අඤ්ඤ > සඞ්ගායන-පුච්ඡ විස්සජ්ජනා

සුණාතු ¶ මෙ භන්තෙ සඞ්ඝො, මහතී අයං පරිසා, එවරූපාය පරිසාය න සුකරා සබ්බසො කථං සාවෙතුං, තස්මා ආයස්මතො ච ජවනත්ථෙරස්ස පඛුක්කූනගරවාසිනො ආයස්මතො ච විචිත්තසාරාභිවංසස්ස තිපිටකධර ධම්මභණ්ඩාගාරිකස්ස විනයපුච්ඡනභාරඤ්ච විනයවිස්සජ්ජන භාරඤ්ච ආවහිතුං ඔකාසං දම්මි, කරොථ තුම්හෙ ආවුසො ඡට්ඨසංගීතිපුබ්බඞ්ගමානි විනයපුච්ඡන විනයවිස්සජ්ජන කිච්චානි යථාධම්මං යථාවිනයං.

අග්ගමහාපණ්ඩිත ¶ භදන්තජවන මහාථෙරෙන

සුණාතු මෙ භන්තෙ සඞ්ඝො, යදි සඞ්ඝස්ස පත්තකල්ලං, අහං ආයස්මන්තං විචිත්තසාරාභිවංසං තිපිටකධර ධම්මභණ්ඩාගාරිකං විනයං පුච්ඡෙය්යං.

ඨපිතා විස්සජ්ජක සම්මුති ඤාත්ති

සුණාතු මෙ භන්තෙ සඞ්ඝො, යදි සඞ්ඝස්ස පත්තකල්ලං, අහං ආයස්මතා ජවනත්ථෙරෙන සඞ්ඝනායක මහාථෙරස්ස පටිනිධිභූතෙන විනයං පුට්ඨො විස්සජ්ජෙය්යං.

පුච්ඡා – යං ¶ තෙන ආවුසො භගවතා ජානතා පස්සතා අරහතා සම්මාසම්බුද්ධෙන පඨමං පාරාජිකං කත්ථ පඤ්ඤත්තං.

විස්සජ්ජනා – වෙසාලියං භන්තෙ පඤ්ඤත්තං.

පුච්ඡා – කං ආවුසො ආරබ්භ පඤ්ඤත්තං.

විස්සජ්ජනා – සුදින්නං භන්තෙ කලන්දපුත්තං ආරබ්භ පඤ්ඤත්තං.

පුච්ඡා – කිස්මිං ආවුසො වත්ථුස්මිං පඤ්ඤත්තං.

විස්සජ්ජනා – සුදින්දො භන්තෙ කලන්දපුත්තො පුරාණදුතියිකාය මෙථුනං ධම්මං පටිසෙවි, තස්මිං භන්තෙ වත්ථුස්මිං පඤ්ඤත්තං.

පුච්ඡා – අත්ථි ආවුසො තත්ථ පඤ්ඤත්ති අනුපඤ්ඤත්ති අනුප්පන්නපඤ්ඤත්ති.

විස්සජ්ජනා – එකා භන්තෙ පඤ්ඤත්ති ද්වෙ අනුපඤ්ඤත්තියො, අනුප්පන්නපඤ්ඤත්ති තස්මිං නත්ථි.

පුච්ඡා – සබ්බත්ථපඤ්ඤත්තිනුඛො ¶ ආවුසො පදෙසපඤ්ඤත්තිනුඛො.

විස්සජ්ජනා – සබ්බත්ථපඤ්ඤත්ති භන්තෙ.

පුච්ඡා – සාධාරණපඤ්ඤත්තිනුඛො ආවුසො අසාධාරණපඤ්ඤත්තිනුඛො.

විස්සජ්ජනා – සාධාරණපඤ්ඤත්ති භන්තෙ.

පුච්ඡා – එකතොපඤ්ඤත්තිනුඛො ආවුසො උභතොපඤ්ඤත්තිනුඛො.

විස්සජ්ජනා – උභතොපඤ්ඤත්ති භන්තෙ.

පුච්ඡා – පඤ්චන්නං ආවුසො පාතිමොක්ඛුද්දෙසානං කත්ථොගධං කත්ථ පරියාපන්නං.

විස්සජ්ජනා – නිදානොගධං ¶ භන්තෙ නිදානපරියාපන්නං.

පුච්ඡා – කතමෙන ආවුසො උද්දෙසෙන උද්දෙසං ආගච්ඡති.

විස්සජ්ජනා – දුතියෙන භන්තෙ උද්දෙසෙන උද්දෙසං ආගච්ඡති.

පුච්ඡා – චතුන්නං ආවුසො විපත්තීනං කතමා විපත්ති.

විස්සජ්ජනා – සීලවිපත්ති භන්තෙ.

විස්සජ්ජනා – අසංවරො භන්තෙ විපත්ති.

විස්සජ්ජනා – සංවරො භන්තෙ සම්මත්ති.

විස්සජ්ජනා – න එවරූපං කරිස්සාමීති යාවජීවං ආපාණකොටිකං සමාදාය සික්ඛති සික්ඛාපදෙසු, අයං භන්තෙ පටිපත්ති.

පුච්ඡා – කති ආවුසො අත්ථවසෙ පටිච්ච භගවතා පඨමං පාරාජිකං පඤ්ඤත්තං.

විස්සජ්ජනා – දස භන්තෙ අත්ථවසෙ පටිච්ච භගවතා පඨමං පාරාජිකං පඤ්ඤත්තං, 1 - සඞ්ඝසුට්ඨුතාය, 2 - සඞ්ඝඵාසුතාය, 3 - දුම්මඞ්කූනං පුග්ගලානං නිග්ගහාය, 4 - පෙසලානං භික්ඛූනං ඵාසුවිහාරාය, 5 - දිට්ඨධම්මිකානං ආසවානං සංවරාය, 6 - සම්පරායිකානං ආසවානං පටිඝාතාය, 7 - අප්පසන්නානං පසාදාය, 8 - පසන්නානං භිය්යොභාවාය, 9 - සද්ධම්මට්ඨිතියා, 10 - විනයානුග්ගහාය.

පුච්ඡා – කෙ ¶ ආවුසො සික්ඛන්ති.

විස්සජ්ජනා – සෙක්ඛාච භන්තෙ පුථුජ්ජනකල්යාණකාච සික්ඛන්ති.

පුච්ඡා – කෙ ආවුසො සික්ඛිතසික්ඛා.

විස්සජ්ජනා – අරහන්තො භන්තෙ සික්ඛිතසික්ඛා.

විස්සජ්ජනා – සික්ඛාකාමෙසු භන්තෙ ඨිතං.

විස්සජ්ජනා – යෙසං භන්තෙ වත්තති තෙ ධාරෙන්ති.

විස්සජ්ජනා – භගවතො භන්තෙ වචනං අරහතො සම්මාසම්බුද්ධස්ස.

විස්සජ්ජනා – පරම්පරාය භන්තෙ ආභතං.

සුණාතු මෙ භන්තෙ සඞ්ඝො අහං භන්තෙ ආයස්මන්තං විචිත්ථසාරාභිවංසං තිපිටකධර ධම්මභණ්ඩාගාරිකං පඨමස්ස පාරාජිකස්ස නිදානම්පි පුච්ඡිං, පුග්ගලම්පි පුච්ඡිං, වත්ථුම්පි පුච්ඡිං, පඤ්ඤත්ති අනුපඤ්ඤත්තිආදීනිපි පුච්ඡිං, පුට්ඨො පුට්ඨොච සො ආයස්මාවිචිත්තසාරාභිවංසො විස්සජ්ජෙසි, ඉතිහිදං භන්තෙ පඨමං පාරාජික සික්ඛාපදං නිම්මලං සුපරිසුද්ධං තස්සෙව භගවතො වචනං අරහතො සම්මාසම්බුද්ධස්ස, තස්මා යථාපුරෙ මහාකස්සපාදයො මහාථෙරවරා පොරාණසංගීතිකාරා බ්රහ්මචරිය සඞ්ඛාතස්ස බුද්ධසාසනස්ස චිරට්ඨිතියා බහුජනහිතාය බහුජනසුඛාය ලොකානුකම්පාය අත්ථාය හිතාය සුඛාය දෙවමනුස්සානං ධම්මවිනයං සඞ්ගායිංසුචෙව අනුසඞ්ගායිංසුච, එවමෙව මයම්පි දානි සබ්බෙව ඡට්ඨසංගීතිමහාධම්මසභාපරියාපන්නා ඉදං පඨම පාරාජික සික්ඛාපදං එකතොසජ්ඣායනවසෙන සංගායෙය්යාම.

රෙවතාභි පණ්ඩිතධජ සාසනවංස මහාධම්මරාජගුරුනො

අභිධජමහාරට්ඨගුරුනොච සඞ්ඝනායක මහාථෙරස්ස

සුණාතු ¶ මෙ භන්තෙ සඞ්ඝො, මහතී අයං පරිසා, එවරූපාය පරිසාය න සුකරා සබ්බසො කථං සාවෙතුං, තස්මා ආයස්මතොච සොභනස්ස සාසනරි සාරාමාධිවාසිනො ආයස්මතොච විචිත්තසාරාභිවංසස්ස තිපිටකධර ධම්මභණ්ඩාගාරිකස්ස විනයපුච්ඡනභාරඤ්ච විනයවිස්සජ්ජනභාරඤ්ච ආවහිතුං ඔකාසං දම්මි, කරොථ තුම්හෙ ආවුසො ඡට්ඨසංගීතිපුබ්බඞ්ගමානි විනයපුච්ඡන විනයවිස්සජ්ජන කිච්චානි යථාධම්මං යථාවිනයං.

අග්ගමහාපණ්ඩිත භදන්ත සොභනත්ථෙරෙන

ඨපිතා විස්සජ්ජක සම්මුති ඤාත්ති

සුණාතු ¶ මෙ භන්තෙ සඞ්ඝො, යදිසඞ්ඝස්ස පත්තකල්ලං, අහං ආයස්මතා සොභනත්ථෙරෙන සඞ්ඝනායක මහාථෙරස්ස පටිනිධිභූතෙන විනයං පුට්ඨො විස්සජ්ජෙය්යං.

පුච්ඡා – යං ¶ තෙන ආවුසො භගවතා ජානතා පස්සතා අරහතා සම්මාසම්බුද්ධෙන දුතියං පාරාජිකං කත්ථ පඤ්ඤත්තං.

විස්සජ්ජනා – රාජගහෙ භන්තෙ පඤ්ඤත්තං.

පුච්ඡා – කං ආවුසො ආරබ්භ පඤ්ඤත්තං.

විස්සජ්ජනා – ධනියං භන්තෙ කුම්භකාරපුත්තං ආරබ්භ පඤ්ඤත්තං.

පුච්ඡා – කිස්මිං ආවුසො වත්ථුස්මිං පඤ්ඤත්තං.

විස්සජ්ජනා – ධනියො භන්තෙ කුම්භකාරපුත්තො රඤ්ඤො දාරූනි අදින්නං ආදියි, තස්මිං වත්ථුස්මිං පඤ්ඤත්තං.

පුච්ඡා – අත්ථි ¶ ආවුසො තත්ථ පඤ්ඤත්ති අනුපඤ්ඤත්ති අනුප්පන්නපඤ්ඤත්ති.

විස්සජ්ජනා – එකා භන්තෙ පඤ්ඤත්ති එකා අනුපඤ්ඤත්ති අනුප්පන්නපඤ්ඤත්ති තස්මිං නත්ථි.

පුච්ඡා – කා ආවුසො තත්ථ මූලපඤ්ඤත්ති.

විස්සජ්ජනා – යො පන භික්ඛු අදින්නං ථෙය්යසඞ්ඛාතං ආදියෙය්ය, යථාරූපෙ අදින්නාදානෙ රාජානො චොරං ගහෙත්වා හනෙය්යුංවා බන්ධෙය්යුංවා පබ්බාජෙය්යුංවා චොරොසි බාලොසි මුළ්හොසි ථෙනොසීති තථාරූපං භික්ඛු අදින්නං ආදියමානො අයම්පි පාරාජිකො හොති අසංවාසොති අයං භන්තෙ තත්ථ මූලපඤ්ඤත්ති.

පුච්ඡා – කා ¶ ආවුසො තත්ථ අනුපඤ්ඤත්ති.

විස්සජ්ජනා – ගාමාවා අරඤ්ඤාවාති අයං භන්තෙ තත්ථ අනුපඤ්ඤත්ති.

පුච්ඡා – කා ආවුසො තත්ථ පරිපුණ්ණපඤ්ඤත්ති.

විස්සජ්ජනා – යො පන භික්ඛු ගාමාවා අරඤ්ඤාවා අදින්නං ථෙය්යසඞ්ඛාතං ආදියෙය්ය, කථාරූපෙ අදින්නාදානෙ රාජානො චොරං ගහෙත්වා හනෙය්යුංවා බන්ධෙය්යුංවා පබ්බාජෙය්යුංවා චොරොසි බාලොසි මූළ්හොසි ථෙනොසීති තථාරූපං භික්ඛු අදින්නං ආදියමානො අයම්පි පාරාජිකො හොති අසංවාසොති අයං භන්තෙ තත්ථ පරිපුණ්ණපඤ්ඤත්ති.

පුච්ඡා – සබ්බත්ථපඤ්ඤත්ති ¶ නුඛො ආවුසො පදෙසපඤ්ඤත්තිනුඛො.

විස්සජ්ජනා – සබ්බත්ථපඤ්ඤත්ති භන්තෙ.

පුච්ඡා – සාධාරණපඤ්ඤත්තිනුඛො ආවුසො අසාධාරණපඤ්ඤත්ති නුඛො.

විස්සජ්ජනා – සාධාරණපඤ්ඤත්ති භන්තෙ.

පුච්ඡා – එකතොපඤ්ඤත්තිනුඛො ආවුසො උභතොපඤ්ඤත්තිනුඛො.

විස්සජ්ජනා – උභතොපඤ්ඤත්ති භන්තෙ.

පුච්ඡා – තස්මිං ¶ ආවුසො දුතිය පාරාජිකෙ අදින්නං ආදියන්තො කති ආපත්තියො ආපජ්ජති විභජිත්වා විස්සජ්ජෙහි.

විස්සජ්ජනා – අදින්නං භන්තෙ ආදියන්තො තිස්සො ආපත්තියො ආපජ්ජති, පඤ්ච මාසකංවා අතිරෙක පඤ්ච මාසකංවා අග්ඝනකං අදින්නං ථෙය්යසඞ්ඛාතං ආදියති ආපත්ති පාරාජිකස්ස, ඌනපඤ්චමාසකංවා අතිරෙකමාසකංවා අදින්නං ථෙය්යසඞ්ඛාතං ආදියති ආපත්ති ථුල්ලච්චයස්ස, මාසකංවා ඌනමාසකවා අග්ඝනකං අදින්නං ථෙය්යසඞ්ඛාතං ආදියති ආපත්ති දුක්කටස්ස, අදින්නං භන්තෙ ආදියන්තො ඉමා තිස්සො ආපත්තියො ආපජ්ජති.

පුච්ඡා – කෙසං ¶ ආවුසො අනාපත්ති.

විස්සජ්ජනා – දසන්නං භන්තෙ පුග්ගලානං අනාපත්ති, සකසඤ්ඤිස්ස, විස්සාසග්ගාහෙන ගණ්හන්තස්ස, තාවකාලිකං ගණ්හන්තස්ස, පෙතපරිග්ගහං ගණ්හන්තස්ස, තිරච්ඡානගතපරිග්ගහං ගණ්හන්තස්ස, පංසුකූලසඤ්ඤිස්ස, උම්මත්තකස්ස, ඛිත්තචිත්තස්ස, වෙදනාට්ටස්ස, ආදිකම්මිකස්සාති.

පුච්ඡා – පඤ්චන්නං ආවුසො පාතිමොක්ඛුද්දෙසානං කත්ථොගධං කත්ථපරියාපන්නං.

විස්සජ්ජනා – නිදානොගධං භන්තෙ නිදානපරියාපන්නං.

පුච්ඡා – කතමෙන ¶ ආවුසො උද්දෙසෙන උද්දෙසං ආගච්ඡති.

විස්සජ්ජනා – දුතියෙන භන්තෙ උද්දෙසෙන උද්දෙසං ආගච්ඡති.

පුච්ඡා – චතුන්නං ආවුසො විපත්තීනං කතමා විපත්ති.

විස්සජ්ජනා – සීලවිපත්ති භන්තෙ.

පුච්ඡා – සත්තන්නං ආවුසො ආපත්තික්ඛන්ධානං කතමො ආපත්තික්ඛන්ධො.

විස්සජ්ජනා – පාරාජිකාපත්තික්ඛන්ධො භන්තෙ.

පුච්ඡා – ඡන්නං ආවුසො ආපත්තිසමුට්ඨානානං කතිහි සමුට්ඨානෙහි සමුට්ඨාති.

විස්සජ්ජනා – තීහි භන්තෙ සමුට්ඨානෙහි සමුට්ඨාති, සියා කායතොච චිත්තතොච සමුට්ඨාති, න වාචාතො, සියා වාචාතොච

චිත්තතොච ¶ සමුට්ඨාති, න කායතො, සියා කායතොච වාචාතොච චිත්තතොච සමුට්ඨාති.

පුච්ඡා – චතුන්නං ආවුසො අධිකරණානං කතමං අධිකරණං.

විස්සජ්ජනා – ආපත්තාධිකරණං භන්තෙ.

පුච්ඡා – සත්තන්නං ආවුසො සමථානං කතිහි සමථෙහි සම්මති.

විස්සජ්ජනා – ද්විහි භන්තෙ සමථෙහි සම්මති සම්මුඛාවිනයෙනච පටිඤ්ඤාත කරණෙනච.

පුච්ඡා – කො ¶ ආවුසො තත්ථ විනයො, කො තත්ථ අභිවිනයො.

විස්සජ්ජනා – පඤ්ඤත්ති භන්තෙ විනයො විභත්ති අභිවිනයො.

පුච්ඡා – කිංආවුසො තත්ථ පාතිමොක්ඛං කිං තත්ථ අධිපාතිමොක්ඛං.

විස්සජ්ජනා – පඤ්ඤත්ති භන්තෙ පාතිමොක්ඛං, විභත්ති අධිපාතිමොක්ඛං.

විස්සජ්ජනා – අසංවරො භන්තෙ විපත්ති.

විස්සජ්ජනා – සංවරො භන්තෙ සම්පත්ති.

විස්සජ්ජනා – න එවරූපං කරිස්සාමීති යාවජීවං ආපාණකොටිකං සමාදාය සික්ඛති සික්ඛාපදෙසු අයං භන්තෙ තත්ථ පටිපත්ති.

පුච්ඡා – කති ආවුසො අත්ථවසෙ පටිච්ච භගවතා දුතියං පාරාජිකං පඤ්ඤත්තං.

විස්සජ්ජනා – දස භන්තෙ අත්ථවසෙ පටිච්ච භගවතා දුතියං පාරාජිකං පඤ්ඤත්තං. සඞ්ඝසුට්ඨුතාය සඞ්ඝඵාසුතාය දුම්මඞ්කූනං පුග්ගලානං නිග්ගහාය පෙසලානං භික්ඛූනං ඵාසුවිහාරාය දිට්ඨධම්මිකානං ආසවානං සංවරාය සම්පරායිකානං ආසවානං පටිඝාතාය අප්පසන්නානං පසාදාය පසන්නානං භිය්යොභාවාය සද්ධම්මට්ඨිතියා විනයානුග්ගහාය.

පුච්ඡා – කො ¶ ආවුසො සික්ඛන්ති.

විස්සජ්ජනා – සෙක්ඛාච භන්තෙ පුථුජ්ජනකල්යාණකාච සික්ඛන්ති.

පුච්ඡා – කෙ ආවුසො සික්ඛිතසික්ඛා.

විස්සජ්ජනා – අරහන්තො භන්තෙ සික්ඛිතසික්ඛා.

විස්සජ්ජනා – සික්ඛාකාමෙසු භන්තෙ ඨිතං.

විස්සජ්ජනා – යෙසං භන්තෙ වත්තති තෙ ධාරෙන්ති.

විස්සජ්ජනා – භගවතා භන්තෙ වචනං අරහතො සම්මාසම්මුද්ධස්ස.

විස්සජ්ජනා – පරම්පරාය භන්තෙ ආභතං.

පුච්ඡා – අත්ථි නු ඛො ආවුසො තත්ථ උපනෙතබ්බං වා අපනෙතබ්බං වා අක්ඛරපදපච්චාභට්ඨං වා විරද්ධපදබ්යඤ්ජනං වා.

‘‘සංගායනත්ථාය සඞ්ඝස්ස ඤාපනං’’

සුණාතු ¶ මෙ භන්තෙ සඞ්ඝො අහං භන්තෙ ආයස්මන්තං විචිත්තසාරාභිවංස තිපිටකධරධම්මභණ්ඩාගාරිකං දුතියස්ස පාරාජිකස්ස නිදානම්පි පුච්ඡිං, පුග්ගලම්පි පුච්ඡිං, වත්ථුම්පි පුච්ඡිං, පඤ්ඤත්තිම්පි පුච්ඡිං, අනුපඤ්ඤත්තිම්පි පුච්ඡිං, ආපත්තිම්පි පුච්ඡිං, අනාපත්තිම්පි පුච්ඡිං, අඤ්ඤානිපි ඊදිසානි පුච්ඡිතබ්බට්ඨානානි අනෙකානි පුච්ඡිං, පුට්ඨො පුට්ඨොච සො ආයස්මා විචිත්තසාරාභිවංසො විස්සජ්ජෙසි. ඉති හිදං භන්තෙ ඉදං දුතියං පාරාජික සික්ඛාපදං නිම්මලං, සුපරිසුද්ධං, තස්සෙව භගවතො වචනං අරහතො සම්මාසම්බුද්ධස්ස, තස්මා යථා පුරෙ මහාකස්ස පාදයො මහාථෙරවරා පොරාණසංගීතිකාරා බ්රහ්මචරියසඞ්ඛාතස්ස බුද්ධසාසනස්ස චිරට්ඨිතියා, බහුජනහිතාය, බහුජනසුඛාය ලොකානුකම්පාය අත්ථාය, හිතාය, සුඛාය, දෙවමනුස්සානං ධම්මවිනයං සඞ්ගායිංසුචෙව අනුසඞ්ගායිංසුච, එවමෙව මයම්පි දානි සබ්බෙව ඡට්ඨසංගීතිමහාධම්මසභාපරියාපන්නා ඉදං දුතිය පාරාජික සික්ඛාපදං එකතො ගණසජ්ඣායං කත්වා සමග්ගා සම්මොදමානා හුත්වා සඞ්ගායෙය්යාම.

පුච්ඡා – යං ¶ තෙන ආවුසො භගවතා (ප) සම්මාසම්බුද්ධෙන තතියං පාරාජිකං කත්ථ පඤ්ඤත්තං.

විස්සජ්ජනා – වෙසාලියං භන්තෙ පඤ්ඤත්තං.

පුච්ඡා – කං ආවුසො ආරබ්භ පඤ්ඤත්තං.

විස්සජ්ජනා – සම්බහුලෙ භන්තෙ භික්ඛූ ආරබ්භ පඤ්ඤත්තං.

පුච්ඡා – කිස්මිං ආවුසො වත්ථුස්මිං පඤ්ඤත්තං.

විස්සජ්ජනා – සම්බහුලා භන්තෙ භික්ඛු අඤ්ඤමඤ්ඤං ජීවිතා වොරොපෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – අත්ථි ¶ නුඛො ආවුසො තත්ථ පඤ්ඤත්ති අනුපඤ්ඤත්ති අනුප්පන්නපඤ්ඤත්ති.

විස්සජ්ජනා – එකා භන්තෙ පඤ්ඤත්ති, එකා අනුපඤ්ඤත්ති, අනුප්පන්නපඤ්ඤත්ති තස්මිං නත්ථි.

පුච්ඡා – කා ආවුසො තත්ථ මූලපඤ්ඤත්ති.

විස්සජ්ජනා – යොපන භික්ඛු සඤ්චිච්ච මනුස්සවිග්ගහං ජීවිතා වොරොපෙය්ය, සත්ථහාරකංවාස්ස පරියෙසෙය්ය අයම්පි පාරාජිකො හොති අසංවාසොති අයං භන්තෙ තත්ථ මූලපඤ්ඤත්ති.

පුච්ඡා – කා ආවුසො තත්ථ අනුපඤ්ඤත්ති.

විස්සජ්ජනා – මරණවණ්ණං වා සංවණ්ණෙය්ය මරණාය වා සමාදපෙය්ය අම්භොපුරිස කිං තුය්හිමිනා පාපකෙන දුජ්ජීවිතෙන මතන්තෙ ජීවිතා

සෙය්යාති ¶ ඉති චිත්තමනො චිත්තසඞ්කප්පො අනෙකපරියායෙන මරණවණ්ණං වා සංවණ්ණෙය්ය මරණාය වා සමාදපෙය්යාති අයං භන්තෙ තත්ථ අනුපඤ්ඤත්ති.

පුච්ඡා – කා ආවුසො තත්ථ පරිපුණ්ණපඤ්ඤත්ති.

විස්සජ්ජනා – යො පන භික්ඛු සඤ්චිච්ච මනුස්සවිග්ගහං ජීවිතා වොරොපෙය්ය, සත්ථහාරකංවාස්ස පරියෙසෙය්ය, මරණවණ්ණං වා සංවණ්ණෙය්ය, මරණාය වා සමාදපෙය්ය, අම්භො පුරිස කිං තුය්හිමිනා පාපකෙන දුජ්ජීවිතෙන මතන්තෙ ජීවිතා සෙය්යොති ඉති චිත්තමනො චිත්තසඞ්කප්පො අනෙකපරියායෙන මරණවණ්ණංවා සංවණ්ණෙය්ය, මරණාය වා සමාදපෙය්ය, අයම්පි පාරාජිකො හොති අසංවාසොති අයං භන්තෙ තත්ථ පරිපුණ්ණපඤ්ඤත්ති.

පුච්ඡා – සබ්බත්ථපඤ්ඤත්ති ¶ නුඛො ආවුසොපදෙසපඤ්ඤත්ති නුඛො.

විස්සජ්ජනා – සබ්බත්ථපඤ්ඤත්ති භන්තෙ.

පුච්ඡා – සාධාරණපඤ්ඤත්තිනුඛො ආවුසො අසාධාරණපඤ්ඤත්ති නුඛො.

විස්සජ්ජනා – සාධාරණපඤ්ඤත්ති භන්තෙ.

පුච්ඡා – එකතොපඤ්ඤත්ති ¶ නුඛො ආවුසො උභතොපඤ්ඤත්ති නුඛො.

විස්සජ්ජනා – උභතොපඤ්ඤත්ති භන්තෙ.

පුච්ඡා – තස්මිං ආවුසො තතිය පාරාජිකෙ සඤ්චිච්ච මනුස්සවිග්ගහං ජීවිතා වොරොපෙන්තො කති ආපත්තියො ආපජ්ජති.

විස්සජ්ජනා – සඤ්චිස්ස භන්තෙ මනුස්සවිග්ගහං ජීවිතා වොරොපෙන්තො තිස්සො ආපත්තියො ආපජ්ජති, මනුස්සං ඔදිස්ස පපාතං ඛණති පපතිත්වා මරිස්සතීති ආපත්ති දුක්කටස්ස, පපතිතෙ දුක්ඛා වෙදනා උප්පජ්ජති ආපත්ති ථුල්ලච්චයස්ස, මරති ආපත්ති පාරාජිකස්ස, සඤ්චිච්ච භන්තෙ මනුස්සවිග්ගහං ජීවිතා වොරොපෙන්තො ඉමා තිස්සො ආපත්තියො ආපජ්ජති.

පුච්ඡා – කෙසං ¶ ආවුසො අනාපත්ති.

විස්සජ්ජනා – සත්තන්නං භන්තෙ පුග්ගලානං අනාපත්ති, අසඤ්චිච්ච මාරෙන්තස්ස, අජානන්තස්ස, න මරණාධිප්පායස්ස, උම්මත්තකස්ස, ඛිත්තචිත්තස්ස, වෙදනාට්ටස්ස, ආදිකම්මිකස්ස.

පුච්ඡා – පඤ්චන්නං ආවුසො පාතිමොක්ඛුද්දෙසානං කත්ථොගධං කත්ථ පරියාපන්නං.

විස්සජ්ජනා – නිදානොගධං භන්තෙ නිදානපරියාපන්නං.

පුච්ඡා – කතමෙන ¶ ආවුසො උද්දෙසෙන උද්දෙසං ආගච්ඡති.

විස්සජ්ජනා – දුතියෙන භන්තෙ උද්දෙසෙන උද්දෙසං ආගච්ඡති.

පුච්ඡා – චතුන්නං ආවුසො විපත්තීනං කතමා විපත්ති.

විස්සජ්ජනා – සීලවිපත්ති භන්තෙ.

පුච්ඡා – සත්තන්නං ආවුසො ආපත්තික්ඛන්ධානං කතමො ආපත්තික්ඛන්ධො.

විස්සජ්ජනා – පාරාජිකාපත්තික්ඛන්ධො භන්තෙ.

පුච්ඡා – ඡන්නං ආවුසො ආපත්තිසමුට්ඨානානං කතිහි සමුට්ඨානෙහි සමුට්ඨාති.

විස්සජ්ජනා – ඡන්නං භන්තෙ ආපත්තිසමුට්ඨානානං තීහි සමුට්ඨානෙහි සමුට්ඨාති, සියා කායතොච චිත්තතොච සමුට්ඨාති, න වාචතො ¶ , සියා වාචතොච චිත්තතොච සමුට්ඨාති, න කායතො, සියා කායතොච වාචතොච චිත්තතොච සමුට්ඨාති.

පුච්ඡා – චතුන්නං ආවුසො අධිකරණානං කතමං අධිකරණං.

විස්සජ්ජනා – ආපත්තාධිකරණං භන්තෙ.

පුච්ඡා – සත්තන්නං ¶ ආවුසො සමථානං කතිහි සමථෙහි සම්මති.

විස්සජ්ජනා – සත්තානං භන්තෙ සමථානං ද්වීහි සමථෙහි සම්මති, සම්මුඛා විනයෙනච පටිඤ්ඤාතකරණෙනච.

පුච්ඡා – කො තත්ථ ආවුසො විනයො කො තත්ථ අභිවිනයො.

විස්සජ්ජනා – පඤ්ඤත්ති භන්තෙ විනයො විභත්ති අභිවිනයො.

පුච්ඡා – කිං ආවුසො තත්ථ පාතිමොක්ඛං කිං අධිපාතිමොක්ඛං.

විස්සජ්ජනා – පඤ්ඤත්ති භන්තෙ පාතිමොක්ඛං විභත්ති අධිපාතිමොක්ඛං.

විස්සජ්ජනා – අසංවරො භන්තෙ විපත්ති.

විස්සජ්ජනා – සංවරො භන්තෙ සම්පත්ති.

පුච්ඡා – කා ආවුසො තත්ථ පටිපත්ති.

පුච්ඡා – කති ¶ ආවුසො අත්ථවසෙ පටිච්ච භගවතා තතියං පාරාජිකං පඤ්ඤත්තං.

