📜

နမော တဿ ဘဂဝတော အရဟတော သမ္မာသမ္ဗုဒ္ဓဿ

အဘိဓမ္မပိဋကေ

ပဋ္ဌာနပါဠိ

(ဒုတိယော ဘာဂေါ)

ဓမ္မာနုလောမေ

တိကပဋ္ဌာနံ

၆။ ဝိတက္ကတ္တိကံ

၁။ ပဋိစ္စဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၁။ သဝိတက္ကသဝိစာရံ ¶ ¶ ¶ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ ဟေတုပစ္စယာ – သဝိတက္ကသဝိစာရံ ဧကံ ခန္ဓံ ပဋိစ္စ တယော ခန္ဓာ၊ တယော ခန္ဓေ ပဋိစ္စ ဧကော ခန္ဓော ¶ ၊ ဒွေ ခန္ဓေ ပဋိစ္စ ဒွေ ခန္ဓာ။ ပဋိသန္ဓိက္ခဏေ သဝိတက္ကသဝိစာရံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ (၁)

သဝိတက္ကသဝိစာရံ ဓမ္မံ ပဋိစ္စ အဝိတက္ကဝိစာရမတ္တော ဓမ္မော ဥပ္ပဇ္ဇတိ ဟေတုပစ္စယာ – သဝိတက္ကသဝိစာရေ ခန္ဓေ ပဋိစ္စ ဝိတက္ကော။ ပဋိသန္ဓိက္ခဏေ သဝိတက္ကသဝိစာရေ ခန္ဓေ ပဋိစ္စ ဝိတက္ကော။ (၂)

သဝိတက္ကသဝိစာရံ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ ဟေတုပစ္စယာ – သဝိတက္ကသဝိစာရေ ခန္ဓေ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ သဝိတက္ကသဝိစာရေ ခန္ဓေ ပဋိစ္စ ကဋတ္တာရူပံ။ (၃)

သဝိတက္ကသဝိစာရံ ¶ ဓမ္မံ ပဋိစ္စ သဝိတက္ကသဝိစာရော စ အဝိတက္ကအဝိစာရော ¶ စ ဓမ္မာ ဥပ္ပဇ္ဇန္တိ ဟေတုပစ္စယာ – သဝိတက္ကသဝိစာရံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ။ ပဋိသန္ဓိက္ခဏေ သဝိတက္ကသဝိစာရံ ဧကံ ခန္ဓံ ပဋိစ္စ တယော ခန္ဓာ ကဋတ္တာ စ ရူပံ…ပေ… ဒွေ ခန္ဓေ ပဋိစ္စ ဒွေ ခန္ဓာ ကဋတ္တာ စ ရူပံ။ (၄)

သဝိတက္ကသဝိစာရံ ဓမ္မံ ပဋိစ္စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ ဟေတုပစ္စယာ – သဝိတက္ကသဝိစာရေ ခန္ဓေ ပဋိစ္စ ဝိတက္ကော စိတ္တသမုဋ္ဌာနဉ္စ ရူပံ။ ပဋိသန္ဓိက္ခဏေ သဝိတက္ကသဝိစာရေ ခန္ဓေ ပဋိစ္စ ဝိတက္ကော ကဋတ္တာ စ ရူပံ။ (၅)

သဝိတက္ကသဝိစာရံ ဓမ္မံ ပဋိစ္စ သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – သဝိတက္ကသဝိစာရံ ဧကံ ခန္ဓံ ပဋိစ္စ တယော ခန္ဓာ ဝိတက္ကော စ…ပေ… ဒွေ ခန္ဓေ ပဋိစ္စ ဒွေ ခန္ဓာ ဝိတက္ကော စ။ ပဋိသန္ဓိက္ခဏေ သဝိတက္ကသဝိစာရံ ဧကံ ခန္ဓံ ပဋိစ္စ တယော ခန္ဓာ ဝိတက္ကော စ…ပေ… ဒွေ ခန္ဓေ ပဋိစ္စ ဒွေ ခန္ဓာ ဝိတက္ကော စ။ (၆)

သဝိတက္ကသဝိစာရံ ဓမ္မံ ပဋိစ္စ သဝိတက္ကသဝိစာရော စ အဝိတက္ကဝိစာရမတ္တော ¶ စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ ဟေတုပစ္စယာ – သဝိတက္ကသဝိစာရံ ဧကံ ခန္ဓံ ပဋိစ္စ တယော ခန္ဓာ ဝိတက္ကော စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ ပဋိစ္စ ဒွေ ခန္ဓာ ဝိတက္ကော စ စိတ္တသမုဋ္ဌာနဉ္စ ရူပံ။ ပဋိသန္ဓိက္ခဏေ သဝိတက္ကသဝိစာရံ ဧကံ ခန္ဓံ ပဋိစ္စ တယော ခန္ဓာ ဝိတက္ကော စ ကဋတ္တာ စ ရူပံ…ပေ… ဒွေ ခန္ဓေ ပဋိစ္စ ဒွေ ခန္ဓာ ဝိတက္ကော စ ကဋတ္တာ စ ရူပံ။ (၇)

၂။ အဝိတက္ကဝိစာရမတ္တံ ¶ ဓမ္မံ ပဋိစ္စ အဝိတက္ကဝိစာရမတ္တော ဓမ္မော ဥပ္ပဇ္ဇတိ ဟေတုပစ္စယာ – အဝိတက္ကဝိစာရမတ္တံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ ပဋိသန္ဓိက္ခဏေ အဝိတက္ကဝိစာရမတ္တံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ (၁)

အဝိတက္ကဝိစာရမတ္တံ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ ဟေတုပစ္စယာ – ဝိတက္ကံ ပဋိစ္စ သဝိတက္ကသဝိစာရာ ခန္ဓာ။ ပဋိသန္ဓိက္ခဏေ ဝိတက္ကံ ပဋိစ္စ သဝိတက္ကသဝိစာရာ ခန္ဓာ။ (၂)

အဝိတက္ကဝိစာရမတ္တံ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ ဟေတုပစ္စယာ – အဝိတက္ကဝိစာရမတ္တေ ခန္ဓေ ပဋိစ္စ ဝိစာရော စိတ္တသမုဋ္ဌာနဉ္စ ရူပံ ¶ ၊ ဝိတက္ကံ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ အဝိတက္ကဝိစာရမတ္တေ ခန္ဓေ ပဋိစ္စ ဝိစာရော ကဋတ္တာ စ ရူပံ။ ပဋိသန္ဓိက္ခဏေ ဝိတက္ကံ ပဋိစ္စ ကဋတ္တာရူပံ။ (၃)

အဝိတက္ကဝိစာရမတ္တံ ဓမ္မံ ပဋိစ္စ သဝိတက္ကသဝိစာရော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝိတက္ကံ ပဋိစ္စ သဝိတက္ကသဝိစာရာ ခန္ဓာ စိတ္တသမုဋ္ဌာနဉ္စ ရူပံ။ ပဋိသန္ဓိက္ခဏေ ဝိတက္ကံ ပဋိစ္စ သဝိတက္ကသဝိစာရာ ခန္ဓာ ကဋတ္တာ စ ရူပံ။ (၄)

အဝိတက္ကဝိစာရမတ္တံ ဓမ္မံ ပဋိစ္စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ ဟေတုပစ္စယာ – အဝိတက္ကဝိစာရမတ္တံ ဧကံ ခန္ဓံ ပဋိစ္စ တယော ခန္ဓာ ဝိစာရော စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ ပဋိစ္စ ဒွေ ခန္ဓာ ဝိစာရော စ စိတ္တသမုဋ္ဌာနဉ္စ ရူပံ။ ပဋိသန္ဓိက္ခဏေ အဝိတက္ကဝိစာရမတ္တံ ¶ ဧကံ ခန္ဓံ ပဋိစ္စ တယော ခန္ဓာ ဝိစာရော ¶ စ ကဋတ္တာ စ ရူပံ…ပေ… ဒွေ ခန္ဓေ ပဋိစ္စ ဒွေ ခန္ဓာ ဝိစာရော စ ကဋတ္တာ စ ရူပံ။ (၅)

၃။ အဝိတက္ကအဝိစာရံ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ ဟေတုပစ္စယာ – အဝိတက္ကအဝိစာရံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ၊ ဝိစာရံ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ အဝိတက္ကအဝိစာရံ ဧကံ ခန္ဓံ ပဋိစ္စ တယော ခန္ဓာ ကဋတ္တာ စ ရူပံ…ပေ… ဒွေ ခန္ဓေ ပဋိစ္စ ဒွေ ခန္ဓာ ကဋတ္တာ စ ရူပံ။ ပဋိသန္ဓိက္ခဏေ ဝိစာရံ ပဋိစ္စ ကဋတ္တာရူပံ၊ ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ၊ ဝိစာရံ ပဋိစ္စ ဝတ္ထု၊ ဝတ္ထုံ ပဋိစ္စ ဝိစာရော။ ဧကံ မဟာဘူတံ ပဋိစ္စ တယော မဟာဘူတာ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)

အဝိတက္ကအဝိစာရံ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ ဟေတုပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ သဝိတက္ကသဝိစာရာ ခန္ဓာ။ (၂)

အဝိတက္ကအဝိစာရံ ဓမ္မံ ပဋိစ္စ အဝိတက္ကဝိစာရမတ္တော ဓမ္မော ဥပ္ပဇ္ဇတိ ဟေတုပစ္စယာ – ဝိစာရံ ပဋိစ္စ အဝိတက္ကဝိစာရမတ္တာ ခန္ဓာ။ ပဋိသန္ဓိက္ခဏေ ဝိစာရံ ပဋိစ္စ အဝိတက္ကဝိစာရမတ္တာ ခန္ဓာ။ ပဋိသန္ဓိက္ခဏေ ဝတ္ထုံ ပဋိစ္စ အဝိတက္ကဝိစာရမတ္တာ ခန္ဓာ။ ပဋိသန္ဓိက္ခဏေ ဝတ္ထုံ ပဋိစ္စ ဝိတက္ကော။ (၃)

အဝိတက္ကအဝိစာရံ ¶ ဓမ္မံ ပဋိစ္စ သဝိတက္ကသဝိစာရော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ ဟေတုပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ ¶ သဝိတက္ကသဝိစာရာ ခန္ဓာ၊ မဟာဘူတေ ပဋိစ္စ ကဋတ္တာရူပံ။ (၄)

အဝိတက္ကအဝိစာရံ ဓမ္မံ ပဋိစ္စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝိစာရံ ပဋိစ္စ အဝိတက္ကဝိစာရမတ္တာ ခန္ဓာ စိတ္တသမုဋ္ဌာနဉ္စ ရူပံ။ ပဋိသန္ဓိက္ခဏေ ဝိစာရံ ပဋိစ္စ အဝိတက္ကဝိစာရမတ္တာ ခန္ဓာ ကဋတ္တာ စ ရူပံ။ ပဋိသန္ဓိက္ခဏေ ဝတ္ထုံ ပဋိစ္စ အဝိတက္ကဝိစာရမတ္တာ ခန္ဓာ၊ မဟာဘူတေ ပဋိစ္စ ကဋတ္တာရူပံ။ ပဋိသန္ဓိက္ခဏေ ¶ ဝတ္ထုံ ပဋိစ္စ ဝိတက္ကော၊ မဟာဘူတေ ပဋိစ္စ ကဋတ္တာရူပံ။ ပဋိသန္ဓိက္ခဏေ ဝတ္ထုံ ပဋိစ္စ အဝိတက္ကဝိစာရမတ္တာ ခန္ဓာ စ ဝိစာရော စ။ (၅)

အဝိတက္ကအဝိစာရံ ဓမ္မံ ပဋိစ္စ သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ သဝိတက္ကသဝိစာရာ ခန္ဓာ စ ဝိတက္ကော စ။ (၆)

အဝိတက္ကအဝိစာရံ ဓမ္မံ ပဋိစ္စ သဝိတက္ကသဝိစာရော စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ ဟေတုပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ သဝိတက္ကသဝိစာရာ ခန္ဓာ စ ဝိတက္ကော စ၊ မဟာဘူတေ ပဋိစ္စ ကဋတ္တာရူပံ။ (၇)

၄။ သဝိတက္ကသဝိစာရဉ္စ အဝိတက္ကအဝိစာရဉ္စ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ ဟေတုပစ္စယာ – ပဋိသန္ဓိက္ခဏေ သဝိတက္ကသဝိစာရံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ ဝတ္ထုဉ္စ ပဋိစ္စ ဒွေ ခန္ဓာ။ (၁)

သဝိတက္ကသဝိစာရဉ္စ အဝိတက္ကအဝိစာရဉ္စ ဓမ္မံ ပဋိစ္စ အဝိတက္ကဝိစာရမတ္တော ဓမ္မော ဥပ္ပဇ္ဇတိ ဟေတုပစ္စယာ – ပဋိသန္ဓိက္ခဏေ ¶ သဝိတက္ကသဝိစာရေ ခန္ဓေ စ ဝတ္ထုဉ္စ ပဋိစ္စ ဝိတက္ကော။ (၂)

သဝိတက္ကသဝိစာရဉ္စ အဝိတက္ကအဝိစာရဉ္စ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ ဟေတုပစ္စယာ – သဝိတက္ကသဝိစာရေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ သဝိတက္ကသဝိစာရေ ခန္ဓေ စ မဟာဘူတေ စ ပဋိစ္စ ကဋတ္တာရူပံ။ (၃)

သဝိတက္ကသဝိစာရဉ္စ အဝိတက္ကအဝိစာရဉ္စ ဓမ္မံ ပဋိစ္စ သဝိတက္ကသဝိစာရော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ ဟေတုပစ္စယာ – ပဋိသန္ဓိက္ခဏေ သဝိတက္ကသဝိစာရံ ¶ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ ဝတ္ထုဉ္စ ပဋိစ္စ ဒွေ ခန္ဓာ၊ သဝိတက္ကသဝိစာရေ ခန္ဓေ စ မဟာဘူတေ စ ပဋိစ္စ ကဋတ္တာရူပံ။ (၄)

သဝိတက္ကသဝိစာရဉ္စ ¶ အဝိတက္ကအဝိစာရဉ္စ ဓမ္မံ ပဋိစ္စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ ဟေတုပစ္စယာ – ပဋိသန္ဓိက္ခဏေ သဝိတက္ကသဝိစာရေ ခန္ဓေ စ ဝတ္ထုဉ္စ ပဋိစ္စ ဝိတက္ကော၊ သဝိတက္ကသဝိစာရေ ခန္ဓေ စ မဟာဘူတေ စ ပဋိစ္စ ကဋတ္တာရူပံ။ (၅)

သဝိတက္ကသဝိစာရဉ္စ အဝိတက္ကအဝိစာရဉ္စ ဓမ္မံ ပဋိစ္စ သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ – ပဋိသန္ဓိက္ခဏေ သဝိတက္ကသဝိစာရံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ ဝိတက္ကော စ…ပေ… ဒွေ ခန္ဓေ စ ဝတ္ထုဉ္စ ပဋိစ္စ ဒွေ ခန္ဓာ ဝိတက္ကော စ။ (၆)

သဝိတက္ကသဝိစာရဉ္စ အဝိတက္ကအဝိစာရဉ္စ ဓမ္မံ ပဋိစ္စ သဝိတက္ကသဝိစာရော စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ ¶ ဟေတုပစ္စယာ – ပဋိသန္ဓိက္ခဏေ သဝိတက္ကသဝိစာရံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ ဝိတက္ကော စ…ပေ… ဒွေ ခန္ဓေ စ ဝတ္ထုဉ္စ ပဋိစ္စ ဒွေ ခန္ဓာ ဝိတက္ကော စ၊ သဝိတက္ကသဝိစာရေ ခန္ဓေ စ မဟာဘူတေ စ ပဋိစ္စ ကဋတ္တာရူပံ။ (၇)

၅။ အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ ဟေတုပစ္စယာ – ပဋိသန္ဓိက္ခဏေ ဝိတက္ကဉ္စ ဝတ္ထုဉ္စ ပဋိစ္စ သဝိတက္ကသဝိစာရာ ခန္ဓာ။ (၁)

အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပဋိစ္စ အဝိတက္ကဝိစာရမတ္တော ဓမ္မော ဥပ္ပဇ္ဇတိ ဟေတုပစ္စယာ – အဝိတက္ကဝိစာရမတ္တံ ဧကံ ခန္ဓဉ္စ ဝိစာရဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ ဝိစာရဉ္စ ပဋိစ္စ ဒွေ ခန္ဓာ။ ပဋိသန္ဓိက္ခဏေ အဝိတက္ကဝိစာရမတ္တံ ဧကံ ခန္ဓဉ္စ ဝိစာရဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ ဝိစာရဉ္စ ပဋိစ္စ ဒွေ ခန္ဓာ။ ပဋိသန္ဓိက္ခဏေ အဝိတက္ကဝိစာရမတ္တံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ ဝတ္ထုဉ္စ ပဋိစ္စ ဒွေ ခန္ဓာ။ (၂)

အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပဋိစ္စ အဝိတက္ကအဝိစာရော ဓမ္မော ¶ ဥပ္ပဇ္ဇတိ ဟေတုပစ္စယာ – အဝိတက္ကဝိစာရမတ္တေ ခန္ဓေ စ ဝိစာရဉ္စ ပဋိစ္စ စိတ္တသမုဋ္ဌာနံ ရူပံ၊ အဝိတက္ကဝိစာရမတ္တေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ဝိတက္ကဉ္စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ ¶ အဝိတက္ကဝိစာရမတ္တေ ခန္ဓေ စ ဝိစာရဉ္စ ပဋိစ္စ ကဋတ္တာရူပံ။ ပဋိသန္ဓိက္ခဏေ အဝိတက္ကဝိစာရမတ္တေ ¶ ခန္ဓေ စ မဟာဘူတေ စ ပဋိစ္စ ကဋတ္တာရူပံ။ ပဋိသန္ဓိက္ခဏေ ဝိတက္ကဉ္စ မဟာဘူတေ စ ပဋိစ္စ ကဋတ္တာရူပံ။ ပဋိသန္ဓိက္ခဏေ အဝိတက္ကဝိစာရမတ္တေ ခန္ဓေ စ ဝတ္ထုဉ္စ ပဋိစ္စ ဝိစာရော။ (၃)

အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပဋိစ္စ သဝိတက္ကသဝိစာရော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ ဟေတုပစ္စယာ – ပဋိသန္ဓိက္ခဏေ ဝိတက္ကဉ္စ ဝတ္ထုဉ္စ ပဋိစ္စ သဝိတက္ကသဝိစာရာ ခန္ဓာ၊ ဝိတက္ကဉ္စ မဟာဘူတေ စ ပဋိစ္စ ကဋတ္တာရူပံ။ (၄)

အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပဋိစ္စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ ဟေတုပစ္စယာ – အဝိတက္ကဝိစာရမတ္တံ ဧကံ ခန္ဓဉ္စ ဝိစာရဉ္စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ စ ဝိစာရဉ္စ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ။ ပဋိသန္ဓိက္ခဏေ အဝိတက္ကဝိစာရမတ္တံ ဧကံ ခန္ဓဉ္စ ဝိစာရဉ္စ ပဋိစ္စ တယော ခန္ဓာ ကဋတ္တာ စ ရူပံ…ပေ… ဒွေ ခန္ဓေ စ ဝိစာရဉ္စ ပဋိစ္စ ဒွေ ခန္ဓာ ကဋတ္တာ စ ရူပံ။ ပဋိသန္ဓိက္ခဏေ အဝိတက္ကဝိစာရမတ္တံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ ဝိစာရော စ…ပေ… ဒွေ ခန္ဓေ စ ဝတ္ထုဉ္စ ပဋိစ္စ ဒွေ ခန္ဓာ ဝိစာရော စ။ (၅)

၆။ သဝိတက္ကသဝိစာရဉ္စ အဝိတက္ကဝိစာရမတ္တဉ္စ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ ဟေတုပစ္စယာ – သဝိတက္ကသဝိစာရံ ဧကံ ခန္ဓဉ္စ ဝိတက္ကဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ ဝိတက္ကဉ္စ ပဋိစ္စ ဒွေ ခန္ဓာ။ ပဋိသန္ဓိက္ခဏေ သဝိတက္ကသဝိစာရံ ဧကံ ¶ ခန္ဓဉ္စ ဝိတက္ကဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ ဝိတက္ကဉ္စ ပဋိစ္စ ဒွေ ခန္ဓာ။ (၁)

သဝိတက္ကသဝိစာရဉ္စ အဝိတက္ကဝိစာရမတ္တဉ္စ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ ဟေတုပစ္စယာ – သဝိတက္ကသဝိစာရေ ခန္ဓေ စ ဝိတက္ကဉ္စ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ သဝိတက္ကသဝိစာရေ ခန္ဓေ စ ဝိတက္ကဉ္စ ပဋိစ္စ ကဋတ္တာရူပံ။ (၂)

သဝိတက္ကသဝိစာရဉ္စ ¶ အဝိတက္ကဝိစာရမတ္တဉ္စ ဓမ္မံ ပဋိစ္စ သဝိတက္ကသဝိစာရော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ ဟေတုပစ္စယာ – သဝိတက္ကသဝိစာရံ ဧကံ ခန္ဓဉ္စ ဝိတက္ကဉ္စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ စ ¶ ဝိတက္ကဉ္စ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ။ ပဋိသန္ဓိက္ခဏေ သဝိတက္ကသဝိစာရံ ဧကံ ခန္ဓဉ္စ ဝိတက္ကဉ္စ ပဋိစ္စ တယော ခန္ဓာ ကဋတ္တာ စ ရူပံ…ပေ… ဒွေ ခန္ဓေ စ ဝိတက္ကဉ္စ ပဋိစ္စ ဒွေ ခန္ဓာ ကဋတ္တာ စ ရူပံ။ (၃)

၇။ သဝိတက္ကသဝိစာရဉ္စ အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ ဟေတုပစ္စယာ – ပဋိသန္ဓိက္ခဏေ သဝိတက္ကသဝိစာရံ ဧကံ ခန္ဓဉ္စ ဝိတက္ကဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ ဝိတက္ကဉ္စ ဝတ္ထုဉ္စ ပဋိစ္စ ဒွေ ခန္ဓာ။ (၁)

သဝိတက္ကသဝိစာရဉ္စ အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ ဟေတုပစ္စယာ – သဝိတက္ကသဝိစာရေ ခန္ဓေ စ ဝိတက္ကဉ္စ မဟာဘူတေ စ ပဋိစ္စ စိတ္တသမုဋ္ဌာနံ ¶ ရူပံ။ ပဋိသန္ဓိက္ခဏေ သဝိတက္ကသဝိစာရေ ခန္ဓေ စ ဝိတက္ကဉ္စ မဟာဘူတေ စ ပဋိစ္စ ကဋတ္တာရူပံ။ (၂)

သဝိတက္ကသဝိစာရဉ္စ အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပဋိစ္စ သဝိတက္ကသဝိစာရော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ ဟေတုပစ္စယာ – ပဋိသန္ဓိက္ခဏေ သဝိတက္ကသဝိစာရံ ဧကံ ခန္ဓဉ္စ ဝိတက္ကဉ္စ ဝတ္ထုဉ္စ ပဋိစ္စ တယော ခန္ဓာ၊ တယော ခန္ဓေ စ ဝိတက္ကဉ္စ ဝတ္ထုဉ္စ ပဋိစ္စ ဧကော ခန္ဓော၊ ဒွေ ခန္ဓေ စ ဝိတက္ကဉ္စ ဝတ္ထုဉ္စ ပဋိစ္စ ဒွေ ခန္ဓာ၊ သဝိတက္ကသဝိစာရေ ခန္ဓေ စ ဝိတက္ကဉ္စ မဟာဘူတေ စ ပဋိစ္စ ကဋတ္တာရူပံ။ (၃)

အာရမ္မဏပစ္စယော

၈။ သဝိတက္ကသဝိစာရံ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ အာရမ္မဏပစ္စယာ – သဝိတက္ကသဝိစာရံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ ပဋိသန္ဓိက္ခဏေ…ပေ…။ (၁)

သဝိတက္ကသဝိစာရံ ¶ ဓမ္မံ ပဋိစ္စ အဝိတက္ကဝိစာရမတ္တော ဓမ္မော ဥပ္ပဇ္ဇတိ အာရမ္မဏပစ္စယာ – သဝိတက္ကသဝိစာရေ ခန္ဓေ ပဋိစ္စ ဝိတက္ကော။ ပဋိသန္ဓိက္ခဏေ…ပေ…။ (၂)

သဝိတက္ကသဝိစာရံ ဓမ္မံ ပဋိစ္စ သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – သဝိတက္ကသဝိစာရံ ဧကံ ခန္ဓံ ပဋိစ္စ တယော ခန္ဓာ ဝိတက္ကော စ…ပေ… ဒွေ ခန္ဓေ ပဋိစ္စ ဒွေ ခန္ဓာ ဝိတက္ကော စ။ ပဋိသန္ဓိက္ခဏေ…ပေ…။ (၃)

၉။ အဝိတက္ကဝိစာရမတ္တံ ¶ ဓမ္မံ ပဋိစ္စ အဝိတက္ကဝိစာရမတ္တော ဓမ္မော ဥပ္ပဇ္ဇတိ ¶ အာရမ္မဏပစ္စယာ – အဝိတက္ကဝိစာရမတ္တံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ ပဋိသန္ဓိက္ခဏေ…ပေ…။ (၁)

အဝိတက္ကဝိစာရမတ္တံ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ အာရမ္မဏပစ္စယာ – ဝိတက္ကံ ပဋိစ္စ သဝိတက္ကသဝိစာရာ ခန္ဓာ။ ပဋိသန္ဓိက္ခဏေ…ပေ…။ (၂)

အဝိတက္ကဝိစာရမတ္တံ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ အာရမ္မဏပစ္စယာ – အဝိတက္ကဝိစာရမတ္တေ ခန္ဓေ ပဋိစ္စ ဝိစာရော။ ပဋိသန္ဓိက္ခဏေ…ပေ…။ (၃)

အဝိတက္ကဝိစာရမတ္တံ ဓမ္မံ ပဋိစ္စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – အဝိတက္ကဝိစာရမတ္တံ ဧကံ ခန္ဓံ ပဋိစ္စ တယော ခန္ဓာ ဝိစာရော စ…ပေ… ဒွေ ခန္ဓေ ပဋိစ္စ ဒွေ ခန္ဓာ ဝိစာရော စ ပဋိသန္ဓိက္ခဏေ…ပေ…။ (၄)

၁၀။ အဝိတက္ကအဝိစာရံ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ အာရမ္မဏပစ္စယာ – အဝိတက္ကအဝိစာရံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ ပဋိသန္ဓိက္ခဏေ အဝိတက္ကအဝိစာရံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ ပဋိသန္ဓိက္ခဏေ ဝတ္ထုံ ပဋိစ္စ ခန္ဓာ၊ ဝတ္ထုံ ပဋိစ္စ ဝိစာရော။ (၁)

အဝိတက္ကအဝိစာရံ ¶ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ အာရမ္မဏပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ သဝိတက္ကသဝိစာရာ ခန္ဓာ။ (၂)

အဝိတက္ကအဝိစာရံ ဓမ္မံ ပဋိစ္စ အဝိတက္ကဝိစာရမတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ဝိစာရံ ပဋိစ္စ အဝိတက္ကဝိစာရမတ္တာ ခန္ဓာ။ ပဋိသန္ဓိက္ခဏေ ဝိစာရံ ပဋိစ္စ အဝိတက္ကဝိစာရမတ္တာ ခန္ဓာ ¶ ။ ပဋိသန္ဓိက္ခဏေ ဝတ္ထုံ ပဋိစ္စ အဝိတက္ကဝိစာရမတ္တာ ခန္ဓာ။ ပဋိသန္ဓိက္ခဏေ ဝတ္ထုံ ပဋိစ္စ ဝိတက္ကော။ (၃)

အဝိတက္ကအဝိစာရံ ဓမ္မံ ပဋိစ္စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ အဝိတက္ကဝိစာရမတ္တာ ခန္ဓာ ဝိစာရော စ။ (၄)

အဝိတက္ကအဝိစာရံ ¶ ဓမ္မံ ပဋိစ္စ သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ သဝိတက္ကသဝိစာရာ ခန္ဓာ စ ဝိတက္ကော စ။ (၅)

၁၁။ သဝိတက္ကသဝိစာရဉ္စ အဝိတက္ကအဝိစာရဉ္စ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ အာရမ္မဏပစ္စယာ – ပဋိသန္ဓိက္ခဏေ သဝိတက္ကသဝိစာရံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ ဝတ္ထုဉ္စ ပဋိစ္စ ဒွေ ခန္ဓာ။ (၁)

သဝိတက္ကသဝိစာရဉ္စ အဝိတက္ကအဝိစာရဉ္စ ဓမ္မံ ပဋိစ္စ အဝိတက္ကဝိစာရမတ္တော ဓမ္မော ဥပ္ပဇ္ဇတိ အာရမ္မဏပစ္စယာ – ပဋိသန္ဓိက္ခဏေ သဝိတက္ကသဝိစာရေ ခန္ဓေ စ ဝတ္ထုဉ္စ ပဋိစ္စ ဝိတက္ကော။ (၂)

သဝိတက္ကသဝိစာရဉ္စ အဝိတက္ကအဝိစာရဉ္စ ဓမ္မံ ပဋိစ္စ သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ပဋိသန္ဓိက္ခဏေ သဝိတက္ကသဝိစာရံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ ဝိတက္ကော စ…ပေ… ဒွေ ခန္ဓေ စ ဝတ္ထုဉ္စ ပဋိစ္စ ဒွေ ခန္ဓာ ဝိတက္ကော စ။ (၃)

၁၂။ အဝိတက္ကဝိစာရမတ္တဉ္စ ¶ ¶ အဝိတက္ကအဝိစာရဉ္စ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ အာရမ္မဏပစ္စယာ – ပဋိသန္ဓိက္ခဏေ ဝိတက္ကဉ္စ ဝတ္ထုဉ္စ ပဋိစ္စ သဝိတက္ကသဝိစာရာ ခန္ဓာ။ (၁)

အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပဋိစ္စ အဝိတက္ကဝိစာရမတ္တော ဓမ္မော ဥပ္ပဇ္ဇတိ အာရမ္မဏပစ္စယာ – အဝိတက္ကဝိစာရမတ္တံ ဧကံ ခန္ဓဉ္စ ဝိစာရဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ ဝိစာရဉ္စ ပဋိစ္စ ဒွေ ခန္ဓာ။ ပဋိသန္ဓိက္ခဏေ အဝိတက္ကဝိစာရမတ္တံ ဧကံ ခန္ဓဉ္စ ဝိစာရဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ ဝိစာရဉ္စ ပဋိစ္စ ဒွေ ခန္ဓာ။ ပဋိသန္ဓိက္ခဏေ အဝိတက္ကဝိစာရမတ္တံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ ဝတ္ထုဉ္စ ပဋိစ္စ ဒွေ ခန္ဓာ။ (၂)

အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ အာရမ္မဏပစ္စယာ – ပဋိသန္ဓိက္ခဏေ အဝိတက္ကဝိစာရမတ္တေ ခန္ဓေ စ ဝတ္ထုဉ္စ ပဋိစ္စ ဝိစာရော။ (၃)

အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပဋိစ္စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ပဋိသန္ဓိက္ခဏေ အဝိတက္ကဝိစာရမတ္တံ ¶ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ ဝိစာရော စ…ပေ… ဒွေ ခန္ဓေ စ ဝတ္ထုဉ္စ ပဋိစ္စ ဒွေ ခန္ဓာ ဝိစာရော စ။ (၄)

၁၃။ သဝိတက္ကသဝိစာရဉ္စ အဝိတက္ကဝိစာရမတ္တဉ္စ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ အာရမ္မဏပစ္စယာ – သဝိတက္ကသဝိစာရံ ဧကံ ¶ ခန္ဓဉ္စ ဝိတက္ကဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ ဝိတက္ကဉ္စ ပဋိစ္စ ဒွေ ခန္ဓာ။ ပဋိသန္ဓိက္ခဏေ…ပေ…။ (၁)

သဝိတက္ကသဝိစာရဉ္စ အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ အာရမ္မဏပစ္စယာ – ပဋိသန္ဓိက္ခဏေ သဝိတက္ကသဝိစာရံ ဧကံ ¶ ခန္ဓဉ္စ ဝိတက္ကဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ ဝိတက္ကဉ္စ ဝတ္ထုဉ္စ ပဋိစ္စ ဒွေ ခန္ဓာ။ (၁)

(ဒွေ ပစ္စယာ သဇ္ဈာယမဂ္ဂေန ဝိဘတ္တာ၊ ဧဝံ အဝသေသာ ဝီသတိပစ္စယာ ဝိဘဇိတဗ္ဗာ။)

ဝိပ္ပယုတ္တပစ္စယော

၁၄။ သဝိတက္ကသဝိစာရံ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ ဝိပ္ပယုတ္တပစ္စယာ – သဝိတက္ကသဝိစာရံ ဧကံ ခန္ဓံ ပဋိစ္စ တယော ခန္ဓာ…ပေ… ဝတ္ထုံ ဝိပ္ပယုတ္တပစ္စယာ။ ပဋိသန္ဓိက္ခဏေ သဝိတက္ကသဝိစာရံ ဧကံ ခန္ဓံ ပဋိစ္စ တယော ခန္ဓာ…ပေ… ဝတ္ထုံ ဝိပ္ပယုတ္တပစ္စယာ။ (၁)

သဝိတက္ကသဝိစာရံ ဓမ္မံ ပဋိစ္စ အဝိတက္ကဝိစာရမတ္တော ဓမ္မော ဥပ္ပဇ္ဇတိ ဝိပ္ပယုတ္တပစ္စယာ – သဝိတက္ကသဝိစာရေ ခန္ဓေ ပဋိစ္စ ဝိတက္ကော၊ ဝတ္ထုံ ဝိပ္ပယုတ္တပစ္စယာ။ ပဋိသန္ဓိက္ခဏေ…ပေ…။ (၂)

သဝိတက္ကသဝိစာရံ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ ဝိပ္ပယုတ္တပစ္စယာ – သဝိတက္ကသဝိစာရေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ခန္ဓေ ဝိပ္ပယုတ္တပစ္စယာ။ ပဋိသန္ဓိက္ခဏေ…ပေ…။ (၃)

သဝိတက္ကသဝိစာရံ ဓမ္မံ ပဋိစ္စ သဝိတက္ကသဝိစာရော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ ဝိပ္ပယုတ္တပစ္စယာ – သဝိတက္ကသဝိစာရံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ခန္ဓာ ဝတ္ထုံ ဝိပ္ပယုတ္တပစ္စယာ ¶ ။ စိတ္တသမုဋ္ဌာနံ ရူပံ ခန္ဓေ ဝိပ္ပယုတ္တပစ္စယာ။ ပဋိသန္ဓိက္ခဏေ…ပေ…။ (၄)

သဝိတက္ကသဝိစာရံ ¶ ဓမ္မံ ပဋိစ္စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ ဝိပ္ပယုတ္တပစ္စယာ – သဝိတက္ကသဝိစာရေ ခန္ဓေ ပဋိစ္စ ဝိတက္ကော စ စိတ္တသမုဋ္ဌာနဉ္စ ¶ ရူပံ။ ဝိတက္ကော ဝတ္ထုံ ဝိပ္ပယုတ္တပစ္စယာ။ စိတ္တသမုဋ္ဌာနံ ရူပံ ခန္ဓေ ဝိပ္ပယုတ္တပစ္စယာ။ ပဋိသန္ဓိက္ခဏေ…ပေ…။ (၅)

သဝိတက္ကသဝိစာရံ ဓမ္မံ ပဋိစ္စ သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ ဥပ္ပဇ္ဇန္တိ ဝိပ္ပယုတ္တပစ္စယာ – သဝိတက္ကသဝိစာရံ ဧကံ ခန္ဓံ ပဋိစ္စ တယော ခန္ဓာ ဝိတက္ကော စ…ပေ… ဒွေ ခန္ဓေ ပဋိစ္စ ဒွေ ခန္ဓာ ဝိတက္ကော စ၊ ဝတ္ထုံ ဝိပ္ပယုတ္တပစ္စယာ။ ပဋိသန္ဓိက္ခဏေ…ပေ…။ (၆)

သဝိတက္ကသဝိစာရံ ဓမ္မံ ပဋိစ္စ သဝိတက္ကသဝိစာရော စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ ဝိပ္ပယုတ္တပစ္စယာ – သဝိတက္ကသဝိစာရံ ဧကံ ခန္ဓံ ပဋိစ္စ တယော ခန္ဓာ ဝိတက္ကော စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ ပဋိစ္စ ဒွေ ခန္ဓာ ဝိတက္ကော စ စိတ္တသမုဋ္ဌာနဉ္စ ရူပံ။ ခန္ဓာ စ ဝိတက္ကော စ ဝတ္ထုံ ဝိပ္ပယုတ္တပစ္စယာ။ စိတ္တသမုဋ္ဌာနံ ရူပံ ခန္ဓေ ဝိပ္ပယုတ္တပစ္စယာ။ ပဋိသန္ဓိက္ခဏေ…ပေ…။ (၇)

၁၅။ အဝိတက္ကဝိစာရမတ္တံ ဓမ္မံ ပဋိစ္စ အဝိတက္ကဝိစာရမတ္တော ဓမ္မော ဥပ္ပဇ္ဇတိ…ပေ… အဝိတက္ကဝိစာရမတ္တံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ဝတ္ထုံ ဝိပ္ပယုတ္တပစ္စယာ။ ပဋိသန္ဓိက္ခဏေ…ပေ…။ (၁)

အဝိတက္ကဝိစာရမတ္တံ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ ဝိပ္ပယုတ္တပစ္စယာ – ဝိတက္ကံ ပဋိစ္စ သဝိတက္ကသဝိစာရာ ခန္ဓာ၊ ဝတ္ထုံ ဝိပ္ပယုတ္တပစ္စယာ ¶ ။ ပဋိသန္ဓိက္ခဏေ…ပေ…။ (၂)

အဝိတက္ကဝိစာရမတ္တံ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ ဝိပ္ပယုတ္တပစ္စယာ – အဝိတက္ကဝိစာရမတ္တေ ခန္ဓေ ပဋိစ္စ ဝိစာရော စ စိတ္တသမုဋ္ဌာနဉ္စ ရူပံ၊ ဝိစာရော ဝတ္ထုံ ဝိပ္ပယုတ္တပစ္စယာ။ စိတ္တသမုဋ္ဌာနံ ရူပံ ခန္ဓေ ဝိပ္ပယုတ္တပစ္စယာ။ ဝိတက္ကံ ပဋိစ္စ စိတ္တသမုဋ္ဌာနံ ရူပံ၊ ဝိတက္ကံ ဝိပ္ပယုတ္တပစ္စယာ။ ပဋိသန္ဓိက္ခဏေ…ပေ…။ (၃)

အဝိတက္ကဝိစာရမတ္တံ ဓမ္မံ ပဋိစ္စ သဝိတက္ကသဝိစာရော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ ဝိပ္ပယုတ္တပစ္စယာ – ဝိတက္ကံ ပဋိစ္စ သဝိတက္ကသဝိစာရာ ခန္ဓာ စိတ္တသမုဋ္ဌာနဉ္စ ရူပံ၊ ခန္ဓာ ဝတ္ထုံ ဝိပ္ပယုတ္တပစ္စယာ။ စိတ္တသမုဋ္ဌာနံ ရူပံ ဝိတက္ကံ ဝိပ္ပယုတ္တပစ္စယာ။ ပဋိသန္ဓိက္ခဏေ…ပေ…။ (၄)

အဝိတက္ကဝိစာရမတ္တံ ¶ ¶ ဓမ္မံ ပဋိစ္စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ ဝိပ္ပယုတ္တပစ္စယာ – အဝိတက္ကဝိစာရမတ္တံ ဧကံ ခန္ဓံ ပဋိစ္စ တယော ခန္ဓာ ဝိစာရော စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ ပဋိစ္စ ဒွေ ခန္ဓာ ဝိစာရော စ စိတ္တသမုဋ္ဌာနဉ္စ ရူပံ။ ခန္ဓာ စ ဝိစာရော စ ဝတ္ထုံ ဝိပ္ပယုတ္တပစ္စယာ။ စိတ္တသမုဋ္ဌာနံ ရူပံ ခန္ဓေ ဝိပ္ပယုတ္တပစ္စယာ။ ပဋိသန္ဓိက္ခဏေ…ပေ…။ (၅)

၁၆။ အဝိတက္ကအဝိစာရံ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ ဝိပ္ပယုတ္တပစ္စယာ – အဝိတက္ကအဝိစာရံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ခန္ဓာ ဝတ္ထုံ ဝိပ္ပယုတ္တပစ္စယာ၊ စိတ္တသမုဋ္ဌာနံ ရူပံ ခန္ဓေ ဝိပ္ပယုတ္တပစ္စယာ။ ဝိစာရံ ¶ ပဋိစ္စ စိတ္တသမုဋ္ဌာနံ ရူပံ၊ ဝိစာရံ ဝိပ္ပယုတ္တပစ္စယာ။ ပဋိသန္ဓိက္ခဏေ…ပေ… ပဋိသန္ဓိက္ခဏေ ဝိစာရံ ပဋိစ္စ ကဋတ္တာရူပံ၊ ဝိစာရံ ဝိပ္ပယုတ္တပစ္စယာ။ ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ။ ခန္ဓာ ဝတ္ထုံ ဝိပ္ပယုတ္တပစ္စယာ။ ဝတ္ထု ခန္ဓေ ဝိပ္ပယုတ္တပစ္စယာ။ ဝိစာရံ ပဋိစ္စ ဝတ္ထု၊ ဝတ္ထုံ ပဋိစ္စ ဝိစာရော၊ ဝိစာရော ဝတ္ထုံ ဝိပ္ပယုတ္တပစ္စယာ။ ဝတ္ထု ဝိစာရံ ဝိပ္ပယုတ္တပစ္စယာ၊ ဧကံ မဟာဘူတံ ပဋိစ္စ တယော မဟာဘူတာ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ၊ ခန္ဓေ ဝိပ္ပယုတ္တပစ္စယာ။ (၁)

အဝိတက္ကအဝိစာရံ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ ဝိပ္ပယုတ္တပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ သဝိတက္ကသဝိစာရာ ခန္ဓာ၊ ဝတ္ထုံ ဝိပ္ပယုတ္တပစ္စယာ။ (၂)

အဝိတက္ကအဝိစာရံ ဓမ္မံ ပဋိစ္စ အဝိတက္ကဝိစာရမတ္တော ဓမ္မော ဥပ္ပဇ္ဇတိ ဝိပ္ပယုတ္တပစ္စယာ – ဝိစာရံ ပဋိစ္စ အဝိတက္ကဝိစာရမတ္တာ ခန္ဓာ၊ ဝတ္ထုံ ဝိပ္ပယုတ္တပစ္စယာ။ ပဋိသန္ဓိက္ခဏေ ဝိစာရံ ပဋိစ္စ အဝိတက္ကဝိစာရမတ္တာ ခန္ဓာ၊ ဝတ္ထုံ ဝိပ္ပယုတ္တပစ္စယာ။ ပဋိသန္ဓိက္ခဏေ ဝတ္ထုံ ပဋိစ္စ အဝိတက္ကဝိစာရမတ္တာ ခန္ဓာ၊ ဝတ္ထုံ ဝိပ္ပယုတ္တပစ္စယာ။ ပဋိသန္ဓိက္ခဏေ ဝတ္ထုံ ပဋိစ္စ ဝိတက္ကော၊ ဝတ္ထုံ ဝိပ္ပယုတ္တပစ္စယာ။ (၃)

အဝိတက္ကအဝိစာရံ ဓမ္မံ ပဋိစ္စ သဝိတက္ကသဝိစာရော စ အဝိတက္ကအဝိစာရော စ ဓမ္မာ ¶ ဥပ္ပဇ္ဇန္တိ ဝိပ္ပယုတ္တပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ သဝိတက္ကသဝိစာရာ ခန္ဓာ၊ မဟာဘူတေ ပဋိစ္စ ကဋတ္တာရူပံ၊ ခန္ဓာ ဝတ္ထုံ ဝိပ္ပယုတ္တပစ္စယာ။ ကဋတ္တာရူပံ ခန္ဓေ ဝိပ္ပယုတ္တပစ္စယာ။ (၄)

အဝိတက္ကအဝိစာရံ ¶ ¶ ဓမ္မံ ပဋိစ္စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ ဝိပ္ပယုတ္တပစ္စယာ – ဝိစာရံ ပဋိစ္စ အဝိတက္ကဝိစာရမတ္တာ ခန္ဓာ စ စိတ္တသမုဋ္ဌာနဉ္စ ရူပံ…ပေ… ခန္ဓာ ဝတ္ထုံ ဝိပ္ပယုတ္တပစ္စယာ။ စိတ္တသမုဋ္ဌာနံ ရူပံ ဝိစာရံ ဝိပ္ပယုတ္တပစ္စယာ။ ပဋိသန္ဓိက္ခဏေ ဝိစာရံ ပဋိစ္စ အဝိတက္ကဝိစာရမတ္တာ ခန္ဓာ စ ကဋတ္တာ စ ရူပံ၊ ခန္ဓာ ဝတ္ထုံ ဝိပ္ပယုတ္တပစ္စယာ။ ကဋတ္တာရူပံ ဝိစာရံ ဝိပ္ပယုတ္တပစ္စယာ။ ပဋိသန္ဓိက္ခဏေ ဝတ္ထုံ ပဋိစ္စ အဝိတက္ကဝိစာရမတ္တာ ခန္ဓာ မဟာဘူတေ ပဋိစ္စ ကဋတ္တာရူပံ၊ ခန္ဓာ ဝတ္ထုံ ဝိပ္ပယုတ္တပစ္စယာ။ ကဋတ္တာရူပံ ခန္ဓေ ဝိပ္ပယုတ္တပစ္စယာ။ ပဋိသန္ဓိက္ခဏေ ဝတ္ထုံ ပဋိစ္စ ဝိတက္ကော၊ မဟာဘူတေ ပဋိစ္စ ကဋတ္တာရူပံ၊ ဝိတက္ကော ဝတ္ထုံ ဝိပ္ပယုတ္တပစ္စယာ။ ကဋတ္တာရူပံ ခန္ဓေ ဝိပ္ပယုတ္တပစ္စယာ။ ပဋိသန္ဓိက္ခဏေ ဝတ္ထုံ ပဋိစ္စ အဝိတက္ကဝိစာရမတ္တာ ခန္ဓာ စ ဝိစာရော စ၊ ဝတ္ထုံ ဝိပ္ပယုတ္တပစ္စယာ။ (၅)

အဝိတက္ကအဝိစာရံ ဓမ္မံ ပဋိစ္စ သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ ဥပ္ပဇ္ဇန္တိ ဝိပ္ပယုတ္တပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ သဝိတက္ကသဝိစာရာ ခန္ဓာ စ ဝိတက္ကော စ၊ ဝတ္ထုံ ဝိပ္ပယုတ္တပစ္စယာ။ (၆)

အဝိတက္ကအဝိစာရံ ဓမ္မံ ပဋိစ္စ သဝိတက္ကသဝိစာရော စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ ဝိပ္ပယုတ္တပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ သဝိတက္ကသဝိစာရာ ခန္ဓာ စ ဝိတက္ကော စ၊ မဟာဘူတေ ပဋိစ္စ ကဋတ္တာရူပံ၊ ခန္ဓာ စ ဝိတက္ကော စ၊ ဝတ္ထုံ ဝိပ္ပယုတ္တပစ္စယာ။ ကဋတ္တာရူပံ ခန္ဓေ ဝိပ္ပယုတ္တပစ္စယာ။ (၇)

၁၇။ သဝိတက္ကသဝိစာရဉ္စ ¶ အဝိတက္ကအဝိစာရဉ္စ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ ဝိပ္ပယုတ္တပစ္စယာ – ပဋိသန္ဓိက္ခဏေ သဝိတက္ကသဝိစာရံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ၊ ဝတ္ထုံ ဝိပ္ပယုတ္တပစ္စယာ။ (၁)

သဝိတက္ကသဝိစာရဉ္စ ¶ အဝိတက္ကအဝိစာရဉ္စ ဓမ္မံ ပဋိစ္စ အဝိတက္ကဝိစာရမတ္တော ဓမ္မော…ပေ… ပဋိသန္ဓိက္ခဏေ သဝိတက္ကသဝိစာရေ ခန္ဓေ စ ဝတ္ထုဉ္စ ပဋိစ္စ ဝိတက္ကော၊ ဝတ္ထုံ ဝိပ္ပယုတ္တပစ္စယာ။ (၂)

သဝိတက္ကသဝိစာရဉ္စ အဝိတက္ကအဝိစာရဉ္စ ဓမ္မံ ပဋိစ္စ အဝိတက္ကအဝိစာရော ဓမ္မော…ပေ… သဝိတက္ကသဝိစာရေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ခန္ဓေ ဝိပ္ပယုတ္တပစ္စယာ။ ပဋိသန္ဓိက္ခဏေ…ပေ…။ (၃)

သဝိတက္ကသဝိစာရဉ္စ ¶ အဝိတက္ကအဝိစာရဉ္စ ဓမ္မံ ပဋိစ္စ သဝိတက္ကသဝိစာရော စ အဝိတက္ကအဝိစာရော စ ဓမ္မာ…ပေ… ပဋိသန္ဓိက္ခဏေ သဝိတက္ကသဝိစာရံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ ဝတ္ထုဉ္စ ပဋိစ္စ ဒွေ ခန္ဓာ၊ သဝိတက္ကသဝိစာရေ ခန္ဓေ စ မဟာဘူတေ စ ပဋိစ္စ ကဋတ္တာရူပံ၊ ခန္ဓာ ဝတ္ထုံ ဝိပ္ပယုတ္တပစ္စယာ။ ကဋတ္တာရူပံ ခန္ဓေ ဝိပ္ပယုတ္တပစ္စယာ။ (၄)

သဝိတက္ကသဝိစာရဉ္စ အဝိတက္ကအဝိစာရဉ္စ ဓမ္မံ ပဋိစ္စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ…ပေ… ပဋိသန္ဓိက္ခဏေ သဝိတက္ကသဝိစာရေ ခန္ဓေ စ ဝတ္ထုဉ္စ ပဋိစ္စ ဝိတက္ကော၊ သဝိတက္ကသဝိစာရေ ခန္ဓေ စ မဟာဘူတေ စ ပဋိစ္စ ကဋတ္တာရူပံ၊ ဝိတက္ကော ဝတ္ထုံ ဝိပ္ပယုတ္တပစ္စယာ။ ကဋတ္တာရူပံ ခန္ဓေ ဝိပ္ပယုတ္တပစ္စယာ။ (၅)

သဝိတက္ကသဝိစာရဉ္စ အဝိတက္ကအဝိစာရဉ္စ ဓမ္မံ ပဋိစ္စ သဝိတက္ကသဝိစာရော ¶ စ အဝိတက္ကဝိစာရမတ္တော စ ဓမ္မာ…ပေ… ပဋိသန္ဓိက္ခဏေ သဝိတက္ကသဝိစာရံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ ဝိတက္ကော စ…ပေ… ဒွေ ခန္ဓေ စ ဝတ္ထုဉ္စ ပဋိစ္စ ဒွေ ခန္ဓာ ဝိတက္ကော စ၊ ဝတ္ထုံ ဝိပ္ပယုတ္တပစ္စယာ။ (၆)

သဝိတက္ကသဝိစာရဉ္စ အဝိတက္ကအဝိစာရဉ္စ ဓမ္မံ ပဋိစ္စ သဝိတက္ကသဝိစာရော စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ…ပေ… ပဋိသန္ဓိက္ခဏေ သဝိတက္ကသဝိစာရံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ ဝိတက္ကော စ…ပေ… ဒွေ ခန္ဓေ စ ဝတ္ထုဉ္စ ပဋိစ္စ ဒွေ ခန္ဓာ ဝိတက္ကော စ။ သဝိတက္ကသဝိစာရေ ခန္ဓေ စ မဟာဘူတေ စ ¶ ပဋိစ္စ ကဋတ္တာရူပံ။ ခန္ဓာ စ ဝိတက္ကော စ၊ ဝတ္ထုံ ဝိပ္ပယုတ္တပစ္စယာ။ ကဋတ္တာရူပံ ခန္ဓေ ဝိပ္ပယုတ္တပစ္စယာ။ (၇)

၁၈။ အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပဋိစ္စ သဝိတက္ကသဝိစာရော ဓမ္မော…ပေ… ပဋိသန္ဓိက္ခဏေ ဝိတက္ကဉ္စ ဝတ္ထုဉ္စ ပဋိစ္စ သဝိတက္ကသဝိစာရာ ခန္ဓာ၊ ဝတ္ထုံ ဝိပ္ပယုတ္တပစ္စယာ။ (၁)

အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပဋိစ္စ အဝိတက္ကဝိစာရမတ္တော ဓမ္မော…ပေ… အဝိတက္ကဝိစာရမတ္တံ ဧကံ ခန္ဓဉ္စ ဝိစာရဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ…ပေ… ဝတ္ထုံ ဝိပ္ပယုတ္တပစ္စယာ။ ပဋိသန္ဓိက္ခဏေ အဝိတက္ကဝိစာရမတ္တံ ဧကံ ခန္ဓဉ္စ ဝိစာရဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ…ပေ… ဝတ္ထုံ ဝိပ္ပယုတ္တပစ္စယာ။ ပဋိသန္ဓိက္ခဏေ အဝိတက္ကဝိစာရမတ္တံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ¶ ခန္ဓေ စ…ပေ… ဝတ္ထုံ ဝိပ္ပယုတ္တပစ္စယာ။ (၂)

အဝိတက္ကဝိစာရမတ္တဉ္စ ¶ အဝိတက္ကအဝိစာရဉ္စ ဓမ္မံ ပဋိစ္စ အဝိတက္ကအဝိစာရော ဓမ္မော…ပေ… အဝိတက္ကဝိစာရမတ္တေ ခန္ဓေ စ ဝိစာရဉ္စ ပဋိစ္စ စိတ္တသမုဋ္ဌာနံ ရူပံ။ ခန္ဓေ စ ဝိစာရဉ္စ ဝိပ္ပယုတ္တပစ္စယာ။ အဝိတက္ကဝိစာရမတ္တေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ ခန္ဓေ ဝိပ္ပယုတ္တပစ္စယာ။ ဝိတက္ကဉ္စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ ဝိတက္ကံ ဝိပ္ပယုတ္တပစ္စယာ။ ပဋိသန္ဓိက္ခဏေ အဝိတက္ကဝိစာရမတ္တေ ခန္ဓေ စ ဝိစာရဉ္စ ပဋိစ္စ ကဋတ္တာရူပံ။ ခန္ဓေ စ ဝိစာရဉ္စ ဝိပ္ပယုတ္တပစ္စယာ။ ပဋိသန္ဓိက္ခဏေ အဝိတက္ကဝိစာရမတ္တေ ခန္ဓေ စ မဟာဘူတေ စ ပဋိစ္စ ကဋတ္တာရူပံ။ ခန္ဓေ ဝိပ္ပယုတ္တပစ္စယာ။ ပဋိသန္ဓိက္ခဏေ ဝိတက္ကဉ္စ မဟာဘူတေ စ ပဋိစ္စ ကဋတ္တာရူပံ။ ဝိတက္ကံ ဝိပ္ပယုတ္တပစ္စယာ။ ပဋိသန္ဓိက္ခဏေ အဝိတက္ကဝိစာရမတ္တေ ခန္ဓေ စ ဝတ္ထုဉ္စ ပဋိစ္စ ဝိစာရော။ ဝတ္ထုံ ဝိပ္ပယုတ္တပစ္စယာ။ (၃)

အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပဋိစ္စ သဝိတက္ကသဝိစာရော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ ဝိပ္ပယုတ္တပစ္စယာ – ပဋိသန္ဓိက္ခဏေ ဝိတက္ကဉ္စ ဝတ္ထုဉ္စ ပဋိစ္စ သဝိတက္ကသဝိစာရာ ခန္ဓာ။ ဝိတက္ကဉ္စ မဟာဘူတေ စ ပဋိစ္စ ကဋတ္တာရူပံ။ ခန္ဓာ ဝတ္ထုံ ဝိပ္ပယုတ္တပစ္စယာ။ ကဋတ္တာရူပံ ဝိတက္ကံ ဝိပ္ပယုတ္တပစ္စယာ။ (၄)

အဝိတက္ကဝိစာရမတ္တဉ္စ ¶ အဝိတက္ကအဝိစာရဉ္စ ဓမ္မံ ပဋိစ္စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ…ပေ… အဝိတက္ကဝိစာရမတ္တံ ¶ ဧကံ ခန္ဓဉ္စ ဝိစာရဉ္စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ခန္ဓာ ဝတ္ထုံ ဝိပ္ပယုတ္တပစ္စယာ။ စိတ္တသမုဋ္ဌာနံ ရူပံ ခန္ဓေ စ ဝိစာရဉ္စ ဝိပ္ပယုတ္တပစ္စယာ။ ပဋိသန္ဓိက္ခဏေ အဝိတက္ကဝိစာရမတ္တံ ဧကံ ခန္ဓဉ္စ ဝိစာရဉ္စ ပဋိစ္စ တယော ခန္ဓာ ကဋတ္တာ စ ရူပံ…ပေ… ခန္ဓာ ဝတ္ထုံ ဝိပ္ပယုတ္တပစ္စယာ။ ကဋတ္တာရူပံ ခန္ဓေ စ ဝိစာရဉ္စ ဝိပ္ပယုတ္တပစ္စယာ။ ပဋိသန္ဓိက္ခဏေ အဝိတက္ကဝိစာရမတ္တံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ…ပေ… အဝိတက္ကဝိစာရမတ္တေ ခန္ဓေ စ မဟာဘူတေ စ ပဋိစ္စ ကဋတ္တာရူပံ။ ခန္ဓာ ဝတ္ထုံ ဝိပ္ပယုတ္တပစ္စယာ။ ကဋတ္တာရူပံ ခန္ဓေ ဝိပ္ပယုတ္တပစ္စယာ။ ပဋိသန္ဓိက္ခဏေ အဝိတက္ကဝိစာရမတ္တံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ ဝိစာရော စ…ပေ… ဒွေ ခန္ဓေ စ…ပေ… ဝတ္ထုံ ဝိပ္ပယုတ္တပစ္စယာ။ (၅)

၁၉။ သဝိတက္ကသဝိစာရဉ္စ အဝိတက္ကဝိစာရမတ္တဉ္စ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ…ပေ… သဝိတက္ကသဝိစာရံ ဧကံ ခန္ဓဉ္စ ဝိတက္ကဉ္စ ပဋိစ္စ တယော ¶ ခန္ဓာ…ပေ… ဒွေ ခန္ဓေ စ…ပေ… ဝတ္ထုံ ဝိပ္ပယုတ္တပစ္စယာ။ ပဋိသန္ဓိက္ခဏေ…ပေ… ဝတ္ထုံ ဝိပ္ပယုတ္တပစ္စယာ။ (၁)

သဝိတက္ကသဝိစာရဉ္စ အဝိတက္ကဝိစာရမတ္တဉ္စ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ…ပေ… သဝိတက္ကသဝိစာရေ ခန္ဓေ စ ဝိတက္ကဉ္စ ပဋိစ္စ စိတ္တသမုဋ္ဌာနံ ရူပံ။ ခန္ဓေ စ ဝိတက္ကဉ္စ ဝိပ္ပယုတ္တပစ္စယာ။ ပဋိသန္ဓိက္ခဏေ…ပေ… ခန္ဓေ စ ဝိတက္ကဉ္စ ဝိပ္ပယုတ္တပစ္စယာ။ (၂)

သဝိတက္ကသဝိစာရဉ္စ အဝိတက္ကဝိစာရမတ္တဉ္စ ဓမ္မံ ပဋိစ္စ သဝိတက္ကသဝိစာရော ¶ စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ…ပေ… သဝိတက္ကသဝိစာရံ ဧကံ ခန္ဓဉ္စ ဝိတက္ကဉ္စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ခန္ဓာ ဝတ္ထုံ ဝိပ္ပယုတ္တပစ္စယာ။ စိတ္တသမုဋ္ဌာနံ ရူပံ ခန္ဓေ စ ဝိတက္ကဉ္စ ဝိပ္ပယုတ္တပစ္စယာ။ ပဋိသန္ဓိက္ခဏေ…ပေ… ခန္ဓာ ဝတ္ထုံ ဝိပ္ပယုတ္တပစ္စယာ။ ကဋတ္တာရူပံ ခန္ဓေ စ ဝိတက္ကဉ္စ ဝိပ္ပယုတ္တပစ္စယာ။ (၃)

၂၀။ သဝိတက္ကသဝိစာရဉ္စ ¶ အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ…ပေ… ပဋိသန္ဓိက္ခဏေ သဝိတက္ကသဝိစာရံ ဧကံ ခန္ဓဉ္စ ဝိတက္ကဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ခန္ဓာ ဝတ္ထုံ ဝိပ္ပယုတ္တပစ္စယာ။ (၁)

သဝိတက္ကသဝိစာရဉ္စ အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ…ပေ… သဝိတက္ကသဝိစာရေ ခန္ဓေ စ ဝိတက္ကဉ္စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ ခန္ဓေ စ ဝိတက္ကဉ္စ ဝိပ္ပယုတ္တပစ္စယာ။ ပဋိသန္ဓိက္ခဏေ…ပေ… ခန္ဓေ စ ဝိတက္ကဉ္စ ဝိပ္ပယုတ္တပစ္စယာ။ (၂)

သဝိတက္ကသဝိစာရဉ္စ အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပဋိစ္စ သဝိတက္ကသဝိစာရော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ ဝိပ္ပယုတ္တပစ္စယာ – ပဋိသန္ဓိက္ခဏေ သဝိတက္ကသဝိစာရံ ဧကံ ခန္ဓဉ္စ ဝိတက္ကဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ…ပေ… သဝိတက္ကသဝိစာရေ ခန္ဓေ စ ဝိတက္ကဉ္စ မဟာဘူတေ စ ပဋိစ္စ ကဋတ္တာရူပံ ¶ ။ ခန္ဓာ ဝတ္ထုံ ဝိပ္ပယုတ္တပစ္စယာ။ ကဋတ္တာရူပံ ခန္ဓေ စ ဝိတက္ကဉ္စ ဝိပ္ပယုတ္တပစ္စယာ။ (၃)

အတ္ထိ-အဝိဂတပစ္စယာ

၂၁။ သဝိတက္ကသဝိစာရံ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ အတ္ထိပစ္စယာ…ပေ… နတ္ထိပစ္စယာ၊ ဝိဂတပစ္စယာ၊ အဝိဂတပစ္စယာ (သံခိတ္တံ)။

၁။ ပစ္စယာနုလောမံ

၂။ သင်္ချာဝါရော

သုဒ္ဓံ

၂၂။ ဟေတုယာ ¶ သတ္တတိံသ၊ အာရမ္မဏေ ဧကဝီသ၊ အဓိပတိယာ တေဝီသ၊ အနန္တရေ ဧကဝီသ၊ သမနန္တရေ ¶ ဧကဝီသ၊ သဟဇာတေ သတ္တတိံသ၊ အညမညေ အဋ္ဌဝီသ၊ နိဿယေ သတ္တတိံသ၊ ဥပနိဿယေ ဧကဝီသ၊ ပုရေဇာတေ ဧကာဒသ၊ အာသေဝနေ ဧကာဒသ၊ ကမ္မေ သတ္တတိံသ၊ ဝိပါကေ သတ္တတိံသ၊ အာဟာရေ ဣန္ဒြိယေ ဈာနေ မဂ္ဂေ သတ္တတိံသ၊ သမ္ပယုတ္တေ ဧကဝီသ၊ ဝိပ္ပယုတ္တေ သတ္တတိံသ၊ အတ္ထိယာ သတ္တတိံသ၊ နတ္ထိယာ ဧကဝီသ၊ ဝိဂတေ ဧကဝီသ၊ အဝိဂတေ သတ္တတိံသ။

ဒုကံ

ဟေတုပစ္စယာ အာရမ္မဏေ ဧကဝီသ…ပေ… အဝိဂတေ သတ္တတိံသ (သံခိတ္တံ)။

(ယထာ ကုသလတ္တိကေ ဂဏနာ၊ ဧဝံ ဂဏေတဗ္ဗံ)။

အနုလောမံ။

၂။ ပစ္စယပစ္စနီယံ

၁။ ဝိဘင်္ဂဝါရော

နဟေတုပစ္စယော

၂၃။ သဝိတက္ကသဝိစာရံ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ သဝိတက္ကသဝိစာရံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ အဟေတုကပဋိသန္ဓိက္ခဏေ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)

သဝိတက္ကသဝိစာရံ ဓမ္မံ ပဋိစ္စ အဝိတက္ကဝိစာရမတ္တော ¶ ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ သဝိတက္ကသဝိစာရေ ခန္ဓေ ပဋိစ္စ ဝိတက္ကော။ အဟေတုကပဋိသန္ဓိက္ခဏေ…ပေ…။ (၂)

သဝိတက္ကသဝိစာရံ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ သဝိတက္ကသဝိစာရေ ခန္ဓေ ပဋိစ္စ စိတ္တသမုဋ္ဌာနံ ရူပံ။ အဟေတုကပဋိသန္ဓိက္ခဏေ…ပေ…။ (၃)

သဝိတက္ကသဝိစာရံ ¶ ¶ ဓမ္မံ ပဋိစ္စ သဝိတက္ကသဝိစာရော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ သဝိတက္ကသဝိစာရံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ။ အဟေတုကပဋိသန္ဓိက္ခဏေ…ပေ…။ (၄)

သဝိတက္ကသဝိစာရံ ဓမ္မံ ပဋိစ္စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကေ သဝိတက္ကသဝိစာရေ ခန္ဓေ ပဋိစ္စ ဝိတက္ကော စ စိတ္တသမုဋ္ဌာနဉ္စ ရူပံ။ အဟေတုကပဋိသန္ဓိက္ခဏေ…ပေ…။ (၅)

သဝိတက္ကသဝိစာရံ ဓမ္မံ ပဋိစ္စ သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ သဝိတက္ကသဝိစာရံ ဧကံ ခန္ဓံ ပဋိစ္စ တယော ခန္ဓာ ဝိတက္ကော စ…ပေ… ဒွေ ခန္ဓေ ပဋိစ္စ ဒွေ ခန္ဓာ ဝိတက္ကော စ။ အဟေတုကပဋိသန္ဓိက္ခဏေ…ပေ…။ (၆)

သဝိတက္ကသဝိစာရံ ဓမ္မံ ပဋိစ္စ သဝိတက္ကသဝိစာရော စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ သဝိတက္ကသဝိစာရံ ဧကံ ခန္ဓံ ပဋိစ္စ တယော ခန္ဓာ ဝိတက္ကော ¶ စ စိတ္တသမုဋ္ဌာနဉ္စ ရူပံ…ပေ… အဟေတုကပဋိသန္ဓိက္ခဏေ…ပေ…။ (၇)

၂၄။ အဝိတက္ကဝိစာရမတ္တံ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ဝိတက္ကံ ပဋိစ္စ သဝိတက္ကသဝိစာရာ ခန္ဓာ။ အဟေတုကပဋိသန္ဓိက္ခဏေ ဝိတက္ကံ ပဋိစ္စ သဝိတက္ကသဝိစာရာ ခန္ဓာ၊ ဝိစိကိစ္ဆာသဟဂတံ ဥဒ္ဓစ္စသဟဂတံ ဝိတက္ကံ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)

အဝိတက္ကဝိစာရမတ္တံ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ဝိတက္ကံ ပဋိစ္စ စိတ္တသမုဋ္ဌာနံ ရူပံ။ အဟေတုကပဋိသန္ဓိက္ခဏေ ဝိတက္ကံ ပဋိစ္စ ကဋတ္တာရူပံ။ (၂)

အဝိတက္ကဝိစာရမတ္တံ ¶ ဓမ္မံ ပဋိစ္စ သဝိတက္ကသဝိစာရော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ ဝိတက္ကံ ပဋိစ္စ သဝိတက္ကသဝိစာရာ ခန္ဓာ စိတ္တသမုဋ္ဌာနဉ္စ ရူပံ။ အဟေတုကပဋိသန္ဓိက္ခဏေ ဝိတက္ကံ ပဋိစ္စ သဝိတက္ကသဝိစာရာ ခန္ဓာ ကဋတ္တာ စ ရူပံ။ (၃)

အဝိတက္ကအဝိစာရံ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ အဝိတက္ကအဝိစာရံ ဧကံ ခန္ဓံ ပဋိစ္စ တယော ခန္ဓာ၊ တယော ¶ ခန္ဓေ ပဋိစ္စ ဧကော ခန္ဓော၊ ဒွေ ခန္ဓေ ပဋိစ္စ ဒွေ ခန္ဓာ၊ ဧကံ မဟာဘူတံ ပဋိစ္စ တယော မဟာဘူတာ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ၊ ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ ဧကံ မဟာဘူတံ ပဋိစ္စ…ပေ… မဟာဘူတေ ပဋိစ္စ ကဋတ္တာရူပံ ဥပါဒါရူပံ။ (၁)

အဝိတက္ကအဝိစာရံ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ နဟေတုပစ္စယာ – အဟေတုကပဋိသန္ဓိက္ခဏေ ¶ ဝတ္ထုံ ပဋိစ္စ သဝိတက္ကသဝိစာရာ ခန္ဓာ။ (၂)

အဝိတက္ကအဝိစာရံ ဓမ္မံ ပဋိစ္စ အဝိတက္ကဝိစာရမတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကပဋိသန္ဓိက္ခဏေ ဝတ္ထုံ ပဋိစ္စ ဝိတက္ကော။ (၃)

အဝိတက္ကအဝိစာရံ ဓမ္မံ ပဋိစ္စ သဝိတက္ကသဝိစာရော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကပဋိသန္ဓိက္ခဏေ ဝတ္ထုံ ပဋိစ္စ သဝိတက္ကသဝိစာရာ ခန္ဓာ၊ မဟာဘူတေ ပဋိစ္စ ကဋတ္တာရူပံ။ (၄)

အဝိတက္ကအဝိစာရံ ဓမ္မံ ပဋိစ္စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကပဋိသန္ဓိက္ခဏေ ဝတ္ထုံ ပဋိစ္စ ဝိတက္ကော၊ မဟာဘူတေ ပဋိစ္စ ကဋတ္တာရူပံ။ (၅)

အဝိတက္ကအဝိစာရံ ဓမ္မံ ပဋိစ္စ သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကပဋိသန္ဓိက္ခဏေ ဝတ္ထုံ ပဋိစ္စ သဝိတက္ကသဝိစာရာ ခန္ဓာ စ ဝိတက္ကော စ။ (၆)

အဝိတက္ကအဝိစာရံ ¶ ဓမ္မံ ပဋိစ္စ သဝိတက္ကသဝိစာရော စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကပဋိသန္ဓိက္ခဏေ ဝတ္ထုံ ပဋိစ္စ သဝိတက္ကသဝိစာရာ ခန္ဓာ စ ဝိတက္ကော စ၊ မဟာဘူတေ ပဋိစ္စ ကဋတ္တာရူပံ။ (၇)

၂၅။ သဝိတက္ကသဝိစာရဉ္စ အဝိတက္ကအဝိစာရဉ္စ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ နဟေတုပစ္စယာ – အဟေတုကပဋိသန္ဓိက္ခဏေ သဝိတက္ကသဝိစာရံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ ဝတ္ထုဉ္စ ပဋိစ္စ ဒွေ ခန္ဓာ။ (၁)

သဝိတက္ကသဝိစာရဉ္စ ¶ အဝိတက္ကအဝိစာရဉ္စ ¶ ဓမ္မံ ပဋိစ္စ အဝိတက္ကဝိစာရမတ္တော ဓမ္မော ဥပ္ပဇ္ဇတိ နဟေတုပစ္စယာ – အဟေတုကပဋိသန္ဓိက္ခဏေ သဝိတက္ကသဝိစာရေ ခန္ဓေ စ ဝတ္ထုဉ္စ ပဋိစ္စ ဝိတက္ကော။ (၂)

သဝိတက္ကသဝိစာရဉ္စ အဝိတက္ကအဝိစာရဉ္စ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ သဝိတက္ကသဝိစာရေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ အဟေတုကပဋိသန္ဓိက္ခဏေ သဝိတက္ကသဝိစာရေ ခန္ဓေ စ မဟာဘူတေ စ ပဋိစ္စ ကဋတ္တာရူပံ။ (၃)

သဝိတက္ကသဝိစာရဉ္စ အဝိတက္ကအဝိစာရဉ္စ ဓမ္မံ ပဋိစ္စ သဝိတက္ကသဝိစာရော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကပဋိသန္ဓိက္ခဏေ သဝိတက္ကသဝိစာရံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ ဝတ္ထုဉ္စ ပဋိစ္စ ဒွေ ခန္ဓာ၊ သဝိတက္ကသဝိစာရေ ခန္ဓေ စ မဟာဘူတေ စ ပဋိစ္စ ကဋတ္တာရူပံ။ (၄)

သဝိတက္ကသဝိစာရဉ္စ အဝိတက္ကအဝိစာရဉ္စ ဓမ္မံ ပဋိစ္စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကပဋိသန္ဓိက္ခဏေ သဝိတက္ကသဝိစာရေ ခန္ဓေ စ ဝတ္ထုဉ္စ ပဋိစ္စ ဝိတက္ကော၊ သဝိတက္ကသဝိစာရေ ခန္ဓေ စ မဟာဘူတေ စ ပဋိစ္စ ကဋတ္တာရူပံ။ (၅)

သဝိတက္ကသဝိစာရဉ္စ အဝိတက္ကအဝိစာရဉ္စ ဓမ္မံ ပဋိစ္စ သဝိတက္ကသဝိစာရော စ အဝိတက္ကဝိစာရမတ္တော ¶ စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကပဋိသန္ဓိက္ခဏေ သဝိတက္ကသဝိစာရံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ ဝိတက္ကော စ…ပေ… ဒွေ ခန္ဓေ စ ဝတ္ထုဉ္စ ပဋိစ္စ ဒွေ ခန္ဓာ ဝိတက္ကော စ။ (၆)

သဝိတက္ကသဝိစာရဉ္စ ¶ အဝိတက္ကအဝိစာရဉ္စ ဓမ္မံ ပဋိစ္စ သဝိတက္ကသဝိစာရော စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကပဋိသန္ဓိက္ခဏေ သဝိတက္ကသဝိစာရံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ ဝိတက္ကော စ…ပေ… ဒွေ ခန္ဓေ စ ဝတ္ထုဉ္စ ပဋိစ္စ ဒွေ ခန္ဓာ ဝိတက္ကော စ၊ သဝိတက္ကသဝိစာရေ ခန္ဓေ စ မဟာဘူတေ စ ပဋိစ္စ ကဋတ္တာရူပံ။ (၇)

၂၆။ အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ နဟေတုပစ္စယာ – အဟေတုကပဋိသန္ဓိက္ခဏေ ဝိတက္ကဉ္စ ဝတ္ထုဉ္စ ပဋိစ္စ သဝိတက္ကသဝိစာရာ ခန္ဓာ။ (၁)

အဝိတက္ကဝိစာရမတ္တဉ္စ ¶ အဝိတက္ကအဝိစာရဉ္စ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ဝိတက္ကဉ္စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ အဟေတုကပဋိသန္ဓိက္ခဏေ ဝိတက္ကဉ္စ မဟာဘူတေ စ ပဋိစ္စ ကဋတ္တာရူပံ။ (၂)

အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပဋိစ္စ သဝိတက္ကသဝိစာရော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကပဋိသန္ဓိက္ခဏေ ဝိတက္ကဉ္စ ဝတ္ထုဉ္စ ပဋိစ္စ သဝိတက္ကသဝိစာရာ ခန္ဓာ၊ ဝိတက္ကဉ္စ မဟာဘူတေ စ ပဋိစ္စ ကဋတ္တာရူပံ။ (၃)

၂၇။ သဝိတက္ကသဝိစာရဉ္စ အဝိတက္ကဝိစာရမတ္တဉ္စ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ သဝိတက္ကသဝိစာရံ ဧကံ ခန္ဓဉ္စ ဝိတက္ကဉ္စ ပဋိစ္စ တယော ခန္ဓာ…ပေ… ဒွေ ခန္ဓေ ¶ စ ဝိတက္ကဉ္စ ပဋိစ္စ ဒွေ ခန္ဓာ။ အဟေတုကပဋိသန္ဓိက္ခဏေ သဝိတက္ကသဝိစာရံ ဧကံ ခန္ဓဉ္စ ဝိတက္ကဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ ဝိတက္ကဉ္စ ပဋိစ္စ ဒွေ ခန္ဓာ၊ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝိတက္ကဉ္စ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)

သဝိတက္ကသဝိစာရဉ္စ ¶ အဝိတက္ကဝိစာရမတ္တဉ္စ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ သဝိတက္ကသဝိစာရေ ခန္ဓေ စ ဝိတက္ကဉ္စ ပဋိစ္စ စိတ္တသမုဋ္ဌာနံ ရူပံ။ အဟေတုကပဋိသန္ဓိက္ခဏေ…ပေ…။ (၂)

သဝိတက္ကသဝိစာရဉ္စ အဝိတက္ကဝိစာရမတ္တဉ္စ ဓမ္မံ ပဋိစ္စ သဝိတက္ကသဝိစာရော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ သဝိတက္ကသဝိစာရံ ဧကံ ခန္ဓဉ္စ ဝိတက္ကဉ္စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ စ ဝိတက္ကဉ္စ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ။ အဟေတုကပဋိသန္ဓိက္ခဏေ…ပေ…။ (၃)

၂၈။ သဝိတက္ကသဝိစာရဉ္စ အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ နဟေတုပစ္စယာ – အဟေတုကပဋိသန္ဓိက္ခဏေ သဝိတက္ကသဝိစာရံ ဧကံ ခန္ဓဉ္စ ဝိတက္ကဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ ဝိတက္ကဉ္စ ဝတ္ထုဉ္စ ပဋိစ္စ ဒွေ ခန္ဓာ။ (၁)

သဝိတက္ကသဝိစာရဉ္စ အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ သဝိတက္ကသဝိစာရေ ¶ ခန္ဓေ စ ဝိတက္ကဉ္စ ¶ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ အဟေတုကပဋိသန္ဓိက္ခဏေ…ပေ…။ (၂)

သဝိတက္ကသဝိစာရဉ္စ အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပဋိစ္စ သဝိတက္ကသဝိစာရော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကပဋိသန္ဓိက္ခဏေ သဝိတက္ကသဝိစာရံ ဧကံ ခန္ဓဉ္စ ဝိတက္ကဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ ဝိတက္ကဉ္စ ဝတ္ထုဉ္စ ပဋိစ္စ ဒွေ ခန္ဓာ၊ သဝိတက္ကသဝိစာရေ ခန္ဓေ စ ဝိတက္ကဉ္စ မဟာဘူတေ စ ပဋိစ္စ ကဋတ္တာရူပံ။ (၃)

နအာရမ္မဏပစ္စယော

၂၉။ သဝိတက္ကသဝိစာရံ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ နအာရမ္မဏပစ္စယာ ¶ – သဝိတက္ကသဝိစာရေ ခန္ဓေ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ သဝိတက္ကသဝိစာရေ ခန္ဓေ ပဋိစ္စ ကဋတ္တာရူပံ။ (၁)

အဝိတက္ကဝိစာရမတ္တံ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ နအာရမ္မဏပစ္စယာ – အဝိတက္ကဝိစာရမတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ဝိတက္ကံ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ အဝိတက္ကဝိစာရမတ္တေ ခန္ဓေ ပဋိစ္စ ကဋတ္တာရူပံ။ ပဋိသန္ဓိက္ခဏေ ဝိတက္ကံ ပဋိစ္စ ကဋတ္တာရူပံ။ (၁)

အဝိတက္ကအဝိစာရံ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ နအာရမ္မဏပစ္စယာ – အဝိတက္ကအဝိစာရေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ဝိစာရံ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ အဝိတက္ကအဝိစာရေ ¶ ခန္ဓေ ပဋိစ္စ ကဋတ္တာရူပံ၊ ဝိစာရံ ပဋိစ္စ ကဋတ္တာရူပံ၊ ခန္ဓေ ပဋိစ္စ ဝတ္ထု၊ ဝိစာရံ ပဋိစ္စ ဝတ္ထု၊ ဧကံ မဟာဘူတံ ပဋိစ္စ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ ဧကံ မဟာဘူတံ ပဋိစ္စ…ပေ…။ (၁)

၃၀။ သဝိတက္ကသဝိစာရဉ္စ အဝိတက္ကအဝိစာရဉ္စ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ နအာရမ္မဏပစ္စယာ – သဝိတက္ကသဝိစာရေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ သဝိတက္ကသဝိစာရေ ခန္ဓေ စ မဟာဘူတေ စ ပဋိစ္စ ကဋတ္တာရူပံ။ (၁)

အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ နအာရမ္မဏပစ္စယာ – အဝိတက္ကဝိစာရမတ္တေ ခန္ဓေ စ ဝိစာရဉ္စ ပဋိစ္စ ¶ စိတ္တသမုဋ္ဌာနံ ရူပံ၊ အဝိတက္ကဝိစာရမတ္တေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ဝိတက္ကဉ္စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ အဝိတက္ကဝိစာရမတ္တေ ခန္ဓေ စ ဝိစာရဉ္စ…ပေ… ကဋတ္တာရူပံ။ (၁)

