အည > သင်္ဂါယန-ပုစ္ဆ ဝိဿဇ္ဇနာ

သုဏာတု ¶ မေ ဘန္တေ သင်္ဃော၊ မဟတီ အယံ ပရိသာ၊ ဧဝရူပါယ ပရိသာယ န သုကရာ သဗ္ဗသော ကထံ သာဝေတုံ၊ တသ္မာ အာယသ္မတော စ ဇဝနတ္ထေရဿ ပခုက္ကူနဂရဝါသိနော အာယသ္မတော စ ဝိစိတ္တသာရာဘိဝံသဿ တိပိဋကဓရ ဓမ္မဘဏ္ဍာဂါရိကဿ ဝိနယပုစ္ဆနဘာရဉ္စ ဝိနယဝိဿဇ္ဇန ဘာရဉ္စ အာဝဟိတုံ ဩကာသံ ဒမ္မိ၊ ကရောထ တုမှေ အာဝုသော ဆဋ္ဌသံဂီတိပုဗ္ဗင်္ဂမာနိ ဝိနယပုစ္ဆန ဝိနယဝိဿဇ္ဇန ကိစ္စာနိ ယထာဓမ္မံ ယထာဝိနယံ။

အဂ္ဂမဟာပဏ္ဍိတ ¶ ဘဒန္တဇဝန မဟာထေရေန

သုဏာတု မေ ဘန္တေ သင်္ဃော၊ ယဒိ သင်္ဃဿ ပတ္တကလ္လံ၊ အဟံ အာယသ္မန္တံ ဝိစိတ္တသာရာဘိဝံသံ တိပိဋကဓရ ဓမ္မဘဏ္ဍာဂါရိကံ ဝိနယံ ပုစ္ဆေယျံ။

သုဏာတု မေ ဘန္တေ သင်္ဃော၊ ယဒိ သင်္ဃဿ ပတ္တကလ္လံ၊ အဟံ အာယသ္မတာ ဇဝနတ္ထေရေန သင်္ဃနာယက မဟာထေရဿ ပဋိနိဓိဘူတေန ဝိနယံ ပုဋ္ဌော ဝိဿဇ္ဇေယျံ။

ပုစ္ဆာ – ယံ ¶ တေန အာဝုသော ဘဂဝတာ ဇာနတာ ပဿတာ အရဟတာ သမ္မာသမ္ဗုဒ္ဓေန ပဌမံ ပါရာဇိကံ ကတ္ထ ပညတ္တံ။

ဝိဿဇ္ဇနာ – ဝေသာလိယံ ဘန္တေ ပညတ္တံ။

ပုစ္ဆာ – ကံ အာဝုသော အာရဗ္ဘ ပညတ္တံ။

ဝိဿဇ္ဇနာ – သုဒိန္နံ ဘန္တေ ကလန္ဒပုတ္တံ အာရဗ္ဘ ပညတ္တံ။

ပုစ္ဆာ – ကိသ္မိံ အာဝုသော ဝတ္ထုသ္မိံ ပညတ္တံ။

ဝိဿဇ္ဇနာ – သုဒိန္ဒော ဘန္တေ ကလန္ဒပုတ္တော ပုရာဏဒုတိယိကာယ မေထုနံ ဓမ္မံ ပဋိသေဝိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – အတ္ထိ အာဝုသော တတ္ထ ပညတ္တိ အနုပညတ္တိ အနုပ္ပန္နပညတ္တိ။

ဝိဿဇ္ဇနာ – ဧကာ ဘန္တေ ပညတ္တိ ဒွေ အနုပညတ္တိယော၊ အနုပ္ပန္နပညတ္တိ တသ္မိံ နတ္ထိ။

ပုစ္ဆာ – သဗ္ဗတ္ထပညတ္တိနုခေါ ¶ အာဝုသော ပဒေသပညတ္တိနုခေါ။

ဝိဿဇ္ဇနာ – သဗ္ဗတ္ထပညတ္တိ ဘန္တေ။

ပုစ္ဆာ – သာဓာရဏပညတ္တိနုခေါ အာဝုသော အသာဓာရဏပညတ္တိနုခေါ။

ဝိဿဇ္ဇနာ – သာဓာရဏပညတ္တိ ဘန္တေ။

ပုစ္ဆာ – ဧကတောပညတ္တိနုခေါ အာဝုသော ဥဘတောပညတ္တိနုခေါ။

ဝိဿဇ္ဇနာ – ဥဘတောပညတ္တိ ဘန္တေ။

ပုစ္ဆာ – ပဉ္စန္နံ အာဝုသော ပါတိမောက္ခုဒ္ဒေသာနံ ကတ္ထောဂဓံ ကတ္ထ ပရိယာပန္နံ။

ဝိဿဇ္ဇနာ – နိဒါနောဂဓံ ¶ ဘန္တေ နိဒါနပရိယာပန္နံ။

ပုစ္ဆာ – ကတမေန အာဝုသော ဥဒ္ဒေသေန ဥဒ္ဒေသံ အာဂစ္ဆတိ။

ဝိဿဇ္ဇနာ – ဒုတိယေန ဘန္တေ ဥဒ္ဒေသေန ဥဒ္ဒေသံ အာဂစ္ဆတိ။

ပုစ္ဆာ – စတုန္နံ အာဝုသော ဝိပတ္တီနံ ကတမာ ဝိပတ္တိ။

ဝိဿဇ္ဇနာ – သီလဝိပတ္တိ ဘန္တေ။

ပုစ္ဆာ – ကာ အာဝုသော ဝိပတ္တိ။

ဝိဿဇ္ဇနာ – အသံဝရော ဘန္တေ ဝိပတ္တိ။

ပုစ္ဆာ – ကာ အာဝုသော သမ္ပတ္တိ။

ဝိဿဇ္ဇနာ – သံဝရော ဘန္တေ သမ္မတ္တိ။

ပုစ္ဆာ – ကာ ¶ အာဝုသော ပဋိပတ္တိ။

ဝိဿဇ္ဇနာ – န ဧဝရူပံ ကရိဿာမီတိ ယာဝဇီဝံ အာပါဏကောဋိကံ သမာဒါယ သိက္ခတိ သိက္ခာပဒေသု၊ အယံ ဘန္တေ ပဋိပတ္တိ။

ပုစ္ဆာ – ကတိ အာဝုသော အတ္ထဝသေ ပဋိစ္စ ဘဂဝတာ ပဌမံ ပါရာဇိကံ ပညတ္တံ။

ဝိဿဇ္ဇနာ – ဒသ ဘန္တေ အတ္ထဝသေ ပဋိစ္စ ဘဂဝတာ ပဌမံ ပါရာဇိကံ ပညတ္တံ၊ ၁ - သင်္ဃသုဋ္ဌုတာယ၊ ၂ - သင်္ဃဖာသုတာယ၊ ၃ - ဒုမ္မင်္ကူနံ ပုဂ္ဂလာနံ နိဂ္ဂဟာယ၊ ၄ - ပေသလာနံ ဘိက္ခူနံ ဖာသုဝိဟာရာယ၊ ၅ - ဒိဋ္ဌဓမ္မိကာနံ အာသဝါနံ သံဝရာယ၊ ၆ - သမ္ပရာယိကာနံ အာသဝါနံ ပဋိဃာတာယ၊ ၇ - အပ္ပသန္နာနံ ပသာဒါယ၊ ၈ - ပသန္နာနံ ဘိယျောဘာဝါယ၊ ၉ - သဒ္ဓမ္မဋ္ဌိတိယာ၊ ၁၀ - ဝိနယာနုဂ္ဂဟာယ။

ပုစ္ဆာ – ကေ ¶ အာဝုသော သိက္ခန္တိ။

ဝိဿဇ္ဇနာ – သေက္ခာစ ဘန္တေ ပုထုဇ္ဇနကလျာဏကာစ သိက္ခန္တိ။

ပုစ္ဆာ – ကေ အာဝုသော သိက္ခိတသိက္ခာ။

ဝိဿဇ္ဇနာ – အရဟန္တော ဘန္တေ သိက္ခိတသိက္ခာ။

ဝိဿဇ္ဇနာ – သိက္ခာကာမေသု ဘန္တေ ဌိတံ။

ပုစ္ဆာ – ကေ အာဝုသော ဓာရေန္တိ။

ဝိဿဇ္ဇနာ – ယေသံ ဘန္တေ ဝတ္တတိ တေ ဓာရေန္တိ။

ဝိဿဇ္ဇနာ – ဘဂဝတော ဘန္တေ ဝစနံ အရဟတော သမ္မာသမ္ဗုဒ္ဓဿ။

ဝိဿဇ္ဇနာ – ပရမ္ပရာယ ဘန္တေ အာဘတံ။

သုဏာတု မေ ဘန္တေ သင်္ဃော အဟံ ဘန္တေ အာယသ္မန္တံ ဝိစိတ္ထသာရာဘိဝံသံ တိပိဋကဓရ ဓမ္မဘဏ္ဍာဂါရိကံ ပဌမဿ ပါရာဇိကဿ နိဒါနမ္ပိ ပုစ္ဆိံ၊ ပုဂ္ဂလမ္ပိ ပုစ္ဆိံ၊ ဝတ္ထုမ္ပိ ပုစ္ဆိံ၊ ပညတ္တိ အနုပညတ္တိအာဒီနိပိ ပုစ္ဆိံ၊ ပုဋ္ဌော ပုဋ္ဌောစ သော အာယသ္မာဝိစိတ္တသာရာဘိဝံသော ဝိဿဇ္ဇေသိ၊ ဣတိဟိဒံ ဘန္တေ ပဌမံ ပါရာဇိက သိက္ခာပဒံ နိမ္မလံ သုပရိသုဒ္ဓံ တဿေဝ ဘဂဝတော ဝစနံ အရဟတော သမ္မာသမ္ဗုဒ္ဓဿ၊ တသ္မာ ယထာပုရေ မဟာကဿပါဒယော မဟာထေရဝရာ ပေါရာဏသံဂီတိကာရာ ဗြဟ္မစရိယ သင်္ခါတဿ ဗုဒ္ဓသာသနဿ စိရဋ္ဌိတိယာ ဗဟုဇနဟိတာယ ဗဟုဇနသုခါယ လောကာနုကမ္ပာယ အတ္ထာယ ဟိတာယ သုခါယ ဒေဝမနုဿာနံ ဓမ္မဝိနယံ သင်္ဂါယိံသုစေဝ အနုသင်္ဂါယိံသုစ၊ ဧဝမေဝ မယမ္ပိ ဒါနိ သဗ္ဗေဝ ဆဋ္ဌသံဂီတိမဟာဓမ္မသဘာပရိယာပန္နာ ဣဒံ ပဌမ ပါရာဇိက သိက္ခာပဒံ ဧကတောသဇ္ဈာယနဝသေန သံဂါယေယျာမ။

ရေဝတာဘိ ပဏ္ဍိတဓဇ သာသနဝံသ မဟာဓမ္မရာဇဂုရုနော

အဘိဓဇမဟာရဋ္ဌဂုရုနောစ သင်္ဃနာယက မဟာထေရဿ

သုဏာတု ¶ မေ ဘန္တေ သင်္ဃော၊ မဟတီ အယံ ပရိသာ၊ ဧဝရူပါယ ပရိသာယ န သုကရာ သဗ္ဗသော ကထံ သာဝေတုံ၊ တသ္မာ အာယသ္မတောစ သောဘနဿ သာသနရိ သာရာမာဓိဝါသိနော အာယသ္မတောစ ဝိစိတ္တသာရာဘိဝံသဿ တိပိဋကဓရ ဓမ္မဘဏ္ဍာဂါရိကဿ ဝိနယပုစ္ဆနဘာရဉ္စ ဝိနယဝိဿဇ္ဇနဘာရဉ္စ အာဝဟိတုံ ဩကာသံ ဒမ္မိ၊ ကရောထ တုမှေ အာဝုသော ဆဋ္ဌသံဂီတိပုဗ္ဗင်္ဂမာနိ ဝိနယပုစ္ဆန ဝိနယဝိဿဇ္ဇန ကိစ္စာနိ ယထာဓမ္မံ ယထာဝိနယံ။

အဂ္ဂမဟာပဏ္ဍိတ ဘဒန္တ သောဘနတ္ထေရေန

သုဏာတု ¶ မေ ဘန္တေ သင်္ဃော၊ ယဒိသင်္ဃဿ ပတ္တကလ္လံ၊ အဟံ အာယသ္မတာ သောဘနတ္ထေရေန သင်္ဃနာယက မဟာထေရဿ ပဋိနိဓိဘူတေန ဝိနယံ ပုဋ္ဌော ဝိဿဇ္ဇေယျံ။

ပုစ္ဆာ – ယံ ¶ တေန အာဝုသော ဘဂဝတာ ဇာနတာ ပဿတာ အရဟတာ သမ္မာသမ္ဗုဒ္ဓေန ဒုတိယံ ပါရာဇိကံ ကတ္ထ ပညတ္တံ။

ဝိဿဇ္ဇနာ – ရာဇဂဟေ ဘန္တေ ပညတ္တံ။

ပုစ္ဆာ – ကံ အာဝုသော အာရဗ္ဘ ပညတ္တံ။

ဝိဿဇ္ဇနာ – ဓနိယံ ဘန္တေ ကုမ္ဘကာရပုတ္တံ အာရဗ္ဘ ပညတ္တံ။

ပုစ္ဆာ – ကိသ္မိံ အာဝုသော ဝတ္ထုသ္မိံ ပညတ္တံ။

ဝိဿဇ္ဇနာ – ဓနိယော ဘန္တေ ကုမ္ဘကာရပုတ္တော ရညော ဒါရူနိ အဒိန္နံ အာဒိယိ၊ တသ္မိံ ဝတ္ထုသ္မိံ ပညတ္တံ။

ပုစ္ဆာ – အတ္ထိ ¶ အာဝုသော တတ္ထ ပညတ္တိ အနုပညတ္တိ အနုပ္ပန္နပညတ္တိ။

ဝိဿဇ္ဇနာ – ဧကာ ဘန္တေ ပညတ္တိ ဧကာ အနုပညတ္တိ အနုပ္ပန္နပညတ္တိ တသ္မိံ နတ္ထိ။

ပုစ္ဆာ – ကာ အာဝုသော တတ္ထ မူလပညတ္တိ။

ဝိဿဇ္ဇနာ – ယော ပန ဘိက္ခု အဒိန္နံ ထေယျသင်္ခါတံ အာဒိယေယျ၊ ယထာရူပေ အဒိန္နာဒါနေ ရာဇာနော စောရံ ဂဟေတွာ ဟနေယျုံဝါ ဗန္ဓေယျုံဝါ ပဗ္ဗာဇေယျုံဝါ စောရောသိ ဗာလောသိ မုဠှောသိ ထေနောသီတိ တထာရူပံ ဘိက္ခု အဒိန္နံ အာဒိယမာနော အယမ္ပိ ပါရာဇိကော ဟောတိ အသံဝါသောတိ အယံ ဘန္တေ တတ္ထ မူလပညတ္တိ။

ပုစ္ဆာ – ကာ ¶ အာဝုသော တတ္ထ အနုပညတ္တိ။

ဝိဿဇ္ဇနာ – ဂါမာဝါ အရညာဝါတိ အယံ ဘန္တေ တတ္ထ အနုပညတ္တိ။

ပုစ္ဆာ – ကာ အာဝုသော တတ္ထ ပရိပုဏ္ဏပညတ္တိ။

ဝိဿဇ္ဇနာ – ယော ပန ဘိက္ခု ဂါမာဝါ အရညာဝါ အဒိန္နံ ထေယျသင်္ခါတံ အာဒိယေယျ၊ ကထာရူပေ အဒိန္နာဒါနေ ရာဇာနော စောရံ ဂဟေတွာ ဟနေယျုံဝါ ဗန္ဓေယျုံဝါ ပဗ္ဗာဇေယျုံဝါ စောရောသိ ဗာလောသိ မူဠှောသိ ထေနောသီတိ တထာရူပံ ဘိက္ခု အဒိန္နံ အာဒိယမာနော အယမ္ပိ ပါရာဇိကော ဟောတိ အသံဝါသောတိ အယံ ဘန္တေ တတ္ထ ပရိပုဏ္ဏပညတ္တိ။

ပုစ္ဆာ – သဗ္ဗတ္ထပညတ္တိ ¶ နုခေါ အာဝုသော ပဒေသပညတ္တိနုခေါ။

ဝိဿဇ္ဇနာ – သဗ္ဗတ္ထပညတ္တိ ဘန္တေ။

ပုစ္ဆာ – သာဓာရဏပညတ္တိနုခေါ အာဝုသော အသာဓာရဏပညတ္တိ နုခေါ။

ဝိဿဇ္ဇနာ – သာဓာရဏပညတ္တိ ဘန္တေ။

ပုစ္ဆာ – ဧကတောပညတ္တိနုခေါ အာဝုသော ဥဘတောပညတ္တိနုခေါ။

ဝိဿဇ္ဇနာ – ဥဘတောပညတ္တိ ဘန္တေ။

ပုစ္ဆာ – တသ္မိံ ¶ အာဝုသော ဒုတိယ ပါရာဇိကေ အဒိန္နံ အာဒိယန္တော ကတိ အာပတ္တိယော အာပဇ္ဇတိ ဝိဘဇိတွာ ဝိဿဇ္ဇေဟိ။

ဝိဿဇ္ဇနာ – အဒိန္နံ ဘန္တေ အာဒိယန္တော တိဿော အာပတ္တိယော အာပဇ္ဇတိ၊ ပဉ္စ မာသကံဝါ အတိရေက ပဉ္စ မာသကံဝါ အဂ္ဃနကံ အဒိန္နံ ထေယျသင်္ခါတံ အာဒိယတိ အာပတ္တိ ပါရာဇိကဿ၊ ဦနပဉ္စမာသကံဝါ အတိရေကမာသကံဝါ အဒိန္နံ ထေယျသင်္ခါတံ အာဒိယတိ အာပတ္တိ ထုလ္လစ္စယဿ၊ မာသကံဝါ ဦနမာသကဝါ အဂ္ဃနကံ အဒိန္နံ ထေယျသင်္ခါတံ အာဒိယတိ အာပတ္တိ ဒုက္ကဋဿ၊ အဒိန္နံ ဘန္တေ အာဒိယန္တော ဣမာ တိဿော အာပတ္တိယော အာပဇ္ဇတိ။

ပုစ္ဆာ – ကေသံ ¶ အာဝုသော အနာပတ္တိ။

ဝိဿဇ္ဇနာ – ဒသန္နံ ဘန္တေ ပုဂ္ဂလာနံ အနာပတ္တိ၊ သကသညိဿ၊ ဝိဿာသဂ္ဂါဟေန ဂဏှန္တဿ၊ တာဝကာလိကံ ဂဏှန္တဿ၊ ပေတပရိဂ္ဂဟံ ဂဏှန္တဿ၊ တိရစ္ဆာနဂတပရိဂ္ဂဟံ ဂဏှန္တဿ၊ ပံသုကူလသညိဿ၊ ဥမ္မတ္တကဿ၊ ခိတ္တစိတ္တဿ၊ ဝေဒနာဋ္ဋဿ၊ အာဒိကမ္မိကဿာတိ။

ဝိဿဇ္ဇနာ – နိဒါနောဂဓံ ဘန္တေ နိဒါနပရိယာပန္နံ။

ပုစ္ဆာ – ကတမေန ¶ အာဝုသော ဥဒ္ဒေသေန ဥဒ္ဒေသံ အာဂစ္ဆတိ။

ဝိဿဇ္ဇနာ – ဒုတိယေန ဘန္တေ ဥဒ္ဒေသေန ဥဒ္ဒေသံ အာဂစ္ဆတိ။

ပုစ္ဆာ – စတုန္နံ အာဝုသော ဝိပတ္တီနံ ကတမာ ဝိပတ္တိ။

ဝိဿဇ္ဇနာ – သီလဝိပတ္တိ ဘန္တေ။

ပုစ္ဆာ – သတ္တန္နံ အာဝုသော အာပတ္တိက္ခန္ဓာနံ ကတမော အာပတ္တိက္ခန္ဓော။

ဝိဿဇ္ဇနာ – ပါရာဇိကာပတ္တိက္ခန္ဓော ဘန္တေ။

ပုစ္ဆာ – ဆန္နံ အာဝုသော အာပတ္တိသမုဋ္ဌာနာနံ ကတိဟိ သမုဋ္ဌာနေဟိ သမုဋ္ဌာတိ။

ဝိဿဇ္ဇနာ – တီဟိ ဘန္တေ သမုဋ္ဌာနေဟိ သမုဋ္ဌာတိ၊ သိယာ ကာယတောစ စိတ္တတောစ သမုဋ္ဌာတိ၊ န ဝါစာတော၊ သိယာ ဝါစာတောစ

စိတ္တတောစ ¶ သမုဋ္ဌာတိ၊ န ကာယတော၊ သိယာ ကာယတောစ ဝါစာတောစ စိတ္တတောစ သမုဋ္ဌာတိ။

ပုစ္ဆာ – စတုန္နံ အာဝုသော အဓိကရဏာနံ ကတမံ အဓိကရဏံ။

ဝိဿဇ္ဇနာ – အာပတ္တာဓိကရဏံ ဘန္တေ။

ပုစ္ဆာ – သတ္တန္နံ အာဝုသော သမထာနံ ကတိဟိ သမထေဟိ သမ္မတိ။

ဝိဿဇ္ဇနာ – ဒွိဟိ ဘန္တေ သမထေဟိ သမ္မတိ သမ္မုခါဝိနယေနစ ပဋိညာတ ကရဏေနစ။

ပုစ္ဆာ – ကော ¶ အာဝုသော တတ္ထ ဝိနယော၊ ကော တတ္ထ အဘိဝိနယော။

ဝိဿဇ္ဇနာ – ပညတ္တိ ဘန္တေ ဝိနယော ဝိဘတ္တိ အဘိဝိနယော။

ပုစ္ဆာ – ကိံအာဝုသော တတ္ထ ပါတိမောက္ခံ ကိံ တတ္ထ အဓိပါတိမောက္ခံ။

ဝိဿဇ္ဇနာ – ပညတ္တိ ဘန္တေ ပါတိမောက္ခံ၊ ဝိဘတ္တိ အဓိပါတိမောက္ခံ။

ပုစ္ဆာ – ကာ အာဝုသော ဝိပတ္တိ။

ဝိဿဇ္ဇနာ – အသံဝရော ဘန္တေ ဝိပတ္တိ။

ပုစ္ဆာ – ကာ ¶ အာဝုသော သမ္ပတ္တိ။

ဝိဿဇ္ဇနာ – သံဝရော ဘန္တေ သမ္ပတ္တိ။

ပုစ္ဆာ – ကာ အာဝုသော ပဋိပတ္တိ။

ဝိဿဇ္ဇနာ – န ဧဝရူပံ ကရိဿာမီတိ ယာဝဇီဝံ အာပါဏကောဋိကံ သမာဒါယ သိက္ခတိ သိက္ခာပဒေသု အယံ ဘန္တေ တတ္ထ ပဋိပတ္တိ။

ပုစ္ဆာ – ကတိ အာဝုသော အတ္ထဝသေ ပဋိစ္စ ဘဂဝတာ ဒုတိယံ ပါရာဇိကံ ပညတ္တံ။

ဝိဿဇ္ဇနာ – ဒသ ဘန္တေ အတ္ထဝသေ ပဋိစ္စ ဘဂဝတာ ဒုတိယံ ပါရာဇိကံ ပညတ္တံ။ သင်္ဃသုဋ္ဌုတာယ သင်္ဃဖာသုတာယ ဒုမ္မင်္ကူနံ ပုဂ္ဂလာနံ နိဂ္ဂဟာယ ပေသလာနံ ဘိက္ခူနံ ဖာသုဝိဟာရာယ ဒိဋ္ဌဓမ္မိကာနံ အာသဝါနံ သံဝရာယ သမ္ပရာယိကာနံ အာသဝါနံ ပဋိဃာတာယ အပ္ပသန္နာနံ ပသာဒါယ ပသန္နာနံ ဘိယျောဘာဝါယ သဒ္ဓမ္မဋ္ဌိတိယာ ဝိနယာနုဂ္ဂဟာယ။

ပုစ္ဆာ – ကော ¶ အာဝုသော သိက္ခန္တိ။

ဝိဿဇ္ဇနာ – သေက္ခာစ ဘန္တေ ပုထုဇ္ဇနကလျာဏကာစ သိက္ခန္တိ။

ပုစ္ဆာ – ကေ အာဝုသော သိက္ခိတသိက္ခာ။

ဝိဿဇ္ဇနာ – အရဟန္တော ဘန္တေ သိက္ခိတသိက္ခာ။

ပုစ္ဆာ – ကတ္ထ ¶ အာဝုသော ဌိတံ။

ဝိဿဇ္ဇနာ – သိက္ခာကာမေသု ဘန္တေ ဌိတံ။

ပုစ္ဆာ – ကေ အာဝုသော ဓာရေန္တိ။

ဝိဿဇ္ဇနာ – ယေသံ ဘန္တေ ဝတ္တတိ တေ ဓာရေန္တိ။

ဝိဿဇ္ဇနာ – ဘဂဝတာ ဘန္တေ ဝစနံ အရဟတော သမ္မာသမ္မုဒ္ဓဿ။

ဝိဿဇ္ဇနာ – ပရမ္ပရာယ ဘန္တေ အာဘတံ။

ပုစ္ဆာ – အတ္ထိ နု ခေါ အာဝုသော တတ္ထ ဥပနေတဗ္ဗံ ဝါ အပနေတဗ္ဗံ ဝါ အက္ခရပဒပစ္စာဘဋ္ဌံ ဝါ ဝိရဒ္ဓပဒဗျဉ္ဇနံ ဝါ။

‘‘သံဂါယနတ္ထာယ သင်္ဃဿ ဉာပနံ’’

သုဏာတု ¶ မေ ဘန္တေ သင်္ဃော အဟံ ဘန္တေ အာယသ္မန္တံ ဝိစိတ္တသာရာဘိဝံသ တိပိဋကဓရဓမ္မဘဏ္ဍာဂါရိကံ ဒုတိယဿ ပါရာဇိကဿ နိဒါနမ္ပိ ပုစ္ဆိံ၊ ပုဂ္ဂလမ္ပိ ပုစ္ဆိံ၊ ဝတ္ထုမ္ပိ ပုစ္ဆိံ၊ ပညတ္တိမ္ပိ ပုစ္ဆိံ၊ အနုပညတ္တိမ္ပိ ပုစ္ဆိံ၊ အာပတ္တိမ္ပိ ပုစ္ဆိံ၊ အနာပတ္တိမ္ပိ ပုစ္ဆိံ၊ အညာနိပိ ဤဒိသာနိ ပုစ္ဆိတဗ္ဗဋ္ဌာနာနိ အနေကာနိ ပုစ္ဆိံ၊ ပုဋ္ဌော ပုဋ္ဌောစ သော အာယသ္မာ ဝိစိတ္တသာရာဘိဝံသော ဝိဿဇ္ဇေသိ။ ဣတိ ဟိဒံ ဘန္တေ ဣဒံ ဒုတိယံ ပါရာဇိက သိက္ခာပဒံ နိမ္မလံ၊ သုပရိသုဒ္ဓံ၊ တဿေဝ ဘဂဝတော ဝစနံ အရဟတော သမ္မာသမ္ဗုဒ္ဓဿ၊ တသ္မာ ယထာ ပုရေ မဟာကဿ ပါဒယော မဟာထေရဝရာ ပေါရာဏသံဂီတိကာရာ ဗြဟ္မစရိယသင်္ခါတဿ ဗုဒ္ဓသာသနဿ စိရဋ္ဌိတိယာ၊ ဗဟုဇနဟိတာယ၊ ဗဟုဇနသုခါယ လောကာနုကမ္ပာယ အတ္ထာယ၊ ဟိတာယ၊ သုခါယ၊ ဒေဝမနုဿာနံ ဓမ္မဝိနယံ သင်္ဂါယိံသုစေဝ အနုသင်္ဂါယိံသုစ၊ ဧဝမေဝ မယမ္ပိ ဒါနိ သဗ္ဗေဝ ဆဋ္ဌသံဂီတိမဟာဓမ္မသဘာပရိယာပန္နာ ဣဒံ ဒုတိယ ပါရာဇိက သိက္ခာပဒံ ဧကတော ဂဏသဇ္ဈာယံ ကတွာ သမဂ္ဂါ သမ္မောဒမာနာ ဟုတွာ သင်္ဂါယေယျာမ။

ပုစ္ဆာ – ယံ ¶ တေန အာဝုသော ဘဂဝတာ (ပ) သမ္မာသမ္ဗုဒ္ဓေန တတိယံ ပါရာဇိကံ ကတ္ထ ပညတ္တံ။

ဝိဿဇ္ဇနာ – ဝေသာလိယံ ဘန္တေ ပညတ္တံ။

ပုစ္ဆာ – ကံ အာဝုသော အာရဗ္ဘ ပညတ္တံ။

ဝိဿဇ္ဇနာ – သမ္ဗဟုလေ ဘန္တေ ဘိက္ခူ အာရဗ္ဘ ပညတ္တံ။

ပုစ္ဆာ – ကိသ္မိံ အာဝုသော ဝတ္ထုသ္မိံ ပညတ္တံ။

ဝိဿဇ္ဇနာ – သမ္ဗဟုလာ ဘန္တေ ဘိက္ခု အညမညံ ဇီဝိတာ ဝေါရောပေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – အတ္ထိ ¶ နုခေါ အာဝုသော တတ္ထ ပညတ္တိ အနုပညတ္တိ အနုပ္ပန္နပညတ္တိ။

ဝိဿဇ္ဇနာ – ဧကာ ဘန္တေ ပညတ္တိ၊ ဧကာ အနုပညတ္တိ၊ အနုပ္ပန္နပညတ္တိ တသ္မိံ နတ္ထိ။

ပုစ္ဆာ – ကာ အာဝုသော တတ္ထ မူလပညတ္တိ။

ဝိဿဇ္ဇနာ – ယောပန ဘိက္ခု သဉ္စိစ္စ မနုဿဝိဂ္ဂဟံ ဇီဝိတာ ဝေါရောပေယျ၊ သတ္ထဟာရကံဝါဿ ပရိယေသေယျ အယမ္ပိ ပါရာဇိကော ဟောတိ အသံဝါသောတိ အယံ ဘန္တေ တတ္ထ မူလပညတ္တိ။

ပုစ္ဆာ – ကာ အာဝုသော တတ္ထ အနုပညတ္တိ။

ဝိဿဇ္ဇနာ – မရဏဝဏ္ဏံ ဝါ သံဝဏ္ဏေယျ မရဏာယ ဝါ သမာဒပေယျ အမ္ဘောပုရိသ ကိံ တုယှိမိနာ ပါပကေန ဒုဇ္ဇီဝိတေန မတန္တေ ဇီဝိတာ

သေယျာတိ ¶ ဣတိ စိတ္တမနော စိတ္တသင်္ကပ္ပော အနေကပရိယာယေန မရဏဝဏ္ဏံ ဝါ သံဝဏ္ဏေယျ မရဏာယ ဝါ သမာဒပေယျာတိ အယံ ဘန္တေ တတ္ထ အနုပညတ္တိ။

ပုစ္ဆာ – ကာ အာဝုသော တတ္ထ ပရိပုဏ္ဏပညတ္တိ။

ဝိဿဇ္ဇနာ – ယော ပန ဘိက္ခု သဉ္စိစ္စ မနုဿဝိဂ္ဂဟံ ဇီဝိတာ ဝေါရောပေယျ၊ သတ္ထဟာရကံဝါဿ ပရိယေသေယျ၊ မရဏဝဏ္ဏံ ဝါ သံဝဏ္ဏေယျ၊ မရဏာယ ဝါ သမာဒပေယျ၊ အမ္ဘော ပုရိသ ကိံ တုယှိမိနာ ပါပကေန ဒုဇ္ဇီဝိတေန မတန္တေ ဇီဝိတာ သေယျောတိ ဣတိ စိတ္တမနော စိတ္တသင်္ကပ္ပော အနေကပရိယာယေန မရဏဝဏ္ဏံဝါ သံဝဏ္ဏေယျ၊ မရဏာယ ဝါ သမာဒပေယျ၊ အယမ္ပိ ပါရာဇိကော ဟောတိ အသံဝါသောတိ အယံ ဘန္တေ တတ္ထ ပရိပုဏ္ဏပညတ္တိ။

ပုစ္ဆာ – သဗ္ဗတ္ထပညတ္တိ ¶ နုခေါ အာဝုသောပဒေသပညတ္တိ နုခေါ။

ဝိဿဇ္ဇနာ – သဗ္ဗတ္ထပညတ္တိ ဘန္တေ။

ပုစ္ဆာ – သာဓာရဏပညတ္တိနုခေါ အာဝုသော အသာဓာရဏပညတ္တိ နုခေါ။

ဝိဿဇ္ဇနာ – သာဓာရဏပညတ္တိ ဘန္တေ။

ပုစ္ဆာ – ဧကတောပညတ္တိ ¶ နုခေါ အာဝုသော ဥဘတောပညတ္တိ နုခေါ။

ဝိဿဇ္ဇနာ – ဥဘတောပညတ္တိ ဘန္တေ။

ပုစ္ဆာ – တသ္မိံ အာဝုသော တတိယ ပါရာဇိကေ သဉ္စိစ္စ မနုဿဝိဂ္ဂဟံ ဇီဝိတာ ဝေါရောပေန္တော ကတိ အာပတ္တိယော အာပဇ္ဇတိ။

ဝိဿဇ္ဇနာ – သဉ္စိဿ ဘန္တေ မနုဿဝိဂ္ဂဟံ ဇီဝိတာ ဝေါရောပေန္တော တိဿော အာပတ္တိယော အာပဇ္ဇတိ၊ မနုဿံ ဩဒိဿ ပပါတံ ခဏတိ ပပတိတွာ မရိဿတီတိ အာပတ္တိ ဒုက္ကဋဿ၊ ပပတိတေ ဒုက္ခာ ဝေဒနာ ဥပ္ပဇ္ဇတိ အာပတ္တိ ထုလ္လစ္စယဿ၊ မရတိ အာပတ္တိ ပါရာဇိကဿ၊ သဉ္စိစ္စ ဘန္တေ မနုဿဝိဂ္ဂဟံ ဇီဝိတာ ဝေါရောပေန္တော ဣမာ တိဿော အာပတ္တိယော အာပဇ္ဇတိ။

ပုစ္ဆာ – ကေသံ ¶ အာဝုသော အနာပတ္တိ။

ဝိဿဇ္ဇနာ – သတ္တန္နံ ဘန္တေ ပုဂ္ဂလာနံ အနာပတ္တိ၊ အသဉ္စိစ္စ မာရေန္တဿ၊ အဇာနန္တဿ၊ န မရဏာဓိပ္ပာယဿ၊ ဥမ္မတ္တကဿ၊ ခိတ္တစိတ္တဿ၊ ဝေဒနာဋ္ဋဿ၊ အာဒိကမ္မိကဿ။

ဝိဿဇ္ဇနာ – နိဒါနောဂဓံ ဘန္တေ နိဒါနပရိယာပန္နံ။

ပုစ္ဆာ – ကတမေန ¶ အာဝုသော ဥဒ္ဒေသေန ဥဒ္ဒေသံ အာဂစ္ဆတိ။

ဝိဿဇ္ဇနာ – ဒုတိယေန ဘန္တေ ဥဒ္ဒေသေန ဥဒ္ဒေသံ အာဂစ္ဆတိ။

ပုစ္ဆာ – စတုန္နံ အာဝုသော ဝိပတ္တီနံ ကတမာ ဝိပတ္တိ။

ဝိဿဇ္ဇနာ – သီလဝိပတ္တိ ဘန္တေ။

ပုစ္ဆာ – သတ္တန္နံ အာဝုသော အာပတ္တိက္ခန္ဓာနံ ကတမော အာပတ္တိက္ခန္ဓော။

ဝိဿဇ္ဇနာ – ပါရာဇိကာပတ္တိက္ခန္ဓော ဘန္တေ။

ပုစ္ဆာ – ဆန္နံ အာဝုသော အာပတ္တိသမုဋ္ဌာနာနံ ကတိဟိ သမုဋ္ဌာနေဟိ သမုဋ္ဌာတိ။

ဝိဿဇ္ဇနာ – ဆန္နံ ဘန္တေ အာပတ္တိသမုဋ္ဌာနာနံ တီဟိ သမုဋ္ဌာနေဟိ သမုဋ္ဌာတိ၊ သိယာ ကာယတောစ စိတ္တတောစ သမုဋ္ဌာတိ၊ န ဝါစတော ¶ ၊ သိယာ ဝါစတောစ စိတ္တတောစ သမုဋ္ဌာတိ၊ န ကာယတော၊ သိယာ ကာယတောစ ဝါစတောစ စိတ္တတောစ သမုဋ္ဌာတိ။

ပုစ္ဆာ – စတုန္နံ အာဝုသော အဓိကရဏာနံ ကတမံ အဓိကရဏံ။

ဝိဿဇ္ဇနာ – အာပတ္တာဓိကရဏံ ဘန္တေ။

ပုစ္ဆာ – သတ္တန္နံ ¶ အာဝုသော သမထာနံ ကတိဟိ သမထေဟိ သမ္မတိ။

ဝိဿဇ္ဇနာ – သတ္တာနံ ဘန္တေ သမထာနံ ဒွီဟိ သမထေဟိ သမ္မတိ၊ သမ္မုခါ ဝိနယေနစ ပဋိညာတကရဏေနစ။

ပုစ္ဆာ – ကော တတ္ထ အာဝုသော ဝိနယော ကော တတ္ထ အဘိဝိနယော။

ဝိဿဇ္ဇနာ – ပညတ္တိ ဘန္တေ ဝိနယော ဝိဘတ္တိ အဘိဝိနယော။

ပုစ္ဆာ – ကိံ အာဝုသော တတ္ထ ပါတိမောက္ခံ ကိံ အဓိပါတိမောက္ခံ။

ဝိဿဇ္ဇနာ – ပညတ္တိ ဘန္တေ ပါတိမောက္ခံ ဝိဘတ္တိ အဓိပါတိမောက္ခံ။

ပုစ္ဆာ – ကာ ¶ အာဝုသော ဝိပတ္တိ။

ဝိဿဇ္ဇနာ – အသံဝရော ဘန္တေ ဝိပတ္တိ။

ပုစ္ဆာ – ကာ အာဝုသော သမ္ပတ္တိ။

ဝိဿဇ္ဇနာ – သံဝရော ဘန္တေ သမ္ပတ္တိ။

ပုစ္ဆာ – ကာ အာဝုသော တတ္ထ ပဋိပတ္တိ။

ပုစ္ဆာ – ကတိ ¶ အာဝုသော အတ္ထဝသေ ပဋိစ္စ ဘဂဝတာ တတိယံ ပါရာဇိကံ ပညတ္တံ။

ဝိဿဇ္ဇနာ – ဒသ ဘန္တေ အတ္ထဝသေ ပဋိစ္စ ဘဂဝတာ တတိယံ ပါရာဇိကံ ပညတ္တံ သင်္ဃသုဋ္ဌုတာယ သင်္ဃဖာသုတာယ (ပ) ဝိနယာနုဂ္ဂဟာယ။

ပုစ္ဆာ – ကေ ¶ အာဝုသော သိက္ခန္တိ။

ဝိဿဇ္ဇနာ – သေက္ခာစ ဘန္တေ ပုထုဇ္ဇနကလျာဏကာစ သိက္ခန္တိ။

ပုစ္ဆာ – ကေ အာဝုသော သိက္ခိတသိက္ခာ။

ဝိဿဇ္ဇနာ – အရဟန္တော ဘန္တေ သိက္ခိတသိက္ခာ။

ဝိဿဇ္ဇနာ – သိက္ခာကာမေသု ဘန္တေ ဌိတံ။

ပုစ္ဆာ – ကေ အာဝုသော ဓာရေန္တိ။

ဝိဿဇ္ဇနာ – ယေသံ ဘန္တေ ဝတ္တတိ တေ ဓာရေန္တိ။

ဝိဿဇ္ဇနာ – ဘဂဝတော ဘန္တေ ဝစနံ အရဟတော သမ္မာသမ္ဗုဒ္ဓဿ။

ဝိဿဇ္ဇနာ – ပရမ္ပရာယ ဘန္တေ အာဘတံ။

ပုစ္ဆာ – အတ္ထိနုခေါ အာဝုသော တတ္ထ ကိဉ္စိ ဥပနေတဗ္ဗံ ဝါ အပနေတဗ္ဗံ ဝါ အက္ခရပဒပစ္စာဘဋ္ဌံ ဝါ ဝိရဒ္ဓပဒဗျဉ္ဇနံ ဝါ။

သုဏာတု ¶ မေ ဘန္တေ သင်္ဃော၊ အဟံ ဘန္တေ အာယသ္မန္တံ ဝိစိတ္တသာရာဘိဝံသံ တိပိဋကဓရ ဓမ္မဘဏ္ဍာဂါရိကံ တတိယဿ ပါရာဇိကဿ နိဒါနမ္ပိ ပုစ္ဆိံ၊ ပုဂ္ဂလမ္ပိ ပုစ္ဆိံ၊ ဝတ္ထုမ္ပိ ပုစ္ဆိံ၊ ပညတ္တိမ္ပိ ပုစ္ဆိံ၊ အနုပညတ္တိမ္ပိ ပုစ္ဆိံ၊ အာပတ္တိမ္ပိ ပုစ္ဆိံ၊ အနာပတ္တိမ္ပိ ပုစ္ဆိံ၊ အညာနိပိ ဧဝရူပါနိ ပုစ္ဆိတဗ္ဗဋ္ဌာနာနိ အနေကာနိ ပုစ္ဆိံ၊ ပုဋ္ဌော ပုဋ္ဌောစ သော အာယသ္မာ ဝိစိတ္တသာရာဘိဝံသော ဝိဿဇ္ဇေသိ၊ ဣတိဟိဒံ ဘန္တေ တတိယပါရာဇိကသိက္ခာပဒံ နိမ္မလံ သုပရိသုဒ္ဓံ တဿေဝ ဘဂဝတော ဝစနံ အရဟတော သမ္မာသမ္မုဒ္ဓဿ၊ တသ္မာ ယထာ ပုရေ မဟာကဿပါဒယော မဟာထေရဝရာ ပေါရာဏသံဂီတိကာရာ ဗြဟ္မစရိယသင်္ခါတဿ ဗုဒ္ဓသာသနဿ စိရဋ္ဌိတိယာ ဗဟုဇနဟိတာယ ဗဟုဇနသုခါယ လောကာနုကမ္ပာယ အတ္ထာယ ဟိတာယ သုခါယ ဒေဝမနုဿာနံ ဓမ္မဝိနယံ သင်္ဂါယိံသုစေဝ အနုသင်္ဂါယိံသုစ၊ ဧဝမေဝ မယမ္ပိ ဒါနိ သဗ္ဗေဝ ဆဋ္ဌသံဂီတိမဟာဓမ္မသဘာပရိယာပန္နာ ဣဒံ တတိယပါရာဇိကသိက္ခာပဒံ ဧကတော ဂဏသဇ္ဈာယံ ကတွာ သမဂ္ဂါ သမ္မောဒမာနာ ဟုတွာ သံဂါယေယျာမ။

ပုစ္ဆာ – ယံ ¶ တေန အာဝုသော ဘဂဝတာ ဇာနတာ ပဿတာ…ပေ… သမ္မာသမ္ဗုဒ္ဓေန စတုတ္ထံ ပါရာဇိကံ ကတ္ထ ပညတ္တံ။

ပုစ္ဆာ – ကံ အာဝုသော အာရဗ္ဘ ပညတ္တံ။

ဝိဿဇ္ဇနာ – ဝဂ္ဂုမုဒါတီရိယေ ဘန္တေ ဘိက္ခူ အာရဗ္ဘ ပညတ္တံ။

ပုစ္ဆာ – ကိသ္မိံ အာဝုသော ဝတ္ထုသ္မိံ ပညတ္တံ။

ဝိဿဇ္ဇနာ – ဝဂ္ဂုမုဒါတီရိယာ ဘန္တေ ဘိက္ခူ ဂိဟီနံ အညမညဿ ဥတ္တရိမနုဿဓမ္မဿ ဝဏ္ဏံ ဘာသိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – အတ္ထိ ¶ အာဝုသော တတ္ထ ပညတ္တိ အနုပညတ္တိ အနုပ္ပန္နပညတ္တိ။

ဝိဿဇ္ဇနာ – ဧကာ ဘန္တေ ပညတ္တိ ဧကာ အနုပညတ္တိ အနုပ္ပန္နပညတ္တိ တသ္မိံ နတ္ထိ။

ပုစ္ဆာ – ကတမာ အာဝုသော တတ္ထ မူလပညတ္တိ။

ဝိဿဇ္ဇနာ – ယော ပန ဘိက္ခု အနဘိဇာနံ ဥတ္တရိမနုဿဓမ္မံ ဥတ္တရိမနုဿဓမ္မံ အတ္တုပနာယိကံ အလမရိယဉာဏဒဿနံ သမုဒါစရေယျ၊ ဣတိဇာနာမိ ဣတိပဿာမီတိ၊ တတော အပရေန သမယေန သမနုဂ္ဂါဟီယ မာနောဝါ အသမနုဂ္ဂါဟီယ မာနောဝါ အာပန္နော ဝိသုဒ္ဓါပေက္ခော ဧဝံ ဝဒေယျ အဇာနမေဝံ အာဝုသော အဝစံ ဇာနာမိ အပဿံ ပဿာမိ တုစ္ဆံ မုသာဝိလပိန္တိ အယမ္ပိ ပါရာဇိကော ဟောတိ အသံဝါသောတိ အယံ ဘန္တေ တတ္ထ မူလပညတ္တိ။

ပုစ္ဆာ – ကတမာ ¶ အာဝုသော တတ္ထ အနုပညတ္တိ။

ဝိဿဇ္ဇနာ – အညတြ အဓိမာနာတိ အယံ ဘန္တေ တတ္ထ အနုပညတ္တိ။

ဟောန္တိ ယေ တေ အာနန္ဒ ဘိက္ခူ အဒိဋ္ဌေ ဒိဋ္ဌသညိနော အပတ္တေ ပတ္တသညိနော အနဓိဂတေ အဓိဂတသညိနော အသစ္ဆိကတေ သစ္ဆိကတသညနော အဓိမာနေန အညံ ဗျာကရောန္တိ၊ တဉ္စ ခေါ ဧတံ အဗ္ဗောဟာရိကံ။

ပုစ္ဆာ – ကတမာ ¶ အာဝုသော တတ္ထ ပရိပုဏ္ဏပညတ္တိ။

ဝိဿဇ္ဇနာ – ယောပန ဘိက္ခု အနဘိဇာနံ ဥတ္တရိမနုဿဓမ္မံ အတ္တုပနာယိကံ အလမရိယဉာဏဒဿနံ သမုဒါစရေယျ၊ ဣတိ ဇာနာမိ ဣတိ ပဿာမီတိ၊ တတော အပရေန သမယေန သမနုဂ္ဂါဟီယမာနောဝါ အသမနုဂ္ဂါဟီယမာနောဝါ အာပန္နော ဝိသုဒ္ဓါပေက္ခော ဧဝံ ဝဒေယျ အဇာနမေဝံ အာဝုသော အဝစံဇာနာမိ အပဿံ ပဿာမိ တုစ္ဆံ မုသာ ဝိလပိန္တိ၊ အညတြ အဓိမာနာ အယမ္ပိ ပါရာဇိကော ဟောတိ အသံဝါသောတိ အယံ ဘန္တေ တတ္ထ ပရိပုဏ္ဏ ပညတ္တိ။

