അഞ്ഞ > സിഹള-ഗന്ഥ-സങ്ഗഹോ > കച്ചായനധാതുമഞ്ജുസാ

൪. ¶ വവ, ലോകനവിത്തിസു ചക്ഖവുതിമ്ഹി (തു) രുക്ഖ (ച) ഖേ ഥിരഹിംസഖണേ നിയ, മോ’പനയിട്ഠി വതാദിസ മുണ്ഡിസു ദിക്ഖ (’ഥ) കക്ഖ-കഖാ ഹസനേ തുര, ഹിംസനവുദ്ധിഗതീസു (ഹി) ദക്ഖ’ദനമ്ഹി (തു) ജക്ഖ (ച) ഭക്ഖ (മതാ) അന, ജാലദുഖേസു (തു) ദിക്ഖ (ച) ദുക്ഖ (ച) ഇക്ഖ ദിസ’ങ്ക ന കോ’ഖ സുസേ.

൫. [അ] നിക്ഖ ചുമ്ബനേ’(പി) സിക്ഖ വിജ്ജു’പാദു’ പാസാനമ്ഹി രക്ഖ ഗുത്തിവാരണേ (പി) ഉഞ്ഛനേ (സിയാ’പി) ഭിക്ഖ യാവലദ്ധ്യ’ലദ്ധിസൂ (പി) വക്ഖ രോസസംഹതേസു മോക്ഖ മുത്തിയം ചജേ (പി) ചിക്ഖ വാചബോധനേസു.

[ബ] ¶ നഖ മഖ രഖ നങ്ഖാമങ്ഖരക്ഖീ’ഖീലങ്ഖാ ലഖ വഖ ഇഖ ഇങ്ഖാ ഉങ്ഖ വങ്ഖൂ’ഖ ഗത്യം വഖി മഖി കഖി കങ്ഖേ ഖീ ഖയേ ഉക്ഖ സേകേ ഖു ഖുതധനിസു (വുത്തോ) ഖേ(’ഥ) ഖാദേ സുപേ (ച.)

അഗ്ഗോ (തു) ഗതികോടില്ലേ ലഗ സങ്ഗേ മഗേ’സനേ;

അഗീ ഇഗീ രിഗീ ലിഗീ വഗീ ഗത്യ’ത്ഥധാതവോ.

സിലാഘ കത്ഥനേ ജഗ്ഘ ഹസനേ അഗ്ഘ അഗ്ഘനേ;

സിഘീ ആഘായനേ (ഹോതി) ലഘി സോസഗതീസു (ച;).

വച ബ്യത്തവചേ യാച യാചനേ രുച ദിത്തിയം;

സുച സോകേ കുച സദ്ദേ (അഥോ) വിച വിവേചനേ.

അഞ്ച പൂജാഗതേ വഞ്ച ഗമനേ കിഞ്ചാ’വമദ്ദനേ;

ലുഞ്ചാ’പനയനേ നച്ച നച്ചനേ മച രോചനേ.

അച്ചാ’ച്ചനേ ചു വചനേ സചോ (തു) സമവായനേ;

പച യാതേ കചി-വച്ച ദിത്തിയം മചി ധാരണേ.

പുച്ഛ സമ്പുച്ഛനേ മുച്ഛ മോഹസ്മിം ലഞ്ഛ ലക്ഖണേ;

അഞ്ഛാ’യാമേ (ഭവേ) പുഞ്ഛ പുഞ്ഛനേ ഉഞ്ഛ ഉഞ്ഛനേ.

തച്ഛോ തനുകിരയേ പിഞ്ഛ പിഞ്ഛനേ രാജ ദിത്തിയം;

വജാ’ജഗമനേ രഞ്ജ രാഗേ ഭഞ്ജാ’വമദ്ദനേ.

അഞ്ജു ബ്യത്തിഗതീകന്തി മക്ഖണേസ്വേ’ജ കമ്പനേ;

ഭജ സംസേവനേ സഞ്ജ സങ്ഗേ (തു) ഇഞ്ജ കമ്പനേ.

യജ ദേവച്ചനേ ദാനസങ്ഗതീകരണേസു (ച);

തിജക്ഖമനിസാനേസു ദാനേ(’പി) ചജ ഹാനിയം.

സജാ’ലിങ്ഗന വിസ്സജ്ജ നിമ്മാണേ മുജ്ജ മുജ്ജനേ;

മജ്ജ സംസുദ്ധിയം ലജ്ജ ലജ്ജനേ തജ്ജ തജ്ജനേ.

അജ്ജ-സജ്ജാ’ജ്ജനേ സജ്ജ നിമ്മാണേ ഗജ്ജ സദ്ദനേ;

ഗുജ-കുജ ദ്വയം സദ്ദേ അഖ്യത്തേ ഖജ്ജ ഭക്ഖണേ.

