📜

နမော တဿ ဘဂဝတော အရဟတော သမ္မာသမ္ဗုဒ္ဓဿ

သုတ္တန္တပိဋက

အင်္ဂုတ္တရနိကာယေ

သံဂါယနဿ ပုစ္ဆာ ဝိဿဇ္ဇနာ

ပုစ္ဆာ – ပဌမမဟာသံဂီတိကာလေ ¶ အာဝုသော ဓမ္မသံဂါဟကာ မဟာကဿပါဒယော မဟာထေရဝရာ ပေါရာဏသံဂီတိကာရာ ပဌမံ ဝိနယပိဋကံ သံဂါယိတွာ သုတ္တန္တပိဋကေ စ ဒီဃမဇ္ဈိမသံယုတ္တသင်္ခါတေ တယော နိကာယေ သံဂါယိတွာ တဒနန္တရံ ကိံ နာမ ပါဝစနံ သံဂါယိံသု။

ဝိဿဇ္ဇနာ – ပဌမမဟာသံဂီတိကာလေ ဘန္တေ ဓမ္မသံဂါဟကာ မဟာကဿပါဒယော မဟာထေရဝရာ ပေါရာဏသံဂီတိကာရာ ပဌမံ ဝိနယံ သံဂါယိတွာ သုတ္တန္တပိဋကေ စ ဒီဃမဇ္ဈိမသံယုတ္တသင်္ခါတေ တယော နိကာယေ သံဂါယိတွာ တဒနန္တရံ နဝဟိ စ သုတ္တသဟဿေဟိ ပဉ္စဟိ စ သုတ္တသတ္တေဟိ သတ္တပညာသာယ စ သုတ္တေဟိ ပဋိမဏ္ဍိတံ ဝီသတိဘာဏဝါရသတပရိမာဏံ အင်္ဂုတ္တရနိကာယံ နာမ ပါဝစနံ သံဂါယိံသု။

ပုစ္ဆာ – အင်္ဂုတ္တရနိကာယေပိ ¶ အာဝုသော ဧကကနိပါတော ဒုကနိပါတော တိကနိပါတောတိအာဒိနာ နိပါတပကရဏပရိစ္ဆေဒဝသေန ဧကာဒသဝိဓာ။ တတ္ထ ကတရံ နိပါတပကရဏံ သံဂါယိံသု။

ဝိဿဇ္ဇနာ – အင်္ဂုတ္တရနိကာယေ ဘန္တေ ဧကာဒသသု နိပါတပကရဏပရိစ္ဆေဒေသု ဧကကနိပါတံ ပဌမံ သံဂါယိံသု။

၁။ ရူပါဒိဝဂ္ဂ

ပုစ္ဆာ – ဧကကနိပါတေပိ ¶ အာဝုသော ရူပါဒိဝဂ္ဂေါ နီဝရဏပ္ပဟာနဝဂ္ဂေါ အကမ္မနိယဝဂ္ဂေါတိအာဒိနာ ဝဂ္ဂဘေဒဝသေန ဗဟုဝိဓာ။ တတ္ထ ကတရံ ဝဂ္ဂံ ပဌမံ သံဂါယိံသု။

ဝိဿဇ္ဇနာ – ဧကကနိပါတေ ဘန္တေ ရူပါဒိဝဂ္ဂေါ နီဝရဏပ္ပဟာနဝဂ္ဂေါတိအာဒိနာ ဝီသတိယာ ဝဂ္ဂေသု ရူပါဒိဝဂ္ဂံ ပဌမံ သံဂါယိံသု။

ပုစ္ဆာ – သာဓု သာဓု အာဝုသော၊ မယမ္ပိ ဒါနိ အာဝုသော တတောယေဝ ပဋ္ဌာယ သံဂါဟနတ္ထာယ သံဂီတိပုဗ္ဗင်္ဂမာနိ ဓမ္မပုစ္ဆနဝိဿဇ္ဇနကိစ္စာနိ အာဝဟိတုံ သမာရဘာမ။ တေနာဝုသော ဘဂဝတာ ဇာနတာ ပဿတာ အရဟတာ သမ္မာသမ္ဗုဒ္ဓေန အင်္ဂုတ္တရနိကာယေ ဧကကနိပါတေ ရူပါဒိဝဂ္ဂေ ပုရိမာနိ ပဉ္စ သုတ္တာနိ ကတ္ထ ကံ အာရဗ္ဘ ကထဉ္စ ဘာသိတာနိ။

ဝိဿဇ္ဇနာ – သာဝတ္ထိယံ ¶ ဘန္တေ သမ္ဗဟုလေ ဘိက္ခူ အာရဗ္ဘ ရူပါဒိဂရုကာနံ ပဉ္စန္နံ ပုရိသာနံ အဇ္ဈာသယဝသေန ‘‘နာဟံ ဘိက္ခဝေ အညံ ဧကရူပမ္ပိ သမနုပဿာမိ၊ ယံ ဧဝံ ပုရိသဿ စိတ္တံ ပရိယာဒါယ တိဋ္ဌတိ၊ ယထယိဒံ ဘိက္ခဝေ ဣတ္ထိရူပံ၊ ဣတ္ထိရူပံ ဘိက္ခဝေ ပုရိသဿ စိတ္တံ ပရိယာဒါယ တိဋ္ဌတီ’’တိ ဧဝမာဒိနာ ဘဂဝတာ ဘာသိတာနိ။

နာဟံ ဘိက္ခဝေ အညံ ဧကရူပမ္ပိ သမနုပဿာမိ၊ ယံ ဧဝံ ပုရိသဿ စိတ္တံ ပရိယာဒါယ တိဋ္ဌတိ၊ ယထယိဒံ ဘိက္ခဝေ ဣတ္ထိရူပံ၊ ဣတ္ထိရူပံ ဘိက္ခဝေ ပုရိသဿ စိတ္တံ ပရိယာဒါယ တိဋ္ဌတိ။

ပုစ္ဆာ – တတ္ထေဝ ¶ အာဝုသော ပစ္ဆိမာနိ ပဉ္စ သုတ္တာနိ ဘဂဝတာ ကတ္ထ ကံ အာရဗ္ဘ ကထဉ္စ ဘာသိတာနိ။

ဝိဿဇ္ဇနာ – တသ္မိံယေဝ ဘန္တေ သာဝတ္ထိယံ သမ္ဗဟုလေ ဘိက္ခူ အာရဗ္ဘ ရူပါဒိဂရုကာနံ ပဉ္စန္နံ ဣတ္ထီနံ အဇ္ဈာသယဝသေန ‘‘နာဟံ ဘိက္ခဝေ အညံ ဧကရူပမ္ပိ သမနုပဿာမိ၊ ယံ ဧဝံ ဣတ္ထိယာ စိတ္တံ ပရိယာဒါယ တိဋ္ဌတိ၊ ယထယိဒံ ဘိက္ခဝေ ပုရိသရူပံ၊ ပုရိသရူပံ ဘိက္ခဝေ ဣတ္ထိယာ စိတ္တံ ပရိယာဒါယ တိဋ္ဌတီ’’တိ ဧဝမာဒိနာ ဘဂဝတာ ဘာသိတာနိ။

နာဟံ ဘိက္ခဝေ အညံ ဧကရူပမ္ပိ သမနုပဿာမိ၊ ယံ ဧဝံ ဣတ္ထိယာ စိတ္တံ ပရိယာဒါယ တိဋ္ဌတိ၊ ယထယိဒံ ဘိက္ခဝေ ပုရိသရူပံ၊ ပုရိသရူပံ ဘိက္ခဝေ ဣတ္ထိယာ စိတ္တံ ပရိယာဒါယ တိဋ္ဌတိ။

နီတတ္ထဝသေန၊ နေယျတ္ထဝသေန

ပုစ္ဆာ – ဣမသ္မိံ ¶ အာဝုသော ရူပါဒိဝဂ္ဂေ ဘဂဝတာ နီတတ္ထဝသေန ကိံ ကထိတံ၊ နေယျတ္ထဝသေန ပန ကိံ ဉာပိတံ။

ဝိဿဇ္ဇနာ – ဣမသ္မိံ ဘန္တေ ရူပါဒိဝဂ္ဂေ ဘဂဝတာ နီတတ္ထဝသေန ဝဋ္ဋံ ကထိတံ။ နေယျတ္ထဝသေန ပန ဝိဝဋ္ဋမ္ပိ ဉာပိတံ။

၂။ နီဝရဏပ္ပဟာနဝဂ္ဂ

ပုစ္ဆာ – ဒုတိယော ¶ ပန အာဝုသော နီဝရဏပ္ပဟာနဝဂ္ဂေါ ဘဂဝတာ ကတ္ထ ကထဉ္စ ဘာသိတော။

ဝိဿဇ္ဇနာ – သာဝတ္ထိယံ ဘန္တေ ‘‘နာဟံ ဘိက္ခဝေ အညံ ဧကဓမ္မမ္ပိ သမနုပဿာမိ၊ ယေန အနုပ္ပန္နော ဝါ ကာမစ္ဆန္ဒော ဥပ္ပဇ္ဇတိ၊ ဥပ္ပန္နော ဝါ ကာမစ္ဆန္ဒော ဘိယျောဘာဝါယ ဝေပုလ္လာယ သံဝတ္တတိ၊ ယထယိဒံ ဘိက္ခဝေ သုဘနိမိတ္တံ၊ သုဘနိမိတ္တံ ဘိက္ခဝေ အယောနိသော မနသိကရောတော အနုပ္ပန္နောစေဝ ကာမစ္ဆန္ဒော ဥပ္ပဇ္ဇတိ၊ ဥပ္ပန္နော စ ကာမစ္ဆန္ဒော ဘိယျောဘာဝါယ ဝေပုလ္လာယ သံဝတ္တတီ’’တိ ဧဝမာဒိနာ ဘဂဝတာ ဘာသိတော။

ပုစ္ဆာ – ဣမသ္မိံ ¶ ပန အာဝုသော ဒုတိယေ နီဝရဏပ္ပဟာနဝဂ္ဂေ ဘဂဝတာ ကိံ ကထိတံ။

ဝိဿဇ္ဇနာ – ဣမသ္မိံ ပန ဘန္တေ ဒုတိယေ နီဝရဏပ္ပဟာနဝဂ္ဂေ ဘဂဝတာ ဝဋ္ဋမ္ပိ ဝိဝဋ္ဋမ္ပိ ကထိတံ။

၃။ အကမ္မနိယဝ

ပုစ္ဆာ – တေနာဝုသော…ပေ… ¶ သမ္မာသမ္ဗုဒ္ဓေန အင်္ဂုတ္တရနိကာယေ ဧကကနိပါတေ တတိယေ အကမ္မနိယဝဂ္ဂေ ကီဒိသီ ဓမ္မဒေသနာယော ဒေသိတာ။

ဝိဿဇ္ဇနာ – တတိယေ ဘန္တေ အကမ္မနိယဝဂ္ဂေ ‘‘နာဟံ ဘိက္ခဝေ အညံ ဧကဓမ္မမ္ပိ သမနုပဿာမိ၊ ယံ ဧဝံ အဘာဝိတံ အကမ္မနိယံ ဟောတိ၊ ယထယိဒံ ဘိက္ခဝေ စိတ္တံ၊ စိတ္တံ ဘိက္ခဝေ အဘာဝိတံ အကမ္မနိယံ ဟောတိ။ နာဟံ ဘိက္ခဝေ အညံ ဧကဓမ္မမ္ပိ သမနုပဿာမိ၊ ယံ ဧဝံ ဘာဝိတံ ကမ္မနိယံ ဟောတိ၊ ယထယိဒံ ဘိက္ခဝေ စိတ္တံ။ စိတ္တံ ဘိက္ခဝေ ဘာဝိတံ ကမ္မနိယံ ဟောတီ’’တိ ဧဝမာဒိကာ ဘဂဝတာ ဓမ္မဒေသနာယော ဒေသိတာ။

၄။ အဒန္တဝဂ္ဂ

ပုစ္ဆာ – စတုတ္ထေ ¶ ပနာဝုသော အဒန္တဝဂ္ဂေ ဘဂဝတာ ကီဒိသီ ဓမ္မဒေသနာယော ဒေသိတာ။

ဝိဿဇ္ဇနာ – စတုတ္ထေ ဘန္တေ အဒန္တဝဂ္ဂေ ‘‘နာဟံ ဘိက္ခဝေ အညံ ဧကဓမ္မမ္ပိ သမနုပဿာမိ၊ ယံ ဧဝံ အဒန္တံ မဟတော အနတ္ထာယ သံဝတ္တတိ၊ ယထယိဒံ ဘိက္ခဝေ စိတ္တံ၊ စိတ္တံ ဘိက္ခဝေ အဒန္တံ မဟတော အနတ္ထာယ သံဝတ္တတိ။ နာဟံ ဘိက္ခဝေ အညံ ဧကဓမ္မမ္ပိ သမနုပဿာမိ၊ ယံ ဧဝံ ဒန္တံ မဟတော အတ္ထာယ သံဝတ္တတိ၊ ယထယိဒံ ဘိက္ခဝေ စိတ္တံ၊ စိတ္တံ ဘိက္ခဝေ ဒန္တံ မဟတော အတ္ထာယ သံဝတ္တတီ’’တိ ဧဝမာဒိကာ ဘဂဝတာ ဓမ္မဒေသနာယော ဒေသိတာ။

၅။ ပဏိဟိတအစ္ဆဝဂ္ဂ

ပုစ္ဆာ – ပဉ္စမေ ¶ အာဝုသော ပဏိဟိတအစ္ဆဝဂ္ဂေ ဘဂဝတာ ကီဒိသီ ဓမ္မဒေသနာယော ဒေသိတာ။

ဝိဿဇ္ဇနာ – ပဉ္စမေ ဘန္တေ ပဏိဟိတအစ္ဆဝဂ္ဂေ ‘‘သေယျထာပိ ဘိက္ခဝေ သာလိသူကံ ဝါ ယဝသူကံ ဝါ မိစ္ဆာပဏိဟိတံ ဟတ္ထေန ဝါ ပါဒေန ဝါ အက္ကန္တံ ဟတ္ထံ ဝါ ပါဒံ ဝါ ဘေစ္ဆတိ၊ လောဟိတံ ဝါ ဥပ္ပာဒေဿတီတိ နေတံ ဌာန ဝိဇ္ဇတိ။ တံ ကိဿဟေတု၊ မိစ္ဆာပဏိဟိတတ္တာ ဘိက္ခဝေ သူကဿ။ ဧဝမေဝ ခေါ ဘိက္ခဝေ သော ဝတ ဘိက္ခု မိစ္ဆာပဏိဟိတေန စိတ္တေန အဝိဇ္ဇံ ¶ ဘေစ္ဆတိ၊ ဝိဇ္ဇံ ဥပ္ပာဒေဿတိ၊ နိဗ္ဗာနံ သစ္ဆိကရိဿတီတိ နေတံ ဌာနံ ဝိဇ္ဇတိ၊ တံ ကိဿ ဟေတု၊ မိစ္ဆာပဏိဟိတတ္တာ ဘိက္ခဝေ စိတ္တဿာ’’တိ ဧဝမာဒိကာ ဘဂဝတာ ဓမ္မဒေသနာယော ဒေသိတာ။

၆။ အစ္ဆရာသင်္ဃာတဝဂ္ဂ

ပုစ္ဆာ – အစ္ဆရာသင်္ဃာတဝဂ္ဂေ ¶ အာဝုသော ပဌမ ဒုတိယသုတ္တာနိ ဘဂဝတာ ကထံ ဘာသိတာနိ။

ဝိဿဇ္ဇနာ – အစ္ဆရာသင်္ဃာတဝဂ္ဂေ ဘန္တေ ဘဂဝတာ ‘‘ပဘဿရမိဒံ ဘိက္ခဝေ စိတ္တံ၊ တဉ္စ ခေါ အာဂန္တုကေဟိ ဥပက္ကိလေသေဟိ ဥပက္ကိလိဋ္ဌံ၊ တံ အဿုတဝါ ပုထုဇ္ဇနော ယထာဘူတံ နပ္ပဇာနာတိ၊ တသ္မာ ‘အဿုတဝတော ပုထုဇ္ဇနဿ စိတ္တဘာဝနာ နတ္ထီ’တိ ဝဒါမိ။ ပဘဿရမိဒံ ဘိက္ခဝေ စိတ္တံ၊ တဉ္စ ခေါ အာဂန္တုကေဟိ ဥပက္ကိလေသေဟိ ဝိပ္ပမုတ္တံ၊ တံ သုဘဝါ အရိယသာဝကော ယထာဘူတံ ပဇာနာတိ။ တသ္မာ ‘သုတပတော ¶ အရိယသာဝကဿ စိတ္တဘာဝနာ အတ္ထီ’တိ ဝဒါမီ’’တိ။ ဧဝံ ခေါ ဘဂဝတာ ဘာသိတာနိ။

တတိယသုတ္တ

ပုစ္ဆာ – တတ္ထေဝ ¶ အာဝုသော တတိယသုတ္တာဒီနိ ဘဂဝတာ ကထံ ဘာသိတာနိ။

ဝိဿဇ္ဇနာ – တတ္ထေဝ ဘန္တေ တတိယသုတ္တာဒီနိ ပဉ္စသုတ္တာနိ ‘‘အစ္ဆရာသင်္ဃာတမတ္တမ္ပိ စေ ဘိက္ခဝေ ဘိက္ခု မေတ္တာစိတ္တံ အာသေဝတိ၊ ဘာဝေတိ၊ မနသိကရောတိ။ အယံ ဝုစ္စတိ ဘိက္ခဝေ ဘိက္ခု အရိတ္တဇ္ဈာနော ဝိဟရတိ သတ္ထုသာသနကရော ဩဝါဒပတိကရော အမောဃံ ရဋ္ဌပိဏ္ဍံ ဘုဉ္ဇတိ၊ ကော ပန ဝါဒေါ ယေ နံ ဗဟုလီကရောန္တိ။ ယေကေစိ ဘိက္ခဝေ ဓမ္မာ အကုသလာ အကုသလဘာဂိယာ အကုသလပက္ခိကာ၊ သဗ္ဗေတေ မနောပုဗ္ဗင်္ဂမာ၊ မနော တေသံ ဓမ္မာနံ ပဌမံ ဥပ္ပဇ္ဇတိ၊ အနွဒေဝ အကုသလာဓမ္မာ၊ ယေကေစိ ဘိက္ခဝေ ဓမ္မာ ကုသလာ ကုသလဘာဂိယာ ကုသလပက္ခိကာ၊ သဗ္ဗေတေ မနောပုဗ္ဗင်္ဂမာ၊ မနော တေသံ ဓမ္မာနံ ပဌမံ ဥပ္ပဇ္ဇတိ၊ အနွဒေဝ ကုသလာ ဓမ္မာ’’တိ ဧဝံ ခေါ ဘန္တေ ဘဂဝတာ ဘာသိတာနိ။

အဋ္ဌမသုတ္တ

ပုစ္ဆာ – တတ္ထေဝ ¶ အာဝုသော အဋ္ဌမ နဝမ ဒသမသုတ္တာနိ စ ဝီရိယာရမ္ဘာဒိဝဂ္ဂေ ဒသသုတ္တာနိ စ ကလျာဏမိတ္တာဒိဝဂ္ဂေ ပဌမသုတ္တဉ္စ ဘဂဝတာ ကထံ ဘာသိတာနိ။

ဝိဿဇ္ဇနာ – တတ္ထေဝ ဘန္တေ အဋ္ဌမ နဝမ ဒသမသုတ္တာနိ စ ဝီရိယာရမ္ဘာဒိဝဂ္ဂေ ဒသသုတ္တာနိ စ ကလျာဏမိတ္တာဒိဝဂ္ဂေ ပဌမသုတ္တဉ္စ ‘‘နာဟံ ဘိက္ခဝေ အညံ ဧကဓမ္မမ္ပိ သမနုပဿာမိ၊ ယေန အနုပ္ပန္နာ ဝါ အကုသလာ ဓမ္မာ ဥပ္ပဇ္ဇန္တိ၊ ဥပ္ပန္နာ ဝါ ကုသလာ ဓမ္မာ ပရိဟာယန္တိ၊ ယထယိဒံ ဘိက္ခဝေ ပမာဒေါ၊ ပမတ္တဿ ဘိက္ခဝေ အနုပ္ပန္နာ စေဝ အကုသလာ ဓမ္မာ ဥပ္ပဇ္ဇန္တိ၊ ဥပ္ပန္နာ စ ကုသလာ ဓမ္မာ ပရိဟာယန္တီ’’တိ ဧဝမာဒိနာ ဘန္တေ ဘဂဝတာ ဘာသိတာနိ။

ဒုတိယသုတ္တ

ပုစ္ဆာ – ကလျာဏမိတ္တာဒိဝဂ္ဂေ ¶ အာဝုသော ဒုတိယ တတိယသုတ္တာနိ ဘဂဝတာ ကထံ ဘာသိတာနိ။

ဝိဿဇ္ဇနာ – ကလျာဏမိတ္တာဒိဝဂ္ဂေ ဘန္တေ ဒုတိယ တတိယသုတ္တာနိ ‘‘နာဟံ ဘိက္ခဝေ အညံ ဧကဓမ္မမ္ပိ သမနုပဿာမိ၊ ယေန အနုပ္ပန္နာ ဝါ အကုသလာ ဓမ္မာ ဥပ္ပဇ္ဇန္တိ၊ ဥပ္ပန္နာ ဝါ ကုသလာ ဓမ္မာ ပရိဟာယန္တိ၊ ယထယိဒံ ဘိက္ခဝေ အနုယောဂေါ အကုသလာနံ ဓမ္မာနံ အနနုယောဂေါ ကုသလာနံ ဓမ္မာန’’န္တိ ဧဝမာဒိနာ ဘဂဝတာ ဘာသိတာနိ။

ဆဋ္ဌသုတ္တ

ပုစ္ဆာ – တတ္ထေဝ ¶ အာဝုသော ဆဋ္ဌသုတ္တာဒီနိ စ ပမာဒါဒိဝဂ္ဂေ ပဌမသုတ္တဉ္စ ဘဂဝတာ ကထံ ဘာသိတာနိ။

ဝိဿဇ္ဇနာ – တတ္ထေဝ ဘန္တေ ဆဋ္ဌသုတ္တာဒီနိ စ ပမာဒါဒိဝဂ္ဂေ ပဌမသုတ္တဉ္စ ‘‘အပ္ပမတ္တိကာ ဧသာ ဘိက္ခဝေ ပရိဟာနိ ယဒိဒံ ဉာတိပရိဟာနိ။ ဧတံ ပတိကိဋ္ဌံ ဘိက္ခဝေ ပရိဟာနီနံ ယဒိဒံ ပညာပရိဟာနီတိ။ အပ္ပမတ္တိကာ ဧသာ ဘိက္ခဝေ ဝုဒ္ဓိ ယဒိဒံ ဉာတိဝုဒ္ဓိ။ ဧတဒဂ္ဂံ ဘိက္ခဝေ ဝုဒ္ဓီနံ ယဒိဒံ ပညာဝုဒ္ဓိ ¶ ။ တသ္မာတိဟ ဘိက္ခဝေ ဧဝံ သိက္ခိတဗ္ဗံ ‘ပညာဝုဒ္ဓိယာ ဝဒ္ဓိဿာမာ’တိ။ ဧဝဉှိ ဝေါ ဘိက္ခဝေ သိက္ခိတဗ္ဗ’’န္တိ ဧဝမာဒိနာ ဘန္တေ ဘဂဝတာ ဘာသိတာနိ။

ပမာဒါဒိဝဂ္ဂ

ပုစ္ဆာ – တေနာဝုသော…ပေ… ¶ သမ္မာသမ္ဗုဒ္ဓေန ပမာဒါဒိဝဂ္ဂေ ဒုတိယသုတ္တာဒီနိ ကထံ ဘာသိတာနိ။

ဝိဿဇ္ဇနာ – နာဟံ ဘိက္ခဝေ အညံ ဧကဓမ္မမ္ပိ သမနုပဿာမိ၊ ယော ဧဝံ မဟတော အနတ္ထာယ သံဝတ္တတိ၊ ယထယိဒံ ဘိက္ခဝေ ပမာဒေါ။ ပမာဒေါ ဘိက္ခဝေ မဟတော အနတ္ထာယ သံဝတ္တတိ။ နာဟံ ဘိက္ခဝေ အညံ ဧကဓမ္မမ္ပိ၊ ယော ဧဝံ မဟတော အတ္ထာယ သံဝတ္တတိ၊ ယထယိဒံ ဘိက္ခဝေ အပ္ပမာဒေါ၊ အပ္ပမာဒေါ ဘိက္ခဝေ မဟတော အနတ္ထာယ သံဝတ္တတီတိ ဧဝမာဒိနာ ဘန္တေ ဘဂဝတာ ဘာသိတာနိ။

ဒုတိယ ပမာဒါဒိဝဂ္ဂ

ပုစ္ဆာ – ဒုတိယေ ¶ ပနာဝုသော ပမာဒါဒိဝဂ္ဂေ ပဌမသုတ္တာဒီနိ ဘဂဝတာ ကထံ ဘာသိတာနိ။

ဝိဿဇ္ဇနာ – ဒုတိယေ ဘန္တေ ပမာဒါဒိဝဂ္ဂေ အဇ္ဈတ္တိကံ ဘိက္ခဝေ အင်္ဂန္တိ ကရိတွာ နာညံ ဧကင်္ဂမ္ပိ သမနုပဿာမိ၊ ယံ ဧဝံ မဟတော အနတ္ထာယ သံဝတ္တတိ၊ ယထယိဒံ ဘိက္ခဝေ ပမာဒေါ။ ပမာဒေါ ဘိက္ခဝေ မဟတော အနတ္ထာယ သံဝတ္တတိ။ အဇ္ဈတ္တိကံ ဘိက္ခဝေ အင်္ဂန္တိ ကရိတွာ နာညံ ဧကင်္ဂမ္ပိ သမနုပဿာမိ၊ ယံ ဧဝံ မဟတော အတ္ထာယ သံဝတ္တတိ၊ ယထယိဒံ ဘိက္ခဝေ အပ္ပမာဒေါ။ အပ္ပမာဒေါ ဘိက္ခဝေ မဟတော အတ္ထာယ သံဝတ္တတီတိ ဧဝမာဒိနာ ဘန္တေ ဘဂဝတာ ဘာသိတာနိ။

ဒသသုတ္တ

ပုစ္ဆာ – တတ္ထေဝ ¶ အာဝုသော တေတ္တိံသမာဒီနိစ ဒသသုတ္တာနိ အဓမ္မဝဂ္ဂေ စ ဒသသုတ္တာနိ ဘဂဝတာ ကထံ ဘာသိတာနိ။

ဝိဿဇ္ဇနာ – တတ္ထေဝ ဘန္တေ တေတ္တိံသမာဒီနိ ဒသသုတ္တာနိ စ အဓမ္မဝဂ္ဂေ ဒသသုတ္တာနိ စ ယေ တေ ဘိက္ခဝေ ဘိက္ခူ အဓမ္မံ ‘‘ဓမ္မော’’တိ ဒီပေန္တိ၊ တေ ဘိက္ခဝေ ဘိက္ခူ ဗဟုဇနအဟိတာယ ပဋိပန္နာ ဗဟုဇနအသုခါယ ဗဟုနော ဇနဿ အနတ္ထာယ အဟိတာယ ဒုက္ခာယ ဒေဝမနုဿာနံ။ ဗဟုဉ္စ တေ ဘိက္ခဝေ ဘိက္ခူ အပုညံ ပသဝန္တိ၊ တေ စိမံ သဒ္ဓမ္မံ အန္တရဓာပေန္တီတိ ဧဝမာဒိနာ စ၊ ယေ တေ ဘိက္ခဝေ ဘိက္ခူ အဓမ္မံ ‘‘အဓမ္မော’’တိ ဒီပေန္တိ၊ တေ ဘိက္ခဝေ ဘိက္ခူ ဗဟုဇနဟိတာယ ပဋိပန္နာ ဗဟုဇနသုခါယ ဗဟုဇနော ဇနဿ အတ္ထာယ ဟိတာယ သုခါယ ဒေဝမနုဿာနံ။ ဗဟုဉ္စ တေ ဘိက္ခဝေ ဘိက္ခူ ပုညံ ပသဝန္တိ၊ တေ စိမံ သဒ္ဓမ္မံ ဌပေန္တီတိ ဧဝမာဒိနာ စ ဘန္တေ ဘဂဝတာ ဘာသိတာနိ။

ဧကပုဂ္ဂလဝဂ္ဂ

ပုစ္ဆာ – ဧကပုဂ္ဂလဝဂ္ဂေ ¶ အာဝုသော ဘဂဝတာ ကီဒိသီ ဓမ္မဒေသနာယော ဒေသိတာ။

ဝိဿဇ္ဇနာ – ဧကပုဂ္ဂလဝဂ္ဂေ ဘန္တေ ဘဂဝတာ ဧကပုဂ္ဂလော ဘိက္ခဝေ လောကေ ဥပ္ပဇ္ဇမာနော ဥပ္ပဇ္ဇတိ ဗဟုဇနဟိတာယ ဗဟုဇနသုခါယ လောကာနုကမ္ပာယ အတ္ထာယ ဟိတာယ သုခါယ ဒေဝမနုဿာနံ။ ကတမော ဧကပုဂ္ဂလော၊ တထာဂတော အရဟံ သမ္မာသမ္ဗုဒ္ဓါ၊ အယံ ခေါ ဘိက္ခဝေ ဧကပုဂ္ဂလော လောကေ ဥပ္ပဇ္ဇမာနော ဥပ္ပဇ္ဇတိ ဗဟုဇနဟိတာယ ဗဟုဇနသုခါယ လောကာနုကမ္ပာယ အတ္ထာယ ဟိတာယ သုခါယ ဒေဝမနုဿာနန္တိ ဧဝမာဒိကာ ဘဂဝတာ ဓမ္မဒေသနာယော ဒေသိတာ။

ဧတဒဂ္ဂဝဂ္ဂ

အညာသိကောဏ္ဍည ဝတ္ထု

ပုစ္ဆာ – ဧတဒဝဂ္ဂေ ¶ အာဝုသော အာဂတေသု ဧကစတ္တာလီသာယ ထေရေသု အာယသ္မာ အညာသိကောဏ္ဍညတ္ထေရော ကထံ ဘဂဝတာ ဧတဒဂ္ဂဋ္ဌာနေ ဌပိတော။

ဝိဿဇ္ဇနာ – ဧတဒဂ္ဂဝဂ္ဂေ ဘန္တေ အာဂတေသု ဧကစတ္တာလီသာယ မဟာထေရေသု ‘‘ဧတဒဂ္ဂံ ဘိက္ခဝေ မမ သာဝကာနံ ဘိက္ခူနံ ရတ္တညူနံ ယဒိဒံ အညာသိကောဏ္ဍညော’’တိ၊ ဧဝံ ခေါ ဘန္တေ အာယသ္မာ အညာသိကောဏ္ဍညတ္ထေရော ဘဂဝတာ ဧတဒဂ္ဂဋ္ဌာနေ ဌပိတော။

အဂ္ဂသာဝကဝတ္ထု

ပုစ္ဆာ – တေနာဝုသော ¶ ဘဂဝတာ…ပေ… သမ္မာသမ္ဗုဒ္ဓေန အင်္ဂုတ္တရနိကာယေ ဧကကနိပါတေ ဧတဒဂ္ဂဝဂ္ဂေ အာဂတေသု ဧကစတ္တာလီသာယ မဟာထေရေသု အာယသ္မာ စ သာရိပုတ္တတ္ထေရော ဓမ္မသေနာပတိ ပဌမော အဂ္ဂသာဝကော အာယသ္မာ စ မဟာမောဂ္ဂလ္လာနတ္ထေရော ဒုတိယော အဂ္ဂသာဝကော ကထံ ဧတဒဂ္ဂဋ္ဌာနေ ဌပိတော။

ဝိဿဇ္ဇနာ – အာယသ္မာ ဘန္တေ သာရိပုတ္တတ္ထေရော ဓမ္မသေနာပတိ ‘‘ဧတဒဂ္ဂံ ဘိက္ခဝေ မမ သာဝကာနံ ဘိက္ခူနံ မဟာပညာနံ ယဒိဒံ သာရိပုတ္တော’’တိ။ အာယသ္မာ ပန မဟာမောဂ္ဂလ္လာနတ္ထေရော ‘‘ဧတဒဂ္ဂံ ဘိက္ခဝေ မမ သာဝကာနံ ဘိက္ခူနံ ဣဒ္ဓိမန္တာနံ ယဒိဒံ မဟာမောဂ္ဂလ္လာနော’’တိ။ ဧဝံ ခေါ ဘန္တေ ဘဂဝတာ ဧတဒဂ္ဂဋ္ဌာနေ ဌပိတော။

ဣဒံ ¶ တေ အာသနံ ဝီရ၊ ပညတ္တံ တဝနုစ္ဆဝိံ၊

မမ စိတ္တံ ပသာဒေန္တော၊ နိသီဒ ပုပ္ဖမာသနေ။

ယေ ¶ ဝတ လောကေ အရဟန္တော ဝါ အရဟတ္တမဂ္ဂံ ဝါ သမာပန္နာ၊ အယံ တေသံ ဘိက္ခု အညတရော။

ယံနူနာဟံ ဣမံ ဘိက္ခုံ ဥပသင်္ကမိတွာ ပဉှံ ပုစ္ဆေယျံ။

ယေ ဓမ္မာ ဟေတုပ္ပဘဝါ၊

တေသံ ဟေတုံ တထာဂတော၊

အာဟ တေသဉ္စ ယော နိရောဓော၊

ဧဝံဝါဒီ မဟာသမဏော –

လဘေယျာမ ¶ မယံ ဘန္တေ ဘဂဝတော သန္တိကေ ပဗ္ဗဇ္ဇံ၊ လဘေယျာမ ဥပသမ္ပဒံ။

ဧတဒဂ္ဂံ ¶ ဘိက္ခဝေ မမ သာဝကာနံ ဘိက္ခူနံ မဟာပညာနံ ယဒိဒံ သာရိပုတ္တော။

ဧတဒဂ္ဂံ ဘိက္ခဝေ မမ သာဝကာနံ ဘိက္ခူနံ ဣဒ္ဓိမန္တာနံ ယဒိဒံ မဟာမောဂ္ဂလ္လာနော။

မဟာကဿပဝတ္ထု

ပုစ္ဆာ – အာယသ္မာ ¶ ပန အာဝုသော မဟာကဿပတ္ထေရော ပဌမမဟာသံဂီတိကာလေ ပါမောက္ခသင်္ဃနာယကဘူတော ဘဂဝတာ ကထံ ဧတဒဂ္ဂဋ္ဌာနေ ဌပိတော။

ဝိဿဇ္ဇနာ – အာယသ္မာ ဘန္တေ မဟာကဿပတ္ထေရော ပဌမမဟာသံဂီတိကာလေ သင်္ဃပါမောက္ခဘူတော ‘‘ဧတဒဂ္ဂံ ဘိက္ခဝေ မမ သာဝကာနံ ဘိက္ခူနံ ဓုတဝါဒါနံ ယဒိဒံ မဟာကဿပေါ’’တိ။ ဧဝံ ခေါ ဘန္တေ ဘဂဝတာ ဧတဒဂ္ဂဋ္ဌာနေ ဌပိတော။

အနုရုဒ္ဓတ္ထေရဝတ္ထု

ပုစ္ဆာ – တေနာဝုသော…ပေ… ¶ သမ္မာသမ္ဗုဒ္ဓေန အင်္ဂုတ္တရနိကာယေ ဧကကနိပါတေ ဧတဒဂ္ဂဝဂ္ဂေ အာဂတေသု ဧကစတ္တာလီသာယ မဟာထေရေသု အာယသ္မာ အနုရုဒ္ဓတ္ထေရော ကထံ ဧတဒဂ္ဂဋ္ဌာနေ ဌပိတော။

ဝိဿဇ္ဇနာ – အာယသ္မာ ¶ ဘန္တေ အနုရုဒ္ဓတ္ထေရော ‘‘ဧတဒဂ္ဂံ ဘိက္ခဝေ မမ သာဝကာနံ ဘိက္ခူနံ ဒိဗ္ဗစက္ခုကာနံ ယဒိဒံ အနုရုဒ္ဓါ’’တိ ဧဝံ ခေါ ဘန္တေ ဘဂဝတာ ဧတဒဂ္ဂဋ္ဌာနေ ဌပိတော။

သီဝလိဝတ္ထု

ပုစ္ဆာ – အာယသ္မာ ¶ ပန အာဝုသော သီဝလိတ္ထေရော ဘဂဝတာ ကထံ ဧတဒဂ္ဂဋ္ဌာနေ ဌပိတော။

ဝိဿဇ္ဇနာ – အာယသ္မာ ဘန္တေ သီဝလိတ္ထေရော ‘‘ဧတဒဂ္ဂံ ဘိက္ခဝေ မမ သာဝကာနံ ဘိက္ခူနံ လာဘီနံ ယဒိဒံ သီဝလီ’’တိ ဧဝံ ခေါ ဘန္တေ ဘဂဝတာ ဧတဒဂ္ဂဋ္ဌာနေ ဌပိတော။

သမ္မာသမ္ဗုဒ္ဓါ ¶ ဝတ သော ဘဂဝါ၊ ယော ဣမဿ ဧဝရူပဿ ဒုက္ခဿ ပဟာနာယ ဓမ္မံ ဒေသေတိ။

သုပ္ပဋိပန္နော ဝတ တဿ ဘဂဝတော သာဝကသင်္ဃော၊ ယော ဣမဿ ဧဝရူပဿ ဒုက္ခဿ ပဟာနာယ ပဋိပန္နော။

သုသုခံ ဝတ နိဗ္ဗာနံ၊ ယတ္ထိဒံ ဧဝရူပံ ဒုက္ခံ န သံဝိဇ္ဇတိ –

‘‘ဧတဒဂ္ဂံ ¶ ဘိက္ခဝေ မမ သာဝကာနံ ဘိက္ခူနံ လာဘီနံ ယဒိဒံ သီဝလိ’’ ဟု –

အာနန္ဒာထေရဝတ္ထု

ပုစ္ဆာ – အာယသ္မာ ပန အာဝုသော အာနန္ဒတ္ထေရော ဓမ္မဘဏ္ဍာဂါရိကော ပဌမမဟာသံဂီတိကာလေ ဓမ္မဝိဿဇ္ဇကထေရဘူတော ကထံ ဘဂဝတာ ဧတဒဂ္ဂဋ္ဌာနေ ဌပိတော။

ဝိဿဇ္ဇနာ – အာယသ္မာ ¶ ဘန္တေ အာနန္ဒတ္ထေရော ဓမ္မဘဏ္ဍာဂါရိကော ပဌမမဟာသံဂီတိကာလေ ဓမ္မဝိဿဇ္ဇကဘူတော ‘‘ဧတဒဂ္ဂံ ဘိက္ခဝေ မမ သာဝကာနံ ဘိက္ခူနံ ဗဟုဿုတာနံ ယဒိဒံ အာနန္ဒော။ ဧတဒဂ္ဂံ ဘိက္ခဝေ မမ သာဝကာနံ ဘိက္ခူနံ သတိမန္တာနံ ယဒိဒံ အာနန္ဒော။ ဧတဒဂ္ဂံ ဘိက္ခဝေ မမ သာဝကာနံ ဘိက္ခူနံ ဂတိမန္တာနံ ယဒိဒံ အာနန္ဒော။ ဧတဒဂ္ဂံ ဘိက္ခဝေ မမ သာဝကာနံ ဘိက္ခူနံ ဓိတိမန္တာနံ ယဒိဒံ အာနန္ဒော။ ဧတဒဂ္ဂံ ဘိက္ခဝေ မမ သာဝကာနံ ဘိက္ခူနံ ဥပဋ္ဌာကာနံ ယဒိဒံ အာနန္ဒော’’တိ ဧဝံ ခေါ ဘန္တေ ဘဂဝတာ ပဉ္စသု ဧတဒဂ္ဂဋ္ဌာနေသု ဌပိတော။

သတသဟဿေန ¶ မေ ကီတံ၊

သတသဟဿေန မာပိတံ၊

သောဘနံ နာမ ဥယျာနံ၊

ပဋိဂ္ဂဏှ မဟာမုနိ –

‘‘ဧတဒဂ္ဂံ ¶ ဘိက္ခဝေ မမ သာဝကာနံ ဘိက္ခူနံ ဗဟုဿုတာနံ။ သတိမန္တာနံ။ ဂတိမန္တာနံ။ ဓိတိမန္တာနံ။ ဥပဋ္ဌာကာနံ ယဒိဒံ အာနန္ဒော’’ –

