📜

နမော တဿ ဘဂဝတော အရဟတော သမ္မာသမ္ဗုဒ္ဓဿ

အဘိဓမ္မပိဋကေ

ပဋ္ဌာနပါဠိ

(တတိယော ဘာဂေါ)

ဓမ္မာနုလောမေ ဒုကပဋ္ဌာနံ

၁။ ဟေတုဂေါစ္ဆကံ

၁။ ဟေတုဒုကံ

၁။ ပဋိစ္စဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၁။ ဟေတုံ ¶ ¶ ¶ ဓမ္မံ ပဋိစ္စ ဟေတု ဓမ္မော ဥပ္ပဇ္ဇတိ ဟေတုပစ္စယာ – အလောဘံ ပဋိစ္စ အဒေါသော အမောဟော၊ အဒေါသံ ပဋိစ္စ အလောဘော အမောဟော၊ အမောဟံ ပဋိစ္စ အလောဘော အဒေါသော၊ လောဘံ ပဋိစ္စ ¶ မောဟော၊ မောဟံ ပဋိစ္စ လောဘော၊ ဒေါသံ ပဋိစ္စ မောဟော၊ မောဟံ ပဋိစ္စ ဒေါသော၊ ပဋိသန္ဓိက္ခဏေ…ပေ…။ (၁)

ဟေတုံ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ ဟေတုပစ္စယာ – ဟေတုံ ဓမ္မံ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ၊ ပဋိသန္ဓိက္ခဏေ…ပေ…။ (၂)

ဟေတုံ ဓမ္မံ ပဋိစ္စ ဟေတု စ နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ – အလောဘံ ပဋိစ္စ အဒေါသော အမောဟော သမ္ပယုတ္တကာ စ ခန္ဓာ စိတ္တသမုဋ္ဌာနဉ္စ ရူပံ (စက္ကံ)။ လောဘံ ပဋိစ္စ မောဟော သမ္ပယုတ္တကာ စ ခန္ဓာ စိတ္တသမုဋ္ဌာနဉ္စ ရူပံ…ပေ… ပဋိသန္ဓိက္ခဏေ…ပေ…။ (၃)

၂။ နဟေတုံ ¶ ဓမ္မံ ¶ ပဋိစ္စ နဟေတု ဓမ္မော ဥပ္ပဇ္ဇတိ ဟေတုပစ္စယာ – နဟေတုံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ၊ ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ၊ ဧကံ မဟာဘူတံ…ပေ…။ (၁)

နဟေတုံ ဓမ္မံ ပဋိစ္စ ဟေတု ဓမ္မော ဥပ္ပဇ္ဇတိ ဟေတုပစ္စယာ – နဟေတူ ခန္ဓေ ပဋိစ္စ ဟေတူ၊ ပဋိသန္ဓိက္ခဏေ…ပေ… ဝတ္ထုံ ပဋိစ္စ ဟေတူ။ (၂)

နဟေတုံ ဓမ္မံ ပဋိစ္စ ဟေတု စ နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ – နဟေတုံ ဧကံ ခန္ဓံ ပဋိစ္စ တယော ခန္ဓာ ဟေတု စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ ပဋိစ္စ ဒွေ ခန္ဓာ ဟေတု စ စိတ္တသမုဋ္ဌာနဉ္စ ရူပံ၊ ပဋိသန္ဓိက္ခဏေ…ပေ… ပဋိသန္ဓိက္ခဏေ ဝတ္ထုံ ပဋိစ္စ ဟေတူ သမ္ပယုတ္တကာ စ ခန္ဓာ။ (၃)

၃။ ဟေတုဉ္စ နဟေတုဉ္စ ဓမ္မံ ပဋိစ္စ ဟေတု ဓမ္မော ဥပ္ပဇ္ဇတိ ဟေတုပစ္စယာ – အလောဘဉ္စ သမ္ပယုတ္တကေ စ ခန္ဓေ ပဋိစ္စ အဒေါသော အမောဟော (စက္ကံ)။ လောဘဉ္စ သမ္ပယုတ္တကေ စ ခန္ဓေ ပဋိစ္စ မောဟော၊ ဒေါသဉ္စ သမ္ပယုတ္တကေ စ ခန္ဓေ ပဋိစ္စ မောဟော…ပေ… ပဋိသန္ဓိက္ခဏေ…ပေ… အလောဘဉ္စ ဝတ္ထုဉ္စ ပဋိစ္စ အဒေါသော အမောဟော…ပေ…။ (၁)

ဟေတုဉ္စ ¶ နဟေတုဉ္စ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ ဟေတုပစ္စယာ – နဟေတုံ ဧကံ ခန္ဓဉ္စ ဟေတုဉ္စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ စ ဟေတုဉ္စ ပဋိစ္စ ဒွေ ခန္ဓာ စိတ္တသမုဋ္ဌာနဉ္စ ရူပံ၊ ပဋိသန္ဓိက္ခဏေ…ပေ… ပဋိသန္ဓိက္ခဏေ ဝတ္ထုဉ္စ ဟေတုဉ္စ ပဋိစ္စ သမ္ပယုတ္တကာ ခန္ဓာ။ (၂)

ဟေတုဉ္စ နဟေတုဉ္စ ဓမ္မံ ပဋိစ္စ ဟေတု စ နဟေတု စ ဓမ္မာ ဥပ္ပဇ္ဇန္တိ ¶ ဟေတုပစ္စယာ – နဟေတုံ ဧကံ ခန္ဓဉ္စ အလောဘဉ္စ ပဋိစ္စ တယော ခန္ဓာ အဒေါသော အမောဟော စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ စ အလောဘဉ္စ ပဋိစ္စ ဒွေ ခန္ဓာ အဒေါသော အမောဟော စ စိတ္တသမုဋ္ဌာနဉ္စ ရူပံ (စက္ကံ)။ နဟေတုံ ဧကံ ခန္ဓဉ္စ လောဘဉ္စ ပဋိစ္စ တယော ခန္ဓာ မောဟော စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ဝတ္ထုဉ္စ အလောဘဉ္စ ပဋိစ္စ အဒေါသော အမောဟော သမ္ပယုတ္တကာ စ ခန္ဓာ။ (၃)

အာရမ္မဏပစ္စယာဒိ

၄။ ဟေတုံ ¶ ဓမ္မံ ပဋိစ္စ ဟေတု ဓမ္မော ဥပ္ပဇ္ဇတိ အာရမ္မဏပစ္စယာ (ရူပံ ဆဍ္ဍေတွာ အရူပေယေဝ နဝ ပဉှာ)… အဓိပတိပစ္စယာ (ပဋိသန္ဓိ နတ္ထိ၊ ပရိပုဏ္ဏံ) ဧကံ မဟာဘူတံ ပဋိစ္စ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ဥပါဒါရူပံ… (ဣမံ နာနံ) အနန္တရပစ္စယာ… သမနန္တရပစ္စယာ… သဟဇာတပစ္စယာ (သဗ္ဗေ မဟာဘူတာ ယာဝ အသညသတ္တာ)… အညမညပစ္စယာ… နိဿယပစ္စယာ… ဥပနိဿယပစ္စယာ… ပုရေဇာတပစ္စယာ… အာသေဝနပစ္စယာ (ဒွီသုပိ ပဋိသန္ဓိ နတ္ထိ)… ကမ္မပစ္စယာ… ဝိပါကပစ္စယာ (သံခိတ္တံ)… အဝိဂတပစ္စယာ။

၁။ ပစ္စယာနုလောမံ

၂။ သင်္ချာဝါရော

၅။ ဟေတုယာ နဝ၊ အာရမ္မဏေ နဝ (သဗ္ဗတ္ထ နဝ)၊ အဝိဂတေ နဝ (ဧဝံ ဂဏေတဗ္ဗံ)။

အနုလောမံ။

၂။ ပစ္စယပစ္စနီယံ

၁။ ဝိဘင်္ဂဝါရော

နဟေတုပစ္စယော

၆။ နဟေတုံ ¶ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ နဟေတုံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ¶ ရူပံ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ၊ ဧကံ မဟာဘူတံ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ…။(၁)

နဟေတုံ ဓမ္မံ ပဋိစ္စ ဟေတု ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)

နအာရမ္မဏပစ္စယာဒိ

၇။ ဟေတုံ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ နအာရမ္မဏပစ္စယာ – ဟေတုံ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၁)

နဟေတုံ ¶ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ နအာရမ္မဏပစ္စယာ – နဟေတူ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… သဗ္ဗေ မဟာဘူတာ…ပေ…။ (၁)

ဟေတုဉ္စ နဟေတုဉ္စ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ နအာရမ္မဏပစ္စယာ – ဟေတုဉ္စ နဟေတုဉ္စ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… နအဓိပတိပစ္စယာ… (ပရိပုဏ္ဏံ) နအနန္တရပစ္စယာ… နသမနန္တရပစ္စယာ… နအညမညပစ္စယာ… နဥပနိဿယပစ္စယာ။

နပုရေဇာတပစ္စယော

၈။ ဟေတုံ ¶ ဓမ္မံ ပဋိစ္စ ဟေတု ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ အလောဘံ ပဋိစ္စ အဒေါသော အမောဟော (စက္ကံ)။ လောဘံ ပဋိစ္စ မောဟော၊ မောဟံ ပဋိစ္စ လောဘော၊ ပဋိသန္ဓိက္ခဏေ…ပေ…။ (၁)

ဟေတုံ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဟေတုံ ပဋိစ္စ သမ္ပယုတ္တကာ ခန္ဓာ၊ ဟေတုံ ပဋိစ္စ စိတ္တသမုဋ္ဌာနံ ¶ ရူပံ၊ ပဋိသန္ဓိက္ခဏေ…ပေ…။ (၂)

ဟေတုံ ဓမ္မံ ပဋိစ္စ ဟေတု စ နဟေတု စ ဓမ္မာ ဥပ္ပဇ္ဇန္တိ နပုရေဇာတပစ္စယာ – အရူပေ အလောဘံ ပဋိစ္စ အဒေါသော အမောဟော သမ္ပယုတ္တကာ စ ခန္ဓာ (စက္ကံ)။ လောဘံ ပဋိစ္စ မောဟော သမ္ပယုတ္တကာ စ ခန္ဓာ (စက္ကံ)၊ ပဋိသန္ဓိက္ခဏေ…ပေ…။ (၃)

၉။ နဟေတုံ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ နဟေတုံ ဧကံ ခန္ဓံ ပဋိစ္စ တယော ခန္ဓာ…ပေ… နဟေတူ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… ဧကံ မဟာဘူတံ…ပေ…။ (၁)

နဟေတုံ ဓမ္မံ ပဋိစ္စ ဟေတု ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ နဟေတူ ခန္ဓေ ပဋိစ္စ ဟေတူ၊ ပဋိသန္ဓိက္ခဏေ…ပေ…။ (၂)

နဟေတုံ ဓမ္မံ ပဋိစ္စ ဟေတု စ နဟေတု စ ဓမ္မာ ဥပ္ပဇ္ဇန္တိ နပုရေဇာတပစ္စယာ – အရူပေ နဟေတုံ ဧကံ ခန္ဓံ ပဋိစ္စ တယော ခန္ဓာ ဟေတု စ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)

၁၀။ ဟေတုဉ္စ နဟေတုဉ္စ ဓမ္မံ ပဋိစ္စ ဟေတု ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ အလောဘဉ္စ သမ္ပယုတ္တကေ စ ခန္ဓေ ပဋိစ္စ အဒေါသော အမောဟော ¶ (စက္ကံ)။ အရူပေ လောဘဉ္စ သမ္ပယုတ္တကေ စ ခန္ဓေ ပဋိစ္စ မောဟော (စက္ကံ)၊ ပဋိသန္ဓိက္ခဏေ…ပေ…။ (၁)

ဟေတုဉ္စ ¶ နဟေတုဉ္စ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ နဟေတုံ ဧကံ ခန္ဓဉ္စ ဟေတုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… နဟေတူ ခန္ဓေ စ ဟေတုဉ္စ ပဋိစ္စ စိတ္တသမုဋ္ဌာနံ ရူပံ၊ ဟေတုဉ္စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ ¶ ၊ ပဋိသန္ဓိက္ခဏေ…ပေ…။ (၂)

ဟေတုဉ္စ နဟေတုဉ္စ ဓမ္မံ ပဋိစ္စ ဟေတု စ နဟေတု စ ဓမ္မာ ဥပ္ပဇ္ဇန္တိ နပုရေဇာတပစ္စယာ – အရူပေ နဟေတုံ ဧကံ ခန္ဓဉ္စ အလောဘဉ္စ ပဋိစ္စ တယော ခန္ဓာ အဒေါသော အမောဟော စ…ပေ… ဒွေ ခန္ဓေ…ပေ… (စက္ကံ)။ နဟေတုံ ဧကံ ခန္ဓဉ္စ လောဘဉ္စ ပဋိစ္စ တယော ခန္ဓာ မောဟော စ (စက္ကံ)၊ ပဋိသန္ဓိက္ခဏေ…ပေ…။ (၃)

နပစ္ဆာဇာတပစ္စယာဒိ

၁၁။ ဟေတုံ ဓမ္မံ ပဋိစ္စ ဟေတု ဓမ္မော ဥပ္ပဇ္ဇတိ နပစ္ဆာဇာတပစ္စယာ… နအာသေဝနပစ္စယာ။

နကမ္မပစ္စယာဒိ

၁၂။ ဟေတုံ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ နကမ္မပစ္စယာ – ဟေတုံ ပဋိစ္စ သမ္ပယုတ္တကာ စေတနာ။ (၁)

နဟေတုံ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ နကမ္မပစ္စယာ – နဟေတူ ခန္ဓေ ပဋိစ္စ သမ္ပယုတ္တကာ စေတနာ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ…ပေ…။ (၁)

ဟေတုဉ္စ နဟေတုဉ္စ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ နကမ္မပစ္စယာ – ဟေတုဉ္စ သမ္ပယုတ္တကေ စ ခန္ဓေ ပဋိစ္စ သမ္ပယုတ္တကာ စေတနာ။ (၁)

ဟေတုံ ဓမ္မံ ပဋိစ္စ ဟေတု ဓမ္မော ဥပ္ပဇ္ဇတိ နဝိပါကပစ္စယာ… နဝ။

နအာဟာရပစ္စယာဒိ

၁၃။ နဟေတုံ ဓမ္မံ ပဋိစ္စ နဟေတု ဓမ္မော ဥပ္ပဇ္ဇတိ နအာဟာရပစ္စယာ – ဗာဟိရံ… ဥတုသမုဋ္ဌာနံ… အသညသတ္တာနံ…ပေ… နဣန္ဒြိယပစ္စယာ ¶ – ဗာဟိရံ… အာဟာရသမုဋ္ဌာနံ ¶ … ဥတုသမုဋ္ဌာနံ…ပေ… အသညသတ္တာနံ မဟာဘူတေ ပဋိစ္စ ရူပဇီဝိတိန္ဒြိယံ၊ နဈာနပစ္စယာ – ပဉ္စဝိညာဏံ ¶ …ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ… နမဂ္ဂပစ္စယာ – အဟေတုကံ နဟေတုံ ဧကံ ခန္ဓံ ပဋိစ္စ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ… နသမ္ပယုတ္တပစ္စယာ… နဝိပ္ပယုတ္တပစ္စယာ… (နပုရေဇာတသဒိသံ၊ အရူပပဉှာယေဝ) နောနတ္ထိပစ္စယာ… နောဝိဂတပစ္စယာ။

၂။ ပစ္စယပစ္စနီယံ

၂။ သင်္ချာဝါရော

သုဒ္ဓံ

၁၄။ နဟေတုယာ ဒွေ၊ နအာရမ္မဏေ တီဏိ၊ နအဓိပတိယာ နဝ၊ နအနန္တရေ တီဏိ၊ နသမနန္တရေ တီဏိ၊ နအညမညေ တီဏိ၊ နဥပနိဿယေ တီဏိ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဧကံ၊ နမဂ္ဂေ ဧကံ၊ နသမ္ပယုတ္တေ တီဏိ၊ နဝိပ္ပယုတ္တေ နဝ၊ နောနတ္ထိယာ တီဏိ၊ နောဝိဂတေ တီဏိ (ဧဝံ ဂဏေတဗ္ဗံ)။

ပစ္စနီယံ။

၃။ ပစ္စယာနုလောမပစ္စနီယံ

ဟေတုဒုကံ

၁၅။ ဟေတုပစ္စယာ နအာရမ္မဏေ တီဏိ၊ နအဓိပတိယာ နဝ၊ နအနန္တရေ တီဏိ…ပေ… နဥပနိဿယေ တီဏိ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နသမ္ပယုတ္တေ တီဏိ၊ နဝိပ္ပယုတ္တေ ¶ နဝ၊ နောနတ္ထိယာ တီဏိ၊ နောဝိဂတေ တီဏိ။

အနုလောမပစ္စနီယံ။

၄။ ပစ္စယပစ္စနီယာနုလောမံ

နဟေတုဒုကံ

၁၆။ နဟေတုပစ္စယာ ¶ ¶ အာရမ္မဏေ ဒွေ၊ အနန္တရေ ဒွေ…ပေ… ကမ္မေ ဒွေ၊ ဝိပါကေ ဧကံ၊ အာဟာရေ ဒွေ၊ ဣန္ဒြိယေ ဒွေ၊ ဈာနေ ဒွေ၊ မဂ္ဂေ ဧကံ၊ သမ္ပယုတ္တေ ဒွေ…ပေ… အဝိဂတေ ဒွေ။

ပစ္စနီယာနုလောမံ။

၂-၆ သဟဇာတ-ပစ္စယ-နိဿယ-သံသဋ္ဌ-သမ္ပယုတ္တဝါရော

(သဟဇာတဝါရောပိ ပစ္စယဝါရောပိ နိဿယဝါရောပိ ပဋိစ္စဝါရသဒိသာယေဝ ပဉှာ။ မဟာဘူတေသု နိဋ္ဌိတေသု ‘‘ဝတ္ထုံ ပစ္စယာ’’တိ ကာတဗ္ဗာ။ ပဉ္စာယတနာနိ အနုလောမေပိ ပစ္စနီယေပိ ယထာ လဗ္ဘန္တိ တထာ ကာတဗ္ဗာ။ သံသဋ္ဌဝါရောပိ သမ္ပယုတ္တဝါရောပိ ပရိပုဏ္ဏော။ ရူပံ နတ္ထိ၊ အရူပမေဝ။)

၇။ ပဉှာဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၁၇။ ဟေတု ဓမ္မော ဟေတုဿ ဓမ္မဿ ဟေတုပစ္စယေန ပစ္စယော – အလောဘော အဒေါသဿ အမောဟဿ ဟေတုပစ္စယေန ပစ္စယော (စက္ကံ)။ လောဘော မောဟဿ ဟေတုပစ္စယေန ပစ္စယော၊ ဒေါသော မောဟဿ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)

ဟေတု ¶ ဓမ္မော နဟေတုဿ ဓမ္မဿ ဟေတုပစ္စယေန ပစ္စယော – ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၂)

ဟေတု ဓမ္မော ဟေတုဿ စ နဟေတုဿ စ ဓမ္မဿ ဟေတုပစ္စယေန ပစ္စယော ¶ – အလောဘော အဒေါသဿ အမောဟဿ သမ္ပယုတ္တကာနဉ္စ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော (စက္ကံ)။ လောဘော မောဟဿ…ပေ… ပဋိသန္ဓိက္ခဏေ…ပေ…။ (၃)

အာရမ္မဏပစ္စယော

၁၈။ ဟေတု ¶ ဓမ္မော ဟေတုဿ ဓမ္မဿ အာရမ္မဏပစ္စယေန ပစ္စယော – ဟေတုံ အာရဗ္ဘ ဟေတူ ဥပ္ပဇ္ဇန္တိ။ (၁)

ဟေတု ဓမ္မော နဟေတုဿ ဓမ္မဿ အာရမ္မဏပစ္စယေန ပစ္စယော – ဟေတုံ အာရဗ္ဘ နဟေတူ ခန္ဓာ ဥပ္ပဇ္ဇန္တိ။ (၂)

ဟေတု ဓမ္မော ဟေတုဿ စ နဟေတုဿ စ ဓမ္မဿ အာရမ္မဏပစ္စယေန ပစ္စယော – ဟေတုံ အာရဗ္ဘ ဟေတူ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)

၁၉။ နဟေတု ဓမ္မော နဟေတုဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ၊ ပုဗ္ဗေ သုစိဏ္ဏာနိ ပစ္စဝေက္ခတိ။ ဈာနာ ဝုဋ္ဌဟိတွာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ၊ ဖလံ…ပေ… နိဗ္ဗာနံ…ပေ… နိဗ္ဗာနံ ဂေါတြဘုဿ၊ ဝေါဒါနဿ၊ မဂ္ဂဿ၊ ဖလဿ၊ အာဝဇ္ဇနာယ အာရမ္မဏပစ္စယေန ပစ္စယော။ အရိယာ နဟေတူ ပဟီနေ ကိလေသေ ပစ္စဝေက္ခန္တိ၊ ဝိက္ခမ္ဘိတေ ကိလေသေ ပစ္စဝေက္ခန္တိ၊ ပုဗ္ဗေ သမုဒါစိဏ္ဏေ ကိလေသေ ဇာနန္တိ၊ စက္ခုံ…ပေ… ဝတ္ထုံ၊ နဟေတူ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ၊ စေတောပရိယဉာဏေန နဟေတုစိတ္တသမင်္ဂိဿ စိတ္တံ ဇာနာတိ။ အာကာသာနဉ္စာယတနံ [အာကာသာနဉ္စာယတနကိရိယံ (သျာ။) ဧဝမုပရိပိ တီသု ဌာနေသု] ဝိညာဏဉ္စာယတနဿ…ပေ… အာကိဉ္စညာယတနံ ¶ နေဝသညာနာသညာယတနဿ…ပေ… ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ ¶ …ပေ… နဟေတူ ခန္ဓာ ဣဒ္ဓိဝိဓဉာဏဿ၊ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၁)

နဟေတု ဓမ္မော ဟေတုဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ (ပဌမဂမနံယေဝ၊ အာဝဇ္ဇနာ နတ္ထိ။ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿာတိ ဣဒံ နတ္ထိ)။ (၂)

နဟေတု ဓမ္မော ဟေတုဿ စ နဟေတုဿ စ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ၊ တံ ¶ အာရဗ္ဘ ဟေတူ စ သမ္ပယုတ္တကာ စ ခန္ဓာ ဥပ္ပဇ္ဇန္တိ (တတ္ထ တတ္ထ ဌိတေန ဣမံ ကာတဗ္ဗံ ဒုတိယဂမနသဒိသံ)။ (၃)

၂၀။ ဟေတု စ နဟေတု စ ဓမ္မာ ဟေတုဿ ဓမ္မဿ အာရမ္မဏပစ္စယေန ပစ္စယော – ဟေတုဉ္စ သမ္ပယုတ္တကေ စ ခန္ဓေ အာရဗ္ဘ ဟေတူ ဥပ္ပဇ္ဇန္တိ။ (၁)

ဟေတု စ နဟေတု စ ဓမ္မာ နဟေတုဿ ဓမ္မဿ အာရမ္မဏပစ္စယေန ပစ္စယော – ဟေတုဉ္စ သမ္ပယုတ္တကေ စ ခန္ဓေ အာရဗ္ဘ နဟေတူ ခန္ဓာ ဥပ္ပဇ္ဇန္တိ။ (၂)

ဟေတု စ နဟေတု စ ဓမ္မာ ဟေတုဿ စ နဟေတုဿ စ ဓမ္မဿ အာရမ္မဏပစ္စယေန ပစ္စယော – ဟေတုဉ္စ သမ္ပယုတ္တကေ စ ခန္ဓေ အာရဗ္ဘ ဟေတူ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)

အဓိပတိပစ္စယော

၂၁။ ဟေတု ဓမ္မော ဟေတုဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ဟေတုံ ဂရုံ ကတွာ ဟေတူ ¶ ဥပ္ပဇ္ဇန္တိ။ သဟဇာတာဓိပတိ – ဟေတု အဓိပတိ သမ္ပယုတ္တကာနံ ဟေတူနံ အဓိပတိပစ္စယေန ပစ္စယော။ (၁)

ဟေတု ဓမ္မော နဟေတုဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ ¶ ။ အာရမ္မဏာဓိပတိ – ဟေတုံ ဂရုံ ကတွာ နဟေတူ ခန္ဓာ ဥပ္ပဇ္ဇန္တိ။ သဟဇာတာဓိပတိ – ဟေတု အဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၂)

ဟေတု ဓမ္မော ဟေတုဿ စ နဟေတုဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ဟေတုံ ဂရုံ ကတွာ ဟေတူ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ သဟဇာတာဓိပတိ – ဟေတု အဓိပတိ သမ္ပယုတ္တကာနံ ခန္ဓာနံ ဟေတူနဉ္စ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)

၂၂။ နဟေတု ဓမ္မော နဟေတုဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ဒါနံ ဒတွာ (ဝိတ္ထာရေတဗ္ဗံ ယာဝ။ နဟေတူ ခန္ဓာ)။ သဟဇာတာဓိပတိ – နဟေတု အဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၁)

နဟေတု ¶ ဓမ္မော ဟေတုဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ဒါနံ ဒတွာ (သံခိတ္တံ။ ယာဝ ဝတ္ထု နဟေတူ စ ခန္ဓာ တာဝ ကာတဗ္ဗံ)။ သဟဇာတာဓိပတိ နဟေတု အဓိပတိ သမ္ပယုတ္တကာနံ ဟေတူနံ အဓိပတိပစ္စယေန ပစ္စယော။ (၂)

နဟေတု ဓမ္မော ဟေတုဿ စ နဟေတုဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ ¶ ။ အာရမ္မဏာဓိပတိ – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ၊ တံ ဂရုံ ကတွာ နဟေတူ ခန္ဓာ စ ဟေတူ စ ဥပ္ပဇ္ဇန္တိ၊ ပုဗ္ဗေ သုစိဏ္ဏာနိ (ယာဝ ဝတ္ထု နဟေတူ ခန္ဓာ၊ စ တာဝ ကာတဗ္ဗံ)။ သဟဇာတာဓိပတိ – နဟေတု အဓိပတိ သမ္ပယုတ္တကာနံ ခန္ဓာနံ ဟေတူနဉ္စ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)

၂၃။ ဟေတု စ နဟေတု စ ဓမ္မာ ဟေတုဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – ဟေတုဉ္စ သမ္ပယုတ္တကေ စ ခန္ဓေ ဂရုံ ကတွာ ဟေတူ ဥပ္ပဇ္ဇန္တိ။ (၁)

ဟေတု ¶ စ နဟေတု စ ဓမ္မာ နဟေတုဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – ဟေတုဉ္စ သမ္ပယုတ္တကေ စ ခန္ဓေ ဂရုံ ကတွာ နဟေတူ ခန္ဓာ ဥပ္ပဇ္ဇန္တိ။ (၂)

ဟေတု စ နဟေတု စ ဓမ္မာ ဟေတုဿ စ နဟေတုဿ စ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – ဟေတုဉ္စ သမ္ပယုတ္တကေ စ ခန္ဓေ ဂရုံ ကတွာ ဟေတူ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)

အနန္တရပစ္စယော

၂၄။ ဟေတု ဓမ္မော ဟေတုဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဟေတူ ပစ္ဆိမာနံ ပစ္ဆိမာနံ ဟေတူနံ အနန္တရပစ္စယေန ပစ္စယော။ (၁)

ဟေတု ဓမ္မော နဟေတုဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဟေတူ ပစ္ဆိမာနံ ပစ္ဆိမာနံ နဟေတူနံ ခန္ဓာနံ အနန္တရပစ္စယေန ပစ္စယော။ (၂)

ဟေတု ဓမ္မော ဟေတုဿ စ နဟေတုဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဟေတူ ပစ္ဆိမာနံ ပစ္ဆိမာနံ ဟေတူနံ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော။ (၃)

၂၅။ နဟေတု ¶ ဓမ္မော ¶ နဟေတုဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ နဟေတူ ခန္ဓာ ပစ္ဆိမာနံ ပစ္ဆိမာနံ နဟေတူနံ ခန္ဓာနံ အနန္တရပစ္စယေန ပစ္စယော၊ အနုလောမံ ဂေါတြဘုဿ (သံခိတ္တံ) နေဝသညာနာသညာယတနံ ဖလသမာပတ္တိယာ အနန္တရပစ္စယေန ပစ္စယော။ (၁)

နဟေတု ဓမ္မော ဟေတုဿ ဓမ္မဿ အနန္တရပစ္စယေန ပစ္စယော…ပေ…။ (၂)

နဟေတု ဓမ္မော ဟေတုဿ စ နဟေတုဿ စ ဓမ္မဿ အနန္တရပစ္စယေန ပစ္စယော (နဟေတုမူလကံ တီဏိပိ ဧကသဒိသံ)။ (၃)

၂၆။ ဟေတူ စ နဟေတူ စ ဓမ္မာ ဟေတုဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ¶ ဟေတူ စ သမ္ပယုတ္တကာ စ ခန္ဓာ ပစ္ဆိမာနံ ပစ္ဆိမာနံ ဟေတူနံ အနန္တရပစ္စယေန ပစ္စယော။ (၁)

ဟေတူ စ နဟေတူ စ ဓမ္မာ နဟေတုဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဟေတူ စ သမ္ပယုတ္တကာ စ ခန္ဓာ ပစ္ဆိမာနံ ပစ္ဆိမာနံ နဟေတူနံ ခန္ဓာနံ အနန္တရပစ္စယေန ပစ္စယော။ (၂)

ဟေတူ စ နဟေတူ စ ဓမ္မာ ဟေတုဿ စ နဟေတုဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဟေတူ စ သမ္ပယုတ္တကာ စ ခန္ဓာ ပစ္ဆိမာနံ ပစ္ဆိမာနံ ဟေတူနံ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော။ (၃)

သမနန္တရပစ္စယာဒိ

၂၇။ ဟေတု ဓမ္မော ဟေတုဿ ဓမ္မဿ သမနန္တရပစ္စယေန ပစ္စယော (အနန္တရသဒိသံ။)… သဟဇာတပစ္စယေန ပစ္စယော… အညမညပစ္စယေန ပစ္စယော (ဣမေ ဒွေပိ ပဋိစ္စသဒိသာ။ နိဿယပစ္စယော ပစ္စယဝါရေ နိဿယပစ္စယသဒိသော။)

ဥပနိဿယပစ္စယော

၂၈။ ဟေတု ဓမ္မော ဟေတုဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော ¶ ၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ဟေတူ ဟေတူနံ ဥပနိဿယပစ္စယေန ပစ္စယော။ (၁)

ဟေတု ဓမ္မော နဟေတုဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ဟေတူ နဟေတူနံ ခန္ဓာနံ ဥပနိဿယပစ္စယေန ပစ္စယော။ (၂)

ဟေတု ¶ ဓမ္မော ဟေတုဿ စ နဟေတုဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော ¶ ၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ဟေတူ ဟေတူနံ သမ္ပယုတ္တကာနဉ္စ ခန္ဓာနံ ဥပနိဿယပစ္စယေန ပစ္စယော။ (၃)

၂၉။ နဟေတု ဓမ္မော နဟေတုဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ… ပကတူပနိဿယော – သဒ္ဓံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပာဒေတိ…ပေ… ဒိဋ္ဌိံ ဂဏှာတိ၊ သီလံ…ပေ… သေနာသနံ ဥပနိဿာယ ဒါနံ ဒေတိ…ပေ… သင်္ဃံ ဘိန္ဒတိ၊ သဒ္ဓါ…ပေ… သေနာသနံ သဒ္ဓါယ…ပေ… ဖလသမာပတ္တိယာ ဥပနိဿယပစ္စယေန ပစ္စယော။ (၁)

နဟေတု ဓမ္မော ဟေတုဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ… ပကတူပနိဿယော – သဒ္ဓံ…ပေ… သေနာသနံ ဥပနိဿာယ ဒါနံ ဒေတိ…ပေ… သင်္ဃံ ဘိန္ဒတိ၊ သဒ္ဓါ…ပေ… သေနာသနံ သဒ္ဓါယ…ပေ… ပတ္ထနာယ မဂ္ဂဿ ဖလသမာပတ္တိယာ ဥပနိဿယပစ္စယေန ပစ္စယော။ (၂)

နဟေတု ဓမ္မော ဟေတုဿ စ နဟေတုဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော ¶ ၊ အနန္တရူပနိဿယော၊ ပကတူပနိဿယော…ပေ… ပကတူပနိဿယော (ဒုတိယဥပနိဿယသဒိသံ)။ (၃)

၃၀။ ဟေတူ စ နဟေတူ စ ဓမ္မာ ဟေတုဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ဟေတူ စ သမ္ပယုတ္တကာ စ ခန္ဓာ ဟေတူနံ ဥပနိဿယပစ္စယေန ပစ္စယော။ (၁)

ဟေတူ စ နဟေတူ စ ဓမ္မာ နဟေတုဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ဟေတူ စ သမ္ပယုတ္တကာ စ ခန္ဓာ နဟေတူနံ ခန္ဓာနံ ဥပနိဿယပစ္စယေန ပစ္စယော။ (၂)

ဟေတူ စ နဟေတူ စ ဓမ္မာ ဟေတုဿ စ နဟေတုဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော ¶ …ပေ…။ ပကတူပနိဿယော ¶ – ဟေတူ စ သမ္ပယုတ္တကာ စ ခန္ဓာ ဟေတူနဉ္စ သမ္ပယုတ္တကာနဉ္စ ခန္ဓာနံ ဥပနိဿယပစ္စယေန ပစ္စယော။ (၃)

ပုရေဇာတပစ္စယော

၃၁။ နဟေတု ဓမ္မော နဟေတုဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ၊ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ…။ ဝတ္ထုပုရေဇာတံ – စက္ခာယတနံ…ပေ… ကာယာယတနံ…ပေ… ¶ ဝတ္ထု နဟေတူနံ ခန္ဓာနံ ပုရေဇာတပစ္စယေန ပစ္စယော။ (၁)

နဟေတု ဓမ္မော ဟေတုဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ။ ဝတ္ထုပုရေဇာတံ – ဝတ္ထု ဟေတူနံ ပုရေဇာတပစ္စယေန ပစ္စယော။ (၂)

နဟေတု ဓမ္မော ဟေတုဿ စ နဟေတုဿ စ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ။ ဝတ္ထုပုရေဇာတံ – ဝတ္ထု ဟေတူနံ သမ္ပယုတ္တကာနဉ္စ ခန္ဓာနံ ပုရေဇာတပစ္စယေန ပစ္စယော။ (၃)

ပစ္ဆာဇာတပစ္စယာဒိ

၃၂။ ဟေတု ဓမ္မော နဟေတုဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ ဟေတူ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)

နဟေတု ဓမ္မော နဟေတုဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ နဟေတူ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)

ဟေတူ စ နဟေတူ စ ဓမ္မာ နဟေတုဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ ဟေတူ စ သမ္ပယုတ္တကာ စ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)

ဟေတု ¶ ¶ ဓမ္မော ဟေတုဿ ဓမ္မဿ အာသေဝနပစ္စယေန ပစ္စယော (အနန္တရသဒိသံ) ¶ ။

ကမ္မပစ္စယော

၃၃။ နဟေတု ဓမ္မော နဟေတုဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – နဟေတု စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – နဟေတု စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၁)

နဟေတု ဓမ္မော ဟေတုဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – နဟေတု စေတနာ သမ္ပယုတ္တကာနံ ဟေတူနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – နဟေတု စေတနာ ဝိပါကာနံ ဟေတူနံ ကမ္မပစ္စယေန ပစ္စယော။ (၂)

နဟေတု ဓမ္မော ဟေတုဿ စ နဟေတုဿ စ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – နဟေတု စေတနာ သမ္ပယုတ္တကာနံ ခန္ဓာနံ ဟေတူနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – နဟေတု စေတနာ ဝိပါကာနံ ခန္ဓာနံ ဟေတူနံ ကဋတ္တာ စ ရူပါနံ ကမ္မပစ္စယေန ပစ္စယော။ (၃)

ဝိပါကပစ္စယော

၃၄။ ဟေတု ဓမ္မော ဟေတုဿ ဓမ္မဿ ဝိပါကပစ္စယေန ပစ္စယော – ဝိပါကော အလောဘော အဒေါသဿ အမောဟဿ ဝိပါကပစ္စယေန ပစ္စယော (ပဋိစ္စဝါရသဒိသံ။ ဝိပါကဝိဘင်္ဂေ နဝ ပဉှာ)။

အာဟာရပစ္စယော

၃၅။ နဟေတု ဓမ္မော နဟေတုဿ ဓမ္မဿ အာဟာရပစ္စယေန ပစ္စယော – နဟေတူ အာဟာရာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော၊ ပဋိသန္ဓိက္ခဏေ…ပေ… ကဗဠီကာရော အာဟာရော ဣမဿ ကာယဿ ¶ အာဟာရပစ္စယေန ပစ္စယော။ (၁)

နဟေတု ¶ ဓမ္မော ဟေတုဿ ဓမ္မဿ အာဟာရပစ္စယေန ပစ္စယော – နဟေတူ အာဟာရာ သမ္ပယုတ္တကာနံ ဟေတူနံ အာဟာရပစ္စယေန ပစ္စယော၊ ပဋိသန္ဓိက္ခဏေ…ပေ…။ (၂)

နဟေတု ¶ ဓမ္မော ဟေတုဿ စ နဟေတုဿ စ ဓမ္မဿ အာဟာရပစ္စယေန ပစ္စယော – နဟေတူ အာဟာရာ သမ္ပယုတ္တကာနံ ခန္ဓာနံ ဟေတူနံ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော၊ ပဋိသန္ဓိက္ခဏေ…ပေ…။ (၃)

ဣန္ဒြိယပစ္စယော

၃၆။ ဟေတု ဓမ္မော ဟေတုဿ ဓမ္မဿ ဣန္ဒြိယပစ္စယေန ပစ္စယော…ပေ… (ဟေတုမူလကေ တီဏိ)။

နဟေတု ဓမ္မော နဟေတုဿ ဓမ္မဿ ဣန္ဒြိယပစ္စယေန ပစ္စယော – နဟေတူ ဣန္ဒြိယာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဣန္ဒြိယပစ္စယေန ပစ္စယော၊ ပဋိသန္ဓိက္ခဏေ…ပေ… စက္ခုန္ဒြိယံ စက္ခုဝိညာဏဿ…ပေ… ကာယိန္ဒြိယံ ကာယဝိညာဏဿ…ပေ… ရူပဇီဝိတိန္ဒြိယံ ကဋတ္တာရူပါနံ ဣန္ဒြိယပစ္စယေန ပစ္စယော (ဧဝံ ဣန္ဒြိယပစ္စယာ ဝိတ္ထာရေတဗ္ဗာ။ နဝ)။

ဈာနပစ္စယာဒိ

၃၇။ နဟေတု ဓမ္မော နဟေတုဿ ဓမ္မဿ ဈာနပစ္စယေန ပစ္စယော… တီဏိ။

ဟေတု ဓမ္မော ဟေတုဿ ဓမ္မဿ မဂ္ဂပစ္စယေန ပစ္စယော… သမ္ပယုတ္တပစ္စယေန ပစ္စယော။ (ဣမေသု ဒွီသု နဝ။)

ဝိပ္ပယုတ္တပစ္စယော

၃၈။ ဟေတု ဓမ္မော နဟေတုဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – ဟေတူ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ ဟေတူ ကဋတ္တာရူပါနံ ဝိပ္ပယုတ္တပစ္စယေန ပစ္စယော။ ဟေတူ ဝတ္ထုဿ ဝိပ္ပယုတ္တပစ္စယေန ပစ္စယော ¶ ။ ပစ္ဆာဇာတာ – ဟေတူ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)

နဟေတု ¶ ဓမ္မော နဟေတုဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ။ သဟဇာတာ – နဟေတူ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ နဟေတူ ခန္ဓာ ကဋတ္တာရူပါနံ ဝိပ္ပယုတ္တပစ္စယေန ပစ္စယော။ ခန္ဓာ ဝတ္ထုဿ…ပေ… ဝတ္ထု ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ၊ ဝတ္ထု နဟေတူနံ ခန္ဓာနံ ဝိပ္ပယုတ္တပစ္စယေန ပစ္စယော ¶ ။ ပစ္ဆာဇာတာ – နဟေတူ ခန္ဓာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)

နဟေတု ဓမ္မော ဟေတုဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု ဟေတူနံ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု ဟေတူနံ ဝိပ္ပယုတ္တပစ္စယေန ပစ္စယော။ (၂)

နဟေတု ဓမ္မော ဟေတုဿ စ နဟေတုဿ စ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု ဟေတူနံ သမ္ပယုတ္တကာနဉ္စ ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု ဟေတူနံ သမ္ပယုတ္တကာနဉ္စ ခန္ဓာနံ ဝိပ္ပယုတ္တပစ္စယေန ပစ္စယော။ (၃)

ဟေတူ စ နဟေတူ စ ဓမ္မာ နဟေတုဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – ဟေတူ စ သမ္ပယုတ္တကာ စ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ ဟေတူ ¶ စ သမ္ပယုတ္တကာ စ ခန္ဓာ ကဋတ္တာရူပါနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – ဟေတူ စ သမ္ပယုတ္တကာ စ ခန္ဓာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)

အတ္ထိပစ္စယာဒိ

၃၉။ ဟေတု ဓမ္မော ဟေတုဿ ဓမ္မဿ အတ္ထိပစ္စယေန ပစ္စယော – အလောဘော အဒေါသဿ အမောဟဿ အတ္ထိပစ္စယေန ပစ္စယော (စက္ကံ)။ လောဘော မောဟဿ အတ္ထိပစ္စယေန ပစ္စယော (စက္ကံ)၊ ပဋိသန္ဓိက္ခဏေ…ပေ…။ (၁)

ဟေတု ဓမ္မော နဟေတုဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ ¶ – ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော၊ ပဋိသန္ဓိက္ခဏေ…ပေ…။ ပစ္ဆာဇာတာ – ဟေတူ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ (၂)

ဟေတု ဓမ္မော ဟေတုဿ စ နဟေတုဿ စ ဓမ္မဿ အတ္ထိပစ္စယေန ပစ္စယော – အလောဘော အဒေါသဿ အမောဟဿ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော (စက္ကံ)။ လောဘော မောဟဿ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော (စက္ကံ)၊ ပဋိသန္ဓိက္ခဏေ…ပေ…။ (၃)

၄၀။ နဟေတု ¶ ဓမ္မော နဟေတုဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတော – နဟေတု ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ…ပေ… ပဋိသန္ဓိက္ခဏေ နဟေတု ဧကော ခန္ဓော ¶ တိဏ္ဏန္နံ ခန္ဓာနံ ကဋတ္တာ စ ရူပါနံ…ပေ… ခန္ဓာ ဝတ္ထုဿ အတ္ထိပစ္စယေန ပစ္စယော၊ ဝတ္ထု ခန္ဓာနံ အတ္ထိပစ္စယေန ပစ္စယော၊ ဧကံ မဟာဘူတံ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ…။ ပုရေဇာတံ – စက္ခုံ…ပေ… ဝတ္ထုံ…ပေ… ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ၊ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ၊ စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ၊ ဝတ္ထု နဟေတူနံ ခန္ဓာနံ အတ္ထိပစ္စယေန ပစ္စယော။ ပစ္ဆာဇာတာ – နဟေတူ ခန္ဓာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ ကဗဠီကာရော အာဟာရော ဣမဿ ကာယဿ အတ္ထိပစ္စယေန ပစ္စယော။ ရူပဇီဝိတိန္ဒြိယံ ကဋတ္တာရူပါနံ အတ္ထိပစ္စယေန ပစ္စယော။ (၁)

နဟေတု ဓမ္မော ဟေတုဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတာ – နဟေတူ ခန္ဓာ သမ္ပယုတ္တကာနံ ဟေတူနံ အတ္ထိပစ္စယေန ပစ္စယော။ ပဋိသန္ဓိက္ခဏေ…ပေ… ဝတ္ထု ဟေတူနံ အတ္ထိပစ္စယေန ပစ္စယော။ ပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ၊ ဝတ္ထု ဟေတူနံ အတ္ထိပစ္စယေန ပစ္စယော။ (၂)

နဟေတု ဓမ္မော ဟေတုဿ စ နဟေတုဿ စ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – နဟေတု ဧကော ခန္ဓော တိဏ္ဏန္နံ ခန္ဓာနံ ဟေတူနံ စိတ္တသမုဋ္ဌာနာနဉ္စ ရူပါနံ ¶ အတ္ထိပစ္စယေန ¶ ပစ္စယော၊ ပဋိသန္ဓိက္ခဏေ…ပေ… ဝတ္ထု ဟေတူနံ သမ္ပယုတ္တကာနဉ္စ ခန္ဓာနံ အတ္ထိပစ္စယေန ပစ္စယော။ ပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ၊ ဝတ္ထု ဟေတူနံ သမ္ပယုတ္တကာနဉ္စ ခန္ဓာနံ အတ္ထိပစ္စယေန ပစ္စယော။ (၃)

၄၁။ ဟေတု စ နဟေတု စ ဓမ္မာ ဟေတုဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – အလောဘော စ သမ္ပယုတ္တကာ စ ခန္ဓာ အဒေါသဿ အမောဟဿ အတ္ထိပစ္စယေန ပစ္စယော (စက္ကံ) ¶ ။ လောဘော စ သမ္ပယုတ္တကာ စ ခန္ဓာ မောဟဿ အတ္ထိပစ္စယေန ပစ္စယော (စက္ကံ)၊ ပဋိသန္ဓိက္ခဏေ…ပေ… အလောဘော စ ဝတ္ထု စ အဒေါသဿ အမောဟဿ အတ္ထိပစ္စယေန ပစ္စယော (စက္ကံ)။ (၁)

ဟေတု စ နဟေတု စ ဓမ္မာ နဟေတုဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတော – နဟေတု ဧကော ခန္ဓော စ ဟေတူ စ တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ…ပေ… ပဋိသန္ဓိက္ခဏေ…ပေ… ပဋိသန္ဓိက္ခဏေ ဟေတူ စ ဝတ္ထု စ နဟေတူနံ ခန္ဓာနံ အတ္ထိပစ္စယေန ပစ္စယော။ သဟဇာတာ – ဟေတူ စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပစ္ဆာဇာတာ – ဟေတူ စ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – ဟေတူ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၂)

ဟေတု စ နဟေတု စ ဓမ္မာ ဟေတုဿ ¶ စ နဟေတုဿ စ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – နဟေတု ဧကော ခန္ဓော စ အလောဘော စ တိဏ္ဏန္နံ ခန္ဓာနံ အဒေါသဿ အမောဟဿ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော (စက္ကံ)။ နဟေတု ဧကော ခန္ဓော စ လောဘော စ တိဏ္ဏန္နံ ခန္ဓာနံ မောဟဿ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော (စက္ကံ)၊ ပဋိသန္ဓိက္ခဏေ နဟေတု ဧကော ခန္ဓော စ အလောဘော စ (စက္ကံ)။ ပဋိသန္ဓိက္ခဏေ…ပေ… အလောဘော စ ဝတ္ထု စ အဒေါသဿ အမောဟဿ သမ္ပယုတ္တကာနဉ္စ ခန္ဓာနံ အတ္ထိပစ္စယေန ပစ္စယော၊ လောဘော စ ဝတ္ထု စ မောဟဿ သမ္ပယုတ္တကာနဉ္စ ခန္ဓာနံ အတ္ထိပစ္စယေန ပစ္စယော…။

နတ္ထိပစ္စယေန ပစ္စယော… ဝိဂတပစ္စယေန ပစ္စယော… အဝိဂတပစ္စယေန ပစ္စယော။ (၃)

၁။ ပစ္စယာနုလောမံ

၂။ သင်္ချာဝါရော

သုဒ္ဓံ

၄၂။ ဟေတုယာ ¶ တီဏိ၊ အာရမ္မဏေ နဝ၊ အဓိပတိယာ နဝ၊ အနန္တရေ နဝ၊ သမနန္တရေ နဝ၊ သဟဇာတေ နဝ၊ အညမညေ နဝ၊ နိဿယေ နဝ၊ ဥပနိဿယေ နဝ၊ ပုရေဇာတေ တီဏိ၊ ပစ္ဆာဇာတေ တီဏိ၊ အာသေဝနေ နဝ၊ ကမ္မေ တီဏိ၊ ဝိပါကေ နဝ၊ အာဟာရေ တီဏိ၊ ဣန္ဒြိယေ နဝ၊ ဈာနေ တီဏိ၊ မဂ္ဂေ ¶ နဝ၊ သမ္ပယုတ္တေ နဝ၊ ဝိပ္ပယုတ္တေ ပဉ္စ၊ အတ္ထိယာ နဝ၊ နတ္ထိယာ နဝ၊ ဝိဂတေ နဝ၊ အဝိဂတေ နဝ (ဧဝံ အနုမဇ္ဇန္တေန ဂဏေတဗ္ဗံ)။

