກຣາຊາ, ຫຣິສ຺ສວຓ຺ໂຓ ປຖວິປ຺ປຠາໂສ;

ຕໍ ຕໍ ນມ຺ມສ຺ສາມິ ຫຣິສ຺ສວຓ຺ຓໍ ປຖວິປ຺ປຠາສໍ, ຕຍາຊ຺ຊ ຄຸຕ຺ຕາ ວິຫເຣມຸ ຣຕ຺ຕິໍ.

ເຍ ພ຺ຣາຫ຺ມຓາ ເວທຄູ ສພ຺ພຘມ຺ເມ, ເຕ ເມ ນໂມ ເຕ ຈ ມໍ ປາລຍນ຺ຕຸ;

ນມຕ຺ຖຸ ພຸທ຺ຘານໍ ນມຕ຺ຖຸ ໂພຘິຍາ, ນໂມ ວິມຸຕ຺ຕານໍ ນໂມ ວິມຸຕ຺ຕິຍາ;

ອິມໍ ໂສ ປຣິຕ຺ຕໍ ກຕ຺ວາ, ໂມໂຣ ວາສມກປ຺ປຍີຕິ.

ເອວເມວ ນູນ [ນຸ (ກ.)] ຣາຊານໍ, ເວເທຫໍ ມິຖິລຄ຺ຄຫໍ;

ອສ຺ສາ ວຫນ຺ຕິ ອາຊຎ຺ຎາ, ຍຖາ ຫໍສາ ວິນີລກໍ.

ວິນີລ ¶ ທຸຄ຺ຄໍ ຠຊສິ, ອຠູມິໍ ຕາຕ ເສວສິ;

ຄາມນ຺ຕການິ [ຄາມນ຺ຕິການິ (ສີ.), ຄາມນ຺ຕຣານິ (ກ.)] ເສວສ຺ສຸ, ເອຕໍ ມາຕາລຍໍ ຕວາຕິ.

ວຣພລ຺ລິກ ¶ ທທ຺ທຣ ສູກຣໂກ, ອຸຣຄູຕ຺ຕມ ປຎ຺ຈມຠຄ຺ຄວໂຣ;

ມຫຕີຈມຸ ຍາວ ສິງ຺ຄາລວໂຣ, ສຸຫນຸຕ຺ຕມ ໂມຣ ວິນີລໍ ທສາຕິ.

໑໖໑. ອິນ຺ທສມານໂຄຕ຺ຕຊາຕກໍ (໒-໒-໑)

ນ ¶ ສນ຺ຖວໍ [ສນ຺ຘວໍ (ກ.)] ກາປຸຣິເສນ ກຍິຣາ, ອຣິໂຍ ອນຣິເຍນ ປຊານມຕ຺ຖໍ;

ຈິຣານຸວຸຕ຺ໂຖປິ ກໂຣຕິ ປາປໍ, ຄໂຊ ຍຖາ ອິນ຺ທສມານໂຄຕ຺ຕໍ.

ຍໍ ຕ຺ເວວ ຊຎ຺ຎາ ສທິໂສ ມມນ຺ຕິ, ສີເລນ ປຎ຺ຎາຍ ສຸເຕນ ຈາປິ;

ເຕເນວ ເມຕ຺ຕິໍ ກຍິຣາຖ ສທ຺ຘິໍ, ສຸໂຂ ຫເວ ສປ຺ປຸຣິເສນ ສງ຺ຄໂມຕິ.

ນ ¶ ສນ຺ຖວສ຺ມາ ປຣມຕ຺ຖິ ປາປິໂຍ, ໂຍ ສນ຺ຖໂວ [ສນ຺ຘໂວ (ກ.)] ກາປຸຣິເສນ ໂຫຕິ;

ສນ຺ຕປ຺ປິໂຕ ສປ຺ປິນາ ປາຍເສນ [ປາຍາເສນ (ກ.)], ກິຈ຺ຉາກຕໍ ປຓ຺ຓກຸຏິໍ ອທຍ຺ຫິ [ອທຑ຺ຒຫິ (ສີ. ສ຺ຍາ.), ອທຏ຺ຐຫິ (ປີ.), ອທທ຺ທຫິ (?)].

ນ ສນ຺ຖວສ຺ມາ ປຣມຕ຺ຖິ ເສຍ຺ໂຍ, ໂຍ ສນ຺ຖໂວ ສປ຺ປຸຣິເສນ ໂຫຕິ;

ສີຫສ຺ສ ພ຺ຍຄ຺ຆສ຺ສ ຈ ທີປິໂນ ຈ, ສາມາ ມຸຂໍ ເລຫຕິ ສນ຺ຖເວນາຕິ.

ກາຬາ ມິຄາ ເສຕທນ຺ຕາ ຕວີເມ [ຕວ ອິເມ (ສີ. ສ຺ຍາ. ປີ.)], ປໂຣສຕໍ ເຫມຊາລາຠິຉນ຺ນາ [ເຫມຊາລາຠິສຎ຺ຉນ຺ນາ (ສີ.)];

ເຕ ເຕ ທທາມີຕິ ສຸສີມ ພ຺ຣູສິ, ອນຸສ຺ສຣໍ ¶ ເປຕ຺ຕິປິຕາມຫານໍ.

ກາຬາ ¶ ¶ ມິຄາ ເສຕທນ຺ຕາ ມມີເມ [ມມ ອິເມ (ສີ. ປີ.)], ປໂຣສຕໍ ເຫມຊາລາຠິຈ຺ຉນ຺ນາ;

ເຕ ເຕ ທທາມີຕິ ວທາມິ ມາຓວ, ອນຸສ຺ສຣໍ ເປຕ຺ຕິປິຕາມຫານນ຺ຕິ.

ຍໍ ນຸ ຄິຊ຺ໂຌ ໂຍຊນສຕໍ, ກຸຓປານິ ອເວກ຺ຂຕິ;

ກສ຺ມາ ຊາລຎ຺ຈ ປາສຎ຺ຈ, ອາສຊ຺ຊາປິ ນ ພຸຊ຺ຌສິ.

ຍທາ ປຣາຠໂວ ໂຫຕິ, ໂປໂສ ຊີວິຕສງ຺ຂເຍ;

ອຖ ຊາລຎ຺ຈ ປາສຎ຺ຈ, ອາສຊ຺ຊາປິ ນ ພຸຊ຺ຌຕີຕິ.

ສນ຺ຘິໍ ກຕ຺ວາ ອມິຕ຺ເຕນ, ອຓ຺ຑເຊນ ຊລາພຸຊ;

ວິວຣິຍ ທາຐໍ ເສສິ [ສຍສິ (ສີ. ສ຺ຍາ. ປີ.)], ກຸໂຕ ເຕ ຠຍມາຄຕໍ.

ສງ຺ເກເຖວ [ສງ຺ກເຕວ (ກ.)] ອມິຕ຺ຕສ຺ມິໍ, ມິຕ຺ຕສ຺ມິມ຺ປິ ນ ວິສ຺ສເສ;

ອຠຍາ ຠຍມຸປ຺ປນ຺ນໍ, ອປິ ມູລານິ ກນ຺ຕຕີຕິ [ມູລໍ ນິກນ຺ຕຕີຕິ (ສີ.)].

ອຸປສາຬກນາມານິ [ອຸປສາຬ຺ຫກນາມານໍ (ສີ. ສ຺ຍາ. ປີ.)], ສຫສ຺ສານິ ຈຕຸທ຺ທສ;

ອສ຺ມິໍ ປເທເສ ທຑ຺ຒານິ, ນຕ຺ຖິ ໂລເກ ອນາມຕໍ.

ຍມ຺ຫິ ¶ ສຈ຺ຈຎ຺ຈ ຘມ຺ໂມ ຈ, ອຫິໍສາ ສໍຍໂມ ທໂມ;

ເອຕໍ ອຣິຍາ ເສວນ຺ຕິ, ເອຕໍ ໂລເກ ອນາມຕນ຺ຕິ.

ອຠຸຕ຺ວາ ¶ ຠິກ຺ຂສິ ຠິກ຺ຂຸ, ນ ຫິ ຠຸຕ຺ວານ ຠິກ຺ຂສິ;

ຠຸຕ຺ວານ ຠິກ຺ຂຸ ຠິກ຺ຂສ຺ສຸ, ມາ ຕໍ ກາໂລ ອຸປຈ຺ຈຄາ.

ກາລໍ ¶ ໂວຫໍ ນ ຊານາມິ, ຉນ຺ໂນ ກາໂລ ນ ທິສ຺ສຕິ;

ຕສ຺ມາ ອຠຸຕ຺ວາ ຠິກ຺ຂາມິ, ມາ ມໍ ກາໂລ ອຸປຈ຺ຈຄາຕິ.

ເສໂນ ພລສາ ປຕມາໂນ, ລາປໍ ໂຄຈຣຐາຍິນໍ;

ສຫສາ ອຊ຺ຌປ຺ປຕ຺ໂຕວ, ມຣຓໍ ເຕນຸປາຄມິ.

ໂສຫໍ ນເຍນ ສມ຺ປນ຺ໂນ, ເປຕ຺ຕິເກ ໂຄຈເຣ ຣໂຕ;

ອເປຕສຕ຺ຕຸ ໂມທາມິ, ສມ຺ປສ຺ສໍ ອຕ຺ຖມຕ຺ຕໂນຕິ.

ໂຍ ເວ ເມຕ຺ເຕນ ຈິຕ຺ເຕນ, ສພ຺ພໂລການຸກມ຺ປຕິ;

ອຸທ຺ຘໍ ¶ ອໂຘ ຈ ຕິຣິຍໍ, ອປ຺ປມາເຓນ ສພ຺ພໂສ.

ອປ຺ປມາຓໍ ຫິຕໍ ຈິຕ຺ຕໍ, ປຣິປຸຓ຺ຓໍ ສຸຠາວິຕໍ;

ຍໍ ປມາຓກຕໍ ກມ຺ມໍ, ນ ຕໍ ຕຕ຺ຣາວສິສ຺ສຕີຕິ.

ນາຍໍ ປຸເຣ ອຸຓ຺ຓມຕິ [ອຸນ຺ນມຕິ (ສ຺ຍາ.)], ໂຕຣຓຄ຺ເຄ ກກຓ຺ຏໂກ;

ມໂຫສຘ ວິຊານາຫິ, ເກນ ຖທ຺ໂຘ ກກຓ຺ຏໂກ.

ອລທ຺ຘປຸພ຺ພໍ ລທ຺ຘານ, ອຑ຺ຒມາສໍ ກກຓ຺ຏໂກ;

ອຕິມຎ຺ຎຕິ ຣາຊານໍ, ເວເທຫໍ ມິຖິລຄ຺ຄຫນ຺ຕິ.

ອຖ ¶ ອິນ຺ທສມານ ສປຓ຺ຓກຸຏິ, ສຸສິມຸຕ຺ຕມ ຄິຊ຺ຌ ຊລາພຸຊໂກ;

ອຸປສາຬກ ຠິກ຺ຂຸ ສລາປວໂຣ, ອຖ ເມຕ຺ຕວໂຣ ທສປຸຓ຺ຓມຕີຕິ.

ກລ຺ຍາຓຘມ຺ໂມຕິ ¶ ¶ ຍທາ ຊນິນ຺ທ, ໂລເກ ສມຎ຺ຎໍ ອນຸປາປຸຓາຕິ;

ຕສ຺ມາ ນ ຫິຍ຺ເຍຖ [ຫີເຍຖ (ສີ.)] ນໂຣ ສປຎ຺ໂຎ, ຫິຣິຍາປິ ສນ຺ໂຕ ຘຸຣມາທິຍນ຺ຕິ.

ສາຍໍ ສມຎ຺ຎາ ອິຘ ມຊ຺ຊ ປຕ຺ຕາ, ກລ຺ຍາຓຘມ຺ໂມຕິ ຊນິນ຺ທ ໂລເກ;

ຕາຫໍ ສເມກ຺ຂໍ ອິຘ ປພ຺ພຊິສ຺ສໍ, ນ ຫິ ມຕ຺ຖິ ຉນ຺ໂທ ອິຘ ກາມໂຠເຄຕິ.

ໂກ ນຸ ສທ຺ເທນ ມຫຕາ, ອຠິນາເທຕິ ທທ຺ທຣໍ;

ຕໍ ສີຫາ ນປ຺ປຏິນທນ຺ຕິ [ກິໍ ສີຫາ ນປ຺ປຏິນທນ຺ຕິ (ສີ. ປີ.), ນ ສີຫາ ປຏິນທນ຺ຕິ (ກ.)], ໂກ ນາເມໂສ ມິຄາຘິຠູ.

ອຘໂມ ມິຄຊາຕານໍ, ສິງ຺ຄາໂລ ຕາຕ ວສ຺ສຕິ;

ຊາຕິມສ຺ສ ຊິຄຸຈ຺ຉນ຺ຕາ, ຕຸຓ຺ຫີ ສີຫາ ສມຈ຺ຉເຣຕິ.

ຕາຕ ¶ ¶ ມາຓວໂກ ເອໂສ, ຕາລມູລໍ ອປສ຺ສິໂຕ;

ອຄາຣກຎ຺ຈິທໍ ອຕ຺ຖິ, ຫນ຺ທ ເທມສ຺ສຄາຣກໍ.

ມາ ໂຂ ຕ຺ວໍ ຕາຕ ປກ຺ໂກສິ, ທູເສຍ຺ຍ ໂນ ອຄາຣກໍ;

ເນຕາທິສໍ ມຸຂໍ ໂຫຕິ, ພ຺ຣາຫ຺ມຓສ຺ສ ສຸສີລິໂນຕິ.

ອທມ຺ຫ ເຕ ວາຣິ ປຫູຕຣູປໍ, ຆມ຺ມາຠິຕຕ຺ຕສ຺ສ ປິປາສິຕສ຺ສ;

ໂສ ທານິ ປິຕ຺ວານ [ປີຕ຺ວານ (ສີ. ປີ.)] ກິຣິງ຺ກໂຣສິ [ກິກິໍກໂຣສິ (ສີ. ສ຺ຍາ. ປີ.)], ອສງ຺ຄໂມ ປາປຊເນນ ເສຍ຺ໂຍ.

ໂກ ເຕ ສຸໂຕ ວາ ທິຏ຺ໂຐ ວາ, ສີລວາ ນາມ ມກ຺ກໂຏ;

ອິທານິ ໂຂ ຕໍ ໂອຫຈ຺ຉໍ [ອູຫຈ຺ຈ (ສີ. ປີ.), ໂອຫຈ຺ຈໍ (ສ຺ຍາ.), ອຸຫຊ຺ຊໍ (ກ.)], ເອສາ ອສ຺ມາກ ຘມ຺ມຕາຕິ.

໑໗໕. ອາທິຈ຺ຈຸປຏ຺ຐານຊາຕກໍ (໒-໓-໕)

ສພ຺ເພສຸ ¶ ກິຣ ຠູເຕສຸ, ສນ຺ຕິ ສີລສມາຫິຕາ;

ປສ຺ສ ສາຂາມິຄໍ ຊມ຺ມໍ, ອາທິຈ຺ຈມຸປຕິຏ຺ຐຕິ.

ນາສ຺ສ ສີລໍ ວິຊານາຖ, ອນຎ຺ຎາຍ ປສໍສຖ;

ອຄ຺ຄິຫຸຕ຺ຕຎ຺ຈ ¶ ອຸຫນ຺ນໍ [ອູຫນ຺ຕໍ (ສີ.), ອູຫນໍ (ສ຺ຍາ.), ອູຫນ຺ຕິ (ປີ.), ອຸຫທໍ (ກ.)], ທ຺ເວ ຈ ຠິນ຺ນາ ກມຓ຺ຑລູຕິ.

ພາໂລ ¶ ວຕາຍໍ ທຸມສາຂໂຄຈໂຣ, ປຎ຺ຎາ ຊນິນ຺ທ ນຍິມສ຺ສ ວິຊ຺ຊຕິ;

ກຬາຍມຸຏ຺ຐິໍ [ກລາຍມຸຏ຺ຐິໍ (ສີ. ປີ.)] ອວກິຣິຍ ເກວລໍ, ເອກໍ ກຬາຍໍ ປຕິຕໍ ຄເວສຕິ.

ເອວເມວ ມຍໍ ຣາຊ, ເຍ ຈຎ຺ເຎ ອຕິໂລຠິໂນ;

ອປ຺ເປນ ພຫຸໍ ຊິຍ຺ຍາມ, ກຬາເຍເນວ ວານໂຣຕິ.

ຘນຸຫຕ຺ຖກລາເປຫິ, ເນຕ຺ຕິໍ ສວຣຘາຣິຠິ;

ສມນ຺ຕາ ປຣິກິຓ຺ຓມ຺ຫ, ກຖໍ ໂມກ຺ໂຂ ຠວິສ຺ສຕິ.

ອປ຺ເປວ ພຫຸກິຈ຺ຈານໍ, ອຕ຺ໂຖ ຊາເຍຖ ໂກຈິ ນໍ;

ອຕ຺ຖິ ຣຸກ຺ຂສ຺ສ ອຈ຺ຉິນ຺ນໍ, ຂຊ຺ຊຖຎ຺ເຎວ ຕິນ຺ທຸກນ຺ຕິ.

ຊນິຕ຺ຕໍ ¶ ເມ ຠວິຕ຺ຕໍ ເມ, ອິຕິ ປງ຺ເກ ອວສ຺ສຍິໍ;

ຕໍ ມໍ ປງ຺ໂກ ອຊ຺ຌຠວິ, ຍຖາ ທຸພ຺ພລກໍ ຕຖາ;

ຕໍ ຕໍ ວທາມິ ຠຄ຺ຄວ, ສຸໂຓຫິ ວຈນໍ ມມ.

ຄາເມ ວາ ຍທິ ວາ ຣຎ຺ເຎ, ສຸຂໍ ຍຕ຺ຣາຘິຄຈ຺ຉຕິ;

ຕໍ ຊນິຕ຺ຕໍ ຠວິຕ຺ຕຎ຺ຈ, ປຸຣິສສ຺ສ ປຊານໂຕ;

ຍມ຺ຫິ ຊີເວ ຕມ຺ຫິ ຄຈ຺ເຉ, ນ ນິເກຕຫໂຕ ສິຍາຕິ.

ຕຎ຺ຈ ¶ ອປ຺ປຎ຺ຈ ອຸຈ຺ຉິຏ຺ຐໍ, ຕຎ຺ຈ ກິຈ຺ເຉນ ໂນ ອທາ;

ໂສຫໍ ພ຺ຣາຫ຺ມຓຊາຕິໂກ, ຍໍ ຠຸຕ຺ຕໍ ຕມ຺ປິ ອຸຄ຺ຄຕໍ.

ເອວໍ ¶ ຘມ຺ມໍ ນິຣໍກຕ຺ວາ [ນິຣາກຕ຺ວາ (?) ນິ + ອາ + ກຣ + ຕ຺ວາ], ໂຍ ອຘມ຺ເມນ ຊີວຕິ;

ສຕຘມ຺ໂມວ ລາເຠນ, ລທ຺ເຘນປິ ນ ນນ຺ທຕີຕິ.

ທຸທ຺ທທໍ ທທມານານໍ, ທຸກ຺ກຣໍ ກມ຺ມ ກຸພ຺ພຕໍ;

ອສນ຺ໂຕ ນານຸກຸພ຺ພນ຺ຕິ, ສຕໍ ຘມ຺ໂມ ທຸຣນ຺ນໂຍ.

ຕສ຺ມາ ສຕຎ຺ຈ ອສຕໍ, ນານາ ໂຫຕິ ອິໂຕ ຄຕິ;

ອສນ຺ໂຕ ¶ ນິຣຍໍ ຍນ຺ຕິ, ສນ຺ໂຕ ສຄ຺ຄປຣາຍຓາຕິ [ປຣາຍນາ (ສ຺ຍາ. ກ.)].

ສຸສມຎ຺ຎມິຄາຘິຠູ ມາຓວໂກ, ວາຣິປຫູຕຣູປາທິຈ຺ຈຸປຏ຺ຐານາ;

ສກຬາຍສຕິນ຺ທຸກປງ຺ກ ປຸນ, ສຕຘມ຺ມ ສຸທຸທ຺ທທເກນ ທສາຕິ.

ຘນຸຄ຺ຄໂຫ ອສທິໂສ, ຣາຊປຸຕ຺ໂຕ ມຫພ຺ພໂລ;

ທູເຣປາຕີ ອກ຺ຂຓເວຘີ, ມຫາກາຍປ຺ປທາລໂນ.

ສພ຺ພາມິຕ຺ເຕ ຣຓໍ ກຕ຺ວາ, ນ ຈ ກຎ຺ຈິ ວິເຫຐຍິ;

ຠາຕຣໍ ໂສຕ຺ຖິໍ ກຕ຺ວານ, ສໍຍມໍ ອຊ຺ຌຸປາຄມີຕິ.

ສງ຺ຄາມາວຈໂຣ ¶ ¶ ສູໂຣ, ພລວາ ອິຕິ ວິສ຺ສຸໂຕ;

ກິໍ ¶ ນຸ ໂຕຣຓມາສຊ຺ຊ, ປຏິກ຺ກມສິ ກຸຎ຺ຊຣ.

ໂອມທ຺ທ ຂິປ຺ປໍ ປລິຆໍ, ເອສິການິ ຈ ອພ຺ພຫ [ອຸພ຺ພຫ (ສ຺ຍາ.), ອພ຺ຠຸຫ (ກ.)];

ໂຕຣຓານິ ຈ ມທ຺ທິຕ຺ວາ, ຂິປ຺ປໍ ປວິສ ກຸຎ຺ຊຣາຕິ.

ວາໂລທກໍ ອປ຺ປຣສໍ ນິຫີນໍ, ປິຕ຺ວາ [ປີຕ຺ວາ (ສີ. ປີ.)] ມໂທ ຊາຍຕິ ຄທ຺ຣຠານໍ;

ອິມຎ຺ຈ ປິຕ຺ວານ ຣສໍ ປຓີຕໍ, ມໂທ ນ ສຎ຺ຊາຍຕິ ສິນ຺ຘວານໍ.

ອປ຺ປໍ ປິວິຕ຺ວານ ນິຫີນຊຈ຺ໂຈ, ໂສ ມຊ຺ຊຕີ ເຕນ ຊນິນ຺ທ ປຸຏ຺ໂຐ [ຜຸຏ຺ໂຐ (ສີ. ສ຺ຍາ.), ມຸຏ຺ໂຐ (ກ.)];

ໂຘຣຍ຺ຫສີລີ ຈ ກຸລມ຺ຫິ ຊາໂຕ, ນ ມຊ຺ຊຕີ ອຄ຺ຄຣສໍ ປິວິຕ຺ວາຕິ.

ທູສິໂຕ ຄິຣິທຕ຺ເຕນ [ຄິຣິທນ຺ເຕນ (ປີ.)], ຫໂຍ ສາມສ຺ສ ປຓ຺ຑໂວ;

ໂປຣາຓໍ ປກຕິໍ ຫິຕ຺ວາ, ຕສ຺ເສວານຸວິຘິຍ຺ຍຕິ [ນຸວິຘີຍຕິ (ສີ. ປີ.)].

ສເຈ ¶ ຈ ຕນຸໂຊ ໂປໂສ, ສິຂຣາກາຣ [ສິງ຺ຄາຣາກາຣ (ສ຺ຍາ.)] ກປ຺ປິໂຕ;

ອານເນ ນໍ [ຕໍ (ສີ. ສ຺ຍາ. ປີ.)] ຄເຫຕ຺ວານ, ມຓ຺ຑເລ ປຣິວຕ຺ຕເຍ;

ຂິປ຺ປເມວ ປຫນ຺ຕ຺ວານ, ຕສ຺ເສວານຸວິຘິຍ຺ຍຕີຕິ.

ຍໂຖທເກ ¶ ອາວິເລ ອປ຺ປສນ຺ເນ, ນ ປສ຺ສຕິ ສິປ຺ປິກສມ຺ພຸກຎ຺ຈ;

ສກ຺ຂຣໍ ວາລຸກໍ ມຈ຺ຉຄຸມ຺ພໍ, ເອວໍ ອາວິລມ຺ຫິ [ອາວິເລ ຫິ (ສີ.)] ຈິຕ຺ເຕ;

ຍໂຖທເກ ¶ ອຈ຺ເຉ ວິປ຺ປສນ຺ເນ, ໂສ ປສ຺ສຕິ ສິປ຺ປິກສມ຺ພຸກຎ຺ຈ;

ສກ຺ຂຣໍ ວາລຸກໍ ມຈ຺ຉຄຸມ຺ພໍ, ເອວໍ ອນາວິລມ຺ຫິ ຈິຕ຺ເຕ;

ໂສ ປສ຺ສຕິ ອຕ຺ຕທຕ຺ຖໍ ປຣຕ຺ຖນ຺ຕິ.

ວຓ຺ຓຄນ຺ຘຣສູເປໂຕ ¶ , ອມ຺ໂພຍໍ ອຫຸວາ ປຸເຣ;

ຕເມວ ປູຊໍ ລຠມາໂນ, ເກນມ຺ໂພ ກຏຸກປ຺ຜໂລ.

ປຸຈິມນ຺ທປຣິວາໂຣ, ອມ຺ໂພ ເຕ ທຘິວາຫນ;

ມູລໍ ມູເລນ ສໍສຏ຺ຐໍ, ສາຂາ ສາຂາ [ສາຂໍ (ສ຺ຍາ. ກ.)] ນິເສວເຣ [ນິວີສເຣ (ກ.)];

ອສາຕສນ຺ນິວາເສນ, ເຕນມ຺ໂພ ກຏຸກປ຺ຜໂລຕິ.

ອຸຈ຺ເຈ ວິຏຠິມາຣຸຍ຺ຫ, ມນ຺ຕຍວ຺ໂຫ ຣໂຫຄຕາ;

ນີເຈ ໂອຣຸຍ຺ຫ ມນ຺ຕວ຺ໂຫ, ມິຄຣາຊາປິ ໂສສ຺ສຕິ.

ຍໍ ສຸວຓ຺ໂຓ ສຸວຓ຺ເຓນ [ຍໍ ສຸປຓ຺ໂຓ ສຸປຓ຺ເຓນ (ສີ. ສ຺ຍາ. ປີ.)], ເທໂວ ເທເວນ ມນ຺ຕເຍ;

ກິໍ ເຕຕ຺ຖ ຈຕຸມຏ຺ຐສ຺ສ, ພິລໍ ປວິສ ຊມ຺ພຸກາຕິ.

ສີຫງ຺ຄຸລີ ¶ ສີຫນໂຂ, ສີຫປາທປຕິຏ຺ຐິໂຕ;

ໂສ ສີໂຫ ສີຫສງ຺ຆມ຺ຫິ, ເອໂກ ນທຕິ ອຎ຺ຎຖາ.

ມາ ¶ ຕ຺ວໍ ນທິ ຣາຊປຸຕ຺ຕ, ອປ຺ປສທ຺ໂທ ວເນ ວສ;

ສເຣນ ໂຂ [ມາ (ກ.)] ຕໍ ຊາເນຍ຺ຍຸໍ, ນ ຫິ ເຕ ເປຕ຺ຕິໂກ ສໂຣຕິ.

ເນຕໍ ສີຫສ຺ສ ນທິຕໍ, ນ ພ຺ຍຄ຺ຆສ຺ສ ນ [ພ຺ຍຄ຺ຆສ຺ສ ນ ຈ (ກ.)] ທີປິໂນ;

ປາຣຸໂຕ ສີຫຈມ຺ເມນ, ຊມ຺ໂມ ນທຕິ ຄທ຺ຣໂຠ.

ຈິຣມ຺ປິ ¶ ໂຂ ຕໍ ຂາເທຍ຺ຍ, ຄທ຺ຣໂຠ ຫຣິຕໍ ຍວໍ;

ປາຣຸໂຕ ສີຫຈມ຺ເມນ, ຣວມາໂນວ ທູສຍີຕິ.

ປສ຺ສ ສທ຺ຘາຍ ສີລສ຺ສ, ຈາຄສ຺ສ ຈ ອຍໍ ຜລໍ;

ນາໂຄ ນາວາຍ ວຓ຺ເຓນ, ສທ຺ຘໍ ວຫຕຸປາສກໍ.

ສພ຺ຠິເຣວ ສມາເສຖ, ສພ຺ຠິ ກຸພ຺ເພຖ ສນ຺ຖວໍ;

ສຕຎ຺ຫິ ສນ຺ນິວາເສນ, ໂສຕ຺ຖິໍ ຄຈ຺ຉຕິ ນ຺ຫາປິໂຕຕິ.

ຘນຸຄ຺ຄຫ ¶ ກຸຎ຺ຊຣ ອປ຺ປຣໂສ, ຄິຣິທຕ຺ຕມນາວິລຈິຕ຺ຕວຣໍ;

ທຘິວາຫນ ຊມ຺ພູກ ສີຫນໂຂ, ຫຣິຕຍວ ນາຄວເຣນ ທສາຕິ.

ອປິ ¶ [ອມ຺ໂຠ (ສ຺ຍາ. ກ. ສີ.)] ຣຸຫກ ຉິນ຺ນາປິ, ຊິຍາ ສນ຺ຘີຍເຕ ປຸນ;

ສນ຺ຘີຍສ຺ສຸ ປຸຣາຓິຍາ, ມາ ໂກຘສ຺ສ ວສໍ ຄມິ.

ວິຊ຺ຊມາເນສຸ ວາເກສຸ [ວິຊ຺ຊມານາສຸ ມຣຸວາສຸ (ສີ.), ວິຊ຺ຊມານາສຸ ມຣູທ຺ວາສຸ (ປີ.)], ວິຊ຺ຊມາເນສຸ ກາຣິສຸ;

ອຎ຺ຎໍ ຊິຍໍ ກຣິສ຺ສາມິ, ອລຎ຺ເຎວ ປຸຣາຓິຍາຕິ.

ອິຕ຺ຖີ ສິຍາ ຣູປວຕີ, ສາ ຈ ສີລວຕີ ສິຍາ;

ປຸຣິໂສ ຕໍ ນ ອິຈ຺ເຉຍ຺ຍ, ສທ຺ທຫາສິ ມໂຫສຘ.

ສທ຺ທຫາມິ ¶ ມຫາຣາຊ, ປຸຣິໂສ ທຸພ຺ຠໂຄ ສິຍາ;

ສິຣີ ¶ ຈ ກາຬກຓ຺ຓີ ຈ, ນ ສເມນ຺ຕິ ກຸທາຈນນ຺ຕິ.

ອຍເມວ ສາ ອຫມປິ [ອຫມ຺ປິ (ສີ. ສ຺ຍາ. ປີ.), ອຫສ຺ມິ (ກ.)] ໂສ ອນຎ຺ໂຎ, ອຍເມວ ໂສ ຫຕ຺ຖຈ຺ຉິນ຺ໂນ ອນຎ຺ໂຎ;

ຍມາຫ ‘‘ໂກມາຣປຕີ ມມ’’ນ຺ຕິ, ວຊ຺ຌິຕ຺ຖິໂຍ ນຕ຺ຖິ ອິຕ຺ຖີສຸ ສຈ຺ຈໍ.

ອິມຎ຺ຈ ຊມ຺ມໍ ມຸສເລນ ຫນ຺ຕ຺ວາ, ລຸທ຺ທໍ ຉວໍ ປຣທາຣູປເສວິໍ;

ອິມິສ຺ສາ ຈ ນໍ ປາປປຕິພ຺ພຕາຍ, ຊີວນ຺ຕິຍາ ຉິນ຺ທຖ ກຓ຺ຓນາສນ຺ຕິ.

ນ ¶ ສນ຺ຕິ ເທວາ ປວສນ຺ຕິ ນູນ, ນ ຫິ ນູນ ສນ຺ຕິ ອິຘ ໂລກປາລາ;

ສຫສາ ກໂຣນ຺ຕານມສຎ຺ຎຕານໍ, ນ ຫິ ນູນ ສນ຺ຕີ ປຏິເສຘິຕາໂຣ.

ອກາເລ ວສ຺ສຕີ ຕສ຺ສ, ກາເລ ຕສ຺ສ ນ ວສ຺ສຕິ;

ສຄ຺ຄາ ¶ ຈ ຈວຕິ ຐານາ, ນນຸ ໂສ ຕາວຕາ ຫໂຕຕິ.

ປພ຺ພຕູປຕ຺ຖເຣ [ປພ຺ພຕປຕ຺ຖເຣ (ສີ. ສ຺ຍາ. ປີ.)] ຣມ຺ເມ, ຊາຕາ ໂປກ຺ຂຣຓີ ສິວາ;

ຕໍ ສິງ຺ຄາໂລ ອປາປາຍິ [ອປາປາສິ (ສີ. ສ຺ຍາ. ປີ.)], ຊານໍ ສີເຫນ ຣກ຺ຂິຕໍ.

ປິວນ຺ຕິ ເຈ [ປິວນ຺ຕິ ເວ (ສີ.), ປິວນ຺ຕິວ (ປີ.), ປິວນ຺ເຕວ (?)] ມຫາຣາຊ, ສາປທານິ ມຫານທິໍ;

ນ ເຕນ ອນທີ ໂຫຕິ, ຂມສ຺ສຸ ຍທິ ເຕ ປິຍາຕິ.

ປພ຺ພຕູປຕ຺ຖຣ [ປພ຺ພຕປຕ຺ຖຣ (ສີ. ສ຺ຍາ. ປີ.)] ຊາຕກໍ ປຎ຺ຈມໍ.

ເຍ ນ ກາຫນ຺ຕິ ໂອວາທໍ, ນຣາ ພຸທ຺ເຘນ ເທສິຕໍ;

ພ຺ຍສນໍ ເຕ ຄມິສ຺ສນ຺ຕິ, ຣກ຺ຂສີຫິວ ວາຓິຊາ.

ເຍ ¶ ຈ ກາຫນ຺ຕິ ໂອວາທໍ, ນຣາ ພຸທ຺ເຘນ ເທສິຕໍ;

ໂສຕ຺ຖິໍ ປາຣໍ ຄມິສ຺ສນ຺ຕິ, ວລາເຫເນວ [ວາລາເຫເນວ (ສີ. ປີ.)] ວາຓິຊາຕິ.

ວລາຫກສ຺ສ [ວາລາຫສ຺ສ (ສີ. ປີ.)] ຊາຕກໍ ຉຏ຺ຐໍ.

ນ ນໍ ອຸມ຺ຫຍເຕ ທິສ຺ວາ, ນ ຈ ນໍ ປຏິນນ຺ທຕິ;

ຈກ຺ຂູນິ ຈສ຺ສ ນ ທທາຕິ, ປຏິໂລມຎ຺ຈ ວຕ຺ຕຕິ.

ເອເຕ ¶ ¶ ຠວນ຺ຕິ ອາກາຣາ, ອມິຕ຺ຕສ຺ມິໍ ປຕິຏ຺ຐິຕາ;

ເຍຫິ ອມິຕ຺ຕໍ ຊາເນຍ຺ຍ, ທິສ຺ວາ ສຸຕ຺ວາ ຈ ປຓ຺ຑິໂຕຕິ.

ປວາສາ ອາຄໂຕ ຕາຕ, ອິທານິ ນຈິຣາຄໂຕ;

ກຈ຺ຈິນ຺ນຸ ຕາຕ ເຕ ມາຕາ, ນ ອຎ຺ຎມຸປເສວຕິ.

ນ ໂຂ ປເນຕໍ ສຸຠຓໍ, ຄິຣໍ ສຈ຺ຈຸປສໍຫິຕໍ;

ສເຍຖ ໂປຏ຺ຐປາໂທວ, ມຸມ຺ມຸເຣ [ມຸມ຺ມຸເຣ (ສ຺ຍາ.), ມໍ ປຸເຣ (ກ.) ມຸມ຺ມຸຣສທ຺ໂທ ຖຸສຄ຺ຄິມ຺ຫິ ກຸກ຺ກຸເຬ ຈ ວຕ຺ຕຕີຕິ ສກ຺ກຕາຠິຘາເນສຸ] ອຸປກູຖິໂຕຕິ [ອຸປກູສິໂຕຕິ (ສີ. ສ຺ຍາ. ປີ.), ອຸປກູລິໂຕ (ກ.)].

ອຸຠຍໍ ເມ ນ ຂມຕິ, ອຸຠຍໍ ເມ ນ ຣຸຈ຺ຈຕິ;

ຍາຈາຍໍ ໂກຏ຺ຐໂມຕິຓ຺ຓາ, ນາທ຺ທສໍ ອິຕິ ຠາສຕິ.

ຕໍ ຕໍ ຄາມປຕິ ພ຺ຣູມິ, ກທເຣ ອປ຺ປສ຺ມິ ຊີວິເຕ;

ທ຺ເວ ມາເສ ສງ຺ຄຣໍ ກຕ຺ວາ [ກາຣໍ ກຕ຺ວານ (ສີ. ປີ.), ສໍກຣໍ ກຕ຺ວາ (ກ.)], ມໍສໍ ຊຣຄ຺ຄວໍ ກິສໍ;

ອປ຺ປຕ຺ຕກາເລ ໂຈເທສິ, ຕມ຺ປິ ມຍ຺ຫໍ ນ ຣຸຈ຺ຈຕີຕິ.

ສຣີຣທພ຺ຍໍ ¶ ວຸຑ຺ຒພ຺ຍໍ [ວທ຺ຘພ຺ຍໍ (ສີ. ປີ.)], ໂສຊຈ຺ຈໍ ສາຘຸສີລິຍໍ;

ພ຺ຣາຫ຺ມຓໍ ເຕວ ປຸຈ຺ຉາມ, ກນ຺ນຸ ເຕສໍ ວນິມ຺ຫເສ [ວຓິມ຺ຫເສ (ສີ. ປີ.)].

ອຕ຺ໂຖ ¶ ອຕ຺ຖິ ສຣີຣສ຺ມິໍ, ວຸຑ຺ຒພ຺ຍສ຺ສ ນໂມ ກເຣ;

ອຕ຺ໂຖ ອຕ຺ຖິ ສຸຊາຕສ຺ມິໍ, ສີລໍ ອສ຺ມາກ ຣຸຈ຺ຈຕີຕິ.

ອປິຣຸຫກ ¶ ຣູປວຕີ ມຸສໂລ, ປວສນ຺ຕິ ສປຎ຺ຈມໂປກ຺ຂຣຓີ;

ອຖ ມຸຕ຺ຕິມວາຓິຊ ອຸມ຺ຫຍເຕ, ຈິຣອາຄຕ ໂກຏ຺ຐ ສຣີຣ ທສາຕິ.

ນ ຕໍ ທຬ຺ຫໍ ພນ຺ຘນມາຫຸ ຘີຣາ, ຍທາຍສໍ ທາຣຸຊປພ຺ພຊຎ຺ຈ [ພພ຺ພຊຎ຺ຈ (ສີ.)];

ສາຣຕ຺ຕຣຕ຺ຕາ ມຓິກຸຓ຺ຑເລສຸ, ປຸຕ຺ເຕສຸ ¶ ທາເຣສຸ ຈ ຍາ ອເປກ຺ຂາ.

ເອຕໍ ທຬ຺ຫໍ ພນ຺ຘນມາຫຸ ຘີຣາ, ໂອຫາຣິນໍ ສິຖິລໍ ທຸປ຺ປມຸຎ຺ຈໍ;

ເອຕມ຺ປິ ເຉຕ຺ວານ ວຊນ຺ຕິ ຘີຣາ, ອນເປກ຺ຂິໂນ ກາມສຸຂໍ ປຫາຍາຕິ.

ຫໍສາ ໂກຎ຺ຈາ ມຍູຣາ ຈ, ຫຕ຺ຖໂຍ [ຫຕ຺ຖິໂນ (ສີ.), ຫຕ຺ຖິໂຍ (ສ຺ຍາ. ປີ.)] ປສທາ ມິຄາ;

ສພ຺ເພ ສີຫສ຺ສ ຠາຍນ຺ຕິ, ນຕ຺ຖິ ກາຍສ຺ມິ ຕຸລ຺ຍຕາ.

ເອວເມວ ມນຸສ຺ເສສຸ, ທຫໂຣ ເຈປິ ປຎ຺ຎວາ;

ໂສ ຫິ ຕຕ຺ຖ ມຫາ ໂຫຕິ, ເນວ ພາໂລ ສຣີຣວາຕິ.

ວິຣູປກ຺ເຂຫິ ເມ ເມຕ຺ຕໍ, ເມຕ຺ຕໍ ເອຣາປເຖຫິ ເມ;

ຉພ຺ຍາປຸຕ຺ເຕຫິ ເມ ເມຕ຺ຕໍ, ເມຕ຺ຕໍ ກຓ຺ຫາໂຄຕມເກຫິ ຈ.

ອປາທເກຫິ ¶ ¶ ເມ ເມຕ຺ຕໍ, ເມຕ຺ຕໍ ທ຺ວິປາທເກຫິ ເມ;

ຈຕຸປ຺ປເທຫິ ເມ ເມຕ຺ຕໍ, ເມຕ຺ຕໍ ພຫຸປ຺ປເທຫິ ເມ.

ມາ ¶ ມໍ ອປາທໂກ ຫິໍສິ, ມາ ມໍ ຫິໍສິ ທ຺ວິປາທໂກ;

ມາ ມໍ ຈຕຸປ຺ປໂທ ຫິໍສິ, ມາ ມໍ ຫິໍສິ ພຫຸປ຺ປໂທ.

ສພ຺ເພ ສຕ຺ຕາ ສພ຺ເພ ປາຓາ, ສພ຺ເພ ຠູຕາ ຈ ເກວລາ;

ສພ຺ເພ ຠທ຺ຣານິ ປສ຺ສນ຺ຕຸ, ມາ ກຎ຺ຈິ [ກິຎ຺ຈິ (ສ຺ຍາ. ກ.)] ປາປມາຄມາ.

ອປ຺ປມາໂຓ ພຸທ຺ໂຘ, ອປ຺ປມາໂຓ ຘມ຺ໂມ;

ອປ຺ປມາໂຓ ສງ຺ໂຆ, ປມາຓວນ຺ຕານິ ສຣີສປານິ [ສິຣິສປານິ (ສີ. ສ຺ຍາ. ປີ.)];

ອຫິວິຈ຺ຉິກສຕປທີ, ອຸຓ຺ຓນາຠິ [ອຸຓ຺ຓານາຠິ (ສີ. ສ຺ຍາ. ປີ.)] ສຣພູມູສິກາ.

ກຕາ ເມ ຣກ຺ຂາ ກຕາ ເມ ປຣິຕ຺ຕາ, ປຏິກ຺ກມນ຺ຕຸ ຠູຕານິ;

ໂສຫໍ ນໂມ ຠຄວໂຕ, ນໂມ ສຕ຺ຕນ຺ນໍ ສມ຺ມາສມ຺ພຸທ຺ຘານນ຺ຕິ.

ອປິ ວີຣກ ປສ຺ເສສິ, ສກຸຓໍ ມຎ຺ຊຸຠາຓກໍ;

ມຍູຣຄີວສງ຺ກາສໍ, ປຕິໍ ມຍ຺ຫໍ ສວິຏ຺ຐກໍ.

ອຸທກຖລຈຣສ຺ສ ປກ຺ຂິໂນ, ນິຈ຺ຈໍ ອາມກມຈ຺ຉໂຠຊິໂນ;

ຕສ຺ສານຸກຣໍ ສວິຏ຺ຐໂກ, ເສວາເລ ປລິຄຸຓ຺ຐິໂຕ ມໂຕຕິ.

ໂສຠຕິ ມຈ຺ໂຉ ຄງ຺ເຄຍ຺ໂຍ, ອໂຖ ໂສຠຕິ ຍາມຸໂນ [ໂສຠນ຺ຕິ ມຈ຺ຉາ ຄງ຺ເຄຍ຺ຍາ, ອໂຖ ໂສຠນ຺ຕິ ຍາມຸນາ (ສ຺ຍາ. ປີ.)];

ຈຕຸປ຺ປໂທຍໍ ¶ ປຸຣິໂສ, ນິຄ຺ໂຣຘປຣິມຓ຺ຑໂລ;

ອີສກາຍຕ [ອີສມາຍຕ (ກ.)] ຄີໂວ ຈ, ສພ຺ເພວ ອຕິໂຣຈຕິ.

ຍໍ ¶ ປຸຈ຺ຉິໂຕ ນ ຕໍ ອກ຺ຂາສິ [ອກ຺ຂາ (ສີ. ສ຺ຍາ. ປີ.)], ອຎ຺ຎໍ ອກ຺ຂາສິ [ອກ຺ຂາຕິ (ສ຺ຍາ. ປີ.)] ປຸຈ຺ຉິໂຕ;

ອຕ຺ຕປ຺ປສໍສໂກ ໂປໂສ, ນາຍໍ ອສ຺ມາກ ຣຸຈ຺ຈຕີຕິ.

ອິງ຺ຆ ¶ ວທ຺ຘມຍໍ [ວທ຺ຘມຍໍ (ສີ. ສ຺ຍາ. ປີ.)] ປາສໍ, ຉິນ຺ທ ທນ຺ເຕຫິ ກຈ຺ຉປ;

ອຫໍ ຕຖາ ກຣິສ຺ສາມິ, ຍຖາ ເນຫິຕິ ລຸທ຺ທໂກ.

ກຈ຺ຉໂປ ປາວິສີ ວາຣິໍ, ກຸຣຸງ຺ໂຄ ປາວິສີ ວນໍ;

ສຕປຕ຺ໂຕ ທຸມຄ຺ຄມ຺ຫາ, ທູເຣ ປຸຕ຺ເຕ ອປານຍີຕິ.

ອຍມສ຺ສກຣາເຊນ, ເທໂສ ວິຈຣິໂຕ ມຍາ;

ອນຸກາມຍ ກາເມນ [ອນຸກາມຍວນຸກາເມນ (ສີ. ປີ.)], ປິເຍນ ປຕິນາ ສຫ.

ນເວນ ສຸຂທຸກ຺ເຂນ, ໂປຣາຓໍ ອປິຘີຍຕິ [ອປິຖີຍຕິ (ສີ. ປີ.), ອປິຖິຍ຺ຍຕິ (ສ຺ຍາ.)];

ຕສ຺ມາ ອສ຺ສກຣຎ຺ຎາວ, ກີໂຏ ປິຍຕໂຣ ມມາຕິ.

ອລໍ ¶ ເມເຕຫິ ອມ຺ເພຫິ, ຊມ຺ພູຫິ ປນເສຫິ ຈ;

ຍານິ ປາຣໍ ສມຸທ຺ທສ຺ສ, ວຣໍ ມຍ຺ຫໍ ອຸທຸມ຺ພໂຣ.

ມຫຕີ ວຕ ເຕ ໂພນ຺ທິ, ນ ຈ ປຎ຺ຎາ ຕທູປິກາ;

ສຸສຸມາຣ [ສຸໍສຸມາຣ (ສີ. ສ຺ຍາ. ປີ.)] ວຎ຺ຈິໂຕ ເມສິ, ຄຈ຺ຉ ທານິ ຍຖາສຸຂນ຺ຕິ.

ທິຏ຺ຐາ ¶ ມຍາ ວເນ ຣຸກ຺ຂາ, ອສ຺ສກຓ຺ຓາ ວິຠີຏກາ [ວິເຠທກາ (ສ຺ຍາ. ກ.)];

ນ ຕານິ ເອວໍ ສກ຺ກນ຺ຕິ, ຍຖາ ຕ຺ວໍ ຣຸກ຺ຂ ສກ຺ກສິ.

ປຸຣາຓກຸກ຺ກຸໂຏ [ກກ຺ກໂຣ (ສີ. ສ຺ຍາ. ປີ.)] ອຍໍ, ເຠຕ຺ວາ ປຎ຺ຊຣມາຄໂຕ;

ກຸສໂລ ວາຬປາສານໍ, ອປກ຺ກມຕິ ຠາສຕີຕິ.

ກຸກ຺ກຸຏ [ກກ຺ກຣ (ສີ. ສ຺ຍາ. ປີ.)] ຊາຕກໍ ນວມໍ.

ອມ຺ໂຠ ¶ ໂກ ນາມ ຍໍ ຣຸກ຺ໂຂ, ສິນ຺ນປຕ຺ໂຕ [ສີນປຕ຺ໂຕ (ສີ. ປີ.)] ສກຓ຺ຏໂກ;

ຍຕ຺ຖ ເອກປ຺ປຫາເຣນ, ອຸຕ຺ຕມງ຺ຄໍ ວິຠິຊ຺ຊິຕໍ [ວິສາຏິກໍ (ສີ. ສ຺ຍາ. ປີ.), ວິຆາຏິຕໍ (ສີ. ນິຍ຺ຍ)].

ອຈາຣິ ວຕາຍໍ ວິຕຸທໍ ວນານິ, ກຏ຺ຐງ຺ຄຣຸກ຺ເຂສຸ ອສາຣເກສຸ;

ອຖາສທາ ¶ ຂທິຣໍ ຊາຕສາຣໍ [ຊາຕິສາຣໍ (ກ.)], ຍຕ຺ຖພ຺ຠິທາ ຄຣຸໂຬ ອຸຕ຺ຕມງ຺ຄນ຺ຕິ.

ທຬ຺ຫພນ຺ຘນ ຫໍສວໂຣ ຈ ປຸນ, ວິຣູປກ຺ຂ ສວິຏ຺ຐກ ມຈ຺ຉວໂຣ;

ສກຸຣຸງ຺ຄ ສອສ຺ສກ ອມ຺ພວໂຣ, ປຸນ ກຸກ຺ກຸຏໂກ ຄຣຸເຬນ ທສາຕິ.

ອກາສິ ໂຍຄ຺ຄໍ ຘຸວມປ຺ປມຕ຺ໂຕ, ສໍວຈ຺ຉຣໍ ພີຣຓຖມ຺ຠກສ຺ມິໍ;

ພ຺ຍາກາສິ ສຎ຺ຎໍ ປຣິສໍ ວິຄຍ຺ຫ, ນ ນິຍ຺ຍໂມ ຕາຍຕິ ອປ຺ປປຎ຺ຎໍ.

ທ຺ວຍໍ ¶ ຍາຈນໂກ ຕາຕ, ໂສມທຕ຺ຕ ນິຄຈ຺ຉຕິ;

ອລາຠໍ ¶ ຘນລາຠໍ ວາ, ເອວໍ ຘມ຺ມາ ຫິ ຍາຈນາຕິ.

ອຎ຺ໂຎ ອຸປຣິໂມ ວຓ຺ໂຓ, ອຎ຺ໂຎ ວຓ຺ໂຓ ຈ ເຫຏ຺ຐິໂມ;

ພ຺ຣາຫ຺ມຓີ ຕ຺ເວວ ປຸຈ຺ຉາມິ, ກິໍ ເຫຏ຺ຐາ ກິຎ຺ຈ ອຸປ຺ປຣິ.

ອຫໍ ນໂຏສ຺ມິ ຠທ຺ທນ຺ເຕ, ຠິກ຺ຂໂກສ຺ມິ ອິຘາຄໂຕ;

ອຍຎ຺ຫິ ໂກຏ຺ຐໂມຕິຓ຺ໂຓ, ອຍໍ ໂສ ຍໍ [ຕ຺ວໍ (ກ.)] ຄເວສສີຕິ.

ອິສີນມນ຺ຕຣໍ ¶ ກຕ຺ວາ, ຠຣຸຣາຊາຕິ [ກຸຣຸຣາຊາຕິ (ກ.)] ເມ ສຸຕໍ;

ອຸຈ຺ຉິນ຺ໂນ ສຫ ຣຏ຺ເຐຫິ [ຣຏ຺ເຐນ (ສີ. ປີ.)], ສຣາຊາ ວິຠວງ຺ຄໂຕ.

ຕສ຺ມາ ຫິ ຉນ຺ທາຄມນໍ, ນປ຺ປສໍສນ຺ຕິ ປຓ຺ຑິຕາ;

ອທຸຏ຺ຐຈິຕ຺ໂຕ ຠາເສຍ຺ຍ, ຄິຣໍ ສຈ຺ຈຸປສໍຫິຕນ຺ຕິ.

ປຸຓ຺ຓໍ ນທິໍ ເຍນ ຈ ເປຍ຺ຍມາຫຸ, ຊາຕໍ ¶ ຍວໍ ເຍນ ຈ ຄຸຍ຺ຫມາຫຸ;

ທູຣໍ ຄຕໍ ເຍນ ຈ ອວ຺ຫຍນ຺ຕິ, ໂສ ຕ຺ຍາຄໂຕ [ຕ຺ຍາຠໂຕ (ສ຺ຍາ. ກ.) ປເຫຬິຄາຖາຠາໂວ ມນສິ ກາຕພ຺ໂພ] ຫນ຺ທ ຈ ຠຸຎ຺ຊ ພ຺ຣາຫ຺ມຓ.

ຍໂຕ ມໍ ສຣຕີ ຣາຊາ, ວາຍສມ຺ປິ ປເຫຕເວ;

ຫໍສາ ໂກຎ຺ຈາ ມຍູຣາ ຈ [ຫໍສໂກຎ຺ຈມຍູຣານໍ (ກ. ອຏ຺ຐ. ປາຐນ຺ຕຣໍ)], ອສຕີເຍວ ປາປິຍາຕິ.

ອວຘີ ¶ ວຕ ອຕ຺ຕານໍ, ກຈ຺ຉໂປ ພ຺ຍາຫຣໍ ຄິຣໍ [ກຈ຺ຉໂປວ ປພ຺ຍາຫຣໍ (ສ຺ຍາ.), ກຈ຺ຉໂປ ໂສ ປພ຺ຍາຫຣໍ (ກ.)];

ສຸຄ຺ຄຫີຕສ຺ມິໍ ກຏ຺ຐສ຺ມິໍ, ວາຈາຍ ສກິຍາວຘິ.

ເອຕມ຺ປິ ທິສ຺ວາ ນຣວີຣິຍເສຏ຺ຐ, ວາຈໍ ປມຸຎ຺ເຈ ກຸສລໍ ນາຕິເວລໍ;

ປສ຺ສສິ ພຫຸຠາເຓນ, ກຈ຺ຉປໍ ພ຺ຍສນໍ ຄຕນ຺ຕິ.

ນ ມາຍມຄ຺ຄິ ຕປຕິ, ນ ສູໂລ ສາຘຸຕຈ຺ຉິໂຕ;

ຍຎ຺ຈ ມໍ ມຎ຺ຎເຕ ມຈ຺ຉີ, ອຎ຺ຎໍ ໂສ ຣຕິຍາ ຄໂຕ.

ໂສ ¶ ມໍ ທຫຕິ ຣາຄຄ຺ຄິ, ຈິຕ຺ຕໍ ຈູປຕເປຕິ ມໍ;

ຊາລິໂນ ມຸຎ຺ຈຖາຍິຣາ ມໍ, ນ ກາເມ ຫຎ຺ຎເຕ ກ຺ວຈີຕິ.

ສພ຺ໂພ ¶ ໂລໂກ ອຕ຺ຕມໂນ ອໂຫສິ, ອໂກວິທາ ຄາມຘມ຺ມສ຺ສ ເສຄ຺ຄຸ;

ໂກມາຣິ ໂກ ນາມ [ໂກມາຣິກາ ນາມ (ກ.), ໂກມາຣິໂກ ນາມ (ສ຺ຍາ. ປີ.)] ຕວຊ຺ຊ ຘມ຺ໂມ, ຍໍ ຕ຺ວໍ ຄຫິຕາ ປວເນ ປໂຣທສິ.

ໂຍ ທຸກ຺ຂຜຸຏ຺ຐາຍ ຠເວຍ຺ຍ ຕາຓໍ, ໂສ ເມ ປິຕາ ທຸພ຺ຠິ ວເນ ກໂຣຕິ;

ສາ ກສ຺ສ ກນ຺ທາມິ ວນສ຺ສ ມຊ຺ເຌ, ໂຍ ຕາຍິຕາ ໂສ ສຫສໍ ກໂຣຕີຕິ.

ສຐສ຺ສ ¶ ສາເຐຍ຺ຍມິທໍ ສຸຈິນ຺ຕິຕໍ, ປຈ຺ໂຈຑ຺ຑິຕໍ ປຏິກູຏສ຺ສ ກູຏໍ;

ຜາລຎ຺ເຈ ຂາເທຍ຺ຍຸໍ [ອເທຍ຺ຍຸໍ (ສີ. ປີ.)] ມູສິກາ, ກສ຺ມາ ກຸມາຣໍ ກຸລລາ ນ [ໂນ (ສີ. ສ຺ຍາ. ປີ.)] ຫເຣຍ຺ຍຸໍ.

ກູຏສ຺ສ ¶ ຫິ ສນ຺ຕິ [ສນ຺ຕີຘ (ກ.)] ກູຏກູຏາ, ຠວຕິ [ຠວນ຺ຕິ (ກ.)] ຈາປິ ນິກຕິໂນ ນິກຕ຺ຍາ;

ເທຫິ ປຸຕ຺ຕນຏ຺ຐ ຜາລນຏ຺ຐສ຺ສ ຜາລໍ, ມາ ເຕ ປຸຕ຺ຕມຫາສິ ຜາລນຏ຺ໂຐຕິ.

