📜

နမော တဿ ဘဂဝတော အရဟတော သမ္မာသမ္ဗုဒ္ဓဿ

အဘိဓမ္မပိဋကေ

ဓာတုကထာပါဠိ

ဥဒ္ဒေသော

၁။ နယမာတိကာ

၁။ (၁) သင်္ဂဟော ¶ ¶ ¶ ¶ အသင်္ဂဟော (၂) သင်္ဂဟိတေန အသင်္ဂဟိတံ (၃) အသင်္ဂဟိတေန သင်္ဂဟိတံ (၄) သင်္ဂဟိတေန သင်္ဂဟိတံ (၅) အသင်္ဂဟိတေန အသင်္ဂဟိတံ (၆) သမ္ပယောဂေါ ဝိပ္ပယောဂေါ (၇)သမ္ပယုတ္တေန ဝိပ္ပယုတ္တံ (၈) ဝိပ္ပယုတ္တေန သမ္ပယုတ္တံ (၉) သမ္ပယုတ္တေန သမ္ပယုတ္တံ (၁၀)ဝိပ္ပယုတ္တေန ဝိပ္ပယုတ္တံ (၁၁) သင်္ဂဟိတေန သမ္ပယုတ္တံ ဝိပ္ပယုတ္တံ (၁၂) သမ္ပယုတ္တေန သင်္ဂဟိတံ အသင်္ဂဟိတံ (၁၃) အသင်္ဂဟိတေန သမ္ပယုတ္တံ ဝိပ္ပယုတ္တံ (၁၄) ဝိပ္ပယုတ္တေန သင်္ဂဟိတံ အသင်္ဂဟိတံ။

၂။ အဗ္ဘန္တရမာတိကာ

၂။ (၁) ပဉ္စက္ခန္ဓာ ¶ (၂) ဒွါဒသာယတနာနိ (၃) အဋ္ဌာရသ ဓာတုယော (၄) စတ္တာရိ သစ္စာနိ (၅) ဗာဝီသတိန္ဒြိယာနိ (၆) ပဋိစ္စသမုပ္ပာဒေါ (၇) စတ္တာရော သတိပဋ္ဌာနာ (၈)စတ္တာရော သမ္မပ္ပဓာနာ (၉) စတ္တာရော ဣဒ္ဓိပါဒါ (၁၀) စတ္တာရိ ဈာနာနိ (၁၁) စတဿော အပ္ပမညာယော (၁၂) ပဉ္စိန္ဒြိယာနိ (၁၃) ပဉ္စ ဗလာနိ (၁၄) သတ္တ ဗောဇ္ဈင်္ဂါ (၁၅)အရိယော အဋ္ဌင်္ဂိကော မဂ္ဂေါ (၁၆) ဖဿော ဝေဒနာ သညာ စေတနာ စိတ္တံ အဓိမောက္ခော မနသိကာရော။

၃။ နယမုခမာတိကာ

၃။ တီဟိ ¶ သင်္ဂဟော၊ တီဟိ အသင်္ဂဟော၊ စတူဟိ သမ္ပယောဂေါ၊ စတူဟိ ဝိပ္ပယောဂေါ။

၄။ လက္ခဏမာတိကာ

၄။ သဘာဂေါ၊ ဝိသဘာဂေါ။

၅။ ဗာဟိရမာတိကာ

၅။ သဗ္ဗာပိ ဓမ္မသင်္ဂဏီ ဓာတုကထာယ မာတိကာတိ။

၁။ ပဌမနယော

၁။ သင်္ဂဟာသင်္ဂဟပဒနိဒ္ဒေသော

၁။ ခန္ဓော

၆။ ရူပက္ခန္ဓော ¶ ¶ ¶ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင်္ဂဟိတော? ရူပက္ခန္ဓော ¶ ဧကေန ခန္ဓေန ဧကာဒသဟာယတနေဟိ ဧကာဒသဟိ ဓာတူဟိ သင်္ဂဟိတော။ ကတိဟိ အသင်္ဂဟိတော? စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ အသင်္ဂဟိတော။

၇။ ဝေဒနာက္ခန္ဓော ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင်္ဂဟိတော? ဝေဒနာက္ခန္ဓော ဧကေန ခန္ဓေန ဧကေနာယတနေန ဧကာယ ဓာတုယာ သင်္ဂဟိတော။ ကတိဟိ အသင်္ဂဟိတော? စတူဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတော။

၈။ သညာက္ခန္ဓော ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင်္ဂဟိတော? သညာက္ခန္ဓော ဧကေန ခန္ဓေန ဧကေနာယတနေန ဧကာယ ဓာတုယာ သင်္ဂဟိတော။ ကတိဟိ အသင်္ဂဟိတော? စတူဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတော။

၉။ သင်္ခါရက္ခန္ဓော ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင်္ဂဟိတော? သင်္ခါရက္ခန္ဓော ဧကေန ခန္ဓေန ဧကေနာယတနေန ဧကာယ ဓာတုယာ သင်္ဂဟိတော။ ကတိဟိ အသင်္ဂဟိတော? စတူဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတော။

၁၀။ ဝိညာဏက္ခန္ဓော ¶ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင်္ဂဟိတော? ဝိညာဏက္ခန္ဓော ဧကေန ခန္ဓေန ဧကေနာယတနေန သတ္တဟိ ဓာတူဟိ သင်္ဂဟိတော။ ကတိဟိ အသင်္ဂဟိတော? စတူဟိ ခန္ဓေဟိ ဧကာဒသဟာယတနေဟိ ¶ ဧကာဒသဟိ ဓာတူဟိ အသင်္ဂဟိတော။

(ဧကမူလကံ။)

၁၁။ ရူပက္ခန္ဓော စ ဝေဒနာက္ခန္ဓော စ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင်္ဂဟိတာ? ရူပက္ခန္ဓော စ ဝေဒနာက္ခန္ဓော စ ဒွီဟိ ခန္ဓေဟိ ဧကာဒသဟာယတနေဟိ ¶ ဧကာဒသဟိ ဓာတူဟိ သင်္ဂဟိတာ။ ကတိဟိ ¶ အသင်္ဂဟိတာ? တီဟိ ခန္ဓေဟိ ဧကေနာယတနေန သတ္တဟိ ဓာတူဟိ အသင်္ဂဟိတာ။

၁၂။ ရူပက္ခန္ဓော စ သညာက္ခန္ဓော စ…ပေ… ဒွီဟိ ခန္ဓေဟိ ဧကာဒသဟာယတနေဟိ ဧကာဒသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? တီဟိ ခန္ဓေဟိ ဧကေနာယတနေန သတ္တဟိ ဓာတူဟိ အသင်္ဂဟိတာ။

၁၃။ ရူပက္ခန္ဓော စ သင်္ခါရက္ခန္ဓော စ…ပေ… ဒွီဟိ ခန္ဓေဟိ ဧကာဒသဟာယတနေဟိ ဧကာဒသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? တီဟိ ခန္ဓေဟိ ဧကေနာယတနေန သတ္တဟိ ဓာတူဟိ အသင်္ဂဟိတာ။

၁၄။ ရူပက္ခန္ဓော စ ဝိညာဏက္ခန္ဓော စ…ပေ… ဒွီဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? တီဟိ ခန္ဓေဟိ၊ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

(ဒုကမူလကံ။)

၁၅။ ရူပက္ခန္ဓော စ ဝေဒနာက္ခန္ဓော စ သညာက္ခန္ဓော စ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင်္ဂဟိတာ? ရူပက္ခန္ဓော စ ဝေဒနာက္ခန္ဓော စ သညာက္ခန္ဓော စ တီဟိ ¶ ခန္ဓေဟိ ဧကာဒသဟာယတနေဟိ ဧကာဒသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဒွီဟိ ခန္ဓေဟိ ဧကေနာယတနေန သတ္တဟိ ဓာတူဟိ အသင်္ဂဟိတာ။

၁၆။ ရူပက္ခန္ဓော စ ဝေဒနာက္ခန္ဓော စ သင်္ခါရက္ခန္ဓော စ…ပေ… တီဟိ ¶ ခန္ဓေဟိ ဧကာဒသဟာယတနေဟိ ဧကာဒသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဒွီဟိ ခန္ဓေဟိ ဧကေနာယတနေန သတ္တဟိ ဓာတူဟိ အသင်္ဂဟိတာ။

၁၇။ ရူပက္ခန္ဓော စ ဝေဒနာက္ခန္ဓော စ ဝိညာဏက္ခန္ဓော စ…ပေ… တီဟိ ¶ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဒွီဟိ ခန္ဓေဟိ၊ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

(တိကမူလကံ။)

၁၈။ ရူပက္ခန္ဓော ¶ စ ဝေဒနာက္ခန္ဓော စ သညာက္ခန္ဓော စ သင်္ခါရက္ခန္ဓော စ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင်္ဂဟိတာ? ရူပက္ခန္ဓော စ ဝေဒနာက္ခန္ဓော စ သညာက္ခန္ဓော စ သင်္ခါရက္ခန္ဓော စ စတူဟိ ခန္ဓေဟိ ဧကာဒသဟာယတနေဟိ ဧကာဒသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဧကေနာယတနေန သတ္တဟိ ဓာတူဟိ အသင်္ဂဟိတာ။

၁၉။ ရူပက္ခန္ဓော စ ဝေဒနာက္ခန္ဓော စ သညာက္ခန္ဓော စ ဝိညာဏက္ခန္ဓော စ…ပေ… စတူဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန၊ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

(စတုက္ကမူလကံ။)

၂၀။ ရူပက္ခန္ဓော စ ဝေဒနာက္ခန္ဓော စ သညာက္ခန္ဓော စ သင်္ခါရက္ခန္ဓော စ ဝိညာဏက္ခန္ဓော စ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင်္ဂဟိတာ? ရူပက္ခန္ဓော စ ဝေဒနာက္ခန္ဓော စ သညာက္ခန္ဓော စ သင်္ခါရက္ခန္ဓော စ ဝိညာဏက္ခန္ဓော စ ပဉ္စဟိ ခန္ဓေဟိ ဒွါဒသာယတနေဟိ ¶ ¶ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၂၁။ ပဉ္စက္ခန္ဓာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင်္ဂဟိတာ? ပဉ္စက္ခန္ဓာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

(ပဉ္စကံ။)

၂။ အာယတနံ

၂၂။ စက္ခာယတနံ ¶ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင်္ဂဟိတံ? စက္ခာယတနံ ဧကေန ခန္ဓေန ဧကေနာယတနေန ဧကာယ ဓာတုယာ သင်္ဂဟိတံ။ ကတိဟိ အသင်္ဂဟိတံ? စတူဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတံ။

၂၃။ သောတာယတနံ ¶ … ဃာနာယတနံ… ဇိဝှာယတနံ… ကာယာယတနံ… ရူပါယတနံ… သဒ္ဒါယတနံ… ဂန္ဓာယတနံ… ရသာယတနံ… ဖောဋ္ဌဗ္ဗာယတနံ…ပေ… ဧကေန ခန္ဓေန ဧကေနာယတနေန ဧကာယ ဓာတုယာ သင်္ဂဟိတံ။ ကတိဟိ အသင်္ဂဟိတံ? စတူဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတံ။

၂၄။ မနာယတနံ ဧကေန ခန္ဓေန ဧကေနာယတနေန သတ္တဟိ ဓာတူဟိ သင်္ဂဟိတံ။ ကတိဟိ အသင်္ဂဟိတံ? စတူဟိ ခန္ဓေဟိ ဧကာဒသဟာယတနေဟိ ဧကာဒသဟိ ဓာတူဟိ အသင်္ဂဟိတံ။

၂၅။ ဓမ္မာယတနံ အသင်္ခတံ ခန္ဓတော ဌပေတွာ စတူဟိ ခန္ဓေဟိ ဧကေနာယတနေန ဧကာယ ဓာတုယာ သင်္ဂဟိတံ။ ကတိဟိ အသင်္ဂဟိတံ? ဧကေန ခန္ဓေန ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတံ။

(ဧကမူလကံ။)

၂၆။ စက္ခာယတနဉ္စ ¶ ¶ သောတာယတနဉ္စ ဧကေန ခန္ဓေန ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? စတူဟိ ခန္ဓေဟိ ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၂၇။ စက္ခာယတနဉ္စ ¶ ဃာနာယတနဉ္စ… စက္ခာယတနဉ္စ ဇိဝှာယတနဉ္စ… စက္ခာယတနဉ္စ ကာယာယတနဉ္စ… စက္ခာယတနဉ္စ ရူပါယတနဉ္စ… စက္ခာယတနဉ္စ သဒ္ဒါယတနဉ္စ… စက္ခာယတနဉ္စ ဂန္ဓာယတနဉ္စ… စက္ခာယတနဉ္စ ရသာယတနဉ္စ… စက္ခာယတနဉ္စ ဖောဋ္ဌဗ္ဗာယတနဉ္စ ဧကေန ခန္ဓေန ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? စတူဟိ ခန္ဓေဟိ ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၂၈။ စက္ခာယတနဉ္စ မနာယတနဉ္စ ဒွီဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? တီဟိ ခန္ဓေဟိ ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၂၉။ စက္ခာယတနဉ္စ ဓမ္မာယတနဉ္စ အသင်္ခတံ ခန္ဓတော ဌပေတွာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

(ဒုကမူလကံ။)

၃၀။ ဒွါဒသာယတနာနိ ¶ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင်္ဂဟိတာ? ဒွါဒသာယတနာနိ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

(ဒွါဒသကံ။)

၃။ ဓာတု

၃၁။ စက္ခုဓာတု ¶ ¶ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင်္ဂဟိတာ? စက္ခုဓာတု ဧကေန ခန္ဓေန ဧကေနာယတနေန ဧကာယ ဓာတုယာ သင်္ဂဟိတာ။ ကတိဟိ အသင်္ဂဟိတာ? စတူဟိ ¶ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၃၂။ သောတဓာတု… ဃာနဓာတု… ဇိဝှာဓာတု… ကာယဓာတု… ရူပဓာတု… သဒ္ဒဓာတု… ဂန္ဓဓာတု… ရသဓာတု… ဖောဋ္ဌဗ္ဗဓာတု… စက္ခုဝိညာဏဓာတု… သောတဝိညာဏဓာတု… ဃာနဝိညာဏဓာတု… ဇိဝှာဝိညာဏဓာတု… ကာယဝိညာဏဓာတု… မနောဓာတု… မနောဝိညာဏဓာတု ဧကေန ခန္ဓေန ဧကေနာယတနေန ဧကာယ ဓာတုယာ သင်္ဂဟိတာ။ ကတိဟိ အသင်္ဂဟိတာ? စတူဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၃၃။ ဓမ္မဓာတု အသင်္ခတံ ခန္ဓတော ဌပေတွာ စတူဟိ ခန္ဓေဟိ ဧကေနာယတနေန ဧကာယ ဓာတုယာ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

(ဧကမူလကံ။)

၃၄။ စက္ခုဓာတု စ သောတဓာတု စ ဧကေန ခန္ဓေန ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? စတူဟိ ခန္ဓေဟိ ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၃၅။ စက္ခုဓာတု စ ဃာနဓာတု စ… စက္ခုဓာတု စ ဇိဝှာဓာတု စ… စက္ခုဓာတု စ ကာယဓာတု စ… စက္ခုဓာတု စ ရူပဓာတု စ… စက္ခုဓာတု စ သဒ္ဒဓာတု စ… စက္ခုဓာတု ¶ စ ဂန္ဓဓာတု စ… စက္ခုဓာတု စ ရသဓာတု စ… စက္ခုဓာတု စ ဖောဋ္ဌဗ္ဗဓာတု စ ဧကေန ¶ ခန္ဓေန ဒွီဟာယတနေဟိ ဒွီဟိ ¶ ဓာတူဟိ သင်္ဂဟိတာ။ ကတိဟိ အသင်္ဂဟိတာ? စတူဟိ ခန္ဓေဟိ ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၃၆။ စက္ခုဓာတု ¶ စ စက္ခုဝိညာဏဓာတု စ ဒွီဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? တီဟိ ခန္ဓေဟိ ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၃၇။ စက္ခုဓာတု စ သောတဝိညာဏဓာတု စ… စက္ခုဓာတု စ ဃာနဝိညာဏဓာတု စ… စက္ခုဓာတု စ ဇိဝှာဝိညာဏဓာတု စ… စက္ခုဓာတု စ ကာယဝိညာဏဓာတု စ… စက္ခုဓာတု စ မနောဓာတု စ… စက္ခုဓာတု စ မနောဝိညာဏဓာတု စ ဒွီဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? တီဟိ ခန္ဓေဟိ ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၃၈။ စက္ခုဓာတု စ ဓမ္မဓာတု စ အသင်္ခတံ ခန္ဓတော ဌပေတွာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

(ဒုကမူလကံ။)

၃၉။ အဋ္ဌာရသ ဓာတုယော ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင်္ဂဟိတာ? အဋ္ဌာရသ ဓာတုယော အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

(အဋ္ဌာရသကံ။)

၄။ သစ္စံ

၄၀။ ဒုက္ခသစ္စံ ¶ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင်္ဂဟိတံ? ဒုက္ခသစ္စံ ¶ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတံ။ ကတိဟိ အသင်္ဂဟိတံ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတံ။

၄၁။ သမုဒယသစ္စံ ¶ … ¶ မဂ္ဂသစ္စံ ဧကေန ခန္ဓေန ဧကေနာယတနေန ဧကာယ ဓာတုယာ သင်္ဂဟိတံ။ ကတိဟိ အသင်္ဂဟိတံ? စတူဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတံ။

၄၂။ နိရောဓသစ္စံ န ကေဟိစိ ခန္ဓေဟိ ဧကေနာယတနေန ဧကာယ ဓာတုယာ သင်္ဂဟိတံ။ ကတိဟိ အသင်္ဂဟိတံ? ပဉ္စဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတံ။

(ဧကမူလကံ။)

၄၃။ ဒုက္ခသစ္စဉ္စ သမုဒယသစ္စဉ္စ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၄၄။ ဒုက္ခသစ္စဉ္စ မဂ္ဂသစ္စဉ္စ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၄၅။ ဒုက္ခသစ္စဉ္စ နိရောဓသစ္စဉ္စ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

(ဒုကမူလကံ။)

၄၆။ ဒုက္ခသစ္စဉ္စ ¶ သမုဒယသစ္စဉ္စ မဂ္ဂသစ္စဉ္စ ပဉ္စဟိ ¶ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၄၇။ ဒုက္ခသစ္စဉ္စ သမုဒယသစ္စဉ္စ နိရောဓသစ္စဉ္စ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ¶ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

(တိကမူလကံ။)

၄၈။ ဒုက္ခသစ္စဉ္စ ¶ သမုဒယသစ္စဉ္စ မဂ္ဂသစ္စဉ္စ နိရောဓသစ္စဉ္စ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၄၉။ စတ္တာရိ သစ္စာနိ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင်္ဂဟိတာနိ? စတ္တာရိ သစ္စာနိ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာနိ။ ကတိဟိ အသင်္ဂဟိတာနိ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာနိ။

(စတုက္ကံ။)

၅။ ဣန္ဒြိယံ

၅၀။ စက္ခုန္ဒြိယံ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင်္ဂဟိတံ? စက္ခုန္ဒြိယံ ဧကေန ခန္ဓေန ဧကေနာယတနေန ဧကာယ ဓာတုယာ သင်္ဂဟိတံ။ ကတိဟိ အသင်္ဂဟိတံ? စတူဟိ ခန္ဓေဟိ ဧကာဒသဟာယတနေဟိ ¶ သတ္တရသဟိ ဓာတူဟိ အသင်္ဂဟိတံ။

၅၁။ သောတိန္ဒြိယံ… ဃာနိန္ဒြိယံ… ဇိဝှိန္ဒြိယံ… ကာယိန္ဒြိယံ… ဣတ္ထိန္ဒြိယံ ¶ … ပုရိသိန္ဒြိယံ ဧကေန ခန္ဓေန ဧကေနာယတနေန ဧကာယ ဓာတုယာ သင်္ဂဟိတံ။ ကတိဟိ အသင်္ဂဟိတံ? စတူဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတံ။

၅၂။ မနိန္ဒြိယံ ¶ ဧကေန ခန္ဓေန ဧကေနာယတနေန သတ္တဟိ ဓာတူဟိ သင်္ဂဟိတံ။ ကတိဟိ အသင်္ဂဟိတံ? စတူဟိ ခန္ဓေဟိ ဧကာဒသဟာယတနေဟိ ဧကာဒသဟိ ဓာတူဟိ အသင်္ဂဟိတံ။

၅၃။ ဇီဝိတိန္ဒြိယံ ဒွီဟိ ခန္ဓေဟိ ဧကေနာယတနေန ဧကာယ ဓာတုယာ သင်္ဂဟိတံ။ ကတိဟိ အသင်္ဂဟိတံ? တီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတံ။

၅၄။ သုခိန္ဒြိယံ ¶ … ဒုက္ခိန္ဒြိယံ… သောမနဿိန္ဒြိယံ… ဒေါမနဿိန္ဒြိယံ… ဥပေက္ခိန္ဒြိယံ… သဒ္ဓိန္ဒြိယံ… ဝီရိယိန္ဒြိယံ… သတိန္ဒြိယံ… သမာဓိန္ဒြိယံ… ပညိန္ဒြိယံ… အနညာတညဿာမီတိန္ဒြိယံ… အညိန္ဒြိယံ… အညာတာဝိန္ဒြိယံ ဧကေန ခန္ဓေန ဧကေနာယတနေန ဧကာယ ဓာတုယာ သင်္ဂဟိတံ။ ကတိဟိ အသင်္ဂဟိတံ? စတူဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတံ။

(ဧကမူလကံ။)

၅၅။ စက္ခုန္ဒြိယဉ္စ သောတိန္ဒြိယဉ္စ ဧကေန ¶ ခန္ဓေန ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? စတူဟိ ခန္ဓေဟိ ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၅၆။ စက္ခုန္ဒြိယဉ္စ ¶ ဃာနိန္ဒြိယဉ္စ… စက္ခုန္ဒြိယဉ္စ ဇိဝှိန္ဒြိယဉ္စ… စက္ခုန္ဒြိယဉ္စ ကာယိန္ဒြိယဉ္စ… စက္ခုန္ဒြိယဉ္စ ဣတ္ထိန္ဒြိယဉ္စ… စက္ခုန္ဒြိယဉ္စ ပုရိသိန္ဒြိယဉ္စ ဧကေန ခန္ဓေန ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? စတူဟိ ခန္ဓေဟိ ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၅၇။ စက္ခုန္ဒြိယဉ္စ မနိန္ဒြိယဉ္စ ဒွီဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? တီဟိ ခန္ဓေဟိ ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၅၈။ စက္ခုန္ဒြိယဉ္စ ဇီဝိတိန္ဒြိယဉ္စ ဒွီဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? တီဟိ ခန္ဓေဟိ ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၅၉။ စက္ခုန္ဒြိယဉ္စ ¶ သုခိန္ဒြိယဉ္စ… စက္ခုန္ဒြိယဉ္စ ဒုက္ခိန္ဒြိယဉ္စ… စက္ခုန္ဒြိယဉ္စ သောမနဿိန္ဒြိယဉ္စ… စက္ခုန္ဒြိယဉ္စ ဒေါမနဿိန္ဒြိယဉ္စ… စက္ခုန္ဒြိယဉ္စ ဥပေက္ခိန္ဒြိယဉ္စ… စက္ခုန္ဒြိယဉ္စ ¶ သဒ္ဓိန္ဒြိယဉ္စ… စက္ခုန္ဒြိယဉ္စ ဝီရိယိန္ဒြိယဉ္စ… စက္ခုန္ဒြိယဉ္စ သတိန္ဒြိယဉ္စ… စက္ခုန္ဒြိယဉ္စ သမာဓိန္ဒြိယဉ္စ… စက္ခုန္ဒြိယဉ္စ ပညိန္ဒြိယဉ္စ… စက္ခုန္ဒြိယဉ္စ အနညာတညဿာမီတိန္ဒြိယဉ္စ… စက္ခုန္ဒြိယဉ္စ အညိန္ဒြိယဉ္စ… စက္ခုန္ဒြိယဉ္စ အညာတာဝိန္ဒြိယဉ္စ ဒွီဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? တီဟိ ခန္ဓေဟိ ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

(ဒုကမူလကံ။)

၆၀။ ဗာဝီသတိန္ဒြိယာနိ ¶ ¶ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင်္ဂဟိတာနိ? ဗာဝီသတိန္ဒြိယာနိ စတူဟိ ခန္ဓေဟိ သတ္တဟာယတနေဟိ တေရသဟိ ဓာတူဟိ သင်္ဂဟိတာနိ။ ကတိဟိ အသင်္ဂဟိတာနိ? ဧကေန ခန္ဓေန ပဉ္စဟာယတနေဟိ ပဉ္စဟိ ဓာတူဟိ အသင်္ဂဟိတာနိ။

၆။ ပဋိစ္စသမုပ္ပာဒါဒိ

၆၁။ အဝိဇ္ဇာ ဧကေန ခန္ဓေန ဧကေနာယတနေန ဧကာယ ဓာတုယာ သင်္ဂဟိတာ။ ကတိဟိ အသင်္ဂဟိတာ? စတူဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၆၂။ အဝိဇ္ဇာပစ္စယာ သင်္ခါရာ ဧကေန ခန္ဓေန ဧကေနာယတနေန ဧကာယ ဓာတုယာ သင်္ဂဟိတာ။ ကတိဟိ အသင်္ဂဟိတာ? စတူဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၆၃။ သင်္ခါရပစ္စယာ ဝိညာဏံ ဧကေန ¶ ခန္ဓေန ဧကေနာယတနေန သတ္တဟိ ဓာတူဟိ သင်္ဂဟိတံ။ ကတိဟိ အသင်္ဂဟိတံ? စတူဟိ ခန္ဓေဟိ ဧကာဒသဟာယတနေဟိ ဧကာဒသဟိ ဓာတူဟိ အသင်္ဂဟိတံ။

၆၄။ ဝိညာဏပစ္စယာ နာမရူပံ စတူဟိ ခန္ဓေဟိ ဧကာဒသဟာယတနေဟိ ဧကာဒသဟိ ဓာတူဟိ သင်္ဂဟိတံ။ ကတိဟိ အသင်္ဂဟိတံ? ဧကေန ခန္ဓေန ဧကေနာယတနေန သတ္တဟိ ဓာတူဟိ အသင်္ဂဟိတံ။

၆၅။ နာမရူပပစ္စယာ ¶ သဠာယတနံ ဒွီဟိ ခန္ဓေဟိ ဆဟာယတနေဟိ ဒွါဒသဟိ ဓာတူဟိ သင်္ဂဟိတံ။ ကတိဟိ အသင်္ဂဟိတံ? တီဟိ ခန္ဓေဟိ ဆဟာယတနေဟိ ဆဟိ ဓာတူဟိ အသင်္ဂဟိတံ။

၆၆။ သဠာယတနပစ္စယာ ဖဿော… ဖဿပစ္စယာ ဝေဒနာ… ဝေဒနာပစ္စယာ တဏှာ… တဏှာပစ္စယာ ဥပါဒါနံ… ကမ္မဘဝေါ ¶ [ဥပါဒါနပစ္စယာ ကမ္မဘဝေါ (သီ။ သျာ။)] ဧကေန ခန္ဓေန ဧကေနာယတနေန ဧကာယ ဓာတုယာ သင်္ဂဟိတော။ ကတိဟိ အသင်္ဂဟိတော? စတူဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတော။

၆၇။ ဥပပတ္တိဘဝေါ ¶ … ကာမဘဝေါ… သညာဘဝေါ… ပဉ္စဝေါကာရဘဝေါ ပဉ္စဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ သင်္ဂဟိတော။ ကတိဟိ အသင်္ဂဟိတော? န ကေဟိစိ ခန္ဓေဟိ ဧကေနာယတနေန ဧကာယ ဓာတုယာ အသင်္ဂဟိတော။

၆၈။ ရူပဘဝေါ ပဉ္စဟိ ခန္ဓေဟိ ပဉ္စဟာယတနေဟိ အဋ္ဌဟိ ဓာတူဟိ သင်္ဂဟိတော။ ကတိဟိ ¶ အသင်္ဂဟိတော? န ကေဟိစိ ခန္ဓေဟိ သတ္တဟာယတနေဟိ ဒသဟိ ဓာတူဟိ အသင်္ဂဟိတော။

၆၉။ အရူပဘဝေါ… နေဝသညာနာသညာဘဝေါ… စတုဝေါကာရဘဝေါ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတော။ ကတိဟိ အသင်္ဂဟိတော? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတော။

၇၀။ အသညာဘဝေါ… ဧကဝေါကာရဘဝေါ ဧကေန ခန္ဓေန ဒွီဟာယတနေဟိ ဒွီဟိ ဓာတူဟိ သင်္ဂဟိတော။ ကတိဟိ အသင်္ဂဟိတော? စတူဟိ ခန္ဓေဟိ ဒသဟာယတနေဟိ သောဠသဟိ ဓာတူဟိ အသင်္ဂဟိတော။

၇၁။ ဇာတိ ဒွီဟိ ခန္ဓေဟိ… ဇရာ ဒွီဟိ ခန္ဓေဟိ… မရဏံ ဒွီဟိ ခန္ဓေဟိ ဧကေနာယတနေန ဧကာယ ဓာတုယာ သင်္ဂဟိတံ။ ကတိဟိ အသင်္ဂဟိတံ? တီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတံ။

၇၂။ သောကော… ပရိဒေဝေါ… ဒုက္ခံ… ဒေါမနဿံ… ဥပါယာသော… သတိပဋ္ဌာနံ… သမ္မပ္ပဓာနံ ¶ ဧကေန ခန္ဓေန ဧကေနာယတနေန ဧကာယ ဓာတုယာ သင်္ဂဟိတံ။ ကတိဟိ အသင်္ဂဟိတံ? စတူဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတံ။

၇၃။ ဣဒ္ဓိပါဒေါ ¶ ဒွီဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတော။ ကတိဟိ အသင်္ဂဟိတော? တီဟိ ခန္ဓေဟိ ဒသဟာယတနေဟိ သောဠသဟိ ဓာတူဟိ အသင်္ဂဟိတော။

၇၄။ ဈာနံ ¶ ဒွီဟိ ခန္ဓေဟိ ဧကေနာယတနေန ဧကာယ ဓာတုယာ သင်္ဂဟိတံ။ ကတိဟိ အသင်္ဂဟိတံ? တီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတံ။

