📜

නමො තස්ස භගවතො අරහතො සම්මාසම්බුද්ධස්ස

අභිධම්මපිටකෙ

පට්ඨානපාළි

(තතියො භාගො)

ධම්මානුලොමෙ දුකපට්ඨානං

1. හෙතුගොච්ඡකං

1. හෙතුදුකං

1. පටිච්චවාරො

1. පච්චයානුලොමං

1. විභඞ්ගවාරො

හෙතුපච්චයො

1. හෙතුං ¶ ¶ ¶ ධම්මං පටිච්ච හෙතු ධම්මො උප්පජ්ජති හෙතුපච්චයා – අලොභං පටිච්ච අදොසො අමොහො, අදොසං පටිච්ච අලොභො අමොහො, අමොහං පටිච්ච අලොභො අදොසො, ලොභං පටිච්ච ¶ මොහො, මොහං පටිච්ච ලොභො, දොසං පටිච්ච මොහො, මොහං පටිච්ච දොසො; පටිසන්ධික්ඛණෙ…පෙ…. (1)

හෙතුං ධම්මං පටිච්ච නහෙතු ධම්මො උප්පජ්ජති හෙතුපච්චයා – හෙතුං ධම්මං පටිච්ච සම්පයුත්තකා ඛන්ධා චිත්තසමුට්ඨානඤ්ච රූපං; පටිසන්ධික්ඛණෙ…පෙ…. (2)

හෙතුං ධම්මං පටිච්ච හෙතු ච නහෙතු ච ධම්මා උප්පජ්ජන්ති හෙතුපච්චයා – අලොභං පටිච්ච අදොසො අමොහො සම්පයුත්තකා ච ඛන්ධා චිත්තසමුට්ඨානඤ්ච රූපං (චක්කං). ලොභං පටිච්ච මොහො සම්පයුත්තකා ච ඛන්ධා චිත්තසමුට්ඨානඤ්ච රූපං…පෙ… පටිසන්ධික්ඛණෙ…පෙ…. (3)

2. නහෙතුං ¶ ධම්මං ¶ පටිච්ච නහෙතු ධම්මො උප්පජ්ජති හෙතුපච්චයා – නහෙතුං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං; පටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා; එකං මහාභූතං…පෙ…. (1)

නහෙතුං ධම්මං පටිච්ච හෙතු ධම්මො උප්පජ්ජති හෙතුපච්චයා – නහෙතූ ඛන්ධෙ පටිච්ච හෙතූ; පටිසන්ධික්ඛණෙ…පෙ… වත්ථුං පටිච්ච හෙතූ. (2)

නහෙතුං ධම්මං පටිච්ච හෙතු ච නහෙතු ච ධම්මා උප්පජ්ජන්ති හෙතුපච්චයා – නහෙතුං එකං ඛන්ධං පටිච්ච තයො ඛන්ධා හෙතු ච චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා හෙතු ච චිත්තසමුට්ඨානඤ්ච රූපං; පටිසන්ධික්ඛණෙ…පෙ… පටිසන්ධික්ඛණෙ වත්ථුං පටිච්ච හෙතූ සම්පයුත්තකා ච ඛන්ධා. (3)

3. හෙතුඤ්ච නහෙතුඤ්ච ධම්මං පටිච්ච හෙතු ධම්මො උප්පජ්ජති හෙතුපච්චයා – අලොභඤ්ච සම්පයුත්තකෙ ච ඛන්ධෙ පටිච්ච අදොසො අමොහො (චක්කං). ලොභඤ්ච සම්පයුත්තකෙ ච ඛන්ධෙ පටිච්ච මොහො, දොසඤ්ච සම්පයුත්තකෙ ච ඛන්ධෙ පටිච්ච මොහො…පෙ… පටිසන්ධික්ඛණෙ…පෙ… අලොභඤ්ච වත්ථුඤ්ච පටිච්ච අදොසො අමොහො…පෙ…. (1)

හෙතුඤ්ච ¶ නහෙතුඤ්ච ධම්මං පටිච්ච නහෙතු ධම්මො උප්පජ්ජති හෙතුපච්චයා – නහෙතුං එකං ඛන්ධඤ්ච හෙතුඤ්ච පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ ච හෙතුඤ්ච පටිච්ච ද්වෙ ඛන්ධා චිත්තසමුට්ඨානඤ්ච රූපං; පටිසන්ධික්ඛණෙ…පෙ… පටිසන්ධික්ඛණෙ වත්ථුඤ්ච හෙතුඤ්ච පටිච්ච සම්පයුත්තකා ඛන්ධා. (2)

හෙතුඤ්ච නහෙතුඤ්ච ධම්මං පටිච්ච හෙතු ච නහෙතු ච ධම්මා උප්පජ්ජන්ති ¶ හෙතුපච්චයා – නහෙතුං එකං ඛන්ධඤ්ච අලොභඤ්ච පටිච්ච තයො ඛන්ධා අදොසො අමොහො ච චිත්තසමුට්ඨානඤ්ච රූපං…පෙ… ද්වෙ ඛන්ධෙ ච අලොභඤ්ච පටිච්ච ද්වෙ ඛන්ධා අදොසො අමොහො ච චිත්තසමුට්ඨානඤ්ච රූපං (චක්කං). නහෙතුං එකං ඛන්ධඤ්ච ලොභඤ්ච පටිච්ච තයො ඛන්ධා මොහො ච චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… වත්ථුඤ්ච අලොභඤ්ච පටිච්ච අදොසො අමොහො සම්පයුත්තකා ච ඛන්ධා. (3)

ආරම්මණපච්චයාදි

4. හෙතුං ¶ ධම්මං පටිච්ච හෙතු ධම්මො උප්පජ්ජති ආරම්මණපච්චයා (රූපං ඡඩ්ඩෙත්වා අරූපෙයෙව නව පඤ්හා)… අධිපතිපච්චයා (පටිසන්ධි නත්ථි, පරිපුණ්ණං) එකං මහාභූතං පටිච්ච…පෙ… මහාභූතෙ පටිච්ච චිත්තසමුට්ඨානං රූපං උපාදාරූපං… (ඉමං නානං) අනන්තරපච්චයා… සමනන්තරපච්චයා… සහජාතපච්චයා (සබ්බෙ මහාභූතා යාව අසඤ්ඤසත්තා)… අඤ්ඤමඤ්ඤපච්චයා… නිස්සයපච්චයා… උපනිස්සයපච්චයා… පුරෙජාතපච්චයා… ආසෙවනපච්චයා (ද්වීසුපි පටිසන්ධි නත්ථි)… කම්මපච්චයා… විපාකපච්චයා (සංඛිත්තං)… අවිගතපච්චයා.

1. පච්චයානුලොමං

2. සඞ්ඛ්යාවාරො

5. හෙතුයා නව, ආරම්මණෙ නව (සබ්බත්ථ නව), අවිගතෙ නව (එවං ගණෙතබ්බං).

අනුලොමං.

2. පච්චයපච්චනීයං

1. විභඞ්ගවාරො

නහෙතුපච්චයො

6. නහෙතුං ¶ ධම්මං පටිච්ච නහෙතු ධම්මො උප්පජ්ජති නහෙතුපච්චයා – අහෙතුකං නහෙතුං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච ¶ රූපං…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා; එකං මහාභූතං…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ….(1)

නහෙතුං ධම්මං පටිච්ච හෙතු ධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (2)

නආරම්මණපච්චයාදි

7. හෙතුං ධම්මං පටිච්ච නහෙතු ධම්මො උප්පජ්ජති නආරම්මණපච්චයා – හෙතුං පටිච්ච චිත්තසමුට්ඨානං රූපං; පටිසන්ධික්ඛණෙ…පෙ…. (1)

නහෙතුං ¶ ධම්මං පටිච්ච නහෙතු ධම්මො උප්පජ්ජති නආරම්මණපච්චයා – නහෙතූ ඛන්ධෙ පටිච්ච චිත්තසමුට්ඨානං රූපං; පටිසන්ධික්ඛණෙ…පෙ… සබ්බෙ මහාභූතා…පෙ…. (1)

හෙතුඤ්ච නහෙතුඤ්ච ධම්මං පටිච්ච නහෙතු ධම්මො උප්පජ්ජති නආරම්මණපච්චයා – හෙතුඤ්ච නහෙතුඤ්ච ඛන්ධෙ පටිච්ච චිත්තසමුට්ඨානං රූපං; පටිසන්ධික්ඛණෙ…පෙ… නඅධිපතිපච්චයා… (පරිපුණ්ණං) නඅනන්තරපච්චයා… නසමනන්තරපච්චයා… නඅඤ්ඤමඤ්ඤපච්චයා… නඋපනිස්සයපච්චයා.

නපුරෙජාතපච්චයො

8. හෙතුං ¶ ධම්මං පටිච්ච හෙතු ධම්මො උප්පජ්ජති නපුරෙජාතපච්චයා – අරූපෙ අලොභං පටිච්ච අදොසො අමොහො (චක්කං). ලොභං පටිච්ච මොහො, මොහං පටිච්ච ලොභො; පටිසන්ධික්ඛණෙ…පෙ…. (1)

හෙතුං ධම්මං පටිච්ච නහෙතු ධම්මො උප්පජ්ජති නපුරෙජාතපච්චයා – අරූපෙ හෙතුං පටිච්ච සම්පයුත්තකා ඛන්ධා, හෙතුං පටිච්ච චිත්තසමුට්ඨානං ¶ රූපං; පටිසන්ධික්ඛණෙ…පෙ…. (2)

හෙතුං ධම්මං පටිච්ච හෙතු ච නහෙතු ච ධම්මා උප්පජ්ජන්ති නපුරෙජාතපච්චයා – අරූපෙ අලොභං පටිච්ච අදොසො අමොහො සම්පයුත්තකා ච ඛන්ධා (චක්කං). ලොභං පටිච්ච මොහො සම්පයුත්තකා ච ඛන්ධා (චක්කං); පටිසන්ධික්ඛණෙ…පෙ…. (3)

9. නහෙතුං ධම්මං පටිච්ච නහෙතු ධම්මො උප්පජ්ජති නපුරෙජාතපච්චයා – අරූපෙ නහෙතුං එකං ඛන්ධං පටිච්ච තයො ඛන්ධා…පෙ… නහෙතූ ඛන්ධෙ පටිච්ච චිත්තසමුට්ඨානං රූපං; පටිසන්ධික්ඛණෙ…පෙ… එකං මහාභූතං…පෙ…. (1)

නහෙතුං ධම්මං පටිච්ච හෙතු ධම්මො උප්පජ්ජති නපුරෙජාතපච්චයා – අරූපෙ නහෙතූ ඛන්ධෙ පටිච්ච හෙතූ; පටිසන්ධික්ඛණෙ…පෙ…. (2)

නහෙතුං ධම්මං පටිච්ච හෙතු ච නහෙතු ච ධම්මා උප්පජ්ජන්ති නපුරෙජාතපච්චයා – අරූපෙ නහෙතුං එකං ඛන්ධං පටිච්ච තයො ඛන්ධා හෙතු ච…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (3)

10. හෙතුඤ්ච නහෙතුඤ්ච ධම්මං පටිච්ච හෙතු ධම්මො උප්පජ්ජති නපුරෙජාතපච්චයා – අරූපෙ අලොභඤ්ච සම්පයුත්තකෙ ච ඛන්ධෙ පටිච්ච අදොසො අමොහො ¶ (චක්කං). අරූපෙ ලොභඤ්ච සම්පයුත්තකෙ ච ඛන්ධෙ පටිච්ච මොහො (චක්කං); පටිසන්ධික්ඛණෙ…පෙ…. (1)

හෙතුඤ්ච ¶ නහෙතුඤ්ච ධම්මං පටිච්ච නහෙතු ධම්මො උප්පජ්ජති නපුරෙජාතපච්චයා – අරූපෙ නහෙතුං එකං ඛන්ධඤ්ච හෙතුඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ… නහෙතූ ඛන්ධෙ ච හෙතුඤ්ච පටිච්ච චිත්තසමුට්ඨානං රූපං, හෙතුඤ්ච මහාභූතෙ ච පටිච්ච චිත්තසමුට්ඨානං රූපං ¶ ; පටිසන්ධික්ඛණෙ…පෙ…. (2)

හෙතුඤ්ච නහෙතුඤ්ච ධම්මං පටිච්ච හෙතු ච නහෙතු ච ධම්මා උප්පජ්ජන්ති නපුරෙජාතපච්චයා – අරූපෙ නහෙතුං එකං ඛන්ධඤ්ච අලොභඤ්ච පටිච්ච තයො ඛන්ධා අදොසො අමොහො ච…පෙ… ද්වෙ ඛන්ධෙ…පෙ… (චක්කං). නහෙතුං එකං ඛන්ධඤ්ච ලොභඤ්ච පටිච්ච තයො ඛන්ධා මොහො ච (චක්කං); පටිසන්ධික්ඛණෙ…පෙ…. (3)

නපච්ඡාජාතපච්චයාදි

11. හෙතුං ධම්මං පටිච්ච හෙතු ධම්මො උප්පජ්ජති නපච්ඡාජාතපච්චයා… නආසෙවනපච්චයා.

නකම්මපච්චයාදි

12. හෙතුං ධම්මං පටිච්ච නහෙතු ධම්මො උප්පජ්ජති නකම්මපච්චයා – හෙතුං පටිච්ච සම්පයුත්තකා චෙතනා. (1)

නහෙතුං ධම්මං පටිච්ච නහෙතු ධම්මො උප්පජ්ජති නකම්මපච්චයා – නහෙතූ ඛන්ධෙ පටිච්ච සම්පයුත්තකා චෙතනා… බාහිරං… ආහාරසමුට්ඨානං… උතුසමුට්ඨානං…පෙ…. (1)

හෙතුඤ්ච නහෙතුඤ්ච ධම්මං පටිච්ච නහෙතු ධම්මො උප්පජ්ජති නකම්මපච්චයා – හෙතුඤ්ච සම්පයුත්තකෙ ච ඛන්ධෙ පටිච්ච සම්පයුත්තකා චෙතනා. (1)

හෙතුං ධම්මං පටිච්ච හෙතු ධම්මො උප්පජ්ජති නවිපාකපච්චයා… නව.

නආහාරපච්චයාදි

13. නහෙතුං ධම්මං පටිච්ච නහෙතු ධම්මො උප්පජ්ජති නආහාරපච්චයා – බාහිරං… උතුසමුට්ඨානං… අසඤ්ඤසත්තානං…පෙ… නඉන්ද්රියපච්චයා ¶ – බාහිරං… ආහාරසමුට්ඨානං ¶ … උතුසමුට්ඨානං…පෙ… අසඤ්ඤසත්තානං මහාභූතෙ පටිච්ච රූපජීවිතින්ද්රියං, නඣානපච්චයා – පඤ්චවිඤ්ඤාණං ¶ …පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ… නමග්ගපච්චයා – අහෙතුකං නහෙතුං එකං ඛන්ධං පටිච්ච…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ… නසම්පයුත්තපච්චයා… නවිප්පයුත්තපච්චයා… (නපුරෙජාතසදිසං, අරූපපඤ්හායෙව) නොනත්ථිපච්චයා… නොවිගතපච්චයා.

2. පච්චයපච්චනීයං

2. සඞ්ඛ්යාවාරො

සුද්ධං

14. නහෙතුයා ද්වෙ, නආරම්මණෙ තීණි, නඅධිපතියා නව, නඅනන්තරෙ තීණි, නසමනන්තරෙ තීණි, නඅඤ්ඤමඤ්ඤෙ තීණි, නඋපනිස්සයෙ තීණි, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නආහාරෙ එකං, නඉන්ද්රියෙ එකං, නඣානෙ එකං, නමග්ගෙ එකං, නසම්පයුත්තෙ තීණි, නවිප්පයුත්තෙ නව, නොනත්ථියා තීණි, නොවිගතෙ තීණි (එවං ගණෙතබ්බං).

පච්චනීයං.

3. පච්චයානුලොමපච්චනීයං

හෙතුදුකං

15. හෙතුපච්චයා නආරම්මණෙ තීණි, නඅධිපතියා නව, නඅනන්තරෙ තීණි…පෙ… නඋපනිස්සයෙ තීණි, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නසම්පයුත්තෙ තීණි, නවිප්පයුත්තෙ ¶ නව, නොනත්ථියා තීණි, නොවිගතෙ තීණි.

අනුලොමපච්චනීයං.

4. පච්චයපච්චනීයානුලොමං

නහෙතුදුකං

16. නහෙතුපච්චයා ¶ ¶ ආරම්මණෙ ද්වෙ, අනන්තරෙ ද්වෙ…පෙ… කම්මෙ ද්වෙ, විපාකෙ එකං, ආහාරෙ ද්වෙ, ඉන්ද්රියෙ ද්වෙ, ඣානෙ ද්වෙ, මග්ගෙ එකං, සම්පයුත්තෙ ද්වෙ…පෙ… අවිගතෙ ද්වෙ.

පච්චනීයානුලොමං.

2-6 සහජාත-පච්චය-නිස්සය-සංසට්ඨ-සම්පයුත්තවාරො

(සහජාතවාරොපි පච්චයවාරොපි නිස්සයවාරොපි පටිච්චවාරසදිසායෙව පඤ්හා. මහාභූතෙසු නිට්ඨිතෙසු ‘‘වත්ථුං පච්චයා’’ති කාතබ්බා. පඤ්චායතනානි අනුලොමෙපි පච්චනීයෙපි යථා ලබ්භන්ති තථා කාතබ්බා. සංසට්ඨවාරොපි සම්පයුත්තවාරොපි පරිපුණ්ණො. රූපං නත්ථි, අරූපමෙව.)

7. පඤ්හාවාරො

1. පච්චයානුලොමං

1. විභඞ්ගවාරො

හෙතුපච්චයො

17. හෙතු ධම්මො හෙතුස්ස ධම්මස්ස හෙතුපච්චයෙන පච්චයො – අලොභො අදොසස්ස අමොහස්ස හෙතුපච්චයෙන පච්චයො (චක්කං). ලොභො මොහස්ස හෙතුපච්චයෙන පච්චයො, දොසො මොහස්ස හෙතුපච්චයෙන පච්චයො; පටිසන්ධික්ඛණෙ…පෙ…. (1)

හෙතු ¶ ධම්මො නහෙතුස්ස ධම්මස්ස හෙතුපච්චයෙන පච්චයො – හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (2)

හෙතු ධම්මො හෙතුස්ස ච නහෙතුස්ස ච ධම්මස්ස හෙතුපච්චයෙන පච්චයො ¶ – අලොභො අදොසස්ස අමොහස්ස සම්පයුත්තකානඤ්ච ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො (චක්කං). ලොභො මොහස්ස…පෙ… පටිසන්ධික්ඛණෙ…පෙ…. (3)

ආරම්මණපච්චයො

18. හෙතු ¶ ධම්මො හෙතුස්ස ධම්මස්ස ආරම්මණපච්චයෙන පච්චයො – හෙතුං ආරබ්භ හෙතූ උප්පජ්ජන්ති. (1)

හෙතු ධම්මො නහෙතුස්ස ධම්මස්ස ආරම්මණපච්චයෙන පච්චයො – හෙතුං ආරබ්භ නහෙතූ ඛන්ධා උප්පජ්ජන්ති. (2)

හෙතු ධම්මො හෙතුස්ස ච නහෙතුස්ස ච ධම්මස්ස ආරම්මණපච්චයෙන පච්චයො – හෙතුං ආරබ්භ හෙතූ ච සම්පයුත්තකා ච ඛන්ධා උප්පජ්ජන්ති. (3)

19. නහෙතු ධම්මො නහෙතුස්ස ධම්මස්ස ආරම්මණපච්චයෙන පච්චයො – දානං දත්වා සීලං…පෙ… උපොසථකම්මං කත්වා තං පච්චවෙක්ඛති, පුබ්බෙ සුචිණ්ණානි පච්චවෙක්ඛති. ඣානා වුට්ඨහිත්වා…පෙ… අරියා මග්ගා වුට්ඨහිත්වා මග්ගං පච්චවෙක්ඛන්ති, ඵලං…පෙ… නිබ්බානං…පෙ… නිබ්බානං ගොත්රභුස්ස, වොදානස්ස, මග්ගස්ස, ඵලස්ස, ආවජ්ජනාය ආරම්මණපච්චයෙන පච්චයො. අරියා නහෙතූ පහීනෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ පච්චවෙක්ඛන්ති, පුබ්බෙ සමුදාචිණ්ණෙ කිලෙසෙ ජානන්ති, චක්ඛුං…පෙ… වත්ථුං, නහෙතූ ඛන්ධෙ අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, චෙතොපරියඤාණෙන නහෙතුචිත්තසමඞ්ගිස්ස චිත්තං ජානාති. ආකාසානඤ්චායතනං [ආකාසානඤ්චායතනකිරියං (ස්යා.) එවමුපරිපි තීසු ඨානෙසු] විඤ්ඤාණඤ්චායතනස්ස…පෙ… ආකිඤ්චඤ්ඤායතනං ¶ නෙවසඤ්ඤානාසඤ්ඤායතනස්ස…පෙ… රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස ¶ …පෙ… නහෙතූ ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (1)

නහෙතු ධම්මො හෙතුස්ස ධම්මස්ස ආරම්මණපච්චයෙන පච්චයො – දානං දත්වා (පඨමගමනංයෙව, ආවජ්ජනා නත්ථි. රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්සාති ඉදං නත්ථි). (2)

නහෙතු ධම්මො හෙතුස්ස ච නහෙතුස්ස ච ධම්මස්ස ආරම්මණපච්චයෙන පච්චයො – දානං දත්වා සීලං…පෙ… උපොසථකම්මං කත්වා තං පච්චවෙක්ඛති, තං ¶ ආරබ්භ හෙතූ ච සම්පයුත්තකා ච ඛන්ධා උප්පජ්ජන්ති (තත්ථ තත්ථ ඨිතෙන ඉමං කාතබ්බං දුතියගමනසදිසං). (3)

20. හෙතු ච නහෙතු ච ධම්මා හෙතුස්ස ධම්මස්ස ආරම්මණපච්චයෙන පච්චයො – හෙතුඤ්ච සම්පයුත්තකෙ ච ඛන්ධෙ ආරබ්භ හෙතූ උප්පජ්ජන්ති. (1)

හෙතු ච නහෙතු ච ධම්මා නහෙතුස්ස ධම්මස්ස ආරම්මණපච්චයෙන පච්චයො – හෙතුඤ්ච සම්පයුත්තකෙ ච ඛන්ධෙ ආරබ්භ නහෙතූ ඛන්ධා උප්පජ්ජන්ති. (2)

හෙතු ච නහෙතු ච ධම්මා හෙතුස්ස ච නහෙතුස්ස ච ධම්මස්ස ආරම්මණපච්චයෙන පච්චයො – හෙතුඤ්ච සම්පයුත්තකෙ ච ඛන්ධෙ ආරබ්භ හෙතූ ච සම්පයුත්තකා ච ඛන්ධා උප්පජ්ජන්ති. (3)

අධිපතිපච්චයො

21. හෙතු ධම්මො හෙතුස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – හෙතුං ගරුං කත්වා හෙතූ ¶ උප්පජ්ජන්ති. සහජාතාධිපති – හෙතු අධිපති සම්පයුත්තකානං හෙතූනං අධිපතිපච්චයෙන පච්චයො. (1)

හෙතු ධම්මො නහෙතුස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති ¶ . ආරම්මණාධිපති – හෙතුං ගරුං කත්වා නහෙතූ ඛන්ධා උප්පජ්ජන්ති. සහජාතාධිපති – හෙතු අධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (2)

හෙතු ධම්මො හෙතුස්ස ච නහෙතුස්ස ච ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – හෙතුං ගරුං කත්වා හෙතූ ච සම්පයුත්තකා ච ඛන්ධා උප්පජ්ජන්ති. සහජාතාධිපති – හෙතු අධිපති සම්පයුත්තකානං ඛන්ධානං හෙතූනඤ්ච චිත්තසමුට්ඨානානඤ්ච රූපානං අධිපතිපච්චයෙන පච්චයො. (3)

22. නහෙතු ධම්මො නහෙතුස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං දත්වා (විත්ථාරෙතබ්බං යාව. නහෙතූ ඛන්ධා). සහජාතාධිපති – නහෙතු අධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (1)

නහෙතු ¶ ධම්මො හෙතුස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං දත්වා (සංඛිත්තං. යාව වත්ථු නහෙතූ ච ඛන්ධා තාව කාතබ්බං). සහජාතාධිපති නහෙතු අධිපති සම්පයුත්තකානං හෙතූනං අධිපතිපච්චයෙන පච්චයො. (2)

නහෙතු ධම්මො හෙතුස්ස ච නහෙතුස්ස ච ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති ¶ . ආරම්මණාධිපති – දානං දත්වා සීලං…පෙ… උපොසථකම්මං කත්වා තං ගරුං කත්වා පච්චවෙක්ඛති, තං ගරුං කත්වා නහෙතූ ඛන්ධා ච හෙතූ ච උප්පජ්ජන්ති, පුබ්බෙ සුචිණ්ණානි (යාව වත්ථු නහෙතූ ඛන්ධා, ච තාව කාතබ්බං). සහජාතාධිපති – නහෙතු අධිපති සම්පයුත්තකානං ඛන්ධානං හෙතූනඤ්ච චිත්තසමුට්ඨානානඤ්ච රූපානං අධිපතිපච්චයෙන පච්චයො. (3)

23. හෙතු ච නහෙතු ච ධම්මා හෙතුස්ස ධම්මස්ස අධිපතිපච්චයෙන පච්චයො. ආරම්මණාධිපති – හෙතුඤ්ච සම්පයුත්තකෙ ච ඛන්ධෙ ගරුං කත්වා හෙතූ උප්පජ්ජන්ති. (1)

හෙතු ¶ ච නහෙතු ච ධම්මා නහෙතුස්ස ධම්මස්ස අධිපතිපච්චයෙන පච්චයො. ආරම්මණාධිපති – හෙතුඤ්ච සම්පයුත්තකෙ ච ඛන්ධෙ ගරුං කත්වා නහෙතූ ඛන්ධා උප්පජ්ජන්ති. (2)

හෙතු ච නහෙතු ච ධම්මා හෙතුස්ස ච නහෙතුස්ස ච ධම්මස්ස අධිපතිපච්චයෙන පච්චයො. ආරම්මණාධිපති – හෙතුඤ්ච සම්පයුත්තකෙ ච ඛන්ධෙ ගරුං කත්වා හෙතූ ච සම්පයුත්තකා ච ඛන්ධා උප්පජ්ජන්ති. (3)

අනන්තරපච්චයො

24. හෙතු ධම්මො හෙතුස්ස ධම්මස්ස අනන්තරපච්චයෙන පච්චයො – පුරිමා පුරිමා හෙතූ පච්ඡිමානං පච්ඡිමානං හෙතූනං අනන්තරපච්චයෙන පච්චයො. (1)

හෙතු ධම්මො නහෙතුස්ස ධම්මස්ස අනන්තරපච්චයෙන පච්චයො – පුරිමා පුරිමා හෙතූ පච්ඡිමානං පච්ඡිමානං නහෙතූනං ඛන්ධානං අනන්තරපච්චයෙන පච්චයො. (2)

හෙතු ධම්මො හෙතුස්ස ච නහෙතුස්ස ච ධම්මස්ස අනන්තරපච්චයෙන පච්චයො – පුරිමා පුරිමා හෙතූ පච්ඡිමානං පච්ඡිමානං හෙතූනං සම්පයුත්තකානඤ්ච ඛන්ධානං අනන්තරපච්චයෙන පච්චයො. (3)

25. නහෙතු ¶ ධම්මො ¶ නහෙතුස්ස ධම්මස්ස අනන්තරපච්චයෙන පච්චයො – පුරිමා පුරිමා නහෙතූ ඛන්ධා පච්ඡිමානං පච්ඡිමානං නහෙතූනං ඛන්ධානං අනන්තරපච්චයෙන පච්චයො; අනුලොමං ගොත්රභුස්ස (සංඛිත්තං) නෙවසඤ්ඤානාසඤ්ඤායතනං ඵලසමාපත්තියා අනන්තරපච්චයෙන පච්චයො. (1)

නහෙතු ධම්මො හෙතුස්ස ධම්මස්ස අනන්තරපච්චයෙන පච්චයො…පෙ…. (2)

නහෙතු ධම්මො හෙතුස්ස ච නහෙතුස්ස ච ධම්මස්ස අනන්තරපච්චයෙන පච්චයො (නහෙතුමූලකං තීණිපි එකසදිසං). (3)

26. හෙතූ ච නහෙතූ ච ධම්මා හෙතුස්ස ධම්මස්ස අනන්තරපච්චයෙන පච්චයො – පුරිමා පුරිමා ¶ හෙතූ ච සම්පයුත්තකා ච ඛන්ධා පච්ඡිමානං පච්ඡිමානං හෙතූනං අනන්තරපච්චයෙන පච්චයො. (1)

හෙතූ ච නහෙතූ ච ධම්මා නහෙතුස්ස ධම්මස්ස අනන්තරපච්චයෙන පච්චයො – පුරිමා පුරිමා හෙතූ ච සම්පයුත්තකා ච ඛන්ධා පච්ඡිමානං පච්ඡිමානං නහෙතූනං ඛන්ධානං අනන්තරපච්චයෙන පච්චයො. (2)

හෙතූ ච නහෙතූ ච ධම්මා හෙතුස්ස ච නහෙතුස්ස ච ධම්මස්ස අනන්තරපච්චයෙන පච්චයො – පුරිමා පුරිමා හෙතූ ච සම්පයුත්තකා ච ඛන්ධා පච්ඡිමානං පච්ඡිමානං හෙතූනං සම්පයුත්තකානඤ්ච ඛන්ධානං අනන්තරපච්චයෙන පච්චයො. (3)

සමනන්තරපච්චයාදි

27. හෙතු ධම්මො හෙතුස්ස ධම්මස්ස සමනන්තරපච්චයෙන පච්චයො (අනන්තරසදිසං.)… සහජාතපච්චයෙන පච්චයො… අඤ්ඤමඤ්ඤපච්චයෙන පච්චයො (ඉමෙ ද්වෙපි පටිච්චසදිසා. නිස්සයපච්චයො පච්චයවාරෙ නිස්සයපච්චයසදිසො.)

උපනිස්සයපච්චයො

28. හෙතු ධම්මො හෙතුස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො ¶ , අනන්තරූපනිස්සයො, පකතූපනිස්සයො…පෙ…. පකතූපනිස්සයො – හෙතූ හෙතූනං උපනිස්සයපච්චයෙන පච්චයො. (1)

හෙතු ධම්මො නහෙතුස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – හෙතූ නහෙතූනං ඛන්ධානං උපනිස්සයපච්චයෙන පච්චයො. (2)

හෙතු ¶ ධම්මො හෙතුස්ස ච නහෙතුස්ස ච ධම්මස්ස උපනිස්සයපච්චයෙන පච්චයො – ආරම්මණූපනිස්සයො ¶ , අනන්තරූපනිස්සයො, පකතූපනිස්සයො…පෙ…. පකතූපනිස්සයො – හෙතූ හෙතූනං සම්පයුත්තකානඤ්ච ඛන්ධානං උපනිස්සයපච්චයෙන පච්චයො. (3)

29. නහෙතු ධම්මො නහෙතුස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ… පකතූපනිස්සයො – සද්ධං උපනිස්සාය දානං දෙති…පෙ… සමාපත්තිං උප්පාදෙති…පෙ… දිට්ඨිං ගණ්හාති; සීලං…පෙ… සෙනාසනං උපනිස්සාය දානං දෙති…පෙ… සඞ්ඝං භින්දති; සද්ධා…පෙ… සෙනාසනං සද්ධාය…පෙ… ඵලසමාපත්තියා උපනිස්සයපච්චයෙන පච්චයො. (1)

නහෙතු ධම්මො හෙතුස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ… පකතූපනිස්සයො – සද්ධං…පෙ… සෙනාසනං උපනිස්සාය දානං දෙති…පෙ… සඞ්ඝං භින්දති; සද්ධා…පෙ… සෙනාසනං සද්ධාය…පෙ… පත්ථනාය මග්ගස්ස ඵලසමාපත්තියා උපනිස්සයපච්චයෙන පච්චයො. (2)

නහෙතු ධම්මො හෙතුස්ස ච නහෙතුස්ස ච ධම්මස්ස උපනිස්සයපච්චයෙන පච්චයො – ආරම්මණූපනිස්සයො ¶ , අනන්තරූපනිස්සයො, පකතූපනිස්සයො…පෙ… පකතූපනිස්සයො (දුතියඋපනිස්සයසදිසං). (3)

30. හෙතූ ච නහෙතූ ච ධම්මා හෙතුස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – හෙතූ ච සම්පයුත්තකා ච ඛන්ධා හෙතූනං උපනිස්සයපච්චයෙන පච්චයො. (1)

හෙතූ ච නහෙතූ ච ධම්මා නහෙතුස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – හෙතූ ච සම්පයුත්තකා ච ඛන්ධා නහෙතූනං ඛන්ධානං උපනිස්සයපච්චයෙන පච්චයො. (2)

හෙතූ ච නහෙතූ ච ධම්මා හෙතුස්ස ච නහෙතුස්ස ච ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො ¶ …පෙ…. පකතූපනිස්සයො ¶ – හෙතූ ච සම්පයුත්තකා ච ඛන්ධා හෙතූනඤ්ච සම්පයුත්තකානඤ්ච ඛන්ධානං උපනිස්සයපච්චයෙන පච්චයො. (3)

පුරෙජාතපච්චයො

31. නහෙතු ධම්මො නහෙතුස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස…පෙ…. වත්ථුපුරෙජාතං – චක්ඛායතනං…පෙ… කායායතනං…පෙ… ¶ වත්ථු නහෙතූනං ඛන්ධානං පුරෙජාතපච්චයෙන පච්චයො. (1)

නහෙතු ධම්මො හෙතුස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති. වත්ථුපුරෙජාතං – වත්ථු හෙතූනං පුරෙජාතපච්චයෙන පච්චයො. (2)

නහෙතු ධම්මො හෙතුස්ස ච නහෙතුස්ස ච ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අනිච්චතො…පෙ… දොමනස්සං උප්පජ්ජති. වත්ථුපුරෙජාතං – වත්ථු හෙතූනං සම්පයුත්තකානඤ්ච ඛන්ධානං පුරෙජාතපච්චයෙන පච්චයො. (3)

පච්ඡාජාතපච්චයාදි

32. හෙතු ධම්මො නහෙතුස්ස ධම්මස්ස පච්ඡාජාතපච්චයෙන පච්චයො – පච්ඡාජාතා හෙතූ පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

නහෙතු ධම්මො නහෙතුස්ස ධම්මස්ස පච්ඡාජාතපච්චයෙන පච්චයො – පච්ඡාජාතා නහෙතූ ඛන්ධා පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

හෙතූ ච නහෙතූ ච ධම්මා නහෙතුස්ස ධම්මස්ස පච්ඡාජාතපච්චයෙන පච්චයො – පච්ඡාජාතා හෙතූ ච සම්පයුත්තකා ච ඛන්ධා පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

හෙතු ¶ ¶ ධම්මො හෙතුස්ස ධම්මස්ස ආසෙවනපච්චයෙන පච්චයො (අනන්තරසදිසං) ¶ .

කම්මපච්චයො

33. නහෙතු ධම්මො නහෙතුස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – නහෙතු චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – නහෙතු චෙතනා විපාකානං ඛන්ධානං කටත්තා ච රූපානං කම්මපච්චයෙන පච්චයො. (1)

නහෙතු ධම්මො හෙතුස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – නහෙතු චෙතනා සම්පයුත්තකානං හෙතූනං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – නහෙතු චෙතනා විපාකානං හෙතූනං කම්මපච්චයෙන පච්චයො. (2)

නහෙතු ධම්මො හෙතුස්ස ච නහෙතුස්ස ච ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – නහෙතු චෙතනා සම්පයුත්තකානං ඛන්ධානං හෙතූනං චිත්තසමුට්ඨානානඤ්ච රූපානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – නහෙතු චෙතනා විපාකානං ඛන්ධානං හෙතූනං කටත්තා ච රූපානං කම්මපච්චයෙන පච්චයො. (3)

විපාකපච්චයො

34. හෙතු ධම්මො හෙතුස්ස ධම්මස්ස විපාකපච්චයෙන පච්චයො – විපාකො අලොභො අදොසස්ස අමොහස්ස විපාකපච්චයෙන පච්චයො (පටිච්චවාරසදිසං. විපාකවිභඞ්ගෙ නව පඤ්හා).

ආහාරපච්චයො

35. නහෙතු ධම්මො නහෙතුස්ස ධම්මස්ස ආහාරපච්චයෙන පච්චයො – නහෙතූ ආහාරා සම්පයුත්තකානං ඛන්ධානං චිත්තසමුට්ඨානානඤ්ච රූපානං ආහාරපච්චයෙන පච්චයො; පටිසන්ධික්ඛණෙ…පෙ… කබළීකාරො ආහාරො ඉමස්ස කායස්ස ¶ ආහාරපච්චයෙන පච්චයො. (1)

නහෙතු ¶ ධම්මො හෙතුස්ස ධම්මස්ස ආහාරපච්චයෙන පච්චයො – නහෙතූ ආහාරා සම්පයුත්තකානං හෙතූනං ආහාරපච්චයෙන පච්චයො; පටිසන්ධික්ඛණෙ…පෙ…. (2)

නහෙතු ¶ ධම්මො හෙතුස්ස ච නහෙතුස්ස ච ධම්මස්ස ආහාරපච්චයෙන පච්චයො – නහෙතූ ආහාරා සම්පයුත්තකානං ඛන්ධානං හෙතූනං චිත්තසමුට්ඨානානඤ්ච රූපානං ආහාරපච්චයෙන පච්චයො; පටිසන්ධික්ඛණෙ…පෙ…. (3)

ඉන්ද්රියපච්චයො

36. හෙතු ධම්මො හෙතුස්ස ධම්මස්ස ඉන්ද්රියපච්චයෙන පච්චයො…පෙ… (හෙතුමූලකෙ තීණි).

නහෙතු ධම්මො නහෙතුස්ස ධම්මස්ස ඉන්ද්රියපච්චයෙන පච්චයො – නහෙතූ ඉන්ද්රියා සම්පයුත්තකානං ඛන්ධානං චිත්තසමුට්ඨානානඤ්ච රූපානං ඉන්ද්රියපච්චයෙන පච්චයො; පටිසන්ධික්ඛණෙ…පෙ… චක්ඛුන්ද්රියං චක්ඛුවිඤ්ඤාණස්ස…පෙ… කායින්ද්රියං කායවිඤ්ඤාණස්ස…පෙ… රූපජීවිතින්ද්රියං කටත්තාරූපානං ඉන්ද්රියපච්චයෙන පච්චයො (එවං ඉන්ද්රියපච්චයා විත්ථාරෙතබ්බා. නව).

ඣානපච්චයාදි

37. නහෙතු ධම්මො නහෙතුස්ස ධම්මස්ස ඣානපච්චයෙන පච්චයො… තීණි.

හෙතු ධම්මො හෙතුස්ස ධම්මස්ස මග්ගපච්චයෙන පච්චයො… සම්පයුත්තපච්චයෙන පච්චයො. (ඉමෙසු ද්වීසු නව.)

විප්පයුත්තපච්චයො

38. හෙතු ධම්මො නහෙතුස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – හෙතූ චිත්තසමුට්ඨානානං රූපානං විප්පයුත්තපච්චයෙන පච්චයො; පටිසන්ධික්ඛණෙ හෙතූ කටත්තාරූපානං විප්පයුත්තපච්චයෙන පච්චයො. හෙතූ වත්ථුස්ස විප්පයුත්තපච්චයෙන පච්චයො ¶ . පච්ඡාජාතා – හෙතූ පුරෙජාතස්ස ඉමස්ස කායස්ස විප්පයුත්තපච්චයෙන පච්චයො. (1)

නහෙතු ¶ ධම්මො නහෙතුස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං, පච්ඡාජාතං. සහජාතා – නහෙතූ ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො; පටිසන්ධික්ඛණෙ නහෙතූ ඛන්ධා කටත්තාරූපානං විප්පයුත්තපච්චයෙන පච්චයො. ඛන්ධා වත්ථුස්ස…පෙ… වත්ථු ඛන්ධානං විප්පයුත්තපච්චයෙන පච්චයො. පුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස, වත්ථු නහෙතූනං ඛන්ධානං විප්පයුත්තපච්චයෙන පච්චයො ¶ . පච්ඡාජාතා – නහෙතූ ඛන්ධා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො. (1)

නහෙතු ධම්මො හෙතුස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං. සහජාතං – පටිසන්ධික්ඛණෙ වත්ථු හෙතූනං විප්පයුත්තපච්චයෙන පච්චයො. පුරෙජාතං – වත්ථු හෙතූනං විප්පයුත්තපච්චයෙන පච්චයො. (2)

නහෙතු ධම්මො හෙතුස්ස ච නහෙතුස්ස ච ධම්මස්ස විප්පයුත්තපච්චයෙන පච්චයො – සහජාතං, පුරෙජාතං. සහජාතං – පටිසන්ධික්ඛණෙ වත්ථු හෙතූනං සම්පයුත්තකානඤ්ච ඛන්ධානං විප්පයුත්තපච්චයෙන පච්චයො. පුරෙජාතං – වත්ථු හෙතූනං සම්පයුත්තකානඤ්ච ඛන්ධානං විප්පයුත්තපච්චයෙන පච්චයො. (3)

හෙතූ ච නහෙතූ ච ධම්මා නහෙතුස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – හෙතූ ච සම්පයුත්තකා ච ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො; පටිසන්ධික්ඛණෙ හෙතූ ¶ ච සම්පයුත්තකා ච ඛන්ධා කටත්තාරූපානං විප්පයුත්තපච්චයෙන පච්චයො. පච්ඡාජාතා – හෙතූ ච සම්පයුත්තකා ච ඛන්ධා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො. (1)

අත්ථිපච්චයාදි

39. හෙතු ධම්මො හෙතුස්ස ධම්මස්ස අත්ථිපච්චයෙන පච්චයො – අලොභො අදොසස්ස අමොහස්ස අත්ථිපච්චයෙන පච්චයො (චක්කං). ලොභො මොහස්ස අත්ථිපච්චයෙන පච්චයො (චක්කං); පටිසන්ධික්ඛණෙ…පෙ…. (1)

හෙතු ධම්මො නහෙතුස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං. සහජාතා ¶ – හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො; පටිසන්ධික්ඛණෙ…පෙ…. පච්ඡාජාතා – හෙතූ පුරෙජාතස්ස ඉමස්ස කායස්ස අත්ථිපච්චයෙන පච්චයො. (2)

හෙතු ධම්මො හෙතුස්ස ච නහෙතුස්ස ච ධම්මස්ස අත්ථිපච්චයෙන පච්චයො – අලොභො අදොසස්ස අමොහස්ස සම්පයුත්තකානං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො (චක්කං). ලොභො මොහස්ස සම්පයුත්තකානං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො (චක්කං); පටිසන්ධික්ඛණෙ…පෙ…. (3)

40. නහෙතු ¶ ධම්මො නහෙතුස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්රියං. සහජාතො – නහෙතු එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ… ද්වෙ ඛන්ධා…පෙ… පටිසන්ධික්ඛණෙ නහෙතු එකො ඛන්ධො ¶ තිණ්ණන්නං ඛන්ධානං කටත්තා ච රූපානං…පෙ… ඛන්ධා වත්ථුස්ස අත්ථිපච්චයෙන පච්චයො; වත්ථු ඛන්ධානං අත්ථිපච්චයෙන පච්චයො; එකං මහාභූතං…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ…. පුරෙජාතං – චක්ඛුං…පෙ… වත්ථුං…පෙ… දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස, චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස, වත්ථු නහෙතූනං ඛන්ධානං අත්ථිපච්චයෙන පච්චයො. පච්ඡාජාතා – නහෙතූ ඛන්ධා පුරෙජාතස්ස ඉමස්ස කායස්ස අත්ථිපච්චයෙන පච්චයො. කබළීකාරො ආහාරො ඉමස්ස කායස්ස අත්ථිපච්චයෙන පච්චයො. රූපජීවිතින්ද්රියං කටත්තාරූපානං අත්ථිපච්චයෙන පච්චයො. (1)

නහෙතු ධම්මො හෙතුස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතා – නහෙතූ ඛන්ධා සම්පයුත්තකානං හෙතූනං අත්ථිපච්චයෙන පච්චයො. පටිසන්ධික්ඛණෙ…පෙ… වත්ථු හෙතූනං අත්ථිපච්චයෙන පච්චයො. පුරෙජාතං – චක්ඛුං…පෙ… වත්ථුං අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති; වත්ථු හෙතූනං අත්ථිපච්චයෙන පච්චයො. (2)

නහෙතු ධම්මො හෙතුස්ස ච නහෙතුස්ස ච ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – නහෙතු එකො ඛන්ධො තිණ්ණන්නං ඛන්ධානං හෙතූනං චිත්තසමුට්ඨානානඤ්ච රූපානං ¶ අත්ථිපච්චයෙන ¶ පච්චයො; පටිසන්ධික්ඛණෙ…පෙ… වත්ථු හෙතූනං සම්පයුත්තකානඤ්ච ඛන්ධානං අත්ථිපච්චයෙන පච්චයො. පුරෙජාතං – චක්ඛුං…පෙ… වත්ථුං අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති; වත්ථු හෙතූනං සම්පයුත්තකානඤ්ච ඛන්ධානං අත්ථිපච්චයෙන පච්චයො. (3)

41. හෙතු ච නහෙතු ච ධම්මා හෙතුස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – අලොභො ච සම්පයුත්තකා ච ඛන්ධා අදොසස්ස අමොහස්ස අත්ථිපච්චයෙන පච්චයො (චක්කං) ¶ . ලොභො ච සම්පයුත්තකා ච ඛන්ධා මොහස්ස අත්ථිපච්චයෙන පච්චයො (චක්කං); පටිසන්ධික්ඛණෙ…පෙ… අලොභො ච වත්ථු ච අදොසස්ස අමොහස්ස අත්ථිපච්චයෙන පච්චයො (චක්කං). (1)

හෙතු ච නහෙතු ච ධම්මා නහෙතුස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං, ආහාරං, ඉන්ද්රියං. සහජාතො – නහෙතු එකො ඛන්ධො ච හෙතූ ච තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ… ද්වෙ ඛන්ධා…පෙ… පටිසන්ධික්ඛණෙ…පෙ… පටිසන්ධික්ඛණෙ හෙතූ ච වත්ථු ච නහෙතූනං ඛන්ධානං අත්ථිපච්චයෙන පච්චයො. සහජාතා – හෙතූ ච මහාභූතා ච චිත්තසමුට්ඨානානං රූපානං අත්ථිපච්චයෙන පච්චයො. පච්ඡාජාතා – හෙතූ ච කබළීකාරො ආහාරො ච ඉමස්ස කායස්ස අත්ථිපච්චයෙන පච්චයො. පච්ඡාජාතා – හෙතූ ච රූපජීවිතින්ද්රියඤ්ච කටත්තාරූපානං අත්ථිපච්චයෙන පච්චයො. (2)

හෙතු ච නහෙතු ච ධම්මා හෙතුස්ස ¶ ච නහෙතුස්ස ච ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – නහෙතු එකො ඛන්ධො ච අලොභො ච තිණ්ණන්නං ඛන්ධානං අදොසස්ස අමොහස්ස චිත්තසමුට්ඨානානඤ්ච රූපානං අත්ථිපච්චයෙන පච්චයො (චක්කං). නහෙතු එකො ඛන්ධො ච ලොභො ච තිණ්ණන්නං ඛන්ධානං මොහස්ස චිත්තසමුට්ඨානානඤ්ච රූපානං අත්ථිපච්චයෙන පච්චයො (චක්කං); පටිසන්ධික්ඛණෙ නහෙතු එකො ඛන්ධො ච අලොභො ච (චක්කං). පටිසන්ධික්ඛණෙ…පෙ… අලොභො ච වත්ථු ච අදොසස්ස අමොහස්ස සම්පයුත්තකානඤ්ච ඛන්ධානං අත්ථිපච්චයෙන පච්චයො, ලොභො ච වත්ථු ච මොහස්ස සම්පයුත්තකානඤ්ච ඛන්ධානං අත්ථිපච්චයෙන පච්චයො….