ຫິຣຎ຺ຎໍ ເມ ສຸວຓ຺ຓໍ ເມ, ເອສາ ຣຕ຺ຕິໍ ທິວາ ກຖາ;

ທຸມ຺ເມຘານໍ ມນຸສ຺ສານໍ, ອຣິຍຘມ຺ມໍ ອປສ຺ສຕໍ.

ທ຺ເວ ທ຺ເວ ຄຫປຕໂຍ ເຄເຫ, ເອໂກ ຕຕ຺ຖ ອມສ຺ສຸໂກ;

ລມ຺ພຕ຺ຖໂນ ເວຓິກໂຕ, ອໂຖ ອງ຺ກິຕກຓ຺ຓໂກ;

ກີໂຕ ຘເນນ ພຫຸນາ, ໂສ ຕໍ ວິຕຸທເຕ ຊນນ຺ຕິ.

ສຸຂໍ ຊີວິຕຣູໂປສິ, ຣຏ຺ຐາ ວິວນມາຄໂຕ;

ໂສ ເອກໂກ ຣຸກ຺ຂມູເລ [ອຣຎ຺ຎສ຺ມິໍ (ສີ. ສ຺ຍາ. ປີ.)], ກປໂຓ ວິຍ ຌາຍສິ.

ສຸຂໍ ¶ ຊີວິຕຣູໂປສ຺ມິ, ຣຏ຺ຐາ ວິວນມາຄໂຕ;

ໂສ ເອກໂກ ຣຸກ຺ຂມູເລ, ກປໂຓ ວິຍ ຌາຍາມິ;

ອຖ ¶ ພີຣຓຖມ຺ຠວໂຣ ຈ ນໂຏ, ຠຣຸຣາຊວຣຸຕ຺ຕມປຸຓ຺ຓນທີ;

ພຫຸຠາຓິ ອຄ຺ຄິປວເນ ມູສິກາ, ສຫລມ຺ພຕ຺ຖໂນ ກປເຓນ ທສາຕິ.

ອນິກ຺ກສາໂວ ກາສາວໍ, ໂຍ ວຕ຺ຖໍ ປຣິທຫິສ຺ສຕິ [ປຣິທເຫສ຺ສຕິ (ສີ. ປີ.)];

ອເປໂຕ ທມສຈ຺ເຈນ, ນ ໂສ ກາສາວມຣຫຕິ.

ໂຍ ຈ ວນ຺ຕກສາວສ຺ສ, ສີເລສຸ ສຸສມາຫິໂຕ;

ອຸເປໂຕ ທມສຈ຺ເຈນ, ສ ເວ ກາສາວມຣຫຕີຕິ.

ອິທໍ ¶ ຕທາຈຣິຍວໂຈ, ປາຣາສຣິໂຍ ຍທພ຺ຣວິ [ໂປຣາຓາຈຣິໂຍພ຺ຣວິ (ກ.)];

ມາສຸ ຕ຺ວໍ ອກຣິ [ອກຣາ (ສີ. ປີ.)] ປາປໍ, ຍໍ ຕ຺ວໍ ປຈ຺ຉາ ກຕໍ ຕເປ.

ຍານິ ກໂຣຕິ ປຸຣິໂສ, ຕານິ ອຕ຺ຕນິ ປສ຺ສຕິ;

ກລ຺ຍາຓກາຣີ ກລ຺ຍາຓໍ, ປາປກາຣີ ຈ ປາປກໍ;

ຍາທິສໍ ວປເຕ ພີຊໍ, ຕາທິສໍ ຫຣເຕ ຜລນ຺ຕິ.

ນເມ ¶ ນມນ຺ຕສ຺ສ ຠເຊ ຠຊນ຺ຕໍ, ກິຈ຺ຈານຸກຸພ຺ພສ຺ສ ກເຣຍ຺ຍ ກິຈ຺ຈໍ;

ນານຕ຺ຖກາມສ຺ສ ກເຣຍ຺ຍ ອຕ຺ຖໍ, ອສມ຺ຠຊນ຺ຕມ຺ປິ ນ ສມ຺ຠເຊຍ຺ຍ.

ຈເຊ ¶ ຈຊນ຺ຕໍ ວນຖໍ ນ ກຍິຣາ, ອເປຕຈິຕ຺ເຕນ ນ ສມ຺ຠເຊຍ຺ຍ;

ທິໂຊ ທຸມໍ ຂີຓຜລນ຺ຕິ ຎຕ຺ວາ, ອຎ຺ຎໍ ສເມກ຺ເຂຍ຺ຍ ມຫາ ຫິ ໂລໂກຕິ.

ຍສ຺ເສເຕ ¶ ຈຕຸໂຣ ຘມ຺ມາ, ວານຣິນ຺ທ ຍຖາ ຕວ;

ສຈ຺ຈໍ ຘມ຺ໂມ ຘິຕິ ຈາໂຄ, ທິຏ຺ຐໍ ໂສ ອຕິວຕ຺ຕຕິ.

ຍສ຺ສ ເຈເຕ ນ ວິຊ຺ຊນ຺ຕິ, ຄຸຓາ ປຣມຠທ຺ທກາ;

ສຈ຺ຈໍ ຘມ຺ໂມ ຘິຕິ ຈາໂຄ, ທິຏ຺ຐໍ ໂສ ນາຕິວຕ຺ຕຕີຕິ.

ອຕ຺ຖິ ເມ ປຸຣິໂສ ເທວ, ສພ຺ພກິຈ຺ເຈສຸ ພ຺ຍາວໂຏ [ວາວໂຏ (ກ.)];

ຕສ຺ສ ເຈໂກປຣາຘຕ຺ຖິ, ຕຕ຺ຖ ຕ຺ວໍ ກິນ຺ຕິ ມຎ຺ຎສິ.

ອມ຺ຫາກມ຺ປຕ຺ຖິ ປຸຣິໂສ, ເອທິໂສ ອິຘ ວິຊ຺ຊຕິ;

ທຸລ຺ລໂຠ ອງ຺ຄສມ຺ປນ຺ໂນ, ຂນ຺ຕິຣສ຺ມາກ ຣຸຈ຺ຈຕີຕິ.

ກາເລ ນິກ຺ຂມນາ ສາຘຸ, ນາກາເລ ສາຘຸ ນິກ຺ຂໂມ;

ອກາເລນ ຫິ ນິກ຺ຂມ຺ມ, ເອກກມ຺ປິ ພຫຸຊ຺ຊໂນ;

ນ ກິຎ຺ຈິ ອຕ຺ຖໍ ໂຊເຕຕິ, ຘງ຺ກເສນາວ ໂກສິຍໍ.

ຘີໂຣ ຈ ວິຘິວິຘານຎ຺ຎູ, ປເຣສໍ ວິວຣານຸຄູ;

ສພ຺ພາມິຕ຺ເຕ ¶ ວສີກຕ຺ວາ, ໂກສິໂຍວ ສຸຂີ ສິຍາຕິ.

ສູໂຣ ¶ ¶ ສູເຣນ ສງ຺ຄມ຺ມ, ວິກ຺ກນ຺ເຕນ ປຫາຣິນາ;

ເອຫິ ນາຄ ນິວຕ຺ຕສ຺ສຸ, ກິໍ ນຸ ຠີໂຕ ປລາຍສິ;

ປສ຺ສນ຺ຕຸ ອງ຺ຄມຄຘາ, ມມ ຕຸຍ຺ຫຎ຺ຈ ວິກ຺ກມໍ.

ນ ຕໍ ປາທາ ວຘິສ຺ສາມິ, ນ ທນ຺ເຕຫິ ນ ໂສຓ຺ຑິຍາ;

ມີຬ຺ເຫນ ຕໍ ວຘິສ຺ສາມິ, ປູຕິ ຫຎ຺ຎຕຸ ປູຕິນາຕິ.

ຕໂຍ ຄິຣິໍ ອນ຺ຕຣໍ ກາມຍາມິ, ປຎ຺ຈາລາ ກຸຣຸໂຍ ເກກເກ ຈ [ກຸຣໂຍ ເກກເຍ ຈ (ສີ.)];

ຕຕຸຕ຺ຕຣິໍ [ຕທຸຕ຺ຕຣິໍ (ກ.)] ພ຺ຣາຫ຺ມຓ ກາມຍາມິ, ຕິກິຈ຺ຉ ມໍ ພ຺ຣາຫ຺ມຓ ກາມນີຕໍ.

ກຓ຺ຫາຫິທຏ຺ຐສ຺ສ ກໂຣນ຺ຕິ ເຫເກ, ອມນຸສ຺ສປວິຏ຺ຐສ຺ສ [ອມນຸສ຺ສວທ຺ຘສ຺ສ (ສີ. ປີ.), ອມນຸສ຺ສວິຏ຺ຐສ຺ສ (ສ຺ຍາ.)] ກໂຣນ຺ຕິ ປຓ຺ຑິຕາ;

ນ ກາມນີຕສ຺ສ ກໂຣຕິ ໂກຈິ, ໂອກ຺ກນ຺ຕສຸກ຺ກສ຺ສ ¶ ຫິ ກາ ຕິກິຈ຺ຉາຕິ.

ຄຊຄ຺ຄເມເຆຫິ ຫຍຄ຺ຄມາລິຠິ, ຣຖູມິຊາເຕຫິ ສຣາຠິວສ຺ເສຠິ [ສຣາຠິວສ຺ສຠິ (ສ຺ຍາ. ສີ. ອຏ຺ຐ.), ສຣາຠິວສ຺ສິຠິ (?)];

ຖຣຸຄ຺ຄຫາວຏ຺ຏ [ຘນຸຄ຺ຄຫາວຏ຺ຏ (ກ.)] ທຬ຺ຫປ຺ປຫາຣິຠິ, ປຣິວາຣິຕາ ຕກ຺ກສິລາ ສມນ຺ຕໂຕ.

[ອຠິຘາວຖາ ຈ ປຕຖາ ຈ, ວິວິຘວິນທິຕາ ຈ ທນ຺ຕິຠິ; ວຕ຺ຕຕຊ຺ຊ ຕຸມຸໂລ ໂຆໂສ, ຍຖາ ວິຊ຺ຊຸຕາ ຊລຘຣສ຺ສ ຄຊ຺ຊໂຕຕິ; (ສີ. ປີ. ກ.)] ອຠິຘາວຖ ¶ ຈູປຘາວຖ ຈ [ອຠິຘາວຖາ ຈຸປ຺ປຕຖາ ຈ (ສ຺ຍາ.)], ວິວິຘາ ວິນາທິຕາ [ວິນາທິຕຕ຺ຖ (ກ.)] ວທນ຺ຕິຠິ;

ວຕ຺ຕຕຊ຺ຊ ຕຸມຸໂລ ໂຆໂສ ຍຖາ, ວິຊ຺ຊຸລຕາ ຊລຘຣສ຺ສ ຄຊ຺ຊໂຕຕິ [ອຠິຘາວຖາ ຈ ປຕຖາ ຈ, ວິວິຘວິນທິຕາ ຈ ທນ຺ຕິຠິ; ວຕ຺ຕຕຊ຺ຊ ຕຸມຸໂລ ໂຆໂສ, ຍຖາ ວິຊ຺ຊຸຕາ ຊລຘຣສ຺ສ ຄຊ຺ຊໂຕຕິ; (ສີ. ປີ. ກ.)].

ຘຊມປຣິມິຕໍ ອນນ຺ຕປາຣໍ, ທຸປ຺ປສຫໍຘງ຺ເກຫິ ສາຄຣໍວ [ສາຄຣມິວ (ສີ. ສ຺ຍາ. ປີ.)];

ຄິຣິມິວອນິເລນ ທຸປ຺ປສຍ຺ໂຫ [ທຸປ຺ປສໂຫ (ສີ. ປີ. ກ.)], ທຸປ຺ປສໂຫ ອຫມຊ຺ຊຕາທິເສນ.

ມາ ¶ ພາລິຍໍ ວິລປິ [ວິປ຺ປລປິ (ພຫູສຸ)] ນ ຫິສ຺ສ ຕາທິສໍ, ວິຑຍ຺ຫເສ [ວິຬຍ຺ຫເສ (ສີ. ປີ.)] ນ ຫິ ລຠເສ ນິເສຘກໍ;

ອາສຊ຺ຊສິ ຄຊມິວ ເອກຈາຣິນໍ, ໂຍ ຕໍ ປທາ ນຬມິວ ໂປຖຍິສ຺ສຕີຕິ.

ວຣວຕ຺ຖວໂຈ ¶ ທຸມຂີຓຜລໍ, ຈຕຸໂຣຘມ຺ມວຣໍ ປຸຣິສຸຕ຺ຕມ;

ຘງ຺ກມຄຘາ ຈ ຕໂຍຄິຣິນາມ, ຄຊຄ຺ຄວໂຣ ຘຊວເຣນ ທສາຕິ.

ຍຖາປິ ¶ ກີຕາ ປຸຣິສສ຺ສຸປາຫນາ, ສຸຂສ຺ສ ອຕ຺ຖາຍ ທຸຂໍ ອຸທພ຺ພເຫ;

ຆມ຺ມາຠິຕຕ຺ຕາ ຖລສາ ປປີຬິຕາ, ຕສ຺ເສວ ປາເທ ປຸຣິສສ຺ສ ຂາທເຣ.

ເອວເມວ ¶ ໂຍ ທຸກ຺ກຸລີໂນ ອນຣິໂຍ, ຕມ຺ມາກ [ຕມ຺ຫາກ (ສີ.), ຕຸມ຺ຫາກ (ສ຺ຍາ. ປີ.)] ວິຊ຺ຊຎ຺ຈ ສຸຕຎ຺ຈ ອາທິຍ;

ຕເມວ ໂສ ຕຕ຺ຖ ສຸເຕນ ຂາທຕິ, ອນຣິໂຍ ວຸຈ຺ຈຕິ ທຸປາຫນູປໂມຕິ [ປານທູປໂມຕິ (ສີ. ປີ.)].

ເອກຈິນ຺ຕິໂຕ ຍມຕ຺ໂຖ, ພາໂລ ອປຣິຓາຍໂກ;

ນ ຫິ ຂຸຊ຺ເຊນ ວາເມນ, ໂຠຕິ ສງ຺ຄນ຺ຕຸມຣຫສິ.

ປຸຣິສູສຠໍ ມຎ຺ຎມານາ, ອຫໍ ຂຸຊ຺ຊມກາມຍິໍ;

ໂສຍໍ ສໍກຸຏິໂຕ ເສຕິ, ຉິນ຺ນຕນ຺ຕິ ຍຖາ ວິຓາຕິ [ຖຸຓາຕິ (ສີ.)].

ກາມໍ ຍຫິໍ ອິຈ຺ຉສິ ເຕນ ຄຈ຺ຉ, ວິທ຺ໂຘສິ ມມ຺ມມ຺ຫິ [ມມສ຺ມິ (ກ.)] ວິກຓ຺ຓເກນ;

ຫໂຕສິ ຠຕ຺ເຕນ ສຸວາທິເຕນ [ສວາທິເຕນ (ສີ. ສ຺ຍາ. ປີ.)], ໂລໂລ ຈ ມຈ຺ເຉ ອນຸພນ຺ຘມາໂນ.

ເອວມ຺ປິ ¶ ໂລກາມິສໍ ໂອປຕນ຺ໂຕ, ວິຫຎ຺ຎຕີ ¶ ຈິຕ຺ຕວສານຸວຕ຺ຕີ;

ໂສ ຫຎ຺ຎຕິ ຎາຕິສຂານ ມຊ຺ເຌ, ມຈ຺ຉານຸໂຄ ໂສຣິວ ສຸໍສຸມາໂຣຕິ [ສຸສຸມາໂຣ (ກ.)].

ຕ຺ວເມວ ¶ ທານິມກຣ [ມກຣິ (ສ຺ຍາ.), ມກຣາ (ກ. ສີ.)], ຍໍ ກາໂມ ພ຺ຍຄມາ ຕຍິ;

ໂສຍໍ ອປ຺ປຏິສນ຺ຘິໂກ, ຂຣຉິນ຺ນໍວ ເຣນຸກໍ [ເຣຣຸກໍ (ສີ. ປີ.)].

ອຕ຺ຣິຈ຺ຉໍ [ອຕ຺ຣິຈ຺ຉາ (ສີ. ສ຺ຍາ. ປີ.)] ອຕິໂລເຠນ, ອຕິໂລຠມເທນ ຈ;

ເອວໍ ຫາຍຕິ ອຕ຺ຖມ຺ຫາ, ອຫໍວ ອສິຕາຠຸຍາຕິ.

ສຸຂາ ຆຣາ ວຈ຺ຉນຂ, ສຫິຣຎ຺ຎາ ສໂຠຊນາ;

ຍຕ຺ຖ ຠຸຕ຺ວາ ປິວິຕ຺ວາ ຈ, ສເຍຍ຺ຍາຖ ອນຸສ຺ສຸໂກ.

ຆຣາ ນານີຫມານສ຺ສ, ຆຣາ ນາຠຓໂຕ ມຸສາ;

ຆຣາ ນາທິນ຺ນທຓ຺ຑສ຺ສ, ປເຣສໍ ອນິກຸພ຺ພໂຕ [ອນິກ຺ຣຸພ຺ພໂຕ (ກ.)];

ເອວໍ ຉິທ຺ທໍ ທຸຣຠິສມ຺ຠວໍ [ທຸຣຠິຠວໍ (ສີ. ປີ.)], ໂກ ຆຣໍ ປຏິປຊ຺ຊຕີຕິ.

ຠທ຺ທໂກ ¶ ວຕຍໍ ປກ຺ຂີ, ທິໂຊ ກຸມຸທສນ຺ນິໂຠ;

ວູປສນ຺ເຕຫິ ປກ຺ເຂຫິ, ມນ຺ທມນ຺ໂທວ ຌາຍຕິ.

ນາສ຺ສ ສີລໍ ວິຊານາຖ, ອນຎ຺ຎາຍ ປສໍສຖ;

ອມ຺ເຫ ທິໂຊ ນ ປາເລຕິ, ເຕນ ປກ຺ຂີ ນ ຜນ຺ທຕີຕິ.

ໂກ ¶ ນຸ ໂຂ ຠຄວາ ເຫຕຸ, ເອກຈ຺ເຈ ອິຘ ປຸຄ຺ຄເລ;

ອຕີວ ຫທຍໍ ນິພ຺ພາຕິ, ຈິຕ຺ຕຎ຺ຈາປິ ປສີທຕິ.

ປຸພ຺ເພວ ສນ຺ນິວາເສນ, ປຈ຺ຈຸປ຺ປນ຺ນຫິເຕນ ວາ;

ເອວໍ ຕໍ ຊາຍເຕ ເປມໍ, ອຸປ຺ປລໍວ ຍໂຖທເກຕິ.

ອິງ຺ຆ ¶ ເອກປທໍ ຕາຕ, ອເນກຕ຺ຖປທສ຺ສິຕໍ [ປທນິສ຺ສິຕໍ (ສີ. ປີ.)];

ກິຎ຺ຈິ ສງ຺ຄາຫິກໍ ພ຺ຣູສິ, ເຍນຕ຺ເຖ ສາຘເຍມເສ.

ທກ຺ເຂຍ຺ເຍກປທໍ ຕາຕ, ອເນກຕ຺ຖປທສ຺ສິຕໍ;

ຕຎ຺ຈ ສີເລນ ສຎ຺ຎຸຕ຺ຕໍ, ຂນ຺ຕິຍາ ອຸປປາທິຕໍ;

ອລໍ ¶ ມິຕ຺ເຕ ສຸຂາເປຕຸໍ, ອມິຕ຺ຕານໍ ທຸຂາຍ ຈາຕິ.

ອາສີວິສມ຺ປິ ມໍ [ອາສີວິສໍ ມມໍ (ສີ. ປີ.)] ສນ຺ຕໍ, ປວິຏ຺ຐໍ ກຸມິນາມຸຂໍ;

ຣຸຈ຺ຈເຕ ຫຣິຕາມາຕາ, ຍໍ ມໍ ຂາທນ຺ຕິ ມຈ຺ຉກາ.

ວິລຸມ຺ປເຕວ ປຸຣິໂສ, ຍາວສ຺ສ ອຸປກປ຺ປຕິ;

ຍທາ ຈຎ຺ເຎ ວິລຸມ຺ປນ຺ຕິ, ໂສ ວິລຸຕ຺ໂຕ ວິລຸມ຺ປຕີຕິ [ວິລຸປ຺ປຕີຕິ (?)].

ສພ຺ໂພ ຊໂນ ຫິໍສິໂຕ ປິງ຺ຄເລນ, ຕສ຺ມິໍ ມເຕ ປຈ຺ຈຍາ [ປຈ຺ຈຍໍ (ສີ. ສ຺ຍາ. ປີ.)] ເວທຍນ຺ຕິ;

ປິໂຍ ນຸ ເຕ ອາສິ ອກຓ຺ຫເນຕ຺ໂຕ, ກສ຺ມາ ນຸ ຕ຺ວໍ ໂຣທສິ ທ຺ວາຣປາລ.

ນ ¶ ເມ ປິໂຍ ອາສິ ອກຓ຺ຫເນຕ຺ໂຕ, ຠາຍາມິ ປຈ຺ຈາຄມນາຍ ຕສ຺ສ;

ອິໂຕ ຄໂຕ ຫິໍເສຍ຺ຍ ມຈ຺ຈຸຣາຊໍ, ໂສ ຫິໍສິໂຕ ອາເນຍ຺ຍ ປຸນ ອິຘ.

ທຑ຺ໂຒ ວາຫສຫສ຺ເສຫິ, ສິຕ຺ໂຕ ຆຏສເຕຫິ ໂສ;

ປຣິກ຺ຂຕາ ¶ ຈ ສາ ຠູມິ, ມາ ຠາຍິ ນາຄມິສ຺ສຕີຕິ.

ວຣຸປາຫນ ຂຸຊ຺ຊ ວິກຓ຺ຓກໂກ, ອສິຕາຠຸຍ ປຎ຺ຈມວຈ຺ຉນໂຂ;

ທິຊ ເປມວຣຸຕ຺ຕມເອກປທໍ, ກຸມິນາມຸຂ ປິງ຺ຄລເກນ ທສາຕິ.

ສິງ຺ຄາໂລ ¶ ມານຖທ຺ໂຘ ຈ, ປຣິວາເຣນ ອຕ຺ຖິໂກ;

ປາປຸຓິ ມຫຕິໍ ຠູມິໍ, ຣາຊາສິ ສພ຺ພທາຐິນໍ.

ເອວເມວ ມນຸສ຺ເສສຸ, ໂຍ ໂຫຕິ ປຣິວາຣວາ;

ໂສ ຫິ ຕຕ຺ຖ ມຫາ ໂຫຕິ, ສິງ຺ຄາໂລ ວິຍ ທາຐິນນ຺ຕິ.

ພາໂລ ¶ ວຕາຍໍ ສຸນໂຂ, ໂຍ ວຣຕ຺ຕໍ [ໂຍ ຈ ໂຍຕ຺ຕໍ (ກ.)] ນ ຂາທຕິ;

ພນ຺ຘນາ ຈ ປມຸຎ຺ເຈຍ຺ຍ, ອສິໂຕ ຈ ຆຣໍ ວເຊ.

ອຏ຺ຐິຕໍ ¶ ເມ ມນສ຺ມິໍ ເມ, ອໂຖ ເມ ຫທເຍ ກຕໍ;

ກາລຎ຺ຈ ປຏິກງ຺ຂາມິ, ຍາວ ປສ຺ສຸປຕູ ຊໂນ [ປສຸປຕຸຊ຺ຊໂນ (ສ຺ຍາ. ກ.)].

ສຕ຺ຕຕນ຺ຕິໍ ສຸມຘຸຣໍ, ຣາມເຓຍ຺ຍໍ ອວາຈຍິໍ;

ໂສ ມໍ ຣງ຺ຄມ຺ຫິ ອວ຺ເຫຕິ, ສຣຓໍ ເມ ໂຫຫິ ໂກສິຍ.

ອຫໍ ຕໍ ສຣຓໍ ສມ຺ມ [ອຫໍ ເຕ ສຣຓໍ ໂຫມິ (ວິ. ວ. ໓໒໘)], ອຫມາຈຣິຍປູຊໂກ;

ນ ຕໍ ຊຍິສ຺ສຕິ ສິສ຺ໂສ, ສິສ຺ສມາຈຣິຍ ເຊສ຺ສສີຕິ.

ຍໍ ປສ຺ສຕິ ນ ຕໍ ອິຈ຺ຉຕິ, ຍຎ຺ຈ ນ ປສ຺ສຕິ ຕໍ ກິຣິຈ຺ຉຕິ;

ມຎ຺ຎາມິ ຈິຣໍ ຈຣິສ຺ສຕິ, ນ ຫິ ຕໍ ລຈ຺ຉຕິ ຍໍ ສ ອິຈ຺ຉຕິ.

ຍໍ ລຠຕິ ນ ເຕນ ຕຸສ຺ສຕິ, ຍຎ຺ຈ ປຕ຺ເຖຕິ ລທ຺ຘໍ ຫີເຬຕິ;

ອິຈ຺ຉາ ຫິ ອນນ຺ຕໂຄຈຣາ, ວິຄຕິຈ຺ຉານ [ວີຕິຈ຺ຉານໍ (ສີ. ປີ.)] ນໂມ ກໂຣມເສຕິ.

ວິຄຕິຈ຺ຉ [ວີຕິຈ຺ຉ (ສີ. ປີ.)] ຊາຕກໍ ຈຕຸຕ຺ຖໍ.

ກາໂລ ¶ ¶ ຆສຕິ ຠູຕານິ, ສພ຺ພາເນວ ສຫຕ຺ຕນາ;

ໂຍ ຈ ກາລຆໂສ ຠູໂຕ, ສ ຠູຕປຈນິໍ ປຈິ.

ພຫູນິ ນຣສີສານິ, ໂລມສານິ ພ຺ຣຫານິ ຈ;

ຄີວາສຸ ປຏິມຸກ຺ການິ, ໂກຈິເທເວຕ຺ຖ ກຓ຺ຓວາຕິ.

ຫນ຺ຕ຺ວາ ເຉຕ຺ວາ [ຌຕ຺ວາ (ສີ. ປີ.), ຆຕ຺ວາ (ສ຺ຍາ.)] ວຘິຕ຺ວາ ຈ, ເທຕິ ທານໍ ອສຎ຺ຎໂຕ;

ເອທິສໍ ຠຕ຺ຕໍ ຠຸຎ຺ຊມາໂນ, ສ ປາປມຸປລິມ຺ປຕິ [ສ ປາເປນ ອຸປລິປ຺ປຕິ (ສີ. ປີ.)].

ປຸຕ຺ຕທາຣມ຺ປິ ¶ ເຈ ຫນ຺ຕ຺ວາ, ເທຕິ ທານໍ ອສຎ຺ຎໂຕ;

ຠຸຎ຺ຊມາໂນປິ ສປ຺ປຎ຺ໂຎ, ນ ປາປມຸປລິມ຺ປຕີຕິ.

ອທ຺ຘາ ປາທຎ຺ຊລີ ສພ຺ເພ, ປຎ຺ຎາຍ ອຕິໂຣຈຕິ;

ຕຖາ ຫິ ໂອຏ຺ຐໍ ຠຎ຺ຊຕິ, ອຸຕ຺ຕຣິໍ ນູນ ປສ຺ສຕິ.

ນາຍໍ ຘມ຺ມໍ ອຘມ຺ມໍ ວາ, ອຕ຺ຖານຕ຺ຖຎ຺ຈ ພຸຊ຺ຌຕິ;

ອຎ຺ຎຕ຺ຣ ¶ ໂອຏ຺ຐນິພ຺ໂຠຄາ, ນາຍໍ ຊານາຕິ ກິຎ຺ຈນນ຺ຕິ.

ສພ຺ເພຫິ ກິໍສຸໂກ ທິຏ຺ໂຐ, ກິໍນ຺ເວຕ຺ຖ ວິຈິກິຈ຺ຉຖ;

ນ ຫິ ສພ຺ເພສຸ ຐາເນສຸ, ສາຣຖີ ປຣິປຸຈ຺ຉິໂຕ.

ເອວໍ ສພ຺ເພຫິ ຎາເຓຫິ, ເຍສໍ ຘມ຺ມາ ອຊານິຕາ;

ເຕ ເວ ຘມ຺ເມສຸ ກງ຺ຂນ຺ຕິ, ກິໍສຸກສ຺ມິໍວ ຠາຕໂຣຕິ.

ເອກປຸຕ຺ຕໂກ ¶ ຠວິສ຺ສສິ, ຕ຺ວຎ຺ຈ ໂນ ເຫສ຺ສສິ ອິສ຺ສໂຣ ກຸເລ;

ໂອໂຣຫ ທຸມສ຺ມາ ສາລກ, ເອຫິ ທານິ ຆຣກໍ ວເຊມເສ.

ນນຸ ມໍ ສຸຫທໂຍຕິ [ນນຸ ມໍ ຫທເຍຕິ (ສີ. ປີ.)] ມຎ຺ຎສິ, ຍຎ຺ຈ ມໍ ຫນສິ ເວຬຸຍຏ຺ຐິຍາ;

ປກ຺ກມ຺ພວເນ ຣມາມເສ, ຄຈ຺ຉ ຕ຺ວໍ ຆຣກໍ ຍຖາສຸຂນ຺ຕິ.

ອຍໍ ¶ ¶ ອິສີ ອຸປສມສໍຍເມ ຣໂຕ, ສ ຕິຏ຺ຐຕິ [ສນ຺ຕິຏ຺ຐຕິ (ສີ. ປີ.)] ສິສິຣຠເຍນ ອຏ຺ຏິໂຕ;

ຫນ຺ທ ອຍໍ ປວິສຕຸມໍ ອຄາຣກໍ, ວິເນຕຸ ສີຕໍ ທຣຖຎ຺ຈ ເກວລໍ.

ນາຍໍ ອິສີ ອຸປສມສໍຍເມ ຣໂຕ, ກປີ ອຍໍ ທຸມວຣສາຂໂຄຈໂຣ;

ໂສ ທູສໂກ ໂຣສໂກ ຈາປິ ຊມ຺ໂມ, ສເຈວເຊມມ຺ປິ [ສເຈ + ອາວເຊ + ອິມມ຺ປິ] ທູເສຍ຺ຍຄາຣນ຺ຕິ [ທູສເຍ ຆຣນ຺ຕິ (ສີ. ສ຺ຍາ. ປີ.)].

ອຖ ຣາຊາ ສິງ຺ຄາລວໂຣ ສຸນໂຂ, ຕຖາ ໂກສິຍ ອິຈ຺ຉຕິ ກາລຆໂສ;

ອຖ ທານວໂຣຏ຺ຐປິ ສາຣຖິນາ, ປຸນມ຺ພວນຎ຺ຈ ສິສິຣກປິ ທສາຕິ.

ທຬ຺ຫຎ຺ຈ ¶ ວຄ຺ຄໍ ອປເຣນ ສນ຺ຖວໍ, ກລ຺ຍາຓວຄ຺ຄາສທິໂສ ຈ ຣູຫກໍ;

ນຕໍທຬ຺ຫ ພີຣຓຖມ຺ຠກໍ ປຸນ, ກາສາວຸປາຫນ ສິງ຺ຄາລເກນ ທສາຕິ.

ສງ຺ກປ຺ປຣາຄໂຘເຕນ ¶ ¶ ¶ , ວິຕກ຺ກນິສິເຕນ ຈ;

ນາລງ຺ກເຕນ ຠທ຺ເຣນ [ເນວາລງ຺ກຕຠທ຺ເຣນ (ສ຺ຍາ.)], ອຸສຸກາຣາກເຕນ ຈ [ນ ອຸສຸກາຣກເຕນ ຈ (ສີ. ສ຺ຍາ. ປີ.)].

ນ ກຓ຺ຓາຍຕມຸຕ຺ເຕນ, ນາປິ ໂມຣູປເສວິນາ;

ເຕນມ຺ຫິ ຫທເຍ ວິທ຺ໂຘ, ສພ຺ພງ຺ຄປຣິທາຫິນາ.

ອາເວຘຎ຺ຈ ນ ປສ຺ສາມິ, ຍໂຕ ຣຸຫິຣມສ຺ສເວ;

ຍາວ ອໂຍນິໂສ ຈິຕ຺ຕໍ, ສຍໍ ເມ ທຸກ຺ຂມາຠຕນ຺ຕິ.

ອຊ຺ຊາປິ ເມ ຕໍ ມນສິ [ສຣສິ (ກ.)], ຍໍ ມໍ ຕ຺ວໍ ຕິລມຸຏ຺ຐິຍາ;

ພາຫາຍ ມໍ ຄເຫຕ຺ວານ, ລຏ຺ຐິຍາ ອນຸຕາຬຍິ.

ນນຸ ຊີວິເຕ ນ ຣມສິ, ເຍນາສິ ພ຺ຣາຫ຺ມຓາຄໂຕ;

ຍໍ ມໍ ພາຫາ ຄເຫຕ຺ວານ, ຕິກ຺ຂຕ຺ຕຸໍ ອນຸຕາຬຍິ.

ອຣິໂຍ ອນຣິຍໍ ກຸພ຺ພນ຺ຕໍ [ກຸພ຺ພານໍ (ສີ. ປີ.), ກຸພ຺ພໍ (ສ຺ຍາ.)], ໂຍ ທຓ຺ເຑນ ນິເສຘຕິ;

ສາສນໍ ຕໍ ນ ຕໍ ເວຣໍ, ອິຕິ ນໍ ປຓ຺ຑິຕາ ວິທູຕິ.

ມມນ຺ນປານໍ ¶ ວິປຸລໍ ອຸຬາຣໍ, ອຸປ຺ປຊ຺ຊຕີມສ຺ສ ມຓິສ຺ສ ເຫຕຸ;

ຕໍ ເຕ ນ ທສ຺ສໍ ອຕິຍາຈໂກສິ, ນ ຈາປິ ເຕ ອສ຺ສມມາຄມິສ຺ສໍ.

ສຸສູ ¶ ¶ ຍຖາ ສກ຺ຂຣໂຘຕປາຓີ, ຕາເສສິ ມໍ ເສລໍ ຍາຈມາໂນ;

ຕໍ ເຕ ນ ທສ຺ສໍ ອຕິຍາຈໂກສິ, ນ ຈາປິ ເຕ ອສ຺ສມມາຄມິສ຺ສໍ.

ນ ຕໍ ຍາເຈ ຍສ຺ສ ປິຍໍ ຊິຄີເສ [ຊິຄິໍເສ (ສີ. ສ຺ຍາ. ປີ.)], ເທສ຺ໂສ ໂຫຕິ ອຕິຍາຈນາຍ;

ນາໂຄ ມຓິໍ ຍາຈິໂຕ ພ຺ຣາຫ຺ມເຓນ, ອທສ຺ສນໍເຍວ ຕທຊ຺ຌຄມາຕິ.

໒໕໔. ກຸຓ຺ຑກກຸຈ຺ຉິສິນ຺ຘວຊາຕກໍ (໓-໑-໔)

ຠຸຕ຺ວາ ຕິຓປຣິຆາສໍ, ຠຸຕ຺ວາ ອາຈາມກຸຓ຺ຑກໍ;

ເອຕໍ ເຕ ໂຠຊນໍ ອາສິ, ກສ຺ມາ ທານິ ນ ຠຸຎ຺ຊສິ.

ຍຕ຺ຖ ໂປສໍ ນ ຊານນ຺ຕິ, ຊາຕິຍາ ວິນເຍນ ວາ;

ພຫຸໍ [ປຫູ (ສີ. ປີ.), ປຫຸໍ (ສ຺ຍາ. ກ.)] ຕຕ຺ຖ ມຫາພ຺ຣມ຺ເຫ, ອປິ ອາຈາມກຸຓ຺ຑກໍ.

ຕ຺ວຎ຺ຈ ¶ ໂຂ ມໍ ປຊານາສິ, ຍາທິສາຍໍ ຫຍຸຕ຺ຕໂມ;

ຊານນ຺ໂຕ ຊານມາຄມ຺ມ, ນ ເຕ ຠກ຺ຂາມິ ກຸຓ຺ຑກນ຺ຕິ.

ກຸຓ຺ຑກກຸຈ຺ຉິສິນ຺ຘວຊາຕກໍ ຈຕຸຕ຺ຖໍ.

ຍາວ ໂສ ມຕ຺ຕມຎ຺ຎາສິ, ໂຠຊນສ຺ມິໍ ວິຫງ຺ຄໂມ;

ຕາວ ອທ຺ຘານມາປາທິ, ມາຕຣຎ຺ຈ ອໂປສຍິ.

ຍໂຕ ຈ ໂຂ ພຫຸຕຣໍ, ໂຠຊນໍ ອຊ຺ຌວາຫຣິ [ອຊ຺ຌຸປາຫຣິ (ສີ. ປີ.)];

ຕໂຕ ຕຕ຺ເຖວ ສໍສີທິ, ອມຕ຺ຕຎ຺ຎູ ຫິ ໂສ ອຫຸ.

ຕສ຺ມາ ມຕ຺ຕຎ຺ຎຸຕາ ສາຘຸ, ໂຠຊນສ຺ມິໍ ອຄິທ຺ຘຕາ [ອຄິທ຺ຘິຕາ (ສ຺ຍາ. ກ.)];

ອມຕ຺ຕຎ຺ຎູ ຫິ ສີທນ຺ຕິ, ມຕ຺ຕຎ຺ຎູ ຈ ນ ສີທເຣຕິ.

ຊຣູທປານໍ ¶ ຂຓມານາ, ວາຓິຊາ ອຸທກຕ຺ຖິກາ;

ອຊ຺ຌຄມຸໍ ອຍສໍ ໂລຫໍ [ອຊ຺ຌຄໍສຸ ອໂຍໂລຫໍ (ສີ. ສ຺ຍາ. ປີ.)], ຕິປຸສີສຎ຺ຈ ວາຓິຊາ;

ຣຊຕໍ ຊາຕຣູປຎ຺ຈ, ມຸຕ຺ຕາ ເວຬູຣິຍາ ພຫູ.

ເຕ ຈ ເຕນ ອສນ຺ຕຸຏ຺ຐາ, ຠິຍ຺ໂຍ ຠິຍ຺ໂຍ ອຂາຓິສຸໍ;

ເຕ ຕຕ຺ຖາສີວິໂສ [ຕຕ຺ຖ ອາສີວິໂສ (ກ.), ຕຕ຺ຖປາສີວິໂສ (ສ຺ຍາ.)] ໂຆໂຣ, ເຕຊສ຺ສີ ເຕຊສາ ຫນິ.

ຕສ຺ມາ ¶ ¶ ຂເຓ ນາຕິຂເຓ, ອຕິຂາຕໍ [ອຕິຂຓໍ (ກ.)] ຫິ ປາປກໍ;

ຂາເຕນ ຈ [ຂເຓນ ຈ (ກ.), ຂຓເນນ (ສ຺ຍາ.)] ຘນໍ ລທ຺ຘໍ, ອຕິຂາເຕນ [ອຕິຂເຓນ (ກ.)] ນາສິຕນ຺ຕິ.

ນາຍໍ ຆຣານໍ ກຸສໂລ, ໂລໂລ ອຍໍ ວລີມຸໂຂ;

ກຕໍ ກຕໍ ໂຂ ທູເສຍ຺ຍ, ເອວໍຘມ຺ມມິທໍ ກຸລໍ.

ນຍິທໍ ຈິຕ຺ຕວໂຕ ໂລມໍ, ນາຍໍ ອສ຺ສາສິໂກ ມິໂຄ;

ສິຏ຺ຐໍ [ສຕ຺ຖໍ (ສີ. ສ຺ຍາ. ປີ.)] ເມ ຊນສນ຺ເຘນ, ນາຍໍ ກິຎ຺ຈິ ວິຊານຕິ.

ນ ມາຕຣໍ ປິຕຣໍ ວາ, ຠາຕຣໍ ຠຄິນິໍ ສກໍ;

ຠເຣຍ຺ຍ ຕາທິໂສ ໂປໂສ, ສິຏ຺ຐໍ ທສຣເຖນ ເມຕິ.

ຄາມຓິຈນ຺ທ [ຄາມຓິຈຓ຺ຑ (ສີ. ປີ.)] ຊາຕກໍ ສຕ຺ຕມໍ.

ຍາວຕາ ຈນ຺ທິມສູຣິຍາ, ປຣິຫຣນ຺ຕິ ທິສາ ຠນ຺ຕິ ວິໂຣຈນາ [ວິໂຣຈມານາ (ກ.)];

ສພ຺ເພວ ທາສາ ມນ຺ຘາຕຸ, ເຍ ປາຓາ ປຖວິສ຺ສິຕາ [ປຐວິນິສ຺ສິຕາ (ສີ. ປີ.), ປຐວິສ຺ສິຕາ (ສ຺ຍາ.)].

ນ ກຫາປຓວສ຺ເສນ, ຕິຕ຺ຕິ ກາເມສຸ ວິຊ຺ຊຕິ;

ອປ຺ປສ຺ສາທາ ທຸຂາ ກາມາ, ອິຕິ ວິຎ຺ຎາຍ ປຓ຺ຑິໂຕ.

ອປິ ¶ ທິພ຺ເພສຸ ກາເມສຸ, ຣຕິໍ ໂສ ນາຘິຄຈ຺ຉຕິ;

ຕຓ຺ຫກ຺ຂຍຣໂຕ ¶ ໂຫຕິ, ສມ຺ມາສມ຺ພຸທ຺ຘສາວໂກຕິ.

ນຍິມສ຺ສ ວິຊ຺ຊາມຍມຕ຺ຖິ ກິຎ຺ຈິ, ນ ພນ຺ຘໂວ ໂນ ປນ ເຕ ສຫາໂຍ;

ອຖ ເກນ ວຓ຺ເຓນ ຕິຣີຏວຈ຺ໂຉ [ຕິຣີຏິວຈ຺ໂຉ (ສ຺ຍາ. ກ.)], ເຕທຓ຺ຑິໂກ ຠຸຎ຺ຊຕິ ອຄ຺ຄປິຓ຺ຑໍ.

ອາປາສຸ [ອາວາສຸ (ກ.)] ເມ ຍຸທ຺ຘປຣາຊິຕສ຺ສ, ເອກສ຺ສ ກຕ຺ວາ ວິວນສ຺ມິ ໂຆເຣ;

ປສາຣຍີ ກິຈ຺ຉຄຕສ຺ສ ປາຓິໍ, ເຕນູທຕາຣິໍ ທຸຂສໍປເຣໂຕ.

ເອຕສ຺ສ ¶ ກິຈ຺ເຈນ ອິຘານຸປຕ຺ໂຕ, ເວສາຍິໂນ ວິສຍາ ຊີວໂລເກ;

ລາຠາຣໂຫ ຕາຕ ຕິຣີຏວຈ຺ໂຉ, ເທຖສ຺ສ ໂຠຄໍ ຍຊຖຎ຺ຈ [ຍຊຕຎ຺ຈ (ສີ. ປີ.), ຍຊິຕຎ຺ຈ (ສ຺ຍາ.)] ຍຎ຺ຎນ຺ຕິ.

ຍສ຺ສຕ຺ຖາ ¶ ທູຣມາຍນ຺ຕິ, ອມິຕ຺ຕມປິ ຍາຈິຕຸໍ;

ຕສ຺ສູທຣສ຺ສຫໍ ທູໂຕ, ມາ ເມ ກຸຊ຺ຌ [ກຸຊ຺ຌິ (ສີ. ປີ.)] ຣເຖສຠ.

ຍສ຺ສ ທິວາ ຈ ຣຕ຺ໂຕ ຈ, ວສມາຍນ຺ຕິ ມາຓວາ;

ຕສ຺ສູທຣສ຺ສຫໍ ທູໂຕ, ມາ ເມ ກຸຊ຺ຌ [ກຸຊ຺ຌິ (ສີ. ປີ.)] ຣເຖສຠ.

ທທາມິ ¶ ເຕ ພ຺ຣາຫ຺ມຓ ໂຣຫິຓີນໍ, ຄວໍ ສຫສ຺ສໍ ສຫ ປຸງ຺ຄເວນ;

ທູໂຕ ຫິ ທູຕສ຺ສ ກຖໍ ນ ທຊ຺ຊໍ, ມຍມ຺ປິ ຕສ຺ເສວ ຠວາມ ທູຕາຕິ.

ອຸສຸກາຣວໂຣ ຕິລມຸຏ຺ຐິ ມຓິ, ຫຍຣາຊ ວິຫງ຺ຄມ ອາສິວິໂສ;

ຊນສນ຺ຘ ກຫາປຓວສ຺ສ ປຸນ, ຕິຣິຏໍ ປຸນ ທູຕວເຣນ ທສາຕິ.

ຍຖາ ¶ ເກສາ ຈ ມສ຺ສູ ຈ, ຉິນ຺ນໍ ຉິນ຺ນໍ ວິຣູຫຕິ;

ເອວໍ ຣູຫຕຸ ເຕ ນາສາ, ປທຸມໍ ເທຫິ ຍາຈິໂຕ.

ຍຖາ ສາຣທິກໍ ພີຊໍ, ເຂຕ຺ເຕ ວຸຕ຺ຕໍ ວິຣູຫຕິ;

ເອວໍ ຣູຫຕຸ ເຕ ນາສາ, ປທຸມໍ ເທຫິ ຍາຈິໂຕ.

ອຸໂຠປິ ປລປນ຺ເຕເຕ [ວິລປນ຺ເຕເຕ (ສ຺ຍາ. ກ.)], ອປິ ປທ຺ມານິ ທສ຺ສຕິ;

ວຊ຺ຊຸໍ ວາ ເຕ ນ ວາ ວຊ຺ຊຸໍ, ນຕ຺ຖິ ນາສາຍ ຣູຫນາ;

ເທຫິ ສມ຺ມ ປທຸມານິ, ອຫໍ ຍາຈາມິ ຍາຈິໂຕຕິ.

ປາຓິ ¶ ເຈ ມຸທຸໂກ ຈສ຺ສ, ນາໂຄ ຈສ຺ສ ສຸກາຣິໂຕ;

ອນ຺ຘກາໂຣ ຈ ວສ຺ເສຍ຺ຍ, ອຖ ນູນ ຕທາ ສິຍາ.

ອນລາ ¶ ມຸທຸສມ຺ຠາສາ, ທຸປ຺ປູຣາ ຕາ [ທຸປ຺ປູຣຕ຺ຕາ (ກ.)] ນທີສມາ;

ສີທນ຺ຕິ ນໍ ວິທິຕ຺ວານ, ອາຣກາ ປຣິວຊ຺ຊເຍ.

ຍໍ ເອຕາ ອຸປເສວນ຺ຕິ, ຉນ຺ທສາ ວາ ຘເນນ ວາ;

ຊາຕເວໂທວ ສໍ ຐານໍ, ຂິປ຺ປໍ ອນຸທຫນ຺ຕິ ນນ຺ຕິ.

ອຠິຊ຺ຊມາເນ ¶ ວາຣິສ຺ມິໍ, ສຍໍ [ອຍໍ (ກ.)] ອາຄມ຺ມ ອິທ຺ຘິຍາ;

ມິສ຺ສີຠາວິຕ຺ຖິຍາ ຄນ຺ຕ຺ວາ, ສໍສີທສິ [ສໍສີທຕິ (ກ.)] ມຫຓ຺ຓເວ.

ອາວຏ຺ຏນີ ມຫາມາຍາ, ພ຺ຣຫ຺ມຈຣິຍວິໂກປນາ;

ສີທນ຺ຕິ ນໍ ວິທິຕ຺ວານ, ອາຣກາ ປຣິວຊ຺ຊເຍ.

ຍໍ ເອຕາ ອຸປເສວນ຺ຕິ, ຉນ຺ທສາ ວາ ຘເນນ ວາ;

ຊາຕເວໂທວ ສໍ ຐານໍ, ຂິປ຺ປໍ ອນຸທຫນ຺ຕິ ນນ຺ຕິ.

ຈູຬປໂລຠນ [ຈຸລ຺ລປໂລຠນ (ສີ. ສ຺ຍາ. ປີ.)] ຊາຕກໍ ຕຕິຍໍ.

ປນາໂທ ນາມ ໂສ ຣາຊາ, ຍສ຺ສ ຍູໂປ ສຸວຓ຺ຓໂຍ;

ຕິຣິຍໍ ໂສຬສຸພ຺ເພໂຘ [ໂສຬສປພ຺ເພໂຘ (ສີ. ປີ.)], ອຸທ຺ຘມາຫຸ [ອຸຈ຺ຈມາຫຸ (ສີ. ສ຺ຍາ. ປີ.)] ສຫສ຺ສຘາ.

ສຫສ຺ສກຓ຺ໂຑ ສຕເຄຓ຺ຑຸ [ສຕເຠໂທ (ສີ. ປີ.), ສຕເຠຓ຺ຑຸ (ສີ. ນິສ຺ສຍ)], ຘຊາສຸ ຫຣິຕາມໂຍ;

ອນຈ຺ຈຸໍ ຕຕ຺ຖ ຄນ຺ຘພ຺ພາ, ຉ ສຫສ຺ສານິ ສຕ຺ຕຘາ.

ເອວເມຕໍ [ເອວເມວ (ກ.)] ຕທາ ອາສິ, ຍຖາ ຠາສສິ ຠທ຺ທຊິ;

ສກ຺ໂກ ອຫໍ ຕທາ ອາສິໍ, ເວຍ຺ຍາວຈ຺ຈກໂຣ ຕວາຕິ.

ທິສ຺ວາ ¶ ¶ ຂຸຣປ຺ເປ ຘນຸເວຄນຸນ຺ເນ, ຂຄ຺ເຄ ¶ ຄຫີເຕ ຕິຂິເຓ ເຕລໂຘເຕ;

ຕສ຺ມິໍ ຠຍສ຺ມິໍ ມຣເຓ ວິຍູຬ຺ເຫ, ກສ຺ມາ ນຸ ເຕ ນາຫຸ ຉມ຺ຠິຕຕ຺ຕໍ.

ທິສ຺ວາ ຂຸຣປ຺ເປ ຘນຸເວຄນຸນ຺ເນ, ຂຄ຺ເຄ ຄຫີເຕ ຕິຂິເຓ ເຕລໂຘເຕ;

ຕສ຺ມິໍ ຠຍສ຺ມິໍ ມຣເຓ ວິຍູຬ຺ເຫ, ເວທໍ ອລຕ຺ຖໍ ວິປຸລໍ ອຸຬາຣໍ.

ໂສ ເວທຊາໂຕ ອຊ຺ຌຠວິໍ ອມິຕ຺ເຕ, ປຸພ຺ເພວ ເມ ຊີວິຕມາສິ ຈຕ຺ຕໍ;

ນ ຫິ ຊີວິເຕ ອາລຍໍ ກຸພ຺ພມາໂນ, ສູໂຣ ກຍິຣາ ສູຣກິຈ຺ຈໍ ກທາຈີຕິ.

ເຍນາສິ ກິສິຍາ ປຓ຺ຑຸ, ເຍນ ຠຕ຺ຕໍ ນ ຣຸຈ຺ຈຕິ;

ອຍໍ ໂສ ອາຄໂຕ ຠຕ຺ຕາ [ຕາໂຕ (ສີ. ສ຺ຍາ. ປີ.)], ກສ຺ມາ ທານິ ປລາຍສິ.

ສເຈ [ນ ໂຂ (ສ຺ຍາ. ກ.)] ປນາທິເກເນວ, ສນ຺ຖໂວ ນາມ ຊາຍຕິ;

ຍໂສ ຫາຍຕິ ອິຕ຺ຖີນໍ, ຕສ຺ມາ ຕາຕ ປລາຍຫໍ [ປລາຍິຫໍ (ສ຺ຍາ.), ປລາຍິຕໍ (ກ.)].

ຍສ຺ສສ຺ສິນໍ ກຸເລ ຊາຕໍ, ອາຄຕໍ ຍາ ນ ອິຈ຺ຉຕິ;

ໂສຈຕິ ¶ ຈິຣຣຕ຺ຕາຍ, ວາຕຄ຺ຄມິວ ຠທ຺ທລີຕິ [ກຸນ຺ທລີຕິ (ສີ. ປີ.), ຄທ຺ຣຠີຕິ (ສ຺ຍາ.)].

ສິງ຺ຄີມິໂຄ ¶ ອາຍຕຈກ຺ຂຸເນຕ຺ໂຕ, ອຏ຺ຐິຕ຺ຕໂຈ ວາຣິສໂຍ ອໂລໂມ;

ເຕນາຠິຠູໂຕ ກປຓໍ ຣຸທາມິ, ມາ ເຫວ ມໍ ປາຓສມໍ ຊເຫຍ຺ຍ [ຊເຫຍ຺ຍາ (ປີ.) ຊຫາ’ຍ຺ເຍ (?)].

ອຍ຺ຍ ນ ຕໍ ຊຫິສ຺ສາມິ, ກຸຎ຺ຊຣໍ ສຏ຺ຐິຫາຍນໍ [ກຸຎ຺ຊຣ ສຏ຺ຐິຫາຍນ (ສີ. ປີ.)];

ປຖພ຺ຍາ ຈາຕຸຣນ຺ຕາຍ, ສຸປ຺ປິໂຍ ໂຫສິ ເມ ຕຸວໍ.

ເຍ ກຸຬີຣາ ສມຸທ຺ທສ຺ມິໍ, ຄງ຺ຄາຍ ຍມຸນາຍ [ນມ຺ມທາຍ (ສີ. ປີ.)] ຈ;

ເຕສໍ ຕ຺ວໍ ວາຣິໂຊ ເສຏ຺ໂຐ, ມຸຎ຺ຈ ໂຣທນ຺ຕິຍາ ປຕິນ຺ຕິ.

ໂຍ ¶ ເວ ສພ຺ພສເມຕານໍ, ອຫຸວາ ເສຏ຺ຐສມ຺ມໂຕ;

ຕສ຺ສາຍໍ ເອທິສີ ປຎ຺ຎາ, ກິເມວ ອິຕຣາ ປຊາ.

ເອວເມວ ຕຸວໍ ພ຺ຣຫ຺ເມ, ອນຎ຺ຎາຍ ວິນິນ຺ທສິ;

ກຖໍ ມູລໍ ອທິສ຺ວານ [ກຖໍຫິ ມູລໍ ອທິຕ຺ວາ (ສ຺ຍາ. ປີ.)], ຣຸກ຺ຂໍ ຊຎ຺ຎາ ປຕິຏ຺ຐິຕໍ.

ນາຫໍ ¶ ຕຸມ຺ເຫ ວິນິນ຺ທາມິ, ເຍ ຈຎ຺ເຎ ວານຣາ ວເນ;

ວິສ຺ສເສໂນວ ຄາຣຍ຺ໂຫ, ຍສ຺ສຕ຺ຖາ ຣຸກ຺ຂໂຣປກາຕິ.

ນ ຫິ ວຓ຺ເຓນ ສມ຺ປນ຺ນາ, ມຎ຺ຊຸກາ ປິຍທສ຺ສນາ;

ຂຣວາຈາ ປິຍາ ໂຫຕິ, ອສ຺ມິໍ ໂລເກ ປຣມ຺ຫິ ຈ.

ນນຸ ປສ຺ສສິມໍ ກາຬິໍ, ທຸພ຺ພຓ຺ຓໍ ຕິລກາຫຕໍ;

ໂກກິລໍ ສຓ຺ຫວາເຈນ, ພຫູນໍ ປາຓິນໍ ປິຍໍ.

ຕສ຺ມາ ¶ ສຂິລວາຈສ຺ສ, ມນ຺ຕຠາຓີ ອນຸທ຺ຘໂຕ;

ອຕ຺ຖໍ ຘມ຺ມຎ຺ຈ ທີເປຕິ, ມຘຸຣໍ ຕສ຺ສ ຠາສິຕນ຺ຕິ.

ສພ຺ເພຫິ ກິຣ ຎາຕີຫິ, ໂກສິໂຍ ອິສ຺ສໂຣ ກໂຕ;

ສເຈ ຎາຕີຫິ ອນຸຎ຺ຎາໂຕ [ຎາຕີຫນຸຎ຺ຎາໂຕ (ສີ. ປີ.)], ຠເຓຍ຺ຍາຫໍ ເອກວາຈິກໍ.

ຠຓ ສມ຺ມ ອນຸຎ຺ຎາໂຕ, ອຕ຺ຖໍ ຘມ຺ມຎ຺ຈ ເກວລໍ;

ສນ຺ຕິ ຫິ ທຫຣາ ປກ຺ຂີ, ປຎ຺ຎວນ຺ໂຕ ຊຸຕິນ຺ຘຣາ.

ນ ເມ ຣຸຈ຺ຈຕິ ຠທ຺ທໍ ໂວ [ຠທນ຺ເຕ (ກ.)], ອຸລູກສ຺ສາຠິເສຈນໍ;

ອກ຺ກຸທ຺ຘສ຺ສ ¶ ມຸຂໍ ປສ຺ສ, ກຖໍ ກຸທ຺ໂຘ ກຣິສ຺ສຕີຕິ.

ປທຸມຸຕ຺ຕມ ¶ ນາຄສິຣິວ຺ຫຍໂນ, ສ-ມຫຓ຺ຓວ ຍູປ ຂຸຣປ຺ປວໂຣ;

ອຖ ຠທ຺ທລີ ກຸຎ຺ຊຣ ຣຸກ຺ຂ ປຸນ, ຂຣວາຈ ອຸລູກວເຣນ ທສາຕິ.