විස්සජ්ජනා – දස භන්තෙ අත්ථවසෙ පටිච්ච භගවතා තතියං පාරාජිකං පඤ්ඤත්තං සඞ්ඝසුට්ඨුතාය සඞ්ඝඵාසුතාය (ප) විනයානුග්ගහාය.

පුච්ඡා – කෙ ¶ ආවුසො සික්ඛන්ති.

විස්සජ්ජනා – සෙක්ඛාච භන්තෙ පුථුජ්ජනකල්යාණකාච සික්ඛන්ති.

පුච්ඡා – කෙ ආවුසො සික්ඛිතසික්ඛා.

විස්සජ්ජනා – අරහන්තො භන්තෙ සික්ඛිතසික්ඛා.

විස්සජ්ජනා – සික්ඛාකාමෙසු භන්තෙ ඨිතං.

විස්සජ්ජනා – යෙසං භන්තෙ වත්තති තෙ ධාරෙන්ති.

විස්සජ්ජනා – භගවතො භන්තෙ වචනං අරහතො සම්මාසම්බුද්ධස්ස.

විස්සජ්ජනා – පරම්පරාය භන්තෙ ආභතං.

පුච්ඡා – අත්ථිනුඛො ආවුසො තත්ථ කිඤ්චි උපනෙතබ්බං වා අපනෙතබ්බං වා අක්ඛරපදපච්චාභට්ඨං වා විරද්ධපදබ්යඤ්ජනං වා.

සුණාතු ¶ මෙ භන්තෙ සඞ්ඝො, අහං භන්තෙ ආයස්මන්තං විචිත්තසාරාභිවංසං තිපිටකධර ධම්මභණ්ඩාගාරිකං තතියස්ස පාරාජිකස්ස නිදානම්පි පුච්ඡිං, පුග්ගලම්පි පුච්ඡිං, වත්ථුම්පි පුච්ඡිං, පඤ්ඤත්තිම්පි පුච්ඡිං, අනුපඤ්ඤත්තිම්පි පුච්ඡිං, ආපත්තිම්පි පුච්ඡිං, අනාපත්තිම්පි පුච්ඡිං, අඤ්ඤානිපි එවරූපානි පුච්ඡිතබ්බට්ඨානානි අනෙකානි පුච්ඡිං, පුට්ඨො පුට්ඨොච සො ආයස්මා විචිත්තසාරාභිවංසො විස්සජ්ජෙසි, ඉතිහිදං භන්තෙ තතියපාරාජිකසික්ඛාපදං නිම්මලං සුපරිසුද්ධං තස්සෙව භගවතො වචනං අරහතො සම්මාසම්මුද්ධස්ස, තස්මා යථා පුරෙ මහාකස්සපාදයො මහාථෙරවරා පොරාණසංගීතිකාරා බ්රහ්මචරියසඞ්ඛාතස්ස බුද්ධසාසනස්ස චිරට්ඨිතියා බහුජනහිතාය බහුජනසුඛාය ලොකානුකම්පාය අත්ථාය හිතාය සුඛාය දෙවමනුස්සානං ධම්මවිනයං සඞ්ගායිංසුචෙව අනුසඞ්ගායිංසුච, එවමෙව මයම්පි දානි සබ්බෙව ඡට්ඨසංගීතිමහාධම්මසභාපරියාපන්නා ඉදං තතියපාරාජිකසික්ඛාපදං එකතො ගණසජ්ඣායං කත්වා සමග්ගා සම්මොදමානා හුත්වා සංගායෙය්යාම.

පුච්ඡා – යං ¶ තෙන ආවුසො භගවතා ජානතා පස්සතා…පෙ… සම්මාසම්බුද්ධෙන චතුත්ථං පාරාජිකං කත්ථ පඤ්ඤත්තං.

විස්සජ්ජනා – වෙසාලියං භන්තෙ.

පුච්ඡා – කං ආවුසො ආරබ්භ පඤ්ඤත්තං.

විස්සජ්ජනා – වග්ගුමුදාතීරියෙ භන්තෙ භික්ඛූ ආරබ්භ පඤ්ඤත්තං.

පුච්ඡා – කිස්මිං ආවුසො වත්ථුස්මිං පඤ්ඤත්තං.

විස්සජ්ජනා – වග්ගුමුදාතීරියා භන්තෙ භික්ඛූ ගිහීනං අඤ්ඤමඤ්ඤස්ස උත්තරිමනුස්සධම්මස්ස වණ්ණං භාසිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – අත්ථි ¶ ආවුසො තත්ථ පඤ්ඤත්ති අනුපඤ්ඤත්ති අනුප්පන්නපඤ්ඤත්ති.

පුච්ඡා – කතමා ආවුසො තත්ථ මූලපඤ්ඤත්ති.

විස්සජ්ජනා – යො පන භික්ඛු අනභිජානං උත්තරිමනුස්සධම්මං උත්තරිමනුස්සධම්මං අත්තුපනායිකං අලමරියඤාණදස්සනං සමුදාචරෙය්ය, ඉතිජානාමි ඉතිපස්සාමීති, තතො අපරෙන සමයෙන සමනුග්ගාහීය මානොවා අසමනුග්ගාහීය මානොවා ආපන්නො විසුද්ධාපෙක්ඛො එවං වදෙය්ය අජානමෙවං ආවුසො අවචං ජානාමි අපස්සං පස්සාමි තුච්ඡං මුසාවිලපින්ති අයම්පි පාරාජිකො හොති අසංවාසොති අයං භන්තෙ තත්ථ මූලපඤ්ඤත්ති.

පුච්ඡා – කතමා ¶ ආවුසො තත්ථ අනුපඤ්ඤත්ති.

විස්සජ්ජනා – අඤ්ඤත්ර අධිමානාති අයං භන්තෙ තත්ථ අනුපඤ්ඤත්ති.

හොන්ති යෙ තෙ ආනන්ද භික්ඛූ අදිට්ඨෙ දිට්ඨසඤ්ඤිනො අපත්තෙ පත්තසඤ්ඤිනො අනධිගතෙ අධිගතසඤ්ඤිනො අසච්ඡිකතෙ සච්ඡිකතසඤ්ඤනො අධිමානෙන අඤ්ඤං බ්යාකරොන්ති, තඤ්ච ඛො එතං අබ්බොහාරිකං.

පුච්ඡා – කතමා ¶ ආවුසො තත්ථ පරිපුණ්ණපඤ්ඤත්ති.

විස්සජ්ජනා – යොපන භික්ඛු අනභිජානං උත්තරිමනුස්සධම්මං අත්තුපනායිකං අලමරියඤාණදස්සනං සමුදාචරෙය්ය, ඉති ජානාමි ඉති පස්සාමීති, තතො අපරෙන සමයෙන සමනුග්ගාහීයමානොවා අසමනුග්ගාහීයමානොවා ආපන්නො විසුද්ධාපෙක්ඛො එවං වදෙය්ය අජානමෙවං ආවුසො අවචංජානාමි අපස්සං පස්සාමි තුච්ඡං මුසා විලපින්ති, අඤ්ඤත්ර අධිමානා අයම්පි පාරාජිකො හොති අසංවාසොති අයං භන්තෙ තත්ථ පරිපුණ්ණ පඤ්ඤත්ති.

පුච්ඡා – සබ්බත්ථපඤ්ඤත්ති ¶ නුඛො ආවුසො පදෙසපඤ්ඤත්ති නුඛො.

විස්සජ්ජනා – සබ්බත්ථපඤ්ඤත්ති භන්තෙ.

පුච්ඡා – සාධාරණපඤ්ඤත්ති නුඛො ආවුසො අසාධාරණපඤ්ඤත්තිනුඛො.

විස්සජ්ජනා – සාධාරණපඤ්ඤත්ති භන්තෙ.

පුච්ඡා – එකතොපඤ්ඤත්ති නුඛො ආවුසො උභතො පඤ්ඤත්ති නුඛො.

විස්සජ්ජනා – උභතොපඤ්ඤත්ති භන්තෙ.

පුච්ඡා – තස්මිං ¶ ආවුසො චතුත්ථ පාරාජිකෙ අසන්තං අභූතං උත්තරිමනුස්සධම්මං උල්ලපන්තො කති ආපත්තියො ආපජ්ජති, විභජිත්වා විස්සජ්ජෙහි.

විස්සජ්ජනා – තස්මිං භන්තෙ චතුත්ථපාරාජිකෙ අසන්තං අභූතං උත්තරිමනුස්සධම්මං උල්ලපන්තො තිස්සො ආපත්තියො ආපජ්ජති, අසන්තං අභූතං උත්තරිමනුස්සධම්මං උල්ලපති ආපත්තිපාරාජිකස්ස, යො තෙ විහාරෙ වසති සො භික්ඛු අරහාති භණති පටිවිජානන්තස්ස ආපත්ති ථුල්ලච්චයස්ස, අප්පටිවිජානන්තස්ස ආපත්ති දුක්කටස්ස, උත්තරිමනුස්සධම්මං භන්තෙ උල්ලපන්තො ඉමා තිස්සො ආපත්තියො ආපජ්ජති.

පුච්ඡා – කෙසං ¶ ආවුසො අනාපත්ති.

විස්සජ්ජනා – ඡන්නං භන්තෙ පුග්ගලානං අනාපත්ති අධිමානෙන භණන්තස්ස අනුල්ලපනාධිප්පායස්ස උම්මත්තකස්ස ඛිත්තචිත්තස්ස වෙදනාට්ටස්ස ආදිකම්මිකස්ස.

පුච්ඡා – පඤ්චන්නං ¶ ආවුසො පාතිමොක්ඛුද්දෙසානං කත්ථොගධං කත්ථ පරියාපන්නං.

විස්සජ්ජනා – නිදානොගධං භන්තෙ නිදානපරියාපන්නං.

පුච්ඡා – කතමෙන ආවුසො උද්දෙසෙන උද්දෙසං ආගච්ඡති.

විස්සජ්ජනා – දුතියෙන භන්තෙ උද්දෙසෙන උද්දෙසං ආගච්ඡති.

පුච්ඡා – චතුන්නං ආවුසො විපත්තීනං කතමා විපත්ති.

විස්සජ්ජනා – සීලවිපත්ති භන්තෙ.

පුච්ඡා – සත්තන්නං ¶ ආවුසො ආපත්තික්ඛන්ධානං කතමො ආපත්තික්ඛන්ධො.

විස්සජ්ජනා – පාරාජිකාපත්තික්ඛන්ධො භන්තෙ.

පුච්ඡා – ඡන්නං ආවුසො ආපත්තිසමුට්ඨානානං කතිහි සමුට්ඨානෙහි සමුට්ඨාති.

විස්සජ්ජනා – ඡන්නං භන්තෙ ආපත්තිසමුට්ඨානානං තීහි සමුට්ඨානෙහි සමුට්ඨාති, සියා කායතොච චිත්තතොච සමුට්ඨාති, න වාචතො, සියා වාචතොච චිත්තතොච සමුට්ඨාති, න කායතො, සියා කායතොච වාචතොච චිත්තතොච සමුට්ඨාති.

පුච්ඡා – චතුන්නං ¶ ආවුසො අධිකරණානං කතමං අධිකරණං.

විස්සජ්ජනා – ආපත්තාධිකරණං භන්තෙ.

පුච්ඡා – සත්තන්නං ආවුසො සමථානං කතිහි සමථෙහි සම්මති.

විස්සජ්ජනා – සත්තන්නං භන්තෙ සමථානං ද්වීහි සමථෙහි සම්මති, සම්මුඛාවිනයෙනච පටිඤ්ඤාතකරණෙනච.

පුච්ඡා – කො තත්ථ ආවුසො විනයො, කො තත්ථ අභිවිනයො.

විස්සජ්ජනා – පඤ්ඤත්ති භන්තෙ විනයො, විභත්ති අභිවිනයො.

පුච්ඡා – කිං ¶ ආවුසො තත්ථ පාතිමොක්ඛං, කිං අධිපාතිමොක්ඛං.

විස්සජ්ජනා – පඤ්ඤත්ති භන්තෙ පාතිමොක්ඛං, විභත්ති අධිපාතිමොක්ඛං.

විස්සජ්ජනා – අසංවරො භන්තෙ විපත්ති.

විස්සජ්ජනා – සංවරො භන්තෙ සම්පත්ති.

පුච්ඡා – කා ¶ ආවුසො තත්ථ පටිපත්ති.

පුච්ඡා – කති ආවුසො අත්ථවසෙ පටිච්ච භගවතා චතුත්ථං පාරාජිකං පඤ්ඤත්තං.

විස්සජ්ජනා – දස භන්තෙ අත්ථවසෙ පටිච්ච භගවතා චතුත්ථං පාරාජිකං පඤ්ඤත්තං, සඞ්ඝසුට්ඨුතාය සඞ්ඝඵාසුතාය…පෙ… විනයානුග්ගහාය.

පුච්ඡා – කෙ ¶ ආවුසො සික්ඛන්ති.

විස්සජ්ජනා – සෙක්ඛාච භන්තෙ පුථුජ්ජනකල්යාණකාච සික්ඛන්ති.

පුච්ඡා – කෙ ආවුසො සික්ඛිතසික්ඛා.

විස්සජ්ජනා – අරහන්තො භන්තෙ සික්ඛිතසික්ඛා.

විස්සජ්ජනා – සික්ඛාකාමෙසු භන්තෙ ඨිතං.

විස්සජ්ජනා – යෙසං භන්තෙ වත්තති තෙ ධාරෙන්ති.

විස්සජ්ජනා – භගවතො භන්තෙ වචනං අරහතො සම්මාසම්බුද්ධස්ස.

විස්සජ්ජනා – පරම්පරාය භන්තෙ ආභතං.

පුච්ඡා – අත්ථි නුඛො ආවුසො තත්ථ කිඤ්චි උපනෙතබ්බං වා අපනෙතබ්බං වා අක්ඛරපදපච්චාභට්ඨං වා විරද්ධපදබ්යඤ්ජනං වා.

1. සුක්කවිස්සට්ඨිසඞ්ඝාදිසෙස සික්ඛාපුච්ඡා

පුච්ඡා – යං ¶ තෙන ආවුසො භගවතා ජානතා පස්සතා අරහතා සම්මාසම්බුද්ධෙන උපක්කමිත්වා අසුචිං මොචෙන්තස්ස සඞ්ඝාදිසෙසො කත්ථ පඤ්ඤත්තො.

විස්සජ්ජනා – සාවත්ථියං භන්තෙ පඤ්ඤත්තො.

පුච්ඡා – කං ආවුසො ආරබ්භ පඤ්ඤත්තො.

විස්සජ්ජනා – ආයස්මන්තං භන්තෙ සෙය්යසකං ආරබ්භ පඤ්ඤත්තො.

පුච්ඡා – කිස්මිං ආවුසො වත්ථුස්මිං පඤ්ඤත්තො.

විස්සජ්ජනා – ආයස්මා භන්තෙ සෙය්යසකො හත්ථෙන උපක්කමිත්වා අසුචිං මොචෙසි, තස්මිං භන්තෙ වත්ථුස්මිං පඤ්ඤත්තො.

පුච්ඡා – අත්ථි ¶ ආවුසො තත්ථ පඤ්ඤත්ති අනුපඤ්ඤත්ති අනුප්පන්නපඤ්ඤත්ති.

පුච්ඡා – කතමා ආවුසො තත්ථ මූලපඤ්ඤත්ති.

විස්සජ්ජනා – සඤ්චෙතනිකා සුක්කවිස්සට්ඨි සඞ්ඝාදිසෙසොති අයං භන්තෙ තත්ථ මූලපඤ්ඤත්ති.

පුච්ඡා – කතමා පනාවුසො තත්ථ අනුපඤ්ඤත්ති.

විස්සජ්ජනා – අඤ්ඤත්ර සුපිනන්තාති අයං භන්තෙ තත්ථ අනුපඤ්ඤත්ති.

පුච්ඡා – කතමා ¶ පනාවුසො තත්ථ පරිපුණ්ණපඤ්ඤත්ති.

විස්සජ්ජනා – සඤ්චෙතනිකා සුක්කවිස්සට්ඨි අඤ්ඤත්රසුපිනන්තා සඞ්ඝාදිසොති අයං භන්තෙ තත්ථ පරිපුණ්ණපඤ්ඤත්ති.

පුච්ඡා – සාධාරණ පඤ්ඤත්තිනුඛො ආවුසො අසාධාරණ පඤ්ඤත්තිනුඛො.

විස්සජ්ජනා – අසාධාරණපඤ්ඤත්ති භන්තෙ.

පුච්ඡා – තත්ථ ආවුසො උපක්කමිත්වා අසුචිං මොචෙන්තො කති ආපත්තියො ආපජ්ජති.

විස්සජ්ජනා – උපක්කමිත්වා භන්තෙ අසුචිං මොචෙන්තො තිස්සො ආපත්තියො ආපජ්ජති, චෙතෙති උපක්කමති මුච්චති ආපත්ති

සඞ්ඝාදිසෙසස්ස ¶ , චෙතෙති උපක්කමති න මුච්චති ආපත්ති ථුල්ලච්චයස්ස, පයොගෙ දුක්කටං.

පුච්ඡා – කෙසං ආවුසො අනාපත්ති.

විස්සජ්ජනා – ඡන්නං භන්තෙ අනාපත්ති සුපිනන්තෙන මොචෙන්තස්ස න මොචනාධිප්පායස්ස උම්මත්තකස්ස ඛිත්තචිත්තස්ස වෙදනාට්ටස්ස ආදිකම්මිකස්ස ඉමෙසං ඛො භන්තෙ ඡන්නං අනාපත්ති.

පුච්ඡා – පඤ්චන්නං ¶ ආවුසො පාතිමොක්ඛුද්දෙසානං කතමෙන උද්දෙසෙන උද්දෙසං ආගච්ඡති.

විස්සජ්ජනා – පඤ්චන්නං භන්තෙ පාතිමොක්ඛුද්දෙසානං තතියෙන උද්දෙසෙන උද්දෙසං ආගච්ඡති.

පුච්ඡා – චතුන්නං ආවුසො විපත්තීනං කතමා විපත්ති.

විස්සජ්ජනා – චතුන්නං භන්තෙ විපත්තීනං සීලවිපත්ති.

විස්සජ්ජනා – අසංවරො භන්තෙ විපත්ති.

විස්සජ්ජනා – සංවරො භන්තෙ සම්පත්ති.

විස්සජ්ජනා – න එව රූපං කරිස්සාමීති යාවජීවං ආපාණකොටිකං සමාදාය සික්ඛති සික්ඛාපදෙසු අයං භන්තෙ පටිපත්ති.

පුච්ඡා – කති ආවුසො අත්ථවසෙ පටිච්ච භගවතා උපක්කමිත්වා අසුචිං මොචෙන්තස්ස සඞ්ඝාදිසෙසො පඤ්ඤත්තො.

විස්සජ්ජනා – දස ¶ භන්තෙ අත්ථවසෙ පටිච්ච භගවතා උපක්කමිත්වා අසුචිං මොචෙන්තස්ස සඞ්ඝාදිසෙසො පඤ්ඤත්තො සඞ්ඝසුට්ඨුතාය…පෙ… විනයානුග්ගහාය.

විස්සජ්ජනා – සික්ඛාකාමෙසු භන්තෙ ඨිතං.

විස්සජ්ජනා – යෙසං භන්තෙ වත්තති තෙ ධාරෙන්ති.

විස්සජ්ජනා – භගවතො භන්තෙ වචනං අරහතො සම්මාසම්බුද්ධස්ස.

විස්සජ්ජනා – පරම්පරාය භන්තෙ ආභතං.

පුච්ඡා – අත්ථි නුඛො ආවුසො තත්ථ සනිදානෙ සපදභාජනීයෙ සවිනීතවත්ථුකෙ උපනෙතබ්බං වා අපනෙතබ්බං වා අක්ඛරපදපච්චාභට්ඨං වා විරද්ධපදබ්යඤ්ජනං වා.

සුණාතු ¶ මෙ භන්තෙ සඞ්ඝො ආයස්මන්තං විචිත්තසාරාභිවංසං තිපිටකධර ධම්මභණ්ඩාගාරිකං පඨමස්ස සඞ්ඝාදිසෙස සික්ඛාපදස්ස නිදානම්පි පුච්ඡිං, පුග්ගලම්පි පුච්ඡිං, වත්ථුම්පි පුච්ඡිං, පඤ්ඤත්තිම්පි පුච්ඡිං, අනුපඤ්ඤත්තිම්පි පුච්ඡි, ආපත්තිම්පි පුච්ඡිං, අනාපත්තිම්පි පුච්ඡිං, අඤ්ඤානිපි එවරූපානි අනෙකානි පුච්ඡිතබ්බට්ඨානානි පුච්ඡිං, පුට්ඨො පුට්ඨො ච සො ආයස්මා විචිත්තසාරාභිවංසො විස්සජ්ජෙසි, ඉතිහිදං භන්තෙ පඨම සඞ්ඝාදිසෙස සික්ඛාපදං සපරිවාරං නිම්මලං සුපරිසුද්ධං තස්සෙව භගවතො වචනං අරහතො සම්මාසම්බුද්ධස්ස. තස්මා යථාපුරෙ මහාකස්සපාදයො මහාථෙරවරා පොරාණසංගීතිකාරා බ්රහ්මචරියස්ස චිරට්ඨිතියා බහුජනහිතාය බහුජනසුඛාය ලොකානුකම්පාය අත්ථාය හිතාය සුඛාය දෙවමනුස්සානං ¶ ධම්මවිනයං සංගායිංසුචෙව අනුසංගායිංසුච, එවමෙව මයම්පි සබ්බෙව ඡට්ඨසංගීතිමහාධම්මසභා පරියාපන්නා ඉදං පඨමං සඞ්ඝාදිසෙස සික්ඛාපදං නිදානතො පට්ඨාය එකච්චානං වචසා සජ්ඣායවසෙන එකච්චානං මනසා මනසිකරණවසෙනච එකතො ගණසජ්ඣායං කත්වා සංගායෙය්යාම.

පුච්ඡා – යං ¶ තෙන ආවුසො භගවතා…පෙ… සම්මාසම්බුද්ධෙන මාතුකාමෙන සද්ධිං කායසංසග්ගං සමාපජ්ජන්තස්ස ච, මාතුගාමං දුට්ඨුල්ලාහි වාචාහි ඔභාසන්තස්ස ච, මාතුගාමස්ස සන්තිකෙ අත්තකාම පාරිචරියාය වණ්ණං භාසන්තස්ස ච, සඤ්චරිත්තං සමාපජ්ජන්තස්ස ච සඞ්ඝාදිසෙසො කත්ථ පඤ්ඤත්තො.

විස්සජ්ජනා – සාවත්ථියං භන්තෙ පඤ්ඤත්තො.

පුච්ඡා – කං ¶ ආවුසො ආරබ්භ පඤ්ඤත්තො.

විස්සජ්ජනා – ආයස්මන්තං භන්තෙ උදායිත්ථෙරං ආරබ්භ පඤ්ඤත්තො.

පුච්ඡා – කිස්මිං ආවුසො වත්ථුස්මිං පඤ්ඤත්තො.

විස්සජ්ජනා – ආයස්මා භන්තෙ උදායිත්ථෙරො මාතුගාමෙන සද්ධිං කායසංසග්ගං සමාපජ්ජි, ආයස්මායෙව භන්තෙ උදායිත්ථෙරො මාතුගාමං දුට්ඨුල්ලාහි වාචාහි ඔභාසි, ආයස්මායෙව භන්තෙ උදායිත්ථෙරො මාතුගාමස්ස සන්තිකෙ අත්තකාම පාරිචරියාය වණ්ණං අභාසි, ආයස්මායෙව භන්තෙ උදායිත්ථෙරො සඤ්චරිත්තං සමාපජ්ජිං, තස්මිං භන්තෙ වත්ථුස්මිං පඤ්ඤත්තො.

6. කුටිකාර සඞ්ඝාදිසෙස සික්ඛාපුච්ඡා

පුච්ඡා – යං ¶ තෙන ආවුසො…පෙ… සම්මාසම්බුද්ධෙන සඤ්ඤාචිකාය කුටිං කාරාපෙන්තස්ස සඞ්ඝාදිසෙසො කත්ථ පඤ්ඤත්තො.

විස්සජ්ජනා – ආළවියං භන්තෙ පඤ්ඤත්ථො.

පුච්ඡා – කං ආවුසො ආරබ්භ පඤ්ඤත්තො.

විස්සජ්ජනා – ආළවිකෙ භන්තෙ භික්ඛූ ආරබ්භ පඤ්ඤත්තො.

පුච්ඡා – කිස්මිං ¶ ආවුසො වත්ථුස්මිං පඤ්ඤත්තො.

විස්සජ්ජනා – ආළවිකා භන්තෙ භික්ඛූ සඤ්ඤාචිකායො කුටියො කාරාපෙසුං, තස්මිං භන්තෙ වත්ථුස්මිං පඤ්ඤත්තො.

7. විහාරකාර සඞ්ඝාදිසෙස සික්ඛාපුච්ඡා

පුච්ඡා – යං තෙන ආවුසො…පෙ… සම්මාසම්බුද්ධෙන මහල්ලකං විහාරං කාරාපෙන්තස්ස සඞ්ඝාදිසෙසො කත්ථ පඤ්ඤත්තො.

විස්සජ්ජනා – කොසම්බියං භන්තෙ.

පුච්ඡා – කං ¶ ආවුසො ආරබ්භ පඤ්ඤත්තො.

විස්සජ්ජනා – ආයස්මන්තං භන්තෙ ඡන්නත්ථෙරං ආරබ්භ පඤ්ඤත්තො.

පුච්ඡා – කිස්මිං ආවුසො වත්ථුස්මිං පඤ්ඤත්තො.

විස්සජ්ජනා – ආයස්මා භන්තෙ ඡන්නො විහාරවත්ථුං සොධෙන්තො අඤ්ඤතරං චෙතියරුක්ඛං ඡෙදාපෙසි ගාමපූජිතං නිගමපූජිතං නගර පූජිතං ජනපදපූජිතං රට්ඨපූජිතං, තස්මිං භන්තෙ වත්ථුස්මිං පඤ්ඤත්තො.

8-9. දුට්ඨදොස සඞ්ඝාදිසෙස සික්ඛාපුච්ඡා

පුච්ඡා – යං තෙන ආවුසො භගවතා…පෙ… සම්මාසම්බුද්ධෙන භික්ඛුං අමූලකෙන පාරාජිකෙන ධම්මෙන අනුද්ධංසෙන්තස්ස ච, භික්ඛුං අඤ්ඤභාගියස්ස අධිකරණස්ස කිඤ්චිදෙසං ලෙසමත්තං උපාදාය පාරාජිකෙන ධම්මෙන අනුද්ධංසෙන්තස්ස ච සඞ්ඝාදිසෙසො කත්ථ පඤ්ඤත්තො.

විස්සජ්ජනා – රාජගහෙ ¶ භන්තෙ පඤ්ඤත්තො.

පුච්ඡා – කං ආවුසො ආරබ්භ කිස්මිං වත්ථුස්මිං පඤ්ඤත්තො.

විස්සජ්ජනා – මෙත්තියභූමජකා භන්තෙ භික්ඛූ ආරබ්භ පඤ්ඤත්තො, මෙත්තියභූමජකා භන්තෙ භික්ඛූ ආයස්මන්තං දබ්බං මල්ලපුත්තං අමූලකෙන පාරාජිකෙන ධම්මෙන අනුද්ධංසෙසුං, තෙයෙව භන්තෙ මෙත්තියභූමජකා භික්ඛූ ආයස්මන්තං දබ්බං මල්ලපුත්තං අඤ්ඤභාගියස්ස අධිකරණස්ස කිඤ්චිදෙසං ලෙසමත්තං උපාදාය පාරාජිකෙන ධම්මෙන අනුද්ධංසෙසුං, තස්මිං භන්තෙ වත්ථුස්මිං, පඤ්ඤත්තො.

10. සඞ්ඝභෙදක සඞ්ඝාදිසෙස සික්ඛාපුච්ඡා

පුච්ඡා – යං ¶ තෙන ආවුසො භගවතා…පෙ… සම්මාසම්බුද්ධෙන සඞ්ඝභෙදකස්ස භික්ඛුනො යාවතතියං සමනුභාසනාය අප්පටිනිස්සජ්ජන්තස්ස සඞ්ඝාදිසෙසො කත්ථ පඤ්ඤත්තො.

විස්සජ්ජනා – රාජගහෙ භන්තෙ පඤ්ඤත්තො.

පුච්ඡා – කං ¶ ආවුසො ආරබ්භ කිස්මිං වත්ථුස්මිං පඤ්ඤත්ථො.

විස්සජ්ජනා – දෙවදත්තං භන්තෙ ආරබ්භ පඤ්ඤත්තො.

දෙවදත්තො භන්තෙ සමග්ගස්ස සඞ්ඝස්ස භෙදාය පරක්කමි, තස්මිං භන්තෙ වත්ථුස්මිං පඤ්ඤත්තො.

පුච්ඡා – යං ¶ තෙන ආවුසො භගවතා…පෙ… සම්මාසම්බුද්ධෙන භෙදානුවත්තකානං භික්ඛූනං යාවතතියං සමනුභාසනාය අප්පටිනිස්සජ්ජන්තානං සඞ්ඝාදිසෙසො කත්ථ පඤ්ඤත්තො.

විස්සජ්ජනා – රාජගහෙ භන්තෙ පඤ්ඤත්තො.

පුච්ඡා – කං ආවුසො ආරබ්භ කිස්මිං වත්ථුස්මිං පඤ්ඤත්තො.

විස්සජ්ජනා – සම්බහුලෙ භන්තෙ භික්ඛූ ආරබ්භ පඤ්ඤත්තො, සම්බහුලා භන්තෙ භික්ඛූ දෙවදත්තස්ස සඞ්ඝාභෙදාය පරක්කමන්තස්ස අනුවත්තකා අහෙසුං වග්ගවාදකා, තස්මිං භන්තෙ වත්ථුස්මිං පඤ්ඤත්තො.

12. දුබ්බච, සඞ්ඝාදිසෙස සික්ඛාපුච්ඡා

පුච්ඡා – යං ¶ තෙන ආවුසො භගවතා…පෙ… සම්මාසම්බුද්ධෙන දුබ්බචස්ස භික්ඛුනො යාවතතියං සමනුභාසනාය අප්පටිනිස්සජ්ජන්තස්ස සඞ්ඝාදිසෙසො කත්ථ පඤ්ඤත්තො.

විස්සජ්ජනා – කොසම්බියං භන්තෙ පඤ්ඤත්තො.

පුච්ඡා – කං ¶ ආවුසො ආරබ්භ කිස්මිං වත්ථුස්මිං පඤ්ඤත්තො.

විස්සජ්ජනා – ආයස්මන්තං භන්තෙ ඡන්නං ආරබ්භ පඤ්ඤත්තො, ආයස්මා භන්තෙ ඡන්නො භික්ඛූහි සහධම්මිකං වුච්චමානො අත්තානං අවචනීයං අකාසි, තස්මිං භන්තෙ වත්ථුස්මිං පඤ්ඤත්තො.

13. කුලදූසක සඞ්ඝාදිසෙස සික්ඛාපුච්ඡා

පුච්ඡා – යං ¶ තෙන ආවුසො භගවතා…පෙ… සම්මාසම්බුද්ධෙන කුලදූසකස්ස භික්ඛුනො යාවතතියං සමනුභාසනාය අප්පටිනිස්සජ්ජන්තස්ස සඞ්ඝාදිසෙසො කත්ථ පඤ්ඤත්තො.