ပုစ္ဆာ – သဗ္ဗတ္ထပညတ္တိ ¶ နုခေါ အာဝုသော ပဒေသပညတ္တိ နုခေါ။

ဝိဿဇ္ဇနာ – သဗ္ဗတ္ထပညတ္တိ ဘန္တေ။

ပုစ္ဆာ – သာဓာရဏပညတ္တိ နုခေါ အာဝုသော အသာဓာရဏပညတ္တိနုခေါ။

ဝိဿဇ္ဇနာ – သာဓာရဏပညတ္တိ ဘန္တေ။

ပုစ္ဆာ – ဧကတောပညတ္တိ နုခေါ အာဝုသော ဥဘတော ပညတ္တိ နုခေါ။

ဝိဿဇ္ဇနာ – ဥဘတောပညတ္တိ ဘန္တေ။

ပုစ္ဆာ – တသ္မိံ ¶ အာဝုသော စတုတ္ထ ပါရာဇိကေ အသန္တံ အဘူတံ ဥတ္တရိမနုဿဓမ္မံ ဥလ္လပန္တော ကတိ အာပတ္တိယော အာပဇ္ဇတိ၊ ဝိဘဇိတွာ ဝိဿဇ္ဇေဟိ။

ဝိဿဇ္ဇနာ – တသ္မိံ ဘန္တေ စတုတ္ထပါရာဇိကေ အသန္တံ အဘူတံ ဥတ္တရိမနုဿဓမ္မံ ဥလ္လပန္တော တိဿော အာပတ္တိယော အာပဇ္ဇတိ၊ အသန္တံ အဘူတံ ဥတ္တရိမနုဿဓမ္မံ ဥလ္လပတိ အာပတ္တိပါရာဇိကဿ၊ ယော တေ ဝိဟာရေ ဝသတိ သော ဘိက္ခု အရဟာတိ ဘဏတိ ပဋိဝိဇာနန္တဿ အာပတ္တိ ထုလ္လစ္စယဿ၊ အပ္ပဋိဝိဇာနန္တဿ အာပတ္တိ ဒုက္ကဋဿ၊ ဥတ္တရိမနုဿဓမ္မံ ဘန္တေ ဥလ္လပန္တော ဣမာ တိဿော အာပတ္တိယော အာပဇ္ဇတိ။

ပုစ္ဆာ – ကေသံ ¶ အာဝုသော အနာပတ္တိ။

ဝိဿဇ္ဇနာ – ဆန္နံ ဘန္တေ ပုဂ္ဂလာနံ အနာပတ္တိ အဓိမာနေန ဘဏန္တဿ အနုလ္လပနာဓိပ္ပာယဿ ဥမ္မတ္တကဿ ခိတ္တစိတ္တဿ ဝေဒနာဋ္ဋဿ အာဒိကမ္မိကဿ။

ပုစ္ဆာ – ပဉ္စန္နံ ¶ အာဝုသော ပါတိမောက္ခုဒ္ဒေသာနံ ကတ္ထောဂဓံ ကတ္ထ ပရိယာပန္နံ။

ဝိဿဇ္ဇနာ – နိဒါနောဂဓံ ဘန္တေ နိဒါနပရိယာပန္နံ။

ပုစ္ဆာ – ကတမေန အာဝုသော ဥဒ္ဒေသေန ဥဒ္ဒေသံ အာဂစ္ဆတိ။

ဝိဿဇ္ဇနာ – ဒုတိယေန ဘန္တေ ဥဒ္ဒေသေန ဥဒ္ဒေသံ အာဂစ္ဆတိ။

ပုစ္ဆာ – စတုန္နံ အာဝုသော ဝိပတ္တီနံ ကတမာ ဝိပတ္တိ။

ဝိဿဇ္ဇနာ – သီလဝိပတ္တိ ဘန္တေ။

ပုစ္ဆာ – သတ္တန္နံ ¶ အာဝုသော အာပတ္တိက္ခန္ဓာနံ ကတမော အာပတ္တိက္ခန္ဓော။

ဝိဿဇ္ဇနာ – ပါရာဇိကာပတ္တိက္ခန္ဓော ဘန္တေ။

ပုစ္ဆာ – ဆန္နံ အာဝုသော အာပတ္တိသမုဋ္ဌာနာနံ ကတိဟိ သမုဋ္ဌာနေဟိ သမုဋ္ဌာတိ။

ဝိဿဇ္ဇနာ – ဆန္နံ ဘန္တေ အာပတ္တိသမုဋ္ဌာနာနံ တီဟိ သမုဋ္ဌာနေဟိ သမုဋ္ဌာတိ၊ သိယာ ကာယတောစ စိတ္တတောစ သမုဋ္ဌာတိ၊ န ဝါစတော၊ သိယာ ဝါစတောစ စိတ္တတောစ သမုဋ္ဌာတိ၊ န ကာယတော၊ သိယာ ကာယတောစ ဝါစတောစ စိတ္တတောစ သမုဋ္ဌာတိ။

ပုစ္ဆာ – စတုန္နံ ¶ အာဝုသော အဓိကရဏာနံ ကတမံ အဓိကရဏံ။

ဝိဿဇ္ဇနာ – အာပတ္တာဓိကရဏံ ဘန္တေ။

ပုစ္ဆာ – သတ္တန္နံ အာဝုသော သမထာနံ ကတိဟိ သမထေဟိ သမ္မတိ။

ဝိဿဇ္ဇနာ – သတ္တန္နံ ဘန္တေ သမထာနံ ဒွီဟိ သမထေဟိ သမ္မတိ၊ သမ္မုခါဝိနယေနစ ပဋိညာတကရဏေနစ။

ပုစ္ဆာ – ကော တတ္ထ အာဝုသော ဝိနယော၊ ကော တတ္ထ အဘိဝိနယော။

ဝိဿဇ္ဇနာ – ပညတ္တိ ဘန္တေ ဝိနယော၊ ဝိဘတ္တိ အဘိဝိနယော။

ပုစ္ဆာ – ကိံ ¶ အာဝုသော တတ္ထ ပါတိမောက္ခံ၊ ကိံ အဓိပါတိမောက္ခံ။

ဝိဿဇ္ဇနာ – ပညတ္တိ ဘန္တေ ပါတိမောက္ခံ၊ ဝိဘတ္တိ အဓိပါတိမောက္ခံ။

ပုစ္ဆာ – ကာ အာဝုသော ဝိပတ္တိ။

ဝိဿဇ္ဇနာ – အသံဝရော ဘန္တေ ဝိပတ္တိ။

ပုစ္ဆာ – ကာ အာဝုသော သမ္ပတ္တိ။

ဝိဿဇ္ဇနာ – သံဝရော ဘန္တေ သမ္ပတ္တိ။

ပုစ္ဆာ – ကာ ¶ အာဝုသော တတ္ထ ပဋိပတ္တိ။

ပုစ္ဆာ – ကတိ အာဝုသော အတ္ထဝသေ ပဋိစ္စ ဘဂဝတာ စတုတ္ထံ ပါရာဇိကံ ပညတ္တံ။

ဝိဿဇ္ဇနာ – ဒသ ဘန္တေ အတ္ထဝသေ ပဋိစ္စ ဘဂဝတာ စတုတ္ထံ ပါရာဇိကံ ပညတ္တံ၊ သင်္ဃသုဋ္ဌုတာယ သင်္ဃဖာသုတာယ…ပေ… ဝိနယာနုဂ္ဂဟာယ။

ပုစ္ဆာ – ကေ ¶ အာဝုသော သိက္ခန္တိ။

ဝိဿဇ္ဇနာ – သေက္ခာစ ဘန္တေ ပုထုဇ္ဇနကလျာဏကာစ သိက္ခန္တိ။

ပုစ္ဆာ – ကေ အာဝုသော သိက္ခိတသိက္ခာ။

ဝိဿဇ္ဇနာ – အရဟန္တော ဘန္တေ သိက္ခိတသိက္ခာ။

ဝိဿဇ္ဇနာ – သိက္ခာကာမေသု ဘန္တေ ဌိတံ။

ပုစ္ဆာ – ကေ အာဝုသော ဓာရေန္တိ။

ဝိဿဇ္ဇနာ – ယေသံ ဘန္တေ ဝတ္တတိ တေ ဓာရေန္တိ။

ဝိဿဇ္ဇနာ – ဘဂဝတော ဘန္တေ ဝစနံ အရဟတော သမ္မာသမ္ဗုဒ္ဓဿ။

ဝိဿဇ္ဇနာ – ပရမ္ပရာယ ဘန္တေ အာဘတံ။

ပုစ္ဆာ – အတ္ထိ နုခေါ အာဝုသော တတ္ထ ကိဉ္စိ ဥပနေတဗ္ဗံ ဝါ အပနေတဗ္ဗံ ဝါ အက္ခရပဒပစ္စာဘဋ္ဌံ ဝါ ဝိရဒ္ဓပဒဗျဉ္ဇနံ ဝါ။

၁။ သုက္ကဝိဿဋ္ဌိသင်္ဃာဒိသေသ သိက္ခာပုစ္ဆာ

ပုစ္ဆာ – ယံ ¶ တေန အာဝုသော ဘဂဝတာ ဇာနတာ ပဿတာ အရဟတာ သမ္မာသမ္ဗုဒ္ဓေန ဥပက္ကမိတွာ အသုစိံ မောစေန္တဿ သင်္ဃာဒိသေသော ကတ္ထ ပညတ္တော။

ဝိဿဇ္ဇနာ – သာဝတ္ထိယံ ဘန္တေ ပညတ္တော။

ပုစ္ဆာ – ကံ အာဝုသော အာရဗ္ဘ ပညတ္တော။

ဝိဿဇ္ဇနာ – အာယသ္မန္တံ ဘန္တေ သေယျသကံ အာရဗ္ဘ ပညတ္တော။

ပုစ္ဆာ – ကိသ္မိံ အာဝုသော ဝတ္ထုသ္မိံ ပညတ္တော။

ဝိဿဇ္ဇနာ – အာယသ္မာ ဘန္တေ သေယျသကော ဟတ္ထေန ဥပက္ကမိတွာ အသုစိံ မောစေသိ၊ တသ္မိံ ဘန္တေ ဝတ္ထုသ္မိံ ပညတ္တော။

ပုစ္ဆာ – အတ္ထိ ¶ အာဝုသော တတ္ထ ပညတ္တိ အနုပညတ္တိ အနုပ္ပန္နပညတ္တိ။

ပုစ္ဆာ – ကတမာ အာဝုသော တတ္ထ မူလပညတ္တိ။

ဝိဿဇ္ဇနာ – သဉ္စေတနိကာ သုက္ကဝိဿဋ္ဌိ သင်္ဃာဒိသေသောတိ အယံ ဘန္တေ တတ္ထ မူလပညတ္တိ။

ပုစ္ဆာ – ကတမာ ပနာဝုသော တတ္ထ အနုပညတ္တိ။

ဝိဿဇ္ဇနာ – အညတြ သုပိနန္တာတိ အယံ ဘန္တေ တတ္ထ အနုပညတ္တိ။

ပုစ္ဆာ – ကတမာ ¶ ပနာဝုသော တတ္ထ ပရိပုဏ္ဏပညတ္တိ။

ဝိဿဇ္ဇနာ – သဉ္စေတနိကာ သုက္ကဝိဿဋ္ဌိ အညတြသုပိနန္တာ သင်္ဃာဒိသောတိ အယံ ဘန္တေ တတ္ထ ပရိပုဏ္ဏပညတ္တိ။

ပုစ္ဆာ – သာဓာရဏ ပညတ္တိနုခေါ အာဝုသော အသာဓာရဏ ပညတ္တိနုခေါ။

ဝိဿဇ္ဇနာ – အသာဓာရဏပညတ္တိ ဘန္တေ။

ပုစ္ဆာ – တတ္ထ အာဝုသော ဥပက္ကမိတွာ အသုစိံ မောစေန္တော ကတိ အာပတ္တိယော အာပဇ္ဇတိ။

ဝိဿဇ္ဇနာ – ဥပက္ကမိတွာ ဘန္တေ အသုစိံ မောစေန္တော တိဿော အာပတ္တိယော အာပဇ္ဇတိ၊ စေတေတိ ဥပက္ကမတိ မုစ္စတိ အာပတ္တိ

သင်္ဃာဒိသေသဿ ¶ ၊ စေတေတိ ဥပက္ကမတိ န မုစ္စတိ အာပတ္တိ ထုလ္လစ္စယဿ၊ ပယောဂေ ဒုက္ကဋံ။

ပုစ္ဆာ – ကေသံ အာဝုသော အနာပတ္တိ။

ဝိဿဇ္ဇနာ – ဆန္နံ ဘန္တေ အနာပတ္တိ သုပိနန္တေန မောစေန္တဿ န မောစနာဓိပ္ပာယဿ ဥမ္မတ္တကဿ ခိတ္တစိတ္တဿ ဝေဒနာဋ္ဋဿ အာဒိကမ္မိကဿ ဣမေသံ ခေါ ဘန္တေ ဆန္နံ အနာပတ္တိ။

ပုစ္ဆာ – ပဉ္စန္နံ ¶ အာဝုသော ပါတိမောက္ခုဒ္ဒေသာနံ ကတမေန ဥဒ္ဒေသေန ဥဒ္ဒေသံ အာဂစ္ဆတိ။

ဝိဿဇ္ဇနာ – ပဉ္စန္နံ ဘန္တေ ပါတိမောက္ခုဒ္ဒေသာနံ တတိယေန ဥဒ္ဒေသေန ဥဒ္ဒေသံ အာဂစ္ဆတိ။

ပုစ္ဆာ – စတုန္နံ အာဝုသော ဝိပတ္တီနံ ကတမာ ဝိပတ္တိ။

ဝိဿဇ္ဇနာ – စတုန္နံ ဘန္တေ ဝိပတ္တီနံ သီလဝိပတ္တိ။

ပုစ္ဆာ – ကာ အာဝုသော ဝိပတ္တိ။

ဝိဿဇ္ဇနာ – အသံဝရော ဘန္တေ ဝိပတ္တိ။

ပုစ္ဆာ – ကာ ¶ အာဝုသော သမ္ပတ္တိ။

ဝိဿဇ္ဇနာ – သံဝရော ဘန္တေ သမ္ပတ္တိ။

ပုစ္ဆာ – ကာ အာဝုသော ပဋိပတ္တိ။

ဝိဿဇ္ဇနာ – န ဧဝ ရူပံ ကရိဿာမီတိ ယာဝဇီဝံ အာပါဏကောဋိကံ သမာဒါယ သိက္ခတိ သိက္ခာပဒေသု အယံ ဘန္တေ ပဋိပတ္တိ။

ပုစ္ဆာ – ကတိ အာဝုသော အတ္ထဝသေ ပဋိစ္စ ဘဂဝတာ ဥပက္ကမိတွာ အသုစိံ မောစေန္တဿ သင်္ဃာဒိသေသော ပညတ္တော။

ဝိဿဇ္ဇနာ – ဒသ ¶ ဘန္တေ အတ္ထဝသေ ပဋိစ္စ ဘဂဝတာ ဥပက္ကမိတွာ အသုစိံ မောစေန္တဿ သင်္ဃာဒိသေသော ပညတ္တော သင်္ဃသုဋ္ဌုတာယ…ပေ… ဝိနယာနုဂ္ဂဟာယ။

ဝိဿဇ္ဇနာ – သိက္ခာကာမေသု ဘန္တေ ဌိတံ။

ပုစ္ဆာ – ကေ အာဝုသော ဓာရေန္တိ။

ဝိဿဇ္ဇနာ – ယေသံ ဘန္တေ ဝတ္တတိ တေ ဓာရေန္တိ။

ဝိဿဇ္ဇနာ – ဘဂဝတော ဘန္တေ ဝစနံ အရဟတော သမ္မာသမ္ဗုဒ္ဓဿ။

ဝိဿဇ္ဇနာ – ပရမ္ပရာယ ဘန္တေ အာဘတံ။

ပုစ္ဆာ – အတ္ထိ နုခေါ အာဝုသော တတ္ထ သနိဒါနေ သပဒဘာဇနီယေ သဝိနီတဝတ္ထုကေ ဥပနေတဗ္ဗံ ဝါ အပနေတဗ္ဗံ ဝါ အက္ခရပဒပစ္စာဘဋ္ဌံ ဝါ ဝိရဒ္ဓပဒဗျဉ္ဇနံ ဝါ။

သုဏာတု ¶ မေ ဘန္တေ သင်္ဃော အာယသ္မန္တံ ဝိစိတ္တသာရာဘိဝံသံ တိပိဋကဓရ ဓမ္မဘဏ္ဍာဂါရိကံ ပဌမဿ သင်္ဃာဒိသေသ သိက္ခာပဒဿ နိဒါနမ္ပိ ပုစ္ဆိံ၊ ပုဂ္ဂလမ္ပိ ပုစ္ဆိံ၊ ဝတ္ထုမ္ပိ ပုစ္ဆိံ၊ ပညတ္တိမ္ပိ ပုစ္ဆိံ၊ အနုပညတ္တိမ္ပိ ပုစ္ဆိ၊ အာပတ္တိမ္ပိ ပုစ္ဆိံ၊ အနာပတ္တိမ္ပိ ပုစ္ဆိံ၊ အညာနိပိ ဧဝရူပါနိ အနေကာနိ ပုစ္ဆိတဗ္ဗဋ္ဌာနာနိ ပုစ္ဆိံ၊ ပုဋ္ဌော ပုဋ္ဌော စ သော အာယသ္မာ ဝိစိတ္တသာရာဘိဝံသော ဝိဿဇ္ဇေသိ၊ ဣတိဟိဒံ ဘန္တေ ပဌမ သင်္ဃာဒိသေသ သိက္ခာပဒံ သပရိဝါရံ နိမ္မလံ သုပရိသုဒ္ဓံ တဿေဝ ဘဂဝတော ဝစနံ အရဟတော သမ္မာသမ္ဗုဒ္ဓဿ။ တသ္မာ ယထာပုရေ မဟာကဿပါဒယော မဟာထေရဝရာ ပေါရာဏသံဂီတိကာရာ ဗြဟ္မစရိယဿ စိရဋ္ဌိတိယာ ဗဟုဇနဟိတာယ ဗဟုဇနသုခါယ လောကာနုကမ္ပာယ အတ္ထာယ ဟိတာယ သုခါယ ဒေဝမနုဿာနံ ¶ ဓမ္မဝိနယံ သံဂါယိံသုစေဝ အနုသံဂါယိံသုစ၊ ဧဝမေဝ မယမ္ပိ သဗ္ဗေဝ ဆဋ္ဌသံဂီတိမဟာဓမ္မသဘာ ပရိယာပန္နာ ဣဒံ ပဌမံ သင်္ဃာဒိသေသ သိက္ခာပဒံ နိဒါနတော ပဋ္ဌာယ ဧကစ္စာနံ ဝစသာ သဇ္ဈာယဝသေန ဧကစ္စာနံ မနသာ မနသိကရဏဝသေနစ ဧကတော ဂဏသဇ္ဈာယံ ကတွာ သံဂါယေယျာမ။

ပုစ္ဆာ – ယံ ¶ တေန အာဝုသော ဘဂဝတာ…ပေ… သမ္မာသမ္ဗုဒ္ဓေန မာတုကာမေန သဒ္ဓိံ ကာယသံသဂ္ဂံ သမာပဇ္ဇန္တဿ စ၊ မာတုဂါမံ ဒုဋ္ဌုလ္လာဟိ ဝါစာဟိ ဩဘာသန္တဿ စ၊ မာတုဂါမဿ သန္တိကေ အတ္တကာမ ပါရိစရိယာယ ဝဏ္ဏံ ဘာသန္တဿ စ၊ သဉ္စရိတ္တံ သမာပဇ္ဇန္တဿ စ သင်္ဃာဒိသေသော ကတ္ထ ပညတ္တော။

ဝိဿဇ္ဇနာ – သာဝတ္ထိယံ ဘန္တေ ပညတ္တော။

ပုစ္ဆာ – ကံ ¶ အာဝုသော အာရဗ္ဘ ပညတ္တော။

ဝိဿဇ္ဇနာ – အာယသ္မန္တံ ဘန္တေ ဥဒါယိတ္ထေရံ အာရဗ္ဘ ပညတ္တော။

ပုစ္ဆာ – ကိသ္မိံ အာဝုသော ဝတ္ထုသ္မိံ ပညတ္တော။

ဝိဿဇ္ဇနာ – အာယသ္မာ ဘန္တေ ဥဒါယိတ္ထေရော မာတုဂါမေန သဒ္ဓိံ ကာယသံသဂ္ဂံ သမာပဇ္ဇိ၊ အာယသ္မာယေဝ ဘန္တေ ဥဒါယိတ္ထေရော မာတုဂါမံ ဒုဋ္ဌုလ္လာဟိ ဝါစာဟိ ဩဘာသိ၊ အာယသ္မာယေဝ ဘန္တေ ဥဒါယိတ္ထေရော မာတုဂါမဿ သန္တိကေ အတ္တကာမ ပါရိစရိယာယ ဝဏ္ဏံ အဘာသိ၊ အာယသ္မာယေဝ ဘန္တေ ဥဒါယိတ္ထေရော သဉ္စရိတ္တံ သမာပဇ္ဇိံ၊ တသ္မိံ ဘန္တေ ဝတ္ထုသ္မိံ ပညတ္တော။

၆။ ကုဋိကာရ သင်္ဃာဒိသေသ သိက္ခာပုစ္ဆာ

ပုစ္ဆာ – ယံ ¶ တေန အာဝုသော…ပေ… သမ္မာသမ္ဗုဒ္ဓေန သညာစိကာယ ကုဋိံ ကာရာပေန္တဿ သင်္ဃာဒိသေသော ကတ္ထ ပညတ္တော။

ဝိဿဇ္ဇနာ – အာဠဝိယံ ဘန္တေ ပညတ္ထော။

ပုစ္ဆာ – ကံ အာဝုသော အာရဗ္ဘ ပညတ္တော။

ဝိဿဇ္ဇနာ – အာဠဝိကေ ဘန္တေ ဘိက္ခူ အာရဗ္ဘ ပညတ္တော။

ပုစ္ဆာ – ကိသ္မိံ ¶ အာဝုသော ဝတ္ထုသ္မိံ ပညတ္တော။

ဝိဿဇ္ဇနာ – အာဠဝိကာ ဘန္တေ ဘိက္ခူ သညာစိကာယော ကုဋိယော ကာရာပေသုံ၊ တသ္မိံ ဘန္တေ ဝတ္ထုသ္မိံ ပညတ္တော။

၇။ ဝိဟာရကာရ သင်္ဃာဒိသေသ သိက္ခာပုစ္ဆာ

ပုစ္ဆာ – ယံ တေန အာဝုသော…ပေ… သမ္မာသမ္ဗုဒ္ဓေန မဟလ္လကံ ဝိဟာရံ ကာရာပေန္တဿ သင်္ဃာဒိသေသော ကတ္ထ ပညတ္တော။

ဝိဿဇ္ဇနာ – ကောသမ္ဗိယံ ဘန္တေ။

ပုစ္ဆာ – ကံ ¶ အာဝုသော အာရဗ္ဘ ပညတ္တော။

ဝိဿဇ္ဇနာ – အာယသ္မန္တံ ဘန္တေ ဆန္နတ္ထေရံ အာရဗ္ဘ ပညတ္တော။

ပုစ္ဆာ – ကိသ္မိံ အာဝုသော ဝတ္ထုသ္မိံ ပညတ္တော။

ဝိဿဇ္ဇနာ – အာယသ္မာ ဘန္တေ ဆန္နော ဝိဟာရဝတ္ထုံ သောဓေန္တော အညတရံ စေတိယရုက္ခံ ဆေဒါပေသိ ဂါမပူဇိတံ နိဂမပူဇိတံ နဂရ ပူဇိတံ ဇနပဒပူဇိတံ ရဋ္ဌပူဇိတံ၊ တသ္မိံ ဘန္တေ ဝတ္ထုသ္မိံ ပညတ္တော။

၈-၉။ ဒုဋ္ဌဒေါသ သင်္ဃာဒိသေသ သိက္ခာပုစ္ဆာ

ပုစ္ဆာ – ယံ တေန အာဝုသော ဘဂဝတာ…ပေ… သမ္မာသမ္ဗုဒ္ဓေန ဘိက္ခုံ အမူလကေန ပါရာဇိကေန ဓမ္မေန အနုဒ္ဓံသေန္တဿ စ၊ ဘိက္ခုံ အညဘာဂိယဿ အဓိကရဏဿ ကိဉ္စိဒေသံ လေသမတ္တံ ဥပါဒါယ ပါရာဇိကေန ဓမ္မေန အနုဒ္ဓံသေန္တဿ စ သင်္ဃာဒိသေသော ကတ္ထ ပညတ္တော။

ဝိဿဇ္ဇနာ – ရာဇဂဟေ ¶ ဘန္တေ ပညတ္တော။

ပုစ္ဆာ – ကံ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တော။

ဝိဿဇ္ဇနာ – မေတ္တိယဘူမဇကာ ဘန္တေ ဘိက္ခူ အာရဗ္ဘ ပညတ္တော၊ မေတ္တိယဘူမဇကာ ဘန္တေ ဘိက္ခူ အာယသ္မန္တံ ဒဗ္ဗံ မလ္လပုတ္တံ အမူလကေန ပါရာဇိကေန ဓမ္မေန အနုဒ္ဓံသေသုံ၊ တေယေဝ ဘန္တေ မေတ္တိယဘူမဇကာ ဘိက္ခူ အာယသ္မန္တံ ဒဗ္ဗံ မလ္လပုတ္တံ အညဘာဂိယဿ အဓိကရဏဿ ကိဉ္စိဒေသံ လေသမတ္တံ ဥပါဒါယ ပါရာဇိကေန ဓမ္မေန အနုဒ္ဓံသေသုံ၊ တသ္မိံ ဘန္တေ ဝတ္ထုသ္မိံ၊ ပညတ္တော။

၁၀။ သင်္ဃဘေဒက သင်္ဃာဒိသေသ သိက္ခာပုစ္ဆာ

ပုစ္ဆာ – ယံ ¶ တေန အာဝုသော ဘဂဝတာ…ပေ… သမ္မာသမ္ဗုဒ္ဓေန သင်္ဃဘေဒကဿ ဘိက္ခုနော ယာဝတတိယံ သမနုဘာသနာယ အပ္ပဋိနိဿဇ္ဇန္တဿ သင်္ဃာဒိသေသော ကတ္ထ ပညတ္တော။

ဝိဿဇ္ဇနာ – ရာဇဂဟေ ဘန္တေ ပညတ္တော။

ပုစ္ဆာ – ကံ ¶ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္ထော။

ဝိဿဇ္ဇနာ – ဒေဝဒတ္တံ ဘန္တေ အာရဗ္ဘ ပညတ္တော။

ဒေဝဒတ္တော ဘန္တေ သမဂ္ဂဿ သင်္ဃဿ ဘေဒါယ ပရက္ကမိ၊ တသ္မိံ ဘန္တေ ဝတ္ထုသ္မိံ ပညတ္တော။

၁၁။ ဘေဒါနုဝတ္တက သိက္ခာပုစ္ဆာ

ပုစ္ဆာ – ယံ ¶ တေန အာဝုသော ဘဂဝတာ…ပေ… သမ္မာသမ္ဗုဒ္ဓေန ဘေဒါနုဝတ္တကာနံ ဘိက္ခူနံ ယာဝတတိယံ သမနုဘာသနာယ အပ္ပဋိနိဿဇ္ဇန္တာနံ သင်္ဃာဒိသေသော ကတ္ထ ပညတ္တော။

ဝိဿဇ္ဇနာ – ရာဇဂဟေ ဘန္တေ ပညတ္တော။

ပုစ္ဆာ – ကံ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တော။

ဝိဿဇ္ဇနာ – သမ္ဗဟုလေ ဘန္တေ ဘိက္ခူ အာရဗ္ဘ ပညတ္တော၊ သမ္ဗဟုလာ ဘန္တေ ဘိက္ခူ ဒေဝဒတ္တဿ သင်္ဃာဘေဒါယ ပရက္ကမန္တဿ အနုဝတ္တကာ အဟေသုံ ဝဂ္ဂဝါဒကာ၊ တသ္မိံ ဘန္တေ ဝတ္ထုသ္မိံ ပညတ္တော။

၁၂။ ဒုဗ္ဗစ၊ သင်္ဃာဒိသေသ သိက္ခာပုစ္ဆာ

ပုစ္ဆာ – ယံ ¶ တေန အာဝုသော ဘဂဝတာ…ပေ… သမ္မာသမ္ဗုဒ္ဓေန ဒုဗ္ဗစဿ ဘိက္ခုနော ယာဝတတိယံ သမနုဘာသနာယ အပ္ပဋိနိဿဇ္ဇန္တဿ သင်္ဃာဒိသေသော ကတ္ထ ပညတ္တော။

ဝိဿဇ္ဇနာ – ကောသမ္ဗိယံ ဘန္တေ ပညတ္တော။

ပုစ္ဆာ – ကံ ¶ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တော။

ဝိဿဇ္ဇနာ – အာယသ္မန္တံ ဘန္တေ ဆန္နံ အာရဗ္ဘ ပညတ္တော၊ အာယသ္မာ ဘန္တေ ဆန္နော ဘိက္ခူဟိ သဟဓမ္မိကံ ဝုစ္စမာနော အတ္တာနံ အဝစနီယံ အကာသိ၊ တသ္မိံ ဘန္တေ ဝတ္ထုသ္မိံ ပညတ္တော။

၁၃။ ကုလဒူသက သင်္ဃာဒိသေသ သိက္ခာပုစ္ဆာ

ပုစ္ဆာ – ယံ ¶ တေန အာဝုသော ဘဂဝတာ…ပေ… သမ္မာသမ္ဗုဒ္ဓေန ကုလဒူသကဿ ဘိက္ခုနော ယာဝတတိယံ သမနုဘာသနာယ အပ္ပဋိနိဿဇ္ဇန္တဿ သင်္ဃာဒိသေသော ကတ္ထ ပညတ္တော။

ဝိဿဇ္ဇနာ – သာဝတ္ထိယံ ¶ ဘန္တေ ပညတ္တော။

ပုစ္ဆာ – ကံ အာရဗ္ဘ အာဝုသော ကိသ္မိံ ဝတ္ထုသ္မိံ ပညတ္တော။

ဝိဿဇ္ဇနာ – အဿဇိ ပုနဗ္ဗသုကေ ဘန္တေ ဘိက္ခူ အာရဗ္ဘ ပညတ္တော၊ အဿဇိပုနဗ္ဗသုကာ ဘန္တေ ဘိက္ခူ သင်္ဃေန ပဗ္ဗာဇနီယကမ္မကတာ ဆန္ဒဂါမိတာ ဒေါသဂါမိတာ မောဟဂါမိတာ ဘယဂါမိတာ ပါပေသုံ၊ တသ္မိံ ဘန္တေ ဝတ္ထုသ္မိံ ပညတ္တော။

ပုစ္ဆာ – ယံ ¶ တေန အာဝုသော ဘဂဝတာ…ပေ… သမ္မာသမ္ဗုဒ္ဓေန ပဌမော စ အနိယတော ဒုတိယော စ အနိယတော ကတ္ထ ပညတ္တော။

ဝိဿဇ္ဇနာ – သာဝတ္ထိယံ ဘန္တေ ပညတ္တော။

ပုစ္ဆာ – ကံ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တော။

ဝိဿဇ္ဇနာ – အာယသ္မန္တံ ဘန္တေ ဥဒါယိံ အာရဗ္ဘ ပညတ္တော၊ အာယသ္မာ ဘန္တေ ဥဒါယီ မာတုဂါမေန သဒ္ဓိံ ဧကောဧကာယ ရဟော ပဋိစ္ဆန္နေ အာသနေ အလံကမ္မနိယေ နိသဇ္ဇံ ကပ္ပေသိ၊ တသ္မိဉ္စ ဝတ္ထုသ္မိံ၊ အာယသ္မာယေဝ ဘန္တေ ဥဒါယီ မာတုဂါမေန သဒ္ဓိံ ရဟော နိသဇ္ဇံ အကာသိ၊ တသ္မိဉ္စ ဘန္တေ ဝတ္ထုသ္မိံ ပညတ္တော။

ဝိဿဇ္ဇနာ – ဘဂဝတော ဘန္တေ ဝစနံ အရဟတော သမ္မာသမ္ဗုဒ္ဓဿ။

ဝိဿဇ္ဇနာ – ပရမ္ပရာယ ဘန္တေ အာဘတံ။

ပုစ္ဆာ – အတ္ထိ နုခေါ အာဝုသော ဧတ္ထ ကောစိပိ ဝိရဒ္ဓဒေါသော။

သုဏာတု ¶ မေ ဘန္တေ သင်္ဃော၊ အဟံ ဘန္တေ အာယသ္မန္တံ ဝိစိတ္တသာရာဘိဝံသံ တိပိဋကဓရ ဓမ္မဘဏ္ဍာဂါရိကံ ပဌမ ဒုဋ္ဌဒေါသ သိက္ခာပဒတော ပဋ္ဌာယ ပုစ္ဆိတဗ္ဗာနိ အနေကာနိ ဌာနာနိ ပုစ္ဆိံ၊ သော စ အာယသ္မာ ပုဋ္ဌော ပုဋ္ဌော ဝိဿဇ္ဇေတိ၊ ဣတိဟိဒံ ဘန္တေ သဗ္ဗံ သိက္ခာပဒံ နိမ္မလံ သုပရိသုဒ္ဓံ တဿေဝ ဘဂဝတော ဝစနံ အရဟတော သမ္မာသမ္ဗုဒ္ဓဿ၊ တသ္မာ ယထာပုရေ မဟာကဿပါဒယော မဟာထေရဝရာ ပေါရာဏသံဂီတိကာရာ ဗြဟ္မစရိယဿ စိရဋ္ဌိတိယာ ဗဟုဇနဟိတာယ ဗဟုဇနသုခါယ လောကာနုကမ္ပာယ အတ္ထာယ ဟိတာယ သုခါယ ဒေဝမနုဿာနံ သံဂါယိံသုစေဝ အနုသံဂါယိံသုစ၊ ဧဝမေဝ မယမ္ပိ ဒါနိ သဗ္ဗေဝ ဆဋ္ဌသံဂီတိ မဟာဓမ္မသဘာပရိယာပန္နာ ဣမာနိ သိက္ခာပဒါနိ ဧကတော ဂဏသဇ္ဈာယံ ကတွာ သံဂါယေယျာမ။

၁။ စီဝရဝဂ္ဂ ၁။ ပဌမကထိန သိက္ခာပုစ္ဆာ

ပုစ္ဆာ – ယံ ¶ တေန အာဝုသော ဘဂဝတာ…ပေ… သမ္မာသမ္ဗုဒ္ဓေန အတိရေကစီဝရံ ဒသာဟံ အတိက္ကာမေန္တဿ နိဿဂ္ဂိယံ ပါစိတ္တိယံ ကတ္ထ ပညတ္တံ။

ဝိဿဇ္ဇနာ – ဝေသာလိယံ ဘန္တေ ပညတ္တံ။

ပုစ္ဆာ – ကံ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ဆဗ္ဗဂ္ဂိယေ ဘန္တေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ အတိရေကစီဝရံ ဓာရေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

၁။ စီဝရဝဂ္ဂ ၂။ ဥဒေါသိတ သိက္ခာပုစ္ဆာ

ပုစ္ဆာ – ဧကရတ္တံ ¶ အာဝုသော တိစိဝရေန ဝိပ္ပဝသန္တဿ နိဿဂ္ဂိယံ ပါစိတ္တိယံ ဘဂဝတာ ကတ္ထ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ပညတ္တံ။

ပုစ္ဆာ – ကံ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သမ္ဗဟုလေ ဘန္တေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ ဘိက္ခူနံ ဟတ္ထေ စီဝရံ နိက္ခိပိတွာ သန္တရုတ္တရေန ဇနပဒစာရိကံ ပက္ကမိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၁။ စီဝရဝဂ္ဂ ၃။ တတိယကထိန သိက္ခာပုစ္ဆာ

ပုစ္ဆာ – အကာလစီဝရံ ¶ အာဝုသော ပဋိဂ္ဂဟေတွာ မာသံ အတိက္ကာမေန္တဿ နိဿဂ္ဂိယံ ပါစိတ္တိယံ ဘဂဝတာ ကတ္ထ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ပညတ္တံ။

ပုစ္ဆာ – ကံ အာဝုသော အာရဗ္ဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သမ္ဗဟုလေ ဘန္တေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ အကာလစီဝရံ ပဋိဂ္ဂဟေတွာ မာသံ အတိက္ကာမေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

၁။ စီဝရဝဂ္ဂ ၄။ ပုရာဏစီဝရ သိက္ခာပုစ္ဆာ

ပုစ္ဆာ – အညာတိကာယ ¶ အာဝုသော ဘိက္ခုနိယာ ပုရာဏစီဝရံ ဓောဝါပေန္တဿ နိဿဂ္ဂိယံ ပါစိတ္တိယံ ဘဂဝတာ ကတ္ထ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ပညတ္တံ။

ပုစ္ဆာ – ကံ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – အာယသ္မန္တံ ဘန္တေ ဥဒါယိံ အာရဗ္ဘ ပညတ္တံ၊ အာယသ္မာ ဘန္တေ ဥဒါယီ အညာတိကာယ ဘိက္ခုနိယာ ပုရာဏစီဝရံ ဓောဝါပေသိ၊ တသ္မိံ ဘန္တေ ဝတ္ထုသ္မိံ ပညတ္တံ။

၁။ စီဝရဝဂ္ဂ ၅။ စီဝရပဋိဂ္ဂဟဏ သိက္ခာပုစ္ဆာ

ပုစ္ဆာ – အညာတိကာယ ¶ အာဝုသော ဘိက္ခုနိယာ ဟတ္ထတော စီဝရံ ပဋိဂ္ဂဏှန္တဿ နိဿဂ္ဂိယံ ပါစိတ္တိယံ ဘဂဝတာ ကတ္ထ ပညတ္တံ။

ဝိဿဇ္ဇနာ – ရာဇဂဟေ ဘန္တေ ပညတ္တံ။

ပုစ္ဆာ – ကံ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – အာယသ္မန္တံ ဘန္တေ ဥဒါယိံ အာရဗ္ဘ ပညတ္တံ၊ အာယသ္မာ ဘန္တေ ဥဒါယီ အညာတိကာယ ဘိက္ခုနိယာ ဟတ္ထတော စီဝရံ ပဋိဂ္ဂဟေသိ၊ တသ္မိံ ဘန္တေ ဝတ္ထုသ္မိံ ပညတ္တံ။

၁။ စီဝရဝဂ္ဂ ၆။ အညာတကဝိညတ္တိ သိက္ခာပုစ္ဆာ

ပုစ္ဆာ – အညာတကံ ¶ အာဝုသော ဂဟပတိံဝါ ဂဟတာနိံဝါ စီဝရံ ဝိညာပေန္တဿ နိဿဂ္ဂိယံ ပါစိတ္တိယံ ဘဂဝတာ ကတ္ထ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ပညတ္တံ။

ပုစ္ဆာ – ကံ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – အာယသ္မန္တံ ဘန္တေ ဥပနန္ဒံ သကျပုတ္တံ အာရဗ္ဘ ပညတ္တံ၊ အာယသ္မာ ဘန္တေ ဥပနန္ဒော သကျပုတ္တော အညာတကံ သေဋ္ဌိပုတ္တံ စီဝရံ ဝိညာပေသိ၊ တသ္မိံ ဘန္တေ ဝတ္ထုသ္မိံ ပညတ္တံ။

၁။ စီဝရဝဂ္ဂ ၇။ တတုတ္တရိ သိက္ခာပုစ္ဆာ

ပုစ္ဆာ – အညာတကံ ¶ အာဝုသော ဂဟပတိံ ဝါ ဂဟပတာနိံ ဝါ တတုတ္တရိ စီဝရံ ဝိညာပေန္တဿ နိဿဂ္ဂိယံ ပါစိတ္တိယံ ဘဂဝတာ ကတ္ထ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ပညတ္တံ။

ပုစ္ဆာ – ကံ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ဆဗ္ဗဂ္ဂိယေ ဘန္တေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ န မတ္တံ ဇာနိတွာ ဗဟုမ္ပိ စီဝရံ ဝိညာပေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ပုဗ္ဗေ ¶ အပ္ပဝါရိတဿ အာဝုသော အညာတကံ ဂဟပတိံ ဝါ ဂဟတာနိံ ဝါ ဥပသင်္ကမိတွာ စီဝရေ ဝိကပ္ပံ အာပဇ္ဇန္တဿ စ အညာတကေ ဂဟပတိကေ ဥပသင်္ကမိတွာ စီဝရေ ဝိကပ္ပံ အာပဇ္ဇန္တဿ စ နိဿဂ္ဂိယံ ပါစိတ္တိယံ ဘဂဝတာ ကတ္ထ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ပညတ္တံ။

ပုစ္ဆာ – ကံ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – အာယသ္မန္တံ ဘန္တေ ဥပနန္ဒံ သကျပုတ္တံ အာရဗ္ဘ ပညတ္တံ၊ အာယသ္မာ ဘန္တေ ဥပနန္ဒော သကျပုတ္တော ပုဗ္ဗေ အပ္ပဝါရိတော အညာတကံ ဂဟပတိကံ ဥပသင်္ကမိတွာ စီဝရေ ဝိကပ္ပံ အာပဇ္ဇိ။ သောယေဝ ဘန္တေ အာယသ္မာ ဥပနန္ဒော သကျပုတ္တော ပုဗ္ဗေ အပ္ပဝါရိတော အညာတကေ ဂဟပတိကေ ဥပသင်္ကမိတွာ စီဝရေ ဝိကပ္ပံ အာပဇ္ဇိ၊ တသ္မိံ ဘန္တေ ဝတ္ထုသ္မိံ ပညတ္တံ။

၁။ စီဝရဝဂ္ဂ ၁၀။ ရာဇ သိက္ခာပုစ္ဆာ

ပုစ္ဆာ – အတိရေကတိက္ခတ္တုံ အာဝုသော စောဒနာယ အတိရေက ဆက္ခတ္တုံ ဌာနေန စီဝရံ အဘိနိပ္ဖာဒေန္တဿ နိဿဂ္ဂိယံ ပါစိတ္တိယံ ဘဂဝတာ ကတ္ထ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ပညတ္တံ။

ပုစ္ဆာ – ကံ ¶ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – အာယသ္မန္တံ ဘန္တေ ဥပနန္ဒံ သကျပုတ္တံ အာရဗ္ဘ ပညတ္တံ၊ အာယသ္မာ ဘန္တေ ဥပနန္ဒော သကျပုတ္တော ဥပါသကေန အဇ္ဇဏှော ဘန္တေ အာဂမေဟီတိ ဝုစ္စမာနော နာဂမေသိ၊ တသ္မိံ ဘန္တေ ဝတ္ထုသ္မိံ ပညတ္တံ။

၂။ ကောသိယဝဂ္ဂ၊ ၁။ ကောသိယ သိက္ခာပုစ္ဆာ

ပုစ္ဆာ – ကောသိယမိဿကံ အာဝုသော သန္ထကံ ကာရာပေန္တဿ နိဿဂ္ဂိယံ ပါစိတ္တိယံ ဘဂဝတာ ကတ္ထ ပညတ္တံ။

ဝိဿဇ္ဇနာ – အာဠဝိယံ ဘန္တေ ပညတ္တံ။

ပုစ္ဆာ – ကံ ¶ ၀ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ဆဗ္ဗဂ္ဂိယေ ဘန္တေ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ကောသိယကာရကေ ဥပသင်္ကမိတွာ ဧဝမဟံသု ဗဟူ အာဝုသော ကောသကာရကေ ပစထ အမှာကမ္ပိ ဒဿထ မယမ္ပိ ဣစ္ဆာမ ကောသိယမိဿကံ သန္တကံ ကာတုန္တိ၊ တသ္မိံ ဘန္တေ ဝတ္ထုသ္မိံ ပညတ္တံ။

၂။ ကောသိယဝဂ္ဂ ၂။ သုဒ္ဓကာဠက သိက္ခာပုစ္ဆာ

ပုစ္ဆာ – သုဒ္ဓကာဠကာနံ အာဝုသော ဧဠကလောမာနံ သန္ထတံ ကာရာပေန္တဿ နိဿဂ္ဂိယံ ပါစိတ္တိယံ ဘဂဝတာ ကတ္ထ ပညတ္တံ။

ဝိဿဇ္ဇနာ – ဝေသာလိယံ ဘန္တေ ပညတ္ထံ။

ပုစ္ဆာ – ကံ ¶ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ဆဗ္ဗဂ္ဂိယေ ဘန္တေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ သုဒ္ဓကာဠကာနံ ဧဠကလောမာနံ သန္ထတံ ကာရာပေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

၂။ ကောသိယဝဂ္ဂ ၃။ ဒွေဘာဂ သိက္ခာပုစ္ဆာ

ပုစ္ဆာ – အနာဒိယိတွာ အာဝုသော တုလံ ဩဒါတာနံ တုလံ ဂေါစရိယာနံ နဝံ သန္ထတံ ကာရာပေန္တဿ နိဿဂ္ဂိယံ ပါစိတ္တိယံ ဘဂဝတာ ကတ္ထ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ပညတ္တံ။

ပုစ္ဆာ – ကံ ¶ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ဆဗ္ဗဂ္ဂိယေ ဘန္တေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ထောကံယေဝ ဩဒါတံ အန္တေ အာဒိယိတွာ တထေဝ သုဒ္ဓကာဠကာနံ ဧဠကလောမာနံ သန္ထတံ ကာရာပေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

၂။ ကောသိယဝဂ္ဂ ၄။ ဆဗ္ဗဿ သိက္ခာပုစ္ဆာ

ပုစ္ဆာ – ယံ တေန အာဝုသော ဘဂဝတာ…ပေ… သမ္မာသမ္ဗုဒ္ဓေန အနုဝဿံ ကာရာပေန္တဿ နိဿဂ္ဂိယံ ပါစိတ္တိယံ ကတ္ထ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ပညတ္တံ။

ပုစ္ဆာ – ကံ ¶ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သမ္ဗဟုလေ ဘန္တေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ အနုဝဿံ သန္ထတံ ကာရာပေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ဝိဿဇ္ဇနာ – ဘဂဝတော ဘန္တေ ဝစနံ အရဟတော သမ္မာသမ္ဗုဒ္ဓဿ။

ဝိဿဇ္ဇနာ – ပရမ္ပရာယ ဘန္တေ အာဘတံ။

ပုစ္ဆာ – အတ္ထိ ¶ နုခေါ အာဝုသော ဧတ္ထ ကောစိ ဝိရဒ္ဓဒေါသော။

သုဏာတု မေ ဘန္တေ သင်္ဃော၊ အဟံ အာယသ္မန္တံ ဝိစိတ္တသာရာဘိဝံသံ တိပိဋကဓရ ဓမ္မဘဏ္ဍာဂါရိကံ ဣမေသံ နိဿဂ္ဂိယပါစိတ္တိယသိက္ခာပဒါနံ ယာဝ ဆဗ္ဗဿသိက္ခာပဒံ နိဒါနာဒီနိ ပုစ္ဆိတဗ္ဗာနိ အနေကာနိ ဌာနာနိ ပုစ္ဆိံ၊ ပုဋ္ဌောပုဋ္ဌော စ သော အာယသ္မာ ဝိစိတ္တသာရာဘိဝံသော ဝိဿဇ္ဇေသိ၊ ဣတိဟိဒံ ဘန္တေ ဣမာနိ သိက္ခာပဒါနိ နိမ္မလာနိ သုပရိသုဒ္ဓါနီ တဿေဝ ဘဂဝတော ဝစနာနိ အရဟတော သမ္မာသမ္ဗုဒ္ဓဿ၊ တသ္မာ ယထာပုရေ မဟာကဿပါဒယော မဟာထေရဝရာ ပေါရာဏသံဂီတိကာရာ ဗြဟ္မစရိယဿ စိရဋ္ဌိတိယာ ဗဟုဇနဟိတာယ ဗဟုဇနသုခါယ လောကာနုကမ္ပာယ အတ္ထာယ ဟိတာယ သုခါယ ဒေဝမနုဿာနံ ဓမ္မဝိနယံ သံဂါယိံသု စေဝ အနုသံဂါယိံသု စ၊ ဧဝမေဝ မယမ္ပိ ဒါနိ သဗ္ဗေဝ ဆဋ္ဌသံဂီတိ မဟာဓမ္မသဘာ ပရိယာပန္နာ ဆဗ္ဗဿ နိဿဂ္ဂိယ သိက္ခာပဒတော ပဋ္ဌာယ ဣမာနိ နိဿဂ္ဂိယသိက္ခာပဒါနိ ဧကတော ဂဏသဇ္ဈာယံ ကတွာ သံဟာယေယျာမ။