ອາຣຎ຺ຎິກສ຺ສ ອິສິໂນ, ຈິຣຣຕ຺ຕໍ ຕປສ຺ສິໂນ;

ກິຈ຺ຉາກຕໍ ອຸທປານໍ, ກຖໍ ສມ຺ມ ອວາຫສິ [ອວາຫຍິ (ສີ. ປີ.), ອປາຫສິ (ສ຺ຍາ.)].

ເອສ ຘມ຺ໂມ ສິງ຺ຄາລານໍ, ຍໍ ປິຕ຺ວາ ໂອຫທາມເສ;

ປິຕຸປິຕາມຫໍ ຘມ຺ໂມ, ນ ຕໍ [ນ ນໍ (ສີ. ປີ.)] ອຸຊ຺ຌາຕຸມຣຫສິ.

ເຍສໍ ¶ ¶ ໂວ ເອທິໂສ ຘມ຺ໂມ, ອຘມ຺ໂມ ປນ ກີທິໂສ;

ມາ ໂວ ຘມ຺ມໍ ອຘມ຺ມໍ ວາ, ອທ຺ທສາມ ກຸທາຈນນ຺ຕິ.

ເຍນ ມິຕ຺ເຕນ ສໍສຄ຺ຄາ, ໂຍຄກ຺ເຂໂມ ວິຫິຍ຺ຍຕິ;

ປຸພ຺ເພວຊ຺ຌາຠວໍ ຕສ຺ສ, ຣຸກ຺ເຂ ອກ຺ຂີວ ປຓ຺ຑິໂຕ.

ເຍນ ມິຕ຺ເຕນ ສໍສຄ຺ຄາ, ໂຍຄກ຺ເຂໂມ ປວຑ຺ຒຕິ;

ກເຣຍ຺ຍຕ຺ຕສມໍ ວຸຕ຺ຕິໍ, ສພ຺ພກິຈ຺ເຈສຸ ປຓ຺ຑິໂຕ.

ເອຖ ພ຺ຍຄ຺ຆາ ນິວຕ຺ຕວ຺ໂຫ, ປຈ຺ຈຸເປຖ [ປຈ຺ຈເມຖ (ສີ. ປີ.)] ມຫາວນໍ;

ມາ ວນໍ ຉິນ຺ທິ ນິພ຺ຍຄ຺ຆໍ, ພ຺ຍຄ຺ຆາ ມາເຫສຸ ນິພ຺ພນາຕິ.

ໂກ ນຸ ອຸທ຺ຘິຕຠຕ຺ໂຕວ [ອຸທ຺ທິຕຠຕ຺ໂຕວ (ສີ.), ວຑ຺ຒິຕຠຕ຺ໂຕວ (ສ຺ຍາ.)], ປູຣຫຕ຺ໂຖວ ພ຺ຣາຫ຺ມໂຓ;

ກຫໍ ນຸ ຠິກ຺ຂໍ ອຈຣິ, ກໍ ສທ຺ຘໍ ອຸປສງ຺ກມິ.

ອຫໍ ¶ ກປິສ຺ມິ ທຸມ຺ເມໂຘ, ອນາມາສານິ ອາມສິໍ;

ຕ຺ວໍ ມໍ ໂມຈຍ ຠທ຺ທນ຺ເຕ, ມຸຕ຺ໂຕ ຄຈ຺ເຉຍ຺ຍ ປພ຺ພຕໍ.

ກຈ຺ຉປາ ກສ຺ສປາ ໂຫນ຺ຕິ, ໂກຓ຺ຑຎ຺ຎາ ໂຫນ຺ຕິ ມກ຺ກຏາ;

ມຸຎ຺ຈ ກສ຺ສປ ໂກຓ຺ຑຎ຺ຎໍ, ກຕໍ ເມຖຸນກໍ ຕຍາຕິ.

ກາຍໍ ພລາກາ ສິຂິນີ, ໂຈຣີ ລງ຺ຆິປິຕາມຫາ;

ໂອຣໍ ¶ ພລາເກ ອາຄຈ຺ຉ, ຈຓ຺ໂຑ ເມ ວາຍໂສ ສຂາ.

ນາຫໍ ພລາກາ ສິຂິນີ, ອຫໍ ໂລໂລສ຺ມິ ວາຍໂສ;

ອກຕ຺ວາ ວຈນໍ ຕຸຍ຺ຫໍ, ປສ຺ສ ລູໂນສ຺ມິ ອາຄໂຕ.

ປຸນປາປຊ຺ຊສີ ¶ ສມ຺ມ, ສີລຎ຺ຫິ ຕວ ຕາທິສໍ;

ນ ຫິ ມານຸສກາ ໂຠຄາ, ສຸຠຸຎ຺ຊາ ໂຫນ຺ຕິ ປກ຺ຂິນາຕິ.

ກາຍໍ ພລາກາ ຣຸຈິຣາ, ກາກນີຬສ຺ມິມຈ຺ຉຕິ;

ຈຓ຺ໂຑ ກາໂກ ສຂາ ມຍ຺ຫໍ, ຍສ຺ສ [ຕສ຺ສ (ສີ. ປີ.)] ເຈຕໍ ກຸລາວກໍ.

ນນຸ ມໍ ສມ຺ມ ຊານາສິ, ທິຊ ສາມາກໂຠຊນ;

ອກຕ຺ວາ ວຈນໍ ຕຸຍ຺ຫໍ, ປສ຺ສ ລູໂນສ຺ມິ ອາຄໂຕ.

ປຸນປາປຊ຺ຊສີ ສມ຺ມ, ສີລຎ຺ຫິ ຕວ ຕາທິສໍ;

ນ ຫິ ມານຸສກາ ໂຠຄາ, ສຸຠຸຎ຺ຊາ ໂຫນ຺ຕິ ປກ຺ຂິນາຕິ.

ຕວ ສທ຺ຘຎ຺ຈ ສີລຎ຺ຈ, ວິທິຕ຺ວານ ຊນາຘິປ;

ວຓ຺ຓໍ ອຎ຺ຊນວຓ຺ເຓນ, ກາລິງ຺ຄສ຺ມິໍ ນິມິມ຺ຫເສ [ວິນິມ຺ຫເສ (ສ຺ຍາ.), ວນິມ຺ຫເສ (ກ.)].

ອນ຺ນຠຈ຺ຈາ ¶ ຈຠຈ຺ຈາ ຈ, ໂຍຘ ອຸທ຺ທິສ຺ສ ຄຈ຺ຉຕິ;

ສພ຺ເພ ເຕ ອປ຺ປຏິກ຺ຂິປ຺ປາ, ປຸພ຺ພາຈຣິຍວໂຈ ອິທໍ.

ທທາມິ ¶ ໂວ ພ຺ຣາຫ຺ມຓາ ນາຄເມຕໍ, ຣາຊາຣຫໍ ຣາຊໂຠຄ຺ຄໍ ຍສສ຺ສິນໍ;

ອລງ຺ກຕໍ ເຫມຊາລາຠິຉນ຺ນໍ, ສສາຣຖິໍ ຄຈ຺ຉຖ ເຍນ ກາມນ຺ຕິ.

ກຸຣຸຘມ຺ມຊາຕກໍ [ກຸຣຸຘມ຺ມຊາຕກໍ (ສີ. ສ຺ຍາ. ປີ.)] ຉຏ຺ຐໍ.

ວສ຺ສານິ ¶ ປຎ຺ຎາສ ສມາຘິການິ, ວສິມ຺ຫ ເສລສ຺ສ ຄຸຫາຍ ໂຣມກ;

ອສງ຺ກມານາ ອຠິນິພ຺ພຸຕຕ຺ຕາ [ອຠິນິພ຺ພຸຕຈິຕ຺ຕາ (ສ຺ຍາ. ກ.)], ຫຕ຺ຖຕ຺ຕ [ຫຕ຺ຖຕ຺ຖ (ສ຺ຍາ.)] ມາຍນ຺ຕິ ມມຓ຺ຑຊາ ປຸເຣ.

ເຕ ທານິ ວກ຺ກງ຺ຄ ກິມຕ຺ຖມຸສ຺ສຸກາ, ຠຊນ຺ຕິ ອຎ຺ຎໍ ຄິຣິກນ຺ທຣໍ ທິຊາ;

ນ ນູນ ມຎ຺ຎນ຺ຕິ ມມໍ ຍຖາ ປຸເຣ, ຈິຣປ຺ປວຸຕ຺ຖາ ອຖ ວາ ນ ເຕ ອິເມ.

ຊານາມ ຕໍ ນ ມຍໍ ສມ຺ປມູຬ຺ຫາ [ນ ມຍ’ມສ຺ມ ມູຬ຺ຫາ (ສີ. ປີ.)], ໂສເຍວ ຕ຺ວໍ ເຕ ມຍມສ຺ມ ນາຎ຺ເຎ;

ຈິຕ຺ຕຎ຺ຈ ¶ ເຕ ອສ຺ມິໍ ຊເນ ປທຸຏ຺ຐໍ, ອາຊີວິກາ [ອາຊີວກ (ສີ. ສ຺ຍາ.), ອາຊີວິກ (ປີ.)] ເຕນ ຕມຸຕ຺ຕສາມາຕິ.

ກິມຕ຺ຖ [ກມຕ຺ຖ (ສີ. ປີ.)] ມຠິສນ຺ຘາຍ, ລຫຸຈິຕ຺ຕສ຺ສ ທຸພ຺ຠິໂນ [ທູຠິໂນ (ສີ. ປີ.)];

ສພ຺ພກາມທທສ຺ເສວ [ທຸຫສ຺ເສວ (ສີ. ສ຺ຍາ. ປີ.), ຣຫສ຺ເສວ (ກ.)], ອິມໍ ທຸກ຺ຂໍ ຕິຕິກ຺ຂສິ.

ສິງ຺ເຄນ ນິຫນາເຫຕໍ, ປທສາ ຈ ອຘິຏ຺ຐຫ;

ຠິຍ຺ໂຍ [ຠີໂຍ (ສີ.)] ພາລາ ປກຸຊ຺ເຌຍ຺ຍຸໍ, ໂນ ຈສ຺ສ ປຏິເສຘໂກ.

ມເມວາຍໍ ມຎ຺ຎມາໂນ, ອຎ຺ເຎເປວໍ [ອຎ຺ຎມ຺ເປວໍ (ສີ. ສ຺ຍາ. ປີ.)] ກຣິສ຺ສຕິ;

ເຕ ນໍ ຕຕ຺ຖ ວຘິສ຺ສນ຺ຕິ, ສາ ເມ ມຸຕ຺ຕິ ຠວິສ຺ສຕີຕິ.

ມຫິໍສຣາຊຊາຕກໍ [ມຫິສຊາຕກໍ (ສີ. ສ຺ຍາ. ປີ.)] ອຏ຺ຐມໍ.

ຍຖາ ¶ ມາຓວໂກ ປນ຺ເຖ, ສິງ຺ຄາລິໍ ວນໂຄຈຣິໍ;

ອຕ຺ຖກາມໍ ປເວເທນ຺ຕິໍ [ປວທນ຺ຕິໍ (ປີ.)], ອນຕ຺ຖກາມາຕິ ມຎ຺ຎຕິ;

ອນຕ຺ຖກາມໍ ສຕປຕ຺ຕໍ, ອຕ຺ຖກາໂມຕິ ມຎ຺ຎຕິ.

ເອວເມວ ອິເຘກຈ຺ໂຈ, ປຸຄ຺ຄໂລ ໂຫຕິ ຕາທິໂສ;

ຫິເຕຫິ ວຈນໍ ວຸຕ຺ໂຕ, ປຏິຄຓ຺ຫາຕິ ວາມໂຕ.

ເຍ ¶ ¶ ຈ ໂຂ ນໍ ປສໍສນ຺ຕິ, ຠຍາ ອຸກ຺ກໍສຍນ຺ຕິ ວາ [ຈ (ສີ. ປີ.)];

ຕຎ຺ຫິ ໂສ ມຎ຺ຎເຕ ມິຕ຺ຕໍ, ສຕປຕ຺ຕໍວ ມາຓໂວຕິ.

ອທ຺ຘາ ຫິ ນູນ ມິຄຣາຊາ, ປຸຏກມ຺ມສ຺ສ ໂກວິໂທ;

ຕຖາ ຫິ ປຸຏໍ ທູເສຕິ, ອຎ຺ຎໍ ນູນ ກຣິສ຺ສຕິ.

ນ ເມ ມາຕາ ວາ ປິຕາ ວາ, ປຸຏກມ຺ມສ຺ສ ໂກວິໂທ;

ກຕໍ ກຕໍ ໂຂ ທູເສມ, ເອວໍ ຘມ຺ມມິທໍ ກຸລໍ.

ເຍສໍ ໂວ ເອທິໂສ ຘມ຺ໂມ, ອຘມ຺ໂມ ປນ ກີທິໂສ;

ມາ ໂວ ຘມ຺ມໍ ອຘມ຺ມໍ ວາ, ອທ຺ທສາມ ກຸທາຈນນ຺ຕິ.

ອຸທປານວຄ຺ໂຄ [ອຣຎ຺ຎວຄ຺ໂຄ (ສີ. ປີ. ກ.)] ຕຕິໂຍ.

ອຸທປານວຣໍ ວນພ຺ຍຄ຺ຆ ກປິ, ສິຂິນີ ຈ ພລາກ ຣຸຈິຣວໂຣ;

ສຸຊນາຘິປໂຣມກທູສ ປຸນ, ສຕປຕ຺ຕວໂຣ ປຸຏກມ຺ມ ທສາຕິ.

ອພ຺ຠນ຺ຕໂຣ ¶ ¶ ນາມ ທຸໂມ, ຍສ຺ສ ທິພ຺ຍມິທໍ ຜລໍ;

ຠຸຕ຺ວາ ໂທຫຬິນີ ນາຣີ, ຈກ຺ກວຕ຺ຕິໍ ວິຊາຍຕິ.

ຕ຺ວມ຺ປິ [ຕ຺ວຎ຺ຈ (ສີ. ປີ.), ຕ຺ວໍ ຫິ (ກ.)] ຠທ຺ເທ ມເຫສີສິ, ສາ ຈາປິ [ຈາສິ (ສີ. ປີ.)] ປຕິໂນ ປິຍາ;

ອາຫຣິສ຺ສຕິ ເຕ ຣາຊາ, ອິທໍ ອພ຺ຠນ຺ຕຣໍ ຜລໍ.

ຠຕ຺ຕຸຣຕ຺ເຖ ປຣກ຺ກນ຺ໂຕ, ຍໍ ຐານມຘິຄຈ຺ຉຕິ;

ສູໂຣ ອຕ຺ຕປຣິຈ຺ຈາຄີ, ລຠມາໂນ ຠວາມຫນ຺ຕິ.

ເສຍ຺ຍໍໂສ ¶ ເສຍ຺ຍໂສ ໂຫຕິ, ໂຍ ເສຍ຺ຍມຸປເສວຕິ;

ເອເກນ ສນ຺ຘິໍ ກຕ຺ວານ, ສຕໍ ວຊ຺ເຌ [ມຈ຺ເຈ (ກ.), ພຊ຺ເຌ (ກ. ອຏ຺ຐ.)] ອໂມຈຍິໍ.

[ກສ຺ມາ…ເປ… ສຄ຺ຄໍ ນ ຄຈ຺ເຉຍ຺ຍ (ກຕ຺ຖຈິ)] ຕສ຺ມາ ສພ຺ເພນ ໂລເກນ, ສນ຺ຘິໍ ກຕ຺ວານ ເອກໂຕ [ເອກໂກ (ສີ. ສ຺ຍາ. ປີ.)];

ເປຈ຺ຈ ສຄ຺ຄໍ ນິຄຈ຺ເຉຍ຺ຍ [ກສ຺ມາ…ເປ… ສຄ຺ຄໍ ນ ຄຈ຺ເຉຍ຺ຍ (ກຕ຺ຖຈິ)], ອິທໍ ສຸຓາຖ ກາສິຍາ [ກາສໂຍ (ສີ. ປີ.)].

ອິທໍ ວຕ຺ວາ ມຫາຣາຊາ, ກໍໂສ ພາຣາຓສິຄ຺ຄໂຫ;

ຘນຸໍ ກຓ຺ຑຎ຺ຈ [ຕູຓິຎ຺ຈ (ສີ. ປີ.)] ນິກ຺ຂິປ຺ປ, ສໍຍມໍ ອຊ຺ຌຸປາຄມີຕິ.

ວຣໍ ¶ ວຣໍ ຕ຺ວໍ ນິຫນໍ ປຸເຣ ຈຣິ, ອສ຺ມິໍ ປເທເສ ອຠິຠຸຍ຺ຍ ສູກເຣ;

ໂສ ທານິ ເອໂກ ພ຺ຍປຄມ຺ມ ຌາຍສິ, ພລໍ ນຸ ເຕ ພ຺ຍຄ຺ຆ ນ ຈຊ຺ຊ ວິຊ຺ຊຕິ.

ອິເມ ¶ ສຸທໍ [ອິມສ຺ສຸ ຕາ (ສ຺ຍາ. ກ.)] ຍນ຺ຕິ ທິໂສທິສໍ ປຸເຣ, ຠຍຏ຺ຏິຕາ ເລຓຄເວສິໂນ ປຸຖຸ;

ເຕ ທານິ ສງ຺ຄມ຺ມ ວສນ຺ຕິ ເອກໂຕ, ຍຕ຺ຖຏ຺ຐິຕາ ທຸປ຺ປສຫຊ຺ຊເມ [ທຸປ຺ປສຫຊ຺ຊິເມ (ສ຺ຍາ.)] ມຍາ.

ນມຕ຺ຖຸ ສງ຺ຆານ ສມາຄຕານໍ, ທິສ຺ວາ ສຍໍ ສຂ຺ຍ ວທາມິ ອພ຺ຠຸຕໍ;

ພ຺ຍຄ຺ຆໍ ມິຄາ ຍຕ຺ຖ ຊິນິໍສຸ ທາຐິໂນ, ສາມຄ຺ຄິຍາ ທາຐພເລສຸ ມຸຈ຺ຈເຣຕິ.

ຍໍ ອຸສ຺ສຸກາ ສງ຺ຆຣນ຺ຕິ, ອລກ຺ຂິກາ ພຫຸໍ ຘນໍ;

ສິປ຺ປວນ຺ໂຕ ອສິປ຺ປາ ຈ, ລກ຺ຂິວາ ຕານິ ຠຸຎ຺ຊຕິ.

ສພ຺ພຕ຺ຖ ¶ ກຕປຸຎ຺ຎສ຺ສ, ອຕິຈ຺ຈຎ຺ເຎວ ປາຓິໂນ;

ອຸປ຺ປຊ຺ຊນ຺ຕິ ພຫູ ໂຠຄາ, ອປ຺ປນາຍຕເນສຸປິ.

ກຸກ຺ກຸໂຏ [ກຸກ຺ກຸຏ (ສີ. ປີ.), ກຸກ຺ກຸຏາ (ສີ. ນິສ຺ສຍ, ສທ຺ທນີຕິ)] ມຓໂຍ ທຓ຺ໂຑ, ຖິໂຍ ຈ ປຸຎ຺ຎລກ຺ຂຓາ;

ອຸປ຺ປຊ຺ຊນ຺ຕິ ອປາປສ຺ສ, ກຕປຸຎ຺ຎສ຺ສ ຊນ຺ຕຸໂນຕິ.

ທຣິຍາ ¶ ສຕ຺ຕ ວສ຺ສານິ, ຕິໍສມຕ຺ຕາ ວສາມເສ;

ຫຎ຺ຎາມ [ຫຎ຺ເຉມ (ສີ. ປີ.), ຫຎ຺ຉາມ (?)] ມຓິໂນ ອາຠໍ, ອິຕິ ໂນ ມນ຺ຕນໍ ອຫຸ.

ຍາວຕາ ມຓິໍ ຆໍສາມ [ຍາວ ຍາວ ນິຆໍສາມ (ສີ. ປີ.)], ຠິຍ຺ໂຍ ໂວທາຍເຕ ມຓິ;

ອິທຎ຺ຈ ທານິ ປຸຈ຺ຉາມ, ກິໍ ກິຈ຺ຈໍ ອິຘ ມຎ຺ຎສິ.

ອຍໍ ມຓິ ເວຬູຣິໂຍ, ອກາໂຈ ວິມໂລ [ວິປຸໂລ (ກ.)] ສຸໂຠ;

ນາສ຺ສ ສກ຺ກາ ສິຣິໍ ຫນ຺ຕຸໍ, ອປກ຺ກມຖ ສູກຣາຕິ.

ມຓິສູກຣ [ມຓິຆໍສ (ກ.)] ຊາຕກໍ ປຎ຺ຈມໍ.

ມາ ¶ ສາລູກສ຺ສ ປິຫຍິ, ອາຕຸຣນ຺ນານິ ຠຸຎ຺ຊຕິ;

ອປ຺ໂປສ຺ສຸກ຺ໂກ ຠຸສໍ ຂາທ, ເອຕໍ ທີຆາຍຸລກ຺ຂຓໍ.

ອິທານິ ໂສ ອິຘາຄນ຺ຕ຺ວາ, ອຕິຖີ ຍຸຕ຺ຕເສວໂກ;

ອຖ ທກ຺ຂສິ ສາລູກໍ, ສຍນ຺ຕໍ ມຸສລຸຕ຺ຕຣໍ.

ວິກນ຺ຕໍ ¶ [ວິກຕ຺ຕໍ (ສີ.), ວິກນ຺ຕິຍມານໍ ຉິນ຺ທິຍມານໍຕິ ອຕ຺ໂຖ] ສູກຣໍ ທິສ຺ວາ, ສຍນ຺ຕໍ ມຸສລຸຕ຺ຕຣໍ;

ຊຣຄ຺ຄວາ ວິຈິນ຺ເຕສຸໍ, ວຣມ຺ຫາກໍ ຠຸສາມິວາຕິ.

ນານຸມ຺ມຕ຺ໂຕ ນາປິສຸໂຓ, ນານໂຏ ນາກຸຕູຫໂລ;

ມູຬ຺ເຫສຸ ລຠເຕ ລາຠໍ, ເອສາ ເຕ ອນຸສາສນີ.

ຘິຣຕ຺ຖຸ ຕໍ ຍສລາຠໍ, ຘນລາຠຎ຺ຈ ພ຺ຣາຫ຺ມຓ;

ຍາ ວຸຕ຺ຕິ ວິນິປາເຕນ, ອຘມ຺ມຈຣເຓນ [ອຘມ຺ມຈຣິຍາຍ (ສີ. ສ຺ຍາ.)] ວາ.

ອປິ ເຈ ປຕ຺ຕມາທາຍ, ອນຄາໂຣ ປຣິພ຺ພເຊ;

ເອສາວ ຊີວິກາ ເສຍ຺ໂຍ [ເສຍ຺ຍາ (ສີ. ສ຺ຍາ. ປີ.)], ຍາ ຈາຘມ຺ເມນ ເອສນາຕິ.

ອຄ຺ຆນ຺ຕິ ¶ ມຈ຺ຉາ ອຘິກໍ ສຫສ຺ສໍ, ນ ໂສ ອຕ຺ຖິ ໂຍ ອິມໍ ສທ຺ທເຫຍ຺ຍ;

ມຍ຺ຫຎ຺ຈ ອສ຺ສຸ ອິຘ ສຕ຺ຕ ມາສາ, ອຫມ຺ປິ ຕໍ ມຈ຺ຉຸທ຺ທານໍ ກິເຓຍ຺ຍໍ.

ມຈ຺ຉານໍ ໂຠຊນໍ ທຕ຺ວາ, ມມ ທກ຺ຂິຓມາທິສິ;

ຕໍ ທກ຺ຂິຓໍ ສຣນ຺ຕິຍາ, ກຕໍ ອປຈິຕິໍ ຕຍາ.

ປທຸຏ຺ຐຈິຕ຺ຕສ຺ສ ¶ ¶ ນ ຜາຕິ ໂຫຕິ, ນ ຈາປິ ຕໍ [ນໍ (ສີ. ສ຺ຍາ.)] ເທວຕາ ປູຊຍນ຺ຕິ;

ໂຍ ຠາຕຣໍ ເປຕ຺ຕິກໍ ສາປເຕຍ຺ຍໍ, ອວຎ຺ຈຍີ ທຸກ຺ກຏກມ຺ມກາຣີຕິ.

ນານາຉນ຺ທາ ມຫາຣາຊ, ເອກາຄາເຣ ວສາມເສ;

ອຫໍ ຄາມວຣໍ ອິຈ຺ເຉ, ພ຺ຣາຫ຺ມຓີ ຈ ຄວໍ ສຕໍ.

ປຸຕ຺ໂຕ ຈ ອາຊຎ຺ຎຣຖໍ, ກຎ຺ຎາ ຈ ມຓິກຸຓ຺ຑລໍ;

ຍາ ເຈສາ ປຸຓ຺ຓິກາ ຊມ຺ມີ, ອຸທຸກ຺ຂລໍຠິກງ຺ຂຕິ.

ພ຺ຣາຫ຺ມຓສ຺ສ ຄາມວຣໍ, ພ຺ຣາຫ຺ມຓິຍາ ຄວໍ ສຕໍ;

ປຸຕ຺ຕສ຺ສ ອາຊຎ຺ຎຣຖໍ, ກຎ຺ຎາຍ ມຓິກຸຓ຺ຑລໍ;

ຍຎ຺ເຈຕໍ ປຸຓ຺ຓິກໍ ຊມ຺ມິໍ, ປຏິປາເທຖຸທຸກ຺ຂລນ຺ຕິ.

ສີລໍ ກິເຣວ ກລ຺ຍາຓໍ, ສີລໍ ໂລເກ ອນຸຕ຺ຕຣໍ;

ປສ຺ສ ໂຆຣວິໂສ ນາໂຄ, ສີລວາຕິ ນ ຫຎ຺ຎຕິ.

ໂສຫໍ ສີລໍ ສມາທິສ຺ສໍ, ໂລເກ ອນຸມຕໍ ສິວໍ;

ອຣິຍວຸຕ຺ຕິສມາຈາໂຣ ¶ , ເຍນ ວຸຈ຺ຈຕິ ສີລວາ.

ຎາຕີນຎ຺ຈ ປິໂຍ ໂຫຕິ, ມິຕ຺ເຕສຸ ຈ ວິໂຣຈຕິ;

ກາຍສ຺ສ ເຠທາ ສຸຄຕິໍ, ອຸປປຊ຺ຊຕິ ສີລວາຕິ.

ທຸມ ¶ ¶ ກໍສວຣຸຕ຺ຕມພ຺ຍຄ຺ຆມິຄາ, ມຓໂຍ ມຓິ ສາລຸກມວ຺ຫຍໂນ;

ອນຸສາສນິໂຍປິ ຈ ມຈ຺ຉວໂຣ, ມຓິກຸຓ຺ຑລເກນ ກິເຣນ ທສາຕິ.

ສພ຺ພກາມທທໍ ກຸມ຺ຠໍ, ກຸຏໍ ລທ຺ຘານ ຘຸຕ຺ຕໂກ;

ຍາວ ນໍ ອນຸປາເລຕິ, ຕາວ ໂສ ສຸຂເມຘຕິ.

ຍທາ ມຕ຺ໂຕ ຈ ທິຕ຺ໂຕ ຈ, ປມາທາ ກຸມ຺ຠມພ຺ຠິທາ;

ຕທາ ນຄ຺ໂຄ ຈ ໂປຕ຺ໂຖ ຈ, ປຈ຺ຉາ ພາໂລ ວິຫຎ຺ຎຕິ.

ເອວເມວ ໂຍ ຘນໍ ລທ຺ຘາ, ປມຕ຺ໂຕ [ອມຕ຺ຕາ (ສີ.), ອມຕ຺ໂຕ (ປີ.)] ປຣິຠຸຎ຺ຊຕິ;

ປຈ຺ຉາ ¶ ຕປ຺ປຕິ ທຸມ຺ເມໂຘ, ກຸຏໍ ຠິຕ຺ວາວ [ກຸຏໍ ຠິນ຺ໂນວ (ສີ. ປີ.), ກຸຏຠິນ຺ໂນວ (?)] ຘຸຕ຺ຕໂກຕິ.

ສຸຣາຆຏ [ຠທ຺ຣຆຏ (ສີ. ປີ.), ຠທ຺ຣຆຏເຠທກ (ສ຺ຍາ.)] ຊາຕກໍ ປຐມໍ.

ພາຣາຓສ຺ຍໍ [ພາຣາຓສ຺ສໍ (ສີ. ປີ.)] ມຫາຣາຊ, ກາກຣາຊາ ນິວາສໂກ [ນິວາສິໂກ (ສີ. ປີ.)];

ອສີຕິຍາ ສຫສ຺ເສຫິ, ສຸປຕ຺ໂຕ ປຣິວາຣິໂຕ.

ຕສ຺ສ ໂທຫຬິນີ ຠຣິຍາ, ສຸຜສ຺ສາ ຠກ຺ຂິຕຸມິຈ຺ຉຕິ [ມຈ຺ຉມິຈ຺ຉຕິ (ສີ. ປີ.)];

ຣຎ຺ໂຎ ມຫານເສ ປກ຺ກໍ, ປຈ຺ຈຄ຺ຆໍ ຣາຊໂຠຊນໍ.

ເຕສາຫໍ ປຫິໂຕ ທູໂຕ, ຣຎ຺ໂຎ ຈມ຺ຫິ ອິຘາຄໂຕ;

ຠຕ຺ຕຸ ອປຈິຕິໍ ກຸມ຺ມິ, ນາສາຍມກຣໍ [ມກຣິໍ (ສີ. ນິສ຺ສຍ)] ວຓນ຺ຕິ.

ຜຸຏ຺ຐສ຺ສ ¶ ເມ ອຎ຺ຎຕເຣນ ພ຺ຍາຘິນາ, ໂຣເຄນ ພາຬ຺ຫໍ ທຸຂິຕສ຺ສ ຣຸປ຺ປໂຕ;

ປຣິສຸສ຺ສຕິ ຂິປ຺ປມິທໍ ກເຬວຣໍ, ປຸປ຺ຜໍ ຍຖາ ປໍສຸນິ ອາຕເປ ກຕໍ.

ອຊຎ຺ຎໍ ¶ ຊຎ຺ຎສງ຺ຂາຕໍ, ອສຸຈິໍ ສຸຈິສມ຺ມຕໍ;

ນານາກຸຓປປຣິປູຣໍ, ຊຎ຺ຎຣູປໍ ອປສ຺ສໂຕ.

ຘິຣຕ຺ຖຸມໍ ¶ ອາຕຸຣໍ ປູຕິກາຍໍ, ເຊຄຸຈ຺ຉິຍໍ ອສ຺ສຸຈິໍ ພ຺ຍາຘິຘມ຺ມໍ;

ຍຕ຺ຖປ຺ປມຕ຺ຕາ ອຘິມຸຈ຺ຉິຕາ ປຊາ, ຫາເປນ຺ຕິ ມຄ຺ຄໍ ສຸຄຕູປປຕ຺ຕິຍາຕິ.

ກາຍນິພ຺ພິນ຺ທ [ກາຍວິຈ຺ຉນ຺ທ (ສີ.), ກາຍວິຈ຺ຉິນ຺ທ (ປີ.)] ຊາຕກໍ ຕຕິຍໍ.

ໂກຍໍ ພິນ຺ທຸສ຺ສໂຣ ວຄ຺ຄຸ, ສຣວນ຺ຕານ [ປວທນ຺ຕານ (ສີ. ປີ.)] ມຸຕ຺ຕໂມ;

ອຈ຺ຈຸໂຕ ຊມ຺ພຸສາຂາຍ, ໂມຣຈ຺ຉາໂປວ ກູຊຕິ.

ກຸລປຸຕ຺ໂຕວ ຊານາຕິ [ກຸລປຸຕ຺ໂຕ ປຊານາຕິ (ສ຺ຍາ. ກ.)], ກຸລປຸຕ຺ຕໍ [ກຸລປຸຕ຺ເຕ (ສີ. ປີ.)] ປສໍສິຕຸໍ;

ພ຺ຍຄ຺ຆຈ຺ຉາປສຣີວຓ຺ຓ, ຠຸຎ຺ຊ ສມ຺ມ ທທາມິ ເຕ.

ຈິຣສ຺ສໍ ວຕ ປສ຺ສາມິ, ມຸສາວາທີ ສມາຄເຕ;

ວນ຺ຕາທໍ ກຸຓປາທຎ຺ຈ, ອຎ຺ຎມຎ຺ຎໍ ປສໍສເກຕິ.

ອຸສຠສ຺ເສວ ເຕ ຂນ຺ໂຘ, ສີຫສ຺ເສວ ວິຊມ຺ຠິຕໍ;

ມິຄຣາຊ ນໂມ ຕ຺ຍຕ຺ຖຸ, ອປິ ກິຎ຺ຈິ ລຠາມເສ.

ກຸລປຸຕ຺ໂຕວ ຊານາຕິ, ກຸລປຸຕ຺ຕໍ ປສໍສິຕຸໍ;

ມຍູຣຄີວສງ຺ກາສ, ອິໂຕ ປຣິຍາຫິ ວາຍສ.

ມິຄານໍ ¶ ¶ ສິງ຺ຄາໂລ [ໂກຕ຺ຖຸໂກ (ສີ. ປີ.), ໂກຏ຺ຐຸໂກ (ສ຺ຍາ.)] ອນ຺ໂຕ, ປກ຺ຂີນໍ ປນ ວາຍໂສ;

ເອຣຓ຺ໂຑ ອນ຺ໂຕ ຣຸກ຺ຂານໍ, ຕໂຍ ອນ຺ຕາ ສມາຄຕາຕິ.

ໂກ ນາຍໍ [ໂກ ນ຺ວາຍໍ (ສ຺ຍາ.)] ໂລຓໂຕຍສ຺ມິໍ, ສມນ຺ຕາ ປຣິຘາວຕິ;

ມຈ຺ເຉ ມກເຣ ຈ ວາເຣຕິ, ອູມີສຸ ຈ ວິຫຎ຺ຎຕິ.

ອນນ຺ຕປາຍີ ສກຸໂຓ, ອຕິຕ຺ໂຕຕິ ທິສາສຸໂຕ;

ສມຸທ຺ທໍ ປາຕຸມິຈ຺ຉາມິ, ສາຄຣໍ ສຣິຕໍ ປຕິໍ.

ໂສ ¶ ອຍໍ ຫາຍຕິ ເຈວ, ປູຣເຕ ຈ ມໂຫທຘິ;

ນາສ຺ສ ນາຍຕິ ປີຕນ຺ໂຕ, ອເປຍ຺ໂຍ ກິຣ ສາຄໂຣຕິ.

ອຸຈ຺ເຈ ສກຸຓ ເຑມານ, ປຕ຺ຕຍານ ວິຫງ຺ຄມ;

ວຊ຺ຊາສິ ໂຂ ຕ຺ວໍ ວາມູຣຸໍ, ຈິຣໍ ໂຂ ສາ ກຣິສ຺ສຕິ [ສຣິສ຺ສຕິ (ກ.)].

ອິທໍ ໂຂ ສາ ນ ຊານາຕິ, ອສິໍ ສຕ຺ຕິຎ຺ຈ ໂອຑ຺ຑິຕໍ;

ສາ ຈຓ຺ຑີ ກາຫຕິ ໂກຘໍ, ຕໍ ເມ ຕປຕິ ໂນ ອິທໍ [ໂນ ອິຘ (ສີ. ສ຺ຍາ. ປີ.)].

ເອສ ¶ ອຸປ຺ປລສນ຺ນາໂຫ, ນິກ຺ຂຎ຺ຈຸສ຺ສີສໂກຫິຕໍ [ນິກ຺ຂມຸສ຺ສີສເກ ກຕໍ (ສີ. ປີ.), ນິກ຺ຂຎ຺ຈຸສ຺ສີສເກ ກຕໍ (ສ຺ຍາ.)];

ກາສິກຎ຺ຈ ມຸທຸໍ ວຕ຺ຖໍ, ຕປ຺ເປຕຸ ຘນິກາ ປິຍາຕິ [ຘນກາມິຍາຕິ (ສ຺ຍາ. ປີ.), ຘນກາມິກາຕິ (ສີ.)].

ອຸທຸມ຺ພຣາ ຈິເມ ປກ຺ກາ, ນິຄ຺ໂຣຘາ ຈ ກປິຕ຺ຖນາ;

ເອຫິ ນິກ຺ຂມ ຠຸຎ຺ຊສ຺ສຸ, ກິໍ ຊິຆຈ຺ຉາຍ ມິຍ຺ຍສິ.

ເອວໍ ¶ ໂສ ສຸຫິໂຕ ໂຫຕິ, ໂຍ ວຸຑ຺ຒມປຈາຍຕິ;

ຍຖາຫມຊ຺ຊ ສຸຫິໂຕ, ທຸມປກ຺ການິ ມາສິໂຕ.

ຍໍ ວເນໂຊ ວເນຊສ຺ສ, ວຎ຺ເຈຍ຺ຍ ກປິໂນ ກປິ;

ທຫໂຣ ກປິ [ທຫໂຣປິ ຕໍ ນ (ສີ. ປີ.), ທຫໂຣປິ ນ (ສ຺ຍາ.)] ສທ຺ເຘຍ຺ຍ, ນ ຫິ ຊິຓ຺ໂຓ ຊຣາກປີຕິ.

ປຸເຣ ຕຸວໍ ສີລວຕໍ ສກາເສ, ໂອກ຺ກນ຺ຕິກໍ [ໂອກ຺ກນ຺ທິກໍ (ສີ. ສ຺ຍາ. ປີ.)] ກີຬສິ ອສ຺ສມມ຺ຫິ;

ກໂຣຫເຣ [ກໂຣຫິ ເຣ (ກ.)] ມກ຺ກຏິຍານິ ມກ຺ກຏ, ນ ຕໍ ມຍໍ ສີລວຕໍ ຣມາມ.

ສຸຕາ ¶ ຫິ ມຍ຺ຫໍ ປຣມາ ວິສຸທ຺ຘິ, ໂກມາຣປຸຕ຺ຕສ຺ສ ພຫຸສ຺ສຸຕສ຺ສ;

ມາ ທານິ ມໍ ມຎ຺ຎິ ຕຸວໍ ຍຖາ ປຸເຣ, ຌານານຸຍຸຕ຺ໂຕ ວິຫຣາມິ [ຌານານຸຍຸຕ຺ຕາ ວິຫຣາມ (ສີ. ປີ.)] ອາວຸໂສ.

ສເຈປິ ເສລສ຺ມິ ວເປຍ຺ຍ ພີຊໍ, ເທໂວ ຈ ວສ຺ເສ ນ ຫິ ຕໍ ວິຣູຬ຺ເຫ [ເນວ ຫິ ຕໍ ຣຸເຫຍ຺ຍ (ສີ. ປີ.), ນ ຫິ ຕໍ ວິຣູເຫ (?)];

ສຸຕາ ຫິ ເຕ ສາ ປຣມາ ວິສຸທ຺ຘິ, ອາຣາ ຕຸວໍ ມກ຺ກຏ ຌານຠູມິຍາຕິ.

ປຣປາຓໂຣຘາ ¶ [ປຣປາຓຆາເຕ (ສ຺ຍາ.), ປຣປາຓໂຣຈໍ (ກ.)] ຊີວນ຺ໂຕ, ມໍສໂລຫິຕໂຠຊໂນ;

ວໂກ ວຕໍ ສມາທາຍ, ອຸປປຊ຺ຊິ ອຸໂປສຖໍ.

ຕສ຺ສ ສກ຺ໂກ ວຕຎ຺ຎາຍ, ອຊຣູເປນຸປາຄມິ;

ວີຕຕໂປ ອຊ຺ຌປ຺ປຕ຺ໂຕ, ຠຎ຺ຊິ ໂລຫິຕໂປ ຕປໍ.

ເອວເມວ ¶ ອິເຘກຈ຺ເຈ, ສມາທານມ຺ຫິ ທຸພ຺ພລາ;

ລຫຸໍ ກໂຣນ຺ຕິ ອຕ຺ຕານໍ, ວໂກວ ອຊກາຣຓາຕິ.

ວຣກຸມ຺ຠ ¶ ສຸປຕ຺ຕສິຣິວ຺ຫຍໂນ, ສຸຈິສມ຺ມຕ ພິນ຺ທຸສໂຣ ຈຸສໂຠ;

ສຣິຕໍປຕິ ຈຓ຺ຑິ ຊຣາກປິນາ, ອຖ ມກ຺ກຏິຍາ ວກເກນ ທສາຕິ.

ສງ຺ກປ຺ໂປ ປທຸໂມ ເຈວ, ອຸທປາເນນ ຕຕິຍໍ;

ອພ຺ຠນ຺ຕຣໍ ຆຏເຠທໍ, ຕິກນິປາຕມ຺ຫິລງ຺ກຕນ຺ຕິ.

ວິວຣຖິມາສໍ ¶ ¶ ¶ [ວິວຣຖ ອິມາສໍ (ສີ. ສ຺ຍາ. ປີ.)] ທ຺ວາຣໍ, ນຄຣໍ ປວິສນ຺ຕຸ [ປວິສິຕຸໍ ມຍາ; (ກ.)] ອຣຸຓຣາຊສ຺ສ;

ສີເຫນ ສຸສິຏ຺ເຐນ, ສຸຣກ຺ຂິຕໍ [ສຸສຕ຺ເຖນ, ສຸຣກ຺ຂິຕໍ (ສີ. ປີ.), ສຸສິຏ຺ເຐນ (ກ.)] ນນ຺ທິເສເນນ.

ຊໂຍ ກລິງ຺ຄານມສຍ຺ຫສາຫິນໍ, ປຣາຊໂຍ ອນໂຍ [ອຊໂຍ (ສ຺ຍາ.), ອນ຺ວິໂຕ (ກ.)] ອສ຺ສການໍ;

ອິຈ຺ເຈວ ເຕ ຠາສິຕໍ ພ຺ຣຫ຺ມຈາຣິ, ນ ອຸຊ຺ຊຸຠູຕາ ວິຕຖໍ ຠຓນ຺ຕິ.

ເທວາ ມຸສາວາທມຸປາຕິວຕ຺ຕາ, ສຈ຺ຈໍ ຘນໍ ປຣມໍ ເຕສຸ [ຕຖໍ ເປມກຣໍ ນຸ (ກ.), ຕຖໍ ປຣມໍ ກຣໍ ນຸ (ສ຺ຍາ.)] ສກ຺ກ;

ຕໍ ເຕ ມຸສາ ຠາສິຕໍ ເທວຣາຊ, ກິໍ ວາ ປຏິຈ຺ຈ ມຆວາ ມຫິນ຺ທ.

ນນຸ ເຕ ສຸຕໍ ພ຺ຣາຫ຺ມຓ ຠຎ຺ຎມາເນ, ເທວາ ນ ອິສ຺ສນ຺ຕິ ປຸຣິສປຣກ຺ກມສ຺ສ;

ທໂມ ສມາຘິ ມນໂສ ອເຠຊ຺ໂຊ [ອເທຊ຺ໂຊ (ສີ. ປີ.), ອຠິຊ຺ໂຊ (ກ.)], ອພ຺ຍຄ຺ຄຕາ ¶ ນິກ຺ກມນຎ຺ຈ [ນິກ຺ຂມນຎ຺ຈ (ສີ.)] ກາເລ;

ທຬ຺ຫຎ຺ຈ ວິຣິຍໍ ປຸຣິສປຣກ຺ກໂມ ຈ, ເຕເນວ ອາສິ ວິຊໂຍ ອສ຺ສການນ຺ຕິ.

ອເທຍ຺ເຍສຸ ທທໍ ທານໍ, ເທຍ຺ເຍສຸ ນປ຺ປເວຈ຺ຉຕິ;

ອາປາສຸ ພ຺ຍສນໍ ປຕ຺ໂຕ, ສຫາຍໍ ນາຘິຄຈ຺ຉຕິ.

ນາເທຍ຺ເຍສຸ ¶ ທທໍ ທານໍ, ເທຍ຺ເຍສຸ ໂຍ ປເວຈ຺ຉຕິ;

ອາປາສຸ ພ຺ຍສນໍ ປຕ຺ໂຕ, ສຫາຍມຘິຄຈ຺ຉຕິ.

ສຎ຺ໂຎຄສມ຺ໂຠຄວິເສສທສ຺ສນໍ, ອນຣິຍຘມ຺ເມສຸ ສເຐສຸ ນສ຺ສຕິ;

ກຕຎ຺ຈ ອຣິເຍສຸ ຈ ອຊ຺ຊເວສຸ, ມຫປ຺ຜລໍ ໂຫຕິ ອຓຸມ຺ປິ ຕາທິສຸ.

ໂຍ ປຸພ຺ເພ ກຕກລ຺ຍາໂຓ, ອກາ ໂລເກ ສຸທຸກ຺ກຣໍ;

ປຈ຺ຉາ ກຍິຣາ ນ ວາ ກຍິຣາ, ອຈ຺ຈນ຺ຕໍ ປູຊນາຣໂຫຕິ.

ອນຸຕ຺ຕເຣ ¶ ¶ ກາມຄຸເຓ ສມິທ຺ເຘ, ຠຸຕ຺ວານ ປຸພ຺ເພ ວສີ ເອກຣາຊ;

ໂສ ທານິ ທຸຄ຺ເຄ ນຣກມ຺ຫິ ຂິຕ຺ໂຕ, ນປ຺ປຊ຺ຊເຫ ວຓ຺ຓພລໍ ປຸຣາຓໍ.

ປຸພ຺ເພວ ຂນ຺ຕີ ຈ ຕໂປ ຈ ມຍ຺ຫໍ, ສມ຺ປຕ຺ຖິຕາ ທຸພ຺ຠິເສນ [ທພ຺ພເສນາ (ສີ. ປີ.)] ອໂຫສິ;

ຕໍ ທານິ ລທ຺ຘານ ກຖໍ ນຸ ຣາຊ, ຊເຫ ອຫໍ ວຓ຺ຓພລໍ ປຸຣາຓໍ.

ສພ຺ພາ ກິເຣວໍ ປຣິນິຏ຺ຐິຕານິ, ຍສສ຺ສິນໍ ປຎ຺ຎວນ຺ຕໍ ວິສຍ຺ຫ;

ຍໂສ ຈ ລທ຺ຘາ ປຸຣິມໍ ອຸຬາຣໍ, ນປ຺ປຊ຺ຊເຫ ວຓ຺ຓພລໍ ປຸຣາຓໍ.

ປນຸຊ຺ຊ ທຸກ຺ເຂນ ສຸຂໍ ຊນິນ຺ທ, ສຸເຂນ ວາ ທຸກ຺ຂມສຍ຺ຫສາຫິ;

ອຸຠຍຕ຺ຖ ສນ຺ໂຕ ອຠິນິພ຺ພຸຕຕ຺ຕາ, ສຸເຂ ຈ ທຸກ຺ເຂ ຈ ຠວນ຺ຕິ ຕຸລ຺ຍາຕິ.

ອິມານິ ¶ ¶ ມໍ ທທ຺ທຣ ຕາປຍນ຺ຕິ, ວາຈາທຸຣຸຕ຺ຕານິ ມນຸສ຺ສໂລເກ;

ມຓ຺ຑູກຠກ຺ຂາ ອຸທກນ຺ຕເສວີ, ອາສີວິສໍ ມໍ ອວິສາ ສປນ຺ຕິ.

ສກາ ຣຏ຺ຐາ ປພ຺ພາຊິໂຕ, ອຎ຺ຎໍ ຊນປທໍ ຄໂຕ;

ມຫນ຺ຕໍ ໂກຏ຺ຐໍ ກຍິຣາຖ, ທຸຣຸຕ຺ຕານໍ [ທຸຣຸຕ຺ຕານິ (ກ.)] ນິເຘຕເວ.

ຍຕ຺ຖ ໂປສໍ ນ ຊານນ຺ຕິ, ຊາຕິຍາ ວິນເຍນ ວາ;

ນ ຕຕ຺ຖ ມານໍ ກຍິຣາຖ, ວສມຎ຺ຎາຕເກ ຊເນ.

ວິເທສວາສໍ ວສໂຕ, ຊາຕເວທສເມນປິ [ຊາຕເວທຠເຍນປິ (ກ.)];

ຂມິຕພ຺ພໍ ສປຎ຺ເຎນ, ອປິ ທາສສ຺ສ ຕຊ຺ຊິຕນ຺ຕິ.

ນຕ຺ຖິ ໂລເກ ຣໂຫ ນາມ, ປາປກມ຺ມໍ ປກຸພ຺ພໂຕ;

ປສ຺ສນ຺ຕິ ວນຠູຕານິ, ຕໍ ພາໂລ ມຎ຺ຎຕີ ຣໂຫ.

ອຫໍ ຣໂຫ ນ ປສ຺ສາມິ, ສຸຎ຺ຎໍ ວາປິ ນ ວິຊ຺ຊຕິ;

ຍຕ຺ຖ ອຎ຺ຎໍ [ສຸຎ຺ຎໍ (ສ຺ຍາ. ກ.)] ນ ປສ຺ສາມິ, ອສຸຎ຺ຎໍ ໂຫຕິ ຕໍ ມຍາ.

ທຸຊ຺ຊຈ຺ໂຈ ຈ ສຸຊຈ຺ໂຈ [ອຊຈ຺ໂຈ (ປີ.)] ຈ, ນນ຺ໂທ ຈ ສຸຂວຑ຺ຒິໂຕ [ສຸຂວຈ຺ຉໂກ (ສີ.), ສຸຂວຈ຺ຉໂນ (ສ຺ຍາ. ປີ.)];

ເວຊ຺ໂຊ ¶ ຈ ອທ຺ຘຸວສີໂລ [ອຖ ສີໂລ (ກ.)] ຈ, ເຕ ຘມ຺ມໍ ຊຫຸ ມຕ຺ຖິກາ.

ພ຺ຣາຫ຺ມໂຓ ¶ ຈ ກຖໍ ຊເຫ, ສພ຺ພຘມ຺ມານ ປາຣຄູ;

ໂຍ ຘມ຺ມມນຸປາເລຕິ, ຘິຕິມາ ສຈ຺ຈນິກ຺ກໂມຕິ.

ກິມຓ຺ຑກາ ¶ ອິເມ ເທວ, ນິກ຺ຂິຕ຺ຕາ ກໍສມລ຺ລເກ;

ອຸປໂລຫິຕກາ ວຄ຺ຄູ, ຕໍ [ເຕ (ປີ.)] ເມ ອກ຺ຂາຫິ ປຸຈ຺ຉິໂຕ.

ຍານິ ປຸເຣ ຕຸວໍ ເທວິ, ຠຓ຺ຑຸ ນນ຺ຕກວາສິນີ;

ອຸຈ຺ຉງ຺ຄຫຕ຺ຖາ ປຈິນາສິ, ຕສ຺ສາ ເຕ ໂກລິຍໍ ຜລໍ.

ອຸຑ຺ຑຍ຺ຫເຕ ນ ຣມຕິ, ໂຠຄາ ວິປ຺ປຊຫນ຺ຕິ ຕໍ [ວິປ຺ປຊຫນ຺ຕິ’ມໍ (?)];

ຕຕ຺ເຖວິມໍ ປຏິເນຖ, ຍຕ຺ຖ ໂກລໍ ປຈິສ຺ສຕິ.

ໂຫນ຺ຕິ ເຫເຕ ມຫາຣາຊ, ອິທ຺ຘິປ຺ປຕ຺ຕາຍ [ອິທ຺ຘິມຕ຺ຕາຍ (ກ.)] ນາຣິຍາ;

ຂມ ເທວ ສຸຊາຕາຍ, ມາສ຺ສາ [ມາສຸ (ກ.)] ກຸຊ຺ຌ ຣເຖສຠາຕິ.

ອເຈຕນໍ ພ຺ຣາຫ຺ມຓ ອສ຺ສຸຓນ຺ຕໍ, ຊາໂນ ອຊານນ຺ຕມິມໍ ປລາສໍ;

ອາຣທ຺ຘວິຣິໂຍ ຘຸວໍ ອປ຺ປມຕ຺ໂຕ, ສຸຂເສຍ຺ຍໍ ¶ ປຸຈ຺ຉສິ ກິສ຺ສ ເຫຕຸ.

ທູເຣ ສຸໂຕ ເຈວ ພ຺ຣຫາ ຈ ຣຸກ຺ໂຂ, ເທເສ ຐິໂຕ ຠູຕນິວາສຣູໂປ;

ຕສ຺ມາ ນມສ຺ສາມິ ອິມໍ ປລາສໍ, ເຍ ເຈຕ຺ຖ ຠູຕາ ເຕ [ເຕ ຈ (ສີ. ປີ.)] ຘນສ຺ສ ເຫຕຸ.

ໂສ ເຕ ກຣິສ຺ສາມິ ຍຖານຸຠາວໍ, ກຕຎ຺ຎຸຕໍ ພ຺ຣາຫ຺ມຓ ເປກ຺ຂມາໂນ;

ກຖຎ຺ຫິ ອາຄມ຺ມ ສຕໍ ສກາເສ, ໂມຆານິ ເຕ ອສ຺ສຸ ປຣິຜນ຺ທິຕານິ.

ໂຍ ¶ ຕິນ຺ທຸກຣຸກ຺ຂສ຺ສ ປໂຣ [ປຸໂຣ (ກ.)] ປິລກ຺ໂຂ [ປິລກ຺ຂຸ (ສີ. ປີ.), ມິລກ຺ຂຸ (ກ.)], ປຣິວາຣິໂຕ ປຸພ຺ພຍຎ຺ໂຎ ອຸຬາໂຣ;

ຕສ຺ເສສ ມູລສ຺ມິໍ ນິຘິ ນິຂາໂຕ, ອທາຍາໂທ ຄຈ຺ຉ ຕໍ ອຸທ຺ຘຣາຫີຕິ.

ອກຣມ຺ຫສ ເຕ ກິຈ຺ຈໍ, ຍໍ ພລໍ ອຫຸວມ຺ຫເສ;

ມິຄຣາຊ ນໂມ ຕ຺ຍຕ຺ຖຸ, ອປິ ກິຎ຺ຈິ ລຠາມເສ.

ມມ ¶ ໂລຫິຕຠກ຺ຂສ຺ສ, ນິຈ຺ຈໍ ລຸທ຺ທານິ ກຸພ຺ພໂຕ;

ທນ຺ຕນ຺ຕຣຄໂຕ ສນ຺ໂຕ, ຕໍ ພຫຸໍ ຍມ຺ປິ ຊີວສິ.

ອກຕຎ຺ຎຸມກຕ຺ຕາຣໍ ¶ , ກຕສ຺ສ ອປ຺ປຏິກາຣກໍ;

ຍສ຺ມິໍ ກຕຎ຺ຎຸຕາ ນຕ຺ຖິ, ນິຣຕ຺ຖາ ຕສ຺ສ ເສວນາ.

ຍສ຺ສ ສມ຺ມຸຂຈິຓ຺ເຓນ, ມິຕ຺ຕຘມ຺ໂມ ນ ລພ຺ຠຕິ;

ອນຸສູຍ [ອນຸສຸຍ຺ຍ (ສີ. ປີ.)] ມນກ຺ໂກສໍ, ສຓິກໍ ຕມ຺ຫາ ອປກ຺ກເມຕິ.

ສພ຺ພມິທໍ ຈຣິມໍ ກຕໍ [ຈຣິມວຕໍ (ສີ. ປີ.)], ອຸໂຠ ຘມ຺ມໍ ນ ປສ຺ສເຣ;

ອຸໂຠ ປກຕິຍາ ຈຸຕາ, ໂຍ ຈາຍໍ ມນ຺ເຕຊ຺ຌາເປຕິ [ມນ຺ຕຊ຺ຌາຍຕິ (ສີ.), ສຊ຺ຌາປຍຕິ (ປີ.)];

ສາລີນໍ ໂອທນໍ ຠຸຎ຺ເຊ, ສຸຈິໍ ມໍສູປເສຈນໍ;

ຕສ຺ມາ ເອຕໍ ນ ເສວາມິ, ຘມ຺ມໍ ອິສີຫິ ເສວິຕໍ.

ປຣິພ຺ພຊ ມຫາ ໂລໂກ [ມຫາພ຺ຣຫ຺ເມ (ກ.)], ປຈນ຺ຕຎ຺ເຎປິ ປາຓິໂນ;

ມາ ຕໍ ອຘມ຺ໂມ ອາຈຣິໂຕ, ອສ຺ມາ ກຸມ຺ຠມິວາຠິທາ.

ຘິຣຕ຺ຖຸ ¶ ຕໍ ຍສລາຠໍ, ຘນລາຠຎ຺ຈ ພ຺ຣາຫ຺ມຓ;

ຍາ ວຸຕ຺ຕິ ວິນິປາເຕນ, ອຘມ຺ມຈຣເຓນ ວາຕິ.

ສສມຸທ຺ທປຣິຍາຍໍ ¶ , ມຫິໍ ສາຄຣກຸຓ຺ຑລໍ;

ນ ອິຈ຺ເຉ ສຫ ນິນ຺ທາຍ, ເອວໍ ເສຍ຺ຍ [ສຍ຺ຫ (ສີ. ສ຺ຍາ. ປີ.)] ວິຊານຫິ.