အနုလောမံ။

ပစ္စနီယုဒ္ဓါရော

၄၃။ ဟေတု ဓမ္မော ဟေတုဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ¶ ပစ္စယော… ဥပနိဿယပစ္စယေန ပစ္စယော။ (၁)

ဟေတု ဓမ္မော နဟေတုဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၂)

ဟေတု ဓမ္မော ဟေတုဿ စ နဟေတုဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)

၄၄။ နဟေတု ဓမ္မော နဟေတုဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)

နဟေတု ¶ ဓမ္မော ဟေတုဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ကမ္မပစ္စယေန ပစ္စယော။ (၂)

နဟေတု ဓမ္မော ဟေတုဿ စ နဟေတုဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ကမ္မပစ္စယေန ပစ္စယော။ (၃)

၄၅။ ဟေတု စ နဟေတု စ ဓမ္မာ ဟေတုဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)

ဟေတု စ နဟေတု စ ဓမ္မာ နဟေတုဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၂)

ဟေတု ¶ ¶ စ နဟေတု စ ဓမ္မာ ဟေတုဿ စ နဟေတုဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)

၂။ ပစ္စယပစ္စနီယံ

၂။ သင်္ချာဝါရော

၄၆။ နဟေတုယာ နဝ၊ နအာရမ္မဏေ နဝ…ပေ… နောအဝိဂတေ နဝ (ဧဝံ ဂဏေတဗ္ဗံ)။

ပစ္စနီယံ။

၃။ ပစ္စယာနုလောမပစ္စနီယံ

ဟေတုဒုကံ

၄၇။ ဟေတုပစ္စယာ နအာရမ္မဏေ တီဏိ၊ နအဓိပတိယာ တီဏိ၊ နအနန္တရေ တီဏိ၊ နသမနန္တရေ ¶ တီဏိ၊ နအညမညေ ဧကံ၊ နဥပနိဿယေ တီဏိ…ပေ… နမဂ္ဂေ တီဏိ၊ နသမ္ပယုတ္တေ ဧကံ၊ နဝိပ္ပယုတ္တေ တီဏိ၊ နောနတ္ထိယာ တီဏိ၊ နောဝိဂတေ တီဏိ (ဧဝံ ဂဏေတဗ္ဗံ)။

အနုလောမပစ္စနီယံ။

၄။ ပစ္စယပစ္စနီယာနုလောမံ

နဟေတုဒုကံ

၄၈။ နဟေတုပစ္စယာ အာရမ္မဏေ နဝ၊ အဓိပတိယာ နဝ၊ အနန္တရေ နဝ၊ သမနန္တရေ နဝ၊ သဟဇာတေ တီဏိ၊ အညမညေ တီဏိ၊ နိဿယေ တီဏိ၊ ဥပနိဿယေ နဝ၊ ပုရေဇာတေ တီဏိ၊ ပစ္ဆာဇာတေ တီဏိ၊ အာသေဝနေ နဝ၊ ကမ္မေ တီဏိ၊ ဝိပါကေ တီဏိ၊ အာဟာရေ တီဏိ၊ ဣန္ဒြိယေ တီဏိ၊ ဈာနေ တီဏိ၊ မဂ္ဂေ တီဏိ၊ သမ္ပယုတ္တေ တီဏိ၊ ဝိပ္ပယုတ္တေ တီဏိ၊ အတ္ထိယာ တီဏိ၊ နတ္ထိယာ နဝ၊ ဝိဂတေ နဝ၊ အဝိဂတေ တီဏိ (ဧဝံ ဂဏေတဗ္ဗံ)။

ပစ္စနီယာနုလောမံ။

ဟေတုဒုကံ နိဋ္ဌိတံ။

၂။ သဟေတုကဒုကံ

၁။ ပဋိစ္စဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၄၉။ သဟေတုကံ ¶ ¶ ¶ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ ဟေတုပစ္စယာ – သဟေတုကံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)

သဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ ဟေတုပစ္စယာ – သဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၂)

သဟေတုကံ ဓမ္မံ ပဋိစ္စ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – သဟေတုကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)

၅၀။ အဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ စိတ္တသမုဋ္ဌာနံ ရူပံ၊ ဧကံ မဟာဘူတံ ပဋိစ္စ တယော မဟာဘူတာ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)

အဟေတုကံ ¶ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ၊ ပဋိသန္ဓိက္ခဏေ ဝတ္ထုံ ပဋိစ္စ သဟေတုကာ ခန္ဓာ။ (၂)

အဟေတုကံ ဓမ္မံ ပဋိစ္စ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ၊ ပဋိသန္ဓိက္ခဏေ ဝတ္ထုံ ပဋိစ္စ ¶ သဟေတုကာ ခန္ဓာ၊ မဟာဘူတေ ပဋိစ္စ ကဋတ္တာရူပံ။ (၃)

၅၁။ သဟေတုကဉ္စ အဟေတုကဉ္စ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ သဟေတုကံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)

သဟေတုကဉ္စ ¶ အဟေတုကဉ္စ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ ဟေတုပစ္စယာ – သဟေတုကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ မောဟဉ္စ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၂)

သဟေတုကဉ္စ အဟေတုကဉ္စ ဓမ္မံ ပဋိစ္စ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ သဟေတုကံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… သဟေတုကေ ခန္ဓေ စ မဟာဘူတေ စ ပဋိစ္စ ကဋတ္တာရူပံ။ (၃)

အာရမ္မဏပစ္စယော

၅၂။ သဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – သဟေတုကံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)

သဟေတုကံ ¶ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)

သဟေတုကံ ဓမ္မံ ပဋိစ္စ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ အာရမ္မဏပစ္စယာ ¶ – ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓံ ပဋိစ္စ တယော ခန္ဓာ မောဟော စ…ပေ… ဒွေ ခန္ဓေ…ပေ…။ (၃)

၅၃။ အဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – အဟေတုကံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ ဝတ္ထုံ ပဋိစ္စ အဟေတုကာ ခန္ဓာ။ (၁)

အဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ၊ ပဋိသန္ဓိက္ခဏေ ဝတ္ထုံ ပဋိစ္စ သဟေတုကာ ခန္ဓာ။ (၂)

သဟေတုကဉ္စ အဟေတုကဉ္စ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ¶ ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ သဟေတုကံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)

အဓိပတိပစ္စယော

၅၄။ သဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ အဓိပတိပစ္စယာ – သဟေတုကံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)

သဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ အဓိပတိပစ္စယာ – သဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)

သဟေတုကံ ¶ ဓမ္မံ ပဋိစ္စ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ အဓိပတိပစ္စယာ – သဟေတုကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)

၅၅။ အဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ အဓိပတိပစ္စယာ – ဧကံ မဟာဘူတံ…ပေ… မဟာဘူတေ ပဋိစ္စ ¶ စိတ္တသမုဋ္ဌာနံ ရူပံ ဥပါဒါရူပံ။ (၁)

သဟေတုကဉ္စ အဟေတုကဉ္စ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ အဓိပတိပစ္စယာ – သဟေတုကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ။ (၁)

အနန္တရပစ္စယာဒိ

၅၆။ သဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ အနန္တရပစ္စယာ… သမနန္တရပစ္စယာ… သဟဇာတပစ္စယာ – သဟေတုကံ ဧကံ ခန္ဓံ ပဋိစ္စ တယော ခန္ဓာ…ပေ… ပဋိသန္ဓိက္ခဏေ…ပေ…။ (၁)

သဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ သဟဇာတပစ္စယာ – သဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော စိတ္တသမုဋ္ဌာနဉ္စ ရူပံ၊ ပဋိသန္ဓိက္ခဏေ…ပေ…။ (၂)

သဟေတုကံ ဓမ္မံ ပဋိစ္စ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ သဟဇာတပစ္စယာ – သဟေတုကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ၊ ဒွေ ခန္ဓေ…ပေ… ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓံ ပဋိစ္စ တယော ခန္ဓာ မောဟော စ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)

၅၇။ အဟေတုကံ ¶ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ သဟဇာတပစ္စယာ – အဟေတုကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… ခန္ဓေ ¶ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ၊ ဧကံ မဟာဘူတံ…ပေ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ ¶ ဧကံ မဟာဘူတံ…ပေ…။ (၁)

အဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ သဟဇာတပစ္စယာ (ဣမေ ပဉ္စ ပဉှာ ဟေတုသဒိသာ၊ နိန္နာနံ)။ (၂)

အညမညပစ္စယော

၅၈။ သဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ အညမညပစ္စယာ – သဟေတုကံ ဧကံ ခန္ဓံ ပဋိစ္စ တယော ခန္ဓာ…ပေ… ပဋိသန္ဓိက္ခဏေ…ပေ…။ (၁)

သဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ အညမညပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော၊ ပဋိသန္ဓိက္ခဏေ သဟေတုကေ ခန္ဓေ ပဋိစ္စ ဝတ္ထု။ (၂)

သဟေတုကံ ဓမ္မံ ပဋိစ္စ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ အညမညပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓံ ပဋိစ္စ တယော ခန္ဓာ မောဟော စ…ပေ… ဒွေ ခန္ဓေ…ပေ… ပဋိသန္ဓိက္ခဏေ သဟေတုကံ ဧကံ ခန္ဓံ ပဋိစ္စ တယော ခန္ဓာ ဝတ္ထု စ…ပေ… ဒွေ ခန္ဓေ…ပေ…။ (၃)

၅၉။ အဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ အညမညပစ္စယာ – အဟေတုကံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ အဟေတုကံ ဧကံ ခန္ဓံ ပဋိစ္စ တယော ခန္ဓာ ဝတ္ထု စ…ပေ… ဒွေ ခန္ဓေ…ပေ… (သံခိတ္တံ၊ ယာဝ အသညသတ္တာ)။ (၁)

အဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ အညမညပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ၊ ပဋိသန္ဓိက္ခဏေ ဝတ္ထုံ ပဋိစ္စ သဟေတုကာ ခန္ဓာ။ (၂)

သဟေတုကဉ္စ ¶ အဟေတုကဉ္စ ဓမ္မံ ပဋိစ္စ ¶ သဟေတုကော ဓမ္မော ဥပ္ပဇ္ဇတိ အညမညပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပဋိစ္စ ¶ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ သဟေတုကံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)

နိဿယပစ္စယာဒိ

၆၀။ သဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ နိဿယပစ္စယာ… ဥပနိဿယပစ္စယာ… ပုရေဇာတပစ္စယာ… အာသေဝနပစ္စယာ… ကမ္မပစ္စယာ… ဝိပါကပစ္စယာ… အာဟာရပစ္စယာ… ဣန္ဒြိယပစ္စယာ… ဈာနပစ္စယာ… မဂ္ဂပစ္စယာ… (ဈာနမ္ပိ မဂ္ဂမ္ပိ သဟဇာတပစ္စယသဒိသာ၊ ဗာဟိရာ မဟာဘူတာ နတ္ထိ ) သမ္ပယုတ္တပစ္စယာ… ဝိပ္ပယုတ္တပစ္စယာ… အတ္ထိပစ္စယာ… နတ္ထိပစ္စယာ… ဝိဂတပစ္စယာ… အဝိဂတပစ္စယာ။

၁။ ပစ္စယာနုလောမံ

၂။ သင်္ချာဝါရော

သုဒ္ဓံ

၆၁။ ဟေတုယာ နဝ၊ အာရမ္မဏေ ဆ၊ အဓိပတိယာ ပဉ္စ၊ အနန္တရေ ဆ၊ သမနန္တရေ ဆ၊ သဟဇာတေ နဝ၊ အညမညေ ဆ၊ နိဿယေ နဝ၊ ဥပနိဿယေ ဆ၊ ပုရေဇာတေ ဆ၊ အာသေဝနေ ဆ၊ ကမ္မေ နဝ၊ ဝိပါကေ နဝ၊ အာဟာရေ နဝ၊ ဣန္ဒြိယေ နဝ၊ ဈာနေ နဝ၊ မဂ္ဂေ နဝ၊ သမ္ပယုတ္တေ ဆ၊ ဝိပ္ပယုတ္တေ နဝ၊ အတ္ထိယာ နဝ၊ နတ္ထိယာ ဆ၊ ဝိဂတေ ဆ၊ အဝိဂတေ နဝ (ဧဝံ ဂဏေတဗ္ဗံ)။

အနုလောမံ။

၂။ ပစ္စယပစ္စနီယံ

၁။ ဝိဘင်္ဂဝါရော

နဟေတုပစ္စယော

၆၂။ သဟေတုကံ ¶ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ¶ ဥဒ္ဓစ္စသဟဂတော မောဟော။ (၁)

အဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁) (သဗ္ဗံ ယာဝ အသညသတ္တာ တာဝ ကာတဗ္ဗံ။)

နအာရမ္မဏပစ္စယာဒိ

၆၃။ သဟေတုကံ ¶ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ နအာရမ္မဏပစ္စယာ – သဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၁)

အဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ နအာရမ္မဏပစ္စယာ – အဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု၊ ဧကံ မဟာဘူတံ…ပေ… အသညသတ္တာနံ ဧကံ…ပေ…။ (၁)

သဟေတုကဉ္စ အဟေတုကဉ္စ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ နအာရမ္မဏပစ္စယာ – သဟေတုကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ မောဟဉ္စ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၁)

သဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ နအဓိပတိပစ္စယာ… (အနုလောမသဟဇာတသဒိသာ) ¶ နအနန္တရပစ္စယာ… နသမနန္တရပစ္စယာ… နအညမညပစ္စယာ… နဥပနိဿယပစ္စယာ… နပုရေဇာတပစ္စယာ – အရူပေ သဟေတုကံ ဧကံ ခန္ဓံ…ပေ… ပဋိသန္ဓိက္ခဏေ…ပေ…။ (၁)

၆၄။ သဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော၊ သဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၂)

သဟေတုကံ ဓမ္မံ ပဋိစ္စ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ နပုရေဇာတပစ္စယာ – အရူပေ ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓံ ပဋိစ္စ တယော ခန္ဓာ မောဟော စ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)

အဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ ¶ နပုရေဇာတပစ္စယာ – အရူပေ အဟေတုကံ ဧကံ ခန္ဓံ…ပေ… ဒွေ ခန္ဓေ…ပေ… အဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… (ယာဝ အသညသတ္တာ တာဝ ဝိတ္ထာရော)။ (၁)

အဟေတုကံ ¶ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ၊ ပဋိသန္ဓိက္ခဏေ ဝတ္ထုံ ပဋိစ္စ သဟေတုကာ ခန္ဓာ။ (၂)

အဟေတုကံ ဓမ္မံ ပဋိစ္စ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ နပုရေဇာတပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ သဟေတုကာ ခန္ဓာ၊ မဟာဘူတေ ပဋိစ္စ ကဋတ္တာရူပံ။ (၃)

၆၅။ သဟေတုကဉ္စ အဟေတုကဉ္စ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ နပုရေဇာတပစ္စယာ – အရူပေ ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ¶ ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ သဟေတုကံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ¶ ခန္ဓေ…ပေ…။ (၁)

သဟေတုကဉ္စ အဟေတုကဉ္စ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ နပုရေဇာတပစ္စယာ – သဟေတုကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ မောဟဉ္စ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၂)

သဟေတုကဉ္စ အဟေတုကဉ္စ ဓမ္မံ ပဋိစ္စ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ နပုရေဇာတပစ္စယာ – ပဋိသန္ဓိက္ခဏေ သဟေတုကံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… သဟေတုကေ ခန္ဓေ စ မဟာဘူတေ စ ပဋိစ္စ ကဋတ္တာရူပံ။ (၃)

နပစ္ဆာဇာတပစ္စယာဒိ

၆၆။ သဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ နပစ္ဆာဇာတပစ္စယာ… နအာသေဝနပစ္စယာ… နကမ္မပစ္စယာ – သဟေတုကေ ခန္ဓေ ပဋိစ္စ သဟေတုကာ စေတနာ။ (၁)

အဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ နကမ္မပစ္စယာ – အဟေတုကေ ခန္ဓေ ပဋိစ္စ အဟေတုကာ စေတနာ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ…ပေ…။ (၁)

အဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ နကမ္မပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ စေတနာ။ (၂)

သဟေတုကဉ္စ ¶ အဟေတုကဉ္စ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ နကမ္မပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ မောဟဉ္စ ပဋိစ္စ သမ္ပယုတ္တကာ စေတနာ… နဝိပါကပစ္စယာ (ပဋိသန္ဓိ နတ္ထိ)။

နအာဟာရပစ္စယာဒိ

၆၇။ အဟေတုကံ ¶ ¶ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ နအာဟာရပစ္စယာ… နဣန္ဒြိယပစ္စယာ… နဈာနပစ္စယာ… နမဂ္ဂပစ္စယာ… နသမ္ပယုတ္တပစ္စယာ။

နဝိပ္ပယုတ္တပစ္စယာဒိ

၆၈။ သဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ သဟေတုကံ ဧကံ ခန္ဓံ…ပေ…။ (၁)

သဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)

သဟေတုကံ ဓမ္မံ ပဋိစ္စ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ နဝိပ္ပယုတ္တပစ္စယာ – အရူပေ ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓံ ပဋိစ္စ တယော ခန္ဓာ မောဟော စ…ပေ… ဒွေ ခန္ဓေ…ပေ…။ (၃)

အဟေတုကံ ဓမ္မံ ပဋိစ္စ အဟေတုကော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ အဟေတုကံ ဧကံ ခန္ဓံ ပဋိစ္စ တယော ခန္ဓာ၊ ဒွေ ခန္ဓေ…ပေ…။ (၁)

အဟေတုကံ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပဋိစ္စ သမ္ပယုတ္တကာ ခန္ဓာ။ (၂)

သဟေတုကဉ္စ အဟေတုကဉ္စ ဓမ္မံ ပဋိစ္စ သဟေတုကော ဓမ္မော ဥပ္ပဇ္ဇတိ နဝိပ္ပယုတ္တပစ္စယာ – အရူပေ ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… နောနတ္ထိပစ္စယာ… နောဝိဂတပစ္စယာ။ (၁)

၂။ ပစ္စယပစ္စနီယံ

၂။ သင်္ချာဝါရော

သုဒ္ဓံ

၆၉။ နဟေတုယာ ¶ ဒွေ၊ နအာရမ္မဏေ တီဏိ၊ နအဓိပတိယာ နဝ၊ နအနန္တရေ ¶ တီဏိ၊ နသမနန္တရေ တီဏိ၊ နအညမညေ တီဏိ၊ နဥပနိဿယေ တီဏိ ¶ ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ စတ္တာရိ၊ နဝိပါကေ နဝ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဧကံ၊ နမဂ္ဂေ ဧကံ၊ နသမ္ပယုတ္တေ တီဏိ၊ နဝိပ္ပယုတ္တေ ဆ၊ နောနတ္ထိယာ တီဏိ၊ နောဝိဂတေ တီဏိ (ဧဝံ ဂဏေတဗ္ဗံ)။

ပစ္စနီယံ။

၃။ ပစ္စယာနုလောမပစ္စနီယံ

ဟေတုဒုကံ

၇၀။ ဟေတုပစ္စယာ နအာရမ္မဏေ တီဏိ၊ နအဓိပတိယာ နဝ၊ နအနန္တရေ တီဏိ၊ နသမနန္တရေ တီဏိ၊ နအညမညေ တီဏိ၊ နဥပနိဿယေ တီဏိ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နသမ္ပယုတ္တေ တီဏိ၊ နဝိပ္ပယုတ္တေ တီဏိ၊ နောနတ္ထိယာ တီဏိ၊ နောဝိဂတေ တီဏိ (ဧဝံ ဂဏေတဗ္ဗံ)။

အနုလောမပစ္စနီယံ။

၄။ ပစ္စယပစ္စနီယာနုလောမံ

နဟေတုဒုကံ

၇၁။ နဟေတုပစ္စယာ ¶ အာရမ္မဏေ ဒွေ၊ အနန္တရေ ဒွေ၊ သမနန္တရေ ဒွေ (သဗ္ဗတ္ထ ဒွေ)၊ ဝိပါကေ ဧကံ၊ အာဟာရေ ဒွေ၊ ဣန္ဒြိယေ ဒွေ၊ ဈာနေ ဒွေ၊ မဂ္ဂေ ဧကံ၊ သမ္ပယုတ္တေ ဒွေ…ပေ… အဝိဂတေ ဒွေ (ဧဝံ ဂဏေတဗ္ဗံ)။

ပစ္စနီယာနုလောမံ။

၂။ သဟဇာတဝါရော

(သဟဇာတဝါရော ပဋိစ္စဝါရသဒိသော။)

၃။ ပစ္စယဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၇၂။ သဟေတုကံ ¶ ဓမ္မံ ပစ္စယာ သဟေတုကော ဓမ္မော ဥပ္ပဇ္ဇတိ ဟေတုပစ္စယာ (သဟေတုကမူလကံ ပဋိစ္စဝါရသဒိသံ)။

အဟေတုကံ ဓမ္မံ ပစ္စယာ အဟေတုကော ¶ ဓမ္မော…ပေ… (ပဋိစ္စဝါရသဒိသံယေဝ)။ (၁)

အဟေတုကံ ¶ ဓမ္မံ ပစ္စယာ သဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ သဟေတုကာ ခန္ဓာ၊ ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပစ္စယာ သမ္ပယုတ္တကာ ခန္ဓာ၊ ပဋိသန္ဓိက္ခဏေ ဝတ္ထုံ ပစ္စယာ သဟေတုကာ ခန္ဓာ။ (၂)

အဟေတုကံ ဓမ္မံ ပစ္စယာ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝတ္ထုံ ပစ္စယာ သဟေတုကာ ခန္ဓာ၊ မဟာဘူတေ ပစ္စယာ စိတ္တသမုဋ္ဌာနံ ရူပံ၊ ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပစ္စယာ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ၊ ပဋိသန္ဓိက္ခဏေ ဝတ္ထုံ…ပေ…။ (၃)

၇၃။ သဟေတုကဉ္စ အဟေတုကဉ္စ ဓမ္မံ ပစ္စယာ သဟေတုကော ဓမ္မော ဥပ္ပဇ္ဇတိ ဟေတုပစ္စယာ – သဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)

သဟေတုကဉ္စ အဟေတုကဉ္စ ဓမ္မံ ပစ္စယာ အဟေတုကော ဓမ္မော ဥပ္ပဇ္ဇတိ ဟေတုပစ္စယာ – သဟေတုကေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ မောဟဉ္စ ပစ္စယာ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၂)

သဟေတုကဉ္စ အဟေတုကဉ္စ ဓမ္မံ ပစ္စယာ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – သဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… သဟေတုကေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ¶ ပစ္စယာ တယော ¶ ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ သဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… သဟေတုကေ ခန္ဓေ စ မဟာဘူတေ စ ပစ္စယာ ကဋတ္တာရူပံ။ (၃)

အာရမ္မဏပစ္စယော

၇၄။ သဟေတုကံ ¶ ဓမ္မံ ပစ္စယာ သဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – သဟေတုကံ ဧကံ ခန္ဓံ ပစ္စယာ တယော ခန္ဓာ…ပေ… ပဋိသန္ဓိက္ခဏေ…ပေ…။ (၁)

သဟေတုကံ ဓမ္မံ ပစ္စယာ အဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)

သဟေတုကံ ဓမ္မံ ပစ္စယာ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓံ ပစ္စယာ တယော ခန္ဓာ မောဟော စ…ပေ… ဒွေ ခန္ဓေ…ပေ…။ (၃)

၇၅။ အဟေတုကံ ဓမ္မံ ပစ္စယာ အဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – အဟေတုကံ ဧကံ ခန္ဓံ…ပေ… ဒွေ ခန္ဓေ…ပေ… ပဋိသန္ဓိက္ခဏေ ဝတ္ထုံ ပစ္စယာ ခန္ဓာ၊ စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ၊ ဝတ္ထုံ ပစ္စယာ အဟေတုကာ ခန္ဓာ။ (၁)

အဟေတုကံ ဓမ္မံ ပစ္စယာ သဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝတ္ထုံ ပစ္စယာ သဟေတုကာ ခန္ဓာ၊ ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပစ္စယာ သမ္ပယုတ္တကာ ခန္ဓာ၊ ပဋိသန္ဓိက္ခဏေ…ပေ…။ (၂)

အဟေတုကံ ဓမ္မံ ပစ္စယာ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဝတ္ထုံ ပစ္စယာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ မောဟော စ။ (၃)

၇၆။ သဟေတုကဉ္စ အဟေတုကဉ္စ ဓမ္မံ ¶ ပစ္စယာ သဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – သဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)

သဟေတုကဉ္စ ¶ ¶ အဟေတုကဉ္စ ဓမ္မံ ပစ္စယာ အဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)

သဟေတုကဉ္စ အဟေတုကဉ္စ ဓမ္မံ ပစ္စယာ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ မောဟော စ…ပေ… ဒွေ ခန္ဓေ…ပေ…။ (၃)

အဓိပတိပစ္စယော

၇၇။ သဟေတုကံ ဓမ္မံ ပစ္စယာ သဟေတုကော ဓမ္မော ဥပ္ပဇ္ဇတိ အဓိပတိပစ္စယာ (အဓိပတိယာ နဝ ပဉှာ ပဝတ္တေယေဝ)။

အနန္တရပစ္စယာဒိ

၇၈။ သဟေတုကံ ဓမ္မံ ပစ္စယာ သဟေတုကော ဓမ္မော ဥပ္ပဇ္ဇတိ အနန္တရပစ္စယာ… သမနန္တရပစ္စယာ… သဟဇာတပစ္စယာ… တီဏိ (ပဋိစ္စဝါရသဒိသာ)။

အဟေတုကံ ဓမ္မံ ပစ္စယာ အဟေတုကော ဓမ္မော ဥပ္ပဇ္ဇတိ သဟဇာတပစ္စယာ – အဟေတုကံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… (ယာဝ အသညသတ္တာ)၊ စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ၊ ဝတ္ထုံ ပစ္စယာ အဟေတုကာ ခန္ဓာ။ (၁)

အဟေတုကံ ¶ ဓမ္မံ ပစ္စယာ သဟေတုကော ဓမ္မော ဥပ္ပဇ္ဇတိ သဟဇာတပစ္စယာ – ဝတ္ထုံ ပစ္စယာ သဟေတုကာ ခန္ဓာ၊ ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ ပစ္စယာ သမ္ပယုတ္တကာ ခန္ဓာ၊ ပဋိသန္ဓိက္ခဏေ…ပေ…။ (၂)

အဟေတုကံ ဓမ္မံ ပစ္စယာ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ သဟဇာတပစ္စယာ – ဝတ္ထုံ ပစ္စယာ သဟေတုကာ ခန္ဓာ၊ မဟာဘူတေ ပစ္စယာ စိတ္တသမုဋ္ဌာနံ ရူပံ၊ ဝိစိကိစ္ဆာသဟဂတံ ဥဒ္ဓစ္စသဟဂတံ ¶ မောဟံ ပစ္စယာ သမ္ပယုတ္တကာ ခန္ဓာ စိတ္တသမုဋ္ဌာနဉ္စ ရူပံ၊ ပဋိသန္ဓိက္ခဏေ ဝတ္ထုံ…ပေ…။ (၃)

၇၉။ သဟေတုကဉ္စ ¶ အဟေတုကဉ္စ ဓမ္မံ ပစ္စယာ သဟေတုကော ဓမ္မော ဥပ္ပဇ္ဇတိ သဟဇာတပစ္စယာ – သဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)

သဟေတုကဉ္စ အဟေတုကဉ္စ ဓမ္မံ ပစ္စယာ အဟေတုကော ဓမ္မော ဥပ္ပဇ္ဇတိ သဟဇာတပစ္စယာ – သဟေတုကေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ မောဟဉ္စ ပစ္စယာ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)

သဟေတုကဉ္စ အဟေတုကဉ္စ ဓမ္မံ ပစ္စယာ သဟေတုကော စ အဟေတုကော စ ဓမ္မာ ဥပ္ပဇ္ဇန္တိ သဟဇာတပစ္စယာ – သဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… သဟေတုကေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ ¶ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… သဟေတုကေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ။ ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ မောဟော စ…ပေ… ပဋိသန္ဓိက္ခဏေ သဟေတုကံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… သဟေတုကေ ခန္ဓေ စ မဟာဘူတေ စ ပစ္စယာ ကဋတ္တာရူပံ။ (၃)

အညမညပစ္စယာဒိ

၈၀။ သဟေတုကံ ဓမ္မံ ပစ္စယာ သဟေတုကော ဓမ္မော ဥပ္ပဇ္ဇတိ အညမညပစ္စယာ…ပေ… အဝိဂတပစ္စယာ။

၁။ ပစ္စယာနုလောမံ

၂။ သင်္ချာဝါရော

၈၁။ ဟေတုယာ ¶ နဝ၊ အာရမ္မဏေ နဝ၊ အဓိပတိယာ နဝ (သဗ္ဗတ္ထ နဝ)၊ အဝိဂတေ နဝ (ဧဝံ ဂဏေတဗ္ဗံ)။

အနုလောမံ။

၂။ ပစ္စယပစ္စနီယံ

၁။ ဝိဘင်္ဂဝါရော

နဟေတုပစ္စယော

၈၂။ သဟေတုကံ ¶ ဓမ္မံ ပစ္စယာ အဟေတုကော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)

အဟေတုကံ ဓမ္မံ ပစ္စယာ အဟေတုကော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ဧကံ ခန္ဓံ…ပေ… ပဋိသန္ဓိက္ခဏေ…ပေ… (ယာဝ အသညသတ္တာ)၊ စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ၊ ဝတ္ထုံ ပစ္စယာ အဟေတုကာ ခန္ဓာ မောဟော စ။ (၁)

သဟေတုကဉ္စ အဟေတုကဉ္စ ဓမ္မံ ပစ္စယာ အဟေတုကော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ¶ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော (သံခိတ္တံ)။ (၁)

၂။ ပစ္စယပစ္စနီယံ

၂။ သင်္ချာဝါရော

သုဒ္ဓံ

၈၃။ နဟေတုယာ ¶ တီဏိ၊ နအာရမ္မဏေ တီဏိ၊ နအဓိပတိယာ နဝ၊ နအနန္တရေ တီဏိ၊ နသမနန္တရေ တီဏိ၊ နအညမညေ တီဏိ၊ နနိဿယေ တီဏိ၊ နဥပနိဿယေ တီဏိ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ စတ္တာရိ၊ နဝိပါကေ နဝ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဧကံ၊ နမဂ္ဂေ ဧကံ၊ နသမ္ပယုတ္တေ တီဏိ၊ နဝိပ္ပယုတ္တေ ဆ၊ နောနတ္ထိယာ တီဏိ၊ နောဝိဂတေ တီဏိ (ဧဝံ ဂဏေတဗ္ဗံ)။

ပစ္စနီယံ။

၃။ ပစ္စယာနုလောမပစ္စနီယံ

ဟေတုဒုကံ

၈၄။ ဟေတုပစ္စယာ နအာရမ္မဏေ တီဏိ၊ နအဓိပတိယာ နဝ၊ နအနန္တရေ တီဏိ၊ နသမနန္တရေ တီဏိ၊ နအညမညေ တီဏိ၊ နဥပနိဿယေ တီဏိ၊ နပုရေဇာတေ ¶ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နသမ္ပယုတ္တေ တီဏိ၊ နဝိပ္ပယုတ္တေ တီဏိ၊ နောနတ္ထိယာ တီဏိ၊ နောဝိဂတေ တီဏိ (ဧဝံ ဂဏေတဗ္ဗံ)။

အနုလောမပစ္စနီယံ။

၄။ ပစ္စယပစ္စနီယာနုလောမံ

နဟေတုဒုကံ

၈၅။ နဟေတုပစ္စယာ ¶ အာရမ္မဏေ တီဏိ၊ အနန္တရေ တီဏိ…ပေ… မဂ္ဂေ တီဏိ၊ သမ္ပယုတ္တေ တီဏိ…ပေ… အဝိဂတေ တီဏိ (ဧဝံ ဂဏေတဗ္ဗံ)။

ပစ္စနီယာနုလောမံ။

၄။ နိဿယဝါရော

(နိဿယဝါရော ပစ္စယဝါရသဒိသော။)

၅။ သံသဋ္ဌဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၈၆။ သဟေတုကံ ¶ ဓမ္မံ သံသဋ္ဌော သဟေတုကော ဓမ္မော ဥပ္ပဇ္ဇတိ ဟေတုပစ္စယာ – သဟေတုကံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)

အဟေတုကံ ဓမ္မံ သံသဋ္ဌော သဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ သံသဋ္ဌာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ။ (၁)

သဟေတုကဉ္စ အဟေတုကဉ္စ ဓမ္မံ သံသဋ္ဌော သဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ…။ (၁)

အာရမ္မဏပစ္စယော

၈၇။ သဟေတုကံ ¶ ¶ ဓမ္မံ သံသဋ္ဌော သဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – သဟေတုကံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)

သဟေတုကံ ဓမ္မံ သံသဋ္ဌော အဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ သံသဋ္ဌော ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)

သဟေတုကံ ဓမ္မံ သံသဋ္ဌော သဟေတုကော စ အဟေတုကော စ ဓမ္မာ ဥပ္ပဇ္ဇန္တိ အာရမ္မဏပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ ဧကံ ခန္ဓံ သံသဋ္ဌာ တယော ခန္ဓာ မောဟော စ…ပေ… ဒွေ ခန္ဓေ…ပေ…။ (၃)

၈၈။ အဟေတုကံ ဓမ္မံ သံသဋ္ဌော အဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – အဟေတုကံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)

အဟေတုကံ ဓမ္မံ သံသဋ္ဌော သဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝိစိကိစ္ဆာသဟဂတံ ဥဒ္ဓစ္စသဟဂတံ မောဟံ သံသဋ္ဌာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ။ (၂)

သဟေတုကဉ္စ အဟေတုကဉ္စ ဓမ္မံ သံသဋ္ဌော သဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ဝိစိကိစ္ဆာသဟဂတံ ¶ ဥဒ္ဓစ္စသဟဂတံ ဧကံ ခန္ဓဉ္စ မောဟဉ္စ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ…။ (၁)

အဓိပတိပစ္စယော

၈၉။ သဟေတုကံ ဓမ္မံ သံသဋ္ဌော သဟေတုကော ဓမ္မော ဥပ္ပဇ္ဇတိ အဓိပတိပစ္စယာ – သဟေတုကံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ…။ (၁)

အနန္တရပစ္စယာဒိ

၉၀။ သဟေတုကံ ¶ ဓမ္မံ သံသဋ္ဌော သဟေတုကော ဓမ္မော ဥပ္ပဇ္ဇတိ အနန္တရပစ္စယာ… သမနန္တရပစ္စယာ… သဟဇာတပစ္စယာ…ပေ… ဝိပါကပစ္စယာ – ဝိပါကံ သဟေတုကံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။

အဟေတုကံ ¶ ဓမ္မံ သံသဋ္ဌော အဟေတုကော ဓမ္မော ဥပ္ပဇ္ဇတိ ဝိပါကပစ္စယာ – ဝိပါကံ အဟေတုကံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ဈာနပစ္စယာ…ပေ… အဝိဂတပစ္စယာ။

၁။ ပစ္စယာနုလောမံ

၂။ သင်္ချာဝါရော

သုဒ္ဓံ

၉၁။ ဟေတုယာ တီဏိ၊ အာရမ္မဏေ ဆ၊ အဓိပတိယာ ဧကံ၊ အနန္တရေ ဆ၊ သမနန္တရေ ဆ၊ သဟဇာတေ ဆ၊ အညမညေ ဆ၊ နိဿယေ ဆ၊ ဥပနိဿယေ ဆ၊ ပုရေဇာတေ ဆ…ပေ… ဝိပါကေ ဒွေ၊ အာဟာရေ ဆ၊ ဣန္ဒြိယေ ဆ၊ ဈာနေ ဆ၊ မဂ္ဂေ ပဉ္စ…ပေ… အဝိဂတေ ဆ (ဧဝံ ဂဏေတဗ္ဗံ)။

အနုလောမံ။

၂။ ပစ္စယပစ္စနီယံ

၁။ ဝိဘင်္ဂဝါရော

နဟေတုပစ္စယော

၉၂။ သဟေတုကံ ¶ ¶ ဓမ္မံ သံသဋ္ဌော အဟေတုကော ဓမ္မော ဥပ္ပဇ္ဇတိ နဟေတုပစ္စယာ – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ သံသဋ္ဌော ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)

အဟေတုကံ ဓမ္မံ သံသဋ္ဌော အဟေတုကော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… (သံခိတ္တံ)။ (၁)

၂။ ပစ္စယပစ္စနီယံ

၂။ သင်္ချာဝါရော

သုဒ္ဓံ

၉၃။ နဟေတုယာ ဒွေ၊ နအဓိပတိယာ ဆ၊ နပုရေဇာတေ ဆ၊ နပစ္ဆာဇာတေ ဆ၊ နအာသေဝနေ ဆ၊ နကမ္မေ စတ္တာရိ၊ နဝိပါကေ ဆ၊ နဈာနေ ဧကံ၊ နမဂ္ဂေ ဧကံ၊ နဝိပ္ပယုတ္တေ ဆ (ဧဝံ ဂဏေတဗ္ဗံ)။

ပစ္စနီယံ။

၃။ ပစ္စယာနုလောမပစ္စနီယံ

ဟေတုဒုကံ

၉၄။ ဟေတုပစ္စယာ ¶ နအဓိပတိယာ တီဏိ၊ နပုရေဇာတေ တီဏိ၊ နပစ္ဆာဇာတေ တီဏိ၊ နအာသေဝနေ တီဏိ၊ နကမ္မေ တီဏိ၊ နဝိပါကေ တီဏိ၊ နဝိပ္ပယုတ္တေ တီဏိ။

အနုလောမပစ္စနီယံ။

၄။ ပစ္စယပစ္စနီယာနုလောမံ

နဟေတုဒုကံ

၉၅။ နဟေတုပစ္စယာ ¶ အာရမ္မဏေ ဒွေ၊ အနန္တရေ ဒွေ…ပေ… ကမ္မေ ဒွေ၊ ဝိပါကေ ဧကံ၊ အာဟာရေ ဒွေ…ပေ… မဂ္ဂေ ဧကံ…ပေ… အဝိဂတေ ဒွေ (ဧဝံ ဂဏေတဗ္ဗံ)။

ပစ္စနီယာနုလောမံ။

၆။ သမ္ပယုတ္တဝါရော

(သမ္ပယုတ္တဝါရော သံသဋ္ဌဝါရသဒိသော။)

၇။ ပဉှာဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၉၆။ သဟေတုကော ဓမ္မော သဟေတုကဿ ဓမ္မဿ ဟေတုပစ္စယေန ပစ္စယော ¶ – သဟေတုကာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)

သဟေတုကော ဓမ္မော အဟေတုကဿ ဓမ္မဿ ဟေတုပစ္စယေန ပစ္စယော – သဟေတုကာ ဟေတူ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၂)

သဟေတုကော ¶ ¶ ဓမ္မော သဟေတုကဿ စ အဟေတုကဿ စ ဓမ္မဿ ဟေတုပစ္စယေန ပစ္စယော – သဟေတုကာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၃)

၉၇။ အဟေတုကော ဓမ္မော အဟေတုကဿ ဓမ္မဿ ဟေတုပစ္စယေန ပစ္စယော – ဝိစိကိစ္ဆာသဟဂတော ဥဒ္ဓစ္စသဟဂတော မောဟော စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော။ (၁)

အဟေတုကော ဓမ္မော သဟေတုကဿ ဓမ္မဿ ဟေတုပစ္စယေန ပစ္စယော – ဝိစိကိစ္ဆာသဟဂတော ဥဒ္ဓစ္စသဟဂတော မောဟော သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော။ (၂)

အဟေတုကော ဓမ္မော သဟေတုကဿ စ အဟေတုကဿ စ ဓမ္မဿ ဟေတုပစ္စယေန ပစ္စယော – ဝိစိကိစ္ဆာသဟဂတော ဥဒ္ဓစ္စသဟဂတော မောဟော သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော။ (၃)

အာရမ္မဏပစ္စယော

၉၈။ သဟေတုကော ဓမ္မော သဟေတုကဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ၊ ပုဗ္ဗေ သုစိဏ္ဏာနိ ပစ္စဝေက္ခတိ၊ ဈာနာ ဝုဋ္ဌဟိတွာ ဈာနံ ပစ္စဝေက္ခတိ။ အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ၊ ဖလံ ပစ္စဝေက္ခန္တိ။ ပဟီနေ ကိလေသေ…ပေ… ဝိက္ခမ္ဘိတေ ကိလေသေ…ပေ… ပုဗ္ဗေ…ပေ… သဟေတုကေ ¶ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ကုသလာကုသလေ နိရုဒ္ဓေ သဟေတုကော ဝိပါကော တဒါရမ္မဏတာ ဥပ္ပဇ္ဇတိ၊ စေတောပရိယဉာဏေန သဟေတုကစိတ္တသမင်္ဂိဿ စိတ္တံ ဇာနန္တိ။ အာကာသာနဉ္စာယတနံ ဝိညာဏဉ္စာယတနဿ…ပေ… အာကိဉ္စညာယတနံ နေဝသညာနာသညာယတနဿ…ပေ… သဟေတုကာ ခန္ဓာ ဣဒ္ဓိဝိဓဉာဏဿ၊ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ၊ အနာဂတံသဉာဏဿ အာရမ္မဏပစ္စယေန ပစ္စယော၊ သဟေတုကေ ခန္ဓေ အာရဗ္ဘ သဟေတုကာ ခန္ဓာ ဥပ္ပဇ္ဇန္တိ။ (၁)

သဟေတုကော ဓမ္မော အဟေတုကဿ ဓမ္မဿ အာရမ္မဏပစ္စယေန ပစ္စယော – သဟေတုကေ ခန္ဓေ အနိစ္စတော ¶ …ပေ… ဒေါမနဿံ ဥပ္ပဇ္ဇတိ၊ ကုသလာကုသလေ နိရုဒ္ဓေ အဟေတုကော ဝိပါကော တဒါရမ္မဏတာ ဥပ္ပဇ္ဇတိ၊ သဟေတုကေ ခန္ဓေ အာရဗ္ဘ အဟေတုကာ ခန္ဓာ စ မောဟော စ ဥပ္ပဇ္ဇန္တိ။ (၂)

သဟေတုကော ¶ ဓမ္မော သဟေတုကဿ စ အဟေတုကဿ စ ဓမ္မဿ အာရမ္မဏပစ္စယေန ပစ္စယော – သဟေတုကေ ခန္ဓေ အာရဗ္ဘ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ။ (၃)

၉၉။ အဟေတုကော ဓမ္မော အဟေတုကဿ ဓမ္မဿ အာရမ္မဏပစ္စယေန ပစ္စယော – နိဗ္ဗာနံ အာဝဇ္ဇနာယ အာရမ္မဏပစ္စယေန ပစ္စယော၊ စက္ခုံ…ပေ… ဝတ္ထုံ… အဟေတုကေ ခန္ဓေ စ မောဟဉ္စ အနိစ္စတော…ပေ… ဒေါမနဿံ ဥပ္ပဇ္ဇတိ၊ ကုသလာကုသလေ နိရုဒ္ဓေ အဟေတုကော ဝိပါကော တဒါရမ္မဏတာ ဥပ္ပဇ္ဇတိ၊ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… အဟေတုကေ ခန္ဓေ စ မောဟဉ္စ အာရဗ္ဘ အဟေတုကာ ခန္ဓာ စ မောဟော စ ဥပ္ပဇ္ဇန္တိ ¶ ။ (၁)

အဟေတုကော ဓမ္မော သဟေတုကဿ ဓမ္မဿ အာရမ္မဏပစ္စယေန ပစ္စယော – အရိယာ နိဗ္ဗာနံ ပစ္စဝေက္ခန္တိ၊ နိဗ္ဗာနံ ဂေါတြဘုဿ၊ ဝေါဒါနဿ၊ မဂ္ဂဿ၊ ဖလဿ အာရမ္မဏပစ္စယေန ပစ္စယော။ အရိယာ အဟေတုကေ ပဟီနေ ကိလေသေ ပစ္စဝေက္ခန္တိ၊ ဝိက္ခမ္ဘိတေ ကိလေသေ…ပေ… ပုဗ္ဗေ…ပေ… စက္ခုံ…ပေ… ဝတ္ထုံ…ပေ… အဟေတုကေ ခန္ဓေ စ မောဟဉ္စ အနိစ္စတော…ပေ… ဒေါမနဿံ ဥပ္ပဇ္ဇတိ၊ ကုသလာကုသလေ နိရုဒ္ဓေ သဟေတုကော ဝိပါကော တဒါရမ္မဏတာ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ၊ စေတောပရိယဉာဏေန အဟေတုကစိတ္တသမင်္ဂိဿ စိတ္တံ ဇာနန္တိ၊ အဟေတုကာ ခန္ဓာ ဣဒ္ဓိဝိဓဉာဏဿ၊ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ အနာဂတံသဉာဏဿ အာရမ္မဏပစ္စယေန ပစ္စယော၊ အဟေတုကေ ခန္ဓေ စ မောဟဉ္စ အာရဗ္ဘ သဟေတုကာ ခန္ဓာ ဥပ္ပဇ္ဇန္တိ။ (၂)

အဟေတုကော ဓမ္မော သဟေတုကဿ စ အဟေတုကဿ စ ဓမ္မဿ အာရမ္မဏပစ္စယေန ပစ္စယော – စက္ခုံ အာရဗ္ဘ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ၊ သောတံ ¶ …ပေ… ဝတ္ထုံ… အဟေတုကေ ခန္ဓေ စ မောဟဉ္စ အာရဗ္ဘ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ။ (၃)

၁၀၀။ သဟေတုကော စ အဟေတုကော စ ဓမ္မာ သဟေတုကဿ ဓမ္မဿ အာရမ္မဏပစ္စယေန ပစ္စယော – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ မောဟဉ္စ အာရဗ္ဘ သဟေတုကာ ခန္ဓာ ဥပ္ပဇ္ဇန္တိ။ (၁)

သဟေတုကော ¶ စ အဟေတုကော စ ဓမ္မာ အဟေတုကဿ ဓမ္မဿ အာရမ္မဏပစ္စယေန ပစ္စယော – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ မောဟဉ္စ အာရဗ္ဘ အဟေတုကာ ခန္ဓာ ¶ စ မောဟော စ ဥပ္ပဇ္ဇန္တိ။ (၂)

သဟေတုကော စ အဟေတုကော စ ဓမ္မာ သဟေတုကဿ စ အဟေတုကဿ စ ဓမ္မဿ အာရမ္မဏပစ္စယေန ပစ္စယော – ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ မောဟဉ္စ အာရဗ္ဘ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ။ (၃)

အဓိပတိပစ္စယော

၁၀၁။ သဟေတုကော ဓမ္မော သဟေတုကဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ၊ ဈာနာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ…ပေ… ဖလံ…ပေ… သဟေတုကေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ သဟဇာတာဓိပတိ – သဟေတုကာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)

သဟေတုကော ဓမ္မော အဟေတုကဿ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – သဟေတုကာဓိပတိ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၂)

သဟေတုကော ဓမ္မော သဟေတုကဿ စ အဟေတုကဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ ¶ – သဟေတုကာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)

အဟေတုကော ဓမ္မော သဟေတုကဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – အရိယာ နိဗ္ဗာနံ ဂရုံ ကတွာ ပစ္စဝေက္ခန္တိ၊ နိဗ္ဗာနံ ဂေါတြဘုဿ၊ ဝေါဒါနဿ၊ မဂ္ဂဿ၊ ဖလဿ အဓိပတိပစ္စယေန ပစ္စယော၊ စက္ခုံ…ပေ… ဝတ္ထုံ… အဟေတုကေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ¶ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ (၁)