၂။ ကောသိယဝဂ္ဂ ၅။ နိသီဒနသန္ထတ သိက္ခာပုစ္ဆာ

ပုစ္ဆာ – ယံ ¶ တေန အာဝုသော ဘဂဝတာ…ပေ… သမ္မာသမ္ဗုဒ္ဓေန အနာဒိယိတွာ ပုရာဏသန္ထတဿ သာမန္တာ သုဂတဝိဒတ္တိံ နဝံ နိသီဒနသန္ထတံ ကာရာပေန္တဿ နိဿဂ္ဂိယံ ပါစိတ္တိယံ ကတ္ထ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ပညတ္တံ။

ပုစ္ဆာ – ကံ ¶ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သမ္ဗဟုလေ ဘန္တေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ သန္ထတာနိ ဥဇ္ဈိတွာ အာရညိကံ ပိဏ္ဍပါတိကင်္ဂံ ပံသုကူလကင်္ဂံ သမာဒိယိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၂။ ကောသိယဝဂ္ဂ ၆။ ဧဠကလောမ သိက္ခာပုစ္ဆာ

ပုစ္ဆာ – ဧဠကလောမာနိ အာဝုသော ပဋိဂ္ဂဟေတွာ တိယောဇနံ အတိက္ကာမေန္တဿ နိဿဂ္ဂိယံ ပါစိတ္တိယံ ကတ္ထ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ပညတ္တံ။

ပုစ္ဆာ – ကံ ¶ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – အညတရံ ဘန္တေ ဘိက္ခုံ အာရဗ္ဘ ပညတ္တံ၊ အညတရော ဘန္တေ ဘိက္ခု ဧဠကလောမာနိ ပဋိဂ္ဂဟေတွာ တိယောဇနံ အတိက္ကာမေသိ၊ တသ္မိံ ဘန္တေ ဝတ္ထုသ္မိံ ပညတ္တံ။

၂။ ကောသိယဝဂ္ဂ ၇။ ဧဠကလောမဓောဝါပန သိက္ခာပုစ္ဆာ

ပုစ္ဆာ – အညာတိကာယ ¶ အာဝုသော ဘိက္ခုနိယာ ဧဠကလောမာနိ ဓောဝါပေန္တဿ နိဿဂ္ဂိယံ ပါစိတ္တိယံ ကတ္ထ ပညတ္တံ။

ဝိဿဇ္ဇနာ – သက္ကေသု ဘန္တေ ပညတ္တံ။

ပုစ္ဆာ – ကံ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ဆဗ္ဗဂ္ဂိယေ ဘန္တေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ အညာတိကာဟိ ဘိက္ခူနီဟိ ဧဠကလောမာနိ ဓောဝါပေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

၂။ ကောသိယဝဂ္ဂ ၈။ ရူပိယ သိက္ခာပုစ္ဆာ

ပုစ္ဆာ – ရူပိယံ ¶ အာဝုသော ပဋိဂ္ဂဏှန္တဿ နိဿဂ္ဂိယံ ပါစိတ္တိယံ ဘဂဝတာ ကတ္ထ ပညတ္တံ။

ဝိဿဇ္ဇနာ – ရာဇဂဟေ ဘန္တေ ပညတ္တံ။

ပုစ္ဆာ – ကံ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – အာယသ္မန္တံ ဘန္တေ ဥပနန္ဒံ သကျပုတ္တံ အာရဗ္ဘ ပညတ္တံ၊ အာယသ္မာ ဘန္တေ ဥပနန္ဒော သကျပုတ္တော ရူပိယံ ပဋိဂ္ဂဟေသိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ကထံ ¶ အာဝုသော တတ္ထ ပဋိပဇ္ဇန္တော ရူပိယံ ပဋိဂ္ဂဏှာတိ နာမ။

ဝိဿဇ္ဇနာ – သယံ ဘန္တေ ဂဏှာတိ၊ အညံ ဝါ ဂဏှာပေသိ၊ ဣဒံ အယျဿ ဟောတူတိ ဥပနိက္ခိတ္တံ သာဒိယတိ၊ ဧဝံ ခေါ ဘန္တေ ပဋိပဇ္ဇန္တော ဘိက္ခု ရူပိယံ ပဋိဂ္ဂဏှာတိ နာမ။

ပုစ္ဆာ – ကထံ အာဝုသော တတ္ထ ပဋိပဇ္ဇန္တော ဘိက္ခု ရူပိယံ န ပဋိဂ္ဂဏှာတိ နာမ။

ဝိဿဇ္ဇနာ – ယထာ ¶ ဘန္တေ ရာဇသိက္ခာပဒေ ယထာ စ ဘန္တေ မေဏ္ဍကသိက္ခာပဒေ အာဂစ္ဆတိ၊ တထာ ဘန္တေ ပဋိပဇ္ဇန္တော ဘိက္ခု ရူပိယံ န ပဋိဂ္ဂဏှာတိနာမ။

၂။ ကောသိယဝဂ္ဂ ၉။ ရူပိယသံဝေါဟာရ သိက္ခာပုစ္ဆာ

ပုစ္ဆာ – ရူပိယသံဝေါဟာရံ ¶ အာဝုသော သမာပဇ္ဇန္တဿ နိဿဂ္ဂိယံ ပါစိတ္တိယံ ဘဂဝတာ ကတ္ထ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ပညတ္တံ။

ပုစ္ဆာ – ကံ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ဆဗ္ဗဂ္ဂိယေ ဘန္တေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ နာနပ္ပကာရကံ ရူပိယသံဝေါဟာရံ သမာပဇ္ဇိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၂။ ကောသိယဝဂ္ဂ၊ ၁၀။ ကယဝိက္ကယ သိက္ခာပုစ္ဆာ

ပုစ္ဆာ – နာနပ္ပကာရကံ အာဝုသော ကယဝိက္ကယံ အာပဇ္ဇန္တဿ နိဿဂ္ဂိယံ ပါစိတ္တိယံ ဘဂဝတာ ကတ္ထ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ပညတ္တံ။

ပုစ္ဆာ – ကံ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – အာယသ္မန္တံ ဘန္တေ ဥပနန္ဒံ သကျပုတ္တံ အာရဗ္ဘ ပညတ္တံ၊ အာယသ္မာ ဘန္တေ ဥပနန္ဒော သကျပုတ္တော ပရိဗ္ဗာဇကေန သဒ္ဓိ ကယဝိက္ကယံ သမာပဇ္ဇိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ကထံ အာဝုသော တတ္ထ ပဋိပဇ္ဇန္တော ဘိက္ခု ကယဝိက္ကယံ သမာပဇ္ဇတိနာမ။

ဝိဿဇ္ဇနာ – ဣမိနာ ဣမံ ဒေဟိ ဣမိနာ ဣမံ အာဟရ ဣမိနာ ဣမံ ပရိဝတ္တေဟိ ဣမိနာ ဣမံ စေတာမေဟီတိ အဇ္ဈာစရတိ၊ ဧဝံ ခေါ ဘန္တေ ပဋိပဇ္ဇန္တော ကယဝိက္ကယံ သမာပဇ္ဇတိနာမ။

ပုစ္ဆာ – ကထံ ¶ အာဝုသော တတ္ထ ပဋိပဇ္ဇန္တော ဘိက္ခု န ကယဝိက္ကယံ သမာပဇ္ဇတိနာမ။

ဝိဿဇ္ဇနာ – ယော ဘန္တေ အဂ္ဃံ ပုစ္ဆတိ၊ ယော စ ဘန္တေ ကပ္ပိယကာရကဿ အာစိက္ခတိ၊ ယော စ ဘန္တေ အမှာကဉ္စ ဣဒံ အတ္ထိ အမှာကဉ္စ ဣမိနာ စ ဣမိနာ စ အတ္ထောတိ ဘဏတိ၊ ဧဝံ ခေါ ဘန္တေ ပဋိပဇ္ဇန္တော ဘိက္ခု န ကယဝိက္ကယံ သမာပဇ္ဇတိနာမ။

၃။ ပတ္တဝဂ္ဂ၊ ၁။ ပတ္တ သိက္ခာပုစ္ဆာ

ပုစ္ဆာ – အတိရေကပတ္တံ အာဝုသော ဒသာဟံ အတိက္ကာမေန္တဿ နိဿဂ္ဂိယံ ပါစိတ္တိယံ ကတ္ထ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ပညတ္တံ။

ပုစ္ဆာ – ကံ ¶ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ဆဗ္ဗဂ္ဂိယေ ဘန္တေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ အတိရေကပတ္တံ ဓာရေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

၅၁၄ ၃။ ပတ္တဝဂ္ဂ၊ ၂။ ဦနပဉ္စဗန္ဓန သိက္ခာပုစ္ဆာ

ပုစ္ဆာ – ဦနပဉ္စဗန္ဓနေန ပတ္တေန အညံ နဝံ ပတ္တံ စေတာပေန္တဿ နိဿဂ္ဂိယံ ပါစိတ္တိယံ ကတ္ထ ပညတ္တံ။

ဝိဿဇ္ဇနာ – သက္ကေသု ဘန္တေ ပညတ္တံ။

ပုစ္ဆာ – ကံ ¶ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ဆဗ္ဗဂ္ဂိယေ ဘန္တေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ အပ္ပမတ္တကေနပိ ဘိန္နေန အပ္ပမတ္တကေနပိ ခဏ္ဍေန ဝိလိခိတမတ္တေနပိ ဗဟူ ပတ္တေ ဝိယျာပေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

န ဘိက္ခဝေ ပတ္တော ဝိညာပေတဗ္ဗော၊ ယော ဝိညာပေယျ အာပတ္တိ ဒုက္ကဋဿ။

၃။ ပတ္တဝဂ္ဂ ၃။ ဘေသဇ္ဇ သိက္ခာပုစ္ဆာ

ပုစ္ဆာ – ဘေသဇ္ဇာနိ ¶ အာဝုသော ပဋိဂ္ဂဟေတွာ သတ္တာဟံ အတိက္ကာမေန္တဿ နိဿဂ္ဂိယံ ပါစိတ္တိယံ ကတ္ထ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ပညတ္တံ။

ပုစ္ဆာ – ကံ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သမ္ဗဟုလေ ဘန္တေ ဘိက္ခူ အာရဗ္ဘ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ ဘေသဇ္ဇာနိ ပဋိဂ္ဂဟေတွာ သတ္တာဟံ အတိက္ကာမေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

၃။ ပတ္တဝဂ္ဂ ၄။ ဝဿိကသာဋိက သိက္ခာပုစ္ဆာ

ပုစ္ဆာ – အတိရေကမာသေ ¶ သေသေ ဂိမာနေ အာဝုသော ဝဿိကသာဋိကစီဝရံ ပရိယေသန္တဿ နိဿဂ္ဂိယံ ပါစိတ္တိယံ ကတ္ထ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ပညတ္တံ။

ပုစ္ဆာ – ကံ ¶ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ဆဗ္ဗဂ္ဂိယေ ဘန္တေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ အတိရေကမာသေ သေသေ ဂိမှာနေ ဝဿိကသာဋိကစီဝရံ ပရိယေသိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၃။ ပတ္တဝဂ္ဂ ၅။ စီဝရအစ္ဆိန္ဒန သိက္ခာပုစ္ဆာ

ပုစ္ဆာ – ဘိက္ခုဿ အာဝုသော သာမံ စီဝရံ ဒတွာ ကုပိတေန အနတ္တမနေန အစ္ဆိန္ဒန္တဿ နိဿဂ္ဂိယံ ပါစိတ္တိယံ ကတ္ထ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ပညတ္တံ။

ပုစ္ဆာ – ကံ ¶ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – အာယသ္မန္တံ ဘန္တေ ဥပနန္ဒံ သကျပုတ္တံ အာရဗ္ဘ ပညတ္တံ၊ အာယသ္မာ ဘန္တေ ဥပနန္ဒော သကျပုတ္တော ဘိက္ခုဿ သာမံ စီဝရံ ဒတွာ ကုပိတော အနတ္တမနော အစ္ဆိန္ဒိ၊ တသ္မိံ ဘန္တေ ဝတ္ထုသ္မိံ ပညတ္တံ။

၃။ ပတ္တဝဂ္ဂေါ၊ ၆။ သုတ္တဝိညတ္တိ သိက္ခာပုစ္ဆာ

ပုစ္ဆာ – သာမံ အာဝုသော သုတ္တံ ဝိညာပေတွာ တန္တဝါယေဟိ စီဝရံ ဝါယာပေန္တဿ နိဿဂ္ဂိယံ ပါစိတ္တိယံ ကတ္ထ ပညတ္တံ။

ဝိဿဇ္ဇနာ – ရာဇဂဟေ ဘန္တေ ပညတ္တံ။

ပုစ္ဆာ – ကံ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ဆဗ္ဗဂ္ဂိယေ ဘန္တေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ သာမံ သုတ္တံ ဝိညာပေတွာ တန္တဝါယေဟိ စီဝရံ ဝါယာပေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

၃။ ပတ္တဝဂ္ဂ၊ ၇။ မဟာပေသကာရ သိက္ခာပုစ္ဆာ

ပုစ္ဆာ – ပုဗ္ဗေ ¶ အပ္ပဝါရိတဿ အာဝုသော အညာတကဿ ဂဟပတိကဿ တန္တဝါယေ ဥပသင်္ကမိတွာ စီဝရေ ဝိကပ္ပံ အာပဇ္ဇန္တဿ နိဿဂ္ဂိယံ ပါစိတ္တိယံ ကတ္ထ ပညတ္တံ။

ဝိဿဇ္ဇနာ – သာဝတ္ထိ ယံ ဘန္တေ ပညတ္တံ။

ပုစ္ဆာ – ကံ ¶ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – အာယသ္မန္တံ ဘန္တေ ဥပနန္ဒံ သကျပုတ္တံ အာရဗ္ဘ ပညတ္တံ၊ အာယသ္မာ ဘန္တေ ဥပနန္ဒော သကျပုတ္တော ပုဗ္ဗေ အပ္ပဝါရိတော အညာတကဿ ဂဟပတိကဿ တန္တဝါယေ ဥပသင်္ကမိတွာ စီဝရေ ဝိကပ္ပံ အာပဇ္ဇိ၊ တသ္မိံ ဘန္တေ ဝတ္ထုသ္မိံ ပညတ္တံ။

၃။ ပတ္တဝဂ္ဂေါ၊ ၈။ အစ္စေကစီဝရ သိက္ခာပုစ္ဆာ

ပုစ္ဆာ – အစ္စေက စီဝရံ အာဝုသော ပဋိဂ္ဂဟေတွာ စီဝရကာလသမယံ အတိက္ကာမေန္တဿ နိဿဂ္ဂိယံ ပါစိတ္တိယံ ကတ္ထ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ပညတ္တံ။

ပုစ္ဆာ – ကံ ¶ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သမ္ဗဟုလေ ဘန္တေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ အစ္စေကစီဝရံ ပဋိဂ္ဂဟေတွာ စီဝရကာလသမယံ အတိက္ကာမေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

၃။ ပတ္တဝဂ္ဂေါ၊ ၉။ သာသင်္က သိက္ခာပုစ္ဆာ

ပုစ္ဆာ – တိဏ္ဏံ အာဝုသော စီဝရာနံ အညတရံ စီဝရံ အန္တရဃရေ နိက္ခိပိတွာ အတိရေကဆာရတ္တံ ဝိပ္ပဝသန္တဿ နိဿဂ္ဂိယံ ပါစိတ္တိယံ ကတ္ထ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ပညတ္တံ။

ပုစ္ဆာ – ကံ ¶ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သမ္ဗဟုလေ ဘန္တေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ တိဏ္ဏံ စီဝရာနံ အညတရံ စီဝရံ အန္တရဃရေ နိက္ခိပိတွာ အတိရေကဆာရတ္တံ ဝိပ္ပဝသိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၃။ ပတ္တဝဂ္ဂေါ၊ ၁၀။ ပရိဏတ သိက္ခာပုစ္ဆာ

ပုစ္ဆာ – ယံ တေန အာဝုသော ဘဂဝတာ ပဿတာ အရဟတာ သမ္မာသမ္ဗုဒ္ဓေန ဇာနံ သင်္ဃိကံ လာဘံ အတ္ထနော ပရိဏာမေန္တဿ နိဿဂ္ဂိယံ ပါစိတ္တိယံ ကတ္ထ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ပညတ္တံ။

ပုစ္ဆာ – ကံ ¶ အာဝုသော အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ဆဗ္ဗဂ္ဂိယေ ဘန္တေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဇာနံ သင်္ဃိကံ လာဘံ ပရိဏတံ အတ္တနော ပရိဏာမေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ဇာနံ ¶ အာဝုသော သင်္ဃိကံ လာဘံ ပရိဏတံ အတ္တနော ပရိဏာမေန္တော၊ ကတိ အာပတ္တိယော အာပဇ္ဇတိ။

ဝိဿဇ္ဇနာ – ဇာနံ ဘန္တေ သင်္ဃိကံ လာဘံ ပရိဏတံ အတ္တနော ပရိဏာမေန္တော ဒွေ အာပတ္တိယော အာပဇ္ဇတိ၊ ပရိဏာမေတိ ပယောဂေ ဒုက္ကဋံ၊ ပရိဏာမိတေ နိဿဂ္ဂိယံ ပါစိတ္တိယံ၊ ဇာနံ ဘန္တေ သင်္ဃိကံ လာဘံ ပရိဏတံ အတ္တနော ပရိဏာမေန္တော ဣမာ ဒွေ အာပတ္တိယော အာပဇ္ဇတိ။

ဝိဿဇ္ဇနာ – ဘဂဝတော ဘန္တေ ဝစနံ အရဟတော သမ္မာသမ္ဗုဒ္ဓဿ။

ဝိဿဇ္ဇနာ – ပရမ္ပရာယ ဘန္တေ အာဘတံ။

ပုစ္ဆာ – အတ္ထိ နုခေါ အာဝုသော တတ္ထ ကောစိပိ ဝိရဒ္ဓဒေါသော။

သုဏာတု ¶ မေ ဘန္တေ သင်္ဃော၊ အဟံ ဘန္တေ ဣမေသံ သောဠသန္နံ နိဿဂ္ဂိယပါစိတ္တိယသိက္ခာပဒါနံ နိဒါနာဒီနိ အနေကာနိ ပုစ္ဆိတဗ္ဗာနိ အာယသ္မန္တံ ဝိစိတ္တသာရာဘိဝံသံ တိပိဋကဓရ ဓမ္မဘဏ္ဍာဂါရိကံ ပုစ္ဆိံ၊ သော စ ပုဋ္ဌော ပုဋ္ဌော ဝိဿဇ္ဇေတိ၊ ဣတိဟိဒံ ဘန္တေ သိက္ခာပဒသဉ္ဇာတံ နိမ္မလံ သု ပရိသုဒ္ဓံ တဿေဝ ဘဂဝတော ဝစနံ အရဟတော သမ္မာသမ္ဗုဒ္ဓဿ၊ တသ္မာ ယထာ ပုရေ မဟာကဿပါဒယော မဟာထေရ ဝရာ ပေါရာဏသံဂီတိကာရာ ဗြဟ္မစရိယသင်္ခါတဿ ဗုဒ္ဓသာသနဿ စိရဋ္ဌိတိယာ ဗဟုဇနဟိတာယ ဗဟုဇနသုခါယ လောကာနုကမ္ပာယ အတ္ထာယ ဟိတာယ သုခါယ ဒေဝမနုဿာနံ ဓမ္မဝိနယံ သံဂါယိံသုစေဝ အနုသံဂါယိံသုစ၊ ဧဝမေဝ မယမ္ပိ ဒါနိ ဆဋ္ဌသံဂီတိ မဟာဓမ္မသဘာပရိယာပန္နာ ဣမာနိ သိက္ခာပဒါနိ ယထာနုပ္ပတ္တဋ္ဌာနတော ပဋ္ဌာယ ဧကတော ဂဏသဇ္ဈာယံ ကတွာ သံဂါယေယျာမ။

၁။ မုသာဝါဒဝဂ္ဂ၊ ၁။ မုသာဝါဒ သိက္ခာပုစ္ဆာ

ပုစ္ဆာ – ယံ တေန အာဝုသော ဘဂဝတာ ဇာနတာ ပဿတာ အရဟတာ သမ္မာသမ္ဗုဒ္ဓေန သမ္ပဇာနမုသာဝါဒေ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ပညတ္တံ၊ ဟတ္ထကံ သကျပုတ္တံ အာရဗ္ဘ ပညတ္တံ၊ ဟတ္ထကော ဘန္တေ သကျပုတ္တော တိတ္ထိယေဟိ သဒ္ဓိံ သလ္လပန္တော အဝဇာနိတွာ ပဋိဇာနာတိ ပဋိဇာနိတွာ အဝဇာနာတိ၊ တသ္မိံ ဘန္တေ ဝတ္ထုသ္မိံ ပညတ္တံ။

၁။ မုသာဝါဒဝဂ္ဂေါ၊ ၂-၃။ ဩမသဝါဒ၊ ပေသုည သိက္ခာပုစ္ဆာ

ပုစ္ဆာ – ဩမသဝါဒေ ပါစိတ္တိယဉ္စ အာဝုသော ဘိက္ခုပေသုညေ ပါစိတ္တိယဉ္စ ဘဂဝတာ ကတ္ထပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ¶ ဘန္တေ ပညတ္တံ၊ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဘိက္ခူဟိ သဒ္ဓိံ ဘဏ္ဍန္တာ ဩမသိံသု တသ္မိံစ ဝတ္ထုသ္မိံ၊ ဆဗ္ဗဂ္ဂိယာ ဘန္တေ ဘိက္ခူ ဘိက္ခူနံ ဘဏ္ဍနဇာတာနံ ကလဟဇာတာနံ ဝိဝါဒါပန္နာနံ ပေသုညံ ဥပသံဟရိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၁။ မုသာဝါဒဝဂ္ဂ၊ ၄။ ပဒသောဓမ္မ သိက္ခာပုစ္ဆာ

ပုစ္ဆာ – အနုပသမ္ပန္နံ အာဝုသော ပဒသော ဝါစေန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ပညတ္တံ၊ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဥပါသကေ ပဒသော ဓမ္မံ ဝါစေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

၁။ မုသာဝါဒဝဂ္ဂေါ ၅။ သဟသေယျ သိက္ခာပုစ္ဆာ

ပုစ္ဆာ – အနုပသမ္ပန္နေန အာဝုသော ဥတ္တရိဒိရတ္တတိရတ္တံ သဟသေယျံ ကပ္ပေန္တဿ ပါစိတ္တိယံ ကတ္ထ ပညတ္တံ၊ ကံအာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – အာဠဝိယံ ဘန္တေ ပညတ္တံ၊ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ အနုပသမ္ပန္နေန သဟသေယျံ ကပ္ပေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ကေသံ ¶ အာဝုသော ဧတ္ထ အနုပသမ္ပန္နေန သဟသေယျံ ကပ္ပေန္တာနမ္ပိ အနာပတ္တိ ဟောတိ။

ဝိဿဇ္ဇနာ – ဧကာဒသန္နံ ဘန္တေ ပုဂ္ဂလာနံ အနုပသမ္ပန္နေန သဟသေယျံ ကပ္ပေန္တာနံ အနာပတ္တိ၊ ဒွေတိဿော ရတ္တိယော ဝသတီ၊ ဦနကဒွေ တိဿော ရတ္တိယော ဝသတိ၊ ဒွေရတ္တိယော ဝသိတွာ တတိယာယရတ္တိယာ ပုရာရုဏာ နိက္ခမိတွာ ပုန ဝသတိ၊ သဗ္ဗစ္ဆန္နေ သဗ္ဗအပရိစ္ဆန္နေ၊ သဗ္ဗပရိစ္ဆန္နေ သဗ္ဗအစ္ဆန္နေ၊ ယေဘုယျေန အစ္ဆန္နေ ယေဘုယျေန အပရိစ္ဆန္နေ၊ အနုပသမ္ပန္နေ နိပန္နေ ဘိက္ခု နိသီဒတိ၊ ဘိက္ခုနိပန္နေ အနုပသမ္ပန္နော နိသီဒတိ၊ ဥဘောဝါ နိသီဒန္တိ၊ ဥမ္မတ္တကဿ၊ အာဒိကမ္မိကဿ၊ ဣမေသံခေါ ဘန္တေ ဧကာဒသန္နံ ပုဂ္ဂလာနံ အနုပသမ္ပန္နေန သဟသေယျံ ကပ္ပေန္တာနံ အနာပတ္တိ။

၁။ မုသာဝါဒဝဂ္ဂေါ၊ ၆။ ဒုတိယ သဟသေယျ သိက္ခာပုစ္ဆာ

ပုစ္ဆာ – မာတုဂါမေန ¶ အာဝုသော သဟသေယျံ ကပ္ပေန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အာယသ္မန္တံ အနုရုဒ္ဓံ အာရဗ္ဘ ပညတ္တံ၊ အာယသ္မာ ဘန္တေ အနုရုဒ္ဓါ မာတုဂါမေန သဟသေယျံ ကပ္ပေသိ၊ တသ္မိံ ဘန္တေ ဝတ္ထုသ္မိံ ပညတ္တံ။

၁။ မုသာဝါဒဝဂ္ဂေါ၊ ၇။ ဓမ္မဒေသနာ သိက္ခာပုစ္ဆာ

ပုစ္ဆာ – မာတုဂါမဿ ¶ အာဝုသော ဥတ္တရိ ဆပ္ပဉ္စဝါစာဟိ ဓမ္မံ ဒေသေန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အာယသ္မန္တံ ဥဒါယိံ အာရဗ္ဘ ပညတ္တံ၊ အာယသ္မာ ဘန္တေ ဥဒါယီ မာတုဂါမဿ ဓမ္မံဒေသေတိ၊ တသ္မိံ ဘန္တေ ဝတ္ထုသ္မိံ ပညတ္တံ။

၁။ မုသာဝါဒဝဂ္ဂေါ၊ ၈။ ဘူတာရောစန သိက္ခာပုစ္ဆာ

ပုစ္ဆာ – အနုပသမ္ပန္နဿ ¶ အာဝုသော ဥတ္တရိမနုဿဓမ္မံ ဘူတံ အာရောစေန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ဝေသာလိယံ ဘန္တေ ဝဂ္ဂုမုဒါတီရိယေ ဘိက္ခူ အာရဗ္ဘ ပညတ္တံ၊ ဝဂ္ဂုမုဒါတီရိယာ ဘန္တေ ဘိက္ခူ ဂိဟီနံ အညမညဿ ဥတ္တရိမနုဿဓမ္မဿ ဝဏ္ဏံ ဘာသိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၁။ မုသာဝါဒဝဂ္ဂေါ၊ ၉။ ဒုဋ္ဌုလ္လာရောစန သိက္ခာပုစ္ဆာ

ပုစ္ဆာ – ဘိက္ခုဿ ¶ အာဝုသော ဒုဋ္ဌုလ္လာပတ္တိံ အနုပသမ္ပန္နဿ အာရောစေန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဘိက္ခုဿ ဒုဋ္ဌုလ္လာပတ္တိံ အနုပသမ္ပန္နဿ အာရောစေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

၁။ မုသာဝါဒဝဂ္ဂေါ၊ ၁၀။ ပထဝီခဏန သိက္ခာပုစ္ဆာ

ပုစ္ဆာ – ပထဝိံခဏန္တဿ ¶ အာဝုသော ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – အာဠဝိယံ ဘန္တေ အာဠဝိကေ ဘိက္ခူ အာရဗ္ဘ ပညတ္တံ၊ အာဠဝိကာ ဘန္တေ ဘိက္ခူ ပထဝိံခဏိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၂။ ဘူတဂါမဝဂ္ဂေါ၊ ၁။ ဘူတဂါမ သိက္ခာပုစ္ဆာ

ပုစ္ဆာ – ဘူတဂါမပါတဗျတာယ ¶ ပါစိတ္တိယံ အာဝုသော ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – အာဠဝိယံ ဘန္တေ အာဠဝိကေ ဘိက္ခူ အာရဗ္ဘ ပညတ္တံ၊ အာဠဝိကာ ဘန္တေ ဘိက္ခူ ရုက္ခံ ဆိန္ဒိံ သု၊ တသ္မိံ ဘန္တေ ဝတ္ထုသ္မိံ ပညတ္တံ။

၂။ ဘူတဂါမဝဂ္ဂ၊ ၂။ အညဝါဒက သိက္ခာပုစ္ဆာ

ပုစ္ဆာ – အညဝါဒကေ ဝိဟေသကေ ပါစိတ္တိယံ အာဝုသော ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ကောသမ္ဗိယံ ¶ ဘန္တေ အာယသ္မန္တံ ဆန္နံ အာရဗ္ဘ ပညတ္တံ၊ အာယသ္မာ ဘန္တေ ဆန္နော သင်္ဃမဇ္ဈေ အာပတ္တိယာ အနုယုဉ္ဇီယမာနော အညေနညံ ပဋိစရိ၊ တသ္မိံ ဘန္တေ ဝတ္ထုသ္မိံ ပညတ္တံ။

၂။ ဘူတဂါမဝဂ္ဂ၊ ၃။ ဥဇ္ဈာပနက သိက္ခာပုစ္ဆာ

ပုစ္ဆာ – ဥဇ္ဈာပနကေ ခိယျနကေ ပါစိတ္တိယံ အာဝုသော ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ မေတ္တိယဘူမဇကေ ဘိက္ခူ အာရဗ္ဘ ပညတ္တံ၊ မေတ္တိယဘူမဇကာ ဘန္တေ ဘိက္ခူ အာယသ္မန္တံ ဒဗ္ဗံ မလ္လပုတ္တံ ဘိက္ခူ ဥဇ္ဈာပေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

၂။ ဘူတဂါမဝဂ္ဂ၊ ၄။ ပဌမ သေနာသန သိက္ခာပုစ္ဆာ

ပုစ္ဆာ – သင်္ဃိကံ ¶ အာဝုသော မဉ္စံဝါ ပီဌံဝါ ဘိသိံဝါ ကောစ္ဆံဝါ အဇ္ဈောကာသေ သန္ထရိတွာ အနုဒ္ဓရိတွာ အနာပုစ္ဆာ ပက္ကမန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ သင်္ဃိကံ သေနာသနံ အဇ္ဈောကာသေ သန္ထရိတွာ အနုဒ္ဓရိတွာ အနာပုစ္ဆာ ပက္ကမိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၂။ ဘူတဂါမဝဂ္ဂ၊ ၅။ ဒုတိယ သေနာသန သိက္ခာပုစ္ဆာ

ပုစ္ဆာ – သင်္ဃိကေ ¶ အာဝုသော ဝိဟာရေ သေယျံ သန္ထရိတွာ အနုဒ္ဓရိတွာ အနာပုစ္ဆာ ပက္ကမန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ သတ္တရသဝဂ္ဂိယေ ဘိက္ခူ အာရဗ္ဘ ပညတ္တံ၊ သတ္တရသဝဂ္ဂိယာ ဘန္တေ ဘိက္ခူ သင်္ဃိကေ ဝိဟာရေ သေယျံ သန္ထရိတွာ အနုဒ္ဓရိတွာ အနာပုစ္ဆာ ပက္ကမိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ဝိဿဇ္ဇနာ – ဘဂဝတာ ဘန္တေ ဝစနံ အရဟတော သမ္မာသမ္ဗုဒ္ဓဿ။

ဝိဿဇ္ဇနာ – ပရမ္ပရာယ ဘန္တေ အာဘတံ။

ပုစ္ဆာ – အတ္ထိ ¶ နုခေါ အာဝုသော ဧတ္ထ ကောစိပိ ဝိရဒ္ဓဒေါသော။

သုဏာတု မေ ဘန္တေ သင်္ဃော၊ အဟံ ဘန္တေ အာယသ္မန္တံ ဝိစိတ္တသာရာဘိဝံသံ ဣမေသံ ပန္နရသန္နံ သိက္ခာပဒါနံ နိဒါနာဒီနိ ပုစ္ဆိတဗ္ဗာနိ အနေကာနိ ဌာနာနိ ပုစ္ဆိံ၊ သော စ ပုဋ္ဌော ပုဋ္ဌော ဝိဿဇ္ဇေတိ၊ ဣတိ ဟိဒံ ဘန္တေ နိမ္မလံ သုပရိသုဒ္ဓံ တဿေဝ ဘဂဝတော ဝစနံ အရဟတော သမ္မာသမ္ဗုဒ္ဓဿ၊ တသ္မာ ယထာပုရေ မဟာကဿပါဒယော မဟာထေရဝရာ ပေါရာဏသံဂီတိကာရာ ဗြဟ္မစရိယဿ စိရဋ္ဌိတိယာ ဗဟုဇနဟိတာယ ဗဟုဇနသုခါယ လောနုကမ္ပာယ အတ္ထာယ ဟိတာယ သုခါယ ဒေဝမနုဿာနံ ဓမ္မဝိနယံ သံဂါယိံသုစေဝ အနုသံဂါယိံသုစ၊ ဧဝမေဝ မယမ္ပိ ဒါနိ ဆဋ္ဌသံဂီတိမဟာဓမ္မသဘာ ပရိယာပန္နာ ယထာနုပ္ပဋ္ဌာနတော ပဋ္ဌာယ ဣမာနိ သိက္ခာပဒါနိ ဧကတော ဂဏသဇ္ဈာယံ ကတွာ သံဂါယေယျာမ။

၂။ ဘူတဂါမဝဂ္ဂ၊ ၆။ အနုပခဇ္ဇ သိက္ခာပုစ္ဆာ

ပုစ္ဆာ – ယံ ¶ တေန အာဝုသော…ပေ… သမ္မာသမ္ဗုဒ္ဓေန သင်္ဃိကေ ဝိဟာရေ ဇာနံ ပုဗ္ဗုပဂတံ ဘိက္ခုံ အနုပခဇ္ဇ သေယျံ ကပ္ပေန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ထေရေ ဘိက္ခူ အနုပခဇ္ဇ သေယျံ ကပ္ပေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

၂။ ဘူတဂါမဝဂ္ဂ၊ ၇။ နိကဍ္ဎန သိက္ခာပုစ္ဆာ

ပုစ္ဆာ – ဘိက္ခုံ ¶ အာဝုသော ကုပိတေန အနတ္တမနေန သင်္ဃိကာ ဝိဟာရာ နိက္ကဍ္ဎေန္တဿ ပါစိတ္တိယံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ကုပိတာ အနတ္တမနာ ဘိက္ခူ သင်္ဃိကာဝိဟာရာ နိက္ကဍ္ဎိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၂။ ဘူတဂါမဝဂ္ဂ၊ ၈။ ဝေဟာသကုဋိ သိက္ခာပုစ္ဆာ

ပုစ္ဆာ – ဥပရိဝေဟာသကုဋိယာ အာဝုသော အာဟစ္စပါဒကံ မဉ္စံဝါ ပီဌံဝါ အဘိနိသီဒန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ¶ ဘန္တေ အညတရံ ဘိက္ခုံ အာရဗ္ဘ ပညတ္တံ၊ အညတရော ဘန္တေ ဘိက္ခု သင်္ဃိကေ ဝိဟာရေ ဥပရိဝေဟာသ ကုဋိယာ အာဟစ္စပါဒကံ မဉ္စံ သဟသာ အဘိနိသီဒိ၊ တသ္မိံ ဘန္တေ ဝတ္ထုသ္မိံ ပညတ္တံ။

၂။ ဘူတဂါမဝဂ္ဂ၊ ၉။ မဟလ္လကဝိဟာရ သိက္ခာပုစ္ဆာ

ပုစ္ဆာ – ဒွတ္တိ ပရိယာယေ အာဝုသော အဓိဋ္ဌဟိတွာ တတုတ္တရိ အဓိဋ္ဌဟန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ကောသမ္ဗိယံ ဘန္တေ အာယသ္မန္တံ ဆန္နတ္ထေရံ အာရဗ္ဘ ပညတ္တံ၊ အာယသ္မာ ဘန္တေ ဆန္ဒော ကတပရိယောသိတံ ဝိဟာရံ ပုနပ္ပုနံ ဆာဒါပေသိ ပုနပ္ပုနံ လေပါပေသိ၊ အတိဘာရိတော ဝိဟာရော ပရိပတိ၊ တသ္မိံ ဘန္တေ ဝတ္ထုသ္မိံ ပညတ္တံ။

၂။ ဘူတဂါမဝဂ္ဂ၊ ၁၀။ သပ္ပာဏက သိက္ခာပုစ္ဆာ

ပုစ္ဆာ – ဇာနံ ¶ အာဝုသော သပ္ပာဏကံ ဥဒကံ တိဏံဝါ မတ္တိကံဝါ သိဉ္စန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – အာဠဝိယံ ဘန္တေ အာဠဝိကေ ဘိက္ခူ အာရဗ္ဘ ပညတ္တံ၊ အာဠဝိကာ ဘန္တေ ဘိက္ခူ ဇာနံ သပ္ပာဏကံ ဥဒကံ တိဏမ္ပိ မတ္တိကမ္ပိ သိဉ္စိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၃။ ဩဝါဒဝဂ္ဂ၊ ၁။ ဩဝါဒ သိက္ခာပုစ္ဆာ

ပုစ္ဆာ – အသမ္မတေန ¶ အာဝုသော ဘိက္ခုနိယော ဩဝဒန္တဿ ပါစိတ္တိယံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ အသမ္မတာ ဘိက္ခုနိယော ဩဝဒိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၃။ ဩဝါဒဝဂ္ဂ၊ ၂။ အတ္ထင်္ဂတ သိက္ခာပုစ္ဆာ

ပုစ္ဆာ – အတ္ထင်္ဂတေ အာဝုသော သူရိယေ ဘိက္ခုနိယော ဩဝဒန္တဿ ပါစိတ္တိယံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အာယသ္မန္တံ စူဠပန္ထကံ အာရဗ္ဘ ပညတ္တံ၊ အာယသ္မာ ဘန္တေ စူဠပန္ထကော အတ္ထင်္ဂတေ သူရိယေ ဘိက္ခုနိယော ဩဝဒိ၊ တသ္မိံ ဘန္တေ ဝတ္ထုသ္မိံ ပညတ္တံ။

၃။ ဩဝါဒဝဂ္ဂ၊ ၃-၄။ ဘိက္ခုနုပဿယ၊ အာမိသ သိက္ခာပုစ္ဆာ

ပုစ္ဆာ – ဘိက္ခုနုပဿယံ ¶ အာဝုသော ဥပသင်္ကမိတွာ ဘိက္ခုနိယော ဩဝဒန္တဿစ အာမိသဟေတု ထေရာ ဘိက္ခူ ဘိက္ခုနိယော ဩဝဒန္တီတိ ဘဏန္တဿစ ပါစိတ္တိယံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ဘိက္ခုနုပဿယံ ဥပသင်္ကမိတွာ ဘိက္ခုနိယော ဩဝဒန္တဿ ပါစိတ္တိယံ ဘန္တေ သက္ကေသု ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဘိက္ခုနုပဿယံ ဥပသင်္ကမိတွာ ဘိက္ခုနိယော ဩဝဒိံသု၊ အာမိသဟေတု ထေရာ ဘိက္ခူ ဘိက္ခုနိယော ဩဝဒန္တီတိ ဘဏန္တဿ ပါစိတ္တိယံ သာဝတ္ထိယံ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ အာမိသဟေတု ထေရာ ဘိက္ခူ ¶ ဘိက္ခုနိယော ဩဝဒန္တီတိ ဘဏိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၃။ ဩဝါဒဝဂ္ဂ၊ ၅။ စီဝရဒါန သိက္ခာပုစ္ဆာ

ပုစ္ဆာ – အညာတိကာယ ¶ အာဝုသော ဘိက္ခုနိယာ စီဝရံ ဒေန္တဿ ပါစိတ္တိယံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အညတရံ ဘိက္ခုံ အာရဗ္ဘ ပညတ္တံ၊ အညတရော ဘန္တေ ဘိက္ခု အညာတိကာယ ဘိက္ခုနိယာ စီဝရံ အဒါသိ၊ တသ္မိံ ဘန္တေ ဝတ္ထုသ္မိံ ပညတ္တံ။

၃။ ဩဝါဒဝဂ္ဂ၊ ၆။ စီဝရသိဗ္ဗန သိက္ခာပုစ္ဆာ

ပုစ္ဆာ – အညာတိကာယ အာဝုသော ဘိက္ခုနိယာ စီဝရံ သိဗ္ဗေန္တဿ ပါစိတ္တိယံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အာယသ္မန္တံ ဥဒါယိံ အာရဗ္ဘ ပညတ္တံ၊ အာယသ္မာ ဘန္တေ ဥဒါယီ အညာတိကာယ ဘိက္ခုနိယာ စီဝရံ သိဗ္ဗေသိ၊ တသ္မိံ ဘန္တေ ဝတ္ထုသ္မိံ ပညတ္တံ။

၃။ ဩဝါဒဝဂ္ဂ၊ ၇။ သံဝိဓာန သိက္ခာပုစ္ဆာ

ပုစ္ဆာ – ဘိက္ခုနယာ ¶ အာဝုသော သဒ္ဓိံ သံဝိဓာယ ဧကဒ္ဓါနမဂ္ဂံ ပဋိပဇ္ဇန္တဿ ပါစိတ္တိယံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဘိက္ခုနီဟိ သဒ္ဓိံ သံဝိဓာယ ဧကဒ္ဓါနမဂ္ဂံ ပဋိပဇ္ဇိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၃။ ဩဝါဒဝဂ္ဂ၊ ၈။ နာဝါဘိရုဟန သိက္ခာပုစ္ဆာ

ပုစ္ဆာ – ဘိက္ခုနိယာ ¶ အာဝုသော သဒ္ဓိံ သံဝိဓာယ ဧကံ နာဝံ အဘိရုဟန္တဿ ပါစိတ္တိယံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဘိက္ခူနီဟိ သဒ္ဓိံ သံဝိဓာယ ဧကံ နာဝံ အဘိရုဟိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၃။ ဩဝါဒဝဂ္ဂ၊ ၉။ ပရိပါစိတ သိက္ခာပုစ္ဆာ

ပုစ္ဆာ – ဇာနံ အာဝုသော ဘိက္ခုနိပရိပါစိတံ ပိဏ္ဍပါတံ ဘုဉ္ဇန္တဿ ပါစိတ္တိယံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ ဒေဝဒတ္တံ အာရဗ္ဘ ပညတ္တံ၊ ဒေဝဒတ္တော ဘန္တေ ဇာနံ ဘိက္ခုနိပရိပါစိတံ ပိဏ္ဍပါတံ ဘုဉ္ဇိ၊ တသ္မိံ ဘန္တေ ဝတ္ထုသ္မိံ ပညတ္တံ။

၃။ ဩဝါဒဝဂ္ဂ၊ ၁၀။ ရဟောနိသဇ္ဇ သိက္ခာပုစ္ဆာ

ပုစ္ဆာ – ဘိက္ခုနိယာ ¶ သဒ္ဓိံ အာဝုသော ဧကော ဧကာယ ရဟော နိသဇ္ဇံ ကပ္ပေန္တဿ ပါစိတ္တိယံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အာယသ္မန္တံ ဥဒါယိံ အာရဗ္ဘ ပညတ္တံ၊ အာယသ္မာ ဘန္တေ ဥဒါယီ ဘိက္ခုနိယာ သဒ္ဓိံ ဧကော ဧကာယ ရဟော နိသဇ္ဇံ ကပ္ပေသိ၊ တသ္မိံ ဘန္တေ ဝတ္ထုသ္မိံ ပညတ္တံ။

၄။ ဘောဇနဝဂ္ဂ၊ ၁။ အာဝသထပိဏ္ဍ သိက္ခာပုစ္ဆာ

ပုစ္ဆာ – တတုတ္တရိ ¶ အာဝုသော အာဝသထပိဏ္ဍံ ဘုဉ္ဇန္တဿ ပါစိတ္တိယံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ အနုဝသိတွာ အနုဝသိတွာ အာဝသထပိဏ္ဍံ ပရိဘုဉ္ဇိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၄။ ဘောဇနဝဂ္ဂ၊ ၂။ ဂဏဘောဇန သိက္ခာပုစ္ဆာ

ပုစ္ဆာ – ဂဏဘောဇနေ ပါစိတ္တိယံ အာဝုသော ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ ဒေဝဒတ္တံ အာရဗ္ဘ ပညတ္တံ၊ ဒေဝဒတ္တော ဘန္တေ သပရိသော ကုလေသု ဝိညာပေတွာ ဘုဉ္ဇိ၊ တသ္မိံ ဘန္တေ ဝတ္ထုသ္မိံ ပညတ္တံ။

၄။ ဘောဇနဝဂ္ဂ ၃။ ပရမ္ပရဘောဇန သိက္ခာပုစ္ဆာ

ပုစ္ဆာ – ပရမ္ပရ ¶ ဘောဇနေ ပါစိတ္တိယံ အာဝုသော ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ဝေသာလိယံ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ အညတြ နိမန္တိတာ အညတြ ဘုဉ္ဇိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၄။ ဘောဇနဝဂ္ဂ၊ ၄။ ကာဏမာတု သိက္ခာပုစ္ဆာ

ပုစ္ဆာ – ဒွတ္တိပတ္တပူရံ ¶ ပူဝံ ပဋိဂ္ဂဟေတွာ တတုတ္တရိ ပဋိဂ္ဂဏှန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ န မတ္တံ ဇာနိတွာ ပူဝံ ပဋိဂ္ဂဟေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ဝိဿဇ္ဇနာ – ဘဂဝတော ဘန္တေ ဝစနံ အရဟတော သမ္မာသမ္ဗုဒ္ဓဿ။

ဝိဿဇ္ဇနာ – ပရမ္ပရာယ ဘန္တေ အာဘတံ။

ပုစ္ဆာ – အတ္ထိ နုခေါ အာဝုသော ဧတ္ထ ကောစိပိ ဝိရဒ္ဓဒေါသော။

၄။ ဘောဇနဝဂ္ဂ၊ ၅။ ပဌမပဝါရဏာ သိက္ခာပုစ္ဆာ

ပုစ္ဆာ – ယံ ¶ တေန သာဝုသော…ပေ… သမ္မာသမ္ဗုဒ္ဓေန ဘုတ္တာဝိနာ ပရိဝါတေန အနတိရိတ္တံ ခါဒနီယံဝါ ဘောဇနီယံဝါ ဘုဉ္ဇန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ ဘုတ္တာဝီ ပဝါရိတာ အညတြ ဘုဉ္ဇိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၄။ ဘောဇနဝဂ္ဂ၊ ၆။ ဒုတိယ ပဝါရဏာ သိက္ခာပုစ္ဆာ

ပုစ္ဆာ – ဘိက္ခုံ ¶ အာဝုသော ဘုတ္တာဝိံ ပဝါရိတံ အနတိရိတ္တေန ခါဒနီယေန ဘောဇနီယေန အဘိဟဋ္ဌုံ ပဝါရေန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အညတရံ ဘိက္ခုံ အာရဗ္ဘ ပညတ္တံ၊ အညတရော ဘန္တေ ဘိက္ခု ဘိက္ခုံ ဘုတ္တာဝိံ ပဝါရိတံ အနတိရိတ္တေန ဘောဇနီယေန အဘိဟဋ္ဌုံ ပဝါရေသိ၊ တသ္မိံ ဘန္တေ ဝတ္ထုသ္မိံ ပညတ္တံ။

၄။ ဘောဇနဝဂ္ဂ၊ ၇။ ဝိကာလဘောဇန သိက္ခာပုစ္ဆာ

ပုစ္ဆာ – ဝိကာလေ အာဝုသော ခါဒနီယံ ဝါ ဘောဇနီယံ ဝါ ဘုဉ္ဇန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ သတ္တရသဝဂ္ဂိယေ ဘိက္ခူ အာရဗ္ဘ ပညတ္တံ၊ သတ္တရသဝဂ္ဂိယာ ဘန္တေ ဘိက္ခူ ဝိကာလေ ဘောဇနံ ဘုဉ္ဇိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၄။ ဘောဇနဝဂ္ဂ၊ ၈။ သန္နိဓိကာရက သိက္ခာပုစ္ဆာ