ဥပါလိဝတ္ထု

ပုစ္ဆာ – တေနာဝုသော ¶ ဘဂဝတာ…ပေ… သမ္မာသမ္ဗုဒ္ဓေန အင်္ဂုတ္တရနိကာယေ ဧကကနိပါတေ ဧတဒဂ္ဂဝဂ္ဂေ အာဂတေသု ဧကစတ္တာလီသာယ မဟာထေရေသု အာယသ္မာ ဥပါလိတ္ထေရော ပဌမမဟာသံဂီတိကာလေ ဝိနယဝိဿဇ္ဇကဘူတော ကထံ ဧတဒဂ္ဂဋ္ဌာနေ ဌပိတော။

ဝိဿဇ္ဇနာ – အာယသ္မာ ဘန္တေ ဥပါလိတ္ထေရော ပဌမမဟာသံဂီတိကာလေ ဝိနယဝိဿဇ္ဇကဘူတော ‘‘ဧတဒဂ္ဂံ ဘိက္ခဝေ မမ သာဝကာနံ ဘိက္ခူနံ ဝိနယဓရာနံ ယဒိဒံ ဥပါလီ’’တိ ဧဝံ ခေါ ဘန္တေ ဘဂဝတာ ဧတဒဂ္ဂဋ္ဌာနေ ဌပိတော။

ဝိနယော ဝါသယော မယှံ၊

ဝိနယော ဌာနစင်္ကမံ၊

ကပ္ပေမိ ဝိနယေ ဝါသံ၊

ဝိနယော မမ ဂေါစရော။

မဟာပဇာပတိဂေါတမီထေရီဝတ္ထု

ပုစ္ဆာ – ဧတဒဂ္ဂဝဂ္ဂေ ¶ အာဝုသော အာဂတာသု တေရသသု ထေရီသု မဟာပဇာပတိ ဂေါတမီထေရီ ကထံ ဘဂဝတာ ဧတဒဂ္ဂဋ္ဌာနေ ဌပိတာ။

ဝိဿဇ္ဇနာ – ဧတဒဂ္ဂဝဂ္ဂေ ¶ ဘန္တေ အာဂတာသု တေရသသု ထေရီသု မဟာပဇာပတိဂေါတမီထေရီ ‘‘ဧတဒဂ္ဂံ ဘိက္ခဝေ မမ သာဝိကာနံ ဘိက္ခုနီနံ ရတ္တညူနံ ယဒိဒံ မဟာပဇာပတိ ဂေါတမီ’’တိ ဧဝံ ခေါ ဘန္တေ ဘဂဝတာ ဧတဒဂ္ဂဋ္ဌာနေ ဌပိတာ။

‘‘ဧတဒဂ္ဂံ ¶ ဘိက္ခဝေ မမ သာဝိကာနံ ဘိက္ခုနီနံ ရတ္တညူနံ ယဒိဒံ မဟာပဇာပတိဂေါတမီ’’ –

ပုစ္ဆာ – ခေမာထေရီ ပန အာဝုသော အဂ္ဂသာဝိကာ ဘဂဝတာ ကထံ ဧတဒဂ္ဂဋ္ဌာနေ ဌပိတာ။

ဝိဿဇ္ဇနာ – ခေမာထေရီ ဘန္တေ ပဌမာ အဂ္ဂသာဝိကာ ‘‘ဧတဒဂ္ဂံ ဘိက္ခဝေ မမ သာဝိကာနံ ဘိက္ခုနီနံ မဟာပညာနံ ယဒိဒံ ခေမာ’’တိ ဧဝံ ခေါ ဘန္တေ ဘဂဝတာ ဧတဒဂ္ဂဋ္ဌာနေ ဌပိတာ။

‘‘ယေ ရာဂရတ္တာနုပတန္တိ သောတံ၊

သယံကတံ မက္ကဋောဝ ဇာလံ၊

ဧတမ္ပိ ဆေတွာန ဝဇန္တိ ဓီရာ၊

အနပေက္ခိနော သဗ္ဗဒုက္ခံ ပဟာယ’’ –

‘‘ဧတဒဂ္ဂံ ¶ ဘိက္ခဝေ မမ သာဝိကာနံ ဘိက္ခုနီနံ မဟာပညာနံ ယဒိဒံ ခေမာ’’ –

ပုစ္ဆာ – ဥပ္ပလဝဏ္ဏာ ပန အာဝုသော ထေရီ ဒုတိယအဂ္ဂသာဝိကာ ဘဂဝတာ ကထံ ဧတဒဂ္ဂဋ္ဌာနေ ဌပိတာ။

ဝိဿဇ္ဇနာ – ဥပ္ပလဝဏ္ဏာ ဘန္တေ ထေရီ ဒုတိယအဂ္ဂသာဝိကာ ‘‘ဧတဒဂ္ဂံ ဘိက္ခဝေ မမ သာဝိကာနံ ဘိက္ခုနီနံ ဣဒ္ဓိမန္တီနံ ယဒိဒံ ဥပ္ပလဝဏ္ဏာ’’တိ ဧဝံ ခေါ ဘန္တေ ဘဂဝတာ ဧတဒဂ္ဂဋ္ဌာနေ ဌပိတာ။

‘‘ဧတဒဂ္ဂံ ဘိက္ခဝေ မမ သာဝိကာနံ ဘိက္ခုနီနံ ဣဒ္ဓိမန္တီနံ ယဒိဒံ ဥပ္ပလဝဏ္ဏာ’’ –

ပဋာစာရာထေရီဘိက္ခုနီမဝတ္ထု

ပုစ္ဆာ – တေနာဝုသော ဘဂဝတာ…ပေ… သမ္မာသမ္ဗုဒ္ဓေန အင်္ဂုတ္တရနိကာယေ ဧကကနိပါတေ ဧတဒဂ္ဂဝဂ္ဂေ အာဂတာသု တေရသသု ထေရီသု ပဋာစာရာနာမ ထေရီ ကထံ ဧတဒဂ္ဂဋ္ဌာနေ ဌပိတာ။

ဝိဿဇ္ဇနာ – ဧတဒဂ္ဂဝဂ္ဂေ ဘန္တေ အာဂတာသု တေရသသု ထေရိကာသု ပဋာစာရာ ထေရီ ‘‘ဧတဒဂ္ဂံ ဘိက္ခဝေ မမ သာဝိကာနံ ဘိက္ခုနီနံ ဝိနယဓရာနံ ယဒိဒံ ပဋာစာရာ’’တိ ဧဝံ ခေါ ဘန္တေ ဘဂဝတာ ဧတဒဂ္ဂဋ္ဌာနေ ဌပိတာ။

‘‘ဥဘော ပုတ္တာ ကာလင်္ကတာ၊

ပန္ထေ မယှံ ပတီ မတော၊

မာတာပိတာ စ ဘာတာ စ၊

ဧကစိတကသ္မိံ ဍယှရေ’’ –

‘‘စတူသု သမုဒ္ဒေသု ဇလံ ပရိတ္တကံ၊

တတော ဗဟုံ အဿုဇလံ အနပ္ပကံ၊

ဒုက္ခေန ဖုဋ္ဌဿ နရဿ သောစနာ၊

ကိံ ကာရဏာ အမ္မ တုဝံ ပမဇ္ဇသိ’’ –

‘‘န ¶ သန္တိ ပုတ္တာ တာဏာယ၊

န ပိတာ နာပိ ဗန္ဓဝါ၊

အန္တကေနာဓိပန္နဿ၊

နတ္ထိ ဉာတီသု တာဏတာ၊

ဧတမတ္ထဝသံ ဉတွာ၊ ပဏ္ဍိတော သီလသံဝုတော၊

နိဗ္ဗာနဂမနံ မဂ္ဂံ၊ ခိပ္ပမေဝ ဝိသောဓယေ’’ –

‘‘ယော ¶ စ ဝဿသတံ ဇီဝေ၊

အပဿံ ဥဒယဗ္ဗယံ၊

ဧကာဟံ ဇီဝိတံ သေယျော၊

ပဿတော ဥဒယဗ္ဗယံ’’ –

‘‘ဧတဒဂ္ဂံ ဘိက္ခဝေ မမ သာဝိကာနံ ဘိက္ခုနီနံ ဝိနယဓရာနံ ယဒိဒံ ပဋာစာရာ’’ –

ဓမ္မဒိန္နာထေရီဘိက္ခုနီမဝတ္ထု

ပုစ္ဆာ – ဓမ္မဒိန္နာ ¶ ပန အာဝုသော ထေရီ ဘဂဝတာ ကထံ ဧတဒဂ္ဂဋ္ဌာနေ ဌပိတာ။

ဝိဿဇ္ဇနာ – ဓမ္မဒိန္နာ ဘန္တေ ထေရီ ‘‘ဧတဒဂ္ဂံ ဘိက္ခဝေ မမ သာဝိကာနံ ဘိက္ခုနီနံ ဓမ္မကထိကာနံ ယဒိဒံ ဓမ္မဒိန္နာ’’တိ ဧဝံ ခေါ ဘန္တေ ဘဂဝတာ ဧတဒဂ္ဂဋ္ဌာနေ ဌပိတာ။

‘‘ယဿ ¶ ပုရေ စ ပစ္ဆာ စ၊

မဇ္ဈေစ နတ္ထိ ကိဉ္စနံ၊

အကိဉ္စနံ အနာဒါနံ၊

တမဟံ ဗြူမိ ဗြာဟ္မဏံ’’ –

‘‘ဧတဒဂ္ဂံ ဘိက္ခဝေ မမ သာဝိကာနံ ဘိက္ခုနီနံ ဓမ္မကထိကာနံ ယဒိဒံ ဓမ္မဒိန္နာ’’ –

ယသောဓရာထေရီဘိက္ခုနီမဝတ္ထု

ပုစ္ဆာ – ဘဒ္ဒကစ္စာနာနာမ အာဝုသော ယသောဓရာထေရီ ဘဂဝတာ ကထံ ဧတဒဂ္ဂဋ္ဌာနေ ဌပိတာ။

ဝိဿဇ္ဇနာ – ဘဒ္ဒကစ္စာနာ ¶ ဘန္တေ ယသောဓရာထေရီ ဘဂဝတာ ‘‘ဧတဒဂ္ဂံ ဘိက္ခဝေ မမ သာဝိကာနံ ဘိက္ခုနီနံ မဟာဘိညပတ္တာနံ ယဒိဒံ ဘဒ္ဒကစ္စာနာ’’တိ။ ဧဝံ ခေါ ဘန္တေ ဧတဒဂ္ဂဋ္ဌာနေ ဌပိတာ။

‘‘ဧတဒဂ္ဂံ ¶ ဘိက္ခဝေ မမ သာဝိကာနံ ဘိက္ခုနီနံ မဟာဘိညပတ္တာနံ ယဒိဒံ ဘဒ္ဒကစ္စာနာ’’ –

တပုဿဘလ္လိကဝတ္ထု

ပုစ္ဆာ – အင်္ဂုတ္တရနိကာယေ ¶ အာဝုသော ဧတဒဂ္ဂဝဂ္ဂေ အာဂတေသု ဧကာဒသသု ဥပါသကေသု တပုဿဘလ္လိကာနာမ ဝါဏိဇာ ဘဂဝတာ ကထံ ဧတဒဂ္ဂဋ္ဌာနေ ဌပိတာ။

ဝိဿဇ္ဇနာ – တပုဿဘလ္လိကာ ဘန္တေ ဝါဏိဇာ ‘‘ဧတဒဂ္ဂံ ဘိက္ခဝေ မမ သာဝကာနံ ဥပါသကာနံ ပဌမံ သရဏံ ဂစ္ဆန္တာနံ ယဒိဒံ တပုဿဘလ္လိကာ ဝါဏိဇာ’’တိ၊ ဧဝံ ခေါ ဘန္တေ ဘဂဝတာ ဧတဒဂ္ဂဋ္ဌာနေ ဌပိတာ။

‘‘ဧတေ ¶ ဘန္တေ မယံ ဘဂဝန္တံ သရဏံ ဂစ္ဆာမ ဓမ္မဉ္စ၊ ဥပါသကေ နော ဘဂဝါ ဓာရေတု အဇ္ဇတဂ္ဂေ ပါဏုပေတေ သရဏံ ဂတေ’’ ဟု –

‘‘ဧတဒဂ္ဂံ ဘိက္ခဝေ မမ သာဝကာနံ ဥပါသကာနံ ပဌမံ သရဏံ ဂစ္ဆန္တာနံ ယဒိဒံ တပုဿဘလ္လိကာ ဝါဏိဇာ’’ –

အနာထပိဏ္ဍကဝတ္ထု

ပုစ္ဆာ – တေနာဝုသော ¶ ဘဂဝတာ အရဟတာ…ပေ… သမ္မာသမ္ဗုဒ္ဓေန အင်္ဂုတ္တရနိကာယေ ဧကကနိပါတေ ဧတဒဂ္ဂဝဂ္ဂေ အာဂတေသု ဧကာဒသသု ဥပါသကေသု သုဒတ္တော ဂဟပတိ အနာထပိဏ္ဍိကော ကထံ ဧတဒဂ္ဂဋ္ဌာနေ ဌပိတော။

ဝိဿဇ္ဇနာ – ဧတဒဂ္ဂဝဂ္ဂေ ဘန္တေ အာဂတေသု ဧကာဒသသု ဥပါသကေသု သုဒတ္တော ဂဟပတိ အနာထပိဏ္ဍိကော ‘‘ဧတဒဂ္ဂံ ဘိက္ခဝေ မမ သာဝကာနံ ဥပါသကာနံ ဒါယကာနံ ယဒိဒံ သုဒတ္တော ဂဟပတိ အနာထပိဏ္ဍိကော’’တိ။ ဧဝံ ခေါ ဘန္တေ ဘဂဝတာ ဧတဒဂ္ဂဋ္ဌာနေ ဌပိတော။

ဧတဒဂ္ဂံ ¶ ဘိက္ခဝေ မမ သာဝကာနံ ဥပါသကာနံ ဒါယကာနံ ယဒိဒံ သုဒတ္တော ဂဟပတိ အနာထပိဏ္ဍိကော–

သူရမ္ဗဋ္ဌဥပါသကာဝတ္ထု

ပုစ္ဆာ – သူရမ္ဗဋ္ဌော နာမ အာဝုသော ဥပါသကော ဘဂဝတာ ကထံ ဧတဒဂ္ဂဋ္ဌာနေ ဌပိတော။

ဝိဿဇ္ဇနာ – သူရမ္ဗဋ္ဌော ဥပါသကော ‘‘ဧတဒဂ္ဂံ ဘိက္ခဝေ မမ သာဝကာနံ ဥပါသကာနံ အဝေစ္စပ္ပသန္နာနံ ယဒိဒံ သူရမ္ဗဋ္ဌော’’တိ ဧဝံ ခေါ ဘန္တေ ဘဂဝတာ ဧတဒဂ္ဂဋ္ဌာနေ ဌပိတော။

‘‘ဧတဒဂ္ဂံ ¶ ဘိက္ခဝေ မမ သာဝကာနံ ဥပါသကာနံ အဝေစ္စပ္ပသန္နာနံ ယဒိဒံ သူရမ္ဗဋ္ဌော’’ ဟု –

သုဇာတာ ဥပါသိကာဝတ္ထု

ပုစ္ဆာ – ဧတဒဂ္ဂဝဂ္ဂေ ¶ အာဝုသော အာဂတာသု ဒသသု ဥပါသိကာသု သုဇာတာနာမ ဥပါသိကာ သေနိယဓီတာ ကထံ ဘဂဝတာ ဧတဒဂ္ဂဋ္ဌာနေ ဌပိတာ။

ဝိဿဇ္ဇနာ – သုဇာတာ ဘန္တေ သေနိယဓီတာ ‘‘ဧတဒဂ္ဂံ ဘိက္ခဝေ မမ သာဝိကာနံ ဥပါသိကာနံ ပဌမံ သရဏံ ဂစ္ဆန္တီနံ ယဒိဒံ သုဇာတာ သေနိယဓီတာ’’တိ၊ ဧဝံ ခေါ ဘန္တေ ဘဂဝတာ ဧတဒဂ္ဂဋ္ဌာနေ ဌပိတာ။

‘‘ဧတာ ¶ မယံ ဘန္တေ ဘဂဝန္တံ သရဏံ ဂစ္ဆာမ ဓမ္မဉ္စ ဘိက္ခုသင်္ဃဉ္စ၊ ဥပါသိကာယော နော ဘဂဝါ ဓာရေတု အဇ္ဇတဂ္ဂေ ပါဏုပေတာ သရဏံ ဂတာ’’ ဟု –

‘‘ဧတဒဂ္ဂံ ဘိက္ခဝေ မမ သာဝိကာနံ ဥပါသိကာနံ ပဌမံ သရဏံ ဂစ္ဆန္တီနံ ယဒိဒံ သုဇာတာ သေနိယဓီတာ’’ –

ဝိသာခါ ဥပါသိကာဝတ္ထု

ပုစ္ဆာ – ဝိသာခါ ¶ ပန အာဝုသော ဥပါသိကာ ကထံ ဘဂဝတာ ဧတဒဂ္ဂဋ္ဌာနေ ဌပိတာ။

ဝိဿဇ္ဇနာ – ဝိသာခါ ဘန္တေ ဥပါသိကာ မိဂါရမာတာ ‘‘ဧတဒဂ္ဂံ ဘိက္ခဝေ မမ သာဝိကာနံ ဥပါသိကာနံ ဒါယိကာနံ ယဒိဒံ ဝိသာခါ မိဂါရမာတာ’’တိ ဧဝံ ခေါ ဘန္တေ ဘဂဝတာ ဧတဒဂ္ဂဋ္ဌာနေ ဌပိတာ။

‘‘ဧတဒဂ္ဂံ ¶ ဘိက္ခဝေ မမ သာဝိကာနံ ဥပါသိကာနံ ဒါယိကာနံ ယဒိဒံ ဝိသာခါ မိဂါရမာတာ’’ ဟု –

ခုဇ္ဇုတ္တရာ ဥပါသိကာဝတ္ထု

ပုစ္ဆာ – တေနာဝုသော ¶ ဘဂဝတာ…ပေ… သမ္မာသမ္ဗုဒ္ဓေန အင်္ဂုတ္တရနိကာယေ ဧကကနိပါတေ ဧတဒဂ္ဂဝဂ္ဂေ အာဂတာသု ဒသသု ဥပါသိကာသု ခုဇ္ဇုတ္တရာနာမ ဥပါသိကာ ကထံ ဧတဒဂ္ဂဋ္ဌာနေ ဌပိတာ။

ဝိဿဇ္ဇနာ – ဧတဒဂ္ဂဝဂ္ဂေ ဘန္တေ အာဂတာသု ဒသသု ဥပါသိကာသု ခုဇ္ဇုတ္တရာ ဥပါသိကာ ‘‘ဧတဒဂ္ဂံ ဘိက္ခဝေ မမ သာဝိကာနံ ဥပါသိကာနံ ဗဟုဿုတာနံ ယဒိဒံ ခုဇ္ဇုတ္တရာ’’တိ ဧဝံ ခေါ ဘန္တေ ဘဂဝတာ ဧတဒဂ္ဂဋ္ဌာနေ ဌပိတာ။

‘‘ဧတဒဂ္ဂံ ¶ ဘိက္ခဝေ မမ သာဝကာနံ ဥပါသိကာနံ ဗဟုဿုတာနံ ယဒိဒံ ခုဇ္ဇုတ္တရာ’’ ဟု –

ကာဠီဥပါသိကာဝတ္ထု

ပုစ္ဆာ – ကာဠီနာမ အာဝုသော ဥပါသိကာ ကုရရဃရိကာ ကထံ ဘဂဝတာ ဧတဒဂ္ဂဋ္ဌာနေ ဌပိတာ။

ဝိဿဇ္ဇနာ – ကာဠီ ဘန္တေ ဥပါသိကာ ကုရရဃရိကာ ‘‘ဧတဒဂ္ဂံ ဘိက္ခဝေ မမ သာဝိကာနံ အနုဿဝပ္ပသန္နာနံ ယဒိဒံ ကာဠီ ဥပါသိကာ ကုရရဃရိကာ’’တိ ဧဝံ ခေါ ဘန္တေ ဘဂဝတာ ဧတဒဂ္ဂဋ္ဌာနေ ဌပိတာ။

‘‘ဧတဒဂ္ဂံ ¶ ဘိက္ခဝေ မမ သာဝိကာနံ ဥပါသိကာနံ အနုဿဝပ္ပသန္နာနံ ယဒိဒံ ကာဠီ ဥပါသိကာ ကုရရဃရိကာ’’ –

အဋ္ဌာနပါဠိ

ပုစ္ဆာ – သကလာပိ ¶ အာဝုသော အဋ္ဌာနပါဠိ ဘဂဝတာ ကထံ ဘာသိတာ။

ဝိဿဇ္ဇနာ – အဋ္ဌာနမေတံ ဘိက္ခဝေ အနဝကာသော၊ ယံ ဒိဋ္ဌိသမ္ပန္နော ပုဂ္ဂလော ကဉ္စိသင်္ခါရံ နိစ္စတော ဥပဂစ္ဆေယျ၊ နေတံ ဌာနံ ဝိဇ္ဇတိ။ ဌာနဉ္စ ခေါ ဧတံ ဘိက္ခဝေ ဝိဇ္ဇတိ၊ ယံ ပုထုဇ္ဇနော ကဉ္စိသင်္ခါရံ နိစ္စတော ဥပဂစ္ဆေယျ၊ ဌာနမေတံ ဝိဇ္ဇတီတိ ဧဝမာဒိနာ ဘန္တေ ဘဂဝတာ သကလာပိ အဋ္ဌာနပါဠိ ဘာသိတာ။

ဧကဓမ္မပါဠိ ပဌမဝဂ္ဂ

ပုစ္ဆာ – ဧကဓမ္မပါဠိယံ ¶ အာဝုသော ပဌမဝဂ္ဂေ ကီဒိသီ ဓမ္မဒေသနာ ဘဂဝတာ ဒေသိတာ။

ဝိဿဇ္ဇနာ – ဧကဓမ္မပါဠိယံ ဘန္တေ ပဌမဝဂ္ဂေ ‘‘ဧကဓမ္မော ဘိက္ခဝေ ဘာဝိတော ဗဟုလီကတော ဧကန္တနိဗ္ဗိဒါယ ဝိရာဂါယ နိရောဓာယ ဥပသမာယ အဘိညာယ သမ္ဗောဓာယ နိဗ္ဗာနာယ သံဝတ္တတိ။ ကတမော ဧကဓမ္မော၊ ဗုဒ္ဓါနုဿတိ၊ အယံ ခေါ ဘိက္ခဝေ ဧကဓမ္မော ဘာဝိတော ဗဟုလီကတော ဧကန္တနိဗ္ဗိဒါယ ဝိရာဂါယ နိရောဓာယ ဥပသမာယ အဘိညာယ သမ္ဗောဓာယ နိဗ္ဗာနာယ သံဝတ္တတီ’’တိ ဧဝမာဒိကာ ဘဂဝတာ ဓမ္မဒေသနာ ဒေသိတာ။

ပုစ္ဆာ – ဒုတိယဝဂ္ဂေ ¶ ပန အာဝုသော ဘဂဝတာ ကီဒိသီ ဓမ္မဒေသနာယော ဒေသိတာ။

ဝိဿဇ္ဇနာ – ဒုတိယဝဂ္ဂေ ¶ ဘန္တေ ဘဂဝတာ ‘‘နာဟံ ဘိက္ခဝေ အညံ ဧကဓမ္မမ္ပိ သမနုပဿာမိ၊ ယေန အနုပ္ပန္နာ ဝါ အကုသလာ ဓမ္မာ ဥပ္ပဇ္ဇန္တိ၊ ဥပ္ပန္နာ ဝါ အကုသလာ ဓမ္မာ ဘိယျောဘာဝါယ ဝေပုလ္လာယ သံဝတ္တန္တိ၊ ယထယိဒံ ဘိက္ခဝေ မိစ္ဆာဒိဋ္ဌိ။ မိစ္ဆာဒိဋ္ဌိကဿ ဘိက္ခဝေ အနုပ္ပန္နာ စေဝ အကုသလာ ဓမ္မာ ဥပ္ပဇ္ဇန္တိ၊ ဥပ္ပန္နာ စ အကုသလာ ဓမ္မာ ဘိယျောဘာဝါယ ဝေပုလ္လာယ သံဝတ္တန္တီ’’တိ။ ဧဝမာဒိကာ ဘဂဝတာ ဓမ္မဒေသနာယော ဒေသိတာ။

တတိယဝဂ္ဂ

ပုစ္ဆာ – တတိယဝဂ္ဂေ ¶ ပန အာဝုသော ပဉ္စမာဒီနိ အဋ္ဌ သုတ္တာနိ ဘဂဝတာ ကထံ ဘာသိတာနိ။

ဝိဿဇ္ဇနာ – တတိယဝဂ္ဂေ ဘန္တေ ပဉ္စမာဒီနိ အဋ္ဌသုတ္တာနိ ‘‘ဒုရက္ခာတေ ဘိက္ခဝေ ဓမ္မဝိနယေ ယော စ သမာဒပေတိ၊ ယဉ္စ သမာဒပေတိ၊ ယော စ သမာဒပိတော တထတ္တာယ ပဋိပဇ္ဇတိ။ သဗ္ဗေတေ ဗဟုံ အပုညံ ပသဝန္တိ။ တံကိဿဟေတု၊ ဒုရက္ခာဘတ္တာ ဘိက္ခဝေ ဓမ္မဿ။ သွာက္ခာတေ ဘိက္ခဝေ ဓမ္မဝိနယေ ယော စ သမာဒပေတိ၊ ယဉ္စ သမာဒပေတိ၊ ယော စ သမာဒပိတော၊ တထတ္တာယ ပဋိပဇ္ဇတိ၊ သဗ္ဗေတေ ဗဟုံ ပုညံ ပသဝန္တိ။ တံကိဿဟေတု သွာက္ခာတတ္တာ ဘိက္ခဝေ ဓမ္မဿာ’’တိ ဧဝမာဒိနာ ဘဂဝတာ ဘာသိတာနိ။

အပရ အစ္ဆရာသင်္ဃာတဝဂ္ဂ

ပုစ္ဆာ – အပရအစ္ဆရာသင်္ဃာတဝဂ္ဂေ ¶ ပန အာဝုသော ဘဂဝတာ ကီဒိသီ ဓမ္မဒေသနာယော ဒေသိတာ။

ဝိဿဇ္ဇနာ – အပရအစ္ဆရာသင်္ဃာတဝဂ္ဂေ ဘန္တေ ‘‘အစ္ဆရာသင်္ဃာတမတ္တမ္ပိ စေ ဘိက္ခဝေ ဘိက္ခု ပဌမံ ဈာနံ ဘာဝေတိ၊ အယံ ဝုစ္စတိ ဘိက္ခဝေ ဘိက္ခု အရိတ္တဇ္ဈာနော ဝိဟရတိ သတ္ထုသာသနကရော ဩဝါဒပတိကရော အမောဃံ ရဋ္ဌပိဏ္ဍံ ဘုဉ္ဇတိ၊ ကော ပန ဝါဒေါ ယေ နံ ဗဟုလီကရောန္တီ’’တိ ဧဝမာဒိကာ ဘန္တေ ဘဂဝတာ ဓမ္မဒေသနာယော ဒေသိတာ။

ကာယဂတာသတိဝဂ္ဂ

ပုစ္ဆာ – သကလောပိ ¶ အာဝုသော ကာယဂတာသတိဝဂ္ဂေါ ဘဂဝတာ ကထံ ဘာသိတော။

ဝိဿဇ္ဇနာ – ယဿ ကဿစိ ဘိက္ခဝေ မဟာသမုဒ္ဒေါ စေတသာ ဖုဋော၊ အန္တောဂဓာ တဿ ကုန္နဒိယော ယာကာစိ သမုဒ္ဒင်္ဂမာ၊ ဧဝမေဝ ဘိက္ခဝေ ယဿ ကဿစိ ကာယဂတာသတိ ဘာဝိတာ ဗဟုလီကတာ၊ အန္တောဂဓာ တဿ ကုသလာ ဓမ္မာ ယေကေစိ ဝိဇ္ဇာဘာဂိယာ’’တိ ဧဝမာဒိနာ ဘန္တေ ဘဂဝတာ သကလောပိ ကာယဂတာသတိဝဂ္ဂေါ ဘာသိတော။

အမတဝဂ္ဂ

ပုစ္ဆာ – သကလောပိ ¶ အာဝုသော အမတဝဂ္ဂေါ ဘဂဝတာ ကထံ ဘာသတော။

ဝိဿဇ္ဇနာ – အမတံ တေ ဘိက္ခဝေ န ပရိဘုဉ္ဇန္တိ၊ ယေ ကာယဂတာသတိံ န ပရိဘုဉ္ဇန္တိ။ အမတံ တေ ဘိက္ခဝေ ပရိဘုဉ္ဇန္တိ၊ ယေ ကာယဂတာသတိံ ပရိဘုဉ္ဇန္တိ။ အမတံ တေ ဘိက္ခဝေ အပရိဘုတ္တံ၊ ယေသံ ကာယဂတာသတိ အပရိဘုတ္တာ။ အမတံ တေ ဘိက္ခဝေ ပရိဘုတ္တံ၊ ယေသံ ကာယဂတာသတိ ပရိဘုတ္တာတိ ဧဝမာဒိနာ ဘန္တေ ဘဂဝတာ သကလောပိ အမတဝဂ္ဂေါ ဘာသိတော။

ကမ္မကရဏဝဂ္ဂ၊ ဝဇ္ဇသုတ္တ

ပုစ္ဆာ – တေနာဝုသော ¶ ဘဂဝတာ…ပေ… သမ္မာသမ္ဗုဒ္ဓေန အင်္ဂုတ္တရနိကာယေ ဒုကနိပါတေ ကမ္မကရဏဝဂ္ဂေ ပဌမံ ဝဇ္ဇသုတ္တံ ကတ္ထ ကဿ ကထဉ္စ ဘာသိတံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလာနံ ဘိက္ခူနံ ‘‘ဒွေမာနိ ဘိက္ခဝေ ဝဇ္ဇာနိ။ ကတမာနိ ဒွေ ဒိဋ္ဌဓမ္မိကဉ္စ ဝဇ္ဇံ သမ္ပရာယိကဉ္စ ဝဇ္ဇ’’န္တိ ဧဝမာဒိနာ ဘဂဝတာ ဘာသိတံ။

တသ္မာတိဟ ¶ ဘိက္ခဝေ ဧဝံ သိက္ခိတဗ္ဗံ ‘‘ဒိဋ္ဌဓမ္မိကဿ ဝဇ္ဇဿ ဘာယိဿာမ၊ သမ္ပရာယိကဿ ဝဇ္ဇဿ ဘာယိဿာမ၊ ဝဇ္ဇဘီရုနော ဘဝိဿာမ ဝဇ္ဇဘယဒဿာဝိနော’’တိ။ ဧဝဉှိ ခေါ ဘိက္ခဝေ သိက္ခိတဗ္ဗံ။

ပဓာနသုတ္တ

ပုစ္ဆာ – တတ္ထေဝ ¶ အာဝုသော ဒုတိယံ ပဓာနသုတ္တံ ဘဂဝတာ ကတ္ထ ကဿ ကထဉ္စ ဘာသိတံ။

ဝိဿဇ္ဇနာ – သာဝတ္ထိယံယေဝ ဘန္တေ သမ္ဗဟုလာနံ ဘိက္ခူနံ ‘‘ဒွေမာနိ ဘိက္ခဝေ ပဓာနာနိ ဒုရဘိသမ္ဘဝါနိ လောကသ္မိံ။ ကတမာနိ ဒွေ၊ ယဉ္စ ဂိဟီနံ အဂါရံ အဇ္ဈာဝသတံ စီဝရပိဏ္ဍပါတသေနာသနဂိလာနပစ္စယဘေသဇ္ဇပရိက္ခာရာနုပ္ပာဒနတ္ထံ ပဓာနံ၊ ယဉ္စ အဂါရသ္မာ အနဂါရိယံ ပဗ္ဗဇိတာနံ သဗ္ဗူပဓိပဋိနိဿဂ္ဂတ္တံ ပဓာနံ။ ဣမာနိ ခေါ ဘိက္ခဝေ ဒွေ ပဓာနာနိ ဒုရဘိသမ္ဘဝါနိ လောကသ္မိ’’န္တိ ဧဝမာဒိနာ ဘဂဝတာ ဘာသိတံ။

တပနီယသုတ္တ

ပုစ္ဆာ – တတ္ထေဝ ¶ အာဝုသော တပနီယသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – ဒွေမေ ဘိက္ခဝေ ဓမ္မာ တပနီယာ။ ကတမေ ဒွေ၊ ဣဓ ဘိက္ခဝေ ဧကစ္စဿ ကာယဒုစ္စရိတံ ကတံ ဟောတိ၊ အကတံ ဟောတိ ကာယ သုစရိတံ၊ ဝစီဒုစ္စရိတံ ကတံ ဟောတိ၊ အကတံ ဟောတိ ဝစီသုစရိတံ၊ မနောဒုစ္စရိတံ ကတံ ဟောတိ၊ အကတံ ဟောတိ မနောသုစရိတံ။ သော ‘‘ကာယဒုစ္စရိတံ မေ ကတ’’န္တိ တပ္ပတိ၊ ‘‘အကတံ မေ ကာယသုစရိတ’’န္တိ တပ္ပတိ။ ဝစီဒုစ္စရိတံ (ပ) ‘‘မနောဒုစ္စရိတံ မေ ကတ’’န္တိ တပ္ပတိ၊ ‘‘အကတံ မေ မနောသုစရိတ’’န္တိ တပ္ပတိ။ ဣမေ ခေါ ဘိက္ခဝေ ဒွေ ဓမ္မာ တပနီယာတိ။ ဧဝံ ခေါ ဘန္တေ ဘဂဝတာ ဘာသိတံ။

အတပနီယသုတ္တ

ပုစ္ဆာ – စတုတ္ထံ ¶ ပန အာဝုသော အတပနီယသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – စတုတ္ထံ ဘန္တေ အတပနီယသုတ္တံ ‘‘ဒွေမေ ဘိက္ခဝေ ဓမ္မာ အတပနီယာ။ ကတမေ ဒွေ၊ ဣဓ ဘိက္ခဝေ ဧကစ္စဿ ကာယသုစရိတံ ကတံ ဟောတိ၊ အကတံ ဟောတိ ကာယဒုစ္စရိတံ။ ဝစီသုစရိတံ ကတံ ဟောတိ၊ အကတံ ဟောတိ ဝစီဒုစ္စရိတံ။ မနောသုစရိတံ ကတံ ဟောတိ၊ အကတံ ဟောတိ မနောဒုစ္စရိတံ။ သော ‘ကာယသုစရိတံ မေ ကတ’န္တိ န တပ္ပတိ၊ ‘အကတံ မေ ကာယဒုစ္စရိတ’န္တိ နတပ္ပတိ။ ‘ဝစီသုစရိတံ…ပေ… မနောသုစရိတံ မေ ကတ’န္တိ န တပ္ပတိ။ ‘အကတံ မေ မနောဒုစ္စရိတ’န္တိ န တပ္ပတိ။ ဣမေ ခေါ ဘိက္ခဝေ ဒွေ ဓမ္မာ အတပနီယာ’’တိ။ ဧဝံ ခေါ ဘန္တေ ဘဂဝတာ ဘာသိတံ။

ဥပညာတသုတ္တ

ပုစ္ဆာ – ပဉ္စမံ ¶ ပန အာဝုသော ဥပညာတသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – ပဉ္စမံ ဘန္တေ ဥပညာတသုတ္တံ ‘‘ဒွိန္နာဟံ ဘိက္ခဝေ ဓမ္မာနံ ဥပညာသိံ။ ယာ စ အသန္တုဋ္ဌိတာ ကုသလေသု ဓမ္မေသု၊ ယာ စ အပ္ပဋိဝါနိတာ ပဓာနသ္မိံ။ အပ္ပဋိဝါနိ သုဒါဟံ ဘိက္ခဝေ ပဒဟာမိ ‘ကာမံ-တစော စ နှာရု စ အဋ္ဌိ စ အဝသိဿတု ဥပသုဿတု သရီရေ မံသလောဟိတံ၊ ယံ ¶ တံ ပုရိသထာမေန ပုရိသဝီရိယေန ပုရိသပရက္ကမေန ပတ္တဗ္ဗံ၊ န တံ အပါပုဏိတွာ ဝီရိယဿ သဏ္ဌာနံ ဘဝိဿတီ’’တိ။ ဧဝမာဒိနာ ဘန္တေ ဘဂဝတာ ဘာသိတံ။

စရိယသုတ္တ

ပုစ္ဆာ – နဝမံ ¶ ပန အာဝုသော စရိယသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – နဝမံ ဘန္တေ စရိယသုတ္တံ ‘‘ဒွေမေ ဘိက္ခဝေ ဓမ္မာ သုက္ကာ လောကံ ပါလေန္တိ။ ကတမေ ဒွေ၊ ဟိရီစ ဩတ္တပ္ပဉ္စ။ ဣမေ ခေါ ဘိက္ခဝေ ဒွေ သုက္ကာ ဓမ္မာ လောကံ န ပါလေယျုံ၊ နယိဓ ပညာယေထ ‘မာတာ’တိဝါ ‘မာတုစ္ဆာ’တိဝါ ‘မာတုလာနီ’တိဝါ ‘အာစရိယဘရိယာ’တိဝါ ‘ဂရူနံ ဒါရာ’တိ’’ဝါတိ၊ ဧဝမာဒိနာ ဘန္တေ ဘဂဝတာ ဘာသိတံ။

အဓိကရဏဝဂ္ဂ၊ သတ္တမသုတ္တ

ပုစ္ဆာ – အဓိကရဏဝဂ္ဂေ ¶ ပန အာဝုသော သတ္တမသုတ္တံ ဘဂဝတာ ကတ္ထ ကံ အာရဗ္ဘ ကိသ္မိံ ဝတ္ထုသ္မိံ ကထဉ္စ ဘာသိတံ။

ဝိဿဇ္ဇနာ – သာဝတ္ထိယံ ဘန္တေ ဇာဏုဿောဏိံ ဗြာဟ္မဏံ အာရဗ္ဘ ဘာသိတံ။ ဇာဏုဿောဏိ ဘန္တေ ဗြာဟ္မဏော ဘဂဝန္တံ ဧတဒဝေါစ ‘‘ကော နု ခေါ ဘော ဂေါတမ ဟေတု ကော ပစ္စယော၊ ယေန မိဓေကစ္စေ သတ္တာ ကာယဿ ဘေဒါ ပရံမရဏာ အပါယံ ဒုဂ္ဂတိံ ဝိနိပါတံ နိရယံ ဥပပဇ္ဇန္တီ’’တိ။ တသ္မိံ ဘန္တေ ဝတ္ထုသ္မိံ ‘‘ကတတ္တာ စ ဗြာဟ္မဏ အကတတ္တာ စ ဧဝမိဓေကစ္စေ သတ္တာ ကာယဿ ဘေဒါ ပရံမရဏာ အပါယံ ဒုဂ္ဂတိံ ဝိနိပါတံ နိရယံ ဥပပဇ္ဇန္တီ’’တိ ဧဝမာဒိနာ ဘန္တေ ဘဂဝတာ ဘာသိတံ။

ကော ¶ နု ခေါ ဘော ဂေါတမ ဟေတု ကော ပစ္စယော၊ ယေန မိဓေကစ္စေ သတ္တာ ကာယဿ ဘေဒါ ပရံ မရဏာ အပါယံ ဒုဂ္ဂတိံ ဝိနိပါတံ နိရယံ ဥပပဇ္ဇန္တိ။

‘‘ကတတ္တာစ ဗြာဟ္မဏ အကတတ္တာစ ဧဝမိဓေကစ္စေ သတ္တာ ကာယဿ ဘေဒါ ပရံ မရဏာ အပါယံ ဒုဂ္ဂတိံ ဝိနိပါတံ နိရယံ ဥပပဇ္ဇန္တိ’’ –