නත්ථිපච්චයෙන පච්චයො… විගතපච්චයෙන පච්චයො… අවිගතපච්චයෙන පච්චයො. (3)

1. පච්චයානුලොමං

2. සඞ්ඛ්යාවාරො

සුද්ධං

42. හෙතුයා ¶ තීණි, ආරම්මණෙ නව, අධිපතියා නව, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, පුරෙජාතෙ තීණි, පච්ඡාජාතෙ තීණි, ආසෙවනෙ නව, කම්මෙ තීණි, විපාකෙ නව, ආහාරෙ තීණි, ඉන්ද්රියෙ නව, ඣානෙ තීණි, මග්ගෙ ¶ නව, සම්පයුත්තෙ නව, විප්පයුත්තෙ පඤ්ච, අත්ථියා නව, නත්ථියා නව, විගතෙ නව, අවිගතෙ නව (එවං අනුමජ්ජන්තෙන ගණෙතබ්බං).

අනුලොමං.

පච්චනීයුද්ධාරො

43. හෙතු ධම්මො හෙතුස්ස ධම්මස්ස ආරම්මණපච්චයෙන පච්චයො… සහජාතපච්චයෙන ¶ පච්චයො… උපනිස්සයපච්චයෙන පච්චයො. (1)

හෙතු ධම්මො නහෙතුස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො. (2)

හෙතු ධම්මො හෙතුස්ස ච නහෙතුස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (3)

44. නහෙතු ධම්මො නහෙතුස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො… ආහාරපච්චයෙන පච්චයො… ඉන්ද්රියපච්චයෙන පච්චයො. (1)

නහෙතු ¶ ධම්මො හෙතුස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො… කම්මපච්චයෙන පච්චයො. (2)

නහෙතු ධම්මො හෙතුස්ස ච නහෙතුස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො… කම්මපච්චයෙන පච්චයො. (3)

45. හෙතු ච නහෙතු ච ධම්මා හෙතුස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (1)

හෙතු ච නහෙතු ච ධම්මා නහෙතුස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (2)

හෙතු ¶ ¶ ච නහෙතු ච ධම්මා හෙතුස්ස ච නහෙතුස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (3)

2. පච්චයපච්චනීයං

2. සඞ්ඛ්යාවාරො

46. නහෙතුයා නව, නආරම්මණෙ නව…පෙ… නොඅවිගතෙ නව (එවං ගණෙතබ්බං).

පච්චනීයං.

3. පච්චයානුලොමපච්චනීයං

හෙතුදුකං

47. හෙතුපච්චයා නආරම්මණෙ තීණි, නඅධිපතියා තීණි, නඅනන්තරෙ තීණි, නසමනන්තරෙ ¶ තීණි, නඅඤ්ඤමඤ්ඤෙ එකං, නඋපනිස්සයෙ තීණි…පෙ… නමග්ගෙ තීණි, නසම්පයුත්තෙ එකං, නවිප්පයුත්තෙ තීණි, නොනත්ථියා තීණි, නොවිගතෙ තීණි (එවං ගණෙතබ්බං).

අනුලොමපච්චනීයං.

4. පච්චයපච්චනීයානුලොමං

නහෙතුදුකං

48. නහෙතුපච්චයා ආරම්මණෙ නව, අධිපතියා නව, අනන්තරෙ නව, සමනන්තරෙ නව, සහජාතෙ තීණි, අඤ්ඤමඤ්ඤෙ තීණි, නිස්සයෙ තීණි, උපනිස්සයෙ නව, පුරෙජාතෙ තීණි, පච්ඡාජාතෙ තීණි, ආසෙවනෙ නව, කම්මෙ තීණි, විපාකෙ තීණි, ආහාරෙ තීණි, ඉන්ද්රියෙ තීණි, ඣානෙ තීණි, මග්ගෙ තීණි, සම්පයුත්තෙ තීණි, විප්පයුත්තෙ තීණි, අත්ථියා තීණි, නත්ථියා නව, විගතෙ නව, අවිගතෙ තීණි (එවං ගණෙතබ්බං).

පච්චනීයානුලොමං.

හෙතුදුකං නිට්ඨිතං.

2. සහෙතුකදුකං

1. පටිච්චවාරො

1. පච්චයානුලොමං

1. විභඞ්ගවාරො

හෙතුපච්චයො

49. සහෙතුකං ¶ ¶ ¶ ධම්මං පටිච්ච සහෙතුකො ධම්මො උප්පජ්ජති හෙතුපච්චයා – සහෙතුකං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

සහෙතුකං ධම්මං පටිච්ච අහෙතුකො ධම්මො උප්පජ්ජති හෙතුපච්චයා – සහෙතුකෙ ඛන්ධෙ පටිච්ච චිත්තසමුට්ඨානං රූපං; පටිසන්ධික්ඛණෙ…පෙ…. (2)

සහෙතුකං ධම්මං පටිච්ච සහෙතුකො ච අහෙතුකො ච ධම්මා උප්පජ්ජන්ති හෙතුපච්චයා – සහෙතුකං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (3)

50. අහෙතුකං ධම්මං පටිච්ච අහෙතුකො ධම්මො උප්පජ්ජති හෙතුපච්චයා – විචිකිච්ඡාසහගතං උද්ධච්චසහගතං මොහං පටිච්ච චිත්තසමුට්ඨානං රූපං; එකං මහාභූතං පටිච්ච තයො මහාභූතා…පෙ… මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං. (1)

අහෙතුකං ¶ ධම්මං පටිච්ච සහෙතුකො ධම්මො උප්පජ්ජති හෙතුපච්චයා – විචිකිච්ඡාසහගතං උද්ධච්චසහගතං මොහං පටිච්ච සම්පයුත්තකා ඛන්ධා; පටිසන්ධික්ඛණෙ වත්ථුං පටිච්ච සහෙතුකා ඛන්ධා. (2)

අහෙතුකං ධම්මං පටිච්ච සහෙතුකො ච අහෙතුකො ච ධම්මා උප්පජ්ජන්ති හෙතුපච්චයා – විචිකිච්ඡාසහගතං උද්ධච්චසහගතං මොහං පටිච්ච සම්පයුත්තකා ඛන්ධා චිත්තසමුට්ඨානඤ්ච රූපං; පටිසන්ධික්ඛණෙ වත්ථුං පටිච්ච ¶ සහෙතුකා ඛන්ධා, මහාභූතෙ පටිච්ච කටත්තාරූපං. (3)

51. සහෙතුකඤ්ච අහෙතුකඤ්ච ධම්මං පටිච්ච සහෙතුකො ධම්මො උප්පජ්ජති හෙතුපච්චයා – විචිකිච්ඡාසහගතං උද්ධච්චසහගතං එකං ඛන්ධඤ්ච මොහඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ සහෙතුකං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

සහෙතුකඤ්ච ¶ අහෙතුකඤ්ච ධම්මං පටිච්ච අහෙතුකො ධම්මො උප්පජ්ජති හෙතුපච්චයා – සහෙතුකෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං, විචිකිච්ඡාසහගතෙ උද්ධච්චසහගතෙ ඛන්ධෙ ච මොහඤ්ච පටිච්ච චිත්තසමුට්ඨානං රූපං; පටිසන්ධික්ඛණෙ…පෙ…. (2)

සහෙතුකඤ්ච අහෙතුකඤ්ච ධම්මං පටිච්ච සහෙතුකො ච අහෙතුකො ච ධම්මා උප්පජ්ජන්ති හෙතුපච්චයා – විචිකිච්ඡාසහගතං උද්ධච්චසහගතං එකං ඛන්ධඤ්ච මොහඤ්ච පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ සහෙතුකං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ… සහෙතුකෙ ඛන්ධෙ ච මහාභූතෙ ච පටිච්ච කටත්තාරූපං. (3)

ආරම්මණපච්චයො

52. සහෙතුකං ධම්මං පටිච්ච සහෙතුකො ධම්මො උප්පජ්ජති ආරම්මණපච්චයා – සහෙතුකං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

සහෙතුකං ¶ ධම්මං පටිච්ච අහෙතුකො ධම්මො උප්පජ්ජති ආරම්මණපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (2)

සහෙතුකං ධම්මං පටිච්ච සහෙතුකො ච අහෙතුකො ච ධම්මා උප්පජ්ජන්ති ආරම්මණපච්චයා ¶ – විචිකිච්ඡාසහගතං උද්ධච්චසහගතං එකං ඛන්ධං පටිච්ච තයො ඛන්ධා මොහො ච…පෙ… ද්වෙ ඛන්ධෙ…පෙ…. (3)

53. අහෙතුකං ධම්මං පටිච්ච අහෙතුකො ධම්මො උප්පජ්ජති ආරම්මණපච්චයා – අහෙතුකං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ වත්ථුං පටිච්ච අහෙතුකා ඛන්ධා. (1)

අහෙතුකං ධම්මං පටිච්ච සහෙතුකො ධම්මො උප්පජ්ජති ආරම්මණපච්චයා – විචිකිච්ඡාසහගතං උද්ධච්චසහගතං මොහං පටිච්ච සම්පයුත්තකා ඛන්ධා; පටිසන්ධික්ඛණෙ වත්ථුං පටිච්ච සහෙතුකා ඛන්ධා. (2)

සහෙතුකඤ්ච අහෙතුකඤ්ච ධම්මං පටිච්ච සහෙතුකො ධම්මො උප්පජ්ජති ආරම්මණපච්චයා – විචිකිච්ඡාසහගතං උද්ධච්චසහගතං එකං ඛන්ධඤ්ච මොහඤ්ච පටිච්ච තයො ¶ ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ සහෙතුකං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

අධිපතිපච්චයො

54. සහෙතුකං ධම්මං පටිච්ච සහෙතුකො ධම්මො උප්පජ්ජති අධිපතිපච්චයා – සහෙතුකං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

සහෙතුකං ධම්මං පටිච්ච අහෙතුකො ධම්මො උප්පජ්ජති අධිපතිපච්චයා – සහෙතුකෙ ඛන්ධෙ පටිච්ච චිත්තසමුට්ඨානං රූපං. (2)

සහෙතුකං ¶ ධම්මං පටිච්ච සහෙතුකො ච අහෙතුකො ච ධම්මා උප්පජ්ජන්ති අධිපතිපච්චයා – සහෙතුකං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

55. අහෙතුකං ධම්මං පටිච්ච අහෙතුකො ධම්මො උප්පජ්ජති අධිපතිපච්චයා – එකං මහාභූතං…පෙ… මහාභූතෙ පටිච්ච ¶ චිත්තසමුට්ඨානං රූපං උපාදාරූපං. (1)

සහෙතුකඤ්ච අහෙතුකඤ්ච ධම්මං පටිච්ච අහෙතුකො ධම්මො උප්පජ්ජති අධිපතිපච්චයා – සහෙතුකෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

අනන්තරපච්චයාදි

56. සහෙතුකං ධම්මං පටිච්ච සහෙතුකො ධම්මො උප්පජ්ජති අනන්තරපච්චයා… සමනන්තරපච්චයා… සහජාතපච්චයා – සහෙතුකං එකං ඛන්ධං පටිච්ච තයො ඛන්ධා…පෙ… පටිසන්ධික්ඛණෙ…පෙ…. (1)

සහෙතුකං ධම්මං පටිච්ච අහෙතුකො ධම්මො උප්පජ්ජති සහජාතපච්චයා – සහෙතුකෙ ඛන්ධෙ පටිච්ච චිත්තසමුට්ඨානං රූපං, විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො චිත්තසමුට්ඨානඤ්ච රූපං; පටිසන්ධික්ඛණෙ…පෙ…. (2)

සහෙතුකං ධම්මං පටිච්ච සහෙතුකො ච අහෙතුකො ච ධම්මා උප්පජ්ජන්ති සහජාතපච්චයා – සහෙතුකං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං, ද්වෙ ඛන්ධෙ…පෙ… විචිකිච්ඡාසහගතං උද්ධච්චසහගතං එකං ඛන්ධං පටිච්ච තයො ඛන්ධා මොහො ච චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (3)

57. අහෙතුකං ¶ ධම්මං පටිච්ච අහෙතුකො ධම්මො උප්පජ්ජති සහජාතපච්චයා – අහෙතුකං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… විචිකිච්ඡාසහගතං උද්ධච්චසහගතං මොහං පටිච්ච චිත්තසමුට්ඨානං රූපං; පටිසන්ධික්ඛණෙ…පෙ… ඛන්ධෙ ¶ පටිච්ච වත්ථු, වත්ථුං පටිච්ච ඛන්ධා; එකං මහාභූතං…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං ¶ එකං මහාභූතං…පෙ…. (1)

අහෙතුකං ධම්මං පටිච්ච සහෙතුකො ධම්මො උප්පජ්ජති සහජාතපච්චයා (ඉමෙ පඤ්ච පඤ්හා හෙතුසදිසා, නින්නානං). (2)

අඤ්ඤමඤ්ඤපච්චයො

58. සහෙතුකං ධම්මං පටිච්ච සහෙතුකො ධම්මො උප්පජ්ජති අඤ්ඤමඤ්ඤපච්චයා – සහෙතුකං එකං ඛන්ධං පටිච්ච තයො ඛන්ධා…පෙ… පටිසන්ධික්ඛණෙ…පෙ…. (1)

සහෙතුකං ධම්මං පටිච්ච අහෙතුකො ධම්මො උප්පජ්ජති අඤ්ඤමඤ්ඤපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො; පටිසන්ධික්ඛණෙ සහෙතුකෙ ඛන්ධෙ පටිච්ච වත්ථු. (2)

සහෙතුකං ධම්මං පටිච්ච සහෙතුකො ච අහෙතුකො ච ධම්මා උප්පජ්ජන්ති අඤ්ඤමඤ්ඤපච්චයා – විචිකිච්ඡාසහගතං උද්ධච්චසහගතං එකං ඛන්ධං පටිච්ච තයො ඛන්ධා මොහො ච…පෙ… ද්වෙ ඛන්ධෙ…පෙ… පටිසන්ධික්ඛණෙ සහෙතුකං එකං ඛන්ධං පටිච්ච තයො ඛන්ධා වත්ථු ච…පෙ… ද්වෙ ඛන්ධෙ…පෙ…. (3)

59. අහෙතුකං ධම්මං පටිච්ච අහෙතුකො ධම්මො උප්පජ්ජති අඤ්ඤමඤ්ඤපච්චයා – අහෙතුකං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ අහෙතුකං එකං ඛන්ධං පටිච්ච තයො ඛන්ධා වත්ථු ච…පෙ… ද්වෙ ඛන්ධෙ…පෙ… (සංඛිත්තං, යාව අසඤ්ඤසත්තා). (1)

අහෙතුකං ධම්මං පටිච්ච සහෙතුකො ධම්මො උප්පජ්ජති අඤ්ඤමඤ්ඤපච්චයා – විචිකිච්ඡාසහගතං උද්ධච්චසහගතං මොහං පටිච්ච සම්පයුත්තකා ඛන්ධා; පටිසන්ධික්ඛණෙ වත්ථුං පටිච්ච සහෙතුකා ඛන්ධා. (2)

සහෙතුකඤ්ච ¶ අහෙතුකඤ්ච ධම්මං පටිච්ච ¶ සහෙතුකො ධම්මො උප්පජ්ජති අඤ්ඤමඤ්ඤපච්චයා – විචිකිච්ඡාසහගතං උද්ධච්චසහගතං එකං ඛන්ධඤ්ච මොහඤ්ච පටිච්ච ¶ තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ සහෙතුකං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

නිස්සයපච්චයාදි

60. සහෙතුකං ධම්මං පටිච්ච සහෙතුකො ධම්මො උප්පජ්ජති නිස්සයපච්චයා… උපනිස්සයපච්චයා… පුරෙජාතපච්චයා… ආසෙවනපච්චයා… කම්මපච්චයා… විපාකපච්චයා… ආහාරපච්චයා… ඉන්ද්රියපච්චයා… ඣානපච්චයා… මග්ගපච්චයා… (ඣානම්පි මග්ගම්පි සහජාතපච්චයසදිසා, බාහිරා මහාභූතා නත්ථි ) සම්පයුත්තපච්චයා… විප්පයුත්තපච්චයා… අත්ථිපච්චයා… නත්ථිපච්චයා… විගතපච්චයා… අවිගතපච්චයා.

1. පච්චයානුලොමං

2. සඞ්ඛ්යාවාරො

සුද්ධං

61. හෙතුයා නව, ආරම්මණෙ ඡ, අධිපතියා පඤ්ච, අනන්තරෙ ඡ, සමනන්තරෙ ඡ, සහජාතෙ නව, අඤ්ඤමඤ්ඤෙ ඡ, නිස්සයෙ නව, උපනිස්සයෙ ඡ, පුරෙජාතෙ ඡ, ආසෙවනෙ ඡ, කම්මෙ නව, විපාකෙ නව, ආහාරෙ නව, ඉන්ද්රියෙ නව, ඣානෙ නව, මග්ගෙ නව, සම්පයුත්තෙ ඡ, විප්පයුත්තෙ නව, අත්ථියා නව, නත්ථියා ඡ, විගතෙ ඡ, අවිගතෙ නව (එවං ගණෙතබ්බං).

අනුලොමං.

2. පච්චයපච්චනීයං

1. විභඞ්ගවාරො

නහෙතුපච්චයො

62. සහෙතුකං ¶ ධම්මං පටිච්ච අහෙතුකො ධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො ¶ උද්ධච්චසහගතො මොහො. (1)

අහෙතුකං ධම්මං පටිච්ච අහෙතුකො ධම්මො උප්පජ්ජති නහෙතුපච්චයා – අහෙතුකං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1) (සබ්බං යාව අසඤ්ඤසත්තා තාව කාතබ්බං.)

නආරම්මණපච්චයාදි

63. සහෙතුකං ¶ ධම්මං පටිච්ච අහෙතුකො ධම්මො උප්පජ්ජති නආරම්මණපච්චයා – සහෙතුකෙ ඛන්ධෙ පටිච්ච චිත්තසමුට්ඨානං රූපං; පටිසන්ධික්ඛණෙ…පෙ…. (1)

අහෙතුකං ධම්මං පටිච්ච අහෙතුකො ධම්මො උප්පජ්ජති නආරම්මණපච්චයා – අහෙතුකෙ ඛන්ධෙ පටිච්ච චිත්තසමුට්ඨානං රූපං, විචිකිච්ඡාසහගතං උද්ධච්චසහගතං මොහං පටිච්ච චිත්තසමුට්ඨානං රූපං; පටිසන්ධික්ඛණෙ…පෙ… ඛන්ධෙ පටිච්ච වත්ථු; එකං මහාභූතං…පෙ… අසඤ්ඤසත්තානං එකං…පෙ…. (1)

සහෙතුකඤ්ච අහෙතුකඤ්ච ධම්මං පටිච්ච අහෙතුකො ධම්මො උප්පජ්ජති නආරම්මණපච්චයා – සහෙතුකෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං, විචිකිච්ඡාසහගතෙ උද්ධච්චසහගතෙ ඛන්ධෙ ච මොහඤ්ච පටිච්ච චිත්තසමුට්ඨානං රූපං; පටිසන්ධික්ඛණෙ…පෙ…. (1)

සහෙතුකං ධම්මං පටිච්ච සහෙතුකො ධම්මො උප්පජ්ජති නඅධිපතිපච්චයා… (අනුලොමසහජාතසදිසා) ¶ නඅනන්තරපච්චයා… නසමනන්තරපච්චයා… නඅඤ්ඤමඤ්ඤපච්චයා… නඋපනිස්සයපච්චයා… නපුරෙජාතපච්චයා – අරූපෙ සහෙතුකං එකං ඛන්ධං…පෙ… පටිසන්ධික්ඛණෙ…පෙ…. (1)

64. සහෙතුකං ධම්මං පටිච්ච අහෙතුකො ධම්මො උප්පජ්ජති නපුරෙජාතපච්චයා – අරූපෙ විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො, සහෙතුකෙ ඛන්ධෙ පටිච්ච චිත්තසමුට්ඨානං රූපං; පටිසන්ධික්ඛණෙ…පෙ…. (2)

සහෙතුකං ධම්මං පටිච්ච සහෙතුකො ච අහෙතුකො ච ධම්මා උප්පජ්ජන්ති නපුරෙජාතපච්චයා – අරූපෙ විචිකිච්ඡාසහගතං උද්ධච්චසහගතං එකං ඛන්ධං පටිච්ච තයො ඛන්ධා මොහො ච…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (3)

අහෙතුකං ධම්මං පටිච්ච අහෙතුකො ධම්මො උප්පජ්ජති ¶ නපුරෙජාතපච්චයා – අරූපෙ අහෙතුකං එකං ඛන්ධං…පෙ… ද්වෙ ඛන්ධෙ…පෙ… අහෙතුකෙ ඛන්ධෙ පටිච්ච චිත්තසමුට්ඨානං රූපං, විචිකිච්ඡාසහගතං උද්ධච්චසහගතං මොහං පටිච්ච චිත්තසමුට්ඨානං රූපං; පටිසන්ධික්ඛණෙ…පෙ… (යාව අසඤ්ඤසත්තා තාව විත්ථාරො). (1)

අහෙතුකං ¶ ධම්මං පටිච්ච සහෙතුකො ධම්මො උප්පජ්ජති නපුරෙජාතපච්චයා – අරූපෙ විචිකිච්ඡාසහගතං උද්ධච්චසහගතං මොහං පටිච්ච සම්පයුත්තකා ඛන්ධා; පටිසන්ධික්ඛණෙ වත්ථුං පටිච්ච සහෙතුකා ඛන්ධා. (2)

අහෙතුකං ධම්මං පටිච්ච සහෙතුකො ච අහෙතුකො ච ධම්මා උප්පජ්ජන්ති නපුරෙජාතපච්චයා – පටිසන්ධික්ඛණෙ වත්ථුං පටිච්ච සහෙතුකා ඛන්ධා, මහාභූතෙ පටිච්ච කටත්තාරූපං. (3)

65. සහෙතුකඤ්ච අහෙතුකඤ්ච ධම්මං පටිච්ච සහෙතුකො ධම්මො උප්පජ්ජති නපුරෙජාතපච්චයා – අරූපෙ විචිකිච්ඡාසහගතං උද්ධච්චසහගතං එකං ඛන්ධඤ්ච මොහඤ්ච පටිච්ච තයො ¶ ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ සහෙතුකං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ¶ ඛන්ධෙ…පෙ…. (1)

සහෙතුකඤ්ච අහෙතුකඤ්ච ධම්මං පටිච්ච අහෙතුකො ධම්මො උප්පජ්ජති නපුරෙජාතපච්චයා – සහෙතුකෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං, විචිකිච්ඡාසහගතෙ උද්ධච්චසහගතෙ ඛන්ධෙ ච මොහඤ්ච පටිච්ච චිත්තසමුට්ඨානං රූපං; පටිසන්ධික්ඛණෙ…පෙ…. (2)

සහෙතුකඤ්ච අහෙතුකඤ්ච ධම්මං පටිච්ච සහෙතුකො ච අහෙතුකො ච ධම්මා උප්පජ්ජන්ති නපුරෙජාතපච්චයා – පටිසන්ධික්ඛණෙ සහෙතුකං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ… සහෙතුකෙ ඛන්ධෙ ච මහාභූතෙ ච පටිච්ච කටත්තාරූපං. (3)

නපච්ඡාජාතපච්චයාදි

66. සහෙතුකං ධම්මං පටිච්ච සහෙතුකො ධම්මො උප්පජ්ජති නපච්ඡාජාතපච්චයා… නආසෙවනපච්චයා… නකම්මපච්චයා – සහෙතුකෙ ඛන්ධෙ පටිච්ච සහෙතුකා චෙතනා. (1)

අහෙතුකං ධම්මං පටිච්ච අහෙතුකො ධම්මො උප්පජ්ජති නකම්මපච්චයා – අහෙතුකෙ ඛන්ධෙ පටිච්ච අහෙතුකා චෙතනා… බාහිරං… ආහාරසමුට්ඨානං… උතුසමුට්ඨානං…පෙ…. (1)

අහෙතුකං ධම්මං පටිච්ච සහෙතුකො ධම්මො උප්පජ්ජති නකම්මපච්චයා – විචිකිච්ඡාසහගතං උද්ධච්චසහගතං මොහං පටිච්ච සම්පයුත්තකා චෙතනා. (2)

සහෙතුකඤ්ච ¶ අහෙතුකඤ්ච ධම්මං පටිච්ච සහෙතුකො ධම්මො උප්පජ්ජති නකම්මපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ ච මොහඤ්ච පටිච්ච සම්පයුත්තකා චෙතනා… නවිපාකපච්චයා (පටිසන්ධි නත්ථි).

නආහාරපච්චයාදි

67. අහෙතුකං ¶ ¶ ධම්මං පටිච්ච අහෙතුකො ධම්මො උප්පජ්ජති නආහාරපච්චයා… නඉන්ද්රියපච්චයා… නඣානපච්චයා… නමග්ගපච්චයා… නසම්පයුත්තපච්චයා.

නවිප්පයුත්තපච්චයාදි

68. සහෙතුකං ධම්මං පටිච්ච සහෙතුකො ධම්මො උප්පජ්ජති නවිප්පයුත්තපච්චයා – අරූපෙ සහෙතුකං එකං ඛන්ධං…පෙ…. (1)

සහෙතුකං ධම්මං පටිච්ච අහෙතුකො ධම්මො උප්පජ්ජති නවිප්පයුත්තපච්චයා – අරූපෙ විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (2)

සහෙතුකං ධම්මං පටිච්ච සහෙතුකො ච අහෙතුකො ච ධම්මා උප්පජ්ජන්ති නවිප්පයුත්තපච්චයා – අරූපෙ විචිකිච්ඡාසහගතං උද්ධච්චසහගතං එකං ඛන්ධං පටිච්ච තයො ඛන්ධා මොහො ච…පෙ… ද්වෙ ඛන්ධෙ…පෙ…. (3)

අහෙතුකං ධම්මං පටිච්ච අහෙතුකො ධම්මො උප්පජ්ජති නවිප්පයුත්තපච්චයා – අරූපෙ අහෙතුකං එකං ඛන්ධං පටිච්ච තයො ඛන්ධා, ද්වෙ ඛන්ධෙ…පෙ…. (1)

අහෙතුකං ධම්මං පටිච්ච සහෙතුකො ධම්මො උප්පජ්ජති නවිප්පයුත්තපච්චයා – අරූපෙ විචිකිච්ඡාසහගතං උද්ධච්චසහගතං මොහං පටිච්ච සම්පයුත්තකා ඛන්ධා. (2)

සහෙතුකඤ්ච අහෙතුකඤ්ච ධම්මං පටිච්ච සහෙතුකො ධම්මො උප්පජ්ජති නවිප්පයුත්තපච්චයා – අරූපෙ විචිකිච්ඡාසහගතං උද්ධච්චසහගතං එකං ඛන්ධඤ්ච මොහඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ… නොනත්ථිපච්චයා… නොවිගතපච්චයා. (1)

2. පච්චයපච්චනීයං

2. සඞ්ඛ්යාවාරො

සුද්ධං

69. නහෙතුයා ¶ ද්වෙ, නආරම්මණෙ තීණි, නඅධිපතියා නව, නඅනන්තරෙ ¶ තීණි, නසමනන්තරෙ තීණි, නඅඤ්ඤමඤ්ඤෙ තීණි, නඋපනිස්සයෙ තීණි ¶ , නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ චත්තාරි, නවිපාකෙ නව, නආහාරෙ එකං, නඉන්ද්රියෙ එකං, නඣානෙ එකං, නමග්ගෙ එකං, නසම්පයුත්තෙ තීණි, නවිප්පයුත්තෙ ඡ, නොනත්ථියා තීණි, නොවිගතෙ තීණි (එවං ගණෙතබ්බං).

පච්චනීයං.

3. පච්චයානුලොමපච්චනීයං

හෙතුදුකං

70. හෙතුපච්චයා නආරම්මණෙ තීණි, නඅධිපතියා නව, නඅනන්තරෙ තීණි, නසමනන්තරෙ තීණි, නඅඤ්ඤමඤ්ඤෙ තීණි, නඋපනිස්සයෙ තීණි, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නසම්පයුත්තෙ තීණි, නවිප්පයුත්තෙ තීණි, නොනත්ථියා තීණි, නොවිගතෙ තීණි (එවං ගණෙතබ්බං).

අනුලොමපච්චනීයං.

4. පච්චයපච්චනීයානුලොමං

නහෙතුදුකං

71. නහෙතුපච්චයා ¶ ආරම්මණෙ ද්වෙ, අනන්තරෙ ද්වෙ, සමනන්තරෙ ද්වෙ (සබ්බත්ථ ද්වෙ), විපාකෙ එකං, ආහාරෙ ද්වෙ, ඉන්ද්රියෙ ද්වෙ, ඣානෙ ද්වෙ, මග්ගෙ එකං, සම්පයුත්තෙ ද්වෙ…පෙ… අවිගතෙ ද්වෙ (එවං ගණෙතබ්බං).

පච්චනීයානුලොමං.

2. සහජාතවාරො

(සහජාතවාරො පටිච්චවාරසදිසො.)

3. පච්චයවාරො

1. පච්චයානුලොමං

1. විභඞ්ගවාරො

හෙතුපච්චයො

72. සහෙතුකං ¶ ධම්මං පච්චයා සහෙතුකො ධම්මො උප්පජ්ජති හෙතුපච්චයා (සහෙතුකමූලකං පටිච්චවාරසදිසං).

අහෙතුකං ධම්මං පච්චයා අහෙතුකො ¶ ධම්මො…පෙ… (පටිච්චවාරසදිසංයෙව). (1)

අහෙතුකං ¶ ධම්මං පච්චයා සහෙතුකො ධම්මො උප්පජ්ජති හෙතුපච්චයා – වත්ථුං පච්චයා සහෙතුකා ඛන්ධා, විචිකිච්ඡාසහගතං උද්ධච්චසහගතං මොහං පච්චයා සම්පයුත්තකා ඛන්ධා; පටිසන්ධික්ඛණෙ වත්ථුං පච්චයා සහෙතුකා ඛන්ධා. (2)

අහෙතුකං ධම්මං පච්චයා සහෙතුකො ච අහෙතුකො ච ධම්මා උප්පජ්ජන්ති හෙතුපච්චයා – වත්ථුං පච්චයා සහෙතුකා ඛන්ධා, මහාභූතෙ පච්චයා චිත්තසමුට්ඨානං රූපං, විචිකිච්ඡාසහගතං උද්ධච්චසහගතං මොහං පච්චයා සම්පයුත්තකා ඛන්ධා චිත්තසමුට්ඨානඤ්ච රූපං; පටිසන්ධික්ඛණෙ වත්ථුං…පෙ…. (3)

73. සහෙතුකඤ්ච අහෙතුකඤ්ච ධම්මං පච්චයා සහෙතුකො ධම්මො උප්පජ්ජති හෙතුපච්චයා – සහෙතුකං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… විචිකිච්ඡාසහගතං උද්ධච්චසහගතං එකං ඛන්ධඤ්ච මොහඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

සහෙතුකඤ්ච අහෙතුකඤ්ච ධම්මං පච්චයා අහෙතුකො ධම්මො උප්පජ්ජති හෙතුපච්චයා – සහෙතුකෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං, විචිකිච්ඡාසහගතෙ උද්ධච්චසහගතෙ ඛන්ධෙ ච මොහඤ්ච පච්චයා චිත්තසමුට්ඨානං රූපං; පටිසන්ධික්ඛණෙ…පෙ…. (2)

සහෙතුකඤ්ච අහෙතුකඤ්ච ධම්මං පච්චයා සහෙතුකො ච අහෙතුකො ච ධම්මා උප්පජ්ජන්ති හෙතුපච්චයා – සහෙතුකං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… සහෙතුකෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං, විචිකිච්ඡාසහගතං උද්ධච්චසහගතං එකං ඛන්ධඤ්ච මොහඤ්ච ¶ පච්චයා තයො ¶ ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ සහෙතුකං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… සහෙතුකෙ ඛන්ධෙ ච මහාභූතෙ ච පච්චයා කටත්තාරූපං. (3)

ආරම්මණපච්චයො

74. සහෙතුකං ¶ ධම්මං පච්චයා සහෙතුකො ධම්මො උප්පජ්ජති ආරම්මණපච්චයා – සහෙතුකං එකං ඛන්ධං පච්චයා තයො ඛන්ධා…පෙ… පටිසන්ධික්ඛණෙ…පෙ…. (1)

සහෙතුකං ධම්මං පච්චයා අහෙතුකො ධම්මො උප්පජ්ජති ආරම්මණපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ පච්චයා විචිකිච්ඡාසහගතො උද්ධච්චසහගතො මොහො. (2)

සහෙතුකං ධම්මං පච්චයා සහෙතුකො ච අහෙතුකො ච ධම්මා උප්පජ්ජන්ති ආරම්මණපච්චයා – විචිකිච්ඡාසහගතං උද්ධච්චසහගතං එකං ඛන්ධං පච්චයා තයො ඛන්ධා මොහො ච…පෙ… ද්වෙ ඛන්ධෙ…පෙ…. (3)

75. අහෙතුකං ධම්මං පච්චයා අහෙතුකො ධම්මො උප්පජ්ජති ආරම්මණපච්චයා – අහෙතුකං එකං ඛන්ධං…පෙ… ද්වෙ ඛන්ධෙ…පෙ… පටිසන්ධික්ඛණෙ වත්ථුං පච්චයා ඛන්ධා, චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා අහෙතුකා ඛන්ධා. (1)

අහෙතුකං ධම්මං පච්චයා සහෙතුකො ධම්මො උප්පජ්ජති ආරම්මණපච්චයා – වත්ථුං පච්චයා සහෙතුකා ඛන්ධා, විචිකිච්ඡාසහගතං උද්ධච්චසහගතං මොහං පච්චයා සම්පයුත්තකා ඛන්ධා; පටිසන්ධික්ඛණෙ…පෙ…. (2)

අහෙතුකං ධම්මං පච්චයා සහෙතුකො ච අහෙතුකො ච ධම්මා උප්පජ්ජන්ති ආරම්මණපච්චයා – වත්ථුං පච්චයා විචිකිච්ඡාසහගතා උද්ධච්චසහගතා ඛන්ධා මොහො ච. (3)

76. සහෙතුකඤ්ච අහෙතුකඤ්ච ධම්මං ¶ පච්චයා සහෙතුකො ධම්මො උප්පජ්ජති ආරම්මණපච්චයා – සහෙතුකං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… විචිකිච්ඡාසහගතං උද්ධච්චසහගතං එකං ඛන්ධඤ්ච මොහඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

සහෙතුකඤ්ච ¶ ¶ අහෙතුකඤ්ච ධම්මං පච්චයා අහෙතුකො ධම්මො උප්පජ්ජති ආරම්මණපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ ච වත්ථුඤ්ච පච්චයා විචිකිච්ඡාසහගතො උද්ධච්චසහගතො මොහො. (2)

සහෙතුකඤ්ච අහෙතුකඤ්ච ධම්මං පච්චයා සහෙතුකො ච අහෙතුකො ච ධම්මා උප්පජ්ජන්ති ආරම්මණපච්චයා – විචිකිච්ඡාසහගතං උද්ධච්චසහගතං එකං ඛන්ධඤ්ච වත්ථුඤ්ච පච්චයා තයො ඛන්ධා මොහො ච…පෙ… ද්වෙ ඛන්ධෙ…පෙ…. (3)

අධිපතිපච්චයො

77. සහෙතුකං ධම්මං පච්චයා සහෙතුකො ධම්මො උප්පජ්ජති අධිපතිපච්චයා (අධිපතියා නව පඤ්හා පවත්තෙයෙව).

අනන්තරපච්චයාදි

78. සහෙතුකං ධම්මං පච්චයා සහෙතුකො ධම්මො උප්පජ්ජති අනන්තරපච්චයා… සමනන්තරපච්චයා… සහජාතපච්චයා… තීණි (පටිච්චවාරසදිසා).

අහෙතුකං ධම්මං පච්චයා අහෙතුකො ධම්මො උප්පජ්ජති සහජාතපච්චයා – අහෙතුකං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… (යාව අසඤ්ඤසත්තා), චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා අහෙතුකා ඛන්ධා. (1)

අහෙතුකං ¶ ධම්මං පච්චයා සහෙතුකො ධම්මො උප්පජ්ජති සහජාතපච්චයා – වත්ථුං පච්චයා සහෙතුකා ඛන්ධා, විචිකිච්ඡාසහගතං උද්ධච්චසහගතං මොහං පච්චයා සම්පයුත්තකා ඛන්ධා; පටිසන්ධික්ඛණෙ…පෙ…. (2)

අහෙතුකං ධම්මං පච්චයා සහෙතුකො ච අහෙතුකො ච ධම්මා උප්පජ්ජන්ති සහජාතපච්චයා – වත්ථුං පච්චයා සහෙතුකා ඛන්ධා, මහාභූතෙ පච්චයා චිත්තසමුට්ඨානං රූපං, විචිකිච්ඡාසහගතං උද්ධච්චසහගතං ¶ මොහං පච්චයා සම්පයුත්තකා ඛන්ධා චිත්තසමුට්ඨානඤ්ච රූපං; පටිසන්ධික්ඛණෙ වත්ථුං…පෙ…. (3)

79. සහෙතුකඤ්ච ¶ අහෙතුකඤ්ච ධම්මං පච්චයා සහෙතුකො ධම්මො උප්පජ්ජති සහජාතපච්චයා – සහෙතුකං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… විචිකිච්ඡාසහගතං උද්ධච්චසහගතං එකං ඛන්ධඤ්ච මොහඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

සහෙතුකඤ්ච අහෙතුකඤ්ච ධම්මං පච්චයා අහෙතුකො ධම්මො උප්පජ්ජති සහජාතපච්චයා – සහෙතුකෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං, විචිකිච්ඡාසහගතෙ උද්ධච්චසහගතෙ ඛන්ධෙ ච මොහඤ්ච පච්චයා චිත්තසමුට්ඨානං රූපං; පටිසන්ධික්ඛණෙ…පෙ… විචිකිච්ඡාසහගතෙ උද්ධච්චසහගතෙ ඛන්ධෙ ච වත්ථුඤ්ච පච්චයා විචිකිච්ඡාසහගතො උද්ධච්චසහගතො මොහො. (2)

සහෙතුකඤ්ච අහෙතුකඤ්ච ධම්මං පච්චයා සහෙතුකො ච අහෙතුකො ච ධම්මා උප්පජ්ජන්ති සහජාතපච්චයා – සහෙතුකං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… සහෙතුකෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං, විචිකිච්ඡාසහගතං උද්ධච්චසහගතං එකං ඛන්ධඤ්ච ¶ වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… සහෙතුකෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. විචිකිච්ඡාසහගතං උද්ධච්චසහගතං එකං ඛන්ධඤ්ච මොහඤ්ච පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… විචිකිච්ඡාසහගතං උද්ධච්චසහගතං එකං ඛන්ධඤ්ච වත්ථුඤ්ච පච්චයා තයො ඛන්ධා මොහො ච…පෙ… පටිසන්ධික්ඛණෙ සහෙතුකං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… සහෙතුකෙ ඛන්ධෙ ච මහාභූතෙ ච පච්චයා කටත්තාරූපං. (3)

අඤ්ඤමඤ්ඤපච්චයාදි

80. සහෙතුකං ධම්මං පච්චයා සහෙතුකො ධම්මො උප්පජ්ජති අඤ්ඤමඤ්ඤපච්චයා…පෙ… අවිගතපච්චයා.

1. පච්චයානුලොමං

2. සඞ්ඛ්යාවාරො

81. හෙතුයා ¶ නව, ආරම්මණෙ නව, අධිපතියා නව (සබ්බත්ථ නව), අවිගතෙ නව (එවං ගණෙතබ්බං).

අනුලොමං.

2. පච්චයපච්චනීයං

1. විභඞ්ගවාරො

නහෙතුපච්චයො

82. සහෙතුකං ¶ ධම්මං පච්චයා අහෙතුකො ධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ පච්චයා විචිකිච්ඡාසහගතො උද්ධච්චසහගතො මොහො. (1)

අහෙතුකං ධම්මං පච්චයා අහෙතුකො ධම්මො උප්පජ්ජති නහෙතුපච්චයා – අහෙතුකං එකං ඛන්ධං…පෙ… පටිසන්ධික්ඛණෙ…පෙ… (යාව අසඤ්ඤසත්තා), චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා අහෙතුකා ඛන්ධා මොහො ච. (1)

සහෙතුකඤ්ච අහෙතුකඤ්ච ධම්මං පච්චයා අහෙතුකො ධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ ච වත්ථුඤ්ච ¶ පච්චයා විචිකිච්ඡාසහගතො උද්ධච්චසහගතො මොහො (සංඛිත්තං). (1)

2. පච්චයපච්චනීයං

2. සඞ්ඛ්යාවාරො

සුද්ධං

83. නහෙතුයා ¶ තීණි, නආරම්මණෙ තීණි, නඅධිපතියා නව, නඅනන්තරෙ තීණි, නසමනන්තරෙ තීණි, නඅඤ්ඤමඤ්ඤෙ තීණි, නනිස්සයෙ තීණි, නඋපනිස්සයෙ තීණි, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ චත්තාරි, නවිපාකෙ නව, නආහාරෙ එකං, නඉන්ද්රියෙ එකං, නඣානෙ එකං, නමග්ගෙ එකං, නසම්පයුත්තෙ තීණි, නවිප්පයුත්තෙ ඡ, නොනත්ථියා තීණි, නොවිගතෙ තීණි (එවං ගණෙතබ්බං).

පච්චනීයං.

3. පච්චයානුලොමපච්චනීයං

හෙතුදුකං

84. හෙතුපච්චයා නආරම්මණෙ තීණි, නඅධිපතියා නව, නඅනන්තරෙ තීණි, නසමනන්තරෙ තීණි, නඅඤ්ඤමඤ්ඤෙ තීණි, නඋපනිස්සයෙ තීණි, නපුරෙජාතෙ ¶ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නසම්පයුත්තෙ තීණි, නවිප්පයුත්තෙ තීණි, නොනත්ථියා තීණි, නොවිගතෙ තීණි (එවං ගණෙතබ්බං).

අනුලොමපච්චනීයං.

4. පච්චයපච්චනීයානුලොමං

නහෙතුදුකං

85. නහෙතුපච්චයා ¶ ආරම්මණෙ තීණි, අනන්තරෙ තීණි…පෙ… මග්ගෙ තීණි, සම්පයුත්තෙ තීණි…පෙ… අවිගතෙ තීණි (එවං ගණෙතබ්බං).

පච්චනීයානුලොමං.

4. නිස්සයවාරො

(නිස්සයවාරො පච්චයවාරසදිසො.)

5. සංසට්ඨවාරො

1. පච්චයානුලොමං

1. විභඞ්ගවාරො

හෙතුපච්චයො

86. සහෙතුකං ¶ ධම්මං සංසට්ඨො සහෙතුකො ධම්මො උප්පජ්ජති හෙතුපච්චයා – සහෙතුකං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

අහෙතුකං ධම්මං සංසට්ඨො සහෙතුකො ධම්මො උප්පජ්ජති හෙතුපච්චයා – විචිකිච්ඡාසහගතං උද්ධච්චසහගතං මොහං සංසට්ඨා විචිකිච්ඡාසහගතා උද්ධච්චසහගතා ඛන්ධා. (1)

සහෙතුකඤ්ච අහෙතුකඤ්ච ධම්මං සංසට්ඨො සහෙතුකො ධම්මො උප්පජ්ජති හෙතුපච්චයා – විචිකිච්ඡාසහගතං උද්ධච්චසහගතං එකං ඛන්ධඤ්ච මොහඤ්ච සංසට්ඨා තයො ඛන්ධා…පෙ… ද්වෙ ඛන්ධෙ…පෙ…. (1)

ආරම්මණපච්චයො

87. සහෙතුකං ¶ ¶ ධම්මං සංසට්ඨො සහෙතුකො ධම්මො උප්පජ්ජති ආරම්මණපච්චයා – සහෙතුකං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

සහෙතුකං ධම්මං සංසට්ඨො අහෙතුකො ධම්මො උප්පජ්ජති ආරම්මණපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ සංසට්ඨො විචිකිච්ඡාසහගතො උද්ධච්චසහගතො මොහො. (2)

සහෙතුකං ධම්මං සංසට්ඨො සහෙතුකො ච අහෙතුකො ච ධම්මා උප්පජ්ජන්ති ආරම්මණපච්චයා – විචිකිච්ඡාසහගතං උද්ධච්චසහගතං එකං ඛන්ධං සංසට්ඨා තයො ඛන්ධා මොහො ච…පෙ… ද්වෙ ඛන්ධෙ…පෙ…. (3)

88. අහෙතුකං ධම්මං සංසට්ඨො අහෙතුකො ධම්මො උප්පජ්ජති ආරම්මණපච්චයා – අහෙතුකං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

අහෙතුකං ධම්මං සංසට්ඨො සහෙතුකො ධම්මො උප්පජ්ජති ආරම්මණපච්චයා – විචිකිච්ඡාසහගතං උද්ධච්චසහගතං මොහං සංසට්ඨා විචිකිච්ඡාසහගතා උද්ධච්චසහගතා ඛන්ධා. (2)

සහෙතුකඤ්ච අහෙතුකඤ්ච ධම්මං සංසට්ඨො සහෙතුකො ධම්මො උප්පජ්ජති ආරම්මණපච්චයා – විචිකිච්ඡාසහගතං ¶ උද්ධච්චසහගතං එකං ඛන්ධඤ්ච මොහඤ්ච සංසට්ඨා තයො ඛන්ධා…පෙ… ද්වෙ ඛන්ධෙ…පෙ…. (1)

අධිපතිපච්චයො

89. සහෙතුකං ධම්මං සංසට්ඨො සහෙතුකො ධම්මො උප්පජ්ජති අධිපතිපච්චයා – සහෙතුකං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ…. (1)

අනන්තරපච්චයාදි

90. සහෙතුකං ¶ ධම්මං සංසට්ඨො සහෙතුකො ධම්මො උප්පජ්ජති අනන්තරපච්චයා… සමනන්තරපච්චයා… සහජාතපච්චයා…පෙ… විපාකපච්චයා – විපාකං සහෙතුකං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ….