၇၅။ အပ္ပမညာ ¶ … ပဉ္စိန္ဒြိယာနိ… ပဉ္စ ဗလာနိ… သတ္တ ဗောဇ္ဈင်္ဂါ… အရိယော အဋ္ဌင်္ဂိကော မဂ္ဂေါ… ဖဿော… ဝေဒနာ… သညာ… စေတနာ… အဓိမောက္ခော… မနသိကာရော ဧကေန ခန္ဓေန ဧကေနာယတနေန ဧကာယ ဓာတုယာ သင်္ဂဟိတော။ ကတိဟိ အသင်္ဂဟိတော? စတူဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတော။

၇၆။ စိတ္တံ ဧကေန ခန္ဓေန ဧကေနာယတနေန သတ္တဟိ ဓာတူဟိ သင်္ဂဟိတံ။ ကတိဟိ အသင်္ဂဟိတံ? စတူဟိ ခန္ဓေဟိ ဧကာဒသဟာယတနေဟိ ဧကာဒသဟိ ဓာတူဟိ အသင်္ဂဟိတံ။

၇။ တိကံ

၇၇။ ကုသလာ ဓမ္မာ… အကုသလာ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင်္ဂဟိတာ? ကုသလာ ဓမ္မာ… အကုသလာ ဓမ္မာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ¶ ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၇၈။ အဗျာကတာ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၇၉။ သုခါယ ဝေဒနာယ သမ္ပယုတ္တာ ဓမ္မာ… ဒုက္ခာယ ဝေဒနာယ သမ္ပယုတ္တာ ဓမ္မာ တီဟိ ခန္ဓေဟိ ဒွီဟာယတနေဟိ တီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဒွီဟိ ¶ ခန္ဓေဟိ ဒသဟာယတနေဟိ ပန္နရသဟိ ဓာတူဟိ အသင်္ဂဟိတာ။

၈၀။ အဒုက္ခမသုခါယ ¶ ဝေဒနာယ သမ္ပယုတ္တာ ဓမ္မာ တီဟိ ခန္ဓေဟိ ဒွီဟာယတနေဟိ သတ္တဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဒွီဟိ ခန္ဓေဟိ ဒသဟာယတနေဟိ ဧကာဒသဟိ ဓာတူဟိ အသင်္ဂဟိတာ။

၈၁။ ဝိပါကာ ¶ ဓမ္မာ စတူဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၈၂။ ဝိပါကဓမ္မဓမ္မာ… သံကိလိဋ္ဌသံကိလေသိကာ ဓမ္မာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၈၃။ နေဝဝိပါကနဝိပါကဓမ္မဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ တေရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ ¶ ? န ကေဟိစိ ခန္ဓေဟိ န ကေဟိစိ အာယတနေဟိ ပဉ္စဟိ ဓာတူဟိ အသင်္ဂဟိတာ။

၈၄။ ဥပါဒိန္နုပါဒါနိယာ ဓမ္မာ ပဉ္စဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ ဧကေနာယတနေန ဧကာယ ဓာတုယာ အသင်္ဂဟိတာ။

၈၅။ အနုပါဒိန္နုပါဒါနိယာ ဓမ္မာ ပဉ္စဟိ ခန္ဓေဟိ သတ္တဟာယတနေဟိ အဋ္ဌဟိ ဓာတူဟိ သင်္ဂဟိတာ။ ကတိဟိ ¶ အသင်္ဂဟိတာ? န ကေဟိစိ ခန္ဓေဟိ ပဉ္စဟာယတနေဟိ ဒသဟိ ဓာတူဟိ အသင်္ဂဟိတာ။

၈၆။ အနုပါဒိန္နအနုပါဒါနိယာ ဓမ္မာ… အသံကိလိဋ္ဌအသံကိလေသိကာ ဓမ္မာ အသင်္ခတံ ခန္ဓတော ဌပေတွာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၈၇။ အသံကိလိဋ္ဌသံကိလေသိကာ ဓမ္မာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ ¶ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၈၈။ သဝိတက္ကသဝိစာရာ ဓမ္မာ စတူဟိ ခန္ဓေဟိ ဒွီဟာယတနေဟိ တီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ ပန္နရသဟိ ဓာတူဟိ အသင်္ဂဟိတာ။

၈၉။ အဝိတက္ကဝိစာရမတ္တာ ¶ ဓမ္မာ… ပီတိသဟဂတာ ဓမ္မာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ¶ ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၉၀။ အဝိတက္ကအဝိစာရာ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ သတ္တရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ ဧကာယ ဓာတုယာ အသင်္ဂဟိတာ။

၉၁။ သုခသဟဂတာ ဓမ္မာ တီဟိ ခန္ဓေဟိ ဒွီဟာယတနေဟိ တီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဒွီဟိ ခန္ဓေဟိ ဒသဟာယတနေဟိ ပန္နရသဟိ ဓာတူဟိ အသင်္ဂဟိတာ။

၉၂။ ဥပေက္ခာသဟဂတာ ¶ ဓမ္မာ တီဟိ ခန္ဓေဟိ ဒွီဟာယတနေဟိ သတ္တဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဒွီဟိ ခန္ဓေဟိ ဒသဟာယတနေဟိ ဧကာဒသဟိ ဓာတူဟိ အသင်္ဂဟိတာ။

၉၃။ ဒဿနေန ပဟာတဗ္ဗာ ဓမ္မာ… ဘာဝနာယ ပဟာတဗ္ဗာ ဓမ္မာ… ဒဿနေန ပဟာတဗ္ဗဟေတုကာ ဓမ္မာ… ဘာဝနာယ ပဟာတဗ္ဗဟေတုကာ ဓမ္မာ… အာစယဂါမိနော ဓမ္မာ… အပစယဂါမိနော ဓမ္မာ… သေက္ခာ ဓမ္မာ… အသေက္ခာ ဓမ္မာ… မဟဂ္ဂတာ ဓမ္မာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၉၄။ နေဝ ဒဿနေန န ဘာဝနာယ ပဟာတဗ္ဗာ ဓမ္မာ… နေဝ ဒဿနေန န ဘာဝနာယ ပဟာတဗ္ဗဟေတုကာ ဓမ္မာ… နေဝါစယဂါမိနာပစယဂါမိနော ဓမ္မာ… နေဝသေက္ခနာသေက္ခာ ဓမ္မာ အသင်္ခတံ ¶ ခန္ဓတော ဌပေတွာ ပဉ္စဟိ ခန္ဓေဟိ ¶ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၉၅။ ပရိတ္တာ ဓမ္မာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၉၆။ အပ္ပမာဏာ ¶ ဓမ္မာ… ပဏီတာ ဓမ္မာ အသင်္ခတံ ခန္ဓတော ဌပေတွာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ ¶ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၉၇။ ပရိတ္တာရမ္မဏာ [ပရိတ္တာရမဏာ (?)] ဓမ္မာ စတူဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၉၈။ မဟဂ္ဂတာရမ္မဏာ ဓမ္မာ… အပ္ပမာဏာရမ္မဏာ ဓမ္မာ… ဟီနာ ဓမ္မာ… မိစ္ဆတ္တနိယတာ ဓမ္မာ… သမ္မတ္တနိယတာ ဓမ္မာ… မဂ္ဂါရမ္မဏာ ဓမ္မာ… မဂ္ဂဟေတုကာ ဓမ္မာ… မဂ္ဂါဓိပတိနော ဓမ္မာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၉၉။ မဇ္ဈိမာ ဓမ္မာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ¶ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၁၀၀။ အနိယတာ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၁၀၁။ ဥပ္ပန္နာ ¶ ဓမ္မာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၁၀၂။ အနုပ္ပန္နာ ¶ ဓမ္မာ ပဉ္စဟိ ခန္ဓေဟိ သတ္တဟာယတနေဟိ အဋ္ဌဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ ပဉ္စဟာယတနေဟိ ဒသဟိ ဓာတူဟိ အသင်္ဂဟိတာ။

၁၀၃။ ဥပ္ပာဒိနော ¶ ဓမ္မာ ပဉ္စဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ ဧကေနာယတနေန ဧကာယ ဓာတုယာ အသင်္ဂဟိတာ။

၁၀၄။ အတီတာ ဓမ္မာ… အနာဂတာ ဓမ္မာ… ပစ္စုပ္ပန္နာ ဓမ္မာ… အဇ္ဈတ္တာ ဓမ္မာ… အဇ္ဈတ္တဗဟိဒ္ဓါ ဓမ္မာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၁၀၅။ ဗဟိဒ္ဓါ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ¶ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၁၀၆။ အတီတာရမ္မဏာ ဓမ္မာ… အနာဂတာရမ္မဏာ ဓမ္မာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၁၀၇။ ပစ္စုပ္ပန္နာရမ္မဏာ ဓမ္မာ… အဇ္ဈတ္တာရမ္မဏာ ဓမ္မာ… ဗဟိဒ္ဓါရမ္မဏာ ဓမ္မာ… အဇ္ဈတ္တဗဟိဒ္ဓါရမ္မဏာ ဓမ္မာ စတူဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ¶ ခန္ဓေန ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၁၀၈။ သနိဒဿနသပ္ပဋိဃာ ဓမ္မာ ဧကေန ခန္ဓေန ဧကေနာယတနေန ဧကာယ ဓာတုယာ သင်္ဂဟိတာ ¶ ။ ကတိဟိ အသင်္ဂဟိတာ? စတူဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၁၀၉။ အနိဒဿနသပ္ပဋိဃာ ဓမ္မာ ဧကေန ခန္ဓေန နဝဟာယတနေဟိ နဝဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? စတူဟိ ခန္ဓေဟိ တီဟာယတနေဟိ နဝဟိ ဓာတူဟိ အသင်္ဂဟိတာ။

၁၁၀။ အနိဒဿနအပ္ပဋိဃာ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ၊ ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၈။ ဒုကံ

၁၁၁။ ဟေတူ ¶ ¶ ဓမ္မာ… ဟေတူ စေဝ သဟေတုကာ စ ဓမ္မာ… ဟေတူ စေဝ ဟေတုသမ္ပယုတ္တာ စ ဓမ္မာ ဧကေန ခန္ဓေန ဧကေနာယတနေန ဧကာယ ဓာတုယာ သင်္ဂဟိတာ။ ကတိဟိ အသင်္ဂဟိတာ? စတူဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၁၁၂။ န ဟေတူ ဓမ္မာ… အဟေတုကာ ဓမ္မာ… ဟေတုဝိပ္ပယုတ္တာ ဓမ္မာ… န ဟေတူ အဟေတုကာ [န ဟေတူ အဟေတုကာ (သျာ။ က။) ဝိဘ။ ဒုကပဉှာပုစ္ဆကေပိ] ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၁၁၃။ သဟေတုကာ ဓမ္မာ… ဟေတုသမ္ပယုတ္တာ ဓမ္မာ… သဟေတုကာ စေဝ န စ ဟေတူ ဓမ္မာ… ဟေတုသမ္ပယုတ္တာ စေဝ န စ ဟေတူ ဓမ္မာ… န ဟေတူ သဟေတုကာ ဓမ္မာ စတူဟိ ¶ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၁၁၄။ သပ္ပစ္စယာ ဓမ္မာ… သင်္ခတာ ဓမ္မာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ ¶ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၁၁၅။ အပ္ပစ္စယာ ဓမ္မာ… အသင်္ခတာ ဓမ္မာ န ကေဟိစိ ခန္ဓေဟိ ဧကေနာယတနေန ဧကာယ ဓာတုယာ သင်္ဂဟိတာ။ ကတိဟိ အသင်္ဂဟိတာ? ပဉ္စဟိ ¶ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၁၁၆။ သနိဒဿနာ ဓမ္မာ ဧကေန ခန္ဓေန ဧကေနာယတနေန ဧကာယ ဓာတုယာ သင်္ဂဟိတာ။ ကတိဟိ အသင်္ဂဟိတာ? စတူဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၁၁၇။ အနိဒဿနာ ¶ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ၊ ဧကေနာယတနေန ဧကာယ ဓာတုယာ အသင်္ဂဟိတာ။

၁၁၈။ သပ္ပဋိဃာ ဓမ္မာ ဧကေန ခန္ဓေန ဒသဟာယတနေဟိ ဒသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? စတူဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ အသင်္ဂဟိတာ။

၁၁၉။ အပ္ပဋိဃာ ဓမ္မာ အသင်္ခတံ ¶ ခန္ဓတော ဌပေတွာ ပဉ္စဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ၊ ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၁၂၀။ ရူပိနော ဓမ္မာ ဧကေန ခန္ဓေန ဧကာဒသဟာယတနေဟိ ဧကာဒသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ အသင်္ဂဟိတာ။

၁၂၁။ အရူပိနော ဓမ္မာ အသင်္ခတံ ခန္ဓတော ဌပေတွာ စတူဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၁၂၂။ လောကိယာ ¶ ¶ ဓမ္မာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၁၂၃။ လောကုတ္တရာ ဓမ္မာ အသင်္ခတံ ခန္ဓတော ဌပေတွာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၁၂၄။ ကေနစိ ဝိညေယျာ ဓမ္မာ… ကေနစိ န ဝိညေယျာ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၁၂၅။ အာသဝါ ¶ ဓမ္မာ… အာသဝါ စေဝ သာသဝါ စ ဓမ္မာ… အာသဝါ စေဝ အာသဝသမ္ပယုတ္တာ စ ဓမ္မာ ဧကေန ¶ ခန္ဓေန ဧကေနာယတနေန ဧကာယ ဓာတုယာ သင်္ဂဟိတာ။ ကတိဟိ အသင်္ဂဟိတာ? စတူဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၁၂၆။ နော အာသဝါ ဓမ္မာ… အာသဝဝိပ္ပယုတ္တာ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၁၂၇။ သာသဝါ ဓမ္မာ… သာသဝါ စေဝ နော စ အာသဝါ ဓမ္မာ… အာသဝဝိပ္ပယုတ္တာ သာသဝါ ဓမ္မာ ပဉ္စဟိ ခန္ဓေဟိ ဒွါဒသဟာယတနေဟိ ¶ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၁၂၈။ အနာသဝါ ဓမ္မာ… အာသဝဝိပ္ပယုတ္တာ အနာသဝါ ဓမ္မာ အသင်္ခတံ ခန္ဓတော ဌပေတွာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၁၂၉။ အာသဝသမ္ပယုတ္တာ ¶ ဓမ္မာ… အာသဝသမ္ပယုတ္တာ စေဝ နော စ အာသဝါ ဓမ္မာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၁၃၀။ သံယောဇနာ ဓမ္မာ… ဂန္ထာ ဓမ္မာ… ဩဃာ ဓမ္မာ… ယောဂါ ဓမ္မာ… နီဝရဏာ ဓမ္မာ… ပရာမာသာ ဓမ္မာ… ပရာမာသာ စေဝ ပရာမဋ္ဌာ စ ဓမ္မာ ဧကေန ¶ ခန္ဓေန ဧကေနာယတနေန ဧကာယ ဓာတုယာ သင်္ဂဟိတာ။ ကတိဟိ အသင်္ဂဟိတာ? စတူဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၁၃၁။ နော ပရာမာသာ ဓမ္မာ… ပရာမာသဝိပ္ပယုတ္တာ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ ¶ ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၁၃၂။ ပရာမဋ္ဌာ ဓမ္မာ… ပရာမဋ္ဌာ စေဝ နော စ ပရာမာသာ ဓမ္မာ… ပရာမာသဝိပ္ပယုတ္တာ ပရာမဋ္ဌာ ဓမ္မာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၁၃၃။ အပရာမဋ္ဌာ ဓမ္မာ… ပရာမာသဝိပ္ပယုတ္တာ အပရာမဋ္ဌာ ဓမ္မာ အသင်္ခတံ ခန္ဓတော ဌပေတွာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၁၃၄။ ပရာမာသသမ္ပယုတ္တာ ဓမ္မာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၁၃၅။ သာရမ္မဏာ ဓမ္မာ စတူဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၁၃၆။ အနာရမ္မဏာ ¶ ဓမ္မာ အသင်္ခတံ ခန္ဓတော ဌပေတွာ ဧကေန ခန္ဓေန ဧကာဒသဟာယတနေဟိ ဧကာဒသဟိ ¶ ဓာတူဟိ သင်္ဂဟိတာ။ ကတိဟိ အသင်္ဂဟိတာ? စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ အသင်္ဂဟိတာ။

၁၃၇။ စိတ္တာ ဓမ္မာ ဧကေန ခန္ဓေန ဧကေနာယတနေန သတ္တဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? စတူဟိ ခန္ဓေဟိ ဧကာဒသဟာယတနေဟိ ဧကာဒသဟိ ဓာတူဟိ အသင်္ဂဟိတာ။

၁၃၈။ နော စိတ္တာ ဓမ္မာ အသင်္ခတံ ခန္ဓတော ဌပေတွာ စတူဟိ ခန္ဓေဟိ ¶ ဧကာဒသဟာယတနေဟိ ဧကာဒသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဧကေနာယတနေန သတ္တဟိ ဓာတူဟိ အသင်္ဂဟိတာ။

၁၃၉။ စေတသိကာ ¶ ဓမ္မာ… စိတ္တသမ္ပယုတ္တာ ဓမ္မာ… စိတ္တသံသဋ္ဌာ ဓမ္မာ တီဟိ ခန္ဓေဟိ ဧကေနာယတနေန ဧကာယ ဓာတုယာ သင်္ဂဟိတာ။ ကတိဟိ အသင်္ဂဟိတာ? ဒွီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၁၄၀။ အစေတသိကာ ဓမ္မာ အသင်္ခတံ ခန္ဓတော ဌပေတွာ ဒွီဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? တီဟိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၁၄၁။ စိတ္တဝိပ္ပယုတ္တာ ဓမ္မာ… စိတ္တဝိသံသဋ္ဌာ ဓမ္မာ အသင်္ခတံ ခန္ဓတော ဌပေတွာ ဧကေန ခန္ဓေန ဧကာဒသဟာယတနေဟိ ဧကာဒသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ အသင်္ဂဟိတာ။

၁၄၂။ စိတ္တသမုဋ္ဌာနာ ¶ ဓမ္မာ စတူဟိ ခန္ဓေဟိ ဆဟာယတနေဟိ ဆဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဆဟာယတနေဟိ ဒွါဒသဟိ ဓာတူဟိ အသင်္ဂဟိတာ။

၁၄၃။ နော စိတ္တသမုဋ္ဌာနာ ဓမ္မာ… နော စိတ္တသဟဘုနော ဓမ္မာ… နော စိတ္တာနုပရိဝတ္တိနော ဓမ္မာ အသင်္ခတံ ခန္ဓတော ဌပေတွာ ဒွီဟိ ခန္ဓေဟိ ¶ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? တီဟိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၁၄၄။ စိတ္တသဟဘုနော ¶ ဓမ္မာ… စိတ္တာနုပရိဝတ္တိနော ဓမ္မာ စတူဟိ ခန္ဓေဟိ ဧကေနာယတနေန ဧကာယ ဓာတုယာ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၁၄၅။ စိတ္တသံသဋ္ဌသမုဋ္ဌာနာ ဓမ္မာ… စိတ္တသံသဋ္ဌသမုဋ္ဌာနသဟဘုနော ဓမ္မာ… စိတ္တသံသဋ္ဌသမုဋ္ဌာနာနုပရိဝတ္တိနော ဓမ္မာ တီဟိ ခန္ဓေဟိ ဧကေနာယတနေန ဧကာယ ဓာတုယာ သင်္ဂဟိတာ။ ကတိဟိ အသင်္ဂဟိတာ? ဒွီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၁၄၆။ နော ¶ စိတ္တသံသဋ္ဌသမုဋ္ဌာနာ ဓမ္မာ… နော စိတ္တသံသဋ္ဌသမုဋ္ဌာနသဟဘုနော ဓမ္မာ… နော စိတ္တသံသဋ္ဌသမုဋ္ဌာနာနုပရိဝတ္တိနော ဓမ္မာ အသင်္ခတံ ခန္ဓတော ဌပေတွာ ဒွီဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? တီဟိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၁၄၇။ အဇ္ဈတ္တိကာ ဓမ္မာ ဒွီဟိ ¶ ခန္ဓေဟိ ဆဟာယတနေဟိ ဒွါဒသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? တီဟိ ခန္ဓေဟိ ဆဟာယတနေဟိ ဆဟိ ဓာတူဟိ အသင်္ဂဟိတာ။

၁၄၈။ ဗာဟိရာ ဓမ္မာ အသင်္ခတံ ခန္ဓတော ဌပေတွာ စတူဟိ ခန္ဓေဟိ ဆဟာယတနေဟိ ဆဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ¶ ဆဟာယတနေဟိ ဒွါဒသဟိ ဓာတူဟိ အသင်္ဂဟိတာ။

၁၄၉။ ဥပါဒါ ဓမ္မာ ဧကေန ခန္ဓေန ဒသဟာယတနေဟိ ဒသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? စတူဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ အသင်္ဂဟိတာ။

၁၅၀။ နော ဥပါဒါ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ တီဟာယတနေဟိ နဝဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ နဝဟာယတနေဟိ နဝဟိ ဓာတူဟိ အသင်္ဂဟိတာ။

၁၅၁။ ဥပါဒိန္နာ ဓမ္မာ ပဉ္စဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ သင်္ဂဟိတာ ¶ ။ ကတိဟိ အသင်္ဂဟိတာ? န ကေဟိစိ ခန္ဓေဟိ ဧကေနာယတနေန ဧကာယ ဓာတုယာ အသင်္ဂဟိတာ။

၁၅၂။ အနုပါဒိန္နာ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ သတ္တဟာယတနေဟိ အဋ္ဌဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ ပဉ္စဟာယတနေဟိ ဒသဟိ ဓာတူဟိ အသင်္ဂဟိတာ။

၁၅၃။ ဥပါဒါနာ ဓမ္မာ… ကိလေသာ ဓမ္မာ… ကိလေသာ စေဝ သံကိလေသိကာ စ ဓမ္မာ… ကိလေသာ စေဝ သံကိလိဋ္ဌာ စ ဓမ္မာ… ကိလေသာ စေဝ ကိလေသသမ္ပယုတ္တာ စ ဓမ္မာ ဧကေန ¶ ခန္ဓေန ဧကေနာယတနေန ဧကာယ ဓာတုယာ ¶ သင်္ဂဟိတာ။ ကတိဟိ အသင်္ဂဟိတာ? စတူဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၁၅၄။ နော ကိလေသာ ဓမ္မာ… အသံကိလိဋ္ဌာ ဓမ္မာ… ကိလေသဝိပ္ပယုတ္တာ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ¶ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၁၅၅။ သံကိလေသိကာ ဓမ္မာ… သံကိလေသိကာ စေဝ နော စ ကိလေသာ ဓမ္မာ… ကိလေသဝိပ္ပယုတ္တာ သံကိလေသိကာ ဓမ္မာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၁၅၆။ အသံကိလေသိကာ ဓမ္မာ… ကိလေသဝိပ္ပယုတ္တာ အသံကိလေသိကာ ဓမ္မာ အသင်္ခတံ ခန္ဓတော ဌပေတွာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၁၅၇။ သံကိလိဋ္ဌာ ဓမ္မာ… ကိလေသသမ္ပယုတ္တာ ဓမ္မာ… သံကိလိဋ္ဌာ စေဝ နော စ ကိလေသာ ဓမ္မာ… ကိလေသသမ္ပယုတ္တာ စေဝ နော စ ကိလေသာ ဓမ္မာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ ¶ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၁၅၈။ ဒဿနေန ပဟာတဗ္ဗာ ဓမ္မာ… ဘာဝနာယ ပဟာတဗ္ဗာ ဓမ္မာ… ဒဿနေန ပဟာတဗ္ဗဟေတုကာ ဓမ္မာ… ဘာဝနာယ ပဟာတဗ္ဗဟေတုကာ ဓမ္မာ စတူဟိ ¶ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၁၅၉။ န ဒဿနေန ပဟာတဗ္ဗာ ဓမ္မာ… န ဘာဝနာယ ပဟာတဗ္ဗာ ဓမ္မာ ¶ … န ဒဿနေန ပဟာတဗ္ဗဟေတုကာ ဓမ္မာ… န ဘာဝနာယ ပဟာတဗ္ဗဟေတုကာ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ¶ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၁၆၀။ သဝိတက္ကာ ဓမ္မာ… သဝိစာရာ ဓမ္မာ စတူဟိ ခန္ဓေဟိ ဒွီဟာယတနေဟိ တီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ ပန္နရသဟိ ဓာတူဟိ အသင်္ဂဟိတာ။

၁၆၁။ အဝိတက္ကာ ဓမ္မာ… အဝိစာရာ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ သတ္တရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ ဧကာယ ဓာတုယာ အသင်္ဂဟိတာ။

၁၆၂။ သပ္ပီတိကာ ဓမ္မာ… ပီတိသဟဂတာ ဓမ္မာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၁၆၃။ အပ္ပီတိကာ ဓမ္မာ… န ပီတိသဟဂတာ ဓမ္မာ… န သုခသဟဂတာ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ ¶ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၁၆၄။ သုခသဟဂတာ ¶ ဓမ္မာ တီဟိ ခန္ဓေဟိ ဒွီဟာယတနေဟိ တီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဒွီဟိ ခန္ဓေဟိ ဒသဟာယတနေဟိ ပန္နရသဟိ ¶ ဓာတူဟိ အသင်္ဂဟိတာ။

၁၆၅။ ဥပေက္ခာသဟဂတာ ဓမ္မာ တီဟိ ခန္ဓေဟိ ဒွီဟာယတနေဟိ သတ္တဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဒွီဟိ ခန္ဓေဟိ ဒသဟာယတနေဟိ ဧကာဒသဟိ ဓာတူဟိ အသင်္ဂဟိတာ။

၁၆၆။ န ဥပေက္ခာသဟဂတာ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ တေရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ ပဉ္စဟိ ဓာတူဟိ အသင်္ဂဟိတာ။

၁၆၇။ ကာမာဝစရာ ¶ ဓမ္မာ… ပရိယာပန္နာ ဓမ္မာ… သဥတ္တရာ ဓမ္မာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၁၆၈။ န ကာမာဝစရာ ဓမ္မာ… အပရိယာပန္နာ ဓမ္မာ… အနုတ္တရာ ဓမ္မာ အသင်္ခတံ ခန္ဓတော ဌပေတွာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၁၆၉။ ရူပါဝစရာ ဓမ္မာ… အရူပါဝစရာ ဓမ္မာ… နိယျာနိကာ ဓမ္မာ… နိယတာ ဓမ္မာ… သရဏာ ဓမ္မာ စတူဟိ ¶ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၁၇၀။ န ¶ ရူပါဝစရာ ဓမ္မာ… န အရူပါဝစရာ ဓမ္မာ… အနိယျာနိကာ ဓမ္မာ… အနိယတာ ဓမ္မာ… အရဏာ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင်္ဂဟိတာ? အရဏာ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

သင်္ဂဟာသင်္ဂဟပဒနိဒ္ဒေသော ပဌမော။

၂။ ဒုတိယနယော

၂။ သင်္ဂဟိတေနအသင်္ဂဟိတပဒနိဒ္ဒေသော

၁၇၁။ စက္ခာယတနေန ¶ ¶ ¶ ယေ ဓမ္မာ… ဖောဋ္ဌဗ္ဗာယတနေန ယေ ဓမ္မာ… စက္ခုဓာတုယာ ယေ ဓမ္မာ… ဖောဋ္ဌဗ္ဗဓာတုယာ ယေ ဓမ္မာ ခန္ဓသင်္ဂဟေန သင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ အသင်္ဂဟိတာ? တေ ဓမ္မာ စတူဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ အသင်္ဂဟိတာ။

၁၇၂။ စက္ခုဝိညာဏဓာတုယာ ယေ ဓမ္မာ… သောတဝိညာဏဓာတုယာ ယေ ဓမ္မာ… ဃာနဝိညာဏဓာတုယာ ယေ ဓမ္မာ… ဇိဝှာဝိညာဏဓာတုယာ ယေ ဓမ္မာ… ကာယဝိညာဏဓာတုယာ ယေ ဓမ္မာ… မနောဓာတုယာ ယေ ဓမ္မာ… မနောဝိညာဏဓာတုယာ ယေ ဓမ္မာ ခန္ဓသင်္ဂဟေန သင်္ဂဟိတာ အာယတနသင်္ဂဟေန ¶ အသင်္ဂဟိတာ ဓာတုသင်္ဂဟေန အသင်္ဂဟိတာ…ပေ… တေ ဓမ္မာ စတူဟိ ခန္ဓေဟိ ဧကာဒသဟာယတနေဟိ ဒွါဒသဟိ ဓာတူဟိ အသင်္ဂဟိတာ။

၁၇၃။ စက္ခုန္ဒြိယေန ယေ ဓမ္မာ… သောတိန္ဒြိယေန ယေ ဓမ္မာ… ဃာနိန္ဒြိယေန ယေ ဓမ္မာ… ဇိဝှိန္ဒြိယေန ယေ ဓမ္မာ… ကာယိန္ဒြိယေန ယေ ဓမ္မာ… ဣတ္ထိန္ဒြိယေန ယေ ဓမ္မာ… ပုရိသိန္ဒြိယေန ယေ ဓမ္မာ ခန္ဓသင်္ဂဟေန သင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ…ပေ… တေ ဓမ္မာ စတူဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ အသင်္ဂဟိတာ။

၁၇၄။ အသညာဘဝေန ယေ ဓမ္မာ… ဧကဝေါကာရဘဝေန ယေ ဓမ္မာ ခန္ဓသင်္ဂဟေန သင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ…ပေ… တေ ဓမ္မာ စတူဟိ ¶ ခန္ဓေဟိ တီဟာယတနေဟိ နဝဟိ ဓာတူဟိ အသင်္ဂဟိတာ။

၁၇၅။ ပရိဒေဝေန ယေ ဓမ္မာ… သနိဒဿနသပ္ပဋိဃေဟိ ဓမ္မေဟိ ယေ ဓမ္မာ ခန္ဓသင်္ဂဟေန သင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ…ပေ… တေ ဓမ္မာ စတူဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ အသင်္ဂဟိတာ။

၁၇၆။ အနိဒဿနသပ္ပဋိဃေဟိ ¶ ဓမ္မေဟိ ယေ ဓမ္မာ ခန္ဓသင်္ဂဟေန သင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ…ပေ… တေ ဓမ္မာ စတူဟိ ခန္ဓေဟိ ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၁၇၇။ သနိဒဿနေဟိ ဓမ္မေဟိ ယေ ဓမ္မာ ခန္ဓသင်္ဂဟေန သင်္ဂဟိတာ အာယတနသင်္ဂဟေန ¶ အသင်္ဂဟိတာ ဓာတုသင်္ဂဟေန အသင်္ဂဟိတာ…ပေ… တေ ဓမ္မာ စတူဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ အသင်္ဂဟိတာ။