ကော ¶ ပန ဘော ဂေါတမ ဟေတု ကော ပစ္စယော၊ ယေန မိဓေကစ္စေ သတ္တာ ကာယဿ ဘေဒါ ပရံ မရဏာ သုဂတိံ သဂ္ဂံ လောကံ ဥပပဇ္ဇန္တိ –

ကတတ္တာ စ ဗြာဟ္မဏ အကတတ္တာ စ ဧဝမိဓေကစ္စေ သတ္တာ ကာယဿ ဘေဒါ ပရံ မရဏာ သုဂတိံ သဂ္ဂံ လောကံ ဥပပဇ္ဇန္တိ။

န ခေါ အဟံ ဣမဿ ဘောတော ဂေါတမဿ သံခိတ္တေန ဘာသိတဿ ဝိတ္ထာရေန အတ္ထံ အဝိဘတ္တဿ ဝိတ္ထာရေန အတ္ထံ –

သာဓု မေ ဘဝံ ဂေါတမော တထာ ဓမ္မံ ဒေသေတု။

အဋ္ဌမသုတ္တ

ပုစ္ဆာ – တတ္ထေဝ ¶ အာဝုသော အဋ္ဌမသုတ္တံ ဘဂဝတာ ကတ္ထ ကဿ ကထဉ္စ ဘာသိတံ။

ဝိဿဇ္ဇနာ – သာဝတ္ထိယံ ဘန္တေ အာယသ္မတော အာနန္ဒဿ ‘‘ဧကံသေနာဟံ အာနန္ဒ အကရဏီယံ ဝဒါမိ ကာယဒုစ္စရိတံ မနောဒုစ္စရိတ’’န္တိ ဧဝမာဒိနာ ဘဂဝတာ ဘာသိတံ။

‘‘ဧကံသေနာဟံ ¶ အာနန္ဒ ကရဏီယံ ဝဒါမိ ကာယသုစရိတံ ဝစီသုစရိတံ မနောသုစရိတံ’’ –

နဝမသုတ္တ

ပုစ္ဆာ – တေနာဝုသော ¶ ဘဂဝတာ…ပေ… သမ္မာသမ္ဗုဒ္ဓေန အင်္ဂုတ္တရနိကာယေ ဒုကနိပါတေ အဓိကရဏဝဂ္ဂေ နဝမသုတ္တံ ဘာသိတံ။

ဝိဿဇ္ဇနာ – အကုသလံ ¶ ဘိက္ခဝေ ပဇဟထ၊ သက္ကာ ဘိက္ခဝေ အကုသလံ ပဇဟိတုံ။ နောစေဒံ ဘိက္ခဝေ သက္ကာ အဘဝိဿ အကုသလံ ပဇဟိတုံ၊ နာဟံ ဧဝံ ဝဒေယျံ ‘‘အကုသလံ ဘိက္ခဝေ ပဇဟထာ’’တိ။ ယသ္မာ စ ခေါ ဘိက္ခဝေ သက္ကာ အကုသလံ ပဇဟိတုံ၊ တသ္မာဟံ ဧဝံ ဝဒါမိ ‘‘အကုသလံ ဘိက္ခဝေ ပဇဟထာ’’တိ။ အကုသလဉ္စ ဟိဒံ ဘိက္ခဝေ ပဟီနံ အဟိတာယ ဒုက္ခာယ သံဝတ္တေယျ၊ နာဟံ ဧဝံဝဒေယျံ ‘‘အကုသလံ ဘိက္ခဝေ ပဇဟထာ’’တိ။ ယသ္မာ စ ခေါ ဘိက္ခဝေ အကုသလံ ပဟီနံ ဟိတာယ သုခါယ သံဝတ္တတိ၊ တသ္မာဟံ ဧဝံ ဝဒါမိ ‘‘အကုသလံ ဘိက္ခဝေ ပဇဟထာ’’တိ ဧဝမာဒိနာ ဘန္တေ ဘဂဝတာ ဘာသိတံ။

ဒသမသုတ္တ၊ ဧကာဒသမသုတ္တ

ပုစ္ဆာ – တတ္ထေဝ ¶ အာဝုသော ဒသမဧကာဒသမသုတ္တာနိ ဘဂဝတာ ကထံ ဘာသိတာနိ။

ဝိဿဇ္ဇနာ – တတ္ထေဝ ဘန္တေ ဒသမဧကာဒသမသုတ္တာနိ ‘‘ဒွေမေ ဘိက္ခဝေ ဓမ္မာ သဒ္ဓမ္မဿ သမ္မောသာယ အန္တရဓာနာယ သံဝတ္တန္တိ။ ကတမေ ဒွေ၊ ဒုန္နိက္ခိတ္တဉ္စ ပဒဗျဉ္ဇနံ အတ္ထော စ ဒုန္နီတော၊ ဒုန္နိက္ခိတ္တဿ ဘိက္ခဝေ ပဒဗျဉ္ဇနဿ အတ္ထောပိ ဒုန္နယော ဟောတိ။ ဣမေ ခေါ ဘိက္ခဝေ ဒွေ ဓမ္မာ သဒ္ဓမ္မဿ သမ္မောသာယ အန္တရဓာနာယ သံဝတ္တန္တီ’’တိ စ။ ‘‘ဒွေမေ ဘိက္ခဝေ ဓမ္မာ သဒ္ဓမ္မဿ ဌိတိယာ အသမ္မောသာယ အနန္တရဓာနာယ သံဝတ္တန္တိ။ ကတမေ ဒွေ၊ သုနိက္ခိတ္တဉ္စ ပဒဗျဉ္ဇနံ အတ္ထော စ သုနီတော၊ သုနိက္ခိတ္တဿ ဘိက္ခဝေ ပဒဗျဉ္ဇနဿ အတ္ထောပိ သုနယော ဟောတိ။ ဣမေ ခေါ ဘိက္ခဝေ ဒွေ ဓမ္မာ သဒ္ဓမ္မဿ ဌိတိယာ အသမ္မောသာယ အနန္တရဓာနာယ သံဝတ္တန္တီ’’တိ စ။ ဧဝံ ခေါ ဘန္တေ ဘဂဝတာ ဘာသိတာနိ။

ဗာလဝဂ္ဂ

ဒုတိယသုတ္တ

ပုစ္ဆာ – ဗာလဝဂ္ဂေ ¶ ပန အာဝုသော ဒုတိယသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – ဗာလဝဂ္ဂေ ဘန္တေ ဒုတိယံ သုတ္တံ ‘‘ဒွေမေ ဘိက္ခဝေ တထာဂတံ အဗ္ဘာစိက္ခန္တိ။ ကတမေ ဒွေ၊ ဒုဋ္ဌော ဝါ ဒေါသန္တရော သဒ္ဓါ ဝါ ဒုဂ္ဂဟိတေန။ ဣမေ ခေါ ဘိက္ခဝေ ဒွေ တထာဂတံ အဗ္ဘာစိက္ခန္တီ’’တိ၊ ဧဝံ ခေါ ဘန္တေ ဘဂဝတာ ဘာသိတံ။

တတိယသုတ္တ

ပုစ္ဆာ – တတ္ထေဝ ¶ အာဝုသော တတိယသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – တတ္ထေဝ ဘန္တေ တတိယသုတ္တံ ဘဂဝတာ ‘‘ဒွေမေ ဘိက္ခဝေ တထာဂတံ အဗ္ဘာစိက္ခန္တိ။ ကတမေ ဒွေ၊ ယော စ အဘာသိတံ အလပိတံ တထာဂတေန ‘ဘာသိတံ လပိတံ တထာဂတေနာ’တိ ဒီပေတိ။ ယော စ ဘာသိတံ လပိတံ တထာဂတေန ‘အဘာသိတံ အလပိတံ တထာဂတေနာတိ’ ¶ ဒီပေတိ။ ဣမေ ခေါ ဘိက္ခဝေ ဒွေ တထာဂတံ အဗ္ဘာစိက္ခန္တိ။ ဒွေမေ ဘိက္ခဝေ တထာဂတံ နာဗ္ဘာစိက္ခန္တိ။ ကတမေ ဒွေ၊ ယော စ အဘာသိတံ အလပိတံ တထာဂတေန ‘အဘာသိတံ အလပိတံ တထာဂတေနာ’တိ ဒီပေတိ။ ယော စ ဘာသိတံ လပိတံ တထာဂတေန ‘ဘာသိတံ လပိတံ တထာဂတေနာ’တိ ဒီပေတိ။ ဣမေ ခေါ ဘိက္ခဝေ ဒွေ တထာဂတံ နာဗ္ဘာစိက္ခန္တီ’’တိ၊ ဧဝံ ခေါ ဘန္တေ ဘဂဝတာ ဘာသိတံ။

စတုတ္ထဝဂ္ဂ၊ ပဉ္စမသုတ္တ

ပုစ္ဆာ – တတ္ထေဝ ¶ အာဝုသော စတုတ္ထပဉ္စမသုတ္တာနိ ဘဂဝတာ ကထံ ဘာသိတာနိ။

ဝိဿဇ္ဇနာ – တတ္ထေဝ ဘန္တေ စတုတ္ထပဉ္စမသုတ္တာနိ ‘‘ဒွေမေ ဘိက္ခဝေ တထာဂတံ အဗ္ဘာစိက္ခန္တိ။ ကတမေ ဒွေ၊ ယော စ နေယျတ္ထံ သုတ္တန္တံ ‘နီတတ္ထော သုတ္တန္တော’တိ ¶ ဒီပေတိ၊ ယော စ နီတတ္ထံ သုတ္တန္တံ ‘နေယျတ္ထော သုတ္တန္တော’တိ ဒီပေတီ’’တိ၊ ဧဝမာဒိနာ ဘဂဝတာ ဘာသိတာနိ။

သမစိတ္တဝဂ္ဂ၊ ပဌမသုတ္တ

ပုစ္ဆာ – သမစိတ္တဝဂ္ဂေ ¶ အာဝုသော ပဌမသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – သမစိတ္တဝဂ္ဂေ ဘန္တေ ပဌမသုတ္တံ ‘‘အသပ္ပုရိသဘူမိဉ္စ ဝေါ ဘိက္ခဝေ ဒေသေဿာမိ သပ္ပုရိသဘူမိဉ္စ၊ တံ သုဏာထ သာဓုကံ မနသိကရောထ၊ ဘာသိဿာမီ’’တိ၊ ဧဝမာဒိနာ ဘန္တေ ဘဂဝတာ ဘာသိတံ။

ဒုတိယသုတ္တ

ပုစ္ဆာ – တတ္ထေဝ ¶ အာဝုသော ဒုတိယသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – တတ္ထေဝ ဘန္တေ ဒုတိယသုတ္တံ ‘‘ဒွိန္နာဟံ ဘိက္ခဝေ န သုပ္ပတိကာရ ဝဒါမိ။ ကတမေသံ ဒွိန္နံ၊ မာတု စ ပိတု စာ’’တိ၊ ဧဝမာဒိနာ ဘဂဝတာ ဘာသိတံ။

သမစိတ္တသုတ္တ

ပုစ္ဆာ – တတ္ထေဝ ¶ အာဝုသော ပဉ္စမံ သမစိတ္တသုတ္တံ ကတ္ထ ကဿ ကေန ကထဉ္စ ဘာသိတံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလာနံ ဘိက္ခူနံ ‘‘အဇ္ဈတ္တသံယောဇနဉ္စ အာဝုသော ပုဂ္ဂလံ ဒေသေဿာမိ ဗဟိဒ္ဓါသံယောဇနဉ္စ၊ တံသုဏာထ

သာဓုကံ ¶ မနသိကရောထာ’’တိ၊ ဧဝမာဒိနာ ဘန္တေ အာယသ္မတာ သာရိပုတ္တတ္ထေရေန ဓမ္မသေနာပတိနာ ဘာသိတံ။

ဩဝါဒ

ပုစ္ဆာ – ကထဉ္စ ¶ အာဝုသော တတ္ထ ဘဂဝါ ဩဝါဒံ အဒါသိ။

ဝိဿဇ္ဇနာ – တတ္ထ ဘန္တေ ဘဂဝါ ‘‘တသ္မာတိဟ သာရိပုတ္တ ဧဝံ သိက္ခိတဗ္ဗံ ‘သန္တိန္ဒြိယာ ဘဝိဿာမ သန္တမာနသာ’တိ။ ဧဝဉှိ ဝေါ သာရိပုတ္တ သိက္ခိတဗ္ဗ’’န္တိ ဧဝမာဒိနာ ဩဝါဒမဒါသိ။

‘‘ဧသော ဘန္တေ အာယသ္မာ သာရိပုတ္တော ပုဗ္ဗာရာမေ မိဂါရမာတုပါသာ ဒေ ဘိက္ခူနံ အဇ္ဈတ္တသံယောဇနဉ္စ ပုဂ္ဂလံ ဒေသေတိ ဗဟိဒ္ဓါ သံယောဇနဉ္စ’’ –

သာဓု ¶ ဘန္တေ ဘဂဝါ ယေန အာယသ္မာ သာရိပုတ္တော တေနုပသင်္ကမတု အနုကမ္ပံ ဥပါဒါယ။

တာ ခေါ ပန သာရိပုတ္တ ဒေဝတာ ဒသပိ ဟုတွာ ဝီသမ္ပိ ဟုတွာ တိံသမ္ပိ ဟုတွာ စတ္တာလီသမ္ပိ ဟုတွာ ပညာသမ္ပိ ဟုတွာ သဋ္ဌိပိ ဟုတွာ အာရဂ္ဂကောဋိနိတုဒနမတ္တေပိ တိဋ္ဌန္တိ၊ န စ အညမညံ ဗျာဗာဓေန္တိ–

တသ္မာတိဟ ¶ သာရိပုတ္တ ဧဝံ သိက္ခိတဗ္ဗံ သန္တိန္ဒြိယာ ဘဝိဿာမ သန္တမာနသာ။

ပရိသဝဂ္ဂ

ဥတ္တာနသုတ္တ

ပုစ္ဆာ – တေနာဝုသော ¶ ဘဂဝတာ…ပေ… သမ္မာသမ္ဗုဒ္ဓေန အင်္ဂုတ္တရနိကာယေ ဒုကနိပါတေ ပရိသဝဂ္ဂေ ပဌမံ ဥတ္တာနသုတ္တံ ကထံ ဘာသိတံ။

ဝိဿဇ္ဇနာ – ပဌမံ ဘန္တေ ဥတ္တာနသုတ္တံ ‘‘ဒွေမာ သိက္ခဝေ ပရိသာ၊ ကတမာ ဒွေ၊ ဥတ္တာနာ စ ပရိသာ ဂမ္ဘီရာ စ ပရိသာ၊ ကတမာ စ ဘိက္ခဝေ ဥတ္တာနာ ပရိသာ၊ ဣဓ ဘိက္ခဝေ ယဿံ ပရိသာယံ ဘိက္ခူ ဥဒ္ဓတာ ဟောန္တိ ဥန္နဠာ စပလာ မုခရာ ဝိကိဏ္ဏဝါစာ မုဋ္ဌဿတီ အသမ္ပဇာနာ အသမာဟိတာ ဝိဗ္ဘန္တစိတ္တာ ပါကတိန္ဒြိယာ။ အယံ ဝုစ္စတိ ဘိက္ခဝေ ဥတ္တာနာ ပရိသာ’’တိ ဧဝမာဒိနာ ဘဂဝတာ ဘာသိတံ။

သောပရိသတ္တက

ဧတဒဂ္ဂံ ဘိက္ခဝေ ဣမာသံ ဒွိန္နံ ပရိသာနံ ယဒိဒံ ဂမ္ဘီရာ ပရိသာ။

အနဂ္ဂဝတီသုတ္တ

ပုစ္ဆာ – တတ္ထေဝ ¶ အာဝုသော တတိယံ အနဂ္ဂဝတီသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – တတ္ထေဝ ဘန္တေ တတိယံ အနဂ္ဂဝတီသုတ္တံ ‘‘ဒွေမာ ဘိက္ခဝေ ပရိသာ။ ကတမာ ဒွေ၊ အနဂ္ဂဝတီ စ ပရိသာ အဂ္ဂဝတီ စ ပရိသာ။ ကတမာ စ ဘိက္ခဝေ အနဂ္ဂဝတီ ပရိသာ၊ ဣဓ ဘိက္ခဝေ ယဿံ ပရိသာယံ ထေရာ ဘိက္ခူ ဗာဟုလိကာ ဟောန္တိ သာထလိကာ၊ ဩက္ကမနေ ပုဗ္ဗင်္ဂမာ၊ ပဝိဝေကေ နိက္ခိတ္တဓုရာ၊ န ဝီရိယံ အာရဘန္တိ အပ္ပတ္တဿ ပတ္တိယာ အနဓိဂတဿ အဓိဂမာယ အသစ္ဆိကဘဿ သစ္ဆိကိရိယာယာ’’တိ ဧဝမာဒိနာ ဘဂဝတာ ဘာသိတံ။

ဩက္ကာစိတဝိနီတသုတ္တ

ပုစ္ဆာ – တတ္ထေဝ ¶ အာဝုသော ဆဋ္ဌံ ဩက္ကာစိတဝိနီတသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – တတ္ထေဝ ဘန္တေ ဆဋ္ဌံ ဩက္ကာစိတဝိနီတသုတ္တံ ‘‘ဒွေမာ ဘိက္ခဝေ ပရိသာ။ ကတမာ ဒွေ၊ ဩက္ကာစိတဝိနီတာ ပရိသာ နော ပဋိပုစ္ဆာဝိနီတာ၊ ပဋိပုစ္ဆာ ဝိနီတာ ပရိသာ နော ဩက္ကာစိတဝိနီတာ’’တိ ဧဝမာဒိနာ ဘန္တေ ဘဂဝတာ ဘာသိတံ။

ပုဂ္ဂလဝဂ္ဂ

အသန္တသန္နိဝါသသုတ္တ

ပုစ္ဆာ – ပုဂ္ဂလဝဂ္ဂေ ¶ အာဝုသော ဧကာဒသမံ အသန္တသန္နိဝါသသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – ပုဂ္ဂလဝဂ္ဂေ ဘန္တေ ဧကာဒသမံ အသန္တသန္နိဝါသသုတ္တံ ‘‘အသန္တသန္နိဝါသဉ္စ ဝေါ ဘိက္ခဝေ ဒေသေဿာမိ သန္တသန္နိဝါသဉ္စ၊ တံ သုဏာထ၊ သာဓုကံ မနသိကရောထ ဘာသိဿာမီ’’တိ ဧဝမာဒိနာ ဘဂဝတာ ဘာသိတံ။

သုခဝဂ္ဂ

ပုစ္ဆာ – သုခဝဂ္ဂေ ¶ ပန အာဝုသော ဘဂဝတာ ကီဒိသီ ဓမ္မဒေသနာယော ဒေသိတာ။

ဝိဿဇ္ဇနာ – သုခဝဂ္ဂေ ဘန္တေ ဘဂဝတာ ‘‘ဒွေမာနိ ဘိက္ခဝေ သုခါနိ။ ကတမာနိ ဒွေ၊ ဂိဟိသုခဉ္စ ပဗ္ဗဇိတသုခဉ္စ၊ ဣမာနိ ခေါ ဘိက္ခဝေ ဒွေ သုခါနိ။ ဧတဒဂ္ဂံ ဘိက္ခဝေ ဣမေသံ ဒွိန္နံ သုခါနံ ယဒိဒံ ပဗ္ဗဇိတသုခ’’န္တိ ဧဝမာဒိကာ ဓမ္မဒေသနာယော ဒေသိတာ။

အာယာစနဝဂ္ဂ

ပုစ္ဆာ – အာယာစနဝဂ္ဂေ ¶ ပန အာဝုသော ဘဂဝတာ ပဌမာဒီနိ စတ္တာရိ သုတ္တာနိ ကထံ ဘာသိတာနိ။

ဝိဿဇ္ဇနာ – အာယာစနဝဂ္ဂေ ဘန္တေ ပဌမာဒီနိ စတ္တာရိ သုတ္တာနိ ‘‘သဒ္ဓါ ဘိက္ခဝေ ဘိက္ခု ဧဝံ သမ္မာ အာယာစမာနော အာယာစေယျ တာဒိသော ဟောမိ၊ ယာဒိသာ သာရိပုတ္တမောဂ္ဂလ္လာနာ’’တိ၊ ဧဝမာဒိနာ ဘဂဝတာ ဘာသိတာနိ။

အဝဏ္ဏာရဟသုတ္တ

ပုစ္ဆာ – တတ္ထေဝ ¶ အာဝုသော ပဉ္စမံ အဝဏ္ဏာရဟသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – တတ္ထေဝ ဘန္တေ ပဉ္စမံ အဝဏ္ဏာရဟသုတ္တံ ‘‘ဒွီဟိ ဘိက္ခဝေ ဓမ္မေဟိ သမန္နာဂတော ဗာလော အဗျတ္တော အသပ္ပုရိသော ဧတံ ဥပဟတံ အတ္တာနံ ပရိဟရတိ၊ သာဝဇ္ဇော စ ဟောတိ သာနုဝဇ္ဇော စ ဝိညူနံ၊ ဗဟုဉ္စ အပုညံ ပသဝတီ’’တိ၊ ဧဝမာဒိနာ ဘဂဝတာ ဘာသိတံ။

အပ္ပသာဒနီယသုတ္တ

ပုစ္ဆာ – တေနာဝုသော ¶ ဘဂဝတာ…ပေ… သမ္မာသမ္ဗုဒ္ဓေန အင်္ဂုတ္တရနိကာယေ ဒုကနိပါတေ အာယာစနဝဂ္ဂေ ဆဋ္ဌံ အပ္ပသာဒနီယသုတ္တံ ကထံ ဘာသိတံ။

ဝိဿဇ္ဇနာ – ဆဋ္ဌံ ဘန္တေ အပ္ပသာဒနီယသုတ္တံ ‘‘ဒွီဟိ ဘိက္ခဝေ ဓမ္မေဟိ သမန္နာဂတော ဗာလော အဗျတ္တော အသပ္ပုရိသော ဧတံ ဥပဟတံ အတ္တာနံ ပရိဟရတိ၊ သာဝဇ္ဇော စ ဟောတိ သာနုဝဇ္ဇော စ ဝိညူနံ၊ ဗဟုဉ္စ အပုညံ ပသဝတိ။ ကတမေဟိ ဒွီဟိ၊ အနနုဝိစ္စ အပရိယောဂါဟေတွာ အပ္ပသာဒနီယေ ဌာနေ ပသာဒံ ဥပဒံသေတိ၊ အနနုဝိစ္စ အပရိယော ဂါဟေတွာ ပသာဒနီယေ ဌာနေ အပ္ပသာဒံ ဥပဒံသေတီ’’တိ ဧဝမာဒိနာ ဘဂဝတာ ဘာသိတံ။

မာတာပိတုသုတ္တ

ပုစ္ဆာ – တတ္ထေဝ ¶ အာဝုသော သတ္တမံ မာတာပိတုသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – တတ္ထေဝ ဘန္တေ သတ္တမံ မာတာပိတုသုတ္တံ ‘‘ဒွီသု ဘိက္ခဝေ မိစ္ဆာ ပဋိပဇ္ဇမာနော ဗာလော အဗျတ္တော အသပ္ပုရိသော ဧတံ ဥပဟတံ အတ္တာနံ ပရိဟရတိ၊ သာဝဇ္ဇော စ ဟောဟိ သာနုဝဇ္ဇော စ ဝိညူနံ၊ ဗဟုဉ္စ အပုညံ ပသဝတိ။ ကတမေသု ဒွီသု၊ မာတရိ စ ပိတရိ စာ’’တိ ဧဝမာဒိနာ ဘဂဝတာ ဘာသိတံ။

တထာဂတသုတ္တ

ပုစ္ဆာ – တတ္ထေဝ ¶ အာဝုသော အဋ္ဌမံ တထာဂတသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – တတ္ထေဝ ¶ ဘန္တေ အဋ္ဌမံ တထာဂတသုတ္တံ ‘‘ဒွီသု ဘိက္ခဝေ မိစ္ဆာပဋိပဇ္ဇမာနော ဗာလော အဗျတ္တော အသပ္ပုရိသော ဧတံ ဥပဟတံ အတ္တာနံ ပရိဟရတိ၊ သာဝဇ္ဇော စ ဟောတိ သာနုဝဇ္ဇော စ ဝိညူနံ၊ ဗဟုဉ္စ အပုညံ ပသဝတိ။ ကတမေသု ဒွီသု၊ တထာဂတေ စ တထာဂတသာဝကေ စာ’’တိ ဧဝမာဒိနာ ဘဂဝတာ ဘာသိတံ။

တိကနိပါတ

ဗာလဝဂ္ဂ၊ ဘယသုတ္တ

ပုစ္ဆာ – တိကနိပါတေ ¶ ပန အာဝုသော ပဌမံ ဘယသုတ္တံ ဘဂဝတာ ကတ္ထ ကဿ ကထဉ္စ ဘာသိတံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလာနံ ‘‘ယာနိ ကာနိစိ ဘိက္ခဝေ ဘယာနိ ဥပ္ပဇ္ဇန္တိ၊ သဗ္ဗာနိ တာနိ ဗာလတော ဥပ္ပဇ္ဇန္တိ နော ပဏ္ဍိတတော။ ယေ ကေစိ ဥပ္ပဒ္ဒဝါ ဥပ္ပဇ္ဇန္တိ၊ သဗ္ဗေတေ ဗာလတော ဥပ္ပဇ္ဇန္တိ နော ပဏ္ဍိတတော။ ယေကေစိ ဥပသဂ္ဂါ ဥပ္ပဇ္ဇန္တိ၊ သဗ္ဗေတေ ဗာလတော ဥပ္ပဇ္ဇန္တိ နော ပဏ္ဍိတတော’’တိ ဧဝမာဒိနာ ဘဂဝတာ ဘာသိတံ။

စိန္တီသုတ္တ

ပုစ္ဆာ – တတ္ထေဝ ¶ အာဝုသော တတိယံ စိန္တီသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – တတ္ထေဝ ဘန္တေ စိန္တီသုတ္တံ ‘‘တီဏိမာနိ ဘိက္ခဝေ ဗာလဿ ဗာလလက္ခဏာနိ ¶ ဗာလနိမိတ္တာနိ ဗာလာပဒါနာနိ။ ကတမာနိ တီဏိ၊ ဣဓ ဘိက္ခဝေ ဗာလော ဒုစ္စိန္တိတစိန္တီ စ ဟောတိ ဒုဗ္ဘာသိတဘာသီ စ ဒုက္ကဋကမ္မကာရီ စာ’’တိ ဧဝမာဒိနာ ဘဂဝတာ ဘာသိတံ။

အစ္စယသုတ္တ

ပုစ္ဆာ – တတ္ထေဝ ¶ အာဝုသော စတုတ္ထံ အစ္စယသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – တတ္ထေဝ ဘန္တေ စတုတ္ထံ အစ္စယသုတ္တံ ‘‘တီဟိ ဘိက္ခဝေ ဓမ္မေဟိ သမန္နာဂတော ဗာလော ဝေဒိတဗ္ဗော။ ကတမေဟိ တီဟိ၊ အစ္စယံ အစ္စယတော ဒိသွာ ယထာဓမ္မံ နပ္ပဋိကရောတိ၊ ပရဿ ခေါ ပန အစ္စယံ ဒေသေန္တဿ ယထာဓမ္မံ နပ္ပဋိဂ္ဂဏှာတီ’’တိ ဧဝမာဒိနာ ဘဂဝတာ ဘာသိတံ။

မလသုတ္တ

ပုစ္ဆာ – တတ္ထေဝ ¶ အာဝုသော ဒသမံ မလသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – တတ္ထေဝ ဘန္တေ ဒသမံ မလသုတ္တံ ‘‘တီဟိ ဘိက္ခဝေ ဓမ္မေဟိ သမန္နာဂတော တယော မလေ အပ္ပဟာယ ယထာဘတံ နိက္ခိတ္တော ဧဝံ နိရယေ။ ကတမေဟိ တီဟိ၊ ဒုဿီလော စ ဟောတိ၊ ဒုဿီလျမလဉ္စဿ အပ္ပဟီနံ ဟောတိ။ ဣဿုကီ စ ဟောတိ၊ ဣဿာမလဉ္စဿ အပ္ပဟီနံ ဟောတိ။ မစ္ဆရီ စ ဟောတိ၊ မစ္ဆရမလဉ္စဿ အပ္ပဟီနံ ဟောတီ’’တိ ဧဝမာဒိနာ ဘဂဝတာ ဘာသိတံ။

ရထကာရဝဂ္ဂ၊ ဉာတသုတ္တ

ပုစ္ဆာ – ရထကာရဝဂ္ဂေ ¶ ပန အာဝုသော ပဌမံ ဉာတသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – ပဌမံ ဘန္တေ ဉာတသုတ္တံ ‘‘တီဟိ ဘိက္ခဝေ ဓမ္မေဟိ သမန္နာဂတော ဉာတော ဘိက္ခု ဗဟုဇနအဟိတာယ ပဋိပန္နော ဟောတိ ဗဟုဇန ဒုက္ခာယ ဗဟုနော ဇနဿ အနတ္ထာယ အဟိတာယ ဒုက္ခာယ ဒေဝမနုဿာနံ။ ကတမေဟိ တီဟိ၊ အနနုလောမိကေ ကာယကမ္မေ သမာဒပေတိ၊ အနနုလောမိကေ ဝစီကမ္မေ သမာဒပေတိ၊ အနနုလောမိကေသု ဓမ္မေသု သမာဒပေတီ’’တိ ဧဝမာဒိနာ ဘဂဝတာ ဘာသိတံ။

အာသံသသုတ္တ

ပုစ္ဆာ – တတ္ထေဝ ¶ အာဝုသော တတိယံ အာသံသသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – တတ္ထေဝ ဘန္တေ တတိယံ အာသံသသုတ္တံ ‘‘တယောမေ ဘိက္ခဝေ ပုဂ္ဂလာ သန္တော သံဝိဇ္ဇမာနာ လောကသ္မိံ။ ကတမေ တယော နိရာသော အာသံသော’’တိ ဧဝမာဒိနာ ဘဂဝတာ ဘာသိတံ။

သစေတနသုတ္တ

ပုစ္ဆာ – တေနာဝုသော ¶ ဘဂဝတာ…ပေ… သမ္မာသမ္ဗုဒ္ဓေန အင်္ဂုတ္တရနိကာယေ တိကနိပါတေ ရထကာရဝဂ္ဂေ ပဉ္စမံ သစေတနသုတ္တံ ကတ္ထ ကဿ ကထဉ္စ ဘာသိတံ။

ဝိဿဇ္ဇနာ – ဗာရာဏသိယံ ဘန္တေ သမ္ဗဟုလာနံ ဘိက္ခူနံ အာရဗ္ဘ ‘‘ဘူတပုဗ္ဗံ ဘိက္ခဝေ ရာဇာ အဟောသိ သစေတနော နာမ၊ အထ ခေါ ဘိက္ခဝေ ရာဇာ သစေတနော ရထကာရံ အာမန္တေသိ ဣတော မေ သမ္မ ရထကာရ ဆန္နံ မာသာနံ ပစ္စယေန သင်္ဂါမော ဘဝိဿတိ သက္ခိဿသိ မေ သမ္မ ရထကာရ နဝံ စက္ကယုဂံ ကာတု’’န္တိ ဧဝမာဒိနာ ဘဂဝတာ ဘာသိတံ။

အပဏ္ဏကသုတ္တ

ပုစ္ဆာ – တတ္ထေဝ ¶ အာဝုသော ဆဋ္ဌံ အပဏ္ဏကသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – ဆဋ္ဌံ ဘန္တေ အပဏ္ဏကသုတ္တံ ‘‘တီဟိ ဘိက္ခဝေ ဓမ္မေဟိ သမန္နာဂတော ဘိက္ခု အပဏ္ဏကပဋိပဒံ ပဋိပန္နော ဟောတိ၊ ယောနိ စဿ အာရဒ္ဓါ ဟောတိ အာသဝါနံ ခယာယ။ ကတမေဟိ တီဟိ၊ ဣဓ ဘိက္ခဝေ ဘိက္ခု ဣန္ဒြိယေသု ဂုတ္တဒွါရော ဟောတိ၊ ဘောဇနေ မတ္တညူ ဟောတိ၊ ဇာဂရိယမနုယုတ္တော ဟောတီ’’တိ ဧဝမာဒိနာ ဘဂဝတာ ဘာသိတံ။

ဒေဝလောကသုတ္တ

ပုစ္ဆာ – တတ္ထေဝ ¶ အာဝုသော အဋ္ဌမံ ဒေဝလောကသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – တတ္ထေဝ ဘန္တေ အဋ္ဌမံ ဒေဝလောကသုတ္တံ ‘‘သစေ ဝေါ ဘိက္ခဝေ အညတိတ္ထိယာ ပရိဗ္ဗာဇကာ ဧဝံ ပုစ္ဆေယျုံ ‘‘ဒေဝလောကူပပတ္တိယာ အာဝုသော သမဏေ ဂေါတမေ ဗြဟ္မစရိယံ ဝုဿထာ’တိ။ နနု တုမှေ ဘိက္ခဝေ ¶ ဧဝံ ပုဋ္ဌာ အဋ္ဋီယေယျာထ ဟရာယေယျာထ ဇိဂုစ္ဆေယျာထာ’’တိ ဧဝမာဒိနာ ဘဂဝတာ ဘာသိတံ။

ပဌမ ပါပဏိကသုတ္တ

ပုစ္ဆာ – တတ္ထေဝ ¶ အာဝုသော နဝမံ ပဌမပါပဏိကသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – တတ္ထေဝ ဘန္တေ နဝမံ ပဌမပါပဏိကသုတ္တံ ‘‘တီဟိ ဘိက္ခဝေ အင်္ဂေဟိ သမန္နာဂတော ပါပဏိကော အဘဗ္ဗော အနဓိဂတံ ဝါ ဘောဂံ အဓိဂန္တုံ၊ အဓိဂတံ ဝါ ဘောဂံ ဖာတိံ ကာတုံ။ ကတမေဟိ တီဟိ၊ ဣဓ ဘိက္ခဝေ ပါပဏိကော ပုဗ္ဗဏှသမယံ န သက္ကစ္စံ ကမ္မန္တံ အဓိဋ္ဌာတီ’’တိ ဧဝမာဒိနာ ဘဂဝတာ ဘာသိတံ။

ပုဂ္ဂလဝဂ္ဂ

ဂိလာနသုတ္တ

ပုစ္ဆာ – ပုဂ္ဂလဝဂ္ဂေ ¶ ပန အာဝုသော ဒုတိယံ ဂိလာနသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – ပုဂ္ဂလဝဂ္ဂေ ဘန္တေ ဒုတိယံ ဂိလာနသုတ္တံ ‘‘တယောမေ ဘိက္ခဝေ ဂိလာနာ သန္တော သံဝိဇ္ဇမာနာ လောကသ္မိံ။ ကတမေ တယော၊ ဣဓ ဘိက္ခဝေ ဧကစ္စော ဂိလာနော လဘန္တော ဝါ သပ္ပာယာနိ ဘောဇနာနိ အလဘန္တော ဝါ သပ္ပာယာနိ ဘောဇနာနိ၊ လဘန္တော ဝါ သပ္ပာယာနိ ဘေသဇ္ဇာနိ အလဘန္တော ဝါ သပ္ပာယာနိ ဘေသဇ္ဇာနိ၊ လဘန္တော ဝါ ပတိရူပံ ဥပဋ္ဌာကံ အလဘန္တော ဝါ ပတိရူပံ ဥပဋ္ဌာကံ ဝုဋ္ဌာတိ တမှာ အာဗာဓာ’’တိ ဧဝမာဒိနာ ဘဂဝတာ ဘာသိတံ။

ဗဟုကာရသုတ္တ

ပုစ္ဆာ – တတ္ထေဝ ¶ အာဝုသော စတုတ္ထံ ဗဟုကာရသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – တတ္ထေဝ ¶ ဘန္တေ စတုတ္ထံ ဗဟုကာရသုတ္တံ ‘‘တယော မေ ဘိက္ခဝေ ပုဂ္ဂလာ ပုဂ္ဂလဿ ဗဟုကာရာ။ ကတမေ တယော၊ ယံ ဘိက္ခဝေ ပုဂ္ဂလံ အာဂမ္မ ပုဂ္ဂလော ဗုဒ္ဓံ သရဏံ ဂတော ဟောတိ၊ ဓမ္မံ သရဏံ ဂတော ဟောတိ၊ သင်္ဃံ သရဏံ ဂတော ဟောတိ။ အယံ ဘိက္ခဝေ ပုဂ္ဂလော ဣမဿ ပုဂ္ဂလဿ ဗဟုကာရော’’တိ ဧဝမာဒိနာ ဘဂဝတာ ဘာသိတံ။

ဇိဂုစ္ဆိတဗ္ဗသုတ္တ

ပုစ္ဆာ – တေနာဝုသော ¶ ဘဂဝတာ ဇာနတာ ပဿတာ…ပေ… သမ္မာသမ္ဗုဒ္ဓေန အင်္ဂုတ္တရနိကာယေ တိကနိပါတေ ပုဂ္ဂလဝဂ္ဂေ သတ္တမံ ဇိဂုစ္ဆိတဗ္ဗသုတ္တံ ကထံ ဘာသိတံ။

ဝိဿဇ္ဇနာ – သတ္တမံ ဘန္တေ ဇိဂုစ္ဆိတဗ္ဗသုတ္တံ ‘‘တယောမေ ဘိက္ခဝေ ပုဂ္ဂလာ သန္တော သံဝိဇ္ဇမာနာ လောကသ္မိံ။ ကတမေ တယော၊ အတ္ထိ ဘိက္ခဝေ ပုဂ္ဂလော ဇိဂုစ္ဆိတဗ္ဗော န သေဝိတဗ္ဗော န ဘဇိတဗ္ဗော န ပယိရုပါသိတဗ္ဗော၊ အတ္ထိ ဘိက္ခဝေ ပုဂ္ဂလော အဇ္ဈုပေက္ခိတဗ္ဗော န သေဝိတဗ္ဗော န ဘဇိတဗ္ဗော န ပယိရုပါသိတဗ္ဗော၊ အတ္ထိ ဘိက္ခဝေ ပုဂ္ဂလော သေဝိတဗ္ဗော ဘဇိတဗ္ဗော ပယိရုပါသိတဗ္ဗော’’တိ ဧဝံ ခေါ ဘန္တေ ဘဂဝတာ ဘာသိတံ။

ပုစ္ဆာ – ကထဉ္စာဝုသော ¶ တတ္ထ ဘဂဝတာ ဇိဂုစ္ဆိတဗ္ဗော ပုဂ္ဂလော နသေဝိတဗ္ဗော နဘဇိတဗ္ဗော န ပယိရုပါသိတဗ္ဗော ပကာသိတော။

ဝိဿဇ္ဇနာ – ‘‘ကတမော စ ဘိက္ခဝေ ပုဂ္ဂလော ဇိဂုစ္ဆိတဗ္ဗော န သေဝိတဗ္ဗော န ဘဇိတဗ္ဗော န ပယိရုပါသိတဗ္ဗော။ ဣဓ ဘိက္ခဝေ ဧကစ္စော ဒုဿီလော ဟောတိ ပါပဓမ္မော အသုစိသင်္ကဿရသမာစာရော ပဋိစ္ဆန္နကမ္မန္တော အဿမဏော သမဏပဋိညော အဗြဟ္မစာရီ ဗြဟ္မစာရိပဋိညော အန္တောပူတိ အဝဿုတော ကသမ္ဗုဇာတော၊ ဧဝရူပေါ ဘိက္ခဝေ ပုဂ္ဂလော ဇိဂုစ္ဆိတဗ္ဗော န သေဝိတဗ္ဗော န ဘဇိတဗ္ဗော န ပယိရုပါသိတဗ္ဗော’’တိ ဧဝမာဒိနာ ဘန္တေ ဘဂဝတာ ဇိဂုစ္ဆိတဗ္ဗော န သေဝိတဗ္ဗော န ဘဇိတဗ္ဗော န ပယိရုပါသိတဗ္ဗော ပုဂ္ဂလော ပကာသိတော။

ပုစ္ဆာ – ကထံ ¶ ပနာဝုသော တတ္ထ ဘဂဝတာ အဇ္ဈုပေက္ခိတဗ္ဗော ပုဂ္ဂလော န သေဝိတဗ္ဗော န ဘဇိတဗ္ဗော န ပယိရုပါသိတဗ္ဗော ပကာသိတော။