අහෙතුකං ¶ ධම්මං සංසට්ඨො අහෙතුකො ධම්මො උප්පජ්ජති විපාකපච්චයා – විපාකං අහෙතුකං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… ඣානපච්චයා…පෙ… අවිගතපච්චයා.

1. පච්චයානුලොමං

2. සඞ්ඛ්යාවාරො

සුද්ධං

91. හෙතුයා තීණි, ආරම්මණෙ ඡ, අධිපතියා එකං, අනන්තරෙ ඡ, සමනන්තරෙ ඡ, සහජාතෙ ඡ, අඤ්ඤමඤ්ඤෙ ඡ, නිස්සයෙ ඡ, උපනිස්සයෙ ඡ, පුරෙජාතෙ ඡ…පෙ… විපාකෙ ද්වෙ, ආහාරෙ ඡ, ඉන්ද්රියෙ ඡ, ඣානෙ ඡ, මග්ගෙ පඤ්ච…පෙ… අවිගතෙ ඡ (එවං ගණෙතබ්බං).

අනුලොමං.

2. පච්චයපච්චනීයං

1. විභඞ්ගවාරො

නහෙතුපච්චයො

92. සහෙතුකං ¶ ¶ ධම්මං සංසට්ඨො අහෙතුකො ධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ සංසට්ඨො විචිකිච්ඡාසහගතො උද්ධච්චසහගතො මොහො. (1)

අහෙතුකං ධම්මං සංසට්ඨො අහෙතුකො ධම්මො උප්පජ්ජති නහෙතුපච්චයා – අහෙතුකං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… (සංඛිත්තං). (1)

2. පච්චයපච්චනීයං

2. සඞ්ඛ්යාවාරො

සුද්ධං

93. නහෙතුයා ද්වෙ, නඅධිපතියා ඡ, නපුරෙජාතෙ ඡ, නපච්ඡාජාතෙ ඡ, නආසෙවනෙ ඡ, නකම්මෙ චත්තාරි, නවිපාකෙ ඡ, නඣානෙ එකං, නමග්ගෙ එකං, නවිප්පයුත්තෙ ඡ (එවං ගණෙතබ්බං).

පච්චනීයං.

3. පච්චයානුලොමපච්චනීයං

හෙතුදුකං

94. හෙතුපච්චයා ¶ නඅධිපතියා තීණි, නපුරෙජාතෙ තීණි, නපච්ඡාජාතෙ තීණි, නආසෙවනෙ තීණි, නකම්මෙ තීණි, නවිපාකෙ තීණි, නවිප්පයුත්තෙ තීණි.

අනුලොමපච්චනීයං.

4. පච්චයපච්චනීයානුලොමං

නහෙතුදුකං

95. නහෙතුපච්චයා ¶ ආරම්මණෙ ද්වෙ, අනන්තරෙ ද්වෙ…පෙ… කම්මෙ ද්වෙ, විපාකෙ එකං, ආහාරෙ ද්වෙ…පෙ… මග්ගෙ එකං…පෙ… අවිගතෙ ද්වෙ (එවං ගණෙතබ්බං).

පච්චනීයානුලොමං.

6. සම්පයුත්තවාරො

(සම්පයුත්තවාරො සංසට්ඨවාරසදිසො.)

7. පඤ්හාවාරො

1. පච්චයානුලොමං

1. විභඞ්ගවාරො

හෙතුපච්චයො

96. සහෙතුකො ධම්මො සහෙතුකස්ස ධම්මස්ස හෙතුපච්චයෙන පච්චයො ¶ – සහෙතුකා හෙතූ සම්පයුත්තකානං ඛන්ධානං හෙතුපච්චයෙන පච්චයො; පටිසන්ධික්ඛණෙ…පෙ…. (1)

සහෙතුකො ධම්මො අහෙතුකස්ස ධම්මස්ස හෙතුපච්චයෙන පච්චයො – සහෙතුකා හෙතූ චිත්තසමුට්ඨානානං රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (2)

සහෙතුකො ¶ ¶ ධම්මො සහෙතුකස්ස ච අහෙතුකස්ස ච ධම්මස්ස හෙතුපච්චයෙන පච්චයො – සහෙතුකා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (3)

97. අහෙතුකො ධම්මො අහෙතුකස්ස ධම්මස්ස හෙතුපච්චයෙන පච්චයො – විචිකිච්ඡාසහගතො උද්ධච්චසහගතො මොහො චිත්තසමුට්ඨානානං රූපානං හෙතුපච්චයෙන පච්චයො. (1)

අහෙතුකො ධම්මො සහෙතුකස්ස ධම්මස්ස හෙතුපච්චයෙන පච්චයො – විචිකිච්ඡාසහගතො උද්ධච්චසහගතො මොහො සම්පයුත්තකානං ඛන්ධානං හෙතුපච්චයෙන පච්චයො. (2)

අහෙතුකො ධම්මො සහෙතුකස්ස ච අහෙතුකස්ස ච ධම්මස්ස හෙතුපච්චයෙන පච්චයො – විචිකිච්ඡාසහගතො උද්ධච්චසහගතො මොහො සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො. (3)

ආරම්මණපච්චයො

98. සහෙතුකො ධම්මො සහෙතුකස්ස ධම්මස්ස ආරම්මණපච්චයෙන පච්චයො – දානං දත්වා සීලං…පෙ… උපොසථකම්මං කත්වා තං පච්චවෙක්ඛති, පුබ්බෙ සුචිණ්ණානි පච්චවෙක්ඛති, ඣානා වුට්ඨහිත්වා ඣානං පච්චවෙක්ඛති. අරියා මග්ගා වුට්ඨහිත්වා මග්ගං පච්චවෙක්ඛන්ති, ඵලං පච්චවෙක්ඛන්ති. පහීනෙ කිලෙසෙ…පෙ… වික්ඛම්භිතෙ කිලෙසෙ…පෙ… පුබ්බෙ…පෙ… සහෙතුකෙ ¶ ඛන්ධෙ අනිච්චතො…පෙ… දොමනස්සං උප්පජ්ජති; කුසලාකුසලෙ නිරුද්ධෙ සහෙතුකො විපාකො තදාරම්මණතා උප්පජ්ජති; චෙතොපරියඤාණෙන සහෙතුකචිත්තසමඞ්ගිස්ස චිත්තං ජානන්ති. ආකාසානඤ්චායතනං විඤ්ඤාණඤ්චායතනස්ස…පෙ… ආකිඤ්චඤ්ඤායතනං නෙවසඤ්ඤානාසඤ්ඤායතනස්ස…පෙ… සහෙතුකා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස ආරම්මණපච්චයෙන පච්චයො; සහෙතුකෙ ඛන්ධෙ ආරබ්භ සහෙතුකා ඛන්ධා උප්පජ්ජන්ති. (1)

සහෙතුකො ධම්මො අහෙතුකස්ස ධම්මස්ස ආරම්මණපච්චයෙන පච්චයො – සහෙතුකෙ ඛන්ධෙ අනිච්චතො ¶ …පෙ… දොමනස්සං උප්පජ්ජති, කුසලාකුසලෙ නිරුද්ධෙ අහෙතුකො විපාකො තදාරම්මණතා උප්පජ්ජති, සහෙතුකෙ ඛන්ධෙ ආරබ්භ අහෙතුකා ඛන්ධා ච මොහො ච උප්පජ්ජන්ති. (2)

සහෙතුකො ¶ ධම්මො සහෙතුකස්ස ච අහෙතුකස්ස ච ධම්මස්ස ආරම්මණපච්චයෙන පච්චයො – සහෙතුකෙ ඛන්ධෙ ආරබ්භ විචිකිච්ඡාසහගතා උද්ධච්චසහගතා ඛන්ධා ච මොහො ච උප්පජ්ජන්ති. (3)

99. අහෙතුකො ධම්මො අහෙතුකස්ස ධම්මස්ස ආරම්මණපච්චයෙන පච්චයො – නිබ්බානං ආවජ්ජනාය ආරම්මණපච්චයෙන පච්චයො; චක්ඛුං…පෙ… වත්ථුං… අහෙතුකෙ ඛන්ධෙ ච මොහඤ්ච අනිච්චතො…පෙ… දොමනස්සං උප්පජ්ජති; කුසලාකුසලෙ නිරුද්ධෙ අහෙතුකො විපාකො තදාරම්මණතා උප්පජ්ජති; රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස…පෙ… අහෙතුකෙ ඛන්ධෙ ච මොහඤ්ච ආරබ්භ අහෙතුකා ඛන්ධා ච මොහො ච උප්පජ්ජන්ති ¶ . (1)

අහෙතුකො ධම්මො සහෙතුකස්ස ධම්මස්ස ආරම්මණපච්චයෙන පච්චයො – අරියා නිබ්බානං පච්චවෙක්ඛන්ති; නිබ්බානං ගොත්රභුස්ස, වොදානස්ස, මග්ගස්ස, ඵලස්ස ආරම්මණපච්චයෙන පච්චයො. අරියා අහෙතුකෙ පහීනෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ…පෙ… පුබ්බෙ…පෙ… චක්ඛුං…පෙ… වත්ථුං…පෙ… අහෙතුකෙ ඛන්ධෙ ච මොහඤ්ච අනිච්චතො…පෙ… දොමනස්සං උප්පජ්ජති; කුසලාකුසලෙ නිරුද්ධෙ සහෙතුකො විපාකො තදාරම්මණතා උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, චෙතොපරියඤාණෙන අහෙතුකචිත්තසමඞ්ගිස්ස චිත්තං ජානන්ති; අහෙතුකා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, අනාගතංසඤාණස්ස ආරම්මණපච්චයෙන පච්චයො; අහෙතුකෙ ඛන්ධෙ ච මොහඤ්ච ආරබ්භ සහෙතුකා ඛන්ධා උප්පජ්ජන්ති. (2)

අහෙතුකො ධම්මො සහෙතුකස්ස ච අහෙතුකස්ස ච ධම්මස්ස ආරම්මණපච්චයෙන පච්චයො – චක්ඛුං ආරබ්භ විචිකිච්ඡාසහගතා උද්ධච්චසහගතා ඛන්ධා ච මොහො ච උප්පජ්ජන්ති; සොතං ¶ …පෙ… වත්ථුං… අහෙතුකෙ ඛන්ධෙ ච මොහඤ්ච ආරබ්භ විචිකිච්ඡාසහගතා උද්ධච්චසහගතා ඛන්ධා ච මොහො ච උප්පජ්ජන්ති. (3)

100. සහෙතුකො ච අහෙතුකො ච ධම්මා සහෙතුකස්ස ධම්මස්ස ආරම්මණපච්චයෙන පච්චයො – විචිකිච්ඡාසහගතෙ උද්ධච්චසහගතෙ ඛන්ධෙ ච මොහඤ්ච ආරබ්භ සහෙතුකා ඛන්ධා උප්පජ්ජන්ති. (1)

සහෙතුකො ¶ ච අහෙතුකො ච ධම්මා අහෙතුකස්ස ධම්මස්ස ආරම්මණපච්චයෙන පච්චයො – විචිකිච්ඡාසහගතෙ උද්ධච්චසහගතෙ ඛන්ධෙ ච මොහඤ්ච ආරබ්භ අහෙතුකා ඛන්ධා ¶ ච මොහො ච උප්පජ්ජන්ති. (2)

සහෙතුකො ච අහෙතුකො ච ධම්මා සහෙතුකස්ස ච අහෙතුකස්ස ච ධම්මස්ස ආරම්මණපච්චයෙන පච්චයො – විචිකිච්ඡාසහගතෙ උද්ධච්චසහගතෙ ඛන්ධෙ ච මොහඤ්ච ආරබ්භ විචිකිච්ඡාසහගතා උද්ධච්චසහගතා ඛන්ධා ච මොහො ච උප්පජ්ජන්ති. (3)

අධිපතිපච්චයො

101. සහෙතුකො ධම්මො සහෙතුකස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං දත්වා සීලං…පෙ… උපොසථකම්මං කත්වා තං ගරුං කත්වා පච්චවෙක්ඛති, ඣානා…පෙ… අරියා මග්ගා වුට්ඨහිත්වා මග්ගං ගරුං කත්වා…පෙ… ඵලං…පෙ… සහෙතුකෙ ඛන්ධෙ ගරුං කත්වා අස්සාදෙති අභිනන්දති; තං ගරුං කත්වා රාගො උප්පජ්ජති, දිට්ඨි උප්පජ්ජති. සහජාතාධිපති – සහෙතුකාධිපති සම්පයුත්තකානං ඛන්ධානං අධිපතිපච්චයෙන පච්චයො. (1)

සහෙතුකො ධම්මො අහෙතුකස්ස ධම්මස්ස අධිපතිපච්චයෙන පච්චයො. සහජාතාධිපති – සහෙතුකාධිපති චිත්තසමුට්ඨානානං රූපානං අධිපතිපච්චයෙන පච්චයො. (2)

සහෙතුකො ධම්මො සහෙතුකස්ස ච අහෙතුකස්ස ච ධම්මස්ස අධිපතිපච්චයෙන පච්චයො. සහජාතාධිපති ¶ – සහෙතුකාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (3)

අහෙතුකො ධම්මො සහෙතුකස්ස ධම්මස්ස අධිපතිපච්චයෙන පච්චයො. ආරම්මණාධිපති – අරියා නිබ්බානං ගරුං කත්වා පච්චවෙක්ඛන්ති; නිබ්බානං ගොත්රභුස්ස, වොදානස්ස, මග්ගස්ස, ඵලස්ස අධිපතිපච්චයෙන පච්චයො; චක්ඛුං…පෙ… වත්ථුං… අහෙතුකෙ ඛන්ධෙ ගරුං කත්වා අස්සාදෙති අභිනන්දති; තං ¶ ගරුං කත්වා රාගො උප්පජ්ජති, දිට්ඨි උප්පජ්ජති. (1)

අනන්තරපච්චයො

102. සහෙතුකො ¶ ධම්මො සහෙතුකස්ස ධම්මස්ස අනන්තරපච්චයෙන පච්චයො – පුරිමා පුරිමා සහෙතුකා ඛන්ධා පච්ඡිමානං පච්ඡිමානං සහෙතුකානං ඛන්ධානං අනන්තරපච්චයෙන පච්චයො; අනුලොමං ගොත්රභුස්ස… අනුලොමං වොදානස්ස… ගොත්රභු මග්ගස්ස… වොදානං මග්ගස්ස… මග්ගො ඵලස්ස… ඵලං ඵලස්ස… අනුලොමං ඵලසමාපත්තියා… නිරොධා වුට්ඨහන්තස්ස නෙවසඤ්ඤානාසඤ්ඤායතනං ඵලසමාපත්තියා අනන්තරපච්චයෙන පච්චයො. (1)

සහෙතුකො ධම්මො අහෙතුකස්ස ධම්මස්ස අනන්තරපච්චයෙන පච්චයො – පුරිමා පුරිමා විචිකිච්ඡාසහගතා උද්ධච්චසහගතා ඛන්ධා පච්ඡිමස්ස පච්ඡිමස්ස විචිකිච්ඡාසහගතස්ස උද්ධච්චසහගතස්ස මොහස්ස අනන්තරපච්චයෙන පච්චයො; සහෙතුකං චුතිචිත්තං අහෙතුකස්ස උපපත්තිචිත්තස්ස අනන්තරපච්චයෙන පච්චයො; සහෙතුකං භවඞ්ගං ආවජ්ජනාය අනන්තරපච්චයෙන පච්චයො; සහෙතුකං භවඞ්ගං අහෙතුකස්ස භවඞ්ගස්ස අනන්තරපච්චයෙන පච්චයො; සහෙතුකා ඛන්ධා අහෙතුකස්ස වුට්ඨානස්ස අනන්තරපච්චයෙන පච්චයො. (2)

සහෙතුකො ධම්මො සහෙතුකස්ස ච අහෙතුකස්ස ච ධම්මස්ස අනන්තරපච්චයෙන පච්චයො – පුරිමා පුරිමා විචිකිච්ඡාසහගතා උද්ධච්චසහගතා ඛන්ධා පච්ඡිමානං පච්ඡිමානං විචිකිච්ඡාසහගතානං උද්ධච්චසහගතානං ඛන්ධානං මොහස්ස ච අනන්තරපච්චයෙන පච්චයො. (3)

103. අහෙතුකො ධම්මො අහෙතුකස්ස ධම්මස්ස අනන්තරපච්චයෙන පච්චයො – පුරිමො පුරිමො ¶ විචිකිච්ඡාසහගතො උද්ධච්චසහගතො මොහො පච්ඡිමස්ස ¶ පච්ඡිමස්ස විචිකිච්ඡාසහගතස්ස උද්ධච්චසහගතස්ස මොහස්ස අනන්තරපච්චයෙන පච්චයො; පුරිමා පුරිමා අහෙතුකා ඛන්ධා පච්ඡිමානං පච්ඡිමානං අහෙතුකානං ඛන්ධානං අනන්තරපච්චයෙන පච්චයො; ආවජ්ජනා පඤ්චන්නං විඤ්ඤාණානං අනන්තරපච්චයෙන පච්චයො. (1)

අහෙතුකො ධම්මො සහෙතුකස්ස ධම්මස්ස අනන්තරපච්චයෙන පච්චයො – පුරිමො පුරිමො විචිකිච්ඡාසහගතො උද්ධච්චසහගතො මොහො පච්ඡිමානං පච්ඡිමානං විචිකිච්ඡාසහගතානං උද්ධච්චසහගතානං ඛන්ධානං අනන්තරපච්චයෙන පච්චයො ¶ ; අහෙතුකං චුතිචිත්තං සහෙතුකස්ස උපපත්තිචිත්තස්ස අනන්තරපච්චයෙන පච්චයො; අහෙතුකං භවඞ්ගං සහෙතුකස්ස භවඞ්ගස්ස අනන්තරපච්චයෙන පච්චයො; ආවජ්ජනා සහෙතුකානං ඛන්ධානං අනන්තරපච්චයෙන පච්චයො; අහෙතුකා ඛන්ධා සහෙතුකස්ස වුට්ඨානස්ස අනන්තරපච්චයෙන පච්චයො. (2)

අහෙතුකො ධම්මො සහෙතුකස්ස ච අහෙතුකස්ස ච ධම්මස්ස අනන්තරපච්චයෙන පච්චයො – පුරිමො පුරිමො විචිකිච්ඡාසහගතො උද්ධච්චසහගතො මොහො පච්ඡිමානං පච්ඡිමානං විචිකිච්ඡාසහගතානං උද්ධච්චසහගතානං ඛන්ධානං මොහස්ස ච අනන්තරපච්චයෙන පච්චයො; ආවජ්ජනා විචිකිච්ඡාසහගතානං උද්ධච්චසහගතානං ඛන්ධානං මොහස්ස ච අනන්තරපච්චයෙන පච්චයො. (3)

104. සහෙතුකො ච අහෙතුකො ච ධම්මා සහෙතුකස්ස ධම්මස්ස අනන්තරපච්චයෙන පච්චයො – පුරිමා පුරිමා විචිකිච්ඡාසහගතා උද්ධච්චසහගතා ඛන්ධා ච මොහො ච පච්ඡිමානං පච්ඡිමානං විචිකිච්ඡාසහගතානං උද්ධච්චසහගතානං ඛන්ධානං අනන්තරපච්චයෙන ¶ පච්චයො. (1)

සහෙතුකො ච අහෙතුකො ච ධම්මා අහෙතුකස්ස ධම්මස්ස අනන්තරපච්චයෙන පච්චයො – පුරිමා පුරිමා විචිකිච්ඡාසහගතා උද්ධච්චසහගතා ඛන්ධා ච මොහො ච පච්ඡිමස්ස පච්ඡිමස්ස විචිකිච්ඡාසහගතස්ස උද්ධච්චසහගතස්ස මොහස්ස අනන්තරපච්චයෙන පච්චයො; විචිකිච්ඡාසහගතා උද්ධච්චසහගතා ඛන්ධා ච මොහො ච අහෙතුකස්ස වුට්ඨානස්ස අනන්තරපච්චයෙන පච්චයො. (2)

සහෙතුකො ¶ ච අහෙතුකො ච ධම්මා සහෙතුකස්ස ච අහෙතුකස්ස ච ධම්මස්ස අනන්තරපච්චයෙන පච්චයො – පුරිමා පුරිමා විචිකිච්ඡාසහගතා උද්ධච්චසහගතා ඛන්ධා ච මොහො ච පච්ඡිමානං පච්ඡිමානං විචිකිච්ඡාසහගතානං උද්ධච්චසහගතානං ඛන්ධානං මොහස්ස ච අනන්තරපච්චයෙන පච්චයො. (3)

සහජාතපච්චයාදි

105. සහෙතුකො ධම්මො සහෙතුකස්ස ධම්මස්ස සහජාතපච්චයෙන පච්චයො (පටිච්චවාරෙ සහජාතසදිසං, ඉහ ඝටනා නත්ථි)… අඤ්ඤමඤ්ඤපච්චයෙන ¶ පච්චයො (පටිච්චවාරසදිසං)… නිස්සයපච්චයෙන පච්චයො (පටිච්චවාරෙ නිස්සයපච්චයසදිසං, ඉහ ඝටනා නත්ථි).

උපනිස්සයපච්චයො

106. සහෙතුකො ධම්මො සහෙතුකස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සහෙතුකා ඛන්ධා සහෙතුකානං ඛන්ධානං උපනිස්සයපච්චයෙන පච්චයො. (1)

සහෙතුකො ධම්මො අහෙතුකස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – සහෙතුකා ඛන්ධා අහෙතුකානං ¶ ඛන්ධානං මොහස්ස ච උපනිස්සයපච්චයෙන පච්චයො. (2)

සහෙතුකො ධම්මො සහෙතුකස්ස ච අහෙතුකස්ස ච ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – සහෙතුකා ඛන්ධා විචිකිච්ඡාසහගතානං උද්ධච්චසහගතානං ඛන්ධානං මොහස්ස ච උපනිස්සයපච්චයෙන පච්චයො. (3)

107. අහෙතුකො ධම්මො අහෙතුකස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – කායිකං සුඛං කායිකස්ස සුඛස්ස, කායිකස්ස දුක්ඛස්ස, මොහස්ස ච උපනිස්සයපච්චයෙන පච්චයො; කායිකං දුක්ඛං… උතු… භොජනං… සෙනාසනං කායිකස්ස සුඛස්ස, කායිකස්ස දුක්ඛස්ස, මොහස්ස ච උපනිස්සයපච්චයෙන ¶ පච්චයො; මොහො කායිකස්ස සුඛස්ස, කායිකස්ස දුක්ඛස්ස, මොහස්ස ච උපනිස්සයපච්චයෙන පච්චයො; කායිකං සුඛං… කායිකං දුක්ඛං… උතු… භොජනං, සෙනාසනං, මොහො ච කායිකස්ස සුඛස්ස, කායිකස්ස දුක්ඛස්ස, මොහස්ස ච උපනිස්සයපච්චයෙන පච්චයො. (1)

අහෙතුකො ධම්මො සහෙතුකස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – කායිකං සුඛං උපනිස්සාය දානං දෙති…පෙ… සඞ්ඝං භින්දති; කායිකං දුක්ඛං… උතුං… භොජනං… සෙනාසනං… මොහං උපනිස්සාය ¶ දානං දෙති…පෙ… සඞ්ඝං භින්දති; කායිකං සුඛං…පෙ… මොහො ච සද්ධාය…පෙ… පඤ්ඤාය රාගස්ස…පෙ… පත්ථනාය මග්ගස්ස ඵලසමාපත්තියා උපනිස්සයපච්චයෙන පච්චයො. (2)

අහෙතුකො ධම්මො සහෙතුකස්ස ච අහෙතුකස්ස ¶ ච ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – කායිකං සුඛං මොහො ච විචිකිච්ඡාසහගතානං උද්ධච්චසහගතානං ඛන්ධානං මොහස්ස ච උපනිස්සයපච්චයෙන පච්චයො. (3)

108. සහෙතුකො ච අහෙතුකො ච ධම්මා සහෙතුකස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – විචිකිච්ඡාසහගතා උද්ධච්චසහගතා ඛන්ධා ච මොහො ච සහෙතුකානං ඛන්ධානං උපනිස්සයපච්චයෙන පච්චයො. (1)

සහෙතුකො ච අහෙතුකො ච ධම්මා අහෙතුකස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – විචිකිච්ඡාසහගතා උද්ධච්චසහගතා ඛන්ධා ච මොහො ච අහෙතුකානං ඛන්ධානං මොහස්ස ච උපනිස්සයපච්චයෙන පච්චයො. (2)

සහෙතුකො ච අහෙතුකො ච ධම්මා සහෙතුකස්ස ච අහෙතුකස්ස ච ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – විචිකිච්ඡාසහගතා ¶ උද්ධච්චසහගතා ඛන්ධා ච මොහො ච විචිකිච්ඡාසහගතානං උද්ධච්චසහගතානං ඛන්ධානං මොහස්ස ච උපනිස්සයපච්චයෙන පච්චයො. (3)

පුරෙජාතපච්චයො

109. අහෙතුකො ධම්මො අහෙතුකස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අනිච්චතො…පෙ… දොමනස්සං උප්පජ්ජති, කුසලාකුසලෙ නිරුද්ධෙ අහෙතුකො විපාකො තදාරම්මණතා උප්පජ්ජති; රූපායතනං චක්ඛුවිඤ්ඤාණස්ස ¶ …පෙ… ඵොට්ඨබ්බායතනං කායවිඤ්ඤාණස්ස පුරෙජාතපච්චයෙන පච්චයො ¶ . වත්ථුපුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස… පුරෙජාතං වත්ථු අහෙතුකානං ඛන්ධානං මොහස්ස ච පුරෙජාතපච්චයෙන පච්චයො. (1)

අහෙතුකො ධම්මො සහෙතුකස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අනිච්චතො…පෙ… දොමනස්සං උප්පජ්ජති; කුසලාකුසලෙ නිරුද්ධෙ සහෙතුකො විපාකො තදාරම්මණතා උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති. වත්ථුපුරෙජාතං – වත්ථු සහෙතුකානං ඛන්ධානං පුරෙජාතපච්චයෙන පච්චයො. (2)

අහෙතුකො ධම්මො සහෙතුකස්ස ච අහෙතුකස්ස ච ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං ආරබ්භ විචිකිච්ඡාසහගතා උද්ධච්චසහගතා ඛන්ධා ච මොහො ච උප්පජ්ජන්ති. වත්ථුපුරෙජාතං – වත්ථු විචිකිච්ඡාසහගතානං උද්ධච්චසහගතානං ඛන්ධානං මොහස්ස ච පුරෙජාතපච්චයෙන පච්චයො. (3)

පච්ඡාජාතපච්චයාදි

110. සහෙතුකො ධම්මො අහෙතුකස්ස ධම්මස්ස පච්ඡාජාතපච්චයෙන පච්චයො – පච්ඡාජාතා සහෙතුකා ඛන්ධා පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

අහෙතුකො ¶ ධම්මො අහෙතුකස්ස ධම්මස්ස පච්ඡාජාතපච්චයෙන පච්චයො – පච්ඡාජාතා අහෙතුකා ඛන්ධා ච මොහො ච පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

සහෙතුකො ¶ ච අහෙතුකො ච ධම්මා අහෙතුකස්ස ධම්මස්ස පච්ඡාජාතපච්චයෙන පච්චයො – පච්ඡාජාතා විචිකිච්ඡාසහගතා උද්ධච්චසහගතා ඛන්ධා ච මොහො ච පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

සහෙතුකො ධම්මො සහෙතුකස්ස ධම්මස්ස ආසෙවනපච්චයෙන පච්චයො (අනන්තරසදිසං. ආවජ්ජනම්පි භවඞ්ගම්පි නත්ථි, ආසෙවනපච්චයෙ වජ්ජෙතබ්බා නවපි ).

කම්මපච්චයො

111. සහෙතුකො ¶ ධම්මො සහෙතුකස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – සහෙතුකා චෙතනා සම්පයුත්තකානං ඛන්ධානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – සහෙතුකා චෙතනා විපාකානං සහෙතුකානං ඛන්ධානං කම්මපච්චයෙන පච්චයො. (1)

සහෙතුකො ධම්මො අහෙතුකස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – සහෙතුකා චෙතනා චිත්තසමුට්ඨානානං රූපානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – සහෙතුකා චෙතනා විපාකානං අහෙතුකානං ඛන්ධානං කටත්තා ච රූපානං කම්මපච්චයෙන පච්චයො. (2)

සහෙතුකො ධම්මො සහෙතුකස්ස ච අහෙතුකස්ස ච ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – සහෙතුකා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො. නානාක්ඛණිකා – සහෙතුකා චෙතනා විපාකානං සහෙතුකානං ඛන්ධානං කටත්තා ච රූපානං කම්මපච්චයෙන ¶ පච්චයො. (3)

අහෙතුකො ධම්මො අහෙතුකස්ස ධම්මස්ස කම්මපච්චයෙන පච්චයො – අහෙතුකා චෙතනා සම්පයුත්තකානං ¶ ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො; පටිසන්ධික්ඛණෙ…පෙ…. (1)

විපාකපච්චයො

112. සහෙතුකො ධම්මො සහෙතුකස්ස ධම්මස්ස විපාකපච්චයෙන පච්චයො – විපාකො සහෙතුකො එකො ඛන්ධො තිණ්ණන්නං ඛන්ධානං…පෙ… ද්වෙ ඛන්ධා…පෙ… පටිසන්ධික්ඛණෙ…පෙ…. (1)

සහෙතුකො ධම්මො අහෙතුකස්ස ධම්මස්ස විපාකපච්චයෙන පච්චයො – විපාකා සහෙතුකා ඛන්ධා චිත්තසමුට්ඨානානං රූපානං විපාකපච්චයෙන පච්චයො; පටිසන්ධික්ඛණෙ…පෙ…. (2)

සහෙතුකො ධම්මො සහෙතුකස්ස ච අහෙතුකස්ස ච ධම්මස්ස විපාකපච්චයෙන පච්චයො – විපාකො සහෙතුකො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං…පෙ… ද්වෙ ඛන්ධා…පෙ… පටිසන්ධික්ඛණෙ…පෙ…. (3)

අහෙතුකො ¶ ධම්මො අහෙතුකස්ස ධම්මස්ස විපාකපච්චයෙන පච්චයො – විපාකො අහෙතුකො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං…පෙ… ද්වෙ ඛන්ධා…පෙ… පටිසන්ධික්ඛණෙ…පෙ… ඛන්ධා වත්ථුස්ස විපාකපච්චයෙන පච්චයො. (1)

ආහාරපච්චයො

113. සහෙතුකො ධම්මො සහෙතුකස්ස ධම්මස්ස ආහාරපච්චයෙන පච්චයො… තීණි.

අහෙතුකො ධම්මො අහෙතුකස්ස ධම්මස්ස ආහාරපච්චයෙන පච්චයො – අහෙතුකා ආහාරා සම්පයුත්තකානං ඛන්ධානං චිත්තසමුට්ඨානානඤ්ච රූපානං…පෙ… පටිසන්ධික්ඛණෙ…පෙ… කබළීකාරො ආහාරො ඉමස්ස කායස්ස ආහාරපච්චයෙන පච්චයො. (1)

ඉන්ද්රියපච්චයාදි

114. සහෙතුකො ¶ ¶ ධම්මො සහෙතුකස්ස ධම්මස්ස ඉන්ද්රියපච්චයෙන පච්චයො… තීණි.

අහෙතුකො ධම්මො අහෙතුකස්ස ධම්මස්ස ඉන්ද්රියපච්චයෙන පච්චයො – අහෙතුකා ඉන්ද්රියා සම්පයුත්තකානං ඛන්ධානං චිත්තසමුට්ඨානානඤ්ච රූපානං…පෙ… පටිසන්ධික්ඛණෙ…පෙ… චක්ඛුන්ද්රියං චක්ඛුවිඤ්ඤාණස්ස…පෙ… කායින්ද්රියං කායවිඤ්ඤාණස්ස ඉන්ද්රියපච්චයෙන පච්චයො; රූපජීවිතින්ද්රියං කටත්තාරූපානං ඉන්ද්රියපච්චයෙන පච්චයො. (1)

සහෙතුකො ධම්මො සහෙතුකස්ස ධම්මස්ස ඣානපච්චයෙන පච්චයො… තීණි.

අහෙතුකො ධම්මො අහෙතුකස්ස ධම්මස්ස ඣානපච්චයෙන පච්චයො – අහෙතුකානි ඣානඞ්ගානි සම්පයුත්තකානං ඛන්ධානං චිත්තසමුට්ඨානානඤ්ච රූපානං…පෙ… පටිසන්ධික්ඛණෙ…පෙ…. (1)

සහෙතුකො ධම්මො සහෙතුකස්ස ධම්මස්ස මග්ගපච්චයෙන පච්චයො… තීණි.

සහෙතුකො ධම්මො සහෙතුකස්ස ධම්මස්ස සම්පයුත්තපච්චයෙන පච්චයො (පටිච්චවාරෙ සම්පයුත්තසදිසා ඡ පඤ්හා).

විප්පයුත්තපච්චයො

115. සහෙතුකො ¶ ධම්මො අහෙතුකස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – සහෙතුකා ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො; පටිසන්ධික්ඛණෙ සහෙතුකා ඛන්ධා කටත්තාරූපානං විප්පයුත්තපච්චයෙන පච්චයො. පච්ඡාජාතා – සහෙතුකා ඛන්ධා පුරෙජාතස්ස ඉමස්ස කායස්ස විප්පයුත්තපච්චයෙන ¶ පච්චයො. (1)

අහෙතුකො ධම්මො අහෙතුකස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං, පච්ඡාජාතං. සහජාතා – අහෙතුකා ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො; පටිසන්ධික්ඛණෙ අහෙතුකා ඛන්ධා කටත්තාරූපානං විප්පයුත්තපච්චයෙන පච්චයො; ඛන්ධා වත්ථුස්ස විප්පයුත්තපච්චයෙන ¶ පච්චයො; වත්ථු ඛන්ධානං විප්පයුත්තපච්චයෙන පච්චයො. පුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස… වත්ථු අහෙතුකානං ඛන්ධානං මොහස්ස ච විප්පයුත්තපච්චයෙන පච්චයො. පච්ඡාජාතා – අහෙතුකා ඛන්ධා ච මොහො ච පුරෙජාතස්ස ඉමස්ස කායස්ස විප්පයුත්තපච්චයෙන පච්චයො. (1)

අහෙතුකො ධම්මො සහෙතුකස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං. සහජාතං – පටිසන්ධික්ඛණෙ වත්ථු සහෙතුකානං ඛන්ධානං විප්පයුත්තපච්චයෙන පච්චයො. පුරෙජාතං – වත්ථු සහෙතුකානං ඛන්ධානං විප්පයුත්තපච්චයෙන පච්චයො. (2)

අහෙතුකො ධම්මො සහෙතුකස්ස ච අහෙතුකස්ස ච ධම්මස්ස විප්පයුත්තපච්චයෙන පච්චයො. පුරෙජාතං – වත්ථු විචිකිච්ඡාසහගතානං උද්ධච්චසහගතානං ඛන්ධානං මොහස්ස ච විප්පයුත්තපච්චයෙන පච්චයො. (3)

සහෙතුකො ච අහෙතුකො ච ධම්මා අහෙතුකස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – විචිකිච්ඡාසහගතා උද්ධච්චසහගතා ඛන්ධා ච මොහො ච චිත්තසමුට්ඨානානං රූපානං විප්පයුත්තපච්චයෙන පච්චයො. පච්ඡාජාතා – විචිකිච්ඡාසහගතා උද්ධච්චසහගතා ඛන්ධා ච මොහො ¶ ච පුරෙජාතස්ස ඉමස්ස කායස්ස විප්පයුත්තපච්චයෙන පච්චයො. (1)

අත්ථිපච්චයො

116. සහෙතුකො ¶ ධම්මො සහෙතුකස්ස ධම්මස්ස අත්ථිපච්චයෙන පච්චයො – සහෙතුකො එකො ඛන්ධො තිණ්ණන්නං ඛන්ධානං…පෙ… ද්වෙ ඛන්ධා…පෙ… පටිසන්ධික්ඛණෙ…පෙ…. (1)

සහෙතුකො ධම්මො අහෙතුකස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං. සහජාතා – සහෙතුකා ඛන්ධා චිත්තසමුට්ඨානානං රූපානං අත්ථිපච්චයෙන පච්චයො; විචිකිච්ඡාසහගතා උද්ධච්චසහගතා ඛන්ධා මොහස්ස ච චිත්තසමුට්ඨානානඤ්ච රූපානං අත්ථිපච්චයෙන පච්චයො; පටිසන්ධික්ඛණෙ…පෙ…. පච්ඡාජාතා – සහෙතුකා ඛන්ධා පුරෙජාතස්ස ඉමස්ස කායස්ස අත්ථිපච්චයෙන පච්චයො. (2)

සහෙතුකො ¶ ධම්මො සහෙතුකස්ස ච අහෙතුකස්ස ච ධම්මස්ස අත්ථිපච්චයෙන පච්චයො – සහෙතුකො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො; විචිකිච්ඡාසහගතො උද්ධච්චසහගතො එකො ඛන්ධො තිණ්ණන්නං ඛන්ධානං මොහස්ස ච චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ… ද්වෙ ඛන්ධා…පෙ… පටිසන්ධික්ඛණෙ සහෙතුකො…පෙ…. (3)

117. අහෙතුකො ධම්මො අහෙතුකස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්රියං. සහජාතො – අහෙතුකො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ… ද්වෙ ඛන්ධා…පෙ… විචිකිච්ඡාසහගතො උද්ධච්චසහගතො මොහො චිත්තසමුට්ඨානානං රූපානං අත්ථිපච්චයෙන පච්චයො; පටිසන්ධික්ඛණෙ…පෙ… (යාව අසඤ්ඤසත්තා කාතබ්බං). පුරෙජාතං – චක්ඛුං…පෙ… වත්ථුං ¶ අනිච්චතො…පෙ… දොමනස්සං උප්පජ්ජති, කුසලාකුසලෙ නිරුද්ධෙ අහෙතුකො විපාකො තදාරම්මණතා උප්පජ්ජති; රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස…පෙ… චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස අත්ථිපච්චයෙන පච්චයො; වත්ථු අහෙතුකානං ඛන්ධානං මොහස්ස ච අත්ථිපච්චයෙන පච්චයො. පච්ඡාජාතා – අහෙතුකා ඛන්ධා ච මොහො ච පුරෙජාතස්ස ඉමස්ස කායස්ස අත්ථිපච්චයෙන පච්චයො; කබළීකාරො ආහාරො ¶ ඉමස්ස කායස්ස අත්ථිපච්චයෙන පච්චයො; රූපජීවිතින්ද්රියං කටත්තාරූපානං අත්ථිපච්චයෙන පච්චයො. (1)

අහෙතුකො ධම්මො සහෙතුකස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – විචිකිච්ඡාසහගතො උද්ධච්චසහගතො මොහො සම්පයුත්තකානං ඛන්ධානං අත්ථිපච්චයෙන පච්චයො; පටිසන්ධික්ඛණෙ වත්ථු සහෙතුකානං ඛන්ධානං අත්ථිපච්චයෙන පච්චයො. පුරෙජාතං – චක්ඛුං…පෙ… වත්ථුං අනිච්චතො…පෙ… දොමනස්සං උප්පජ්ජති; කුසලාකුසලෙ නිරුද්ධෙ සහෙතුකො විපාකො තදාරම්මණතා උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, වත්ථු සහෙතුකානං ඛන්ධානං අත්ථිපච්චයෙන පච්චයො. (2)

අහෙතුකො ධම්මො සහෙතුකස්ස ච අහෙතුකස්ස ච ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – විචිකිච්ඡාසහගතො උද්ධච්චසහගතො මොහො සම්පයුත්තකානං ඛන්ධානං ¶ චිත්තසමුට්ඨානානඤ්ච රූපානං අත්ථිපච්චයෙන පච්චයො. පුරෙජාතං – චක්ඛුං…පෙ… වත්ථුං ආරබ්භ විචිකිච්ඡාසහගතා උද්ධච්චසහගතා ඛන්ධා ¶ ච මොහො ච උප්පජ්ජන්ති, වත්ථු විචිකිච්ඡාසහගතානං උද්ධච්චසහගතානං ඛන්ධානං මොහස්ස ච අත්ථිපච්චයෙන පච්චයො. (3)

118. සහෙතුකො ච අහෙතුකො ච ධම්මා සහෙතුකස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – විචිකිච්ඡාසහගතො උද්ධච්චසහගතො එකො ඛන්ධො ච මොහො ච තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ඛන්ධා ච…පෙ… පටිසන්ධික්ඛණෙ සහෙතුකො එකො ඛන්ධො ච වත්ථු ච තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ඛන්ධා ච…පෙ…. සහජාතො – සහෙතුකො එකො ඛන්ධො ච වත්ථු ච තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ඛන්ධා ච…පෙ…. (1)

සහෙතුකො ච අහෙතුකො ච ධම්මා අහෙතුකස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්රියං. සහජාතා – සහෙතුකා ඛන්ධා ච මහාභූතා ච චිත්තසමුට්ඨානානං රූපානං අත්ථිපච්චයෙන පච්චයො; විචිකිච්ඡාසහගතා උද්ධච්චසහගතා ඛන්ධා ච මොහො ච චිත්තසමුට්ඨානානං රූපානං අත්ථිපච්චයෙන පච්චයො; පටිසන්ධික්ඛණෙ සහෙතුකා ඛන්ධා ච මහාභූතා ච කටත්තාරූපානං අත්ථිපච්චයෙන ¶ පච්චයො. සහජාතා – විචිකිච්ඡාසහගතා උද්ධච්චසහගතා ඛන්ධා ච වත්ථු ච මොහස්ස අත්ථිපච්චයෙන පච්චයො. පච්ඡාජාතා – විචිකිච්ඡාසහගතා උද්ධච්චසහගතා ඛන්ධා ච මොහො ච පුරෙජාතස්ස ඉමස්ස කායස්ස අත්ථිපච්චයෙන පච්චයො. පච්ඡාජාතා – සහෙතුකා ඛන්ධා ච කබළීකාරො ආහාරො ච ඉමස්ස කායස්ස අත්ථිපච්චයෙන පච්චයො. පච්ඡාජාතා – සහෙතුකා ¶ ඛන්ධා ච රූපජීවිතින්ද්රියඤ්ච කටත්තාරූපානං අත්ථිපච්චයෙන පච්චයො. (2)

සහෙතුකො ච අහෙතුකො ච ධම්මා සහෙතුකස්ස ච අහෙතුකස්ස ච ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – විචිකිච්ඡාසහගතො උද්ධච්චසහගතො එකො ඛන්ධො ච මොහො ච තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ…. සහජාතො – විචිකිච්ඡාසහගතො උද්ධච්චසහගතො එකො ඛන්ධො ච වත්ථු ච තිණ්ණන්නං ඛන්ධානං මොහස්ස ච අත්ථිපච්චයෙන පච්චයො…පෙ… ද්වෙ ඛන්ධා ච…පෙ…. (3)

1. පච්චයානුලොමං

2. සඞ්ඛ්යාවාරො

සුද්ධං

119. හෙතුයා ¶ ඡ, ආරම්මණෙ නව, අධිපතියා චත්තාරි, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ ඡ, නිස්සයෙ නව, උපනිස්සයෙ නව, පුරෙජාතෙ තීණි, පච්ඡාජාතෙ තීණි, ආසෙවනෙ නව, කම්මෙ චත්තාරි, විපාකෙ චත්තාරි, ආහාරෙ චත්තාරි, ඉන්ද්රියෙ චත්තාරි, ඣානෙ චත්තාරි, මග්ගෙ තීණි, සම්පයුත්තෙ ඡ, විප්පයුත්තෙ පඤ්ච, අත්ථියා නව, නත්ථියා නව, විගතෙ නව, අවිගතෙ නව (එවං ගණෙතබ්බං).

අනුලොමං.

පච්චනීයුද්ධාරො

120. සහෙතුකො ධම්මො සහෙතුකස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (1)

සහෙතුකො ¶ ධම්මො අහෙතුකස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන ¶ පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො. (2)

සහෙතුකො ධම්මො සහෙතුකස්ස ච අහෙතුකස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (3)

121. අහෙතුකො ධම්මො අහෙතුකස්ස ධම්මස්ස ආරම්මණපච්චයෙන පච්චයො… සහජාතපච්චයෙන ¶ පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො… පච්ඡාජාතපච්චයෙන පච්චයො… ආහාරපච්චයෙන පච්චයො… ඉන්ද්රියපච්චයෙන පච්චයො. (1)

අහෙතුකො ධම්මො සහෙතුකස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (2)

අහෙතුකො ධම්මො සහෙතුකස්ස ච අහෙතුකස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (3)

122. සහෙතුකො ච අහෙතුකො ච ධම්මා සහෙතුකස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (1)

සහෙතුකො ච අහෙතුකො ච ධම්මා අහෙතුකස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො. (2)

සහෙතුකො ච අහෙතුකො ච ධම්මා සහෙතුකස්ස ච අහෙතුකස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (3)

2. පච්චයපච්චනීයං

2. සඞ්ඛ්යාවාරො

123. නහෙතුයා ¶ ¶ නව…පෙ… (සබ්බත්ථ නව) නොඅවිගතෙ නව (එවං ගණෙතබ්බං).

පච්චනීයං.

3. පච්චයානුලොමපච්චනීයං

හෙතුදුකං

124. හෙතුපච්චයා නආරම්මණෙ ඡ, නඅධිපතියා ඡ, නඅනන්තරෙ ඡ, නසමනන්තරෙ ඡ, නඅඤ්ඤමඤ්ඤෙ ද්වෙ, නඋපනිස්සයෙ ඡ…පෙ… නමග්ගෙ ඡ, නසම්පයුත්තෙ ද්වෙ, නවිප්පයුත්තෙ ද්වෙ, නොනත්ථියා ඡ, නොවිගතෙ ඡ (එවං ගණෙතබ්බං).

අනුලොමපච්චනීයං.

4. පච්චයපච්චනීයානුලොමං

නහෙතුදුකං

125. නහෙතුපච්චයා ආරම්මණෙ නව, අධිපතියා චත්තාරි, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ ඡ, නිස්සයෙ නව, උපනිස්සයෙ නව, පුරෙජාතෙ තීණි, පච්ඡාජාතෙ තීණි, ආසෙවනෙ නව, කම්මෙ චත්තාරි, විපාකෙ චත්තාරි, ආහාරෙ චත්තාරි, ඉන්ද්රියෙ චත්තාරි, ඣානෙ චත්තාරි, මග්ගෙ තීණි, සම්පයුත්තෙ ඡ, විප්පයුත්තෙ පඤ්ච, අත්ථියා නව, නත්ථියා නව, විගතෙ නව, අවිගතෙ නව (එවං ගණෙතබ්බං).

පච්චනීයානුලොමං.

සහෙතුකදුකං නිට්ඨිතං.

3. හෙතුසම්පයුත්තදුකං

1. පටිච්චවාරො

හෙතුපච්චයො

126. හෙතුසම්පයුත්තං ¶ ¶ ¶ ධම්මං පටිච්ච හෙතුසම්පයුත්තො ධම්මො උප්පජ්ජති හෙතුපච්චයා – හෙතුසම්පයුත්තං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

හෙතුසම්පයුත්තං ධම්මං පටිච්ච හෙතුවිප්පයුත්තො ධම්මො උප්පජ්ජති හෙතුපච්චයා – හෙතුසම්පයුත්තෙ ඛන්ධෙ පටිච්ච චිත්තසමුට්ඨානං රූපං; පටිසන්ධික්ඛණෙ…පෙ…. (2)

(ඉමිනා කාරණෙන විත්ථාරෙතබ්බං යථා සහෙතුකදුකං නින්නානාකරණං.)