ഭജ്ജ പാകേ വിജി ഭയചലനേ വീജ വീജനേ;

ഖജീ ഗമനവേകല്ലേ ജീ ജയേ ജു ജവേ (സിയാ;).

ഝേ ചിന്തായുജ്ഝ ഉസ്സഗ്ഗേ ഗമനേ അട-പട ദ്വയം;

വട്ട ആവത്തനേ വണ്ട വണ്ടത്ഥേ കട മദ്ദനേ;

ഫുടോ വിസരണാദീസു കട സംവരണേ ഗതേ.

ഘുട ഘോസേ പതിഘാതേ വിട’ക്കോസേ (ച) പേസനേ;

ഭട ഭത്യം കുട-കോട്ടച്ഛേദനേ ലുട ലോടനേ.

ജട-ഝട-പിട സങ്ഘാതേ ചിടു’ത്താസേ ഘടീ’ഹനേ;

ഘടി സങ്ഘട്ടനേ തട്ട ച്ഛേദനേ മുട മദ്ദനേ.

പഠ ബ്യത്തവചേ ഹേഠ ബാധായം വേഠ വേഠനേ;

സുഠീ-കുഠീ ദ്വയം സോസേ പീഠ ഹിംസനധാരണേ.

കഠ സോസനപാകേസു വഠ ഥുലത്തനേ (ഭവേ);

കഠി സോസേ രുഠ-ലുഠോ’പഘാതേ സഠ കേതവേ.

(സിയാ ഹഠ ബലക്കാരേ കഡിഭേദേ കഡിച്ഛിദേ;

മണ്ഡ വിഭൂസനേ ചണ്ഡ ചണ്ഡിക്കേ ഭഡി ഭങ്ഡനേ.

പഡി ഉപ്പണ്ഡനേ ലിങ്ഗവേകല്ലേ മുഡി ഖണ്ഡനേ,

ഗഡി വത്തേ’കദേസമ്ഹി ഗഡി സന്നിവയേ(’പിച;);

രഡി-ഏരഡി ഹിംസായം പിഡി സങ്ഘാതആദിസു,

കുഡി ദാഹേ പഡി ഗതേ ഹിഡി ആഹിണ്ഡനേ (സിയാ;);

കരണ്ഡ ഭാജന’ത്ഥമ്ഹി (അഥോ) ലഡി ജിഗുച്ഛനേ,

(വത്തതേ) മേഡികോടില്ലേ സഡി ഗുമ്ബത്ഥമീരണേ;

(അഥോ’പി) അഡി അണ്ഡത്ഥേ (ദിസ്സതേ) തുഡി തോഡനേ,

വഡ്ഢ സംവഡ്ഢനേ കഡ്ഢ കഡ്ഢണേ ഭണ ഭാസനേ;

സോണ വണ്ണേ ഗുണ’ഭ്യാസേ ഇണ-ഫേണ ദ്വയം ഗതേ,

പണ വോഹാരഥോമേസു (വത്തതേ) കണ മിലനേ;

(ഭവേ) കത്ഥ സിലാഘായം മഥ-മത്ഥ വിലോളനേ,

നാഥ യാചനസന്താപ ഇസ്സേരാ’സിംസനേസു (ച;)

പുഥ (ചേ) പുഥു വിത്ഥാരേ ബ്യഥ ഭീതിചലേസു (ച),

ഗോത്ഥു വംസേ പഥ-പന്ഥ ഗതേ നന്ദ സമിദ്ധിയം;

വന്ദാ’ഭിവാദഥോമേസു ഗദ ബ്യത്തവചേ’(പിച),

(അഥോ) നിന്ദ ഗരഹായം ഖദി പക്ഖന്ദനാദിസു;

ഏദീ (തു) കിഞ്ചിചലേന ചദി കന്തിഹിളാദനേ,

കിലിദീ പരിദേവാദോ ഉദിസ്സവകിലേദനേ;

ഇദീ (തു) പരമിസ്സരിയേ അദിഅന്ദു (ച) ബന്ധനേ,

ഭഗന്ദ സേവനേ (ഹോതി) ഭദ്ദ കല്യാണകമ്മനി;

സിദ സിങ്ഗാരപാകേസു സദ്ദുഹരിതസോസനേ,

മദി ബല്യേ മുദ-മദാ സന്തോസേ മദ്ദ മദ്ദനേ;

സന്ദു പസ്സവനാദീസു കന്ദ’വ്ഹാനേ (ച’) രോദനേ,

വിദ ലാഭേ ദദ ദാനേ രുദി അസ്സുവിമോചനേ;

സദോ വിസരണാ’ദാനഗമനേ (ചാ’)വസാദനേ,

ഹിളാദ (തു) സുഖേ സൂദക്ഖരണേ രദ വിലേഖണേ;