ပုစ္ဆာ – သန္နိဓိကာရကံ အာဝုသော ခါဒနီယံ ဝါ ဘောဇနီယံ ဝါ ဘုဉ္ဇန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အာယသ္မန္တံ ဗေလဋ္ဌသီသံ အာရဗ္ဘ ပညတ္တံ၊ အာယသ္မာ ဘန္တေ ဗေလဋ္ဌသီသော သန္နိဓိကာရကံ ဘောဇနံ ဘုဉ္ဇိ၊ တသ္မိံ ဘန္တေ ဝတ္ထုသ္မိံ ပညတ္တံ။

၄။ ဘောဇနဝဂ္ဂ၊ ၉။ ပဏီတဘောဇန သိက္ခာပုစ္ဆာ

ပုစ္ဆာ – ပဏီတ ဘောဇနာနိ အာဝုသော အတ္တနော အတ္ထာယ ဝိညာပေတွာ ဘုဉ္ဇန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ¶ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ပဏီတဘောဇနာနိ အတ္တနော အတ္ထာယ ဝိညာပေတွာ ဘုဉ္ဇိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၄။ ဘောဇနဝဂ္ဂ၊ ၁၀။ ဒန္တပေါန သိက္ခာပုစ္ဆာ

ပုစ္ဆာ – အဒိန္နံ အာဝုသော မုခဒွါရံ အာဟာရံ အာဟရန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ဝေသာလိယံ ဘန္တေ အညတရံ ဘိက္ခုံ အာရဗ္ဘ ပညတ္တံ၊ အညတရော ဘန္တေ ဘိက္ခု အဒိန္နံ မုခဒွါရံ အာဟာရံ အာဟရိ၊ တသ္မိံ ဘန္တေ ဝတ္ထုသ္မိံ ပညတ္တံ။

၅။ အစေလကဝဂ္ဂ၊ ၁။ အစေလက သိက္ခာပုစ္ဆာ

ပုစ္ဆာ – အစေလကဿဝါ ¶ အာဝုသော ပရိဗ္ဗာဇကဿဝါ ပရိဗ္ဗာဇိကာယဝါ သဟတ္ထာ ခါဒနီယံဝါ ဘောဇနီယံဝါ ဒေန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ဝေသာလိယံ ဘန္တေ အာယသ္မန္တံ အာနန္ဒံ အာရဗ္ဘ ပညတ္တံ၊ အာယသ္မာ ဘန္တေ အာနန္ဒော အညတရိဿာ ပရိဗ္ဗာဇိကာယ ဧကံ မညမာနော ဒွေ ပူဝေ အဒါသိ၊ တသ္မိံ ဘန္တေ ဝတ္ထုသ္မိံ ပညတ္တံ။

၅။ အစေလကဝဂ္ဂ၊ ၂။ ဥယျောဇန သိက္ခာပုစ္ဆာ

ပုစ္ဆာ – ဘိက္ခုံ ¶ ဧဟာဝုသော ဂါမံဝါ နိဂမံဝါ ပိဏ္ဍာယ ပဝိသိဿာမာတိ တဿ ဒါပေတွာဝါ အဒါပေတွာဝါ ဥယျောဇေန္တဿ အာဝုသော ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အာယသ္မန္တံ ဥပနန္ဒံ သကျပုတ္တံ အာရဗ္ဘ ပညတ္တံ၊ အာယသ္မာ ဘန္တေ ဥပနန္ဒော သကျပုတ္တော ဘိက္ခု ဧဟာဝုသော ဂါမံ ပိဏ္ဍာယ ပဝိသိဿာမာတိ တဿ အဒါပေတွာ ဥယျောဇေသိ၊ တသ္မိံ ဘန္တေ ဝတ္ထုသ္မိံ ပညတ္တံ။

၅။ အစေလကဝဂ္ဂ၊ ၃။ သဘောဇန သိက္ခာပုစ္ဆာ

ပုစ္ဆာ – သဘောဇနေ ကုလေ အနုပခဇ္ဇ နိသဇ္ဇံ ကပ္ပေန္တဿ အာဝုသော ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ¶ ဘန္တေ အာယသ္မန္တံ ဥပနန္ဒံ သကျပုတ္တံ အာရဗ္ဘ ပညတ္တံ၊ အာယသ္မာ ဘန္တေ ဥပနန္ဒော သကျပုတ္တော သဘောဇနေ ကုလေ အနုပခဇ္ဇ နိသဇ္ဇံ ကပ္ပေသိ၊ တသ္မိံ ဘန္တေဝတ္ထုသ္မိံ ပညတ္တံ။

၅။ အစေလကဝဂ္ဂ ၄-၅။ ရဟောပဋိစ္ဆန္န၊ ရဟောနိသဇ္ဇ သိက္ခာပုစ္ဆာ

ပုစ္ဆာ – မာတုဂါမေန သဒ္ဓိံ ရဟော ပဋိစ္ဆန္နေ အာသနေ နိသဇ္ဇံ ကပ္ပေန္တဿစ အာဝုသော မာတုဂါမေန သဒ္ဓိံ ဧကော ဧကာယ ရဟော နိသဇ္ဇံ ကပ္ပေန္တဿစ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အာယသ္မန္တံ ဥပနန္ဒံ သကျပုတ္တံ အာရဗ္ဘ ပညတ္တံ၊ အာယသ္မာ ဘန္တေ ဥပနန္ဒော သကျပုတ္တော မာတုဂါမေန သဒ္ဓိံ ရဟော ပဋိစ္ဆန္နေ အာသနေ နိသဇ္ဇံ ကပ္ပေသိ၊ မာတုဂါမေန သဒ္ဓိံ ဧကော ဧကာယ ရဟော နိသဇ္ဇံ ကပ္ပေသိ၊ တသ္မိံ ဘန္တေ ဝတ္ထုသ္မိံ ပညတ္တံ။

၅။ အစေလကဝဂ္ဂ၊ ၆။ စာရိတ္တ သိက္ခာပုစ္ဆာ

ပုစ္ဆာ – နိမန္တိတေန ¶ အာဝုသော သဘတ္တေန သန္တံ ဘိက္ခုံ အနာပုစ္ဆာ ပုရေဘတ္တံဝါ ပစ္ဆာဘတ္တံဝါ ကုလေသု စာရိတ္တံ အာပဇ္ဇန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ အာယသ္မန္တံ ဥပနန္ဒံ သကျပုတ္တံ အာရဗ္ဘ ပညတ္တံ၊ အာယသ္မာ ဘန္တေ ဥပနန္ဒော သကျပုတ္တော နိမန္တိတော သဘတ္တော သမာနော ပုရေဘတ္တံ ပစ္ဆာဘတ္တံ ကုလေသု စာရိတ္တံ အာပဇ္ဇိ၊ တသ္မိံ ဘန္တေ ဝတ္ထုသ္မိံ ပညတ္တံ။

၅။ အစေလကဝဂ္ဂ၊ ၇။ မဟာနာမ သိက္ခာပုစ္ဆာ

ပုစ္ဆာ – တတုတ္တရိ အာဝုသော ဘေသဇ္ဇံ ဝိညာပေန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သက္ကေသု ¶ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ မဟာနာမေန သက္ကေန အဇ္ဇဏှော ဘန္တေ အာဂမေတာတိ ဝုစ္စမာနာ နာဂမေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

၅။ အစေလကဝဂ္ဂ ၈-၉-၁၀။ ဥယျုတ္တသေနာ စသော သိက္ခာပုစ္ဆာ

ပုစ္ဆာ – ဥယျုတ္တံ အာဝုသော သေနံ ဒဿနာယ ဂစ္ဆန္တဿ စ အတိရေကတိရတ္တံ သေနာယ ဝသန္တဿ စ ဥယျောဓိကံ ဂစ္ဆန္တဿ စ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဥယျုတ္တံ သေနံ ဒဿနာယ အဂမံသု၊ တေယေဝ ဘန္တေ ဆဗ္ဗဂ္ဂိယာ ဘိက္ခူ အတိရေကတိရတ္တံ သေနာယ ဝသိံသု၊ တေယေဝ ဘန္တေ ဆဗ္ဗဂ္ဂိယာ ဘိက္ခူ ဥယျောဓိကံ အဂမံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၆။ သုရာပါနဝဂ္ဂ၊ ၁။ သုရာပါန သိက္ခာပုစ္ဆာ

ပုစ္ဆာ – သုရာမေရယပါနေ ¶ အာဝုသော ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ကောသမ္ဗိယံ ဘန္တေ အာယသ္မန္တံ သာဂတံ အာရဗ္ဘ ပညတ္တံ၊ အာယသ္မာ ဘန္တေ သာဂတော မဇ္ဇံ ပိဝိ၊ တသ္မိံ ဘန္တေ ဝတ္ထုသ္မိံ ပညတ္တံ။

၆။ သုရာပါနဝဂ္ဂ၊ ၂။ အင်္ဂုလိပတောဒက သိက္ခာပုစ္ဆာ

ပုစ္ဆာ – အင်္ဂုလိပတောဒကေ ¶ အာဝုသော ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဘိက္ခုံ အင်္ဂုလိပတောဒကေန ဟာသေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

၆။ သုရာပါနဝဂ္ဂ၊ ၃။ ဟသဓမ္မ သိက္ခာပုစ္ဆာ

ပုစ္ဆာ – ဥဒကေ ဟသဓမ္မေ အာဝုသော ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ သတ္တရသဝဂ္ဂိယေ ဘိက္ခူ အာရဗ္ဘ ပညတ္တံ၊ သတ္တရသဝဂ္ဂိယာ ဘန္တေ ဘိက္ခူ အစိရဝတိယာ နဒိယာ ဥဒကေ ကီဠိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၆။ သုရာပါနဝဂ္ဂ၊ ၄။ အနာဒရိယ သိက္ခာပုစ္ဆာ

ပုစ္ဆာ – အနာဒရိယ ¶ အာဝုသော ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ကောသမ္ဗိယံ ဘန္တေ အာယသ္မန္တံ ဆန္နံ အာရဗ္ဘ ပညတ္တံ၊ အာယသ္မာ ဘန္တေ ဆန္နော အာပတ္တိယာ အနုယုဉ္ဇိယမာနော အနာဒရိယံ အကာသိ၊ တသ္မိံ ဘန္တေ ဝတ္ထုသ္မိံ ပညတ္တံ။

၆။ သုရာပါနဝဂ္ဂ၊ ၅။ ဘိံသာပန သိက္ခာပုစ္ဆာ

ပုစ္ဆာ – ဘိက္ခုံ ¶ ဘိံသာပေန္တဿ အာဝုသော ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဘိက္ခုံ ဘိံသာပေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

၆။ သုရာပါနဝဂ္ဂ၊ ၆။ ဇောတိက သိက္ခာပုစ္ဆာ

ပုစ္ဆာ – ဇောတိံ အာဝုသော သမာဒဟိတွာ ဝိသိဗ္ဗေန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ဘဂ္ဂေသု ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ ဇောတိံ သမာဒပေတွာ ဝိသိဗ္ဗေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

၆။ သုရာပါနဝဂ္ဂ၊ ၇။ နဟာန သိက္ခာပုစ္ဆာ

ပုစ္ဆာ – ဩရေနဒ္ဓမာသံ ¶ အာဝုသော နဟာယန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ ရာဇာနမ္ပိ ပဿိတွာ န မတ္တံ ဇာနိတွာ နဟာယိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ဝိဿဇ္ဇနာ – ဘဂဝတော ဘန္တေ ဝစနံ အရဟတော သမ္မာသမ္ဗုဒ္ဓဿ။

ဝိဿဇ္ဇနာ – ပရမ္ပရာယ ဘန္တေ အာဘတံ။

ပုစ္ဆာ – အတ္ထိ နုခေါ အာဝုသော ဧတ္ထ ကောစိပိ ဝိရုဒ္ဓဒေါသော။

သုဏာတု မေ ဘန္တေ သင်္ဃော…ပေ… သံဂါယေယျာမ။

ပုစ္ဆာ – ယံ ¶ တေန အာဝုသော…ပေ… သမ္မာသမ္ဗုဒ္ဓေန အနာဒိယိတွာ တိဏ္ဏံ ဒုဗ္ဗဏ္ဏကရဏာနံ အညတရံ ဒုဗ္ဗဏ္ဏကရဏံ နဝံ စီဝရံ ပရိဘုဉ္ဇန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ အတ္တနော စီဝရံ န သဉ္ဇာနိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၆။ သုရာပါနဝဂ္ဂ၊ ၁၀။ စီဝရအပနိဓာန သိက္ခာပုစ္ဆာ

ပုစ္ဆာ – ဘိက္ခုဿ အာဝုသော ပတ္တံ ဝါ စီဝရံ ဝါ နိသီဒနံ ဝါ သူစိဃရံ ဝါ ကာယဗန္ဓနံ ဝါ အပနိဓေန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ¶ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဘိက္ခူနံ ပတ္တမ္ပိ စီဝရမ္ပိ အပနိဓေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

၇။ သပ္ပာဏကဝဂ္ဂ၊ ၁။ သဉ္စိစ္စ သိက္ခာပုစ္ဆာ

ပုစ္ဆာ – သဉ္စိစ္စ အာဝုသော ပါဏံ ဇီဝိတာ ဝေါရောပေန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အာယသ္မန္တံ ဥဒါယိံ အာရဗ္ဘ ပညတ္တံ အာယသ္မာ ဘန္တေ ဥဒါယီ သဉ္စိစ္စ ပါဏံ ဇီဝိတာ ဝေါရောပေသိ၊ တသ္မိံ ဘန္တေ ဝတ္ထုသ္မိံ ပညတ္တံ။

၇။ သပ္ပာဏကဝဂ္ဂ၊ ၂။ သပ္ပာဏက သိက္ခာပုစ္ဆာ

ပုစ္ဆာ – ဇာနံ ¶ အာဝုသော သပ္ပာဏကံ ဥဒကံ ပရိဘုဉ္ဇန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဇာနံ သပ္ပာဏကံ ဥဒကံ ပရိဘုဉ္ဇိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၇။ သပ္ပာဏကဝဂ္ဂ၊ ၆။ ထေယျသတ္ထ သိက္ခာပုစ္ဆာ

ပုစ္ဆာ – ဇာနံ အာဝုသော ထေယျသတ္ထေန သဒ္ဓိံ သံဝိဓာယ ဧကဒ္ဓါနမဂ္ဂံ ပဋိပဇ္ဇန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အညတရံ ဘိက္ခုံ အာရဗ္ဘ ပညတ္တံ၊ အညတရော ဘန္တေ ဘိက္ခု ဇာနံ ထေယျသတ္ထေန သဒ္ဓိံ သံဝိဓာယ ဧကဒ္ဓါနမဂ္ဂံ ပဋိပဇ္ဇိ၊ တသ္မိံ ဘန္တေ ဝတ္ထုသ္မိံ ပညတ္တံ။

၇။ သပ္ပာဏကဝဂ္ဂ၊ ၇။ သံဝိဓာန သိက္ခာပုစ္ဆာ

ပုစ္ဆာ – မာတုဂါမေန ¶ သဒ္ဓိံ အာဝုသော သံဝိဓာယ ဧကဒ္ဓါနမဂ္ဂံ ပဋိပဇ္ဇန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အညတရံ ဘိက္ခုံ အာရဗ္ဘ ပညတ္တံ၊ အညတရော ဘန္တေ ဘိက္ခု မာတုဂါမေန သဒ္ဓိံ သံဝိဓာယ ဧကဒ္ဓါနမဂ္ဂံ ပဋိပဇ္ဇိ၊ တသ္မိံ ဘန္တေ ဝတ္ထုသ္မိံ ပညတ္တံ။

၈။ သဟဓမ္မိကဝဂ္ဂ၊ ၁။ သဟဓမ္မိက သိက္ခာပုစ္ဆာ

ပုစ္ဆာ – ဘိက္ခူဟိ အာဝုသော သဟဓမ္မိကံ ဝုစ္စမာနေန န တာဝါဟံ အာဝုသော ဧတသ္မိံ သိက္ခာပဒေ သိက္ခိဿာမိ၊ ယာဝ န အညံ ဘိက္ခုံ ဗျတ္တံ ဝိနယဓရံ ပရိပုစ္ဆိဿာမီတိ ဘဏန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ကောသမ္ဗိယံ ¶ ဘန္တေ အာယသ္မန္တံ ဆန္နံ အာရဗ္ဘ ပညတ္တံ၊ အာယသ္မာ ဘန္တေ ဆန္နော ဘိက္ခူဟိ သဟဓမ္မိကံ ဝုစ္စမာနော န တာဝါဟံ အာဝုသော ဧတသ္မိံ သိက္ခာပဒေ သိက္ခိဿာမိ၊ ယာဝ န အညံ ဘိက္ခုံ ဗျတ္တံ ဝိနယဓရံ ပရိပုစ္ဆိဿာမီတိ ဘဏိ၊ တသ္မိံ ဘန္တေ ဝတ္ထုသ္မိံ ပညတ္တံ။

၈။ သဟဓမ္မိကဝဂ္ဂ၊ ၂။ ဝိလေခန သိက္ခာပုစ္ဆာ

ပုစ္ဆာ – ဝိနယံ ဝိဝဏ္ဏေန္တဿ အာဝုသော ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဝိနယံ ဝိဝဏ္ဏေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

၈။ သဟဓမ္မိကဝဂ္ဂ၊ ၃။ မောဟန သိက္ခာပုစ္ဆာ

ပုစ္ဆာ – မောဟနကေ ¶ အာဝုသော ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ မောဟေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ဘိက္ခုဿ ¶ အာဝုသော ကုပိတေန အနတ္တမနေန ပဟာရံ ဒေန္တဿ စ တလသတ္တိကံ ဥဂ္ဂိရန္တဿ စ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ကုပိတာ အနတ္တမနာ သတ္တရသဝဂ္ဂိယာနံ ဘိက္ခူနံ ပဟာရံ အဒံသု၊ တလသတ္တိကဉ္စ ဥဂ္ဂိရိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၈။ သဟဓမ္မိကဝဂ္ဂ၊ ၇။ သဉ္စိစ္စ သိက္ခာပုစ္ဆာ

ပုစ္ဆာ – ဘိက္ခုဿ အာဝုသော သဉ္စိစ္စ ကုက္ကုစ္စံ ဥပဒဟန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဘိက္ခူနံ သဉ္စိစ္စ ကုက္ကုစ္စံ ဥပဒဟိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၈။ သဟဓမ္မိကဝဂ္ဂ၊ ၈။ ဥပဿုတိ သိက္ခာပုစ္ဆာ

ပုစ္ဆာ – ဘိက္ခူနံ ¶ အာဝုသော ဘဏ္ဍနဇာတာနံ ကလဟဇာတာနံ ဝိဝါဒါ ပန္နာနံ ဥပဿုတိံ တိဋ္ဌန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဘိက္ခူနံ ဘဏ္ဍနဇာတာနံ ကလဟ ဇာတာနံ ဝိဝါဒါပန္နာနံ ဥပဿုတိံ တိဋ္ဌဟိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၈။ သဟဓမ္မိကဝဂ္ဂ၊ ၉။ ကမ္မပဋိဗာဟန သိက္ခာပုစ္ဆာ

ပုစ္ဆာ – ဓမ္မိကာနံ အာဝုသော ကမ္မာနံ ဆန္ဒံ ဒတွာ ပစ္ဆာ ခီယနဓမ္မံ အာပဇ္ဇန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ¶ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဓမ္မိကာနံ ကမ္မာနံ ဆန္ဒံ ဒတွာ ပစ္ဆာ ခီယနဓမ္မံ အာပဇ္ဇိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၈။ သဟဓမ္မိကဝဂ္ဂ ၁၀။ ဆန္ဒံ အဒတွာဂမန သိက္ခာပုစ္ဆာ

ပုစ္ဆာ – သင်္ဃေ အာဝုသော ဝိနိစ္ဆကထာယ ဝတ္တမာနာယ ဆန္ဒံ အဒတွာ ဥဋ္ဌာယာသနာ ပက္ကမန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အညတရံ ဘိက္ခုံ အာရဗ္ဘ ပညတ္တံ၊ အညတရော ဘန္တေ ဆဗ္ဗဂ္ဂိယော ဘိက္ခု သင်္ဃေ ဝိနိစ္ဆယကထာယ ဝတ္တမာနာယ ဆန္ဒံ အဒတွာ ဥဋ္ဌာယာသနာ ပက္ကာမိ၊ တသ္မိံ ဘန္တေ ဝတ္ထုသ္မိံ ပညတ္တံ။

၈။ သဟဓမ္မိကဝဂ္ဂ၊ ၁၂။ ပရိဏာမန သိက္ခာပုစ္ဆာ

ပုစ္ဆာ – ဇာနံ ¶ အာဝုသော သင်္ဃိကံ လာဘံ ပရိဏတံ ပုဂ္ဂလဿ ပရိဏာမေန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဇာနံ သင်္ဃိကံ လာဘံ ပရိဏတံ ပုဂ္ဂလဿ ပရိဏာမေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

၉။ ရတနဝဂ္ဂ၊ ၁။ အန္တေပုရ သိက္ခာပုစ္ဆာ

ပုစ္ဆာ – ပုဗ္ဗေ အပ္ပဋိသံဝိဒိတေန အာဝုသော ရညော အန္တေပုရံ ပဝိသန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ¶ ဘန္တေ အာယသ္မန္တံ အာနန္ဒံ အာရဗ္ဘ ပညတ္တံ၊ အာယသ္မာ ဘန္တေ အာနန္ဒော ပုဗ္ဗေ အပ္ပဋိသံဝိဒိတော ရညော အန္တေပုရံ ပါဝိသိ၊ တသ္မိံ ဘန္တေ ဝတ္ထုသ္မိံ ပညတ္တံ။

၉။ ရတနဝဂ္ဂ၊ ၂။ ရတန သိက္ခာပုစ္ဆာ

ပုစ္ဆာ – ရတနံ အာဝုသော ဥဂ္ဂဏှန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အညတရံ ဘိက္ခုံ အာရဗ္ဘ ပညတ္တံ၊ အညတရော ဘန္တေ ဘိက္ခု ရတနံ ဥဂ္ဂဟေသိ၊ တသ္မိံ ဘန္တေ ဝတ္ထုသ္မိံ ပညတ္တံ။

၉။ ရတနဝဂ္ဂ၊ ၃။ ဝိကာလဂါမပ္ပဝိသန သိက္ခာပုစ္ဆာ

ပုစ္ဆာ – သန္တံ ¶ အာဝုသော ဘိက္ခုံ အနာပုစ္ဆာ ဝိကာလေ ဂါမံ ပဝိသန္တဿ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ သန္တံ ဘိက္ခုံ အနာပုစ္ဆာ ဝိကာလေ ဂါမံ ပဝိသိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၃။ တတိယပါဋိဒေသနီ သိက္ခာပုစ္ဆာ

ပုစ္ဆာ – သေက္ခသမ္မတေသု ¶ အာဝုသော ကုလေသု ခါဒနီယံ ဝါ ဘောဇနီယံ ဝါ သဟတ္ထာ ပဋိဂ္ဂဟေတွာ ဘုဉ္ဇန္တဿ ပါဋိဒေသနီယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ နမတ္တံ ဇာနိတွာ ပဋိဂ္ဂဟေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – အနာဒရိယံ ¶ အာဝုသော ပဋိစ္စ ပုရတော ဝါ ပစ္ဆတော ဝါ ဩလမ္ဗေန္တေန နိဝါသေန္တဿစ ပါရုပန္တဿစ ဒုက္ကဋံ ကတ္ထ ပညတ္တံ၊ ကံ အာရဗ္ဘ ကိသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ပုရတော စ ပစ္ဆတော စ ဩလမ္ဗန္တာ နိဝါသေသုံစေဝ ပါရုပိံသုစ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – အနာဒရိယံ အာဝုသော ပဋိစ္စ ကာယံ ဝိဝရိတွာ အန္တရဃရေ ဂစ္ဆန္တဿ စ နိသီဒန္တဿ စ ဒုက္ကဋံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂီယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ကာယံ ဝိဝရိတွာ အန္တရဃရေ ဂစ္ဆိံသု စေဝ နိသီဒိံသုစ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – အနာဒရိယံ ¶ အာဝုသော ပဋိစ္စ ဟတ္ထံ ဝါ ပါဒံ ဝါ ကီဠာပေန္တေန အန္တရဃရေ ဂစ္ဆန္တဿ စ နိသီဒန္တဿ စ၊ တဟံ တဟံ ဩလောကေန္တေန အန္တရဃရေ ဂစ္ဆန္တဿ စ နိသီဒန္တဿ စ၊ ဥက္ခိတ္တကာယ အန္တရဃရေ ဂစ္ဆန္တဿ စ နိသီဒန္တဿ စ ဒုက္ကဋံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဟတ္ထမ္ပိ ပါဒမ္ပိ ကီဠာပေန္တာ တဟံ တဟံပိ ဩလောကေန္တာ အန္တရဃရေ ဂစ္ဆိံသုစေဝ နိသီဒိံသု စ၊ တေယေဝ ဘန္တေ ဆဗ္ဗဂ္ဂိယာ ဘိက္ခူ ဥက္ခိတ္တကာယ အန္တရဃရေ ဂစ္ဆိံသုစေဝ နိသီဒိံသုစ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – အနာဒရိယံ ¶ အာဝုသော ပဋိစ္စ ဥဇ္ဇဂ္ဃိကာယ ဝါ ဥစ္စာသဒ္ဒံ မဟာသဒ္ဒံ ကရောန္တေန ဝါ အန္တရဃရေ ဂစ္ဆန္တဿစ နိသီဒန္တဿစ ဒုက္ကဋံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ မဟာဟသိတံ ဟသန္တာ စ ဥစ္စာသဒ္ဒံ မဟာသဒ္ဒံ ကရောန္တာ စ အန္တရဃရေ ဂစ္ဆိံသုစေဝ နိသီဒိံသုစ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – အနာဒရိယံ အာဝုသော ပဋိစ္စ ကာယပ္ပစာလကံ ဝါ ဗာဟုပ္ပ စာလကံ ဝါ သီသပ္ပစာလကံ ဝါ ခမ္ဘကတေန ဝါ ဩဂုဏ္ဌိတေန ဝါ အန္တရဃရေ ဂစ္ဆန္တဿ စ နိသီဒန္တဿ စ ဥက္ကုဋိကာယ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ကာယပ္ပစာလကံ ဗာဟုပ္ပစာလကံ သီသပ္ပစာလကံ ကရောန္တာ စ ခမ္ဘီကတာ စ ဩဂုဏ္ဌိတာ စ အန္တရဃရေ ဂစ္ဆိံသုစေဝ နိသီဒိံသုစ၊ ဥက္ကုဋိကာယစ အန္တရဃရေ ဂစ္ဆိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – အနာဒရိယံ ¶ အာဝုသော ပဋိစ္စ ပလ္လတ္ထိကာယ အန္တရဃရေ နိသိန္နဿ ဒုက္ကဋံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ပလ္လတ္ထိကာယ အန္တရဃရေ နိသီဒိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – အနာဒရိယံ ¶ အာဝုသော ပဋိစ္စ အသက္ကစ္စံ ပိဏ္ဍပါတံ ပဋိဂ္ဂဏှန္တဿ စ တဟံ တဟံ ဩလောကေန္တေန ပိဏ္ဍပါတံ ပဋိဂ္ဂဏှန္တဿစ သူပညေဝ ဗဟုံ ပဋိဂ္ဂဏှန္တဿစ ထူပီကတံ ပိဏ္ဍပါတံ ပဋိဂ္ဂဏှန္တဿစ ဒုက္ကဋံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ အသက္ကစ္စံ ပိဏ္ဍပါတံ ပဋိဂ္ဂဟေသုံ၊ တဟံ တဟံ ဩလောကေန္တာ ပိဏ္ဍပါတံ ပဋိဂ္ဂဟေသုံ၊ သူပညေဝ ဗဟုံ ပဋိဂ္ဂဟေသုံ၊ ထူပီကတံ ပိဏ္ဍပါတံ ပဋိဂ္ဂဟေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – အနာဒရိယံ ¶ အာဝုသော ပဋိစ္စ အာသက္ကစ္စံ ပိဏ္ဍပါတံ ဘုဉ္ဇန္တဿစ တဟံ တဟံ ဩလောကေန္တန ပိဏ္ဍပါတံ ဘုဉ္ဇန္တဿ စ တဟံ တဟံ ဩမသိတွာ ပိဏ္ဍပါတံ ဘုဉ္ဇန္တဿ စ သူပညေဝ ဗဟုံ ဘုဉ္ဇန္တဿ စ ထူပကတော ဩမဒ္ဒိတွာ ပိဏ္ဍပါတံ ဘုဉ္ဇန္တဿ စ သူပံ ဝါ ဗျဉ္ဇနံ ဝါ ဩဒနေန ပဋိစ္ဆာဒေန္တဿ စ ဒုက္ကဋံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ အသက္ကစ္စံ ပိဏ္ဍပါတံ ဘုဉ္ဇိံသု၊ တဟံ တဟံ ဩလောကေန္တာ ပိဏ္ဍပါတံ ဘုဉ္ဇိံသု၊ တေယေဝ ဘန္တေ ဆဗ္ဗဂ္ဂိယာ ဘိက္ခူ တဟံ တဟံ ဩမသိတွာ ပိဏ္ဍပါတံ ဘုဉ္ဇိံသု၊ တေယေဝ ဘန္တေ ဆဗ္ဗဂ္ဂိယာ ဘိက္ခူ ဗဟုံ သူပံ ဘုဉ္ဇိံသု၊ တေယေဝ ဘန္တေ ဆဗ္ဗဂ္ဂိယာ ဘိက္ခူ ထူပကတော ဩမဒ္ဒိတွာ ပိဏ္ဍပါတံ ဘုဉ္ဇိံသု၊ တေယေဝ ဘန္တေ ဆဗ္ဗဂ္ဂိယာ ဘိက္ခူ သူပမ္ပိ ဗျဉ္ဇနမ္ပိ ဩဒနေန ပဋိစ္ဆာဒေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – အနာဒရိယံ ¶ အာဝုသော ပဋိစ္စ သူပံဝါ ဩဒနံဝါ အဂိလာနေန အတ္တနော အတ္ထာယ ဝိညာပေတွာ ဘုဉ္ဇန္တဿ ဒုက္ကဋံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ သူပမ္ပိ ဩဒနမ္ပိ အတ္တနော အတ္ထာယ ဝိညာပေတွာ ဘုဉ္ဇိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – အနာဒရိယံ အာဝုသော ပဋိစ္စ ဥဇ္ဈာနသညိနာ ပရေသံ ပတ္တံ ဩလောကေန္တဿ စ အတိမဟန္တံ ကဗဠံ ကရောန္တဿ စ ဒီဃံ အာလောပံ ကရောန္တဿ စ ဒုက္ကဋံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ¶ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဥဇ္ဈာနသညိနော ပရေသံ ပတ္တံ ဩလောကေသုံ၊ တေယေဝ ဘန္တေ ဆဗ္ဗဂ္ဂိယာ ဘိက္ခူ အတိမဟန္တံ ကဗဠံ ကရိံသု၊ တေယေဝ ဘန္တေ ဆဗ္ဗဂ္ဂိယာ ဘိက္ခူ ဒီဃံ အာလောပံ ကရိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – အနာဒရိယံ အာဝုသော ပဋိစ္စ အနာဟဋေ ကဗဠေ မုခဒွါရံ ဝိဝရန္တဿ စ ဘုဉ္ဇမာနေ သဗ္ဗံ ဟတ္ထံ မုခေ ပက္ခိပန္တဿ စ သကဗဠေန မုခေန ဗျာဟရန္တဿ စ ပိဏ္ဍုက္ခေပကံ ပိဏ္ဍပါတံ ဘုဉ္ဇန္တဿ စ ကဗဠာဝစ္ဆေဒကံ ပိဏ္ဍပါတံ ဘုဉ္ဇန္တဿ စ အဝဂဏ္ဍကာရကံ ပိဏ္ဍပါတံ ဘုဉ္ဇန္တဿ စ ဟတ္ထနိဒ္ဓုနကံ သိတ္ထာဝကာရကံ ဇိဝှာနိစ္ဆာရကံ စပုစပုကာရကံ ပိဏ္ဍပါတံ ဘုဉ္ဇန္တဿ စ ဒုက္ကဋံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ အနာဟဋေ ကဗဠေ မုခဒွါရံ ဝိဝရိံသု၊ ဘုဉ္ဇမာနာ သဗ္ဗံ ဟတ္ထံ မုခေ ပက္ခိပိံသု၊ သကဗဠေန မုခေန ဗျာဟရိံသု၊ ပိဏ္ဍုက္ခေပကံ ဘုဉ္ဇိံသု၊ ကဗဠာဝစ္ဆေဒကံ ဘုဉ္ဇိံသု၊ အဝဂဏ္ဍကာရကံ ဘုဉ္ဇိံသု၊ ဟတ္ထနိဒ္ဓုနကံ သိတ္ထာဝကာရကံ ဇိဝှာနိစ္ဆာရကံ ¶ စပုစပုကာရကံ ဘုဉ္ဇိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – အနာဒရိယံ အာဝုသော ပဋိစ္စ သုရုသုရုကာရကံ ဘုဉ္ဇန္တဿစ ဟတ္ထနိလ္လေဟကံဝါ ပတ္တနိလ္လေဟကံ ဝါ ဩဋ္ဌနိလ္လေဟကံ ဝါ ဘုဉ္ဇန္တဿ စ သာမိသေန ဟတ္ထေန ပါနီယထာလကံ ပဋိဂ္ဂဏှန္တဿ စ သသိတ္ထကံ ပတ္တဓောဝနံ အန္တရဃရေ စဍ္ဍေန္တဿ စ ဒုက္ကဋံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သုရု သုရုကာရကံ ဘန္တေ ဘုဉ္ဇန္တဿ ဒုက္ကဋံ ကောသမ္ဗိယံ ပညတ္တံ၊ သမ္ဗဟုလေ ဘန္တေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ သုရုသုရုကာရကံ ခီရံ ပိဝိံသု၊ တသ္မိံ ဘန္တေ ဝတ္ထုသ္မိံ ပညတ္တံ။ ဟတ္ထနိလ္လေဟကံ ¶ ဘုဉ္ဇန္တဿ စ ပတ္တနိလ္လေဟကံ ဘုဉ္ဇန္တဿ စ ဩဋ္ဌနိလ္လေဟကံ ဘုဉ္ဇန္တဿ ဒုက္ကဋံ သာဝတ္ထိယံ ပညတ္တံ၊ ဆဗ္ဗဂ္ဂိယေ ဘန္တေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဟတ္ထနိလ္လေဟကံ ဘုဉ္ဇိံသု၊ ပတ္တနိလ္လေဟကံ ဘုဉ္ဇိံသု၊ ဩဋ္ဌနိလ္လေဟကံ ဘုဉ္ဇိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

သာမိသေန ဟတ္ထေန ပါနီယထာလကံ ပဋိဂ္ဂဏှန္တဿ စ သသိတ္ထကံ ပတ္တဓောဝနံ အန္တရဃရေ ဆဍ္ဍေန္တဿ စ ဒုက္ကဋံ ဘဂ္ဂေသု ပညတ္တံ၊ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘိက္ခူ သာမိသေန ဟတ္ထေန ပါနီယထာလကံ ပဋိဂ္ဂဟေသုံ၊ တေယေဝ ဘန္တေ သမ္ဗဟုလာ ဘိက္ခူ သသိတ္ထကံ ပတ္တဓောဝနံ အန္တရဃရေ ဆဍ္ဍေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – အနာဒရိယံ ¶ အာဝုသော ပဋိစ္စ ဆတ္တပါဏိဿ ဓမ္မံ ဒေသေန္တဿ စ ဒဏ္ဍပါဏိဿ ဝါ သတ္ထပါဏိဿ ဝါ အာဝုဓပါဏိဿ ဝါ ဓမ္မံ ဒေသေန္တဿ စ ဒုက္ကဋံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဆတ္တပါဏိဿ ဒဏ္ဍပါဏိဿ သတ္ထပါဏိဿ အာဝုဓပါဏိဿ ဓမ္မံ ဒေသေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – အနာဒရိယံ အာဝုသော ပဋိစ္စ ပါဒုကာရုဠှဿ စ ဥပဟနာရုဠှဿ စ ယာနဂတဿ စ သယနဂတဿ စ ဓမ္မံ ဒေသေန္တဿ ဒုက္ကဋံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ပါဒုကာရုဠှဿ ဥပဟနာရုဠှဿ ယာနဂတဿ သယနဂတဿ ဓမ္မံ ဒေသေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – အနာဒရိယံ ¶ အာဝုသော ပဋိစ္စ ပလ္လတ္ထိကာယ နိသိန္နဿ စ ဝေဌိတသီသဿ စ ဩဂုဏ္ဌိတသီသဿ စ ဆမာယံ နိသီဒိတွာ အာသနေ နိသိန္နဿ စ နီစေ အာသနေ နိသီဒိတွာ ဥစ္စေ အာသနေ နိသိန္နဿ စ ဌိတေန နိသိန္နဿ စ ပစ္ဆတော ဂစ္ဆန္တေန ပုရတော ဂစ္ဆန္တဿ စ ဥပ္ပထေန ဂစ္ဆန္တေန ပထေန ဂစ္ဆန္တဿ စ ဓမ္မံ ဒေသေန္တဿ ဒုက္ကဋံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေဝ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ပလ္လတ္ထိကာယ နိသိန္နဿ စ ဝေဌိတသီသဿ စ ဩဂုဏ္ဌိတသီသဿ စ ဆမာယံ နိသီဒိတွာ အာသနေ နိသိန္နဿ စ နီစေ အာသနေ နိသီဒိတွာ ဥစ္စေ အာသနေ နိသိန္နဿ စ ဌိတာနိသိန္နဿ စ ပစ္ဆတော ဂစ္ဆန္တာ ပုရတော ဂစ္ဆန္တဿ စ ဥပ္ပထေန ဂစ္ဆန္တာ ပထေန ဂစ္ဆန္တဿ စ ဓမ္မံ ဒေသေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – အနာဒရိယံ ¶ အာဝုသော ပဋိစ္စ ဌိတေန ဥစ္စာရံ ဝါ ပဿာဝံ ဝါ ကရောန္တဿ စ ဟရိတေ ဝါ ဥဒကေ ဝါ ဥစ္စာရံ ဝါ ပဿာဝံ ဝါ ခေဠံ ဝါ ကရောန္တဿ စ ဒုက္ကဋံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေဝ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဌိတာ ဥစ္စာရမ္ပိ ပဿာဝမ္ပိ အကံသု၊ တေယေဝ ဘန္တေ ဆဗ္ဗဂ္ဂိယာ ဘိက္ခူ ဟရိတေပိ ဥဒကေပိ ဥစ္စာရမ္ပိ ပဿာဝမ္ပိ ခေဠမ္ပိ အကံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၅။ ပဉ္စမ ပါရာဇိက သိက္ခာပုစ္ဆာ

ပုစ္ဆာ – ဘိက္ခုနီနံ ¶ အာဝုသော ပဉ္စမ ပါရာဇိကံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ သုန္ဒရီနန္ဒံ ဘိက္ခုနိံ အာရဗ္ဘ ပညတ္တံ၊ သုန္ဒရီနန္ဒာ ဘန္တေ ဘိက္ခုနီ အဝဿုတာ အဝဿုတဿ ပုရိသပုဂ္ဂလဿ ကာယသံသဂ္ဂံ သာဒိယိ၊ တသ္မိံ ဘန္တေ ဝတ္ထုသ္မိံ ပညတ္တံ။

ဘိက္ခုနီဝိဘင်္ဂ၊ သင်္ဃာဒိသေသ သိက္ခာပုစ္ဆာ

ပုစ္ဆာ – ဥဿယဝါဒိကာယ အာဝုသော ဘိက္ခုနိယာ အဍ္ဍံ ကရောန္တိယာ သင်္ဃာဒိသေသော ကတ္ထ ပညတ္တော၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တော။

ဝိဿဇ္ဇနာ – သာဝတ္ထိယံ ဘန္တေ တုလ္လနန္ဒံ ဘိက္ခုနိံ အာရဗ္ဘ ပညတ္တော၊ ထုလ္လနန္ဒာ ဘန္တေ ဘိက္ခုနီ ဥဿယဝါဒိကာ ဝိဟရိ၊ တသ္မိံ ဘန္တေ ဝတ္ထုသ္မိံ ပညတ္တော။

ပုစ္ဆာ – စောရိံ ¶ အာဝုသော ဝုဋ္ဌာပေန္တိယာ သင်္ဃာဒိသေသော ကတ္ထ ပညတ္တော၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တော။

ဝိဿဇ္ဇနာ – သာဝတ္ထိယံ ဘန္တေ ထုလ္လနန္ဒံ ဘိက္ခုနိံ အာရဗ္ဘ ပညတ္တော၊ ထုလ္လနန္ဒာ ဘန္တေ ဘိက္ခုနီ စောရိံ ဝုဋ္ဌာပေသိ၊ တသ္မိံ ဘန္တေ ဝတ္ထုသ္မိံ ပညတ္တော။

ပုစ္ဆာ – ဧကာယ ¶ အာဝုသော ဂါမန္တရံ ဂစ္ဆန္တိယာ သင်္ဃာဒိသေသော ကတ္ထ ပညတ္တော၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တော။

ဝိဿဇ္ဇနာ – သာဝတ္ထိယံ ဘန္တေ အညတရံ ဘိက္ခုနိံ အာရဗ္ဘ ပညတ္တော၊ အညတရာ ဘန္တေ ဘိက္ခုနီ ဧကာ ဂါမန္တရံ ဂစ္ဆိ၊ တသ္မိံ ဘန္တေ ဝတ္ထုသ္မိံ ပညတ္တော။

ပုစ္ဆာ – အဝဿုတာယ အာဝုသော ဘိက္ခုနိယာ အဝဿုတဿ ပုရိသပုဂ္ဂလဿ ဟတ္ထတော ခါဒနီယံဝါ ဘောဇနီယံဝါ သဟတ္ထာ ပဋိဂ္ဂဟေတွာ ဘုဉ္ဇန္တဿ သင်္ဃာဒိသေသော ကတ္ထ ပညတ္တော၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တော။

ဝိဿဇ္ဇနာ – သာဝတ္ထိယံ ဘန္တေ သုန္ဒရီနန္ဒံ ဘိက္ခုနိံ အာရဗ္ဘ ပညတ္တော၊ သုန္ဒရီနန္ဒာ ဘန္တေ ဘိက္ခုနီ အဝဿုတာ အဝဿုတဿ ပုရိသပုဂ္ဂလဿ ¶ ဟတ္ထတော အာမိသံ ပဋိဂ္ဂဟေသိ တသ္မိံ ဘန္တေ ဝတ္ထုသ္မိံ ပညတ္တော။

ပုစ္ဆာ – ကုပိတာယ အာဝုသော အနတ္တမနာယ ဘိက္ခုနိယာ ယာဝတတိယံ သမနုဘာသန္တိယာ န ပဋိနိသဇ္ဇန္တိယာ သင်္ဃာဒိသေသော ကတ္ထ ပညတ္တော၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တော။

ဝိဿဇ္ဇနာ – သာဝတ္ထိယံ ဘန္တေ စဏ္ဍကာဠိံ ဘိက္ခုနိံ အာရဗ္ဘ ပညတ္တော၊ စဏ္ဍကာဠီ ဘန္တေ ဘိက္ခုနီ ကုပိတာ အနတ္တမနာ ဧဝံ အဘဏိ၊ ဗုဒ္ဓံ ပစ္စာစိက္ခာမိ၊ ဓမ္မံ ပစ္စာစိက္ခာမိ၊ သင်္ဃံ ပစ္စာစိက္ခာမိ၊ သိက္ခံ ပစ္စာစိက္ခာမိ၊ ကိန္နုမာဝ သမဏိယော ယာ သမဏိယော သကျဓီတရော၊ သန္တညာပိ သမဏိယော လဇ္ဇိနိယော ကုက္ကုစ္စိကာ သိက္ခာကာမာ၊ တာသာဟံ သန္တိကေ ဗြဟ္မစရိယံ စရိဿာမီတိ၊ တသ္မိံ ဘန္တေ ဝတ္ထုသ္မိံ ပညတ္တော။

ဝိဿဇ္ဇနာ – ဘဂဝတော ဘန္တေ ဝစနံ အရဟတော သမ္မာသမ္ဗုဒ္ဓဿ။

ဝိဿဇ္ဇနာ – ပရမ္ပရာယ ဘန္တေ အာဘတံ။

ပုစ္ဆာ – အတ္ထိ နုခေါ အာဝုသော ဧတ္ထ ကောစိပိ ဝိရဒ္ဓဒေါသော။

၁။ လသုဏဝဂ္ဂ၊ ၁။ ပဌမ သိက္ခာပုစ္ဆာ

ပုစ္ဆာ – ယံ ¶ တေန အာဝုသော ဘဂဝတာ…ပေ… သမ္မာသမ္ဗုဒ္ဓေန လက္ခဏံ ခါဒန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ထုလ္လနန္ဒံ ဘိက္ခုနိံ အာရဗ္ဘ ပညတ္တံ၊ ထုလ္လနန္ဒာ ဘန္တေ ဘိက္ခုနီ န မတ္တံ ဇာနိတွာ ဗဟုံ လသုဏံ ဟရာပေသိ၊ တသ္မိံ ဘန္တေ ဝတ္ထုသ္မိံ ပညတ္တံ။

၁။ လသုဏဝဂ္ဂ၊ ၆။ ဆဋ္ဌ သိက္ခာပုစ္ဆာ

ပုစ္ဆာ – ဘိက္ခုဿ အာဝုသော ဘုဉ္ဇမာနဿ အန္နေန ဝါ ပါနေန ဝါ ဝိဓူပနေန ဝါ ဥပတိဋ္ဌန္တိယာ ဘိက္ခုနိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ¶ ဘန္တေ အညတရံ ဘိက္ခုနိံ အာရဗ္ဘ ပညတ္တံ၊ အညတရာ ဘန္တေ ဘိက္ခုနီ ဘိက္ခုဿ ဘုဉ္ဇမာနဿ ပါနီယေန ဝိဓူပနေန စ ဥပတိဋ္ဌတိ၊ တသ္မိံ ဘန္တေ ဝတ္ထုသ္မိံ ပညတ္တံ။

၁။ လသုဏဝဂ္ဂ၊ ၈။ အဋ္ဌမ သိက္ခာပုစ္ဆာ

ပုစ္ဆာ – ဥစ္စာရံဝါ အာဝုသော ပဿာဝံဝါ သင်္ကာရံဝါ ဝိဃာသံဝါ ထိရောကုဋ္ဋေ ဆဍ္ဍေန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အညတရံ ဘိက္ခုနိံ အာရဗ္ဘ ပညတ္တံ၊ အညတရာ ဘန္တေ ဘိက္ခုနီ ဥစ္စာရံ တိရောကုဋ္ဋေ ဆဍ္ဍေသိ၊ တသ္မိံ ဘန္တေ ဝတ္ထုသ္မိံ ပညတ္တံ။

၁။ လသုဏဝဂ္ဂ၊ ၁၀။ ဒသမ သိက္ခာပုစ္ဆာ

ပုစ္ဆာ – နစ္စံ ¶ ဝါ အာဝုသော ဂီတံ ဝါ ဝါဒိတံ ဝါ ဒဿနာယ ဂစ္ဆန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယာ ဘိက္ခုနိယော အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခုနိယော နစ္စမ္ပိ ဂီတမ္ပိ ဝါဒိတမ္ပိ ဒဿနာယ အဂမံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ဘိက္ခုပန ¶ အာဝုသော နစ္စံ ဝါ ဂီတံ ဝါ ဝါဒိတံ ဝါ ဒဿနာယ ဂစ္ဆန္တော ကံ နာမ အာပတ္တိံ အာပဇ္ဇတိ။