විස්සජ්ජනා – සාවත්ථියං ¶ භන්තෙ පඤ්ඤත්තො.

පුච්ඡා – කං ආරබ්භ ආවුසො කිස්මිං වත්ථුස්මිං පඤ්ඤත්තො.

විස්සජ්ජනා – අස්සජි පුනබ්බසුකෙ භන්තෙ භික්ඛූ ආරබ්භ පඤ්ඤත්තො, අස්සජිපුනබ්බසුකා භන්තෙ භික්ඛූ සඞ්ඝෙන පබ්බාජනීයකම්මකතා ඡන්දගාමිතා දොසගාමිතා මොහගාමිතා භයගාමිතා පාපෙසුං, තස්මිං භන්තෙ වත්ථුස්මිං පඤ්ඤත්තො.

පුච්ඡා – යං ¶ තෙන ආවුසො භගවතා…පෙ… සම්මාසම්බුද්ධෙන පඨමො ච අනියතො දුතියො ච අනියතො කත්ථ පඤ්ඤත්තො.

විස්සජ්ජනා – සාවත්ථියං භන්තෙ පඤ්ඤත්තො.

පුච්ඡා – කං ආවුසො ආරබ්භ කිස්මිං වත්ථුස්මිං පඤ්ඤත්තො.

විස්සජ්ජනා – ආයස්මන්තං භන්තෙ උදායිං ආරබ්භ පඤ්ඤත්තො, ආයස්මා භන්තෙ උදායී මාතුගාමෙන සද්ධිං එකොඑකාය රහො පටිච්ඡන්නෙ ආසනෙ අලංකම්මනියෙ නිසජ්ජං කප්පෙසි, තස්මිඤ්ච වත්ථුස්මිං, ආයස්මායෙව භන්තෙ උදායී මාතුගාමෙන සද්ධිං රහො නිසජ්ජං අකාසි, තස්මිඤ්ච භන්තෙ වත්ථුස්මිං පඤ්ඤත්තො.

විස්සජ්ජනා – භගවතො භන්තෙ වචනං අරහතො සම්මාසම්බුද්ධස්ස.

විස්සජ්ජනා – පරම්පරාය භන්තෙ ආභතං.

පුච්ඡා – අත්ථි නුඛො ආවුසො එත්ථ කොචිපි විරද්ධදොසො.

සුණාතු ¶ මෙ භන්තෙ සඞ්ඝො, අහං භන්තෙ ආයස්මන්තං විචිත්තසාරාභිවංසං තිපිටකධර ධම්මභණ්ඩාගාරිකං පඨම දුට්ඨදොස සික්ඛාපදතො පට්ඨාය පුච්ඡිතබ්බානි අනෙකානි ඨානානි පුච්ඡිං, සො ච ආයස්මා පුට්ඨො පුට්ඨො විස්සජ්ජෙති, ඉතිහිදං භන්තෙ සබ්බං සික්ඛාපදං නිම්මලං සුපරිසුද්ධං තස්සෙව භගවතො වචනං අරහතො සම්මාසම්බුද්ධස්ස, තස්මා යථාපුරෙ මහාකස්සපාදයො මහාථෙරවරා පොරාණසංගීතිකාරා බ්රහ්මචරියස්ස චිරට්ඨිතියා බහුජනහිතාය බහුජනසුඛාය ලොකානුකම්පාය අත්ථාය හිතාය සුඛාය දෙවමනුස්සානං සංගායිංසුචෙව අනුසංගායිංසුච, එවමෙව මයම්පි දානි සබ්බෙව ඡට්ඨසංගීති මහාධම්මසභාපරියාපන්නා ඉමානි සික්ඛාපදානි එකතො ගණසජ්ඣායං කත්වා සංගායෙය්යාම.

1. චීවරවග්ග 1. පඨමකථින සික්ඛාපුච්ඡා

පුච්ඡා – යං ¶ තෙන ආවුසො භගවතා…පෙ… සම්මාසම්බුද්ධෙන අතිරෙකචීවරං දසාහං අතික්කාමෙන්තස්ස නිස්සග්ගියං පාචිත්තියං කත්ථ පඤ්ඤත්තං.

විස්සජ්ජනා – වෙසාලියං භන්තෙ පඤ්ඤත්තං.

පුච්ඡා – කං ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ඡබ්බග්ගියෙ භන්තෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ අතිරෙකචීවරං ධාරෙසුං, තස්මිං භන්තෙ වත්ථුස්මිං පඤ්ඤත්තං.

1. චීවරවග්ග 2. උදොසිත සික්ඛාපුච්ඡා

පුච්ඡා – එකරත්තං ¶ ආවුසො තිචිවරෙන විප්පවසන්තස්ස නිස්සග්ගියං පාචිත්තියං භගවතා කත්ථ පඤ්ඤත්තං.

විස්සජ්ජනා – සාවත්ථියං භන්තෙ පඤ්ඤත්තං.

පුච්ඡා – කං ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සම්බහුලෙ භන්තෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ භික්ඛූනං හත්ථෙ චීවරං නික්ඛිපිත්වා සන්තරුත්තරෙන ජනපදචාරිකං පක්කමිංසු, තස්මිං භන්තෙ වත්ථුස්මිං පඤ්ඤත්තං.

1. චීවරවග්ග 3. තතියකථින සික්ඛාපුච්ඡා

පුච්ඡා – අකාලචීවරං ¶ ආවුසො පටිග්ගහෙත්වා මාසං අතික්කාමෙන්තස්ස නිස්සග්ගියං පාචිත්තියං භගවතා කත්ථ පඤ්ඤත්තං.

විස්සජ්ජනා – සාවත්ථියං භන්තෙ පඤ්ඤත්තං.

පුච්ඡා – කං ආවුසො ආරබ්බ්භ කිස්මිං වත්ථුස්මිං පඤ්ඤත්තං.

විස්සජ්ජනා – සම්බහුලෙ භන්තෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ අකාලචීවරං පටිග්ගහෙත්වා මාසං අතික්කාමෙසුං, තස්මිං භන්තෙ වත්ථුස්මිං පඤ්ඤත්තං.

1. චීවරවග්ග 4. පුරාණචීවර සික්ඛාපුච්ඡා

පුච්ඡා – අඤ්ඤාතිකාය ¶ ආවුසො භික්ඛුනියා පුරාණචීවරං ධොවාපෙන්තස්ස නිස්සග්ගියං පාචිත්තියං භගවතා කත්ථ පඤ්ඤත්තං.

විස්සජ්ජනා – සාවත්ථියං භන්තෙ පඤ්ඤත්තං.

පුච්ඡා – කං ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ආයස්මන්තං භන්තෙ උදායිං ආරබ්භ පඤ්ඤත්තං, ආයස්මා භන්තෙ උදායී අඤ්ඤාතිකාය භික්ඛුනියා පුරාණචීවරං ධොවාපෙසි, තස්මිං භන්තෙ වත්ථුස්මිං පඤ්ඤත්තං.

1. චීවරවග්ග 5. චීවරපටිග්ගහණ සික්ඛාපුච්ඡා

පුච්ඡා – අඤ්ඤාතිකාය ¶ ආවුසො භික්ඛුනියා හත්ථතො චීවරං පටිග්ගණ්හන්තස්ස නිස්සග්ගියං පාචිත්තියං භගවතා කත්ථ පඤ්ඤත්තං.

විස්සජ්ජනා – රාජගහෙ භන්තෙ පඤ්ඤත්තං.

පුච්ඡා – කං ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ආයස්මන්තං භන්තෙ උදායිං ආරබ්භ පඤ්ඤත්තං, ආයස්මා භන්තෙ උදායී අඤ්ඤාතිකාය භික්ඛුනියා හත්ථතො චීවරං පටිග්ගහෙසි, තස්මිං භන්තෙ වත්ථුස්මිං පඤ්ඤත්තං.

1. චීවරවග්ග 6. අඤ්ඤාතකවිඤ්ඤත්ති සික්ඛාපුච්ඡා

පුච්ඡා – අඤ්ඤාතකං ¶ ආවුසො ගහපතිංවා ගහතානිංවා චීවරං විඤ්ඤාපෙන්තස්ස නිස්සග්ගියං පාචිත්තියං භගවතා කත්ථ පඤ්ඤත්තං.

විස්සජ්ජනා – සාවත්ථියං භන්තෙ පඤ්ඤත්තං.

පුච්ඡා – කං ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ආයස්මන්තං භන්තෙ උපනන්දං සක්යපුත්තං ආරබ්භ පඤ්ඤත්තං, ආයස්මා භන්තෙ උපනන්දො සක්යපුත්තො අඤ්ඤාතකං සෙට්ඨිපුත්තං චීවරං විඤ්ඤාපෙසි, තස්මිං භන්තෙ වත්ථුස්මිං පඤ්ඤත්තං.

1. චීවරවග්ග 7. තතුත්තරි සික්ඛාපුච්ඡා

පුච්ඡා – අඤ්ඤාතකං ¶ ආවුසො ගහපතිං වා ගහපතානිං වා තතුත්තරි චීවරං විඤ්ඤාපෙන්තස්ස නිස්සග්ගියං පාචිත්තියං භගවතා කත්ථ පඤ්ඤත්තං.

විස්සජ්ජනා – සාවත්ථියං භන්තෙ පඤ්ඤත්තං.

පුච්ඡා – කං ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ඡබ්බග්ගියෙ භන්තෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ න මත්තං ජානිත්වා බහුම්පි චීවරං විඤ්ඤාපෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – පුබ්බෙ ¶ අප්පවාරිතස්ස ආවුසො අඤ්ඤාතකං ගහපතිං වා ගහතානිං වා උපසඞ්කමිත්වා චීවරෙ විකප්පං ආපජ්ජන්තස්ස ච අඤ්ඤාතකෙ ගහපතිකෙ උපසඞ්කමිත්වා චීවරෙ විකප්පං ආපජ්ජන්තස්ස ච නිස්සග්ගියං පාචිත්තියං භගවතා කත්ථ පඤ්ඤත්තං.

විස්සජ්ජනා – සාවත්ථියං භන්තෙ පඤ්ඤත්තං.

පුච්ඡා – කං ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ආයස්මන්තං භන්තෙ උපනන්දං සක්යපුත්තං ආරබ්භ පඤ්ඤත්තං, ආයස්මා භන්තෙ උපනන්දො සක්යපුත්තො පුබ්බෙ අප්පවාරිතො අඤ්ඤාතකං ගහපතිකං උපසඞ්කමිත්වා චීවරෙ විකප්පං ආපජ්ජි. සොයෙව භන්තෙ ආයස්මා උපනන්දො සක්යපුත්තො පුබ්බෙ අප්පවාරිතො අඤ්ඤාතකෙ ගහපතිකෙ උපසඞ්කමිත්වා චීවරෙ විකප්පං ආපජ්ජි, තස්මිං භන්තෙ වත්ථුස්මිං පඤ්ඤත්තං.

පුච්ඡා – අතිරෙකතික්ඛත්තුං ආවුසො චොදනාය අතිරෙක ඡක්ඛත්තුං ඨානෙන චීවරං අභිනිප්ඵාදෙන්තස්ස නිස්සග්ගියං පාචිත්තියං භගවතා කත්ථ පඤ්ඤත්තං.

විස්සජ්ජනා – සාවත්ථියං භන්තෙ පඤ්ඤත්තං.

පුච්ඡා – කං ¶ ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ආයස්මන්තං භන්තෙ උපනන්දං සක්යපුත්තං ආරබ්භ පඤ්ඤත්තං, ආයස්මා භන්තෙ උපනන්දො සක්යපුත්තො උපාසකෙන අජ්ජණ්හො භන්තෙ ආගමෙහීති වුච්චමානො නාගමෙසි, තස්මිං භන්තෙ වත්ථුස්මිං පඤ්ඤත්තං.

2. කොසියවග්ග, 1. කොසිය සික්ඛාපුච්ඡා

පුච්ඡා – කොසියමිස්සකං ආවුසො සන්ථකං කාරාපෙන්තස්ස නිස්සග්ගියං පාචිත්තියං භගවතා කත්ථ පඤ්ඤත්තං.

විස්සජ්ජනා – ආළවියං භන්තෙ පඤ්ඤත්තං.

පුච්ඡා – කං ¶ 0 ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ඡබ්බග්ගියෙ භන්තෙ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ කොසියකාරකෙ උපසඞ්කමිත්වා එවමහංසු බහූ ආවුසො කොසකාරකෙ පචථ අම්හාකම්පි දස්සථ මයම්පි ඉච්ඡාම කොසියමිස්සකං සන්තකං කාතුන්ති, තස්මිං භන්තෙ වත්ථුස්මිං පඤ්ඤත්තං.

2. කොසියවග්ග 2. සුද්ධකාළක සික්ඛාපුච්ඡා

පුච්ඡා – සුද්ධකාළකානං ආවුසො එළකලොමානං සන්ථතං කාරාපෙන්තස්ස නිස්සග්ගියං පාචිත්තියං භගවතා කත්ථ පඤ්ඤත්තං.

විස්සජ්ජනා – වෙසාලියං භන්තෙ පඤ්ඤත්ථං.

පුච්ඡා – කං ¶ ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ඡබ්බග්ගියෙ භන්තෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ සුද්ධකාළකානං එළකලොමානං සන්ථතං කාරාපෙසුං, තස්මිං භන්තෙ වත්ථුස්මිං පඤ්ඤත්තං.

2. කොසියවග්ග 3. ද්වෙභාග සික්ඛාපුච්ඡා

පුච්ඡා – අනාදියිත්වා ආවුසො තුලං ඔදාතානං තුලං ගොචරියානං නවං සන්ථතං කාරාපෙන්තස්ස නිස්සග්ගියං පාචිත්තියං භගවතා කත්ථ පඤ්ඤත්තං.

විස්සජ්ජනා – සාවත්ථියං භන්තෙ පඤ්ඤත්තං.

පුච්ඡා – කං ¶ ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ඡබ්බග්ගියෙ භන්තෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ ථොකංයෙව ඔදාතං අන්තෙ ආදියිත්වා තථෙව සුද්ධකාළකානං එළකලොමානං සන්ථතං කාරාපෙසුං, තස්මිං භන්තෙ වත්ථුස්මිං පඤ්ඤත්තං.

2. කොසියවග්ග 4. ඡබ්බස්ස සික්ඛාපුච්ඡා

පුච්ඡා – යං තෙන ආවුසො භගවතා…පෙ… සම්මාසම්බුද්ධෙන අනුවස්සං කාරාපෙන්තස්ස නිස්සග්ගියං පාචිත්තියං කත්ථ පඤ්ඤත්තං.

විස්සජ්ජනා – සාවත්ථියං භන්තෙ පඤ්ඤත්තං.

පුච්ඡා – කං ¶ ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සම්බහුලෙ භන්තෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ අනුවස්සං සන්ථතං කාරාපෙසුං, තස්මිං භන්තෙ වත්ථුස්මිං පඤ්ඤත්තං.

විස්සජ්ජනා – භගවතො භන්තෙ වචනං අරහතො සම්මාසම්බුද්ධස්ස.

විස්සජ්ජනා – පරම්පරාය භන්තෙ ආභතං.

පුච්ඡා – අත්ථි ¶ නුඛො ආවුසො එත්ථ කොචි විරද්ධදොසො.

සුණාතු මෙ භන්තෙ සඞ්ඝො, අහං ආයස්මන්තං විචිත්තසාරාභිවංසං තිපිටකධර ධම්මභණ්ඩාගාරිකං ඉමෙසං නිස්සග්ගියපාචිත්තියසික්ඛාපදානං යාව ඡබ්බස්සසික්ඛාපදං නිදානාදීනි පුච්ඡිතබ්බානි අනෙකානි ඨානානි පුච්ඡිං, පුට්ඨොපුට්ඨො ච සො ආයස්මා විචිත්තසාරාභිවංසො විස්සජ්ජෙසි, ඉතිහිදං භන්තෙ ඉමානි සික්ඛාපදානි නිම්මලානි සුපරිසුද්ධානී තස්සෙව භගවතො වචනානි අරහතො සම්මාසම්බුද්ධස්ස, තස්මා යථාපුරෙ මහාකස්සපාදයො මහාථෙරවරා පොරාණසංගීතිකාරා බ්රහ්මචරියස්ස චිරට්ඨිතියා බහුජනහිතාය බහුජනසුඛාය ලොකානුකම්පාය අත්ථාය හිතාය සුඛාය දෙවමනුස්සානං ධම්මවිනයං සංගායිංසු චෙව අනුසංගායිංසු ච, එවමෙව මයම්පි දානි සබ්බෙව ඡට්ඨසංගීති මහාධම්මසභා පරියාපන්නා ඡබ්බස්ස නිස්සග්ගිය සික්ඛාපදතො පට්ඨාය ඉමානි නිස්සග්ගියසික්ඛාපදානි එකතො ගණසජ්ඣායං කත්වා සංහායෙය්යාම.

2. කොසියවග්ග 5. නිසීදනසන්ථත සික්ඛාපුච්ඡා

පුච්ඡා – යං ¶ තෙන ආවුසො භගවතා…පෙ… සම්මාසම්බුද්ධෙන අනාදියිත්වා පුරාණසන්ථතස්ස සාමන්තා සුගතවිදත්තිං නවං නිසීදනසන්ථතං කාරාපෙන්තස්ස නිස්සග්ගියං පාචිත්තියං කත්ථ පඤ්ඤත්තං.

විස්සජ්ජනා – සාවත්ථියං භන්තෙ පඤ්ඤත්තං.

පුච්ඡා – කං ¶ ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සම්බහුලෙ භන්තෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ සන්ථතානි උජ්ඣිත්වා ආරඤ්ඤිකං පිණ්ඩපාතිකඞ්ගං පංසුකූලකඞ්ගං සමාදියිංසු, තස්මිං භන්තෙ වත්ථුස්මිං පඤ්ඤත්තං.

2. කොසියවග්ග 6. එළකලොම සික්ඛාපුච්ඡා

පුච්ඡා – එළකලොමානි ආවුසො පටිග්ගහෙත්වා තියොජනං අතික්කාමෙන්තස්ස නිස්සග්ගියං පාචිත්තියං කත්ථ පඤ්ඤත්තං.

විස්සජ්ජනා – සාවත්ථියං භන්තෙ පඤ්ඤත්තං.

පුච්ඡා – කං ¶ ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – අඤ්ඤතරං භන්තෙ භික්ඛුං ආරබ්භ පඤ්ඤත්තං, අඤ්ඤතරො භන්තෙ භික්ඛු එළකලොමානි පටිග්ගහෙත්වා තියොජනං අතික්කාමෙසි, තස්මිං භන්තෙ වත්ථුස්මිං පඤ්ඤත්තං.

2. කොසියවග්ග 7. එළකලොමධොවාපන සික්ඛාපුච්ඡා

පුච්ඡා – අඤ්ඤාතිකාය ¶ ආවුසො භික්ඛුනියා එළකලොමානි ධොවාපෙන්තස්ස නිස්සග්ගියං පාචිත්තියං කත්ථ පඤ්ඤත්තං.

විස්සජ්ජනා – සක්කෙසු භන්තෙ පඤ්ඤත්තං.

පුච්ඡා – කං ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ඡබ්බග්ගියෙ භන්තෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ අඤ්ඤාතිකාහි භික්ඛූනීහි එළකලොමානි ධොවාපෙසුං, තස්මිං භන්තෙ වත්ථුස්මිං පඤ්ඤත්තං.

2. කොසියවග්ග 8. රූපිය සික්ඛාපුච්ඡා

පුච්ඡා – රූපියං ¶ ආවුසො පටිග්ගණ්හන්තස්ස නිස්සග්ගියං පාචිත්තියං භගවතා කත්ථ පඤ්ඤත්තං.

විස්සජ්ජනා – රාජගහෙ භන්තෙ පඤ්ඤත්තං.

පුච්ඡා – කං ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ආයස්මන්තං භන්තෙ උපනන්දං සක්යපුත්තං ආරබ්භ පඤ්ඤත්තං, ආයස්මා භන්තෙ උපනන්දො සක්යපුත්තො රූපියං පටිග්ගහෙසි, තස්මිං භන්තෙ වත්ථුස්මිං පඤ්ඤත්තං.

පුච්ඡා – කථං ¶ ආවුසො තත්ථ පටිපජ්ජන්තො රූපියං පටිග්ගණ්හාති නාම.

විස්සජ්ජනා – සයං භන්තෙ ගණ්හාති, අඤ්ඤං වා ගණ්හාපෙසි, ඉදං අය්යස්ස හොතූති උපනික්ඛිත්තං සාදියති, එවං ඛො භන්තෙ පටිපජ්ජන්තො භික්ඛු රූපියං පටිග්ගණ්හාති නාම.

පුච්ඡා – කථං ආවුසො තත්ථ පටිපජ්ජන්තො භික්ඛු රූපියං න පටිග්ගණ්හාති නාම.

විස්සජ්ජනා – යථා ¶ භන්තෙ රාජසික්ඛාපදෙ යථා ච භන්තෙ මෙණ්ඩකසික්ඛාපදෙ ආගච්ඡති, තථා භන්තෙ පටිපජ්ජන්තො භික්ඛු රූපියං න පටිග්ගණ්හාතිනාම.

2. කොසියවග්ග 9. රූපියසංවොහාර සික්ඛාපුච්ඡා

පුච්ඡා – රූපියසංවොහාරං ¶ ආවුසො සමාපජ්ජන්තස්ස නිස්සග්ගියං පාචිත්තියං භගවතා කත්ථ පඤ්ඤත්තං.

විස්සජ්ජනා – සාවත්ථියං භන්තෙ පඤ්ඤත්තං.

පුච්ඡා – කං ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ඡබ්බග්ගියෙ භන්තෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ නානප්පකාරකං රූපියසංවොහාරං සමාපජ්ජිංසු, තස්මිං භන්තෙ වත්ථුස්මිං පඤ්ඤත්තං.

2. කොසියවග්ග, 10. කයවික්කය සික්ඛාපුච්ඡා

පුච්ඡා – නානප්පකාරකං ආවුසො කයවික්කයං ආපජ්ජන්තස්ස නිස්සග්ගියං පාචිත්තියං භගවතා කත්ථ පඤ්ඤත්තං.

විස්සජ්ජනා – සාවත්ථියං භන්තෙ පඤ්ඤත්තං.

පුච්ඡා – කං ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ආයස්මන්තං භන්තෙ උපනන්දං සක්යපුත්තං ආරබ්භ පඤ්ඤත්තං, ආයස්මා භන්තෙ උපනන්දො සක්යපුත්තො පරිබ්බාජකෙන සද්ධි කයවික්කයං සමාපජ්ජි, තස්මිං භන්තෙ වත්ථුස්මිං පඤ්ඤත්තං.

පුච්ඡා – කථං ආවුසො තත්ථ පටිපජ්ජන්තො භික්ඛු කයවික්කයං සමාපජ්ජතිනාම.

විස්සජ්ජනා – ඉමිනා ඉමං දෙහි ඉමිනා ඉමං ආහර ඉමිනා ඉමං පරිවත්තෙහි ඉමිනා ඉමං චෙතාමෙහීති අජ්ඣාචරති, එවං ඛො භන්තෙ පටිපජ්ජන්තො කයවික්කයං සමාපජ්ජතිනාම.

පුච්ඡා – කථං ¶ ආවුසො තත්ථ පටිපජ්ජන්තො භික්ඛු න කයවික්කයං සමාපජ්ජතිනාම.

විස්සජ්ජනා – යො භන්තෙ අග්ඝං පුච්ඡති, යො ච භන්තෙ කප්පියකාරකස්ස ආචික්ඛති, යො ච භන්තෙ අම්හාකඤ්ච ඉදං අත්ථි අම්හාකඤ්ච ඉමිනා ච ඉමිනා ච අත්ථොති භණති, එවං ඛො භන්තෙ පටිපජ්ජන්තො භික්ඛු න කයවික්කයං සමාපජ්ජතිනාම.

3. පත්තවග්ග, 1. පත්ත සික්ඛාපුච්ඡා

පුච්ඡා – අතිරෙකපත්තං ආවුසො දසාහං අතික්කාමෙන්තස්ස නිස්සග්ගියං පාචිත්තියං කත්ථ පඤ්ඤත්තං.

විස්සජ්ජනා – සාවත්ථියං භන්තෙ පඤ්ඤත්තං.

පුච්ඡා – කං ¶ ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ඡබ්බග්ගියෙ භන්තෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ අතිරෙකපත්තං ධාරෙසුං, තස්මිං භන්තෙ වත්ථුස්මිං පඤ්ඤත්තං.

514 3. පත්තවග්ග, 2. ඌනපඤ්චබන්ධන සික්ඛාපුච්ඡා

පුච්ඡා – ඌනපඤ්චබන්ධනෙන පත්තෙන අඤ්ඤං නවං පත්තං චෙතාපෙන්තස්ස නිස්සග්ගියං පාචිත්තියං කත්ථ පඤ්ඤත්තං.

විස්සජ්ජනා – සක්කෙසු භන්තෙ පඤ්ඤත්තං.

පුච්ඡා – කං ¶ ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ඡබ්බග්ගියෙ භන්තෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ අප්පමත්තකෙනපි භින්නෙන අප්පමත්තකෙනපි ඛණ්ඩෙන විලිඛිතමත්තෙනපි බහූ පත්තෙ විය්යාපෙසුං, තස්මිං භන්තෙ වත්ථුස්මිං පඤ්ඤත්තං.

න භික්ඛවෙ පත්තො විඤ්ඤාපෙතබ්බො, යො විඤ්ඤාපෙය්ය ආපත්ති දුක්කටස්ස.

3. පත්තවග්ග 3. භෙසජ්ජ සික්ඛාපුච්ඡා

පුච්ඡා – භෙසජ්ජානි ¶ ආවුසො පටිග්ගහෙත්වා සත්තාහං අතික්කාමෙන්තස්ස නිස්සග්ගියං පාචිත්තියං කත්ථ පඤ්ඤත්තං.

විස්සජ්ජනා – සාවත්ථියං භන්තෙ පඤ්ඤත්තං.

පුච්ඡා – කං ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සම්බහුලෙ භන්තෙ භික්ඛූ ආරබ්භ ආරබ්භ පඤ්ඤත්තං, සම්බහුලා භන්තෙ භික්ඛූ භෙසජ්ජානි පටිග්ගහෙත්වා සත්තාහං අතික්කාමෙසුං, තස්මිං භන්තෙ වත්ථුස්මිං පඤ්ඤත්තං.

3. පත්තවග්ග 4. වස්සිකසාටික සික්ඛාපුච්ඡා

පුච්ඡා – අතිරෙකමාසෙ ¶ සෙසෙ ගිමානෙ ආවුසො වස්සිකසාටිකචීවරං පරියෙසන්තස්ස නිස්සග්ගියං පාචිත්තියං කත්ථ පඤ්ඤත්තං.

විස්සජ්ජනා – සාවත්ථියං භන්තෙ පඤ්ඤත්තං.

පුච්ඡා – කං ¶ ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ඡබ්බග්ගියෙ භන්තෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ අතිරෙකමාසෙ සෙසෙ ගිම්හානෙ වස්සිකසාටිකචීවරං පරියෙසිංසු, තස්මිං භන්තෙ වත්ථුස්මිං පඤ්ඤත්තං.

3. පත්තවග්ග 5. චීවරඅච්ඡින්දන සික්ඛාපුච්ඡා

පුච්ඡා – භික්ඛුස්ස ආවුසො සාමං චීවරං දත්වා කුපිතෙන අනත්තමනෙන අච්ඡින්දන්තස්ස නිස්සග්ගියං පාචිත්තියං කත්ථ පඤ්ඤත්තං.

විස්සජ්ජනා – සාවත්ථියං භන්තෙ පඤ්ඤත්තං.

පුච්ඡා – කං ¶ ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ආයස්මන්තං භන්තෙ උපනන්දං සක්යපුත්තං ආරබ්භ පඤ්ඤත්තං, ආයස්මා භන්තෙ උපනන්දො සක්යපුත්තො භික්ඛුස්ස සාමං චීවරං දත්වා කුපිතො අනත්තමනො අච්ඡින්දි, තස්මිං භන්තෙ වත්ථුස්මිං පඤ්ඤත්තං.

3. පත්තවග්ගො, 6. සුත්තවිඤ්ඤත්ති සික්ඛාපුච්ඡා

පුච්ඡා – සාමං ආවුසො සුත්තං විඤ්ඤාපෙත්වා තන්තවායෙහි චීවරං වායාපෙන්තස්ස නිස්සග්ගියං පාචිත්තියං කත්ථ පඤ්ඤත්තං.

විස්සජ්ජනා – රාජගහෙ භන්තෙ පඤ්ඤත්තං.

පුච්ඡා – කං ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ඡබ්බග්ගියෙ භන්තෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ සාමං සුත්තං විඤ්ඤාපෙත්වා තන්තවායෙහි චීවරං වායාපෙසුං, තස්මිං භන්තෙ වත්ථුස්මිං පඤ්ඤත්තං.

3. පත්තවග්ග, 7. මහාපෙසකාර සික්ඛාපුච්ඡා

පුච්ඡා – පුබ්බෙ ¶ අප්පවාරිතස්ස ආවුසො අඤ්ඤාතකස්ස ගහපතිකස්ස තන්තවායෙ උපසඞ්කමිත්වා චීවරෙ විකප්පං ආපජ්ජන්තස්ස නිස්සග්ගියං පාචිත්තියං කත්ථ පඤ්ඤත්තං.

විස්සජ්ජනා – සාවත්ථි යං භන්තෙ පඤ්ඤත්තං.

පුච්ඡා – කං ¶ ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ආයස්මන්තං භන්තෙ උපනන්දං සක්යපුත්තං ආරබ්භ පඤ්ඤත්තං, ආයස්මා භන්තෙ උපනන්දො සක්යපුත්තො පුබ්බෙ අප්පවාරිතො අඤ්ඤාතකස්ස ගහපතිකස්ස තන්තවායෙ උපසඞ්කමිත්වා චීවරෙ විකප්පං ආපජ්ජි, තස්මිං භන්තෙ වත්ථුස්මිං පඤ්ඤත්තං.

3. පත්තවග්ගො, 8. අච්චෙකචීවර සික්ඛාපුච්ඡා

පුච්ඡා – අච්චෙක චීවරං ආවුසො පටිග්ගහෙත්වා චීවරකාලසමයං අතික්කාමෙන්තස්ස නිස්සග්ගියං පාචිත්තියං කත්ථ පඤ්ඤත්තං.

විස්සජ්ජනා – සාවත්ථියං භන්තෙ පඤ්ඤත්තං.

පුච්ඡා – කං ¶ ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සම්බහුලෙ භන්තෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ අච්චෙකචීවරං පටිග්ගහෙත්වා චීවරකාලසමයං අතික්කාමෙසුං, තස්මිං භන්තෙ වත්ථුස්මිං පඤ්ඤත්තං.