സാദ അസ്സാദനാദീസു ഗദ ബ്യത്തവചേ’(പിച),

നദ അബ്യത്തസദ്ദേ (തു) രദാ’ദാ-ഖാദ-ഭക്ഖണേ;

അദ്ദ യാചനയാത്രാദിസ്വ (ഥോ) മിദ സിനേഹനേ,

(സിയാ) ഖുദ ജിഗച്ഛായം ദളിദ്ദ ദുഗ്ഗച്ചം (ഹി തു;)

ദാ ദവേ ദു ഗതീവുദ്ധയം ദാ ദാനേ വിദ ജാനനേ,

തദി ആലസിയേ ബാധ ബാധായം ഗുധ കീളനേ;

(അഥോ) ഗാധ പതിട്ഠായം വുഠു-ഏധ (ച) വുദ്ധിയം,

ധാ (ഹോതി) ധാരണേ (ചേവ) ചിന്തായം ബുധ ബോധനേ;

സിധു ഗതിമ്ഹി യുധ സമ്പഹാരേ വിധ വേധനേ,

രാധ ഹിംസായസംരാധേ ബധ-ബന്ധ (ച) ബന്ധനേ;

സിധ-സാധ (ച) സിദ്ധിമ്ഹി ധേ പാനേ ഇന്ധ ദിത്തിയം,

മാന പൂജായ വന-സന സമ്ഭവേ അന പാണനേ;

കന ദിത്തിഗതീകന്ത്യം ഖന-ഖന്വ’വദാരണേ.

ഗുപ ഗോപനകേ ഗുപ സംവരണേ തപ സന്താപേ തപ ഇസ്സരിയേ,

ചുപ മന്ദഗതേ തപുഉബ്ബേഗേ രപ-ലപ വാക്യേ സപ അക്കോസേ;

ജപ-ജപ്പ വചേ’ബ്യത്തേ തപ്പ സന്തപ്പനേ (സിയാ),

കപി കിഞ്ചിചലേ കപ്പ സാമത്ഥേ വേപു കമ്പനേ;

തപ്പ സന്തഗതേച്ഛേദേ തക്കേ ഹിംസാദിസു’(ച്ചതേ),

വപ ബീജവിനിക്ഖേപേ ധൂപ സന്തപനേ’(പി ച);

ചപ സാന്ത്വേ പു പവനേ ഝപ ദാഹേ സുപോ സയേ,

പുപ്ഫ വികസനേ (ഹോതി) രമ്ബ’ലമ്ബവസംസനേ;

ചുമ്ബ വദനസംയോഗേ കമ്ബ സംവരണേ (മതോ),

അമ്ബ സദ്ദേ (ച) അസ്സാദേ തായനേ സബി മണ്ഡനേ;

ഗബ്ബ ദപ്പേ’ബ്ബ-സബ്ബാ’(പി) ഗമനേ പുബ്ബ പൂരണേ,

ഗുമ്ബ’ബ്ബഗുമ്ബനേ ചബ്ബ അദനേ ഉബ്ബ ധാരണേ;

ലഭ ലാഭേ ജമ്ഭ ഗത്തവിനാമേ സുഭ സോഭനേ,

ഭീ ഭയേ രഭ രാഭസ്സേ (ചാ)’രമ്ഭേ ഖുഭ സഞ്ചലേ;

ഥമ്ഭ-ഖമ്ഭ പതിബന്ധേ ഗബ്ഭ പാഗബ്ഭിയേ വധേ,

സുമ്ഭ സംസുമ്ഭനേ സമ്ഭ വിസ്സാസേ യഭ മേഥുനേ;

ദുഭ ജീഗിംസനേ ദബ്ഭ ഗന്ഥനേ ഉദ്രഭാ’ദനേ,

കമൂ (തു) പദവിക്ഖേപേ ഖമൂ (തു) സഹണേ (സിയാ;)

ഭമു അനവട്ഠാനേ (ച) വമു ഉഗ്ഗിരണാദിസു,

കിലമു-ക്ലമൂ ഗേലഞ്ഞേ രമു കീളാ’യ (മീരിതോ;)

ദമോ ദമേ നമ നമേ (അഥോ) സമ പരിസ്സമേ,

യമു ഉപരമേ നാസേ അമ യാതേ മു ബന്ധനേ;

ധമോ പുമോ (ച) ധമനേ തമ സങ്കാവിഭൂസനേ,

ധുമ-ഥീമ (ച) സങ്ഘാതേ തമ സാന്ത്വ’വസാദിയേ;

അയോ വയോ പയ-മയോ നയോ രയഗതിമ്ഹി (ച)

ദയ ദാനഗതീരക്ഖാ ഹിംസാദിസു യു മിസ്സനേ;