ຘິຣຕ຺ຖຸ ຕໍ ຍສລາຠໍ, ຘນລາຠຎ຺ຈ ພ຺ຣາຫ຺ມຓ;

ຍາ ວຸຕ຺ຕິ ວິນິປາເຕນ, ອຘມ຺ມຈຣເຓນ ວາ.

ອປິ ເຈ ປຕ຺ຕມາທາຍ, ອນຄາໂຣ ປຣິພ຺ພເຊ;

ສາເຍວ ຊີວິກາ ເສຍ຺ໂຍ, ຍາ ຈາຘມ຺ເມນ ເອສນາ.

ອປິ ¶ ເຈ ປຕ຺ຕມາທາຍ, ອນຄາໂຣ ປຣິພ຺ພເຊ;

ອຎ຺ຎໍ ອຫິໍສຍໍ ໂລເກ, ອປິ ຣຊ຺ເຊນ ຕໍ ວຣນ຺ຕິ.

ເສຍ຺ຍຊາຕກໍ [ສຍ຺ຫຊາຕກໍ (ສີ. ສ຺ຍາ. ປີ.)] ທສມໍ.

ກາລິງ຺ຄວຄ຺ໂຄ [ວິວຣວຄ຺ໂຄ (ສີ. ປີ.)] ປຐໂມ.

ວິວຣຎ຺ຈ ອເທຍ຺ຍ ສມິທ຺ຘວຣໍ, ອຖ ທທ຺ທຣ ປາປມຫາຕິຣໂຫ;

ອຖ ໂກລິ ປລາສວຣຎ຺ຈ ກຣ, ຈຣິມໍ ສສມຸທ຺ທວເຣນ ທສາຕິ.

ອຸຏ຺ເຐຫິ ໂຈຣ ກິໍ ເສສິ, ໂກ ອຕ຺ໂຖ ສຸປເນນ [ສຸປິເຕນ (ສີ.), ສຸປິເນນ (ປີ. ກ.)] ເຕ;

ມາ ¶ ຕໍ ຄເຫສຸໍ [ຄຓ຺ເຫຍ຺ຍຸໍ (ກ.)] ຣາຊາໂນ, ຄາເມ ກິພ຺ພິສກາຣກໍ.

ຍໍ ¶ ນຸ [ນູນ (ສ຺ຍາ.)] ໂຈຣໍ ຄເຫສ຺ສນ຺ຕິ, ຄາເມ ກິພ຺ພິສກາຣກໍ;

ກິໍ ຕຕ຺ຖ ປຸຈິມນ຺ທສ຺ສ, ວເນ ຊາຕສ຺ສ ຕິຏ຺ຐໂຕ.

ນ ຕ຺ວໍ ອສ຺ສຕ຺ຖ ຊານາສິ, ມມ ໂຈຣສ຺ສ ຈນ຺ຕຣໍ;

ໂຈຣໍ ຄເຫຕ຺ວາ ຣາຊາໂນ, ຄາເມ ກິພ຺ພິສກາຣກໍ;

ອປ຺ເປນ຺ຕິ [ອຈ຺ເຈນ຺ຕິ (ສ຺ຍາ.)] ນິມ຺ພສູລສ຺ມິໍ, ຕສ຺ມິໍ ເມ ສງ຺ກເຕ ມໂນ.

ສງ຺ເກຍ຺ຍ ສງ຺ກິຕພ຺ພານິ, ຣກ຺ເຂຍ຺ຍານາຄຕໍ ຠຍໍ;

ອນາຄຕຠຍາ ຘີໂຣ, ອຸໂຠ ໂລເກ ອເວກ຺ຂຕີຕິ.

ອປິ ກສ຺ສປ ມນ຺ທິຍາ, ຍຸວາ ສປຕິ ຫນ຺ຕິ [ສມ຺ປຏິຫນ຺ຕິ (ກ.)] ວາ;

ສພ຺ພໍ ຕໍ ຂມເຕ ຘີໂຣ, ປຓ຺ຑິໂຕ ຕໍ ຕິຕິກ຺ຂຕິ.

ສເຈປິ ສນ຺ໂຕ ວິວທນ຺ຕິ, ຂິປ຺ປໍ ສນ຺ຘີຍເຣ ປຸນ;

ພາລາ ປຕ຺ຕາວ ຠິຊ຺ຊນ຺ຕິ, ນ ເຕ ສມຖມຊ຺ຌຄູ.

ເອເຕ ¶ ຠິຍ຺ໂຍ ສມາຍນ຺ຕິ, ສນ຺ຘິ ເຕສໍ ນ ຊີຣຕິ;

ໂຍ ຈາຘິປນ຺ນໍ ຊານາຕິ, ໂຍ ຈ ຊານາຕິ ເທສນໍ.

ເອໂສ ຫິ ອຸຕ຺ຕຣິຕໂຣ, ຠາຣວໂຫ ຘຸຣທ຺ຘໂຣ;

ໂຍ ປເຣສາຘິປນ຺ນານໍ ¶ , ສຍໍ ສນ຺ຘາຕຸມຣຫຕີຕິ.

ໂຍ ເຕ ຫຕ຺ເຖ ຈ ປາເທ ຈ, ກຓ຺ຓນາສຎ຺ຈ ເຉທຍິ;

ຕສ຺ສ ກຸຊ຺ຌ ມຫາວີຣ, ມາ ຣຏ຺ຐໍ ວິນສາ [ວິນສ຺ສ (ກ. ສີ. ສ຺ຍາ. ກ.)] ອິທໍ.

ໂຍ ເມ ຫຕ຺ເຖ ຈ ປາເທ ຈ, ກຓ຺ຓນາສຎ຺ຈ ເຉທຍິ;

ຈິຣໍ ຊີວຕຸ ໂສ ຣາຊາ, ນ ຫິ ກຸຊ຺ຌນ຺ຕິ ມາທິສາ.

ອຫູ ອຕີຕມທ຺ຘານໍ [ອຫຸ ອຕີຕມທ຺ຘາເນ (ສ຺ຍາ. ປີ. ກ.)], ສມໂຓ ຂນ຺ຕິທີປໂນ;

ຕໍ ຂນ຺ຕິຍາເຍວ ຐິຕໍ, ກາສິຣາຊາ ອເຉທຍິ.

ຕສ຺ສ ¶ ກມ຺ມ [ກມ຺ມສ຺ສ (ສີ. ປີ.)] ຜຣຸສສ຺ສ, ວິປາໂກ ກຏຸໂກ ອຫຸ;

ຍໍ ກາສິຣາຊາ ເວເທສິ, ນິຣຍມ຺ຫິ ສມປ຺ປິໂຕຕິ.

ທຸຊ຺ຊີວິຕມຊີວິມ຺ຫ, ເຍ ສນ຺ເຕ [ເຍສໍ ໂນ (ສ຺ຍາ. ກ.)] ນ ທທມ຺ຫເສ;

ວິຊ຺ຊມາເນສຸ ໂຠເຄສຸ, ທີປໍ ນາກມ຺ຫ ອຕ຺ຕໂນ.

ສຏ຺ຐິ [ສຏ຺ຐິໍ (ສ຺ຍາ.)] ວສ຺ສສຫສ຺ສານິ, ປຣິປຸຓ຺ຓານິ ສພ຺ພໂສ;

ນິຣເຍ ປຈ຺ຈມານານໍ, ກທາ ອນ຺ໂຕ ຠວິສ຺ສຕິ.

ນຕ຺ຖິ ອນ຺ໂຕ ກຸໂຕ ອນ຺ໂຕ, ນ ອນ຺ໂຕ ປຏິທິສ຺ສຕິ;

ຕທາ ¶ ຫິ ປກຕໍ ປາປໍ, ມມ ຕຸຍ຺ຫຎ຺ຈ ມາຣິສາ [ມາຣິສ (ສີ. ສ຺ຍາ. ປີ.)].

ໂສຫໍ ນູນ ອິໂຕ ຄນ຺ຕ຺ວາ, ໂຍນິໍ ລທ຺ຘານ ມານຸສິໍ;

ວທຎ຺ຎູ ສີລສມ຺ປນ຺ໂນ, ກາຫາມິ ກຸສລໍ ພຫຸນ຺ຕິ.

ຜຣຸສາ ¶ ວຕ ເຕ ວາຈາ, ມໍສໍ [ສມ຺ມ (ປີ. ກ.)] ຍາຈນໂກ ອສິ [ຈສິ (ປີ.)];

ກິໂລມສທິສີ [ກິໂລມສ຺ສ ສທິສາ (ປີ.)] ວາຈາ, ກິໂລມໍ ສມ຺ມ ທມ຺ມິ ເຕ.

ອງ຺ຄເມຕໍ ມນຸສ຺ສານໍ, ຠາຕາ ໂລເກ ປວຸຈ຺ຈຕິ;

ອງ຺ຄສ຺ສ ສທິສີ ວາຈາ [ອງ຺ຄສ຺ສທິສີ ເຕ ວາຈາ (ກ.)], ອງ຺ຄໍ ສມ຺ມ ທທາມິ ເຕ.

ຕາຕາຕິ ປຸຕ຺ໂຕ ວທມາໂນ, ກມ຺ເປຕິ [ສມ຺ເມຕິ (ກ.)] ຫທຍໍ ປິຕຸ;

ຫທຍສ຺ສ ສທິສີ [ຫທຍສ຺ສທິສີ (ກ.)] ວາຈາ, ຫທຍໍ ສມ຺ມ ທມ຺ມິ ເຕ.

ຍສ຺ສ ຄາເມ ສຂາ ນຕ຺ຖິ, ຍຖາຣຎ຺ຎໍ ຕເຖວ ຕໍ;

ສພ຺ພສ຺ສ ສທິສີ ວາຈາ, ສພ຺ພໍ ສມ຺ມ ທທາມິ ເຕຕິ.

ສພ຺ພມໍສລາຠຊາຕກໍ [ມໍສຊາຕກໍ (ສີ. ສ຺ຍາ. ປີ.)] ປຎ຺ຈມໍ.

ສຕ຺ຕ ¶ ເມ ໂຣຫິຕາ ມຈ຺ຉາ, ອຸທກາ ຖລມຸພ຺ຠຕາ;

ອິທໍ ພ຺ຣາຫ຺ມຓ ເມ ອຕ຺ຖິ, ເອຕໍ ຠຸຕ຺ວາ ວເນ ວສ.

ທຸສ຺ສ ເມ ເຂຕ຺ຕປາລສ຺ສ, ຣຕ຺ຕິຠຕ຺ຕໍ ອປາຠຕໍ;

ມໍສສູລາ ¶ ຈ ທ຺ເວ ໂຄຘາ, ເອກຎ຺ຈ ທຘິວາຣກໍ;

ອິທໍ ພ຺ຣາຫ຺ມຓ ເມ ອຕ຺ຖິ, ເອຕໍ ຠຸຕ຺ວາ ວເນ ວສ.

ອມ຺ພປກ຺ກໍ ທກໍ [ອມ຺ພປກ຺ໂກທກໍ (ສີ. ປີ.)] ສີຕໍ, ສີຕຈ຺ຉາຍາ ມໂນຣມາ [ສີຕຈ຺ຉາຍໍ ມໂນຣມໍ (ສີ. ສ຺ຍາ. ປີ.)];

ອິທໍ ພ຺ຣາຫ຺ມຓ ເມ ອຕ຺ຖິ, ເອຕໍ ຠຸຕ຺ວາ ວເນ ວສ.

ນ ສສສ຺ສ ຕິລາ ອຕ຺ຖິ, ນ ມຸຄ຺ຄາ ນປິ ຕຓ຺ຑຸລາ;

ອິມິນາ ອຄ຺ຄິນາ ປກ຺ກໍ, ມມໍ [ມໍສໍ (ກ.)] ຠຸຕ຺ວາ ວເນ ວສາຕິ.

ມຕໍ ມຕໍ ເອວ [ມຕມຕເມວ (ສີ. ສ຺ຍາ. ປີ.)] ໂຣທຖ, ນ ຫິ ຕໍ ໂຣທຖ ໂຍ ມຣິສ຺ສຕິ;

ສພ຺ເພປິ [ສພ຺ເພວ (ສີ. ສ຺ຍາ. ປີ.)] ສຣີຣຘາຣິໂນ, ອນຸປຸພ຺ເພນ ຊຫນ຺ຕິ ຊີວິຕໍ.

ເທວມນຸສ຺ສາ ຈຕຸປ຺ປທາ, ປກ຺ຂິຄຓາ ອຸຣຄາ ຈ ໂຠຄິໂນ;

ສມ຺ຫິ [ຍມ຺ຫິ (ສ຺ຍາ.), ອສ຺ມິໍ (ປີ. ກ.)] ສຣີເຣ ອນິສ຺ສຣາ, ຣມມານາວ ຊຫນ຺ຕິ ຊີວິຕໍ.

ເອວໍ ¶ ຈລິຕໍ ອສຓ຺ຐິຕໍ, ສຸຂທຸກ຺ຂໍ ມນຸເຊສ຺ວເປກ຺ຂິຍ;

ກນ຺ທິຕຣຸທິຕໍ ນິຣຕ຺ຖກໍ, ກິໍ ໂວ ໂສກຄຓາຠິກີຣເຣ.

ຘຸຕ຺ຕາ ຈ ໂສຓ຺ຑາ [ຘຸຕ຺ຕາ ໂສຓ຺ຑາ (ສີ.), ຘຸຕ຺ຕາ ໂສຓ຺ຑາ ຈ (ສ຺ຍາ.)] ອກຕາ, ພາລາ ສູຣາ ອໂຍຄິໂນ [ພາລາ ສູຣາ ວີຣາ ອໂຍຄິໂນ (ປີ.)];

ຘີຣໍ ມຎ຺ຎນ຺ຕິ ພາໂລຕິ, ເຍ ຘມ຺ມສ຺ສ ອໂກວິທາຕິ.

ຍໍ ¶ ¶ ຕໍ ວສນ຺ຕສມເຍ, ກຓເວເຣສຸ ຠາຓຸສຸ;

ສາມໍ ພາຫາຍ ປີເຬສິ, ສາ ຕໍ ອາໂຣຄ຺ຍມພ຺ຣວິ.

ອມ຺ໂຠ ນ ກິຣ ສທ຺ເຘຍ຺ຍໍ, ຍໍ ວາໂຕ ປພ຺ພຕໍ ວເຫ;

ປພ຺ພຕຎ຺ເຈ ວເຫ ວາໂຕ, ສພ຺ພມ຺ປິ ປຖວິໍ ວເຫ;

ຍຕ຺ຖ ສາມາ ກາລກຕາ [ກາລງ຺ກຕາ (ກ.)], ສາ ມໍ ອາໂຣຄ຺ຍມພ຺ຣວິ.

ນ ເຈວ ສາ ກາລກຕາ, ນ ຈ ສາ ອຎ຺ຎມິຈ຺ຉຕິ;

ເອກຠຕ຺ຕິກິນີ [ເອກຠຕ຺ຕາ ກິຣ (ສີ. ສ຺ຍາ.), ເອກຠຕ຺ຕກິນີ (ປີ.)] ສາມາ, ຕເມວ ອຠິກງ຺ຂຕິ.

ອສນ຺ຖຸຕໍ ມໍ ຈິຣສນ຺ຖຸເຕນ [ອສນ຺ຘຕໍ ມໍ ຈິຣສນ຺ຘເຕນ (ກ.)], ນິມີນິ ສາມາ ອຘຸວໍ ຘຸເວນ;

ມຍາປິ ສາມາ ນິມິເນຍ຺ຍ ອຎ຺ຎໍ, ອິໂຕ ອຫໍ ທູຣຕຣໍ ຄມິສ຺ສນ຺ຕິ.

ສຸສຸຂໍ ວຕ ຊີວາມິ, ລຠາມິ ເຈວ ຠຸຎ຺ຊິຕຸໍ;

ປຣິປນ຺ເຖວ ຕິຏ຺ຐາມິ, ກາ ນຸ ຠນ຺ເຕ ຄຕີ ມມ.

ມໂນ ເຈ ເຕ ນປ຺ປຓມຕິ, ປກ຺ຂິ ປາປສ຺ສ ກມ຺ມຸໂນ;

ອພ຺ຍາວຏສ຺ສ ຠທ຺ຣສ຺ສ, ນ ປາປມຸປລິມ຺ປຕິ.

ຎາຕໂກ ໂນ ນິສິນ຺ໂນຕິ, ພຫຸ ອາຄຈ຺ຉເຕ ຊໂນ;

ປຏິຈ຺ຈ ¶ ກມ຺ມໍ ຜຸສຕິ, ຕສ຺ມິໍ ເມ ສງ຺ກເຕ ມໂນ.

ນ ປຏິຈ຺ຈ ກມ຺ມໍ ຜຸສຕິ, ມໂນ ເຈ ນປ຺ປທຸສ຺ສຕິ;

ອປ຺ໂປສ຺ສຸກ຺ກສ຺ສ ຠທ຺ຣສ຺ສ, ນ ປາປມຸປລິມ຺ປຕີຕິ.

ສຸຈ຺ຈຊໍ ¶ ¶ ວຕ ນຈ຺ຈຊິ, ວາຈາຍ ອທທໍ ຄິຣິໍ;

ກິໍ ຫິຕສ຺ສ ຈຊນ຺ຕສ຺ສ, ວາຈາຍ ອທທ ປພ຺ພຕໍ.

ຍຎ຺ຫິ ກຍິຣາ ຕຎ຺ຫິ ວເທ, ຍໍ ນ ກຍິຣາ ນ ຕໍ ວເທ;

ອກໂຣນ຺ຕໍ ຠາສມານໍ, ປຣິຊານນ຺ຕິ ປຓ຺ຑິຕາ.

ຣາຊປຸຕ຺ຕ ນໂມ ຕ຺ຍຕ຺ຖຸ, ສຈ຺ເຈ ຘມ຺ເມ ຐິໂຕ ຈສິ;

ຍສ຺ສ ເຕ ພ຺ຍສນໍ ປຕ຺ໂຕ, ສຈ຺ຈສ຺ມິໍ ຣມເຕ ມໂນ.

ຍາ ທລິທ຺ທີ ທລິທ຺ທສ຺ສ, ອຑ຺ຒາ ອຑ຺ຒສ຺ສ ກິຕ຺ຕິມ [ກິຕ຺ຕິມາ (ສີ. ສ຺ຍາ. ປີ.)];

ສາ ຫິສ຺ສ ປຣມາ ຠຣິຍາ, ສຫິຣຎ຺ຎສ຺ສ ອິຕ຺ຖິໂຍຕິ.

ອຖ ໂຈຣ ສກສ຺ສປ ຂນ຺ຕີວໂຣ, ທຸຊ຺ຊີວິຕຕາ ຈ ວຣາ ຜຣຸສາ;

ອຖ ¶ ສສ ມຕຎ຺ຈ ວສນ຺ຕ ສຸຂໍ, ສຸຈ຺ຈຊໍວຕນຈ຺ຈຊິນາ ຈ ທສາຕິ.

ມນຸສ຺ສສ຺ເສວ ເຕ ສີສໍ, ຫຕ຺ຖປາທາ ຈ ວານຣ;

ອຖ ເກນ ນຸ ວຓ຺ເຓນ, ອຄາຣໍ ເຕ ນ ວິຊ຺ຊຕິ.

ມນຸສ຺ສສ຺ເສວ ເມ ສີສໍ, ຫຕ຺ຖປາທາ ຈ ສິງ຺ຄິລ [ສິງ຺ຄາລ (ກ.), ປິງ຺ຄລ (ຏີກາ)];

ຍາຫຸ ເສຏ຺ຐາ ມນຸສ຺ເສສຸ, ສາ ເມ ປຎ຺ຎາ ນ ວິຊ຺ຊຕິ.

ອນວຏ຺ຐິຕຈິຕ຺ຕສ຺ສ ¶ , ລຫຸຈິຕ຺ຕສ຺ສ ທຸພ຺ຠິໂນ [ທູຠິໂນ (ປີ.)];

ນິຈ຺ຈໍ ອທ຺ຘຸວສີລສ຺ສ, ສຸຂຠາໂວ [ສຸຈິຠາໂວ (ສີ.), ສຸຂຠາໂຄ (?)] ນ ວິຊ຺ຊຕິ.

ໂສ ¶ ກຣສ຺ສຸ ອານຸຠາວໍ, ວີຕິວຕ຺ຕສ຺ສຸ ສີລິຍໍ;

ສີຕວາຕປຣິຕ຺ຕາຓໍ, ກຣສ຺ສຸ ກຸຏວໍ [ກຸຏິກໍ (ສີ. ສ຺ຍາ.)] ກປີຕິ.

ກຸຏິທູສກ [ສິງ຺ຄາລສກຸຓ (ກ.)] ຊາຕກໍ ປຐມໍ.

ທຸທ຺ທຸຠາຍຕິ [ທທ຺ທຠາຍຕິ (ສີ. ປີ.)] ຠທ຺ທນ຺ເຕ, ຍສ຺ມິໍ ເທເສ ວສາມຫໍ;

ອຫມ຺ເປຕໍ ນ ຊານາມິ, ກິເມຕໍ ທຸທ຺ທຸຠາຍຕິ.

ເພລຸວໍ ¶ ປຕິຕໍ ສຸຕ຺ວາ, ທຸທ຺ທຸຠນ຺ຕິ [ທທ຺ທຠນ຺ຕິ (ສີ.)] ສໂສ ຊວິ;

ສສສ຺ສ ວຈນໍ ສຸຕ຺ວາ, ສນ຺ຕຕ຺ຕາ ມິຄວາຫິນີ.

ອປ຺ປຕ຺ວາ ປທວິຎ຺ຎາຓໍ, ປຣໂຆສານຸສາຣິໂນ;

ປນາທປຣມາ ພາລາ, ເຕ ໂຫນ຺ຕິ ປຣປຕ຺ຕິຍາ.

ເຍ ຈ ສີເລນ ສມ຺ປນ຺ນາ, ປຎ຺ຎາຍູປສເມ ຣຕາ;

ອາຣກາ ວິຣຕາ ຘີຣາ, ນ ໂຫນ຺ຕິ ປຣປຕ຺ຕິຍາຕິ.

ທຸທ຺ທຸຠຊາຕກໍ [ທທ຺ທຠຊາຕກໍ (ສີ. ປີ.)] ທຸຕິຍໍ.

ທ຺ວຍໍ ຍາຈນໂກ ຣາຊ, ພ຺ຣຫ຺ມທຕ຺ຕ ນິຄຈ຺ຉຕິ;

ອລາຠໍ ຘນລາຠໍ ວາ, ເອວໍ ຘມ຺ມາ ຫິ ຍາຈນາ.

ຍາຈນໍ ໂຣທນໍ ອາຫຸ, ປຎ຺ຈາລານໍ ຣເຖສຠ;

ໂຍ ຍາຈນໍ ປຈ຺ຈກ຺ຂາຕິ, ຕມາຫຸ ປຏິໂຣທນໍ.

ມາ ມທ຺ທສໍສຸ ໂຣທນ຺ຕໍ, ປຎ຺ຈາລາ ສຸສມາຄຕາ;

ຕຸວໍ ວາ ປຏິໂຣທນ຺ຕໍ, ຕສ຺ມາ ອິຈ຺ຉາມຫໍ ຣໂຫ.

ທທາມິ ¶ ເຕ ພ຺ຣາຫ຺ມຓ ໂຣຫິຓີນໍ, ຄວໍ ສຫສ຺ສໍ ສຫ ປຸງ຺ຄເວນ;

ອຣິໂຍ ຫິ ອຣິຍສ຺ສ ກຖໍ ນ ທຊ຺ຊາ [ທຊ຺ເຊ (ສີ.), ທຊ຺ຊໍ (?)], ສຸຕ຺ວານ ຄາຖາ ຕວ ຘມ຺ມຍຸຕ຺ຕາຕິ.

ກລ຺ຍາຓຣູໂປ ¶ ວຕຍໍ ຈຕຸປ຺ປໂທ, ສຸຠທ຺ທໂກ ເຈວ ສຸເປສໂລ ຈ;

ໂຍ ພ຺ຣາຫ຺ມຓໍ ຊາຕິມນ຺ຕູປປນ຺ນໍ, ອປຈາຍຕິ ເມຓ຺ຑວໂຣ ຍສສ຺ສີ.

ມາ ¶ ພ຺ຣາຫ຺ມຓ ອິຕ຺ຕຣທສ຺ສເນນ, ວິສ຺ສາສມາປຊ຺ຊິ ຈຕຸປ຺ປທສ຺ສ;

ທຬ຺ຫປ຺ປຫາຣໍ ອຠິກງ຺ຂມາໂນ [ອຠິກຕ຺ຕຸກາໂມ (ສ຺ຍາ.)], ອວສກ຺ກຕີ ທສ຺ສຕິ ສຸປ຺ປຫາຣໍ.

ອູຣຸຏ຺ຐິ [ອູຣຏ຺ຐິ (ສີ.)] ຠຄ຺ຄໍ ປວຏ຺ຏິໂຕ [ປຕິໂຕ (ສີ. ສ຺ຍາ.)] ຂາຣິຠາໂຣ, ສພ຺ພຎ຺ຈ ຠຓ຺ຑໍ ພ຺ຣາຫ຺ມຓສ຺ສ [ພ຺ຣາຫ຺ມຓສ຺ສີຘ (ກ. ສີ. ປີ.), ພ຺ຣາຫ຺ມຓສ຺ເສວ (ກ. ສີ. ສ຺ຍາ. ກ.)] ຠິນ຺ນໍ;

ອຸໂຠປິ ພາຫາ ປຄ຺ຄຍ຺ຫ [ປຄ຺ຄຍ຺ເຍວ (ສ຺ຍາ.), ປຄ຺ຄຫີຍ (?)] ກນ຺ທຕິ [ພາຫາ ປຄ຺ຄຍ຺ຍ ກນ຺ທຕິ (ປີ. ກ.)], ອຠິຘາວຖ ຫຎ຺ຎເຕ ພ຺ຣຫ຺ມຈາຣີ.

ເອວໍ ໂສ ນິຫໂຕ ເສຕິ, ໂຍ ອປູຊໍ ປສໍສຕິ [ນມສ຺ສຕິ (ປີ.)];

ຍຖາຫມຊ຺ຊ ປຫໂຕ, ຫໂຕ ເມຓ຺ເຑນ ທຸມ຺ມຕີຕິ.

ສມຓໍ ¶ ຕໍ ມຎ຺ຎມາໂນ, ອຸປຄຈ຺ຉິມສຎ຺ຎຕໍ;

ໂສ ມໍ ທຓ຺ເຑນ ປາຫາສິ, ຍຖາ ອສ຺ສມໂຓ ຕຖາ.

ກິໍ ¶ ເຕ ຊຏາຫິ ທຸມ຺ເມຘ, ກິໍ ເຕ ອຊິນສາຏິຍາ;

ອພ຺ຠນ຺ຕຣໍ ເຕ ຄຫນໍ, ພາຫິຣໍ ປຣິມຊ຺ຊສິ.

ເອຫິ ໂຄຘ ນິວຕ຺ຕສ຺ສຸ, ຠຸຎ຺ຊ ສາລີນໂມທນໍ;

ເຕລໍ ໂລຓຎ຺ຈ ເມ ອຕ຺ຖິ, ປຫູຕໍ ມຍ຺ຫ ປິປ຺ຜລິ.

ເອສ ຠິຍ຺ໂຍ ປເວກ຺ຂາມິ, ວມ຺ມິກໍ ສຕໂປຣິສໍ;

ເຕລໍ ໂລຓຎ຺ຈ ກິຕ຺ເຕສິ [ກິນ຺ເຕສິ (ສ຺ຍາ. ປີ.)], ອຫິຕໍ ມຍ຺ຫ ປິປ຺ຜລີຕິ.

ກາເຍນ ໂຍ ນາວຫເຣ, ວາຈາຍ ນ ມຸສາ ຠເຓ;

ຍໂສ ລທ຺ຘາ ນ ມຊ຺ເຊຍ຺ຍ, ສ ເວ ກກ຺ກາຣຸມຣຫຕິ.

ຘມ຺ເມນ ວິຕ຺ຕເມເສຍ຺ຍ, ນ ນິກຕ຺ຍາ ຘນໍ ຫເຣ;

ໂຠເຄ ລທ຺ຘາ ນ ມຊ຺ເຊຍ຺ຍ, ສ ເວ ກກ຺ກາຣຸມຣຫຕິ.

ຍສ຺ສ ຈິຕ຺ຕໍ ອຫາລິທ຺ທໍ, ສທ຺ຘາ ຈ ອວິຣາຄິນີ;

ເອໂກ ສາທຸໍ ນ ຠຸຎ຺ເຊຍ຺ຍ, ສ ເວ ກກ຺ກາຣຸມຣຫຕິ.

ສມ຺ມຸຂາ ວາ ຕິໂຣກ຺ຂາ ວາ [ປໂຣກ຺ຂາ ວາ (ປີ.), ປຣມ຺ມຸຂາ (ກ.)], ໂຍ ສນ຺ເຕ ນ ປຣິຠາສຕິ;

ຍຖາວາທີ ¶ ຕຖາກາຣີ, ສ ເວ ກກ຺ກາຣຸມຣຫຕີຕິ.

ວາຕິ ¶ ຈາຍໍ [ວາຍໍ (ກ.)] ຕໂຕ ຄນ຺ໂຘ, ຍຕ຺ຖ ເມ ວສຕີ ປິຍາ;

ທູເຣ ອິໂຕ ຫິ ກາກວຕີ [ກາກາຕີ (ສີ.), ກາກາຕິ (ສ຺ຍາ. ປີ.)], ຍຕ຺ຖ ເມ ນິຣໂຕ ມໂນ.

ກຖໍ ສມຸທ຺ທມຕຣີ, ກຖໍ ອຕຣິ ເກປຸກໍ [ເກພຸກໍ (ສີ. ປີ.)];

ກຖໍ ສຕ຺ຕ ສມຸທ຺ທານິ, ກຖໍ ສິມ຺ພລິມາຣຸຫິ.

ຕຍາ ສມຸທ຺ທມຕຣິໍ, ຕຍາ ອຕຣິ ເກປຸກໍ [ເກພຸກໍ (ສີ. ປີ.)];

ຕຍາ ສຕ຺ຕ ສມຸທ຺ທານິ, ຕຍາ ສິມ຺ພລິມາຣຸຫິໍ.

ຘິຣຕ຺ຖຸມໍ ¶ ມຫາກາຍໍ, ຘິຣຕ຺ຖຸມໍ ອເຈຕນໍ;

ຍຕ຺ຖ ຊາຍາຍຫໍ ຊາຣໍ, ອາວຫາມິ ວຫາມິ ຈາຕິ.

ພຫູນໍ ວິຊ຺ຊຕີ ໂຠຕີ, ເຕຫິ ເມ ກິໍ ຠວິສ຺ສຕິ;

ຕສ຺ມາ ເອຕໍ ນ ໂສຈາມິ, ປິຍໍ ສມ຺ມິລ຺ລຫາສິນິໍ.

ຕໍ ຕໍ ເຈ ອນຸໂສເຈຍ຺ຍ, ຍໍ ຍໍ ຕສ຺ສ ນ ວິຊ຺ຊຕິ;

ອຕ຺ຕານມນຸໂສເຈຍ຺ຍ, ສທາ ມຈ຺ຈຸວສໍ ປຕໍ.

ນ ¶ ເຫວ ຐິຕໍ ນາສີນໍ, ນ ສຍານໍ ນ ປທ຺ຘຄຸໍ [ປຕ຺ຖຄຸໍ (ສ຺ຍາ.)];

ຍາວ ພ຺ຍາຕິ ນິມິສຕິ, ຕຕ຺ຣາປິ ຣສຕີ [ສຣຕີ (ສີ. ສ຺ຍາ. ປີ.)] ວໂຍ.

ຕຕ຺ຖຕ຺ຕນິ ວຕປ຺ປທ຺ເຘ [ວຕ ປນ຺ເຖ (ສ຺ຍາ.), ວຕ ພນ຺ເຘ (ກ.) ວຕ + ປ-ອທ຺ເຘ = ວຕປ຺ປທ຺ເຘ], ວິນາຠາເວ ອສໍສເຍ;

ຠູຕໍ ເສສໍ ທຍິຕພ຺ພໍ, ວີຕໍ ອນນຸໂສຈິຍນ຺ຕິ [ຈວິຕໍ ນານຸໂສຈິຍນ຺ຕິ (ສ຺ຍາ.), ມຕນ຺ຕໍ ນານຸໂສຈິຍໍ (ກ.)].

ຍໍ ອນ຺ນປານສ຺ສ ປຸເຣ ລຠາມ, ຕໍ ທານິ ສາຂມິຄເມວ ຄຈ຺ຉຕິ;

ຄຈ຺ຉາມ ທານິ ວນເມວ ຣາຘ, ອສກ຺ກຕາ ຈສ຺ມ ຘນຎ຺ຊຍາຍ [ຘນຎ຺ຈຍາຍ (ກ.)].

ລາໂຠ ອລາໂຠ ຍໂສ ອຍໂສ ຈ, ນິນ຺ທາ ປສໍສາ ຈ ສຸຂຎ຺ຈ ທຸກ຺ຂໍ;

ເອເຕ ອນິຈ຺ຈາ ມນຸເຊສຸ ຘມ຺ມາ, ມາ ໂສຈິ ກິໍ ໂສຈສິ ໂປຏ຺ຐປາທ.

ອທ຺ຘາ ¶ ຕຸວໍ ປຓ຺ຑິຕໂກສິ ຣາຘ, ຊານາສິ ອຕ຺ຖານິ ອນາຄຕານິ;

ກຖໍ ¶ ນຸ ສາຂາມິຄໍ ທກ຺ຂິສາມ [ທກ຺ຂິຍາມ (ກ.), ທກ຺ຂາມ (ສ຺ຍາ.)], ນິທ຺ຘາວິຕໍ [ນິທ຺ຘາປິຕໍ (ສີ. ສ຺ຍາ.), ນິພ຺ພາປິຕໍ (ປີ.), ນິຈ຺ຉທໍ (ກ.)] ຣາຊກຸລໂຕວ ຊມ຺ມໍ.

ຈາເລຕິ ¶ ກຓ຺ຓໍ ຠກຸຏິໍ ກໂຣຕິ, ມຸຫຸໍ ມຸຫຸໍ ຠາຍຍເຕ [ຠາຍເຕ (ສ຺ຍາ.), ຠາຍາປເຕ (ກ.)] ກຸມາເຣ;

ສຍເມວ ຕໍ ກາຫຕິ ກາຬພາຫຸ, ເຍນາຣກາ ຐສ຺ສຕິ ອນ຺ນປານາຕິ.

ສີລໍ ກິເຣວ ກລ຺ຍາຓໍ, ສີລໍ ໂລເກ ອນຸຕ຺ຕຣໍ;

ປສ຺ສ ໂຆຣວິໂສ ນາໂຄ, ສີລວາຕິ ນ ຫຎ຺ຎຕິ.

ຍາວເທວສ຺ສຫູ ກິຎ຺ຈິ, ຕາວເທວ ອຂາທິສຸໍ;

ສງ຺ຄມ຺ມ ກຸລລາ ໂລເກ, ນ ຫິໍສນ຺ຕິ ອກິຎ຺ຈນໍ.

ສຸຂໍ ນິຣາສາ ສຸປຕິ, ອາສາ ຜລວຕີ ສຸຂາ;

ອາສໍ ນິຣາສໍ ກຕ຺ວານ, ສຸຂໍ ສຸປຕິ ປິງ຺ຄລາ.

ນ ສມາຘິປໂຣ ອຕ຺ຖິ, ອສ຺ມິໍ ໂລເກ ປຣມ຺ຫິ ຈ;

ນ ປຣໍ ນາປິ ອຕ຺ຕານໍ, ວິຫິໍສຕິ ສມາຫິໂຕຕິ.

ສມນຸສ຺ສ ¶ -ສທຸທ຺ທຸຠ-ຍາຈນໂກ, ອຖ ເມຓ຺ຑວຣຸຕ຺ຕມ-ໂຄຘວໂຣ;

ອຖ ກາຍສເກປຸກ ໂຠຕີວໂຣ, ອຖ ຣາຘສຸສີລວເຣນ ທສາຕິ.

ໂຍ ¶ ເວ ກາເລ ອສມ຺ປຕ຺ເຕ, ອຕິເວລໍ ປຠາສຕິ;

ເອວໍ ໂສ ນິຫໂຕ ເສຕິ, ໂກກິລາຍິວ ອຕ຺ຣໂຊ.

ນ ຫິ ສຕ຺ຖໍ ສຸນິສິຕໍ, ວິສໍ ຫລາຫລາມິວ [ຫລາຫລໍ ອິວ (ປີ.)];

ເອວໍ ນິກຏ຺ເຐ [ນິກ຺ກຑ຺ເຒ (ສ຺ຍາ.), ນິກຑ຺ເຒ (ກ.)] ປາເຕຕິ, ວາຈາ ທຸພ຺ຠາສິຕາ ຍຖາ.

ຕສ຺ມາ ກາເລ ອກາເລ ວາ [ອກາເລ ຈ (ສີ. ສ຺ຍາ.)], ວາຈໍ ຣກ຺ເຂຍ຺ຍ ປຓ຺ຑິໂຕ;

ນາຕິເວລໍ ປຠາເສຍ຺ຍ, ອປິ ອຕ຺ຕສມມ຺ຫິ ວາ.

ໂຍ ¶ ຈ ກາເລ ມິຕໍ ຠາເສ, ມຕິປຸພ຺ໂພ ວິຈກ຺ຂໂຓ;

ສພ຺ເພ ອມິຕ຺ເຕ ອາເທຕິ, ສຸປຓ຺ໂຓ ອຸຣຄາມິວາຕິ.

ໂກກິລຊາຕກໍ [ໂກກາລິກຊາຕກໍ (ສພ຺ພຕ຺ຖ)] ປຐມໍ.

ອປິ ຫນ຺ຕ຺ວາ ຫໂຕ ພ຺ຣູຕິ, ເຊຕ຺ວາ ຊິໂຕຕິ ຠາສຕິ;

ປຸພ຺ພວກ຺ຂາຍິໂນ ¶ [ປຸພ຺ພມກ຺ຂາຍິໂນ (ສີ. ສ຺ຍາ.)] ຣາຊ, ອຎ຺ຎທຕ຺ຖຸ [ເອກທຕ຺ຖຸ (ສີ. ປີ.)] ນ ສທ຺ທເຫ.

ຕສ຺ມາ ປຓ຺ຑິຕຊາຕິໂຍ, ສຸເຓຍ຺ຍ ອິຕຣສ຺ສປິ;

ອຸຠິນ຺ນໍ ວຈນໍ ສຸຕ຺ວາ, ຍຖາ ຘມ຺ໂມ ຕຖາ ກເຣ.

ອລໂສ ຄິຫີ ກາມໂຠຄີ ນ ສາຘຸ, ອສຎ຺ຎໂຕ ປພ຺ພຊິໂຕ ນ ສາຘຸ;

ຣາຊາ ນ ສາຘຸ ອນິສມ຺ມກາຣີ, ໂຍ ປຓ຺ຑິໂຕ ໂກຘໂນ ຕໍ ນ ສາຘຸ.

ນິສມ຺ມ ຂຕ຺ຕິໂຍ ກຍິຣາ, ນານິສມ຺ມ ທິສມ຺ປຕິ;

ນິສມ຺ມກາຣິໂນ ຣາຊ [ຣຎ຺ໂຎ (ສີ. ສ຺ຍາ.)], ຍໂສ ກິຕ຺ຕິ ຈ ວຑ຺ຒຕີຕິ.

ຕເທວ ¶ ເມ ຕ຺ວໍ ວິທິໂຕ, ວນມຊ຺ເຌ ຣເຖສຠ;

ຍສ຺ສ ເຕ ຂຄ຺ຄພທ຺ຘສ຺ສ, ສນ຺ນທ຺ຘສ຺ສ ຕິຣີຏິໂນ;

ອສ຺ສຕ຺ຖທຸມສາຂາຍ, ປກ຺ກາ ໂຄຘາ ປລາຍຖ.

ນເມ ນມນ຺ຕສ຺ສ ຠເຊ ຠຊນ຺ຕໍ, ກິຈ຺ຈານຸກຸພ຺ພສ຺ສ ກເຣຍ຺ຍ ກິຈ຺ຈໍ;

ນານຕ຺ຖກາມສ຺ສ ກເຣຍ຺ຍ ອຕ຺ຖໍ, ອສມ຺ຠຊນ຺ຕມ຺ປິ ນ ສມ຺ຠເຊຍ຺ຍ.

ຈເຊ ¶ ຈຊນ຺ຕໍ ວນຖໍ ນ ກຍິຣາ, ອເປຕຈິຕ຺ເຕນ ນ ສມ຺ຠເຊຍ຺ຍ;

ທິໂຊ ທຸມໍ ຂີຓຜລນ຺ຕິ [ຜລໍວ (ກ. ສີ. ສ຺ຍາ. ກ.), ທຸກນິປາເຕ ປຸຏຠຕ຺ຕຊາຕເກນ ສໍສນ຺ເທຕພ຺ພໍ] ຎຕ຺ວາ, ອຎ຺ຎໍ ສເມກ຺ເຂຍ຺ຍ ມຫາ ຫິ ໂລໂກ.

ໂສ ເຕ ກຣິສ຺ສາມິ ຍຖານຸຠາວໍ, ກຕຎ຺ຎຸຕໍ ຂຕ຺ຕິເຍ [ຂຕ຺ຕິໂຍ (ສ຺ຍາ. ກ.)] ເປກ຺ຂມາໂນ;

ສພ຺ພຎ຺ຈ ເຕ ອິສ຺ສຣິຍໍ ທທາມິ, ຍສ຺ສິຈ຺ຉສີ ຕສ຺ສ ຕຸວໍ ທທາມີຕິ.

ປກ຺ກໂຄຘຊາຕກໍ [ໂຄຘຊາຕກໍ (ສີ. ສ຺ຍາ. ປີ.)] ຕຕິຍໍ.

ຄວໍ ເຈ ຕຣມານານໍ, ຊິມ຺ຫໍ ຄຈ຺ຉຕິ ປຸງ຺ຄໂວ;

ສພ຺ພາ ຕາ ຊິມ຺ຫໍ ຄຈ຺ຉນ຺ຕິ [ສພ຺ພາ ຄາວີ ຊິມ຺ຫໍ ຍນ຺ຕິ (ສີ. ສ຺ຍາ.)], ເນຕ຺ເຕ ຊິມ຺ຫໍ ຄເຕ ສຕິ.

ເອວເມວ ¶ ມນຸສ຺ເສສຸ, ໂຍ ໂຫຕິ ເສຏ຺ຐສມ຺ມໂຕ;

ໂສ ເຈ ອຘມ຺ມໍ ຈຣຕິ, ປເຄວ ອິຕຣາ ປຊາ;

ສພ຺ພໍ ຣຏ຺ຐໍ ທຸຂໍ ເສຕິ, ຣາຊາ ເຈ ໂຫຕິ ອຘມ຺ມິໂກ.

ຄວໍ ເຈ ຕຣມານານໍ, ອຸຊຸໍ ຄຈ຺ຉຕິ ປຸງ຺ຄໂວ;

ສພ຺ພາ ຄາວີ ອຸຊຸໍ ຍນ຺ຕິ [ສພ຺ພາ ຕາ ອຸຊຸໍ ຄຈ຺ຉນ຺ຕິ (ປີ. ອ. ນິ. ໔.໗໐)], ເນຕ຺ເຕ ອຸຊຸໍ ຄເຕ ສຕິ.

ເອວເມວ ¶ ມນຸສ຺ເສສຸ, ໂຍ ໂຫຕິ ເສຏ຺ຐສມ຺ມໂຕ;

ໂສ ສເຈ ຘມ຺ມໍ ຈຣຕິ, ປເຄວ ອິຕຣາ ປຊາ;

ສພ຺ພໍ ¶ ຣຏ຺ຐໍ ສຸຂໍ ເສຕິ, ຣາຊາ ເຈ ໂຫຕິ ຘມ຺ມິໂກຕິ.

ພ຺ຣຫາ ປວຑ຺ຒກາໂຍ ໂສ, ທີຆທາໂຐ ຈ ຊມ຺ພຸກ;

ນ ຕ຺ວໍ ຕຕ຺ຖ ກຸເລ ຊາໂຕ, ຍຕ຺ຖ ຄຓ຺ຫນ຺ຕິ ກຸຎ຺ຊຣໍ.

ອສີໂຫ ສີຫມາເນນ, ໂຍ ອຕ຺ຕານໍ ວິກຸພ຺ພຕິ;

ໂກຕ຺ຖູວ [ກຸຏ຺ຐູວ (ສີ.), ກຸຕ຺ຖຸວ (ສ຺ຍາ. ປີ)] ຄຊມາສຊ຺ຊ, ເສຕິ ຠູມ຺ຍາ ອນຸຕ຺ຖຸນໍ.

ຍສສ຺ສິໂນ ອຸຕ຺ຕມປຸຄ຺ຄລສ຺ສ, ສຎ຺ຊາຕຂນ຺ຘສ຺ສ ມຫພ຺ພລສ຺ສ;

ອສເມກ຺ຂິຍ ຖາມພລູປປຕ຺ຕິໍ, ສ ເສຕິ ນາເຄນ ຫໂຕຍໍ ຊມ຺ພຸໂກ.

ໂຍ ຈີຘ ກມ຺ມໍ ກຸຣຸເຕ ປມາຍ, ຖາມພ຺ພລໍ ອຕ຺ຕນິ ສໍວິທິຕ຺ວາ;

ຊປ຺ເປນ ມນ຺ເຕນ ສຸຠາສິເຕນ, ປຣິກ຺ຂວາ ໂສ ວິປຸລໍ ຊິນາຕີຕິ.

ຕິຓໍ ຕິຓນ຺ຕິ ລປສິ, ໂກ ນຸ ເຕ ຕິຓມາຫຣິ;

ກິໍ ¶ ນຸ ເຕ ຕິຓກິຈ຺ຈຕ຺ຖິ, ຕິຓເມວ ປຠາສສິ.

ອິຘາຄມາ ພ຺ຣຫ຺ມຈາຣີ, ພ຺ຣຫາ ຉຕ຺ໂຕ ພຫຸສ຺ສຸໂຕ;

ໂສ ເມ [ໂສ ເວ (ກ.)] ສພ຺ພໍ ສມາທາຍ, ຕິຓໍ ນິກ຺ຂິປ຺ປ ຄຈ຺ຉຕິ.

ເອເວຕໍ ໂຫຕິ ກຕ຺ຕພ຺ພໍ, ອປ຺ເປນ ພຫຸມິຈ຺ຉຕາ;

ສພ຺ພໍ ສກສ຺ສ ອາທານໍ, ອນາທານໍ ຕິຓສ຺ສ ຈ. ( ) [(ຕິຓສ຺ສ ຈາຏີສຸ ຄໂຕ, ຕຕ຺ຖ ກາ ປຣິເທວນາ) (ສີ. ສ຺ຍາ.) (ຈາຏີສຸ ປກ຺ຂິປິຕ຺ວານ, ຕຕ຺ຖ ກາ ປຣິເທວນາ) (ກ.)]

ສີລວນ຺ໂຕ ¶ ¶ ນ ກຸພ຺ພນ຺ຕິ, ພາໂລ ສີລານິ ກຸພ຺ພຕິ;

ອນິຈ຺ຈສີລໍ ທຸສ຺ສີລ຺ຍໍ [ທຸສ຺ສີລໍ (ປີ.)], ກິໍ ປຓ຺ຑິຈ຺ຈໍ ກຣິສ຺ສຕີຕິ.

ນ ເຕ ປີຐມທາຍິມ຺ຫາ [ມທາສິມ຺ຫ (ປີ. ກ.)], ນ ປານໍ ນປິ ໂຠຊນໍ;

ພ຺ຣຫ຺ມຈາຣິ ຂມສ຺ສຸ ເມ, ເອຕໍ ປສ຺ສາມິ ອຈ຺ຈຍໍ.

ເນວາຠິສຊ຺ຊາມິ ນ ຈາປິ ກຸປ຺ເປ, ນ ຈາປິ ເມ ອປ຺ປິຍມາສິ ກິຎ຺ຈິ;

ອໂຖປິ ເມ ອາສິ ມໂນວິຕກ຺ໂກ, ເອຕາທິໂສ ນູນ ກຸລສ຺ສ ຘມ຺ໂມ.

ເອສສ຺ມາກໍ ກຸເລ ຘມ຺ໂມ, ປິຕຸປິຕາມໂຫ ສທາ;

ອາສນໍ ອຸທກໍ ປຊ຺ຊໍ, ສພ຺ເພຕໍ ນິປທາມເສ.

ເອສສ຺ມາກໍ ¶ ກຸເລ ຘມ຺ໂມ, ປິຕຸປິຕາມໂຫ ສທາ;

ສກ຺ກຈ຺ຈໍ ອຸປຕິຏ຺ຐາມ, ອຸຕ຺ຕມໍ ວິຍ ຎາຕກນ຺ຕິ.

ວິທິຕໍ ຖຸສໍ ອຸນ຺ທຸຣານໍ [ອຸນ຺ທູຣານໍ (ກ.)], ວິທິຕໍ ປນ ຕຓ຺ຑຸລໍ;

ຖຸສໍ ຖຸສໍ [ຖຸສໍ ຖູລໍ (ສີ.)] ວິວຊ຺ເຊຕ຺ວາ, ຕຓ຺ຑຸລໍ ປນ ຂາທເຣ.

ຍາ ມນ຺ຕນາ ອຣຎ຺ຎສ຺ມິໍ, ຍາ ຈ ຄາເມ ນິກຓ຺ຓິກາ;

ຍຎ຺ເຈຕໍ ອິຕິ ຈີຕິ ຈ, ເອຕມ຺ປິ ວິທິຕໍ ມຍາ.

ຘມ຺ເມນ ກິຣ ຊາຕສ຺ສ, ປິຕາ ປຸຕ຺ຕສ຺ສ ມກ຺ກໂຏ;

ທຫຣສ຺ເສວ ສນ຺ຕສ຺ສ, ທນ຺ເຕຫິ ຜລມຈ຺ຉິທາ.

ຍເມຕໍ ປຣິສປ຺ປສິ [ປຣິສພ຺ເພສິ (ກ.)], ອຊກາໂຓວ ສາສເປ;

ໂຍປາຍໍ ເຫຏ຺ຐໂຕ ເສຕິ [ເສສິ (ສີ.)], ເອຕມ຺ປິ ວິທິຕໍ ມຍາຕິ.

ອທສ຺ສເນນ ¶ ໂມຣສ຺ສ, ສິຂິໂນ ມຎ຺ຊຸຠາຓິໂນ;

ກາກໍ ຕຕ຺ຖ ອປູເຊສຸໍ, ມໍເສນ ຈ ຜເລນ ຈ.

ຍທາ ¶ ຈ ສຣສມ຺ປນ຺ໂນ, ໂມໂຣ ພາເວຣຸມາຄມາ;

ອຖ ¶ ລາໂຠ ຈ ສກ຺ກາໂຣ, ວາຍສສ຺ສ ອຫາຍຖ.

ຍາວ ນຸປ຺ປຊ຺ຊຕີ ພຸທ຺ໂຘ, ຘມ຺ມຣາຊາ ປຠງ຺ກໂຣ;

ຕາວ ອຎ຺ເຎ ອປູເຊສຸໍ, ປຸຖູ ສມຓພ຺ຣາຫ຺ມເຓ.

ຍທາ ຈ ສຣສມ຺ປນ຺ໂນ, ພຸທ຺ໂຘ ຘມ຺ມໍ ອເທສຍິ;

ອຖ ລາໂຠ ຈ ສກ຺ກາໂຣ, ຕິຕ຺ຖິຍານໍ ອຫາຍຖາຕິ.

ອທາສິ ທານານິ ປຸເຣ ວິສຍ຺ຫ, ທທໂຕ ຈ ເຕ ຂຍຘມ຺ໂມ ອໂຫສິ;

ອິໂຕ ປຣໍ ເຈ ນ ທເທຍ຺ຍ ທານໍ, ຕິຏ຺ເຐຍ຺ຍຸໍ ເຕ ສໍຍມນ຺ຕສ຺ສ ໂຠຄາ.

ອນຣິຍມຣິເຍນ ສຫສ຺ສເນຕ຺ຕ, ສຸທຸຄ຺ຄເຕນາປິ ອກິຈ຺ຈມາຫຸ;

ມາ ໂວ ຘນໍ ຕໍ ອຫຸ ເທວຣາຊ [ອຫຸວາ ຊນິນ຺ທ (ກ. ສີ. ສ຺ຍາ. ປີ.)], ຍໍ ໂຠຄເຫຕຸ ວິຊເຫມຸ ສທ຺ຘໍ.

ເຍນ ເອໂກ ຣໂຖ ຍາຕິ, ຍາຕິ ເຕນາປໂຣ ຣໂຖ;

ໂປຣາຓໍ ນິຫິຕໍ ວຕ຺ຕໍ, ວຕ຺ຕຕຎ຺ເຎວ [ວທ຺ຘໍ, ວທ຺ຘຕຎ຺ເຎວ (ກ. ສີ. ປີ.)] ວາສວ.

ຍທິ ¶ ເຫສ຺ສຕິ ທສ຺ສາມ, ອສນ຺ເຕ ກິໍ ທທາມເສ;

ເອວໍຠູຕາປິ ທສ຺ສາມ, ມາ ທານໍ ປມທມ຺ຫເສຕິ.

ໂກກິລວຄ຺ໂຄ [ໂກກາລິກວຄ຺ໂຄ (ກ.)] ຈຕຸຕ຺ໂຖ.

ອຕິເວລປຠາສຕິ ¶ ຊີຕວໂຣ, ວນມຊ຺ຌ ຣເຖສຠ ຊິມ຺ຫຄໂມ;

ອຖ ຊມ຺ພຸ ຕິຓາສນປີຐວຣໍ, ອຖ ຕຓ຺ຑຸລ ໂມຣ ວິສຍ຺ຫ ທສາຕິ.

ນຣານມາຣາມກຣາສຸ ນາຣິສຸ, ອເນກຈິຕ຺ຕາສຸ ອນິຄ຺ຄຫາສຸ ຈ;

ສພ຺ພຕ຺ຖ ນາປີຕິກຣາປິ [ສພ຺ພ’ຕ຺ຕນາ’ປີຕິກຣາປິ (ສີ. ສ຺ຍາ.)] ເຈ ສິຍາ [ສິຍຸໍ (ສ຺ຍາ.)], ນ ວິສ຺ສເສ ຕິຕ຺ຖສມາ ຫິ ນາຣິໂຍ.

ຍໍ ¶ ເວ [ຍຎ຺ຈ (ສ຺ຍາ. ກ.)] ທິສ຺ວາ ກຓ຺ຑຣີກິນ຺ນຣານໍ [ກິນ຺ນຣກິນ຺ນຣີນໍ (ສ຺ຍາ.), ກິນ຺ນຣີກິນ຺ນຣານໍ (ກ.)], ສພ຺ພິຕ຺ຖິໂຍ ນ ຣມນ຺ຕິ ອຄາເຣ;

ຕໍ ¶ ຕາທິສໍ ມຈ຺ຈໍ ຈຊິຕ຺ວາ ຠຣິຍາ, ອຎ຺ຎໍ ທິສ຺ວາ ປຸຣິສໍ ປີຐສປ຺ປິໍ.

ພກສ຺ສ ຈ ພາວຣິກສ຺ສ [ປາວາຣິກສ຺ສ (ສີ.)] ຣຎ຺ໂຎ, ອຈ຺ຈນ຺ຕກາມານຸຄຕສ຺ສ ຠຣິຍາ;

ອວາຈຣີ [ອຈ຺ຈາຈຣິ (ສ຺ຍາ.), ອນາຈຣິ (ກ.)] ປຏ຺ຐວສານຸຄສ຺ສ [ພທ຺ຘວສານຸຄສ຺ສ (ສີ. ສ຺ຍາ.), ປຕ຺ຕວສານຸຄຕສ຺ສ (ກ.)], ກໍ ວາປິ ອິຕ຺ຖີ ນາຕິຈເຣ ຕທຎ຺ຎໍ.

ປິງ຺ຄິຍານີ ສພ຺ພໂລກິສ຺ສຣສ຺ສ, ຣຎ຺ໂຎ ປິຍາ ພ຺ຣຫ຺ມທຕ຺ຕສ຺ສ ຠຣິຍາ;

ອວາຈຣີ ປຏ຺ຐວສານຸຄສ຺ສ, ຕໍ ວາປິ ສາ ນາຊ຺ຌຄາ ກາມກາມິນີຕິ.

ກຓ຺ຑຣີຊາຕກໍ [ກິນ຺ນຣີຊາຕກໍ (ກ. ສີ. ກ.), ກຸຓ຺ຑລິກຊາຕກໍ (ສ຺ຍາ.)] ປຐມໍ.