သဝိတက္ကသဝိစာရဉ္စ အဝိတက္ကဝိစာရမတ္တဉ္စ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ ¶ နအာရမ္မဏပစ္စယာ – သဝိတက္ကသဝိစာရေ ခန္ဓေ စ ဝိတက္ကဉ္စ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ…ပေ…။ (၁)

သဝိတက္ကသဝိစာရဉ္စ အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ နအာရမ္မဏပစ္စယာ ¶ – သဝိတက္ကသဝိစာရေ ခန္ဓေ စ ဝိတက္ကဉ္စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ…ပေ… ကဋတ္တာရူပံ။ (၁)

နအဓိပတိပစ္စယော

၃၁။ သဝိတက္ကသဝိစာရံ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ နအဓိပတိပစ္စယာ…ပေ… သတ္တ။

အဝိတက္ကဝိစာရမတ္တံ ဓမ္မံ ပဋိစ္စ အဝိတက္ကဝိစာရမတ္တော ဓမ္မော ဥပ္ပဇ္ဇတိ နအဓိပတိပစ္စယာ – အဝိတက္ကဝိစာရမတ္တေ ခန္ဓေ ပဋိစ္စ အဝိတက္ကဝိစာရမတ္တာ အဓိပတိ၊ ဝိပါကံ အဝိတက္ကဝိစာရမတ္တံ ဧကံ ခန္ဓံ ပဋိစ္စ တယော ခန္ဓာ…ပေ… ပဋိသန္ဓိက္ခဏေ…ပေ…။ (၁)

အဝိတက္ကဝိစာရမတ္တံ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ နအဓိပတိပစ္စယာ – ဝိတက္ကံ ပဋိစ္စ သဝိတက္ကသဝိစာရာ ခန္ဓာ။ ပဋိသန္ဓိက္ခဏေ…ပေ…။ (၂)

အဝိတက္ကဝိစာရမတ္တံ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ နအဓိပတိပစ္စယာ – ဝိပါကေ အဝိတက္ကဝိစာရမတ္တေ ခန္ဓေ ပဋိစ္စ ဝိစာရော စ စိတ္တသမုဋ္ဌာနဉ္စ ရူပံ။ ပဋိသန္ဓိက္ခဏေ…ပေ…။ (၃)

အဝိတက္ကဝိစာရမတ္တံ ဓမ္မံ ပဋိစ္စ သဝိတက္ကသဝိစာရော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ နအဓိပတိပစ္စယာ – ဝိတက္ကံ ပဋိစ္စ သဝိတက္ကသဝိစာရာ ခန္ဓာ စိတ္တသမုဋ္ဌာနဉ္စ ရူပံ။ ပဋိသန္ဓိက္ခဏေ…ပေ…။ (၄)

အဝိတက္ကဝိစာရမတ္တံ ဓမ္မံ ပဋိစ္စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ နအဓိပတိပစ္စယာ – ဝိပါကံ အဝိတက္ကဝိစာရမတ္တံ ဧကံ ခန္ဓံ ပဋိစ္စ တယော ခန္ဓာ ဝိစာရော စ စိတ္တသမုဋ္ဌာနဉ္စ ရူပံ…ပေ… ပဋိသန္ဓိက္ခဏေ…ပေ…။ (၅)

၃၂။ အဝိတက္ကအဝိစာရံ ¶ ¶ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ ¶ နအဓိပတိပစ္စယာ – အဝိတက္ကအဝိစာရေ ခန္ဓေ ပဋိစ္စ အဝိတက္ကအဝိစာရာ အဓိပတိ၊ ဝိပါကံ အဝိတက္ကအဝိစာရံ ဧကံ ခန္ဓံ ပဋိစ္စ တယော ခန္ဓာ…ပေ… ပဋိသန္ဓိက္ခဏေ…ပေ…။ (၁)

အဝိတက္ကအဝိစာရံ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ နအဓိပတိပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ သဝိတက္ကသဝိစာရာ ခန္ဓာ။ (၂)

အဝိတက္ကအဝိစာရံ ဓမ္မံ ပဋိစ္စ အဝိတက္ကဝိစာရမတ္တော ဓမ္မော ဥပ္ပဇ္ဇတိ နအဓိပတိပစ္စယာ – ဝိစာရံ ပဋိစ္စ အဝိတက္ကဝိစာရမတ္တာ အဓိပတိ၊ ဝိပါကံ ဝိစာရံ ပဋိစ္စ အဝိတက္ကဝိစာရမတ္တာ ခန္ဓာ။ ပဋိသန္ဓိက္ခဏေ…ပေ…။ (၃)

အဝိတက္ကအဝိစာရံ ဓမ္မံ ပဋိစ္စ… သတ္တ။

၃၃။ သဝိတက္ကသဝိစာရဉ္စ အဝိတက္ကအဝိစာရဉ္စ ဓမ္မံ ပဋိစ္စ… သတ္တ (သံခိတ္တံ)။

အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ…ပေ… အဝိတက္ကဝိစာရမတ္တော ဓမ္မော ဥပ္ပဇ္ဇတိ နအဓိပတိပစ္စယာ၊ အဝိတက္ကဝိစာရမတ္တေ ခန္ဓေ စ ဝိစာရဉ္စ ပဋိစ္စ အဝိတက္ကဝိစာရမတ္တာ အဓိပတိ၊ ဝိပါကံ အဝိတက္ကဝိစာရမတ္တံ ဧကံ ခန္ဓဉ္စ ဝိစာရဉ္စ ပဋိစ္စ (သံခိတ္တံ)။

နအနန္တရပစ္စယာဒိ

၃၄။ သဝိတက္ကသဝိစာရံ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ နအနန္တရပစ္စယာ… နသမနန္တရပစ္စယာ… နအညမညပစ္စယာ… နဥပနိဿယပစ္စယာ (နအာရမ္မဏသဒိသံ)။

နပုရေဇာတပစ္စယော

၃၅။ သဝိတက္ကသဝိစာရံ ¶ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ နပုရေဇာတပစ္စယာ… သတ္တ။

အဝိတက္ကဝိစာရမတ္တံ ဓမ္မံ ပဋိစ္စ အဝိတက္ကဝိစာရမတ္တော ဓမ္မော ဥပ္ပဇ္ဇတိ ¶ နပုရေဇာတပစ္စယာ – အရူပေ အဝိတက္ကဝိစာရမတ္တံ ဧကံ ခန္ဓံ ပဋိစ္စ…ပေ… ပဋိသန္ဓိက္ခဏေ…ပေ…။ (၁)

အဝိတက္ကဝိစာရမတ္တံ ¶ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဝိတက္ကံ ပဋိစ္စ သဝိတက္ကသဝိစာရာ ခန္ဓာ။ ပဋိသန္ဓိက္ခဏေ…ပေ…။ (၂)

အဝိတက္ကဝိစာရမတ္တံ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ အဝိတက္ကဝိစာရမတ္တေ ခန္ဓေ ပဋိစ္စ ဝိစာရော၊ အဝိတက္ကဝိစာရမတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ဝိတက္ကံ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ…ပေ…။ (၃)

အဝိတက္ကဝိစာရမတ္တံ ဓမ္မံ ပဋိစ္စ သဝိတက္ကသဝိစာရော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ နပုရေဇာတပစ္စယာ – ပဋိသန္ဓိက္ခဏေ ဝိတက္ကံ ပဋိစ္စ သဝိတက္ကသဝိစာရာ ခန္ဓာ ကဋတ္တာ စ ရူပံ။ (၄)

အဝိတက္ကဝိစာရမတ္တံ ဓမ္မံ ပဋိစ္စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ နပုရေဇာတပစ္စယာ…ပေ… အရူပေ အဝိတက္ကဝိစာရမတ္တံ ဧကံ ခန္ဓံ ပဋိစ္စ တယော ခန္ဓာ ဝိစာရော စ…ပေ… ပဋိသန္ဓိက္ခဏေ…ပေ…။ (၅)

၃၆။ အဝိတက္ကအဝိစာရံ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ အဝိတက္ကအဝိစာရံ ဧကံ ခန္ဓံ ပဋိစ္စ တယော ခန္ဓာ…ပေ… အဝိတက္ကအဝိစာရေ ¶ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ဝိစာရံ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ…ပေ…။ (၁)

အဝိတက္ကအဝိစာရံ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ နပုရေဇာတပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ သဝိတက္ကသဝိစာရာ ခန္ဓာ။ (၂)

အဝိတက္ကအဝိစာရံ ဓမ္မံ ပဋိစ္စ အဝိတက္ကဝိစာရမတ္တော ဓမ္မော ဥပ္ပဇ္ဇတိ နပုရေဇာတပစ္စယာ ¶ – အရူပေ ဝိစာရံ ပဋိစ္စ အဝိတက္ကဝိစာရမတ္တာ ခန္ဓာ။ ပဋိသန္ဓိက္ခဏေ…ပေ… (သံခိတ္တံ)။ (၇)

သဝိတက္ကသဝိစာရဉ္စ အဝိတက္ကအဝိစာရဉ္စ ဓမ္မံ ပဋိစ္စ… သတ္တ။

၃၇။ အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပဋိစ္စ အဝိတက္ကဝိစာရမတ္တော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ အဝိတက္ကဝိစာရမတ္တံ ဧကံ ခန္ဓဉ္စ ဝိစာရဉ္စ ပဋိစ္စ တယော ခန္ဓာ…ပေ… ပဋိသန္ဓိက္ခဏေ…ပေ… (သံခိတ္တံ)။ (၇)

အဝိတက္ကဝိစာရမတ္တဉ္စ ¶ အဝိတက္ကအဝိစာရဉ္စ ဓမ္မံ ပဋိစ္စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ…ပေ… ပဋိသန္ဓိက္ခဏေ…ပေ… (သံခိတ္တံ)။

(နပုရေဇာတမူလကေ ယထာ သုဒ္ဓိကံ အရူပံ၊ တထာ အရူပါ ကာတဗ္ဗာ)။

နပစ္ဆာဇာတပစ္စယာဒိ

၃၈။ သဝိတက္ကသဝိစာရံ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ နပစ္ဆာဇာတပစ္စယာ…ပေ… နအာသေဝနပစ္စယာ… သတ္တ။

အဝိတက္ကဝိစာရမတ္တံ ဓမ္မံ ပဋိစ္စ အဝိတက္ကဝိစာရမတ္တော ဓမ္မော ဥပ္ပဇ္ဇတိ နအာသေဝနပစ္စယာ – ဝိပါကံ အဝိတက္ကဝိစာရမတ္တံ ဧကံ ခန္ဓံ ပဋိစ္စ… (သံခိတ္တံ)။ (၅)

အဝိတက္ကအဝိစာရံ ¶ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ နအာသေဝနပစ္စယာ – ဝိပါကံ အဝိတက္ကအဝိစာရံ ဧကံ ခန္ဓံ ပဋိစ္စ… (သံခိတ္တံ)။

(နအာသေဝနမူလကေ အဝိတက္ကဝိစာရမတ္တံ ဝိပါကေန သဟ ဂစ္ဆန္တေန နပုရေဇာတသဒိသံ ကာတဗ္ဗံ၊ အဝိတက္ကဝိစာရမတ္တဉ္စ အဝိတက္ကဝိစာရမတ္တဂစ္ဆန္တေန ဝိပါကော ဒဿေတဗ္ဗော။)

နကမ္မပစ္စယော

၃၉။ သဝိတက္ကသဝိစာရံ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ နကမ္မပစ္စယာ – သဝိတက္ကသဝိစာရေ ခန္ဓေ ပဋိစ္စ သဝိတက္ကသဝိစာရာ စေတနာ။ (၁)

အဝိတက္ကဝိစာရမတ္တံ ဓမ္မံ ပဋိစ္စ အဝိတက္ကဝိစာရမတ္တော ဓမ္မော ဥပ္ပဇ္ဇတိ ¶ နကမ္မပစ္စယာ – အဝိတက္ကဝိစာရမတ္တေ ခန္ဓေ ပဋိစ္စ အဝိတက္ကဝိစာရမတ္တာ စေတနာ။ (၁)

အဝိတက္ကဝိစာရမတ္တံ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ နကမ္မပစ္စယာ – ဝိတက္ကံ ပဋိစ္စ သဝိတက္ကသဝိစာရာ စေတနာ။ (၂)

အဝိတက္ကအဝိစာရံ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ နကမ္မပစ္စယာ – အဝိတက္ကအဝိစာရေ ခန္ဓေ ပဋိစ္စ အဝိတက္ကအဝိစာရာ စေတနာ၊ ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ ဧကံ မဟာဘူတံ ပဋိစ္စ…ပေ…။ (၁)

အဝိတက္ကအဝိစာရံ ဓမ္မံ ပဋိစ္စ အဝိတက္ကဝိစာရမတ္တော ဓမ္မော ဥပ္ပဇ္ဇတိ နကမ္မပစ္စယာ – ဝိစာရံ ပဋိစ္စ အဝိတက္ကဝိစာရမတ္တာ စေတနာ။ (၂)

အဝိတက္ကဝိစာရမတ္တဉ္စ ¶ အဝိတက္ကအဝိစာရဉ္စ ဓမ္မံ ပဋိစ္စ အဝိတက္ကဝိစာရမတ္တော ဓမ္မော ဥပ္ပဇ္ဇတိ နကမ္မပစ္စယာ – အဝိတက္ကဝိစာရမတ္တေ ခန္ဓေ စ ဝိစာရဉ္စ ပဋိစ္စ အဝိတက္ကဝိစာရမတ္တာ စေတနာ။ (၁)

သဝိတက္ကသဝိစာရဉ္စ ¶ အဝိတက္ကဝိစာရမတ္တဉ္စ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ နကမ္မပစ္စယာ – သဝိတက္ကသဝိစာရေ ခန္ဓေ စ ဝိတက္ကဉ္စ ပဋိစ္စ သဝိတက္ကသဝိစာရာ စေတနာ။ (၁)

နဝိပါကပစ္စယာဒိ

၄၀။ သဝိတက္ကသဝိစာရံ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ နဝိပါကပစ္စယာ…ပေ… နအာဟာရပစ္စယာ – ဗာဟိရံ… ဥတုသမုဋ္ဌာနံ…ပေ… နဣန္ဒြိယပစ္စယာ – ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ…ပေ… အသညသတ္တာနံ မဟာဘူတေ ပဋိစ္စ ရူပဇီဝိတိန္ဒြိယံ…ပေ… နဈာနပစ္စယာ – ပဉ္စဝိညာဏသဟဂတံ ဧကံ ခန္ဓံ…ပေ… ဗာဟိရံ… အာဟာရသမုဋ္ဌာနံ… ¶ ဥတုသမုဋ္ဌာနံ… အသညသတ္တာနံ…ပေ… နမဂ္ဂပစ္စယာ… နသမ္ပယုတ္တပစ္စယာ…။

နဝိပ္ပယုတ္တပစ္စယော

၄၁။ နဝိပ္ပယုတ္တပစ္စယာ… အရူပေ သဝိတက္ကသဝိစာရံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ (၁)

သဝိတက္ကသဝိစာရံ ဓမ္မံ ပဋိစ္စ အဝိတက္ကဝိစာရမတ္တော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ သဝိတက္ကသဝိစာရေ ခန္ဓေ ပဋိစ္စ ဝိတက္ကော။ (၂)

သဝိတက္ကသဝိစာရံ ဓမ္မံ ပဋိစ္စ သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ ဥပ္ပဇ္ဇန္တိ နဝိပ္ပယုတ္တပစ္စယာ – အရူပေ သဝိတက္ကသဝိစာရံ ဧကံ ခန္ဓံ ပဋိစ္စ တယော ခန္ဓာ ဝိတက္ကော စ…ပေ… ဒွေ ခန္ဓေ ပဋိစ္စ ဒွေ ခန္ဓာ ဝိတက္ကော စ။ (၃)

၄၂။ အဝိတက္ကဝိစာရမတ္တံ ဓမ္မံ ပဋိစ္စ အဝိတက္ကဝိစာရမတ္တော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ အဝိတက္ကဝိစာရမတ္တံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ (၁)

အဝိတက္ကဝိစာရမတ္တံ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ ဝိတက္ကံ ပဋိစ္စ သဝိတက္ကသဝိစာရာ ခန္ဓာ။ (၂)

အဝိတက္ကဝိစာရမတ္တံ ¶ ¶ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ အဝိတက္ကဝိစာရမတ္တေ ခန္ဓေ ပဋိစ္စ ဝိစာရော။ (၃)

အဝိတက္ကဝိစာရမတ္တံ ဓမ္မံ ပဋိစ္စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ နဝိပ္ပယုတ္တပစ္စယာ – အရူပေ အဝိတက္ကဝိစာရမတ္တံ ¶ ဧကံ ခန္ဓံ ပဋိစ္စ တယော ခန္ဓာ ဝိစာရော စ…ပေ… ဒွေ ခန္ဓေ ပဋိစ္စ ဒွေ ခန္ဓာ ဝိစာရော စ။ (၄)

အဝိတက္ကအဝိစာရံ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ အဝိတက္ကအဝိစာရံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ၊ ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ ဧကံ မဟာဘူတံ ပဋိစ္စ…ပေ…။ (၁)

အဝိတက္ကအဝိစာရံ ဓမ္မံ ပဋိစ္စ အဝိတက္ကဝိစာရမတ္တော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ ဝိစာရံ ပဋိစ္စ အဝိတက္ကဝိစာရမတ္တာ ခန္ဓာ။ (၂)

အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပဋိစ္စ အဝိတက္ကဝိစာရမတ္တော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ အဝိတက္ကဝိစာရမတ္တံ ဧကံ ခန္ဓဉ္စ ဝိစာရဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ ဝိစာရဉ္စ ပဋိစ္စ ဒွေ ခန္ဓာ။ (၁)

သဝိတက္ကသဝိစာရဉ္စ အဝိတက္ကဝိစာရမတ္တဉ္စ ဓမ္မံ ပဋိစ္စ သဝိတက္ကသဝိစာရော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ သဝိတက္ကသဝိစာရံ ဧကံ ခန္ဓဉ္စ ဝိတက္ကဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ ဝိတက္ကဉ္စ ပဋိစ္စ ဒွေ ခန္ဓာ။ (၁)

နောနတ္ထိ-နောဝိဂတပစ္စယာ

၄၃။ သဝိတက္ကသဝိစာရံ ဓမ္မံ ပဋိစ္စ အဝိတက္ကအဝိစာရော ဓမ္မော ဥပ္ပဇ္ဇတိ နောနတ္ထိပစ္စယာ… နောဝိဂတပစ္စယာ… (သံခိတ္တံ)။

၂။ ပစ္စယပစ္စနီယံ

၂။ သင်္ချာဝါရော

သုဒ္ဓံ

၄၄။ နဟေတုယာ ¶ တေတ္တိံသ၊ နအာရမ္မဏေ သတ္တ၊ နအဓိပတိယာ သတ္တတိံသ ¶ ၊ နအနန္တရေ သတ္တ၊ နသမနန္တရေ သတ္တ၊ နအညမညေ သတ္တ၊ နဥပနိဿယေ သတ္တ၊ နပုရေဇာတေ သတ္တတိံသ၊ နပစ္ဆာဇာတေ သတ္တတိံသ၊ နအာသေဝနေ သတ္တတိံသ၊ နကမ္မေ သတ္တ၊ နဝိပါကေ တေဝီသ၊ နအာဟာရေ ဧကံ ¶ နဣန္ဒြိယေ ဧကံ၊ နဈာနေ ဧကံ၊ နမဂ္ဂေ တေတ္တိံသ၊ နသမ္ပယုတ္တေ သတ္တ၊ နဝိပ္ပယုတ္တေ ဧကာဒသ၊ နောနတ္ထိယာ သတ္တ၊ နောဝိဂတေ သတ္တ (သံခိတ္တံ)။

(ယထာ ကုသလတ္တိကေ ပစ္စနီယဂဏနာ၊ ဧဝံ ဂဏေတဗ္ဗံ။)

ပစ္စနီယံ။

၃။ ပစ္စယာနုလောမပစ္စနီယံ

၄၅။ ဟေတုပစ္စယာ နအာရမ္မဏေ သတ္တ…ပေ… နောဝိဂတေ သတ္တ။

(ယထာ ကုသလတ္တိကေ အနုလောမပစ္စနီယဂဏနာ၊ ဧဝံ ဂဏေတဗ္ဗံ။)

၄။ ပစ္စယပစ္စနီယာနုလောမံ

နဟေတုဒုကံ

၄၆။ နဟေတုပစ္စယာ အာရမ္မဏေ စုဒ္ဒသ၊ အနန္တရေ သမနန္တရေ စုဒ္ဒသ၊ သဟဇာတေ တေတ္တိံသ၊ အညမညေ ဗာဝီသ၊ နိဿယေ တေတ္တိံသ၊ ဥပနိဿယေ စုဒ္ဒသ၊ ပုရေဇာတေ ဆ၊ အာသေဝနေ ပဉ္စ၊ ကမ္မေ တေတ္တိံသ…ပေ… ဈာနေ တေတ္တိံသ၊ မဂ္ဂေ တီဏိ၊ သမ္ပယုတ္တေ စုဒ္ဒသ၊ ဝိပ္ပယုတ္တေ တေတ္တိံသ…ပေ… အဝိဂတေ တေတ္တိံသ (သံခိတ္တံ)။

(ယထာ ¶ ကုသလတ္တိကေ ပစ္စနီယာနုလောမဂဏနာ၊ ဧဝံ ဂဏေတဗ္ဗံ။)

ပဋိစ္စဝါရော။

၂။ သဟဇာတဝါရော

(သဟဇာတဝါရောပိ ပဋိစ္စဝါရသဒိသော ကာတဗ္ဗော။)

၃။ ပစ္စယဝါရော

၁။ ပစ္စယာနုလောမံ

ဟေတုပစ္စယော

၄၇။ သဝိတက္ကသဝိစာရံ ဓမ္မံ ပစ္စယာ သဝိတက္ကသဝိစာရော ဓမ္မော ဥပ္ပဇ္ဇတိ ဟေတုပစ္စယာ – သဝိတက္ကသဝိစာရံ ဧကံ ခန္ဓံ ပစ္စယာ တယော ခန္ဓာ…ပေ… ဒွေ ခန္ဓာ… သတ္တ။

အဝိတက္ကဝိစာရမတ္တံ ¶ ဓမ္မံ ပစ္စယာ… ပဉ္စ (ပဋိစ္စဝါရသဒိသာ)။

အဝိတက္ကအဝိစာရံ ဓမ္မံ ပစ္စယာ အဝိတက္ကအဝိစာရော ဓမ္မော ဥပ္ပဇ္ဇတိ ဟေတုပစ္စယာ – အဝိတက္ကအဝိစာရံ ဧကံ ခန္ဓံ ပစ္စယာ တယော ခန္ဓာ ¶ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ ပစ္စယာ…ပေ… ဝိစာရံ ပစ္စယာ စိတ္တသမုဋ္ဌာနံ ရူပံ။ ပဋိသန္ဓိက္ခဏေ…ပေ… ဝတ္ထုံ ပစ္စယာ အဝိတက္ကအဝိစာရာ ခန္ဓာ၊ ဝတ္ထုံ ပစ္စယာ ဝိစာရော။ (၁)

အဝိတက္ကအဝိစာရံ ဓမ္မံ ပစ္စယာ သဝိတက္ကသဝိစာရော ဓမ္မော ဥပ္ပဇ္ဇတိ…ပေ… ဝတ္ထုံ ပစ္စယာ သဝိတက္ကသဝိစာရာ ခန္ဓာ။ ပဋိသန္ဓိက္ခဏေ…ပေ…။ (၂)

အဝိတက္ကအဝိစာရံ ဓမ္မံ ပစ္စယာ အဝိတက္ကဝိစာရမတ္တော ဓမ္မော…ပေ… ဝိစာရံ ပစ္စယာ အဝိတက္ကဝိစာရမတ္တာ ခန္ဓာ၊ ဝတ္ထုံ ပစ္စယာ အဝိတက္ကဝိစာရမတ္တာ ¶ ခန္ဓာ၊ ဝတ္ထုံ ပစ္စယာ ဝိတက္ကော။ ပဋိသန္ဓိက္ခဏေ…ပေ…။ (၃)

အဝိတက္ကအဝိစာရံ ဓမ္မံ ပစ္စယာ သဝိတက္ကသဝိစာရော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ…ပေ… ဝတ္ထုံ ပစ္စယာ သဝိတက္ကသဝိစာရာ ခန္ဓာ၊ မဟာဘူတေ ပစ္စယာ စိတ္တသမုဋ္ဌာနံ ရူပံ။ ပဋိသန္ဓိက္ခဏေ…ပေ…။ (၄)

အဝိတက္ကအဝိစာရံ ဓမ္မံ ပစ္စယာ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ…ပေ… ဝိစာရံ ပစ္စယာ အဝိတက္ကဝိစာရမတ္တာ ခန္ဓာ စိတ္တသမုဋ္ဌာနဉ္စ ရူပံ၊ ဝတ္ထုံ ပစ္စယာ အဝိတက္ကဝိစာရမတ္တာ ခန္ဓာ၊ မဟာဘူတေ ပစ္စယာ စိတ္တသမုဋ္ဌာနံ ရူပံ၊ ဝတ္ထုံ ပစ္စယာ ဝိတက္ကော၊ မဟာဘူတေ ပစ္စယာ စိတ္တသမုဋ္ဌာနံ ရူပံ၊ ဝတ္ထုံ ပစ္စယာ အဝိတက္ကဝိစာရမတ္တာ ခန္ဓာ စ ဝိစာရော စ။ ပဋိသန္ဓိက္ခဏေ…ပေ…။ (၅)

အဝိတက္ကအဝိစာရံ ဓမ္မံ ပစ္စယာ သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ…ပေ… ဝတ္ထုံ ပစ္စယာ သဝိတက္ကသဝိစာရာ ခန္ဓာ စ ဝိတက္ကော စ။ ပဋိသန္ဓိက္ခဏေ…ပေ…။ (၆)

အဝိတက္ကအဝိစာရံ ဓမ္မံ ပစ္စယာ သဝိတက္ကသဝိစာရော စ အဝိတက္ကဝိစာရမတ္တော စ အဝိတက္ကအဝိစာရော ¶ စ ဓမ္မာ…ပေ… ဝတ္ထုံ ပစ္စယာ သဝိတက္ကသဝိစာရာ ခန္ဓာ စ ဝိတက္ကော စ၊ မဟာဘူတေ ပစ္စယာ စိတ္တသမုဋ္ဌာနံ ရူပံ။ ပဋိသန္ဓိက္ခဏေ…ပေ…။ (၇)

၄၈။ သဝိတက္ကသဝိစာရဉ္စ အဝိတက္ကအဝိစာရဉ္စ ဓမ္မံ ပစ္စယာ သဝိတက္ကသဝိစာရော ဓမ္မော…ပေ… သဝိတက္ကသဝိစာရံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ ¶ …ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… သဝိတက္ကသဝိစာရဉ္စ အဝိတက္ကအဝိစာရဉ္စ ဓမ္မံ ပစ္စယာ အဝိတက္ကဝိစာရမတ္တော ဓမ္မော…ပေ… (ပဌမဥဒါဟရဏေ ပဝတ္တေ ပဋိသန္ဓိက္ခဏေ သတ္တ ပဉှာ ကာတဗ္ဗာ)။

အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပစ္စယာ သဝိတက္ကသဝိစာရော ဓမ္မော ¶ …ပေ… ဝိတက္ကဉ္စ ဝတ္ထုဉ္စ ပစ္စယာ သဝိတက္ကသဝိစာရာ ခန္ဓာ။ ပဋိသန္ဓိက္ခဏေ…ပေ…။ (၁)

အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပစ္စယာ အဝိတက္ကဝိစာရမတ္တော ဓမ္မော…ပေ… အဝိတက္ကဝိစာရမတ္တံ ဧကံ ခန္ဓဉ္စ ဝိစာရဉ္စ ပစ္စယာ တယော ခန္ဓာ…ပေ… အဝိတက္ကဝိစာရမတ္တံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ပဋိသန္ဓိက္ခဏေ အဝိတက္ကဝိစာရမတ္တံ ဧကံ ခန္ဓဉ္စ ဝိစာရဉ္စ ပစ္စယာ တယော ခန္ဓာ…ပေ… ပဋိသန္ဓိက္ခဏေ အဝိတက္ကဝိစာရမတ္တံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ…။ (၂)

အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပစ္စယာ အဝိတက္ကအဝိစာရော ဓမ္မော ဥပ္ပဇ္ဇတိ…ပေ… အဝိတက္ကဝိစာရမတ္တေ ခန္ဓေ စ ဝိစာရဉ္စ ပစ္စယာ စိတ္တသမုဋ္ဌာနံ ရူပံ၊ အဝိတက္ကဝိစာရမတ္တေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ ဝိတက္ကဉ္စ ¶ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ အဝိတက္ကဝိစာရမတ္တေ ခန္ဓေ စ ဝတ္ထုဉ္စ ပစ္စယာ ဝိစာရော (ဧဝံ ပဋိသန္ဓိက္ခဏေ စတ္တာရော)။ (၃)

အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပစ္စယာ သဝိတက္ကသဝိစာရော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ…ပေ… ဝိတက္ကဉ္စ ဝတ္ထုဉ္စ ပစ္စယာ သဝိတက္ကသဝိစာရာ ခန္ဓာ၊ ဝိတက္ကဉ္စ မဟာဘူတေ စ ပစ္စယာ စိတ္တသမုဋ္ဌာနံ ရူပံ။ ပဋိသန္ဓိက္ခဏေ…ပေ…။ (၄)

အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပစ္စယာ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ ဥပ္ပဇ္ဇန္တိ…ပေ… အဝိတက္ကဝိစာရမတ္တံ ဧကံ ခန္ဓဉ္စ ဝိစာရဉ္စ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… အဝိတက္ကဝိစာရမတ္တံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… အဝိတက္ကဝိစာရမတ္တေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ အဝိတက္ကဝိစာရမတ္တံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ ဝိစာရော စ…ပေ… ပဋိသန္ဓိက္ခဏေ တယော ခန္ဓာ…ပေ…။ (၅)

(အဝသေသေသု ဒွီသု ဃဋနေသု ပဝတ္တိ ပဋိသန္ဓိ ဝိတ္ထာရေတဗ္ဗာ။)

ဟေတုပစ္စယော။

(ဟေတုပစ္စယံ ¶ ¶ အနုမဇ္ဇန္တေန ပစ္စယဝါရော ဝိတ္ထာရေတဗ္ဗော။ ယထာ ပဋိစ္စဂဏနာ ဧဝံ ဂဏေတဗ္ဗာ။ အဓိပတိယာ သတ္တတိံသ၊ ပုရေဇာတေ စ အာသေဝနေ စ ဧကဝီသ၊ အယံ ဧတ္ထ ဝိသေသော။)

၂။ ပစ္စယပစ္စနီယံ

၄၉။ ပစ္စနီယေ – နဟေတုယာ တေတ္တိံသ ပဉှာ၊ သတ္တသု ဌာနေသု သတ္တ ¶ မောဟာ ဥဒ္ဓရိတဗ္ဗာ မူလပဒေသုယေဝ။ နအာရမ္မဏေ သတ္တ စိတ္တသမုဋ္ဌာနာ ဥဒ္ဓရိတဗ္ဗာ။

နအဓိပတိပစ္စယော

၅၀။ သဝိတက္ကသဝိစာရမူလကာ သတ္တ ပဉှာ နအဓိပတိယာ ကာတဗ္ဗာ။

အဝိတက္ကဝိစာရမတ္တံ ဓမ္မံ ပစ္စယာ အဝိတက္ကဝိစာရမတ္တော ဓမ္မော ဥပ္ပဇ္ဇတိ နအဓိပတိပစ္စယာ – အဝိတက္ကဝိစာရမတ္တေ ခန္ဓေ ပစ္စယာ အဝိတက္ကဝိစာရမတ္တာ အဓိပတိ၊ ဝိပါကံ အဝိတက္ကဝိစာရမတ္တံ ဧကံ ခန္ဓံ ပစ္စယာ တယော ခန္ဓာ…ပေ… ပဋိသန္ဓိက္ခဏေ…ပေ…။ (၁)

အဝိတက္ကဝိစာရမတ္တံ ဓမ္မံ ပစ္စယာ (ယထာ ပဋိစ္စနယေ တထာ ပဉ္စ ပဉှာ ကာတဗ္ဗာ)။

၅၁။ အဝိတက္ကအဝိစာရံ ဓမ္မံ ပစ္စယာ အဝိတက္ကအဝိစာရော ဓမ္မော ဥပ္ပဇ္ဇတိ…ပေ… အဝိတက္ကအဝိစာရေ ခန္ဓေ ပစ္စယာ အဝိတက္ကအဝိစာရာ အဓိပတိ၊ ဝိပါကံ အဝိတက္ကအဝိစာရံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဝိပါကံ ဝိစာရံ ပစ္စယာ စိတ္တသမုဋ္ဌာနံ ရူပံ။ ပဋိသန္ဓိက္ခဏေ…ပေ… ဝတ္ထုံ ပစ္စယာ အဝိတက္ကအဝိစာရာ အဓိပတိ၊ ဝတ္ထုံ ပစ္စယာ ဝိပါကာ အဝိတက္ကအဝိစာရာ ခန္ဓာ စ ဝိစာရော စ…ပေ…။ (၁)

အဝိတက္ကအဝိစာရံ ဓမ္မံ ပစ္စယာ သဝိတက္ကသဝိစာရော ဓမ္မော…ပေ… ဝတ္ထုံ ပစ္စယာ သဝိတက္ကသဝိစာရာ ခန္ဓာ။ ပဋိသန္ဓိက္ခဏေ…ပေ…။ (၂)

အဝိတက္ကအဝိစာရံ ¶ ဓမ္မံ ပစ္စယာ အဝိတက္ကဝိစာရမတ္တော ဓမ္မော…ပေ… ဝိစာရံ ပစ္စယာ အဝိတက္ကဝိစာရမတ္တာ အဓိပတိ၊ ဝတ္ထုံ ပစ္စယာ အဝိတက္ကဝိစာရမတ္တာ အဓိပတိ၊ ဝိပါကံ ဝိစာရံ ပစ္စယာ အဝိတက္ကဝိစာရမတ္တာ ခန္ဓာ၊ ဝတ္ထုံ ပစ္စယာ ဝိပါကာ အဝိတက္ကဝိစာရမတ္တာ ခန္ဓာ။ ပဋိသန္ဓိက္ခဏေ…ပေ…။ (၃)

အဝိတက္ကအဝိစာရံ ¶ ဓမ္မံ ပစ္စယာ သဝိတက္ကသဝိစာရော ¶ စ အဝိတက္ကအဝိစာရော စ ဓမ္မာ…ပေ… ဝတ္ထုံ ပစ္စယာ သဝိတက္ကသဝိစာရာ ခန္ဓာ၊ မဟာဘူတေ ပစ္စယာ စိတ္တသမုဋ္ဌာနံ ရူပံ။ ပဋိသန္ဓိက္ခဏေ…ပေ…။ (၄)

အဝိတက္ကအဝိစာရံ ဓမ္မံ ပစ္စယာ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ…ပေ… ဝိပါကံ ဝိစာရံ ပစ္စယာ အဝိတက္ကဝိစာရမတ္တာ ခန္ဓာ စိတ္တသမုဋ္ဌာနဉ္စ ရူပံ၊ ဝတ္ထုံ ပစ္စယာ ဝိပါကာ အဝိတက္ကဝိစာရမတ္တာ ခန္ဓာ၊ မဟာဘူတေ ပစ္စယာ စိတ္တသမုဋ္ဌာနံ ရူပံ၊ ဝတ္ထုံ ပစ္စယာ ဝိတက္ကော၊ မဟာဘူတေ ပစ္စယာ စိတ္တသမုဋ္ဌာနံ ရူပံ၊ ဝတ္ထုံ ပစ္စယာ ဝိပါကာ အဝိတက္ကဝိစာရမတ္တာ ခန္ဓာ စ ဝိစာရော စ။ ပဋိသန္ဓိက္ခဏေ…ပေ…။ (၅)

အဝိတက္ကအဝိစာရံ ဓမ္မံ ပစ္စယာ သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ…ပေ… ဝတ္ထုံ ပစ္စယာ သဝိတက္ကသဝိစာရာ ခန္ဓာ စ ဝိတက္ကော စ။ ပဋိသန္ဓိက္ခဏေ…ပေ…။ (၆)

(ပဌမဃဋနာယံ သမ္ပုဏ္ဏာ သတ္တ ပဉှာ ကာတဗ္ဗာ။)

၅၂။ အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပစ္စယာ သဝိတက္ကသဝိစာရော ဓမ္မော ဥပ္ပဇ္ဇတိ…ပေ… ဝိတက္ကဉ္စ ဝတ္ထုဉ္စ ပစ္စယာ သဝိတက္ကသဝိစာရာ ခန္ဓာ။ ပဋိသန္ဓိက္ခဏေ…ပေ…။

အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပစ္စယာ အဝိတက္ကဝိစာရမတ္တော ဓမ္မော ဥပ္ပဇ္ဇတိ…ပေ… အဝိတက္ကဝိစာရမတ္တေ ခန္ဓေ စ ဝိစာရဉ္စ ပစ္စယာ အဝိတက္ကဝိစာရမတ္တာ အဓိပတိ၊ အဝိတက္ကဝိစာရမတ္တေ ခန္ဓေ စ ဝတ္ထုဉ္စ ပစ္စယာ အဝိတက္ကဝိစာရမတ္တာ ¶ အဓိပတိ၊ ဝိပါကံ အဝိတက္ကဝိစာရမတ္တံ ဧကံ ခန္ဓဉ္စ ဝိစာရဉ္စ ပစ္စယာ…ပေ… ဝိပါကံ အဝိတက္ကဝိစာရမတ္တံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ…။

(ပဋိသန္ဓိက္ခဏေ ပဉ္စ ပဉှာ ကာတဗ္ဗာ။ ယတ္ထ ¶ အဝိတက္ကဝိစာရမတ္တံ အာဂစ္ဆတိ တတ္ထ ဝိပါကံ ကာတဗ္ဗံ။ နအဓိပတိမူလကေ သတ္တတိံသ ပဉှာ ကာတဗ္ဗာ။)

နအနန္တရပစ္စယာဒိ

၅၃။ နအနန္တရမ္ပိ [နအနန္တရေပိ (က။)] နသမနန္တရမ္ပိ နအညမညမ္ပိ နဥပနိဿယမ္ပိ သတ္တ ပဉှာ ရူပံယေဝ။ နပုရေဇာတေ သတ္တတိံသ ပဋိစ္စဝါရပစ္စနီယသဒိသံ။ နပစ္ဆာဇာတေ သတ္တတိံသ ¶ ၊ နအာသေဝနေပိ သဒိသံ။ ယတ္ထ အဝိတက္ကဝိစာရမတ္တောပိ အာဂစ္ဆတိ၊ တတ္ထ ဝိပါကာ ကာတဗ္ဗာ။

နကမ္မပစ္စယော

၅၄။ သဝိတက္ကသဝိစာရံ ဓမ္မံ ပစ္စယာ သဝိတက္ကသဝိစာရော ဓမ္မော ဥပ္ပဇ္ဇတိ နကမ္မပစ္စယာ – သဝိတက္ကသဝိစာရေ ခန္ဓေ ပစ္စယာ သဝိတက္ကသဝိစာရာ စေတနာ။ (၁)

အဝိတက္ကဝိစာရမတ္တံ ဓမ္မံ ပစ္စယာ အဝိတက္ကဝိစာရမတ္တော ဓမ္မော…ပေ… အဝိတက္ကဝိစာရမတ္တေ ခန္ဓေ ပစ္စယာ အဝိတက္ကဝိစာရမတ္တာ စေတနာ။ သဝိတက္ကသဝိစာရော ဓမ္မော…ပေ… ဝိတက္ကံ ပစ္စယာ သဝိတက္ကသဝိစာရာ စေတနာ။ (၂)

အဝိတက္ကအဝိစာရံ ဓမ္မံ ပစ္စယာ အဝိတက္ကအဝိစာရော ဓမ္မော…ပေ… အဝိတက္ကအဝိစာရာ စေတနာ…ပေ… (ပရိပုဏ္ဏံ ကာတဗ္ဗံ) သဝိတက္ကသဝိစာရော…ပေ… ဝတ္ထုံ ပစ္စယာ သဝိတက္ကသဝိစာရာ စေတနာ။ အဝိတက္ကဝိစာရမတ္တော…ပေ… ဝိစာရံ ပစ္စယာ အဝိတက္ကဝိစာရမတ္တာ စေတနာ။ ဝတ္ထုံ ပစ္စယာ အဝိတက္ကဝိစာရမတ္တာ စေတနာ။ (၃)

၅၅။ သဝိတက္ကသဝိစာရဉ္စ အဝိတက္ကအဝိစာရဉ္စ ဓမ္မံ ပစ္စယာ သဝိတက္ကသဝိစာရော ဓမ္မော…ပေ… သဝိတက္ကသဝိစာရေ ခန္ဓေ စ ဝတ္ထုဉ္စ ပစ္စယာ သဝိတက္ကသဝိစာရာ စေတနာ။ (၁)

အဝိတက္ကဝိစာရမတ္တဉ္စ ¶ အဝိတက္ကအဝိစာရဉ္စ ဓမ္မံ ပစ္စယာ သဝိတက္ကသဝိစာရော ဓမ္မော…ပေ… ဝိတက္ကဉ္စ ဝတ္ထုဉ္စ ပစ္စယာ သဝိတက္ကသဝိစာရာ စေတနာ။ (၁)

အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပစ္စယာ အဝိတက္ကဝိစာရမတ္တော ဓမ္မော…ပေ… အဝိတက္ကဝိစာရမတ္တေ ¶ ခန္ဓေ စ ဝိစာရဉ္စ ပစ္စယာ အဝိတက္ကဝိစာရမတ္တာ စေတနာ။ အဝိတက္ကဝိစာရမတ္တေ ခန္ဓေ စ ဝတ္ထုဉ္စ ပစ္စယာ အဝိတက္ကဝိစာရမတ္တာ စေတနာ။ (၂)

သဝိတက္ကသဝိစာရဉ္စ အဝိတက္ကဝိစာရမတ္တဉ္စ ဓမ္မံ ပစ္စယာ သဝိတက္ကသဝိစာရော ဓမ္မော…ပေ… သဝိတက္ကသဝိစာရေ ခန္ဓေ စ ဝိတက္ကဉ္စ ပစ္စယာ သဝိတက္ကသဝိစာရာ စေတနာ။ (၁)

သဝိတက္ကသဝိစာရဉ္စ ¶ အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ ပစ္စယာ သဝိတက္ကသဝိစာရော ဓမ္မော ဥပ္ပဇ္ဇတိ နကမ္မပစ္စယာ – သဝိတက္ကသဝိစာရေ ခန္ဓေ စ ဝိတက္ကဉ္စ ဝတ္ထုဉ္စ ပစ္စယာ သဝိတက္ကသဝိစာရာ စေတနာ။ (၁)

(နဝိပါကေ သတ္တတိံသ ပဉှာ ကာတဗ္ဗာ။ နအာဟာရ-နဣန္ဒြိယ-နဈာန-နမဂ္ဂ-နသမ္ပယုတ္တနဝိပ္ပယုတ္တ-နောနတ္ထိ-နောဝိဂတပစ္စယာ ဝိတ္ထာရေတဗ္ဗာ။)

၂။ ပစ္စယပစ္စနီယံ

၂။ သင်္ချာဝါရော

သုဒ္ဓံ

၅၆။ နဟေတုယာ တေတ္တိံသ၊ နအာရမ္မဏေ သတ္တ၊ နအဓိပတိယာ သတ္တတိံသ၊ နအနန္တရေ နသမနန္တရေ နအညမညေ နဥပနိဿယေ သတ္တ၊ နပုရေဇာတေ နပစ္ဆာဇာတေ နအာသေဝနေ သတ္တတိံသ၊ နကမ္မေ ဧကာဒသ၊ နဝိပါကေ သတ္တတိံသ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဧကံ၊ နမဂ္ဂေ တေတ္တိံသ၊ နသမ္ပယုတ္တေ သတ္တ၊ နဝိပ္ပယုတ္တေ ဧကာဒသ၊ နောနတ္ထိယာ သတ္တ၊ နောဝိဂတေ သတ္တ။

၃။ ပစ္စယာနုလောမပစ္စနီယံ

၅၇။ ဟေတုပစ္စယာ ¶ နအာရမ္မဏေ သတ္တ…ပေ… နောဝိဂတေ သတ္တ။

အနုလောမပစ္စနီယံ။

၄။ ပစ္စယပစ္စနီယာနုလောမံ

၅၈။ နဟေတုပစ္စယာ အာရမ္မဏေ အနန္တရေ သမနန္တရေ စုဒ္ဒသ၊ သဟဇာတေ တေတ္တိံသ၊ အညမညေ ဗာဝီသ၊ နိဿယေ တေတ္တိံသ၊ ဥပနိဿယေ ပုရေဇာတေ စုဒ္ဒသ၊ အာသေဝနေ တေရသ၊ ကမ္မေ ဝိပါကေ အာဟာရေ ဣန္ဒြိယေ ဈာနေ တေတ္တိံသ၊ မဂ္ဂေ ပဉ္စ၊ သမ္ပယုတ္တေ စုဒ္ဒသ၊ ဝိပ္ပယုတ္တေ အတ္ထိယာ တေတ္တိံသ…ပေ… အဝိဂတေ တေတ္တိံသ။

ပစ္စနီယာနုလောမံ။

ပစ္စယဝါရော။

၄။ နိဿယဝါရော

(နိဿယမ္ပိ နိန္နာနံ)

၅။ သံသဋ္ဌဝါရော

၁။ ပစ္စယာနုလောမံ

ဟေတုပစ္စယော

၅၉။ သဝိတက္ကသဝိစာရံ ¶ ¶ ¶ ဓမ္မံ သံသဋ္ဌော သဝိတက္ကသဝိစာရော ဓမ္မော ဥပ္ပဇ္ဇတိ ဟေတုပစ္စယာ – သဝိတက္ကသဝိစာရံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)

သဝိတက္ကသဝိစာရံ ဓမ္မံ သံသဋ္ဌော အဝိတက္ကဝိစာရမတ္တော ဓမ္မော…ပေ… သဝိတက္ကသဝိစာရေ ခန္ဓေ သံသဋ္ဌော ဝိတက္ကော။ ပဋိသန္ဓိက္ခဏေ…ပေ…။ (၂)

သဝိတက္ကသဝိစာရံ ဓမ္မံ သံသဋ္ဌော သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ…ပေ… သဝိတက္ကသဝိစာရံ ဧကံ ခန္ဓံ သံသဋ္ဌာ တယော ခန္ဓာ ဝိတက္ကော စ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)

၆၀။ အဝိတက္ကဝိစာရမတ္တံ ဓမ္မံ သံသဋ္ဌော အဝိတက္ကဝိစာရမတ္တော ဓမ္မော ဥပ္ပဇ္ဇတိ ဟေတုပစ္စယာ – အဝိတက္ကဝိစာရမတ္တံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)

အဝိတက္ကဝိစာရမတ္တံ ဓမ္မံ သံသဋ္ဌော သဝိတက္ကသဝိစာရော ဓမ္မော…ပေ… ဝိတက္ကံ သံသဋ္ဌာ သဝိတက္ကသဝိစာရာ ခန္ဓာ။ ပဋိသန္ဓိက္ခဏေ…ပေ…။ (၂)

အဝိတက္ကဝိစာရမတ္တံ ဓမ္မံ သံသဋ္ဌော အဝိတက္ကအဝိစာရော ဓမ္မော…ပေ… အဝိတက္ကဝိစာရမတ္တေ ခန္ဓေ သံသဋ္ဌော ဝိစာရော။ ပဋိသန္ဓိက္ခဏေ အဝိတက္ကဝိစာရမတ္တေ ခန္ဓေ သံသဋ္ဌော ဝိစာရော။ (၃)

အဝိတက္ကဝိစာရမတ္တံ ဓမ္မံ သံသဋ္ဌော အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ ¶ …ပေ… အဝိတက္ကဝိစာရမတ္တံ ဧကံ ခန္ဓံ သံသဋ္ဌာ တယော ခန္ဓာ ဝိစာရော စ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၄)

၆၁။ အဝိတက္ကအဝိစာရံ ဓမ္မံ သံသဋ္ဌော အဝိတက္ကအဝိစာရော ဓမ္မော ဥပ္ပဇ္ဇတိ ဟေတုပစ္စယာ – အဝိတက္ကအဝိစာရံ ဧကံ ခန္ဓံ သံသဋ္ဌာ ¶ တယော ခန္ဓာ…ပေ… ဒွေ ခန္ဓေ သံသဋ္ဌာ…ပေ… ပဋိသန္ဓိက္ခဏေ…ပေ…။ (၁)

အဝိတက္ကအဝိစာရံ ¶ ဓမ္မံ သံသဋ္ဌော အဝိတက္ကဝိစာရမတ္တော ဓမ္မော…ပေ… ဝိစာရံ သံသဋ္ဌာ အဝိတက္ကဝိစာရမတ္တာ ခန္ဓာ။ ပဋိသန္ဓိက္ခဏေ ဝိစာရံ သံသဋ္ဌာ…ပေ…။ (၂)

အဝိတက္ကဝိစာရမတ္တဉ္စ အဝိတက္ကအဝိစာရဉ္စ ဓမ္မံ သံသဋ္ဌော အဝိတက္ကဝိစာရမတ္တော ဓမ္မော…ပေ… အဝိတက္ကဝိစာရမတ္တံ ဧကံ ခန္ဓဉ္စ ဝိစာရဉ္စ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)

သဝိတက္ကသဝိစာရဉ္စ အဝိတက္ကဝိစာရမတ္တဉ္စ ဓမ္မံ သံသဋ္ဌော သဝိတက္ကသဝိစာရော ဓမ္မော ဥပ္ပဇ္ဇတိ ဟေတုပစ္စယာ – သဝိတက္ကသဝိစာရံ ဧကံ ခန္ဓဉ္စ ဝိတက္ကဉ္စ သံသဋ္ဌာ တယော ခန္ဓာ…ပေ… ဒွေ ခန္ဓေ စ ဝိတက္ကဉ္စ…ပေ… ပဋိသန္ဓိက္ခဏေ…ပေ…။ (၁)

(ဟေတုပစ္စယံ အနုမဇ္ဇန္တေန သဗ္ဗေ ပစ္စယာ ဝိတ္ထာရေတဗ္ဗာ)။

သုဒ္ဓံ

၆၂။ ဟေတုယာ ဧကာဒသ၊ အာရမ္မဏေ အဓိပတိယာ အနန္တရေ သမနန္တရေ သဟဇာတေ အညမညေ နိဿယေ ဥပနိဿယေ ပုရေဇာတေ အာသေဝနေ ကမ္မေ ဝိပါကေ အာဟာရေ ဣန္ဒြိယေ ဈာနေ မဂ္ဂေ သမ္ပယုတ္တေ ဝိပ္ပယုတ္တေ အတ္ထိယာ နတ္ထိယာ ဝိဂတေ အဝိဂတေ သဗ္ဗတ္ထ ဧကာဒသ။

အနုလောမံ။

၂။ ပစ္စယပစ္စနီယံ

(ပစ္စနီယံ ¶ ကာတဗ္ဗံ အသမ္မောဟန္တေန။)

၆၃။ နဟေတုယာ ဆ၊ နအဓိပတိယာ ဧကာဒသ၊ နပုရေဇာတေ ဧကာဒသ၊ နပစ္ဆာဇာတေ ဧကာဒသ၊ နအာသေဝနေ ဧကာဒသ၊ နကမ္မေ သတ္တ၊ နဝိပါကေ ¶ ဧကာဒသ၊ နဈာနေ ဧကံ၊ နမဂ္ဂေ ဆ၊ နဝိပ္ပယုတ္တေ ဧကာဒသ။

ပစ္စနီယံ။

၃။ ပစ္စယာနုလောမပစ္စနီယံ

ဒုကံ

၆၄။ ဟေတုပစ္စယာ ¶ နအဓိပတိယာ ဧကာဒသ…ပေ… နဝိပ္ပယုတ္တေ ဧကာဒသ (သံခိတ္တံ)။

အနုလောမပစ္စနီယံ။

၄။ ပစ္စယပစ္စနီယာနုလောမံ

၆၅။ နဟေတုပစ္စယာ အာရမ္မဏေ ဆ…ပေ… ပုရေဇာတေ ဆ၊ အာသေဝနေ ပဉ္စ၊ ကမ္မေ ဆ…ပေ… ဈာနေ ဆ၊ မဂ္ဂေ တီဏိ၊ သမ္ပယုတ္တေ ဆ…ပေ… အဝိဂတေ ဆ။

ပစ္စနီယာနုလောမံ

၆။ သမ္ပယုတ္တဝါရော

(သမ္ပယုတ္တဝါရောပိ ဝိတ္ထာရေတဗ္ဗော)။

၇။ ပဉှာဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၆၆။ သဝိတက္ကသဝိစာရော ¶ ဓမ္မော သဝိတက္ကသဝိစာရဿ ဓမ္မဿ ဟေတုပစ္စယေန ပစ္စယော – သဝိတက္ကသဝိစာရာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ ပဋိသန္ဓိက္ခဏေ…ပေ…။ (၁)

သဝိတက္ကသဝိစာရော ဓမ္မော အဝိတက္ကဝိစာရမတ္တဿ ဓမ္မဿ ဟေတုပစ္စယေန ပစ္စယော – သဝိတက္ကသဝိစာရာ ဟေတူ ဝိတက္ကဿ ဟေတုပစ္စယေန ပစ္စယော။ ပဋိသန္ဓိက္ခဏေ…ပေ…။ (၂)

သဝိတက္ကသဝိစာရော ဓမ္မော အဝိတက္ကအဝိစာရဿ ဓမ္မဿ ဟေတုပစ္စယေန ပစ္စယော – သဝိတက္ကသဝိစာရာ ဟေတူ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော။ ပဋိသန္ဓိက္ခဏေ သဝိတက္ကသဝိစာရာ ဟေတူ ကဋတ္တာရူပါနံ ဟေတုပစ္စယေန ပစ္စယော။ (၃)

သဝိတက္ကသဝိစာရော ¶ ဓမ္မော သဝိတက္ကသဝိစာရဿ စ အဝိတက္ကအဝိစာရဿ စ ဓမ္မဿ ဟေတုပစ္စယေန ပစ္စယော – သဝိတက္ကသဝိစာရာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ ပဋိသန္ဓိက္ခဏေ သဝိတက္ကသဝိစာရာ ဟေတူ သမ္ပယုတ္တကာနံ ¶ ခန္ဓာနံ ကဋတ္တာ စ ရူပါနံ ဟေတုပစ္စယေန ပစ္စယော။ (၄)

သဝိတက္ကသဝိစာရော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ ဟေတုပစ္စယေန ပစ္စယော – သဝိတက္ကသဝိစာရာ ဟေတူ ဝိတက္ကဿ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ ပဋိသန္ဓိက္ခဏေ သဝိတက္ကသဝိစာရာ ဟေတူ ဝိတက္ကဿ ကဋတ္တာ စ ရူပါနံ ဟေတုပစ္စယေန ပစ္စယော။ (၅)

သဝိတက္ကသဝိစာရော ¶ ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ ဟေတုပစ္စယေန ပစ္စယော – သဝိတက္ကသဝိစာရာ ဟေတူ သမ္ပယုတ္တကာနံ ခန္ဓာနံ ဝိတက္ကဿ စ ဟေတုပစ္စယေန ပစ္စယော။ ပဋိသန္ဓိက္ခဏေ သဝိတက္ကသဝိစာရာ ဟေတူ သမ္ပယုတ္တကာနံ ခန္ဓာနံ ဝိတက္ကဿ စ ဟေတုပစ္စယေန ပစ္စယော။ (၆)

သဝိတက္ကသဝိစာရော ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ ဟေတုပစ္စယေန ပစ္စယော – သဝိတက္ကသဝိစာရာ ဟေတူ သမ္ပယုတ္တကာနံ ခန္ဓာနံ ဝိတက္ကဿ စ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ ပဋိသန္ဓိက္ခဏေ သဝိတက္ကသဝိစာရာ ဟေတူ သမ္ပယုတ္တကာနံ ခန္ဓာနံ ဝိတက္ကဿ စ ကဋတ္တာ စ ရူပါနံ ဟေတုပစ္စယေန ပစ္စယော။ (၇)

၆၇။ အဝိတက္ကဝိစာရမတ္တော ဓမ္မော အဝိတက္ကဝိစာရမတ္တဿ ဓမ္မဿ ဟေတုပစ္စယေန ပစ္စယော – အဝိတက္ကဝိစာရမတ္တာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ ပဋိသန္ဓိက္ခဏေ အဝိတက္ကဝိစာရမတ္တာ ဟေတူ ¶ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၁)

အဝိတက္ကဝိစာရမတ္တော ဓမ္မော အဝိတက္ကအဝိစာရဿ ဓမ္မဿ ဟေတုပစ္စယေန ပစ္စယော – အဝိတက္ကဝိစာရမတ္တာ ဟေတူ ဝိစာရဿ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ ပဋိသန္ဓိက္ခဏေ အဝိတက္ကဝိစာရမတ္တာ ဟေတူ ဝိစာရဿ စ ကဋတ္တာ စ ရူပါနံ ဟေတုပစ္စယေန ပစ္စယော။ (၂)

အဝိတက္ကဝိစာရမတ္တော ¶ ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ ဟေတုပစ္စယေန ပစ္စယော – အဝိတက္ကဝိစာရမတ္တာ ဟေတူ သမ္ပယုတ္တကာနံ ခန္ဓာနံ ဝိစာရဿ စ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ ပဋိသန္ဓိက္ခဏေ အဝိတက္ကဝိစာရမတ္တာ ဟေတူ သမ္ပယုတ္တကာနံ ခန္ဓာနံ ဝိစာရဿ စ ကဋတ္တာ စ ရူပါနံ ဟေတုပစ္စယေန ပစ္စယော။ (၃)

၆၈။ အဝိတက္ကအဝိစာရော ဓမ္မော အဝိတက္ကအဝိစာရဿ ဓမ္မဿ ဟေတုပစ္စယေန ပစ္စယော – အဝိတက္ကအဝိစာရာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ¶ ပစ္စယော။ ပဋိသန္ဓိက္ခဏေ အဝိတက္ကအဝိစာရာ ဟေတူ သမ္ပယုတ္တကာနံ ခန္ဓာနံ ကဋတ္တာ စ ရူပါနံ ဟေတုပစ္စယေန ပစ္စယော။ (၁)

အာရမ္မဏပစ္စယော

၆၉။ သဝိတက္ကသဝိစာရော ဓမ္မော သဝိတက္ကသဝိစာရဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ သမာဒိယိတွာ ဥပေါသထကမ္မံ ကတွာ တံ ပစ္စဝေက္ခတိ၊ ပုဗ္ဗေ သုစိဏ္ဏာနိ ပစ္စဝေက္ခတိ၊ သဝိတက္ကသဝိစာရာ ¶ ဈာနာ ဝုဋ္ဌဟိတွာ၊ မဂ္ဂါ ဝုဋ္ဌဟိတွာ၊ ဖလာ ဝုဋ္ဌဟိတွာ ဖလံ ပစ္စဝေက္ခတိ။ အရိယာ ပဟီနေ ကိလေသေ ပစ္စဝေက္ခန္တိ၊ ဝိက္ခမ္ဘိတေ ကိလေသေ ပစ္စဝေက္ခန္တိ၊ ပုဗ္ဗေ သမုဒါစိဏ္ဏေ ကိလေသေ ဇာနန္တိ။ သဝိတက္ကသဝိစာရေ ခန္ဓေ အနိစ္စတော ဒုက္ခတော အနတ္တတော ဝိပဿန္တိ အဿာဒေန္တိ အဘိနန္ဒန္တိ၊ တံ အာရဗ္ဘ ရာဂေါ ဥပ္ပဇ္ဇတိ…ပေ… ဒေါမနဿံ ဥပ္ပဇ္ဇတိ။ သဝိတက္ကသဝိစာရေ ခန္ဓေ အာရဗ္ဘ သဝိတက္ကသဝိစာရာ ခန္ဓာ ဥပ္ပဇ္ဇန္တိ။ (၁)

သဝိတက္ကသဝိစာရော ဓမ္မော အဝိတက္ကဝိစာရမတ္တဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ သမာဒိယိတွာ ဥပေါသထကမ္မံ ကတွာ တံ ပစ္စဝေက္ခတိ၊ တံ အာရဗ္ဘ ဝိတက္ကော ဥပ္ပဇ္ဇတိ။ ပုဗ္ဗေ သုစိဏ္ဏာနိ ပစ္စဝေက္ခတိ၊ သဝိတက္ကသဝိစာရာ ဈာနာ ဝုဋ္ဌဟိတွာ၊ မဂ္ဂါ ဝုဋ္ဌဟိတွာ၊ ဖလာ ဝုဋ္ဌဟိတွာ ဖလံ ပစ္စဝေက္ခတိ၊ တံ အာရဗ္ဘ ဝိတက္ကော ဥပ္ပဇ္ဇတိ။ အရိယာ ပဟီနေ ကိလေသေ ပစ္စဝေက္ခန္တိ၊ ဝိက္ခမ္ဘိတေ ကိလေသေ ပစ္စဝေက္ခန္တိ၊ ပုဗ္ဗေ သမုဒါစိဏ္ဏေ ကိလေသေ ဇာနန္တိ။ သဝိတက္ကသဝိစာရေ ခန္ဓေ အနိစ္စတော ဒုက္ခတော ¶ အနတ္တတော ဝိပဿန္တိ အဿာဒေန္တိ အဘိနန္ဒန္တိ၊ တံ အာရဗ္ဘ ဝိတက္ကော ဥပ္ပဇ္ဇတိ။ သဝိတက္ကသဝိစာရေ ခန္ဓေ အာရဗ္ဘ ဝိတက္ကော ဥပ္ပဇ္ဇတိ။ (၂)

သဝိတက္ကသဝိစာရော ဓမ္မော အဝိတက္ကအဝိစာရဿ ဓမ္မဿ အာရမ္မဏပစ္စယေန ပစ္စယော – စေတောပရိယဉာဏေန သဝိတက္ကသဝိစာရစိတ္တသမင်္ဂိဿ စိတ္တံ ဇာနာတိ၊ သဝိတက္ကသဝိစာရာ ခန္ဓာ စေတောပရိယဉာဏဿ ¶ ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ၊ အနာဂတံသဉာဏဿ အာရမ္မဏပစ္စယေန ပစ္စယော။ သဝိတက္ကသဝိစာရေ ခန္ဓေ အာရဗ္ဘ အဝိတက္ကအဝိစာရာ ခန္ဓာ ဥပ္ပဇ္ဇန္တိ။ (၃)

သဝိတက္ကသဝိစာရော ¶ ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ သမာဒိယိတွာ ဥပေါသထကမ္မံ ကတွာ တံ ပစ္စဝေက္ခတိ၊ တံ အာရဗ္ဘ သဝိတက္ကသဝိစာရာ ခန္ဓာ စ ဝိတက္ကော စ ဥပ္ပဇ္ဇန္တိ။ ပုဗ္ဗေ သုစိဏ္ဏာနိ ပစ္စဝေက္ခတိ၊ သဝိတက္ကသဝိစာရာ ဈာနာ ဝုဋ္ဌဟိတွာ၊ မဂ္ဂါ ဝုဋ္ဌဟိတွာ၊ ဖလာ ဝုဋ္ဌဟိတွာ ဖလံ ပစ္စဝေက္ခတိ၊ တံ အာရဗ္ဘ သဝိတက္ကသဝိစာရာ ခန္ဓာ စ ဝိတက္ကော စ ဥပ္ပဇ္ဇန္တိ။ အရိယာ ပဟီနေ ကိလေသေ ပစ္စဝေက္ခန္တိ၊ ဝိက္ခမ္ဘိတေ ကိလေသေ ပစ္စဝေက္ခန္တိ၊ ပုဗ္ဗေ သမုဒါစိဏ္ဏေ ကိလေသေ ဇာနန္တိ။ သဝိတက္ကသဝိစာရေ ခန္ဓေ အနိစ္စတော ဒုက္ခတော အနတ္တတော ဝိပဿန္တိ အဿာဒေန္တိ အဘိနန္ဒန္တိ၊ တံ အာရဗ္ဘ သဝိတက္ကသဝိစာရာ ခန္ဓာ စ ဝိတက္ကော စ ဥပ္ပဇ္ဇန္တိ။ သဝိတက္ကသဝိစာရေ ခန္ဓေ အာရဗ္ဘ သဝိတက္ကသဝိစာရာ ခန္ဓာ စ ဝိတက္ကော စ ဥပ္ပဇ္ဇန္တိ။ (၄)

၇၀။ အဝိတက္ကဝိစာရမတ္တော ဓမ္မော အဝိတက္ကဝိစာရမတ္တဿ ဓမ္မဿ အာရမ္မဏပစ္စယေန ပစ္စယော – အဝိတက္ကဝိစာရမတ္တာ ဈာနာ ဝုဋ္ဌဟိတွာ၊ မဂ္ဂါ ဝုဋ္ဌဟိတွာ၊ ဖလာ ဝုဋ္ဌဟိတွာ ဖလံ ပစ္စဝေက္ခတိ၊ တံ အာရဗ္ဘ ဝိတက္ကော ဥပ္ပဇ္ဇတိ။ အဝိတက္ကဝိစာရမတ္တေ ခန္ဓေ စ ဝိတက္ကဉ္စ အနိစ္စတော ဒုက္ခတော အနတ္တတော ဝိပဿတိ အဿာဒေတိ အဘိနန္ဒတိ၊ တံ အာရဗ္ဘ ဝိတက္ကော ¶ ဥပ္ပဇ္ဇတိ။ အဝိတက္ကဝိစာရမတ္တေ ခန္ဓေ စ ဝိတက္ကဉ္စ အာရဗ္ဘ ဝိတက္ကော ဥပ္ပဇ္ဇတိ။ (၁)

အဝိတက္ကဝိစာရမတ္တော ဓမ္မော သဝိတက္ကသဝိစာရဿ ဓမ္မဿ အာရမ္မဏပစ္စယေန ပစ္စယော – အဝိတက္ကဝိစာရမတ္တာ ဈာနာ ဝုဋ္ဌဟိတွာ၊ မဂ္ဂါ ဝုဋ္ဌဟိတွာ၊ ဖလာ ဝုဋ္ဌဟိတွာ ဖလံ ပစ္စဝေက္ခန္တိ၊ တံ အာရဗ္ဘ သဝိတက္ကသဝိစာရာ ခန္ဓာ ဥပ္ပဇ္ဇန္တိ။ အဝိတက္ကဝိစာရမတ္တေ ခန္ဓေ စ ဝိတက္ကဉ္စ အနိစ္စတော ဒုက္ခတော အနတ္တတော ¶ ဝိပဿတိ အဿာဒေတိ အဘိနန္ဒတိ၊ တံ အာရဗ္ဘ ရာဂေါ ဥပ္ပဇ္ဇတိ…ပေ… ဒေါမနဿံ ဥပ္ပဇ္ဇတိ။ အဝိတက္ကဝိစာရမတ္တေ ခန္ဓေ စ ဝိတက္ကဉ္စ အာရဗ္ဘ သဝိတက္ကသဝိစာရာ ခန္ဓာ ဥပ္ပဇ္ဇန္တိ။ (၂)

အဝိတက္ကဝိစာရမတ္တော ဓမ္မော အဝိတက္ကအဝိစာရဿ ဓမ္မဿ အာရမ္မဏပစ္စယေန ပစ္စယော – စေတောပရိယဉာဏေန အဝိတက္ကဝိစာရမတ္တစိတ္တသမင်္ဂိဿ စိတ္တံ ဇာနာတိ။ အဝိတက္ကဝိစာရမတ္တာ ခန္ဓာ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ၊ အနာဂတံသဉာဏဿ ¶ အာရမ္မဏပစ္စယေန ပစ္စယော။ အဝိတက္ကဝိစာရမတ္တေ ခန္ဓေ စ ဝိတက္ကဉ္စ အာရဗ္ဘ အဝိတက္ကအဝိစာရာ ခန္ဓာ ဥပ္ပဇ္ဇန္တိ။ (၃)

အဝိတက္ကဝိစာရမတ္တော ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ အာရမ္မဏပစ္စယေန ပစ္စယော – အဝိတက္ကဝိစာရမတ္တာ ဈာနာ ဝုဋ္ဌဟိတွာ၊ မဂ္ဂါ ဝုဋ္ဌဟိတွာ၊ ဖလာ ဝုဋ္ဌဟိတွာ ဖလံ ပစ္စဝေက္ခတိ၊ တံ အာရဗ္ဘ သဝိတက္ကသဝိစာရာ ခန္ဓာ စ ဝိတက္ကော စ ဥပ္ပဇ္ဇန္တိ။ အဝိတက္ကဝိစာရမတ္တေ ¶ ခန္ဓေ စ ဝိတက္ကဉ္စ အနိစ္စတော ဒုက္ခတော အနတ္တတော ဝိပဿတိ အဿာဒေတိ အဘိနန္ဒတိ၊ တံ အာရဗ္ဘ သဝိတက္ကသဝိစာရာ ခန္ဓာ စ ဝိတက္ကော စ ဥပ္ပဇ္ဇန္တိ။ အဝိတက္ကဝိစာရမတ္တေ ခန္ဓေ စ ဝိတက္ကဉ္စ အာရဗ္ဘ သဝိတက္ကသဝိစာရာ ခန္ဓာ စ ဝိတက္ကော စ ဥပ္ပဇ္ဇန္တိ။ (၄)

၇၁။ အဝိတက္ကအဝိစာရော ဓမ္မော အဝိတက္ကအဝိစာရဿ ဓမ္မဿ အာရမ္မဏပစ္စယေန ပစ္စယော – နိဗ္ဗာနံ အဝိတက္ကအဝိစာရဿ မဂ္ဂဿ ဖလဿ ဝိစာရဿ စ အာရမ္မဏပစ္စယေန ပစ္စယော။ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ၊ စေတောပရိယဉာဏေန အဝိတက္ကအဝိစာရစိတ္တသမင်္ဂိဿ စိတ္တံ ဇာနာတိ။ အာကာသာနဉ္စာယတနံ ဝိညာဏဉ္စာယတနဿ…ပေ… အာကိဉ္စညာယတနံ နေဝသညာနာသညာယတနဿ အာရမ္မဏပစ္စယေန ပစ္စယော။ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ အာရမ္မဏပစ္စယေန ပစ္စယော။ အဝိတက္ကအဝိစာရာ ခန္ဓာ ဣဒ္ဓိဝိဓဉာဏဿ၊ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ၊ အနာဂတံသဉာဏဿ အာရမ္မဏပစ္စယေန ပစ္စယော။ အဝိတက္ကအဝိစာရေ ခန္ဓေ စ ဝိစာရဉ္စ အာရဗ္ဘ အဝိတက္ကအဝိစာရာ ခန္ဓာ ဥပ္ပဇ္ဇန္တိ။ (၁)

အဝိတက္ကအဝိစာရော ¶ ဓမ္မော သဝိတက္ကသဝိစာရဿ ဓမ္မဿ အာရမ္မဏပစ္စယေန ပစ္စယော – အရိယာ အဝိတက္ကအဝိစာရာ ဈာနာ ဝုဋ္ဌဟိတွာ၊ မဂ္ဂါ ဝုဋ္ဌဟိတွာ၊ ဖလာ ဝုဋ္ဌဟိတွာ ဖလံ ပစ္စဝေက္ခန္တိ၊ တံ အာရဗ္ဘ သဝိတက္ကသဝိစာရာ ခန္ဓာ ဥပ္ပဇ္ဇန္တိ။ အရိယာ နိဗ္ဗာနံ ပစ္စဝေက္ခန္တိ၊ နိဗ္ဗာနံ ¶ ဂေါတြဘုဿ ဝေါဒါနဿ သဝိတက္ကသဝိစာရဿ မဂ္ဂဿ ဖလဿ အာဝဇ္ဇနာယ အာရမ္မဏပစ္စယေန ပစ္စယော။ စက္ခုံ အနိစ္စတော ဒုက္ခတော အနတ္တတော ဝိပဿတိ အဿာဒေတိ အဘိနန္ဒတိ၊ တံ အာရဗ္ဘ ရာဂေါ ဥပ္ပဇ္ဇတိ…ပေ… ဒေါမနဿံ ဥပ္ပဇ္ဇတိ။ သောတံ… ဃာနံ ¶ … ဇိဝှံ… ကာယံ… ရူပေ… သဒ္ဒေ… ဂန္ဓေ… ရသေ… ဖောဋ္ဌဗ္ဗေ… ဝတ္ထုံ… အဝိတက္ကအဝိစာရေ ခန္ဓေ စ ဝိစာရဉ္စ အနိစ္စတော ဒုက္ခတော အနတ္တတော ဝိပဿတိ အဿာဒေတိ အဘိနန္ဒတိ၊ တံ အာရဗ္ဘ ရာဂေါ ဥပ္ပဇ္ဇတိ…ပေ… ဒေါမနဿံ ဥပ္ပဇ္ဇတိ။ အဝိတက္ကအဝိစာရေ ခန္ဓေ စ ဝိစာရဉ္စ အာရဗ္ဘ သဝိတက္ကသဝိစာရာ ခန္ဓာ ဥပ္ပဇ္ဇန္တိ။ (၂)

အဝိတက္ကအဝိစာရော ဓမ္မော အဝိတက္ကဝိစာရမတ္တဿ ဓမ္မဿ အာရမ္မဏပစ္စယေန ပစ္စယော – အရိယာ အဝိတက္ကအဝိစာရာ ဈာနာ ဝုဋ္ဌဟိတွာ၊ မဂ္ဂါ ဝုဋ္ဌဟိတွာ၊ ဖလာ ဝုဋ္ဌဟိတွာ ဖလံ ပစ္စဝေက္ခန္တိ၊ တံ အာရဗ္ဘ ဝိတက္ကော ဥပ္ပဇ္ဇတိ။ အရိယာ နိဗ္ဗာနံ ပစ္စဝေက္ခန္တိ၊ နိဗ္ဗာနံ အဝိတက္ကဝိစာရမတ္တဿ မဂ္ဂဿ ဖလဿ ဝိတက္ကဿ စ အာရမ္မဏပစ္စယေန ပစ္စယော။ စက္ခုံ အနိစ္စတော ဒုက္ခတော အနတ္တတော…ပေ… ဝတ္ထုံ… အဝိတက္ကအဝိစာရေ ခန္ဓေ စ ဝိစာရဉ္စ အနိစ္စတော ဒုက္ခတော အနတ္တတော ဝိပဿတိ အဿာဒေတိ အဘိနန္ဒတိ၊ တံ အာရဗ္ဘ ဝိတက္ကော ဥပ္ပဇ္ဇတိ။ အဝိတက္ကအဝိစာရေ ခန္ဓေ စ ဝိစာရဉ္စ အာရဗ္ဘ ဝိတက္ကော ဥပ္ပဇ္ဇတိ။ (၃)

အဝိတက္ကအဝိစာရော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ အာရမ္မဏပစ္စယေန ပစ္စယော – နိဗ္ဗာနံ အဝိတက္ကဝိစာရမတ္တဿ မဂ္ဂဿ ဖလဿ ဝိစာရဿ စ အာရမ္မဏပစ္စယေန ¶ ပစ္စယော။ (၄)

အဝိတက္ကအဝိစာရော ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ အာရမ္မဏပစ္စယေန ပစ္စယော – အရိယာ အဝိတက္ကအဝိစာရာ ဈာနာ ဝုဋ္ဌဟိတွာ၊ မဂ္ဂါ ဝုဋ္ဌဟိတွာ၊ ဖလာ ဝုဋ္ဌဟိတွာ ဖလံ ပစ္စဝေက္ခန္တိ၊ တံ အာရဗ္ဘ သဝိတက္ကသဝိစာရာ ခန္ဓာ စ ဝိတက္ကော စ ဥပ္ပဇ္ဇန္တိ။ အရိယာ နိဗ္ဗာနံ ပစ္စဝေက္ခန္တိ၊ နိဗ္ဗာနံ ဂေါတြဘုဿ ဝိတက္ကဿ စ ဝေါဒါနဿ ဝိတက္ကဿ စ သဝိတက္ကသဝိစာရဿ မဂ္ဂဿ ဝိတက္ကဿ စ သဝိတက္ကသဝိစာရဿ ဖလဿ ဝိတက္ကဿ စ အာဝဇ္ဇနာယ ဝိတက္ကဿ စ အာရမ္မဏပစ္စယေန ¶ ပစ္စယော။ စက္ခုံ အနိစ္စတော ဒုက္ခတော အနတ္တတော ဝိပဿတိ အဿာဒေတိ အဘိနန္ဒတိ၊ တံ အာရဗ္ဘ သဝိတက္ကသဝိစာရာ ခန္ဓာ စ ဝိတက္ကော စ ဥပ္ပဇ္ဇန္တိ။ သောတံ…ပေ… ဖောဋ္ဌဗ္ဗံ… ဝတ္ထုံ… အဝိတက္ကအဝိစာရေ ခန္ဓေ စ ဝိစာရဉ္စ အနိစ္စတော ဒုက္ခတော အနတ္တတော ဝိပဿတိ အဿာဒေတိ အဘိနန္ဒတိ၊ တံ အာရဗ္ဘ သဝိတက္ကသဝိစာရာ ခန္ဓာ စ ဝိတက္ကော စ ဥပ္ပဇ္ဇန္တိ။ (၅)

၇၂။ အဝိတက္ကဝိစာရမတ္တော ¶ စ အဝိတက္ကအဝိစာရော စ ဓမ္မာ သဝိတက္ကသဝိစာရဿ အာရမ္မဏပစ္စယေန ပစ္စယော – အဝိတက္ကဝိစာရမတ္တေ ခန္ဓေ စ ဝိစာရဉ္စ အာရဗ္ဘ သဝိတက္ကသဝိစာရာ ခန္ဓာ ဥပ္ပဇ္ဇန္တိ။ (၁)

အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ အဝိတက္ကဝိစာရမတ္တဿ အာရမ္မဏပစ္စယေန ပစ္စယော – အဝိတက္ကဝိစာရမတ္တေ ခန္ဓေ စ ဝိစာရဉ္စ အာရဗ္ဘ ဝိတက္ကော ဥပ္ပဇ္ဇတိ။ (၂)

အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ အဝိတက္ကအဝိစာရဿ ¶ ဓမ္မဿ အာရမ္မဏပစ္စယေန ပစ္စယော – အဝိတက္ကဝိစာရမတ္တာ ခန္ဓာ စ ဝိစာရော စ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ၊ အနာဂတံသဉာဏဿ အာရမ္မဏပစ္စယေန ပစ္စယော။ အဝိတက္ကဝိစာရမတ္တေ ခန္ဓေ စ ဝိစာရဉ္စ အာရဗ္ဘ အဝိတက္ကအဝိစာရာ ခန္ဓာ ဥပ္ပဇ္ဇန္တိ။ (၃)

အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ အာရမ္မဏပစ္စယေန ပစ္စယော – အဝိတက္ကဝိစာရမတ္တေ ခန္ဓေ စ ဝိစာရဉ္စ အာရဗ္ဘ သဝိတက္ကသဝိစာရာ ခန္ဓာ စ ဝိတက္ကော စ ဥပ္ပဇ္ဇန္တိ။ (၄)

၇၃။ သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ သဝိတက္ကသဝိစာရဿ အာရမ္မဏပစ္စယေန ပစ္စယော – သဝိတက္ကသဝိစာရေ ခန္ဓေ စ ဝိတက္ကဉ္စ အာရဗ္ဘ သဝိတက္ကသဝိစာရာ ခန္ဓာ ဥပ္ပဇ္ဇန္တိ။ (၁)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ အဝိတက္ကဝိစာရမတ္တဿ အာရမ္မဏပစ္စယေန ပစ္စယော – သဝိတက္ကသဝိစာရေ ခန္ဓေ စ ဝိတက္ကဉ္စ အာရဗ္ဘ ဝိတက္ကော ဥပ္ပဇ္ဇတိ။ (၂)

သဝိတက္ကသဝိစာရော ¶ စ အဝိတက္ကဝိစာရမတ္တော စ ဓမ္မာ အဝိတက္ကအဝိစာရဿ ဓမ္မဿ အာရမ္မဏပစ္စယေန ပစ္စယော – သဝိတက္ကသဝိစာရာ ခန္ဓာ စ ဝိတက္ကော စ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ ¶ ၊ ယထာကမ္မူပဂဉာဏဿ၊ အနာဂတံသဉာဏဿ အာရမ္မဏပစ္စယေန ပစ္စယော။ သဝိတက္ကသဝိစာရေ ခန္ဓေ စ ဝိတက္ကဉ္စ အာရဗ္ဘ အဝိတက္ကအဝိစာရာ ¶ ခန္ဓာ ဥပ္ပဇ္ဇန္တိ။ (၃)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ အာရမ္မဏပစ္စယေန ပစ္စယော – သဝိတက္ကသဝိစာရေ ခန္ဓေ စ ဝိတက္ကဉ္စ အာရဗ္ဘ သဝိတက္ကသဝိစာရာ ခန္ဓာ စ ဝိတက္ကော စ ဥပ္ပဇ္ဇန္တိ။ (၄)