၁၇၈။ သပ္ပဋိဃေဟိ ဓမ္မေဟိ ယေ ဓမ္မာ… ဥပါဒါဓမ္မေဟိ ယေ ဓမ္မာ ခန္ဓသင်္ဂဟေန သင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ အသင်္ဂဟိတာ? တေ ဓမ္မာ စတူဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

ဒသာယတနာ သတ္တရသ ဓာတုယော၊

သတ္တိန္ဒြိယာ အသညာဘဝေါ ဧကဝေါကာရဘဝေါ၊

ပရိဒေဝေါ သနိဒဿနသပ္ပဋိဃံ၊

အနိဒဿနံ ပုနဒေဝ [ပုနရေဝ (ပီ။)] သပ္ပဋိဃံ ဥပါဒါတိ။

သင်္ဂဟိတေနအသင်္ဂဟိတပဒနိဒ္ဒေသော ဒုတိယော။

၃။ တတိယနယော

၃။ အသင်္ဂဟိတေနသင်္ဂဟိတပဒနိဒ္ဒေသော

၁၇၉။ ဝေဒနာက္ခန္ဓေန ¶ ¶ ¶ ယေ ဓမ္မာ… သညာက္ခန္ဓေန ယေ ဓမ္မာ… သင်္ခါရက္ခန္ဓေန ယေ ဓမ္မာ… သမုဒယသစ္စေန ယေ ဓမ္မာ… မဂ္ဂသစ္စေန ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန သင်္ဂဟိတာ ဓာတုသင်္ဂဟေန သင်္ဂဟိတာ၊ တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင်္ဂဟိတာ? တေ ဓမ္မာ အသင်္ခတံ ခန္ဓတော ဌပေတွာ တီဟိ ခန္ဓေဟိ ဧကေနာယတနေန ဧကာယ ဓာတုယာ သင်္ဂဟိတာ။

၁၈၀။ နိရောဓသစ္စေန ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန ¶ သင်္ဂဟိတာ ဓာတုသင်္ဂဟေန သင်္ဂဟိတာ…ပေ… တေ ဓမ္မာ စတူဟိ ခန္ဓေဟိ ဧကေနာယတနေန ဧကာယ ဓာတုယာ သင်္ဂဟိတာ။

၁၈၁။ ဇီဝိတိန္ဒြိယေန ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန သင်္ဂဟိတာ ဓာတုသင်္ဂဟေန သင်္ဂဟိတာ…ပေ… တေ ဓမ္မာ အသင်္ခတံ ခန္ဓတော ဌပေတွာ ဒွီဟိ ခန္ဓေဟိ ဧကေနာယတနေန ဧကာယ ဓာတုယာ သင်္ဂဟိတာ။

၁၈၂။ ဣတ္ထိန္ဒြိယေန ယေ ဓမ္မာ… ပုရိသိန္ဒြိယေန ယေ ဓမ္မာ… သုခိန္ဒြိယေန ယေ ဓမ္မာ… ဒုက္ခိန္ဒြိယေန ယေ ဓမ္မာ… သောမနဿိန္ဒြိယေန ယေ ဓမ္မာ… ဒေါမနဿိန္ဒြိယေန ယေ ဓမ္မာ… ဥပေက္ခိန္ဒြိယေန ယေ ဓမ္မာ… သဒ္ဓိန္ဒြိယေန ယေ ဓမ္မာ… ဝီရိယိန္ဒြိယေန ယေ ဓမ္မာ… သတိန္ဒြိယေန ယေ ဓမ္မာ… သမာဓိန္ဒြိယေန ယေ ဓမ္မာ… ပညိန္ဒြိယေန ယေ ဓမ္မာ… အနညာတညဿာမီတိန္ဒြိယေန ယေ ဓမ္မာ… အညိန္ဒြိယေန ယေ ဓမ္မာ… အညာတာဝိန္ဒြိယေန ယေ ဓမ္မာ… အဝိဇ္ဇာယ ယေ ဓမ္မာ… အဝိဇ္ဇာပစ္စယာ ¶ သင်္ခါရေန ယေ ဓမ္မာ… သဠာယတနပစ္စယာ ဖဿေန ယေ ဓမ္မာ… ဖဿပစ္စယာ ဝေဒနာယ ယေ ဓမ္မာ… ဝေဒနာပစ္စယာ ¶ တဏှာယ ယေ ဓမ္မာ… တဏှာပစ္စယာ ဥပါဒါနေန ယေ ဓမ္မာ… ကမ္မဘဝေန [ဥပါဒါနပစ္စယာ ကမ္မဘဝေန (သျာ။)] ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန သင်္ဂဟိတာ ဓာတုသင်္ဂဟေန သင်္ဂဟိတာ…ပေ… တေ ဓမ္မာ အသင်္ခတံ ခန္ဓတော ဌပေတွာ တီဟိ ခန္ဓေဟိ ဧကေနာယတနေန ဧကာယ ဓာတုယာ သင်္ဂဟိတာ။

၁၈၃။ ဇာတိယာ ¶ ¶ ယေ ဓမ္မာ… ဇရာယ ယေ ဓမ္မာ… မရဏေန ယေ ဓမ္မာ… ဈာနေန ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန သင်္ဂဟိတာ ဓာတုသင်္ဂဟေန သင်္ဂဟိတာ…ပေ… တေ ဓမ္မာ အသင်္ခတံ ခန္ဓတော ဌပေတွာ ဒွီဟိ ခန္ဓေဟိ ဧကေနာယတနေန ဧကာယ ဓာတုယာ သင်္ဂဟိတာ။

၁၈၄။ သောကေန ယေ ဓမ္မာ… ဒုက္ခေန ယေ ဓမ္မာ… ဒေါမနဿေန ယေ ဓမ္မာ… ဥပါယာသေန ယေ ဓမ္မာ… သတိပဋ္ဌာနေန ယေ ဓမ္မာ… သမ္မပ္ပဓာနေန ယေ ဓမ္မာ… အပ္ပမညာယ ယေ ဓမ္မာ… ပဉ္စဟိ ဣန္ဒြိယေဟိ ယေ ဓမ္မာ… ပဉ္စဟိ ဗလေဟိ ယေ ဓမ္မာ… သတ္တဟိ ဗောဇ္ဈင်္ဂေဟိ ယေ ဓမ္မာ… အရိယေန အဋ္ဌင်္ဂိကေန မဂ္ဂေန ယေ ဓမ္မာ… ဖဿေန ယေ ဓမ္မာ… ဝေဒနာယ ယေ ဓမ္မာ… သညာယ ယေ ဓမ္မာ… စေတနာယ ယေ ဓမ္မာ… အဓိမောက္ခေန ယေ ဓမ္မာ… မနသိကာရေန ယေ ဓမ္မာ… ဟေတူဟိ ဓမ္မေဟိ ယေ ဓမ္မာ… ဟေတူဟိ စေဝ သဟေတုကေဟိ စ ဓမ္မေဟိ ယေ ဓမ္မာ… ဟေတူဟိ စေဝ ဟေတုသမ္ပယုတ္တေဟိ စ ဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန သင်္ဂဟိတာ ဓာတုသင်္ဂဟေန သင်္ဂဟိတာ…ပေ… တေ ဓမ္မာ အသင်္ခတံ ခန္ဓတော ဌပေတွာ တီဟိ ခန္ဓေဟိ ဧကေနာယတနေန ဧကာယ ဓာတုယာ သင်္ဂဟိတာ။

၁၈၅။ အပ္ပစ္စယေဟိ ဓမ္မေဟိ ယေ ဓမ္မာ… အသင်္ခတေဟိ ဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန သင်္ဂဟိတာ ဓာတုသင်္ဂဟေန သင်္ဂဟိတာ…ပေ… တေ ဓမ္မာ စတူဟိ ခန္ဓေဟိ ဧကေနာယတနေန ဧကာယ ဓာတုယာ ¶ သင်္ဂဟိတာ။

၁၈၆။ အာသဝေဟိ ဓမ္မေဟိ ယေ ဓမ္မာ… အာသဝေဟိ စေဝ သာသဝေဟိ စ ဓမ္မေဟိ ယေ ဓမ္မာ… အာသဝေဟိ စေဝ အာသဝသမ္ပယုတ္တေဟိ စ ဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန သင်္ဂဟိတာ ဓာတုသင်္ဂဟေန သင်္ဂဟိတာ… တေ ဓမ္မာ အသင်္ခတံ ¶ ခန္ဓတော ဌပေတွာ တီဟိ ခန္ဓေဟိ ဧကေနာယတနေန ဧကာယ ဓာတုယာ သင်္ဂဟိတာ။

၁၈၇။ သံယောဇနေဟိ ¶ … ဂန္ထေဟိ… ဩဃေဟိ… ယောဂေဟိ… နီဝရဏေဟိ… ပရာမာသေဟိ ဓမ္မေဟိ ယေ ဓမ္မာ… ပရာမာသေဟိ စေဝ ပရာမဋ္ဌေဟိ စ ဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန သင်္ဂဟိတာ ဓာတုသင်္ဂဟေန သင်္ဂဟိတာ… တေ ဓမ္မာ အသင်္ခတံ ခန္ဓတော ဌပေတွာ တီဟိ ခန္ဓေဟိ ဧကေနာယတနေန ဧကာယ ဓာတုယာ သင်္ဂဟိတာ။

၁၈၈။ စေတသိကေဟိ ¶ ဓမ္မေဟိ ယေ ဓမ္မာ… စိတ္တသမ္ပယုတ္တေဟိ ဓမ္မေဟိ ယေ ဓမ္မာ… စိတ္တသံသဋ္ဌေဟိ ဓမ္မေဟိ ယေ ဓမ္မာ… စိတ္တသံသဋ္ဌသမုဋ္ဌာနေဟိ ဓမ္မေဟိ ယေ ဓမ္မာ… စိတ္တသံသဋ္ဌသမုဋ္ဌာနသဟဘူဟိ ဓမ္မေဟိ ယေ ဓမ္မာ… စိတ္တသံသဋ္ဌသမုဋ္ဌာနာနုပရိဝတ္တီဟိ ဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန သင်္ဂဟိတာ ဓာတုသင်္ဂဟေန သင်္ဂဟိတာ…ပေ… တေ ဓမ္မာ အသင်္ခတံ ခန္ဓတော ဌပေတွာ ဧကေန ခန္ဓေန ဧကေနာယတနေန ဧကာယ ဓာတုယာ သင်္ဂဟိတာ။

၁၈၉။ စိတ္တသဟဘူမိ ¶ ဓမ္မေဟိ ယေ ဓမ္မာ… စိတ္တာနုပရိဝတ္တီဟိ ဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန သင်္ဂဟိတာ ဓာတုသင်္ဂဟေန သင်္ဂဟိတာ…ပေ… တေ ဓမ္မာ န ကေဟိစိ ခန္ဓေဟိ ဧကေနာယတနေန ဧကာယ ဓာတုယာ သင်္ဂဟိတာ။

၁၉၀။ ဥပါဒါနေဟိ ဓမ္မေဟိ ယေ ဓမ္မာ… ကိလေသေဟိ ဓမ္မေဟိ ယေ ဓမ္မာ… ကိလေသေဟိ စေဝ သံကိလေသိကေဟိ စ ဓမ္မေဟိ ယေ ဓမ္မာ… ကိလေသေဟိ စေဝ သံကိလိဋ္ဌေဟိ စ ဓမ္မေဟိ ယေ ဓမ္မာ… ကိလေသေဟိ စေဝ ကိလေသသမ္ပယုတ္တေဟိ စ ဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန သင်္ဂဟိတာ ဓာတုသင်္ဂဟေန သင်္ဂဟိတာ၊ တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင်္ဂဟိတာ? တေ ဓမ္မာ အသင်္ခတံ ခန္ဓတော ဌပေတွာ တီဟိ ခန္ဓေဟိ ဧကေနာယတနေန ဧကာယ ဓာတုယာ သင်္ဂဟိတာ။

တယော ခန္ဓာ တထာ သစ္စာ၊ ဣန္ဒြိယာနိ စ သောဠသ၊

ပဒါနိ ပစ္စယာကာရေ၊ စုဒ္ဒသူပရိ စုဒ္ဒသ။

သမတိံသ ပဒါ ဟောန္တိ၊ ဂေါစ္ဆကေသု ဒသသွထ၊

ဒုဝေ စူဠန္တရဒုကာ [စုလ္လန္တရဒုကာ (သီ။)]၊ အဋ္ဌ ဟောန္တိ မဟန္တရာတိ။

အသင်္ဂဟိတေနသင်္ဂဟိတပဒနိဒ္ဒေသော တတိယော။

၄။ စတုတ္ထနယော

၄။ သင်္ဂဟိတေနသင်္ဂဟိတပဒနိဒ္ဒေသော

၁၉၁။ သမုဒယသစ္စေန ¶ ¶ ¶ ယေ ဓမ္မာ… မဂ္ဂသစ္စေန ယေ ဓမ္မာ ခန္ဓသင်္ဂဟေန သင်္ဂဟိတာ အာယတနသင်္ဂဟေန သင်္ဂဟိတာ ဓာတုသင်္ဂဟေန သင်္ဂဟိတာ၊ တေဟိ ဓမ္မေဟိ ယေ ဓမ္မာ ခန္ဓသင်္ဂဟေန သင်္ဂဟိတာ အာယတနသင်္ဂဟေန သင်္ဂဟိတာ ဓာတုသင်္ဂဟေန သင်္ဂဟိတာ၊ တေ ဓမ္မာ ကတိဟိ ခန္ဓေဟိ ¶ ကတိဟာယတနေဟိ ကတိဟိ ဓာတူဟိ သင်္ဂဟိတာ? တေ ဓမ္မာ ဧကေန ခန္ဓေန ဧကေနာယတနေန ဧကာယ ဓာတုယာ သင်္ဂဟိတာ။

၁၉၂။ ဣတ္ထိန္ဒြိယေန ယေ ဓမ္မာ… ပုရိသိန္ဒြိယေန ယေ ဓမ္မာ… သုခိန္ဒြိယေန ယေ ဓမ္မာ… ဒုက္ခိန္ဒြိယေန ယေ ဓမ္မာ… သောမနဿိန္ဒြိယေန ယေ ဓမ္မာ… ဒေါမနဿိန္ဒြိယေန ယေ ဓမ္မာ… ဥပေက္ခိန္ဒြိယေန ယေ ဓမ္မာ… သဒ္ဓိန္ဒြိယေန ယေ ဓမ္မာ… ဝီရိယိန္ဒြိယေန ယေ ဓမ္မာ… သတိန္ဒြိယေန ယေ ဓမ္မာ… သမာဓိန္ဒြိယေန ယေ ဓမ္မာ… ပညိန္ဒြိယေန ယေ ဓမ္မာ… အနညာတညဿာမီတိန္ဒြိယေန ယေ ဓမ္မာ… အညိန္ဒြိယေန ယေ ဓမ္မာ… အညာတာဝိန္ဒြိယေန ယေ ဓမ္မာ…။

အဝိဇ္ဇာယ ယေ ဓမ္မာ… အဝိဇ္ဇာပစ္စယာ သင်္ခါရေန ယေ ဓမ္မာ… သဠာယတနပစ္စယာ ဖဿေန ယေ ဓမ္မာ… ဝေဒနာပစ္စယာ တဏှာယ ယေ ဓမ္မာ… တဏှာပစ္စယာ ဥပါဒါနေန ယေ ဓမ္မာ… ကမ္မဘဝေန ယေ ဓမ္မာ… သောကေန ယေ ဓမ္မာ… ပရိဒေဝေန ယေ ဓမ္မာ… ဒုက္ခေန ယေ ဓမ္မာ… ဒေါမနဿေန ယေ ဓမ္မာ… ဥပါယာသေန ယေ ဓမ္မာ…။

သတိပဋ္ဌာနေန ယေ ဓမ္မာ… သမ္မပ္ပဓာနေန ယေ ဓမ္မာ… အပ္ပမညာယ ယေ ဓမ္မာ… ပဉ္စဟိ ဣန္ဒြိယေဟိ ယေ ဓမ္မာ… ပဉ္စဟိ ဗလေဟိ ယေ ဓမ္မာ… သတ္တဟိ ဗောဇ္ဈင်္ဂေဟိ ယေ ဓမ္မာ… အရိယေန အဋ္ဌင်္ဂိကေန ¶ မဂ္ဂေန ယေ ဓမ္မာ… ဖဿေန ယေ ဓမ္မာ… စေတနာယ ယေ ဓမ္မာ… အဓိမောက္ခေန ယေ ဓမ္မာ… မနသိကာရေန ယေ ဓမ္မာ ¶ …။

ဟေတူဟိ ဓမ္မေဟိ ယေ ဓမ္မာ… ဟေတူဟိ စေဝ သဟေတုကေဟိ စ ဓမ္မေဟိ ယေ ဓမ္မာ… ဟေတူဟိ စေဝ ဟေတုသမ္ပယုတ္တေဟိ စ ဓမ္မေဟိ ¶ ယေ ဓမ္မာ… အာသဝေဟိ… သံယောဇနေဟိ… ဂန္ထေဟိ… ဩဃေဟိ… ယောဂေဟိ… နီဝရဏေဟိ… ပရာမာသေဟိ… ဥပါဒါနေဟိ… ကိလေသေဟိ ဓမ္မေဟိ ယေ ဓမ္မာ… ကိလေသေဟိ စေဝ ¶ သံကိလေသိကေဟိ စ ဓမ္မေဟိ ယေ ဓမ္မာ… ကိလေသေဟိ စေဝ သံကိလိဋ္ဌေဟိ စ ဓမ္မေဟိ ယေ ဓမ္မာ… ကိလေသေဟိ စေဝ ကိလေသသမ္ပယုတ္တေဟိ စ ဓမ္မေဟိ ယေ ဓမ္မာ ခန္ဓသင်္ဂဟေန သင်္ဂဟိတာ အာယတနသင်္ဂဟေန သင်္ဂဟိတာ ဓာတုသင်္ဂဟေန သင်္ဂဟိတာ၊ တေဟိ ဓမ္မေဟိ ယေ ဓမ္မာ ခန္ဓသင်္ဂဟေန သင်္ဂဟိတာ အာယတနသင်္ဂဟေန သင်္ဂဟိတာ ဓာတုသင်္ဂဟေန သင်္ဂဟိတာ၊ တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင်္ဂဟိတာ? တေ ဓမ္မာ ဧကေန ခန္ဓေန ဧကေနာယတနေန ဧကာယ ဓာတုယာ သင်္ဂဟိတာ။

ဒွေ သစ္စာ ပန္နရသိန္ဒြိယာ၊ ဧကာဒသ ပဋိစ္စပဒါ၊

ဥဒ္ဓံ ပုန ဧကာဒသ၊ ဂေါစ္ဆကပဒမေတ္ထ တိံသဝိဓာတိ [တိံသဝိဓန္တိ (ပီ။)]။

သင်္ဂဟိတေနသင်္ဂဟိတပဒနိဒ္ဒေသော စတုတ္ထော။

၅။ ပဉ္စမနယော

၅။ အသင်္ဂဟိတေနအသင်္ဂဟိတပဒနိဒ္ဒေသော

၁၉၃။ ရူပက္ခန္ဓေန ¶ ¶ ¶ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ¶ ဓာတူဟိ အသင်္ဂဟိတာ? တေ ဓမ္မာ ဧကေန ခန္ဓေန ဧကေနာယတနေန သတ္တဟိ ဓာတူဟိ အသင်္ဂဟိတာ။

၁၉၄။ ဝေဒနာက္ခန္ဓေန ယေ ဓမ္မာ… သညာက္ခန္ဓေန ယေ ဓမ္မာ… သင်္ခါရက္ခန္ဓေန ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ ဒွီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၁၉၅။ ဝိညာဏက္ခန္ဓေန ယေ ဓမ္မာ… မနာယတနေန ယေ ဓမ္မာ… စက္ခုဝိညာဏဓာတုယာ ယေ ဓမ္မာ…ပေ… မနောဓာတုယာ ယေ ဓမ္မာ… မနောဝိညာဏဓာတုယာ ယေ ဓမ္မာ… မနိန္ဒြိယေန ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ စတူဟိ ခန္ဓေဟိ ဧကာဒသဟာယတနေဟိ ဧကာဒသဟိ ဓာတူဟိ အသင်္ဂဟိတာ။

၁၉၆။ စက္ခာယတနေန ယေ ဓမ္မာ…ပေ… ဖောဋ္ဌဗ္ဗာယတနေန ယေ ဓမ္မာ… စက္ခုဓာတုယာ ယေ ဓမ္မာ…ပေ… ဖောဋ္ဌဗ္ဗဓာတုယာ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ စတူဟိ ¶ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ အသင်္ဂဟိတာ။

၁၉၇။ ဓမ္မာယတနေန ¶ ယေ ဓမ္မာ… ဓမ္မဓာတုယာ ယေ ဓမ္မာ… ဣတ္ထိန္ဒြိယေန ယေ ဓမ္မာ… ပုရိသိန္ဒြိယေန ယေ ဓမ္မာ… ဇီဝိတိန္ဒြိယေန ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန ¶ အသင်္ဂဟိတာ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ ဧကေန ခန္ဓေန ဧကေနာယတနေန သတ္တဟိ ဓာတူဟိ အသင်္ဂဟိတာ။

၁၉၈။ သမုဒယသစ္စေန ¶ ယေ ဓမ္မာ… မဂ္ဂသစ္စေန ယေ ဓမ္မာ… နိရောဓသစ္စေန ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ ဒွီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၁၉၉။ စက္ခုန္ဒြိယေန ယေ ဓမ္မာ…ပေ… ကာယိန္ဒြိယေန ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ စတူဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ အသင်္ဂဟိတာ။

၂၀၀။ သုခိန္ဒြိယေန ယေ ဓမ္မာ… ဒုက္ခိန္ဒြိယေန ယေ ဓမ္မာ… သောမနဿိန္ဒြိယေန ယေ ဓမ္မာ… ဒေါမနဿိန္ဒြိယေန ယေ ဓမ္မာ… ဥပေက္ခိန္ဒြိယေန ယေ ဓမ္မာ… သဒ္ဓိန္ဒြိယေန ယေ ဓမ္မာ… ဝီရိယိန္ဒြိယေန ယေ ဓမ္မာ… သတိန္ဒြိယေန ယေ ဓမ္မာ… သမာဓိန္ဒြိယေန ယေ ဓမ္မာ… ပညိန္ဒြိယေန ယေ ဓမ္မာ… အနညာတညဿာမီတိန္ဒြိယေန ယေ ဓမ္မာ… အညိန္ဒြိယေန ယေ ဓမ္မာ… အညာတာဝိန္ဒြိယေန ယေ ဓမ္မာ… အဝိဇ္ဇာယ ယေ ဓမ္မာ… အဝိဇ္ဇာပစ္စယာ သင်္ခါရေန ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန ¶ အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ ဒွီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ ¶ အသင်္ဂဟိတာ။

၂၀၁။ သင်္ခါရပစ္စယာ ဝိညာဏေန ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ စတူဟိ ခန္ဓေဟိ ဧကာဒသဟာယတနေဟိ ဧကာဒသဟိ ဓာတူဟိ အသင်္ဂဟိတာ။

၂၀၂။ ဝိညာဏပစ္စယာ နာမရူပေန ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ ဧကေန ခန္ဓေန ဧကေနာယတနေန သတ္တဟိ ဓာတူဟိ အသင်္ဂဟိတာ။

၂၀၃။ နာမရူပပစ္စယာ ¶ သဠာယတနေန ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ တီဟိ ခန္ဓေဟိ ဧကေနာယတနေန ဧကာယ ဓာတုယာ အသင်္ဂဟိတာ။

၂၀၄။ သဠာယတနပစ္စယာ ¶ ဖဿေန ယေ ဓမ္မာ… ဖဿပစ္စယာ ဝေဒနာယ ယေ ဓမ္မာ… ဝေဒနာပစ္စယာ တဏှာယ ယေ ဓမ္မာ… တဏှာပစ္စယာ ဥပါဒါနေန ယေ ဓမ္မာ… ကမ္မဘဝေန ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ ဒွီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၂၀၅။ အရူပဘဝေန ယေ ဓမ္မာ… နေဝသညာနာသညာဘဝေန ယေ ဓမ္မာ ¶ … စတုဝေါကာရဘဝေန ယေ ဓမ္မာ… ဣဒ္ဓိပါဒေန ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၂၀၆။ အသညာဘဝေန ယေ ဓမ္မာ… ဧကဝေါကာရဘဝေန ယေ ဓမ္မာ… ဇာတိယာ ယေ ဓမ္မာ… ဇရာယ ယေ ဓမ္မာ… မရဏေန ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ ¶ ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ ဧကေန ခန္ဓေန ဧကေနာယတနေန သတ္တဟိ ဓာတူဟိ အသင်္ဂဟိတာ။

၂၀၇။ ပရိဒေဝေန ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ စတူဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ အသင်္ဂဟိတာ။

၂၀၈။ သောကေန ယေ ဓမ္မာ… ဒုက္ခေန ယေ ဓမ္မာ… ဒေါမနဿေန ယေ ဓမ္မာ… ဥပါယာသေန ယေ ဓမ္မာ… သတိပဋ္ဌာနေန ယေ ဓမ္မာ… သမ္မပ္ပဓာနေန ယေ ဓမ္မာ… ဈာနေန ယေ ဓမ္မာ… အပ္ပမညာယ ယေ ဓမ္မာ… ပဉ္စဟိ ဣန္ဒြိယေဟိ ယေ ဓမ္မာ… ပဉ္စဟိ ဗလေဟိ ယေ ဓမ္မာ… သတ္တဟိ ဗောဇ္ဈင်္ဂေဟိ ယေ ဓမ္မာ… အရိယေန အဋ္ဌင်္ဂိကေန မဂ္ဂေန ယေ ဓမ္မာ… ဖဿေန ယေ ဓမ္မာ… ဝေဒနာယ ယေ ဓမ္မာ… သညာယ ယေ ဓမ္မာ… စေတနာယ ယေ ဓမ္မာ… အဓိမောက္ခေန ယေ ဓမ္မာ ¶ … မနသိကာရေန ယေ ¶ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ ဒွီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၂၀၉။ စိတ္တေန ¶ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ စတူဟိ ခန္ဓေဟိ ဧကာဒသဟာယတနေဟိ ဧကာဒသဟိ ဓာတူဟိ အသင်္ဂဟိတာ။

၁။ တိကံ

၂၁၀။ ကုသလေဟိ ဓမ္မေဟိ ယေ ဓမ္မာ… အကုသလေဟိ ဓမ္မေဟိ ယေ ဓမ္မာ… သုခါယ ဝေဒနာယ သမ္ပယုတ္တေဟိ ဓမ္မေဟိ ယေ ဓမ္မာ… ဒုက္ခာယ ဝေဒနာယ သမ္ပယုတ္တေဟိ ဓမ္မေဟိ ယေ ဓမ္မာ… အဒုက္ခမသုခါယ ဝေဒနာယ သမ္ပယုတ္တေဟိ ဓမ္မေဟိ ယေ ဓမ္မာ… ဝိပါကေဟိ ဓမ္မေဟိ ယေ ဓမ္မာ… ဝိပါကဓမ္မဓမ္မေဟိ ယေ ဓမ္မာ… အနုပါဒိန္နအနုပါဒါနိယေဟိ ဓမ္မေဟိ ယေ ဓမ္မာ… သံကိလိဋ္ဌသံကိလေသိကေဟိ ဓမ္မေဟိ ယေ ဓမ္မာ… အသံကိလိဋ္ဌအသံကိလေသိကေဟိ ¶ ဓမ္မေဟိ ယေ ဓမ္မာ… သဝိတက္ကသဝိစာရေဟိ ဓမ္မေဟိ ယေ ဓမ္မာ… အဝိတက္ကဝိစာရမတ္တေဟိ ဓမ္မေဟိ ယေ ဓမ္မာ… ပီတိသဟဂတေဟိ ဓမ္မေဟိ ယေ ဓမ္မာ… သုခသဟဂတေဟိ ဓမ္မေဟိ ယေ ဓမ္မာ… ဥပေက္ခာသဟဂတေဟိ ဓမ္မေဟိ ယေ ဓမ္မာ… ဒဿနေန ပဟာတဗ္ဗေဟိ ဓမ္မေဟိ ယေ ဓမ္မာ… ဘာဝနာယ ပဟာတဗ္ဗေဟိ ဓမ္မေဟိ ယေ ဓမ္မာ… ဒဿနေန ပဟာတဗ္ဗဟေတုကေဟိ ဓမ္မေဟိ ယေ ဓမ္မာ… ဘာဝနာယ ပဟာတဗ္ဗဟေတုကေဟိ ဓမ္မေဟိ ယေ ¶ ဓမ္မာ… အာစယဂါမီဟိ ဓမ္မေဟိ ယေ ဓမ္မာ… အပစယဂါမီဟိ ဓမ္မေဟိ ယေ ဓမ္မာ… သေက္ခေဟိ ဓမ္မေဟိ ယေ ဓမ္မာ… အသေက္ခေဟိ ဓမ္မေဟိ ယေ ဓမ္မာ… မဟဂ္ဂတေဟိ ဓမ္မေဟိ ယေ ဓမ္မာ… အပ္ပမာဏေဟိ ဓမ္မေဟိ ယေ ဓမ္မာ… ပရိတ္တာရမ္မဏေဟိ ဓမ္မေဟိ ယေ ဓမ္မာ… မဟဂ္ဂတာရမ္မဏေဟိ ဓမ္မေဟိ ယေ ဓမ္မာ… အပ္ပမာဏာရမ္မဏေဟိ ဓမ္မေဟိ ယေ ဓမ္မာ… ဟီနေဟိ ဓမ္မေဟိ ယေ ဓမ္မာ… ပဏီတေဟိ ဓမ္မေဟိ ယေ ဓမ္မာ… မိစ္ဆတ္တနိယတေဟိ ဓမ္မေဟိ ယေ ဓမ္မာ… သမ္မတ္တနိယတေဟိ ဓမ္မေဟိ ယေ ဓမ္မာ… မဂ္ဂါရမ္မဏေဟိ ဓမ္မေဟိ ယေ ဓမ္မာ… မဂ္ဂဟေတုကေဟိ ဓမ္မေဟိ ယေ ဓမ္မာ… မဂ္ဂါဓိပတီဟိ ဓမ္မေဟိ ယေ ဓမ္မာ… အတီတာရမ္မဏေဟိ ဓမ္မေဟိ ယေ ဓမ္မာ… အနာဂတာရမ္မဏေဟိ ဓမ္မေဟိ ယေ ဓမ္မာ… ပစ္စုပန္နာရမ္မဏေဟိ ဓမ္မေဟိ ယေ ဓမ္မာ… အဇ္ဈတ္တာရမ္မဏေဟိ ဓမ္မေဟိ ယေ ဓမ္မာ… ဗဟိဒ္ဓါရမ္မဏေဟိ ဓမ္မေဟိ ယေ ဓမ္မာ… အဇ္ဈတ္တဗဟိဒ္ဓါရမ္မဏေဟိ ဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန ¶ အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၂၁၁။ သနိဒဿနသပ္ပဋိဃေဟိ ¶ ဓမ္မေဟိ ယေ ဓမ္မာ… အနိဒဿနသပ္ပဋိဃေဟိ ဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ စတူဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ အသင်္ဂဟိတာ ¶ ။