ອສກ຺ຂິໍ ¶ ວຕ ອຕ຺ຕານໍ, ອຸທ຺ຘາຕຸໍ ອຸທກາ ຖລໍ;

ນ ທານາຫໍ ປຸນ ຕຸຍ຺ຫໍ, ວສໍ ຄຈ຺ຉາມິ ວາຣິຊ.

ອລເມເຕຫິ ອມ຺ເພຫິ, ຊມ຺ພູຫິ ປນເສຫິ ຈ;

ຍານິ ປາຣໍ ສມຸທ຺ທສ຺ສ, ວຣໍ ມຍ຺ຫໍ ອຸທຸມ຺ພໂຣ.

ໂຍ ຈ ອຸປ຺ປຕິຕໍ ອຕ຺ຖໍ, ນ ຂິປ຺ປມນຸພຸຊ຺ຌຕິ;

ອມິຕ຺ຕວສມນ຺ເວຕິ ¶ , ປຈ຺ຉາ ຈ ອນຸຕປ຺ປຕິ.

ໂຍ ຈ ອຸປ຺ປຕິຕໍ ອຕ຺ຖໍ, ຂິປ຺ປເມວ ນິໂພຘຕິ;

ມຸຈ຺ຈເຕ ສຕ຺ຕຸສມ຺ພາຘາ, ນ ຈ ປຈ຺ຉານຸຕປ຺ປຕີຕິ.

ອວສິມ຺ຫ ຕວາຄາເຣ, ນິຈ຺ຈໍ ສກ຺ກຕປູຊິຕາ;

ຕ຺ວເມວ ທານິມກຣິ, ຫນ຺ທ ຣາຊ ວຊາມຫໍ.

ໂຍ ເວ ກເຕ ປຏິກເຕ, ກິພ຺ພິເສ ປຏິກິພ຺ພິເສ;

ເອວໍ ຕໍ ສມ຺ມຕີ ເວຣໍ, ວສ ກຸນ຺ຕິນິ ມາຄມາ.

ນ ກຕສ຺ສ ຈ ກຕ຺ຕາ ຈ, ເມຕ຺ຕິ [ເມຕ຺ຕີ (ປີ.), ມິຕ຺ຕີ (ກ.)] ສນ຺ຘີຍເຕ ປຸນ;

ຫທຍໍ ນານຸຊານາຕິ, ຄຈ຺ຉຎ຺ເຎວ ຣເຖສຠ.

ກຕສ຺ສ ເຈວ ກຕ຺ຕາ ຈ, ເມຕ຺ຕິ ສນ຺ຘີຍເຕ ປຸນ;

ຘີຣານໍ ໂນ ຈ ພາລານໍ, ວສ ກຸນ຺ຕິນິ ມາຄມາຕິ.

ໂຍ ¶ ນີລິຍໍ ມຓ຺ຑຍຕິ, ສຓ຺ຑາເສນ ວິຫຎ຺ຎຕິ;

ຕສ຺ສ ສາ ວສມນ຺ເວຕຸ, ຍາ ເຕ ອມ຺ເພ ອວາຫຣິ.

ວີສໍ ວາ ປຎ຺ຈວີສໍ [ປຓ຺ຓຸວີສໍ (ກ. ສີ. ປີ.)] ວາ, ອູນຕິໍສໍ ວ ຊາຕິຍາ;

ຕາທິສາ ¶ ປຕິ ມາ ລທ຺ຘາ [ປຕິໍ ມາ ລທ຺ຘາ (ປີ.), ປຕິ ມາ’ລຕ຺ຖ (?)], ຍາ ເຕ ອມ຺ເພ ອວາຫຣິ.

ທີຆໍ ¶ ຄຈ຺ຉຕຸ ອທ຺ຘານໍ, ເອກິກາ ອຠິສາຣິກາ;

ສງ຺ເກເຕ ປຕິ ມາ ອທ຺ທ [ມາ ອທ຺ທສ (ສີ. ປີ.)], ຍາ ເຕ ອມ຺ເພ ອວາຫຣິ.

ອລງ຺ກຕາ ສຸວສນາ, ມາລິນີ ຈນ຺ທນຸສ຺ສທາ;

ເອກິກາ ສຍເນ ເສຕຸ, ຍາ ເຕ ອມ຺ເພ ອວາຫຣີຕິ.

ອມ຺ພຊາຕກໍ [ອມ຺ພໂຈຣຊາຕກໍ (ກ. ສີ. ປີ.)] ຈຕຸຕ຺ຖໍ.

ວນໍ ຍທຄ຺ຄິ ທຫຕິ, ປາວໂກ ກຓ຺ຫວຕ຺ຕນີ;

ກຖໍ ກໂຣສິ ປຈລກ, ເອວໍ ທນ຺ຘປຣກ຺ກໂມ.

ພຫູນິ ຣຸກ຺ຂຉິທ຺ທານິ, ປຖພ຺ຍາ ວິວຣານິ ຈ;

ຕານິ ເຈ ນາຠິສມ຺ໂຠມ, ໂຫຕິ ໂນ ກາລປຣິຍາໂຍ.

ໂຍ ທນ຺ຘກາເລ ຕຣຕິ, ຕຣຓີເຍ ຈ ທນ຺ຘຕິ;

ສຸກ຺ຂປຓ຺ຓໍວ ອກ຺ກມ຺ມ, ອຕ຺ຖໍ ຠຎ຺ຊຕິ ອຕ຺ຕໂນ.

ໂຍ ທນ຺ຘກາເລ ທນ຺ເຘຕິ, ຕຣຓີເຍ ຈ ຕາຣຍິ;

ສສີວ ຣຕ຺ຕິໍ ວິຠຊໍ, ຕສ຺ສຕ຺ໂຖ ປຣິປູຣຕີຕິ.

ມນຸສ຺ສິນ຺ທໍ ¶ ຊຫິຕ຺ວານ, ສພ຺ພກາມສມິທ຺ຘິນໍ;

ກຖໍ ນຸ ຠຄວາ ເກສີ, ກປ຺ປສ຺ສ ຣມຕິ ອສ຺ສເມ [ຣມຕສ຺ສເມ (ກ.)].

ສາທູນີ [ສາຘູນິ (ກ. ສີ. ສ຺ຍາ. ກ.)] ຣມຓີຍານິ, ສນ຺ຕິ ວກ຺ຂາ ມໂນຣມາ;

ສຸຠາສິຕານິ ກປ຺ປສ຺ສ, ນາຣທ ຣມຍນ຺ຕິ ມໍ.

ສາລີນໍ ໂອທນໍ ຠຸຎ຺ເຊ, ສຸຈິໍ ມໍສູປເສຈນໍ;

ກຖໍ ສາມາກນີວາຣໍ, ອໂລຓໍ ຉາທຍນ຺ຕິ ຕໍ.

ສາທຸໍ ¶ ວາ [ອສາທຸໍ (ປີ.)] ຍທິ ວາສາທຸໍ, ອປ຺ປໍ ວາ ຍທິ ວາ ພຫຸໍ;

ວິສ຺ສຕ຺ໂຖ ຍຕ຺ຖ ຠຸຎ຺ເຊຍ຺ຍ, ວິສ຺ສາສປຣມາ ຣສາຕິ.

ເກສວຊາຕກໍ [ເກສີຊາຕກໍ (ກ.)] ຉຏ຺ຐໍ.

ສພ຺ພາຍສໍ ¶ ກູຏມຕິປ຺ປມາຓໍ, ປຄ຺ຄຍ຺ຫ ໂຍ [ໂສ (ປີ.)] ຕິຏ຺ຐສິ ອນ຺ຕລິກ຺ເຂ;

ຣກ຺ຂາຍ ເມ [ມໍ (ສີ.)] ຕ຺ວໍ ວິຫິໂຕ ນຸສຊ຺ຊ, ອຸທາຫຸ ເມ ເຈຕຍເສ [ວາຍມເສ (ສີ. ສ຺ຍາ.)] ວຘາຍ.

ທູໂຕ ອຫໍ ຣາຊິຘ ຣກ຺ຂສານໍ, ວຘາຍ ຕຸຍ຺ຫໍ ປຫິໂຕຫມສ຺ມິ;

ອິນ຺ໂທ ¶ ຈ ຕໍ ຣກ຺ຂຕິ ເທວຣາຊາ, ເຕນຸຕ຺ຕມງ຺ຄໍ ນ ເຕ [ນ ຫິ (ກ. ສີ. ປີ.), ເຕ ນ (ກ.)] ຜາລຍາມິ.

ສເຈ ຈ ມໍ ຣກ຺ຂຕິ ເທວຣາຊາ, ເທວານມິນ຺ໂທ ມຆວາ ສຸຊມ຺ປຕິ;

ກາມໍ ປິສາຈາ ວິນທນ຺ຕຸ ສພ຺ເພ, ນ ສນ຺ຕເສ ຣກ຺ຂສິຍາ ປຊາຍ.

ກາມໍ ກນ຺ທນ຺ຕຸ [ກນ຺ຕນ຺ຕຸ (ກ.), ກຓ຺ຑນ຺ຕຸ (ສ຺ຍາ.)] ກຸມ຺ຠຓ຺ຑາ, ສພ຺ເພ ປໍສຸປິສາຈກາ;

ນາລໍ ປິສາຈາ ຍຸທ຺ຘາຍ, ມຫຕີ ສາ ວິຠິໍສິກາຕິ [ວິເຠສິກາຕິ (ສ຺ຍາ.), ວິເຫສິກາຕິ (ປີ.)].

ອຣຎ຺ຎາ ຄາມມາຄມ຺ມ, ກິໍສີລໍ ກິໍວຕໍ ອຫໍ;

ປຸຣິສໍ ຕາຕ ເສເວຍ຺ຍໍ, ຕໍ ເມ ອກ຺ຂາຫິ ປຸຈ຺ຉິໂຕ.

ໂຍ ຕໍ ວິສ຺ສາສເຍ ຕາຕ, ວິສ຺ສາສຎ຺ຈ ຂເມຍ຺ຍ ເຕ;

ສຸສ຺ສູສີ ຈ ຕິຕິກ຺ຂີ ຈ, ຕໍ ຠເຊຫິ ອິໂຕ [ຕໍ ຠເຊຍ຺ຍາສິໂຕ (ກ.)] ຄໂຕ.

ຍສ຺ສ ກາເຍນ ວາຈາຍ, ມນສາ ນຕ຺ຖິ ທຸກ຺ກຏໍ;

ອຸຣສີວ ປຕິຏ຺ຐາຍ, ຕໍ ຠເຊຫິ ອິໂຕ ຄໂຕ.

ຫລິທ຺ທິຣາຄໍ ¶ ກປິຈິຕ຺ຕໍ, ປຸຣິສໍ ຣາຄວິຣາຄິນໍ;

ຕາທິສໍ ¶ ຕາຕ ມາ ເສວິ, ນິມ຺ມນຸສ຺ສມ຺ປິ ເຈ ສິຍາຕິ.

ເນວ ອິຕ຺ຖີສຸ ສາມຎ຺ຎໍ, ນາປິ ຠກ຺ເຂສຸ ສາຣຖິ;

ອຖສ຺ສ ສນ຺ຘິເຠທສ຺ສ, ປສ຺ສ ຍາວ ສຸຈິນ຺ຕິຕໍ.

ອສິ ¶ ຕິກ຺ໂຂວ ມໍສມ຺ຫິ, ເປສຸຎ຺ຎໍ ປຣິວຕ຺ຕຕິ;

ຍຕ຺ຖູສຠຎ຺ຈ ສີຫຎ຺ຈ, ຠກ຺ຂຍນ຺ຕິ ມິຄາຘມາ.

ອິມໍ ໂສ ສຍນໍ ເສຕິ, ຍມິມໍ [ຍຍິມໍ (ສີ. ປີ.), ຍິມໍ (ກ.)] ປສ຺ສສິ ສາຣຖິ;

ໂຍ ວາຈໍ ສນ຺ຘິເຠທສ຺ສ, ປິສຸຓສ຺ສ ນິໂພຘຕິ.

ເຕ ຊນາ ສຸຂເມຘນ຺ຕິ, ນຣາ ສຄ຺ຄຄຕາຣິວ;

ເຍ ວາຈໍ ສນ຺ຘິເຠທສ຺ສ, ນາວໂພຘນ຺ຕິ ສາຣຖີຕິ.

ຫນ຺ຕິ ຫຕ຺ເຖຫິ ປາເທຫິ, ມຸຂຎ຺ຈ ປຣິສຸມ຺ຠຕິ;

ສ ເວ ຣາຊ ປິໂຍ ໂຫຕິ, ກໍ ເຕນ ຕ຺ວາຠິປສ຺ສສິ [ມຠິປສ຺ສສິ (ສີ.)].

ອກ຺ໂກສຕິ ຍຖາກາມໍ, ອາຄມຎ຺ຈສ຺ສ ອິຈ຺ຉຕິ;

ສ ¶ ເວ ຣາຊ ປິໂຍ ໂຫຕິ, ກໍ ເຕນ ຕ຺ວາຠິປສ຺ສສິ.

ອພ຺ຠກ຺ຂາຕິ ອຠູເຕນ, ອລິເກນາຠິສາຣເຍ;

ສ ເວ ຣາຊ ປິໂຍ ໂຫຕິ, ກໍ ເຕນ ຕ຺ວາຠິປສ຺ສສິ.

ຫຣໍ ອນ຺ນຎ຺ຈ ປານຎ຺ຈ, ວຕ຺ຖເສນາສນານິ ຈ;

ອຎ຺ຎທຕ຺ຖຸຫຣາ ສນ຺ຕາ, ເຕ ເວ ຣາຊ ປິຍາ ໂຫນ຺ຕິ;

ນຣານໍ ¶ ອສກ຺ຂິວສິມ຺ຫວໂຣ, ນີລິຍມຄ຺ຄິວຣຎ຺ຈ ປຸນ;

ປຸນ ຣສາຍສກູຏວໂຣ, ຕຖາຣຎ຺ຎ ສາຣຖິ ຫນ຺ຕິ ທສາຕິ.

ກາລິງ຺ຄໍ [ວິວຣໍ (ພຫູສຸ)] ປຸຈິມນ຺ທຎ຺ຈ, ກຸຏິທູສກ ໂກກິລາ [ກຸຏິທູສໍ ພຫຸຠາຓກໍ (ພຫູສຸ)];

ຈູຬກຸຓາລວຄ຺ໂຄ ໂສ, ປຎ຺ຈໂມ ສຸປ຺ປກາສິໂຕຕິ.

ຊີໂນ ¶ ¶ ¶ ຣຖສ຺ສໍ ມຓິກຸຓ຺ຑເລ ຈ, ປຸຕ຺ເຕ ຈ ທາເຣ ຈ ຕເຖວ ຊີໂນ;

ສພ຺ເພສຸ ໂຠເຄສຸ ອເສສເກສຸ [ອເສສິເຕສຸ (ສີ. ປີ.), ອເສສິເກສຸ (ກ.)], ກສ຺ມາ ນ ສນ຺ຕປ຺ປສິ ໂສກກາເລ.

ປຸພ຺ເພວ ມຈ຺ຈໍ ວິຊຫນ຺ຕິ ໂຠຄາ, ມຈ຺ໂຈ ວາ ເຕ [ຈ ເນ (ປີ.), ຘເນ (ກ.)] ປຸພ຺ພຕຣໍ ຊຫາຕິ;

ອສສ຺ສຕາ ໂຠຄິໂນ ກາມກາມິ, ຕສ຺ມາ ນ ໂສຈາມຫໍ ໂສກກາເລ.

ອຸເທຕິ ອາປູຣຕິ ເວຕິ [ປູເຣຕິ ຂີຍຕິ (ສ຺ຍາ.)] ຈນ຺ໂທ, ອຕ຺ຖໍ ຕເປຕ຺ວານ [ອນ຺ຘໍ ຕເປຕ຺ວານ (ກ.), ອຕ຺ຖງ຺ຄເມຕ຺ວານ (ສ຺ຍາ.), ເອຕ຺ຖ ‘‘ຕເປຕ຺ວານ ອຕ຺ຖໍ ປເລຕີ’’ຕິ ສມ຺ພນ຺ໂຘ] ປເລຕິ ສູຣິໂຍ;

ວິທິຕາ [ວິຊິຕາ (ສ຺ຍາ.)] ມຍາ ສຕ຺ຕຸກ ໂລກຘມ຺ມາ, ຕສ຺ມາ ນ ໂສຈາມຫໍ ໂສກກາເລ.

ອລໂສ ຄິຫີ ກາມໂຠຄີ ນ ສາຘຸ, ອສຎ຺ຎໂຕ ¶ ປພ຺ພຊິໂຕ ນ ສາຘຸ;

ຣາຊາ ນ ສາຘຸ ອນິສມ຺ມກາຣີ, ໂຍ ປຓ຺ຑິໂຕ ໂກຘໂນ ຕໍ ນ ສາຘຸ.

ນິສມ຺ມ ຂຕ຺ຕິໂຍ ກຍິຣາ, ນານິສມ຺ມ ທິສມ຺ປຕິ;

ນິສມ຺ມກາຣິໂນ ຣາຊ [ຣຎ຺ໂຎ (ສີ. ສ຺ຍາ.)], ຍໂສ ກິຕ຺ຕິ ຈ ວຑ຺ຒຕີຕິ.

ກິໍ ¶ ນຸ ສນ຺ຕຣມາໂນວ, ລາຍິຕ຺ວາ ຫຣິຕໍ ຕິຓໍ;

ຂາທ ຂາທາຕິ ລປສິ, ຄຕສຕ຺ຕໍ ຊຣຄ຺ຄວໍ.

ນ ຫິ ອນ຺ເນນ ປາເນນ, ມໂຕ ໂຄໂຓ ສມຸຏ຺ຐເຫ;

ຕ຺ວຎ຺ຈ ຕຸຈ຺ຉໍ ວິລປສິ, ຍຖາ ຕໍ ທຸມ຺ມຕີ ຕຖາ.

ຕເຖວ ຕິຏ຺ຐຕິ ສີສໍ, ຫຕ຺ຖປາທາ ຈ ວາລຘິ;

ໂສຕາ ຕເຖວ ຕິຏ຺ຐນ຺ຕິ [ໂສ ຕາຕ ຕເຖວ ຕິຏ຺ຐຕິ (ກ.)], ມຎ຺ເຎ ໂຄໂຓ ສມຸຏ຺ຐເຫ.

ເນວຍ຺ຍກສ຺ສ ສີສຎ຺ຈ [ສີສໍ ວາ (ສີ. ສ຺ຍາ. ປີ.)], ຫຕ຺ຖປາທາ ຈ ທິສ຺ສເຣ;

ຣຸທໍ ມຕ຺ຕິກຖູປສ຺ມິໍ, ນນຸ ຕ຺ວຎ຺ເຎວ ທຸມ຺ມຕິ.

ອາທິຕ຺ຕໍ ¶ ວຕ ມໍ ສນ຺ຕໍ, ຆຕສິຕ຺ຕໍວ ປາວກໍ;

ວາຣິນາ ວິຍ ໂອສິຎ຺ຈໍ [ໂອສິຎ຺ຈິ (ກ.)], ສພ຺ພໍ ນິພ຺ພາປເຍ ທຣໍ.

ອພ຺ພຫີ [ອພ຺ພູຬ຺ຫໍ (ສີ. ສ຺ຍາ.), ອພ຺ຠູຬ຺ຫໍ (ກ.)] ວຕ ເມ ສລ຺ລໍ, ຍມາສິ ຫທຍສ຺ສິຕໍ [ໂສກໍ ຫທຍນິສ຺ສິຕໍ (ສີ. ສ຺ຍາ.)];

ໂຍ ¶ ເມ ໂສກປເຣຕສ຺ສ, ປິຕຸ ໂສກໍ ອປານຸທິ.

ໂສຫໍ ອພ຺ພູຬ຺ຫສລ຺ໂລສ຺ມິ, ວີຕໂສໂກ ອນາວິໂລ;

ນ ໂສຈາມິ ນ ໂຣທາມິ, ຕວ ສຸຕ຺ວານ ມາຓວ.

ເອວໍ ກໂຣນ຺ຕິ ສປ຺ປຎ຺ຎາ, ເຍ ໂຫນ຺ຕິ ອນຸກມ຺ປກາ;

ວິນິວຕ຺ເຕນ຺ຕິ ໂສກມ຺ຫາ, ສຸຊາໂຕ ປິຕຣໍ ຍຖາຕິ.

ນຍິທໍ ນິຈ຺ຈໍ ຠວິຕພ຺ພໍ ພ຺ຣຫ຺ມທຕ຺ຕ, ເຂມໍ ສຸຠິກ຺ຂໍ ສຸຂຕາ ຈ ກາເຍ;

ອຕ຺ຖຈ຺ຈເຍ ມາ ອຫຸ ສມ຺ປມູຬ຺ໂຫ, ຠິນ຺ນປ຺ລໂວ ສາຄຣສ຺ເສວ ມຊ຺ເຌ.

ຍານິ ¶ ກໂຣຕິ ປຸຣິໂສ, ຕານິ ອຕ຺ຕນິ ປສ຺ສຕິ;

ກລ຺ຍາຓກາຣີ ກລ຺ຍາຓໍ, ປາປກາຣີ ຈ ປາປກໍ;

ຍາທິສໍ ວປເຕ ພີຊໍ, ຕາທິສໍ ຫຣເຕ ຜລໍ.

ອິທໍ ຕທາຈຣິຍວໂຈ, ປາຣາສຣິໂຍ ຍທພ຺ຣວິ;

ມາ ສຸ [ມາ ສ຺ສຸ (ສີ. ສ຺ຍາ. ປີ.)] ຕ຺ວໍ ອກຣິ ປາປໍ, ຍໍ ຕ຺ວໍ ປຈ຺ຉາ ກຕໍ ຕເປ.

ອຍເມວ ໂສ ປິງ຺ຄິຍ [ໂສ ປິງ຺ຄິໂຍ (ສ຺ຍາ.), ໂສປິ ຠິຍ຺ໂຍ (ກ.)] ເວນສາໂຂ, [ໂຘນສາໂຂ (ກ. ສີ. ປີ.)] ຍມ຺ຫິ ¶ ຆາຕຍິໍ ຂຕ຺ຕິຍານໍ ສຫສ຺ສໍ;

ອລງ຺ກເຕ ຈນ຺ທນສາຣານຸລິຕ຺ເຕ, ຕເມວ ທຸກ຺ຂໍ ປຈ຺ຈາຄຕໍ ມມໍ.

ສາມາ ຈ [ສາມາປິ (ສີ. ສ຺ຍາ.)] ໂຂ ຈນ຺ທນລິຕ຺ຕຄຕ຺ຕາ [ຄຕ຺ຕີ (ກ. ສີ. ສ຺ຍາ. ປີ.)], ລຏ຺ຐີວ ໂສຠຎ຺ຊນກສ຺ສ ອຸຄ຺ຄຕາ;

ອທິສ຺ວາ [ອທິສ຺ວາວ (ສີ.)] ກາລໍ ກຣິສ຺ສາມິ ອຸພ຺ພຣິໍ, ຕໍ ເມ ອິໂຕ ທຸກ຺ຂຕຣໍ ຠວິສ຺ສຕີຕິ.

ເວນສາຂຊາຕກໍ [ໂຘນສາຂຊາຕກໍ (ກ. ສີ. ປີ.)] ຕຕິຍໍ.

ອຸຣໂຄວ ຕຈໍ ຊິຓ຺ຓໍ, ຫິຕ຺ວາ ຄຈ຺ຉຕິ ສໍ ຕນຸໍ;

ເອວໍ ສຣີເຣ ນິພ຺ໂຠເຄ, ເປເຕ ກາລງ຺ກເຕ ສຕິ.

ຑຍ຺ຫມາໂນ ນ ຊານາຕິ, ຎາຕີນໍ ປຣິເທວິຕໍ;

ຕສ຺ມາ ເອຕໍ ນ ໂສຈາມິ, ຄໂຕ ໂສ ຕສ຺ສ ຍາ ຄຕິ.

ອນວ຺ຫິໂຕ ¶ ຕໂຕ ອາຄາ, ອນນຸຎ຺ຎາໂຕ [ນານຸຎ຺ຎາໂຕ (ກ.)] ອິໂຕ ຄໂຕ;

ຍຖາຄໂຕ ຕຖາ ຄໂຕ, ຕຕ຺ຖ ກາ ປຣິເທວນາ.

ຑຍ຺ຫມາໂນ ນ ຊານາຕິ, ຎາຕີນໍ ປຣິເທວິຕໍ;

ຕສ຺ມາ ເອຕໍ ນ ໂສຈາມິ, ຄໂຕ ໂສ ຕສ຺ສ ຍາ ຄຕິ.

ສເຈ ໂຣເທ ກິສາ [ກິສີ (ປີ.)] ອສ຺ສໍ, ຕສ຺ສາ ເມ ກິໍ ຜລໍ ສິຍາ;

ຎາຕິມິຕ຺ຕສຸຫຊ຺ຊານໍ ¶ , ຠິຍ຺ໂຍ ໂນ ອຣຕີ ສິຍາ.

ຑຍ຺ຫມາໂນ ¶ ນ ຊານາຕິ, ຎາຕີນໍ ປຣິເທວິຕໍ;

ຕສ຺ມາ ເອຕໍ ນ ໂສຈາມິ, ຄໂຕ ໂສ ຕສ຺ສ ຍາ ຄຕິ.

ຍຖາປິ ທາຣໂກ ຈນ຺ທໍ, ຄຈ຺ຉນ຺ຕມນຸໂຣທຕິ;

ເອວໍ ສມ຺ປທເມເວຕໍ, ໂຍ ເປຕມນຸໂສຈຕິ.

ຑຍ຺ຫມາໂນ ນ ຊານາຕິ, ຎາຕີນໍ ປຣິເທວິຕໍ;

ຕສ຺ມາ ເອຕໍ ນ ໂສຈາມິ, ຄໂຕ ໂສ ຕສ຺ສ ຍາ ຄຕິ.

ຍຖາປິ ອຸທກກຸມ຺ໂຠ, ຠິນ຺ໂນ ອປ຺ປຏິສນ຺ຘິໂຍ;

ເອວໍ ສມ຺ປທເມເວຕໍ, ໂຍ ເປຕມນຸໂສຈຕິ.

ຑຍ຺ຫມາໂນ ນ ຊານາຕິ, ຎາຕີນໍ ປຣິເທວິຕໍ;

ຕສ຺ມາ ເອຕໍ ນ ໂສຈາມິ, ຄໂຕ ໂສ ຕສ຺ສ ຍາ ຄຕີຕິ.

ອຎ຺ເຎ ໂສຈນ຺ຕິ ໂຣທນ຺ຕິ, ອຎ຺ເຎ ອສ຺ສຸມຸຂາ ຊນາ;

ປສນ຺ນມຸຂວຓ຺ໂຓສິ, ກສ຺ມາ ຆຏ [ຆຕ (ສີ. ປີ.)] ນ ໂສຈສິ.

ນາພ຺ຠຕີຕຫໂຣ ໂສໂກ, ນານາຄຕສຸຂາວໂຫ;

ຕສ຺ມາ ຘງ຺ກ [ວໍກ (ປີ.)] ນ ໂສຈາມິ, ນຕ຺ຖິ ໂສເກ ທຸຕີຍຕາ [ໂສໂກ ທຸຕີຍກາ (ກ.)].

ໂສຈໍ ປຓ຺ຑຸ ກິໂສ ໂຫຕິ, ຠຕ຺ຕຎ຺ຈສ຺ສ ນ ຣຸຈ຺ຈຕິ;

ອມິຕ຺ຕາ ສຸມນາ ໂຫນ຺ຕິ, ສລ຺ລວິທ຺ຘສ຺ສ ຣຸປ຺ປໂຕ.

ຄາເມ ¶ ວາ ຍທິ ວາຣຎ຺ເຎ, ນິນ຺ເນ ວາ ຍທິ ວາ ຖເລ;

ຐິຕໍ ມໍ ນາຄມິສ຺ສຕິ, ເອວໍ ທິຏ຺ຐປໂທ ອຫໍ.

ຍສ຺ສຕ຺ຕາ ນາລເມໂກວ, ສພ຺ພກາມຣສາຫໂຣ;

ສພ຺ພາປິ ປຖວີ ຕສ຺ສ, ນ ສຸຂໍ ອາວຫິສ຺ສຕີຕິ.

ເອໂກ ¶ ¶ ອຣຎ຺ເຎ ຄິຣິກນ຺ທຣາຍໍ, ປຄ຺ຄຍ຺ຫ ປຄ຺ຄຍ຺ຫ ສິລໍ ປເວຈ຺ຉສິ [ປເວຊ຺ຌສິ (ສ຺ຍາ. ສີ. ອຏ຺ຐ.)];

ປຸນປ຺ປຸນໍ ສນ຺ຕຣມານຣູໂປ, ໂກຣຓ຺ຑິຍ [ກາຣຓ຺ຑິຍ (ສີ. ສ຺ຍາ. ປີ.)] ໂກ ນຸ ຕວ ຍິຘຕ຺ໂຖ.

ອຫຎ຺ຫິມໍ ສາຄຣ ເສວິຕນ຺ຕໍ, ສມໍ ກຣິສ຺ສາມິ ຍຖາປິ ປາຓິ;

ວິກິຣິຍ ສານູນິ ຈ ປພ຺ພຕານິ ຈ, ຕສ຺ມາ ສິລໍ ທຣິຍາ ປກ຺ຂິປາມິ.

ນຍິມໍ ມຫິໍ ອຣຫຕິ ປາຓິກປ຺ປໍ, ສມໍ ມນຸສ຺ໂສ ກຣຓາຍ ເມໂກ;

ມຎ຺ຎາມິມຎ຺ເຎວ ທຣິໍ ຊິຄີສໍ [ຊິຄິໍສໍ (ສີ. ສ຺ຍາ. ປີ.)], ໂກຣຓ຺ຑິຍ ¶ ຫາຫສິ [ຫາຍສິ (ສ຺ຍາ. ກ.)] ຊີວໂລກໍ.

ສເຈ ອຫໍ [ອຍໍ (ສີ. ສ຺ຍາ. ປີ.)] ຠູຕຘຣໍ ນ ສກ຺ກາ [ສກ຺ໂກ (ສ຺ຍາ. ກ.)], ສມໍ ມນຸສ຺ໂສ ກຣຓາຍ ເມໂກ;

ເອວເມວ ຕ຺ວໍ ພ຺ຣຫ຺ເມ ອິເມ ມນຸສ຺ເສ, ນານາທິຏ຺ຐິເກ ນານຍິສ຺ສສິ ເຕ [ເນ (ກ.)].

ສງ຺ຂິຕ຺ຕຣູເປນ ຠວໍ ມມຕ຺ຖໍ, ອກ຺ຂາສິ ໂກຣຓ຺ຑິຍ ເອວເມຕໍ;

ຍຖາ ນ ສກ຺ກາ ປຖວີ ສມາຍໍ, ກຕ຺ຕຸໍ ມນຸສ຺ເສນ ຕຖາ ມນຸສ຺ສາຕິ.

ວນ຺ທາມິ ຕໍ ກຸຎ຺ຊຣ ສຏ຺ຐິຫາຍນໍ, ອາຣຎ຺ຎກໍ ຍູຖປຕິໍ ຍສສ຺ສິໍ;

ປກ຺ເຂຫິ ຕໍ ປຎ຺ຊລິກໍ ກໂຣມິ, ມາ ເມ ວຘີ ປຸຕ຺ຕເກ ທຸພ຺ພລາຍ.

ວນ຺ທາມິ ¶ ຕໍ ກຸຎ຺ຊຣ ເອກຈາຣິໍ, ອາຣຎ຺ຎກໍ ປພ຺ພຕສານຸໂຄຈຣໍ;

ປກ຺ເຂຫິ ຕໍ ປຎ຺ຊລິກໍ ກໂຣມິ, ມາ ¶ ເມ ວຘີ ປຸຕ຺ຕເກ ທຸພ຺ພລາຍ;

ວມິສ຺ສາມິ ເຕ ລຏຸກິເກ ປຸຕ຺ຕການິ, ກິໍ ເມ ຕຸວໍ ກາຫສິ ທຸພ຺ພລາສິ;

ສຕໍ ສຫສ຺ສານິປິ ຕາທິສີນໍ, ວາເມນ ປາເທນ ປໂປຖເຍຍ຺ຍໍ.

ນ ເຫວ ສພ຺ພຕ຺ຖ ພເລນ ກິຈ຺ຈໍ, ພລຎ຺ຫິ ພາລສ຺ສ ວຘາຍ ໂຫຕິ;

ກຣິສ຺ສາມິ ເຕ ນາຄຣາຊາ ອນຕ຺ຖໍ, ໂຍ ເມ ວຘີ ປຸຕ຺ຕເກ ທຸພ຺ພລາຍ.

ກາກຎ຺ຈ ປສ຺ສ ລຏຸກິກໍ, ມຓ຺ຑູກໍ ນີລມກ຺ຂິກໍ;

ເອເຕ ນາຄໍ ອຆາເຕສຸໍ, ປສ຺ສ ເວຣສ຺ສ ເວຣິນໍ;

ຕສ຺ມາ ຫິ ເວຣໍ ນ ກຍິຣາຖ, ອປ຺ປິເຍນປິ ເກນຈີຕິ.

ອຫເມວ ¶ ທູສິຍາ ຠູນຫຕາ, ຣຎ຺ໂຎ ມຫາປຕາປສ຺ສ;

ເອຕໍ ມຸຎ຺ຈຕຸ ຘມ຺ມປາລໍ, ຫຕ຺ເຖ ເມ ເທວ ເຉເທຫິ.

ອຫເມວ ທູສິຍາ ຠູນຫຕາ, ຣຎ຺ໂຎ ມຫາປຕາປສ຺ສ;

ເອຕໍ ມຸຎ຺ຈຕຸ ຘມ຺ມປາລໍ, ປາເທ ເມ ເທວ ເຉເທຫິ.

ອຫເມວ ທູສິຍາ ຠູນຫຕາ, ຣຎ຺ໂຎ ມຫາປຕາປສ຺ສ;

ເອຕໍ ¶ ມຸຎ຺ຈຕຸ ຘມ຺ມປາລໍ, ສີສໍ ເມ ເທວ ເຉເທຫິ.

ນ ຫິ [ນຫ (ສີ. ສ຺ຍາ. ປີ.) ເອຕ຺ຖ ຫ-ກາໂຣ ເຂເທ] ນູນິມສ຺ສ ຣຎ຺ໂຎ, ມິຕ຺ຕາມຈ຺ຈາ ຈ ວິຊ຺ຊເຣ ສຸຫທາ;

ເຍ ນ ວທນ຺ຕິ ຣາຊານໍ, ມາ ຆາຕຍິ ໂອຣສໍ ປຸຕ຺ຕໍ.

ນ ຫິ [ນຫ (ສີ. ສ຺ຍາ. ປີ.) ເອຕ຺ຖ ຫ-ກາໂຣ ເຂເທ] ນູນິມສ຺ສ ຣຎ຺ໂຎ, ຎາຕີ ມິຕ຺ຕາ ຈ ວິຊ຺ຊເຣ ສຸຫທາ;

ເຍ ນ ວທນ຺ຕິ ຣາຊານໍ, ມາ ຆາຕຍິ ອຕ຺ຣຊໍ ປຸຕ຺ຕໍ.

ຈນ຺ທນສາຣານຸລິຕ຺ຕາ ¶ , ພາຫາ ຉິຊ຺ຊນ຺ຕິ ຘມ຺ມປາລສ຺ສ;

ທາຍາທສ຺ສ ປຖພ຺ຍາ, ປາຓາ ເມ ເທວ ຣຸຊ຺ຌນ຺ຕີຕິ.

ວິກ຺ກມ ເຣ ຫຣິປາທ [ມຫາມິຄ (ສີ. ສ຺ຍາ. ປີ.)], ວິກ຺ກມ ເຣ ມຫາມິຄ [ຫຣີປທ (ສີ. ສ຺ຍາ. ປີ.)];

ຉິນ຺ທ ວາຣຕ຺ຕິກໍ ປາສໍ, ນາຫໍ ເອກາ ວເນ ຣເມ.

ວິກ຺ກມາມິ ນ ປາເຣມິ, ຠູມິໍ ສຸມ຺ຠາມິ ເວຄສາ;

ທຬ຺ໂຫ ວາຣຕ຺ຕິໂກ ປາໂສ, ປາທໍ ເມ ປຣິກນ຺ຕຕິ.

ອຕ຺ຖຣສ຺ສຸ ປລາສານິ, ອສິໍ ນິພ຺ພາຫ ລຸທ຺ທກ;

ປຐມໍ ມໍ ວຘິຕ຺ວານ, ຫນ ປຈ຺ຉາ ມຫາມິຄໍ.

ນ ເມ ສຸຕໍ ວາ ທິຏ຺ຐໍ ວາ, ຠາສນ຺ຕິໍ ມານຸສິໍ ມິຄິໍ [ນ ເມ ສຸຕາ ວາ ທິຏ຺ຐາ ວາ, ຠາສນ຺ຕີ ມານຸສິໍ ມິຄີ (ຏີກາ)];

ຕ຺ວຎ຺ຈ ຠທ຺ເທ ສຸຂີ ໂຫຫິ, ເອໂສ ຈາປິ ມຫາມິໂຄ.

ເອວໍ ລຸທ຺ທກ ນນ຺ທສ຺ສຸ, ສຫ ສພ຺ເພຫິ ຎາຕິຠິ;

ຍຖາຫມຊ຺ຊ ¶ ນນ຺ທາມິ, ມຸຕ຺ຕໍ ທິສ຺ວາ ມຫາມິຄນ຺ຕິ.

ວາຕິ ¶ ຄນ຺ໂຘ ຕິມິຣານໍ, ກຸສມຸທ຺ໂທ ຈ [ວ (ສ຺ຍາ. ປີ.)] ໂຆສວາ;

ທູເຣ ອິໂຕ ສຸໂຍນນ຺ທີ [ອິໂຕ ຫິ ສຸສນ຺ທີ (ສີ. ສ຺ຍາ.), ອິໂຕປິ ສຸສ຺ໂສນ຺ທີ (ປີ.)], ຕມ຺ພກາມາ ຕຸທນ຺ຕິ ມໍ.

ກຖໍ ສມຸທ຺ທມຕຣິ, ກຖໍ ອທ຺ທກ຺ຂິ ເສທຸມໍ [ເສຣຸມໍ (ສີ. ສ຺ຍາ. ປີ.)];

ກຖໍ ຕສ຺ສາ ຈ ຕຸຍ຺ຫຎ຺ຈ, ອຫຸ ສຄ຺ຄ [ອຄ຺ຄ (ສີ. ສ຺ຍາ.)] ສມາຄໂມ.

ກຸຣຸກຈ຺ຉາ [ຠຣຸກຈ຺ຉາ (ສີ. ສ຺ຍາ. ປີ.)] ປຍາຕານໍ, ວາຓິຊານໍ ຘເນສິນໍ;

ມກເຣຫິ ອຠິທາ [ມກເຣຫິພ຺ຠິທາ (ສີ.), ມກເຣຫິ’ຠິທາ (ສ຺ຍາ.), ມກເຣຫິ ຠິນ຺ນາ (ປີ.)] ນາວາ, ຜລເກນາຫມປ຺ລວິໍ.

ສາ ¶ ມໍ ສຓ຺ເຫນ ມຸທຸນາ, ນິຈ຺ຈໍ ຈນ຺ທນຄນ຺ຘິນີ;

ອງ຺ເຄນ [ອງ຺ເກນ (ປີ. ກ.)] ອຸທ຺ຘຣີ ຠທ຺ທາ, ມາຕາ ປຸຕ຺ຕໍວ ໂອຣສໍ.

ສາ ມໍ ອນ຺ເນນ ປາເນນ, ວຕ຺ເຖນ ສຍເນນ ຈ;

ອຕ຺ຕນາປິ ຈ ມນ຺ທກ຺ຂີ, ເອວໍ ຕມ຺ພ ວິຊານາຫີຕິ.

ອຖ ຊິນວໂຣ ຫຣິຕໍ ຕິຓໂກ, ອຖ ¶ ຠິນ຺ນປ຺ລໂວ ອຸຣໂຄວ ຆໂຏ;

ທຣິຍາ ປຸນ ກຸຎ຺ຊຣ ຠູນຫຕາ, ມິຄມຸຕ຺ຕມສຄ຺ຄວເຣນ ທສາຕິ.

ວຓ຺ຓາໂຣເຫນ ຊາຕິຍາ, ພລນິກ຺ກມເນນ ຈ;

ສຸພາຫຸ ນ ມຍາ ເສຍ຺ໂຍ, ສຸທາຐ ອິຕິ ຠາສສິ.

ວຓ຺ຓາໂຣເຫນ ຊາຕິຍາ, ພລນິກ຺ກມເນນ ຈ;

ສຸທາໂຐ ນ ມຍາ ເສຍ຺ໂຍ, ສຸພາຫຸ ອິຕິ ຠາສສິ.

ເອວໍ ເຈ ມໍ ວິຫຣນ຺ຕໍ, ສຸພາຫຸ ສມ຺ມ ທຸພ຺ຠສິ;

ນ ທານາຫໍ ຕຍາ ສທ຺ຘິໍ, ສໍວາສມຠິໂຣຈເຍ.

ໂຍ ¶ ປເຣສໍ ວຈນານິ, ສທ຺ທເຫຍ຺ຍ [ສທ຺ທເຫຖ (ສີ. ສ຺ຍາ. ປີ.)] ຍຖາຕຖໍ;

ຂິປ຺ປໍ ຠິຊ຺ເຊຖ ມິຕ຺ຕສ຺ມິໍ, ເວຣຎ຺ຈ ປສເວ ພຫຸໍ.

ນ ¶ ໂສ ມິຕ຺ໂຕ ໂຍ ສທາ ອປ຺ປມຕ຺ໂຕ, ເຠທາສງ຺ກີ ຣນ຺ຘເມວານຸປສ຺ສີ;

ຍສ຺ມິຎ຺ຈ ເສຕີ ອຸຣສີວ ປຸຕ຺ໂຕ, ສ ເວ ມິຕ຺ໂຕ ໂຍ ອເຠຊ຺ໂຊ ປເຣຫີຕິ.

ສີລໍ ¶ ເສຍ຺ໂຍ ສຸຕໍ ເສຍ຺ໂຍ, ອິຕິ ເມ ສໍສໂຍ ອຫຸ;

ສີລເມວ ສຸຕາ ເສຍ຺ໂຍ, ອິຕິ ເມ ນຕ຺ຖິ ສໍສໂຍ.

ໂມຆາ ຊາຕິ ຈ ວຓ຺ໂຓ ຈ, ສີລເມວ ກິຣຸຕ຺ຕມໍ;

ສີເລນ ອນຸເປຕສ຺ສ, ສຸເຕນຕ຺ໂຖ ນ ວິຊ຺ຊຕິ.

ຂຕ຺ຕິໂຍ ຈ ອຘມ຺ມຏ຺ໂຐ, ເວສ຺ໂສ ຈາຘມ຺ມນິສ຺ສິໂຕ;

ເຕ ປຣິຈ຺ຈຊ຺ຊຸໂຠ ໂລເກ, ອຸປປຊ຺ຊນ຺ຕິ ທຸຄ຺ຄຕິໍ.

ຂຕ຺ຕິຍາ ພ຺ຣາຫ຺ມຓາ ເວສ຺ສາ, ສຸທ຺ທາ ຈຓ຺ຑາລປຸກ຺ກຸສາ;

ອິຘ ຘມ຺ມໍ ຈຣິຕ຺ວານ, ຠວນ຺ຕິ ຕິທິເວ ສມາ.

ນ ເວທາ ສມ຺ປຣາຍາຍ, ນ ຊາຕິ ນາປິ [ໂນປິ (ປີ.)] ພນ຺ຘວາ;

ສກຎ຺ຈ ສີລໍ ສໍສຸທ຺ຘໍ, ສມ຺ປຣາຍາຍ ສຸຂາຍ ຈາຕິ [ສຸຂາວຫນ຺ຕິ (ສີ. ສ຺ຍາ.)].

ຫິຣິໍ ຕຣນ຺ຕໍ ວິຊິຄຸຈ຺ຉມານໍ, ຕວາຫມສ຺ມີ ອິຕິ ຠາສມານໍ;

ເສຍ຺ຍານິ ກມ຺ມານິ ອນາທິຍນ຺ຕໍ, ເນໂສ ມມນ຺ຕິ ອິຕິ ນໍ ວິຊຎ຺ຎາ.

ຍຎ຺ຫິ ກຍິຣາ ຕຎ຺ຫິ ວເທ, ຍໍ ນ ກຍິຣາ ນ ຕໍ ວເທ;

ອກໂຣນ຺ຕໍ ¶ ຠາສມານໍ, ປຣິຊານນ຺ຕິ ປຓ຺ຑິຕາ.

ນ ¶ ໂສ ມິຕ຺ໂຕ ໂຍ ສທາ ອປ຺ປມຕ຺ໂຕ, ເຠທາສງ຺ກີ ຣນ຺ຘເມວານຸປສ຺ສີ;

ຍສ຺ມິຎ຺ຈ ເສຕີ ອຸຣສີວ ປຸຕ຺ໂຕ, ສ ເວ ມິຕ຺ໂຕ ໂຍ ອເຠຊ຺ໂຊ ປເຣຫິ.

ປາໂມຊ຺ຊກຣຓໍ ຐານໍ, ປສໍສາວຫນໍ ສຸຂໍ;

ຜລານິສໍໂສ ຠາເວຕິ, ວຫນ຺ໂຕ ໂປຣິສໍ ຘຸຣໍ.

ປວິເວກຣສໍ ¶ ປິຕ຺ວາ, ຣສໍ ອຸປສມສ຺ສ ຈ;

ນິທ຺ທໂຣ ໂຫຕິ ນິປ຺ປາໂປ, ຘມ຺ມປ຺ປີຕິຣສໍ ປິວນ຺ຕິ.

ໂກ ນຸ ສນ຺ຕມ຺ຫິ ປຊ຺ໂຊເຕ, ອຄ຺ຄິປຣິເຍສນໍ ຈຣໍ;

ອທ຺ທກ຺ຂິ ຣຕ຺ຕິ [ຣຕ຺ຕິໍ (ສ຺ຍາ.)] ຂຊ຺ໂຊຕໍ, ຊາຕເວທໍ ອມຎ຺ຎຖ.

ສ຺ວສ຺ສ ໂຄມຍຈຸຓ຺ຓານິ, ອຠິມຕ຺ຖໍ ຕິຓານິ ຈ;

ວິປຣີຕາຍ ສຎ຺ຎາຍ, ນາສກ຺ຂິ ປຊ຺ຊເລຕເວ.

ເອວມ຺ປິ ອນຸປາເຍນ, ອຕ຺ຖໍ ນ ລຠເຕ ມິໂຄ [ມູໂຄ (ສ຺ຍາ.)];

ວິສາຓໂຕ ຄວໍ ໂທຫໍ, ຍຕ຺ຖ ຂີຣໍ ນ ວິນ຺ທຕິ.

ວິວິເຘຫິ ອຸປາເຍຫິ, ອຕ຺ຖໍ ປປ຺ໂປນ຺ຕິ ມາຓວາ;

ນິຄ຺ຄເຫນ ອມິຕ຺ຕານໍ, ມິຕ຺ຕານໍ ປຄ຺ຄເຫນ ຈ.

ເສນາໂມກ຺ຂປລາເຠນ ¶ [ເສນີ ໂມກ຺ຂູປລາເຠນ (ສ຺ຍາ.)], ວລ຺ລຠານໍ ນເຍນ ຈ;

ຊຄຕິໍ ຊຄຕິປາລາ, ອາວສນ຺ຕິ ວສຸນ຺ຘຣນ຺ຕິ.

ຘຸຕ຺ໂຕມ຺ຫິ ສມ຺ມ ສຸມຸຂ, ຊູເຕ ອກ຺ຂປຣາຊິໂຕ;

ຫເຣຫິ [ເສເວຫິ (ປີ.)] ອມ຺ພປກ຺ການິ, ວີຣິຍໍ ເຕ ຠກ຺ຂຍາມເສ.

ອລິກໍ ວຕ ມໍ ສມ຺ມ, ອຠູເຕນ ປສໍສສິ;

ໂກ ເຕ ສຸໂຕ ວາ ທິຏ຺ໂຐ ວາ, ສຸມຸໂຂ ນາມ ມກ຺ກໂຏ.

ອຊ຺ຊາປິ ¶ ເມ ຕໍ ມນສິ [ເຕ ມໍ ສຣສິ (ກ.)], ຍໍ ມໍ ຕ຺ວໍ ອຫິຕຸຓ຺ຑິກ;

ຘຎ຺ຎາປຓໍ ປວິສິຕ຺ວາ, ມຕ຺ໂຕ [ມຸຕ຺ໂຕ (ກ.)] ຉາຕໍ ຫນາສິ ມໍ.

ຕາຫໍ ສຣໍ ທຸກ຺ຂເສຍ຺ຍໍ, ອປິ ຣຊ຺ຊມ຺ປິ ກາຣເຍ;

ເນວາຫໍ ຍາຈິໂຕ ທຊ຺ຊໍ, ຕຖາ ຫິ ຠຍຕຊ຺ຊິໂຕ.

ຍຎ຺ຈ ຊຎ຺ຎາ ກຸເລ ຊາຕໍ, ຄພ຺ເຠ ຕິຕ຺ຕໍ ອມຈ຺ຉຣິໍ;

ເຕນ ສຂິຎ຺ຈ ມິຕ຺ຕຎ຺ຈ, ຘີໂຣ ສນ຺ຘາຕຸມຣຫຕີຕິ.

ມຘຸວຓ຺ຓໍ ¶ ມຘຸຣສໍ, ມຘຸຄນ຺ຘໍ ວິສໍ ອຫຸ;

ຄຸມ຺ພິໂຍ ¶ ຆາສເມສາໂນ, ອຣຎ຺ເຎ ໂອທຫີ ວິສໍ.

ມຘຸ ອິຕິ ມຎ຺ຎມານາ [ມຘູຕິ ມຎ຺ຎມານາຍ (ກ.)], ເຍ ຕໍ ວິສມຂາທິສຸໍ [ວິສມສາຍິສຸໍ (ສີ. ສ຺ຍາ.)];

ເຕສໍ ຕໍ ກຏຸກໍ ອາສິ, ມຣຓໍ ເຕນຸປາຄມຸໍ.

ເຍ ຈ ໂຂ ປຏິສງ຺ຂາຍ, ວິສໍ ຕໍ ປຣິວຊ຺ຊຍຸໍ;

ເຕ ອາຕຸເຣສຸ ສຸຂິຕາ, ຑຍ຺ຫມາເນສຸ ນິພ຺ພຸຕາ.

ເອວເມວ ມນຸສ຺ເສສຸ, ວິສໍ ກາມາ ສໂມຫິຕາ;

ອາມິສໍ ພນ຺ຘນຎ຺ເຈຕໍ, ມຈ຺ຈຸເວໂສ [ປຈ຺ຈຸວໂສ (ສີ. ສ຺ຍາ.)] ຄຸຫາສໂຍ.

ເອວເມວ ອິເມ ກາເມ, ອາຕຸຣາ ປຣິຈາຣິເກ [ປຣິຈາຣເກ (ກ.)];

ເຍ ສທາ ປຣິວຊ຺ເຊນ຺ຕິ, ສງ຺ຄໍ ໂລເກ ອຸປຈ຺ຈຄຸນ຺ຕິ.

ຍ຺ວາຍໍ ສາຬິຍ [ສາລິຍ (ສີ. ສ຺ຍາ. ປີ.), ສາຬິກ (?)] ຉາໂປຕິ, ກຓ຺ຫສປ຺ປໍ ອຄາຫຍິ;

ເຕນ ສປ຺ເປນຍໍ ທຏ຺ໂຐ, ຫໂຕ ປາປານຸສາສໂກ.

ອຫນ຺ຕາຣ [ອຫນນ຺ຕ (ປີ.), ອຫຣນ຺ຕ (?)] ມຫນ຺ຕາຣໍ, ໂຍ ນໂຣ ຫນ຺ຕຸມິຈ຺ຉຕິ;

ເອວໍ ໂສ ນິຫໂຕ ເສຕິ, ຍຖາຍໍ ປຸຣິໂສ ຫໂຕ.

ອຫນ຺ຕາຣ ¶ [ອຫນນ຺ຕ (ສີ. ສ຺ຍາ. ປີ.), ອຫຣນ຺ຕ (?)] ມຆາເຕນ຺ຕໍ, ໂຍ ນໂຣ ຫນ຺ຕຸມິຈ຺ຉຕິ;

ເອວໍ ໂສ ນິຫໂຕ ເສຕິ, ຍຖາຍໍ ປຸຣິໂສ ຫໂຕ.

ຍຖາ ປໍສຸມຸຏ຺ຐິໍ ປຸຣິໂສ, ປຏິວາຕໍ ປຏິກ຺ຂິເປ;

ຕເມວ ¶ ໂສ ຣໂຊ ຫນ຺ຕິ, ຕຖາຍໍ ປຸຣິໂສ ຫໂຕ.

ໂຍ ອປ຺ປທຸຏ຺ຐສ຺ສ ນຣສ຺ສ ທຸສ຺ສຕິ, ສຸທ຺ຘສ຺ສ ໂປສສ຺ສ ອນງ຺ຄຓສ຺ສ;

ຕເມວ ພາລໍ ປຈ຺ເຈຕິ ປາປໍ, ສຸຂຸໂມ ຣໂຊ ປຏິວາຕໍວ ຂິຕ຺ໂຕຕິ.

ອມິຕ຺ຕຫຕ຺ຖຕ຺ຖຄຕາ [ຫຕ຺ຖຕ຺ຕຄຕາ (ກຕ຺ຖຈິ, ສີ. ນິຍ຺ຍ)], ຕຈສາຣສມປ຺ປິຕາ;

ປສນ຺ນມຸຂວຓ຺ຓາຕ຺ຖ, ກສ຺ມາ ຕຸມ຺ເຫ ນ ໂສຈຖ.

ນ ¶ ໂສຈນາຍ ປຣິເທວນາຍ, ອຕ຺ໂຖວ ລພ຺ໂຠ [ອຕ຺ໂຖ ຈ ລພ຺ຠາ (ສີ. ສ຺ຍາ.), ອຕ຺ໂຖຘ ລພ຺ຠາ (ອ. ນິ. ໕.໔໘)] ອປິ ອປ຺ປໂກປິ;

ໂສຈນ຺ຕເມນໍ ທຸຂິຕໍ ວິທິຕ຺ວາ, ປຈ຺ຈຕ຺ຖິກາ ອຕ຺ຕມນາ ຠວນ຺ຕິ.

ຍໂຕ ຈ ໂຂ ປຓ຺ຑິໂຕ ອາປທາສຸ, ນ ເວຘຕີ ອຕ຺ຖວິນິຈ຺ຉຍຎ຺ຎູ;

ປຈ຺ຈຕ຺ຖິກາສ຺ສ [ປຈ຺ຈຕ຺ຖິກາ ເຕ (ກ.)] ທຸຂິຕາ ຠວນ຺ຕິ, ທິສ຺ວາ ມຸຂໍ ອວິກາຣໍ ປຸຣາຓໍ.

ຊປ຺ເປນ ມນ຺ເຕນ ສຸຠາສິເຕນ, ອນຸປ຺ປທາເນນ ປເວຓິຍາ ວາ;

ຍຖາ ¶ ຍຖາ ຍຕ຺ຖ ລເຠຖ ອຕ຺ຖໍ, ຕຖາ ຕຖາ ຕຕ຺ຖ ປຣກ຺ກເມຍ຺ຍ.

ຍໂຕ ¶ ຈ ຊາເນຍ຺ຍ ອລພ຺ຠເນຍ຺ໂຍ, ມຍາ ວ [ມຍາ ວາ (ສ຺ຍາ. ກ.)] ອຎ຺ເຎນ ວາ ເອສ ອຕ຺ໂຖ;

ອໂສຈມາໂນ ອຘິວາສເຍຍ຺ຍ, ກມ຺ມໍ ທຬ຺ຫໍ ກິນ຺ຕິ ກໂຣມິ ທານີຕິ.

ກ຺ຍາຫໍ ເທວານມກຣໍ, ກິໍ ປາປໍ ປກຕໍ ມຍາ;

ຍໍ ເມ ສິຣສ຺ມິໍ ໂອຫຈ຺ຈ [ອຸຫຈ຺ຈ (ກ.), ອຸຫຈ຺ຈ (ປີ.)], ຈກ຺ກໍ ຠມຕິ ມຕ຺ຖເກ.

ອຕິກ຺ກມ຺ມ ຣມຓກໍ, ສທາມຕ຺ຕຎ຺ຈ ທູຠກໍ;

ພ຺ຣຫ຺ມຕ຺ຕຣຎ຺ຈ ປາສາທໍ, ເກນຕ຺ເຖນ ອິຘາຄໂຕ.

ອິໂຕ ພຫຸຕຣາ ໂຠຄາ, ອຕ຺ຣ ມຎ຺ເຎ ຠວິສ຺ສເຣ;

ອິຕິ ເອຕາຍ ສຎ຺ຎາຍ, ປສ຺ສ ມໍ ພ຺ຍສນໍ ຄຕໍ.