အဓိပတိပစ္စယော

၇၄။ သဝိတက္ကသဝိစာရော ဓမ္မော သဝိတက္ကသဝိစာရဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ဒါနံ ဒတွာ သီလံ သမာဒိယိတွာ ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ၊ ပုဗ္ဗေ သုစိဏ္ဏာနိ ဂရုံ ကတွာ ပစ္စဝေက္ခတိ။ သဝိတက္ကသဝိစာရာ ဈာနာ ဝုဋ္ဌဟိတွာ၊ မဂ္ဂါ ဝုဋ္ဌဟိတွာ၊ ဖလာ ဝုဋ္ဌဟိတွာ ဖလံ ဂရုံ ကတွာ ပစ္စဝေက္ခတိ။ သဝိတက္ကသဝိစာရေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ သဟဇာတာဓိပတိ – သဝိတက္ကသဝိစာရာ အဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)

သဝိတက္ကသဝိစာရော ဓမ္မော အဝိတက္ကဝိစာရမတ္တဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ဒါနံ ဒတွာ သီလံ သမာဒိယိတွာ ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ၊ တံ ဂရုံ ကတွာ ဝိတက္ကော ဥပ္ပဇ္ဇတိ။ ပုဗ္ဗေ သုစိဏ္ဏာနိ ဂရုံ ကတွာ ပစ္စဝေက္ခတိ။ သဝိတက္ကသဝိစာရာ ဈာနာ ဝုဋ္ဌဟိတွာ၊ မဂ္ဂါ ဝုဋ္ဌဟိတွာ၊ ဖလာ ဝုဋ္ဌဟိတွာ ဖလံ ဂရုံ ကတွာ ပစ္စဝေက္ခန္တိ ¶ ၊ တံ ဂရုံ ကတွာ ဝိတက္ကော ဥပ္ပဇ္ဇတိ။ သဝိတက္ကသဝိစာရေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ဝိတက္ကော ဥပ္ပဇ္ဇတိ။ သဟဇာတာဓိပတိ – သဝိတက္ကသဝိစာရာ အဓိပတိ ဝိတက္ကဿ အဓိပတိပစ္စယေန ပစ္စယော။ (၂)

သဝိတက္ကသဝိစာရော ¶ ဓမ္မော အဝိတက္ကအဝိစာရဿ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ ¶ – သဝိတက္ကသဝိစာရာ အဓိပတိ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၃)

သဝိတက္ကသဝိစာရော ဓမ္မော သဝိတက္ကသဝိစာရဿ စ အဝိတက္ကအဝိစာရဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – သဝိတက္ကသဝိစာရာ အဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၄)

သဝိတက္ကသဝိစာရော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – သဝိတက္ကသဝိစာရာ အဓိပတိ ဝိတက္ကဿ စ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၅)

သဝိတက္ကသဝိစာရော ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ သဟဇာတာဓိပတိ။ အာရမ္မဏာဓိပတိ – ဒါနံ ဒတွာ သီလံ သမာဒိယိတွာ၊ ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ၊ တံ ဂရုံ ကတွာ သဝိတက္ကသဝိစာရာ ခန္ဓာ စ ဝိတက္ကော စ ဥပ္ပဇ္ဇန္တိ။ ပုဗ္ဗေ သုစိဏ္ဏာနိ ဂရုံ ¶ ကတွာ ပစ္စဝေက္ခတိ၊ သဝိတက္ကသဝိစာရာ ဈာနာ ဝုဋ္ဌဟိတွာ၊ မဂ္ဂါ ဝုဋ္ဌဟိတွာ၊ ဖလာ ဝုဋ္ဌဟိတွာ ဖလံ ဂရုံ ကတွာ ပစ္စဝေက္ခတိ၊ တံ ဂရုံ ကတွာ သဝိတက္ကသဝိစာရာ ခန္ဓာ စ ဝိတက္ကော စ ဥပ္ပဇ္ဇန္တိ။ သဝိတက္ကသဝိစာရေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ သဝိတက္ကသဝိစာရာ ခန္ဓာ စ ဝိတက္ကော စ ဥပ္ပဇ္ဇန္တိ။ သဟဇာတာဓိပတိ – သဝိတက္ကသဝိစာရာ အဓိပတိ သမ္ပယုတ္တကာနံ ခန္ဓာနံ ဝိတက္ကဿ စ အဓိပတိပစ္စယေန ပစ္စယော။ (၆)

သဝိတက္ကသဝိစာရော ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – သဝိတက္ကသဝိစာရာ အဓိပတိ သမ္ပယုတ္တကာနံ ခန္ဓာနံ ဝိတက္ကဿ စ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၇)

၇၅။ အဝိတက္ကဝိစာရမတ္တော ဓမ္မော အဝိတက္ကဝိစာရမတ္တဿ ဓမ္မဿ အဓိပတိပစ္စယေန ပစ္စယော ¶ – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – အဝိတက္ကဝိစာရမတ္တာ ဈာနာ ဝုဋ္ဌဟိတွာ၊ မဂ္ဂါ ဝုဋ္ဌဟိတွာ၊ ဖလာ ¶ ဝုဋ္ဌဟိတွာ ဖလံ ဂရုံ ကတွာ ပစ္စဝေက္ခတိ၊ တံ ဂရုံ ကတွာ ဝိတက္ကော ဥပ္ပဇ္ဇတိ။ အဝိတက္ကဝိစာရမတ္တေ ခန္ဓေ စ ဝိတက္ကဉ္စ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ဝိတက္ကော ဥပ္ပဇ္ဇတိ။ သဟဇာတာဓိပတိ – အဝိတက္ကဝိစာရမတ္တာ အဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)

အဝိတက္ကဝိစာရမတ္တော ဓမ္မော သဝိတက္ကသဝိစာရဿ ဓမ္မဿ အဓိပတိပစ္စယေန ¶ ပစ္စယော။ အာရမ္မဏာဓိပတိ – အဝိတက္ကဝိစာရမတ္တာ ဈာနာ ဝုဋ္ဌဟိတွာ၊ မဂ္ဂါ ဝုဋ္ဌဟိတွာ၊ ဖလာ ဝုဋ္ဌဟိတွာ ဖလံ ဂရုံ ကတွာ ပစ္စဝေက္ခတိ၊ တံ ဂရုံ ကတွာ သဝိတက္ကသဝိစာရာ ခန္ဓာ ဥပ္ပဇ္ဇန္တိ။ အဝိတက္ကဝိစာရမတ္တေ ခန္ဓေ စ ဝိတက္ကဉ္စ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ (၂)

အဝိတက္ကဝိစာရမတ္တော ဓမ္မော အဝိတက္ကအဝိစာရဿ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – အဝိတက္ကဝိစာရမတ္တာ အဓိပတိ ဝိစာရဿ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)

အဝိတက္ကဝိစာရမတ္တော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – အဝိတက္ကဝိစာရမတ္တာ အဓိပတိ သမ္ပယုတ္တကာနံ ခန္ဓာနံ ဝိစာရဿ စ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၄)

အဝိတက္ကဝိစာရမတ္တော ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – အဝိတက္ကဝိစာရမတ္တာ ဈာနာ ဝုဋ္ဌဟိတွာ၊ မဂ္ဂါ ဝုဋ္ဌဟိတွာ၊ ဖလာ ဝုဋ္ဌဟိတွာ ဖလံ ဂရုံ ကတွာ ပစ္စဝေက္ခတိ၊ တံ ဂရုံ ကတွာ သဝိတက္ကသဝိစာရာ ခန္ဓာ စ ဝိတက္ကော စ ဥပ္ပဇ္ဇန္တိ။ အဝိတက္ကဝိစာရမတ္တေ ခန္ဓေ စ ဝိတက္ကဉ္စ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ သဝိတက္ကသဝိစာရာ ခန္ဓာ စ ဝိတက္ကော စ ဥပ္ပဇ္ဇန္တိ။ (၅)

၇၆။ အဝိတက္ကအဝိစာရော ဓမ္မော အဝိတက္ကအဝိစာရဿ ဓမ္မဿ အဓိပတိပစ္စယေန ¶ ¶ ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – နိဗ္ဗာနံ အဝိတက္ကအဝိစာရဿ မဂ္ဂဿ ဖလဿ ဝိစာရဿ စ အဓိပတိပစ္စယေန ပစ္စယော။ သဟဇာတာဓိပတိ – အဝိတက္ကအဝိစာရာ အဓိပတိ ¶ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၁)

အဝိတက္ကအဝိစာရော ဓမ္မော သဝိတက္ကသဝိစာရဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – အရိယာ အဝိတက္ကအဝိစာရာ ဈာနာ ဝုဋ္ဌဟိတွာ၊ မဂ္ဂါ ဝုဋ္ဌဟိတွာ၊ ဖလာ ဝုဋ္ဌဟိတွာ ဖလံ ဂရုံ ကတွာ ပစ္စဝေက္ခန္တိ၊ တံ ဂရုံ ကတွာ သဝိတက္ကသဝိစာရာ ခန္ဓာ ဥပ္ပဇ္ဇန္တိ၊ အရိယာ နိဗ္ဗာနံ ဂရုံ ကတွာ ပစ္စဝေက္ခန္တိ၊ နိဗ္ဗာနံ ဂေါတြဘုဿ ဝေါဒါနဿ သဝိတက္ကသဝိစာရဿ မဂ္ဂဿ ဖလဿ အဓိပတိပစ္စယေန ပစ္စယော။ စက္ခုံ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ သောတံ… ဃာနံ… ဇိဝှံ… ကာယံ… ရူပေ… သဒ္ဒေ… ဂန္ဓေ… ရသေ… ဖောဋ္ဌဗ္ဗေ… ဝတ္ထုံ… အဝိတက္ကအဝိစာရေ ခန္ဓေ စ ဝိစာရဉ္စ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ (၂)

အဝိတက္ကအဝိစာရော ဓမ္မော အဝိတက္ကဝိစာရမတ္တဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – အရိယာ အဝိတက္ကအဝိစာရာ ဈာနာ ဝုဋ္ဌဟိတွာ၊ မဂ္ဂါ ဝုဋ္ဌဟိတွာ၊ ဖလာ ဝုဋ္ဌဟိတွာ ဖလံ ဂရုံ ကတွာ ပစ္စဝေက္ခန္တိ၊ တံ ဂရုံ ကတွာ ဝိတက္ကော ဥပ္ပဇ္ဇတိ၊ အရိယာ နိဗ္ဗာနံ ဂရုံ ကတွာ ပစ္စဝေက္ခန္တိ ¶ ၊ နိဗ္ဗာနံ အဝိတက္ကဝိစာရမတ္တဿ မဂ္ဂဿ ဖလဿ ဝိတက္ကဿ စ အဓိပတိပစ္စယေန ပစ္စယော။ စက္ခုံ…ပေ… ဝတ္ထုံ… အဝိတက္ကအဝိစာရေ ခန္ဓေ စ ဝိစာရဉ္စ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ဝိတက္ကော ဥပ္ပဇ္ဇတိ။ (၃)

အဝိတက္ကအဝိစာရော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – နိဗ္ဗာနံ အဝိတက္ကဝိစာရမတ္တဿ မဂ္ဂဿ ဖလဿ ဝိစာရဿ စ အဓိပတိပစ္စယေန ပစ္စယော။ (၄)

အဝိတက္ကအဝိစာရော ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – အရိယာ အဝိတက္ကအဝိစာရာ ဈာနာ ဝုဋ္ဌဟိတွာ ¶ ၊ မဂ္ဂါ ဝုဋ္ဌဟိတွာ၊ ဖလာ ဝုဋ္ဌဟိတွာ ဖလံ ဂရုံ ကတွာ ပစ္စဝေက္ခန္တိ၊ တံ ဂရုံ ကတွာ သဝိတက္ကသဝိစာရာ ခန္ဓာ စ ဝိတက္ကော စ ဥပ္ပဇ္ဇန္တိ၊ အရိယာ နိဗ္ဗာနံ ဂရုံ ကတွာ ပစ္စဝေက္ခန္တိ၊ နိဗ္ဗာနံ ဂေါတြဘုဿ ဝိတက္ကဿ စ ဝေါဒါနဿ ဝိတက္ကဿ စ သဝိတက္ကသဝိစာရဿ မဂ္ဂဿ ¶ ဝိတက္ကဿ စ သဝိတက္ကသဝိစာရဿ ဖလဿ ဝိတက္ကဿ စ အဓိပတိပစ္စယေန ပစ္စယော။ စက္ခုံ ဂရုံ ကတွာ…ပေ… ဝတ္ထုံ… အဝိတက္ကအဝိစာရေ ခန္ဓေ စ ဝိစာရဉ္စ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ သဝိတက္ကသဝိစာရာ ခန္ဓာ စ ဝိတက္ကော စ ဥပ္ပဇ္ဇန္တိ။ (၅)

၇၇။ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ သဝိတက္ကသဝိစာရဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – အဝိတက္ကဝိစာရမတ္တေ ¶ ခန္ဓေ စ ဝိစာရဉ္စ ဂရုံ ကတွာ သဝိတက္ကသဝိစာရာ ခန္ဓာ ဥပ္ပဇ္ဇန္တိ။ (၁)

အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ အဝိတက္ကဝိစာရမတ္တဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – အဝိတက္ကဝိစာရမတ္တေ ခန္ဓေ စ ဝိစာရဉ္စ ဂရုံ ကတွာ ဝိတက္ကော ဥပ္ပဇ္ဇတိ။ (၂)

အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – အဝိတက္ကဝိစာရမတ္တေ ခန္ဓေ စ ဝိစာရဉ္စ ဂရုံ ကတွာ သဝိတက္ကသဝိစာရာ ခန္ဓာ စ ဝိတက္ကော စ ဥပ္ပဇ္ဇန္တိ။ (၃)

၇၈။ သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ သဝိတက္ကသဝိစာရဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – သဝိတက္ကသဝိစာရေ ခန္ဓေ စ ဝိတက္ကဉ္စ ဂရုံ ကတွာ သဝိတက္ကသဝိစာရာ ခန္ဓာ ဥပ္ပဇ္ဇန္တိ။ (၁)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ အဝိတက္ကဝိစာရမတ္တဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – သဝိတက္ကသဝိစာရေ ခန္ဓေ စ ဝိတက္ကဉ္စ ဂရုံ ကတွာ ဝိတက္ကော ဥပ္ပဇ္ဇတိ။ (၂)

သဝိတက္ကသဝိစာရော ¶ စ အဝိတက္ကဝိစာရမတ္တော စ ဓမ္မာ သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – သဝိတက္ကသဝိစာရေ ခန္ဓေ စ ဝိတက္ကဉ္စ ဂရုံ ကတွာ သဝိတက္ကသဝိစာရာ ခန္ဓာ စ ဝိတက္ကော စ ဥပ္ပဇ္ဇန္တိ ¶ ။ (၃)

အနန္တရပစ္စယော

၇၉။ သဝိတက္ကသဝိစာရော ¶ ဓမ္မော သဝိတက္ကသဝိစာရဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သဝိတက္ကသဝိစာရာ ခန္ဓာ ပစ္ဆိမာနံ ပစ္ဆိမာနံ သဝိတက္ကသဝိစာရာနံ ခန္ဓာနံ အနန္တရပစ္စယေန ပစ္စယော။ အနုလောမံ ဂေါတြဘုဿ… အနုလောမံ ဝေါဒါနဿ… ဂေါတြဘု သဝိတက္ကသဝိစာရဿ မဂ္ဂဿ… ဝေါဒါနံ သဝိတက္ကသဝိစာရဿ မဂ္ဂဿ… သဝိတက္ကသဝိစာရော မဂ္ဂေါ သဝိတက္ကသဝိစာရဿ ဖလဿ… သဝိတက္ကသဝိစာရံ ဖလံ သဝိတက္ကသဝိစာရဿ ဖလဿ… အနုလောမံ သဝိတက္ကသဝိစာရာယ ဖလသမာပတ္တိယာ အနန္တရပစ္စယေန ပစ္စယော။ (၁)

သဝိတက္ကသဝိစာရော ဓမ္မော အဝိတက္ကဝိစာရမတ္တဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သဝိတက္ကသဝိစာရာ ခန္ဓာ ပစ္ဆိမဿ ပစ္ဆိမဿ ဝိတက္ကဿ အနန္တရပစ္စယေန ပစ္စယော။ သဝိတက္ကသဝိစာရံ စုတိစိတ္တံ အဝိတက္ကဝိစာရမတ္တဿ ဥပပတ္တိစိတ္တဿ…ပေ… သဝိတက္ကသဝိစာရာ ခန္ဓာ အဝိတက္ကဝိစာရမတ္တဿ ဝုဋ္ဌာနဿ ဝိတက္ကဿ စ…ပေ… အဝိတက္ကဝိစာရမတ္တဿ ဈာနဿ ပရိကမ္မံ အဝိတက္ကဝိစာရမတ္တဿ ဈာနဿ… ဂေါတြဘု အဝိတက္ကဝိစာရမတ္တဿ မဂ္ဂဿ… ဝေါဒါနံ အဝိတက္ကဝိစာရမတ္တဿ မဂ္ဂဿ… အနုလောမံ အဝိတက္ကဝိစာရမတ္တာယ ဖလသမာပတ္တိယာ ဝိတက္ကဿ စ အနန္တရပစ္စယေန ပစ္စယော။ (၂)

သဝိတက္ကသဝိစာရော ဓမ္မော အဝိတက္ကအဝိစာရဿ ဓမ္မဿ အနန္တရပစ္စယေန ပစ္စယော – သဝိတက္ကသဝိစာရံ စုတိစိတ္တံ အဝိတက္ကအဝိစာရဿ ဥပပတ္တိစိတ္တဿ ဝိစာရဿ စ အနန္တရပစ္စယေန ပစ္စယော – အာဝဇ္ဇနာ ပဉ္စန္နံ ဝိညာဏာနံ အနန္တရပစ္စယေန ¶ ပစ္စယော။ သဝိတက္ကသဝိစာရာ ခန္ဓာ အဝိတက္ကအဝိစာရဿ ဝုဋ္ဌာနဿ ဝိစာရဿ စ…ပေ… ဒုတိယဿ ဈာနဿ ပရိကမ္မံ ဒုတိယေ ဈာနေ ဝိစာရဿ အနန္တရပစ္စယေန ပစ္စယော။ တတိယဿ ဈာနဿ ပရိကမ္မံ ¶ …ပေ… စတုတ္ထဿ ဈာနဿ ပရိကမ္မံ…ပေ… အာကာသာနဉ္စာယတနဿ ပရိကမ္မံ…ပေ… ဝိညာဏဉ္စာယတနဿ ပရိကမ္မံ…ပေ… အာကိဉ္စညာယတနဿ ပရိကမ္မံ…ပေ… နေဝသညာနာသညာယတနဿ ပရိကမ္မံ…ပေ… ဒိဗ္ဗဿ စက္ခုဿ ပရိကမ္မံ…ပေ… ဒိဗ္ဗာယ သောတဓာတုယာ ပရိကမ္မံ…ပေ… ဣဒ္ဓိဝိဓဉာဏဿ ပရိကမ္မံ…ပေ… စေတောပရိယဉာဏဿ ပရိကမ္မံ…ပေ… ပုဗ္ဗေနိဝါသာနုဿတိဉာဏဿ ပရိကမ္မံ…ပေ… ယထာကမ္မူပဂဉာဏဿ ပရိကမ္မံ…ပေ… အနာဂတံသဉာဏဿ ပရိကမ္မံ…ပေ… ဂေါတြဘု အဝိတက္ကအဝိစာရဿ မဂ္ဂဿ ဝိစာရဿ စ… ဝေါဒါနံ အဝိတက္ကအဝိစာရဿ မဂ္ဂဿ ¶ ဝိစာရဿ စ… အနုလောမံ အဝိတက္ကအဝိစာရာယ ဖလသမာပတ္တိယာ ဝိစာရဿ စ အနန္တရပစ္စယေန ပစ္စယော။ (၃)

သဝိတက္ကသဝိစာရော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ အနန္တရပစ္စယေန ပစ္စယော – သဝိတက္ကသဝိစာရံ စုတိစိတ္တံ အဝိတက္ကဝိစာရမတ္တဿ ဥပပတ္တိစိတ္တဿ ဝိစာရဿ စ အနန္တရပစ္စယေန ပစ္စယော။ သဝိတက္ကသဝိစာရာ ခန္ဓာ အဝိတက္ကဝိစာရမတ္တဿ ဝုဋ္ဌာနဿ ဝိစာရဿ စ အနန္တရပစ္စယေန ပစ္စယော။ အဝိတက္ကဝိစာရမတ္တဿ ဈာနဿ ပရိကမ္မံ အဝိတက္ကဝိစာရမတ္တဿ ဈာနဿ ဝိစာရဿ စ အနန္တရပစ္စယေန ပစ္စယော။ ဂေါတြဘု အဝိတက္ကဝိစာရမတ္တဿ ¶ မဂ္ဂဿ ဝိစာရဿ စ… ဝေါဒါနံ အဝိတက္ကဝိစာရမတ္တဿ မဂ္ဂဿ ဝိစာရဿ စ… အနုလောမံ အဝိတက္ကဝိစာရမတ္တာယ ဖလသမာပတ္တိယာ ဝိစာရဿ စ အနန္တရပစ္စယေန ပစ္စယော။ (၄)

သဝိတက္ကသဝိစာရော ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သဝိတက္ကသဝိစာရာ ခန္ဓာ ပစ္ဆိမာနံ ပစ္ဆိမာနံ သဝိတက္ကသဝိစာရာနံ ခန္ဓာနံ ဝိတက္ကဿ စ အနန္တရပစ္စယေန ပစ္စယော။ အနုလောမံ ဂေါတြဘုဿ ဝိတက္ကဿ စ… အနုလောမံ ဝေါဒါနဿ ဝိတက္ကဿ စ… ဂေါတြဘု သဝိတက္ကသဝိစာရဿ မဂ္ဂဿ ဝိတက္ကဿ စ… ဝေါဒါနံ သဝိတက္ကသဝိစာရဿ မဂ္ဂဿ ဝိတက္ကဿ စ… သဝိတက္ကသဝိစာရော မဂ္ဂေါ သဝိတက္ကသဝိစာရဿ ဖလဿ ဝိတက္ကဿ စ… သဝိတက္ကသဝိစာရံ ဖလံ သဝိတက္ကသဝိစာရဿ ဖလဿ ဝိတက္ကဿ စ… အနုလောမံ သဝိတက္ကသဝိစာရာယ ဖလသမာပတ္တိယာ ဝိတက္ကဿ စ အနန္တရပစ္စယေန ပစ္စယော။ (၅)

၈၀။ အဝိတက္ကဝိစာရမတ္တော ¶ ဓမ္မော အဝိတက္ကဝိစာရမတ္တဿ ဓမ္မဿ အနန္တရပစ္စယေန ပစ္စယော – ပုရိမော ပုရိမော ဝိတက္ကော ပစ္ဆိမဿ ပစ္ဆိမဿ ဝိတက္ကဿ အနန္တရပစ္စယေန ပစ္စယော။ ပုရိမာ ပုရိမာ အဝိတက္ကဝိစာရမတ္တာ ခန္ဓာ ပစ္ဆိမာနံ ပစ္ဆိမာနံ အဝိတက္ကဝိစာရမတ္တာနံ ခန္ဓာနံ အနန္တရပစ္စယေန ပစ္စယော။ အဝိတက္ကဝိစာရမတ္တော မဂ္ဂေါ အဝိတက္ကဝိစာရမတ္တဿ ဖလဿ… အဝိတက္ကဝိစာရမတ္တံ ဖလံ အဝိတက္ကဝိစာရမတ္တဿ ဖလဿ အနန္တရပစ္စယေန ပစ္စယော။ (၁)

အဝိတက္ကဝိစာရမတ္တော ¶ ¶ ဓမ္မော သဝိတက္ကသဝိစာရဿ ဓမ္မဿ အနန္တရပစ္စယေန ပစ္စယော – ပုရိမော ပုရိမော ဝိတက္ကော ပစ္ဆိမာနံ ပစ္ဆိမာနံ သဝိတက္ကသဝိစာရာနံ ခန္ဓာနံ အနန္တရပစ္စယေန ပစ္စယော။ အဝိတက္ကဝိစာရမတ္တံ စုတိစိတ္တံ သဝိတက္ကသဝိစာရဿ ဥပပတ္တိစိတ္တဿ အနန္တရပစ္စယေန ပစ္စယော။ အဝိတက္ကဝိစာရမတ္တံ ဘဝင်္ဂံ အာဝဇ္ဇနာယ အနန္တရပစ္စယေန ပစ္စယော။ အဝိတက္ကဝိစာရမတ္တာ ခန္ဓာ သဝိတက္ကသဝိစာရဿ ဝုဋ္ဌာနဿ အနန္တရပစ္စယေန ပစ္စယော။ (၂)

အဝိတက္ကဝိစာရမတ္တော ဓမ္မော အဝိတက္ကအဝိစာရဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ အဝိတက္ကဝိစာရမတ္တာ ခန္ဓာ ပစ္ဆိမဿ ပစ္ဆိမဿ ဝိစာရဿ အနန္တရပစ္စယေန ပစ္စယော။ အဝိတက္ကဝိစာရမတ္တံ စုတိစိတ္တံ ဝိတက္ကော စ အဝိတက္ကအဝိစာရဿ ဥပပတ္တိစိတ္တဿ ဝိစာရဿ စ အနန္တရပစ္စယေန ပစ္စယော။ အဝိတက္ကဝိစာရမတ္တာ ခန္ဓာ ဝိတက္ကော စ အဝိတက္ကအဝိစာရဿ ဝုဋ္ဌာနဿ ဝိစာရဿ စ အနန္တရပစ္စယေန ပစ္စယော။ (၃)

အဝိတက္ကဝိစာရမတ္တော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ အဝိတက္ကဝိစာရမတ္တာ ခန္ဓာ ပစ္ဆိမာနံ ပစ္ဆိမာနံ အဝိတက္ကဝိစာရမတ္တာနံ ခန္ဓာနံ ဝိစာရဿ စ အနန္တရပစ္စယေန ပစ္စယော။ အဝိတက္ကဝိစာရမတ္တော မဂ္ဂေါ အဝိတက္ကဝိစာရမတ္တဿ ဖလဿ ဝိစာရဿ စ… အဝိတက္ကဝိစာရမတ္တံ ဖလံ အဝိတက္ကဝိစာရမတ္တဿ ဖလဿ ဝိစာရဿ စ အနန္တရပစ္စယေန ¶ ပစ္စယော။ (၄)

အဝိတက္ကဝိစာရမတ္တော ¶ ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ အနန္တရပစ္စယေန ပစ္စယော – ပုရိမော ပုရိမော ဝိတက္ကော ပစ္ဆိမာနံ ပစ္ဆိမာနံ သဝိတက္ကသဝိစာရာနံ ခန္ဓာနံ ဝိတက္ကဿ စ အနန္တရပစ္စယေန ပစ္စယော။ အဝိတက္ကဝိစာရမတ္တံ စုတိစိတ္တံ သဝိတက္ကသဝိစာရဿ ဥပပတ္တိစိတ္တဿ ဝိတက္ကဿ စ အနန္တရပစ္စယေန ပစ္စယော။ အဝိတက္ကဝိစာရမတ္တံ ဘဝင်္ဂံ အာဝဇ္ဇနာယ ဝိတက္ကဿ စ အနန္တရပစ္စယေန ပစ္စယော။ အဝိတက္ကဝိစာရမတ္တာ ခန္ဓာ သဝိတက္ကသဝိစာရဿ ဝုဋ္ဌာနဿ ဝိတက္ကဿ စ အနန္တရပစ္စယေန ပစ္စယော။ (၅)

၈၁။ အဝိတက္ကအဝိစာရော ဓမ္မော အဝိတက္ကအဝိစာရဿ ဓမ္မဿ အနန္တရပစ္စယေန ပစ္စယော – ပုရိမော ပုရိမော ဝိစာရော ပစ္ဆိမဿ ပစ္ဆိမဿ ဝိစာရဿ အနန္တရပစ္စယေန ပစ္စယော။ ပုရိမာ ပုရိမာ အဝိတက္ကအဝိစာရာ ခန္ဓာ ပစ္ဆိမာနံ ပစ္ဆိမာနံ ¶ အဝိတက္ကအဝိစာရာနံ ခန္ဓာနံ အနန္တရပစ္စယေန ပစ္စယော။ အဝိတက္ကအဝိစာရော မဂ္ဂေါ အဝိတက္ကအဝိစာရဿ ဖလဿ… အဝိတက္ကအဝိစာရံ ဖလံ အဝိတက္ကအဝိစာရဿ ဖလဿ အနန္တရပစ္စယေန ပစ္စယော။ နိရောဓာ ဝုဋ္ဌဟန္တဿ နေဝသညာနာသညာယတနံ အဝိတက္ကအဝိစာရာယ ဖလသမာပတ္တိယာ ဝိစာရဿ စ အနန္တရပစ္စယေန ပစ္စယော။ (၁)

အဝိတက္ကအဝိစာရော ဓမ္မော သဝိတက္ကသဝိစာရဿ ဓမ္မဿ အနန္တရပစ္စယေန ပစ္စယော – အဝိတက္ကအဝိစာရံ စုတိစိတ္တံ ဝိစာရော စ သဝိတက္ကသဝိစာရဿ ¶ ဥပပတ္တိစိတ္တဿ အနန္တရပစ္စယေန ပစ္စယော။ အဝိတက္ကအဝိစာရံ ဘဝင်္ဂံ ဝိစာရော စ အာဝဇ္ဇနာယ အနန္တရပစ္စယေန ပစ္စယော။ အဝိတက္ကအဝိစာရာ ခန္ဓာ ဝိစာရော စ သဝိတက္ကသဝိစာရဿ ဝုဋ္ဌာနဿ အနန္တရပစ္စယေန ပစ္စယော။ နိရောဓာ ဝုဋ္ဌဟန္တဿ နေဝသညာနာသညာယတနံ သဝိတက္ကသဝိစာရာယ ဖလသမာပတ္တိယာ အနန္တရပစ္စယေန ပစ္စယော။ (၂)

အဝိတက္ကအဝိစာရော ဓမ္မော အဝိတက္ကဝိစာရမတ္တဿ ဓမ္မဿ အနန္တရပစ္စယေန ပစ္စယော – ပုရိမော ပုရိမော ဝိစာရော ပစ္ဆိမာနံ ပစ္ဆိမာနံ အဝိတက္ကဝိစာရမတ္တာနံ ခန္ဓာနံ အနန္တရပစ္စယေန ပစ္စယော။ အဝိတက္ကအဝိစာရံ စုတိစိတ္တံ ဝိစာရော စ အဝိတက္ကဝိစာရမတ္တဿ ဥပပတ္တိစိတ္တဿ ဝိတက္ကဿ စ အနန္တရပစ္စယေန ပစ္စယော။ အဝိတက္ကအဝိစာရာ ခန္ဓာ ဝိစာရော စ အဝိတက္ကဝိစာရမတ္တဿ ဝုဋ္ဌာနဿ ဝိတက္ကဿ စ အနန္တရပစ္စယေန ပစ္စယော။ နိရောဓာ ¶ ဝုဋ္ဌဟန္တဿ နေဝသညာနာသညာယတနံ အဝိတက္ကဝိစာရမတ္တာယ ဖလသမာပတ္တိယာ ဝိတက္ကဿ စ အနန္တရပစ္စယေန ပစ္စယော။ (၃)

အဝိတက္ကအဝိစာရော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ အနန္တရပစ္စယေန ပစ္စယော – ပုရိမော ပုရိမော ဝိစာရော ပစ္ဆိမာနံ ပစ္ဆိမာနံ အဝိတက္ကဝိစာရမတ္တာနံ ခန္ဓာနံ ဝိစာရဿ စ အနန္တရပစ္စယေန ပစ္စယော။ အဝိတက္ကအဝိစာရံ စုတိစိတ္တံ အဝိတက္ကဝိစာရမတ္တဿ ဥပပတ္တိစိတ္တဿ ဝိစာရဿ စ အနန္တရပစ္စယေန ပစ္စယော။ အဝိတက္ကအဝိစာရာ ခန္ဓာ အဝိတက္ကဝိစာရမတ္တဿ ဝုဋ္ဌာနဿ ဝိစာရဿ စ အနန္တရပစ္စယေန ပစ္စယော။ နိရောဓာ ဝုဋ္ဌဟန္တဿ ¶ နေဝသညာနာသညာယတနံ အဝိတက္ကဝိစာရမတ္တာယ ဖလသမာပတ္တိယာ ဝိစာရဿ စ အနန္တရပစ္စယေန ပစ္စယော။ (၄)

အဝိတက္ကအဝိစာရော ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ အနန္တရပစ္စယေန ပစ္စယော – အဝိတက္ကအဝိစာရံ စုတိစိတ္တံ ဝိစာရော ¶ စ သဝိတက္ကသဝိစာရဿ ဥပပတ္တိစိတ္တဿ ဝိတက္ကဿ စ အနန္တရပစ္စယေန ပစ္စယော။ အဝိတက္ကအဝိစာရံ ဘဝင်္ဂဉ္စ ဝိစာရော စ အာဝဇ္ဇနာယ ဝိတက္ကဿ စ အနန္တရပစ္စယေန ပစ္စယော။ အဝိတက္ကအဝိစာရာ ခန္ဓာ ဝိစာရော စ သဝိတက္ကသဝိစာရဿ ဝုဋ္ဌာနဿ ဝိတက္ကဿ စ အနန္တရပစ္စယေန ပစ္စယော။ နိရောဓာ ဝုဋ္ဌဟန္တဿ နေဝသညာနာသညာယတနံ သဝိတက္ကသဝိစာရာယ ဖလသမာပတ္တိယာ ဝိတက္ကဿ စ အနန္တရပစ္စယေန ပစ္စယော။ (၅)

၈၂။ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ သဝိတက္ကသဝိစာရဿ ဓမ္မဿ အနန္တရပစ္စယေန ပစ္စယော – အဝိတက္ကဝိစာရမတ္တံ စုတိစိတ္တဉ္စ ဝိစာရော စ သဝိတက္ကသဝိစာရဿ ဥပပတ္တိစိတ္တဿ အနန္တရပစ္စယေန ပစ္စယော။ အဝိတက္ကဝိစာရမတ္တံ ဘဝင်္ဂဉ္စ ဝိစာရော စ အာဝဇ္ဇနာယ အနန္တရပစ္စယေန ပစ္စယော။ အဝိတက္ကဝိစာရမတ္တာ ခန္ဓာ စ ဝိစာရော စ သဝိတက္ကသဝိစာရဿ ဝုဋ္ဌာနဿ အနန္တရပစ္စယေန ပစ္စယော။ (၁)

အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ အဝိတက္ကဝိစာရမတ္တဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ¶ အဝိတက္ကဝိစာရမတ္တာ ခန္ဓာ စ ဝိစာရော စ ပစ္ဆိမာနံ ပစ္ဆိမာနံ အဝိတက္ကဝိစာရမတ္တာနံ ခန္ဓာနံ အနန္တရပစ္စယေန ပစ္စယော။ အဝိတက္ကဝိစာရမတ္တော ¶ မဂ္ဂေါ စ ဝိစာရော စ အဝိတက္ကဝိစာရမတ္တဿ ဖလဿ အနန္တရပစ္စယေန ပစ္စယော။ အဝိတက္ကဝိစာရမတ္တံ ဖလဉ္စ ဝိစာရော စ အဝိတက္ကဝိစာရမတ္တဿ ဖလဿ အနန္တရပစ္စယေန ပစ္စယော။ (၂)

အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ အဝိတက္ကအဝိစာရဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ အဝိတက္ကဝိစာရမတ္တာ ခန္ဓာ စ ဝိစာရော စ ပစ္ဆိမဿ ပစ္ဆိမဿ ဝိစာရဿ အနန္တရပစ္စယေန ပစ္စယော။ အဝိတက္ကဝိစာရမတ္တံ စုတိစိတ္တဉ္စ ဝိစာရော စ အဝိတက္ကအဝိစာရဿ ဥပပတ္တိစိတ္တဿ အနန္တရပစ္စယေန ပစ္စယော။ အဝိတက္ကဝိစာရမတ္တာ ခန္ဓာ စ ဝိစာရော စ အဝိတက္ကအဝိစာရဿ ဝုဋ္ဌာနဿ အနန္တရပစ္စယေန ပစ္စယော။ (၃)

အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ အဝိတက္ကဝိစာရမတ္တာ ခန္ဓာ စ ဝိစာရော စ ပစ္ဆိမာနံ ပစ္ဆိမာနံ အဝိတက္ကဝိစာရမတ္တာနံ ခန္ဓာနံ ဝိစာရဿ စ အနန္တရပစ္စယေန ပစ္စယော။ အဝိတက္ကဝိစာရမတ္တော မဂ္ဂေါ စ ဝိစာရော စ အဝိတက္ကဝိစာရမတ္တဿ ဖလဿ ဝိစာရဿ ¶ စ အနန္တရပစ္စယေန ပစ္စယော။ အဝိတက္ကဝိစာရမတ္တံ ဖလဉ္စ ဝိစာရော စ အဝိတက္ကဝိစာရမတ္တဿ ဖလဿ စ ဝိစာရဿ စ အနန္တရပစ္စယေန ပစ္စယော။ (၄)

အဝိတက္ကဝိစာရမတ္တော ¶ စ အဝိတက္ကအဝိစာရော စ ဓမ္မာ သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ အနန္တရပစ္စယေန ပစ္စယော – အဝိတက္ကဝိစာရမတ္တံ စုတိစိတ္တဉ္စ ဝိစာရော စ သဝိတက္ကသဝိစာရဿ ဥပပတ္တိစိတ္တဿ ဝိတက္ကဿ စ အနန္တရပစ္စယေန ပစ္စယော။ အဝိတက္ကဝိစာရမတ္တံ ဘဝင်္ဂဉ္စ ဝိစာရော စ အာဝဇ္ဇနာယ ဝိတက္ကဿ စ အနန္တရပစ္စယေန ပစ္စယော။ အဝိတက္ကဝိစာရမတ္တာ ခန္ဓာ စ ဝိစာရော စ သဝိတက္ကသဝိစာရဿ ဝုဋ္ဌာနဿ ဝိတက္ကဿ စ အနန္တရပစ္စယေန ပစ္စယော။ (၅)

၈၃။ သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ သဝိတက္ကသဝိစာရဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သဝိတက္ကသဝိစာရာ ခန္ဓာ စ ဝိတက္ကော စ ¶ ပစ္ဆိမာနံ ပစ္ဆိမာနံ သဝိတက္ကသဝိစာရာနံ ခန္ဓာနံ အနန္တရပစ္စယေန ပစ္စယော။ အနုလောမဉ္စ ဝိတက္ကော စ ဂေါတြဘုဿ… အနုလောမဉ္စ ဝိတက္ကော စ ဝေါဒါနဿ… ဂေါတြဘု စ ဝိတက္ကော စ သဝိတက္ကသဝိစာရဿ မဂ္ဂဿ… ဝေါဒါနဉ္စ ဝိတက္ကော စ သဝိတက္ကသဝိစာရဿ မဂ္ဂဿ… သဝိတက္ကသဝိစာရော မဂ္ဂေါ စ ဝိတက္ကော စ သဝိတက္ကသဝိစာရဿ ဖလဿ… သဝိတက္ကသဝိစာရံ ဖလဉ္စ ဝိတက္ကော စ သဝိတက္ကသဝိစာရဿ ဖလဿ… အနုလောမဉ္စ ဝိတက္ကော စ သဝိတက္ကသဝိစာရာယ ဖလသမာပတ္တိယာ အနန္တရပစ္စယေန ပစ္စယော။ (၁)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ အဝိတက္ကဝိစာရမတ္တဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ¶ သဝိတက္ကသဝိစာရာ ခန္ဓာ စ ဝိတက္ကော စ ပစ္ဆိမဿ ပစ္ဆိမဿ ဝိတက္ကဿ အနန္တရပစ္စယေန ပစ္စယော။ သဝိတက္ကသဝိစာရံ စုတိစိတ္တဉ္စ ဝိတက္ကော စ အဝိတက္ကဝိစာရမတ္တဿ ဥပပတ္တိစိတ္တဿ အနန္တရပစ္စယေန ပစ္စယော။ သဝိတက္ကသဝိစာရာ ခန္ဓာ စ ဝိတက္ကော စ အဝိတက္ကဝိစာရမတ္တဿ ဝုဋ္ဌာနဿ အနန္တရပစ္စယေန ပစ္စယော။ အဝိတက္ကဝိစာရမတ္တဿ ဈာနဿ ပရိကမ္မဉ္စ ဝိတက္ကော စ အဝိတက္ကဝိစာရမတ္တဿ ဈာနဿ အနန္တရပစ္စယေန ပစ္စယော။ ဂေါတြဘု စ ဝိတက္ကော စ အဝိတက္ကဝိစာရမတ္တဿ မဂ္ဂဿ… ဝေါဒါနဉ္စ ဝိတက္ကော စ အဝိတက္ကဝိစာရမတ္တဿ မဂ္ဂဿ ¶ … အနုလောမဉ္စ ဝိတက္ကော စ အဝိတက္ကဝိစာရမတ္တာယ ဖလသမာပတ္တိယာ အနန္တရပစ္စယေန ပစ္စယော။ (၂)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ အဝိတက္ကအဝိစာရဿ ဓမ္မဿ အနန္တရပစ္စယေန ပစ္စယော – သဝိတက္ကသဝိစာရံ စုတိစိတ္တဉ္စ ဝိတက္ကော စ အဝိတက္ကအဝိစာရဿ ဥပပတ္တိစိတ္တဿ ဝိစာရဿ စ အနန္တရပစ္စယေန ပစ္စယော။ အာဝဇ္ဇနာ စ ဝိတက္ကော စ ပဉ္စန္နံ ဝိညာဏာနံ အနန္တရပစ္စယေန ပစ္စယော။ သဝိတက္ကသဝိစာရာ ခန္ဓာ စ ဝိတက္ကော စ အဝိတက္ကအဝိစာရဿ ဝုဋ္ဌာနဿ စ ဝိစာရဿ စ အနန္တရပစ္စယေန ပစ္စယော။ ဒုတိယဿ ဈာနဿ ပရိကမ္မဉ္စ ဝိတက္ကော စ ဒုတိယေ ဈာနေ ဝိစာရဿ အနန္တရပစ္စယေန ပစ္စယော။ တတိယဿ ဈာနဿ ပရိကမ္မဉ္စ ဝိတက္ကော စ…ပေ… စတုတ္ထဿ ဈာနဿ ပရိကမ္မဉ္စ ဝိတက္ကော စ…ပေ… အာကာသာနဉ္စာယတနဿ ပရိကမ္မဉ္စ ဝိတက္ကော စ…ပေ… ဝိညာဏဉ္စာယတနဿ ¶ ပရိကမ္မဉ္စ ဝိတက္ကော စ…ပေ… အာကိဉ္စညာယတနဿ ပရိကမ္မဉ္စ ဝိတက္ကော စ…ပေ… နေဝသညာနာသညာယတနဿ ပရိကမ္မဉ္စ ဝိတက္ကော စ ¶ …ပေ… ဒိဗ္ဗဿ စက္ခုဿ ပရိကမ္မဉ္စ ဝိတက္ကော စ…ပေ… ဒိဗ္ဗာယ သောတဓာတုယာ ပရိကမ္မဉ္စ ဝိတက္ကော စ…ပေ… ဣဒ္ဓိဝိဓဉာဏဿ ပရိကမ္မဉ္စ ဝိတက္ကော စ…ပေ… စေတောပရိယဉာဏဿ ပရိကမ္မဉ္စ ဝိတက္ကော စ…ပေ… ပုဗ္ဗေနိဝါသာနုဿတိဉာဏဿ ပရိကမ္မဉ္စ ဝိတက္ကော စ…ပေ… ယထာကမ္မူပဂဉာဏဿ ပရိကမ္မဉ္စ ဝိတက္ကော စ…ပေ… အနာဂတံသဉာဏဿ ပရိကမ္မဉ္စ ဝိတက္ကော စ…ပေ… ဂေါတြဘု စ ဝိတက္ကော စ အဝိတက္ကအဝိစာရဿ မဂ္ဂဿ ဝိစာရဿ စ… ဝေါဒါနဉ္စ ဝိတက္ကော စ အဝိတက္ကအဝိစာရဿ မဂ္ဂဿ ဝိစာရဿ စ… အနုလောမဉ္စ ဝိတက္ကော စ အဝိတက္ကအဝိစာရာယ ဖလသမာပတ္တိယာ ဝိစာရဿ စ အနန္တရပစ္စယေန ပစ္စယော။ (၃)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ အနန္တရပစ္စယေန ပစ္စယော – သဝိတက္ကသဝိစာရံ စုတိစိတ္တဉ္စ ဝိတက္ကော စ အဝိတက္ကဝိစာရမတ္တဿ ဥပပတ္တိစိတ္တဿ စ ဝိစာရဿ စ အနန္တရပစ္စယေန ပစ္စယော။ သဝိတက္ကသဝိစာရာ ခန္ဓာ စ ဝိတက္ကော စ အဝိတက္ကဝိစာရမတ္တဿ ဝုဋ္ဌာနဿ စ ဝိစာရဿ စ အနန္တရပစ္စယေန ပစ္စယော။ အဝိတက္ကဝိစာရမတ္တဿ ဈာနဿ ပရိကမ္မဉ္စ ဝိတက္ကော စ အဝိတက္ကဝိစာရမတ္တဿ ဈာနဿ စ ဝိစာရဿ စ အနန္တရပစ္စယေန ပစ္စယော။ ဂေါတြဘု စ ဝိတက္ကော စ အဝိတက္ကဝိစာရမတ္တဿ မဂ္ဂဿ စ ဝိစာရဿ စ အနန္တရပစ္စယေန ပစ္စယော။ ဝေါဒါနဉ္စ ဝိတက္ကော စ အဝိတက္ကဝိစာရမတ္တဿ ¶ မဂ္ဂဿ စ ဝိစာရဿ ¶ စ… အနုလောမဉ္စ ဝိတက္ကော စ အဝိတက္ကဝိစာရမတ္တာယ ဖလသမာပတ္တိယာ စ ဝိစာရဿ စ အနန္တရပစ္စယေန ပစ္စယော။ (၄)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သဝိတက္ကသဝိစာရာ ခန္ဓာ စ ဝိတက္ကော စ ပစ္ဆိမာနံ ပစ္ဆိမာနံ သဝိတက္ကသဝိစာရာနံ ခန္ဓာနံ ဝိတက္ကဿ စ အနန္တရပစ္စယေန ပစ္စယော။ အနုလောမဉ္စ ဝိတက္ကော စ ဂေါတြဘုဿ စ ဝိတက္ကဿ စ… အနုလောမဉ္စ ဝိတက္ကော စ ဝေါဒါနဿ စ ဝိတက္ကဿ စ… ဂေါတြဘု စ ဝိတက္ကော စ သဝိတက္ကသဝိစာရဿ စ မဂ္ဂဿ စ ဝိတက္ကဿ စ… ဝေါဒါနဉ္စ ဝိတက္ကော စ သဝိတက္ကသဝိစာရဿ မဂ္ဂဿ စ ဝိတက္ကဿ စ အနန္တရပစ္စယေန ပစ္စယော။ သဝိတက္ကသဝိစာရော မဂ္ဂေါ စ ဝိတက္ကော စ သဝိတက္ကသဝိစာရဿ ဖလဿ စ ဝိတက္ကဿ စ ¶ … သဝိတက္ကသဝိစာရံ ဖလဉ္စ ဝိတက္ကော စ သဝိတက္ကသဝိစာရဿ ဖလဿ စ ဝိတက္ကဿ စ… အနုလောမဉ္စ ဝိတက္ကော စ သဝိတက္ကသဝိစာရာယ ဖလသမာပတ္တိယာ စ ဝိတက္ကဿ စ အနန္တရပစ္စယေန ပစ္စယော။ (၅)

သမနန္တရပစ္စယော

၈၄။ သဝိတက္ကသဝိစာရော ဓမ္မော သဝိတက္ကသဝိစာရဿ ဓမ္မဿ သမနန္တရပစ္စယေန ပစ္စယော (အနန္တရပစ္စယောပိ သမနန္တရပစ္စယောပိ သဒိသော)။

သဟဇာတပစ္စယော

၈၅။ သဝိတက္ကသဝိစာရော ¶ ဓမ္မော သဝိတက္ကသဝိစာရဿ ဓမ္မဿ သဟဇာတပစ္စယေန ပစ္စယော – သဝိတက္ကသဝိစာရော ဧကော ခန္ဓော တိဏ္ဏန္နံ ခန္ဓာနံ သဟဇာတပစ္စယေန ပစ္စယော။ တယော ခန္ဓာ ဧကဿ ခန္ဓဿ သဟဇာတပစ္စယေန ပစ္စယော။ ဒွေ ခန္ဓာ ဒွိန္နံ ခန္ဓာနံ သဟဇာတပစ္စယေန ပစ္စယော။ ပဋိသန္ဓိက္ခဏေ သဝိတက္ကသဝိစာရော ဧကော ခန္ဓော တိဏ္ဏန္နံ ခန္ဓာနံ…ပေ… ဒွေ ခန္ဓာ ဒွိန္နံ ခန္ဓာနံ…ပေ…။ (၁)

သဝိတက္ကသဝိစာရော ဓမ္မော အဝိတက္ကဝိစာရမတ္တဿ ဓမ္မဿ သဟဇာတပစ္စယေန ပစ္စယော – သဝိတက္ကသဝိစာရာ ခန္ဓာ ဝိတက္ကဿ သဟဇာတပစ္စယေန ပစ္စယော။ ပဋိသန္ဓိက္ခဏေ…ပေ…။ (၂)

သဝိတက္ကသဝိစာရော ¶ ဓမ္မော အဝိတက္ကအဝိစာရဿ ဓမ္မဿ သဟဇာတပစ္စယေန ပစ္စယော – သဝိတက္ကသဝိစာရာ ခန္ဓာ စိတ္တသမုဋ္ဌာနာနံ ရူပါနံ သဟဇာတပစ္စယေန ပစ္စယော။ ပဋိသန္ဓိက္ခဏေ…ပေ… ကဋတ္တာရူပါနံ…ပေ…။ (၃)

သဝိတက္ကသဝိစာရော ဓမ္မော သဝိတက္ကသဝိစာရဿ စ အဝိတက္ကအဝိစာရဿ စ ဓမ္မဿ သဟဇာတပစ္စယေန ပစ္စယော – သဝိတက္ကသဝိစာရော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ သဟဇာတပစ္စယေန ပစ္စယော…ပေ… ဒွေ ခန္ဓာ ဒွိန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ သဟဇာတပစ္စယေန ပစ္စယော။ ပဋိသန္ဓိက္ခဏေ…ပေ…။ (၄)

သဝိတက္ကသဝိစာရော ¶ ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ သဟဇာတပစ္စယေန ပစ္စယော – သဝိတက္ကသဝိစာရာ ¶ ခန္ဓာ ဝိတက္ကဿ စ စိတ္တသမုဋ္ဌာနာနဉ္စ ရူပါနံ သဟဇာတပစ္စယေန ပစ္စယော။ ပဋိသန္ဓိက္ခဏေ…ပေ…။ (၅)

သဝိတက္ကသဝိစာရော ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ သဟဇာတပစ္စယေန ပစ္စယော – သဝိတက္ကသဝိစာရော ဧကော ခန္ဓော တိဏ္ဏန္နံ ခန္ဓာနံ ဝိတက္ကဿ စ သဟဇာတပစ္စယေန ပစ္စယော…ပေ… ဒွေ ခန္ဓာ ဒွိန္နံ ခန္ဓာနံ ဝိတက္ကဿ စ သဟဇာတပစ္စယေန ပစ္စယော။ ပဋိသန္ဓိက္ခဏေ…ပေ…။ (၆)

သဝိတက္ကသဝိစာရော ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ သဟဇာတပစ္စယေန ပစ္စယော – သဝိတက္ကသဝိစာရော ဧကော ခန္ဓော တိဏ္ဏန္နံ ခန္ဓာနံ ဝိတက္ကဿ စ စိတ္တသမုဋ္ဌာနာနဉ္စ ရူပါနံ သဟဇာတပစ္စယေန ပစ္စယော…ပေ… ဒွေ ခန္ဓာ ဒွိန္နံ ခန္ဓာနံ ဝိတက္ကဿ စ စိတ္တသမုဋ္ဌာနာနဉ္စ ရူပါနံ…ပေ… ပဋိသန္ဓိက္ခဏေ…ပေ…။ (၇)

၈၆။ အဝိတက္ကဝိစာရမတ္တော ဓမ္မော အဝိတက္ကဝိစာရမတ္တဿ ဓမ္မဿ သဟဇာတပစ္စယေန ပစ္စယော – အဝိတက္ကဝိစာရမတ္တော ဧကော ခန္ဓော တိဏ္ဏန္နံ ခန္ဓာနံ သဟဇာတပစ္စယေန ပစ္စယော…ပေ… ဒွေ ခန္ဓာ ဒွိန္နံ ခန္ဓာနံ…ပေ… ပဋိသန္ဓိက္ခဏေ…ပေ…။ (၁)

အဝိတက္ကဝိစာရမတ္တော ဓမ္မော သဝိတက္ကသဝိစာရဿ ဓမ္မဿ သဟဇာတပစ္စယေန ပစ္စယော – ဝိတက္ကော သဝိတက္ကသဝိစာရာနံ ခန္ဓာနံ သဟဇာတပစ္စယေန ပစ္စယော။ ပဋိသန္ဓိက္ခဏေ…ပေ…။ (၂)

အဝိတက္ကဝိစာရမတ္တော ¶ ¶ ဓမ္မော အဝိတက္ကအဝိစာရဿ ဓမ္မဿ သဟဇာတပစ္စယေန ပစ္စယော – အဝိတက္ကဝိစာရမတ္တာ ခန္ဓာ ဝိစာရဿ စိတ္တသမုဋ္ဌာနာနဉ္စ ရူပါနံ သဟဇာတပစ္စယေန ပစ္စယော၊ ဝိတက္ကော စိတ္တသမုဋ္ဌာနာနံ ရူပါနံ သဟဇာတပစ္စယေန ပစ္စယော။ ပဋိသန္ဓိက္ခဏေ…ပေ…။ (၃)

အဝိတက္ကဝိစာရမတ္တော ¶ ဓမ္မော သဝိတက္ကသဝိစာရဿ စ အဝိတက္ကအဝိစာရဿ စ ဓမ္မဿ သဟဇာတပစ္စယေန ပစ္စယော – ဝိတက္ကော သဝိတက္ကသဝိစာရာနံ ခန္ဓာနံ စိတ္တသမုဋ္ဌာနာနဉ္စ ရူပါနံ သဟဇာတပစ္စယေန ပစ္စယော။ ပဋိသန္ဓိက္ခဏေ…ပေ…။ (၄)

အဝိတက္ကဝိစာရမတ္တော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ သဟဇာတပစ္စယေန ပစ္စယော – အဝိတက္ကဝိစာရမတ္တော ဧကော ခန္ဓော တိဏ္ဏန္နံ ခန္ဓာနံ ဝိစာရဿ စ စိတ္တသမုဋ္ဌာနာနဉ္စ ရူပါနံ သဟဇာတပစ္စယေန ပစ္စယော…ပေ… ဒွေ ခန္ဓာ ဒွိန္နံ ခန္ဓာနံ ဝိစာရဿ စ စိတ္တသမုဋ္ဌာနာနဉ္စ ရူပါနံ…ပေ… ပဋိသန္ဓိက္ခဏေ…ပေ…။ (၅)

၈၇။ အဝိတက္ကအဝိစာရော ဓမ္မော အဝိတက္ကအဝိစာရဿ ဓမ္မဿ သဟဇာတပစ္စယေန ပစ္စယော – အဝိတက္ကအဝိစာရော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ သဟဇာတပစ္စယေန ပစ္စယော…ပေ… ဒွေ ခန္ဓာ ဒွိန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ သဟဇာတပစ္စယေန ပစ္စယော။ ဝိစာရော စိတ္တသမုဋ္ဌာနာနံ ရူပါနံ…ပေ… ပဋိသန္ဓိက္ခဏေ အဝိတက္ကအဝိစာရော ¶ ဧကော ခန္ဓော တိဏ္ဏန္နံ ခန္ဓာနံ ကဋတ္တာ စ ရူပါနံ…ပေ… ဒွေ ခန္ဓာ ဒွိန္နံ ခန္ဓာနံ ကဋတ္တာ စ ရူပါနံ…ပေ… ဝိစာရော ကဋတ္တာရူပါနံ…ပေ… ခန္ဓာ ဝတ္ထုဿ…ပေ… ဝတ္ထု ခန္ဓာနံ…ပေ… ဝိစာရော ဝတ္ထုဿ…ပေ… ဝတ္ထု ဝိစာရဿ…ပေ… ဧကံ မဟာဘူတံ တိဏ္ဏန္နံ မဟာဘူတာနံ…ပေ… မဟာဘူတာ စိတ္တသမုဋ္ဌာနာနံ ရူပါနံ ကဋတ္တာရူပါနံ ဥပါဒါရူပါနံ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ ဧကံ မဟာဘူတံ…ပေ… မဟာဘူတာ ကဋတ္တာရူပါနံ ဥပါဒါရူပါနံ သဟဇာတပစ္စယေန ပစ္စယော။ (၁)

အဝိတက္ကအဝိစာရော ဓမ္မော သဝိတက္ကသဝိစာရဿ ဓမ္မဿ သဟဇာတပစ္စယေန ပစ္စယော – ပဋိသန္ဓိက္ခဏေ ဝတ္ထု သဝိတက္ကသဝိစာရာနံ ခန္ဓာနံ သဟဇာတပစ္စယေန ပစ္စယော။ (၂)

အဝိတက္ကအဝိစာရော ¶ ဓမ္မော အဝိတက္ကဝိစာရမတ္တဿ ဓမ္မဿ သဟဇာတပစ္စယေန ပစ္စယော – ဝိစာရော အဝိတက္ကဝိစာရမတ္တာနံ ခန္ဓာနံ သဟဇာတပစ္စယေန ပစ္စယော။ ပဋိသန္ဓိက္ခဏေ ဝိစာရော အဝိတက္ကဝိစာရမတ္တာနံ ခန္ဓာနံ သဟဇာတပစ္စယေန ပစ္စယော။ ပဋိသန္ဓိက္ခဏေ ဝတ္ထု အဝိတက္ကဝိစာရမတ္တာနံ ခန္ဓာနံ သဟဇာတပစ္စယေန ပစ္စယော။ ပဋိသန္ဓိက္ခဏေ ဝတ္ထု ဝိတက္ကဿ သဟဇာတပစ္စယေန ပစ္စယော။ (၃)

အဝိတက္ကအဝိစာရော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ သဟဇာတပစ္စယေန ပစ္စယော – ဝိစာရော အဝိတက္ကဝိစာရမတ္တာနံ ခန္ဓာနံ စိတ္တသမုဋ္ဌာနာနဉ္စ ရူပါနံ သဟဇာတပစ္စယေန ပစ္စယော။ ပဋိသန္ဓိက္ခဏေ ဝိစာရော အဝိတက္ကဝိစာရမတ္တာနံ ခန္ဓာနံ ¶ ကဋတ္တာ စ ရူပါနံ…ပေ… ပဋိသန္ဓိက္ခဏေ ဝတ္ထု အဝိတက္ကဝိစာရမတ္တာနံ ခန္ဓာနံ ဝိစာရဿ စ သဟဇာတပစ္စယေန ပစ္စယော။ (၄)

အဝိတက္ကအဝိစာရော ¶ ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ သဟဇာတပစ္စယေန ပစ္စယော – ပဋိသန္ဓိက္ခဏေ ဝတ္ထု သဝိတက္ကသဝိစာရာနံ ခန္ဓာနံ ဝိတက္ကဿ စ သဟဇာတပစ္စယေန ပစ္စယော။ (၅)

၈၈။ သဝိတက္ကသဝိစာရော စ အဝိတက္ကအဝိစာရော စ ဓမ္မာ သဝိတက္ကသဝိစာရဿ ဓမ္မဿ သဟဇာတပစ္စယေန ပစ္စယော – ပဋိသန္ဓိက္ခဏေ သဝိတက္ကသဝိစာရော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ သဟဇာတပစ္စယေန ပစ္စယော…ပေ… ဒွေ ခန္ဓာ စ ဝတ္ထု စ ဒွိန္နံ ခန္ဓာနံ သဟဇာတပစ္စယေန ပစ္စယော။ (၁)

သဝိတက္ကသဝိစာရော စ အဝိတက္ကအဝိစာရော စ ဓမ္မာ အဝိတက္ကဝိစာရမတ္တဿ ဓမ္မဿ သဟဇာတပစ္စယေန ပစ္စယော – ပဋိသန္ဓိက္ခဏေ သဝိတက္ကသဝိစာရာ ခန္ဓာ စ ဝတ္ထု စ ဝိတက္ကဿ သဟဇာတပစ္စယေန ပစ္စယော။ (၂)

သဝိတက္ကသဝိစာရော စ အဝိတက္ကအဝိစာရော စ ဓမ္မာ အဝိတက္ကအဝိစာရဿ ဓမ္မဿ သဟဇာတပစ္စယေန ပစ္စယော – သဝိတက္ကသဝိစာရာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ သဟဇာတပစ္စယေန ပစ္စယော။ ပဋိသန္ဓိက္ခဏေ သဝိတက္ကသဝိစာရာ ခန္ဓာ စ မဟာဘူတာ စ ကဋတ္တာရူပါနံ သဟဇာတပစ္စယေန ပစ္စယော။ (၃)

သဝိတက္ကသဝိစာရော ¶ ¶ စ အဝိတက္ကအဝိစာရော စ ဓမ္မာ သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ သဟဇာတပစ္စယေန ပစ္စယော – ပဋိသန္ဓိက္ခဏေ သဝိတက္ကသဝိစာရော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ ဝိတက္ကဿ စ…ပေ… ဒွေ ခန္ဓာ စ ဝတ္ထု စ ဒွိန္နံ ခန္ဓာနံ ဝိတက္ကဿ စ သဟဇာတပစ္စယေန ပစ္စယော။ (၄)

၈၉။ အဝိတက္ကဝိစာရမတ္တော ¶ စ အဝိတက္ကအဝိစာရော စ ဓမ္မာ သဝိတက္ကသဝိစာရဿ ဓမ္မဿ သဟဇာတပစ္စယေန ပစ္စယော – ပဋိသန္ဓိက္ခဏေ ဝိတက္ကော စ ဝတ္ထု စ သဝိတက္ကသဝိစာရာနံ ခန္ဓာနံ သဟဇာတပစ္စယေန ပစ္စယော။ (၁)

အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ အဝိတက္ကဝိစာရမတ္တဿ ဓမ္မဿ သဟဇာတပစ္စယေန ပစ္စယော – အဝိတက္ကဝိစာရမတ္တော ဧကော ခန္ဓော စ ဝိစာရော စ တိဏ္ဏန္နံ ခန္ဓာနံ…ပေ… ဒွေ ခန္ဓာ စ ဝိစာရော စ ဒွိန္နံ ခန္ဓာနံ သဟဇာတပစ္စယေန ပစ္စယော။ ပဋိသန္ဓိက္ခဏေ အဝိတက္ကဝိစာရမတ္တော ဧကော ခန္ဓော စ ဝိစာရော စ တိဏ္ဏန္နံ ခန္ဓာနံ…ပေ… ဒွေ ခန္ဓာ စ ဝိစာရော စ ဒွိန္နံ ခန္ဓာနံ…ပေ… ပဋိသန္ဓိက္ခဏေ အဝိတက္ကဝိစာရမတ္တော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ သဟဇာတပစ္စယေန ပစ္စယော။ (၂)

အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ အဝိတက္ကအဝိစာရဿ ဓမ္မဿ သဟဇာတပစ္စယေန ပစ္စယော – အဝိတက္ကဝိစာရမတ္တာ ခန္ဓာ စ ဝိစာရော စ စိတ္တသမုဋ္ဌာနာနံ ရူပါနံ သဟဇာတပစ္စယေန ¶ ပစ္စယော။ အဝိတက္ကဝိစာရမတ္တာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ…ပေ… ဝိတက္ကော စ မဟာဘူတာ စ စိတ္တသမုဋ္ဌာနာနံ ရူပါနံ…ပေ… ပဋိသန္ဓိက္ခဏေ အဝိတက္ကဝိစာရမတ္တာ ခန္ဓာ စ ဝိစာရော စ ကဋတ္တာရူပါနံ…ပေ… ပဋိသန္ဓိက္ခဏေ အဝိတက္ကဝိစာရမတ္တာ ခန္ဓာ စ မဟာဘူတာ စ ကဋတ္တာရူပါနံ…ပေ… ပဋိသန္ဓိက္ခဏေ ဝိတက္ကော စ မဟာဘူတာ စ ကဋတ္တာရူပါနံ…ပေ… ပဋိသန္ဓိက္ခဏေ အဝိတက္ကဝိစာရမတ္တာ ခန္ဓာ စ ဝတ္ထု စ ဝိစာရဿ သဟဇာတပစ္စယေန ပစ္စယော။ (၃)

အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ သဟဇာတပစ္စယေန ပစ္စယော – အဝိတက္ကဝိစာရမတ္တော ဧကော ခန္ဓော စ ဝိစာရော စ တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ သဟဇာတပစ္စယေန ပစ္စယော။ တယော ခန္ဓာ စ ဝိစာရော စ ဧကဿ ခန္ဓဿ စိတ္တသမုဋ္ဌာနာနဉ္စ ရူပါနံ သဟဇာတပစ္စယေန ပစ္စယော။ ဒွေ ¶ ခန္ဓာ စ ဝိစာရော စ ဒွိန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ သဟဇာတပစ္စယေန ပစ္စယော။ ပဋိသန္ဓိက္ခဏေ အဝိတက္ကဝိစာရမတ္တော ဧကော ခန္ဓော စ ဝိစာရော စ တိဏ္ဏန္နံ ခန္ဓာနံ ကဋတ္တာ စ ရူပါနံ သဟဇာတပစ္စယေန ပစ္စယော…ပေ… ဒွေ ခန္ဓာ…ပေ… ပဋိသန္ဓိက္ခဏေ အဝိတက္ကဝိစာရမတ္တော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ ဝိစာရဿ စ ¶ သဟဇာတပစ္စယေန ပစ္စယော…ပေ… ဒွေ ခန္ဓာ စ ဝတ္ထု စ ဒွိန္နံ ခန္ဓာနံ ဝိစာရဿ စ သဟဇာတပစ္စယေန ပစ္စယော။ (၄)

၉၀။ သဝိတက္ကသဝိစာရော ¶ စ အဝိတက္ကဝိစာရမတ္တော စ ဓမ္မာ သဝိတက္ကသဝိစာရဿ ဓမ္မဿ သဟဇာတပစ္စယေန ပစ္စယော – သဝိတက္ကသဝိစာရော ဧကော ခန္ဓော စ ဝိတက္ကော စ တိဏ္ဏန္နံ ခန္ဓာနံ သဟဇာတပစ္စယေန ပစ္စယော…ပေ… ဒွေ ခန္ဓာ စ ဝိတက္ကော စ ဒွိန္နံ ခန္ဓာနံ သဟဇာတပစ္စယေန ပစ္စယော။ ပဋိသန္ဓိက္ခဏေ…ပေ…။ (၁)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ အဝိတက္ကအဝိစာရဿ ဓမ္မဿ သဟဇာတပစ္စယေန ပစ္စယော – သဝိတက္ကသဝိစာရာ ခန္ဓာ စ ဝိတက္ကော စ စိတ္တသမုဋ္ဌာနာနံ ရူပါနံ သဟဇာတပစ္စယေန ပစ္စယော။ ပဋိသန္ဓိက္ခဏေ…ပေ…။ (၂)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ သဝိတက္ကသဝိစာရဿ စ အဝိတက္ကအဝိစာရဿ စ ဓမ္မဿ သဟဇာတပစ္စယေန ပစ္စယော – သဝိတက္ကသဝိစာရော ဧကော ခန္ဓော စ ဝိတက္ကော စ တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ သဟဇာတပစ္စယေန ပစ္စယော…ပေ… ဒွေ ခန္ဓာ စ ဝိတက္ကော စ ဒွိန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ သဟဇာတပစ္စယေန ပစ္စယော။ ပဋိသန္ဓိက္ခဏေ…ပေ…။ (၃)

၉၁။ သဝိတက္ကသဝိစာရော စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ သဝိတက္ကသဝိစာရဿ ဓမ္မဿ သဟဇာတပစ္စယေန ပစ္စယော – ပဋိသန္ဓိက္ခဏေ သဝိတက္ကသဝိစာရော ဧကော ခန္ဓော စ ဝိတက္ကော စ ဝတ္ထု စ တိဏ္ဏန္နံ ခန္ဓာနံ သဟဇာတပစ္စယေန ပစ္စယော…ပေ… ဒွေ ခန္ဓာ စ ဝိတက္ကော စ ဝတ္ထု စ ဒွိန္နံ ခန္ဓာနံ သဟဇာတပစ္စယေန ပစ္စယော။ (၁)

သဝိတက္ကသဝိစာရော ¶ စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ အဝိတက္ကအဝိစာရဿ ဓမ္မဿ သဟဇာတပစ္စယေန ပစ္စယော – သဝိတက္ကသဝိစာရာ ခန္ဓာ စ ဝိတက္ကော စ မဟာဘူတာ စ စိတ္တသမုဋ္ဌာနာနံ ရူပါနံ သဟဇာတပစ္စယေန ¶ ပစ္စယော။ ပဋိသန္ဓိက္ခဏေ သဝိတက္ကသဝိစာရာ ခန္ဓာ စ ဝိတက္ကော စ မဟာဘူတာ စ ကဋတ္တာရူပါနံ သဟဇာတပစ္စယေန ပစ္စယော။ (၂)

အညမညပစ္စယော

၉၂။ သဝိတက္ကသဝိစာရော ¶ ဓမ္မော သဝိတက္ကသဝိစာရဿ ဓမ္မဿ အညမညပစ္စယေန ပစ္စယော – သဝိတက္ကသဝိစာရော ဧကော ခန္ဓော တိဏ္ဏန္နံ ခန္ဓာနံ အညမညပစ္စယေန ပစ္စယော…ပေ… ပဋိသန္ဓိက္ခဏေ သဝိတက္ကသဝိစာရော ဧကော ခန္ဓော တိဏ္ဏန္နံ ခန္ဓာနံ အညမညပစ္စယေန ပစ္စယော…ပေ… ဒွေ ခန္ဓာ ဒွိန္နံ ခန္ဓာနံ အညမညပစ္စယေန ပစ္စယော။ (၁)

သဝိတက္ကသဝိစာရော ဓမ္မော အဝိတက္ကဝိစာရမတ္တဿ ဓမ္မဿ အညမညပစ္စယေန ပစ္စယော – သဝိတက္ကသဝိစာရာ ခန္ဓာ ဝိတက္ကဿ အညမညပစ္စယေန ပစ္စယော။ ပဋိသန္ဓိက္ခဏေ…ပေ…။ (၂)

သဝိတက္ကသဝိစာရော ဓမ္မော အဝိတက္ကအဝိစာရဿ ဓမ္မဿ အညမညပစ္စယေန ပစ္စယော – ပဋိသန္ဓိက္ခဏေ သဝိတက္ကသဝိစာရာ ခန္ဓာ ဝတ္ထုဿ အညမညပစ္စယေန ပစ္စယော။ (၃)

သဝိတက္ကသဝိစာရော ဓမ္မော သဝိတက္ကသဝိစာရဿ စ အဝိတက္ကအဝိစာရဿ စ ဓမ္မဿ အညမညပစ္စယေန ပစ္စယော – ပဋိသန္ဓိက္ခဏေ သဝိတက္ကသဝိစာရော ¶ ဧကော ခန္ဓော တိဏ္ဏန္နံ ခန္ဓာနံ ဝတ္ထုဿ စ အညမညပစ္စယေန ပစ္စယော…ပေ… ဒွေ ခန္ဓာ ဒွိန္နံ ခန္ဓာနံ ဝတ္ထုဿ စ အညမညပစ္စယေန ပစ္စယော။ (၄)

သဝိတက္ကသဝိစာရော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ အညမညပစ္စယေန ပစ္စယော – ပဋိသန္ဓိက္ခဏေ သဝိတက္ကသဝိစာရာ ခန္ဓာ ဝိတက္ကဿ စ ဝတ္ထုဿ စ အညမညပစ္စယေန ပစ္စယော။ (၅)

သဝိတက္ကသဝိစာရော ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ အညမညပစ္စယေန ပစ္စယော – သဝိတက္ကသဝိစာရော ဧကော ခန္ဓော တိဏ္ဏန္နံ ခန္ဓာနံ ဝိတက္ကဿ စ အညမညပစ္စယေန ပစ္စယော…ပေ… ဒွေ ခန္ဓာ ဒွိန္နံ ခန္ဓာနံ ဝိတက္ကဿ စ အညမညပစ္စယေန ပစ္စယော။ ပဋိသန္ဓိက္ခဏေ…ပေ…။ (၆)

သဝိတက္ကသဝိစာရော ¶ ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ အညမညပစ္စယေန ပစ္စယော – ပဋိသန္ဓိက္ခဏေ သဝိတက္ကသဝိစာရော ဧကော ခန္ဓော တိဏ္ဏန္နံ ခန္ဓာနံ ဝိတက္ကဿ စ ¶ ဝတ္ထုဿ စ အညမညပစ္စယေန ပစ္စယော…ပေ… ဒွေ ခန္ဓာ ဒွိန္နံ ခန္ဓာနံ ဝိတက္ကဿ စ ဝတ္ထုဿ စ အညမညပစ္စယေန ပစ္စယော။ (၇)

၉၃။ အဝိတက္ကဝိစာရမတ္တော ဓမ္မော အဝိတက္ကဝိစာရမတ္တဿ ဓမ္မဿ အညမညပစ္စယေန ပစ္စယော – အဝိတက္ကဝိစာရမတ္တော ဧကော ခန္ဓော တိဏ္ဏန္နံ ¶ ခန္ဓာနံ အညမညပစ္စယေန ပစ္စယော…ပေ… ဒွေ ခန္ဓာ ဒွိန္နံ ခန္ဓာနံ အညမညပစ္စယေန ပစ္စယော။ ပဋိသန္ဓိက္ခဏေ…ပေ…။ (၁)

အဝိတက္ကဝိစာရမတ္တော ဓမ္မော သဝိတက္ကသဝိစာရဿ ဓမ္မဿ အညမညပစ္စယေန ပစ္စယော – ဝိတက္ကော သဝိတက္ကသဝိစာရာနံ ခန္ဓာနံ အညမညပစ္စယေန ပစ္စယော။ ပဋိသန္ဓိက္ခဏေ…ပေ…။ (၂)

အဝိတက္ကဝိစာရမတ္တော ဓမ္မော အဝိတက္ကအဝိစာရဿ ဓမ္မဿ အညမညပစ္စယေန ပစ္စယော – အဝိတက္ကဝိစာရမတ္တာ ခန္ဓာ ဝိစာရဿ အညမညပစ္စယေန ပစ္စယော။ ပဋိသန္ဓိက္ခဏေ အဝိတက္ကဝိစာရမတ္တာ ခန္ဓာ ဝိစာရဿ စ ဝတ္ထုဿ စ အညမညပစ္စယေန ပစ္စယော။ ပဋိသန္ဓိက္ခဏေ ဝိတက္ကော ဝတ္ထုဿ အညမညပစ္စယေန ပစ္စယော။ (၃)

အဝိတက္ကဝိစာရမတ္တော ဓမ္မော သဝိတက္ကသဝိစာရဿ စ အဝိတက္ကအဝိစာရဿ စ ဓမ္မဿ အညမညပစ္စယေန ပစ္စယော – ပဋိသန္ဓိက္ခဏေ ဝိတက္ကော သဝိတက္ကသဝိစာရာနံ ခန္ဓာနံ ဝတ္ထုဿ စ အညမညပစ္စယေန ပစ္စယော။ (၄)

အဝိတက္ကဝိစာရမတ္တော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ အညမညပစ္စယေန ပစ္စယော – အဝိတက္ကဝိစာရမတ္တော ဧကော ခန္ဓော တိဏ္ဏန္နံ ခန္ဓာနံ ဝိစာရဿ စ အညမညပစ္စယေန ပစ္စယော…ပေ… ဒွေ ခန္ဓာ ဒွိန္နံ ခန္ဓာနံ ဝိစာရဿ စ အညမညပစ္စယေန ပစ္စယော။ ပဋိသန္ဓိက္ခဏေ အဝိတက္ကဝိစာရမတ္တော ဧကော ခန္ဓော တိဏ္ဏန္နံ ခန္ဓာနံ ¶ ဝိစာရဿ စ ဝတ္ထုဿ ¶ စ အညမညပစ္စယေန ပစ္စယော…ပေ… ဒွေ ခန္ဓာ ဒွိန္နံ ခန္ဓာနံ ဝိစာရဿ စ ဝတ္ထုဿ စ အညမညပစ္စယေန ပစ္စယော။ (၅)

၉၄။ အဝိတက္ကအဝိစာရော ဓမ္မော အဝိတက္ကအဝိစာရဿ ဓမ္မဿ အညမညပစ္စယေန ပစ္စယော – အဝိတက္ကအဝိစာရော ဧကော ခန္ဓော တိဏ္ဏန္နံ ခန္ဓာနံ အညမညပစ္စယေန ပစ္စယော…ပေ… ဒွေ ခန္ဓာ ဒွိန္နံ ခန္ဓာနံ အညမညပစ္စယေန ပစ္စယော။ ပဋိသန္ဓိက္ခဏေ အဝိတက္ကအဝိစာရော ဧကော ခန္ဓော တိဏ္ဏန္နံ ခန္ဓာနံ ဝတ္ထုဿ ¶ စ အညမညပစ္စယေန ပစ္စယော…ပေ… ဒွေ ခန္ဓာ ဒွိန္နံ ခန္ဓာနံ ဝတ္ထုဿ စ အညမညပစ္စယေန ပစ္စယော။ ခန္ဓာ ဝတ္ထုဿ…ပေ… ဝတ္ထု ခန္ဓာနံ…ပေ… ဝိစာရော ဝတ္ထုဿ…ပေ… ဝတ္ထု ဝိစာရဿ…ပေ… ဧကံ မဟာဘူတံ တိဏ္ဏန္နံ မဟာဘူတာနံ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ ဧကံ မဟာဘူတံ…ပေ…။ (၁)

အဝိတက္ကအဝိစာရော ဓမ္မော သဝိတက္ကသဝိစာရဿ ဓမ္မဿ အညမညပစ္စယေန ပစ္စယော – ပဋိသန္ဓိက္ခဏေ ဝတ္ထု သဝိတက္ကသဝိစာရာနံ ခန္ဓာနံ အညမညပစ္စယေန ပစ္စယော။ (၂)

အဝိတက္ကအဝိစာရော ဓမ္မော အဝိတက္ကဝိစာရမတ္တဿ ဓမ္မဿ အညမညပစ္စယေန ပစ္စယော – ဝိစာရော အဝိတက္ကဝိစာရမတ္တာနံ ခန္ဓာနံ အညမညပစ္စယေန ပစ္စယော။ ပဋိသန္ဓိက္ခဏေ ဝိစာရော အဝိတက္ကဝိစာရမတ္တာနံ ခန္ဓာနံ အညမညပစ္စယေန ပစ္စယော။ ပဋိသန္ဓိက္ခဏေ ဝတ္ထု အဝိတက္ကဝိစာရမတ္တာနံ ခန္ဓာနံ အညမညပစ္စယေန ပစ္စယော။ ပဋိသန္ဓိက္ခဏေ ¶ ဝတ္ထု ဝိတက္ကဿ အညမညပစ္စယေန ပစ္စယော။ (၃)

အဝိတက္ကအဝိစာရော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ အညမညပစ္စယေန ပစ္စယော – ပဋိသန္ဓိက္ခဏေ ဝိစာရော အဝိတက္ကဝိစာရမတ္တာနံ ခန္ဓာနံ ဝတ္ထုဿ စ အညမညပစ္စယေန ပစ္စယော။ ပဋိသန္ဓိက္ခဏေ ဝတ္ထု အဝိတက္ကဝိစာရမတ္တာနံ ခန္ဓာနံ ဝိစာရဿ စ အညမညပစ္စယေန ပစ္စယော။ (၄)

အဝိတက္ကအဝိစာရော ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ ¶ အညမညပစ္စယေန ပစ္စယော – ပဋိသန္ဓိက္ခဏေ ဝတ္ထု သဝိတက္ကသဝိစာရာနံ ခန္ဓာနံ ဝိတက္ကဿ စ အညမညပစ္စယေန ပစ္စယော။ (၅)

၉၅။ သဝိတက္ကသဝိစာရော စ အဝိတက္ကအဝိစာရော စ ဓမ္မာ သဝိတက္ကသဝိစာရဿ ဓမ္မဿ အညမညပစ္စယေန ပစ္စယော – ပဋိသန္ဓိက္ခဏေ သဝိတက္ကသဝိစာရော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ…ပေ… ဒွေ ခန္ဓာ စ ဝတ္ထု စ ဒွိန္နံ ခန္ဓာနံ အညမညပစ္စယေန ပစ္စယော။ (၁)

သဝိတက္ကသဝိစာရော ¶ စ အဝိတက္ကအဝိစာရော စ ဓမ္မာ အဝိတက္ကဝိစာရမတ္တဿ ဓမ္မဿ အညမညပစ္စယေန ပစ္စယော – ပဋိသန္ဓိက္ခဏေ သဝိတက္ကသဝိစာရာ ခန္ဓာ စ ဝတ္ထု စ ဝိတက္ကဿ အညမညပစ္စယေန ပစ္စယော။ (၂)