හෙතුසම්පයුත්තදුකං නිට්ඨිතං.

4. හෙතුසහෙතුකදුකං

1. පටිච්චවාරො

1. පච්චයානුලොමං

1. විභඞ්ගවාරො

හෙතුපච්චයො

127. හෙතුඤ්චෙව ¶ සහෙතුකඤ්ච ධම්මං පටිච්ච හෙතු චෙව සහෙතුකො ච ධම්මො උප්පජ්ජති හෙතුපච්චයා – අලොභං පටිච්ච අදොසො අමොහො (චක්කං). ලොභං පටිච්ච මොහො (චක්කං); පටිසන්ධික්ඛණෙ අලොභං පටිච්ච අදොසො අමොහො (චක්කං). (1)

හෙතුඤ්චෙව සහෙතුකඤ්ච ධම්මං පටිච්ච සහෙතුකො චෙව න ච හෙතු ධම්මො උප්පජ්ජති හෙතුපච්චයා – හෙතුං පටිච්ච සම්පයුත්තකා ඛන්ධා; පටිසන්ධික්ඛණෙ…පෙ…. (2)

හෙතුඤ්චෙව සහෙතුකඤ්ච ධම්මං පටිච්ච හෙතු චෙව සහෙතුකො ¶ ච සහෙතුකො චෙව න ච හෙතු ච ධම්මා උප්පජ්ජන්ති හෙතුපච්චයා – අලොභං පටිච්ච අදොසො අමොහො සම්පයුත්තකා ච ඛන්ධා (චක්කං). ලොභං පටිච්ච මොහො සම්පයුත්තකා ච ඛන්ධා (චක්කං); පටිසන්ධික්ඛණෙ…පෙ…. (3)

128. සහෙතුකඤ්චෙව ¶ න ච හෙතුං ධම්මං පටිච්ච සහෙතුකො චෙව න ච හෙතු ධම්මො උප්පජ්ජති ¶ හෙතුපච්චයා – සහෙතුකඤ්චෙව න ච හෙතුං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ….(1)

සහෙතුකඤ්චෙව න ච හෙතුං ධම්මං පටිච්ච හෙතු චෙව සහෙතුකො ච ධම්මො උප්පජ්ජති හෙතුපච්චයා – සහෙතුකෙ චෙව න ච හෙතූ ඛන්ධෙ පටිච්ච හෙතූ; පටිසන්ධික්ඛණෙ…පෙ…. (2)

සහෙතුකඤ්චෙව න ච හෙතුං ධම්මං පටිච්ච හෙතු චෙව සහෙතුකො ච සහෙතුකො චෙව න ච හෙතු ච ධම්මා උප්පජ්ජන්ති හෙතුපච්චයා – සහෙතුකඤ්චෙව න ච හෙතුං එකං ඛන්ධං පටිච්ච තයො ඛන්ධා හෙතු ච…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (3)

129. හෙතුඤ්චෙව සහෙතුකඤ්ච සහෙතුකඤ්චෙව න ච හෙතුඤ්ච ධම්මං පටිච්ච හෙතු චෙව සහෙතුකො ච ධම්මො උප්පජ්ජති හෙතුපච්චයා – අලොභඤ්ච සම්පයුත්තකෙ ච ඛන්ධෙ පටිච්ච අදොසො අමොහො (චක්කං). ලොභඤ්ච සම්පයුත්තකෙ ච ඛන්ධෙ පටිච්ච මොහො (චක්කං); පටිසන්ධික්ඛණෙ…පෙ…. (1)

හෙතුඤ්චෙව සහෙතුකඤ්ච සහෙතුකඤ්චෙව න ච හෙතුඤ්ච ධම්මං පටිච්ච සහෙතුකො චෙව න ච හෙතු ධම්මො උප්පජ්ජති හෙතුපච්චයා – සහෙතුකඤ්චෙව න ච හෙතුං එකං ඛන්ධඤ්ච හෙතුඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (2)

හෙතුඤ්චෙව සහෙතුකඤ්ච සහෙතුකඤ්චෙව න ච හෙතුඤ්ච ධම්මං ¶ පටිච්ච හෙතු චෙව සහෙතුකො ච සහෙතුකො චෙව න ච හෙතු ච ධම්මා උප්පජ්ජන්ති හෙතුපච්චයා – සහෙතුකඤ්චෙව න ච හෙතුං එකං ඛන්ධඤ්ච අලොභඤ්ච පටිච්ච තයො ඛන්ධා අදොසො අමොහො ච…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (3)

(සංඛිත්තං. එවං විත්ථාරෙතබ්බං.)

1. පච්චයානුලොමං

2. සඞ්ඛ්යාවාරො

සුද්ධං

130. හෙතුයා නව, ආරම්මණෙ නව, අධිපතියා නව, අනන්තරෙ නව…පෙ… (සබ්බත්ථ නව), අවිගතෙ නව (එවං ගණෙතබ්බං).

අනුලොමං.

2. පච්චයපච්චනීයං

1. විභඞ්ගවාරො

නඅධිපතිපච්චයාදි

131. හෙතුඤ්චෙව ¶ ¶ සහෙතුකඤ්ච ධම්මං පටිච්ච හෙතු චෙව සහෙතුකො ච ධම්මො උප්පජ්ජති නඅධිපතිපච්චයා – අලොභං පටිච්ච අදොසො අමොහො (චක්කං); පටිසන්ධික්ඛණෙ…පෙ… (පරිපුණ්ණං නව), නපුරෙජාතෙ නව, නපච්ඡාජාතෙ නව, නආසෙවනෙ නව.

නකම්මපච්චයාදි

132. හෙතුඤ්චෙව සහෙතුකඤ්ච ධම්මං පටිච්ච සහෙතුකො චෙව න ච හෙතු ධම්මො උප්පජ්ජති නකම්මපච්චයා – හෙතුං පටිච්ච සම්පයුත්තකා චෙතනා. (1)

සහෙතුකඤ්චෙව න ච හෙතුං ධම්මං පටිච්ච සහෙතුකො චෙව න ච හෙතු ධම්මො උප්පජ්ජති නකම්මපච්චයා – සහෙතුකෙ චෙව න ච හෙතූ ඛන්ධෙ පටිච්ච සම්පයුත්තකා චෙතනා; පටිසන්ධික්ඛණෙ…පෙ….

හෙතුඤ්චෙව සහෙතුකඤ්ච සහෙතුකඤ්චෙව න ච හෙතුඤ්ච ධම්මං පටිච්ච සහෙතුකො චෙව න ච හෙතු ධම්මො උප්පජ්ජති නකම්මපච්චයා – හෙතුඤ්ච සම්පයුත්තකෙ ච ඛන්ධෙ පටිච්ච සම්පයුත්තකා චෙතනා… නවිපාකපච්චයා… නවිප්පයුත්තපච්චයා.

2. පච්චයපච්චනීයං

2. සඞ්ඛ්යාවාරො

සුද්ධං

133. නඅධිපතියා ¶ නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නවිප්පයුත්තෙ නව (එවං ගණෙතබ්බං).

පච්චනීයං.

3. පච්චයානුලොමපච්චනීයං

හෙතුදුකං

134. හෙතුපච්චයා ¶ ¶ නඅධිපතියා නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නවිප්පයුත්තෙ නව (එවං ගණෙතබ්බං).

අනුලොමපච්චනීයං.

4. පච්චයපච්චනීයානුලොමං

නඅධිපතිදුකං

135. නඅධිපතිපච්චයා හෙතුයා නව, ආරම්මණෙ නව, අනන්තරෙ නව…පෙ… අවිගතෙ නව (එවං ගණෙතබ්බං).

පච්චනීයානුලොමං.

2-6. සහජාත-පච්චය-නිස්සය-සංසට්ඨ-සම්පයුත්තවාරො

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා.)

7. පඤ්හාවාරො

1. පච්චයානුලොමං

1. විභඞ්ගවාරො

හෙතුපච්චයො

136. හෙතු ¶ චෙව සහෙතුකො ච ධම්මො හෙතුස්ස චෙව සහෙතුකස්ස ච ධම්මස්ස හෙතුපච්චයෙන පච්චයො – අලොභො අදොසස්ස අමොහස්ස හෙතුපච්චයෙන පච්චයො (යථා පටිච්චවාරසදිසං). (1)

හෙතු චෙව සහෙතුකො ච ධම්මො සහෙතුකස්ස චෙව න ච හෙතුස්ස ධම්මස්ස හෙතුපච්චයෙන පච්චයො – හෙතූ සම්පයුත්තකානං ඛන්ධානං හෙතුපච්චයෙන පච්චයො; පටිසන්ධික්ඛණෙ…පෙ…. (2)

හෙතු ¶ චෙව සහෙතුකො ච ධම්මො හෙතුස්ස චෙව සහෙතුකස්ස ච සහෙතුකස්ස චෙව න ච හෙතුස්ස ච ධම්මස්ස ¶ හෙතුපච්චයෙන පච්චයො – අලොභො අදොසස්ස අමොහස්ස සම්පයුත්තකානඤ්ච ඛන්ධානං හෙතුපච්චයෙන පච්චයො (විත්ථාරෙතබ්බං). (3)

ආරම්මණපච්චයො

137. හෙතු චෙව සහෙතුකො ච ධම්මො හෙතුස්ස චෙව සහෙතුකස්ස ච ධම්මස්ස ආරම්මණපච්චයෙන පච්චයො – හෙතුං ආරබ්භ හෙතූ උප්පජ්ජන්ති. (1)

හෙතු චෙව සහෙතුකො ච ධම්මො සහෙතුකස්ස චෙව න ච හෙතුස්ස ධම්මස්ස ආරම්මණපච්චයෙන පච්චයො – හෙතුං ආරබ්භ සහෙතුකා චෙව න ච හෙතූ ඛන්ධා උප්පජ්ජන්ති. (2)

හෙතු චෙව සහෙතුකො ච ධම්මො හෙතුස්ස චෙව සහෙතුකස්ස ච සහෙතුකස්ස චෙව න ච හෙතුස්ස ¶ ච ධම්මස්ස ආරම්මණපච්චයෙන පච්චයො – හෙතුං ආරබ්භ හෙතූ ච සම්පයුත්තකා ච ඛන්ධා උප්පජ්ජන්ති. (3)

සහෙතුකො චෙව න ච හෙතු ධම්මො සහෙතුකස්ස චෙව න ච හෙතුස්ස ධම්මස්ස ආරම්මණපච්චයෙන පච්චයො – දානං දත්වා සීලං…පෙ… උපොසථකම්මං කත්වා තං පච්චවෙක්ඛති, පුබ්බෙ සුචිණ්ණානි පච්චවෙක්ඛති. ඣානා වුට්ඨහිත්වා…පෙ… අරියා මග්ගා වුට්ඨහිත්වා මග්ගං පච්චවෙක්ඛන්ති, ඵලං පච්චවෙක්ඛන්ති. පහීනෙ කිලෙසෙ…පෙ… වික්ඛම්භිතෙ කිලෙසෙ පච්චවෙක්ඛන්ති, පුබ්බෙ සමුදාචිණ්ණෙ කිලෙසෙ ජානන්ති. සහෙතුකෙ චෙව න ච හෙතූ ඛන්ධෙ අනිච්චතො…පෙ… දොමනස්සං උප්පජ්ජති. චෙතොපරියඤාණෙන සහෙතුකා චෙව න ච හෙතුචිත්තසමඞ්ගිස්ස චිත්තං ජානාති; ආකාසානඤ්චායතනං විඤ්ඤාණඤ්චායතනස්ස…පෙ… ආකිඤ්චඤ්ඤායතනං නෙවසඤ්ඤානාසඤ්ඤායතනස්ස…පෙ… සහෙතුකා චෙව න ච හෙතූ ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස ¶ , අනාගතංසඤාණස්ස ආරම්මණපච්චයෙන පච්චයො. (1)

සහෙතුකො චෙව න ච හෙතු ධම්මො හෙතුස්ස චෙව සහෙතුකස්ස ච ධම්මස්ස ආරම්මණපච්චයෙන පච්චයො – දානං දත්වා… (යථා පඨමගමනං එවං නින්නානං). (2)

සහෙතුකො ¶ චෙව න ච හෙතු ධම්මො හෙතුස්ස චෙව සහෙතුකස්ස ච සහෙතුකස්ස චෙව න ච හෙතුස්ස ච ධම්මස්ස ආරම්මණපච්චයෙන පච්චයො – දානං දත්වා… (යථා පඨමගමනං එවං නින්නානං). (3)

138. හෙතු චෙව සහෙතුකො ච සහෙතුකො චෙව න ච හෙතු ච ධම්මා හෙතුස්ස චෙව සහෙතුකස්ස ච ධම්මස්ස ආරම්මණපච්චයෙන පච්චයො – හෙතුඤ්ච සම්පයුත්තකෙ ච ඛන්ධෙ ආරබ්භ හෙතූ උප්පජ්ජන්ති. (1)

හෙතු චෙව සහෙතුකො ච සහෙතුකො චෙව න ච හෙතු ච ධම්මා සහෙතුකස්ස චෙව න ච හෙතුස්ස ධම්මස්ස ආරම්මණපච්චයෙන පච්චයො – හෙතුඤ්ච සම්පයුත්තකෙ ච ඛන්ධෙ ආරබ්භ සහෙතුකා චෙව න ච හෙතූ ඛන්ධා උප්පජ්ජන්ති. (2)

හෙතු ¶ චෙව සහෙතුකො ච සහෙතුකො චෙව න ච හෙතු ච ධම්මා හෙතුස්ස චෙව සහෙතුකස්ස ච සහෙතුකස්ස චෙව න ච හෙතුස්ස ච ධම්මස්ස ආරම්මණපච්චයෙන පච්චයො – හෙතුඤ්ච සම්පයුත්තකෙ ච ඛන්ධෙ ආරබ්භ හෙතූ ච සම්පයුත්තකා ච ඛන්ධා උප්පජ්ජන්ති. (3)

අධිපතිපච්චයො

139. හෙතු චෙව සහෙතුකො ච ධම්මො හෙතුස්ස චෙව සහෙතුකස්ස ච ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – හෙතුං ගරුං කත්වා හෙතූ උප්පජ්ජන්ති. සහජාතාධිපති – හෙතු චෙව සහෙතුකාධිපති සම්පයුත්තකානං හෙතූනං අධිපතිපච්චයෙන පච්චයො. (1)

හෙතු චෙව සහෙතුකො ච ධම්මො සහෙතුකස්ස චෙව න ච හෙතුස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – හෙතුං ගරුං කත්වා සහෙතුකා චෙව න ච හෙතූ ඛන්ධා උප්පජ්ජන්ති. සහජාතාධිපති – හෙතු චෙව සහෙතුකාධිපති සම්පයුත්තකානං ඛන්ධානං අධිපතිපච්චයෙන පච්චයො. (2)

හෙතු චෙව සහෙතුකො ච ධම්මො හෙතුස්ස චෙව සහෙතුකස්ස ච සහෙතුකස්ස චෙව න ච හෙතුස්ස ච ධම්මස්ස අධිපතිපච්චයෙන ¶ පච්චයො – ආරම්මණාධිපති, සහජාතාධිපති. ආරම්මණාධිපති – හෙතුං ගරුං කත්වා ¶ හෙතූ ච සම්පයුත්තකා ච ඛන්ධා උප්පජ්ජන්ති. සහජාතාධිපති – හෙතු චෙව සහෙතුකාධිපති සම්පයුත්තකානං ඛන්ධානං හෙතූනඤ්ච අධිපතිපච්චයෙන පච්චයො. (3)

140. සහෙතුකො චෙව න ච හෙතු ධම්මො සහෙතුකස්ස චෙව න ච හෙතුස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං දත්වා සීලං…පෙ… උපොසථකම්මං කත්වා තං ගරුං කත්වා පච්චවෙක්ඛති, පුබ්බෙ සුචිණ්ණානි…පෙ… ඣානා වුට්ඨහිත්වා ඣානං ගරුං කත්වා පච්චවෙක්ඛති, අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති, ඵලං ගරුං කත්වා පච්චවෙක්ඛන්ති, සහෙතුකෙ චෙව න ච හෙතූ ඛන්ධෙ ගරුං කත්වා අස්සාදෙති අභිනන්දති; තං ගරුං කත්වා රාගො උප්පජ්ජති, දිට්ඨි ¶ උප්පජ්ජති. සහජාතාධිපති – සහෙතුකො චෙව න ච හෙතු අධිපති සම්පයුත්තකානං ඛන්ධානං අධිපතිපච්චයෙන පච්චයො. (1)

සහෙතුකො චෙව න ච හෙතු ධම්මො හෙතුස්ස චෙව සහෙතුකස්ස ච ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං දත්වා… (පඨමගමනංයෙව). සහජාතාධිපති – සහෙතුකො චෙව න ¶ ච හෙතු අධිපති සම්පයුත්තකානං හෙතූනං අධිපතිපච්චයෙන පච්චයො. (2)

සහෙතුකො චෙව න ච හෙතු ධම්මො හෙතුස්ස චෙව සහෙතුකස්ස ච සහෙතුකස්ස චෙව න ච හෙතුස්ස ච ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං දත්වා… (පඨමගමනංයෙව). සහජාතාධිපති – සහෙතුකො චෙව න ච හෙතු අධිපති සම්පයුත්තකානං ඛන්ධානං හෙතූනඤ්ච අධිපතිපච්චයෙන පච්චයො. (3)

141. හෙතු චෙව සහෙතුකො ච සහෙතුකො චෙව න ච හෙතු ච ධම්මා හෙතුස්ස චෙව සහෙතුකස්ස ච ධම්මස්ස අධිපතිපච්චයෙන පච්චයො. ආරම්මණාධිපති – හෙතූ ච සම්පයුත්තකෙ ච ඛන්ධෙ ගරුං කත්වා හෙතූ උප්පජ්ජන්ති. (1)

හෙතු චෙව සහෙතුකො ච සහෙතුකො චෙව න ච හෙතු ච ධම්මා සහෙතුකස්ස චෙව න ච හෙතුස්ස ධම්මස්ස අධිපතිපච්චයෙන පච්චයො. ආරම්මණාධිපති ¶ – හෙතුඤ්ච සම්පයුත්තකෙ ච ඛන්ධෙ ගරුං කත්වා සහෙතුකා චෙව න ච හෙතූ ඛන්ධා උප්පජ්ජන්ති. (2)

හෙතු චෙව සහෙතුකො ච සහෙතුකො චෙව න ච හෙතු ච ධම්මා හෙතුස්ස චෙව සහෙතුකස්ස ච සහෙතුකස්ස චෙව න ච හෙතුස්ස ච ධම්මස්ස අධිපතිපච්චයෙන පච්චයො. ආරම්මණාධිපති – හෙතුඤ්ච සම්පයුත්තකෙ ච ඛන්ධෙ ගරුං කත්වා හෙතූ ච සම්පයුත්තකා ච ඛන්ධා උප්පජ්ජන්ති. (3)

අනන්තරපච්චයො

142. හෙතු චෙව සහෙතුකො ච ධම්මො හෙතුස්ස චෙව සහෙතුකස්ස ච ධම්මස්ස අනන්තරපච්චයෙන ¶ පච්චයො – පුරිමා පුරිමා හෙතූ පච්ඡිමානං පච්ඡිමානං හෙතූනං අනන්තරපච්චයෙන පච්චයො. (1)

හෙතු චෙව සහෙතුකො ච ධම්මො සහෙතුකස්ස චෙව න ච හෙතුස්ස ධම්මස්ස අනන්තරපච්චයෙන පච්චයො – පුරිමා පුරිමා ¶ හෙතූ පච්ඡිමානං පච්ඡිමානං සහෙතුකානඤ්චෙව න ච හෙතූනං ඛන්ධානං අනන්තරපච්චයෙන පච්චයො. (2)

හෙතු චෙව සහෙතුකො ච ධම්මො හෙතුස්ස චෙව සහෙතුකස්ස ච සහෙතුකස්ස චෙව න ච හෙතුස්ස ච ධම්මස්ස අනන්තරපච්චයෙන පච්චයො – පුරිමා පුරිමා හෙතූ පච්ඡිමානං පච්ඡිමානං හෙතූනං සම්පයුත්තකානඤ්ච ඛන්ධානං අනන්තරපච්චයෙන පච්චයො. (3)

143. සහෙතුකො චෙව න ච හෙතු ධම්මො සහෙතුකස්ස චෙව න ච හෙතුස්ස ධම්මස්ස අනන්තරපච්චයෙන පච්චයො – පුරිමා පුරිමා සහෙතුකා චෙව න ච හෙතූ ඛන්ධා පච්ඡිමානං පච්ඡිමානං සහෙතුකානඤ්චෙව න ච හෙතූනං ඛන්ධානං අනන්තරපච්චයෙන පච්චයො; අනුලොමං ගොත්රභුස්ස… අනුලොමං වොදානස්ස…පෙ… නිරොධා වුට්ඨහන්තස්ස, නෙවසඤ්ඤානාසඤ්ඤායතනං ඵලසමාපත්තියා අනන්තරපච්චයෙන පච්චයො. (1)

සහෙතුකො චෙව න ච හෙතු ධම්මො හෙතුස්ස චෙව සහෙතුකස්ස ච ධම්මස්ස අනන්තරපච්චයෙන පච්චයො – පුරිමා පුරිමා සහෙතුකා චෙව න ච හෙතූ ඛන්ධා පච්ඡිමානං පච්ඡිමානං හෙතූනං අනන්තරපච්චයෙන පච්චයො; අනුලොමං ගොත්රභුස්ස… (සංඛිත්තං). (2)

සහෙතුකො ¶ චෙව න ච හෙතු ධම්මො හෙතුස්ස චෙව සහෙතුකස්ස ච සහෙතුකස්ස චෙව න ච හෙතුස්ස ච ධම්මස්ස අනන්තරපච්චයෙන පච්චයො – පුරිමා පුරිමා සහෙතුකා චෙව න ච හෙතූ ඛන්ධා පච්ඡිමානං පච්ඡිමානං හෙතූනං සම්පයුත්තකානඤ්ච ඛන්ධානං අනන්තරපච්චයෙන පච්චයො; අනුලොමං ගොත්රභුස්ස…පෙ…. (3)

(සහෙතුකො චෙව න ච හෙතුමූලකං තීණිපි එකසදිසා.)

144. හෙතු ¶ චෙව සහෙතුකො ච සහෙතුකො චෙව න ච හෙතු ච ධම්මා හෙතුස්ස චෙව සහෙතුකස්ස ච ධම්මස්ස අනන්තරපච්චයෙන පච්චයො ¶ – පුරිමා පුරිමා හෙතූ ච සම්පයුත්තකා ච ඛන්ධා පච්ඡිමානං පච්ඡිමානං හෙතූනං අනන්තරපච්චයෙන පච්චයො. (1)

හෙතු චෙව සහෙතුකො ච සහෙතුකො චෙව න ච හෙතු ච ධම්මා සහෙතුකස්ස චෙව න ච හෙතුස්ස ධම්මස්ස අනන්තරපච්චයෙන පච්චයො – පුරිමා පුරිමා හෙතූ ච සම්පයුත්තකා ච ඛන්ධා පච්ඡිමානං පච්ඡිමානං සහෙතුකානඤ්චෙව න ච හෙතූනං ඛන්ධානං අනන්තරපච්චයෙන පච්චයො.(2)

හෙතු චෙව සහෙතුකො ච සහෙතුකො චෙව න ච හෙතු ච ධම්මා හෙතුස්ස චෙව සහෙතුකස්ස ච සහෙතුකස්ස චෙව න ච හෙතුස්ස ච ධම්මස්ස අනන්තරපච්චයෙන පච්චයො – පුරිමා පුරිමා හෙතූ ච සම්පයුත්තකා ච ඛන්ධා පච්ඡිමානං පච්ඡිමානං හෙතූනං සම්පයුත්තකානඤ්ච ඛන්ධානං අනන්තරපච්චයෙන පච්චයො. (3)

සහජාතපච්චයාදි

145. හෙතු චෙව සහෙතුකො ච ධම්මො හෙතුස්ස චෙව සහෙතුකස්ස ච ධම්මස්ස සහජාතපච්චයෙන පච්චයො… අඤ්ඤමඤ්ඤපච්චයෙන පච්චයො… නිස්සයපච්චයෙන පච්චයො (තීණිපි පච්චයා පටිච්චවාරෙ හෙතුසදිසා).

උපනිස්සයපච්චයො

146. හෙතු චෙව සහෙතුකො ච ධම්මො හෙතුස්ස චෙව සහෙතුකස්ස ච ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – හෙතූ හෙතූනං උපනිස්සයපච්චයෙන පච්චයො. (මූලං කාතබ්බං) හෙතූ සහෙතුකානඤ්චෙව ¶ න ච හෙතූනං ඛන්ධානං උපනිස්සයපච්චයෙන පච්චයො. (මූලං කාතබ්බං) හෙතූ හෙතූනං සම්පයුත්තකානඤ්ච ඛන්ධානං උපනිස්සයපච්චයෙන පච්චයො (ඉමෙසං ද්වින්නම්පි පඤ්හානං මූලානි පුච්ඡිතබ්බානි).

සහෙතුකො චෙව න ච හෙතු ධම්මො සහෙතුකස්ස චෙව න ච හෙතුස්ස ච ධම්මස්ස ¶ උපනිස්සයපච්චයෙන ¶ පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධං උපනිස්සාය දානං දෙති…පෙ… සමාපත්තිං උප්පාදෙති, මානං ජප්පෙති, දිට්ඨිං ගණ්හාති, සීලං…පෙ… පත්ථනං උපනිස්සාය දානං දෙති…පෙ… සඞ්ඝං භින්දති; සද්ධා…පෙ… පත්ථනා සද්ධාය…පෙ… පත්ථනාය මග්ගස්ස ඵලසමාපත්තියා උපනිස්සයපච්චයෙන පච්චයො. (1)

(සහෙතුකො චෙව න ච හෙතුමූලකෙ ඉමිනාකාරෙන විත්ථාරෙතබ්බා අවසෙසා ද්වෙ පඤ්හා.)

හෙතු චෙව සහෙතුකො ච සහෙතුකො චෙව න ච හෙතු ච ධම්මා හෙතුස්ස චෙව සහෙතුකස්ස ච ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – හෙතූ ච සම්පයුත්තකා ච ඛන්ධා හෙතූනං උපනිස්සයපච්චයෙන පච්චයො. (ද්වෙ මූලානි පුච්ඡිතබ්බානි) හෙතූ ච සම්පයුත්තකා ච ඛන්ධා සහෙතුකානඤ්චෙව න ච හෙතූනං ඛන්ධානං උපනිස්සයපච්චයෙන පච්චයො. (මූලං පුච්ඡිතබ්බං) හෙතූ ච සම්පයුත්තකා ච ඛන්ධා හෙතූනං සම්පයුත්තකානඤ්ච ඛන්ධානං උපනිස්සයපච්චයෙන පච්චයො. (1)

ආසෙවනපච්චයො

147. හෙතු චෙව සහෙතුකො ච ධම්මො හෙතුස්ස චෙව සහෙතුකස්ස ච ධම්මස්ස ආසෙවනපච්චයෙන පච්චයො (අනන්තරසදිසං).

කම්මපච්චයො

148. සහෙතුකො චෙව න ච හෙතු ධම්මො සහෙතුකස්ස චෙව න ච හෙතුස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – සහෙතුකා චෙව න ච හෙතූ චෙතනා සම්පයුත්තකානං ඛන්ධානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා ¶ – සහෙතුකා චෙව න ච හෙතූ චෙතනා විපාකානං ¶ සහෙතුකානඤ්චෙව න ච හෙතූනං ඛන්ධානං කම්මපච්චයෙන පච්චයො. (1)

සහෙතුකො චෙව න ච හෙතු ධම්මො හෙතුස්ස චෙව සහෙතුකස්ස ච ධම්මස්ස කම්මපච්චයෙන පච්චයො ¶ – සහජාතා, නානාක්ඛණිකා. සහජාතා – සහෙතුකා චෙව න ච හෙතූ චෙතනා සම්පයුත්තකානං හෙතූනං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – සහෙතුකා චෙව න ච හෙතූ චෙතනා විපාකානං හෙතූනං කම්මපච්චයෙන පච්චයො. (2)

සහෙතුකො චෙව න ච හෙතු ධම්මො හෙතුස්ස චෙව සහෙතුකස්ස ච සහෙතුකස්ස චෙව න ච හෙතුස්ස ච ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – සහෙතුකා චෙව න ච හෙතූ චෙතනා සම්පයුත්තකානං ඛන්ධානං හෙතූනඤ්ච කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – සහෙතුකා චෙව න ච හෙතූ චෙතනා විපාකානං ඛන්ධානං හෙතූනඤ්ච කම්මපච්චයෙන පච්චයො. (3)

විපාකපච්චයො

149. හෙතු චෙව සහෙතුකො ච ධම්මො හෙතුස්ස චෙව සහෙතුකස්ස ච ධම්මස්ස විපාකපච්චයෙන පච්චයො – විපාකො අලොභො අදොසස්ස අමොහස්ස ච විපාකපච්චයෙන පච්චයො (චක්කං); පටිසන්ධික්ඛණෙ අලොභො (යථා හෙතුපච්චයා එවං විත්ථාරෙතබ්බං, නවපි විපාකන්ති නියාමෙතබ්බං).

ආහාරපච්චයාදි

150. සහෙතුකො චෙව න ච හෙතු ධම්මො සහෙතුකස්ස චෙව න ච හෙතුස්ස ධම්මස්ස ආහාරපච්චයෙන පච්චයො… තීණි.

හෙතු චෙව සහෙතුකො ච ධම්මො හෙතුස්ස චෙව සහෙතුකස්ස ච ධම්මස්ස ඉන්ද්රියපච්චයෙන පච්චයො (ඉන්ද්රියන්ති නියාමෙතබ්බං, නවපි පරිපුණ්ණං).

සහෙතුකො චෙව න ච හෙතු ධම්මො සහෙතුකස්ස චෙව න ච හෙතුස්ස ධම්මස්ස ¶ ඣානපච්චයෙන පච්චයො… තීණි.

හෙතු ¶ චෙව සහෙතුකො ච ධම්මො හෙතුස්ස චෙව සහෙතුකස්ස ච ධම්මස්ස මග්ගපච්චයෙන පච්චයො ¶ … සම්පයුත්තපච්චයෙන පච්චයො… අත්ථිපච්චයෙන පච්චයො… නත්ථිපච්චයෙන පච්චයො… විගතපච්චයෙන පච්චයො… අවිගතපච්චයෙන පච්චයො.

1. පච්චයානුලොමං

2. සඞ්ඛ්යාවාරො

සුද්ධං

151. හෙතුයා තීණි, ආරම්මණෙ නව, අධිපතියා නව, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, ආසෙවනෙ නව, කම්මෙ තීණි, විපාකෙ නව, ආහාරෙ තීණි, ඉන්ද්රියෙ නව, ඣානෙ තීණි, මග්ගෙ නව, සම්පයුත්තෙ නව, අත්ථියා නව, නත්ථියා නව, විගතෙ නව, අවිගතෙ නව (එවං ගණෙතබ්බං).

අනුලොමං.

පච්චනීයුද්ධාරො

152. හෙතු චෙව සහෙතුකො ච ධම්මො හෙතුස්ස චෙව සහෙතුකස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (1)

හෙතු චෙව සහෙතුකො ච ධම්මො සහෙතුකස්ස චෙව න ච හෙතුස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (2)

හෙතු චෙව සහෙතුකො ච ධම්මො හෙතුස්ස චෙව සහෙතුකස්ස ච සහෙතුකස්ස චෙව න ච හෙතුස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (3)

153. සහෙතුකො චෙව න ච හෙතු ධම්මො සහෙතුකස්ස ¶ චෙව න ච හෙතුස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (1)

සහෙතුකො ¶ ¶ චෙව න ච හෙතු ධම්මො හෙතුස්ස චෙව සහෙතුකස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (2)

සහෙතුකො චෙව න ච හෙතු ධම්මො හෙතුස්ස චෙව සහෙතුකස්ස ච සහෙතුකස්ස චෙව න ච හෙතුස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (3)

154. හෙතු චෙව සහෙතුකො ච සහෙතුකො චෙව න ච හෙතු ච ධම්මා හෙතුස්ස චෙව සහෙතුකස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (1)

හෙතු චෙව සහෙතුකො ච සහෙතුකො චෙව න ච හෙතු ච ධම්මා සහෙතුකස්ස චෙව න ච හෙතුස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (2)

හෙතු චෙව සහෙතුකො ච සහෙතුකො චෙව න ච හෙතු ච ධම්මා හෙතුස්ස චෙව සහෙතුකස්ස ච සහෙතුකස්ස චෙව න ච හෙතුස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (3)

2. පච්චයපච්චනීයං

2. සඞ්ඛ්යාවාරො

155. නහෙතුයා නව (සංඛිත්තං. සබ්බත්ථ නව, එවං ගණෙතබ්බං).

පච්චනීයං.

3. පච්චයානුලොමපච්චනීයං

හෙතුදුකං

156. හෙතුපච්චයා ¶ නආරම්මණෙ තීණි, නඅධිපතියා තීණි, නඅනන්තරෙ ¶ තීණි, නසමනන්තරෙ තීණි, නඋපනිස්සයෙ තීණි (සංඛිත්තං. සබ්බත්ථ තීණි) ¶ , නමග්ගෙ තීණි, නොනත්ථියා තීණි, නොවිගතෙ තීණි (එවං ගණෙතබ්බං).

අනුලොමපච්චනීයං

4. පච්චයපච්චනීයානුලොමං

නහෙතුදුකං

157. නහෙතුපච්චයා ආරම්මණෙ නව, අධිපතියා නව, අනන්තරෙ නව, සමනන්තරෙ නව, සහජාතෙ තීණි, අඤ්ඤමඤ්ඤෙ තීණි, නිස්සයෙ තීණි, උපනිස්සයෙ නව, ආසෙවනෙ නව, කම්මෙ තීණි, විපාකෙ තීණි, ආහාරෙ තීණි, ඉන්ද්රියෙ තීණි, ඣානෙ තීණි, මග්ගෙ තීණි, සම්පයුත්තෙ තීණි, අත්ථියා තීණි, නත්ථියා නව, විගතෙ නව, අවිගතෙ තීණි (එවං ගණෙතබ්බං).

පච්චනීයානුලොමං.

හෙතුසහෙතුකදුකං නිට්ඨිතං.

5. හෙතුහෙතුසම්පයුත්තදුකං

1. පටිච්චවාරො

158. හෙතුඤ්චෙව ¶ හෙතුසම්පයුත්තඤ්ච ධම්මං පටිච්ච හෙතු චෙව හෙතුසම්පයුත්තො ච ධම්මො උප්පජ්ජති හෙතුපච්චයා – අලොභං පටිච්ච අදොසො අමොහො (චක්කං). ලොභං පටිච්ච මොහො (චක්කං); පටිසන්ධික්ඛණෙ…පෙ… (යථා හෙතුසහෙතුකදුකං එවං විත්ථාරෙතබ්බං, නින්නානාකරණං).

හෙතුහෙතුසම්පයුත්තදුකං නිට්ඨිතං.

6. නහෙතුසහෙතුකදුකං

1. පටිච්චවාරො

1. පච්චයානුලොමං

1. විභඞ්ගවාරො

හෙතුපච්චයො

159. නහෙතුං ¶ ¶ ¶ සහෙතුකං ධම්මං පටිච්ච නහෙතු සහෙතුකො ධම්මො උප්පජ්ජති හෙතුපච්චයා – නහෙතුං සහෙතුකං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

නහෙතුං සහෙතුකං ධම්මං පටිච්ච නහෙතු අහෙතුකො ධම්මො උප්පජ්ජති හෙතුපච්චයා – නහෙතූ සහෙතුකෙ ඛන්ධෙ පටිච්ච චිත්තසමුට්ඨානං රූපං; පටිසන්ධික්ඛණෙ…පෙ…. (2)

නහෙතුං සහෙතුකං ධම්මං පටිච්ච නහෙතු සහෙතුකො ච නහෙතු අහෙතුකො ච ධම්මා උප්පජ්ජන්ති හෙතුපච්චයා – නහෙතුං සහෙතුකං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (3)

160. නහෙතුං අහෙතුකං ධම්මං පටිච්ච නහෙතු අහෙතුකො ධම්මො උප්පජ්ජති හෙතුපච්චයා ¶ …පෙ… එකං මහාභූතං පටිච්ච…පෙ… මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං. (1)

නහෙතුං අහෙතුකං ධම්මං පටිච්ච නහෙතු සහෙතුකො ධම්මො උප්පජ්ජති හෙතුපච්චයා – පටිසන්ධික්ඛණෙ වත්ථුං පටිච්ච නහෙතූ සහෙතුකා ඛන්ධා. (2)

නහෙතුං අහෙතුකං ධම්මං පටිච්ච නහෙතු සහෙතුකො ච නහෙතු අහෙතුකො ච ධම්මා උප්පජ්ජන්ති හෙතුපච්චයා – පටිසන්ධික්ඛණෙ වත්ථුං පටිච්ච නහෙතූ සහෙතුකා ඛන්ධා, මහාභූතෙ පටිච්ච කටත්තාරූපං. (3)

161. නහෙතුං සහෙතුකඤ්ච නහෙතුං අහෙතුකඤ්ච ධම්මං පටිච්ච නහෙතු සහෙතුකො ධම්මො උප්පජ්ජති හෙතුපච්චයා – පටිසන්ධික්ඛණෙ නහෙතුං සහෙතුකං එකං ඛන්ධඤ්ච ¶ වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච…පෙ…. (1)

නහෙතුං සහෙතුකඤ්ච නහෙතුං අහෙතුකඤ්ච ධම්මං පටිච්ච නහෙතු අහෙතුකො ධම්මො උප්පජ්ජති හෙතුපච්චයා – නහෙතූ සහෙතුකෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං; පටිසන්ධික්ඛණෙ…පෙ…. (2)

නහෙතුං ¶ සහෙතුකඤ්ච නහෙතුං අහෙතුකඤ්ච ධම්මං පටිච්ච නහෙතු සහෙතුකො ච නහෙතු අහෙතුකො ච ධම්මා උප්පජ්ජන්ති හෙතුපච්චයා – පටිසන්ධික්ඛණෙ නහෙතුං සහෙතුකං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ… නහෙතූ සහෙතුකෙ ඛන්ධෙ ච මහාභූතෙ ච පටිච්ච කටත්තාරූපං. (3)

ආරම්මණපච්චයො

162. නහෙතුං සහෙතුකං ධම්මං පටිච්ච නහෙතු සහෙතුකො ධම්මො උප්පජ්ජති ආරම්මණපච්චයා – නහෙතුං සහෙතුකං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

නහෙතුං ¶ අහෙතුකං ධම්මං පටිච්ච නහෙතු අහෙතුකො ධම්මො උප්පජ්ජති ආරම්මණපච්චයා – නහෙතුං අහෙතුකං එකං ඛන්ධං පටිච්ච තයො ඛන්ධා…පෙ… පටිසන්ධික්ඛණෙ…පෙ…. (2)

නහෙතුං අහෙතුකං ධම්මං පටිච්ච නහෙතු සහෙතුකො ධම්මො උප්පජ්ජති ආරම්මණපච්චයා – පටිසන්ධික්ඛණෙ වත්ථුං පටිච්ච නහෙතූ සහෙතුකා ඛන්ධා. (3)

නහෙතුං සහෙතුකඤ්ච නහෙතුං අහෙතුකඤ්ච ධම්මං පටිච්ච නහෙතු සහෙතුකො ධම්මො උප්පජ්ජති ආරම්මණපච්චයා – පටිසන්ධික්ඛණෙ නහෙතුං සහෙතුකං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ… (සංඛිත්තං. එවං විභජිතබ්බං).

1. පච්චයානුලොමං

2. සඞ්ඛ්යාවාරො

සුද්ධං

163. හෙතුයා නව, ආරම්මණෙ චත්තාරි, අධිපතියා පඤ්ච, අනන්තරෙ ¶ චත්තාරි, සමනන්තරෙ චත්තාරි, සහජාතෙ නව, අඤ්ඤමඤ්ඤෙ ඡ, නිස්සයෙ නව, උපනිස්සයෙ චත්තාරි, පුරෙජාතෙ ද්වෙ, ආසෙවනෙ ද්වෙ, කම්මෙ නව, විපාකෙ නව, ආහාරෙ නව (සංඛිත්තං. සබ්බත්ථ නව), සම්පයුත්තෙ චත්තාරි, විප්පයුත්තෙ නව, අත්ථියා නව, නත්ථියා චත්තාරි, විගතෙ චත්තාරි, අවිගතෙ නව (එවං ගණෙතබ්බං).

අනුලොමං.

2. පච්චයපච්චනීයං

1. විභඞ්ගවාරො

නහෙතුපච්චයො

164. නහෙතුං ¶ අහෙතුකං ධම්මං පටිච්ච නහෙතු අහෙතුකො ධම්මො උප්පජ්ජති නහෙතුපච්චයා ¶ – නහෙතුං අහෙතුකං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ (යාව අසඤ්ඤසත්තා මොහො නත්ථි). (1)

නආරම්මණපච්චයො

165. නහෙතුං සහෙතුකං ධම්මං පටිච්ච නහෙතු අහෙතුකො ධම්මො උප්පජ්ජති නආරම්මණපච්චයා – නහෙතූ සහෙතුකෙ ඛන්ධෙ පටිච්ච චිත්තසමුට්ඨානං රූපං; පටිසන්ධික්ඛණෙ…පෙ…. (1)

නහෙතුං අහෙතුකං ධම්මං පටිච්ච නහෙතු අහෙතුකො ධම්මො උප්පජ්ජති නආරම්මණපච්චයා – නහෙතූ අහෙතුකෙ ඛන්ධෙ පටිච්ච චිත්තසමුට්ඨානං රූපං; පටිසන්ධික්ඛණෙ…පෙ… (යාව අසඤ්ඤසත්තා). (1)

නහෙතුං සහෙතුකඤ්ච නහෙතුං අහෙතුකඤ්ච ධම්මං පටිච්ච නහෙතු අහෙතුකො ධම්මො උප්පජ්ජති නආරම්මණපච්චයා – නහෙතූ සහෙතුකෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං; පටිසන්ධික්ඛණෙ…පෙ… (සංඛිත්තං).

2. පච්චයපච්චනීයං

2. සඞ්ඛ්යාවාරො

සුද්ධං

166. නහෙතුයා එකං, නආරම්මණෙ තීණි, නඅධිපතියා නව, නඅනන්තරෙ ¶ තීණි, නසමනන්තරෙ තීණි, නඅඤ්ඤමඤ්ඤෙ තීණි, නඋපනිස්සයෙ තීණි, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ ද්වෙ, නවිපාකෙ පඤ්ච, නආහාරෙ එකං, නඉන්ද්රියෙ එකං, නඣානෙ එකං, නමග්ගෙ එකං, නසම්පයුත්තෙ තීණි, නවිප්පයුත්තෙ ද්වෙ, නොනත්ථියා තීණි, නොවිගතෙ තීණි (එවං ගණෙතබ්බං).

පච්චනීයං.

3. පච්චයානුලොමපච්චනීයං

හෙතුදුකං

167. හෙතුපච්චයා ¶ ¶ නආරම්මණෙ තීණි, නඅධිපතියා නව, නඅනන්තරෙ නව, නසමනන්තරෙ නව, නඅඤ්ඤමඤ්ඤෙ නව, නඋපනිස්සයෙ තීණි, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ එකං, නවිපාකෙ පඤ්ච, නසම්පයුත්තෙ තීණි, නවිප්පයුත්තෙ එකං, නොනත්ථියා තීණි, නොවිගතෙ තීණි (එවං ගණෙතබ්බං).

අනුලොමපච්චනීයං.

4. පච්චයපච්චනීයානුලොමං

නහෙතුදුකං

168. නහෙතුපච්චයා ආරම්මණෙ එකං…පෙ… ආහාරෙ එකං…පෙ… ඣානෙ එකං, සම්පයුත්තෙ එකං, විප්පයුත්තෙ එකං…පෙ… විගතෙ එකං, අවිගතෙ එකං (එවං ගණෙතබ්බං).

පච්චනීයානුලොමං.

2. සහජාතවාරො

(සහජාතවාරෙපි එවං ගණෙතබ්බං.)

3. පච්චයවාරො

1-4. පච්චයානුලොමාදි

169. නහෙතුං ¶ සහෙතුකං ධම්මං පච්චයා නහෙතු සහෙතුකො ධම්මො උප්පජ්ජති හෙතුපච්චයා… තීණි.

නහෙතුං අහෙතුකං ධම්මං පච්චයා නහෙතු ¶ අහෙතුකො ධම්මො උප්පජ්ජති හෙතුපච්චයා – එකං මහාභූතං පච්චයා තයො මහාභූතා, මහාභූතෙ පච්චයා චිත්තසමුට්ඨානං රූපං, කටත්තාරූපං, උපාදාරූපං. (1)

නහෙතුං ¶ අහෙතුකං ධම්මං පච්චයා නහෙතු සහෙතුකො ධම්මො උප්පජ්ජති හෙතුපච්චයා – වත්ථුං පච්චයා නහෙතූ සහෙතුකා ඛන්ධා; පටිසන්ධික්ඛණෙ…පෙ… (2)

නහෙතුං අහෙතුකං ධම්මං පච්චයා නහෙතු සහෙතුකො ච නහෙතු අහෙතුකො ච ධම්මා උප්පජ්ජන්ති හෙතුපච්චයා – වත්ථුං පච්චයා නහෙතූ සහෙතුකා ඛන්ධා, මහාභූතෙ පච්චයා චිත්තසමුට්ඨානං රූපං; පටිසන්ධික්ඛණෙ…පෙ…(3)

නහෙතුං සහෙතුකඤ්ච නහෙතුං අහෙතුකඤ්ච ධම්මං පච්චයා නහෙතු සහෙතුකො ධම්මො උප්පජ්ජති හෙතුපච්චයා (ඝටනා තීණි, පවත්තිපටිසන්ධි පරිපුණ්ණං. සංඛිත්තං).

170. හෙතුයා නව, ආරම්මණෙ චත්තාරි…පෙ… අඤ්ඤමඤ්ඤෙ ඡ…පෙ… පුරෙජාතෙ ආසෙවනෙ චත්තාරි…පෙ… අවිගතෙ නව (එවං ගණෙතබ්බං).

අනුලොමං.

171. නහෙතුයා එකං, නආරම්මණෙ තීණි…පෙ… නොවිගතෙ තීණි.

පච්චනීයං.

4. නිස්සයවාරො

(නිස්සයවාරො පච්චයවාරසදිසො.)

5. සංසට්ඨවාරො

1-4. පච්චයානුලොමාදි

172. නහෙතුං ¶ සහෙතුකං ධම්මං සංසට්ඨො නහෙතු සහෙතුකො ධම්මො උප්පජ්ජති හෙතුපච්චයා – නහෙතුං සහෙතුකං එකං ඛන්ධං…පෙ… පටිසන්ධික්ඛණෙ…පෙ….