ဝိဿဇ္ဇနာ – ဒုက္ကဋံ ဘန္တေ အာပတ္တိံ အာပဇ္ဇတိ။

ပုစ္ဆာ – ရတ္တန္ဓကာရေ အာဝုသော အပဒီပေ ပုရိသေန သဒ္ဓိံ ဧကေနေကာယ သန္တိဋ္ဌန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အညတရံ ဘိက္ခုနိံ အာရဗ္ဘ ပညတ္တံ၊ အညတရာ ဘန္တေ ဘိက္ခုနီ ရတ္တန္ဓကာရေ အပဒီပေ ပုရိသေန သဒ္ဓိံ ဧကေနေကာ သန္တိဋ္ဌိ၊ တသ္မိံ ဘန္တေ ဝတ္ထုသ္မိံ ပညတ္တံ။

၂။ အန္ဓကာရဝဂ္ဂ၊ ၂-၃။ ဒုတိယ၊ တတိယ သိက္ခာပုစ္ဆာ

ပုစ္ဆာ – ပဋိစ္ဆန္နေ ¶ ဝါ အာဝုသော ဩကာသေ အဇ္ဈောကာသေ ဝါ ပုရိသေန သဒ္ဓိံ ဧကေနေကာယ သန္တိဋ္ဌန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အညတရံ ဘိက္ခုနိံ အာရဗ္ဘ ပညတ္တံ၊ အညတရာ ဘန္တေ ဘိက္ခုနီ ပဋိစ္ဆန္နေ ဩကာသေ အဇ္ဈောကာသေ စ ပုရိသေန သဒ္ဓိံ ဧကေနေကာ သန္တိဋ္ဌိ၊ တသ္မိံ ဘန္တေ ဝတ္ထုသ္မိံ ပညတ္တံ။

၂။ အန္ဓကာရဝဂ္ဂ၊ ၈။ အဋ္ဌမ သိက္ခာပုစ္ဆာ

ပုစ္ဆာ – ဒုဂ္ဂဟိတေန အာဝုသော ဒူပဓာရိတေန ပရံ ဥဇ္ဈာပေန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အညတရံ ဘိက္ခုနိံ အာရဗ္ဘ ပညတ္တံ၊ အညတရာ ဘန္တေ ဘိက္ခုနီ ဒုဂ္ဂဟိတေန ဒူပဓာရိတေန ပရံ ဥဇ္ဈာပေသိ၊ တသ္မိံ ဘန္တေ ဝတ္ထုသ္မိံ ပညတ္တံ။

၂။ အန္ဓကာရဝဂ္ဂ၊ ၉။ နဝမ သိက္ခာပုစ္ဆာ

ပုစ္ဆာ – အတ္တာနံ ¶ ဝါ အာဝုသော ပရံ ဝါ နိရယေန ဝါ ဗြဟ္မစရိယေန ဝါ အဘိသပန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ စဏ္ဍကာဠိံ ဘိက္ခုနိံ အာရဗ္ဘ ပညတ္တံ၊ စဏ္ဍကာဠီ ဘန္တေ ဘိက္ခုနီ အတ္တာနမ္ပိ ပရမ္ပိ နိရယေနပိ ဗြဟ္မစရိယေနပိ အဘိသပိ၊ တသ္မိံ ဘန္တေ ဝတ္ထုသ္မိံ ပညတ္တံ။

၂။ အန္ဓကာရဝဂ္ဂ၊ ၁၀။ ဒသမ သိက္ခာပုစ္ဆာ

ပုစ္ဆာ – အတ္တာနံ ¶ အာဝုသော ဝဓိတွာ ဝဓိတွာ ရောဒန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ စဏ္ဍကာဠိံ ဘိက္ခုနိံ အာရဗ္ဘ ပညတ္တံ၊ စဏ္ဍကာဠီ ဘန္တေ ဘိက္ခုနီ ဘိက္ခုနီဟိ သဒ္ဓိံ ဘဏ္ဍိတွာ အတ္တာနံ ဝဓိတွာ ဝဓိတွာ ရောဒိ၊ တသ္မိံ ဘန္တေ ဝတ္ထုသ္မိံ ပညတ္တံ။

၃။ နဂ္ဂဝဂ္ဂ၊ ၃။ တတိယ သိက္ခာပုစ္ဆာ

ပုစ္ဆာ – ဘိက္ခုနိယာ ¶ အာဝုသော စီဝရံ ဝိသိဗ္ဗေတွာ ဝါ ဝိသိဗ္ဗာပေတွာ ဝါ နေဝ သိဗ္ဗေန္တိယာ န သိဗ္ဗာပနာယ ဥဿုက္ကံ ကရောန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ထုလ္လနန္ဒံ ဘိက္ခုနိံ အာရဗ္ဘ ပညတ္တံ၊ ထုလ္လနန္ဒာ ဘန္တေ ဘိက္ခုနီ ဘိက္ခုနိယာ စီဝရံ ဝိသိဗ္ဗာပေတွာ နေဝ သိဗ္ဗေသိ န သိဗ္ဗာပနာယ ဥဿုက္ကံ အကာသိ၊ တသ္မိံ ဘန္တေ ဝတ္ထုသ္မိံ ပညတ္တံ။

၃။ နဂ္ဂဝဂ္ဂ၊ ၈။ အဋ္ဌမ သိက္ခာပုစ္ဆာ

ပုစ္ဆာ – အဂါရိကဿ ¶ ဝါ အာဝုသော ပရိဗ္ဗာဇကဿ ဝါ ပရိဗ္ဗာဇိကာယ ဝါ သမဏစီဝရံ ဒေန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ထုလ္လနန္ဒံ ဘိက္ခုနိံ အာရဗ္ဘ ပညတ္တံ၊ ထုလ္လနန္ဒာ ဘန္တေ ဘိက္ခုနီ အဂါရိကဿ သမဏစီဝရံ အဒါသိ၊ တသ္မိံ ဘန္တေ ဝတ္ထုသ္မိံ ပညတ္တံ။

၄။ တုဝဋ္ဋဝဂ္ဂ၊ ၁-၂။ ပဌမ၊ ဒုတိယ သိက္ခာပုစ္ဆာ

ပုစ္ဆာ – ဒွိန္နံ အာဝုသော ဘိက္ခုနီနံ ဧကမဉ္စေ ဝါ ဧကတ္ထရဏပါဝုရဏေ ဝါ တုဝဋ္ဋေန္တီနံ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလာ ဘိက္ခုနိယော အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခုနိယော ဒွေ ဧကမဉ္စေ တုဝဋ္ဋေသုံ၊ ဧကတ္ထရဏပါဝုရဏေ တုဝဋ္ဋေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

၄။ တုဝဋ္ဋဝဂ္ဂ၊ ၃။ တတိယ သိက္ခာပုစ္ဆာ

ပုစ္ဆာ – ဘိက္ခုနိယာ ¶ အာဝုသော သဉ္စိစ္စ အဖာသုံ ကရောန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ထုလ္လနန္ဒံ ဘိက္ခုနိံ အာရဗ္ဘ ပညတ္တံ၊ ထုလ္လနန္ဒာ ဘန္တေ ဘိက္ခုနီ ဘိက္ခုနိယာ သဉ္စိစ္စ အဖာသုံ အကာသိ၊ တသ္မိံ ဘန္တေ ဝတ္ထုသ္မိံ ပညတ္တံ။

၄။ တုဝဋ္ဋဝဂ္ဂ၊ ၄။ စတုတ္ထ သိက္ခာပုစ္ဆာ

ပုစ္ဆာ – ဒုက္ခိတံ ¶ အာဝုသော သဟဇီဝိနိံ နေဝ ဥပဋ္ဌေန္တိယာ န ဥပဋ္ဌာပနာယ ဥဿုက္ကံ ကရောန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ထုလ္လနန္ဒံယေဝ ဘိက္ခုနိံ အာရဗ္ဘ ပညတ္တံ၊ ထုလ္လနန္ဒာ ဘန္တေ ဘိက္ခုနီ ဒုက္ခိတံ သဟဇီဝိနိံ နေဝဥပဋ္ဌေသိ န ဥပဋ္ဌာပနာယ ဥဿုက္ကံ အကာသိ၊ တသ္မိံ ဘန္တေ ဝတ္ထုသ္မိံ ပညတ္တံ။

၄။ တုဝဋ္ဋဝဂ္ဂ၊ ၅။ ပဉ္စမ သိက္ခာပုစ္ဆာ

ပုစ္ဆာ – ဘိက္ခုနိယာ ¶ အာဝုသော ဥပဿယံ ဒတွာ ကုပိတာယ အနတ္တမနာယ နိက္ကဍ္ဎန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ထုလ္လနန္ဒံယေဝ ဘိက္ခုနိံ အာရဗ္ဘ ပညတ္တံ၊ ထုလ္လနန္ဒာ ဘန္တေ ဘိက္ခုနီ ဘိက္ခုနိယာ ဥပဿယံ ဒတွာ ကုပိတာ အနတ္တမနာ နိက္ကဍ္ဎိ၊ တသ္မိံ ဘန္တေ ဝတ္ထုသ္မိံ ပညတ္တံ။

၄။ တုဝဋ္ဋဝဂ္ဂ၊ ၆။ ဆဋ္ဌ သိက္ခာပုစ္ဆာ

ပုစ္ဆာ – သံသဋ္ဌာယ ¶ အာဝုသော ဘိက္ခုနိယာ ယာဝတတိယံ သမနုဘာသနာယ န ပဋိနိဿဇ္ဇန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ စဏ္ဍကာဠိံ ဘိက္ခုနိံ အာရဗ္ဘ ပညတ္တံ၊ စဏ္ဍကာဠီ ဘန္တေ ဘိက္ခုနီ သံသဋ္ဌာ ဝိဟရိ၊ တသ္မိံ ဘန္တေ ဝတ္ထုသ္မိံ ပညတ္တံ။

၄။ တုဝဋ္ဋဝဂ္ဂ၊ ၇-၈။ သတ္တမ အဋ္ဌမ သိက္ခာပုစ္ဆာ

ပုစ္ဆာ – အန္တောရဋ္ဌေ ¶ ဝါ အာဝုသော တိရောရဋ္ဌေ ဝါ သာသင်္ကသမ္မတေ သပ္ပဋိဘယေ အသတ္ထိကာယ စာရိကံ စရန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလာ ဘိက္ခုနိယော အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခုနိယော အန္တောရဋ္ဌေပိ တိရောရဋ္ဌေပိ သာသင်္ကသမ္မတေ သပ္ပဋိဘယေ အသတ္ထိကာယော စာရိကံ စရိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၄။ တုဝဋ္ဋဝဂ္ဂ၊ ၉။ နဝမ သိက္ခာပုစ္ဆာ

ပုစ္ဆာ – အန္တောဝဿံ အာဝုသော စာရိကံ စရန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ သမ္ဗဟုလာ ဘိက္ခုနိယော အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခုနိယော အန္တောဝဿံ စာရိကံ ပက္ကမိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၄။ တုဝဋ္ဋဝဂ္ဂ၊ ၁၀။ ဒသမ သိက္ခာပုစ္ဆာ

ပုစ္ဆာ – ဝဿံ ¶ ဝုဋ္ဌာယ အာဝုသော ဘိက္ခုနိယာ စာရိကံ န ပက္ကမန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ သမ္ဗဟုလာ ဘိက္ခုနိယော အာရဗ္ဘံ ပညတ္တံ၊ သမ္ဗဟုလာ ဘန္တေ ဘိက္ခုနိယော ဝဿံဝုဋ္ဌာ စာရိကံ န ပက္ကမိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ဝိဿဇ္ဇနာ – ဘဂဝတော ဘန္တေ ဝစနံ အရဟတော သမ္မာသမ္ဗုဒ္ဓဿ။

ဝိဿဇ္ဇနာ – ပရမ္ပရာယ ဘန္တေ ဝစနံ။

သုဏာတု မေ ဘန္တေ သင်္ဃော…ပေ… သံဂါယေယျာမ။

၅။ စိတ္တာဂါရဝဂ္ဂ၊ ၁။ ပဌမ သိက္ခာပုစ္ဆာ

ပုစ္ဆာ – ယံ တေန အာဝုသော ဘဂဝတာ…ပေ… သမ္မာသမ္ဗုဒ္ဓေန ရာဇာဂါရံ ဝါ စိတ္တာဂါရံ ဝါ အာရာမံ ဝါ ဥယျာနံ ဝါ ပေါက္ခရဏိံ ဝါ ဒဿနာယ ဂစ္ဆန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ¶ ဘန္တေ ဆဗ္ဗဂ္ဂိယာ ဘိက္ခုနိယော အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခုနိယော ရာဇာဂါရမ္ပိ စိတ္တာဂါရမ္ပိ ဒဿနာယ ဂစ္ဆိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၅။ စိတ္တာဂါရဝဂ္ဂ၊ ၄။ စတုတ္ထ သိက္ခာပုစ္ဆာ

ပုစ္ဆာ – ဂိဟိဝေယျာဝစ္စံ အာဝုသော ကရောန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလာ ဘိက္ခုနိယော အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခုနိယောဂိဟိ ဝေယျာဝစ္စံ အကံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၅။ စိတ္တာဂါရဝဂ္ဂ၊ ၆။ ဆဋ္ဌ သိက္ခာပုစ္ဆာ

ပုစ္ဆာ – အဂါရိကဿ ¶ ဝါ အာဝုသော ပရိဗ္ဗာဇကဿ ဝါ ပရိဗ္ဗာဇိကာယ ဝါ သဟတ္ထာ ခါဒနီယံ ဘောဇနီယံ ဒေန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ထုလ္လနန္ဒံ ဘိက္ခုနိံ အာရဗ္ဘ ပညတ္တံ၊ ထုလ္လနန္ဒာ ဘန္တေ ဘိက္ခုနီ အဂါရိကဿ သဟတ္ထာ ခါဒနီယမ္ပိ ဘောဇနီယမ္ပိ အဒါသိ၊ တသ္မိံ ဘန္တေ ဝတ္ထုသ္မိံ ပညတ္တံ။

၅။ စိတ္တာဂါရဝဂ္ဂ၊ ၉-၁၀။ နဝမ၊ ဒသမ သိက္ခာပုစ္ဆာ

ပုစ္ဆာ – တိရစ္ဆာနဝိဇ္ဇံ အာဝုသော ပရိယာပုဏန္တိယာ စ ဝါစေန္တိယာ စ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယာ ဘိက္ခုနိယော အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခုနိယော တိရစ္ဆာနဝိဇ္ဇံ ပရိယာပုဏိံသုစေဝ ဝါစေသုဉ္စ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ဘိက္ခု ¶ ပန အာဝုသော တာဒိသံ တိရစ္ဆာနဝိဇ္ဇံ ပရိယာပုဏန္တော စ ဝါစေန္တော စ ကိံ နာမ အာပတ္တိံ အာပဇ္ဇတိ။

ဝိဿဇ္ဇနာ – ဒုက္ကဋံ ဘန္တေ အာပတ္တိံ အာပဇ္ဇတိ။

၆။ အာရာမဝဂ္ဂ၊ ၁။ ပဌမ သိက္ခာပုစ္ဆာ

ပုစ္ဆာ – ဇာနံ အာဝုသော သဘိက္ခုကံ အာရာမံ အနာပုစ္ဆာ ပဝိသန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလာ ဘိက္ခုနိယော အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခုနိယော အာရာမံ အနာပုစ္ဆာ ပဝိသိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၆။ အာရာမဝဂ္ဂ၊ ၂။ ဒုတိယ သိက္ခာပုစ္ဆာ

ပုစ္ဆာ – ဘိက္ခုံ ¶ အာဝုသော အက္ကောသန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ဝေသာလိယံ ဘန္တေ ဆဗ္ဗဂ္ဂိယာ ဘိက္ခုနိယော အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခုနိယော အာယသ္မန္တံ ဥပါလိံ အက္ကောသိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၆။ အာရာမဝဂ္ဂ၊ ၃။ တတိယ သိက္ခာပုစ္ဆာ

ပုစ္ဆာ – စဏ္ဍိကတာယ ¶ အာဝုသော ဂဏံ ပရိဘာသန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ထုလ္လနန္ဒံ ဘိက္ခုနိံ အာရဗ္ဘ ပညတ္တံ၊ ထုလ္လနန္ဒာ ဘန္တေ ဘိက္ခုနီ စဏ္ဍိကတာယ ဂဏံ ပရိဘာသိ၊ တသ္မိံ ဘန္တေ ဝတ္ထုသ္မိံ ပညတ္တံ။

၆။ အာရာမဝဂ္ဂ၊ ၅။ ပဉ္စမ သိက္ခာပုစ္ဆာ

ပုစ္ဆာ – ကုလံ ¶ အာဝုသော မစ္ဆရာယန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အညတရံ ဘိက္ခုနိံ အာရဗ္ဘ ပညတ္တံ၊ အညတရာ ဘန္တေ ဘိက္ခုနီ ကုလံ မစ္ဆရာယိ၊ တသ္မိံ ဘန္တေ ဝတ္ထုသ္မိံ ပညတ္တံ။

၆။ အာရာမဝဂ္ဂ၊ ၆။ ဆဋ္ဌ သိက္ခာပုစ္ဆာ

ပုစ္ဆာ – အဘိက္ခုကေ ¶ အာဝုသော အာဝါသေ ဝဿံ ဝသန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလာ ဘိက္ခုနိယော အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခုနိယော အဘိက္ခုကေ အာဝါသေ ဝဿံ ဝသိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၆။ အာရာမဝဂ္ဂ၊ ၇။ သတ္တမ သိက္ခာပုစ္ဆာ

ပုစ္ဆာ – ဝဿံ ¶ ဝုဋ္ဌာယ အာဝုသော ဘိက္ခုနိယာ ဥဘတောသင်္ဃေ တီဟိ ဌာနေဟိ န ပဝါရေန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလာ ဘိက္ခုနိယော အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခုနိယော ဝဿံ ဝုဋ္ဌာ ဘိက္ခုသင်္ဃံ န ပဝါရေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

၆။ အာရာမဝဂ္ဂ၊ ၈။ အဋ္ဌမ သိက္ခာပုစ္ဆာ

ပုစ္ဆာ – ဩဝါဒါယ ဝါ အာဝုသော သံဝါသာယ ဝါ နဂစ္ဆန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သက္ကေသု ဘန္တေ ဆဗ္ဗဂ္ဂိယာ ဘိက္ခုနိယော အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခုနိယော ဩဝါဒံ နဂစ္ဆိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၆။ အာရာမဝဂ္ဂ၊ ၉။ နဝမ သိက္ခာပုစ္ဆာ

ပုစ္ဆာ – ဥပေါသထမ္ပိ ¶ အာဝုသော န ပုစ္ဆန္တိယာ ဩဝါဒမ္ပိ န ယာစန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလာ ဘိက္ခုနိယော အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခုနိယော ဥပေါသထံ န ပုစ္ဆိံသု၊ ဩဝါဒမ္ပိ န ယာစိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၇။ ဂဗ္ဘိနီဝဂ္ဂ၊ ၁-၂။ ပဌမ၊ ဒုတိယ သိက္ခာပုစ္ဆာ

ပုစ္ဆာ – ဂဗ္ဘိနိံ ဝါ အာဝုသော ပါယန္တိံ ဝါ ဝုဋ္ဌာပေန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ¶ ဘန္တေ သမ္ဗဟုလာ ဘိက္ခုနိယော အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခုနိယော ဂဗ္ဘိနိံ ဝုဋ္ဌာပေသုံ၊ ပါယန္တိံ ဝုဋ္ဌာပေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

၇။ ဂဗ္ဘိနီဝဂ္ဂ၊ ၃။ တတိယ သိက္ခာပုစ္ဆာ

ပုစ္ဆာ – ဒွေ ဝဿာနိ အာဝုသော ဆသု ဓမ္မေသု အသိက္ခိတသိက္ခံ သိက္ခမာနံ ဝုဋ္ဌာပေန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလာ ဘိက္ခုနိယော အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခုနိယော ဒွေ ဝဿာနိ ဆသု ဓမ္မေသု အသိက္ခိတသိက္ခံ သိက္ခမာနံ ဝုဋ္ဌာပေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

၈။ ကုမာရီဘူတဝဂ္ဂ၊ ၉။ နဝမ သိက္ခာပုစ္ဆာ

ပုစ္ဆာ – ပုရိသသံသဋ္ဌံ ¶ အာဝုသော ကုမာရကသံသဋ္ဌံ စဏ္ဍိံ သောကာဝါသံ သိက္ခမာနံ ဝုဋ္ဌာပေန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ထုလ္လနန္ဒံ ဘိက္ခုနိံ အာရဗ္ဘ ပညတ္တံ၊ ထုလ္လနန္ဒာ ဘန္တေ ဘိက္ခုနီ ပုရိသသံသဋ္ဌံ ကုမာရကသံသဋ္ဌံ စဏ္ဍိံ သောကာဝါသံ စဏ္ဍကာဠိံ သေက္ခမာနံ ဝုဋ္ဌာပေသိ၊ တသ္မိံ ဘန္တေ ဝတ္ထုသ္မိံ ပညတ္တံ။

၈။ ကုမာရီဘူတဝဂ္ဂ၊ ၁၀။ ဒသမ သိက္ခာပုစ္ဆာ

ပုစ္ဆာ – မာတာပိတူဟိ ¶ ဝါ အာဝုသော သာမိကေန ဝါ အနနုညာတံ သိက္ခမာနံ ဝုဋ္ဌာပေန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ထုလ္လနန္ဒံ ဘိက္ခုနိံ အာရဗ္ဘ ပညတ္တံ၊ ထုလ္လနန္ဒာ ဘန္တေ ဘိက္ခုနီ မာတာပိတူဟိပိ သာမိကေနပိ အနနုညာတံ သိက္ခမာနံ ဝုဋ္ဌာပေသိ၊ တသ္မိံ ဘန္တေ ဝတ္ထုသ္မိံ ပညတ္တံ။

၉။ ဆတ္တုပါဟနဝဂ္ဂ၊ ၁-၂။ ပဌမ၊ ဒုတိယ သိက္ခာပုစ္ဆာ

ပုစ္ဆာ – ဆတ္တုပါဟနံ အာဝုသော ဓာရေန္တိယာ စ ယာနေန ယာယန္တိယာ စ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယာ ဘိက္ခုနိယော အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခုနိယော ဆတ္တုပါဟနံ ဓာရေသုံ၊ ယာနေန ယာယိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၉။ ဆတ္တုပါဟနဝဂ္ဂ၊ ၄။ စတုတ္ထ သိက္ခာပုစ္ဆာ

ပုစ္ဆာ – ဣတ္ထာလင်္ကာရံ ¶ အာဝုသော ဓာရေန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယာ ဘိက္ခုနိယော အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခုနိယော ဣတ္ထာလင်္ကာရံ ဓာရေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ဘိက္ခု ပန အာဝုသော ပုရိသာလင်္ကာရံ ဓာရေန္တော ကိံ နာမ အာပတ္တိံ အာပဇ္ဇေယျ။

ဝိဿဇ္ဇနာ – ဒုက္ကဋံ ဘန္တေ အာပတ္တိံ အာပဇ္ဇေယျ။

၉။ ဆတ္တုပါဟနဝဂ္ဂ၊ ၅။ ပဉ္စမ သိက္ခာပုစ္ဆာ

ပုစ္ဆာ – ဂန္ဓဝဏ္ဏကေန ¶ အာဝုသော နဟာယန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယာ ဘိက္ခုနိယော အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခုနိယော ဂန္ဓဝဏ္ဏကေန နဟာယိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၉။ ဆတ္တုပါဟနဝဂ္ဂ၊ ၁၁။ ဧကာဒသမ သိက္ခာပုစ္ဆာ

ပုစ္ဆာ – ဘိက္ခုဿ အာဝုသော ပုရတော အနာပုစ္ဆာ အာသနေ နိသီဒန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလာ ဘိက္ခုနိယော အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခုနိယော ဘိက္ခုဿ ပုရတော အနာပုစ္ဆာ အာသနေ နိသီဒိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

၉။ ဆတ္တုပါဟနဝဂ္ဂ၊ ၁၂။ ဒွါဒသမ သိက္ခာပုစ္ဆာ

ပုစ္ဆာ – အနောကာသကတံ ¶ အာဝုသော ဘိက္ခုံ ပဉှံ ပုစ္ဆန္တိယာ ပါစိတ္တိယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလာ ဘိက္ခုနိယော အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခုနိယော အနောကာသကတံ ဘိက္ခုံ ပဉှံ ပုစ္ဆိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – သပ္ပိံ ဝါ အာဝုသော တေလံ ဝါ မဓုံ ဝါ ဖာဏိတံ ဝါ မစ္ဆံ ဝါ မံသံ ဝါ ခီရံ ဝါ ဒဓိံ ဝါ ဝိညာပေတွာ ဘုဉ္ဇန္တိယာ ပါဋိဒေသနီယံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယာ ဘိက္ခုနိယော အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခုနိယော သပ္ပိမ္ပိ တေလမ္ပိ မဓုမ္ပိ ဖာဏိတမ္ပိ မစ္ဆမ္ပိ မံသမ္ပိ ခီရမ္ပိ ဒဓိမ္ပိ ဝိညာပေတွာ ဘုဉ္ဇိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – စတုန္နံ ¶ အာဝုသော ဝိပတ္တီနံ ကတမာ ဝိပတ္တိ။

ဝိဿဇ္ဇနာ – အာစာရဝိပတ္တိ ဘန္တေ။

ပုစ္ဆာ – ဆန္နံ အာဝုသော အာပတ္တိသမုဋ္ဌာနာနံ ကတိဟိ သမုဋ္ဌာနေဟိ သမုဋ္ဌာတိ။

ဝိဿဇ္ဇနာ – စတူဟိ ဘန္တေ သမုဋ္ဌာနေဟိ သမုဋ္ဌာတိ၊ သိယာ ကာယတော သမုဋ္ဌာတိ၊ နဝါစတော နစိတ္တတော၊ သိယာ ကာယတော စ ဝါစတော စ သမုဋ္ဌာတိ၊ နစိတ္တတော၊ သိယာ ကာယတော စ စိတ္တတော စ သမုဋ္ဌာတိ၊ နဝါစတော၊ သိယာ ကာယတော စ ဝါစတော စ စိတ္တတော စ သမုဋ္ဌာတိ၊ ဣမေဟိ ဘန္တေ စတူဟိ သမုဋ္ဌာနေဟိ သမုဋ္ဌာတိ။

ပုစ္ဆာ – ကာ ¶ အာဝုသော ဝိပတ္တိ။

ဝိဿဇ္ဇနာ – အသံဝရော ဘန္တေ ဝိပတ္တိ။

ပုစ္ဆာ – ကာ အာဝုသော သမ္ပတ္တိ။

ဝိဿဇ္ဇနာ – သံဝရော ဘန္တေ သမ္ပတ္တိ။

ပုစ္ဆာ – ကာ ¶ အာဝုသော ပဋိပတ္တိ။

ဝိဿဇ္ဇနာ – ဘဂဝတော ဘန္တေ ဝစနံ အရဟတော သမ္မာသမ္ဗုဒ္ဓဿ။

ဝိဿဇ္ဇနာ – ပရမ္ပရာယ ဘန္တေ အာဘတံ။

သုဏာတု မေ ဘန္တေ သင်္ဃော…ပေ… သံဂါယေယျာမ။

ပုစ္ဆာ – ဥဘတော ¶ ဝိဘင်္ဂါနန္တရံ အာဝုသော ပေါရာဏကေဟိ သံဂီတိကာရမဟာထေရေဟိ ကံ နာမ ပါဝစနံ သံဂီတံ။

ဝိဿဇ္ဇနာ – ဥဘတော ဝိဘင်္ဂါနန္တရံ ဘန္တေ ပေါရာဏကေဟိ သံဂီတိကာရမဟာထေရေဟိ ခန္ဓကာ သံဂီတာ။

ပုစ္ဆာ – တေ ပန အာဝုသော ခန္ဓကာ ဝဂ္ဂဘေဒေန ကတိဝိဓာ။

ဝိဿဇ္ဇနာ – တေ ¶ ပန ဘန္တေ ခန္ဓကာ ဒုဝိဓာ ဝဂ္ဂဘေဒေန မဟာဝဂ္ဂေါ စူဠဝဂ္ဂေါတိ။

ပုစ္ဆာ – မဟာဝဂ္ဂေ အာဝုသော ကတိ ခန္ဓကာ ပရိယာပန္နာ။

ဝိဿဇ္ဇနာ – မဟာဝဂ္ဂေ ဘန္တေ ဒသခန္ဓကာ ပရိယာပန္နာ၊ သေယျထိဒံ၊ မဟာခန္ဓကော ဥပေါသထက္ခန္ဓကော ဝဿူပနာယိကက္ခန္ဓကော ပဝါရဏာက္ခန္ဓကော စမ္မက္ခန္ဓကော ဘေသဇ္ဇက္ခန္ဓကော ကထိနက္ခန္ဓကော စီဝရက္ခန္ဓကော စမ္ပေယျက္ခန္ဓကော ကောသမ္ဗကက္ခန္ဓကောတိ။

ပုစ္ဆာ – မဟာခန္ဓကေ အာဝုသော ဗဟူ ကထာယော၊ ကတမာ တာသံ အာဒိကထာ။

ဝိဿဇ္ဇနာ – မဟာခန္ဓကေ ဘန္တေ ဗောဓိကထာ အာဒိ။

ပုစ္ဆာ – တသ္မာတိဟ ¶ အာဝုသော တတော ပဋ္ဌာယ တံ ပုစ္ဆိဿာမိ၊ ဘဂဝါ အာဝုသော ပဌမာဘိသမ္ဗုဒ္ဓကာလေ ကတ္ထ ကီဝစီရံ ကေနာကာရေန ဝိဟာသိ။

ဝိဿဇ္ဇနာ – ဘဂဝါ ဘန္တေ ပဌမာဘိသမ္ဗုဒ္ဓါ ဗောဓိရုက္ခမူလေ သတ္တာဟံ ဧကပလ္လင်္ကေန ဝိဟာသိ ဝိမုတ္တိသုခံ ပဋိသံဝေဒီ။

ပုစ္ဆာ – တဒါ အာဝုသော ဘဂဝါ ကီဒိသံ ဓမ္မံ မနသိကတွာ ကီဒိသံ ဥဒါနံ ဥဒါနေသိ။

ဝိဿဇ္ဇနာ – တဒါ ဘန္တေ ဘဂဝါ ရတ္တိယာ ပဌမံ ယာမံ ရတ္တိယာ မဇ္ဈိမံ ယာမံ ရတ္တိယာ ပစ္ဆိမံ ယာမံ ပဋိစ္စသမုပ္ပာဒံ အနုလောမံ ပဋိလောမံ မနသိကတွာ တီဏိ ဥဒါနာနိ ဥဒါနေသိ။

ပုစ္ဆာ – တဿ ¶ အာဝုသော သတ္တာဟဿ အစ္စယေန ဘဂဝါ ကတ္ထ ဝိဟာသိ။

ဝိဿဇ္ဇနာ – တဿ ဘန္တေ သတ္တာဟဿ အစ္စယေန ဘဂဝါ အဇပါလ နိဂြောဓမူလေ ဝိဟာသိ၊ သတ္တာဟံ ဧကပလ္လင်္ကေန ဝိဟာသိ ဝိမုတ္တိသုခံ ပဋိသံဝေဒီ။

ပုစ္ဆာ – တဿပိ အာဝုသော သတ္တာဟဿ အစ္စယေန ဘဂဝါ ကတ္ထ ဝိဟာသိ။

ဝိဿဇ္ဇနာ – တဿ ¶ ဘန္တေ သတ္တာဟဿ အစ္စယေန ဘဂဝါ မုစလိန္ဒမူလေ သတ္တာဟံ ဧကပလ္လင်္ကေန နိသီဒိ။

ပုစ္ဆာ – တဿပိ အာဝုသော သတ္တာဟဿ အစ္စယေန ဘဂဝါ ကတ္ထ ဝိဟာသိ။

ဝိဿဇ္ဇနာ – တဿပိ ဘန္တေ သတ္တာဟဿ အစ္စယေန ဘဂဝါ ရာဇာယတနမူလေ သတ္တာဟံ ဧကပလ္လင်္ကေန နိသီဒိ ဝိမုတ္တိသုခံ ပဋိသံဝေဒီ။

ပုစ္ဆာ – တဿပိ ¶ အာဝုသော သတ္တာဟဿ အစ္စယေန ဘဂဝါ ကတ္ထ ဝိဟာသိ။

ဝိဿဇ္ဇနာ – တဿ ဘန္တေ သတ္တာဟဿ အစ္စယေန ဘဂဝါ ပုနဒေဝ အဇပါလနိဂြောဓမူလေ ဝိဟာသိ။

ပုစ္ဆာ – တသ္မိံ ပန အာဝုသော အဇပါလနိဂြောဓေ ဝိဟရန္တဿ ဘဂဝတော ကထံ စေတသော ပရိဝိတက္ကော ဥဒပါဒိ။

ဝိဿဇ္ဇနာ – တသ္မိံ ပန ဘန္တေ အဇပါလနိဂြောဓေ ဝိဟရန္တဿ ဘဂဝတော ရဟောဂတဿ ပဋိသလ္လီနဿ ဓမ္မဂမ္ဘီရတာပဋိသံယုတ္တော စေတသော ပရိဝိတက္ကော ဥဒပါဒိ။

အဓိဂတော ခေါ မျာယံ ဓမ္မော ဂမ္ဘီရော ဒုဒ္ဒသော အရနုဗောဓော သန္တော ပဏီတော အတက္ကာဝစရာ နိပုဏော ပဏ္ဍိတဝေဒနီယော။

အာလယရာမာခေါ ¶ ပနာယံ ပဇာ အာလယရတာ အာလယသမ္မုဒိတာ၊

ပုစ္ဆာ – ကထံ အာဝုသော တဒါ ဓမ္မဒေသနာယ ဗြဟ္မယာစနာ စ ဘဂဝတော ပဋိညာစ အဟောသိ။

ဝိဿဇ္ဇနာ – ဒေသေတု ဘန္တေ ဘဂဝါ ဓမ္မံ၊ ဒေသေတု သုဂတော ဓမ္မံ၊ သန္တိ သတ္တာ အပ္ပရဇက္ခဇာတိကာ အဿဝနတာ ဓမ္မဿ ပရိဟာယန္တိ၊ ဘဝိဿန္တိ ဓမ္မဿ အညာတာရောတိ ဣတိ ဘန္တေ ဗြဟ္မုနော ဓမ္မဒေသနာယ ယာစနာ အဟောသိ၊

ယေ သောတဝန္တော ပမုဉ္စန္တု သဒ္ဓံ၊

ဓမ္မံ ပဏီတံ မနုဇေသု ဗြဟ္မေ’’တိ။

ဧဝံ ခေါ ဘန္တေ ဘဂဝတော ဓမ္မဒေသနာယ ပဋိညာ စ အဟောသိ။

ယေ သောတဝန္တော ပမုဉ္စန္တု သဒ္ဓံ။

ပုစ္ဆာ – ဧဝံ ¶ ခေါ အာဝုသော ဘဂဝါ ဓမ္မဒေသနာယ ပဋိညံ ကတွာ ပဌမံ ဓမ္မံ ဒေသေန္တော ကတ္ထ ကီဒိသံ ဓမ္မံ ကဿ ဒေသေသိ။

ဝိဿဇ္ဇနာ – ဗာရာဏသိယံ ဘန္တေ ဣသိပတနေ မိဂဒါယေ ပဉ္စဝဂ္ဂိယ ဘိက္ခုပမုခါနံ ဗြဟ္မဂဏာနံ ဓမ္မစက္ကပဝတ္တနသုတ္တံ ဒေသေသိ။

ပုစ္ဆာ – တသ္မိံ ¶ ခေါ ပန အာဝုသော ဓမ္မစက္ကပဝတ္တနသုတ္တေ ဒေသိယမာနေ မနုဿလောကေ ကဿ ဓမ္မာဘိသမယော အဟောသိ။

ဝိဿဇ္ဇနာ – အာယသ္မတော ဘန္တေ ကောဏ္ဍညဿ ဓမ္မာဘိသမယော အဟောသိ။

ပုစ္ဆာ – ကထံ နု ခေါ အာဝုသော ဣမသ္မိံ ဗုဒ္ဓသာသနေ ပဌမံ ပဗ္ဗဇ္ဇာ စ ဥပသမ္ပဒါ စ အဟောသိ။

ဝိဿဇ္ဇနာ – ဣမသ္မိံ ဘန္တေ ဗုဒ္ဓသာသနေ ပဌမံ ဧဟိဘိက္ခုပသမ္ပဒါ အဟောသိ။

လဘေယျာဟံ ¶ ဘန္တေ ဘဂဝတော သန္တိကေ ပဗ္ဗဇံ၊ လဘေယျံ ဥပသမ္ပဒံ။

ဧဟိ ဘိက္ခု သွာခါတော ဓမ္မော၊ စရ ဗြဟ္မစရိယံ သမ္မာ ဒုက္ခဿ အန္တကိရိယာယ။

ပုစ္ဆာ – ဣတရေသံ ပန အာဝုသော စတုန္နံ ပဉ္စဝဂ္ဂိယာနံ ကဒါ ဓမ္မာဘိသမယော အဟောသိ။

ဝိဿဇ္ဇနာ – ပါဋိပဒေ ဘန္တေ ဒိဝသေ အာယသ္မတော ဝပ္ပဿ၊ ဒုတိယေ ဘန္တေ ဒိဝသေ အာယသ္မတော ဘဒ္ဒိယဿ၊ တတိယေ ဘန္တေ ဒိဝသေ အာယသ္မတော မဟာနာမဿ၊ စတုတ္ထေ ဘန္တေ ဒိဝသေ အာယသ္မတော အဿဇိဿ ဓမ္မာဘိသမယော အဟောသိ။

ပုစ္ဆာ – သဗ္ဗေသမ္ပိ ¶ အာဝုသော တေသံ ပဉ္စဝဂ္ဂိယာနံ ဘိက္ခူနံ ကဒါ အရဟတ္တပတ္တိ ဟောတိ။

ဝိဿဇ္ဇနာ – သဗ္ဗေသမ္ပိ ဘန္တေ တေသံ ပဉ္စဝဂ္ဂိယာနံ ဘိက္ခူနံ ပက္ခဿ ပဉ္စမိယံ အနတ္တလက္ခဏသုတ္တေ ဒေသိယမာနေ အရဟတ္တပတ္တိ ဟောတိ။

ပုစ္ဆာ – ကဒါ အာဝုသော ဘဂဝတာ ဘိက္ခူ တတ္ထ တတ္ထ စာရိကံ စရိတွာ ဓမ္မဒေသနတ္ထာယ ပေသိတာ။

ဝိဿဇ္ဇနာ – ယသပ္ပမုခါနံ ဘန္တေ စတုပညာသ သဟာယကာနံ ပဗ္ဗဇိတကာလေ ဘဂဝတာ ဘိက္ခူ တတ္ထ တတ္ထ စာရိကံ စရိတွာ ဓမ္မဒေသနတ္ထာယ ပေသိတာ။

ပုစ္ဆာ – ကဒါ ¶ အာဝုသော ဘဂဝတာ တီဟိ သရဏဂမနေဟိ ပဗ္ဗဇ္ဇူပ သမ္ပဒါ အနုညာတော အဟောသိ။

ဝိဿဇ္ဇနာ – ယသပ္ပမုခါနံ ဘန္တေ စတုပညာသာယ ဂိဟိ သဟာယကာနံ ပဗ္ဗဇိတွာ တတ္ထ တတ္ထ စာရိကံ စရိတွာ ဓမ္မဒေသနတ္ထာယ ပေသိတကာလေ ဘဂဝတာ တီဟိ သရဏဂမနေဟိ ပဗ္ဗဇ္ဇာ စ ဥပသမ္ပဒါ စ အနုညာတာ။

အနုဇာနာမိ ¶ ဘိက္ခဝေ တုမှေဝ ဒါနိ တာသု တာသု ဒိသာသု တေသု တေသု ဇနပဒေသု ပဗ္ဗာဇေထ ဥပသမ္ပာဒေထ။

ပုစ္ဆာ – ဘဂဝတာ အာဝုသော ဘိက္ခူနံ အာရာမော ပဋိဂ္ဂဏှိတုံ ကတ္ထ ကိသ္မိံ ဝတ္ထုသ္မိံ အနုညာတော။

ဝိဿဇ္ဇနာ – ဘဂဝတာ ဘန္တေ ဘိက္ခူနံ အာရာမံ ပဋိဂ္ဂဏှိတုံ ရာဇဂဟေ အနုညာတော၊ ရာဇာ ဘန္တေ မာဂဓော သေနိယော ဗိမ္ဗိသာရော ဗုဒ္ဓပ္ပမုခဿ ဘိက္ခုသင်္ဃဿ ဝေဠုဝနံ ဥယျာနံ အဒါသိ၊ တသ္မိံ ဘန္တေ ဝတ္ထုသ္မိံ အနုညာတော။

ဧတာဟံ ¶ ဘန္တေ ဝေဠုဝနံ ဥယျာနံ ဗုဒ္ဓပ္ပမုခဿ ဘိက္ခုသင်္ဃဿ ဒမ္မိ –

ပုစ္ဆာ – ကထဉ္စ ¶ အာဝုသော ဒွိန္နံ အဂ္ဂသာဝကာနံ ပဗ္ဗဇ္ဇူပသမ္ပဒါ အဟောသိ။

ဝိဿဇ္ဇနာ – ဒွိန္နံ ဘန္တေ အဂ္ဂသာဝကာနံ ဧဟိ ဘိက္ခုပသမ္ပဒါ အဟောသိ။

ဝိပ္ပသန္နာနိ ¶ ခေါ တေ အာဝုသော ဣန္ဒြိယာနိ။

ကံသိ တွံ အာဝုသော ဥဒ္ဒိဿ ပဗ္ဗဇိတော။

အတ္ထာဝုသော မဟာသမဏော သကျပုတ္တော သကျကုလာ ပဗ္ဗဇိတော။

ကိံ ဝါဒီ ပနာယသ္မတော သတ္ထာ ကိမက္ခာယီ။

ယေ ¶ ဓမ္မာ ဟေတုပ္ပဘဝါ၊ တေသံ ဟေတုံ တထာဂတော၊

အာဟ တေသဉ္စ ယော နိရောဓော၊ ဧဝံ ဝါဒီ မဟာသမဏော။

ဧတေ ဘိက္ခဝေ ဒွေ သဟာယကာ အာဂစ္ဆန္တိ ကောလိတော ဥပတိဿော စ ဧတံ မေ သာဝကယုဂံ ဘဝိဿတိ အဂ္ဂံ ဘဒ္ဒယုဂံ။

လဘေယျာမ ¶ မယံ ဘန္တေ ဘဂဝတော သန္တိကေ ပဗ္ဗဇ္ဇံ လဘေယျာမ ဥပသမ္ပဒံ။

ဧထ ဘိက္ခဝေါ သွာခါတော ဓမ္မော၊ စရထ ဗြဟ္မစရိယံ သမ္မာ ဒုက္ခဿ အန္တကိရိယာယ။

ပုစ္ဆာ – ဥပဇ္ဈာယော အာဝုသော ဂဏှိတုံ ဘဂဝတာ ကတ္ထ အနုညာတော၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတော။

ဝိဿဇ္ဇနာ – ရာဇဂဟေ ဘန္တေ သမ္ဗဟုလေ ဘိက္ခူ အာရဗ္ဘ အနုညာတော၊ သမ္ဗဟုလာ ဘန္တေ ဘိက္ခူ အနုပဇ္ဈာယကာ အနာစရိယကာ အနောဝဒိယမာနာ အနနုသာသိယမာနာ ဒုန္နိဝတ္ထာ ဒုပ္ပာရုတာ အနောကပ္ပသမ္ပန္နာ ပိဏ္ဍာယ စရိံသု၊ တသ္မိံ ဘန္တေ ဝတ္ထုသ္မိံ အနုညာတော။

ပုစ္ဆာ – ဥပဇ္ဈာယမှိ အာဝုသော န သမ္မာဝတ္တန္တဿ ဒုက္ကဋံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ¶ ဘန္တေ သမ္ဗဟုလေ သဒ္ဓိဝိဟာရိကေ အာရဗ္ဘ ပညတ္တံ၊ သမ္ဗဟုလာ ဘန္တေ သဒ္ဓိဝိဟာရိကာ ဥပဇ္ဈာယမှိ န သမ္မာဝတ္တိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ကဒါ အာဝုသော ဘဂဝတာ တီဟိ သရဏဂမနေဟိ ဥပသမ္ပဒံ ပဋိက္ခိပိတွာ ဉာတိစတုတ္ထေန ကမ္မေန ဥပသမ္ပဒါ အနုညာတာ။

ဝိဿဇ္ဇနာ – ရာဓဗြာဟ္မဏဿ ဘန္တေ ပဗ္ဗဇိတကာလေ ဘဂဝတာ တီဟိ သရဏဂမနေဟိ ဥပသမ္ပဒံ ပဋိက္ခိပိတွာ ဉာတ္တိစတုတ္ထေန ကမ္မေန ဥပသမ္ပဒါ အနုညာတာ။

ကောနု ¶ ခေါ ဘိက္ခဝေ တဿ ဗြာဟ္မဏဿ အဓိကာရံ သရတိ။

အဟံ ခေါ ဘန္တေ တဿ ဗြာဟ္မဏဿ အဓိကာရံ သရာမိ။

သာဓု သာဓု သာရိပုတ္တ၊ ကတညုနော ဟိ သာရိပုတ္တ သပ္ပုရိသာ ကတဝေဒိနော။

ကထာဟံ ဘန္တေ တံ ဗြာဟ္မဏံ ဥပသမ္ပာဒေမိ။

ယာသာ ¶ ဘိက္ခဝေ မယာ တီဟိ သရဏဂမနေဟိ ဥပသမ္ပဒါအနုညာတာ၊ တံ အဇ္ဇတဂ္ဂေ ပဋိက္ခိပါမိ။

အနုဇာနာမိ ဘိက္ခဝေ ဉာတ္တိစတုတ္ထေန ကမ္မေန ဥပသမ္ပာဒေတုံ။

ပုစ္ဆာ – အယာစိတကံ အာဝုသော ဥပသမ္ပဒါပေက္ခံ ဥပသမ္ပာဒေန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ အညတရံ ဘိက္ခုံ အာရဗ္ဘ ပညတ္တံ၊ အညတရော ဘန္တေ ဘိက္ခု ဥပသမ္ပန္နသမနန္တရံ အနာစာရံ အစရိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – စတုန္နံ ¶ အာဝုသော နိဿယာနံ အာစိက္ခဏာ ဘဂဝတာ ကတ္ထ အနုညာတာ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတာ။

ဝိဿဇ္ဇနာ – ရာဇဂဟေ ဘန္တေ အညတရံ ဘိက္ခုံ အာရဗ္ဘ အနုညာတာ၊ အညတရော ဘန္တေ ဘိက္ခု ဥဒရဿ ကာရဏာ ပဗ္ဗဇိ၊ တသ္မိံ ဘန္တေ ဝတ္ထုသ္မိံ အနုညာတာ။

ဧဟိ ¶ ဒါနိ အာဝုသော ပိဏ္ဍာယ စရိဿာမ။

ကထဉှိ နာမ ဘိက္ခု ဧဝံ သွာက္ခာတေ ဓမ္မဝိနယေ ဥဒရဿ ကာရဏာ ပဗ္ဗဇိဿတိ။

ပုစ္ဆာ – ဦနဒသဝဿေန ¶ အာဝုသော ဥပသမ္ပာဒေန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ အာယသ္မန္တံ ဥပသေနံ ဝင်္ဂန္တပုတ္တံ အာရဗ္ဘ ပညတ္တံ၊ အာယသ္မာ ဘန္တေ ဥပသေနော ဝင်္ဂန္တပုတ္တော ဧကဝဿော သဒ္ဓိဝိဟာရိကံ ဥပသမ္ပာဒေသိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ဗာလေန ¶ အာဝုသော အဗျတ္တေန ဥပသမ္ပာဒေန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ ‘‘ဒသဝဿမှာ ဒသဝဿမှာ’’တိ ဗာလာ အဗျတ္တာ ဥပသမ္ပာဒေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – အာစရိယော ¶ အာဝုသော ဂဏှိတုံ ဘဂဝတာ ကတ္ထ အနုညာတော၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတော။