၂။ ဒုကံ

၂၁၂။ ဟေတူဟိ ဓမ္မေဟိ ယေ ဓမ္မာ… ဟေတူဟိ စေဝ သဟေတုကေဟိ စ ဓမ္မေဟိ ¶ ယေ ဓမ္မာ… ဟေတူဟိ စေဝ ဟေတုသမ္ပယုတ္တေဟိ စ ဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ ဒွီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၂၁၃။ သဟေတုကေဟိ ဓမ္မေဟိ ယေ ဓမ္မာ… ဟေတုသမ္ပယုတ္တေဟိ ဓမ္မေဟိ ယေ ဓမ္မာ… သဟေတုကေဟိ စေဝ န စ ဟေတူဟိ ဓမ္မေဟိ ယေ ဓမ္မာ… ဟေတုသမ္ပယုတ္တေဟိ စေဝ န စ ဟေတူဟိ ဓမ္မေဟိ ယေ ဓမ္မာ… န ဟေတုသဟေတုကေဟိ [န ဟေတူ သဟေတုကေဟိ (သီ။)၊ န ဟေတူဟိ သဟေတုကေဟိ (သျာ။ က။)] ဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၂၁၄။ အပ္ပစ္စယေဟိ ဓမ္မေဟိ ယေ ဓမ္မာ… အသင်္ခတေဟိ ဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ ဒွီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၂၁၅။ သနိဒဿနေဟိ ဓမ္မေဟိ ယေ ဓမ္မာ… သပ္ပဋိဃေဟိ ဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ စတူဟိ ¶ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ အသင်္ဂဟိတာ။

၂၁၆။ ရူပီဟိ ¶ ဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ¶ ဓမ္မာ…ပေ… တေ ဓမ္မာ ဧကေန ခန္ဓေန ဧကေနာယတနေန သတ္တဟိ ဓာတူဟိ အသင်္ဂဟိတာ။

၂၁၇။ အရူပီဟိ ဓမ္မေဟိ ယေ ဓမ္မာ… လောကုတ္တရေဟိ ဓမ္မေဟိ ¶ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၂၁၈။ အာသဝေဟိ ဓမ္မေဟိ ယေ ဓမ္မာ… အာသဝေဟိ စေဝ သာသဝေဟိ စ ဓမ္မေဟိ ယေ ဓမ္မာ… အာသဝေဟိ စေဝ အာသဝသမ္ပယုတ္တေဟိ စ ဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ ဒွီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၂၁၉။ အနာသဝေဟိ ဓမ္မေဟိ ယေ ဓမ္မာ… အာသဝသမ္ပယုတ္တေဟိ ဓမ္မေဟိ ယေ ဓမ္မာ… အာသဝသမ္ပယုတ္တေဟိ စေဝ နော စ အာသဝေဟိ ဓမ္မေဟိ ယေ ဓမ္မာ… အာသဝဝိပ္ပယုတ္တေဟိ အနာသဝေဟိ ဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၂၂၀။ သံယောဇနေဟိ ¶ ဓမ္မေဟိ ယေ ဓမ္မာ… ဂန္ထေဟိ ဓမ္မေဟိ ယေ ဓမ္မာ… ဩဃေဟိ ဓမ္မေဟိ ယေ ဓမ္မာ… ယောဂေဟိ ဓမ္မေဟိ ယေ ဓမ္မာ… နီဝရဏေဟိ ဓမ္မေဟိ ယေ ဓမ္မာ… ပရာမာသေဟိ ဓမ္မေဟိ ယေ ဓမ္မာ… ပရာမာသေဟိ စေဝ ပရာမဋ္ဌေဟိ စ ဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ ဒွီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၂၂၁။ အပရာမဋ္ဌေဟိ ဓမ္မေဟိ ယေ ဓမ္မာ… ပရာမာသသမ္ပယုတ္တေဟိ ဓမ္မေဟိ ယေ ဓမ္မာ… ပရာမာသဝိပ္ပယုတ္တေဟိ အပရာမဋ္ဌေဟိ ဓမ္မေဟိ ယေ ဓမ္မာ… သာရမ္မဏေဟိ ဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ ¶ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ ¶ ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၂၂၂။ အနာရမ္မဏေဟိ ¶ ဓမ္မေဟိ ယေ ဓမ္မာ… နော စိတ္တေဟိ ဓမ္မေဟိ ယေ ဓမ္မာ… စိတ္တဝိပ္ပယုတ္တေဟိ ဓမ္မေဟိ ယေ ဓမ္မာ… စိတ္တဝိသံသဋ္ဌေဟိ ဓမ္မေဟိ ယေ ဓမ္မာ… စိတ္တသမုဋ္ဌာနေဟိ ဓမ္မေဟိ ယေ ဓမ္မာ… စိတ္တသဟဘူဟိ ဓမ္မေဟိ ယေ ဓမ္မာ… စိတ္တာနုပရိဝတ္တီဟိ ဓမ္မေဟိ ယေ ဓမ္မာ… ဗာဟိရေဟိ ဓမ္မေဟိ ယေ ဓမ္မာ… ဥပါဒါဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ ဧကေန ခန္ဓေန ဧကေနာယတနေန သတ္တဟိ ¶ ဓာတူဟိ အသင်္ဂဟိတာ။

၂၂၃။ စိတ္တေဟိ ဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ စတူဟိ ခန္ဓေဟိ ဧကာဒသဟာယတနေဟိ ဧကာဒသဟိ ဓာတူဟိ အသင်္ဂဟိတာ။

၂၂၄။ စေတသိကေဟိ ဓမ္မေဟိ ယေ ဓမ္မာ… စိတ္တသမ္ပယုတ္တေဟိ ဓမ္မေဟိ ယေ ဓမ္မာ… စိတ္တသံသဋ္ဌေဟိ ဓမ္မေဟိ ယေ ဓမ္မာ… စိတ္တသံသဋ္ဌသမုဋ္ဌာနေဟိ ဓမ္မေဟိ ယေ ဓမ္မာ… စိတ္တသံသဋ္ဌသမုဋ္ဌာနသဟဘူဟိ ဓမ္မေဟိ ယေ ဓမ္မာ… စိတ္တသံသဋ္ဌသမုဋ္ဌာနာနုပရိဝတ္တီဟိ ဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ ဒွီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၂၂၅။ အဇ္ဈတ္တိကေဟိ ဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ တီဟိ ခန္ဓေဟိ ဧကေနာယတနေန ဧကာယ ဓာတုယာ အသင်္ဂဟိတာ။

၂၂၆။ ဥပါဒါနေဟိ ¶ ဓမ္မေဟိ ယေ ဓမ္မာ… ကိလေသေဟိ ဓမ္မေဟိ ယေ ဓမ္မာ… ကိလေသေဟိ စေဝ သံကိလေသိကေဟိ စ ဓမ္မေဟိ ယေ ဓမ္မာ… ကိလေသေဟိ စေဝ သံကိလိဋ္ဌေဟိ စ ဓမ္မေဟိ ယေ ဓမ္မာ… ကိလေသေဟိ စေဝ ကိလေသသမ္ပယုတ္တေဟိ စ ဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန ¶ ¶ အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ဓမ္မာ…ပေ… တေ ဓမ္မာ ဒွီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၂၂၇။ အသံကိလေသိကေဟိ ¶ ဓမ္မေဟိ ယေ ဓမ္မာ… သံကိလိဋ္ဌေဟိ ဓမ္မေဟိ ယေ ဓမ္မာ… ကိလေသသမ္ပယုတ္တေဟိ ဓမ္မေဟိ ယေ ဓမ္မာ… သံကိလိဋ္ဌေဟိ စေဝ နော စ ကိလေသေဟိ ဓမ္မေဟိ ယေ ဓမ္မာ… ကိလေသသမ္ပယုတ္တေဟိ စေဝ နော စ ကိလေသေဟိ ဓမ္မေဟိ ယေ ဓမ္မာ… ကိလေသဝိပ္ပယုတ္တေဟိ အသံကိလေသိကေဟိ ဓမ္မေဟိ ယေ ဓမ္မာ… ဒဿနေန ပဟာတဗ္ဗေဟိ ဓမ္မေဟိ ယေ ဓမ္မာ… ဘာဝနာယ ပဟာတဗ္ဗေဟိ ဓမ္မေဟိ ယေ ဓမ္မာ… ဒဿနေန ပဟာတဗ္ဗဟေတုကေဟိ ဓမ္မေဟိ ယေ ဓမ္မာ… ဘာဝနာယ ပဟာတဗ္ဗဟေတုကေဟိ ဓမ္မေဟိ ယေ ဓမ္မာ… သဝိတက္ကေဟိ ဓမ္မေဟိ ယေ ဓမ္မာ… သဝိစာရေဟိ ဓမ္မေဟိ ယေ ဓမ္မာ… သပ္ပီတိကေဟိ ဓမ္မေဟိ ယေ ဓမ္မာ… ပီတိသဟဂတေဟိ ဓမ္မေဟိ ယေ ဓမ္မာ… သုခသဟဂတေဟိ ဓမ္မေဟိ ယေ ဓမ္မာ… ဥပေက္ခာသဟဂတေဟိ ဓမ္မေဟိ ယေ ဓမ္မာ… န ကာမာဝစရေဟိ ဓမ္မေဟိ ယေ ဓမ္မာ… ရူပါဝစရေဟိ ဓမ္မေဟိ ယေ ဓမ္မာ… အရူပါဝစရေဟိ ဓမ္မေဟိ ယေ ဓမ္မာ… အပရိယာပန္နေဟိ ဓမ္မေဟိ ယေ ဓမ္မာ… နိယျာနိကေဟိ ဓမ္မေဟိ ယေ ဓမ္မာ… နိယတေဟိ ဓမ္မေဟိ ယေ ဓမ္မာ… အနုတ္တရေဟိ ဓမ္မေဟိ ယေ ဓမ္မာ… သရဏေဟိ ဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေဟိ ဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန ¶ အသင်္ဂဟိတာ၊ တေ ဓမ္မာ ¶ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ အသင်္ဂဟိတာ? တေ ဓမ္မာ ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင်္ဂဟိတာ။

ရူပဉ္စ ဓမ္မာယတနံ ဓမ္မဓာတု၊ ဣတ္ထိပုမံ ဇီဝိတံ နာမရူပံ၊

ဒွေ ဘဝါ ဇာတိ ဇရာ မစ္စုရူပံ၊ အနာရမ္မဏံ နော စိတ္တံ စိတ္တေန ဝိပ္ပယုတ္တံ။

ဝိသံသဋ္ဌံ သမုဋ္ဌာန-သဟဘု အနုပရိဝတ္တိ၊

ဗာဟိရံ ဥပါဒါ ဒွေ၊ ဝိသယော [ဒွေဝီသတိ (သျာ။)] ဧသနယော သုဗုဒ္ဓါ။

အသင်္ဂဟိတေနအသင်္ဂဟိတပဒနိဒ္ဒေသော ပဉ္စမော။

၆။ ဆဋ္ဌနယော

၆။ သမ္ပယောဂဝိပ္ပယောဂပဒနိဒ္ဒေသော

၁။ ခန္ဓော

၂၂၈။ ရူပက္ခန္ဓော ¶ ¶ ¶ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သမ္ပယုတ္တောတိ? နတ္ထိ။ ကတိဟိ ဝိပ္ပယုတ္တော? စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ ဝိပ္ပယုတ္တော၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တော။

၂၂၉။ ဝေဒနာက္ခန္ဓော… သညာက္ခန္ဓော… သင်္ခါရက္ခန္ဓော တီဟိ ခန္ဓေဟိ ဧကေနာယတနေန သတ္တဟိ ဓာတူဟိ သမ္ပယုတ္တော၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တော။ ကတိဟိ ဝိပ္ပယုတ္တော? ဧကေန ခန္ဓေန ဒသဟာယတနေဟိ ဒသဟိ ဓာတူဟိ ဝိပ္ပယုတ္တော၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တော။

၂၃၀။ ဝိညာဏက္ခန္ဓော ¶ တီဟိ ခန္ဓေဟိ သမ္ပယုတ္တော၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တော။ ကတိဟိ ဝိပ္ပယုတ္တော? ဧကေန ခန္ဓေန ဒသဟာယတနေဟိ ဒသဟိ ဓာတူဟိ ဝိပ္ပယုတ္တော၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တော။

၂။ အာယတနံ

၂၃၁။ စက္ခာယတနံ…ပေ… ဖောဋ္ဌဗ္ဗာယတနံ…ပေ… သမ္ပယုတ္တန္တိ? နတ္ထိ။ ကတိဟိ ဝိပ္ပယုတ္တံ ¶ ? စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ ဝိပ္ပယုတ္တံ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တံ။

၂၃၂။ မနာယတနံ တီဟိ ခန္ဓေဟိ သမ္ပယုတ္တံ၊ ဧကေနာယတနေန ¶ ဧကာယ ဓာတုယာ ကေဟိစိ သမ္ပယုတ္တံ။ ကတိဟိ ဝိပ္ပယုတ္တံ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ ဝိပ္ပယုတ္တံ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တံ။

၃။ ဓာတု

၂၃၃။ စက္ခုဓာတု ¶ …ပေ… ဖောဋ္ဌဗ္ဗဓာတု…ပေ… သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ? စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၃၄။ စက္ခုဝိညာဏဓာတု…ပေ… မနောဓာတု… မနောဝိညာဏဓာတု တီဟိ ခန္ဓေဟိ သမ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၄။ သစ္စာဒိ

၂၃၅။ သမုဒယသစ္စံ… မဂ္ဂသစ္စံ တီဟိ ခန္ဓေဟိ ဧကေနာယတနေန ဧကာယ ¶ ဓာတုယာ သမ္ပယုတ္တံ၊ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တံ။ ကတိဟိ ဝိပ္ပယုတ္တံ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တံ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တံ။

၂၃၆။ နိရောဓသစ္စံ… စက္ခုန္ဒြိယံ…ပေ… ကာယိန္ဒြိယံ… ဣတ္ထိန္ဒြိယံ… ပုရိသိန္ဒြိယံ…ပေ… သမ္ပယုတ္တန္တိ? နတ္ထိ။ ကတိဟိ ဝိပ္ပယုတ္တံ? စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ ဝိပ္ပယုတ္တံ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တံ။

၂၃၇။ မနိန္ဒြိယံ ¶ တီဟိ ခန္ဓေဟိ သမ္ပယုတ္တံ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တံ။ ကတိဟိ ဝိပ္ပယုတ္တံ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ ဝိပ္ပယုတ္တံ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တံ။

၂၃၈။ သုခိန္ဒြိယံ… ဒုက္ခိန္ဒြိယံ… သောမနဿိန္ဒြိယံ… ဒေါမနဿိန္ဒြိယံ တီဟိ ခန္ဓေဟိ ဧကေနာယတနေန ဧကာယ ဓာတုယာ သမ္ပယုတ္တံ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တံ။ ကတိဟိ ဝိပ္ပယုတ္တံ? ဧကေန ¶ ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တံ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တံ။

၂၃၉။ ဥပေက္ခိန္ဒြိယံ ¶ တီဟိ ခန္ဓေဟိ ဧကေနာယတနေန ဆဟိ ဓာတူဟိ သမ္ပယုတ္တံ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တံ။ ကတိဟိ ဝိပ္ပယုတ္တံ? ဧကေန ခန္ဓေန ဒသဟာယတနေဟိ ဧကာဒသဟိ ဓာတူဟိ ဝိပ္ပယုတ္တံ ¶ ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တံ။

၂၄၀။ သဒ္ဓိန္ဒြိယံ… ဝီရိယိန္ဒြိယံ… သတိန္ဒြိယံ… သမာဓိန္ဒြိယံ… ပညိန္ဒြိယံ… အနညာတညဿာမီတိန္ဒြိယံ… အညိန္ဒြိယံ… အညာတာဝိန္ဒြိယံ… အဝိဇ္ဇာ… အဝိဇ္ဇာပစ္စယာ သင်္ခါရာ တီဟိ ခန္ဓေဟိ ဧကေနာယတနေန ဧကာယ ဓာတုယာ သမ္ပယုတ္တာ၊ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၄၁။ သင်္ခါရပစ္စယာ ဝိညာဏံ တီဟိ ခန္ဓေဟိ သမ္ပယုတ္တံ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တံ။ ကတိဟိ ဝိပ္ပယုတ္တံ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ ဝိပ္ပယုတ္တံ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တံ။

၂၄၂။ သဠာယတနပစ္စယာ ဖဿော တီဟိ ခန္ဓေဟိ ဧကေနာယတနေန သတ္တဟိ ဓာတူဟိ သမ္ပယုတ္တော၊ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တော။ ကတိဟိ ဝိပ္ပယုတ္တော? ဧကေန ခန္ဓေန ဒသဟာယတနေဟိ ဒသဟိ ဓာတူဟိ ဝိပ္ပယုတ္တော၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တော။

၂၄၃။ ဖဿပစ္စယာ ¶ ဝေဒနာ တီဟိ ခန္ဓေဟိ ဧကေနာယတနေန သတ္တဟိ ဓာတူဟိ သမ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ ဝိပ္ပယုတ္တာ ¶ ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၄၄။ ဝေဒနာပစ္စယာ တဏှာ… တဏှာပစ္စယာ ဥပါဒါနံ… ကမ္မဘဝေါ တီဟိ ခန္ဓေဟိ ဧကေနာယတနေန ဧကာယ ဓာတုယာ သမ္ပယုတ္တော၊ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တော။ ကတိဟိ ဝိပ္ပယုတ္တော ¶ ? ဧကေန ¶ ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တော၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တော။

၂၄၅။ ရူပဘဝေါ…ပေ… သမ္ပယုတ္တောတိ? နတ္ထိ။ ကတိဟိ ဝိပ္ပယုတ္တော? န ကေဟိစိ ခန္ဓေဟိ န ကေဟိစိ အာယတနေဟိ တီဟိ ဓာတူဟိ ဝိပ္ပယုတ္တော။

၂၄၆။ အရူပဘဝေါ… နေဝသညာနာသညာဘဝေါ… စတုဝေါကာရဘဝေါ…ပေ… သမ္ပယုတ္တောတိ? နတ္ထိ။ ကတိဟိ ဝိပ္ပယုတ္တော? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တော၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တော။

၂၄၇။ အသညာဘဝေါ… ဧကဝေါကာရဘဝေါ… ပရိဒေဝေါ…ပေ… သမ္ပယုတ္တောတိ? နတ္ထိ။ ကတိဟိ ဝိပ္ပယုတ္တော? စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ ဝိပ္ပယုတ္တော၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တော။

၂၄၈။ သောကော… ဒုက္ခံ… ဒေါမနဿံ တီဟိ ခန္ဓေဟိ ဧကေနာယတနေန ဧကာယ ဓာတုယာ သမ္ပယုတ္တံ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တံ။ ကတိဟိ ဝိပ္ပယုတ္တံ? ဧကေန ခန္ဓေန ဒသဟာယတနေဟိ သောဠသဟိ ¶ ဓာတူဟိ ဝိပ္ပယုတ္တံ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တံ။

၂၄၉။ ဥပါယာသော… သတိပဋ္ဌာနံ… သမ္မပ္ပဓာနံ တီဟိ ခန္ဓေဟိ ဧကေနာယတနေန ဧကာယ ဓာတုယာ သမ္ပယုတ္တံ၊ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တံ။ ကတိဟိ ဝိပ္ပယုတ္တံ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တံ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တံ။

၂၅၀။ ဣဒ္ဓိပါဒေါ ¶ ဒွီဟိ ခန္ဓေဟိ သမ္ပယုတ္တော၊ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တော။ ကတိဟိ ဝိပ္ပယုတ္တော? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တော၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တော။

၂၅၁။ ဈာနံ ¶ ဒွီဟိ ခန္ဓေဟိ ဧကေနာယတနေန ဧကာယ ဓာတုယာ သမ္ပယုတ္တံ၊ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တံ။ ကတိဟိ ဝိပ္ပယုတ္တံ? ဧကေန ခန္ဓေန ဒသဟာယတနေဟိ ¶ သောဠသဟိ ဓာတူဟိ ဝိပ္ပယုတ္တံ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တံ။

၂၅၂။ အပ္ပမညာ… ပဉ္စိန္ဒြိယာနိ… ပဉ္စ ဗလာနိ… သတ္တ ဗောဇ္ဈင်္ဂါ… အရိယော အဋ္ဌင်္ဂိကော မဂ္ဂေါ တီဟိ ခန္ဓေဟိ ဧကေနာယတနေန ဧကာယ ဓာတုယာ သမ္ပယုတ္တော၊ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တော။ ကတိဟိ ဝိပ္ပယုတ္တော? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တော၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တော။

၂၅၃။ ဖဿော ¶ … စေတနာ… မနသိကာရော တီဟိ ခန္ဓေဟိ ဧကေနာယတနေန သတ္တဟိ ဓာတူဟိ သမ္ပယုတ္တော၊ ဧကေန ခန္ဓေန ဧကေနာယတနေန ¶ ဧကာယ ဓာတုယာ ကေဟိစိ သမ္ပယုတ္တော။ ကတိဟိ ဝိပ္ပယုတ္တော? ဧကေန ခန္ဓေန ဒသဟာယတနေဟိ ဒသဟိ ဓာတူဟိ ဝိပ္ပယုတ္တော၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တော။

၂၅၄။ ဝေဒနာ… သညာ တီဟိ ခန္ဓေဟိ ဧကေနာယတနေန သတ္တဟိ ဓာတူဟိ သမ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၅၅။ စိတ္တံ တီဟိ ခန္ဓေဟိ သမ္ပယုတ္တံ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တံ။ ကတိဟိ ဝိပ္ပယုတ္တံ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ ဝိပ္ပယုတ္တံ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တံ။

၂၅၆။ အဓိမောက္ခော တီဟိ ခန္ဓေဟိ ဧကေနာယတနေန ဒွီဟိ ဓာတူဟိ သမ္ပယုတ္တော၊ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တော။ ကတိဟိ ဝိပ္ပယုတ္တော? ဧကေန ခန္ဓေန ဒသဟာယတနေဟိ ပန္နရသဟိ ဓာတူဟိ ဝိပ္ပယုတ္တော၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တော။

၅။ တိကံ

၂၅၇။ ကုသလာ ¶ ဓမ္မာ… အကုသလာ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ ¶ ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၅၈။ သုခါယ ဝေဒနာယ သမ္ပယုတ္တာ ဓမ္မာ… ဒုက္ခာယ ဝေဒနာယ သမ္ပယုတ္တာ ဓမ္မာ ဧကေန ခန္ဓေန သမ္ပယုတ္တာ ¶ ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ ပန္နရသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၅၉။ အဒုက္ခမသုခါယ ဝေဒနာယ သမ္ပယုတ္တာ ဓမ္မာ ဧကေန ခန္ဓေန သမ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ ဧကာဒသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၆၀။ ဝိပါကာ ဓမ္မာ…ပေ… သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၆၁။ ဝိပါကဓမ္မဓမ္မာ… သံကိလိဋ္ဌသံကိလေသိကာ ဓမ္မာ…ပေ… သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၆၂။ နေဝဝိပါကနဝိပါကဓမ္မဓမ္မာ… အနုပါဒိန္နုပါဒါနိယာ ဓမ္မာ…ပေ… သမ္ပယုတ္တာတိ ¶ ? နတ္ထိ။ ကတိဟိ ဝိပ္ပယုတ္တာ? န ကေဟိစိ ခန္ဓေဟိ န ¶ ကေဟိစိ အာယတနေဟိ ပဉ္စဟိ ဓာတူဟိ ဝိပ္ပယုတ္တာ။

၂၆၃။ အနုပါဒိန္နအနုပါဒါနိယာ ဓမ္မာ… အသံကိလိဋ္ဌအသံကိလေသိကာ ဓမ္မာ…ပေ… သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ? န ကေဟိစိ ခန္ဓေဟိ န ကေဟိစိ အာယတနေဟိ ဆဟိ ဓာတူဟိ ဝိပ္ပယုတ္တာ။

၂၆၄။ သဝိတက္ကသဝိစာရာ ¶ ဓမ္မာ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ ပန္နရသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၆၅။ အဝိတက္ကဝိစာရမတ္တာ ဓမ္မာ… ပီတိသဟဂတာ ဓမ္မာ ¶ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၆၆။ အဝိတက္ကအဝိစာရာ ဓမ္မာ…ပေ… သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ? န ကေဟိစိ ခန္ဓေဟိ န ကေဟိစိ အာယတနေဟိ ဧကာယ ဓာတုယာ ဝိပ္ပယုတ္တာ။

၂၆၇။ သုခသဟဂတာ ဓမ္မာ ဧကေန ခန္ဓေန သမ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ ပန္နရသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၆၈။ ဥပေက္ခာသဟဂတာ ဓမ္မာ ဧကေန ခန္ဓေန သမ္ပယုတ္တာ၊ ဧကေနာယတနေန ¶ ဧကာယ ဓာတုယာ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ ဧကာဒသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၆၉။ ဒဿနေန ပဟာတဗ္ဗာ ဓမ္မာ ဘာဝနာယ ပဟာတဗ္ဗာ ဓမ္မာ… ဒဿနေန ပဟာတဗ္ဗဟေတုကာ ဓမ္မာ… ဘာဝနာယ ပဟာတဗ္ဗဟေတုကာ ဓမ္မာ… အာစယဂါမိနော ဓမ္မာ… အပစယဂါမိနော ¶ ဓမ္မာ… သေက္ခာ ဓမ္မာ… အသေက္ခာ ဓမ္မာ… မဟဂ္ဂတာ ဓမ္မာ…ပေ… သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၇၀။ အပ္ပမာဏာ ဓမ္မာ… ပဏီတာ ဓမ္မာ…ပေ… သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ? န ကေဟိစိ ခန္ဓေဟိ န ကေဟိစိ အာယတနေဟိ ဆဟိ ဓာတူဟိ ဝိပ္ပယုတ္တာ။

၂၇၁။ ပရိတ္တာရမ္မဏာ ¶ ဓမ္မာ…ပေ… သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၇၂။ မဟဂ္ဂတာရမ္မဏာ ဓမ္မာ… အပ္ပမာဏာရမ္မဏာ ဓမ္မာ… ဟီနာ ဓမ္မာ… မိစ္ဆတ္တနိယတာ ဓမ္မာ… သမ္မတ္တနိယတာ ဓမ္မာ… မဂ္ဂါရမ္မဏာ ဓမ္မာ… မဂ္ဂဟေတုကာ ¶ ဓမ္မာ… မဂ္ဂါဓိပတိနော ဓမ္မာ…ပေ… သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ¶ ကေဟိစိ ဝိပ္ပယုတ္တာ။

၂၇၃။ အနုပ္ပန္နာ ဓမ္မာ…ပေ… သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ? န ကေဟိစိ ခန္ဓေဟိ န ကေဟိစိ အာယတနေဟိ ပဉ္စဟိ ဓာတူဟိ ဝိပ္ပယုတ္တာ။

၂၇၄။ အတီတာရမ္မဏာ ဓမ္မာ…ပေ… အနာဂတာရမ္မဏာ ဓမ္မာ…ပေ… သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၇၅။ ပစ္စုပ္ပန္နာရမ္မဏာ ဓမ္မာ… အဇ္ဈတ္တာရမ္မဏာ ဓမ္မာ… ဗဟိဒ္ဓါရမ္မဏာ ဓမ္မာ… အဇ္ဈတ္တဗဟိဒ္ဓါရမ္မဏာ ဓမ္မာ…ပေ… သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၇၆။ သနိဒဿနသပ္ပဋိဃာ ဓမ္မာ… အနိဒဿနသပ္ပဋိဃာ ဓမ္မာ…ပေ… သမ္ပယုတ္တာတိ ¶ ? နတ္ထိ။ ကတိဟိ ဝိပ္ပယုတ္တာ? စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၆။ ဒုကံ

၂၇၇။ ဟေတူ ဓမ္မာ… ဟေတူ စေဝ သဟေတုကာ စ ဓမ္မာ… ဟေတူ စေဝ ဟေတုသမ္ပယုတ္တာ စ ဓမ္မာ တီဟိ ခန္ဓေဟိ ဧကေနာယတနေန ဧကာယ ဓာတုယာ သမ္ပယုတ္တာ၊ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ ¶ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ သောဠသဟိ ¶ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၇၈။ သဟေတုကာ ဓမ္မာ… ဟေတုသမ္ပယုတ္တာ ဓမ္မာ…ပေ… သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၇၉။ သဟေတုကာ စေဝ န စ ဟေတူ ဓမ္မာ… ဟေတုသမ္ပယုတ္တာ စေဝ န စ ဟေတူ ဓမ္မာ… န ဟေတုသဟေတုကာ ဓမ္မာ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ¶ ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၈၀။ အပ္ပစ္စယာ ဓမ္မာ… အသင်္ခတာ ဓမ္မာ… သနိဒဿနာ ဓမ္မာ… သပ္ပဋိဃာ ဓမ္မာ… ရူပိနော ဓမ္မာ…ပေ… သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ? စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၈၁။ လောကုတ္တရာ ဓမ္မာ…ပေ… သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ? န ကေဟိစိ ခန္ဓေဟိ န ကေဟိစိ အာယတနေဟိ ဆဟိ ဓာတူဟိ ဝိပ္ပယုတ္တာ။

၂၈၂။ အာသဝါ ¶ ဓမ္မာ… အာသဝါ စေဝ သာသဝါ စ ဓမ္မာ… အာသဝါ စေဝ အာသဝသမ္ပယုတ္တာ စ ဓမ္မာ တီဟိ ခန္ဓေဟိ ဧကေနာယတနေန ဧကာယ ဓာတုယာ သမ္ပယုတ္တာ၊ ဧကေန ခန္ဓေန ဧကေနာယတနေန ¶ ဧကာယ ဓာတုယာ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၈၃။ အနာသဝါ ဓမ္မာ… အာသဝဝိပ္ပယုတ္တာ အနာသဝါ ဓမ္မာ…ပေ… သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ? န ကေဟိစိ ခန္ဓေဟိ န ကေဟိစိ အာယတနေဟိ ဆဟိ ဓာတူဟိ ဝိပ္ပယုတ္တာ။