3. පත්තවග්ගො, 9. සාසඞ්ක සික්ඛාපුච්ඡා

පුච්ඡා – තිණ්ණං ආවුසො චීවරානං අඤ්ඤතරං චීවරං අන්තරඝරෙ නික්ඛිපිත්වා අතිරෙකඡාරත්තං විප්පවසන්තස්ස නිස්සග්ගියං පාචිත්තියං කත්ථ පඤ්ඤත්තං.

විස්සජ්ජනා – සාවත්ථියං භන්තෙ පඤ්ඤත්තං.

පුච්ඡා – කං ¶ ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සම්බහුලෙ භන්තෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ තිණ්ණං චීවරානං අඤ්ඤතරං චීවරං අන්තරඝරෙ නික්ඛිපිත්වා අතිරෙකඡාරත්තං විප්පවසිංසු, තස්මිං භන්තෙ වත්ථුස්මිං පඤ්ඤත්තං.

3. පත්තවග්ගො, 10. පරිණත සික්ඛාපුච්ඡා

පුච්ඡා – යං තෙන ආවුසො භගවතා පස්සතා අරහතා සම්මාසම්බුද්ධෙන ජානං සඞ්ඝිකං ලාභං අත්ථනො පරිණාමෙන්තස්ස නිස්සග්ගියං පාචිත්තියං කත්ථ පඤ්ඤත්තං.

විස්සජ්ජනා – සාවත්ථියං භන්තෙ පඤ්ඤත්තං.

පුච්ඡා – කං ¶ ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ඡබ්බග්ගියෙ භන්තෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ ජානං සඞ්ඝිකං ලාභං පරිණතං අත්තනො පරිණාමෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – ජානං ¶ ආවුසො සඞ්ඝිකං ලාභං පරිණතං අත්තනො පරිණාමෙන්තො, කති ආපත්තියො ආපජ්ජති.

විස්සජ්ජනා – ජානං භන්තෙ සඞ්ඝිකං ලාභං පරිණතං අත්තනො පරිණාමෙන්තො ද්වෙ ආපත්තියො ආපජ්ජති, පරිණාමෙති පයොගෙ දුක්කටං, පරිණාමිතෙ නිස්සග්ගියං පාචිත්තියං, ජානං භන්තෙ සඞ්ඝිකං ලාභං පරිණතං අත්තනො පරිණාමෙන්තො ඉමා ද්වෙ ආපත්තියො ආපජ්ජති.

විස්සජ්ජනා – භගවතො භන්තෙ වචනං අරහතො සම්මාසම්බුද්ධස්ස.

විස්සජ්ජනා – පරම්පරාය භන්තෙ ආභතං.

පුච්ඡා – අත්ථි නුඛො ආවුසො තත්ථ කොචිපි විරද්ධදොසො.

සුණාතු ¶ මෙ භන්තෙ සඞ්ඝො, අහං භන්තෙ ඉමෙසං සොළසන්නං නිස්සග්ගියපාචිත්තියසික්ඛාපදානං නිදානාදීනි අනෙකානි පුච්ඡිතබ්බානි ආයස්මන්තං විචිත්තසාරාභිවංසං තිපිටකධර ධම්මභණ්ඩාගාරිකං පුච්ඡිං, සො ච පුට්ඨො පුට්ඨො විස්සජ්ජෙති, ඉතිහිදං භන්තෙ සික්ඛාපදසඤ්ජාතං නිම්මලං සු පරිසුද්ධං තස්සෙව භගවතො වචනං අරහතො සම්මාසම්බුද්ධස්ස, තස්මා යථා පුරෙ මහාකස්සපාදයො මහාථෙර වරා පොරාණසංගීතිකාරා බ්රහ්මචරියසඞ්ඛාතස්ස බුද්ධසාසනස්ස චිරට්ඨිතියා බහුජනහිතාය බහුජනසුඛාය ලොකානුකම්පාය අත්ථාය හිතාය සුඛාය දෙවමනුස්සානං ධම්මවිනයං සංගායිංසුචෙව අනුසංගායිංසුච, එවමෙව මයම්පි දානි ඡට්ඨසංගීති මහාධම්මසභාපරියාපන්නා ඉමානි සික්ඛාපදානි යථානුප්පත්තට්ඨානතො පට්ඨාය එකතො ගණසජ්ඣායං කත්වා සංගායෙය්යාම.

1. මුසාවාදවග්ග, 1. මුසාවාද සික්ඛාපුච්ඡා

පුච්ඡා – යං තෙන ආවුසො භගවතා ජානතා පස්සතා අරහතා සම්මාසම්බුද්ධෙන සම්පජානමුසාවාදෙ පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ පඤ්ඤත්තං, හත්ථකං සක්යපුත්තං ආරබ්භ පඤ්ඤත්තං, හත්ථකො භන්තෙ සක්යපුත්තො තිත්ථියෙහි සද්ධිං සල්ලපන්තො අවජානිත්වා පටිජානාති පටිජානිත්වා අවජානාති, තස්මිං භන්තෙ වත්ථුස්මිං පඤ්ඤත්තං.

1. මුසාවාදවග්ගො, 2-3. ඔමසවාද, පෙසුඤ්ඤ සික්ඛාපුච්ඡා

පුච්ඡා – ඔමසවාදෙ පාචිත්තියඤ්ච ආවුසො භික්ඛුපෙසුඤ්ඤෙ පාචිත්තියඤ්ච භගවතා කත්ථපඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං ¶ භන්තෙ පඤ්ඤත්තං, ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ භික්ඛූහි සද්ධිං භණ්ඩන්තා ඔමසිංසු තස්මිංච වත්ථුස්මිං, ඡබ්බග්ගියා භන්තෙ භික්ඛූ භික්ඛූනං භණ්ඩනජාතානං කලහජාතානං විවාදාපන්නානං පෙසුඤ්ඤං උපසංහරිංසු, තස්මිං භන්තෙ වත්ථුස්මිං පඤ්ඤත්තං.

1. මුසාවාදවග්ග, 4. පදසොධම්ම සික්ඛාපුච්ඡා

පුච්ඡා – අනුපසම්පන්නං ආවුසො පදසො වාචෙන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ පඤ්ඤත්තං, ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ උපාසකෙ පදසො ධම්මං වාචෙසුං, තස්මිං භන්තෙ වත්ථුස්මිං පඤ්ඤත්තං.

1. මුසාවාදවග්ගො 5. සහසෙය්ය සික්ඛාපුච්ඡා

පුච්ඡා – අනුපසම්පන්නෙන ආවුසො උත්තරිදිරත්තතිරත්තං සහසෙය්යං කප්පෙන්තස්ස පාචිත්තියං කත්ථ පඤ්ඤත්තං, කංආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ආළවියං භන්තෙ පඤ්ඤත්තං, සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ අනුපසම්පන්නෙන සහසෙය්යං කප්පෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – කෙසං ¶ ආවුසො එත්ථ අනුපසම්පන්නෙන සහසෙය්යං කප්පෙන්තානම්පි අනාපත්ති හොති.

විස්සජ්ජනා – එකාදසන්නං භන්තෙ පුග්ගලානං අනුපසම්පන්නෙන සහසෙය්යං කප්පෙන්තානං අනාපත්ති, ද්වෙතිස්සො රත්තියො වසතී, ඌනකද්වෙ තිස්සො රත්තියො වසති, ද්වෙරත්තියො වසිත්වා තතියායරත්තියා පුරාරුණා නික්ඛමිත්වා පුන වසති, සබ්බච්ඡන්නෙ සබ්බඅපරිච්ඡන්නෙ, සබ්බපරිච්ඡන්නෙ සබ්බඅච්ඡන්නෙ, යෙභුය්යෙන අච්ඡන්නෙ යෙභුය්යෙන අපරිච්ඡන්නෙ, අනුපසම්පන්නෙ නිපන්නෙ භික්ඛු නිසීදති, භික්ඛුනිපන්නෙ අනුපසම්පන්නො නිසීදති, උභොවා නිසීදන්ති, උම්මත්තකස්ස, ආදිකම්මිකස්ස, ඉමෙසංඛො භන්තෙ එකාදසන්නං පුග්ගලානං අනුපසම්පන්නෙන සහසෙය්යං කප්පෙන්තානං අනාපත්ති.

1. මුසාවාදවග්ගො, 6. දුතිය සහසෙය්ය සික්ඛාපුච්ඡා

පුච්ඡා – මාතුගාමෙන ¶ ආවුසො සහසෙය්යං කප්පෙන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ආයස්මන්තං අනුරුද්ධං ආරබ්භ පඤ්ඤත්තං, ආයස්මා භන්තෙ අනුරුද්ධො මාතුගාමෙන සහසෙය්යං කප්පෙසි, තස්මිං භන්තෙ වත්ථුස්මිං පඤ්ඤත්තං.

1. මුසාවාදවග්ගො, 7. ධම්මදෙසනා සික්ඛාපුච්ඡා

පුච්ඡා – මාතුගාමස්ස ¶ ආවුසො උත්තරි ඡප්පඤ්චවාචාහි ධම්මං දෙසෙන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ආයස්මන්තං උදායිං ආරබ්භ පඤ්ඤත්තං, ආයස්මා භන්තෙ උදායී මාතුගාමස්ස ධම්මංදෙසෙති, තස්මිං භන්තෙ වත්ථුස්මිං පඤ්ඤත්තං.

1. මුසාවාදවග්ගො, 8. භූතාරොචන සික්ඛාපුච්ඡා

පුච්ඡා – අනුපසම්පන්නස්ස ¶ ආවුසො උත්තරිමනුස්සධම්මං භූතං ආරොචෙන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – වෙසාලියං භන්තෙ වග්ගුමුදාතීරියෙ භික්ඛූ ආරබ්භ පඤ්ඤත්තං, වග්ගුමුදාතීරියා භන්තෙ භික්ඛූ ගිහීනං අඤ්ඤමඤ්ඤස්ස උත්තරිමනුස්සධම්මස්ස වණ්ණං භාසිංසු, තස්මිං භන්තෙ වත්ථුස්මිං පඤ්ඤත්තං.

1. මුසාවාදවග්ගො, 9. දුට්ඨුල්ලාරොචන සික්ඛාපුච්ඡා

පුච්ඡා – භික්ඛුස්ස ¶ ආවුසො දුට්ඨුල්ලාපත්තිං අනුපසම්පන්නස්ස ආරොචෙන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ භික්ඛුස්ස දුට්ඨුල්ලාපත්තිං අනුපසම්පන්නස්ස ආරොචෙසුං, තස්මිං භන්තෙ වත්ථුස්මිං පඤ්ඤත්තං.

1. මුසාවාදවග්ගො, 10. පථවීඛණන සික්ඛාපුච්ඡා

පුච්ඡා – පථවිංඛණන්තස්ස ¶ ආවුසො පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ආළවියං භන්තෙ ආළවිකෙ භික්ඛූ ආරබ්භ පඤ්ඤත්තං, ආළවිකා භන්තෙ භික්ඛූ පථවිංඛණිංසු, තස්මිං භන්තෙ වත්ථුස්මිං පඤ්ඤත්තං.

2. භූතගාමවග්ගො, 1. භූතගාම සික්ඛාපුච්ඡා

පුච්ඡා – භූතගාමපාතබ්යතාය ¶ පාචිත්තියං ආවුසො භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ආළවියං භන්තෙ ආළවිකෙ භික්ඛූ ආරබ්භ පඤ්ඤත්තං, ආළවිකා භන්තෙ භික්ඛූ රුක්ඛං ඡින්දිං සු, තස්මිං භන්තෙ වත්ථුස්මිං පඤ්ඤත්තං.

2. භූතගාමවග්ග, 2. අඤ්ඤවාදක සික්ඛාපුච්ඡා

පුච්ඡා – අඤ්ඤවාදකෙ විහෙසකෙ පාචිත්තියං ආවුසො භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – කොසම්බියං ¶ භන්තෙ ආයස්මන්තං ඡන්නං ආරබ්භ පඤ්ඤත්තං, ආයස්මා භන්තෙ ඡන්නො සඞ්ඝමජ්ඣෙ ආපත්තියා අනුයුඤ්ජීයමානො අඤ්ඤෙනඤ්ඤං පටිචරි, තස්මිං භන්තෙ වත්ථුස්මිං පඤ්ඤත්තං.

2. භූතගාමවග්ග, 3. උජ්ඣාපනක සික්ඛාපුච්ඡා

පුච්ඡා – උජ්ඣාපනකෙ ඛිය්යනකෙ පාචිත්තියං ආවුසො භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ මෙත්තියභූමජකෙ භික්ඛූ ආරබ්භ පඤ්ඤත්තං, මෙත්තියභූමජකා භන්තෙ භික්ඛූ ආයස්මන්තං දබ්බං මල්ලපුත්තං භික්ඛූ උජ්ඣාපෙසුං, තස්මිං භන්තෙ වත්ථුස්මිං පඤ්ඤත්තං.

2. භූතගාමවග්ග, 4. පඨම සෙනාසන සික්ඛාපුච්ඡා

පුච්ඡා – සඞ්ඝිකං ¶ ආවුසො මඤ්චංවා පීඨංවා භිසිංවා කොච්ඡංවා අජ්ඣොකාසෙ සන්ථරිත්වා අනුද්ධරිත්වා අනාපුච්ඡා පක්කමන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ සඞ්ඝිකං සෙනාසනං අජ්ඣොකාසෙ සන්ථරිත්වා අනුද්ධරිත්වා අනාපුච්ඡා පක්කමිංසු, තස්මිං භන්තෙ වත්ථුස්මිං පඤ්ඤත්තං.

2. භූතගාමවග්ග, 5. දුතිය සෙනාසන සික්ඛාපුච්ඡා

පුච්ඡා – සඞ්ඝිකෙ ¶ ආවුසො විහාරෙ සෙය්යං සන්ථරිත්වා අනුද්ධරිත්වා අනාපුච්ඡා පක්කමන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ සත්තරසවග්ගියෙ භික්ඛූ ආරබ්භ පඤ්ඤත්තං, සත්තරසවග්ගියා භන්තෙ භික්ඛූ සඞ්ඝිකෙ විහාරෙ සෙය්යං සන්ථරිත්වා අනුද්ධරිත්වා අනාපුච්ඡා පක්කමිංසු, තස්මිං භන්තෙ වත්ථුස්මිං පඤ්ඤත්තං.

විස්සජ්ජනා – භගවතා භන්තෙ වචනං අරහතො සම්මාසම්බුද්ධස්ස.

විස්සජ්ජනා – පරම්පරාය භන්තෙ ආභතං.

පුච්ඡා – අත්ථි ¶ නුඛො ආවුසො එත්ථ කොචිපි විරද්ධදොසො.

සුණාතු මෙ භන්තෙ සඞ්ඝො, අහං භන්තෙ ආයස්මන්තං විචිත්තසාරාභිවංසං ඉමෙසං පන්නරසන්නං සික්ඛාපදානං නිදානාදීනි පුච්ඡිතබ්බානි අනෙකානි ඨානානි පුච්ඡිං, සො ච පුට්ඨො පුට්ඨො විස්සජ්ජෙති, ඉති හිදං භන්තෙ නිම්මලං සුපරිසුද්ධං තස්සෙව භගවතො වචනං අරහතො සම්මාසම්බුද්ධස්ස, තස්මා යථාපුරෙ මහාකස්සපාදයො මහාථෙරවරා පොරාණසංගීතිකාරා බ්රහ්මචරියස්ස චිරට්ඨිතියා බහුජනහිතාය බහුජනසුඛාය ලොනුකම්පාය අත්ථාය හිතාය සුඛාය දෙවමනුස්සානං ධම්මවිනයං සංගායිංසුචෙව අනුසංගායිංසුච, එවමෙව මයම්පි දානි ඡට්ඨසංගීතිමහාධම්මසභා පරියාපන්නා යථානුප්පට්ඨානතො පට්ඨාය ඉමානි සික්ඛාපදානි එකතො ගණසජ්ඣායං කත්වා සංගායෙය්යාම.

2. භූතගාමවග්ග, 6. අනුපඛජ්ජ සික්ඛාපුච්ඡා

පුච්ඡා – යං ¶ තෙන ආවුසො…පෙ… සම්මාසම්බුද්ධෙන සඞ්ඝිකෙ විහාරෙ ජානං පුබ්බුපගතං භික්ඛුං අනුපඛජ්ජ සෙය්යං කප්පෙන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ ථෙරෙ භික්ඛූ අනුපඛජ්ජ සෙය්යං කප්පෙසුං, තස්මිං භන්තෙ වත්ථුස්මිං පඤ්ඤත්තං.

2. භූතගාමවග්ග, 7. නිකඩ්ඪන සික්ඛාපුච්ඡා

පුච්ඡා – භික්ඛුං ¶ ආවුසො කුපිතෙන අනත්තමනෙන සඞ්ඝිකා විහාරා නික්කඩ්ඪෙන්තස්ස පාචිත්තියං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ කුපිතා අනත්තමනා භික්ඛූ සඞ්ඝිකාවිහාරා නික්කඩ්ඪිංසු, තස්මිං භන්තෙ වත්ථුස්මිං පඤ්ඤත්තං.

2. භූතගාමවග්ග, 8. වෙහාසකුටි සික්ඛාපුච්ඡා

පුච්ඡා – උපරිවෙහාසකුටියා ආවුසො ආහච්චපාදකං මඤ්චංවා පීඨංවා අභිනිසීදන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං ¶ භන්තෙ අඤ්ඤතරං භික්ඛුං ආරබ්භ පඤ්ඤත්තං, අඤ්ඤතරො භන්තෙ භික්ඛු සඞ්ඝිකෙ විහාරෙ උපරිවෙහාස කුටියා ආහච්චපාදකං මඤ්චං සහසා අභිනිසීදි, තස්මිං භන්තෙ වත්ථුස්මිං පඤ්ඤත්තං.

2. භූතගාමවග්ග, 9. මහල්ලකවිහාර සික්ඛාපුච්ඡා

පුච්ඡා – ද්වත්ති පරියායෙ ආවුසො අධිට්ඨහිත්වා තතුත්තරි අධිට්ඨහන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – කොසම්බියං භන්තෙ ආයස්මන්තං ඡන්නත්ථෙරං ආරබ්භ පඤ්ඤත්තං, ආයස්මා භන්තෙ ඡන්දො කතපරියොසිතං විහාරං පුනප්පුනං ඡාදාපෙසි පුනප්පුනං ලෙපාපෙසි, අතිභාරිතො විහාරො පරිපති, තස්මිං භන්තෙ වත්ථුස්මිං පඤ්ඤත්තං.

2. භූතගාමවග්ග, 10. සප්පාණක සික්ඛාපුච්ඡා

පුච්ඡා – ජානං ¶ ආවුසො සප්පාණකං උදකං තිණංවා මත්තිකංවා සිඤ්චන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ආළවියං භන්තෙ ආළවිකෙ භික්ඛූ ආරබ්භ පඤ්ඤත්තං, ආළවිකා භන්තෙ භික්ඛූ ජානං සප්පාණකං උදකං තිණම්පි මත්තිකම්පි සිඤ්චිංසු, තස්මිං භන්තෙ වත්ථුස්මිං පඤ්ඤත්තං.

3. ඔවාදවග්ග, 1. ඔවාද සික්ඛාපුච්ඡා

පුච්ඡා – අසම්මතෙන ¶ ආවුසො භික්ඛුනියො ඔවදන්තස්ස පාචිත්තියං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ අසම්මතා භික්ඛුනියො ඔවදිංසු, තස්මිං භන්තෙ වත්ථුස්මිං පඤ්ඤත්තං.

3. ඔවාදවග්ග, 2. අත්ථඞ්ගත සික්ඛාපුච්ඡා

පුච්ඡා – අත්ථඞ්ගතෙ ආවුසො සූරියෙ භික්ඛුනියො ඔවදන්තස්ස පාචිත්තියං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ආයස්මන්තං චූළපන්ථකං ආරබ්භ පඤ්ඤත්තං, ආයස්මා භන්තෙ චූළපන්ථකො අත්ථඞ්ගතෙ සූරියෙ භික්ඛුනියො ඔවදි, තස්මිං භන්තෙ වත්ථුස්මිං පඤ්ඤත්තං.

3. ඔවාදවග්ග, 3-4. භික්ඛුනුපස්සය, ආමිස සික්ඛාපුච්ඡා

පුච්ඡා – භික්ඛුනුපස්සයං ¶ ආවුසො උපසඞ්කමිත්වා භික්ඛුනියො ඔවදන්තස්සච ආමිසහෙතු ථෙරා භික්ඛූ භික්ඛුනියො ඔවදන්තීති භණන්තස්සච පාචිත්තියං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – භික්ඛුනුපස්සයං උපසඞ්කමිත්වා භික්ඛුනියො ඔවදන්තස්ස පාචිත්තියං භන්තෙ සක්කෙසු ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ භික්ඛුනුපස්සයං උපසඞ්කමිත්වා භික්ඛුනියො ඔවදිංසු, ආමිසහෙතු ථෙරා භික්ඛූ භික්ඛුනියො ඔවදන්තීති භණන්තස්ස පාචිත්තියං සාවත්ථියං ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ ආමිසහෙතු ථෙරා භික්ඛූ ¶ භික්ඛුනියො ඔවදන්තීති භණිංසු, තස්මිං භන්තෙ වත්ථුස්මිං පඤ්ඤත්තං.

3. ඔවාදවග්ග, 5. චීවරදාන සික්ඛාපුච්ඡා

පුච්ඡා – අඤ්ඤාතිකාය ¶ ආවුසො භික්ඛුනියා චීවරං දෙන්තස්ස පාචිත්තියං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ අඤ්ඤතරං භික්ඛුං ආරබ්භ පඤ්ඤත්තං, අඤ්ඤතරො භන්තෙ භික්ඛු අඤ්ඤාතිකාය භික්ඛුනියා චීවරං අදාසි, තස්මිං භන්තෙ වත්ථුස්මිං පඤ්ඤත්තං.

3. ඔවාදවග්ග, 6. චීවරසිබ්බන සික්ඛාපුච්ඡා

පුච්ඡා – අඤ්ඤාතිකාය ආවුසො භික්ඛුනියා චීවරං සිබ්බෙන්තස්ස පාචිත්තියං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ආයස්මන්තං උදායිං ආරබ්භ පඤ්ඤත්තං, ආයස්මා භන්තෙ උදායී අඤ්ඤාතිකාය භික්ඛුනියා චීවරං සිබ්බෙසි, තස්මිං භන්තෙ වත්ථුස්මිං පඤ්ඤත්තං.

3. ඔවාදවග්ග, 7. සංවිධාන සික්ඛාපුච්ඡා

පුච්ඡා – භික්ඛුනයා ¶ ආවුසො සද්ධිං සංවිධාය එකද්ධානමග්ගං පටිපජ්ජන්තස්ස පාචිත්තියං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ භික්ඛුනීහි සද්ධිං සංවිධාය එකද්ධානමග්ගං පටිපජ්ජිංසු, තස්මිං භන්තෙ වත්ථුස්මිං පඤ්ඤත්තං.

3. ඔවාදවග්ග, 8. නාවාභිරුහන සික්ඛාපුච්ඡා

පුච්ඡා – භික්ඛුනියා ¶ ආවුසො සද්ධිං සංවිධාය එකං නාවං අභිරුහන්තස්ස පාචිත්තියං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ භික්ඛූනීහි සද්ධිං සංවිධාය එකං නාවං අභිරුහිංසු, තස්මිං භන්තෙ වත්ථුස්මිං පඤ්ඤත්තං.

3. ඔවාදවග්ග, 9. පරිපාචිත සික්ඛාපුච්ඡා

පුච්ඡා – ජානං ආවුසො භික්ඛුනිපරිපාචිතං පිණ්ඩපාතං භුඤ්ජන්තස්ස පාචිත්තියං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ දෙවදත්තං ආරබ්භ පඤ්ඤත්තං, දෙවදත්තො භන්තෙ ජානං භික්ඛුනිපරිපාචිතං පිණ්ඩපාතං භුඤ්ජි, තස්මිං භන්තෙ වත්ථුස්මිං පඤ්ඤත්තං.

3. ඔවාදවග්ග, 10. රහොනිසජ්ජ සික්ඛාපුච්ඡා

පුච්ඡා – භික්ඛුනියා ¶ සද්ධිං ආවුසො එකො එකාය රහො නිසජ්ජං කප්පෙන්තස්ස පාචිත්තියං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ආයස්මන්තං උදායිං ආරබ්භ පඤ්ඤත්තං, ආයස්මා භන්තෙ උදායී භික්ඛුනියා සද්ධිං එකො එකාය රහො නිසජ්ජං කප්පෙසි, තස්මිං භන්තෙ වත්ථුස්මිං පඤ්ඤත්තං.

4. භොජනවග්ග, 1. ආවසථපිණ්ඩ සික්ඛාපුච්ඡා

පුච්ඡා – තතුත්තරි ¶ ආවුසො ආවසථපිණ්ඩං භුඤ්ජන්තස්ස පාචිත්තියං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ අනුවසිත්වා අනුවසිත්වා ආවසථපිණ්ඩං පරිභුඤ්ජිංසු, තස්මිං භන්තෙ වත්ථුස්මිං පඤ්ඤත්තං.

4. භොජනවග්ග, 2. ගණභොජන සික්ඛාපුච්ඡා

පුච්ඡා – ගණභොජනෙ පාචිත්තියං ආවුසො භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ දෙවදත්තං ආරබ්භ පඤ්ඤත්තං, දෙවදත්තො භන්තෙ සපරිසො කුලෙසු විඤ්ඤාපෙත්වා භුඤ්ජි, තස්මිං භන්තෙ වත්ථුස්මිං පඤ්ඤත්තං.

4. භොජනවග්ග 3. පරම්පරභොජන සික්ඛාපුච්ඡා

පුච්ඡා – පරම්පර ¶ භොජනෙ පාචිත්තියං ආවුසො භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – වෙසාලියං භන්තෙ සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ අඤ්ඤත්ර නිමන්තිතා අඤ්ඤත්ර භුඤ්ජිංසු, තස්මිං භන්තෙ වත්ථුස්මිං පඤ්ඤත්තං.

4. භොජනවග්ග, 4. කාණමාතු සික්ඛාපුච්ඡා

පුච්ඡා – ද්වත්තිපත්තපූරං ¶ පූවං පටිග්ගහෙත්වා තතුත්තරි පටිග්ගණ්හන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ න මත්තං ජානිත්වා පූවං පටිග්ගහෙසුං, තස්මිං භන්තෙ වත්ථුස්මිං පඤ්ඤත්තං.

විස්සජ්ජනා – භගවතො භන්තෙ වචනං අරහතො සම්මාසම්බුද්ධස්ස.

විස්සජ්ජනා – පරම්පරාය භන්තෙ ආභතං.

පුච්ඡා – අත්ථි නුඛො ආවුසො එත්ථ කොචිපි විරද්ධදොසො.

4. භොජනවග්ග, 5. පඨමපවාරණා සික්ඛාපුච්ඡා

පුච්ඡා – යං ¶ තෙන සාවුසො…පෙ… සම්මාසම්බුද්ධෙන භුත්තාවිනා පරිවාතෙන අනතිරිත්තං ඛාදනීයංවා භොජනීයංවා භුඤ්ජන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ භුත්තාවී පවාරිතා අඤ්ඤත්ර භුඤ්ජිංසු, තස්මිං භන්තෙ වත්ථුස්මිං පඤ්ඤත්තං.

4. භොජනවග්ග, 6. දුතිය පවාරණා සික්ඛාපුච්ඡා

පුච්ඡා – භික්ඛුං ¶ ආවුසො භුත්තාවිං පවාරිතං අනතිරිත්තෙන ඛාදනීයෙන භොජනීයෙන අභිහට්ඨුං පවාරෙන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ අඤ්ඤතරං භික්ඛුං ආරබ්භ පඤ්ඤත්තං, අඤ්ඤතරො භන්තෙ භික්ඛු භික්ඛුං භුත්තාවිං පවාරිතං අනතිරිත්තෙන භොජනීයෙන අභිහට්ඨුං පවාරෙසි, තස්මිං භන්තෙ වත්ථුස්මිං පඤ්ඤත්තං.

4. භොජනවග්ග, 7. විකාලභොජන සික්ඛාපුච්ඡා

පුච්ඡා – විකාලෙ ආවුසො ඛාදනීයං වා භොජනීයං වා භුඤ්ජන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ සත්තරසවග්ගියෙ භික්ඛූ ආරබ්භ පඤ්ඤත්තං, සත්තරසවග්ගියා භන්තෙ භික්ඛූ විකාලෙ භොජනං භුඤ්ජිංසු, තස්මිං භන්තෙ වත්ථුස්මිං පඤ්ඤත්තං.

4. භොජනවග්ග, 8. සන්නිධිකාරක සික්ඛාපුච්ඡා

පුච්ඡා – සන්නිධිකාරකං ආවුසො ඛාදනීයං වා භොජනීයං වා භුඤ්ජන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ආයස්මන්තං බෙලට්ඨසීසං ආරබ්භ පඤ්ඤත්තං, ආයස්මා භන්තෙ බෙලට්ඨසීසො සන්නිධිකාරකං භොජනං භුඤ්ජි, තස්මිං භන්තෙ වත්ථුස්මිං පඤ්ඤත්තං.

4. භොජනවග්ග, 9. පණීතභොජන සික්ඛාපුච්ඡා

පුච්ඡා – පණීත භොජනානි ආවුසො අත්තනො අත්ථාය විඤ්ඤාපෙත්වා භුඤ්ජන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං ¶ භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ පණීතභොජනානි අත්තනො අත්ථාය විඤ්ඤාපෙත්වා භුඤ්ජිංසු, තස්මිං භන්තෙ වත්ථුස්මිං පඤ්ඤත්තං.

4. භොජනවග්ග, 10. දන්තපොන සික්ඛාපුච්ඡා

පුච්ඡා – අදින්නං ආවුසො මුඛද්වාරං ආහාරං ආහරන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – වෙසාලියං භන්තෙ අඤ්ඤතරං භික්ඛුං ආරබ්භ පඤ්ඤත්තං, අඤ්ඤතරො භන්තෙ භික්ඛු අදින්නං මුඛද්වාරං ආහාරං ආහරි, තස්මිං භන්තෙ වත්ථුස්මිං පඤ්ඤත්තං.

5. අචෙලකවග්ග, 1. අචෙලක සික්ඛාපුච්ඡා

පුච්ඡා – අචෙලකස්සවා ¶ ආවුසො පරිබ්බාජකස්සවා පරිබ්බාජිකායවා සහත්ථා ඛාදනීයංවා භොජනීයංවා දෙන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – වෙසාලියං භන්තෙ ආයස්මන්තං ආනන්දං ආරබ්භ පඤ්ඤත්තං, ආයස්මා භන්තෙ ආනන්දො අඤ්ඤතරිස්සා පරිබ්බාජිකාය එකං මඤ්ඤමානො ද්වෙ පූවෙ අදාසි, තස්මිං භන්තෙ වත්ථුස්මිං පඤ්ඤත්තං.

5. අචෙලකවග්ග, 2. උය්යොජන සික්ඛාපුච්ඡා

පුච්ඡා – භික්ඛුං ¶ එහාවුසො ගාමංවා නිගමංවා පිණ්ඩාය පවිසිස්සාමාති තස්ස දාපෙත්වාවා අදාපෙත්වාවා උය්යොජෙන්තස්ස ආවුසො පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ආයස්මන්තං උපනන්දං සක්යපුත්තං ආරබ්භ පඤ්ඤත්තං, ආයස්මා භන්තෙ උපනන්දො සක්යපුත්තො භික්ඛු එහාවුසො ගාමං පිණ්ඩාය පවිසිස්සාමාති තස්ස අදාපෙත්වා උය්යොජෙසි, තස්මිං භන්තෙ වත්ථුස්මිං පඤ්ඤත්තං.