ဝိဿဇ္ဇနာ – ရာဇဂဟေ ဘန္တေ သမ္ဗဟုလေ ဘိက္ခူ အာရဗ္ဘ အနုညာတော၊ သမ္ဗဟုလာ ဘန္တေ ဘိက္ခူ ဥပဇ္ဈာယေသု ပက္ကန္တေသုပိ ဝိဗ္ဘန္တေသုပိ ကာလင်္ကတေသုပိ ပက္ခသင်္ကန္တေသုပိ အနာစရိယကာ အနောဝဒိယမာနာ အနနုသာသိယမာနာ ဒုန္နိဝတ္ထာ ဒုပ္ပာရုတာ အနာကပ္ပသမ္ပန္နာ ပိဏ္ဍာယ စရိံသု၊ တသ္မိံ ဘန္တေ ဝတ္ထုသ္မိံ အနုညာတော။

ပုစ္ဆာ – ပဉ္စဟိ ¶ အာဝုသော အာဗာဓေဟိ ဖုဋ္ဌံ ပဗ္ဗာဇေန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ ပဉ္စဟိ အာဗာဓေဟိ ဖုဋ္ဌံ ပဗ္ဗာဇေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

သာဓု ¶ ဘန္တေ အယျာ ပဉ္စဟိ အာဗာဓေဟိ ဖုဋ္ဌံ န ပဗ္ဗာဇေယျုံ…

ပုစ္ဆာ – ရာဇဘဋံ အာဝုသော ပဗ္ဗာဇေန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ ရာဇဘဋေ ပဗ္ဗာဇေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ဓဇဗန္ဓံ ¶ အာဝုသော စောရံ ပဗ္ဗာဇေန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေယေဝ ဘန္တေ အင်္ဂုလိမာလံ စောရံ အာရဗ္ဘ ပညတ္တံ၊ အင်္ဂုလိမာလော ဘန္တေ စောရော ဘိက္ခူသု ပဗ္ဗဇိတော ဟောတိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ကာရဘေဒကံ အာဝုသော စောရံ ပဗ္ဗာဇေန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေယေဝ ¶ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ ကာရဘေဒကစောရံ ပဗ္ဗာဇေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ဣဏာယိကံ အာဝုသော ပဗ္ဗာဇေန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေယေဝ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ ဣဏာယိကံ ပဗ္ဗာဇေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ဒါသံ ¶ အာဝုသော ပဗ္ဗဇေန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေယေဝ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ ဒါသံ ပဗ္ဗာဇေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ဘဏ္ဍုကမ္မာယ အာဝုသော အပလောကနံ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – ရာဇဂဟေယေဝ ဘန္တေ အညတရံ ကမ္မာရဘဏ္ဍုပုတ္တံ အာရဗ္ဘ အနုညာတံ အညတရော ဘန္တေ ကမ္မာရဘဏ္ဍုပုတ္တော မာတာပိတူဟိ သဒ္ဓိံ ဘဏ္ဍိတွာ ဘိက္ခူသု ပဗ္ဗဇိတော ဟောတိ၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – ဦနဝီသတိဝဿဿ ¶ အာဝုသော ပုဂ္ဂလဿ ဥပသမ္ပဒါ ဘဂဝတာ ကတ္ထ ပဋိက္ခိတ္တာ၊ ကံ အာရဗ္ဘ ကိသ္မိံ ဝတ္ထုသ္မိံ ပဋိက္ခိတ္တာ။

ဝိဿဇ္ဇနာ – ရာဇဂဟေ ¶ ဘန္တေ သမ္ဗဟုလေ ဘိက္ခူ အာရဗ္ဘ ပဋိက္ခိတ္တာ၊ သမ္ဗဟုလာ ဘန္တေ ဘိက္ခူ ဦနဝီသတိဝဿံ ပုဂ္ဂလံ ဥပသမ္ပာဒေသုံ၊ တသ္မိံ ဘန္တေ ဝတ္ထုသ္မိံ ပဋိက္ခိတ္တာ။

န ¶ ဘိက္ခဝေ ဇာနံ ဦနဝီသတိဝဿော ပုဂ္ဂလော ဥပသမ္ပာဒေတဗ္ဗော၊ ယောဥပသမ္ပာဒေယျ၊ ယထာဓမ္မော ကာရေတဗ္ဗော။

ပုစ္ဆာ – မာတာပိတူဟိ ¶ အာဝုသော အနနုညာတံ ပုတ္တံ ပဗ္ဗာဇေန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သက္ကေသု ဘန္တေ ပညတ္တံ၊ ရာဇာ ဘန္တေ သုဒ္ဓါဒနော ဘဂဝန္တံ ဥပသင်္ကမိတွာ ဝရံ ယာစိ၊ သာဓု ဘန္တေ အယျာအနနုညာတံ မာတာပိတူဟိ ပုတ္တံ ပဗ္ဗာဇေယျုန္တိ၊ တသ္မိံ ဘန္တေ ဝတ္ထုသ္မိံ ပညတ္တံ။

န ¶ ဘိက္ခဝေ အနနုညာတော မာတာပိတူဟိ ပုတ္တော ပဗ္ဗာဇေတဗ္ဗော၊ ယော ပဗ္ဗာဇေယျ၊ အာပတ္တိဒုက္ကဋဿ။

ပုစ္ဆာ – ထေယျသံဝါသကဿ အာဝုသော ဥပသမ္ပဒါ ဘဂဝတာ ကတ္ထ ပဋိက္ခိတ္တာ၊ ကံ အာရဗ္ဘ ကိသ္မိံ ဝတ္ထုသ္မိံ ပဋိက္ခိတ္တာ။

ဝိဿဇ္ဇနာ – သာဝတ္ထိယံ ဘန္တေ အညတရံ ပုရာဏကုလပုတ္တံ အာရဗ္ဘ ပဋိက္ခိတ္တာ၊ အညတရော ဘန္တေ ပုရာဏကုလပုတ္တော ခီဏ ကောလညော သာမံ ပတ္တစီဝရံ ပဋိယာဒေတွာ ကေသမဿုံ ဩဟာရေတွာ ¶ ကာသာယာနိ ဝတ္ထာနိ အစ္ဆာဒေတွာ အာရာမံ ဂန္တွာ ဘိက္ခူဟိ သဒ္ဓိံ သံဝသိ၊ ဘန္တေ ဝတ္ထုသ္မိံ ပဋိက္ခိတ္တာ။

ပုစ္ဆာ – တိရစ္ဆာနဂတဿ ¶ အာဝုသော ဥပသမ္ပဒါ ဘဂဝတာ ကတ္ထ ပဋိက္ခိတ္တာ၊ ကံ အာရဗ္ဘ ကိသ္မိံ ဝတ္ထုသ္မိံ ပဋိက္ခိတ္တာ။

ဝိဿဇ္ဇနာ – သာဝတ္ထိယံ ဘန္တေ အညတရံ နာဂံ အာရဗ္ဘ ပဋိက္ခိတ္တာ၊ အညတရော ဘန္တေ နာဂေါ မာဏဝကဝဏ္ဏေန ဘိက္ခူ ဥပသင်္ကမိတွာ ပဗ္ဗဇ္ဇံ ယာစိ၊ တံ ဘိက္ခူ ပဗ္ဗာဇေသုံ ဥပသမ္ပာဒေသုံ၊ တသ္မိံ ဘန္တေ ဝတ္ထုသ္မိံ ပဋိက္ခိတ္တာ။

ပုစ္ဆာ – မာတုဃာတကဿ ¶ စ အာဝုသော ပိတုဃာတကဿ စ ဥပသမ္ပဒါ ဘဂဝတာ ကတ္ထ ပဋိက္ခိတ္တာ၊ ကံ အာရဗ္ဘ ကိသ္မိံ ဝတ္ထုသ္မိံ ပဋိက္ခိတ္တာ။

ဝိဿဇ္ဇနာ – သာဝတ္ထိယံယေဝ ¶ ဘန္တေ အညတရံ မာဏဝကံ အာရဗ္ဘ ပဋိက္ခိတ္တာ၊ အညတရော စ ဘန္တေ မာဏဝကော အညတရော စ မာဏဝကော မာတရံ ဇီဝိတာ ဝေါရောပေသိ ပိတရံ ဇီဝိတာ ဝေါရောပေသိ၊ တသ္မိံ ဘန္တေ ဝတ္ထုသ္မိံ ပဋိက္ခိတ္တာ။

မာတုဃာတကော ¶ ဘိက္ခဝေ အနုပသမ္ပန္နော နဥပသမ္ပာဒေတဗ္ဗော၊ ဥပသမ္ပန္နော နာသေတဗ္ဗော၊ ပိတုဃာတကော ဘိက္ခဝေ အနုပသမ္ပန္နော နဥပသမ္ပာဒေတဗ္ဗော၊ ဥပသမ္ပန္နော နာသေတဗ္ဗော။

ပုစ္ဆာ – အပတ္တစီဝရကံ ဝါ အာဝုသော ယာစိတပတ္တစီဝရကံ ဝါ ဥပသမ္ပာဒေန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ အပတ္တစီဝရကံ ဥပသမ္ပာဒေသုံ၊ ယာစိတကေန ပတ္တစီဝရေန ဥပသမ္ပာဒေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ဥပသမ္ပဒံ ¶ ပုစ္ဆိဿံ၊ သနိဒါနံ သဥဒ္ဒေသံ။ သမုက္ကဋ္ဌပဒါနံ အာဝုသော ကတိ အာပတ္တိယော။

ဝိဿဇ္ဇနာ – ဥပသမ္ပဒံ ဝိဿဇ္ဇိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ ဘန္တေ ဒွေ အာပတ္တိယော။

ပုစ္ဆာ – စာတုဒ္ဒသေ ¶ စ အာဝုသော ပန္နရသေ စ ပက္ခဿ စ အဋ္ဌမိယာ သန္နိပတိတွာ ဓမ္မံ ဘာသိတုံ ဘဂဝတာ ကတ္ထ အနုညာတံ၊ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – ရာဇဂဟေ ဘန္တေ သမ္ဗဟုလေ ဘိက္ခူ အာရဗ္ဘ အနုညာတာ၊ သမ္ဗဟုလာ ဘန္တေ ဘိက္ခူ စာတုဒ္ဒေသ ပန္နရသေ အဋ္ဌမိယာ စ ပက္ခဿ သန္နိပတိတွာ တုဏှီ နိသီဒိံသု၊ တသ္မိံ ဘန္တေ ဝတ္ထုသ္မိံ အနုညာတာ။

အနုဇာနာမိ ¶ ဘိက္ခဝေ စာတုဒ္ဒသေ ပန္နရသေ အဋ္ဌမိယာ စ ပက္ခဿ သန္နိပတိတုံ။

နနု နာမ သန္နိပတိတေဟိ ဓမ္မော ဘာသိတဗ္ဗော။

ပုစ္ဆာ – ကဒါ အာဝုသော ဘိက္ခူနံ ပါတိမောက္ခုဒ္ဒေသော ဘဂဝတာ အနုညာတော။

ဝိဿဇ္ဇနာ – ယဒါ ဘန္တေ ဘဂဝတော ရဟောဂတဿ ပဋိသလ္လီနဿ ဧဝံ စေတသော ပရိဝိတက္ကော ဥဒပါဒိ ‘‘ယံနူနာဟံ ယာနိ မယာ ဘိက္ခူနံ ပညတ္တာနိ သိက္ခာပဒါနိ၊ တာနိ နေသံ ပါတိမောက္ခုဒ္ဒေသံ အနုဇာနေယျံ၊ သော နေသံ ဘဝိဿတိ ဥပေါသထကမ္မ’’န္တိ ¶ တဒါ ဘန္တေ ဘဂဝတာ ဘိက္ခူနံ ပါတိမောက္ခုဒ္ဒေသော အနုညာတော။

ပုစ္ဆာ – သီမံ အာဝုသော သမ္မနိတုံ ဘဂဝတာ ကတ္ထ အနုညာတံ၊ ကိသ္မိဉ္စ ဝတ္ထုသ္မိံ အနုညာတံ။

ဝိဿဇ္ဇနာ – ရာဇဂဟေ ဘန္တေ အနုညာတံ၊ ရာဇဂဟေ ဘန္တေ ဘဂဝတိ ဝိဟရတိ ဘိက္ခူနံ ဧတဒဟောသိ ‘‘ဘဂဝတာ ပညတ္တံ ဧတ္တာဝတာ သာမဂ္ဂီ၊ ယာဝတာ ဧကာဝါသောတိ ကိတ္တာဝတာနုခေါ ဧကာဝါသော ဟောတီ’’တိ၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – ကတိ ¶ အာဝုသော ဥပေါသထာ ဒိဝသဝသေန စ ကာရကပုဂ္ဂလဝသေန စ ကာတဗ္ဗာကာရဝသေန စ။

ဝိဿဇ္ဇနာ – ဒိဝသဝသေန ဘန္တေ တယော ဥပေါသထာ၊ ပုဂ္ဂလဝသေန စ ဘန္တေ တယော ဥပေါသထာ၊ ကာတဗ္ဗာကာရဝသေန စ ဘန္တေ တယော ဥပေါသထာ။

ပုစ္ဆာ – ကတိ ¶ အာဝုသော ဥပေါသထကမ္မာနိ တေသု စ ကီဒိသံ ဥပေါသထကမ္မံ ဘဂဝတာ အနုညာတံ၊ ကီဒိသံ အနနုညာတံ။

ဝိဿဇ္ဇနာ – စတ္တာရိမာနိ ဘန္တေ ဥပေါသထကမ္မာနိ၊ အဓမ္မေန ဝဂ္ဂံ ဥပေါသထကမ္မံ၊ အဓမ္မေန သမဂ္ဂံ ဥပေါသထကမ္မံ၊ ဓမ္မေန ဝဂ္ဂံ ဥပေါသထကမ္မံ၊ ဓမ္မေန သမဂ္ဂံ ဥပေါသထကမ္မံ။ တတြ ဘန္တေ ယဒိဒံ အဓမ္မေန ဝဂ္ဂံ ဥပေါသထကမ္မံ၊ အဓမ္မေန သမဂ္ဂံ ဥပေါသထကမ္မံ ဓမ္မေန ဝဂ္ဂံ ဥပေါသထကမ္မံ၊ ဧဝရူပံ ဘန္တေ ဥပေါသထကမ္မံ အနနုညာတံ၊ တတြ ဘန္တေ ယဒိဒံ ဓမ္မေန သမဂ္ဂံ ဥပေါသထကမ္မံ၊ ဧဝရူပံ ဘန္တေ ဥပေါသထကမ္မံ အနုညာတံ။

ပုစ္ဆာ – ဥပေါသထံ ¶ ပုစ္ဆိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ အာဝုသော ကတိ အာပတ္တိယော။

ဝိဿဇ္ဇနာ – ဥပေါသထံ ဝိဿဇ္ဇိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ ဘန္တေ တိဿော အာပတ္တိယော။

ပုစ္ဆာ – ဝဿူပနာယိကံ အာဝုသော ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ သမ္ဗဟုလာ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ ဟေမန္တမ္ပိ ဂိမှမ္ပိ ဝဿမ္ပိ စာရိကံ စရိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ကတိပနာဝုသော ဝဿူပနာယိကာ ဘဂဝတာ အနုညာတာ။

ဝိဿဇ္ဇနာ – ဒွေမာ ဘန္တေ ဝဿူပနာယိကာ ဘဂဝတာ အနုညာတာ ပုရိမိကာ ပစ္ဆိမိကာ၊ အပရဇ္ဇုဂတာယ ဘန္တေ အာသဠှိယာ ပုရိမိကာ ဥပဂန္တဗ္ဗာ၊ မာသဂတာယ ဘန္တေ အာသဠှိယာ ပစ္ဆိမိကာ ဥပဂန္တဗ္ဗာ၊ ဣမာ ခေါ ဘန္တေ ဒွေ ဝဿူပနာယိကာ ဘဂဝတာ အနုညာတာ။

ပုစ္ဆာ – ဝဿံ ¶ အာဝုသော ဥပဂန္တွာ ပုရိမံ ဝါ တေမာသံ ပစ္ဆိမံ ဝါ တေမာသံ အဝသိတွာ စာရိကံ ပက္ကမန္တဿ ဒုက္ကဋံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဝဿံ ဥပဂန္တွာ အန္တရာ ဝဿံ စာရိကံ ပက္ကမိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – သတ္တာဟ ကရဏီယေန အာဝုသော ပဟိတေ ဂန္တုံ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလေ ဘိက္ခူ အာရဗ္ဘ အနုညာတံ၊ သမ္ဗဟုလာ ဘန္တေ ဘိက္ခူ ဥဒေနေန ဥပါသကေန ပဟိတေ န ဂစ္ဆိံသု၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – သတ္တာဟကရဏီယေန ¶ အာဝုသော သတ္တန္နံ အပဟိတေပိ ဂန္တုံ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – သာဝတ္ထိယံ ဘန္တေ အညတရဿ ဘိက္ခုနော မာတုဂိလာန ဝတ္ထုသ္မိံ အနုညာတံ။

အနုဇာနာမိ ¶ ဘိက္ခဝေ သတ္တန္နံ သတ္တာဟကရဏီယေန အပဟိတေပိ ဂန္တုံ၊ ပဂေဝ ပဟိတေ။

ပုစ္ဆာ – ကိသ္မိံစိ အာဝုသော အန္တရာယေ သတိ အန္တောဝဿံ ပက္ကမိတုံ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလေ ဘိက္ခူ အာရဗ္ဘ အနုညာတံ၊ သမ္ဗဟုလာ ဘန္တေ ဘိက္ခူ ကောသလေသု ဇနပဒေသု ဝဿံ ဥပဂစ္ဆိံသု၊ တေ ဝဿူပဂတာ ဝါဠေဟိ ဥဗ္ဗာဠှာ အဟေသုံ၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – ရုက္ခ ¶ သုသိရေ ဝါ အာဝုသော ရုက္ခဝိဋဘိယာ ဝါ အဇ္ဈောကာသေ ဝါ ဝဿံ ဥပဂစ္ဆန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ ရုက္ခသုသိရေပိ ရုက္ခဝိဋဘိယာပိ အဇ္ဈောကာသေပိ ဝဿံ ဥပဂစ္ဆိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – အသေနာသနိကေန ¶ အာဝုသော ဝဿံ ဥပဂစ္ဆန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – တသ္မိံယေဝ ဘန္တေ သာဝတ္ထိယံ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ အသေနာသနိကာ ဝဿံ ဥပဂစ္ဆိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ဆဝကုဋိကာယ ဝါ အာဝုသော ဆတ္တေ ဝါ စာဋိယာ ဝါ ဝဿံ ဥပဂစ္ဆန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံယေဝ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ ဆဝကုဋိကာယပိ ဆတ္တေပိ စာဋိယာပိ ဝဿံ ဥပဂစ္ဆိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ပဋိဿဝံ ¶ အာဝုသော ဝိသံ ဝါဒေန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အာယသ္မန္တံ ဥပနန္ဒံ သကျပုတ္တံ အာရဗ္ဘ ပညတ္တံ၊ အာယသ္မာ ဘန္တေ ဥပနန္ဒော သကျပုတ္တော ရညော ပသေနဒိဿ ကောသလဿ ဝဿံ ဝါသံ ပဋိဿုဏိတွာ ဝိသံဝါဒေသိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ဝဿူပနာယိကံ ¶ ပုစ္ဆိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ အာဝုသော ကတိ အာပတ္တိယော။

ဝိဿဇ္ဇနာ – ဝဿူပနာယိကံ ဝိဿဇ္ဇိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ ဘန္တေ ဧကာ အာပတ္တိ။

ပုစ္ဆာ – ဝဿံ ¶ ဝုဋ္ဌာနံ အာဝုသော ဘိက္ခူနံ တီဟိ ဌာနေဟိ ပဝါရိတုံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလေ ဘိက္ခူ အာရဗ္ဘ အနုညာတံ၊ သမ္ဗဟုလာ ဘန္တေ ဘိက္ခူ သန္ဒိဋ္ဌာ သမ္ဘတ္တာ အန္တောဝဿံ နေဝ အာလပိံသု န သလ္လပိံသု၊ တသ္မိံ ဘန္တေ ဝတ္ထုသ္မိံ အနုညာတံ။

အနုဇာနာမိ ¶ ဘိက္ခဝေ ဝဿံ ဝုဋ္ဌာနံ ဘိက္ခူနံ တီဟိ ဌာနေဟိ ပဝါရေတုံ၊ ဒိဋ္ဌေဝ ဝါ သုတေန ဝါ ပရိသင်္ကာယ ဝါ။

ပုစ္ဆာ – ကတိ အာဝုသော ပဝါရဏာ ဒိဝသဝသေန စ ပုဂ္ဂလဝသေန စ ကာတဗ္ဗာကာရဝသေန စ။

ဝိဿဇ္ဇနာ – ဒိဝသဝသေန ဘန္တေ တိဿော ပဝါရဏာ၊ တထာ ပုဂ္ဂလဝသေန ကာတဗ္ဗာကာရဝသေနစ။

ပုစ္ဆာ – ကတီနံ ¶ အာဝုသော သင်္ဃေ ပဝါရေတုံ ဘဂဝတာ အနုညာတံ၊ ကတီနံ ပနာဝုသော အညမညံ ပဝါရေတုံ ဘဂဝတာ အနုညာတံ။

ဝိဿဇ္ဇနာ – ပဉ္စန္နံ ဘန္တေ ဘိက္ခူနံ သင်္ဃေ ပဝါရေတုံ ဘဂဝတာ အနုညာတံ၊ စတုန္နံ ဝါ ဘန္တေ တိဏ္ဏံ ဝါ ဒွိန္နံ ဝါ အညမညံ ပဝါရေတုံ အနုညာတံ။

ပုစ္ဆာ – ဧကေန ပနာဝုသော ဝဿံဝုဋ္ဌေန ဘိက္ခုနာ ကထံ ပဋိပဇ္ဇိတဗ္ဗန္တိ ဘဂဝတာ အနုညာတံ။

ဝိဿဇ္ဇနာ – ဧကေန ပန ဘန္တေ ဘိက္ခုနာ ‘‘အဇ္ဇ မေ ပဝါရဏာ’’တိ အဓိဋ္ဌာတဗ္ဗန္တိ ဘဂဝတာ အနုညာတံ။

ပုစ္ဆာ – ပဝါရဏံ ¶ ပုစ္ဆိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ အာဝုသော ကတိ အာပတ္တိယော။

ဝိဿဇ္ဇနာ – ပဝါရဏံ ဝိဿဇ္ဇိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ ဘန္တေ တိဿော အာပတ္တိယော။

ပုစ္ဆာ – ဥပါဟနံ ¶ အာဝုသော ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – ရာဇဂဟေ ဘန္တေ အာယသ္မန္တံ သောဏံ အာရဗ္ဘ အနုညာတံ၊ အာယသ္မတော ဘန္တေ သောဏဿ အစ္စာရဒ္ဓဝီရိယဿ စင်္ကမတော ပါဒါ ဘိဇ္ဇိံသု၊ စင်္ကမော လောဟိတေန ဖုဋော အဟောသိ၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – သဗ္ဗနီလိကာ ¶ ဝါ အာဝုသော သဗ္ဗပီတိကာ ဝါ သဗ္ဗလောဟိတိကာ ဝါ သဗ္ဗမဉ္ဇိဋ္ဌိကာ ဝါ သဗ္ဗကဏှာ ဝါ သဗ္ဗမဟာရင်္ဂရတ္တာ ဝါ သဗ္ဗမဟာနာမရတ္တာ ¶ ဝါ ဥပါဟနာယော ဓာရေန္တဿ ဒုက္ကဋံ ဘဂဝတာ ကတ္ထ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ သဗ္ဗနီလိကာယော ဥပါဟနာယော ဓာရေသုံ၊ သဗ္ဗပီတိကာယော သဗ္ဗလောဟိတိကာယော သဗ္ဗမဉ္ဇိဋ္ဌိကာယော သဗ္ဗကဏှာယော သဗ္ဗမဟာရင်္ဂရတ္တာ သဗ္ဗမဟာနာမရတ္တာယောပိ ဥပါဟနာယော ဓာရေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ခလ္လကဗန္ဓာ ¶ ဝါ အာဝုသော ပုဋဗန္ဓာ ဝါ ပါလိဂုဏ္ဌိမာ ဝါ တူလပုဏ္ဏိကာ ဝါ တိတ္တိရပတ္တိကာ ဝါ မေဏ္ဍဝိသာဏဝဒ္ဓိကာ ဝါ အဇဝိသာဏဝဒ္ဓိကာ ဝါ ဝိစ္ဆိကာဠိကာ ဝါ မောရပိဉ္ဆ ပရိသိဗ္ဗိကာ ဝါ စိတြာ ဝါ ဥပါဟနာယော ဓာရေန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ခလ္လကဗန္ဓာ ဥပါဟနာယောပိ ဓာရေသုံ၊ ပုဋဗန္ဓာ ဥပါဟနာယောပိ ဓာရေသုံ၊ ပါလိဂုဏ္ဌိမာ ဥပါဟနာယောပိ ဓာရေသုံ၊ တူလပုဏ္ဏိကာ ဥပါဟနာယောပိ ဓာရေသုံ၊ တိတ္တိရပတ္တိကာ ဥပါဟနာယောပိ ဓာရေသုံ၊ မေဏ္ဍဝိသာဏဝဒ္ဓိကာ ဥပါဟနာယောပိ ဓာရေသုံ၊ အဇဝိသာဏဝဒ္ဓိကာ ဥပါဟနာယောပိ ဓာရေသုံ၊ ဝိစ္ဆိကာဠိကာ ဥပါဟနာယောပိ ဓာရေသုံ၊ မောရပိဉ္ဆ ပရိသိဗ္ဗိတာ ဥပါဟနာယော ဓာရေသုံ၊ စိတြာ ဥပါဟနာယောပိ ဓာရေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ကဋ္ဌပါဒုကာယော ¶ အာဝုသော ဓာရေန္တဿ ဒုက္ကဋံ ဘဂဝတာ ကတ္ထ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ ဆဗ္ဗဂ္ဂီယေဝ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ရတ္တိယာ ပစ္စူသသမယံ ပစ္စုဋ္ဌာယ ကဋ္ဌပါဒုကာယော အဘိရုဟိတွာ အဇ္ဈောကာသေ စင်္ကမန္တိ ဥစ္စာသဒ္ဒါ မဟာသဒ္ဒါ ခဋခဋသဒ္ဒါ အနေကဝိဟိတံ တိရစ္ဆာနကထံ ကထေန္တာ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ယာနေန ¶ အာဝုသော ယာယန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ယာနေန ယာယိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ဂိလာနဿ ¶ အာဝုသော ယာနံ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – သာဝတ္ထိယံ ဘန္တေ အညတရံ ဂိလာနံ ဘိက္ခုံ အာရဗ္ဘ အနုညာတံ၊ အညတရော ဘန္တေ ဘိက္ခု ကောသလေသု ဇနပဒေ သာဝတ္ထိံ ဂစ္ဆန္တော ဘဂဝန္တံ ဒဿနာယ အန္တရာမဂ္ဂေ ဂိလာနော ကုက္ကုစ္စာယန္တော ယာနံ နာဘိရုဟိ၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – ဥစ္စာသယနမဟာသယနာနိ ¶ အာဝုသော ဓာရေန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဥစ္စာသယနမဟာသယနာနိ ဓာရေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ဂေါစမ္မာနိ အာဝုသော ဓာရေန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အညတရံ ပါပဘိက္ခုံ အာရဗ္ဘ ပညတ္တံ၊ အညတရော ဘန္တေ ဘိက္ခု ပါဏာတိပါတေ သမာဒပေသိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ပစ္စန္တိမေသု ¶ အာဝုသော ဇနပဒေသု ဝိနယဓရပဉ္စမေန ဂဏေန ဥပသမ္ပဒါ စ ဂုဏင်္ဂုဏူပဟနဉ္စ ဓုဝနဟာနဉ္စ စမ္မာနိ အတ္ထရဏာနိ စ နိဿီမဂတာနံ စီဝရဒါနဉ္စာတိ ဣမာနိ ပဉ္စ ဘဂဝတာ ကတ္ထ အနုညာတာနိ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတာနိ။

ဝိဿဇ္ဇနာ – သာဝတ္ထိယံ ဘန္တေ အာယသ္မန္တံ သောဏံ ကုဋိကဏ္ဏံ အာရဗ္ဘ အနုညာတာ၊ အာယသ္မာ ဘန္တေ သောဏော ကုဋိကဏ္ဏော ဧတာနိ ပဉ္စဝတ္ထူနိ အာယသ္မတော မဟာကစ္စာနဿ ဝစနေန ဘဂဝန္တံ ယာစိ၊ တသ္မိံ ဘန္တေ ဝတ္ထုသ္မိံ အနုညာတာ။

ပုစ္ဆာ – စမ္မသညုတ္တံ ¶ ပုစ္ဆိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ အာဝုသော ကတိ အာပတ္တိယော။

ဝိဿဇ္ဇနာ – စမ္မသညုတ္တံ ဝိဿဇ္ဇိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ ဘန္တေ တိဿော အာပတ္တိယော။

ပုစ္ဆာ – ပဉ္စ ¶ အာဝုသော ဘေသဇ္ဇာနိ ပဋိဂ္ဂဟေတွာ ကာလေပိ ဝိကာလေပိ ပရိဘုဉ္ဇိတုံ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလေ ဘိက္ခူ အာရဗ္ဘ အနုညာတံ၊ သမ္ဗဟုလာနံ ဘန္တေ ဘိက္ခူနံ သာရဒိကေန အာဗာဓေန ပုဋ္ဌာနံ ယာဂုပိ န သမ္မာ ပရိဏာမံ ဂစ္ဆိ၊ ဘတ္တမ္ပိ ဘုတ္တံ န သမ္မာ ပရိဏာမံ ဂစ္ဆိ၊ တေ တေန ကိသာ အဟေသုံ လူခါ ဒုဗ္ဗဏ္ဏာ ဥပ္ပဏ္ဍုပ္ပဏ္ဍုကဇာတာ ဓမနိသန္ထတဂတ္တာ၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – မူလာဒိဘေသဇ္ဇာနိ ¶ အာဝုသော ဘဂဝတာ ကတ္ထ အနုညာတာနိ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတာနိ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလေ ဂိလာနေ ဘိက္ခူ အာရဗ္ဘ အနုညာတာနိ၊ သမ္ဗဟုလာနံ ဂိလာနာနံ ဘိက္ခူနံ မူလေဟိ ဘေသဇ္ဇေဟိ အတ္ထော အဟောသိ၊ တသ္မိံ ဘန္တေ ဝတ္ထုသ္မိံ အနုညာတာနိ။

ပုစ္ဆာ – အန္တောဝုဋ္ဌံဝါ အာဝုသော အန္တောပက္ကံ ဝါ သာမံပက္ကံ ဝါ ပရိဘုဉ္ဇန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ အာယသ္မန္တံ အာနန္ဒံ အာရဗ္ဘ ပညတ္တံ၊ အာယသ္မာ ဘန္တေ အာနန္ဒော သာမံ တိလမ္ပိ တဏ္ဍုလမ္ပိ မုဂ္ဂမ္ပိ ဝိညာပေတွာ အန္တော ဝါသေတွာ အန္တော သာမံ ပစိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – မနုဿမံသံ ¶ အာဝုသော ပရိဘုဉ္ဇန္တဿ ထုလ္လစ္စယဉ္စ အပ္ပဋိဝေက္ခိတွာ မံသံ ပရိဘုဉ္ဇန္တဿ ဒုက္ကဋဉ္စ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ဗာရာဏသိယံ ဘန္တေ အညတရံ ဘိက္ခုံ အာရဗ္ဘ ပညတ္တံ၊ အညတရော ဘန္တေ ဘိက္ခု အပ္ပဋိဝေက္ခိတွာ မနုဿမံသံ ဘုဉ္ဇိ၊ တသ္မိံ ဘန္တေ ဝတ္ထုသ္မိံ ပညတ္တံ။

န ¶ ဘိက္ခဝေ မနုဿမံသံ ပရိဘုဉ္ဇိတဗ္ဗံ၊ ယော ပရိဘုဉ္ဇေယျ၊ အာပတ္တိ ထုလ္လစ္စယဿ၊ န စ ဘိက္ခဝေ အပ္ပဋိဝေက္ခိတွာ မံသံ ပရိဘုဉ္ဇိတဗ္ဗံ၊ ယော ပရိဘုဉ္ဇေယျ အာပတ္တိ ဒုက္ကဋဿ။

ပုစ္ဆာ – ဟတ္ထိမံသံ ဝါ အာဝုသော အဿမံသံ ဝါ ပရိဘုဉ္ဇန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ဗာရာဏသိယံ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ ဟတ္ထိမံသမ္ပိ အဿမံသမ္ပိ ပရိဘုဉ္ဇိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – သုနက္ခမံသံ ¶ ဝါ အာဝုသော အဟိမံသံ ဝါ ဘုဉ္ဇန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ဗာရာဏသိယံ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ သုနက္ခမံသမ္ပိ အဟိမံသမ္ပိ ပရိဘုဉ္ဇိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – သီဟမံသံ ¶ ဝါ အာဝုသော ဗျဂ္ဃမံသံ ဝါ ဒီပိမံသံ ဝါ အစ္ဆမံသံ ဝါ တရစ္ဆမံသံ ဝါ ဘုဉ္ဇန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ဗာရာဏသိယံယေဝ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ သီဟမံသမ္ပိ ဗျဂ္ဃမံသမ္ပိ ဒီပိမံသမ္ပိ အစ္ဆမံသမ္ပိ တရစ္ဆမံသမ္ပိ ပရိဘုဉ္ဇိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ဂိလာနဿ ¶ အာဝုသော ဂုဠံ ဝါ အဂိလာနဿ ဂုဠောဒကံ ဝါ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – ရာဇဂဟေ ဘန္တေ သမ္ဗဟုလေ ဘိက္ခူ အာရဗ္ဘ အနုညာတံ၊ သမ္ဗဟုလာ ဘန္တေ ဘိက္ခူ ဂိလာနဿေဝ ဘဂဝတာ ဂုဠော အနုညာတော နော အဂိလာနဿာတိ ကုက္ကုစ္စာယန္တာ ဂုဠံ န ဘုဉ္ဇိံသု၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – ဇာနံ ¶ အာဝုသော ဥဒ္ဒိဿ ကတံ မံသံ ပရိဘုဉ္ဇန္တဿ ဒုက္ကဋံ ပညပေတွာ တိကောဋိပရိသုဒ္ဓံ မံသံ ဘဂဝတာ ကတ္ထ အနုညာတံ။

ဝိဿဇ္ဇနာ – ဝေသာလိယံ ဘန္တေ သီဟဿ သေဋာပတိနော ဝတ္ထုသ္မိံ အနုညာတံ။

ပုစ္ဆာ – ပါထေယျံ ¶ အာဝုသော ပရိယေသိတုဉ္စ ကပ္ပိယကာရကာနံ ဟတ္ထေ ဥပနိက္ခိတ္တဟိရညတော နိဗ္ဗတ္တံ ကပ္ပိယပစ္စယံ သာဒိတုဉ္စ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – အန္တရာ ¶ စ ဘန္တေ ဘဒ္ဒိယံ အန္တရာ စ အင်္ဂုတ္တရာပံ မေဏ္ဍကံ ဂဟပတိံ အာရဗ္ဘ အနုညာတံ၊ မေဏ္ဍကော ဘန္တေ ဂဟပတိ ဘဂဝန္တံ ယာစိ ‘‘သန္တိ ဘန္တေ မဂ္ဂါ ကန္တာရာ အပ္ပောဒကာ အပ္ပဘက္ခာ န သုကရာ အပါထေယျေန ဂန္တုံ၊ သာဓု ဘန္တေ ဘဂဝါ ဘိက္ခူနံ ပါထေယျံ အနုဇာနာတူ’’တိ၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – အဋ္ဌ ¶ အာဝုသော ပါနာနိ ဘဂဝတာ ကတ္ထ အနုညာတာနိ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတာနိ။

ဝိဿဇ္ဇနာ – အာပဏေ ဘန္တေ သမ္ဗဟုလေ ဘိက္ခူ အာရဗ္ဘ အနုညာတာနိ၊ သမ္ဗဟုလာ ဘန္တေ ဘိက္ခူ ကုက္ကုစ္စာယန္တာ ပါနာနိ န ပဋိဂ္ဂဏှိံသု၊ တသ္မိံ ဘန္တေ ဝတ္ထုသ္မိံ အနုညာတာနိ။

ပုစ္ဆာ – သဗ္ဗဉ္စ ¶ အာဝုသော ဍာကံ သဗ္ဗဉ္စ ပိဋ္ဌခါဒနီယံ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – ကုသိနာရာယံ ဘန္တေ သမ္ဗဟုလေ ဘိက္ခူ အာရဗ္ဘ အနုညာတံ၊ သမ္ဗဟုလာ ဘန္တေ ဘိက္ခူ ကုက္ကုစ္စာယန္တာ ဍာကဉ္စ ပိဋ္ဌခါဒနီယဉ္စ န ပဋိဂ္ဂဟေသုံ၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – အကပ္ပိယံ ¶ အာဝုသော သမာဒပေန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – အာတုမာယံ ဘန္တေ အညတရံ ဝုဍ္ဎပဗ္ဗဇိတံ အာရဗ္ဘ ပညတ္တံ၊ အညတရော ဘန္တေ ဝုဍ္ဎပဗ္ဗဇိတော အကပ္ပိယေ သမာဒပေတိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – သင်္ဃိကာနိ ¶ ဝါ အာဝုသော ပုဂ္ဂလိကာနိ ဝါ ဗီဇာနိ ပုဂ္ဂလိကာယ ဝါ သင်္ဃိကာယ ဝါ ဘူမိယာ ရောပိတာနိ ဘာဂံ ဒတွာ ပရိဘုဉ္ဇိတုံ ဘဂဝတာ ကတ္ထ အနုညာတံ၊ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – သာဝတ္ထိယံ ဘန္တေ အနုညာတံ၊ သာဝတ္ထိယံ ဘန္တေ ဘဂဝတိ ဝိဟရတိ သင်္ဃိကာနိပိ ဗီဇာနိ ပုဂ္ဂလိကာယ ဘူမိယာ ရောပိယိံသု၊ ပုဂ္ဂလိကာနိပိ ဗီဇာနိ သင်္ဃိကာယ ဘူမိယာ ရောပိယိံသု၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – ဝိနယမဟာပဒေသသင်္ခါတာနိ ¶ အာဝုသော စတ္တာရိ ကပ္ပိယာကပ္ပိယအနုလောမာနိ ဘဂဝတာ ကတ္ထ ပညတ္တာနိ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တာနိ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တာနိ၊ သမ္ဗဟုလာနံ ဘန္တေ ဘိက္ခူနံ ကိသ္မိဉ္စိ ကိသ္မိဉ္စိဌာနေ ကုက္ကုစ္စံ ဥပ္ပဇ္ဇိ၊ တသ္မိံ ဘန္တေ ဝတ္ထုသ္မိံ ပညတ္တာနိ။

ပုစ္ဆာ – ယာဝကာလိကာဒီဟိ ¶ သံသဋ္ဌာနံ အာဝုသော ယာမကာလိကာဒီနံ ပရိဘောဂကာလမရိယာဒံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာနံ ဘန္တေ ဘိက္ခူနံ ဧတဒဟောသိ ‘‘ကပ္ပတိ နုခေါ ယာဝကာလိကေန ယာမကာလိကံ သတ္တာဟကာလိကံ ယာဝဇီဝိကံ၊ န နုခေါ ကပ္ပတိ။ ကပ္ပတိနုခေါ ယာမကာလိကေန သတ္တာဟကာလိကံ ယာဝဇီဝိကံ၊ န နုခေါ ကပ္ပတိ။ ကပ္ပတိ နုခေါ သတ္တာဟကာလိကေန ယာဝဇီဝိကံ၊ န နုခေါ ကပ္ပတီ’’တိ။ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ဘေသဇ္ဇကံ ¶ ပုစ္ဆိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ အာဝုသော ကတိ အာပတ္တိယော။

ဝိဿဇ္ဇနာ – ဘေသဇ္ဇကံ ဝိဿဇ္ဇိဿံ သနိဒါနံ သနိဒ္ဒေသံ။ သမုက္ကဋ္ဌပဒါနံ ဘန္တေ တိဿော အာပတ္တိယော။

ပုစ္ဆာ – ဝဿံဝုဋ္ဌာနံ ¶ အာဝုသော ဘိက္ခူနံ ကထိနံ အတ္ထရိတုံ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – သာဝတ္ထိယံ ဘန္တေ တိံသမတ္တေ ပါဝေယျကေ ဘိက္ခူ အာရဗ္ဘ အနုညာတံ၊ တိံသမတ္တာ ဘန္တေ ပါဝေယျကာ ဘိက္ခူ သာဝတ္ထိံ အာဂစ္ဆန္တာ ဘဂဝန္တံ ဒဿနာယ ဥပကဋ္ဌာယ ဝဿူပနာယိကာယ နာသက္ခိံသု သာဝတ္ထိယံ ဝဿူပနာယိကံ သမ္ဘာဝေတုံ၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – ကထိနကံ ¶ ပုစ္ဆိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ အာဝုသော ကတိ အာပတ္တိယော။

ဝိဿဇ္ဇနာ – ကထိနကံ ဝိဿဇ္ဇိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ ဘန္တေ န ကတမာ အာပတ္တိ။

ပုစ္ဆာ – ဂဟပတိစီဝရံ ¶ အာဝုသော သာဒိယိတုံ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – ရာဇဂဟေ ဘန္တေ ဇီဝကံ ကောမာရဘစ္စံ အာရဗ္ဘ အနုညာတံ၊ ဇီဝကော ဘန္တေ ကောမာရဘစ္စော ဘိက္ခူနံ ဂဟပတိစီဝရံ အနုဇာနိတုံ ဘဂဝန္တံ ယာစိ၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – ဆ ¶ အာဝုသော ရဇနာနိ ဘဂဝတာ ကတ္ထ အနုညာတာနိ၊ ကိသ္မိံ ဝတ္ထုသ္မိံ အနုညာတာနိ။

ဝိဿဇ္ဇနာ – ရာဇဂဟေ ဘန္တေ သမ္ဗဟုလေ ဘိက္ခူ အာရဗ္ဘ အနုညာတာနိ၊ သမ္ဗဟုလာ ဘန္တေ ဘိက္ခူ ဆကဏေနပိ ပဏ္ဍုမတ္တိကာယပိ စီဝရံ ရဇိံသု၊ စီဝရံ ဒုဗ္ဗဏ္ဏံ ဟောတိ၊ တသ္မိံ ဘန္တေ ဝတ္ထုသ္မိံ အနုညာတာနိ။

ပုစ္ဆာ – အစ္ဆိန္နကာနိ ¶ အာဝုသော စီဝရာနိ ဓာရေန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ အစ္ဆိန္နကာနိ စီဝရာနိ ဓာရေသုံ ဒန္တကသာဝါနိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ကဒါ အာဝုသော ဘဂဝါ အနုညာသိ ဆိန္နကံ သင်္ဃာဋိံ ဆိန္နကံ ဥတ္တရာသင်္ဂံ ဆိန္နကံ အန္တရဝါသကံ။

ဝိဿဇ္ဇနာ – ဒက္ခိဏာဂိရိတော ဘန္တေ ပစ္ဆာဂတကာလေ ဘဂဝါ အနုညာသိ ဆိန္နကံ သင်္ဃာဋိံ ဆိန္နကံ ဥတ္တရာသင်္ဂံ ဆိန္နကံ အန္တရဝါသကံ။

ပုစ္ဆာ – အဂ္ဂဠံ ¶ စ အာဝုသော တုန္နဉ္စ ဩဝဋ္ဋိကဉ္စ ကဏ္ဍုသကဉ္စ ဒဠှီကမ္မဉ္စ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – ဗာရာဏသိယံ ဘန္တေ အညတရံ ဘိက္ခုံ အာရဗ္ဘ အနုညာတံ၊ အညတရော ဘန္တေ ဘိက္ခု အဂ္ဂဠံ အစ္ဆုပေသိ၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – ဝဿိကသာဋိကာ ¶ စ အာဝုသော အာဂန္တုကဘတ္တဉ္စ ဂမိကဘတ္တဉ္စ ဂိလာနဘတ္တဉ္စ ဂိလာနုပဋ္ဌာကဘတ္တဉ္စ ဂိလာနဘေသဇ္ဇဉ္စ ဓုဝယာဂု စ ဘိက္ခုနိသင်္ဃဿ ဥဒကသာဋိကာစာတိ ဣမာ အဋ္ဌ ဘဂဝတာ ကတ္ထ အနုညာတာ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတာ။

ဝိဿဇ္ဇနာ – သာဝတ္ထိယံ ဘန္တေ ဝိသာခံ မိဂါရမာတရံ အာရဗ္ဘ အနုညာတာ၊ ဝိသာခါ ဘန္တေ မိဂါရမာတာ ဘဂဝန္တံ အဋ္ဌဝရာနိ ယာစိ၊ တသ္မိံ ဘန္တေ ဝတ္ထုသ္မိံ အနုညာတာ။

ပုစ္ဆာ – ဘဂဝတာ ¶ အာဝုသော မာတာပိတူနံ ဒါနံ အနုဇာနိတွာ သဒ္ဓါဒေယျံ ဝိနိပါတေန္တဿ ဒုက္ကဋံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အညတရံ ဘိက္ခုံ အာရဗ္ဘ ပညတ္တံ၊ အညတရဿ ဘန္တေ ဘိက္ခုနော ဗဟုံ စီဝရံ ဥပ္ပန္နံ အဟောသိ၊ သော စ တံစီဝရံ မာတာပိတူနံ ဒါတုကာမော အဟောသိ၊ တသ္မိံ ဘန္တေ ဝတ္ထုသ္မိံ ပညတ္တံ။

မာတာပိတရောတိ ¶ ခေါ ဘိက္ခဝေ ဒဒမာနေ ကိံ ဝဒေယျာမ၊ အနုဇာနာမိ ဘိက္ခဝေ မာတာပိတူနံ ဒါတုံ၊ န စ ဘိက္ခဝေ သဒ္ဓါဒေယျံ ဝိနိပါတေတဗ္ဗံ၊ ယော ဝိနိပါတေယျ အာပတ္တိ ဒုက္ကဋဿ –

ပုစ္ဆာ – အညတြ ဝဿံ ဝုဋ္ဌေန အာဝုသော အညတြ စီဝရဘာဂံ သာဒိယန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အာယသ္မန္တံ ဥပနန္ဒံ သကျပုတ္တံ အာရဗ္ဘ ပညတ္တံ၊ အာယသ္မာ ဘန္တေ ဥပနန္ဒော သကျပုတ္တော အညတြ ဝဿံ ဝုဋ္ဌော အညတြ စီဝရဘာဂံ သာဒိယိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – အနာထကံ ¶ အာဝုသော ဘိက္ခုံ ဂိလာနံ န ဥပဋ္ဌဟန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အညတရံ ဘိက္ခုံ အာရဗ္ဘ ပညတ္တံ၊ ဘဂဝတိ ဘန္တေ သာဝတ္ထိယံ ဝိဟရတိ အညတရဿ ဘိက္ခုနော ကုစ္ဆိဝိကာရာဗာဓော အဟောသိ၊ သော သကေ မုတ္တကရီသေ ပလိပန္နော သယိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – နဂ္ဂိယံ ¶ အာဝုသော တိတ္ထိယသမာဒါနံ သမာဒိယန္တဿ ထုလ္လစ္စယံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အညတရံ ဘိက္ခုံ အာရဗ္ဘ ပညတ္တံ၊ အညတရော ဘန္တေ ဘိက္ခု နဂ္ဂိယံ တိတ္ထိယသမာဒါနံ သမာဒိယိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – သဗ္ဗနီလကာနိ ¶ ဝါ အာဝုသော စီဝရာနိ သဗ္ဗပီတကာနိ ဝါ သဗ္ဗလောဟိတကာနိ ဝါ သဗ္ဗမဉ္ဇိဋ္ဌကာနိ ဝါ သဗ္ဗကဏှာနိဝါတိ ဧဝရူပါနိ စီဝရာနိ ဓာရေန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ¶ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ သဗ္ဗနီလကာဒီနိ စီဝရာနိ ဓာရေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ကဉ္စုကံ ¶ ဝါ အာဝုသော ဝေဌနံ ဝါ ဓာရေန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေဝ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ကဉ္စုကမ္ပိ ဓာရေသုံ ဝေဌနမ္ပိ ဓာရေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – စီဝရသညုတ္တံ ပုစ္ဆိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ အာဝုသော ကတိ အာပတ္တိယော။