အနန္တရပစ္စယော

၁၀၂။ သဟေတုကော ¶ ဓမ္မော သဟေတုကဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သဟေတုကာ ခန္ဓာ ပစ္ဆိမာနံ ပစ္ဆိမာနံ သဟေတုကာနံ ခန္ဓာနံ အနန္တရပစ္စယေန ပစ္စယော၊ အနုလောမံ ဂေါတြဘုဿ… အနုလောမံ ဝေါဒါနဿ… ဂေါတြဘု မဂ္ဂဿ… ဝေါဒါနံ မဂ္ဂဿ… မဂ္ဂေါ ဖလဿ… ဖလံ ဖလဿ… အနုလောမံ ဖလသမာပတ္တိယာ… နိရောဓာ ဝုဋ္ဌဟန္တဿ နေဝသညာနာသညာယတနံ ဖလသမာပတ္တိယာ အနန္တရပစ္စယေန ပစ္စယော။ (၁)

သဟေတုကော ဓမ္မော အဟေတုကဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ ပစ္ဆိမဿ ပစ္ဆိမဿ ဝိစိကိစ္ဆာသဟဂတဿ ဥဒ္ဓစ္စသဟဂတဿ မောဟဿ အနန္တရပစ္စယေန ပစ္စယော၊ သဟေတုကံ စုတိစိတ္တံ အဟေတုကဿ ဥပပတ္တိစိတ္တဿ အနန္တရပစ္စယေန ပစ္စယော၊ သဟေတုကံ ဘဝင်္ဂံ အာဝဇ္ဇနာယ အနန္တရပစ္စယေန ပစ္စယော၊ သဟေတုကံ ဘဝင်္ဂံ အဟေတုကဿ ဘဝင်္ဂဿ အနန္တရပစ္စယေန ပစ္စယော၊ သဟေတုကာ ခန္ဓာ အဟေတုကဿ ဝုဋ္ဌာနဿ အနန္တရပစ္စယေန ပစ္စယော။ (၂)

သဟေတုကော ဓမ္မော သဟေတုကဿ စ အဟေတုကဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ ပစ္ဆိမာနံ ပစ္ဆိမာနံ ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော။ (၃)

၁၀၃။ အဟေတုကော ဓမ္မော အဟေတုကဿ ဓမ္မဿ အနန္တရပစ္စယေန ပစ္စယော – ပုရိမော ပုရိမော ¶ ဝိစိကိစ္ဆာသဟဂတော ဥဒ္ဓစ္စသဟဂတော မောဟော ပစ္ဆိမဿ ¶ ပစ္ဆိမဿ ဝိစိကိစ္ဆာသဟဂတဿ ဥဒ္ဓစ္စသဟဂတဿ မောဟဿ အနန္တရပစ္စယေန ပစ္စယော၊ ပုရိမာ ပုရိမာ အဟေတုကာ ခန္ဓာ ပစ္ဆိမာနံ ပစ္ဆိမာနံ အဟေတုကာနံ ခန္ဓာနံ အနန္တရပစ္စယေန ပစ္စယော၊ အာဝဇ္ဇနာ ပဉ္စန္နံ ဝိညာဏာနံ အနန္တရပစ္စယေန ပစ္စယော။ (၁)

အဟေတုကော ဓမ္မော သဟေတုကဿ ဓမ္မဿ အနန္တရပစ္စယေန ပစ္စယော – ပုရိမော ပုရိမော ဝိစိကိစ္ဆာသဟဂတော ဥဒ္ဓစ္စသဟဂတော မောဟော ပစ္ဆိမာနံ ပစ္ဆိမာနံ ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ အနန္တရပစ္စယေန ပစ္စယော ¶ ၊ အဟေတုကံ စုတိစိတ္တံ သဟေတုကဿ ဥပပတ္တိစိတ္တဿ အနန္တရပစ္စယေန ပစ္စယော၊ အဟေတုကံ ဘဝင်္ဂံ သဟေတုကဿ ဘဝင်္ဂဿ အနန္တရပစ္စယေန ပစ္စယော၊ အာဝဇ္ဇနာ သဟေတုကာနံ ခန္ဓာနံ အနန္တရပစ္စယေန ပစ္စယော၊ အဟေတုကာ ခန္ဓာ သဟေတုကဿ ဝုဋ္ဌာနဿ အနန္တရပစ္စယေန ပစ္စယော။ (၂)

အဟေတုကော ဓမ္မော သဟေတုကဿ စ အဟေတုကဿ စ ဓမ္မဿ အနန္တရပစ္စယေန ပစ္စယော – ပုရိမော ပုရိမော ဝိစိကိစ္ဆာသဟဂတော ဥဒ္ဓစ္စသဟဂတော မောဟော ပစ္ဆိမာနံ ပစ္ဆိမာနံ ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော၊ အာဝဇ္ဇနာ ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော။ (၃)

၁၀၄။ သဟေတုကော စ အဟေတုကော စ ဓမ္မာ သဟေတုကဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ပစ္ဆိမာနံ ပစ္ဆိမာနံ ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ အနန္တရပစ္စယေန ¶ ပစ္စယော။ (၁)

သဟေတုကော စ အဟေတုကော စ ဓမ္မာ အဟေတုကဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ပစ္ဆိမဿ ပစ္ဆိမဿ ဝိစိကိစ္ဆာသဟဂတဿ ဥဒ္ဓစ္စသဟဂတဿ မောဟဿ အနန္တရပစ္စယေန ပစ္စယော၊ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ အဟေတုကဿ ဝုဋ္ဌာနဿ အနန္တရပစ္စယေန ပစ္စယော။ (၂)

သဟေတုကော ¶ စ အဟေတုကော စ ဓမ္မာ သဟေတုကဿ စ အဟေတုကဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ပစ္ဆိမာနံ ပစ္ဆိမာနံ ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ မောဟဿ စ အနန္တရပစ္စယေန ပစ္စယော။ (၃)

သဟဇာတပစ္စယာဒိ

၁၀၅။ သဟေတုကော ဓမ္မော သဟေတုကဿ ဓမ္မဿ သဟဇာတပစ္စယေန ပစ္စယော (ပဋိစ္စဝါရေ သဟဇာတသဒိသံ၊ ဣဟ ဃဋနာ နတ္ထိ)… အညမညပစ္စယေန ¶ ပစ္စယော (ပဋိစ္စဝါရသဒိသံ)… နိဿယပစ္စယေန ပစ္စယော (ပဋိစ္စဝါရေ နိဿယပစ္စယသဒိသံ၊ ဣဟ ဃဋနာ နတ္ထိ)။

ဥပနိဿယပစ္စယော

၁၀၆။ သဟေတုကော ဓမ္မော သဟေတုကဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – သဟေတုကာ ခန္ဓာ သဟေတုကာနံ ခန္ဓာနံ ဥပနိဿယပစ္စယေန ပစ္စယော။ (၁)

သဟေတုကော ဓမ္မော အဟေတုကဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – သဟေတုကာ ခန္ဓာ အဟေတုကာနံ ¶ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၂)

သဟေတုကော ဓမ္မော သဟေတုကဿ စ အဟေတုကဿ စ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – သဟေတုကာ ခန္ဓာ ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၃)

၁၀၇။ အဟေတုကော ဓမ္မော အဟေတုကဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ကာယိကံ သုခံ ကာယိကဿ သုခဿ၊ ကာယိကဿ ဒုက္ခဿ၊ မောဟဿ စ ဥပနိဿယပစ္စယေန ပစ္စယော၊ ကာယိကံ ဒုက္ခံ… ဥတု… ဘောဇနံ… သေနာသနံ ကာယိကဿ သုခဿ၊ ကာယိကဿ ဒုက္ခဿ၊ မောဟဿ စ ဥပနိဿယပစ္စယေန ¶ ပစ္စယော၊ မောဟော ကာယိကဿ သုခဿ၊ ကာယိကဿ ဒုက္ခဿ၊ မောဟဿ စ ဥပနိဿယပစ္စယေန ပစ္စယော၊ ကာယိကံ သုခံ… ကာယိကံ ဒုက္ခံ… ဥတု… ဘောဇနံ၊ သေနာသနံ၊ မောဟော စ ကာယိကဿ သုခဿ၊ ကာယိကဿ ဒုက္ခဿ၊ မောဟဿ စ ဥပနိဿယပစ္စယေန ပစ္စယော။ (၁)

အဟေတုကော ဓမ္မော သဟေတုကဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ကာယိကံ သုခံ ဥပနိဿာယ ဒါနံ ဒေတိ…ပေ… သင်္ဃံ ဘိန္ဒတိ၊ ကာယိကံ ဒုက္ခံ… ဥတုံ… ဘောဇနံ… သေနာသနံ… မောဟံ ဥပနိဿာယ ¶ ဒါနံ ဒေတိ…ပေ… သင်္ဃံ ဘိန္ဒတိ၊ ကာယိကံ သုခံ…ပေ… မောဟော စ သဒ္ဓါယ…ပေ… ပညာယ ရာဂဿ…ပေ… ပတ္ထနာယ မဂ္ဂဿ ဖလသမာပတ္တိယာ ဥပနိဿယပစ္စယေန ပစ္စယော။ (၂)

အဟေတုကော ဓမ္မော သဟေတုကဿ စ အဟေတုကဿ ¶ စ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ကာယိကံ သုခံ မောဟော စ ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၃)

၁၀၈။ သဟေတုကော စ အဟေတုကော စ ဓမ္မာ သဟေတုကဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ သဟေတုကာနံ ခန္ဓာနံ ဥပနိဿယပစ္စယေန ပစ္စယော။ (၁)

သဟေတုကော စ အဟေတုကော စ ဓမ္မာ အဟေတုကဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ အဟေတုကာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၂)

သဟေတုကော စ အဟေတုကော စ ဓမ္မာ သဟေတုကဿ စ အဟေတုကဿ စ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ဝိစိကိစ္ဆာသဟဂတာ ¶ ဥဒ္ဓစ္စသဟဂတာ ခန္ဓာ စ မောဟော စ ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ မောဟဿ စ ဥပနိဿယပစ္စယေန ပစ္စယော။ (၃)

ပုရေဇာတပစ္စယော

၁၀၉။ အဟေတုကော ဓမ္မော အဟေတုကဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ကုသလာကုသလေ နိရုဒ္ဓေ အဟေတုကော ဝိပါကော တဒါရမ္မဏတာ ဥပ္ပဇ္ဇတိ၊ ရူပါယတနံ စက္ခုဝိညာဏဿ ¶ …ပေ… ဖောဋ္ဌဗ္ဗာယတနံ ကာယဝိညာဏဿ ပုရေဇာတပစ္စယေန ပစ္စယော ¶ ။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ… ပုရေဇာတံ ဝတ္ထု အဟေတုကာနံ ခန္ဓာနံ မောဟဿ စ ပုရေဇာတပစ္စယေန ပစ္စယော။ (၁)

အဟေတုကော ဓမ္မော သဟေတုကဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ကုသလာကုသလေ နိရုဒ္ဓေ သဟေတုကော ဝိပါကော တဒါရမ္မဏတာ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ။ ဝတ္ထုပုရေဇာတံ – ဝတ္ထု သဟေတုကာနံ ခန္ဓာနံ ပုရေဇာတပစ္စယေန ပစ္စယော။ (၂)

အဟေတုကော ဓမ္မော သဟေတုကဿ စ အဟေတုကဿ စ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အာရဗ္ဘ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ဥပ္ပဇ္ဇန္တိ။ ဝတ္ထုပုရေဇာတံ – ဝတ္ထု ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ မောဟဿ စ ပုရေဇာတပစ္စယေန ပစ္စယော။ (၃)

ပစ္ဆာဇာတပစ္စယာဒိ

၁၁၀။ သဟေတုကော ဓမ္မော အဟေတုကဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ သဟေတုကာ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)

အဟေတုကော ¶ ဓမ္မော အဟေတုကဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အဟေတုကာ ခန္ဓာ စ မောဟော စ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)

သဟေတုကော ¶ စ အဟေတုကော စ ဓမ္မာ အဟေတုကဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)

သဟေတုကော ဓမ္မော သဟေတုကဿ ဓမ္မဿ အာသေဝနပစ္စယေန ပစ္စယော (အနန္တရသဒိသံ။ အာဝဇ္ဇနမ္ပိ ဘဝင်္ဂမ္ပိ နတ္ထိ၊ အာသေဝနပစ္စယေ ဝဇ္ဇေတဗ္ဗာ နဝပိ )။

ကမ္မပစ္စယော

၁၁၁။ သဟေတုကော ¶ ဓမ္မော သဟေတုကဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – သဟေတုကာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – သဟေတုကာ စေတနာ ဝိပါကာနံ သဟေတုကာနံ ခန္ဓာနံ ကမ္မပစ္စယေန ပစ္စယော။ (၁)

သဟေတုကော ဓမ္မော အဟေတုကဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – သဟေတုကာ စေတနာ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – သဟေတုကာ စေတနာ ဝိပါကာနံ အဟေတုကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၂)

သဟေတုကော ဓမ္မော သဟေတုကဿ စ အဟေတုကဿ စ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – သဟေတုကာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ နာနာက္ခဏိကာ – သဟေတုကာ စေတနာ ဝိပါကာနံ သဟေတုကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ¶ ပစ္စယော။ (၃)

အဟေတုကော ဓမ္မော အဟေတုကဿ ဓမ္မဿ ကမ္မပစ္စယေန ပစ္စယော – အဟေတုကာ စေတနာ သမ္ပယုတ္တကာနံ ¶ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)

ဝိပါကပစ္စယော

၁၁၂။ သဟေတုကော ဓမ္မော သဟေတုကဿ ဓမ္မဿ ဝိပါကပစ္စယေန ပစ္စယော – ဝိပါကော သဟေတုကော ဧကော ခန္ဓော တိဏ္ဏန္နံ ခန္ဓာနံ…ပေ… ဒွေ ခန္ဓာ…ပေ… ပဋိသန္ဓိက္ခဏေ…ပေ…။ (၁)

သဟေတုကော ဓမ္မော အဟေတုကဿ ဓမ္မဿ ဝိပါကပစ္စယေန ပစ္စယော – ဝိပါကာ သဟေတုကာ ခန္ဓာ စိတ္တသမုဋ္ဌာနာနံ ရူပါနံ ဝိပါကပစ္စယေန ပစ္စယော၊ ပဋိသန္ဓိက္ခဏေ…ပေ…။ (၂)

သဟေတုကော ဓမ္မော သဟေတုကဿ စ အဟေတုကဿ စ ဓမ္မဿ ဝိပါကပစ္စယေန ပစ္စယော – ဝိပါကော သဟေတုကော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ…ပေ… ဒွေ ခန္ဓာ…ပေ… ပဋိသန္ဓိက္ခဏေ…ပေ…။ (၃)

အဟေတုကော ¶ ဓမ္မော အဟေတုကဿ ဓမ္မဿ ဝိပါကပစ္စယေန ပစ္စယော – ဝိပါကော အဟေတုကော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ…ပေ… ဒွေ ခန္ဓာ…ပေ… ပဋိသန္ဓိက္ခဏေ…ပေ… ခန္ဓာ ဝတ္ထုဿ ဝိပါကပစ္စယေန ပစ္စယော။ (၁)

အာဟာရပစ္စယော

၁၁၃။ သဟေတုကော ဓမ္မော သဟေတုကဿ ဓမ္မဿ အာဟာရပစ္စယေန ပစ္စယော… တီဏိ။

အဟေတုကော ဓမ္မော အဟေတုကဿ ဓမ္မဿ အာဟာရပစ္စယေန ပစ္စယော – အဟေတုကာ အာဟာရာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ…ပေ… ပဋိသန္ဓိက္ခဏေ…ပေ… ကဗဠီကာရော အာဟာရော ဣမဿ ကာယဿ အာဟာရပစ္စယေန ပစ္စယော။ (၁)

ဣန္ဒြိယပစ္စယာဒိ

၁၁၄။ သဟေတုကော ¶ ¶ ဓမ္မော သဟေတုကဿ ဓမ္မဿ ဣန္ဒြိယပစ္စယေန ပစ္စယော… တီဏိ။

အဟေတုကော ဓမ္မော အဟေတုကဿ ဓမ္မဿ ဣန္ဒြိယပစ္စယေန ပစ္စယော – အဟေတုကာ ဣန္ဒြိယာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ…ပေ… ပဋိသန္ဓိက္ခဏေ…ပေ… စက္ခုန္ဒြိယံ စက္ခုဝိညာဏဿ…ပေ… ကာယိန္ဒြိယံ ကာယဝိညာဏဿ ဣန္ဒြိယပစ္စယေန ပစ္စယော၊ ရူပဇီဝိတိန္ဒြိယံ ကဋတ္တာရူပါနံ ဣန္ဒြိယပစ္စယေန ပစ္စယော။ (၁)

သဟေတုကော ဓမ္မော သဟေတုကဿ ဓမ္မဿ ဈာနပစ္စယေန ပစ္စယော… တီဏိ။

အဟေတုကော ဓမ္မော အဟေတုကဿ ဓမ္မဿ ဈာနပစ္စယေန ပစ္စယော – အဟေတုကာနိ ဈာနင်္ဂါနိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ…ပေ… ပဋိသန္ဓိက္ခဏေ…ပေ…။ (၁)

သဟေတုကော ဓမ္မော သဟေတုကဿ ဓမ္မဿ မဂ္ဂပစ္စယေန ပစ္စယော… တီဏိ။

သဟေတုကော ဓမ္မော သဟေတုကဿ ဓမ္မဿ သမ္ပယုတ္တပစ္စယေန ပစ္စယော (ပဋိစ္စဝါရေ သမ္ပယုတ္တသဒိသာ ဆ ပဉှာ)။

ဝိပ္ပယုတ္တပစ္စယော

၁၁၅။ သဟေတုကော ¶ ဓမ္မော အဟေတုကဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – သဟေတုကာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ သဟေတုကာ ခန္ဓာ ကဋတ္တာရူပါနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – သဟေတုကာ ခန္ဓာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ¶ ပစ္စယော။ (၁)

အဟေတုကော ဓမ္မော အဟေတုကဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ။ သဟဇာတာ – အဟေတုကာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ အဟေတုကာ ခန္ဓာ ကဋတ္တာရူပါနံ ဝိပ္ပယုတ္တပစ္စယေန ပစ္စယော၊ ခန္ဓာ ဝတ္ထုဿ ဝိပ္ပယုတ္တပစ္စယေန ¶ ပစ္စယော၊ ဝတ္ထု ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ… ဝတ္ထု အဟေတုကာနံ ခန္ဓာနံ မောဟဿ စ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အဟေတုကာ ခန္ဓာ စ မောဟော စ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)

အဟေတုကော ဓမ္မော သဟေတုကဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု သဟေတုကာနံ ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု သဟေတုကာနံ ခန္ဓာနံ ဝိပ္ပယုတ္တပစ္စယေန ပစ္စယော။ (၂)

အဟေတုကော ဓမ္မော သဟေတုကဿ စ အဟေတုကဿ စ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ မောဟဿ စ ဝိပ္ပယုတ္တပစ္စယေန ပစ္စယော။ (၃)

သဟေတုကော စ အဟေတုကော စ ဓမ္မာ အဟေတုကဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော ¶ စ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)

အတ္ထိပစ္စယော

၁၁၆။ သဟေတုကော ¶ ဓမ္မော သဟေတုကဿ ဓမ္မဿ အတ္ထိပစ္စယေန ပစ္စယော – သဟေတုကော ဧကော ခန္ဓော တိဏ္ဏန္နံ ခန္ဓာနံ…ပေ… ဒွေ ခန္ဓာ…ပေ… ပဋိသန္ဓိက္ခဏေ…ပေ…။ (၁)

သဟေတုကော ဓမ္မော အဟေတုကဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – သဟေတုကာ ခန္ဓာ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ မောဟဿ စ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော၊ ပဋိသန္ဓိက္ခဏေ…ပေ…။ ပစ္ဆာဇာတာ – သဟေတုကာ ခန္ဓာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ (၂)

သဟေတုကော ¶ ဓမ္မော သဟေတုကဿ စ အဟေတုကဿ စ ဓမ္မဿ အတ္ထိပစ္စယေန ပစ္စယော – သဟေတုကော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော၊ ဝိစိကိစ္ဆာသဟဂတော ဥဒ္ဓစ္စသဟဂတော ဧကော ခန္ဓော တိဏ္ဏန္နံ ခန္ဓာနံ မောဟဿ စ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ…ပေ… ပဋိသန္ဓိက္ခဏေ သဟေတုကော…ပေ…။ (၃)

၁၁၇။ အဟေတုကော ဓမ္မော အဟေတုကဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတော – အဟေတုကော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ…ပေ… ဝိစိကိစ္ဆာသဟဂတော ဥဒ္ဓစ္စသဟဂတော မောဟော စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ ပဋိသန္ဓိက္ခဏေ…ပေ… (ယာဝ အသညသတ္တာ ကာတဗ္ဗံ)။ ပုရေဇာတံ – စက္ခုံ…ပေ… ဝတ္ထုံ ¶ အနိစ္စတော…ပေ… ဒေါမနဿံ ဥပ္ပဇ္ဇတိ၊ ကုသလာကုသလေ နိရုဒ္ဓေ အဟေတုကော ဝိပါကော တဒါရမ္မဏတာ ဥပ္ပဇ္ဇတိ၊ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ အတ္ထိပစ္စယေန ပစ္စယော၊ ဝတ္ထု အဟေတုကာနံ ခန္ဓာနံ မောဟဿ စ အတ္ထိပစ္စယေန ပစ္စယော။ ပစ္ဆာဇာတာ – အဟေတုကာ ခန္ဓာ စ မောဟော စ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော၊ ကဗဠီကာရော အာဟာရော ¶ ဣမဿ ကာယဿ အတ္ထိပစ္စယေန ပစ္စယော၊ ရူပဇီဝိတိန္ဒြိယံ ကဋတ္တာရူပါနံ အတ္ထိပစ္စယေန ပစ္စယော။ (၁)

အဟေတုကော ဓမ္မော သဟေတုကဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – ဝိစိကိစ္ဆာသဟဂတော ဥဒ္ဓစ္စသဟဂတော မောဟော သမ္ပယုတ္တကာနံ ခန္ဓာနံ အတ္ထိပစ္စယေန ပစ္စယော၊ ပဋိသန္ဓိက္ခဏေ ဝတ္ထု သဟေတုကာနံ ခန္ဓာနံ အတ္ထိပစ္စယေန ပစ္စယော။ ပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ကုသလာကုသလေ နိရုဒ္ဓေ သဟေတုကော ဝိပါကော တဒါရမ္မဏတာ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ၊ ဝတ္ထု သဟေတုကာနံ ခန္ဓာနံ အတ္ထိပစ္စယေန ပစ္စယော။ (၂)

အဟေတုကော ဓမ္မော သဟေတုကဿ စ အဟေတုကဿ စ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – ဝိစိကိစ္ဆာသဟဂတော ဥဒ္ဓစ္စသဟဂတော မောဟော သမ္ပယုတ္တကာနံ ခန္ဓာနံ ¶ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော။ ပုရေဇာတံ – စက္ခုံ…ပေ… ဝတ္ထုံ အာရဗ္ဘ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ ¶ စ မောဟော စ ဥပ္ပဇ္ဇန္တိ၊ ဝတ္ထု ဝိစိကိစ္ဆာသဟဂတာနံ ဥဒ္ဓစ္စသဟဂတာနံ ခန္ဓာနံ မောဟဿ စ အတ္ထိပစ္စယေန ပစ္စယော။ (၃)

၁၁၈။ သဟေတုကော စ အဟေတုကော စ ဓမ္မာ သဟေတုကဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – ဝိစိကိစ္ဆာသဟဂတော ဥဒ္ဓစ္စသဟဂတော ဧကော ခန္ဓော စ မောဟော စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ… ပဋိသန္ဓိက္ခဏေ သဟေတုကော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ…။ သဟဇာတော – သဟေတုကော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ…။ (၁)

သဟေတုကော စ အဟေတုကော စ ဓမ္မာ အဟေတုကဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတာ – သဟေတုကာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ ပဋိသန္ဓိက္ခဏေ သဟေတုကာ ခန္ဓာ စ မဟာဘူတာ စ ကဋတ္တာရူပါနံ အတ္ထိပစ္စယေန ¶ ပစ္စယော။ သဟဇာတာ – ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ ဝတ္ထု စ မောဟဿ အတ္ထိပစ္စယေန ပစ္စယော။ ပစ္ဆာဇာတာ – ဝိစိကိစ္ဆာသဟဂတာ ဥဒ္ဓစ္စသဟဂတာ ခန္ဓာ စ မောဟော စ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – သဟေတုကာ ခန္ဓာ စ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – သဟေတုကာ ¶ ခန္ဓာ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၂)

သဟေတုကော စ အဟေတုကော စ ဓမ္မာ သဟေတုကဿ စ အဟေတုကဿ စ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – ဝိစိကိစ္ဆာသဟဂတော ဥဒ္ဓစ္စသဟဂတော ဧကော ခန္ဓော စ မောဟော စ တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ…။ သဟဇာတော – ဝိစိကိစ္ဆာသဟဂတော ဥဒ္ဓစ္စသဟဂတော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ မောဟဿ စ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ…။ (၃)

၁။ ပစ္စယာနုလောမံ

၂။ သင်္ချာဝါရော

သုဒ္ဓံ

၁၁၉။ ဟေတုယာ ¶ ဆ၊ အာရမ္မဏေ နဝ၊ အဓိပတိယာ စတ္တာရိ၊ အနန္တရေ နဝ၊ သမနန္တရေ နဝ၊ သဟဇာတေ နဝ၊ အညမညေ ဆ၊ နိဿယေ နဝ၊ ဥပနိဿယေ နဝ၊ ပုရေဇာတေ တီဏိ၊ ပစ္ဆာဇာတေ တီဏိ၊ အာသေဝနေ နဝ၊ ကမ္မေ စတ္တာရိ၊ ဝိပါကေ စတ္တာရိ၊ အာဟာရေ စတ္တာရိ၊ ဣန္ဒြိယေ စတ္တာရိ၊ ဈာနေ စတ္တာရိ၊ မဂ္ဂေ တီဏိ၊ သမ္ပယုတ္တေ ဆ၊ ဝိပ္ပယုတ္တေ ပဉ္စ၊ အတ္ထိယာ နဝ၊ နတ္ထိယာ နဝ၊ ဝိဂတေ နဝ၊ အဝိဂတေ နဝ (ဧဝံ ဂဏေတဗ္ဗံ)။

အနုလောမံ။

ပစ္စနီယုဒ္ဓါရော

၁၂၀။ သဟေတုကော ဓမ္မော သဟေတုကဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၁)

သဟေတုကော ¶ ဓမ္မော အဟေတုကဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ¶ ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော။ (၂)

သဟေတုကော ဓမ္မော သဟေတုကဿ စ အဟေတုကဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၃)

၁၂၁။ အဟေတုကော ဓမ္မော အဟေတုကဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ¶ ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)

အဟေတုကော ဓမ္မော သဟေတုကဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၂)

အဟေတုကော ဓမ္မော သဟေတုကဿ စ အဟေတုကဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၃)

၁၂၂။ သဟေတုကော စ အဟေတုကော စ ဓမ္မာ သဟေတုကဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)

သဟေတုကော စ အဟေတုကော စ ဓမ္မာ အဟေတုကဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော။ (၂)

သဟေတုကော စ အဟေတုကော စ ဓမ္မာ သဟေတုကဿ စ အဟေတုကဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)

၂။ ပစ္စယပစ္စနီယံ

၂။ သင်္ချာဝါရော

၁၂၃။ နဟေတုယာ ¶ ¶ နဝ…ပေ… (သဗ္ဗတ္ထ နဝ) နောအဝိဂတေ နဝ (ဧဝံ ဂဏေတဗ္ဗံ)။

ပစ္စနီယံ။

၃။ ပစ္စယာနုလောမပစ္စနီယံ

ဟေတုဒုကံ

၁၂၄။ ဟေတုပစ္စယာ နအာရမ္မဏေ ဆ၊ နအဓိပတိယာ ဆ၊ နအနန္တရေ ဆ၊ နသမနန္တရေ ဆ၊ နအညမညေ ဒွေ၊ နဥပနိဿယေ ဆ…ပေ… နမဂ္ဂေ ဆ၊ နသမ္ပယုတ္တေ ဒွေ၊ နဝိပ္ပယုတ္တေ ဒွေ၊ နောနတ္ထိယာ ဆ၊ နောဝိဂတေ ဆ (ဧဝံ ဂဏေတဗ္ဗံ)။

အနုလောမပစ္စနီယံ။

၄။ ပစ္စယပစ္စနီယာနုလောမံ

နဟေတုဒုကံ

၁၂၅။ နဟေတုပစ္စယာ အာရမ္မဏေ နဝ၊ အဓိပတိယာ စတ္တာရိ၊ အနန္တရေ နဝ၊ သမနန္တရေ နဝ၊ သဟဇာတေ နဝ၊ အညမညေ ဆ၊ နိဿယေ နဝ၊ ဥပနိဿယေ နဝ၊ ပုရေဇာတေ တီဏိ၊ ပစ္ဆာဇာတေ တီဏိ၊ အာသေဝနေ နဝ၊ ကမ္မေ စတ္တာရိ၊ ဝိပါကေ စတ္တာရိ၊ အာဟာရေ စတ္တာရိ၊ ဣန္ဒြိယေ စတ္တာရိ၊ ဈာနေ စတ္တာရိ၊ မဂ္ဂေ တီဏိ၊ သမ္ပယုတ္တေ ဆ၊ ဝိပ္ပယုတ္တေ ပဉ္စ၊ အတ္ထိယာ နဝ၊ နတ္ထိယာ နဝ၊ ဝိဂတေ နဝ၊ အဝိဂတေ နဝ (ဧဝံ ဂဏေတဗ္ဗံ)။

ပစ္စနီယာနုလောမံ။

သဟေတုကဒုကံ နိဋ္ဌိတံ။

၃။ ဟေတုသမ္ပယုတ္တဒုကံ

၁။ ပဋိစ္စဝါရော

ဟေတုပစ္စယော

၁၂၆။ ဟေတုသမ္ပယုတ္တံ ¶ ¶ ¶ ဓမ္မံ ပဋိစ္စ ဟေတုသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဟေတုသမ္ပယုတ္တံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)

ဟေတုသမ္ပယုတ္တံ ဓမ္မံ ပဋိစ္စ ဟေတုဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ – ဟေတုသမ္ပယုတ္တေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၂)

(ဣမိနာ ကာရဏေန ဝိတ္ထာရေတဗ္ဗံ ယထာ သဟေတုကဒုကံ နိန္နာနာကရဏံ။)

ဟေတုသမ္ပယုတ္တဒုကံ နိဋ္ဌိတံ။

၄။ ဟေတုသဟေတုကဒုကံ

၁။ ပဋိစ္စဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၁၂၇။ ဟေတုဉ္စေဝ ¶ သဟေတုကဉ္စ ဓမ္မံ ပဋိစ္စ ဟေတု စေဝ သဟေတုကော စ ဓမ္မော ဥပ္ပဇ္ဇတိ ဟေတုပစ္စယာ – အလောဘံ ပဋိစ္စ အဒေါသော အမောဟော (စက္ကံ)။ လောဘံ ပဋိစ္စ မောဟော (စက္ကံ)၊ ပဋိသန္ဓိက္ခဏေ အလောဘံ ပဋိစ္စ အဒေါသော အမောဟော (စက္ကံ)။ (၁)

ဟေတုဉ္စေဝ သဟေတုကဉ္စ ဓမ္မံ ပဋိစ္စ သဟေတုကော စေဝ န စ ဟေတု ဓမ္မော ဥပ္ပဇ္ဇတိ ဟေတုပစ္စယာ – ဟေတုံ ပဋိစ္စ သမ္ပယုတ္တကာ ခန္ဓာ၊ ပဋိသန္ဓိက္ခဏေ…ပေ…။ (၂)

ဟေတုဉ္စေဝ သဟေတုကဉ္စ ဓမ္မံ ပဋိစ္စ ဟေတု စေဝ သဟေတုကော ¶ စ သဟေတုကော စေဝ န စ ဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ – အလောဘံ ပဋိစ္စ အဒေါသော အမောဟော သမ္ပယုတ္တကာ စ ခန္ဓာ (စက္ကံ)။ လောဘံ ပဋိစ္စ မောဟော သမ္ပယုတ္တကာ စ ခန္ဓာ (စက္ကံ)၊ ပဋိသန္ဓိက္ခဏေ…ပေ…။ (၃)

၁၂၈။ သဟေတုကဉ္စေဝ ¶ န စ ဟေတုံ ဓမ္မံ ပဋိစ္စ သဟေတုကော စေဝ န စ ဟေတု ဓမ္မော ဥပ္ပဇ္ဇတိ ¶ ဟေတုပစ္စယာ – သဟေတုကဉ္စေဝ န စ ဟေတုံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။(၁)

သဟေတုကဉ္စေဝ န စ ဟေတုံ ဓမ္မံ ပဋိစ္စ ဟေတု စေဝ သဟေတုကော စ ဓမ္မော ဥပ္ပဇ္ဇတိ ဟေတုပစ္စယာ – သဟေတုကေ စေဝ န စ ဟေတူ ခန္ဓေ ပဋိစ္စ ဟေတူ၊ ပဋိသန္ဓိက္ခဏေ…ပေ…။ (၂)

သဟေတုကဉ္စေဝ န စ ဟေတုံ ဓမ္မံ ပဋိစ္စ ဟေတု စေဝ သဟေတုကော စ သဟေတုကော စေဝ န စ ဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ – သဟေတုကဉ္စေဝ န စ ဟေတုံ ဧကံ ခန္ဓံ ပဋိစ္စ တယော ခန္ဓာ ဟေတု စ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)

၁၂၉။ ဟေတုဉ္စေဝ သဟေတုကဉ္စ သဟေတုကဉ္စေဝ န စ ဟေတုဉ္စ ဓမ္မံ ပဋိစ္စ ဟေတု စေဝ သဟေတုကော စ ဓမ္မော ဥပ္ပဇ္ဇတိ ဟေတုပစ္စယာ – အလောဘဉ္စ သမ္ပယုတ္တကေ စ ခန္ဓေ ပဋိစ္စ အဒေါသော အမောဟော (စက္ကံ)။ လောဘဉ္စ သမ္ပယုတ္တကေ စ ခန္ဓေ ပဋိစ္စ မောဟော (စက္ကံ)၊ ပဋိသန္ဓိက္ခဏေ…ပေ…။ (၁)

ဟေတုဉ္စေဝ သဟေတုကဉ္စ သဟေတုကဉ္စေဝ န စ ဟေတုဉ္စ ဓမ္မံ ပဋိစ္စ သဟေတုကော စေဝ န စ ဟေတု ဓမ္မော ဥပ္ပဇ္ဇတိ ဟေတုပစ္စယာ – သဟေတုကဉ္စေဝ န စ ဟေတုံ ဧကံ ခန္ဓဉ္စ ဟေတုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၂)

ဟေတုဉ္စေဝ သဟေတုကဉ္စ သဟေတုကဉ္စေဝ န စ ဟေတုဉ္စ ဓမ္မံ ¶ ပဋိစ္စ ဟေတု စေဝ သဟေတုကော စ သဟေတုကော စေဝ န စ ဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ – သဟေတုကဉ္စေဝ န စ ဟေတုံ ဧကံ ခန္ဓဉ္စ အလောဘဉ္စ ပဋိစ္စ တယော ခန္ဓာ အဒေါသော အမောဟော စ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)

(သံခိတ္တံ။ ဧဝံ ဝိတ္ထာရေတဗ္ဗံ။)

၁။ ပစ္စယာနုလောမံ

၂။ သင်္ချာဝါရော

သုဒ္ဓံ

၁၃၀။ ဟေတုယာ နဝ၊ အာရမ္မဏေ နဝ၊ အဓိပတိယာ နဝ၊ အနန္တရေ နဝ…ပေ… (သဗ္ဗတ္ထ နဝ)၊ အဝိဂတေ နဝ (ဧဝံ ဂဏေတဗ္ဗံ)။

အနုလောမံ။

၂။ ပစ္စယပစ္စနီယံ

၁။ ဝိဘင်္ဂဝါရော

နအဓိပတိပစ္စယာဒိ

၁၃၁။ ဟေတုဉ္စေဝ ¶ ¶ သဟေတုကဉ္စ ဓမ္မံ ပဋိစ္စ ဟေတု စေဝ သဟေတုကော စ ဓမ္မော ဥပ္ပဇ္ဇတိ နအဓိပတိပစ္စယာ – အလောဘံ ပဋိစ္စ အဒေါသော အမောဟော (စက္ကံ)၊ ပဋိသန္ဓိက္ခဏေ…ပေ… (ပရိပုဏ္ဏံ နဝ)၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ။

နကမ္မပစ္စယာဒိ

၁၃၂။ ဟေတုဉ္စေဝ သဟေတုကဉ္စ ဓမ္မံ ပဋိစ္စ သဟေတုကော စေဝ န စ ဟေတု ဓမ္မော ဥပ္ပဇ္ဇတိ နကမ္မပစ္စယာ – ဟေတုံ ပဋိစ္စ သမ္ပယုတ္တကာ စေတနာ။ (၁)

သဟေတုကဉ္စေဝ န စ ဟေတုံ ဓမ္မံ ပဋိစ္စ သဟေတုကော စေဝ န စ ဟေတု ဓမ္မော ဥပ္ပဇ္ဇတိ နကမ္မပစ္စယာ – သဟေတုကေ စေဝ န စ ဟေတူ ခန္ဓေ ပဋိစ္စ သမ္ပယုတ္တကာ စေတနာ၊ ပဋိသန္ဓိက္ခဏေ…ပေ…။

ဟေတုဉ္စေဝ သဟေတုကဉ္စ သဟေတုကဉ္စေဝ န စ ဟေတုဉ္စ ဓမ္မံ ပဋိစ္စ သဟေတုကော စေဝ န စ ဟေတု ဓမ္မော ဥပ္ပဇ္ဇတိ နကမ္မပစ္စယာ – ဟေတုဉ္စ သမ္ပယုတ္တကေ စ ခန္ဓေ ပဋိစ္စ သမ္ပယုတ္တကာ စေတနာ… နဝိပါကပစ္စယာ… နဝိပ္ပယုတ္တပစ္စယာ။

၂။ ပစ္စယပစ္စနီယံ

၂။ သင်္ချာဝါရော

သုဒ္ဓံ

၁၃၃။ နအဓိပတိယာ ¶ နဝ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နဝိပ္ပယုတ္တေ နဝ (ဧဝံ ဂဏေတဗ္ဗံ)။

ပစ္စနီယံ။

၃။ ပစ္စယာနုလောမပစ္စနီယံ

ဟေတုဒုကံ

၁၃၄။ ဟေတုပစ္စယာ ¶ ¶ နအဓိပတိယာ နဝ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နဝိပ္ပယုတ္တေ နဝ (ဧဝံ ဂဏေတဗ္ဗံ)။

အနုလောမပစ္စနီယံ။

၄။ ပစ္စယပစ္စနီယာနုလောမံ

နအဓိပတိဒုကံ

၁၃၅။ နအဓိပတိပစ္စယာ ဟေတုယာ နဝ၊ အာရမ္မဏေ နဝ၊ အနန္တရေ နဝ…ပေ… အဝိဂတေ နဝ (ဧဝံ ဂဏေတဗ္ဗံ)။

ပစ္စနီယာနုလောမံ။

၂-၆။ သဟဇာတ-ပစ္စယ-နိဿယ-သံသဋ္ဌ-သမ္ပယုတ္တဝါရော

(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ။)

၇။ ပဉှာဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၁၃၆။ ဟေတု ¶ စေဝ သဟေတုကော စ ဓမ္မော ဟေတုဿ စေဝ သဟေတုကဿ စ ဓမ္မဿ ဟေတုပစ္စယေန ပစ္စယော – အလောဘော အဒေါသဿ အမောဟဿ ဟေတုပစ္စယေန ပစ္စယော (ယထာ ပဋိစ္စဝါရသဒိသံ)။ (၁)

ဟေတု စေဝ သဟေတုကော စ ဓမ္မော သဟေတုကဿ စေဝ န စ ဟေတုဿ ဓမ္မဿ ဟေတုပစ္စယေန ပစ္စယော – ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၂)

ဟေတု ¶ စေဝ သဟေတုကော စ ဓမ္မော ဟေတုဿ စေဝ သဟေတုကဿ စ သဟေတုကဿ စေဝ န စ ဟေတုဿ စ ဓမ္မဿ ¶ ဟေတုပစ္စယေန ပစ္စယော – အလောဘော အဒေါသဿ အမောဟဿ သမ္ပယုတ္တကာနဉ္စ ခန္ဓာနံ ဟေတုပစ္စယေန ပစ္စယော (ဝိတ္ထာရေတဗ္ဗံ)။ (၃)

အာရမ္မဏပစ္စယော

၁၃၇။ ဟေတု စေဝ သဟေတုကော စ ဓမ္မော ဟေတုဿ စေဝ သဟေတုကဿ စ ဓမ္မဿ အာရမ္မဏပစ္စယေန ပစ္စယော – ဟေတုံ အာရဗ္ဘ ဟေတူ ဥပ္ပဇ္ဇန္တိ။ (၁)

ဟေတု စေဝ သဟေတုကော စ ဓမ္မော သဟေတုကဿ စေဝ န စ ဟေတုဿ ဓမ္မဿ အာရမ္မဏပစ္စယေန ပစ္စယော – ဟေတုံ အာရဗ္ဘ သဟေတုကာ စေဝ န စ ဟေတူ ခန္ဓာ ဥပ္ပဇ္ဇန္တိ။ (၂)

ဟေတု စေဝ သဟေတုကော စ ဓမ္မော ဟေတုဿ စေဝ သဟေတုကဿ စ သဟေတုကဿ စေဝ န စ ဟေတုဿ ¶ စ ဓမ္မဿ အာရမ္မဏပစ္စယေန ပစ္စယော – ဟေတုံ အာရဗ္ဘ ဟေတူ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)

သဟေတုကော စေဝ န စ ဟေတု ဓမ္မော သဟေတုကဿ စေဝ န စ ဟေတုဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ၊ ပုဗ္ဗေ သုစိဏ္ဏာနိ ပစ္စဝေက္ခတိ။ ဈာနာ ဝုဋ္ဌဟိတွာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ၊ ဖလံ ပစ္စဝေက္ခန္တိ။ ပဟီနေ ကိလေသေ…ပေ… ဝိက္ခမ္ဘိတေ ကိလေသေ ပစ္စဝေက္ခန္တိ၊ ပုဗ္ဗေ သမုဒါစိဏ္ဏေ ကိလေသေ ဇာနန္တိ။ သဟေတုကေ စေဝ န စ ဟေတူ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ။ စေတောပရိယဉာဏေန သဟေတုကာ စေဝ န စ ဟေတုစိတ္တသမင်္ဂိဿ စိတ္တံ ဇာနာတိ၊ အာကာသာနဉ္စာယတနံ ဝိညာဏဉ္စာယတနဿ…ပေ… အာကိဉ္စညာယတနံ နေဝသညာနာသညာယတနဿ…ပေ… သဟေတုကာ စေဝ န စ ဟေတူ ခန္ဓာ ဣဒ္ဓိဝိဓဉာဏဿ၊ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ ¶ ၊ အနာဂတံသဉာဏဿ အာရမ္မဏပစ္စယေန ပစ္စယော။ (၁)

သဟေတုကော စေဝ န စ ဟေတု ဓမ္မော ဟေတုဿ စေဝ သဟေတုကဿ စ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ… (ယထာ ပဌမဂမနံ ဧဝံ နိန္နာနံ)။ (၂)

သဟေတုကော ¶ စေဝ န စ ဟေတု ဓမ္မော ဟေတုဿ စေဝ သဟေတုကဿ စ သဟေတုကဿ စေဝ န စ ဟေတုဿ စ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ… (ယထာ ပဌမဂမနံ ဧဝံ နိန္နာနံ)။ (၃)

၁၃၈။ ဟေတု စေဝ သဟေတုကော စ သဟေတုကော စေဝ န စ ဟေတု စ ဓမ္မာ ဟေတုဿ စေဝ သဟေတုကဿ စ ဓမ္မဿ အာရမ္မဏပစ္စယေန ပစ္စယော – ဟေတုဉ္စ သမ္ပယုတ္တကေ စ ခန္ဓေ အာရဗ္ဘ ဟေတူ ဥပ္ပဇ္ဇန္တိ။ (၁)

ဟေတု စေဝ သဟေတုကော စ သဟေတုကော စေဝ န စ ဟေတု စ ဓမ္မာ သဟေတုကဿ စေဝ န စ ဟေတုဿ ဓမ္မဿ အာရမ္မဏပစ္စယေန ပစ္စယော – ဟေတုဉ္စ သမ္ပယုတ္တကေ စ ခန္ဓေ အာရဗ္ဘ သဟေတုကာ စေဝ န စ ဟေတူ ခန္ဓာ ဥပ္ပဇ္ဇန္တိ။ (၂)

ဟေတု ¶ စေဝ သဟေတုကော စ သဟေတုကော စေဝ န စ ဟေတု စ ဓမ္မာ ဟေတုဿ စေဝ သဟေတုကဿ စ သဟေတုကဿ စေဝ န စ ဟေတုဿ စ ဓမ္မဿ အာရမ္မဏပစ္စယေန ပစ္စယော – ဟေတုဉ္စ သမ္ပယုတ္တကေ စ ခန္ဓေ အာရဗ္ဘ ဟေတူ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)

အဓိပတိပစ္စယော

၁၃၉။ ဟေတု စေဝ သဟေတုကော စ ဓမ္မော ဟေတုဿ စေဝ သဟေတုကဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ဟေတုံ ဂရုံ ကတွာ ဟေတူ ဥပ္ပဇ္ဇန္တိ။ သဟဇာတာဓိပတိ – ဟေတု စေဝ သဟေတုကာဓိပတိ သမ္ပယုတ္တကာနံ ဟေတူနံ အဓိပတိပစ္စယေန ပစ္စယော။ (၁)

ဟေတု စေဝ သဟေတုကော စ ဓမ္မော သဟေတုကဿ စေဝ န စ ဟေတုဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ဟေတုံ ဂရုံ ကတွာ သဟေတုကာ စေဝ န စ ဟေတူ ခန္ဓာ ဥပ္ပဇ္ဇန္တိ။ သဟဇာတာဓိပတိ – ဟေတု စေဝ သဟေတုကာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၂)

ဟေတု စေဝ သဟေတုကော စ ဓမ္မော ဟေတုဿ စေဝ သဟေတုကဿ စ သဟေတုကဿ စေဝ န စ ဟေတုဿ စ ဓမ္မဿ အဓိပတိပစ္စယေန ¶ ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ဟေတုံ ဂရုံ ကတွာ ¶ ဟေတူ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ သဟဇာတာဓိပတိ – ဟေတု စေဝ သဟေတုကာဓိပတိ သမ္ပယုတ္တကာနံ ခန္ဓာနံ ဟေတူနဉ္စ အဓိပတိပစ္စယေန ပစ္စယော။ (၃)

၁၄၀။ သဟေတုကော စေဝ န စ ဟေတု ဓမ္မော သဟေတုကဿ စေဝ န စ ဟေတုဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ၊ ပုဗ္ဗေ သုစိဏ္ဏာနိ…ပေ… ဈာနာ ဝုဋ္ဌဟိတွာ ဈာနံ ဂရုံ ကတွာ ပစ္စဝေက္ခတိ၊ အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ၊ ဖလံ ဂရုံ ကတွာ ပစ္စဝေက္ခန္တိ၊ သဟေတုကေ စေဝ န စ ဟေတူ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ¶ ဥပ္ပဇ္ဇတိ။ သဟဇာတာဓိပတိ – သဟေတုကော စေဝ န စ ဟေတု အဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)

သဟေတုကော စေဝ န စ ဟေတု ဓမ္မော ဟေတုဿ စေဝ သဟေတုကဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ဒါနံ ဒတွာ… (ပဌမဂမနံယေဝ)။ သဟဇာတာဓိပတိ – သဟေတုကော စေဝ န ¶ စ ဟေတု အဓိပတိ သမ္ပယုတ္တကာနံ ဟေတူနံ အဓိပတိပစ္စယေန ပစ္စယော။ (၂)