သဝိတက္ကသဝိစာရော စ အဝိတက္ကအဝိစာရော စ ဓမ္မာ သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ အညမညပစ္စယေန ¶ ပစ္စယော – ပဋိသန္ဓိက္ခဏေ သဝိတက္ကသဝိစာရော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ ဝိတက္ကဿ စ အညမညပစ္စယေန ပစ္စယော…ပေ… ဒွေ ခန္ဓာ စ ဝတ္ထု စ ဒွိန္နံ ခန္ဓာနံ ဝိတက္ကဿ စ အညမညပစ္စယေန ပစ္စယော။ (၃)

၉၆။ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ သဝိတက္ကသဝိစာရဿ ဓမ္မဿ အညမညပစ္စယေန ပစ္စယော – ပဋိသန္ဓိက္ခဏေ ဝိတက္ကော စ ဝတ္ထု စ သဝိတက္ကသဝိစာရာနံ ခန္ဓာနံ အညမညပစ္စယေန ပစ္စယော။ (၁)

အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ အဝိတက္ကဝိစာရမတ္တဿ ဓမ္မဿ အညမညပစ္စယေန ပစ္စယော – အဝိတက္ကဝိစာရမတ္တော ဧကော ခန္ဓော စ ဝိစာရော စ တိဏ္ဏန္နံ ခန္ဓာနံ အညမညပစ္စယေန ပစ္စယော…ပေ… ဒွေ ခန္ဓာ စ ဝိစာရော စ ဒွိန္နံ ခန္ဓာနံ အညမညပစ္စယေန ပစ္စယော။ ပဋိသန္ဓိက္ခဏေ အဝိတက္ကဝိစာရမတ္တော ဧကော ခန္ဓော စ ဝိစာရော စ ဝတ္ထု စ တိဏ္ဏန္နံ ခန္ဓာနံ…ပေ… ဒွေ ခန္ဓာ စ ဝိစာရော စ ဝတ္ထု စ ဒွိန္နံ ခန္ဓာနံ အညမညပစ္စယေန ပစ္စယော။ (၂)

အဝိတက္ကဝိစာရမတ္တော ¶ စ အဝိတက္ကအဝိစာရော စ ဓမ္မာ အဝိတက္ကအဝိစာရဿ ဓမ္မဿ အညမညပစ္စယေန ပစ္စယော – ပဋိသန္ဓိက္ခဏေ အဝိတက္ကဝိစာရမတ္တာ ခန္ဓာ စ ဝိစာရော စ ဝတ္ထုဿ အညမညပစ္စယေန ပစ္စယော။ ပဋိသန္ဓိက္ခဏေ အဝိတက္ကဝိစာရမတ္တာ ခန္ဓာ စ ဝတ္ထု စ ဝိစာရဿ အညမညပစ္စယေန ပစ္စယော။ (၃)

အဝိတက္ကဝိစာရမတ္တော ¶ စ အဝိတက္ကအဝိစာရော စ ဓမ္မာ အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ အညမညပစ္စယေန ပစ္စယော – ပဋိသန္ဓိက္ခဏေ အဝိတက္ကဝိစာရမတ္တော ဧကော ခန္ဓော စ ဝိစာရော စ တိဏ္ဏန္နံ ခန္ဓာနံ ဝတ္ထုဿ စ အညမညပစ္စယေန ပစ္စယော…ပေ… ဒွေ ခန္ဓာ စ ဝိစာရော စ ဒွိန္နံ ခန္ဓာနံ ဝတ္ထုဿ စ အညမညပစ္စယေန ပစ္စယော။ ပဋိသန္ဓိက္ခဏေ အဝိတက္ကဝိစာရမတ္တော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ ဝိစာရဿ စ အညမညပစ္စယေန ¶ ပစ္စယော…ပေ… ဒွေ ခန္ဓာ စ ဝတ္ထု စ ဒွိန္နံ ခန္ဓာနံ ဝိစာရဿ စ အညမညပစ္စယေန ပစ္စယော။ (၄)

၉၇။ သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ သဝိတက္ကသဝိစာရဿ ဓမ္မဿ အညမညပစ္စယေန ပစ္စယော – သဝိတက္ကသဝိစာရော ဧကော ခန္ဓော စ ဝိတက္ကော စ တိဏ္ဏန္နံ ခန္ဓာနံ အညမညပစ္စယေန ပစ္စယော…ပေ… ဒွေ ခန္ဓာ စ ဝိတက္ကော စ ဒွိန္နံ ခန္ဓာနံ အညမညပစ္စယေန ပစ္စယော။ ပဋိသန္ဓိက္ခဏေ…ပေ…။ (၁)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ အဝိတက္ကအဝိစာရဿ ဓမ္မဿ အညမညပစ္စယေန ပစ္စယော – ပဋိသန္ဓိက္ခဏေ သဝိတက္ကသဝိစာရာ ခန္ဓာ စ ဝိတက္ကော စ ဝတ္ထုဿ အညမညပစ္စယေန ပစ္စယော။ (၂)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ သဝိတက္ကသဝိစာရဿ စ အဝိတက္ကအဝိစာရဿ စ ဓမ္မဿ အညမညပစ္စယေန ¶ ပစ္စယော – ပဋိသန္ဓိက္ခဏေ သဝိတက္ကသဝိစာရော ဧကော ခန္ဓော စ ဝိတက္ကော စ တိဏ္ဏန္နံ ခန္ဓာနံ ဝတ္ထုဿ စ အညမညပစ္စယေန ပစ္စယော…ပေ… ဒွေ ခန္ဓာ စ ဝိတက္ကော စ ဒွိန္နံ ခန္ဓာနံ ဝတ္ထုဿ စ အညမညပစ္စယေန ပစ္စယော။ (၃)

သဝိတက္ကသဝိစာရော ¶ စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ သဝိတက္ကသဝိစာရဿ ဓမ္မဿ အညမညပစ္စယေန ပစ္စယော – ပဋိသန္ဓိက္ခဏေ သဝိတက္ကသဝိစာရော ဧကော ခန္ဓော စ ဝိတက္ကော စ ဝတ္ထု စ တိဏ္ဏန္နံ ခန္ဓာနံ အညမညပစ္စယေန ပစ္စယော…ပေ… ဒွေ ခန္ဓာ စ ဝိတက္ကော စ ဝတ္ထု စ ဒွိန္နံ ခန္ဓာနံ အညမညပစ္စယေန ပစ္စယော။ (၁)

နိဿယပစ္စယော

၉၈။ သဝိတက္ကသဝိစာရော ဓမ္မော သဝိတက္ကသဝိစာရဿ ဓမ္မဿ နိဿယပစ္စယေန ပစ္စယော – သဝိတက္ကသဝိစာရော ဧကော ခန္ဓော တိဏ္ဏန္နံ ခန္ဓာနံ (သံခိတ္တံ) သတ္တ။

အဝိတက္ကဝိစာရမတ္တော ဓမ္မော အဝိတက္ကဝိစာရမတ္တဿ ဓမ္မဿ နိဿယပစ္စယေန ပစ္စယော (သံခိတ္တံ) ပဉ္စ။

အဝိတက္ကအဝိစာရော ဓမ္မော အဝိတက္ကအဝိစာရဿ ဓမ္မဿ နိဿယပစ္စယေန ပစ္စယော – အဝိတက္ကအဝိစာရော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ¶ ရူပါနံ နိဿယပစ္စယေန ပစ္စယော…ပေ… ဒွေ ခန္ဓာ ဒွိန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ နိဿယပစ္စယေန ပစ္စယော။ ဝိစာရော စိတ္တသမုဋ္ဌာနာနံ ရူပါနံ နိဿယပစ္စယေန ပစ္စယော။ ပဋိသန္ဓိက္ခဏေ အဝိတက္ကအဝိစာရော ဧကော ခန္ဓော တိဏ္ဏန္နံ ခန္ဓာနံ ကဋတ္တာ ¶ စ ရူပါနံ နိဿယပစ္စယေန ပစ္စယော…ပေ… ဒွေ ခန္ဓာ ဒွိန္နံ ခန္ဓာနံ…ပေ… အသညသတ္တာနံ ဧကံ မဟာဘူတံ…ပေ… စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု အဝိတက္ကအဝိစာရာနံ ခန္ဓာနံ ဝိစာရဿ စ နိဿယပစ္စယေန ပစ္စယော။ (၁)

အဝိတက္ကအဝိစာရော ဓမ္မော သဝိတက္ကသဝိစာရဿ ဓမ္မဿ နိဿယပစ္စယေန ပစ္စယော – ဝတ္ထု သဝိတက္ကသဝိစာရာနံ ခန္ဓာနံ နိဿယပစ္စယေန ပစ္စယော။ ပဋိသန္ဓိက္ခဏေ ဝတ္ထု…ပေ…။ (၂)

အဝိတက္ကအဝိစာရော ဓမ္မော အဝိတက္ကဝိစာရမတ္တဿ ဓမ္မဿ နိဿယပစ္စယေန ပစ္စယော – ဝိစာရော ¶ အဝိတက္ကဝိစာရမတ္တာနံ ခန္ဓာနံ နိဿယပစ္စယေန ပစ္စယော၊ ဝတ္ထု အဝိတက္ကဝိစာရမတ္တာနံ ခန္ဓာနံ ဝိတက္ကဿ စ နိဿယပစ္စယေန ပစ္စယော။ ပဋိသန္ဓိက္ခဏေ ဝိစာရော…ပေ…။ (၃)

အဝိတက္ကအဝိစာရော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ နိဿယပစ္စယေန ပစ္စယော – ဝိစာရော အဝိတက္ကဝိစာရမတ္တာနံ ခန္ဓာနံ စိတ္တသမုဋ္ဌာနာနဉ္စ ရူပါနံ…ပေ… ဝတ္ထု အဝိတက္ကဝိစာရမတ္တာနံ ခန္ဓာနံ ဝိစာရဿ စ နိဿယပစ္စယေန ပစ္စယော။ ပဋိသန္ဓိက္ခဏေ ဝိစာရော…ပေ…။ (၄)

အဝိတက္ကအဝိစာရော ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ နိဿယပစ္စယေန ပစ္စယော – ဝတ္ထု သဝိတက္ကသဝိစာရာနံ ခန္ဓာနံ ဝိတက္ကဿ စ နိဿယပစ္စယေန ပစ္စယော။ ပဋိသန္ဓိက္ခဏေ ဝတ္ထု…ပေ…။ (၅)

၉၉။ သဝိတက္ကသဝိစာရော ¶ စ အဝိတက္ကအဝိစာရော စ ဓမ္မာ သဝိတက္ကသဝိစာရဿ ဓမ္မဿ နိဿယပစ္စယေန ပစ္စယော – သဝိတက္ကသဝိစာရော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ နိဿယပစ္စယေန ပစ္စယော…ပေ… (ပဝတ္တိပိ၊ ပဋိသန္ဓိပိ ဒီပေတဗ္ဗာ)။ (၁)

သဝိတက္ကသဝိစာရော ¶ စ အဝိတက္ကအဝိစာရော စ ဓမ္မာ အဝိတက္ကဝိစာရမတ္တဿ ဓမ္မဿ နိဿယပစ္စယေန ပစ္စယော – သဝိတက္ကသဝိစာရာ ခန္ဓာ စ ဝတ္ထု စ ဝိတက္ကဿ…ပေ… ပဋိသန္ဓိက္ခဏေ…ပေ…။ (၂)

သဝိတက္ကသဝိစာရော စ အဝိတက္ကအဝိစာရော စ ဓမ္မာ အဝိတက္ကအဝိစာရဿ ဓမ္မဿ နိဿယပစ္စယေန ပစ္စယော – သဝိတက္ကသဝိစာရာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ နိဿယပစ္စယေန ပစ္စယော။ ပဋိသန္ဓိက္ခဏေ…ပေ…။ (၃)

သဝိတက္ကသဝိစာရော စ အဝိတက္ကအဝိစာရော စ ဓမ္မာ သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ နိဿယပစ္စယေန ပစ္စယော – သဝိတက္ကသဝိစာရော ဧကော ခန္ဓော ¶ စ ဝတ္ထု စ တိဏ္ဏန္နံ ခန္ဓာနံ ဝိတက္ကဿ စ နိဿယပစ္စယေန ပစ္စယော…ပေ… ပဋိသန္ဓိက္ခဏေ…ပေ…။ (၄)

၁၀၀။ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ သဝိတက္ကသဝိစာရဿ ဓမ္မဿ နိဿယပစ္စယေန ပစ္စယော – ဝိတက္ကော စ ဝတ္ထု စ သဝိတက္ကသဝိစာရာနံ ခန္ဓာနံ…ပေ… ပဋိသန္ဓိက္ခဏေ…ပေ…။ (၁)

အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ အဝိတက္ကဝိစာရမတ္တဿ ဓမ္မဿ နိဿယပစ္စယေန ပစ္စယော – အဝိတက္ကဝိစာရမတ္တော ဧကော ¶ ခန္ဓော စ ဝိစာရော စ တိဏ္ဏန္နံ ခန္ဓာနံ…ပေ… အဝိတက္ကဝိစာရမတ္တော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ…ပေ… ပဋိသန္ဓိက္ခဏေ…ပေ…။ (၂)

အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ အဝိတက္ကအဝိစာရဿ ဓမ္မဿ နိဿယပစ္စယေန ပစ္စယော – အဝိတက္ကဝိစာရမတ္တာ ခန္ဓာ စ ဝိစာရော စ စိတ္တသမုဋ္ဌာနာနံ ရူပါနံ နိဿယပစ္စယေန ပစ္စယော။ အဝိတက္ကဝိစာရမတ္တာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ…ပေ… ဝိတက္ကော စ မဟာဘူတာ စ စိတ္တသမုဋ္ဌာနာနံ ရူပါနံ…ပေ… အဝိတက္ကဝိစာရမတ္တာ ခန္ဓာ စ ဝတ္ထု စ ဝိစာရဿ နိဿယပစ္စယေန ပစ္စယော (ပဋိသန္ဓိကာနိ စတ္တာရိ။ သံခိတ္တံ)။ (၃)

အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ နိဿယပစ္စယေန ပစ္စယော – အဝိတက္ကဝိစာရမတ္တော ဧကော ခန္ဓော စ ဝိစာရော စ တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ နိဿယပစ္စယေန ပစ္စယော…ပေ… ဒွေ ခန္ဓာ စ ဝိစာရော စ ¶ ဒွိန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ နိဿယပစ္စယေန ပစ္စယော။ အဝိတက္ကဝိစာရမတ္တော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ ဝိစာရဿ စ…ပေ… ဒွေ ခန္ဓာ စ ဝတ္ထု စ ဒွိန္နံ ခန္ဓာနံ ဝိစာရဿ စ နိဿယပစ္စယေန ပစ္စယော။ ပဋိသန္ဓိက္ခဏေ…ပေ…။ (၄)

၁၀၁။ သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ သဝိတက္ကသဝိစာရဿ ဓမ္မဿ ¶ …ပေ… အဝိတက္ကအဝိစာရဿ ဓမ္မဿ…ပေ… သဝိတက္ကသဝိစာရဿ စ အဝိတက္ကအဝိစာရဿ စ ဓမ္မဿ…ပေ… တီဏိ။

သဝိတက္ကသဝိစာရော ¶ စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ သဝိတက္ကသဝိစာရဿ ဓမ္မဿ…ပေ… အဝိတက္ကအဝိစာရဿ ဓမ္မဿ နိဿယပစ္စယေန ပစ္စယော (ဒွေ ဝါရာ ဝိတ္ထာရေတဗ္ဗာ)။

ဥပနိဿယပစ္စယော

၁၀၂။ သဝိတက္ကသဝိစာရော ဓမ္မော သဝိတက္ကသဝိစာရဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – သဝိတက္ကသဝိစာရံ သဒ္ဓံ ဥပနိဿာယ ဒါနံ ဒေတိ၊ သီလံ သမာဒိယတိ၊ ဥပေါသထကမ္မံ ကရောတိ၊ သဝိတက္ကသဝိစာရံ ဈာနံ ဥပ္ပာဒေတိ၊ ဝိပဿနံ ဥပ္ပာဒေတိ၊ မဂ္ဂံ…ပေ… သမာပတ္တိံ ဥပ္ပာဒေတိ၊ မာနံ ဇပ္ပေတိ၊ ဒိဋ္ဌိံ ဂဏှာတိ။ သဝိတက္ကသဝိစာရံ သီလံ… သုတံ… စာဂံ… ပညံ… ရာဂံ… ဒေါသံ… မောဟံ… မာနံ… ဒိဋ္ဌိံ… ပတ္ထနံ ဥပနိဿာယ ဒါနံ ဒေတိ၊ သီလံ သမာဒိယတိ၊ ဥပေါသထကမ္မံ ကရောတိ၊ သဝိတက္ကသဝိစာရံ ဈာနံ ဥပ္ပာဒေတိ၊ ဝိပဿနံ ဥပ္ပာဒေတိ၊ မဂ္ဂံ…ပေ… သမာပတ္တိံ…ပေ… ပါဏံ ဟနတိ…ပေ… သင်္ဃံ ဘိန္ဒတိ။ သဝိတက္ကသဝိစာရာ သဒ္ဓါ… သီလံ… သုတံ… စာဂေါ… ပညာ… ရာဂေါ… ဒေါသော… မောဟော… မာနော… ဒိဋ္ဌိ… ပတ္ထနာ သဝိတက္ကသဝိစာရာယ သဒ္ဓါယ… သီလဿ… သုတဿ… စာဂဿ… ပညာယ… ရာဂဿ… ဒေါသဿ… မောဟဿ… မာနဿ… ဒိဋ္ဌိယာ… ပတ္ထနာယ… ဥပနိဿယပစ္စယေန ပစ္စယော။ (၁)

သဝိတက္ကသဝိစာရော ဓမ္မော အဝိတက္ကဝိစာရမတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – သဝိတက္ကသဝိစာရံ သဒ္ဓံ ဥပနိဿာယ အဝိတက္ကဝိစာရမတ္တံ ဈာနံ ဥပ္ပာဒေတိ၊ မဂ္ဂံ…ပေ… သမာပတ္တိံ…ပေ… သဝိတက္ကသဝိစာရံ ¶ သီလံ ¶ …ပေ… ပတ္ထနံ ဥပနိဿာယ အဝိတက္ကဝိစာရမတ္တံ ဈာနံ ဥပ္ပာဒေတိ၊ မဂ္ဂံ…ပေ… သမာပတ္တိံ…ပေ… သဝိတက္ကသဝိစာရာ သဒ္ဓါ…ပေ… ပတ္ထနာ အဝိတက္ကဝိစာရမတ္တာယ သဒ္ဓါယ… သီလဿ… သုတဿ… စာဂဿ… ပညာယ ဝိတက္ကဿ စ ဥပနိဿယပစ္စယေန ပစ္စယော။ (၂)

သဝိတက္ကသဝိစာရော ¶ ဓမ္မော အဝိတက္ကအဝိစာရဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – သဝိတက္ကသဝိစာရံ သဒ္ဓံ ဥပနိဿာယ အဝိတက္ကအဝိစာရံ ဈာနံ ဥပ္ပာဒေတိ၊ မဂ္ဂံ…ပေ… အဘိညံ…ပေ… သမာပတ္တိံ ဥပ္ပာဒေတိ။ သဝိတက္ကသဝိစာရံ သီလံ…ပေ… ပတ္ထနံ ဥပနိဿာယ အဝိတက္ကအဝိစာရံ ဈာနံ ဥပ္ပာဒေတိ၊ မဂ္ဂံ…ပေ… အဘိညံ…ပေ… သမာပတ္တိံ ဥပ္ပာဒေတိ။ သဝိတက္ကသဝိစာရာ သဒ္ဓါ…ပေ… ပတ္ထနာ အဝိတက္ကအဝိစာရာယ သဒ္ဓါယ… သီလဿ… သုတဿ… စာဂဿ… ပညာယ ဝိစာရဿ စ… ကာယိကဿ သုခဿ ကာယိကဿ ဒုက္ခဿ ဥပနိဿယပစ္စယေန ပစ္စယော။ (၃)

သဝိတက္ကသဝိစာရော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ ဥပနိဿယပစ္စယေန ပစ္စယော။ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – သဝိတက္ကသဝိစာရာ သဒ္ဓါ…ပေ… ပတ္ထနာ အဝိတက္ကဝိစာရမတ္တာယ သဒ္ဓါယ… သီလဿ… သုတဿ… စာဂဿ… ပညာယ ဝိစာရဿ စ ဥပနိဿယပစ္စယေန ပစ္စယော။ (၄)

သဝိတက္ကသဝိစာရော ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော ¶ ၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – သဝိတက္ကသဝိစာရာ သဒ္ဓါ…ပေ… ပတ္ထနာ သဝိတက္ကသဝိစာရာယ သဒ္ဓါယ…ပေ… ပတ္ထနာယ ဝိတက္ကဿ စ ဥပနိဿယပစ္စယေန ပစ္စယော။ (၅)

၁၀၃။ အဝိတက္ကဝိစာရမတ္တော ဓမ္မော အဝိတက္ကဝိစာရမတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – အဝိတက္ကဝိစာရမတ္တံ သဒ္ဓံ ဥပနိဿာယ အဝိတက္ကဝိစာရမတ္တံ ဈာနံ ဥပ္ပာဒေတိ၊ မဂ္ဂံ…ပေ… သမာပတ္တိံ ဥပ္ပာဒေတိ။ အဝိတက္ကဝိစာရမတ္တံ သီလံ… သုတံ… စာဂံ… ပညံ… ဝိတက္ကံ ဥပနိဿာယ အဝိတက္ကဝိစာရမတ္တံ ဈာနံ ဥပ္ပာဒေတိ၊ မဂ္ဂံ…ပေ… သမာပတ္တိံ ဥပ္ပာဒေတိ။ အဝိတက္ကဝိစာရမတ္တာ သဒ္ဓါ… သီလံ… သုတံ… စာဂေါ… ပညာ ဝိတက္ကော စ အဝိတက္ကဝိစာရမတ္တာယ ¶ သဒ္ဓါယ… သီလဿ… သုတဿ… စာဂဿ… ပညာယ ဝိတက္ကဿ စ ဥပနိဿယပစ္စယေန ပစ္စယော။ (၁)

အဝိတက္ကဝိစာရမတ္တော ¶ ဓမ္မော သဝိတက္ကသဝိစာရဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – အဝိတက္ကဝိစာရမတ္တံ သဒ္ဓံ ဥပနိဿာယ ဒါနံ ဒေတိ၊ သီလံ သမာဒိယတိ၊ ဥပေါသထကမ္မံ ကရောတိ၊ သဝိတက္ကသဝိစာရံ ဈာနံ ဥပ္ပာဒေတိ၊ ဝိပဿနံ…ပေ… မဂ္ဂံ…ပေ… သမာပတ္တိံ ဥပ္ပာဒေတိ၊ မာနံ ဇပ္ပေတိ၊ ဒိဋ္ဌိံ ဂဏှာတိ။ အဝိတက္ကဝိစာရမတ္တံ သီလံ… သုတံ… စာဂံ… ပညံ… ဝိတက္ကံ ဥပနိဿာယ ဒါနံ ဒေတိ၊ သီလံ သမာဒိယတိ၊ ဥပေါသထကမ္မံ ကရောတိ၊ သဝိတက္ကသဝိစာရံ ဈာနံ ဥပ္ပာဒေတိ၊ ဝိပဿနံ ဥပ္ပာဒေတိ၊ မဂ္ဂံ ဥပ္ပာဒေတိ ¶ ၊ သမာပတ္တိံ ဥပ္ပာဒေတိ၊ ပါဏံ ဟနတိ…ပေ… သင်္ဃံ ဘိန္ဒတိ။ အဝိတက္ကဝိစာရမတ္တာ သဒ္ဓါ… သီလံ… သုတံ… စာဂေါ… ပညာ ဝိတက္ကော စ သဝိတက္ကသဝိစာရာယ သဒ္ဓါယ…ပေ… ပတ္ထနာယ ဥပနိဿယပစ္စယေန ပစ္စယော။ (၂)

အဝိတက္ကဝိစာရမတ္တော ဓမ္မော အဝိတက္ကအဝိစာရဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – အဝိတက္ကဝိစာရမတ္တံ သဒ္ဓံ ဥပနိဿာယ အဝိတက္ကအဝိစာရံ ဈာနံ ဥပ္ပာဒေတိ၊ မဂ္ဂံ…ပေ… အဘိညံ…ပေ… သမာပတ္တိံ ဥပ္ပာဒေတိ။ အဝိတက္ကဝိစာရမတ္တံ သီလံ… သုတံ… စာဂံ… ပညံ… ဝိတက္ကံ ဥပနိဿာယ အဝိတက္ကအဝိစာရံ ဈာနံ ဥပ္ပာဒေတိ၊ မဂ္ဂံ…ပေ… အဘိညံ…ပေ… သမာပတ္တိံ ဥပ္ပာဒေတိ။ အဝိတက္ကဝိစာရမတ္တာ သဒ္ဓါ… သီလံ… သုတံ… စာဂေါ… ပညာ ဝိတက္ကော စ အဝိတက္ကအဝိစာရာယ သဒ္ဓါယ… သီလဿ… သုတဿ… စာဂဿ… ပညာယ ဝိစာရဿ စ… ကာယိကဿ သုခဿ ကာယိကဿ ဒုက္ခဿ ဥပနိဿယပစ္စယေန ပစ္စယော။ (၃)

အဝိတက္ကဝိစာရမတ္တော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – အဝိတက္ကဝိစာရမတ္တာ သဒ္ဓါ… သီလံ… သုတံ… စာဂေါ… ပညာ ဝိတက္ကော စ အဝိတက္ကဝိစာရမတ္တာယ သဒ္ဓါယ… သီလဿ… သုတဿ… စာဂဿ… ပညာယ ဝိစာရဿ စ ဥပနိဿယပစ္စယေန ပစ္စယော။ (၄)

အဝိတက္ကဝိစာရမတ္တော ¶ ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ ¶ စ ဓမ္မဿ ¶ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – အဝိတက္ကဝိစာရမတ္တာ သဒ္ဓါ… သီလံ… သုတံ… စာဂေါ… ပညာ ဝိတက္ကော စ သဝိတက္ကသဝိစာရာယ သဒ္ဓါယ…ပေ… ပတ္ထနာယ ဝိတက္ကဿ စ ဥပနိဿယပစ္စယေန ပစ္စယော။ (၅)

၁၀၄။ အဝိတက္ကအဝိစာရော ဓမ္မော အဝိတက္ကအဝိစာရဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – အဝိတက္ကအဝိစာရံ သဒ္ဓံ ဥပနိဿာယ အဝိတက္ကအဝိစာရံ ဈာနံ ဥပ္ပာဒေတိ၊ မဂ္ဂံ…ပေ… အဘိညံ…ပေ… သမာပတ္တိံ ဥပ္ပာဒေတိ။ အဝိတက္ကအဝိစာရံ သီလံ… သုတံ… စာဂံ… ပညံ… ဝိစာရံ… ကာယိကံ သုခံ… ကာယိကံ ဒုက္ခံ… ဥတုံ… ဘောဇနံ… သေနာသနံ ဥပနိဿာယ အဝိတက္ကအဝိစာရံ ဈာနံ ဥပ္ပာဒေတိ၊ မဂ္ဂံ…ပေ… အဘိညံ…ပေ… သမာပတ္တိံ ဥပ္ပာဒေတိ။ အဝိတက္ကအဝိစာရာ သဒ္ဓါ… သီလံ… သုတံ… စာဂေါ… ပညာ… ဝိစာရော… ကာယိကံ သုခံ… ကာယိကံ ဒုက္ခံ… ဥတု… ဘောဇနံ… သေနာသနံ အဝိတက္ကအဝိစာရာယ သဒ္ဓါယ… သီလဿ… သုတဿ… စာဂဿ… ပညာယ… ဝိစာရဿ… ကာယိကဿ သုခဿ ကာယိကဿ ဒုက္ခဿ ဥပနိဿယပစ္စယေန ပစ္စယော။ (၁)

အဝိတက္ကအဝိစာရော ဓမ္မော သဝိတက္ကသဝိစာရဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – အဝိတက္ကအဝိစာရံ သဒ္ဓံ ဥပနိဿာယ ဒါနံ ဒေတိ၊ သီလံ သမာဒိယတိ၊ ဥပေါသထကမ္မံ ကရောတိ၊ သဝိတက္ကသဝိစာရံ ဈာနံ ¶ ဥပ္ပာဒေတိ၊ ဝိပဿနံ…ပေ… မဂ္ဂံ…ပေ… သမာပတ္တိံ ဥပ္ပာဒေတိ၊ မာနံ ဇပ္ပေတိ၊ ဒိဋ္ဌိံ ဂဏှာတိ။ အဝိတက္ကအဝိစာရံ သီလံ… သုတံ… စာဂံ… ပညံ… ဝိစာရံ… ကာယိကံ သုခံ… ကာယိကံ ဒုက္ခံ… ဥတုံ… ဘောဇနံ… သေနာသနံ ဥပနိဿာယ ဒါနံ ဒေတိ၊ သီလံ သမာဒိယတိ၊ ဥပေါသထကမ္မံ ကရောတိ၊ သဝိတက္ကသဝိစာရံ ဈာနံ ဥပ္ပာဒေတိ၊ ဝိပဿနံ…ပေ… မဂ္ဂံ…ပေ… သမာပတ္တိံ ဥပ္ပာဒေတိ၊ ပါဏံ ဟနတိ…ပေ… သင်္ဃံ ဘိန္ဒတိ။ အဝိတက္ကအဝိစာရာ သဒ္ဓါ…ပေ… သေနာသနံ သဝိတက္ကသဝိစာရာယ သဒ္ဓါယ… သီလဿ…ပေ… ပတ္ထနာယ ဥပနိဿယပစ္စယေန ပစ္စယော။ (၂)

အဝိတက္ကအဝိစာရော ဓမ္မော အဝိတက္ကဝိစာရမတ္တဿ ဓမ္မဿ ဥပနိဿယပစ္စယေန ပစ္စယော ¶ – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော ¶ …ပေ…။ ပကတူပနိဿယော – အဝိတက္ကအဝိစာရံ သဒ္ဓံ ဥပနိဿာယ အဝိတက္ကဝိစာရမတ္တံ ဈာနံ ဥပ္ပာဒေတိ၊ ဝိပဿနံ…ပေ… မဂ္ဂံ…ပေ… သမာပတ္တိံ ဥပ္ပာဒေတိ။ အဝိတက္ကအဝိစာရံ သီလံ…ပေ… သေနာသနံ ဥပနိဿာယ အဝိတက္ကဝိစာရမတ္တံ ဈာနံ ဥပ္ပာဒေတိ၊ ဝိပဿနံ…ပေ… မဂ္ဂံ…ပေ… သမာပတ္တိံ ဥပ္ပာဒေတိ။ အဝိတက္ကအဝိစာရာ သဒ္ဓါ…ပေ… သေနာသနံ အဝိတက္ကဝိစာရမတ္တာယ သဒ္ဓါယ… သီလဿ… သုတဿ… စာဂဿ… ပညာယ ဝိတက္ကဿ စ ဥပနိဿယပစ္စယေန ပစ္စယော။ (၃)

အဝိတက္ကအဝိစာရော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – အဝိတက္ကအဝိစာရာ ¶ သဒ္ဓါ…ပေ… သေနာသနံ အဝိတက္ကဝိစာရမတ္တာယ သဒ္ဓါယ… သီလဿ… သုတဿ… စာဂဿ… ပညာယ ဝိစာရဿ စ ဥပနိဿယပစ္စယေန ပစ္စယော။ (၄)

အဝိတက္ကအဝိစာရော ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – အဝိတက္ကအဝိစာရာ သဒ္ဓါ…ပေ… သေနာသနံ သဝိတက္ကသဝိစာရာယ သဒ္ဓါယ… သီလဿ…ပေ… ပတ္ထနာယ ဝိတက္ကဿ စ ဥပနိဿယပစ္စယေန ပစ္စယော။ (၅)

၁၀၅။ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ သဝိတက္ကသဝိစာရဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – အဝိတက္ကဝိစာရမတ္တာ သဒ္ဓါ… သီလံ… သုတံ… စာဂေါ… ပညာ ဝိစာရော စ သဝိတက္ကသဝိစာရာယ သဒ္ဓါယ…ပေ… ပတ္ထနာယ ဥပနိဿယပစ္စယေန ပစ္စယော။ (၁)

အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ အဝိတက္ကဝိစာရမတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော ¶ …ပေ…။ ပကတူပနိဿယော – အဝိတက္ကဝိစာရမတ္တာ သဒ္ဓါ… သီလံ… သုတံ… စာဂေါ… ပညာ ဝိစာရော စ အဝိတက္ကဝိစာရမတ္တာယ သဒ္ဓါယ… သီလဿ… သုတဿ… စာဂဿ… ပညာယ ဝိတက္ကဿ စ ဥပနိဿယပစ္စယေန ပစ္စယော။ (၂)

အဝိတက္ကဝိစာရမတ္တော ¶ စ အဝိတက္ကအဝိစာရော စ ဓမ္မာ အဝိတက္ကအဝိစာရဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော ¶ ၊ ပကတူပနိဿယော…ပေ…။ ပကတူပနိဿယော – အဝိတက္ကဝိစာရမတ္တာ သဒ္ဓါ… သီလံ… သုတံ… စာဂေါ… ပညာ ဝိစာရော စ အဝိတက္ကအဝိစာရာယ သဒ္ဓါယ… သီလဿ… သုတဿ… စာဂဿ… ပညာယ ဝိစာရဿ စ… ကာယိကဿ သုခဿ ကာယိကဿ ဒုက္ခဿ ဥပနိဿယပစ္စယေန ပစ္စယော။ (၃)

အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – အဝိတက္ကဝိစာရမတ္တာ သဒ္ဓါ… သီလံ… သုတံ… စာဂေါ… ပညာ ဝိစာရော စ အဝိတက္ကဝိစာရမတ္တာယ သဒ္ဓါယ… သီလဿ… သုတဿ… စာဂဿ… ပညာယ ဝိစာရဿ စ ဥပနိဿယပစ္စယေန ပစ္စယော။ (၄)

အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – အဝိတက္ကဝိစာရမတ္တာ သဒ္ဓါ… သီလံ… သုတံ… စာဂေါ… ပညာ ဝိစာရော စ သဝိတက္ကသဝိစာရာယ သဒ္ဓါယ… သီလဿ… သုတဿ… စာဂဿ… ပညာယ… ရာဂဿ… ဒေါသဿ… မောဟဿ… မာနဿ… ဒိဋ္ဌိယာ… ပတ္ထနာယ ဝိတက္ကဿ စ ဥပနိဿယပစ္စယေန ပစ္စယော။ (၅)

၁၀၆။ သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ သဝိတက္ကသဝိစာရဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – သဝိတက္ကသဝိစာရာ ¶ သဒ္ဓါ… သီလံ… သုတံ… စာဂေါ… ပညာ… ရာဂေါ… ဒေါသော… မောဟော… မာနော… ဒိဋ္ဌိ… ပတ္ထနာ ဝိတက္ကော စ သဝိတက္ကသဝိစာရာယ သဒ္ဓါယ သီလဿ…ပေ… ပတ္ထနာယ ဥပနိဿယပစ္စယေန ပစ္စယော။ (၁)

သဝိတက္ကသဝိစာရော ¶ စ အဝိတက္ကဝိစာရမတ္တော စ ဓမ္မာ အဝိတက္ကဝိစာရမတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – သဝိတက္ကသဝိစာရာ ¶ သဒ္ဓါ သီလံ…ပေ… ပတ္ထနာ ဝိတက္ကော စ အဝိတက္ကဝိစာရမတ္တာယ သဒ္ဓါယ… သီလဿ… သုတဿ… စာဂဿ… ပညာယ ဝိတက္ကဿ စ ဥပနိဿယပစ္စယေန ပစ္စယော။ (၂)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ အဝိတက္ကအဝိစာရဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – သဝိတက္ကသဝိစာရာ သဒ္ဓါ… သီလံ… သုတံ… စာဂေါ… ပညာ…ပေ… ပတ္ထနာ ဝိတက္ကော စ အဝိတက္ကအဝိစာရာယ သဒ္ဓါယ… သီလဿ… သုတဿ… စာဂဿ… ပညာယ ဝိစာရဿ စ… ကာယိကဿ သုခဿ ကာယိကဿ ဒုက္ခဿ ဥပနိဿယပစ္စယေန ပစ္စယော။ (၃)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – သဝိတက္ကသဝိစာရာ သဒ္ဓါ… သီလံ… သုတံ… စာဂေါ… ပညာ…ပေ… ပတ္ထနာ ¶ ဝိတက္ကော စ အဝိတက္ကဝိစာရမတ္တာယ သဒ္ဓါယ… သီလဿ… သုတဿ… စာဂဿ… ပညာယ ဝိစာရဿ စ ဥပနိဿယပစ္စယေန ပစ္စယော။ (၄)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – သဝိတက္ကသဝိစာရာ သဒ္ဓါ… သီလံ… သုတံ… စာဂေါ… ပညာ… ရာဂေါ… ဒေါသော… မောဟော… မာနော… ဒိဋ္ဌိ… ပတ္ထနာ ဝိတက္ကော စ သဝိတက္ကသဝိစာရာယ သဒ္ဓါယ…ပေ… ပတ္ထနာယ ဝိတက္ကဿ စ ဥပနိဿယပစ္စယေန ပစ္စယော။ (၅)

ပုရေဇာတပစ္စယော

၁၀၇။ အဝိတက္ကအဝိစာရော ဓမ္မော အဝိတက္ကအဝိစာရဿ ဓမ္မဿ ပုရေဇာတပစ္စယေန ပစ္စယော ¶ – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ၊ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ ပုရေဇာတပစ္စယေန ပစ္စယော။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု အဝိတက္ကအဝိစာရာနံ ခန္ဓာနံ ဝိစာရဿ စ ပုရေဇာတပစ္စယေန ပစ္စယော။ (၁)

အဝိတက္ကအဝိစာရော ¶ ဓမ္မော သဝိတက္ကသဝိစာရဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ အနိစ္စတော ဒုက္ခတော အနတ္တတော ဝိပဿတိ…ပေ… ဖောဋ္ဌဗ္ဗေ… ¶ ဝတ္ထုံ အနိစ္စတော ဒုက္ခတော အနတ္တတော ဝိပဿတိ အဿာဒေတိ အဘိနန္ဒတိ၊ တံ အာရဗ္ဘ ရာဂေါ ဥပ္ပဇ္ဇတိ…ပေ… ဒေါမနဿံ ဥပ္ပဇ္ဇတိ။ ဝတ္ထုပုရေဇာတံ – ဝတ္ထု သဝိတက္ကသဝိစာရာနံ ခန္ဓာနံ ပုရေဇာတပစ္စယေန ပစ္စယော။ (၂)

အဝိတက္ကအဝိစာရော ဓမ္မော အဝိတက္ကဝိစာရမတ္တဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ အနိစ္စတော ဒုက္ခတော အနတ္တတော ဝိပဿတိ အဿာဒေတိ အဘိနန္ဒတိ၊ တံ အာရဗ္ဘ ဝိတက္ကော ဥပ္ပဇ္ဇတိ…ပေ… ဝတ္ထုံ အနိစ္စတော ဒုက္ခတော အနတ္တတော ဝိပဿတိ၊ အဿာဒေတိ အဘိနန္ဒတိ၊ တံ အာရဗ္ဘ ဝိတက္ကော ဥပ္ပဇ္ဇတိ။ ဝတ္ထုပုရေဇာတံ – ဝတ္ထု အဝိတက္ကဝိစာရမတ္တာနံ ခန္ဓာနံ ဝိတက္ကဿ စ ပုရေဇာတပစ္စယေန ပစ္စယော။ (၃)

အဝိတက္ကအဝိစာရော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ ပုရေဇာတပစ္စယေန ပစ္စယော။ ဝတ္ထုပုရေဇာတံ – ဝတ္ထု အဝိတက္ကဝိစာရမတ္တာနံ ခန္ဓာနံ ဝိစာရဿ စ ပုရေဇာတပစ္စယေန ပစ္စယော။ (၄)

အဝိတက္ကအဝိစာရော ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ အနိစ္စတော ဒုက္ခတော အနတ္တတော ဝိပဿတိ အဿာဒေတိ အဘိနန္ဒတိ၊ တံ အာရဗ္ဘ သဝိတက္ကသဝိစာရာ ခန္ဓာ စ ဝိတက္ကော စ ဥပ္ပဇ္ဇန္တိ။ သောတံ… ဃာနံ… ¶ ဇိဝှံ… ကာယံ… ရူပေ… သဒ္ဒေ… ဂန္ဓေ… ရသေ… ဖောဋ္ဌဗ္ဗေ… ဝတ္ထုံ အနိစ္စတော ဒုက္ခတော အနတ္တတော ဝိပဿတိ အဿာဒေတိ ¶ အဘိနန္ဒတိ၊ တံ အာရဗ္ဘ သဝိတက္ကသဝိစာရာ ခန္ဓာ စ ဝိတက္ကော စ ဥပ္ပဇ္ဇန္တိ။ ဝတ္ထုပုရေဇာတံ – ဝတ္ထု သဝိတက္ကသဝိစာရာနံ ခန္ဓာနံ ဝိတက္ကဿ စ ပုရေဇာတပစ္စယေန ပစ္စယော။ (၅)

ပစ္ဆာဇာတပစ္စယော

၁၀၈။ သဝိတက္ကသဝိစာရော ဓမ္မော အဝိတက္ကအဝိစာရဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ သဝိတက္ကသဝိစာရာ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)

အဝိတက္ကဝိစာရမတ္တော ¶ ဓမ္မော အဝိတက္ကအဝိစာရဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အဝိတက္ကဝိစာရမတ္တာ ခန္ဓာ စ ဝိတက္ကော စ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)

အဝိတက္ကအဝိစာရော ဓမ္မော အဝိတက္ကအဝိစာရဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အဝိတက္ကအဝိစာရာ ခန္ဓာ စ ဝိစာရော စ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)

အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ အဝိတက္ကအဝိစာရဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အဝိတက္ကဝိစာရမတ္တာ ခန္ဓာ စ ဝိစာရော စ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ အဝိတက္ကအဝိစာရဿ ¶ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ သဝိတက္ကသဝိစာရာ ခန္ဓာ စ ဝိတက္ကော စ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)

အာသေဝနပစ္စယော

၁၀၉။ သဝိတက္ကသဝိစာရော ဓမ္မော သဝိတက္ကသဝိစာရဿ ဓမ္မဿ အာသေဝနပစ္စယေန ပစ္စယော ¶ – ပုရိမာ ပုရိမာ သဝိတက္ကသဝိစာရာ ခန္ဓာ ပစ္ဆိမာနံ ပစ္ဆိမာနံ သဝိတက္ကသဝိစာရာနံ ခန္ဓာနံ အာသေဝနပစ္စယေန ပစ္စယော။ အနုလောမံ ဂေါတြဘုဿ… အနုလောမံ ဝေါဒါနဿ… ဂေါတြဘု သဝိတက္ကသဝိစာရဿ မဂ္ဂဿ… ဝေါဒါနံ သဝိတက္ကသဝိစာရဿ မဂ္ဂဿ အာသေဝနပစ္စယေန ပစ္စယော။ (၁)

သဝိတက္ကသဝိစာရော ဓမ္မော အဝိတက္ကဝိစာရမတ္တဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ သဝိတက္ကသဝိစာရာ ခန္ဓာ ပစ္ဆိမဿ ပစ္ဆိမဿ ဝိတက္ကဿ အာသေဝနပစ္စယေန ပစ္စယော။ အဝိတက္ကဝိစာရမတ္တဿ ဈာနဿ ပရိကမ္မံ အဝိတက္ကဝိစာရမတ္တဿ ဈာနဿ အာသေဝနပစ္စယေန ပစ္စယော။ ဂေါတြဘု အဝိတက္ကဝိစာရမတ္တဿ မဂ္ဂဿ အာသေဝနပစ္စယေန ပစ္စယော။ ဝေါဒါနံ အဝိတက္ကဝိစာရမတ္တဿ မဂ္ဂဿ အာသေဝနပစ္စယေန ပစ္စယော။ (၂)

သဝိတက္ကသဝိစာရော ဓမ္မော အဝိတက္ကအဝိစာရဿ ဓမ္မဿ အာသေဝနပစ္စယေန ပစ္စယော – ဒုတိယဿ ဈာနဿ ပရိကမ္မံ ဒုတိယေ ဈာနေ ဝိစာရဿ အာသေဝနပစ္စယေန ¶ ပစ္စယော။ တတိယဿ ဈာနဿ ပရိကမ္မံ တတိယဿ ဈာနဿ…ပေ… စတုတ္ထဿ ဈာနဿ ပရိကမ္မံ စတုတ္ထဿ ဈာနဿ…ပေ… ¶ အာကာသာနဉ္စာယတနဿ ပရိကမ္မံ အာကာသာနဉ္စာယတနဿ…ပေ… ဝိညာဏဉ္စာယတနဿ ပရိကမ္မံ ဝိညာဏဉ္စာယတနဿ…ပေ… အာကိဉ္စညာယတနဿ ပရိကမ္မံ အာကိဉ္စညာယတနဿ…ပေ… နေဝသညာနာသညာယတနဿ ပရိကမ္မံ နေဝသညာနာသညာယတနဿ…ပေ… ဒိဗ္ဗဿ စက္ခုဿ ပရိကမ္မံ ဒိဗ္ဗဿ စက္ခုဿ…ပေ… ဒိဗ္ဗာယ သောတဓာတုယာ ပရိကမ္မံ ဒိဗ္ဗာယ သောတဓာတုယာ…ပေ… ဣဒ္ဓိဝိဓဉာဏဿ ပရိကမ္မံ…ပေ… စေတောပရိယဉာဏဿ ပရိကမ္မံ…ပေ… ပုဗ္ဗေနိဝါသာနုဿတိဉာဏဿ ပရိကမ္မံ…ပေ… ယထာကမ္မူပဂဉာဏဿ ပရိကမ္မံ…ပေ… အနာဂတံသဉာဏဿ ပရိကမ္မံ…ပေ… ဂေါတြဘု အဝိတက္ကအဝိစာရဿ မဂ္ဂဿ ဝိစာရဿ စ… ဝေါဒါနံ အဝိတက္ကအဝိစာရဿ မဂ္ဂဿ ဝိစာရဿ စ အာသေဝနပစ္စယေန ပစ္စယော။ (၃)

သဝိတက္ကသဝိစာရော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ အာသေဝနပစ္စယေန ပစ္စယော – အဝိတက္ကဝိစာရမတ္တဿ ဈာနဿ ပရိကမ္မံ အဝိတက္ကဝိစာရမတ္တဿ ဈာနဿ ဝိစာရဿ စ အာသေဝနပစ္စယေန ပစ္စယော။ ဂေါတြဘု အဝိတက္ကဝိစာရမတ္တဿ ¶ မဂ္ဂဿ ဝိစာရဿ စ… ဝေါဒါနံ အဝိတက္ကဝိစာရမတ္တဿ မဂ္ဂဿ ဝိစာရဿ စ အာသေဝနပစ္စယေန ပစ္စယော။ (၄)

သဝိတက္ကသဝိစာရော ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ သဝိတက္ကသဝိစာရာ ခန္ဓာ ပစ္ဆိမာနံ ပစ္ဆိမာနံ သဝိတက္ကသဝိစာရာနံ ခန္ဓာနံ ¶ ဝိတက္ကဿ စ အာသေဝနပစ္စယေန ပစ္စယော။ အနုလောမံ ဂေါတြဘုဿ ဝိတက္ကဿ စ… အနုလောမံ ဝေါဒါနဿ ဝိတက္ကဿ စ… ဂေါတြဘု သဝိတက္ကသဝိစာရဿ မဂ္ဂဿ ဝိတက္ကဿ စ… ဝေါဒါနံ သဝိတက္ကသဝိစာရဿ မဂ္ဂဿ ဝိတက္ကဿ စ အာသေဝနပစ္စယေန ပစ္စယော။ (၅)

၁၁၀။ အဝိတက္ကဝိစာရမတ္တော ဓမ္မော အဝိတက္ကဝိစာရမတ္တဿ ဓမ္မဿ အာသေဝနပစ္စယေန ပစ္စယော – ပုရိမော ပုရိမော ဝိတက္ကော ပစ္ဆိမဿ ပစ္ဆိမဿ ဝိတက္ကဿ အာသေဝနပစ္စယေန ပစ္စယော။ ပုရိမာ ပုရိမာ အဝိတက္ကဝိစာရမတ္တာ ခန္ဓာ ပစ္ဆိမာနံ ပစ္ဆိမာနံ အဝိတက္ကဝိစာရမတ္တာနံ ခန္ဓာနံ အာသေဝနပစ္စယေန ပစ္စယော။ (၁)

အဝိတက္ကဝိစာရမတ္တော ¶ ဓမ္မော သဝိတက္ကသဝိစာရဿ ဓမ္မဿ အာသေဝနပစ္စယေန ပစ္စယော – ပုရိမော ပုရိမော ဝိတက္ကော ပစ္ဆိမာနံ ပစ္ဆိမာနံ သဝိတက္ကသဝိစာရာနံ ခန္ဓာနံ အာသေဝနပစ္စယေန ပစ္စယော။ (၂)

အဝိတက္ကဝိစာရမတ္တော ဓမ္မော အဝိတက္ကအဝိစာရဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ အဝိတက္ကဝိစာရမတ္တာ ခန္ဓာ ပစ္ဆိမဿ ပစ္ဆိမဿ ဝိစာရဿ အာသေဝနပစ္စယေန ပစ္စယော။ (၃)

အဝိတက္ကဝိစာရမတ္တော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ အဝိတက္ကဝိစာရမတ္တာ ခန္ဓာ ပစ္ဆိမာနံ ပစ္ဆိမာနံ အဝိတက္ကဝိစာရမတ္တာနံ ခန္ဓာနံ ဝိစာရဿ စ အာသေဝနပစ္စယေန ပစ္စယော။ (၄)

အဝိတက္ကဝိစာရမတ္တော ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ ¶ စ ဓမ္မဿ ¶ အာသေဝနပစ္စယေန ပစ္စယော – ပုရိမော ပုရိမော ဝိတက္ကော ပစ္ဆိမာနံ ပစ္ဆိမာနံ သဝိတက္ကသဝိစာရာနံ ခန္ဓာနံ ဝိတက္ကဿ စ အာသေဝနပစ္စယေန ပစ္စယော။ (၅)

၁၁၁။ အဝိတက္ကအဝိစာရော ဓမ္မော အဝိတက္ကအဝိစာရဿ ဓမ္မဿ အာသေဝနပစ္စယေန ပစ္စယော – ပုရိမော ပုရိမော ဝိစာရော ပစ္ဆိမဿ ပစ္ဆိမဿ ဝိစာရဿ အာသေဝနပစ္စယေန ပစ္စယော။ ပုရိမာ ပုရိမာ အဝိတက္ကအဝိစာရာ ခန္ဓာ ပစ္ဆိမာနံ ပစ္ဆိမာနံ အဝိတက္ကအဝိစာရာနံ ခန္ဓာနံ အာသေဝနပစ္စယေန ပစ္စယော။ (၁)

အဝိတက္ကအဝိစာရော ဓမ္မော အဝိတက္ကဝိစာရမတ္တဿ ဓမ္မဿ အာသေဝနပစ္စယေန ပစ္စယော – ပုရိမော ပုရိမော ဝိစာရော ပစ္ဆိမာနံ ပစ္ဆိမာနံ အဝိတက္ကဝိစာရမတ္တာနံ ခန္ဓာနံ အာသေဝနပစ္စယေန ပစ္စယော။ (၂)

အဝိတက္ကအဝိစာရော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ အာသေဝနပစ္စယေန ပစ္စယော – ပုရိမော ပုရိမော ဝိစာရော ပစ္ဆိမာနံ ပစ္ဆိမာနံ အဝိတက္ကဝိစာရမတ္တာနံ ခန္ဓာနံ ဝိစာရဿ စ အာသေဝနပစ္စယေန ပစ္စယော။ (၃)

၁၁၂။ အဝိတက္ကဝိစာရမတ္တော ¶ စ အဝိတက္ကအဝိစာရော စ ဓမ္မာ အဝိတက္ကဝိစာရမတ္တဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ အဝိတက္ကဝိစာရမတ္တာ ခန္ဓာ စ ဝိစာရော စ ပစ္ဆိမာနံ ပစ္ဆိမာနံ အဝိတက္ကဝိစာရမတ္တာနံ ခန္ဓာနံ အာသေဝနပစ္စယေန ပစ္စယော။ (၁)

အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ အဝိတက္ကအဝိစာရဿ ¶ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ အဝိတက္ကဝိစာရမတ္တာ ခန္ဓာ စ ဝိစာရော စ ပစ္ဆိမဿ ပစ္ဆိမဿ ဝိစာရဿ အာသေဝနပစ္စယေန ပစ္စယော။ (၂)

အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ အဝိတက္ကဝိစာရမတ္တာ ခန္ဓာ စ ဝိစာရော စ ပစ္ဆိမာနံ ပစ္ဆိမာနံ အဝိတက္ကဝိစာရမတ္တာနံ ခန္ဓာနံ ဝိစာရဿ စ အာသေဝနပစ္စယေန ပစ္စယော။ (၃)

၁၁၃။ သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ သဝိတက္ကသဝိစာရဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ သဝိတက္ကသဝိစာရာ ခန္ဓာ စ ဝိတက္ကော စ ပစ္ဆိမာနံ ပစ္ဆိမာနံ သဝိတက္ကသဝိစာရာနံ ခန္ဓာနံ အာသေဝနပစ္စယေန ပစ္စယော။ အနုလောမဉ္စ ဝိတက္ကော စ ဂေါတြဘုဿ… အနုလောမဉ္စ ဝိတက္ကော စ ဝေါဒါနဿ… ဂေါတြဘု စ ဝိတက္ကော စ သဝိတက္ကသဝိစာရဿ မဂ္ဂဿ… ဝေါဒါနဉ္စ ဝိတက္ကော စ သဝိတက္ကသဝိစာရဿ မဂ္ဂဿ အာသေဝနပစ္စယေန ပစ္စယော။ (၁)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ အဝိတက္ကဝိစာရမတ္တဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ သဝိတက္ကသဝိစာရာ ခန္ဓာ စ ဝိတက္ကော စ ပစ္ဆိမဿ ပစ္ဆိမဿ ဝိတက္ကဿ အာသေဝနပစ္စယေန ပစ္စယော။ အဝိတက္ကဝိစာရမတ္တဿ ဈာနဿ ပရိကမ္မဉ္စ ဝိတက္ကော စ အဝိတက္ကဝိစာရမတ္တဿ ဈာနဿ အာသေဝနပစ္စယေန ပစ္စယော။ ဂေါတြဘု စ ဝိတက္ကော စ အဝိတက္က ဝိစာရမတ္တဿ မဂ္ဂဿ… ဝေါဒါနဉ္စ ဝိတက္ကော စ အဝိတက္ကဝိစာရမတ္တဿ မဂ္ဂဿ အာသေဝနပစ္စယေန ပစ္စယော။ (၂)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ အဝိတက္ကအဝိစာရဿ ဓမ္မဿ အာသေဝနပစ္စယေန ပစ္စယော – ဒုတိယဿ ဈာနဿ ပရိကမ္မဉ္စ ဝိတက္ကော ¶ စ ဒုတိယေ ဈာနေ ဝိစာရဿ အာသေဝနပစ္စယေန ပစ္စယော…ပေ… နေဝသညာနာသညာယတနဿ ပရိကမ္မဉ္စ ဝိတက္ကော စ…ပေ… ဒိဗ္ဗဿ စက္ခုဿ ပရိကမ္မဉ္စ ဝိတက္ကော စ…ပေ… အနာဂတံသဉာဏဿ ပရိကမ္မဉ္စ ဝိတက္ကော စ အနာဂတံသဉာဏဿ အာသေဝနပစ္စယေန ¶ ပစ္စယော။ ဂေါတြဘု စ ဝိတက္ကော စ အဝိတက္ကအဝိစာရဿ မဂ္ဂဿ ဝိစာရဿ စ အာသေဝနပစ္စယေန ပစ္စယော။ ဝေါဒါနဉ္စ ဝိတက္ကော စ အဝိတက္ကအဝိစာရဿ မဂ္ဂဿ ဝိစာရဿ စ အာသေဝနပစ္စယေန ပစ္စယော။ (၃)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ အာသေဝနပစ္စယေန ပစ္စယော – အဝိတက္ကဝိစာရမတ္တဿ ဈာနဿ ¶ ပရိကမ္မဉ္စ ဝိတက္ကော စ အဝိတက္ကဝိစာရမတ္တဿ ဈာနဿ ဝိစာရဿ စ… ဂေါတြဘု စ ဝိတက္ကော စ အဝိတက္ကဝိစာရမတ္တဿ မဂ္ဂဿ ဝိစာရဿ စ… ဝေါဒါနဉ္စ ဝိတက္ကော စ အဝိတက္ကဝိစာရမတ္တဿ မဂ္ဂဿ ဝိစာရဿ စ အာသေဝနပစ္စယေန ပစ္စယော။ (၄)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ အာသေဝနပစ္စယေန ပစ္စယော ¶ – ပုရိမာ ပုရိမာ သဝိတက္ကသဝိစာရာ ခန္ဓာ စ ဝိတက္ကော စ ပစ္ဆိမာနံ ပစ္ဆိမာနံ သဝိတက္ကသဝိစာရာနံ ခန္ဓာနံ ဝိတက္ကဿ စ အာသေဝနပစ္စယေန ပစ္စယော။ အနုလောမဉ္စ ဝိတက္ကော စ ဂေါတြဘုဿ ဝိတက္ကဿ စ… အနုလောမဉ္စ ဝိတက္ကော စ ဝေါဒါနဿ ဝိတက္ကဿ စ… ဂေါတြဘု စ ဝိတက္ကော စ သဝိတက္ကသဝိစာရဿ မဂ္ဂဿ ဝိတက္ကဿ စ… ဝေါဒါနဉ္စ ဝိတက္ကော စ သဝိတက္ကသဝိစာရဿ မဂ္ဂဿ ဝိတက္ကဿ စ အာသေဝနပစ္စယေန ပစ္စယော။ (၅)

ကမ္မပစ္စယော

၁၁၄။ သဝိတက္ကသဝိစာရော ဓမ္မော သဝိတက္ကသဝိစာရဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – သဝိတက္ကသဝိစာရာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော။ ပဋိသန္ဓိက္ခဏေ သဝိတက္ကသဝိစာရာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော။ နာနာက္ခဏိကာ – သဝိတက္ကသဝိစာရာ စေတနာ ဝိပါကာနံ သဝိတက္ကသဝိစာရာနံ ခန္ဓာနံ ကမ္မပစ္စယေန ပစ္စယော။ (၁)

သဝိတက္ကသဝိစာရော ¶ ဓမ္မော အဝိတက္ကဝိစာရမတ္တဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – သဝိတက္ကသဝိစာရာ စေတနာ ဝိတက္ကဿ ကမ္မပစ္စယေန ပစ္စယော။ ပဋိသန္ဓိက္ခဏေ သဝိတက္ကသဝိစာရာ စေတနာ ဝိတက္ကဿ ကမ္မပစ္စယေန ပစ္စယော။ နာနာက္ခဏိကာ – သဝိတက္ကသဝိစာရာ စေတနာ ဝိပါကဿ ဝိတက္ကဿ ကမ္မပစ္စယေန ပစ္စယော။ (၂)

သဝိတက္ကသဝိစာရော ဓမ္မော အဝိတက္ကအဝိစာရဿ ဓမ္မဿ ကမ္မပစ္စယေန ¶ ပစ္စယော – သဟဇာတာ၊ နာနာက္ခဏိကာ။ သဟဇာတာ – သဝိတက္ကသဝိစာရာ စေတနာ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော။ ပဋိသန္ဓိက္ခဏေ သဝိတက္ကသဝိစာရာ စေတနာ ကဋတ္တာ ရူပါနံ ကမ္မပစ္စယေန ¶ ပစ္စယော။ နာနာက္ခဏိကာ – သဝိတက္ကသဝိစာရာ စေတနာ ဝိပါကာနံ အဝိတက္ကအဝိစာရာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၃)

သဝိတက္ကသဝိစာရော ဓမ္မော သဝိတက္ကသဝိစာရဿ စ အဝိတက္ကအဝိစာရဿ စ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – သဝိတက္ကသဝိစာရာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ ပဋိသန္ဓိက္ခဏေ သဝိတက္ကသဝိစာရာ စေတနာ သမ္ပယုတ္တကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ နာနာက္ခဏိကာ – သဝိတက္ကသဝိစာရာ စေတနာ ဝိပါကာနံ သဝိတက္ကသဝိစာရာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၄)

သဝိတက္ကသဝိစာရော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – သဝိတက္ကသဝိစာရာ စေတနာ ဝိတက္ကဿ စ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ ပဋိသန္ဓိက္ခဏေ သဝိတက္ကသဝိစာရာ စေတနာ ဝိတက္ကဿ စ ကဋတ္တာ စ ရူပါနံ ကမ္မပစ္စယေန ပစ္စယော။ နာနာက္ခဏိကာ – သဝိတက္ကသဝိစာရာ စေတနာ ဝိပါကဿ ¶ ဝိတက္ကဿ စ ကဋတ္တာ စ ရူပါနံ ကမ္မပစ္စယေန ပစ္စယော။ (၅)

သဝိတက္ကသဝိစာရော ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – သဝိတက္ကသဝိစာရာ စေတနာ သမ္ပယုတ္တကာနံ ခန္ဓာနံ ဝိတက္ကဿ စ ကမ္မပစ္စယေန ပစ္စယော။ ပဋိသန္ဓိက္ခဏေ သဝိတက္ကသဝိစာရာ စေတနာ သမ္ပယုတ္တကာနံ ¶ ခန္ဓာနံ ဝိတက္ကဿ စ ကမ္မပစ္စယေန ပစ္စယော။ နာနာက္ခဏိကာ – သဝိတက္ကသဝိစာရာ စေတနာ ဝိစာကာနံ သဝိတက္ကသဝိစာရာနံ ခန္ဓာနံ ဝိတက္ကဿ စ ကမ္မပစ္စယေန ပစ္စယော။ (၆)

သဝိတက္ကသဝိစာရော ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – သဝိတက္ကသဝိစာရာ စေတနာ သမ္ပယုတ္တကာနံ ခန္ဓာနံ ဝိတက္ကဿ စ စိတ္တသမုဋ္ဌာနာနဉ္စ ¶ ရူပါနံ ကမ္မပစ္စယေန ပစ္စယော။ ပဋိသန္ဓိက္ခဏေ သဝိတက္ကသဝိစာရာ စေတနာ သမ္ပယုတ္တကာနံ ခန္ဓာနံ ဝိတက္ကဿ စ ကဋတ္တာ စ ရူပါနံ ကမ္မပစ္စယေန ပစ္စယော။ နာနာက္ခဏိကာ – သဝိတက္ကသဝိစာရာ စေတနာ ဝိပါကာနံ သဝိတက္ကသဝိစာရာနံ ခန္ဓာနံ ဝိတက္ကဿ စ ကဋတ္တာ စ ရူပါနံ ကမ္မပစ္စယေန ပစ္စယော။ (၇)

၁၁၅။ အဝိတက္ကဝိစာရမတ္တော ဓမ္မော အဝိတက္ကဝိစာရမတ္တဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – အဝိတက္ကဝိစာရမတ္တာ ¶ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော။ ပဋိသန္ဓိက္ခဏေ…ပေ…။ နာနာက္ခဏိကာ – အဝိတက္ကဝိစာရမတ္တာ စေတနာ ဝိပါကာနံ အဝိတက္ကဝိစာရမတ္တာနံ ခန္ဓာနံ ကမ္မပစ္စယေန ပစ္စယော။ (၁)

အဝိတက္ကဝိစာရမတ္တော ဓမ္မော အဝိတက္ကအဝိစာရဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – အဝိတက္ကဝိစာရမတ္တာ စေတနာ ဝိစာရဿ စ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ ပဋိသန္ဓိက္ခဏေ အဝိတက္ကဝိစာရမတ္တာ စေတနာ ဝိပါကဿ ဝိစာရဿ စ ကဋတ္တာ စ ရူပါနံ ကမ္မပစ္စယေန ပစ္စယော။ နာနာက္ခဏိကာ – အဝိတက္ကဝိစာရမတ္တာ စေတနာ ဝိပါကဿ ဝိစာရဿ စ ကဋတ္တာ စ ရူပါနံ ကမ္မပစ္စယေန ပစ္စယော။ (၂)

အဝိတက္ကဝိစာရမတ္တော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – အဝိတက္ကဝိစာရမတ္တာ စေတနာ သမ္ပယုတ္တကာနံ ခန္ဓာနံ ဝိစာရဿ စ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ ပဋိသန္ဓိက္ခဏေ အဝိတက္ကဝိစာရမတ္တာ စေတနာ သမ္ပယုတ္တကာနံ ခန္ဓာနံ ဝိစာရဿ စ ကဋတ္တာ စ ရူပါနံ ကမ္မပစ္စယေန ပစ္စယော။ နာနာက္ခဏိကာ ¶ – အဝိတက္ကဝိစာရမတ္တာ စေတနာ ဝိပါကာနံ အဝိတက္ကဝိစာရမတ္တာနံ ခန္ဓာနံ ဝိစာရဿ စ ကဋတ္တာ စ ရူပါနံ ကမ္မပစ္စယေန ပစ္စယော။ (၃)

အဝိတက္ကအဝိစာရော ဓမ္မော အဝိတက္ကအဝိစာရဿ ဓမ္မဿ ကမ္မပစ္စယေန ¶ ပစ္စယော – သဟဇာတာ၊ နာနာက္ခဏိကာ။ သဟဇာတာ – အဝိတက္ကအဝိစာရာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ¶ ရူပါနံ ကမ္မပစ္စယေန ပစ္စယော။ ပဋိသန္ဓိက္ခဏေ အဝိတက္ကအဝိစာရာ စေတနာ သမ္ပယုတ္တကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ နာနာက္ခဏိကာ – အဝိတက္ကအဝိစာရာ စေတနာ ဝိပါကာနံ အဝိတက္ကအဝိစာရာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၁)

ဝိပါကပစ္စယော

၁၁၆။ သဝိတက္ကသဝိစာရော ဓမ္မော သဝိတက္ကသဝိစာရဿ ဓမ္မဿ ဝိပါကပစ္စယေန ပစ္စယော – ဝိပါကော သဝိတက္ကသဝိစာရော ဧကော ခန္ဓော တိဏ္ဏန္နံ ခန္ဓာနံ ဝိပါကပစ္စယေန ပစ္စယော…ပေ… ပဋိသန္ဓိက္ခဏေ သဝိတက္ကသဝိစာရော ဧကော ခန္ဓော တိဏ္ဏန္နံ ခန္ဓာနံ ဝိပါကပစ္စယေန ပစ္စယော…ပေ…။

သဝိတက္ကသဝိစာရော ဓမ္မော အဝိတက္ကဝိစာရမတ္တဿ ဓမ္မဿ ဝိပါကပစ္စယေန ပစ္စယော – ဝိပါကာ သဝိတက္ကသဝိစာရာ ခန္ဓာ ဝိတက္ကဿ ဝိပါကပစ္စယေန ပစ္စယော။ ပဋိသန္ဓိက္ခဏေ…ပေ…။

(သဝိတက္ကသဝိစာရမူလကာ သတ္တပိ ပဉှာ ပရိပုဏ္ဏာ။)

အဝိတက္ကဝိစာရမတ္တော ဓမ္မော အဝိတက္ကဝိစာရမတ္တဿ ဓမ္မဿ ဝိပါကပစ္စယေန ပစ္စယော – ဝိပါကော အဝိတက္ကဝိစာရမတ္တော ဧကော ခန္ဓော တိဏ္ဏန္နံ ခန္ဓာနံ ဝိပါကပစ္စယေန ပစ္စယော…ပေ… ဒွေ ခန္ဓာ…ပေ… ပဋိသန္ဓိက္ခဏေ ဝိပါကော အဝိတက္ကဝိစာရမတ္တော ဧကော ခန္ဓော…ပေ…။

(အဝိတက္ကဝိစာရမတ္တမူလကာ ¶ ပဉ္စ ပဉှာ ကာတဗ္ဗာ၊ ဝိပါကန္တိ နိယာမေတဗ္ဗာ။)

၁၁၇။ အဝိတက္ကအဝိစာရော ဓမ္မော အဝိတက္ကအဝိစာရဿ ဓမ္မဿ ဝိပါကပစ္စယေန ပစ္စယော – ဝိပါကော အဝိတက္ကအဝိစာရော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ ဝိပါကပစ္စယေန ပစ္စယော…ပေ… ဒွေ ခန္ဓာ ¶ …ပေ… ဝိပါကော ဝိစာရော စိတ္တသမုဋ္ဌာနာနံ ¶ ရူပါနံ ဝိပါကပစ္စယေန ပစ္စယော။ ပဋိသန္ဓိက္ခဏေ…ပေ… ခန္ဓာ ဝတ္ထုဿ ဝိပါကပစ္စယေန ပစ္စယော။ ဝိစာရော ဝတ္ထုဿ ဝိပါကပစ္စယေန ပစ္စယော။ (၁)

အဝိတက္ကအဝိစာရော ဓမ္မော အဝိတက္ကဝိစာရမတ္တဿ ဓမ္မဿ ဝိပါကပစ္စယေန ပစ္စယော – ဝိပါကော ဝိစာရော အဝိတက္ကဝိစာရမတ္တာနံ ခန္ဓာနံ ဝိပါကပစ္စယေန ပစ္စယော။ ပဋိသန္ဓိက္ခဏေ ဝိပါကော ဝိစာရော အဝိတက္ကဝိစာရမတ္တာနံ ခန္ဓာနံ ဝိပါကပစ္စယေန ပစ္စယော။ (၂)

အဝိတက္ကအဝိစာရော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ ဝိပါကပစ္စယေန ပစ္စယော – ဝိပါကော ဝိစာရော အဝိတက္ကဝိစာရမတ္တာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဝိပါကပစ္စယေန ပစ္စယော။ ပဋိသန္ဓိက္ခဏေ ဝိပါကော ဝိစာရော အဝိတက္ကဝိစာရမတ္တာနံ ခန္ဓာနံ ကဋတ္တာ စ ရူပါနံ ဝိပါကပစ္စယေန ပစ္စယော။ (၃)

၁၁၈။ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ အဝိတက္ကဝိစာရမတ္တဿ ဓမ္မဿ ဝိပါကပစ္စယေန ပစ္စယော – ဝိပါကော အဝိတက္ကဝိစာရမတ္တော ဧကော ခန္ဓော စ ဝိစာရော စ တိဏ္ဏန္နံ ခန္ဓာနံ ဝိပါကပစ္စယေန ¶ ပစ္စယော…ပေ… ဒွေ ခန္ဓာ…ပေ… ပဋိသန္ဓိက္ခဏေ…ပေ…။ (၁)

အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ အဝိတက္ကအဝိစာရဿ ဓမ္မဿ ဝိပါကပစ္စယေန ပစ္စယော – ဝိပါကာ အဝိတက္ကဝိစာရမတ္တာ ခန္ဓာ စ ဝိစာရော စ စိတ္တသမုဋ္ဌာနာနံ ရူပါနံ ဝိပါကပစ္စယေန ပစ္စယော။ ပဋိသန္ဓိက္ခဏေ အဝိတက္ကဝိစာရမတ္တာ ခန္ဓာ စ ဝိစာရော စ ကဋတ္တာရူပါနံ ဝိပါကပစ္စယေန ပစ္စယော။ (၂)

အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ ဝိပါကပစ္စယေန ပစ္စယော – ဝိပါကော အဝိတက္ကဝိစာရမတ္တော ဧကော ခန္ဓော စ ဝိစာရော စ တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ ဝိပါကပစ္စယေန ပစ္စယော…ပေ… ပဋိသန္ဓိက္ခဏေ ဝိပါကော အဝိတက္ကဝိစာရမတ္တော ဧကော ခန္ဓော စ ဝိစာရော စ တိဏ္ဏန္နံ ခန္ဓာနံ ကဋတ္တာ စ ရူပါနံ ဝိပါကပစ္စယေန ပစ္စယော။ (၃)

သဝိတက္ကသဝိစာရော ¶ စ အဝိတက္ကဝိစာရမတ္တော စ ဓမ္မာ သဝိတက္ကသဝိစာရဿ ဓမ္မဿ ဝိပါကပစ္စယေန ပစ္စယော – ဝိပါကော သဝိတက္ကသဝိစာရော ဧကော ¶ ခန္ဓော စ ဝိတက္ကော စ တိဏ္ဏန္နံ ခန္ဓာနံ ဝိပါကပစ္စယေန ပစ္စယော…ပေ… ဒွေ ခန္ဓာ…ပေ… ပဋိသန္ဓိက္ခဏေ…ပေ…။ (၁)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ အဝိတက္ကအဝိစာရဿ ဓမ္မဿ ဝိပါကပစ္စယေန ပစ္စယော – ဝိပါကာ သဝိတက္ကသဝိစာရာ ခန္ဓာ စ ဝိတက္ကော စ စိတ္တသမုဋ္ဌာနာနံ ရူပါနံ ဝိပါကပစ္စယေန ¶ ပစ္စယော။ ပဋိသန္ဓိက္ခဏေ…ပေ…။ (၂)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ သဝိတက္ကသဝိစာရဿ စ အဝိတက္ကအဝိစာရဿ စ ဓမ္မဿ ဝိပါကပစ္စယေန ပစ္စယော – ဝိပါကော သဝိတက္ကသဝိစာရော ဧကော ခန္ဓော စ ဝိတက္ကော စ တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ ဝိပါကပစ္စယေန ပစ္စယော။ ပဋိသန္ဓိက္ခဏေ…ပေ…။ (၃)

အာဟာရပစ္စယော

၁၁၉။ သဝိတက္ကသဝိစာရော ဓမ္မော သဝိတက္ကသဝိစာရဿ ဓမ္မဿ အာဟာရပစ္စယေန ပစ္စယော – သဝိတက္ကသဝိစာရာ အာဟာရာ သမ္ပယုတ္တကာနံ ခန္ဓာနံ အာဟာရပစ္စယေန ပစ္စယော။ ပဋိသန္ဓိက္ခဏေ…ပေ…။ (၁)

သဝိတက္ကသဝိစာရော ဓမ္မော အဝိတက္ကဝိစာရမတ္တဿ ဓမ္မဿ အာဟာရပစ္စယေန ပစ္စယော – သဝိတက္ကသဝိစာရာ အာဟာရာ ဝိတက္ကဿ အာဟာရပစ္စယေန ပစ္စယော။ ပဋိသန္ဓိက္ခဏေ…ပေ…။

(သဝိတက္ကသဝိစာရမူလကာ ဣမိနာ ကာရဏေန သတ္တ ပဉှာ ဝိဘဇိတဗ္ဗာ။)

အဝိတက္ကဝိစာရမတ္တော ဓမ္မော အဝိတက္ကဝိစာရမတ္တဿ ဓမ္မဿ အာဟာရပစ္စယေန ပစ္စယော – အဝိတက္ကဝိစာရမတ္တာ အာဟာရာ သမ္ပယုတ္တကာနံ ခန္ဓာနံ အာဟာရပစ္စယေန ပစ္စယော။ ပဋိသန္ဓိက္ခဏေ…ပေ…။ (၁)

အဝိတက္ကဝိစာရမတ္တော ¶ ဓမ္မော အဝိတက္ကအဝိစာရဿ ဓမ္မဿ အာဟာရပစ္စယေန ပစ္စယော – အဝိတက္ကဝိစာရမတ္တာ အာဟာရာ ဝိစာရဿ စ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော။ ပဋိသန္ဓိက္ခဏေ…ပေ…။ (၂)

အဝိတက္ကဝိစာရမတ္တော ¶ ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ အာဟာရပစ္စယေန ပစ္စယော – အဝိတက္ကဝိစာရမတ္တာ အာဟာရာ ¶ သမ္ပယုတ္တကာနံ ခန္ဓာနံ ဝိစာရဿ စ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော။ ပဋိသန္ဓိက္ခဏေ…ပေ…။ (၃)

အဝိတက္ကအဝိစာရော ဓမ္မော အဝိတက္ကအဝိစာရဿ ဓမ္မဿ အာဟာရပစ္စယေန ပစ္စယော – အဝိတက္ကအဝိစာရာ အာဟာရာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော။ ပဋိသန္ဓိက္ခဏေ…ပေ… ကဗဠီကာရော အာဟာရော ဣမဿ ကာယဿ အာဟာရပစ္စယေန ပစ္စယော။

ဣန္ဒြိယပစ္စယော

၁၂၀။ သဝိတက္ကသဝိစာရော ဓမ္မော သဝိတက္ကသဝိစာရဿ ဓမ္မဿ ဣန္ဒြိယပစ္စယေန ပစ္စယော – သဝိတက္ကသဝိစာရာ ဣန္ဒြိယာ သမ္ပယုတ္တကာနံ ခန္ဓာနံ ဣန္ဒြိယပစ္စယေန ပစ္စယော။ ပဋိသန္ဓိက္ခဏေ…ပေ…။ (၁)

သဝိတက္ကသဝိစာရော ဓမ္မော အဝိတက္ကဝိစာရမတ္တဿ ဓမ္မဿ ဣန္ဒြိယပစ္စယေန ပစ္စယော – သဝိတက္ကသဝိစာရာ ဣန္ဒြိယာ ဝိတက္ကဿ ဣန္ဒြိယပစ္စယေန ပစ္စယော။ ပဋိသန္ဓိက္ခဏေ…ပေ…။ (၇)

(သဝိတက္ကသဝိစာရမူလကာ သတ္တ ပဉှာ ဣမိနာ ကာရဏေန ဝိဘဇိတဗ္ဗာ။)

အဝိတက္ကဝိစာရမတ္တော ဓမ္မော အဝိတက္ကဝိစာရမတ္တဿ ဓမ္မဿ ဣန္ဒြိယပစ္စယေန ပစ္စယော – အဝိတက္ကဝိစာရမတ္တာ ဣန္ဒြိယာ သမ္ပယုတ္တကာနံ ခန္ဓာနံ ဣန္ဒြိယပစ္စယေန ပစ္စယော။ ပဋိသန္ဓိက္ခဏေ…ပေ…။ (၁)

အဝိတက္ကဝိစာရမတ္တော ¶ ဓမ္မော အဝိတက္ကအဝိစာရဿ ဓမ္မဿ ဣန္ဒြိယပစ္စယေန ¶ ပစ္စယော – အဝိတက္ကဝိစာရမတ္တာ ဣန္ဒြိယာ ဝိစာရဿ စ စိတ္တသမုဋ္ဌာနာနဉ္စ ရူပါနံ ဣန္ဒြိယပစ္စယေန ပစ္စယော။ ပဋိသန္ဓိက္ခဏေ…ပေ…။ (၂)

အဝိတက္ကဝိစာရမတ္တော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ ဣန္ဒြိယပစ္စယေန ပစ္စယော – အဝိတက္ကဝိစာရမတ္တာ ဣန္ဒြိယာ သမ္ပယုတ္တကာနံ ခန္ဓာနံ ဝိစာရဿ စ စိတ္တသမုဋ္ဌာနာနဉ္စ ရူပါနံ ဣန္ဒြိယပစ္စယေန ပစ္စယော။ ပဋိသန္ဓိက္ခဏေ…ပေ…။ (၃)

အဝိတက္ကအဝိစာရော ဓမ္မော အဝိတက္ကအဝိစာရဿ ဓမ္မဿ ဣန္ဒြိယပစ္စယေန ပစ္စယော – အဝိတက္ကအဝိစာရာ ဣန္ဒြိယာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဣန္ဒြိယပစ္စယေန ပစ္စယော။ ပဋိသန္ဓိက္ခဏေ…ပေ… စက္ခုန္ဒြိယံ စက္ခုဝိညာဏဿ ¶ …ပေ… ကာယိန္ဒြိယံ ကာယဝိညာဏဿ ဣန္ဒြိယပစ္စယေန ပစ္စယော။ ရူပဇီဝိတိန္ဒြိယံ ကဋတ္တာရူပါနံ ဣန္ဒြိယပစ္စယေန ပစ္စယော။ (၁)

ဈာနပစ္စယော

၁၂၁။ သဝိတက္ကသဝိစာရော ဓမ္မော သဝိတက္ကသဝိစာရဿ ဓမ္မဿ ဈာနပစ္စယေန ပစ္စယော – သဝိတက္ကသဝိစာရာနိ ဈာနင်္ဂါနိ သမ္ပယုတ္တကာနံ ခန္ဓာနံ ဈာနပစ္စယေန ပစ္စယော။ ပဋိသန္ဓိက္ခဏေ…ပေ…။ (၇)

(သဝိတက္ကသဝိစာရမူလကာ သတ္တ ပဉှာ ဣမိနာ ကာရဏေန ဝိဘဇိတဗ္ဗာ။)

အဝိတက္ကဝိစာရမတ္တော ဓမ္မော အဝိတက္ကဝိစာရမတ္တဿ ဓမ္မဿ ဈာနပစ္စယေန ပစ္စယော – အဝိတက္ကဝိစာရမတ္တာနိ ဈာနင်္ဂါနိ သမ္ပယုတ္တကာနံ ခန္ဓာနံ ဈာနပစ္စယေန ပစ္စယော။ ပဋိသန္ဓိက္ခဏေ…ပေ…။ (၅)