ചായ സമ്പൂജനേ തായ സന്താനേ പായ വുദ്ധിയം,

(അഥോ) ഉസൂയ ദോസാ’വികരണേ സായ സായനേ;

തര തരണസ്മിം ഥര സന്ഥരണേ ഭര ഭരണസ്മിം ഫര സമ്ഫരണേ,

സര ഗതി ചിന്താ ഹിംസാ സദ്ദേ ഫുര ചലനാദോ ഹര ഹരണസ്മിം;

രി സന്തതിസ്മിം രി ഗതേ രു സദ്ദേ ഖുരച്ഛിദസ്മിം ധര ധാരണമ്ഹി,

ജര ജീരണത്ഥേ മരപാണചാഗേ ഖര സേകനാസേ ഘര സേവനമ്ഹി;

ഗരോ നിഗരേണ സേകേ ദര ഡാഹേ വിദാരണേ,

ചരച്ഛേദേ അരനാസേ ഗതേ (ച) പൂര പൂരണേ,

കുര ക്കോസേ നര നയേ ജാഗര സുപിനക്ഖയേ;

പീലു-പലൂ-സല-ഹുലാ ഗത്യ’ത്ഥാ ചല കമ്പനേ,

ഖല സഞ്ചലനേ ഫുല്ല വികാസേ ജല ദിത്തിയം;

ഫല നിപ്ഫത്തിയം (ഹോതി) ദല ദിത്തിവിദാരണേ,

ദല ദുഗ്ഗതിയം നീല വണ്ണേ മീല നിമീലനേ;

സില സമാധിമ്ഹി കീല ബന്ധേ ഗല-ഗിലാ’ദനേ,

തല-മൂല പതിട്ഠായം വല-വല്ല നിവാരണേ,

പല്ല നിന്നേ (ച) ഗമനേ മല-മല്ല’വധാരണേ;

(വത്തതേ) ഖില കാഠിന്നേ കലിലേ അല-കല ദ്വയം,

വേല്ല സഞ്ചലനേ കല്ല സജ്ജനേ അലിബന്ധനേ;

ചുല്ല ഹാവകിരയേ ഥൂലാ’കസ്സനേ ചൂല മദ്ദനേ,

(വത്തതേ) ഖല സോചേയ്യോ പല രക്ഖഗതേസു(പി;)

കേല-ഖേല-ചേല-പേല-വേല-സഞ്ചലനാദിസു,

അവ രക്ഖണേ ജീവ പാണധാരണേ (തു) പ്ലവോ ഗതേ;

കണ്ഡുവനമ്ഹി കണ്ഡുവോ സരണേ ഛേദനേ ദവേ,

ദവോ (തു) ദവനേ ദേവു ദേവനേ സേവു സേവനേ;

ധാവ ഗമനവുദ്ധിമ്ഹി (പഠിതോ) ധോവു ധോവനേ;

വേ-വീ ദ്വേ തന്തുസന്താനേ വേ-വു സംവരണേ (സിയാ)

ഹ്വേ അവ്ഹാനേ കേവ സേകേ ധുവ യാത്രാ ഥിരേസു (ച;);

അസ ഗസ അദനേ ഘസ അദനസ്മിം-ഇസ പരിയേസേ ഇസുഇച്ഛായം,

സസു പാണനഗതിഹിംസാ’ദ്യ’ത്ഥേ-മസ ആമസനേ മുസ സമ്മോസേ;

കുസ അക്കോസേ ദുസ അപ്പീതേ-തുസ സന്തോസേ പുസ പോസമ്ഹി,

രുസ ആലേപേ രുസ ഹിംസായം-മസു മച്ഛേരേ ഉസു ദാഹേ (’പി;)

ഹസ ഹസനസ്മിം ഘുസ സദ്ദസ്മിം-തസ ഉബ്ബേഗേ ത്രസ ഉബ്ബേഗേ,

ലസ കന്ത്യ’ത്ഥേ രസ അസ്സാദേ-(പുന)ഭസ ഭസ്മികരണേ(ചാ’പി;)

ഗവേസ മഗ്ഗണേ പംസ നാസനേ ദിസ പേക്ഖണേ,

സാസാ’നുസിട്ഠിയം ഹംസ പിതിയം പാസ ബന്ധനേ;

സംസ പസംസനേ ഇസ്സ ഇസ്സായം കസ്സ കസ്സനേ,

ധംസ പധംസനേ സിംസ ഇച്ഛായം ഘംസ ഘംസനേ;

സംസ-ദംസാ (തു) ഡസനേ ഭാസ വാചായ ദിത്തിയം,

(സിയാ) ഭുസ അലങ്കാരേ (അഥോ) ആസൂ’പവേസനേ;