သဟေတုကော စေဝ န စ ဟေတု ဓမ္မော ဟေတုဿ စေဝ သဟေတုကဿ စ သဟေတုကဿ စေဝ န စ ဟေတုဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ဒါနံ ဒတွာ… (ပဌမဂမနံယေဝ)။ သဟဇာတာဓိပတိ – သဟေတုကော စေဝ န စ ဟေတု အဓိပတိ သမ္ပယုတ္တကာနံ ခန္ဓာနံ ဟေတူနဉ္စ အဓိပတိပစ္စယေန ပစ္စယော။ (၃)

၁၄၁။ ဟေတု စေဝ သဟေတုကော စ သဟေတုကော စေဝ န စ ဟေတု စ ဓမ္မာ ဟေတုဿ စေဝ သဟေတုကဿ စ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – ဟေတူ စ သမ္ပယုတ္တကေ စ ခန္ဓေ ဂရုံ ကတွာ ဟေတူ ဥပ္ပဇ္ဇန္တိ။ (၁)

ဟေတု စေဝ သဟေတုကော စ သဟေတုကော စေဝ န စ ဟေတု စ ဓမ္မာ သဟေတုကဿ စေဝ န စ ဟေတုဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ ¶ – ဟေတုဉ္စ သမ္ပယုတ္တကေ စ ခန္ဓေ ဂရုံ ကတွာ သဟေတုကာ စေဝ န စ ဟေတူ ခန္ဓာ ဥပ္ပဇ္ဇန္တိ။ (၂)

ဟေတု စေဝ သဟေတုကော စ သဟေတုကော စေဝ န စ ဟေတု စ ဓမ္မာ ဟေတုဿ စေဝ သဟေတုကဿ စ သဟေတုကဿ စေဝ န စ ဟေတုဿ စ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – ဟေတုဉ္စ သမ္ပယုတ္တကေ စ ခန္ဓေ ဂရုံ ကတွာ ဟေတူ စ သမ္ပယုတ္တကာ စ ခန္ဓာ ဥပ္ပဇ္ဇန္တိ။ (၃)

အနန္တရပစ္စယော

၁၄၂။ ဟေတု စေဝ သဟေတုကော စ ဓမ္မော ဟေတုဿ စေဝ သဟေတုကဿ စ ဓမ္မဿ အနန္တရပစ္စယေန ¶ ပစ္စယော – ပုရိမာ ပုရိမာ ဟေတူ ပစ္ဆိမာနံ ပစ္ဆိမာနံ ဟေတူနံ အနန္တရပစ္စယေန ပစ္စယော။ (၁)

ဟေတု စေဝ သဟေတုကော စ ဓမ္မော သဟေတုကဿ စေဝ န စ ဟေတုဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ¶ ဟေတူ ပစ္ဆိမာနံ ပစ္ဆိမာနံ သဟေတုကာနဉ္စေဝ န စ ဟေတူနံ ခန္ဓာနံ အနန္တရပစ္စယေန ပစ္စယော။ (၂)

ဟေတု စေဝ သဟေတုကော စ ဓမ္မော ဟေတုဿ စေဝ သဟေတုကဿ စ သဟေတုကဿ စေဝ န စ ဟေတုဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဟေတူ ပစ္ဆိမာနံ ပစ္ဆိမာနံ ဟေတူနံ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော။ (၃)

၁၄၃။ သဟေတုကော စေဝ န စ ဟေတု ဓမ္မော သဟေတုကဿ စေဝ န စ ဟေတုဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သဟေတုကာ စေဝ န စ ဟေတူ ခန္ဓာ ပစ္ဆိမာနံ ပစ္ဆိမာနံ သဟေတုကာနဉ္စေဝ န စ ဟေတူနံ ခန္ဓာနံ အနန္တရပစ္စယေန ပစ္စယော၊ အနုလောမံ ဂေါတြဘုဿ… အနုလောမံ ဝေါဒါနဿ…ပေ… နိရောဓာ ဝုဋ္ဌဟန္တဿ၊ နေဝသညာနာသညာယတနံ ဖလသမာပတ္တိယာ အနန္တရပစ္စယေန ပစ္စယော။ (၁)

သဟေတုကော စေဝ န စ ဟေတု ဓမ္မော ဟေတုဿ စေဝ သဟေတုကဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သဟေတုကာ စေဝ န စ ဟေတူ ခန္ဓာ ပစ္ဆိမာနံ ပစ္ဆိမာနံ ဟေတူနံ အနန္တရပစ္စယေန ပစ္စယော၊ အနုလောမံ ဂေါတြဘုဿ… (သံခိတ္တံ)။ (၂)

သဟေတုကော ¶ စေဝ န စ ဟေတု ဓမ္မော ဟေတုဿ စေဝ သဟေတုကဿ စ သဟေတုကဿ စေဝ န စ ဟေတုဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သဟေတုကာ စေဝ န စ ဟေတူ ခန္ဓာ ပစ္ဆိမာနံ ပစ္ဆိမာနံ ဟေတူနံ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော၊ အနုလောမံ ဂေါတြဘုဿ…ပေ…။ (၃)

(သဟေတုကော စေဝ န စ ဟေတုမူလကံ တီဏိပိ ဧကသဒိသာ။)

၁၄၄။ ဟေတု ¶ စေဝ သဟေတုကော စ သဟေတုကော စေဝ န စ ဟေတု စ ဓမ္မာ ဟေတုဿ စေဝ သဟေတုကဿ စ ဓမ္မဿ အနန္တရပစ္စယေန ပစ္စယော ¶ – ပုရိမာ ပုရိမာ ဟေတူ စ သမ္ပယုတ္တကာ စ ခန္ဓာ ပစ္ဆိမာနံ ပစ္ဆိမာနံ ဟေတူနံ အနန္တရပစ္စယေန ပစ္စယော။ (၁)

ဟေတု စေဝ သဟေတုကော စ သဟေတုကော စေဝ န စ ဟေတု စ ဓမ္မာ သဟေတုကဿ စေဝ န စ ဟေတုဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဟေတူ စ သမ္ပယုတ္တကာ စ ခန္ဓာ ပစ္ဆိမာနံ ပစ္ဆိမာနံ သဟေတုကာနဉ္စေဝ န စ ဟေတူနံ ခန္ဓာနံ အနန္တရပစ္စယေန ပစ္စယော။(၂)

ဟေတု စေဝ သဟေတုကော စ သဟေတုကော စေဝ န စ ဟေတု စ ဓမ္မာ ဟေတုဿ စေဝ သဟေတုကဿ စ သဟေတုကဿ စေဝ န စ ဟေတုဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ဟေတူ စ သမ္ပယုတ္တကာ စ ခန္ဓာ ပစ္ဆိမာနံ ပစ္ဆိမာနံ ဟေတူနံ သမ္ပယုတ္တကာနဉ္စ ခန္ဓာနံ အနန္တရပစ္စယေန ပစ္စယော။ (၃)

သဟဇာတပစ္စယာဒိ

၁၄၅။ ဟေတု စေဝ သဟေတုကော စ ဓမ္မော ဟေတုဿ စေဝ သဟေတုကဿ စ ဓမ္မဿ သဟဇာတပစ္စယေန ပစ္စယော… အညမညပစ္စယေန ပစ္စယော… နိဿယပစ္စယေန ပစ္စယော (တီဏိပိ ပစ္စယာ ပဋိစ္စဝါရေ ဟေတုသဒိသာ)။

ဥပနိဿယပစ္စယော

၁၄၆။ ဟေတု စေဝ သဟေတုကော စ ဓမ္မော ဟေတုဿ စေဝ သဟေတုကဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ဟေတူ ဟေတူနံ ဥပနိဿယပစ္စယေန ပစ္စယော။ (မူလံ ကာတဗ္ဗံ) ဟေတူ သဟေတုကာနဉ္စေဝ ¶ န စ ဟေတူနံ ခန္ဓာနံ ဥပနိဿယပစ္စယေန ပစ္စယော။ (မူလံ ကာတဗ္ဗံ) ဟေတူ ဟေတူနံ သမ္ပယုတ္တကာနဉ္စ ခန္ဓာနံ ဥပနိဿယပစ္စယေန ပစ္စယော (ဣမေသံ ဒွိန္နမ္ပိ ပဉှာနံ မူလာနိ ပုစ္ဆိတဗ္ဗာနိ)။

သဟေတုကော စေဝ န စ ဟေတု ဓမ္မော သဟေတုကဿ စေဝ န စ ဟေတုဿ စ ဓမ္မဿ ¶ ဥပနိဿယပစ္စယေန ¶ ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပာဒေတိ၊ မာနံ ဇပ္ပေတိ၊ ဒိဋ္ဌိံ ဂဏှာတိ၊ သီလံ…ပေ… ပတ္ထနံ ဥပနိဿာယ ဒါနံ ဒေတိ…ပေ… သင်္ဃံ ဘိန္ဒတိ၊ သဒ္ဓါ…ပေ… ပတ္ထနာ သဒ္ဓါယ…ပေ… ပတ္ထနာယ မဂ္ဂဿ ဖလသမာပတ္တိယာ ဥပနိဿယပစ္စယေန ပစ္စယော။ (၁)

(သဟေတုကော စေဝ န စ ဟေတုမူလကေ ဣမိနာကာရေန ဝိတ္ထာရေတဗ္ဗာ အဝသေသာ ဒွေ ပဉှာ။)

ဟေတု စေဝ သဟေတုကော စ သဟေတုကော စေဝ န စ ဟေတု စ ဓမ္မာ ဟေတုဿ စေဝ သဟေတုကဿ စ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ဟေတူ စ သမ္ပယုတ္တကာ စ ခန္ဓာ ဟေတူနံ ဥပနိဿယပစ္စယေန ပစ္စယော။ (ဒွေ မူလာနိ ပုစ္ဆိတဗ္ဗာနိ) ဟေတူ စ သမ္ပယုတ္တကာ စ ခန္ဓာ သဟေတုကာနဉ္စေဝ န စ ဟေတူနံ ခန္ဓာနံ ဥပနိဿယပစ္စယေန ပစ္စယော။ (မူလံ ပုစ္ဆိတဗ္ဗံ) ဟေတူ စ သမ္ပယုတ္တကာ စ ခန္ဓာ ဟေတူနံ သမ္ပယုတ္တကာနဉ္စ ခန္ဓာနံ ဥပနိဿယပစ္စယေန ပစ္စယော။ (၁)

အာသေဝနပစ္စယော

၁၄၇။ ဟေတု စေဝ သဟေတုကော စ ဓမ္မော ဟေတုဿ စေဝ သဟေတုကဿ စ ဓမ္မဿ အာသေဝနပစ္စယေန ပစ္စယော (အနန္တရသဒိသံ)။

ကမ္မပစ္စယော

၁၄၈။ သဟေတုကော စေဝ န စ ဟေတု ဓမ္မော သဟေတုကဿ စေဝ န စ ဟေတုဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – သဟေတုကာ စေဝ န စ ဟေတူ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ ¶ – သဟေတုကာ စေဝ န စ ဟေတူ စေတနာ ဝိပါကာနံ ¶ သဟေတုကာနဉ္စေဝ န စ ဟေတူနံ ခန္ဓာနံ ကမ္မပစ္စယေန ပစ္စယော။ (၁)

သဟေတုကော စေဝ န စ ဟေတု ဓမ္မော ဟေတုဿ စေဝ သဟေတုကဿ စ ဓမ္မဿ ကမ္မပစ္စယေန ပစ္စယော ¶ – သဟဇာတာ၊ နာနာက္ခဏိကာ။ သဟဇာတာ – သဟေတုကာ စေဝ န စ ဟေတူ စေတနာ သမ္ပယုတ္တကာနံ ဟေတူနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – သဟေတုကာ စေဝ န စ ဟေတူ စေတနာ ဝိပါကာနံ ဟေတူနံ ကမ္မပစ္စယေန ပစ္စယော။ (၂)

သဟေတုကော စေဝ န စ ဟေတု ဓမ္မော ဟေတုဿ စေဝ သဟေတုကဿ စ သဟေတုကဿ စေဝ န စ ဟေတုဿ စ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – သဟေတုကာ စေဝ န စ ဟေတူ စေတနာ သမ္ပယုတ္တကာနံ ခန္ဓာနံ ဟေတူနဉ္စ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – သဟေတုကာ စေဝ န စ ဟေတူ စေတနာ ဝိပါကာနံ ခန္ဓာနံ ဟေတူနဉ္စ ကမ္မပစ္စယေန ပစ္စယော။ (၃)

ဝိပါကပစ္စယော

၁၄၉။ ဟေတု စေဝ သဟေတုကော စ ဓမ္မော ဟေတုဿ စေဝ သဟေတုကဿ စ ဓမ္မဿ ဝိပါကပစ္စယေန ပစ္စယော – ဝိပါကော အလောဘော အဒေါသဿ အမောဟဿ စ ဝိပါကပစ္စယေန ပစ္စယော (စက္ကံ)၊ ပဋိသန္ဓိက္ခဏေ အလောဘော (ယထာ ဟေတုပစ္စယာ ဧဝံ ဝိတ္ထာရေတဗ္ဗံ၊ နဝပိ ဝိပါကန္တိ နိယာမေတဗ္ဗံ)။

အာဟာရပစ္စယာဒိ

၁၅၀။ သဟေတုကော စေဝ န စ ဟေတု ဓမ္မော သဟေတုကဿ စေဝ န စ ဟေတုဿ ဓမ္မဿ အာဟာရပစ္စယေန ပစ္စယော… တီဏိ။

ဟေတု စေဝ သဟေတုကော စ ဓမ္မော ဟေတုဿ စေဝ သဟေတုကဿ စ ဓမ္မဿ ဣန္ဒြိယပစ္စယေန ပစ္စယော (ဣန္ဒြိယန္တိ နိယာမေတဗ္ဗံ၊ နဝပိ ပရိပုဏ္ဏံ)။

သဟေတုကော စေဝ န စ ဟေတု ဓမ္မော သဟေတုကဿ စေဝ န စ ဟေတုဿ ဓမ္မဿ ¶ ဈာနပစ္စယေန ပစ္စယော… တီဏိ။

ဟေတု ¶ စေဝ သဟေတုကော စ ဓမ္မော ဟေတုဿ စေဝ သဟေတုကဿ စ ဓမ္မဿ မဂ္ဂပစ္စယေန ပစ္စယော ¶ … သမ္ပယုတ္တပစ္စယေန ပစ္စယော… အတ္ထိပစ္စယေန ပစ္စယော… နတ္ထိပစ္စယေန ပစ္စယော… ဝိဂတပစ္စယေန ပစ္စယော… အဝိဂတပစ္စယေန ပစ္စယော။

၁။ ပစ္စယာနုလောမံ

၂။ သင်္ချာဝါရော

သုဒ္ဓံ

၁၅၁။ ဟေတုယာ တီဏိ၊ အာရမ္မဏေ နဝ၊ အဓိပတိယာ နဝ၊ အနန္တရေ နဝ၊ သမနန္တရေ နဝ၊ သဟဇာတေ နဝ၊ အညမညေ နဝ၊ နိဿယေ နဝ၊ ဥပနိဿယေ နဝ၊ အာသေဝနေ နဝ၊ ကမ္မေ တီဏိ၊ ဝိပါကေ နဝ၊ အာဟာရေ တီဏိ၊ ဣန္ဒြိယေ နဝ၊ ဈာနေ တီဏိ၊ မဂ္ဂေ နဝ၊ သမ္ပယုတ္တေ နဝ၊ အတ္ထိယာ နဝ၊ နတ္ထိယာ နဝ၊ ဝိဂတေ နဝ၊ အဝိဂတေ နဝ (ဧဝံ ဂဏေတဗ္ဗံ)။

အနုလောမံ။

ပစ္စနီယုဒ္ဓါရော

၁၅၂။ ဟေတု စေဝ သဟေတုကော စ ဓမ္မော ဟေတုဿ စေဝ သဟေတုကဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)

ဟေတု စေဝ သဟေတုကော စ ဓမ္မော သဟေတုကဿ စေဝ န စ ဟေတုဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၂)

ဟေတု စေဝ သဟေတုကော စ ဓမ္မော ဟေတုဿ စေဝ သဟေတုကဿ စ သဟေတုကဿ စေဝ န စ ဟေတုဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)

၁၅၃။ သဟေတုကော စေဝ န စ ဟေတု ဓမ္မော သဟေတုကဿ ¶ စေဝ န စ ဟေတုဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၁)

သဟေတုကော ¶ ¶ စေဝ န စ ဟေတု ဓမ္မော ဟေတုဿ စေဝ သဟေတုကဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၂)

သဟေတုကော စေဝ န စ ဟေတု ဓမ္မော ဟေတုဿ စေဝ သဟေတုကဿ စ သဟေတုကဿ စေဝ န စ ဟေတုဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၃)

၁၅၄။ ဟေတု စေဝ သဟေတုကော စ သဟေတုကော စေဝ န စ ဟေတု စ ဓမ္မာ ဟေတုဿ စေဝ သဟေတုကဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၁)

ဟေတု စေဝ သဟေတုကော စ သဟေတုကော စေဝ န စ ဟေတု စ ဓမ္မာ သဟေတုကဿ စေဝ န စ ဟေတုဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၂)

ဟေတု စေဝ သဟေတုကော စ သဟေတုကော စေဝ န စ ဟေတု စ ဓမ္မာ ဟေတုဿ စေဝ သဟေတုကဿ စ သဟေတုကဿ စေဝ န စ ဟေတုဿ စ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော။ (၃)

၂။ ပစ္စယပစ္စနီယံ

၂။ သင်္ချာဝါရော

၁၅၅။ နဟေတုယာ နဝ (သံခိတ္တံ။ သဗ္ဗတ္ထ နဝ၊ ဧဝံ ဂဏေတဗ္ဗံ)။

ပစ္စနီယံ။

၃။ ပစ္စယာနုလောမပစ္စနီယံ

ဟေတုဒုကံ

၁၅၆။ ဟေတုပစ္စယာ ¶ နအာရမ္မဏေ တီဏိ၊ နအဓိပတိယာ တီဏိ၊ နအနန္တရေ ¶ တီဏိ၊ နသမနန္တရေ တီဏိ၊ နဥပနိဿယေ တီဏိ (သံခိတ္တံ။ သဗ္ဗတ္ထ တီဏိ) ¶ ၊ နမဂ္ဂေ တီဏိ၊ နောနတ္ထိယာ တီဏိ၊ နောဝိဂတေ တီဏိ (ဧဝံ ဂဏေတဗ္ဗံ)။

အနုလောမပစ္စနီယံ

၄။ ပစ္စယပစ္စနီယာနုလောမံ

နဟေတုဒုကံ

၁၅၇။ နဟေတုပစ္စယာ အာရမ္မဏေ နဝ၊ အဓိပတိယာ နဝ၊ အနန္တရေ နဝ၊ သမနန္တရေ နဝ၊ သဟဇာတေ တီဏိ၊ အညမညေ တီဏိ၊ နိဿယေ တီဏိ၊ ဥပနိဿယေ နဝ၊ အာသေဝနေ နဝ၊ ကမ္မေ တီဏိ၊ ဝိပါကေ တီဏိ၊ အာဟာရေ တီဏိ၊ ဣန္ဒြိယေ တီဏိ၊ ဈာနေ တီဏိ၊ မဂ္ဂေ တီဏိ၊ သမ္ပယုတ္တေ တီဏိ၊ အတ္ထိယာ တီဏိ၊ နတ္ထိယာ နဝ၊ ဝိဂတေ နဝ၊ အဝိဂတေ တီဏိ (ဧဝံ ဂဏေတဗ္ဗံ)။

ပစ္စနီယာနုလောမံ။

ဟေတုသဟေတုကဒုကံ နိဋ္ဌိတံ။

၅။ ဟေတုဟေတုသမ္ပယုတ္တဒုကံ

၁။ ပဋိစ္စဝါရော

၁၅၈။ ဟေတုဉ္စေဝ ¶ ဟေတုသမ္ပယုတ္တဉ္စ ဓမ္မံ ပဋိစ္စ ဟေတု စေဝ ဟေတုသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ – အလောဘံ ပဋိစ္စ အဒေါသော အမောဟော (စက္ကံ)။ လောဘံ ပဋိစ္စ မောဟော (စက္ကံ)၊ ပဋိသန္ဓိက္ခဏေ…ပေ… (ယထာ ဟေတုသဟေတုကဒုကံ ဧဝံ ဝိတ္ထာရေတဗ္ဗံ၊ နိန္နာနာကရဏံ)။

ဟေတုဟေတုသမ္ပယုတ္တဒုကံ နိဋ္ဌိတံ။

၆။ နဟေတုသဟေတုကဒုကံ

၁။ ပဋိစ္စဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၁၅၉။ နဟေတုံ ¶ ¶ ¶ သဟေတုကံ ဓမ္မံ ပဋိစ္စ နဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ – နဟေတုံ သဟေတုကံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)

နဟေတုံ သဟေတုကံ ဓမ္မံ ပဋိစ္စ နဟေတု အဟေတုကော ဓမ္မော ဥပ္ပဇ္ဇတိ ဟေတုပစ္စယာ – နဟေတူ သဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၂)

နဟေတုံ သဟေတုကံ ဓမ္မံ ပဋိစ္စ နဟေတု သဟေတုကော စ နဟေတု အဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – နဟေတုံ သဟေတုကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)

၁၆၀။ နဟေတုံ အဟေတုကံ ဓမ္မံ ပဋိစ္စ နဟေတု အဟေတုကော ဓမ္မော ဥပ္ပဇ္ဇတိ ဟေတုပစ္စယာ ¶ …ပေ… ဧကံ မဟာဘူတံ ပဋိစ္စ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)

နဟေတုံ အဟေတုကံ ဓမ္မံ ပဋိစ္စ နဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ နဟေတူ သဟေတုကာ ခန္ဓာ။ (၂)

နဟေတုံ အဟေတုကံ ဓမ္မံ ပဋိစ္စ နဟေတု သဟေတုကော စ နဟေတု အဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ နဟေတူ သဟေတုကာ ခန္ဓာ၊ မဟာဘူတေ ပဋိစ္စ ကဋတ္တာရူပံ။ (၃)

၁၆၁။ နဟေတုံ သဟေတုကဉ္စ နဟေတုံ အဟေတုကဉ္စ ဓမ္မံ ပဋိစ္စ နဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ – ပဋိသန္ဓိက္ခဏေ နဟေတုံ သဟေတုကံ ဧကံ ခန္ဓဉ္စ ¶ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ စ…ပေ…။ (၁)

နဟေတုံ သဟေတုကဉ္စ နဟေတုံ အဟေတုကဉ္စ ဓမ္မံ ပဋိစ္စ နဟေတု အဟေတုကော ဓမ္မော ဥပ္ပဇ္ဇတိ ဟေတုပစ္စယာ – နဟေတူ သဟေတုကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၂)

နဟေတုံ ¶ သဟေတုကဉ္စ နဟေတုံ အဟေတုကဉ္စ ဓမ္မံ ပဋိစ္စ နဟေတု သဟေတုကော စ နဟေတု အဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – ပဋိသန္ဓိက္ခဏေ နဟေတုံ သဟေတုကံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… နဟေတူ သဟေတုကေ ခန္ဓေ စ မဟာဘူတေ စ ပဋိစ္စ ကဋတ္တာရူပံ။ (၃)

အာရမ္မဏပစ္စယော

၁၆၂။ နဟေတုံ သဟေတုကံ ဓမ္မံ ပဋိစ္စ နဟေတု သဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – နဟေတုံ သဟေတုကံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)

နဟေတုံ ¶ အဟေတုကံ ဓမ္မံ ပဋိစ္စ နဟေတု အဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – နဟေတုံ အဟေတုကံ ဧကံ ခန္ဓံ ပဋိစ္စ တယော ခန္ဓာ…ပေ… ပဋိသန္ဓိက္ခဏေ…ပေ…။ (၂)

နဟေတုံ အဟေတုကံ ဓမ္မံ ပဋိစ္စ နဟေတု သဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ နဟေတူ သဟေတုကာ ခန္ဓာ။ (၃)

နဟေတုံ သဟေတုကဉ္စ နဟေတုံ အဟေတုကဉ္စ ဓမ္မံ ပဋိစ္စ နဟေတု သဟေတုကော ဓမ္မော ဥပ္ပဇ္ဇတိ အာရမ္မဏပစ္စယာ – ပဋိသန္ဓိက္ခဏေ နဟေတုံ သဟေတုကံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… (သံခိတ္တံ။ ဧဝံ ဝိဘဇိတဗ္ဗံ)။

၁။ ပစ္စယာနုလောမံ

၂။ သင်္ချာဝါရော

သုဒ္ဓံ

၁၆၃။ ဟေတုယာ နဝ၊ အာရမ္မဏေ စတ္တာရိ၊ အဓိပတိယာ ပဉ္စ၊ အနန္တရေ ¶ စတ္တာရိ၊ သမနန္တရေ စတ္တာရိ၊ သဟဇာတေ နဝ၊ အညမညေ ဆ၊ နိဿယေ နဝ၊ ဥပနိဿယေ စတ္တာရိ၊ ပုရေဇာတေ ဒွေ၊ အာသေဝနေ ဒွေ၊ ကမ္မေ နဝ၊ ဝိပါကေ နဝ၊ အာဟာရေ နဝ (သံခိတ္တံ။ သဗ္ဗတ္ထ နဝ)၊ သမ္ပယုတ္တေ စတ္တာရိ၊ ဝိပ္ပယုတ္တေ နဝ၊ အတ္ထိယာ နဝ၊ နတ္ထိယာ စတ္တာရိ၊ ဝိဂတေ စတ္တာရိ၊ အဝိဂတေ နဝ (ဧဝံ ဂဏေတဗ္ဗံ)။

အနုလောမံ။

၂။ ပစ္စယပစ္စနီယံ

၁။ ဝိဘင်္ဂဝါရော

နဟေတုပစ္စယော

၁၆၄။ နဟေတုံ ¶ အဟေတုကံ ဓမ္မံ ပဋိစ္စ နဟေတု အဟေတုကော ဓမ္မော ဥပ္ပဇ္ဇတိ နဟေတုပစ္စယာ ¶ – နဟေတုံ အဟေတုကံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ (ယာဝ အသညသတ္တာ မောဟော နတ္ထိ)။ (၁)

နအာရမ္မဏပစ္စယော

၁၆၅။ နဟေတုံ သဟေတုကံ ဓမ္မံ ပဋိစ္စ နဟေတု အဟေတုကော ဓမ္မော ဥပ္ပဇ္ဇတိ နအာရမ္မဏပစ္စယာ – နဟေတူ သဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၁)

နဟေတုံ အဟေတုကံ ဓမ္မံ ပဋိစ္စ နဟေတု အဟေတုကော ဓမ္မော ဥပ္ပဇ္ဇတိ နအာရမ္မဏပစ္စယာ – နဟေတူ အဟေတုကေ ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… (ယာဝ အသညသတ္တာ)။ (၁)

နဟေတုံ သဟေတုကဉ္စ နဟေတုံ အဟေတုကဉ္စ ဓမ္မံ ပဋိစ္စ နဟေတု အဟေတုကော ဓမ္မော ဥပ္ပဇ္ဇတိ နအာရမ္မဏပစ္စယာ – နဟေတူ သဟေတုကေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… (သံခိတ္တံ)။

၂။ ပစ္စယပစ္စနီယံ

၂။ သင်္ချာဝါရော

သုဒ္ဓံ

၁၆၆။ နဟေတုယာ ဧကံ၊ နအာရမ္မဏေ တီဏိ၊ နအဓိပတိယာ နဝ၊ နအနန္တရေ ¶ တီဏိ၊ နသမနန္တရေ တီဏိ၊ နအညမညေ တီဏိ၊ နဥပနိဿယေ တီဏိ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ ဒွေ၊ နဝိပါကေ ပဉ္စ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဧကံ၊ နမဂ္ဂေ ဧကံ၊ နသမ္ပယုတ္တေ တီဏိ၊ နဝိပ္ပယုတ္တေ ဒွေ၊ နောနတ္ထိယာ တီဏိ၊ နောဝိဂတေ တီဏိ (ဧဝံ ဂဏေတဗ္ဗံ)။

ပစ္စနီယံ။

၃။ ပစ္စယာနုလောမပစ္စနီယံ

ဟေတုဒုကံ

၁၆၇။ ဟေတုပစ္စယာ ¶ ¶ နအာရမ္မဏေ တီဏိ၊ နအဓိပတိယာ နဝ၊ နအနန္တရေ နဝ၊ နသမနန္တရေ နဝ၊ နအညမညေ နဝ၊ နဥပနိဿယေ တီဏိ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ ဧကံ၊ နဝိပါကေ ပဉ္စ၊ နသမ္ပယုတ္တေ တီဏိ၊ နဝိပ္ပယုတ္တေ ဧကံ၊ နောနတ္ထိယာ တီဏိ၊ နောဝိဂတေ တီဏိ (ဧဝံ ဂဏေတဗ္ဗံ)။

အနုလောမပစ္စနီယံ။

၄။ ပစ္စယပစ္စနီယာနုလောမံ

နဟေတုဒုကံ

၁၆၈။ နဟေတုပစ္စယာ အာရမ္မဏေ ဧကံ…ပေ… အာဟာရေ ဧကံ…ပေ… ဈာနေ ဧကံ၊ သမ္ပယုတ္တေ ဧကံ၊ ဝိပ္ပယုတ္တေ ဧကံ…ပေ… ဝိဂတေ ဧကံ၊ အဝိဂတေ ဧကံ (ဧဝံ ဂဏေတဗ္ဗံ)။

ပစ္စနီယာနုလောမံ။

၂။ သဟဇာတဝါရော

(သဟဇာတဝါရေပိ ဧဝံ ဂဏေတဗ္ဗံ။)

၃။ ပစ္စယဝါရော

၁-၄။ ပစ္စယာနုလောမာဒိ

၁၆၉။ နဟေတုံ ¶ သဟေတုကံ ဓမ္မံ ပစ္စယာ နဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ… တီဏိ။

နဟေတုံ အဟေတုကံ ဓမ္မံ ပစ္စယာ နဟေတု ¶ အဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဧကံ မဟာဘူတံ ပစ္စယာ တယော မဟာဘူတာ၊ မဟာဘူတေ ပစ္စယာ စိတ္တသမုဋ္ဌာနံ ရူပံ၊ ကဋတ္တာရူပံ၊ ဥပါဒါရူပံ။ (၁)

နဟေတုံ ¶ အဟေတုကံ ဓမ္မံ ပစ္စယာ နဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ နဟေတူ သဟေတုကာ ခန္ဓာ၊ ပဋိသန္ဓိက္ခဏေ…ပေ… (၂)

နဟေတုံ အဟေတုကံ ဓမ္မံ ပစ္စယာ နဟေတု သဟေတုကော စ နဟေတု အဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝတ္ထုံ ပစ္စယာ နဟေတူ သဟေတုကာ ခန္ဓာ၊ မဟာဘူတေ ပစ္စယာ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…(၃)

နဟေတုံ သဟေတုကဉ္စ နဟေတုံ အဟေတုကဉ္စ ဓမ္မံ ပစ္စယာ နဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ (ဃဋနာ တီဏိ၊ ပဝတ္တိပဋိသန္ဓိ ပရိပုဏ္ဏံ။ သံခိတ္တံ)။

၁၇၀။ ဟေတုယာ နဝ၊ အာရမ္မဏေ စတ္တာရိ…ပေ… အညမညေ ဆ…ပေ… ပုရေဇာတေ အာသေဝနေ စတ္တာရိ…ပေ… အဝိဂတေ နဝ (ဧဝံ ဂဏေတဗ္ဗံ)။

အနုလောမံ။

၁၇၁။ နဟေတုယာ ဧကံ၊ နအာရမ္မဏေ တီဏိ…ပေ… နောဝိဂတေ တီဏိ။

ပစ္စနီယံ။

၄။ နိဿယဝါရော

(နိဿယဝါရော ပစ္စယဝါရသဒိသော။)

၅။ သံသဋ္ဌဝါရော

၁-၄။ ပစ္စယာနုလောမာဒိ

၁၇၂။ နဟေတုံ ¶ သဟေတုကံ ဓမ္မံ သံသဋ္ဌော နဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ – နဟေတုံ သဟေတုကံ ဧကံ ခန္ဓံ…ပေ… ပဋိသန္ဓိက္ခဏေ…ပေ…။

၁၇၃။ ဟေတုယာ ¶ ဧကံ၊ အာရမ္မဏေ ဒွေ၊ အဓိပတိယာ ဧကံ၊ အနန္တရေ ဒွေ (သဗ္ဗတ္ထ ဒွေ)၊ မဂ္ဂေ ဧကံ…ပေ… အဝိဂတေ ဒွေ။

အနုလောမံ။

၁၇၄။ နဟေတုံ ¶ အဟေတုကံ ဓမ္မံ သံသဋ္ဌော နဟေတု အဟေတုကော ဓမ္မော ဥပ္ပဇ္ဇတိ နဟေတုပစ္စယာ – နဟေတုံ အဟေတုကံ ဧကံ ခန္ဓံ…ပေ… ပဋိသန္ဓိက္ခဏေ…ပေ…။

၁၇၅။ နဟေတုယာ ဧကံ၊ နအဓိပတိယာ ဒွေ၊ နပုရေဇာတေ ဒွေ၊ နပစ္ဆာဇာတေ ဒွေ၊ နအာသေဝနေ ဒွေ၊ နကမ္မေ ဒွေ၊ နဝိပါကေ ဒွေ၊ နဈာနေ ဧကံ၊ နမဂ္ဂေ ဧကံ၊ နဝိပ္ပယုတ္တေ ဒွေ။

ပစ္စနီယံ။

(ဧဝံ အဝသေသာပိ ဒွေ ဂဏနာ ဂဏေတဗ္ဗာ။)

၆။ သမ္ပယုတ္တဝါရော

(သမ္ပယုတ္တဝါရော သံသဋ္ဌဝါရသဒိသော)

၇။ ပဉှာဝါရော

၁။ ပစ္စယာနုလောမံ

၁။ ဝိဘင်္ဂဝါရော

အာရမ္မဏပစ္စယော

၁၇၆။ နဟေတု ¶ သဟေတုကော ဓမ္မော နဟေတုသဟေတုကဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ၊ ပုဗ္ဗေ သုစိဏ္ဏာနိ ပစ္စဝေက္ခတိ၊ ဈာနံ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ၊ ဖလံ ပစ္စဝေက္ခန္တိ၊ ပဟီနေ ကိလေသေ…ပေ… ဝိက္ခမ္ဘိတေ ကိလေသေ…ပေ… ပုဗ္ဗေ…ပေ… နဟေတူ သဟေတုကေ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ကုသလာကုသလေ နိရုဒ္ဓေ နဟေတု သဟေတုကော ဝိပါကော တဒါရမ္မဏတာ ဥပ္ပဇ္ဇတိ၊ စေတောပရိယဉာဏေန နဟေတုသဟေတုကစိတ္တသမင်္ဂိဿ ¶ စိတ္တံ ဇာနာတိ၊ အာကာသာနဉ္စာယတနံ…ပေ… အာကိဉ္စညာယတနံ…ပေ… နဟေတူ သဟေတုကာ ခန္ဓာ ဣဒ္ဓိဝိဓဉာဏဿ၊ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ၊ အနာဂတံသဉာဏဿ၊ အာရမ္မဏပစ္စယေန ပစ္စယော၊ နဟေတူ သဟေတုကေ ခန္ဓေ အာရဗ္ဘ နဟေတူ သဟေတုကာ ခန္ဓာ ဥပ္ပဇ္ဇန္တိ။ (၁)

နဟေတု သဟေတုကော ဓမ္မော နဟေတုအဟေတုကဿ ဓမ္မဿ အာရမ္မဏပစ္စယေန ပစ္စယော – နဟေတူ သဟေတုကေ ခန္ဓေ အနိစ္စတော…ပေ… ဒေါမနဿံ ¶ ဥပ္ပဇ္ဇတိ၊ ကုသလာကုသလေ နိရုဒ္ဓေ နဟေတု အဟေတုကော ဝိပါကော တဒါရမ္မဏတာ ဥပ္ပဇ္ဇတိ၊ နဟေတူ သဟေတုကေ ခန္ဓေ အာရဗ္ဘ နဟေတူ အဟေတုကာ ခန္ဓာ ဥပ္ပဇ္ဇန္တိ။ (၂)

၁၇၇။ နဟေတု ¶ အဟေတုကော ဓမ္မော နဟေတုအဟေတုကဿ ဓမ္မဿ အာရမ္မဏပစ္စယေန ပစ္စယော – နိဗ္ဗာနံ အာဝဇ္ဇနာယ အာရမ္မဏပစ္စယေန ပစ္စယော၊ စက္ခုံ…ပေ… ဝတ္ထုံ… နဟေတူ အဟေတုကေ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ကုသလာကုသလေ နိရုဒ္ဓေ နဟေတု အဟေတုကော ဝိပါကော တဒါရမ္မဏတာ ဥပ္ပဇ္ဇတိ။ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… နဟေတူ အဟေတုကေ ခန္ဓေ အာရဗ္ဘ နဟေတူ အဟေတုကာ ခန္ဓာ ဥပ္ပဇ္ဇန္တိ။ (၁)

နဟေတု အဟေတုကော ဓမ္မော နဟေတုသဟေတုကဿ ဓမ္မဿ အာရမ္မဏပစ္စယေန ပစ္စယော – အရိယာ နိဗ္ဗာနံ ပစ္စဝေက္ခန္တိ၊ နိဗ္ဗာနံ ဂေါတြဘုဿ၊ ဝေါဒါနဿ၊ မဂ္ဂဿ၊ ဖလဿ အာရမ္မဏပစ္စယေန ပစ္စယော၊ စက္ခုံ…ပေ… ဝတ္ထုံ… နဟေတူ အဟေတုကေ ခန္ဓေ အနိစ္စတော ¶ …ပေ… ဒေါမနဿံ ဥပ္ပဇ္ဇတိ၊ ကုသလာကုသလေ နိရုဒ္ဓေ နဟေတု သဟေတုကော ဝိပါကော တဒါရမ္မဏတာ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ။ စေတောပရိယဉာဏေန နဟေတုအဟေတုကစိတ္တသမင်္ဂိဿ စိတ္တံ ဇာနာတိ။ နဟေတူ အဟေတုကာ ခန္ဓာ ဣဒ္ဓိဝိဓဉာဏဿ၊ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ အနာဂတံသဉာဏဿ၊ အာရမ္မဏပစ္စယေန ပစ္စယော၊ နဟေတူ အဟေတုကေ ခန္ဓေ အာရဗ္ဘ နဟေတူ သဟေတုကာ ခန္ဓာ ဥပ္ပဇ္ဇန္တိ။ (၂)

အဓိပတိပစ္စယော

၁၇၈။ နဟေတု သဟေတုကော ဓမ္မော နဟေတုသဟေတုကဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ဒါနံ ဒတွာ သီလံ သမာဒိယိတွာ ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ၊ ပုဗ္ဗေ သုစိဏ္ဏာနိ ဂရုံ ကတွာ ပစ္စဝေက္ခတိ၊ ဈာနံ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ၊ ဖလံ ဂရုံ ကတွာ ပစ္စဝေက္ခန္တိ။ နဟေတူ သဟေတုကေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ သဟဇာတာဓိပတိ – နဟေတုသဟေတုကာဓိပတိ ¶ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)

နဟေတု သဟေတုကော ဓမ္မော နဟေတုအဟေတုကဿ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – နဟေတု သဟေတုကာဓိပတိ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၂)

နဟေတု ¶ သဟေတုကော ဓမ္မော နဟေတုသဟေတုကဿ စ နဟေတုအဟေတုကဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – နဟေတု သဟေတုကာဓိပတိ သမ္ပယုတ္တကာနံ ¶ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)

နဟေတု အဟေတုကော ဓမ္မော နဟေတုသဟေတုကဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – အရိယာ နိဗ္ဗာနံ ဂရုံ ကတွာ ပစ္စဝေက္ခန္တိ၊ နိဗ္ဗာနံ ဂေါတြဘုဿ၊ ဝေါဒါနဿ၊ မဂ္ဂဿ၊ ဖလဿ အဓိပတိပစ္စယေန ပစ္စယော၊ စက္ခုံ…ပေ… ဝတ္ထုံ… နဟေတူ အဟေတုကေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ (၁)

အနန္တရပစ္စယော

၁၇၉။ နဟေတု သဟေတုကော ဓမ္မော နဟေတုသဟေတုကဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ နဟေတူ သဟေတုကာ ခန္ဓာ ပစ္ဆိမာနံ ပစ္ဆိမာနံ နဟေတုသဟေတုကာနံ ခန္ဓာနံ အနန္တရပစ္စယေန ပစ္စယော၊ အနုလောမံ ဂေါတြဘုဿ…ပေ… နေဝသညာနာသညာယတနံ ဖလသမာပတ္တိယာ အနန္တရပစ္စယေန ပစ္စယော။ (၁)

နဟေတု သဟေတုကော ဓမ္မော နဟေတုအဟေတုကဿ ဓမ္မဿ အနန္တရပစ္စယေန ပစ္စယော – နဟေတု သဟေတုကံ စုတိစိတ္တံ နဟေတုအဟေတုကဿ ဥပပတ္တိစိတ္တဿ အနန္တရပစ္စယေန ပစ္စယော၊ နဟေတု သဟေတုကံ ဘဝင်္ဂံ အာဝဇ္ဇနာယ၊ နဟေတု သဟေတုကံ ဘဝင်္ဂံ နဟေတုအဟေတုကဿ ဘဝင်္ဂဿ၊ နဟေတူ သဟေတုကာ ခန္ဓာ နဟေတုအဟေတုကဿ ဝုဋ္ဌာနဿ အနန္တရပစ္စယေန ပစ္စယော။ (၂)

နဟေတု အဟေတုကော ဓမ္မော နဟေတုအဟေတုကဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ နဟေတူ အဟေတုကာ ခန္ဓာ ပစ္ဆိမာနံ ပစ္ဆိမာနံ ¶ နဟေတုအဟေတုကာနံ ခန္ဓာနံ အနန္တရပစ္စယေန ပစ္စယော၊ အာဝဇ္ဇနာ ပဉ္စန္နံ ဝိညာဏာနံ အနန္တရပစ္စယေန ¶ ပစ္စယော။ (၁)

နဟေတု အဟေတုကော ဓမ္မော နဟေတုသဟေတုကဿ ဓမ္မဿ အနန္တရပစ္စယေန ပစ္စယော – နဟေတု အဟေတုကံ စုတိစိတ္တံ နဟေတုသဟေတုကဿ ဥပပတ္တိစိတ္တဿ အနန္တရပစ္စယေန ပစ္စယော၊ အာဝဇ္ဇနာ နဟေတုသဟေတုကာနံ ¶ ခန္ဓာနံ အနန္တရပစ္စယေန ပစ္စယော၊ နဟေတူ အဟေတုကာ ခန္ဓာ နဟေတုသဟေတုကဿ ဝုဋ္ဌာနဿ အနန္တရပစ္စယေန ပစ္စယော။ (၂)

သမနန္တရပစ္စယာဒိ

၁၈၀။ နဟေတု သဟေတုကော ဓမ္မော နဟေတုသဟေတုကဿ ဓမ္မဿ သမနန္တရပစ္စယေန ပစ္စယော… သဟဇာတပစ္စယေန ပစ္စယော (ဣဟ ဃဋနာ နတ္ထိ၊ သတ္တ ပဉှာ)… အညမညပစ္စယေန ပစ္စယော (ဆ ပဉှာ)… နိဿယပစ္စယေန ပစ္စယော (ပဝတ္တိပဋိသန္ဓိ သတ္တ ပဉှာ၊ ဣဟ ဃဋနာ နတ္ထိ)။

ဥပနိဿယပစ္စယော

၁၈၁။ နဟေတု သဟေတုကော ဓမ္မော နဟေတုသဟေတုကဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ…ပေ… မာနံ ဇပ္ပေတိ၊ ဒိဋ္ဌိံ ဂဏှာတိ၊ သီလံ…ပေ… ပတ္ထနံ ဥပနိဿာယ ဒါနံ ဒေတိ…ပေ… သင်္ဃံ ဘိန္ဒတိ၊ သဒ္ဓါ…ပေ… ပတ္ထနာ သဒ္ဓါယ…ပေ… ပတ္ထနာယ မဂ္ဂဿ ဖလသမာပတ္တိယာ ဥပနိဿယပစ္စယေန ပစ္စယော။ (၁)

နဟေတု သဟေတုကော ဓမ္မော နဟေတုအဟေတုကဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – သဒ္ဓါ ကာယိကဿ သုခဿ၊ ကာယိကဿ ဒုက္ခဿ ဥပနိဿယပစ္စယေန ပစ္စယော၊ သီလံ…ပေ… ပတ္ထနာ ကာယိကဿ သုခဿ၊ ကာယိကဿ ¶ ဒုက္ခဿ ဥပနိဿယပစ္စယေန ပစ္စယော၊ သဒ္ဓါ…ပေ… ပတ္ထနာ ကာယိကဿ သုခဿ၊ ကာယိကဿ ဒုက္ခဿ ဥပနိဿယပစ္စယေန ပစ္စယော။ (၂)

၁၈၂။ နဟေတု အဟေတုကော ဓမ္မော နဟေတုအဟေတုကဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ကာယိကံ သုခံ ကာယိကဿ သုခဿ၊ ကာယိကဿ ဒုက္ခဿ ¶ ဥပနိဿယပစ္စယေန ပစ္စယော၊ ကာယိကံ ဒုက္ခံ… ဥတု… ဘောဇနံ… သေနာသနံ ကာယိကဿ သုခဿ၊ ကာယိကဿ ဒုက္ခဿ ဥပနိဿယပစ္စယေန ပစ္စယော၊ ကာယိကံ သုခံ… ကာယိကံ ဒုက္ခံ… ဥတု… ဘောဇနံ… သေနာသနံ ကာယိကဿ သုခဿ၊ ကာယိကဿ ဒုက္ခဿ ဥပနိဿယပစ္စယေန ပစ္စယော။ (၁)

နဟေတု ¶ အဟေတုကော ဓမ္မော နဟေတုသဟေတုကဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ကာယိကံ သုခံ ဥပနိဿာယ ဒါနံ ဒေတိ…ပေ… သင်္ဃံ ဘိန္ဒတိ၊ ကာယိကံ ဒုက္ခံ… ဥတုံ… ဘောဇနံ… သေနာသနံ ဥပနိဿာယ ဒါနံ ဒေတိ…ပေ… သင်္ဃံ ဘိန္ဒတိ၊ ကာယိကံ သုခံ …ပေ… သေနာသနံ သဒ္ဓါယ…ပေ… ပတ္ထနာယ မဂ္ဂဿ ဖလသမာပတ္တိယာ ဥပနိဿယပစ္စယေန ပစ္စယော။ (၂)

ပုရေဇာတပစ္စယော

၁၈၃။ နဟေတု အဟေတုကော ဓမ္မော နဟေတုအဟေတုကဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ကုသလာကုသလေ နိရုဒ္ဓေ နဟေတု အဟေတုကော ဝိပါကော တဒါရမ္မဏတာ ဥပ္ပဇ္ဇတိ၊ ရူပါယတနံ စက္ခုဝိညာဏဿ ပုရေဇာတပစ္စယေန ပစ္စယော…ပေ… ဖောဋ္ဌဗ္ဗာယတနံ ကာယဝိညာဏဿ ပုရေဇာတပစ္စယေန ¶ ပစ္စယော။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ… ဝတ္ထု နဟေတုအဟေတုကာနံ ခန္ဓာနံ ပုရေဇာတပစ္စယေန ပစ္စယော။ (၁)

နဟေတု အဟေတုကော ဓမ္မော နဟေတုသဟေတုကဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ကုသလာကုသလေ နိရုဒ္ဓေ နဟေတု သဟေတုကော ဝိပါကော တဒါရမ္မဏတာ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ။ ဝတ္ထုပုရေဇာတံ – ဝတ္ထု နဟေတုသဟေတုကာနံ ခန္ဓာနံ ပုရေဇာတပစ္စယေန ပစ္စယော။ (၂)

ပစ္ဆာဇာတပစ္စယော

၁၈၄။ နဟေတု ¶ သဟေတုကော ဓမ္မော နဟေတုအဟေတုကဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ နဟေတူ သဟေတုကာ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)