ဝိဿဇ္ဇနာ – စီဝရသညုတ္တံ ဝိဿဇ္ဇိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ ဘန္တေ တိဿော အာပတ္တိယော။

ပုစ္ဆာ – သုဒ္ဓံ ¶ အာဝုသော ဘိက္ခုံ အနာပတ္တိကံ အဝတ္ထုသ္မိံ အကာရဏေ ဥက္ခိပန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – စမ္ပာယံ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ ဘဂဝတိ ဘန္တေ စမ္ပာယံ ဝိဟရတိ သမ္ဗဟုလာ ဘိက္ခူ ကာသီသု ဝါသဘဂါမေ သုဒ္ဓံ ကဿပဂေါတ္တံ ဘိက္ခုံ အနာပတ္တိကံ အဝတ္ထုသ္မိံ အကာရဏေ ဥက္ခိပိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – စမ္ပေယျကံ ¶ ပုစ္ဆိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ အာဝုသော ကတိ အာပတ္တိယော။

ဝိဿဇ္ဇနာ – စမ္ပေယျကံ ဝိဿဇ္ဇိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ ဘန္တေ ဧကာ အာပတ္တိ။

ပုစ္ဆာ – ဘေဒဂရုကေဟိ ¶ ဘိက္ခဝေ ဘိက္ခူဟိ န သော ဘိက္ခု အာပတ္တိယာ အဒဿနေ ဥက္ခိပိတဗ္ဗောတိ စ၊ ဘေဒဂရုကေန ဘိက္ခဝေ ဘိက္ခုနာ ပရေသမ္ပိ သဒ္ဓါယ အာပတ္တိဒေသေတဗ္ဗာတိ စ အာဝုသော အယံ သာမဂ္ဂိရသဩဝါဒေါ ဘဂဝတာ ကတ္ထ ဒိန္နော၊ ကံ အာရဗ္ဘ ကိသ္မိံ ဝတ္ထုသ္မိံ ဒိန္နော။

ဝိဿဇ္ဇနာ – ကောသမ္ဗိယံ ဘန္တေ သမ္ဗဟုလေ ဘိက္ခူ အာရဗ္ဘ ဒိန္နော၊ ဘဂဝတိ ဘန္တေ ကောသမ္ဗိယံ ဝိဟရတိ အညတရော ဘိက္ခု အာပတ္တိံ အာပန္နော အဟောသိ၊ သော တဿာ အာပတ္တိယာ အာပတ္တိ ဒိဋ္ဌိ အဟောသိ၊ အညေ ဘိက္ခူ တဿာ အာပတ္တိယာ အနာပတ္တိ ဒိဋ္ဌိနော အဟေသုံ။ သော အပရေန သမယေန တဿာ အာပတ္တိယာ အနာပတ္တိဒိဋ္ဌိ အဟောသိ၊ အညေ ဘိက္ခူ တဿာ အာပတ္တိယာ အာပတ္တိဒိဋ္ဌိနော အဟေသုံ။ အထ ခေါ တေ ဘန္တေ ဘိက္ခူ သာမဂ္ဂိံ လဘိတွာ တံ ဘိက္ခုံ အာပတ္တိယာ အဒဿနေ ဥက္ခိပိံသု၊ တသ္မိံ ဘန္တေ ဝတ္ထုသ္မိံ ဒိန္နော။

ပုစ္ဆာ – သင်္ဃဘေဒဿ ¶ အာဝုသော မူလဘူတေ ဘိက္ခုမှိ ဥက္ခိတ္တကေ ဩသာရိတေ တဿ ဝတ္ထုဿ ဝူပသမာယ သင်္ဃသာမဂ္ဂိဉ္စ ကာတုံ သာမဂ္ဂီ ဥပေါသထဉ္စ ကာတုံ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – သာဝတ္ထိယံ ဘန္တေ တေယေဝ ဥက္ခိတ္တကာနုဝတ္တကေ ဘိက္ခူ အာရဗ္ဘ အနုညာတံ၊ တေ ဘန္တေ ဥက္ခိတ္တကာနုဝတ္တကာ ဘိက္ခူ တံ ဥက္ခိတ္တကံ ဘိက္ခုံ ဩသာရေတွာ ယေန ဥက္ခေပကာ ဘိက္ခူ တေနုပသင်္ကမိံသု ဥပသင်္ကမိတွာ တေ ဥက္ခေပကေ ဘိက္ခူ ဧကဒဝေါစုံ ‘‘ယသ္မိံ အာဝုသော ဝတ္ထုသ္မိံ အဟောသိ သင်္ဃဿ ¶ ဘဏ္ဍနံ ကလဟော ဝိဂ္ဂဟော ဝိဝါဒေါ သင်္ဃဘေဒေါ သင်္ဃရာဇိ သင်္ဃဝဝတ္ထာနံ သင်္ဃနာနာကရဏံ၊ သော ဧသော ဘိက္ခုံ အာပန္နော စ ဥက္ခိတ္တော စ ပဿိ စ ဩသာရိတော စ၊ ဟန္ဒ မယံ အာဝုသော တဿ ဝတ္ထုဿ ဝူပသမာယ သင်္ဃသာမဂ္ဂိံ ကရောမာ’’တိ၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – ကောသမ္ဗကံ ¶ ပုစ္ဆိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ အာဝုသော ကတိ အာပတ္တိယော။

ဝိဿဇ္ဇနာ – ကောသမ္ဗကံ ဝိဿဇ္ဇိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ ဘန္တေ ဧကာ အာပတ္တိ။

ပုစ္ဆာ – ဘဏ္ဍနာဒိကာရကဿ ¶ အာဝုသော ဘိက္ခုနော တဇ္ဇနီယကမ္မံ ကာတုံ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – သာဝတ္ထိယံ ဘန္တေ ပဏ္ဍုကလောဟိတကေ ဘိက္ခူ အာရဗ္ဘ အနုညာတံ၊ ပဏ္ဍုကလောဟိတကာ ဘန္တေ ဘိက္ခူ အတ္တနာ ဘဏ္ဍနကာရကာ ကလဟကာရကာ ဝိဝါဒကာရကာ ဘဿကာရကာ သင်္ဃေ အဓိကရဏကာရကာ၊ ယေပိ စညေ ဘိက္ခူ ဘဏ္ဍနကာရကာ ကလဟကာရကာ ဝိဝါဒကာရကာ ဘဿကာရကာ သင်္ဃေ အဓိကရဏကာရကာ တေ ဥပသင်္ကမိတွာ ဧဝမာဟံသု ‘‘မာ ခေါ တုမှေ အာယသ္မန္တော ဧသော အဇေသိ၊ ဗလဝါဗလဝံ ပဋိမန္တေထ၊ တုမှေ တေန ပဏ္ဍိတတရာ စ ဗျတ္တတရာ စ ဗဟုဿုတတရာ စ အလမတ္တတရာ စ၊ မာ စဿ ဘာယိတ္ထ၊ မယမ္ပိ တုမှာကံ ပက္ခာ ဘဝိဿာမာ’’တိ၊ တေန အနုပ္ပန္နာနိ စေဝ ဘဏ္ဍနာနိ ဥပ္ပဇ္ဇန္တိ၊ ဥပ္ပန္နာနိ စ ဘဏ္ဍနာနိ ဘိယျောဘာဝါယ ဝေပုလ္လာယ သံဝတ္တန္တိ။ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – တဇ္ဇနီယကမ္မကတဿ ¶ အာဝုသော ဘိက္ခုနော ကတိသု ဝတ္တေသု သမ္မာ ဝတ္တန္တဿ တံ ကမ္မံ ပဋိပ္ပဿမ္ဘေတုံ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – အဋ္ဌာရသသု ¶ ဘန္တေ ဝတ္တေသု သမ္မာ ဝတ္တန္တဿ တဇ္ဇနီယကမ္မကတဿ ဘိက္ခုနော တံ ကမ္မံ ပဋိပ္ပဿမ္ဘေတုံ ဘဂဝတာ သာဝတ္ထိယံ အနုညာတံ၊ တေယေဝ ပဏ္ဍုကလောဟိတကာ ဘိက္ခူ သင်္ဃေန တဇ္ဇနီယကမ္မကတာ သမ္မာ ဝတ္တိတွာ သင်္ဃံ ဥပသင်္ကမိတွာ ယာစိံသု၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – ဗာလဿ ¶ အာဝုသော အဗျတ္တဿ အာပတ္တိဗဟုလဿ အနပဒါနဿ ဂိဟိသံသဋ္ဌဿ အနနုလောမိကေဟိ ဂိဟိသံသဂ္ဂေဟိ နိယဿကမ္မံ ကာတုံ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အာယသ္မန္တံ သေယျသကံ အာရဗ္ဘ ပညတ္တံ၊ အာယသ္မာ ဘန္တေ သေယျသကော ဗာလော အဟောသိ အဗျတ္တော အာပတ္တိဗဟုလော အနပဒါနော ဂိဟိသံသဋ္ဌော ဝိဟာသိ အနနုလောမိကေဟိ ဂိဟိသံသဂ္ဂေဟိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – နိယဿကမ္မကတဿ ¶ အာဝုသော ဘိက္ခုနော ကတိသု ဝတ္တေသု သမ္မာ ဝတ္တန္တဿ တံ ကမ္မံ ပဋိပ္ပဿမ္ဘေတုံ ဘဂဝတာ အနုညာတံ။

ဝိဿဇ္ဇနာ – အဋ္ဌာရသသု ဘန္တေ ဝတ္တေသု သမ္မာ ဝတ္တန္တဿ နိယဿ ကမ္မကတဿ ဘိက္ခုနော တံ ကမ္မံ ပဋိပ္ပဿမ္ဘေတုံ ဘဂဝတာ အနုညာတံ၊ န ဥပသမ္ပာဒေတဗ္ဗံ၊ န နိဿယော ဒါတဗ္ဗော၊ န သာမဏေရော ဥပဋ္ဌာပေတဗ္ဗော၊ န ဘိက္ခုနောဝါဒကသမ္မုတိ သာဒိတဗ္ဗာ၊ သမ္မတေနပိ ဘိက္ခုနိယော န ဩဝဒိတဗ္ဗာ၊ ဧဝမာဒီသု ဘန္တေ အဋ္ဌာရသသု ဝတ္တေသု သမ္မာ ဝတ္တန္တဿ နိယဿကမ္မကတဿ ဘိက္ခုနော တံ ကမ္မံ ပဋိပ္ပဿမ္ဘေတုံ ဘဂဝတာ အနုညာတံ။

ပုစ္ဆာ – ကုလဒူသကဿ ¶ အာဝုသော ပါပသမာစာရဿ ဘိက္ခုနော ပဗ္ဗာဇနီယကမ္မံ ကာတုံ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – သာဝတ္ထိယံ ဘန္တေ အဿဇိပုနဗ္ဗသုကေ ဘိက္ခူ အာရဗ္ဘ အနုညာတံ၊ အဿဇိပုနဗ္ဗသုကာ ဘန္တေ ဘိက္ခူ ကီဋာဂိရိသ္မိံ ကုလဒူသကာ အဟေသုံ ပါပသမာစာရာ၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – ပဋိသာရဏီယကမ္မံ ¶ အာဝုသော ပုစ္ဆာမိ၊ သဒ္ဓံ အာဝုသော ပသန္နံ ဂဟပတိံ ဒါယကံ ကာရကံ သင်္ဃုပဋ္ဌာကံ ဟီနေန ခုံသေန္တဿ ဘိက္ခုနော ¶ ပဋိသာရဏီယကမ္မံ ကာတုံ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – သာဝတ္ထိယံ ဘန္တေ အာယသ္မန္တံ သုဓမ္မံ အာရဗ္ဘ အနုညာတံ၊ ဘဂဝတိ ဘန္တေ သာဝတ္ထိယံ ဝိဟရတိ အာယသ္မာ သုဓမ္မော မစ္ဆိကာသဏ္ဍေ စိတ္တံ ဂဟပတိံ သဒ္ဓံ ပသန္နံ ဒါယကံ ကာရကံ သင်္ဃုပဋ္ဌာကံ ဟီနေန ခုံသေသိ ဟီနေန ဝမ္ဘေသိ၊ တသ္မိံ ဘန္တေ ဝတ္ထုသ္မိံ အနုညာတံ။

တေနဟိ ¶ ဘိက္ခဝေ သင်္ဃော သုဓမ္မဿ ဘိက္ခုနော ပဋိသာရဏီယကမ္မံ ကရောတု ‘‘စိတ္တော တေ ဂဟပတိ ခမာပေတဗ္ဗော’’တိ –

ပုစ္ဆာ – ပဋိသာရဏီယကမ္မကတဿ ¶ အာဝုသော ဘိက္ခုနော အနုဒူတံ ဒါတုဉ္စ တေန အနုဒူတေန သဒ္ဓိံ ဂန္တွာ ယထာခုံသိတံ ဂဟပတိံ ခမာပေတုံ ¶ စ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – သာဝတ္ထိယံ ဘန္တေ အာယသ္မန္တံယေဝ သုဓမ္မံ အာရဗ္ဘ အနုညာတံ၊ အာယသ္မာ ဘန္တေ သုဓမ္မော မစ္ဆိကာသဏ္ဍံ ဂန္တွာ မင်္ကုဘူတော နာသက္ခိ စိတ္တံ ဂဟပတိံ ခမာပေတုံ၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – ပဋိသာရဏီယကမ္မကတဿ ¶ အာဝုသော ဘိက္ခုနော ကတိသု ဝတ္တေသု သမ္မာ ဝတ္တန္တဿ တံ ကမ္မံ ပဋိပ္ပဿမ္ဘေတုံ ဘဂဝတာ အနုညာတံ။

ဝိဿဇ္ဇနာ – အဋ္ဌာရသသု ဘန္တေ ဝတ္တေသု သမ္မာ ဝတ္တန္တဿ ပဋိသာရဏီယ ကမ္မကတဿ ဘိက္ခုနော တံ ကမ္မံ ပဋိပ္ပဿမ္ဘေတုံ ဘဂဝတာ အနုညာတံ။

ပုစ္ဆာ – အာပတ္တိံ ¶ အာဝုသော အာပဇ္ဇိတွာ တံ အာပတ္တိံ ပဿိတုံ ဝါ ပဋိကာတုံ ဝါ န ဣစ္ဆန္တဿ ဘိက္ခုနော အာပတ္တိယာ အဒဿနေ ဝါ အပ္ပဋိကမ္မေ ဝါ ဥက္ခေပနီယကမ္မံ ကာတုံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ကောသမ္ဗိယံ ဘန္တေ အာယသ္မန္တံ ဆန္နတ္ထေရံ အာရဗ္ဘ ပညတ္တံ၊ အာယသ္မာ ဘန္တေ ဆန္နော အာပတ္တိံ အာပဇ္ဇိတွာ န ဣစ္ဆိ တံ အာပတ္တိံ ပဿိတုံ ဝါ ပဋိကာတုံ ဝါ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – အာပတ္တိယာ ¶ အာဝုသော အဒဿနေန ဝါ အပ္ပဋိကမ္မေ ဝါ ဥက္ခေပနီယ ကမ္မကတေန ဘိက္ခုနာ ကတိသု ဝတ္တေသု သမ္မာ ဝတ္တိတဗ္ဗံ။

ဝိဿဇ္ဇနာ – တေစတ္တာလီသာယ ဘန္တေ ဝတ္တေသု သမ္မာ ဝတ္တိတဗ္ဗံ။

ပုစ္ဆာ – ဥက္ခေပနီယကမ္မကတဿ ¶ အာဝုသော ဘိက္ခုနော သမ္မာ ဝတ္တန္တဿ တံ ကမ္မံ ပဋိပ္ပဿမ္ဘေတုံ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – ကောသမ္ဗိယံ ဘန္တေ အာယသ္မန္တံယေဝ ဆန္နံ အာရဗ္ဘ အနုညာတံ၊ အာယသ္မာ ဘန္တေ ဆန္နော သင်္ဃေန အာပတ္တိယာ အဒဿနေ ဝါ အပ္ပဋိကမ္မေ ဝါ ဥက္ခေပနီယကမ္မကတော သမ္မာ ဝတ္တေသိ လောမံပါတေသိ နေတ္ထာရံ ဝတ္တေသိ သင်္ဃံ ဥပသင်္ကမိတွာ တဿ ကမ္မဿ ပဋိပ္ပဿဒ္ဓိယာ ယာစိ၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – ပါပိကံ ¶ အာဝုသော ဒိဋ္ဌိံ ဂဟေတွာ တံ ဒိဋ္ဌိံ န ပဋိနိဿဇ္ဇန္တဿ ပါပိကာယ ဒိဋ္ဌိယာ အပ္ပဋိနိဿဂ္ဂေ ဥက္ခေပနီယကမ္မံ ကာတုံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အရိဋ္ဌံ ဘိက္ခုံ ဂဒ္ဓဗာဓိပုဗ္ဗံ အာရဗ္ဘ ပညတ္တံ၊ ဘဂဝတိ ဘန္တေ သာဝတ္ထိယံ ဝိဟရတိ အရိဋ္ဌဿ နာမ ဘိက္ခုနော ဂဒ္ဓဗာဓိပုဗ္ဗဿ ဧဝရူပံ ပါပကံ ဒိဋ္ဌိဂတံ ဥပ္ပန္နံ အဟောသိ ‘‘တထာဟံ ဘဂဝတာ ဓမ္မံ ဒေသိတံ အာဇာနာမိ၊ ယထာယေမေ အန္တရာယိကာ ဓမ္မာ ဝုတ္တာ ဘဂဝတာ၊ တေ ပဋိသေဝတော ¶ နာလံ အန္တရာယာယာ’’တိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ပါပိကာယ အာဝုသော ဒိဋ္ဌိယာ အပ္ပဋိနိဿဂ္ဂေ ဥက္ခေပနီယကမ္မကတေန ဘိက္ခုနာ ကတိသု ဝတ္တေသု သမ္မာ ဝတ္တိတဗ္ဗံ။

ဝိဿဇ္ဇနာ – တေစတ္တာလီသာယ ¶ ဘန္တေ ဝတ္တေသု သမ္မာ ဝတ္တိတဗ္ဗံ။

ပုစ္ဆာ – ကမ္မက္ခန္ဓကံ ပုစ္ဆိဿံ၊ သနိဒါနိ သနိဒ္ဒေသံ။ သမုက္ကဋ္ဌပဒါနံ အာဝုသော ကတိ အာပတ္တိယော။

ဝိဿဇ္ဇနာ – ကမ္မက္ခန္ဓကံ ဝိဿဇ္ဇိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ ဘန္တေ ဧကာ အာပတ္တိ။

ပုစ္ဆာ – ပါရိဝါသိကဿ ¶ အာဝုသော ပကတတ္တာနံ ဘိက္ခူနံ အဘိဝါဒနာဒီနိ သာဒိယန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ပါရိဝါသိကေ ဘိက္ခူ အာရဗ္ဘ ပညတ္တံ၊ ပါရိဝါသိကာ ဘန္တေ ဘိက္ခူ သာဒိယိံသု ပကတတ္တာနံ ဘိက္ခူနံ အဘိဝါဒနာဒီနိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ပါရိဝါသိကေန ¶ အာဝုသော ဘိက္ခုနာ ကတိသု ဝတ္တေသု သမ္မာ ဝတ္တိတဗ္ဗံ။

ဝိဿဇ္ဇနာ – ပါရိဝါသိကေန ဘန္တေ ဘိက္ခုနာ စတုနဝုတိယာ ဝတ္တေသု သမ္မာ ဝတ္တိတဗ္ဗံ။

ပုစ္ဆာ – ပါရိဝါသိကံ ပုစ္ဆိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ အာဝုသော ကတိ အာပတ္တိယော။

ဝိဿဇ္ဇနာ – ပါရိဝါသိကံ ဝိဿဇ္ဇိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ ဘန္တေ ဧကာ အာပတ္တိ။

ပုစ္ဆာ – သမုစ္စယံ ¶ ပုစ္ဆိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ အာဝုသော ကတိ အာပတ္တိယော။

ဝိဿဇ္ဇနာ – သမုစ္စယံ ဝိဿဇ္ဇိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ ဘန္တေ ဧကာ အာပတ္တိ။

ပုစ္ဆာ – အသမ္မုခီဘူတာနံ ¶ အာဝုသော ဘိက္ခူနံ တဇ္ဇနီယံ ဝါ နိယဿံ ဝါ ပဗ္ဗာဇနီယံ ဝါ ပဋိသာရဏီယံ ဝါ ဥက္ခေပနီယံ ဝါ ကမ္မံ ကရောန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ အသမ္မုခီဘူတာနံ ဘိက္ခူနံ ကမ္မံ အကံသု တဇ္ဇနီယမ္ပိ နိယဿမ္ပိ ပဗ္ဗာဇနီယမ္ပိ ပဋိသာရဏီယမ္ပိ ဥက္ခေပနီယမ္ပိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – သတိဝေပုလ္လပတ္တဿ ¶ အာဝုသော ဘိက္ခုနော သတိဝိနယံ ဒါနံ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – ရာဇဂဟေ ဘန္တေ မေတ္တိယဘူမဇကေ ဘိက္ခူ အာရဗ္ဘ အနုညာတံ မေတ္တိယဘူမဇကာ ဘန္တေ ဘိက္ခူ အာယသ္မန္တံ ဒဗ္ဗံ မလ္လပုတ္တံ အမူလိကာယ သီလဝိပတ္တိယာ အနုဒ္ဓံသေသုံ၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – ကတိပနာဝုသော ¶ ဧတ္ထ ဓမ္မိကာနိ သတိဝိနယဒါနာနိ။

ဝိဿဇ္ဇနာ – ပဉ္စိမာနိ ဘန္တေ ဓမ္မိကာနိ သတိဝိနယဿ ဒါနာနိ၊ သုဒ္ဓါ ဟောတိ ဘိက္ခု အနာပတ္တိကော၊ အနုဝဒန္တိ စ နံ၊ ယာစတိ စ၊ တဿ သင်္ဃော သတိဝိနယံ ဒေတိ ဓမ္မေန သမဂ္ဂေန၊ ဣမာနိ ခေါ ဘန္တေ ပဉ္စ ဓမ္မိကာနိ သတိ ဝိနယဿ ဒါနာနိ။

ပုစ္ဆာ – အမူဠှဿ ¶ အာဝုသော ဘိက္ခုနော အမူဠှဝိနယံ ဒါတုံ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – ရာဇဂဟေ ဘန္တေ သမ္ဗဟုလေ ဘိက္ခူ အာရဗ္ဘ အနုညာတံ၊ သမ္ဗဟုလာ ဘန္တေ ဘိက္ခူ ဂဂ္ဂံ ဘိက္ခုံ ဥမ္မတ္တကေန စိတ္တဝိပရိယာသကတေန ¶ အဇ္ဈာစိဏ္ဏေန အာပတ္တိယာ စောဒေသုံ ‘‘သရတာ ယသ္မာ ဧဝရူပိံ အာပတ္တိံ အာပဇ္ဇိတာ’’တိ၊ သော ဧဝံ ဝဒေတိ ‘‘အဟံ ခေါ အာဝုသော ဥမ္မတ္တကော အဟောသိ စိတ္တဝိပရိယာသကတော၊ တေန မေ ဥမ္မတ္တကေန စိတ္တဝိပရိယာသကတေန ဗဟုံ အဿာမဏကံ အဇ္ဈာစိဏ္ဏံ ဘာသိတပရိက္ကန္တံ၊ နာဟံ တံ သရာမိ၊ မူဠှေန မေ ဧတံ ကတ’’န္တိ။ ဧဝမ္ပိ နံ ဝုစ္စမာနာ စောဒေန္တေဝ ‘‘သရတာ ယသ္မာ ဧဝရူပိံ အာပတ္တိံ အာပဇ္ဇိတာ’’တိ၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – ကတိ ¶ အာဝုသော အဓမ္မိကာနိ အမူဠှဝိနယဿ ဒါနာနိ၊ ဝိဘဇိတွာ ကထေဟိ။

ဝိဿဇ္ဇနာ – တီဏိ ဘန္တေ အဓမ္မိကာနိ အမူဠှဝိနယဿ ဒါနာနိ၊ ဣဓ ဘန္တေ ဘိက္ခု အာပတ္တိံ အာပန္နော ဟောတိ၊ တမေနံ စောဒေတိ သင်္ဃော ဝါ သမ္ဗဟုလာ ဝါ ဧကပုဂ္ဂလော ဝါ ‘‘သရတာယသ္မာ ဧဝရူပိံ အာပတ္တိံ အာပဇ္ဇိတာ’’တိ၊ သော သရမာနောဝ ဧဝံ ဝဒေတိ ‘‘န ခေါ အဟံ အာဝုသော သရာမိ ဧဝရူပိံ အာပတ္တိံ အာပဇ္ဇိတာ’’တိ။ အညော သရမာနောဝ ဧဝံ ဝဒေတိ ‘‘သရာမိ ခေါ အဟံ အာဝုသော ယထာ သုပိနန္တေနာ’’တိ။ အညော အနုမ္မတ္တကောဝ ဥမ္မတ္တကာလယံ ကရောတိ ‘‘အဟမ္ပိ ခေါ ဧဝံ ကရောမိ၊ တုမှေပိ ဧဝံ ကရောထ၊ မယှမ္ပိ ဧတံ ကပ္ပတိ၊ တုမှာကမ္ပေတံ ကပ္ပတီ’’တိ။ ဧသံ သင်္ဃော အမူဠှဝိနယံ ဒေတိ၊ အဓမ္မိကံ ဘန္တေ အမူဠှဝိနယဿ ဒါနံ။ ဣမာနိ ခေါ ဘန္တေ တီဏိ အဓမ္မိကာနိ အမူဠှဝိနယဿ ဒါနာနိ။

ပုစ္ဆာ – ကတိ ¶ အာဝုသော ဓမ္မိကာနိ အမူဠှဝိနယဿ ဒါနာနိ၊ ဝိဘဇိတွာ ကထေဟိ။

ဝိဿဇ္ဇနာ – တီဏိ ဘန္တေ ဓမ္မိကာနိ အမူဠှဝိနယဿ ဒါနာနိ၊ ဣဓ ဘန္တေ ဘိက္ခု ဥမ္မတ္တကော ဟောတိ စိတ္တဝိပရိယာသကတော တေန ဥမ္မတ္တကေန စိတ္တဝိပရိယာသကတေန ဗဟုံ အဿာမဏကံ အဇ္ဈာစိဏ္ဏံ ဟောတိ ဘာသိတပရိက္ကန္တံ၊ တမေနံ စောဒေတိ သင်္ဃော ဝါ သမ္ဗဟုလာ ဝါ ဧကပုဂ္ဂလော ဝါ ‘‘သရတာယသ္မာ ဧဝရူပိံ အာပတ္တိံ အာပဇ္ဇိတာ’’တိ၊ သော အဿရမာနောဝ ဧဝံ ဝဒေတိ ‘‘န ခေါ အဟံ အာဝုသော သရာမိ ဧဝရူပိံ အာပတ္တိံ အာပဇ္ဇိတာ’’တိ။ အညောပိ အဿရမာနောဝ ဧဝံ ဝဒေတိ ‘‘သရာမိ ခေါ အဟံ အာဝုသော ယထာ သုပိနန္တေနာ’’တိ။ အညောပိ ဥမ္မတ္တကောဝ ဥမ္မတ္တကာလယံ ကရောတိ ‘‘အဟမ္ပိ ဧဝံ ကရောမိ၊ တုမှေပိ ဧဝံ ကရောထ၊ မယှမ္ပိ ဧတံ ကပ္ပတိ၊ တုမှာကမ္ပေတံ ကပ္ပတီ’’တိ။ ဧသံ ဘန္တေ တိဏ္ဏံ ဘိက္ခူနံ သင်္ဃော အမူဠှဝိနယံ ဒေတိ၊ ဓမ္မိကံ ဘန္တေ အမူဠှဝိနယဿ ဒါနံ။ ဣမာနိ ခေါ ဘန္တေ တီဏိ ဓမ္မိကာနိ အမူဠှဝိနယဿ ဒါနာနိ။

ပုစ္ဆာ – အပ္ပဋိညာယ ¶ အာဝုသော ဘိက္ခူနံ တဇ္ဇနီယာဒီနိ ကမ္မာနိ ကရောန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ¶ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ အပ္ပဋိညာယ ဘိက္ခူနံ ကမ္မာနိ အကံသု တဇ္ဇနီယာဒီနိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ကထံ အာဝုသော အဓမ္မိကံ ဟောတိ ပဋိညာတကရဏံ။

ဝိဿဇ္ဇနာ – အညထာ ဘန္တေ အာပတ္တိံ အာပဇ္ဇန္တဿ အညထာ ပဋိဇာနန္တဿ ယထာ သော ပဋိဇာနာတိ၊ တထာ သင်္ဃော ကာရေတိ၊ ဧဝံ ခေါ ဘန္တေ အဓမ္မိကံ ဟောတိ ပဋိညာတကရဏံ။

ပုစ္ဆာ – ကထံ ¶ အာဝုသော ဓမ္မိကံ ဟောတိ ပဋိညာတကရဏံ။

ဝိဿဇ္ဇနာ – ယံ ဘန္တေ အာပတ္တိံ အာပဇ္ဇန္တဿ တမေဝ ပဋိဇာနန္တဿ တေနေဝ သင်္ဃော ကာရေတိ၊ ဧဝံ ခေါ ဘန္တေ ဓမ္မိကံ ပဋိညာတကရဏံ။

ပုစ္ဆာ – ယေဘုယျသိကာယ ¶ အာဝုသော အဓိကရဏံ ဝူပသမေတုံ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – ရာဇဂဟေ ¶ ဘန္တေ သမ္ဗဟုလေ ဘိက္ခူ အာရဗ္ဘ အနုညာတံ၊ သမ္ဗဟုလာ ဘန္တေ ဘိက္ခူ ဘဏ္ဍနဇာတာ ကလဟဇာတာ ဝိဝါဒါပန္နာ အညမညံ မုခသတ္တီဟိ ဝိတုဒန္တာ ဝိဟရိံသု၊ န သက္ကောန္တိ တံ အဓိကရဏံ ဝူပသမေတုံ၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – ကထံ အာဝုသော အဓိကရဏံ ယေဘုယျသိကာယ ဝူပသမေတဗ္ဗံ။

ဝိဿဇ္ဇနာ – ပဉ္စဟိ ဘန္တေ အင်္ဂေဟိ သမန္နာဂတော ဘိက္ခု သလာကဂ္ဂါဟာပကော သမ္မန္နိတဗ္ဗော၊ တေန ဘန္တေ သလာကဂ္ဂါဟာပကေန ¶ သလာကာ ဂါဟာတဗ္ဗာ ယထာ ဗဟုတရာ ဘိက္ခူ ဓမ္မဝါဒိနော ဝဒန္တိ တထာ တံ အဓိကရဏံ ဝူပသမေတဗ္ဗံ၊ ဧဝံ ခေါ ဘန္တေ ယေဘုယျသိကာယ အဓိကရဏံ ဝူပသမေတဗ္ဗံ။

ပုစ္ဆာ – ကတိ ¶ အာဝုသော အဓမ္မိကာ သလာကဂ္ဂါဟာ။

ဝိဿဇ္ဇနာ – ဒသ ဘန္တေ အဓမ္မိကာ သလာကဂ္ဂါဟာ၊ ဩရမတ္တကဉ္စ အဓိကရဏံ ဟောတိ၊ န စ ဂတိဂတံ ဟောတိ၊ န စ သရိတသာရိတံ ဟောတိ၊ ဇာနာတိ ‘အဓမ္မဝါဒီ ဗဟုတရာ’တိ၊ အပ္ပေဝ နာမ အဓမ္မဝါဒီ ဗဟုတရာ အဿူတိ၊ ဇာနာတိ ‘သင်္ဃော ဘိဇ္ဇိဿတီ’တိ၊ အပ္ပေဝ နာမ သင်္ဃော ဘိဇ္ဇေယျာတိ၊ အဓမ္မေန ဂဏှန္တိ၊ ဝဂ္ဂါ ဂဏှန္တိ၊ န စ ယထာဒိဋ္ဌိယာ ဂဏှန္တိ၊ ဣမေ ခေါ ဘန္တေ ဒသ အဓမ္မိကာ ကလာကဂ္ဂါဟာ။

ပုစ္ဆာ – ကတိ ¶ အာဝုသော ဓမ္မိကာ သလာကဂ္ဂါဟာ။

ဝိဿဇ္ဇနာ – ဒသ ဘန္တေ ဓမ္မိကာ သလာကဂ္ဂါဟာ ဝုတ္တဝိပရိယာယေန။

ပုစ္ဆာ – ပါပုဿန္နဿ အာဝုသော ဘိက္ခုဿ တဿ ပါပိယသိကာ ကမ္မံ ကာတုံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ ဥပဝါဠံ ဘိက္ခုံ အာရဗ္ဘ ပညတ္တံ၊ ဥပဝါဠော ဘန္တေ ဘိက္ခု သင်္ဃမဇ္ဈေ အာပတ္တိယာ အနုယုဉ္ဇိယမာနော အဝဇာနိတွာ ပဋိဇာနာတိ၊ ပဋိဇာနိတွာ အဝဇာနာတိ၊ အညေနညံ ပဋိစရတိ၊ သမ္ပဇာနမုသာ ဘာသတိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ကတိ ¶ အာဝုသော ဓမ္မိကာနိ တဿပါပိယသိကာ ကမ္မဿ ကရဏာနိ။

ဝိဿဇ္ဇနာ – ပဉ္စိမာနိ ဘန္တေ ဓမ္မိကာနိ တဿပါပိယသိကာ ကမ္မဿ ကရဏာနိ။ အသုစိ စ ဟောတိ၊ အလဇ္ဇီ စ၊ သာနုဝါဒေါ စ၊ တဿ သင်္ဃော တဿပါပိယသိကာ ကမ္မံ ကရောတိ ဓမ္မေန သမဂ္ဂေန၊ ဣမာနိ ခေါ ဘန္တေ ပဉ္စ ဓမ္မိကာနိ တဿ ပါပိယသိကာ ကမ္မဿ ကရဏာနိ။

ပုစ္ဆာ – တဿ ¶ ပါပိယသိကာကမ္မကတေန အာဝုသော ဘိက္ခုနာ ကတိသု ဝတ္တေသု သမ္မာ ဝတ္တိတဗ္ဗံ။

ဝိဿဇ္ဇနာ – တဿ ပါပိယသိကာကမ္မကတေန ဘန္တေ ဘိက္ခုနာ အဋ္ဌာရသသု ဝတ္တေသု သမ္မာ ဝတ္တိတဗ္ဗံ။ န ဥပသမ္ပာဒေတဗ္ဗံ၊ န နိဿယော ဒါတဗ္ဗော၊ န သာမဏေရော ဥပဋ္ဌာပေတဗ္ဗော၊ ဧဝမာဒီသု ဘန္တေ အဋ္ဌာရသသု ဝတ္တေသု သမ္မာ ဝတ္တိတဗ္ဗံ။

ပုစ္ဆာ – ကတိ ¶ အာဝုသော အဓိကရဏာနိ သမထေဟိ ဝူပသမေတဗ္ဗာနိ။

ဝိဿဇ္ဇနာ – စတ္တာရိမာနိ ဘန္တေ အဓိကရဏာနိ သမထေဟိ ဝူပသမေတဗ္ဗာနိ၊ ဝိဝါဒါဓိကရဏံ အနုဝါဒါဓိကရဏံ အာပတ္တာဓိကရဏံ ကိစ္စာဓိကရဏံ၊ ဣမာနိ ဘန္တေ စတ္တာရိ အဓိကရဏာနိ သမထေဟိ ဝူပသမေတဗ္ဗာနိ။

ပုစ္ဆာ – ကိံ ¶ အာဝုသော ဝိဝါဒါဓိကရဏဿ မူလံ။

ဝိဿဇ္ဇနာ – ဆ ဘန္တေ ဝိဝါဒမူလာနိ ဝိဝါဒါဓိကရဏဿ မူလံ၊ တီဏိပိ အကုသလမူလာနိ ဝိဝါဒါဓိကရဏဿ မူလံ၊ တီဏိပိ ကုသလမူလာနိ ဝိဝါဒါဓိကရဏဿ မူလံ၊ ဣဒံ ဘန္တေ ဝိဝါဒါဓိကရဏဿ မူလံ။

ပုစ္ဆာ – ကိံ ¶ ပနာဝုသော အနုဝါဒါဓိကရဏဿ မူလံ။

ဝိဿဇ္ဇနာ – ဆ ဘန္တေ အနုဝါဒမူလာနိ အနုဝါဒါဓိကရဏဿ မူလံ၊ တီဏိပိ အကုသလမူလာနိ အနုဝါဒါဓိကရဏဿ မူလံ၊ တီဏိပိ ကုသလမူလာနိ အနုဝါဒါဓိကရဏဿ မူလံ၊ ကာယောပိ အနုဝါဒါဓိကရဏဿ မူလံ၊ ဝါစာပိ အနုဝါဒါဓိကရဏဿ မူလံ၊ ဣဒံ ခေါ ဘန္တေ အနုဝါဒါဓိကရဏဿ မူလံ။

ပုစ္ဆာ – ကိံ ¶ ပနာဝုသော အာပတ္တာဓိကရဏဿ မူလံ။

ဝိဿဇ္ဇနာ – ဆ ဘန္တေ အာပတ္တိသမုဋ္ဌာနာ အာပတ္တာဓိကရဏဿ မူလံ၊ အတ္တိ ဘန္တေ အာပတ္တိ ကာယတော သမုဋ္ဌာတိ န ဝါစတော န စိတ္တတော၊ အတ္ထိ ဘန္တေ အာပတ္တိ ဝါစတော သမုဋ္ဌာတိ န ကာယတော န စိတ္တတော၊ အတ္ထိ ဘန္တေ အာပတ္တိ ကာယတော ¶ စ ဝါစတော စ သမုဋ္ဌာတိ န စိတ္တတော၊ အတ္ထိ ဘန္တေ အာပတ္တိ ကာယတော စ စိတ္တတော စ သမုဋ္ဌာတိ န ဝါစတော၊ အတ္ထိ ဘန္တေ အာပတ္တိ ဝါစတော စ စိတ္တတော စ သမုဋ္ဌာတိ န ကာယတော၊ အတ္ထိ ဘန္တေ အာပတ္တိ ကာယတော စ ဝါစတော စ စိတ္တတော စ သမုဋ္ဌာတိ၊ ဣမာနိ ဘန္တေ ဆ အာပတ္တိ သမုဋ္ဌာနာနိ အာပတ္တာဓိကရဏဿ မူလံ။

ပုစ္ဆာ – ကိံ ¶ ပနာဝုသော ကိစ္စာဓိကရဏဿ မူလံ။

ဝိဿဇ္ဇနာ – ကိစ္စာဓိကရဏဿ ဘန္တေ ဧကံ မူလံ သင်္ဃော။

ပုစ္ဆာ – သမထံ အာဝုသော ပုစ္ဆိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ အာဝုသော ကတိ အာပတ္တိယော။

ဝိဿဇ္ဇနာ – သမထံ ဘန္တေ ဝိဿဇ္ဇိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ ဘန္တေ ဒွေ အာပတ္တိယော။

ပုစ္ဆာ – နဟာယန္တေန ¶ အာဝုသော ဘိက္ခုနာ ရုက္ခေ ဝါ ထမ္ဘေ ဝါ ကုဋ္ဋေ ဝါ ကာယံ ဥဂ္ဃံသေန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ နဟာယမာနာ ရုက္ခေပိ ထမ္ဘေပိ ကုဋ္ဋေပိ ကာယံ ဥဂ္ဃံသေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ဂန္ဓဗ္ဗဟတ္ထကေန ဝါ အာဝုသော ကုရုဝိန္ဒကသုတ္တိယာ ဝါ မလ္လကေန ဝါ နဟာယန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ ဆဗ္ဗဂ္ဂိယေဝ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဂန္ဓဗ္ဗဟတ္ထကေနပိ ကုရုဝိန္ဒကသုတ္တိယာပိ ¶ မလ္လကေနပိ နဟာယိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ပါဏိနာ အာဝုသော ပရိကမ္မံ ကာတုံ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – ရာဇဂဟေ ဘန္တေ သမ္ဗဟုလေ ဘိက္ခူ အာရဗ္ဘ အနုညာတံ၊ သမ္ဗဟုလာ ဘန္တေ ဘိက္ခူ ပိဋ္ဌိပရိကမ္မံ ကာတုံ ကုက္ကုစ္စာယိံသု၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – ဝလ္လိကံ ¶ ဝါ အာဝုသော ပါမင်္ဂံ ဝါ ကဏ္ဌသုတ္တကံ ဝါ ကဋိသုတ္တကံ ဝါ ဩဝဋ္ဋိကံ ဝါ ကာယုရံ ဝါ ဟတ္ထာဘရဏံ ဝါ အင်္ဂုလိမုဒ္ဒိကံ ဝါ ဓာရေန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဝလ္လိကာဒီနိ ဓာရေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ဒီဃေ ¶ အာဝုသော ကေသေ ဓာရေန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဒီဃေ ကေသေ ဓာရေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ကောစ္ဆေနဝါ ¶ အာဝုသော ဖဏကေနဝါ ဟတ္ထဖဏကေနဝါ ကေသေ ဩသဏ္ဌေန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ ဆဗ္ဗဂ္ဂိယေဝ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ကောစ္ဆာဒီဟိ ကေသေ ဩသဏ္ဌေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – အာဒါသေ ¶ ဝါ အာဝုသော ဥဒကပတ္တေ ဝါ မုခနိမိတ္တံ ဩလောကေန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ ဆဗ္ဗဂ္ဂိယေဝ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ အာဒါသေပိ ဥဒကပတ္တေပိ မုခနိမိတ္တံ ဩလောကေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – အာဗာဓပစ္စယာ ¶ ပနာဝုသော အာဒါသေ ဝါ ဥဒကပတ္တေ ဝါ မုခနိမိတ္တံ ဩလောကေတုံ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – ရာဇဂဟေ ဘန္တေ အညတရံ ဘိက္ခုံ အာရဗ္ဘ အနုညာတံ၊ ဘဂဝတိ ဘန္တေ ရာဇဂဟေ ဝိဟရတိ အညတရဿ ဘိက္ခုနော မုခေ ဝဏော အဟောသိ၊ သော ဘိက္ခူ ဧတဒဝေါစ ‘‘ကီဒိသော မေ အာဝုသော ဝဏော’’တိ၊ ဘိက္ခူ ဧဝမာဟံသု ‘‘ဧဒိသော တေ အာဝုသော ဝဏော’’တိ၊ သော န သဒ္ဒဟတိ၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – မုခါလေပနာဒီနိ ¶ အာဝုသော ကရောန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ မုခါလေပနာဒီနိ အကံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – နစ္စံ ¶ ဝါ အာဝုသော ဂီတံ ဝါ ဝါဒိတံ ဝါ ဒဿနာယ ဂစ္ဆန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ နစ္စမ္ပိ ဂီတမ္ပိ ဝါဒိတမ္ပိ ဒဿနာယ ဂစ္ဆိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ကထံ အာဝုသော နစ္စာဒီနိ ပဿန္တဿ အာပတ္တိ ဟောတိ၊ ကထံ ပန အနာပတ္တိ။

ဝိဿဇ္ဇနာ – နစ္စံ ဝါ ဘန္တေ ဂီတံ ဝါ ဝါဒိတံ ဝါ ဒဿနာယ ဂစ္ဆတိ အာပတ္တိ ဒုက္ကဋဿ၊ ယတ္ထ ဌိတော ပဿတိ ဝါ သုဏာတိ ဝါ အာပတ္တိ ဒုက္ကဋဿ ¶ ၊ ဒဿနူပစာရံ ဝိဇဟိတွာ ပုနပ္ပုနံ ပဿတိ အာပတ္တိ ဒုက္ကဋဿ၊ အာရာမေ ဌိတဿ ပဿတော အနာပတ္တိ၊ ဝိဟာရတော ပန ဝိဟာရံ ပဿိဿာမီတိ ဂစ္ဆတော အာပတ္တိယေဝ၊ ယတ္ထ ဌိတော ပဿတိ ဝါ သုဏာတိ ဝါ အာပတ္တိ ဒုက္ကဋဿ၊ အာသနသာလာယ နိသိန္နော ပဿတိ အနာပတ္တိ၊ ပဿိဿာမီတိ ဝုဋ္ဌဟိတွာ ဂစ္ဆတိ အာပတ္တိ ဒုက္ကဋဿ၊ ယတ္ထ ဌိတော ပဿတိ ဝါ သုဏာတိ ဝါ အာပတ္တိ ဒုက္ကဋဿ၊ ပတိပထံ ဂစ္ဆန္တော ပဿတိ အနာပတ္တိ၊ ဂီဝံ ပရိဝတ္တေတွာ ပဿတော ပန အာပတ္တိ ဘန္တေ။

ပုစ္ဆာ – အာယတကေန ¶ အာဝုသော ဂီတဿရေန ဓမ္မံ ဂါယန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ အာယတကေန ဂီတဿရေန ဓမ္မံ ဂါယိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ဒါရုပတ္တံ ¶ အာဝုသော ဓာရေန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ အာယသ္မန္တံ ပိဏ္ဍောလဘာရဒွါဇံ အာရဗ္ဘ ပညတ္တံ၊ အာယသ္မာ ဘန္တေ ပိဏ္ဍောလဘာရဒွါဇော ဆဝဿ ဒါရုပတ္တဿ ကာရဏာ ဂိဟီနံ ဥတ္တရိမနုဿဓမ္မံ ဣဒ္ဓိပါဋိဟာရိယံ ဒဿေတိ၊ တသ္မိံ ဘန္တေ ဝတ္ထုသ္မိံ ပညတ္တံ။

န ¶ စ ဘိက္ခဝေ ဒါရုပတ္တော ဓာရေတဗ္ဗော၊ ယော ဓာရေယျ အာပတ္တိ ဒုက္ကဋဿ –

ပုစ္ဆာ – ဘဂဝတာ အာဝုသော ဥစ္စာဝစေ ပတ္တေ ပဋိက္ခိပိတွာ အယော ပတ္တော ဘူမိပတ္တောတိ ဣမေယေဝ ဒွေ ပတ္တာ ကတ္ထ အနုညာတာ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတာ။

ဝိဿဇ္ဇနာ – ရာဇဂဟေ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ အနုညာတာ၊ ဆဗ္ဗဂ္ဂိယာ ဘန္တေ ဘိက္ခူ ဥစ္စာဝစေ ပတ္တေ ဓာရေသုံ သောဝဏ္ဏမယာ ¶ ရူပိယမယာ၊ တသ္မိံ ဘန္တေ ဝတ္ထုသ္မိံ အနုညာတာ။