ຈຕຸພ຺ຠິ ອຏ຺ຐຊ຺ຌຄມາ, ອຏ຺ຐາຫິປິ ຈ [ອຏ຺ຐາຫິ ຈາປິ (ສີ. ສ຺ຍາ.), ອຏ຺ຐາຠິ ຈາປິ (ກ.)] ໂສຬສ;

ໂສຬສາຫິ ຈ ພາຕ຺ຕິໍສ, ອຕ຺ຣິຈ຺ຉໍ ຈກ຺ກມາສໂທ;

ອິຈ຺ຉາຫຕສ຺ສ ໂປສສ຺ສ, ຈກ຺ກໍ ຠມຕິ ມຕ຺ຖເກ.

ອຸປຣິວິສາລາ ທຸປ຺ປູຣາ, ອິຈ຺ຉາ ວິສຏຄາມິນີ [ອຸປຣິ ວິສາລໍ ທຸປ຺ປູຣໍ, ອິຈ຺ຉາວິສທຄາມິນີ (ສີ.)];

ເຍ ¶ ຈ ຕໍ ອນຸຄິຊ຺ຌນ຺ຕິ, ເຕ ໂຫນ຺ຕິ ຈກ຺ກຘາຣິໂນຕິ.

ຫໍໂສ ປລາສມວຈ, ນິຄ຺ໂຣໂຘ ສມ຺ມ ຊາຍຕິ;

ອງ຺ກສ຺ມິໍ [ອງ຺ຄສ຺ມິໍ (ກ.)] ເຕ ນິສິນ຺ໂນວ, ໂສ ເຕ ມມ຺ມານິ ເຉຈ຺ຉຕິ [ຉິຊ຺ຊຕິ (ກ.)].

ວຑ຺ຒຕາເມວ [ວທ຺ຘິຕເມວ (ກ.)] ນິຄ຺ໂຣໂຘ, ປຕິຏ຺ຐສ຺ສ ຠວາມຫໍ;

ຍຖາ ປິຕາ ຈ ມາຕາ ຈ [ປິຕາ ວາ ມາຕາ ວາ (ປີ.), ມາຕາ ວາ ປິຕາ ວາ (ກ.)], ເອວໍ ເມ ໂສ ຠວິສ຺ສຕິ.

ຍໍ ¶ ຕ຺ວໍ ອງ຺ກສ຺ມິໍ ວຑ຺ເຒສິ, ຂີຣຣຸກ຺ຂໍ ຠຍານກໍ;

ອາມນ຺ຕ ໂຂ ຕໍ ຄຈ຺ຉາມ, ວຸຑ຺ຒິ ມສ຺ສ ນ ຣຸຈ຺ຈຕິ.

ອິທານິ ¶ ໂຂ ມໍ ຠາເຍຕິ, ມຫາເນຣຸນິທສ຺ສນໍ;

ຫໍສສ຺ສ ອນຠິຎ຺ຎາຍ, ມຫາ ເມ ຠຍມາຄຕໍ.

ນ ຕສ຺ສ ວຸຑ຺ຒິ ກຸສລປ຺ປສຕ຺ຖາ, ໂຍ ວຑ຺ຒມາໂນ ຆສເຕ ປຕິຏ຺ຐໍ;

ຕສ຺ສູປໂຣຘໍ ປຣິສງ຺ກມາໂນ, ປຕາຣຍີ ມູລວຘາຍ ຘີໂຣຕິ.

ວຓ຺ຓາໂຣຫວຄ຺ໂຄ ທຸຕິໂຍ [ອິມສ຺ສຸທ຺ທານໍ ຕຕິຍວຄ຺ຄປຣິໂຍສາເນ ຠວິສ຺ສຕິ].

ເອວໍຠູຕສ຺ສ ເຕ ຣາຊ, ອາຄຕສ຺ສ ວເສ [ວໂສ (ປີ. ກ.)] ມມ;

ອຕ຺ຖິ ນຸ ໂກຈິ ປຣິຍາໂຍ, ໂຍ ຕໍ ທຸກ຺ຂາ ປໂມຈເຍ.

ເອວໍຠູຕສ຺ສ ¶ ເມ ຕາຕ, ອາຄຕສ຺ສ ວເສ ຕວ;

ນຕ຺ຖິ ໂນ ໂກຈິ ປຣິຍາໂຍ, ໂຍ ມໍ ທຸກ຺ຂາ ປໂມຈເຍ.

ນາຎ຺ຎໍ ສຸຈຣິຕໍ ຣາຊ, ນາຎ຺ຎໍ ຣາຊ ສຸຠາສິຕໍ;

ຕາຍເຕ ມຣຓກາເລ, ເອວເມວິຕຣໍ ຘນໍ.

ອກ຺ໂກຈ຺ຉິ ມໍ ອວຘິ ມໍ, ອຊິນິ ມໍ ອຫາສິ ເມ;

ເຍ ຈ ຕໍ ອຸປນຍ຺ຫນ຺ຕິ, ເວຣໍ ເຕສໍ ນ ສມ຺ມຕິ.

ອກ຺ໂກຈ຺ຉິ ມໍ ອວຘິ ມໍ, ອຊິນິ ມໍ ອຫາສິ ເມ;

ເຍ ຈ ຕໍ ນຸປນຍ຺ຫນ຺ຕິ, ເວຣໍ ເຕສູປສມ຺ມຕິ.

ນ ຫິ ເວເຣນ ເວຣານິ, ສມ຺ມນ຺ຕີຘ ກຸທາຈນໍ;

ອເວເຣນ ຈ ສມ຺ມນ຺ຕິ, ເອສ ຘມ຺ໂມ ສນນ຺ຕໂນຕິ.

ອຄາຣາ ¶ ປຈ຺ຈຸເປຕສ຺ສ, ອນຄາຣສ຺ສ ເຕ ສໂຕ;

ສມຓສ຺ສ ນ ຕໍ ສາຘຸ, ຍໍ ເປຕມນຸໂສຈສິ.

ສໍວາເສນ ¶ ຫເວ ສກ຺ກ, ມນຸສ຺ສສ຺ສ ມິຄສ຺ສ ວາ;

ຫທເຍ ¶ ຊາຍເຕ ເປມໍ, ນ ຕໍ ສກ຺ກາ ອໂສຈິຕຸໍ.

ມຕໍ ມຣິສ຺ສໍ ໂຣທນ຺ຕິ, ເຍ ຣຸທນ຺ຕິ ລປນ຺ຕິ ຈ;

ຕສ຺ມາ ຕ຺ວໍ ອິສິ ມາ ໂຣທິ, ໂຣທິຕໍ ໂມຆມາຫຸ ສນ຺ໂຕ.

ໂຣທິເຕນ ຫເວ ພ຺ຣຫ຺ເມ, ມໂຕ ເປໂຕ ສມຸຏ຺ຐເຫ;

ສພ຺ເພ ສງ຺ຄມ຺ມ ໂຣທາມ, ອຎ຺ຎມຎ຺ຎສ຺ສ ຎາຕເກ.

ອາທິຕ຺ຕໍ ວຕ ມໍ ສນ຺ຕໍ, ຆຕສິຕ຺ຕໍວ ປາວກໍ;

ວາຣິນາ ວິຍ ໂອສິຎ຺ຈໍ, ສພ຺ພໍ ນິພ຺ພາປເຍ ທຣໍ.

ອພ຺ພຫິ ວຕ ເມ ສລ຺ລໍ, ຍມາສິ ຫທຍສ຺ສິຕໍ;

ໂຍ ເມ ໂສກປເຣຕສ຺ສ, ປຸຕ຺ຕໂສກໍ ອປານຸທິ.

ໂສຫໍ ອພ຺ພູຬ຺ຫສລ຺ໂລສ຺ມິ, ວີຕໂສໂກ ອນາວິໂລ;

ນ ໂສຈາມິ ນ ໂຣທາມິ, ຕວ ສຸຕ຺ວານ ວາສວາຕິ.

ກຸຫິໍ ຄຕາ ກຕ຺ຖ ຄຕາ, ອິຕິ ລາລປ຺ປຕີ ຊໂນ;

ອຫເມເວໂກ ຊານາມິ, ອຸທປາເນ ມູສິກາ ຫຕາ.

ຍຎ຺ເຈຕໍ [ຍເຖຕໍ (ປີ.), ຍເວຕໍ (ກ.), ຍເມຕໍ (ກຕ຺ຖຈິ)] ອິຕິ ຈີຕິ ຈ, ຄທ຺ຣໂຠວ ນິວຕ຺ຕສິ;

ອຸທປາເນ ມູສິກໍ ຫນ຺ຕ຺ວາ, ຍວໍ ຠກ຺ເຂຕຸມິຈ຺ຉສິ.

ທຫໂຣ ຈາສິ ທຸມ຺ເມຘ, ປຐມຸປ຺ປຕ຺ຕິໂກ [ປຐມຸປ຺ປຕ຺ຕິໂຕ (ສີ. ປີ.)] ສຸສຸ;

ທີຆຎ຺ເຈຕໍ ¶ [ທີຆເມຕໍ (ປີ.)] ສມາສຊ຺ຊ [ສມາປຊ຺ຊ (ສ຺ຍາ. ກ.)], ນ ເຕ ທສ຺ສາມິ ຊີວິຕໍ.

ນານ຺ຕລິກ຺ຂຠວເນນ, ນາງ຺ຄປຸຕ຺ຕປິເນນ [ນາງ຺ຄປຸຕ຺ຕສິເຣນ (ສີ. ສ຺ຍາ. ປີ.)] ວາ;

ປຸຕ຺ເຕນ ຫິ ປຕ຺ຖຍິໂຕ, ສິໂລເກຫິ ປໂມຈິໂຕ.

ສພ຺ພໍ ¶ ສຸຕມຘີເຍຖ, ຫີນມຸກ຺ກຏ຺ຐມຊ຺ຌິມໍ;

ສພ຺ພສ຺ສ ອຕ຺ຖໍ ຊາເນຍ຺ຍ, ນ ຈ ສພ຺ພໍ ປໂຍຊເຍ;

ໂຫຕິ ຕາທິສໂກ ກາໂລ, ຍຕ຺ຖ ອຕ຺ຖາວຫໍ ສຸຕນ຺ຕິ.

ສພ຺ພໍ ¶ ຠຓ຺ຑໍ ສມາທາຍ, ປາຣໍ ຕິຓ຺ໂຓສິ ພ຺ຣາຫ຺ມຓ;

ປຈ຺ຈາຄຈ຺ຉ ລຫຸໍ ຂິປ຺ປໍ, ມມ຺ປິ ຕາເຣຫິ ທານິໂຕ [ທານິໂຠ (ສ຺ຍາ.)].

ອສນ຺ຖຸຕໍ ມໍ ຈິຣສນ຺ຖຸເຕນ, ນິມີນິ ໂຠຕີ ອທ຺ຘຸວໍ ຘຸເວນ;

ມຍາປິ ໂຠຕີ ນິມິເນຍ຺ຍ ອຎ຺ຎໍ, ອິໂຕ ອຫໍ ທູຣຕຣໍ ຄມິສ຺ສໍ.

ກາຍໍ ເອຬຄລາຄຸມ຺ເພ [ເອຬຄຓຄຸມ຺ເພ (ກ.)], ກໂຣຕິ ອຫຸຫາສິຍໍ;

ນຍີຘ ນຈ຺ຈຄີຕໍ ວາ [ນຍິຘ ນຈ຺ຈໍ ວາ ຄີຕໍ ວາ (ສີ. ສ຺ຍາ. ປີ.)], ຕາຬໍ ວາ ສຸສມາຫິຕໍ;

ອນມ຺ຫິກາເລ [ອນມ຺ຫກາເລ (ປີ.)] ສຸໂສຓິ [ສຸສ຺ໂສຓິ (ສີ. ສ຺ຍາ. ປີ.)], ກິໍ ນຸ ຊຄ຺ຆສິ ໂສຠເນ [ໂສຠເຓ (ປີ. ກ.)].

ສິງ຺ຄາລ ພາລ ທຸມ຺ເມຘ, ອປ຺ປປຎ຺ໂຎສິ ຊມ຺ພຸກ;

ຊີໂນ ¶ ມຈ຺ຉຎ຺ຈ ເປສິຎ຺ຈ, ກປໂຓ ວິຍ ຌາຍສິ.

ສຸທສ຺ສໍ ວຊ຺ຊມຎ຺ເຎສໍ, ອຕ຺ຕໂນ ປນ ທຸທ຺ທສໍ;

ຊີນາ ປຕິຎ຺ຈ ຊາຣຎ຺ຈ, ມຎ຺ເຎ ຕ຺ວຎ຺ເຎວ [ມມ຺ປິ ຕ຺ວຎ຺ເຎວ (ສີ. ສ຺ຍາ.), ຕ຺ວມ຺ປິ ມຎ຺ເຎວ (ປີ.)] ຌາຍສິ.

ເອວເມຕໍ ມິຄຣາຊ, ຍຖາ ຠາສສິ ຊມ຺ພຸກ;

ສາ ນູນາຫໍ ອິໂຕ ຄນ຺ຕ຺ວາ, ຠຕ຺ຕຸ ເຫສ຺ສໍ ວສານຸຄາ.

ໂຍ ຫເຣ ມຕ຺ຕິກໍ ຖາລໍ, ກໍສຖາລມ຺ປິ ໂສ ຫເຣ;

ກຕຎ຺ເຈວ [ກຕໍເຍວ (ສີ. ສ຺ຍາ. ປີ.)] ຕຍາ ປາປໍ, ປຸນເປວໍ ກຣິສ຺ສສີຕິ.

ອິທານິ ໂຂມ຺ຫິ ສຸຂິໂຕ ອໂຣໂຄ, ນິກ຺ກຓ຺ຏໂກ ນິປ຺ປຕິໂຕ ກໂປໂຕ;

ກາຫາມິ ທານີ ຫທຍສ຺ສ ຕຸຏ຺ຐິໍ, ຕຖາຫິມໍ ມໍສສາກໍ ພເລຕິ.

ກາຍໍ ¶ ພລາກາ ສິຂິໂນ, ໂຈຣີ ລງ຺ຆິປິຕາມຫາ;

ໂອຣໍ ພລາເກ ອາຄຈ຺ຉ, ຈຓ຺ໂຑ ເມ ວາຍໂສ ສຂາ.

ອລຎ຺ຫິ ເຕ ຊຄ຺ຆິຕາເຍ, ມມໍ ທິສ຺ວານ ເອທິສໍ;

ວິລູນໍ ສູທປຸຕ຺ເຕນ, ປິຏ຺ຐມຓ຺ເຑນ [ປິຏ຺ຐມທ຺ເທນ (ສີ. ສ຺ຍາ. ປີ.)] ມກ຺ຂິຕໍ.

ສຸນ຺ຫາໂຕ ¶ ສຸວິລິຕ຺ໂຕສິ, ອນ຺ນປາເນນ ຕປ຺ປິໂຕ;

ກຓ຺ເຐ ¶ ຈ ເຕ ເວຬຸຣິໂຍ, ອຄມາ ນຸ ກຊງ຺ຄລໍ.

ມາ ເຕ ມິຕ຺ໂຕ ອມິຕ຺ໂຕ ວາ, ອຄມາສິ ກຊງ຺ຄລໍ;

ປິຎ຺ຉານິ ຕຕ຺ຖ ລາຍິຕ຺ວາ, ກຓ຺ເຐ ພນ຺ຘນ຺ຕິ ວຏ຺ຏນໍ.

ປຸນປາປຊ຺ຊສີ ສມ຺ມ, ສີລຎ຺ຫິ ຕວ ຕາທິສໍ;

ນ ຫິ ມານຸສກາ ໂຠຄາ, ສຸຠຸຎ຺ຊາ ໂຫນ຺ຕິ ປກ຺ຂິນາຕິ.

ອຖ ວຓ຺ຓ ສສີລ ຫິຣິ ລຠເຕ, ສຸມຸຂາ ວິສ ສາຬິຍມິຕ຺ຕວໂຣ;

ອຖ ຈກ຺ກ ປລາສ ສຣາຊ ສໂຕ, ຍວ ພາລ ກໂປຕກ ປນ຺ນຣສາຕິ.

ຊີນຎ຺ຈ ວຓ຺ຓໍ ອສມໍວຄຸປ຺ປຣິ, ສຸເທສິຕາ ຊາຕກນ຺ຕິ ສນ຺ຕິ ວີສຕິ [ຊາຕກ ປຎ຺ຈວີສຕິ (?)];

ມເຫສິໂນ ພ຺ຣຫ຺ມຈຣິຕ຺ຕມຸຕ຺ຕ-ມໂວຈ ຄາຖາ ອຕ຺ຖວຕີ ສຸພ຺ຍຎ຺ຊນາຕິ.

ມາສຸ ¶ ¶ ¶ ກຸຊ຺ຌ ຠູມິປຕິ, ມາສຸ ກຸຊ຺ຌ ຣເຖສຠ;

ກຸທ຺ຘໍ ອປ຺ປຏິກຸຊ຺ຌນ຺ໂຕ, ຣາຊາ ຣຏ຺ຐສ຺ສ ປູຊິໂຕ.

ຄາເມ ວາ ຍທິ ວາຣຎ຺ເຎ, ນິນ຺ເນ ວາ ຍທິ ວາ ຖເລ;

ສພ຺ພຕ຺ຖ ອນຸສາສາມິ, ມາສຸ ກຸຊ຺ຌ [ມາສ຺ສຸ ກຸຊ຺ຌິ (ສີ. ປີ.)] ຣເຖສຠ.

ອວາຣິຍປິຕາ ນາມ, ອຫຸ ຄງ຺ຄາຍ ນາວິໂກ;

ປຸພ຺ເພ ຊນໍ ຕາເຣຕ຺ວານ, ປຈ຺ຉາ ຍາຈຕິ ເວຕນໍ;

ເຕນສ຺ສ ຠຓ຺ຑນໍ ໂຫຕິ, ນ ຈ ໂຠເຄຫິ ວຑ຺ຒຕິ.

ອຕິຓ຺ຓໍເຍວ ຍາຈສ຺ສຸ, ອປາຣໍ ຕາຕ ນາວິກ;

ອຎ຺ໂຎ ຫິ ຕິຓ຺ຓສ຺ສ ມໂນ, ອຎ຺ໂຎ ໂຫຕິ ປາເຣສິໂນ [ຕເຣສິໂນ (ສີ. ປີ.), ຕິເຣສິໂນ (ສ຺ຍາ.)].

ຄາເມ ວາ ຍທິ ວາຣຎ຺ເຎ, ນິນ຺ເນ ວາ ຍທິ ວາ ຖເລ;

ສພ຺ພຕ຺ຖ ອນຸສາສາມິ, ມາສຸ ກຸຊ຺ຌິຕ຺ຖ ນາວິກ.

ຍາເຍວານຸສາສນິຍາ, ຣາຊາ ຄາມວຣໍ ອທາ;

ຕາເຍວານຸສາສນິຍາ, ນາວິໂກ ປຫຣີ ມຸຂໍ.

ຠຕ຺ຕໍ ຠິນ຺ນໍ ຫຕາ ຠຣິຍາ, ຄພ຺ໂຠ ຈ ປຕິໂຕ ຉມາ;

ມິໂຄວ ຊາຕຣູເປນ, ນ ເຕນຕ຺ຖໍ ອພນ຺ຘິ ສູຕິ [ອວຑ຺ຒິຕຸນ຺ຕິ (ສີ. ສ຺ຍາ.), ອວຑ຺ຒິ ສູຕິ (?)].

ມາ ¶ ຕາຕ ກຸຊ຺ຌິ ນ ຫິ ສາຘຸ ໂກໂຘ, ພຫຸມ຺ປິ ເຕ ອທິຏ຺ຐມສ຺ສຸຕຎ຺ຈ;

ມາຕາ ປິຕາ ທິສຕາ [ທິສາ ຕາຕ (ສ຺ຍາ.), ທິສາ ຕາ (ປີ.)] ເສຕເກຕຸ, ອາຈຣິຍມາຫຸ ທິສຕໍ ປສຕ຺ຖາ.

ອຄາຣິໂນ ¶ ¶ ອນ຺ນທປານວຕ຺ຖທາ [ອນ຺ນປານວຕ຺ຖທາ (ສ຺ຍາ. ກ.)], ອວ຺ຫາຍິກາ ຕມ຺ປິ ທິສໍ ວທນ຺ຕິ;

ເອສາ ທິສາ ປຣມາ ເສຕເກຕຸ, ຍໍ ປຕ຺ວາ ທຸກ຺ຂີ ສຸຂິໂນ ຠວນ຺ຕິ.

ຂຣາຊິນາ ຊຏິລາ ປງ຺ກທນ຺ຕາ, ທຸມ຺ມກ຺ຂຣູປາ [ທຸມຸກ຺ຂຣູປາ (ສີ. ສ຺ຍາ.), ທຸມ຺ມຸກ຺ຂຣູປາ (ປີ. ກ.)] ເຍເມ ຊປ຺ປນ຺ຕິ ມນ຺ເຕ;

ກຈ຺ຈິ ນຸ ເຕ ມານຸສເກ ປໂຍເຄ, ອິທໍ ວິທູ ປຣິມຸຕ຺ຕາ ອປາຍາ.

ປາປານິ ກມ຺ມານິ ກຕ຺ວານ ຣາຊ, ພຫຸສ຺ສຸໂຕ ເຈ ນ [ພຫຸສ຺ສຸໂຕ ເນວ (ສີ. ສ຺ຍາ.)] ຈເຣຍ຺ຍ ຘມ຺ມໍ;

ສຫສ຺ສເວໂທປິ ນ ຕໍ ປຏິຈ຺ຈ, ທຸກ຺ຂາ ປມຸຎ຺ເຈ ຈຣຓໍ ອປຕ຺ວາ.

ສຫສ຺ສເວໂທປິ ນ ຕໍ ປຏິຈ຺ຈ, ທຸກ຺ຂາ ປມຸຎ຺ເຈ ຈຣຓໍ ອປຕ຺ວາ;

ມຎ຺ຎາມິ ¶ ເວທາ ອຜລາ ຠວນ຺ຕິ, ສສໍຍມໍ ຈຣຓເມວ [ຈຣຓຎ຺ເຎວ (ສີ. ສ຺ຍາ. ປີ.)] ສຈ຺ຈໍ.

ນ ເຫວ ເວທາ ອຜລາ ຠວນ຺ຕິ, ສສໍຍມໍ ຈຣຓເມວ ສຈ຺ຈໍ;

ກິຕ຺ຕິຎ຺ຫິ ປປ຺ໂປຕິ ອຘິຈ຺ຈ ເວເທ, ສນ຺ຕິໍ ປຸເຓຕິ [ສນ຺ຕໍ ປຸເນ’ຕິ (ສີ. ປີ.)] ຈຣເຓນ ທນ຺ໂຕຕິ.

ປງ຺ໂກ ຈ ກາມາ ປລິໂປ ຈ ກາມາ, ຠຍຎ຺ຈ ເມຕໍ ຕິມູລໍ ປວຸຕ຺ຕໍ;

ຣໂຊ ຈ ຘູໂມ ຈ ມຍາ ປກາສິຕາ, ຫິຕ຺ວາ ຕຸວໍ ປພ຺ພຊ ພ຺ຣຫ຺ມທຕ຺ຕ.

ຄຘິໂຕ ¶ [ຄຖິໂຕ (ສີ.)] ຈ ຣຕ຺ໂຕ ຈ ອຘິມຸຈ຺ຉິໂຕ ຈ, ກາເມສ຺ວຫໍ ພ຺ຣາຫ຺ມຓ ຠິໍສຣູປໍ;

ຕໍ ນຸສ຺ສເຫ ຊີວິກຕ຺ໂຖ ປຫາຕຸໍ, ກາຫາມິ ປຸຎ຺ຎານິ ອນປ຺ປການິ.

ໂຍ ອຕ຺ຖກາມສ຺ສ ຫິຕານຸກມ຺ປິໂນ, ໂອວຊ຺ຊມາໂນ ນ ກໂຣຕິ ສາສນໍ;

ອິທເມວ ເສຍ຺ໂຍ ອິຕິ ມຎ຺ຎມາໂນ, ປຸນປ຺ປຸນໍ ¶ ຄພ຺ຠມຸເປຕິ ມນ຺ໂທ.

ໂສ ໂຆຣຣູປໍ ນິຣຍໍ ອຸເປຕິ, ສຸຠາສຸຠໍ ມຸຕ຺ຕກຣີສປູຣໍ;

ສຕ຺ຕາ ສກາເຍ ນ ຊຫນ຺ຕິ ຄິທ຺ຘາ, ເຍ ໂຫນ຺ຕິ ກາເມສຸ ອວີຕຣາຄາ.

ມີຬ຺ເຫນ ລິຕ຺ຕາ ຣຸຫິເຣນ ມກ຺ຂິຕາ, ເສມ຺ເຫນ ລິຕ຺ຕາ ອຸປນິກ຺ຂມນ຺ຕິ;

ຍໍ ຍຎ຺ຫິ ກາເຍນ ຜຸສນ຺ຕິ ຕາວເທ, ສພ຺ພໍ ອສາຕໍ ທຸຂເມວ ເກວລໍ.

ທິສ຺ວາ ວທາມິ ນ ຫິ ອຎ຺ຎໂຕ ສວໍ, ປຸພ຺ເພນິວາສໍ ພຫຸກໍ ສຣາມິ;

ຈິຕ຺ຣາຫິ ຄາຖາຫິ ສຸຠາສິຕາຫິ, ທຣີມຸໂຂ ນິຊ຺ຌາປຍິ ສຸເມຘນ຺ຕິ.

ກາໂກລາ ກາກສງ຺ຆາ ຈ, ມຍຎ຺ຈ ປຕຕໍ ວຣາ [ວຣ (ກ.) ມຍນ຺ຕິປທສ຺ສ ຫິ ວິເສສນໍ];

ສພ຺ເພວ ສທິສາ ໂຫມ, ອິມໍ ອາຄມ຺ມ ປພ຺ພຕໍ.

ອິຘ ¶ ສີຫາ ຈ ພ຺ຍຄ຺ຆາ ຈ, ສິງ຺ຄາລາ ຈ ມິຄາຘມາ;

ສພ຺ເພວ ¶ ສທິສາ ໂຫນ຺ຕິ, ອຍໍ ໂກ ນາມ ປພ຺ພໂຕ.

ອິມໍ ¶ ເນຣູຕິ [ເນຣຸນ຺ຕິ (ສີ. ສ຺ຍາ.)] ຊານນ຺ຕິ, ມນຸສ຺ສາ ປພ຺ພຕຸຕ຺ຕມໍ;

ອິຘ ວຓ຺ເຓນ ສມ຺ປນ຺ນາ, ວສນ຺ຕິ ສພ຺ພປາຓິໂນ.

ອມານນາ ຍຕ຺ຖ ສິຍາ, ສນ຺ຕານໍ ວາ ວິມານນາ;

ຫີນສມ຺ມານນາ ວາປິ, ນ ຕຕ຺ຖ ວສຕິໍ ວເສ [ວສຕີ ວເສ (ສ຺ຍາ.), ວສ ທິວເສ (ປີ.)].

ຍຕ຺ຖາລໂສ ຈ ທກ຺ໂຂ ຈ, ສູໂຣ ຠີຣຸ ຈ ປູຊິຍາ;

ນ ຕຕ຺ຖ ສນ຺ໂຕ ວສນ຺ຕິ, ອວິເສສກເຣ ນເຣ [ນເຄ (ສີ. ສ຺ຍາ. ປີ.)].

ນາຍໍ ເນຣຸ ວິຠຊຕິ, ຫີນອຸກ຺ກຏ຺ຐມຊ຺ຌິເມ;

ອວິເສສກໂຣ ເນຣຸ, ຫນ຺ທ ເນຣຸໍ ຊຫາມເສຕິ.

ອາສາວຕີ ນາມ ລຕາ, ຊາຕາ ຈິຕ຺ຕລຕາວເນ;

ຕສ຺ສາ ວສ຺ສສຫສ຺ເສນ, ເອກໍ ນິພ຺ພຕ຺ຕເຕ ຜລໍ.

ຕໍ ເທວາ ປຍິຣຸປາສນ຺ຕິ, ຕາວ ທູຣຜລໍ ສຕິໍ;

ອາສີເສວ [ອາສິໍເສວ (ສີ. ສ຺ຍາ. ປີ.)] ຕຸວໍ ຣາຊ, ອາສາ ຜລວຕີ ສຸຂາ.

ອາສີສເຕວ [ອາສິໍເສເຖວ (ສີ. ສ຺ຍາ. ປີ.)] ໂສ ປກ຺ຂີ, ອາສີສເຕວ [ອາສິໍເສເຖວ (ສີ. ສ຺ຍາ. ປີ.)] ໂສ ທິໂຊ;

ຕສ຺ສ ຈາສາ [ຕສ຺ເສວາສາ (ສ຺ຍາ.)] ສມິຊ຺ຌຕິ, ຕາວ ທູຣຄຕາ ສຕີ;

ອາສີເສວ ຕຸວໍ ຣາຊ, ອາສາ ຜລວຕີ ສຸຂາ.

ສມ຺ເປສິ ໂຂ ມໍ ວາຈາຍ, ນ ຈ ສມ຺ເປສິ [ສໍເສສິ (ກ.)] ກມ຺ມຸນາ;

ມາລາ ¶ ເສເຣຍ຺ຍກສ຺ເສວ, ວຓ຺ຓວນ຺ຕາ ອຄນ຺ຘິກາ.

ອຜລໍ ມຘຸຣໍ ວາຈໍ, ໂຍ ມິຕ຺ເຕສຸ ປກຸພ຺ພຕິ;

ອທທໍ ອວິສ຺ສຊໍ ໂຠຄໍ, ສນ຺ຘິ ເຕນສ຺ສ ຊີຣຕິ.

ຍຎ຺ຫິ ກຍິຣາ ຕຎ຺ຫິ ວເທ, ຍໍ ນ ກຍິຣາ ນ ຕໍ ວເທ;

ອກໂຣນ຺ຕໍ ຠາສມານໍ, ປຣິຊານນ຺ຕິ ປຓ຺ຑິຕາ.

ພລຎ຺ຈ ວຕ ເມ ຂີຓໍ, ປາເຖຍ຺ຍຎ຺ຈ ນ ວິຊ຺ຊຕິ;

ສງ຺ເກ ປາຓູປໂຣຘາຍ, ຫນ຺ທ ທານິ ວຊາມຫໍ.

ເອຕເທວ ¶ ¶ ຫິ ເມ ນາມໍ, ຍໍ ນາມສ຺ມິ ຣເຖສຠ;

ອາຄເມຫິ ມຫາຣາຊ, ປິຕຣໍ ອາມນ຺ຕຍາມຫນ຺ຕິ.

ນ ເມ ຣຸຈ຺ຈິ ມິຄາໂລປ, ຍສ຺ສ ເຕ ຕາທິສີ ຄຕີ;

ອຕຸຈ຺ຈໍ ຕາຕ ປຕສິ, ອຠູມິໍ ຕາຕ ເສວສິ.

ຈຕຸກ຺ກຓ຺ຓໍວ ເກທາຣໍ, ຍທາ ເຕ ປຖວີ ສິຍາ;

ຕໂຕ ຕາຕ ນິວຕ຺ຕສ຺ສຸ, ມາສ຺ສຸ ເອຕ຺ໂຕ ປຣໍ ຄມິ.

ສນ຺ຕິ ອຎ຺ເຎປິ ສກຸຓາ, ປຕ຺ຕຍານາ ວິຫງ຺ຄມາ;

ອກ຺ຂິຕ຺ຕາ ວາຕເວເຄນ, ນຏ຺ຐາ ເຕ ສສ຺ສຕີສມາ.

ອກຕ຺ວາ ອປນນ຺ທສ຺ສ [ອປຣຓ຺ຓສ຺ສ (ສີ. ສ຺ຍາ. ປີ.)], ປິຕຸ ວຸທ຺ຘສ຺ສ ສາສນໍ;

ກາລວາເຕ ¶ ອຕິກ຺ກມ຺ມ, ເວຣມ຺ຠານໍ ວສໍ ອຄາ [ຄໂຕ (ສີ.)].

ຕສ຺ສ ປຸຕ຺ຕາ ຈ ທາຣາ ຈ, ເຍ ຈຎ຺ເຎ ອນຸຊີວິໂນ;

ສພ຺ເພ ພ຺ຍສນມາປາທຸໍ, ອໂນວາທກເຣ ທິເຊ.

ເອວມ຺ປິ ອິຘ ວຸທ຺ຘານໍ, ໂຍ ວາກ຺ຍໍ ນາວພຸຊ຺ຌຕິ;

ອຕິສີມຈໂຣ [ອຕິສີມໍ ຈໂຣ (ສີ. ສ຺ຍາ. ກ.)] ທິຕ຺ໂຕ, ຄິຊ຺ໂຌວາຕີຕສາສໂນ;

ສພ຺ເພ ພ຺ຍສນໍ ປປ຺ໂປນ຺ຕິ, ອກຕ຺ວາ ພຸທ຺ຘສາສນນ຺ຕິ.

ກາ ນຸ ກາເຬນ ວຓ຺ເຓນ, ນ ຈາປິ [ນ ຈາສິ (ສີ.)] ປິຍທສ຺ສນາ;

ກາ ວາ ຕ຺ວໍ ກສ຺ສ ວາ ຘີຕາ, ກຖໍ ຊາເນມຸ ຕໍ ມຍໍ.

ມຫາຣາຊສ຺ສຫໍ ຘີຕາ, ວິຣູປກ຺ຂສ຺ສ ຈຓ຺ຑິຍາ;

ອຫໍ ກາຬີ ອລກ຺ຂິກາ, ກາຬກຓ຺ຓີຕິ ມໍ ວິທູ;

ໂອກາສໍ ຍາຈິໂຕ ເທຫິ, ວເສມຸ ຕວ ສນ຺ຕິເກ.

ກິໍສີເລ ¶ ກິໍສມາຈາເຣ, ປຸຣິເສ ນິວິສເສ ຕຸວໍ;

ປຸຏ຺ຐາ ເມ ກາຬິ ອກ຺ຂາຫິ, ກຖໍ [ຍຖາ (ສີ. ປີ.)] ຊາເນມຸ ຕໍ ມຍໍ.

ມກ຺ຂີ ປຬາສີ ສາຣມ຺ຠີ, ອິສ຺ສຸກີ ມຈ຺ຉຣີ ສໂຐ;

ໂສ ມຍ຺ຫໍ ປຸຣິໂສ ກນ຺ໂຕ, ລທ຺ຘໍ ຍສ຺ສ ວິນສ຺ສຕິ.

ໂກຘໂນ ¶ ອຸປນາຫີ ຈ, ປິສຸໂຓ ຈ ວິເຠທໂກ;

ກຓ຺ຑກວາໂຈ [ອຓ຺ຑກວາໂຈ (ກ. ສີ. ປີ.)] ຜຣຸໂສ, ໂສ ເມ ກນ຺ຕຕໂຣ ຕໂຕ.

ອຊ຺ຊ ¶ ສຸເວຕິ ປຸຣິໂສ, ສທຕ຺ຖໍ ນາວພຸຊ຺ຌຕິ;

ໂອວຊ຺ຊມາໂນ ກຸປ຺ປຕິ, ເສຍ຺ຍໍ ໂສ ອຕິມຎ຺ຎຕິ.

ທວປ຺ປລຸທ຺ໂຘ [ເທວປ຺ປລຸທ຺ໂຘ (ກ.), ທວປ຺ປລທ຺ໂຘ (ປີ.)] ປຸຣິໂສ, ສພ຺ພມິຕ຺ເຕຫິ ຘໍສຕິ;

ໂສ ມຍ຺ຫໍ ປຸຣິໂສ ກນ຺ໂຕ, ຕສ຺ມິໍ ໂຫມິ ອນາມຍາ.

ອເປຫິ ເອຕ຺ໂຕ ຕ຺ວໍ ກາຬິ, ເນຕໍ ອມ຺ເຫສຸ ວິຊ຺ຊຕິ;

ອຎ຺ຎໍ ຊນປທໍ ຄຈ຺ຉ, ນິຄເມ ຣາຊຘານິໂຍ.

ອຫມ຺ປິ ໂຂ ຕໍ [ເຈຕໍ (ສີ.)] ຊານາມິ, ເນຕໍ ຕຸມ຺ເຫສຸ ວິຊ຺ຊຕິ;

ສນ຺ຕິ ໂລເກ ອລກ຺ຂິກາ, ສງ຺ຆຣນ຺ຕິ ພຫຸໍ ຘນໍ;

ອຫໍ ເທໂວ ຈ ເມ ຠາຕາ, ອຸໂຠ ນໍ ວິຘມາມເສ.

ກາ ນຸ ທິພ຺ເພນ ວຓ຺ເຓນ, ປຖພ຺ຍາ ສຸປຕິຏ຺ຐິຕາ;

ກາ ວາ ຕ຺ວໍ ກສ຺ສ ວາ ຘີຕາ, ກຖໍ ຊາເນມຸ ຕໍ ມຍໍ.

ມຫາຣາຊສ຺ສຫໍ ຘີຕາ, ຘຕຣຏ຺ຐສ຺ສ ສິຣີມໂຕ [ຘຕຣຏ຺ຐສິຣີມໂຕ (ສ຺ຍາ. ກ.)];

ອຫໍ ສິຣີ ຈ ລກ຺ຂີ ຈ, ຠູຣິປຎ຺ຎາຕິ ມໍ ວິທູ;

ໂອກາສໍ ຍາຈິໂຕ ເທຫິ, ວເສມຸ ຕວ ສນ຺ຕິເກ.

ກິໍສີເລ ກິໍສມາຈາເຣ, ປຸຣິເສ ນິວິສເສ ຕຸວໍ;

ປຸຏ຺ຐາ ເມ ລກ຺ຂິ ອກ຺ຂາຫິ, ກຖໍ [ຍຖາ (ສີ. ປີ.)] ຊາເນມຸ ຕໍ ມຍໍ.

ໂຍ ¶ ຈາປິ ສີເຕ ອຖວາປິ ອຸຓ຺ເຫ, ວາຕາຕເປ ຑໍສສຣີສເປ ຈ;

ຂຸຘໍ [ຂຸທ຺ທໍ (ສ຺ຍາ. ກ.), ຂຸທໍ (ປີ.)] ປິປາສໍ ອຠິຠຸຍ຺ຍ ສພ຺ພໍ, ຣຕ຺ຕິນ຺ຕິວໍ ໂຍ ສຕຕໍ ນິຍຸຕ຺ໂຕ;

ກາລາຄຕຎ຺ຈ ¶ ນ ຫາເປຕິ ອຕ຺ຖໍ, ໂສ ເມ ມນາໂປ ນິວິເສ ຈ ຕມ຺ຫິ.

ອກ຺ໂກຘໂນ ມິຕ຺ຕວາ ຈາຄວາ ຈ, ສີລູປປນ຺ໂນ ອສໂຐຊຸຠູໂຕ [ອສໂຐ ອຸຊ຺ຊຸຠູໂຕ (ປີ.)];

ສງ຺ຄາຫໂກ ສຂິໂລ ສຓ຺ຫວາໂຈ, ມຫຕ຺ຕປຕ຺ໂຕປິ ນິວາຕວຸຕ຺ຕິ;

ຕສ຺ມິໍຫໍ [ຕສ຺ມາຫໍ (ສີ. ປີ.)] ໂປເສ ວິປຸລາ ຠວາມິ, ອູມິ ສມຸທ຺ທສ຺ສ ຍຖາປິ ວຓ຺ຓໍ.

ໂຍ ຈາປິ ມິຕ຺ເຕ ອຖວາ ອມິຕ຺ເຕ, ເສຏ຺ເຐ ສຣິກ຺ເຂ ອຖ ວາປິ ຫີເນ;

ອຕ຺ຖໍ ຈຣນ຺ຕໍ ອຖວາ ອນຕ຺ຖໍ, ອາວີ ຣໂຫ ສງ຺ຄຫເມວ ວຕ຺ເຕ [ວຕ຺ໂຕ (ສ຺ຍາ. ກ.)].

ວາຈໍ ນ ວຊ຺ຊາ ຜຣຸສໍ ກທາຈິ, ມຕສ຺ສ ຊີວສ຺ສ ຈ ຕສ຺ສ ໂຫມິ.

ເອເຕສໍ ໂຍ ອຎ຺ຎຕຣໍ ລຠິຕ຺ວາ, ກນ຺ຕາ ສິຣີ [ກນ຺ຕສິຣິໍ (ກຕ຺ຖຈິ), ກນ຺ຕໍ ສິຣິໍ (ສ຺ຍາ.) ອຏ຺ຐກຖາຍໍ ທຸຕິຍຕຕິຍປາຐນ຺ຕຣານິ] ມຊ຺ຊຕິ ອປ຺ປປຎ຺ໂຎ;

ຕໍ ທິຕ຺ຕຣູປໍ ວິສມໍ ຈຣນ຺ຕໍ, ກຣີສຐານໍວ [ກຣີສຊາຕໍ ວ (ສີ. ສ຺ຍາ.)] ວິວຊ຺ຊຍາມິ.

ອຕ຺ຕນາ ¶ ກຸຣຸເຕ ລກ຺ຂິໍ, ອລກ຺ຂິໍ ກຸຣຸຕຕ຺ຕນາ;

ນ ¶ ຫິ ລກ຺ຂິໍ ອລກ຺ຂິໍ ວາ, ອຎ຺ໂຎ ອຎ຺ຎສ຺ສ ກາຣໂກຕິ.

ສຸຈິຕ຺ຕປຕ຺ຕຉທນ ¶ , ຕມ຺ພຈູຬ ວິຫງ຺ຄມ;

ໂອໂຣຫ ທຸມສາຂາຍ, ມຸຘາ ຠຣິຍາ ຠວາມິ ເຕ.

ຈຕຸປ຺ປທີ ຕ຺ວໍ ກລ຺ຍາຓິ, ທ຺ວິປທາຫໍ ມໂນຣເມ;

ມິຄີ ປກ຺ຂີ ອສຎ຺ຎຸຕ຺ຕາ, ອຎ຺ຎໍ ປຣິເຍສ ສາມິກໍ.

ໂກມາຣິກາ ເຕ ເຫສ຺ສາມິ, ມຎ຺ຊຸກາ ປິຍຠາຓິນີ;

ວິນ຺ທ ມໍ ອຣິເຍນ ເວເທນ, ສາວຍ ມໍ ຍທິຈ຺ຉສິ.

ກຸຓປາທິນິ ໂລຫິຕເປ, ໂຈຣິ ກຸກ຺ກຸຏໂປຖິນິ;

ນ ຕ຺ວໍ ອຣິເຍນ ເວເທນ, ມມໍ ຠຕ຺ຕາຣມິຈ຺ຉສິ.

ເອວມ຺ປິ ຈຕຸຣາ [ຈາຕຸຣາ (ສ຺ຍາ. ກ.)] ນາຣີ, ທິສ຺ວານ ສຘນໍ [ປວຣໍ (ສີ. ສ຺ຍາ. ປີ.)] ນຣໍ;

ເນນ຺ຕິ ສຓ຺ຫາຫິ ວາຈາຫິ, ພິຬາຣີ ວິຍ ກຸກ຺ກຸຏໍ.

ໂຍ ຈ ອຸປ຺ປຕິຕໍ ອຕ຺ຖໍ, ນ ຂິປ຺ປມນຸພຸຊ຺ຌຕິ;

ອມິຕ຺ຕວສມນ຺ເວຕິ, ປຈ຺ຉາ ຈ ອນຸຕປ຺ປຕິ.

ໂຍ ຈ ອຸປ຺ປຕິຕໍ ອຕ຺ຖໍ, ຂິປ຺ປເມວ ນິໂພຘຕິ;

ມຸຈ຺ຈເຕ ¶ ສຕ຺ຕຸສມ຺ພາຘາ, ກຸກ຺ກຸໂຏວ ພິຬາຣິຍາຕິ.

ຘມ຺ມໍ ຈຣຖ ຎາຕໂຍ, ຘມ຺ມໍ ຈຣຖ ຠທ຺ທໍ ໂວ [ຠທ຺ທ ໂວ (ກ.)];

ຘມ຺ມຈາຣີ ສຸຂໍ ເສຕິ, ອສ຺ມິໍ ໂລເກ ປຣມ຺ຫິ ຈ.

ຠທ຺ທໂກ ວຕຍໍ ປກ຺ຂີ, ທິໂຊ ປຣມຘມ຺ມິໂກ;

ເອກປາເທນ ຕິຏ຺ຐນ຺ໂຕ, ຘມ຺ມເມວານຸສາສຕິ.

ນາສ຺ສ ສີລໍ ວິຊານາຖ, ອນຎ຺ຎາຍ ປສໍສຖ;

ຠຸຕ຺ວາ ອຓ຺ຑຎ຺ຈ ໂປຕຎ຺ຈ [ຉາເປ ຈ (ສີ. ປີ.)], ຘມ຺ໂມ ຘມ຺ໂມຕິ ຠາສຕິ.

ອຎ຺ຎໍ ຠຓຕິ ວາຈາຍ, ອຎ຺ຎໍ ກາເຍນ ກຸພ຺ພຕິ;

ວາຈາຍ ໂນ ຈ ກາເຍນ, ນ ຕໍ ຘມ຺ມໍ ອຘິຏ຺ຐິໂຕ.

ວາຈາຍ ¶ ¶ ສຂິໂລ ມໂນວິທຸຄ຺ໂຄ, ຉນ຺ໂນ ກູປສໂຍວ ກຓ຺ຫສປ຺ໂປ;

ຘມ຺ມຘໂຊ ຄາມນິຄມາສຸສາຘຸ [ຄາມນິຄມາສຸ ສາຘຸສມ຺ມໂຕ (ສີ.), ຄາມນິຄມສາຘຸ (ປີ.)], ທຸຊ຺ຊາໂນ ປຸຣິເສນ ພາລິເສນ.

ອິມໍ ¶ ຕຸຓ຺ເຑຫິ ປກ຺ເຂຫິ, ປາທາ ຈິມໍ ວິເຫຐຖ [ວິໂປຖຖ (ປີ.)];

ຉວຎ຺ຫິມໍ ວິນາເສຖ, ນາຍໍ ສໍວາສນາຣໂຫຕິ.

ສເຈ ພ຺ຣາຫ຺ມຓ ຄຈ຺ເຉສິ, ສາເກເຕ [ສາເກຕໍ (ສີ. ສ຺ຍາ.)] ອຊ຺ຊຸນໍ [ອຎ຺ຌນໍ (ສີ. ສ຺ຍາ. ປີ.)] ວນໍ;

ວຊ຺ຊາສິ ນນ຺ທິຍໍ ນາມ, ປຸຕ຺ຕໍ ອສ຺ມາກໂມຣສໍ;

ມາຕາ ປິຕາ ຈ ເຕ ວຸທ຺ຘາ, ເຕ ຕໍ ອິຈ຺ຉນ຺ຕິ ປສ຺ສິຕຸໍ.

ຠຸຕ຺ຕາ ມຍາ ນິວາປານິ, ຣາຊິໂນ ປານໂຠຊນໍ;

ຕໍ ຣາຊປິຓ຺ຑໍ ອວໂຠຕ຺ຕຸໍ [ອວໂຠຕ຺ຕໍ (ກ.)], ນາຫໍ ພ຺ຣາຫ຺ມຓ ມຸສ຺ສເຫ.

ໂອທຫິສ຺ສາມຫໍ ປສ຺ສໍ, ຂຸຣປ຺ປານິສ຺ສ [ຂຸຣປ຺ປາຓິສ຺ສ (ສີ.), ຂຸຣປາຓິສ຺ສ (ປີ.), ຂຸຣປ຺ປປາຓິສ຺ສ (?)] ຣາຊິໂນ;

ຕທາຫໍ ສຸຂິໂຕ ມຸຕ຺ໂຕ, ອປິ ປສ຺ເສຍ຺ຍ ມາຕຣໍ.

ມິຄຣາຊາ ປຸເຣ ອາສິໍ, ໂກສລສ຺ສ ນິເກຕເນ [ນິເກຕເວ (ສີ. ສ຺ຍາ. ປີ.)];

ນນ຺ທິໂຍ ນາມ ນາເມນ, ອຠິຣູໂປ ຈຕຸປ຺ປໂທ.

ຕໍ ມໍ ວຘິຕຸມາຄຈ຺ຉິ, ທາຍສ຺ມິໍ ອຊ຺ຊຸເນ ວເນ;

ຘນຸໍ ອາຣຊ຺ຊໍ [ອາຣຊ຺ຊຸໍ (ນິຍ຺ຍ), ອເທຊ຺ຌໍ (ສີ. ປີ.) ອທ຺ເວຘາຠາວໍ ເອກີຠາວນ຺ຕິ ອຕ຺ໂຖ] ກຕ຺ວານ, ອຸສຸໍ ສນ຺ນຍ຺ຫ [ສນ຺ຘາຍ (ສີ. ປີ.)] ໂກສໂລ.

ຕສ຺ສາຫໍ ¶ ໂອທຫິໍ ປສ຺ສໍ, ຂຸຣປ຺ປານິສ຺ສ ຣາຊິໂນ;

ຕທາຫໍ ¶ ສຸຂິໂຕ ມຸຕ຺ໂຕ, ມາຕຣໍ ທຏ຺ຐຸມາຄໂຕຕິ.

ອຖ ກຸຊ຺ຌຣເຖສຠ ເກຕຸວໂຣ, ສທຣີມຸຂ ເນຣຸ ລຕາ ຈ ປຸນ;

ອປນນ຺ທ ສິຣີ ຈ ສຸຈິຕ຺ຕວໂຣ, ອຖ ຘມ຺ມິກ ນນ຺ທິມິເຄນ ທສາຕິ.

ສຈ຺ຈໍ ¶ ກິເຣວມາຫໍສຸ, ວສ຺ຕໍ [ຠສ຺ຕໍ (ສີ. ປີ.), ກລກໍ (ສ຺ຍາ.), ຄຣໍ (ກ.)] ພາໂລຕິ ປຓ຺ຑິຕາ;

ປສ຺ສ ພາໂລ ຣໂຫກມ຺ມໍ, ອາວິກຸພ຺ພໍ ນ ພຸຊ຺ຌຕິ.

ຕ຺ວໍ ໂຂປິ [ຕ຺ວໍ ນຸ ໂຂ (ສີ. ສ຺ຍາ.), ຕ຺ວຎ຺ຈ ໂຂ (ປີ.)] ສມ຺ມ ພາໂລສິ, ຂຣປຸຕ຺ຕ ວິຊານຫິ;

ຣຊ຺ຊຸຍາ ຫິ [ຣຊ຺ຊຸຍາສິ (ປີ.)] ປຣິກ຺ຂິຕ຺ໂຕ, ວງ຺ໂກຏ຺ໂຐ ໂອຫິໂຕມຸໂຂ.

ອປຣມ຺ປິ ສມ຺ມ ເຕ ພາລ຺ຍໍ [ອຍມ຺ປິ ສມ຺ມ ເຕ ພາໂລ (ກ.)], ໂຍ ມຸຕ຺ໂຕ ນ ປລາຍສິ;

ໂສ ຈ ພາລຕໂຣ ສມ຺ມ, ຍໍ ຕ຺ວໍ ວຫສິ ເສນກໍ.

ຍໍ ນຸ ສມ຺ມ ອຫໍ ພາໂລ, ອຊຣາຊ ວິຊານຫິ;

ອຖ ¶ ເກນ ເສນໂກ ພາໂລ, ຕໍ ເມ ອກ຺ຂາຫິ ປຸຈ຺ຉິໂຕ.

ອຸຕ຺ຕມຕ຺ຖໍ ລຠິຕ຺ວານ, ຠຣິຍາຍ ໂຍ ປທສ຺ສຕິ [ຠຍິຍາ ໂຍ ປທສ຺ສຕິ (ປີ.), ຠຍິຍາ ນ ຠວິສ຺ສຕິ (ກ.)];

ເຕນ ຊຫິສ຺ສຕຕ຺ຕານໍ, ສາ ເຈວສ຺ສ ນ ເຫສ຺ສຕິ.

ນ ¶ ເວ ປິຍມ຺ເມຕິ [ນ ປິຍເມຕິ (ກ.), ນ ປິຍເມທນ຺ຕິ (ກຕ຺ຖຈິ)] ຊນິນ຺ທ ຕາທິໂສ, ອຕ຺ຕໍ ນິຣໍກຕ຺ວາ ປິຍານິ ເສວຕິ [ເສວເຍ (?)];

ອຕ຺ຕາວ ເສຍ຺ໂຍ ປຣມາ ຈ ເສຍ຺ໂຍ, ລພ຺ຠາ ປິຍາ ໂອຈິຕຕ຺ເຖນ ປຈ຺ຉາຕິ.

ອກກ຺ກສໍ ອຜຣຸສໍ, ຂຣໂຘຕໍ ສຸປາສິຍໍ;

ສຸຂຸມໍ ຕິຂິຓຄ຺ຄຎ຺ຈ, ໂກ ສູຈິໍ ເກຕຸມິຈ຺ຉຕິ.

ສຸມຊ຺ຊຎ຺ຈ ສຸປາສຎ຺ຈ, ອນຸປຸພ຺ພໍ [ອນຸປຸພ຺ພ (ສີ. ສ຺ຍາ.)] ສຸວຏ຺ຏິຕໍ;

ຆນຆາຕິມໍ ປຏິຖທ຺ຘໍ, ໂກ ສູຈິໍ ເກຕຸມິຈ຺ຉຕິ.

ອິໂຕ ທານິ ປຕາຍນ຺ຕິ, ສູຈິໂຍ ພຬິສານິ ຈ;

ໂກຍໍ ກມ຺ມາຣຄາມສ຺ມິໍ, ສູຈິໍ ວິກ຺ເກຕຸມິຈ຺ຉຕິ.

ອິໂຕ ສຕ຺ຖານິ ຄຈ຺ຉນ຺ຕິ, ກມ຺ມນ຺ຕາ ວິວິຘາ ປຸຖູ;

ໂກຍໍ ກມ຺ມາຣຄາມສ຺ມິໍ, ສູຈິໍ ວິກ຺ເກຕຸມິຈ຺ຉຕິ [ມຣຫຕິ (ສີ. ສ຺ຍາ. ປີ.)].

ສູຈິໍ ¶ ກມ຺ມາຣຄາມສ຺ມິໍ, ວິກ຺ເກຕພ຺ພາ ປຊານຕາ;

ອາຈຣິຍາວ ຊານນ຺ຕິ [ອາຈຣິຍາ ສຎ຺ຊານນ຺ຕິ (ກ.), ອາຈຣິຍາ ປຊານນ຺ຕິ (ສ຺ຍາ.), ອາຈຣິຍາວ ສຎ຺ຊານນ຺ຕິ (ປີ.)], ກມ຺ມໍ ສຸກຕທຸກ຺ກຏໍ [ທຸກ຺ກຕໍ (ສີ. ປີ.)].

ອິມໍ ¶ ເຈ [ອິມຎ຺ຈ (ສີ. ສ຺ຍາ. ປີ.)] ເຕ ປິຕາ ຠທ຺ເທ, ສູຈິໍ ຊຎ຺ຎາ ມຍາ ກຕໍ;

ຕຍາ ຈ ມໍ ນິມນ຺ເຕຍ຺ຍ, ຍຎ຺ຈຕ຺ຖຎ຺ຎໍ ຆເຣ ຘນນ຺ຕິ.

ນວຉນ຺ນເກ [ນວຉນ຺ທເກ (ສີ. ປີ.), ນວຈ຺ຉທ຺ທເກ (ສ຺ຍາ.)] ທານິ [ໂທຓິ (ກ.), ທານໍ, ທາເນ (ກຕ຺ຖຈິ)] ທິຍ຺ຍຕິ, ປຸຓ຺ຓາຍໍ ໂທຓິ ສຸວາມິນີ ຐິຕາ;

ພຫຸເກ ຊເນ ປາສປາຓິເກ, ໂນ ຈ ໂຂ ເມ ປຏິຠາຕິ ຠຸຎ຺ຊິຕຸໍ.

ຕສສິ ¶ ຠມສິ ເລຓມິຈ຺ຉສິ, ອຕ຺ຕາໂຓສິ ກຸຫິໍ ຄມິສ຺ສສິ;

ອປ຺ໂປສ຺ສຸກ຺ໂກ ຠຸຎ຺ຊ ຕຸຓ຺ຑິລ, ມໍສຕ຺ຖາຍ ຫິ ໂປສິຕາມ຺ຫເສ [ໂປສິຍາມເສ (ສີ. ສ຺ຍາ. ປີ.)].

ໂອຄຫ ຣຫທໍ ອກທ຺ທມໍ, ສພ຺ພໍ ເສທມລໍ ປວາຫຍ;

ຄຓ຺ຫາຫິ ນວໍ ວິເລປນໍ, ຍສ຺ສ ¶ ຄນ຺ໂຘ ນ ກທາຈິ ຉິຊ຺ຊຕິ.

ກຕໂມ ຣຫໂທ ອກທ຺ທໂມ, ກິໍສຸ ເສທມລນ຺ຕິ ວຸຈ຺ຈຕິ;

ກຕມຎ຺ຈ ນວໍ ວິເລປນໍ, ຍສ຺ສ ຄນ຺ໂຘ ນ ກທາຈິ ຉິຊ຺ຊຕິ.