(အဝိတက္ကဝိစာရမတ္တမူလကာ ¶ ပဉ္စ ပဉှာ ဣမိနာ ကာရဏေန ဝိဘဇိတဗ္ဗာ။)

အဝိတက္ကအဝိစာရော ¶ ဓမ္မော အဝိတက္ကအဝိစာရဿ ဓမ္မဿ ဈာနပစ္စယေန ပစ္စယော – အဝိတက္ကအဝိစာရာနိ ဈာနင်္ဂါနိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဈာနပစ္စယေန ပစ္စယော။ ဝိစာရော စိတ္တသမုဋ္ဌာနာနံ ရူပါနံ ဈာနပစ္စယေန ပစ္စယော။ ပဋိသန္ဓိက္ခဏေ ဝိစာရော ကဋတ္တာရူပါနံ ဈာနပစ္စယေန ပစ္စယော။ ဝိစာရော ဝတ္ထုဿ ဈာနပစ္စယေန ပစ္စယော။ (၁)

အဝိတက္ကအဝိစာရော ဓမ္မော အဝိတက္ကဝိစာရမတ္တဿ ဓမ္မဿ ဈာနပစ္စယေန ပစ္စယော – ဝိစာရော အဝိတက္ကဝိစာရမတ္တာနံ ခန္ဓာနံ ဈာနပစ္စယေန ပစ္စယော။ ပဋိသန္ဓိက္ခဏေ ဝိစာရော အဝိတက္ကဝိစာရမတ္တာနံ ခန္ဓာနံ ဈာနပစ္စယေန ပစ္စယော။ (၂)

အဝိတက္ကအဝိစာရော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ ဈာနပစ္စယေန ပစ္စယော – ဝိစာရော အဝိတက္ကဝိစာရမတ္တာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဈာနပစ္စယေန ပစ္စယော။ ပဋိသန္ဓိက္ခဏေ ဝိစာရော အဝိတက္ကဝိစာရမတ္တာနံ ခန္ဓာနံ ကဋတ္တာ စ ရူပါနံ ဈာနပစ္စယေန ပစ္စယော။ (၃)

၁၂၂။ အဝိတက္ကဝိစာရမတ္တော ¶ စ အဝိတက္ကအဝိစာရော စ ဓမ္မာ အဝိတက္ကဝိစာရမတ္တဿ ဓမ္မဿ ဈာနပစ္စယေန ပစ္စယော – အဝိတက္ကဝိစာရမတ္တာနိ ဈာနင်္ဂါနိ ဝိစာရော စ သမ္ပယုတ္တကာနံ ခန္ဓာနံ ဈာနပစ္စယေန ပစ္စယော။ ပဋိသန္ဓိက္ခဏေ…ပေ…။ (၁)

အဝိတက္ကဝိစာရမတ္တော ¶ စ အဝိတက္ကအဝိစာရော စ ဓမ္မာ အဝိတက္ကအဝိစာရဿ ဓမ္မဿ ဈာနပစ္စယေန ပစ္စယော – အဝိတက္ကဝိစာရမတ္တာနိ ဈာနင်္ဂါနိ ဝိစာရော စ စိတ္တသမုဋ္ဌာနာနံ ရူပါနံ ဈာနပစ္စယေန ပစ္စယော။ ပဋိသန္ဓိက္ခဏေ…ပေ…။ (၂)

အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ ဈာနပစ္စယေန ပစ္စယော – အဝိတက္ကဝိစာရမတ္တာနိ ဈာနင်္ဂါနိ ဝိစာရော စ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဈာနပစ္စယေန ပစ္စယော။ ပဋိသန္ဓိက္ခဏေ အဝိတက္ကဝိစာရမတ္တာနိ ဈာနင်္ဂါနိ ဝိစာရော စ သမ္ပယုတ္တကာနံ ခန္ဓာနံ ကဋတ္တာ စ ရူပါနံ ဈာနပစ္စယေန ပစ္စယော။ (၃)

သဝိတက္ကသဝိစာရော ¶ စ အဝိတက္ကဝိစာရမတ္တော စ ဓမ္မာ သဝိတက္ကသဝိစာရဿ ဓမ္မဿ ဈာနပစ္စယေန ပစ္စယော – သဝိတက္ကသဝိစာရာနိ ဈာနင်္ဂါနိ ဝိတက္ကော စ သမ္ပယုတ္တကာနံ ခန္ဓာနံ ဈာနပစ္စယေန ပစ္စယော။ ပဋိသန္ဓိက္ခဏေ…ပေ…။ (၁)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ အဝိတက္ကအဝိစာရဿ ဓမ္မဿ ဈာနပစ္စယေန ပစ္စယော – သဝိတက္ကသဝိစာရာနိ ဈာနင်္ဂါနိ ဝိတက္ကော စ စိတ္တသမုဋ္ဌာနာနံ ရူပါနံ ဈာနပစ္စယေန ပစ္စယော။ ပဋိသန္ဓိက္ခဏေ…ပေ…။ (၂)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ သဝိတက္ကသဝိစာရဿ စ အဝိတက္ကအဝိစာရဿ စ ဓမ္မဿ ဈာနပစ္စယေန ပစ္စယော – သဝိတက္ကသဝိစာရာနိ ¶ ဈာနင်္ဂါနိ ဝိတက္ကော စ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဈာနပစ္စယေန ပစ္စယော။ ပဋိသန္ဓိက္ခဏေ…ပေ…။ (၃)

မဂ္ဂပစ္စယော

၁၂၃။ သဝိတက္ကသဝိစာရော ¶ ဓမ္မော သဝိတက္ကသဝိစာရဿ ဓမ္မဿ မဂ္ဂပစ္စယေန ပစ္စယော – သဝိတက္ကသဝိစာရာနိ မဂ္ဂင်္ဂါနိ သမ္ပယုတ္တကာနံ ခန္ဓာနံ မဂ္ဂပစ္စယေန ပစ္စယော။ ပဋိသန္ဓိက္ခဏေ…ပေ…။

(သဝိတက္ကသဝိစာရမူလကာ သတ္တ ပဉှာ ဣမိနာ ကာရဏေန ဝိဘဇိတဗ္ဗာ။)

အဝိတက္ကဝိစာရမတ္တော ဓမ္မော အဝိတက္ကဝိစာရမတ္တဿ ဓမ္မဿ မဂ္ဂပစ္စယေန ပစ္စယော – အဝိတက္ကဝိစာရမတ္တာနိ ¶ မဂ္ဂင်္ဂါနိ သမ္ပယုတ္တကာနံ ခန္ဓာနံ မဂ္ဂပစ္စယေန ပစ္စယော။ ပဋိသန္ဓိက္ခဏေ…ပေ…။

(အဝိတက္ကဝိစာရမတ္တမူလကာ ပဉ္စ ပဉှာ ဣမိနာ ကာရဏေန ဝိဘဇိတဗ္ဗာ။)

အဝိတက္ကအဝိစာရော ဓမ္မော အဝိတက္ကအဝိစာရဿ ဓမ္မဿ မဂ္ဂပစ္စယေန ပစ္စယော – အဝိတက္ကအဝိစာရာနိ မဂ္ဂင်္ဂါနိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ မဂ္ဂပစ္စယေန ပစ္စယော။ ပဋိသန္ဓိက္ခဏေ…ပေ…။ (၁)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ သဝိတက္ကသဝိစာရဿ ဓမ္မဿ မဂ္ဂပစ္စယေန ပစ္စယော – သဝိတက္ကသဝိစာရာနိ မဂ္ဂင်္ဂါနိ ဝိတက္ကော စ သမ္ပယုတ္တကာနံ ခန္ဓာနံ မဂ္ဂပစ္စယေန ပစ္စယော။ ပဋိသန္ဓိက္ခဏေ…ပေ…။ (၁)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ အဝိတက္ကအဝိစာရဿ ဓမ္မဿ မဂ္ဂပစ္စယေန ပစ္စယော – သဝိတက္ကသဝိစာရာနိ မဂ္ဂင်္ဂါနိ ¶ ဝိတက္ကော စ စိတ္တသမုဋ္ဌာနာနံ ရူပါနံ မဂ္ဂပစ္စယေန ပစ္စယော။ ပဋိသန္ဓိက္ခဏေ…ပေ…။ (၂)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ သဝိတက္ကသဝိစာရဿ စ အဝိတက္ကအဝိစာရဿ စ ဓမ္မဿ မဂ္ဂပစ္စယေန ပစ္စယော – သဝိတက္ကသဝိစာရာနိ မဂ္ဂင်္ဂါနိ ဝိတက္ကော စ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ မဂ္ဂပစ္စယေန ပစ္စယော။ ပဋိသန္ဓိက္ခဏေ…ပေ…။ (၃)

သမ္ပယုတ္တပစ္စယော

၁၂၄။ သဝိတက္ကသဝိစာရော ဓမ္မော သဝိတက္ကသဝိစာရဿ ဓမ္မဿ သမ္ပယုတ္တပစ္စယေန ပစ္စယော – သဝိတက္ကသဝိစာရော ဧကော ခန္ဓော တိဏ္ဏန္နံ ခန္ဓာနံ ¶ သမ္ပယုတ္တပစ္စယေန ပစ္စယော…ပေ… ဒွေ ခန္ဓာ ဒွိန္နံ ခန္ဓာနံ…ပေ… ပဋိသန္ဓိက္ခဏေ…ပေ…။ (၁)

သဝိတက္ကသဝိစာရော ဓမ္မော အဝိတက္ကဝိစာရမတ္တဿ ဓမ္မဿ သမ္ပယုတ္တပစ္စယေန ပစ္စယော – သဝိတက္ကသဝိစာရာ ခန္ဓာ ဝိတက္ကဿ သမ္ပယုတ္တပစ္စယေန ပစ္စယော။ ပဋိသန္ဓိက္ခဏေ…ပေ…။ (၂)

သဝိတက္ကသဝိစာရော ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ သမ္ပယုတ္တပစ္စယေန ပစ္စယော – သဝိတက္ကသဝိစာရော ဧကော ခန္ဓော တိဏ္ဏန္နံ ခန္ဓာနံ ဝိတက္ကဿ စ ¶ သမ္ပယုတ္တပစ္စယေန ပစ္စယော…ပေ… ဒွေ ခန္ဓာ ဒွိန္နံ ခန္ဓာနံ ဝိတက္ကဿ စ…ပေ… ပဋိသန္ဓိက္ခဏေ…ပေ…။ (၃)

၁၂၅။ အဝိတက္ကဝိစာရမတ္တော ဓမ္မော အဝိတက္ကဝိစာရမတ္တဿ ဓမ္မဿ သမ္ပယုတ္တပစ္စယေန ပစ္စယော – အဝိတက္ကဝိစာရမတ္တော ဧကော ခန္ဓော တိဏ္ဏန္နံ ¶ ခန္ဓာနံ သမ္ပယုတ္တပစ္စယေန ပစ္စယော…ပေ… ဒွေ ခန္ဓာ ဒွိန္နံ ခန္ဓာနံ…ပေ… ပဋိသန္ဓိက္ခဏေ…ပေ…။ (၁)

အဝိတက္ကဝိစာရမတ္တော ဓမ္မော သဝိတက္ကသဝိစာရဿ ဓမ္မဿ သမ္ပယုတ္တပစ္စယေန ပစ္စယော – ဝိတက္ကော သဝိတက္ကသဝိစာရာနံ ခန္ဓာနံ သမ္ပယုတ္တပစ္စယေန ပစ္စယော။ ပဋိသန္ဓိက္ခဏေ…ပေ…။ (၂)

အဝိတက္ကဝိစာရမတ္တော ဓမ္မော အဝိတက္ကအဝိစာရဿ ဓမ္မဿ သမ္ပယုတ္တပစ္စယေန ပစ္စယော – အဝိတက္ကဝိစာရမတ္တာ ခန္ဓာ ဝိစာရဿ သမ္ပယုတ္တပစ္စယေန ပစ္စယော။ ပဋိသန္ဓိက္ခဏေ…ပေ…။ (၃)

အဝိတက္ကဝိစာရမတ္တော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ သမ္ပယုတ္တပစ္စယေန ပစ္စယော – အဝိတက္ကဝိစာရမတ္တော ဧကော ခန္ဓော တိဏ္ဏန္နံ ခန္ဓာနံ ဝိစာရဿ စ သမ္ပယုတ္တပစ္စယေန ပစ္စယော…ပေ… ဒွေ ခန္ဓာ ဒွိန္နံ ခန္ဓာနံ ဝိစာရဿ စ…ပေ… ပဋိသန္ဓိက္ခဏေ…ပေ…။ (၄)

၁၂၆။ အဝိတက္ကအဝိစာရော ဓမ္မော အဝိတက္ကအဝိစာရဿ ဓမ္မဿ သမ္ပယုတ္တပစ္စယေန ပစ္စယော – အဝိတက္ကအဝိစာရော ဧကော ခန္ဓော တိဏ္ဏန္နံ ခန္ဓာနံ သမ္ပယုတ္တပစ္စယေန ပစ္စယော…ပေ… ဒွေ ခန္ဓာ ဒွိန္နံ ခန္ဓာနံ…ပေ… ပဋိသန္ဓိက္ခဏေ…ပေ…။ (၁)

အဝိတက္ကအဝိစာရော ¶ ဓမ္မော အဝိတက္ကဝိစာရမတ္တဿ ဓမ္မဿ သမ္ပယုတ္တပစ္စယေန ပစ္စယော – ဝိစာရော အဝိတက္ကဝိစာရမတ္တာနံ ခန္ဓာနံ သမ္ပယုတ္တပစ္စယေန ပစ္စယော။ ပဋိသန္ဓိက္ခဏေ…ပေ…။ (၂)

အဝိတက္ကဝိစာရမတ္တော ¶ စ အဝိတက္ကအဝိစာရော စ ဓမ္မာ အဝိတက္ကဝိစာရမတ္တဿ ¶ ဓမ္မဿ သမ္ပယုတ္တပစ္စယေန ပစ္စယော – အဝိတက္ကဝိစာရမတ္တော ဧကော ခန္ဓော စ ဝိစာရော စ တိဏ္ဏန္နံ ခန္ဓာနံ သမ္ပယုတ္တပစ္စယေန ပစ္စယော…ပေ… ဒွေ ခန္ဓာ စ ဝိစာရော စ ဒွိန္နံ ခန္ဓာနံ…ပေ… ပဋိသန္ဓိက္ခဏေ…ပေ…။ (၁)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ သဝိတက္ကသဝိစာရဿ ဓမ္မဿ သမ္ပယုတ္တပစ္စယေန ပစ္စယော – သဝိတက္ကသဝိစာရော ဧကော ခန္ဓော စ ဝိတက္ကော စ တိဏ္ဏန္နံ ခန္ဓာနံ သမ္ပယုတ္တပစ္စယေန ပစ္စယော…ပေ… ဒွေ ခန္ဓာ စ ဝိတက္ကော စ ဒွိန္နံ ခန္ဓာနံ…ပေ… ပဋိသန္ဓိက္ခဏေ…ပေ…။ (၁)

ဝိပ္ပယုတ္တပစ္စယော

၁၂၇။ သဝိတက္ကသဝိစာရော ဓမ္မော အဝိတက္ကအဝိစာရဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – သဝိတက္ကသဝိစာရာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပဋိသန္ဓိက္ခဏေ သဝိတက္ကသဝိစာရာ ခန္ဓာ ကဋတ္တာရူပါနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – သဝိတက္ကသဝိစာရာ ခန္ဓာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)

အဝိတက္ကဝိစာရမတ္တော ဓမ္မော အဝိတက္ကအဝိစာရဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – အဝိတက္ကဝိစာရမတ္တာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ဝိတက္ကော စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပဋိသန္ဓိက္ခဏေ အဝိတက္ကဝိစာရမတ္တာ ခန္ဓာ ကဋတ္တာရူပါနံ ဝိပ္ပယုတ္တပစ္စယေန ပစ္စယော။ ဝိတက္ကော ကဋတ္တာရူပါနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အဝိတက္ကဝိစာရမတ္တာ ခန္ဓာ စ ဝိတက္ကော စ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)

၁၂၈။ အဝိတက္ကအဝိစာရော ¶ ဓမ္မော အဝိတက္ကအဝိစာရဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ။ သဟဇာတာ ¶ – အဝိတက္ကအဝိစာရာ ခန္ဓာ စိတ္တသမုဋ္ဌာနာနံ ¶ ရူပါနံ ဝိပ္ပယုတ္တပစ္စယေန ပစ္စယော။ ဝိစာရော စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပဋိသန္ဓိက္ခဏေ အဝိတက္ကအဝိစာရာ ခန္ဓာ ကဋတ္တာရူပါနံ ဝိပ္ပယုတ္တပစ္စယေန ပစ္စယော။ ဝိစာရော ကဋတ္တာရူပါနံ ဝိပ္ပယုတ္တပစ္စယေန ပစ္စယော၊ ခန္ဓာ ဝတ္ထုဿ ဝိပ္ပယုတ္တပစ္စယေန ပစ္စယော၊ ဝတ္ထု ခန္ဓာနံ ဝိပ္ပယုတ္တပစ္စယေန ပစ္စယော၊ ဝိစာရော ဝတ္ထုဿ ဝိပ္ပယုတ္တပစ္စယေန ပစ္စယော၊ ဝတ္ထု ဝိစာရဿ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏဿ ဝိပ္ပယုတ္တပစ္စယေန ပစ္စယော…ပေ… ကာယာယတနံ ကာယဝိညာဏဿ ဝိပ္ပယုတ္တပစ္စယေန ပစ္စယော၊ ဝတ္ထု အဝိတက္ကအဝိစာရာနံ ခန္ဓာနံ ဝိစာရဿ စ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အဝိတက္ကအဝိစာရာ ခန္ဓာ စ ဝိစာရော စ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)

အဝိတက္ကအဝိစာရော ဓမ္မော သဝိတက္ကသဝိစာရဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု သဝိတက္ကသဝိစာရာနံ ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု သဝိတက္ကသဝိစာရာနံ ခန္ဓာနံ ဝိပ္ပယုတ္တပစ္စယေန ပစ္စယော။ (၂)

အဝိတက္ကအဝိစာရော ဓမ္မော အဝိတက္ကဝိစာရမတ္တဿ ဓမ္မဿ ဝိပ္ပယုတ္တပစ္စယေန ¶ ပစ္စယော – သဟဇာတံ၊ ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု အဝိတက္ကဝိစာရမတ္တာနံ ခန္ဓာနံ ဝိတက္ကဿ စ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု အဝိတက္ကဝိစာရမတ္တာနံ ခန္ဓာနံ ဝိတက္ကဿ စ ဝိပ္ပယုတ္တပစ္စယေန ပစ္စယော။ (၃)

အဝိတက္ကအဝိစာရော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု အဝိတက္ကဝိစာရမတ္တာနံ ခန္ဓာနံ ဝိစာရဿ စ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု အဝိတက္ကဝိစာရမတ္တာနံ ခန္ဓာနံ ဝိစာရဿ စ ဝိပ္ပယုတ္တပစ္စယေန ပစ္စယော။ (၄)

အဝိတက္ကအဝိစာရော ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု သဝိတက္ကသဝိစာရာနံ ခန္ဓာနံ ဝိတက္ကဿ စ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု သဝိတက္ကသဝိစာရာနံ ¶ ခန္ဓာနံ ဝိတက္ကဿ စ ဝိပ္ပယုတ္တပစ္စယေန ပစ္စယော။ (၅)

၁၂၉။ အဝိတက္ကဝိစာရမတ္တော ¶ စ အဝိတက္ကအဝိစာရော စ ဓမ္မာ အဝိတက္ကအဝိစာရဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – အဝိတက္ကဝိစာရမတ္တာ ခန္ဓာ စ ဝိစာရော စ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပဋိသန္ဓိက္ခဏေ အဝိတက္ကဝိစာရမတ္တာ ခန္ဓာ စ ဝိစာရော စ ကဋတ္တာရူပါနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အဝိတက္ကဝိစာရမတ္တာ ခန္ဓာ စ ဝိစာရော ¶ စ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ အဝိတက္ကအဝိစာရဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – သဝိတက္ကသဝိစာရာ ခန္ဓာ စ ဝိတက္ကော စ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပဋိသန္ဓိက္ခဏေ သဝိတက္ကသဝိစာရာ ခန္ဓာ စ ဝိတက္ကော စ ကဋတ္တာရူပါနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – သဝိတက္ကသဝိစာရာ ခန္ဓာ စ ဝိတက္ကော စ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)

အတ္ထိပစ္စယော

၁၃၀။ သဝိတက္ကသဝိစာရော ဓမ္မော သဝိတက္ကသဝိစာရဿ ဓမ္မဿ အတ္ထိပစ္စယေန ပစ္စယော – သဝိတက္ကသဝိစာရော ဧကော ခန္ဓော တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ ဒွိန္နံ ခန္ဓာနံ…ပေ… ပဋိသန္ဓိက္ခဏေ…ပေ…။ (၁)

သဝိတက္ကသဝိစာရော ဓမ္မော အဝိတက္ကဝိစာရမတ္တဿ ဓမ္မဿ အတ္ထိပစ္စယေန ပစ္စယော – သဝိတက္ကသဝိစာရာ ခန္ဓာ ဝိတက္ကဿ အတ္ထိပစ္စယေန ပစ္စယော။ ပဋိသန္ဓိက္ခဏေ…ပေ…။ (၂)

သဝိတက္ကသဝိစာရော ဓမ္မော အဝိတက္ကအဝိစာရဿ ဓမ္မဿ အတ္ထိပစ္စယေန ပစ္စယော – သဟဇာတံ ¶ ၊ ပစ္ဆာဇာတံ။ သဟဇာတာ – သဝိတက္ကသဝိစာရာ ခန္ဓာ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပဋိသန္ဓိက္ခဏေ သဝိတက္ကသဝိစာရာ ခန္ဓာ ကဋတ္တာရူပါနံ အတ္ထိပစ္စယေန ပစ္စယော။ ပစ္ဆာဇာတာ – သဝိတက္ကသဝိစာရာ ခန္ဓာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ (၃)

(သဝိတက္ကသဝိစာရမူလကေ အဝသေသာ ¶ ပဉှာ သဟဇာတပစ္စယသဒိသာ။)

၁၃၁။ အဝိတက္ကဝိစာရမတ္တော ¶ ဓမ္မော အဝိတက္ကဝိစာရမတ္တဿ ဓမ္မဿ အတ္ထိပစ္စယေန ပစ္စယော – အဝိတက္ကဝိစာရမတ္တော ဧကော ခန္ဓော တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ ဒွိန္နံ ခန္ဓာနံ…ပေ… ပဋိသန္ဓိက္ခဏေ…ပေ…။ (၁)

အဝိတက္ကဝိစာရမတ္တော ဓမ္မော သဝိတက္ကသဝိစာရဿ ဓမ္မဿ အတ္ထိပစ္စယေန ပစ္စယော – ဝိတက္ကော သဝိတက္ကသဝိစာရာနံ ခန္ဓာနံ အတ္ထိပစ္စယေန ပစ္စယော။ ပဋိသန္ဓိက္ခဏေ…ပေ…။ (၂)

အဝိတက္ကဝိစာရမတ္တော ဓမ္မော အဝိတက္ကအဝိစာရဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – အဝိတက္ကဝိစာရမတ္တာ ခန္ဓာ ဝိစာရဿ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ ဝိတက္ကော စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပဋိသန္ဓိက္ခဏေ အဝိတက္ကဝိစာရမတ္တာ ခန္ဓာ ဝိစာရဿ ကဋတ္တာ စ ရူပါနံ အတ္ထိပစ္စယေန ပစ္စယော၊ ဝိတက္ကော ကဋတ္တာရူပါနံ အတ္ထိပစ္စယေန ပစ္စယော။ ပစ္ဆာဇာတာ – အဝိတက္ကဝိစာရမတ္တာ ခန္ဓာ စ ဝိတက္ကော စ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ (၃)

(အဝိတက္ကဝိစာရမတ္တမူလကာ ပဉ္စ ပဉှာ။ အဝသေသာ သဟဇာတပစ္စယသဒိသာ။)

၁၃၂။ အဝိတက္ကအဝိစာရော ဓမ္မော အဝိတက္ကအဝိစာရဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတော – အဝိတက္ကအဝိစာရော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ ¶ ဒွိန္နံ ခန္ဓာနံ…ပေ… ဝိစာရော စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပဋိသန္ဓိက္ခဏေ ¶ အဝိတက္ကအဝိစာရော ဧကော ခန္ဓော တိဏ္ဏန္နံ ခန္ဓာနံ ကဋတ္တာ စ ရူပါနံ အတ္ထိပစ္စယေန ပစ္စယော…ပေ… ခန္ဓာ ဝတ္ထုဿ အတ္ထိပစ္စယေန ပစ္စယော၊ ဝတ္ထု ခန္ဓာနံ အတ္ထိပစ္စယေန ပစ္စယော၊ ဝိစာရော ဝတ္ထုဿ အတ္ထိပစ္စယေန ပစ္စယော၊ ဝတ္ထု ဝိစာရဿ အတ္ထိပစ္စယေန ပစ္စယော၊ ဧကံ မဟာဘူတံ တိဏ္ဏန္နံ မဟာဘူတာနံ အတ္ထိပစ္စယေန ပစ္စယော…ပေ… မဟာဘူတာ စိတ္တသမုဋ္ဌာနာနံ ရူပါနံ ကဋတ္တာရူပါနံ ဥပါဒါရူပါနံ အတ္ထိပစ္စယေန ပစ္စယော၊ ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ ဧကံ မဟာဘူတံ တိဏ္ဏန္နံ မဟာဘူတာနံ…ပေ… မဟာဘူတာ ကဋတ္တာရူပါနံ ဥပါဒါရူပါနံ အတ္ထိပစ္စယေန ပစ္စယော။ ပုရေဇာတံ – ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ ¶ သဒ္ဒံ သုဏာတိ၊ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ အတ္ထိပစ္စယေန ပစ္စယော၊ စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ အတ္ထိပစ္စယေန ပစ္စယော။ ဝတ္ထု အဝိတက္ကအဝိစာရာနံ ခန္ဓာနံ ဝိစာရဿ စ အတ္ထိပစ္စယေန ပစ္စယော။ ပစ္ဆာဇာတာ – အဝိတက္ကအဝိစာရာ ခန္ဓာ စ ဝိစာရော စ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ ကဗဠီကာရော အာဟာရော ဣမဿ ကာယဿ အတ္ထိပစ္စယေန ပစ္စယော။ ရူပဇီဝိတိန္ဒြိယံ ကဋတ္တာရူပါနံ အတ္ထိပစ္စယေန ပစ္စယော။ (၁)

အဝိတက္ကအဝိစာရော ဓမ္မော သဝိတက္ကသဝိစာရဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု ¶ သဝိတက္ကသဝိစာရာနံ ခန္ဓာနံ အတ္ထိပစ္စယေန ပစ္စယော။ ပုရေဇာတံ – စက္ခုံ အနိစ္စတော ဒုက္ခတော အနတ္တတော ဝိပဿတိ အဿာဒေတိ အဘိနန္ဒတိ၊ တံ အာရဗ္ဘ ရာဂေါ ဥပ္ပဇ္ဇတိ…ပေ… ဒေါမနဿံ ဥပ္ပဇ္ဇတိ။ သောတံ… ဃာနံ… ဇိဝှံ… ကာယံ… ရူပေ… သဒ္ဒေ… ဂန္ဓေ… ရသေ… ဖောဋ္ဌဗ္ဗေ… ဝတ္ထုံ အနိစ္စတော ဒုက္ခတော အနတ္တတော ဝိပဿတိ…ပေ… ဒေါမနဿံ ဥပ္ပဇ္ဇတိ။ ဝတ္ထု သဝိတက္ကသဝိစာရာနံ ခန္ဓာနံ အတ္ထိပစ္စယေန ပစ္စယော။ (၂)

အဝိတက္ကအဝိစာရော ဓမ္မော အဝိတက္ကဝိစာရမတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – ဝိစာရော အဝိတက္ကဝိစာရမတ္တာနံ ခန္ဓာနံ အတ္ထိပစ္စယေန ပစ္စယော။ ပဋိသန္ဓိက္ခဏေ ဝိစာရော အဝိတက္ကဝိစာရမတ္တာနံ ခန္ဓာနံ အတ္ထိပစ္စယေန ပစ္စယော။ ပဋိသန္ဓိက္ခဏေ ဝတ္ထု အဝိတက္ကဝိစာရမတ္တာနံ ခန္ဓာနံ ဝိတက္ကဿ စ အတ္ထိပစ္စယေန ပစ္စယော။ ပုရေဇာတံ – စက္ခုံ အနိစ္စတော ဒုက္ခတော အနတ္တတော ဝိပဿတိ အဿာဒေတိ အဘိနန္ဒတိ၊ တံ အာရဗ္ဘ ¶ ဝိတက္ကော ဥပ္ပဇ္ဇတိ။ သောတံ… ဃာနံ… ဇိဝှံ… ကာယံ… ရူပေ… သဒ္ဒေ… ဂန္ဓေ… ရသေ… ဖောဋ္ဌဗ္ဗေ… ဝတ္ထုံ အနိစ္စတော ဒုက္ခတော အနတ္တတော ဝိပဿတိ အဿာဒေတိ အဘိနန္ဒတိ၊ တံ အာရဗ္ဘ ဝိတက္ကော ဥပ္ပဇ္ဇတိ။ ဝတ္ထု အဝိတက္ကဝိစာရမတ္တာနံ ခန္ဓာနံ ဝိတက္ကဿ စ အတ္ထိပစ္စယေန ပစ္စယော။ (၃)

အဝိတက္ကအဝိစာရော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – ဝိစာရော အဝိတက္ကဝိစာရမတ္တာနံ ခန္ဓာနံ စိတ္တသမုဋ္ဌာနာနဉ္စ ¶ ရူပါနံ အတ္ထိပစ္စယေန ပစ္စယော။ ပဋိသန္ဓိက္ခဏေ ဝိစာရော အဝိတက္ကဝိစာရမတ္တာနံ ခန္ဓာနံ ¶ ကဋတ္တာ စ ရူပါနံ အတ္ထိပစ္စယေန ပစ္စယော။ ပဋိသန္ဓိက္ခဏေ ဝတ္ထု အဝိတက္ကဝိစာရမတ္တာနံ ခန္ဓာနံ ဝိစာရဿ စ အတ္ထိပစ္စယေန ပစ္စယော။ ပုရေဇာတံ – ဝတ္ထု အဝိတက္ကဝိစာရမတ္တာနံ ခန္ဓာနံ ဝိစာရဿ စ အတ္ထိပစ္စယေန ပစ္စယော။ (၄)

အဝိတက္ကအဝိစာရော ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု သဝိတက္ကသဝိစာရာနံ ခန္ဓာနံ ဝိတက္ကဿ စ အတ္ထိပစ္စယေန ပစ္စယော။ ပုရေဇာတံ – စက္ခုံ အနိစ္စတော ဒုက္ခတော အနတ္တတော ဝိပဿတိ အဿာဒေတိ အဘိနန္ဒတိ၊ တံ အာရဗ္ဘ သဝိတက္ကသဝိစာရာ ခန္ဓာ စ ဝိတက္ကော စ ဥပ္ပဇ္ဇန္တိ။ သောတံ… ဃာနံ… ဇိဝှံ… ကာယံ…ပေ… ဝတ္ထုံ အနိစ္စတော ဒုက္ခတော အနတ္တတော ဝိပဿတိ အဿာဒေတိ အဘိနန္ဒတိ၊ တံ အာရဗ္ဘ သဝိတက္ကသဝိစာရာ ခန္ဓာ စ ဝိတက္ကော စ ဥပ္ပဇ္ဇန္တိ။ ဝတ္ထု သဝိတက္ကသဝိစာရာနံ ခန္ဓာနံ ဝိတက္ကဿ စ အတ္ထိပစ္စယေန ပစ္စယော။ (၅)

၁၃၃။ သဝိတက္ကသဝိစာရော စ အဝိတက္ကအဝိစာရော စ ဓမ္မာ သဝိတက္ကသဝိစာရဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – သဝိတက္ကသဝိစာရော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ ဝတ္ထု စ ဒွိန္နံ ခန္ဓာနံ အတ္ထိပစ္စယေန ပစ္စယော။ ပဋိသန္ဓိက္ခဏေ သဝိတက္ကသဝိစာရော ¶ ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ ဝတ္ထု စ ဒွိန္နံ ခန္ဓာနံ အတ္ထိပစ္စယေန ပစ္စယော။ (၁)

သဝိတက္ကသဝိစာရော ¶ စ အဝိတက္ကအဝိစာရော စ ဓမ္မာ အဝိတက္ကဝိစာရမတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတာ – သဝိတက္ကသဝိစာရာ ခန္ဓာ စ ဝတ္ထု စ ဝိတက္ကဿ အတ္ထိပစ္စယေန ပစ္စယော။ ပဋိသန္ဓိက္ခဏေ သဝိတက္ကသဝိစာရာ ခန္ဓာ စ ဝတ္ထု စ ဝိတက္ကဿ အတ္ထိပစ္စယေန ပစ္စယော။ (၂)

သဝိတက္ကသဝိစာရော စ အဝိတက္ကအဝိစာရော စ ဓမ္မာ အဝိတက္ကအဝိစာရဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတာ – သဝိတက္ကသဝိစာရာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပဋိသန္ဓိက္ခဏေ သဝိတက္ကသဝိစာရာ ခန္ဓာ စ မဟာဘူတာ စ ကဋတ္တာရူပါနံ အတ္ထိပစ္စယေန ပစ္စယော။ ပစ္ဆာဇာတာ ¶ – သဝိတက္ကသဝိစာရာ ခန္ဓာ စ ကဗဠီကာရော အာဟာရော စ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – သဝိတက္ကသဝိစာရာ ခန္ဓာ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၃)

သဝိတက္ကသဝိစာရော စ အဝိတက္ကအဝိစာရော စ ဓမ္မာ သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – သဝိတက္ကသဝိစာရော ဧကော ခန္ဓော ¶ စ ဝတ္ထု စ တိဏ္ဏန္နံ ခန္ဓာနံ ဝိတက္ကဿ စ အတ္ထိပစ္စယေန ပစ္စယော…ပေ… ဒွေ ခန္ဓာ စ ဝတ္ထု စ ဒွိန္နံ ခန္ဓာနံ ဝိတက္ကဿ စ အတ္ထိပစ္စယေန ပစ္စယော။ ပဋိသန္ဓိက္ခဏေ…ပေ…။ (၄)

၁၃၄။ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ သဝိတက္ကသဝိစာရဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – ဝိတက္ကော စ ဝတ္ထု စ သဝိတက္ကသဝိစာရာနံ ခန္ဓာနံ အတ္ထိပစ္စယေန ပစ္စယော။ ပဋိသန္ဓိက္ခဏေ ဝိတက္ကော စ ဝတ္ထု စ သဝိတက္ကသဝိစာရာနံ ခန္ဓာနံ အတ္ထိပစ္စယေန ပစ္စယော။ (၁)

အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ အဝိတက္ကဝိစာရမတ္တဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – အဝိတက္ကဝိစာရမတ္တော ဧကော ခန္ဓော စ ဝိစာရော စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ ဝိစာရော စ ဒွိန္နံ ခန္ဓာနံ… အဝိတက္ကဝိစာရမတ္တော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ ဝတ္ထု စ ဒွိန္နံ ခန္ဓာနံ အတ္ထိပစ္စယေန ပစ္စယော။ ပဋိသန္ဓိက္ခဏေ အဝိတက္ကဝိစာရမတ္တော ဧကော ခန္ဓော စ ဝိစာရော စ တိဏ္ဏန္နံ ခန္ဓာနံ အတ္ထိပစ္စယေန ¶ ပစ္စယော…ပေ… ဒွေ ခန္ဓာ စ ဝိစာရော စ ဒွိန္နံ ခန္ဓာနံ…ပေ… ပဋိသန္ဓိက္ခဏေ အဝိတက္ကဝိစာရမတ္တော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ…ပေ… ဒွေ ခန္ဓာ စ ဝတ္ထု စ ဒွိန္နံ ခန္ဓာနံ အတ္ထိပစ္စယေန ပစ္စယော။ (၂)

အဝိတက္ကဝိစာရမတ္တော ¶ စ အဝိတက္ကအဝိစာရော စ ဓမ္မာ အဝိတက္ကအဝိစာရဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတာ – အဝိတက္ကဝိစာရမတ္တာ ခန္ဓာ စ ဝိစာရော စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ သဟဇာတာ ¶ – အဝိတက္ကဝိစာရမတ္တာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ သဟဇာတော – ဝိတက္ကော စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ သဟဇာတာ – အဝိတက္ကဝိစာရမတ္တာ ခန္ဓာ စ ဝတ္ထု စ ဝိစာရဿ အတ္ထိပစ္စယေန ပစ္စယော။ ပဋိသန္ဓိက္ခဏေ အဝိတက္ကဝိစာရမတ္တာ ခန္ဓာ စ ဝိစာရော စ ကဋတ္တာရူပါနံ အတ္ထိပစ္စယေန ပစ္စယော။ ပဋိသန္ဓိက္ခဏေ အဝိတက္ကဝိစာရမတ္တာ ခန္ဓာ စ မဟာဘူတာ စ ကဋတ္တာရူပါနံ အတ္ထိပစ္စယေန ပစ္စယော။ ပဋိသန္ဓိက္ခဏေ ဝိတက္ကော စ မဟာဘူတာ စ ကဋတ္တာရူပါနံ အတ္ထိပစ္စယေန ပစ္စယော။ ပဋိသန္ဓိက္ခဏေ အဝိတက္ကဝိစာရမတ္တာ ခန္ဓာ စ ဝတ္ထု စ ဝိစာရဿ အတ္ထိပစ္စယေန ပစ္စယော။ ပစ္ဆာဇာတာ – အဝိတက္ကဝိစာရမတ္တာ ခန္ဓာ စ ဝိစာရော စ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – အဝိတက္ကဝိစာရမတ္တာ ခန္ဓာ စ ဝိတက္ကော စ ကဗဠီကာရော အာဟာရော စ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – အဝိတက္ကဝိစာရမတ္တာ ခန္ဓာ စ ဝိတက္ကော စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၃)

အဝိတက္ကဝိစာရမတ္တော ¶ စ အဝိတက္ကအဝိစာရော စ ဓမ္မာ အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – အဝိတက္ကဝိစာရမတ္တော ဧကော ခန္ဓော စ ဝိစာရော စ တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ စ ဝိစာရော စ…ပေ… အဝိတက္ကဝိစာရမတ္တော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ ဝိစာရဿ စ အတ္ထိပစ္စယေန ပစ္စယော…ပေ… ဒွေ ခန္ဓာ စ ဝတ္ထု စ…ပေ… ပဋိသန္ဓိက္ခဏေ…ပေ…။ (၄)

၁၃၅။ သဝိတက္ကသဝိစာရော ¶ စ အဝိတက္ကဝိစာရမတ္တော စ ဓမ္မာ သဝိတက္ကသဝိစာရဿ ဓမ္မဿ အတ္ထိပစ္စယေန ပစ္စယော – သဝိတက္ကသဝိစာရော ဧကော ခန္ဓော စ ဝိတက္ကော စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ ဝိတက္ကော စ…ပေ… ပဋိသန္ဓိက္ခဏေ…ပေ…။ (၁)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ အဝိတက္ကအဝိစာရဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – သဝိတက္ကသဝိစာရာ ခန္ဓာ စ ဝိတက္ကော စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပဋိသန္ဓိက္ခဏေ သဝိတက္ကသဝိစာရာ ခန္ဓာ စ ဝိတက္ကော ¶ စ ကဋတ္တာရူပါနံ အတ္ထိပစ္စယေန ပစ္စယော။ ပစ္ဆာဇာတာ – သဝိတက္ကသဝိစာရာ ခန္ဓာ စ ဝိတက္ကော စ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ (၂)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ သဝိတက္ကသဝိစာရဿ ¶ စ အဝိတက္ကအဝိစာရဿ စ ဓမ္မဿ အတ္ထိပစ္စယေန ပစ္စယော – သဝိတက္ကသဝိစာရော ဧကော ခန္ဓော စ ဝိတက္ကော စ တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ စ ဝိတက္ကော စ ဒွိန္နံ ခန္ဓာနံ…ပေ… ပဋိသန္ဓိက္ခဏေ…ပေ…။ (၃)

၁၃၆။ သဝိတက္ကသဝိစာရော စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ သဝိတက္ကသဝိစာရဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – သဝိတက္ကသဝိစာရော ဧကော ခန္ဓော စ ဝိတက္ကော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ပဋိသန္ဓိက္ခဏေ…ပေ…။ (၁)

သဝိတက္ကသဝိစာရော စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ အဝိတက္ကအဝိစာရဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတာ – သဝိတက္ကသဝိစာရာ ခန္ဓာ စ ဝိတက္ကော စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပဋိသန္ဓိက္ခဏေ…ပေ…။ ပစ္ဆာဇာတာ – သဝိတက္ကသဝိစာရာ ခန္ဓာ စ ဝိတက္ကော စ ကဗဠီကာရော အာဟာရော စ ပုရေဇာတဿ ဣမဿ ကာယဿ ¶ အတ္ထိပစ္စယေန ပစ္စယော။ ပစ္ဆာဇာတာ – သဝိတက္ကသဝိစာရာ ခန္ဓာ စ ဝိတက္ကော စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၂)

နတ္ထိဝိဂတာဝိဂတပစ္စယာ

၁၃၇။ သဝိတက္ကသဝိစာရော ဓမ္မော သဝိတက္ကသဝိစာရဿ ဓမ္မဿ နတ္ထိပစ္စယေန ပစ္စယော… ဝိဂတပစ္စယေန ပစ္စယော။

(နတ္ထိပစ္စယဉ္စ ¶ ဝိဂတပစ္စယဉ္စ အနန္တရသဒိသံ၊ အဝိဂတံ အတ္ထိသဒိသံ။)

၁။ ပစ္စယာနုလောမံ

၂။ သင်္ချာဝါရော

သုဒ္ဓံ

၁၃၈။ ဟေတုယာ ¶ ဧကာဒသ၊ အာရမ္မဏေ ဧကဝီသ၊ အဓိပတိယာ တေဝီသ၊ အနန္တရေ ပဉ္စဝီသ၊ သမနန္တရေ ပဉ္စဝီသ၊ သဟဇာတေ တိံသ၊ အညမညေ အဋ္ဌဝီသ၊ နိဿယေ တိံသ၊ ဥပနိဿယေ ပဉ္စဝီသ၊ ပုရေဇာတေ ပဉ္စ၊ ပစ္ဆာဇာတေ ပဉ္စ၊ အာသေဝနေ ဧကဝီသ၊ ကမ္မေ ဧကာဒသ၊ ဝိပါကေ ဧကဝီသ၊ အာဟာရေ ဧကာဒသ၊ ဣန္ဒြိယေ ဧကာဒသ၊ ဈာနေ ဧကဝီသ၊ မဂ္ဂေ သောဠသ၊ သမ္ပယုတ္တေ ဧကာဒသ၊ ဝိပ္ပယုတ္တေ နဝ၊ အတ္ထိယာ တိံသ၊ နတ္ထိယာ ပဉ္စဝီသ၊ ဝိဂတေ ပဉ္စဝီသ၊ အဝိဂတေ တိံသ။

(ဃဋနာ ကုသလတ္တိကသဒိသာယေဝ။ ပဉှာဝါရဂဏနံ ဧဝံ အသမ္မောဟန္တေန ဂဏေတဗ္ဗံ။)

အနုလောမံ။

ပစ္စနီယုဒ္ဓါရော

၁၃၉။ သဝိတက္ကသဝိစာရော ¶ ဓမ္မော သဝိတက္ကသဝိစာရဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၁)

သဝိတက္ကသဝိစာရော ဓမ္မော အဝိတက္ကဝိစာရမတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၂)

သဝိတက္ကသဝိစာရော ဓမ္မော အဝိတက္ကအဝိစာရဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ¶ ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော။ (၃)

သဝိတက္ကသဝိစာရော ဓမ္မော သဝိတက္ကသဝိစာရဿ စ အဝိတက္ကအဝိစာရဿ စ ဓမ္မဿ သဟဇာတပစ္စယေန ပစ္စယော… ကမ္မပစ္စယေန ပစ္စယော။ (၄)

သဝိတက္ကသဝိစာရော ¶ ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၅)

သဝိတက္ကသဝိစာရော ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၆)

သဝိတက္ကသဝိစာရော ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ သဟဇာတပစ္စယေန ပစ္စယော… ကမ္မပစ္စယေန ပစ္စယော။ (၇)

၁၄၀။ အဝိတက္ကဝိစာရမတ္တော ¶ ဓမ္မော အဝိတက္ကဝိစာရမတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)

အဝိတက္ကဝိစာရမတ္တော ဓမ္မော သဝိတက္ကသဝိစာရဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ¶ ပစ္စယော။ (၂)

အဝိတက္ကဝိစာရမတ္တော ဓမ္မော အဝိတက္ကအဝိစာရဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော။ (၃)

အဝိတက္ကဝိစာရမတ္တော ဓမ္မော သဝိတက္ကသဝိစာရဿ စ အဝိတက္ကအဝိစာရဿ စ ဓမ္မဿ သဟဇာတပစ္စယေန ပစ္စယော။ (၄)

အဝိတက္ကဝိစာရမတ္တော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၅)

အဝိတက္ကဝိစာရမတ္တော ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ အာရမ္မဏပစ္စယေန ပစ္စယော… ဥပနိဿယပစ္စယေန ပစ္စယော။ (၆)

၁၄၁။ အဝိတက္ကအဝိစာရော ¶ ဓမ္မော အဝိတက္ကအဝိစာရဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)

အဝိတက္ကအဝိစာရော ဓမ္မော သဝိတက္ကသဝိစာရဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ¶ ပစ္စယော… ပုရေဇာတပစ္စယေန ပစ္စယော။ (၂)

အဝိတက္ကအဝိစာရော ¶ ဓမ္မော အဝိတက္ကဝိစာရမတ္တဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၃)

အဝိတက္ကအဝိစာရော ဓမ္မော အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၄)

အဝိတက္ကအဝိစာရော ဓမ္မော သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၅)

၁၄၂။ သဝိတက္ကသဝိစာရော စ အဝိတက္ကအဝိစာရော စ ဓမ္မာ သဝိတက္ကသဝိစာရဿ ဓမ္မဿ သဟဇာတံ… ပုရေဇာတံ။ (၁)

သဝိတက္ကသဝိစာရော စ အဝိတက္ကအဝိစာရော စ ဓမ္မာ အဝိတက္ကဝိစာရမတ္တဿ ဓမ္မဿ သဟဇာတံ… ပုရေဇာတံ။ (၂)

သဝိတက္ကသဝိစာရော စ အဝိတက္ကအဝိစာရော စ ဓမ္မာ အဝိတက္ကအဝိစာရဿ ဓမ္မဿ သဟဇာတံ… ပစ္ဆာဇာတံ… အာဟာရံ… ဣန္ဒြိယံ။ (၃)

သဝိတက္ကသဝိစာရော စ အဝိတက္ကအဝိစာရော စ ဓမ္မာ သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ သဟဇာတံ… ပုရေဇာတံ ¶ ။ (၄)

၁၄၃။ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ သဝိတက္ကသဝိစာရဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၁)

အဝိတက္ကဝိစာရမတ္တော ¶ စ အဝိတက္ကအဝိစာရော စ ဓမ္မာ အဝိတက္ကဝိစာရမတ္တဿ ဓမ္မဿ ¶ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၂)

အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ အဝိတက္ကအဝိစာရဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၃)

အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၄)

အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ အာရမ္မဏပစ္စယေန ¶ ပစ္စယော… ဥပနိဿယပစ္စယေန ပစ္စယော။ (၅)

၁၄၄။ သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ သဝိတက္ကသဝိစာရဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ အဝိတက္ကဝိစာရမတ္တဿ ဓမ္မဿ အာရမ္မဏပစ္စယေန ပစ္စယော… ဥပနိဿယပစ္စယေန ပစ္စယော။ (၂)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ အဝိတက္ကအဝိစာရဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၃)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ သဝိတက္ကသဝိစာရဿ စ အဝိတက္ကအဝိစာရဿ စ ဓမ္မဿ သဟဇာတပစ္စယေန ပစ္စယော။ (၄)

သဝိတက္ကသဝိစာရော စ အဝိတက္ကဝိစာရမတ္တော စ ဓမ္မာ အဝိတက္ကဝိစာရမတ္တဿ စ အဝိတက္ကအဝိစာရဿ စ ဓမ္မဿ ဥပနိဿယပစ္စယေန ပစ္စယော။ (၅)

သဝိတက္ကသဝိစာရော ¶ ¶ စ အဝိတက္ကဝိစာရမတ္တော စ ဓမ္မာ သဝိတက္ကသဝိစာရဿ စ အဝိတက္ကဝိစာရမတ္တဿ စ ဓမ္မဿ အာရမ္မဏပစ္စယေန ပစ္စယော… ဥပနိဿယပစ္စယေန ပစ္စယော။ (၆)

သဝိတက္ကသဝိစာရော စ အဝိတက္ကဝိစာရမတ္တော စ အဝိတက္ကအဝိစာရော ¶ စ ဓမ္မာ သဝိတက္ကသဝိစာရဿ ဓမ္မဿ သဟဇာတံ… ပုရေဇာတံ။ (၁)

သဝိတက္ကသဝိစာရော စ အဝိတက္ကဝိစာရမတ္တော စ အဝိတက္ကအဝိစာရော စ ဓမ္မာ အဝိတက္ကအဝိစာရဿ ဓမ္မဿ သဟဇာတံ… ပစ္ဆာဇာတံ… အာဟာရံ… ဣန္ဒြိယံ။ (၂)

ပစ္စနီယုဒ္ဓါရော။

၂။ ပစ္စယပစ္စနီယံ

၂။ သင်္ချာဝါရော

သုဒ္ဓံ

၁၄၅။ နဟေတုယာ ပဉ္စတိံသ၊ နအာရမ္မဏေ ပဉ္စတိံသ၊ နအဓိပတိယာ ပဉ္စတိံသ၊ နအနန္တရေ ပဉ္စတိံသ၊ နသမနန္တရေ ပဉ္စတိံသ၊ နသဟဇာတေ ဧကူနတိံသ၊ နအညမညေ ဧကူနတိံသ၊ နနိဿယေ ဧကူနတိံသ၊ နဥပနိဿယေ စတုတ္တိံသ၊ နပုရေဇာတေ ပဉ္စတိံသ၊ နပစ္ဆာဇာတေ နအာသေဝနေ နကမ္မေ နဝိပါကေ နအာဟာရေ နဣန္ဒြိယေ နဈာနေ နမဂ္ဂေ ပဉ္စတိံသ၊ နသမ္ပယုတ္တေ ဧကူနတိံသ၊ နဝိပ္ပယုတ္တေ သတ္တဝီသ၊ နောအတ္ထိယာ သတ္တဝီသ၊ နောနတ္ထိယာ ပဉ္စတိံသ၊ နောဝိဂတေ ပဉ္စတိံသ၊ နောအဝိဂတေ သတ္တဝီသ။

(ပစ္စနီယံ ဂဏေန္တေန ဣမာနိ ပဒါနိ အနုမဇ္ဇန္တေန ဂဏေတဗ္ဗာနိ။)

ပစ္စနီယံ။

၃။ ပစ္စယာနုလောမပစ္စနီယံ

ဟေတုဒုကံ

၁၄၆။ ဟေတုပစ္စယာ ¶ နအာရမ္မဏေ ဧကာဒသ၊ နအဓိပတိယာ ဧကာဒသ၊ နအနန္တရေ နသမနန္တရေ ဧကာဒသ၊ နအညမညေ တီဏိ၊ နဥပနိဿယေ ဧကာဒသ၊ နပုရေဇာတေ နပစ္ဆာဇာတေ နအာသေဝနေ နကမ္မေ နဝိပါကေ နအာဟာရေ ¶ နဣန္ဒြိယေ နဈာနေ နမဂ္ဂေ သဗ္ဗေ ဧကာဒသ၊ နသမ္ပယုတ္တေ တီဏိ၊ နဝိပ္ပယုတ္တေ သတ္တ၊ နောနတ္ထိယာ ဧကာဒသ၊ နောဝိဂတေ ဧကာဒသ ¶ ။

(အနုလောမပစ္စနီယဂဏနာ ဣမိနာ ကာရဏေန ဂဏေတဗ္ဗာ။)

အနုလောမပစ္စနီယံ။

၄။ ပစ္စယပစ္စနီယာနုလောမံ

နဟေတုဒုကံ

၁၄၇။ နဟေတုပစ္စယာ အာရမ္မဏေ ဧကဝီသ၊ အဓိပတိယာ တေဝီသ၊ အနန္တရေ ပဉ္စဝီသ၊ သမနန္တရေ ပဉ္စဝီသ၊ သဟဇာတေ တိံသ၊ အညမညေ အဋ္ဌဝီသ၊ နိဿယေ တိံသ၊ ဥပနိဿယေ ပဉ္စဝီသ၊ ပုရေဇာတေ ပဉ္စ၊ ပစ္ဆာဇာတေ ပဉ္စ၊ အာသေဝနေ ဧကဝီသ၊ ကမ္မေ ဧကာဒသ၊ ဝိပါကေ ဧကဝီသ၊ အာဟာရေ ဧကာဒသ၊ ဣန္ဒြိယေ ဧကာဒသ၊ ဈာနေ ဧကဝီသ၊ မဂ္ဂေ သောဠသ၊ သမ္ပယုတ္တေ ဧကာဒသ၊ ဝိပ္ပယုတ္တေ နဝ၊ အတ္ထိယာ တိံသ၊ နတ္ထိယာ ပဉ္စဝီသ၊ ဝိဂတေ ပဉ္စဝီသ၊ အဝိဂတေ တိံသ။

(ပစ္စနီယာနုလောမံ ဣမိနာ ကာရဏေန ဝိဘဇိတဗ္ဗံ။)

ပစ္စနီယာနုလောမံ။

ဝိတက္ကတ္တိကံ နိဋ္ဌိတံ။

၇။ ပီတိတ္တိကံ

၁။ ပဋိစ္စဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၁။ ပီတိသဟဂတံ ¶ ¶ ¶ ဓမ္မံ ပဋိစ္စ ပီတိသဟဂတော ဓမ္မော ဥပ္ပဇ္ဇတိ ဟေတုပစ္စယာ – ပီတိသဟဂတံ ဧကံ ခန္ဓံ ပဋိစ္စ တယော ခန္ဓာ၊ တယော ခန္ဓေ ပဋိစ္စ ဧကော ခန္ဓော၊ ဒွေ ခန္ဓေ ပဋိစ္စ ဒွေ ခန္ဓာ။ ပဋိသန္ဓိက္ခဏေ ပီတိသဟဂတံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ (၁)

ပီတိသဟဂတံ ဓမ္မံ ပဋိစ္စ သုခသဟဂတော ဓမ္မော ဥပ္ပဇ္ဇတိ ဟေတုပစ္စယာ – ပီတိသဟဂတံ ဧကံ ခန္ဓံ ပဋိစ္စ သုခသဟဂတာ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ ပဋိသန္ဓိက္ခဏေ ပီတိသဟဂတံ ဧကံ ခန္ဓံ ပဋိစ္စ သုခသဟဂတာ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ (၂)

ပီတိသဟဂတံ ဓမ္မံ ပဋိစ္စ ပီတိသဟဂတော စ သုခသဟဂတော စ ဓမ္မာ ဥပ္ပဇ္ဇန္တိ ဟေတုပစ္စယာ – ပီတိသဟဂတံ ဧကံ ခန္ဓံ ပဋိစ္စ ပီတိသဟဂတာ စ သုခသဟဂတာ စ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ ပဋိသန္ဓိက္ခဏေ ပီတိသဟဂတံ ဧကံ ခန္ဓံ ပဋိစ္စ ပီတိသဟဂတာ စ သုခသဟဂတာ စ တယော ခန္ဓာ ¶ …ပေ… ဒွေ ခန္ဓေ ပဋိစ္စ ဒွေ ခန္ဓာ။ (၃)

၂။ သုခသဟဂတံ ဓမ္မံ ပဋိစ္စ သုခသဟဂတော ဓမ္မော ဥပ္ပဇ္ဇတိ ဟေတုပစ္စယာ – သုခသဟဂတံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ¶ ပဋိစ္စ ဧကော ခန္ဓော။ ပဋိသန္ဓိက္ခဏေ သုခသဟဂတံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော။ (၁)

သုခသဟဂတံ ဓမ္မံ ပဋိစ္စ ပီတိသဟဂတော ဓမ္မော ဥပ္ပဇ္ဇတိ ဟေတုပစ္စယာ – သုခသဟဂတံ ဧကံ ခန္ဓံ ပဋိစ္စ ပီတိသဟဂတာ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ ပဋိသန္ဓိက္ခဏေ သုခသဟဂတံ ဧကံ ခန္ဓံ ပဋိစ္စ ပီတိသဟဂတာ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ (၂)

သုခသဟဂတံ ဓမ္မံ ပဋိစ္စ ပီတိသဟဂတော စ သုခသဟဂတော စ ဓမ္မာ ဥပ္ပဇ္ဇန္တိ ဟေတုပစ္စယာ – သုခသဟဂတံ ဧကံ ခန္ဓံ ပဋိစ္စ ပီတိသဟဂတာ စ သုခသဟဂတာ စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော။ ပဋိသန္ဓိက္ခဏေ သုခသဟဂတံ ¶ ဧကံ ခန္ဓံ ပဋိစ္စ ပီတိသဟဂတာ စ သုခသဟဂတာ စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော။ (၃)

၃။ ဥပေက္ခာသဟဂတံ ဓမ္မံ ပဋိစ္စ ဥပေက္ခာသဟဂတော ဓမ္မော ဥပ္ပဇ္ဇတိ ဟေတုပစ္စယာ – ဥပေက္ခာသဟဂတံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော။ ပဋိသန္ဓိက္ခဏေ…ပေ…။ (၁)

ပီတိသဟဂတဉ္စ သုခသဟဂတဉ္စ ဓမ္မံ ပဋိစ္စ ပီတိသဟဂတော ဓမ္မော ဥပ္ပဇ္ဇတိ ဟေတုပစ္စယာ – ပီတိသဟဂတဉ္စ သုခသဟဂတဉ္စ ဧကံ ခန္ဓံ ပဋိစ္စ ပီတိသဟဂတာ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ ပဋိသန္ဓိက္ခဏေ ပီတိသဟဂတဉ္စ သုခသဟဂတဉ္စ ဧကံ ခန္ဓံ ပဋိစ္စ ပီတိသဟဂတာ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ (၁)

ပီတိသဟဂတဉ္စ သုခသဟဂတဉ္စ ဓမ္မံ ပဋိစ္စ သုခသဟဂတော ဓမ္မော ဥပ္ပဇ္ဇတိ ¶ ဟေတုပစ္စယာ – ပီတိသဟဂတဉ္စ သုခသဟဂတဉ္စ ဧကံ ခန္ဓံ ပဋိစ္စ သုခသဟဂတာ ဒွေ ခန္ဓာ၊ ဒွေ ခန္ဓေ ¶ ပဋိစ္စ ဧကော ခန္ဓော။ ပဋိသန္ဓိက္ခဏေ ပီတိသဟဂတဉ္စ သုခသဟဂတဉ္စ ဧကံ ခန္ဓံ ပဋိစ္စ သုခသဟဂတာ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော။ (၂)

ပီတိသဟဂတဉ္စ သုခသဟဂတဉ္စ ဓမ္မံ ပဋိစ္စ ပီတိသဟဂတော စ သုခသဟဂတော စ ဓမ္မာ ဥပ္ပဇ္ဇန္တိ ဟေတုပစ္စယာ – ပီတိသဟဂတဉ္စ သုခသဟဂတဉ္စ ဧကံ ခန္ဓံ ပဋိစ္စ ပီတိသဟဂတာ စ သုခသဟဂတာ စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော။ ပဋိသန္ဓိက္ခဏေ ပီတိသဟဂတဉ္စ သုခသဟဂတဉ္စ ဧကံ ခန္ဓံ ပဋိစ္စ ပီတိသဟဂတာ စ သုခသဟဂတာ စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော။ (၃)

အာရမ္မဏပစ္စယာဒိ

၄။ ပီတိသဟဂတံ ဓမ္မံ ပဋိစ္စ ပီတိသဟဂတော ဓမ္မော ဥပ္ပဇ္ဇတိ အာရမ္မဏပစ္စယာ… အဓိပတိပစ္စယာ… (ပဋိသန္ဓိက္ခဏေ နတ္ထိ) အနန္တရပစ္စယာ… သမနန္တရပစ္စယာ… သဟဇာတပစ္စယာ… အညမညပစ္စယာ… နိဿယပစ္စယာ… ဥပနိဿယပစ္စယာ… ပုရေဇာတပစ္စယာ… (ပုရေဇာတေ ပဋိသန္ဓိက္ခဏေ နတ္ထိ) အာသေဝနပစ္စယာ… (အာသေဝနေ ဝိပါကံ နတ္ထိ) ကမ္မပစ္စယာ… ဝိပါကပစ္စယာ… အာဟာရ…ပေ… ဣန္ဒြိယ… ဈာန… မဂ္ဂ… သမ္ပယုတ္တ… ဝိပ္ပယုတ္တ… အတ္ထိ… နတ္ထိ… ဝိဂတ… အဝိဂတပစ္စယာ။

၁။ ပစ္စယာနုလောမံ

၂။ သင်္ချာဝါရော

သုဒ္ဓံ

၅။ ဟေတုယာ ¶ ¶ ဒသ၊ အာရမ္မဏေ ဒသ၊ အဓိပတိယာ ဒသ၊ အနန္တရေ သမနန္တရေ သဟဇာတေ အညမညေ နိဿယေ ဥပနိဿယေ ပုရေဇာတေ အာသေဝနေ ကမ္မေ ဝိပါကေ အာဟာရေ ဣန္ဒြိယေ ဈာနေ မဂ္ဂေ သမ္ပယုတ္တေ ဝိပ္ပယုတ္တေ အတ္ထိယာ နတ္ထိယာ ဝိဂတေ အဝိဂတေ သဗ္ဗတ္ထ ဒသ။

(ဧဝံ အနုလောမဂဏနာ ဂဏေတဗ္ဗာ။)

အနုလောမံ။

၂။ ပစ္စယပစ္စနီယံ

၁။ ဝိဘင်္ဂဝါရော

နဟေတုပစ္စယော

၆။ ပီတိသဟဂတံ ¶ ဓမ္မံ ပဋိစ္စ ပီတိသဟဂတော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ပီတိသဟဂတံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ (၁)

ပီတိသဟဂတံ ဓမ္မံ ပဋိစ္စ သုခသဟဂတော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ပီတိသဟဂတံ ဧကံ ခန္ဓံ ပဋိစ္စ သုခသဟဂတာ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ (၂)

ပီတိသဟဂတံ ဓမ္မံ ပဋိစ္စ ပီတိသဟဂတော စ သုခသဟဂတော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ ပီတိသဟဂတံ ဧကံ ခန္ဓံ ပဋိစ္စ ပီတိသဟဂတာ စ သုခသဟဂတာ စ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ (၃)

၇။ သုခသဟဂတံ ဓမ္မံ ပဋိစ္စ သုခသဟဂတော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ သုခသဟဂတံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော။ (၁)

သုခသဟဂတံ ဓမ္မံ ပဋိစ္စ ပီတိသဟဂတော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ သုခသဟဂတံ ဧကံ ခန္ဓံ ပဋိစ္စ ပီတိသဟဂတာ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ¶ ခန္ဓာ။ (၂)

သုခသဟဂတံ ¶ ဓမ္မံ ပဋိစ္စ ပီတိသဟဂတော စ သုခသဟဂတော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ သုခသဟဂတံ ဧကံ ခန္ဓံ ပဋိစ္စ ပီတိသဟဂတာ စ သုခသဟဂတာ စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော။ (၃)

၈။ ဥပေက္ခာသဟဂတံ ဓမ္မံ ပဋိစ္စ ဥပေက္ခာသဟဂတော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ¶ ဥပေက္ခာသဟဂတံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော။ အဟေတုကပဋိသန္ဓိက္ခဏေ ဥပေက္ခာသဟဂတံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော။ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)

၉။ ပီတိသဟဂတဉ္စ သုခသဟဂတဉ္စ ဓမ္မံ ပဋိစ္စ ပီတိသဟဂတော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ပီတိသဟဂတဉ္စ သုခသဟဂတဉ္စ ဧကံ ခန္ဓံ ပဋိစ္စ ပီတိသဟဂတာ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ (၁)

ပီတိသဟဂတဉ္စ သုခသဟဂတဉ္စ ဓမ္မံ ပဋိစ္စ သုခသဟဂတော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ပီတိသဟဂတဉ္စ သုခသဟဂတဉ္စ ဧကံ ခန္ဓံ ပဋိစ္စ သုခသဟဂတာ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော။ (၂)

ပီတိသဟဂတဉ္စ သုခသဟဂတဉ္စ ဓမ္မံ ပဋိစ္စ ပီတိသဟဂတော စ သုခသဟဂတော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ ပီတိသဟဂတဉ္စ သုခသဟဂတဉ္စ ဧကံ ခန္ဓံ ပဋိစ္စ ပီတိသဟဂတာ စ သုခသဟဂတာ စ ဒွေ ခန္ဓာ၊ ဒွေ ခန္ဓေ ပဋိစ္စ ¶ ဧကော ခန္ဓော။ (၃)

နအဓိပတိ-နအာသေဝနပစ္စယာ

၁၀။ ပီတိသဟဂတံ ဓမ္မံ ပဋိစ္စ ပီတိသဟဂတော ဓမ္မော ဥပ္ပဇ္ဇတိ နအဓိပတိပစ္စယာ (နအဓိပတိပဋိသန္ဓိက္ခဏေ ပရိပုဏ္ဏံ)… နပုရေဇာတပစ္စယာ… (‘‘အရူပေ’’တိ နိယာမေတဗ္ဗံ ‘‘ပဋိသန္ဓိက္ခဏေ’’တိ စ) နပစ္ဆာဇာတပစ္စယာ… နအာသေဝနပစ္စယာ။

နကမ္မပစ္စယော

၁၁။ ပီတိသဟဂတံ ဓမ္မံ ပဋိစ္စ ပီတိသဟဂတော ဓမ္မော ဥပ္ပဇ္ဇတိ နကမ္မပစ္စယာ – ပီတိသဟဂတေ ခန္ဓေ ပဋိစ္စ ပီတိသဟဂတာ စေတနာ။

ပီတိသဟဂတံ ¶ ¶ ဓမ္မံ ပဋိစ္စ သုခသဟဂတော ဓမ္မော ဥပ္ပဇ္ဇတိ နကမ္မပစ္စယာ – ပီတိသဟဂတေ ခန္ဓေ ပဋိစ္စ သုခသဟဂတာ စေတနာ။

(ဣမိနာ ကာရဏေန ဒသ ပဉှာ ဝိတ္ထာရေတဗ္ဗာ။)

နဝိပါကပစ္စယော

၁၂။ ပီတိသဟဂတံ ဓမ္မံ ပဋိစ္စ ပီတိသဟဂတော ဓမ္မော ဥပ္ပဇ္ဇတိ နဝိပါကပစ္စယာ…ပေ… (ပရိပုဏ္ဏံ၊ ပဋိသန္ဓိ နတ္ထိ)။

နဈာနပစ္စယာဒိ

၁၃။ သုခသဟဂတံ ဓမ္မံ ပဋိစ္စ သုခသဟဂတော ဓမ္မော ဥပ္ပဇ္ဇတိ နဈာနပစ္စယာ – သုခသဟဂတံ ကာယဝိညာဏသဟဂတံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော။ (၁)

ဥပေက္ခာသဟဂတံ ဓမ္မံ ပဋိစ္စ ဥပေက္ခာသဟဂတော ဓမ္မော ဥပ္ပဇ္ဇတိ နဈာနပစ္စယာ – စတုဝိညာဏသဟဂတံ ဧကံ ခန္ဓံ ပဋိစ္စ ဒွေ ခန္ဓာ၊ ဒွေ ခန္ဓေ ပဋိစ္စ ဧကော ခန္ဓော။ (၁)

(နမဂ္ဂပစ္စယာ နဟေတုပစ္စယသဒိသံ။ မောဟော နတ္ထိ။ နဝိပ္ပယုတ္တပစ္စယာ ပရိပုဏ္ဏံ အရူပပဉှမေဝ။)

၂။ ပစ္စယပစ္စနီယံ

၂။ သင်္ချာဝါရော

သုဒ္ဓံ

၁၄။ နဟေတုယာ ¶ ¶ ဒသ၊ နအဓိပတိယာ ဒသ၊ နပုရေဇာတေ နပစ္ဆာဇာတေ နအာသေဝနေ နကမ္မေ နဝိပါကေ ဒသ၊ နဈာနေ ဒွေ၊ နမဂ္ဂေ ဒသ၊ နဝိပ္ပယုတ္တေ ဒသ (ပစ္စနီယံ ပရိပုဏ္ဏံ ကာတဗ္ဗံ)။

ပစ္စနီယံ။

၃။ ပစ္စယာနုလောမပစ္စနီယံ

ဒုကံ

၁၅။ ဟေတုပစ္စယာ ¶ နအဓိပတိယာ ဒသ၊ နပုရေဇာတေ ဒသ၊ နပစ္ဆာဇာတေ နအာသေဝနေ နကမ္မေ နဝိပါကေ နဝိပ္ပယုတ္တေ ဒသ။

(အနုလောမပစ္စနီယံ ဝိတ္ထာရေန ဂဏေတဗ္ဗံ။)

အနုလောမပစ္စနီယံ။

၄။ ပစ္စယပစ္စနီယာနုလောမံ

ဒုကံ

၁၆။ နဟေတုပစ္စယာ အာရမ္မဏေ ဒသ၊ အနန္တရေ ဒသ၊ သမနန္တရေ ဒသ၊ သဟဇာတေ အညမညေ နိဿယေ ¶ ဥပနိဿယေ ပုရေဇာတေ အာသေဝနေ ကမ္မေ ဝိပါကေ အာဟာရေ ဣန္ဒြိယေ ဈာနေ သဗ္ဗေ ဒသ၊ မဂ္ဂေ ဧကံ၊ သမ္ပယုတ္တေ ဒသ၊ ဝိပ္ပယုတ္တေ အတ္ထိယာ နတ္ထိယာ ဝိဂတေ အဝိဂတေ သဗ္ဗေ ဒသ။

ပစ္စနီယာနုလောမံ။

ပဋိစ္စဝါရော။

၂-၆။ သဟဇာတ-ပစ္စယ-နိဿယ-သံသဋ္ဌ-သမ္ပယုတ္တဝါရော

(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ။)

၇။ ပဉှာဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၁၇။ ပီတိသဟဂတော ဓမ္မော ပီတိသဟဂတဿ ဓမ္မဿ ဟေတုပစ္စယေန ပစ္စယော – ပီတိသဟဂတာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ ပဋိသန္ဓိက္ခဏေ ပီတိသဟဂတာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ¶ ပစ္စယော။ (၁)

ပီတိသဟဂတော ¶ ဓမ္မော သုခသဟဂတဿ ဓမ္မဿ ဟေတုပစ္စယေန ပစ္စယော – ပီတိသဟဂတာ ဟေတူ သမ္ပယုတ္တကာနံ သုခသဟဂတာနံ ခန္ဓာနံ ဟေတုပစ္စယေန ပစ္စယော။ ပဋိသန္ဓိက္ခဏေ…ပေ…။ (၂)

ပီတိသဟဂတော ဓမ္မော ပီတိသဟဂတဿ စ သုခသဟဂတဿ စ ဓမ္မဿ ဟေတုပစ္စယေန ပစ္စယော ¶ – ပီတိသဟဂတာ ဟေတူ သမ္ပယုတ္တကာနံ ပီတိသဟဂတာနဉ္စ သုခသဟဂတာနဉ္စ ခန္ဓာနံ ဟေတုပစ္စယေန ပစ္စယော။ ပဋိသန္ဓိက္ခဏေ…ပေ…။ (၃)

၁၈။ သုခသဟဂတော ဓမ္မော သုခသဟဂတဿ ဓမ္မဿ…ပေ… ပီတိသဟဂတဿ ဓမ္မဿ…ပေ… ပီတိသဟဂတဿ စ သုခသဟဂတဿ စ ဓမ္မဿ…ပေ… (သုခမူလေ တီဏိ)။

ဥပေက္ခာသဟဂတော ဓမ္မော ဥပေက္ခာသဟဂတဿ ဓမ္မဿ ဟေတုပစ္စယေန ပစ္စယော – ဥပေက္ခာသဟဂတာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ ပဋိသန္ဓိက္ခဏေ…ပေ…။ (၁)

ပီတိသဟဂတော စ သုခသဟဂတော စ ဓမ္မာ ပီတိသဟဂတဿ ဓမ္မဿ…ပေ… သုခသဟဂတဿ ဓမ္မဿ…ပေ… ပီတိသဟဂတဿ စ သုခသဟဂတဿ စ ဓမ္မဿ ဟေတုပစ္စယေန ပစ္စယော – ပီတိသဟဂတာ စ သုခသဟဂတာ စ ဟေတူ သမ္ပယုတ္တကာနံ ပီတိသဟဂတာနဉ္စ သုခသဟဂတာနဉ္စ ခန္ဓာနံ ဟေတုပစ္စယေန ပစ္စယော။ ပဋိသန္ဓိက္ခဏေ…ပေ…။ (၂)

အာရမ္မဏပစ္စယော

၁၉။ ပီတိသဟဂတော ဓမ္မော ပီတိသဟဂတဿ ဓမ္မဿ အာရမ္မဏပစ္စယေန ¶ ပစ္စယော – ပီတိသဟဂတေန စိတ္တေန ဒါနံ ဒတွာ သီလံ သမာဒိယိတွာ ဥပေါသထကမ္မံ ကတွာ တံ ပီတိသဟဂတေန စိတ္တေန ပစ္စဝေက္ခတိ၊ ပီတိသဟဂတာ ဈာနာ ဝုဋ္ဌဟိတွာ၊ မဂ္ဂါ ဝုဋ္ဌဟိတွာ၊ ဖလာ ဝုဋ္ဌဟိတွာ တံ ပီတိသဟဂတေန စိတ္တေန ပစ္စဝေက္ခတိ။ အရိယာ ပီတိသဟဂတေန စိတ္တေန ပီတိသဟဂတေ ပဟီနေ ကိလေသေ ပစ္စဝေက္ခန္တိ၊ ဝိက္ခမ္ဘိတေ ကိလေသေ ပစ္စဝေက္ခန္တိ၊ ပုဗ္ဗေ သမုဒါစိဏ္ဏေ ကိလေသေ ဇာနန္တိ။ ပီတိသဟဂတေ ခန္ဓေ ပီတိသဟဂတေန စိတ္တေန အနိစ္စတော ဒုက္ခတော အနတ္တတော ဝိပဿန္တိ အဿာဒေန္တိ အဘိနန္ဒန္တိ၊ တံ အာရဗ္ဘ ပီတိသဟဂတော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ ပီတိသဟဂတေ ခန္ဓေ အာရဗ္ဘ ပီတိသဟဂတာ ခန္ဓာ ဥပ္ပဇ္ဇန္တိ။ (၁)

ပီတိသဟဂတော ¶ ဓမ္မော သုခသဟဂတဿ ဓမ္မဿ အာရမ္မဏပစ္စယေန ပစ္စယော – ပီတိသဟဂတေန စိတ္တေန ဒါနံ ဒတွာ သီလံ သမာဒိယိတွာ ဥပေါသထကမ္မံ ကတွာ တံ သုခသဟဂတေန စိတ္တေန ပစ္စဝေက္ခတိ၊ ပီတိသဟဂတာ ဈာနာ ဝုဋ္ဌဟိတွာ၊ မဂ္ဂါ ဝုဋ္ဌဟိတွာ၊ ဖလာ ဝုဋ္ဌဟိတွာ တံ သုခသဟဂတေန ¶ စိတ္တေန ပစ္စဝေက္ခတိ။ အရိယာ သုခသဟဂတေန စိတ္တေန ပီတိသဟဂတေ ပဟီနေ ကိလေသေ ပစ္စဝေက္ခန္တိ၊ ဝိက္ခမ္ဘိတေ ကိလေသေ ပစ္စဝေက္ခန္တိ၊ ပုဗ္ဗေ သမုဒါစိဏ္ဏေ ကိလေသေ ဇာနန္တိ။ ပီတိသဟဂတေ ခန္ဓေ သုခသဟဂတေန စိတ္တေန အနိစ္စတော ဒုက္ခတော အနတ္တတော ဝိပဿန္တိ အဿာဒေန္တိ အဘိနန္ဒန္တိ၊ တံ အာရဗ္ဘ သုခသဟဂတော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ ပီတိသဟဂတေ ခန္ဓေ အာရဗ္ဘ သုခသဟဂတာ ခန္ဓာ ဥပ္ပဇ္ဇန္တိ။ (၂)

ပီတိသဟဂတော ¶ ဓမ္မော ဥပေက္ခာသဟဂတဿ ဓမ္မဿ အာရမ္မဏပစ္စယေန ပစ္စယော – ပီတိသဟဂတေန စိတ္တေန ဒါနံ ဒတွာ သီလံ သမာဒိယိတွာ ဥပေါသထကမ္မံ ကတွာ တံ ဥပေက္ခာသဟဂတေန စိတ္တေန ပစ္စဝေက္ခတိ၊ ပီတိသဟဂတာ ဈာနာ ဝုဋ္ဌဟိတွာ၊ မဂ္ဂါ ဝုဋ္ဌဟိတွာ၊ ဖလာ ဝုဋ္ဌဟိတွာ တံ ဥပေက္ခာသဟဂတေန စိတ္တေန ပစ္စဝေက္ခတိ။ အရိယာ ဥပေက္ခာသဟဂတေန စိတ္တေန ပီတိသဟဂတေ ပဟီနေ ကိလေသေ ပစ္စဝေက္ခန္တိ၊ ဝိက္ခမ္ဘိတေ ကိလေသေ ပစ္စဝေက္ခန္တိ၊ ပုဗ္ဗေ သမုဒါစိဏ္ဏေ ကိလေသေ ဇာနန္တိ။ ပီတိသဟဂတေ ခန္ဓေ ဥပေက္ခာသဟဂတေန စိတ္တေန အနိစ္စတော ဒုက္ခတော အနတ္တတော ဝိပဿန္တိ အဿာဒေန္တိ အဘိနန္ဒန္တိ၊ တံ အာရဗ္ဘ ဥပေက္ခာသဟဂတော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ ဝိစိကိစ္ဆာ ဥပ္ပဇ္ဇတိ၊ ဥဒ္ဓစ္စံ ဥပ္ပဇ္ဇတိ။ စေတောပရိယဉာဏေန ပီတိသဟဂတစိတ္တသမင်္ဂိဿ စိတ္တံ ဇာနန္တိ၊ ပီတိသဟဂတာ ခန္ဓာ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ ပီတိသဟဂတေ ခန္ဓေ အာရဗ္ဘ ဥပေက္ခာသဟဂတာ ခန္ဓာ ဥပ္ပဇ္ဇန္တိ။ (၃)

ပီတိသဟဂတော ဓမ္မော ပီတိသဟဂတဿ စ သုခသဟဂတဿ စ ဓမ္မဿ အာရမ္မဏပစ္စယေန ပစ္စယော – ပီတိသဟဂတေန စိတ္တေန ဒါနံ ဒတွာ သီလံ သမာဒိယိတွာ ဥပေါသထကမ္မံ ကတွာ တံ ပီတိသဟဂတေန စ သုခသဟဂတေန စ စိတ္တေန ¶ ပစ္စဝေက္ခတိ၊ ပီတိသဟဂတာ ဈာနာ ဝုဋ္ဌဟိတွာ၊ မဂ္ဂါ ဝုဋ္ဌဟိတွာ၊ ဖလာ ဝုဋ္ဌဟိတွာ တံ ပီတိသဟဂတေန စ သုခသဟဂတေန စ စိတ္တေန ပစ္စဝေက္ခတိ။ အရိယာ ပီတိသဟဂတေန စ သုခသဟဂတေန စ စိတ္တေန ပီတိသဟဂတေ ပဟီနေ ကိလေသေ ပစ္စဝေက္ခန္တိ၊ ဝိက္ခမ္ဘိတေ ကိလေသေ ပစ္စဝေက္ခန္တိ ¶ ၊ ပုဗ္ဗေ သမုဒါစိဏ္ဏေ ကိလေသေ ဇာနန္တိ။ ပီတိသဟဂတေ ခန္ဓေ ပီတိသဟဂတေန စ သုခသဟဂတေန စ စိတ္တေန အနိစ္စတော ဒုက္ခတော အနတ္တတော ဝိပဿန္တိ အဿာဒေန္တိ အဘိနန္ဒန္တိ၊ တံ အာရဗ္ဘ ပီတိသဟဂတော စ သုခသဟဂတော စ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ ပီတိသဟဂတေ ခန္ဓေ အာရဗ္ဘ ပီတိသဟဂတာ စ သုခသဟဂတာ စ ခန္ဓာ ဥပ္ပဇ္ဇန္တိ။ (၄)