နဟေတု ¶ အဟေတုကော ဓမ္မော နဟေတုအဟေတုကဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ နဟေတူ အဟေတုကာ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)

အာသေဝနပစ္စယော

၁၈၅။ နဟေတု သဟေတုကော ဓမ္မော နဟေတုသဟေတုကဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ နဟေတူ သဟေတုကာ ခန္ဓာ ပစ္ဆိမာနံ ပစ္ဆိမာနံ နဟေတုသဟေတုကာနံ ခန္ဓာနံ အာသေဝနပစ္စယေန ပစ္စယော… အနုလောမံ ဂေါတြဘုဿ… အနုလောမံ ဝေါဒါနဿ… ဂေါတြဘု မဂ္ဂဿ… ဝေါဒါနံ မဂ္ဂဿ အာသေဝနပစ္စယေန ပစ္စယော။ (၁)

နဟေတု အဟေတုကော ဓမ္မော နဟေတုအဟေတုကဿ ဓမ္မဿ အာသေဝနပစ္စယေန ပစ္စယော – ပုရိမာ ¶ ပုရိမာ နဟေတူ အဟေတုကာ ခန္ဓာ ပစ္ဆိမာနံ ပစ္ဆိမာနံ နဟေတုအဟေတုကာနံ ခန္ဓာနံ အာသေဝနပစ္စယေန ပစ္စယော။ (၁)

ကမ္မပစ္စယော

၁၈၆။ နဟေတု သဟေတုကော ဓမ္မော နဟေတုသဟေတုကဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – နဟေတု သဟေတုကာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – နဟေတု သဟေတုကာ စေတနာ ဝိပါကာနံ နဟေတုသဟေတုကာနံ ခန္ဓာနံ ကမ္မပစ္စယေန ပစ္စယော။ (၁)

နဟေတု သဟေတုကော ဓမ္မော နဟေတုအဟေတုကဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – နဟေတု သဟေတုကာ စေတနာ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – နဟေတု သဟေတုကာ စေတနာ ဝိပါကာနံ နဟေတုအဟေတုကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၁)

နဟေတု ¶ သဟေတုကော ဓမ္မော နဟေတုသဟေတုကဿ စ နဟေတုအဟေတုကဿ စ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – နဟေတု သဟေတုကာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ ¶ – နဟေတု သဟေတုကာ စေတနာ ဝိပါကာနံ နဟေတုသဟေတုကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၁)

နဟေတု အဟေတုကော ဓမ္မော နဟေတုအဟေတုကဿ ဓမ္မဿ ကမ္မပစ္စယေန ပစ္စယော။ သဟဇာတာ – နဟေတု အဟေတုကာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ နဟေတု အဟေတုကာ စေတနာ သမ္ပယုတ္တကာနံ ¶ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၁)

ဝိပါကပစ္စယော

၁၈၇။ နဟေတု သဟေတုကော ဓမ္မော နဟေတုသဟေတုကဿ ဓမ္မဿ ဝိပါကပစ္စယေန ပစ္စယော… တီဏိ။

နဟေတု အဟေတုကော ဓမ္မော နဟေတုအဟေတုကဿ ဓမ္မဿ ဝိပါကပစ္စယေန ပစ္စယော… ဧကံ။

အာဟာရပစ္စယော

၁၈၈။ နဟေတု သဟေတုကော ဓမ္မော နဟေတုသဟေတုကဿ ဓမ္မဿ အာဟာရပစ္စယေန ပစ္စယော… တီဏိ။

နဟေတု အဟေတုကော ဓမ္မော နဟေတုအဟေတုကဿ ဓမ္မဿ အာဟာရပစ္စယေန ပစ္စယော – နဟေတု အဟေတုကာ အာဟာရာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အာဟာရပစ္စယေန ပစ္စယော၊ ပဋိသန္ဓိက္ခဏေ…ပေ… ကဗဠီကာရော အာဟာရော ဣမဿ ကာယဿ အာဟာရပစ္စယေန ပစ္စယော။ (၁)

ဣန္ဒြိယပစ္စယော

၁၈၉။ နဟေတု သဟေတုကော ဓမ္မော နဟေတုသဟေတုကဿ ဓမ္မဿ ဣန္ဒြိယပစ္စယေန ပစ္စယော… တီဏိ။

နဟေတု ¶ အဟေတုကော ဓမ္မော နဟေတုအဟေတုကဿ ဓမ္မဿ ဣန္ဒြိယပစ္စယေန ပစ္စယော – နဟေတု အဟေတုကာ ¶ ဣန္ဒြိယာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဣန္ဒြိယပစ္စယေန ပစ္စယော၊ ပဋိသန္ဓိက္ခဏေ…ပေ… ရူပဇီဝိတိန္ဒြိယံ ကဋတ္တာရူပါနံ ဣန္ဒြိယပစ္စယေန ပစ္စယော။

ဈာနပစ္စယာဒိ

၁၉၀။ နဟေတု သဟေတုကော ဓမ္မော နဟေတုသဟေတုကဿ ဓမ္မဿ ဈာနပစ္စယေန ပစ္စယော…ပေ… (စတ္တာရိပိ ကာတဗ္ဗာနိ)၊ မဂ္ဂပစ္စယေန ပစ္စယော… တီဏိ။

သမ္ပယုတ္တပစ္စယော

၁၉၁။ နဟေတု သဟေတုကော ဓမ္မော နဟေတုသဟေတုကဿ ဓမ္မဿ သမ္ပယုတ္တပစ္စယေန ¶ ပစ္စယော – နဟေတု သဟေတုကော ဧကော ခန္ဓော တိဏ္ဏန္နံ ခန္ဓာနံ…ပေ… ပဋိသန္ဓိက္ခဏေ…ပေ…။ (၁)

နဟေတု အဟေတုကော ဓမ္မော နဟေတုအဟေတုကဿ ဓမ္မဿ သမ္ပယုတ္တပစ္စယေန ပစ္စယော – နဟေတု အဟေတုကော ဧကော ခန္ဓော တိဏ္ဏန္နံ ခန္ဓာနံ…ပေ… ပဋိသန္ဓိက္ခဏေ…ပေ…။ (၂)

ဝိပ္ပယုတ္တပစ္စယော

၁၉၂။ နဟေတု သဟေတုကော ဓမ္မော နဟေတုအဟေတုကဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – နဟေတူ သဟေတုကာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ…ပေ…။ ပစ္ဆာဇာတာ – နဟေတူ သဟေတုကာ ခန္ဓာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)

နဟေတု အဟေတုကော ဓမ္မော နဟေတုအဟေတုကဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ။ သဟဇာတာ – နဟေတူ အဟေတုကာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ…ပေ… ခန္ဓာ ဝတ္ထုဿ ဝိပ္ပယုတ္တပစ္စယေန ပစ္စယော၊ ဝတ္ထု ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု နဟေတုသဟေတုကာနံ ခန္ဓာနံ ဝိပ္ပယုတ္တပစ္စယေန ပစ္စယော ¶ ။ ပစ္ဆာဇာတာ – နဟေတူ အဟေတုကာ ¶ ခန္ဓာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)

နဟေတု အဟေတုကော ဓမ္မော နဟေတုသဟေတုကဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု နဟေတုသဟေတုကာနံ ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ ¶ – ဝတ္ထု နဟေတုသဟေတုကာနံ ခန္ဓာနံ ဝိပ္ပယုတ္တပစ္စယေန ပစ္စယော။ (၂)

အတ္ထိပစ္စယော

၁၉၃။ နဟေတု သဟေတုကော ဓမ္မော နဟေတုသဟေတုကဿ ဓမ္မဿ အတ္ထိပစ္စယေန ပစ္စယော – နဟေတု သဟေတုကော ဧကော ခန္ဓော တိဏ္ဏန္နံ ခန္ဓာနံ…ပေ… ပဋိသန္ဓိက္ခဏေ…ပေ…။ (၁)

နဟေတု သဟေတုကော ဓမ္မော နဟေတုအဟေတုကဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ…ပေ…။ (၂)

နဟေတု သဟေတုကော ဓမ္မော နဟေတုသဟေတုကဿ စ နဟေတုအဟေတုကဿ စ ဓမ္မဿ အတ္ထိပစ္စယေန ပစ္စယော – နဟေတု သဟေတုကော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ပဋိသန္ဓိက္ခဏေ…ပေ…။ (၃)

နဟေတု အဟေတုကော ဓမ္မော နဟေတုအဟေတုကဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတော – နဟေတု အဟေတုကော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… (ယာဝ အသညသတ္တာ)။ ပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ကုသလာကုသလေ နိရုဒ္ဓေ နဟေတု အဟေတုကော ဝိပါကော တဒါရမ္မဏတာ ဥပ္ပဇ္ဇတိ၊ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… စက္ခာယတနံ…ပေ… ကာယာယတနံ…ပေ… ဝတ္ထု နဟေတုအဟေတုကာနံ ခန္ဓာနံ အတ္ထိပစ္စယေန ပစ္စယော။ ပစ္ဆာဇာတာ – နဟေတူ အဟေတုကာ ခန္ဓာ ပုရေဇာတဿ…ပေ… ကဗဠီကာရော အာဟာရော ဣမဿ ကာယဿ…ပေ… ရူပဇီဝိတိန္ဒြိယံ ကဋတ္တာရူပါနံ အတ္ထိပစ္စယေန ပစ္စယော။ (၁)

နဟေတု ¶ အဟေတုကော ဓမ္မော နဟေတုသဟေတုကဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု ¶ ¶ နဟေတုသဟေတုကာနံ ခန္ဓာနံ အတ္ထိပစ္စယေန ပစ္စယော။ ပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ကုသလာကုသလေ နိရုဒ္ဓေ နဟေတု သဟေတုကော ဝိပါကော တဒါရမ္မဏတာ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ။ ဝတ္ထုပုရေဇာတံ – ဝတ္ထု နဟေတုသဟေတုကာနံ ခန္ဓာနံ အတ္ထိပစ္စယေန ပစ္စယော။ (၂)

၁၉၄။ နဟေတု သဟေတုကော စ နဟေတု အဟေတုကော စ ဓမ္မာ နဟေတုသဟေတုကဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – နဟေတု သဟေတုကော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ…ပေ… ပဋိသန္ဓိက္ခဏေ…ပေ… နဟေတု သဟေတုကော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ…ပေ…။ (၁)

နဟေတု သဟေတုကော စ နဟေတု အဟေတုကော စ ဓမ္မာ နဟေတုအဟေတုကဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတာ – နဟေတူ သဟေတုကာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ ပဋိသန္ဓိက္ခဏေ…ပေ…။ ပစ္ဆာဇာတာ – နဟေတူ သဟေတုကာ ခန္ဓာ စ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – နဟေတူ သဟေတုကာ ခန္ဓာ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော…ပေ…။ (၂)

၁။ ပစ္စယာနုလောမံ

၂။ သင်္ချာဝါရော

သုဒ္ဓံ

၁၉၅။ အာရမ္မဏေ စတ္တာရိ၊ အဓိပတိယာ စတ္တာရိ၊ အနန္တရေ စတ္တာရိ၊ သမနန္တရေ စတ္တာရိ၊ သဟဇာတေ သတ္တ၊ အညမညေ ဆ၊ နိဿယေ သတ္တ၊ ဥပနိဿယေ စတ္တာရိ၊ ပုရေဇာတေ ဒွေ၊ ပစ္ဆာဇာတေ ဒွေ၊ အာသေဝနေ ဒွေ၊ ကမ္မေ စတ္တာရိ၊ ဝိပါကေ စတ္တာရိ၊ အာဟာရေ စတ္တာရိ၊ ဣန္ဒြိယေ စတ္တာရိ၊ ဈာနေ စတ္တာရိ ¶ ၊ မဂ္ဂေ တီဏိ၊ သမ္ပယုတ္တေ ဒွေ၊ ဝိပ္ပယုတ္တေ တီဏိ၊ အတ္ထိယာ သတ္တ၊ နတ္ထိယာ စတ္တာရိ၊ ဝိဂတေ ¶ စတ္တာရိ၊ အဝိဂတေ သတ္တ (ဧဝံ ဂဏေတဗ္ဗံ)

အနုလောမံ။

ပစ္စနီယုဒ္ဓါရော

၁၉၆။ နဟေတု ¶ သဟေတုကော ဓမ္မော နဟေတုသဟေတုကဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၁)

နဟေတု သဟေတုကော ဓမ္မော နဟေတုအဟေတုကဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော။ (၂)

နဟေတု သဟေတုကော ဓမ္မော နဟေတုသဟေတုကဿ စ နဟေတုအဟေတုကဿ စ ဓမ္မဿ သဟဇာတပစ္စယေန ပစ္စယော… ကမ္မပစ္စယေန ပစ္စယော။ (၃)

၁၉၇။ နဟေတု အဟေတုကော ဓမ္မော နဟေတုအဟေတုကဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော ¶ … အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)

နဟေတု အဟေတုကော ဓမ္မော နဟေတုသဟေတုကဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၂)

၁၉၈။ နဟေတု သဟေတုကော စ နဟေတု အဟေတုကော စ ဓမ္မာ နဟေတုသဟေတုကဿ ဓမ္မဿ သဟဇာတံ… ပုရေဇာတံ။ (၁)

နဟေတု ¶ သဟေတုကော စ နဟေတု အဟေတုကော စ ဓမ္မာ နဟေတုအဟေတုကဿ ဓမ္မဿ သဟဇာတံ… ပစ္ဆာဇာတံ… အာဟာရံ… ဣန္ဒြိယံ။ (၂)

၂။ ပစ္စယပစ္စနီယံ

၂။ သင်္ချာဝါရော

သုဒ္ဓံ

၁၉၉။ နဟေတုယာ သတ္တ၊ နအာရမ္မဏေ သတ္တ (သံခိတ္တံ။ သဗ္ဗတ္ထ သတ္တ)၊ နသဟဇာတေ ဆ၊ နအညမညေ ဆ၊ နနိဿယေ ဆ (သဗ္ဗတ္ထ သတ္တ)၊ နသမ္ပယုတ္တေ ¶ ဆ၊ နဝိပ္ပယုတ္တေ ပဉ္စ၊ နောအတ္ထိယာ ပဉ္စ၊ နောနတ္ထိယာ သတ္တ၊ နောဝိဂတေ သတ္တ၊ နောအဝိဂတေ ပဉ္စ (ဧဝံ ဂဏေတဗ္ဗံ)။

ပစ္စနီယံ။

၃။ ပစ္စယာနုလောမပစ္စနီယံ

အာရမ္မဏဒုကံ

၂၀၀။ အာရမ္မဏပစ္စယာ နဟေတုယာ စတ္တာရိ၊ နအဓိပတိယာ စတ္တာရိ၊ နအနန္တရေ စတ္တာရိ (သဗ္ဗတ္ထ စတ္တာရိ)၊ နောနတ္ထိယာ စတ္တာရိ၊ နောဝိဂတေ စတ္တာရိ၊ နောအဝိဂတေ စတ္တာရိ (ဧဝံ ဂဏေတဗ္ဗံ)။

အနုလောမပစ္စနီယံ။

၄။ ပစ္စယပစ္စနီယာနုလောမံ

နဟေတုဒုကံ

၂၀၁။ နဟေတုပစ္စယာ ¶ အာရမ္မဏေ စတ္တာရိ၊ အာဓိပတိယာ စတ္တာရိ…ပေ… အဝိဂတေ သတ္တ။

ပစ္စနီယာနုလောမံ။

နဟေတုသဟေတုကဒုကံ နိဋ္ဌိတံ။

ဟေတုဂေါစ္ဆကံ နိဋ္ဌိတံ။

၂။ စူဠန္တရဒုကံ

၇။ သပ္ပစ္စယဒုကံ

၁။ ပဋိစ္စဝါရော

၁-၄။ ပစ္စယာနုလောမာဒိ

၁။ သပ္ပစ္စယံ ¶ ¶ ဓမ္မံ ပဋိစ္စ သပ္ပစ္စယော ဓမ္မော ဥပ္ပဇ္ဇတိ ဟေတုပစ္စယာ – သပ္ပစ္စယံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ¶ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ၊ ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။

သပ္ပစ္စယံ ဓမ္မံ ပဋိစ္စ သပ္ပစ္စယော ဓမ္မော ဥပ္ပဇ္ဇတိ အာရမ္မဏပစ္စယာ…ပေ… အဝိဂတပစ္စယာ။

၂။ ဟေတုယာ ဧကံ၊ အာရမ္မဏေ ဧကံ…ပေ… အဝိဂတေ ဧကံ။

အနုလောမံ။

၃။ သပ္ပစ္စယံ ဓမ္မံ ပဋိစ္စ သပ္ပစ္စယော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ သပ္ပစ္စယံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ၊ ဒွေ ခန္ဓေ…ပေ… အဟေတုကပဋိသန္ဓိက္ခဏေ ¶ …ပေ… (ယာဝ အသညသတ္တာ) ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော (သံခိတ္တံ)။

၄။ နဟေတုယာ ဧကံ၊ နအာရမ္မဏေ ဧကံ၊ နအဓိပတိယာ ဧကံ…ပေ… နောဝိဂတေ ဧကံ။

ပစ္စနီယံ။

၅။ ဟေတုပစ္စယာ နအာရမ္မဏေ ဧကံ၊ နအဓိပတိယာ ဧကံ…ပေ… နောဝိဂတေ ဧကံ။

အနုလောမပစ္စနီယံ။

၆။ နဟေတုပစ္စယာ ¶ အာရမ္မဏေ ဧကံ အနန္တရေ ဧကံ…ပေ… အဝိဂတေ ဧကံ။

ပစ္စနီယာနုလောမံ။

၂။ သဟဇာတဝါရော

(သဟဇာတဝါရော ပဋိစ္စဝါရသဒိသော။)

၃။ ပစ္စယဝါရော

၁။ ပစ္စယာနုလောမံ

၁။ ဝိဘင်္ဂဝါရော

၇။ သပ္ပစ္စယံ ¶ ဓမ္မံ ပစ္စယာ သပ္ပစ္စယော ဓမ္မော ဥပ္ပဇ္ဇတိ ဟေတုပစ္စယာ – သပ္ပစ္စယံ ဧကံ ¶ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ပဋိသန္ဓိက္ခဏေ…ပေ… ခန္ဓေ ပစ္စယာ ဝတ္ထု၊ ဝတ္ထုံ ပစ္စယာ ခန္ဓာ၊ ဧကံ မဟာဘူတံ…ပေ… ဝတ္ထုံ ပစ္စယာ သပ္ပစ္စယာ ခန္ဓာ။

သပ္ပစ္စယံ ဓမ္မံ ပစ္စယာ သပ္ပစ္စယော ဓမ္မော ဥပ္ပဇ္ဇတိ အာရမ္မဏပစ္စယာ (သံခိတ္တံ)။

၄-၆။ နိဿယ-သံသဋ္ဌ-သမ္ပယုတ္တဝါရော

(ဧဝံ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ဝိတ္ထာရေတဗ္ဗော၊ သဗ္ဗတ္ထ ဧကာယေဝ ပဉှာ။)

၇။ ပဉှာဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၈။ သပ္ပစ္စယော ဓမ္မော သပ္ပစ္စယဿ ဓမ္မဿ ဟေတုပစ္စယေန ပစ္စယော – သပ္ပစ္စယာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။

အာရမ္မဏပစ္စယော

၉။ သပ္ပစ္စယော ဓမ္မော သပ္ပစ္စယဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ၊ သီလံ သမာဒိယိတွာ၊ ဥပေါသထကမ္မံ ကတွာ တံ ¶ ပစ္စဝေက္ခတိ၊ ပုဗ္ဗေ သုစိဏ္ဏာနိ…ပေ… ဈာနာ ဝုဋ္ဌဟိတွာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ၊ ဖလံ ပစ္စဝေက္ခန္တိ၊ ပဟီနေ ကိလေသေ…ပေ… ဝိက္ခမ္ဘိတေ ကိလေသေ…ပေ… ပုဗ္ဗေ သမုဒါစိဏ္ဏေ ကိလေသေ ဇာနန္တိ၊ စက္ခုံ…ပေ… ဝတ္ထုံ… သပ္ပစ္စယေ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ¶ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ။ စေတောပရိယဉာဏေန သပ္ပစ္စယစိတ္တသမင်္ဂိဿ ¶ စိတ္တံ ဇာနာတိ၊ အာကာသာနဉ္စာယတနံ ဝိညာဏဉ္စာယတနဿ…ပေ… အာကိဉ္စညာယတနံ နေဝသညာနာသညာယတနဿ…ပေ… ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… သပ္ပစ္စယာ ခန္ဓာ ဣဒ္ဓိဝိဓဉာဏဿ၊ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၁)

အပ္ပစ္စယော ဓမ္မော သပ္ပစ္စယဿ ဓမ္မဿ အာရမ္မဏပစ္စယေန ပစ္စယော – အရိယာ နိဗ္ဗာနံ ပစ္စဝေက္ခန္တိ၊ နိဗ္ဗာနံ ဂေါတြဘုဿ၊ ဝေါဒါနဿ၊ မဂ္ဂဿ၊ ဖလဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၁)

အဓိပတိပစ္စယော

၁၀။ သပ္ပစ္စယော ဓမ္မော သပ္ပစ္စယဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ၊ ပုဗ္ဗေ…ပေ… ဈာနာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ၊ ဖလံ ဂရုံ ကတွာ…ပေ… စက္ခုံ…ပေ… ဝတ္ထုံ… သပ္ပစ္စယေ ခန္ဓေ ဂရုံ ¶ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ သဟဇာတာဓိပတိ – သပ္ပစ္စယာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၁)

အပ္ပစ္စယော ဓမ္မော သပ္ပစ္စယဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – အရိယာ နိဗ္ဗာနံ ဂရုံ ကတွာ ပစ္စဝေက္ခန္တိ၊ နိဗ္ဗာနံ ဂေါတြဘုဿ၊ ဝေါဒါနဿ၊ မဂ္ဂဿ၊ ဖလဿ အဓိပတိပစ္စယေန ပစ္စယော။ (၁)

အနန္တရပစ္စယာဒိ

၁၁။ သပ္ပစ္စယော ဓမ္မော သပ္ပစ္စယဿ ဓမ္မဿ အနန္တရပစ္စယေန ပစ္စယော…ပေ… ဥပနိဿယပစ္စယေန ¶ ပစ္စယော…ပေ… (ဒွေ ပဉှာ ဥပနိဿယမူလံ) ပုရေဇာတပစ္စယေန ပစ္စယော…ပေ… အဝိဂတပစ္စယေန ပစ္စယော (သဗ္ဗတ္ထ ဧကာယေဝ ပဉှာ)။

၁။ ပစ္စယာနုလောမံ

၂။ သင်္ချာဝါရော

သုဒ္ဓံ

၁၂။ ဟေတုယာ ¶ ဧကံ၊ အာရမ္မဏေ ဒွေ၊ အဓိပတိယာ ဒွေ၊ အနန္တရေ ဧကံ၊ သမနန္တရေ ဧကံ၊ သဟဇာတေ ဧကံ၊ အညမညေ ဧကံ၊ နိဿယေ ဧကံ၊ ဥပနိဿယေ ဒွေ၊ ပုရေဇာတေ ဧကံ (သဗ္ဗတ္ထ ဧကံ)၊ အဝိဂတေ ဧကံ (ဧဝံ ဂဏေတဗ္ဗံ)။

အနုလောမံ။

ပစ္စနီယုဒ္ဓါရော

၁၃။ သပ္ပစ္စယော ဓမ္မော သပ္ပစ္စယဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)

အပ္ပစ္စယော ဓမ္မော သပ္ပစ္စယဿ ဓမ္မဿ အာရမ္မဏပစ္စယေန ¶ ပစ္စယော… ဥပနိဿယပစ္စယေန ပစ္စယော။ (၁)

၂။ ပစ္စယပစ္စနီယံ

၂။ သင်္ချာဝါရော

၁၄။ နဟေတုယာ ¶ ဒွေ၊ နအာရမ္မဏေ ဧကံ၊ နအဓိပတိယာ ဒွေ၊ နအနန္တရေ ဒွေ၊ နသမနန္တရေ ဒွေ…ပေ… နဥပနိဿယေ ဒွေ၊ နပုရေဇာတေ ဒွေ…ပေ… နောဝိဂတေ ဒွေ၊ နောအဝိဂတေ ဒွေ (ဧဝံ ဂဏေတဗ္ဗံ)။

ပစ္စနီယံ။

၃။ ပစ္စယာနုလောမပစ္စနီယံ

ဟေတုဒုကံ

၁၅။ ဟေတုပစ္စယာ နအာရမ္မဏေ ဧကံ၊ နအဓိပတိယာ ဧကံ၊ နအနန္တရေ ဧကံ၊ နသမနန္တရေ ဧကံ၊ နအညမညေ ဧကံ၊ နဥပနိဿယေ ဧကံ…ပေ… နသမ္ပယုတ္တေ ဧကံ၊ နဝိပ္ပယုတ္တေ ဧကံ၊ နောနတ္ထိယာ ဧကံ၊ နောဝိဂတေ ဧကံ (ဧဝံ ဂဏေတဗ္ဗံ)။

အနုလောမပစ္စနီယံ။

၄။ ပစ္စယပစ္စနီယာနုလောမံ

နဟေတုဒုကံ

၁၆။ နဟေတုပစ္စယာ ¶ အာရမ္မဏေ ဒွေ၊ အဓိပတိယာ ဒွေ၊ အနန္တရေ ဧကံ…ပေ… ဥပနိဿယေ ဒွေ၊ ပုရေဇာတေ ဧကံ…ပေ… အဝိဂတေ ဧကံ (ဧဝံ ဂဏေတဗ္ဗံ)။

ပစ္စနီယာနုလောမံ။

သပ္ပစ္စယဒုကံ နိဋ္ဌိတံ။

၈။ သင်္ခတဒုကံ

၁။ ပဋိစ္စဝါရော

ဟေတုပစ္စယော

၁၇။ သင်္ခတံ ¶ ¶ ဓမ္မံ ပဋိစ္စ သင်္ခတော ဓမ္မော ဥပ္ပဇ္ဇတိ ဟေတုပစ္စယာ – သင်္ခတံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ၊ ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။

(ဣမံ ဒုကံ ယထာ သပ္ပစ္စယဒုကံ၊ ဧဝံ ဂဏေတဗ္ဗံ၊ နိန္နာနာကရဏံ။)

သင်္ခတဒုကံ နိဋ္ဌိတံ။

၉။ သနိဒဿနဒုကံ

၁။ ပဋိစ္စဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၁၈။ အနိဒဿနံ ¶ ဓမ္မံ ပဋိစ္စ အနိဒဿနော ဓမ္မော ဥပ္ပဇ္ဇတိ ဟေတုပစ္စယာ – အနိဒဿနံ ဧကံ ခန္ဓံ ပဋိစ္စ တယော ခန္ဓာ အနိဒဿနံ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ အနိဒဿနံ ဧကံ ခန္ဓံ ပဋိစ္စ တယော ခန္ဓာ အနိဒဿနံ ကဋတ္တာ စ ရူပံ…ပေ… ဒွေ ခန္ဓေ…ပေ… ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ၊ ဧကံ မဟာဘူတံ…ပေ… မဟာဘူတေ ပဋိစ္စ အနိဒဿနံ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)

အနိဒဿနံ ¶ ဓမ္မံ ပဋိစ္စ သနိဒဿနော ဓမ္မော ဥပ္ပဇ္ဇတိ ဟေတုပစ္စယာ – အနိဒဿနေ ခန္ဓေ ပဋိစ္စ သနိဒဿနံ စိတ္တသမုဋ္ဌာနံ ရူပံ ¶ ၊ ပဋိသန္ဓိက္ခဏေ…ပေ… မဟာဘူတေ ပဋိစ္စ သနိဒဿနံ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၂)

အနိဒဿနံ ဓမ္မံ ပဋိစ္စ သနိဒဿနော စ အနိဒဿနော စ ဓမ္မာ ဥပ္ပဇ္ဇန္တိ ဟေတုပစ္စယာ – အနိဒဿနံ ဧကံ ခန္ဓံ ပဋိစ္စ တယော ခန္ဓာ သနိဒဿနဉ္စ အနိဒဿနဉ္စ စိတ္တသမုဋ္ဌာနဉ္စ ¶ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… မဟာဘူတေ ပဋိစ္စ သနိဒဿနဉ္စ အနိဒဿနဉ္စ စိတ္တသမုဋ္ဌာနဉ္စ ရူပံ ကဋတ္တာရူပံ ဥပါဒါရူပံ။ (၃)

အာရမ္မဏပစ္စယော

၁၉။ အနိဒဿနံ ဓမ္မံ ပဋိစ္စ အနိဒဿနော ဓမ္မော ဥပ္ပဇ္ဇတိ အာရမ္မဏပစ္စယာ – အနိဒဿနံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ဝတ္ထုံ ပဋိစ္စ ခန္ဓာ။ (၁)

အဓိပတိပစ္စယော

၂၀။ အနိဒဿနံ ဓမ္မံ ပဋိစ္စ အနိဒဿနော ဓမ္မော ဥပ္ပဇ္ဇတိ အဓိပတိပစ္စယာ – အနိဒဿနံ ဧကံ ခန္ဓံ ပဋိစ္စ တယော ခန္ဓာ အနိဒဿနံ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ဧကံ မဟာဘူတံ ပဋိစ္စ တယော မဟာဘူတာ…ပေ… ဒွေ မဟာဘူတေ…ပေ… မဟာဘူတေ ပဋိစ္စ အနိဒဿနံ စိတ္တသမုဋ္ဌာနံ ရူပံ ဥပါဒါရူပံ။ (၁)

အနိဒဿနံ ဓမ္မံ ပဋိစ္စ သနိဒဿနော ဓမ္မော ဥပ္ပဇ္ဇတိ အဓိပတိပစ္စယာ – အနိဒဿနေ ခန္ဓေ ပဋိစ္စ သနိဒဿနံ စိတ္တသမုဋ္ဌာနံ ရူပံ၊ မဟာဘူတေ ပဋိစ္စ သနိဒဿနံ စိတ္တသမုဋ္ဌာနံ ရူပံ။ (၂)

အနိဒဿနံ ဓမ္မံ ပဋိစ္စ သနိဒဿနော စ အနိဒဿနော စ ဓမ္မာ ဥပ္ပဇ္ဇန္တိ အဓိပတိပစ္စယာ – အနိဒဿနံ ဧကံ ခန္ဓံ ပဋိစ္စ တယော ခန္ဓာ သနိဒဿနဉ္စ အနိဒဿနဉ္စ စိတ္တသမုဋ္ဌာနံ ရူပံ…ပေ… ဒွေ ခန္ဓေ…ပေ… မဟာဘူတေ ပဋိစ္စ သနိဒဿနဉ္စ ¶ အနိဒဿနဉ္စ စိတ္တသမုဋ္ဌာနံ ရူပံ ဥပါဒါရူပံ။ (၃) (သံခိတ္တံ၊ သဗ္ဗေ ကာတဗ္ဗာ။)

၁။ ပစ္စယာနုလောမံ

၂။ သင်္ချာဝါရော

သုဒ္ဓံ

၂၁။ ဟေတုယာ ¶ ¶ တီဏိ၊ အာရမ္မဏေ ဧကံ၊ အဓိပတိယာ တီဏိ၊ အနန္တရေ ဧကံ၊ သမနန္တရေ ဧကံ၊ သဟဇာတေ တီဏိ၊ အညမညေ ဧကံ၊ နိဿယေ တီဏိ၊ ဥပနိဿယေ ဧကံ၊ ပုရေဇာတေ ဧကံ၊ အာသေဝနေ ဧကံ၊ ကမ္မေ တီဏိ၊ ဝိပါကေ တီဏိ (သဗ္ဗတ္ထ တီဏိ)၊ မဂ္ဂေ တီဏိ၊ သမ္ပယုတ္တေ ဧကံ၊ ဝိပ္ပယုတ္တေ တီဏိ၊ အတ္ထိယာ တီဏိ၊ နတ္ထိယာ ဧကံ၊ ဝိဂတေ ဧကံ၊ အဝိဂတေ တီဏိ (ဧဝံ ဂဏေတဗ္ဗံ)။

အနုလောမံ။

၂။ ပစ္စယပစ္စနီယံ

၁။ ဝိဘင်္ဂဝါရော

နဟေတုပစ္စယော

၂၂။ အနိဒဿနံ ဓမ္မံ ပဋိစ္စ အနိဒဿနော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ အနိဒဿနံ ဧကံ ခန္ဓံ ပဋိစ္စ တယော ခန္ဓာ အနိဒဿနံ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ၊ ဧကံ မဟာဘူတံ…ပေ… မဟာဘူတေ ပဋိစ္စ အနိဒဿနံ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)

အနိဒဿနံ ဓမ္မံ ပဋိစ္စ သနိဒဿနော ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ အနိဒဿနေ ခန္ဓေ ပဋိစ္စ သနိဒဿနံ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… မဟာဘူတေ ¶ ပဋိစ္စ ¶ သနိဒဿနံ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ… ဗာဟိရေ… အာဟာရသမုဋ္ဌာနေ… ဥတုသမုဋ္ဌာနေ… အသညသတ္တာနံ မဟာဘူတေ ပဋိစ္စ သနိဒဿနံ ကဋတ္တာရူပံ ဥပါဒါရူပံ။ (၂)

အနိဒဿနံ ဓမ္မံ ပဋိစ္စ သနိဒဿနော စ အနိဒဿနော စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ အနိဒဿနံ ဧကံ ခန္ဓံ ပဋိစ္စ တယော ခန္ဓာ သနိဒဿနဉ္စ ¶ အနိဒဿနဉ္စ စိတ္တသမုဋ္ဌာနံ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… မဟာဘူတေ ပဋိစ္စ…ပေ… ဗာဟိရေ… အာဟာရသမုဋ္ဌာနေ… ဥတုသမုဋ္ဌာနေ… အသညသတ္တာနံ မဟာဘူတေ ပဋိစ္စ သနိဒဿနဉ္စ အနိဒဿနဉ္စ ကဋတ္တာရူပံ၊ ဥပါဒါရူပံ။ (၃) (ဧဝံ သဗ္ဗေ ကာတဗ္ဗာ။)

၂။ ပစ္စယပစ္စနီယံ

၂။ သင်္ချာဝါရော

သုဒ္ဓံ

၂၃။ နဟေတုယာ တီဏိ၊ နအာရမ္မဏေ တီဏိ၊ နအဓိပတိယာ တီဏိ၊ နအနန္တရေ တီဏိ၊ နသမနန္တရေ တီဏိ၊ နအညမညေ တီဏိ၊ နဥပနိဿယေ တီဏိ၊ နပုရေဇာတေ တီဏိ၊ နပစ္ဆာဇာတေ တီဏိ၊ နအာသေဝနေ တီဏိ၊ နကမ္မေ တီဏိ၊ နဝိပါကေ တီဏိ၊ နအာဟာရေ တီဏိ၊ နဣန္ဒြိယေ တီဏိ၊ နဈာနေ တီဏိ၊ နမဂ္ဂေ တီဏိ၊ နသမ္ပယုတ္တေ တီဏိ၊ နဝိပ္ပယုတ္တေ တီဏိ၊ နောနတ္ထိယာ တီဏိ၊ နောဝိဂတေ တီဏိ (ဧဝံ ဂဏေတဗ္ဗံ)။

ပစ္စနီယံ။

၃။ ပစ္စယာနုလောမပစ္စနီယံ

ဟေတုဒုကံ

၂၄။ ဟေတုပစ္စယာ နအာရမ္မဏေ တီဏိ၊ နအဓိပတိယာ တီဏိ (သဗ္ဗတ္ထ တီဏိ)၊ နကမ္မေ ဧကံ ¶ ၊ နဝိပါကေ တီဏိ၊ နသမ္ပယုတ္တေ တီဏိ၊ နဝိပ္ပယုတ္တေ ဧကံ၊ နောနတ္ထိယာ တီဏိ၊ နောဝိဂတေ တီဏိ။

အနုလောမပစ္စနီယံ။

၄။ ပစ္စယပစ္စနီယာနုလောမံ

နဟေတုဒုကံ

၂၅။ နဟေတုပစ္စယာ ¶ အာရမ္မဏေ ဧကံ၊ အနန္တရေ ဧကံ၊ သမနန္တရေ ဧကံ၊ သဟဇာတေ တီဏိ၊ အညမညေ ဧကံ၊ နိဿယေ တီဏိ၊ ဥပနိဿယေ ဧကံ ¶ ၊ ပုရေဇာတေ ဧကံ၊ အာသေဝနေ ဧကံ၊ ကမ္မေ တီဏိ…ပေ… ဈာနေ တီဏိ၊ မဂ္ဂေ ဧကံ၊ သမ္ပယုတ္တေ ဧကံ၊ ဝိပ္ပယုတ္တေ တီဏိ၊ အတ္ထိယာ တီဏိ၊ နတ္ထိယာ ဧကံ၊ ဝိဂတေ ဧကံ၊ အဝိဂတေ တီဏိ။

ပစ္စနီယာနုလောမံ။

၂။ သဟဇာတဝါရော

(သဟဇာတဝါရောပိ ပဋိစ္စဝါရသဒိသော။)

၃။ ပစ္စယဝါရော

၁။ ပစ္စယာနုလောမံ

ဟေတုပစ္စယော

၂၆။ အနိဒဿနံ ဓမ္မံ ပစ္စယာ အနိဒဿနော ဓမ္မော ဥပ္ပဇ္ဇတိ ဟေတုပစ္စယာ – အနိဒဿနံ ¶ ဧကံ ခန္ဓံ ပစ္စယာ တယော ခန္ဓာ အနိဒဿနံ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပစ္စယာ ဝတ္ထု၊ ဝတ္ထုံ ပစ္စယာ ခန္ဓာ၊ ဧကံ မဟာဘူတံ ပစ္စယာ…ပေ… မဟာဘူတေ ပစ္စယာ အနိဒဿနံ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ၊ ဝတ္ထုံ ပစ္စယာ အနိဒဿနာ ခန္ဓာ (ဣတရေပိ ဒွေ ပဉှာ ကာတဗ္ဗာ)။

အာရမ္မဏပစ္စယော

၂၇။ အနိဒဿနံ ဓမ္မံ ပစ္စယာ အနိဒဿနော ဓမ္မော ဥပ္ပဇ္ဇတိ အာရမ္မဏပစ္စယာ – အနိဒဿနံ ဧကံ ခန္ဓံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ဝတ္ထုံ ပစ္စယာ ခန္ဓာ၊ စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ၊ ဝတ္ထုံ ပစ္စယာ အနိဒဿနာ ခန္ဓာ (သံခိတ္တံ)။

၂၈။ ဟေတုယာ တီဏိ၊ အာရမ္မဏေ ဧကံ၊ အဓိပတိယာ တီဏိ…ပေ… အဝိဂတေ ¶ တီဏိ။

အနုလောမံ။

၂။ ပစ္စယပစ္စနီယံ

နဟေတုပစ္စယော

၂၉။ အနိဒဿနံ ¶ ဓမ္မံ ပစ္စယာ အနိဒဿနော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ အနိဒဿနံ ဧကံ ခန္ဓံ ပစ္စယာ တယော ခန္ဓာ အနိဒဿနံ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… (ယာဝ အသညသတ္တာ) စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ၊ ဝတ္ထုံ ပစ္စယာ အဟေတုကာ အနိဒဿနာ ခန္ဓာ၊ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော (ဣတရေပိ ဒွေ ကာတဗ္ဗာ။ သံခိတ္တံ)။

၃၀။ နဟေတုယာ တီဏိ၊ နအာရမ္မဏေ တီဏိ…ပေ… နောဝိဂတေ တီဏိ။

ပစ္စနီယံ။

၃။ ပစ္စယာနုလောမပစ္စနီယံ

၃၁။ ဟေတုပစ္စယာ ¶ နအာရမ္မဏေ တီဏိ…ပေ… နကမ္မေ ဧကံ…ပေ… နဝိပ္ပယုတ္တေ ဧကံ၊ နောနတ္ထိယာ တီဏိ၊ နောဝိဂတေ တီဏိ။

အနုလောမပစ္စနီယံ။

၄။ ပစ္စယပစ္စနီယာနုလောမံ

၃၂။ နဟေတုပစ္စယာ အာရမ္မဏေ ဧကံ…ပေ… မဂ္ဂေ ဧကံ…ပေ… အဝိဂတေ တီဏိ။

ပစ္စနီယာနုလောမံ။

၄။ နိဿယဝါရော

(နိဿယဝါရောပိ ဧဝံ ကာတဗ္ဗော။)

၅။ သံသဋ္ဌဝါရော

၁။ ပစ္စယာနုလောမံ

၃၃။ အနိဒဿနံ ဓမ္မံ သံသဋ္ဌော အနိဒဿနော ဓမ္မော ဥပ္ပဇ္ဇတိ ဟေတုပစ္စယာ ¶ – အနိဒဿနံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။

အနိဒဿနံ ¶ ¶ ဓမ္မံ သံသဋ္ဌော အနိဒဿနော ဓမ္မော ဥပ္ပဇ္ဇတိ အာရမ္မဏပစ္စယာ (ဧဝံ သဗ္ဗံ သပ္ပစ္စယဂဏနာဟိ သဒ္ဓိံ ကာတဗ္ဗံ)။

၆။ သမ္ပယုတ္တဝါရော

(သမ္ပယုတ္တဝါရောပိ သံသဋ္ဌဝါရသဒိသော)။

၇။ ပဉှာဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၃၄။ အနိဒဿနော ဓမ္မော အနိဒဿနဿ ဓမ္မဿ ဟေတုပစ္စယေန ပစ္စယော – အနိဒဿနာ ဟေတူ သမ္ပယုတ္တကာနံ ခန္ဓာနံ အနိဒဿနာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)

အနိဒဿနော ဓမ္မော သနိဒဿနဿ ဓမ္မဿ ဟေတုပစ္စယေန ပစ္စယော – အနိဒဿနာ ဟေတူ သနိဒဿနာနံ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၂)

အနိဒဿနော ဓမ္မော သနိဒဿနဿ စ အနိဒဿနဿ စ ဓမ္မဿ ဟေတုပစ္စယေန ပစ္စယော – အနိဒဿနာ ဟေတူ သမ္ပယုတ္တကာနံ ခန္ဓာနံ သနိဒဿနာနဉ္စ အနိဒဿနာနဉ္စ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၃)

အာရမ္မဏပစ္စယော

၃၅။ သနိဒဿနော ¶ ဓမ္မော အနိဒဿနဿ ဓမ္မဿ အာရမ္မဏပစ္စယေန ပစ္စယော – သနိဒဿနံ ရူပံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ၊ ရူပါယတနံ စက္ခုဝိညာဏဿ အာရမ္မဏပစ္စယေန ပစ္စယော၊ သနိဒဿနာ ခန္ဓာ ဣဒ္ဓိဝိဓဉာဏဿ၊ ပုဗ္ဗေနိဝါသာနုဿတိဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ¶ ပစ္စယော။ (၁)

အနိဒဿနော ဓမ္မော အနိဒဿနဿ ဓမ္မဿ အာရမ္မဏပစ္စယေန ပစ္စယော – ဒါနံ ဒတွာ သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ၊ ပုဗ္ဗေ သုစိဏ္ဏာနိ ပစ္စဝေက္ခတိ၊ ဈာနာ ဝုဋ္ဌဟိတွာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ၊ ဖလံ ¶ ပစ္စဝေက္ခန္တိ၊ နိဗ္ဗာနံ ပစ္စဝေက္ခန္တိ၊ နိဗ္ဗာနံ ဂေါတြဘုဿ၊ ဝေါဒါနဿ၊ မဂ္ဂဿ၊ ဖလဿ၊ အာဝဇ္ဇနာယ အာရမ္မဏပစ္စယေန ပစ္စယော၊ အရိယာ ပဟီနေ ကိလေသေ ပစ္စဝေက္ခန္တိ၊ ဝိက္ခမ္ဘိတေ ကိလေသေ…ပေ… ပုဗ္ဗေ…ပေ… စက္ခုံ…ပေ… ကာယံ… သဒ္ဒေ…ပေ… ဝတ္ထုံ အနိဒဿနေ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗာယ သောတဓာတုယာ သဒ္ဒံ သုဏာတိ၊ စေတောပရိယဉာဏေန အနိဒဿနစိတ္တသမင်္ဂိဿ စိတ္တံ ဇာနာတိ၊ အာကာသာနဉ္စာယတနံ ဝိညာဏဉ္စာယတနဿ…ပေ… အာကိဉ္စညာယတနံ နေဝသညာနာသညာယတနဿ…ပေ… သဒ္ဒါယတနံ သောတဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… အနိဒဿနာ ခန္ဓာ ဣဒ္ဓိဝိဓဉာဏဿ၊ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၁)

အဓိပတိပစ္စယော

၃၆။ သနိဒဿနော ဓမ္မော အနိဒဿနဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – သနိဒဿနံ ရူပံ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ (၁)

အနိဒဿနော ဓမ္မော အနိဒဿနဿ ဓမ္မဿ အဓိပတိပစ္စယေန ပစ္စယော ¶ – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ဒါနံ ဒတွာ သီလံ…ပေ… ဥပေါသထကမ္မံ ကတွာ ¶ တံ ဂရုံ ကတွာ ပစ္စဝေက္ခတိ၊ ပုဗ္ဗေ သုစိဏ္ဏာနိ…ပေ… ဈာနာ ဝုဋ္ဌဟိတွာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ၊ ဖလံ ဂရုံ ကတွာ ပစ္စဝေက္ခန္တိ၊ နိဗ္ဗာနံ ဂရုံ ကတွာ ပစ္စဝေက္ခန္တိ၊ နိဗ္ဗာနံ ဂေါတြဘုဿ၊ ဝေါဒါနဿ၊ မဂ္ဂဿ၊ ဖလဿ အဓိပတိပစ္စယေန ပစ္စယော၊ စက္ခုံ…ပေ… ဝတ္ထုံ အနိဒဿနေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ သဟဇာတာဓိပတိ – အနိဒဿနာဓိပတိ သမ္ပယုတ္တကာနံ ခန္ဓာနံ အနိဒဿနာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၁)

အနိဒဿနော ဓမ္မော သနိဒဿနဿ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – အနိဒဿနာဓိပတိ သနိဒဿနာနံ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၂)

အနိဒဿနော ဓမ္မော သနိဒဿနဿ စ အနိဒဿနဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – အနိဒဿနာဓိပတိ သမ္ပယုတ္တကာနံ ခန္ဓာနံ ¶ သနိဒဿနာနဉ္စ အနိဒဿနာနဉ္စ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)

အနန္တရပစ္စယော

၃၇။ အနိဒဿနော ဓမ္မော အနိဒဿနဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ အနိဒဿနာ ခန္ဓာ ပစ္ဆိမာနံ ပစ္ဆိမာနံ အနိဒဿနာနံ ခန္ဓာနံ အနန္တရပစ္စယေန ပစ္စယော၊ အနုလောမံ ဂေါတြဘုဿ…ပေ… ဂေါတြဘု မဂ္ဂဿ…ပေ… နေဝသညာနာသညာယတနံ ဖလသမာပတ္တိယာ အနန္တရပစ္စယေန ပစ္စယော။ (၁)

သမနန္တရပစ္စယာဒိ

၃၈။ အနိဒဿနော ¶ ဓမ္မော အနိဒဿနဿ ဓမ္မဿ သမနန္တရပစ္စယေန ပစ္စယော… သဟဇာတပစ္စယေန ပစ္စယော… တီဏိ… အညမညပစ္စယေန ပစ္စယော… ဧကံ… နိဿယပစ္စယေန ပစ္စယော… တီဏိ။

ဥပနိဿယပစ္စယော

၃၉။ သနိဒဿနော ¶ ဓမ္မော အနိဒဿနဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ ပကတူပနိဿယော…ပေ…။ ပကတူပနိဿယော – ဝဏ္ဏသမ္ပဒံ ပတ္ထယမာနော ဒါနံ…ပေ… သီလံ…ပေ… ဥပေါသထကမ္မံ ကရောတိ၊ ဝဏ္ဏသမ္ပဒါ သဒ္ဓါယ…ပေ… ပတ္ထနာယ… ကာယိကဿ သုခဿ၊ ကာယိကဿ ဒုက္ခဿ၊ မဂ္ဂဿ၊ ဖလသမာပတ္တိယာ ဥပနိဿယပစ္စယေန ပစ္စယော။ (၁)