173. හෙතුයා ¶ එකං, ආරම්මණෙ ද්වෙ, අධිපතියා එකං, අනන්තරෙ ද්වෙ (සබ්බත්ථ ද්වෙ), මග්ගෙ එකං…පෙ… අවිගතෙ ද්වෙ.

අනුලොමං.

174. නහෙතුං ¶ අහෙතුකං ධම්මං සංසට්ඨො නහෙතු අහෙතුකො ධම්මො උප්පජ්ජති නහෙතුපච්චයා – නහෙතුං අහෙතුකං එකං ඛන්ධං…පෙ… පටිසන්ධික්ඛණෙ…පෙ….

175. නහෙතුයා එකං, නඅධිපතියා ද්වෙ, නපුරෙජාතෙ ද්වෙ, නපච්ඡාජාතෙ ද්වෙ, නආසෙවනෙ ද්වෙ, නකම්මෙ ද්වෙ, නවිපාකෙ ද්වෙ, නඣානෙ එකං, නමග්ගෙ එකං, නවිප්පයුත්තෙ ද්වෙ.

පච්චනීයං.

(එවං අවසෙසාපි ද්වෙ ගණනා ගණෙතබ්බා.)

6. සම්පයුත්තවාරො

(සම්පයුත්තවාරො සංසට්ඨවාරසදිසො)

7. පඤ්හාවාරො

1. පච්චයානුලොමං

1. විභඞ්ගවාරො

ආරම්මණපච්චයො

176. නහෙතු ¶ සහෙතුකො ධම්මො නහෙතුසහෙතුකස්ස ධම්මස්ස ආරම්මණපච්චයෙන පච්චයො – දානං දත්වා සීලං…පෙ… උපොසථකම්මං කත්වා තං පච්චවෙක්ඛති, පුබ්බෙ සුචිණ්ණානි පච්චවෙක්ඛති; ඣානං…පෙ… අරියා මග්ගා වුට්ඨහිත්වා මග්ගං පච්චවෙක්ඛන්ති, ඵලං පච්චවෙක්ඛන්ති; පහීනෙ කිලෙසෙ…පෙ… වික්ඛම්භිතෙ කිලෙසෙ…පෙ… පුබ්බෙ…පෙ… නහෙතූ සහෙතුකෙ ඛන්ධෙ අනිච්චතො…පෙ… දොමනස්සං උප්පජ්ජති; කුසලාකුසලෙ නිරුද්ධෙ නහෙතු සහෙතුකො විපාකො තදාරම්මණතා උප්පජ්ජති; චෙතොපරියඤාණෙන නහෙතුසහෙතුකචිත්තසමඞ්ගිස්ස ¶ චිත්තං ජානාති, ආකාසානඤ්චායතනං…පෙ… ආකිඤ්චඤ්ඤායතනං…පෙ… නහෙතූ සහෙතුකා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආරම්මණපච්චයෙන පච්චයො; නහෙතූ සහෙතුකෙ ඛන්ධෙ ආරබ්භ නහෙතූ සහෙතුකා ඛන්ධා උප්පජ්ජන්ති. (1)

නහෙතු සහෙතුකො ධම්මො නහෙතුඅහෙතුකස්ස ධම්මස්ස ආරම්මණපච්චයෙන පච්චයො – නහෙතූ සහෙතුකෙ ඛන්ධෙ අනිච්චතො…පෙ… දොමනස්සං ¶ උප්පජ්ජති, කුසලාකුසලෙ නිරුද්ධෙ නහෙතු අහෙතුකො විපාකො තදාරම්මණතා උප්පජ්ජති, නහෙතූ සහෙතුකෙ ඛන්ධෙ ආරබ්භ නහෙතූ අහෙතුකා ඛන්ධා උප්පජ්ජන්ති. (2)

177. නහෙතු ¶ අහෙතුකො ධම්මො නහෙතුඅහෙතුකස්ස ධම්මස්ස ආරම්මණපච්චයෙන පච්චයො – නිබ්බානං ආවජ්ජනාය ආරම්මණපච්චයෙන පච්චයො; චක්ඛුං…පෙ… වත්ථුං… නහෙතූ අහෙතුකෙ ඛන්ධෙ අනිච්චතො…පෙ… දොමනස්සං උප්පජ්ජති; කුසලාකුසලෙ නිරුද්ධෙ නහෙතු අහෙතුකො විපාකො තදාරම්මණතා උප්පජ්ජති. රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස…පෙ… නහෙතූ අහෙතුකෙ ඛන්ධෙ ආරබ්භ නහෙතූ අහෙතුකා ඛන්ධා උප්පජ්ජන්ති. (1)

නහෙතු අහෙතුකො ධම්මො නහෙතුසහෙතුකස්ස ධම්මස්ස ආරම්මණපච්චයෙන පච්චයො – අරියා නිබ්බානං පච්චවෙක්ඛන්ති; නිබ්බානං ගොත්රභුස්ස, වොදානස්ස, මග්ගස්ස, ඵලස්ස ආරම්මණපච්චයෙන පච්චයො; චක්ඛුං…පෙ… වත්ථුං… නහෙතූ අහෙතුකෙ ඛන්ධෙ අනිච්චතො ¶ …පෙ… දොමනස්සං උප්පජ්ජති; කුසලාකුසලෙ නිරුද්ධෙ නහෙතු සහෙතුකො විපාකො තදාරම්මණතා උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති. චෙතොපරියඤාණෙන නහෙතුඅහෙතුකචිත්තසමඞ්ගිස්ස චිත්තං ජානාති. නහෙතූ අහෙතුකා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, අනාගතංසඤාණස්ස, ආරම්මණපච්චයෙන පච්චයො; නහෙතූ අහෙතුකෙ ඛන්ධෙ ආරබ්භ නහෙතූ සහෙතුකා ඛන්ධා උප්පජ්ජන්ති. (2)

අධිපතිපච්චයො

178. නහෙතු සහෙතුකො ධම්මො නහෙතුසහෙතුකස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං දත්වා සීලං සමාදියිත්වා උපොසථකම්මං කත්වා තං ගරුං කත්වා පච්චවෙක්ඛති, පුබ්බෙ සුචිණ්ණානි ගරුං කත්වා පච්චවෙක්ඛති, ඣානං…පෙ… අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති, ඵලං ගරුං කත්වා පච්චවෙක්ඛන්ති. නහෙතූ සහෙතුකෙ ඛන්ධෙ ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති. සහජාතාධිපති – නහෙතුසහෙතුකාධිපති ¶ සම්පයුත්තකානං ඛන්ධානං අධිපතිපච්චයෙන පච්චයො. (1)

නහෙතු සහෙතුකො ධම්මො නහෙතුඅහෙතුකස්ස ධම්මස්ස අධිපතිපච්චයෙන පච්චයො. සහජාතාධිපති – නහෙතු සහෙතුකාධිපති චිත්තසමුට්ඨානානං රූපානං අධිපතිපච්චයෙන පච්චයො. (2)

නහෙතු ¶ සහෙතුකො ධම්මො නහෙතුසහෙතුකස්ස ච නහෙතුඅහෙතුකස්ස ච ධම්මස්ස අධිපතිපච්චයෙන පච්චයො. සහජාතාධිපති – නහෙතු සහෙතුකාධිපති සම්පයුත්තකානං ¶ ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (3)

නහෙතු අහෙතුකො ධම්මො නහෙතුසහෙතුකස්ස ධම්මස්ස අධිපතිපච්චයෙන පච්චයො. ආරම්මණාධිපති – අරියා නිබ්බානං ගරුං කත්වා පච්චවෙක්ඛන්ති; නිබ්බානං ගොත්රභුස්ස, වොදානස්ස, මග්ගස්ස, ඵලස්ස අධිපතිපච්චයෙන පච්චයො; චක්ඛුං…පෙ… වත්ථුං… නහෙතූ අහෙතුකෙ ඛන්ධෙ ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති. (1)

අනන්තරපච්චයො

179. නහෙතු සහෙතුකො ධම්මො නහෙතුසහෙතුකස්ස ධම්මස්ස අනන්තරපච්චයෙන පච්චයො – පුරිමා පුරිමා නහෙතූ සහෙතුකා ඛන්ධා පච්ඡිමානං පච්ඡිමානං නහෙතුසහෙතුකානං ඛන්ධානං අනන්තරපච්චයෙන පච්චයො; අනුලොමං ගොත්රභුස්ස…පෙ… නෙවසඤ්ඤානාසඤ්ඤායතනං ඵලසමාපත්තියා අනන්තරපච්චයෙන පච්චයො. (1)

නහෙතු සහෙතුකො ධම්මො නහෙතුඅහෙතුකස්ස ධම්මස්ස අනන්තරපච්චයෙන පච්චයො – නහෙතු සහෙතුකං චුතිචිත්තං නහෙතුඅහෙතුකස්ස උපපත්තිචිත්තස්ස අනන්තරපච්චයෙන පච්චයො; නහෙතු සහෙතුකං භවඞ්ගං ආවජ්ජනාය, නහෙතු සහෙතුකං භවඞ්ගං නහෙතුඅහෙතුකස්ස භවඞ්ගස්ස, නහෙතූ සහෙතුකා ඛන්ධා නහෙතුඅහෙතුකස්ස වුට්ඨානස්ස අනන්තරපච්චයෙන පච්චයො. (2)

නහෙතු අහෙතුකො ධම්මො නහෙතුඅහෙතුකස්ස ධම්මස්ස අනන්තරපච්චයෙන පච්චයො – පුරිමා පුරිමා නහෙතූ අහෙතුකා ඛන්ධා පච්ඡිමානං පච්ඡිමානං ¶ නහෙතුඅහෙතුකානං ඛන්ධානං අනන්තරපච්චයෙන පච්චයො; ආවජ්ජනා පඤ්චන්නං විඤ්ඤාණානං අනන්තරපච්චයෙන ¶ පච්චයො. (1)

නහෙතු අහෙතුකො ධම්මො නහෙතුසහෙතුකස්ස ධම්මස්ස අනන්තරපච්චයෙන පච්චයො – නහෙතු අහෙතුකං චුතිචිත්තං නහෙතුසහෙතුකස්ස උපපත්තිචිත්තස්ස අනන්තරපච්චයෙන පච්චයො; ආවජ්ජනා නහෙතුසහෙතුකානං ¶ ඛන්ධානං අනන්තරපච්චයෙන පච්චයො; නහෙතූ අහෙතුකා ඛන්ධා නහෙතුසහෙතුකස්ස වුට්ඨානස්ස අනන්තරපච්චයෙන පච්චයො. (2)

සමනන්තරපච්චයාදි

180. නහෙතු සහෙතුකො ධම්මො නහෙතුසහෙතුකස්ස ධම්මස්ස සමනන්තරපච්චයෙන පච්චයො… සහජාතපච්චයෙන පච්චයො (ඉහ ඝටනා නත්ථි, සත්ත පඤ්හා)… අඤ්ඤමඤ්ඤපච්චයෙන පච්චයො (ඡ පඤ්හා)… නිස්සයපච්චයෙන පච්චයො (පවත්තිපටිසන්ධි සත්ත පඤ්හා, ඉහ ඝටනා නත්ථි).

උපනිස්සයපච්චයො

181. නහෙතු සහෙතුකො ධම්මො නහෙතුසහෙතුකස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධං උපනිස්සාය දානං දෙති…පෙ… මානං ජප්පෙති, දිට්ඨිං ගණ්හාති; සීලං…පෙ… පත්ථනං උපනිස්සාය දානං දෙති…පෙ… සඞ්ඝං භින්දති; සද්ධා…පෙ… පත්ථනා සද්ධාය…පෙ… පත්ථනාය මග්ගස්ස ඵලසමාපත්තියා උපනිස්සයපච්චයෙන පච්චයො. (1)

නහෙතු සහෙතුකො ධම්මො නහෙතුඅහෙතුකස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධා කායිකස්ස සුඛස්ස, කායිකස්ස දුක්ඛස්ස උපනිස්සයපච්චයෙන පච්චයො; සීලං…පෙ… පත්ථනා කායිකස්ස සුඛස්ස, කායිකස්ස ¶ දුක්ඛස්ස උපනිස්සයපච්චයෙන පච්චයො; සද්ධා…පෙ… පත්ථනා කායිකස්ස සුඛස්ස, කායිකස්ස දුක්ඛස්ස උපනිස්සයපච්චයෙන පච්චයො. (2)

182. නහෙතු අහෙතුකො ධම්මො නහෙතුඅහෙතුකස්ස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – කායිකං සුඛං කායිකස්ස සුඛස්ස, කායිකස්ස දුක්ඛස්ස ¶ උපනිස්සයපච්චයෙන පච්චයො; කායිකං දුක්ඛං… උතු… භොජනං… සෙනාසනං කායිකස්ස සුඛස්ස, කායිකස්ස දුක්ඛස්ස උපනිස්සයපච්චයෙන පච්චයො; කායිකං සුඛං… කායිකං දුක්ඛං… උතු… භොජනං… සෙනාසනං කායිකස්ස සුඛස්ස, කායිකස්ස දුක්ඛස්ස උපනිස්සයපච්චයෙන පච්චයො. (1)

නහෙතු ¶ අහෙතුකො ධම්මො නහෙතුසහෙතුකස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – කායිකං සුඛං උපනිස්සාය දානං දෙති…පෙ… සඞ්ඝං භින්දති; කායිකං දුක්ඛං… උතුං… භොජනං… සෙනාසනං උපනිස්සාය දානං දෙති…පෙ… සඞ්ඝං භින්දති; කායිකං සුඛං …පෙ… සෙනාසනං සද්ධාය…පෙ… පත්ථනාය මග්ගස්ස ඵලසමාපත්තියා උපනිස්සයපච්චයෙන පච්චයො. (2)

පුරෙජාතපච්චයො

183. නහෙතු අහෙතුකො ධම්මො නහෙතුඅහෙතුකස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අනිච්චතො…පෙ… දොමනස්සං උප්පජ්ජති; කුසලාකුසලෙ නිරුද්ධෙ නහෙතු අහෙතුකො විපාකො තදාරම්මණතා උප්පජ්ජති; රූපායතනං චක්ඛුවිඤ්ඤාණස්ස පුරෙජාතපච්චයෙන පච්චයො…පෙ… ඵොට්ඨබ්බායතනං කායවිඤ්ඤාණස්ස පුරෙජාතපච්චයෙන ¶ පච්චයො. වත්ථුපුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස… වත්ථු නහෙතුඅහෙතුකානං ඛන්ධානං පුරෙජාතපච්චයෙන පච්චයො. (1)

නහෙතු අහෙතුකො ධම්මො නහෙතුසහෙතුකස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අනිච්චතො…පෙ… දොමනස්සං උප්පජ්ජති, කුසලාකුසලෙ නිරුද්ධෙ නහෙතු සහෙතුකො විපාකො තදාරම්මණතා උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති. වත්ථුපුරෙජාතං – වත්ථු නහෙතුසහෙතුකානං ඛන්ධානං පුරෙජාතපච්චයෙන පච්චයො. (2)

පච්ඡාජාතපච්චයො

184. නහෙතු ¶ සහෙතුකො ධම්මො නහෙතුඅහෙතුකස්ස ධම්මස්ස පච්ඡාජාතපච්චයෙන පච්චයො – පච්ඡාජාතා නහෙතූ සහෙතුකා ඛන්ධා පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

නහෙතු ¶ අහෙතුකො ධම්මො නහෙතුඅහෙතුකස්ස ධම්මස්ස පච්ඡාජාතපච්චයෙන පච්චයො – පච්ඡාජාතා නහෙතූ අහෙතුකා ඛන්ධා පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

ආසෙවනපච්චයො

185. නහෙතු සහෙතුකො ධම්මො නහෙතුසහෙතුකස්ස ධම්මස්ස ආසෙවනපච්චයෙන පච්චයො – පුරිමා පුරිමා නහෙතූ සහෙතුකා ඛන්ධා පච්ඡිමානං පච්ඡිමානං නහෙතුසහෙතුකානං ඛන්ධානං ආසෙවනපච්චයෙන පච්චයො… අනුලොමං ගොත්රභුස්ස… අනුලොමං වොදානස්ස… ගොත්රභු මග්ගස්ස… වොදානං මග්ගස්ස ආසෙවනපච්චයෙන පච්චයො. (1)

නහෙතු අහෙතුකො ධම්මො නහෙතුඅහෙතුකස්ස ධම්මස්ස ආසෙවනපච්චයෙන පච්චයො – පුරිමා ¶ පුරිමා නහෙතූ අහෙතුකා ඛන්ධා පච්ඡිමානං පච්ඡිමානං නහෙතුඅහෙතුකානං ඛන්ධානං ආසෙවනපච්චයෙන පච්චයො. (1)

කම්මපච්චයො

186. නහෙතු සහෙතුකො ධම්මො නහෙතුසහෙතුකස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – නහෙතු සහෙතුකා චෙතනා සම්පයුත්තකානං ඛන්ධානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – නහෙතු සහෙතුකා චෙතනා විපාකානං නහෙතුසහෙතුකානං ඛන්ධානං කම්මපච්චයෙන පච්චයො. (1)

නහෙතු සහෙතුකො ධම්මො නහෙතුඅහෙතුකස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – නහෙතු සහෙතුකා චෙතනා චිත්තසමුට්ඨානානං රූපානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – නහෙතු සහෙතුකා චෙතනා විපාකානං නහෙතුඅහෙතුකානං ඛන්ධානං කටත්තා ච රූපානං කම්මපච්චයෙන පච්චයො. (1)

නහෙතු ¶ සහෙතුකො ධම්මො නහෙතුසහෙතුකස්ස ච නහෙතුඅහෙතුකස්ස ච ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – නහෙතු සහෙතුකා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා ¶ – නහෙතු සහෙතුකා චෙතනා විපාකානං නහෙතුසහෙතුකානං ඛන්ධානං කටත්තා ච රූපානං කම්මපච්චයෙන පච්චයො. (1)

නහෙතු අහෙතුකො ධම්මො නහෙතුඅහෙතුකස්ස ධම්මස්ස කම්මපච්චයෙන පච්චයො. සහජාතා – නහෙතු අහෙතුකා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො; පටිසන්ධික්ඛණෙ නහෙතු අහෙතුකා චෙතනා සම්පයුත්තකානං ¶ ඛන්ධානං කටත්තා ච රූපානං කම්මපච්චයෙන පච්චයො. (1)

විපාකපච්චයො

187. නහෙතු සහෙතුකො ධම්මො නහෙතුසහෙතුකස්ස ධම්මස්ස විපාකපච්චයෙන පච්චයො… තීණි.

නහෙතු අහෙතුකො ධම්මො නහෙතුඅහෙතුකස්ස ධම්මස්ස විපාකපච්චයෙන පච්චයො… එකං.

ආහාරපච්චයො

188. නහෙතු සහෙතුකො ධම්මො නහෙතුසහෙතුකස්ස ධම්මස්ස ආහාරපච්චයෙන පච්චයො… තීණි.

නහෙතු අහෙතුකො ධම්මො නහෙතුඅහෙතුකස්ස ධම්මස්ස ආහාරපච්චයෙන පච්චයො – නහෙතු අහෙතුකා ආහාරා සම්පයුත්තකානං ඛන්ධානං චිත්තසමුට්ඨානානඤ්ච රූපානං ආහාරපච්චයෙන පච්චයො; පටිසන්ධික්ඛණෙ…පෙ… කබළීකාරො ආහාරො ඉමස්ස කායස්ස ආහාරපච්චයෙන පච්චයො. (1)

ඉන්ද්රියපච්චයො

189. නහෙතු සහෙතුකො ධම්මො නහෙතුසහෙතුකස්ස ධම්මස්ස ඉන්ද්රියපච්චයෙන පච්චයො… තීණි.

නහෙතු ¶ අහෙතුකො ධම්මො නහෙතුඅහෙතුකස්ස ධම්මස්ස ඉන්ද්රියපච්චයෙන පච්චයො – නහෙතු අහෙතුකා ¶ ඉන්ද්රියා සම්පයුත්තකානං ඛන්ධානං චිත්තසමුට්ඨානානඤ්ච රූපානං ඉන්ද්රියපච්චයෙන පච්චයො; පටිසන්ධික්ඛණෙ…පෙ… රූපජීවිතින්ද්රියං කටත්තාරූපානං ඉන්ද්රියපච්චයෙන පච්චයො.

ඣානපච්චයාදි

190. නහෙතු සහෙතුකො ධම්මො නහෙතුසහෙතුකස්ස ධම්මස්ස ඣානපච්චයෙන පච්චයො…පෙ… (චත්තාරිපි කාතබ්බානි), මග්ගපච්චයෙන පච්චයො… තීණි.

සම්පයුත්තපච්චයො

191. නහෙතු සහෙතුකො ධම්මො නහෙතුසහෙතුකස්ස ධම්මස්ස සම්පයුත්තපච්චයෙන ¶ පච්චයො – නහෙතු සහෙතුකො එකො ඛන්ධො තිණ්ණන්නං ඛන්ධානං…පෙ… පටිසන්ධික්ඛණෙ…පෙ…. (1)

නහෙතු අහෙතුකො ධම්මො නහෙතුඅහෙතුකස්ස ධම්මස්ස සම්පයුත්තපච්චයෙන පච්චයො – නහෙතු අහෙතුකො එකො ඛන්ධො තිණ්ණන්නං ඛන්ධානං…පෙ… පටිසන්ධික්ඛණෙ…පෙ…. (2)

විප්පයුත්තපච්චයො

192. නහෙතු සහෙතුකො ධම්මො නහෙතුඅහෙතුකස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – නහෙතූ සහෙතුකා ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො; පටිසන්ධික්ඛණෙ…පෙ…. පච්ඡාජාතා – නහෙතූ සහෙතුකා ඛන්ධා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො. (1)

නහෙතු අහෙතුකො ධම්මො නහෙතුඅහෙතුකස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං, පච්ඡාජාතං. සහජාතා – නහෙතූ අහෙතුකා ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො; පටිසන්ධික්ඛණෙ…පෙ… ඛන්ධා වත්ථුස්ස විප්පයුත්තපච්චයෙන පච්චයො; වත්ථු ඛන්ධානං විප්පයුත්තපච්චයෙන පච්චයො. පුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස…පෙ… වත්ථු නහෙතුසහෙතුකානං ඛන්ධානං විප්පයුත්තපච්චයෙන පච්චයො ¶ . පච්ඡාජාතා – නහෙතූ අහෙතුකා ¶ ඛන්ධා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො. (1)

නහෙතු අහෙතුකො ධම්මො නහෙතුසහෙතුකස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං. සහජාතං – පටිසන්ධික්ඛණෙ වත්ථු නහෙතුසහෙතුකානං ඛන්ධානං විප්පයුත්තපච්චයෙන පච්චයො. පුරෙජාතං ¶ – වත්ථු නහෙතුසහෙතුකානං ඛන්ධානං විප්පයුත්තපච්චයෙන පච්චයො. (2)

අත්ථිපච්චයො

193. නහෙතු සහෙතුකො ධම්මො නහෙතුසහෙතුකස්ස ධම්මස්ස අත්ථිපච්චයෙන පච්චයො – නහෙතු සහෙතුකො එකො ඛන්ධො තිණ්ණන්නං ඛන්ධානං…පෙ… පටිසන්ධික්ඛණෙ…පෙ…. (1)

නහෙතු සහෙතුකො ධම්මො නහෙතුඅහෙතුකස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං…පෙ…. (2)

නහෙතු සහෙතුකො ධම්මො නහෙතුසහෙතුකස්ස ච නහෙතුඅහෙතුකස්ස ච ධම්මස්ස අත්ථිපච්චයෙන පච්චයො – නහෙතු සහෙතුකො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ… පටිසන්ධික්ඛණෙ…පෙ…. (3)

නහෙතු අහෙතුකො ධම්මො නහෙතුඅහෙතුකස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්රියං. සහජාතො – නහෙතු අහෙතුකො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ… (යාව අසඤ්ඤසත්තා). පුරෙජාතං – චක්ඛුං…පෙ… වත්ථුං අනිච්චතො…පෙ… දොමනස්සං උප්පජ්ජති; කුසලාකුසලෙ නිරුද්ධෙ නහෙතු අහෙතුකො විපාකො තදාරම්මණතා උප්පජ්ජති; රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස…පෙ… චක්ඛායතනං…පෙ… කායායතනං…පෙ… වත්ථු නහෙතුඅහෙතුකානං ඛන්ධානං අත්ථිපච්චයෙන පච්චයො. පච්ඡාජාතා – නහෙතූ අහෙතුකා ඛන්ධා පුරෙජාතස්ස…පෙ… කබළීකාරො ආහාරො ඉමස්ස කායස්ස…පෙ… රූපජීවිතින්ද්රියං කටත්තාරූපානං අත්ථිපච්චයෙන පච්චයො. (1)

නහෙතු ¶ අහෙතුකො ධම්මො නහෙතුසහෙතුකස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතං – පටිසන්ධික්ඛණෙ වත්ථු ¶ ¶ නහෙතුසහෙතුකානං ඛන්ධානං අත්ථිපච්චයෙන පච්චයො. පුරෙජාතං – චක්ඛුං…පෙ… වත්ථුං අනිච්චතො…පෙ… දොමනස්සං උප්පජ්ජති, කුසලාකුසලෙ නිරුද්ධෙ නහෙතු සහෙතුකො විපාකො තදාරම්මණතා උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති. වත්ථුපුරෙජාතං – වත්ථු නහෙතුසහෙතුකානං ඛන්ධානං අත්ථිපච්චයෙන පච්චයො. (2)

194. නහෙතු සහෙතුකො ච නහෙතු අහෙතුකො ච ධම්මා නහෙතුසහෙතුකස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – නහෙතු සහෙතුකො එකො ඛන්ධො ච වත්ථු ච තිණ්ණන්නං ඛන්ධානං…පෙ… පටිසන්ධික්ඛණෙ…පෙ… නහෙතු සහෙතුකො එකො ඛන්ධො ච වත්ථු ච තිණ්ණන්නං ඛන්ධානං…පෙ…. (1)

නහෙතු සහෙතුකො ච නහෙතු අහෙතුකො ච ධම්මා නහෙතුඅහෙතුකස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං, ආහාරං, ඉන්ද්රියං. සහජාතා – නහෙතූ සහෙතුකා ඛන්ධා ච මහාභූතා ච චිත්තසමුට්ඨානානං රූපානං අත්ථිපච්චයෙන පච්චයො; පටිසන්ධික්ඛණෙ…පෙ…. පච්ඡාජාතා – නහෙතූ සහෙතුකා ඛන්ධා ච කබළීකාරො ආහාරො ච ඉමස්ස කායස්ස අත්ථිපච්චයෙන පච්චයො. පච්ඡාජාතා – නහෙතූ සහෙතුකා ඛන්ධා ච රූපජීවිතින්ද්රියඤ්ච කටත්තාරූපානං අත්ථිපච්චයෙන පච්චයො…පෙ…. (2)

1. පච්චයානුලොමං

2. සඞ්ඛ්යාවාරො

සුද්ධං

195. ආරම්මණෙ චත්තාරි, අධිපතියා චත්තාරි, අනන්තරෙ චත්තාරි, සමනන්තරෙ චත්තාරි, සහජාතෙ සත්ත, අඤ්ඤමඤ්ඤෙ ඡ, නිස්සයෙ සත්ත, උපනිස්සයෙ චත්තාරි, පුරෙජාතෙ ද්වෙ, පච්ඡාජාතෙ ද්වෙ, ආසෙවනෙ ද්වෙ, කම්මෙ චත්තාරි, විපාකෙ චත්තාරි, ආහාරෙ චත්තාරි, ඉන්ද්රියෙ චත්තාරි, ඣානෙ චත්තාරි ¶ , මග්ගෙ තීණි, සම්පයුත්තෙ ද්වෙ, විප්පයුත්තෙ තීණි, අත්ථියා සත්ත, නත්ථියා චත්තාරි, විගතෙ ¶ චත්තාරි, අවිගතෙ සත්ත (එවං ගණෙතබ්බං)

අනුලොමං.

පච්චනීයුද්ධාරො

196. නහෙතු ¶ සහෙතුකො ධම්මො නහෙතුසහෙතුකස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (1)

නහෙතු සහෙතුකො ධම්මො නහෙතුඅහෙතුකස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො. (2)

නහෙතු සහෙතුකො ධම්මො නහෙතුසහෙතුකස්ස ච නහෙතුඅහෙතුකස්ස ච ධම්මස්ස සහජාතපච්චයෙන පච්චයො… කම්මපච්චයෙන පච්චයො. (3)

197. නහෙතු අහෙතුකො ධම්මො නහෙතුඅහෙතුකස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො… පච්ඡාජාතපච්චයෙන පච්චයො ¶ … ආහාරපච්චයෙන පච්චයො… ඉන්ද්රියපච්චයෙන පච්චයො. (1)

නහෙතු අහෙතුකො ධම්මො නහෙතුසහෙතුකස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (2)

198. නහෙතු සහෙතුකො ච නහෙතු අහෙතුකො ච ධම්මා නහෙතුසහෙතුකස්ස ධම්මස්ස සහජාතං… පුරෙජාතං. (1)

නහෙතු ¶ සහෙතුකො ච නහෙතු අහෙතුකො ච ධම්මා නහෙතුඅහෙතුකස්ස ධම්මස්ස සහජාතං… පච්ඡාජාතං… ආහාරං… ඉන්ද්රියං. (2)

2. පච්චයපච්චනීයං

2. සඞ්ඛ්යාවාරො

සුද්ධං

199. නහෙතුයා සත්ත, නආරම්මණෙ සත්ත (සංඛිත්තං. සබ්බත්ථ සත්ත), නසහජාතෙ ඡ, නඅඤ්ඤමඤ්ඤෙ ඡ, නනිස්සයෙ ඡ (සබ්බත්ථ සත්ත), නසම්පයුත්තෙ ¶ ඡ, නවිප්පයුත්තෙ පඤ්ච, නොඅත්ථියා පඤ්ච, නොනත්ථියා සත්ත, නොවිගතෙ සත්ත, නොඅවිගතෙ පඤ්ච (එවං ගණෙතබ්බං).

පච්චනීයං.

3. පච්චයානුලොමපච්චනීයං

ආරම්මණදුකං

200. ආරම්මණපච්චයා නහෙතුයා චත්තාරි, නඅධිපතියා චත්තාරි, නඅනන්තරෙ චත්තාරි (සබ්බත්ථ චත්තාරි), නොනත්ථියා චත්තාරි, නොවිගතෙ චත්තාරි, නොඅවිගතෙ චත්තාරි (එවං ගණෙතබ්බං).

අනුලොමපච්චනීයං.

4. පච්චයපච්චනීයානුලොමං

නහෙතුදුකං

201. නහෙතුපච්චයා ¶ ආරම්මණෙ චත්තාරි, ආධිපතියා චත්තාරි…පෙ… අවිගතෙ සත්ත.

පච්චනීයානුලොමං.

නහෙතුසහෙතුකදුකං නිට්ඨිතං.

හෙතුගොච්ඡකං නිට්ඨිතං.

2. චූළන්තරදුකං

7. සප්පච්චයදුකං

1. පටිච්චවාරො

1-4. පච්චයානුලොමාදි

1. සප්පච්චයං ¶ ¶ ධම්මං පටිච්ච සප්පච්චයො ධම්මො උප්පජ්ජති හෙතුපච්චයා – සප්පච්චයං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච ¶ රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං…පෙ… මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං.

සප්පච්චයං ධම්මං පටිච්ච සප්පච්චයො ධම්මො උප්පජ්ජති ආරම්මණපච්චයා…පෙ… අවිගතපච්චයා.

2. හෙතුයා එකං, ආරම්මණෙ එකං…පෙ… අවිගතෙ එකං.

අනුලොමං.

3. සප්පච්චයං ධම්මං පටිච්ච සප්පච්චයො ධම්මො උප්පජ්ජති නහෙතුපච්චයා – අහෙතුකං සප්පච්චයං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං, ද්වෙ ඛන්ධෙ…පෙ… අහෙතුකපටිසන්ධික්ඛණෙ ¶ …පෙ… (යාව අසඤ්ඤසත්තා) විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො (සංඛිත්තං).

4. නහෙතුයා එකං, නආරම්මණෙ එකං, නඅධිපතියා එකං…පෙ… නොවිගතෙ එකං.

පච්චනීයං.

5. හෙතුපච්චයා නආරම්මණෙ එකං, නඅධිපතියා එකං…පෙ… නොවිගතෙ එකං.

අනුලොමපච්චනීයං.

6. නහෙතුපච්චයා ¶ ආරම්මණෙ එකං අනන්තරෙ එකං…පෙ… අවිගතෙ එකං.

පච්චනීයානුලොමං.

2. සහජාතවාරො

(සහජාතවාරො පටිච්චවාරසදිසො.)

3. පච්චයවාරො

1. පච්චයානුලොමං

1. විභඞ්ගවාරො

7. සප්පච්චයං ¶ ධම්මං පච්චයා සප්පච්චයො ධම්මො උප්පජ්ජති හෙතුපච්චයා – සප්පච්චයං එකං ¶ ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… පටිසන්ධික්ඛණෙ…පෙ… ඛන්ධෙ පච්චයා වත්ථු, වත්ථුං පච්චයා ඛන්ධා, එකං මහාභූතං…පෙ… වත්ථුං පච්චයා සප්පච්චයා ඛන්ධා.

සප්පච්චයං ධම්මං පච්චයා සප්පච්චයො ධම්මො උප්පජ්ජති ආරම්මණපච්චයා (සංඛිත්තං).

4-6. නිස්සය-සංසට්ඨ-සම්පයුත්තවාරො

(එවං පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි විත්ථාරෙතබ්බො, සබ්බත්ථ එකායෙව පඤ්හා.)

7. පඤ්හාවාරො

1. පච්චයානුලොමං

1. විභඞ්ගවාරො

හෙතුපච්චයො

8. සප්පච්චයො ධම්මො සප්පච්චයස්ස ධම්මස්ස හෙතුපච්චයෙන පච්චයො – සප්පච්චයා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො; පටිසන්ධික්ඛණෙ…පෙ….

ආරම්මණපච්චයො

9. සප්පච්චයො ධම්මො සප්පච්චයස්ස ධම්මස්ස ආරම්මණපච්චයෙන පච්චයො – දානං දත්වා, සීලං සමාදියිත්වා, උපොසථකම්මං කත්වා තං ¶ පච්චවෙක්ඛති, පුබ්බෙ සුචිණ්ණානි…පෙ… ඣානා වුට්ඨහිත්වා…පෙ… අරියා මග්ගා වුට්ඨහිත්වා මග්ගං පච්චවෙක්ඛන්ති, ඵලං පච්චවෙක්ඛන්ති; පහීනෙ කිලෙසෙ…පෙ… වික්ඛම්භිතෙ කිලෙසෙ…පෙ… පුබ්බෙ සමුදාචිණ්ණෙ කිලෙසෙ ජානන්ති, චක්ඛුං…පෙ… වත්ථුං… සප්පච්චයෙ ඛන්ධෙ අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා ¶ රූපං පස්සති, දිබ්බාය සොතධාතුයා සද්දං සුණාති. චෙතොපරියඤාණෙන සප්පච්චයචිත්තසමඞ්ගිස්ස ¶ චිත්තං ජානාති, ආකාසානඤ්චායතනං විඤ්ඤාණඤ්චායතනස්ස…පෙ… ආකිඤ්චඤ්ඤායතනං නෙවසඤ්ඤානාසඤ්ඤායතනස්ස…පෙ… රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස…පෙ… සප්පච්චයා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (1)

අප්පච්චයො ධම්මො සප්පච්චයස්ස ධම්මස්ස ආරම්මණපච්චයෙන පච්චයො – අරියා නිබ්බානං පච්චවෙක්ඛන්ති; නිබ්බානං ගොත්රභුස්ස, වොදානස්ස, මග්ගස්ස, ඵලස්ස, ආවජ්ජනාය ආරම්මණපච්චයෙන පච්චයො. (1)

අධිපතිපච්චයො

10. සප්පච්චයො ධම්මො සප්පච්චයස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං දත්වා සීලං…පෙ… උපොසථකම්මං කත්වා තං ගරුං කත්වා පච්චවෙක්ඛති, පුබ්බෙ…පෙ… ඣානා…පෙ… අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති, ඵලං ගරුං කත්වා…පෙ… චක්ඛුං…පෙ… වත්ථුං… සප්පච්චයෙ ඛන්ධෙ ගරුං ¶ කත්වා අස්සාදෙති අභිනන්දති; තං ගරුං කත්වා රාගො උප්පජ්ජති, දිට්ඨි උප්පජ්ජති. සහජාතාධිපති – සප්පච්චයාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (1)

අප්පච්චයො ධම්මො සප්පච්චයස්ස ධම්මස්ස අධිපතිපච්චයෙන පච්චයො. ආරම්මණාධිපති – අරියා නිබ්බානං ගරුං කත්වා පච්චවෙක්ඛන්ති; නිබ්බානං ගොත්රභුස්ස, වොදානස්ස, මග්ගස්ස, ඵලස්ස අධිපතිපච්චයෙන පච්චයො. (1)

අනන්තරපච්චයාදි

11. සප්පච්චයො ධම්මො සප්පච්චයස්ස ධම්මස්ස අනන්තරපච්චයෙන පච්චයො…පෙ… උපනිස්සයපච්චයෙන ¶ පච්චයො…පෙ… (ද්වෙ පඤ්හා උපනිස්සයමූලං) පුරෙජාතපච්චයෙන පච්චයො…පෙ… අවිගතපච්චයෙන පච්චයො (සබ්බත්ථ එකායෙව පඤ්හා).

1. පච්චයානුලොමං

2. සඞ්ඛ්යාවාරො

සුද්ධං

12. හෙතුයා ¶ එකං, ආරම්මණෙ ද්වෙ, අධිපතියා ද්වෙ, අනන්තරෙ එකං, සමනන්තරෙ එකං, සහජාතෙ එකං, අඤ්ඤමඤ්ඤෙ එකං, නිස්සයෙ එකං, උපනිස්සයෙ ද්වෙ, පුරෙජාතෙ එකං (සබ්බත්ථ එකං), අවිගතෙ එකං (එවං ගණෙතබ්බං).

අනුලොමං.

පච්චනීයුද්ධාරො

13. සප්පච්චයො ධම්මො සප්පච්චයස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො… ආහාරපච්චයෙන පච්චයො… ඉන්ද්රියපච්චයෙන පච්චයො. (1)

අප්පච්චයො ධම්මො සප්පච්චයස්ස ධම්මස්ස ආරම්මණපච්චයෙන ¶ පච්චයො… උපනිස්සයපච්චයෙන පච්චයො. (1)

2. පච්චයපච්චනීයං

2. සඞ්ඛ්යාවාරො

14. නහෙතුයා ¶ ද්වෙ, නආරම්මණෙ එකං, නඅධිපතියා ද්වෙ, නඅනන්තරෙ ද්වෙ, නසමනන්තරෙ ද්වෙ…පෙ… නඋපනිස්සයෙ ද්වෙ, නපුරෙජාතෙ ද්වෙ…පෙ… නොවිගතෙ ද්වෙ, නොඅවිගතෙ ද්වෙ (එවං ගණෙතබ්බං).

පච්චනීයං.

3. පච්චයානුලොමපච්චනීයං

හෙතුදුකං

15. හෙතුපච්චයා නආරම්මණෙ එකං, නඅධිපතියා එකං, නඅනන්තරෙ එකං, නසමනන්තරෙ එකං, නඅඤ්ඤමඤ්ඤෙ එකං, නඋපනිස්සයෙ එකං…පෙ… නසම්පයුත්තෙ එකං, නවිප්පයුත්තෙ එකං, නොනත්ථියා එකං, නොවිගතෙ එකං (එවං ගණෙතබ්බං).

අනුලොමපච්චනීයං.

4. පච්චයපච්චනීයානුලොමං

නහෙතුදුකං

16. නහෙතුපච්චයා ¶ ආරම්මණෙ ද්වෙ, අධිපතියා ද්වෙ, අනන්තරෙ එකං…පෙ… උපනිස්සයෙ ද්වෙ, පුරෙජාතෙ එකං…පෙ… අවිගතෙ එකං (එවං ගණෙතබ්බං).

පච්චනීයානුලොමං.

සප්පච්චයදුකං නිට්ඨිතං.

8. සඞ්ඛතදුකං

1. පටිච්චවාරො

හෙතුපච්චයො

17. සඞ්ඛතං ¶ ¶ ධම්මං පටිච්ච සඞ්ඛතො ධම්මො උප්පජ්ජති හෙතුපච්චයා – සඞ්ඛතං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… පටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා; එකං මහාභූතං…පෙ… මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං.

(ඉමං දුකං යථා සප්පච්චයදුකං, එවං ගණෙතබ්බං, නින්නානාකරණං.)

සඞ්ඛතදුකං නිට්ඨිතං.

9. සනිදස්සනදුකං

1. පටිච්චවාරො

1. පච්චයානුලොමං

1. විභඞ්ගවාරො

හෙතුපච්චයො

18. අනිදස්සනං ¶ ධම්මං පටිච්ච අනිදස්සනො ධම්මො උප්පජ්ජති හෙතුපච්චයා – අනිදස්සනං එකං ඛන්ධං පටිච්ච තයො ඛන්ධා අනිදස්සනං චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ අනිදස්සනං එකං ඛන්ධං පටිච්ච තයො ඛන්ධා අනිදස්සනං කටත්තා ච රූපං…පෙ… ද්වෙ ඛන්ධෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා; එකං මහාභූතං…පෙ… මහාභූතෙ පටිච්ච අනිදස්සනං චිත්තසමුට්ඨානං රූපං කටත්තාරූපං උපාදාරූපං. (1)

අනිදස්සනං ¶ ධම්මං පටිච්ච සනිදස්සනො ධම්මො උප්පජ්ජති හෙතුපච්චයා – අනිදස්සනෙ ඛන්ධෙ පටිච්ච සනිදස්සනං චිත්තසමුට්ඨානං රූපං ¶ ; පටිසන්ධික්ඛණෙ…පෙ… මහාභූතෙ පටිච්ච සනිදස්සනං චිත්තසමුට්ඨානං රූපං කටත්තාරූපං උපාදාරූපං. (2)

අනිදස්සනං ධම්මං පටිච්ච සනිදස්සනො ච අනිදස්සනො ච ධම්මා උප්පජ්ජන්ති හෙතුපච්චයා – අනිදස්සනං එකං ඛන්ධං පටිච්ච තයො ඛන්ධා සනිදස්සනඤ්ච අනිදස්සනඤ්ච චිත්තසමුට්ඨානඤ්ච ¶ රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… මහාභූතෙ පටිච්ච සනිදස්සනඤ්ච අනිදස්සනඤ්ච චිත්තසමුට්ඨානඤ්ච රූපං කටත්තාරූපං උපාදාරූපං. (3)

ආරම්මණපච්චයො

19. අනිදස්සනං ධම්මං පටිච්ච අනිදස්සනො ධම්මො උප්පජ්ජති ආරම්මණපච්චයා – අනිදස්සනං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… වත්ථුං පටිච්ච ඛන්ධා. (1)

අධිපතිපච්චයො

20. අනිදස්සනං ධම්මං පටිච්ච අනිදස්සනො ධම්මො උප්පජ්ජති අධිපතිපච්චයා – අනිදස්සනං එකං ඛන්ධං පටිච්ච තයො ඛන්ධා අනිදස්සනං චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… එකං මහාභූතං පටිච්ච තයො මහාභූතා…පෙ… ද්වෙ මහාභූතෙ…පෙ… මහාභූතෙ පටිච්ච අනිදස්සනං චිත්තසමුට්ඨානං රූපං උපාදාරූපං. (1)

අනිදස්සනං ධම්මං පටිච්ච සනිදස්සනො ධම්මො උප්පජ්ජති අධිපතිපච්චයා – අනිදස්සනෙ ඛන්ධෙ පටිච්ච සනිදස්සනං චිත්තසමුට්ඨානං රූපං, මහාභූතෙ පටිච්ච සනිදස්සනං චිත්තසමුට්ඨානං රූපං. (2)

අනිදස්සනං ධම්මං පටිච්ච සනිදස්සනො ච අනිදස්සනො ච ධම්මා උප්පජ්ජන්ති අධිපතිපච්චයා – අනිදස්සනං එකං ඛන්ධං පටිච්ච තයො ඛන්ධා සනිදස්සනඤ්ච අනිදස්සනඤ්ච චිත්තසමුට්ඨානං රූපං…පෙ… ද්වෙ ඛන්ධෙ…පෙ… මහාභූතෙ පටිච්ච සනිදස්සනඤ්ච ¶ අනිදස්සනඤ්ච චිත්තසමුට්ඨානං රූපං උපාදාරූපං. (3) (සංඛිත්තං, සබ්බෙ කාතබ්බා.)

1. පච්චයානුලොමං

2. සඞ්ඛ්යාවාරො

සුද්ධං

21. හෙතුයා ¶ ¶ තීණි, ආරම්මණෙ එකං, අධිපතියා තීණි, අනන්තරෙ එකං, සමනන්තරෙ එකං, සහජාතෙ තීණි, අඤ්ඤමඤ්ඤෙ එකං, නිස්සයෙ තීණි, උපනිස්සයෙ එකං, පුරෙජාතෙ එකං, ආසෙවනෙ එකං, කම්මෙ තීණි, විපාකෙ තීණි (සබ්බත්ථ තීණි), මග්ගෙ තීණි, සම්පයුත්තෙ එකං, විප්පයුත්තෙ තීණි, අත්ථියා තීණි, නත්ථියා එකං, විගතෙ එකං, අවිගතෙ තීණි (එවං ගණෙතබ්බං).

අනුලොමං.

2. පච්චයපච්චනීයං

1. විභඞ්ගවාරො

නහෙතුපච්චයො

22. අනිදස්සනං ධම්මං පටිච්ච අනිදස්සනො ධම්මො උප්පජ්ජති නහෙතුපච්චයා – අහෙතුකං අනිදස්සනං එකං ඛන්ධං පටිච්ච තයො ඛන්ධා අනිදස්සනං චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා; එකං මහාභූතං…පෙ… මහාභූතෙ පටිච්ච අනිදස්සනං චිත්තසමුට්ඨානං රූපං කටත්තාරූපං උපාදාරූපං… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ… විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (1)

අනිදස්සනං ධම්මං පටිච්ච සනිදස්සනො ධම්මො උප්පජ්ජති නහෙතුපච්චයා – අහෙතුකෙ අනිදස්සනෙ ඛන්ධෙ පටිච්ච සනිදස්සනං චිත්තසමුට්ඨානං රූපං; පටිසන්ධික්ඛණෙ…පෙ… මහාභූතෙ ¶ පටිච්ච ¶ සනිදස්සනං චිත්තසමුට්ඨානං රූපං කටත්තාරූපං උපාදාරූපං… බාහිරෙ… ආහාරසමුට්ඨානෙ… උතුසමුට්ඨානෙ… අසඤ්ඤසත්තානං මහාභූතෙ පටිච්ච සනිදස්සනං කටත්තාරූපං උපාදාරූපං. (2)

අනිදස්සනං ධම්මං පටිච්ච සනිදස්සනො ච අනිදස්සනො ච ධම්මා උප්පජ්ජන්ති නහෙතුපච්චයා – අහෙතුකං අනිදස්සනං එකං ඛන්ධං පටිච්ච තයො ඛන්ධා සනිදස්සනඤ්ච ¶ අනිදස්සනඤ්ච චිත්තසමුට්ඨානං රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… මහාභූතෙ පටිච්ච…පෙ… බාහිරෙ… ආහාරසමුට්ඨානෙ… උතුසමුට්ඨානෙ… අසඤ්ඤසත්තානං මහාභූතෙ පටිච්ච සනිදස්සනඤ්ච අනිදස්සනඤ්ච කටත්තාරූපං, උපාදාරූපං. (3) (එවං සබ්බෙ කාතබ්බා.)