၂၈၄။ အာသဝသမ္ပယုတ္တာ ¶ ဓမ္မာ…ပေ… သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၈၅။ အာသဝသမ္ပယုတ္တာ စေဝ နော စ အာသဝါ ဓမ္မာ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၈၆။ သံယောဇနာ ဓမ္မာ… ဂန္ထာ ဓမ္မာ… ဩဃာ ဓမ္မာ… ယောဂါ ဓမ္မာ… နီဝရဏာ ဓမ္မာ… ပရာမာသာ ဓမ္မာ… ပရာမာသာ စေဝ ပရာမဋ္ဌာ စ ဓမ္မာ တီဟိ ခန္ဓေဟိ ဧကေနာယတနေန ဧကာယ ဓာတုယာ သမ္ပယုတ္တာ၊ ဧကေန ခန္ဓေန ဧကေနာယတနေန ဧကာယ ဓာတုယာ ¶ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ¶ ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၈၇။ အပရာမဋ္ဌာ ဓမ္မာ… ပရာမာသဝိပ္ပယုတ္တာ အပရာမဋ္ဌာ ဓမ္မာ သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ? န ကေဟိစိ ခန္ဓေဟိ န ကေဟိစိ အာယတနေဟိ ဆဟိ ဓာတူဟိ ဝိပ္ပယုတ္တာ။

၂၈၈။ ပရာမာသသမ္ပယုတ္တာ ဓမ္မာ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၈၉။ သာရမ္မဏာ ¶ ဓမ္မာ…ပေ… သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၉၀။ အနာရမ္မဏာ ဓမ္မာ… စိတ္တဝိပ္ပယုတ္တာ ဓမ္မာ… စိတ္တဝိသံသဋ္ဌာ ဓမ္မာ… ဥပါဒါ ဓမ္မာ…ပေ… သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ? စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၉၁။ စိတ္တာ ¶ ဓမ္မာ တီဟိ ခန္ဓေဟိ သမ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ¶ ဓာတုယာ ကေဟိစိ ဝိပ္ပယုတ္တာ။

၂၉၂။ စေတသိကာ ဓမ္မာ… စိတ္တသမ္ပယုတ္တာ ဓမ္မာ… စိတ္တသံသဋ္ဌာ ဓမ္မာ… စိတ္တသံသဋ္ဌသမုဋ္ဌာနာ ဓမ္မာ… စိတ္တသံသဋ္ဌသမုဋ္ဌာနသဟဘုနော ဓမ္မာ… စိတ္တသံသဋ္ဌသမုဋ္ဌာနာနုပရိဝတ္တိနော ဓမ္မာ ဧကေန ခန္ဓေန ဧကေနာယတနေန သတ္တဟိ ဓာတူဟိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၉၃။ အနုပါဒိန္နာ ဓမ္မာ…ပေ… သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ? န ကေဟိစိ ခန္ဓေဟိ န ကေဟိစိ အာယတနေဟိ ပဉ္စဟိ ဓာတူဟိ ဝိပ္ပယုတ္တာ။

၂၉၄။ ဥပါဒါနာ ¶ ဓမ္မာ… ကိလေသာ ဓမ္မာ… ကိလေသာ စေဝ သံကိလေသိကာ စ ဓမ္မာ… ကိလေသာ စေဝ သံကိလိဋ္ဌာ စ ဓမ္မာ… ကိလေသာ စေဝ ကိလေသသမ္ပယုတ္တာ စ ဓမ္မာ တီဟိ ခန္ဓေဟိ ဧကေနာယတနေန ဧကာယ ဓာတုယာ သမ္ပယုတ္တာ၊ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၉၅။ အသံကိလေသိကာ ဓမ္မာ… ကိလေသဝိပ္ပယုတ္တာ အသံကိလေသိကာ ဓမ္မာ…ပေ… သမ္ပယုတ္တာတိ ¶ ? နတ္ထိ။ ကတိဟိ ဝိပ္ပယုတ္တာ? န ကေဟိစိ ခန္ဓေဟိ န ကေဟိစိ အာယတနေဟိ ဆဟိ ဓာတူဟိ ဝိပ္ပယုတ္တာ။

၂၉၆။ သံကိလိဋ္ဌာ ¶ ဓမ္မာ… ကိလေသသမ္ပယုတ္တာ ဓမ္မာ…ပေ… သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၉၇။ သံကိလိဋ္ဌာ စေဝ နော စ ကိလေသာ ဓမ္မာ… ကိလေသသမ္ပယုတ္တာ စေဝ နော စ ကိလေသာ ဓမ္မာ ဧကေန ခန္ဓေန ဧကေနာယတနေန ဧကာယ ဓာတုယာ ¶ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၉၈။ ဒဿနေန ပဟာတဗ္ဗာ ဓမ္မာ… ဘာဝနာယ ပဟာတဗ္ဗာ ဓမ္မာ… ဒဿနေန ပဟာတဗ္ဗဟေတုကာ ဓမ္မာ… ဘာဝနာယ ပဟာတဗ္ဗဟေတုကာ ဓမ္မာ… သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂၉၉။ သဝိတက္ကာ ဓမ္မာ… သဝိစာရာ ဓမ္မာ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ ပန္နရသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၀၀။ အဝိတက္ကာ ဓမ္မာ… အဝိစာရာ ဓမ္မာ…ပေ… သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ? န ကေဟိစိ ခန္ဓေဟိ န ကေဟိစိ အာယတနေဟိ ဧကာယ ¶ ဓာတုယာ ဝိပ္ပယုတ္တာ။

၃၀၁။ သပ္ပီတိကာ ¶ ဓမ္မာ… ပီတိသဟဂတာ ဓမ္မာ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၀၂။ သုခသဟဂတာ ¶ ဓမ္မာ ဧကေန ခန္ဓေန သမ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ ပန္နရသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၀၃။ ဥပေက္ခာသဟဂတာ ဓမ္မာ ဧကေန ခန္ဓေန သမ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ ဧကာဒသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၀၄။ န ¶ ကာမာဝစရာ ဓမ္မာ… အပရိယာပန္နာ ဓမ္မာ… အနုတ္တရာ ဓမ္မာ…ပေ… သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ? န ကေဟိစိ ခန္ဓေဟိ န ကေဟိစိ အာယတနေဟိ ဆဟိ ဓာတူဟိ ဝိပ္ပယုတ္တာ။

၃၀၅။ ရူပါဝစရာ ဓမ္မာ… အရူပါဝစရာ ဓမ္မာ… နိယျာနိကာ ဓမ္မာ… နိယတာ ဓမ္မာ… သရဏာ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ¶ ဓာတုယာ ကေဟိစိ ဝိပ္ပယုတ္တာ။

ဓမ္မာယတနံ ဓမ္မဓာတု၊ ဒုက္ခသစ္စဉ္စ ဇီဝိတံ၊

သဠာယတနံ နာမရူပံ၊ စတ္တာရော စ မဟာဘဝါ။

ဇာတိ ဇရာ စ မရဏံ၊ တိကေသွေကူနဝီသတိ၊

ဂေါစ္ဆကေသု စ ပညာသ၊ အဋ္ဌ စူဠန္တရေ ပဒါ။

မဟန္တရေ ပန္နရသ၊ အဋ္ဌာရသ တတော ပရေ၊

တေဝီသ ပဒသတံ ဧတံ၊ သမ္ပယောဂေ န လဗ္ဘတီတိ။

သမ္ပယောဂဝိပ္ပယောဂပဒနိဒ္ဒေသော ဆဋ္ဌော။

၇။ သတ္တမနယော

၇။ သမ္ပယုတ္တေနဝိပ္ပယုတ္တပဒနိဒ္ဒေသော

၃၀၆။ ဝေဒနာက္ခန္ဓေန ¶ ¶ ¶ ယေ ဓမ္မာ… သညာက္ခန္ဓေန ယေ ဓမ္မာ… သင်္ခါရက္ခန္ဓေန ယေ ဓမ္မာ… ဝိညာဏက္ခန္ဓေန ယေ ဓမ္မာ… မနာယတနေန ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ ဝိပ္ပယုတ္တာ? တေ ဓမ္မာ စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၀၇။ စက္ခုဝိညာဏဓာတုယာ ယေ ဓမ္မာ…ပေ… မနောဓာတုယာ ယေ ဓမ္မာ… မနောဝိညာဏဓာတုယာ ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ န ကေဟိစိ ခန္ဓေဟိ န ကေဟိစိ အာယတနေဟိ ဧကာယ ဓာတုယာ ဝိပ္ပယုတ္တာ။

၃၀၈။ မနိန္ဒြိယေန ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၀၉။ ဥပေက္ခိန္ဒြိယေန ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ¶ ဓမ္မာ ဝိပ္ပယုတ္တာ… တေ ဓမ္မာ န ကေဟိစိ ခန္ဓေဟိ န ကေဟိစိ အာယတနေဟိ ပဉ္စဟိ ဓာတူဟိ ဝိပ္ပယုတ္တာ။

၃၁၀။ သင်္ခါရပစ္စယာ ဝိညာဏေန ယေ ဓမ္မာ… သဠာယတနပစ္စယာ ဖဿေန ယေ ဓမ္မာ… ဖဿပစ္စယာ ¶ ဝေဒနာယ ယေ ဓမ္မာ… ဖဿေန ယေ ဓမ္မာ… ဝေဒနာယ ယေ ဓမ္မာ… သညာယ ယေ ဓမ္မာ… စေတနာယ ယေ ဓမ္မာ… စိတ္တေန ယေ ဓမ္မာ… မနသိကာရေန ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ¶ ခန္ဓေဟိ ဧကေနာယတနေန သတ္တဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၁၁။ အဓိမောက္ခေန ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ န ကေဟိစိ ခန္ဓေဟိ န ကေဟိစိ အာယတနေဟိ ဧကာယ ဓာတုယာ ဝိပ္ပယုတ္တာ။

၃၁၂။ အဒုက္ခမသုခါယ ¶ ဝေဒနာယ သမ္ပယုတ္တေဟိ ဓမ္မေဟိ ယေ ဓမ္မာ… ဥပေက္ခာသဟဂတေဟိ ဓမ္မေဟိ ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ န ကေဟိစိ ခန္ဓေဟိ န ကေဟိစိ အာယတနေဟိ ပဉ္စဟိ ဓာတူဟိ ဝိပ္ပယုတ္တာ။

၃၁၃။ သဝိတက္ကသဝိစာရေဟိ ဓမ္မေဟိ ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ န ကေဟိစိ ခန္ဓေဟိ န ကေဟိစိ အာယတနေဟိ ဧကာယ ဓာတုယာ ဝိပ္ပယုတ္တာ။

၃၁၄။ စိတ္တေဟိ ဓမ္မေဟိ ယေ ဓမ္မာ… စေတသိကေဟိ ဓမ္မေဟိ ယေ ဓမ္မာ… စိတ္တသမ္ပယုတ္တေဟိ ဓမ္မေဟိ ယေ ဓမ္မာ ¶ … စိတ္တသံသဋ္ဌေဟိ ဓမ္မေဟိ ယေ ဓမ္မာ… စိတ္တသံသဋ္ဌသမုဋ္ဌာနေဟိ ဓမ္မေဟိ ယေ ဓမ္မာ… စိတ္တသံသဋ္ဌသမုဋ္ဌာနသဟဘူဟိ ဓမ္မေဟိ ယေ ဓမ္မာ… စိတ္တသံသဋ္ဌသမုဋ္ဌာနာနုပရိဝတ္တီဟိ ဓမ္မေဟိ ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၁၅။ သဝိတက္ကေဟိ ဓမ္မေဟိ ယေ ဓမ္မာ… သဝိစာရေဟိ ဓမ္မေဟိ ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ န ကေဟိစိ ခန္ဓေဟိ န ကေဟိစိ အာယတနေဟိ ဧကာယ ဓာတုယာ ဝိပ္ပယုတ္တာ။

၃၁၆။ ဥပေက္ခာသဟဂတေဟိ ဓမ္မေဟိ ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ ဝိပ္ပယုတ္တာ? တေ ဓမ္မာ န ကေဟိစိ ခန္ဓေဟိ န ကေဟိစိ အာယတနေဟိ ပဉ္စဟိ ဓာတူဟိ ဝိပ္ပယုတ္တာ။

ခန္ဓာ ¶ ¶ စတုရော အာယတနဉ္စ မေကံ၊

ဓာတူသု သတ္တ ဒွေပိ စ ဣန္ဒြိယတော။

တယော ပဋိစ္စ တထရိဝ ဖဿပဉ္စမာ၊

အဓိမုစ္စနာ မနသိ တိကေသု တီဏိ။

သတ္တန္တရာ ဒွေ စ မနေန ယုတ္တာ၊

ဝိတက္ကဝိစာရဏာ ဥပေက္ခကာယ စာတိ။

သမ္ပယုတ္တေနဝိပ္ပယုတ္တပဒနိဒ္ဒေသော သတ္တမော။

၈။ အဋ္ဌမနယော

၈။ ဝိပ္ပယုတ္တေနသမ္ပယုတ္တပဒနိဒ္ဒေသော

၃၁၇။ ရူပက္ခန္ဓေန ¶ ¶ ¶ ¶ ယေ ဓမ္မာ ဝိပ္ပယုတ္တာ၊ တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သမ္ပယုတ္တာတိ? နတ္ထိ။

၃၁၈။ ဝေဒနာက္ခန္ဓေန ယေ ဓမ္မာ… သညာက္ခန္ဓေန ယေ ဓမ္မာ… သင်္ခါရက္ခန္ဓေန ယေ ဓမ္မာ… ဝိညာဏက္ခန္ဓေန ယေ ဓမ္မာ…ပေ… သရဏေဟိ ဓမ္မေဟိ ယေ ဓမ္မာ… အရဏေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သမ္ပယုတ္တာတိ? နတ္ထိ။

ဓမ္မာယတနံ ဓမ္မဓာတု၊ အထ ဇီဝိတံ နာမရူပံ၊

သဠာယတနံ ဇာတိဇရာမတံ၊ ဒွေ စ တိကေ န လဗ္ဘရေ။

ပဌမန္တရေ သတ္တ စ၊ ဂေါစ္ဆကေ ဒသ အပရန္တေ၊

စုဒ္ဒသ ဆ စ မတ္ထကေ၊ ဣစ္စေတေ သတ္တစတ္တာလီသ ဓမ္မာ၊

သမုစ္ဆေဒေ န လဗ္ဘန္တိ၊ မောဃပုစ္ဆကေန စာတိ။

ဝိပ္ပယုတ္တေနသမ္ပယုတ္တပဒနိဒ္ဒေသော အဋ္ဌမော။

၉။ နဝမနယော

၉။ သမ္ပယုတ္တေနသမ္ပယုတ္တပဒနိဒ္ဒေသော

၃၁၉။ ဝေဒနာက္ခန္ဓေန ¶ ¶ ¶ ယေ ဓမ္မာ… သညာက္ခန္ဓေန ယေ ဓမ္မာ… သင်္ခါရက္ခန္ဓေန ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ သမ္ပယုတ္တာ၊ တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သမ္ပယုတ္တာ? တေ ဓမ္မာ တီဟိ ခန္ဓေဟိ ဧကေနာယတနေန သတ္တဟိ ဓာတူဟိ သမ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၂၀။ ဝိညာဏက္ခန္ဓေန ယေ ဓမ္မာ… မနာယတနေန ယေ ဓမ္မာ… စက္ခုဝိညာဏဓာတုယာ ယေ ဓမ္မာ…ပေ… မနောဓာတုယာ ယေ ဓမ္မာ… မနောဝိညာဏဓာတုယာ ¶ ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ သမ္ပယုတ္တာ…ပေ… တေ ဓမ္မာ တီဟိ ခန္ဓေဟိ သမ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၂၁။ သမုဒယသစ္စေန ယေ ဓမ္မာ… မဂ္ဂသစ္စေန ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ တီဟိ ခန္ဓေဟိ ဧကေနာယတနေန ဧကာယ ဓာတုယာ သမ္ပယုတ္တာ၊ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၂၂။ မနိန္ဒြိယေန ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ တီဟိ ခန္ဓေဟိ သမ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၂၃။ သုခိန္ဒြိယေန ယေ ဓမ္မာ… ဒုက္ခိန္ဒြိယေန ယေ ဓမ္မာ… သောမနဿိန္ဒြိယေန ယေ ဓမ္မာ ¶ … ဒေါမနဿိန္ဒြိယေန ¶ ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ တီဟိ ခန္ဓေဟိ ဧကေနာယတနေန ဧကာယ ဓာတုယာ သမ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၂၄။ ဥပေက္ခိန္ဒြိယေန ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ တီဟိ ခန္ဓေဟိ ဧကေနာယတနေန ဆဟိ ဓာတူဟိ သမ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၂၅။ သဒ္ဓိန္ဒြိယေန ¶ ယေ ဓမ္မာ… ဝီရိယိန္ဒြိယေန ယေ ဓမ္မာ… သတိန္ဒြိယေန ¶ ယေ ဓမ္မာ… သမာဓိန္ဒြိယေန ယေ ဓမ္မာ… ပညိန္ဒြိယေန ယေ ဓမ္မာ… အနညာတညဿာမီတိန္ဒြိယေန ယေ ဓမ္မာ… အညိန္ဒြိယေန ယေ ဓမ္မာ… အညာတာဝိန္ဒြိယေန ယေ ဓမ္မာ… အဝိဇ္ဇာယ ယေ ဓမ္မာ… အဝိဇ္ဇာပစ္စယာ သင်္ခါရေဟိ ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ တီဟိ ခန္ဓေဟိ ဧကေနာယတနေန ဧကာယ ဓာတုယာ သမ္ပယုတ္တာ၊ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၂၆။ သင်္ခါရပစ္စယာ ဝိညာဏေန ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ တီဟိ ခန္ဓေဟိ သမ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၂၇။ သဠာယတနပစ္စယာ ဖဿေန ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ တီဟိ ခန္ဓေဟိ ဧကေနာယတနေန သတ္တဟိ ဓာတူဟိ သမ္ပယုတ္တာ၊ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၂၈။ ဖဿပစ္စယာ ဝေဒနာယ ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ တီဟိ ခန္ဓေဟိ ဧကေနာယတနေန သတ္တဟိ ဓာတူဟိ သမ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၂၉။ ဝေဒနာပစ္စယာ တဏှာယ ယေ ဓမ္မာ… တဏှာပစ္စယာ ဥပါဒါနေန ယေ ဓမ္မာ… ကမ္မဘဝေန ¶ ယေ ဓမ္မာ သမ္ပယုတ္တာ၊ တေဟိ ဓမ္မေဟိ ¶ ယေ ဓမ္မာ သမ္ပယုတ္တာ… တေ ဓမ္မာ တီဟိ ¶ ခန္ဓေဟိ ဧကေနာယတနေန ဧကာယ ဓာတုယာ သမ္ပယုတ္တာ၊ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၃၀။ သောကေန ယေ ဓမ္မာ… ဒုက္ခေန ယေ ဓမ္မာ… ဒေါမနဿေန ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ တီဟိ ခန္ဓေဟိ ဧကေနာယတနေန ဧကာယ ဓာတုယာ သမ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၃၁။ ဥပါယာသေန ¶ ယေ ဓမ္မာ… သတိပဋ္ဌာနေန ယေ ဓမ္မာ… သမ္မပ္ပဓာနေန ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ တီဟိ ခန္ဓေဟိ ဧကေနာယတနေန ဧကာယ ဓာတုယာ သမ္ပယုတ္တာ၊ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၃၂။ ဣဒ္ဓိပါဒေန ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ ဒွီဟိ ခန္ဓေဟိ သမ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၃၃။ ဈာနေန ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ ဒွီဟိ ခန္ဓေဟိ ဧကေနာယတနေန ဧကာယ ဓာတုယာ သမ္ပယုတ္တာ၊ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၃၄။ အပ္ပမညာယ ယေ ဓမ္မာ… ပဉ္စဟိ ဣန္ဒြိယေဟိ ယေ ဓမ္မာ ¶ … ပဉ္စဟိ ဗလေဟိ ယေ ဓမ္မာ… သတ္တဟိ ဗောဇ္ဈင်္ဂေဟိ ယေ ဓမ္မာ… အရိယေန အဋ္ဌင်္ဂိကေန မဂ္ဂေန ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ တီဟိ ခန္ဓေဟိ ဧကေနာယတနေန ဧကာယ ဓာတုယာ သမ္ပယုတ္တာ၊ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၃၅။ ဖဿေန ယေ ဓမ္မာ… စေတနာယ ယေ ဓမ္မာ… မနသိကာရေန ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ တီဟိ ခန္ဓေဟိ ဧကေနာယတနေန သတ္တဟိ ဓာတူဟိ သမ္ပယုတ္တာ၊ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၃၆။ ဝေဒနာယ ¶ ယေ ဓမ္မာ… သညာယ ယေ ဓမ္မာ သမ္ပယုတ္တာ ¶ ၊ တေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ တီဟိ ခန္ဓေဟိ ဧကေနာယတနေန သတ္တဟိ ဓာတူဟိ သမ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၃၇။ စိတ္တေန ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ တီဟိ ခန္ဓေဟိ သမ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၃၈။ အဓိမောက္ခေန ¶ ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ တီဟိ ခန္ဓေဟိ ဧကေနာယတနေန ဒွီဟိ ဓာတူဟိ သမ္ပယုတ္တာ၊ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၃၉။ သုခါယ ¶ ဝေဒနာယ သမ္ပယုတ္တေဟိ ဓမ္မေဟိ ယေ ဓမ္မာ… ဒုက္ခာယ ဝေဒနာယ သမ္ပယုတ္တေဟိ ဓမ္မေဟိ ယေ ဓမ္မာ… အဒုက္ခမသုခါယ ဝေဒနာယ သမ္ပယုတ္တေဟိ ဓမ္မေဟိ ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ ဧကေန ခန္ဓေန သမ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၄၀။ သဝိတက္ကသဝိစာရေဟိ ဓမ္မေဟိ ယေ ဓမ္မာ… အဝိတက္ကဝိစာရမတ္တေဟိ ဓမ္မေဟိ ယေ ဓမ္မာ… ပီတိသဟဂတေဟိ ဓမ္မေဟိ ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၄၁။ သုခသဟဂတေဟိ ဓမ္မေဟိ ယေ ဓမ္မာ… ဥပေက္ခာသဟဂတေဟိ ဓမ္မေဟိ ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ ဧကေန ခန္ဓေန သမ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၄၂။ ဟေတူဟိ ဓမ္မေဟိ ယေ ဓမ္မာ… ဟေတူဟိ စေဝ သဟေတုကေဟိ စ ဓမ္မေဟိ ယေ ဓမ္မာ… ဟေတူဟိ စေဝ ဟေတုသမ္ပယုတ္တေဟိ စ ဓမ္မေဟိ ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ တီဟိ ခန္ဓေဟိ ဧကေနာယတနေန ဧကာယ ဓာတုယာ သမ္ပယုတ္တာ၊ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၄၃။ သဟေတုကေဟိ ¶ ¶ စေဝ န စ ဟေတူဟိ ဓမ္မေဟိ ယေ ဓမ္မာ… ဟေတုသမ္ပယုတ္တေဟိ စေဝ န စ ဟေတူဟိ ဓမ္မေဟိ ယေ ဓမ္မာ… န ဟေတုသဟေတုကေဟိ ¶ ဓမ္မေဟိ ယေ ဓမ္မာ သမ္ပယုတ္တာ၊ တေဟိ ဓမ္မေဟိ [န ဟေတူဟိ သဟေတုကေဟိ (ဗဟူသု)] ယေ ဓမ္မာ သမ္ပယုတ္တာ… တေ ဓမ္မာ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၄၄။ အာသဝေဟိ ¶ ဓမ္မေဟိ ယေ ဓမ္မာ… အာသဝေဟိ စေဝ သာသဝေဟိ စ ဓမ္မေဟိ ယေ ဓမ္မာ… အာသဝေဟိ စေဝ အာသဝသမ္ပယုတ္တေဟိ စ ဓမ္မေဟိ ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ တီဟိ ခန္ဓေဟိ ဧကေနာယတနေန ဧကာယ ဓာတုယာ သမ္ပယုတ္တာ၊ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၄၅။ အာသဝသမ္ပယုတ္တေဟိ စေဝ နော စ အာသဝေဟိ ဓမ္မေဟိ ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၄၆။ သံယောဇနေဟိ… ဂန္ထေဟိ… ဩဃေဟိ… ယောဂေဟိ… နီဝရဏေဟိ… ပရာမာသေဟိ ဓမ္မေဟိ ယေ ဓမ္မာ… ပရာမာသေဟိ စေဝ ပရာမဋ္ဌေဟိ စ ဓမ္မေဟိ ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ တီဟိ ခန္ဓေဟိ ဧကေနာယတနေန ဧကာယ ဓာတုယာ သမ္ပယုတ္တာ၊ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၄၇။ ပရာမာသသမ္ပယုတ္တေဟိ ဓမ္မေဟိ ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၄၈။ စိတ္တေဟိ ဓမ္မေဟိ ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ¶ ဓမ္မာ သမ္ပယုတ္တာ… တေ ဓမ္မာ တီဟိ ခန္ဓေဟိ သမ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၄၉။ စေတသိကေဟိ ¶ ဓမ္မေဟိ ယေ ဓမ္မာ… စိတ္တသမ္ပယုတ္တေဟိ ဓမ္မေဟိ ယေ ဓမ္မာ… စိတ္တသံသဋ္ဌေဟိ ဓမ္မေဟိ ယေ ဓမ္မာ… စိတ္တသံသဋ္ဌသမုဋ္ဌာနေဟိ ဓမ္မေဟိ ယေ ဓမ္မာ… စိတ္တသံသဋ္ဌသမုဋ္ဌာနသဟဘူဟိ ဓမ္မေဟိ ယေ ဓမ္မာ… စိတ္တသံသဋ္ဌသမုဋ္ဌာနာနုပရိဝတ္တီဟိ ဓမ္မေဟိ ယေ ဓမ္မာ သမ္ပယုတ္တာ ¶ ၊ တေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ ဧကေန ခန္ဓေန ဧကေနာယတနေန သတ္တဟိ ဓာတူဟိ သမ္ပယုတ္တာ။

၃၅၀။ ဥပါဒါနေဟိ ဓမ္မေဟိ ယေ ဓမ္မာ… ကိလေသေဟိ ဓမ္မေဟိ ယေ ဓမ္မာ… ကိလေသေဟိ စေဝ သံကိလေသိကေဟိ စ ဓမ္မေဟိ ယေ ဓမ္မာ… ကိလေသေဟိ စေဝ သံကိလိဋ္ဌေဟိ စ ဓမ္မေဟိ ယေ ဓမ္မာ… ကိလေသေဟိ စေဝ ကိလေသသမ္ပယုတ္တေဟိ ¶ စ ဓမ္မေဟိ ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ တီဟိ ခန္ဓေဟိ ဧကေနာယတနေန ဧကာယ ဓာတုယာ သမ္ပယုတ္တာ၊ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

၃၅၁။ သံကိလိဋ္ဌေဟိ စေဝ နော စ ကိလေသေဟိ ဓမ္မေဟိ ယေ ဓမ္မာ… ကိလေသသမ္ပယုတ္တေဟိ စေဝ နော စ ကိလေသေဟိ ဓမ္မေဟိ ယေ ဓမ္မာ… သဝိတက္ကေဟိ ဓမ္မေဟိ ယေ ဓမ္မာ… သဝိစာရေဟိ ဓမ္မေဟိ ယေ ဓမ္မာ… သပ္ပီတိကေဟိ ဓမ္မေဟိ ယေ ဓမ္မာ… ပီတိသဟဂတေဟိ ဓမ္မေဟိ ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ ဧကေန ခန္ဓေန ဧကေနာယတနေန ¶ ဧကာယ ဓာတုယာ ကေဟိစိ သမ္ပယုတ္တာ။

၃၅၂။ သုခသဟဂတေဟိ ဓမ္မေဟိ ယေ ဓမ္မာ… ဥပေက္ခာသဟဂတေဟိ ဓမ္မေဟိ ယေ ဓမ္မာ သမ္ပယုတ္တာ၊ တေဟိ ဓမ္မေဟိ ယေ ဓမ္မာ သမ္ပယုတ္တာ၊ တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သမ္ပယုတ္တာ? တေ ဓမ္မာ ဧကေန ခန္ဓေန သမ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။