အနိဒဿနော ဓမ္မော အနိဒဿနဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ…ပေ… သမာပတ္တိံ ဥပ္ပာဒေတိ၊ မာနံ ဇပ္ပေတိ၊ ဒိဋ္ဌိံ ဂဏှာတိ၊ သီလံ…ပေ… သေနာသနံ ဥပနိဿာယ ဒါနံ ဒေတိ…ပေ… သင်္ဃံ ဘိန္ဒတိ၊ သဒ္ဓါ…ပေ… သေနာသနံ သဒ္ဓါယ…ပေ… ဖလသမာပတ္တိယာ ဥပနိဿယပစ္စယေန ပစ္စယော။ (၁)

ပုရေဇာတပစ္စယော

၄၀။ သနိဒဿနော ဓမ္မော အနိဒဿနဿ ဓမ္မဿ ပုရေဇာတပစ္စယေန ပစ္စယော – သနိဒဿနံ ရူပံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ¶ ရူပံ ပဿတိ၊ ရူပါယတနံ စက္ခုဝိညာဏဿ ပုရေဇာတပစ္စယေန ပစ္စယော။ (၁)

အနိဒဿနော ဓမ္မော အနိဒဿနဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ¶ ဥပ္ပဇ္ဇတိ၊ ဒိဗ္ဗာယ သောတဓာတုယာ သဒ္ဒံ သုဏာတိ၊ သဒ္ဒါယတနံ သောတဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ ပုရေဇာတပစ္စယေန ပစ္စယော။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု အနိဒဿနာနံ ခန္ဓာနံ ပုရေဇာတပစ္စယေန ပစ္စယော။ (၁)

သနိဒဿနော စ အနိဒဿနော စ ဓမ္မာ အနိဒဿနဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ ရူပါယတနဉ္စ ဝတ္ထု စ အနိဒဿနာနံ ခန္ဓာနံ ပုရေဇာတပစ္စယေန ¶ ပစ္စယော၊ ရူပါယတနဉ္စ စက္ခာယတနဉ္စ စက္ခုဝိညာဏဿ ပုရေဇာတပစ္စယေန ပစ္စယော။ (၁)

ပစ္ဆာဇာတပစ္စယော

၄၁။ အနိဒဿနော ဓမ္မော အနိဒဿနဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အနိဒဿနာ ခန္ဓာ ပုရေဇာတဿ ဣမဿ အနိဒဿနဿ ကာယဿ ပစ္ဆာဇာတပစ္စယေန ပစ္စယော။ (၁)

အနိဒဿနော ဓမ္မော သနိဒဿနဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အနိဒဿနာ ခန္ဓာ ပုရေဇာတဿ ဣမဿ သနိဒဿနဿ ကာယဿ ပစ္ဆာဇာတပစ္စယေန ပစ္စယော။ (၂)

အနိဒဿနော ဓမ္မော သနိဒဿနဿ စ အနိဒဿနဿ စ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အနိဒဿနာ ခန္ဓာ ပုရေဇာတဿ ဣမဿ သနိဒဿနဿ စ အနိဒဿနဿ စ ကာယဿ ပစ္ဆာဇာတပစ္စယေန ပစ္စယော။ (၃)

အာသေဝနပစ္စယော

၄၂။ အနိဒဿနော ဓမ္မော အနိဒဿနဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ အနိဒဿနာ ခန္ဓာ ပစ္ဆိမာနံ ပစ္ဆိမာနံ အနိဒဿနာနံ ခန္ဓာနံ…ပေ… အနုလောမံ ဂေါတြဘုဿ… အနုလောမံ ဝေါဒါနဿ… ဂေါတြဘု မဂ္ဂဿ… ဝေါဒါနံ မဂ္ဂဿ အာသေဝနပစ္စယေန ပစ္စယော။ (၁)

ကမ္မပစ္စယော

၄၃။ အနိဒဿနော ¶ ¶ ဓမ္မော အနိဒဿနဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – အနိဒဿနာ စေတနာ သမ္ပယုတ္တကာနံ ခန္ဓာနံ အနိဒဿနာနဉ္စ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – အနိဒဿနာ ¶ စေတနာ ဝိပါကာနံ ခန္ဓာနံ အနိဒဿနာနဉ္စ ကဋတ္တာရူပါနံ ကမ္မပစ္စယေန ပစ္စယော။ (၁)

အနိဒဿနော ဓမ္မော သနိဒဿနဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ (ဝိတ္ထာရေတဗ္ဗံ)။ (၂)

အနိဒဿနော ဓမ္မော သနိဒဿနဿ စ အနိဒဿနဿ စ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ (ဝိတ္ထာရေတဗ္ဗံ)။ (၃)

ဝိပါကပစ္စယာဒိ

၄၄။ အနိဒဿနော ဓမ္မော အနိဒဿနဿ ဓမ္မဿ ဝိပါကပစ္စယေန ပစ္စယော… တီဏိ… အာဟာရပစ္စယေန ပစ္စယော… တီဏိ (တီသုပိ ကဗဠီကာရော အာဟာရော ကာတဗ္ဗော)… ဣန္ဒြိယပစ္စယေန ပစ္စယော… တီဏိ (တီသုပိ ရူပဇီဝိတိန္ဒြိယံ)… ဈာနပစ္စယေန ပစ္စယော… တီဏိ… မဂ္ဂပစ္စယေန ပစ္စယော… တီဏိ… သမ္ပယုတ္တပစ္စယေန ပစ္စယော… ဧကံ။

ဝိပ္ပယုတ္တပစ္စယော

၄၅။ အနိဒဿနော ဓမ္မော အနိဒဿနဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ။ သဟဇာတာ – အနိဒဿနာ ခန္ဓာ အနိဒဿနာနံ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ အနိဒဿနာ ခန္ဓာ အနိဒဿနာနံ ကဋတ္တာရူပါနံ ဝိပ္ပယုတ္တပစ္စယေန ပစ္စယော၊ ခန္ဓာ ဝတ္ထုဿ ဝိပ္ပယုတ္တပစ္စယေန ပစ္စယော၊ ဝတ္ထု ခန္ဓာနံ ဝိပ္ပယုတ္တပစ္စယေန ပစ္စယော ¶ ။ ပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု အနိဒဿနာနံ ခန္ဓာနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အနိဒဿနာ ခန္ဓာ ပုရေဇာတဿ ဣမဿ အနိဒဿနဿ ကာယဿ ဝိပ္ပယုတ္တပစ္စယေန ပစ္စယော။ (၁)

အနိဒဿနော ဓမ္မော သနိဒဿနဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – အနိဒဿနာ ခန္ဓာ သနိဒဿနာနံ စိတ္တသမုဋ္ဌာနာနံ ¶ ရူပါနံ ဝိပ္ပယုတ္တပစ္စယေန ¶ ပစ္စယော၊ ပဋိသန္ဓိက္ခဏေ…ပေ…။ ပစ္ဆာဇာတာ – အနိဒဿနာ ခန္ဓာ ပုရေဇာတဿ ဣမဿ သနိဒဿနဿ ကာယဿ ဝိပ္ပယုတ္တပစ္စယေန ပစ္စယော။ (၂)

အနိဒဿနော ဓမ္မော သနိဒဿနဿ စ အနိဒဿနဿ စ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – အနိဒဿနာ ခန္ဓာ သနိဒဿနာနဉ္စ အနိဒဿနာနဉ္စ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ…ပေ…။ ပစ္ဆာဇာတာ – အနိဒဿနာ ခန္ဓာ ပုရေဇာတဿ ဣမဿ သနိဒဿနဿ စ အနိဒဿနဿ စ ကာယဿ ဝိပ္ပယုတ္တပစ္စယေန ပစ္စယော။ (၃)

အတ္ထိပစ္စယာဒိ

၄၆။ သနိဒဿနော ဓမ္မော အနိဒဿနဿ ဓမ္မဿ အတ္ထိပစ္စယေန ပစ္စယော – သနိဒဿနံ ရူပံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ၊ ရူပါယတနံ စက္ခုဝိညာဏဿ အတ္ထိပစ္စယေန ပစ္စယော။ (၁)

အနိဒဿနော ဓမ္မော အနိဒဿနဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတော – အနိဒဿနော ¶ ဧကော ခန္ဓော တိဏ္ဏန္နံ ခန္ဓာနံ အနိဒဿနာနဉ္စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓေ…ပေ… (သံခိတ္တံ။ ယာဝ အသညသတ္တာ)။ ပုရေဇာတံ – စက္ခုံ…ပေ… ဝတ္ထုံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗာယ သောတဓာတုယာ သဒ္ဒံ သုဏာတိ၊ သဒ္ဒါယတနံ သောတဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု အနိဒဿနာနံ ခန္ဓာနံ အတ္ထိပစ္စယေန ပစ္စယော။ ပစ္ဆာဇာတာ – အနိဒဿနာ ခန္ဓာ ပုရေဇာတဿ ဣမဿ အနိဒဿနဿ ကာယဿ အတ္ထိပစ္စယေန ပစ္စယော၊ ကဗဠီကာရော အာဟာရော ဣမဿ အနိဒဿနဿ ကာယဿ အတ္ထိပစ္စယေန ပစ္စယော၊ ရူပဇီဝိတိန္ဒြိယံ အနိဒဿနာနံ ကဋတ္တာရူပါနံ အတ္ထိပစ္စယေန ပစ္စယော။ (၁)

အနိဒဿနော ဓမ္မော သနိဒဿနဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတာ – အနိဒဿနာ ခန္ဓာ သနိဒဿနာနံ စိတ္တသမုဋ္ဌာနာနံ ရူပါနံ ¶ အတ္ထိပစ္စယေန ပစ္စယော၊ ပဋိသန္ဓိက္ခဏေ…ပေ… မဟာဘူတာ သနိဒဿနာနံ စိတ္တသမုဋ္ဌာနာနံ ရူပါနံ ကဋတ္တာရူပါနံ ¶ ဥပါဒါရူပါနံ အတ္ထိပစ္စယေန ပစ္စယော…ပေ… ဗာဟိရာ… အာဟာရသမုဋ္ဌာနာ… ဥတုသမုဋ္ဌာနာ… အသညသတ္တာနံ မဟာဘူတာ သနိဒဿနာနံ ကဋတ္တာရူပါနံ၊ ဥပါဒါရူပါနံ အတ္ထိပစ္စယေန ပစ္စယော။ ပစ္ဆာဇာတာ – အနိဒဿနာ ခန္ဓာ ပုရေဇာတဿ ဣမဿ သနိဒဿနဿ ကာယဿ အတ္ထိပစ္စယေန ပစ္စယော၊ ကဗဠီကာရော အာဟာရော ဣမဿ သနိဒဿနဿ ကာယဿ အတ္ထိပစ္စယေန ပစ္စယော၊ ရူပဇီဝိတိန္ဒြိယံ သနိဒဿနာနံ ¶ ကဋတ္တာရူပါနံ အတ္ထိပစ္စယေန ပစ္စယော။ (၂)

အနိဒဿနော ဓမ္မော သနိဒဿနဿ စ အနိဒဿနဿ စ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတော – အနိဒဿနော ဧကော ခန္ဓော တိဏ္ဏန္နံ ခန္ဓာနံ သနိဒဿနာနဉ္စ အနိဒဿနာနဉ္စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ…ပေ… ပဋိသန္ဓိက္ခဏေ…ပေ… မဟာဘူတာ သနိဒဿနာနဉ္စ အနိဒဿနာနဉ္စ စိတ္တသမုဋ္ဌာနာနံ ရူပါနံ၊ ကဋတ္တာရူပါနံ၊ ဥပါဒါရူပါနံ အတ္ထိပစ္စယေန ပစ္စယော၊ ဗာဟိရာ… အာဟာရသမုဋ္ဌာနာ… ဥတုသမုဋ္ဌာနာ… အသညသတ္တာနံ မဟာဘူတာ သနိဒဿနာနဉ္စ အနိဒဿနာနဉ္စ ကဋတ္တာရူပါနံ ဥပါဒါရူပါနံ အတ္ထိပစ္စယေန ပစ္စယော။ (၃)

၄၇။ သနိဒဿနော စ အနိဒဿနော စ ဓမ္မာ အနိဒဿနဿ ဓမ္မဿ အတ္ထိပစ္စယေန ပစ္စယော။ ပုရေဇာတံ – ရူပါယတနဉ္စ ဝတ္ထု စ အနိဒဿနာနံ ခန္ဓာနံ အတ္ထိပစ္စယေန ပစ္စယော၊ ရူပါယတနဉ္စ စက္ခာယတနဉ္စ စက္ခုဝိညာဏဿ အတ္ထိပစ္စယေန ပစ္စယော။

နတ္ထိပစ္စယေန ပစ္စယော… ဝိဂတပစ္စယေန ပစ္စယော… အဝိဂတပစ္စယေန ပစ္စယော။

၁။ ပစ္စယာနုလောမံ

၂။ သင်္ချာဝါရော

သုဒ္ဓံ

၄၈။ ဟေတုယာ တီဏိ၊ အာရမ္မဏေ ဒွေ၊ အဓိပတိယာ စတ္တာရိ၊ အနန္တရေ ဧကံ၊ သမနန္တရေ ဧကံ ¶ ၊ သဟဇာတေ တီဏိ၊ အညမညေ ဧကံ၊ နိဿယေ တီဏိ၊ ဥပနိဿယေ ဒွေ၊ ပုရေဇာတေ တီဏိ၊ ပစ္ဆာဇာတေ တီဏိ၊ အာသေဝနေ ဧကံ၊ ကမ္မေ တီဏိ၊ ဝိပါကေ တီဏိ၊ အာဟာရေ တီဏိ၊ ဣန္ဒြိယေ ¶ တီဏိ၊ ဈာနေ တီဏိ၊ မဂ္ဂေ တီဏိ၊ သမ္ပယုတ္တေ ¶ ဧကံ၊ ဝိပ္ပယုတ္တေ တီဏိ၊ အတ္ထိယာ ပဉ္စ၊ နတ္ထိယာ ဧကံ၊ ဝိဂတေ ဧကံ၊ အဝိဂတေ ပဉ္စ (ဧဝံ ဂဏေတဗ္ဗံ)။

အနုလောမံ။

ပစ္စနီယုဒ္ဓါရော

၄၉။ သနိဒဿနော ဓမ္မော အနိဒဿနဿ ဓမ္မဿ အာရမ္မဏပစ္စယေန ပစ္စယော… ဥပနိဿယပစ္စယေန ပစ္စယော။ (၁)

အနိဒဿနော ဓမ္မော အနိဒဿနဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)

အနိဒဿနော ဓမ္မော သနိဒဿနဿ ဓမ္မဿ သဟဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၂)

အနိဒဿနော ဓမ္မော သနိဒဿနဿ စ အနိဒဿနဿ စ ဓမ္မဿ သဟဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၃)

သနိဒဿနော စ အနိဒဿနော စ ဓမ္မာ အနိဒဿနဿ ဓမ္မဿ ပုရေဇာတပစ္စယေန ပစ္စယော။ (၁)

၂။ ပစ္စယပစ္စနီယံ

၂။ သင်္ချာဝါရော

သုဒ္ဓံ

၅၀။ နဟေတုယာ ¶ ပဉ္စ၊ နအာရမ္မဏေ စတ္တာရိ၊ နအဓိပတိယာ ပဉ္စ၊ နအနန္တရေ ပဉ္စ၊ နသမနန္တရေ ပဉ္စ၊ နသဟဇာတေ ပဉ္စ၊ နအညမညေ ပဉ္စ၊ နနိဿယေ စတ္တာရိ၊ နဥပနိဿယေ ပဉ္စ၊ နပုရေဇာတေ ¶ စတ္တာရိ၊ နပစ္ဆာဇာတေ ပဉ္စ (သဗ္ဗတ္ထ ပဉ္စ)၊ နသမ္ပယုတ္တေ ပဉ္စ၊ နဝိပ္ပယုတ္တေ စတ္တာရိ၊ နောအတ္ထိယာ စတ္တာရိ၊ နောနတ္ထိယာ ပဉ္စ၊ နောဝိဂတေ ပဉ္စ၊ နောအဝိဂတေ စတ္တာရိ။

ပစ္စနီယံ။

၃။ ပစ္စယာနုလောမပစ္စနီယံ

ဟေတုဒုကံ

၅၁။ ဟေတုပစ္စယာ ¶ နအာရမ္မဏေ တီဏိ၊ နအဓိပတိယာ တီဏိ၊ နအနန္တရေ တီဏိ၊ နသမနန္တရေ တီဏိ၊ နအညမညေ တီဏိ၊ နဥပနိဿယေ တီဏိ…ပေ… နသမ္ပယုတ္တေ တီဏိ၊ နဝိပ္ပယုတ္တေ ဧကံ၊ နောနတ္ထိယာ တီဏိ၊ နောဝိဂတေ တီဏိ။

အနုလောမပစ္စနီယံ။

၄။ ပစ္စယပစ္စနီယာနုလောမံ

နဟေတုဒုကံ

၅၂။ နဟေတုပစ္စယာ ¶ အာရမ္မဏေ ဒွေ၊ အဓိပတိယာ စတ္တာရိ၊ အနန္တရေ ဧကံ၊ သမနန္တရေ ဧကံ၊ သဟဇာတေ တီဏိ၊ အညမညေ ဧကံ၊ နိဿယေ တီဏိ၊ ဥပနိဿယေ ဒွေ၊ ပုရေဇာတေ တီဏိ၊ ပစ္ဆာဇာတေ တီဏိ၊ အာသေဝနေ ဧကံ၊ ကမ္မေ တီဏိ…ပေ… မဂ္ဂေ တီဏိ၊ သမ္ပယုတ္တေ ဧကံ၊ ဝိပ္ပယုတ္တေ တီဏိ၊ အတ္ထိယာ ပဉ္စ၊ နတ္ထိယာ ဧကံ၊ ဝိဂတေ ဧကံ၊ အဝိဂတေ ပဉ္စ။

ပစ္စနီယာနုလောမံ။

သနိဒဿနဒုကံ နိဋ္ဌိတံ။

၁၀။ သပ္ပဋိဃဒုကံ

၁။ ပဋိစ္စဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၅၃။ သပ္ပဋိဃံ ¶ ¶ ဓမ္မံ ပဋိစ္စ သပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ – သပ္ပဋိဃံ ဧကံ မဟာဘူတံ ပဋိစ္စ ဒွေ မဟာဘူတာ၊ ဒွေ မဟာဘူတေ ပဋိစ္စ ဧကံ မဟာဘူတံ ¶ ၊ သပ္ပဋိဃေ မဟာဘူတေ ပဋိစ္စ သပ္ပဋိဃံ စိတ္တသမုဋ္ဌာနံ ရူပံ၊ ကဋတ္တာရူပံ၊ ဥပါဒါရူပံ၊ ဖောဋ္ဌဗ္ဗာယတနံ ပဋိစ္စ စက္ခာယတနံ…ပေ… ရသာယတနံ။ (၁)

သပ္ပဋိဃံ ဓမ္မံ ပဋိစ္စ အပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ – သပ္ပဋိဃေ မဟာဘူတေ ပဋိစ္စ အာပေါဓာတု၊ သပ္ပဋိဃေ မဟာဘူတေ ပဋိစ္စ အပ္ပဋိဃံ စိတ္တသမုဋ္ဌာနံ ရူပံ၊ ကဋတ္တာရူပံ၊ ဥပါဒါရူပံ၊ ဖောဋ္ဌဗ္ဗာယတနံ ပဋိစ္စ အာပေါဓာတု ဣတ္ထိန္ဒြိယံ…ပေ… ကဗဠီကာရော အာဟာရော။ (၂)

သပ္ပဋိဃံ ဓမ္မံ ပဋိစ္စ သပ္ပဋိဃော စ အပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ – သပ္ပဋိဃံ ဧကံ မဟာဘူတံ ပဋိစ္စ ဒွေ မဟာဘူတာ အာပေါဓာတု စ၊ ဒွေ မဟာဘူတေ…ပေ… သပ္ပဋိဃေ မဟာဘူတေ ပဋိစ္စ သပ္ပဋိဃဉ္စ အပ္ပဋိဃဉ္စ စိတ္တသမုဋ္ဌာနံ ရူပံ၊ ကဋတ္တာရူပံ၊ ဥပါဒါရူပံ၊ ဖောဋ္ဌဗ္ဗာယတနံ ¶ ပဋိစ္စ စက္ခာယတနံ…ပေ… ရသာယတနံ အာပေါဓာတု ဣတ္ထိန္ဒြိယံ…ပေ… ကဗဠီကာရော အာဟာရော။ (၃)

၅၄။ အပ္ပဋိဃံ ဓမ္မံ ပဋိစ္စ အပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ – အပ္ပဋိဃံ ဧကံ ခန္ဓံ ပဋိစ္စ တယော ခန္ဓာ အပ္ပဋိဃံ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ ¶ ၊ အာပေါဓာတုံ ပဋိစ္စ အပ္ပဋိဃံ စိတ္တသမုဋ္ဌာနံ ရူပံ၊ ကဋတ္တာရူပံ၊ ဥပါဒါရူပံ၊ အာပေါဓာတုံ ပဋိစ္စ ဣတ္ထိန္ဒြိယံ…ပေ… ကဗဠီကာရော အာဟာရော။ (၁)

အပ္ပဋိဃံ ဓမ္မံ ပဋိစ္စ သပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ – အပ္ပဋိဃေ ခန္ဓေ ပဋိစ္စ သပ္ပဋိဃံ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… အာပေါဓာတုံ ပဋိစ္စ သပ္ပဋိဃာ မဟာဘူတာ၊ အာပေါဓာတုံ ပဋိစ္စ သပ္ပဋိဃံ စိတ္တသမုဋ္ဌာနံ ရူပံ၊ ကဋတ္တာရူပံ၊ ဥပါဒါရူပံ၊ အာပေါဓာတုံ ပဋိစ္စ စက္ခာယတနံ…ပေ… ဖောဋ္ဌဗ္ဗာယတနံ။ (၂)

အပ္ပဋိဃံ ဓမ္မံ ပဋိစ္စ သပ္ပဋိဃော စ အပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ – အပ္ပဋိဃံ ဧကံ ခန္ဓံ ပဋိစ္စ တယော ခန္ဓာ သပ္ပဋိဃဉ္စ အပ္ပဋိဃဉ္စ စိတ္တသမုဋ္ဌာနံ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… အာပေါဓာတုံ ပဋိစ္စ သပ္ပဋိဃဉ္စ အပ္ပဋိဃဉ္စ စိတ္တသမုဋ္ဌာနံ ရူပံ၊ ကဋတ္တာရူပံ၊ ဥပါဒါရူပံ၊ အာပေါဓာတုံ ပဋိစ္စ စက္ခာယတနံ…ပေ… ဖောဋ္ဌဗ္ဗာယတနံ၊ ဣတ္ထိန္ဒြိယံ…ပေ… ကဗဠီကာရော အာဟာရော။ (၃)

၅၅။ သပ္ပဋိဃဉ္စ ¶ အပ္ပဋိဃဉ္စ ဓမ္မံ ပဋိစ္စ သပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ – အပ္ပဋိဃေ ခန္ဓေ စ မဟာဘူတေ စ ပဋိစ္စ သပ္ပဋိဃံ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… သပ္ပဋိဃံ ဧကံ မဟာဘူတဉ္စ အာပေါဓာတုဉ္စ ပဋိစ္စ ဒွေ မဟာဘူတာ…ပေ… သပ္ပဋိဃေ မဟာဘူတေ စ အာပေါဓာတုဉ္စ ပဋိစ္စ သပ္ပဋိဃံ စိတ္တသမုဋ္ဌာနံ ရူပံ၊ ကဋတ္တာရူပံ၊ ဥပါဒါရူပံ၊ ဖောဋ္ဌဗ္ဗာယတနဉ္စ အာပေါဓာတုဉ္စ ပဋိစ္စ စက္ခာယတနံ…ပေ…။ (၁)

သပ္ပဋိဃဉ္စ အပ္ပဋိဃဉ္စ ဓမ္မံ ပဋိစ္စ အပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ – အပ္ပဋိဃေ ခန္ဓေ စ မဟာဘူတေ ¶ စ ပဋိစ္စ အပ္ပဋိဃံ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ အပ္ပဋိဃေ ¶ ခန္ဓေ စ မဟာဘူတေ စ ပဋိစ္စ အပ္ပဋိဃံ ကဋတ္တာရူပံ၊ ဖောဋ္ဌဗ္ဗာယတနဉ္စ အာပေါဓာတုဉ္စ ပဋိစ္စ အပ္ပဋိဃံ စိတ္တသမုဋ္ဌာနံ ရူပံ၊ ကဋတ္တာရူပံ၊ ဥပါဒါရူပံ၊ ဖောဋ္ဌဗ္ဗာယတနဉ္စ အာပေါဓာတုဉ္စ ပဋိစ္စ ဣတ္ထိန္ဒြိယံ…ပေ… ကဗဠီကာရော အာဟာရော။ (၂)

သပ္ပဋိဃဉ္စ အပ္ပဋိဃဉ္စ ဓမ္မံ ပဋိစ္စ သပ္ပဋိဃော စ အပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ – အပ္ပဋိဃေ ခန္ဓေ စ မဟာဘူတေ စ ပဋိစ္စ သပ္ပဋိဃဉ္စ အပ္ပဋိဃဉ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… အပ္ပဋိဃေ ခန္ဓေ စ မဟာဘူတေ စ ပဋိစ္စ သပ္ပဋိဃဉ္စ အပ္ပဋိဃဉ္စ ကဋတ္တာရူပံ၊ ဖောဋ္ဌဗ္ဗာယတနဉ္စ အာပေါဓာတုဉ္စ ပဋိစ္စ သပ္ပဋိဃဉ္စ အပ္ပဋိဃဉ္စ စိတ္တသမုဋ္ဌာနံ ရူပံ၊ ကဋတ္တာရူပံ၊ ဥပါဒါရူပံ၊ ဖောဋ္ဌဗ္ဗာယတနဉ္စ အာပေါဓာတုဉ္စ ပဋိစ္စ စက္ခာယတနံ…ပေ… ရသာယတနံ၊ ဣတ္ထိန္ဒြိယံ…ပေ… ကဗဠီကာရော အာဟာရော။ (၃)

အာရမ္မဏပစ္စယော

၅၆။ အပ္ပဋိဃံ ဓမ္မံ ပဋိစ္စ အပ္ပဋိဃော ဓမ္မော ဥပ္ပဇ္ဇတိ အာရမ္မဏပစ္စယာ – အပ္ပဋိဃံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ဝတ္ထုံ ပဋိစ္စ ခန္ဓာ။

အဓိပတိပစ္စယာဒိ

၅၇။ သပ္ပဋိဃံ ဓမ္မံ ပဋိစ္စ အပ္ပဋိဃော ဓမ္မော ဥပ္ပဇ္ဇတိ အဓိပတိပစ္စယာ (ပဋိသန္ဓိ ဝဇ္ဇေတဗ္ဗာ၊ ကဋတ္တာရူပါ စ)… အနန္တရပစ္စယာ… သမနန္တရပစ္စယာ… သဟဇာတပစ္စယာ (သဗ္ဗေ မဟာဘူတာ ကာတဗ္ဗာ)… အညမညပစ္စယာ – သပ္ပဋိဃံ ဧကံ မဟာဘူတံ ပဋိစ္စ ဒွေ မဟာဘူတာ၊ ဒွေ မဟာဘူတေ…ပေ…။ (၁)

သပ္ပဋိဃံ ¶ ဓမ္မံ ပဋိစ္စ ¶ အပ္ပဋိဃော ဓမ္မော ဥပ္ပဇ္ဇတိ အညမညပစ္စယာ – သပ္ပဋိဃေ မဟာဘူတေ ပဋိစ္စ အာပေါဓာတု…ပေ…။ (၂)

သပ္ပဋိဃံ ဓမ္မံ ပဋိစ္စ သပ္ပဋိဃော စ အပ္ပဋိဃော စ ဓမ္မာ ဥပ္ပဇ္ဇန္တိ အညမညပစ္စယာ ¶ – သပ္ပဋိဃံ ဧကံ မဟာဘူတံ ပဋိစ္စ ဒွေ မဟာဘူတာ အာပေါဓာတု စ၊ ဒွေ မဟာဘူတေ…ပေ…။ (၃)

၅၈။ အပ္ပဋိဃံ ဓမ္မံ ပဋိစ္စ အပ္ပဋိဃော ဓမ္မော ဥပ္ပဇ္ဇတိ အညမညပစ္စယာ – အပ္ပဋိဃံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ။ (၁)

အပ္ပဋိဃံ ဓမ္မံ ပဋိစ္စ သပ္ပဋိဃော ဓမ္မော ဥပ္ပဇ္ဇတိ အညမညပစ္စယာ – အာပေါဓာတုံ ပဋိစ္စ သပ္ပဋိဃာ မဟာဘူတာ (ဣမေ အဇ္ဈတ္တိကဗာဟိရာ မဟာဘူတာ ကာတဗ္ဗာ)။ (၂)

သပ္ပဋိဃဉ္စ အပ္ပဋိဃဉ္စ ဓမ္မံ ပဋိစ္စ သပ္ပဋိဃော ဓမ္မော ဥပ္ပဇ္ဇတိ အညမညပစ္စယာ – သပ္ပဋိဃံ ဧကံ မဟာဘူတဉ္စ အာပေါဓာတုဉ္စ ပဋိစ္စ ဒွေ မဟာဘူတာ…ပေ… နိဿယပစ္စယာ…ပေ… အဝိဂတပစ္စယာ။

၁။ ပစ္စယာနုလောမံ

၂။ သင်္ချာဝါရော

သုဒ္ဓံ

၅၉။ ဟေတုယာ နဝ၊ အာရမ္မဏေ ဧကံ၊ အဓိပတိယာ နဝ၊ အနန္တရေ ဧကံ၊ သမနန္တရေ ဧကံ၊ သဟဇာတေ နဝ၊ အညမညေ ဆ၊ နိဿယေ နဝ၊ ဥပနိဿယေ ဧကံ၊ ပုရေဇာတေ ဧကံ၊ အာသေဝနေ ဧကံ၊ ကမ္မေ နဝ၊ ဝိပါကေ နဝ၊ အာဟာရေ နဝ၊ ဣန္ဒြိယေ နဝ၊ ဈာနေ နဝ၊ မဂ္ဂေ နဝ၊ သမ္ပယုတ္တေ ဧကံ၊ ဝိပ္ပယုတ္တေ နဝ၊ အတ္ထိယာ နဝ၊ နတ္ထိယာ ဧကံ၊ ဝိဂတေ ဧကံ၊ အဝိဂတေ နဝ။

အနုလောမံ။

၂။ ပစ္စယပစ္စနီယံ

၁။ ဝိဘင်္ဂဝါရော

နဟေတုပစ္စယော

၆၀။ သပ္ပဋိဃံ ¶ ¶ ¶ ဓမ္မံ ပဋိစ္စ သပ္ပဋိဃော ဓမ္မော ဥပ္ပဇ္ဇတိ နဟေတုပစ္စယာ… တီဏိ။

အပ္ပဋိဃံ ဓမ္မံ ပဋိစ္စ အပ္ပဋိဃော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ အပ္ပဋိဃံ ဧကံ ခန္ဓံ ပဋိစ္စ တယော ခန္ဓာ အပ္ပဋိဃံ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ၊ အာပေါဓာတုံ ပဋိစ္စ အပ္ပဋိဃံ စိတ္တသမုဋ္ဌာနံ ရူပံ၊ ကဋတ္တာရူပံ၊ ဥပါဒါရူပံ၊ အာပေါဓာတုံ ပဋိစ္စ ဣတ္ထိန္ဒြိယံ…ပေ… ကဗဠီကာရော အာဟာရော… ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ… အာပေါဓာတုံ ပဋိစ္စ အပ္ပဋိဃံ ကဋတ္တာရူပံ ဥပါဒါရူပံ၊ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)

(အပ္ပဋိဃမူလကံ ဣတရေပိ ဒွေ ပဉှာ ကာတဗ္ဗာ။ ဃဋနေပိ တီဏိ ပဉှာ ကာတဗ္ဗာ။ အဇ္ဈတ္တိကာ ဗာဟိရာ မဟာဘူတာ သဗ္ဗေ ဇာနိတွာ ကာတဗ္ဗာ။)

နအာရမ္မဏပစ္စယာဒိ

၆၁။ သပ္ပဋိဃံ ဓမ္မံ ပဋိစ္စ သပ္ပဋိဃော ဓမ္မော ဥပ္ပဇ္ဇတိ နအာရမ္မဏပစ္စယာ (သဗ္ဗံ သံခိတ္တံ)… နောဝိဂတပစ္စယာ။

၂။ ပစ္စယပစ္စနီယံ

၂။ သင်္ချာဝါရော

သုဒ္ဓံ

၆၂။ နဟေတုယာ နဝ၊ နအာရမ္မဏေ နဝ၊ နအဓိပတိယာ နဝ၊ နအနန္တရေ နဝ၊ နသမနန္တရေ နဝ၊ နအညမညေ နဝ၊ နဥပနိဿယေ နဝ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ ¶ နဝ၊ နကမ္မေ နဝ၊ နဝိပါကေ နဝ၊ နအာဟာရေ နဝ၊ နဣန္ဒြိယေ နဝ၊ နဈာနေ နဝ၊ နမဂ္ဂေ နဝ၊ နသမ္ပယုတ္တေ နဝ၊ နဝိပ္ပယုတ္တေ ¶ နဝ၊ နောနတ္ထိယာ နဝ၊ နောဝိဂတေ နဝ။

ပစ္စနီယံ။

၃။ ပစ္စယာနုလောမပစ္စနီယံ

ဟေတုဒုကံ

၆၃။ ဟေတုပစ္စယာ ¶ နအာရမ္မဏေ နဝ၊ နအဓိပတိယာ နဝ၊ နအနန္တရေ နဝ၊ နသမနန္တရေ နဝ၊ နအညမညေ နဝ၊ နဥပနိဿယေ နဝ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ ဧကံ၊ နဝိပါကေ နဝ၊ နသမ္ပယုတ္တေ နဝ၊ နဝိပ္ပယုတ္တေ ဧကံ၊ နောနတ္ထိယာ နဝ၊ နောဝိဂတေ နဝ။

အနုလောမပစ္စနီယံ။

၄။ ပစ္စယပစ္စနီယာနုလောမံ

နဟေတုဒုကံ

၆၄။ နဟေတုပစ္စယာ အာရမ္မဏေ ဧကံ၊ အနန္တရေ ဧကံ၊ သမနန္တရေ ဧကံ၊ သဟဇာတေ နဝ၊ အညမညေ ဆ၊ နိဿယေ နဝ၊ ဥပနိဿယေ ဧကံ၊ ပုရေဇာတေ ဧကံ၊ အာသေဝနေ ဧကံ၊ ကမ္မေ နဝ…ပေ… မဂ္ဂေ ဧကံ၊ သမ္ပယုတ္တေ ဧကံ၊ ဝိပ္ပယုတ္တေ နဝ၊ အတ္ထိယာ နဝ၊ နတ္ထိယာ ဧကံ၊ ဝိဂတေ ဧကံ၊ အဝိဂတေ နဝ။

ပစ္စနီယာနုလောမံ။

၂။ သဟဇာတဝါရော

(သဟဇာတဝါရောပိ ¶ ပဋိစ္စဝါရသဒိသော။)

၃။ ပစ္စယဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၆၅။ သပ္ပဋိဃံ ဓမ္မံ ပစ္စယာ သပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ… တီဏိ။

အပ္ပဋိဃံ ¶ ဓမ္မံ ပစ္စယာ အပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ – အပ္ပဋိဃံ ဧကံ ခန္ဓံ ပစ္စယာ တယော ခန္ဓာ အပ္ပဋိဃံ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ ¶ …ပေ… အာပေါဓာတုံ ပစ္စယာ အပ္ပဋိဃံ စိတ္တသမုဋ္ဌာနံ ရူပံ၊ ကဋတ္တာရူပံ၊ ဥပါဒါရူပံ၊ အာပေါဓာတုံ ပစ္စယာ ဣတ္ထိန္ဒြိယံ…ပေ… ကဗဠီကာရော အာဟာရော၊ ဝတ္ထုံ ပစ္စယာ အပ္ပဋိဃာ ခန္ဓာ။ (၁)

(အဝသေသာ ပဉ္စ ပဉှာ ပဋိစ္စဝါရသဒိသာ။)

အာရမ္မဏပစ္စယာဒိ

၆၆။ သပ္ပဋိဃံ ဓမ္မံ ပစ္စယာ အပ္ပဋိဃော ဓမ္မော ဥပ္ပဇ္ဇတိ အာရမ္မဏပစ္စယာ – စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ။ (၁)

အပ္ပဋိဃံ ဓမ္မံ ပစ္စယာ အပ္ပဋိဃော ဓမ္မော ဥပ္ပဇ္ဇတိ အာရမ္မဏပစ္စယာ – အပ္ပဋိဃံ ဧကံ ခန္ဓံ ¶ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ဝတ္ထုံ ပစ္စယာ အပ္ပဋိဃာ ခန္ဓာ။ (၁)

သပ္ပဋိဃဉ္စ အပ္ပဋိဃဉ္စ ဓမ္မံ ပစ္စယာ အပ္ပဋိဃော ဓမ္မော ဥပ္ပဇ္ဇတိ အာရမ္မဏပစ္စယာ – စက္ခုဝိညာဏသဟဂတံ ဧကံ ခန္ဓဉ္စ စက္ခာယတနဉ္စ ပစ္စယာ တယော ခန္ဓာ…ပေ… ကာယဝိညာဏသဟဂတံ ဧကံ ခန္ဓဉ္စ ကာယာယတနဉ္စ ပစ္စယာ တယော ခန္ဓာ…ပေ… အဓိပတိပစ္စယာ… (သံခိတ္တံ) အဝိဂတပစ္စယာ။

၁။ ပစ္စယာနုလောမံ

၂။ သင်္ချာဝါရော

သုဒ္ဓံ

၆၇။ ဟေတုယာ နဝ၊ အာရမ္မဏေ တီဏိ၊ အဓိပတိယာ နဝ၊ အနန္တရေ တီဏိ၊ သမနန္တရေ တီဏိ၊ သဟဇာတေ နဝ၊ အညမညေ ဆ၊ နိဿယေ နဝ၊ ဥပနိဿယေ တီဏိ၊ ပုရေဇာတေ တီဏိ၊ အာသေဝနေ ဧကံ၊ ကမ္မေ နဝ…ပေ… အဝိဂတေ နဝ (ဧဝံ ပစ္စနီယဂဏနာပိ ကာတဗ္ဗာ)။

၄။ နိဿယဝါရော

(နိဿယဝါရောပိ ပစ္စယဝါရသဒိသော။)

၅။ သံသဋ္ဌဝါရော

(သံသဋ္ဌဝါရေပိ သဗ္ဗတ္ထ ဧကံ၊ သံခိတ္တံ ¶ ။ အဝိဂတပစ္စယာ၊ ဧကာယေဝ ပဉှာ။ ဒွေပိ ဝါရာ ကာတဗ္ဗာ။)

၇။ ပဉှာဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၆၈။ အပ္ပဋိဃော ¶ ¶ ဓမ္မော အပ္ပဋိဃဿ ဓမ္မဿ ဟေတုပစ္စယေန ပစ္စယော – အပ္ပဋိဃာ ဟေတူ သမ္ပယုတ္တကာနံ ခန္ဓာနံ အပ္ပဋိဃာနဉ္စ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)

အပ္ပဋိဃော ဓမ္မော သပ္ပဋိဃဿ ဓမ္မဿ ဟေတုပစ္စယေန ပစ္စယော – အပ္ပဋိဃာ ဟေတူ သပ္ပဋိဃာနံ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၂)

အပ္ပဋိဃော ဓမ္မော သပ္ပဋိဃဿ စ အပ္ပဋိဃဿ စ ဓမ္မဿ ဟေတုပစ္စယေန ပစ္စယော – အပ္ပဋိဃာ ဟေတူ သမ္ပယုတ္တကာနံ ခန္ဓာနံ သပ္ပဋိဃာနဉ္စ အပ္ပဋိဃာနဉ္စ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၃)

အာရမ္မဏပစ္စယော

၆၉။ သပ္ပဋိဃော ဓမ္မော အပ္ပဋိဃဿ ဓမ္မဿ အာရမ္မဏပစ္စယေန ပစ္စယော – စက္ခုံ…ပေ… ဖောဋ္ဌဗ္ဗေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… သပ္ပဋိဃာ ခန္ဓာ ဣဒ္ဓိဝိဓဉာဏဿ၊ ပုဗ္ဗေနိဝါသာနုဿတိဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၁)

အပ္ပဋိဃော ဓမ္မော အပ္ပဋိဃဿ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ¶ ပစ္စဝေက္ခတိ၊ ပုဗ္ဗေ သုစိဏ္ဏာနိ ပစ္စဝေက္ခတိ၊ ဈာနာ ဝုဋ္ဌဟိတွာ ¶ ဈာနံ ပစ္စဝေက္ခတိ၊ အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ၊ ဖလံ ပစ္စဝေက္ခန္တိ၊ နိဗ္ဗာနံ ပစ္စဝေက္ခန္တိ၊ နိဗ္ဗာနံ ဂေါတြဘုဿ၊ ဝေါဒါနဿ၊ မဂ္ဂဿ၊ ဖလဿ၊ အာဝဇ္ဇနာယ အာရမ္မဏပစ္စယေန ပစ္စယော၊ အရိယာ ပဟီနေ ကိလေသေ ပစ္စဝေက္ခန္တိ၊ ဝိက္ခမ္ဘိတေ ကိလေသေ ပစ္စဝေက္ခန္တိ၊ ပုဗ္ဗေ သမုဒါစိဏ္ဏေ ကိလေသေ ဇာနန္တိ၊ ဝတ္ထုံ…ပေ… ဣတ္ထိန္ဒြိယံ… ပုရိသိန္ဒြိယံ… ဇီဝိတိန္ဒြိယံ… အာပေါဓာတုံ၊ ကဗဠီကာရံ အာဟာရံ အနိစ္စတော…ပေ… ဒေါမနဿံ ဥပ္ပဇ္ဇတိ၊ စေတောပရိယဉာဏေန အပ္ပဋိဃစိတ္တသမင်္ဂိဿ စိတ္တံ ဇာနာတိ၊ အာကာသာနဉ္စာယတနံ ¶ ဝိညာဏဉ္စာယတနဿ…ပေ… အာကိဉ္စညာယတနံ နေဝသညာနာသညာယတနဿ…ပေ… အပ္ပဋိဃာ ခန္ဓာ ဣဒ္ဓိဝိဓဉာဏဿ၊ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ ယထာကမ္မူပဂဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၁)

အဓိပတိပစ္စယော

၇၀။ သပ္ပဋိဃော ဓမ္မော အပ္ပဋိဃဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – စက္ခုံ…ပေ… ဖောဋ္ဌဗ္ဗေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ (၁)

အပ္ပဋိဃော ဓမ္မော အပ္ပဋိဃဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ဂရုံ ကတွာ ပစ္စဝေက္ခတိ၊ ပုဗ္ဗေ သုစိဏ္ဏာနိ ဂရုံ ကတွာ ပစ္စဝေက္ခတိ၊ ဈာနာ ဝုဋ္ဌဟိတွာ ဈာနံ ဂရုံ ကတွာ ပစ္စဝေက္ခတိ၊ အရိယာ မဂ္ဂါ ဝုဋ္ဌဟိတွာ မဂ္ဂံ ¶ ဂရုံ ကတွာ ပစ္စဝေက္ခန္တိ၊ ဖလံ ဂရုံ ကတွာ ပစ္စဝေက္ခန္တိ၊ နိဗ္ဗာနံ ဂရုံ ကတွာ ပစ္စဝေက္ခန္တိ၊ နိဗ္ဗာနံ ဂေါတြဘုဿ၊ ဝေါဒါနဿ၊ မဂ္ဂဿ၊ ဖလဿ အဓိပတိပစ္စယေန ပစ္စယော၊ ဝတ္ထုံ…ပေ… ဣတ္ထိန္ဒြိယံ… ပုရိသိန္ဒြိယံ… ဇီဝိတိန္ဒြိယံ… အာပေါဓာတုံ၊ ကဗဠီကာရံ အာဟာရံ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ သဟဇာတာဓိပတိ – အပ္ပဋိဃာဓိပတိ သမ္ပယုတ္တကာနံ ခန္ဓာနံ အပ္ပဋိဃာနဉ္စ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၁)

အပ္ပဋိဃော ¶ ဓမ္မော သပ္ပဋိဃဿ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – အပ္ပဋိဃာဓိပတိ သပ္ပဋိဃာနံ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၁)

အပ္ပဋိဃော ဓမ္မော သပ္ပဋိဃဿ စ အပ္ပဋိဃဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – အပ္ပဋိဃာဓိပတိ သမ္ပယုတ္တကာနံ ခန္ဓာနံ သပ္ပဋိဃာနဉ္စ အပ္ပဋိဃာနဉ္စ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၃)

အနန္တရပစ္စယော

၇၁။ အပ္ပဋိဃော ဓမ္မော အပ္ပဋိဃဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ အပ္ပဋိဃာ ခန္ဓာ…ပေ… ဖလသမာပတ္တိယာ အနန္တရပစ္စယေန ပစ္စယော။

သမနန္တရပစ္စယော

၇၂။ အပ္ပဋိဃော ¶ ဓမ္မော အပ္ပဋိဃဿ ဓမ္မဿ သမနန္တရပစ္စယေန ပစ္စယော…ပေ…။

သဟဇာတပစ္စယာဒိ

၇၃။ သပ္ပဋိဃော ဓမ္မော သပ္ပဋိဃဿ ဓမ္မဿ သဟဇာတပစ္စယေန ပစ္စယော… နဝ… အညမညပစ္စယေန ပစ္စယော… ဆ… နိဿယပစ္စယေန ပစ္စယော… နဝ။

ဥပနိဿယပစ္စယော

၇၄။ သပ္ပဋိဃော ¶ ဓမ္မော အပ္ပဋိဃဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ ပကတူပနိဿယော…ပေ…။ ပကတူပနိဿယော – ဥတုံ၊ သေနာသနံ ဥပနိဿာယ ဒါနံ ဒေတိ…ပေ… သင်္ဃံ ဘိန္ဒတိ၊ ဥတု၊ သေနာသနံ သဒ္ဓါယ…ပေ… ဖလသမာပတ္တိယာ ဥပနိဿယပစ္စယေန ပစ္စယော။ (၁)

အပ္ပဋိဃော ဓမ္မော အပ္ပဋိဃဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော ¶ ၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ…ပေ… ဒိဋ္ဌိံ ဂဏှာတိ၊ သီလံ…ပေ… ကာယိကံ သုခံ၊ ကာယိကံ ဒုက္ခံ၊ ဘောဇနံ ဥပနိဿာယ ဒါနံ ဒေတိ…ပေ… သင်္ဃံ ဘိန္ဒတိ၊ သဒ္ဓါ…ပေ… ဘောဇနံ သဒ္ဓါယ…ပေ… ဖလသမာပတ္တိယာ ဥပနိဿယပစ္စယေန ပစ္စယော။ (၁)

ပုရေဇာတပစ္စယော

၇၅။ သပ္ပဋိဃော ဓမ္မော အပ္ပဋိဃဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဖောဋ္ဌဗ္ဗေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ၊ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ ပုရေဇာတပစ္စယေန ပစ္စယော။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ ပုရေဇာတပစ္စယေန ပစ္စယော။ (၁)

အပ္ပဋိဃော ဓမ္မော အပ္ပဋိဃဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – ဝတ္ထုံ…ပေ… ဣတ္ထိန္ဒြိယံ၊ ပုရိသိန္ဒြိယံ ¶ ၊ ဇီဝိတိန္ဒြိယံ၊ အာပေါဓာတုံ၊ ကဗဠီကာရံ အာဟာရံ အနိစ္စတော ¶ …ပေ… ဒေါမနဿံ ဥပ္ပဇ္ဇတိ။ ဝတ္ထုပုရေဇာတံ – ဝတ္ထု အပ္ပဋိဃာနံ ခန္ဓာနံ ပုရေဇာတပစ္စယေန ပစ္စယော။ (၁)