၂၀။ သုခသဟဂတော ¶ ဓမ္မော သုခသဟဂတဿ ဓမ္မဿ အာရမ္မဏပစ္စယေန ပစ္စယော… သုခသဟဂတော ဓမ္မော ပီတိသဟဂတဿ ဓမ္မဿ…ပေ… ဥပေက္ခာသဟဂတဿ ဓမ္မဿ…ပေ… ပီတိသဟဂတဿ စ သုခသဟဂတဿ စ ဓမ္မဿ အာရမ္မဏပစ္စယေန ပစ္စယော – သုခသဟဂတေ ခန္ဓေ အာရဗ္ဘ ပီတိသဟဂတာ စ သုခသဟဂတာ စ ခန္ဓာ ဥပ္ပဇ္ဇန္တိ။ (၄)

ဥပေက္ခာသဟဂတော ဓမ္မော ဥပေက္ခာသဟဂတဿ ဓမ္မဿ အာရမ္မဏပစ္စယေန ပစ္စယော – ဥပေက္ခာသဟဂတေန စိတ္တေန ဒါနံ ဒတွာ သီလံ သမာဒိယိတွာ ဥပေါသထကမ္မံ ကတွာ တံ ဥပေက္ခာသဟဂတေန စိတ္တေန ပစ္စဝေက္ခတိ၊ ဥပေက္ခာသဟဂတာ ဈာနာ ဝုဋ္ဌဟိတွာ၊ မဂ္ဂါ ဝုဋ္ဌဟိတွာ၊ ဖလာ ဝုဋ္ဌဟိတွာ တံ ဥပေက္ခာသဟဂတေန စိတ္တေန ပစ္စဝေက္ခတိ။ အရိယာ ဥပေက္ခာသဟဂတေန စိတ္တေန ဥပေက္ခာသဟဂတေ ပဟီနေ ကိလေသေ ပစ္စဝေက္ခန္တိ၊ ဝိက္ခမ္ဘိတေ ကိလေသေ ပစ္စဝေက္ခန္တိ၊ ပုဗ္ဗေ သမုဒါစိဏ္ဏေ ကိလေသေ ဇာနန္တိ။ ဥပေက္ခာသဟဂတေ ခန္ဓေ ဥပေက္ခာသဟဂတေန စိတ္တေန အနိစ္စတော ဒုက္ခတော အနတ္တတော ¶ ဝိပဿန္တိ အဿာဒေန္တိ အဘိနန္ဒန္တိ၊ တံ အာရဗ္ဘ ဥပေက္ခာသဟဂတော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ ဝိစိကိစ္ဆာ ဥပ္ပဇ္ဇတိ၊ ဥဒ္ဓစ္စံ ဥပ္ပဇ္ဇတိ။ စေတောပရိယဉာဏေန ဥပေက္ခာသဟဂတစိတ္တသမင်္ဂိဿ စိတ္တံ ဇာနာတိ။ အာကာသာနဉ္စာယတနံ ဝိညာဏဉ္စာယတနဿ အာရမ္မဏပစ္စယေန ပစ္စယော…ပေ… အာကိဉ္စညာယတနံ နေဝသညာနာသညာယတနဿ အာရမ္မဏပစ္စယေန ပစ္စယော။ ဥပေက္ခာသဟဂတာ ခန္ဓာ ဣဒ္ဓိဝိဓဉာဏဿ၊ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ၊ အနာဂတံသဉာဏဿ အာဝဇ္ဇနာယ အာရမ္မဏပစ္စယေန ပစ္စယော။ ဥပေက္ခာသဟဂတေ ခန္ဓေ အာရဗ္ဘ ဥပေက္ခာသဟဂတာ ခန္ဓာ ဥပ္ပဇ္ဇန္တိ။ (၁)

ဥပေက္ခာသဟဂတော ဓမ္မော ပီတိသဟဂတဿ ဓမ္မဿ…ပေ… သုခသဟဂတဿ ဓမ္မဿ…ပေ… ပီတိသဟဂတဿ စ သုခသဟဂတဿ စ ဓမ္မဿ အာရမ္မဏပစ္စယေန ပစ္စယော – ဥပေက္ခာသဟဂတေန စိတ္တေန ဒါနံ ဒတွာ သီလံ ¶ သမာဒိယိတွာ ဥပေါသထကမ္မံ ကတွာ တံ ပီတိသဟဂတေန စ သုခသဟဂတေန စ စိတ္တေန ပစ္စဝေက္ခတိ၊ ဥပေက္ခာသဟဂတာ ဈာနာ ဝုဋ္ဌဟိတွာ၊ မဂ္ဂါ ဝုဋ္ဌဟိတွာ ဖလာ ဝုဋ္ဌဟိတွာ၊ တံ ပီတိသဟဂတေန စ သုခသဟဂတေန စ စိတ္တေန ပစ္စဝေက္ခတိ။ အရိယာ ပီတိသဟဂတေန စ သုခသဟဂတေန စ စိတ္တေန ဥပေက္ခာသဟဂတေ ပဟီနေ ကိလေသေ ပစ္စဝေက္ခန္တိ၊ ဝိက္ခမ္ဘိတေ ကိလေသေ ပစ္စဝေက္ခန္တိ၊ ပုဗ္ဗေ သမုဒါစိဏ္ဏေ ကိလေသေ ဇာနန္တိ။ ဥပေက္ခာသဟဂတေ ခန္ဓေ ပီတိသဟဂတေန စ သုခသဟဂတေန စ ¶ စိတ္တေန အနိစ္စတော ဒုက္ခတော အနတ္တတော ဝိပဿန္တိ အဿာဒေန္တိ ¶ အဘိနန္ဒန္တိ၊ တံ အာရဗ္ဘ ပီတိသဟဂတော စ သုခသဟဂတော စ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ ဥပေက္ခာသဟဂတေ ခန္ဓေ အာရဗ္ဘ ပီတိသဟဂတာ စ သုခသဟဂတာ စ ခန္ဓာ ဥပ္ပဇ္ဇန္တိ။ (၃)

၂၁။ ပီတိသဟဂတော စ သုခသဟဂတော စ ဓမ္မာ ပီတိသဟဂတဿ ဓမ္မဿ…ပေ… သုခသဟဂတဿ ဓမ္မဿ…ပေ… ဥပေက္ခာသဟဂတဿ ဓမ္မဿ အာရမ္မဏပစ္စယေန ပစ္စယော – ပီတိသဟဂတေန စ သုခသဟဂတေန စ စိတ္တေန ဒါနံ ဒတွာ သီလံ သမာဒိယိတွာ ဥပေါသထကမ္မံ ကတွာ…ပေ… ပီတိသဟဂတေ စ သုခသဟဂတေ စ ခန္ဓေ ဥပေက္ခာသဟဂတေန စိတ္တေန အနိစ္စတော ဒုက္ခတော အနတ္တတော ဝိပဿတိ အဿာဒေတိ အဘိနန္ဒတိ၊ တံ အာရဗ္ဘ ဥပေက္ခာသဟဂတော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ ဝိစိကိစ္ဆာ ဥပ္ပဇ္ဇတိ၊ ဥဒ္ဓစ္စံ ဥပ္ပဇ္ဇတိ။ စေတောပရိယဉာဏေန ပီတိသဟဂတသုခသဟဂတစိတ္တသမင်္ဂိဿ စိတ္တံ ဇာနာတိ။ ပီတိသဟဂတာ စ သုခသဟဂတာ စ ခန္ဓာ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ ပီတိသဟဂတေ စ သုခသဟဂတေ စ ခန္ဓေ အာရဗ္ဘ ဥပေက္ခာသဟဂတာ ခန္ဓာ ဥပ္ပဇ္ဇန္တိ။ (၃)

ပီတိသဟဂတော စ သုခသဟဂတော စ ဓမ္မာ ပီတိသဟဂတဿ စ သုခသဟဂတဿ စ ဓမ္မဿ အာရမ္မဏပစ္စယေန ပစ္စယော (သံခိတ္တံ)။ (၄)

အဓိပတိပစ္စယော

၂၂။ ပီတိသဟဂတော ဓမ္မော ပီတိသဟဂတဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ပီတိသဟဂတေန ¶ စိတ္တေန ဒါနံ ဒတွာ သီလံ သမာဒိယိတွာ ဥပေါသထကမ္မံ ကတွာ ¶ ပီတိသဟဂတေန စိတ္တေန တံ ဂရုံ ကတွာ ပစ္စဝေက္ခတိ၊ ပီတိသဟဂတာ ဈာနာ ဝုဋ္ဌဟိတွာ၊ မဂ္ဂါ ဝုဋ္ဌဟိတွာ၊ ဖလာ ဝုဋ္ဌဟိတွာ ပီတိသဟဂတေန စိတ္တေန တံ ဂရုံ ကတွာ ပစ္စဝေက္ခတိ။ ပီတိသဟဂတေ ခန္ဓေ ပီတိသဟဂတေန စိတ္တေန ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ပီတိသဟဂတော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ သဟဇာတာဓိပတိ – ပီတိသဟဂတာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)

ပီတိသဟဂတော ¶ ဓမ္မော သုခသဟဂတဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ပီတိသဟဂတေန စိတ္တေန ဒါနံ ဒတွာ…ပေ…။ သဟဇာတာဓိပတိ – ပီတိသဟဂတာဓိပတိ သမ္ပယုတ္တကာနံ သုခသဟဂတာနံ ခန္ဓာနံ အဓိပတိပစ္စယေန ပစ္စယော။ (၂)

ပီတိသဟဂတော ဓမ္မော ဥပေက္ခာသဟဂတဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – ပီတိသဟဂတေန စိတ္တေန ဒါနံ ဒတွာ…ပေ… ဥပေက္ခာသဟဂတေန စိတ္တေန (သံခိတ္တံ)။ (၃)

ပီတိသဟဂတော ဓမ္မော ပီတိသဟဂတဿ စ သုခသဟဂတဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ပီတိသဟဂတေန စိတ္တေန ဒါနံ ဒတွာ…ပေ…။ သဟဇာတာဓိပတိ – ပီတိသဟဂတာဓိပတိ သမ္ပယုတ္တကာနံ ပီတိသဟဂတာနဉ္စ သုခသဟဂတာနဉ္စ ခန္ဓာနံ အဓိပတိပစ္စယေန ပစ္စယော။ (၄)

၂၃။ သုခသဟဂတော ¶ ဓမ္မော သုခသဟဂတဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – သုခသဟဂတေန စိတ္တေန ဒါနံ ဒတွာ…ပေ…။ သဟဇာတာဓိပတိ – သုခသဟဂတာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)

သုခသဟဂတော ဓမ္မော ပီတိသဟဂတဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ…ပေ…။ သဟဇာတာဓိပတိ – သုခသဟဂတာဓိပတိ သမ္ပယုတ္တကာနံ ပီတိသဟဂတာနံ ခန္ဓာနံ အဓိပတိပစ္စယေန ပစ္စယော။ (၂)

သုခသဟဂတော ဓမ္မော ဥပေက္ခာသဟဂတဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ (သံခိတ္တံ)။ (၃)

သုခသဟဂတော ¶ ဓမ္မော ပီတိသဟဂတဿ စ သုခသဟဂတဿ စ ဓမ္မဿ အဓိပတိပစ္စယေန ပစ္စယော ¶ – အာရမ္မဏာဓိပတိ၊ သဟဇာတာဓိပတိ…ပေ…။ သဟဇာတာဓိပတိ – သုခသဟဂတာဓိပတိ သမ္ပယုတ္တကာနံ ပီတိသဟဂတာနဉ္စ သုခသဟဂတာနဉ္စ ခန္ဓာနံ အဓိပတိပစ္စယေန ပစ္စယော။ (၄)

၂၄။ ဥပေက္ခာသဟဂတော ဓမ္မော ဥပေက္ခာသဟဂတဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ…ပေ…။ သဟဇာတာဓိပတိ – ဥပေက္ခာသဟဂတာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)

ဥပေက္ခာသဟဂတော ဓမ္မော ပီတိသဟဂတဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ (သံခိတ္တံ)။ (၂)

ဥပေက္ခာသဟဂတော ¶ ဓမ္မော သုခသဟဂတဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ (သံခိတ္တံ)။ (၃)

ဥပေက္ခာသဟဂတော ဓမ္မော ပီတိသဟဂတဿ စ သုခသဟဂတဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ (သံခိတ္တံ)။ (၄)

၂၅။ ပီတိသဟဂတော စ သုခသဟဂတော စ ဓမ္မာ ပီတိသဟဂတဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ…ပေ…။ သဟဇာတာဓိပတိ – ပီတိသဟဂတာ စ သုခသဟဂတာ စ အဓိပတိ သမ္ပယုတ္တကာနံ ပီတိသဟဂတာနံ ခန္ဓာနံ အဓိပတိပစ္စယေန ပစ္စယော။ (၁)

ပီတိသဟဂတော စ သုခသဟဂတော စ ဓမ္မာ သုခသဟဂတဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ…ပေ…။ သဟဇာတာဓိပတိ – ပီတိသဟဂတာ စ သုခသဟဂတာ စ အဓိပတိ သမ္ပယုတ္တကာနံ သုခသဟဂတာနံ ခန္ဓာနံ အဓိပတိပစ္စယေန ပစ္စယော။ (၂)

ပီတိသဟဂတော စ သုခသဟဂတော စ ဓမ္မာ ဥပေက္ခာသဟဂတဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ (သံခိတ္တံ)။ (၃)

ပီတိသဟဂတော ¶ စ သုခသဟဂတော စ ဓမ္မာ ပီတိသဟဂတဿ စ သုခသဟဂတဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ ¶ …ပေ…။ သဟဇာတာဓိပတိ – ပီတိသဟဂတာ စ သုခသဟဂတာ စ အဓိပတိ သမ္ပယုတ္တကာနံ ပီတိသဟဂတာနဉ္စ သုခသဟဂတာနဉ္စ ခန္ဓာနံ အဓိပတိပစ္စယေန ပစ္စယော။ (၄)

အနန္တရပစ္စယော

၂၆။ ပီတိသဟဂတော ဓမ္မော ပီတိသဟဂတဿ ဓမ္မဿ အနန္တရပစ္စယေန ¶ ပစ္စယော – ပုရိမာ ပုရိမာ ပီတိသဟဂတာ ခန္ဓာ ပစ္ဆိမာနံ ပစ္ဆိမာနံ ပီတိသဟဂတာနံ ခန္ဓာနံ အနန္တရပစ္စယေန ပစ္စယော။ ပီတိသဟဂတံ အနုလောမံ ဂေါတြဘုဿ အနန္တရပစ္စယေန ပစ္စယော။ (ဣမိနာ ကာရဏေန သဗ္ဗေသံ ပဒါနံ ပစ္စယောတိ ဒီပေတဗ္ဗော)။ အနုလောမံ ဝေါဒါနဿ… ဂေါတြဘု မဂ္ဂဿ… ဝေါဒါနံ မဂ္ဂဿ… မဂ္ဂေါ ဖလဿ… ဖလံ ဖလဿ… အနုလောမံ ပီတိသဟဂတာယ ဖလသမာပတ္တိယာ အနန္တရပစ္စယေန ပစ္စယော။ (၁)

ပီတိသဟဂတော ဓမ္မော သုခသဟဂတဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ပီတိသဟဂတာ ခန္ဓာ ပစ္ဆိမာနံ ပစ္ဆိမာနံ သုခသဟဂတာနံ ခန္ဓာနံ အနန္တရပစ္စယေန ပစ္စယော။ ပီတိသဟဂတံ အနုလောမံ သုခသဟဂတဿ ဂေါတြဘုဿ အနန္တရပစ္စယေန ပစ္စယော။ ပီတိသဟဂတံ အနုလောမံ သုခသဟဂတဿ ဝေါဒါနဿ အနန္တရပစ္စယေန ပစ္စယော။ ပီတိသဟဂတံ အနုလောမံ သုခသဟဂတာယ ဖလသမာပတ္တိယာ အနန္တရပစ္စယေန ပစ္စယော။ (၂)

ပီတိသဟဂတော ဓမ္မော ဥပေက္ခာသဟဂတဿ ဓမ္မဿ အနန္တရပစ္စယေန ပစ္စယော – ပီတိသဟဂတံ စုတိစိတ္တံ ဥပေက္ခာသဟဂတဿ ဥပပတ္တိစိတ္တဿ အနန္တရပစ္စယေန ပစ္စယော။ ပီတိသဟဂတံ ဘဝင်္ဂံ အာဝဇ္ဇနာယ အနန္တရပစ္စယေန ပစ္စယော။ ပီတိသဟဂတာ ဝိပါကမနောဝိညာဏဓာတု ကိရိယမနောဝိညာဏဓာတုယာ အနန္တရပစ္စယေန ပစ္စယော။ ပီတိသဟဂတံ ဘဝင်္ဂံ ဥပေက္ခာသဟဂတဿ ဘဝင်္ဂဿ အနန္တရပစ္စယေန ပစ္စယော ¶ ။ ပီတိသဟဂတံ ကုသလာကုသလံ ဥပေက္ခာသဟဂတဿ ဝုဋ္ဌာနဿ… ကိရိယံ ဝုဋ္ဌာနဿ… ဖလံ ဝုဋ္ဌာနဿ အနန္တရပစ္စယေန ပစ္စယော။ (၃)

ပီတိသဟဂတော ¶ ဓမ္မော ပီတိသဟဂတဿ စ သုခသဟဂတဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ပီတိသဟဂတာ ခန္ဓာ ပစ္ဆိမာနံ ပစ္ဆိမာနံ ပီတိသဟဂတာနဉ္စ သုခသဟဂတာနဉ္စ ခန္ဓာနံ အနန္တရပစ္စယေန ပစ္စယော ¶ ။ ပီတိသဟဂတံ အနုလောမံ ပီတိသဟဂတဿ စ သုခသဟဂတဿ စ ဂေါတြဘုဿ အနန္တရပစ္စယေန ပစ္စယော…ပေ… ပီတိသဟဂတံ အနုလောမံ ပီတိသဟဂတာယ စ သုခသဟဂတာယ စ ဖလသမာပတ္တိယာ အနန္တရပစ္စယေန ပစ္စယော။ (၄)

၂၇။ သုခသဟဂတော ဓမ္မော သုခသဟဂတဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သုခသဟဂတာ ခန္ဓာ ပစ္ဆိမာနံ ပစ္ဆိမာနံ သုခသဟဂတာနံ ခန္ဓာနံ အနန္တရပစ္စယေန ပစ္စယော။ သုခသဟဂတံ အနုလောမံ သုခသဟဂတဿ ဂေါတြဘုဿ အနန္တရပစ္စယေန ပစ္စယော…ပေ… သုခသဟဂတံ အနုလောမံ သုခသဟဂတာယ ဖလသမာပတ္တိယာ အနန္တရပစ္စယေန ပစ္စယော။ (၁)

သုခသဟဂတော ဓမ္မော ပီတိသဟဂတဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သုခသဟဂတာ ခန္ဓာ ပစ္ဆိမာနံ ပစ္ဆိမာနံ ပီတိသဟဂတာနံ ခန္ဓာနံ အနန္တရပစ္စယေန ပစ္စယော…ပေ… သုခသဟဂတံ အနုလောမံ ပီတိသဟဂတာယ ဖလသမာပတ္တိယာ အနန္တရပစ္စယေန ပစ္စယော။ (၂)

သုခသဟဂတော ဓမ္မော ဥပေက္ခာသဟဂတဿ ဓမ္မဿ အနန္တရပစ္စယေန ¶ ပစ္စယော – သုခသဟဂတံ စုတိစိတ္တံ ဥပေက္ခာသဟဂတဿ ဥပပတ္တိစိတ္တဿ အနန္တရပစ္စယေန ပစ္စယော။ သုခသဟဂတံ ဘဝင်္ဂံ အာဝဇ္ဇနာယ အနန္တရပစ္စယေန ပစ္စယော။ သုခသဟဂတံ ကာယဝိညာဏံ ဝိပါကမနောဓာတုယာ အနန္တရပစ္စယေန ပစ္စယော။ သုခသဟဂတာ ဝိပါကမနောဝိညာဏဓာတု ကိရိယမနောဝိညာဏဓာတုယာ အနန္တရပစ္စယေန ပစ္စယော သုခသဟဂတံ ဘဝင်္ဂံ ဥပေက္ခာသဟဂတဿ ဘဝင်္ဂဿ အနန္တရပစ္စယေန ပစ္စယော။ သုခသဟဂတံ ကုသလာကုသလံ ဥပေက္ခာသဟဂတဿ ဝုဋ္ဌာနဿ… ကိရိယံ ဝုဋ္ဌာနဿ… ဖလံ ဝုဋ္ဌာနဿ အနန္တရပစ္စယေန ပစ္စယော။ (၃)

သုခသဟဂတော ဓမ္မော ပီတိသဟဂတဿ စ သုခသဟဂတဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သုခသဟဂတာ ခန္ဓာ ပစ္ဆိမာနံ ပစ္ဆိမာနံ ပီတိသဟဂတာနဉ္စ သုခသဟဂတာနဉ္စ ခန္ဓာနံ အနန္တရပစ္စယေန ပစ္စယော…ပေ… သုခသဟဂတံ အနုလောမံ ပီတိသဟဂတာယ စ သုခသဟဂတာယ စ ဖလသမာပတ္တိယာ အနန္တရပစ္စယေန ပစ္စယော။ (၄)

၂၈။ ဥပေက္ခာသဟဂတော ¶ ¶ ဓမ္မော ဥပေက္ခာသဟဂတဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဥပေက္ခာသဟဂတာ ခန္ဓာ ပစ္ဆိမာနံ ပစ္ဆိမာနံ ဥပေက္ခာသဟဂတာနံ ခန္ဓာနံ…ပေ… အာဝဇ္ဇနာ ပဉ္စန္နံ ဝိညာဏာနံ အနန္တရပစ္စယေန ပစ္စယော။ ဥပေက္ခာသဟဂတံ အနုလောမံ ဥပေက္ခာသဟဂတာယ ဖလသမာပတ္တိယာ… နိရောဓာ ဝုဋ္ဌဟန္တဿ နေဝသညာနာသညာယတနံ ဥပေက္ခာသဟဂတာယ ဖလသမာပတ္တိယာ အနန္တရပစ္စယေန ပစ္စယော။ (၁)

ဥပေက္ခာသဟဂတော ¶ ဓမ္မော ပီတိသဟဂတဿ ဓမ္မဿ အနန္တရပစ္စယေန ပစ္စယော – ဥပေက္ခာသဟဂတံ စုတိစိတ္တံ ပီတိသဟဂတဿ ဥပပတ္တိစိတ္တဿ…ပေ… အာဝဇ္ဇနာ ပီတိသဟဂတာနံ ခန္ဓာနံ…ပေ… ဝိပါကမနောဓာတု ပီတိသဟဂတာယ ဝိပါကမနောဝိညာဏဓာတုယာ…ပေ… ဥပေက္ခာသဟဂတံ ဘဝင်္ဂံ ပီတိသဟဂတဿ ဘဝင်္ဂဿ…ပေ… ဥပေက္ခာသဟဂတံ ကုသလာကုသလံ ပီတိသဟဂတဿ ဝုဋ္ဌာနဿ… ကိရိယံ ဝုဋ္ဌာနဿ… ဖလံ ဝုဋ္ဌာနဿ… နိရောဓာ ဝုဋ္ဌဟန္တဿ နေဝသညာနာသညာယတနံ ပီတိသဟဂတာယ ဖလသမာပတ္တိယာ အနန္တရပစ္စယေန ပစ္စယော။ (၂)

ဥပေက္ခာသဟဂတော ဓမ္မော သုခသဟဂတဿ ဓမ္မဿ…ပေ… ပီတိသဟဂတဿ စ သုခသဟဂတဿ စ ဓမ္မဿ အနန္တရပစ္စယေန ပစ္စယော။ (၄)

(တာနိယေဝ စ ဂမနာနိ နိယာမေတဗ္ဗာနိ။)

၂၉။ ပီတိသဟဂတော စ သုခသဟဂတော စ ဓမ္မာ ပီတိသဟဂတဿ ဓမ္မဿ…ပေ… သုခသဟဂတဿ ဓမ္မဿ…ပေ… ဥပေက္ခာသဟဂတဿ ဓမ္မဿ အနန္တရပစ္စယေန ပစ္စယော – ပီတိသဟဂတဉ္စ သုခသဟဂတဉ္စ စုတိစိတ္တံ ဥပေက္ခာသဟဂတဿ ဥပပတ္တိစိတ္တဿ…ပေ… ပီတိသဟဂတဉ္စ သုခသဟဂတဉ္စ ဘဝင်္ဂံ အာဝဇ္ဇနာယ…ပေ… ပီတိသဟဂတာ စ သုခသဟဂတာ စ ဝိပါကမနောဝိညာဏဓာတု ကိရိယမနောဝိညာဏဓာတုယာ…ပေ… ပီတိသဟဂတဉ္စ သုခသဟဂတဉ္စ ဘဝင်္ဂံ ဥပေက္ခာသဟဂတဿ ဘဝင်္ဂဿ…ပေ… ပီတိသဟဂတဉ္စ သုခသဟဂတဉ္စ ကုသလာကုသလံ ဥပေက္ခာသဟဂတဿ ဝုဋ္ဌာနဿ… ကိရိယံ ဝုဋ္ဌာနဿ… ဖလံ ဝုဋ္ဌာနဿ အနန္တရပစ္စယေန ပစ္စယော။ (၃)

ပီတိသဟဂတော ¶ ¶ စ သုခသဟဂတော စ ဓမ္မာ ပီတိသဟဂတဿ စ သုခသဟဂတဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ပီတိသဟဂတာ ¶ စ သုခသဟဂတာ စ ခန္ဓာ ပစ္ဆိမာနံ ပစ္ဆိမာနံ ပီတိသဟဂတာနဉ္စ သုခသဟဂတာနဉ္စ ခန္ဓာနံ…ပေ… ပီတိသဟဂတဉ္စ သုခသဟဂတဉ္စ အနုလောမံ ပီတိသဟဂတာယ စ သုခသဟဂတာယ စ ဖလသမာပတ္တိယာ အနန္တရပစ္စယေန ပစ္စယော။ (၄)

သမနန္တရပစ္စယော

၃၀။ ပီတိသဟဂတော ဓမ္မော ပီတိသဟဂတဿ ဓမ္မဿ သမနန္တရပစ္စယေန ပစ္စယော (အနန္တရပစ္စယသဒိသံ)။

သဟဇာတပစ္စယော

၃၁။ ပီတိသဟဂတော ဓမ္မော ပီတိသဟဂတဿ ဓမ္မဿ သဟဇာတပစ္စယေန ပစ္စယော – ပီတိသဟဂတော ဧကော ခန္ဓော တိဏ္ဏန္နံ ခန္ဓာနံ သဟဇာတပစ္စယေန ပစ္စယော…ပေ… ဒွေ ခန္ဓာ ဒွိန္နံ ခန္ဓာနံ သဟဇာတပစ္စယေန ပစ္စယော…ပေ… (ပဋိစ္စသဒိသံ သဟဇာတေ ဒသ ပဉှာ)။

အညမည-နိဿယပစ္စယာ

၃၂။ ပီတိသဟဂတော ဓမ္မော ပီတိသဟဂတဿ ဓမ္မဿ အညမညပစ္စယေန ပစ္စယော… နိဿယပစ္စယေန ပစ္စယော (ဒသ ပဉှာ ကာတဗ္ဗာ)။

ဥပနိဿယပစ္စယော

၃၃။ ပီတိသဟဂတော ဓမ္မော ပီတိသဟဂတဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ပီတိသဟဂတံ သဒ္ဓံ ဥပနိဿာယ ပီတိသဟဂတေန စိတ္တေန ဒါနံ ဒေတိ၊ သီလံ သမာဒိယတိ၊ ဥပေါသထကမ္မံ ကရောတိ၊ ပီတိသဟဂတံ ဈာနံ ဥပ္ပာဒေတိ၊ ဝိပဿနံ ဥပ္ပာဒေတိ၊ မဂ္ဂံ ဥပ္ပာဒေတိ၊ သမာပတ္တိံ ဥပ္ပာဒေတိ၊ မာနံ ဇပ္ပေတိ၊ ဒိဋ္ဌိံ ဂဏှာတိ။ ပီတိသဟဂတံ သီလံ… သုတံ… စာဂံ… ပညံ ¶ ¶ ဥပနိဿာယ ပီတိသဟဂတေန စိတ္တေန ဒါနံ ဒေတိ၊ သီလံ သမာဒိယတိ…ပေ… မာနံ ဇပ္ပေတိ၊ ဒိဋ္ဌိံ ဂဏှာတိ။ ပီတိသဟဂတံ ရာဂံ… မောဟံ… မာနံ… ဒိဋ္ဌိံ… ပတ္ထနံ ဥပနိဿာယ ပီတိသဟဂတေန စိတ္တေန ဒါနံ ဒေတိ၊ သီလံ သမာဒိယတိ၊ ဥပေါသထကမ္မံ ကရောတိ၊ ပီတိသဟဂတံ ဈာနံ ဥပ္ပာဒေတိ…ပေ… သမာပတ္တိံ ဥပ္ပာဒေတိ။ ပီတိသဟဂတေန စိတ္တေန အဒိန္နံ အာဒိယတိ၊ မုသာ ဘဏတိ ¶ ၊ ပိသုဏံ ဘဏတိ၊ သမ္ဖံ ပလပတိ၊ သန္ဓိံ ဆိန္ဒတိ၊ နိလ္လောပံ ဟရတိ၊ ဧကာဂါရိကံ ကရောတိ၊ ပရိပန္ထေ တိဋ္ဌတိ၊ ပရဒါရံ ဂစ္ဆတိ၊ ဂါမဃာတံ ကရောတိ၊ နိဂမဃာတံ ကရောတိ။ ပီတိသဟဂတာ သဒ္ဓါ… သီလံ… သုတံ… စာဂေါ… ပညာ… ရာဂေါ… မောဟော… မာနော… ဒိဋ္ဌိ… ပတ္ထနာ ပီတိသဟဂတာယ သဒ္ဓါယ… သီလဿ… သုတဿ… စာဂဿ… ပညာယ… ရာဂဿ… မောဟဿ… မာနဿ… ဒိဋ္ဌိယာ… ပတ္ထနာယ ဥပနိဿယပစ္စယေန ပစ္စယော။ (၁)

ပီတိသဟဂတော ဓမ္မော သုခသဟဂတဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ပီတိသဟဂတံ သဒ္ဓံ ဥပနိဿာယ သုခသဟဂတေန စိတ္တေန ဒါနံ ဒေတိ…ပေ… သမာပတ္တိံ ဥပ္ပာဒေတိ၊ မာနံ ဇပ္ပေတိ၊ ဒိဋ္ဌိံ ဂဏှာတိ။ ပီတိသဟဂတံ သီလံ… သုတံ… စာဂံ… ပညံ… ရာဂံ… မောဟံ… မာနံ… ဒိဋ္ဌိံ… ပတ္ထနံ ဥပနိဿာယ သုခသဟဂတေန စိတ္တေန ဒါနံ ဒေတိ…ပေ… သမာပတ္တိံ ဥပ္ပာဒေတိ။ သုခသဟဂတေန စိတ္တေန အဒိန္နံ အာဒိယတိ…ပေ… နိဂမဃာတံ ကရောတိ။ ပီတိသဟဂတာ သဒ္ဓါ…ပေ… ပတ္ထနာ သုခသဟဂတာယ သဒ္ဓါယ…ပေ… ပတ္ထနာယ သုခသဟဂတဿ ကာယဝိညာဏဿ ဥပနိဿယပစ္စယေန ပစ္စယော။ (၂)

ပီတိသဟဂတော ¶ ဓမ္မော ဥပေက္ခာသဟဂတဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ပီတိသဟဂတံ သဒ္ဓံ ဥပနိဿာယ ဥပေက္ခာသဟဂတေန စိတ္တေန ဒါနံ ဒေတိ…ပေ… အဘိညံ ဥပ္ပာဒေတိ၊ သမာပတ္တိံ ဥပ္ပာဒေတိ၊ မာနံ ဇပ္ပေတိ၊ ဒိဋ္ဌိံ ဂဏှာတိ။ ပီတိသဟဂတံ သီလံ…ပေ… ပတ္ထနံ ဥပနိဿာယ ဥပေက္ခာသဟဂတေန စိတ္တေန ဒါနံ ဒေတိ…ပေ… နိဂမဃာတံ ကရောတိ။ ပီတိသဟဂတာ သဒ္ဓါ…ပေ… ပတ္ထနာ ဥပေက္ခာသဟဂတာယ သဒ္ဓါယ…ပေ… ပတ္ထနာယ ဥပနိဿယပစ္စယေန ပစ္စယော။ (၃)

ပီတိသဟဂတော ¶ ဓမ္မော ပီတိသဟဂတဿ စ သုခသဟဂတဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ပီတိသဟဂတံ သဒ္ဓံ ဥပနိဿာယ ပီတိသဟဂတေန စ သုခသဟဂတေန စ စိတ္တေန ဒါနံ ဒေတိ…ပေ… ဒိဋ္ဌိံ ဂဏှာတိ။ ပီတိသဟဂတံ သီလံ…ပေ… ပတ္ထနံ ဥပနိဿာယ ပီတိသဟဂတေန စ သုခသဟဂတေန စ စိတ္တေန ဒါနံ ဒေတိ…ပေ… နိဂမဃာတံ ကရောတိ။ ပီတိသဟဂတာ ¶ သဒ္ဓါ…ပေ… ပတ္ထနာ ပီတိသဟဂတာယ စ သုခသဟဂတာယ စ သဒ္ဓါယ…ပေ… ပတ္ထနာယ ဥပနိဿယပစ္စယေန ပစ္စယော။ (၄)

၃၄။ သုခသဟဂတော ဓမ္မော သုခသဟဂတဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – သုခသဟဂတံ သဒ္ဓံ ဥပနိဿာယ သုခသဟဂတေန စိတ္တေန ဒါနံ ဒေတိ…ပေ… ဒိဋ္ဌိံ ဂဏှာတိ။ သုခသဟဂတံ သီလံ…ပေ… ပတ္ထနံ သုခသဟဂတံ ¶ ကာယဝိညာဏံ ဥပနိဿာယ သုခသဟဂတေန စိတ္တေန ဒါနံ ဒေတိ…ပေ… နိဂမဃာတံ ကရောတိ။ သုခသဟဂတာ သဒ္ဓါ…ပေ… ပတ္ထနာ သုခသဟဂတံ ကာယဝိညာဏံ သုခသဟဂတာယ သဒ္ဓါယ…ပေ… ပတ္ထနာယ သုခသဟဂတဿ ကာယဝိညာဏဿ ဥပနိဿယပစ္စယေန ပစ္စယော။ (၁)

သုခသဟဂတော ဓမ္မော ပီတိသဟဂတဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – သုခသဟဂတံ သဒ္ဓံ ဥပနိဿာယ ပီတိသဟဂတေန စိတ္တေန ဒါနံ ဒေတိ…ပေ… ဒိဋ္ဌိံ ဂဏှာတိ။ သုခသဟဂတံ သီလံ…ပေ… ပတ္ထနံ သုခသဟဂတံ ကာယဝိညာဏံ ဥပနိဿာယ ပီတိသဟဂတေန စိတ္တေန ဒါနံ ဒေတိ…ပေ… နိဂမဃာတံ ကရောတိ။ သုခသဟဂတာ သဒ္ဓါ…ပေ… ပတ္ထနာ သုခသဟဂတံ ကာယဝိညာဏံ ပီတိသဟဂတာယ သဒ္ဓါယ…ပေ… ပတ္ထနာယ ဥပနိဿယပစ္စယေန ပစ္စယော။ (၂)

သုခသဟဂတော ဓမ္မော ဥပေက္ခာသဟဂတဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – သုခသဟဂတံ သဒ္ဓံ ဥပနိဿာယ ဥပေက္ခာသဟဂတေန စိတ္တေန ဒါနံ ဒေတိ…ပေ… အဘိညံ ဥပ္ပာဒေတိ…ပေ… ဒိဋ္ဌိံ ဂဏှာတိ။ သုခသဟဂတံ သီလံ…ပေ… ပတ္ထနံ သုခသဟဂတံ ကာယဝိညာဏံ ဥပနိဿာယ ဥပေက္ခာသဟဂတေန စိတ္တေန ဒါနံ ဒေတိ…ပေ… နိဂမဃာတံ ကရောတိ။ သုခသဟဂတာ သဒ္ဓါ…ပေ… ပတ္ထနာ သုခသဟဂတံ ကာယဝိညာဏံ ဥပေက္ခာသဟဂတာယ သဒ္ဓါယ…ပေ… ပတ္ထနာယ ဥပနိဿယပစ္စယေန ပစ္စယော။ (၃)

သုခသဟဂတော ¶ ဓမ္မော ပီတိသဟဂတဿ စ သုခသဟဂတဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော ¶ …ပေ…။ ပကတူပနိဿယော – သုခသဟဂတံ သဒ္ဓံ ဥပနိဿာယ ပီတိသဟဂတေန စ သုခသဟဂတေန စ စိတ္တေန ဒါနံ ဒေတိ…ပေ… ဒိဋ္ဌိံ ဂဏှာတိ။ သုခသဟဂတံ သီလံ…ပေ… ပတ္ထနံ သုခသဟဂတံ ကာယဝိညာဏံ ¶ ဥပနိဿာယ ပီတိသဟဂတေန စ သုခသဟဂတေန စ စိတ္တေန ဒါနံ ဒေတိ…ပေ… နိဂမဃာတံ ကရောတိ။ သုခသဟဂတာ သဒ္ဓါ…ပေ… ပတ္ထနာ သုခသဟဂတံ ကာယဝိညာဏံ ပီတိသဟဂတာယ စ သုခသဟဂတာယ စ သဒ္ဓါယ…ပေ… ပတ္ထနာယ ဥပနိဿယပစ္စယေန ပစ္စယော။ (၄)

၃၅။ ဥပေက္ခာသဟဂတော ဓမ္မော ဥပေက္ခာသဟဂတဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ဥပေက္ခာသဟဂတံ သဒ္ဓံ ဥပနိဿာယ ဥပေက္ခာသဟဂတေန စိတ္တေန ဒါနံ ဒေတိ…ပေ… အဘိညံ ဥပ္ပာဒေတိ…ပေ… ဒိဋ္ဌိံ ဂဏှာတိ။ ဥပေက္ခာသဟဂတံ သီလံ…ပေ… ပတ္ထနံ ဥပနိဿာယ ဥပေက္ခာသဟဂတေန စိတ္တေန ဒါနံ ဒေတိ…ပေ… နိဂမဃာတံ ကရောတိ။ ဥပေက္ခာသဟဂတာ သဒ္ဓါ…ပေ… ပတ္ထနာ ဥပေက္ခာသဟဂတာယ သဒ္ဓါယ…ပေ… ပတ္ထနာယ ဥပနိဿယပစ္စယေန ပစ္စယော။ (၁)

ဥပေက္ခာသဟဂတော ဓမ္မော ပီတိသဟဂတဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ဥပေက္ခာသဟဂတံ သဒ္ဓံ ဥပနိဿာယ ပီတိသဟဂတေန ¶ စိတ္တေန ဒါနံ ဒေတိ…ပေ… ဒိဋ္ဌိံ ဂဏှာတိ။ ဥပေက္ခာသဟဂတံ သီလံ…ပေ… ပတ္ထနံ ဥပနိဿာယ ပီတိသဟဂတေန စိတ္တေန ဒါနံ ဒေတိ…ပေ… နိဂမဃာတံ ကရောတိ။ ဥပေက္ခာသဟဂတာ သဒ္ဓါ…ပေ… ပတ္ထနာ ပီတိသဟဂတာယ သဒ္ဓါယ…ပေ… ပတ္ထနာယ ဥပနိဿယပစ္စယေန ပစ္စယော။ (၂)

ဥပေက္ခာသဟဂတော ¶ ဓမ္မော သုခသဟဂတဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ဥပေက္ခာသဟဂတံ သဒ္ဓံ ဥပနိဿာယ သုခသဟဂတေန စိတ္တေန ဒါနံ ဒေတိ…ပေ… ဒိဋ္ဌိံ ဂဏှာတိ။ ဥပေက္ခာသဟဂတံ သီလံ…ပေ… ပတ္ထနံ ဥပနိဿာယ သုခသဟဂတေန စိတ္တေန ဒါနံ ဒေတိ…ပေ… နိဂမဃာတံ ကရောတိ။ ဥပေက္ခာသဟဂတာ သဒ္ဓါ…ပေ… ပတ္ထနာ သုခသဟဂတာယ သဒ္ဓါယ…ပေ… ပတ္ထနာယ သုခသဟဂတဿ ကာယဝိညာဏဿ ဥပနိဿယပစ္စယေန ပစ္စယော။ (၃)

ဥပေက္ခာသဟဂတော ¶ ဓမ္မော ပီတိသဟဂတဿ စ သုခသဟဂတဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ဥပေက္ခာသဟဂတံ သဒ္ဓံ ဥပနိဿာယ ပီတိသဟဂတေန စ သုခသဟဂတေန စ စိတ္တေန ဒါနံ ဒေတိ…ပေ… ဒိဋ္ဌိံ ဂဏှာတိ။ ဥပေက္ခာသဟဂတံ သီလံ…ပေ… ပတ္ထနံ ဥပနိဿာယ ပီတိသဟဂတေန စ သုခသဟဂတေန စ စိတ္တေန ဒါနံ ဒေတိ…ပေ… နိဂမဃာတံ ကရောတိ။ ဥပေက္ခာသဟဂတာ သဒ္ဓါ…ပေ… ပတ္ထနာ ပီတိသဟဂတာယ စ သုခသဟဂတာယ စ သဒ္ဓါယ…ပေ… ပတ္ထနာယ ဥပနိဿယပစ္စယေန ပစ္စယော။ (၄)

၃၆။ ပီတိသဟဂတော စ သုခသဟဂတော စ ဓမ္မာ ပီတိသဟဂတဿ ဓမ္မဿ ¶ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ပီတိသဟဂတဉ္စ သုခသဟဂတဉ္စ သဒ္ဓံ ဥပနိဿာယ ပီတိသဟဂတေန စိတ္တေန ဒါနံ ဒေတိ…ပေ… ဒိဋ္ဌိံ ဂဏှာတိ။ ပီတိသဟဂတဉ္စ သုခသဟဂတဉ္စ သီလံ…ပေ… ပတ္ထနံ ဥပနိဿာယ ပီတိသဟဂတေန စိတ္တေန ဒါနံ ဒေတိ…ပေ… နိဂမဃာတံ ကရောတိ။ ပီတိသဟဂတာ စ သုခသဟဂတာ စ သဒ္ဓါ…ပေ… ပတ္ထနာ ပီတိသဟဂတာယ သဒ္ဓါယ…ပေ… ပတ္ထနာယ ဥပနိဿယပစ္စယေန ပစ္စယော။ (၁)

ပီတိသဟဂတော စ သုခသဟဂတော စ ဓမ္မာ သုခသဟဂတဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ပီတိသဟဂတဉ္စ သုခသဟဂတဉ္စ သဒ္ဓံ ဥပနိဿာယ သုခသဟဂတေန စိတ္တေန ဒါနံ ဒေတိ…ပေ… ဒိဋ္ဌိံ ဂဏှာတိ။ ပီတိသဟဂတဉ္စ သုခသဟဂတဉ္စ သီလံ…ပေ… ပတ္ထနံ ဥပနိဿာယ သုခသဟဂတေန စိတ္တေန ဒါနံ ဒေတိ…ပေ… နိဂမဃာတံ ကရောတိ။ ပီတိသဟဂတာ စ သုခသဟဂတာ ¶ စ သဒ္ဓါ…ပေ… ပတ္ထနာ သုခသဟဂတာယ သဒ္ဓါယ…ပေ… ပတ္ထနာယ သုခသဟဂတဿ ကာယဝိညာဏဿ ဥပနိဿယပစ္စယေန ပစ္စယော။ (၂)

ပီတိသဟဂတော စ သုခသဟဂတော စ ဓမ္မာ ဥပေက္ခာသဟဂတဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ပီတိသဟဂတဉ္စ သုခသဟဂတဉ္စ သဒ္ဓံ ဥပနိဿာယ ဥပေက္ခာသဟဂတေန စိတ္တေန ဒါနံ ဒေတိ ¶ …ပေ… အဘိညံ ဥပ္ပာဒေတိ…ပေ… ဒိဋ္ဌိံ ဂဏှာတိ။ ပီတိသဟဂတဉ္စ သုခသဟဂတဉ္စ သီလံ…ပေ… ¶ ပတ္ထနံ ဥပနိဿာယ ဥပေက္ခာသဟဂတေန စိတ္တေန ဒါနံ ဒေတိ…ပေ… နိဂမဃာတံ ကရောတိ။ ပီတိသဟဂတာ စ သုခသဟဂတာ စ သဒ္ဓါ…ပေ… ပတ္ထနာ ဥပေက္ခာသဟဂတာယ သဒ္ဓါယ…ပေ… ပတ္ထနာယ ဥပနိဿယပစ္စယေန ပစ္စယော။ (၃)

ပီတိသဟဂတော စ သုခသဟဂတော စ ဓမ္မာ ပီတိသဟဂတဿ စ သုခသဟဂတဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ပီတိသဟဂတဉ္စ သုခသဟဂတဉ္စ သဒ္ဓံ ဥပနိဿာယ ပီတိသဟဂတေန စ သုခသဟဂတေန စ စိတ္တေန ဒါနံ ဒေတိ၊ သီလံ သမာဒိယတိ၊ ဥပေါသထကမ္မံ ကရောတိ။ ပီတိသဟဂတဉ္စ သုခသဟဂတဉ္စ ဈာနံ ဥပ္ပာဒေတိ၊ ဝိပဿနံ ဥပ္ပာဒေတိ၊ မဂ္ဂံ ဥပ္ပာဒေတိ၊ သမာပတ္တိံ ဥပ္ပာဒေတိ၊ မာနံ ဇပ္ပေတိ၊ ဒိဋ္ဌိံ ဂဏှာတိ။ ပီတိသဟဂတဉ္စ သုခသဟဂတဉ္စ သီလံ… သုတံ… စာဂံ… ပညံ… ရာဂံ… မောဟံ… မာနံ… ဒိဋ္ဌိံ… ပတ္ထနံ ဥပနိဿာယ ပီတိသဟဂတေန စ သုခသဟဂတေန စ စိတ္တေန ဒါနံ ဒေတိ၊ သီလံ သမာဒိယတိ၊ ဥပေါသထကမ္မံ ကရောတိ။ ပီတိသဟဂတဉ္စ သုခသဟဂတဉ္စ ဈာနံ ဥပ္ပာဒေတိ…ပေ… သမာပတ္တိံ ဥပ္ပာဒေတိ။ ပီတိသဟဂတေန စ သုခသဟဂတေန စ စိတ္တေန အဒိန္နံ အာဒိယတိ၊ မုသာ ဘဏတိ၊ ပိသုဏံ ဘဏတိ၊ သမ္ဖံ ပလပတိ၊ သန္ဓိံ ဆိန္ဒတိ၊ နိလ္လောပံ ဟရတိ၊ ဧကာဂါရိကံ ကရောတိ၊ ပရိပန္ထေ တိဋ္ဌတိ၊ ပရဒါရံ ဂစ္ဆတိ၊ ဂါမဃာတံ ကရောတိ၊ နိဂမဃာတံ ကရောတိ။ ပီတိသဟဂတာ စ သုခသဟဂတာ စ သဒ္ဓါ…ပေ… ပတ္ထနာ ပီတိသဟဂတာယ စ သုခသဟဂတာယ စ သဒ္ဓါယ…ပေ… ပတ္ထနာယ ဥပနိဿယပစ္စယေန ပစ္စယော။ (၄)

အာသေဝနပစ္စယော

၃၇။ ပီတိသဟဂတော ¶ ဓမ္မော ပီတိသဟဂတဿ ဓမ္မဿ အာသေဝနပစ္စယေန ¶ ပစ္စယော – ပုရိမာ ပုရိမာ ပီတိသဟဂတာ ခန္ဓာ ပစ္ဆိမာနံ ပစ္ဆိမာနံ ပီတိသဟဂတာနံ ခန္ဓာနံ အာသေဝနပစ္စယေန ပစ္စယော။ ပီတိသဟဂတံ အနုလောမံ ပီတိသဟဂတဿ ဂေါတြဘုဿ… အနုလောမံ ဝေါဒါနဿ… ဂေါတြဘု မဂ္ဂဿ… ဝေါဒါနံ မဂ္ဂဿ အာသေဝနပစ္စယေန ပစ္စယော။ (၁)

ပီတိသဟဂတော ဓမ္မော သုခသဟဂတဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ ပီတိသဟဂတာ ခန္ဓာ ပစ္ဆိမာနံ ပစ္ဆိမာနံ သုခသဟဂတာနံ ¶ ခန္ဓာနံ အာသေဝနပစ္စယေန ပစ္စယော။ ပီတိသဟဂတံ အနုလောမံ သုခသဟဂတဿ ဂေါတြဘုဿ အာသေဝနပစ္စယေန ပစ္စယော။ ပီတိသဟဂတံ အနုလောမံ သုခသဟဂတဿ ဝေါဒါနဿ အာသေဝနပစ္စယေန ပစ္စယော။ ပီတိသဟဂတံ ဂေါတြဘု သုခသဟဂတဿ မဂ္ဂဿ… ပီတိသဟဂတံ ဝေါဒါနံ သုခသဟဂတဿ မဂ္ဂဿ အာသေဝနပစ္စယေန ပစ္စယော။ (၂)

ပီတိသဟဂတော ဓမ္မော ပီတိသဟဂတဿ စ သုခသဟဂတဿ စ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ ပီတိသဟဂတာ ခန္ဓာ ပစ္ဆိမာနံ ပစ္ဆိမာနံ ပီတိသဟဂတာနဉ္စ သုခသဟဂတာနဉ္စ အာသေဝနပစ္စယေန ပစ္စယော…ပေ… ပီတိသဟဂတံ ဝေါဒါနံ ပီတိသဟဂတဿ စ သုခသဟဂတဿ စ မဂ္ဂဿ အာသေဝနပစ္စယေန ပစ္စယော။ (၃)

၃၈။ သုခသဟဂတော ဓမ္မော သုခသဟဂတဿ ဓမ္မဿ…ပေ… ပီတိသဟဂတဿ ဓမ္မဿ…ပေ… ပီတိသဟဂတဿ စ သုခသဟဂတဿ စ ဓမ္မဿ အာသေဝနပစ္စယေန ပစ္စယော (သံခိတ္တံ။ ပီတိနယံ ပဿိတွာ ကာတဗ္ဗံ)။

ဥပေက္ခာသဟဂတော ဓမ္မော ဥပေက္ခာသဟဂတဿ ဓမ္မဿ အာသေဝနပစ္စယေန ¶ ပစ္စယော – ပုရိမာ ပုရိမာ ဥပေက္ခာသဟဂတာ ခန္ဓာ ပစ္ဆိမာနံ ပစ္ဆိမာနံ ဥပေက္ခာသဟဂတာနံ ခန္ဓာနံ…ပေ… ဥပေက္ခာသဟဂတံ ဝေါဒါနံ ဥပေက္ခာသဟဂတဿ မဂ္ဂဿ အာသေဝနပစ္စယေန ပစ္စယော။ (၁)

၃၉။ ပီတိသဟဂတော စ သုခသဟဂတော စ ဓမ္မာ ပီတိသဟဂတဿ ဓမ္မဿ…ပေ… သုခသဟဂတဿ ¶ ဓမ္မဿ…ပေ… ပီတိသဟဂတဿ စ သုခသဟဂတဿ စ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ ပီတိသဟဂတာ စ သုခသဟဂတာ စ ခန္ဓာ ပစ္ဆိမာနံ ပစ္ဆိမာနံ ပီတိသဟဂတာနဉ္စ သုခသဟဂတာနဉ္စ ခန္ဓာနံ အာသေဝနပစ္စယေန ပစ္စယော…ပေ… ပီတိသဟဂတဉ္စ သုခသဟဂတဉ္စ ဝေါဒါနံ ပီတိသဟဂတဿ စ သုခသဟဂတဿ စ မဂ္ဂဿ အာသေဝနပစ္စယေန ပစ္စယော။ (၃)

ကမ္မပစ္စယော

၄၀။ ပီတိသဟဂတော ဓမ္မော ပီတိသဟဂတဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ [နာနာခဏိကာ (သျာ။ က။)]။ သဟဇာတာ – ပီတိသဟဂတာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော။ ပဋိသန္ဓိက္ခဏေ ပီတိသဟဂတာ ¶ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော။ နာနာက္ခဏိကာ – ပီတိသဟဂတာ စေတနာ ဝိပါကာနံ ပီတိသဟဂတာနံ ခန္ဓာနံ ကမ္မပစ္စယေန ပစ္စယော။ (၁)

ပီတိသဟဂတော ဓမ္မော သုခသဟဂတဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – ပီတိသဟဂတာ စေတနာ သမ္ပယုတ္တကာနံ သုခသဟဂတာနံ ခန္ဓာနံ ကမ္မပစ္စယေန ပစ္စယော။ ပဋိသန္ဓိက္ခဏေ ပီတိသဟဂတာ စေတနာ သမ္ပယုတ္တကာနံ သုခသဟဂတာနံ ခန္ဓာနံ ကမ္မပစ္စယေန ¶ ပစ္စယော။ နာနာက္ခဏိကာ – ပီတိသဟဂတာ စေတနာ ဝိပါကာနံ သုခသဟဂတာနံ ခန္ဓာနံ ကမ္မပစ္စယေန ပစ္စယော။ (၂)

ပီတိသဟဂတော ဓမ္မော ဥပေက္ခာသဟဂတဿ ဓမ္မဿ ကမ္မပစ္စယေန ပစ္စယော။ နာနာက္ခဏိကာ – ပီတိသဟဂတာ စေတနာ ဝိပါကာနံ ဥပေက္ခာသဟဂတာနံ ခန္ဓာနံ ကမ္မပစ္စယေန ပစ္စယော။ (၃)

ပီတိသဟဂတော ဓမ္မော ပီတိသဟဂတဿ စ သုခသဟဂတဿ စ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – ပီတိသဟဂတာ စေတနာ သမ္ပယုတ္တကာနံ ပီတိသဟဂတာနဉ္စ သုခသဟဂတာနဉ္စ ခန္ဓာနံ ကမ္မပစ္စယေန ပစ္စယော။ ပဋိသန္ဓိက္ခဏေ ¶ …ပေ…။ နာနာက္ခဏိကာ – ပီတိသဟဂတာ စေတနာ ဝိပါကာနံ ပီတိသဟဂတာနဉ္စ သုခသဟဂတာနဉ္စ ခန္ဓာနံ ကမ္မပစ္စယေန ပစ္စယော။ (၄)

၄၁။ သုခသဟဂတော ဓမ္မော သုခသဟဂတဿ ဓမ္မဿ (စတ္တာရိပိ ဂဏနာနိ ပဿိတွာ ကာတဗ္ဗာနိ)။

၄၂။ ဥပေက္ခာသဟဂတော ဓမ္မော ဥပေက္ခာသဟဂတဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ…ပေ…။

ဥပေက္ခာသဟဂတော ဓမ္မော ပီတိသဟဂတဿ ဓမ္မဿ ကမ္မပစ္စယေန ပစ္စယော။ နာနာက္ခဏိကာ – ဥပေက္ခာသဟဂတာ စေတနာ…ပေ…။

ဥပေက္ခာသဟဂတော ဓမ္မော သုခသဟဂတဿ ဓမ္မဿ ကမ္မပစ္စယေန ပစ္စယော။ နာနာက္ခဏိကာ – ဥပေက္ခာသဟဂတာ စေတနာ…ပေ…။

ဥပေက္ခာသဟဂတော ¶ ဓမ္မော ပီတိသဟဂတဿ စ သုခသဟဂတဿ စ ဓမ္မဿ ကမ္မပစ္စယေန ပစ္စယော။ နာနာက္ခဏိကာ – ဥပေက္ခာသဟဂတာ စေတနာ…ပေ…။ (၄)

ပီတိသဟဂတော စ သုခသဟဂတော စ ဓမ္မာ ပီတိသဟဂတဿ ဓမ္မဿ (စတ္တာရိ ¶ ကာတဗ္ဗာနိ၊ ပီတိသဟဂတံ အနုမဇ္ဇန္တေန ဝိဘဇိတဗ္ဗံ)။ (၄)

ဝိပါကပစ္စယော

၄၃။ ပီတိသဟဂတော ဓမ္မော ပီတိသဟဂတဿ ဓမ္မဿ ဝိပါကပစ္စယေန ပစ္စယော – ပီတိသဟဂတော ဝိပါကော ဧကော ခန္ဓော တိဏ္ဏန္နံ ခန္ဓာနံ ဝိပါကပစ္စယေန ပစ္စယော…ပေ… ဒွေ ခန္ဓာ ဒွိန္နံ ခန္ဓာနံ…ပေ… ပဋိသန္ဓိက္ခဏေ ပီတိသဟဂတော ဧကော ခန္ဓော တိဏ္ဏန္နံ ခန္ဓာနံ…ပေ… ဒွေ ခန္ဓာ ဒွိန္နံ ခန္ဓာနံ…ပေ…။

(ယထာ ¶ ပဋိစ္စဝါရေ ဟေတုပစ္စယေ ဧဝံ ဝိတ္ထာရေတဗ္ဗာ ဒသ ပဉှာ။)

အာဟာရပစ္စယာဒိ

၄၄။ ပီတိသဟဂတော ဓမ္မော ပီတိသဟဂတဿ ဓမ္မဿ အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော… ဈာနပစ္စယေန ပစ္စယော… မဂ္ဂပစ္စယေန ပစ္စယော… သမ္ပယုတ္တပစ္စယေန ပစ္စယော… အတ္ထိပစ္စယေန ပစ္စယော… (ဒသ ပဉှာ ဝိတ္ထာရေတဗ္ဗာ) နတ္ထိပစ္စယေန ပစ္စယော… ဝိဂတပစ္စယေန ပစ္စယော… (နတ္ထိပိ ဝိဂတမ္ပိ အနန္တရသဒိသံ) အဝိဂတပစ္စယေန ပစ္စယော။

၁။ ပစ္စယာနုလောမံ

၂။ သင်္ချာဝါရော

သုဒ္ဓံ

၄၅။ ဟေတုယာ ဒသ၊ အာရမ္မဏေ သောဠသ၊ အဓိပတိယာ သောဠသ၊ အနန္တရေ သောဠသ၊ သမနန္တရေ သောဠသ၊ သဟဇာတေ ဒသ၊ အညမညေ ဒသ၊ နိဿယေ ဒသ၊ ဥပနိဿယေ သောဠသ၊ အာသေဝနေ ဒသ၊ ကမ္မေ သောဠသ၊ ဝိပါကေ ဒသ၊ အာဟာရေ ဣန္ဒြိယေ ဈာနေ မဂ္ဂေ သမ္ပယုတ္တေ အတ္ထိယာ ဒသ၊ နတ္ထိယာ သောဠသ၊ ဝိဂတေ သောဠသ၊ အဝိဂတေ ဒသ။

(ကုသလတ္တိကံ အနုလောမံ အနုမဇ္ဇန္တေန ဂဏေတဗ္ဗံ။)

အနုလောမံ။

ပစ္စနီယုဒ္ဓါရော

၄၆။ ပီတိသဟဂတော ¶ ¶ ¶ ဓမ္မော ပီတိသဟဂတဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၁)

ပီတိသဟဂတော ဓမ္မော သုခသဟဂတဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၂)

ပီတိသဟဂတော ဓမ္မော ဥပေက္ခာသဟဂတဿ ဓမ္မဿ အာရမ္မဏပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၃)

ပီတိသဟဂတော ဓမ္မော ပီတိသဟဂတဿ စ သုခသဟဂတဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၄)

၄၇။ သုခသဟဂတော ဓမ္မော သုခသဟဂတဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၁)

သုခသဟဂတော ဓမ္မော ပီတိသဟဂတဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၂)

သုခသဟဂတော ဓမ္မော ဥပေက္ခာသဟဂတဿ ဓမ္မဿ အာရမ္မဏပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၃)

သုခသဟဂတော ¶ ဓမ္မော ပီတိသဟဂတဿ စ သုခသဟဂတဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၄)

၄၈။ ဥပေက္ခာသဟဂတော ¶ ဓမ္မော ဥပေက္ခာသဟဂတဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၁)

ဥပေက္ခာသဟဂတော ဓမ္မော ပီတိသဟဂတဿ ဓမ္မဿ အာရမ္မဏပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၂)

ဥပေက္ခာသဟဂတော ¶ ဓမ္မော သုခသဟဂတဿ ဓမ္မဿ အာရမ္မဏပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၃)

ဥပေက္ခာသဟဂတော ဓမ္မော ပီတိသဟဂတဿ စ သုခသဟဂတဿ စ ဓမ္မဿ အာရမ္မဏပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၄)

၄၉။ ပီတိသဟဂတော စ သုခသဟဂတော စ ဓမ္မာ ပီတိသဟဂတဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၁)

ပီတိသဟဂတော စ သုခသဟဂတော စ ဓမ္မာ သုခသဟဂတဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ¶ ပစ္စယော… ကမ္မပစ္စယေန ပစ္စယော။ (၂)

ပီတိသဟဂတော စ သုခသဟဂတော စ ဓမ္မာ ဥပေက္ခာသဟဂတဿ ဓမ္မဿ အာရမ္မဏပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၃)

ပီတိသဟဂတော စ သုခသဟဂတော စ ဓမ္မာ ပီတိသဟဂတဿ စ သုခသဟဂတဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၄)

၂။ ပစ္စယပစ္စနီယံ

၂။ သင်္ချာဝါရော

သုဒ္ဓံ

၅၀။ နဟေတုယာ ¶ သောဠသ၊ နအာရမ္မဏေ နအဓိပတိယာ နအနန္တရေ နသမနန္တရေ နသဟဇာတေ နအညမညေ နနိဿယေ နဥပနိဿယေ နပုရေဇာတေ နပစ္ဆာဇာတေ နအာသေဝနေ နကမ္မေ နဝိပါကေ နအာဟာရေ နဣန္ဒြိယေ နဈာနေ နမဂ္ဂေ နသမ္ပယုတ္တေ နဝိပ္ပယုတ္တေ နောအတ္ထိယာ နောနတ္ထိယာ နောဝိဂတေ နောအဝိဂတေ သဗ္ဗတ္ထ သောဠသ။

(ပစ္စနီယံ အနုမဇ္ဇန္တေန ဂဏေတဗ္ဗံ။)

ပစ္စနီယံ။

၃။ ပစ္စယာနုလောမပစ္စနီယံ

ဒုကံ

၅၁။ ဟေတုပစ္စယာ ¶ နအာရမ္မဏေ ဒသ၊ နအဓိပတိယာ ဒသ၊ နအနန္တရေ နသမနန္တရေ နဥပနိဿယေ နပုရေဇာတေ နပစ္ဆာဇာတေ နအာသေဝနေ နကမ္မေ နဝိပါကေ နအာဟာရေ နဣန္ဒြိယေ နဈာနေ နမဂ္ဂေ နဝိပ္ပယုတ္တေ နောနတ္ထိယာ နောဝိဂတေ သဗ္ဗတ္ထ ဒသ။

(အနုလောမပစ္စနီယံ အနုမဇ္ဇန္တေန ဂဏေတဗ္ဗံ။)

အနုလောမပစ္စနီယံ။

၄။ ပစ္စယပစ္စနီယာနုလောမံ

ဒုကံ

၅၂။ နဟေတုပစ္စယာ ¶ ¶ အာရမ္မဏေ သောဠသ၊ အဓိပတိယာ အနန္တရေ သမနန္တရေ သောဠသ၊ သဟဇာတေ ဒသ၊ အညမညေ ဒသ၊ နိဿယေ ဒသ၊ ဥပနိဿယေ သောဠသ၊ အာသေဝနေ ဒသ၊ ကမ္မေ သောဠသ၊ ဝိပါကေ ဒသ၊ အာဟာရေ ဒသ၊ ဣန္ဒြိယေ ဒသ၊ ဈာနေ ဒသ၊ မဂ္ဂေ ဒသ၊ သမ္ပယုတ္တေ ဒသ၊ အတ္ထိယာ ဒသ၊ နတ္ထိယာ သောဠသ၊ ဝိဂတေ သောဠသ၊ အဝိဂတေ ဒသ။

(ပစ္စနီယာနုလောမံ အနုမဇ္ဇန္တေန ဂဏေတဗ္ဗံ။)

ပစ္စနီယာနုလောမံ။

ပီတိတ္တိကံ နိဋ္ဌိတံ။

၈။ ဒဿနေနပဟာတဗ္ဗတ္တိကံ

၁။ ပဋိစ္စဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၁။ ဒဿနေန ¶ ¶ ¶ ပဟာတဗ္ဗံ ဓမ္မံ ပဋိစ္စ ဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ – ဒဿနေန ပဟာတဗ္ဗံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ (၁)

ဒဿနေန ပဟာတဗ္ဗံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ – ဒဿနေန ပဟာတဗ္ဗေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)

ဒဿနေန ပဟာတဗ္ဗံ ဓမ္မံ ပဋိစ္စ ဒဿနေန ပဟာတဗ္ဗော စ နေဝဒဿနေန နဘာဝနာယ ပဟာတဗ္ဗော စ ဓမ္မာ ဥပ္ပဇ္ဇန္တိ ဟေတုပစ္စယာ – ဒဿနေန ပဟာတဗ္ဗံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ။ (၃)

၂။ ဘာဝနာယ ပဟာတဗ္ဗံ ဓမ္မံ ပဋိစ္စ ဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ ¶ – ဘာဝနာယ ပဟာတဗ္ဗံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ (၁)

ဘာဝနာယ ပဟာတဗ္ဗံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ – ဘာဝနာယ ပဟာတဗ္ဗေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)

ဘာဝနာယ ပဟာတဗ္ဗံ ဓမ္မံ ပဋိစ္စ ဘာဝနာယ ပဟာတဗ္ဗော စ နေဝဒဿနေန နဘာဝနာယ ပဟာတဗ္ဗော စ ဓမ္မာ ဥပ္ပဇ္ဇန္တိ ¶ ဟေတုပစ္စယာ – ဘာဝနာယ ပဟာတဗ္ဗံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ။ (၃)

၃။ နေဝဒဿနေန နဘာဝနာယ ပဟာတဗ္ဗံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ – နေဝဒဿနေန နဘာဝနာယ ပဟာတဗ္ဗံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ¶ ခန္ဓေ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ။ ပဋိသန္ဓိက္ခဏေ နေဝဒဿနေန နဘာဝနာယ ပဟာတဗ္ဗံ ဧကံ ခန္ဓံ ပဋိစ္စ တယော ခန္ဓာ ကဋတ္တာ စ ရူပံ…ပေ… ဒွေ ခန္ဓေ ပဋိစ္စ ဒွေ ခန္ဓာ ကဋတ္တာ စ ရူပံ၊ ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ၊ ဧကံ မဟာဘူတံ ပဋိစ္စ တယော မဟာဘူတာ…ပေ… ဒွေ မဟာဘူတေ ပဋိစ္စ ဒွေ မဟာဘူတာ၊ မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)

၄။ ဒဿနေန ပဟာတဗ္ဗဉ္စ နေဝဒဿနေန နဘာဝနာယ ပဟာတဗ္ဗဉ္စ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ – ဒဿနေန ပဟာတဗ္ဗေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)

ဘာဝနာယ ပဟာတဗ္ဗဉ္စ နေဝဒဿနေန နဘာဝနာယ ပဟာတဗ္ဗဉ္စ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ – ဘာဝနာယ ပဟာတဗ္ဗေ ခန္ဓေ စ မဟာဘူတေ စ ပဋိစ္စ ¶ စိတ္တသမုဋ္ဌာနံ ရူပံ။ (၁)

အာရမ္မဏပစ္စယော

၅။ ဒဿနေန ¶ ပဟာတဗ္ဗံ ဓမ္မံ ပဋိစ္စ ဒဿနေန ပဟာတဗ္ဗော ဓမ္မော ဥပ္ပဇ္ဇတိ အာရမ္မဏပစ္စယာ – ဒဿနေန ပဟာတဗ္ဗံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ (၁)

ဘာဝနာယ ပဟာတဗ္ဗံ ဓမ္မံ ပဋိစ္စ ဘာဝနာယ ပဟာတဗ္ဗော ဓမ္မော ဥပ္ပဇ္ဇတိ အာရမ္မဏပစ္စယာ – ဘာဝနာယ ပဟာတဗ္ဗံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ (၁)

နေဝဒဿနေန နဘာဝနာယ ပဟာတဗ္ဗံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ အာရမ္မဏပစ္စယာ – နေဝဒဿနေန နဘာဝနာယ ပဟာတဗ္ဗံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ ပဋိသန္ဓိက္ခဏေ နေဝဒဿနေန နဘာဝနာယ ပဟာတဗ္ဗံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ ဝတ္ထုံ ပဋိစ္စ ခန္ဓာ။ (၁)

အဓိပတိပစ္စယော

၆။ ဒဿနေန ပဟာတဗ္ဗံ ဓမ္မံ ပဋိစ္စ ဒဿနေန ပဟာတဗ္ဗော ဓမ္မော ဥပ္ပဇ္ဇတိ အဓိပတိပစ္စယာ… တီဏိ။

ဘာဝနာယ ¶ ပဟာတဗ္ဗံ ဓမ္မံ ပဋိစ္စ ဘာဝနာယ ပဟာတဗ္ဗော ဓမ္မော ဥပ္ပဇ္ဇတိ အဓိပတိပစ္စယာ… တီဏိ။

နေဝဒဿနေန နဘာဝနာယ ပဟာတဗ္ဗံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ အဓိပတိပစ္စယာ – နေဝဒဿနေန နဘာဝနာယ ပဟာတဗ္ဗံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ ¶ ၊ ဧကံ မဟာဘူတံ ပဋိစ္စ တယော မဟာဘူတာ…ပေ… ဒွေ မဟာဘူတေ ပဋိစ္စ ဒွေ မဟာဘူတာ၊ မဟာဘူတေ ပဋိစ္စ စိတ္တသမုဋ္ဌာနံ ရူပံ ဥပါဒါရူပံ။ (၁)

၇။ ဒဿနေန ¶ ပဟာတဗ္ဗဉ္စ နေဝဒဿနေန နဘာဝနာယ ပဟာတဗ္ဗဉ္စ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ အဓိပတိပစ္စယာ – ဒဿနေန ပဟာတဗ္ဗေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)

ဘာဝနာယ ပဟာတဗ္ဗဉ္စ နေဝဒဿနေန နဘာဝနာယ ပဟာတဗ္ဗဉ္စ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ အဓိပတိပစ္စယာ – ဘာဝနာယ ပဟာတဗ္ဗေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)

အနန္တရ-သမနန္တရပစ္စယာ

၈။ ဒဿနေန ပဟာတဗ္ဗံ ဓမ္မံ ပဋိစ္စ ဒဿနေန ပဟာတဗ္ဗော ဓမ္မော ဥပ္ပဇ္ဇတိ အနန္တရပစ္စယာ… သမနန္တရပစ္စယာ (အာရမ္မဏသဒိသံ)။

သဟဇာတပစ္စယော

၉။ ဒဿနေန ပဟာတဗ္ဗံ ဓမ္မံ ပဋိစ္စ ဒဿနေန ပဟာတဗ္ဗော ဓမ္မော ဥပ္ပဇ္ဇတိ သဟဇာတပစ္စယာ… တီဏိ။

ဘာဝနာယ ပဟာတဗ္ဗံ ဓမ္မံ ပဋိစ္စ ဘာဝနာယ ပဟာတဗ္ဗော ဓမ္မော ဥပ္ပဇ္ဇတိ သဟဇာတပစ္စယာ… တီဏိ။

နေဝဒဿနေန နဘာဝနာယ ပဟာတဗ္ဗံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ သဟဇာတပစ္စယာ…ပေ… ဧကံ မဟာဘူတံ ပဋိစ္စ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ ဧကံ မဟာဘူတံ…ပေ…။ (၁)

၁၀။ ဒဿနေန ¶ ပဟာတဗ္ဗဉ္စ နေဝဒဿနေန နဘာဝနာယ ပဟာတဗ္ဗဉ္စ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ သဟဇာတပစ္စယာ – ဒဿနေန ပဟာတဗ္ဗေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။

ဘာဝနာယ ¶ ပဟာတဗ္ဗဉ္စ နေဝဒဿနေန နဘာဝနာယ ¶ ပဟာတဗ္ဗဉ္စ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ သဟဇာတပစ္စယာ – ဘာဝနာယ ပဟာတဗ္ဗေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)

အညမညပစ္စယော

၁၁။ ဒဿနေန ပဟာတဗ္ဗံ ဓမ္မံ ပဋိစ္စ ဒဿနေန ပဟာတဗ္ဗော ဓမ္မော ဥပ္ပဇ္ဇတိ အညမညပစ္စယာ… ဧကံ။

ဘာဝနာယ ပဟာတဗ္ဗံ ဓမ္မံ ပဋိစ္စ ဘာဝနာယ ပဟာတဗ္ဗော ဓမ္မော ဥပ္ပဇ္ဇတိ သဟဇာတပစ္စယာ… ဧကံ။

နေဝဒဿနေန နဘာဝနာယ ပဟာတဗ္ဗံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ အညမညပစ္စယာ – နေဝဒဿနေန နဘာဝနာယ ပဟာတဗ္ဗံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ ပဋိသန္ဓိက္ခဏေ နေဝဒဿနေန နဘာဝနာယ ပဟာတဗ္ဗံ ဧကံ ခန္ဓံ ပဋိစ္စ တယော ခန္ဓာ ဝတ္ထု စ…ပေ… ဒွေ ခန္ဓေ ပဋိစ္စ ဒွေ ခန္ဓာ ဝတ္ထု စ၊ ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ၊ ဧကံ မဟာဘူတံ ပဋိစ္စ တယော မဟာဘူတာ…ပေ… ဒွေ မဟာဘူတေ ပဋိစ္စ ဒွေ မဟာဘူတာ၊ ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ… ဒွေ မဟာဘူတေ ပဋိစ္စ ဒွေ မဟာဘူတာ။

နိဿယပစ္စယာဒိ

၁၂။ ဒဿနေန ပဟာတဗ္ဗံ ဓမ္မံ ပဋိစ္စ ဒဿနေန ပဟာတဗ္ဗော ဓမ္မော ဥပ္ပဇ္ဇတိ နိဿယပစ္စယာ… (ဟေတုပစ္စယသဒိသံ) ဥပနိဿယပစ္စယာ… တီဏိ… ပုရေဇာတပစ္စယာ… တီဏိ (ပဋိသန္ဓိ နတ္ထိ)… အာသေဝနပစ္စယာ… (ဝိပါကပဋိသန္ဓိ နတ္ထိ) ကမ္မပစ္စယာ (ပရိပုဏ္ဏံ။ အဇ္ဈတ္တိကာ စ အသညသတ္တာနဉ္စ မဟာဘူတာ)။

ဝိပါကပစ္စယော

၁၃။ နေဝဒဿနေန ¶ နဘာဝနာယ ပဟာတဗ္ဗံ ဓမ္မံ ပဋိစ္စ နေဝဒဿနေန ¶ နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဝိပါကပစ္စယာ – ဝိပါကံ ဧကံ ခန္ဓံ ပဋိစ္စ ¶ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ၊ ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)

အာဟာရပစ္စယာဒိ

၁၄။ ဒဿနေန ပဟာတဗ္ဗံ ဓမ္မံ ပဋိစ္စ ဒဿနေန ပဟာတဗ္ဗော ဓမ္မော ဥပ္ပဇ္ဇတိ အာဟာရပစ္စယာ (ပရိပုဏ္ဏံ၊ အဇ္ဈတ္တိကာ မဟာဘူတာ စ အာဟာရသမုဋ္ဌာနဉ္စ)… ဣန္ဒြိယပစ္စယာ (ကမ္မပစ္စယသဒိသံ)… ဈာနပစ္စယာ… မဂ္ဂပစ္စယာ (ဟေတုပစ္စယသဒိသံ)… သမ္ပယုတ္တပစ္စယာ (အာရမ္မဏပစ္စယသဒိသံ)… ဝိပ္ပယုတ္တပစ္စယာ (ကုသလတ္တိကေ ဝိပ္ပယုတ္တပစ္စယသဒိသံ)… အတ္ထိပစ္စယာ (သဟဇာတပစ္စယသဒိသံ)… နတ္ထိပစ္စယာ… ဝိဂတပစ္စယာ… အဝိဂတပစ္စယာ။

၁။ ပစ္စယာနုလောမံ

၂။ သင်္ချာဝါရော

သုဒ္ဓံ

၁၅။ ဟေတုယာ နဝ၊ အာရမ္မဏေ တီဏိ၊ အဓိပတိယာ နဝ၊ အနန္တရေ တီဏိ၊ သမနန္တရေ တီဏိ၊ သဟဇာတေ နဝ၊ အညမညေ တီဏိ၊ နိဿယေ နဝ၊ ဥပနိဿယေ တီဏိ၊ ပုရေဇာတေ တီဏိ၊ အာသေဝနေ တီဏိ၊ ကမ္မေ နဝ၊ ဝိပါကေ ဧကံ၊ အာဟာရေ နဝ၊ ဣန္ဒြိယေ နဝ၊ ဈာနေ နဝ၊ မဂ္ဂေ နဝ၊ သမ္ပယုတ္တေ တီဏိ၊ ဝိပ္ပယုတ္တေ နဝ၊ အတ္ထိယာ နဝ၊ နတ္ထိယာ တီဏိ၊ ဝိဂတေ တီဏိ၊ အဝိဂတေ နဝ (ဣမာနိ ပဒါနိ အနုမဇ္ဇန္တေန အနုလောမံ ဂဏေတဗ္ဗံ)။

အနုလောမံ။

၂။ ပစ္စယပစ္စနီယံ

၁။ ဝိဘင်္ဂဝါရော

နဟေတုပစ္စယော

၁၆။ ဒဿနေန ¶ ¶ ပဟာတဗ္ဗံ ဓမ္မံ ပဋိစ္စ ဒဿနေန ပဟာတဗ္ဗော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ခန္ဓေ ပဋိစ္စ ဝိစိကိစ္ဆာသဟဂတော မောဟော။ (၁)

ဘာဝနာယ ¶ ပဟာတဗ္ဗံ ဓမ္မံ ပဋိစ္စ ဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နဟေတုပစ္စယာ – ဥဒ္ဓစ္စသဟဂတေ ခန္ဓေ ပဋိစ္စ ဥဒ္ဓစ္စသဟဂတော မောဟော။ (၁)

နေဝဒဿနေန နဘာဝနာယ ပဟာတဗ္ဗံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နေဝဒဿနေန နဘာဝနာယ ပဟာတဗ္ဗံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ ပဋိစ္စ…ပေ… အဟေတုကပဋိသန္ဓိက္ခဏေ နေဝဒဿနေန နဘာဝနာယ ပဟာတဗ္ဗံ ဧကံ ခန္ဓံ ပဋိစ္စ တယော ခန္ဓာ ကဋတ္တာ စ ရူပံ…ပေ… ဒွေ ခန္ဓေ ပဋိစ္စ ဒွေ ခန္ဓာ…ပေ… ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ၊ ဧကံ မဟာဘူတံ ပဋိစ္စ တယော မဟာဘူတာ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ၊ ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ ဧကံ မဟာဘူတံ ပဋိစ္စ တယော မဟာဘူတာ…ပေ… မဟာဘူတေ ပဋိစ္စ ကဋတ္တာရူပံ ဥပါဒါရူပံ။ (၁)

နအာရမ္မဏပစ္စယော

၁၇။ ဒဿနေန ပဟာတဗ္ဗံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နအာရမ္မဏပစ္စယာ – ဒဿနေန ပဟာတဗ္ဗေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၁)

ဘာဝနာယ ¶ ပဟာတဗ္ဗံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နအာရမ္မဏပစ္စယာ – ဘာဝနာယ ပဟာတဗ္ဗေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၁)

နေဝဒဿနေန ¶ နဘာဝနာယ ပဟာတဗ္ဗံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နအာရမ္မဏပစ္စယာ – နေဝဒဿနေန နဘာဝနာယ ပဟာတဗ္ဗေ ခန္ဓေ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ နေဝဒဿနေန နဘာဝနာယ ပဟာတဗ္ဗေ ခန္ဓေ ပဋိစ္စ ကဋတ္တာရူပံ၊ ခန္ဓေ ပဋိစ္စ ဝတ္ထု၊ ဧကံ မဟာဘူတံ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ ဧကံ မဟာဘူတံ…ပေ…။ (၁)

၁၈။ ဒဿနေန ပဟာတဗ္ဗဉ္စ နေဝဒဿနေန နဘာဝနာယ ပဟာတဗ္ဗဉ္စ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နအာရမ္မဏပစ္စယာ ¶ – ဒဿနေန ပဟာတဗ္ဗေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)

ဘာဝနာယ ပဟာတဗ္ဗဉ္စ နေဝဒဿနေန နဘာဝနာယ ပဟာတဗ္ဗဉ္စ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နအာရမ္မဏပစ္စယာ – ဘာဝနာယ ပဟာတဗ္ဗေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)

နအဓိပတိပစ္စယာဒိ

၁၉။ ဒဿနေန ပဟာတဗ္ဗံ ဓမ္မံ ပဋိစ္စ ဒဿနေန ပဟာတဗ္ဗော ဓမ္မော ဥပ္ပဇ္ဇတိ နအဓိပတိပစ္စယာ… (ပရိပုဏ္ဏံ ဟေတုပစ္စယသဒိသံ) နအနန္တရပစ္စယာ… ¶ နသမနန္တရပစ္စယာ… နအညမညပစ္စယာ… နဥပနိဿယပစ္စယာ။