အရူပက္ခန္ဓာ စတ္တာရော၊ မနာယတနမေဝ စ၊

ဝိညာဏဓာတုယော သတ္တ၊ ဒွေ သစ္စာ စုဒ္ဒသိန္ဒြိယာ။

ပစ္စယေ ဒွါဒသ ပဒါ၊ တတော ဥပရိ သောဠသ၊

တိကေသု အဋ္ဌ ဂေါစ္ဆကေ၊ တေစတ္တာလီသမေဝ စ။

မဟန္တရဒုကေ သတ္တ၊ ပဒါ ပိဋ္ဌိ ဒုကေသု ဆ၊

နဝမဿ ပဒဿေတေ၊ နိဒ္ဒေသေ သင်္ဂဟံ ဂတာတိ။

သမ္ပယုတ္တေနသမ္ပယုတ္တပဒနိဒ္ဒေသော နဝမော။

၁၀။ ဒသမနယော

၁၀။ ဝိပ္ပယုတ္တေနဝိပ္ပယုတ္တပဒနိဒ္ဒေသော

၃၅၃။ ရူပက္ခန္ဓေန ¶ ¶ ¶ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ ဝိပ္ပယုတ္တာ? တေ ဓမ္မာ စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၅၄။ ဝေဒနာက္ခန္ဓေန ယေ ဓမ္မာ… သညာက္ခန္ဓေန ယေ ဓမ္မာ… သင်္ခါရက္ခန္ဓေန ယေ ဓမ္မာ… ဝိညာဏက္ခန္ဓေန ယေ ဓမ္မာ… မနာယတနေန ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ…ပေ… တေ ဓမ္မာ ဧကေန ခန္ဓေန ဒသဟာယတနေဟိ ဒသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၅၅။ စက္ခာယတနေန ¶ ယေ ဓမ္မာ…ပေ… ဖောဋ္ဌဗ္ဗာယတနေန ယေ ဓမ္မာ… စက္ခုဓာတုယာ ယေ ဓမ္မာ…ပေ… ဖောဋ္ဌဗ္ဗဓာတုယာ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၅၆။ စက္ခုဝိညာဏဓာတုယာ ယေ ဓမ္မာ…ပေ… မနောဝိညာဏဓာတုယာ ယေ ဓမ္မာ… သမုဒယသစ္စေန ယေ ဓမ္မာ… မဂ္ဂသစ္စေန ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၅၇။ နိရောဓသစ္စေန ¶ ယေ ဓမ္မာ… စက္ခုန္ဒြိယေန ယေ ဓမ္မာ…ပေ… ကာယိန္ဒြိယေန ယေ ဓမ္မာ။။ ဣတ္ထိန္ဒြိယေန ¶ ယေ ဓမ္မာ… ပုရိသိန္ဒြိယေန ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၅၈။ မနိန္ဒြိယေန ¶ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ခန္ဓေန ဒသဟာယတနေဟိ ဒသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၅၉။ သုခိန္ဒြိယေန ယေ ဓမ္မာ… ဒုက္ခိန္ဒြိယေန ယေ ဓမ္မာ… သောမနဿိန္ဒြိယေန ယေ ဓမ္မာ… ဒေါမနဿိန္ဒြိယေန ယေ ဓမ္မာ ဝိပ္ပယုတ္တာ၊ တေဟိ ¶ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၆၀။ ဥပေက္ခိန္ဒြိယေန ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ခန္ဓေန ဒသဟာယတနေဟိ ဧကာဒသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၆၁။ သဒ္ဓိန္ဒြိယေန ယေ ဓမ္မာ… ဝီရိယိန္ဒြိယေန ယေ ဓမ္မာ… သတိန္ဒြိယေန ယေ ဓမ္မာ… သမာဓိန္ဒြိယေန ယေ ဓမ္မာ… ပညိန္ဒြိယေန ယေ ဓမ္မာ… အနညာတညဿာမီတိန္ဒြိယေန ယေ ဓမ္မာ… အညိန္ဒြိယေန ယေ ဓမ္မာ… အညာတာဝိန္ဒြိယေန ယေ ဓမ္မာ… အဝိဇ္ဇာယ ယေ ဓမ္မာ… အဝိဇ္ဇာပစ္စယာ သင်္ခါရေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၆၂။ သင်္ခါရပစ္စယာ ဝိညာဏေန ယေ ဓမ္မာ… သဠာယတနပစ္စယာ ဖဿေန ယေ ဓမ္မာ… ဖဿပစ္စယာ ဝေဒနာယ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ¶ ခန္ဓေန ဒသဟာယတနေဟိ ဒသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၆၃။ ဝေဒနာပစ္စယာ တဏှာယ ယေ ဓမ္မာ… တဏှာပစ္စယာ ဥပါဒါနေန ¶ ယေ ဓမ္မာ… ကမ္မဘဝေန ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ¶ ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၆၄။ ရူပဘဝေန ¶ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ န ကေဟိစိ ခန္ဓေဟိ န ကေဟိစိ အာယတနေဟိ တီဟိ ဓာတူဟိ ဝိပ္ပယုတ္တာ။

၃၆၅။ အသညာဘဝေန ယေ ဓမ္မာ… ဧကဝေါကာရဘဝေန ယေ ဓမ္မာ… ပရိဒေဝေန ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၆၆။ အရူပဘဝေန ယေ ဓမ္မာ… နေဝသညာနာသညာဘဝေန ယေ ဓမ္မာ… စတုဝေါကာရဘဝေန ယေ ဓမ္မာ… သောကေန ယေ ဓမ္မာ… ဒုက္ခေန ယေ ဓမ္မာ… ဒေါမနဿေန ယေ ဓမ္မာ… ဥပါယာသေန ယေ ဓမ္မာ… သတိပဋ္ဌာနေန ယေ ဓမ္မာ… သမ္မပ္ပဓာနေန ယေ ဓမ္မာ… ဣဒ္ဓိပါဒေန ယေ ဓမ္မာ… ဈာနေန ယေ ဓမ္မာ… အပ္ပမညာယ ယေ ဓမ္မာ… ပဉ္စဟိ ဣန္ဒြိယေဟိ ယေ ဓမ္မာ… ပဉ္စဟိ ဗလေဟိ ယေ ဓမ္မာ… သတ္တဟိ ဗောဇ္ဈင်္ဂေဟိ ယေ ဓမ္မာ… အရိယေန အဋ္ဌင်္ဂိကေန မဂ္ဂေန ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ¶ ဧကာယ ဓာတုယာ ကေဟိစိ ဝိပ္ပယုတ္တာ။

၃၆၇။ ဖဿေန ယေ ဓမ္မာ… ဝေဒနာယ ယေ ဓမ္မာ… သညာယ ယေ ဓမ္မာ… စေတနာယ ယေ ဓမ္မာ… စိတ္တေန ယေ ဓမ္မာ… မနသိကာရေန ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ခန္ဓေန ဒသဟာယတနေဟိ ဒသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၆၈။ အဓိမောက္ခေန ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ¶ ဧကေန ခန္ဓေန ဒသဟာယတနေဟိ ပန္နရသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၁။ တိကံ

၃၆၉။ ကုသလေဟိ ဓမ္မေဟိ ယေ ဓမ္မာ… အကုသလေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ¶ ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၇၀။ သုခါယ ¶ ဝေဒနာယ သမ္ပယုတ္တေဟိ ဓမ္မေဟိ ယေ ဓမ္မာ… ဒုက္ခာယ ဝေဒနာယ သမ္ပယုတ္တေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ခန္ဓေန ဒသဟာယတနေဟိ ပန္နရသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၇၁။ အဒုက္ခမသုခါယ ဝေဒနာယ သမ္ပယုတ္တေဟိ ဓမ္မေဟိ ယေ ဓမ္မာ ဝိပ္ပယုတ္တာ ¶ ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ခန္ဓေန ဒသဟာယတနေဟိ ဧကာဒသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၇၂။ ဝိပါကေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ခန္ဓေန ဒသဟာယတနေဟိ ဒသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၇၃။ ဝိပါကဓမ္မဓမ္မေဟိ ယေ ဓမ္မာ… သံကိလိဋ္ဌသံကိလေသိကေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၇၄။ နေဝဝိပါကနဝိပါကဓမ္မဓမ္မေဟိ ယေ ဓမ္မာ… အနုပါဒိန္နုပါဒါနိယေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ န ကေဟိစိ ခန္ဓေဟိ န ကေဟိစိ အာယတနေဟိ ပဉ္စဟိ ဓာတူဟိ ဝိပ္ပယုတ္တာ။

၃၇၅။ အနုပါဒိန္နအနုပါဒါနိယေဟိ ¶ ဓမ္မေဟိ ယေ ဓမ္မာ… အသံကိလိဋ္ဌအသံကိလေသိကေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ န ကေဟိစိ ခန္ဓေဟိ န ကေဟိစိ အာယတနေဟိ ဆဟိ ဓာတူဟိ ဝိပ္ပယုတ္တာ။

၃၇၆။ သဝိတက္ကသဝိစာရေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ¶ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ¶ ခန္ဓေန ဒသဟာယတနေဟိ ပန္နရသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၇၇။ အဝိတက္ကဝိစာရမတ္တေဟိ ¶ ဓမ္မေဟိ ယေ ဓမ္မာ… ပီတိသဟဂတေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၇၈။ အဝိတက္ကအဝိစာရေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ န ကေဟိစိ ခန္ဓေဟိ န ကေဟိစိ အာယတနေဟိ ဧကာယ ဓာတုယာ ဝိပ္ပယုတ္တာ။

၃၇၉။ သုခသဟဂတေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ခန္ဓေန ဒသဟာယတနေဟိ ပန္နရသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၈၀။ ဥပေက္ခာသဟဂတေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ခန္ဓေန ဒသဟာယတနေဟိ ဧကာဒသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၈၁။ ဒဿနေန ပဟာတဗ္ဗေဟိ ဓမ္မေဟိ ယေ ဓမ္မာ… ဘာဝနာယ ပဟာတဗ္ဗေဟိ ဓမ္မေဟိ ယေ ဓမ္မာ… ဒဿနေန ပဟာတဗ္ဗဟေတုကေဟိ ဓမ္မေဟိ ¶ ယေ ဓမ္မာ… ဘာဝနာယ ပဟာတဗ္ဗဟေတုကေဟိ ဓမ္မေဟိ ယေ ဓမ္မာ… အာစယဂါမီဟိ ဓမ္မေဟိ ယေ ဓမ္မာ… အပစယဂါမီဟိ ဓမ္မေဟိ ယေ ဓမ္မာ… သေက္ခေဟိ ဓမ္မေဟိ ယေ ဓမ္မာ… အသေက္ခေဟိ ဓမ္မေဟိ ယေ ဓမ္မာ… မဟဂ္ဂတေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ¶ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၈၂။ အပ္ပမာဏေဟိ ဓမ္မေဟိ ယေ ဓမ္မာ… ပဏီတေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ န ¶ ကေဟိစိ ခန္ဓေဟိ န ကေဟိစိ အာယတနေဟိ ဆဟိ ဓာတူဟိ ဝိပ္ပယုတ္တာ။

၃၈၃။ ပရိတ္တာရမ္မဏေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ခန္ဓေန ဒသဟာယတနေဟိ ဒသဟိ ¶ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၈၄။ မဟဂ္ဂတာရမ္မဏေဟိ ဓမ္မေဟိ ယေ ဓမ္မာ… အပ္ပမာဏာရမ္မဏေဟိ ဓမ္မေဟိ ယေ ဓမ္မာ… ဟီနေဟိ ဓမ္မေဟိ ယေ ဓမ္မာ… မိစ္ဆတ္တနိယတေဟိ ဓမ္မေဟိ ယေ ဓမ္မာ… သမ္မတ္တနိယတေဟိ ဓမ္မေဟိ ယေ ဓမ္မာ… မဂ္ဂါရမ္မဏေဟိ ဓမ္မေဟိ ယေ ဓမ္မာ… မဂ္ဂဟေတုကေဟိ ဓမ္မေဟိ ယေ ဓမ္မာ… မဂ္ဂါဓိပတီဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၈၅။ အနုပ္ပန္နေဟိ ¶ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ န ကေဟိစိ ခန္ဓေဟိ န ကေဟိစိ အာယတနေဟိ ပဉ္စဟိ ဓာတူဟိ ဝိပ္ပယုတ္တာ။

၃၈၆။ အတီတာရမ္မဏေဟိ ဓမ္မေဟိ ယေ ဓမ္မာ… အနာဂတာရမ္မဏေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၈၇။ ပစ္စုပ္ပန္နာရမ္မဏေဟိ ဓမ္မေဟိ ယေ ဓမ္မာ… အဇ္ဈတ္တာရမ္မဏေဟိ ဓမ္မေဟိ ယေ ဓမ္မာ… ဗဟိဒ္ဓါရမ္မဏေဟိ ဓမ္မေဟိ ယေ ဓမ္မာ… အဇ္ဈတ္တဗဟိဒ္ဓါရမ္မဏေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ခန္ဓေန ဒသဟာယတနေဟိ ဒသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၈၈။ သနိဒဿနသပ္ပဋိဃေဟိ ¶ ဓမ္မေဟိ ယေ ဓမ္မာ… အနိဒဿနသပ္ပဋိဃေဟိ ဓမ္မေဟိ ယေ ဓမ္မာ ဝိပ္ပယုတ္တာ ¶ ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၂။ ဒုကံ

၃၈၉။ ဟေတူဟိ ဓမ္မေဟိ ယေ ဓမ္မာ… သဟေတုကေဟိ ဓမ္မေဟိ ယေ ဓမ္မာ… ဟေတုသမ္ပယုတ္တေဟိ ဓမ္မေဟိ ယေ ဓမ္မာ… ဟေတူဟိ စေဝ သဟေတုကေဟိ စ ဓမ္မေဟိ ¶ ယေ ဓမ္မာ… သဟေတုကေဟိ စေဝ န စ ဟေတူဟိ ဓမ္မေဟိ ယေ ¶ ဓမ္မာ… ဟေတူဟိ စေဝ ဟေတုသမ္ပယုတ္တေဟိ စ ဓမ္မေဟိ ယေ ဓမ္မာ… ဟေတုသမ္ပယုတ္တေဟိ စေဝ န စ ဟေတူဟိ ဓမ္မေဟိ ယေ ဓမ္မာ… န ဟေတုသဟေတုကေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၉၀။ အပ္ပစ္စယေဟိ ဓမ္မေဟိ ယေ ဓမ္မာ… အသင်္ခတေဟိ ဓမ္မေဟိ ယေ ဓမ္မာ… သနိဒဿနေဟိ ဓမ္မေဟိ ယေ ဓမ္မာ… သပ္ပဋိဃေဟိ ဓမ္မေဟိ ယေ ဓမ္မာ… ရူပီဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၉၁။ လောကုတ္တရေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ န ကေဟိစိ ခန္ဓေဟိ န ကေဟိစိ အာယတနေဟိ ဆဟိ ဓာတူဟိ ဝိပ္ပယုတ္တာ။

၃၉၂။ အာသဝေဟိ ဓမ္မေဟိ ယေ ဓမ္မာ… အာသဝသမ္ပယုတ္တေဟိ ဓမ္မေဟိ ယေ ဓမ္မာ… အာသဝေဟိ စေဝ သာသဝေဟိ စ ဓမ္မေဟိ ယေ ဓမ္မာ… အာသဝေဟိ စေဝ အာသဝသမ္ပယုတ္တေဟိ စ ဓမ္မေဟိ ယေ ဓမ္မာ… အာသဝသမ္ပယုတ္တေဟိ စေဝ နော စ အာသဝေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၉၃။ အနာသဝေဟိ ဓမ္မေဟိ ယေ ဓမ္မာ… အာသဝဝိပ္ပယုတ္တေဟိ အနာသဝေဟိ ¶ ဓမ္မေဟိ ယေ ဓမ္မာ ¶ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ န ¶ ကေဟိစိ ခန္ဓေဟိ န ကေဟိစိ အာယတနေဟိ ဆဟိ ဓာတူဟိ ဝိပ္ပယုတ္တာ။

၃၉၄။ သံယောဇနေဟိ ဓမ္မေဟိ ယေ ဓမ္မာ… ဂန္ထေဟိ ဓမ္မေဟိ ယေ ဓမ္မာ… ဩဃေဟိ ဓမ္မေဟိ ယေ ဓမ္မာ… ယောဂေဟိ ဓမ္မေဟိ ယေ ဓမ္မာ… နီဝရဏေဟိ ဓမ္မေဟိ ယေ ဓမ္မာ… ပရာမာသေဟိ ဓမ္မေဟိ ယေ ဓမ္မာ… ပရာမာသသမ္ပယုတ္တေဟိ ဓမ္မေဟိ ¶ ယေ ဓမ္မာ… ပရာမာသေဟိ စေဝ ပရာမဋ္ဌေဟိ စ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၉၅။ အပရာမဋ္ဌေဟိ ဓမ္မေဟိ ယေ ဓမ္မာ… ပရာမာသဝိပ္ပယုတ္တေဟိ အပရာမဋ္ဌေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ န ကေဟိစိ ခန္ဓေဟိ န ကေဟိစိ အာယတနေဟိ ဆဟိ ဓာတူဟိ ဝိပ္ပယုတ္တာ။

၃၉၆။ သာရမ္မဏေဟိ ဓမ္မေဟိ ယေ ဓမ္မာ… စိတ္တေဟိ ဓမ္မေဟိ ယေ ဓမ္မာ… စေတသိကေဟိ ဓမ္မေဟိ ယေ ဓမ္မာ… စိတ္တသမ္ပယုတ္တေဟိ ဓမ္မေဟိ ယေ ဓမ္မာ… စိတ္တသံသဋ္ဌေဟိ ဓမ္မေဟိ ယေ ဓမ္မာ… စိတ္တသံသဋ္ဌသမုဋ္ဌာနေဟိ ဓမ္မေဟိ ယေ ဓမ္မာ… စိတ္တသံသဋ္ဌသမုဋ္ဌာနသဟဘူဟိ ဓမ္မေဟိ ယေ ဓမ္မာ… စိတ္တသံသဋ္ဌသမုဋ္ဌာနာနုပရိဝတ္တီဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ခန္ဓေန ဒသဟာယတနေဟိ ¶ ဒသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၉၇။ အနာရမ္မဏေဟိ [အနုပါဒိဏ္ဏေဟိ (သီ။ က။)] ဓမ္မေဟိ ယေ ဓမ္မာ… စိတ္တဝိပ္ပယုတ္တေဟိ ဓမ္မေဟိ ယေ ဓမ္မာ… စိတ္တဝိသံသဋ္ဌေဟိ ဓမ္မေဟိ ယေ ဓမ္မာ… ဥပါဒါဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၃၉၈။ အနုပါဒိန္နေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ န ¶ ကေဟိစိ ခန္ဓေဟိ န ကေဟိစိ အာယတနေဟိ ပဉ္စဟိ ဓာတူဟိ ဝိပ္ပယုတ္တာ။

၃၉၉။ ဥပါဒါနေဟိ ¶ ဓမ္မေဟိ ယေ ဓမ္မာ… ကိလေသေဟိ ဓမ္မေဟိ ယေ ဓမ္မာ… သံကိလိဋ္ဌေဟိ ဓမ္မေဟိ ယေ ဓမ္မာ… ကိလေသသမ္ပယုတ္တေဟိ ဓမ္မေဟိ ယေ ဓမ္မာ… ကိလေသေဟိ စေဝ သံကိလေသိကေဟိ စ ဓမ္မေဟိ ယေ ဓမ္မာ… ကိလေသေဟိ စေဝ သံကိလိဋ္ဌေဟိ စ ဓမ္မေဟိ ယေ ဓမ္မာ… သံကိလိဋ္ဌေဟိ စေဝ နော ¶ စ ကိလေသေဟိ ဓမ္မေဟိ ယေ ဓမ္မာ… ကိလေသေဟိ စေဝ ကိလေသသမ္ပယုတ္တေဟိ စ ဓမ္မေဟိ ယေ ဓမ္မာ… ကိလေသသမ္ပယုတ္တေဟိ စေဝ နော စ ကိလေသေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၄၀၀။ အသံကိလေသိကေဟိ ဓမ္မေဟိ ယေ ဓမ္မာ… ကိလေသဝိပ္ပယုတ္တေဟိ အသံကိလေသိကေဟိ ¶ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ န ကေဟိစိ ခန္ဓေဟိ န ကေဟိစိ အာယတနေဟိ ဆဟိ ဓာတူဟိ ဝိပ္ပယုတ္တာ။

၄၀၁။ ဒဿနေန ပဟာတဗ္ဗေဟိ ဓမ္မေဟိ ယေ ဓမ္မာ… ဘာဝနာယ ပဟာတဗ္ဗေဟိ ဓမ္မေဟိ ယေ ဓမ္မာ… ဒဿနေန ပဟာတဗ္ဗဟေတုကေဟိ ဓမ္မေဟိ ယေ ဓမ္မာ… ဘာဝနာယ ပဟာတဗ္ဗဟေတုကေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၄၀၂။ သဝိတက္ကေဟိ ဓမ္မေဟိ ယေ ဓမ္မာ… သဝိစာရေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ခန္ဓေန ဒသဟာယတနေဟိ ပန္နရသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၄၀၃။ အဝိတက္ကေဟိ ဓမ္မေဟိ ယေ ဓမ္မာ… အဝိစာရေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ န ကေဟိစိ ခန္ဓေဟိ န ကေဟိစိ အာယတနေဟိ ဧကာယ ဓာတုယာ ဝိပ္ပယုတ္တာ။

၄၀၄။ သပ္ပီတိကေဟိ ¶ ဓမ္မေဟိ ယေ ဓမ္မာ… ပီတိသဟဂတေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၄၀၅။ သုခသဟဂတေဟိ ¶ ¶ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ခန္ဓေန ဒသဟာယတနေဟိ ပန္နရသဟိ ဓာတူဟိ ¶ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၄၀၆။ ဥပေက္ခာသဟဂတေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ဧကေန ခန္ဓေန ဒသဟာယတနေဟိ ဧကာဒသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၄၀၇။ န ကာမာဝစရေဟိ ဓမ္မေဟိ ယေ ဓမ္မာ… အပရိယာပန္နေဟိ ဓမ္မေဟိ ယေ ဓမ္မာ… အနုတ္တရေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ န ကေဟိစိ ခန္ဓေဟိ န ကေဟိစိ အာယတနေဟိ ဆဟိ ဓာတူဟိ ဝိပ္ပယုတ္တာ။

၄၀၈။ ရူပါဝစရေဟိ ဓမ္မေဟိ ယေ ဓမ္မာ… အရူပါဝစရေဟိ ဓမ္မေဟိ ယေ ဓမ္မာ… နိယျာနိကေဟိ ဓမ္မေဟိ ယေ ဓမ္မာ… နိယတေဟိ ဓမ္မေဟိ ယေ ဓမ္မာ… သရဏေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေဟိ ဓမ္မေဟိ ယေ ဓမ္မာ ဝိပ္ပယုတ္တာ၊ တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ ဝိပ္ပယုတ္တာ? တေ ဓမ္မာ ဧကေန ခန္ဓေန ဒသဟာယတနေဟိ သောဠသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

ဓမ္မာယတနံ ဓမ္မဓာတု၊ ဒုက္ခသစ္စဉ္စ ဇီဝိတံ၊

သဠာယတနံ နာမရူပံ၊ စတ္တာရော စ မဟာဘဝါ။

ဇာတိ ဇရာ စ မရဏံ၊ တိကေသွေကူနဝီသတိ၊

ဂေါစ္ဆကေသု စ ပညာသ၊ အဋ္ဌ စူဠန္တရေ ပဒါ။

မဟန္တရေ ပန္နရသ၊ အဋ္ဌာရသ တတော ပရေ၊

တေဝီသ ပဒသတံ ဧတံ၊ သမ္ပယောဂေ န လဗ္ဘတီတိ။

ဝိပ္ပယုတ္တေနဝိပ္ပယုတ္တပဒနိဒ္ဒေသော ဒသမော။

၁၁။ ဧကာဒသမနယော

၁၁။ သင်္ဂဟိတေနသမ္ပယုတ္တဝိပ္ပယုတ္တပဒနိဒ္ဒေသော

၄၀၉။ သမုဒယသစ္စေန ¶ ¶ ¶ ¶ ယေ ဓမ္မာ… မဂ္ဂသစ္စေန ယေ ဓမ္မာ ခန္ဓသင်္ဂဟေန သင်္ဂဟိတာ အာယတနသင်္ဂဟေန သင်္ဂဟိတာ ဓာတုသင်္ဂဟေန သင်္ဂဟိတာ၊ တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သမ္ပယုတ္တာ? တေ ဓမ္မာ တီဟိ ခန္ဓေဟိ ဧကေနာယတနေန သတ္တဟိ ဓာတူဟိ သမ္ပယုတ္တာ၊ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၄၁၀။ ဣတ္ထိန္ဒြိယေန ယေ ဓမ္မာ… ပုရိသိန္ဒြိယေန ယေ ဓမ္မာ ခန္ဓသင်္ဂဟေန သင်္ဂဟိတာ အာယတနသင်္ဂဟေန သင်္ဂဟိတာ ဓာတုသင်္ဂဟေန သင်္ဂဟိတာ၊ တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ? စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၄၁၁။ သုခိန္ဒြိယေန ယေ ဓမ္မာ… ဒုက္ခိန္ဒြိယေန ယေ ဓမ္မာ… သောမနဿိန္ဒြိယေန ယေ ဓမ္မာ… ဒေါမနဿိန္ဒြိယေန ယေ ဓမ္မာ ခန္ဓသင်္ဂဟေန သင်္ဂဟိတာ အာယတနသင်္ဂဟေန သင်္ဂဟိတာ ဓာတုသင်္ဂဟေန သင်္ဂဟိတာ…ပေ… တေ ဓမ္မာ တီဟိ ခန္ဓေဟိ ဧကေနာယတနေန သတ္တဟိ ဓာတူဟိ သမ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ¶ ခန္ဓေန ဒသဟာယတနေဟိ ဒသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၄၁၂။ ဥပေက္ခိန္ဒြိယေန ¶ ယေ ဓမ္မာ ခန္ဓသင်္ဂဟေန သင်္ဂဟိတာ အာယတနသင်္ဂဟေန သင်္ဂဟိတာ ဓာတုသင်္ဂဟေန သင်္ဂဟိတာ… တေ ဓမ္မာ တီဟိ ¶ ခန္ဓေဟိ ဧကေနာယတနေန ဒွီဟိ ဓာတူဟိ သမ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ ပန္နရသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၄၁၃။ သဒ္ဓိန္ဒြိယေန ¶ ယေ ဓမ္မာ… ဝီရိယိန္ဒြိယေန ယေ ဓမ္မာ… သတိန္ဒြိယေန ယေ ဓမ္မာ… သမာဓိန္ဒြိယေန ယေ ဓမ္မာ… ပညိန္ဒြိယေန ယေ ဓမ္မာ… အနညာတညဿာမီတိန္ဒြိယေန ယေ ဓမ္မာ… အညိန္ဒြိယေန ယေ ဓမ္မာ… အညာတာဝိန္ဒြိယေန ယေ ဓမ္မာ… အဝိဇ္ဇာယ ယေ ဓမ္မာ… အဝိဇ္ဇာပစ္စယာ သင်္ခါရေဟိ ယေ ဓမ္မာ… သဠာယတနပစ္စယာ ဖဿေန ယေ ဓမ္မာ… ဝေဒနာပစ္စယာ တဏှာယ ယေ ဓမ္မာ… တဏှာပစ္စယာ ဥပါဒါနေန ယေ ဓမ္မာ… ကမ္မဘဝေန ယေ ဓမ္မာ ခန္ဓသင်္ဂဟေန သင်္ဂဟိတာ အာယတနသင်္ဂဟေန သင်္ဂဟိတာ ဓာတုသင်္ဂဟေန သင်္ဂဟိတာ တေ ဓမ္မာ တီဟိ ခန္ဓေဟိ ဧကေနာယတနေန သတ္တဟိ ဓာတူဟိ သမ္ပယုတ္တာ၊ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၄၁၄။ ပရိဒေဝေန ¶ ယေ ဓမ္မာ ခန္ဓသင်္ဂဟေန သင်္ဂဟိတာ အာယတနသင်္ဂဟေန သင်္ဂဟိတာ ဓာတုသင်္ဂဟေန သင်္ဂဟိတာ၊ တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ? စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၄၁၅။ သောကေန ယေ ဓမ္မာ… ဒုက္ခေန ယေ ဓမ္မာ… ဒေါမနဿေန ယေ ဓမ္မာ ခန္ဓသင်္ဂဟေန သင်္ဂဟိတာ အာယတနသင်္ဂဟေန သင်္ဂဟိတာ ဓာတုသင်္ဂဟေန သင်္ဂဟိတာ… တေ ဓမ္မာ တီဟိ ခန္ဓေဟိ ဧကေနာယတနေန သတ္တဟိ ဓာတူဟိ သမ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၄၁၆။ ဥပါယာသေန ယေ ဓမ္မာ… သတိပဋ္ဌာနေန ယေ ဓမ္မာ… သမ္မပ္ပဓာနေန ¶ ယေ ဓမ္မာ… အပ္ပမညာယ ယေ ဓမ္မာ… ပဉ္စဟိ ဣန္ဒြိယေဟိ ယေ ဓမ္မာ… ပဉ္စဟိ ဗလေဟိ ယေ ဓမ္မာ… သတ္တဟိ ဗောဇ္ဈင်္ဂေဟိ ¶ ယေ ဓမ္မာ… အရိယေန အဋ္ဌင်္ဂိကေန မဂ္ဂေန ယေ ဓမ္မာ… ဖဿေန ယေ ဓမ္မာ… စေတနာယ ယေ ဓမ္မာ… အဓိမောက္ခေန ယေ ဓမ္မာ… မနသိကာရေန ယေ ဓမ္မာ… ဟေတူဟိ ဓမ္မေဟိ ယေ ဓမ္မာ… ဟေတူဟိ စေဝ သဟေတုကေဟိ စ ဓမ္မေဟိ ယေ ဓမ္မာ… ဟေတူဟိ စေဝ ဟေတုသမ္ပယုတ္တေဟိ စ ဓမ္မေဟိ ယေ ဓမ္မာ… အာသဝေဟိ ဓမ္မေဟိ ယေ ဓမ္မာ… အာသဝေဟိ စေဝ သာသဝေဟိ စ ဓမ္မေဟိ ယေ ဓမ္မာ… အာသဝေဟိ စေဝ အာသဝသမ္ပယုတ္တေဟိ ¶ စ ဓမ္မေဟိ ယေ ဓမ္မာ… သံယောဇနေဟိ ဓမ္မေဟိ ယေ ဓမ္မာ… ဂန္ထေဟိ ဓမ္မေဟိ ယေ ဓမ္မာ… ဩဃေဟိ ဓမ္မေဟိ ယေ ဓမ္မာ… ယောဂေဟိ ဓမ္မေဟိ ယေ ဓမ္မာ… နီဝရဏေဟိ ဓမ္မေဟိ ယေ ဓမ္မာ… ပရာမာသေဟိ ဓမ္မေဟိ ယေ ဓမ္မာ… ဥပါဒါနေဟိ ဓမ္မေဟိ ယေ ဓမ္မာ… ကိလေသေဟိ ဓမ္မေဟိ ယေ ဓမ္မာ… ကိလေသေဟိ စေဝ သံကိလေသိကေဟိ စ ဓမ္မေဟိ ယေ ဓမ္မာ… ကိလေသေဟိ စေဝ သံကိလိဋ္ဌေဟိ စ ဓမ္မေဟိ ယေ ဓမ္မာ… ကိလေသေဟိ စေဝ ကိလေသသမ္ပယုတ္တေဟိ စ ဓမ္မေဟိ ယေ ဓမ္မာ ခန္ဓသင်္ဂဟေန သင်္ဂဟိတာ အာယတနသင်္ဂဟေန သင်္ဂဟိတာ ဓာတုသင်္ဂဟေန သင်္ဂဟိတာ၊ တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သမ္ပယုတ္တာ? တေ ဓမ္မာ တီဟိ ခန္ဓေဟိ ဧကေနာယတနေန သတ္တဟိ ဓာတူဟိ သမ္ပယုတ္တာ၊ ဧကေန ခန္ဓေန ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