ຘມ຺ໂມ ຣຫໂທ ອກທ຺ທໂມ, ປາປໍ ເສທມລນ຺ຕິ ວຸຈ຺ຈຕິ;

ສີລຎ຺ຈ ນວໍ ວິເລປນໍ, ຕສ຺ສ ຄນ຺ໂຘ ນ ກທາຈິ ຉິຊ຺ຊຕິ.

ນນ຺ທນ຺ຕິ ສຣີຣຆາຕິໂນ, ນ ຈ ນນ຺ທນ຺ຕິ ສຣີຣຘາຣິໂນ;

ປຸຓ຺ຓາຍ ຈ ປຸຓ຺ຓມາສິຍາ, ຣມມານາວ ຊຫນ຺ຕິ ຊີວິຕນ຺ຕິ.

ສິງ຺ຄີມິໂຄ ອາຍຕຈກ຺ຂຸເນຕ຺ໂຕ, ອຏ຺ຐິຕ຺ຕໂຈ ວາຣິສໂຍ ອໂລໂມ;

ເຕນາຠິຠູໂຕ ກປຓໍ ຣຸທາມິ, ຫເຣ ສຂາ ກິສ຺ສ ນຸ ມໍ ຊຫາສິ.

ໂສ ¶ ¶ ປສ຺ສສນ຺ໂຕ ມຫຕາ ຜເຓນ, ຠຸຊງ຺ຄໂມ ກກ຺ກຏມຊ຺ຌປຕ຺ໂຕ;

ສຂາ ສຂາຣໍ ປຣິຕາຍມາໂນ, ຠຸຊງ຺ຄມໍ ກກ຺ກຏໂກ ຄເຫສິ.

ນ ວາຍສໍ ໂນ ປນ ກຓ຺ຫສປ຺ປໍ, ຆາສຕ຺ຖິໂກ ກກ຺ກຏໂກ ອເທຍ຺ຍ;

ປຸຈ຺ຉາມິ ຕໍ ອາຍຕຈກ຺ຂຸເນຕ຺ຕ, ອຖ ກິສ຺ສ ເຫຕຸມ຺ຫ ອຸໂຠ ຄຫີຕາ.

ອຍໍ ປຸຣິໂສ ມມ ອຕ຺ຖກາໂມ, ໂຍ ມໍ ຄເຫຕ຺ວານ ທກາຍ ເນຕິ;

ຕສ຺ມິໍ ມເຕ ທຸກ຺ຂມນປ຺ປກໍ ເມ, ອຫຎ຺ຈ ເອໂສ ຈ ອຸໂຠ ນ ໂຫມ.

ມມຎ຺ຈ ທິສ຺ວານ ປວທ຺ຘກາຍໍ, ສພ຺ໂພ ຊໂນ ຫິໍສິຕຸເມວ ມິຈ຺ເຉ;

ສາທຸຎ຺ຈ ຖູລຎ຺ຈ ມຸທຸຎ຺ຈ ມໍສໍ, ກາກາປິ ມໍ ທິສ຺ວານ [ທິສ຺ວ (ສີ. ປີ.)] ວິເຫຐເຍຍ຺ຍຸໍ.

ສເຈຕສ຺ສ ¶ ເຫຕຸມ຺ຫ ອຸໂຠ ຄຫີຕາ, ອຸຏ຺ຐາຕຸ ໂປໂສ ວິສມາວມາມິ [ວິສມາຈມາມິ (ສີ. ປີ. ກ.)];

ມມຎ຺ຈ ກາກຎ຺ຈ ປມຸຎ຺ຈ ຂິປ຺ປໍ, ປຸເຣ ¶ ວິສໍ ຄາຬ຺ຫມຸເປຕິ ມຈ຺ຈໍ.

ສປ຺ປໍ ປໂມກ຺ຂາມິ ນ ຕາວ ກາກໍ, ປຏິພນ຺ຘໂກ [ປຏິພທ຺ຘໂກ (ສີ. ປີ.)] ໂຫຫິຕິ [ໂຫຕິ ຫິ (ສ຺ຍາ.)] ຕາວ ກາໂກ;

ປຸຣິສຎ຺ຈ ທິສ຺ວານ ສຸຂິໍ ອໂຣຄໍ, ກາກໍ ປໂມກ຺ຂາມິ ຍເຖວ ສປ຺ປໍ.

ກາໂກ ¶ ຕທາ ເທວທຕ຺ໂຕ ອໂຫສິ, ມາໂຣ ປນ ກຓ຺ຫສປ຺ໂປ ອໂຫສິ;

ອານນ຺ທຠທ຺ໂທ ກກ຺ກຏໂກ ອໂຫສິ, ອຫໍ ຕທາ ພ຺ຣາຫ຺ມໂຓ ໂຫມິ ສຕ຺ຖາຕິ [ຕຕ຺ຖາຕິ (ສີ. ປີ.)].

ສກຸໂຓ ມຍ຺ຫໂກ ນາມ, ຄິຣິສານຸທຣີຈໂຣ;

ປກ຺ກໍ ປິປ຺ຜລິມາຣຸຍ຺ຫ, ມຍ຺ຫໍ ມຍ຺ຫນ຺ຕິ ກນ຺ທຕິ.

ຕສ຺ເສວໍ ວິລປນ຺ຕສ຺ສ, ທິຊສງ຺ຆາ ສມາຄຕາ;

ຠຸຕ຺ວານ ປິປ຺ຜລິໍ ຍນ຺ຕິ, ວິລປຕ຺ເວວ ໂສ ທິໂຊ.

ເອວເມວ ອິເຘກຈ຺ໂຈ, ສງ຺ຆຣິຕ຺ວາ ພຫຸໍ ຘນໍ;

ເນວຕ຺ຕໂນ ນ ຎາຕີນໍ, ຍໂຖຘິໍ ປຏິປຊ຺ຊຕິ.

ນ ໂສ ອຈ຺ຉາທນໍ ຠຕ຺ຕໍ, ນ ມາລໍ ນ ວິເລປນໍ;

ອນຸໂຠຕິ ¶ [ນານຸໂຠຕິ (ສ຺ຍາ. ກ.)] ສກິໍ ກິຎ຺ຈິ, ນ ສງ຺ຄຓ຺ຫາຕິ ຎາຕເກ.

ຕສ຺ເສວໍ ວິລປນ຺ຕສ຺ສ, ມຍ຺ຫໍ ມຍ຺ຫນ຺ຕິ ຣກ຺ຂໂຕ;

ຣາຊາໂນ ອຖ ວາ ໂຈຣາ, ທາຍທາ ເຍ ວ [ເຍ ຈ (ສ຺ຍາ. ກ.)] ອປ຺ປິຍາ;

ຘນມາທາຍ ຄຈ຺ຉນ຺ຕິ, ວິລປຕ຺ເວວ ໂສ ນໂຣ.

ຘີໂຣ [ຘີໂຣ ຈ (ສີ.)] ໂຠເຄ ອຘິຄມ຺ມ, ສງ຺ຄຓ຺ຫາຕິ ຈ ຎາຕເກ;

ເຕນ ໂສ ກິຕ຺ຕິໍ ປປ຺ໂປຕິ, ເປຈ຺ຈ ສຄ຺ເຄ ປໂມທຕີຕິ [ສຄ຺ເຄ ຈ ໂມທຕີຕິ (ສີ. ປີ.)].

ທຸພ຺ພຓ຺ຓຣູປໍ ຕຸວມຣິຍວຓ຺ຓີ, ປຸຣກ຺ຂຕ຺ວາ [ປຸຣກ຺ຂິຕ຺ວາ (ສ຺ຍາ. ກ.)] ປຎ຺ຊລິໂກ ນມສ຺ສສິ;

ເສຍ຺ໂຍ ນຸ ເຕ ໂສ ອຸທວາ [ອຸທາຫຸ (ສ຺ຍາ. ກ.)] ສຣິກ຺ໂຂ, ນາມໍ ປຣສ຺ສຕ຺ຕໂນ ຈາປິ ພ຺ຣູຫິ.

ນ ¶ ນາມໂຄຕ຺ຕໍ ຄຓ຺ຫນ຺ຕິ ຣາຊ, ສມ຺ມຄ຺ຄຕານຸຊ຺ຊຸຄຕານ [ສມຄ຺ຄຕານຸຊ຺ຊຸຄຕານ (ສ຺ຍາ.), ສມຸຄ຺ຄຕານຸຊ຺ຊຸຄຕານ (ກ.)] ເທວາ;

ອຫຎ຺ຈ ເຕ ນາມເຘຍ຺ຍໍ ວທາມິ, ສກ຺ໂກຫມສ຺ມີ ຕິທສານມິນ຺ໂທ.

ໂຍ ¶ ທິສ຺ວາ ຠິກ຺ຂຸໍ ຈຣຓູປປນ຺ນໍ, ປຸຣກ຺ຂຕ຺ວາ ປຎ຺ຊລິໂກ ນມສ຺ສຕິ;

ປຸຈ຺ຉາມິ ຕໍ ເທວຣາເຊຕມຕ຺ຖໍ, ອິໂຕ ¶ ຈຸໂຕ ກິໍ ລຠເຕ ສຸຂໍ ໂສ.

ໂຍ ທິສ຺ວາ ຠິກ຺ຂຸໍ ຈຣຓູປປນ຺ນໍ, ປຸຣກ຺ຂຕ຺ວາ ປຎ຺ຊລິໂກ ນມສ຺ສຕິ;

ທິຏ຺ເຐວ ຘມ຺ເມ ລຠເຕ ປສໍສໍ, ສຄ຺ຄຎ຺ຈ ໂສ ຍາຕິ ສຣີຣເຠທາ.

ລກ຺ຂີ ວຕ ເມ ອຸທປາທິ ອຊ຺ຊ, ຍໍ ວາສວໍ ຠູຕປຕິທ຺ທສາມ;

ຠິກ຺ຂຸຎ຺ຈ ທິສ຺ວານ ຕຸວຎ຺ຈ ສກ຺ກ, ກາຫາມິ ປຸຎ຺ຎານິ ອນປ຺ປການິ.

ອທ຺ຘາ ຫເວ ເສວິຕພ຺ພາ ສປຎ຺ຎາ, ພຫຸສ຺ສຸຕາ ເຍ ພຫຸຐານຈິນ຺ຕິໂນ;

ຠິກ຺ຂຸຎ຺ຈ ທິສ຺ວານ ມມຎ຺ຈ ຣາຊ, ກໂຣຫິ ປຸຎ຺ຎານິ ອນປ຺ປການິ.

ອກ຺ໂກຘໂນ ນິຈ຺ຈປສນ຺ນຈິຕ຺ໂຕ, ສພ຺ພາຕິຖີຍາຈໂຍໂຄ ຠວິຕ຺ວາ;

ນິຫຈ຺ຈ ມານໍ ອຠິວາທຍິສ຺ສໍ, ສຸຕ຺ວານ ເທວິນ຺ທ ສຸຠາສິຕານີຕິ.

ວິຊ຺ຊາຘຣ [ຘຊວິເຫຐກ (ສີ. ປີ.), ປພ຺ພຊິຕວິເຫຐກ (ສ຺ຍາ.)] ຊາຕກໍ ຉຏ຺ຐໍ.

ຍເມຕໍ ¶ ¶ [ຍເມກໍ (ປີ.)] ວາຣິຊໍ ປຸປ຺ຜໍ, ອທິນ຺ນໍ ອຸປສິງ຺ຆສິ;

ເອກງ຺ຄເມຕໍ ເຖຍ຺ຍານໍ, ຄນ຺ຘເຖໂນສິ ມາຣິສ.

ນ ຫຣາມິ ນ ຠຎ຺ຊາມິ, ອາຣາ ສິງ຺ຆາມິ ວາຣິຊໍ;

ອຖ ເກນ ນຸ ວຓ຺ເຓນ, ຄນ຺ຘເຖໂນຕິ ວຸຈ຺ຈຕິ.

ໂຍຍໍ ຠິສານິ ຂຓຕິ, ປຸຓ຺ຑຣີການິ ຠຎ຺ຊຕິ;

ເອວໍ ອາກິຓ຺ຓກມ຺ມນ຺ໂຕ, ກສ຺ມາ ເອໂສ ນ ວຸຈ຺ຈຕິ.

ອາກິຓ຺ຓລຸທ຺ໂທ ປຸຣິໂສ, ຘາຕິເຈລໍວ ມກ຺ຂິໂຕ;

ຕສ຺ມິໍ ເມ ວຈນໍ ນຕ຺ຖິ, ຕຎ຺ຈາຣຫາມິ ວຕ຺ຕເວ.

ອນງ຺ຄຓສ຺ສ ໂປສສ຺ສ, ນິຈ຺ຈໍ ສຸຈິຄເວສິໂນ;

ວາລຄ຺ຄມຕ຺ຕໍ ປາປສ຺ສ, ອພ຺ຠາມຕ຺ຕໍວ ຂາຍຕິ.

ອທ຺ຘາ ມໍ ຍກ຺ຂ ຊານາສິ, ອໂຖ ມໍ ອນຸກມ຺ປສິ;

ປຸນປິ ຍກ຺ຂ ວຊ຺ຊາສິ, ຍທາ ປສ຺ສສິ ເອທິສໍ.

ເນວ ຕໍ ອຸປຊີວາມິ, ນປິ ເຕ ຠຕກາມ຺ຫເສ [ຠຕກມ຺ຫເສ (ສີ. ປີ.), ຠຕິກມ຺ຫເສ (ສ຺ຍາ.)];

ຕ຺ວເມວ ຠິກ຺ຂຸ ຊາເນຍ຺ຍ, ເຍນ ຄຈ຺ເຉຍ຺ຍ ສຸຄ຺ຄຕິນ຺ຕິ.

ສິງ຺ຆປຸປ຺ຜ [ຠິສປຸປ຺ຜ (ສີ. ປີ.), ອຸປສິງ຺ຆປຸປ຺ຜ (ສ຺ຍາ.)] ຊາຕກໍ ສຕ຺ຕມໍ.

ສຸສຸຂໍ ¶ ວຕ ຊີວນ຺ຕິ, ເຍ ຊນາ ວິຆາສາທິໂນ;

ທິຏ຺ເຐວ ¶ ຘມ຺ເມ ປາສໍສາ, ສມ຺ປຣາເຍ ຈ ສຸຄ຺ຄຕີ.

ສຸກສ຺ສ [ສຸວສ຺ສ (ສີ. ສ຺ຍາ. ປີ.)] ຠາສມານສ຺ສ, ນ ນິສາເມຖ ປຓ຺ຑິຕາ;

ອິທໍ ສຸຓາຖ ໂສທຣິຍາ, ອມ຺ເຫວາຍໍ ປສໍສຕິ.

ນາຫໍ ຕຸມ຺ເຫ ປສໍສາມິ, ກຸຓປາທາ ສຸຓາຖ ເມ;

ອຸຈ຺ຉິຏ຺ຐໂຠຊິໂນ [ໂຠຊນາ (ກ.)] ຕຸມ຺ເຫ, ນ ຕຸມ຺ເຫ ວິຆາສາທິໂນ.

ສຕ຺ຕວສ຺ສາ ¶ ປພ຺ພຊິຕາ, ເມຊ຺ຌາຣຎ຺ເຎ [ມຊ຺ເຌຣຎ຺ເຎ (ກ.)] ສິຂຓ຺ຑິໂນ;

ວິຆາເສເນວ ຍາເປນ຺ຕາ, ມຍໍ ເຈ ໂຠໂຕ ຄາຣຍ຺ຫາ;

ຕຸມ຺ເຫ ສີຫານໍ ພ຺ຍຄ຺ຆານໍ, ວາຬານຎ຺ຈາວສິຏ຺ຐກໍ;

ອຸຈ຺ຉິຏ຺ເຐເນວ ຍາເປນ຺ຕາ, ມຎ຺ຎິວ຺ໂຫ ວິຆາສາທິໂນ.

ເຍ ພ຺ຣາຫ຺ມຓສ຺ສ ສມຓສ຺ສ, ອຎ຺ຎສ຺ສ ວາ [ອຎ຺ຎສ຺ສ ຈ (ສີ. ສ຺ຍາ.), ອຎ຺ຎສ຺ເສວ (ປີ.)] ວນິພ຺ພິໂນ [ວຓິພ຺ພິໂນ (ສີ. ສ຺ຍາ.)];

ທຕ຺ວາວ [ທຕ຺ວານ (ປີ. ກ.)] ເສສໍ ຠຸຎ຺ຊນ຺ຕິ, ເຕ ຊນາ ວິຆາສາທິໂນຕິ.

ປຓີຕໍ ຠຸຎ຺ຊເສ ຠຕ຺ຕໍ, ສປ຺ປິເຕລຎ຺ຈ ມາຕຸລ;

ອຖ ເກນ ນຸ ວຓ຺ເຓນ, ກິໂສ ຕ຺ວມສິ ວາຍສ.

ອມິຕ຺ຕມຊ຺ເຌ ວສໂຕ, ເຕສຸ ອາມິສເມສໂຕ;

ນິຈ຺ຈໍ ອຸພ຺ພິຄ຺ຄຫທຍສ຺ສ, ກຸໂຕ ກາກສ຺ສ ທຬ຺ຫິຍໍ.

ນິຈ຺ຈໍ ອຸພ຺ເພຄິໂນ [ອຸພ຺ພິຄ຺ຄິໂນ (ສ຺ຍາ. ກ.), ອຸພ຺ເພຘິໂນ (ສີ.)] ກາກາ, ຘງ຺ກາ ປາເປນ ກມ຺ມຸນາ;

ລທ຺ໂຘ ¶ ປິຓ຺ໂຑ ນ ປີເຓຕິ, ກິໂສ ເຕນສ຺ມິ ວຏ຺ຏກ.

ລູຂານິ ຕິຓພີຊານິ, ອປ຺ປສ຺ເນຫານິ ຠຸຎ຺ຊສິ;

ອຖ ເກນ ນຸ ວຓ຺ເຓນ, ຖູໂລ ຕ຺ວມສິ ວຏ຺ຏກ.

ອປ຺ປິຈ຺ຉາ ອປ຺ປຈິນ຺ຕາຍ, ອທູຣຄມເນນ ຈ;

ລທ຺ຘາລທ຺ເຘນ ຍາເປນ຺ໂຕ, ຖູໂລ ເຕນສ຺ມິ ວາຍສ.

ອປ຺ປິຈ຺ຉສ຺ສ ¶ ຫິ ໂປສສ຺ສ, ອປ຺ປຈິນ຺ຕສຸຂສ຺ສ [ອປ຺ປຈິນ຺ຕິສຸຂສ຺ສ (ສີ. ສ຺ຍາ. ປີ.)] ຈ;

ສຸສງ຺ຄຫິຕມານສ຺ສ [ສຸສງ຺ຄຫິຕປມາຓສ຺ສ (ສີ. ສ຺ຍາ. ປີ.)], ວຸຕ຺ຕີ ສຸສມຸທານຍາຕິ.

ຈິຣສ຺ສໍ ວຕ ປສ຺ສາມິ, ສຫາຍໍ ມຓິຘາຣິນໍ;

ສຸກຕາ [ສຸກຕາຍ (ສີ. ປີ.)] ມສ຺ສຸກຸຕ຺ຕິຍາ, ໂສຠເຕ ວຕ ເມ ສຂາ.

ປຣູຬ຺ຫກຈ຺ຉນຂໂລໂມ ¶ , ອຫໍ ກມ຺ເມສຸ ພ຺ຍາວໂຏ;

ຈິຣສ຺ສໍ ນ຺ຫາປິຕໍ ລທ຺ຘາ, ໂລມໍ ຕໍ ອຊ຺ຊໍ ຫາຣຍິໍ [ອປຫາຣຍິໍ (ສີ. ປີ.)].

ຍໍ ນຸ ໂລມໍ ອຫາເຣສິ, ທຸລ຺ລຠໍ ລທ຺ຘ ກປ຺ປກໍ;

ອຖ ກິຎ຺ຈຣຫິ ເຕ ສມ຺ມ, ກຓ຺ເຐ ກິຓິກິຓາຍຕິ [ອິທໍ ກຓ຺ເຐ ກິຓາຍຕິ (ກ.), ກຓ຺ເຐ ກິໍນິກິລາຍຕິ (ສ຺ຍາ.)].

ມນຸສ຺ສສຸຂຸມາລານໍ, ມຓິ ກຓ຺ເຐສຸ ລມ຺ພຕິ;

ເຕສາຫໍ ¶ ອນຸສິກ຺ຂາມິ, ມາ ຕ຺ວໍ ມຎ຺ຎິ ທວາ ກຕໍ.

ສເຈປິມໍ ປິຫຍສິ, ມສ຺ສຸກຸຕ຺ຕິໍ ສຸກາຣິຕໍ;

ກາຣຍິສ຺ສາມິ ເຕ ສມ຺ມ, ມຓິຎ຺ຈາປິ ທທາມິ ເຕ.

ຕ຺ວຎ຺ເຎວ ມຓິນາ ຉນ຺ໂນ, ສຸກຕາຍ ຈ ມສ຺ສຸຍາ;

ອາມນ຺ຕ ໂຂ ຕໍ ຄຈ຺ຉາມິ, ປິຍໍ ເມ ຕວ ທສ຺ສນນ຺ຕິ.

ປາຣາວຕຊາຕກໍ [ກາກຊາຕກໍ (ສີ. ປີ.), ມຓິຊາຕກໍ (ສ຺ຍາ.)] ທສມໍ.

ຂຣປຸຕ຺ຕວຄ຺ໂຄ [ເສນກວຄ຺ໂຄ (ສີ. ປີ.), ຂຸຣປຸຕ຺ຕວຄ຺ໂຄ (ສ຺ຍາ.), ສູຈິວຄ຺ໂຄ (ກ.)] ທຸຕິໂຍ.

ອຖ ປສ຺ສ ສສູຈິ ຈ ຕຸຓ຺ຑິລໂກ, ມິຄ ມຍ຺ຫກປຎ຺ຈມປກ຺ຂິວໂຣ;

ອຖ ປຎ຺ຊລິ ວາຣິຊ ເມຊ຺ຌ ປຸນ, ອຖ ວຏ຺ຏ ກໂປຕວເຣນ ທສາຕິ.

ອຖ ວຄ຺ຄໍ ປກິຕ຺ຕິສ຺ສໍ, ຉນິປາຕໍ ວຣຸຕ຺ຕເມ;

ອວາຣິຍາ ຈ ຂໂຣ ຈ [ເສນກ (ສີ.), ສູຈິ ຈ (ສ຺ຍາ. ກ.)], ທ຺ເວ ຈ ວຸຕ຺ຕາ ສຸພ຺ຍຎ຺ຊນາຕິ.

ທິຍຑ຺ຒກຸກ຺ກູ ¶ ¶ ¶ ອຸທເຍນ ກຓ຺ຓິກາ, ວິທຕ຺ຖິໂຍ ອຏ຺ຐ ປຣິກ຺ຂິປນ຺ຕິ ນໍ;

ສາ ສິໍສປາ [ສສິໍສປາ (ສີ. ປີ.), ສາ ສີສປາ (ສ຺ຍາ.), ຍາ ສິໍສປາ (ກ. ສີ. ນິຍ຺ຍ)] ສາຣມຍາ ອເຜຄ຺ຄຸກາ, ກຸຫິໍ ຐິຕາ ອຸປ຺ປຣິໂຕ [ອຸປຣິໂຕ (ສີ. ສ຺ຍາ. ປີ.)] ນ ຘໍສຕິ.

ຍາ ຕິໍສຕິ ສາຣມຍາ ອນຸຊ຺ຊຸກາ, ປຣິກິຣິຍ [ປກິຣິຍາ (ກ.)] ໂຄປາຓສິໂຍ ສມໍ ຐິຕາ [ສມຏ຺ຐິຕາ (ສີ. ສ຺ຍາ.)];

ຕາຫິ ສຸສງ຺ຄຫິຕາ ພລສາ ປີຬິຕາ [ຕາ ສງ຺ຄຫິຕາ ພລສາ ຈ ປີຬິຕາ (ສີ.), ຕາຫິ ສຸສງ຺ຄຫິຕາ ພລສາ ຈ ປີຬິຕາ (ສ຺ຍາ.), ຕາຫິ ສງ຺ຄຫີຕາ ພລສາ ຈ ປີຬິຕາ (ປີ.)], ສມໍ ຐິຕາ ອຸປ຺ປຣິໂຕ ນ ຘໍສຕິ.

ເອວມ຺ປິ ມິຕ຺ເຕຫິ ທຬ຺ເຫຫິ ປຓ຺ຑິໂຕ, ອເຠຊ຺ຊຣູເປຫິ ສຸຈີຫິ ມນ຺ຕິຠິ;

ສຸສງ຺ຄຫີໂຕ ສິຣິຍາ ນ ຘໍສຕິ, ໂຄປາຓສີ ຠາຣວຫາວ ກຓ຺ຓິກາ.

ຂຣຕ຺ຕຈໍ ເພລ຺ລໍ ຍຖາປິ ສຕ຺ຖວາ, ອນາມສນ຺ໂຕປິ ກໂຣຕິ ຕິຕ຺ຕກໍ;

ສມາຫຣໍ ສາທຸໍ ກໂຣຕິ ປຕ຺ຖິວ, ອສາທຸໍ ກຍິຣາ ຕນຸພນ຺ຘມຸທ຺ຘຣໍ [ຕນຸວຏ຺ຏມຸທ຺ຘຣໍ (ສີ. ປີ.)].

ເອວມ຺ປິ ¶ ຄາມນິຄເມສຸ ປຓ຺ຑິໂຕ, ອສາຫສໍ ຣາຊຘນານິ ສງ຺ຆຣໍ;

ຘມ຺ມານຸວຕ຺ຕີ ປຏິປຊ຺ຊມາໂນ, ສ ຜາຕິ ກຍິຣາ ອວິເຫຐຍໍ ປຣໍ.

ໂອທາຕມູລໍ ¶ ສຸຈິວາຣິສມ຺ຠວໍ, ຊາຕໍ ຍຖາ ໂປກ຺ຂຣຓີສຸ ອມ຺ພຸຊໍ;

ປທຸມໍ ຍຖາ ອຄ຺ຄິນິກາສິຜາລິມໍ, ນ ກທ຺ທໂມ ນ ຣໂຊ ນ ວາຣິ ລິມ຺ປຕິ.

ເອວມ຺ປິ ໂວຫາຣສຸຈິໍ ອສາຫສໍ, ວິສຸທ຺ຘກມ຺ມນ຺ຕມເປຕປາປກໍ;

ນ ລິມ຺ປຕິ ກມ຺ມກິເລສ ຕາທິໂສ, ຊາຕໍ ຍຖາ ໂປກ຺ຂຣຓີສຸ ອມ຺ພຸຊນ຺ຕິ.

ຍຖາ ຈາໂປ ນິນ຺ນມຕິ, ຊິຍາ ຈາປິ ນິກູຊຕິ;

ຫຎ຺ຎເຕ ນູນ ມໂນໂຊ, ມິຄຣາຊາ ສຂາ ມມ.

ຫນ຺ທ ທານິ ວນນ຺ຕານິ, ປກ຺ກມາມິ ຍຖາສຸຂໍ;

ເນຕາທິສາ ສຂາ ໂຫນ຺ຕິ, ລພ຺ຠາ ເມ ຊີວໂຕ ສຂາ.

ນ ¶ ປາປຊນສໍເສວີ, ອຈ຺ຈນ຺ຕໍ ສຸຂເມຘຕິ;

ມໂນຊໍ ¶ ປສ຺ສ ເສມານໍ, ຄິຣິຍສ຺ສານຸສາສນີ [ອຣິຍສ຺ສານຸສາສນີ (ສີ. ສ຺ຍາ. ປີ.)].

ນ ປາປສມ຺ປວງ຺ເກນ, ມາຕາ ປຸຕ຺ເຕນ ນນ຺ທຕິ;

ມໂນຊໍ ປສ຺ສ ເສມານໍ, ອຈ຺ຉນ຺ນໍ [ສຈ຺ຉນ຺ນໍ (ກ.)] ສມ຺ຫິ ໂລຫິເຕ.

ເອວມາປຊ຺ຊເຕ ໂປໂສ, ປາປິໂຍ ຈ ນິຄຈ຺ຉຕິ;

ໂຍ ເວ ຫິຕານໍ ວຈນໍ, ນ ກໂຣຕິ ອຕ຺ຖທສ຺ສິນໍ.

ເອວຎ຺ຈ ໂສ ໂຫຕິ ຕໂຕ ຈ ປາປິໂຍ, ໂຍ ອຸຕ຺ຕໂມ ອຘມຊນູປເສວີ;

ປສ຺ສຸຕ຺ຕມໍ ອຘມຊນູປເສວິຕໍ [ເສວິໍ (ສ຺ຍາ.)], ມິຄາຘິປໍ ສຣວຣເວຄນິທ຺ຘຸຕໍ.

ນິຫີຍຕິ ¶ ປຸຣິໂສ ນິຫີນເສວີ, ນ ຈ ຫາເຍຖ ກທາຈິ ຕຸລ຺ຍເສວີ;

ເສຏ຺ຐມຸປຄມໍ [ມຸປນມໍ (ສີ. ປີ. ອ. ນິ. ໓.໒໖)] ອຸເທຕິ ຂິປ຺ປໍ, ຕສ຺ມາຕ຺ຕນາ ອຸຕ຺ຕຣິຕຣໍ [ຕສ຺ມາ ອຕ຺ຕໂນ ອຸຕ຺ຕຣິໍ (ສີ. ປີ.), ຕສ຺ມາ ອຕ຺ຕໂນ ອຸຕ຺ຕຣໍ (ສ຺ຍາ.)] ຠເຊຖາຕິ.

ຣາຊາ ເຕ ຠຕ຺ຕໍ ປາເຫສິ, ສຸຈິໍ ມໍສູປເສຈນໍ;

ມຆເທວສ຺ມິໍ [ມຂາເທວສ຺ມິໍ (ສີ. ປີ.), ມາຆເທວສ຺ມິໍ (ກ.)] ອຘິວຕ຺ເຖ, ເອຫິ ນິກ຺ຂມ຺ມ ຠຸຎ຺ຊສ຺ສຸ.

ເອຫິ ມາຓວ ໂອເຣນ, ຠິກ຺ຂມາທາຍ ສູປິຕໍ;

ຕ຺ວຎ຺ຈ ¶ ມາຓວ ຠິກ຺ຂາ ຈ [ຠກ຺ໂຂສິ (ສ຺ຍາ.), ຠກ຺ຂາວ (ກ.)], ອຸໂຠ ຠກ຺ຂາ ຠວິສ຺ສຖ.

ອປ຺ປເກນ ຕຸວໍ ຍກ຺ຂ, ຖຸລ຺ລມຕ຺ຖໍ ຊຫິສ຺ສສິ;

ຠິກ຺ຂໍ ເຕ ນາຫຣິສ຺ສນ຺ຕິ, ຊນາ ມຣຓສຎ຺ຎິໂນ.

ລທ຺ຘາຍ ຍກ຺ຂາ [ລທ຺ຘາຍໍ ຍກ຺ຂ (ສີ. ສ຺ຍາ. ປີ.)] ຕວ ນິຈ຺ຈຠິກ຺ຂໍ, ສຸຈິໍ ປຓີຕໍ ຣສສາ ອຸເປຕໍ;

ຠິກ຺ຂຎ຺ຈ ເຕ ອາຫຣິໂຍ ນໂຣ ອິຘ, ສຸທຸລ຺ລໂຠ ເຫຫິຕິ ຠກ຺ຂິເຕ [ຂາທິເຕ (ສີ. ສ຺ຍາ. ປີ.)] ມຍິ.

ມເມວ [ມເມສ (ສີ. ປີ.)] ສຸຕໂນ ອຕ຺ໂຖ, ຍຖາ ຠາສສິ ມາຓວ;

ມຍາ ຕ຺ວໍ ສມນຸຎ຺ຎາໂຕ, ໂສຕ຺ຖິໍ ປສ຺ສາຫິ ມາຕຣໍ.

ຂຄ຺ຄໍ ຉຕ຺ຕຎ຺ຈ ປາຕິຎ຺ຈ, ຄຈ຺ຉມາທາຍ [ຄຈ຺ເຉວາທາຍ (ສີ. ສ຺ຍາ. ປີ.)] ມາຓວ;

ໂສຕ຺ຖິໍ ປສ຺ສຕຸ ເຕ ມາຕາ, ຕ຺ວຎ຺ຈ ປສ຺ສາຫິ ມາຕຣໍ.

ເອວໍ ຍກ຺ຂ ສຸຂີ ໂຫຫິ, ສຫ ສພ຺ເພຫິ ຎາຕິຠິ;

ຘນຎ຺ຈ ເມ ອຘິຄຕໍ, ຣຎ຺ໂຎ ຈ ວຈນໍ ກຕນ຺ຕິ.

ເຕ ¶ ¶ ກຖໍ ນຸ ກຣິສ຺ສນ຺ຕິ, ວຸທ຺ຘາ ຄິຣິທຣີສຍາ;

ອຫໍ ພທ຺ໂຘສ຺ມິ ປາເສນ, ນິລີຍສ຺ສ ວສໍ ຄໂຕ.

ກິໍ ຄິຊ຺ຌ ປຣິເທວສິ, ກາ ນຸ ເຕ ປຣິເທວນາ;

ນ ¶ ເມ ສຸໂຕ ວາ ທິຏ຺ໂຐ ວາ, ຠາສນ຺ໂຕ ມານຸສິໍ ທິໂຊ.

ຠຣາມິ ມາຕາປິຕໂຣ, ວຸທ຺ເຘ ຄິຣິທຣີສເຍ;

ເຕ ກຖໍ ນຸ ກຣິສ຺ສນ຺ຕິ, ອຫໍ ວສໍ ຄໂຕ ຕວ.

ຍໍ ນຸ ຄິຊ຺ໂຌ ໂຍຊນສຕໍ, ກຸຓປານິ ອເວກ຺ຂຕິ;

ກສ຺ມາ ຊາລຎ຺ຈ ປາສຎ຺ຈ, ອາສຊ຺ຊາປິ ນ ພຸຊ຺ຌສິ.

ຍທາ ປຣາຠໂວ ໂຫຕິ, ໂປໂສ ຊີວິຕສງ຺ຂເຍ;

ອຖ ຊາລຎ຺ຈ ປາສຎ຺ຈ, ອາສຊ຺ຊາປິ ນ ພຸຊ຺ຌຕິ.

ຠຣສ຺ສຸ ມາຕາປິຕໂຣ, ວຸທ຺ເຘ ຄິຣິທຣີສເຍ;

ມຍາ ຕ຺ວໍ ສມນຸຎ຺ຎາໂຕ, ໂສຕ຺ຖິໍ ປສ຺ສາຫິ ຎາຕເກ.

ເອວໍ ລຸທ຺ທກ ນນ຺ທສ຺ສຸ, ສຫ ສພ຺ເພຫິ ຎາຕິຠິ;

ຠຣິສ຺ສໍ ມາຕາປິຕໂຣ, ວຸທ຺ເຘ ຄິຣິທຣີສເຍຕິ.

ອນຸຕີຣຈາຣີ ຠທ຺ທນ຺ເຕ, ສຫາຍມນຸຘາວ ມໍ;

ມຫາ ເມ ຄຫິໂຕ [ໂຣຫິໂຕ (ກ.)] ມຈ຺ໂຉ, ໂສ ມໍ ຫຣຕິ ເວຄສາ.

ຄມ຺ຠີຣຈາຣີ ຠທ຺ທນ຺ເຕ, ທຬ຺ຫໍ ຄຓ຺ຫາຫິ ຖາມສາ;

ອຫໍ ຕໍ ອຸທ຺ຘຣິສ຺ສາມິ, ສຸປຓ຺ໂຓ ອຸຣຄາມິວ [ອຸຣຄມ຺ມິວ (ສີ. ສ຺ຍາ. ປີ.)].

ວິວາໂທ ໂນ ສມຸປ຺ປນ຺ໂນ, ທພ຺ຠປຸປ຺ຜ ສຸໂຓຫິ ເມ;

ສເມຫິ ¶ ເມຘຄໍ [ເມຘກໍ (ປີ.)] ສມ຺ມ, ວິວາໂທ ວູປສມ຺ມຕໍ.

ຘມ຺ມຏ຺ໂຐຫໍ ປຸເຣ ອາສິໍ, ພຫູ ອຑ຺ຑາ ເມ ຕີຣິຕາ [ພຫຸອຏ຺ຏໍ ເມ ຕີຣິຕໍ (ສີ.), ພຫຸອຏ຺ຏໍວ ຕີຣິຕໍ (ສ຺ຍາ.), ພຫຸ ອຕ຺ຖໍ ເມ ຕີຣິຕໍ (ປີ.)];

ສເມມິ ເມຘຄໍ ສມ຺ມ, ວິວາໂທ ວູປສມ຺ມຕໍ.

ອນຸຕີຣຈາຣິ ¶ ນງ຺ຄຸຏ຺ຐໍ, ສີສໍ ຄມ຺ຠີຣຈາຣິໂນ;

ອຈ຺ຈາຍໍ [ອຖາຍໍ (ສີ. ປີ.)] ມຊ຺ຌິໂມ ຂຓ຺ໂຑ, ຘມ຺ມຏ຺ຐສ຺ສ ຠວິສ຺ສຕິ.

ຈິຣມ຺ປິ ¶ ຠກ຺ໂຂ ອຠວິສ຺ສ, ສເຈ ນ ວິວເທມເສ;

ອສີສກໍ ອນງ຺ຄຸຏ຺ຐໍ, ສິງ຺ຄາໂລ ຫຣຕິ ໂຣຫິຕໍ.

ຍຖາປິ ຣາຊາ ນນ຺ເທຍ຺ຍ, ຣຊ຺ຊໍ ລທ຺ຘານ ຂຕ຺ຕິໂຍ;

ເອວາຫມຊ຺ຊ ນນ຺ທາມິ, ທິສ຺ວາ ປຸຓ຺ຓມຸຂໍ ປຕິໍ.

ກຖໍ ນຸ ຖລໂຊ ສນ຺ໂຕ, ອຸທເກ ມຈ຺ຉໍ ປຣາມສິ;

ປຸຏ຺ໂຐ ເມ ສມ຺ມ ອກ຺ຂາຫິ, ກຖໍ ອຘິຄຕໍ ຕຍາ.

ວິວາເທນ ກິສາ ໂຫນ຺ຕິ, ວິວາເທນ ຘນກ຺ຂຍາ;

ຊີນາ ອຸທ຺ທາ ວິວາເທນ, ຠຸຎ຺ຊ ມາຍາວິ ໂຣຫິຕໍ.

ເອວເມວ ມນຸສ຺ເສສຸ, ວິວາໂທ ຍຕ຺ຖ ຊາຍຕິ;

ຘມ຺ມຏ຺ຐໍ ປຏິຘາວນ຺ຕິ, ໂສ ຫິ ເນສໍ ວິນາຍໂກ;

ຘນາປິ ຕຕ຺ຖ ຊີຍນ຺ຕິ, ຣາຊໂກໂສ ປວຑ຺ຒຕີຕິ [ຈ ວຑ຺ຒຕິ (ປີ.)].

ປຓ຺ຓກໍ [ທສຓ຺ຓກໍ (ສີ. ສ຺ຍາ. ປີ.)] ຕິຂິຓຘາຣໍ, ອສິໍ ສມ຺ປນ຺ນປາຍິນໍ;

ປຣິສາຍໍ ¶ ປຸຣິໂສ ຄິລຕິ, ກິໍ ທຸກ຺ກຣຕຣໍ ຕໂຕ;

ຍທຎ຺ຎໍ ທຸກ຺ກຣໍ ຐານໍ, ຕໍ ເມ ອກ຺ຂາຫິ ປຸຈ຺ຉິໂຕ.

ຄິເລຍ຺ຍ ປຸຣິໂສ ໂລຠາ, ອສິໍ ສມ຺ປນ຺ນປາຍິນໍ;

ໂຍ ຈ ວຊ຺ຊາ ທທາມີຕິ, ຕໍ ທຸກ຺ກຣຕຣໍ ຕໂຕ;

ສພ຺ພຎ຺ຎໍ ສຸກຣໍ ຐານໍ, ເອວໍ ຊານາຫິ ມທ຺ທວ [ມາຄຘ (ສີ. ສ຺ຍາ. ປີ.)].

ພ຺ຍາກາສິ ອາຍຸໂຣ ປຎ຺ຫໍ, ອຕ຺ຖໍ [ອຕ຺ຖ (ປີ. ສີ. ນິຍ຺ຍ)] ຘມ຺ມສ຺ສ ໂກວິໂທ;

ປຸກ຺ກຸສໍ ທານິ ປຸຈ຺ຉາມິ, ກິໍ ທຸກ຺ກຣຕຣໍ ຕໂຕ;

ຍທຎ຺ຎໍ ທຸກ຺ກຣໍ ຐານໍ, ຕໍ ເມ ອກ຺ຂາຫິ ປຸຈ຺ຉິໂຕ.

ນ ¶ ວາຈມຸປຊີວນ຺ຕິ, ອຜລໍ ຄິຣມຸທີຣິຕໍ;

ໂຍ ຈ ທຕ຺ວາ ອວາກຍິຣາ, ຕໍ ທຸກ຺ກຣຕຣໍ ຕໂຕ;

ສພ຺ພຎ຺ຎໍ ສຸກຣໍ ຐານໍ, ເອວໍ ຊານາຫິ ມທ຺ທວ.

ພ຺ຍາກາສິ ປຸກ຺ກຸໂສ ປຎ຺ຫໍ, ອຕ຺ຖໍ ຘມ຺ມສ຺ສ ໂກວິໂທ;

ເສນກໍ ທານິ ປຸຈ຺ຉາມິ, ກິໍ ທຸກ຺ກຣຕຣໍ ຕໂຕ;

ຍທຎ຺ຎໍ ທຸກ຺ກຣໍ ຐານໍ, ຕໍ ເມ ອກ຺ຂາຫິ ປຸຈ຺ຉິໂຕ.

ທເທຍ຺ຍ ¶ ປຸຣິໂສ ທານໍ, ອປ຺ປໍ ວາ ຍທິ ວາ ພຫຸໍ;

ໂຍ ຈ ທຕ຺ວາ ນານຸຕປ຺ເປ [ຕເປ (ສີ. ປີ.)], ຕໍ ທຸກ຺ກຣຕຣໍ ຕໂຕ;

ສພ຺ພຎ຺ຎໍ ສຸກຣໍ ຐານໍ, ເອວໍ ຊານາຫິ ມທ຺ທວ.

ພ຺ຍາກາສິ ອາຍຸໂຣ ປຎ຺ຫໍ, ອໂຖ ປຸກ຺ກຸສໂປຣິໂສ;

ສພ຺ເພ ¶ ປຎ຺ເຫ ອຕິໂຠຕິ, ຍຖາ ຠາສຕິ ເສນໂກຕິ.

ປຓ຺ຓກ [ທສຓ຺ຓກ (ສີ. ສ຺ຍາ. ປີ.)] ຊາຕກໍ ຉຏ຺ຐໍ.

ວິພ຺ຠນ຺ຕຈິຕ຺ໂຕ ກຸປິຕິນ຺ທ຺ຣິໂຍສິ, ເນຕ຺ເຕຫິ ເຕ ວາຣິຄຓາ ສວນ຺ຕິ;

ກິໍ ເຕ ນຏ຺ຐໍ ກິໍ ປນ ປຕ຺ຖຍາໂນ, ອິຘາຄມາ ພ຺ຣຫ຺ເມ ຕທິງ຺ຆ [ພ຺ຣາຫ຺ມຓ ອິງ຺ຆ (ສີ. ສ຺ຍາ.)] ພ຺ຣູຫິ.

ມິຍ຺ເຍຖ ຠຣິຍາ ວຊໂຕ ມມຊ຺ຊ, ອຄຈ຺ຉໂຕ ມຣຓມາຫ ຍກ຺ໂຂ;

ເອເຕນ ທຸກ຺ເຂນ ປເວຘິໂຕສ຺ມິ, ອກ຺ຂາຫິ ເມ ເສນກ ເອຕມຕ຺ຖໍ.

ພຫູນິ ຐານານິ ວິຈິນ຺ຕຍິຕ຺ວາ, ຍເມຕ຺ຖ ວກ຺ຂາມິ ຕເທວ ສຈ຺ຈໍ;

ມຎ຺ຎາມິ ເຕ ພ຺ຣາຫ຺ມຓ ສຕ຺ຕຸຠສ຺ຕໍ, ອຊານໂຕ ກຓ຺ຫສປ຺ໂປ ປວິຏ຺ໂຐ.

ອາທາຍ ¶ ທຓ຺ຑໍ ປຣິສຸມ຺ຠ ຠສ຺ຕໍ, ປສ຺ເສຬມູຄໍ ອຸຣຄໍ ທຸຊິວ຺ຫໍ [ທິຊິວ຺ຫໍ (ສີ. ປີ.)];

ຉິນ຺ທຊ຺ຊ ກງ຺ຂໍ ວິຈິກິຈ຺ຉິຕານິ, ຠຸຊງ຺ຄມໍ ປສ຺ສ ປມຸຎ຺ຈ ຠສ຺ຕໍ.

ສໍວິຄ຺ຄຣູໂປ ¶ ປຣິສາຍ ມຊ຺ເຌ, ໂສ ພ຺ຣາຫ຺ມໂຓ ສຕ຺ຕຸຠສ຺ຕໍ ປມຸຎ຺ຈິ;

ອຖ ນິກ຺ຂມິ ອຸຣໂຄ ອຸຄ຺ຄເຕໂຊ, ອາສີວິໂສ ສປ຺ໂປ ຜຓໍ ກຣິຕ຺ວາ.

ສຸລທ຺ຘລາຠາ ຊນກສ຺ສ ຣຎ຺ໂຎ, ໂຍ ປສ຺ສຕີ ເສນກໍ ສາຘຸປຎ຺ຎໍ;

ວິວຏ຺ຏຉທ຺ໂທ [ວິວຕ຺ຕຈ຺ຉທ຺ໂທ (ສີ.), ວິວຏ຺ຏຈ຺ຉໂທ (ສ຺ຍາ.), ວິວຏ຺ຏຈ຺ຉທ຺ທາ (ປີ.)] ນຸສິ ສພ຺ພທສ຺ສີ, ຎາຓໍ ນຸ ເຕ ພ຺ຣາຫ຺ມຓ ຠິໍສຣູປໍ.

ອິມານິ ເມ ສຕ຺ຕສຕານິ ອຕ຺ຖິ, ຄຓ຺ຫາຫິ ສພ຺ພານິ ທທາມິ ຕຸຍ຺ຫໍ;

ຕຍາ ຫິ ເມ ຊີວິຕມຊ຺ຊ ລທ຺ຘໍ, ອໂຖປິ ຠຣິຍາຍ ມກາສິ ໂສຕ຺ຖິໍ.

ນ ປຓ຺ຑິຕາ ເວຕນມາທິຍນ຺ຕິ, ຈິຕ຺ຣາຫິ ຄາຖາຫິ ສຸຠາສິຕາຫິ;

ອິໂຕປິ ເຕ ພ຺ຣຫ຺ເມ ທທນ຺ຕຸ ວິຕ຺ຕໍ, ອາທາຍ ຕ຺ວໍ ຄຈ຺ຉ ສກໍ ນິເກຕນ຺ຕິ.

ສຕ຺ຕຸຠສ຺ຕຊາຕກໍ [ເສນກຊາຕກໍ (ສ຺ຍາ.)] ສຕ຺ຕມໍ.

ເຍເມ ¶ ອຫໍ ນ ຊານາມິ, ອຏ຺ຐິເສນ ວນິພ຺ພເກ;

ເຕ ມໍ ສງ຺ຄມ຺ມ ຍາຈນ຺ຕິ, ກສ຺ມາ ມໍ ຕ຺ວໍ ນ ຍາຈສິ.

ຍາຈໂກ ¶ ອປ຺ປິໂຍ ໂຫຕິ, ຍາຈໍ ອທທມປ຺ປິໂຍ;

ຕສ຺ມາຫໍ ຕໍ ນ ຍາຈາມິ, ມາ ເມ ວິເທສ຺ສນາ [ວິທ຺ເທສນາ (ສີ. ປີ.)] ອຫຸ.

ໂຍ ¶ ເວ ຍາຈນຊີວາໂນ, ກາເລ ຍາຈໍ ນ ຍາຈຕິ;

ປຣຎ຺ຈ ປຸຎ຺ຎາ [ປຸຎ຺ຎໍ (ສ຺ຍາ. ກ.)] ຘໍເສຕິ, ອຕ຺ຕນາປິ ນ ຊີວຕິ.

ໂຍ ຈ [ໂຍ ເວ (ກ.)] ຍາຈນຊີວາໂນ, ກາເລ ຍາຈຎ຺ຫິ ຍາຈຕິ [ຍາຈໍປິ ຍາຈຕິ (ສ຺ຍາ.), ຍາຈານິ ຍາຈຕິ (ປີ.), ຍາຈຕິ ຍາຈນໍ (ສີ. ນິຍ຺ຍ), ຍາຈນໍ ຍາຈຕິ (ກ.)];

ປຣຎ຺ຈ ປຸຎ຺ຎໍ ລພ຺ເຠຕິ, ອຕ຺ຕນາປິ ຈ ຊີວຕິ.

ນ ເວ ເທສ຺ສນ຺ຕິ [ນ ເວ ທຸສ຺ສນ຺ຕິ (ສ຺ຍາ.), ນ ເວ ທິສ຺ສນ຺ຕິ (ປີ.), ນ ວິເທສ຺ສນ຺ຕິ (ກ. ອຏ຺ຐ.)] ສປ຺ປຎ຺ຎາ, ທິສ຺ວາ ຍາຈກມາຄເຕ;

ພ຺ຣຫ຺ມຈາຣິ ປິໂຍ ເມສິ, ວທ ຕ຺ວໍ [ວຣ ຕໍ (ສີ.), ວຣ ຕ຺ວໍ (ປີ.)] ຠຎ຺ຎມິຈ຺ຉສິ [ຍຎ຺ຎມິຈ຺ຉສິ (?)].

ນ ເວ ຍາຈນ຺ຕິ ສປ຺ປຎ຺ຎາ, ຘີໂຣ ຈ ເວທິຕຸມຣຫຕິ;

ອຸທ຺ທິສ຺ສ ອຣິຍາ ຕິຏ຺ຐນ຺ຕິ, ເອສາ ອຣິຍານ ຍາຈນາ.

ທທາມິ ເຕ ພ຺ຣາຫ຺ມຓ ໂຣຫິຓີນໍ, ຄວໍ ສຫສ຺ສໍ ສຫ ປຸງ຺ຄເວນ;

ອຣິໂຍ ຫິ ອຣິຍສ຺ສ ກຖໍ ນ ທຊ຺ຊາ, ສຸຕ຺ວານ ຄາຖາ ຕວ ຘມ຺ມຍຸຕ຺ຕາຕິ.

ຍຕ຺ຖ ¶ ເວຣີ ນິວສຕິ, ນ ວເສ ຕຕ຺ຖ ປຓ຺ຑິໂຕ;

ເອກຣຕ຺ຕໍ ທິຣຕ຺ຕໍ ວາ, ທຸກ຺ຂໍ ວສຕິ ເວຣິສຸ.

ທິໂສ ເວ ລຫຸຈິຕ຺ຕສ຺ສ, ໂປສສ຺ສານຸວິຘີຍໂຕ;

ເອກສ຺ສ ກປິໂນ ເຫຕຸ, ຍູຖສ຺ສ ອນໂຍ ກໂຕ.

ພາໂລວ [ຈ (ສີ. ສ຺ຍາ. ປີ.)] ປຓ຺ຑິຕມານີ, ຍູຖສ຺ສ ປຣິຫາຣໂກ;

ສຈິຕ຺ຕສ຺ສ ວສໍ ຄນ຺ຕ຺ວາ, ສເຍຖາຍໍ [ປສ຺ເສຖາຍໍ (ກ.)] ຍຖາ ກປິ.

ນ ສາຘຸ ພລວາ ພາໂລ, ຍູຖສ຺ສ ປຣິຫາຣໂກ;

ອຫິໂຕ ຠວຕິ ຎາຕີນໍ, ສກຸຓານໍວ ເຈຕໂກ [ເຈຏໂກ (ກ.)].

ຘີໂຣວ ¶ ພລວາ ສາຘຸ, ຍູຖສ຺ສ ປຣິຫາຣໂກ;

ຫິໂຕ ຠວຕິ ຎາຕີນໍ, ຕິທສານໍວ ວາສໂວ.

ໂຍ ຈ ສີລຎ຺ຈ ປຎ຺ຎຎ຺ຈ, ສຸຕຎ຺ຈຕ຺ຕນິ ປສ຺ສຕິ;

ອຸຠິນ຺ນມຕ຺ຖໍ ຈຣຕິ, ອຕ຺ຕໂນ ຈ ປຣສ຺ສ ຈ.

ຕສ຺ມາ ຕຸເລຍ຺ຍ ມຕ຺ຕານໍ, ສີລປຎ຺ຎາສຸຕາມິວ [ສີລໍ ປຎ຺ຎໍ ສຸຕໍປິວ (ສ຺ຍາ.)];

ຄຓໍ ວາ ປຣິຫເຣ ຘີໂຣ, ເອໂກ ວາປິ ປຣິພ຺ພເຊຕິ.

ທ຺ວາສຕ຺ຕຕິ ¶ ໂຄຕມ [ໂຠ ໂຄຕມ (ກ.)] ປຸຎ຺ຎກມ຺ມາ, ວສວຕ຺ຕິໂນ ¶ ຊາຕິຊຣໍ ອຕີຕາ;

ອຍມນ຺ຕິມາ ເວທຄູ ພ຺ຣຫ຺ມປຕ຺ຕິ [ພ຺ຣຫ຺ມຸປປຕ຺ຕິ (ສ຺ຍາ. ກ.)], ອສ຺ມາຠິຊປ຺ປນ຺ຕິ ຊນາ [ປຊາ (ກ.)] ອເນກາ.

ອປ຺ປຎ຺ຫິ ເອຕໍ [ອປ຺ປຎ຺ຈ ເຫຕໍ (ສ຺ຍາ.), ອປ຺ປໍສິ ເອຕໍ (ກ.)] ນ ຫິ ທີຆມາຍຸ, ຍໍ ຕ຺ວໍ ພກ ມຎ຺ຎສິ ທີຆມາຍຸໍ;

ສຕໍ ສຫສ຺ສານິ [ສຫສ຺ສານໍ (ສີ. ປີ. ສໍ. ນິ. ໑.໑໗໕), ສຫສ຺ສານ (ສ຺ຍາ. ກໍ.)] ນິຣພ຺ພຸທານໍ, ອາຍຸໍ ປຊານາມິ ຕວາຫ ພ຺ຣຫ຺ເມ.

ອນນ຺ຕທສ຺ສີ ຠຄວາຫມສ຺ມິ, ຊາຕິຊ຺ຊຣໍ ໂສກມຸປາຕິວຕ຺ໂຕ;

ກິໍ ເມ ປຸຣາຓໍ ວຕສີລວຕ຺ຕໍ [ສີລວນ຺ຕໍ (ປີ. ກ.)], ອາຈິກ຺ຂ ເມ ຕໍ ຍມຫໍ ວິຊຎ຺ຎໍ.

ຍໍ ຕ຺ວໍ ອປາເຍສິ ພຫູ ມນຸສ຺ເສ, ປິປາສິເຕ ຆມ຺ມນິ ສມ຺ປເຣເຕ;

ຕໍ ເຕ ປຸຣາຓໍ ວຕສີລວຕ຺ຕໍ, ສຸຕ຺ຕປ຺ປພຸທ຺ໂຘວ ອນຸສ຺ສຣາມິ.

ຍໍ ¶ ເອຓິກູລສ຺ມິ ຊນໍ ຄຫີຕໍ, ອໂມຈຍີ ຄຍ຺ຫກ ນິຍ຺ຍມານໍ;

ຕໍ ເຕ ປຸຣາຓໍ ວຕສີລວຕ຺ຕໍ, ສຸຕ຺ຕປ຺ປພຸທ຺ໂຘວ ອນຸສ຺ສຣາມິ.

ຄງ຺ຄາຍ ໂສຕສ຺ມິໍ ຄຫີຕນາວໍ, ລຸທ຺ເທນ ¶ ນາເຄນ ມນຸສ຺ສກປ຺ປາ;

ອໂມຈຍິ ຕ຺ວໍ ພລສາ ປສຍ຺ຫ, ຕໍ ເຕ ປຸຣາຓໍ ວຕສີລວຕ຺ຕໍ;

ກປ຺ໂປ ຈ ເຕ ພທ຺ຘຈໂຣ [ປຕ຺ຖຈໂຣ (ສ຺ຍາ.), ປຏ຺ຐຈໂຣ (ກ.)] ອໂຫສິ, ສມ຺ພຸທ຺ຘິມນ຺ຕໍ [ສມ຺ພຸທ຺ຘິວນ຺ຕໍ (ສ຺ຍາ. ປີ.), ສມ຺ພຸທ຺ຘວນ຺ຕໍ (ກ.)] ວຕິນໍ [ວຕິຕໍ (ສ຺ຍາ.), ວຕິທໍ (ກ.)] ອມຎ຺ຎໍ;

ຕໍ ເຕ ປຸຣາຓໍ ວຕສີລວຕ຺ຕໍ, ສຸຕ຺ຕປ຺ປພຸທ຺ໂຘວ ອນຸສ຺ສຣາມິ.