ဝိဿဇ္ဇနာ – ကတမော စ ဘိက္ခဝေ ပုဂ္ဂလော အဇ္ဈုပေက္ခိတဗ္ဗော န သေဝိတဗ္ဗော န ဘဇိတဗ္ဗော န ပယိရုပါသိတဗ္ဗော၊ ဣဓ ဘိက္ခဝေ ဧကစ္စော ပုဂ္ဂလော ကောဓနော ဟောတိ ဥပါယာသဗဟုလော၊ အပ္ပမ္ပိ ဝုတ္တော သမာနော အဘိသဇ္ဇတိ ကုပ္ပတိ ဗျာပဇ္ဇတိ ပတိတ္ထီယတိ၊ ကောပဉ္စ ဒေါသဉ္စ အပ္ပစ္စယဉ္စ ပါတုကရောတီ’’တိ ဧဝမာဒိနာ ဘန္တေ ဘဂဝတာ တတ္ထ အဇ္ဈုပေက္ခိတဗ္ဗော န သေဝိတဗ္ဗော န ဘဇိတဗ္ဗော န ပယိရုပါသိတဗ္ဗော ပုဂ္ဂလော ပကာသိတော။

ပုစ္ဆာ – ကထံ ¶ ပနာဝုသော တတ္ထ ဘဂဝတာ သေဝိတဗ္ဗော ပုဂ္ဂလော ဘဇိတဗ္ဗော ပယိရုပါသိတဗ္ဗော ပကာသိတော။

ဝိဿဇ္ဇနာ – ‘‘ကတမော စ ဘိက္ခဝေ ပုဂ္ဂလော သေဝိတဗ္ဗော ဘဇိတဗ္ဗော ပယိရုပါသိတဗ္ဗော၊ ဣဓ ဘိက္ခဝေ ဧကစ္စော ပုဂ္ဂလော သီလဝါ ဟောတိ ကလျာဏဓမ္မော၊ ဧဝရူပေါ ဘိက္ခဝေ ပုဂ္ဂလော သေဝိတဗ္ဗော ဘဇိတဗ္ဗော ¶ ပယိရုပါသိတဗ္ဗော’’တိ ဧဝမာဒိနာ ဘန္တေ တတ္ထ ဘဂဝတာ သေဝိတဗ္ဗော ပုဂ္ဂလော ဘဇိတဗ္ဗော ပယိရုပါသိတဗ္ဗော ပကာသိတော။

ဂူထဘာဏီသုတ္တ

ပုစ္ဆာ – တတ္ထေဝ ¶ အာဝုသော ပုဂ္ဂလဝဂ္ဂေ အဋ္ဌမံ ဂူထဘာဏီသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – တတ္ထေဝ ဘန္တေ ပုဂ္ဂလဝဂ္ဂေ အဋ္ဌမံ ဂူထဘာဏီသုတ္တံ ‘‘တယော မေ ဘိက္ခဝေ ပုဂ္ဂလာ သန္တော သံဝိဇ္ဇမာနာ လောကသ္မိံ။ ကတမေ တယော၊ ဂူထဘာဏီ ပုပ္ဖဘာဏီ မဓုဘာဏီ’’တိ ဧဝံ ခေါ ဘဂဝတာ ဘာသိတံ။

ဂူထဘာဏီပုဂ္ဂလ

ပုစ္ဆာ – ကထဉ္စာဝုသော ¶ တတ္ထ ဘဂဝတာ ဂူထဘာဏီပုဂ္ဂလော ပကာသိတော။

ဝိဿဇ္ဇနာ – ကတမော စ ဘိက္ခဝေ ပုဂ္ဂလော ဂူထဘာဏီ၊ ဣဓ ဘိက္ခဝေ ဧကစ္စော ပုဂ္ဂလော သဘဂ္ဂတော ဝါ ပရိသဂ္ဂတော ဝါ ဉာတိမဇ္ဈဂတောဝါ ပူဂမဇ္ဈဂတောဝါ ရာဇကုလမဇ္ဈဂတောဝါ အဘိနီတော သက္ခိပုဋ္ဌော ‘‘ဧဟမ္ဘော ပုရိသ ယံ ဇာနာသိ၊ တံ ဝဒေဟီ’’တိ။ သော အဇာနံ ဝါ အာဟ ‘‘ဇာနာမီ’’တိ၊ ဇာနံ ဝါ အာဟ ‘‘န ဇာနာမီ’’တိ၊ အပဿံ ဝါ အာဟ ‘‘ပဿာမီ’’တိ၊ ပဿံ ဝါ အာဟ ‘‘န ပဿာမီ’’တိ။ ဣတိ အတ္တဟေတု ဝါ ပရဟေတု ဝါ အာမိသကိဉ္စိက္ခဟေတု ဝါ သမ္ပဇာနမုသာ ဘာသိတာ ဟောတိ။ အယံ ဝုစ္စတိ ဘိက္ခဝေ ပုဂ္ဂလော ဂူထဘာဏီတိ၊ ဧဝံ ခေါ ဘန္တေ တတ္ထ ဘဂဝတာ ဂူထဘာဏီပုဂ္ဂလော ပကာသိတော။

ပုပ္ဖဘာဏီပုဂ္ဂလ

ပုစ္ဆာ – ကထံ ¶ ပနာဝုသော တတ္ထ ဘဂဝတာ ပုပ္ဖဘာဏီပုဂ္ဂလော ပကာသိတော။

ဝိဿဇ္ဇနာ – ကတမော စ ဘိက္ခဝေ ပုဂ္ဂလော ပုပ္ဖဘာဏီ၊ ဣဓ ဘိက္ခဝေ ဧကစ္စော ပုဂ္ဂလော သဘဂ္ဂတော ဝါ ပရိသဂ္ဂတော ဝါ ဉာတိမဇ္ဈဂတော ဝါ ပူဂမဇ္ဈဂတောဝါ ရာဇကုလမဇ္ဈဂတော ဝါ အဘိနီတော သက္ခိပုဋ္ဌော ‘‘ဧဟမ္ဘော ပုရိသ ယံ ပဇာနာသိ၊ တံ ဝဒေဟီ’’တိ။ သော အဇာနံ ဝါ အာဟ ‘‘န ဇာနာမီ’’တိ၊ ဇာနံ ဝါ အာဟ ‘‘ဇာနာမီ’’တိ၊ အပဿံ ဝါ အာဟ ‘‘န ပဿာမီ’’တိ၊ ပဿံ ဝါ အာဟ ‘‘ပဿာမီ’’တိ၊ ဣတိ အတ္တဟေတု ဝါ ပရဟေတု ဝါ အာမိသကိဉ္စိက္ခဟေတု ဝါ န သမ္ပဇာနမုသာ ဘာသိတာ ဟောတိ၊ အယံ ဝုစ္စတိ ဘိက္ခဝေ ပုဂ္ဂလော ပုပ္ဖဘာဏီတိ၊ ဧဝံ ခေါ ဘန္တေ တတ္ထ ဘဂဝတာ ပုပ္ဖဘာဏီပုဂ္ဂလော ပကာသိတော။

မဓုဘာဏီပုဂ္ဂလ

ပုစ္ဆာ – ကထံ ¶ ပနာဝုသော တတ္ထ ဘဂဝတာ မဓုဘာဏီ ပုဂ္ဂလော ပကာသိတော။

ဝိဿဇ္ဇနာ – ကတမော စ ဘိက္ခဝေ ပုဂ္ဂလော မဓုဘာဏီ၊ ဣဓ ဘိက္ခဝေ ဧကစ္စော ပုဂ္ဂလော ဖရုသံ ဝါစံ ပဟာယ ဖရုသာယ ဝါစာယ ပဋိဝိရတော

ဟောတီတိ ¶ ဧဝမာဒိနာ ဘန္တေ ဘဂဝတာ တတ္ထ မဓုဘာဏီ ပုဂ္ဂလော ပကာသိတော။

အန္ဓသုတ္တ

ပုစ္ဆာ – တတ္ထေဝ ¶ အာဝုသော ပုဂ္ဂလဝဂ္ဂေ နဝမံ အန္ဓသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – တတ္ထေဝ ဘန္တေ ပုဂ္ဂလဝဂ္ဂေ နဝမံ အန္ဓသုတ္တံ ‘‘တယောမေ ဘိက္ခဝေ ပုဂ္ဂလာ သန္တော သံဝိဇ္ဇမာနာ လောကသ္မိံ။ ကတမေ တယော အန္ဓော ဧကစက္ခု ဒွိစက္ခူ’’တိ၊ ဧဝံ ခေါ ဘန္တေ ဘဂဝတာ ဘာသိတံ။

ပုစ္ဆာ – ကီဒိသော အာဝုသော ပုဂ္ဂလော တတ္ထ ဘဂဝတာ အန္ဓော အက္ခာတော။

ဝိဿဇ္ဇနာ – ယဿ ဘန္တေ ဘောဂေသု စေဝ ဓမ္မေသု စ ပညာစက္ခု နတ္ထိ၊ ဧဒိသော ဘန္တေ ပုဂ္ဂလော တတ္ထ ဘဂဝတာ အန္ဓော အက္ခာတော။

ပုစ္ဆာ – ကီဒိသော ¶ ပန အာဝုသော ပုဂ္ဂလော တတ္ထ ဘဂဝတာ ဧကစက္ခု အက္ခာတော။

ဝိဿဇ္ဇနာ – ယဿ ဘန္တေ ဘောဂေသုယေဝ ပညာစက္ခု အတ္ထိ န ဓမ္မေသု။ ဤဒိသော ဘန္တေ ပုဂ္ဂလော တတ္ထ ဘဂဝတာ ဧကစက္ခု အက္ခာတော။

ပုစ္ဆာ – ကီဒိသော ¶ ပန အာဝုသော ပုဂ္ဂလော တတ္ထ ဘဂဝတာ ဒွိစက္ခု အက္ခာတော။

ဝိဿဇ္ဇနာ – ယဿ ဘန္တေ ဘောဂေသု စေဝ ဓမ္မေသု စ ပညာစက္ခု အတ္ထိ၊ ဤဒိသော ဘန္တေ ပုဂ္ဂလော တတ္ထ ဘဂဝတာ ဒွိစက္ခု အက္ခာတော။

အဝကုဇ္ဇသုတ္တ

ပုစ္ဆာ – တေနာဝုသော ¶ ဘဂဝတာ ဇာနတာ ပဿတာ…ပေ… သမ္မာသမ္ဗုဒ္ဓေန အင်္ဂုတ္တရနိကာယေ တိကနိပါတေ ပုဂ္ဂလဝဂ္ဂေ ဒသမံ အဝကုဇ္ဇသုတ္တံ ကထံ ဘာသိတံ။

ဝိဿဇ္ဇနာ – ဒသမံ ဘန္တေ အဝကုဇ္ဇသုတ္တံ ‘‘တယော မေ ဘိက္ခဝေ ပုဂ္ဂလာ သန္တော သံဝိဇ္ဇမာနာ လောကသ္မိံ။ ကတမေ တယော၊ အဝကုဇ္ဇပညော ပုဂ္ဂလော ဥစ္ဆင်္ဂပညော ပုဂ္ဂလော ပုထုပညော ပုဂ္ဂလော။ ကတမော စ ဘိက္ခဝေ အဝကုဇ္ဇပညော ပုဂ္ဂလော။ ဣဓ ဘိက္ခဝေ ဧကစ္စော ပုဂ္ဂလော အာရာမံ ဂန္တာ ဟောတိ အဘိက္ခဏံ ဘိက္ခူနံ သန္တိကေ ဓမ္မဿဝနာယ၊ တဿ ဘိက္ခူ ဓမ္မံ ဒေသေန္တိအာဒိကလျာဏံ မဇ္ဈေကလျာဏံ ပရိယောသာနကလျာဏံ သာတ္ထံ သဗျဉ္ဇနံ ကေဝလပရိပုဏ္ဏံ ပရိသုဒ္ဓံ ¶ ဗြဟ္မစရိယံ ပကာသေန္တိ။ သော တသ္မိံ အာသနေ နိသိန္နော တဿာ ကထာယ နေဝါဒိံ မနသိကရောတိ၊ န မဇ္ဈံ မနသိကရောတိ၊ န ပရိယောသာနံ မနသိကရောတိ၊ ဝုဋ္ဌိတောပိ တမှာ အာသနာ တဿာ ကထာယ နေဝါဒိံ မနသိကရောတိ၊ န မဇ္ဈံ မနသိကရောတိ၊ န ပရိယောသာနံ မနသိကရောတီ’’တိ ဧဝမာဒိနာ ဘဂဝတာ ဘာသိတံ။

ဒေဝဒူတဝဂ္ဂ၊ သဗြဟ္မကသုတ္တ

ပုစ္ဆာ – ဒေဝဒူတဝဂ္ဂေ ¶ ပန အာဝုသော ပဌမံ သဗြဟ္မကသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – ဒေဝဒူတဝဂ္ဂေ ဘန္တေ ပဌမံ သဗြဟ္မကသုတ္တံ ‘‘သဗြဟ္မကာနိ ဘိက္ခဝေ တာနိ ကုလာနိ၊ ယေသံ ပုတ္တာနံ မာတာပိတရော အဇ္ဈာဂါရေ ပူဇိတာ ဟောန္တိ။ သပုဗ္ဗစရိယကာနိ ဘိက္ခဝေ တာနိ ကုလာနိ၊ ယေသံ ပုတ္တာနံ မာတာပိတရော အဇ္ဈာဂါရေ ပူဇိတာ ဟောန္တိ။ အာဟုနေယျာနိ ဘိက္ခဝေ တာနိ ကုလာနိ၊ ယေသံ ပုတ္တာနံ မာတာပိတရော အဇ္ဈာဂါရေ ပူဇိတာ ဟောန္တိ။ ဗြဟ္မာတိ ဘိက္ခဝေ မာတာပိတူနံ ဧတံ အဓိဝစနံ။ ပုဗ္ဗာစရိယာတိ ဘိက္ခဝေ မာတာပိတူနံ ဧတံ အဓိဝစနံ။ အာဟုနေယျာတိ ဘိက္ခဝေ ဧတံ မာတာပိတူနံ အဓိဝစနံ။ တံ ကိဿ ဟေတု၊ ဗဟုကာရာ ဘိက္ခဝေ မာတာပိတရော ပုတ္တာနံ အာပါဒကာ ပေါသကာ ဣမဿ လောကဿ ဒဿေတာရော’’တိ၊ ဧဝံ ခေါ ဘန္တေ ဘဂဝတာ ဘာသိတံ။

ဗြဟ္မာတိ ¶ မာတာပိတရော၊ ပုဗ္ဗာစရိယာတိ ဝုစ္စရေ၊

အာဟုနေယျာ စ ပုတ္တာနံ၊ ပဇာယ အနုကမ္ပကာ၊

တသ္မာ ဟိ နေ နမဿေယျ၊ သက္ကရေယျ စ ပဏ္ဍိတော၊

အန္နေန အထ ပါနေန၊ ဝတ္ထေန သယနေန စ၊

ဥစ္ဆာဒနေန နှာပနေန၊ ပါဒါနံ ဓောဝနေန စ၊

တာယ နံ ပါရိစရိယာယ၊ မာတာပိတူသု ပဏ္ဍိတာ။

ဣဓေဝ နံ ပသံသန္တိ၊ ပေစ္စ သဂ္ဂေ ပမောဒတီတိ –

ပုစ္ဆာ – တတ္ထေဝ အာဝုသော ပဉ္စမံ ဟတ္ထကသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – ပဉ္စမံ ဘန္တေ ဟတ္ထကသုတ္တံ အာဠဝိယံ ဟတ္ထကံ အာဠဝကံ အာရဗ္ဘ ဘာသိတံ။ ဟတ္ထကော ဘန္တေ အာဠဝကော ဘဂဝန္တံ ဧတဒဝေါစ ‘‘ကစ္စိ ဘန္တေ ဘဂဝါ သုခမသယိတ္ထာ’’တိ။ တသ္မိံ ဘန္တေ ဝတ္ထုသ္မိံ ‘‘ဧဝံ ကုမာရ သုခမသယိတ္ထ ယေ စ ပန လောကေ သုခံ သေန္တိ၊ အဟံ တေသံ အညတရော’’တိ ဧဝမာဒိနာ ဘန္တေ ဘဂဝတာ ဘာသိတံ။

‘‘ကစ္စိ ¶ ဘန္တေ ဘဂဝါ သုခမသယိတ္ထ’’။

‘‘ဧဝံ ကုမာရ သုခမသယိတ္ထ၊ ယေ စ ပန လောကေ သုခံ သေန္တိ၊ အဟံ တေသံ အညတရော’’။

‘‘ဧဝံ ¶ ကုမာရ သုခမသယိတ္ထ၊ ယေ စ ပန လောကေ သုခံ သေန္တိ၊ အဟံ တေသံ အညတရော’’။

‘‘သဗ္ဗဒါ ¶ ဝေ သုခံ သေတိ၊

ဗြာဟ္မဏော ပရိနိဗ္ဗုတော၊

ယော န လိမ္ပတိ ကာမေသု၊

သီတိဘူတော နိရူပဓိ၊

သဗ္ဗာ အာသတ္တိယော ဆေတွာ၊

ဝိနေယျ ဟဒယေ ဒရံ၊

ဥပသန္တော သုခံ သေတိ၊

သန္တိံ ပပ္ပုယျ စေတသော’’ ဟု –

ဒေဝဒူတသုတ္တ

ပုစ္ဆာ – တေနာဝုသော ဘဂဝတာ…ပေ… သမ္မာသမ္ဗုဒ္ဓေန အင်္ဂုတ္တရနိကာယေ တိကနိပါတေ ဒေဝဒူတဝဂ္ဂေ ဆဋ္ဌံ ဒေဝဒူတသုတ္တံ ကထံ ဘာသိတံ။

ဝိဿဇ္ဇနာ – ဆဋ္ဌံ ¶ ဘန္တေ ဒေဝဒူတသုတ္တံ ‘‘တီဏိမာနိ ဘိက္ခဝေ ဒေဝဒူတာနိ။ ကတမာနိ တီဏိ၊ ဣဓ ဘိက္ခဝေ ဧကစ္စော ကာယေန ဒုစ္စရိတံ စရတိ၊ ဝါစာယ ဒုစ္စရိတံ စရတိ၊ မနသာ ဒုစ္စရိတံ စရတိ။ သော ကာယေန ဒုစ္စရိတံ စရိတွာ ဝါစာယ ဒုစ္စရိတံ စရိတွာ မနသာ ဒုစ္စရိတံ စရိတွာ ကာယဿ ဘေဒါ ပရံ မရဏာ အပါယံ ဒုဂ္ဂတိံ ဝိနိပါတံ နိရယံ ဥပပဇ္ဇတိ။ တမေနံ ဘိက္ခဝေ နိရယပါလာ နာနာဗာဟာသု ဂဟေတွာ ယမဿ ရညော ဒဿေန္တိ-အယံ ဒေဝ ပုရိသော အမတ္တေယျော အပေတ္တေယျော အသာမညော အဗြဟ္မညော၊ န ကုလေ ဇေဋ္ဌပစာယီ၊ ဣမဿ ဒေဝေါ ဒဏ္ဍံ ပဏေတူ’’တိ။ ဧဝံ ခေါ ဘန္တေ ဘဂဝတာ ဘာသိတံ။

ပုစ္ဆာ – ကထဉ္စာဝုသော ¶ တတ္ထ ဘဂဝတာ ယမဿ ရညော ပဌမဒေဝဒူတ သမနုယုဉ္ဇနာ ပကာသိတာ။

ဝိဿဇ္ဇနာ – တမေနံ ဘိက္ခဝေ ယမော ရာဇာ ပဌမံ ဒေဝဒူတံ သမနုယုဉ္ဇတိ သမနုဂါဟတိ သမနုဘာသတိ ‘‘အမ္ဘော ပုရိသ န တွံ အဒ္ဒသ မနုဿေသု ပဌမံ ဒေဝဒူတံ ပါတုဘူတ’’န္တိ ဧဝမာဒိနာ ဘန္တေ တတ္ထ ဘဂဝတာ ယမဿ ရညော ပဌမဒေဝဒူတသမနုယုဉ္ဇနာ ပကာသိတာ။

‘‘အမ္ဘော ပုရိသ န တွံ အဒ္ဒသ မနုဿေသု ပဌမံ ဒေဝဒူတံ ပါတုဘူတံ’’။

ဒုတိယ ဒေဝဒူတ

ပုစ္ဆာ – ကထံ ¶ ပနာဝုသော တတ္ထ ဘဂဝတာ ယမဿ ရညော ဒုတိယဒေဝဒူတ သမနုယုဉ္ဇနာ ပကာသိတာ။

ဝိဿဇ္ဇနာ – တမေနံ ဘိက္ခဝေ ယမော ရာဇာ ပဌမံ ဒေဝဒူတံ သမနုယုဉ္ဇိတွာ သမနုဂါဟိတွာ သမနုဘာသိတွာ ဒုတိယံ ဒေဝဒူတံ သမနုယုဉ္ဇတိ သမနုဂါဟတိ သမနုဘာသတိ ‘‘အမ္ဘော ပုရိသ န တွံ အဒ္ဒသ မနုဿေသု ဒုတိယံ ဒေဝဒူတံ ပါတုဘူတ’’န္တိ ဧဝမာဒိနာ ဘန္တေ တတ္ထ ဘဂဝတာ ယမဿ ရညော ဒုတိယာ ဒေဝဒူတသမနုယုဉ္ဇနာ ပကာသိတာ။

‘‘အမ္ဘော ¶ ပုရိသ န တွံ အဒ္ဒသ မနုဿေသု ဒုတိယ ဒေဝဒူတံ ပါတုဘူတံ’’။

‘‘အမ္ဘော ပုရိသ န တွံ အဒ္ဒသ မနုဿေသု ဣတ္ထီံ ဝါ ပုရိသံ ဝါ အာဗာဓိကံ ဒုက္ခိတံ ဗာဠှဂိလာနံ သကေ မုတ္တကရီသေ ပလိပန္နံ သေမာနံ အညေဟိ ဝုဋ္ဌာပိယမာနံ အညေဟိ သံဝေသိယမာနံ’’ –

တတိယ ဒေဝဒူတ

ပုစ္ဆာ – ကထံ ¶ ပနာဝုသော တတ္ထ ဘဂဝတာ ယမဿ ရညော တတိယဒေဝဒူတ သမနုယုဉ္ဇနာ ပကာသိတာ။

ဝိဿဇ္ဇနာ – တမေနံ ဘိက္ခဝေ ယမော ရာဇာ ဒုတိယံ ဒေဝဒူတံ သမနုယုဉ္ဇိတွာ သမနုဂါဟိတွာ သမနုဘာသိတွာ တတိယံ ဒေဝဒူတံ သမနုယုဉ္ဇတိ သမနုဂါဟတိ သမနုဘာသတိ ‘‘အမ္ဘော ပုရိသ နတွံ မနုဿေသု တတိယံ ဒေဝဒူတံ ပါတုဘူတန္တိ’’ ဧဝမာဒိနာ ဘန္တေ တတ္ထ ဘဂဝတာ ယမဿ ရညော တတိယာ ဒေဝဒူတသမနုယုဉ္ဇနာ ပကာသိတာ။

‘‘အမ္ဘော ပုရိသ န တွံ အဒ္ဒသ မနုဿေသု တတိယံ ဒေဝဒူတံ ပါတုဘူတံ’’။

‘‘အမ္ဘော ¶ ပုရိသ န တွံ အဒ္ဒသ မနုဿေသု ဣတ္ထိံ ဝါ ပုရိသံ ဝါ ဧကာဟမတံ ဝါ ဒွီဟမတံ ဝါ တီဟမတံ ဝါ ဥဒ္ဓုမာတကံ ဝိနီလကံ ဝိပုဗ္ဗကဇာတံ’’ –

‘‘နာသက္ခိဿံ ဘန္တေ ပမာဒဿံ ဘန္တေ’’ –

ပုစ္ဆာ – ကထံ ¶ ပနာဝုသော တတ္ထ ဘဂဝတာ နေရယိကဿ သတ္တဿ နိရယ ဒုက္ခပဋိသံဝေဒနာ ပကာသိတာ။

ဝိဿဇ္ဇနာ – တမေနံ ဘိက္ခဝေ ‘‘ယမော ရာဇာ တတိယံ ဒေဝဒူတံ သမနုယုဉ္ဇိတွာ သမနုဂါဟိတွာ သမနုဘာသိတွာ တုဏှီ ဟောတိ။ တမေနံ ဘိက္ခဝေ နိရယပါလာ ပဉ္စဝိဓဗန္ဓနံ နာမ ကာရဏံ ကရောန္တိ၊ တတ္တံ အယောခိလံ ဟတ္ထေ ဂမေန္တိ၊ တတ္တံ အယောခိလံ ဒုတိယသ္မိံ ဟတ္ထေ ဂမေန္တိ၊ တတ္တံ အယောခိလံ ပါဒေ ဂမေန္တိ၊ တတ္တံ အယောခိလံ ဒုတိယသ္မိံ ပါဒေ ဂမေန္တိ၊ တတ္တံ အယောခိလံ မဇ္ဈေဥရသ္မိံ ဂမေန္တိ။ သော တတ္ထ ဒုက္ခာ တိဗ္ဗာ ခရာ ကဋုကာ ဝေဒနာ ဝေဒယတိ၊ န စ တာဝ ကာလံ ကရောတိ၊ ယာဝ န တံ ပါပကမ္မံ ဗျန္တီဟောတီ’’တိ ဧဝမာဒိနာ ဘန္တေ တတ္ထ ဘဂဝတာ နေရယိကဿ နိရယဒုက္ခပဋိသံဝေဒနာ ပကာသိတာ။

သံဝေဇနီယကထာ

ပုစ္ဆာ – ကထံ ¶ ပနာဝုသော တတ္ထ ဘဂဝတာ သံဝေဇနီယကထာ ကထိတာ။

ဝိဿဇ္ဇနာ – ဘူတပုဗ္ဗံ ဘိက္ခဝေ ယမဿ ရညော ဧတဒဟောသိ ‘‘ယေ ကိရ ဘော လောကေ ပါပကာနိ ကမ္မာနိ ကရောန္တိ၊ တေ ဧဝရူပါ ဝိဝိဓာ ကမ္မကရဏာ ကရီယန္တိ၊ အဟောဝတာဟံ မနုဿတ္တံ လဘေယျံ၊ တထာဂတော စ လောကေ ဥပ္ပဇ္ဇေယျ အရဟံ သမ္မာသမ္ဗုဒ္ဓါ’’တိ ဧဝမာဒိနာ ဘန္တေ တတ္ထ ဘဂဝတာ သံဝေဇနီယကထာ ကထိတာ။

‘‘ယေ ¶ ကိရ ဘော လောကေ ပါပကာနိ ကမ္မာနိ ကရောန္တိ’’။

‘‘စောဒိတာ ¶ ဒေဝဒူတေဟိ၊ ယေ ပမဇ္ဇန္တိ မာဏဝါ၊

တေ ဒီဃရတ္တံ သောစန္တိ၊ ဟီနကာယူပဂါ နရာ။

ယေ စ ခေါ ဒေဝဒူတေဟိ၊ သန္တော သပ္ပုရိသာ ဣဓ၊

စောဒိတာ န ပမဇ္ဇန္တိ၊ အရိယဓမ္မေ ကုဒါစနံ။

ဥပါဒါနေ ဘယံ ဒိသွာ၊ ဇာတိမရဏသမ္ဘဝေ၊

အနုပါဒါ ဝိမုစ္စန္တိ၊ ဇာတိမရဏသင်္ခယေ။

တေ အပ္ပမတ္တာ သုခိနော၊ ဒိဋ္ဌဓမ္မာဘိနိဗ္ဗုတာ၊

သဗ္ဗဝေရဘယာတီတာ၊ သဗ္ဗဒုက္ခံ ဥပစ္စဂုံ’’ ဟု –

စတုမဟာရာဇသုတ္တ

ပုစ္ဆာ – တေနာဝုသော ဘဂဝတာ…ပေ… သမ္မာသမ္ဗုဒ္ဓေန အင်္ဂုတ္တရနိကာယေ တိကနိပါတေ ဒေဝဒူတဝဂ္ဂေ အဋ္ဌမံ စတုမဟာရာဇသုတ္တံ ကထံ ဘာသိတံ။

ဝိဿဇ္ဇနာ – အဋ္ဌမံ ဘန္တေ စတုမဟာရာဇသုတ္တံ ‘‘အဋ္ဌမိယံ ဘိက္ခဝေ ပက္ခဿ စတုန္နံ မဟာရာဇာနံ အမစ္စာ ပါရိသဇ္ဇာ ဣမံ လောကံ အနုဝိစရန္တိ ကစ္စိ ဗဟူ မနုဿာ မနုဿေသု မတ္တေယျာ ပေတ္တေယျာ သာမညာ ဗြဟ္မညာ ကုလေ ဇေဋ္ဌပစာယိနော၊ ဥပေါသထံ ဥပဝသန္တိ ပဋိဇာဂရောန္တိ၊ ပုညာနိ ကရောန္တီ’’တိ ဧဝမာဒိနာ ဘဂဝတာ ဘာသိတံ။

အပ္ပကာ ¶ ခေါ မာရိသာ မနုဿာ မနုဿေသု မတ္တေယျာ ပေတ္တေယျာ သာမညာ ဗြဟ္မညာ ကုလေ ဇေဋ္ဌပစာယိနော၊ ဥပေါသထံ ဥပဝသန္တိ ပဋိဇာဂရောန္တိ၊ ပုညာနိ ကရောန္တိ။

‘‘ဒိဗ္ဗာ ¶ ဝတ ဘော ကာယာ ပရိဟာယိဿန္တိ၊ ပရိပူရိဿန္တိ အသုရ ကာယာ’’ –

ဗဟူ ခေါ မာရိသာ မနုဿာ မနုဿေသု မတ္တေယျာ ပေတ္တေယျာ သာမညာ ဗြဟ္မညာ ကုလေ ဇေဋ္ဌပစာယိနော၊ ဥပေါသထံ ဥပဝသန္တိ ပဋိဇာဂရောန္တိ၊ ပုညာနိ ကရောန္တိ။

‘‘ဒိဗ္ဗာ ¶ ဝတ ဘော ကာယာ ပရိပူရိဿန္တိ၊ ပရိဟာယိဿန္တိ အသုရ ကာယာ’’ –

အာဓိပတေယျာသုတ္တ

ပုစ္ဆာ – တတ္ထေဝ အာဝုသော ဒသမံ အာဓိပတေယျသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – တတ္ထေဝ ဘန္တေ ဒသမံ အာဓိပတေယျသုတ္တံ ‘‘တီဏိမာနိ ဘိက္ခဝေ အာဓိပတေယျာနိ။ ကတမာနိ တီဏိ၊ အတ္တာဓိပတေယျံ လောကာဓိပတေယျံ ဓမ္မာဓိပတေယျံ။ ကတမဉ္စ ဘိက္ခဝေ အတ္တာဓိပတေယျံ၊ ဣဓ ဘိက္ခဝေ ဘိက္ခု အရညဂတော ဝါ ရုက္ခမူလဂတော ဝါ သုညာဂါရဂတော ဝါ ဣတိ ပဋိသဉ္စိက္ခတီ’’တိ ဧဝမာဒိနာ ဘဂဝတာ ဘာသိတံ။

ဗြာဟ္မဏဝဂ္ဂ၊ ပရိဗ္ဗာဇကသုတ္တ

ပုစ္ဆာ – ဗြာဟ္မဏဝဂ္ဂေ ¶ အာဝုသော စတုတ္ထံ ပရိဗ္ဗာဇကသုတ္တံ ဘဂဝတာ ကံ အာရဗ္ဘ ကိသ္မိံ ဝတ္ထုသ္မိံ ကထဉ္စ ဘာသိတံ။

ဝိဿဇ္ဇနာ – ဗြာဟ္မဏဝဂ္ဂေ ဘန္တေ စတုတ္ထံ ပရိဗ္ဗာဇကသုတ္တံ အညတရံ ဗြာဟ္မဏ ပရိဗ္ဗာဇကံ အာရဗ္ဘ ဘာသိတံ။ အညတရော ဘန္တေ ဗြာဟ္မဏပရိဗ္ဗာဇကော ဘဂဝန္တံ ဧတဒဝေါစ ‘‘သန္နိဋ္ဌိကော ဓမ္မော သန္ဒိဋ္ဌိကော ဓမ္မောတိ ဘော ဂေါတမ ဝုစ္စတိ၊ ကိတ္တာဝတာနု ခေါ ဘော ဂေါတမ သန္ဒိဋ္ဌိကော ဓမ္မော ဟောတိ အကာလိကော ဧဟိပဿိကော ဩပနေယျိကော ပစ္စတ္တံ ဝေဒိတဗ္ဗော ဝိညူဟီ’’တိ။ တသ္မိံ ဘန္တေ ဝတ္ထုသ္မိံ ‘‘ရတ္တော ခေါ ဗြာဟ္မဏ ရာဂေန အဘိဘူတော ပရိယာဒိန္နစိတ္တော အတ္တဗျာဗာဓာယပိ စေတေတိ၊ ပရဗျာဗာဓာယပိ စေတေတိ၊ ဥဘယ ဗျာဗာဓာယပိ စေတေတိ၊ စေတသိကမ္ပိ ဒုက္ခံ ဒေါမနဿံ ပဋိသံဝေဒေတိ၊ ရာဂေ ပဟီနေ နေဝတ္တဗျာဗာဓာယပိ စေတေတိ၊ နပရဗျာဗာဓာယပိ စေတေတိ၊ နဥဘယဗျာဗာဓာယပိ စေတေတိ၊ နစေတသိကံ ဒုက္ခံ ဒေါမနဿံ ပဋိသံဝေဒေတီ’’တိ ဧဝမာဒိနာ ဘဂဝတာ ဘာသိတံ။

ဝစ္ဆဂေါတ္တသုတ္တ

ပုစ္ဆာ – တတ္ထေဝ ¶ အာဝုသော သတ္တမံ ဝစ္ဆဂေါတ္တသုတ္တံ ဘဂဝတာ ကံ အာရဗ္ဘ ကိသ္မိံ ဝတ္ထုသ္မိံ ကထဉ္စ ဘာသိတံ။

ဝိဿဇ္ဇနာ – သတ္တမံ ဘန္တေ ဝစ္ဆဂေါတ္တသုတ္တံ ဝစ္ဆဂေါတ္တံ ပရိဗ္ဗာဇကံ အာရဗ္ဘ ဘာသိတံ။ ဝစ္ဆဂေါတ္တော ဘန္တေ ပရိဗ္ဗာဇကော ဘဂဝန္တံ ဧတဒဝေါစ ‘‘သုတံ မေတံ ဘော ဂေါတမ သမဏော ဂေါတမော ဧဝမာဟ ‘‘မယှမေဝ ဒါနံ ဒါတဗ္ဗံ၊ နာညေသံ ဒါနံ ဒါတဗ္ဗ။ (ပေယျာလ) အနဗ္ဘက္ခာ တုကာမာဟိ မယံ ဘဝန္တံ ဂေါတမ’’န္တိ။ တသ္မိံ ဘန္တေ ဝတ္ထုသ္မိံ ‘‘ယေ တေ ဝစ္ဆ ဧဝမာဟံသု သမဏော ဂေါတမော ဧဝမာဟ မယှမေဝ ဒါနံ ဒါတဗ္ဗံ၊ နာညေသံ ဒါတဗ္ဗ’’န္တိ ဧဝမာဒိနာ ဘဂဝတာ ဘာသိတံ။

သင်္ဂါရဝသုတ္တ

ပုစ္ဆာ – တတ္ထေဝ ¶ အာဝုသော ဒသမံ သင်္ဂါရဝသုတ္တံ ဘဂဝတာ ကံ အာရဗ္ဘ ကိသ္မိံ ဝတ္ထုသ္မိံ ကထဉ္စ ဘာသိတံ။

ဝိဿဇ္ဇနာ – ဒသမံ ¶ ဘန္တေ သင်္ဂါရဝသုတ္တံ သင်္ဂါရဝံ ဗြာဟ္မဏံ အာရဗ္ဘ ဘာသိတံ။ သင်္ဂါရဝေါ ဘန္တေ ဗြာဟ္မဏော ဘဂဝန္တံ ဧတဒဝေါစ ‘‘မယမဿု ဘော ဂေါတမ ဗြာဟ္မဏာ နာမ ယညံ ယဇာမပိ ယဇာပေမပိ၊ တတြ ဘော ဂေါတမ ယော စေဝ ယဇတိ ယော စ ယဇာပေတိ၊ သဗ္ဗေ တေ အနေကသာရီရိကံ ပုညပ္ပဋိပဒံ ပဋိပန္နာ ဟောန္တိ၊ ယဒိဒံ ယညာဓိကရဏံ၊ ယောပနာယံ ဘော ဂေါတမ ယဿ ဝါ ကုလာ အဂါရသ္မာ အနဂါရိယံ ပဗ္ဗဇိတော ဧကမတ္တာနံ ဒမေတိ၊ ဧကမတ္တာနံ သမေတိ၊ ဧကမတ္တာနံ ပရိနိဗ္ဗာပေတိ၊ ဧဝမဿာယံ ဧကသာရီရိကံ ပုညပ္ပဋိပဒံ ပဋိပန္နော ဟောတိ၊ ယဒိဒံ ပဗ္ဗဇ္ဇာဓိကရဏ’’န္တိ။ တသ္မိံ ဘန္တေ ဝတ္ထုသ္မိံ ‘‘တေနဟိ ဗြာဟ္မဏ တညေဝေတ္ထ ပဋိပုစ္ဆိဿာမိ၊ ယထာ တေ ခမေယျ၊ တထာ နံ ဗျာကရေယျာသီ’’တိ ဧဝမာဒိနာ ဘဂဝတာ ဘာသိတံ။

‘‘ဣစ္စာယပိ ¶ ဘော ဂေါတမ ဧဝံ ဘန္တေ အနေကသာရီရိကာ ပုညပ္ပဋိပဒါ ဟောတိ’’ –

ပုစ္ဆာ – တတ္ထေဝ အာဝုသော ဒုတိယ အနုသန္ဓိမှိ ဘဂဝတာ ကီဒိသီ ဓမ္မဒေသနာ ဒေသိတာ။

ဝိဿဇ္ဇနာ – တတ္ထေဝ ဘန္တေ ဒုတိယေ အနုသန္ဓိမှိ တိဝိဓာ ပါဋိဟာရိယာ ပဋိသံယုတ္တာ ဓမ္မဒေသနာ ဘဂဝတာ ဒေသိတာ။

‘‘သေယျထာပိ ¶ ဘဝံ ဂေါတမော ဘဝဉ္စာနန္ဒော၊ ဧတေ မေ ပုဇ္ဇာ ဧတေ မေ ပါသံသာ’’ –

‘‘သေယျထာပိ ဘဝံ ဂေါတမော ဘဝဉ္စာနန္ဒော၊ ဧတေ မေ ပုဇ္ဇာ ဧတေ မေ ပါသံသာ’’ –

မဟာဝဂ္ဂ၊ ဝေနာဂပုရသုတ္တ

ပုစ္ဆာ – တေနာဝုသော ¶ ဘဂဝတာ…ပေ… သမ္မာသမ္ဗုဒ္ဓေန အင်္ဂုတ္တရနိကာယေ တိကနိမာတေ မဟာဝဂ္ဂေ တတိယံ ဝေနာဂပုရသုတ္တံ ကတ္ထ ကံ အာရဗ္ဘ ကိသ္မိံ ဝတ္ထုသ္မိံ ကထဉ္စ ဘာသိတံ။