വസ കന്തിനിവാസേസു വസ്സസേചനസദ്ദനേ,

കിസ സാണേ കസ ഗതേ കസ ഹിംസാവിലേഖനേ;

ദിസാ’തിസജ്ജനാ’ദീസു കാസ ദിത്തിമ്ഹി സജ്ജനേ,

(ദുവേ ധാതു) ഖസ-ഝസ ഹിംസായം മിസ മിലനേ;

സു ഹിംസാകുലസന്ധാനയാത്രാ’ദീസു സു പസ്സവേ,

സു സദ്ദേ സു പസവനേ സി സയേ (ച) സി സേവനേ;

മഹ പൂജായാ’രഹപൂജായം-ഗുഹ സംവരണേ ലിഹ അസ്സാദേ,

രഹ ചാഗസ്മിം മുഹ മുച്ഛായം-മഹ സത്തായം ബഹു സംഖ്യാനേ;

സഹ ഖമേ ദഹ ഭസ്മികരണേ (ച) പതിട്ഠായം,

രുഹ സഞ്ജനനേ ഊഹ വിതക്കേ വഹ പാപണേ;

ദുഹ’പ്പപൂരണേ നാസേ ദിഹോ ഉപചയേ (മതോ),

നിന്ദായം ഗരഹോ ഈഹ ഘട്ടനേ മിഹ സേവനേ;

ഗാഹ വിലോളനേ ബ്രൂഹ-ബഹ-ബ്രഹ (ച) വുദ്ധിയം,

വ്ഹേ സദ്ദമ്ഹി ഹസനേ ഹാ ചാഗേ ലുള മന്ഥനേ

കീളവിഹാരമ്ഹി ലള വിലാസേ’(മേസവുദ്ധികാ;)

തുദ ബ്യഥായം (തു) നുദ ക്ഖേപണേ ലിഖ ലേഖണേ,

കുച സങ്കോചനേ രിച ക്ഖരണേ ഖച ബന്ധനേ;

ഉച സദ്ദേ സമവായേ വിജീ ഭയചലേസു (ച),

(വത്തതേ) ഭുജ കോടില്ലേ വലഞ്ജോ (തു) വലഞ്ജനേ;

ഭജ സേവാപുഥക്കാരേ രുജ രോഗേ അടാ’ടനേ,

കുടച്ഛേദേ (ച) കോടില്ലേ അഗാ സജ്ഝായനാ’ദിസു;

പുണോ സുഭ കിരയേ വത്ത വത്തനേ ചത യാചനേ,

പുഥ പാകേ പൂതിഭാവേ കുഥസംക്ലേസനേ’(പി ച;)

(ഉഭോ ധാതു) പുഥ-പഥ വിത്ഥാരേ വിദ ജാനനേ,

ഹദ ഉച്ചാര ഉസ്സഗ്ഗേ-ചിന്തായം മിദ ഹിംസനേ;

നന്ധ വിനന്ധനേ ഥീന-പുന സങ്ഘാതവാചിനോ,

കപ അച്ഛാദനേ വപ്പ വാരണേ ഖിപ പേരണേ;

സുപോ സയേ ഛുപോ ഫസ്സേ (വത്തതേ) ചപ സാന്ത്വനേ,

നഭ (ധാതു) വിഹിംസായം രുമ്ഭ ഉപ്പീളനാദിസു;

സുമ്ഭ സംസുമ്ഭനേ ജമ്ഭ ജമ്ഭനേ ജുഭ നിച്ഛുഭേ,

ഠുഭ നിട്ഠുഭനേ ചമു അദനേ ഛമു ഹീളനേ;

ഝമു ദാഹേ ഛമു അദനേ ഇരീയ വത്തനേ’(പി ച),

കിര (ധാതു) വികിരണേ ഗിരോ നിഗിരണാ’ദിസു;

ഫുര സഞ്ചലനാദീസു കുര സദ്ദാ’ദനേസു (ച),

ഖുരച്ഛേദേ വിലിഖണേ ഘുര ഭീമേ ഗിലാ’ദനേ;

തില സ്നേഹേ ചില വാസേ ഹില ഹാവേ സിലു’ഞ്ഛനേ,

ബില ഭേദേ ഥൂല ചയേ കുസച്ഛേദന പൂരണേ;

വിസപ്പവേസേ ഫരണേ ദിസാ’തിസജ്ജനാ’ദിസു

ഫുല ഫസ്സേ മുസ ഥേയ്യേ ഥുസ അപ്പികിരയായ (തു)

ഗുള മോക്ഖേ ഗുള പരിവത്തനമ്ഹി (തുദാദയോ;)

ഹൂ-ഭൂ സത്തായ (മു’ച്ചന്തി) ഇ അജ്ഝാനേ ഗതിമ്ഹി (ച,)