5. අචෙලකවග්ග, 3. සභොජන සික්ඛාපුච්ඡා

පුච්ඡා – සභොජනෙ කුලෙ අනුපඛජ්ජ නිසජ්ජං කප්පෙන්තස්ස ආවුසො පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං ¶ භන්තෙ ආයස්මන්තං උපනන්දං සක්යපුත්තං ආරබ්භ පඤ්ඤත්තං, ආයස්මා භන්තෙ උපනන්දො සක්යපුත්තො සභොජනෙ කුලෙ අනුපඛජ්ජ නිසජ්ජං කප්පෙසි, තස්මිං භන්තෙවත්ථුස්මිං පඤ්ඤත්තං.

5. අචෙලකවග්ග 4-5. රහොපටිච්ඡන්න, රහොනිසජ්ජ සික්ඛාපුච්ඡා

පුච්ඡා – මාතුගාමෙන සද්ධිං රහො පටිච්ඡන්නෙ ආසනෙ නිසජ්ජං කප්පෙන්තස්සච ආවුසො මාතුගාමෙන සද්ධිං එකො එකාය රහො නිසජ්ජං කප්පෙන්තස්සච පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ආයස්මන්තං උපනන්දං සක්යපුත්තං ආරබ්භ පඤ්ඤත්තං, ආයස්මා භන්තෙ උපනන්දො සක්යපුත්තො මාතුගාමෙන සද්ධිං රහො පටිච්ඡන්නෙ ආසනෙ නිසජ්ජං කප්පෙසි, මාතුගාමෙන සද්ධිං එකො එකාය රහො නිසජ්ජං කප්පෙසි, තස්මිං භන්තෙ වත්ථුස්මිං පඤ්ඤත්තං.

5. අචෙලකවග්ග, 6. චාරිත්ත සික්ඛාපුච්ඡා

පුච්ඡා – නිමන්තිතෙන ¶ ආවුසො සභත්තෙන සන්තං භික්ඛුං අනාපුච්ඡා පුරෙභත්තංවා පච්ඡාභත්තංවා කුලෙසු චාරිත්තං ආපජ්ජන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ ආයස්මන්තං උපනන්දං සක්යපුත්තං ආරබ්භ පඤ්ඤත්තං, ආයස්මා භන්තෙ උපනන්දො සක්යපුත්තො නිමන්තිතො සභත්තො සමානො පුරෙභත්තං පච්ඡාභත්තං කුලෙසු චාරිත්තං ආපජ්ජි, තස්මිං භන්තෙ වත්ථුස්මිං පඤ්ඤත්තං.

5. අචෙලකවග්ග, 7. මහානාම සික්ඛාපුච්ඡා

පුච්ඡා – තතුත්තරි ආවුසො භෙසජ්ජං විඤ්ඤාපෙන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සක්කෙසු ¶ භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ මහානාමෙන සක්කෙන අජ්ජණ්හො භන්තෙ ආගමෙතාති වුච්චමානා නාගමෙසුං, තස්මිං භන්තෙ වත්ථුස්මිං පඤ්ඤත්තං.

5. අචෙලකවග්ග 8-9-10. උය්යුත්තසෙනා චසො සික්ඛාපුච්ඡා

පුච්ඡා – උය්යුත්තං ආවුසො සෙනං දස්සනාය ගච්ඡන්තස්ස ච අතිරෙකතිරත්තං සෙනාය වසන්තස්ස ච උය්යොධිකං ගච්ඡන්තස්ස ච පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ උය්යුත්තං සෙනං දස්සනාය අගමංසු, තෙයෙව භන්තෙ ඡබ්බග්ගියා භික්ඛූ අතිරෙකතිරත්තං සෙනාය වසිංසු, තෙයෙව භන්තෙ ඡබ්බග්ගියා භික්ඛූ උය්යොධිකං අගමංසු, තස්මිං භන්තෙ වත්ථුස්මිං පඤ්ඤත්තං.

6. සුරාපානවග්ග, 1. සුරාපාන සික්ඛාපුච්ඡා

පුච්ඡා – සුරාමෙරයපානෙ ¶ ආවුසො පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – කොසම්බියං භන්තෙ ආයස්මන්තං සාගතං ආරබ්භ පඤ්ඤත්තං, ආයස්මා භන්තෙ සාගතො මජ්ජං පිවි, තස්මිං භන්තෙ වත්ථුස්මිං පඤ්ඤත්තං.

6. සුරාපානවග්ග, 2. අඞ්ගුලිපතොදක සික්ඛාපුච්ඡා

පුච්ඡා – අඞ්ගුලිපතොදකෙ ¶ ආවුසො පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ භික්ඛුං අඞ්ගුලිපතොදකෙන හාසෙසුං, තස්මිං භන්තෙ වත්ථුස්මිං පඤ්ඤත්තං.

6. සුරාපානවග්ග, 3. හසධම්ම සික්ඛාපුච්ඡා

පුච්ඡා – උදකෙ හසධම්මෙ ආවුසො පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ සත්තරසවග්ගියෙ භික්ඛූ ආරබ්භ පඤ්ඤත්තං, සත්තරසවග්ගියා භන්තෙ භික්ඛූ අචිරවතියා නදියා උදකෙ කීළිංසු, තස්මිං භන්තෙ වත්ථුස්මිං පඤ්ඤත්තං.

6. සුරාපානවග්ග, 4. අනාදරිය සික්ඛාපුච්ඡා

පුච්ඡා – අනාදරිය ¶ ආවුසො පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – කොසම්බියං භන්තෙ ආයස්මන්තං ඡන්නං ආරබ්භ පඤ්ඤත්තං, ආයස්මා භන්තෙ ඡන්නො ආපත්තියා අනුයුඤ්ජියමානො අනාදරියං අකාසි, තස්මිං භන්තෙ වත්ථුස්මිං පඤ්ඤත්තං.

6. සුරාපානවග්ග, 5. භිංසාපන සික්ඛාපුච්ඡා

පුච්ඡා – භික්ඛුං ¶ භිංසාපෙන්තස්ස ආවුසො පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ භික්ඛුං භිංසාපෙසුං, තස්මිං භන්තෙ වත්ථුස්මිං පඤ්ඤත්තං.

6. සුරාපානවග්ග, 6. ජොතික සික්ඛාපුච්ඡා

පුච්ඡා – ජොතිං ආවුසො සමාදහිත්වා විසිබ්බෙන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – භග්ගෙසු භන්තෙ සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ ජොතිං සමාදපෙත්වා විසිබ්බෙසුං, තස්මිං භන්තෙ වත්ථුස්මිං පඤ්ඤත්තං.

6. සුරාපානවග්ග, 7. නහාන සික්ඛාපුච්ඡා

පුච්ඡා – ඔරෙනද්ධමාසං ¶ ආවුසො නහායන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ රාජානම්පි පස්සිත්වා න මත්තං ජානිත්වා නහායිංසු, තස්මිං භන්තෙ වත්ථුස්මිං පඤ්ඤත්තං.

විස්සජ්ජනා – භගවතො භන්තෙ වචනං අරහතො සම්මාසම්බුද්ධස්ස.

විස්සජ්ජනා – පරම්පරාය භන්තෙ ආභතං.

පුච්ඡා – අත්ථි නුඛො ආවුසො එත්ථ කොචිපි විරුද්ධදොසො.

සුණාතු මෙ භන්තෙ සඞ්ඝො…පෙ… සංගායෙය්යාම.

පුච්ඡා – යං ¶ තෙන ආවුසො…පෙ… සම්මාසම්බුද්ධෙන අනාදියිත්වා තිණ්ණං දුබ්බණ්ණකරණානං අඤ්ඤතරං දුබ්බණ්ණකරණං නවං චීවරං පරිභුඤ්ජන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ අත්තනො චීවරං න සඤ්ජානිංසු, තස්මිං භන්තෙ වත්ථුස්මිං පඤ්ඤත්තං.

6. සුරාපානවග්ග, 10. චීවරඅපනිධාන සික්ඛාපුච්ඡා

පුච්ඡා – භික්ඛුස්ස ආවුසො පත්තං වා චීවරං වා නිසීදනං වා සූචිඝරං වා කායබන්ධනං වා අපනිධෙන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං ¶ භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ භික්ඛූනං පත්තම්පි චීවරම්පි අපනිධෙසුං, තස්මිං භන්තෙ වත්ථුස්මිං පඤ්ඤත්තං.

7. සප්පාණකවග්ග, 1. සඤ්චිච්ච සික්ඛාපුච්ඡා

පුච්ඡා – සඤ්චිච්ච ආවුසො පාණං ජීවිතා වොරොපෙන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ආයස්මන්තං උදායිං ආරබ්භ පඤ්ඤත්තං ආයස්මා භන්තෙ උදායී සඤ්චිච්ච පාණං ජීවිතා වොරොපෙසි, තස්මිං භන්තෙ වත්ථුස්මිං පඤ්ඤත්තං.

7. සප්පාණකවග්ග, 2. සප්පාණක සික්ඛාපුච්ඡා

පුච්ඡා – ජානං ¶ ආවුසො සප්පාණකං උදකං පරිභුඤ්ජන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ ජානං සප්පාණකං උදකං පරිභුඤ්ජිංසු, තස්මිං භන්තෙ වත්ථුස්මිං පඤ්ඤත්තං.

7. සප්පාණකවග්ග, 6. ථෙය්යසත්ථ සික්ඛාපුච්ඡා

පුච්ඡා – ජානං ආවුසො ථෙය්යසත්ථෙන සද්ධිං සංවිධාය එකද්ධානමග්ගං පටිපජ්ජන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ අඤ්ඤතරං භික්ඛුං ආරබ්භ පඤ්ඤත්තං, අඤ්ඤතරො භන්තෙ භික්ඛු ජානං ථෙය්යසත්ථෙන සද්ධිං සංවිධාය එකද්ධානමග්ගං පටිපජ්ජි, තස්මිං භන්තෙ වත්ථුස්මිං පඤ්ඤත්තං.

7. සප්පාණකවග්ග, 7. සංවිධාන සික්ඛාපුච්ඡා

පුච්ඡා – මාතුගාමෙන ¶ සද්ධිං ආවුසො සංවිධාය එකද්ධානමග්ගං පටිපජ්ජන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ අඤ්ඤතරං භික්ඛුං ආරබ්භ පඤ්ඤත්තං, අඤ්ඤතරො භන්තෙ භික්ඛු මාතුගාමෙන සද්ධිං සංවිධාය එකද්ධානමග්ගං පටිපජ්ජි, තස්මිං භන්තෙ වත්ථුස්මිං පඤ්ඤත්තං.

8. සහධම්මිකවග්ග, 1. සහධම්මික සික්ඛාපුච්ඡා

පුච්ඡා – භික්ඛූහි ආවුසො සහධම්මිකං වුච්චමානෙන න තාවාහං ආවුසො එතස්මිං සික්ඛාපදෙ සික්ඛිස්සාමි, යාව න අඤ්ඤං භික්ඛුං බ්යත්තං විනයධරං පරිපුච්ඡිස්සාමීති භණන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – කොසම්බියං ¶ භන්තෙ ආයස්මන්තං ඡන්නං ආරබ්භ පඤ්ඤත්තං, ආයස්මා භන්තෙ ඡන්නො භික්ඛූහි සහධම්මිකං වුච්චමානො න තාවාහං ආවුසො එතස්මිං සික්ඛාපදෙ සික්ඛිස්සාමි, යාව න අඤ්ඤං භික්ඛුං බ්යත්තං විනයධරං පරිපුච්ඡිස්සාමීති භණි, තස්මිං භන්තෙ වත්ථුස්මිං පඤ්ඤත්තං.

8. සහධම්මිකවග්ග, 2. විලෙඛන සික්ඛාපුච්ඡා

පුච්ඡා – විනයං විවණ්ණෙන්තස්ස ආවුසො පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ විනයං විවණ්ණෙසුං, තස්මිං භන්තෙ වත්ථුස්මිං පඤ්ඤත්තං.

8. සහධම්මිකවග්ග, 3. මොහන සික්ඛාපුච්ඡා

පුච්ඡා – මොහනකෙ ¶ ආවුසො පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ මොහෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – භික්ඛුස්ස ¶ ආවුසො කුපිතෙන අනත්තමනෙන පහාරං දෙන්තස්ස ච තලසත්තිකං උග්ගිරන්තස්ස ච පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ කුපිතා අනත්තමනා සත්තරසවග්ගියානං භික්ඛූනං පහාරං අදංසු, තලසත්තිකඤ්ච උග්ගිරිංසු, තස්මිං භන්තෙ වත්ථුස්මිං පඤ්ඤත්තං.

8. සහධම්මිකවග්ග, 7. සඤ්චිච්ච සික්ඛාපුච්ඡා

පුච්ඡා – භික්ඛුස්ස ආවුසො සඤ්චිච්ච කුක්කුච්චං උපදහන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ භික්ඛූනං සඤ්චිච්ච කුක්කුච්චං උපදහිංසු, තස්මිං භන්තෙ වත්ථුස්මිං පඤ්ඤත්තං.

8. සහධම්මිකවග්ග, 8. උපස්සුති සික්ඛාපුච්ඡා

පුච්ඡා – භික්ඛූනං ¶ ආවුසො භණ්ඩනජාතානං කලහජාතානං විවාදා පන්නානං උපස්සුතිං තිට්ඨන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ භික්ඛූනං භණ්ඩනජාතානං කලහ ජාතානං විවාදාපන්නානං උපස්සුතිං තිට්ඨහිංසු, තස්මිං භන්තෙ වත්ථුස්මිං පඤ්ඤත්තං.

8. සහධම්මිකවග්ග, 9. කම්මපටිබාහන සික්ඛාපුච්ඡා

පුච්ඡා – ධම්මිකානං ආවුසො කම්මානං ඡන්දං දත්වා පච්ඡා ඛීයනධම්මං ආපජ්ජන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං ¶ භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ ධම්මිකානං කම්මානං ඡන්දං දත්වා පච්ඡා ඛීයනධම්මං ආපජ්ජිංසු, තස්මිං භන්තෙ වත්ථුස්මිං පඤ්ඤත්තං.

8. සහධම්මිකවග්ග 10. ඡන්දං අදත්වාගමන සික්ඛාපුච්ඡා

පුච්ඡා – සඞ්ඝෙ ආවුසො විනිච්ඡකථාය වත්තමානාය ඡන්දං අදත්වා උට්ඨායාසනා පක්කමන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ අඤ්ඤතරං භික්ඛුං ආරබ්භ පඤ්ඤත්තං, අඤ්ඤතරො භන්තෙ ඡබ්බග්ගියො භික්ඛු සඞ්ඝෙ විනිච්ඡයකථාය වත්තමානාය ඡන්දං අදත්වා උට්ඨායාසනා පක්කාමි, තස්මිං භන්තෙ වත්ථුස්මිං පඤ්ඤත්තං.

8. සහධම්මිකවග්ග, 12. පරිණාමන සික්ඛාපුච්ඡා

පුච්ඡා – ජානං ¶ ආවුසො සඞ්ඝිකං ලාභං පරිණතං පුග්ගලස්ස පරිණාමෙන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ ජානං සඞ්ඝිකං ලාභං පරිණතං පුග්ගලස්ස පරිණාමෙසුං, තස්මිං භන්තෙ වත්ථුස්මිං පඤ්ඤත්තං.

9. රතනවග්ග, 1. අන්තෙපුර සික්ඛාපුච්ඡා

පුච්ඡා – පුබ්බෙ අප්පටිසංවිදිතෙන ආවුසො රඤ්ඤො අන්තෙපුරං පවිසන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං ¶ භන්තෙ ආයස්මන්තං ආනන්දං ආරබ්භ පඤ්ඤත්තං, ආයස්මා භන්තෙ ආනන්දො පුබ්බෙ අප්පටිසංවිදිතො රඤ්ඤො අන්තෙපුරං පාවිසි, තස්මිං භන්තෙ වත්ථුස්මිං පඤ්ඤත්තං.

පුච්ඡා – රතනං ආවුසො උග්ගණ්හන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ අඤ්ඤතරං භික්ඛුං ආරබ්භ පඤ්ඤත්තං, අඤ්ඤතරො භන්තෙ භික්ඛු රතනං උග්ගහෙසි, තස්මිං භන්තෙ වත්ථුස්මිං පඤ්ඤත්තං.

9. රතනවග්ග, 3. විකාලගාමප්පවිසන සික්ඛාපුච්ඡා

පුච්ඡා – සන්තං ¶ ආවුසො භික්ඛුං අනාපුච්ඡා විකාලෙ ගාමං පවිසන්තස්ස පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ සන්තං භික්ඛුං අනාපුච්ඡා විකාලෙ ගාමං පවිසිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – සෙක්ඛසම්මතෙසු ¶ ආවුසො කුලෙසු ඛාදනීයං වා භොජනීයං වා සහත්ථා පටිග්ගහෙත්වා භුඤ්ජන්තස්ස පාටිදෙසනීයං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ නමත්තං ජානිත්වා පටිග්ගහෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – අනාදරියං ¶ ආවුසො පටිච්ච පුරතො වා පච්ඡතො වා ඔලම්බෙන්තෙන නිවාසෙන්තස්සච පාරුපන්තස්සච දුක්කටං කත්ථ පඤ්ඤත්තං, කං ආරබ්භ කිස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ පුරතො ච පච්ඡතො ච ඔලම්බන්තා නිවාසෙසුංචෙව පාරුපිංසුච, තස්මිං භන්තෙ වත්ථුස්මිං පඤ්ඤත්තං.

පුච්ඡා – අනාදරියං ආවුසො පටිච්ච කායං විවරිත්වා අන්තරඝරෙ ගච්ඡන්තස්ස ච නිසීදන්තස්ස ච දුක්කටං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගීයෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ කායං විවරිත්වා අන්තරඝරෙ ගච්ඡිංසු චෙව නිසීදිංසුච, තස්මිං භන්තෙ වත්ථුස්මිං පඤ්ඤත්තං.

පුච්ඡා – අනාදරියං ¶ ආවුසො පටිච්ච හත්ථං වා පාදං වා කීළාපෙන්තෙන අන්තරඝරෙ ගච්ඡන්තස්ස ච නිසීදන්තස්ස ච, තහං තහං ඔලොකෙන්තෙන අන්තරඝරෙ ගච්ඡන්තස්ස ච නිසීදන්තස්ස ච, උක්ඛිත්තකාය අන්තරඝරෙ ගච්ඡන්තස්ස ච නිසීදන්තස්ස ච දුක්කටං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ හත්ථම්පි පාදම්පි කීළාපෙන්තා තහං තහංපි ඔලොකෙන්තා අන්තරඝරෙ ගච්ඡිංසුචෙව නිසීදිංසු ච, තෙයෙව භන්තෙ ඡබ්බග්ගියා භික්ඛූ උක්ඛිත්තකාය අන්තරඝරෙ ගච්ඡිංසුචෙව නිසීදිංසුච, තස්මිං භන්තෙ වත්ථුස්මිං පඤ්ඤත්තං.

පුච්ඡා – අනාදරියං ¶ ආවුසො පටිච්ච උජ්ජග්ඝිකාය වා උච්චාසද්දං මහාසද්දං කරොන්තෙන වා අන්තරඝරෙ ගච්ඡන්තස්සච නිසීදන්තස්සච දුක්කටං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ මහාහසිතං හසන්තා ච උච්චාසද්දං මහාසද්දං කරොන්තා ච අන්තරඝරෙ ගච්ඡිංසුචෙව නිසීදිංසුච, තස්මිං භන්තෙ වත්ථුස්මිං පඤ්ඤත්තං.

පුච්ඡා – අනාදරියං ආවුසො පටිච්ච කායප්පචාලකං වා බාහුප්ප චාලකං වා සීසප්පචාලකං වා ඛම්භකතෙන වා ඔගුණ්ඨිතෙන වා අන්තරඝරෙ ගච්ඡන්තස්ස ච නිසීදන්තස්ස ච උක්කුටිකාය කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ කායප්පචාලකං බාහුප්පචාලකං සීසප්පචාලකං කරොන්තා ච ඛම්භීකතා ච ඔගුණ්ඨිතා ච අන්තරඝරෙ ගච්ඡිංසුචෙව නිසීදිංසුච, උක්කුටිකායච අන්තරඝරෙ ගච්ඡිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – අනාදරියං ¶ ආවුසො පටිච්ච පල්ලත්ථිකාය අන්තරඝරෙ නිසින්නස්ස දුක්කටං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ පල්ලත්ථිකාය අන්තරඝරෙ නිසීදිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – අනාදරියං ¶ ආවුසො පටිච්ච අසක්කච්චං පිණ්ඩපාතං පටිග්ගණ්හන්තස්ස ච තහං තහං ඔලොකෙන්තෙන පිණ්ඩපාතං පටිග්ගණ්හන්තස්සච සූපඤ්ඤෙව බහුං පටිග්ගණ්හන්තස්සච ථූපීකතං පිණ්ඩපාතං පටිග්ගණ්හන්තස්සච දුක්කටං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ අසක්කච්චං පිණ්ඩපාතං පටිග්ගහෙසුං, තහං තහං ඔලොකෙන්තා පිණ්ඩපාතං පටිග්ගහෙසුං, සූපඤ්ඤෙව බහුං පටිග්ගහෙසුං, ථූපීකතං පිණ්ඩපාතං පටිග්ගහෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – අනාදරියං ¶ ආවුසො පටිච්ච ආසක්කච්චං පිණ්ඩපාතං භුඤ්ජන්තස්සච තහං තහං ඔලොකෙන්තන පිණ්ඩපාතං භුඤ්ජන්තස්ස ච තහං තහං ඔමසිත්වා පිණ්ඩපාතං භුඤ්ජන්තස්ස ච සූපඤ්ඤෙව බහුං භුඤ්ජන්තස්ස ච ථූපකතො ඔමද්දිත්වා පිණ්ඩපාතං භුඤ්ජන්තස්ස ච සූපං වා බ්යඤ්ජනං වා ඔදනෙන පටිච්ඡාදෙන්තස්ස ච දුක්කටං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ අසක්කච්චං පිණ්ඩපාතං භුඤ්ජිංසු, තහං තහං ඔලොකෙන්තා පිණ්ඩපාතං භුඤ්ජිංසු, තෙයෙව භන්තෙ ඡබ්බග්ගියා භික්ඛූ තහං තහං ඔමසිත්වා පිණ්ඩපාතං භුඤ්ජිංසු, තෙයෙව භන්තෙ ඡබ්බග්ගියා භික්ඛූ බහුං සූපං භුඤ්ජිංසු, තෙයෙව භන්තෙ ඡබ්බග්ගියා භික්ඛූ ථූපකතො ඔමද්දිත්වා පිණ්ඩපාතං භුඤ්ජිංසු, තෙයෙව භන්තෙ ඡබ්බග්ගියා භික්ඛූ සූපම්පි බ්යඤ්ජනම්පි ඔදනෙන පටිච්ඡාදෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – අනාදරියං ¶ ආවුසො පටිච්ච සූපංවා ඔදනංවා අගිලානෙන අත්තනො අත්ථාය විඤ්ඤාපෙත්වා භුඤ්ජන්තස්ස දුක්කටං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ සූපම්පි ඔදනම්පි අත්තනො අත්ථාය විඤ්ඤාපෙත්වා භුඤ්ජිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – අනාදරියං ආවුසො පටිච්ච උජ්ඣානසඤ්ඤිනා පරෙසං පත්තං ඔලොකෙන්තස්ස ච අතිමහන්තං කබළං කරොන්තස්ස ච දීඝං ආලොපං කරොන්තස්ස ච දුක්කටං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං ¶ භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ උජ්ඣානසඤ්ඤිනො පරෙසං පත්තං ඔලොකෙසුං, තෙයෙව භන්තෙ ඡබ්බග්ගියා භික්ඛූ අතිමහන්තං කබළං කරිංසු, තෙයෙව භන්තෙ ඡබ්බග්ගියා භික්ඛූ දීඝං ආලොපං කරිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – අනාදරියං ආවුසො පටිච්ච අනාහටෙ කබළෙ මුඛද්වාරං විවරන්තස්ස ච භුඤ්ජමානෙ සබ්බං හත්ථං මුඛෙ පක්ඛිපන්තස්ස ච සකබළෙන මුඛෙන බ්යාහරන්තස්ස ච පිණ්ඩුක්ඛෙපකං පිණ්ඩපාතං භුඤ්ජන්තස්ස ච කබළාවච්ඡෙදකං පිණ්ඩපාතං භුඤ්ජන්තස්ස ච අවගණ්ඩකාරකං පිණ්ඩපාතං භුඤ්ජන්තස්ස ච හත්ථනිද්ධුනකං සිත්ථාවකාරකං ජිව්හානිච්ඡාරකං චපුචපුකාරකං පිණ්ඩපාතං භුඤ්ජන්තස්ස ච දුක්කටං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ අනාහටෙ කබළෙ මුඛද්වාරං විවරිංසු, භුඤ්ජමානා සබ්බං හත්ථං මුඛෙ පක්ඛිපිංසු, සකබළෙන මුඛෙන බ්යාහරිංසු, පිණ්ඩුක්ඛෙපකං භුඤ්ජිංසු, කබළාවච්ඡෙදකං භුඤ්ජිංසු, අවගණ්ඩකාරකං භුඤ්ජිංසු, හත්ථනිද්ධුනකං සිත්ථාවකාරකං ජිව්හානිච්ඡාරකං ¶ චපුචපුකාරකං භුඤ්ජිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – අනාදරියං ආවුසො පටිච්ච සුරුසුරුකාරකං භුඤ්ජන්තස්සච හත්ථනිල්ලෙහකංවා පත්තනිල්ලෙහකං වා ඔට්ඨනිල්ලෙහකං වා භුඤ්ජන්තස්ස ච සාමිසෙන හත්ථෙන පානීයථාලකං පටිග්ගණ්හන්තස්ස ච සසිත්ථකං පත්තධොවනං අන්තරඝරෙ චඩ්ඩෙන්තස්ස ච දුක්කටං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සුරු සුරුකාරකං භන්තෙ භුඤ්ජන්තස්ස දුක්කටං කොසම්බියං පඤ්ඤත්තං, සම්බහුලෙ භන්තෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ සුරුසුරුකාරකං ඛීරං පිවිංසු, තස්මිං භන්තෙ වත්ථුස්මිං පඤ්ඤත්තං. හත්ථනිල්ලෙහකං ¶ භුඤ්ජන්තස්ස ච පත්තනිල්ලෙහකං භුඤ්ජන්තස්ස ච ඔට්ඨනිල්ලෙහකං භුඤ්ජන්තස්ස දුක්කටං සාවත්ථියං පඤ්ඤත්තං, ඡබ්බග්ගියෙ භන්තෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ හත්ථනිල්ලෙහකං භුඤ්ජිංසු, පත්තනිල්ලෙහකං භුඤ්ජිංසු, ඔට්ඨනිල්ලෙහකං භුඤ්ජිංසු, තස්මිං භන්තෙ වත්ථුස්මිං පඤ්ඤත්තං.

සාමිසෙන හත්ථෙන පානීයථාලකං පටිග්ගණ්හන්තස්ස ච සසිත්ථකං පත්තධොවනං අන්තරඝරෙ ඡඩ්ඩෙන්තස්ස ච දුක්කටං භග්ගෙසු පඤ්ඤත්තං, සම්බහුලෙ භික්ඛූ ආරබ්භ පඤ්ඤත්තං, සම්බහුලා භික්ඛූ සාමිසෙන හත්ථෙන පානීයථාලකං පටිග්ගහෙසුං, තෙයෙව භන්තෙ සම්බහුලා භික්ඛූ සසිත්ථකං පත්තධොවනං අන්තරඝරෙ ඡඩ්ඩෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – අනාදරියං ¶ ආවුසො පටිච්ච ඡත්තපාණිස්ස ධම්මං දෙසෙන්තස්ස ච දණ්ඩපාණිස්ස වා සත්ථපාණිස්ස වා ආවුධපාණිස්ස වා ධම්මං දෙසෙන්තස්ස ච දුක්කටං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ ඡත්තපාණිස්ස දණ්ඩපාණිස්ස සත්ථපාණිස්ස ආවුධපාණිස්ස ධම්මං දෙසෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – අනාදරියං ආවුසො පටිච්ච පාදුකාරුළ්හස්ස ච උපහනාරුළ්හස්ස ච යානගතස්ස ච සයනගතස්ස ච ධම්මං දෙසෙන්තස්ස දුක්කටං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ පාදුකාරුළ්හස්ස උපහනාරුළ්හස්ස යානගතස්ස සයනගතස්ස ධම්මං දෙසෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – අනාදරියං ¶ ආවුසො පටිච්ච පල්ලත්ථිකාය නිසින්නස්ස ච වෙඨිතසීසස්ස ච ඔගුණ්ඨිතසීසස්ස ච ඡමායං නිසීදිත්වා ආසනෙ නිසින්නස්ස ච නීචෙ ආසනෙ නිසීදිත්වා උච්චෙ ආසනෙ නිසින්නස්ස ච ඨිතෙන නිසින්නස්ස ච පච්ඡතො ගච්ඡන්තෙන පුරතො ගච්ඡන්තස්ස ච උප්පථෙන ගච්ඡන්තෙන පථෙන ගච්ඡන්තස්ස ච ධම්මං දෙසෙන්තස්ස දුක්කටං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙව භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ පල්ලත්ථිකාය නිසින්නස්ස ච වෙඨිතසීසස්ස ච ඔගුණ්ඨිතසීසස්ස ච ඡමායං නිසීදිත්වා ආසනෙ නිසින්නස්ස ච නීචෙ ආසනෙ නිසීදිත්වා උච්චෙ ආසනෙ නිසින්නස්ස ච ඨිතානිසින්නස්ස ච පච්ඡතො ගච්ඡන්තා පුරතො ගච්ඡන්තස්ස ච උප්පථෙන ගච්ඡන්තා පථෙන ගච්ඡන්තස්ස ච ධම්මං දෙසෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – අනාදරියං ¶ ආවුසො පටිච්ච ඨිතෙන උච්චාරං වා පස්සාවං වා කරොන්තස්ස ච හරිතෙ වා උදකෙ වා උච්චාරං වා පස්සාවං වා ඛෙළං වා කරොන්තස්ස ච දුක්කටං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙව භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ ඨිතා උච්චාරම්පි පස්සාවම්පි අකංසු, තෙයෙව භන්තෙ ඡබ්බග්ගියා භික්ඛූ හරිතෙපි උදකෙපි උච්චාරම්පි පස්සාවම්පි ඛෙළම්පි අකංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – භික්ඛුනීනං ¶ ආවුසො පඤ්චම පාරාජිකං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ සුන්දරීනන්දං භික්ඛුනිං ආරබ්භ පඤ්ඤත්තං, සුන්දරීනන්දා භන්තෙ භික්ඛුනී අවස්සුතා අවස්සුතස්ස පුරිසපුග්ගලස්ස කායසංසග්ගං සාදියි, තස්මිං භන්තෙ වත්ථුස්මිං පඤ්ඤත්තං.