ဝိဿဇ္ဇနာ – ကောသလေသု ဘန္တေ ဝေနာဂပုရေ နာမ ဗြာဟ္မဏာနံ ဂါမေ ဝေနာဂပုရိကံ ဝစ္ဆဂေါတ္တံ ဗြာဟ္မဏံ အာရဗ္ဘ ဘာသိတံ။ ဝေနာဂပုရိကော ဘန္တေ ဝစ္ဆဂေါတ္တော ဗြာဟ္မဏော ဘဂဝန္တံ ဧတဒဝေါစ ‘‘အစ္ဆရိယံ ဘော ဂေါတမ၊ အဗ္ဘုတံ ဘော ဂေါတမ၊ ယာဝဉ္စိဒံ ဘောတော ဂေါတမဿ ဝိပ္ပသန္နာနိ ဣန္ဒြိယာနိ၊ ပရိသုဒ္ဓါ ဆဝိဝဏ္ဏော ပရိယောဒါတော (ပေယျာလ) ဧဝရူပါနံ နူန ဘဝံ ဂေါတမော ဥစ္စာသယန မဟာသယနာနံ နိကာမလာဘီ အကိစ္ဆလာဘီ’’တိ။ တသ္မိံ ဘန္တေ ဝတ္ထုသ္မိံ ‘‘ယာနိ ခေါ ပန တာနိ ဗြာဟ္မဏ ဥစ္စာသယန မဟာသယနာနိ။ သေယျထိဒံ၊ အာသန္ဒိ ပလ္လင်္ကော ဂေါနကော စိတ္တကော ¶ ပဋိကာ ပဋလိကာ တူလိကာ ဝိကတိကာ ဥဒ္ဒလောမီ ဧကန္တလောမီ ကဋ္ဋိဿံ ကောသေယျံ ကုဋ္ဋကံ ဟတ္ထတ္ထရံ အဿတ္ထရံ ရထတ္ထရံ အဇိနပ္ပဝေဏီ ကဒလိမိဂပဝရပစ္စတ္ထရဏံ သဥတ္တရစ္ဆဒံ ဥဘတောလောဟိတကူပဓာနံ။ ဒုလ္လဘာနိ တာနိ ပဗ္ဗဇိတာနံ၊ လဒ္ဓါ စ ပန နကပ္ပန္တီ’’တိ ဧဝမာဒိနာ ဘဂဝတာ ဘာသိတံ။

‘‘အစ္ဆရိယံ ဘော ဂေါတမ အဗ္ဘုတံ ဘော ဂေါတမ’’။

ဒိဗ္ဗ ဥစ္စာသယနမဟာသယန

ပုစ္ဆာ – ကထဉ္စာဝုသော ¶ တတ္ထ ဘဂဝတာ ဒိဗ္ဗံ ဥစ္စာသယနမဟာသယနံ ဒေသိတံ။

ဝိဿဇ္ဇနာ – ဣဓာဟံ ဗြာဟ္မဏ ယံ ဂါမံ ဝါ နိဂမံ ဝါ ဥပနိဿာယ ဝိဟရာမိ၊ သော ပုဗ္ဗဏှသမယံ နိဝါသေတွာ ပတ္တစီဝရမာဒါယ တမေဝ ဂါမံ ဝါ နိဂမံ ဝါ ပိဏ္ဍာယ ပဝိသာမိ၊ သော ပစ္ဆာဘတ္တံ ပိဏ္ဍပါတပဋိက္ကန္တော ဝနန္တညေဝ ပဝိသာမီတိ ဧဝမာဒိနာ ဘန္တေ တတ္ထ ဘဂဝတာ ဒိဗ္ဗံ ဥစ္စာသယနမဟာသယနံ ဒေသိတံ။

ဗြဟ္မ ဥစ္စာသယနမဟာသယန

ပုစ္ဆာ – ကထဉ္စာဝုသော တတ္ထ ဘဂဝတာ ဗြဟ္မံ ဥစ္စာသယနမဟာသယနံ ဒေသိတံ။

ဝိဿဇ္ဇနာ – ဣဓာဟံ ဗြာဟ္မဏံ ယံ ဂါမံ ဝါ နိဂမံ ဝါ ဥပနိဿာယ ဝိဟရာမိ၊ သော ပုဗ္ဗဏှသမယံ နိဝါသေတွာ ပတ္တစီဝရမာဒါယ တမေဝ ဂါမံ ဝါ နိဂမံ ¶ ဝါ ပိဏ္ဍာယ ပဝိသာမီတိ ဧဝမာဒိနာ ဘန္တေ တတ္ထ ဘဂဝတာ ဗြဟ္မဥစ္စာသယနမဟာသယနံ ဒေသိတံ။

ကတမံ ပန တံ ဘော ဂေါတမ ဗြဟ္မဥစ္စာသယနမဟာသယနံ။

အရိယ ဥစ္စာသယနမဟာသယန

ပုစ္ဆာ – ကထဉ္စာဝုသော ¶ တတ္ထ ဘဂဝတာ အရိယံ ဥစ္စာသယနမဟာသယနံ ဒေသိတံ။

ဝိဿဇ္ဇနာ – ဣဓာဟံ ¶ ဗြာဟ္မဏ ယံ ဂါမံ ဝါ နိဂမံ ဝါ ဥပနိဿာယ ဝိဟရာမိ၊ သော ပုဗ္ဗဏှသမယံ နိဝါသေတွာ ပတ္တစီဝရမာဒါယ တမေဝ ဂါမံ ဝါ နိဂမံ ဝါ ပိဏ္ဍာယ ပဝိသာမိ။ သော ပစ္ဆာဘတ္တံ ပိဏ္ဍပါတ ပဋိက္ကန္တော ဝနန္တညေဝ ပဝိသာမီတိ ဧဝမာဒိနာ ဘန္တေ တတ္ထ ဘဂဝတာ အရိယံ ဥစ္စာသယနမဟာသယနံ ဒေသိတံ။

ပုစ္ဆာ – တတ္ထေဝ ¶ အာဝုသော မဟာဝဂ္ဂေ ပဉ္စမံ ကေသမုတ္တိသုတ္တံ ဘဂဝတာ ကတ္ထ ကံ အာရဗ္ဘ ကိသ္မိံ ဝတ္ထုသ္မိံ ကထဉ္စ ဘာသိတံ။

ဝိဿဇ္ဇနာ – ကောသလေသု ဘန္တေ ကေသမုတ္တေနာမ ကာလာမာနံ နိဂမေ ကေသမုတ္တိယေ ကာလာမေ အာရဗ္ဘ ဘာသိတံ။ ကေသမုတ္တိယာ ဘန္တေ ကာလာမာ ဘဂဝန္တံ ဧတဒဝေါစုံ ‘‘သန္တိ ဘန္တေ ဧကေ သမဏ ဗြာဟ္မဏာ ကေသမုတ္တံ အာဂစ္ဆန္တိ၊ တေ သကံယေဝ ဝါဒံ ဒီပေန္တိ၊ ဇောတေန္တိ၊ ပရပ္ပဝါဒံ ပန ခုံသေန္တိ ဝမ္ဘေန္တိ ပရိဘဝန္တိ၊ ဩမက္ခိံ ကရောန္တိ၊ အပရေပိ ဘန္တေ ဧကေ သမဏဗြာဟ္မဏာ ကေသမုတ္တံ အာဂစ္ဆန္တိ၊ တေပိ သကံယေဝ ဝါဒံ ဒီပေန္တိ ဇောတေန္တိ၊ ပရပ္ပဝါဒံ ပန ခုံသေန္တိ ဝမ္ဘေန္တိ ပရိဘဝန္တိ၊ ဩမက္ခိံ ကရောန္တိ။ တေသံ နော ဘန္တေ အမှာကံ ဟောတေဝ ကင်္ခါ၊ ဟောတိ ဝိစိကိစ္ဆာ ကော သု နာမ ဣမေသံ ဘဝတံ သမဏဗြာဟ္မဏာနံ သစ္စံ အာဟ၊ ကော မုသာ’’တိ။ တသ္မိံ ဘန္တေ ဝတ္ထုသ္မိံ ‘‘အလဉှိ ဝေါ ကာလာမာ ကင်္ခိတုံ အလံ ဝိစိကိစ္ဆိတုံ၊ ကင်္ခီယေဝ ပန ဝေါ ဌာနေ ဝိစိကိစ္ဆာ ဥပ္ပန္နာ’’တိ ဧဝ မာဒိနာ ဘဂဝတာ ဘာသိတံ။

ဥပေါသတသုတ္တ

ပုစ္ဆာ – တေနာဝုသော ¶ ဘဂဝတာ…ပေ… သမ္မာသမ္ဗုဒ္ဓေန အင်္ဂုတ္တရနိကာယေ တိကနိပါတေ မဟာဝဂ္ဂေ ဒသမံ ဥပေါသထသုတ္တံ ကတ္ထ ကံ အာရဗ္ဘ ကထဉ္စ ဘာသိတံ။

ဝိဿဇ္ဇနာ – သာဝတ္ထိယံ ဘန္တေ ဝိသာခံ မိဂါရမာတရံ အာရဗ္ဘ ‘‘တယော ခေါ မေ ဝိသာခေ ဥပေါသထာ။ ကတမေ တယော။ ဂေါပါလကုပေါသထော နိဂဏ္ဌုပေါသထော အရိယုပေါသထော’’တိ ဧဝံ ခေါ ဘဂဝတာ ဘာသိတံ။

ဟန္ဒ ကုတော နု တွံ ဝိသာခေ အာဂစ္ဆသိ ဒိဝါ ဒိဝဿ။

‘‘တယော ¶ ခေါ မေ ဝိသာခေ ဥပေါသထာ။ ကတမေ တယော၊ ဂေါပါလကုပေါသထော နိဂဏ္ဌုပေါသထော အရိယုပေါသထော’’ –

ဂေါပါလကဥပုဂ္ဂလ

ပုစ္ဆာ – ကထဉ္စာဝုသော တတ္ထ ဘဂဝတာ ဂေါပါလကုပေါသထော ပကာသိတော။

ဝိဿဇ္ဇနာ – ကထဉ္စ ဝိသာခေ ဂေါပါလကုပေါသထော ဟောတိ၊ သေယျထာပိ ဝိသာခေ ဂေါပါလကော သာယနှသမယေ သာမိကာနံ ဂါဝေါ နိယျာတေတွာ ဣတိ ပဋိသဉ္စိက္ခတိ ‘‘အဇ္ဇ ခေါ ဂါဝေါ အမုကသ္မိဉ္စ အမုကသ္မိဉ္စ ပဒေသေ စရိံသု၊ အမုကသ္မိဉ္စ အမုကသ္မိဉ္စ ပဒေသေ ပါနီယာနိ ပိဝိံသု။

သွေ ¶ ဒါနိ ဂါဝေါ အမုကသ္မိဉ္စ အမုကသ္မိဉ္စ ပဒေသေ စရိဿန္တိ၊ အမုကသ္မိဉ္စ အမုကသ္မိဉ္စ ပဒေသေ ပါနီယာနိ ပိဝိဿန္တီ’’တိ ဧဝမာဒိနာ ဘန္တေ တတ္ထ ဘဂဝတာ ဂေါပါလကုပေါသထော ပကာသိတော။

နိဂဏ္ဌဥပုဂ္ဂလ

ပုစ္ဆာ – ကထဉ္စာဝုသော ¶ တတ္ထ ဘဂဝတာ နိဂဏ္ဌုပေါသထော ပကာသိတော။

ဝိဿဇ္ဇနာ – ကထဉ္စ ဝိသာခေ နိဂဏ္ဌုပေါသထော ဟောတိ၊ အတ္ထိ ဝိသာခေ နိဂဏ္ဌာနာမ သမဏဇာတိကာ၊ တေ သာဝကံ ဧဝံ သမာဒပေန္တိ၊ ‘‘ဧဟိတွံ အမ္ဘောပုရိသ ယေ ပုရတ္ထိမာယ ဒိသာယ ပါဏာ ပရံ ယောဇနသတံ၊ တေသု ဒဏ္ဍံ နိက္ခိပါဟိ၊ ယေ ပစ္ဆိမာယ ဒိသာယ။ ယေ ဥတ္တရာယ ဒိသာယ။ ယေ ဒက္ခိဏာယ ဒိသာယ ပါဏာ ပရံ ယောဇနသတံ၊ တေသု ဒဏ္ဍံ နိက္ခိပါဟီ’’တိ ဧဝမာဒိနာ ဘန္တေ တတ္ထ ဘဂဝတာ နိဂဏ္ဌုပေါသထော ပကာသိတော။

ဧဟိ ¶ တွံ အမ္ဘော ပုရိသ။

ဧဟိ တွံ အမ္ဘော ပုရိသ သဗ္ဗစေလာနိ နိက္ခိပိတွာ ဧဝံ ဝဒေဟိ။

နာဟံ ¶ ကွစနိ ကဿစိ ကိဉ္စနတသ္မိံ၊ န စ မမ ကွစနိ ကတ္ထစိ ကိဉ္စန တတ္ထိ။

အရိယာ ဥပေါသထော

ပုစ္ဆာ – ကထဉ္စာဝုသော ¶ တတ္ထ ဘဂဝတာ အရိယုပေါသထော ဝိတ္ထာရေန ဝိဘဇိတွာ ပကာသိတော။

ဝိဿဇ္ဇနာ – ကထဉ္စ ဝိသာခေ အရိယုပေါသထော ဟောတိ၊ ဥပက္ကိလိဋ္ဌဿ ဝိသာခေ စိတ္တဿ ဥပက္ကမေန ပရိယောဒပနာ ဟောတိ။ ကထဉ္စ ဝိသာခေ ဥပက္ကိလိဋ္ဌဿ စိတ္တဿ ဥပက္ကမေန ပရိယောဒပနာ ဟောတိ။ ဣဓ ဝိသာခေ အရိယသာဝကော တထာဂတံ အနုဿရတိ ‘‘ဣတိပိ သော ဘဂဝါ အရဟံ သမ္မာသမ္ဗုဒ္ဓါ ဝိဇ္ဇာစရဏသမ္ပန္နော သုဂတော လောကဝိဒူ အနုတ္တရော ပုရိသဒမ္မသာရထိ သတ္ထာ ဒေဝမနုဿာနံ ဗုဒ္ဓါ ဘဂဝါ’’တိ။ တဿ တထာဂတံ အနုဿရတော စိတ္တံ ပသီဒတိ၊ ပါမောဇ္ဇံ ဥပ္ပဇ္ဇတိ၊ ယေ စိတ္တဿ ဥပက္ကိလေသာ တေ ပဟီယန္တီတိ ဧဝမာဒိနာ ဘန္တေ တတ္ထ ဘဂဝတာ အရိယော ဥပေါသထော ဝိတ္ထာရေတွာ ပကာသိတော။

ပုစ္ဆာ – ဧဝံ ¶ ဥပဝုတ္ထဿ ပန အာဝုသော အရိယုပေါသထဿ ကထံ မဟပ္ဖလတာ မဟာနိသံသတာ ဝုတ္တာ ဘဂဝတာ။

ဝိဿဇ္ဇနာ – ကီဝမဟပ္ဖလာ ဟောတိ၊ ကီဝမဟာနိသံသော၊ ကီဝမဟာဇုတိကော၊ ကီဝမဟာဝိပ္ဖာရော၊ သေယျထာပိ ဝိသာခေ ယော ဣမေသံ သောဠသန္နံ မဟာဇနပဒါနံ ပဟူတရတ္တဇနပဒါနံ ဣဿရိယာဓိပစ္စံ ရဇ္ဇံ ကာရေယျ၊ သေယျထိဒံ ‘‘အင်္ဂါနံ မဂဓာနံ ကာသီနံ ကောသလာနံ ဝဇ္ဇီနံ မလ္လာနံ စေတီနံ ဝင်္ဂါနံ ကုရူနံ ပဉ္စာလာနံ မစ္ဆာနံ သူရသေနာနံ အဿကာနံ အဝန္တီနံ ဂန္ဓာရာနံ ကမ္ဗောဇာနံ၊ အဋ္ဌင်္ဂသမန္နာဂတဿ ဥပေါသထဿ ဧတံ ကလံ နာဂ္ဃတိ သောဠသိ’’န္တိ ဧဝမာဒိနာ ဘန္တေ တတ္ထ ဘဂဝတာ ဧဝံ ဥပဝုတ္ထဿ အရိယုပေါသထဿ မဟပ္ဖလတာ မဟာနိသံသတာ ဝုတ္တာ။

အာနန္ဒဝဂ္ဂ

အာဇီဝကသုတ္တ

ပုစ္ဆာ – အင်္ဂုတ္တရနိကာယေ ¶ အာဝုသော တိကနိပါတေ အာနန္ဒဝဂ္ဂေ ဒုတိယံ အာဇီဝကသုတ္တံ ကတ္ထ ကံ အာရဗ္ဘ ကိသ္မိံ ဝတ္ထုသ္မိံ ကေန ကထဉ္စ ဘာသိတံ။

ဝိဿဇ္ဇနာ – ကောသမ္ဗိယံ ဘန္တေ အညတရံ အာဇီဝကသာဝကံ ဂဟပတိံ အာရဗ္ဘ အာယသ္မတာ အာနန္ဒတ္ထေရေန ဓမ္မဘဏ္ဍာဂါရိကေန ဘာသိတံ။ အညတရော ဘန္တေ အာဇီဝကသာဝကော ဂဟပတိ အာယသ္မန္တံ အာနန္ဒံ ဧတဒဝေါစ ‘‘ကေသံ နော ဘန္တေ အာနန္ဒ ဓမ္မော သွာက္ခာတော၊ ကေ လောကေ သုပ္ပဋိပန္နာ၊ ကေ လောကေ သုကတာ’’တိ။ တသ္မိံ ဘန္တေ ဝတ္ထုသ္မိံ ‘‘တေန ဟိ ဂဟပတိ တညေဝေတ္ထ ပဋိပုစ္ဆိဿာမိ၊ ယထာ တေ ခမေယျ၊ တထာ နံ ဗျာကရေယျာသီ’’တိ ဧဝမာဒိနာ အာယသ္မတာ အာနန္ဒတ္ထေရေန ဓမ္မဘဏ္ဍာဂါရိကေန ဘာသိတံ။

‘‘ကေသံ ¶ နော ဘန္တေ အာနန္ဒ ဓမ္မော သွာက္ခာတော၊ ကေ လောကေ သုပ္ပဋိပန္နာ၊ ကေ လောကေ သုကတာ’’။

‘‘တံ ¶ ကိံ မညသိ ဂဟပတိ’’ –

‘‘ဣတိ ¶ ခေါ ဂဟပတိ တယာဝေတံ ဗျာကတံ’’ –

‘‘အဘိက္ကန္တံ ¶ ဘန္တေ၊ အဘိက္ကန္တံ ဘန္တေ၊ သေယျထာပိ ဘန္တေ နိက္ကုဇ္ဇိတံ ဝါ ဥက္ကုဇ္ဇေယျ’’ –

ဂန္ဓဇာတသုတ္တ

ပုစ္ဆာ – တတ္ထေဝ ¶ အာဝုသော နဝမံ ဂန္ဓဇာတသုတ္တံ ဘဂဝတာ ကံ အာရဗ္ဘ ကိသ္မိံ ဝတ္ထုသ္မိံ ကထဉ္စ ဘာသိတံ။

ဝိဿဇ္ဇနာ – အာယသ္မန္တံ ဘန္တေ အာနန္ဒံ အာရဗ္ဘ ဘာသိတံ။ အာယသ္မာ ဘန္တေ အာနန္ဒော ဘဂဝန္တံ ဧတဒဝေါစ ‘‘တီဏိမာနိ ဘန္တေ ဂန္ဓဇာတာနိ၊ ယေသံ အနုဝါတံယေဝ ဂန္ဓော ဂစ္ဆတိ နော ပဋိဝါတံ…ပေ… အတ္ထိ နု ခေါ ဘန္တေ ကိဉ္စိ ဂန္ဓဇာတံ၊ ယဿ အနုဝါတမ္ပိ ဂန္ဓော ဂစ္ဆတိ ပဋိဝါတမ္ပိ ဂန္ဓော ဂစ္ဆတိ၊ အနုဝါတပဋိဝါတမ္ပိ ဂန္ဓော ဂစ္ဆတီ’’တိ။ တသ္မိံ ဘန္တေ ဝတ္ထုသ္မိံ ‘‘အတ္ထာနန္ဒ ကိဉ္စိ ဂန္ဓဇာတံ၊ ယဿ အနုဝါတမ္ပိ ဂန္ဓော ဂစ္ဆတိ၊ ပဋိဝါတမ္ပိ ဂန္ဓော ဂစ္ဆတိ၊ အနုဝါတပဋိဝါတမ္ပိ ဂန္ဓော ဂစ္ဆတီ’’တိ ဧဝမာဒိနာ ဘဂဝတာ ဘာသိတံ။

န ¶ ပုပ္ဖဂန္ဓော ပဋိဝါတမေတိ၊

န စန္ဒနံ တဂရမလ္လိကာ ဝါ၊

သတဉ္စ ဂန္ဓော ပဋိဝါတမေတိ၊

သဗ္ဗာ ဒိသာ သပ္ပုရိသော ပဝါယတိ၊

ဂဒြဘသုတ္တ

ပုစ္ဆာ – သမဏဝဂ္ဂေ ¶ အာဝုသော ဒုတိယံ ဂဒြဘသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – သမဏဝဂ္ဂေ ဘန္တေ ဒုတိယံ ဂဒြဘသုတ္တံ ‘‘သေယျထာပိ ဘိက္ခဝေ ဂဒြဘော ဂေါဂဏံ ပိဋ္ဌိတော ပိဋ္ဌိတော အနုဗန္ဓော ဟောတိ ‘အဟမ္ပိ ဒမ္မော အဟမ္ပိ ဒမ္မော’တိ၊ တဿ န တာဒိသော ဝဏ္ဏော ဟောတိ သေယျထာပိ ဂုန္နံ၊ န တာဒိသော သရော ဟောတိ သေယျထာပိ ဂုန္နံ၊ န တာဒိသံ ပဒံ ဟောတိ သေယျထာပိ ဂုန္နံ၊ သော ဂေါဂဏံယေဝ ပိဋ္ဌိတော ပိဋ္ဌိတော အနုဗန္ဓော ဟောတိ အဟမ္ပိ ဒမ္မော အဟမ္ပိ ဒမ္မော’’တိ ဧဝမာဒိနာ ဘဂဝတာ ဘာသိတံ။

တသ္မာတိဟ ¶ ဘိက္ခဝေ ဧဝံ သိက္ခိတဗ္ဗံ။

‘‘တိဗ္ဗော နော ဆန္ဒော ဘဝိဿတိ အဓိသီလသိက္ခာသမာဒါနေ…ပေ… အဓိပညာသိက္ခာသမာဒါနေ’’ –

သင်္ကဝါသုတ္တ

ပုစ္ဆာ – တတ္ထေဝ ¶ အာဝုသော ဧကာဒသမံ သင်္ကဝါသုတ္တံ ဘဂဝတာ ကတ္ထ ကံ အာရဗ္ဘ ကိသ္မိံ ဝတ္ထုသ္မိံ ကထဉ္စ ဘာသိတံ။

ဝိဿဇ္ဇနာ – ကောသလေသု ဘန္တေ သင်္ကဝါယံ နာမ ကောသလာနံ နိဂမေ ကဿပဂေါတ္တံ နာမ ဘိက္ခုံ အာရဗ္ဘ ဘာသိတံ။ ကဿပ ဂေါတ္တော ဘန္တေ ဘိက္ခု ဘဂဝတိ မနောပဒူသိတွာ ဘဂဝတော သန္တိကေ အစ္စယံ အစ္စယတော ဒေသေသိ။ တသ္မိံ ဘန္တေ ဝတ္ထုသ္မိံ ‘‘ထေရော စေပိ ကဿပ ဘိက္ခု န သိက္ခာကာမော န သိက္ခာသမာဒါနဿ ဝဏ္ဏဝါဒီ။ ယေ စညေ ဘိက္ခူ န သိက္ခာကာမာ၊ တေ စ န သိက္ခာယ သမာဒပေတိ၊ ယေ စညေ ဘိက္ခူ သိက္ခာကာမာ တေသဉ္စ န ဝဏ္ဏံ ဘဏတိ ဘူတံ တစ္ဆံ ကာလေနာ’’တိ ဧဝမာဒိနာ ဘဂဝတာ ဘာသိတံ။

လောဏကပလ္လဝဂ္ဂ

အစ္စာယိကသုတ္တ

ပုစ္ဆာ – တေနာဝုသော…ပေ… ¶ သမ္မာသမ္ဗုဒ္ဓေန အင်္ဂုတ္တရနိကာယေ တိကနိပါတေ လောဏကပလ္လဝဂ္ဂေ ပဌမံ အစ္စာယိကသုတ္တံ ကထံ ဘာသိတံ။

ဝိဿဇ္ဇနာ – လောဏကပလ္လဝဂ္ဂေ ဘန္တေ ပဌမံ အစ္စာယိကသုတ္တံ ‘‘တီဏိမာနိ ဘိက္ခဝေ ကဿကဿ ဂဟပတိဿ အစ္စာယိကာနိ ကရဏီယာနိ။ ကတမာနိ တီဏိ၊ ဣဓ ဘိက္ခဝေ ကဿကော ဂဟပတိ သီဃံ သီဃံ ခေတ္တံ သုကဋ္ဌံ ကရောတိ သုမတိကတံ။ သီဃံ သီဃံ ခေတ္တံ သုကဋ္ဌံ ကရိတွာ သုမတိကတံ သီဃံ သီဃံ ဗီဇာနိ ပတိဋ္ဌာပေတိ။ သီဃံ သီဃံ ဗီဇာနိ ¶ ပတိဋ္ဌာပေတွာ သီဃံ သီဃံ ဥဒကံ အဘိနေတိပိ အပနေတိပိ။ ဣမာနိ ခေါ ဘိက္ခဝေ တီဏိ ကဿကဿ ဂဟပတိဿ အစ္စာယိကာနိ ကရဏီယာနိ’’တိ ဧဝမာဒိနာ ဘန္တေ ဘဂဝတာ ဘာသိတံ။

သမ္ဗောဓဝဂ္ဂ

ရုဏ္ဏသုတ္တ

ပုစ္ဆာ – သမ္ဗောဓဝဂ္ဂေ ¶ ပနာဝုသော ပဉ္စမံ ရုဏ္ဏသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – သမ္ဗောဓဝဂ္ဂေ ဘန္တေ ပဉ္စမံ ရုဏ္ဏသုတ္တံ ‘‘ရုဏ္ဏမိဒံ ဘိက္ခဝေ အရိယဿ ဝိနယေ ယဒိဒံ ဂီတံ၊ ဥမ္မတ္တကမိဒံ ဘိက္ခဝေ အရိယဿ ဝိနယေ ယဒိဒံ နစ္စံ၊ ကောမာရကမိဒံ ဘိက္ခဝေ အရိယဿ ဝိနယေ ယဒိဒံ အတိဝေလံ ဒန္တဝိဒံသကဟသိတံ။ တသ္မာတိဟ ဘိက္ခဝေ သေတုဃာတော ဂီတေ သေတုဃာတော နစ္စေ၊ အလံ ဝေါ ဓမ္မပ္ပမောဒိတာနံ သတံ သိတံ သိတမတ္တာယာ’’တိ ဧဝံ ခေါ ဘန္တေ ဘဂဝတာ ဘာသိတံ။

အရက္ခီကသုတ္တ

ပုစ္ဆာ – တတ္ထေဝ ¶ အာဝုသော သတ္တမံ အရက္ခိတသုတ္တံ ဘဂဝတာ ကတ္ထ ကံ အာရဗ္ဘ ကထဉ္စ ဘာသိတံ။

ဝိဿဇ္ဇနာ – သာဝတ္ထိယံ ဘန္တေ အနာတပိဏ္ဍိကံ ဂဟပတိံ အာရဗ္ဘ ‘‘စိတ္တေ ဂဟပတိ အရက္ခိတေ ကာယကမ္မမ္ပိ အရက္ခိတံ ဟောတိ၊ ဝစီကမ္မမ္ပိ။ မနောကမ္မမ္ပိ အရက္ခိတံ ဟောတိ။ တဿ အရက္ခိတကာယကမ္မန္တဿ အရက္ခိတဝစီကမ္မန္တဿ အရက္ခိတမနောကမ္မန္တဿ ကာယကမ္မမ္ပိ အဝဿုတံ ¶ ဟောတိ၊ ဝစီကမ္မမ္ပိ အဝဿုတံ ဟောတိ၊ မနောကမ္မမ္ပိ အဝဿုတံ ဟောတီ’’တိ ဧဝမာဒိနာ ဘဂဝတာ ဘာသိတံ။

အာပါယိကဝဂ္ဂ

အပဏ္ဏကသုတ္တ

ပုစ္ဆာ – အာပါယိကဝဂ္ဂေ ¶ အာဝုသော ဆဋ္ဌံ အပဏ္ဏကသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – အာပါယိကဝဂ္ဂေ ဘန္တေ ဆဋ္ဌံ အပဏ္ဏကသုတ္တံ ‘‘တိဿော ဣမာ ဘိက္ခဝေ ဝိပတ္တိယော။ ကတမာ တိဿော သီလဝိပတ္တိ၊ စိတ္တဝိပတ္တိ၊ ဒိဋ္ဌိဝိပတ္တိ။ ကတမာ စ ဘိက္ခဝေ သီလဝိပတ္တိ၊ ဣဓ ဘိက္ခဝေ ဧကစ္စော ပါဏာတိပါတီ ဟောတိ…ပေ… သမ္ဖပ္ပလာပီ ဟောတိ။ အယံ ဝုစ္စတိ ဘိက္ခဝေ သီလဝိပတ္တီ’’တိ ဧဝမာဒိနာ ဘဂဝတာ ဘာသိတံ။

ကုသိနာရဝဂ္ဂ

ကုသိနာရသုတ္တ

ပုစ္ဆာ – ကုသိနာရဝဂ္ဂေ ¶ ပနာဝုသော ပဌမံ ကုသိနာရသုတ္တံ ဘဂဝတာ ကတ္ထ ကံ အာရဗ္ဘ ကထဉ္စ ဘာသိတံ။

ဝိဿဇ္ဇနာ – ကုသိနာရာယံ ဘန္တေ ဗလိဟရဏေ ဝနသဏ္ဍေ သမ္ဗဟုလေ ဘိက္ခူ အာရဗ္ဘ ‘‘ဣဓ ဘိက္ခဝေ ဘိက္ခု အညတရံ ဂါမံ ဝါ နိဂမံ ဝါ ဥပနိဿာယ ဝိဟရတိ၊ တမေနံ ဂဟပတိ ဝါ ဂဟပတိပုတ္တော ဝါ ဥပသင်္ကမိတွာ သွာတနာယ ဘတ္တေန နိမန္တေတီ’’တိ ဧဝမာဒိနာ ဘဂဝတာ ဘာသိတံ။

ဟတ္ထကသုတ္တ

ပုစ္ဆာ – တတ္ထေဝ ¶ အာဝုသော ပဉ္စမံ ဟတ္ထကသုတ္တံ ဘဂဝတာ ကတ္ထ ကေန သဒ္ဓိံ ကထဉ္စ ဘာသိတံ။

ဝိဿဇ္ဇနာ – သာဝတ္ထိယံ ဘန္တေ ဟတ္ထကေန ဒေဝပုတ္တေန သဒ္ဓိံ ‘‘ယေ တေ ဟတ္ထက ဓမ္မာ ပုဗ္ဗေ မနုဿဘူတဿ ပဝတ္တိနော အဟေသုံ၊ အပိနု တေ တေ ဓမ္မာ ဧတရဟိ ပဝတ္တိနော’’တိ ဧဝမာဒိနာ ဘဂဝတာ ဘာသိတံ။

အနုရုဒ္ဓသုတ္တ

ပုစ္ဆာ – တတ္ထေဝ ¶ အာဝုသော အဋ္ဌမံ အနုရုဒ္ဓသုတ္တံ ကံ အာရဗ္ဘ ကေန ကထဉ္စ ဘာသိတံ။

ဝိဿဇ္ဇနာ – အဋ္ဌမံ ဘန္တေ အနုရုဒ္ဓသုတ္တံ အာယသ္မန္တံ အနုရုဒ္ဓတ္ထေရံ အာရဗ္ဘ အာယသ္မတာ သာရိပုတ္တတ္ထေရေန ဓမ္မသေနာပတိနာ ‘‘ယံ ခေါ တေ အာဝုသော အနုရုဒ္ဓံ ဧဝံ ဟောတိ ‘အဟံ ဒိဗ္ဗေန စက္ခုနာ ဝိသုဒ္ဓေန အတိက္ကန္တမာနုသကေန သဟဿံ လောကံ ဝေါလောကေမီ’တိ၊ ဣဒံ တေ မာနသ္မိံ’’တိ ဧဝမာဒိနာ ဘာသိတံ။

‘‘သာဓု ¶ ဝတာယသ္မာ အနုရုဒ္ဓါ ဣမေ တယော ဓမ္မေ ပဟာယ ဣမေ တယော ဓမ္မေ အမနသိကရိတွာ အမတာယ ဓာတုယာ စိတ္တံ ဥပသံဟရတု’’ –

ကုသိနာရဝဂ္ဂ

ပဋိစ္ဆန္နသုတ္တ

ပုစ္ဆာ – တေနာဝုသော ¶ ဘဂဝတာ…ပေ… သမ္မာသမ္ဗုဒ္ဓေန အင်္ဂုတ္တရနိကာယေ တိကနိပါတေ ကုသိနာရဝဂ္ဂေ နဝမံ ပဋိစ္ဆန္နသုတ္တံ ကထံ ဘာသိတံ။

ဝိဿဇ္ဇနာ – နဝမံ ဘန္တေ ပဋိစ္ဆန္နသုတ္တံ ‘‘တီဏိမာနိ ဘိက္ခဝေ ပဋိစ္ဆန္နာနိ အာဝဟန္တိ နော ဝိဝဋာနိ။ ကတမာနိ တီဏိ၊ မာတုဂါမော ဘိက္ခဝေ ပဋိစ္ဆန္နော အာဝဟတိ နော ဝိဝဋော၊ ဗြာဟ္မဏာနံ ဘိက္ခဝေ မန္တာ ပဋိစ္ဆန္နာ အာဝဟန္တိ နော ဝိဝဋာ၊ မိစ္ဆာဒိဋ္ဌိ ဘိက္ခဝေ ပဋိစ္ဆန္နာ အာဝဟတိ နော ဝိဝဋာ။ ဣမာနိ ခေါ ဘိက္ခဝေ တီဏိ ပဋိစ္ဆန္နာနိ အာဝဟန္တိ နော ဝိဝဋာနီ’’တိ ဧဝမာဒိနာ ဘဂဝတာ ဘာသိတံ။

လေခသုတ္တ

ပုစ္ဆာ – တတ္ထေဝ ¶ အာဝုသော ဒသမံ လေခသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – ဒသမံ ဘန္တေ လေခသုတ္တံ ‘‘တယောမေ ဘိက္ခဝေ ပုဂ္ဂလာ သန္တော သံဝိဇ္ဇမာနာ လောကသ္မိံ။ ကတမေ တယော၊ ပါသာဏလေခူပမော ပုဂ္ဂလော ပထဝိလေခူပမော ပုဂ္ဂလော ဥဒကလေခူပမော ပုဂ္ဂလော။ ကတမော စ ဘိက္ခဝေ ပါသာဏ လေခူပမော ပုဂ္ဂလော၊ ဣဓ ဘိက္ခဝေ ဧကစ္စော ပုဂ္ဂလော အဘိဏှံ ကုဇ္ဈတိ၊ သော စ ခွဿ ကောဓော ဒီဃရတ္တံ အနုသေတိ။ သေယျထာပိ ဘိက္ခဝေ ပါသာဏလေခါ န ခိပ္ပံ လုဇ္ဇတိ ဝါတေန ဝါ ဥဒကေန ဝါ၊ စိရဋ္ဌိတိကာ ဟောတိ၊ ဧဝမေဝ ခေါ ဘိက္ခဝေ ဣဓေကစ္စော ပုဂ္ဂလော အဘိဏှံ ကုဇ္ဈတိ၊ သော စ ခွဿ ကောဓော ဒီဃရတ္တံ အနုသေတိ။ အယံ ဝုစ္စတိ ဘိက္ခဝေ ပါသာဏလေခူပမော ပုဂ္ဂလော’’တိ ဧဝမာဒိနာ ဘဂဝတာ ဘာသိတံ။

ယောဓာဇီဝဝဂ္ဂ

ကေသကမ္ဗလသုတ္တ

ပုစ္ဆာ – ယောဓာဇီဝဝဂ္ဂေ ¶ ပန အာဝုသော ပဉ္စမံ ကေသကမ္ဗလသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – ယောဓာဇီဝဝဂ္ဂေ ဘန္တေ ပဉ္စမံ ကေသကမ္ဗလသုတ္တံ ‘‘သေယျထာပိ ဘိက္ခဝေ ယာနိ ကာနိစိ တန္တာဝုတာနံ ဝတ္ထာနံ၊ ကေသကမ္ဗလော တေသံ ပဋိကိဋ္ဌော အက္ခာယတိ။ ကေသကမ္ဗလော ဘိက္ခဝေ သီတေ သီတော ဥဏှေ ဥဏှော ဒုဗ္ဗဏ္ဏော ဒုဂ္ဂန္ဓော ဒုက္ခသမ္ဖဿော။ ဧဝမေဝ ခေါ ဘိက္ခဝေ ယာနိကာနိစိ ပုထုသမဏဗြာဟ္မဏဝါဒါနံ၊ မက္ခလိဝါဒေါ တေသံ ပဋိကိဋ္ဌော အက္ခာယတီတိ ဧဝမာဒိနာ ဘဂဝတာ ဘာသိတံ။

မင်္ဂလဝဂ္ဂ

ဝန္ဒနာသုတ္တ

ပုစ္ဆာ – မင်္ဂလဝဂ္ဂေ ¶ ပနာဝုသော နဝမံ ဝန္ဒနာသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – မင်္ဂလဝဂ္ဂေ ဘန္တေ နဝမံ ဝန္ဒနာသုတ္တံ ‘‘တိဿော ဣမာ ဘိက္ခဝေ ဝန္ဒနာ။ ကတမာ တိဿော၊ ကာယေန ဝါစာယ မနသာ။ ဣမာ ခေါ ဘိက္ခဝေ တိဿော ဝန္ဒနာ’’တိ၊ ဧဝံ ခေါ ဘန္တေ ဘဂဝတာ ဘာသိတံ။

‘‘တိဿော ဣမာ ဘိက္ခဝေ ဝန္ဒနာ။ ကတမာ တိဿော၊ ကာယေန ဝါစာယ မနသာ။ ဣမာ ခေါ ဘိက္ခဝေ တိဿော ဝန္ဒနာ’’။

ပုဗ္ဗဏှသုတ္တ

ပုစ္ဆာ – တတ္ထော ¶ အာဝုသော ဒသမံ ပုဗ္ဗဏှသုတ္တံ ဘဂဝတာ ကထံ ဘာသိတံ။

ဝိဿဇ္ဇနာ – ဒသမံ ဘန္တေ ပုဗ္ဗဏှသုတ္တံ ‘‘ယေ ဘိက္ခဝေ သတ္တာ ပုဗ္ဗဏှသမယံ ကာယေန သုစရိတံ စရန္တိ၊ ဝါစာယ သုစရိတံ စရန္တိ၊ မနသာ သုစရိတံ စရန္တိ။ သုပုဗ္ဗဏှော ဘိက္ခဝေ တေသံ သတ္တာနံ။ ယေ ဘိက္ခဝေ သတ္တာ မဇ္ဈနှိကသမယံ…ပေ… သာယနှသမယံ ကာယေန သုစရိတံ စရန္တိ၊ ဝါစာယ သုစရိတံ စရန္တိ၊ မနသာ သုစရိတံ စရန္တိ။ သုသာယနှော ဘိက္ခဝေ တေသံ သတ္တာန’’န္တိ ဧဝမာဒိနာ ဘန္တေ ဘဂဝတာ ဘာသိတံ။

သုနက္ခတ္တံ ¶ သုမင်္ဂလံ၊ သုပ္ပဘာတံ သုဟုဋ္ဌိတံ၊

သုခဏော သုမုဟုတ္တော စ၊ သုယိဋ္ဌံ ဗြဟ္မစာရိသု။

ဘဏ္ဍဂါမဝဂ္ဂ

အနုဗုဒ္ဓသုတ္တ

ပုစ္ဆာ – စတုက္ကနိပါတေ ¶ ပန အာဝုသော ဘဏ္ဍဂါမဝဂ္ဂေ ပဌမံ အနုဗုဒ္ဓသုတ္တံ ဘဂဝတာ သတ္ထ ကံ အာရဗ္ဘ ကထဉ္စ ဘာသိတံ။