သပ္ပဋိဃော စ အပ္ပဋိဃော စ ဓမ္မာ အပ္ပဋိဃဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ စက္ခာယတနဉ္စ ဝတ္ထု စ…ပေ… ဖောဋ္ဌဗ္ဗာယတနဉ္စ ဝတ္ထု စ အပ္ပဋိဃာနံ ခန္ဓာနံ ပုရေဇာတပစ္စယေန ပစ္စယော။ (၁)

ပစ္ဆာဇာတပစ္စယော

၇၆။ အပ္ပဋိဃော ဓမ္မော အပ္ပဋိဃဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အပ္ပဋိဃာ ခန္ဓာ ပုရေဇာတဿ ဣမဿ အပ္ပဋိဃဿ ကာယဿ ပစ္ဆာဇာတပစ္စယေန ပစ္စယော။ (မူလံ ကာတဗ္ဗံ) ပစ္ဆာဇာတာ အပ္ပဋိဃာ ခန္ဓာ ပုရေဇာတဿ ဣမဿ သပ္ပဋိဃဿ ကာယဿ ပစ္ဆာဇာတပစ္စယေန ပစ္စယော။ (မူလံ ကာတဗ္ဗံ) ပစ္ဆာဇာတာ အပ္ပဋိဃာ ခန္ဓာ ပုရေဇာတဿ ဣမဿ ¶ သပ္ပဋိဃဿ စ အပ္ပဋိဃဿ စ ကာယဿ ပစ္ဆာဇာတပစ္စယေန ပစ္စယော (ဒွိန္နမ္ပိ မူလာ ကာတဗ္ဗာ)။ (၃)

အာသေဝနပစ္စယော

၇၇။ အပ္ပဋိဃော ဓမ္မော အပ္ပဋိဃဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ အပ္ပဋိဃာ ခန္ဓာ…ပေ… ဝေါဒါနံ မဂ္ဂဿ အာသေဝနပစ္စယေန ပစ္စယော။ (၁)

ကမ္မပစ္စယော

၇၈။ အပ္ပဋိဃော ဓမ္မော အပ္ပဋိဃဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – အပ္ပဋိဃာ စေတနာ သမ္ပယုတ္တကာနံ ခန္ဓာနံ အပ္ပဋိဃာနဉ္စ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – အပ္ပဋိဃာ စေတနာ ဝိပါကာနံ ခန္ဓာနံ ¶ အပ္ပဋိဃာနဉ္စ ကဋတ္တာရူပါနံ ကမ္မပစ္စယေန ပစ္စယော။ (၁)

အပ္ပဋိဃော ဓမ္မော သပ္ပဋိဃဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – အပ္ပဋိဃာ စေတနာ သပ္ပဋိဃာနံ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – အပ္ပဋိဃာ စေတနာ သပ္ပဋိဃာနံ ကဋတ္တာရူပါနံ ကမ္မပစ္စယေန ပစ္စယော။ (၂)

အပ္ပဋိဃော ¶ ဓမ္မော သပ္ပဋိဃဿ စ အပ္ပဋိဃဿ စ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – အပ္ပဋိဃာ စေတနာ သမ္ပယုတ္တကာနံ ခန္ဓာနံ သပ္ပဋိဃာနဉ္စ အပ္ပဋိဃာနဉ္စ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – အပ္ပဋိဃာ စေတနာ ဝိပါကာနံ ခန္ဓာနံ သပ္ပဋိဃာနဉ္စ အပ္ပဋိဃာနဉ္စ ကဋတ္တာရူပါနံ ကမ္မပစ္စယေန ပစ္စယော။ (၃)

ဝိပါကပစ္စယော

၇၉။ အပ္ပဋိဃော ¶ ဓမ္မော အပ္ပဋိဃဿ ဓမ္မဿ ဝိပါကပစ္စယေန ပစ္စယော – ဝိပါကော အပ္ပဋိဃော…ပေ… တီဏိ။

အာဟာရပစ္စယော

၈၀။ အပ္ပဋိဃော ဓမ္မော အပ္ပဋိဃဿ ဓမ္မဿ အာဟာရပစ္စယေန ပစ္စယော – အပ္ပဋိဃာ အာဟာရာ သမ္ပယုတ္တကာနံ ခန္ဓာနံ အပ္ပဋိဃာနဉ္စ စိတ္တသမုဋ္ဌာနာနံ ရူပါနံ အာဟာရပစ္စယေန ပစ္စယော၊ ပဋိသန္ဓိက္ခဏေ…ပေ… ကဗဠီကာရော အာဟာရော ဣမဿ အပ္ပဋိဃဿ ကာယဿ အာဟာရပစ္စယေန ပစ္စယော (အဝသေသာ ဒွေပိ ပဉှာ ကာတဗ္ဗာ၊ ပဋိသန္ဓိ ကဗဠီကာရော အာဟာရော ဒွီသုပိ ကာတဗ္ဗော အဂ္ဂေ)။ (၃)

ဣန္ဒြိယပစ္စယာဒိ

၈၁။ သပ္ပဋိဃော ဓမ္မော အပ္ပဋိဃဿ ဓမ္မဿ ဣန္ဒြိယပစ္စယေန ပစ္စယော – စက္ခုန္ဒြိယံ စက္ခုဝိညာဏဿ…ပေ… ကာယိန္ဒြိယံ ကာယဝိညာဏဿ ဣန္ဒြိယပစ္စယေန ပစ္စယော။ (၁)

အပ္ပဋိဃော ဓမ္မော အပ္ပဋိဃဿ ဓမ္မဿ ဣန္ဒြိယပစ္စယေန ပစ္စယော… တီဏိ (တီသုပိ ဇီဝိတိန္ဒြိယံ အဂ္ဂေ ကာတဗ္ဗံ) ¶ ။ (၃)

သပ္ပဋိဃော စ အပ္ပဋိဃော စ ဓမ္မာ အပ္ပဋိဃဿ ဓမ္မဿ ဣန္ဒြိယပစ္စယေန ပစ္စယော – စက္ခုန္ဒြိယဉ္စ စက္ခုဝိညာဏဉ္စ စက္ခုဝိညာဏသဟဂတာနံ ခန္ဓာနံ ဣန္ဒြိယပစ္စယေန ပစ္စယော…ပေ… ကာယိန္ဒြိယဉ္စ ကာယဝိညာဏဉ္စ ကာယဝိညာဏသဟဂတာနံ ခန္ဓာနံ ဣန္ဒြိယပစ္စယေန ပစ္စယော… ဈာနပစ္စယေန ပစ္စယော… တီဏိ… မဂ္ဂပစ္စယေန ပစ္စယော… တီဏိ… သမ္ပယုတ္တပစ္စယေန ပစ္စယော… ဧကံ။

ဝိပ္ပယုတ္တပစ္စယော

၈၂။ သပ္ပဋိဃော ¶ ¶ ဓမ္မော အပ္ပဋိဃဿ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ ဝိပ္ပယုတ္တပစ္စယေန ပစ္စယော။ (၁)

အပ္ပဋိဃော ဓမ္မော အပ္ပဋိဃဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ။ သဟဇာတာ – အပ္ပဋိဃာ ခန္ဓာ အပ္ပဋိဃာနံ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ…ပေ… ခန္ဓာ ဝတ္ထုဿ ဝိပ္ပယုတ္တပစ္စယေန ပစ္စယော၊ ဝတ္ထု ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု အပ္ပဋိဃာနံ ခန္ဓာနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အပ္ပဋိဃာ ခန္ဓာ ပုရေဇာတဿ ဣမဿ အပ္ပဋိဃဿ ကာယဿ ဝိပ္ပယုတ္တပစ္စယေန ပစ္စယော။ (၁)

အပ္ပဋိဃော ဓမ္မော သပ္ပဋိဃဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – အပ္ပဋိဃာ ခန္ဓာ သပ္ပဋိဃာနံ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ…ပေ…။ ပစ္ဆာဇာတာ – အပ္ပဋိဃာ ခန္ဓာ ပုရေဇာတဿ ဣမဿ သပ္ပဋိဃဿ ကာယဿ ဝိပ္ပယုတ္တပစ္စယေန ပစ္စယော။ (၂)

အပ္ပဋိဃော ဓမ္မော သပ္ပဋိဃဿ စ အပ္ပဋိဃဿ စ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – အပ္ပဋိဃာ ခန္ဓာ သပ္ပဋိဃာနဉ္စ အပ္ပဋိဃာနဉ္စ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ ¶ …ပေ…။ ပစ္ဆာဇာတာ – အပ္ပဋိဃာ ခန္ဓာ ပုရေဇာတဿ ဣမဿ သပ္ပဋိဃဿ စ အပ္ပဋိဃဿ စ ကာယဿ ဝိပ္ပယုတ္တပစ္စယေန ပစ္စယော။ (၃)

အတ္ထိပစ္စယော

၈၃။ သပ္ပဋိဃော ဓမ္မော သပ္ပဋိဃဿ ဓမ္မဿ အတ္ထိပစ္စယေန ပစ္စယော… ဧကံ (ပဋိစ္စသဒိသာ ပဌမပဉှာ)။ (၁)

သပ္ပဋိဃော ¶ ဓမ္မော အပ္ပဋိဃဿ ဓမ္မဿ အတ္ထိပစ္စယေန ပစ္စယော သဟဇာတံ၊ ပုရေဇာတံ။ သဟဇာတာ – သပ္ပဋိဃာ မဟာဘူတာ အာပေါဓာတုယာ အတ္ထိပစ္စယေန ပစ္စယော၊ သပ္ပဋိဃာ မဟာဘူတာ အပ္ပဋိဃာနံ စိတ္တသမုဋ္ဌာနာနံ ရူပါနံ ကဋတ္တာရူပါနံ ဥပါဒါရူပါနံ အတ္ထိပစ္စယေန ပစ္စယော၊ ဖောဋ္ဌဗ္ဗာယတနံ ဣတ္ထိန္ဒြိယဿ…ပေ… ကဗဠီကာရဿ အာဟာရဿ အတ္ထိပစ္စယေန ပစ္စယော ¶ ၊ ဗာဟိရံ… အာဟာရသမုဋ္ဌာနံ… ဥတုသမုဋ္ဌာနံ… အသညသတ္တာနံ…ပေ…။ ပုရေဇာတံ – စက္ခုံ…ပေ… ဖောဋ္ဌဗ္ဗေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ၊ ရူပါယတနဉ္စ စက္ခာယတနဉ္စ စက္ခုဝိညာဏဿ…ပေ… ဖောဋ္ဌဗ္ဗာယတနဉ္စ ကာယာယတနဉ္စ ကာယဝိညာဏဿ အတ္ထိပစ္စယေန ပစ္စယော ¶ ။ (၂)

သပ္ပဋိဃော ဓမ္မော သပ္ပဋိဃဿ စ အပ္ပဋိဃဿ စ ဓမ္မဿ အတ္ထိပစ္စယေန ပစ္စယော – သပ္ပဋိဃံ ဧကံ မဟာဘူတံ ဒွိန္နံ မဟာဘူတာနံ အာပေါဓာတုယာ စ အတ္ထိပစ္စယေန ပစ္စယော…ပေ… (ပဋိစ္စသဒိသံ ယာဝ အသညသတ္တာ)။ (၃)

၈၄။ အပ္ပဋိဃော ဓမ္မော အပ္ပဋိဃဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတော – အပ္ပဋိဃော ဧကော ခန္ဓော တိဏ္ဏန္နံ ခန္ဓာနံ…ပေ… (ယာဝ အသညသတ္တာ)။ ပုရေဇာတံ – ဝတ္ထုံ…ပေ… ဣတ္ထိန္ဒြိယံ… ပုရိသိန္ဒြိယံ… ဇီဝိတိန္ဒြိယံ… အာပေါဓာတုံ… ကဗဠီကာရံ အာဟာရံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဝတ္ထု အပ္ပဋိဃာနံ ခန္ဓာနံ အတ္ထိပစ္စယေန ပစ္စယော။ ပစ္ဆာဇာတာ – အပ္ပဋိဃာ ခန္ဓာ ပုရေဇာတဿ ဣမဿ အပ္ပဋိဃဿ ကာယဿ အတ္ထိပစ္စယေန ပစ္စယော၊ ကဗဠီကာရော အာဟာရော ဣမဿ အပ္ပဋိဃဿ ကာယဿ အတ္ထိပစ္စယေန ပစ္စယော၊ ရူပဇီဝိတိန္ဒြိယံ အပ္ပဋိဃာနံ ကဋတ္တာရူပါနံ အတ္ထိပစ္စယေန ပစ္စယော။ (၁)

အပ္ပဋိဃော ဓမ္မော သပ္ပဋိဃဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတာ – အပ္ပဋိဃာ ခန္ဓာ သပ္ပဋိဃာနံ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ ပဋိသန္ဓိက္ခဏေ…ပေ… အာပေါဓာတု သပ္ပဋိဃာနံ မဟာဘူတာနံ အတ္ထိပစ္စယေန ပစ္စယော၊ အာပေါဓာတု သပ္ပဋိဃာနံ စိတ္တသမုဋ္ဌာနာနံ ရူပါနံ ကဋတ္တာရူပါနံ ဥပါဒါရူပါနံ အတ္ထိပစ္စယေန ပစ္စယော၊ အာပေါဓာတု စက္ခာယတနဿ…ပေ… ဖောဋ္ဌဗ္ဗာယတနဿ အတ္ထိပစ္စယေန ¶ ပစ္စယော၊ ဗာဟိရံ၊ အာဟာရသမုဋ္ဌာနံ၊ ဥတုသမုဋ္ဌာနံ၊ အသညသတ္တာနံ…ပေ…။ ပစ္ဆာဇာတာ – အပ္ပဋိဃာ ¶ ခန္ဓာ ပုရေဇာတဿ ဣမဿ သပ္ပဋိဃဿ ကာယဿ အတ္ထိပစ္စယေန ပစ္စယော၊ ကဗဠီကာရော အာဟာရော ဣမဿ သပ္ပဋိဃဿ ကာယဿ အတ္ထိပစ္စယေန ပစ္စယော၊ ရူပဇီဝိတိန္ဒြိယံ သပ္ပဋိဃာနံ ကဋတ္တာရူပါနံ အတ္ထိပစ္စယေန ပစ္စယော။ (၂)

အပ္ပဋိဃော ဓမ္မော သပ္ပဋိဃဿ စ အပ္ပဋိဃဿ စ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတော – အပ္ပဋိဃော ¶ ဧကော ခန္ဓော တိဏ္ဏန္နံ ခန္ဓာနံ သပ္ပဋိဃာနဉ္စ အပ္ပဋိဃာနဉ္စ…ပေ… (ပဋိစ္စသဒိသံ ယာဝ အသညသတ္တာ)။ ပစ္ဆာဇာတာ – အပ္ပဋိဃာ ခန္ဓာ ပုရေဇာတဿ ဣမဿ သပ္ပဋိဃဿ စ အပ္ပဋိဃဿ စ ကာယဿ အတ္ထိပစ္စယေန ပစ္စယော၊ ကဗဠီကာရော အာဟာရော ဣမဿ သပ္ပဋိဃဿ စ အပ္ပဋိဃဿ စ ကာယဿ အတ္ထိပစ္စယေန ပစ္စယော၊ ရူပဇီဝိတိန္ဒြိယံ သပ္ပဋိဃာနဉ္စ အပ္ပဋိဃာနဉ္စ ကဋတ္တာရူပါနံ အတ္ထိပစ္စယေန ပစ္စယော။ (၃)

၈၅။ သပ္ပဋိဃော စ အပ္ပဋိဃော စ ဓမ္မာ သပ္ပဋိဃဿ ဓမ္မဿ အတ္ထိပစ္စယေန ပစ္စယော (ပဋိစ္စသဒိသံ ယာဝ အသညသတ္တာ)။ (၁)

သပ္ပဋိဃော စ အပ္ပဋိဃော စ ဓမ္မာ အပ္ပဋိဃဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတာ – အပ္ပဋိဃာ ခန္ဓာ စ မဟာဘူတာ စ အပ္ပဋိဃာနံ စိတ္တသမုဋ္ဌာနာနံ ရူပါနံ…ပေ… (ပဋိစ္စသဒိသံ ယာဝ အသညသတ္တာ)။ သဟဇာတော – စက္ခုဝိညာဏသဟဂတော ဧကော ခန္ဓော စ စက္ခာယတနဉ္စ တိဏ္ဏန္နံ ခန္ဓာနံ…ပေ… ဒွေ ခန္ဓာ စ…ပေ… ကာယဝိညာဏသဟဂတော ဧကော ခန္ဓော စ ကာယာယတနဉ္စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ¶ ခန္ဓာ စ…ပေ…။ (၂)

သပ္ပဋိဃော စ အပ္ပဋိဃော စ ဓမ္မာ သပ္ပဋိဃဿ စ အပ္ပဋိဃဿ စ ဓမ္မဿ အတ္ထိပစ္စယေန ပစ္စယော (ပဋိစ္စသဒိသံ)။ (၃)

၁။ ပစ္စယာနုလောမံ

၂။ သင်္ချာဝါရော

သုဒ္ဓံ

၈၆။ ဟေတုယာ ¶ တီဏိ၊ အာရမ္မဏေ ဒွေ၊ အဓိပတိယာ စတ္တာရိ၊ အနန္တရေ ဧကံ၊ သမနန္တရေ ဧကံ၊ သဟဇာတေ နဝ၊ အညမညေ ဆ၊ နိဿယေ နဝ၊ ဥပနိဿယေ ဒွေ၊ ပုရေဇာတေ တီဏိ၊ ပစ္ဆာဇာတေ တီဏိ၊ အာသေဝနေ ဧကံ၊ ကမ္မေ တီဏိ၊ ဝိပါကေ တီဏိ၊ အာဟာရေ တီဏိ၊ ဣန္ဒြိယေ ပဉ္စ၊ ဈာနေ တီဏိ၊ မဂ္ဂေ တီဏိ၊ သမ္ပယုတ္တေ ဧကံ၊ ဝိပ္ပယုတ္တေ စတ္တာရိ၊ အတ္ထိယာ နဝ၊ နတ္ထိယာ ဧကံ၊ ဝိဂတေ ဧကံ၊ အဝိဂတေ နဝ (ဧဝံ ဂဏေတဗ္ဗံ)။

အနုလောမံ။

၂။ ပစ္စနီယုဒ္ဓါရော

၈၇။ သပ္ပဋိဃော ¶ ဓမ္မော သပ္ပဋိဃဿ ဓမ္မဿ သဟဇာတပစ္စယေန ပစ္စယော။ (၁)

သပ္ပဋိဃော ဓမ္မော အပ္ပဋိဃဿ ဓမ္မဿ အာရမ္မဏပစ္စယေန ပစ္စယော၊ သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၂)

သပ္ပဋိဃော ဓမ္မော သပ္ပဋိဃဿ စ အပ္ပဋိဃဿ စ ဓမ္မဿ သဟဇာတပစ္စယေန ပစ္စယော။ (၃)

၈၈။ အပ္ပဋိဃော ဓမ္မော အပ္ပဋိဃဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)

အပ္ပဋိဃော ¶ ဓမ္မော သပ္ပဋိဃဿ ဓမ္မဿ သဟဇာတပစ္စယေန ပစ္စယော ¶ … ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၂)

အပ္ပဋိဃော ဓမ္မော သပ္ပဋိဃဿ စ အပ္ပဋိဃဿ စ ဓမ္မဿ သဟဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၃)

၈၉။ သပ္ပဋိဃော စ အပ္ပဋိဃော စ ဓမ္မာ သပ္ပဋိဃဿ ဓမ္မဿ သဟဇာတပစ္စယေန ပစ္စယော။ (၁)

သပ္ပဋိဃော စ အပ္ပဋိဃော စ ဓမ္မာ အပ္ပဋိဃဿ ဓမ္မဿ သဟဇာတံ၊ ပုရေဇာတံ။ (၂)

သပ္ပဋိဃော စ အပ္ပဋိဃော စ ဓမ္မာ သပ္ပဋိဃဿ စ အပ္ပဋိဃဿ စ ဓမ္မဿ သဟဇာတပစ္စယေန ပစ္စယော။ (၃)

၂။ ပစ္စယပစ္စနီယံ

၂။ သင်္ချာဝါရော

သုဒ္ဓံ

၉၀။ နဟေတုယာ ¶ နဝ…ပေ… နအနန္တရေ နဝ၊ နသမနန္တရေ နဝ၊ နသဟဇာတေ စတ္တာရိ၊ နအညမညေ နဝ၊ နနိဿယေ စတ္တာရိ၊ နဥပနိဿယေ နဝ၊ နပုရေဇာတေ နဝ…ပေ… နသမ္ပယုတ္တေ နဝ၊ နဝိပ္ပယုတ္တေ နဝ၊ နောအတ္ထိယာ စတ္တာရိ၊ နောနတ္ထိယာ နဝ၊ နောဝိဂတေ နဝ၊ နောအဝိဂတေ စတ္တာရိ။

ပစ္စနီယံ။

၃။ ပစ္စယာနုလောမပစ္စနီယံ

ဟေတုဒုကံ

၉၁။ ဟေတုပစ္စယာ ¶ နအာရမ္မဏေ တီဏိ…ပေ… နအနန္တရေ တီဏိ၊ နအညမညေ တီဏိ၊ နဥပနိဿယေ တီဏိ…ပေ… နသမ္ပယုတ္တေ တီဏိ၊ နဝိပ္ပယုတ္တေ ဧကံ၊ နောနတ္ထိယာ တီဏိ၊ နောဝိဂတေ တီဏိ။

အနုလောမပစ္စနီယံ။

၄။ ပစ္စယပစ္စနီယာနုလောမံ

နဟေတုဒုကံ

၉၂။ နဟေတုပစ္စယာ ¶ အာရမ္မဏေ ဒွေ၊ အဓိပတိယာ စတ္တာရိ (အနုလောမမာတိကာ ဂဏေတဗ္ဗာ)၊ အဝိဂတေ နဝ။

ပစ္စနီယာနုလောမံ။

သပ္ပဋိဃဒုကံ နိဋ္ဌိတံ။

၁၁။ ရူပီဒုကံ

၁။ ပဋိစ္စဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၉၃။ ရူပိံ ¶ ¶ ဓမ္မံ ပဋိစ္စ ရူပီ ဓမ္မော ဥပ္ပဇ္ဇတိ ဟေတုပစ္စယာ – ဧကံ မဟာဘူတံ ပဋိစ္စ တယော မဟာဘူတာ…ပေ… ဒွေ မဟာဘူတေ…ပေ… မဟာဘူတေ ပဋိစ္စ စိတ္တသမုဋ္ဌာနံ ရူပံ ကဋတ္တာရူပံ ဥပါဒါရူပံ။ (၁)

ရူပိံ ဓမ္မံ ပဋိစ္စ အရူပီ ဓမ္မော ဥပ္ပဇ္ဇတိ ဟေတုပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ အရူပိနော ခန္ဓာ။ (၂)

ရူပိံ ဓမ္မံ ပဋိစ္စ ရူပီ စ အရူပီ စ ဓမ္မာ ဥပ္ပဇ္ဇန္တိ ဟေတုပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ အရူပိနော ခန္ဓာ၊ မဟာဘူတေ ပဋိစ္စ ကဋတ္တာရူပံ။ (၃)

၉၄။ အရူပိံ ဓမ္မံ ပဋိစ္စ အရူပီ ဓမ္မော ဥပ္ပဇ္ဇတိ ဟေတုပစ္စယာ – အရူပိံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)

အရူပိံ ¶ ဓမ္မံ ပဋိစ္စ ရူပီ ဓမ္မော ဥပ္ပဇ္ဇတိ ဟေတုပစ္စယာ – အရူပိနော ခန္ဓေ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၂)

အရူပိံ ဓမ္မံ ပဋိစ္စ ရူပီ စ အရူပီ စ ဓမ္မာ ဥပ္ပဇ္ဇန္တိ ဟေတုပစ္စယာ – အရူပိံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)

၉၅။ ရူပိဉ္စ အရူပိဉ္စ ဓမ္မံ ပဋိစ္စ ရူပီ ဓမ္မော ¶ ဥပ္ပဇ္ဇတိ ဟေတုပစ္စယာ – အရူပိနော ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၁)

ရူပိဉ္စ အရူပိဉ္စ ဓမ္မံ ပဋိစ္စ အရူပီ ဓမ္မော ဥပ္ပဇ္ဇတိ ဟေတုပစ္စယာ – ပဋိသန္ဓိက္ခဏေ အရူပိံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၂)

ရူပိဉ္စ အရူပိဉ္စ ဓမ္မံ ပဋိစ္စ ရူပီ စ အရူပီ စ ဓမ္မာ ဥပ္ပဇ္ဇန္တိ ဟေတုပစ္စယာ – ပဋိသန္ဓိက္ခဏေ အရူပိံ ဧကံ ခန္ဓဉ္စ ဝတ္ထုဉ္စ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… အရူပိနော ခန္ဓေ စ မဟာဘူတေ စ ပဋိစ္စ ကဋတ္တာရူပံ (သံခိတ္တံ)။ (၃)

၁။ ပစ္စယာနုလောမံ

၂။ သင်္ချာဝါရော

သုဒ္ဓံ

၉၆။ ဟေတုယာ ¶ နဝ၊ အာရမ္မဏေ တီဏိ၊ အဓိပတိယာ ပဉ္စ၊ အနန္တရေ တီဏိ၊ သမနန္တရေ တီဏိ၊ သဟဇာတေ နဝ၊ အညမညေ ဆ၊ နိဿယေ နဝ၊ ဥပနိဿယေ တီဏိ၊ ပုရေဇာတေ ဧကံ၊ အာသေဝနေ ဧကံ၊ ကမ္မေ နဝ၊ ဝိပါကေ နဝ၊ အာဟာရေ နဝ၊ ဣန္ဒြိယေ နဝ၊ ဈာနေ နဝ၊ မဂ္ဂေ နဝ၊ သမ္ပယုတ္တေ တီဏိ၊ ဝိပ္ပယုတ္တေ နဝ၊ အတ္ထိယာ နဝ၊ နတ္ထိယာ တီဏိ၊ ဝိဂတေ တီဏိ၊ အဝိဂတေ နဝ။

အနုလောမံ။

၂။ ပစ္စယပစ္စနီယံ

၁။ ဝိဘင်္ဂဝါရော

နဟေတုပစ္စယော

၉၇။ ရူပိံ ¶ ဓမ္မံ ပဋိစ္စ ရူပီ ဓမ္မော ဥပ္ပဇ္ဇတိ နဟေတုပစ္စယာ… တီဏိ။

အရူပိံ ဓမ္မံ ပဋိစ္စ အရူပီ ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ အရူပိံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော (နဟေတုပစ္စယာ နဝ ပဉှာ၊ အဟေတုကန္တိ ¶ နိယာမေတဗ္ဗံ)။

၂။ ပစ္စယပစ္စနီယံ

၂။ သင်္ချာဝါရော

သုဒ္ဓံ

၉၈။ နဟေတုယာ နဝ၊ နအာရမ္မဏေ တီဏိ၊ နအဓိပတိယာ နဝ၊ နအနန္တရေ တီဏိ၊ နသမနန္တရေ တီဏိ၊ နအညမညေ တီဏိ၊ နဥပနိဿယေ တီဏိ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ ဒွေ၊ နဝိပါကေ ပဉ္စ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဒွေ၊ နမဂ္ဂေ နဝ၊ နသမ္ပယုတ္တေ တီဏိ၊ နဝိပ္ပယုတ္တေ ဒွေ၊ နောနတ္ထိယာ တီဏိ၊ နောဝိဂတေ တီဏိ။

ပစ္စနီယံ။

၃။ ပစ္စယာနုလောမပစ္စနီယံ

ဟေတုဒုကံ

၉၉။ ဟေတုပစ္စယာ ¶ ¶ နအာရမ္မဏေ တီဏိ၊ နအဓိပတိယာ နဝ၊ နအနန္တရေ တီဏိ၊ နသမနန္တရေ တီဏိ၊ နအညမညေ တီဏိ၊ နဥပနိဿယေ တီဏိ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ ဧကံ၊ နဝိပါကေ ပဉ္စ၊ နသမ္ပယုတ္တေ တီဏိ၊ နဝိပ္ပယုတ္တေ ဧကံ၊ နောနတ္ထိယာ တီဏိ၊ နောဝိဂတေ တီဏိ။

အနုလောမပစ္စနီယံ။

၄။ ပစ္စယပစ္စနီယာနုလောမံ

နဟေတုဒုကံ

၁၀၀။ နဟေတုပစ္စယာ အာရမ္မဏေ တီဏိ၊ အနန္တရေ တီဏိ၊ သမနန္တရေ တီဏိ၊ သဟဇာတေ နဝ၊ အညမညေ ဆ၊ နိဿယေ နဝ၊ ဥပနိဿယေ တီဏိ၊ ပုရေဇာတေ ဧကံ၊ အာသေဝနေ ဧကံ၊ ကမ္မေ နဝ၊ ဝိပါကေ နဝ၊ အာဟာရေ နဝ၊ ဣန္ဒြိယေ နဝ၊ ဈာနေ နဝ၊ မဂ္ဂေ ဧကံ၊ သမ္ပယုတ္တေ တီဏိ၊ ဝိပ္ပယုတ္တေ နဝ၊ အတ္ထိယာ နဝ၊ နတ္ထိယာ တီဏိ၊ ဝိဂတေ တီဏိ၊ အဝိဂတေ နဝ။

ပစ္စနီယာနုလောမံ။

၂။ သဟဇာတဝါရော

(သဟဇာတဝါရောပိ ပဋိစ္စဝါရသဒိသော)။

၃။ ပစ္စယဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၁၀၁။ ရူပိံ ¶ ¶ ဓမ္မံ ပစ္စယာ ရူပီ ဓမ္မော ဥပ္ပဇ္ဇတိ ဟေတုပစ္စယာ – ဧကံ မဟာဘူတံ…ပေ… (ပဋိစ္စသဒိသံ)။ (၁)

ရူပိံ ¶ ဓမ္မံ ပစ္စယာ အရူပီ ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ အရူပိနော ခန္ဓာ၊ ပဋိသန္ဓိက္ခဏေ…ပေ…။ (၂)

ရူပိံ ဓမ္မံ ပစ္စယာ ရူပီ စ အရူပီ စ ဓမ္မာ ဥပ္ပဇ္ဇန္တိ ဟေတုပစ္စယာ – ဝတ္ထုံ ပစ္စယာ အရူပိနော ခန္ဓာ၊ မဟာဘူတေ ပစ္စယာ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ… (ဧဝံ အဝသေသာ ပဉှာ၊ ပဝတ္တိပဋိသန္ဓိ ဝိဘဇိတဗ္ဗာ)။ (၃)

အာရမ္မဏပစ္စယော

၁၀၂။ ရူပိံ ဓမ္မံ ပစ္စယာ အရူပီ ဓမ္မော ဥပ္ပဇ္ဇတိ အာရမ္မဏပစ္စယာ – စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ၊ ဝတ္ထုံ ပစ္စယာ အရူပိနော ခန္ဓာ၊ ပဋိသန္ဓိက္ခဏေ…ပေ…။ (၁)

အရူပိံ ဓမ္မံ ပစ္စယာ အရူပီ ဓမ္မော ဥပ္ပဇ္ဇတိ အာရမ္မဏပစ္စယာ – အရူပိံ ဧကံ ခန္ဓံ…ပေ… ဒွေ ခန္ဓေ…ပေ…။ (၂)

ရူပိဉ္စ အရူပိဉ္စ ဓမ္မံ ပစ္စယာ အရူပီ ဓမ္မော ဥပ္ပဇ္ဇတိ အာရမ္မဏပစ္စယာ – စက္ခုဝိညာဏသဟဂတံ ဧကံ ခန္ဓဉ္စ စက္ခာယတနဉ္စ ပစ္စယာ တယော ခန္ဓာ…ပေ… ဒွေ ခန္ဓေ ¶ …ပေ… ကာယဝိညာဏသဟဂတံ…ပေ… အရူပိံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… (သံခိတ္တံ)။ (၃)

၁။ ပစ္စယာနုလောမံ

၂။ သင်္ချာဝါရော

သုဒ္ဓံ

၁၀၃။ ဟေတုယာ နဝ၊ အာရမ္မဏေ တီဏိ၊ အဓိပတိယာ နဝ၊ အနန္တရေ တီဏိ၊ သမနန္တရေ တီဏိ၊ သဟဇာတေ နဝ၊ အညမညေ ဆ၊ နိဿယေ ¶ နဝ၊ ဥပနိဿယေ တီဏိ၊ ပုရေဇာတေ တီဏိ၊ အာသေဝနေ တီဏိ၊ ကမ္မေ နဝ…ပေ… မဂ္ဂေ နဝ၊ သမ္ပယုတ္တေ တီဏိ၊ ဝိပ္ပယုတ္တေ နဝ၊ အတ္ထိယာ နဝ၊ နတ္ထိယာ တီဏိ၊ ဝိဂတေ တီဏိ၊ အဝိဂတေ နဝ။

အနုလောမံ။

၂။ ပစ္စယပစ္စနီယံ

၁။ ဝိဘင်္ဂဝါရော

နဟေတုပစ္စယော

၁၀၄။ ရူပိံ ¶ ဓမ္မံ ပစ္စယာ ရူပီ ဓမ္မော ဥပ္ပဇ္ဇတိ နဟေတုပစ္စယာ – ဧကံ မဟာဘူတံ…ပေ… အသညသတ္တာနံ ဧကံ မဟာဘူတံ…ပေ…။ (၁)

ရူပိံ ဓမ္မံ ပစ္စယာ အရူပီ ဓမ္မော ဥပ္ပဇ္ဇတိ နဟေတုပစ္စယာ – စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ၊ ဝတ္ထုံ ပစ္စယာ အဟေတုကာ အရူပိနော ¶ ခန္ဓာ၊ အဟေတုကပဋိသန္ဓိက္ခဏေ…ပေ… ဝတ္ထုံ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)

ရူပိံ ဓမ္မံ ပစ္စယာ ရူပီ စ အရူပီ စ ဓမ္မာ ဥပ္ပဇ္ဇန္တိ နဟေတုပစ္စယာ (ပဝတ္တိပဋိသန္ဓိ ကာတဗ္ဗာ)။ (၃)

၁၀၅။ အရူပိံ ဓမ္မံ ပစ္စယာ အရူပီ ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ အရူပိံ ဧကံ ခန္ဓံ…ပေ… ပဋိသန္ဓိက္ခဏေ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၁)

အရူပိံ ဓမ္မံ ပစ္စယာ ရူပီ ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ အရူပိနော ခန္ဓေ ပစ္စယာ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၂)

အရူပိံ ဓမ္မံ ပစ္စယာ ရူပီ စ အရူပီ စ ဓမ္မာ ဥပ္ပဇ္ဇန္တိ နဟေတုပစ္စယာ – အဟေတုကံ အရူပိံ ဧကံ ခန္ဓံ ပစ္စယာ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၃)

၁၀၆။ ရူပိဉ္စ အရူပိဉ္စ ဓမ္မံ ပစ္စယာ ရူပီ ဓမ္မော ဥပ္ပဇ္ဇတိ နဟေတုပစ္စယာ – အဟေတုကေ အရူပိနော ခန္ဓေ ¶ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၁)

ရူပိဉ္စ အရူပိဉ္စ ဓမ္မံ ပစ္စယာ အရူပီ ဓမ္မော ဥပ္ပဇ္ဇတိ နဟေတုပစ္စယာ – စက္ခုဝိညာဏသဟဂတံ ဧကံ ခန္ဓဉ္စ စက္ခာယတနဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ကာယဝိညာဏသဟဂတံ…ပေ… အရူပိံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော။ (၂)

ရူပိဉ္စ ¶ အရူပိဉ္စ ဓမ္မံ ပစ္စယာ ရူပီ စ အရူပီ စ ဓမ္မာ ဥပ္ပဇ္ဇန္တိ နဟေတုပစ္စယာ ¶ – အဟေတုကံ အရူပိံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… အရူပိနော ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ၊ ပဋိသန္ဓိက္ခဏေ…ပေ…။ (၃)

၂။ ပစ္စယပစ္စနီယံ

၂။ သင်္ချာဝါရော

သုဒ္ဓံ

၁၀၇။ နဟေတုယာ နဝ၊ နအာရမ္မဏေ တီဏိ၊ နအဓိပတိယာ နဝ၊ နအနန္တရေ တီဏိ၊ နသမနန္တရေ တီဏိ၊ နအညမညေ တီဏိ၊ နဥပနိဿယေ တီဏိ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ စတ္တာရိ၊ နဝိပါကေ နဝ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ စတ္တာရိ၊ နမဂ္ဂေ နဝ၊ နသမ္ပယုတ္တေ တီဏိ၊ နဝိပ္ပယုတ္တေ ဒွေ၊ နောနတ္ထိယာ တီဏိ၊ နောဝိဂတေ တီဏိ။

ပစ္စနီယံ။

၃။ ပစ္စယာနုလောမပစ္စနီယံ

ဟေတုဒုကံ

၁၀၈။ ဟေတုပစ္စယာ နအာရမ္မဏေ တီဏိ (သံခိတ္တံ၊ သဗ္ဗေ ကာတဗ္ဗာ)၊ နကမ္မေ တီဏိ၊ နဝိပါကေ နဝ၊ နသမ္ပယုတ္တေ တီဏိ၊ နဝိပ္ပယုတ္တေ ¶ ဧကံ၊ နောနတ္ထိယာ တီဏိ၊ နောဝိဂတေ တီဏိ။

အနုလောမပစ္စနီယံ။

၄။ ပစ္စယပစ္စနီယာနုလောမံ

နဟေတုဒုကံ

၁၀၉။ နဟေတုပစ္စယာ ¶ အာရမ္မဏေ တီဏိ (သဗ္ဗေ ကာတဗ္ဗာ)…ပေ… ဈာနေ နဝ၊ မဂ္ဂေ တီဏိ…ပေ… အဝိဂတေ နဝ။

ပစ္စနီယာနုလောမံ။

၄။ နိဿယဝါရော

(နိဿယဝါရောပိ ပစ္စယဝါရသဒိသော)။

၅။ သံသဋ္ဌဝါရော

၁-၄။ ပစ္စယာနုလောမာဒိ

၁၁၀။ အရူပိံ ¶ ဓမ္မံ သံသဋ္ဌော အရူပီ ဓမ္မော ဥပ္ပဇ္ဇတိ ဟေတုပစ္စယာ – အရူပိံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။

ဟေတုယာ ဧကံ…ပေ… အဝိဂတေ ဧကံ။ (ဧဝံ ပစ္စနီယာဒီနိ ဂဏနာပိ သမ္ပယုတ္တဝါရေပိ သဗ္ဗေ ကာတဗ္ဗာ။ ဧကောယေဝ ပဉှော)။

၁၁။ ရူပီဒုကံ

၇။ ပဉှာဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၁၁၁။ အရူပီ ¶ ဓမ္မော အရူပိဿ ဓမ္မဿ ဟေတုပစ္စယေန ပစ္စယော – အရူပီ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)

အရူပီ ဓမ္မော ရူပိဿ ဓမ္မဿ ဟေတုပစ္စယေန ပစ္စယော – အရူပီ ဟေတူ စိတ္တသမုဋ္ဌာနာနံ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၂)

အရူပီ ဓမ္မော ရူပိဿ စ အရူပိဿ စ ဓမ္မဿ ဟေတုပစ္စယေန ပစ္စယော – အရူပီ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ¶ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၃)

အာရမ္မဏပစ္စယော

၁၁၂။ ရူပီ ဓမ္မော အရူပိဿ ဓမ္မဿ အာရမ္မဏပစ္စယေန ပစ္စယော – စက္ခုံ…ပေ… ဝတ္ထုံ… ဣတ္ထိန္ဒြိယံ… ပုရိသိန္ဒြိယံ… ဇီဝိတိန္ဒြိယံ… အာပေါဓာတုံ… ကဗဠီကာရံ အာဟာရံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ အာရမ္မဏပစ္စယေန ပစ္စယော…ပေ… ဖောဋ္ဌဗ္ဗာယတနံ ကာယဝိညာဏဿ အာရမ္မဏပစ္စယေန ပစ္စယော၊ ရူပိနော ခန္ဓာ ဣဒ္ဓိဝိဓဉာဏဿ၊ ပုဗ္ဗေနိဝါသာနုဿတိဉာဏဿ ¶ ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၁)

၁၁၃။ အရူပီ ¶ ဓမ္မော အရူပိဿ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ၊ ပုဗ္ဗေ သုစိဏ္ဏာနိ ပစ္စဝေက္ခတိ၊ ဈာနာ…ပေ… အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ၊ ဖလံ ပစ္စဝေက္ခန္တိ၊ နိဗ္ဗာနံ ပစ္စဝေက္ခန္တိ၊ နိဗ္ဗာနံ ဂေါတြဘုဿ၊ ဝေါဒါနဿ၊ မဂ္ဂဿ၊ ဖလဿ၊ အာဝဇ္ဇနာယ အာရမ္မဏပစ္စယေန ပစ္စယော၊ အရိယာ ပဟီနေ ကိလေသေ…ပေ… ဝိက္ခမ္ဘိတေ ကိလေသေ…ပေ… ပုဗ္ဗေ…ပေ… အရူပိနော ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ စေတောပရိယဉာဏေန အရူပိစိတ္တသမင်္ဂိဿ စိတ္တံ ဇာနာတိ၊ အာကာသာနဉ္စာယတနံ…ပေ… နေဝသညာနာသညာယတနဿ…ပေ… အရူပိနော ခန္ဓာ ဣဒ္ဓိဝိဓဉာဏဿ၊ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၁)

အဓိပတိပစ္စယော

၁၁၄။ ရူပီ ¶ ဓမ္မော အရူပိဿ ဓမ္မဿ အဓိပတိပစ္စယေန ပစ္စယော။ အာရမ္မဏာဓိပတိ – စက္ခုံ…ပေ… ကဗဠီကာရံ အာဟာရံ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ (၁)

အရူပီ ဓမ္မော အရူပိဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ဒါနံ…ပေ… (သံခိတ္တံ) နိဗ္ဗာနံ မဂ္ဂဿ၊ ဖလဿ အဓိပတိပစ္စယေန ပစ္စယော၊ အရူပိနော ခန္ဓေ ဂရုံ ကတွာ အဿာဒေတိ…ပေ… ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ သဟဇာတာဓိပတိ – အရူပီ အဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)

အရူပီ ဓမ္မော ရူပိဿ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – အရူပီ အဓိပတိ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၂)

အရူပီ ¶ ဓမ္မော ရူပိဿ စ အရူပိဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ – အရူပီ အဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)

အနန္တရပစ္စယာဒိ

၁၁၅။ အရူပီ ¶ ဓမ္မော အရူပိဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ အရူပိနော ခန္ဓာ ပစ္ဆိမာနံ ပစ္ဆိမာနံ အရူပီနံ ခန္ဓာနံ…ပေ… ဖလသမာပတ္တိယာ အနန္တရပစ္စယေန ပစ္စယော၊ သမနန္တရပစ္စယေန ပစ္စယော။

(သဟဇာတပစ္စယေ သတ္တ၊ ဣဟ ဃဋနာ နတ္ထိ။ အညမညပစ္စယေ ဆ၊ နိဿယပစ္စယေ သတ္တ ပဉှာ၊ ဣဟ ဃဋနာ နတ္ထိ)။

ဥပနိဿယပစ္စယော

၁၁၆။ ရူပီ ¶ ဓမ္မော အရူပိဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ ပကတူပနိဿယော…ပေ…။ ပကတူပနိဿယော – ဥတုံ… ဘောဇနံ… သေနာသနံ ဥပနိဿာယ ဒါနံ ဒေတိ…ပေ… သင်္ဃံ ဘိန္ဒတိ၊ ဥတု… ဘောဇနံ… သေနာသနံ သဒ္ဓါယ…ပေ… ဖလသမာပတ္တိယာ ဥပနိဿယပစ္စယေန ပစ္စယော။ (၁)

အရူပီ ဓမ္မော အရူပိဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – သဒ္ဓံ ဥပနိဿာယ ဒါနံ ဒေတိ၊ သီလံ…ပေ… ကာယိကံ ဒုက္ခံ ဥပနိဿာယ ဒါနံ ဒေတိ…ပေ… သင်္ဃံ ဘိန္ဒတိ၊ သဒ္ဓါ…ပေ… ကာယိကံ ဒုက္ခံ… သဒ္ဓါယ…ပေ… ဖလသမာပတ္တိယာ ဥပနိဿယပစ္စယေန ပစ္စယော။ (၁)

ပုရေဇာတပစ္စယော

၁၁၇။ ရူပီ ဓမ္မော အရူပိဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ…ပေ… ကဗဠီကာရံ အာဟာရံ အနိစ္စတော ¶ …ပေ… ဒေါမနဿံ ဥပ္ပဇ္ဇတိ။ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ…။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု အရူပီနံ ခန္ဓာနံ ပုရေဇာတပစ္စယေန ပစ္စယော။ (၁)

ပစ္ဆာဇာတပစ္စယော

၁၁၈။ အရူပီ ¶ ဓမ္မော ရူပိဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ အရူပိနော ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)

အာသေဝနပစ္စယော

၁၁၉။ အရူပီ ¶ ဓမ္မော အရူပိဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ အရူပိနော ခန္ဓာ ပစ္ဆိမာနံ ပစ္ဆိမာနံ အရူပီနံ ခန္ဓာနံ အာသေဝနပစ္စယေန ပစ္စယော။

ကမ္မပစ္စယော

၁၂၀။ အရူပီ ဓမ္မော အရူပိဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – အရူပီ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – အရူပီ စေတနာ ဝိပါကာနံ ခန္ဓာနံ ကမ္မပစ္စယေန ပစ္စယော။ (၁)

အရူပီ ဓမ္မော ရူပိဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – အရူပီ စေတနာ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – အရူပီ စေတနာ ကဋတ္တာရူပါနံ ကမ္မပစ္စယေန ပစ္စယော။ (၂)

အရူပီ ဓမ္မော ရူပိဿ စ အရူပိဿ စ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – အရူပီ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ¶ ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – အရူပီ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၃)

ဝိပါကာဟာရပစ္စယာ

၁၂၁။ အရူပီ ဓမ္မော အရူပိဿ ဓမ္မဿ ဝိပါကပစ္စယေန ပစ္စယော… တီဏိ။

ရူပီ ဓမ္မော ရူပိဿ ဓမ္မဿ အာဟာရပစ္စယေန ပစ္စယော – ကဗဠီကာရော အာဟာရော ဣမဿ ကာယဿ အာဟာရပစ္စယေန ပစ္စယော။ (၁)

အရူပီ ဓမ္မော အရူပိဿ ဓမ္မဿ အာဟာရပစ္စယေန ပစ္စယော… တီဏိ။

ဣန္ဒြိယပစ္စယော

၁၂၂။ ရူပီ ¶ ဓမ္မော ရူပိဿ ဓမ္မဿ ဣန္ဒြိယပစ္စယေန ပစ္စယော – ရူပဇီဝိတိန္ဒြိယံ ¶ ကဋတ္တာရူပါနံ ဣန္ဒြိယပစ္စယေန ပစ္စယော။ (၁)

ရူပီ ဓမ္မော အရူပိဿ ဓမ္မဿ ဣန္ဒြိယပစ္စယေန ပစ္စယော – စက္ခုန္ဒြိယံ…ပေ… ကာယိန္ဒြိယံ ကာယဝိညာဏဿ ဣန္ဒြိယပစ္စယေန ပစ္စယော။ (၂)

အရူပီ ဓမ္မော အရူပိဿ ဓမ္မဿ ဣန္ဒြိယပစ္စယေန ပစ္စယော… တီဏိ။

ရူပီ စ အရူပီ စ ဓမ္မာ အရူပိဿ ဓမ္မဿ ဣန္ဒြိယပစ္စယေန ပစ္စယော – စက္ခုန္ဒြိယဉ္စ စက္ခုဝိညာဏဉ္စ စက္ခုဝိညာဏသဟဂတာနံ ခန္ဓာနံ ဣန္ဒြိယပစ္စယေန ပစ္စယော…ပေ… ကာယိန္ဒြိယဉ္စ…ပေ…။

ဈာနပစ္စယာဒိ

၁၂၃။ အရူပီ ¶ ဓမ္မော အရူပိဿ ဓမ္မဿ ဈာနပစ္စယေန ပစ္စယော… တီဏိ… မဂ္ဂပစ္စယေန ပစ္စယော… တီဏိ… သမ္ပယုတ္တပစ္စယေန ပစ္စယော… ဧကံ။