ഖാ-ഖ്യാ (ദ്വയം) പകഥനേ ജി ജയേ ഞാ’വബോധനേ;

സീ-ളീ വേഹാസഗമനേ ഠാ ഗതീവിനിവുത്തിയം,

നീ പാപണേ മുന ഞാണേ ഹന ഹിംസാഗതീസു (’പി)

പാരക്ഖണമ്ഹി പാ പാനേ ബ്രൂ വാചായം വിയത്തിയം,

ഭാ ദിത്തിയം മാ പമാണേ (അഥോ) യാ പാപുണേ (സിയാ;)

(ദുവേപി) രാ-ലാ ആദാനേ വാ ഗതീഗന്ധനേസു (പി,)

അസ (ധാതു) ഭുവി (ഖ്യാതോ) സി സയേ സാ സമത്ഥിയേ;

ജുഹോത്യാ’ദയോ ¶ സദ്വിഭാവലുത്തവികരണാ.

ഹൂ ദാനേ’(പി ച) ആദാനേ ഹവ്യദാനേ (ച വത്തതേ,)

ഹാ ചാഗേ കമു യാത്രായം ദാ ദാനേ ധാ (ച) ധാരണേ;

രുധി ആവരണേ മുച മോചനേ രിച രേചനേ,

സിച സേകേ യുജ യോഗേ ഭുജ പാലനഭോജനേ;

കതിച്ഛേദേ ഛിദി ദ്വേധാകരണേ ഭിദ വിദാരണേ

വിദ ലാഭേ ലുപച്ഛേദേ വിനാസേ ലിപലിമ്പനേ

പിസ സംചുണ്ണനേ ഹിസി വിഹിംസായം (രുധാദയോ;)

ദിവു കീലാ വിജിഗിംസാ വോഹാരജ്ജുതി ഥോമിതേ,

സിവു തന്തൂനസന്താനേ ഖീ ഖയേ ഖാ പകാസനേ;

കാ-ഗാ സദ്ദേ (പി) ഘാ ഗന്ധോ’പാദാനേ രുച രോചനേ,

കച ദിത്യം മുച മോചേ (അഥോ) വിച വിവേചനേ;

രഞ്ജ രാഗേ സഞ്ജ സങ്ഗേ ഖലനേ മജ്ജ സുദ്ധിയം,

യുജോ സമാധിമ്ഹി ലുജോ വിനാസേ ഝാ വിചിന്തനേ;

താ പാലനേ ഛിദി ദ്വേധാകാരേ മിദ സിനേഹനേ,

മദു’മ്മാദേ ഖിദ ദീനഭാവേ ഭിദ വിദാരണേ;

സിദ പാകേ പദഗതേ വിദ സത്താ വിചിന്തനേ,

ദീ ഖയേ സുപനേ ദാ (ച) ദാനേ ദാത്വ’വഖണ്ഡനേ;

ബുധാ’വഗമനാ’ദീസു അത്ഥേസു യുധ യുജ്ഝനേ,

കുധ കോപേ സുധ സോചേ രാധ ഹിംസായ സിദ്ധിയം;

ഇധ സംസിദ്ധിവുദ്ധീസു സിധ-സാധ (ച) സിദ്ധിയം,

വിധ വേധേ ഗിധ ഗേധേ രുധി ആവരണാ’ദിസു;

മന ഞാണേ ജനു’പ്പാദേ ഹന ഹിംസാഗതീസു (പി,)

സിനാ സോചേ കുപ കോപേ തപ സന്താപ പീണനേ;

ലുപച്ഛേദേ രുപ നാസേ പകാസേ ദിപ ദിത്തിയം,

ദപ ഹാസേ ലഭ ലാഭേ ലുഭ ഗേധേ ഖുഭോ ചലേ;

സമൂ’പസമ ഖേദേസു ഹര-ഹിരീ (ച) ലജ്ജനേ,

മിലാ ഗത്തവീനാമേ (ച) ഗിലാ ഹാസക്ഖയേ (പി ച;)

ലീ സിലേസേ ദ്രവീകാരേ വാ ഗതീ ബന്ധനേസു (ച,)

ലിസി ലേസേ തുസ തോസേ സിലിസാ’ലിങ്ഗനാദിസു;

കിലിസ കലിസോ’പതാപേ (അഥോ) തസ പിപാസനേ,

രുസ രോസേ ദിസ-ദുസ അപ്പീതിമ്ഹി (ദുവേ സിയും;)

യസുപ്പയതനേ അസു ഖേപനേ (പി ച വത്തതേ,)

സുസ സോസേ ഭസ അധോപാതേ നസ അദസ്സനേ;

൧൧൬. സാ’സ്സാദേ സാ’വസാനേ (ച) സാ തനൂകരണേ (പി ച) ഹാ ചാഗേ മുഹ വേചിത്തേ നഹ സജ്ജനബന്ധനേ നഹ സോചേ പിഹിച്ഛായം സിനിഹ-സനിഹ പീതിയം.