ဝိဿဇ္ဇနာ – ဝဇ္ဇီသု ဘန္တေ ဘဏ္ဍဂါမေ သမ္ဗဟုလေ ဘိက္ခူ အာရဗ္ဘ ‘‘စတုန္နံ ဘိက္ခဝေ ဓမ္မာနံ အနနုဗောဓာ အပ္ပဋိဝေဓာ ဧဝမိဒံ ဒီဃမဒ္ဓါနံ သန္ဓာဝိတံ သံသရိတံ မမဉ္စေဝ တုမှာကဉ္စ။ ကတမေသံ စတုန္နံ၊ အရိယဿ ဘိက္ခဝေ သီလဿ အနနုဗောဓာ အပ္ပဋိဝေဓာ ဧဝမိဒံ ဒီဃမဒ္ဓါနံ သန္ဓာဝိတံ သံသရိတံ မမဉ္စေဝ တုမှာကဉ္စ။ အရိယဿ ဘိက္ခဝေ သမာဓိဿ…။ အရိယာယ ဘိက္ခဝေ ပညာယ…။ အရိယာယ ဘိက္ခဝေ ဝိမုတ္တိယာ အနနုဗောဓာ အပ္ပဋိဝေဓာ ဧဝမိဒံ ဒီဃမဒ္ဓါနံ သန္ဓာဝိတံ သံသရိတံ မမဉ္စေဝ တုမှာကဉ္စာ’’တိ ဧဝမာဒိနာ ဘန္တေ ဘဂဝတာ ဘာသိတံ။

အပ္ပဿုတသုတ္တ

ပု – တတ္ထေဝ ¶ အာဝုသော ဆဋ္ဌံ အပ္ပဿုတသုတ္တံ ဘဂဝတာ ကထံ ဘာသိတံ။

ဝိ – တတ္ထ ဘန္တေ ဆဋ္ဌံ အပ္ပဿုတသုတ္တံ ‘‘စတ္တာရောမေ ဘိက္ခဝေ ပုဂ္ဂလာ သန္တော သံဝိဇ္ဇမာနာ လောကသ္မိံ။ ကတမေ စတ္တာရော၊ အပ္ပဿုတော သုတေန အနုပပန္နော၊ အပ္ပဿုတော သုတေန ဥပပန္နော၊ ဗဟုဿုတော သုတေန အနုပပန္နော၊ ဗဟုဿုတော သုတေန ဥပပန္နော’’တိ ဧဝမာဒိနာ ဘဂဝတာ ဘာသိတံ။

စရဝဂ္ဂ

စရသုတ္တ

ပု – စရဝဂ္ဂေ ¶ ပန အာဝုသော ပဌမံ စရသုတ္တံ ဘဂဝတာ ကထံ ဘာသိတံ။

ဝိ – စရဝဂ္ဂေ ဘန္တေ ပဌမံ စရသုတ္တံ ‘‘စရတော စေပိ ဘိက္ခဝေ ဘိက္ခုနော ဥပ္ပဇ္ဇတိ ကာမဝိတက္ကော ဝါ ဗျာပါဒဝိတက္ကော ဝါ ဝိဟိံသာဝိဘတ္တော ဝါ၊ တံ စေ ဘိက္ခု အဓိဝါသေတိ နပ္ပဇဟတိ န ဝိနောဒေတိ န ဗျန္တီကရောတိ န အနဘာဝံ ဂမေတီ’’တိ ဧဝမာဒိနာ ဘဂဝတာ ဘာသိတံ။

ဥရုဝေလဝဂ္ဂ

လောကသုတ္တ

ပု – တေနာဝုသော…ပေ… ¶ သမ္မာသမ္ဗုဒ္ဓေန အင်္ဂုတ္တရနိကာယေ စတုက္ကနိပါတေ ဥရုဝေလဝဂ္ဂေ တတိယံ လောကသုတ္တံ ကထံ ဘာသိတံ။

ဝိ – ဥရုဝေလဝဂ္ဂေ ဘန္တေ တတိယံ လောကသုတ္တံ ‘‘လောကော ဘိက္ခဝေ တထာဂတေန အဘိသမ္ဗုဒ္ဓါ၊ လောကသ္မာ တထာဂတော ဝိသံယုတ္တော၊ လောကသမုဒယော ဘိက္ခဝေ တထာဂတေန အဘိသမ္ဗုဒ္ဓါ၊ လောကသမုဒယော တထာဂတဿ ပဟီနော၊ လောကနိရောဓော ဘိက္ခဝေ တထာဂတေန အဘိသမ္ဗုဒ္ဓါ လောကနိရောဓော တထာဂတဿ သစ္ဆိကတော၊ လောကနိရောဓဂါမိနီ ပဋိပဒါ ဘိက္ခဝေ တထာဂတေန အဘိသမ္ဗုဒ္ဓါ၊ လောကနိရောဓဂါမိနိ ပဋိပဒါ တထာဂတဿ ဘာဝိတာ’’တိ ဧဝမာဒိနာ ဘန္တေ ဘဂဝတာ ဘာသိတံ။

ဒန္တော ¶ ဒမယတံ သေဋ္ဌော၊

သန္တော သမယတံ ဣသိ၊

မုတ္တော မောစယတံ အဂ္ဂေါ၊

တိဏ္ဏော တာရယတံ ဝရော–

သဗ္ဗံ လောကံ အဘိညာယ၊

သဗ္ဗံ လောကေ ယထာတထံ၊

သဗ္ဗံ လောကံ ဝိသံယုတ္တော၊

သဗ္ဗလောကေ အနူပယော။

သ ဝေ သဗ္ဗာဘိဘူ ဓီရော၊

သဗ္ဗဂန္ထပ္ပမောစနော၊

ပုဋ္ဌ’ဿ ပရမာ သန္တိ၊

နိဗ္ဗာနံ အကုတော ဘယံ။

ဧသ ခီဏာသဝေါ ဗုဒ္ဓါ၊

အနီဃော ဆိန္နသံသယော၊

သဗ္ဗကမ္မက္ခယံ ¶ ပတ္တော၊

ဝိမုတ္တော ဥပဓိသင်္ခယေ၊

ဧသ သော ဘဂဝါ ဗုဒ္ဓါ၊

ဧသ သီဟော အနုတ္တရော၊

သဒေဝကဿ လောကဿ၊

ဗြဟ္မစက္ကံ ပဝတ္တယီ။

ဣတိ ဒေဝါ မနုဿာ စ၊

ယေ ဗုဒ္ဓံ သရဏံ ဂတာ၊

သင်္ဂမ္မ တံ နမဿန္တိ၊

မဟန္တံ ဝီတသာရဒံ။

ဒန္တော ဒမယတံ သေဋ္ဌော၊

သန္တော သမယတံ ဣသိ၊

မုတ္တော မောစယတံ အဂ္ဂေါ၊

တိဏ္ဏော တာရယတံ ဝရော။

ဣတိ ဟေတံ နမဿန္တိ၊

မဟန္တံ ဝီတသာရဒံ၊

သဒေဝကသ္မိံ လောကသ္မိံ၊

နတ္ထိ မေ ပဋိပုဂ္ဂလော–

ဗြဟ္မစရိယသုတ္တ

ပု – တတ္ထေဝ အာဝုသော ပဉ္စမံ ဗြဟ္မစရိယသုတ္တံ ဘဂဝတာ ကထံ ဘာသိတံ။

ဝိ – ပဉ္စမံ ဘန္တေ ဗြဟ္မစရိယသုတ္တံ ‘‘နယိဒံ ဘိက္ခဝေ ဗြဟ္မစရိယံ ဝုဿတိ ဇနကုဟနတ္ထံ၊ န ဇနလပနတ္ထံ၊ န လာဘသက္ကာရသိလောကာနိသံသုတ္တံ ¶ ၊ န ဣတိဝါဒပ္ပမောက္ခာနိသံသတ္ထံ၊ န ‘ဣတိ မံ ဇနော ဇာနာတူ’တိ။ အထ ခေါ ဣဒံ ဘိက္ခဝေ ဗြဟ္မစရိယံ ဝုဿတိ သံဝရတ္ထံ ပဟာနတ္ထံ ဝိရာဂတ္ထံ နိရောဓတ္ထ’’န္တိ ဧဝမာဒိနာ ဘဂဝတာ ဘာသိတံ။

အရိယဝံသသုတ္တ

ပု – တတ္ထေဝ ¶ အာဝုသော အဋ္ဌမံ အရိယဝံသသုတ္တံ ဘဂဝတာ ကထံ ဘာသိတံ။

ဝိ – တတ္ထေဝ ဘန္တေ အဋ္ဌမံ အရိယဝံသသုတ္တံ ‘‘စတ္တာရောမေ ဘိက္ခဝေ အရိယဝံသာ အဂ္ဂညာ ရတ္တညာ ဝံသညာ ပေါရာဏာ၊ အသံကိဏ္ဏာ အသံကိဏ္ဏပုဗ္ဗာန သံကီယိဿန္တိ၊ အပ္ပဋိကုဋ္ဌာ သမဏေဟိ ဗြာဟ္မဏေဟိ ဝိညူဟိ။ ကတမေ စတ္တာရော၊ ဣဓ ဘိက္ခဝေ ဘိက္ခု သန္တုဋ္ဌော ဟောတိ ဣတရီတရေန စီဝရေန၊ ဣတရီတရစီဝရသန္တုဋ္ဌိယာ စ ဝဏ္ဏဝါဒီ၊ န စ စီဝရဟေတု အနေသနံ အပ္ပတိရူပံ အာပဇ္ဇတိ၊ အလဒ္ဓါ စ စီဝရံ န ပရိတဿတိ၊ လဒ္ဓါ စ စီဝရံ အဂဓိတော အမုစ္ဆိတော အနဇ္ဈောပန္နော အာဒီနဝဒဿာဝီ နိဿရဏပညော ပရိဘုဉ္ဇတိ၊ တာယ စ ပန ဣတရီတရစီဝရသန္တုဋ္ဌိယာ နေဝတ္တာနုက္ကံသေတိ နော ပရံ ဝမ္ဘေတိ။ ယော ဟိ တတ္ထ ဒက္ခော အနလသော သမ္ပဇာနော ပဋိဿဘော၊ အယံ ဝုစ္စတိ ဘိက္ခဝေ ဘိက္ခု ပေါရာဏေ အဂ္ဂညေ အရိယဝံသေ ဌိတော’’တိ ဧဝမာဒိနာ ဘဂဝတာ ဘာသိတံ။

စက္ကဝဂ္ဂ

စက္ကသုတ္တ

ပု – စက္ကဝဂ္ဂေ ¶ ပန အာဝုသော ပဌမံ စက္ကသုတ္တံ ဘဂဝတာ ကထံ ဘာသိတံ။

ဝိ – စက္ကဝဂ္ဂေ ဘန္တေ ပဌမံ စက္ကသုတ္တံ ‘‘စတ္တာရိမာနိ ဘိက္ခဝေ စက္ကာနိ၊ ယေဟိ သမန္နာဂတာနံ ဒေဝမနုဿာနံ စတုစက္ကံ ဝတ္တတိ၊ ယေဟိ သမန္နာဂတာ ဒေဝမနုဿာ နစိရဿေဝ မဟန္တတ္တံ ဝေပုလ္လတ္တံ ပါပုဏန္တိ ဘောဂေသု။ ကတမာနိ စတ္တာရိ၊ ပတိရူပဒေသဝါသော သပ္ပုရိသာဝဿယော အတ္တသမ္မာပဏိဓိ ပုဗ္ဗေ စ ကတပုညတာ’’တိ ဧဝမာဒိနာ ဘဂဝတာ ဘာသိတံ။

သင်္ဂဟသုတ္တ

ပု – တတ္ထေဝ ¶ အာဝုသော ဒုတိယံ သင်္ဂဟသုတ္တံ ဘဂဝတာ ကထံ ဘာသိတံ။

ဝိ – တတ္ထေဝ ဘန္တေ ဒုတိယံ သင်္ဂဟသုတ္တံ ‘‘စတ္တာရိမာနိ ဘိက္ခဝေ သင်္ဂဟဝတ္ထူနိ။ ကတမာနိ စတ္တာရိ၊ ဒါနံ ပေယျဝဇ္ဇံ အတ္ထစရိယာ သမာနတ္တတာ’’တိ ဧဝမာဒိနာ ဘဂဝတာ ဘာသိတံ။

သီဟသုတ္တ

ပု – ဘတ္ထေဝ ¶ အာဝုသော တတိယံ သီဟသုတ္တံ ဘဂဝတာ ကထံ ဘာသိတံ။

ဝိ – တတ္ထေဝ ဘန္တေ တတိယံ သီဟသုတ္တံ ‘‘သီဟော ဘိက္ခဝေ မိဂရာဇာ သာယနုသမယံ အာသယာ နိက္ခမတိ၊ အာသယာ နိက္ခမိတွာ ဝိဇမ္ဘတိ၊ ဝိဇမ္ဘိတွာ သမန္တာ စတုဒ္ဒိသာ အနုဝိလောကေတိ၊ သမန္တာ စတုဒ္ဒိသာ အနုဝိလောကေတွာ တိက္ခတ္တုံ သီဟနာဒံ နဒတိ၊ တိက္ခတ္တုံ သီဟနာဒံ နဒိတွာ ဂေါစရာယ ပက္ကမတီ’’တိ ဧဝမာဒိနာ ဘဂဝတာ ဘာသိတံ။

ဒေါဏသုတ္တ

ပု – တေနာဝုသော ¶ ဘဂဝတာ…ပေ… သမ္မာသမ္ဗုဒ္ဓေန အင်္ဂုတ္တရနိကာယေ စတုက္ကနိပါတေ စက္ကဝဂ္ဂေ ဆဋ္ဌံ ဒေါဏသုတ္တံ ကတ္ထ ကံ အာရဗ္ဘ ကိသ္မိံ ဝတ္ထုသ္မိံ ကထဉ္စ ဘာသိတံ။

ဝိ – အန္တရာ ¶ စ ဘန္တေ ဥက္ကဋ္ဌံ အန္တရာ စ သေတဗျံ ဒေါဏံ ဗြာဟ္မဏံ အာရဗ္ဘ ဘာသိတံ။ ဒေါဏော ဘန္တေ ဗြာဟ္မဏော ဘဂဝန္တံ ဧတဒဝေါစ ‘‘ဒေဝေါ နော ဘဝံ ဘဝိဿတီ’’တိ။ တသ္မိံ ဘန္တေ ဝတ္ထုသ္မိံ ‘‘န ခေါ အဟံ ဗြာဟ္မဏ ဒေဝေါ ဘဝိဿာမီ’’တိ ဧဝမာဒိနာ ဘဂဝတာ ဘာသိတံ။

‘‘အစ္ဆရိယံ ¶ ဝတ ဘော၊ အဗ္ဘုတံ ဝတ ဘော၊ န ဝတိမာနိ မနုဿဘူတဿ ပဒါနိ ဘဝိဿန္တိ’’။

‘‘ဒေဝေါ နော ဘဝံ ဘဝိဿတိ’’။

‘‘န ခေါ အဟံ ဗြာဟ္မဏ ဒေဝေါ ဘဝိဿမိ’’။

‘‘ဂန္ဓဗ္ဗော နော ဘဝံ ဘဝိဿတိ’’။

‘‘န ခေါ အဟံ ဗြာဟ္မဏ ဂန္ဓဗ္ဗော ဘဝိဿာမိ’’။

ဥဇ္ဇယသုတ္တ

ပု – တတ္ထေဝ ¶ အာဝုသော နဝမံ ဥဇ္ဇယသုတ္တံ ဘဂဝတာ ကထံ ဘာသိတံ။

ဝိ – နဝမံ ဘန္တေ ဥဇ္ဇယသုတ္တံ ‘‘န ခေါ အဟံ ဗြာဟ္မဏ သဗ္ဗံ ယညံ ဝဏ္ဏေမိ၊ န ပနာဟံ ဗြာဟ္မဏ သဗ္ဗံ ယညံ န ဝဏ္ဏေမိ။ ယထာရူပေ ခေါ ဗြာဟ္မဏ ယညေ ဂါဝေါ ဟညန္တိ၊ အဇေဠကာ ဟညန္တိ၊ ကုက္ကုဋသူကရာ ဟညန္တိ၊ ဝိဝိဓာ ပါဏာ သင်္ဃာတံ အာပဇ္ဇန္တီ’’တိ ဧဝမာဒိနာ ဘဂဝတာ ဘာသိတံ။

‘‘ဘဝမ္ပိ ¶ နော ဂေါတမော ယညံ ဝဏ္ဏေတိ’’။

ရောဟိတဿဝဂ္ဂ

သမာဓိဘာဝနာသုတ္တ

ပု – ရောဟိတဿဝဂ္ဂေ ¶ ပန အာဝုသော ပဌမံ သမာဓိဘာဝနာသုတ္တံ ဘဂဝတာ ကထံ ဘာသိတံ။

ဝိ – ရောဟိတဿဝဂ္ဂေ ဘန္တေ ပဌမံ သမာဓိဘာဝနာသုတ္တံ ‘‘စတဿော ဣမာ ဘိက္ခဝေ သမာဓိဘာဝနာ၊ ကတမာ စတဿော၊ အတ္ထိ ဘိက္ခဝေ သမာဓိဘာဝနာ ဘာဝိတာ ဗဟုလီကတာ ဒိဋ္ဌဓမ္မသုခဝိဟာရာယ သံဝတ္တတိ၊ အတ္ထိ ဘိက္ခဝေ သမာဓိဘာဝနာ ဘာဝိတာ ဗဟုလီကတာ ဉာဏဒဿနပ္ပဋိလာဘာယ သံဝတ္တတိ၊ အတ္ထိ ဘိက္ခဝေ သမာဓိဘာဝနာ ဘာဝိတာ ဗဟုလီကတာ သတိသမ္ပဇညာယ သံဝတ္တတိ၊ အတ္ထိ ဘိက္ခဝေ သမာဓိဘာဝနာ ဘာဝိတာ ဗဟုလီကတာ အာသဝါနံ ခယာယ သံဝတ္တတီ’’တိ ဧဝမာဒိနာ ဘဂဝတာ ဘာသိတံ။

ပဉှဗျာကရဏသုတ္တ

ပု – တတ္ထေဝ ¶ အာဝုသော ဒုတိယံ ပဉှဗျာကရဏသုတ္တံ ဘဂဝတာ ကထံ ဘာသိတံ။

ဝိ – တတ္ထေဝ ဘန္တေ ဒုတိယံ ပဉှဗျာကရဏသုတ္တံ ‘‘စတ္တာရိမာနိ ဘိက္ခဝေ ပဉှဗျာကရဏာနိ။ ကတမာနိ စတ္တာရိ၊ အတ္ထိ ဘိက္ခဝေ ပဉှော ဧကံသဗျာကရဏီယော၊ အတ္ထိ ဘိက္ခဝေ ပဉှော ဝိဘဇ္ဇဗျာကရဏီယော၊ အတ္ထိ ဘိက္ခဝေ ပဉှော ပဋိပုစ္ဆာဗျာကရဏီယော၊ အတ္ထိ ဘိက္ခဝေ ပဉှော ဌပနီယော’’တိ ဧဝမာဒိနာ ဘဂဝတာ ဘာသိတံ။

ပုညာဘိသန္ဒဝဂ္ဂ

ပဌမသံဝါသသုတ္တ

ပု – ပုညာဘိသန္ဒဝဂ္ဂေ ¶ ပန အာဝုသော တတိယံ သံဝါသသုတ္တံ ဘဂဝတာ ကတ္ထ ကံ အာရဗ္ဘ ကထဉ္စ ဘာသိတံ။

ဝိ – ပုညာဘိသန္ဒဝဂ္ဂေ ဘန္တေ တတိယံ သံဝါသသုတ္တံ အန္တရာ စ မဓုရံ အန္တရာ စ ဝေရဉ္ဇံ သမ္ဗဟုလေ ဂဟပတယော စ ဂဟပတာနိယော စ အာရဗ္ဘ ‘‘စတ္တာရောမေ ဂဟပတယော သံဝါသာ။ ကတမေ စတ္တာရော၊ ဆဝေါ ဆဝါယ သဒ္ဓိံ သံဝသတိ၊ ဆဝေါ ဒေဝိယာ သဒ္ဓိံ သံဝသတိ၊ ဒေဝေါ ဆဝါယ သဒ္ဓိံ သံဝသတိ၊ ဒေဝေါ ဒေဝိယာ သဒ္ဓိံ သံဝသတီ’’တိ ဧဝမာဒိနာ ဘဂဝတာ ဘာသိတံ။

ပဌမသမဇီဝီသုတ္တ

ပု – တေနာဝုသော ¶ ဘဂဝတာ…ပေ… သမ္မာသမ္ဗုဒ္ဓေန အင်္ဂုတ္တရနိကာယေ စတုက္ကနိပါတေ ပုညာဘိသန္ဒဝဂ္ဂေ ပဉ္စမံ သမဇီဝိသုတ္တံ ကထံ ဘာသိတံ။

ဝိ – ပဉ္စမံ ဘန္တေ သမဇီဝိသုတ္တံ ‘‘အာကင်္ခေယျုံ စေ ဂဟပတယော ဥဘော ဇာနိပတယော ဒိဋ္ဌေ စေဝ ဓမ္မေ အညမညံ ပဿိတုံ၊ အဘိသမ္ပရာယဉ္စ အညမညံ ပဿိတုံ၊ ဥဘောဝ အဿု သမသဒ္ဓါ သမသီလာ သမစာဂါ သမပညာ၊ တေ ဒိဋ္ဌေ စေဝ ဓမ္မေ အညမညံ ပဿန္တိ၊ အဘိသမ္ပရာယဉ္စ အညမညံ ပဿန္တီ’’တိ ဧဝမာဒိနာ ဘဂဝတာ ဘာသိတံ။

ပတ္တကမ္မဝဂ္ဂ

အာနဏျသုခသုတ္တ

ပု – ပတ္တကမ္မဝဂ္ဂေ ¶ ပန အာဝုသော ဒုတိယံ အာနဏျသုခသုတ္တံ ဘဂဝတာ ကတ္ထ ကံ အာရဗ္ဘ ကထဉ္စ ဘာသိတံ။

ဝိ – ပတ္တကမ္မဝဂ္ဂေ ¶ ဘန္တေ ဒုတိယံ အာနဏျသုခသုတ္တံ သာဝတ္ထိယံ အနာထပိဏ္ဍိကံ ဂဟပတိံ အာရဗ္ဘ ‘‘စတ္တာရိမာနိ ဂဟပတိ သုခါနိ အဓိဂမနီယာနိ ဂိဟိနာ ကာမဘောဂိနာ ကာလေန ကာလံ သမယေန သမယံ ဥပါဒါယ။ ကတမာနိ စတ္တာရိ၊ အတ္ထိသုခံ ဘောဂသုခံ အနဏျသုခံ အနဝဇ္ဇသုခ’’န္တိ ဧဝမာဒိနာ ဘဂဝတာ ဘာသိတံ။

အာနဏျသုခံ ¶ ဉတွာန၊ အထော အတ္ထိသုခံ ပရံ၊

ဘုဉ္ဇံ ဘောဂသုခံ မစ္စော၊ တတော ပညာ ဝိပဿတိ၊

ဝိပဿမာနော ဇာနာတိ၊ ဥဘော ဘာဂေ သုမေဓသော၊

အနဝဇ္ဇသုခဿေတံ၊ ကလံ နာဂ္ဃတိ သောဠသိံ–

အပ္ပဏ္ဏကဝဂ္ဂ

သပ္ပုရိသသုတ္တ

ပု – အပဏ္ဏကဝဂ္ဂေ ပန အာဝုသော တတိယံ သပ္ပုရိသသုတ္တံ ဘဂဝတာ ကထံ ဘာသိတံ။

ဝိ – အပဏ္ဏကဝဂ္ဂေ ¶ ဘန္တေ တတိယံ သပ္ပုရိသသုတ္တံ ‘‘စတူဟိ ဘိက္ခဝေ ဓမ္မေဟိ သမန္နာဂတော အသပ္ပုရိသော ဝေဒိတဗ္ဗော။ ကတမေဟိ စတူဟိ၊ ဣဓ ဘိက္ခဝေ အသပ္ပုရိသော ယော ဟောတိ ပရဿ အဝဏ္ဏော တံ အပုဋ္ဌောပိ ပါတု ကရောတိ ကော ပန ဝါဒေါ ပုဋ္ဌဿာ’’တိ ဧဝမာဒိနာ ဘဂဝတာ ဘာသိတံ။

အဓုနာဂတဝဓုကာသမေန ¶ စေတသာ ဝိဟရိဿာမ’’ –

အစိန္တေယျသုတ္တ

ပု – တတ္ထေဝ အာဝုသော သတ္တမံ အစိန္တေယျသုတ္တံ ဘဂဝတာ ကထံ ဘာသိတံ။

ဝိ – သတ္တမံ ဘန္တေ အစိန္တေယျသုတ္တံ ‘‘စတ္တာရိမာနိ ဘိက္ခဝေ အစိန္တေယျာနိ န စိန္တေတဗ္ဗာနိ၊ ယာနိ စိန္တေန္တော ဥမ္မာဒဿ ဝိဃာတဿ ဘာဂီ အဿ။ ကတမာနိ စတ္တာရိ၊ ဗုဒ္ဓါနံ ဘိက္ခဝေ ဗုဒ္ဓဝိသယော အစိန္တေယျော န စိန္တေတဗ္ဗော၊ ယံ စိန္တေန္တော ဥမ္မာဒဿ ဝိဃာတဿ ဘာဂီ အဿာ’’တိ ဧဝမာဒိနာ ဘဂဝတာ ဘာသိတံ။

မစလဝဂ္ဂ

တမောတမသုတ္တ

ပု – မစလဝဂ္ဂေ ¶ ပန အာဝုသော ပဉ္စမံ တမောတမသုတ္တံ ဘဂဝတာ ကထံ ဘာသိတံ။

ဝိ – မစလဝဂ္ဂေ ဘန္တေ ပဉ္စမံ တမောတမသုတ္တံ ‘‘စတ္တာရောမေ ဘိက္ခဝေ ပုဂ္ဂလာ သန္တော သံဝိဇ္ဇမာနာ လောကသ္မိံ။ ကတမေ စတ္တာရော၊ တမောတမပရာယဏော၊ တမောဇောတိပရာယဏော၊ ဇောတိတမပရာယဏော၊ ဇောတိဇောတိပရာယဏော’’တိ ဧဝမာဒိနာ ဘဂဝတာ ဘာသိတံ။

အသုရဝဂ္ဂ

အသုရသုတ္တ

ပု – တေနာဝုသော ¶ ဘဂဝတာ…ပေ… သမ္မာသမ္ဗုဒ္ဓေန အင်္ဂုတ္တရနိကာယေ စတုက္ကနိပါတေ အသုရဝဂ္ဂေ ပဌမံ အသုရသုတ္တံ ကထံ ဘာသိတံ။

ဝိ – အသုရဝဂ္ဂေ ဘန္တေ ပဌမံ အသုရသုတ္တံ ‘‘စတ္တာရောမေ ဘိက္ခဝေ ပုဂ္ဂလာ သန္တော သံဝိဇ္ဇမာနာ လောကသ္မိံ။ ကတမေ စတ္တာရော၊ အသုရော အသုရပရိဝါရော၊ အသုရော ဒေဝပရိဝါရော၊ ဒေဝေါ အသုရပရိဝါရော၊ ဒေဝေါ ဒေဝပရိဝါရော’’တိ ဧဝမာဒိနာ ဘဂဝတာ ဘာသိတံ။

သမာဓိသုတ္တ

ပု – တတ္ထေဝ ¶ အာဝုသော စတုတ္ထံ သမာဓိသုတ္တံ ဘဂဝတာ ကထံ ဘာသိတံ။

ဝိ – စတုတ္ထံ ဘန္တေ သမာဓိသုတ္တံ ‘‘စတ္တာရောမေ ဘိက္ခဝေ ပုဂ္ဂလာ သန္တော သံဝိဇ္ဇမာနာ လောကသ္မိံ။ ကတမေ စတ္တာရော၊ ဣဓ ဘိက္ခဝေ ဧကစ္စော ပုဂ္ဂလော လာဘီ ဟောတိ အဇ္ဈတ္တံ စေတောသမထဿ န လာဘီ အဓိပညာဓမ္မဝိပဿနာယ။ ဣဓ ပန ဘိက္ခဝေ ပုဂ္ဂလော လာဘီ ဟောတိ အဓိပညာဓမ္မဝိပဿနာယ၊ န လာဘီ အဇ္ဈတ္တံ စေတောသမထဿ။ ဣဓ ပန ဘိက္ခဝေ ဧကစ္စော ပုဂ္ဂလော န စေဝ လာဘီ ဟောတိ အဇ္ဈတ္တံ စေတောသမထဿ၊ န စ လာဘီ အဓိပညာဓမ္မဝိပဿနာယ။ ဣဓ ပန ဘိက္ခဝေ ဧကစ္စော ပုဂ္ဂလော လာဘီ စေဝ ဟောတိ အဇ္ဈတ္တံ စေတောသမထဿ၊ လာဘီ စ အဓိပညာဓမ္မဝိပဿနာယာ’’တိ ဧဝမာဒိနာ ဘဂဝတာ ဘာသိတံ။

ရာဂဝိနယသုတ္တ

ပု – တတ္ထေဝ ¶ အာဝုသော ဆဋ္ဌံ ရာဂဝိနယသုတ္တံ ဘဂဝတာ ကထံ ဘာသိတံ။

ဝိ – ဆဋ္ဌံ ဘန္တေ ရာဂဝိနယသုတ္တံ ‘‘စတ္တာရောမေ ဘိက္ခဝေ ပုဂ္ဂလာ သန္တော သံဝိဇ္ဇမာနာ လောကသ္မိံ။ ကတမေ စတ္တာရော၊ အတ္တဟိတာယ ပဋိပန္နော နော ပရဟိတာယ၊ ပရဟိတာယ ပဋိပန္နော နော အတ္တဟိတာယ၊ နေဝတ္တဟိတာယ ပဋိပန္နော နော ပရဟိတာယ၊ အတ္တဟိတာယ စေဝ ပဋိပန္နော ပရဟိတာယ စာ’’တိ ဧဝမာဒိနာ ဘဂဝတာ ဘာသိတံ။

ဝလာဟကဝဂ္ဂ

ပဌမဝလာဟကသုတ္တ

ပု – ဝလာဟကဝဂ္ဂေ ¶ ပန အာဝုသော ပဌမံ ဝလာဟကသုတ္တံ ဘဂဝတာ ကတ္ထ ကံ အာရဗ္ဘ ကထဉ္စ ဘာသိတံ။

ဝိ – သာဝတ္ထိယံ ဘန္တေ သမ္ဗဟုလေ ဘိက္ခူ အာရဗ္ဘ ‘‘စတ္တာရောမေ ဘိက္ခဝေ ဝလာဟကာ။ ကတမေ စတ္တာရော၊ ဂဇ္ဇိတာ နော ဝဿိတာ၊ ဝဿိတာ နော ဂဇ္ဇိတာ၊ နေဝ ဂဇ္ဇိတာ နော ဝဿိတာ၊ ဂဇ္ဇိတာ စ ဝဿိတာ စ။ ဣမေ ခေါ ဘိက္ခဝေ စတ္တာရော ဝလာဟကာ။ ဧဝမေဝ ခေါ ဘိက္ခဝေ စတ္တာရော ဝလာဟကူပမာ ပုဂ္ဂလာ သန္တော သံဝိဇ္ဇာမာနာ လောကသ္မိံ။ ကတမေ စတ္တာရော၊ ဂဇ္ဇိတာ နော ဝဿိတာ၊ ဝဿိတာ နော ဂဇ္ဇိတာ၊ နေဝ ဂဇ္ဇိတာ နော ဝဿိတာ၊ ဂဇ္ဇိတာ စ ဝဿိတာ စာ’’တိ ဧဝမာဒိနာ ဘဂဝတာ ဘာသိတံ။

ဥဒကရဟဒသုတ္တ

ပု – တတ္ထေဝ ¶ အာဝုသော စတုတ္ထံ ဥဒကရဟဒသုတ္တံ ဘဂဝတာ ကထံ ဘာသိတံ။

ဝိ – စတုတ္ထ ဘန္တေ ဥဒကရဟဒသုတ္တံ ‘‘စတ္တာရောမေ ဘိက္ခဝေ ဥဒကရဟဒါ။ ကတမေ စတ္တာရော၊ ဥတ္တာနော ဂမ္ဘီရောဘာသော၊ ဂမ္ဘီရော ဥတ္တာနောဘာသော၊ ဥတ္တာနော ဥတ္တာနောဘာသော၊ ဂမ္ဘီရော ဂမ္ဘီရောဘာသော၊ ဣမေ ခေါ ဘိက္ခဝေ စတ္တာရော ဥဒကရဟဒါ။ ဧဝမေဝ ခေါ ဘိက္ခဝေ စတ္တာရော ဥဒကရဟဒူပမာ ပုဂ္ဂလာ သန္တော သံဝိဇ္ဇမာနာ လောကသ္မိံ။ ကတမေ စတ္တာရော၊ ဥတ္တာနော ဂမ္ဘီရောဘာသော၊ ဂမ္ဘီရော ဥတ္တာနောဘာသော၊ ဥတ္တာနော ဥတ္တာနောဘာသော၊ ဂမ္ဘီရော ဂမ္ဘီရောဘာသော’’တိ ဧဝမာဒိနာ ဘဂဝတာ ဘာသိတံ။

မူသိကသုတ္တ

ပု – တတ္ထေဝ ¶ အာဝုသော သတ္တမံ မူသိကသုတ္တံ ဘဂဝတာ ကထံ ဘာသိတံ။

ဝိ – သတ္တမံ ဘန္တေ မူသိကသုတ္တံ ‘‘စတဿော ဣမာ ဘိက္ခဝေ မူသိကာ။ ကတမာ စတဿော၊ ဂါဓံ ကတ္တာ နော ဝသိတာ၊ ဝသိတာ နော ဂါဓံ ကတ္တာ၊ နေဝ ဂါဓံ ကတ္တာ နော ဝသိတာ၊ ဂါဓံ ကတ္တာ စ ဝသိတာ စ။ ဣမာ ခေါ ဘိက္ခဝေ စတဿော မူသိကာ။ ဧဝမေဝ ခေါ ဘိက္ခဝေ စတ္တာရော မူသိကူပမာ ပုဂ္ဂလာ သန္တော သံဝိဇ္ဇမာနာ လောကသ္မိံ။ ကတမေ စတ္တာရော၊ ဂါဓံ ကတ္တာ နော ဝသိတာ၊ ဝသိတာ နော ဂါဓံ ကတ္တာ၊ နေဝ ဂါဓံ ကတ္တာ နော ဝသိတာ၊ ဂါဓံ ကတ္တာ စ ဝသိတာ စာ’’တိ ဧဝမာဒိနာ ဘဂဝတာ ဘာသိတံ။

ဗလီဗဒ္ဓသုတ္တ

ပု – သံဂီတာပိ ¶ အာဝုသော အင်္ဂုတ္တရနိကာယတော ကာနိစိ သုတ္တာနိ ဥဒ္ဓရိတွာ ပဋိပုစ္ဆိဿာမိ ဗဟုဇနဿ သုတဝုဍ္ဎိယာ။ သံဂီတေ အာဝုသော အင်္ဂုတ္တရနိကာယေ စတုက္ကနိပါတေ ဝလာဟကဝဂ္ဂေ အဋ္ဌမံ ဗလီဗဒ္ဓသုတ္တံ ဘဂဝတာ ကထံ ဘာသိတံ။

ဝိ – ဝလာဟကဝဂ္ဂေ ဘန္တေ အဋ္ဌမံ ဗလီဗဒ္ဓသုတ္တံ ‘‘စတ္တာရောမေ ဘိက္ခဝေ ဗလီဗဒ္ဓါ။ ကတမေ စတ္တာရော၊ သဂဝစဏ္ဍော နော ပရဂဝစဏ္ဍော၊ ပရဂဝစဏ္ဍော နော သဂဝစဏ္ဍော၊ သဂဝစဏ္ဍော စ ပရဂဝစဏ္ဍော စ၊ နေဝ သဂဝစဏ္ဍော နော ပရဂဝစဏ္ဍော။ ဣမေ ခေါ ဘိက္ခဝေ စတ္တာရော ဗလီဗဒ္ဓါ။ ဧဝမေဝ ခေါ ဘိက္ခဝေ စတ္တာရော ဗလီဗဒ္ဓူပမာ ပုဂ္ဂလာ သန္တော သံဝိဇ္ဇမာနာ လောကသ္မိ’’န္တိ ဧဝမာဒိနာ ဘဂဝတာ ဘာသိတံ။

ကေသိသုတ္တ

ပု – ကေသိဝဂ္ဂေ ¶ ပန အာဝုသော ပဌမံ ကေသိသုတ္တံ ဘဂဝတာ ကံ အာရဗ္ဘ ကိသ္မိံ ဝတ္ထုသ္မိံ ကထဉ္စ ဘာသိတံ။

ဝိ – ကေသိံ ဘန္တေ အဿဒမ္မသာရထိံ အာရဗ္ဘ ဘာသိတံ။ ကေသိ ဘန္တေ အဿဒမ္မသာရထိ ဘဂဝန္တံ ဧတဒဝေါစ ‘‘ဘဂဝါ ပန ဘန္တေ အနုတ္တရော ပုရိသဒမ္မသာရထိ၊ ကထံ ပန ဘန္တေ ဘဂဝါ ပုရိသဒမ္မံ ဝိနေတီ’’တိ။ တသ္မိံ ဘန္တေ ဝတ္ထုသ္မိံ ‘‘အဟံ ခေါ ကေသိ ပုရိသဒမ္မံ သဏှေနပိ ဝိနေမိ၊ ဖရုသေနပိ ဝိနေမိ၊ သဏှဖရုသေနပိ ဝိနေမိ။ တတြိဒံ ကေသိ သဏှသ္မိံ – ဣတိ ကာယသုစရိတံ ဣတိ ကာယသုစရိတဿ ဝိပါကော၊ ဣတိ ဝစီသုစရိတံ ဣတိ ဝစီသုစရိတဿ ¶ ဝိပါကော၊ ဣတိ မနောသုစရိတံ ဣတိ မနောသုစရိတဿ ဝိပါကော၊ ဣတိ ဒေဝါ ဣတိ မနုဿာ’’တိ ဧဝမာဒိနာ ဘဂဝတာ ဘာသိတံ။

‘‘တွံ ခေါသိ ကေသိ ပညာတော အဿဒမ္မသာရထီတိ၊ ကထံ ပန တွံ ကေသိ အဿဒမ္မသာရထိ’’ –

‘‘အဟံ ခေါ ဘန္တေ အဿဒမ္မံ သဏှေနပိ ဝိနေမိ၊ ဖရုသေနပိ ဝိနေမိ၊ သဏှဖရုသေနပိ ဝိနေမိ’’ –

‘‘သစေ ¶ တေ ကေသိ အဿဒမ္မော သဏှေန ဝိနယံ န ဥပေတိ၊ ဖရုသေန ဝိနယံ န ဥပေတိ၊ သဏှဖရုသေန ဝိနယံ န ဥပေတိ၊ ကိန္တိ နံ ကရောသိ’’ –

‘‘ဘဂဝါ ပန ဘန္တေ အနုတ္တရော ပုရိသဒမ္မသာရထိ၊ ကထံ ပန ဘန္တေ ဘဂဝါ ပုရိသဒမ္မံ ဝိနေတိ’’ –

န ၀။၀၀၈၇ ခေါ ဘန္တေ ဘဂဝတော ပါဏာတိပါတော ကပ္ပတိ၊ အထ စ ပန ဘဂဝါ ဧဝမာဟ ‘‘ဟနာမိ နံ ကေသီ’’တိ။

အတ္တာနုဝါဒသုတ္တ

ပု – ဘယဝဂ္ဂေ ¶ ပန အာဝုသော ပဌမံ အတ္တာနုဝါဒသုတ္တံ ဘဂဝတာ ကထံ ဘာသိတံ။

ဝိ – ဘယဝဂ္ဂေ ဘန္တေ ပဌမံ အတ္တာနုဝါဒသုတ္တံ ‘‘စတ္တာရိမာနိ ဘိက္ခဝေ ဘယာနိ။ ကတမာနိ စတ္တာရိ၊ အတ္တာနုဝါဒဘယံ ပရာနုဝါဒဘယံ ဒဏ္ဍဘယံ ဒုဂ္ဂတိဘယ’’န္တိ ဧဝမာဒိနာ ဘဂဝတာ ဘာသိတံ။