2. පච්චයපච්චනීයං

2. සඞ්ඛ්යාවාරො

සුද්ධං

23. නහෙතුයා තීණි, නආරම්මණෙ තීණි, නඅධිපතියා තීණි, නඅනන්තරෙ තීණි, නසමනන්තරෙ තීණි, නඅඤ්ඤමඤ්ඤෙ තීණි, නඋපනිස්සයෙ තීණි, නපුරෙජාතෙ තීණි, නපච්ඡාජාතෙ තීණි, නආසෙවනෙ තීණි, නකම්මෙ තීණි, නවිපාකෙ තීණි, නආහාරෙ තීණි, නඉන්ද්රියෙ තීණි, නඣානෙ තීණි, නමග්ගෙ තීණි, නසම්පයුත්තෙ තීණි, නවිප්පයුත්තෙ තීණි, නොනත්ථියා තීණි, නොවිගතෙ තීණි (එවං ගණෙතබ්බං).

පච්චනීයං.

3. පච්චයානුලොමපච්චනීයං

හෙතුදුකං

24. හෙතුපච්චයා නආරම්මණෙ තීණි, නඅධිපතියා තීණි (සබ්බත්ථ තීණි), නකම්මෙ එකං ¶ , නවිපාකෙ තීණි, නසම්පයුත්තෙ තීණි, නවිප්පයුත්තෙ එකං, නොනත්ථියා තීණි, නොවිගතෙ තීණි.

අනුලොමපච්චනීයං.

4. පච්චයපච්චනීයානුලොමං

නහෙතුදුකං

25. නහෙතුපච්චයා ¶ ආරම්මණෙ එකං, අනන්තරෙ එකං, සමනන්තරෙ එකං, සහජාතෙ තීණි, අඤ්ඤමඤ්ඤෙ එකං, නිස්සයෙ තීණි, උපනිස්සයෙ එකං ¶ , පුරෙජාතෙ එකං, ආසෙවනෙ එකං, කම්මෙ තීණි…පෙ… ඣානෙ තීණි, මග්ගෙ එකං, සම්පයුත්තෙ එකං, විප්පයුත්තෙ තීණි, අත්ථියා තීණි, නත්ථියා එකං, විගතෙ එකං, අවිගතෙ තීණි.

පච්චනීයානුලොමං.

2. සහජාතවාරො

(සහජාතවාරොපි පටිච්චවාරසදිසො.)

3. පච්චයවාරො

1. පච්චයානුලොමං

හෙතුපච්චයො

26. අනිදස්සනං ධම්මං පච්චයා අනිදස්සනො ධම්මො උප්පජ්ජති හෙතුපච්චයා – අනිදස්සනං ¶ එකං ඛන්ධං පච්චයා තයො ඛන්ධා අනිදස්සනං චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… ඛන්ධෙ පච්චයා වත්ථු, වත්ථුං පච්චයා ඛන්ධා; එකං මහාභූතං පච්චයා…පෙ… මහාභූතෙ පච්චයා අනිදස්සනං චිත්තසමුට්ඨානං රූපං කටත්තාරූපං උපාදාරූපං, වත්ථුං පච්චයා අනිදස්සනා ඛන්ධා (ඉතරෙපි ද්වෙ පඤ්හා කාතබ්බා).

ආරම්මණපච්චයො

27. අනිදස්සනං ධම්මං පච්චයා අනිදස්සනො ධම්මො උප්පජ්ජති ආරම්මණපච්චයා – අනිදස්සනං එකං ඛන්ධං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… වත්ථුං පච්චයා ඛන්ධා, චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා අනිදස්සනා ඛන්ධා (සංඛිත්තං).

28. හෙතුයා තීණි, ආරම්මණෙ එකං, අධිපතියා තීණි…පෙ… අවිගතෙ ¶ තීණි.

අනුලොමං.

2. පච්චයපච්චනීයං

නහෙතුපච්චයො

29. අනිදස්සනං ¶ ධම්මං පච්චයා අනිදස්සනො ධම්මො උප්පජ්ජති නහෙතුපච්චයා – අහෙතුකං අනිදස්සනං එකං ඛන්ධං පච්චයා තයො ඛන්ධා අනිදස්සනං චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… (යාව අසඤ්ඤසත්තා) චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා අහෙතුකා අනිදස්සනා ඛන්ධා, විචිකිච්ඡාසහගතෙ උද්ධච්චසහගතෙ ඛන්ධෙ ච වත්ථුඤ්ච පච්චයා විචිකිච්ඡාසහගතො උද්ධච්චසහගතො මොහො (ඉතරෙපි ද්වෙ කාතබ්බා. සංඛිත්තං).

30. නහෙතුයා තීණි, නආරම්මණෙ තීණි…පෙ… නොවිගතෙ තීණි.

පච්චනීයං.

3. පච්චයානුලොමපච්චනීයං

31. හෙතුපච්චයා ¶ නආරම්මණෙ තීණි…පෙ… නකම්මෙ එකං…පෙ… නවිප්පයුත්තෙ එකං, නොනත්ථියා තීණි, නොවිගතෙ තීණි.

අනුලොමපච්චනීයං.

4. පච්චයපච්චනීයානුලොමං

32. නහෙතුපච්චයා ආරම්මණෙ එකං…පෙ… මග්ගෙ එකං…පෙ… අවිගතෙ තීණි.

පච්චනීයානුලොමං.

4. නිස්සයවාරො

(නිස්සයවාරොපි එවං කාතබ්බො.)

5. සංසට්ඨවාරො

1. පච්චයානුලොමං

33. අනිදස්සනං ධම්මං සංසට්ඨො අනිදස්සනො ධම්මො උප්පජ්ජති හෙතුපච්චයා ¶ – අනිදස්සනං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ….

අනිදස්සනං ¶ ¶ ධම්මං සංසට්ඨො අනිදස්සනො ධම්මො උප්පජ්ජති ආරම්මණපච්චයා (එවං සබ්බං සප්පච්චයගණනාහි සද්ධිං කාතබ්බං).

6. සම්පයුත්තවාරො

(සම්පයුත්තවාරොපි සංසට්ඨවාරසදිසො).

7. පඤ්හාවාරො

1. පච්චයානුලොමං

1. විභඞ්ගවාරො

හෙතුපච්චයො

34. අනිදස්සනො ධම්මො අනිදස්සනස්ස ධම්මස්ස හෙතුපච්චයෙන පච්චයො – අනිදස්සනා හෙතූ සම්පයුත්තකානං ඛන්ධානං අනිදස්සනානං චිත්තසමුට්ඨානානඤ්ච රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (1)

අනිදස්සනො ධම්මො සනිදස්සනස්ස ධම්මස්ස හෙතුපච්චයෙන පච්චයො – අනිදස්සනා හෙතූ සනිදස්සනානං චිත්තසමුට්ඨානානං රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (2)

අනිදස්සනො ධම්මො සනිදස්සනස්ස ච අනිදස්සනස්ස ච ධම්මස්ස හෙතුපච්චයෙන පච්චයො – අනිදස්සනා හෙතූ සම්පයුත්තකානං ඛන්ධානං සනිදස්සනානඤ්ච අනිදස්සනානඤ්ච චිත්තසමුට්ඨානානඤ්ච රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (3)

ආරම්මණපච්චයො

35. සනිදස්සනො ¶ ධම්මො අනිදස්සනස්ස ධම්මස්ස ආරම්මණපච්චයෙන පච්චයො – සනිදස්සනං රූපං අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා රූපං පස්සති, රූපායතනං චක්ඛුවිඤ්ඤාණස්ස ආරම්මණපච්චයෙන පච්චයො; සනිදස්සනා ඛන්ධා ඉද්ධිවිධඤාණස්ස, පුබ්බෙනිවාසානුස්සතිඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන ¶ පච්චයො. (1)

අනිදස්සනො ධම්මො අනිදස්සනස්ස ධම්මස්ස ආරම්මණපච්චයෙන පච්චයො – දානං දත්වා සීලං…පෙ… උපොසථකම්මං කත්වා තං පච්චවෙක්ඛති, පුබ්බෙ සුචිණ්ණානි පච්චවෙක්ඛති, ඣානා වුට්ඨහිත්වා…පෙ… අරියා මග්ගා වුට්ඨහිත්වා මග්ගං පච්චවෙක්ඛන්ති, ඵලං ¶ පච්චවෙක්ඛන්ති, නිබ්බානං පච්චවෙක්ඛන්ති; නිබ්බානං ගොත්රභුස්ස, වොදානස්ස, මග්ගස්ස, ඵලස්ස, ආවජ්ජනාය ආරම්මණපච්චයෙන පච්චයො; අරියා පහීනෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ…පෙ… පුබ්බෙ…පෙ… චක්ඛුං…පෙ… කායං… සද්දෙ…පෙ… වත්ථුං අනිදස්සනෙ ඛන්ධෙ අනිච්චතො…පෙ… දොමනස්සං උප්පජ්ජති; දිබ්බාය සොතධාතුයා සද්දං සුණාති, චෙතොපරියඤාණෙන අනිදස්සනචිත්තසමඞ්ගිස්ස චිත්තං ජානාති, ආකාසානඤ්චායතනං විඤ්ඤාණඤ්චායතනස්ස…පෙ… ආකිඤ්චඤ්ඤායතනං නෙවසඤ්ඤානාසඤ්ඤායතනස්ස…පෙ… සද්දායතනං සොතවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස…පෙ… අනිදස්සනා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (1)

අධිපතිපච්චයො

36. සනිදස්සනො ධම්මො අනිදස්සනස්ස ධම්මස්ස අධිපතිපච්චයෙන පච්චයො. ආරම්මණාධිපති – සනිදස්සනං රූපං ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති. (1)

අනිදස්සනො ධම්මො අනිදස්සනස්ස ධම්මස්ස අධිපතිපච්චයෙන පච්චයො ¶ – ආරම්මණාධිපති, සහජාතාධිපති. ආරම්මණාධිපති – දානං දත්වා සීලං…පෙ… උපොසථකම්මං කත්වා ¶ තං ගරුං කත්වා පච්චවෙක්ඛති, පුබ්බෙ සුචිණ්ණානි…පෙ… ඣානා වුට්ඨහිත්වා…පෙ… අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති, ඵලං ගරුං කත්වා පච්චවෙක්ඛන්ති, නිබ්බානං ගරුං කත්වා පච්චවෙක්ඛන්ති; නිබ්බානං ගොත්රභුස්ස, වොදානස්ස, මග්ගස්ස, ඵලස්ස අධිපතිපච්චයෙන පච්චයො; චක්ඛුං…පෙ… වත්ථුං අනිදස්සනෙ ඛන්ධෙ ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති. සහජාතාධිපති – අනිදස්සනාධිපති සම්පයුත්තකානං ඛන්ධානං අනිදස්සනානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (1)

අනිදස්සනො ධම්මො සනිදස්සනස්ස ධම්මස්ස අධිපතිපච්චයෙන පච්චයො. සහජාතාධිපති – අනිදස්සනාධිපති සනිදස්සනානං චිත්තසමුට්ඨානානං රූපානං අධිපතිපච්චයෙන පච්චයො. (2)

අනිදස්සනො ධම්මො සනිදස්සනස්ස ච අනිදස්සනස්ස ච ධම්මස්ස අධිපතිපච්චයෙන පච්චයො. සහජාතාධිපති – අනිදස්සනාධිපති සම්පයුත්තකානං ඛන්ධානං ¶ සනිදස්සනානඤ්ච අනිදස්සනානඤ්ච චිත්තසමුට්ඨානානඤ්ච රූපානං අධිපතිපච්චයෙන පච්චයො. (3)

අනන්තරපච්චයො

37. අනිදස්සනො ධම්මො අනිදස්සනස්ස ධම්මස්ස අනන්තරපච්චයෙන පච්චයො – පුරිමා පුරිමා අනිදස්සනා ඛන්ධා පච්ඡිමානං පච්ඡිමානං අනිදස්සනානං ඛන්ධානං අනන්තරපච්චයෙන පච්චයො; අනුලොමං ගොත්රභුස්ස…පෙ… ගොත්රභු මග්ගස්ස…පෙ… නෙවසඤ්ඤානාසඤ්ඤායතනං ඵලසමාපත්තියා අනන්තරපච්චයෙන පච්චයො. (1)

සමනන්තරපච්චයාදි

38. අනිදස්සනො ¶ ධම්මො අනිදස්සනස්ස ධම්මස්ස සමනන්තරපච්චයෙන පච්චයො… සහජාතපච්චයෙන පච්චයො… තීණි… අඤ්ඤමඤ්ඤපච්චයෙන පච්චයො… එකං… නිස්සයපච්චයෙන පච්චයො… තීණි.

උපනිස්සයපච්චයො

39. සනිදස්සනො ¶ ධම්මො අනිදස්සනස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, පකතූපනිස්සයො…පෙ…. පකතූපනිස්සයො – වණ්ණසම්පදං පත්ථයමානො දානං…පෙ… සීලං…පෙ… උපොසථකම්මං කරොති, වණ්ණසම්පදා සද්ධාය…පෙ… පත්ථනාය… කායිකස්ස සුඛස්ස, කායිකස්ස දුක්ඛස්ස, මග්ගස්ස, ඵලසමාපත්තියා උපනිස්සයපච්චයෙන පච්චයො. (1)

අනිදස්සනො ධම්මො අනිදස්සනස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධං උපනිස්සාය දානං දෙති…පෙ… සමාපත්තිං උප්පාදෙති, මානං ජප්පෙති, දිට්ඨිං ගණ්හාති; සීලං…පෙ… සෙනාසනං උපනිස්සාය දානං දෙති…පෙ… සඞ්ඝං භින්දති; සද්ධා…පෙ… සෙනාසනං සද්ධාය…පෙ… ඵලසමාපත්තියා උපනිස්සයපච්චයෙන පච්චයො. (1)

පුරෙජාතපච්චයො

40. සනිදස්සනො ධම්මො අනිදස්සනස්ස ධම්මස්ස පුරෙජාතපච්චයෙන පච්චයො – සනිදස්සනං රූපං අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා ¶ රූපං පස්සති, රූපායතනං චක්ඛුවිඤ්ඤාණස්ස පුරෙජාතපච්චයෙන පච්චයො. (1)

අනිදස්සනො ධම්මො අනිදස්සනස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අනිච්චතො…පෙ… දොමනස්සං ¶ උප්පජ්ජති, දිබ්බාය සොතධාතුයා සද්දං සුණාති, සද්දායතනං සොතවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස පුරෙජාතපච්චයෙන පච්චයො. වත්ථුපුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස…පෙ… වත්ථු අනිදස්සනානං ඛන්ධානං පුරෙජාතපච්චයෙන පච්චයො. (1)

සනිදස්සනො ච අනිදස්සනො ච ධම්මා අනිදස්සනස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. රූපායතනඤ්ච වත්ථු ච අනිදස්සනානං ඛන්ධානං පුරෙජාතපච්චයෙන ¶ පච්චයො; රූපායතනඤ්ච චක්ඛායතනඤ්ච චක්ඛුවිඤ්ඤාණස්ස පුරෙජාතපච්චයෙන පච්චයො. (1)

පච්ඡාජාතපච්චයො

41. අනිදස්සනො ධම්මො අනිදස්සනස්ස ධම්මස්ස පච්ඡාජාතපච්චයෙන පච්චයො – පච්ඡාජාතා අනිදස්සනා ඛන්ධා පුරෙජාතස්ස ඉමස්ස අනිදස්සනස්ස කායස්ස පච්ඡාජාතපච්චයෙන පච්චයො. (1)

අනිදස්සනො ධම්මො සනිදස්සනස්ස ධම්මස්ස පච්ඡාජාතපච්චයෙන පච්චයො – පච්ඡාජාතා අනිදස්සනා ඛන්ධා පුරෙජාතස්ස ඉමස්ස සනිදස්සනස්ස කායස්ස පච්ඡාජාතපච්චයෙන පච්චයො. (2)

අනිදස්සනො ධම්මො සනිදස්සනස්ස ච අනිදස්සනස්ස ච ධම්මස්ස පච්ඡාජාතපච්චයෙන පච්චයො – පච්ඡාජාතා අනිදස්සනා ඛන්ධා පුරෙජාතස්ස ඉමස්ස සනිදස්සනස්ස ච අනිදස්සනස්ස ච කායස්ස පච්ඡාජාතපච්චයෙන පච්චයො. (3)

ආසෙවනපච්චයො

42. අනිදස්සනො ධම්මො අනිදස්සනස්ස ධම්මස්ස ආසෙවනපච්චයෙන පච්චයො – පුරිමා පුරිමා අනිදස්සනා ඛන්ධා පච්ඡිමානං පච්ඡිමානං අනිදස්සනානං ඛන්ධානං…පෙ… අනුලොමං ගොත්රභුස්ස… අනුලොමං වොදානස්ස… ගොත්රභු මග්ගස්ස… වොදානං මග්ගස්ස ආසෙවනපච්චයෙන පච්චයො. (1)

කම්මපච්චයො

43. අනිදස්සනො ¶ ¶ ධම්මො අනිදස්සනස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – අනිදස්සනා චෙතනා සම්පයුත්තකානං ඛන්ධානං අනිදස්සනානඤ්ච චිත්තසමුට්ඨානානං රූපානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – අනිදස්සනා ¶ චෙතනා විපාකානං ඛන්ධානං අනිදස්සනානඤ්ච කටත්තාරූපානං කම්මපච්චයෙන පච්චයො. (1)

අනිදස්සනො ධම්මො සනිදස්සනස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා (විත්ථාරෙතබ්බං). (2)

අනිදස්සනො ධම්මො සනිදස්සනස්ස ච අනිදස්සනස්ස ච ධම්මස්ස කම්මපච්චයෙන පච්චයො – සහජාතා, නානාක්ඛණිකා (විත්ථාරෙතබ්බං). (3)

විපාකපච්චයාදි

44. අනිදස්සනො ධම්මො අනිදස්සනස්ස ධම්මස්ස විපාකපච්චයෙන පච්චයො… තීණි… ආහාරපච්චයෙන පච්චයො… තීණි (තීසුපි කබළීකාරො ආහාරො කාතබ්බො)… ඉන්ද්රියපච්චයෙන පච්චයො… තීණි (තීසුපි රූපජීවිතින්ද්රියං)… ඣානපච්චයෙන පච්චයො… තීණි… මග්ගපච්චයෙන පච්චයො… තීණි… සම්පයුත්තපච්චයෙන පච්චයො… එකං.

විප්පයුත්තපච්චයො

45. අනිදස්සනො ධම්මො අනිදස්සනස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං, පච්ඡාජාතං. සහජාතා – අනිදස්සනා ඛන්ධා අනිදස්සනානං චිත්තසමුට්ඨානානං රූපානං විප්පයුත්තපච්චයෙන පච්චයො; පටිසන්ධික්ඛණෙ අනිදස්සනා ඛන්ධා අනිදස්සනානං කටත්තාරූපානං විප්පයුත්තපච්චයෙන පච්චයො; ඛන්ධා වත්ථුස්ස විප්පයුත්තපච්චයෙන පච්චයො, වත්ථු ඛන්ධානං විප්පයුත්තපච්චයෙන පච්චයො ¶ . පුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස…පෙ… වත්ථු අනිදස්සනානං ඛන්ධානං විප්පයුත්තපච්චයෙන පච්චයො. පච්ඡාජාතා – අනිදස්සනා ඛන්ධා පුරෙජාතස්ස ඉමස්ස අනිදස්සනස්ස කායස්ස විප්පයුත්තපච්චයෙන පච්චයො. (1)

අනිදස්සනො ධම්මො සනිදස්සනස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – අනිදස්සනා ඛන්ධා සනිදස්සනානං චිත්තසමුට්ඨානානං ¶ රූපානං විප්පයුත්තපච්චයෙන ¶ පච්චයො; පටිසන්ධික්ඛණෙ…පෙ…. පච්ඡාජාතා – අනිදස්සනා ඛන්ධා පුරෙජාතස්ස ඉමස්ස සනිදස්සනස්ස කායස්ස විප්පයුත්තපච්චයෙන පච්චයො. (2)

අනිදස්සනො ධම්මො සනිදස්සනස්ස ච අනිදස්සනස්ස ච ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – අනිදස්සනා ඛන්ධා සනිදස්සනානඤ්ච අනිදස්සනානඤ්ච චිත්තසමුට්ඨානානං රූපානං විප්පයුත්තපච්චයෙන පච්චයො; පටිසන්ධික්ඛණෙ…පෙ…. පච්ඡාජාතා – අනිදස්සනා ඛන්ධා පුරෙජාතස්ස ඉමස්ස සනිදස්සනස්ස ච අනිදස්සනස්ස ච කායස්ස විප්පයුත්තපච්චයෙන පච්චයො. (3)

අත්ථිපච්චයාදි

46. සනිදස්සනො ධම්මො අනිදස්සනස්ස ධම්මස්ස අත්ථිපච්චයෙන පච්චයො – සනිදස්සනං රූපං අනිච්චතො…පෙ… දොමනස්සං උප්පජ්ජති, දිබ්බෙන චක්ඛුනා රූපං පස්සති, රූපායතනං චක්ඛුවිඤ්ඤාණස්ස අත්ථිපච්චයෙන පච්චයො. (1)

අනිදස්සනො ධම්මො අනිදස්සනස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්රියං. සහජාතො – අනිදස්සනො ¶ එකො ඛන්ධො තිණ්ණන්නං ඛන්ධානං අනිදස්සනානඤ්ච චිත්තසමුට්ඨානානං රූපානං අත්ථිපච්චයෙන පච්චයො…පෙ… ද්වෙ ඛන්ධෙ…පෙ… (සංඛිත්තං. යාව අසඤ්ඤසත්තා). පුරෙජාතං – චක්ඛුං…පෙ… වත්ථුං අනිච්චතො…පෙ… දොමනස්සං උප්පජ්ජති, දිබ්බාය සොතධාතුයා සද්දං සුණාති, සද්දායතනං සොතවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස…පෙ… චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස…පෙ… වත්ථු අනිදස්සනානං ඛන්ධානං අත්ථිපච්චයෙන පච්චයො. පච්ඡාජාතා – අනිදස්සනා ඛන්ධා පුරෙජාතස්ස ඉමස්ස අනිදස්සනස්ස කායස්ස අත්ථිපච්චයෙන පච්චයො; කබළීකාරො ආහාරො ඉමස්ස අනිදස්සනස්ස කායස්ස අත්ථිපච්චයෙන පච්චයො; රූපජීවිතින්ද්රියං අනිදස්සනානං කටත්තාරූපානං අත්ථිපච්චයෙන පච්චයො. (1)

අනිදස්සනො ධම්මො සනිදස්සනස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං, ආහාරං, ඉන්ද්රියං. සහජාතා – අනිදස්සනා ඛන්ධා සනිදස්සනානං චිත්තසමුට්ඨානානං රූපානං ¶ අත්ථිපච්චයෙන පච්චයො; පටිසන්ධික්ඛණෙ…පෙ… මහාභූතා සනිදස්සනානං චිත්තසමුට්ඨානානං රූපානං කටත්තාරූපානං ¶ උපාදාරූපානං අත්ථිපච්චයෙන පච්චයො…පෙ… බාහිරා… ආහාරසමුට්ඨානා… උතුසමුට්ඨානා… අසඤ්ඤසත්තානං මහාභූතා සනිදස්සනානං කටත්තාරූපානං, උපාදාරූපානං අත්ථිපච්චයෙන පච්චයො. පච්ඡාජාතා – අනිදස්සනා ඛන්ධා පුරෙජාතස්ස ඉමස්ස සනිදස්සනස්ස කායස්ස අත්ථිපච්චයෙන පච්චයො; කබළීකාරො ආහාරො ඉමස්ස සනිදස්සනස්ස කායස්ස අත්ථිපච්චයෙන පච්චයො; රූපජීවිතින්ද්රියං සනිදස්සනානං ¶ කටත්තාරූපානං අත්ථිපච්චයෙන පච්චයො. (2)

අනිදස්සනො ධම්මො සනිදස්සනස්ස ච අනිදස්සනස්ස ච ධම්මස්ස අත්ථිපච්චයෙන පච්චයො – සහජාතං, පච්ඡාජාතං, ආහාරං, ඉන්ද්රියං. සහජාතො – අනිදස්සනො එකො ඛන්ධො තිණ්ණන්නං ඛන්ධානං සනිදස්සනානඤ්ච අනිදස්සනානඤ්ච චිත්තසමුට්ඨානානං රූපානං අත්ථිපච්චයෙන පච්චයො…පෙ… ද්වෙ ඛන්ධා…පෙ… පටිසන්ධික්ඛණෙ…පෙ… මහාභූතා සනිදස්සනානඤ්ච අනිදස්සනානඤ්ච චිත්තසමුට්ඨානානං රූපානං, කටත්තාරූපානං, උපාදාරූපානං අත්ථිපච්චයෙන පච්චයො; බාහිරා… ආහාරසමුට්ඨානා… උතුසමුට්ඨානා… අසඤ්ඤසත්තානං මහාභූතා සනිදස්සනානඤ්ච අනිදස්සනානඤ්ච කටත්තාරූපානං උපාදාරූපානං අත්ථිපච්චයෙන පච්චයො. (3)

47. සනිදස්සනො ච අනිදස්සනො ච ධම්මා අනිදස්සනස්ස ධම්මස්ස අත්ථිපච්චයෙන පච්චයො. පුරෙජාතං – රූපායතනඤ්ච වත්ථු ච අනිදස්සනානං ඛන්ධානං අත්ථිපච්චයෙන පච්චයො; රූපායතනඤ්ච චක්ඛායතනඤ්ච චක්ඛුවිඤ්ඤාණස්ස අත්ථිපච්චයෙන පච්චයො.

නත්ථිපච්චයෙන පච්චයො… විගතපච්චයෙන පච්චයො… අවිගතපච්චයෙන පච්චයො.

1. පච්චයානුලොමං

2. සඞ්ඛ්යාවාරො

සුද්ධං

48. හෙතුයා තීණි, ආරම්මණෙ ද්වෙ, අධිපතියා චත්තාරි, අනන්තරෙ එකං, සමනන්තරෙ එකං ¶ , සහජාතෙ තීණි, අඤ්ඤමඤ්ඤෙ එකං, නිස්සයෙ තීණි, උපනිස්සයෙ ද්වෙ, පුරෙජාතෙ තීණි, පච්ඡාජාතෙ තීණි, ආසෙවනෙ එකං, කම්මෙ තීණි, විපාකෙ තීණි, ආහාරෙ තීණි, ඉන්ද්රියෙ ¶ තීණි, ඣානෙ තීණි, මග්ගෙ තීණි, සම්පයුත්තෙ ¶ එකං, විප්පයුත්තෙ තීණි, අත්ථියා පඤ්ච, නත්ථියා එකං, විගතෙ එකං, අවිගතෙ පඤ්ච (එවං ගණෙතබ්බං).

අනුලොමං.

පච්චනීයුද්ධාරො

49. සනිදස්සනො ධම්මො අනිදස්සනස්ස ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො. (1)

අනිදස්සනො ධම්මො අනිදස්සනස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො… ආහාරපච්චයෙන පච්චයො… ඉන්ද්රියපච්චයෙන පච්චයො. (1)

අනිදස්සනො ධම්මො සනිදස්සනස්ස ධම්මස්ස සහජාතපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො… ආහාරපච්චයෙන පච්චයො… ඉන්ද්රියපච්චයෙන පච්චයො. (2)

අනිදස්සනො ධම්මො සනිදස්සනස්ස ච අනිදස්සනස්ස ච ධම්මස්ස සහජාතපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො… ආහාරපච්චයෙන පච්චයො… ඉන්ද්රියපච්චයෙන පච්චයො. (3)

සනිදස්සනො ච අනිදස්සනො ච ධම්මා අනිදස්සනස්ස ධම්මස්ස පුරෙජාතපච්චයෙන පච්චයො. (1)

2. පච්චයපච්චනීයං

2. සඞ්ඛ්යාවාරො

සුද්ධං

50. නහෙතුයා ¶ පඤ්ච, නආරම්මණෙ චත්තාරි, නඅධිපතියා පඤ්ච, නඅනන්තරෙ පඤ්ච, නසමනන්තරෙ පඤ්ච, නසහජාතෙ පඤ්ච, නඅඤ්ඤමඤ්ඤෙ පඤ්ච, නනිස්සයෙ චත්තාරි, නඋපනිස්සයෙ පඤ්ච, නපුරෙජාතෙ ¶ චත්තාරි, නපච්ඡාජාතෙ පඤ්ච (සබ්බත්ථ පඤ්ච), නසම්පයුත්තෙ පඤ්ච, නවිප්පයුත්තෙ චත්තාරි, නොඅත්ථියා චත්තාරි, නොනත්ථියා පඤ්ච, නොවිගතෙ පඤ්ච, නොඅවිගතෙ චත්තාරි.

පච්චනීයං.

3. පච්චයානුලොමපච්චනීයං

හෙතුදුකං

51. හෙතුපච්චයා ¶ නආරම්මණෙ තීණි, නඅධිපතියා තීණි, නඅනන්තරෙ තීණි, නසමනන්තරෙ තීණි, නඅඤ්ඤමඤ්ඤෙ තීණි, නඋපනිස්සයෙ තීණි…පෙ… නසම්පයුත්තෙ තීණි, නවිප්පයුත්තෙ එකං, නොනත්ථියා තීණි, නොවිගතෙ තීණි.

අනුලොමපච්චනීයං.

4. පච්චයපච්චනීයානුලොමං

නහෙතුදුකං

52. නහෙතුපච්චයා ¶ ආරම්මණෙ ද්වෙ, අධිපතියා චත්තාරි, අනන්තරෙ එකං, සමනන්තරෙ එකං, සහජාතෙ තීණි, අඤ්ඤමඤ්ඤෙ එකං, නිස්සයෙ තීණි, උපනිස්සයෙ ද්වෙ, පුරෙජාතෙ තීණි, පච්ඡාජාතෙ තීණි, ආසෙවනෙ එකං, කම්මෙ තීණි…පෙ… මග්ගෙ තීණි, සම්පයුත්තෙ එකං, විප්පයුත්තෙ තීණි, අත්ථියා පඤ්ච, නත්ථියා එකං, විගතෙ එකං, අවිගතෙ පඤ්ච.

පච්චනීයානුලොමං.

සනිදස්සනදුකං නිට්ඨිතං.

10. සප්පටිඝදුකං

1. පටිච්චවාරො

1. පච්චයානුලොමං

1. විභඞ්ගවාරො

හෙතුපච්චයො

53. සප්පටිඝං ¶ ¶ ධම්මං පටිච්ච සප්පටිඝො ධම්මො උප්පජ්ජති හෙතුපච්චයා – සප්පටිඝං එකං මහාභූතං පටිච්ච ද්වෙ මහාභූතා, ද්වෙ මහාභූතෙ පටිච්ච එකං මහාභූතං ¶ , සප්පටිඝෙ මහාභූතෙ පටිච්ච සප්පටිඝං චිත්තසමුට්ඨානං රූපං, කටත්තාරූපං, උපාදාරූපං, ඵොට්ඨබ්බායතනං පටිච්ච චක්ඛායතනං…පෙ… රසායතනං. (1)

සප්පටිඝං ධම්මං පටිච්ච අප්පටිඝො ධම්මො උප්පජ්ජති හෙතුපච්චයා – සප්පටිඝෙ මහාභූතෙ පටිච්ච ආපොධාතු, සප්පටිඝෙ මහාභූතෙ පටිච්ච අප්පටිඝං චිත්තසමුට්ඨානං රූපං, කටත්තාරූපං, උපාදාරූපං, ඵොට්ඨබ්බායතනං පටිච්ච ආපොධාතු ඉත්ථින්ද්රියං…පෙ… කබළීකාරො ආහාරො. (2)

සප්පටිඝං ධම්මං පටිච්ච සප්පටිඝො ච අප්පටිඝො ච ධම්මා උප්පජ්ජන්ති හෙතුපච්චයා – සප්පටිඝං එකං මහාභූතං පටිච්ච ද්වෙ මහාභූතා ආපොධාතු ච, ද්වෙ මහාභූතෙ…පෙ… සප්පටිඝෙ මහාභූතෙ පටිච්ච සප්පටිඝඤ්ච අප්පටිඝඤ්ච චිත්තසමුට්ඨානං රූපං, කටත්තාරූපං, උපාදාරූපං, ඵොට්ඨබ්බායතනං ¶ පටිච්ච චක්ඛායතනං…පෙ… රසායතනං ආපොධාතු ඉත්ථින්ද්රියං…පෙ… කබළීකාරො ආහාරො. (3)

54. අප්පටිඝං ධම්මං පටිච්ච අප්පටිඝො ධම්මො උප්පජ්ජති හෙතුපච්චයා – අප්පටිඝං එකං ඛන්ධං පටිච්ච තයො ඛන්ධා අප්පටිඝං චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා ¶ , ආපොධාතුං පටිච්ච අප්පටිඝං චිත්තසමුට්ඨානං රූපං, කටත්තාරූපං, උපාදාරූපං, ආපොධාතුං පටිච්ච ඉත්ථින්ද්රියං…පෙ… කබළීකාරො ආහාරො. (1)

අප්පටිඝං ධම්මං පටිච්ච සප්පටිඝො ධම්මො උප්පජ්ජති හෙතුපච්චයා – අප්පටිඝෙ ඛන්ධෙ පටිච්ච සප්පටිඝං චිත්තසමුට්ඨානං රූපං; පටිසන්ධික්ඛණෙ…පෙ… ආපොධාතුං පටිච්ච සප්පටිඝා මහාභූතා, ආපොධාතුං පටිච්ච සප්පටිඝං චිත්තසමුට්ඨානං රූපං, කටත්තාරූපං, උපාදාරූපං, ආපොධාතුං පටිච්ච චක්ඛායතනං…පෙ… ඵොට්ඨබ්බායතනං. (2)

අප්පටිඝං ධම්මං පටිච්ච සප්පටිඝො ච අප්පටිඝො ච ධම්මා උප්පජ්ජන්ති හෙතුපච්චයා – අප්පටිඝං එකං ඛන්ධං පටිච්ච තයො ඛන්ධා සප්පටිඝඤ්ච අප්පටිඝඤ්ච චිත්තසමුට්ඨානං රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… ආපොධාතුං පටිච්ච සප්පටිඝඤ්ච අප්පටිඝඤ්ච චිත්තසමුට්ඨානං රූපං, කටත්තාරූපං, උපාදාරූපං, ආපොධාතුං පටිච්ච චක්ඛායතනං…පෙ… ඵොට්ඨබ්බායතනං, ඉත්ථින්ද්රියං…පෙ… කබළීකාරො ආහාරො. (3)

55. සප්පටිඝඤ්ච ¶ අප්පටිඝඤ්ච ධම්මං පටිච්ච සප්පටිඝො ධම්මො උප්පජ්ජති හෙතුපච්චයා – අප්පටිඝෙ ඛන්ධෙ ච මහාභූතෙ ච පටිච්ච සප්පටිඝං චිත්තසමුට්ඨානං රූපං; පටිසන්ධික්ඛණෙ…පෙ… සප්පටිඝං එකං මහාභූතඤ්ච ආපොධාතුඤ්ච පටිච්ච ද්වෙ මහාභූතා…පෙ… සප්පටිඝෙ මහාභූතෙ ච ආපොධාතුඤ්ච පටිච්ච සප්පටිඝං චිත්තසමුට්ඨානං රූපං, කටත්තාරූපං, උපාදාරූපං, ඵොට්ඨබ්බායතනඤ්ච ආපොධාතුඤ්ච පටිච්ච චක්ඛායතනං…පෙ…. (1)

සප්පටිඝඤ්ච අප්පටිඝඤ්ච ධම්මං පටිච්ච අප්පටිඝො ධම්මො උප්පජ්ජති හෙතුපච්චයා – අප්පටිඝෙ ඛන්ධෙ ච මහාභූතෙ ¶ ච පටිච්ච අප්පටිඝං චිත්තසමුට්ඨානං රූපං; පටිසන්ධික්ඛණෙ අප්පටිඝෙ ¶ ඛන්ධෙ ච මහාභූතෙ ච පටිච්ච අප්පටිඝං කටත්තාරූපං, ඵොට්ඨබ්බායතනඤ්ච ආපොධාතුඤ්ච පටිච්ච අප්පටිඝං චිත්තසමුට්ඨානං රූපං, කටත්තාරූපං, උපාදාරූපං, ඵොට්ඨබ්බායතනඤ්ච ආපොධාතුඤ්ච පටිච්ච ඉත්ථින්ද්රියං…පෙ… කබළීකාරො ආහාරො. (2)

සප්පටිඝඤ්ච අප්පටිඝඤ්ච ධම්මං පටිච්ච සප්පටිඝො ච අප්පටිඝො ච ධම්මා උප්පජ්ජන්ති හෙතුපච්චයා – අප්පටිඝෙ ඛන්ධෙ ච මහාභූතෙ ච පටිච්ච සප්පටිඝඤ්ච අප්පටිඝඤ්ච චිත්තසමුට්ඨානං රූපං; පටිසන්ධික්ඛණෙ…පෙ… අප්පටිඝෙ ඛන්ධෙ ච මහාභූතෙ ච පටිච්ච සප්පටිඝඤ්ච අප්පටිඝඤ්ච කටත්තාරූපං, ඵොට්ඨබ්බායතනඤ්ච ආපොධාතුඤ්ච පටිච්ච සප්පටිඝඤ්ච අප්පටිඝඤ්ච චිත්තසමුට්ඨානං රූපං, කටත්තාරූපං, උපාදාරූපං, ඵොට්ඨබ්බායතනඤ්ච ආපොධාතුඤ්ච පටිච්ච චක්ඛායතනං…පෙ… රසායතනං, ඉත්ථින්ද්රියං…පෙ… කබළීකාරො ආහාරො. (3)

ආරම්මණපච්චයො

56. අප්පටිඝං ධම්මං පටිච්ච අප්පටිඝො ධම්මො උප්පජ්ජති ආරම්මණපච්චයා – අප්පටිඝං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… වත්ථුං පටිච්ච ඛන්ධා.

අධිපතිපච්චයාදි

57. සප්පටිඝං ධම්මං පටිච්ච අප්පටිඝො ධම්මො උප්පජ්ජති අධිපතිපච්චයා (පටිසන්ධි වජ්ජෙතබ්බා, කටත්තාරූපා ච)… අනන්තරපච්චයා… සමනන්තරපච්චයා… සහජාතපච්චයා (සබ්බෙ මහාභූතා කාතබ්බා)… අඤ්ඤමඤ්ඤපච්චයා – සප්පටිඝං එකං මහාභූතං පටිච්ච ද්වෙ මහාභූතා, ද්වෙ මහාභූතෙ…පෙ…. (1)

සප්පටිඝං ¶ ධම්මං පටිච්ච ¶ අප්පටිඝො ධම්මො උප්පජ්ජති අඤ්ඤමඤ්ඤපච්චයා – සප්පටිඝෙ මහාභූතෙ පටිච්ච ආපොධාතු…පෙ…. (2)

සප්පටිඝං ධම්මං පටිච්ච සප්පටිඝො ච අප්පටිඝො ච ධම්මා උප්පජ්ජන්ති අඤ්ඤමඤ්ඤපච්චයා ¶ – සප්පටිඝං එකං මහාභූතං පටිච්ච ද්වෙ මහාභූතා ආපොධාතු ච, ද්වෙ මහාභූතෙ…පෙ…. (3)

58. අප්පටිඝං ධම්මං පටිච්ච අප්පටිඝො ධම්මො උප්පජ්ජති අඤ්ඤමඤ්ඤපච්චයා – අප්පටිඝං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා. (1)

අප්පටිඝං ධම්මං පටිච්ච සප්පටිඝො ධම්මො උප්පජ්ජති අඤ්ඤමඤ්ඤපච්චයා – ආපොධාතුං පටිච්ච සප්පටිඝා මහාභූතා (ඉමෙ අජ්ඣත්තිකබාහිරා මහාභූතා කාතබ්බා). (2)

සප්පටිඝඤ්ච අප්පටිඝඤ්ච ධම්මං පටිච්ච සප්පටිඝො ධම්මො උප්පජ්ජති අඤ්ඤමඤ්ඤපච්චයා – සප්පටිඝං එකං මහාභූතඤ්ච ආපොධාතුඤ්ච පටිච්ච ද්වෙ මහාභූතා…පෙ… නිස්සයපච්චයා…පෙ… අවිගතපච්චයා.

1. පච්චයානුලොමං

2. සඞ්ඛ්යාවාරො

සුද්ධං

59. හෙතුයා නව, ආරම්මණෙ එකං, අධිපතියා නව, අනන්තරෙ එකං, සමනන්තරෙ එකං, සහජාතෙ නව, අඤ්ඤමඤ්ඤෙ ඡ, නිස්සයෙ නව, උපනිස්සයෙ එකං, පුරෙජාතෙ එකං, ආසෙවනෙ එකං, කම්මෙ නව, විපාකෙ නව, ආහාරෙ නව, ඉන්ද්රියෙ නව, ඣානෙ නව, මග්ගෙ නව, සම්පයුත්තෙ එකං, විප්පයුත්තෙ නව, අත්ථියා නව, නත්ථියා එකං, විගතෙ එකං, අවිගතෙ නව.

අනුලොමං.

2. පච්චයපච්චනීයං

1. විභඞ්ගවාරො

නහෙතුපච්චයො

60. සප්පටිඝං ¶ ¶ ¶ ධම්මං පටිච්ච සප්පටිඝො ධම්මො උප්පජ්ජති නහෙතුපච්චයා… තීණි.

අප්පටිඝං ධම්මං පටිච්ච අප්පටිඝො ධම්මො උප්පජ්ජති නහෙතුපච්චයා – අහෙතුකං අප්පටිඝං එකං ඛන්ධං පටිච්ච තයො ඛන්ධා අප්පටිඝං චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා, ආපොධාතුං පටිච්ච අප්පටිඝං චිත්තසමුට්ඨානං රූපං, කටත්තාරූපං, උපාදාරූපං, ආපොධාතුං පටිච්ච ඉත්ථින්ද්රියං…පෙ… කබළීකාරො ආහාරො… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං… ආපොධාතුං පටිච්ච අප්පටිඝං කටත්තාරූපං උපාදාරූපං; විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (1)

(අප්පටිඝමූලකං ඉතරෙපි ද්වෙ පඤ්හා කාතබ්බා. ඝටනෙපි තීණි පඤ්හා කාතබ්බා. අජ්ඣත්තිකා බාහිරා මහාභූතා සබ්බෙ ජානිත්වා කාතබ්බා.)

නආරම්මණපච්චයාදි

61. සප්පටිඝං ධම්මං පටිච්ච සප්පටිඝො ධම්මො උප්පජ්ජති නආරම්මණපච්චයා (සබ්බං සංඛිත්තං)… නොවිගතපච්චයා.

2. පච්චයපච්චනීයං

2. සඞ්ඛ්යාවාරො

සුද්ධං

62. නහෙතුයා නව, නආරම්මණෙ නව, නඅධිපතියා නව, නඅනන්තරෙ නව, නසමනන්තරෙ නව, නඅඤ්ඤමඤ්ඤෙ නව, නඋපනිස්සයෙ නව, නපුරෙජාතෙ නව, නපච්ඡාජාතෙ නව, නආසෙවනෙ ¶ නව, නකම්මෙ නව, නවිපාකෙ නව, නආහාරෙ නව, නඉන්ද්රියෙ නව, නඣානෙ නව, නමග්ගෙ නව, නසම්පයුත්තෙ නව, නවිප්පයුත්තෙ ¶ නව, නොනත්ථියා නව, නොවිගතෙ නව.

පච්චනීයං.

3. පච්චයානුලොමපච්චනීයං

හෙතුදුකං

63. හෙතුපච්චයා ¶ නආරම්මණෙ නව, නඅධිපතියා නව, නඅනන්තරෙ නව, නසමනන්තරෙ නව, නඅඤ්ඤමඤ්ඤෙ නව, නඋපනිස්සයෙ නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ එකං, නවිපාකෙ නව, නසම්පයුත්තෙ නව, නවිප්පයුත්තෙ එකං, නොනත්ථියා නව, නොවිගතෙ නව.

අනුලොමපච්චනීයං.

4. පච්චයපච්චනීයානුලොමං

නහෙතුදුකං

64. නහෙතුපච්චයා ආරම්මණෙ එකං, අනන්තරෙ එකං, සමනන්තරෙ එකං, සහජාතෙ නව, අඤ්ඤමඤ්ඤෙ ඡ, නිස්සයෙ නව, උපනිස්සයෙ එකං, පුරෙජාතෙ එකං, ආසෙවනෙ එකං, කම්මෙ නව…පෙ… මග්ගෙ එකං, සම්පයුත්තෙ එකං, විප්පයුත්තෙ නව, අත්ථියා නව, නත්ථියා එකං, විගතෙ එකං, අවිගතෙ නව.

පච්චනීයානුලොමං.

2. සහජාතවාරො

(සහජාතවාරොපි ¶ පටිච්චවාරසදිසො.)

3. පච්චයවාරො

1. පච්චයානුලොමං

1. විභඞ්ගවාරො

හෙතුපච්චයො

65. සප්පටිඝං ධම්මං පච්චයා සප්පටිඝො ධම්මො උප්පජ්ජති හෙතුපච්චයා… තීණි.

අප්පටිඝං ¶ ධම්මං පච්චයා අප්පටිඝො ධම්මො උප්පජ්ජති හෙතුපච්චයා – අප්පටිඝං එකං ඛන්ධං පච්චයා තයො ඛන්ධා අප්පටිඝං චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ ¶ …පෙ… ආපොධාතුං පච්චයා අප්පටිඝං චිත්තසමුට්ඨානං රූපං, කටත්තාරූපං, උපාදාරූපං, ආපොධාතුං පච්චයා ඉත්ථින්ද්රියං…පෙ… කබළීකාරො ආහාරො, වත්ථුං පච්චයා අප්පටිඝා ඛන්ධා. (1)

(අවසෙසා පඤ්ච පඤ්හා පටිච්චවාරසදිසා.)

ආරම්මණපච්චයාදි

66. සප්පටිඝං ධම්මං පච්චයා අප්පටිඝො ධම්මො උප්පජ්ජති ආරම්මණපච්චයා – චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං. (1)

අප්පටිඝං ධම්මං පච්චයා අප්පටිඝො ධම්මො උප්පජ්ජති ආරම්මණපච්චයා – අප්පටිඝං එකං ඛන්ධං ¶ පච්චයා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… වත්ථුං පච්චයා අප්පටිඝා ඛන්ධා. (1)

සප්පටිඝඤ්ච අප්පටිඝඤ්ච ධම්මං පච්චයා අප්පටිඝො ධම්මො උප්පජ්ජති ආරම්මණපච්චයා – චක්ඛුවිඤ්ඤාණසහගතං එකං ඛන්ධඤ්ච චක්ඛායතනඤ්ච පච්චයා තයො ඛන්ධා…පෙ… කායවිඤ්ඤාණසහගතං එකං ඛන්ධඤ්ච කායායතනඤ්ච පච්චයා තයො ඛන්ධා…පෙ… අධිපතිපච්චයා… (සංඛිත්තං) අවිගතපච්චයා.