ອທ຺ຘາ ປຊານາສິ ມເມຕມາຍຸໍ, ອຎ຺ຎມ຺ປິ ຊານາສິ ຕຖາ ຫິ ພຸທ຺ໂຘ;

ຕຖາ ຫິ ຕາຍໍ [ຕ຺ຍາຍໍ (ສໍ. ນິ. ໑.໑໗໕)] ຊລິຕານຸຠາໂວ, ໂອຠາສຍໍ ຕິຏ຺ຐຕິ ພ຺ຣຫ຺ມໂລກນ຺ຕິ.

ວຣກຓ຺ຓິກ ຈາປວໂຣ ສຸຕໂນ, ອຖ ຄິຊ຺ຌ ສໂຣຫິຕມຈ຺ຉວໂຣ;

ປຸນ ປຓ຺ຓກ [ທສຓ຺ຓກ (ສີ. ສ຺ຍາ. ປີ.)] ເສນກ ຍາຈນໂກ, ອຖ ເວຣິ ສພ຺ຣຫ຺ມພເກນ ທສາຕິ.

ຫິຕ຺ວາ ¶ ¶ ¶ ຄາມສຫສ຺ສານິ, ປຣິປຸຓ຺ຓານິ ໂສຬສ;

ໂກຏ຺ຐາຄາຣານິ ຜີຕານິ, ສນ຺ນິຘິໍ ທານິ ກຸພ຺ພສິ.

ຫິຕ຺ວາ ຄນ຺ຘາຣວິສຍໍ, ປຫູຕຘນຘາຣິຍໍ [ຘານິຍໍ (ສີ. ປີ.), ຘຎ຺ຎນ຺ຕິ ອຕ຺ໂຖ];

ປສາສນໂຕ [ປສາສນິໂຕ (ສີ. ສ຺ຍາ.), ປສາສນາໂຕ (ປີ.)] ນິກ຺ຂນ຺ໂຕ, ອິຘ ທານິ ປສາສສິ.

ຘມ຺ມໍ ຠຓາມິ ເວເທຫ, ອຘມ຺ໂມ ເມ ນ ຣຸຈ຺ຈຕິ;

ຘມ຺ມໍ ເມ ຠຓມານສ຺ສ, ນ ປາປມຸປລິມ຺ປຕິ.

ເຍນ ເກນຈິ ວຓ຺ເຓນ, ປໂຣ ລຠຕິ ຣຸປ຺ປນໍ;

ມຫຕ຺ຖິຍມ຺ປິ ເຈ ວາຈໍ, ນ ຕໍ ຠາເສຍ຺ຍ ປຓ຺ຑິໂຕ.

ກາມໍ ຣຸປ຺ປຕຸ ວາ ມາ ວາ, ຠຸສໍວ ວິກິຣີຍຕຸ;

ຘມ຺ມໍ ເມ ຠຓມານສ຺ສ, ນ ປາປມຸປລິມ຺ປຕິ.

ໂນ ເຈ ອສ຺ສ ສກາ ພຸທ຺ຘິ, ວິນໂຍ ວາ ສຸສິກ຺ຂິໂຕ;

ວເນ ອນ຺ຘມຫິໍໂສວ [ອນ຺ຘມຫິໂສວ (ສີ. ປີ.)] ຈເຣຍ຺ຍ ພຫຸໂກ ຊໂນ.

ຍສ຺ມາ ຈ ປນິເຘກຈ຺ເຈ, ອາເຈຣມ຺ຫິ [ອາຈາຣມ຺ຫິ (ສີ. ປີ.)] ສຸສິກ຺ຂິຕາ;

ຕສ຺ມາ ວິນີຕວິນຍາ, ຈຣນ຺ຕິ ສຸສມາຫິຕາຕິ.

ອຕ຺ຕານໍ ¶ ສງ຺ກມໍ ກຕ຺ວາ, ໂຍ ໂສຕ຺ຖິໍ ສມຕາຣຍິ;

ກິໍ ຕ຺ວໍ ເຕສໍ ກິເມ [ກິໂມ (ສີ. ປີ.), ກິໍ ເມ (ສ຺ຍາ.)] ຕຸຍ຺ຫໍ, ໂຫນ຺ຕິ ເອເຕ [ເຫເຕ (ສ຺ຍາ.), ໂສ ເຕ (ກ.)] ມຫາກປິ.

ຣາຊາຫໍ ອິສ຺ສໂຣ ເຕສໍ, ຍູຖສ຺ສ ປຣິຫາຣໂກ;

ເຕສໍ ໂສກປເຣຕານໍ, ຠີຕານໍ ເຕ ອຣິນ຺ທມ.

ອຸລ຺ລງ຺ຆຍິຕ຺ວາ [ສ ລງ຺ຆຍິຕ຺ວາ (ປີ.), ສຸລງ຺ຆຍິຕ຺ວາ (ກ.)] ອຕ຺ຕານໍ, ວິສ຺ສຏ຺ຐຘນຸໂນ ສຕໍ;

ຕໂຕ ອປຣປາເທສຸ, ທຬ຺ຫໍ ພນ຺ຘໍ ລຕາຄຸຓໍ.

ຉິນ຺ນພ຺ຠມິວ ¶ ວາເຕນ, ນຸຓ຺ໂຓ [ນຸນ຺ໂນ (ສີ.)] ຣຸກ຺ຂໍ ອຸປາຄມິໍ;

ໂສຫໍ ອປ຺ປຠວໍ ຕຕ຺ຖ, ສາຂໍ ຫຕ຺ເຖຫິ ອຄ຺ຄຫິໍ.

ຕໍ ¶ ມໍ ວິຍາຍຕໍ ສນ຺ຕໍ, ສາຂາຍ ຈ ລຕາຍ ຈ;

ສມນຸກ຺ກມນ຺ຕາ ປາເທຫິ, ໂສຕ຺ຖິໍ ສາຂາມິຄາ ຄຕາ.

ຕໍ ມໍ ນ ຕປເຕ ພນ຺ໂຘ, ມໂຕ [ວໂຘ (ສີ. ສ຺ຍາ. ປີ.)] ເມ ນ ຕເປສ຺ສຕິ;

ສຸຂມາຫຣິຕໍ ເຕສໍ, ເຍສໍ ຣຊ຺ຊມກາຣຍິໍ.

ເອສາ ເຕ ອຸປມາ ຣາຊ, ຕໍ ສຸໂຓຫິ ອຣິນ຺ທມ [ອຕ຺ຖສນ຺ທສ຺ສນີ ກຕາ (ປີ.)];

ຣຎ຺ຎາ ຣຏ຺ຐສ຺ສ ໂຍຄ຺ຄສ຺ສ, ພລສ຺ສ ນິຄມສ຺ສ ຈ;

ສພ຺ເພສໍ ສຸຂເມຏ຺ຐພ຺ພໍ, ຂຕ຺ຕິເຍນ ປຊານຕາຕິ.

ອມ຺ພາຫມທ຺ທໍ ¶ ວນມນ຺ຕຣສ຺ມິໍ, ນີໂລຠາສໍ ຜລິຕໍ [ຜລິນໍ (ປີ.)] ສໍວິຣູຬ຺ຫໍ;

ຕມທ຺ທສໍ ຜລເຫຕຸ ວິຠຄ຺ຄໍ, ຕໍ ທິສ຺ວາ ຠິກ຺ຂາຈຣິຍໍ ຈຣາມິ.

ເສລໍ ສຸມຏ຺ຐໍ ນຣວີຣນິຏ຺ຐິຕໍ [ນຣວິທ຺ທຸນິຏ຺ຐິຕໍ (ກ.)], ນາຣີ ຍຸຄໍ ຘາຣຍິ ອປ຺ປສທ຺ທໍ;

ທຸຕິຍຎ຺ຈ ອາຄມ຺ມ ອໂຫສິ ສທ຺ໂທ, ຕໍ ທິສ຺ວາ ຠິກ຺ຂາຈຣິຍໍ ຈຣາມິ.

ທິຊາ ທິຊໍ ກຸຓປມາຫຣນ຺ຕໍ, ເອກໍ ສມານໍ ພຫຸກາ ສເມຈ຺ຈ;

ອາຫາຣເຫຕູ ປຣິປາຕຍິໍສຸ, ຕໍ ທິສ຺ວາ ຠິກ຺ຂາຈຣິຍໍ ຈຣາມິ.

ອຸສຠາຫມທ຺ທໍ ຍູຖສ຺ສ ມຊ຺ເຌ, ຈລກ຺ກກຸໍ ວຓ຺ຓພລູປປນ຺ນໍ;

ຕມທ຺ທສໍ ກາມເຫຕຸ ວິຕຸນ຺ນໍ, ຕໍ ທິສ຺ວາ ຠິກ຺ຂາຈຣິຍໍ ຈຣາມິ.

ກຣຓ຺ຑໂກ ¶ [ກຣຓ຺ຑຸນາມ (ສີ. ປີ.)] ກລິງ຺ຄານໍ, ຄນ຺ຘາຣານຎ຺ຈ ນຄ຺ຄຊິ;

ນິມິຣາຊາ ວິເທຫານໍ, ປຎ຺ຈາລານຎ຺ຈ ທຸມ຺ມຸໂຂ;

ເອເຕ ຣຏ຺ຐານິ ຫິຕ຺ວານ, ປພ຺ພຊິໍສຸ ອກິຎ຺ຈນາ.

ສພ຺ເພປິເມ ¶ ເທວສມາ ສມາຄຕາ, ອຄ຺ຄີ ຍຖາ ປຊ຺ຊລິໂຕ ຕເຖວິເມ;

ອຫມ຺ປິ ເອໂກ ຈຣິສ຺ສາມິ ຠຄ຺ຄວິ, ຫິຕ຺ວານ ກາມານິ ຍໂຖຘິການິ.

ອຍເມວ ກາໂລ ນ ຫິ ອຎ຺ໂຎ ອຕ຺ຖິ, ອນຸສາສິຕາ ເມ ນ ຠເວຍ຺ຍ ປຈ຺ຉາ;

ອຫມ຺ປິ ເອກາ ຈຣິສ຺ສາມິ ຠຄ຺ຄວ, ສກຸຓີວ ມຸຕ຺ຕາ ປຸຣິສສ຺ສ ຫຕ຺ຖາ.

ອາມໍ ປກ຺ກຎ຺ຈ ຊານນ຺ຕິ, ອໂຖ ໂລຓໍ ອໂລຓກໍ;

ຕມຫໍ ທິສ຺ວານ ປພ຺ພຊິໍ, ຈເຣວ ຕ຺ວໍ ຈຣາມຫນ຺ຕິ.

ອຫໍ ¶ ເຈ ທຬ຺ຫຘມ຺ມສ຺ສ [ທຬ຺ຫຘມ຺ມາຍ (ປີ.)], ວຫນ຺ຕິ ນາຠິຣາຘຍິໍ;

ຘຣນ຺ຕີ ອຸຣສິ ສລ຺ລໍ, ຍຸທ຺ເຘ ວິກ຺ກນ຺ຕຈາຣິນີ.

ນູນ ຣາຊາ ນ ຊານາຕິ [ນ ຫ ນູນ ຣາຊາ ຊານາຕິ (ສີ. ປີ.)], ມມ ວິກ຺ກມໂປຣິສໍ;

ສງ຺ຄາເມ ສຸກຕນ຺ຕານິ, ທູຕວິປ຺ປຫິຕານິ ຈ.

ສາ ນູນາຫໍ ມຣິສ຺ສາມິ, ອພນ຺ຘຸ ອປຣາຍິນີ [ອປຣາຍິຓີ (ສີ.), ອປຣາຍຓີ (?)];

ຕທາ ¶ ຫິ [ຕຖາ ຫິ (ປີ.)] ກຸມ຺ຠກາຣສ຺ສ, ທິນ຺ນາ ຉກຓຫາຣິກາ.

ຍາວຕາສີສຕີ ໂປໂສ, ຕາວເທວ ປວີຓຕິ;

ອຕ຺ຖາປາເຍ ຊຫນ຺ຕິ ນໍ, ໂອຏ຺ຐິພ຺ຍາຘິໍວ ຂຕ຺ຕິໂຍ.

ໂຍ ປຸພ຺ເພ ກຕກລ຺ຍາໂຓ, ກຕຕ຺ໂຖ ນາວພຸຊ຺ຌຕິ;

ອຕ຺ຖາ ຕສ຺ສ ປລຸຊ຺ຊນ຺ຕິ, ເຍ ໂຫນ຺ຕິ ອຠິປຕ຺ຖິຕາ.

ໂຍ ¶ ປຸພ຺ເພ ກຕກລ຺ຍາໂຓ, ກຕຕ຺ໂຖ ມນຸພຸຊ຺ຌຕິ;

ອຕ຺ຖາ ຕສ຺ສ ປວຑ຺ຒນ຺ຕິ, ເຍ ໂຫນ຺ຕິ ອຠິປຕ຺ຖິຕາ.

ຕໍ ໂວ ວທາມິ ຠທ຺ທນ຺ເຕ [ຠທ຺ທໍ ໂວ (ສີ. ສ຺ຍາ. ປີ.)], ຍາວນ຺ເຕຕ຺ຖ ສມາຄຕາ;

ສພ຺ເພ ກຕຎ຺ຎຸໂນ ໂຫຖ, ຈິຣໍ ສຄ຺ຄມ຺ຫິ ຐສ຺ສຖາຕິ.

ໂຍ ມໍ ປຸເຣ ປຈ຺ຈຸຑ຺ເຑຕິ [ປຈ຺ຈຸເທຕິ (ສີ. ສ຺ຍາ. ປີ.), ປຈ຺ຈຸຏ຺ເຐຕິ (ກ.)], ອຣຎ຺ເຎ ທູຣມາຍໂຕ;

ໂສ ນ ທິສ຺ສຕິ ມາຕງ຺ໂຄ, ໂສມທຕ຺ໂຕ ກຸຫິໍ ຄໂຕ.

ອຍໍ ວາ ໂສ ມໂຕ ເສຕິ, ອລ຺ລສິງ຺ຄໍວ ວຈ຺ຉິໂຕ [ອລ຺ລປິງ຺ກວ ຉິຊ຺ຊິໂຕ (ສີ. ປີ.), ອລ຺ລປີຕໍວ ວິຈ຺ຉິໂຕ (ສ຺ຍາ.)];

ຠຸມ຺ຍາ ນິປຕິໂຕ ເສຕິ, ອມຣາ ວຕ ກຸຎ຺ຊໂຣ.

ອນຄາຣິຍຸເປຕສ຺ສ, ວິປ຺ປມຸຕ຺ຕສ຺ສ ເຕ ສໂຕ;

ສມຓສ຺ສ ນ ຕໍ ສາຘຸ, ຍໍ ເປຕມນຸໂສຈສິ.

ສໍວາເສນ ຫເວ ສກ຺ກ, ມນຸສ຺ສສ຺ສ ມິຄສ຺ສ ວາ;

ຫທເຍ ¶ ຊາຍເຕ ເປມໍ, ຕໍ ນ ສກ຺ກາ ອໂສຈິຕຸໍ.

ມຕໍ ມຣິສ຺ສໍ ໂຣທນ຺ຕິ, ເຍ ຣຸທນ຺ຕິ ລປນ຺ຕິ ຈ;

ຕສ຺ມາ ຕ຺ວໍ ອິສິ ມາ ໂຣທິ, ໂຣທິຕໍ ໂມຆມາຫຸ ສນ຺ໂຕ.

ກນ຺ທິເຕນ ¶ ຫເວ ພ຺ຣຫ຺ເມ, ມໂຕ ເປໂຕ ສມຸຏ຺ຐເຫ;

ສພ຺ເພ ສງ຺ຄມ຺ມ ໂຣທາມ, ອຎ຺ຎມຎ຺ຎສ຺ສ ຎາຕເກ.

ອາທິຕ຺ຕໍ ວຕ ມໍ ສນ຺ຕໍ, ຆຕສິຕ຺ຕໍວ ປາວກໍ;

ວາຣິນາ ວິຍ ໂອສິຎ຺ຈໍ, ສພ຺ພໍ ນິພ຺ພາປເຍ ທຣໍ.

ອພ຺ພຫີ ວຕ ເມ ສລ຺ລໍ, ຍມາສິ ຫທຍສ຺ສິຕໍ;

ໂຍ ເມ ໂສກປເຣຕສ຺ສ, ປຸຕ຺ຕໂສກໍ ອປານຸທິ.

ໂສຫໍ ອພ຺ພູຬ຺ຫສລ຺ໂລສ຺ມິ, ວີຕໂສໂກ ອນາວິໂລ;

ນ ໂສຈາມິ ນ ໂຣທາມິ, ຕວ ສຸຕ຺ວານ ວາສວາຕິ.

ກາຬານິ ¶ ເກສານິ ປຸເຣ ອເຫສຸໍ, ຊາຕານິ ສີສມ຺ຫິ ຍຖາປເທເສ;

ຕານຊ຺ຊ ເສຕານິ ສຸສີມ [ສຸສິມ (ກ.)] ທິສ຺ວາ, ຘມ຺ມໍ ຈຣ ພ຺ຣຫ຺ມຈຣິຍສ຺ສ ກາໂລ.

ມເມວ ເທວ ປລິຕໍ ນ ຕຸຍ຺ຫໍ, ມເມວ ສີສໍ ມມ ອຸຕ຺ຕມງ຺ຄໍ;

‘‘ອຕ຺ຖໍ ¶ ກຣິສ຺ສ’’ນ຺ຕິ ມຸສາ ອຠາຓິໍ [ອຠາສິໍ (ກ.)], ເອກາປຣາຘໍ ຂມ ຣາຊເສຏ຺ຐ.

ທຫໂຣ ຕຸວໍ ທສ຺ສນິໂຍສິ ຣາຊ, ປຐມຸຄ຺ຄໂຕ ໂຫສິ [ໂຫຫິ (ສີ.), ໂຫຕິ (ກ.)] ຍຖາ ກຬີໂຣ;

ຣຊ຺ຊຎ຺ຈ ກາເຣຫິ ມມຎ຺ຈ ປສ຺ສ, ມາ ກາລິກໍ ອນຸຘາວີ ຊນິນ຺ທ.

ປສ຺ສາມິ ໂວຫໍ ທຫຣິໍ ກຸມາຣິໍ, ສາມຏ຺ຐປສ຺ສໍ ສຸຕນຸໍ ສຸມຊ຺ຌໍ;

ກາຬປ຺ປວາຬາວ ປເວລ຺ລມານາ, ປໂລຠຍນ຺ຕີວ [ສາ ໂລຠຍນ຺ຕີວ (ປີ.)] ນເຣສຸ ຄຈ຺ຉຕິ.

ຕເມນ ປສ຺ສາມິປເຣນ ນາຣິໍ, ອາສີຕິກໍ ນາວຸຕິກໍ ວ ຊຈ຺ຈາ;

ທຓ຺ຑໍ ຄເຫຕ຺ວານ ປເວຘມານໍ, ໂຄປານສີໂຠຄ຺ຄສມໍ ຈຣນ຺ຕິໍ.

ໂສຫໍ ຕເມວານຸວິຈິນ຺ຕຍນ຺ໂຕ, ເອໂກ ສຍາມິ [ປສ຺ສາມິ (ກ.)] ສຍນສ຺ສ ມຊ຺ເຌ;

‘‘ອຫມ຺ປິ ເອວໍ’’ ອິຕິ ເປກ຺ຂມາໂນ, ນ ຄເຫ ຣເມ [ນ ເຄເຫ ຣເມ (ສີ.), ເຄເຫ ນ ຣເມ (ສ຺ຍາ. ກ.)] ພ຺ຣຫ຺ມຈຣິຍສ຺ສ ກາໂລ.

ຣຊ຺ຊຸວາລມ຺ພນີ ¶ ເຈສາ, ຍາ ເຄເຫ ວສໂຕ ຣຕິ;

ເອວມ຺ປິ ¶ ເຉຕ຺ວານ ວຊນ຺ຕິ ຘີຣາ, ອນເປກ຺ຂິໂນ ກາມສຸຂໍ ປຫາຍາຕິ.

ອຫໍ ທສສຕໍພ຺ຍາມໍ, ອຸຣຄມາທາຍ ອາຄໂຕ;

ຕຎ຺ຈ ມຎ຺ຈ ມຫາກາຍໍ, ຘາຣຍໍ ນປ຺ປເວຘສິ [ນ ປເວຘຍິ (ກ.)].

ອຖິມໍ ¶ ຂຸທ຺ທກໍ ປກ຺ຂິໍ, ອປ຺ປມໍສຕຣໍ ມຍາ;

ຘາຣຍໍ ພ຺ຍຖສິ [ພ຺ຍາຘເສ (ສີ.), ພ຺ຍຘເສ (ປີ.), ພ຺ຍາຘສິ (ກ.)] ຠີຕາ [ຠີໂຕ (ສີ. ສ຺ຍາ. ປີ.)], ກມຕ຺ຖໍ ໂກຏສິມ຺ພລິ [ໂກຏິສິມ຺ພລິ (ສີ. ປີ.)].

ມໍສຠກ຺ໂຂ ຕຸວໍ ຣາຊ, ຜລຠກ຺ໂຂ ອຍໍ ທິໂຊ;

ອຍໍ ນິຄ຺ໂຣຘພີຊານິ, ປິລກ຺ຂຸທຸມ຺ພຣານິ ຈ;

ອສ຺ສຕ຺ຖານິ ຈ ຠກ຺ຂິຕ຺ວາ, ຂນ຺ເຘ ເມ ໂອຫທິສ຺ສຕິ.

ເຕ ຣຸກ຺ຂາ ສໍວິຣູຫນ຺ຕິ, ມມ ປສ຺ເສ ນິວາຕຊາ;

ເຕ ມໍ ປຣິໂຍນນ຺ຘິສ຺ສນ຺ຕິ, ອຣຸກ຺ຂໍ ມໍ ກຣິສ຺ສເຣ.

ສນ຺ຕິ ອຎ຺ເຎປິ ຣຸກ຺ຂາ ເສ, ມູລິໂນ ຂນ຺ຘິໂນ ທຸມາ;

ອິມິນາ ສກຸຓຊາເຕນ, ພີຊມາຫຣິຕາ ຫຕາ.

ອຊ຺ຌາຣູຫາຠິວຑ຺ຒນ຺ຕິ [ອຊ຺ຌາຣູຬ຺ຫາຠິວຑ຺ຒນ຺ຕິ (ສີ. ປີ.)], ພ຺ຣຫນ຺ຕມ຺ປິ ວນປ຺ປຕິໍ;

ຕສ຺ມາ ຣາຊ ປເວຘາມິ, ສມ຺ປສ຺ສໍນາຄຕໍ ຠຍໍ.

ສງ຺ເກຍ຺ຍ ສງ຺ກິຕພ຺ພານິ, ຣກ຺ເຂຍ຺ຍານາຄຕໍ ຠຍໍ;

ອນາຄຕຠຍາ ¶ ຘີໂຣ, ອຸໂຠ ໂລເກ ອເວກ຺ຂຕີຕິ.

ຣາຊາ ອປຸຈ຺ຉິ ວິຘຸຣໍ, ຘມ຺ມກາໂມ ຍຸຘິຏ຺ຐິໂລ;

ອປິ ພ຺ຣາຫ຺ມຓ ຊານາສິ, ໂກ ເອໂກ ພຫຸ ໂສຈຕິ.

ພ຺ຣາຫ຺ມໂຓ ¶ ອຊຍູເຖນ, ປຫູເຕໂຘ [ພຫູເຕໂຊ (ປີ. ກ.), ພຫຸເຕນ຺ໂທ (ສ຺ຍາ.)] ວເນ ວສໍ;

ຘູມໍ ອກາສິ ວາເສຏ຺ໂຐ, ຣຕ຺ຕິນ຺ທິວມຕນ຺ທິໂຕ.

ຕສ຺ສ ຕໍ ຘູມຄນ຺ເຘນ, ສຣຠາ ມກສຑ຺ຑິຕາ [ມກສທ຺ທິຕາ (ສີ. ສ຺ຍາ.), ມກສຏ຺ຏິຕາ (ປີ. ກ.)];

ວສ຺ສາວາສໍ ອຸປາຄຈ຺ຉຸໍ, ຘູມກາຣິສ຺ສ ສນ຺ຕິເກ.

ສຣເຠສຸ ມນໍ ກຕ຺ວາ, ອຊາ ໂສ ນາວພຸຊ຺ຌຖ;

ອາຄຈ຺ຉນ຺ຕີ ວຊນ຺ຕີ ວາ [ອາຄຈ຺ຉນ຺ຕິ ວຊນ຺ຕິ ວາ (ສ຺ຍາ. ປີ.), ອາຄຈ຺ຉນ຺ຕິໍ ວຊນ຺ຕິໍ ວາ (ກ.)], ຕສ຺ສ ຕາ ວິນສຸໍ [ວິນສ຺ສຸໍ (ສີ.)] ອຊາ.

ປາວິສຸໍ ຄິຣິທຸຄ຺ຄານິ, ນທີນໍ ປຠວານິ ຈ.

ສຣເຠ ຈ ຄເຕ ທິສ຺ວາ, ອຊາ ຈ ວິຠວໍ ຄຕາ [ອເຊ ຈ ວິຠວໍ ຄເຕ (ກ.)];

ກິໂສ ຈ ວິວຓ຺ໂຓ ຈາສິ, ປຓ຺ຑຸໂຣຄີ ຈ ພ຺ຣາຫ຺ມໂຓ.

ເອວໍ ¶ ໂຍ ສໍ ນິຣໍກຕ຺ວາ, ອາຄນ຺ຕຸໍ ກຸຣຸເຕ ປິຍໍ;

ໂສ ເອໂກ ພຫຸ ໂສຈຕິ, ຘູມກາຣີວ ພ຺ຣາຫ຺ມໂຓຕິ.

ໂກຘ ¶ ຊາຄຣຕໍ ສຸຕ຺ໂຕ, ໂກຘ ສຸຕ຺ເຕສຸ ຊາຄໂຣ;

ໂກ ມເມຕໍ ວິຊານາຕິ, ໂກ ຕໍ ປຏິຠຓາຕິ ເມ.

ອຫໍ ຊາຄຣຕໍ ສຸຕ຺ໂຕ, ອຫໍ ສຸຕ຺ເຕສຸ ຊາຄໂຣ;

ອຫເມຕໍ ວິຊານາມິ, ອຫໍ ປຏິຠຓາມິ ເຕ.

ກຖໍ ຊາຄຣຕໍ ສຸຕ຺ໂຕ, ກຖໍ ສຸຕ຺ເຕສຸ ຊາຄໂຣ;

ກຖໍ ເອຕໍ ວິຊານາສິ, ກຖໍ ປຏິຠຓາສິ ເມ.

ເຍ ຘມ຺ມໍ ນປ຺ປຊານນ຺ຕິ, ສໍຍໂມຕິ ທໂມຕິ ຈ;

ເຕສຸ ສຸປ຺ປມາເນສຸ, ອຫໍ ຊຄ຺ຄາມິ ເທວເຕ.

ເຍສໍ ຣາໂຄ ຈ ໂທໂສ ຈ, ອວິຊ຺ຊາ ຈ ວິຣາຊິຕາ;

ເຕສຸ ຊາຄຣມາເນສຸ, ອຫໍ ສຸຕ຺ໂຕສ຺ມິ ເທວເຕ.

ເອວໍ ¶ ຊາຄຣຕໍ ສຸຕ຺ໂຕ, ເອວໍ ສຸຕ຺ເຕສຸ ຊາຄໂຣ;

ເອວເມຕໍ ວິຊານາມິ, ເອວໍ ປຏິຠຓາມິ ເຕ.

ສາຘຸ ຊາຄຣຕໍ ສຸຕ຺ໂຕ, ສາຘຸ ສຸຕ຺ເຕສຸ ຊາຄໂຣ;

ສາຘຸເມຕໍ ວິຊານາສິ, ສາຘຸ ປຏິຠຓາສິ ເມຕິ.

໔໑໕. ກຸມ຺ມາສປິຓ຺ຑິຊາຕກໍ (໗-໒-໑໐)

ນ ກິຣຕ຺ຖິ ອໂນມທສ຺ສິສຸ, ປາຣິຈຣິຍາ ພຸທ຺ເຘສຸ ອປ຺ປິກາ [ອປ຺ປກາ (ກ.)];

ສຸກ຺ຂາຍ ¶ ອໂລຓິກາຍ ຈ, ປສ຺ສຜລໍ ກຸມ຺ມາສປິຓ຺ຑິຍາ.

ຫຕ຺ຖິຄວສ຺ສາ ຈິເມ ພຫູ [ຫຕ຺ຖິຄວາສ຺ສາ ຈ ເມ ພຫູ (ສີ.), ຫຕ຺ຖີ ຄວາສ຺ສາ ຈິເມ ພຫູ (ສ຺ຍາ.), ຫຕ຺ຖີ ຄວາສ຺ສາ ຈ ເມ ພຫູ (ປີ.)], ຘນຘຎ຺ຎໍ ປຖວີ ຈ ເກວລາ;

ນາຣິໂຍ ຈິມາ ອຈ຺ຉຣູປມາ, ປສ຺ສຜລໍ ກຸມ຺ມາສປິຓ຺ຑິຍາ.

ອຠິກ຺ຂຓໍ ຣາຊກຸຎ຺ຊຣ, ຄາຖາ ຠາສສິ ໂກສລາຘິປ;

ປຸຈ຺ຉາມິ ຕໍ ຣຏ຺ຐວຑ຺ຒນ, ພາຬ຺ຫໍ ປີຕິມໂນ ປຠາສສິ.

ອິມສ຺ມິຎ຺ເຎວ ນຄເຣ, ກຸເລ ອຎ຺ຎຕເຣ ອຫຸໍ;

ປຣກມ຺ມກໂຣ ອາສິໍ, ຠຕໂກ ສີລສໍວຸໂຕ.

ກມ຺ມາຍ ¶ ນິກ຺ຂມນ຺ໂຕຫໍ, ຈຕຸໂຣ ສມເຓທ຺ທສໍ;

ອາຈາຣສີລສມ຺ປນ຺ເນ, ສີຕິຠູເຕ ອນາສເວ.

ເຕສຸ ຈິຕ຺ຕໍ ປສາເທຕ຺ວາ, ນິສີເທຕ຺ວາ [ນິສາເທຕ຺ວາ (?)] ປຓ຺ຓສນ຺ຖເຕ;

ອທໍ ພຸທ຺ຘານ ກຸມ຺ມາສໍ, ປສນ຺ໂນ ເສຫິ ປາຓິຠິ.

ຕສ຺ສ ¶ ກມ຺ມສ຺ສ ກຸສລສ຺ສ, ອິທໍ ເມ ເອທິສໍ ຜລໍ;

ອນຸໂຠມິ ອິທໍ ຣຊ຺ຊໍ, ຜີຕໍ ຘຣຓິມຸຕ຺ຕມໍ.

ທທໍ ຠຸຎ຺ຊ ມາ ຈ ປມາໂທ [ທທ ຠຸຎ຺ຊ ຈ ມາ ຈ ປມາໂທ (ສີ. ປີ.)], ຈກ຺ກໍ ວຕ຺ຕຍ ໂກສລາຘິປ;

ມາ ¶ ຣາຊ ອຘມ຺ມິໂກ ອຫຸ, ຘມ຺ມໍ ປາລຍ ໂກສລາຘິປ.

ໂສຫໍ ຕເທວ ປຸນປ຺ປຸນໍ, ວຏຸມໍ ອາຈຣິສ຺ສາມິ ໂສຠເນ;

ອຣິຍາຈຣິຕໍ ສຸໂກສເລ, ອຣຫນ຺ໂຕ ເມ ມນາປາວ ປສ຺ສິຕຸໍ.

ເທວີ ວິຍ ອຈ຺ຉຣູປມາ, ມຊ຺ເຌ ນາຣິຄຓສ຺ສ ໂສຠສິ;

ກິໍ ກມ຺ມມກາສິ ຠທ຺ທກໍ, ເກນາສິ ວຓ຺ຓວຕີ ສຸໂກສເລ.

ອມ຺ພຏ຺ຐກຸລສ຺ສ ຂຕ຺ຕິຍ, ທາສ຺ຍາຫໍ ປຣເປສິຍາ ອຫຸໍ;

ສຎ຺ຎຕາ ຈ [ສຎ຺ຎຕາ (ສີ. ປີ.)] ຘມ຺ມຊີວິນີ, ສີລວຕີ ຈ ອປາປທສ຺ສນາ.

ອຸທ຺ຘຏຠຕ຺ຕໍ ອຫໍ ຕທາ, ຈຣມານສ຺ສ ອທາສິ ຠິກ຺ຂຸໂນ;

ວິຕ຺ຕາ ສຸມນາ ສຍໍ ອຫໍ, ຕສ຺ສ ກມ຺ມສ຺ສ ຜລໍ ມເມທິສນ຺ຕິ.

ອາຄມິສ຺ສຕິ ¶ ເມ ປາປໍ, ອາຄມິສ຺ສຕິ ເມ ຠຍໍ;

ຕທາ ຫິ ຈລິຕາ ສາຂາ, ມນຸສ຺ເສນ ມິເຄນ ວາ.

ຠີຣຸຍາ ນູນ ເມ ກາໂມ, ອວິທູເຣ ວສນ຺ຕິຍາ;

ກຣິສ຺ສຕິ ກິສໍ ປຓ຺ຑຸໍ, ສາວ ສາຂາ ປຣນ຺ຕປໍ.

ໂສຈຍິສ຺ສຕິ ¶ ມໍ ກນ຺ຕາ, ຄາເມ ວສມນິນ຺ທິຕາ;

ກຣິສ຺ສຕິ ກິສໍ ປຓ຺ຑຸໍ, ສາວ ສາຂາ ປຣນ຺ຕປໍ.

ຕຍາ ມໍ ອສິຕາປງ຺ຄິ [ຫສິຕາປງ຺ຄິ (ສີ. ສ຺ຍາ. ປີ.)], ສິຕານິ [ມິຫິຕານິ (ສີ. ສ຺ຍາ. ປີ.)] ຠຓິຕານິ ຈ;

ກິສໍ ປຓ຺ຑຸໍ ກຣິສ຺ສນ຺ຕິ, ສາວ ສາຂາ ປຣນ຺ຕປໍ.

ອຄມາ ນູນ ໂສ ສທ຺ໂທ, ອສໍສິ ນູນ ໂສ ຕວ;

ອກ຺ຂາຕໍ ນູນ ຕໍ ເຕນ, ໂຍ ຕໍ ສາຂມກມ຺ປຍິ.

ອິທໍ ¶ ໂຂ ຕໍ ສມາຄມ຺ມ, ມມ ພາລສ຺ສ ຈິນ຺ຕິຕໍ;

ຕທາ ຫິ ຈລິຕາ ສາຂາ, ມນຸສ຺ເສນ ມິເຄນ ວາ.

ຕເຖວ ຕ຺ວໍ ອເວເທສິ, ອວຎ຺ຈິ [ອວຊ຺ຌິ (ກ.)] ປິຕຣໍ ມມ;

ຫນ຺ຕ຺ວາ ສາຂາຫິ ຉາເທນ຺ໂຕ, ອາຄມິສ຺ສຕິ ເມ [ເຕ (ສ຺ຍາ. ກ.)] ຠຍນ຺ຕິ.

ວຣຄາມ ¶ ມຫາກປິ ຠຄ຺ຄວ ຈ, ທຬ຺ຫຘມ຺ມ ສກຸຎ຺ຊຣ ເກສວໂຣ;

ອຸຣໂຄ ວິຘຸໂຣ ປຸນ ຊາຄຣຕໍ, ອຖ ໂກສລາຘິປ ປຣນ຺ຕປ ຈາຕິ.

ອຖ ສຕ຺ຕນິປາຕມ຺ຫິ, ວຄ຺ຄໍ ເມ ຠຓໂຕ ສຸຓ;

ກຸກ຺ກຸ ຈ ປຸນ ຄນ຺ຘາໂຣ, ທ຺ເວວ ຄຸຕ຺ຕາ ມເຫສິນາຕິ.

ໂອທາຕວຕ຺ຖາ ¶ ¶ ¶ ສຸຈິ ອລ຺ລເກສາ, ກຈ຺ຈານິ ກິໍ ກຸມ຺ຠິມຘິສ຺ສຍິຕ຺ວາ [ກຸມ຺ຠິມປສ຺ສຍິຕ຺ວາ (ປີ.)];

ປິຏ຺ຐາ ຕິລາ ໂຘວສິ ຕຓ຺ຑຸລານິ, ຕິໂລທໂນ ເຫຫິຕິ ກິສ຺ສ ເຫຕຸ.

ນ ໂຂ ອຍໍ ພ຺ຣາຫ຺ມຓ ໂຠຊນຕ຺ຖາ [ໂຠຊນຕ຺ຖໍ (ສ຺ຍາ.)], ຕິໂລທໂນ ເຫຫິຕິ ສາຘຸປກ຺ໂກ;

ຘມ຺ໂມ ມໂຕ ຕສ຺ສ ປຫຸຕ຺ຕມຊ຺ຊ [ປຫູນມຊ຺ຊ (ສ຺ຍາ.), ປຫູຕມຊ຺ຊ (ສີ.), ພຫູຕມຊ຺ຊາ (ປີ.)], ອຫໍ ກຣິສ຺ສາມິ ສຸສານມຊ຺ເຌ.

ອນຸວິຈ຺ຈ ກຈ຺ຈານິ ກໂຣຫິ ກິຈ຺ຈໍ, ຘມ຺ໂມ ມໂຕ ໂກ ນຸ ຕເວວ [ຕເວຕ (ສີ. ສ຺ຍາ. ປີ.)] ສໍສິ;

ສຫສ຺ສເນຕ຺ໂຕ ອຕຸລານຸຠາໂວ, ນ ມິຍ຺ຍຕີ ຘມ຺ມວໂຣ ກທາຈິ.

ທຬ຺ຫປ຺ປມາຓໍ ມມ ເອຕ຺ຖ ພ຺ຣຫ຺ເມ, ຘມ຺ໂມ ມໂຕ ນຕ຺ຖິ ມເມຕ຺ຖ ກງ຺ຂາ;

ເຍ ເຍວ ທານິ ປາປາ ຠວນ຺ຕິ, ເຕ ¶ ເຕວ ທານິ ສຸຂິຕາ ຠວນ຺ຕິ.

ສຸຓິສາ ຫິ ມຍ຺ຫໍ ວຎ຺ຌາ ອໂຫສິ, ສາ ມໍ ວຘິຕ຺ວານ ວິຊາຍິ ປຸຕ຺ຕໍ;

ສາ ທານິ ສພ຺ພສ຺ສ ກຸລສ຺ສ ອິສ຺ສຣາ, ອຫໍ ປນມ຺ຫິ [ວສາມິ (ສ຺ຍາ.)] ອປວິທ຺ຘາ ເອກິກາ.

ຊີວາມິ ¶ ໂວຫໍ ນ ມໂຕຫມສ຺ມິ [ນາຫໍ ມໂຕສ຺ມິ (ສີ. ປີ.)], ຕເວວ ອຕ຺ຖາຍ ອິຘາຄໂຕສ຺ມິ;

ຍາ ຕໍ ວຘິຕ຺ວານ ວິຊາຍິ ປຸຕ຺ຕໍ, ສຫາວ ປຸຕ຺ເຕນ ກໂຣມິ ຠສ຺ມໍ.

ເອວຎ຺ຈ [ເອຕຎ຺ຈ (ສີ. ປີ.)] ເຕ ຣຸຈ຺ຈຕິ ເທວຣາຊ, ມເມວ ອຕ຺ຖາຍ ອິຘາຄໂຕສິ;

ອຫຎ຺ຈ ປຸຕ຺ໂຕ ສຸຓິສາ ຈ ນຕ຺ຕາ, ສມ຺ໂມທມານາ ຆຣມາວເສມ.

ເອວຎ຺ຈ ເຕ ຣຸຈ຺ຈຕິ ກາຕິຍານິ, ຫຕາປິ ສນ຺ຕາ ນ ຊຫາສິ ຘມ຺ມໍ;

ຕຸວຎ຺ຈ [ຕ຺ວຎ຺ຈ (ປີ. ກ.)] ປຸຕ຺ໂຕ ສຸຓິສາ ຈ ນຕ຺ຕາ, ສມ຺ໂມທມານາ ຆຣມາວເສຖ.

ສາ ກາຕິຍານີ ສຸຓິສາຍ ສທ຺ຘິໍ, ສມ຺ໂມທມານາ ຆຣມາວສິຕ຺ຖ;

ປຸຕ຺ໂຕ ¶ ຈ ນຕ຺ຕາ ຈ ອຸປຏ຺ຐຫິໍສຸ, ເທວານມິນ຺ເທນ ອຘິຄ຺ຄຫີຕາຕິ.

ອິທໍ ¶ ປຸເຣ ນິນ຺ນມາຫຸ, ພຫຸມຈ຺ຉໍ ມໂຫທກໍ;

ອາວາໂສ ພກຣາຊສ຺ສ, ເປຕ຺ຕິກໍ ຠວນໍ ມມ;

ຕ຺ຍຊ຺ຊ ເຠເກນ [ຠິງ຺ເຄນ (ກ.)] ຍາເປມ, ໂອກໍ ນ ວຊຫາມເສ [ໂອກນ຺ຕໍ ນ ຊຫາມເສ (ກ.)].

ໂກ ທຸຕິຍໍ ອສີລິສ຺ສ, ພນ຺ຘຣສ຺ສກ຺ຂິ ເຠຈ຺ຉຕິ [ເຠຊ຺ຊຕິ (ສີ. ສ຺ຍາ. ປີ.), ຠິນ຺ທຕິ (ກ.)];

ໂກ ເມ ປຸຕ຺ເຕ ກຸລາວກໍ, ມຎ຺ຈ ໂສຕ຺ຖິໍ ກຣິສ຺ສຕິ.

ສພ຺ພາ ປຣິກ຺ຂຍາ ເຜຄ຺ຄຸ, ຍາວ ຕສ຺ສາ ຄຕີ ອຫຸ;

ຂີຓຠກ຺ໂຂ ມຫາຣາຊ, ສາເຣ ນ ຣມຕີ ຆຸໂຓ.

ສາ ¶ ນູນາຫໍ ອິໂຕ ຄນ຺ຕ຺ວາ, ຣຎ຺ໂຎ ມຸຕ຺ຕາ ນິເວສນາ;

ອຕ຺ຕານໍ ຣມຍິສ຺ສາມິ, ທຸມສາຂນິເກຕິນີ.

ໂສ ນູນາຫໍ ອິໂຕ ຄນ຺ຕ຺ວາ, ຣຎ຺ໂຎ ມຸຕ຺ໂຕ ນິເວສນາ;

ອຄ຺ໂຄທການິ ປິສ຺ສາມິ, ຍູຖສ຺ສ ປຸຣໂຕ ວຊໍ.

ຕໍ ມໍ ກາເມຫິ ສມ຺ມຕ຺ຕໍ, ຣຕ຺ຕໍ ກາເມສຸ ມຸຈ຺ຉິຕໍ;

ອານຍີ ຠຣໂຕ [ວນໂຕ (ກ.)] ລຸທ຺ໂທ, ພາຫິໂກ ຠທ຺ທມຕ຺ຖຸ ເຕ.

ອນ຺ຘກາຣຕິມິສາຍໍ, ຕຸງ຺ເຄ ອຸປຣິປພ຺ພເຕ;

ສາ ¶ ມໍ ສຓ຺ເຫນ ມຸທຸນາ, ມາ ປາທໍ ຂລິ [ຂຓິ (ສີ. ສ຺ຍາ. ປີ.)] ຍສ຺ມນິ.

ອສໍສຍໍ ຊາຕິຂຍນ຺ຕທສ຺ສີ, ນ ຄພ຺ຠເສຍ຺ຍໍ ປຸນຣາວຊິສ຺ສໍ;

ອຍມນ຺ຕິມາ ປຈ຺ຉິມາ ຄພ຺ຠເສຍ຺ຍາ [ອຍໍ ຫິ ເມ ອນ຺ຕິມາ ຄພ຺ຠເສຍ຺ຍາ (ສີ. ປີ.)], ຂີໂຓ ເມ ສໍສາໂຣ ປຸນພ຺ຠວາຍາຕິ.

ອິທໍ ສຸວຓ຺ຓກາຍູຣໍ, ມຸຕ຺ຕາ ເວຬຸຣິຍາ ພຫູ;

ສພ຺ພໍ ຫຣສ຺ສຸ ຠທ຺ທນ຺ເຕ, ມຎ຺ຈ ທາສີຕິ ສາວຍ.

ໂອໂຣປຍສ຺ສຸ ກລ຺ຍາຓິ, ມາ ພາຬ຺ຫໍ [ພຫຸໍ (ສີ. ສ຺ຍາ. ປີ.)] ປຣິເທວສິ;

ນ ຈາຫໍ ອຠິຊານາມິ, ອຫນ຺ຕ຺ວາ ຘນມາຠຕໍ.

ຍໂຕ ສຣາມິ ອຕ຺ຕານໍ, ຍໂຕ ປຕ຺ຕາສ຺ມິ ວິຎ຺ຎຸຕໍ;

ນ ຈາຫໍ ອຠິຊານາມິ, ອຎ຺ຎໍ ປິຍຕຣໍ ຕຍາ.

ເອຫິ ຕໍ ອຸປຄູຫິສ຺ສໍ [ອຸປຄຸຍ຺ຫິສ຺ສໍ (ກ.)], ກຣິສ຺ສຎ຺ຈ ປທກ຺ຂິຓໍ;

ນ ຫິ ທານິ ປຸນ ອຕ຺ຖິ, ມມ ຕຸຍ຺ຫຎ຺ຈ ສງ຺ຄໂມ.

ນ ¶ ຫິ ສພ຺ເພສຸ ຐາເນສຸ, ປຸຣິໂສ ໂຫຕິ ປຓ຺ຑິໂຕ;

ອິຕ຺ຖີປິ ປຓ຺ຑິຕາ ໂຫຕິ, ຕຕ຺ຖ ຕຕ຺ຖ ວິຈກ຺ຂຓາ.

ນ ¶ ຫິ ສພ຺ເພສຸ ຐາເນສຸ, ປຸຣິໂສ ໂຫຕິ ປຓ຺ຑິໂຕ;

ອິຕ຺ຖີປິ ¶ ປຓ຺ຑິຕາ ໂຫຕິ, ລຫຸໍ ອຕ຺ຖໍ ວິຈິນ຺ຕິກາ [ລຫຸມຕ຺ຖວິຈິນ຺ຕິກາ (ສີ. ປີ.)].

ລຫຸຎ຺ຈ ວຕ ຂິປ຺ປຎ຺ຈ, ນິກຏ຺ເຐ ສມເຈຕຍິ;

ມິຄໍ ປຸຓ຺ຓາຍເຕເນວ [ປຸຓ຺ຓາຍຕເນວ (ສ຺ຍາ.)], ສຸລສາ ສຕ຺ຕຸກໍ ວຘິ.

ໂຍຘ ອຸປ຺ປຕິຕໍ ອຕ຺ຖໍ, ນ ຂິປ຺ປມນຸພຸຊ຺ຌຕິ;

ໂສ ຫຎ຺ຎຕິ ມນ຺ທມຕິ, ໂຈໂຣວ ຄິຣິຄພ຺ຠເຣ.

ໂຍ ຈ ອຸປ຺ປຕິຕໍ ອຕ຺ຖໍ, ຂິປ຺ປເມວ ນິໂພຘຕິ;

ມຸຈ຺ຈເຕ ສຕ຺ຕຸສມ຺ພາຘາ, ສຸລສາ ສຕ຺ຕຸກາມິວາຕິ.

ຠຸສມ຺ຫິ [ຠຸສມ຺ປິ (ກ.), ຠຸສໍ ຫິ (ສີ. ນິຍ຺ຍ)] ກຸທ຺ໂຘຕິ ອເວກ຺ຂິຍານ, ນ ຕາວ ທຓ຺ຑໍ ປຓເຍຍ຺ຍ ອິສ຺ສໂຣ;

ອຏ຺ຐານໂສ ອປ຺ປຕິຣູປມຕ຺ຕໂນ, ປຣສ຺ສ ທຸກ຺ຂານິ ຠຸສໍ ອຸທີຣເຍ.

ຍໂຕ ຈ ຊາເນຍ຺ຍ ປສາທມຕ຺ຕໂນ, ອຕ຺ຖໍ ນິຍຸຎ຺ເຊຍ຺ຍ ປຣສ຺ສ ທຸກ຺ກຏໍ;

ຕທາຍມຕ຺ໂຖຕິ ສຍໍ ອເວກ຺ຂິຍ, ອຖສ຺ສ ທຓ຺ຑໍ ສທິສໍ ນິເວສເຍ.

ນ ຈາປິ ຌາເປຕິ ປຣໍ ນ ອຕ຺ຕນໍ, ອມຸຈ຺ຉິໂຕ ໂຍ ນຍເຕ ນຍານຍໍ;

ໂຍ ¶ ທຓ຺ຑຘາໂຣ ຠວຕີຘ ອິສ຺ສໂຣ, ສ ວຓ຺ຓຄຸຕ຺ໂຕ ສິຣິຍາ ນ ຘໍສຕິ.

ເຍ ຂຕ຺ຕິຍາ ເສ ອນິສມ຺ມກາຣິໂນ, ປເຓນ຺ຕິ ທຓ຺ຑໍ ສຫສາ ປມຸຈ຺ຉິຕາ;

ອວຓ຺ຓສໍຍຸຕາ [ຍຸຕ຺ຕາວ (ກ.)] ຊຫນ຺ຕິ ຊີວິຕໍ, ອິໂຕ ວິມຸຕ຺ຕາປິ ຈ ຍນ຺ຕິ ທຸຄ຺ຄຕິໍ.

ຘມ຺ເມ ¶ ຈ ເຍ ອຣິຍປ຺ປເວທິເຕ ຣຕາ, ອນຸຕ຺ຕຣາ ເຕ ວຈສາ ມນສາ ກມ຺ມຸນາ ຈ;

ເຕ ສນ຺ຕິໂສຣຈ຺ຈສມາຘິສຓ຺ຐິຕາ, ວຊນ຺ຕິ ໂລກໍ ທຸຠຍໍ ຕຖາວິຘາ.

ຣາຊາຫມສ຺ມິ ນຣປມທານມິສ຺ສໂຣ, ສເຈປິ ກຸຊ຺ຌາມິ ຐເປມິ ອຕ຺ຕນໍ;

ນິເສຘຍນ຺ໂຕ ຊນຕໍ ຕຖາວິຘໍ, ປເຓມິ ທຓ຺ຑໍ ອນຸກມ຺ປ ໂຍນິໂສ.

ສິຣີ ຈ ລກ຺ຂີ ຈ ຕເວວ ຂຕ຺ຕິຍ, ຊນາຘິປ ມາ ວິຊຫິ ກຸທາຈນໍ;

ອກ຺ໂກຘໂນ ນິຈ຺ຈປສນ຺ນຈິຕ຺ໂຕ, ອນີໂຆ ຕຸວໍ ວສ຺ສສຕານິ ປາລຍ.

ຄຸເຓຫິ ເອເຕຫິ ອຸເປຕ ຂຕ຺ຕິຍ, ຐິຕມຣິຍວຕ຺ຕີ [ວຕ຺ຕິ (ສີ.), ວຸຕ຺ຕິ (ກ.)] ສຸວໂຈ ອໂກຘໂນ;

ສຸຂີ ¶ ອນຸປ຺ປີຬ ປສາສເມທິນິໍ [ອນຸປ຺ປີຬໍ ສຫສເມທນິໍ (ກ.)], ອິໂຕ ວິມຸຕ຺ໂຕປິ ຈ ຍາຫິ ສຸຄ຺ຄຕິໍ.

ເອວໍ ¶ ສຸນີເຕນ [ສຸວິນີເຕນ (ປີ.)] ສຸຠາສິເຕນ, ຘມ຺ເມນ ຎາເຍນ ອຸປາຍໂສ ນຍໍ;

ນິພ຺ພາປເຍ ສງ຺ຂຸຠິຕໍ ມຫາຊນໍ, ມຫາວ ເມໂຆ ສລິເລນ ເມທິນິນ຺ຕິ [ເມທນິນ຺ຕິ (ສ຺ຍາ. ກ.)].

ອງ຺ຄາຣຊາຕາ ປຖວີ, ກຸກ຺ກຸຬານຸຄຕາ ມຫີ;

ອຖ ຄາຍສິ ວຕ຺ຕານິ [ວຕ຺ຖານິ (ກ.)], ນ ຕໍ ຕປຕິ ອາຕໂປ.

ອຸທ຺ຘໍ ຕປຕິ ອາທິຈ຺ໂຈ, ອໂຘ ຕປຕິ ວາລຸກາ;

ອຖ ຄາຍສິ ວຕ຺ຕານິ [ວຕ຺ຖານິ (ກ.)], ນ ຕໍ ຕປຕິ ອາຕໂປ.

ນ ¶ ມໍ ຕປຕິ ອາຕໂປ, ອາຕປາ [ອາຕປ຺ປາ (ສີ. ສ຺ຍາ. ປີ.)] ຕປຍນ຺ຕິ ມໍ;

ອຕ຺ຖາ ຫິ ວິວິຘາ ຣາຊ, ເຕ ຕປນ຺ຕິ ນ ອາຕໂປ.

ອທ຺ທສໍ ກາມ ເຕ ມູລໍ, ສງ຺ກປ຺ປາ ກາມ ຊາຍສິ;

ນ ຕໍ ສງ຺ກປ຺ປຍິສ຺ສາມິ, ເອວໍ ກາມ ນ ເຫຫິສິ.

ອປ຺ປາປິ ກາມາ ນ ອລໍ, ພຫູຫິປິ ນ ຕປ຺ປຕິ;

ອຫຫາ ພາລລປນາ, ປຣິວຊ຺ເຊຖ [ປຏິວິຊ຺ເຌຖ (ປີ. ສີ. ອຏ຺ຐ.)] ຊຄ຺ຄໂຕ.

ອປ຺ປສ຺ສ ¶ ກມ຺ມສ຺ສ ຜລໍ ມເມທໍ, ອຸທໂຍ ອຊ຺ຌາຄມາ ມຫຕ຺ຕປຕ຺ຕໍ;

ສຸລທ຺ຘລາໂຠ ວຕ ມາຓວສ຺ສ, ໂຍ ປພ຺ພຊີ ກາມຣາຄໍ ປຫາຍ.

ຕປສາ ປຊຫນ຺ຕິ ປາປກມ຺ມໍ, ຕປສາ ນ຺ຫາປິຕກຸມ຺ຠກາຣຠາວໍ;

ຕປສາ ອຠິຠຸຍ຺ຍ ຄງ຺ຄມາລ, ນາເມນາລປສຊ຺ຊ ພ຺ຣຫ຺ມທຕ຺ຕໍ.

ສນ຺ທິຏ຺ຐິກເມວ ‘‘ອມ຺ມ’’ ປສ຺ສຖ, ຂນ຺ຕີໂສຣຈ຺ຈສ຺ສ ອຍໍ [ໂຍ (ສ຺ຍາ. ປີ. ກ.)] ວິປາໂກ;

ໂຍ [ໂສ (ສ຺ຍາ. ກ.)] ສພ຺ພຊນສ຺ສ ວນ຺ທິໂຕຫຸ, ຕໍ ວນ຺ທາມ ສຣາຊິກາ ສມຈ຺ຈາ.

ມາ ກິຎ຺ຈິ ອວຈຸຕ຺ຖ ຄງ຺ຄມາລໍ, ມຸນິນໍ ໂມນປເຖສຸ ສິກ຺ຂມານໍ;

ເອໂສ ຫິ ອຕຣິ ອຓ຺ຓວໍ, ຍໍ ຕຣິຕ຺ວາ ຈຣນ຺ຕິ ວີຕໂສກາຕິ.

ຘມ຺ໂມ ¶ ຫເວ ຫໂຕ ຫນ຺ຕິ, ນາຫໂຕ ຫນ຺ຕິ ກິຎ຺ຈນໍ [ກຎ຺ຈິນໍ (ປີ.)];

ຕສ຺ມາ ຫິ ຘມ຺ມໍ ນ ຫເນ, ມາ ຕ຺ວໍ [ຕໍ (ສ຺ຍາ. ປີ.)] ຘມ຺ໂມ ຫໂຕ ຫນິ.

ອລິກໍ ¶ ¶ ຠາສມານສ຺ສ, ອປກ຺ກມນ຺ຕິ ເທວຕາ;

ປູຕິກຎ຺ຈ ມຸຂໍ ວາຕິ, ສກຏ຺ຐານາ ຈ ຘໍສຕິ;

ໂຍ ຊານໍ ປຸຈ຺ຉິໂຕ ປຎ຺ຫໍ, ອຎ຺ຎຖາ ນໍ ວິຍາກເຣ.