ဒွေ သစ္စာ ပန္နရသိန္ဒြိယာ၊ ဧကာဒသ ပဋိစ္စပဒါ၊

ဥဒ္ဓံ ပုန ဧကာဒသ၊ ဂေါစ္ဆကပဒမေတ္ထ တိံသဝိဓာတိ။

သင်္ဂဟိတေနသမ္ပယုတ္တဝိပ္ပယုတ္တပဒနိဒ္ဒေသော ဧကာဒသမော။

၁၂။ ဒွါဒသမနယော

၁၂။ သမ္ပယုတ္တေနသင်္ဂဟိတာသင်္ဂဟိတပဒနိဒ္ဒေသော

၄၁၇။ ဝေဒနာက္ခန္ဓေန ¶ ¶ ¶ ယေ ဓမ္မာ… သညာက္ခန္ဓေန ယေ ဓမ္မာ… သင်္ခါရက္ခန္ဓေန ယေ ဓမ္မာ သမ္ပယုတ္တာ၊ တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင်္ဂဟိတာ? တေ ဓမ္မာ တီဟိ ခန္ဓေဟိ ဒွီဟာယတနေဟိ ¶ အဋ္ဌဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဒွီဟိ ခန္ဓေဟိ ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၄၁၈။ ဝိညာဏက္ခန္ဓေန ယေ ဓမ္မာ… မနာယတနေန ယေ ဓမ္မာ… စက္ခုဝိညာဏဓာတုယာ ယေ ဓမ္မာ…ပေ… မနောဓာတုယာ ယေ ဓမ္မာ… မနောဝိညာဏဓာတုယာ ယေ ဓမ္မာ သမ္ပယုတ္တာ…ပေ… တေ ဓမ္မာ တီဟိ ခန္ဓေဟိ ဧကေနာယတနေန ဧကာယ ဓာတုယာ သင်္ဂဟိတာ။ ကတိဟိ အသင်္ဂဟိတာ? ဒွီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၄၁၉။ သမုဒယသစ္စေန ယေ ဓမ္မာ… မဂ္ဂသစ္စေန ယေ ဓမ္မာ သမ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၄၂၀။ မနိန္ဒြိယေန ယေ ဓမ္မာ သမ္ပယုတ္တာ… တေ ဓမ္မာ တီဟိ ခန္ဓေဟိ ဧကေနာယတနေန ဧကာယ ဓာတုယာ သင်္ဂဟိတာ။ ကတိဟိ ¶ အသင်္ဂဟိတာ? ဒွီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၄၂၁။ သုခိန္ဒြိယေန ¶ ယေ ဓမ္မာ… ဒုက္ခိန္ဒြိယေန ယေ ဓမ္မာ… သောမနဿိန္ဒြိယေန ယေ ဓမ္မာ… ဒေါမနဿိန္ဒြိယေန ယေ ဓမ္မာ သမ္ပယုတ္တာ…၊ တေ ဓမ္မာ တီဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဒွီဟိ ခန္ဓေဟိ ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၄၂၂။ ဥပေက္ခိန္ဒြိယေန ယေ ဓမ္မာ သမ္ပယုတ္တာ… တေ ဓမ္မာ တီဟိ ခန္ဓေဟိ ¶ ဒွီဟာယတနေဟိ သတ္တဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဒွီဟိ ခန္ဓေဟိ ဒသဟာယတနေဟိ ဧကာဒသဟိ ဓာတူဟိ အသင်္ဂဟိတာ။

၄၂၃။ သဒ္ဓိန္ဒြိယေန ¶ ယေ ဓမ္မာ… ဝီရိယိန္ဒြိယေန ယေ ဓမ္မာ… သတိန္ဒြိယေန ယေ ဓမ္မာ… သမာဓိန္ဒြိယေန ယေ ဓမ္မာ… ပညိန္ဒြိယေန ယေ ဓမ္မာ… အနညာတညဿာမီတိန္ဒြိယေန ယေ ဓမ္မာ… အညိန္ဒြိယေန ယေ ဓမ္မာ… အညာတာဝိန္ဒြိယေန ယေ ဓမ္မာ… အဝိဇ္ဇာယ ယေ ဓမ္မာ… အဝိဇ္ဇာပစ္စယာ သင်္ခါရေဟိ ယေ ဓမ္မာ သမ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၄၂၄။ သင်္ခါရပစ္စယာ ဝိညာဏေန ယေ ဓမ္မာ သမ္ပယုတ္တာ… တေ ဓမ္မာ တီဟိ ခန္ဓေဟိ ဧကေနာယတနေန ဧကာယ ဓာတုယာ သင်္ဂဟိတာ။ ကတိဟိ အသင်္ဂဟိတာ? ဒွီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၄၂၅။ သဠာယတနပစ္စယာ ¶ ဖဿေန ယေ ဓမ္မာ သမ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၄၂၆။ ဖဿပစ္စယာ ဝေဒနာယ ယေ ဓမ္မာ သမ္ပယုတ္တာ… တေ ဓမ္မာ တီဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဒွီဟိ ခန္ဓေဟိ ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၄၂၇။ ဝေဒနာပစ္စယာ တဏှာယ ယေ ဓမ္မာ… တဏှာပစ္စယာ ဥပါဒါနေန ¶ ယေ ဓမ္မာ… ကမ္မဘဝေန ¶ ယေ ဓမ္မာ သမ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၄၂၈။ သောကေန ယေ ဓမ္မာ… ဒုက္ခေန ယေ ဓမ္မာ… ဒေါမနဿေန ယေ ဓမ္မာ သမ္ပယုတ္တာ… တေ ဓမ္မာ တီဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဒွီဟိ ခန္ဓေဟိ ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၄၂၉။ ဥပါယာသေန ယေ ဓမ္မာ… သတိပဋ္ဌာနေန ယေ ဓမ္မာ… သမ္မပ္ပဓာနေန ယေ ဓမ္မာ သမ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ ¶ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၄၃၀။ ဣဒ္ဓိပါဒေန ယေ ဓမ္မာ သမ္ပယုတ္တာ… တေ ဓမ္မာ တီဟိ ¶ ခန္ဓေဟိ ဧကေနာယတနေန ဧကာယ ဓာတုယာ သင်္ဂဟိတာ။ ကတိဟိ အသင်္ဂဟိတာ? ဒွီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၄၃၁။ ဈာနေန ယေ ဓမ္မာ သမ္ပယုတ္တာ… တေ ဓမ္မာ တီဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဒွီဟိ ခန္ဓေဟိ ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၄၃၂။ အပ္ပမညာယ ယေ ဓမ္မာ… ပဉ္စဟိ ဣန္ဒြိယေဟိ ယေ ဓမ္မာ… ပဉ္စဟိ ဗလေဟိ ယေ ဓမ္မာ… သတ္တဟိ ဗောဇ္ဈင်္ဂေဟိ ယေ ဓမ္မာ… အရိယေန အဋ္ဌင်္ဂိကေန မဂ္ဂေန ယေ ဓမ္မာ သမ္ပယုတ္တာ… တေ ¶ ဓမ္မာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၄၃၃။ ဖဿေန ယေ ဓမ္မာ… စေတနာယ ယေ ဓမ္မာ… မနသိကာရေန ယေ ဓမ္မာ သမ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၄၃၄။ ဝေဒနာယ ယေ ဓမ္မာ… သညာယ ယေ ဓမ္မာ သမ္ပယုတ္တာ… တေ ဓမ္မာ တီဟိ ခန္ဓေဟိ ဒွီဟာယတနေဟိ ¶ အဋ္ဌဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဒွီဟိ ခန္ဓေဟိ ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၄၃၅။ စိတ္တေန ယေ ဓမ္မာ သမ္ပယုတ္တာ… တေ ဓမ္မာ တီဟိ ခန္ဓေဟိ ဧကေနာယတနေန ဧကာယ ဓာတုယာ သင်္ဂဟိတာ။ ကတိဟိ ¶ အသင်္ဂဟိတာ? ဒွီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၄၃၆။ အဓိမောက္ခေန ယေ ဓမ္မာ သမ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ တီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ ပန္နရသဟိ ဓာတူဟိ အသင်္ဂဟိတာ။

၄၃၇။ သုခါယ ¶ ဝေဒနာယ သမ္ပယုတ္တေဟိ ဓမ္မေဟိ ယေ ဓမ္မာ… ဒုက္ခာယ ဝေဒနာယ သမ္ပယုတ္တေဟိ ဓမ္မေဟိ ယေ ဓမ္မာ… အဒုက္ခမသုခါယ ဝေဒနာယ သမ္ပယုတ္တေဟိ ဓမ္မေဟိ ယေ ဓမ္မာ… သဝိတက္ကသဝိစာရေဟိ ဓမ္မေဟိ ယေ ဓမ္မာ… အဝိတက္ကဝိစာရမတ္တေဟိ ဓမ္မေဟိ ယေ ဓမ္မာ… ပီတိသဟဂတေဟိ ဓမ္မေဟိ ¶ ယေ ဓမ္မာ… သုခသဟဂတေဟိ ဓမ္မေဟိ ယေ ဓမ္မာ… ဥပေက္ခာသဟဂတေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ ဧကေန ခန္ဓေန ဧကေနာယတနေန ဧကာယ ဓာတုယာ သင်္ဂဟိတာ။ ကတိဟိ အသင်္ဂဟိတာ? စတူဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၄၃၈။ ဟေတူဟိ ဓမ္မေဟိ ယေ ဓမ္မာ… ဟေတူဟိ စေဝ သဟေတုကေဟိ စ ဓမ္မေဟိ ယေ ဓမ္မာ… ဟေတူဟိ စေဝ ဟေတုသမ္ပယုတ္တေဟိ စ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၄၃၉။ သဟေတုကေဟိ စေဝ န စ ဟေတူဟိ ဓမ္မေဟိ ယေ ဓမ္မာ… ဟေတုသမ္ပယုတ္တေဟိ စေဝ န စ ဟေတူဟိ ဓမ္မေဟိ ယေ ဓမ္မာ… န ဟေတုသဟေတုကေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ ဧကေန ခန္ဓေန ဧကေနာယတနေန ဧကာယ ဓာတုယာ သင်္ဂဟိတာ။ ကတိဟိ အသင်္ဂဟိတာ? စတူဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၄၄၀။ အာသဝေဟိ ¶ ဓမ္မေဟိ ယေ ဓမ္မာ… အာသဝေဟိ စေဝ သာသဝေဟိ စ ဓမ္မေဟိ ယေ ဓမ္မာ… အာသဝေဟိ စေဝ အာသဝသမ္ပယုတ္တေဟိ စ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ ¶ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၄၄၁။ အာသဝသမ္ပယုတ္တေဟိ စေဝ နော စ အာသဝေဟိ ဓမ္မေဟိ ယေ ဓမ္မာ ¶ သမ္ပယုတ္တာ… တေ ဓမ္မာ ဧကေန ခန္ဓေန ဧကေနာယတနေန ဧကာယ ဓာတုယာ သင်္ဂဟိတာ။ ကတိဟိ အသင်္ဂဟိတာ? စတူဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၄၄၂။ သံယောဇနေဟိ ဓမ္မေဟိ ယေ ဓမ္မာ… ဂန္ထေဟိ ဓမ္မေဟိ ယေ ဓမ္မာ… ဩဃေဟိ ဓမ္မေဟိ ယေ ဓမ္မာ… ယောဂေဟိ ဓမ္မေဟိ ယေ ဓမ္မာ… နီဝရဏေဟိ ဓမ္မေဟိ ¶ ယေ ဓမ္မာ… ပရာမာသေဟိ ဓမ္မေဟိ ယေ ဓမ္မာ… ပရာမာသေဟိ စေဝ ပရာမဋ္ဌေဟိ စ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၄၄၃။ ပရာမာသသမ္ပယုတ္တေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ ဧကေန ခန္ဓေန ဧကေနာယတနေန ဧကာယ ဓာတုယာ သင်္ဂဟိတာ။ ကတိဟိ အသင်္ဂဟိတာ? စတူဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၄၄၄။ စိတ္တေဟိ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ တီဟိ ခန္ဓေဟိ ဧကေနာယတနေန ဧကာယ ဓာတုယာ သင်္ဂဟိတာ။ ကတိဟိ အသင်္ဂဟိတာ? ဒွီဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

၄၄၅။ စေတသိကေဟိ ဓမ္မေဟိ ယေ ဓမ္မာ… စိတ္တသမ္ပယုတ္တေဟိ ဓမ္မေဟိ ယေ ဓမ္မာ… စိတ္တသံသဋ္ဌေဟိ ဓမ္မေဟိ ယေ ဓမ္မာ… စိတ္တသံသဋ္ဌသမုဋ္ဌာနေဟိ ဓမ္မေဟိ ယေ ဓမ္မာ… စိတ္တသံသဋ္ဌသမုဋ္ဌာနသဟဘူဟိ ဓမ္မေဟိ ယေ ¶ ဓမ္မာ… စိတ္တသံသဋ္ဌသမုဋ္ဌာနာနုပရိဝတ္တီဟိ ¶ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ ဧကေန ခန္ဓေန ဧကေနာယတနေန သတ္တဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? စတူဟိ ခန္ဓေဟိ ဧကာဒသဟာယတနေဟိ ဧကာဒသဟိ ဓာတူဟိ အသင်္ဂဟိတာ။

၄၄၆။ ဥပါဒါနေဟိ ¶ ဓမ္မေဟိ ယေ ဓမ္မာ… ကိလေသေဟိ ဓမ္မေဟိ ယေ ဓမ္မာ… ကိလေသေဟိ စေဝ သံကိလေသိကေဟိ စ ဓမ္မေဟိ ယေ ဓမ္မာ… ကိလေသေဟိ စေဝ သံကိလိဋ္ဌေဟိ စ ဓမ္မေဟိ ယေ ဓမ္မာ… ကိလေသေဟိ စေဝ ကိလေသသမ္ပယုတ္တေဟိ စ ဓမ္မေဟိ ယေ ဓမ္မာ သမ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၄၄၇။ သံကိလိဋ္ဌေဟိ စေဝ နော စ ကိလေသေဟိ ဓမ္မေဟိ ယေ ဓမ္မာ… ကိလေသသမ္ပယုတ္တေဟိ စေဝ နော စ ကိလေသေဟိ ဓမ္မေဟိ ယေ ဓမ္မာ… သဝိတက္ကေဟိ ဓမ္မေဟိ ယေ ဓမ္မာ… သဝိစာရေဟိ ဓမ္မေဟိ ယေ ဓမ္မာ… သပ္ပီတိကေဟိ ဓမ္မေဟိ ယေ ဓမ္မာ… ပီတိသဟဂတေဟိ ဓမ္မေဟိ ယေ ဓမ္မာ… သုခသဟဂတေဟိ ဓမ္မေဟိ ¶ ယေ ဓမ္မာ… ဥပေက္ခာသဟဂတေဟိ ဓမ္မေဟိ ယေ ဓမ္မာ သမ္ပယုတ္တာ၊ တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင်္ဂဟိတာ? တေ ဓမ္မာ ဧကေန ခန္ဓေန ဧကေနာယတနေန ဧကာယ ဓာတုယာ သင်္ဂဟိတာ။ ကတိဟိ အသင်္ဂဟိတာ? စတူဟိ ခန္ဓေဟိ ဧကာဒသဟာယတနေဟိ သတ္တရသဟိ ဓာတူဟိ အသင်္ဂဟိတာ။

ရူပက္ခန္ဓာ စတ္တာရော၊ မနာယတနမေဝ စ၊

ဝိညာဏဓာတုယော သတ္တ၊ ဒွေ သစ္စာ စုဒ္ဒသိန္ဒြိယာ။

ပစ္စယေ ဒွါဒသ ပဒါ၊ တတော ဥပရိ သောဠသ၊

တိကေသု အဋ္ဌ ဂေါစ္ဆကေ၊ တေစတ္တာလီသမေဝ စ။

မဟန္တရဒုကေ သတ္တ၊ ပဒါ ပိဋ္ဌိဒုကေသု ဆ၊

နဝမဿ ပဒဿေတေ၊ နိဒ္ဒေသေ သင်္ဂဟံ ဂတာတိ။

သမ္ပယုတ္တေနသင်္ဂဟိတာသင်္ဂဟိတပဒနိဒ္ဒေသော ဒွါဒသမော။

၁၃။ တေရသမနယော

၁၃။ အသင်္ဂဟိတေနသမ္ပယုတ္တဝိပ္ပယုတ္တပဒနိဒ္ဒေသော

၄၄၈။ ရူပက္ခန္ဓေန ¶ ¶ ¶ ¶ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သမ္ပယုတ္တာ? တေ ဓမ္မာ တီဟိ ခန္ဓေဟိ သမ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၄၄၉။ ဓမ္မာယတနေန ယေ ဓမ္မာ… ဓမ္မဓာတုယာ ယေ ဓမ္မာ… ဣတ္ထိန္ဒြိယေန ယေ ဓမ္မာ… ပုရိသိန္ဒြိယေန ယေ ဓမ္မာ… ဇီဝိတိန္ဒြိယေန ယေ ဓမ္မာ… ဝိညာဏပစ္စယာ နာမရူပေန ယေ ဓမ္မာ… အသညာဘဝေန ယေ ဓမ္မာ… ဧကဝေါကာရဘဝေန ယေ ဓမ္မာ… ဇာတိယာ ယေ ဓမ္မာ… ဇရာယ ယေ ဓမ္မာ… မရဏေန ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ…ပေ… တေ ဓမ္မာ တီဟိ ခန္ဓေဟိ သမ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၄၅၀။ အရူပဘဝေန ယေ ဓမ္မာ… နေဝသညာနာသညာဘဝေန ယေ ဓမ္မာ… စတုဝေါကာရဘဝေန ယေ ဓမ္မာ… ဣဒ္ဓိပါဒေန ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ ¶ ၊ တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သမ္ပယုတ္တာတိ ¶ ? နတ္ထိ? ကတိဟိ ဝိပ္ပယုတ္တာ? စတူဟိ ¶ ခန္ဓေဟိ ဧကေနာယတနေန သတ္တဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၄၅၁။ ကုသလေဟိ ဓမ္မေဟိ ယေ ဓမ္မာ… အကုသလေဟိ ဓမ္မေဟိ ယေ ဓမ္မာ… သုခါယ ဝေဒနာယ သမ္ပယုတ္တေဟိ ဓမ္မေဟိ ယေ ဓမ္မာ… ဒုက္ခာယ ဝေဒနာယ သမ္ပယုတ္တေဟိ ဓမ္မေဟိ ယေ ဓမ္မာ… အဒုက္ခမသုခါယ ဝေဒနာယ သမ္ပယုတ္တေဟိ ဓမ္မေဟိ ယေ ဓမ္မာ… ဝိပါကေဟိ ဓမ္မေဟိ ယေ ဓမ္မာ… ဝိပါကဓမ္မဓမ္မေဟိ ယေ ဓမ္မာ… အနုပါဒိန္နအနုပါဒါနိယေဟိ ¶ ဓမ္မေဟိ ယေ ဓမ္မာ… သံကိလိဋ္ဌသံကိလေသိကေဟိ ဓမ္မေဟိ ယေ ဓမ္မာ… အသံကိလိဋ္ဌအသံကိလေသိကေဟိ ဓမ္မေဟိ ယေ ဓမ္မာ… သဝိတက္ကသဝိစာရေဟိ ဓမ္မေဟိ ယေ ဓမ္မာ… အဝိတက္ကဝိစာရမတ္တေဟိ ဓမ္မေဟိ ယေ ဓမ္မာ… ပီတိသဟဂတေဟိ ဓမ္မေဟိ ယေ ဓမ္မာ… သုခသဟဂတေဟိ ဓမ္မေဟိ ယေ ဓမ္မာ… ဥပေက္ခာသဟဂတေဟိ ဓမ္မေဟိ ယေ ဓမ္မာ… ဒဿနေန ပဟာတဗ္ဗေဟိ ဓမ္မေဟိ ယေ ဓမ္မာ… ဘာဝနာယ ပဟာတဗ္ဗေဟိ ဓမ္မေဟိ ယေ ဓမ္မာ… ဒဿနေန ပဟာတဗ္ဗဟေတုကေဟိ ဓမ္မေဟိ ယေ ဓမ္မာ… ဘာဝနာယ ပဟာတဗ္ဗဟေတုကေဟိ ဓမ္မေဟိ ယေ ဓမ္မာ… အာစယဂါမီဟိ ဓမ္မေဟိ ယေ ဓမ္မာ… အပစယဂါမီဟိ ဓမ္မေဟိ ယေ ဓမ္မာ… သေက္ခေဟိ ဓမ္မေဟိ ယေ ဓမ္မာ… အသေက္ခေဟိ ဓမ္မေဟိ ယေ ဓမ္မာ… မဟဂ္ဂတေဟိ ဓမ္မေဟိ ယေ ဓမ္မာ… အပ္ပမာဏေဟိ ဓမ္မေဟိ ယေ ဓမ္မာ… ပရိတ္တာရမ္မဏေဟိ ဓမ္မေဟိ ယေ ဓမ္မာ… မဟဂ္ဂတာရမ္မဏေဟိ ဓမ္မေဟိ ယေ ¶ ဓမ္မာ… အပ္ပမာဏာရမ္မဏေဟိ ဓမ္မေဟိ ယေ ဓမ္မာ… ဟီနေဟိ ဓမ္မေဟိ ယေ ဓမ္မာ… ပဏီတေဟိ ဓမ္မေဟိ ယေ ဓမ္မာ… မိစ္ဆတ္တနိယတေဟိ ဓမ္မေဟိ ယေ ဓမ္မာ… သမ္မတ္တနိယတေဟိ ဓမ္မေဟိ ယေ ဓမ္မာ… မဂ္ဂါရမ္မဏေဟိ ဓမ္မေဟိ ယေ ဓမ္မာ… မဂ္ဂဟေတုကေဟိ ဓမ္မေဟိ ယေ ဓမ္မာ… မဂ္ဂါဓိပတီဟိ ဓမ္မေဟိ ယေ ဓမ္မာ… အတီတာရမ္မဏေဟိ ဓမ္မေဟိ ယေ ဓမ္မာ… အနာဂတာရမ္မဏေဟိ ဓမ္မေဟိ ယေ ဓမ္မာ… ပစ္စုပ္ပန္နာရမ္မဏေဟိ ဓမ္မေဟိ ယေ ဓမ္မာ… အဇ္ဈတ္တာရမ္မဏေဟိ ဓမ္မေဟိ ယေ ဓမ္မာ… ဗဟိဒ္ဓါရမ္မဏေဟိ ဓမ္မေဟိ ယေ ဓမ္မာ… အဇ္ဈတ္တဗဟိဒ္ဓါရမ္မဏေဟိ ဓမ္မေဟိ ယေ ဓမ္မာ… သဟေတုကေဟိ ဓမ္မေဟိ ယေ ဓမ္မာ… ဟေတုသမ္ပယုတ္တေဟိ ဓမ္မေဟိ ယေ ဓမ္မာ… သဟေတုကေဟိ စေဝ န စ ဟေတူဟိ ဓမ္မေဟိ ယေ ဓမ္မာ… ဟေတုသမ္ပယုတ္တေဟိ စေဝ န စ ဟေတူဟိ ဓမ္မေဟိ ယေ ဓမ္မာ… န ဟေတုသဟေတုကေဟိ ¶ ဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ? စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၄၅၂။ ရူပီဟိ ဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန ¶ အသင်္ဂဟိတာ… တေ ဓမ္မာ တီဟိ ခန္ဓေဟိ သမ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ ¶ ဝိပ္ပယုတ္တာ ¶ ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၄၅၃။ အရူပီဟိ ဓမ္မေဟိ ယေ ဓမ္မာ… လောကုတ္တရေဟိ ဓမ္မေဟိ ယေ ဓမ္မာ… အနာသဝေဟိ ဓမ္မေဟိ ယေ ဓမ္မာ… အာသဝသမ္ပယုတ္တေဟိ ဓမ္မေဟိ ယေ ဓမ္မာ… အာသဝဝိပ္ပယုတ္တေဟိ စေဝ နော စ အာသဝေဟိ ဓမ္မေဟိ ယေ ဓမ္မာ… အာသဝဝိပ္ပယုတ္တေဟိ အနာသဝေဟိ ဓမ္မေဟိ ယေ ဓမ္မာ… အသံယောဇနိယေဟိ ဓမ္မေဟိ ယေ ဓမ္မာ… အဂန္ထနိယေဟိ ဓမ္မေဟိ ယေ ဓမ္မာ… အနောဃနိယေဟိ ဓမ္မေဟိ ယေ ဓမ္မာ… အယောဂနိယေဟိ ဓမ္မေဟိ ယေ ဓမ္မာ… အနီဝရဏိယေဟိ ဓမ္မေဟိ ယေ ဓမ္မာ… အပရာမဋ္ဌေဟိ ဓမ္မေဟိ ယေ ဓမ္မာ… ပရာမာသသမ္ပယုတ္တေဟိ ဓမ္မေဟိ ယေ ဓမ္မာ… ပရာမာသဝိပ္ပယုတ္တေဟိ အပရာမဋ္ဌေဟိ ဓမ္မေဟိ ယေ ဓမ္မာ… သာရမ္မဏေဟိ ဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သမ္ပယုတ္တာတိ? နတ္ထိ။ ကတိဟိ ဝိပ္ပယုတ္တာ? စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၄၅၄။ အနာရမ္မဏေဟိ ဓမ္မေဟိ ယေ ဓမ္မာ… နော စိတ္တေဟိ ဓမ္မေဟိ ယေ ဓမ္မာ… စိတ္တဝိပ္ပယုတ္တေဟိ ဓမ္မေဟိ ယေ ဓမ္မာ ¶ … စိတ္တဝိသံသဋ္ဌေဟိ ဓမ္မေဟိ ယေ ဓမ္မာ… စိတ္တသမုဋ္ဌာနေဟိ ဓမ္မေဟိ ယေ ဓမ္မာ… စိတ္တသဟဘူဟိ ဓမ္မေဟိ ယေ ဓမ္မာ… စိတ္တာနုပရိဝတ္တီဟိ ဓမ္မေဟိ ယေ ဓမ္မာ… ဗာဟိရေဟိ ဓမ္မေဟိ ယေ ဓမ္မာ… ဥပါဒါဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂေန အသင်္ဂဟိတာ၊ တေ ဓမ္မာ ကတိဟိ ခန္ဓေဟိ ¶ ကတိဟာယတနေဟိ ကတိဟိ ဓာတူဟိ သမ္ပယုတ္တာ? တေ ဓမ္မာ တီဟိ ခန္ဓေဟိ သမ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ သမ္ပယုတ္တာ။ ကတိဟိ ဝိပ္ပယုတ္တာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

၄၅၅။ အနုပါဒါနိယေဟိ ဓမ္မေဟိ ယေ ဓမ္မာ… ဥပါဒါနသမ္ပယုတ္တေဟိ ဓမ္မေဟိ ယေ ဓမ္မာ… ဥပါဒါနသမ္ပယုတ္တေဟိ စေဝ နော စ ဥပါဒါနေဟိ ဓမ္မေဟိ ယေ ဓမ္မာ… ဥပါဒါနဝိပ္ပယုတ္တေဟိ အနုပါဒါနိယေဟိ ဓမ္မေဟိ ယေ ဓမ္မာ… အသံကိလေသိကေဟိ ဓမ္မေဟိ ယေ ဓမ္မာ… အသံကိလိဋ္ဌေဟိ ဓမ္မေဟိ ယေ ဓမ္မာ… ကိလေသသမ္ပယုတ္တေဟိ ဓမ္မေဟိ ယေ ဓမ္မာ… သံကိလိဋ္ဌေဟိ စေဝ နော စ ကိလေသေဟိ ¶ ¶ ဓမ္မေဟိ ယေ ဓမ္မာ… ကိလေသသမ္ပယုတ္တေဟိ စေဝ နော စ ကိလေသေဟိ ဓမ္မေဟိ ယေ ဓမ္မာ… ကိလေသဝိပ္ပယုတ္တေဟိ အသံကိလေသိကေဟိ ဓမ္မေဟိ ယေ ဓမ္မာ… ဒဿနေန ပဟာတဗ္ဗေဟိ ဓမ္မေဟိ ယေ ဓမ္မာ… ဘာဝနာယ ပဟာတဗ္ဗေဟိ ဓမ္မေဟိ ယေ ဓမ္မာ… ဒဿနေန ပဟာတဗ္ဗဟေတုကေဟိ ဓမ္မေဟိ ယေ ဓမ္မာ… ဘာဝနာယ ပဟာတဗ္ဗဟေတုကေဟိ ဓမ္မေဟိ ယေ ဓမ္မာ… သဝိတက္ကေဟိ ဓမ္မေဟိ ယေ ဓမ္မာ… သဝိစာရေဟိ ဓမ္မေဟိ ယေ ဓမ္မာ… သပ္ပီတိကေဟိ ဓမ္မေဟိ ယေ ဓမ္မာ… ပီတိသဟဂတေဟိ ဓမ္မေဟိ ယေ ဓမ္မာ… သုခသဟဂတေဟိ ဓမ္မေဟိ ယေ ဓမ္မာ… ဥပေက္ခာသဟဂတေဟိ ဓမ္မေဟိ ယေ ဓမ္မာ… န ကာမာဝစရေဟိ ဓမ္မေဟိ ယေ ဓမ္မာ… ရူပါဝစရေဟိ ဓမ္မေဟိ ယေ ဓမ္မာ… အရူပါဝစရေဟိ ဓမ္မေဟိ ယေ ဓမ္မာ… အပရိယာပန္နေဟိ ဓမ္မေဟိ ယေ ဓမ္မာ… နိယျာနိကေဟိ ဓမ္မေဟိ ယေ ဓမ္မာ ¶ … နိယတေဟိ ဓမ္မေဟိ ယေ ဓမ္မာ… အနုတ္တရေဟိ ဓမ္မေဟိ ယေ ဓမ္မာ… သရဏေဟိ ဓမ္မေဟိ ယေ ဓမ္မာ ခန္ဓသင်္ဂဟေန အသင်္ဂဟိတာ အာယတနသင်္ဂဟေန အသင်္ဂဟိတာ ဓာတုသင်္ဂဟေန အသင်္ဂဟိတာ၊ တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သမ္ပယုတ္တာတိ? နတ္ထိ။ ကတိဟိ ¶ ဝိပ္ပယုတ္တာ? စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ ဝိပ္ပယုတ္တာ၊ ဧကေနာယတနေန ဧကာယ ဓာတုယာ ကေဟိစိ ဝိပ္ပယုတ္တာ။