ဝိပ္ပယုတ္တပစ္စယော

၁၂၄။ ရူပီ ဓမ္မော အရူပိဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု အရူပီနံ ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု အရူပီနံ ခန္ဓာနံ ဝိပ္ပယုတ္တပစ္စယေန ပစ္စယော။ (၁)

အရူပီ ဓမ္မော ရူပိဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – အရူပိနော ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ အရူပိနော ခန္ဓာ ကဋတ္တာရူပါနံ ဝိပ္ပယုတ္တပစ္စယေန ပစ္စယော၊ အရူပိနော ခန္ဓာ ဝတ္ထုဿ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – အရူပိနော ခန္ဓာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)

အတ္ထိပစ္စယာဒိ

၁၂၅။ ရူပီ ¶ ¶ ဓမ္မော ရူပိဿ ဓမ္မဿ အတ္ထိပစ္စယေန ပစ္စယော – သဟဇာတံ၊ အာဟာရံ၊ ဣန္ဒြိယံ။ သဟဇာတံ – ဧကံ မဟာဘူတံ…ပေ… (ယာဝ အသညသတ္တာ)၊ ကဗဠီကာရော အာဟာရော ဣမဿ ကာယဿ အတ္ထိပစ္စယေန ပစ္စယော၊ ရူပဇီဝိတိန္ဒြိယံ ကဋတ္တာရူပါနံ အတ္ထိပစ္စယေန ပစ္စယော။ (၁)

ရူပီ ဓမ္မော အရူပိဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတံ – ပဋိသန္ဓိက္ခဏေ ဝတ္ထု အရူပီနံ ခန္ဓာနံ အတ္ထိပစ္စယေန ပစ္စယော။ ပုရေဇာတံ – စက္ခုံ…ပေ… ကဗဠီကာရံ အာဟာရံ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ…ပေ… စက္ခာယတနံ စက္ခုဝိညာဏဿ ¶ …ပေ… ကာယာယတနံ ကာယဝိညာဏဿ…ပေ… ဝတ္ထု အရူပီနံ ခန္ဓာနံ အတ္ထိပစ္စယေန ပစ္စယော။ (၂)

၁၂၆။ အရူပီ ဓမ္မော အရူပိဿ ဓမ္မဿ အတ္ထိပစ္စယေန ပစ္စယော – အရူပီ ဧကော ခန္ဓော တိဏ္ဏန္နံ ခန္ဓာနံ…ပေ… ဒွေ ခန္ဓာ…ပေ… ပဋိသန္ဓိက္ခဏေ…ပေ…။ (၁)

အရူပီ ဓမ္မော ရူပိဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – အရူပိနော ခန္ဓာ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ ပဋိသန္ဓိက္ခဏေ…ပေ… ပစ္ဆာဇာတာ – အရူပိနော ခန္ဓာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ (၂)

အရူပီ ဓမ္မော ရူပိဿ စ အရူပိဿ စ ဓမ္မဿ အတ္ထိပစ္စယေန ပစ္စယော – အရူပီ ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ…ပေ… ပဋိသန္ဓိက္ခဏေ…ပေ…။ (၃)

၁၂၇။ ရူပီ စ အရူပီ စ ဓမ္မာ ရူပိဿ ဓမ္မဿ ¶ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတာ – အရူပီ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော၊ ပဋိသန္ဓိက္ခဏေ…ပေ…။ ပစ္ဆာဇာတာ – အရူပိနော ခန္ဓာ စ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – အရူပိနော ခန္ဓာ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၁)

ရူပီ ¶ စ အရူပီ စ ဓမ္မာ အရူပိဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – စက္ခုဝိညာဏသဟဂတော ဧကော ခန္ဓော စ စက္ခာယတနဉ္စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ… ကာယဝိညာဏသဟဂတော…ပေ… အရူပီ ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ… ပဋိသန္ဓိက္ခဏေ အရူပီ ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ…ပေ… ဒွေ ခန္ဓာ စ…ပေ…။ (၂)

နတ္ထိပစ္စယေန ¶ ပစ္စယော… ဝိဂတပစ္စယေန ပစ္စယော… အဝိဂတပစ္စယေန ပစ္စယော။

၁။ ပစ္စယာနုလောမံ

၂။ သင်္ချာဝါရော

သုဒ္ဓံ

၁၂၈။ ဟေတုယာ တီဏိ၊ အာရမ္မဏေ ဒွေ၊ အဓိပတိယာ စတ္တာရိ၊ အနန္တရေ ဧကံ၊ သမနန္တရေ ဧကံ၊ သဟဇာတေ သတ္တ၊ အညမညေ ဆ၊ နိဿယေ သတ္တ၊ ဥပနိဿယေ ဒွေ၊ ပုရေဇာတေ ဧကံ၊ ပစ္ဆာဇာတေ ဧကံ အာသေဝနေ ဧကံ၊ ကမ္မေ တီဏိ၊ ဝိပါကေ တီဏိ၊ အာဟာရေ စတ္တာရိ၊ ဣန္ဒြိယေ ဆ၊ ဈာနေ တီဏိ၊ မဂ္ဂေ တီဏိ၊ သမ္ပယုတ္တေ ဧကံ၊ ဝိပ္ပယုတ္တေ ဒွေ၊ အတ္ထိယာ သတ္တ၊ နတ္ထိယာ ဧကံ ¶ ၊ ဝိဂတေ ဧကံ၊ အဝိဂတေ သတ္တ။

အနုလောမံ။

ပစ္စနီယုဒ္ဓါရော

၁၂၉။ ရူပီ ဓမ္မော ရူပိဿ ဓမ္မဿ သဟဇာတပစ္စယေန ပစ္စယော… အာဟာရပစ္စယေန ပစ္စယော… ဣန္ဒြိယပစ္စယေန ပစ္စယော။ (၁)

ရူပီ ဓမ္မော အရူပိဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ပုရေဇာတပစ္စယေန ပစ္စယော။ (၂)

အရူပီ ဓမ္မော အရူပိဿ ဓမ္မဿ အာရမ္မဏပစ္စယေန ပစ္စယော… သဟဇာတပစ္စယေန ပစ္စယော… ဥပနိဿယပစ္စယေန ပစ္စယော… ကမ္မပစ္စယေန ပစ္စယော။ (၁)

အရူပီ ¶ ¶ ဓမ္မော ရူပိဿ ဓမ္မဿ သဟဇာတပစ္စယေန ပစ္စယော… ပစ္ဆာဇာတပစ္စယေန ပစ္စယော… ကမ္မပစ္စယေန ပစ္စယော။ (၂)

အရူပီ ဓမ္မော ရူပိဿ စ အရူပိဿ စ ဓမ္မဿ သဟဇာတပစ္စယေန ပစ္စယော… ကမ္မပစ္စယေန ပစ္စယော။ (၃)

ရူပီ စ အရူပီ စ ဓမ္မာ ရူပိဿ ဓမ္မဿ သဟဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ (၁)

ရူပီ စ အရူပီ စ ဓမ္မာ အရူပိဿ ဓမ္မဿ သဟဇာတံ၊ ပုရေဇာတံ။ (၂)

၂။ ပစ္စယပစ္စနီယံ

၂။ သင်္ချာဝါရော

သုဒ္ဓံ

၁၃၀။ နဟေတုယာ သတ္တ၊ နအာရမ္မဏေ သတ္တ၊ နအဓိပတိယာ သတ္တ၊ နအနန္တရေ သတ္တ၊ နသမနန္တရေ သတ္တ၊ နသဟဇာတေ ဆ၊ နအညမညေ ဆ၊ နနိဿယေ ဆ၊ နဥပနိဿယေ သတ္တ၊ နပုရေဇာတေ သတ္တ ¶ …ပေ… နမဂ္ဂေ သတ္တ၊ နသမ္ပယုတ္တေ ဆ၊ နဝိပ္ပယုတ္တေ ပဉ္စ၊ နောအတ္ထိယာ စတ္တာရိ၊ နောနတ္ထိယာ သတ္တ၊ နောဝိဂတေ သတ္တ၊ နောအဝိဂတေ စတ္တာရိ။

ပစ္စနီယံ။

၃။ ပစ္စယာနုလောမပစ္စနီယံ

ဟေတုဒုကံ

၁၃၁။ ဟေတုပစ္စယာ နအာရမ္မဏေ တီဏိ၊ နအဓိပတိယာ တီဏိ၊ နအနန္တရေ တီဏိ၊ နသမနန္တရေ ¶ တီဏိ၊ နအညမညေ ဧကံ၊ နဥပနိဿယေ တီဏိ (သဗ္ဗတ္ထ တီဏိ)၊ နသမ္ပယုတ္တေ ဧကံ၊ နဝိပ္ပယုတ္တေ ဧကံ၊ နောနတ္ထိယာ တီဏိ၊ နောဝိဂတေ တီဏိ။

အနုလောမပစ္စနီယံ။

၄။ ပစ္စယပစ္စနီယာနုလောမံ

နဟေတုဒုကံ

၁၃၂။ နဟေတုပစ္စယာ ¶ အာရမ္မဏေ ဒွေ၊ အဓိပတိယာ စတ္တာရိ (အနုလောမမာတိကာ ကာတဗ္ဗာ)၊ အဝိဂတေ သတ္တ။

ပစ္စနီယာနုလောမံ။

ရူပီဒုကံ နိဋ္ဌိတံ။

၁၂။ လောကိယဒုကံ

၁။ ပဋိစ္စဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၁၃၃။ လောကိယံ ¶ ဓမ္မံ ပဋိစ္စ လောကိယော ဓမ္မော ဥပ္ပဇ္ဇတိ ဟေတုပစ္စယာ – လောကိယံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ… ခန္ဓေ ပဋိစ္စ ဝတ္ထု၊ ဝတ္ထုံ ပဋိစ္စ ခန္ဓာ၊ ဧကံ မဟာဘူတံ…ပေ… မဟာဘူတေ ပဋိစ္စ စိတ္တသမုဋ္ဌာနံ ¶ ရူပံ၊ ကဋတ္တာရူပံ၊ ဥပါဒါရူပံ။ (၁)

၁၃၄။ လောကုတ္တရံ ဓမ္မံ ပဋိစ္စ လောကုတ္တရော ဓမ္မော ဥပ္ပဇ္ဇတိ ဟေတုပစ္စယာ – လောကုတ္တရံ ဧကံ ခန္ဓံ ပဋိစ္စ တယော ခန္ဓာ…ပေ… ဒွေ ခန္ဓေ…ပေ…။ (၁)

လောကုတ္တရံ ဓမ္မံ ပဋိစ္စ လောကိယော ဓမ္မော ဥပ္ပဇ္ဇတိ ဟေတုပစ္စယာ – လောကုတ္တရေ ခန္ဓေ ပဋိစ္စ စိတ္တသမုဋ္ဌာနံ ရူပံ။ (၂)

လောကုတ္တရံ ဓမ္မံ ပဋိစ္စ လောကိယော စ လောကုတ္တရော စ ဓမ္မာ ဥပ္ပဇ္ဇန္တိ ဟေတုပစ္စယာ – လောကုတ္တရံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ရူပံ…ပေ… ဒွေ ခန္ဓေ…ပေ…။ (၃)

လောကိယဉ္စ လောကုတ္တရဉ္စ ဓမ္မံ ပဋိစ္စ လောကိယော ဓမ္မော ဥပ္ပဇ္ဇတိ ဟေတုပစ္စယာ – လောကုတ္တရေ ခန္ဓေ စ မဟာဘူတေ စ ပဋိစ္စ စိတ္တသမုဋ္ဌာနံ ရူပံ (သံခိတ္တံ)။ (၁)

၁။ ပစ္စယာနုလောမံ

၂။ သင်္ချာဝါရော

သုဒ္ဓံ

၁၃၅။ ဟေတုယာ ¶ ¶ ပဉ္စ၊ အာရမ္မဏေ ဒွေ၊ အဓိပတိယာ ပဉ္စ၊ အနန္တရေ ဒွေ၊ သမနန္တရေ ဒွေ၊ သဟဇာတေ ပဉ္စ၊ အညမညေ ဒွေ၊ နိဿယေ ပဉ္စ၊ ဥပနိဿယေ ဒွေ၊ ပုရေဇာတေ ဒွေ၊ အာသေဝနေ ဒွေ၊ ကမ္မေ ပဉ္စ၊ ဝိပါကေ ပဉ္စ၊ အာဟာရေ ပဉ္စ၊ ဣန္ဒြိယေ ပဉ္စ၊ ဈာနေ ပဉ္စ၊ မဂ္ဂေ ပဉ္စ၊ သမ္ပယုတ္တေ ဒွေ၊ ဝိပ္ပယုတ္တေ ပဉ္စ၊ အတ္ထိယာ ပဉ္စ၊ နတ္ထိယာ ဒွေ၊ ဝိဂတေ ဒွေ၊ အဝိဂတေ ပဉ္စ။

အနုလောမံ။

၂။ ပစ္စယပစ္စနီယံ

၁။ ဝိဘင်္ဂဝါရော

နဟေတုပစ္စယော

၁၃၆။ လောကိယံ ဓမ္မံ ပဋိစ္စ လောကိယော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ လောကိယံ ဧကံ ခန္ဓံ ပဋိစ္စ တယော ခန္ဓာ စိတ္တသမုဋ္ဌာနဉ္စ ¶ ရူပံ…ပေ… ဒွေ ခန္ဓေ…ပေ… အဟေတုကပဋိသန္ဓိက္ခဏေ…ပေ… (ယာဝ အသညသတ္တာ) ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ ပဋိစ္စ ဝိစိကိစ္ဆာသဟဂတော ဥဒ္ဓစ္စသဟဂတော မောဟော (သံခိတ္တံ)။

၂။ ပစ္စယပစ္စနီယံ

၂။ သင်္ချာဝါရော

သုဒ္ဓံ

၁၃၇။ နဟေတုယာ ¶ ဧကံ၊ နအာရမ္မဏေ တီဏိ၊ နအဓိပတိယာ ဒွေ၊ နအနန္တရေ တီဏိ၊ နသမနန္တရေ တီဏိ၊ နအညမညေ တီဏိ၊ နဥပနိဿယေ တီဏိ၊ နပုရေဇာတေ စတ္တာရိ၊ နပစ္ဆာဇာတေ ပဉ္စ၊ နအာသေဝနေ ပဉ္စ (နအာသေဝနမူလကေ လောကုတ္တရေ သုဒ္ဓကေ ဝိပါကောတိ နိယာမေတဗ္ဗံ၊ အဝသေသာ ပကတိကာယေဝ)၊ နကမ္မေ ဒွေ၊ နဝိပါကေ ပဉ္စ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဧကံ၊ နမဂ္ဂေ ဧကံ၊ နသမ္ပယုတ္တေ တီဏိ၊ နဝိပ္ပယုတ္တေ ဒွေ၊ နောနတ္ထိယာ တီဏိ၊ နောဝိဂတေ တီဏိ။

ပစ္စနီယံ။

၃။ ပစ္စယာနုလောမပစ္စနီယံ

ဟေတုဒုကံ

၁၃၈။ ဟေတုပစ္စယာ ¶ နအာရမ္မဏေ တီဏိ၊ နအဓိပတိယာ ဒွေ (နအနန္တရပဒါဒီ ပစ္စနီယသဒိသာ)…ပေ… နဝိပါကေ ပဉ္စ၊ နသမ္ပယုတ္တေ တီဏိ၊ နဝိပ္ပယုတ္တေ ဒွေ၊ နောနတ္ထိယာ တီဏိ၊ နောဝိဂတေ တီဏိ။

အနုလောမပစ္စနီယံ။

၄။ ပစ္စယပစ္စနီယာနုလောမံ

နဟေတုဒုကံ

၁၃၉။ နဟေတုပစ္စယာ ¶ အာရမ္မဏေ ဧကံ၊ အနန္တရေ ဧကံ…ပေ… အဝိဂတေ ဧကံ။

ပစ္စနီယာနုလောမံ။

၂။ သဟဇာတဝါရော

(သဟဇာတဝါရော ပဋိစ္စဝါရသဒိသော)။

၃။ ပစ္စယဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၁၄၀။ လောကိယံ ¶ ဓမ္မံ ပစ္စယာ လောကိယော ဓမ္မော ဥပ္ပဇ္ဇတိ ဟေတုပစ္စယာ – လောကိယံ ဧကံ ခန္ဓံ ပစ္စယာ…ပေ… ဧကံ မဟာဘူတံ…ပေ… မဟာဘူတေ ပစ္စယာ စိတ္တသမုဋ္ဌာနံ ရူပံ၊ ကဋတ္တာရူပံ၊ ဥပါဒါရူပံ၊ ဝတ္ထုံ ပစ္စယာ လောကိယာ ခန္ဓာ။ (၁)

လောကိယံ ဓမ္မံ ပစ္စယာ လောကုတ္တရော ဓမ္မော ဥပ္ပဇ္ဇတိ ဟေတုပစ္စယာ – ဝတ္ထုံ ပစ္စယာ လောကုတ္တရာ ခန္ဓာ။ (၂)

လောကိယံ ¶ ¶ ဓမ္မံ ပစ္စယာ လောကိယော စ လောကုတ္တရော စ ဓမ္မာ ဥပ္ပဇ္ဇန္တိ ဟေတုပစ္စယာ – ဝတ္ထုံ ပစ္စယာ လောကုတ္တရာ ခန္ဓာ၊ မဟာဘူတေ ပစ္စယာ စိတ္တသမုဋ္ဌာနံ ရူပံ။ (၃)

၁၄၁။ လောကုတ္တရံ ဓမ္မံ ပစ္စယာ လောကုတ္တရော ဓမ္မော ဥပ္ပဇ္ဇတိ ဟေတုပစ္စယာ… တီဏိ။

လောကိယဉ္စ လောကုတ္တရဉ္စ ဓမ္မံ ပစ္စယာ လောကိယော ဓမ္မော ဥပ္ပဇ္ဇတိ ဟေတုပစ္စယာ – လောကုတ္တရေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ။ (၁)

လောကိယဉ္စ လောကုတ္တရဉ္စ ဓမ္မံ ပစ္စယာ လောကုတ္တရော ဓမ္မော ဥပ္ပဇ္ဇတိ ဟေတုပစ္စယာ – လောကုတ္တရံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ…။ (၂)

လောကိယဉ္စ လောကုတ္တရဉ္စ ဓမ္မံ ပစ္စယာ လောကိယော စ လောကုတ္တရော စ ဓမ္မာ ဥပ္ပဇ္ဇန္တိ ဟေတုပစ္စယာ – လောကုတ္တရံ ဧကံ ခန္ဓဉ္စ ဝတ္ထုဉ္စ ပစ္စယာ တယော ခန္ဓာ…ပေ… ဒွေ ခန္ဓေ…ပေ… လောကုတ္တရေ ခန္ဓေ စ မဟာဘူတေ စ ပစ္စယာ စိတ္တသမုဋ္ဌာနံ ရူပံ (သံခိတ္တံ)။ (၃)

၁။ ပစ္စယာနုလောမံ

၂။ သင်္ချာဝါရော

သုဒ္ဓံ

၁၄၂။ ဟေတုယာ နဝ၊ အာရမ္မဏေ စတ္တာရိ၊ အဓိပတိယာ နဝ၊ အနန္တရေ ¶ စတ္တာရိ၊ သမနန္တရေ စတ္တာရိ၊ သဟဇာတေ နဝ၊ အညမညေ စတ္တာရိ၊ နိဿယေ နဝ၊ ဥပနိဿယေ စတ္တာရိ၊ ပုရေဇာတေ စတ္တာရိ၊ အာသေဝနေ စတ္တာရိ၊ ကမ္မေ နဝ၊ ဝိပါကေ နဝ…ပေ… မဂ္ဂေ နဝ၊ သမ္ပယုတ္တေ စတ္တာရိ၊ ဝိပ္ပယုတ္တေ နဝ၊ အတ္ထိယာ နဝ၊ နတ္ထိယာ စတ္တာရိ၊ ဝိဂတေ စတ္တာရိ၊ အဝိဂတေ နဝ။

အနုလောမံ။

၂။ ပစ္စယပစ္စနီယံ

၁။ ဝိဘင်္ဂဝါရော

နဟေတုပစ္စယော

၁၄၃။ လောကိယံ ¶ ¶ ဓမ္မံ ပစ္စယာ လောကိယော ဓမ္မော ဥပ္ပဇ္ဇတိ နဟေတုပစ္စယာ – အဟေတုကံ လောကိယံ ဧကံ ခန္ဓံ…ပေ… (ယာဝ အသညသတ္တာ) စက္ခာယတနံ ပစ္စယာ စက္ခုဝိညာဏံ…ပေ… ကာယာယတနံ ပစ္စယာ ကာယဝိညာဏံ၊ ဝတ္ထုံ ပစ္စယာ အဟေတုကာ လောကိယာ ခန္ဓာ၊ ဝိစိကိစ္ဆာသဟဂတေ ဥဒ္ဓစ္စသဟဂတေ ခန္ဓေ စ ဝတ္ထုဉ္စ ပစ္စယာ ဝိစိကိစ္ဆာသဟဂတော ဥဒ္ဓစ္စသဟဂတော မောဟော (သံခိတ္တံ)။

၂။ ပစ္စယပစ္စနီယံ

၂။ သင်္ချာဝါရော

သုဒ္ဓံ

၁၄၄။ နဟေတုယာ ဧကံ၊ နအာရမ္မဏေ တီဏိ၊ နအဓိပတိယာ စတ္တာရိ၊ နအနန္တရေ တီဏိ…ပေ… နဥပနိဿယေ တီဏိ၊ နပုရေဇာတေ စတ္တာရိ၊ နပစ္ဆာဇာတေ နဝ၊ နအာသေဝနေ နဝ (လောကုတ္တရေ အရူပေ ဝိပါကန္တိ နိယာမေတဗ္ဗံ)၊ နကမ္မေ စတ္တာရိ၊ နဝိပါကေ နဝ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဧကံ၊ နမဂ္ဂေ ဧကံ၊ နသမ္ပယုတ္တေ တီဏိ၊ နဝိပ္ပယုတ္တေ ဒွေ၊ နောနတ္ထိယာ တီဏိ၊ နောဝိဂတေ တီဏိ။

ပစ္စနီယံ။

၃။ ပစ္စယာနုလောမပစ္စနီယံ

ဟေတုဒုကံ

၁၄၅။ ဟေတုပစ္စယာ ¶ ¶ နအာရမ္မဏေ တီဏိ၊ နအဓိပတိယာ စတ္တာရိ၊ နအနန္တရေ တီဏိ (နသမနန္တရပဒါဒီ ပစ္စနီယသဒိသာ)၊ နဝိပါကေ နဝ၊ နသမ္ပယုတ္တေ တီဏိ၊ နဝိပ္ပယုတ္တေ ဒွေ၊ နောနတ္ထိယာ တီဏိ၊ နောဝိဂတေ တီဏိ။

အနုလောမပစ္စနီယံ။

၄။ ပစ္စယပစ္စနီယာနုလောမံ

နဟေတုဒုကံ

၁၄၆။ နဟေတုပစ္စယာ ¶ အာရမ္မဏေ ဧကံ၊ အနန္တရေ ဧကံ…ပေ… အဝိဂတေ ဧကံ။

ပစ္စနီယာနုလောမံ။

၄။ နိဿယဝါရော

(နိဿယဝါရော ပစ္စယဝါရသဒိသော)။

၅။ သံသဋ္ဌဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၁၄၇။ လောကိယံ ¶ ဓမ္မံ သံသဋ္ဌော လောကိယော ဓမ္မော ဥပ္ပဇ္ဇတိ ဟေတုပစ္စယာ – လောကိယံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ… ပဋိသန္ဓိက္ခဏေ…ပေ…။ (၁)

လောကုတ္တရံ ဓမ္မံ သံသဋ္ဌော လောကုတ္တရော ဓမ္မော ဥပ္ပဇ္ဇတိ ဟေတုပစ္စယာ – လောကုတ္တရံ ဧကံ ခန္ဓံ သံသဋ္ဌာ တယော ခန္ဓာ…ပေ… ဒွေ ခန္ဓေ…ပေ…။ (၁)

(သံသဋ္ဌဝါရော ဧဝံ ဝိတ္ထာရေတဗ္ဗော၊ သဟ ဂဏနာဟိ ဒွေ ပဉှာ)။

၆။ သမ္ပယုတ္တဝါရော

(သမ္ပယုတ္တဝါရော သံသဋ္ဌဝါရသဒိသော)။

၇။ ပဉှာဝါရော

၁။ ပစ္စယာနုလောမံ

၁။ ဝိဘင်္ဂဝါရော

ဟေတုပစ္စယော

၁၄၈။ လောကိယော ဓမ္မော လောကိယဿ ဓမ္မဿ ဟေတုပစ္စယေန ပစ္စယော – လောကိယာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ…ပေ…။ (၁)

လောကုတ္တရော ¶ ¶ ဓမ္မော လောကုတ္တရဿ ဓမ္မဿ ဟေတုပစ္စယေန ပစ္စယော… တီဏိ။

အာရမ္မဏပစ္စယော

၁၄၉။ လောကိယော ¶ ဓမ္မော လောကိယဿ ဓမ္မဿ အာရမ္မဏပစ္စယေန ပစ္စယော – ဒါနံ…ပေ… သီလံ…ပေ… ဥပေါသထကမ္မံ ကတွာ တံ ပစ္စဝေက္ခတိ၊ ပုဗ္ဗေ သုစိဏ္ဏာနိ ပစ္စဝေက္ခတိ၊ ဈာနာ…ပေ… အရိယာ ဂေါတြဘုံ ပစ္စဝေက္ခန္တိ၊ ဝေါဒါနံ ပစ္စဝေက္ခန္တိ၊ ပဟီနေ ကိလေသေ ပစ္စဝေက္ခန္တိ၊ ဝိက္ခမ္ဘိတေ ကိလေသေ…ပေ… ပုဗ္ဗေ သမုဒါစိဏ္ဏေ ကိလေသေ ဇာနန္တိ၊ စက္ခုံ…ပေ… ဝတ္ထုံ လောကိယေ ခန္ဓေ အနိစ္စတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ။ စေတောပရိယဉာဏေန လောကိယစိတ္တသမင်္ဂိဿ စိတ္တံ ဇာနာတိ၊ အာကာသာနဉ္စာယတနံ ဝိညာဏဉ္စာယတနဿ…ပေ… အာကိဉ္စညာယတနံ နေဝသညာနာသညာယတနဿ…ပေ… ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ၊ လောကိယာ ခန္ဓာ ဣဒ္ဓိဝိဓဉာဏဿ၊ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၁)

၁၅၀။ လောကုတ္တရော ဓမ္မော လောကုတ္တရဿ ဓမ္မဿ အာရမ္မဏပစ္စယေန ပစ္စယော – နိဗ္ဗာနံ မဂ္ဂဿ၊ ဖလဿ အာရမ္မဏပစ္စယေန ပစ္စယော။ (၁)

လောကုတ္တရော ဓမ္မော လောကိယဿ ဓမ္မဿ အာရမ္မဏပစ္စယေန ပစ္စယော – အရိယာ မဂ္ဂါ ဝုဋ္ဌဟိတွာ မဂ္ဂံ ပစ္စဝေက္ခန္တိ၊ ဖလံ ပစ္စဝေက္ခန္တိ၊ နိဗ္ဗာနံ ပစ္စဝေက္ခန္တိ၊ နိဗ္ဗာနံ ဂေါတြဘုဿ၊ ဝေါဒါနဿ၊ အာဝဇ္ဇနာယ အာရမ္မဏပစ္စယေန ပစ္စယော၊ အရိယာ စေတောပရိယဉာဏေန လောကုတ္တရစိတ္တသမင်္ဂိဿ စိတ္တံ ဇာနန္တိ၊ လောကုတ္တရာ ခန္ဓာ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ ¶ ၊ အနာဂတံသဉာဏဿ၊ အာဝဇ္ဇနာယ အာရမ္မဏပစ္စယေန ပစ္စယော။ (၂)

အဓိပတိပစ္စယော

၁၅၁။ လောကိယော ဓမ္မော လောကိယဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – ဒါနံ ဒတွာ သီလံ…ပေ… ဥပေါသထကမ္မံ ¶ …ပေ… ပုဗ္ဗေ…ပေ… ဈာနာ…ပေ… သေက္ခာ ဂေါတြဘုံ ဂရုံ ကတွာ ပစ္စဝေက္ခန္တိ၊ ဝေါဒါနံ ဂရုံ ကတွာ ပစ္စဝေက္ခန္တိ၊ စက္ခုံ…ပေ… ဝတ္ထုံ ¶ လောကိယေ ခန္ဓေ ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ။ သဟဇာတာဓိပတိ – လောကိယာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၁)

၁၅၂။ လောကုတ္တရော ဓမ္မော လောကုတ္တရဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – နိဗ္ဗာနံ မဂ္ဂဿ၊ ဖလဿ အဓိပတိပစ္စယေန ပစ္စယော။ သဟဇာတာဓိပတိ – လောကုတ္တရာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော။ (၁)

လောကုတ္တရော ဓမ္မော လောကိယဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ အာရမ္မဏာဓိပတိ – အရိယာ မဂ္ဂါ ဝုဋ္ဌဟိတွာ မဂ္ဂံ ဂရုံ ကတွာ ပစ္စဝေက္ခန္တိ၊ ဖလံ ဂရုံ ကတွာ ပစ္စဝေက္ခန္တိ၊ နိဗ္ဗာနံ ဂရုံ ကတွာ ပစ္စဝေက္ခန္တိ၊ နိဗ္ဗာနံ ဂေါတြဘုဿ၊ ဝေါဒါနဿ အဓိပတိပစ္စယေန ပစ္စယော။ သဟဇာတာဓိပတိ – လောကုတ္တရာဓိပတိ စိတ္တသမုဋ္ဌာနာနံ ရူပါနံ အဓိပတိပစ္စယေန ပစ္စယော။ (၂)

လောကုတ္တရော ဓမ္မော လောကိယဿ စ လောကုတ္တရဿ စ ဓမ္မဿ အဓိပတိပစ္စယေန ပစ္စယော။ သဟဇာတာဓိပတိ ¶ – လောကုတ္တရာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော။ (၃)

အနန္တရပစ္စယော

၁၅၃။ လောကိယော ဓမ္မော လောကိယဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ လောကိယာ ခန္ဓာ ပစ္ဆိမာနံ ပစ္ဆိမာနံ လောကိယာနံ ခန္ဓာနံ…ပေ… အနုလောမံ ဂေါတြဘုဿ… အနုလောမံ ဝေါဒါနဿ အနန္တရပစ္စယေန ပစ္စယော။ (၁)

လောကိယော ဓမ္မော လောကုတ္တရဿ ဓမ္မဿ အနန္တရပစ္စယေန ပစ္စယော – ဂေါတြဘု မဂ္ဂဿ… ဝေါဒါနံ ¶ မဂ္ဂဿ… အနုလောမံ ဖလသမာပတ္တိယာ… နိရောဓာ ဝုဋ္ဌဟန္တဿ နေဝသညာနာသညာယတနံ ဖလသမာပတ္တိယာ အနန္တရပစ္စယေန ပစ္စယော။ (၂)

၁၅၄။ လောကုတ္တရော ဓမ္မော လောကုတ္တရဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ လောကုတ္တရာ ခန္ဓာ ပစ္ဆိမာနံ ပစ္ဆိမာနံ လောကုတ္တရာနံ ခန္ဓာနံ ¶ အနန္တရပစ္စယေန ပစ္စယော၊ မဂ္ဂေါ ဖလဿ၊ ဖလံ ဖလဿ အနန္တရပစ္စယေန ပစ္စယော။ (၁)

လောကုတ္တရော ဓမ္မော လောကိယဿ ဓမ္မဿ အနန္တရပစ္စယေန ပစ္စယော – ဖလံ ဝုဋ္ဌာနဿ အနန္တရပစ္စယေန ပစ္စယော။ (၂)

သမနန္တရပစ္စယာဒိ

၁၅၅။ လောကိယော ဓမ္မော လောကိယဿ ဓမ္မဿ သမနန္တရပစ္စယေန ပစ္စယော… သဟဇာတပစ္စယေန ပစ္စယော (ပဉ္စ ပဉှာ၊ ဃဋနာ နတ္ထိ) အညမညပစ္စယေန ပစ္စယော… ဒွေ… နိဿယပစ္စယေန ပစ္စယော။

ဥပနိဿယပစ္စယော

၁၅၆။ လောကိယော ဓမ္မော လောကိယဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – လောကိယံ သဒ္ဓံ ဥပနိဿာယ ဒါနံ ဒေတိ…ပေ… ဝိပဿနံ ¶ ဥပ္ပာဒေတိ၊ အဘိညံ ဥပ္ပာဒေတိ၊ သမာပတ္တိံ ဥပ္ပာဒေတိ၊ မာနံ ဇပ္ပေတိ၊ ဒိဋ္ဌိံ ဂဏှာတိ၊ လောကိယံ သီလံ…ပေ… သေနာသနံ ဥပနိဿာယ ဒါနံ ဒေတိ…ပေ… သင်္ဃံ ဘိန္ဒတိ၊ လောကိယာ သဒ္ဓါ…ပေ… သေနာသနံ လောကိယာယ သဒ္ဓါယ…ပေ… ကာယိကဿ ဒုက္ခဿ ဥပနိဿယပစ္စယေန ပစ္စယော၊ ကုသလာကုသလံ ကမ္မံ ဝိပါကဿ ဥပနိဿယပစ္စယေန ပစ္စယော။ (၁)

လောကိယော ဓမ္မော လောကုတ္တရသ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ပဌမဿ မဂ္ဂဿ ပရိကမ္မံ ပဌမဿ မဂ္ဂဿ ဥပနိဿယပစ္စယေန ¶ ပစ္စယော…ပေ… စတုတ္ထဿ မဂ္ဂဿ ပရိကမ္မံ စတုတ္ထဿ မဂ္ဂဿ ဥပနိဿယပစ္စယေန ပစ္စယော။ (၂)

၁၅၇။ လောကုတ္တရော ဓမ္မော လောကုတ္တရဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – ပဌမော မဂ္ဂေါ ဒုတိယဿ မဂ္ဂဿ ဥပနိဿယပစ္စယေန ပစ္စယော…ပေ… တတိယော မဂ္ဂေါ စတုတ္ထဿ မဂ္ဂဿ ဥပနိဿယပစ္စယေန ပစ္စယော။ (၁)

လောကုတ္တရော ¶ ဓမ္မော လောကိယဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော…ပေ…။ ပကတူပနိဿယော – အရိယာ မဂ္ဂံ ဥပနိဿာယ အနုပ္ပန္နံ သမာပတ္တိံ ဥပ္ပာဒေန္တိ၊ ဥပ္ပန္နံ သမာပဇ္ဇန္တိ၊ သင်္ခါရေ အနိစ္စတော ဒုက္ခတော အနတ္တတော ဝိပဿန္တိ၊ အရိယာနံ မဂ္ဂေါ…ပေ… ဌာနာဌာနကောသလ္လဿ ဥပနိဿယပစ္စယေန ပစ္စယော၊ ဖလသမာပတ္တိ ကာယိကဿ သုခဿ ဥပနိဿယပစ္စယေန ပစ္စယော။ (၂)

ပုရေဇာတပစ္စယော

၁၅၈။ လောကိယော ¶ ဓမ္မော လောကိယဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ။ အာရမ္မဏပုရေဇာတံ – စက္ခုံ…ပေ… ဝတ္ထုံ အနိစ္စတော ဒုက္ခတော အနတ္တတော…ပေ… ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ၊ ဒိဗ္ဗာယ သောတဓာတုယာ သဒ္ဒံ သုဏာတိ။ ရူပါယတနံ စက္ခုဝိညာဏဿ…ပေ… ဖောဋ္ဌဗ္ဗာယတနံ ကာယဝိညာဏဿ ပုရေဇာတပစ္စယေန ပစ္စယော။ ဝတ္ထုပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ကာယဝိညာဏဿ…ပေ… ဝတ္ထု လောကိယာနံ ခန္ဓာနံ ပုရေဇာတပစ္စယေန ပစ္စယော။ (၁)

လောကိယော ဓမ္မော လောကုတ္တရဿ ဓမ္မဿ ပုရေဇာတပစ္စယေန ပစ္စယော။ ဝတ္ထုပုရေဇာတံ – ဝတ္ထု လောကုတ္တရာနံ ခန္ဓာနံ ပုရေဇာတပစ္စယေန ပစ္စယော။ (၂)

ပစ္ဆာဇာတပစ္စယော

၁၅၉။ လောကိယော ¶ ဓမ္မော လောကိယဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ လောကိယာ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)

လောကုတ္တရော ဓမ္မော လောကိယဿ ဓမ္မဿ ပစ္ဆာဇာတပစ္စယေန ပစ္စယော – ပစ္ဆာဇာတာ လောကုတ္တရာ ခန္ဓာ ပုရေဇာတဿ ဣမဿ ကာယဿ ပစ္ဆာဇာတပစ္စယေန ပစ္စယော။ (၁)

အာသေဝနပစ္စယော

၁၆၀။ လောကိယော ¶ ¶ ဓမ္မော လောကိယဿ ဓမ္မဿ အာသေဝနပစ္စယေန ပစ္စယော – ပုရိမာ ပုရိမာ လောကိယာ ခန္ဓာ ပစ္ဆိမာနံ ပစ္ဆိမာနံ လောကိယာနံ ခန္ဓာနံ အာသေဝနပစ္စယေန ပစ္စယော၊ အနုလောမံ ဂေါတြဘုဿ… အနုလောမံ ဝေါဒါနဿ အာသေဝနပစ္စယေန ပစ္စယော။ (၁)

လောကိယော ဓမ္မော လောကုတ္တရဿ ဓမ္မဿ အာသေဝနပစ္စယေန ပစ္စယော – ဂေါတြဘု မဂ္ဂဿ… ဝေါဒါနံ မဂ္ဂဿ အာသေဝနပစ္စယေန ပစ္စယော။ (၂)

ကမ္မပစ္စယော

၁၆၁။ လောကိယော ဓမ္မော လောကိယဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – လောကိယာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော၊ ပဋိသန္ဓိက္ခဏေ…ပေ…။ နာနာက္ခဏိကာ – လောကိယာ စေတနာ ဝိပါကာနံ ခန္ဓာနံ ကဋတ္တာ စ ရူပါနံ ကမ္မပစ္စယေန ပစ္စယော။ (၁)

လောကုတ္တရော ဓမ္မော လောကုတ္တရဿ ဓမ္မဿ ကမ္မပစ္စယေန ပစ္စယော – သဟဇာတာ၊ နာနာက္ခဏိကာ။ သဟဇာတာ – လောကုတ္တရာ စေတနာ သမ္ပယုတ္တကာနံ ခန္ဓာနံ ကမ္မပစ္စယေန ပစ္စယော။ နာနာက္ခဏိကာ – လောကုတ္တရာ စေတနာ ဝိပါကာနံ ခန္ဓာနံ ကမ္မပစ္စယေန ပစ္စယော။ (၁)

လောကုတ္တရော ¶ ဓမ္မော လောကိယဿ ဓမ္မဿ ကမ္မပစ္စယေန ပစ္စယော – လောကုတ္တရာ စေတနာ စိတ္တသမုဋ္ဌာနာနံ ရူပါနံ ကမ္မပစ္စယေန ပစ္စယော။ (၂)

လောကုတ္တရော ဓမ္မော လောကိယဿ စ လောကုတ္တရဿ စ ဓမ္မဿ ကမ္မပစ္စယေန ပစ္စယော – လောကုတ္တရာ စေတနာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ကမ္မပစ္စယေန ပစ္စယော။ (၃)

ဝိပါကပစ္စယော

၁၆၂။ လောကိယော ဓမ္မော လောကိယဿ ဓမ္မဿ ဝိပါကပစ္စယေန ပစ္စယော – ဝိပါကော လောကိယော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ ဝိပါကပစ္စယေန ပစ္စယော…ပေ… ဒွေ ခန္ဓာ…ပေ… ပဋိသန္ဓိက္ခဏေ…ပေ…။ (၁)

လောကုတ္တရော ¶ ဓမ္မော လောကုတ္တရဿ ဓမ္မဿ ဝိပါကပစ္စယေန ပစ္စယော… တီဏိ။

အာဟာရပစ္စယော

၁၆၃။ လောကိယော ဓမ္မော လောကိယဿ ဓမ္မဿ အာဟာရပစ္စယေန ပစ္စယော – လောကိယာ အာဟာရာ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ¶ ရူပါနံ အာဟာရပစ္စယေန ပစ္စယော၊ ပဋိသန္ဓိက္ခဏေ…ပေ… ကဗဠီကာရော အာဟာရော ဣမဿ ကာယဿ အာဟာရပစ္စယေန ပစ္စယော။ (၁)

လောကုတ္တရော ဓမ္မော လောကုတ္တရဿ ဓမ္မဿ အာဟာရပစ္စယေန ပစ္စယော… တီဏိ။

ဣန္ဒြိယပစ္စယော

၁၆၄။ လောကိယော ဓမ္မော လောကိယဿ ဓမ္မဿ ဣန္ဒြိယပစ္စယေန ပစ္စယော (ပဋိသန္ဓိ ကာတဗ္ဗာ)၊ စက္ခုန္ဒြိယံ စက္ခုဝိညာဏဿ…ပေ… ကာယိန္ဒြိယံ ကာယဝိညာဏဿ ဣန္ဒြိယပစ္စယေန ပစ္စယော၊ ရူပဇီဝိတိန္ဒြိယံ ကဋတ္တာရူပါနံ ဣန္ဒြိယပစ္စယေန ပစ္စယော။ (၁)

လောကုတ္တရော ဓမ္မော လောကုတ္တရဿ ဓမ္မဿ ဣန္ဒြိယပစ္စယေန ပစ္စယော… တီဏိ။

ဈာနပစ္စယာဒိ

၁၆၅။ လောကိယော ¶ ဓမ္မော လောကိယဿ ဓမ္မဿ ဈာနပစ္စယေန ပစ္စယော… ဧကံ၊ လောကုတ္တရော ဓမ္မော…ပေ… တီဏိ… မဂ္ဂပစ္စယေန ပစ္စယော၊ လောကိယေ ဧကံ၊ လောကုတ္တရေ တီဏိ။

လောကိယော ဓမ္မော လောကိယဿ ဓမ္မဿ သမ္ပယုတ္တပစ္စယေန ပစ္စယော… ဧကံ၊ လောကုတ္တရော ဓမ္မော…ပေ… ဧကံ။

ဝိပ္ပယုတ္တပစ္စယော

၁၆၆။ လောကိယော ဓမ္မော လောကိယဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ။ သဟဇာတာ – လောကိယာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော၊ ပဋိသန္ဓိက္ခဏေ…ပေ… ခန္ဓာ ဝတ္ထုဿ ဝိပ္ပယုတ္တပစ္စယေန ပစ္စယော၊ ဝတ္ထု ခန္ဓာနံ ဝိပ္ပယုတ္တပစ္စယေန ပစ္စယော။ ပုရေဇာတံ – စက္ခာယတနံ စက္ခုဝိညာဏဿ…ပေ… ကာယာယတနံ ¶ ကာယဝိညာဏဿ…ပေ… ဝတ္ထု လောကိယာနံ ခန္ဓာနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – လောကိယာ ခန္ဓာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)

လောကိယော ¶ ဓမ္မော လောကုတ္တရဿ ဓမ္မဿ ဝိပ္ပယုတ္တပစ္စယေန ပစ္စယော။ ပုရေဇာတံ – ဝတ္ထု လောကုတ္တရာနံ ခန္ဓာနံ ဝိပ္ပယုတ္တပစ္စယေန ပစ္စယော။ (၂)

လောကုတ္တရော ဓမ္မော လောကိယဿ ဓမ္မဿ ဝိပ္ပယုတ္တပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ – လောကုတ္တရာ ခန္ဓာ စိတ္တသမုဋ္ဌာနာနံ ရူပါနံ ဝိပ္ပယုတ္တပစ္စယေန ပစ္စယော။ ပစ္ဆာဇာတာ – လောကုတ္တရာ ခန္ဓာ ပုရေဇာတဿ ဣမဿ ကာယဿ ဝိပ္ပယုတ္တပစ္စယေန ပစ္စယော။ (၁)

အတ္ထိပစ္စယာဒိ

၁၆၇။ လောကိယော ဓမ္မော လောကိယဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတော – လောကိယော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ…ပေ… (ယာဝ အသညသတ္တာ)။ ပုရေဇာတံ – စက္ခုံ…ပေ… ဝတ္ထုံ ¶ …ပေ… (ပုရေဇာတသဒိသံ)။ ဝတ္ထု လောကိယာနံ ခန္ဓာနံ အတ္ထိပစ္စယေန ပစ္စယော။ ပစ္ဆာဇာတာ – လောကိယာ ခန္ဓာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော၊ ကဗဠီကာရော အာဟာရော ဣမဿ ကာယဿ အတ္ထိပစ္စယေန ပစ္စယော၊ ရူပဇီဝိတိန္ဒြိယံ ကဋတ္တာရူပါနံ အတ္ထိပစ္စယေန ပစ္စယော။ (၁)

လောကိယော ဓမ္မော လောကုတ္တရဿ ဓမ္မဿ အတ္ထိပစ္စယေန ပစ္စယော။ ပုရေဇာတံ – ဝတ္ထု လောကုတ္တရာနံ ခန္ဓာနံ အတ္ထိပစ္စယေန ပစ္စယော။ (၂)

၁၆၈။ လောကုတ္တရော ဓမ္မော လောကုတ္တရဿ ဓမ္မဿ အတ္ထိပစ္စယေန ပစ္စယော – လောကုတ္တရော ဧကော ခန္ဓော တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ…ပေ…။ (၁)

လောကုတ္တရော ဓမ္မော လောကိယဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ။ သဟဇာတာ ¶ – လောကုတ္တရာ ခန္ဓာ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပစ္ဆာဇာတာ – လောကုတ္တရာ ခန္ဓာ ပုရေဇာတဿ ဣမဿ ကာယဿ အတ္ထိပစ္စယေန ပစ္စယော။ (၂)

လောကုတ္တရော ¶ ဓမ္မော လောကိယဿ စ လောကုတ္တရဿ စ ဓမ္မဿ အတ္ထိပစ္စယေန ပစ္စယော – လောကုတ္တရော ဧကော ခန္ဓော တိဏ္ဏန္နံ ခန္ဓာနံ စိတ္တသမုဋ္ဌာနာနဉ္စ ရူပါနံ အတ္ထိပစ္စယေန ပစ္စယော…ပေ… ဒွေ ခန္ဓာ…ပေ…။ (၃)

၁၆၉။ လောကိယော စ လောကုတ္တရော စ ဓမ္မာ လောကိယဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပစ္ဆာဇာတံ၊ အာဟာရံ၊ ဣန္ဒြိယံ။ သဟဇာတာ – လောကုတ္တရာ ခန္ဓာ စ မဟာဘူတာ စ စိတ္တသမုဋ္ဌာနာနံ ရူပါနံ အတ္ထိပစ္စယေန ပစ္စယော။ ပစ္ဆာဇာတာ – လောကုတ္တရာ ခန္ဓာ စ ကဗဠီကာရော အာဟာရော စ ဣမဿ ကာယဿ အတ္ထိပစ္စယေန ပစ္စယော။ ပစ္ဆာဇာတာ – လောကုတ္တရာ ခန္ဓာ စ ရူပဇီဝိတိန္ဒြိယဉ္စ ကဋတ္တာရူပါနံ အတ္ထိပစ္စယေန ပစ္စယော။ (၁)

လောကိယော စ လောကုတ္တရော စ ဓမ္မာ လောကုတ္တရဿ ဓမ္မဿ အတ္ထိပစ္စယေန ပစ္စယော – သဟဇာတံ၊ ပုရေဇာတံ။ သဟဇာတော – လောကုတ္တရော ဧကော ခန္ဓော စ ဝတ္ထု စ တိဏ္ဏန္နံ ခန္ဓာနံ အတ္ထိပစ္စယေန ပစ္စယော…ပေ… ဒွေ ခန္ဓာ စ…ပေ…။ (၂)

နတ္ထိပစ္စယေန ¶ ပစ္စယော… ဝိဂတပစ္စယေန ပစ္စယော… အဝိဂတပစ္စယေန ပစ္စယော။ (၂)