1. පච්චයානුලොමං

2. සඞ්ඛ්යාවාරො

සුද්ධං

67. හෙතුයා නව, ආරම්මණෙ තීණි, අධිපතියා නව, අනන්තරෙ තීණි, සමනන්තරෙ තීණි, සහජාතෙ නව, අඤ්ඤමඤ්ඤෙ ඡ, නිස්සයෙ නව, උපනිස්සයෙ තීණි, පුරෙජාතෙ තීණි, ආසෙවනෙ එකං, කම්මෙ නව…පෙ… අවිගතෙ නව (එවං පච්චනීයගණනාපි කාතබ්බා).

4. නිස්සයවාරො

(නිස්සයවාරොපි පච්චයවාරසදිසො.)

5. සංසට්ඨවාරො

(සංසට්ඨවාරෙපි සබ්බත්ථ එකං, සංඛිත්තං ¶ . අවිගතපච්චයා, එකායෙව පඤ්හා. ද්වෙපි වාරා කාතබ්බා.)

7. පඤ්හාවාරො

1. පච්චයානුලොමං

1. විභඞ්ගවාරො

හෙතුපච්චයො

68. අප්පටිඝො ¶ ¶ ධම්මො අප්පටිඝස්ස ධම්මස්ස හෙතුපච්චයෙන පච්චයො – අප්පටිඝා හෙතූ සම්පයුත්තකානං ඛන්ධානං අප්පටිඝානඤ්ච චිත්තසමුට්ඨානානං රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (1)

අප්පටිඝො ධම්මො සප්පටිඝස්ස ධම්මස්ස හෙතුපච්චයෙන පච්චයො – අප්පටිඝා හෙතූ සප්පටිඝානං චිත්තසමුට්ඨානානං රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (2)

අප්පටිඝො ධම්මො සප්පටිඝස්ස ච අප්පටිඝස්ස ච ධම්මස්ස හෙතුපච්චයෙන පච්චයො – අප්පටිඝා හෙතූ සම්පයුත්තකානං ඛන්ධානං සප්පටිඝානඤ්ච අප්පටිඝානඤ්ච චිත්තසමුට්ඨානානං රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (3)

ආරම්මණපච්චයො

69. සප්පටිඝො ධම්මො අප්පටිඝස්ස ධම්මස්ස ආරම්මණපච්චයෙන පච්චයො – චක්ඛුං…පෙ… ඵොට්ඨබ්බෙ අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති. රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස…පෙ… සප්පටිඝා ඛන්ධා ඉද්ධිවිධඤාණස්ස, පුබ්බෙනිවාසානුස්සතිඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (1)

අප්පටිඝො ධම්මො අප්පටිඝස්ස ධම්මස්ස ආරම්මණපච්චයෙන පච්චයො – දානං…පෙ… සීලං…පෙ… උපොසථකම්මං කත්වා තං ¶ පච්චවෙක්ඛති, පුබ්බෙ සුචිණ්ණානි පච්චවෙක්ඛති, ඣානා වුට්ඨහිත්වා ¶ ඣානං පච්චවෙක්ඛති, අරියා මග්ගා වුට්ඨහිත්වා මග්ගං පච්චවෙක්ඛන්ති, ඵලං පච්චවෙක්ඛන්ති, නිබ්බානං පච්චවෙක්ඛන්ති; නිබ්බානං ගොත්රභුස්ස, වොදානස්ස, මග්ගස්ස, ඵලස්ස, ආවජ්ජනාය ආරම්මණපච්චයෙන පච්චයො; අරියා පහීනෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ පච්චවෙක්ඛන්ති, පුබ්බෙ සමුදාචිණ්ණෙ කිලෙසෙ ජානන්ති; වත්ථුං…පෙ… ඉත්ථින්ද්රියං… පුරිසින්ද්රියං… ජීවිතින්ද්රියං… ආපොධාතුං, කබළීකාරං ආහාරං අනිච්චතො…පෙ… දොමනස්සං උප්පජ්ජති; චෙතොපරියඤාණෙන අප්පටිඝචිත්තසමඞ්ගිස්ස චිත්තං ජානාති, ආකාසානඤ්චායතනං ¶ විඤ්ඤාණඤ්චායතනස්ස…පෙ… ආකිඤ්චඤ්ඤායතනං නෙවසඤ්ඤානාසඤ්ඤායතනස්ස…පෙ… අප්පටිඝා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (1)

අධිපතිපච්චයො

70. සප්පටිඝො ධම්මො අප්පටිඝස්ස ධම්මස්ස අධිපතිපච්චයෙන පච්චයො. ආරම්මණාධිපති – චක්ඛුං…පෙ… ඵොට්ඨබ්බෙ ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති. (1)

අප්පටිඝො ධම්මො අප්පටිඝස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං…පෙ… සීලං…පෙ… උපොසථකම්මං කත්වා තං ගරුං කත්වා පච්චවෙක්ඛති, පුබ්බෙ සුචිණ්ණානි ගරුං කත්වා පච්චවෙක්ඛති, ඣානා වුට්ඨහිත්වා ඣානං ගරුං කත්වා පච්චවෙක්ඛති, අරියා මග්ගා වුට්ඨහිත්වා මග්ගං ¶ ගරුං කත්වා පච්චවෙක්ඛන්ති, ඵලං ගරුං කත්වා පච්චවෙක්ඛන්ති, නිබ්බානං ගරුං කත්වා පච්චවෙක්ඛන්ති; නිබ්බානං ගොත්රභුස්ස, වොදානස්ස, මග්ගස්ස, ඵලස්ස අධිපතිපච්චයෙන පච්චයො; වත්ථුං…පෙ… ඉත්ථින්ද්රියං… පුරිසින්ද්රියං… ජීවිතින්ද්රියං… ආපොධාතුං, කබළීකාරං ආහාරං ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති. සහජාතාධිපති – අප්පටිඝාධිපති සම්පයුත්තකානං ඛන්ධානං අප්පටිඝානඤ්ච චිත්තසමුට්ඨානානං රූපානං අධිපතිපච්චයෙන පච්චයො. (1)

අප්පටිඝො ¶ ධම්මො සප්පටිඝස්ස ධම්මස්ස අධිපතිපච්චයෙන පච්චයො. සහජාතාධිපති – අප්පටිඝාධිපති සප්පටිඝානං චිත්තසමුට්ඨානානං රූපානං අධිපතිපච්චයෙන පච්චයො. (1)

අප්පටිඝො ධම්මො සප්පටිඝස්ස ච අප්පටිඝස්ස ච ධම්මස්ස අධිපතිපච්චයෙන පච්චයො. සහජාතාධිපති – අප්පටිඝාධිපති සම්පයුත්තකානං ඛන්ධානං සප්පටිඝානඤ්ච අප්පටිඝානඤ්ච චිත්තසමුට්ඨානානං රූපානං අධිපතිපච්චයෙන පච්චයො. (3)

අනන්තරපච්චයො

71. අප්පටිඝො ධම්මො අප්පටිඝස්ස ධම්මස්ස අනන්තරපච්චයෙන පච්චයො – පුරිමා පුරිමා අප්පටිඝා ඛන්ධා…පෙ… ඵලසමාපත්තියා අනන්තරපච්චයෙන පච්චයො.

සමනන්තරපච්චයො

72. අප්පටිඝො ¶ ධම්මො අප්පටිඝස්ස ධම්මස්ස සමනන්තරපච්චයෙන පච්චයො…පෙ….

සහජාතපච්චයාදි

73. සප්පටිඝො ධම්මො සප්පටිඝස්ස ධම්මස්ස සහජාතපච්චයෙන පච්චයො… නව… අඤ්ඤමඤ්ඤපච්චයෙන පච්චයො… ඡ… නිස්සයපච්චයෙන පච්චයො… නව.

උපනිස්සයපච්චයො

74. සප්පටිඝො ¶ ධම්මො අප්පටිඝස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, පකතූපනිස්සයො…පෙ…. පකතූපනිස්සයො – උතුං, සෙනාසනං උපනිස්සාය දානං දෙති…පෙ… සඞ්ඝං භින්දති; උතු, සෙනාසනං සද්ධාය…පෙ… ඵලසමාපත්තියා උපනිස්සයපච්චයෙන පච්චයො. (1)

අප්පටිඝො ධම්මො අප්පටිඝස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො ¶ , අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධං උපනිස්සාය දානං දෙති…පෙ… දිට්ඨිං ගණ්හාති; සීලං…පෙ… කායිකං සුඛං, කායිකං දුක්ඛං, භොජනං උපනිස්සාය දානං දෙති…පෙ… සඞ්ඝං භින්දති; සද්ධා…පෙ… භොජනං සද්ධාය…පෙ… ඵලසමාපත්තියා උපනිස්සයපච්චයෙන පච්චයො. (1)

පුරෙජාතපච්චයො

75. සප්පටිඝො ධම්මො අප්පටිඝස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… ඵොට්ඨබ්බෙ අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස පුරෙජාතපච්චයෙන පච්චයො. වත්ථුපුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස පුරෙජාතපච්චයෙන පච්චයො. (1)

අප්පටිඝො ධම්මො අප්පටිඝස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – වත්ථුං…පෙ… ඉත්ථින්ද්රියං, පුරිසින්ද්රියං ¶ , ජීවිතින්ද්රියං, ආපොධාතුං, කබළීකාරං ආහාරං අනිච්චතො ¶ …පෙ… දොමනස්සං උප්පජ්ජති. වත්ථුපුරෙජාතං – වත්ථු අප්පටිඝානං ඛන්ධානං පුරෙජාතපච්චයෙන පච්චයො. (1)

සප්පටිඝො ච අප්පටිඝො ච ධම්මා අප්පටිඝස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. චක්ඛායතනඤ්ච වත්ථු ච…පෙ… ඵොට්ඨබ්බායතනඤ්ච වත්ථු ච අප්පටිඝානං ඛන්ධානං පුරෙජාතපච්චයෙන පච්චයො. (1)

පච්ඡාජාතපච්චයො

76. අප්පටිඝො ධම්මො අප්පටිඝස්ස ධම්මස්ස පච්ඡාජාතපච්චයෙන පච්චයො – පච්ඡාජාතා අප්පටිඝා ඛන්ධා පුරෙජාතස්ස ඉමස්ස අප්පටිඝස්ස කායස්ස පච්ඡාජාතපච්චයෙන පච්චයො. (මූලං කාතබ්බං) පච්ඡාජාතා අප්පටිඝා ඛන්ධා පුරෙජාතස්ස ඉමස්ස සප්පටිඝස්ස කායස්ස පච්ඡාජාතපච්චයෙන පච්චයො. (මූලං කාතබ්බං) පච්ඡාජාතා අප්පටිඝා ඛන්ධා පුරෙජාතස්ස ඉමස්ස ¶ සප්පටිඝස්ස ච අප්පටිඝස්ස ච කායස්ස පච්ඡාජාතපච්චයෙන පච්චයො (ද්වින්නම්පි මූලා කාතබ්බා). (3)

ආසෙවනපච්චයො

77. අප්පටිඝො ධම්මො අප්පටිඝස්ස ධම්මස්ස ආසෙවනපච්චයෙන පච්චයො – පුරිමා පුරිමා අප්පටිඝා ඛන්ධා…පෙ… වොදානං මග්ගස්ස ආසෙවනපච්චයෙන පච්චයො. (1)

කම්මපච්චයො

78. අප්පටිඝො ධම්මො අප්පටිඝස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – අප්පටිඝා චෙතනා සම්පයුත්තකානං ඛන්ධානං අප්පටිඝානඤ්ච චිත්තසමුට්ඨානානං රූපානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – අප්පටිඝා චෙතනා විපාකානං ඛන්ධානං ¶ අප්පටිඝානඤ්ච කටත්තාරූපානං කම්මපච්චයෙන පච්චයො. (1)

අප්පටිඝො ධම්මො සප්පටිඝස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – අප්පටිඝා චෙතනා සප්පටිඝානං චිත්තසමුට්ඨානානං රූපානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – අප්පටිඝා චෙතනා සප්පටිඝානං කටත්තාරූපානං කම්මපච්චයෙන පච්චයො. (2)

අප්පටිඝො ¶ ධම්මො සප්පටිඝස්ස ච අප්පටිඝස්ස ච ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – අප්පටිඝා චෙතනා සම්පයුත්තකානං ඛන්ධානං සප්පටිඝානඤ්ච අප්පටිඝානඤ්ච චිත්තසමුට්ඨානානං රූපානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – අප්පටිඝා චෙතනා විපාකානං ඛන්ධානං සප්පටිඝානඤ්ච අප්පටිඝානඤ්ච කටත්තාරූපානං කම්මපච්චයෙන පච්චයො. (3)

විපාකපච්චයො

79. අප්පටිඝො ¶ ධම්මො අප්පටිඝස්ස ධම්මස්ස විපාකපච්චයෙන පච්චයො – විපාකො අප්පටිඝො…පෙ… තීණි.

ආහාරපච්චයො

80. අප්පටිඝො ධම්මො අප්පටිඝස්ස ධම්මස්ස ආහාරපච්චයෙන පච්චයො – අප්පටිඝා ආහාරා සම්පයුත්තකානං ඛන්ධානං අප්පටිඝානඤ්ච චිත්තසමුට්ඨානානං රූපානං ආහාරපච්චයෙන පච්චයො; පටිසන්ධික්ඛණෙ…පෙ… කබළීකාරො ආහාරො ඉමස්ස අප්පටිඝස්ස කායස්ස ආහාරපච්චයෙන පච්චයො (අවසෙසා ද්වෙපි පඤ්හා කාතබ්බා, පටිසන්ධි කබළීකාරො ආහාරො ද්වීසුපි කාතබ්බො අග්ගෙ). (3)

ඉන්ද්රියපච්චයාදි

81. සප්පටිඝො ධම්මො අප්පටිඝස්ස ධම්මස්ස ඉන්ද්රියපච්චයෙන පච්චයො – චක්ඛුන්ද්රියං චක්ඛුවිඤ්ඤාණස්ස…පෙ… කායින්ද්රියං කායවිඤ්ඤාණස්ස ඉන්ද්රියපච්චයෙන පච්චයො. (1)

අප්පටිඝො ධම්මො අප්පටිඝස්ස ධම්මස්ස ඉන්ද්රියපච්චයෙන පච්චයො… තීණි (තීසුපි ජීවිතින්ද්රියං අග්ගෙ කාතබ්බං) ¶ . (3)

සප්පටිඝො ච අප්පටිඝො ච ධම්මා අප්පටිඝස්ස ධම්මස්ස ඉන්ද්රියපච්චයෙන පච්චයො – චක්ඛුන්ද්රියඤ්ච චක්ඛුවිඤ්ඤාණඤ්ච චක්ඛුවිඤ්ඤාණසහගතානං ඛන්ධානං ඉන්ද්රියපච්චයෙන පච්චයො…පෙ… කායින්ද්රියඤ්ච කායවිඤ්ඤාණඤ්ච කායවිඤ්ඤාණසහගතානං ඛන්ධානං ඉන්ද්රියපච්චයෙන පච්චයො… ඣානපච්චයෙන පච්චයො… තීණි… මග්ගපච්චයෙන පච්චයො… තීණි… සම්පයුත්තපච්චයෙන පච්චයො… එකං.

විප්පයුත්තපච්චයො

82. සප්පටිඝො ¶ ¶ ධම්මො අප්පටිඝස්ස ධම්මස්ස විප්පයුත්තපච්චයෙන පච්චයො. පුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස විප්පයුත්තපච්චයෙන පච්චයො. (1)

අප්පටිඝො ධම්මො අප්පටිඝස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං, පච්ඡාජාතං. සහජාතා – අප්පටිඝා ඛන්ධා අප්පටිඝානං චිත්තසමුට්ඨානානං රූපානං විප්පයුත්තපච්චයෙන පච්චයො; පටිසන්ධික්ඛණෙ…පෙ… ඛන්ධා වත්ථුස්ස විප්පයුත්තපච්චයෙන පච්චයො, වත්ථු ඛන්ධානං විප්පයුත්තපච්චයෙන පච්චයො. පුරෙජාතං – වත්ථු අප්පටිඝානං ඛන්ධානං විප්පයුත්තපච්චයෙන පච්චයො. පච්ඡාජාතා – අප්පටිඝා ඛන්ධා පුරෙජාතස්ස ඉමස්ස අප්පටිඝස්ස කායස්ස විප්පයුත්තපච්චයෙන පච්චයො. (1)

අප්පටිඝො ධම්මො සප්පටිඝස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – අප්පටිඝා ඛන්ධා සප්පටිඝානං චිත්තසමුට්ඨානානං රූපානං විප්පයුත්තපච්චයෙන පච්චයො; පටිසන්ධික්ඛණෙ…පෙ…. පච්ඡාජාතා – අප්පටිඝා ඛන්ධා පුරෙජාතස්ස ඉමස්ස සප්පටිඝස්ස කායස්ස විප්පයුත්තපච්චයෙන පච්චයො. (2)

අප්පටිඝො ධම්මො සප්පටිඝස්ස ච අප්පටිඝස්ස ච ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – අප්පටිඝා ඛන්ධා සප්පටිඝානඤ්ච අප්පටිඝානඤ්ච චිත්තසමුට්ඨානානං රූපානං විප්පයුත්තපච්චයෙන පච්චයො; පටිසන්ධික්ඛණෙ ¶ …පෙ…. පච්ඡාජාතා – අප්පටිඝා ඛන්ධා පුරෙජාතස්ස ඉමස්ස සප්පටිඝස්ස ච අප්පටිඝස්ස ච කායස්ස විප්පයුත්තපච්චයෙන පච්චයො. (3)

අත්ථිපච්චයො

83. සප්පටිඝො ධම්මො සප්පටිඝස්ස ධම්මස්ස අත්ථිපච්චයෙන පච්චයො… එකං (පටිච්චසදිසා පඨමපඤ්හා). (1)

සප්පටිඝො ¶ ධම්මො අප්පටිඝස්ස ධම්මස්ස අත්ථිපච්චයෙන පච්චයො සහජාතං, පුරෙජාතං. සහජාතා – සප්පටිඝා මහාභූතා ආපොධාතුයා අත්ථිපච්චයෙන පච්චයො, සප්පටිඝා මහාභූතා අප්පටිඝානං චිත්තසමුට්ඨානානං රූපානං කටත්තාරූපානං උපාදාරූපානං අත්ථිපච්චයෙන පච්චයො; ඵොට්ඨබ්බායතනං ඉත්ථින්ද්රියස්ස…පෙ… කබළීකාරස්ස ආහාරස්ස අත්ථිපච්චයෙන පච්චයො ¶ ; බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ…. පුරෙජාතං – චක්ඛුං…පෙ… ඵොට්ඨබ්බෙ අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, රූපායතනඤ්ච චක්ඛායතනඤ්ච චක්ඛුවිඤ්ඤාණස්ස…පෙ… ඵොට්ඨබ්බායතනඤ්ච කායායතනඤ්ච කායවිඤ්ඤාණස්ස අත්ථිපච්චයෙන පච්චයො ¶ . (2)

සප්පටිඝො ධම්මො සප්පටිඝස්ස ච අප්පටිඝස්ස ච ධම්මස්ස අත්ථිපච්චයෙන පච්චයො – සප්පටිඝං එකං මහාභූතං ද්වින්නං මහාභූතානං ආපොධාතුයා ච අත්ථිපච්චයෙන පච්චයො…පෙ… (පටිච්චසදිසං යාව අසඤ්ඤසත්තා). (3)

84. අප්පටිඝො ධම්මො අප්පටිඝස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්රියං. සහජාතො – අප්පටිඝො එකො ඛන්ධො තිණ්ණන්නං ඛන්ධානං…පෙ… (යාව අසඤ්ඤසත්තා). පුරෙජාතං – වත්ථුං…පෙ… ඉත්ථින්ද්රියං… පුරිසින්ද්රියං… ජීවිතින්ද්රියං… ආපොධාතුං… කබළීකාරං ආහාරං අනිච්චතො…පෙ… දොමනස්සං උප්පජ්ජති; වත්ථු අප්පටිඝානං ඛන්ධානං අත්ථිපච්චයෙන පච්චයො. පච්ඡාජාතා – අප්පටිඝා ඛන්ධා පුරෙජාතස්ස ඉමස්ස අප්පටිඝස්ස කායස්ස අත්ථිපච්චයෙන පච්චයො; කබළීකාරො ආහාරො ඉමස්ස අප්පටිඝස්ස කායස්ස අත්ථිපච්චයෙන පච්චයො; රූපජීවිතින්ද්රියං අප්පටිඝානං කටත්තාරූපානං අත්ථිපච්චයෙන පච්චයො. (1)

අප්පටිඝො ධම්මො සප්පටිඝස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං, ආහාරං, ඉන්ද්රියං. සහජාතා – අප්පටිඝා ඛන්ධා සප්පටිඝානං චිත්තසමුට්ඨානානං රූපානං අත්ථිපච්චයෙන පච්චයො; පටිසන්ධික්ඛණෙ…පෙ… ආපොධාතු සප්පටිඝානං මහාභූතානං අත්ථිපච්චයෙන පච්චයො; ආපොධාතු සප්පටිඝානං චිත්තසමුට්ඨානානං රූපානං කටත්තාරූපානං උපාදාරූපානං අත්ථිපච්චයෙන පච්චයො; ආපොධාතු චක්ඛායතනස්ස…පෙ… ඵොට්ඨබ්බායතනස්ස අත්ථිපච්චයෙන ¶ පච්චයො; බාහිරං, ආහාරසමුට්ඨානං, උතුසමුට්ඨානං, අසඤ්ඤසත්තානං…පෙ…. පච්ඡාජාතා – අප්පටිඝා ¶ ඛන්ධා පුරෙජාතස්ස ඉමස්ස සප්පටිඝස්ස කායස්ස අත්ථිපච්චයෙන පච්චයො; කබළීකාරො ආහාරො ඉමස්ස සප්පටිඝස්ස කායස්ස අත්ථිපච්චයෙන පච්චයො; රූපජීවිතින්ද්රියං සප්පටිඝානං කටත්තාරූපානං අත්ථිපච්චයෙන පච්චයො. (2)

අප්පටිඝො ධම්මො සප්පටිඝස්ස ච අප්පටිඝස්ස ච ධම්මස්ස අත්ථිපච්චයෙන පච්චයො – සහජාතං, පච්ඡාජාතං, ආහාරං, ඉන්ද්රියං. සහජාතො – අප්පටිඝො ¶ එකො ඛන්ධො තිණ්ණන්නං ඛන්ධානං සප්පටිඝානඤ්ච අප්පටිඝානඤ්ච…පෙ… (පටිච්චසදිසං යාව අසඤ්ඤසත්තා). පච්ඡාජාතා – අප්පටිඝා ඛන්ධා පුරෙජාතස්ස ඉමස්ස සප්පටිඝස්ස ච අප්පටිඝස්ස ච කායස්ස අත්ථිපච්චයෙන පච්චයො; කබළීකාරො ආහාරො ඉමස්ස සප්පටිඝස්ස ච අප්පටිඝස්ස ච කායස්ස අත්ථිපච්චයෙන පච්චයො; රූපජීවිතින්ද්රියං සප්පටිඝානඤ්ච අප්පටිඝානඤ්ච කටත්තාරූපානං අත්ථිපච්චයෙන පච්චයො. (3)

85. සප්පටිඝො ච අප්පටිඝො ච ධම්මා සප්පටිඝස්ස ධම්මස්ස අත්ථිපච්චයෙන පච්චයො (පටිච්චසදිසං යාව අසඤ්ඤසත්තා). (1)

සප්පටිඝො ච අප්පටිඝො ච ධම්මා අප්පටිඝස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතා – අප්පටිඝා ඛන්ධා ච මහාභූතා ච අප්පටිඝානං චිත්තසමුට්ඨානානං රූපානං…පෙ… (පටිච්චසදිසං යාව අසඤ්ඤසත්තා). සහජාතො – චක්ඛුවිඤ්ඤාණසහගතො එකො ඛන්ධො ච චක්ඛායතනඤ්ච තිණ්ණන්නං ඛන්ධානං…පෙ… ද්වෙ ඛන්ධා ච…පෙ… කායවිඤ්ඤාණසහගතො එකො ඛන්ධො ච කායායතනඤ්ච තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ¶ ඛන්ධා ච…පෙ…. (2)

සප්පටිඝො ච අප්පටිඝො ච ධම්මා සප්පටිඝස්ස ච අප්පටිඝස්ස ච ධම්මස්ස අත්ථිපච්චයෙන පච්චයො (පටිච්චසදිසං). (3)

1. පච්චයානුලොමං

2. සඞ්ඛ්යාවාරො

සුද්ධං

86. හෙතුයා ¶ තීණි, ආරම්මණෙ ද්වෙ, අධිපතියා චත්තාරි, අනන්තරෙ එකං, සමනන්තරෙ එකං, සහජාතෙ නව, අඤ්ඤමඤ්ඤෙ ඡ, නිස්සයෙ නව, උපනිස්සයෙ ද්වෙ, පුරෙජාතෙ තීණි, පච්ඡාජාතෙ තීණි, ආසෙවනෙ එකං, කම්මෙ තීණි, විපාකෙ තීණි, ආහාරෙ තීණි, ඉන්ද්රියෙ පඤ්ච, ඣානෙ තීණි, මග්ගෙ තීණි, සම්පයුත්තෙ එකං, විප්පයුත්තෙ චත්තාරි, අත්ථියා නව, නත්ථියා එකං, විගතෙ එකං, අවිගතෙ නව (එවං ගණෙතබ්බං).

අනුලොමං.

2. පච්චනීයුද්ධාරො

87. සප්පටිඝො ¶ ධම්මො සප්පටිඝස්ස ධම්මස්ස සහජාතපච්චයෙන පච්චයො. (1)

සප්පටිඝො ධම්මො අප්පටිඝස්ස ධම්මස්ස ආරම්මණපච්චයෙන පච්චයො, සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (2)

සප්පටිඝො ධම්මො සප්පටිඝස්ස ච අප්පටිඝස්ස ච ධම්මස්ස සහජාතපච්චයෙන පච්චයො. (3)

88. අප්පටිඝො ධම්මො අප්පටිඝස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො… ආහාරපච්චයෙන පච්චයො… ඉන්ද්රියපච්චයෙන පච්චයො. (1)

අප්පටිඝො ¶ ධම්මො සප්පටිඝස්ස ධම්මස්ස සහජාතපච්චයෙන පච්චයො ¶ … පච්ඡාජාතපච්චයෙන පච්චයො… කම්මපච්චයෙන පච්චයො… ආහාරපච්චයෙන පච්චයො… ඉන්ද්රියපච්චයෙන පච්චයො. (2)

අප්පටිඝො ධම්මො සප්පටිඝස්ස ච අප්පටිඝස්ස ච ධම්මස්ස සහජාතපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො… ආහාරපච්චයෙන පච්චයො… ඉන්ද්රියපච්චයෙන පච්චයො. (3)

89. සප්පටිඝො ච අප්පටිඝො ච ධම්මා සප්පටිඝස්ස ධම්මස්ස සහජාතපච්චයෙන පච්චයො. (1)

සප්පටිඝො ච අප්පටිඝො ච ධම්මා අප්පටිඝස්ස ධම්මස්ස සහජාතං, පුරෙජාතං. (2)

සප්පටිඝො ච අප්පටිඝො ච ධම්මා සප්පටිඝස්ස ච අප්පටිඝස්ස ච ධම්මස්ස සහජාතපච්චයෙන පච්චයො. (3)

2. පච්චයපච්චනීයං

2. සඞ්ඛ්යාවාරො

සුද්ධං

90. නහෙතුයා ¶ නව…පෙ… නඅනන්තරෙ නව, නසමනන්තරෙ නව, නසහජාතෙ චත්තාරි, නඅඤ්ඤමඤ්ඤෙ නව, නනිස්සයෙ චත්තාරි, නඋපනිස්සයෙ නව, නපුරෙජාතෙ නව…පෙ… නසම්පයුත්තෙ නව, නවිප්පයුත්තෙ නව, නොඅත්ථියා චත්තාරි, නොනත්ථියා නව, නොවිගතෙ නව, නොඅවිගතෙ චත්තාරි.

පච්චනීයං.

3. පච්චයානුලොමපච්චනීයං

හෙතුදුකං

91. හෙතුපච්චයා ¶ නආරම්මණෙ තීණි…පෙ… නඅනන්තරෙ තීණි, නඅඤ්ඤමඤ්ඤෙ තීණි, නඋපනිස්සයෙ තීණි…පෙ… නසම්පයුත්තෙ තීණි, නවිප්පයුත්තෙ එකං, නොනත්ථියා තීණි, නොවිගතෙ තීණි.

අනුලොමපච්චනීයං.

4. පච්චයපච්චනීයානුලොමං

නහෙතුදුකං

92. නහෙතුපච්චයා ¶ ආරම්මණෙ ද්වෙ, අධිපතියා චත්තාරි (අනුලොමමාතිකා ගණෙතබ්බා), අවිගතෙ නව.

පච්චනීයානුලොමං.

සප්පටිඝදුකං නිට්ඨිතං.

11. රූපීදුකං

1. පටිච්චවාරො

1. පච්චයානුලොමං

1. විභඞ්ගවාරො

හෙතුපච්චයො

93. රූපිං ¶ ¶ ධම්මං පටිච්ච රූපී ධම්මො උප්පජ්ජති හෙතුපච්චයා – එකං මහාභූතං පටිච්ච තයො මහාභූතා…පෙ… ද්වෙ මහාභූතෙ…පෙ… මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං. (1)

රූපිං ධම්මං පටිච්ච අරූපී ධම්මො උප්පජ්ජති හෙතුපච්චයා – පටිසන්ධික්ඛණෙ වත්ථුං පටිච්ච අරූපිනො ඛන්ධා. (2)

රූපිං ධම්මං පටිච්ච රූපී ච අරූපී ච ධම්මා උප්පජ්ජන්ති හෙතුපච්චයා – පටිසන්ධික්ඛණෙ වත්ථුං පටිච්ච අරූපිනො ඛන්ධා, මහාභූතෙ පටිච්ච කටත්තාරූපං. (3)

94. අරූපිං ධම්මං පටිච්ච අරූපී ධම්මො උප්පජ්ජති හෙතුපච්චයා – අරූපිං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

අරූපිං ¶ ධම්මං පටිච්ච රූපී ධම්මො උප්පජ්ජති හෙතුපච්චයා – අරූපිනො ඛන්ධෙ පටිච්ච චිත්තසමුට්ඨානං රූපං; පටිසන්ධික්ඛණෙ…පෙ…. (2)

අරූපිං ධම්මං පටිච්ච රූපී ච අරූපී ච ධම්මා උප්පජ්ජන්ති හෙතුපච්චයා – අරූපිං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (3)

95. රූපිඤ්ච අරූපිඤ්ච ධම්මං පටිච්ච රූපී ධම්මො ¶ උප්පජ්ජති හෙතුපච්චයා – අරූපිනො ඛන්ධෙ ච මහාභූතෙ ච පටිච්ච චිත්තසමුට්ඨානං රූපං; පටිසන්ධික්ඛණෙ…පෙ…. (1)

රූපිඤ්ච අරූපිඤ්ච ධම්මං පටිච්ච අරූපී ධම්මො උප්පජ්ජති හෙතුපච්චයා – පටිසන්ධික්ඛණෙ අරූපිං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ…. (2)

රූපිඤ්ච අරූපිඤ්ච ධම්මං පටිච්ච රූපී ච අරූපී ච ධම්මා උප්පජ්ජන්ති හෙතුපච්චයා – පටිසන්ධික්ඛණෙ අරූපිං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ… අරූපිනො ඛන්ධෙ ච මහාභූතෙ ච පටිච්ච කටත්තාරූපං (සංඛිත්තං). (3)

1. පච්චයානුලොමං

2. සඞ්ඛ්යාවාරො

සුද්ධං

96. හෙතුයා ¶ නව, ආරම්මණෙ තීණි, අධිපතියා පඤ්ච, අනන්තරෙ තීණි, සමනන්තරෙ තීණි, සහජාතෙ නව, අඤ්ඤමඤ්ඤෙ ඡ, නිස්සයෙ නව, උපනිස්සයෙ තීණි, පුරෙජාතෙ එකං, ආසෙවනෙ එකං, කම්මෙ නව, විපාකෙ නව, ආහාරෙ නව, ඉන්ද්රියෙ නව, ඣානෙ නව, මග්ගෙ නව, සම්පයුත්තෙ තීණි, විප්පයුත්තෙ නව, අත්ථියා නව, නත්ථියා තීණි, විගතෙ තීණි, අවිගතෙ නව.

අනුලොමං.

2. පච්චයපච්චනීයං

1. විභඞ්ගවාරො

නහෙතුපච්චයො

97. රූපිං ¶ ධම්මං පටිච්ච රූපී ධම්මො උප්පජ්ජති නහෙතුපච්චයා… තීණි.

අරූපිං ධම්මං පටිච්ච අරූපී ධම්මො උප්පජ්ජති නහෙතුපච්චයා – අහෙතුකං අරූපිං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො (නහෙතුපච්චයා නව පඤ්හා, අහෙතුකන්ති ¶ නියාමෙතබ්බං).

2. පච්චයපච්චනීයං

2. සඞ්ඛ්යාවාරො

සුද්ධං

98. නහෙතුයා නව, නආරම්මණෙ තීණි, නඅධිපතියා නව, නඅනන්තරෙ තීණි, නසමනන්තරෙ තීණි, නඅඤ්ඤමඤ්ඤෙ තීණි, නඋපනිස්සයෙ තීණි, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ ද්වෙ, නවිපාකෙ පඤ්ච, නආහාරෙ එකං, නඉන්ද්රියෙ එකං, නඣානෙ ද්වෙ, නමග්ගෙ නව, නසම්පයුත්තෙ තීණි, නවිප්පයුත්තෙ ද්වෙ, නොනත්ථියා තීණි, නොවිගතෙ තීණි.

පච්චනීයං.

3. පච්චයානුලොමපච්චනීයං

හෙතුදුකං

99. හෙතුපච්චයා ¶ ¶ නආරම්මණෙ තීණි, නඅධිපතියා නව, නඅනන්තරෙ තීණි, නසමනන්තරෙ තීණි, නඅඤ්ඤමඤ්ඤෙ තීණි, නඋපනිස්සයෙ තීණි, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ එකං, නවිපාකෙ පඤ්ච, නසම්පයුත්තෙ තීණි, නවිප්පයුත්තෙ එකං, නොනත්ථියා තීණි, නොවිගතෙ තීණි.

අනුලොමපච්චනීයං.

4. පච්චයපච්චනීයානුලොමං

නහෙතුදුකං

100. නහෙතුපච්චයා ආරම්මණෙ තීණි, අනන්තරෙ තීණි, සමනන්තරෙ තීණි, සහජාතෙ නව, අඤ්ඤමඤ්ඤෙ ඡ, නිස්සයෙ නව, උපනිස්සයෙ තීණි, පුරෙජාතෙ එකං, ආසෙවනෙ එකං, කම්මෙ නව, විපාකෙ නව, ආහාරෙ නව, ඉන්ද්රියෙ නව, ඣානෙ නව, මග්ගෙ එකං, සම්පයුත්තෙ තීණි, විප්පයුත්තෙ නව, අත්ථියා නව, නත්ථියා තීණි, විගතෙ තීණි, අවිගතෙ නව.

පච්චනීයානුලොමං.

2. සහජාතවාරො

(සහජාතවාරොපි පටිච්චවාරසදිසො).

3. පච්චයවාරො

1. පච්චයානුලොමං

1. විභඞ්ගවාරො

හෙතුපච්චයො

101. රූපිං ¶ ¶ ධම්මං පච්චයා රූපී ධම්මො උප්පජ්ජති හෙතුපච්චයා – එකං මහාභූතං…පෙ… (පටිච්චසදිසං). (1)

රූපිං ¶ ධම්මං පච්චයා අරූපී ධම්මො උප්පජ්ජති හෙතුපච්චයා – වත්ථුං පච්චයා අරූපිනො ඛන්ධා; පටිසන්ධික්ඛණෙ…පෙ…. (2)

රූපිං ධම්මං පච්චයා රූපී ච අරූපී ච ධම්මා උප්පජ්ජන්ති හෙතුපච්චයා – වත්ථුං පච්චයා අරූපිනො ඛන්ධා, මහාභූතෙ පච්චයා චිත්තසමුට්ඨානං රූපං; පටිසන්ධික්ඛණෙ…පෙ… (එවං අවසෙසා පඤ්හා, පවත්තිපටිසන්ධි විභජිතබ්බා). (3)

ආරම්මණපච්චයො

102. රූපිං ධම්මං පච්චයා අරූපී ධම්මො උප්පජ්ජති ආරම්මණපච්චයා – චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා අරූපිනො ඛන්ධා; පටිසන්ධික්ඛණෙ…පෙ…. (1)

අරූපිං ධම්මං පච්චයා අරූපී ධම්මො උප්පජ්ජති ආරම්මණපච්චයා – අරූපිං එකං ඛන්ධං…පෙ… ද්වෙ ඛන්ධෙ…පෙ…. (2)

රූපිඤ්ච අරූපිඤ්ච ධම්මං පච්චයා අරූපී ධම්මො උප්පජ්ජති ආරම්මණපච්චයා – චක්ඛුවිඤ්ඤාණසහගතං එකං ඛන්ධඤ්ච චක්ඛායතනඤ්ච පච්චයා තයො ඛන්ධා…පෙ… ද්වෙ ඛන්ධෙ ¶ …පෙ… කායවිඤ්ඤාණසහගතං…පෙ… අරූපිං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… (සංඛිත්තං). (3)

1. පච්චයානුලොමං

2. සඞ්ඛ්යාවාරො

සුද්ධං

103. හෙතුයා නව, ආරම්මණෙ තීණි, අධිපතියා නව, අනන්තරෙ තීණි, සමනන්තරෙ තීණි, සහජාතෙ නව, අඤ්ඤමඤ්ඤෙ ඡ, නිස්සයෙ ¶ නව, උපනිස්සයෙ තීණි, පුරෙජාතෙ තීණි, ආසෙවනෙ තීණි, කම්මෙ නව…පෙ… මග්ගෙ නව, සම්පයුත්තෙ තීණි, විප්පයුත්තෙ නව, අත්ථියා නව, නත්ථියා තීණි, විගතෙ තීණි, අවිගතෙ නව.

අනුලොමං.

2. පච්චයපච්චනීයං

1. විභඞ්ගවාරො

නහෙතුපච්චයො

104. රූපිං ¶ ධම්මං පච්චයා රූපී ධම්මො උප්පජ්ජති නහෙතුපච්චයා – එකං මහාභූතං…පෙ… අසඤ්ඤසත්තානං එකං මහාභූතං…පෙ…. (1)

රූපිං ධම්මං පච්චයා අරූපී ධම්මො උප්පජ්ජති නහෙතුපච්චයා – චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා අහෙතුකා අරූපිනො ¶ ඛන්ධා; අහෙතුකපටිසන්ධික්ඛණෙ…පෙ… වත්ථුං පච්චයා විචිකිච්ඡාසහගතො උද්ධච්චසහගතො මොහො. (2)

රූපිං ධම්මං පච්චයා රූපී ච අරූපී ච ධම්මා උප්පජ්ජන්ති නහෙතුපච්චයා (පවත්තිපටිසන්ධි කාතබ්බා). (3)

105. අරූපිං ධම්මං පච්චයා අරූපී ධම්මො උප්පජ්ජති නහෙතුපච්චයා – අහෙතුකං අරූපිං එකං ඛන්ධං…පෙ… පටිසන්ධික්ඛණෙ…පෙ… විචිකිච්ඡාසහගතෙ උද්ධච්චසහගතෙ ඛන්ධෙ පච්චයා විචිකිච්ඡාසහගතො උද්ධච්චසහගතො මොහො. (1)

අරූපිං ධම්මං පච්චයා රූපී ධම්මො උප්පජ්ජති නහෙතුපච්චයා – අහෙතුකෙ අරූපිනො ඛන්ධෙ පච්චයා චිත්තසමුට්ඨානං රූපං; පටිසන්ධික්ඛණෙ…පෙ…. (2)

අරූපිං ධම්මං පච්චයා රූපී ච අරූපී ච ධම්මා උප්පජ්ජන්ති නහෙතුපච්චයා – අහෙතුකං අරූපිං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (3)

106. රූපිඤ්ච අරූපිඤ්ච ධම්මං පච්චයා රූපී ධම්මො උප්පජ්ජති නහෙතුපච්චයා – අහෙතුකෙ අරූපිනො ඛන්ධෙ ¶ ච මහාභූතෙ ච පච්චයා චිත්තසමුට්ඨානං රූපං; පටිසන්ධික්ඛණෙ…පෙ…. (1)

රූපිඤ්ච අරූපිඤ්ච ධම්මං පච්චයා අරූපී ධම්මො උප්පජ්ජති නහෙතුපච්චයා – චක්ඛුවිඤ්ඤාණසහගතං එකං ඛන්ධඤ්ච චක්ඛායතනඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… කායවිඤ්ඤාණසහගතං…පෙ… අරූපිං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… විචිකිච්ඡාසහගතෙ උද්ධච්චසහගතෙ ඛන්ධෙ ච වත්ථුඤ්ච පච්චයා විචිකිච්ඡාසහගතො උද්ධච්චසහගතො මොහො. (2)

රූපිඤ්ච ¶ අරූපිඤ්ච ධම්මං පච්චයා රූපී ච අරූපී ච ධම්මා උප්පජ්ජන්ති නහෙතුපච්චයා ¶ – අහෙතුකං අරූපිං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… අරූපිනො ඛන්ධෙ ච මහාභූතෙ ච පච්චයා චිත්තසමුට්ඨානං රූපං; පටිසන්ධික්ඛණෙ…පෙ…. (3)

2. පච්චයපච්චනීයං

2. සඞ්ඛ්යාවාරො

සුද්ධං

107. නහෙතුයා නව, නආරම්මණෙ තීණි, නඅධිපතියා නව, නඅනන්තරෙ තීණි, නසමනන්තරෙ තීණි, නඅඤ්ඤමඤ්ඤෙ තීණි, නඋපනිස්සයෙ තීණි, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ චත්තාරි, නවිපාකෙ නව, නආහාරෙ එකං, නඉන්ද්රියෙ එකං, නඣානෙ චත්තාරි, නමග්ගෙ නව, නසම්පයුත්තෙ තීණි, නවිප්පයුත්තෙ ද්වෙ, නොනත්ථියා තීණි, නොවිගතෙ තීණි.

පච්චනීයං.

3. පච්චයානුලොමපච්චනීයං

හෙතුදුකං

108. හෙතුපච්චයා නආරම්මණෙ තීණි (සංඛිත්තං, සබ්බෙ කාතබ්බා), නකම්මෙ තීණි, නවිපාකෙ නව, නසම්පයුත්තෙ තීණි, නවිප්පයුත්තෙ ¶ එකං, නොනත්ථියා තීණි, නොවිගතෙ තීණි.

අනුලොමපච්චනීයං.

4. පච්චයපච්චනීයානුලොමං

නහෙතුදුකං

109. නහෙතුපච්චයා ¶ ආරම්මණෙ තීණි (සබ්බෙ කාතබ්බා)…පෙ… ඣානෙ නව, මග්ගෙ තීණි…පෙ… අවිගතෙ නව.

පච්චනීයානුලොමං.

4. නිස්සයවාරො

(නිස්සයවාරොපි පච්චයවාරසදිසො).

5. සංසට්ඨවාරො

1-4. පච්චයානුලොමාදි

110. අරූපිං ¶ ධම්මං සංසට්ඨො අරූපී ධම්මො උප්පජ්ජති හෙතුපච්චයා – අරූපිං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ….

හෙතුයා එකං…පෙ… අවිගතෙ එකං. (එවං පච්චනීයාදීනි ගණනාපි සම්පයුත්තවාරෙපි සබ්බෙ කාතබ්බා. එකොයෙව පඤ්හො).

11. රූපීදුකං

7. පඤ්හාවාරො

1. පච්චයානුලොමං

1. විභඞ්ගවාරො

හෙතුපච්චයො

111. අරූපී ¶ ධම්මො අරූපිස්ස ධම්මස්ස හෙතුපච්චයෙන පච්චයො – අරූපී හෙතූ සම්පයුත්තකානං ඛන්ධානං හෙතුපච්චයෙන පච්චයො; පටිසන්ධික්ඛණෙ…පෙ…. (1)

අරූපී ධම්මො රූපිස්ස ධම්මස්ස හෙතුපච්චයෙන පච්චයො – අරූපී හෙතූ චිත්තසමුට්ඨානානං රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (2)

අරූපී ධම්මො රූපිස්ස ච අරූපිස්ස ච ධම්මස්ස හෙතුපච්චයෙන පච්චයො – අරූපී හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං ¶ හෙතුපච්චයෙන පච්චයො; පටිසන්ධික්ඛණෙ…පෙ…. (3)

ආරම්මණපච්චයො

112. රූපී ධම්මො අරූපිස්ස ධම්මස්ස ආරම්මණපච්චයෙන පච්චයො – චක්ඛුං…පෙ… වත්ථුං… ඉත්ථින්ද්රියං… පුරිසින්ද්රියං… ජීවිතින්ද්රියං… ආපොධාතුං… කබළීකාරං ආහාරං අනිච්චතො…පෙ… දොමනස්සං උප්පජ්ජති, දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති. රූපායතනං චක්ඛුවිඤ්ඤාණස්ස ආරම්මණපච්චයෙන පච්චයො…පෙ… ඵොට්ඨබ්බායතනං කායවිඤ්ඤාණස්ස ආරම්මණපච්චයෙන පච්චයො; රූපිනො ඛන්ධා ඉද්ධිවිධඤාණස්ස, පුබ්බෙනිවාසානුස්සතිඤාණස්ස ¶ , අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (1)

113. අරූපී ¶ ධම්මො අරූපිස්ස ධම්මස්ස ආරම්මණපච්චයෙන පච්චයො – දානං…පෙ… සීලං…පෙ… උපොසථකම්මං කත්වා තං පච්චවෙක්ඛති, පුබ්බෙ සුචිණ්ණානි පච්චවෙක්ඛති, ඣානා…පෙ… අරියා මග්ගා වුට්ඨහිත්වා මග්ගං පච්චවෙක්ඛන්ති, ඵලං පච්චවෙක්ඛන්ති, නිබ්බානං පච්චවෙක්ඛන්ති; නිබ්බානං ගොත්රභුස්ස, වොදානස්ස, මග්ගස්ස, ඵලස්ස, ආවජ්ජනාය ආරම්මණපච්චයෙන පච්චයො; අරියා පහීනෙ කිලෙසෙ…පෙ… වික්ඛම්භිතෙ කිලෙසෙ…පෙ… පුබ්බෙ…පෙ… අරූපිනො ඛන්ධෙ අනිච්චතො…පෙ… දොමනස්සං උප්පජ්ජති, චෙතොපරියඤාණෙන අරූපිචිත්තසමඞ්ගිස්ස චිත්තං ජානාති, ආකාසානඤ්චායතනං…පෙ… නෙවසඤ්ඤානාසඤ්ඤායතනස්ස…පෙ… අරූපිනො ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (1)

අධිපතිපච්චයො

114. රූපී ¶ ධම්මො අරූපිස්ස ධම්මස්ස අධිපතිපච්චයෙන පච්චයො. ආරම්මණාධිපති – චක්ඛුං…පෙ… කබළීකාරං ආහාරං ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති. (1)

අරූපී ධම්මො අරූපිස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං…පෙ… (සංඛිත්තං) නිබ්බානං මග්ගස්ස, ඵලස්ස අධිපතිපච්චයෙන පච්චයො; අරූපිනො ඛන්ධෙ ගරුං කත්වා අස්සාදෙති…පෙ… රාගො උප්පජ්ජති, දිට්ඨි උප්පජ්ජති. සහජාතාධිපති – අරූපී අධිපති සම්පයුත්තකානං ඛන්ධානං අධිපතිපච්චයෙන පච්චයො. (1)

අරූපී ධම්මො රූපිස්ස ධම්මස්ස අධිපතිපච්චයෙන පච්චයො. සහජාතාධිපති – අරූපී අධිපති චිත්තසමුට්ඨානානං රූපානං අධිපතිපච්චයෙන පච්චයො. (2)

අරූපී ¶ ධම්මො රූපිස්ස ච අරූපිස්ස ච ධම්මස්ස අධිපතිපච්චයෙන පච්චයො. සහජාතාධිපති – අරූපී අධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (3)

අනන්තරපච්චයාදි

115. අරූපී ¶ ධම්මො අරූපිස්ස ධම්මස්ස අනන්තරපච්චයෙන පච්චයො – පුරිමා පුරිමා අරූපිනො ඛන්ධා පච්ඡිමානං පච්ඡිමානං අරූපීනං ඛන්ධානං…පෙ… ඵලසමාපත්තියා අනන්තරපච්චයෙන පච්චයො, සමනන්තරපච්චයෙන පච්චයො.