ရူပဉ္စ ဓမ္မာယတနံ ဓမ္မဓာတု၊ ဣတ္ထိပုမံ ဇီဝိတံ နာမရူပံ၊

ဒွေ ဘဝါ ဇာတိဇရာ မစ္စုရူပံ၊ အနာရမ္မဏံ နော စိတ္တံ စိတ္တေန ဝိပ္ပယုတ္တံ။

ဝိသံသဋ္ဌံ သမုဋ္ဌာနသဟဘု၊ အနုပရိဝတ္တိ ဗာဟိရံ ဥပါဒါ၊

ဒွေ ဝိသယော ဧသနယော သုဗုဒ္ဓါတိ။

အသင်္ဂဟိတေနသမ္ပယုတ္တဝိပ္ပယုတ္တပဒနိဒ္ဒေသော တေရသမော။

၁၄။ စုဒ္ဒသမနယော

၁၄။ ဝိပ္ပယုတ္တေနသင်္ဂဟိတာသင်္ဂဟိတပဒနိဒ္ဒေသော

၁။ ခန္ဓာဒိ

၄၅၆။ ရူပက္ခန္ဓေန ¶ ¶ ¶ ယေ ဓမ္မာ ဝိပ္ပယုတ္တာ၊ တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင်္ဂဟိတာ? တေ ဓမ္မာ စတူဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၄၅၇။ ဝေဒနာက္ခန္ဓေန ယေ ဓမ္မာ… သညာက္ခန္ဓေန ယေ ဓမ္မာ… သင်္ခါရက္ခန္ဓေန ယေ ဓမ္မာ… ဝိညာဏက္ခန္ဓေန ယေ ဓမ္မာ… မနာယတနေန ယေ ဓမ္မာ… မနိန္ဒြိယေန ယေ ဓမ္မာ ဝိပ္ပယုတ္တာ၊ တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင်္ဂဟိတာ? တေ ဓမ္မာ အသင်္ခတံ ခန္ဓတော ဌပေတွာ ဧကေန ခန္ဓေန ဧကာဒသဟာယတနေဟိ ဧကာဒသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ အသင်္ဂဟိတာ။

၄၅၈။ စက္ခာယတနေန ¶ ယေ ဓမ္မာ…ပေ… ဖောဋ္ဌဗ္ဗာယတနေန ယေ ဓမ္မာ… စက္ခုဓာတုယာ ယေ ဓမ္မာ…ပေ… ဖောဋ္ဌဗ္ဗဓာတုယာ ယေ ဓမ္မာ ဝိပ္ပယုတ္တာ…ပေ… တေ ဓမ္မာ စတူဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၄၅၉။ စက္ခုဝိညာဏဓာတုယာ ယေ ဓမ္မာ… သောတဝိညာဏဓာတုယာ ¶ ယေ ဓမ္မာ… ဃာနဝိညာဏဓာတုယာ ¶ ယေ ဓမ္မာ… ဇိဝှာဝိညာဏဓာတုယာ ယေ ဓမ္မာ… ကာယဝိညာဏဓာတုယာ ယေ ဓမ္မာ… မနောဓာတုယာ ယေ ဓမ္မာ… မနောဝိညာဏဓာတုယာ ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ သတ္တရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ၊ ဧကာယ ဓာတုယာ အသင်္ဂဟိတာ။

၂။ သစ္စာဒိ

၄၆၀။ ဒုက္ခသစ္စေန ¶ ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၄၆၁။ သမုဒယသစ္စေန ယေ ဓမ္မာ… မဂ္ဂသစ္စေန ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၄၆၂။ နိရောဓသစ္စေန ယေ ဓမ္မာ… စက္ခုန္ဒြိယေန ယေ ဓမ္မာ ¶ … ကာယိန္ဒြိယေန ယေ ဓမ္မာ… ဣတ္ထိန္ဒြိယေန ယေ ဓမ္မာ… ပုရိသိန္ဒြိယေန ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၄၆၃။ သုခိန္ဒြိယေန ယေ ဓမ္မာ… ဒုက္ခိန္ဒြိယေန ယေ ဓမ္မာ… သောမနဿိန္ဒြိယေန ယေ ဓမ္မာ… ဒေါမနဿိန္ဒြိယေန ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ¶ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၄၆၄။ ဥပေက္ခိန္ဒြိယေန ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ တေရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ ပဉ္စဟိ ဓာတူဟိ အသင်္ဂဟိတာ။

၄၆၅။ သဒ္ဓိန္ဒြိယေန ¶ ယေ ဓမ္မာ… ဝီရိယိန္ဒြိယေန ယေ ဓမ္မာ… သတိန္ဒြိယေန ယေ ဓမ္မာ… သမာဓိန္ဒြိယေန ယေ ဓမ္မာ… ပညိန္ဒြိယေန ယေ ¶ ဓမ္မာ… အနညာတညဿာမီတိန္ဒြိယေန ယေ ဓမ္မာ… အညိန္ဒြိယေန ယေ ဓမ္မာ… အညာတာဝိန္ဒြိယေန ယေ ဓမ္မာ… အဝိဇ္ဇာယ ယေ ဓမ္မာ… အဝိဇ္ဇာပစ္စယာ သင်္ခါရေဟိ ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ¶ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၄၆၆။ သင်္ခါရပစ္စယာ ဝိညာဏေန ယေ ဓမ္မာ… သဠာယတနပစ္စယာ ဖဿေန ယေ ဓမ္မာ… ဖဿပစ္စယာ ဝေဒနာယ ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ခန္ဓတော ဌပေတွာ ဧကေန ခန္ဓေန ဧကာဒသဟာယတနေဟိ ဧကာဒသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ အသင်္ဂဟိတာ။

၄၆၇။ ဝေဒနာပစ္စယာ တဏှာယ ယေ ဓမ္မာ… တဏှာပစ္စယာ ဥပါဒါနေန ယေ ဓမ္မာ… ကမ္မဘဝေန ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၄၆၈။ ဥပပတ္တိဘဝေန ယေ ဓမ္မာ… သညာဘဝေန ယေ ဓမ္မာ… ပဉ္စဝေါကာရဘဝေန ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ တီဟိ ဓာတူဟိ သင်္ဂဟိတာ။ ကတိဟိ ¶ အသင်္ဂဟိတာ? ဧကေန ခန္ဓေန ဒသဟာယတနေဟိ ပန္နရသဟိ ဓာတူဟိ အသင်္ဂဟိတာ။

၄၆၉။ ကာမဘဝေန ¶ ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ ပဉ္စဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ တေရသဟိ ဓာတူဟိ အသင်္ဂဟိတာ။

၄၇၀။ ရူပဘဝေန ယေ ဓမ္မာ… အသညာဘဝေန ယေ ဓမ္မာ… ဧကဝေါကာရဘဝေန ယေ ဓမ္မာ… ပရိဒေဝေန ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၄၇၁။ အရူပဘဝေန ¶ ယေ ဓမ္မာ… နေဝသညာနာသညာဘဝေန ယေ ဓမ္မာ… စတုဝေါကာရဘဝေန ယေ ဓမ္မာ… သောကေန ယေ ဓမ္မာ… ဒုက္ခေန ယေ ဓမ္မာ… ဒေါမနဿေန ယေ ဓမ္မာ… ဥပါယာသေန ယေ ဓမ္မာ… သတိပဋ္ဌာနေန ယေ ဓမ္မာ… သမ္မပ္ပဓာနေန ယေ ဓမ္မာ… ဣဒ္ဓိပါဒေန ယေ ဓမ္မာ… ဈာနေန ယေ ဓမ္မာ… အပ္ပမညာယ ယေ ဓမ္မာ… ပဉ္စဟိ ဣန္ဒြိယေဟိ ယေ ဓမ္မာ… ပဉ္စဟိ ဗလေဟိ ယေ ဓမ္မာ ¶ … သတ္တဟိ ဗောဇ္ဈင်္ဂေဟိ ယေ ဓမ္မာ… အရိယေန အဋ္ဌင်္ဂိကေန မဂ္ဂေန ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၃။ ဖဿာဒိသတ္တကံ

၄၇၂။ ဖဿေန ယေ ဓမ္မာ… ဝေဒနာယ ယေ ဓမ္မာ… သညာယ ယေ ဓမ္မာ… စေတနာယ ယေ ဓမ္မာ… စိတ္တေန ယေ ဓမ္မာ… မနသိကာရေန ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ခန္ဓတော ဌပေတွာ ဧကေန ¶ ခန္ဓေန ဧကာဒသဟာယတနေဟိ ဧကာဒသဟိ ဓာတူဟိ သင်္ဂဟိတာ။ ကတိဟိ ¶ အသင်္ဂဟိတာ? စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ အသင်္ဂဟိတာ။

၄၇၃။ အဓိမောက္ခေန ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ သတ္တရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ ဧကာယ ဓာတုယာ အသင်္ဂဟိတာ။

၄။ တိကံ

၄၇၄။ ကုသလေဟိ ဓမ္မေဟိ ယေ ဓမ္မာ… အကုသလေဟိ ဓမ္မေဟိ ယေ ဓမ္မာ… သုခါယ ဝေဒနာယ သမ္ပယုတ္တေဟိ ဓမ္မေဟိ ယေ ဓမ္မာ… ဒုက္ခာယ ဝေဒနာယ သမ္ပယုတ္တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၄၇၅။ အဗျာကတေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ ¶ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၄၇၆။ အဒုက္ခမသုခါယ ¶ ဝေဒနာယ သမ္ပယုတ္တေဟိ ဓမ္မေဟိ ယေ ဓမ္မာ… ဝိပါကေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ¶ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ တေရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ ¶ ပဉ္စဟိ ဓာတူဟိ အသင်္ဂဟိတာ။

၄၇၇။ ဝိပါကဓမ္မဓမ္မေဟိ ယေ ဓမ္မာ… သံကိလိဋ္ဌသံကိလေသိကေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၄၇၈။ နေဝဝိပါကနဝိပါကဓမ္မဓမ္မေဟိ ယေ ဓမ္မာ… အနုပါဒိန္နုပါဒါနိယေဟိ ဓမ္မေဟိ ယေ ဓမ္မာ… အနုပါဒိန္နအနုပါဒါနိယေဟိ ဓမ္မေဟိ ယေ ဓမ္မာ… အသံကိလိဋ္ဌအသံကိလေသိကေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၄၇၉။ ဥပါဒိန္နုပါဒါနိယေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ တီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ ပန္နရသဟိ ဓာတူဟိ အသင်္ဂဟိတာ။

၄၈၀။ အသံကိလိဋ္ဌသံကိလေသိကေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၄၈၁။ သဝိတက္ကသဝိစာရေဟိ ¶ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ခန္ဓတော ဌပေတွာ ¶ ပဉ္စဟိ ခန္ဓေဟိ ဒွါဒသဟာယတနေဟိ သတ္တရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ ဧကာယ ဓာတုယာ အသင်္ဂဟိတာ။

၄၈၂။ အဝိတက္ကဝိစာရမတ္တေဟိ ¶ ဓမ္မေဟိ ယေ ဓမ္မာ… ပီတိသဟဂတေဟိ ဓမ္မေဟိ ယေ ဓမ္မာ… သုခသဟဂတေဟိ ဓမ္မေဟိ ¶ ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၄၈၃။ အဝိတက္ကအဝိစာရေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ တီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ ပန္နရသဟိ ဓာတူဟိ အသင်္ဂဟိတာ။

၄၈၄။ ဥပေက္ခာသဟဂတေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ တေရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ ပဉ္စဟိ ဓာတူဟိ အသင်္ဂဟိတာ။

၄၈၅။ ဒဿနေန ပဟာတဗ္ဗေဟိ ဓမ္မေဟိ ယေ ဓမ္မာ… ဘာဝနာယ ပဟာတဗ္ဗေဟိ ဓမ္မေဟိ ယေ ဓမ္မာ… ဒဿနေန ပဟာတဗ္ဗဟေတုကေဟိ ဓမ္မေဟိ ယေ ဓမ္မာ… ဘာဝနာယ ပဟာတဗ္ဗဟေတုကေဟိ ဓမ္မေဟိ ယေ ဓမ္မာ… အာစယဂါမီဟိ ¶ ဓမ္မေဟိ ယေ ဓမ္မာ… အပစယဂါမီဟိ ဓမ္မေဟိ ယေ ဓမ္မာ… သေက္ခေဟိ ဓမ္မေဟိ ယေ ဓမ္မာ… အသေက္ခေဟိ ဓမ္မေဟိ ယေ ဓမ္မာ… မဟဂ္ဂတေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၄၈၆။ နေဝ ဒဿနေန န ဘာဝနာယ ပဟာတဗ္ဗေဟိ ဓမ္မေဟိ ယေ ဓမ္မာ… နေဝ ဒဿနေန န ဘာဝနာယ ပဟာတဗ္ဗဟေတုကေဟိ ¶ ဓမ္မေဟိ ယေ ဓမ္မာ… နေဝါစယဂါမိနာပစယဂါမီဟိ ဓမ္မေဟိ ယေ ဓမ္မာ… နေဝသေက္ခနာသေက္ခေဟိ ဓမ္မေဟိ ယေ ဓမ္မာ… ပရိတ္တေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ ¶ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၄၈၇။ အပ္ပမာဏေဟိ ¶ ဓမ္မေဟိ ယေ ဓမ္မာ… ပဏီတေဟိ ဓမ္မေဟိ ယေ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၄၈၈။ ပရိတ္တာရမ္မဏေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ ဒွါဒသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ¶ ကေဟိစိ အာယတနေဟိ ဆဟိ ဓာတူဟိ အသင်္ဂဟိတာ။

၄၈၉။ မဟဂ္ဂတာရမ္မဏေဟိ ဓမ္မေဟိ ယေ ဓမ္မာ… အပ္ပမာဏာရမ္မဏေဟိ ဓမ္မေဟိ ယေ ဓမ္မာ… ဟီနေဟိ ဓမ္မေဟိ ယေ ဓမ္မာ… မိစ္ဆတ္တနိယတေဟိ ဓမ္မေဟိ ယေ ဓမ္မာ… သမ္မတ္တနိယတေဟိ ဓမ္မေဟိ ယေ ဓမ္မာ… မဂ္ဂါရမ္မဏေဟိ ဓမ္မေဟိ ယေ ဓမ္မာ… မဂ္ဂဟေတုကေဟိ ဓမ္မေဟိ ယေ ဓမ္မာ… မဂ္ဂါဓိပတီဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၄၉၀။ မဇ္ဈိမေဟိ ဓမ္မေဟိ ယေ ဓမ္မာ… အနိယတေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ ¶ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၄၉၁။ ဥပ္ပန္နေဟိ ဓမ္မေဟိ ယေ ဓမ္မာ… အနုပ္ပန္နေဟိ ဓမ္မေဟိ ယေ ဓမ္မာ… ဥပ္ပာဒီဟိ ဓမ္မေဟိ ယေ ဓမ္မာ… အတီတေဟိ ဓမ္မေဟိ ယေ ဓမ္မာ… အနာဂတေဟိ ဓမ္မေဟိ ယေ ဓမ္မာ… ပစ္စုပ္ပန္နေဟိ ဓမ္မေဟိ ယေ ဓမ္မာ… အဇ္ဈတ္တေဟိ ဓမ္မေဟိ ယေ ဓမ္မာ… ဗဟိဒ္ဓါဟိ ဓမ္မေဟိ ယေ ဓမ္မာ… သနိဒဿနသပ္ပဋိဃေဟိ ဓမ္မေဟိ ယေ ဓမ္မာ… အနိဒဿနသပ္ပဋိဃေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ ¶ ဒသဟိ ဓာတူဟိ အသင်္ဂဟိတာ။

၄၉၂။ အတီတာရမ္မဏေဟိ ¶ ဓမ္မေဟိ ယေ ဓမ္မာ… အနာဂတာရမ္မဏေဟိ ဓမ္မေဟိ ယေ ဓမ္မာ… အဇ္ဈတ္တာရမ္မဏေဟိ ဓမ္မေဟိ ယေ ဓမ္မာ… ဗဟိဒ္ဓါရမ္မဏေဟိ ဓမ္မေဟိ ¶ ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၄၉၃။ ပစ္စုပ္ပန္နာရမ္မဏေဟိ ဓမ္မေဟိ ယေ ဓမ္မာ… အဇ္ဈတ္တဗဟိဒ္ဓါရမ္မဏေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ ဒွါဒသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ ဆဟိ ဓာတူဟိ အသင်္ဂဟိတာ။

၅။ ဒုကံ

၄၉၄။ ဟေတူဟိ ဓမ္မေဟိ ယေ ဓမ္မာ… သဟေတုကေဟိ ဓမ္မေဟိ ယေ ဓမ္မာ… ဟေတုသမ္ပယုတ္တေဟိ ဓမ္မေဟိ ယေ ဓမ္မာ… ဟေတူဟိ စေဝ သဟေတုကေဟိ စ ဓမ္မေဟိ ယေ ဓမ္မာ… သဟေတုကေဟိ စေဝ န စ ဟေတူဟိ ဓမ္မေဟိ ယေ ဓမ္မာ… ဟေတူဟိ စေဝ ဟေတုသမ္ပယုတ္တေဟိ စ ဓမ္မေဟိ ယေ ဓမ္မာ… ဟေတုသမ္ပယုတ္တေဟိ ¶ စေဝ န စ ဟေတူဟိ ဓမ္မေဟိ ယေ ဓမ္မာ… န ဟေတုသဟေတုကေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ ¶ န ကာဟိစိ ဓာတူဟိ အသင်္ဂဟိတာ။

၄၉၅။ အဟေတုကေဟိ ဓမ္မေဟိ ယေ ဓမ္မာ… ဟေတုဝိပ္ပယုတ္တေဟိ ဓမ္မေဟိ ယေ ဓမ္မာ… န ဟေတုအဟေတုကေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၄၉၆။ အပ္ပစ္စယေဟိ ဓမ္မေဟိ ယေ ဓမ္မာ… အသင်္ခတေဟိ ဓမ္မေဟိ ယေ ဓမ္မာ… သနိဒဿနေဟိ ဓမ္မေဟိ ယေ ဓမ္မာ… သပ္ပဋိဃေဟိ ဓမ္မေဟိ ယေ ဓမ္မာ… ရူပီဟိ ဓမ္မေဟိ ယေ ဓမ္မာ… လောကုတ္တရေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ သင်္ဂဟိတာ။ ကတိဟိ ¶ အသင်္ဂဟိတာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၄၉၇။ လောကိယေဟိ ¶ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၄၉၈။ အာသဝေဟိ ဓမ္မေဟိ ယေ ဓမ္မာ… အာသဝသမ္ပယုတ္တေဟိ ဓမ္မေဟိ ယေ ဓမ္မာ… အာသဝေဟိ စေဝ သာသဝေဟိ စ ဓမ္မေဟိ ယေ ဓမ္မာ… အာသဝေဟိ စေဝ အာသဝသမ္ပယုတ္တေဟိ စ ဓမ္မေဟိ ယေ ဓမ္မာ… အာသဝသမ္ပယုတ္တေဟိ စေဝ နော စ အာသဝေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ¶ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ ¶ န ကာဟိစိ ဓာတူဟိ အသင်္ဂဟိတာ။

၄၉၉။ သာသဝေဟိ ဓမ္မေဟိ ယေ ဓမ္မာ… အာသဝဝိပ္ပယုတ္တေဟိ ဓမ္မေဟိ ယေ ဓမ္မာ… သာသဝေဟိ စေဝ နော စ အာသဝေဟိ ဓမ္မေဟိ ယေ ဓမ္မာ… အာသဝဝိပ္ပယုတ္တေဟိ သာသဝေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၅၀၀။ အနာသဝေဟိ ဓမ္မေဟိ ယေ ဓမ္မာ… အာသဝဝိပ္ပယုတ္တေဟိ အနာသဝေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၅၀၁။ သံယောဇနေဟိ ဓမ္မေဟိ ယေ ဓမ္မာ… ဂန္ထေဟိ ဓမ္မေဟိ ယေ ဓမ္မာ… ဩဃေဟိ ဓမ္မေဟိ ယေ ဓမ္မာ… ယောဂေဟိ ဓမ္မေဟိ ယေ ဓမ္မာ… နီဝရဏေဟိ ဓမ္မေဟိ ယေ ဓမ္မာ… ပရာမာသေဟိ ဓမ္မေဟိ ယေ ဓမ္မာ… ပရာမာသသမ္ပယုတ္တေဟိ ဓမ္မေဟိ ယေ ဓမ္မာ… ပရာမာသေဟိ စေဝ ပရာမဋ္ဌေဟိ စ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ ¶ ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၅၀၂။ ပရာမဋ္ဌေဟိ ဓမ္မေဟိ ယေ ဓမ္မာ… ပရာမာသဝိပ္ပယုတ္တေဟိ ဓမ္မေဟိ ယေ ဓမ္မာ… ပရာမဋ္ဌေဟိ စေဝ နော စ ပရာမာသေဟိ ဓမ္မေဟိ ယေ ဓမ္မာ… ပရာမာသဝိပ္ပယုတ္တေဟိ ပရာမဋ္ဌေဟိ ဓမ္မေဟိ ယေ ¶ ¶ ဓမ္မာ ဝိပ္ပယုတ္တာ… တေ ဓမ္မာ စတူဟိ ¶ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၅၀၃။ အပရာမဋ္ဌေဟိ ဓမ္မေဟိ ယေ ဓမ္မာ… ပရာမာသဝိပ္ပယုတ္တေဟိ အပရာမဋ္ဌေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၅၀၄။ သာရမ္မဏေဟိ ဓမ္မေဟိ ယေ ဓမ္မာ… စိတ္တေဟိ ဓမ္မေဟိ ယေ ဓမ္မာ… စေတသိကေဟိ ဓမ္မေဟိ ယေ ဓမ္မာ… စိတ္တသမ္ပယုတ္တေဟိ ဓမ္မေဟိ ယေ ဓမ္မာ… စိတ္တသံသဋ္ဌေဟိ ဓမ္မေဟိ ယေ ဓမ္မာ… စိတ္တသံသဋ္ဌသမုဋ္ဌာနေဟိ ဓမ္မေဟိ ယေ ဓမ္မာ… စိတ္တသံသဋ္ဌသမုဋ္ဌာနသဟဘူဟိ ဓမ္မေဟိ ယေ ဓမ္မာ… စိတ္တသံသဋ္ဌသမုဋ္ဌာနာနုပရိဝတ္တီဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ခန္ဓတော ဌပေတွာ ဧကေန ခန္ဓေန ဧကာဒသဟာယတနေဟိ ဧကာဒသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? စတူဟိ ခန္ဓေဟိ ဧကေနာယတနေန သတ္တဟိ ဓာတူဟိ အသင်္ဂဟိတာ။

၅၀၅။ အနာရမ္မဏေဟိ ဓမ္မေဟိ ယေ ဓမ္မာ… စိတ္တဝိပ္ပယုတ္တေဟိ ဓမ္မေဟိ ယေ ဓမ္မာ… စိတ္တသံသဋ္ဌေဟိ ဓမ္မေဟိ ယေ ဓမ္မာ… ဥပါဒါဓမ္မေဟိ ယေ ဓမ္မာ… အနုပါဒိန္နေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ ¶ ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၅၀၆။ ဥပါဒိန္နေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ¶ ခန္ဓေဟိ ဒွီဟာယတနေဟိ တီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ ပန္နရသဟိ ဓာတူဟိ အသင်္ဂဟိတာ။

၅၀၇။ ဥပါဒါနေဟိ ¶ ဓမ္မေဟိ ယေ ဓမ္မာ… ကိလေသေဟိ ဓမ္မေဟိ ယေ ဓမ္မာ… သံကိလိဋ္ဌေဟိ ဓမ္မေဟိ ယေ ဓမ္မာ… ကိလေသသမ္ပယုတ္တေဟိ ဓမ္မေဟိ ယေ ဓမ္မာ… ကိလေသေဟိ စေဝ သံကိလေသိကေဟိ စ ဓမ္မေဟိ ယေ ဓမ္မာ… ကိလေသေဟိ စေဝ သံကိလိဋ္ဌေဟိ စ ဓမ္မေဟိ ယေ ဓမ္မာ… သံကိလိဋ္ဌေဟိ စေဝ နော စ ကိလေသေဟိ ဓမ္မေဟိ ယေ ဓမ္မာ… ကိလေသေဟိ စေဝ ကိလေသသမ္ပယုတ္တေဟိ စ ဓမ္မေဟိ ယေ ဓမ္မာ… ကိလေသသမ္ပယုတ္တေဟိ စေဝ နော စ ကိလေသေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ¶ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၅၀၈။ သံကိလေသိကေဟိ ဓမ္မေဟိ ယေ ဓမ္မာ… အသံကိလိဋ္ဌေဟိ ဓမ္မေဟိ ယေ ဓမ္မာ… ကိလေသဝိပ္ပယုတ္တေဟိ ဓမ္မေဟိ ယေ ဓမ္မာ… သံကိလေသိကေဟိ စေဝ နော စ ကိလေသေဟိ ဓမ္မေဟိ ယေ ဓမ္မာ… ကိလေသဝိပ္ပယုတ္တေဟိ သံကိလေသိကေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၅၀၉။ အသံကိလေသိကေဟိ ¶ ဓမ္မေဟိ ယေ ဓမ္မာ… ကိလေသဝိပ္ပယုတ္တေဟိ အသံကိလေသိကေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၅၁၀။ ဒဿနေန ပဟာတဗ္ဗေဟိ ဓမ္မေဟိ ယေ ဓမ္မာ… ဘာဝနာယ ပဟာတဗ္ဗေဟိ ဓမ္မေဟိ ယေ ဓမ္မာ… ဒဿနေန ပဟာတဗ္ဗဟေတုကေဟိ ¶ ဓမ္မေဟိ ယေ ဓမ္မာ… ဘာဝနာယ ပဟာတဗ္ဗဟေတုကေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၅၁၁။ န ဒဿနေန ပဟာတဗ္ဗေဟိ ဓမ္မေဟိ ယေ ဓမ္မာ… န ဘာဝနာယ ပဟာတဗ္ဗေဟိ ဓမ္မေဟိ ယေ ဓမ္မာ… န ဒဿနေန ပဟာတဗ္ဗဟေတုကေဟိ ဓမ္မေဟိ ယေ ဓမ္မာ… န ဘာဝနာယ ပဟာတဗ္ဗဟေတုကေဟိ ဓမ္မေဟိ ယေ ဓမ္မာ ¶ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၅၁၂။ သဝိတက္ကေဟိ ဓမ္မေဟိ ယေ ဓမ္မာ… သဝိစာရေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ သတ္တရသဟိ ဓာတူဟိ သင်္ဂဟိတာ ¶ ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ ဧကာယ ဓာတုယာ ¶ အသင်္ဂဟိတာ။

၅၁၃။ သပ္ပီတိကေဟိ ဓမ္မေဟိ ယေ ဓမ္မာ… ပီတိသဟဂတေဟိ ဓမ္မေဟိ ယေ ဓမ္မာ… သုခသဟဂတေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၅၁၄။ ဥပေက္ခာသဟဂတေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ခန္ဓတော ဌပေတွာ ပဉ္စဟိ ခန္ဓေဟိ ဒွါဒသဟာယတနေဟိ တေရသဟိ ဓာတူဟိ သင်္ဂဟိတာ။ ကတိဟိ ¶ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ ပဉ္စဟိ ဓာတူဟိ အသင်္ဂဟိတာ။

၅၁၅။ ကာမာဝစရေဟိ ဓမ္မေဟိ ယေ ဓမ္မာ… ပရိယာပန္နေဟိ ဓမ္မေဟိ ယေ ဓမ္မာ… သဥတ္တရေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

၅၁၆။ န ကာမာဝစရေဟိ ဓမ္မေဟိ ယေ ဓမ္မာ… အပရိယာပန္နေဟိ ဓမ္မေဟိ ယေ ဓမ္မာ… အနုတ္တရေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ စတူဟိ ခန္ဓေဟိ ဒွီဟာယတနေဟိ အဋ္ဌဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? ဧကေန ခန္ဓေန ဒသဟာယတနေဟိ ဒသဟိ ဓာတူဟိ အသင်္ဂဟိတာ။

၅၁၇။ ရူပါဝစရေဟိ ဓမ္မေဟိ ယေ ဓမ္မာ… အရူပါဝစရေဟိ ဓမ္မေဟိ ယေ ဓမ္မာ… နိယျာနိကေဟိ ဓမ္မေဟိ ယေ ဓမ္မာ… နိယတေဟိ ဓမ္မေဟိ ယေ ဓမ္မာ ¶ … သရဏေဟိ ဓမ္မေဟိ ယေ ဓမ္မာ ဝိပ္ပယုတ္တာ… တေ ဓမ္မာ အသင်္ခတံ ခန္ဓတော ဌပေတွာ ¶ ပဉ္စဟိ ခန္ဓေဟိ ဒွါဒသဟာယတနေဟိ အဋ္ဌာရသဟိ ဓာတူဟိ သင်္ဂဟိတာ။ ကတိဟိ အသင်္ဂဟိတာ? န ကေဟိစိ ခန္ဓေဟိ န ကေဟိစိ အာယတနေဟိ န ကာဟိစိ ဓာတူဟိ အသင်္ဂဟိတာ။

၅၁၈။ န ရူပါဝစရေဟိ ဓမ္မေဟိ ယေ ဓမ္မာ… န အရူပါဝစရေဟိ ဓမ္မေဟိ ယေ ဓမ္မာ… အနိယျာနိကေဟိ ဓမ္မေဟိ ယေ ဓမ္မာ… အနိယတေဟိ ဓမ္မေဟိ ယေ ဓမ္မာ… အရဏေဟိ ဓမ္မေဟိ ယေ ဓမ္မာ ဝိပ္ပယုတ္တာ ¶ ၊ တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သင်္ဂဟိတာ? တေ ဓမ္မာ စတူဟိ ခန္ဓေဟိ ဒွီဟာယတနေဟိ ဒွီဟိ ဓာတူဟိ သင်္ဂဟိတာ။ ကတိဟိ ¶ အသင်္ဂဟိတာ? ဧကေန ခန္ဓေန ဒသဟာယတနေဟိ သောဠသဟိ ဓာတူဟိ အသင်္ဂဟိတာ။

ဓမ္မာယတနံ ဓမ္မဓာတု၊ အထ ဇီဝိတံ နာမရူပံ၊

သဠာယတနံ ဇာတိဇရာမတံ၊ ဒွေ စ တိကေ န လဗ္ဘရေ။

ပဌမန္တရေ သတ္တ စ၊ ဂေါစ္ဆကေ ဒသ အပရန္တေ၊

စုဒ္ဒသ ဆ စ မတ္ထကေ၊ ဣစ္စေတေ သတ္တစတ္တာလီသ ဓမ္မာ၊

သမုစ္ဆေဒေ န လဗ္ဘန္တိ၊ မောဃပုစ္ဆကေန စာတိ။

ဝိပ္ပယုတ္တေနသင်္ဂဟိတာသင်္ဂဟိတပဒနိဒ္ဒေသော စုဒ္ဒသမော။

ဓာတုကထာပကရဏံ နိဋ္ဌိတံ။