နပုရေဇာတပစ္စယော

၂၀။ ဒဿနေန ပဟာတဗ္ဗံ ဓမ္မံ ပဋိစ္စ ဒဿနေန ပဟာတဗ္ဗော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဒဿနေန ပဟာတဗ္ဗံ ဧကံ ခန္ဓံ ပဋိစ္စ တယော ခန္ဓာ…ပေ…။ (၁)

ဒဿနေန ပဟာတဗ္ဗံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နပုရေဇာတပစ္စယာ – ဒဿနေန ပဟာတဗ္ဗေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)

ဘာဝနာယ ¶ ပဟာတဗ္ဗံ ဓမ္မံ ပဋိစ္စ ဘာဝနာယ ပဟာတဗ္ဗော…ပေ… အရူပေ ဘာဝနာယ ပဟာတဗ္ဗံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ (၁)

ဘာဝနာယ ပဟာတဗ္ဗံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော…ပေ… ဘာဝနာယ ပဟာတဗ္ဗေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)

၂၁။ နေဝဒဿနေန နဘာဝနာယ ပဟာတဗ္ဗံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ နေဝဒဿနေန နဘာဝနာယ ပဟာတဗ္ဗံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ၊ နေဝဒဿနေန နဘာဝနာယ ပဟာတဗ္ဗေ ခန္ဓေ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ နေဝဒဿနေန နဘာဝနာယ ပဟာတဗ္ဗံ ဧကံ ¶ ခန္ဓံ ပဋိစ္စ တယော ခန္ဓာ ကဋတ္တာ စ ရူပံ…ပေ… ဒွေ ခန္ဓေ ပဋိစ္စ ဒွေ ခန္ဓာ ကဋတ္တာ စ ရူပံ၊ ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ၊ ဧကံ မဟာဘူတံ ပဋိစ္စ တယော မဟာဘူတာ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ ဧကံ မဟာဘူတံ…ပေ…။ (၁)

ဒဿနေန ¶ ပဟာတဗ္ဗဉ္စ နေဝဒဿနေန နဘာဝနာယ ပဟာတဗ္ဗဉ္စ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ဓမ္မော…ပေ… ဒဿနေန ပဟာတဗ္ဗေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)

ဘာဝနာယ ပဟာတဗ္ဗဉ္စ နေဝဒဿနေန နဘာဝနာယ ပဟာတဗ္ဗဉ္စ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နပုရေဇာတပစ္စယာ – ဘာဝနာယ ပဟာတဗ္ဗေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)

နပစ္ဆာဇာတပစ္စယာဒိ

၂၂။ ဒဿနေန ပဟာတဗ္ဗံ ဓမ္မံ ပဋိစ္စ ဒဿနေန ပဟာတဗ္ဗော ဓမ္မော ဥပ္ပဇ္ဇတိ နပစ္ဆာဇာတပစ္စယာ… နအာသေဝနပစ္စယာ။

နကမ္မပစ္စယော

၂၃။ ဒဿနေန ¶ ပဟာတဗ္ဗံ ဓမ္မံ ပဋိစ္စ ဒဿနေန ပဟာတဗ္ဗော ဓမ္မော ဥပ္ပဇ္ဇတိ နကမ္မပစ္စယာ – ဒဿနေန ပဟာတဗ္ဗေ ခန္ဓေ ပဋိစ္စ ဒဿနေန ပဟာတဗ္ဗာ စေတနာ။ (၁)

ဘာဝနာယ ပဟာတဗ္ဗံ ဓမ္မံ ပဋိစ္စ ဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နကမ္မပစ္စယာ – ဘာဝနာယ ပဟာတဗ္ဗေ ခန္ဓေ ပဋိစ္စ ဘာဝနာယ ပဟာတဗ္ဗာ စေတနာ။ (၁)

နေဝဒဿနေန နဘာဝနာယ ပဟာတဗ္ဗံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နကမ္မပစ္စယာ – နေဝဒဿနေန နဘာဝနာယ ပဟာတဗ္ဗေ ခန္ဓေ ပဋိစ္စ နေဝဒဿနေန နဘာဝနာယ ပဟာတဗ္ဗာ စေတနာ၊ ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ ဧကံ မဟာဘူတံ…ပေ…။ (၁)

နဝိပါကပစ္စယော

၂၄။ ဒဿနေန ¶ ပဟာတဗ္ဗံ ဓမ္မံ ပဋိစ္စ ဒဿနေန ပဟာတဗ္ဗော ဓမ္မော ဥပ္ပဇ္ဇတိ နဝိပါကပစ္စယာ (နအဓိပတိပစ္စယသဒိသံ၊ ပဋိသန္ဓိ နတ္ထိ)။

နအာဟာရပစ္စယော

၂၅။ နေဝဒဿနေန ¶ နဘာဝနာယ ပဟာတဗ္ဗံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နအာဟာရပစ္စယာ – ဗာဟိရံ… ဥတုသမုဋ္ဌာနံ… အသညသတ္တာနံ ဧကံ မဟာဘူတံ…ပေ…။

နဣန္ဒြိယပစ္စယော

၂၆။ နေဝဒဿနေန နဘာဝနာယ ပဟာတဗ္ဗံ…ပေ… နဣန္ဒြိယပစ္စယာ – ဗာဟိရံ… အာဟာရသမုဋ္ဌာနံ… ဥတုသမုဋ္ဌာန… ဧကံ မဟာဘူတံ…ပေ… အသညသတ္တာနံ မဟာဘူတေ ပဋိစ္စ ရူပဇီဝိတိန္ဒြိယံ။

နဈာနပစ္စယော

၂၇။ နေဝဒဿနေန ¶ နဘာဝနာယ ပဟာတဗ္ဗံ ဓမ္မံ…ပေ… နဈာနပစ္စယာ – ပဉ္စဝိညာဏသဟဂတံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ ဧကံ မဟာဘူတံ…ပေ…။ ဥတုသမုဋ္ဌာနံ၊ အသညသတ္တာနံ ဧကံ မဟာဘူတံ…ပေ…။

နမဂ္ဂပစ္စယော

၂၈။ နေဝဒဿနေန နဘာဝနာယ ပဟာတဗ္ဗံ…ပေ… နမဂ္ဂပစ္စယာ – အဟေတုကံ နေဝဒဿနေန နဘာဝနာယ ပဟာတဗ္ဗံ…ပေ… အဟေတုကပဋိသန္ဓိက္ခဏေ…ပေ… ဧကံ မဟာဘူတံ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ ဧကံ မဟာဘူတံ…ပေ…။

နသမ္ပယုတ္တပစ္စယော

၂၉။ ဒဿနေန ပဟာတဗ္ဗံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နသမ္ပယုတ္တပစ္စယာ (နအာရမ္မဏသဒိသံ)။

နဝိပ္ပယုတ္တပစ္စယော

၃၀။ ဒဿနေန ပဟာတဗ္ဗံ…ပေ… နဝိပ္ပယုတ္တပစ္စယာ – အရူပေ ဒဿနေန ပဟာတဗ္ဗံ ဧကံ ခန္ဓံ ပဋိစ္စ…ပေ…။ (၁)

ဘာဝနာယ ¶ ပဟာတဗ္ဗံ…ပေ… နဝိပ္ပယုတ္တပစ္စယာ – အရူပေ ဘာဝနာယ ပဟာတဗ္ဗံ ဧကံ ခန္ဓံ…ပေ…။ (၁)

နေဝဒဿနေန နဘာဝနာယ ပဟာတဗ္ဗံ…ပေ… နဝိပ္ပယုတ္တပစ္စယာ ¶ – အရူပေ နေဝဒဿနေန နဘာဝနာယ ¶ ပဟာတဗ္ဗံ ဧကံ ခန္ဓံ ပဋိစ္စ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ…။ (၁)

နောနတ္ထိ-နောဝိဂတပစ္စယာ

၃၁။ ဒဿနေန ပဟာတဗ္ဗံ ဓမ္မံ ပဋိစ္စ နေဝဒဿနေန နဘာဝနာယ…ပေ… နောနတ္ထိပစ္စယာ… နောဝိဂတပစ္စယာ (နအာရမ္မဏသဒိသံ)။

၂။ ပစ္စယပစ္စနီယံ

၂။ သင်္ချာဝါရော

၃၂။ နဟေတုယာ တီဏိ၊ နအာရမ္မဏေ ပဉ္စ၊ နအဓိပတိယာ နဝ၊ နအနန္တရေ ပဉ္စ၊ နသမနန္တရေ ပဉ္စ၊ နအညမညေ ပဉ္စ၊ နဥပနိဿယေ ပဉ္စ၊ နပုရေဇာတေ သတ္တ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဧကံ၊ နမဂ္ဂေ ဧကံ၊ နသမ္ပယုတ္တေ ပဉ္စ၊ နဝိပ္ပယုတ္တေ တီဏိ၊ နောနတ္ထိယာ ပဉ္စ၊ နောဝိဂတေ ပဉ္စ။

(ဉတွာ ဂဏေတဗ္ဗံ။)

ပစ္စနီယံ။

၃။ ပစ္စယာနုလောမပစ္စနီယံ

ဟေတုဒုကံ

၃၃။ ဟေတုပစ္စယာ နအာရမ္မဏေ ပဉ္စ၊ နအဓိပတိယာ နဝ၊ နအနန္တရေ ပဉ္စ၊ နသမနန္တရေ ပဉ္စ၊ နအညမညေ ပဉ္စ၊ နဥပနိဿယေ ပဉ္စ၊ နပုရေဇာတေ သတ္တ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နသမ္ပယုတ္တေ ပဉ္စ၊ နဝိပ္ပယုတ္တေ တီဏိ၊ နောနတ္ထိယာ ပဉ္စ၊ နောဝိဂတေ ပဉ္စ။

(ဧဝံ အနုမဇ္ဇန္တေန ဂဏေတဗ္ဗံ။)

အနုလောမပစ္စနီယံ။

၄။ ပစ္စယပစ္စနီယာနုလောမံ

နဟေတုဒုကံ

၃၄။ နဟေတုပစ္စယာ ¶ ¶ ¶ အာရမ္မဏေ တီဏိ၊ အနန္တရေ တီဏိ၊ သမနန္တရေ တီဏိ၊ သဟဇာတေ တီဏိ၊ အညမညေ တီဏိ၊ နိဿယေ တီဏိ၊ ဥပနိဿယေ တီဏိ၊ ပုရေဇာတေ တီဏိ၊ အာသေဝနေ တီဏိ၊ ကမ္မေ တီဏိ၊ ဝိပါကေ ဧကံ၊ အာဟာရေ တီဏိ၊ ဣန္ဒြိယေ တီဏိ၊ ဈာနေ တီဏိ၊ မဂ္ဂေ ဒွေ၊ သမ္ပယုတ္တေ တီဏိ၊ ဝိပ္ပယုတ္တေ တီဏိ၊ အတ္ထိယာ တီဏိ၊ နတ္ထိယာ တီဏိ၊ ဝိဂတေ တီဏိ၊ အဝိဂတေ တီဏိ။

(ဧဝံ အနုမဇ္ဇန္တေန ဂဏေတဗ္ဗံ။)

ပစ္စနီယာနုလောမံ။

ပဋိစ္စဝါရော။

၂။ သဟဇာတဝါရော

၁-၄။ ပစ္စယာနုလောမာဒိ

၃၅။ ဒဿနေန ပဟာတဗ္ဗံ ဓမ္မံ သဟဇာတော ဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ – ဒဿနေန ပဟာတဗ္ဗံ ဧကံ ခန္ဓံ သဟဇာတာ တယော ခန္ဓာ…ပေ… ဒွေ ခန္ဓေ သဟဇာတာ…ပေ…။

(သဟဇာတဝါရော ပဋိစ္စဝါရသဒိသော။)

၃။ ပစ္စယဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၃၆။ ဒဿနေန ¶ ပဟာတဗ္ဗံ ဓမ္မံ ပစ္စယာ ဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ… တီဏိ။

ဘာဝနာယ ပဟာတဗ္ဗံ ဓမ္မံ ပစ္စယာ ဘာဝနာယ… တီဏိ။

၃၇။ နေဝဒဿနေန ¶ နဘာဝနာယ ပဟာတဗ္ဗံ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ – နေဝဒဿနေန နဘာဝနာယ ပဟာတဗ္ဗံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ¶ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ နေဝဒဿနေန နဘာဝနာယ ပဟာတဗ္ဗံ ဧကံ ခန္ဓံ ပစ္စယာ တယော ခန္ဓာ ကဋတ္တာ စ ရူပံ…ပေ… ဒွေ ခန္ဓေ ပစ္စယာ ဒွေ ခန္ဓာ…ပေ… ခန္ဓေ ပစ္စယာ ဝတ္ထု၊ ဝတ္ထုံ ပစ္စယာ ခန္ဓာ။ ဧကံ မဟာဘူတံ ပစ္စယာ တယော မဟာဘူတာ…ပေ… မဟာဘူတေ ပစ္စယာ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ ဝတ္ထုံ ပစ္စယာ နေဝဒဿနေန နဘာဝနာယ ပဟာတဗ္ဗာ ခန္ဓာ။ (၁)

နေဝဒဿနေန နဘာဝနာယ ပဟာတဗ္ဗံ ဓမ္မံ ပစ္စယာ ဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ ဒဿနေန ပဟာတဗ္ဗာ ခန္ဓာ။ (၂)

နေဝဒဿနေန နဘာဝနာယ ပဟာတဗ္ဗံ ဓမ္မံ ပစ္စယာ ဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ ဘာဝနာယ ပဟာတဗ္ဗာ ခန္ဓာ။ (၃)

နေဝဒဿနေန နဘာဝနာယ ပဟာတဗ္ဗံ ဓမ္မံ ပစ္စယာ ဒဿနေန ပဟာတဗ္ဗော စ နေဝဒဿနေန နဘာဝနာယ ¶ ပဟာတဗ္ဗော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝတ္ထုံ ပစ္စယာ ဒဿနေန ပဟာတဗ္ဗာ ခန္ဓာ၊ မဟာဘူတေ ပစ္စယာ စိတ္တသမုဋ္ဌာနံ ရူပံ။ (၄)

နေဝဒဿနေန နဘာဝနာယ ပဟာတဗ္ဗံ ဓမ္မံ ပစ္စယာ ဘာဝနာယ ပဟာတဗ္ဗော စ နေဝဒဿနေန နဘာဝနာယ ပဟာတဗ္ဗော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝတ္ထုံ ပစ္စယာ ဘာဝနာယ ပဟာတဗ္ဗာ ခန္ဓာ၊ မဟာဘူတေ ပစ္စယာ စိတ္တသမုဋ္ဌာနံ ရူပံ။ (၅)

၃၈။ ဒဿနေန ပဟာတဗ္ဗဉ္စ နေဝဒဿနေန နဘာဝနာယ ပဟာတဗ္ဗဉ္စ ဓမ္မံ ပစ္စယာ ဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ ¶ – ဒဿနေန ပဟာတဗ္ဗံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ ဝတ္ထုဉ္စ ပစ္စယာ ဒွေ ခန္ဓာ။ (၁)

ဒဿနေန ပဟာတဗ္ဗဉ္စ နေဝဒဿနေန နဘာဝနာယ ပဟာတဗ္ဗဉ္စ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ ¶ – ဒဿနေန ပဟာတဗ္ဗေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ။ (၂)

ဒဿနေန ပဟာတဗ္ဗဉ္စ နေဝဒဿနေန နဘာဝနာယ ပဟာတဗ္ဗဉ္စ ဓမ္မံ ပစ္စယာ ဒဿနေန ပဟာတဗ္ဗော စ နေဝဒဿနေန နဘာဝနာယ ပဟာတဗ္ဗော စ ဓမ္မာ ဥပ္ပဇ္ဇန္တိ ဟေတုပစ္စယာ – ဒဿနေန ပဟာတဗ္ဗံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ ဝတ္ထုဉ္စ ပစ္စယာ ဒွေ ခန္ဓာ၊ ဒဿနေန ပဟာတဗ္ဗေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ။ (၃)

၃၉။ ဘာဝနာယ ပဟာတဗ္ဗဉ္စ နေဝဒဿနေန နဘာဝနာယ ပဟာတဗ္ဗဉ္စ ဓမ္မံ ပစ္စယာ ဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ – ဘာဝနာယ ပဟာတဗ္ဗံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ ဝတ္ထုဉ္စ…ပေ…။ (၁)

ဘာဝနာယ ပဟာတဗ္ဗဉ္စ နေဝဒဿနေန နဘာဝနာယ ပဟာတဗ္ဗဉ္စ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ – ဘာဝနာယ ပဟာတဗ္ဗေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ။ (၂)

ဘာဝနာယ ¶ ပဟာတဗ္ဗဉ္စ နေဝဒဿနေန နဘာဝနာယ ပဟာတဗ္ဗဉ္စ ဓမ္မံ ပစ္စယာ ဘာဝနာယ ပဟာတဗ္ဗော စ နေဝဒဿနေန နဘာဝနာယ ပဟာတဗ္ဗော စ ဓမ္မာ ဥပ္ပဇ္ဇန္တိ ¶ ဟေတုပစ္စယာ – ဘာဝနာယ ပဟာတဗ္ဗံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ ဝတ္ထုဉ္စ…ပေ… ဘာဝနာယ ပဟာတဗ္ဗေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ။ (၃)

အာရမ္မဏပစ္စယော

၄၀။ ဒဿနေန ပဟာတဗ္ဗံ ဓမ္မံ ပစ္စယာ ဒဿနေန ပဟာတဗ္ဗော ဓမ္မော ဥပ္ပဇ္ဇတိ အာရမ္မဏပစ္စယာ – ဒဿနေန ပဟာတဗ္ဗံ ဧကံ ခန္ဓံ ပစ္စယာ တယော ခန္ဓာ…ပေ… ဒွေ ခန္ဓေ…ပေ…။ (၁)

ဘာဝနာယ ပဟာတဗ္ဗံ ဓမ္မံ ပစ္စယာ ဘာဝနာယ ပဟာတဗ္ဗော ဓမ္မော ဥပ္ပဇ္ဇတိ အာရမ္မဏပစ္စယာ – ဘာဝနာယ ပဟာတဗ္ဗံ ဧကံ ခန္ဓံ ပစ္စယာ တယော ခန္ဓာ…ပေ…။ (၁)

နေဝဒဿနေန ¶ နဘာဝနာယ ပဟာတဗ္ဗံ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ အာရမ္မဏပစ္စယာ – နေဝဒဿနေန နဘာဝနာယ ပဟာတဗ္ဗံ ဧကံ ခန္ဓံ ပစ္စယာ တယော ခန္ဓာ…ပေ… ဒွေ ခန္ဓေ…ပေ…။ ပဋိသန္ဓိက္ခဏေ နေဝဒဿနေန နဘာဝနာယ ပဟာတဗ္ဗံ ဧကံ ခန္ဓံ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ဝတ္ထုံ ပစ္စယာ ခန္ဓာ၊ စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ၊ ဝတ္ထုံ ပစ္စယာ နေဝဒဿနေန နဘာဝနာယ ပဟာတဗ္ဗာ ခန္ဓာ။ (၁)

နေဝဒဿနေန နဘာဝနာယ ပဟာတဗ္ဗံ ဓမ္မံ ပစ္စယာ ဒဿနေန ပဟာတဗ္ဗော ဓမ္မော ဥပ္ပဇ္ဇတိ အာရမ္မဏပစ္စယာ – ဝတ္ထုံ ပစ္စယာ ဒဿနေန ပဟာတဗ္ဗာ ခန္ဓာ။ (၂)

နေဝဒဿနေန နဘာဝနာယ ပဟာတဗ္ဗံ ဓမ္မံ ပစ္စယာ ဘာဝနာယ ပဟာတဗ္ဗော ဓမ္မော ဥပ္ပဇ္ဇတိ အာရမ္မဏပစ္စယာ ¶ – ဝတ္ထုံ ပစ္စယာ ဘာဝနာယ ပဟာတဗ္ဗာ ခန္ဓာ။ (၃)

၄၁။ ဒဿနေန ပဟာတဗ္ဗဉ္စ နေဝဒဿနေန နဘာဝနာယ ပဟာတဗ္ဗဉ္စ ဓမ္မံ ပစ္စယာ ဒဿနေန ¶ ပဟာတဗ္ဗော ဓမ္မော ဥပ္ပဇ္ဇတိ အာရမ္မဏပစ္စယာ – ဒဿနေန ပဟာတဗ္ဗံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ ဝတ္ထုဉ္စ ပစ္စယာ…ပေ…။ (၁)

ဘာဝနာယ ပဟာတဗ္ဗဉ္စ နေဝဒဿနေန နဘာဝနာယ ပဟာတဗ္ဗဉ္စ ဓမ္မံ ပစ္စယာ ဘာဝနာယ ပဟာတဗ္ဗော ဓမ္မော ဥပ္ပဇ္ဇတိ အာရမ္မဏပစ္စယာ – ဘာဝနာယ ပဟာတဗ္ဗံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ ဝတ္ထုဉ္စ ပစ္စယာ ဒွေ ခန္ဓာ။ (၁)

အဓိပတိပစ္စယာဒိ

၄၂။ ဒဿနေန ပဟာတဗ္ဗံ ဓမ္မံ ပစ္စယာ ဒဿနေန ပဟာတဗ္ဗော ဓမ္မော ဥပ္ပဇ္ဇတိ အဓိပတိပစ္စယာ… (ပရိပုဏ္ဏံ၊ ပဋိသန္ဓိ နတ္ထိ) အနန္တရပစ္စယာ… သမနန္တရပစ္စယာ (အာရမ္မဏသဒိသံ)။

သဟဇာတပစ္စယော

ဒဿနေန ¶ ပဟာတဗ္ဗံ ဓမ္မံ ပစ္စယာ ဒဿနေန ပဟာတဗ္ဗော ဓမ္မော ဥပ္ပဇ္ဇတိ သဟဇာတပစ္စယာ – ဒဿနေန ပဟာတဗ္ဗံ ဧကံ ခန္ဓံ… တီဏိ။

ဘာဝနာယ ပဟာတဗ္ဗံ ဓမ္မံ ပစ္စယာ… တီဏိ။

၄၃။ နေဝဒဿနေန နဘာဝနာယ ပဟာတဗ္ဗံ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ သဟဇာတပစ္စယာ – နေဝဒဿနေန နဘာဝနာယ ပဟာတဗ္ဗံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ ပစ္စယာ ဒွေ ခန္ဓာ…ပေ… ပဋိသန္ဓိက္ခဏေ…ပေ… ခန္ဓေ ပစ္စယာ ဝတ္ထု၊ ဝတ္ထုံ ပစ္စယာ ခန္ဓာ၊ ဧကံ မဟာဘူတံ ပစ္စယာ တယော မဟာဘူတာ…ပေ… မဟာဘူတေ ပစ္စယာ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ ¶ ဧကံ…ပေ… စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ၊ ဝတ္ထုံ ပစ္စယာ နေဝဒဿနေန နဘာဝနာယ ပဟာတဗ္ဗာ ခန္ဓာ။

နေဝဒဿနေန ¶ နဘာဝနာယ ပဟာတဗ္ဗံ ဓမ္မံ ပစ္စယာ ဒဿနေန ပဟာတဗ္ဗော ဓမ္မော ဥပ္ပဇ္ဇတိ သဟဇာတပစ္စယာ (အဝသေသာ ဟေတုပစ္စယသဒိသာ)။

အညမညပစ္စယာဒိ

၄၄။ ဒဿနေန ပဟာတဗ္ဗံ ဓမ္မံ ပစ္စယာ ဒဿနေန ပဟာတဗ္ဗော ဓမ္မော ဥပ္ပဇ္ဇတိ အညမညပစ္စယာ… နိဿယပစ္စယာ… ဥပနိဿယပစ္စယာ… ပုရေဇာတပစ္စယာ (ပဋိသန္ဓိ နတ္ထိ)… အာသေဝနပစ္စယာ… (ပဋိသန္ဓိ နတ္ထိ၊ ဝိပါကဉ္စ) ကမ္မပစ္စယာ… ဝိပါကပစ္စယာ… အာဟာရပစ္စယာ… ဣန္ဒြိယပစ္စယာ… ဈာနပစ္စယာ… မဂ္ဂပစ္စယာ… သမ္ပယုတ္တပစ္စယာ… ဝိပ္ပယုတ္တပစ္စယာ… အတ္ထိပစ္စယာ… နတ္ထိပစ္စယာ… ဝိဂတပစ္စယာ… အဝိဂတပစ္စယာ။

၁။ ပစ္စယာနုလောမံ

၂။ သင်္ချာဝါရော

၄၅။ ဟေတုယာ သတ္တရသ၊ အာရမ္မဏေ သတ္တ၊ အဓိပတိယာ သတ္တရသ၊ အနန္တရေ သတ္တ၊ သမနန္တရေ သတ္တ၊ သဟဇာတေ သတ္တရသ၊ အညမညေ သတ္တ၊ နိဿယေ သတ္တရသ၊ ဥပနိဿယေ သတ္တ၊ ပုရေဇာတေ သတ္တ၊ အာသေဝနေ ¶ သတ္တ၊ ကမ္မေ သတ္တရသ၊ ဝိပါကေ ဧကံ၊ အာဟာရေ သတ္တရသ၊ ဣန္ဒြိယေ သတ္တရသ၊ ဈာနေ သတ္တရသ၊ မဂ္ဂေ သတ္တရသ၊ သမ္ပယုတ္တေ သတ္တ၊ ဝိပ္ပယုတ္တေ သတ္တရသ၊ အတ္ထိယာ သတ္တရသ၊ နတ္ထိယာ သတ္တ၊ ဝိဂတေ သတ္တ၊ အဝိဂတေ သတ္တရသ (ဧဝံ ဂဏေတဗ္ဗံ)။

အနုလောမံ။

၂။ ပစ္စယပစ္စနီယံ

၁။ ဝိဘင်္ဂဝါရော

နဟေတုပစ္စယော

၄၆။ ဒဿနေန ¶ ¶ ပဟာတဗ္ဗံ ဓမ္မံ ပစ္စယာ ဒဿနေန ပဟာတဗ္ဗော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ခန္ဓေ ပစ္စယာ ဝိစိကိစ္ဆာသဟဂတော မောဟော။ (၁)

ဘာဝနာယ ပဟာတဗ္ဗံ ဓမ္မံ ပစ္စယာ ဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နဟေတုပစ္စယာ – ဥဒ္ဓစ္စသဟဂတေ ခန္ဓေ ပစ္စယာ ဥဒ္ဓစ္စသဟဂတော မောဟော။ (၁)

နေဝဒဿနေန နဘာဝနာယ ပဟာတဗ္ဗံ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နေဝဒဿနေန နဘာဝနာယ ပဟာတဗ္ဗံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… ခန္ဓေ ပစ္စယာ ဝတ္ထု၊ ဝတ္ထုံ ပစ္စယာ ခန္ဓာ၊ ဧကံ မဟာဘူတံ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ… စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ၊ ဝတ္ထုံ ပစ္စယာ အဟေတုကာ နေဝဒဿနေန နဘာဝနာယ ပဟာတဗ္ဗာ ခန္ဓာ။ (၁)

နေဝဒဿနေန နဘာဝနာယ ပဟာတဗ္ဗံ ဓမ္မံ ပစ္စယာ ဒဿနေန ပဟာတဗ္ဗော ဓမ္မော ဥပ္ပဇ္ဇတိ နဟေတုပစ္စယာ – ဝတ္ထုံ ပစ္စယာ ဝိစိကိစ္ဆာသဟဂတော မောဟော။ (၂)

နေဝဒဿနေန နဘာဝနာယ ပဟာတဗ္ဗံ ဓမ္မံ ပစ္စယာ ဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နဟေတုပစ္စယာ – ဝတ္ထုံ ပစ္စယာ ဥဒ္ဓစ္စသဟဂတော မောဟော။ (၃)

၄၇။ ဒဿနေန ¶ ပဟာတဗ္ဗဉ္စ နေဝဒဿနေန နဘာဝနာယ ပဟာတဗ္ဗဉ္စ ¶ ဓမ္မံ ပစ္စယာ ဒဿနေန ပဟာတဗ္ဗော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော မောဟော။ (၁)

ဘာဝနာယ ¶ ပဟာတဗ္ဗဉ္စ နေဝဒဿနေန နဘာဝနာယ ပဟာတဗ္ဗဉ္စ ဓမ္မံ ပစ္စယာ ဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နဟေတုပစ္စယာ – ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဥဒ္ဓစ္စသဟဂတော မောဟော။ (၁)

နအာရမ္မဏပစ္စယော

၄၈။ ဒဿနေန ပဟာတဗ္ဗံ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နအာရမ္မဏပစ္စယာ – ဒဿနေန ပဟာတဗ္ဗေ ခန္ဓေ ပစ္စယာ စိတ္တသမုဋ္ဌာနံ ရူပံ။ (၁)

ဘာဝနာယ ပဟာတဗ္ဗံ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နအာရမ္မဏပစ္စယာ – ဘာဝနာယ ပဟာတဗ္ဗေ ခန္ဓေ ပစ္စယာ စိတ္တသမုဋ္ဌာနံ ရူပံ။ (၁)

နေဝဒဿနေန နဘာဝနာယ ပဟာတဗ္ဗံ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နအာရမ္မဏပစ္စယာ – နေဝဒဿနေန နဘာဝနာယ ပဟာတဗ္ဗေ ခန္ဓေ ပစ္စယာ စိတ္တသမုဋ္ဌာနံ ရူပံ။ ပဋိသန္ဓိက္ခဏေ နေဝဒဿနေန နဘာဝနာယ ပဟာတဗ္ဗေ ခန္ဓေ ပစ္စယာ ကဋတ္တာရူပံ၊ ခန္ဓေ ပစ္စယာ ဝတ္ထု၊ ဧကံ မဟာဘူတံ ပစ္စယာ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ…။ (၁)

၄၉။ ဒဿနေန ပဟာတဗ္ဗဉ္စ နေဝဒဿနေန နဘာဝနာယ ပဟာတဗ္ဗဉ္စ ¶ ဓမ္မံ ပစ္စယာ ဒဿနေန ပဟာတဗ္ဗော ဓမ္မော ဥပ္ပဇ္ဇတိ နအာရမ္မဏပစ္စယာ – ဒဿနေန ပဟာတဗ္ဗေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ။ (၁)

ဘာဝနာယ ပဟာတဗ္ဗဉ္စ နေဝဒဿနေန နဘာဝနာယ ပဟာတဗ္ဗဉ္စ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နအာရမ္မဏပစ္စယာ – ဘာဝနာယ ပဟာတဗ္ဗေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ။ (၁)

နအဓိပတိပစ္စယာဒိ

၅၀။ ဒဿနေန ¶ ပဟာတဗ္ဗံ ဓမ္မံ ပစ္စယာ ဒဿနေန ပဟာတဗ္ဗော ဓမ္မော ဥပ္ပဇ္ဇတိ နအဓိပတိပစ္စယာ ¶ (သဟဇာတသဒိသံ)… နအနန္တရပစ္စယာ… နသမနန္တရပစ္စယာ… နအညမညပစ္စယာ… နဥပနိဿယပစ္စယာ။

နပုရေဇာတပစ္စယော

၅၁။ ဒဿနေန ပဟာတဗ္ဗံ ဓမ္မံ ပစ္စယာ ဒဿနေန ပဟာတဗ္ဗော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဒဿနေန ပဟာတဗ္ဗံ ဧကံ ခန္ဓံ ပစ္စယာ…ပေ…။ (၁)

ဒဿနေန ပဟာတဗ္ဗံ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နပုရေဇာတပစ္စယာ – ဒဿနေန ပဟာတဗ္ဗေ ခန္ဓေ ပစ္စယာ စိတ္တသမုဋ္ဌာနံ ရူပံ။ (၂)

ဘာဝနာယ ပဟာတဗ္ဗံ ဓမ္မံ ပစ္စယာ ဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဘာဝနာယ ပဟာတဗ္ဗံ ဧကံ ခန္ဓံ ပစ္စယာ…ပေ…။ (၁)

ဘာဝနာယ ပဟာတဗ္ဗံ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နပုရေဇာတပစ္စယာ – ဘာဝနာယ ပဟာတဗ္ဗေ ခန္ဓေ ပစ္စယာ ¶ စိတ္တသမုဋ္ဌာနံ ရူပံ။ (၂)

၅၂။ နေဝဒဿနေန နဘာဝနာယ ပဟာတဗ္ဗံ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ နေဝဒဿနေန နဘာဝနာယ ပဟာတဗ္ဗံ ဧကံ ခန္ဓံ ပစ္စယာ တယော ခန္ဓာ…ပေ… နေဝဒဿနေန နဘာဝနာယ ပဟာတဗ္ဗေ ခန္ဓေ ပစ္စယာ စိတ္တသမုဋ္ဌာနံ ရူပံ။ ပဋိသန္ဓိက္ခဏေ…ပေ… ခန္ဓေ ပစ္စယာ ကဋတ္တာရူပံ၊ ခန္ဓေ ပစ္စယာ ဝတ္ထု၊ ဝတ္ထုံ ပစ္စယာ ခန္ဓာ၊ ဧကံ မဟာဘူတံ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ၊ အသညသတ္တာနံ…ပေ…။ (၁)

ဒဿနေန ပဟာတဗ္ဗဉ္စ နေဝဒဿနေန နဘာဝနာယ ပဟာတဗ္ဗဉ္စ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နပုရေဇာတပစ္စယာ – ဒဿနေန ပဟာတဗ္ဗေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ။ (၁)

ဘာဝနာယ ¶ ¶ ပဟာတဗ္ဗဉ္စ နေဝဒဿနေန နဘာဝနာယ ပဟာတဗ္ဗဉ္စ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နပုရေဇာတပစ္စယာ – ဘာဝနာယ ပဟာတဗ္ဗေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ။ (၁)

နပစ္ဆာဇာတပစ္စယာဒိ

၅၃။ ဒဿနေန ပဟာတဗ္ဗံ ဓမ္မံ ပစ္စယာ ဒဿနေန ပဟာတဗ္ဗော ဓမ္မော ဥပ္ပဇ္ဇတိ နပစ္ဆာဇာတပစ္စယာ… နအာသေဝနပစ္စယာ။

နကမ္မပစ္စယော

၅၄။ ဒဿနေန ပဟာတဗ္ဗံ ဓမ္မံ ပစ္စယာ ဒဿနေန ပဟာတဗ္ဗော ဓမ္မော ဥပ္ပဇ္ဇတိ နကမ္မပစ္စယာ – ဒဿနေန ပဟာတဗ္ဗေ ခန္ဓေ ပစ္စယာ ဒဿနေန ပဟာတဗ္ဗာ စေတနာ။ (၁)

ဘာဝနာယ ပဟာတဗ္ဗံ ဓမ္မံ…ပေ… နကမ္မပစ္စယာ – ဘာဝနာယ ပဟာတဗ္ဗေ ခန္ဓေ ပစ္စယာ ဘာဝနာယ ပဟာတဗ္ဗာ စေတနာ။ (၁)

နေဝဒဿနေန နဘာဝနာယ ပဟာတဗ္ဗံ ဓမ္မံ…ပေ… နကမ္မပစ္စယာ – နေဝဒဿနေန နဘာဝနာယ ပဟာတဗ္ဗေ ခန္ဓေ ပစ္စယာ နေဝဒဿနေန နဘာဝနာယ ¶ ပဟာတဗ္ဗာ စေတနာ၊ ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ…ပေ…။ (၁)

နေဝဒဿနေန နဘာဝနာယ ပဟာတဗ္ဗံ ဓမ္မံ ပစ္စယာ ဒဿနေန ပဟာတဗ္ဗော ဓမ္မော ဥပ္ပဇ္ဇတိ နကမ္မပစ္စယာ – ဝတ္ထုံ ပစ္စယာ ဒဿနေန ပဟာတဗ္ဗာ စေတနာ။ (၂)

နေဝဒဿနေန နဘာဝနာယ ပဟာတဗ္ဗံ ဓမ္မံ ပစ္စယာ ဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နကမ္မပစ္စယာ – ဝတ္ထုံ ပစ္စယာ ဘာဝနာယ ပဟာတဗ္ဗာ စေတနာ။ (၃)

၅၅။ ဒဿနေန ပဟာတဗ္ဗဉ္စ နေဝဒဿနေန နဘာဝနာယ ပဟာတဗ္ဗဉ္စ ဓမ္မံ ပစ္စယာ ဒဿနေန ¶ ပဟာတဗ္ဗော ဓမ္မော ဥပ္ပဇ္ဇတိ နကမ္မပစ္စယာ – ဒဿနေန ပဟာတဗ္ဗေ ခန္ဓေ စ ဝတ္ထုဉ္စ ပစ္စယာ ဒဿနေန ပဟာတဗ္ဗာ စေတနာ။ (၁)

ဘာဝနာယ ပဟာတဗ္ဗဉ္စ နေဝဒဿနေန နဘာဝနာယ ပဟာတဗ္ဗဉ္စ ဓမ္မံ ပစ္စယာ ဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နကမ္မပစ္စယာ – ဘာဝနာယ ¶ ပဟာတဗ္ဗေ ခန္ဓေ စ ဝတ္ထုဉ္စ ပစ္စယာ ဘာဝနာယ ပဟာတဗ္ဗာ စေတနာ။ (၁)

နဝိပါကပစ္စယာဒိ

၅၆။ ဒဿနေန ပဟာတဗ္ဗံ ဓမ္မံ ပစ္စယာ ဒဿနေန ပဟာတဗ္ဗော ဓမ္မော ဥပ္ပဇ္ဇတိ နဝိပါကပစ္စယာ (ပရိပုဏ္ဏံ၊ ပဋိသန္ဓိ နတ္ထိ)၊ နအာဟာရပစ္စယာ – ဗာဟိရံ… ဥတုသမုဋ္ဌာနံ… အသညသတ္တာနံ…ပေ… နဣန္ဒြိယပစ္စယာ – ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ… မဟာဘူတေ ပစ္စယာ ရူပဇီဝိတိန္ဒြိယံ… နဈာနပစ္စယာ – ပဉ္စဝိညာဏံ…ပေ… ဗာဟိရံ…ပေ… အသညသတ္တာနံ…ပေ… နမဂ္ဂပစ္စယာ – အဟေတုကံ နေဝဒဿနေန နဘာဝနာယ ပဟာတဗ္ဗံ ¶ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… အဟေတုကပဋိသန္ဓိက္ခဏေ…ပေ… ဧကံ မဟာဘူတံ…ပေ… အသညသတ္တာနံ…ပေ… နသမ္ပယုတ္တပစ္စယာ၊ နဝိပ္ပယုတ္တပစ္စယာ – အရူပေ ဒဿနေန ပဟာတဗ္ဗံ ဧကံ ခန္ဓံ ပစ္စယာ…ပေ… အရူပေ ဘာဝနာယ ပဟာတဗ္ဗံ ဧကံ ခန္ဓံ ပစ္စယာ တယော ခန္ဓာ…ပေ… နေဝဒဿနေန နဘာဝနာယ ပဟာတဗ္ဗံ ဓမ္မံ ပစ္စယာ နေဝဒဿနေန…ပေ… အရူပေ နေဝဒဿနေန နဘာဝနာယ ပဟာတဗ္ဗံ ဧကံ ခန္ဓံ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ… နောနတ္ထိပစ္စယာ… နောဝိဂတပစ္စယာ။

၂။ ပစ္စယပစ္စနီယံ

၂။ သင်္ချာဝါရော

၅၇။ နဟေတုယာ သတ္တ၊ နအာရမ္မဏေ ပဉ္စ၊ နအဓိပတိယာ သတ္တရသ၊ နအနန္တရေ ပဉ္စ၊ နသမနန္တရေ ပဉ္စ၊ နအညမညေ ပဉ္စ၊ နဥပနိဿယေ ပဉ္စ၊ နပုရေဇာတေ သတ္တ၊ နပစ္ဆာဇာတေ သတ္တရသ၊ နအာသေဝနေ သတ္တရသ၊ နကမ္မေ သတ္တ၊ နဝိပါကေ သတ္တရသ၊ နအာဟာရေ ဧကံ၊ နဣန္ဒြိယေ ဧကံ ¶ ၊ နဈာနေ ဧကံ၊ နမဂ္ဂေ ဧကံ၊ နသမ္ပယုတ္တေ ပဉ္စ၊ နဝိပ္ပယုတ္တေ တီဏိ၊ နောနတ္ထိယာ ပဉ္စ၊ နောဝိဂတေ ပဉ္စ။

ပစ္စနီယံ။

၃။ ပစ္စယာနုလောမပစ္စနီယံ

၅၈။ ဟေတုပစ္စယာ နအာရမ္မဏေ ပဉ္စ၊ နအဓိပတိယာ သတ္တရသ၊ နအနန္တရေ ပဉ္စ၊ နသမနန္တရေ ပဉ္စ၊ နအညမညေ ပဉ္စ၊ နဥပနိဿယေ ပဉ္စ၊ နပုရေဇာတေ ¶ သတ္တ၊ နပစ္ဆာဇာတေ သတ္တရသ၊ နအာသေဝနေ သတ္တရသ ¶ ၊ နကမ္မေ သတ္တ၊ နဝိပါကေ သတ္တရသ၊ နသမ္ပယုတ္တေ ပဉ္စ၊ နဝိပ္ပယုတ္တေ တီဏိ၊ နောနတ္ထိယာ ပဉ္စ၊ နောဝိဂတေ ပဉ္စ။

အနုလောမပစ္စနီယံ။

၄။ ပစ္စယပစ္စနီယာနုလောမံ

၅၉။ နဟေတုပစ္စယာ အာရမ္မဏေ သတ္တ၊ အနန္တရေ သတ္တ၊ သမနန္တရေ သတ္တ၊ သဟဇာတေ သတ္တ၊ အညမညေ သတ္တ၊ နိဿယေ သတ္တ၊ ဥပနိဿယေ သတ္တ၊ ပုရေဇာတေ သတ္တ၊ အာသေဝနေ သတ္တ၊ ကမ္မေ သတ္တ၊ ဝိပါကေ ဧကံ၊ အာဟာရေ သတ္တ၊ ဣန္ဒြိယေ သတ္တ၊ ဈာနေ သတ္တ၊ မဂ္ဂေ ဆ၊ သမ္ပယုတ္တေ သတ္တ၊ ဝိပ္ပယုတ္တေ သတ္တ၊ အတ္ထိယာ သတ္တ၊ နတ္ထိယာ သတ္တ၊ ဝိဂတေ သတ္တ၊ အဝိဂတေ သတ္တ (ဧဝံ ဂဏေတဗ္ဗံ)။

ပစ္စနီယာနုလောမံ။

ပစ္စယဝါရော။

၄။ နိဿယဝါရော

(နိဿယဝါရော ¶ ပစ္စယသဒိသော ကာတဗ္ဗော။)

၅။ သံသဋ္ဌဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၆၀။ ဒဿနေန ပဟာတဗ္ဗံ ဓမ္မံ သံသဋ္ဌော ဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ – ဒဿနေန ပဟာတဗ္ဗံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ သံသဋ္ဌာ ဒွေ ခန္ဓာ။ (၁)

ဘာဝနာယ ပဟာတဗ္ဗံ ဓမ္မံ သံသဋ္ဌော ဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ – ဘာဝနာယ ပဟာတဗ္ဗံ ဧကံ ခန္ဓံ သံသဋ္ဌာ…ပေ…။ (၁)

နေဝဒဿနေန နဘာဝနာယ ပဟာတဗ္ဗံ ဓမ္မံ သံသဋ္ဌော နေဝဒဿနေန ¶ နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ – နေဝဒဿနေန နဘာဝနာယ ¶ ပဟာတဗ္ဗံ ဧကံ ခန္ဓံ သံသဋ္ဌာ တယော ခန္ဓာ…ပေ… ပဋိသန္ဓိက္ခဏေ နေဝဒဿနေန နဘာဝနာယ ပဟာတဗ္ဗံ ဧကံ ခန္ဓံ သံသဋ္ဌာ…ပေ…။ (၁)

အာရမ္မဏပစ္စယော

၆၁။ ဒဿနေန ပဟာတဗ္ဗံ ဓမ္မံ သံသဋ္ဌော ဒဿနေန ပဟာတဗ္ဗော ဓမ္မော ဥပ္ပဇ္ဇတိ အာရမ္မဏပစ္စယာ (သဗ္ဗာနိ ပဒါနိ ဝိတ္ထာရေတဗ္ဗာနိ တီဏိ၊ တီဏိ)။

၁။ ပစ္စယာနုလောမံ

၂။ သင်္ချာဝါရော

၆၂။ ဟေတုယာ ¶ တီဏိ၊ အာရမ္မဏေ တီဏိ၊ အဓိပတိယာ တီဏိ၊ အနန္တရေ တီဏိ၊ သမနန္တရေ တီဏိ၊ သဟဇာတေ တီဏိ၊ အညမညေ တီဏိ၊ နိဿယေ တီဏိ၊ ဥပနိဿယေ တီဏိ၊ ပုရေဇာတေ တီဏိ၊ အာသေဝနေ တီဏိ၊ ကမ္မေ တီဏိ၊ ဝိပါကေ ဧကံ၊ အာဟာရေ တီဏိ၊ ဣန္ဒြိယေ တီဏိ၊ ဈာနေ တီဏိ၊ မဂ္ဂေ တီဏိ၊ သမ္ပယုတ္တေ တီဏိ၊ ဝိပ္ပယုတ္တေ တီဏိ၊ အတ္ထိယာ တီဏိ၊ နတ္ထိယာ တီဏိ၊ ဝိဂတေ တီဏိ၊ အဝိဂတေ တီဏိ။

အနုလောမံ။

၂။ ပစ္စယပစ္စနီယံ

၁။ ဝိဘင်္ဂဝါရော

နဟေတုပစ္စယော

၆၃။ ဒဿနေန ပဟာတဗ္ဗံ ဓမ္မံ သံသဋ္ဌော ဒဿနေန ပဟာတဗ္ဗော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ခန္ဓေ သံသဋ္ဌော ဝိစိကိစ္ဆာသဟဂတော မောဟော။ (၁)

ဘာဝနာယ ပဟာတဗ္ဗံ ဓမ္မံ သံသဋ္ဌော ဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နဟေတုပစ္စယာ – ဥဒ္ဓစ္စသဟဂတေ ခန္ဓေ သံသဋ္ဌော ဥဒ္ဓစ္စသဟဂတော မောဟော။ (၁)

နေဝဒဿနေန နဘာဝနာယ ပဟာတဗ္ဗံ ဓမ္မံ သံသဋ္ဌော နေဝဒဿနေန ¶ နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နေဝဒဿနေန နဘာဝနာယ ပဟာတဗ္ဗံ ဧကံ ခန္ဓံ သံသဋ္ဌာ တယော ခန္ဓာ…ပေ… အဟေတုကပဋိသန္ဓိက္ခဏေ…ပေ…။ (၁)

နအဓိပတိပစ္စယာဒိ

၆၄။ ဒဿနေန ¶ ¶ ပဟာတဗ္ဗံ ဓမ္မံ သံသဋ္ဌော ဒဿနေန ပဟာတဗ္ဗော ဓမ္မော ဥပ္ပဇ္ဇတိ နအဓိပတိပစ္စယာ… နပုရေဇာတပစ္စယာ… နပစ္ဆာဇာတပစ္စယာ… နအာသေဝနပစ္စယာ… နကမ္မပစ္စယာ… နဝိပါကပစ္စယာ… – နေဝဒဿနေန နဘာဝနာယ…ပေ… နဈာနပစ္စယာ – ပဉ္စဝိညာဏံ…ပေ… နမဂ္ဂပစ္စယာ – အဟေတုကံ…ပေ… နေဝဒဿနေန နဘာဝနာယ ပဟာတဗ္ဗော…ပေ… နဝိပ္ပယုတ္တပစ္စယာ… တီဏိ။

၂။ ပစ္စယပစ္စနီယံ

၂။ သင်္ချာဝါရော

၆၅။ နဟေတုယာ တီဏိ၊ နအဓိပတိယာ တီဏိ၊ နပုရေဇာတေ တီဏိ၊ နပစ္ဆာဇာတေ တီဏိ၊ နအာသေဝနေ တီဏိ၊ နကမ္မေ တီဏိ၊ နဝိပါကေ တီဏိ၊ နဈာနေ ဧကံ၊ နမဂ္ဂေ ဧကံ၊ နဝိပ္ပယုတ္တေ တီဏိ။

ပစ္စနီယံ။

၃။ ပစ္စယာနုလောမပစ္စနီယံ

၆၆။ ဟေတုပစ္စယာ နအဓိပတိယာ တီဏိ၊ နပုရေဇာတေ တီဏိ၊ နပစ္ဆာဇာတေ တီဏိ၊ နအာသေဝနေ တီဏိ၊ နကမ္မေ တီဏိ၊ နဝိပါကေ တီဏိ၊ နဝိပ္ပယုတ္တေ တီဏိ။

အနုလောမပစ္စနီယံ။

၄။ ပစ္စယပစ္စနီယာနုလောမံ

၆၇။ နဟေတုပစ္စယာ အာရမ္မဏေ တီဏိ၊ အနန္တရေ တီဏိ၊ သမနန္တရေ တီဏိ၊ သဟဇာတေ တီဏိ ¶ ၊ အညမညေ တီဏိ၊ နိဿယေ တီဏိ၊ ဥပနိဿယေ တီဏိ၊ ပုရေဇာတေ တီဏိ၊ အာသေဝနေ တီဏိ၊ ကမ္မေ တီဏိ၊ ဝိပါကေ ဧကံ၊ အာဟာရေ တီဏိ၊ ဣန္ဒြိယေ ¶ တီဏိ၊ ဈာနေ တီဏိ၊ မဂ္ဂေ ဒွေ၊ သမ္ပယုတ္တေ တီဏိ၊ ဝိပ္ပယုတ္တေ တီဏိ၊ အတ္ထိယာ တီဏိ၊ နတ္ထိယာ တီဏိ၊ ဝိဂတေ တီဏိ၊ အဝိဂတေ တီဏိ။

ပစ္စနီယာနုလောမံ။

သံသဋ္ဌဝါရော။

၆။ သမ္ပယုတ္တဝါရော

၁။ ပစ္စယာနုလောမာဒိ

၆၈။ ဒဿနေန ¶ ပဟာတဗ္ဗံ ဓမ္မံ သမ္ပယုတ္တော ဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ (သမ္ပယုတ္တဝါရော သံသဋ္ဌဝါရသဒိသော)။

၇။ ပဉှာဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၆၉။ ဒဿနေန ပဟာတဗ္ဗော ဓမ္မော ဒဿနေန ပဟာတဗ္ဗဿ ဓမ္မဿ ဟေတုပစ္စယေန ပစ္စယော – ဒဿနေန ပဟာတဗ္ဗာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၁)

ဒဿနေန ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ ဟေတုပစ္စယေန ပစ္စယော – ဒဿနေန ပဟာတဗ္ဗာ ဟေတူ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော။ (၂)

ဒဿနေန ¶ ပဟာတဗ္ဗော ဓမ္မော ဒဿနေန ပဟာတဗ္ဗဿ စ နေဝဒဿနေန နဘာဝနာယ ပဟာတဗ္ဗဿ စ ဓမ္မဿ ဟေတုပစ္စယေန ပစ္စယော – ဒဿနေန ပဟာတဗ္ဗာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)

၇၀။ ဘာဝနာယ ပဟာတဗ္ဗော ဓမ္မော…ပေ… ဓမ္မဿ ¶ ဟေတုပစ္စယေန ပစ္စယော – ဘာဝနာယ ပဟာတဗ္ဗာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၁)

ဘာဝနာယ ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ…ပေ… ဘာဝနာယ ပဟာတဗ္ဗာ ဟေတူ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော။ (၂)

ဘာဝနာယ ပဟာတဗ္ဗော ဓမ္မော ဘာဝနာယ ပဟာတဗ္ဗဿ စ နေဝဒဿနေန နဘာဝနာယ ပဟာတဗ္ဗဿ စ ဓမ္မဿ…ပေ… ဘာဝနာယ ပဟာတဗ္ဗာ ဟေတူ ¶ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)

နေဝဒဿနေန နဘာဝနာယ ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ…ပေ… နေဝဒဿနေန နဘာဝနာယ ပဟာတဗ္ဗာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ ပဋိသန္ဓိက္ခဏေ နေဝဒဿနေန နဘာဝနာယ ပဟာတဗ္ဗာ ဟေတူ သမ္ပယုတ္တကာနံ ခန္ဓာနံ ကဋတ္တာ စ ရူပါနံ ဟေတုပစ္စယေန ပစ္စယော။ (၁)

အာရမ္မဏပစ္စယော

၇၁။ ဒဿနေန ပဟာတဗ္ဗော ဓမ္မော ဒဿနေန ပဟာတဗ္ဗဿ ဓမ္မဿ အာရမ္မဏပစ္စယေန ပစ္စယော – ဒဿနေန ပဟာတဗ္ဗံ ရာဂံ အဿာဒေတိ အဘိနန္ဒတိ၊ တံ အာရဗ္ဘ ဒဿနေန ပဟာတဗ္ဗော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ ဝိစိကိစ္ဆာ ဥပ္ပဇ္ဇတိ။ ဒဿနေန ပဟာတဗ္ဗံ ဒေါမနဿံ ဥပ္ပဇ္ဇတိ၊ ဒိဋ္ဌိံ အဿာဒေတိ အဘိနန္ဒတိ၊ တံ အာရဗ္ဘ ဒဿနေန ပဟာတဗ္ဗော ¶ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ ဝိစိကိစ္ဆာ ဥပ္ပဇ္ဇတိ ¶ ။ ဒဿနေန ပဟာတဗ္ဗံ ဒေါမနဿံ ဥပ္ပဇ္ဇတိ၊ ဝိစိကိစ္ဆံ အာရဗ္ဘ ဝိစိကိစ္ဆာ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ ဒဿနေန ပဟာတဗ္ဗံ ဒေါမနဿံ ဥပ္ပဇ္ဇတိ။ ဒဿနေန ပဟာတဗ္ဗံ ဒေါမနဿံ အာရဗ္ဘ ဒဿနေန ပဟာတဗ္ဗံ ဒေါမနဿံ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ ဝိစိကိစ္ဆာ ဥပ္ပဇ္ဇတိ။ (၁)

ဒဿနေန ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ အာရမ္မဏပစ္စယေန ပစ္စယော – အရိယာ ဒဿနေန ပဟာတဗ္ဗေ ပဟီနေ ကိလေသေ ပစ္စဝေက္ခန္တိ၊ ပုဗ္ဗေ သမုဒါစိဏ္ဏေ ကိလေသေ ဇာနန္တိ။ ဒဿနေန ပဟာတဗ္ဗေ ခန္ဓေ အနိစ္စတော ဒုက္ခတော အနတ္တတော ဝိပဿန္တိ။ စေတောပရိယဉာဏေန ဒဿနေန ပဟာတဗ္ဗစိတ္တသမင်္ဂိဿ စိတ္တံ ဇာနန္တိ။ ဒဿနေန ပဟာတဗ္ဗာ ခန္ဓာ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၂)

၇၂။ ဘာဝနာယ ပဟာတဗ္ဗော ဓမ္မော ဘာဝနာယ ပဟာတဗ္ဗဿ ဓမ္မဿ အာရမ္မဏပစ္စယေန ပစ္စယော – ဘာဝနာယ ပဟာတဗ္ဗံ ရာဂံ အဿာဒေတိ အဘိနန္ဒတိ၊ တံ အာရဗ္ဘ ဘာဝနာယ ပဟာတဗ္ဗော ရာဂေါ ဥပ္ပဇ္ဇတိ၊ ဥဒ္ဓစ္စံ ဥပ္ပဇ္ဇတိ ¶ ။ ဘာဝနာယ ပဟာတဗ္ဗံ ဒေါမနဿံ ဥပ္ပဇ္ဇတိ၊ ဥဒ္ဓစ္စံ အာရဗ္ဘ ဥဒ္ဓစ္စံ ဥပ္ပဇ္ဇတိ။ ဘာဝနာယ ပဟာတဗ္ဗံ ဒေါမနဿံ ဥပ္ပဇ္ဇတိ၊ ဘာဝနာယ ပဟာတဗ္ဗံ ဒေါမနဿံ အာရဗ္ဘ ဘာဝနာယ ပဟာတဗ္ဗံ ဒေါမနဿံ ဥပ္ပဇ္ဇတိ၊ ဥဒ္ဓစ္စံ ဥပ္ပဇ္ဇတိ။ (၁)

ဘာဝနာယ ¶ ပဟာတဗ္ဗော ဓမ္မော ဒဿနေန ပဟာတဗ္ဗဿ ဓမ္မဿ အာရမ္မဏပစ္စယေန ပစ္စယော – ဘာဝနာယ ပဟာတဗ္ဗံ ရာဂံ အဿာဒေတိ အဘိနန္ဒတိ၊ တံ အာရဗ္ဘ ဒဿနေန ပဟာတဗ္ဗော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ ဝိစိကိစ္ဆာ ဥပ္ပဇ္ဇတိ၊ ဒဿနေန ပဟာတဗ္ဗံ ဒေါမနဿံ ဥပ္ပဇ္ဇတိ။ ဥဒ္ဓစ္စံ အာရဗ္ဘ ဒိဋ္ဌိ ဥပ္ပဇ္ဇတိ၊ ဝိစိကိစ္ဆာ ဥပ္ပဇ္ဇတိ၊ ဒဿနေန ပဟာတဗ္ဗံ ဒေါမနဿံ ဥပ္ပဇ္ဇတိ။ ဘာဝနာယ ပဟာတဗ္ဗံ ဒေါမနဿံ အာရဗ္ဘ ဒဿနေန ပဟာတဗ္ဗံ ဒေါမနဿံ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ ဝိစိကိစ္ဆာ ဥပ္ပဇ္ဇတိ။ (၂)

ဘာဝနာယ ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ အာရမ္မဏပစ္စယေန ပစ္စယော – အရိယာ ဘာဝနာယ ပဟာတဗ္ဗေ ပဟီနေ ကိလေသေ ပစ္စဝေက္ခန္တိ၊ ဝိက္ခမ္ဘိတေ ကိလေသေ ပစ္စဝေက္ခန္တိ၊ ပုဗ္ဗေ သမုဒါစိဏ္ဏေ ကိလေသေ ဇာနန္တိ။ ဘာဝနာယ ပဟာတဗ္ဗေ ခန္ဓေ အနိစ္စတော ဒုက္ခတော အနတ္တတော ဝိပဿန္တိ၊ စေတောပရိယဉာဏေန ဘာဝနာယ ပဟာတဗ္ဗစိတ္တသမင်္ဂိဿ စိတ္တံ ဇာနန္တိ။ ဘာဝနာယ ပဟာတဗ္ဗာ ခန္ဓာ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ ¶ ၊ ယထာကမ္မူပဂဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၃)

၇၃။ နေဝဒဿနေန နဘာဝနာယ ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ သမာဒိယိတွာ ဥပေါသထကမ္မံ ကတွာ တံ ပစ္စဝေက္ခတိ၊ ပုဗ္ဗေ သုစိဏ္ဏာနိ ပစ္စဝေက္ခတိ၊ ဈာနာ ဝုဋ္ဌဟိတွာ ဈာနံ ပစ္စဝေက္ခတိ။ အရိယာ ¶ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ၊ ဖလံ ပစ္စဝေက္ခန္တိ၊ နိဗ္ဗာနံ ပစ္စဝေက္ခန္တိ၊ နိဗ္ဗာနံ ဂေါတြဘုဿ၊ ဝေါဒါနဿ၊ မဂ္ဂဿ၊ ဖလဿ၊ အာဝဇ္ဇနာယ အာရမ္မဏပစ္စယေန ပစ္စယော။ စက္ခုံ အနိစ္စတော ဒုက္ခတော အနတ္တတော ဝိပဿတိ၊ သောတံ… ဃာနံ… ဇိဝှံ… ကာယံ… ရူပေ… သဒ္ဒေ… ဂန္ဓေ… ရသေ… ဖောဋ္ဌဗ္ဗေ… ဝတ္ထုံ… နေဝဒဿနေန နဘာဝနာယ ပဟာတဗ္ဗေ ခန္ဓေ အနိစ္စတော ဒုက္ခတော အနတ္တတော ဝိပဿတိ၊ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ၊ စေတောပရိယဉာဏေန နေဝဒဿနေန နဘာဝနာယ ပဟာတဗ္ဗစိတ္တသမင်္ဂိဿ စိတ္တံ ဇာနန္တိ ¶ ၊ အာကာသာနဉ္စာယတနံ ဝိညာဏဉ္စာယတနဿ…ပေ… အာကိဉ္စညာယတနံ နေဝသညာနာသညာယတနဿ…ပေ… ရူပါယတနံ စက္ခုဝိညာဏဿ အာရမ္မဏပစ္စယေန ပစ္စယော…ပေ… ဖောဋ္ဌဗ္ဗာယတနံ ကာယဝိညာဏဿ အာရမ္မဏပစ္စယေန ပစ္စယော…ပေ… နေဝဒဿနေန နဘာဝနာယ ပဟာတဗ္ဗာ ခန္ဓာ ဣဒ္ဓိဝိဓဉာဏဿ၊ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၁)

နေဝဒဿနေန နဘာဝနာယ ပဟာတဗ္ဗော ဓမ္မော ဒဿနေန ပဟာတဗ္ဗဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ သမာဒိယိတွာ ဥပေါသထကမ္မံ ကတွာ တံ အဿာဒေတိ အဘိနန္ဒတိ၊ တံ အာရဗ္ဘ ဒဿနေန ပဟာတဗ္ဗော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ ဝိစိကိစ္ဆာ ဥပ္ပဇ္ဇတိ၊ ဒဿနေန ပဟာတဗ္ဗံ ဒေါမနဿံ ဥပ္ပဇ္ဇတိ။ ပုဗ္ဗေ သုစိဏ္ဏာနိ အဿာဒေတိ အဘိနန္ဒတိ…ပေ… ဈာနာ ဝုဋ္ဌဟိတွာ ဈာနံ အဿာဒေတိ အဘိနန္ဒတိ၊ တံ အာရဗ္ဘ ¶ ဒဿနေန ပဟာတဗ္ဗော ရာဂေါ…ပေ… ဒိဋ္ဌိ…ပေ… ဝိစိကိစ္ဆာ…ပေ… ဈာနေ ပရိဟီနေ ဝိပ္ပဋိသာရိဿ ဒဿနေန ပဟာတဗ္ဗံ ဒေါမနဿံ ဥပ္ပဇ္ဇတိ။ စက္ခုံ အဿာဒေတိ အဘိနန္ဒတိ…ပေ… သောတံ… ဃာနံ… ဇိဝှံ… ကာယံ… ရူပေ… သဒ္ဒေ… ဂန္ဓေ… ရသေ… ဖောဋ္ဌဗ္ဗေ… ဝတ္ထုံ… နေဝဒဿနေန နဘာဝနာယ ပဟာတဗ္ဗေ ခန္ဓေ အဿာဒေတိ အဘိနန္ဒတိ၊ တံ အာရဗ္ဘ ¶ ဒဿနေန ပဟာတဗ္ဗော ရာဂေါ…ပေ… ဒိဋ္ဌိ…ပေ… ဝိစိကိစ္ဆာ…ပေ… ဒဿနေန ပဟာတဗ္ဗံ ဒေါမနဿံ ဥပ္ပဇ္ဇတိ။ (၂)

နေဝဒဿနေန နဘာဝနာယ ပဟာတဗ္ဗော ဓမ္မော ဘာဝနာယ ပဟာတဗ္ဗဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ သမာဒိယိတွာ ဥပေါသထကမ္မံ ကတွာ တံ အဿာဒေတိ အဘိနန္ဒတိ၊ တံ အာရဗ္ဘ ဘာဝနာယ ပဟာတဗ္ဗော ရာဂေါ ဥပ္ပဇ္ဇတိ၊ ဥဒ္ဓစ္စံ ဥပ္ပဇ္ဇတိ၊ ဘာဝနာယ ပဟာတဗ္ဗံ ဒေါမနဿံ ဥပ္ပဇ္ဇတိ။ ပုဗ္ဗေ သုစိဏ္ဏာနိ…ပေ… ဈာနာ ဝုဋ္ဌဟိတွာ…ပေ… စက္ခုံ…ပေ… ဝတ္ထုံ… နေဝဒဿနေန နဘာဝနာယ ပဟာတဗ္ဗေ ခန္ဓေ အဿာဒေတိ…ပေ… တံ အာရဗ္ဘ ဘာဝနာယ ပဟာတဗ္ဗော ရာဂေါ ဥပ္ပဇ္ဇတိ၊ ဥဒ္ဓစ္စံ ဥပ္ပဇ္ဇတိ၊ ဘာဝနာယ ပဟာတဗ္ဗံ ဒေါမနဿံ ဥပ္ပဇ္ဇတိ။ (၃)

အဓိပတိပစ္စယော

၇၄။ ဒဿနေန ပဟာတဗ္ဗော ဓမ္မော ဒဿနေန ပဟာတဗ္ဗဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ ¶ – ဒဿနေန ပဟာတဗ္ဗံ ရာဂံ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ဒဿနေန ပဟာတဗ္ဗော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ ဒိဋ္ဌိံ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ဒဿနေန ပဟာတဗ္ဗော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ သဟဇာတာဓိပတိ ¶ – ဒဿနေန ပဟာတဗ္ဗာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)

ဒဿနေန ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – ဒဿနေန ပဟာတဗ္ဗာဓိပတိ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၂)

ဒဿနေန ပဟာတဗ္ဗော ဓမ္မော ဒဿနေန ပဟာတဗ္ဗဿ စ နေဝဒဿနေန နဘာဝနာယ ပဟာတဗ္ဗဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – ဒဿနေန ပဟာတဗ္ဗာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)

၇၅။ ဘာဝနာယ ¶ ပဟာတဗ္ဗော ဓမ္မော ဘာဝနာယ ပဟာတဗ္ဗဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ဘာဝနာယ ပဟာတဗ္ဗံ ရာဂံ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ဘာဝနာယ ပဟာတဗ္ဗော ရာဂေါ ဥပ္ပဇ္ဇတိ။ သဟဇာတာဓိပတိ – ဘာဝနာယ ပဟာတဗ္ဗာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)

ဘာဝနာယ ပဟာတဗ္ဗော ဓမ္မော ဒဿနေန ပဟာတဗ္ဗဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – ဘာဝနာယ ပဟာတဗ္ဗံ ရာဂံ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ဒဿနေန ပဟာတဗ္ဗော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ (၂)

ဘာဝနာယ ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ¶ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – ဘာဝနာယ ပဟာတဗ္ဗာဓိပတိ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၃)

ဘာဝနာယ ပဟာတဗ္ဗော ဓမ္မော ဘာဝနာယ ပဟာတဗ္ဗဿ စ နေဝဒဿနေန နဘာဝနာယ ပဟာတဗ္ဗဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – ဘာဝနာယ ပဟာတဗ္ဗာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၄)

၇၆။ နေဝဒဿနေန ¶ နဘာဝနာယ ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ဒါနံ ဒတွာ သီလံ သမာဒိယိတွာ ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ၊ ပုဗ္ဗေ သုစိဏ္ဏာနိ…ပေ… ဈာနာ ဝုဋ္ဌဟိတွာ ဈာနံ ဂရုံ ကတွာ ပစ္စဝေက္ခတိ၊ အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ၊ ဖလံ ဂရုံ ကတွာ ပစ္စဝေက္ခန္တိ၊ နိဗ္ဗာနံ ဂရုံ ကတွာ ပစ္စဝေက္ခန္တိ၊ နိဗ္ဗာနံ ဂေါတြဘုဿ၊ ဝေါဒါနဿ၊ မဂ္ဂဿ၊ ဖလဿ အဓိပတိပစ္စယေန ပစ္စယော။ သဟဇာတာဓိပတိ – နေဝဒဿနေန နဘာဝနာယ ပဟာတဗ္ဗာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၁)

နေဝဒဿနေန ¶ နဘာဝနာယ ပဟာတဗ္ဗော ဓမ္မော ဒဿနေန ပဟာတဗ္ဗဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – ဒါနံ ဒတွာ သီလံ သမာဒိယိတွာ ဥပေါသထကမ္မံ ကတွာ တံ ဂရုံ ကတွာ အဿာဒေတိ ¶ အဘိနန္ဒတိ၊ တံ ဂရုံ ကတွာ ဒဿနေန ပဟာတဗ္ဗော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ ပုဗ္ဗေ သုစိဏ္ဏာနိ ဂရုံ ကတွာ…ပေ… ဈာနာ ဝုဋ္ဌဟိတွာ ဈာနံ ဂရုံ ကတွာ…ပေ… စက္ခုံ…ပေ… ဝတ္ထုံ… နေဝဒဿနေန နဘာဝနာယ ပဟာတဗ္ဗေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ဒဿနေန ပဟာတဗ္ဗော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ (၂)

နေဝဒဿနေန နဘာဝနာယ ပဟာတဗ္ဗော ဓမ္မော ဘာဝနာယ ပဟာတဗ္ဗဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – ဒါနံ ဒတွာ သီလံ သမာဒိယိတွာ ဥပေါသထကမ္မံ ကတွာ တံ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ဘာဝနာယ ပဟာတဗ္ဗော ရာဂေါ ဥပ္ပဇ္ဇတိ။ ပုဗ္ဗေ…ပေ… နေဝဒဿနေန နဘာဝနာယ ပဟာတဗ္ဗေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ဘာဝနာယ ပဟာတဗ္ဗော ရာဂေါ ဥပ္ပဇ္ဇတိ။ (၃)

အနန္တရပစ္စယော

၇၇။ ဒဿနေန ပဟာတဗ္ဗော ဓမ္မော ဒဿနေန ပဟာတဗ္ဗဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဒဿနေန ပဟာတဗ္ဗာ ခန္ဓာ ပစ္ဆိမာနံ ပစ္ဆိမာနံ ဒဿနေန ပဟာတဗ္ဗာနံ ခန္ဓာနံ အနန္တရပစ္စယေန ပစ္စယော။

ဒဿနေန ¶ ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ အနန္တရပစ္စယေန ပစ္စယော – ဒဿနေန ပဟာတဗ္ဗာ ခန္ဓာ ဝုဋ္ဌာနဿ အနန္တရပစ္စယေန ပစ္စယော။ (၂)

ဘာဝနာယ ပဟာတဗ္ဗော ဓမ္မော ဘာဝနာယ ပဟာတဗ္ဗဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဘာဝနာယ ပဟာတဗ္ဗာ ခန္ဓာ ပစ္ဆိမာနံ ¶ ပစ္ဆိမာနံ ဘာဝနာယ ပဟာတဗ္ဗာနံ ခန္ဓာနံ အနန္တရပစ္စယေန ပစ္စယော။ (၁)

ဘာဝနာယ ¶ ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ အနန္တရပစ္စယေန ပစ္စယော – ဘာဝနာယ ပဟာတဗ္ဗာ ခန္ဓာ ဝုဋ္ဌာနဿ အနန္တရပစ္စယေန ပစ္စယော။ (၂)

နေဝဒဿနေန နဘာဝနာယ ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ နေဝဒဿနေန နဘာဝနာယ ပဟာတဗ္ဗာ ခန္ဓာ ပစ္ဆိမာနံ ပစ္ဆိမာနံ နေဝဒဿနေန နဘာဝနာယ ပဟာတဗ္ဗာနံ ခန္ဓာနံ အနန္တရပစ္စယေန ပစ္စယော။ အနုလောမံ ဂေါတြဘုဿ… အနုလောမံ ဝေါဒါနဿ… ဂေါတြဘု မဂ္ဂဿ… ဝေါဒါနံ မဂ္ဂဿ… မဂ္ဂေါ ဖလဿ… ဖလံ ဖလဿ… အနုလောမံ ဖလသမာပတ္တိယာ… နိရောဓာ ဝုဋ္ဌဟန္တဿ နေဝသညာနာသညာယတနံ ဖလသမာပတ္တိယာ အနန္တရပစ္စယေန ပစ္စယော။ (၁)

နေဝဒဿနေန နဘာဝနာယ ပဟာတဗ္ဗော ဓမ္မော ဒဿနေန ပဟာတဗ္ဗဿ ဓမ္မဿ…ပေ… အာဝဇ္ဇနာ ဒဿနေန ပဟာတဗ္ဗာနံ ခန္ဓာနံ အနန္တရပစ္စယေန ပစ္စယော။ (၂)

နေဝဒဿနေန နဘာဝနာယ ပဟာတဗ္ဗော ဓမ္မော ဘာဝနာယ ပဟာတဗ္ဗဿ ဓမ္မဿ အနန္တရပစ္စယေန ပစ္စယော – အာဝဇ္ဇနာ ဘာဝနာယ ပဟာတဗ္ဗာနံ ခန္ဓာနံ အနန္တရပစ္စယေန ပစ္စယော။ (၃)

သမနန္တရပစ္စယော

၇၈။ ဒဿနေန ပဟာတဗ္ဗော ဓမ္မော ဒဿနေန ပဟာတဗ္ဗဿ ဓမ္မဿ ¶ သမနန္တရပစ္စယေန ပစ္စယော (အနန္တရသဒိသံ)။

သဟဇာတပစ္စယော

၇၉။ ဒဿနေန ¶ ပဟာတဗ္ဗော ဓမ္မော ဒဿနေန ပဟာတဗ္ဗဿ ဓမ္မဿ သဟဇာတပစ္စယေန ပစ္စယော… တီဏိ။

ဘာဝနာယ ပဟာတဗ္ဗော ဓမ္မော ဘာဝနာယ ပဟာတဗ္ဗဿ ဓမ္မဿ… တီဏိ။

နေဝဒဿနေန နဘာဝနာယ ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ သဟဇာတပစ္စယေန ¶ ပစ္စယော – နေဝဒဿနေန နဘာဝနာယ ပဟာတဗ္ဗော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ သဟဇာတပစ္စယေန ပစ္စယော…ပေ… ဒွေ ခန္ဓာ…ပေ… ပဋိသန္ဓိက္ခဏေ…ပေ… ခန္ဓာ ဝတ္ထုဿ သဟဇာတပစ္စယေန ပစ္စယော။ ဝတ္ထု ခန္ဓာနံ…ပေ… ဧကံ မဟာဘူတံ တိဏ္ဏန္နံ မဟာဘူတာနံ…ပေ… မဟာဘူတာ စိတ္တသမုဋ္ဌာနာနံ ရူပါနံ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ…။ (၁)

ဒဿနေန ပဟာတဗ္ဗော စ နေဝဒဿနေန နဘာဝနာယ ပဟာတဗ္ဗော စ ဓမ္မာ နေဝဒဿနေန နဘာဝနာယ ပဟာတဗ္ဗဿ ဓမ္မဿ သဟဇာတပစ္စယေန ပစ္စယော – ဒဿနေန ပဟာတဗ္ဗာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ သဟဇာတပစ္စယေန ပစ္စယော။ (၁)

ဘာဝနာယ ပဟာတဗ္ဗော စ နေဝဒဿနေန နဘာဝနာယ ပဟာတဗ္ဗော စ ဓမ္မာ နေဝဒဿနေန နဘာဝနာယ ပဟာတဗ္ဗဿ ဓမ္မဿ သဟဇာတပစ္စယေန ပစ္စယော – ဘာဝနာယ ပဟာတဗ္ဗာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ သဟဇာတပစ္စယေန ပစ္စယော။ (၁)

အညမညပစ္စယော

၈၀။ ဒဿနေန ¶ ပဟာတဗ္ဗော ဓမ္မော ဒဿနေန ပဟာတဗ္ဗဿ ဓမ္မဿ အညမညပစ္စယေန ပစ္စယော – ဒဿနေန ပဟာတဗ္ဗော ဧကော ခန္ဓော တိဏ္ဏန္နံ ခန္ဓာနံ…ပေ…။ (၁)

ဘာဝနာယ ပဟာတဗ္ဗော ဓမ္မော ဘာဝနာယ ပဟာတဗ္ဗဿ ဓမ္မဿ…ပေ… ဘာဝနာယ ပဟာတဗ္ဗော ဧကော ခန္ဓော တိဏ္ဏန္နံ ခန္ဓာနံ…ပေ…။ (၁)

နေဝဒဿနေန ¶ နဘာဝနာယ ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ…ပေ… နေဝဒဿနေန နဘာဝနာယ ပဟာတဗ္ဗော ဧကော ခန္ဓော တိဏ္ဏန္နံ ခန္ဓာနံ အညမညပစ္စယေန ပစ္စယော…ပေ… ဒွေ ခန္ဓာ…ပေ… ပဋိသန္ဓိက္ခဏေ နေဝဒဿနေန နဘာဝနာယ ပဟာတဗ္ဗော ဧကော ခန္ဓော တိဏ္ဏန္နံ ခန္ဓာနံ ဝတ္ထုဿ စ အညမညပစ္စယေန ပစ္စယော…ပေ… ဒွေ ခန္ဓာ…ပေ… ခန္ဓာ ဝတ္ထုဿ…ပေ… ဝတ္ထု ခန္ဓာနံ…ပေ… ဧကံ မဟာဘူတံ တိဏ္ဏန္နံ မဟာဘူတာနံ အညမညပစ္စယေန ပစ္စယော…ပေ… အသညသတ္တာနံ…ပေ…။ (၁)

နိဿယပစ္စယော

၈၁။ ဒဿနေန ¶ ပဟာတဗ္ဗော ဓမ္မော ဒဿနေန ပဟာတဗ္ဗဿ ဓမ္မဿ နိဿယပစ္စယေန ပစ္စယော… တီဏိ။

ဘာဝနာယ ပဟာတဗ္ဗော ဓမ္မော ဘာဝနာယ ပဟာတဗ္ဗဿ ဓမ္မဿ… တီဏိ။

နေဝဒဿနေန နဘာဝနာယ ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ နိဿယပစ္စယေန ပစ္စယော – နေဝဒဿနေန နဘာဝနာယ ပဟာတဗ္ဗော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ…ပေ… ဒွေ ခန္ဓာ…ပေ… ပဋိသန္ဓိက္ခဏေ…ပေ… ခန္ဓာ ဝတ္ထုဿ…ပေ… ဝတ္ထု ခန္ဓာနံ…ပေ… ဧကံ မဟာဘူတံ…ပေ… အသညသတ္တာနံ…ပေ… စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ¶ ဝတ္ထု…ပေ…။ (၁)

နေဝဒဿနေန နဘာဝနာယ ပဟာတဗ္ဗော ဓမ္မော ဒဿနေန ပဟာတဗ္ဗဿ ဓမ္မဿ နိဿယပစ္စယေန ပစ္စယော – ဝတ္ထု ဒဿနေန ပဟာတဗ္ဗာနံ ခန္ဓာနံ နိဿယပစ္စယေန ပစ္စယော။ (၂)

နေဝဒဿနေန နဘာဝနာယ ပဟာတဗ္ဗော ဓမ္မော ဘာဝနာယ ပဟာတဗ္ဗဿ ဓမ္မဿ နိဿယပစ္စယေန ပစ္စယော – ဝတ္ထု ဘာဝနာယ ပဟာတဗ္ဗာနံ ခန္ဓာနံ နိဿယပစ္စယေန ပစ္စယော။ (၃)

၈၂။ ဒဿနေန ပဟာတဗ္ဗော စ နေဝဒဿနေန နဘာဝနာယ ပဟာတဗ္ဗော စ ဓမ္မာ ဒဿနေန ပဟာတဗ္ဗဿ ဓမ္မဿ နိဿယပစ္စယေန ပစ္စယော – ဒဿနေန ပဟာတဗ္ဗော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ နိဿယပစ္စယေန ပစ္စယော…ပေ… ဒွေ ခန္ဓာ…ပေ…။ (၁)

ဒဿနေန ပဟာတဗ္ဗော စ နေဝဒဿနေန နဘာဝနာယ ပဟာတဗ္ဗော စ ဓမ္မာ နေဝဒဿနေန နဘာဝနာယ ပဟာတဗ္ဗဿ ဓမ္မဿ နိဿယပစ္စယေန ပစ္စယော ¶ – ဒဿနေန ပဟာတဗ္ဗာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ နိဿယပစ္စယေန ပစ္စယော။ (၂)

ဘာဝနာယ ¶ ပဟာတဗ္ဗော စ နေဝဒဿနေန နဘာဝနာယ ပဟာတဗ္ဗော စ ဓမ္မာ ဘာဝနာယ ပဟာတဗ္ဗဿ ဓမ္မဿ နိဿယပစ္စယေန ပစ္စယော – ဘာဝနာယ ပဟာတဗ္ဗော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ နိဿယပစ္စယေန ပစ္စယော…ပေ… ဒွေ ခန္ဓာ…ပေ…။ (၁)

ဘာဝနာယ ပဟာတဗ္ဗော စ နေဝဒဿနေန နဘာဝနာယ ပဟာတဗ္ဗော စ ဓမ္မာ နေဝဒဿနေန နဘာဝနာယ ပဟာတဗ္ဗဿ ဓမ္မဿ နိဿယပစ္စယေန ¶ ပစ္စယော – ဘာဝနာယ ပဟာတဗ္ဗာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ နိဿယပစ္စယေန ပစ္စယော။ (၂)