ဓမ္မကထိကသုတ္တ

ပု – ဣဒါနိ ¶ အာဝုသော ဗဟုဇနဿ သုတဝုဍ္ဎိယာ သံဂီတာ အင်္ဂုတ္တရနိကာယတောပိ ကာနိစိ သုတ္တာနိ ဥဒ္ဓရိတွာ ပဋိပုစ္ဆိဿာမိ၊ သံဂီတေ အာဝုသော အင်္ဂုတ္တရနိကာယေ စတုက္ကနိပါတေ ပုဂ္ဂလဝဂ္ဂေ နဝမံ ဓမ္မကထိကသုတ္တံ ဘဂဝတာ ကထံ ဘာသိတံ။

ဝိ – ပုဂ္ဂလဝဂ္ဂေ ဘန္တေ နဝမံ ဓမ္မကထိကသုတ္တံ ‘‘စတ္တာရောမေ ဘိက္ခဝေ ဓမ္မကထိကာ။ ကတမေ စတ္တာရော၊ ဣဓ ဘိက္ခဝေ ဧကစ္စော ဓမ္မကထိကော အပ္ပဉ္စ ဘာသတိ အသဟိတဉ္စ၊ ပရိသာ စဿ န ကုသလာ ဟောတိ သဟိတာသဟိတဿ။ ဧဝရူပေါ ဘိက္ခဝေ ဓမ္မကထိကော ဧဝရူပါယ ပရိသာယ ဓမ္မကထိကောတွေဝ သင်္ခံ ဂစ္ဆတီ’’တိ ဧဝမာဒိနာ ဘဂဝတာ ဘာသိတံ။

ရောဂသုတ္တ

ပု – ဣန္ဒြိယဝဂ္ဂေ ¶ ပန အာဝုသော သတ္တမံ ရောဂသုတ္တံ ဘဂဝတာ ကထံ ဘာသိတံ။

ဝိ – သတ္တမံ ဘန္တေ ရောဂသုတ္တံ ‘‘ဒွေမေ ဘိက္ခဝေ ရောဂါ။ ကတမေ ဒွေ၊ ကာယိကော စ ရောဂေါ၊ စေတသိကော စ ရောဂေါ။ ဒိဿန္တိ ဘိက္ခဝေ သတ္တာ ကာယိကေန ရောဂေန ဧကမ္ပိ ဝဿံ အာရောဂျံ ပဋိဇာနမာနာ ဒွေပိ ဝဿာနိ တီဏိပိ ဝဿာနိ စတ္တာရိပိ ဝဿာနိ ပဉ္စပိ ဝဿာနိ ဒသပိ ဝဿာနိ ဝီသမ္ပိ ဝဿာနိ တိံသမ္ပိ ဝဿာနိ စတ္တာရီသမ္ပိ ဝဿာနိ ပညာသမ္ပိ ဝဿာနိ အာရောဂျံ ပဋိဇာနမာနာ ဝဿသတမ္ပိ ဘိယျောပိ အာရောဂျံ ပဋိဇာနမာနာ။ တေ ဘိက္ခဝေ သတ္တာ သုဒုလ္လဘာ လောကသ္မိံ၊ ယေ စေတသိကေန ရောဂေန မုဟုတ္တမ္ပိ အာရောဂျံ ပဋိဇာနန္တိ အညတြ ခီဏာသဝေဟီ’’တိ ဧဝမာဒိနာ ဘဂဝတာ ဘာသိတံ။

စတ္တာရောမေ ၀။၀၀၉၆ ဘိက္ခဝေ ပဗ္ဗဇိတဿ ရောဂါ။

ယုဂနဒ္ဓသုတ္တ

ပု – ပဋိပဒါဝဂ္ဂေ ¶ အာဝုသော ဒသမံ ယုဂနဒ္ဓသုတ္တံ ကတ္ထ ကံ အာရဗ္ဘ ကေန ကထဉ္စ ဘာသိတံ။

ဝိ – ကောသမ္ဗိယံ ဘန္တေ သမ္ဗဟုလေ ဘိက္ခူ အာရဗ္ဘ ‘‘ယော ဟိ ကောစိ အာဝုသော ဘိက္ခု ဝါ ဘိက္ခုနီ ဝါ မမ သန္တိကေ အရဟတ္တပ္ပတ္တိံ ဗျာကရောတိ၊ သဗ္ဗော သော စတူဟိ မဂ္ဂေဟိ ဧတေသံ ဝါ အညတရေနာ’’တိ ဧဝမာဒိနာ ဘန္တေ အာယသ္မတာ အာနန္ဒတ္ထေရေန ဓမ္မဘဏ္ဍာဂါရိကေန ဘာသိတံ။

ပါဋိဘောဂသုတ္တ

ပု – ဗြာဟ္မဏဝဂ္ဂေ ¶ ပန အာဝုသော ဒုတိယံ ပါဋိဘောဂသုတ္တံ ဘဂဝတာ ကထံ ဘာသိတံ။

ဝိ – ဗြာဟ္မဏဝဂ္ဂေ ဘန္တေ ဒုတိယံ ပါဋိဘောဂသုတ္တံ ‘‘စတုန္နံ ဘိက္ခဝေ ဓမ္မာနံ နတ္ထိ ကောစိ ပါဋိဘောဂေါ သမဏော ဝါ ဗြာဟ္မဏော ဝါ ဒေဝေါ ဝါ မာရော ဝါ ဗြဟ္မာ ဝါ ကောစိ ဝါ လောကသ္မိ’’န္တိ ဧဝမာဒိနာ ဘဂဝတာ ဘာသိတံ။

သုတသုတ္တ

ပု – တတ္ထေဝ ¶ အာဝုသော တတိယံ သုတသုတ္တံ ဘဂဝတာ ကတ္ထ ကံ အာရဗ္ဘ ကိသ္မိံ ဝတ္ထုသ္မိံ ကထဉ္စ ဘာသိတံ။

ဝိ – ရာဇဂဟေ ဘန္တေ ဝဿကာရံ ဗြာဟ္မဏံ မဂဓမဟာမတ္တံ အာရဗ္ဘ ဘာသိတံ။ ဝဿကာရော ဘန္တေ ဗြာဟ္မဏော မဂဓမဟာမတ္တော ဘဂဝန္တံ ဧတဒဝေါစ ‘‘အဟဉှိ ဘော ဂေါတမ ဧဝံဝါဒီ ဧဝံဒိဋ္ဌိ ယော ကောစိ ဒိဋ္ဌံ ဘာသတိ ‘ဧဝံ မေ ဒိဋ္ဌ’န္တိ၊ နတ္ထိ တတော ဒေါသော။ ယော ကောစိ သုတံ ဘာသတိ ‘ဧဝံ မေ သုတ’န္တိ၊ နတ္ထိ တတော ဒေါသော’’တိ။ တသ္မိံ ဘန္တေ ဝတ္ထုသ္မိံ ‘‘နာဟံ ဗြာဟ္မဏ သဗ္ဗံ ဒိဋ္ဌံ ‘ဘာသိတဗ္ဗ’န္တိ ဝဒါမိ၊ န ပနာဟံ ဗြာဟ္မဏ သဗ္ဗံ ဒိဋ္ဌံ ‘န ဘာသိတဗ္ဗ’န္တိ ဝဒါမိ၊ နာဟံ ဗြာဟ္မဏ သဗ္ဗံ သုတံ ‘ဘာသိတဗ္ဗ’န္တိ ဝဒါမိ၊ န ပနာဟံ ဗြာဟ္မဏ သဗ္ဗံ သုတံ ‘န ဘာသိတဗ္ဗ’န္တိ ဝဒါမီ’’တိ ဧဝမာဒိနာ ဘဂဝတာ ဘာသိတံ။

အဘယသုတ္တ

ပု – အင်္ဂုတ္တရနိကာယေ ¶ အာဝုသော စတုက္ကနိပါတေ ဗြာဟ္မဏဝဂ္ဂေ စတုတ္ထံ အဘယသုတ္တံ ဘဂဝတာ ကံ အာရဗ္ဘ ကိသ္မိံ ဝတ္ထုသ္မိံ ကထဉ္စ ဘာသိတံ။

ဝိ – ဗြာဟ္မဏဝဂ္ဂေ ဘန္တေ စတုတ္ထံ အဘယသုတ္တံ ဇာဏုဿောဏိံ ဗြာဟ္မဏံ အာရဗ္ဘ ဘာသိတံ။ ဇာဏုဿောဏိ ဘန္တေ ဗြာဟ္မဏော ဘဂဝန္တံ ဧတဒဝေါစ ‘‘နတ္ထိ ယော မရဏဓမ္မော သမာနော န ဘာယတိ၊ န သန္တာသံ အာပဇ္ဇတိ မရဏဿာ’’တိ။ တသ္မိံ ဘန္တေ ဝတ္ထုသ္မိံ ‘‘အတ္ထိ ဗြာဟ္မဏ မရဏဓမ္မော သမာနော ဘာယတိ၊ သန္တာသံ အာပဇ္ဇတိ မရဏဿ။ အတ္ထိ ပန ဗြာဟ္မဏ မရဏဓမ္မော သမာနော န ဘာယတိ၊ န သန္တာသံ အာပဇ္ဇတိ မရဏဿာ’’တိ ဧဝမာဒိနာ ဘန္တေ ဘဂဝတာ ဘာသိတံ။

သောတာနုဂတသုတ္တ

ပု – မဟာဝဂ္ဂေ ¶ ပန အာဝုသော ပဌမံ သောတာနုဂတသုတ္တံ ဘဂဝတာ ကထံ ဘာသိတံ။

ဝိ – မဟာဝဂ္ဂေ ဘန္တေ ပဌမံ သောတာနုဂတသုတ္တံ ‘‘သောတာနုဂတာနံ ဘိက္ခဝေ ဓမ္မာနံ ဝစသာ ပရိစိတာနံ မနသာနုပေက္ခိတာနံ ဒိဋ္ဌိယာ သုပ္ပဋိဝိဒ္ဓါနံ စတ္တာရော အာနိသံသာ ပါဋိကင်္ခါ’’တိ ဧဝမာဒိနာ ဘဂဝတာ ဘာသိတံ။

အယံ ¶ ဝါ သော ဓမ္မဝိနယော၊ ယတ္ထာဟံ ပုဗ္ဗေ ဗြဟ္မစရိယံ အစရိံ။

ဘဒ္ဒိယသုတ္တ

ပု – အင်္ဂုတ္တရနိကာယေ ¶ အာဝုသော စတုက္ကနိပါတေ မဟာဝဂ္ဂေ တတိယံ ဘဒ္ဒိယသုတ္တံ ဘဂဝတာ ကတ္ထ ကံ အာရဗ္ဘ ကိသ္မိံ ဝတ္ထုသ္မိံ ကထဉ္စ ဘာသိတံ။

ဝိ – ဝေသာလိယံ ဘန္တေ ဘဒ္ဒိယံ လိစ္ဆဝိ အာရဗ္ဘ ဘာသိတံ။ ဘဒ္ဒိယော ဘန္တေ လိစ္ဆဝိ ဘဂဝန္တံ ဧတဒဝေါစ ‘‘သုတံ မေတံ ဘန္တေ ‘မာယာဝီ သမဏော ဂေါတမော အာဝဋ္ဋနိံ မာယံ ဇာနာတိ၊ ယာယ အညတိတ္ထိယာနံ သာဝကေ အာဝဋ္ဋေတီ’တိ။ ယေ တေ ဘန္တေ ဧဝမာဟံသု ‘မာယာဝီ သမဏော ဂေါတမော အာဝဋ္ဋနိံ မာယံ ဇာနာတိ၊ ယာယ အညတိတ္ထိယာနံ သာဝကေ အာဝဋ္ဋေတီ’တိ…ပေ… အနဗ္ဘက္ခာတုကာမာ ¶ ဟိ မယံ ဘန္တေ ဘဂဝန္တ’’န္တိ။ တသ္မိံ ဘန္တေ ဝတ္ထုသ္မိံ ‘‘ဧထ တုမှေ ဘဒ္ဒိယ မာ အနုဿဝေန မာ ပရမ္ပရာယ မာ ဣတိကိရာယ မာ ပိဋကသမ္ပဒါနေန မာ တက္ကဟေတု မာ နယဟေတု မာ အာကာရဝိတက္ကေန မာ ဒိဋ္ဌိနိဇ္ဈာနက္ခန္တိယာ မာ ဘဗ္ဗရူပတာယ မာ သမဏော နော ဂရူတိ။ ယဒါ တုမှေ ဘဒ္ဒိယ အတ္တနာဝ ဇာနေယျာထ ‘ဣမေ ဓမ္မာ အကုသလာ၊ ဣမေ ဓမ္မာ သာဝဇ္ဇာ၊ ဣမေ ဓမ္မာ ဝိညူ ဂရဟိတာ၊ ဣမေ ဓမ္မာ သမတ္တာ သမာဒိန္နာ အဟိတာယ ဒုက္ခာယ သံဝတ္တန္တီ’တိ။ အထ တုမှေ ဘဒ္ဒိယ ပဇဟေယျာထာ’’တိ ဧဝမာဒိနာ ဘဂဝတာ ဘာသိတံ။

ပု – ဣမိဿာ ¶ စ ပန အာဝုသော ဒေသနာယ ဒေသိတာယ ဘဒ္ဒိယဿ လိစ္ဆဝိဿ ကီဒိသော ဓမ္မသဝနာနိသံသော အဓိဂတော။ ကထဉ္စ နံ ဘဂဝါ အနုယုဉ္ဇိတွာ တံ ဝစနံ ဝိနိဝေဌေသိ။

ဝိ – ဣမိဿာ ဘန္တေ ဓမ္မဒေသနာယ ဒေသိတာယ ဘဒ္ဒိယဿ လိစ္ဆဝိဿ သောတာပတ္တိဖလသင်္ခါတော ဓမ္မသဝနာနိသံသော အဓိဂတော။ အပိ နု တာဟံ ဘဒ္ဒိယ ဧဝံ အဝစံ ‘‘ဧဟိ မေ တွံ ဘဒ္ဒိယ သာဝကော ဟောဟိ၊ အဟံ သတ္ထာ ဘဝိဿာမီ’’တိ ဧဝမာဒိနာ စ နံ ဘန္တေ ဘဂဝါ ပဋိပုစ္ဆိတွာ အနုယုဉ္ဇိတွာ တံ ဝစနံ ဝိနိဝေဌေသိ။

မလ္လိကာဒေဝီသုတ္တ

ပု – တတ္ထေဝ ¶ အာဝုသော သတ္တမံ မလ္လိကာဒေဝီသုတ္တံ ဘဂဝတာ ကတ္ထ ကံ အာရဗ္ဘ ကိသ္မိံ ဝတ္ထုသ္မိံ ကထဉ္စ ဘာသိတံ။

ဝိ – သာဝတ္ထိယံ ဘန္တေ မလ္လိကာဒေဝိံ အာရဗ္ဘ ဘာသိတံ။ မလ္လိကာ ဘန္တေ ဒေဝီ ဘဂဝန္တံ ဧတဒဝေါစ ‘‘ကော နု ခေါ ဘန္တေ ဟေတု ကော ပစ္စယော၊ ယေန မိဓေကစ္စော မာတုဂါမော ဒုဗ္ဗဏ္ဏာ စ ဟောတိ ဒုရူပါ သုပါပိကာ ဒဿနာယ၊ ဒလိဒ္ဒါ စ ဟောတိ အပ္ပဿကာ အပ္ပဘောဂါ အပ္ပေသက္ခာ စ…ပေ… ကော ပန ဘန္တေ ဟေတု ကော ပစ္စယော၊ ယေန မိဓေကစ္စော မာတုဂါမော အဘိရူပါ စ ဟောတိ ဒဿနီယာ ပါသာဒိကာ ပရမာယ ဝဏ္ဏပေါက္ခရတာယ သမန္နာဂတာ၊ အဍ္ဎာ စ ဟောတိ မဟဒ္ဓနာ မဟာဘောဂါ မဟေသက္ခာ စာ’’တိ။ တသ္မိံ ဘန္တေ ဝတ္ထုသ္မိံ ‘‘ဣဓ မလ္လိကေ မာတုဂါမော ကောဓနာ ဟောတိ ဥပါယာသဗဟုလာ’’တိ ဧဝမာဒိနာ ဘဂဝတာ ဘာသိတံ။

ဒသကမ္မသုတ္တ

ပု – အင်္ဂုတ္တရနိကာယေ ¶ အာဝုသော စတုက္ကနိပါတေ သပ္ပုရိသဝဂ္ဂေ စတုတ္ထံ ဒသကမ္မသုတ္တံ ဘဂဝတာ ကထံ ဘာသိတံ။

ဝိ – သပ္ပုရိသဝဂ္ဂေ ¶ ဘန္တေ စတုတ္ထံ ဒသကမ္မသုတ္တံ ‘‘အသပ္ပုရိသဉ္စ ဝေါ ဘိက္ခဝေ ဒေသေဿာမိ အသပ္ပုရိသေန အသပ္ပုရိသတရဉ္စ သပ္ပုရိသဉ္စ သပ္ပုရိသေန သပ္ပုရိသတရဉ္စ၊ တံ သုဏာထ သာဓုကံ မနသိ ကရောထာ’’တိ ဧဝမာဒိနာ ဘဂဝတာ ဘာသိတံ။

ပရိသာသုတ္တ

ပု – တတ္ထေဝ ¶ အာဝုသော ပရိသာဝဂ္ဂေ ပဌမံ ပရိသာသုတ္တံ ဘဂဝတာ ကထံ ဘာသိတံ။

ဝိ – ပရိသာဝဂ္ဂေ ဘန္တေ ပဌမံ ပရိသာသုတ္တံ ‘‘စတ္တာရောမေ ဘိက္ခဝေ ပရိသဒူသနာ။ ကတမေ စတ္တာရော၊ ဘိက္ခု ဘိက္ခဝေ ဒုဿီလော ပါပဓမ္မော ပရိသဒူသနော၊ ဘိက္ခုနီ ဘိက္ခဝေ ဒုဿီလာ ပါပဓမ္မာ ပရိသဒူသနာ၊ ဥပါသကော ဘိက္ခဝေ ဒုဿီလော ပါပဓမ္မော ပရိသဒူသနော၊ ဥပါသိကာ ဘိက္ခဝေ ဒုဿီလာ ပါပဓမ္မာ ပရိသဒူသနာ။ ဣမေ ခေါ ဘိက္ခဝေ စတ္တာရော ပရိသဒူသနာ’’တိ ဧဝမာဒိနာ ဘဂဝတာ ဘာသိတံ။

သေခဗလဝဂ္ဂ

သံခိတ္တသုတ္တ

ပု – ပဉ္စကနိပါတေ ¶ ပန အာဝုသော ပဌမေ သေခဗလဝဂ္ဂေ ပဌမံ သံခိတ္တသုတ္တံ ဘဂဝတာ ကတ္ထ ကံ အာရဗ္ဘ ကထဉ္စ ဘာသိတံ။

ဝိ – သာဝတ္ထိယံ ဘန္တေ သမ္ဗဟုလေ ဘိက္ခူ အာရဗ္ဘ ‘‘ပဉ္စိမာနိ ဘိက္ခဝေ သေခဗလာနိ။ ကတမာနိ ပဉ္စ၊ သဒ္ဓါဗလံ ဟိရီဗလံ ဩတ္တပ္ပဗလံ ဝီရိယဗလံ ပညာဗလံ။ ဣမာနိ ခေါ ဘိက္ခဝေ ပဉ္စ သေခဗလာနီ’’တိ ဧဝမာဒိနာ ဘဂဝတာ ဘာသိတံ။

ဒုက္ခသုတ္တ

ပု – တတ္ထေဝ ¶ အာဝုသော တတိယံ ဒုက္ခသုတ္တံ ဘဂဝတာ ကထံ ဘာသိတံ။

ဝိ – တတိယံ ဘန္တေ ဒုက္ခသုတ္တံ ‘‘ပဉ္စဟိ ဘိက္ခဝေ ဓမ္မေဟိ သမန္နာဂတော ဘိက္ခု ဒိဋ္ဌေဝ ဓမ္မေ ဒုက္ခံ ဝိဟရတိ သဝိဃာတံ သဥပါယာသံ သပရိဠာဟံ ကာယဿ စ ဘေဒါ ပရံ မရဏာ ဒုဂ္ဂတိ ပါဋိကင်္ခါ။ ကတမေဟိ ပဉ္စဟိ၊ ဣဓ ဘိက္ခဝေ ဘိက္ခု အသဒ္ဓါ ဟောတိ အဟိရိကော ဟောတိ၊ အနောတ္တပ္ပီ ဟောတိ၊ ကုသီတော ဟောတိ၊ ဒုပ္ပညော ဟောတီ’’တိ ဧဝမာဒိနာ ဘဂဝတာ ဘာသိတံ။

သမာပတ္တိသုတ္တ

ပု – တတ္ထေဝ ¶ အာဝုသော ဆဋ္ဌံ သမာပတ္တိသုတ္တံ ဘဂဝတာ ကထံ ဘာသိတံ။

ဝိ – ဆဋ္ဌံ ဘန္တေ သမာပတ္တိသုတ္တံ ‘‘န တာဝ ဘိက္ခဝေ အကုသလဿ သမာပတ္တိ ဟောတိ၊ ယာဝ သဒ္ဓါ ပစ္စုပဋ္ဌိတာ ဟောတိ ကုသလေသု ဓမ္မေသု။ ယတော စ ခေါ ဘိက္ခဝေ သဒ္ဓါ အန္တရဟိတာ ဟောတိ အသဒ္ဓိယံ ပရိယုဋ္ဌာယ တိဋ္ဌတိ၊ အထ အကုသလဿ သမာပတ္တိ ဟောတီ’’တိ ဧဝမာဒိနာ ဘဂဝတာ ဘာသိတံ။

ကာမသုတ္တ

ပု – တတ္ထေဝ ¶ အာဝုသော သတ္တမံ ကာမသုတ္တံ ဘဂဝတာ ကထံ ဘာသိတံ။

ဝိ – သတ္တမံ ဘန္တေ ကာမသုတ္တံ ‘‘ယေဘုယျေန ဘိက္ခဝေ သတ္တာ ကာမေသု လဠိတာ။ အသိတဗျာဘင်္ဂိံ ဘိက္ခဝေ ကုလပုတ္တော ဩဟာယ အဂါရသ္မာ အနဂါရိယံ ပဗ္ဗဇိတော ဟောတိ၊ သဒ္ဓါပဗ္ဗဇိတော ကုလပုတ္တောတိ အလံ ဝစနာယာ’’တိ ဧဝမာဒိနာ ဘဂဝတာ ဘာသိတံ။

ဝိမုတ္တာယတနသုတ္တ

ပု – အင်္ဂုတ္တရနိကာယေ ¶ ပဉ္စကနိပါတေ ပဉ္စင်္ဂိကဝဂ္ဂေ ဆဋ္ဌံ ဝိမုတ္တာယတနသုတ္တံ ဘဂဝတာ ကထံ ဘာသိတံ။

ဝိ – ပဉ္စင်္ဂိကဝဂ္ဂေ ဘန္တေ ဆဋ္ဌံ ဝိမုတ္တာယတနသုတ္တံ ‘‘ပဉ္စိမာနိ ဘိက္ခဝေ ဝိမုတ္တာယတနာနိ၊ ယတ္ထ ဘိက္ခုနော အပ္ပမတ္တဿ အာတာပိနော ပဟိတတ္တဿ ဝိဟရတော အဝိမုတ္တံ ဝါ စိတ္တံ ဝိမုစ္စတိ၊ အပရိက္ခီဏာ ဝါ အာသဝါ ပရိက္ခယံ ဂစ္ဆန္တိ၊ အနနုပ္ပတ္တံ ဝါ အနုတ္တရံ ယောဂက္ခေမံ အနုပါပုဏာတီ’’တိ ဧဝမာဒိနာ ဘဂဝတာ ဘာသိတံ။

စင်္ကမသုတ္တ

ပု – တတ္ထေဝ ¶ အာဝုသော နဝမံ စင်္ကမသုတ္တံ ဘဂဝတာ ကထံ ဘာသိတံ။

ဝိ – နဝမံ ဘန္တေ စင်္ကမသုတ္တံ ‘‘ပဉ္စိမေ ဘိက္ခဝေ စင်္ကမေ အာနိသံသာ။ ကတမေ ပဉ္စ၊ အဒ္ဓါနက္ခမော ဟောတိ၊ ပဓာနက္ခမော ဟောတိ၊ အပ္ပာဗာဓော ¶ ဟောတိ၊ အသိတံ ပီတံ ခါယိတံ သာယိတံ သမ္မာ ပရိဏာမံ ဂစ္ဆတိ၊ စင်္ကမာဓိဂတော သမာဓိ စိရဋ္ဌိတိကော ဟောတိ။ ဣမေ ခေါ ဘိက္ခဝေ ပဉ္စ စင်္ကမေ အာနိသံသာ’’တိ ဧဝံ ခေါ ဘန္တေ ဘဂဝတာ ဘာသိတံ။

သုမနသုတ္တ

ပု – သုမနဝဂ္ဂေ ¶ ပန အာဝုသော ပဌမံ သုမနသုတ္တံ ဘဂဝတာ ကတ္ထ ကံ အာရဗ္ဘ ကိသ္မိံ ဝတ္ထုသ္မိံ ကထဉ္စ ဘာသိတံ။

ဝိ – သာဝတ္ထိယံ ဘန္တေ သုမနံ ရာဇကုမာရိံ အာရဗ္ဘ ဘာသိတံ။ သုမနာ ဘန္တေ ရာဇကုမာရီ ဘဂဝန္တံ ဧတဒဝေါစ ‘‘ဣဓဿု ဘန္တေ ဘဂဝတော ဒွေ သာဝကာ သမသဒ္ဓါ သမသီလာ သမပညာ ဧကော ဒါယကော ဧကော အဒါယကော။ တေ ကာယဿ ဘေဒါ ပရံ မရဏာ သုဂတိံ သဂ္ဂံ လောကံ ဥပပဇ္ဇေယျုံ။ ဒေဝဘူတာနံ ပန နေသံ ဘန္တေ သိယာ ဝိသေသော သိယာ နာနာကရဏ’’န္တိ။ တသ္မိံ ဘန္တေ ဝတ္ထုသ္မိံ ‘‘ယော သော သုမနေ ဒါယကော၊ သော အမှံ အဒါယကံ ဒေဝဘူတော သမာနော ပဉ္စဟိ ဌာနေဟိ အဓိဂဏှာတိ၊ ဒိဗ္ဗေန အာယုနာ ဒိဗ္ဗေန ဝဏ္ဏေန ဒိဗ္ဗေန သုခေန ဒိဗ္ဗေန ယသေန ဒိဗ္ဗေန အာဓိပတေယျေန။ ယော သော သုမနေ ဒါယကော၊ သော အမှံ အဒါယကံ ဒေဝဘူတော သမာနော ဣမေဟိ ပဉ္စဟိ ဌာနေဟိ အဓိဂဏှာတီ’’တိ ဧဝမာဒိနာ ဘန္တေ ဘဂဝတာ ဘာသိတံ။

‘‘ယထာပိ ¶ စန္ဒော ဝိမလော၊ ဂစ္ဆံ အာကာသဓာတုယာ၊

သဗ္ဗေ တာရာဂဏေ လောကေ၊ အာဘာယ အတိရောစတိ၊

တထေဝ သီလသမ္ပန္နော၊ သဒ္ဓါ ပုရိသပုဂ္ဂလော၊

သဗ္ဗေ မစ္ဆရိနော လောကေ၊ စာဂေန အတိရောစတိ’’–

ဥဂ္ဂဟသုတ္တ

ပု – တတ္ထေဝ အာဝုသော တတိယံ ဥဂ္ဂဟသုတ္တံ ဘဂဝတာ ကတ္ထ ကံ အာရဗ္ဘ ကိသ္မိံ ဝတ္ထုသ္မိံ ကထဉ္စ ဘာသိတံ။

ဝိ – တတိယံ ဘန္တေ ဥဂ္ဂဟသုတ္တံ ဘဒ္ဒိယေ ဥဂ္ဂဟံ မေဏ္ဍကနတ္တာရံ အာရဗ္ဘ ဘာသိတံ။ ဥဂ္ဂဟော ဘန္တေ မေဏ္ဍကနတ္တာ ဘဂဝန္တံ ဧတဒဝေါစ ‘‘ဣမာ မေ ဘန္တေ ကုမာရိယော ပတိကုလာနိ ဂမိဿန္တိ၊ ဩဝဒတု တာသံ ဘန္တေ ဘဂဝါ၊ အနုသာသတု တာသံ ဘန္တေ ဘဂဝါ၊ ယံ တာသံ အဿ ဒီဃရတ္တံ ဟိတာယ သုခါယာ’’တိ။ တသ္မိံ ဘန္တေ ဝတ္ထုသ္မိံ ‘‘တသ္မာတိဟ ကုမာရိယော ဧဝံ သိက္ခိတဗ္ဗံ’’ ယဿ ဝေါ မာတာပိတရော ဘတ္တုနော ဒဿန္တိ အတ္ထကာမာ ဟိတေသိနော အနုကမ္ပကာ အနုကမ္ပံ ဥပါဒါယ၊ တဿ ဘဝိဿာမ ပုဗ္ဗုဋ္ဌာယိနော ¶ ပစ္ဆာနိပါတိနိယော ကိံ ကာရပဋိဿာဝိနိယော မနာပစာရိနိယော ပိယဝါဒိနိယော’တိ။ ဧဝဉှိ ဝေါ ကုမာရိယော သိက္ခိတဗ္ဗ’’န္တိ ဧဝမာဒိနာ ဘဂဝတာ ဘာသိတံ။

သီဟသေနာပတိသုတ္တ

ပု – အင်္ဂုတ္တရနိကာယေ ¶ အာဝုသော ပဉ္စကနိပါတေ သုမနဝဂ္ဂေ စတုတ္ထံ သီဟသေနာပတိသုတ္တံ ဘဂဝတာ ကတ္ထ ကံ အာရဗ္ဘ ကိသ္မိံ ဝတ္ထုသ္မိံ ကထဉ္စ ဘာသိတံ။

ဝိ – ဝေသာလိယံ ဘန္တေ သီဟံ သေနာပတိံ အာရဗ္ဘ ဘာသိတံ။ သီဟော ဘန္တေ သေနာပတိ ဘဂဝန္တံ ဧတဒဝေါစ ‘‘သက္ကာ နု ခေါ ဘန္တေ သန္ဒိဋ္ဌိကံ ဒါနဖလံ ပညာပေတု’’န္တိ။ တသ္မိံ ဘန္တေ ဝတ္ထုသ္မိံ ‘‘သက္ကာ သီဟ၊ ဒါယကော သီဟ ဒါနပတိ ဗဟုနော ဇနဿ ပိယော ဟောတိ မနာပေါ’’တိ ဧဝမာဒိနာ ဘဂဝတာ ဘာသိတံ။

ကာလဒါနသုတ္တ

ပု – တတ္ထေဝ ¶ အာဝုသော ဆဋ္ဌံ ကာလဒါနသုတ္တံ ဘဂဝတာ ကထံ ဘာသိတံ။

ဝိ – ဆဋ္ဌံ ¶ ဘန္တေ ကာလဒါနသုတ္တံ ‘‘ပဉ္စိမာနိ ဘိက္ခဝေ ကာလဒါနာနိ။ ကတမာနိ ပဉ္စ၊ အာဂန္တုကဿ ဒါနံ ဒေတိ၊ ဂမိကဿ ဒါနံ ဒေတိ၊ ဂိလာနဿ ဒါနံ ဒေတိ၊ ဒုဗ္ဘိက္ခေ ဒါနံ ဒေတိ၊ ယာနိ တာနိ နဝသဿာနိ နဝဖလာနိ၊ တာနိ ပဌမံ သီလဝန္တေသု ပတိဋ္ဌာပေတိ။ ဣမာနိ ခေါ ဘိက္ခဝေ ပဉ္စ ကာလဒါနာနီ’’တိ ဧဝမာဒိနာ ဘဂဝတာ ဘာသိတံ။

ဘောဇနသုတ္တ

ပု – တတ္ထေဝ ¶ အာဝုသော သတ္တမံ ဘောဇနသုတ္တံ ဘဂဝတာ ကထံ ဘာသိတံ။

ဝိ – သတ္တမံ ဘန္တေ ဘောဇနသုတ္တံ ‘‘ဘောဇနံ ဘိက္ခဝေ ဒဒမာနော ဒါယကော ပဋိဂ္ဂါဟကာနံ ပဉ္စ ဌာနာနိ ဒေတိ။ ကတမာနိ ပဉ္စ၊ အာယုံ ဒေတိ၊ ဝဏ္ဏံ ဒေတိ၊ သုခံ ဒေတိ၊ ဗလံ ဒေတိ၊ ပဋိဘာနံ ဒေတိ။ အာယုံ ခေါ ပန ဒတွာ အာယုဿ ဘာဂီ ဟောတိ ဒိဗ္ဗဿ ဝါ မာနုသဿ ဝါ’’တိ ဧဝမာဒိနာ ဘဂဝတာ ဘာသိတံ။

ပုတ္တသုတ္တ

ပု – တတ္ထေဝ ¶ အာဝုသော နဝမံ ပုတ္တသုတ္တံ ဘဂဝတာ ကထံ ဘာသိတံ။

ဝိ – နဝမံ ဘန္တေ ပုတ္တသုတ္တံ ‘‘ပဉ္စိမာနိ ဘိက္ခဝေ ဌာနာနိ သမ္ပဿန္တော မာဘာပိတရော ပုတ္တံ ဣစ္ဆန္တိ ကုလေ ဇာယမာနံ။ ကတမာနိ ပဉ္စ၊

ဘတော ¶ ဝါ နော ဘရိဿတိ၊ ကိစ္စံ ဝါ နော ကရိဿတိ၊ ကုလဝံသော စိရံ ဌဿတိ၊ ဒါယဇ္ဇံ ပဋိပဇ္ဇိဿတီ’’တိ ဧဝမာဒိနာ ဘဂဝတာ ဘာသိတံ။

နာရဒသုတ္တ

ပု – မုဏ္ဍရာဇဝဂ္ဂေ ¶ ပနာဝုသော ဒသမံ နာရဒသုတ္တံ ကတ္ထ ကံ အာရဗ္ဘ ကိသ္မိံ ဝတ္ထုသ္မိံ ကေန ကထဉ္စ ဘာသိတံ။

ဝိ – ပါဋလိပုတ္တေ ဘန္တေ မုဏ္ဍံ ရာဇာနံ အာရဗ္ဘ ဘာသိတံ။ မုဏ္ဍဿ ဘန္တေ ရညော ဘဒ္ဒါ ဒေဝီ ကာလင်္ကတာ ဟောတိ ပိယာ မနာပါ။ သော ဘဒ္ဒါယ ဒေဝိယာ ကာလင်္ကတာယ ပိယာယ မနာပါယ နေဝ နှာယတိ န ဝိလိမ္ပတိ န ဘတ္တံ ဘုဉ္ဇတိ၊ န ကမ္မန္တံ ပယောဇေတိ၊ ရတ္တိန္ဒိဝံ ဘဒ္ဒါယ ဒေဝိယာ သရီရေ အဇ္ဈောမုစ္ဆိတော။ တသ္မိံ ဘန္တေ ဝတ္ထုသ္မိံ ‘‘ပဉ္စိမာနိ မဟာရာဇ အလဗ္ဘနီယာနိ ဌာနာနိ သမဏေန ဝါ ဗြာဟ္မဏေန ဝါ ဒေဝေန ဝါ မာရေန ဝါ ဗြဟ္မုနာ ဝါ ကေနစိ ဝါ လောကသ္မိ’’န္တိ ဧဝမာဒိနာ ဘန္တေ အာယသ္မတာ နာရဒတ္ထေရေန ရညော ပသေနဒိဿ ကောသလဿ ဘဂဝတာ ဒေသိတနိယာမေန ဒေသိတံ။

ကော ¶ နာမော အယံ ဘန္တေ ဓမ္မပရိယာယော။

တဂ္ဃ ဘန္တေ သောကသလ္လဟရဏော။

သမယသုတ္တ

ပု – အင်္ဂုတ္တရနိကာယေ ¶ အာဝုသော ပဉ္စကနိပါတေ နီဝရဏဝဂ္ဂေ စတုတ္ထံ သမယသုတ္တံ ဘဂဝတာ ကထံ ဘာသိတံ။

ဝိ – နီဝရဏဝဂ္ဂေ ဘန္တေ စတုတ္ထံ သမယသုတ္တံ ‘‘ပဉ္စိမေ ဘိက္ခဝေ အသမယာ ပဓာနာယ။ ကတမေ ပဉ္စ၊ ဣဓ ဘိက္ခဝေ ဘိက္ခု ဇိဏ္ဏော ဟောတိ ဇရာယာဘိဘူတော။ အယံ ဘိက္ခဝေ ပဌမော အသမယော ပဓာနာယာ’’တိ ဧဝမာဒိနာ ဘဂဝတာ ဘာသိတံ။

ဌာနသုတ္တ

ပု – တတ္ထေဝ ¶ အာဝုသော သတ္တမံ ဌာနသုတ္တံ ဘဂဝတာ ကထံ ဘာသိတံ။

ဝိ – သတ္တမံ ဘန္တေ ဌာနသုတ္တံ ‘‘ပဉ္စိမာနိ ဘိက္ခဝေ ဌာနာနိ အဘိဏှံ ပစ္စဝေက္ခိတဗ္ဗာနိ ဣတ္ထိယာ ဝါ ပုရိသေန ဝါ ဂဟဋ္ဌေန ဝါ ပဗ္ဗဇိတေန ဝါ။ ကတမာနိ ပဉ္စ၊ ဇရာဓမ္မောမှိ ဇရံ အနတီတောတိ အဘိဏှံ ပစ္စဝေက္ခိတဗ္ဗံ ဣတ္ထိယာ ဝါ ပုရိသေန ဝါ ဂဟဋ္ဌေန ဝါ ပဗ္ဗဇိတေန ဝါ’’တိ ဧဝမာဒိနာ ဘဂဝတာ ဘာသိတံ။

ဓမ္မဝိဟာရီသုတ္တ

ပု – ယောဓာဇီဝဝဂ္ဂေ ¶ ပနာဝုသော တတိယံ ဓမ္မဝိဟာရိသုတ္တံ ဘဂဝတာ ကထံ ဘာသိတံ။

ဝိ – ယောဓာဇီဝဝဂ္ဂေ ဘန္တေ တတိယံ ဓမ္မဝိဟာရိသုတ္တံ ‘‘ဣဓ ဘိက္ခု ဘိက္ခု ဓမ္မံ ပရိယာပုဏာတိ သုတ္တံ ဂေယျံ ဝေယျာကရဏံ ဂါထံ ဥဒါနံ ဒုတိဝုတ္တကံ ဇာတကံ အဗ္ဘုတဓမ္မံ ဝေဒလ္လံ၊ သော တာယ ဓမ္မပရိယတ္တိယာ ဒိဝသံ အတိနာမေတိ၊ ရိဉ္စတိ ပဋိသလ္လာနံ၊ နာနုယုဉ္ဇတိ အဇ္ဈတ္တံ စေတောသမထံ။ အယံ ဝုစ္စတိ ဘိက္ခု ဘိက္ခု ပရိယတ္တိဗဟုလော နော ဓမ္မဝိဟာရီ’’တိ ဧဝမာဒိနာ ဘန္တေ ဘဂဝတာ ဘာသိတံ။

ဓမ္မဝိဟာရီ ဓမ္မဝိဟာရီတိ ဘန္တေ ဝုစ္စတိ၊ ကိတ္တာဝတာ နု ခေါ ဘန္တေ ဘိက္ခု ဓမ္မဝိဟာရီ ဟောတိ။

ဒုတိယအနာဂတဘယသုတ္တ

ပု – အင်္ဂုတ္တရနိကာယေ ¶ အာဝုသော ပဉ္စကနိပါတေ ယောဓာဇီဝဝဂ္ဂေ အဋ္ဌမံ ဒုတိယအနာဂတဘယသုတ္တံ ဘဂဝတာ ကထံ ဘာသိတံ။

ဝိ – ယောဓာဇီဝဝဂ္ဂေ ဘန္တေ အဋ္ဌမံ ဒုတိယအနာဂတဘယသုတ္တံ ‘‘ပဉ္စိမာနိ ဘိက္ခဝေ အနာဂတဘယာနိ သမ္ပဿမာနေန အလမေဝ ဘိက္ခုနာ အပ္ပမတ္တေန အာတာပိနာ ပဟိတတ္တေန ဝိဟရိတုံ အပ္ပတ္တဿ ပတ္တိယာ အနဓိဂတဿ အဓိဂမာယ အသစ္ဆိကတဿ သစ္ဆိကိရိယာယာ’’တိ ဧဝမာဒိနာ ဘဂဝတာ ဘာသိတံ။