භික්ඛුනීවිභඞ්ග, සඞ්ඝාදිසෙස සික්ඛාපුච්ඡා

පුච්ඡා – උස්සයවාදිකාය ආවුසො භික්ඛුනියා අඩ්ඩං කරොන්තියා සඞ්ඝාදිසෙසො කත්ථ පඤ්ඤත්තො, කං ආරබ්භ කිස්මිං වත්ථුස්මිං පඤ්ඤත්තො.

විස්සජ්ජනා – සාවත්ථියං භන්තෙ තුල්ලනන්දං භික්ඛුනිං ආරබ්භ පඤ්ඤත්තො, ථුල්ලනන්දා භන්තෙ භික්ඛුනී උස්සයවාදිකා විහරි, තස්මිං භන්තෙ වත්ථුස්මිං පඤ්ඤත්තො.

පුච්ඡා – චොරිං ¶ ආවුසො වුට්ඨාපෙන්තියා සඞ්ඝාදිසෙසො කත්ථ පඤ්ඤත්තො, කං ආරබ්භ කිස්මිං වත්ථුස්මිං පඤ්ඤත්තො.

විස්සජ්ජනා – සාවත්ථියං භන්තෙ ථුල්ලනන්දං භික්ඛුනිං ආරබ්භ පඤ්ඤත්තො, ථුල්ලනන්දා භන්තෙ භික්ඛුනී චොරිං වුට්ඨාපෙසි, තස්මිං භන්තෙ වත්ථුස්මිං පඤ්ඤත්තො.

පුච්ඡා – එකාය ¶ ආවුසො ගාමන්තරං ගච්ඡන්තියා සඞ්ඝාදිසෙසො කත්ථ පඤ්ඤත්තො, කං ආරබ්භ කිස්මිං වත්ථුස්මිං පඤ්ඤත්තො.

විස්සජ්ජනා – සාවත්ථියං භන්තෙ අඤ්ඤතරං භික්ඛුනිං ආරබ්භ පඤ්ඤත්තො, අඤ්ඤතරා භන්තෙ භික්ඛුනී එකා ගාමන්තරං ගච්ඡි, තස්මිං භන්තෙ වත්ථුස්මිං පඤ්ඤත්තො.

පුච්ඡා – අවස්සුතාය ආවුසො භික්ඛුනියා අවස්සුතස්ස පුරිසපුග්ගලස්ස හත්ථතො ඛාදනීයංවා භොජනීයංවා සහත්ථා පටිග්ගහෙත්වා භුඤ්ජන්තස්ස සඞ්ඝාදිසෙසො කත්ථ පඤ්ඤත්තො, කං ආරබ්භ කිස්මිං වත්ථුස්මිං පඤ්ඤත්තො.

විස්සජ්ජනා – සාවත්ථියං භන්තෙ සුන්දරීනන්දං භික්ඛුනිං ආරබ්භ පඤ්ඤත්තො, සුන්දරීනන්දා භන්තෙ භික්ඛුනී අවස්සුතා අවස්සුතස්ස පුරිසපුග්ගලස්ස ¶ හත්ථතො ආමිසං පටිග්ගහෙසි තස්මිං භන්තෙ වත්ථුස්මිං පඤ්ඤත්තො.

පුච්ඡා – කුපිතාය ආවුසො අනත්තමනාය භික්ඛුනියා යාවතතියං සමනුභාසන්තියා න පටිනිසජ්ජන්තියා සඞ්ඝාදිසෙසො කත්ථ පඤ්ඤත්තො, කං ආරබ්භ කිස්මිං වත්ථුස්මිං පඤ්ඤත්තො.

විස්සජ්ජනා – සාවත්ථියං භන්තෙ චණ්ඩකාළිං භික්ඛුනිං ආරබ්භ පඤ්ඤත්තො, චණ්ඩකාළී භන්තෙ භික්ඛුනී කුපිතා අනත්තමනා එවං අභණි, බුද්ධං පච්චාචික්ඛාමි, ධම්මං පච්චාචික්ඛාමි, සඞ්ඝං පච්චාචික්ඛාමි, සික්ඛං පච්චාචික්ඛාමි, කින්නුමාව සමණියො යා සමණියො සක්යධීතරො, සන්තඤ්ඤාපි සමණියො ලජ්ජිනියො කුක්කුච්චිකා සික්ඛාකාමා, තාසාහං සන්තිකෙ බ්රහ්මචරියං චරිස්සාමීති, තස්මිං භන්තෙ වත්ථුස්මිං පඤ්ඤත්තො.

විස්සජ්ජනා – භගවතො භන්තෙ වචනං අරහතො සම්මාසම්බුද්ධස්ස.

විස්සජ්ජනා – පරම්පරාය භන්තෙ ආභතං.

පුච්ඡා – අත්ථි නුඛො ආවුසො එත්ථ කොචිපි විරද්ධදොසො.

පුච්ඡා – යං ¶ තෙන ආවුසො භගවතා…පෙ… සම්මාසම්බුද්ධෙන ලක්ඛණං ඛාදන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ථුල්ලනන්දං භික්ඛුනිං ආරබ්භ පඤ්ඤත්තං, ථුල්ලනන්දා භන්තෙ භික්ඛුනී න මත්තං ජානිත්වා බහුං ලසුණං හරාපෙසි, තස්මිං භන්තෙ වත්ථුස්මිං පඤ්ඤත්තං.

1. ලසුණවග්ග, 6. ඡට්ඨ සික්ඛාපුච්ඡා

පුච්ඡා – භික්ඛුස්ස ආවුසො භුඤ්ජමානස්ස අන්නෙන වා පානෙන වා විධූපනෙන වා උපතිට්ඨන්තියා භික්ඛුනියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං ¶ භන්තෙ අඤ්ඤතරං භික්ඛුනිං ආරබ්භ පඤ්ඤත්තං, අඤ්ඤතරා භන්තෙ භික්ඛුනී භික්ඛුස්ස භුඤ්ජමානස්ස පානීයෙන විධූපනෙන ච උපතිට්ඨති, තස්මිං භන්තෙ වත්ථුස්මිං පඤ්ඤත්තං.

1. ලසුණවග්ග, 8. අට්ඨම සික්ඛාපුච්ඡා

පුච්ඡා – උච්චාරංවා ආවුසො පස්සාවංවා සඞ්කාරංවා විඝාසංවා ථිරොකුට්ටෙ ඡඩ්ඩෙන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ අඤ්ඤතරං භික්ඛුනිං ආරබ්භ පඤ්ඤත්තං, අඤ්ඤතරා භන්තෙ භික්ඛුනී උච්චාරං තිරොකුට්ටෙ ඡඩ්ඩෙසි, තස්මිං භන්තෙ වත්ථුස්මිං පඤ්ඤත්තං.

පුච්ඡා – නච්චං ¶ වා ආවුසො ගීතං වා වාදිතං වා දස්සනාය ගච්ඡන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියා භික්ඛුනියො ආරබ්භ පඤ්ඤත්තං, ඡබ්බග්ගියා භන්තෙ භික්ඛුනියො නච්චම්පි ගීතම්පි වාදිතම්පි දස්සනාය අගමංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – භික්ඛුපන ¶ ආවුසො නච්චං වා ගීතං වා වාදිතං වා දස්සනාය ගච්ඡන්තො කං නාම ආපත්තිං ආපජ්ජති.

විස්සජ්ජනා – දුක්කටං භන්තෙ ආපත්තිං ආපජ්ජති.

පුච්ඡා – රත්තන්ධකාරෙ ආවුසො අපදීපෙ පුරිසෙන සද්ධිං එකෙනෙකාය සන්තිට්ඨන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ අඤ්ඤතරං භික්ඛුනිං ආරබ්භ පඤ්ඤත්තං, අඤ්ඤතරා භන්තෙ භික්ඛුනී රත්තන්ධකාරෙ අපදීපෙ පුරිසෙන සද්ධිං එකෙනෙකා සන්තිට්ඨි, තස්මිං භන්තෙ වත්ථුස්මිං පඤ්ඤත්තං.

2. අන්ධකාරවග්ග, 2-3. දුතිය, තතිය සික්ඛාපුච්ඡා

පුච්ඡා – පටිච්ඡන්නෙ ¶ වා ආවුසො ඔකාසෙ අජ්ඣොකාසෙ වා පුරිසෙන සද්ධිං එකෙනෙකාය සන්තිට්ඨන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ අඤ්ඤතරං භික්ඛුනිං ආරබ්භ පඤ්ඤත්තං, අඤ්ඤතරා භන්තෙ භික්ඛුනී පටිච්ඡන්නෙ ඔකාසෙ අජ්ඣොකාසෙ ච පුරිසෙන සද්ධිං එකෙනෙකා සන්තිට්ඨි, තස්මිං භන්තෙ වත්ථුස්මිං පඤ්ඤත්තං.

2. අන්ධකාරවග්ග, 8. අට්ඨම සික්ඛාපුච්ඡා

පුච්ඡා – දුග්ගහිතෙන ආවුසො දූපධාරිතෙන පරං උජ්ඣාපෙන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ අඤ්ඤතරං භික්ඛුනිං ආරබ්භ පඤ්ඤත්තං, අඤ්ඤතරා භන්තෙ භික්ඛුනී දුග්ගහිතෙන දූපධාරිතෙන පරං උජ්ඣාපෙසි, තස්මිං භන්තෙ වත්ථුස්මිං පඤ්ඤත්තං.

2. අන්ධකාරවග්ග, 9. නවම සික්ඛාපුච්ඡා

පුච්ඡා – අත්තානං ¶ වා ආවුසො පරං වා නිරයෙන වා බ්රහ්මචරියෙන වා අභිසපන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ චණ්ඩකාළිං භික්ඛුනිං ආරබ්භ පඤ්ඤත්තං, චණ්ඩකාළී භන්තෙ භික්ඛුනී අත්තානම්පි පරම්පි නිරයෙනපි බ්රහ්මචරියෙනපි අභිසපි, තස්මිං භන්තෙ වත්ථුස්මිං පඤ්ඤත්තං.

2. අන්ධකාරවග්ග, 10. දසම සික්ඛාපුච්ඡා

පුච්ඡා – අත්තානං ¶ ආවුසො වධිත්වා වධිත්වා රොදන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ චණ්ඩකාළිං භික්ඛුනිං ආරබ්භ පඤ්ඤත්තං, චණ්ඩකාළී භන්තෙ භික්ඛුනී භික්ඛුනීහි සද්ධිං භණ්ඩිත්වා අත්තානං වධිත්වා වධිත්වා රොදි, තස්මිං භන්තෙ වත්ථුස්මිං පඤ්ඤත්තං.

3. නග්ගවග්ග, 3. තතිය සික්ඛාපුච්ඡා

පුච්ඡා – භික්ඛුනියා ¶ ආවුසො චීවරං විසිබ්බෙත්වා වා විසිබ්බාපෙත්වා වා නෙව සිබ්බෙන්තියා න සිබ්බාපනාය උස්සුක්කං කරොන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ථුල්ලනන්දං භික්ඛුනිං ආරබ්භ පඤ්ඤත්තං, ථුල්ලනන්දා භන්තෙ භික්ඛුනී භික්ඛුනියා චීවරං විසිබ්බාපෙත්වා නෙව සිබ්බෙසි න සිබ්බාපනාය උස්සුක්කං අකාසි, තස්මිං භන්තෙ වත්ථුස්මිං පඤ්ඤත්තං.

3. නග්ගවග්ග, 8. අට්ඨම සික්ඛාපුච්ඡා

පුච්ඡා – අගාරිකස්ස ¶ වා ආවුසො පරිබ්බාජකස්ස වා පරිබ්බාජිකාය වා සමණචීවරං දෙන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ථුල්ලනන්දං භික්ඛුනිං ආරබ්භ පඤ්ඤත්තං, ථුල්ලනන්දා භන්තෙ භික්ඛුනී අගාරිකස්ස සමණචීවරං අදාසි, තස්මිං භන්තෙ වත්ථුස්මිං පඤ්ඤත්තං.

4. තුවට්ටවග්ග, 1-2. පඨම, දුතිය සික්ඛාපුච්ඡා

පුච්ඡා – ද්වින්නං ආවුසො භික්ඛුනීනං එකමඤ්චෙ වා එකත්ථරණපාවුරණෙ වා තුවට්ටෙන්තීනං පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ සම්බහුලා භික්ඛුනියො ආරබ්භ පඤ්ඤත්තං, සම්බහුලා භන්තෙ භික්ඛුනියො ද්වෙ එකමඤ්චෙ තුවට්ටෙසුං, එකත්ථරණපාවුරණෙ තුවට්ටෙසුං, තස්මිං භන්තෙ වත්ථුස්මිං පඤ්ඤත්තං.

4. තුවට්ටවග්ග, 3. තතිය සික්ඛාපුච්ඡා

පුච්ඡා – භික්ඛුනියා ¶ ආවුසො සඤ්චිච්ච අඵාසුං කරොන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ථුල්ලනන්දං භික්ඛුනිං ආරබ්භ පඤ්ඤත්තං, ථුල්ලනන්දා භන්තෙ භික්ඛුනී භික්ඛුනියා සඤ්චිච්ච අඵාසුං අකාසි, තස්මිං භන්තෙ වත්ථුස්මිං පඤ්ඤත්තං.

4. තුවට්ටවග්ග, 4. චතුත්ථ සික්ඛාපුච්ඡා

පුච්ඡා – දුක්ඛිතං ¶ ආවුසො සහජීවිනිං නෙව උපට්ඨෙන්තියා න උපට්ඨාපනාය උස්සුක්කං කරොන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ථුල්ලනන්දංයෙව භික්ඛුනිං ආරබ්භ පඤ්ඤත්තං, ථුල්ලනන්දා භන්තෙ භික්ඛුනී දුක්ඛිතං සහජීවිනිං නෙවඋපට්ඨෙසි න උපට්ඨාපනාය උස්සුක්කං අකාසි, තස්මිං භන්තෙ වත්ථුස්මිං පඤ්ඤත්තං.

4. තුවට්ටවග්ග, 5. පඤ්චම සික්ඛාපුච්ඡා

පුච්ඡා – භික්ඛුනියා ¶ ආවුසො උපස්සයං දත්වා කුපිතාය අනත්තමනාය නික්කඩ්ඪන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ථුල්ලනන්දංයෙව භික්ඛුනිං ආරබ්භ පඤ්ඤත්තං, ථුල්ලනන්දා භන්තෙ භික්ඛුනී භික්ඛුනියා උපස්සයං දත්වා කුපිතා අනත්තමනා නික්කඩ්ඪි, තස්මිං භන්තෙ වත්ථුස්මිං පඤ්ඤත්තං.

4. තුවට්ටවග්ග, 6. ඡට්ඨ සික්ඛාපුච්ඡා

පුච්ඡා – සංසට්ඨාය ¶ ආවුසො භික්ඛුනියා යාවතතියං සමනුභාසනාය න පටිනිස්සජ්ජන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ චණ්ඩකාළිං භික්ඛුනිං ආරබ්භ පඤ්ඤත්තං, චණ්ඩකාළී භන්තෙ භික්ඛුනී සංසට්ඨා විහරි, තස්මිං භන්තෙ වත්ථුස්මිං පඤ්ඤත්තං.

4. තුවට්ටවග්ග, 7-8. සත්තම අට්ඨම සික්ඛාපුච්ඡා

පුච්ඡා – අන්තොරට්ඨෙ ¶ වා ආවුසො තිරොරට්ඨෙ වා සාසඞ්කසම්මතෙ සප්පටිභයෙ අසත්ථිකාය චාරිකං චරන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ සම්බහුලා භික්ඛුනියො ආරබ්භ පඤ්ඤත්තං, සම්බහුලා භන්තෙ භික්ඛුනියො අන්තොරට්ඨෙපි තිරොරට්ඨෙපි සාසඞ්කසම්මතෙ සප්පටිභයෙ අසත්ථිකායො චාරිකං චරිංසු, තස්මිං භන්තෙ වත්ථුස්මිං පඤ්ඤත්තං.

4. තුවට්ටවග්ග, 9. නවම සික්ඛාපුච්ඡා

පුච්ඡා – අන්තොවස්සං ආවුසො චාරිකං චරන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ සම්බහුලා භික්ඛුනියො ආරබ්භ පඤ්ඤත්තං, සම්බහුලා භන්තෙ භික්ඛුනියො අන්තොවස්සං චාරිකං පක්කමිංසු, තස්මිං භන්තෙ වත්ථුස්මිං පඤ්ඤත්තං.

4. තුවට්ටවග්ග, 10. දසම සික්ඛාපුච්ඡා

පුච්ඡා – වස්සං ¶ වුට්ඨාය ආවුසො භික්ඛුනියා චාරිකං න පක්කමන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ සම්බහුලා භික්ඛුනියො ආරබ්භං පඤ්ඤත්තං, සම්බහුලා භන්තෙ භික්ඛුනියො වස්සංවුට්ඨා චාරිකං න පක්කමිංසු, තස්මිං භන්තෙ වත්ථුස්මිං පඤ්ඤත්තං.

විස්සජ්ජනා – භගවතො භන්තෙ වචනං අරහතො සම්මාසම්බුද්ධස්ස.

විස්සජ්ජනා – පරම්පරාය භන්තෙ වචනං.

සුණාතු මෙ භන්තෙ සඞ්ඝො…පෙ… සංගායෙය්යාම.

5. චිත්තාගාරවග්ග, 1. පඨම සික්ඛාපුච්ඡා

පුච්ඡා – යං තෙන ආවුසො භගවතා…පෙ… සම්මාසම්බුද්ධෙන රාජාගාරං වා චිත්තාගාරං වා ආරාමං වා උය්යානං වා පොක්ඛරණිං වා දස්සනාය ගච්ඡන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං ¶ භන්තෙ ඡබ්බග්ගියා භික්ඛුනියො ආරබ්භ පඤ්ඤත්තං, ඡබ්බග්ගියා භන්තෙ භික්ඛුනියො රාජාගාරම්පි චිත්තාගාරම්පි දස්සනාය ගච්ඡිංසු, තස්මිං භන්තෙ වත්ථුස්මිං පඤ්ඤත්තං.

5. චිත්තාගාරවග්ග, 4. චතුත්ථ සික්ඛාපුච්ඡා

පුච්ඡා – ගිහිවෙය්යාවච්චං ආවුසො කරොන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ සම්බහුලා භික්ඛුනියො ආරබ්භ පඤ්ඤත්තං, සම්බහුලා භන්තෙ භික්ඛුනියොගිහි වෙය්යාවච්චං අකංසු, තස්මිං භන්තෙ වත්ථුස්මිං පඤ්ඤත්තං.

5. චිත්තාගාරවග්ග, 6. ඡට්ඨ සික්ඛාපුච්ඡා

පුච්ඡා – අගාරිකස්ස ¶ වා ආවුසො පරිබ්බාජකස්ස වා පරිබ්බාජිකාය වා සහත්ථා ඛාදනීයං භොජනීයං දෙන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ථුල්ලනන්දං භික්ඛුනිං ආරබ්භ පඤ්ඤත්තං, ථුල්ලනන්දා භන්තෙ භික්ඛුනී අගාරිකස්ස සහත්ථා ඛාදනීයම්පි භොජනීයම්පි අදාසි, තස්මිං භන්තෙ වත්ථුස්මිං පඤ්ඤත්තං.

5. චිත්තාගාරවග්ග, 9-10. නවම, දසම සික්ඛාපුච්ඡා

පුච්ඡා – තිරච්ඡානවිජ්ජං ආවුසො පරියාපුණන්තියා ච වාචෙන්තියා ච පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියා භික්ඛුනියො ආරබ්භ පඤ්ඤත්තං, ඡබ්බග්ගියා භන්තෙ භික්ඛුනියො තිරච්ඡානවිජ්ජං පරියාපුණිංසුචෙව වාචෙසුඤ්ච, තස්මිං භන්තෙ වත්ථුස්මිං පඤ්ඤත්තං.

පුච්ඡා – භික්ඛු ¶ පන ආවුසො තාදිසං තිරච්ඡානවිජ්ජං පරියාපුණන්තො ච වාචෙන්තො ච කිං නාම ආපත්තිං ආපජ්ජති.

විස්සජ්ජනා – දුක්කටං භන්තෙ ආපත්තිං ආපජ්ජති.

පුච්ඡා – ජානං ආවුසො සභික්ඛුකං ආරාමං අනාපුච්ඡා පවිසන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ සම්බහුලා භික්ඛුනියො ආරබ්භ පඤ්ඤත්තං, සම්බහුලා භන්තෙ භික්ඛුනියො ආරාමං අනාපුච්ඡා පවිසිංසු, තස්මිං භන්තෙ වත්ථුස්මිං පඤ්ඤත්තං.

6. ආරාමවග්ග, 2. දුතිය සික්ඛාපුච්ඡා

පුච්ඡා – භික්ඛුං ¶ ආවුසො අක්කොසන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – වෙසාලියං භන්තෙ ඡබ්බග්ගියා භික්ඛුනියො ආරබ්භ පඤ්ඤත්තං, ඡබ්බග්ගියා භන්තෙ භික්ඛුනියො ආයස්මන්තං උපාලිං අක්කොසිංසු, තස්මිං භන්තෙ වත්ථුස්මිං පඤ්ඤත්තං.

6. ආරාමවග්ග, 3. තතිය සික්ඛාපුච්ඡා

පුච්ඡා – චණ්ඩිකතාය ¶ ආවුසො ගණං පරිභාසන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ථුල්ලනන්දං භික්ඛුනිං ආරබ්භ පඤ්ඤත්තං, ථුල්ලනන්දා භන්තෙ භික්ඛුනී චණ්ඩිකතාය ගණං පරිභාසි, තස්මිං භන්තෙ වත්ථුස්මිං පඤ්ඤත්තං.

6. ආරාමවග්ග, 5. පඤ්චම සික්ඛාපුච්ඡා

පුච්ඡා – කුලං ¶ ආවුසො මච්ඡරායන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ අඤ්ඤතරං භික්ඛුනිං ආරබ්භ පඤ්ඤත්තං, අඤ්ඤතරා භන්තෙ භික්ඛුනී කුලං මච්ඡරායි, තස්මිං භන්තෙ වත්ථුස්මිං පඤ්ඤත්තං.

6. ආරාමවග්ග, 6. ඡට්ඨ සික්ඛාපුච්ඡා

පුච්ඡා – අභික්ඛුකෙ ¶ ආවුසො ආවාසෙ වස්සං වසන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ සම්බහුලා භික්ඛුනියො ආරබ්භ පඤ්ඤත්තං, සම්බහුලා භන්තෙ භික්ඛුනියො අභික්ඛුකෙ ආවාසෙ වස්සං වසිංසු, තස්මිං භන්තෙ වත්ථුස්මිං පඤ්ඤත්තං.

6. ආරාමවග්ග, 7. සත්තම සික්ඛාපුච්ඡා

පුච්ඡා – වස්සං ¶ වුට්ඨාය ආවුසො භික්ඛුනියා උභතොසඞ්ඝෙ තීහි ඨානෙහි න පවාරෙන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ සම්බහුලා භික්ඛුනියො ආරබ්භ පඤ්ඤත්තං, සම්බහුලා භන්තෙ භික්ඛුනියො වස්සං වුට්ඨා භික්ඛුසඞ්ඝං න පවාරෙසුං, තස්මිං භන්තෙ වත්ථුස්මිං පඤ්ඤත්තං.

6. ආරාමවග්ග, 8. අට්ඨම සික්ඛාපුච්ඡා

පුච්ඡා – ඔවාදාය වා ආවුසො සංවාසාය වා නගච්ඡන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සක්කෙසු භන්තෙ ඡබ්බග්ගියා භික්ඛුනියො ආරබ්භ පඤ්ඤත්තං, ඡබ්බග්ගියා භන්තෙ භික්ඛුනියො ඔවාදං නගච්ඡිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – උපොසථම්පි ¶ ආවුසො න පුච්ඡන්තියා ඔවාදම්පි න යාචන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ සම්බහුලා භික්ඛුනියො ආරබ්භ පඤ්ඤත්තං, සම්බහුලා භන්තෙ භික්ඛුනියො උපොසථං න පුච්ඡිංසු, ඔවාදම්පි න යාචිංසු, තස්මිං භන්තෙ වත්ථුස්මිං පඤ්ඤත්තං.

7. ගබ්භිනීවග්ග, 1-2. පඨම, දුතිය සික්ඛාපුච්ඡා

පුච්ඡා – ගබ්භිනිං වා ආවුසො පායන්තිං වා වුට්ඨාපෙන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං ¶ භන්තෙ සම්බහුලා භික්ඛුනියො ආරබ්භ පඤ්ඤත්තං, සම්බහුලා භන්තෙ භික්ඛුනියො ගබ්භිනිං වුට්ඨාපෙසුං, පායන්තිං වුට්ඨාපෙසුං, තස්මිං භන්තෙ වත්ථුස්මිං පඤ්ඤත්තං.

7. ගබ්භිනීවග්ග, 3. තතිය සික්ඛාපුච්ඡා

පුච්ඡා – ද්වෙ වස්සානි ආවුසො ඡසු ධම්මෙසු අසික්ඛිතසික්ඛං සික්ඛමානං වුට්ඨාපෙන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ සම්බහුලා භික්ඛුනියො ආරබ්භ පඤ්ඤත්තං, සම්බහුලා භන්තෙ භික්ඛුනියො ද්වෙ වස්සානි ඡසු ධම්මෙසු අසික්ඛිතසික්ඛං සික්ඛමානං වුට්ඨාපෙසුං, තස්මිං භන්තෙ වත්ථුස්මිං පඤ්ඤත්තං.

8. කුමාරීභූතවග්ග, 9. නවම සික්ඛාපුච්ඡා

පුච්ඡා – පුරිසසංසට්ඨං ¶ ආවුසො කුමාරකසංසට්ඨං චණ්ඩිං සොකාවාසං සික්ඛමානං වුට්ඨාපෙන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ථුල්ලනන්දං භික්ඛුනිං ආරබ්භ පඤ්ඤත්තං, ථුල්ලනන්දා භන්තෙ භික්ඛුනී පුරිසසංසට්ඨං කුමාරකසංසට්ඨං චණ්ඩිං සොකාවාසං චණ්ඩකාළිං සෙක්ඛමානං වුට්ඨාපෙසි, තස්මිං භන්තෙ වත්ථුස්මිං පඤ්ඤත්තං.

8. කුමාරීභූතවග්ග, 10. දසම සික්ඛාපුච්ඡා

පුච්ඡා – මාතාපිතූහි ¶ වා ආවුසො සාමිකෙන වා අනනුඤ්ඤාතං සික්ඛමානං වුට්ඨාපෙන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ථුල්ලනන්දං භික්ඛුනිං ආරබ්භ පඤ්ඤත්තං, ථුල්ලනන්දා භන්තෙ භික්ඛුනී මාතාපිතූහිපි සාමිකෙනපි අනනුඤ්ඤාතං සික්ඛමානං වුට්ඨාපෙසි, තස්මිං භන්තෙ වත්ථුස්මිං පඤ්ඤත්තං.

9. ඡත්තුපාහනවග්ග, 1-2. පඨම, දුතිය සික්ඛාපුච්ඡා

පුච්ඡා – ඡත්තුපාහනං ආවුසො ධාරෙන්තියා ච යානෙන යායන්තියා ච පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියා භික්ඛුනියො ආරබ්භ පඤ්ඤත්තං, ඡබ්බග්ගියා භන්තෙ භික්ඛුනියො ඡත්තුපාහනං ධාරෙසුං, යානෙන යායිංසු, තස්මිං භන්තෙ වත්ථුස්මිං පඤ්ඤත්තං.

9. ඡත්තුපාහනවග්ග, 4. චතුත්ථ සික්ඛාපුච්ඡා

පුච්ඡා – ඉත්ථාලඞ්කාරං ¶ ආවුසො ධාරෙන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියා භික්ඛුනියො ආරබ්භ පඤ්ඤත්තං, ඡබ්බග්ගියා භන්තෙ භික්ඛුනියො ඉත්ථාලඞ්කාරං ධාරෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – භික්ඛු පන ආවුසො පුරිසාලඞ්කාරං ධාරෙන්තො කිං නාම ආපත්තිං ආපජ්ජෙය්ය.

විස්සජ්ජනා – දුක්කටං භන්තෙ ආපත්තිං ආපජ්ජෙය්ය.

9. ඡත්තුපාහනවග්ග, 5. පඤ්චම සික්ඛාපුච්ඡා

පුච්ඡා – ගන්ධවණ්ණකෙන ¶ ආවුසො නහායන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියා භික්ඛුනියො ආරබ්භ පඤ්ඤත්තං, ඡබ්බග්ගියා භන්තෙ භික්ඛුනියො ගන්ධවණ්ණකෙන නහායිංසු, තස්මිං භන්තෙ වත්ථුස්මිං පඤ්ඤත්තං.

9. ඡත්තුපාහනවග්ග, 11. එකාදසම සික්ඛාපුච්ඡා

පුච්ඡා – භික්ඛුස්ස ආවුසො පුරතො අනාපුච්ඡා ආසනෙ නිසීදන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ සම්බහුලා භික්ඛුනියො ආරබ්භ පඤ්ඤත්තං, සම්බහුලා භන්තෙ භික්ඛුනියො භික්ඛුස්ස පුරතො අනාපුච්ඡා ආසනෙ නිසීදිංසු, තස්මිං භන්තෙ වත්ථුස්මිං පඤ්ඤත්තං.

9. ඡත්තුපාහනවග්ග, 12. ද්වාදසම සික්ඛාපුච්ඡා

පුච්ඡා – අනොකාසකතං ¶ ආවුසො භික්ඛුං පඤ්හං පුච්ඡන්තියා පාචිත්තියං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ සම්බහුලා භික්ඛුනියො ආරබ්භ පඤ්ඤත්තං, සම්බහුලා භන්තෙ භික්ඛුනියො අනොකාසකතං භික්ඛුං පඤ්හං පුච්ඡිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – සප්පිං වා ආවුසො තෙලං වා මධුං වා ඵාණිතං වා මච්ඡං වා මංසං වා ඛීරං වා දධිං වා විඤ්ඤාපෙත්වා භුඤ්ජන්තියා පාටිදෙසනීයං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියා භික්ඛුනියො ආරබ්භ පඤ්ඤත්තං, ඡබ්බග්ගියා භන්තෙ භික්ඛුනියො සප්පිම්පි තෙලම්පි මධුම්පි ඵාණිතම්පි මච්ඡම්පි මංසම්පි ඛීරම්පි දධිම්පි විඤ්ඤාපෙත්වා භුඤ්ජිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – චතුන්නං ¶ ආවුසො විපත්තීනං කතමා විපත්ති.

විස්සජ්ජනා – ආචාරවිපත්ති භන්තෙ.

පුච්ඡා – ඡන්නං ආවුසො ආපත්තිසමුට්ඨානානං කතිහි සමුට්ඨානෙහි සමුට්ඨාති.