(සහජාතපච්චයෙ සත්ත, ඉහ ඝටනා නත්ථි. අඤ්ඤමඤ්ඤපච්චයෙ ඡ, නිස්සයපච්චයෙ සත්ත පඤ්හා, ඉහ ඝටනා නත්ථි).

උපනිස්සයපච්චයො

116. රූපී ¶ ධම්මො අරූපිස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, පකතූපනිස්සයො…පෙ…. පකතූපනිස්සයො – උතුං… භොජනං… සෙනාසනං උපනිස්සාය දානං දෙති…පෙ… සඞ්ඝං භින්දති, උතු… භොජනං… සෙනාසනං සද්ධාය…පෙ… ඵලසමාපත්තියා උපනිස්සයපච්චයෙන පච්චයො. (1)

අරූපී ධම්මො අරූපිස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – සද්ධං උපනිස්සාය දානං දෙති, සීලං…පෙ… කායිකං දුක්ඛං උපනිස්සාය දානං දෙති…පෙ… සඞ්ඝං භින්දති, සද්ධා…පෙ… කායිකං දුක්ඛං… සද්ධාය…පෙ… ඵලසමාපත්තියා උපනිස්සයපච්චයෙන පච්චයො. (1)

පුරෙජාතපච්චයො

117. රූපී ධම්මො අරූපිස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං…පෙ… කබළීකාරං ආහාරං අනිච්චතො ¶ …පෙ… දොමනස්සං උප්පජ්ජති. දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති. රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස…පෙ…. වත්ථුපුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස…පෙ… වත්ථු අරූපීනං ඛන්ධානං පුරෙජාතපච්චයෙන පච්චයො. (1)

පච්ඡාජාතපච්චයො

118. අරූපී ¶ ධම්මො රූපිස්ස ධම්මස්ස පච්ඡාජාතපච්චයෙන පච්චයො – පච්ඡාජාතා අරූපිනො ඛන්ධා පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

ආසෙවනපච්චයො

119. අරූපී ¶ ධම්මො අරූපිස්ස ධම්මස්ස ආසෙවනපච්චයෙන පච්චයො – පුරිමා පුරිමා අරූපිනො ඛන්ධා පච්ඡිමානං පච්ඡිමානං අරූපීනං ඛන්ධානං ආසෙවනපච්චයෙන පච්චයො.

කම්මපච්චයො

120. අරූපී ධම්මො අරූපිස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – අරූපී චෙතනා සම්පයුත්තකානං ඛන්ධානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – අරූපී චෙතනා විපාකානං ඛන්ධානං කම්මපච්චයෙන පච්චයො. (1)

අරූපී ධම්මො රූපිස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – අරූපී චෙතනා චිත්තසමුට්ඨානානං රූපානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – අරූපී චෙතනා කටත්තාරූපානං කම්මපච්චයෙන පච්චයො. (2)

අරූපී ධම්මො රූපිස්ස ච අරූපිස්ස ච ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – අරූපී චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන ¶ පච්චයො; පටිසන්ධික්ඛණෙ…පෙ…. නානාක්ඛණිකා – අරූපී චෙතනා විපාකානං ඛන්ධානං කටත්තා ච රූපානං කම්මපච්චයෙන පච්චයො. (3)

විපාකාහාරපච්චයා

121. අරූපී ධම්මො අරූපිස්ස ධම්මස්ස විපාකපච්චයෙන පච්චයො… තීණි.

රූපී ධම්මො රූපිස්ස ධම්මස්ස ආහාරපච්චයෙන පච්චයො – කබළීකාරො ආහාරො ඉමස්ස කායස්ස ආහාරපච්චයෙන පච්චයො. (1)

අරූපී ධම්මො අරූපිස්ස ධම්මස්ස ආහාරපච්චයෙන පච්චයො… තීණි.

ඉන්ද්රියපච්චයො

122. රූපී ¶ ධම්මො රූපිස්ස ධම්මස්ස ඉන්ද්රියපච්චයෙන පච්චයො – රූපජීවිතින්ද්රියං ¶ කටත්තාරූපානං ඉන්ද්රියපච්චයෙන පච්චයො. (1)

රූපී ධම්මො අරූපිස්ස ධම්මස්ස ඉන්ද්රියපච්චයෙන පච්චයො – චක්ඛුන්ද්රියං…පෙ… කායින්ද්රියං කායවිඤ්ඤාණස්ස ඉන්ද්රියපච්චයෙන පච්චයො. (2)

අරූපී ධම්මො අරූපිස්ස ධම්මස්ස ඉන්ද්රියපච්චයෙන පච්චයො… තීණි.

රූපී ච අරූපී ච ධම්මා අරූපිස්ස ධම්මස්ස ඉන්ද්රියපච්චයෙන පච්චයො – චක්ඛුන්ද්රියඤ්ච චක්ඛුවිඤ්ඤාණඤ්ච චක්ඛුවිඤ්ඤාණසහගතානං ඛන්ධානං ඉන්ද්රියපච්චයෙන පච්චයො…පෙ… කායින්ද්රියඤ්ච…පෙ….

ඣානපච්චයාදි

123. අරූපී ¶ ධම්මො අරූපිස්ස ධම්මස්ස ඣානපච්චයෙන පච්චයො… තීණි… මග්ගපච්චයෙන පච්චයො… තීණි… සම්පයුත්තපච්චයෙන පච්චයො… එකං.

විප්පයුත්තපච්චයො

124. රූපී ධම්මො අරූපිස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං. සහජාතං – පටිසන්ධික්ඛණෙ වත්ථු අරූපීනං ඛන්ධානං විප්පයුත්තපච්චයෙන පච්චයො. පුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස…පෙ… වත්ථු අරූපීනං ඛන්ධානං විප්පයුත්තපච්චයෙන පච්චයො. (1)

අරූපී ධම්මො රූපිස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – අරූපිනො ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො; පටිසන්ධික්ඛණෙ අරූපිනො ඛන්ධා කටත්තාරූපානං විප්පයුත්තපච්චයෙන පච්චයො; අරූපිනො ඛන්ධා වත්ථුස්ස විප්පයුත්තපච්චයෙන පච්චයො. පච්ඡාජාතා – අරූපිනො ඛන්ධා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො. (1)

අත්ථිපච්චයාදි

125. රූපී ¶ ¶ ධම්මො රූපිස්ස ධම්මස්ස අත්ථිපච්චයෙන පච්චයො – සහජාතං, ආහාරං, ඉන්ද්රියං. සහජාතං – එකං මහාභූතං…පෙ… (යාව අසඤ්ඤසත්තා), කබළීකාරො ආහාරො ඉමස්ස කායස්ස අත්ථිපච්චයෙන පච්චයො; රූපජීවිතින්ද්රියං කටත්තාරූපානං අත්ථිපච්චයෙන පච්චයො. (1)

රූපී ධම්මො අරූපිස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතං – පටිසන්ධික්ඛණෙ වත්ථු අරූපීනං ඛන්ධානං අත්ථිපච්චයෙන පච්චයො. පුරෙජාතං – චක්ඛුං…පෙ… කබළීකාරං ආහාරං අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති. රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස…පෙ… චක්ඛායතනං චක්ඛුවිඤ්ඤාණස්ස ¶ …පෙ… කායායතනං කායවිඤ්ඤාණස්ස…පෙ… වත්ථු අරූපීනං ඛන්ධානං අත්ථිපච්චයෙන පච්චයො. (2)

126. අරූපී ධම්මො අරූපිස්ස ධම්මස්ස අත්ථිපච්චයෙන පච්චයො – අරූපී එකො ඛන්ධො තිණ්ණන්නං ඛන්ධානං…පෙ… ද්වෙ ඛන්ධා…පෙ… පටිසන්ධික්ඛණෙ…පෙ…. (1)

අරූපී ධම්මො රූපිස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං. සහජාතා – අරූපිනො ඛන්ධා චිත්තසමුට්ඨානානං රූපානං අත්ථිපච්චයෙන පච්චයො; පටිසන්ධික්ඛණෙ…පෙ… පච්ඡාජාතා – අරූපිනො ඛන්ධා පුරෙජාතස්ස ඉමස්ස කායස්ස අත්ථිපච්චයෙන පච්චයො. (2)

අරූපී ධම්මො රූපිස්ස ච අරූපිස්ස ච ධම්මස්ස අත්ථිපච්චයෙන පච්චයො – අරූපී එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ… ද්වෙ ඛන්ධා…පෙ… පටිසන්ධික්ඛණෙ…පෙ…. (3)

127. රූපී ච අරූපී ච ධම්මා රූපිස්ස ධම්මස්ස ¶ අත්ථිපච්චයෙන පච්චයො – සහජාතං, පච්ඡාජාතං, ආහාරං, ඉන්ද්රියං. සහජාතා – අරූපී ඛන්ධා ච මහාභූතා ච චිත්තසමුට්ඨානානං රූපානං අත්ථිපච්චයෙන පච්චයො; පටිසන්ධික්ඛණෙ…පෙ…. පච්ඡාජාතා – අරූපිනො ඛන්ධා ච කබළීකාරො ආහාරො ච ඉමස්ස කායස්ස අත්ථිපච්චයෙන පච්චයො. පච්ඡාජාතා – අරූපිනො ඛන්ධා ච රූපජීවිතින්ද්රියඤ්ච කටත්තාරූපානං අත්ථිපච්චයෙන පච්චයො. (1)

රූපී ¶ ච අරූපී ච ධම්මා අරූපිස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – චක්ඛුවිඤ්ඤාණසහගතො එකො ඛන්ධො ච චක්ඛායතනඤ්ච තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ඛන්ධා ච…පෙ… කායවිඤ්ඤාණසහගතො…පෙ… අරූපී එකො ඛන්ධො ච වත්ථු ච තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ඛන්ධා ච…පෙ… පටිසන්ධික්ඛණෙ අරූපී එකො ඛන්ධො ච වත්ථු ච තිණ්ණන්නං ඛන්ධානං…පෙ… ද්වෙ ඛන්ධා ච…පෙ…. (2)

නත්ථිපච්චයෙන ¶ පච්චයො… විගතපච්චයෙන පච්චයො… අවිගතපච්චයෙන පච්චයො.

1. පච්චයානුලොමං

2. සඞ්ඛ්යාවාරො

සුද්ධං

128. හෙතුයා තීණි, ආරම්මණෙ ද්වෙ, අධිපතියා චත්තාරි, අනන්තරෙ එකං, සමනන්තරෙ එකං, සහජාතෙ සත්ත, අඤ්ඤමඤ්ඤෙ ඡ, නිස්සයෙ සත්ත, උපනිස්සයෙ ද්වෙ, පුරෙජාතෙ එකං, පච්ඡාජාතෙ එකං ආසෙවනෙ එකං, කම්මෙ තීණි, විපාකෙ තීණි, ආහාරෙ චත්තාරි, ඉන්ද්රියෙ ඡ, ඣානෙ තීණි, මග්ගෙ තීණි, සම්පයුත්තෙ එකං, විප්පයුත්තෙ ද්වෙ, අත්ථියා සත්ත, නත්ථියා එකං ¶ , විගතෙ එකං, අවිගතෙ සත්ත.

අනුලොමං.

පච්චනීයුද්ධාරො

129. රූපී ධම්මො රූපිස්ස ධම්මස්ස සහජාතපච්චයෙන පච්චයො… ආහාරපච්චයෙන පච්චයො… ඉන්ද්රියපච්චයෙන පච්චයො. (1)

රූපී ධම්මො අරූපිස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (2)

අරූපී ධම්මො අරූපිස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… කම්මපච්චයෙන පච්චයො. (1)

අරූපී ¶ ¶ ධම්මො රූපිස්ස ධම්මස්ස සහජාතපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො. (2)

අරූපී ධම්මො රූපිස්ස ච අරූපිස්ස ච ධම්මස්ස සහජාතපච්චයෙන පච්චයො… කම්මපච්චයෙන පච්චයො. (3)

රූපී ච අරූපී ච ධම්මා රූපිස්ස ධම්මස්ස සහජාතං, පච්ඡාජාතං, ආහාරං, ඉන්ද්රියං. (1)

රූපී ච අරූපී ච ධම්මා අරූපිස්ස ධම්මස්ස සහජාතං, පුරෙජාතං. (2)

2. පච්චයපච්චනීයං

2. සඞ්ඛ්යාවාරො

සුද්ධං

130. නහෙතුයා සත්ත, නආරම්මණෙ සත්ත, නඅධිපතියා සත්ත, නඅනන්තරෙ සත්ත, නසමනන්තරෙ සත්ත, නසහජාතෙ ඡ, නඅඤ්ඤමඤ්ඤෙ ඡ, නනිස්සයෙ ඡ, නඋපනිස්සයෙ සත්ත, නපුරෙජාතෙ සත්ත ¶ …පෙ… නමග්ගෙ සත්ත, නසම්පයුත්තෙ ඡ, නවිප්පයුත්තෙ පඤ්ච, නොඅත්ථියා චත්තාරි, නොනත්ථියා සත්ත, නොවිගතෙ සත්ත, නොඅවිගතෙ චත්තාරි.

පච්චනීයං.

3. පච්චයානුලොමපච්චනීයං

හෙතුදුකං

131. හෙතුපච්චයා නආරම්මණෙ තීණි, නඅධිපතියා තීණි, නඅනන්තරෙ තීණි, නසමනන්තරෙ ¶ තීණි, නඅඤ්ඤමඤ්ඤෙ එකං, නඋපනිස්සයෙ තීණි (සබ්බත්ථ තීණි), නසම්පයුත්තෙ එකං, නවිප්පයුත්තෙ එකං, නොනත්ථියා තීණි, නොවිගතෙ තීණි.

අනුලොමපච්චනීයං.

4. පච්චයපච්චනීයානුලොමං

නහෙතුදුකං

132. නහෙතුපච්චයා ¶ ආරම්මණෙ ද්වෙ, අධිපතියා චත්තාරි (අනුලොමමාතිකා කාතබ්බා), අවිගතෙ සත්ත.

පච්චනීයානුලොමං.

රූපීදුකං නිට්ඨිතං.

12. ලොකියදුකං

1. පටිච්චවාරො

1. පච්චයානුලොමං

1. විභඞ්ගවාරො

හෙතුපච්චයො

133. ලොකියං ¶ ධම්මං පටිච්ච ලොකියො ධම්මො උප්පජ්ජති හෙතුපච්චයා – ලොකියං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං…පෙ… මහාභූතෙ පටිච්ච චිත්තසමුට්ඨානං ¶ රූපං, කටත්තාරූපං, උපාදාරූපං. (1)

134. ලොකුත්තරං ධම්මං පටිච්ච ලොකුත්තරො ධම්මො උප්පජ්ජති හෙතුපච්චයා – ලොකුත්තරං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

ලොකුත්තරං ධම්මං පටිච්ච ලොකියො ධම්මො උප්පජ්ජති හෙතුපච්චයා – ලොකුත්තරෙ ඛන්ධෙ පටිච්ච චිත්තසමුට්ඨානං රූපං. (2)

ලොකුත්තරං ධම්මං පටිච්ච ලොකියො ච ලොකුත්තරො ච ධම්මා උප්පජ්ජන්ති හෙතුපච්චයා – ලොකුත්තරං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

ලොකියඤ්ච ලොකුත්තරඤ්ච ධම්මං පටිච්ච ලොකියො ධම්මො උප්පජ්ජති හෙතුපච්චයා – ලොකුත්තරෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං (සංඛිත්තං). (1)

1. පච්චයානුලොමං

2. සඞ්ඛ්යාවාරො

සුද්ධං

135. හෙතුයා ¶ ¶ පඤ්ච, ආරම්මණෙ ද්වෙ, අධිපතියා පඤ්ච, අනන්තරෙ ද්වෙ, සමනන්තරෙ ද්වෙ, සහජාතෙ පඤ්ච, අඤ්ඤමඤ්ඤෙ ද්වෙ, නිස්සයෙ පඤ්ච, උපනිස්සයෙ ද්වෙ, පුරෙජාතෙ ද්වෙ, ආසෙවනෙ ද්වෙ, කම්මෙ පඤ්ච, විපාකෙ පඤ්ච, ආහාරෙ පඤ්ච, ඉන්ද්රියෙ පඤ්ච, ඣානෙ පඤ්ච, මග්ගෙ පඤ්ච, සම්පයුත්තෙ ද්වෙ, විප්පයුත්තෙ පඤ්ච, අත්ථියා පඤ්ච, නත්ථියා ද්වෙ, විගතෙ ද්වෙ, අවිගතෙ පඤ්ච.

අනුලොමං.

2. පච්චයපච්චනීයං

1. විභඞ්ගවාරො

නහෙතුපච්චයො

136. ලොකියං ධම්මං පටිච්ච ලොකියො ධම්මො උප්පජ්ජති නහෙතුපච්චයා – අහෙතුකං ලොකියං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච ¶ රූපං…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… (යාව අසඤ්ඤසත්තා) විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො (සංඛිත්තං).

2. පච්චයපච්චනීයං

2. සඞ්ඛ්යාවාරො

සුද්ධං

137. නහෙතුයා ¶ එකං, නආරම්මණෙ තීණි, නඅධිපතියා ද්වෙ, නඅනන්තරෙ තීණි, නසමනන්තරෙ තීණි, නඅඤ්ඤමඤ්ඤෙ තීණි, නඋපනිස්සයෙ තීණි, නපුරෙජාතෙ චත්තාරි, නපච්ඡාජාතෙ පඤ්ච, නආසෙවනෙ පඤ්ච (නආසෙවනමූලකෙ ලොකුත්තරෙ සුද්ධකෙ විපාකොති නියාමෙතබ්බං, අවසෙසා පකතිකායෙව), නකම්මෙ ද්වෙ, නවිපාකෙ පඤ්ච, නආහාරෙ එකං, නඉන්ද්රියෙ එකං, නඣානෙ එකං, නමග්ගෙ එකං, නසම්පයුත්තෙ තීණි, නවිප්පයුත්තෙ ද්වෙ, නොනත්ථියා තීණි, නොවිගතෙ තීණි.

පච්චනීයං.

3. පච්චයානුලොමපච්චනීයං

හෙතුදුකං

138. හෙතුපච්චයා ¶ නආරම්මණෙ තීණි, නඅධිපතියා ද්වෙ (නඅනන්තරපදාදී පච්චනීයසදිසා)…පෙ… නවිපාකෙ පඤ්ච, නසම්පයුත්තෙ තීණි, නවිප්පයුත්තෙ ද්වෙ, නොනත්ථියා තීණි, නොවිගතෙ තීණි.

අනුලොමපච්චනීයං.

4. පච්චයපච්චනීයානුලොමං

නහෙතුදුකං

139. නහෙතුපච්චයා ¶ ආරම්මණෙ එකං, අනන්තරෙ එකං…පෙ… අවිගතෙ එකං.

පච්චනීයානුලොමං.

2. සහජාතවාරො

(සහජාතවාරො පටිච්චවාරසදිසො).

3. පච්චයවාරො

1. පච්චයානුලොමං

1. විභඞ්ගවාරො

හෙතුපච්චයො

140. ලොකියං ¶ ධම්මං පච්චයා ලොකියො ධම්මො උප්පජ්ජති හෙතුපච්චයා – ලොකියං එකං ඛන්ධං පච්චයා…පෙ… එකං මහාභූතං…පෙ… මහාභූතෙ පච්චයා චිත්තසමුට්ඨානං රූපං, කටත්තාරූපං, උපාදාරූපං, වත්ථුං පච්චයා ලොකියා ඛන්ධා. (1)

ලොකියං ධම්මං පච්චයා ලොකුත්තරො ධම්මො උප්පජ්ජති හෙතුපච්චයා – වත්ථුං පච්චයා ලොකුත්තරා ඛන්ධා. (2)

ලොකියං ¶ ¶ ධම්මං පච්චයා ලොකියො ච ලොකුත්තරො ච ධම්මා උප්පජ්ජන්ති හෙතුපච්චයා – වත්ථුං පච්චයා ලොකුත්තරා ඛන්ධා, මහාභූතෙ පච්චයා චිත්තසමුට්ඨානං රූපං. (3)

141. ලොකුත්තරං ධම්මං පච්චයා ලොකුත්තරො ධම්මො උප්පජ්ජති හෙතුපච්චයා… තීණි.

ලොකියඤ්ච ලොකුත්තරඤ්ච ධම්මං පච්චයා ලොකියො ධම්මො උප්පජ්ජති හෙතුපච්චයා – ලොකුත්තරෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (1)

ලොකියඤ්ච ලොකුත්තරඤ්ච ධම්මං පච්චයා ලොකුත්තරො ධම්මො උප්පජ්ජති හෙතුපච්චයා – ලොකුත්තරං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ…. (2)

ලොකියඤ්ච ලොකුත්තරඤ්ච ධම්මං පච්චයා ලොකියො ච ලොකුත්තරො ච ධම්මා උප්පජ්ජන්ති හෙතුපච්චයා – ලොකුත්තරං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… ලොකුත්තරෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං (සංඛිත්තං). (3)

1. පච්චයානුලොමං

2. සඞ්ඛ්යාවාරො

සුද්ධං

142. හෙතුයා නව, ආරම්මණෙ චත්තාරි, අධිපතියා නව, අනන්තරෙ ¶ චත්තාරි, සමනන්තරෙ චත්තාරි, සහජාතෙ නව, අඤ්ඤමඤ්ඤෙ චත්තාරි, නිස්සයෙ නව, උපනිස්සයෙ චත්තාරි, පුරෙජාතෙ චත්තාරි, ආසෙවනෙ චත්තාරි, කම්මෙ නව, විපාකෙ නව…පෙ… මග්ගෙ නව, සම්පයුත්තෙ චත්තාරි, විප්පයුත්තෙ නව, අත්ථියා නව, නත්ථියා චත්තාරි, විගතෙ චත්තාරි, අවිගතෙ නව.

අනුලොමං.

2. පච්චයපච්චනීයං

1. විභඞ්ගවාරො

නහෙතුපච්චයො

143. ලොකියං ¶ ¶ ධම්මං පච්චයා ලොකියො ධම්මො උප්පජ්ජති නහෙතුපච්චයා – අහෙතුකං ලොකියං එකං ඛන්ධං…පෙ… (යාව අසඤ්ඤසත්තා) චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා අහෙතුකා ලොකියා ඛන්ධා, විචිකිච්ඡාසහගතෙ උද්ධච්චසහගතෙ ඛන්ධෙ ච වත්ථුඤ්ච පච්චයා විචිකිච්ඡාසහගතො උද්ධච්චසහගතො මොහො (සංඛිත්තං).

2. පච්චයපච්චනීයං

2. සඞ්ඛ්යාවාරො

සුද්ධං

144. නහෙතුයා එකං, නආරම්මණෙ තීණි, නඅධිපතියා චත්තාරි, නඅනන්තරෙ තීණි…පෙ… නඋපනිස්සයෙ තීණි, නපුරෙජාතෙ චත්තාරි, නපච්ඡාජාතෙ නව, නආසෙවනෙ නව (ලොකුත්තරෙ අරූපෙ විපාකන්ති නියාමෙතබ්බං), නකම්මෙ චත්තාරි, නවිපාකෙ නව, නආහාරෙ එකං, නඉන්ද්රියෙ එකං, නඣානෙ එකං, නමග්ගෙ එකං, නසම්පයුත්තෙ තීණි, නවිප්පයුත්තෙ ද්වෙ, නොනත්ථියා තීණි, නොවිගතෙ තීණි.

පච්චනීයං.

3. පච්චයානුලොමපච්චනීයං

හෙතුදුකං

145. හෙතුපච්චයා ¶ ¶ නආරම්මණෙ තීණි, නඅධිපතියා චත්තාරි, නඅනන්තරෙ තීණි (නසමනන්තරපදාදී පච්චනීයසදිසා), නවිපාකෙ නව, නසම්පයුත්තෙ තීණි, නවිප්පයුත්තෙ ද්වෙ, නොනත්ථියා තීණි, නොවිගතෙ තීණි.

අනුලොමපච්චනීයං.

4. පච්චයපච්චනීයානුලොමං

නහෙතුදුකං

146. නහෙතුපච්චයා ¶ ආරම්මණෙ එකං, අනන්තරෙ එකං…පෙ… අවිගතෙ එකං.

පච්චනීයානුලොමං.

4. නිස්සයවාරො

(නිස්සයවාරො පච්චයවාරසදිසො).

5. සංසට්ඨවාරො

1. පච්චයානුලොමං

1. විභඞ්ගවාරො

හෙතුපච්චයො

147. ලොකියං ¶ ධම්මං සංසට්ඨො ලොකියො ධම්මො උප්පජ්ජති හෙතුපච්චයා – ලොකියං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

ලොකුත්තරං ධම්මං සංසට්ඨො ලොකුත්තරො ධම්මො උප්පජ්ජති හෙතුපච්චයා – ලොකුත්තරං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ…. (1)

(සංසට්ඨවාරො එවං විත්ථාරෙතබ්බො, සහ ගණනාහි ද්වෙ පඤ්හා).

6. සම්පයුත්තවාරො

(සම්පයුත්තවාරො සංසට්ඨවාරසදිසො).

7. පඤ්හාවාරො

1. පච්චයානුලොමං

1. විභඞ්ගවාරො

හෙතුපච්චයො

148. ලොකියො ධම්මො ලොකියස්ස ධම්මස්ස හෙතුපච්චයෙන පච්චයො – ලොකියා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (1)

ලොකුත්තරො ¶ ¶ ධම්මො ලොකුත්තරස්ස ධම්මස්ස හෙතුපච්චයෙන පච්චයො… තීණි.

ආරම්මණපච්චයො

149. ලොකියො ¶ ධම්මො ලොකියස්ස ධම්මස්ස ආරම්මණපච්චයෙන පච්චයො – දානං…පෙ… සීලං…පෙ… උපොසථකම්මං කත්වා තං පච්චවෙක්ඛති, පුබ්බෙ සුචිණ්ණානි පච්චවෙක්ඛති, ඣානා…පෙ… අරියා ගොත්රභුං පච්චවෙක්ඛන්ති, වොදානං පච්චවෙක්ඛන්ති, පහීනෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ…පෙ… පුබ්බෙ සමුදාචිණ්ණෙ කිලෙසෙ ජානන්ති; චක්ඛුං…පෙ… වත්ථුං ලොකියෙ ඛන්ධෙ අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති. චෙතොපරියඤාණෙන ලොකියචිත්තසමඞ්ගිස්ස චිත්තං ජානාති, ආකාසානඤ්චායතනං විඤ්ඤාණඤ්චායතනස්ස…පෙ… ආකිඤ්චඤ්ඤායතනං නෙවසඤ්ඤානාසඤ්ඤායතනස්ස…පෙ… රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස, ලොකියා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (1)

150. ලොකුත්තරො ධම්මො ලොකුත්තරස්ස ධම්මස්ස ආරම්මණපච්චයෙන පච්චයො – නිබ්බානං මග්ගස්ස, ඵලස්ස ආරම්මණපච්චයෙන පච්චයො. (1)

ලොකුත්තරො ධම්මො ලොකියස්ස ධම්මස්ස ආරම්මණපච්චයෙන පච්චයො – අරියා මග්ගා වුට්ඨහිත්වා මග්ගං පච්චවෙක්ඛන්ති, ඵලං පච්චවෙක්ඛන්ති, නිබ්බානං පච්චවෙක්ඛන්ති; නිබ්බානං ගොත්රභුස්ස, වොදානස්ස, ආවජ්ජනාය ආරම්මණපච්චයෙන පච්චයො; අරියා චෙතොපරියඤාණෙන ලොකුත්තරචිත්තසමඞ්ගිස්ස චිත්තං ජානන්ති, ලොකුත්තරා ඛන්ධා චෙතොපරියඤාණස්ස, පුබ්බෙනිවාසානුස්සතිඤාණස්ස ¶ , අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (2)

අධිපතිපච්චයො

151. ලොකියො ධම්මො ලොකියස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං දත්වා සීලං…පෙ… උපොසථකම්මං ¶ …පෙ… පුබ්බෙ…පෙ… ඣානා…පෙ… සෙක්ඛා ගොත්රභුං ගරුං කත්වා පච්චවෙක්ඛන්ති, වොදානං ගරුං කත්වා පච්චවෙක්ඛන්ති; චක්ඛුං…පෙ… වත්ථුං ¶ ලොකියෙ ඛන්ධෙ ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති. සහජාතාධිපති – ලොකියාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (1)

152. ලොකුත්තරො ධම්මො ලොකුත්තරස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – නිබ්බානං මග්ගස්ස, ඵලස්ස අධිපතිපච්චයෙන පච්චයො. සහජාතාධිපති – ලොකුත්තරාධිපති සම්පයුත්තකානං ඛන්ධානං අධිපතිපච්චයෙන පච්චයො. (1)

ලොකුත්තරො ධම්මො ලොකියස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති, ඵලං ගරුං කත්වා පච්චවෙක්ඛන්ති, නිබ්බානං ගරුං කත්වා පච්චවෙක්ඛන්ති; නිබ්බානං ගොත්රභුස්ස, වොදානස්ස අධිපතිපච්චයෙන පච්චයො. සහජාතාධිපති – ලොකුත්තරාධිපති චිත්තසමුට්ඨානානං රූපානං අධිපතිපච්චයෙන පච්චයො. (2)

ලොකුත්තරො ධම්මො ලොකියස්ස ච ලොකුත්තරස්ස ච ධම්මස්ස අධිපතිපච්චයෙන පච්චයො. සහජාතාධිපති ¶ – ලොකුත්තරාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (3)

අනන්තරපච්චයො

153. ලොකියො ධම්මො ලොකියස්ස ධම්මස්ස අනන්තරපච්චයෙන පච්චයො – පුරිමා පුරිමා ලොකියා ඛන්ධා පච්ඡිමානං පච්ඡිමානං ලොකියානං ඛන්ධානං…පෙ… අනුලොමං ගොත්රභුස්ස… අනුලොමං වොදානස්ස අනන්තරපච්චයෙන පච්චයො. (1)

ලොකියො ධම්මො ලොකුත්තරස්ස ධම්මස්ස අනන්තරපච්චයෙන පච්චයො – ගොත්රභු මග්ගස්ස… වොදානං ¶ මග්ගස්ස… අනුලොමං ඵලසමාපත්තියා… නිරොධා වුට්ඨහන්තස්ස නෙවසඤ්ඤානාසඤ්ඤායතනං ඵලසමාපත්තියා අනන්තරපච්චයෙන පච්චයො. (2)

154. ලොකුත්තරො ධම්මො ලොකුත්තරස්ස ධම්මස්ස අනන්තරපච්චයෙන පච්චයො – පුරිමා පුරිමා ලොකුත්තරා ඛන්ධා පච්ඡිමානං පච්ඡිමානං ලොකුත්තරානං ඛන්ධානං ¶ අනන්තරපච්චයෙන පච්චයො; මග්ගො ඵලස්ස, ඵලං ඵලස්ස අනන්තරපච්චයෙන පච්චයො. (1)

ලොකුත්තරො ධම්මො ලොකියස්ස ධම්මස්ස අනන්තරපච්චයෙන පච්චයො – ඵලං වුට්ඨානස්ස අනන්තරපච්චයෙන පච්චයො. (2)

සමනන්තරපච්චයාදි

155. ලොකියො ධම්මො ලොකියස්ස ධම්මස්ස සමනන්තරපච්චයෙන පච්චයො… සහජාතපච්චයෙන පච්චයො (පඤ්ච පඤ්හා, ඝටනා නත්ථි) අඤ්ඤමඤ්ඤපච්චයෙන පච්චයො… ද්වෙ… නිස්සයපච්චයෙන පච්චයො.

උපනිස්සයපච්චයො

156. ලොකියො ධම්මො ලොකියස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – ලොකියං සද්ධං උපනිස්සාය දානං දෙති…පෙ… විපස්සනං ¶ උප්පාදෙති, අභිඤ්ඤං උප්පාදෙති, සමාපත්තිං උප්පාදෙති, මානං ජප්පෙති, දිට්ඨිං ගණ්හාති; ලොකියං සීලං…පෙ… සෙනාසනං උපනිස්සාය දානං දෙති…පෙ… සඞ්ඝං භින්දති; ලොකියා සද්ධා…පෙ… සෙනාසනං ලොකියාය සද්ධාය…පෙ… කායිකස්ස දුක්ඛස්ස උපනිස්සයපච්චයෙන පච්චයො; කුසලාකුසලං කම්මං විපාකස්ස උපනිස්සයපච්චයෙන පච්චයො. (1)

ලොකියො ධම්මො ලොකුත්තරස ධම්මස්ස උපනිස්සයපච්චයෙන පච්චයො – අනන්තරූපනිස්සයො, පකතූපනිස්සයො…පෙ…. පකතූපනිස්සයො – පඨමස්ස මග්ගස්ස පරිකම්මං පඨමස්ස මග්ගස්ස උපනිස්සයපච්චයෙන ¶ පච්චයො…පෙ… චතුත්ථස්ස මග්ගස්ස පරිකම්මං චතුත්ථස්ස මග්ගස්ස උපනිස්සයපච්චයෙන පච්චයො. (2)

157. ලොකුත්තරො ධම්මො ලොකුත්තරස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – පඨමො මග්ගො දුතියස්ස මග්ගස්ස උපනිස්සයපච්චයෙන පච්චයො…පෙ… තතියො මග්ගො චතුත්ථස්ස මග්ගස්ස උපනිස්සයපච්චයෙන පච්චයො. (1)

ලොකුත්තරො ¶ ධම්මො ලොකියස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – අරියා මග්ගං උපනිස්සාය අනුප්පන්නං සමාපත්තිං උප්පාදෙන්ති, උප්පන්නං සමාපජ්ජන්ති, සඞ්ඛාරෙ අනිච්චතො දුක්ඛතො අනත්තතො විපස්සන්ති, අරියානං මග්ගො…පෙ… ඨානාඨානකොසල්ලස්ස උපනිස්සයපච්චයෙන පච්චයො; ඵලසමාපත්ති කායිකස්ස සුඛස්ස උපනිස්සයපච්චයෙන පච්චයො. (2)

පුරෙජාතපච්චයො

158. ලොකියො ¶ ධම්මො ලොකියස්ස ධම්මස්ස පුරෙජාතපච්චයෙන පච්චයො – ආරම්මණපුරෙජාතං, වත්ථුපුරෙජාතං. ආරම්මණපුරෙජාතං – චක්ඛුං…පෙ… වත්ථුං අනිච්චතො දුක්ඛතො අනත්තතො…පෙ… දොමනස්සං උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති. රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස පුරෙජාතපච්චයෙන පච්චයො. වත්ථුපුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං කායවිඤ්ඤාණස්ස…පෙ… වත්ථු ලොකියානං ඛන්ධානං පුරෙජාතපච්චයෙන පච්චයො. (1)

ලොකියො ධම්මො ලොකුත්තරස්ස ධම්මස්ස පුරෙජාතපච්චයෙන පච්චයො. වත්ථුපුරෙජාතං – වත්ථු ලොකුත්තරානං ඛන්ධානං පුරෙජාතපච්චයෙන පච්චයො. (2)

පච්ඡාජාතපච්චයො

159. ලොකියො ¶ ධම්මො ලොකියස්ස ධම්මස්ස පච්ඡාජාතපච්චයෙන පච්චයො – පච්ඡාජාතා ලොකියා ඛන්ධා පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

ලොකුත්තරො ධම්මො ලොකියස්ස ධම්මස්ස පච්ඡාජාතපච්චයෙන පච්චයො – පච්ඡාජාතා ලොකුත්තරා ඛන්ධා පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො. (1)

ආසෙවනපච්චයො

160. ලොකියො ¶ ¶ ධම්මො ලොකියස්ස ධම්මස්ස ආසෙවනපච්චයෙන පච්චයො – පුරිමා පුරිමා ලොකියා ඛන්ධා පච්ඡිමානං පච්ඡිමානං ලොකියානං ඛන්ධානං ආසෙවනපච්චයෙන පච්චයො; අනුලොමං ගොත්රභුස්ස… අනුලොමං වොදානස්ස ආසෙවනපච්චයෙන පච්චයො. (1)

ලොකියො ධම්මො ලොකුත්තරස්ස ධම්මස්ස ආසෙවනපච්චයෙන පච්චයො – ගොත්රභු මග්ගස්ස… වොදානං මග්ගස්ස ආසෙවනපච්චයෙන පච්චයො. (2)

කම්මපච්චයො

161. ලොකියො ධම්මො ලොකියස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – ලොකියා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො; පටිසන්ධික්ඛණෙ…පෙ…. නානාක්ඛණිකා – ලොකියා චෙතනා විපාකානං ඛන්ධානං කටත්තා ච රූපානං කම්මපච්චයෙන පච්චයො. (1)

ලොකුත්තරො ධම්මො ලොකුත්තරස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – ලොකුත්තරා චෙතනා සම්පයුත්තකානං ඛන්ධානං කම්මපච්චයෙන පච්චයො. නානාක්ඛණිකා – ලොකුත්තරා චෙතනා විපාකානං ඛන්ධානං කම්මපච්චයෙන පච්චයො. (1)

ලොකුත්තරො ¶ ධම්මො ලොකියස්ස ධම්මස්ස කම්මපච්චයෙන පච්චයො – ලොකුත්තරා චෙතනා චිත්තසමුට්ඨානානං රූපානං කම්මපච්චයෙන පච්චයො. (2)

ලොකුත්තරො ධම්මො ලොකියස්ස ච ලොකුත්තරස්ස ච ධම්මස්ස කම්මපච්චයෙන පච්චයො – ලොකුත්තරා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො. (3)

විපාකපච්චයො

162. ලොකියො ධම්මො ලොකියස්ස ධම්මස්ස විපාකපච්චයෙන පච්චයො – විපාකො ලොකියො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං විපාකපච්චයෙන පච්චයො…පෙ… ද්වෙ ඛන්ධා…පෙ… පටිසන්ධික්ඛණෙ…පෙ…. (1)

ලොකුත්තරො ¶ ධම්මො ලොකුත්තරස්ස ධම්මස්ස විපාකපච්චයෙන පච්චයො… තීණි.

ආහාරපච්චයො

163. ලොකියො ධම්මො ලොකියස්ස ධම්මස්ස ආහාරපච්චයෙන පච්චයො – ලොකියා ආහාරා සම්පයුත්තකානං ඛන්ධානං චිත්තසමුට්ඨානානඤ්ච ¶ රූපානං ආහාරපච්චයෙන පච්චයො; පටිසන්ධික්ඛණෙ…පෙ… කබළීකාරො ආහාරො ඉමස්ස කායස්ස ආහාරපච්චයෙන පච්චයො. (1)

ලොකුත්තරො ධම්මො ලොකුත්තරස්ස ධම්මස්ස ආහාරපච්චයෙන පච්චයො… තීණි.

ඉන්ද්රියපච්චයො

164. ලොකියො ධම්මො ලොකියස්ස ධම්මස්ස ඉන්ද්රියපච්චයෙන පච්චයො (පටිසන්ධි කාතබ්බා); චක්ඛුන්ද්රියං චක්ඛුවිඤ්ඤාණස්ස…පෙ… කායින්ද්රියං කායවිඤ්ඤාණස්ස ඉන්ද්රියපච්චයෙන පච්චයො; රූපජීවිතින්ද්රියං කටත්තාරූපානං ඉන්ද්රියපච්චයෙන පච්චයො. (1)

ලොකුත්තරො ධම්මො ලොකුත්තරස්ස ධම්මස්ස ඉන්ද්රියපච්චයෙන පච්චයො… තීණි.

ඣානපච්චයාදි

165. ලොකියො ¶ ධම්මො ලොකියස්ස ධම්මස්ස ඣානපච්චයෙන පච්චයො… එකං, ලොකුත්තරො ධම්මො…පෙ… තීණි… මග්ගපච්චයෙන පච්චයො, ලොකියෙ එකං, ලොකුත්තරෙ තීණි.

ලොකියො ධම්මො ලොකියස්ස ධම්මස්ස සම්පයුත්තපච්චයෙන පච්චයො… එකං, ලොකුත්තරො ධම්මො…පෙ… එකං.

විප්පයුත්තපච්චයො

166. ලොකියො ධම්මො ලොකියස්ස ධම්මස්ස විප්පයුත්තපච්චයෙන පච්චයො – සහජාතං, පුරෙජාතං, පච්ඡාජාතං. සහජාතා – ලොකියා ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො; පටිසන්ධික්ඛණෙ…පෙ… ඛන්ධා වත්ථුස්ස විප්පයුත්තපච්චයෙන පච්චයො; වත්ථු ඛන්ධානං විප්පයුත්තපච්චයෙන පච්චයො. පුරෙජාතං – චක්ඛායතනං චක්ඛුවිඤ්ඤාණස්ස…පෙ… කායායතනං ¶ කායවිඤ්ඤාණස්ස…පෙ… වත්ථු ලොකියානං ඛන්ධානං විප්පයුත්තපච්චයෙන පච්චයො. පච්ඡාජාතා – ලොකියා ඛන්ධා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො. (1)

ලොකියො ¶ ධම්මො ලොකුත්තරස්ස ධම්මස්ස විප්පයුත්තපච්චයෙන පච්චයො. පුරෙජාතං – වත්ථු ලොකුත්තරානං ඛන්ධානං විප්පයුත්තපච්චයෙන පච්චයො. (2)

ලොකුත්තරො ධම්මො ලොකියස්ස ධම්මස්ස විප්පයුත්තපච්චයෙන පච්චයො – සහජාතං, පච්ඡාජාතං. සහජාතා – ලොකුත්තරා ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො. පච්ඡාජාතා – ලොකුත්තරා ඛන්ධා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො. (1)

අත්ථිපච්චයාදි

167. ලොකියො ධම්මො ලොකියස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං, පච්ඡාජාතං, ආහාරං, ඉන්ද්රියං. සහජාතො – ලොකියො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං…පෙ… (යාව අසඤ්ඤසත්තා). පුරෙජාතං – චක්ඛුං…පෙ… වත්ථුං ¶ …පෙ… (පුරෙජාතසදිසං). වත්ථු ලොකියානං ඛන්ධානං අත්ථිපච්චයෙන පච්චයො. පච්ඡාජාතා – ලොකියා ඛන්ධා පුරෙජාතස්ස ඉමස්ස කායස්ස අත්ථිපච්චයෙන පච්චයො; කබළීකාරො ආහාරො ඉමස්ස කායස්ස අත්ථිපච්චයෙන පච්චයො; රූපජීවිතින්ද්රියං කටත්තාරූපානං අත්ථිපච්චයෙන පච්චයො. (1)

ලොකියො ධම්මො ලොකුත්තරස්ස ධම්මස්ස අත්ථිපච්චයෙන පච්චයො. පුරෙජාතං – වත්ථු ලොකුත්තරානං ඛන්ධානං අත්ථිපච්චයෙන පච්චයො. (2)

168. ලොකුත්තරො ධම්මො ලොකුත්තරස්ස ධම්මස්ස අත්ථිපච්චයෙන පච්චයො – ලොකුත්තරො එකො ඛන්ධො තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ඛන්ධා…පෙ…. (1)

ලොකුත්තරො ධම්මො ලොකියස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං. සහජාතා ¶ – ලොකුත්තරා ඛන්ධා චිත්තසමුට්ඨානානං රූපානං අත්ථිපච්චයෙන පච්චයො. පච්ඡාජාතා – ලොකුත්තරා ඛන්ධා පුරෙජාතස්ස ඉමස්ස කායස්ස අත්ථිපච්චයෙන පච්චයො. (2)

ලොකුත්තරො ¶ ධම්මො ලොකියස්ස ච ලොකුත්තරස්ස ච ධම්මස්ස අත්ථිපච්චයෙන පච්චයො – ලොකුත්තරො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්චයෙන පච්චයො…පෙ… ද්වෙ ඛන්ධා…පෙ…. (3)

169. ලොකියො ච ලොකුත්තරො ච ධම්මා ලොකියස්ස ධම්මස්ස අත්ථිපච්චයෙන පච්චයො – සහජාතං, පච්ඡාජාතං, ආහාරං, ඉන්ද්රියං. සහජාතා – ලොකුත්තරා ඛන්ධා ච මහාභූතා ච චිත්තසමුට්ඨානානං රූපානං අත්ථිපච්චයෙන පච්චයො. පච්ඡාජාතා – ලොකුත්තරා ඛන්ධා ච කබළීකාරො ආහාරො ච ඉමස්ස කායස්ස අත්ථිපච්චයෙන පච්චයො. පච්ඡාජාතා – ලොකුත්තරා ඛන්ධා ච රූපජීවිතින්ද්රියඤ්ච කටත්තාරූපානං අත්ථිපච්චයෙන පච්චයො. (1)

ලොකියො ච ලොකුත්තරො ච ධම්මා ලොකුත්තරස්ස ධම්මස්ස අත්ථිපච්චයෙන පච්චයො – සහජාතං, පුරෙජාතං. සහජාතො – ලොකුත්තරො එකො ඛන්ධො ච වත්ථු ච තිණ්ණන්නං ඛන්ධානං අත්ථිපච්චයෙන පච්චයො…පෙ… ද්වෙ ඛන්ධා ච…පෙ…. (2)

නත්ථිපච්චයෙන ¶ පච්චයො… විගතපච්චයෙන පච්චයො… අවිගතපච්චයෙන පච්චයො. (2)