တတိယအနာဂတဘယသုတ္တ

ပု – တတ္ထေဝ ¶ အာဝုသော နဝမံ တတိယအနာဂတဘယသုတ္တံ ဘဂဝတာ ကထံ ဘာသိတံ။

ဝိ – တတ္ထေဝ ဘန္တေ နဝမံ ကတိယအနာဂတဘယသုတ္တံ ‘‘ပဉ္စိမာနိ ဘိက္ခဝေ အနာဂတဘယာနိ ဧတရဟိ အသမုပ္ပန္နာနိ အာယတိံ သမုပ္ပဇ္ဇိဿန္တိ၊ တာနိ ဝေါ ပဋိဗုဇ္ဈိတဗ္ဗာနိ၊ ပဋိဗုဇ္ဈိတွာ စ တေသံ ပဟာနာယ ဝါယမိတဗ္ဗံ။ ကတမာနိ ပဉ္စ၊ ဘဝိဿန္တိ ဘိက္ခဝေ ဘိက္ခူ အနာဂတမဒ္ဓါနံ အဘာဝိတကာယာ အဘာဝိတသီလာ အဘာဝိတစိတ္တာ အဘာဝိတပညာ’’တိ ဧဝမာဒိနာ ဘဂဝတာ ဘာသိတံ။

စတုတ္ထအနာဂတဘယသုတ္တ

ပု – အင်္ဂုတ္တရနိကာယေ ¶ အာဝုသော ပဉ္စကနိပါတေ ယောဓာဇီဝဝဂ္ဂေ ဒသမံ စတုတ္ထအနာဂတဘယသုတ္တံ ဘဂဝတာ ကထံ ဘာသိတံ။

ဝိ – ယောဓာဇီဝဝဂ္ဂေ ဘန္တေ ဒသမံ စတုတ္ထအနာဂတဘယသုတ္တံ ‘‘ပဉ္စိမာနိ ဘိက္ခဝေ အနာဂတဘယာနိ ဧတရဟိ အသမုပ္ပန္နာနိ အာယတိံ သမုပ္ပဇ္ဇိဿန္တိ၊ တာနိ ဝေါ ပဋိဗုဇ္ဈိတဗ္ဗာနိ၊ ပဋိဗုဇ္ဈိတွာ စ တေသံ ပဟာနာယ ဝါယမိတဗ္ဗ’’န္တိ ဧဝမာဒိနာ ဘဂဝတာ ဘာသိတံ။

ကကုဓဝဂ္ဂ

သီဟသုတ္တ

ပု – ကကုဓဝဂ္ဂေ ¶ အာဝုသော နဝမံ သီဟသုတ္တံ ဘဂဝတာ ကထံ ဘာသိတံ။

ဝိ – ကကုဓဝဂ္ဂေ ဘန္တေ နဝမံ သီဟသုတ္တံ ‘‘သီဟော ဘိက္ခဝေ မိဂရာဇာ သာယနှသမယံ အာသယာ နိက္ခမတိ၊ အာသယာ နိက္ခမိတွာ ဝိဇမ္ဘတိ၊ ဝိဇမ္ဘိတွာ သမန္တာ စတုဒ္ဒိသံ အနုဝိလောကေတိ၊ သမန္တာ စတုဒ္ဒိသံ အနုဝိလောကေတွာ တိက္ခတ္တုံ သီဟနာဒံ နဒတီ’’တိ ဧဝမာဒိနာ ဘဂဝတာ ဘာသိတံ။

အန္ဓကဝိန္ဒဝဂ္ဂ

ကုလူပကသုတ္တ

ပု – အန္ဓကဝိန္ဒဝဂ္ဂေ ¶ ပန အာဝုသော ‘‘ပဌမံ ကုလူပကသုတ္တံ ဘဂဝတာ ကထံ ဘာသိတံ။

ဝိ – အန္ဓကဝိန္ဒဝဂ္ဂေ ဘန္တေ ပဌမံ ကုလူပကသုတ္တံ ‘‘ပဉ္စဟိ ဘိက္ခဝေ ဓမ္မေဟိ သမန္နာဂတော ကုလူပကော ဘိက္ခု ကုလေသု အပ္ပိယော စ ဟောတိ အမနာပေါ စ အဂရု စ အဘာဝနီယော စာ’’တိ ဧဝမာဒိနာ ဘန္တေ ဘဂဝတာ ဘာသိတံ။

အန္ဓကဝိန္ဒသုတ္တ

ပု – တတ္ထေဝ ¶ အာဝုသော စတုတ္ထံ အန္ဓကဝိန္ဒသုတ္တံ ဘဂဝတာ ကတ္ထ ကံ အာရဗ္ဘ ကထဉ္စ ဘာသိတံ။

ဝိ – မဂဓေသု ဘန္တေ အန္ဓကဝိန္ဒေ အာယသ္မန္တံ အာနန္ဒံ အာရဗ္ဘ ‘‘ယေ တေ အာနန္ဒ ဘိက္ခူ နဝါ အစိရပဗ္ဗဇိတာ အဓုနာဂတာ ဣမံ ဓမ္မဝိနယံ၊ တေ ဝေါ အာနန္ဒ ဘိက္ခူ ပဉ္စသု ဓမ္မေသု သမာဒပေတဗ္ဗာ နိဝေသေတဗ္ဗာ ပတိဋ္ဌာပေတဗ္ဗာ’’တိ ဧဝမာဒိနာ ဘဂဝတာ ဘာသိတံ။

ဂိလာနဝဂ္ဂ

သတိသူပဋ္ဌိတသုတ္တ

ပု – အင်္ဂုတ္တရနိကာယေ ¶ အာဝုသော ပဉ္စကနိပါတေ ဂိလာနဝဂ္ဂေ ဒုတိယံ သတိသူပဋ္ဌိတသုတ္တံ ဘဂဝတာ ကထံ ဘာသိတံ။

ဝိ – ဂိလာနဝဂ္ဂေ ဘန္တေ ဒုတိယံ သတိသူပဋ္ဌိတသုတ္တံ ‘‘ယော ဟိ ကောစိ ဘိက္ခဝေ ဘိက္ခု ဝါ ဘိက္ခုနီ ဝါ ပဉ္စ ဓမ္မေ ဘာဝေတိ၊ ပဉ္စ ဓမ္မေ ဗဟုလီကရောတိ၊ တဿ ဒွိန္နံ ဖလာနံ အညတရံ ဖလံ ပါဋိကင်္ခံ ‘ဒိဋ္ဌေဝ ဓမ္မေ အညာ၊ သတိ ဝါ ဥပါဒိသေသေ အနာဂါမိတာ’။ ကတမေ ပဉ္စ၊ ဣဓ ဘိက္ခဝေ ဘိက္ခုနော အဇ္ဈတ္တညေဝ သတိသူပဋ္ဌိတာ ဟောတီ’’တိ ဧဝမာဒိနာ ဘဂဝတာ ဘာသိတံ။

ဥပဋ္ဌာကသုတ္တ

ပု – တတ္ထေဝ ¶ အာဝုသော တတိယံ ဥပဋ္ဌာကသုတ္တံ ဘဂဝတာ ကထံ ဘာသိတံ။

ဝိ – တတိယံ ¶ ဘန္တေ ဥပဋ္ဌာကသုတ္တံ ‘‘ပဉ္စဟိ ဘိက္ခဝေ ဓမ္မေဟိ သမန္နာဂတော ဂိလာနော ဒူပဋ္ဌာကော ဟောတိ။ ကတမေဟိ ပဉ္စဟိ၊ အသပ္ပာယကာရီ ဟောတိ၊ သပ္ပာယေ မတ္တံ န ဇာနာတိ၊ ဘေသဇ္ဇံ နပ္ပဋိသေဝိတာ ဟောတီ’’တိ ဧဝမာဒိနာ ဘဂဝတာ ဘာသိတံ။

အနာယုဿာသုတ္တ

ပု – တတ္ထေဝ ¶ အာဝုသော ပဉ္စမံ အနာယုဿာသုတ္တံ ဘဂဝတာ ကထံ ဘာသိတံ။

ဝိ – ပဉ္စမံ ဘန္တေ အနာယုဿာသုတ္တံ ‘‘ပဉ္စိမေ ဘိက္ခဝေ ဓမ္မာ အနာယုဿာ။ ကတမေ ပဉ္စ၊ အသပ္ပာယကာရီ ဟောတိ၊ သပ္ပာယေ မတ္တံ န ဇာနာတိ၊ အပရိဏတဘောဇီ စ ဟောတိ၊ အကာလစာရီ စ ဟောတိ၊ အဗြဟ္မစာရီ စ။ ဣမေ ခေါ ဘိက္ခဝေ ပဉ္စ ဓမ္မာ အနာယုဿာ’’တိ ဧဝမာဒိနာ ဘဂဝတာ ဘာသိတံ။

သမဏသုခသုတ္တ

ပု – တတ္ထေဝ ¶ အာဝုသော အဋ္ဌမံ သမဏသုခသုတ္တံ ဘဂဝတာ ကထံ ဘာသိတံ။

ဝိ – အဋ္ဌမံ ဘန္တေ သမဏသုခသုတ္တံ ‘‘ပဉ္စိမာနိ ဘိက္ခဝေ သမဏဒုက္ခာနိ။ ကတမာနိ ပဉ္စ၊ ဣဓ ဘိက္ခဝေ ဘိက္ခု အသန္တုဋ္ဌော ဟောတိ ဣတရီတရေန စီဝရေန၊ အသန္တုဋ္ဌော ဟောတိ ဣတရီတရေန ပိဏ္ဍပါတေန၊ အသန္တုဋ္ဌော ဟောတိ ဣတရီတရေန သေနာသနေန၊ အသန္တုဋ္ဌော ဟောတိ ဣတရီတရေန ဂိလာနပစ္စယဘေသဇ္ဇပရိက္ခာရေန၊ အနဘိရတော စ ဗြဟ္မစရိယံ စရတိ။ ဣမာနိ ခေါ ဘိက္ခဝေ ပဉ္စ သမဏဒုက္ခာနီ’’တိ ဧဝမာဒိနာ ဘဂဝတာ ဘာသိတံ။

ဗျသနသုတ္တ

ပု – တတ္ထေဝ ¶ အာဝုသော ဒသမံ ဗျသနသုတ္တံ ဘဂဝတာ ကထံ ဘာသိတံ။

ဝိ – ဒသမံ ဘန္တေ ဗျသနသုတ္တံ ‘‘ပဉ္စိမာနိ ဘိက္ခဝေ ဗျသနာနိ။ ကတမာနိ ပဉ္စ၊ ဉာတိဗျသနံ ဘောဂဗျသနံ ရောဂဗျသနံ သီလဗျသနံ ဒိဋ္ဌိဗျသန’’န္တိ ဧဝမာဒိနာ ဘဂဝတာ ဘာသိတံ။

ရာဇဝဂ္ဂ

ပတ္ထနာသုတ္တ

ပု – ရာဇဝဂ္ဂေ ¶ ပန အာဝုသော ဆဋ္ဌံ ပတ္ထနာသုတ္တံ ဘဂဝတာ ကထံ ဘာသိတံ။

ဝိ – ရာဇဝဂ္ဂေ ဘန္တေ ဆဋ္ဌံ ပတ္ထနာသုတ္တံ ‘‘ပဉ္စဟိ ဘိက္ခဝေ အင်္ဂေဟိ သမန္နာဂတော ရညော ခတ္တိယဿ မုဒ္ဓါဝသိတ္တဿ ဇေဋ္ဌော ပုတ္တော ဩပရဇ္ဇံ ပတ္ထေတီ’’တိ ဧဝမာဒိနာ ဘဂဝတာ ဘာသိတံ။

သပ္ပုရိသဒါနသုတ္တ

ပု – တိကဏ္ဍကီဝဂ္ဂေ ¶ အာဝုသော အဋ္ဌမံ သပ္ပုရိသဒါနသုတ္တံ ဘဂဝတာ ကထံ ဘာသိတံ။

ဝိ – တိကဏ္ဍကီဝဂ္ဂေ ဘန္တေ အဋ္ဌမံ သပ္ပုရိသဒါနသုတ္တံ ‘‘ပဉ္စိမာနိ ဘိက္ခဝေ သပ္ပုရိသဒါနာနိ။ ကတမာနိ ပဉ္စ၊ သဒ္ဓါယ ဒါနံ ဒေတိ၊ သက္ကစ္စံ ဒါနံ ဒေတိ၊ ကာလေန ဒါနံ ဒေတိ၊ အနုဂ္ဂဟိတစိတ္တော ဒါနံ ဒေတိ၊ အတ္တာနဉ္စ ပရဉ္စ အနုပဟစ္စ ဒါနံ ဒေတီ’’တိ ဧဝမာဒိနာ ဘဂဝတာ ဘာသိတံ။

သဒ္ဓမ္မဝဂ္ဂ

ပဌမသမ္မတ္တနိယာမသုတ္တ

ပု – သဒ္ဓမ္မဝဂ္ဂေ ¶ ပန အာဝုသော ပဌမံ သမ္မတ္တနိယာမသုတ္တံ ဘဂဝတာ ကထံ ဘာသိတံ။

ဝိ – သဒ္ဓမ္မဝဂ္ဂေ ဘန္တေ ပဌမံ သမ္မတ္တနိယာမသုတ္တံ ‘‘ပဉ္စဟိ ဘိက္ခဝေ ဓမ္မေဟိ သမန္နာဂတော သုနက္ခောပိ သဒ္ဓမ္မံ အဘဗ္ဗော နိယာမံ ဩက္ကမိတုံ ကုသလေသု ဓမ္မေသု သမ္မတ္တံ။ ကတမေဟိ ပဉ္စဟိ၊ ကထံ ပရိဘောတိ၊ ကထိကံ ပရိဘောတိ၊ အတ္တာနံ ပရိဘောတီ’’တိ ဧဝမာဒိနာ ဘဂဝတာ ဘာသိတံ။

ပဌမသဒ္ဓမ္မသမ္မောသသုတ္တ

ပု – တတ္ထေဝ ¶ အာဝုသော စတုတ္ထံ ပဌမသဒ္ဓမ္မသမ္မောသသုတ္တံ ဘဂဝတာ ကထံ ဘာသိတံ။

ဝိ – တတ္ထေဝ ဘန္တေ စတုတ္ထံ ပဌမသဒ္ဓမ္မသမ္မောသသုတ္တံ ‘‘ပဉ္စိမေ ဘိက္ခဝေ ဓမ္မာ သဒ္ဓမ္မဿ သမ္မောသာယ အန္တရဓာနာယ သံဝတ္တန္တိ။ ကတမေ ပဉ္စ၊ ဣဓ ဘိက္ခဝေ ဘိက္ခူ န သက္ကစ္စံ ဓမ္မံ သုဏန္တိ၊ န သက္ကစ္စံ ဓမ္မံ ပရိယာပုဏန္တိ၊ န သက္ကစ္စံ ဓမ္မံ ဓာရေန္တိ၊ န သက္ကစ္စံ ဓာတာနံ ဓမ္မာနံ အတ္ထံ ဥပပရိက္ခန္တိ၊ န သက္ကစ္စံ အတ္ထမညာယ ဓမ္မမညာယ ဓမ္မာနုဓမ္မံ ပဋိပဇ္ဇန္တိ။ ဣမေ ခေါ ဘိက္ခဝေ ပဉ္စ ဓမ္မာ သဒ္ဓမ္မဿ သမ္မောသာယ အန္တရဓာနာယ သံဝတ္တန္တီ’’တိ ဧဝမာဒိနာ ဘဂဝတာ ဘာသိတံ။

ဒုတိယသဒ္ဓမ္မသမ္မောသသုတ္တ

ပု – တတ္ထေဝ ¶ အာဝုသော ပဉ္စမံ ဒုတိယသဒ္ဓမ္မသမ္မောသသုတ္တံ ဘဂဝတာ ကထံ ဘာသိတံ။

ဝိ – တတ္ထေဝ ဘန္တေ ပဉ္စမံ ဒုတိယသဒ္ဓမ္မသမ္မောသသုတ္တံ ‘‘ပဉ္စိမေ ဘိက္ခဝေ ဓမ္မာ သဒ္ဓမ္မဿ သမ္မောသာယ အန္တရဓာနာယ သံဝတ္တန္တိ။ ကတမေ ပဉ္စ၊ ဣဓ ဘိက္ခဝေ ဘိက္ခူ ဓမ္မံ န ပရိယာပုဏန္တိ သုတ္တံ ဂေယျံ ဝေယျာကရဏံ ဂါထံ ဥဒါနံ ဣတိဝုတ္တကံ ဇာတကံ အဗ္ဘုတဓမ္မံ ဝေဒလ္လံ။ အယံ ဘိက္ခဝေ ပဌမော ဓမ္မော သဒ္ဓမ္မဿ သမ္မောသာယ အန္တရဓာနာယ သံဝတ္တတီ’’တိ ဧဝမာဒိနာ ဘဂဝတာ ဘာသိတံ။

တတိယသဒ္ဓမ္မသမ္မောသသုတ္တ

ပု – တတ္ထေဝ ¶ အာဝုသော ဆဋ္ဌံ တတိယသဒ္ဓမ္မသမ္မောသသုတ္တံ ဘဂဝတာ ကထံ ဘာသိတံ။

ဝိ – တတ္ထေဝ ဘန္တေ ဆဋ္ဌံ တတိယသဒ္ဓမ္မသမ္မောသသုတ္တံ ‘‘ပဉ္စိမေ ဘိက္ခဝေ ဓမ္မာ သဒ္ဓမ္မဿ သမ္မောသာယ အန္တရဓာနာယ သံဝတ္တန္တိ။ ကတမေ ပဉ္စ၊ ဣဓ ဘိက္ခဝေ ဘိက္ခူ ဒုဂ္ဂဟိတံ သုတ္တန္တံ ပရိယာပုဏန္တိ ဒုန္နိက္ခိတ္တဟိ ပဒဗျဉ္ဇနေဟိ။ ဒုန္နိက္ခိတ္တဿ ဘိက္ခဝေ ပဒဗျဉ္ဇနဿ အတ္ထောပိ ဒုန္နယော ဟောတိ။ အယံ ဘိက္ခဝေ ပဌမော ဓမ္မော သဒ္ဓမ္မဿ သမ္မောသာယ အန္တရဓာနာယ သံဝတ္တတီ’’တိ ဧဝမာဒိနာ ဘဂဝတာ ဘာသိတံ။

ဒုက္ကတာသုတ္တ

ပု – အင်္ဂုတ္တရနိကာယေ ¶ အာဝုသော ပဉ္စကနိပါတေ သဒ္ဓမ္မဝဂ္ဂေ သတ္တမံ ဒုက္ကထာသုတ္တံ ဘဂဝတာ ကထံ ဘာသိတံ။

ဝိ – သဒ္ဓမ္မဝဂ္ဂေ ဘန္တေ သတ္တမံ ဒုက္ကထာသုတ္တံ ‘‘ပဉ္စန္နံ ဘိက္ခဝေ ပုဂ္ဂလာနံ ကထာ ဒုက္ကထာ ပုဂ္ဂလေ ပုဂ္ဂလံ ဥပနိဓာယ။ ကတမေသံ ပဉ္စန္နံ၊ အဿဒ္ဓဿ ဘိက္ခဝေ သဒ္ဓါကထာ ဒုက္ကထာ၊ ဒုဿီလဿ သီလကထာ ဒုက္ကထာ၊ အပ္ပဿုတဿ ဗာဟုသစ္စကထာ ဒုက္ကထာ၊ မစ္ဆရိဿ စာဂကထာ ဒုက္ကထာ၊ ဒုပ္ပညဿ ပညာကထာ ဒုက္ကထာ’’တိ ဧဝမာဒိနာ ဘဂဝတာ ဘာသိတံ။

ဥဒါယီသုတ္တ

ပု – တတ္ထေဝ ¶ အာဝုသော နဝမံ ဥဒါယိသုတ္တံ ဘဂဝတာ ကတ္ထ ကံ အာရဗ္ဘ ကိသ္မိံ ဝတ္ထုသ္မိံ ကထဉ္စ ဘာသိတံ။

ဝိ – ကောသမ္ဗိယံ ဘန္တေ အာယသ္မန္တံ ဥဒါယိံ အာရဗ္ဘ ဘာသိတံ။ အာယသ္မာ ဘန္တေ ဥဒါယီ မဟတိယာ ဂီဟိပရိသာယ ပရိဝုတော ¶ ဓမ္မံ ဒေသေန္တော နိသိန္နော ဟောတိ။ အဒ္ဒသာ ခေါ အာယသ္မာ အာနန္ဒော အာယသ္မန္တံ ဥဒါယိံ မဟတိယာ ဂိဟိပရိသာယ ပရိဝုတံ ဓမ္မံ ဒေသေန္တံ နိသိန္နံ။ ဒိသွာ ယေန ဘဂဝါ တေနုပသင်္ကမိ၊ ဥပသင်္ကမိတွာ ဘဂဝန္တံ အဘိဝါဒေတွာ ဧကမန္တံ နိသီဒိ။ ဧကမန္တံ နိသိန္နော ခေါ အာယသ္မာ အာနန္ဒော ဘဂဝန္တံ ဧတဒဝေါစ ‘‘အာယသ္မာ ဘန္တေ ဥဒါယီ မဟတိယာ ဂိဟိပရိသာယ ပရိဝုတော ဓမ္မံ ဒေသေတီ’’တိ။ တသ္မိံ ဘန္တေ ဝတ္ထုသ္မိံ ‘‘န ခေါ အာနန္ဒ သုကရံ ပရေသံ ဓမ္မံ ဒေသေတုံ၊ ပရေသံ အာနန္ဒ ဓမ္မံ ဒေသေန္တေန ပဉ္စ ဓမ္မေ အဇ္ဈတ္တံ ဥပဋ္ဌာပေတွာ ပရေသံ ဓမ္မော ဒေသေတဗ္ဗော’’တိ ဧဝမာဒိနာ ဘဂဝတာ ဘာသိတံ။

အာဃာတဝဂ္ဂ

ပဌမအာဃာတပဋိဝိနယသုတ္တ

ပု – အာဃာတဝဂ္ဂေ ¶ ပန အာဝုသော ပဌမံ အာဃာတပဋိဝိနယသုတ္တံ ဘဂဝတာ ကထံ ဘာသိတံ။

ဝိ – အာဃာတဝဂ္ဂေ ဘန္တေ ပဌမံ အာဃာတပဋိဝိနယသုတ္တံ ‘‘ပဉ္စိမေ ဘိက္ခဝေ အာဃာတပဋိဝိနယာ၊ ယတ္ထ ဘိက္ခုနော ဥပ္ပန္နော အာဃာတော သဗ္ဗသော ပဋိဝိနေတဗ္ဗော။ ကတမေ ပဉ္စ၊ ယသ္မိံ ဘိက္ခဝေ ပုဂ္ဂလေ အာဃာတော ဇာယေထ၊ မေတ္တာ တသ္မိံ ပုဂ္ဂလေ ဘာဝေတဗ္ဗာ၊ ဧဝံ တသ္မိံ ပုဂ္ဂလေ အာဃာတော ပဋိဝိနေတဗ္ဗော’’တိ ဧဝမာဒိနာ ဘဂဝတာ ဘာသိတံ။

ဥပါသကဝဂ္ဂ

စဏ္ဍာလသုတ္တ

ပု – ဥပါသကဝဂ္ဂေ ¶ ပန အာဝုသော ပဉ္စမံ စဏ္ဍာလသုတ္တံ ဘဂဝတာ ကထံ ဘာသိတံ။

ဝိ – ဥပါသကဝဂ္ဂေ ဘန္တေ ပဉ္စမံ စဏ္ဍာလသုတ္တံ ‘‘ပဉ္စဟိ ဘိက္ခဝေ ဓမ္မေဟိ သမန္နာဂတော ဥပါသကော ဥပါသကစဏ္ဍာလော စ ¶ ဟောတိ ဥပါသကမလဉ္စ ဥပါသကပတိကုဋ္ဌော စာ’’တိ ဧဝမာဒိနာ ဘဂဝတာ ဘာသိတံ။

ပီတိသုတ္တ

ပု – တတ္ထေဝ ¶ အာဝုသော ဆဋ္ဌံ ပီတိသုတ္တံ ဘဂဝတာ ကတ္ထ ကံ အာရဗ္ဘ ကထဉ္စ ဘာသိတံ။

ဝိ – ဆဋ္ဌံ ဘန္တေ ပီတိသုတ္တံ သာဝတ္ထိယံ အနာထပိဏ္ဍိကံ ဂဟပတိံ အာရဗ္ဘ ‘‘တုမှေ ခေါ ဂဟပတိ ဘိက္ခုသင်္ဃံ ပစ္စုပဋ္ဌိတာ စီဝရ ပိဏ္ဍပါတ သေနာသန ဂိလာနပစ္စယဘေသဇ္ဇပရိက္ခာရေန ¶ ။ န ခေါ ဂဟပတိ တာဝတကေနေဝ တုဋ္ဌိ ကရဏီယာ ‘‘မယံ ဘိက္ခုသင်္ဃံ ပစ္စုပဋ္ဌိတာ စီဝရပိဏ္ဍပါတသေနာသနဂိလာန ပစ္စယ ဘေသဇ္ဇပရိက္ခာရေနာ’’တိ။ တသ္မာတိဟ ဂဟပတိ ဧဝံ သိက္ခိတဗ္ဗံ ‘‘ကိန္ဒိ မယံ ကာလေန ကာလံ ပဝိဝေကံ ပီတိံ ဥပသမ္ပဇ္ဇ ဝိဟရေယျာမာ’’တိ ဧဝမာဒိနာ ဘဂဝတာ ဘာသိတံ။

ဝဏိဇ္ဇာသုတ္တ

ပု – တတ္ထေဝ ¶ အာဝုသော သတ္တမံ ဝဏိဇ္ဇာသုတ္တံ ဘဂဝတာ ကထံ ဘာသိတံ။

ဝိ – တတ္ထေဝ ဘန္တေ သတ္တမံ ဝဏိဇ္ဇာသုတ္တံ ‘‘ပဉ္စိမာ ဘိက္ခဝေ ဝဏိဇ္ဇာ ဥပါသကေန အကရဏီယာ။ ကတမာ ပဉ္စ၊ သတ္ထဝဏိဇ္ဇာ သတ္တဝဏိဇ္ဇာ မံသဝဏိဇ္ဇာ မဇ္ဇဝဏိဇ္ဇာ ဝိသဝဏိဇ္ဇာ။ ဣမာ ခေါ ဘိက္ခဝေ ပဉ္စ ဝဏိဇ္ဇာ ဥပါသကေန အကရဏီယာ’’တိ ဧဝံ ခေါ ဘန္တေ ဘဂဝတာ ဘာသိတံ။

ဂဝေသီသုတ္တ

ပု – တတ္ထေဝ ¶ အာဝုသော ဒသမံ ဂဝေသီသုတ္တံ ဘဂဝတာ ကတ္ထ ကံ အာရဗ္ဘ ကိသ္မိံ ဝတ္ထုသ္မိံ ကထဉ္စ ဘာသိတံ။

ဝိ – ဒသမံ ဘန္တေ ဂဝေသီသုတ္တံ ကောသလေသု အာယသ္မန္တံ အာနန္ဒတ္ထေရံ ဓမ္မဘဏ္ဍာဂါရိကံ အာရဗ္ဘ ဘာသိတံ။ အာယသ္မာ ဘန္တေ အာနန္ဒတ္ထေရော ဓမ္မဘဏ္ဍာဂါရိကော ဘဂဝန္တံ ဧတဒဝေါစ ‘‘ကော နု ခေါ ဘန္တေ ဟေတု ကော ပစ္စယော ဘဂဝတော သိတဿ ပါတုကမ္မာယ၊ န အကာရဏေန တထာဂတာ သိတံ ပါတုကရောန္တီ’’တိ။ တသ္မိံ ဘန္တေ ဝတ္ထုသ္မိံ ‘‘ဘူတပုဗ္ဗံ အာနန္ဒ ဣမသ္မိံ ပဒေသေ နဂရံ အဟောသိ ¶ ဣဒ္ဓဉ္စေဝ ဖီတဉ္စ ဗဟုဇနံ အာကိဏ္ဏမနုဿံ၊ တံ ခေါ ပနာနန္ဒ နဂရံ ကဿပေါ ဘဂဝါ အရဟံ သမ္မာသမ္ဗုဒ္ဓါ ဥပနိဿာယ ဝိဟာသီ’’တိ ဧဝမာဒိနာ ဘဂဝတာ ဘာသိတံ။

ဝါစာသုတ္တ

ပု – ဗြာဟ္မဏဝဂ္ဂေ ¶ အာဝုသော အဋ္ဌမံ ဝါစာသုတ္တံ ဘဂဝတာ ကထံ ဘာသိတံ။

ဝိ – ဗြာဟ္မဏဝဂ္ဂေ ဘန္တေ အဋ္ဌမံ ဝါစာသုတ္တံ ‘‘ပဉ္စဟိ ဘိက္ခဝေ ဓမ္မေဟိ သမန္နာဂတာ ဝါစာ သုဘာသိတာ ဟောတိ နော ဒုဗ္ဘာသိတာ၊ အနဝဇ္ဇာ စ အနနုဝဇ္ဇာ စ ဝိညူနံ။ ကတမေဟိ ပဉ္စဟိ၊ ကာလေန ဘာသိတာ ဟောတိ၊ သစ္စာ စ ဘာသိတာ ဟောတိ၊ သဏှာ စ ဘာသိတာ ဟောတိ၊ အတ္ထသံဟိတာ စ ဘာသိတာ ဟောတိ၊ မေတ္တာစိတ္တေန စ ဘာသိတာ ဟောတိ၊ ဣမေဟိ ခေါ ဘိက္ခဝေ ပဉ္စဟိ အင်္ဂေဟိ သမန္နာဂတာ ဝါစာ သုဘာသိတာ ဟောတိ နော ဒုဗ္ဘာသိတာ၊ အနဝဇ္ဇာ စ အနနုဝဇ္ဇာ စ ဝိညူန’’န္တိ ဧဝံ ခေါ ဘန္တေ ဘဂဝတာ ဘာသိတံ။

ကုလသုတ္တ

ပု – တတ္ထေဝ ¶ အာဝုသော နဝမံ ကုလသုတ္တံ ဘဂဝတာ ကထံ ဘာသိတံ။

ဝိ – တတ္ထေဝ ဘန္တေ နဝမံ ကုလသုတ္တံ ‘‘ယံ ဘိက္ခဝေ သီလဝန္တော ပဗ္ဗဇိတာ ကုလံ ဥပသင်္ကမန္တိ၊ တတ္ထ မနုဿာ ပဉ္စဟိ ဌာနေဟိ ဗဟုံ ပုညံ ပသဝန္တိ။ ကတမေဟိ ပဉ္စဟိ၊ ယသ္မိံ ဘိက္ခဝေ သမယေ သီလဝန္တေ ပဗ္ဗဇိတေ ကုလံ ဥပသင်္ကမန္တေ မနုဿာ ဒိသွာ စိတ္တာနိ ပသာဒေန္တိ၊ သဂ္ဂသံဝတ္တနိကံ ဘိက္ခဝေ တံ ကုလံ တသ္မိံ သမယေ ပဋိပဒံ ပဋိပန္နံ ဟောတီ’’တိ ဧဝမာဒိနာ ဘဂဝတာ ဘာသိတံ။

ကိမိလဝဂ္ဂ

ဓမ္မဿဝနသုတ္တ

ပု – ကိမိလဝဂ္ဂေ ¶ ပန အာဝုသော ဒုတိယံ ဓမ္မဿဝနသုတ္တံ ဘဂဝတာ ကထံ ဘာသိတံ။

ဝိ – ကိမိလဝဂ္ဂေ ဘန္တေ ဒုတိယံ ဓမ္မဿဝနသုတ္တံ ‘‘ပဉ္စိမေ ဘိက္ခဝေ အာနိသံသာ ဓမ္မဿဝနေ။ ကတမေ ပဉ္စ၊ အဿုတံ သုဏာတိ၊ သုတံ ပရိယောဒါပေတိ၊ ကင်္ခံ ဝိတရတိ၊ ဒိဋ္ဌိံ ဥဇုံ ကရောတိ၊ စိတ္တမဿ ပသီဒတိ၊ ဣမေ ခေါ ဘိက္ခဝေ ပဉ္စ အာနိသံသာ ဓမ္မဿဝနေ’’တိ ဧဝံ ခေါ ဘန္တေ ဘဂဝတာ ဘာသိတံ။

အက္ကောသကဝဂ္ဂ

အက္ခန္တိသုတ္တ

ပု – အက္ကောသကဝဂ္ဂေ ¶ ပန အာဝုသော ပဉ္စမံ အက္ခန္တိသုတ္တံ ဘဂဝတာ ကထံ ဘာသိတံ။

ဝိ – အက္ကောသကဝဂ္ဂေ ဘန္တေ ပဉ္စမံ အက္ခန္တိသုတ္တံ ‘‘ပဉ္စိမေ ဘိက္ခဝေ အာဒီနဝါ အက္ခန္တိယာ။ ကတမေ ပဉ္စ၊ ဗဟုနော ဇနဿ ¶ အပ္ပိယော ဟောတိ အမနာပေါ၊ ဝေရဗဟုလော စ ဟောတိ၊ ဝဇ္ဇဗဟုလော စ၊ သမ္မူဠှော ကာလံ ကရောတိ၊ ကာယဿ ဘေဒါ ပရံ မရဏာ အပါယံ ဒုဂ္ဂတိံ ဝိနိပါတံ နိရယံ ဥပပဇ္ဇတီ’’တိ ဧဝမာဒိနာ ဘဂဝတာ ဘာသိတံ။

အပါသာဒိကသုတ္တ

ပု – တတ္ထေဝ ¶ အာဝုသော အဋ္ဌမံ အပါသာဒိကသုတ္တံ ဘဂဝတာ ကထံ ဘာသိတံ။

ဝိ – တတ္ထေဝ ဘန္တေ အဋ္ဌမံ အပါသာဒိကသုတ္တံ ‘‘ပဉ္စိမေ ဘိက္ခဝေ အာဒီနဝါ အပါသာဒိကေ။ ကတမေ ပဉ္စ၊ အပ္ပသန္နာ နပ္ပသီဒန္တိ၊ ပသန္နာနဉ္စ ဧကစ္စာနံ အညထတ္တံ ဟောတိ၊ သတ္ထုသာသနံ အကတံ ဟောတိ၊ ပစ္ဆိမာ ဇနတာ ဒိဋ္ဌာနုဂတိံ အာပဇ္ဇတိ၊ စိတ္တမဿ နပ္ပသီဒတိ။ ဣမေ ခေါ ဘိက္ခဝေ ပဉ္စ အာဒီနဝါ အပါသာဒိကေ’’တိ ဧဝမာဒိနာ ဘဂဝတာ ဘာသိတံ။

အာဝါသိကဝဂ္ဂ

အာဝါသိကသုတ္တ

ပု – အာဝါသိကဝဂ္ဂေ ¶ ပနာဝုသော ပဌမံ အာဝါသိကသုတ္တံ ဘဂဝတာ ကထံ ဘာသိတံ။

ဝိ – အာဝါသိကဝဂ္ဂေ ဘန္တေ ပဌမံ အာဝါသိကသုတ္တံ ‘‘ပဉ္စဟိ ဘိက္ခဝေ ဓမ္မေဟိ သမန္နာဂတော အာဝါသိကော ဘိက္ခု အဘာဝနီယော ဟောတိ။ ကတမေဟိ ပဉ္စဟိ၊ န အာကပ္ပသမ္ပန္နော ဟောတိ န ဝတ္တသမ္ပန္နော၊ န ဗဟုဿုတော ဟောတိ န သုတဓရော၊ န ပဋိသလ္လေခိတာ ဟောတိ န ပဋိသလ္လာနာရာမော၊ န ကလျာဏဝါစော ဟောတိ န ကလျာဏဝါက္ကရဏော၊ ဒုပ္ပညော ဟောတိ ဇဠော ဧဠမူဂေါ။ ဣမေဟိ ခေါ ဘိက္ခဝေ ပဉ္စဟိ ဓမ္မေဟိ သမန္နာဂတော အာဝါသိကော ဘိက္ခု အဘာဝနီယော ဟောတီ’’တိ ဧဝမာဒိနာ ဘဂဝတာ ဘာသိတံ။

အဝဏ္ဏာရဟသုတ္တ

ပု – တတ္ထေဝ ¶ အာဝုသော သတ္တမံ အဝဏ္ဏာရဟသုတ္တံ ဘဂဝတာ ကထံ ဘာသိတံ။

ဝိ – တတ္ထေဝ ဘန္တေ သတ္တမံ အဝဏ္ဏာရဟသုတ္တံ ‘‘ပဉ္စဟိ ဘိက္ခဝေ ဓမ္မေဟိ သမန္နာဂတော အာဝါသိကော ဘိက္ခု ယထာဘတံ နိက္ခိတ္တော ဧဝံ နိရယေ။ ကတမေဟိ ပဉ္စဟိ၊ အနနုဝိစ္စ အပရိယောဂါဟေတွာ အဝဏ္ဏာရဟဿ ဝဏ္ဏံ ဘာသတိ၊ အနနုဝိစ္စ အပရိယောဂါဟေတွာ ဝဏ္ဏာရဟဿ အဝဏ္ဏံ ဘာသတိ၊ အာဝါသမစ္ဆရီ ဟောတိ အာဝါသပလိဂေဓီ၊ ကုလမစ္ဆရီ ဟောတိ ကုလပလိဂေဓိ၊ သဒ္ဓါဒေယျံ ဝိနိပါတေတိ။ ဣမေဟိ ခေါ ဘိက္ခဝေ ပဉ္စဟိ ဓမ္မေဟိ သမန္နာဂတော အာဝါသိကော ¶ ဘိက္ခု ယထာဘတံ နိက္ခိတ္တော ဧဝံ နိရယေ’’တိ ဧဝမာဒိနာ ဘဂဝတာ ဘာသိတံ။

ဒုစ္စရိတဝဂ္ဂ

ပဌမဒုစ္စရိတသုတ္တ

ပု – ဒုစ္စရိတဝဂ္ဂေ ¶ ပန အာဝုသော ပဌမံ ဒုစ္စရိတသုတ္တံ ဘဂဝတာ ကထံ ဘာသိတံ။

ဝိ – ဒုစ္စရိတဝဂ္ဂေ ဘန္တေ ပဌမံ ဒုစ္စရိတသုတ္တံ ‘‘ပဉ္စိမေ ဘိက္ခဝေ အာဒီနဝါ ဒုစ္စရိတေ။ ကတမေ ပဉ္စ၊ အတ္တာပိ အတ္တာနံ ဥပဝဒတိ၊ အနုဝိစ္စ ဝိညူ ဂရဟန္တိ၊ ပါပကော ကိတ္တိသဒ္ဒေါ အဗ္ဘုဂ္ဂစ္ဆတိ၊ သမ္မူဠှော ကာလံ ကရောတိ၊ ကာယဿ ဘေဒါ ပရံ မရဏာ အပါယံ ဒုဂ္ဂတိံ ဝိနိပါတံ နိရယံ ဥပပဇ္ဇတိ။ ဣမေ ခေါ ဘိက္ခဝေ ပဉ္စ အာဒီနဝါ ဒုစ္စရိတေ’’တိ ဧဝမာဒိနာ ဘဂဝတာ ဘာသိတံ။

သိဝထိကသုတ္တ

ပု – တတ္ထေဝ ¶ အာဝုသော နဝမံ သိဝထိကသုတ္တံ ဘဂဝတာ ကထံ ဘာသိတံ။

ဝိ – တတ္ထေဝ ¶ ဘန္တေ နဝမံ သိဝထိကသုတ္တံ ‘‘ပဉ္စိမေ ဘိက္ခဝေ အာဒီနဝါ သိဝထိကာယ။ ကတမေ ပဉ္စ၊ အသုစိ၊ ဒုဂ္ဂန္ဓာ၊ သပ္ပဋိဘယာ၊ ဝါဠာနံ အမနုဿာနံ အာဝါသော၊ ဗဟုနော ဇနဿ အာရောဒနာ။ ဣမေ ခေါ ဘိက္ခဝေ ပဉ္စ အာဒီနဝါ သိဝထိကာယာ’’တိ ဧဝမာဒိနာ ဘဂဝတာ ဘာသိတံ။