൧൧൭. സു സവണേ സക സത്തിമ്ഹി ഖീ ഖയമ്ഹി ഗി സദ്ദനേ,

അപ-സമ്ഭൂ (ച) പാപുണനേ ഹി ഗതിമ്ഹി വൂ സംവരേ;

കീ വിനിമയേ ചി ചയേ ജി ജയേ ഞാ’വബോധനേ,

ഥവ’ഭിത്ഥവേ കമ്പനേ ധു (അഥോ) പു പവനേ (സിയാ;)

പീ തപ്പണേ മാ പമാണേ ഖിപക്ഖേപേ മി ഹിംസനേ,

മി പമാണേ മു ബന്ധേ (ച) ലു പച്ഛേദേ സി ബന്ധനേ

അസ ഭക്ഖണേ (അഥോ) ഗഹ ഉപാദാനേ (കിയാദയോ;)

തനു വിത്ഥാരേ സക സത്തിസ്മിം-ദു പരിതാപേ സനു ദാനസ്മിം,

വന യാചായം മനു ബോധസ്മിം-ഹി ഗതേ അപ പാപുണനസ്മിം (ഹി,)

കര കരണസ്മിം(ഭവതി)സി ബന്ധേ-സു അഭിസ്സവനേ(തനു ആദീനി;)

ചുര ഥേയ്യേ ലോക (ധാതു) ദസ്സനേ അകി ലക്ഖണേ,

സിയാ ഥക പതിഘാതേ (പുന) തക്ക വിതക്കണേ;

ലക്ഖ ദസ്സനഅങ്കേസു (വത്തതേ) മക്ഖ മക്ഖണേ,

ഭക്ഖാ’ദനേ മോക്ഖ മോചേ സുഖ-ദുക്ഖ (ച) തകിരയേ;

ലിങ്ഗ ചിത്തകിരയാ’ദീസു മഗ-മഗ്ഗ ഗവേസനേ,

(പുനാ’പി) പച വിത്ഥാരേ ക്ലേസേ വഞ്ച പലമ്ഭനേ.

വച്ച അജ്ഝായനേ അച്ച പൂജായം വച ഭാസനേ,

രച പതിയതനേ സുച പേസുഞ്ഞേ രുച രോചനേ;

മുചപ്പമോചനേ ലോച ദസ്സനേ കച ദിത്തിയം,

സജ്ജാ’ജ്ജ അജ്ജനേ തജ്ജ തജ്ജനേ വജ്ജ വജ്ജനേ;

യുജ സംയമനേ പൂജ പൂജായം തിജ തേജനേ,

(അഥോ) ഭാജ പുഥക്കാരേ സഭാജ പീതിദസ്സനേ,

(അഥോ തു) ഘട സങ്ഘാതേ ഘട്ട സഞ്ചലനാ’ദിസു;

കുട-കോട്ടച്ഛേദനേ (ദ്വേ) കുട ആകോടനാ’ദിസു,

നട നച്ചേ ചട-പുട ഭേദേ വണ്ട വിഭാജനേ;

തുവട്ട ഏകസയനേ ഘടോ വിസരണേ (സിയാ),

ഗുണ്ഠ ഓഗുണ്ഠനേ ഹേഠ ബാധായം വേഠ വേഠനേ

ഗുഡി വേഠേ കഡി-ഖഡി ഭേദനേ മഡി ഭൂസനേ;

പണ്ഡ-ഭണ്ഡ പരിഭാസേ ദഡി ആണായ (മീരിതോ),

തഡി സംതാളനേ പിണ്ഡ സങ്ഘാതേ ഛഡ്ഡ ഛഡ്ഡനേ;

വണ്ണ സംവണ്ണനേ ചുണ്ണ ചുണ്ണനേ ആണ പേസനേ,

ഗണ സംകലനേ കണ്ണ സവണേ ചിന്ത ചിന്തനേ;

സന്ത സങ്കോചനേ മന്ത ഗുത്ത ഭാസന ജാനനേ,

ചിത സംചേതനാ’ദിസു കിത്ത സംസദ്ദനേ (ഭവേ;)

യത നീയ്യാതനേ ഗന്ഥ സന്ദബ്ഭേ അത്ഥ യാചനേ,

കഥ വാക്യപ്പബന്ധേ (ച) വിദ ഞാണേ നുദേ ചുദ;

ഛദാ’പവാരണേ ഛദ്ദ വമനേ ഛന്ദ ഇച്ഛയം,

വദീ’ഭിവാദ ഥോമേസു ഭദികല്യാണകമ്മനി;