ပုစ္ဆာ – သောဒကံ ¶ အာဝုသော ပတ္တံ ပဋိသာမေန္တဿ စ ဩတာပေန္တဿစ ဥဏှေ ပတ္တံ နိဒဟန္တဿ စ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ သောဒကံ ပတ္တံ ပဋိသာမေသုံ၊ ဩတာပေသုံ၊ ဥဏှေ ပတ္တံ နိဒဟိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ဆဝသီသပတ္တံ ¶ အာဝုသော ဓာရေန္တဿ စ သဗ္ဗပံသုကူလိကဿ စ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ အညတရံ ဘိက္ခုံ အာရဗ္ဘ ပညတ္တံ၊ အညတရော ဘန္တေ ဘိက္ခု သဗ္ဗပံသုကူလိကော အဟောသိ၊ သော ဆဝသီသဿ ပတ္တံ ဓာရေသိ၊ အညတရာ ဣတ္ထီ ပဿိတွာ ဘီတာ ¶ ဝိဿရမကာသိ ‘‘အဘုံ မေ ပိသာစော ဝတာယ’’န္တိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – စလကာနိ ဝါ အာဝုသော အဋ္ဌိကာနိ ဝါ ဥစ္ဆိဋ္ဌောဒကံ ဝါ ပတ္တေန နီဟရန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ စလကာနိပိ အဋ္ဌိကာနိပိ ဥစ္ဆိဋ္ဌော ဒကမ္ပိ ပတ္တေန နီဟရိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ဥပါဟနတ္ထဝိကာ ¶ အာဝုသော ဘဂဝတာ ကတ္ထ အနုညာတာ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတာ။

ဝိဿဇ္ဇနာ – အန္တရာ စ ဘန္တေ ရာဇဂဟံ အန္တရာ စ ဝေသာလိံ အညတရံ ဘိက္ခုံ အာရဗ္ဘ အနုညာတာ၊ အညတရော ဘန္တေ ဘိက္ခု ဥပါဟနာယော ကာယဗန္ဓနေန ဗန္ဓိတွာ ဂါမံ ပိဏ္ဍာယ ပါဝိသိ၊ အညတရော ဥပါသကော တံ ဘိက္ခုံ အဘိဝါဒေန္တော ဥပါဟနာယော သီသေန ဃဋ္ဋေတိ၊ သော ဘိက္ခု မင်္ကု အဟောသိ၊ တသ္မိံ ဘန္တေ ဝတ္ထုသ္မိံ အနုညာတာ။

ပုစ္ဆာ – အဒ္ဓါနမဂ္ဂပ္ပဋိပန္နေန ¶ အာဝုသော ပရိဿာဝနံ ယာစိယမာနေန န ဒဒန္တဿ စ အပ္ပဋိဿာဝနကေန အဒ္ဓါနံ ပဋိပဇ္ဇန္တဿ စ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – အန္တရာ စ ဘန္တေ ရာဇဂဟံ အန္တရာ စ ဝေသာလိံ အညတရံ ဘိက္ခုံ အာရဗ္ဘ ပညတ္တံ၊ အညတရော ဘန္တေ ဘိက္ခု ပရိဿာဝနံ ယာစိယမာနော န အဒါသိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ပုပ္ဖာဘိကိဏ္ဏေ ¶ အာဝုသော သယနေ သယန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ဝေသာလိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ပုပ္ဖာဘိကိဏ္ဏေသု သယနေသု သယိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ဧကဘာဇနေ ဝါ အာဝုသော ဘုဉ္ဇန္တာနံ ဧကထာလကေ ဝါ ပိဝန္တာနံ ဧကတ္ထရဏပါဝုရဏာနံ ဝါ တုဝဋ္ဋာနံ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ဝေသာလိယံ ဘန္တေ ဆဗ္ဗဂ္ဂိယေဝ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဧကဘာဇနေပိ ဘုဉ္ဇိံသု၊ ဧကထာလကေပိ ¶ ပိဝိံသု၊ ဧကမဉ္စကေပိ တုဝဋ္ဋေသုံ၊ ဧကတ္ထရဏာပိ တုဝဋ္ဋေသုံ၊ ဧကပါဝုရဏာပိ တုဝဋ္ဋေသုံ၊ ဧကတ္ထရဏပါဝုရဏာပိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – စာမရိဗီဇနိံ အာဝုသော ပဋိက္ခိပိတွာ တိဿော ဗီဇနိယော ဘဂဝတာ ကတ္ထ အနုညာတာ၊ ကိသ္မိဉ္စ ဝတ္ထုသ္မိံ အနုညာတာ။

ဝိဿဇ္ဇနာ – သာဝတ္ထိယံ ဘန္တေ အနုညာတာ၊ သာဝတ္ထိယံ ဘန္တေ ဘဂဝတိ ဝိဟရတိ သင်္ဃဿ စာမရိဗီဇနီ ဥပ္ပန္နာ အဟောသိ၊ ဘဂဝတော ဧတမတ္ထံ အာရောစေသုံ၊ တသ္မိံ ဘန္တေ ဝတ္ထုသ္မိံ အနုညာတာ။

န ¶ ဘိက္ခဝေ စာမရိဗီဇနီ ဓာရေတဗ္ဗာ၊ ယော ဓာရေယျ၊ အာပတ္တိ ဒုက္ကဋဿ။ အနုဇာနာမိ ဘိက္ခဝေ တိဿော ဗီဇနိယော ဝါကမယံ ဥသီရမယံ မောရပိဉ္ဆာ မယံ။

ပုစ္ဆာ – ဒီဃေ အာဝုသော နခေ ဓာရေန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ¶ ဘန္တေ အညတရံ ဘိက္ခုံ အာရဗ္ဘ ပညတ္တံ၊ အညတရော ဘန္တေ ဘိက္ခု ဒီဃေ နခေ ဓာရေသိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ကတ္တရိကာယ ¶ အာဝုသော ကေသေ ဆေဒါပေန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ကတ္တရိကာယ ကေသေ ဆိန္ဒိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ဒီဃေ ¶ အာဝုသော နာသိကာလောမေ ဓာရေန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ ဒီဃာနိ နာသိကာလောမာနိ ဓာရေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ဥစ္စာဝစာ အာဝုသော ကဏ္ဏမလဟရဏိယော ပဋိက္ခိပိတွာ ဒသ ကဏ္ဏမလဟရဏိယော ဘဂဝတာ ကတ္ထ အနုညာတာ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတာ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ အနုညာတာ၊ ဆဗ္ဗဂ္ဂိယာ ဘန္တေ ဘိက္ခူ ဥစ္စာဝစာ ကဏ္ဏမလဟရဏိယော ဓာရေသုံ ¶ သောဝဏ္ဏမယံ ရူပိယမယံ၊ တသ္မိံ ဘန္တေ ဝတ္ထုသ္မိံ အနုညာတာ။

ပုစ္ဆာ – သင်္ဃာဋိပလ္လတ္ထိကာယ နိသီဒန္တဿ အာဝုသော ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ သင်္ဃာဋိပလ္လတ္ထိကာယ နိသီဒိံသု၊ သင်္ဃာဋိယာ ¶ ပတ္တာ လုဇ္ဇိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – အကာယဗန္ဓနေန အာဝုသော ဂါမံ ပဝိသန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အညတရံ ဘိက္ခုံ အာရဗ္ဘ ပညတ္တံ၊ အညတရော ဘန္တေ ဘိက္ခု အကာယဗန္ဓနော ဂါမံ ပိဏ္ဍာယ ပါဝိသိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ဂိဟိနိဝတ္ထံ ¶ အာဝုသော နိဝါသေန္တဿ စ၊ ဂိဟိပါရုတံ ပါရုပန္တဿ စ၊ သံဝေလ္လိယံ နိဝါသေန္တဿ စ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဂိဟိနိဝတ္ထံ နိဝါသိံသု၊ ဂိဟိပါရုတမ္ပိ ပါရုပိံသု၊ သံဝေလ္လိယမ္ပိ နိဝါသိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ဥဘတော ¶ ကာဇံ အာဝုသော ဓာရေန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဥဘတော ကာဇံ ဓာရေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – လောကာယတံ ¶ အာဝုသော ပရိယာပုဏန္တဿ စ ဝါစေန္တဿ စ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ လောကာယတံ ပရိယာပုဏိံသုပိ ဝါစေသုမ္ပိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – တိရစ္ဆာနဝိဇ္ဇံ ¶ အာဝုသော ပရိယာပုဏန္တဿ စ ဝါစေန္တဿ စ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ တိရစ္ဆာနဝိဇ္ဇံ ပရိယာပုဏိံသုပိ ဝါစေသုမ္ပိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ခိပိတေ အာဝုသော ‘‘ဇီဝါ’’တိဝဒန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ¶ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ ဘဂဝါ ဘန္တေ မဟတိယာ ပရိသာယ ပရိဝုတော ဓမ္မံ ဒေသေန္တော ခိပိ၊ ဘိက္ခူ ‘‘ဇီဝတု ဘန္တေ ဘဂဝါ၊ ဇီဝတု သုဂတောတိ’’ ဥစ္စာသဒ္ဒံ မဟာသဒ္ဒံ အကံသု၊ တေန သဒ္ဒေန ဓမ္မကထာ အန္တရာ အဟောသိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – အာရာမေ အာဝုသော ပဿာဝဝစ္စာနံ တဟံ တဟံ ကရဏံ ပဋိက္ခိပိတွာ ဧကမန္တံ ကာတုံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ အာရာမေ တဟံ တဟံ ပဿာဝံ အကံသု၊ တဟံ တဟံ ဝစ္စံ အကံသု၊ အာရာမော ဒုဿိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ခုဒ္ဒကဝတ္ထုံ ¶ ပုစ္ဆိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ အာဝုသော ကတိ အာပတ္တိယော။

ဝိဿဇ္ဇနာ – ခုဒ္ဒကံ ဝိဿဇ္ဇိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ ဘန္တေ တိဿော အာပတ္တိယော။

ပုစ္ဆာ – ပဉ္စ ¶ အာဝုသော လေဏာနိ ဘဂဝတာ ကတ္ထ အနုညာတာနိ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတာနိ။

ဝိဿဇ္ဇနာ – ရာဇဂဟေ ဘန္တေ သမ္ဗဟုလေ ဘိက္ခူ အာရဗ္ဘ အနုညာတာနိ၊ သမ္ဗဟုလာ ဘန္တေ ဘိက္ခူ ဘဂဝန္တံ ဥပသင်္ကမိတွာ ဧတဒဝေါစုံ ‘‘ရာဇဂဟကော ဘန္တေ သေဋ္ဌီ ဝိဟာရေ ကာရာပေတုကာမော၊ ကထံ နု ခေါ ဘန္တေ ပဋိပဇ္ဇိတဗ္ဗ’’န္တိ၊ တသ္မိံ ဘန္တေ ဝတ္ထုသ္မိံ အနုညာတာနိ။

ပုစ္ဆာ – ကထံ ¶ အာဝုသော ဝိဟာရာ ပဌမံ ဥပ္ပန္နာ၊ ကထဉ္စ တေ ပတိဋ္ဌာပိ တာ။

ဝိဿဇ္ဇနာ – ဧကာဟေနေဝ ¶ ဘန္တေ ရာဇဂဟကေန သေဋ္ဌိနာ ဆဋ္ဌိဝိဟာရာ ပတိဋ္ဌာပိတာ၊ တေ ဣဓ ဘန္တေ သဋ္ဌိဝိဟာရာ ဗုဒ္ဓပ္ပမုခဿ အာဂတာနာဂတဿ စာတုဒ္ဒိသဿ သင်္ဃဿ ပတိဋ္ဌာပိတာ။

ပုစ္ဆာ – ဝိဟာရေ ¶ အာဝုသော ပဋိဘာနကမ္မံ ပဋိက္ခိပိတွာ မာလာကမ္မာဒီနိ ဘဂဝတာ ကတ္ထ အနုညာတာနိ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတာနိ။

ဝိဿဇ္ဇနာ – ရာဇဂဟေ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ အနုညာတာနိ။ ဆဗ္ဗဂ္ဂိယာ ဘန္တေ ဘိက္ခူ ဝိဟာရေ ပဋိဘာနစိတ္တံ ကာရာပေသုံ ဣတ္ထိရူပကံ ပုရိသရူပကံ၊ တသ္မိံ ဘန္တေ ဝတ္ထုသ္မိံ အနုညာတာနိ။

ပုစ္ဆာ – ယထာဝုဍ္ဎံ ¶ အာဝုသော အဘိဝါဒနာဒီနိ စ အဂ္ဂါသနာဒီနိ စ အနုဇာနိတွာ သင်္ဃိကံ ယထာဝုဍ္ဎံ ပဋိဗာဟန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – အန္တရာ စ ဘန္တေ ဝေသာလိံ အန္တရာ စ သာဝတ္ထိံ ဆဗ္ဗဂ္ဂိယာနံ ဘိက္ခူနံ အန္တေဝါသိကေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာနံ ဘန္တေ ဘိက္ခူနံ အန္တေဝါသိကာ ဘိက္ခူ ဗုဒ္ဓပ္ပမုခဿ သင်္ဃဿ ပုရတော ပုရတော ဂန္တွာ ဝိဟာရေ ပဋိဂ္ဂဟေသုံ၊ သေယျာယော ပဋိဂ္ဂဟေသုံ ‘‘ဣဒံ အမှာကံ ဥပဇ္ဈာယာနံ ဘဝိဿတိ၊ ဣဒံ အမှာကံ အာစရိယာနံ ဘဝိဿတိ၊ ဣဒံ အမှာကံ ဘဝိဿတီ’’တိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ဧကေန ¶ အာဝုသော ဒွေ ပဋိဗာဟန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အာယသ္မန္တံ ဥပနန္ဒံ သကျပုတ္တံ အာရဗ္ဘ ပညတ္တံ၊ အာယသ္မာ ဘန္တေ ဥပနန္ဒော သကျပုတ္တော ဧကော ဒွေ ပဋိဗာဟိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – နဝကေန ¶ အာဝုသော ဥဒ္ဒိသန္တေန သမကေ ဝါ အာသနေ နိသီဒိတုံ ဥစ္စတရေ ဝါ ဓမ္မဂါရဝေန၊ ထေရေန ပန ဘိက္ခုနာ ဥဒ္ဒိသာပေန္တေန သမကေ ဝါ အာသနေ နိသီဒိတုံ နီစတရေ ဝါ ဓမ္မဂါရဝေန ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလေ ဘိက္ခူ အာရဗ္ဘ အနုညာတံ၊ သမ္ဗဟုလာ ဘန္တေ ဘိက္ခူ အာယသ္မတော ဥပါလိဿ သန္တိကေ ဝိနယံ ပရိယာပုဏိံသု၊ အာယသ္မာ ဘန္တေ ဥပါလိ ဌိတကောဝ ဥဒ္ဒိသတိ ထေရာနံ ဘိက္ခူနံ ဂါရဝေန၊ တတ္ထ ဘန္တေ ထေရာ စေဝ ဘိက္ခူ ကိလမိံသု အာယသ္မာ စ ဥပါလိ ကိလမိ၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – တိဝဿန္တရေန ¶ အာဝုသော သဟ နိသီဒိတုံ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလေ ဘိက္ခူ အာရဗ္ဘ အနုညာတံ၊ သမ္ဗဟုလာနံ ဘန္တေ ဘိက္ခူနံ ဧတဒဟောသိ ‘‘ကိတ္တာဝတာနု ခေါ သမာနာသနိကော ဟောတီ’’တိ၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – မဉ္စေ ¶ စ အာဝုသော ပီဌေ စ ဒွိန္နံယေဝ နိသီဒိတုံ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလေ သမာနာသနိကေ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ သမာနာသနိကာ မဉ္စေ နိသီဒိတွာ မဉ္စံ ဘိန္ဒိံသု၊ ပီဌေ နိသီဒိတွာ ပီဌံ ဘိန္ဒိံသု၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – ဒီဃာသနေ ¶ ပနာဝုသော အသမာနာသနိကေဟိပိ နိသီဒိတုံ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလေ ဘိက္ခူ အာရဗ္ဘ အနုညာတံ၊ သမ္ဗဟုလာ ဘန္တေ ဘိက္ခူ ဒီဃာသနေ အသမာနာသနိကေဟိ သဟ နိသီဒိတုံ ကုက္ကုစ္စာယိံသု၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – ပဉ္စ ¶ အာဝုသော အဝိဿဇ္ဇိယာနိ ဘဂဝတာ ကတ္ထ ပညတ္တာနိ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တာနိ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တာနိ၊ သမ္ဗဟုလာ ဘန္တေ ဘိက္ခူ သင်္ဃိကံ သေနာသနံ ဝိဿဇ္ဇေသုံ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ပဉ္စ ¶ အာဝုသော အဝေဘင်္ဂိယာနိ ဘဂဝတာ ကတ္ထ ပညတ္တာနိ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တာနိ။

ဝိဿဇ္ဇနာ – ကီဋာဂိရိသ္မိံ ဘန္တေ အဿဇိပုနဗ္ဗသုကေ ဘိက္ခူ အာရဗ္ဘ ပညတ္တာနိ၊ အဿဇိပုနဗ္ဗသုကာ ဘန္တေ ဘိက္ခူ သင်္ဃိကံ သေနာသနံ ဝိဘဇိံသု၊ တသ္မိံ ဘန္တေ ဝတ္ထုသ္မိံ ပညတ္တာနိ။

ပုစ္ဆာ – အညတြ ¶ ပရိဘောဂံ အာဝုသော အညတြ ပရိဘုဉ္ဇန္တဿ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – အာဠဝိယံ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ အညတရဿ ဥပါသကဿ ဝိဟာရပရိဘောဂံ သေနာသနံ အညတြ ပရိဘုဉ္ဇိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – အဓောတေဟိ စ အာဝုသော အလ္လေဟိ စ ပါဒေဟိ သေနာသနံ အက္ကမန္တဿ စ သဥပါဟနေန သေနာသနံ အက္ကမန္တဿ စ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – အာဠဝိယံ ¶ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ အဓောတေဟိ ပါဒေဟိ သေနာသနံ အက္ကမိံသု၊ အလ္လေဟိ စ ပါဒေဟိ သေနာသနံ အက္ကမိံသု၊ သဥပါဟနာပိ သေနာသနံ အက္ကမိံသု၊ သေနာသနံ ဒုဿိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ပရိကမ္မကတာယ အာဝုသော ဘူမိယာ နိဋ္ဌုဘန္တဿ စ ပရိကမ္မကတံ ဘိတ္တိံ အပဿယန္တဿ စ ဒုက္ကဋံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – အာဠဝိယံ ¶ ဘန္တေ သမ္ဗဟုလေဝ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဘိက္ခူ ပရိကမ္မကတာယ ဘူမိယာ နိဋ္ဌုဘိံသု၊ ပရိကမ္မကတံ ဘိတ္တိံ အပဿယိံသု၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – သေနာသနက္ခန္ဓကံ ပုစ္ဆိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ အာဝုသော ကတိ အာပတ္တိယော။

ဝိဿဇ္ဇနာ – သေနာသနက္ခန္ဓကံ ¶ ဝိဿဇ္ဇိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ ဘန္တေ တိဿော အာပတ္တိယော။

ပုစ္ဆာ – ကထံ ¶ အာဝုသော ဆန္နံ သကျကုမာရာနံ သဟ ဥပါလိကပ္ပကေန ပဗ္ဗဇ္ဇာ အဟောသိ၊ ကထဉ္စ နေသံ ဝိသေသော ဥဒပါဒိ။

ဝိဿဇ္ဇနာ – ဘဂဝါ ဘန္တေ ဥပါလိံ ကပ္ပကံ ပဌမံ ပဗ္ဗာဇေသိ၊ ပစ္ဆာ တေ သကျကုမာရေ၊ အထ ဘန္တေ အာယသ္မာ ဘဒ္ဒိယော တေနေဝ အန္တရဝဿေန တိဿော ဝိဇ္ဇာ သစ္ဆာကာသိ၊ အာယသ္မာ အနုရုဒ္ဓါ ဒိဗ္ဗစက္ခုံ ဥပ္ပာဒေသိ၊ အာယသ္မာ အာနန္ဒော သောတာပတ္တိဖလံ သစ္ဆာကာသိ၊ ဒေဝဒတ္တော ပေါထုဇ္ဇနိကံ ဣဒ္ဓိံ အဘိနိပ္ဖာဒေသိ။ ဧဝံ ခေါ ဘန္တေ ဆန္နံ သကျကုမာရာနံ ဥပါလိကပ္ပကေန သဟ ပဗ္ဗဇ္ဇာ အဟောသိ၊ ဧဝဉ္စ ပန ဘန္တေ တေသံ ဝိသေသာဓိဂမော အဟောသိ။

ပုစ္ဆာ – ပကာသနီယကမ္မံ ¶ အာဝုသော ကာတုံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ ဒေဝဒတ္တံ အာရဗ္ဘ ပညတ္တံ၊ ဒေဝဒတ္တော ဘန္တေ ‘‘သရာဇိကာယ မံ ဘဂဝါ ပရိသာယ ခေဠာသကဝါဒေန အပသာဒေတိ၊ သာရိပုတ္တမောဂ္ဂလ္လာနေဝ ဥက္ကံသတီ’’တိ ကုပိတော အနတ္တမနော ဘဂဝတိ အာဃာတံ ဗန္ဓိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ဒေဝဒတ္တဿ ¶ အာဝုသော ပကာသနီယကမ္မံ ကာရာပေတွာ ကထံ ဘဂဝါ ပကာသေတုံ အာဏာပေသိ။

ဝိဿဇ္ဇနာ – ဘဂဝါ ဘန္တေ ဒေဝဒတ္တဿ ပကာသနီယကမ္မံ ကာတုံ ပညပေတွာ အာယသ္မန္တံ သာရိပုတ္တံ အာမန္တေသိ ‘‘တေန ဟိ တွံ သာရိပုတ္တ ဒေဝဒတ္တံ ရာဇဂဟေ ပကာသေဟီ’’တိ၊ ဧဝံ ခေါ ဘန္တေ ဒေဝဒတ္တဿ ပကာသနီယကမ္မံ ကတွာ ဒေဝဒတ္တံ ရာဇဂဟေ ပကာသေတုံ ဘဂဝါ အာဏာပေသိ။

ပုစ္ဆာ – ကထံ ¶ အာဝုသော ဒေဝဒတ္တေန ဒုဋ္ဌစိတ္တေန ဝဓကစိတ္တေန တထာ ဂတဿ ရုဟိရံ ဥပ္ပာဒေတွာ ပဌမံ အာနန္တရိယံ ကမ္မံ ဥပစိတံ။

ဝိဿဇ္ဇနာ – ဘဂဝါ ဘန္တေ ဂိဇ္ဈကူဋဿ ပဗ္ဗတဿ ဆာယာယံ စင်္ကမိ၊ အထ ဘန္တေ ဒေဝဒတ္တော ဂိဇ္ဈကူဋံ ပဗ္ဗတံ အာရုဟိတွာ မဟတိံ သိလံ ပဝိဇ္ဈိ ‘‘ဣမာယ သမဏံ ဂေါတမံ ဇီဝိတာ ဝေါရောပေဿာမီ’’တိ၊ အထ ခေါ ဘန္တေ ဒွေ ပဗ္ဗတကူဋာနိ သမာဂန္တွာ တံ သိလံ သမ္ပဋိစ္ဆိံသု၊ တတော ပပတိကာ ဥပ္ပတိတွာ ဘဂဝတော ပါဒေ ရုဟိရံ ဥပ္ပာဒေသိ။ ဧဝံ ခေါ ဘန္တေ ဒေဝဒတ္တေန ဒုဋ္ဌေန ဝဓကစိတ္တေန တထာဂတဿ ရုဟိရံ ဥပ္ပာဒေတွာ ပဌမံ အာနန္တရိယကမ္မံ ဥပစိတံ။

ပုစ္ဆာ – ကုလေသု ¶ အာဝုသော တိကဘောဇနံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ ဒေဝဒတ္တံ အာရဗ္ဘ ပညတ္တံ၊ ဒေဝဒတ္တော ဘန္တေ ပရိဟီနလာဘသက္ကာရော သပရိသော ကုလေသု ဝိညာပေတွာ ဝိညာပေတွာ ဘုဉ္ဇိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – အလံ ¶ ဒေဝဒတ္တ၊ မာ တေ ရုစ္စိ သင်္ဃဘေဒေါ၊ ဂရုကော ခေါ ဒေဝဒတ္တ သင်္ဃဘေဒေါတိအာဒိကော အာဝုသော ဩဝါဒေါ ဘဂဝတာ ကတ္ထ ဒိန္နော၊ ကိသ္မိံ ဝတ္ထုသ္မိံ ဒိန္နော။

ဝိဿဇ္ဇနာ – ရာဇဂဟေ ဘန္တေ ဒေဝဒတ္တံ အာရဗ္ဘ ဒိန္နော၊ ဒေဝဒတ္တော ဘန္တေ သင်္ဃဘေဒါယ ပရက္ကမိ စက္ကဘေဒါယ၊ တသ္မိံ ဘန္တေ ဝတ္ထုသ္မိံ ဒိန္နော။

အလံ ¶ ဒေဝဒတ္တ၊ မာ တေ ရုစ္စိ သင်္ဃဘေဒေါ၊ ဂရုကော ခေါ ဒေဝဒတ္တ သင်္ဃဘေဒေါ –

ပုစ္ဆာ – ‘‘သုကရံ သာဓုနာ သာဓုံ၊ သာဓုံ ပါပေန ဒုက္ကရံ။ ပါပံ ပါပေန သုကရံ၊ ပါပမရိယေဟိ ဒုက္ကရ’’န္တိ- အာဝုသော ¶ ဣဒံ ဥဒါနံ ဘဂဝတာ ကတ္ထ ဥဒါနိတံ၊ ကံ အာရဗ္ဘ ကိသ္မိံ ဝတ္ထုသ္မိံ ဥဒါနိတံ။

ဝိဿဇ္ဇနာ – ရာဇဂဟေ ဘန္တေ ဒေဝဒတ္တံယေဝ အာရဗ္ဘ ဥဒါနိတံ၊ အာယသ္မာ ဘန္တေ အာနန္ဒော ပုဗ္ဗဏှသမယံ နိဝါသေတွာ ပတ္တစီဝရမာဒါယ ရာဇဂဟံ ပိဏ္ဍာယ ပါဝိသိ၊ အထ ခေါ ဘန္တေ ဒေဝဒတ္တော ယေနာယသ္မာ အာနန္ဒော တေနုပသင်္ကမိ၊ ဥပသင်္ကမိတွာ အာယသ္မန္တံ အာနန္ဒံ ဧတဒဝေါစ ‘‘အဇ္ဇတဂ္ဂေ ဒါနာဟံ အာဝုသော အာနန္ဒ အညတြေဝ ဘဂဝတာ အညတြေဝ ဘိက္ခုသင်္ဃာ ဥပေါသထံ ကရိဿာမိ သင်္ဃကမ္မံ ကရိဿာမီ’’တိ၊ တသ္မိံ ဘန္တေ ဝတ္ထုသ္မိံ ဥဒါနိတံ။

သုကရံ သာဓုနာ သာဓုံ၊ သာဓုံ ပါပေန ဒုက္ကရံ၊

ပါပံ ပါပေန သုကရံ၊ ပါပမရိယေဟိ ဒုက္ကရံ။

ပုစ္ဆာ – ဘေဒါနုဝတ္တကာနံ ¶ အာဝုသော ဘိက္ခူနံ ထုလ္လစ္စယံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – ရာဇဂဟေ ဘန္တေ သမ္ဗဟုလေ ဘိက္ခူ အာရဗ္ဘ ပညတ္တံ၊ အာယသ္မာ ဘန္တေ သာရိပုတ္တော ဘဂဝန္တံ ဥပသင်္ကမိတွာ ဧတဒဝေါစ ‘‘သာဓု ဘန္တေ ဘေဒါနုဝတ္တကာ ဘိက္ခူ ပုန ဥပသမ္ပဇ္ဇေယျု’’န္တိ၊ တသ္မိံ ဘန္တေ ဝတ္ထုသ္မိံ ပညတ္တံ။

‘‘သာဓု ¶ ဘန္တေ ဘေဒါနုဝတ္တကာ ဘိက္ခူ ပုန ဥပသမ္ပဇ္ဇေယျု’’န္တိ –

ပုစ္ဆာ – ကိတ္တာဝတာ ¶ နု ခေါ အာဝုသော သင်္ဃရာဇိ ဟောတိ နော စ သင်္ဃဘေဒေါ၊ ကိတ္တာဝတာ စ ပန သင်္ဃရာဇိ စေဝ ဟောတိ သင်္ဃဘေဒေါ စ။

ဝိဿဇ္ဇနာ – ဧကတော ဘန္တေ ဧကော ဟောတိ၊ ဧကတော ဒွေ စတုတ္ထော အနုဿာဝေတိ၊ သလာကံ ဂါဟေတိ ‘‘အယံ ဓမ္မော အယံ ဝိနယော ဣဒံ သတ္ထုသာသနံ ဣမံ ဂဏှထ ဣမံ ရောစေထာတိ’’၊ ဧတေနေဝ ဘန္တေ နယေန စတုန္နံ ဝါ ပဉ္စန္နံ ဝါ ဆန္နံ ဝါ သတ္တန္နံ ဝါ အဋ္ဌန္နံ ဝါ သင်္ဃရာဇိ ဟောတိ၊ နော စ သင်္ဃဘေဒေါ၊ ဧကတော ဘန္တေ စတ္တာရော ဟောန္တိ၊ ဧကတော စတ္တာရော၊ နဝမော အနုဿာဝေတိ၊ သလာကံ ဂါဟေတိ ‘‘အယံ ဓမ္မော အယံ ဝိနယော ဣဒံ သတ္ထုသာသနံ ဣမံ ဂဏှထ ဣမံ ရောစေထာ’’တိ၊ ဧဝံ ခေါ ဘန္တေ သင်္ဃရာဇိ စေဝ ဟောတိ သင်္ဃဘေဒေါ စ။ ဧဝံ ခေါ ဘန္တေ သင်္ဃရာဇိ ဟောတိ၊ နော စ သင်္ဃဘေဒေါ၊ ဧဝဉ္စ ပန ဘန္တေ သင်္ဃရာဇိ စေဝ ဟောတိ သင်္ဃဘေဒေါ စ။

ပုစ္ဆာ – ကိတ္တာဝတာ ¶ နု ခေါ အာဝုသော သင်္ဃော ဘိန္နော ဟောတိ။

ဝိဿဇ္ဇနာ – ဣဓ ဘန္တေ ဘိက္ခူ အဓမ္မာဒိံ ဓမ္မာဒီနီတိ ဒီပေန္တိ၊ တေ ဣမေဟိ အဋ္ဌာရသဟိ ဝတ္ထူဟိ အပကဿန္တိ၊ အဝပကဿန္တိ၊ အာဝေနိံ ¶ ဥပေါသထံ ကရောန္တိ၊ အာဝေနိံ ပဝါရဏံ ကရောန္တိ၊ အာဝေနိံ သင်္ဃကမ္မံ ကရောန္တိ၊ ဧဝံ ခေါ ဘန္တေ သင်္ဃော ဘိန္နော ဟောတိ။

ပုစ္ဆာ – ကိတ္တာဝတာ နု ခေါ အာဝုသော သင်္ဃော သမဂ္ဂေါ ဟောတိ။

ဝိဿဇ္ဇနာ – ဣဓ ဘန္တေ ဘိက္ခူ အဓမ္မံ အဓမ္မောတိ ဒီပေန္တိ၊ ဓမ္မံ ဓမ္မောတိ ဒီပေန္တိ၊ အဝိနယံ အဝိနယောတိ ဒီပေန္တိ…ပေ… ဒုဋ္ဌုလ္လံ အာပတ္တိံ ဒုဋ္ဌုလ္လာ အာပတ္တီတိ ဒီပေန္တိ၊ အဒုဋ္ဌုလ္လံ အာပတ္တိံ အဒုဋ္ဌုလ္လာ အာပတ္တီတိ ဒီပေန္တိ၊ တေ ဣမေဟိ အဋ္ဌာရသဟိ ဝတ္ထူဟိ န အပကဿန္တိ၊ န အဝပကဿန္တိ၊ န အာဝေနိံ ဥပေါသထံ ကရောန္တိ၊ န အာဝေနိံ ပဝါရဏံ ကရောန္တိ၊ န အာဝေနိံ သင်္ဃကမ္မံ ကရောန္တိ၊ ဧတ္တာဝတာ ခေါ ဘန္တေ သင်္ဃော သမဂ္ဂေါ ဟောတိ။

ပုစ္ဆာ – သမဂ္ဂံ ¶ အာဝုသော သင်္ဃံ ဘိန္ဒိတွာ ကိံ သော ပသဝတိ။

ဝိဿဇ္ဇနာ – သမဂ္ဂံ ခေါ ဘန္တေ သင်္ဃံ ဘိန္ဒိတွာ ကပ္ပဋ္ဌိတိကံ ကိဗ္ဗိသံ ပသဝတိ၊ ကပ္ပံ နိရယမှိ ပစ္စတိ။

ပုစ္ဆာ – ဘိန္နံ ¶ ခေါ အာဝုသော သင်္ဃံ သမဂ္ဂံ ကတွာ ကိံ သော ပသဝတိ။

ဝိဿဇ္ဇနာ – ဘိန္နံ ခေါ ဘန္တေ သင်္ဃံ သမဂ္ဂံ ကတွာ ဗြဟ္မံ ပုညံ ပသဝတိ၊ ကပ္ပံ သဂ္ဂမှိ မောဒတိ။

ပုစ္ဆာ – သင်္ဃဘေဒံ ¶ ပုစ္ဆိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ အာဝုသော ကတိ အာပတ္တိယော။

ဝိဿဇ္ဇနာ – သင်္ဃဘေဒံ ဝိဿဇ္ဇိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ ဘန္တေ ဒွေ အာပတ္တိယော။

ပုစ္ဆာ – အာဂန္တုကာနံ ¶ အာဝုသော ဘိက္ခူနံ ဝတ္တံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလေ အာဂန္တုကေ ဘိက္ခူ အာရဗ္ဘ ပညတ္တံ၊ အာဂန္တုကာ ဘန္တေ ဘိက္ခူ သဥပါဟနာပိ အာရာမံ ပဝိသိံသု၊ ဆတ္တပဂ္ဂဟိတာပိ အာရာမံ ပဝိသိံသု၊ ဩဂုဏ္ဌိတာပိ အာရာမံ ပဝိသိံသု၊ သီသေပိ စီဝရံ ကရိတွာ အာရာမံ ပဝိသိံသု၊ ပါနီယေနပိ ပါဒေ ဒေါဝိံသု၊ ဝုဍ္ဎတရေပိ အာဝါသိကေ ဘိက္ခူ နာဘိဝါဒေသုံ၊ နပိ သေနာသနံ ပုစ္ဆိံသု၊ တသ္မိံ ဘန္တေ ဝတ္ထုသ္မိံ ‘‘တေန ဟိ ဘိက္ခဝေ အာဂန္တုကာနံ ဘိက္ခူနံ ဝတ္တံ ပညပေဿာမိ၊ ယထာ အာဂန္တုကေဟိ ဘိက္ခူဟိ သမ္မာ ဝတ္တိတဗ္ဗံ၊ အာဂန္တုကေန ဘိက္ခဝေ ဘိက္ခုနာ ဣဒါနိ အာရာမံ ပဝိသိဿာမီတိ ဥပါဟနာ ဩမုဉ္စိတွာ နီစံ ကတွာ ပပ္ဖောဋေတွာ ဂဟေတွာ ဆတ္တံ အပနာမေတွာ သီသံ ဝိဝရိတွာ သီသေ စီဝရံ ခန္ဓေ ကတွာ သာဓုကံ အတရမာနေန အာရာမော ပဝိသိတဗ္ဗော’’ ဧဝမာဒိနာ ဘန္တေ အာဂန္တုကာနံ ဘိက္ခူနံ ဝတ္တံ ပညတ္တံ။

ပုစ္ဆာ – အာဝါသိကာနံ ¶ အာဝုသော ဘိက္ခူနံ ဝတ္တံ ဘဂဝတာ ကတ္ထ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ၊ ကထဉ္စ ပန ပညတ္တံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလေ အာဝါသိကေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ အာဝါသိကာ ဘိက္ခူ အာဂန္တုကေ ဘိက္ခူ ဒိသွာ နေဝ အာသနံ ပညပေသုံ၊ န ပါဒေါဒကံ ပါဒပီဌံ ပါဒကထလိကံ ဥပနိက္ခိပိံသု၊ န ပစ္စုဂ္ဂန္တွာ ပတ္တစီဝရံ ပဋိဂ္ဂဟေသုံ၊ န သေနာသနံ ပညပေသုံ၊ တသ္မိံ ဘန္တေ ဝတ္ထုသ္မိံ ပညတ္တံ၊ တသ္မိံ ဘန္တေ ဝတ္ထုသ္မိံ –

‘‘အာဝါသိကေန ဘိက္ခဝေ ဘိက္ခုနာ အာဂန္တုကံ ဘိက္ခုံ ဝုဍ္ဎတရံ ဒိသွာ အာသနံ ပညပေတဗ္ဗံ၊ ပါဒေါဒကံ ပါဒပီဌံ ပါဒကထလိကံ ဥပနိက္ခိပိတဗ္ဗံ၊ ပစ္စုဂ္ဂန္တွာ ပတ္တစီဝရံ ပဋိဂ္ဂဟေတဗ္ဗံ ¶ ပါနီယေန ပုစ္ဆိတဗ္ဗော’’ ဧဝမာဒိနာ ဘန္တေ အာဝါသိကာနံ ဘိက္ခူနံ ဝတ္တံ ဘဂဝတာ ပညတ္တံ။

ပုစ္ဆာ – ဂမိကာနံ ¶ အာဝုသော ဘိက္ခူနံ ဝတ္တံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ၊ ကထဉ္စပန ပညတ္တံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလေ ဂမိကေ ဘိက္ခူ အာရဗ္ဘ ပညတ္တံ၊ သမ္ဗဟုလာ ဘန္တေ ဂမိကာ ဘိက္ခူ ဒါရုဘဏ္ဍံ မတ္တိကာဘဏ္ဍံ အပ္ပဋိသာမေတွာ ဒွါရဝါတပါနံ ဝိဝရိတွာ သေနာသနံ အနာပုစ္ဆာ ပက္ကမိံသု၊ တသ္မိံ ဘန္တေ ဝတ္ထုသ္မိံ ‘‘ဂမိကေန ဘိက္ခဝေ ဘိက္ခုနာ ဒါရုဘဏ္ဍံ ပဋိသာမေတွာ ဒွါရဝါတပါနံ ထကေတွာ သေနာသနံ အာပုစ္ဆာ ပက္ကမိတဗ္ဗံ’’ ဧဝမာဒိနာ ဘန္တေ အာကာရေန ဘဂဝတာ ဂမိကာနံ ဘိက္ခူနံ ဝတ္တံ ပညတ္တံ။

ပုစ္ဆာ – ဘတ္တဂ္ဂေ ¶ အာဝုသော အနုမောဒိတုံ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – သာဝတ္ထိယံ ¶ ဘန္တေ သမ္ဗဟုလေ ဘိက္ခူ အာရဗ္ဘ အနုညာတံ၊ သမ္ဗဟုလာ ဘန္တေ ဘိက္ခူ ဘတ္တဂ္ဂေ နာနုမောဒိံသု၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – ဘိက္ခူနံ အာဝုသော ဘတ္တဂ္ဂဝတ္တံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဒုန္နိဝတ္ထာ ဒုပ္ပာရုတာ အနာကပ္ပသမ္ပန္နာ ဘတ္တဂ္ဂံ ဂစ္ဆိံသု၊ တသ္မိံ ဘန္တေ ဝတ္ထုသ္မိံ ‘‘သစေ အာရာမေ ကာလော အာရောစိတော ဟောတိ၊ တိမဏ္ဍလံ ပဋိစ္ဆာဒေန္တေန ပရိမဏ္ဍလံ နိဝါသေတွာ ကာယဗန္ဓနံ ဗန္ဓိတွာ သဂုဏံ ကတွာ သင်္ဃာဋိယော ပါရုပိတွာ ဂဏ္ဌိကံ ပဋိမုဉ္စိတွာ ဓောဝိတွာ ¶ ပတ္တံ ဂဟေတွာ သာဓုကံ အတရမာနေန ဂါမော ပဝိသိတဗ္ဗော’’တိ ဧဝမာဒိနာ ဘန္တေ ဘတ္တဂ္ဂဝတ္တံ ပညတ္တံ။

ပုစ္ဆာ – ဘိက္ခူနံ ¶ အာဝုသော သေနာသနဝတ္တံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ၊ ကထဉ္စ တံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ ဆဗ္ဗဂ္ဂိယေ ဘိက္ခူ အာရဗ္ဘ ပညတ္တံ၊ ဆဗ္ဗဂ္ဂိယာ ဘန္တေ ဘိက္ခူ ဘိက္ခူသု အဇ္ဈောကာသေ စီဝရံ ကရောန္တေသု ပဋိဝါတေ အင်္ဂဏေ သေနာသနံ ပပ္ဖောဋေသုံ၊ တသ္မိံ ဘန္တေ ဝတ္ထုသ္မိံ ‘‘ယသ္မိံ ဝိဟာရေ ဝိဟရတိ၊ သစေ သော ဝိဟာရော ဥက္လာပေါ ဟောတိ၊ သစေ ဥဿဟတိ သောဓေတဗ္ဗော’’တိ ဧဝမာဒိနာ ဘန္တေ ဘိက္ခူနံ သေနာသနဝတ္တံ ဘဂဝတာ ပညတ္တံ။

ပုစ္ဆာ – သမာစာရံ ပုစ္ဆိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ အာဝုသော ကတိ အာပတ္တိယော။

ဝိဿဇ္ဇနာ – သမာစာရံ ဝိဿဇ္ဇိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ ဘန္တေ ဧကာ အာပတ္တိ။

ပုစ္ဆာ – သာပတ္တိကေန ¶ အာဝုသော ပါတိမောက္ခံ သုဏန္တဿ ပါတိမောက္ခံ ဌပေတုံ ဘဂဝတာ ကတ္ထ ပညတ္တံ၊ ကံ အာရဗ္ဘ ကိသ္မိံ ဝတ္ထုသ္မိံ ပညတ္တံ။

ဝိဿဇ္ဇနာ – သာဝတ္ထိယံ ဘန္တေ အညတရံ ပုဂ္ဂလံ ဒုဿီလံ ပါပဓမ္မံ အာရဗ္ဘ ပညတ္တံ၊ အညတရော ဘန္တေ ပုဂ္ဂလော ဒုဿီလော ပါပဓမ္မော တဒဟုပေါသထေ သင်္ဃမဇ္ဈေ နိသိန္နော အဟောသိ၊ တသ္မိံ ဘန္တေ ဝတ္ထုသ္မိံ ပညတ္တံ။

ပုစ္ဆာ – ဌပနံ ¶ အာဝုသော ပုစ္ဆိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ အာဝုသော ကတိ အာပတ္တိယော။

ဝိဿဇ္ဇနာ – ဌပနံ ဝိဿဇ္ဇိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ ဘန္တေ ဧကာ အာပတ္တိ။

ပုစ္ဆာ – အဋ္ဌဟိ ¶ အာဝုသော ဂရုဓမ္မေဟိ ဥပသမ္ပဒါ ဘဂဝတာ ကတ္ထ အနုညာတာ၊ ကဿ အနုညာတာ၊ ကိသ္မိဉ္စ ဝတ္ထုသ္မိံ အနုညာတာ။

ဝိဿဇ္ဇနာ – ဝေသာလိယံ ဘန္တေ မဟာပဇာပတိယာ ဂေါတမိယာ အနုညာတာ၊ မဟာပဇာပတိ ဘန္တေ ဂေါတမီ သူနေဟိ ပါဒေဟိ ရဇောကိဏ္ဏေန ဂတ္တေန ဒုက္ခီ ဒုမ္မနာ အဿုမုခီ ရုဒမာနာ ဗဟိဒွါရကောဋ္ဌကေ အဋ္ဌာသိ၊ အထ ခေါ ဘန္တေ အာယသ္မာ အာနန္ဒော မဟာပဇာပတိံ ဂေါတမိံ တံ ကာရဏံ ပုစ္ဆိတွာ ဘဂဝန္တံ စတုက္ခတ္တုံ ယာစိ မာတုဂါမဿ တထာဂတပ္ပဝေဒိတေ ဓမ္မဝိနယေ အာဂါရသ္မာ အနာဂါရိယံ ပဗ္ဗဇ္ဇံ၊ တသ္မိံ ဘန္တေ ဝတ္ထုသ္မိံ အနုညာတာ။

ပုစ္ဆာ – ဘိက္ခူဟိ ¶ အာဝုသော ဘိက္ခုနိယော ဥပသမ္ပာဒေတုံ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – ဝေသာလိယံ ဘန္တေ မဟာပဇာပတိံ ဂေါတမိံ အာရဗ္ဘ အနုညာတံ၊ မဟာပဇာပတိ ဘန္တေ ဂေါတမီ ဘဂဝန္တံ ဧတဒဝေါစ ‘‘ကထာဟံ ဘန္တေ ဣမာသု သာကိယာနီသု ပဋိပဇ္ဇာမီ’’တိ၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – ဧကတော ¶ ဥပသမ္ပန္နာယ အာဝုသော ဘိက္ခုနိသင်္ဃေ ဝိသုဒ္ဓါယ ဘိက္ခုသင်္ဃေ ဥပသမ္ပာဒေတုံ ဘဂဝတာ ကတ္ထ အနုညာတံ၊ ကံ အာရဗ္ဘ ကိသ္မိံ ဝတ္ထုသ္မိံ အနုညာတံ။

ဝိဿဇ္ဇနာ – သာဝတ္ထိယံ ဘန္တေ သမ္ဗဟုလေ ဘိက္ခူ အာရဗ္ဘ အနုညာတံ၊ သမ္ဗဟုလာ ဘန္တေ ဘိက္ခူ ဘိက္ခုနီနံ အန္တရာယိကေ ဓမ္မေ ပုစ္ဆိံသု၊ ဥပသမ္ပဒါပေက္ခာယော ဝိတ္ထာယိံသု၊ မင်္ကူ အဟေသုံ၊ န သက္ခိံသု ဝိဿဇ္ဇေတုံ၊ တသ္မိံ ဘန္တေ ဝတ္ထုသ္မိံ အနုညာတံ။

ပုစ္ဆာ – ဘိက္ခုနိက္ခန္ဓကံ ¶ ပုစ္ဆိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ အာဝုသော ကတိ အာပတ္တိယော။

ဝိဿဇ္ဇနာ – ဘိက္ခုနိက္ခန္ဓကံ ဝိဿဇ္ဇိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ ဘန္တေ ဒွေ အာပတ္တိယော။

ပုစ္ဆာ – ပဉ္စသတိကံ ¶ ပုစ္ဆိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ အာဝုသော ကတိ အာပတ္တိယော။

ဝိဿဇ္ဇနာ – ပဉ္စသတိကံ ဝိဿဇ္ဇိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ ဘန္တေ န ကတမာ အာပတ္တိ။

ပုစ္ဆာ – သတ္တသတိကံ ¶ ပုစ္ဆိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ အာဝုသော ကတိ အာပတ္တိယော။

ဝိဿဇ္ဇနာ – သတ္တသတိကံ ဝိဿဇ္ဇိဿံ၊ သနိဒါနံ သနိဒ္ဒေသံ။ သမုက္ကဋ္ဌပဒါနံ ဘန္တေ န ကတမာ အာပတ္တိ။

ဝိဿဇ္ဇနာ – ဘဂဝတော ဘန္တေ ဝစနံ အရဟတော သမ္မာသမ္ဗုဒ္ဓဿ။

ပုစ္ဆာ – ကေ အာဝုသော သိက္ခန္တိ။

ဝိဿဇ္ဇနာ – သေက္ခာ စ ဘန္တေ ပုထုဇ္ဇနကလျာဏကာ စ သိက္ခန္တိ။

ပုစ္ဆာ – ကေ ¶ အာဝုသော သိက္ခိတသိက္ခာ။

ဝိဿဇ္ဇနာ – အရဟန္တော ဘန္တေ သိက္ခိတသိက္ခာ။

ဝိဿဇ္ဇနာ – သိက္ခာကာမေသု ဘန္တေ ဌိတံ။

ဝိဿဇ္ဇနာ – ပရမ္ပရာယ ဘန္တေ အာဘတံ။