ဥပနိဿယပစ္စယော

၈၃။ ဒဿနေန ပဟာတဗ္ဗော ဓမ္မော ဒဿနေန ပဟာတဗ္ဗဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ဒဿနေန ပဟာတဗ္ဗံ ရာဂံ ဥပနိဿာယ ပါဏံ ဟနတိ၊ အဒိန္နံ အာဒိယတိ…ပေ… သင်္ဃံ ဘိန္ဒတိ။ ဒဿနေန ပဟာတဗ္ဗံ ဒေါသံ… မောဟံ… ဒိဋ္ဌိံ… ပတ္ထနံ ဥပနိဿာယ ပါဏံ ဟနတိ…ပေ… သင်္ဃံ ဘိန္ဒတိ။ ဒဿနေန ပဟာတဗ္ဗော ရာဂေါ… ဒေါသော… မောဟော… ဒိဋ္ဌိ… ပတ္ထနာ ဒဿနေန ပဟာတဗ္ဗဿ ရာဂဿ။။ ဒေါသဿ… မောဟဿ… ဒိဋ္ဌိယာ… ပတ္ထနာယ ဥပနိဿယပစ္စယေန ပစ္စယော။ (၁)

ဒဿနေန ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ဒဿနေန ပဟာတဗ္ဗံ ရာဂံ ဥပနိဿာယ ဒါနံ ဒေတိ၊ သီလံ သမာဒိယတိ၊ ဥပေါသထကမ္မံ ကရောတိ…ပေ… သမာပတ္တိံ ဥပ္ပာဒေတိ။ ဒဿနေန ပဟာတဗ္ဗံ ဒေါသံ…ပေ… ပတ္ထနံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပာဒေတိ။ ဒဿနေန ပဟာတဗ္ဗော ရာဂေါ… ဒေါသော… မောဟော… ဒိဋ္ဌိ… ပတ္ထနာ သဒ္ဓါယ…ပေ… ပညာယ ကာယိကဿ သုခဿ၊ ကာယိကဿ ဒုက္ခဿ ဖလသမာပတ္တိယာ ဥပနိဿယပစ္စယေန ပစ္စယော။ (၂)

၈၄။ ဘာဝနာယ ¶ ပဟာတဗ္ဗော ဓမ္မော ဘာဝနာယ ပဟာတဗ္ဗဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော ¶ ၊ ပကတူပနိဿယော…ပေ…။ ပကတူပနိဿယော – ဘာဝနာယ ¶ ပဟာတဗ္ဗော ရာဂေါ… ဒေါသော… မောဟော… မာနော… ပတ္ထနာ ဘာဝနာယ ပဟာတဗ္ဗဿ ရာဂဿ… ဒေါသဿ… မောဟဿ… မာနဿ… ပတ္ထနာယ ဥပနိဿယပစ္စယေန ပစ္စယော။ (၁)

ဘာဝနာယ ပဟာတဗ္ဗော ဓမ္မော ဒဿနေန ပဟာတဗ္ဗဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ ပကတူပနိဿယော…ပေ…။ ပကတူပနိဿယော – ဘာဝနာယ ပဟာတဗ္ဗံ ရာဂံ ဥပနိဿာယ ပါဏံ ဟနတိ…ပေ… သင်္ဃံ ဘိန္ဒတိ။ ဘာဝနာယ ပဟာတဗ္ဗံ ဒေါသံ… မောဟံ… မာနံ… ပတ္ထနံ ဥပနိဿာယ ပါဏံ ဟနတိ…ပေ… သင်္ဃံ ဘိန္ဒတိ။ ဘာဝနာယ ပဟာတဗ္ဗော ရာဂေါ… ဒေါသော… မောဟော… မာနော… ပတ္ထနာ ဒဿနေန ပဟာတဗ္ဗဿ ရာဂဿ… ဒေါသဿ… မောဟဿ… ဒိဋ္ဌိယာ… ပတ္ထနာယ ဥပနိဿယပစ္စယေန ပစ္စယော။ သကဘဏ္ဍေ ဆန္ဒရာဂေါ ပရဘဏ္ဍေ ဆန္ဒရာဂဿ ဥပနိဿယပစ္စယေန ပစ္စယော။ သကပရိဂ္ဂဟေ ဆန္ဒရာဂေါ ပရပရိဂ္ဂဟေ ဆန္ဒရာဂဿ ဥပနိဿယပစ္စယေန ပစ္စယော။ (၂)

ဘာဝနာယ ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ဘာဝနာယ ပဟာတဗ္ဗံ ရာဂံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပာဒေတိ။ ဘာဝနာယ ပဟာတဗ္ဗံ ဒေါသံ… မောဟံ… မာနံ… ပတ္ထနံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပာဒေတိ။ ဘာဝနာယ ပဟာတဗ္ဗော ရာဂေါ… ဒေါသော… မောဟော… မာနော… ¶ ပတ္ထနာ သဒ္ဓါယ…ပေ… ဖလသမာပတ္တိယာ ဥပနိဿယပစ္စယေန ပစ္စယော။ (၃)

၈၅။ နေဝဒဿနေန နဘာဝနာယ ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပာဒေတိ။ သီလံ… သုတံ… စာဂံ… ပညံ… ကာယိကံ… သုခံ… ကာယိကံ ဒုက္ခံ… ဥတုံ… ဘောဇနံ… သေနာသနံ… ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပာဒေတိ။ သဒ္ဓါ… သီလံ… သုတံ… စာဂေါ ¶ … ပညာ… ကာယိကံ သုခံ… ကာယိကံ ဒုက္ခံ… ဥတု… ဘောဇနံ… သေနာသနံ… သဒ္ဓါယ…ပေ… ပညာယ ကာယိကဿ သုခဿ၊ ကာယိကဿ ဒုက္ခဿ ဖလသမာပတ္တိယာ ဥပနိဿယပစ္စယေန ပစ္စယော။ (၁)

နေဝဒဿနေန ¶ နဘာဝနာယ ပဟာတဗ္ဗော ဓမ္မော ဒဿနေန ပဟာတဗ္ဗဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒိဋ္ဌိံ ဂဏှာတိ။ သီလံ…ပေ… သေနာသနံ ဥပနိဿာယ ပါဏံ ဟနတိ…ပေ… သင်္ဃံ ဘိန္ဒတိ။ သဒ္ဓါ…ပေ… သေနာသနံ ဒဿနေန ပဟာတဗ္ဗဿ ရာဂဿ… ဒေါသဿ… မောဟဿ… ဒိဋ္ဌိယာ… ပတ္ထနာယ ဥပနိဿယပစ္စယေန ပစ္စယော။ (၂)

နေဝဒဿနေန နဘာဝနာယ ပဟာတဗ္ဗော ဓမ္မော ဘာဝနာယ ပဟာတဗ္ဗဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ¶ မာနံ ဇပ္ပေတိ။ သီလံ…ပေ… ပညံ… ကာယိကံ သုခံ… ကာယိကံ ဒုက္ခံ… ဥတုံ… ဘောဇနံ… သေနာသနံ… ဥပနိဿာယ မာနံ ဇပ္ပေတိ။ သဒ္ဓါ…ပေ… ပညာ… ကာယိကံ သုခံ… ကာယိကံ ဒုက္ခံ… ဥတု… ဘောဇနံ… သေနာသနံ ဘာဝနာယ ပဟာတဗ္ဗဿ ရာဂဿ… ဒေါသဿ… မောဟဿ… မာနဿ… ပတ္ထနာယ ဥပနိဿယပစ္စယေန ပစ္စယော။ (၃)

ပုရေဇာတပစ္စယော

၈၆။ နေဝဒဿနေန နဘာဝနာယ ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ အနိစ္စတော ဒုက္ခတော အနတ္တတော ဝိပဿတိ၊ သောတံ… ဃာနံ… ဇိဝှံ… ကာယံ… ရူပေ… သဒ္ဒေ… ဂန္ဓေ… ရသေ… ဖောဋ္ဌဗ္ဗေ… ဝတ္ထုံ…ပေ… ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ ပုရေဇာတပစ္စယေန ပစ္စယော။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု နေဝဒဿနေန နဘာဝနာယ ပဟာတဗ္ဗာနံ ခန္ဓာနံ ပုရေဇာတပစ္စယေန ပစ္စယော။ (၁)

နေဝဒဿနေန ¶ နဘာဝနာယ ပဟာတဗ္ဗော ဓမ္မော ဒဿနေန ပဟာတဗ္ဗဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ အဿာဒေတိ အဘိနန္ဒတိ၊ တံ အာရဗ္ဘ ဒဿနေန ပဟာတဗ္ဗော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ ဝိစိကိစ္ဆာ ¶ ဥပ္ပဇ္ဇတိ၊ ဒဿနေန ပဟာတဗ္ဗံ ဒေါမနဿံ ဥပ္ပဇ္ဇတိ…ပေ… ¶ ဝတ္ထုံ အဿာဒေတိ အဘိနန္ဒတိ၊ တံ အာရဗ္ဘ ဒဿနေန ပဟာတဗ္ဗော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ ဝိစိကိစ္ဆာ ဥပ္ပဇ္ဇတိ၊ ဒဿနေန ပဟာတဗ္ဗံ ဒေါမနဿံ ဥပ္ပဇ္ဇတိ။ ဝတ္ထုပုရေဇာတံ – ဝတ္ထု ဒဿနေန ပဟာတဗ္ဗာနံ ခန္ဓာနံ ပုရေဇာတပစ္စယေန ပစ္စယော။ (၂)

နေဝဒဿနေန နဘာဝနာယ ပဟာတဗ္ဗော ဓမ္မော ဘာဝနာယ ပဟာတဗ္ဗဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ အဿာဒေတိ အဘိနန္ဒတိ၊ တံ အာရဗ္ဘ ဘာဝနာယ ပဟာတဗ္ဗော ရာဂေါ ဥပ္ပဇ္ဇတိ… ဥဒ္ဓစ္စံ ဥပ္ပဇ္ဇတိ… ဘာဝနာယ ပဟာတဗ္ဗံ ဒေါမနဿံ ဥပ္ပဇ္ဇတိ၊ သောတံ…ပေ… ကာယံ… ရူပေ…ပေ… ဖောဋ္ဌဗ္ဗေ… ဝတ္ထုံ အဿာဒေတိ အဘိနန္ဒတိ၊ တံ အာရဗ္ဘ ဘာဝနာယ ပဟာတဗ္ဗော ရာဂေါ ဥပ္ပဇ္ဇတိ၊ ဥဒ္ဓစ္စံ ဥပ္ပဇ္ဇတိ၊ ဘာဝနာယ ပဟာတဗ္ဗံ ဒေါမနဿံ ဥပ္ပဇ္ဇတိ။ ဝတ္ထုပုရေဇာတံ – ဝတ္ထု ဘာဝနာယ ပဟာတဗ္ဗာနံ ခန္ဓာနံ ပုရေဇာတပစ္စယေန ပစ္စယော။ (၃)

ပစ္ဆာဇာတပစ္စယော

၈၇။ ဒဿနေန ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ ဒဿနေန ပဟာတဗ္ဗာ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)

ဘာဝနာယ ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ ဘာဝနာယ ပဟာတဗ္ဗာ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ¶ ပစ္စယော။ (၁)

နေဝဒဿနေန နဘာဝနာယ ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ ¶ နေဝဒဿနေန နဘာဝနာယ ပဟာတဗ္ဗာ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)

အာသေဝနပစ္စယော

၈၈။ ဒဿနေန ¶ ပဟာတဗ္ဗော ဓမ္မော ဒဿနေန ပဟာတဗ္ဗဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ ဒဿနေန ပဟာတဗ္ဗာ ခန္ဓာ ပစ္ဆိမာနံ ပစ္ဆိမာနံ…ပေ… အာသေဝနပစ္စယေန ပစ္စယော။ (၁)

ဘာဝနာယ ပဟာတဗ္ဗော ဓမ္မော ဘာဝနာယ ပဟာတဗ္ဗဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ ဘာဝနာယ ပဟာတဗ္ဗာ ခန္ဓာ ပစ္ဆိမာနံ ပစ္ဆိမာနံ…ပေ… အာသေဝနပစ္စယေန ပစ္စယော။ (၁)

နေဝဒဿနေန နဘာဝနာယ ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ နေဝဒဿနေန နဘာဝနာယ ပဟာတဗ္ဗာ ခန္ဓာ ပစ္ဆိမာနံ ပစ္ဆိမာနံ…ပေ… အာသေဝနပစ္စယေန ပစ္စယော။ အနုလောမံ ဂေါတြဘုဿ… အနုလောမံ ဝေါဒါနဿ… ဂေါတြဘု မဂ္ဂဿ… ဝေါဒါနံ မဂ္ဂဿ အာသေဝနပစ္စယေန ပစ္စယော။ (၁)

ကမ္မပစ္စယော

၈၉။ ဒဿနေန ပဟာတဗ္ဗော ဓမ္မော ဒဿနေန ပဟာတဗ္ဗဿ ဓမ္မဿ ကမ္မပစ္စယေန ပစ္စယော – ဒဿနေန ပဟာတဗ္ဗာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော။ (၁)

ဒဿနေန ¶ ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – ဒဿနေန ပဟာတဗ္ဗာ စေတနာ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော။ နာနာက္ခဏိကာ – ဒဿနေန ပဟာတဗ္ဗာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၂)

ဒဿနေန ပဟာတဗ္ဗော ဓမ္မော ဒဿနေန ပဟာတဗ္ဗဿ စ နေဝဒဿနေန နဘာဝနာယ ပဟာတဗ္ဗဿ စ ဓမ္မဿ ကမ္မပစ္စယေန ပစ္စယော – ဒဿနေန ပဟာတဗ္ဗာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ (၃)

ဘာဝနာယ ¶ ¶ ပဟာတဗ္ဗော ဓမ္မော ဘာဝနာယ ပဟာတဗ္ဗဿ ဓမ္မဿ ကမ္မပစ္စယေန ပစ္စယော – ဘာဝနာယ ပဟာတဗ္ဗာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော။ (၁)

ဘာဝနာယ ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ ကမ္မပစ္စယေန ပစ္စယော – ဘာဝနာယ ပဟာတဗ္ဗာ စေတနာ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော။ (၂)

ဘာဝနာယ ပဟာတဗ္ဗော ဓမ္မော ဘာဝနာယ ပဟာတဗ္ဗဿ စ နေဝဒဿနေန နဘာဝနာယ ပဟာတဗ္ဗဿ စ ဓမ္မဿ ကမ္မပစ္စယေန ပစ္စယော – ဘာဝနာယ ပဟာတဗ္ဗာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ (၃)

နေဝဒဿနေန ¶ နဘာဝနာယ ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – နေဝဒဿနေန နဘာဝနာယ ပဟာတဗ္ဗာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ ပဋိသန္ဓိက္ခဏေ နေဝဒဿနေန နဘာဝနာယ ပဟာတဗ္ဗာ စေတနာ သမ္ပယုတ္တကာနံ ခန္ဓာနံ ကဋတ္တာ စ ရူပါနံ…ပေ…။ နာနာက္ခဏိကာ – နေဝဒဿနေန နဘာဝနာယ ပဟာတဗ္ဗာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၁)

ဝိပါကပစ္စယော

၉၀။ နေဝဒဿနေန နဘာဝနာယ ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ ဝိပါကပစ္စယေန ပစ္စယော – ဝိပါကော နေဝဒဿနေန နဘာဝနာယ ပဟာတဗ္ဗော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ ဝိပါကပစ္စယေန ပစ္စယော…ပေ… ပဋိသန္ဓိက္ခဏေ…ပေ… ခန္ဓာ ဝတ္ထုဿ ဝိပါကပစ္စယေန ပစ္စယော။

အာဟာရပစ္စယာဒိ

၉၁။ ဒဿနေန ပဟာတဗ္ဗော ဓမ္မော ဒဿနေန ပဟာတဗ္ဗဿ ဓမ္မဿ အာဟာရပစ္စယေန ပစ္စယော (သံခိတ္တံ) ကဗဠီကာရော… သတ္တ ပဉှာ… ဣန္ဒြိယပစ္စယေန ¶ ပစ္စယော… စက္ခုန္ဒြိယဉ္စ…ပေ… ရူပဇီဝိတိန္ဒြိယဉ္စ ¶ …ပေ… သတ္တ ပဉှာ ဈာနပစ္စယေန ပစ္စယော… မဂ္ဂပစ္စယေန ပစ္စယော… သမ္ပယုတ္တပစ္စယေန ပစ္စယော။

ဝိပ္ပယုတ္တပစ္စယော

၉၂။ ဒဿနေန ပဟာတဗ္ဗော ဓမ္မော ဒဿနေန ပဟာတဗ္ဗဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – ဒဿနေန ပဟာတဗ္ဗာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော ¶ ။ ပစ္ဆာဇာတာ – ဒဿနေန ပဟာတဗ္ဗာ ခန္ဓာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)

ဘာဝနာယ ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ (ဣဒမ္ပိ ဒဿနေန သဒိသံ)။

နေဝဒဿနေန နဘာဝနာယ ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ။ သဟဇာတာ – နေဝဒဿနေန နဘာဝနာယ ပဟာတဗ္ဗာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပဋိသန္ဓိက္ခဏေ နေဝဒဿနေန နဘာဝနာယ ပဟာတဗ္ဗာ ခန္ဓာ ကဋတ္တာရူပါနံ ဝိပ္ပယုတ္တပစ္စယေန ပစ္စယော၊ ခန္ဓာ ဝတ္ထုဿ ဝိပ္ပယုတ္တပစ္စယေန ပစ္စယော၊ ဝတ္ထု ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု နေဝဒဿနေန နဘာဝနာယ ပဟာတဗ္ဗာနံ ခန္ဓာနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – နေဝဒဿနေန နဘာဝနာယ ပဟာတဗ္ဗာ ခန္ဓာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)

နေဝဒဿနေန နဘာဝနာယ ပဟာတဗ္ဗော ဓမ္မော ဒဿနေန ပဟာတဗ္ဗဿ ဓမ္မဿ ဝိပ္ပယုတ္တပစ္စယေန ပစ္စယော – ပုရေဇာတံ ဝတ္ထု ဒဿနေန ပဟာတဗ္ဗာနံ ခန္ဓာနံ ဝိပ္ပယုတ္တပစ္စယေန ပစ္စယော။ (၂)

နေဝဒဿနေန နဘာဝနာယ ပဟာတဗ္ဗော ဓမ္မော ဘာဝနာယ ပဟာတဗ္ဗဿ ¶ ဓမ္မဿ ဝိပ္ပယုတ္တပစ္စယေန ပစ္စယော – ပုရေဇာတံ ဝတ္ထု ဘာဝနာယ ပဟာတဗ္ဗာနံ ခန္ဓာနံ ဝိပ္ပယုတ္တပစ္စယေန ပစ္စယော။ (၃)

အတ္ထိပစ္စယော

၉၃။ ဒဿနေန ¶ ¶ ပဟာတဗ္ဗော ဓမ္မော ဒဿနေန ပဟာတဗ္ဗဿ ဓမ္မဿ အတ္ထိပစ္စယေန ပစ္စယော – ဒဿနေန ပဟာတဗ္ဗော ဧကော ခန္ဓော တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ…ပေ…။ (၁)

ဒဿနေန ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – ဒဿနေန ပဟာတဗ္ဗာ ခန္ဓာ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပစ္ဆာဇာတာ – ဒဿနေန ပဟာတဗ္ဗာ ခန္ဓာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ (၂)

ဒဿနေန ပဟာတဗ္ဗော ဓမ္မော ဒဿနေန ပဟာတဗ္ဗဿ စ နေဝဒဿနေန နဘာဝနာယ ပဟာတဗ္ဗဿ စ ဓမ္မဿ အတ္ထိပစ္စယေန ပစ္စယော – ဒဿနေန ပဟာတဗ္ဗော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ…ပေ… ဒွေ ခန္ဓာ…ပေ…။ (၃)

ဘာဝနာယ ပဟာတဗ္ဗော ဓမ္မော ဘာဝနာယ ပဟာတဗ္ဗဿ… တီဏိ (ဒဿနေန သဒိသံ ကာတဗ္ဗံ)။

၉၄။ နေဝဒဿနေန နဘာဝနာယ ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတော – နေဝဒဿနေန နဘာဝနာယ ပဟာတဗ္ဗော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ပဋိသန္ဓိက္ခဏေ…ပေ… ခန္ဓာ ¶ ဝတ္ထုဿ…ပေ… ဝတ္ထု ခန္ဓာနံ အတ္ထိပစ္စယေန ပစ္စယော၊ ဧကံ မဟာဘူတံ…ပေ… အသညသတ္တာနံ ဧကံ မဟာဘူတံ…ပေ…။ ပုရေဇာတံ – စက္ခုံ အနိစ္စတော ဒုက္ခတော အနတ္တတော ဝိပဿတိ၊ သောတံ…ပေ… ကာယံ… ရူပေ…ပေ… ဖောဋ္ဌဗ္ဗေ… ဝတ္ထုံ အနိစ္စတော ဒုက္ခတော အနတ္တတော ဝိပဿတိ၊ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ၊ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု နေဝဒဿနေန နဘာဝနာယ ပဟာတဗ္ဗာနံ ခန္ဓာနံ အတ္ထိပစ္စယေန ပစ္စယော။ ပစ္ဆာဇာတာ – နေဝဒဿနေန နဘာဝနာယ ပဟာတဗ္ဗာ ¶ ခန္ဓာ ပုရေဇာတဿ ဣမဿ ကာယဿ အတ္ထိပစ္စယေန ¶ ပစ္စယော။ ကဗဠီကာရော အာဟာရော ဣမဿ ကာယဿ…ပေ… ရူပဇီဝိတိန္ဒြိယံ ကဋတ္တာရူပါနံ အတ္ထိပစ္စယေန ပစ္စယော။ (၁)

နေဝဒဿနေန နဘာဝနာယ ပဟာတဗ္ဗော ဓမ္မော ဒဿနေန ပဟာတဗ္ဗဿ ဓမ္မဿ အတ္ထိပစ္စယေန ပစ္စယော – ပုရေဇာတံ စက္ခုံ အဿာဒေတိ အဘိနန္ဒတိ၊ တံ အာရဗ္ဘ ဒဿနေန ပဟာတဗ္ဗော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ ဝိစိကိစ္ဆာ ဥပ္ပဇ္ဇတိ၊ ဒဿနေန ပဟာတဗ္ဗံ ဒေါမနဿံ ဥပ္ပဇ္ဇတိ၊ သောတံ…ပေ… ဝတ္ထုံ အဿာဒေတိ…ပေ… ဝတ္ထု ဒဿနေန ပဟာတဗ္ဗာနံ ခန္ဓာနံ အတ္ထိပစ္စယေန ပစ္စယော။ (၂)

နေဝဒဿနေန နဘာဝနာယ ပဟာတဗ္ဗော ဓမ္မော ဘာဝနာယ ပဟာတဗ္ဗဿ ဓမ္မဿ အတ္ထိပစ္စယေန ပစ္စယော – ပုရေဇာတံ စက္ခုံ အဿာဒေတိ အဘိနန္ဒတိ၊ တံ အာရဗ္ဘ ဘာဝနာယ ပဟာတဗ္ဗော ရာဂေါ ဥပ္ပဇ္ဇတိ ¶ ၊ ဥဒ္ဓစ္စံ ဥပ္ပဇ္ဇတိ၊ ဘာဝနာယ ပဟာတဗ္ဗံ ဒေါမနဿံ ဥပ္ပဇ္ဇတိ၊ သောတံ…ပေ… ဝတ္ထုံ အဿာဒေတိ အဘိနန္ဒတိ…ပေ… ဝတ္ထု ဘာဝနာယ ပဟာတဗ္ဗာနံ ခန္ဓာနံ အတ္ထိပစ္စယေန ပစ္စယော။ (၃)

၉၅။ ဒဿနေန ပဟာတဗ္ဗော စ နေဝဒဿနေန နဘာဝနာယ ပဟာတဗ္ဗော စ ဓမ္မာ ဒဿနေန ပဟာတဗ္ဗဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – ဒဿနေန ပဟာတဗ္ဗော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ ဝတ္ထု စ…ပေ…။ (၁)

ဒဿနေန ပဟာတဗ္ဗော စ နေဝဒဿနေန နဘာဝနာယ ပဟာတဗ္ဗော စ ဓမ္မာ နေဝဒဿနေန နဘာဝနာယ ပဟာတဗ္ဗဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတာ – ဒဿနေန ပဟာတဗ္ဗာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပစ္ဆာဇာတာ – ဒဿနေန ပဟာတဗ္ဗာ ခန္ဓာ စ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – ဒဿနေန ပဟာတဗ္ဗာ ခန္ဓာ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၂)

ဘာဝနာယ ¶ ပဟာတဗ္ဗော စ နေဝဒဿနေန နဘာဝနာယ ပဟာတဗ္ဗော စ ဓမ္မာ ဘာဝနာယ ပဟာတဗ္ဗဿ…ပေ… (ဒွေ ပဉှာ ကာတဗ္ဗာ)။

နတ္ထိဝိဂတာဝိဂတပစ္စယာ

၉၆။ ဒဿနေန ¶ ပဟာတဗ္ဗော ဓမ္မော ဒဿနေန ပဟာတဗ္ဗဿ ဓမ္မဿ ¶ နတ္ထိပစ္စယေန ပစ္စယော… ဝိဂတပစ္စယေန ပစ္စယော… အဝိဂတပစ္စယေန ပစ္စယော။

၁။ ပစ္စယာနုလောမံ

၂။ သင်္ချာဝါရော

၉၇။ ဟေတုယာ သတ္တ၊ အာရမ္မဏေ အဋ္ဌ၊ အဓိပတိယာ ဒသ၊ အနန္တရေ သတ္တ၊ သမနန္တရေ သတ္တ၊ သဟဇာတေ နဝ၊ အညမညေ တီဏိ၊ နိဿယေ တေရသ၊ ဥပနိဿယေ အဋ္ဌ၊ ပုရေဇာတေ တီဏိ၊ ပစ္ဆာဇာတေ တီဏိ၊ အာသေဝနေ တီဏိ၊ ကမ္မေ သတ္တ၊ ဝိပါကေ ဧကံ၊ အာဟာရေ သတ္တ၊ ဣန္ဒြိယေ သတ္တ၊ ဈာနေ သတ္တ၊ မဂ္ဂေ သတ္တ၊ သမ္ပယုတ္တေ တီဏိ၊ ဝိပ္ပယုတ္တေ ပဉ္စ၊ အတ္ထိယာ တေရသ၊ နတ္ထိယာ သတ္တ၊ ဝိဂတေ သတ္တ၊ အဝိဂတေ တေရသ (ဧဝံ ဂဏေတဗ္ဗံ)။

အနုလောမံ။

ပစ္စနီယုဒ္ဓါရော

၉၈။ ဒဿနေန ပဟာတဗ္ဗော ဓမ္မော ဒဿနေန ပဟာတဗ္ဗဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)

ဒဿနေန ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော။ (၂)

ဒဿနေန ¶ ပဟာတဗ္ဗော ဓမ္မော ဒဿနေန ပဟာတဗ္ဗဿ စ နေဝဒဿနေန နဘာဝနာယ ပဟာတဗ္ဗဿ စ ဓမ္မဿ သဟဇာတပစ္စယေန ပစ္စယော။ (၃)

၉၉။ ဘာဝနာယ ¶ ပဟာတဗ္ဗော ဓမ္မော ဘာဝနာယ ပဟာတဗ္ဗဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)

ဘာဝနာယ ပဟာတဗ္ဗော ဓမ္မော ဒဿနေန ပဟာတဗ္ဗဿ ဓမ္မဿ အာရမ္မဏပစ္စယေန ပစ္စယော… ဥပနိဿယပစ္စယေန ပစ္စယော။ (၂)

ဘာဝနာယ ¶ ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၃)

ဘာဝနာယ ပဟာတဗ္ဗော ဓမ္မော ဘာဝနာယ ပဟာတဗ္ဗဿ စ နေဝဒဿနေန နဘာဝနာယ ပဟာတဗ္ဗဿ စ ဓမ္မဿ သဟဇာတပစ္စယေန ပစ္စယော။ (၄)

၁၀၀။ နေဝဒဿနေန နဘာဝနာယ ပဟာတဗ္ဗော ဓမ္မော နေဝဒဿနေန နဘာဝနာယ ပဟာတဗ္ဗဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)

နေဝဒဿနေန နဘာဝနာယ ပဟာတဗ္ဗော ဓမ္မော ဒဿနေန ပဟာတဗ္ဗဿ ဓမ္မဿ အာရမ္မဏပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၂)

နေဝဒဿနေန နဘာဝနာယ ပဟာတဗ္ဗော ဓမ္မော ဘာဝနာယ ပဟာတဗ္ဗဿ ¶ ဓမ္မဿ အာရမ္မဏပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၃)

၁၀၁။ ဒဿနေန ¶ ပဟာတဗ္ဗော စ နေဝဒဿနေန နဘာဝနာယ ပဟာတဗ္ဗော စ ဓမ္မာ ဒဿနေန ပဟာတဗ္ဗဿ ဓမ္မဿ သဟဇာတံ၊ ပုရေဇာတံ။ (၁)

ဒဿနေန ပဟာတဗ္ဗော စ နေဝဒဿနေန နဘာဝနာယ ပဟာတဗ္ဗော စ ဓမ္မာ နေဝဒဿနေန နဘာဝနာယ ပဟာတဗ္ဗဿ ဓမ္မဿ သဟဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ (၂)

ဘာဝနာယ ပဟာတဗ္ဗော စ နေဝဒဿနေန နဘာဝနာယ ပဟာတဗ္ဗော စ ဓမ္မာ ဘာဝနာယ ပဟာတဗ္ဗဿ ဓမ္မဿ သဟဇာတံ၊ ပုရေဇာတံ။ (၁)

ဘာဝနာယ ပဟာတဗ္ဗော စ နေဝဒဿနေန နဘာဝနာယ ပဟာတဗ္ဗော စ ဓမ္မာ နေဝဒဿနေန နဘာဝနာယ ပဟာတဗ္ဗဿ ဓမ္မဿ သဟဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ (၂)

၂။ ပစ္စယပစ္စနီယံ

၂။ သင်္ချာဝါရော

၁၀၂။ နဟေတုယာ ¶ စုဒ္ဒသ၊ နအာရမ္မဏေ စုဒ္ဒသ၊ နအဓိပတိယာ စုဒ္ဒသ၊ နအနန္တရေ စုဒ္ဒသ၊ နသမနန္တရေ စုဒ္ဒသ၊ နသဟဇာတေ ဒသ၊ နအညမညေ ဒသ၊ နနိဿယေ ဒသ၊ နဥပနိဿယေ စုဒ္ဒသ၊ နပုရေဇာတေ ဒွါဒသ၊ နပစ္ဆာဇာတေ စုဒ္ဒသ၊ နအာသေဝနေ စုဒ္ဒသ၊ နကမ္မေ စုဒ္ဒသ၊ နဝိပါကေ စုဒ္ဒသ၊ နအာဟာရေ စုဒ္ဒသ၊ နဣန္ဒြိယေ စုဒ္ဒသ၊ နဈာနေ စုဒ္ဒသ၊ နမဂ္ဂေ စုဒ္ဒသ၊ နသမ္ပယုတ္တေ ဒသ၊ နဝိပ္ပယုတ္တေ ¶ အဋ္ဌ၊ နောအတ္ထိယာ အဋ္ဌ၊ နောနတ္ထိယာ စုဒ္ဒသ၊ နောဝိဂတေ စုဒ္ဒသ၊ နောအဝိဂတေ အဋ္ဌ (ဧဝံ ဂဏေတဗ္ဗံ)။

ပစ္စနီယံ။

၃။ ပစ္စယာနုလောမပစ္စနီယံ

၁၀၃။ ဟေတုပစ္စယာ နအာရမ္မဏေ သတ္တ၊ နအဓိပတိယာ သတ္တ၊ နအနန္တရေ သတ္တ၊ နသမနန္တရေ ¶ သတ္တ၊ နအညမညေ တီဏိ၊ နဥပနိဿယေ သတ္တ၊ နပုရေဇာတေ သတ္တ၊ နပစ္ဆာဇာတေ သတ္တ၊ နအာသေဝနေ သတ္တ၊ နကမ္မေ သတ္တ၊ နဝိပါကေ သတ္တ၊ နအာဟာရေ သတ္တ၊ နဣန္ဒြိယေ သတ္တ၊ နဈာနေ သတ္တ၊ နမဂ္ဂေ သတ္တ၊ နသမ္ပယုတ္တေ တီဏိ၊ နဝိပ္ပယုတ္တေ တီဏိ၊ နောနတ္ထိယာ သတ္တ၊ နောဝိဂတေ သတ္တ (ဧဝံ ဂဏေတဗ္ဗံ)။

အနုလောမပစ္စနီယံ။

၄။ ပစ္စယပစ္စနီယာနုလောမံ

၁၀၄။ နဟေတုပစ္စယာ အာရမ္မဏေ အဋ္ဌ၊ အဓိပတိယာ ဒသ၊ အနန္တရေ သတ္တ၊ သမနန္တရေ သတ္တ၊ သဟဇာတေ နဝ၊ အညမညေ တီဏိ၊ နိဿယေ တေရသ၊ ဥပနိဿယေ အဋ္ဌ၊ ပုရေဇာတေ တီဏိ၊ ပစ္ဆာဇာတေ တီဏိ၊ အာသေဝနေ တီဏိ၊ ကမ္မေ သတ္တ၊ ဝိပါကေ ဧကံ၊ အာဟာရေ သတ္တ၊ ဣန္ဒြိယေ သတ္တ၊ ဈာနေ သတ္တ၊ မဂ္ဂေ သတ္တ၊ သမ္ပယုတ္တေ တီဏိ၊ ဝိပ္ပယုတ္တေ ပဉ္စ၊ အတ္ထိယာ တေရသ၊ နတ္ထိယာ သတ္တ၊ ဝိဂတေ သတ္တ၊ အဝိဂတေ တေရသ (ဧဝံ ဂဏေတဗ္ဗံ )။

ပစ္စနီယာနုလောမံ။

ဒဿနေနပဟာတဗ္ဗတ္တိကံ နိဋ္ဌိတံ။

၉။ ဒဿနေနပဟာတဗ္ဗဟေတုကတ္တိကံ

၁။ ပဋိစ္စဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၁။ ဒဿနေန ¶ ¶ ¶ ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓာ။ (၁)

ဒဿနေန ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဒဿနေန ပဟာတဗ္ဗဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)

ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓာ…ပေ…။ (၃)

၂။ ဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဘာဝနာယ ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓာ။ (၁)

ဘာဝနာယ ¶ ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဘာဝနာယ ပဟာတဗ္ဗဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)

ဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ¶ ဥပ္ပဇ္ဇန္တိ ဟေတုပစ္စယာ – ဘာဝနာယ ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)

၃။ နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – နေဝဒဿနေန နဘာဝနာယ ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ ¶ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ၊ ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ နေဝဒဿနေန နဘာဝနာယ ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ ကဋတ္တာ စ ရူပံ…ပေ… ဒွေ ခန္ဓာ…ပေ… ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ၊ ဧကံ မဟာဘူတံ ပဋိစ္စ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဝိစိကိစ္ဆာသဟဂတံ မောဟံ ပဋိစ္စ သမ္ပယုတ္တကာ ခန္ဓာ။ (၂)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ။ (၃)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝိစိကိစ္ဆာသဟဂတံ မောဟံ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ။ (၄)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော စ နေဝဒဿနေန ¶ နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ။ (၅)

၄။ ဒဿနေန ¶ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဝိစိကိစ္ဆာသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ မောဟဉ္စ ပဋိစ္စ ဒွေ ခန္ဓာ။ (၁)

ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဒဿနေန ပဟာတဗ္ဗဟေတုကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ဝိစိကိစ္ဆာသဟဂတေ ခန္ဓေ စ မောဟဉ္စ ပဋိစ္စ စိတ္တသမုဋ္ဌာနံ ရူပံ။ (၂)

ဒဿနေန ¶ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝိစိကိစ္ဆာသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ စ မောဟဉ္စ ပဋိစ္စ ဒွေ ခန္ဓာ…ပေ…။ (၃)

၅။ ဘာဝနာယ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ မောဟဉ္စ ပဋိစ္စ ဒွေ ခန္ဓာ။ (၁)

ဘာဝနာယ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ နေဝဒဿနေန ¶ နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဘာဝနာယ ပဟာတဗ္ဗဟေတုကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ဥဒ္ဓစ္စသဟဂတေ ခန္ဓေ စ မောဟဉ္စ ပဋိစ္စ စိတ္တသမုဋ္ဌာနံ ရူပံ။ (၂)

ဘာဝနာယ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ…။ (၃)

အာရမ္မဏပစ္စယော

၆။ ဒဿနေန ¶ ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ (၁)

ဒဿနေန ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝိစိကိစ္ဆာသဟဂတေ ခန္ဓေ ပဋိစ္စ ဝိစိကိစ္ဆာသဟဂတော မောဟော။ (၂)

ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဝိစိကိစ္ဆာသဟဂတံ ဧကံ ခန္ဓံ ပဋိစ္စ တယော ခန္ဓာ စ မောဟော စ…ပေ… ဒွေ ခန္ဓေ ပဋိစ္စ ဒွေ ခန္ဓာ စ မောဟော စ။ (၃)

ဘာဝနာယ ¶ ပဟာတဗ္ဗဟေတုကံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ… တီဏိ။ (ဒဿနေန သဒိသံ ဝိဘဇိတဗ္ဗံ။)

၇။ နေဝဒဿနေန ¶ နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – နေဝဒဿနေန နဘာဝနာယ ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ ပဋိသန္ဓိက္ခဏေ…ပေ… ဝတ္ထုံ ပဋိစ္စ ခန္ဓာ။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝိစိကိစ္ဆာသဟဂတံ မောဟံ ပဋိစ္စ သမ္ပယုတ္တကာ ခန္ဓာ။ (၂)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ။ (၃)

၈။ ဒဿနေန ¶ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝိစိကိစ္ဆာသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ မောဟဉ္စ ပဋိစ္စ ဒွေ ခန္ဓာ။ (၁)

ဘာဝနာယ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ မောဟဉ္စ ပဋိစ္စ ဒွေ ခန္ဓာ။ (၁)

အဓိပတိပစ္စယော

၉။ ဒဿနေန ¶ ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အဓိပတိပစ္စယာ… တီဏိ (ဟေတုသဒိသာ)။

ဘာဝနာယ ပဟာတဗ္ဗဟေတုကံ ဓမ္မံ ပဋိစ္စ…ပေ… တီဏိ (ဟေတုသဒိသာ၊ အဓိပတိယာ မောဟော နတ္ထိ)။

နေဝဒဿနေန ¶ နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အဓိပတိပစ္စယာ – နေဝဒဿနေန နဘာဝနာယ ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓာ။ ဧကံ မဟာဘူတံ ပဋိစ္စ တယော မဟာဘူတာ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ဥပါဒါရူပံ။ (၁)

၁၀။ ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အဓိပတိပစ္စယာ – ဒဿနေန ပဟာတဗ္ဗဟေတုကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)

ဘာဝနာယ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ နေဝဒဿနေန ¶ နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အဓိပတိပစ္စယာ – ဘာဝနာယ ပဟာတဗ္ဗဟေတုကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)

အနန္တရ-သမနန္တရပစ္စယာ

၁၁။ ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အနန္တရပစ္စယာ။ သမနန္တရပစ္စယာ (အာရမ္မဏသဒိသံ)။

သဟဇာတပစ္စယော

၁၂။ ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ သဟဇာတပစ္စယာ – ဒဿနေန ပဟာတဗ္ဗဟေတုကံ ¶ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ (၁)

ဒဿနေန ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ သဟဇာတပစ္စယာ – ဒဿနေန ပဟာတဗ္ဗဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ဝိစိကိစ္ဆာသဟဂတေ ခန္ဓေ ပဋိစ္စ မောဟော စိတ္တသမုဋ္ဌာနဉ္စ ရူပံ။ (၂)

ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ သဟဇာတပစ္စယာ ¶ – ဒဿနေန ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ၊ ဝိစိကိစ္ဆာသဟဂတံ ဧကံ ခန္ဓံ ပဋိစ္စ တယော ခန္ဓာ မောဟော စ စိတ္တသမုဋ္ဌာနဉ္စ ရူပံ…ပေ…။ (၃)

၁၃။ ဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ သဟဇာတပစ္စယာ – ဘာဝနာယ ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ။ (၁)

ဘာဝနာယ ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ¶ သဟဇာတပစ္စယာ – ဘာဝနာယ ပဟာတဗ္ဗဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ဥဒ္ဓစ္စသဟဂတေ ခန္ဓေ ပဋိစ္စ မောဟော စ စိတ္တသမုဋ္ဌာနဉ္စ ရူပံ။ (၂)

ဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ သဟဇာတပစ္စယာ ¶ – ဘာဝနာယ ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ၊ ဥဒ္ဓစ္စသဟဂတံ ဧကံ ခန္ဓံ ပဋိစ္စ တယော ခန္ဓာ မောဟော စ စိတ္တသမုဋ္ဌာနဉ္စ ရူပံ…ပေ…။ (၃)

၁၄။ နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ သဟဇာတပစ္စယာ – နေဝဒဿနေန နဘာဝနာယ ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ၊ ဧကံ မဟာဘူတံ ပဋိစ္စ တယော မဟာဘူတာ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ ဧကံ…ပေ…။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ သဟဇာတပစ္စယာ – ဝိစိကိစ္ဆာသဟဂတံ မောဟံ ပဋိစ္စ သမ္ပယုတ္တကာ ခန္ဓာ။ (၂)

နေဝဒဿနေန ¶ နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ သဟဇာတပစ္စယာ (သံခိတ္တံ။ ဟေတုသဒိသံ ကာတဗ္ဗံ)။ (၃)

အညမညပစ္စယာဒိ

၁၅။ ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အညမညပစ္စယာ၊ နိဿယပစ္စယာ၊ ဥပနိဿယပစ္စယာ၊ ပုရေဇာတပစ္စယာ၊ အာသေဝနပစ္စယာ၊ ကမ္မပစ္စယာ၊ ဝိပါကပစ္စယာ၊ အာဟာရပစ္စယာ၊ ဣန္ဒြိယပစ္စယာ၊ ဈာနပစ္စယာ၊ မဂ္ဂပစ္စယာ၊ သမ္ပယုတ္တပစ္စယာ ¶ ¶ ၊ ဝိပ္ပယုတ္တပစ္စယာ၊ အတ္ထိပစ္စယာ၊ နတ္ထိပစ္စယာ၊ ဝိဂတပစ္စယာ၊ အဝိဂတပစ္စယာ။

၁။ ပစ္စယာနုလောမံ

၂။ သင်္ချာဝါရော

သုဒ္ဓံ

၁၆။ ဟေတုယာ သတ္တရသ၊ အာရမ္မဏေ ဧကာဒသ၊ အဓိပတိယာ နဝ၊ အနန္တရေ ဧကာဒသ၊ သမနန္တရေ ဧကာဒသ၊ သဟဇာတေ သတ္တရသ၊ အညမညေ ဧကာဒသ၊ နိဿယေ သတ္တရသ၊ ဥပနိဿယေ ဧကာဒသ၊ ပုရေဇာတေ ဧကာဒသ၊ အာသေဝနေ ဧကာဒသ၊ ကမ္မေ သတ္တရသ၊ ဝိပါကေ ဧကံ၊ အာဟာရေ သတ္တရသ၊ ဣန္ဒြိယေ သတ္တရသ၊ ဈာနေ သတ္တရသ၊ မဂ္ဂေ သတ္တရသ၊ သမ္ပယုတ္တေ ဧကာဒသ၊ ဝိပ္ပယုတ္တေ သတ္တရသ၊ အတ္ထိယာ သတ္တရသ၊ နတ္ထိယာ ဧကာဒသ၊ ဝိဂတေ ဧကာဒသ၊ အဝိဂတေ သတ္တရသ (ဧဝံ ဂဏေတဗ္ဗံ)။

အနုလောမံ။

၂။ ပစ္စယပစ္စနီယံ

၁။ ဝိဘင်္ဂဝါရော

နဟေတုပစ္စယော

၁၇။ ဒဿနေန ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ခန္ဓေ ပဋိစ္စ ဝိစိကိစ္ဆာသဟဂတော မောဟော။ (၁)

ဘာဝနာယ ¶ ¶ ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နဟေတုပစ္စယာ – ဥဒ္ဓစ္စသဟဂတေ ခန္ဓေ ပဋိစ္စ ဥဒ္ဓစ္စသဟဂတော မောဟော။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နေဝဒဿနေန နဘာဝနာယ ပဟာတဗ္ဗဟေတုကံ ဧကံ ခန္ဓံ ¶ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓာ၊ အဟေတုကပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ၊ ဧကံ မဟာဘူတံ ပဋိစ္စ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ…။ (၁)

နအာရမ္မဏပစ္စယော

၁၈။ ဒဿနေန ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နအာရမ္မဏပစ္စယာ – ဒဿနေန ပဟာတဗ္ဗဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၁)

ဘာဝနာယ ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နအာရမ္မဏပစ္စယာ – ဘာဝနာယ ပဟာတဗ္ဗဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နအာရမ္မဏပစ္စယာ – နေဝဒဿနေန နဘာဝနာယ ပဟာတဗ္ဗဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ နေဝဒဿနေန နဘာဝနာယ ပဟာတဗ္ဗဟေတုကေ ခန္ဓေ ပဋိစ္စ ကဋတ္တာရူပံ၊ ခန္ဓေ ပဋိစ္စ ဝတ္ထု…ပေ… ဧကံ မဟာဘူတံ…ပေ… အသညသတ္တာနံ…ပေ…။ (၁)

၁၉။ ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ¶ ဓမ္မော ဥပ္ပဇ္ဇတိ နအာရမ္မဏပစ္စယာ – ဒဿနေန ¶ ပဟာတဗ္ဗဟေတုကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ဝိစိကိစ္ဆာသဟဂတေ ခန္ဓေ စ မောဟဉ္စ ပဋိစ္စ စိတ္တသမုဋ္ဌာနံ ရူပံ။ (၁)

ဘာဝနာယ ¶ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နအာရမ္မဏပစ္စယာ – ဘာဝနာယ ပဟာတဗ္ဗဟေတုကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ဥဒ္ဓစ္စသဟဂတေ ခန္ဓေ စ မောဟဉ္စ ပဋိစ္စ စိတ္တသမုဋ္ဌာနံ ရူပံ။ (၁)

နအဓိပတိပစ္စယာဒိ

၂၀။ ဒဿနေန ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နအဓိပတိပစ္စယာ… (သဟဇာတသဒိသံ) နအနန္တရပစ္စယာ… နသမနန္တရပစ္စယာ… နအညမညပစ္စယာ… နဥပနိဿယပစ္စယာ။

နပုရေဇာတပစ္စယော

၂၁။ ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဒဿနေန ပဟာတဗ္ဗဟေတုကံ ဧကံ ခန္ဓံ ပဋိစ္စ…ပေ…။ (၁)

ဒဿနေန ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဝိစိကိစ္ဆာသဟဂတေ ခန္ဓေ ပဋိစ္စ ဝိစိကိစ္ဆာသဟဂတော မောဟော၊ ဒဿနေန ပဟာတဗ္ဗဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)

ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ¶ ဥပ္ပဇ္ဇန္တိ နပုရေဇာတပစ္စယာ – အရူပေ ဝိစိကိစ္ဆာသဟဂတံ ဧကံ ခန္ဓံ ပဋိစ္စ တယော ခန္ဓာ မောဟော စ…ပေ… ဒွေ ခန္ဓေ…ပေ…။ (၃)

ဘာဝနာယ ပဟာတဗ္ဗဟေတုကံ ဓမ္မံ… တီဏိ (ဒဿနေန သဒိသံ)။

၂၂။ နေဝဒဿနေန ¶ နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ နေဝဒဿနေန နဘာဝနာယ ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓာ၊ နေဝဒဿနေန နဘာဝနာယ ပဟာတဗ္ဗဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ဝိစိကိစ္ဆာသဟဂတံ ဥဒ္ဓစ္စသဟဂတံ ¶ မောဟံ ပဋိစ္စ စိတ္တသမုဋ္ဌာနံ ရူပံ။ ပဋိသန္ဓိက္ခဏေ…ပေ… အသညသတ္တာနံ…ပေ…။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဝိစိကိစ္ဆာသဟဂတံ မောဟံ ပဋိစ္စ သမ္ပယုတ္တကာ ခန္ဓာ။ (၂)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ။ (၃)

၂၃။ ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဝိစိကိစ္ဆာသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ…ပေ…။ (၁)

ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ ¶ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နပုရေဇာတပစ္စယာ – ဒဿနေန ပဟာတဗ္ဗဟေတုကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ဝိစိကိစ္ဆာသဟဂတေ ခန္ဓေ စ မောဟဉ္စ ပဋိစ္စ စိတ္တသမုဋ္ဌာနံ ရူပံ။ (၂)

ဘာဝနာယ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နပုရေဇာတပစ္စယာ (ဣမေပိ ဒွေ ကာတဗ္ဗာ)။

နပစ္ဆာဇာတပစ္စယာဒိ

၂၄။ ဒဿနေန ¶ ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ နပစ္ဆာဇာတပစ္စယာ… နအာသေဝနပစ္စယာ။

နကမ္မပစ္စယော

၂၅။ ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ နကမ္မပစ္စယာ – ဒဿနေန ပဟာတဗ္ဗဟေတုကေ ခန္ဓေ ပဋိစ္စ ဒဿနေန ပဟာတဗ္ဗဟေတုကာ စေတနာ။ (၁)

ဘာဝနာယ ¶ ပဟာတဗ္ဗဟေတုကံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နကမ္မပစ္စယာ – ဘာဝနာယ ပဟာတဗ္ဗဟေတုကေ ခန္ဓေ ပဋိစ္စ ဘာဝနာယ ပဟာတဗ္ဗဟေတုကာ စေတနာ။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နကမ္မပစ္စယာ – နေဝဒဿနေန နဘာဝနာယ ပဟာတဗ္ဗဟေတုကေ ခန္ဓေ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကာ စေတနာ၊ ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ…ပေ…။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ နကမ္မပစ္စယာ – ဝိစိကိစ္ဆာသဟဂတံ မောဟံ ပဋိစ္စ သမ္ပယုတ္တကာ စေတနာ။ (၂)

နေဝဒဿနေန နဘာဝနာယ ¶ ပဟာတဗ္ဗဟေတုကံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နကမ္မပစ္စယာ – ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ စေတနာ။ (၃)

၂၆။ ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ နကမ္မပစ္စယာ – ဝိစိကိစ္ဆာသဟဂတေ ခန္ဓေ စ မောဟဉ္စ ပဋိစ္စ သမ္ပယုတ္တကာ စေတနာ။ (၁)

ဘာဝနာယ ¶ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နကမ္မပစ္စယာ – ဥဒ္ဓစ္စသဟဂတေ ခန္ဓေ စ မောဟဉ္စ ပဋိစ္စ သမ္ပယုတ္တကာ စေတနာ။ (၁)

နဝိပါကပစ္စယော

၂၇။ ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ နဝိပါကပစ္စယာ (ပဋိသန္ဓိ နတ္ထိ)။

နအာဟာရပစ္စယာဒိ

၂၈။ နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နအာဟာရပစ္စယာ – ဗာဟိရံ… ဥတုသမုဋ္ဌာနံ… အသညသတ္တာနံ…ပေ… နဣန္ဒြိယပစ္စယာ – ဗာဟိရံ… အာဟာရသမုဋ္ဌာနံ… ¶ ဥတုသမုဋ္ဌာနံ၊ အသညသတ္တာနံ…ပေ… မဟာဘူတေ ပဋိစ္စ ရူပဇီဝိတိန္ဒြိယံ… နဈာနပစ္စယာ – ပဉ္စဝိညာဏံ…ပေ… (မဟာဘူတာ ကာတဗ္ဗာ) နမဂ္ဂပစ္စယာ – အဟေတုကံ နေဝဒဿနေန နဘာဝနာယ ပဟာတဗ္ဗဟေတုကံ ဧကံ ခန္ဓံ…ပေ… အသညသတ္တာနံ…ပေ… နသမ္ပယုတ္တပစ္စယာ။

နဝိပ္ပယုတ္တပစ္စယာဒိ

၂၉။ ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ¶ ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ ဒဿနေန ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ…ပေ…။ (၁)

ဒဿနေန ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ ဝိစိကိစ္ဆာသဟဂတေ ခန္ဓေ ပဋိစ္စ ဝိစိကိစ္ဆာသဟဂတော မောဟော။ (၂)

ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ¶ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ နဝိပ္ပယုတ္တပစ္စယာ – အရူပေ ဝိစိကိစ္ဆာသဟဂတံ ဧကံ ခန္ဓံ ပဋိစ္စ တယော ခန္ဓာ မောဟော စ…ပေ… ဒွေ ခန္ဓေ…ပေ…။ (၃)

ဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ ဘာဝနာယ… တီဏိ။

၃၀။ နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ နေဝဒဿနေန နဘာဝနာယ ပဟာတဗ္ဗဟေတုကံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ ပဋိစ္စ ဒွေ ခန္ဓာ၊ ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ…။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ ဝိစိကိစ္ဆာသဟဂတံ မောဟံ ပဋိစ္စ သမ္ပယုတ္တကာ ခန္ဓာ။ (၂)

နေဝဒဿနေန နဘာဝနာယ ပဟာတဗ္ဗဟေတုကံ ¶ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ။ (၃)

၃၁။ ဒဿနေန ¶ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ ဝိစိကိစ္ဆာသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ…ပေ… ဒွေ ခန္ဓာ။ (၁)

ဘာဝနာယ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပဋိစ္စ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ…ပေ… ဒွေ ခန္ဓာ… နောနတ္ထိပစ္စယာ… နောဝိဂတပစ္စယာ။

၂။ ပစ္စယပစ္စနီယံ

၂။ သင်္ချာဝါရော

သုဒ္ဓံ

၃၂။ နဟေတုယာ ¶ တီဏိ၊ နအာရမ္မဏေ ပဉ္စ၊ နအဓိပတိယာ သတ္တရသ၊ နအနန္တရေ ပဉ္စ၊ နသမနန္တရေ ပဉ္စ၊ နအညမညေ ပဉ္စ၊ နဥပနိဿယေ ပဉ္စ၊ နပုရေဇာတေ တေရသ၊ နပစ္ဆာဇာတေ သတ္တရသ၊ နအာသေဝနေ သတ္တရသ၊ နကမ္မေ သတ္တ၊ နဝိပါကေ သတ္တရသ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဧကံ၊ နမဂ္ဂေ ဧကံ၊ နသမ္ပယုတ္တေ ပဉ္စ၊ နဝိပ္ပယုတ္တေ ဧကာဒသ၊ နောနတ္ထိယာ ပဉ္စ၊ နောဝိဂတေ ပဉ္စ (ဧဝံ ဂဏေတဗ္ဗံ)။

ပစ္စနီယံ။

၃။ ပစ္စယာနုလောမပစ္စနီယံ

၃၃။ ဟေတုပစ္စယာ ¶ နအာရမ္မဏေ ပဉ္စ၊ နအဓိပတိယာ သတ္တရသ၊ နအနန္တရေ ပဉ္စ၊ နသမနန္တရေ ပဉ္စ၊ နအညမညေ ပဉ္စ၊ နဥပနိဿယေ ပဉ္စ၊ နပုရေဇာတေ တေရသ၊ နပစ္ဆာဇာတေ သတ္တရသ၊ နအာသေဝနေ သတ္တရသ၊ နကမ္မေ သတ္တ၊ နဝိပါကေ သတ္တရသ၊ နသမ္ပယုတ္တေ ပဉ္စ၊ နဝိပ္ပယုတ္တေ ဧကာဒသ၊ နောနတ္ထိယာ ပဉ္စ၊ နောဝိဂတေ ပဉ္စ (ဧဝံ ဂဏေတဗ္ဗံ)။

အနုလောမပစ္စနီယံ။

၄။ ပစ္စယပစ္စနီယာနုလောမံ

၃၄။ နဟေတုပစ္စယာ ¶ အာရမ္မဏေ တီဏိ၊ အနန္တရေ တီဏိ၊ သမနန္တရေ တီဏိ၊ သဟဇာတေ တီဏိ၊ အညမညေ တီဏိ၊ နိဿယေ တီဏိ၊ ဥပနိဿယေ တီဏိ၊ ပုရေဇာတေ တီဏိ၊ အာသေဝနေ တီဏိ၊ ကမ္မေ တီဏိ၊ ဝိပါကေ ဧကံ၊ အာဟာရေ တီဏိ၊ ဣန္ဒြိယေ တီဏိ၊ ဈာနေ တီဏိ၊ မဂ္ဂေ ဒွေ၊ သမ္ပယုတ္တေ ¶ တီဏိ၊ ဝိပ္ပယုတ္တေ တီဏိ၊ အတ္ထိယာ တီဏိ၊ နတ္ထိယာ တီဏိ၊ ဝိဂတေ တီဏိ၊ အဝိဂတေ တီဏိ (ဧဝံ ဂဏေတဗ္ဗံ)။

ပစ္စနီယာနုလောမံ။

ပဋိစ္စဝါရော။

၂။ သဟဇာတဝါရော

(သဟဇာတဝါရော ပဋိစ္စဝါရသဒိသော။)

၃။ ပစ္စယဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၃၅။ ဒဿနေန ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ… တီဏိ (ပဋိစ္စဝါရသဒိသံ)။

ဘာဝနာယ ပဟာတဗ္ဗဟေတုကံ ဓမ္မံ ပစ္စယာ… တီဏိ (ပဋိစ္စဝါရသဒိသံ)။

နေဝဒဿနေန ¶ နဘာဝနာယ ပဟာတဗ္ဗဟေတုကံ ဓမ္မံ ပစ္စယာ နေဝဒဿနေန နဘာဝနာယ… ဧကံ (ပဋိစ္စဝါရသဒိသံ)။ ဝတ္ထုံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကာ ခန္ဓာ။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ ဒဿနေန ပဟာတဗ္ဗဟေတုကာ ခန္ဓာ၊ ဝိစိကိစ္ဆာသဟဂတံ မောဟံ ပစ္စယာ သမ္ပယုတ္တကာ ခန္ဓာ။ (၂)

နေဝဒဿနေန ¶ နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ ဘာဝနာယ ပဟာတဗ္ဗဟေတုကာ ¶ ခန္ဓာ၊ ဥဒ္ဓစ္စသဟဂတံ မောဟံ ပစ္စယာ သမ္ပယုတ္တကာ ခန္ဓာ။ (၃)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝတ္ထုံ ပစ္စယာ ဒဿနေန ပဟာတဗ္ဗဟေတုကာ ခန္ဓာ၊ မဟာဘူတေ ပစ္စယာ စိတ္တသမုဋ္ဌာနံ ရူပံ၊ ဝိစိကိစ္ဆာသဟဂတံ မောဟံ ပစ္စယာ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ။ (၄)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝတ္ထုံ ပစ္စယာ ဘာဝနာယ ပဟာတဗ္ဗဟေတုကာ ခန္ဓာ၊ မဟာဘူတေ ပစ္စယာ စိတ္တသမုဋ္ဌာနံ ရူပံ၊ ဥဒ္ဓစ္စသဟဂတံ မောဟံ ပစ္စယာ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ။ (၅)

၃၆။ ဒဿနေန ¶ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ…ပေ… ဝိစိကိစ္ဆာသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ မောဟဉ္စ ပစ္စယာ ဒွေ ခန္ဓာ။ (၁)

ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဒဿနေန ပဟာတဗ္ဗဟေတုကေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ ဝိစိကိစ္ဆာသဟဂတေ ခန္ဓေ စ မောဟဉ္စ ပစ္စယာ စိတ္တသမုဋ္ဌာနံ ရူပံ။ (၂)

ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ¶ ခန္ဓေ စ ဝတ္ထုဉ္စ ပစ္စယာ ဒွေ ခန္ဓာ၊ ဒဿနေန ပဟာတဗ္ဗဟေတုကေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ ဝိစိကိစ္ဆာသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ…။ (၃)

ဘာဝနာယ ¶ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ… တီဏိ။

အာရမ္မဏပစ္စယော

၃၇။ ဒဿနေန ¶ ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ… တီဏိ (ပဋိစ္စဝါရေ အာရမ္မဏသဒိသာ)။

ဘာဝနာယ ပဟာတဗ္ဗဟေတုကံ ဓမ္မံ ပစ္စယာ… တီဏိ (ပဋိစ္စဝါရသဒိသာ)။

၃၈။ နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – နေဝဒဿနေန နဘာဝနာယ ပဟာတဗ္ဗဟေတုကံ ဧကံ ခန္ဓံ ပစ္စယာ တယော ခန္ဓာ…ပေ… ဒွေ ခန္ဓာ။ ပဋိသန္ဓိက္ခဏေ…ပေ… ဝတ္ထုံ ပစ္စယာ ခန္ဓာ။ စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ၊ ဝတ္ထုံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကာ ခန္ဓာ။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝတ္ထုံ ပစ္စယာ ဒဿနေန ပဟာတဗ္ဗဟေတုကာ ခန္ဓာ၊ ဝိစိကိစ္ဆာသဟဂတံ မောဟံ ပစ္စယာ သမ္ပယုတ္တကာ ခန္ဓာ။ (၂)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝတ္ထုံ ပစ္စယာ ဘာဝနာယ ပဟာတဗ္ဗဟေတုကာ ခန္ဓာ၊ ဥဒ္ဓစ္စသဟဂတံ မောဟံ ပစ္စယာ သမ္ပယုတ္တကာ ခန္ဓာ။ (၃)

နေဝဒဿနေန ¶ နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဝတ္ထုံ ပစ္စယာ ဝိစိကိစ္ဆာသဟဂတာ ခန္ဓာ စ မောဟော စ။ (၄)

နေဝဒဿနေန ¶ နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဘာဝနာယ ပဟာတဗ္ဗဟေတုကော စ ¶ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဝတ္ထုံ ပစ္စယာ ဥဒ္ဓစ္စသဟဂတာ ခန္ဓာ စ မောဟော စ။ (၅)

၃၉။ ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓာ၊ ဝိစိကိစ္ဆာသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ မောဟဉ္စ ပစ္စယာ ဒွေ ခန္ဓာ။ (၁)

ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝိစိကိစ္ဆာသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော မောဟော။ (၂)

ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဝိစိကိစ္ဆာသဟဂတံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ မောဟော စ…ပေ… ဒွေ ခန္ဓေ စ ဝတ္ထုဉ္စ…ပေ…။ (၃)

၄၀။ ဘာဝနာယ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဘာဝနာယ ပဟာတဗ္ဗဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓာ၊ ဥဒ္ဓစ္စသဟဂတံ ¶ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ…ပေ… ဒွေ ခန္ဓာ။ (၁)

ဘာဝနာယ ¶ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဥဒ္ဓစ္စသဟဂတော မောဟော။ (၂)

ဘာဝနာယ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ¶ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဥဒ္ဓစ္စသဟဂတံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ မောဟော စ…ပေ… ဒွေ ခန္ဓေ စ…ပေ…။ (၃)

အဓိပတိပစ္စယာဒိ

၄၁။ ဒဿနေန ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အဓိပတိပစ္စယာ… တီဏိ။

ဘာဝနာယ ပဟာတဗ္ဗဟေတုကံ ဓမ္မံ ပစ္စယာ… တီဏိ။

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အဓိပတိပစ္စယာ – ဧကံ…ပေ… ဝတ္ထုံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကာ ခန္ဓာ။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အဓိပတိပစ္စယာ – ဝတ္ထုံ ပစ္စယာ ဒဿနေန ပဟာတဗ္ဗဟေတုကာ ခန္ဓာ။ (၂)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အဓိပတိပစ္စယာ – ဝတ္ထုံ ပစ္စယာ ဘာဝနာယ ပဟာတဗ္ဗဟေတုကာ ခန္ဓာ။ (၃)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော ¶ စ နေဝဒဿနေန ¶ နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ အဓိပတိပစ္စယာ – ဝတ္ထုံ ပစ္စယာ ဒဿနေန ပဟာတဗ္ဗဟေတုကာ ခန္ဓာ၊ မဟာဘူတေ ပစ္စယာ စိတ္တသမုဋ္ဌာနံ ရူပံ။ (၄)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ အဓိပတိပစ္စယာ – ဝတ္ထုံ ပစ္စယာ ဘာဝနာယ ပဟာတဗ္ဗဟေတုကာ ခန္ဓာ၊ မဟာဘူတေ ပစ္စယာ စိတ္တသမုဋ္ဌာနံ ရူပံ။ (၅)

၄၂။ ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အဓိပတိပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ…ပေ…။ (၁)

ဒဿနေန ¶ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အဓိပတိပစ္စယာ – ဒဿနေန ပဟာတဗ္ဗဟေတုကေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ။ (၂)

ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ အဓိပတိပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ စ…ပေ… ဒဿနေန ပဟာတဗ္ဗဟေတုကေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ။ (၃)

ဘာဝနာယ ¶ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ အဓိပတိပစ္စယာ – ဘာဝနာယ ပဟာတဗ္ဗဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… တီဏိ… (ဒဿနေန သဒိသာ) အနန္တရပစ္စယာ… သမနန္တရပစ္စယာ။

သဟဇာတပစ္စယော

၄၃။ ဒဿနေန ¶ ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ သဟဇာတပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓံ ပစ္စယာ တယော ခန္ဓာ…ပေ…။ (၁)

ဒဿနေန ပဟာတဗ္ဗဟေတုကံ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ သဟဇာတပစ္စယာ – ဒဿနေန ပဟာတဗ္ဗဟေတုကေ ခန္ဓေ ပစ္စယာ စိတ္တသမုဋ္ဌာနံ ရူပံ၊ ဝိစိကိစ္ဆာသဟဂတေ ခန္ဓေ ပစ္စယာ ဝိစိကိစ္ဆာသဟဂတော မောဟော စိတ္တသမုဋ္ဌာနဉ္စ ရူပံ။ (၂)

ဒဿနေန ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ သဟဇာတပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဝိစိကိစ္ဆာသဟဂတံ ဧကံ ခန္ဓံ ပစ္စယာ တယော ခန္ဓာ မောဟော စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)

ဘာဝနာယ ¶ ပဟာတဗ္ဗဟေတုကံ ဓမ္မံ ပစ္စယာ… တီဏိ (သံခိတ္တံ။ ဒဿနေန သဒိသာ )။

၄၄။ နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ သဟဇာတပစ္စယာ ¶ – နေဝဒဿနေန နဘာဝနာယ ပဟာတဗ္ဗဟေတုကံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပစ္စယာ စိတ္တသမုဋ္ဌာနံ ရူပံ။ ပဋိသန္ဓိက္ခဏေ…ပေ… ခန္ဓေ ပစ္စယာ ဝတ္ထု၊ ဝတ္ထုံ ပစ္စယာ ခန္ဓာ၊ ဧကံ မဟာဘူတံ ပစ္စယာ တယော မဟာဘူတာ…ပေ… အသညသတ္တာနံ…ပေ… စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ၊ ဝတ္ထုံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကာ ခန္ဓာ။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ သဟဇာတပစ္စယာ – ဝတ္ထုံ ပစ္စယာ ဒဿနေန ပဟာတဗ္ဗဟေတုကာ ခန္ဓာ၊ ဝိစိကိစ္ဆာသဟဂတံ မောဟံ ပစ္စယာ သမ္ပယုတ္တကာ ခန္ဓာ။ (၂)

နေဝဒဿနေန ¶ နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ သဟဇာတပစ္စယာ – ဝတ္ထုံ ပစ္စယာ ဘာဝနာယ ပဟာတဗ္ဗဟေတုကာ ခန္ဓာ၊ ဥဒ္ဓစ္စသဟဂတံ မောဟံ ပစ္စယာ သမ္ပယုတ္တကာ ခန္ဓာ။ (၃)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ သဟဇာတပစ္စယာ – ဝတ္ထုံ ပစ္စယာ ဒဿနေန ပဟာတဗ္ဗဟေတုကာ ခန္ဓာ၊ မဟာဘူတေ ပစ္စယာ စိတ္တသမုဋ္ဌာနံ ရူပံ၊ ဝိစိကိစ္ဆာသဟဂတံ မောဟံ ပစ္စယာ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ၊ ဝတ္ထုံ ပစ္စယာ ဝိစိကိစ္ဆာသဟဂတာ ခန္ဓာ စ မောဟော စ။ (၄)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ သဟဇာတပစ္စယာ – ဝတ္ထုံ ¶ ပစ္စယာ ဘာဝနာယ ပဟာတဗ္ဗဟေတုကာ ခန္ဓာ၊ မဟာဘူတေ ပစ္စယာ စိတ္တသမုဋ္ဌာနံ ရူပံ၊ ဥဒ္ဓစ္စသဟဂတံ မောဟံ ¶ ပစ္စယာ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ၊ ဝတ္ထုံ ပစ္စယာ ဥဒ္ဓစ္စသဟဂတာ ခန္ဓာ စ မောဟော စ။ (၅)

၄၅။ ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ သဟဇာတပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဝိစိကိစ္ဆာသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ…ပေ…။ (၁)

ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ သဟဇာတပစ္စယာ – ဒဿနေန ပဟာတဗ္ဗဟေတုကေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ ဝိစိကိစ္ဆာသဟဂတေ ခန္ဓေ စ မောဟဉ္စ ပစ္စယာ စိတ္တသမုဋ္ဌာနံ ရူပံ၊ ဝိစိကိစ္ဆာသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော မောဟော။ (၂)

ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဒဿနေန ¶ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ သဟဇာတပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ဒဿနေန ပဟာတဗ္ဗဟေတုကေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ ဝိစိကိစ္ဆာသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ၊ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဝိစိကိစ္ဆာသဟဂတံ ဧကံ ခန္ဓဉ္စ ¶ ဝတ္ထုဉ္စ ပစ္စယာ တယော ခန္ဓာ မောဟော စ…ပေ… ဒွေ ခန္ဓေ စ ဝတ္ထုဉ္စ ပစ္စယာ ဒွေ ခန္ဓာ မောဟော စ။ (၃)

ဘာဝနာယ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ သဟဇာတပစ္စယာ… တီဏိ။

အညမညပစ္စယာဒိ

၄၆။ ဒဿနေန ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အညမညပစ္စယာ… နိဿယပစ္စယာ… ဥပနိဿယပစ္စယာ… ပုရေဇာတပစ္စယာ… အာသေဝနပစ္စယာ… ကမ္မပစ္စယာ… ဝိပါကပစ္စယာ… အာဟာရပစ္စယာ… ဣန္ဒြိယပစ္စယာ… ဈာနပစ္စယာ… မဂ္ဂပစ္စယာ… သမ္ပယုတ္တပစ္စယာ။

ဝိပ္ပယုတ္တပစ္စယော

၄၇။ ဒဿနေန ¶ ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဝိပ္ပယုတ္တပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓံ ပစ္စယာ တယော ခန္ဓာ…ပေ… ဒွေ ခန္ဓာ၊ ခန္ဓာ ဝတ္ထုံ ဝိပ္ပယုတ္တပစ္စယာ။ (၁)

ဒဿနေန ပဟာတဗ္ဗဟေတုကံ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဝိပ္ပယုတ္တပစ္စယာ – ဒဿနေန ပဟာတဗ္ဗဟေတုကေ ခန္ဓေ ပစ္စယာ စိတ္တသမုဋ္ဌာနံ ရူပံ၊ ခန္ဓေ ဝိပ္ပယုတ္တပစ္စယာ။ ဝိစိကိစ္ဆာသဟဂတေ ခန္ဓေ ပစ္စယာ မောဟော စိတ္တသမုဋ္ဌာနဉ္စ ရူပံ၊ မောဟော ဝတ္ထုံ ဝိပ္ပယုတ္တပစ္စယာ။ စိတ္တသမုဋ္ဌာနံ ရူပံ ခန္ဓေ ဝိပ္ပယုတ္တပစ္စယာ။ (၂)

ဒဿနေန ပဟာတဗ္ဗဟေတုကံ ဓမ္မံ ပစ္စယာ ¶ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ¶ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ ဝိပ္ပယုတ္တပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ခန္ဓာ ဝတ္ထုံ ဝိပ္ပယုတ္တပစ္စယာ။ စိတ္တသမုဋ္ဌာနံ ရူပံ ခန္ဓေ ဝိပ္ပယုတ္တပစ္စယာ။ ဝိစိကိစ္ဆာသဟဂတံ ဧကံ ခန္ဓံ ပစ္စယာ တယော ခန္ဓာ မောဟော စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ခန္ဓာ စ မောဟော စ ဝတ္ထုံ ဝိပ္ပယုတ္တပစ္စယာ။ စိတ္တသမုဋ္ဌာနံ ရူပံ ခန္ဓေ ဝိပ္ပယုတ္တပစ္စယာ။ (၃)

ဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဝိပ္ပယုတ္တပစ္စယာ… တီဏိ (ဒဿနေန သဒိသာ)။

၄၈။ နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဝိပ္ပယုတ္တပစ္စယာ – နေဝဒဿနေန နဘာဝနာယ ပဟာတဗ္ဗဟေတုကံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ… ဒွေ ခန္ဓေ…ပေ… ခန္ဓာ ဝတ္ထုံ ဝိပ္ပယုတ္တပစ္စယာ။ စိတ္တသမုဋ္ဌာနံ ရူပံ ခန္ဓေ ဝိပ္ပယုတ္တပစ္စယာ။ ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပစ္စယာ စိတ္တသမုဋ္ဌာနံ ရူပံ၊ မောဟံ ဝိပ္ပယုတ္တပစ္စယာ။ ပဋိသန္ဓိက္ခဏေ…ပေ… ခန္ဓေ ပစ္စယာ ဝတ္ထု၊ ဝတ္ထုံ ပစ္စယာ ခန္ဓာ။ ခန္ဓာ ဝတ္ထုံ ဝိပ္ပယုတ္တပစ္စယာ။ ဝတ္ထု ခန္ဓေ ဝိပ္ပယုတ္တပစ္စယာ။ ဧကံ မဟာဘူတံ ပစ္စယာ တယော မဟာဘူတာ…ပေ… မဟာဘူတေ ပစ္စယာ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ ¶ ၊ ခန္ဓေ ဝိပ္ပယုတ္တပစ္စယာ။ စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ၊ ဝတ္ထုံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကာ ခန္ဓာ။ (၁)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ¶ ဥပ္ပဇ္ဇတိ ဝိပ္ပယုတ္တပစ္စယာ – ဝတ္ထုံ ပစ္စယာ ဒဿနေန ပဟာတဗ္ဗဟေတုကာ ခန္ဓာ၊ ဝတ္ထုံ ဝိပ္ပယုတ္တပစ္စယာ။ ဝိစိကိစ္ဆာသဟဂတံ မောဟံ ပစ္စယာ သမ္ပယုတ္တကာ ခန္ဓာ၊ ဝတ္ထုံ ဝိပ္ပယုတ္တပစ္စယာ။ (၂)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဝိပ္ပယုတ္တပစ္စယာ – ဝတ္ထုံ ပစ္စယာ ဘာဝနာယ ပဟာတဗ္ဗဟေတုကာ ခန္ဓာ၊ ဝတ္ထုံ ဝိပ္ပယုတ္တပစ္စယာ ¶ ။ ဥဒ္ဓစ္စသဟဂတံ မောဟံ ပစ္စယာ သမ္ပယုတ္တကာ ခန္ဓာ၊ ဝတ္ထုံ ဝိပ္ပယုတ္တပစ္စယာ။ (၃)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ ဝိပ္ပယုတ္တပစ္စယာ – ဝတ္ထုံ ပစ္စယာ ဒဿနေန ပဟာတဗ္ဗဟေတုကာ ခန္ဓာ၊ မဟာဘူတေ ပစ္စယာ စိတ္တသမုဋ္ဌာနံ ရူပံ၊ ခန္ဓာ ဝတ္ထုံ ဝိပ္ပယုတ္တပစ္စယာ။ စိတ္တသမုဋ္ဌာနံ ရူပံ၊ ခန္ဓေ ဝိပ္ပယုတ္တပစ္စယာ။ ဝိစိကိစ္ဆာသဟဂတံ မောဟံ ပစ္စယာ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ၊ ခန္ဓာ ဝတ္ထုံ ဝိပ္ပယုတ္တပစ္စယာ။ စိတ္တသမုဋ္ဌာနံ ရူပံ မောဟံ ဝိပ္ပယုတ္တပစ္စယာ။ ဝတ္ထုံ ပစ္စယာ ဝိစိကိစ္ဆာသဟဂတာ ခန္ဓာ စ မောဟော စ၊ ဝတ္ထုံ ဝိပ္ပယုတ္တပစ္စယာ။ (၄)

နေဝဒဿနေန နဘာဝနာယ ပဟာတဗ္ဗဟေတုကံ ဓမ္မံ ပစ္စယာ ဘာဝနာယ ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ ဝိပ္ပယုတ္တပစ္စယာ – ဝတ္ထုံ ပစ္စယာ ဘာဝနာယ ပဟာတဗ္ဗဟေတုကာ ခန္ဓာ…ပေ… (ဒဿနေန သဒိသံ)။ (၅)

၄၉။ ဒဿနေန ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဝိပ္ပယုတ္တပစ္စယာ – ဒဿနေန ¶ ပဟာတဗ္ဗဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ဝတ္ထုံ ဝိပ္ပယုတ္တပစ္စယာ။ ဝိစိကိစ္ဆာသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ဝတ္ထုံ ဝိပ္ပယုတ္တပစ္စယာ။ (၁)

ဒဿနေန ¶ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ နေဝဒဿနေန နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဝိပ္ပယုတ္တပစ္စယာ – ဒဿနေန ပဟာတဗ္ဗဟေတုကေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ ခန္ဓေ ဝိပ္ပယုတ္တပစ္စယာ။ ဝိစိကိစ္ဆာသဟဂတေ ခန္ဓေ စ မောဟဉ္စ ပစ္စယာ စိတ္တသမုဋ္ဌာနံ ရူပံ၊ ခန္ဓေ စ မောဟဉ္စ ဝိပ္ပယုတ္တပစ္စယာ။ ဝိစိကိစ္ဆာသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော မောဟော၊ ဝတ္ထုံ ဝိပ္ပယုတ္တပစ္စယာ။ (၂)

ဒဿနေန ¶ ပဟာတဗ္ဗဟေတုကဉ္စ နေဝဒဿနေန နဘာဝနာယ ပဟာတဗ္ဗဟေတုကဉ္စ ဓမ္မံ ပစ္စယာ ဒဿနေန ပဟာတဗ္ဗဟေတုကော စ နေဝဒဿနေန နဘာဝနာယ ပဟာတဗ္ဗဟေတုကော စ ဓမ္မာ ဥပ္ပဇ္ဇန္တိ ဝိပ္ပယုတ္တပစ္စယာ – ဒဿနေန ပဟာတဗ္ဗဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ဒဿနေန ပဟာတဗ္ဗဟေတုကေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ ခန္ဓာ ဝတ္ထုံ ဝိပ္ပယုတ္တပစ္စယာ။ စိတ္တသမုဋ္ဌာနံ ရူပံ ခန္ဓေ ဝိပ္ပယုတ္တပစ္စယာ။ ဝိစိကိစ္ဆာသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ စ…ပေ… ခန္ဓာ ဝတ္ထုံ ဝိပ္ပယုတ္တပစ္စယာ။ စိတ္တသမုဋ္ဌာနံ ရူပံ၊ ခန္ဓေ စ မောဟဉ္စ ဝိပ္ပယုတ္တပစ္စယာ။ ဝိစိကိစ္ဆာသဟဂတံ ဧကံ ခန္ဓဉ္စ ဝတ္ထုဉ္စ ¶ ပစ္စယာ တယော ခန္ဓာ မောဟော စ…ပေ… ဒွေ ခန္ဓေ စ…ပေ… ဝတ္ထုံ ဝိပ္ပယုတ္တပစ္စယာ။ (၃)

ဘာဝနာယ ပဟာတဗ္ဗဟေတုကဉ္စ…ပေ… တီဏိ (ဒဿနေန သဒိသာ)။

အတ္ထိပစ္စယာဒိ

၅၀။ ဒဿနေန ပဟာတဗ္ဗဟေတုကံ ဓမ္မံ ပစ္စယာ ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ အတ္ထိပစ္စယာ… နတ္ထိပစ္စယာ… ဝိဂတပစ္စယာ… အဝိဂတပစ္စယာ။

၁။ ပစ္စယာနုလောမံ

၂။ သင်္ချာဝါရော

သုဒ္ဓံ

၅၁။ ဟေတုယာ သတ္တရသ၊ အာရမ္မဏေ သတ္တရသ၊ အဓိပတိယာ သတ္တရသ၊ အနန္တရေ သတ္တရသ၊ သမနန္တရေ သတ္တရသ၊ သဟဇာတေ သတ္တရသ၊ အညမညေ သတ္တာရသ နိဿယေ သတ္တရသ၊ ဥပနိဿယေ သတ္တရသ၊ ပုရေဇာတေ ¶ သတ္တရသ၊ အာသေဝနေ သတ္တရသ၊ ကမ္မေ သတ္တရသ၊ ဝိပါကေ ဧကံ၊ အာဟာရေ သတ္တရသ၊ ဣန္ဒြိယေ သတ္တရသ၊ ဈာနေ သတ္တရသ၊ မဂ္ဂေ သတ္တရသ၊ သမ္ပယုတ္တေ သတ္တရသ၊ ဝိပ္ပယုတ္တေ သတ္တရသ၊ အတ္ထိယာ သတ္တရသ၊ နတ္ထိယာ သတ္တရသ၊ ဝိဂတေ သတ္တရသ၊ အဝိဂတေ သတ္တရသ (ဧဝံ ဂဏေတဗ္ဗံ)။

အနုလောမံ။

၂။ ပစ္စယပစ္စနီယံ

၁။ ဝိဘင်္ဂဝါရော

နဟေတုပစ္စယော

၅၂။ ဒဿနေန