ഹിളാദ (തു) സുഖേ ഗന്ധ സൂചനേ വിധ കമ്പനേ,

രന്ധ പാകേ (അഥോ) മാന പൂജായം നു ത്ഥുതിമ്ഹി (തു;)

ഥന ദേവസദ്ദേ ഊന പരിഹാനേ ഥേന ചോരിയേ,

ധന സദ്ദേ ഞപ തോസ നിസാന മാരണാ’ദിസു;

ലപ വാക്യേ ഝപ ദാഹേ രുപ രോപണആദിസു,

പീ തപ്പനേ (സിയാ) കപ്പ വിതക്കേ ലഭി വഞ്ചനേ;

(അഥോ) വഹി ഗരഹായം സമു സാന്ത്വന ദസ്സനേ,

കമു ഇച്ഛായ കന്തിമ്ഹി (സിയാ) ഥോമ സിലാഘനേ;

തിമു തേമന സങ്കാസു അമ രോഗഗതാ’ദിസു,

സംഗാമ യുദ്ധേ (വത്തേയ്യ) ഈര വാചാ പകമ്പനേ;

വര ആവരണി’ച്ഛാസു യാചായം ധര ധാരണേ,

തീര കമ്മ സമത്തിമ്ഹി പാര സാമത്ഥിയാ’ദിസു;

തുലു’മ്മാനേ ഖല സോവേ സഞ്ചയേ പാലരക്ഖണേ,

കല സങ്കലനാ’ദീസു (ഭവേ) മീല നിമീലനേ;

സീലൂ’പധാരണേ മൂല രോഹണേ ലല ഇച്ഛനേ,

ദുല ഉക്ഖേപണേ പൂല മഹത്തന സമുസ്സയേ;

ഘുസ സദ്ദേ പിസ പേസേ ഭുസാ’ലങ്കരണേ (സിയാ,)

രുസ പാരുസിയേ ഖുംസ അക്കോസേ പുസ പോസനേ;

ദിസ ഉച്ചാരണാ’ദീസു വസ അച്ഛാദനേ (സിയാ,)

രസ’സ്സാദേ രവേ സ്നേഹേ (അഥോ) സിസ വിസേസനേ;

സി ബന്ധേ മിസ്സ സമ്മിസ്സേ കുഹ വിമ്ഭാപനേ സിയാ,

രഹ ചാഗേ ഗതേ (ചാ’പി) മഹ പൂജായ (മീരിതോ;)

പിഹി’ച്ഛായം സിയാ വീള ലജ്ജായം ഏള ഫാളനേ

ഹീള ഗാരഹിയേ പീള ബാധായം തള താളനേ

ലള (ധാതൂ)’പസേവാ’യം (വത്തതീ’മേചുരാദയോ;)

ഭുവാദീ ച രുധാദീ ച-ദിവാദി സ്വാ’ദയോ ഗണാ,

കിയാദീ ച തനാദീ ച-ചുരാദീതീ’ധ സത്തധാ;

കിരയാവാചിത്തമക്ഖാതു-മേ’കേകത്ഥോ ബഹൂ’ദിതോ,

പയോഗതോ’നുഗന്തബ്ബാ-അനേകത്ഥാ ഹി ധാതവോ;

ഹിതായ മന്ദബുദ്ധീനം-വ്യത്തം വണ്ണക്കമാ ലഹും,

രചിതാ ധാതുമഞ്ജുസാ-സീലവംസേന ധീമതാ;

സാചരിയാനുസിട്ഠാ ¶ പരിസിട്ഠപരിഭാസാ

ഏകാ നേകസ്സ രാനന്തൂ-’ഭയേസം അന്തിമാ സരാ,

അങ്ഗാനുബന്ധാ ധാതൂനം-വുച്ചന്തേ’പി യഥാക്കമം;

ധാതുനോ വ്യാഞ്ജനാ പുബ്ബേ-നിഗ്ഗഹീതം സമ’ന്തിമാ,

ഇവണ്ണേനാ’രുധാദീന-മനുബന്ധേന ചിണ്ഹിതം;

സേസാ’നുബന്ധാ സബ്ബേസം-ഹോന്തീ’ധു’ച്ചാരണപ്ഫലാ,

ഉച്ചാവചപ്ഫലാ ഭാസ-ന്തരമ്പത്വാ ഭ വന്തി’പി;

നാമധാതുക ഭാവോ’പി-കിരയായ അധികാരതോ,

വിരുദ്ധന്തരാഭാവാ-ക്വചിദേവ പയുജ്ജതേ;

ദ്വന്ദയുത്തിവസാ ക്വാപി-ആദേസോ യോവിഭത്തിയാ,

ഗുണാദിഭാവ സദ്ദോ’പി-തകിരയത്ഥേ വിധീയതേ;