විස්සජ්ජනා – චතූහි භන්තෙ සමුට්ඨානෙහි සමුට්ඨාති, සියා කායතො සමුට්ඨාති, නවාචතො නචිත්තතො, සියා කායතො ච වාචතො ච සමුට්ඨාති, නචිත්තතො, සියා කායතො ච චිත්තතො ච සමුට්ඨාති, නවාචතො, සියා කායතො ච වාචතො ච චිත්තතො ච සමුට්ඨාති, ඉමෙහි භන්තෙ චතූහි සමුට්ඨානෙහි සමුට්ඨාති.

විස්සජ්ජනා – අසංවරො භන්තෙ විපත්ති.

විස්සජ්ජනා – සංවරො භන්තෙ සම්පත්ති.

විස්සජ්ජනා – භගවතො භන්තෙ වචනං අරහතො සම්මාසම්බුද්ධස්ස.

විස්සජ්ජනා – පරම්පරාය භන්තෙ ආභතං.

සුණාතු මෙ භන්තෙ සඞ්ඝො…පෙ… සංගායෙය්යාම.

පුච්ඡා – උභතො ¶ විභඞ්ගානන්තරං ආවුසො පොරාණකෙහි සංගීතිකාරමහාථෙරෙහි කං නාම පාවචනං සංගීතං.

විස්සජ්ජනා – උභතො විභඞ්ගානන්තරං භන්තෙ පොරාණකෙහි සංගීතිකාරමහාථෙරෙහි ඛන්ධකා සංගීතා.

පුච්ඡා – තෙ පන ආවුසො ඛන්ධකා වග්ගභෙදෙන කතිවිධා.

විස්සජ්ජනා – තෙ ¶ පන භන්තෙ ඛන්ධකා දුවිධා වග්ගභෙදෙන මහාවග්ගො චූළවග්ගොති.

පුච්ඡා – මහාවග්ගෙ ආවුසො කති ඛන්ධකා පරියාපන්නා.

විස්සජ්ජනා – මහාවග්ගෙ භන්තෙ දසඛන්ධකා පරියාපන්නා, සෙය්යථිදං, මහාඛන්ධකො උපොසථක්ඛන්ධකො වස්සූපනායිකක්ඛන්ධකො පවාරණාක්ඛන්ධකො චම්මක්ඛන්ධකො භෙසජ්ජක්ඛන්ධකො කථිනක්ඛන්ධකො චීවරක්ඛන්ධකො චම්පෙය්යක්ඛන්ධකො කොසම්බකක්ඛන්ධකොති.

පුච්ඡා – මහාඛන්ධකෙ ආවුසො බහූ කථායො, කතමා තාසං ආදිකථා.

විස්සජ්ජනා – මහාඛන්ධකෙ භන්තෙ බොධිකථා ආදි.

පුච්ඡා – තස්මාතිහ ¶ ආවුසො තතො පට්ඨාය තං පුච්ඡිස්සාමි, භගවා ආවුසො පඨමාභිසම්බුද්ධකාලෙ කත්ථ කීවචීරං කෙනාකාරෙන විහාසි.

විස්සජ්ජනා – භගවා භන්තෙ පඨමාභිසම්බුද්ධො බොධිරුක්ඛමූලෙ සත්තාහං එකපල්ලඞ්කෙන විහාසි විමුත්තිසුඛං පටිසංවෙදී.

පුච්ඡා – තදා ආවුසො භගවා කීදිසං ධම්මං මනසිකත්වා කීදිසං උදානං උදානෙසි.

විස්සජ්ජනා – තදා භන්තෙ භගවා රත්තියා පඨමං යාමං රත්තියා මජ්ඣිමං යාමං රත්තියා පච්ඡිමං යාමං පටිච්චසමුප්පාදං අනුලොමං පටිලොමං මනසිකත්වා තීණි උදානානි උදානෙසි.

පුච්ඡා – තස්ස ¶ ආවුසො සත්තාහස්ස අච්චයෙන භගවා කත්ථ විහාසි.

විස්සජ්ජනා – තස්ස භන්තෙ සත්තාහස්ස අච්චයෙන භගවා අජපාල නිග්රොධමූලෙ විහාසි, සත්තාහං එකපල්ලඞ්කෙන විහාසි විමුත්තිසුඛං පටිසංවෙදී.

පුච්ඡා – තස්සපි ආවුසො සත්තාහස්ස අච්චයෙන භගවා කත්ථ විහාසි.

විස්සජ්ජනා – තස්ස ¶ භන්තෙ සත්තාහස්ස අච්චයෙන භගවා මුචලින්දමූලෙ සත්තාහං එකපල්ලඞ්කෙන නිසීදි.

පුච්ඡා – තස්සපි ආවුසො සත්තාහස්ස අච්චයෙන භගවා කත්ථ විහාසි.

විස්සජ්ජනා – තස්සපි භන්තෙ සත්තාහස්ස අච්චයෙන භගවා රාජායතනමූලෙ සත්තාහං එකපල්ලඞ්කෙන නිසීදි විමුත්තිසුඛං පටිසංවෙදී.

පුච්ඡා – තස්සපි ¶ ආවුසො සත්තාහස්ස අච්චයෙන භගවා කත්ථ විහාසි.

විස්සජ්ජනා – තස්ස භන්තෙ සත්තාහස්ස අච්චයෙන භගවා පුනදෙව අජපාලනිග්රොධමූලෙ විහාසි.

පුච්ඡා – තස්මිං පන ආවුසො අජපාලනිග්රොධෙ විහරන්තස්ස භගවතො කථං චෙතසො පරිවිතක්කො උදපාදි.

විස්සජ්ජනා – තස්මිං පන භන්තෙ අජපාලනිග්රොධෙ විහරන්තස්ස භගවතො රහොගතස්ස පටිසල්ලීනස්ස ධම්මගම්භීරතාපටිසංයුත්තො චෙතසො පරිවිතක්කො උදපාදි.

අධිගතො ඛො ම්යායං ධම්මො ගම්භීරො දුද්දසො අරනුබොධො සන්තො පණීතො අතක්කාවචරා නිපුණො පණ්ඩිතවෙදනීයො.

ආලයරාමාඛො ¶ පනායං පජා ආලයරතා ආලයසම්මුදිතා,

පුච්ඡා – කථං ආවුසො තදා ධම්මදෙසනාය බ්රහ්මයාචනා ච භගවතො පටිඤ්ඤාච අහොසි.

විස්සජ්ජනා – දෙසෙතු භන්තෙ භගවා ධම්මං, දෙසෙතු සුගතො ධම්මං, සන්ති සත්තා අප්පරජක්ඛජාතිකා අස්සවනතා ධම්මස්ස පරිහායන්ති, භවිස්සන්ති ධම්මස්ස අඤ්ඤාතාරොති ඉති භන්තෙ බ්රහ්මුනො ධම්මදෙසනාය යාචනා අහොසි,

ධම්මං පණීතං මනුජෙසු බ්රහ්මෙ’’ති.

එවං ඛො භන්තෙ භගවතො ධම්මදෙසනාය පටිඤ්ඤා ච අහොසි.

පුච්ඡා – එවං ¶ ඛො ආවුසො භගවා ධම්මදෙසනාය පටිඤ්ඤං කත්වා පඨමං ධම්මං දෙසෙන්තො කත්ථ කීදිසං ධම්මං කස්ස දෙසෙසි.

විස්සජ්ජනා – බාරාණසියං භන්තෙ ඉසිපතනෙ මිගදායෙ පඤ්චවග්ගිය භික්ඛුපමුඛානං බ්රහ්මගණානං ධම්මචක්කපවත්තනසුත්තං දෙසෙසි.

පුච්ඡා – තස්මිං ¶ ඛො පන ආවුසො ධම්මචක්කපවත්තනසුත්තෙ දෙසියමානෙ මනුස්සලොකෙ කස්ස ධම්මාභිසමයො අහොසි.

විස්සජ්ජනා – ආයස්මතො භන්තෙ කොණ්ඩඤ්ඤස්ස ධම්මාභිසමයො අහොසි.

පුච්ඡා – කථං නු ඛො ආවුසො ඉමස්මිං බුද්ධසාසනෙ පඨමං පබ්බජ්ජා ච උපසම්පදා ච අහොසි.

විස්සජ්ජනා – ඉමස්මිං භන්තෙ බුද්ධසාසනෙ පඨමං එහිභික්ඛුපසම්පදා අහොසි.

ලභෙය්යාහං ¶ භන්තෙ භගවතො සන්තිකෙ පබ්බජං, ලභෙය්යං උපසම්පදං.

එහි භික්ඛු ස්වාඛාතො ධම්මො, චර බ්රහ්මචරියං සම්මා දුක්ඛස්ස අන්තකිරියාය.

පුච්ඡා – ඉතරෙසං පන ආවුසො චතුන්නං පඤ්චවග්ගියානං කදා ධම්මාභිසමයො අහොසි.

විස්සජ්ජනා – පාටිපදෙ භන්තෙ දිවසෙ ආයස්මතො වප්පස්ස, දුතියෙ භන්තෙ දිවසෙ ආයස්මතො භද්දියස්ස, තතියෙ භන්තෙ දිවසෙ ආයස්මතො මහානාමස්ස, චතුත්ථෙ භන්තෙ දිවසෙ ආයස්මතො අස්සජිස්ස ධම්මාභිසමයො අහොසි.

පුච්ඡා – සබ්බෙසම්පි ¶ ආවුසො තෙසං පඤ්චවග්ගියානං භික්ඛූනං කදා අරහත්තපත්ති හොති.

විස්සජ්ජනා – සබ්බෙසම්පි භන්තෙ තෙසං පඤ්චවග්ගියානං භික්ඛූනං පක්ඛස්ස පඤ්චමියං අනත්තලක්ඛණසුත්තෙ දෙසියමානෙ අරහත්තපත්ති හොති.

පුච්ඡා – කදා ආවුසො භගවතා භික්ඛූ තත්ථ තත්ථ චාරිකං චරිත්වා ධම්මදෙසනත්ථාය පෙසිතා.

විස්සජ්ජනා – යසප්පමුඛානං භන්තෙ චතුපඤ්ඤාස සහායකානං පබ්බජිතකාලෙ භගවතා භික්ඛූ තත්ථ තත්ථ චාරිකං චරිත්වා ධම්මදෙසනත්ථාය පෙසිතා.

පුච්ඡා – කදා ¶ ආවුසො භගවතා තීහි සරණගමනෙහි පබ්බජ්ජූප සම්පදා අනුඤ්ඤාතො අහොසි.

විස්සජ්ජනා – යසප්පමුඛානං භන්තෙ චතුපඤ්ඤාසාය ගිහි සහායකානං පබ්බජිත්වා තත්ථ තත්ථ චාරිකං චරිත්වා ධම්මදෙසනත්ථාය පෙසිතකාලෙ භගවතා තීහි සරණගමනෙහි පබ්බජ්ජා ච උපසම්පදා ච අනුඤ්ඤාතා.

අනුජානාමි ¶ භික්ඛවෙ තුම්හෙව දානි තාසු තාසු දිසාසු තෙසු තෙසු ජනපදෙසු පබ්බාජෙථ උපසම්පාදෙථ.

පුච්ඡා – භගවතා ආවුසො භික්ඛූනං ආරාමො පටිග්ගණ්හිතුං කත්ථ කිස්මිං වත්ථුස්මිං අනුඤ්ඤාතො.

විස්සජ්ජනා – භගවතා භන්තෙ භික්ඛූනං ආරාමං පටිග්ගණ්හිතුං රාජගහෙ අනුඤ්ඤාතො, රාජා භන්තෙ මාගධො සෙනියො බිම්බිසාරො බුද්ධප්පමුඛස්ස භික්ඛුසඞ්ඝස්ස වෙළුවනං උය්යානං අදාසි, තස්මිං භන්තෙ වත්ථුස්මිං අනුඤ්ඤාතො.

එතාහං ¶ භන්තෙ වෙළුවනං උය්යානං බුද්ධප්පමුඛස්ස භික්ඛුසඞ්ඝස්ස දම්මි –

පුච්ඡා – කථඤ්ච ¶ ආවුසො ද්වින්නං අග්ගසාවකානං පබ්බජ්ජූපසම්පදා අහොසි.

විස්සජ්ජනා – ද්වින්නං භන්තෙ අග්ගසාවකානං එහි භික්ඛුපසම්පදා අහොසි.

විප්පසන්නානි ¶ ඛො තෙ ආවුසො ඉන්ද්රියානි.

කංසි ත්වං ආවුසො උද්දිස්ස පබ්බජිතො.

අත්ථාවුසො මහාසමණො සක්යපුත්තො සක්යකුලා පබ්බජිතො.

කිං වාදී පනායස්මතො සත්ථා කිමක්ඛායී.

යෙ ¶ ධම්මා හෙතුප්පභවා, තෙසං හෙතුං තථාගතො;

ආහ තෙසඤ්ච යො නිරොධො, එවං වාදී මහාසමණො.

එතෙ භික්ඛවෙ ද්වෙ සහායකා ආගච්ඡන්ති කොලිතො උපතිස්සො ච එතං මෙ සාවකයුගං භවිස්සති අග්ගං භද්දයුගං.

ලභෙය්යාම ¶ මයං භන්තෙ භගවතො සන්තිකෙ පබ්බජ්ජං ලභෙය්යාම උපසම්පදං.

එථ භික්ඛවො ස්වාඛාතො ධම්මො, චරථ බ්රහ්මචරියං සම්මා දුක්ඛස්ස අන්තකිරියාය.

පුච්ඡා – උපජ්ඣායො ආවුසො ගණ්හිතුං භගවතා කත්ථ අනුඤ්ඤාතො, කං ආරබ්භ කිස්මිං වත්ථුස්මිං අනුඤ්ඤාතො.

විස්සජ්ජනා – රාජගහෙ භන්තෙ සම්බහුලෙ භික්ඛූ ආරබ්භ අනුඤ්ඤාතො, සම්බහුලා භන්තෙ භික්ඛූ අනුපජ්ඣායකා අනාචරියකා අනොවදියමානා අනනුසාසියමානා දුන්නිවත්ථා දුප්පාරුතා අනොකප්පසම්පන්නා පිණ්ඩාය චරිංසු, තස්මිං භන්තෙ වත්ථුස්මිං අනුඤ්ඤාතො.

පුච්ඡා – උපජ්ඣායම්හි ආවුසො න සම්මාවත්තන්තස්ස දුක්කටං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ ¶ භන්තෙ සම්බහුලෙ සද්ධිවිහාරිකෙ ආරබ්භ පඤ්ඤත්තං, සම්බහුලා භන්තෙ සද්ධිවිහාරිකා උපජ්ඣායම්හි න සම්මාවත්තිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – කදා ආවුසො භගවතා තීහි සරණගමනෙහි උපසම්පදං පටික්ඛිපිත්වා ඤාතිචතුත්ථෙන කම්මෙන උපසම්පදා අනුඤ්ඤාතා.

විස්සජ්ජනා – රාධබ්රාහ්මණස්ස භන්තෙ පබ්බජිතකාලෙ භගවතා තීහි සරණගමනෙහි උපසම්පදං පටික්ඛිපිත්වා ඤාත්තිචතුත්ථෙන කම්මෙන උපසම්පදා අනුඤ්ඤාතා.

කොනු ¶ ඛො භික්ඛවෙ තස්ස බ්රාහ්මණස්ස අධිකාරං සරති.

අහං ඛො භන්තෙ තස්ස බ්රාහ්මණස්ස අධිකාරං සරාමි.

සාධු සාධු සාරිපුත්ත, කතඤ්ඤුනො හි සාරිපුත්ත සප්පුරිසා කතවෙදිනො.

කථාහං භන්තෙ තං බ්රාහ්මණං උපසම්පාදෙමි.

යාසා ¶ භික්ඛවෙ මයා තීහි සරණගමනෙහි උපසම්පදාඅනුඤ්ඤාතා, තං අජ්ජතග්ගෙ පටික්ඛිපාමි.

අනුජානාමි භික්ඛවෙ ඤාත්තිචතුත්ථෙන කම්මෙන උපසම්පාදෙතුං.

පුච්ඡා – අයාචිතකං ආවුසො උපසම්පදාපෙක්ඛං උපසම්පාදෙන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ අඤ්ඤතරං භික්ඛුං ආරබ්භ පඤ්ඤත්තං, අඤ්ඤතරො භන්තෙ භික්ඛු උපසම්පන්නසමනන්තරං අනාචාරං අචරි, තස්මිං භන්තෙ වත්ථුස්මිං පඤ්ඤත්තං.

පුච්ඡා – චතුන්නං ¶ ආවුසො නිස්සයානං ආචික්ඛණා භගවතා කත්ථ අනුඤ්ඤාතා, කං ආරබ්භ කිස්මිං වත්ථුස්මිං අනුඤ්ඤාතා.

විස්සජ්ජනා – රාජගහෙ භන්තෙ අඤ්ඤතරං භික්ඛුං ආරබ්භ අනුඤ්ඤාතා, අඤ්ඤතරො භන්තෙ භික්ඛු උදරස්ස කාරණා පබ්බජි, තස්මිං භන්තෙ වත්ථුස්මිං අනුඤ්ඤාතා.

එහි ¶ දානි ආවුසො පිණ්ඩාය චරිස්සාම.

කථඤ්හි නාම භික්ඛු එවං ස්වාක්ඛාතෙ ධම්මවිනයෙ උදරස්ස කාරණා පබ්බජිස්සති.

පුච්ඡා – ඌනදසවස්සෙන ¶ ආවුසො උපසම්පාදෙන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ ආයස්මන්තං උපසෙනං වඞ්ගන්තපුත්තං ආරබ්භ පඤ්ඤත්තං, ආයස්මා භන්තෙ උපසෙනො වඞ්ගන්තපුත්තො එකවස්සො සද්ධිවිහාරිකං උපසම්පාදෙසි, තස්මිං භන්තෙ වත්ථුස්මිං පඤ්ඤත්තං.

පුච්ඡා – බාලෙන ¶ ආවුසො අබ්යත්තෙන උපසම්පාදෙන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ ‘‘දසවස්සම්හා දසවස්සම්හා’’ති බාලා අබ්යත්තා උපසම්පාදෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – ආචරියො ¶ ආවුසො ගණ්හිතුං භගවතා කත්ථ අනුඤ්ඤාතො, කං ආරබ්භ කිස්මිං වත්ථුස්මිං අනුඤ්ඤාතො.

විස්සජ්ජනා – රාජගහෙ භන්තෙ සම්බහුලෙ භික්ඛූ ආරබ්භ අනුඤ්ඤාතො, සම්බහුලා භන්තෙ භික්ඛූ උපජ්ඣායෙසු පක්කන්තෙසුපි විබ්භන්තෙසුපි කාලඞ්කතෙසුපි පක්ඛසඞ්කන්තෙසුපි අනාචරියකා අනොවදියමානා අනනුසාසියමානා දුන්නිවත්ථා දුප්පාරුතා අනාකප්පසම්පන්නා පිණ්ඩාය චරිංසු, තස්මිං භන්තෙ වත්ථුස්මිං අනුඤ්ඤාතො.

පුච්ඡා – පඤ්චහි ¶ ආවුසො ආබාධෙහි ඵුට්ඨං පබ්බාජෙන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ පඤ්චහි ආබාධෙහි ඵුට්ඨං පබ්බාජෙසුං, තස්මිං භන්තෙ වත්ථුස්මිං පඤ්ඤත්තං.

සාධු ¶ භන්තෙ අය්යා පඤ්චහි ආබාධෙහි ඵුට්ඨං න පබ්බාජෙය්යුං…

පුච්ඡා – රාජභටං ආවුසො පබ්බාජෙන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ රාජභටෙ පබ්බාජෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – ධජබන්ධං ¶ ආවුසො චොරං පබ්බාජෙන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙයෙව භන්තෙ අඞ්ගුලිමාලං චොරං ආරබ්භ පඤ්ඤත්තං, අඞ්ගුලිමාලො භන්තෙ චොරො භික්ඛූසු පබ්බජිතො හොති, තස්මිං භන්තෙ වත්ථුස්මිං පඤ්ඤත්තං.

පුච්ඡා – කාරභෙදකං ආවුසො චොරං පබ්බාජෙන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙයෙව ¶ භන්තෙ සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ කාරභෙදකචොරං පබ්බාජෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – ඉණායිකං ආවුසො පබ්බාජෙන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙයෙව භන්තෙ සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ ඉණායිකං පබ්බාජෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – දාසං ¶ ආවුසො පබ්බජෙන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙයෙව භන්තෙ සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ දාසං පබ්බාජෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – භණ්ඩුකම්මාය ආවුසො අපලොකනං භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – රාජගහෙයෙව භන්තෙ අඤ්ඤතරං කම්මාරභණ්ඩුපුත්තං ආරබ්භ අනුඤ්ඤාතං අඤ්ඤතරො භන්තෙ කම්මාරභණ්ඩුපුත්තො මාතාපිතූහි සද්ධිං භණ්ඩිත්වා භික්ඛූසු පබ්බජිතො හොති, තස්මිං භන්තෙ වත්ථුස්මිං අනුඤ්ඤාතං.

පුච්ඡා – ඌනවීසතිවස්සස්ස ¶ ආවුසො පුග්ගලස්ස උපසම්පදා භගවතා කත්ථ පටික්ඛිත්තා, කං ආරබ්භ කිස්මිං වත්ථුස්මිං පටික්ඛිත්තා.

විස්සජ්ජනා – රාජගහෙ ¶ භන්තෙ සම්බහුලෙ භික්ඛූ ආරබ්භ පටික්ඛිත්තා, සම්බහුලා භන්තෙ භික්ඛූ ඌනවීසතිවස්සං පුග්ගලං උපසම්පාදෙසුං, තස්මිං භන්තෙ වත්ථුස්මිං පටික්ඛිත්තා.

න ¶ භික්ඛවෙ ජානං ඌනවීසතිවස්සො පුග්ගලො උපසම්පාදෙතබ්බො, යොඋපසම්පාදෙය්ය, යථාධම්මො කාරෙතබ්බො.

පුච්ඡා – මාතාපිතූහි ¶ ආවුසො අනනුඤ්ඤාතං පුත්තං පබ්බාජෙන්තස්ස දුක්කටං භගවතා කත්ථ පඤ්ඤත්තං, කිස්මිං වත්ථුස්මිං පඤ්ඤත්තං.

විස්සජ්ජනා – සක්කෙසු භන්තෙ පඤ්ඤත්තං, රාජා භන්තෙ සුද්ධොදනො භගවන්තං උපසඞ්කමිත්වා වරං යාචි, සාධු භන්තෙ අය්යාඅනනුඤ්ඤාතං මාතාපිතූහි පුත්තං පබ්බාජෙය්යුන්ති, තස්මිං භන්තෙ වත්ථුස්මිං පඤ්ඤත්තං.

න ¶ භික්ඛවෙ අනනුඤ්ඤාතො මාතාපිතූහි පුත්තො පබ්බාජෙතබ්බො, යො පබ්බාජෙය්ය, ආපත්තිදුක්කටස්ස.

පුච්ඡා – ථෙය්යසංවාසකස්ස ආවුසො උපසම්පදා භගවතා කත්ථ පටික්ඛිත්තා, කං ආරබ්භ කිස්මිං වත්ථුස්මිං පටික්ඛිත්තා.

විස්සජ්ජනා – සාවත්ථියං භන්තෙ අඤ්ඤතරං පුරාණකුලපුත්තං ආරබ්භ පටික්ඛිත්තා, අඤ්ඤතරො භන්තෙ පුරාණකුලපුත්තො ඛීණ කොලඤ්ඤො සාමං පත්තචීවරං පටියාදෙත්වා කෙසමස්සුං ඔහාරෙත්වා ¶ කාසායානි වත්ථානි අච්ඡාදෙත්වා ආරාමං ගන්ත්වා භික්ඛූහි සද්ධිං සංවසි, භන්තෙ වත්ථුස්මිං පටික්ඛිත්තා.

පුච්ඡා – තිරච්ඡානගතස්ස ¶ ආවුසො උපසම්පදා භගවතා කත්ථ පටික්ඛිත්තා, කං ආරබ්භ කිස්මිං වත්ථුස්මිං පටික්ඛිත්තා.

විස්සජ්ජනා – සාවත්ථියං භන්තෙ අඤ්ඤතරං නාගං ආරබ්භ පටික්ඛිත්තා, අඤ්ඤතරො භන්තෙ නාගො මාණවකවණ්ණෙන භික්ඛූ උපසඞ්කමිත්වා පබ්බජ්ජං යාචි, තං භික්ඛූ පබ්බාජෙසුං උපසම්පාදෙසුං, තස්මිං භන්තෙ වත්ථුස්මිං පටික්ඛිත්තා.

පුච්ඡා – මාතුඝාතකස්ස ¶ ච ආවුසො පිතුඝාතකස්ස ච උපසම්පදා භගවතා කත්ථ පටික්ඛිත්තා, කං ආරබ්භ කිස්මිං වත්ථුස්මිං පටික්ඛිත්තා.

විස්සජ්ජනා – සාවත්ථියංයෙව ¶ භන්තෙ අඤ්ඤතරං මාණවකං ආරබ්භ පටික්ඛිත්තා, අඤ්ඤතරො ච භන්තෙ මාණවකො අඤ්ඤතරො ච මාණවකො මාතරං ජීවිතා වොරොපෙසි පිතරං ජීවිතා වොරොපෙසි, තස්මිං භන්තෙ වත්ථුස්මිං පටික්ඛිත්තා.

මාතුඝාතකො ¶ භික්ඛවෙ අනුපසම්පන්නො නඋපසම්පාදෙතබ්බො, උපසම්පන්නො නාසෙතබ්බො, පිතුඝාතකො භික්ඛවෙ අනුපසම්පන්නො නඋපසම්පාදෙතබ්බො, උපසම්පන්නො නාසෙතබ්බො.

පුච්ඡා – අපත්තචීවරකං වා ආවුසො යාචිතපත්තචීවරකං වා උපසම්පාදෙන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ අපත්තචීවරකං උපසම්පාදෙසුං, යාචිතකෙන පත්තචීවරෙන උපසම්පාදෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – උපසම්පදං ¶ පුච්ඡිස්සං, සනිදානං සඋද්දෙසං. සමුක්කට්ඨපදානං ආවුසො කති ආපත්තියො.

විස්සජ්ජනා – උපසම්පදං විස්සජ්ජිස්සං, සනිදානං සනිද්දෙසං. සමුක්කට්ඨපදානං භන්තෙ ද්වෙ ආපත්තියො.

පුච්ඡා – චාතුද්දසෙ ¶ ච ආවුසො පන්නරසෙ ච පක්ඛස්ස ච අට්ඨමියා සන්නිපතිත්වා ධම්මං භාසිතුං භගවතා කත්ථ අනුඤ්ඤාතං, කිස්මිං වත්ථුස්මිං අනුඤ්ඤාතං.

විස්සජ්ජනා – රාජගහෙ භන්තෙ සම්බහුලෙ භික්ඛූ ආරබ්භ අනුඤ්ඤාතා, සම්බහුලා භන්තෙ භික්ඛූ චාතුද්දෙස පන්නරසෙ අට්ඨමියා ච පක්ඛස්ස සන්නිපතිත්වා තුණ්හී නිසීදිංසු, තස්මිං භන්තෙ වත්ථුස්මිං අනුඤ්ඤාතා.

අනුජානාමි ¶ භික්ඛවෙ චාතුද්දසෙ පන්නරසෙ අට්ඨමියා ච පක්ඛස්ස සන්නිපතිතුං.

නනු නාම සන්නිපතිතෙහි ධම්මො භාසිතබ්බො.

පුච්ඡා – කදා ආවුසො භික්ඛූනං පාතිමොක්ඛුද්දෙසො භගවතා අනුඤ්ඤාතො.

විස්සජ්ජනා – යදා භන්තෙ භගවතො රහොගතස්ස පටිසල්ලීනස්ස එවං චෙතසො පරිවිතක්කො උදපාදි ‘‘යංනූනාහං යානි මයා භික්ඛූනං පඤ්ඤත්තානි සික්ඛාපදානි, තානි නෙසං පාතිමොක්ඛුද්දෙසං අනුජානෙය්යං, සො නෙසං භවිස්සති උපොසථකම්ම’’න්ති ¶ තදා භන්තෙ භගවතා භික්ඛූනං පාතිමොක්ඛුද්දෙසො අනුඤ්ඤාතො.

පුච්ඡා – සීමං ආවුසො සම්මනිතුං භගවතා කත්ථ අනුඤ්ඤාතං, කිස්මිඤ්ච වත්ථුස්මිං අනුඤ්ඤාතං.

විස්සජ්ජනා – රාජගහෙ භන්තෙ අනුඤ්ඤාතං, රාජගහෙ භන්තෙ භගවති විහරති භික්ඛූනං එතදහොසි ‘‘භගවතා පඤ්ඤත්තං එත්තාවතා සාමග්ගී, යාවතා එකාවාසොති කිත්තාවතානුඛො එකාවාසො හොතී’’ති, තස්මිං භන්තෙ වත්ථුස්මිං අනුඤ්ඤාතං.

පුච්ඡා – කති ¶ ආවුසො උපොසථා දිවසවසෙන ච කාරකපුග්ගලවසෙන ච කාතබ්බාකාරවසෙන ච.

විස්සජ්ජනා – දිවසවසෙන භන්තෙ තයො උපොසථා, පුග්ගලවසෙන ච භන්තෙ තයො උපොසථා, කාතබ්බාකාරවසෙන ච භන්තෙ තයො උපොසථා.

පුච්ඡා – කති ¶ ආවුසො උපොසථකම්මානි තෙසු ච කීදිසං උපොසථකම්මං භගවතා අනුඤ්ඤාතං, කීදිසං අනනුඤ්ඤාතං.

විස්සජ්ජනා – චත්තාරිමානි භන්තෙ උපොසථකම්මානි, අධම්මෙන වග්ගං උපොසථකම්මං, අධම්මෙන සමග්ගං උපොසථකම්මං, ධම්මෙන වග්ගං උපොසථකම්මං, ධම්මෙන සමග්ගං උපොසථකම්මං. තත්ර භන්තෙ යදිදං අධම්මෙන වග්ගං උපොසථකම්මං, අධම්මෙන සමග්ගං උපොසථකම්මං ධම්මෙන වග්ගං උපොසථකම්මං, එවරූපං භන්තෙ උපොසථකම්මං අනනුඤ්ඤාතං, තත්ර භන්තෙ යදිදං ධම්මෙන සමග්ගං උපොසථකම්මං, එවරූපං භන්තෙ උපොසථකම්මං අනුඤ්ඤාතං.

පුච්ඡා – උපොසථං ¶ පුච්ඡිස්සං, සනිදානං සනිද්දෙසං. සමුක්කට්ඨපදානං ආවුසො කති ආපත්තියො.

විස්සජ්ජනා – උපොසථං විස්සජ්ජිස්සං, සනිදානං සනිද්දෙසං. සමුක්කට්ඨපදානං භන්තෙ තිස්සො ආපත්තියො.

පුච්ඡා – වස්සූපනායිකං ආවුසො භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ සම්බහුලා භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ හෙමන්තම්පි ගිම්හම්පි වස්සම්පි චාරිකං චරිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – කතිපනාවුසො වස්සූපනායිකා භගවතා අනුඤ්ඤාතා.

විස්සජ්ජනා – ද්වෙමා භන්තෙ වස්සූපනායිකා භගවතා අනුඤ්ඤාතා පුරිමිකා පච්ඡිමිකා, අපරජ්ජුගතාය භන්තෙ ආසළ්හියා පුරිමිකා උපගන්තබ්බා, මාසගතාය භන්තෙ ආසළ්හියා පච්ඡිමිකා උපගන්තබ්බා, ඉමා ඛො භන්තෙ ද්වෙ වස්සූපනායිකා භගවතා අනුඤ්ඤාතා.

පුච්ඡා – වස්සං ¶ ආවුසො උපගන්ත්වා පුරිමං වා තෙමාසං පච්ඡිමං වා තෙමාසං අවසිත්වා චාරිකං පක්කමන්තස්ස දුක්කටං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ වස්සං උපගන්ත්වා අන්තරා වස්සං චාරිකං පක්කමිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – සත්තාහ කරණීයෙන ආවුසො පහිතෙ ගන්තුං භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – සාවත්ථියං භන්තෙ සම්බහුලෙ භික්ඛූ ආරබ්භ අනුඤ්ඤාතං, සම්බහුලා භන්තෙ භික්ඛූ උදෙනෙන උපාසකෙන පහිතෙ න ගච්ඡිංසු, තස්මිං භන්තෙ වත්ථුස්මිං අනුඤ්ඤාතං.

පුච්ඡා – සත්තාහකරණීයෙන ¶ ආවුසො සත්තන්නං අපහිතෙපි ගන්තුං භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – සාවත්ථියං භන්තෙ අඤ්ඤතරස්ස භික්ඛුනො මාතුගිලාන වත්ථුස්මිං අනුඤ්ඤාතං.

අනුජානාමි ¶ භික්ඛවෙ සත්තන්නං සත්තාහකරණීයෙන අපහිතෙපි ගන්තුං, පගෙව පහිතෙ.

පුච්ඡා – කිස්මිංචි ආවුසො අන්තරායෙ සති අන්තොවස්සං පක්කමිතුං භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – සාවත්ථියං භන්තෙ සම්බහුලෙ භික්ඛූ ආරබ්භ අනුඤ්ඤාතං, සම්බහුලා භන්තෙ භික්ඛූ කොසලෙසු ජනපදෙසු වස්සං උපගච්ඡිංසු, තෙ වස්සූපගතා වාළෙහි උබ්බාළ්හා අහෙසුං, තස්මිං භන්තෙ වත්ථුස්මිං අනුඤ්ඤාතං.

පුච්ඡා – රුක්ඛ ¶ සුසිරෙ වා ආවුසො රුක්ඛවිටභියා වා අජ්ඣොකාසෙ වා වස්සං උපගච්ඡන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ රුක්ඛසුසිරෙපි රුක්ඛවිටභියාපි අජ්ඣොකාසෙපි වස්සං උපගච්ඡිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – අසෙනාසනිකෙන ¶ ආවුසො වස්සං උපගච්ඡන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – තස්මිංයෙව භන්තෙ සාවත්ථියං සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ අසෙනාසනිකා වස්සං උපගච්ඡිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – ඡවකුටිකාය වා ආවුසො ඡත්තෙ වා චාටියා වා වස්සං උපගච්ඡන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියංයෙව භන්තෙ සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ ඡවකුටිකායපි ඡත්තෙපි චාටියාපි වස්සං උපගච්ඡිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – පටිස්සවං ¶ ආවුසො විසං වාදෙන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ආයස්මන්තං උපනන්දං සක්යපුත්තං ආරබ්භ පඤ්ඤත්තං, ආයස්මා භන්තෙ උපනන්දො සක්යපුත්තො රඤ්ඤො පසෙනදිස්ස කොසලස්ස වස්සං වාසං පටිස්සුණිත්වා විසංවාදෙසි, තස්මිං භන්තෙ වත්ථුස්මිං පඤ්ඤත්තං.

පුච්ඡා – වස්සූපනායිකං ¶ පුච්ඡිස්සං, සනිදානං සනිද්දෙසං. සමුක්කට්ඨපදානං ආවුසො කති ආපත්තියො.

විස්සජ්ජනා – වස්සූපනායිකං විස්සජ්ජිස්සං, සනිදානං සනිද්දෙසං. සමුක්කට්ඨපදානං භන්තෙ එකා ආපත්ති.

පුච්ඡා – වස්සං ¶ වුට්ඨානං ආවුසො භික්ඛූනං තීහි ඨානෙහි පවාරිතුං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ සම්බහුලෙ භික්ඛූ ආරබ්භ අනුඤ්ඤාතං, සම්බහුලා භන්තෙ භික්ඛූ සන්දිට්ඨා සම්භත්තා අන්තොවස්සං නෙව ආලපිංසු න සල්ලපිංසු, තස්මිං භන්තෙ වත්ථුස්මිං අනුඤ්ඤාතං.

අනුජානාමි ¶ භික්ඛවෙ වස්සං වුට්ඨානං භික්ඛූනං තීහි ඨානෙහි පවාරෙතුං, දිට්ඨෙව වා සුතෙන වා පරිසඞ්කාය වා.

පුච්ඡා – කති ආවුසො පවාරණා දිවසවසෙන ච පුග්ගලවසෙන ච කාතබ්බාකාරවසෙන ච.

විස්සජ්ජනා – දිවසවසෙන භන්තෙ තිස්සො පවාරණා, තථා පුග්ගලවසෙන කාතබ්බාකාරවසෙනච.

පුච්ඡා – කතීනං ¶ ආවුසො සඞ්ඝෙ පවාරෙතුං භගවතා අනුඤ්ඤාතං, කතීනං පනාවුසො අඤ්ඤමඤ්ඤං පවාරෙතුං භගවතා අනුඤ්ඤාතං.

විස්සජ්ජනා – පඤ්චන්නං භන්තෙ භික්ඛූනං සඞ්ඝෙ පවාරෙතුං භගවතා අනුඤ්ඤාතං, චතුන්නං වා භන්තෙ තිණ්ණං වා ද්වින්නං වා අඤ්ඤමඤ්ඤං පවාරෙතුං අනුඤ්ඤාතං.

පුච්ඡා – එකෙන පනාවුසො වස්සංවුට්ඨෙන භික්ඛුනා කථං පටිපජ්ජිතබ්බන්ති භගවතා අනුඤ්ඤාතං.

විස්සජ්ජනා – එකෙන පන භන්තෙ භික්ඛුනා ‘‘අජ්ජ මෙ පවාරණා’’ති අධිට්ඨාතබ්බන්ති භගවතා අනුඤ්ඤාතං.

පුච්ඡා – පවාරණං ¶ පුච්ඡිස්සං, සනිදානං සනිද්දෙසං. සමුක්කට්ඨපදානං ආවුසො කති ආපත්තියො.

විස්සජ්ජනා – පවාරණං විස්සජ්ජිස්සං, සනිදානං සනිද්දෙසං. සමුක්කට්ඨපදානං භන්තෙ තිස්සො ආපත්තියො.

පුච්ඡා – උපාහනං ¶ ආවුසො භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – රාජගහෙ භන්තෙ ආයස්මන්තං සොණං ආරබ්භ අනුඤ්ඤාතං, ආයස්මතො භන්තෙ සොණස්ස අච්චාරද්ධවීරියස්ස චඞ්කමතො පාදා භිජ්ජිංසු, චඞ්කමො ලොහිතෙන ඵුටො අහොසි, තස්මිං භන්තෙ වත්ථුස්මිං අනුඤ්ඤාතං.

පුච්ඡා – සබ්බනීලිකා ¶ වා ආවුසො සබ්බපීතිකා වා සබ්බලොහිතිකා වා සබ්බමඤ්ජිට්ඨිකා වා සබ්බකණ්හා වා සබ්බමහාරඞ්ගරත්තා වා සබ්බමහානාමරත්තා ¶ වා උපාහනායො ධාරෙන්තස්ස දුක්කටං භගවතා කත්ථ කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ සබ්බනීලිකායො උපාහනායො ධාරෙසුං, සබ්බපීතිකායො සබ්බලොහිතිකායො සබ්බමඤ්ජිට්ඨිකායො සබ්බකණ්හායො සබ්බමහාරඞ්ගරත්තා සබ්බමහානාමරත්තායොපි උපාහනායො ධාරෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – ඛල්ලකබන්ධා ¶ වා ආවුසො පුටබන්ධා වා පාලිගුණ්ඨිමා වා තූලපුණ්ණිකා වා තිත්තිරපත්තිකා වා මෙණ්ඩවිසාණවද්ධිකා වා අජවිසාණවද්ධිකා වා විච්ඡිකාළිකා වා මොරපිඤ්ඡ පරිසිබ්බිකා වා චිත්රා වා උපාහනායො ධාරෙන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ ඛල්ලකබන්ධා උපාහනායොපි ධාරෙසුං, පුටබන්ධා උපාහනායොපි ධාරෙසුං, පාලිගුණ්ඨිමා උපාහනායොපි ධාරෙසුං, තූලපුණ්ණිකා උපාහනායොපි ධාරෙසුං, තිත්තිරපත්තිකා උපාහනායොපි ධාරෙසුං, මෙණ්ඩවිසාණවද්ධිකා උපාහනායොපි ධාරෙසුං, අජවිසාණවද්ධිකා උපාහනායොපි ධාරෙසුං, විච්ඡිකාළිකා උපාහනායොපි ධාරෙසුං, මොරපිඤ්ඡ පරිසිබ්බිතා උපාහනායො ධාරෙසුං, චිත්රා උපාහනායොපි ධාරෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – කට්ඨපාදුකායො ¶ ආවුසො ධාරෙන්තස්ස දුක්කටං භගවතා කත්ථ කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ ඡබ්බග්ගීයෙව භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ රත්තියා පච්චූසසමයං පච්චුට්ඨාය කට්ඨපාදුකායො අභිරුහිත්වා අජ්ඣොකාසෙ චඞ්කමන්ති උච්චාසද්දා මහාසද්දා ඛටඛටසද්දා අනෙකවිහිතං තිරච්ඡානකථං කථෙන්තා, තස්මිං භන්තෙ වත්ථුස්මිං පඤ්ඤත්තං.

පුච්ඡා – යානෙන ¶ ආවුසො යායන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ යානෙන යායිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – ගිලානස්ස ¶ ආවුසො යානං භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – සාවත්ථියං භන්තෙ අඤ්ඤතරං ගිලානං භික්ඛුං ආරබ්භ අනුඤ්ඤාතං, අඤ්ඤතරො භන්තෙ භික්ඛු කොසලෙසු ජනපදෙ සාවත්ථිං ගච්ඡන්තො භගවන්තං දස්සනාය අන්තරාමග්ගෙ ගිලානො කුක්කුච්චායන්තො යානං නාභිරුහි, තස්මිං භන්තෙ වත්ථුස්මිං අනුඤ්ඤාතං.

පුච්ඡා – උච්චාසයනමහාසයනානි ¶ ආවුසො ධාරෙන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ උච්චාසයනමහාසයනානි ධාරෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – ගොචම්මානි ආවුසො ධාරෙන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ අඤ්ඤතරං පාපභික්ඛුං ආරබ්භ පඤ්ඤත්තං, අඤ්ඤතරො භන්තෙ භික්ඛු පාණාතිපාතෙ සමාදපෙසි, තස්මිං භන්තෙ වත්ථුස්මිං පඤ්ඤත්තං.

පුච්ඡා – පච්චන්තිමෙසු ¶ ආවුසො ජනපදෙසු විනයධරපඤ්චමෙන ගණෙන උපසම්පදා ච ගුණඞ්ගුණූපහනඤ්ච ධුවනහානඤ්ච චම්මානි අත්ථරණානි ච නිස්සීමගතානං චීවරදානඤ්චාති ඉමානි පඤ්ච භගවතා කත්ථ අනුඤ්ඤාතානි, කං ආරබ්භ කිස්මිං වත්ථුස්මිං අනුඤ්ඤාතානි.

විස්සජ්ජනා – සාවත්ථියං භන්තෙ ආයස්මන්තං සොණං කුටිකණ්ණං ආරබ්භ අනුඤ්ඤාතා, ආයස්මා භන්තෙ සොණො කුටිකණ්ණො එතානි පඤ්චවත්ථූනි ආයස්මතො මහාකච්චානස්ස වචනෙන භගවන්තං යාචි, තස්මිං භන්තෙ වත්ථුස්මිං අනුඤ්ඤාතා.

පුච්ඡා – චම්මසඤ්ඤුත්තං ¶ පුච්ඡිස්සං, සනිදානං සනිද්දෙසං. සමුක්කට්ඨපදානං ආවුසො කති ආපත්තියො.

විස්සජ්ජනා – චම්මසඤ්ඤුත්තං විස්සජ්ජිස්සං, සනිදානං සනිද්දෙසං. සමුක්කට්ඨපදානං භන්තෙ තිස්සො ආපත්තියො.

පුච්ඡා – පඤ්ච ¶ ආවුසො භෙසජ්ජානි පටිග්ගහෙත්වා කාලෙපි විකාලෙපි පරිභුඤ්ජිතුං භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – සාවත්ථියං භන්තෙ සම්බහුලෙ භික්ඛූ ආරබ්භ අනුඤ්ඤාතං, සම්බහුලානං භන්තෙ භික්ඛූනං සාරදිකෙන ආබාධෙන පුට්ඨානං යාගුපි න සම්මා පරිණාමං ගච්ඡි, භත්තම්පි භුත්තං න සම්මා පරිණාමං ගච්ඡි, තෙ තෙන කිසා අහෙසුං ලූඛා දුබ්බණ්ණා උප්පණ්ඩුප්පණ්ඩුකජාතා ධමනිසන්ථතගත්තා, තස්මිං භන්තෙ වත්ථුස්මිං අනුඤ්ඤාතං.

පුච්ඡා – මූලාදිභෙසජ්ජානි ¶ ආවුසො භගවතා කත්ථ අනුඤ්ඤාතානි, කං ආරබ්භ කිස්මිං වත්ථුස්මිං අනුඤ්ඤාතානි.

විස්සජ්ජනා – සාවත්ථියං භන්තෙ සම්බහුලෙ ගිලානෙ භික්ඛූ ආරබ්භ අනුඤ්ඤාතානි, සම්බහුලානං ගිලානානං භික්ඛූනං මූලෙහි භෙසජ්ජෙහි අත්ථො අහොසි, තස්මිං භන්තෙ වත්ථුස්මිං අනුඤ්ඤාතානි.

පුච්ඡා – අන්තොවුට්ඨංවා ආවුසො අන්තොපක්කං වා සාමංපක්කං වා පරිභුඤ්ජන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ ආයස්මන්තං ආනන්දං ආරබ්භ පඤ්ඤත්තං, ආයස්මා භන්තෙ ආනන්දො සාමං තිලම්පි තණ්ඩුලම්පි මුග්ගම්පි විඤ්ඤාපෙත්වා අන්තො වාසෙත්වා අන්තො සාමං පචි, තස්මිං භන්තෙ වත්ථුස්මිං පඤ්ඤත්තං.

පුච්ඡා – මනුස්සමංසං ¶ ආවුසො පරිභුඤ්ජන්තස්ස ථුල්ලච්චයඤ්ච අප්පටිවෙක්ඛිත්වා මංසං පරිභුඤ්ජන්තස්ස දුක්කටඤ්ච භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – බාරාණසියං භන්තෙ අඤ්ඤතරං භික්ඛුං ආරබ්භ පඤ්ඤත්තං, අඤ්ඤතරො භන්තෙ භික්ඛු අප්පටිවෙක්ඛිත්වා මනුස්සමංසං භුඤ්ජි, තස්මිං භන්තෙ වත්ථුස්මිං පඤ්ඤත්තං.

න ¶ භික්ඛවෙ මනුස්සමංසං පරිභුඤ්ජිතබ්බං, යො පරිභුඤ්ජෙය්ය, ආපත්ති ථුල්ලච්චයස්ස, න ච භික්ඛවෙ අප්පටිවෙක්ඛිත්වා මංසං පරිභුඤ්ජිතබ්බං, යො පරිභුඤ්ජෙය්ය ආපත්ති දුක්කටස්ස.

පුච්ඡා – හත්ථිමංසං වා ආවුසො අස්සමංසං වා පරිභුඤ්ජන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – බාරාණසියං භන්තෙ සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ හත්ථිමංසම්පි අස්සමංසම්පි පරිභුඤ්ජිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – සුනක්ඛමංසං ¶ වා ආවුසො අහිමංසං වා භුඤ්ජන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – බාරාණසියං භන්තෙ සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ සුනක්ඛමංසම්පි අහිමංසම්පි පරිභුඤ්ජිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – සීහමංසං ¶ වා ආවුසො බ්යග්ඝමංසං වා දීපිමංසං වා අච්ඡමංසං වා තරච්ඡමංසං වා භුඤ්ජන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – බාරාණසියංයෙව භන්තෙ සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ සීහමංසම්පි බ්යග්ඝමංසම්පි දීපිමංසම්පි අච්ඡමංසම්පි තරච්ඡමංසම්පි පරිභුඤ්ජිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – ගිලානස්ස ¶ ආවුසො ගුළං වා අගිලානස්ස ගුළොදකං වා භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – රාජගහෙ භන්තෙ සම්බහුලෙ භික්ඛූ ආරබ්භ අනුඤ්ඤාතං, සම්බහුලා භන්තෙ භික්ඛූ ගිලානස්සෙව භගවතා ගුළො අනුඤ්ඤාතො නො අගිලානස්සාති කුක්කුච්චායන්තා ගුළං න භුඤ්ජිංසු, තස්මිං භන්තෙ වත්ථුස්මිං අනුඤ්ඤාතං.

පුච්ඡා – ජානං ¶ ආවුසො උද්දිස්ස කතං මංසං පරිභුඤ්ජන්තස්ස දුක්කටං පඤ්ඤපෙත්වා තිකොටිපරිසුද්ධං මංසං භගවතා කත්ථ අනුඤ්ඤාතං.

විස්සජ්ජනා – වෙසාලියං භන්තෙ සීහස්ස සෙටාපතිනො වත්ථුස්මිං අනුඤ්ඤාතං.

පුච්ඡා – පාථෙය්යං ¶ ආවුසො පරියෙසිතුඤ්ච කප්පියකාරකානං හත්ථෙ උපනික්ඛිත්තහිරඤ්ඤතො නිබ්බත්තං කප්පියපච්චයං සාදිතුඤ්ච භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – අන්තරා ¶ ච භන්තෙ භද්දියං අන්තරා ච අඞ්ගුත්තරාපං මෙණ්ඩකං ගහපතිං ආරබ්භ අනුඤ්ඤාතං, මෙණ්ඩකො භන්තෙ ගහපති භගවන්තං යාචි ‘‘සන්ති භන්තෙ මග්ගා කන්තාරා අප්පොදකා අප්පභක්ඛා න සුකරා අපාථෙය්යෙන ගන්තුං, සාධු භන්තෙ භගවා භික්ඛූනං පාථෙය්යං අනුජානාතූ’’ති, තස්මිං භන්තෙ වත්ථුස්මිං අනුඤ්ඤාතං.

පුච්ඡා – අට්ඨ ¶ ආවුසො පානානි භගවතා කත්ථ අනුඤ්ඤාතානි, කං ආරබ්භ කිස්මිං වත්ථුස්මිං අනුඤ්ඤාතානි.

විස්සජ්ජනා – ආපණෙ භන්තෙ සම්බහුලෙ භික්ඛූ ආරබ්භ අනුඤ්ඤාතානි, සම්බහුලා භන්තෙ භික්ඛූ කුක්කුච්චායන්තා පානානි න පටිග්ගණ්හිංසු, තස්මිං භන්තෙ වත්ථුස්මිං අනුඤ්ඤාතානි.

පුච්ඡා – සබ්බඤ්ච ¶ ආවුසො ඩාකං සබ්බඤ්ච පිට්ඨඛාදනීයං භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – කුසිනාරායං භන්තෙ සම්බහුලෙ භික්ඛූ ආරබ්භ අනුඤ්ඤාතං, සම්බහුලා භන්තෙ භික්ඛූ කුක්කුච්චායන්තා ඩාකඤ්ච පිට්ඨඛාදනීයඤ්ච න පටිග්ගහෙසුං, තස්මිං භන්තෙ වත්ථුස්මිං අනුඤ්ඤාතං.

පුච්ඡා – අකප්පියං ¶ ආවුසො සමාදපෙන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ආතුමායං භන්තෙ අඤ්ඤතරං වුඩ්ඪපබ්බජිතං ආරබ්භ පඤ්ඤත්තං, අඤ්ඤතරො භන්තෙ වුඩ්ඪපබ්බජිතො අකප්පියෙ සමාදපෙති, තස්මිං භන්තෙ වත්ථුස්මිං පඤ්ඤත්තං.

පුච්ඡා – සඞ්ඝිකානි ¶ වා ආවුසො පුග්ගලිකානි වා බීජානි පුග්ගලිකාය වා සඞ්ඝිකාය වා භූමියා රොපිතානි භාගං දත්වා පරිභුඤ්ජිතුං භගවතා කත්ථ අනුඤ්ඤාතං, කිස්මිං වත්ථුස්මිං අනුඤ්ඤාතං.

විස්සජ්ජනා – සාවත්ථියං භන්තෙ අනුඤ්ඤාතං, සාවත්ථියං භන්තෙ භගවති විහරති සඞ්ඝිකානිපි බීජානි පුග්ගලිකාය භූමියා රොපියිංසු, පුග්ගලිකානිපි බීජානි සඞ්ඝිකාය භූමියා රොපියිංසු, තස්මිං භන්තෙ වත්ථුස්මිං අනුඤ්ඤාතං.

පුච්ඡා – විනයමහාපදෙසසඞ්ඛාතානි ¶ ආවුසො චත්තාරි කප්පියාකප්පියඅනුලොමානි භගවතා කත්ථ පඤ්ඤත්තානි, කං ආරබ්භ කිස්මිං වත්ථුස්මිං පඤ්ඤත්තානි.

විස්සජ්ජනා – සාවත්ථියං භන්තෙ සම්බහුලෙ භික්ඛූ ආරබ්භ පඤ්ඤත්තානි, සම්බහුලානං භන්තෙ භික්ඛූනං කිස්මිඤ්චි කිස්මිඤ්චිඨානෙ කුක්කුච්චං උප්පජ්ජි, තස්මිං භන්තෙ වත්ථුස්මිං පඤ්ඤත්තානි.

පුච්ඡා – යාවකාලිකාදීහි ¶ සංසට්ඨානං ආවුසො යාමකාලිකාදීනං පරිභොගකාලමරියාදං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ සම්බහුලෙ භික්ඛූ ආරබ්භ පඤ්ඤත්තං, සම්බහුලානං භන්තෙ භික්ඛූනං එතදහොසි ‘‘කප්පති නුඛො යාවකාලිකෙන යාමකාලිකං සත්තාහකාලිකං යාවජීවිකං, න නුඛො කප්පති. කප්පතිනුඛො යාමකාලිකෙන සත්තාහකාලිකං යාවජීවිකං, න නුඛො කප්පති. කප්පති නුඛො සත්තාහකාලිකෙන යාවජීවිකං, න නුඛො කප්පතී’’ති. තස්මිං භන්තෙ වත්ථුස්මිං පඤ්ඤත්තං.

පුච්ඡා – භෙසජ්ජකං ¶ පුච්ඡිස්සං, සනිදානං සනිද්දෙසං. සමුක්කට්ඨපදානං ආවුසො කති ආපත්තියො.

විස්සජ්ජනා – භෙසජ්ජකං විස්සජ්ජිස්සං සනිදානං සනිද්දෙසං. සමුක්කට්ඨපදානං භන්තෙ තිස්සො ආපත්තියො.

පුච්ඡා – වස්සංවුට්ඨානං ¶ ආවුසො භික්ඛූනං කථිනං අත්ථරිතුං භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – සාවත්ථියං භන්තෙ තිංසමත්තෙ පාවෙය්යකෙ භික්ඛූ ආරබ්භ අනුඤ්ඤාතං, තිංසමත්තා භන්තෙ පාවෙය්යකා භික්ඛූ සාවත්ථිං ආගච්ඡන්තා භගවන්තං දස්සනාය උපකට්ඨාය වස්සූපනායිකාය නාසක්ඛිංසු සාවත්ථියං වස්සූපනායිකං සම්භාවෙතුං, තස්මිං භන්තෙ වත්ථුස්මිං අනුඤ්ඤාතං.

පුච්ඡා – කථිනකං ¶ පුච්ඡිස්සං, සනිදානං සනිද්දෙසං. සමුක්කට්ඨපදානං ආවුසො කති ආපත්තියො.

විස්සජ්ජනා – කථිනකං විස්සජ්ජිස්සං, සනිදානං සනිද්දෙසං. සමුක්කට්ඨපදානං භන්තෙ න කතමා ආපත්ති.

පුච්ඡා – ගහපතිචීවරං ¶ ආවුසො සාදියිතුං භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – රාජගහෙ භන්තෙ ජීවකං කොමාරභච්චං ආරබ්භ අනුඤ්ඤාතං, ජීවකො භන්තෙ කොමාරභච්චො භික්ඛූනං ගහපතිචීවරං අනුජානිතුං භගවන්තං යාචි, තස්මිං භන්තෙ වත්ථුස්මිං අනුඤ්ඤාතං.

පුච්ඡා – ඡ ¶ ආවුසො රජනානි භගවතා කත්ථ අනුඤ්ඤාතානි, කිස්මිං වත්ථුස්මිං අනුඤ්ඤාතානි.

විස්සජ්ජනා – රාජගහෙ භන්තෙ සම්බහුලෙ භික්ඛූ ආරබ්භ අනුඤ්ඤාතානි, සම්බහුලා භන්තෙ භික්ඛූ ඡකණෙනපි පණ්ඩුමත්තිකායපි චීවරං රජිංසු, චීවරං දුබ්බණ්ණං හොති, තස්මිං භන්තෙ වත්ථුස්මිං අනුඤ්ඤාතානි.

පුච්ඡා – අච්ඡින්නකානි ¶ ආවුසො චීවරානි ධාරෙන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ අච්ඡින්නකානි චීවරානි ධාරෙසුං දන්තකසාවානි, තස්මිං භන්තෙ වත්ථුස්මිං පඤ්ඤත්තං.

පුච්ඡා – කදා ආවුසො භගවා අනුඤ්ඤාසි ඡින්නකං සඞ්ඝාටිං ඡින්නකං උත්තරාසඞ්ගං ඡින්නකං අන්තරවාසකං.

විස්සජ්ජනා – දක්ඛිණාගිරිතො භන්තෙ පච්ඡාගතකාලෙ භගවා අනුඤ්ඤාසි ඡින්නකං සඞ්ඝාටිං ඡින්නකං උත්තරාසඞ්ගං ඡින්නකං අන්තරවාසකං.

පුච්ඡා – අග්ගළං ¶ ච ආවුසො තුන්නඤ්ච ඔවට්ටිකඤ්ච කණ්ඩුසකඤ්ච දළ්හීකම්මඤ්ච භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – බාරාණසියං භන්තෙ අඤ්ඤතරං භික්ඛුං ආරබ්භ අනුඤ්ඤාතං, අඤ්ඤතරො භන්තෙ භික්ඛු අග්ගළං අච්ඡුපෙසි, තස්මිං භන්තෙ වත්ථුස්මිං අනුඤ්ඤාතං.

පුච්ඡා – වස්සිකසාටිකා ¶ ච ආවුසො ආගන්තුකභත්තඤ්ච ගමිකභත්තඤ්ච ගිලානභත්තඤ්ච ගිලානුපට්ඨාකභත්තඤ්ච ගිලානභෙසජ්ජඤ්ච ධුවයාගු ච භික්ඛුනිසඞ්ඝස්ස උදකසාටිකාචාති ඉමා අට්ඨ භගවතා කත්ථ අනුඤ්ඤාතා, කං ආරබ්භ කිස්මිං වත්ථුස්මිං අනුඤ්ඤාතා.

විස්සජ්ජනා – සාවත්ථියං භන්තෙ විසාඛං මිගාරමාතරං ආරබ්භ අනුඤ්ඤාතා, විසාඛා භන්තෙ මිගාරමාතා භගවන්තං අට්ඨවරානි යාචි, තස්මිං භන්තෙ වත්ථුස්මිං අනුඤ්ඤාතා.

පුච්ඡා – භගවතා ¶ ආවුසො මාතාපිතූනං දානං අනුජානිත්වා සද්ධාදෙය්යං විනිපාතෙන්තස්ස දුක්කටං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ අඤ්ඤතරං භික්ඛුං ආරබ්භ පඤ්ඤත්තං, අඤ්ඤතරස්ස භන්තෙ භික්ඛුනො බහුං චීවරං උප්පන්නං අහොසි, සො ච තංචීවරං මාතාපිතූනං දාතුකාමො අහොසි, තස්මිං භන්තෙ වත්ථුස්මිං පඤ්ඤත්තං.

මාතාපිතරොති ¶ ඛො භික්ඛවෙ දදමානෙ කිං වදෙය්යාම, අනුජානාමි භික්ඛවෙ මාතාපිතූනං දාතුං, න ච භික්ඛවෙ සද්ධාදෙය්යං විනිපාතෙතබ්බං, යො විනිපාතෙය්ය ආපත්ති දුක්කටස්ස –

පුච්ඡා – අඤ්ඤත්ර වස්සං වුට්ඨෙන ආවුසො අඤ්ඤත්ර චීවරභාගං සාදියන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ආයස්මන්තං උපනන්දං සක්යපුත්තං ආරබ්භ පඤ්ඤත්තං, ආයස්මා භන්තෙ උපනන්දො සක්යපුත්තො අඤ්ඤත්ර වස්සං වුට්ඨො අඤ්ඤත්ර චීවරභාගං සාදියි, තස්මිං භන්තෙ වත්ථුස්මිං පඤ්ඤත්තං.

පුච්ඡා – අනාථකං ¶ ආවුසො භික්ඛුං ගිලානං න උපට්ඨහන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ අඤ්ඤතරං භික්ඛුං ආරබ්භ පඤ්ඤත්තං, භගවති භන්තෙ සාවත්ථියං විහරති අඤ්ඤතරස්ස භික්ඛුනො කුච්ඡිවිකාරාබාධො අහොසි, සො සකෙ මුත්තකරීසෙ පලිපන්නො සයි, තස්මිං භන්තෙ වත්ථුස්මිං පඤ්ඤත්තං.

පුච්ඡා – නග්ගියං ¶ ආවුසො තිත්ථියසමාදානං සමාදියන්තස්ස ථුල්ලච්චයං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ අඤ්ඤතරං භික්ඛුං ආරබ්භ පඤ්ඤත්තං, අඤ්ඤතරො භන්තෙ භික්ඛු නග්ගියං තිත්ථියසමාදානං සමාදියි, තස්මිං භන්තෙ වත්ථුස්මිං පඤ්ඤත්තං.

පුච්ඡා – සබ්බනීලකානි ¶ වා ආවුසො චීවරානි සබ්බපීතකානි වා සබ්බලොහිතකානි වා සබ්බමඤ්ජිට්ඨකානි වා සබ්බකණ්හානිවාති එවරූපානි චීවරානි ධාරෙන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං ¶ භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ සබ්බනීලකාදීනි චීවරානි ධාරෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – කඤ්චුකං ¶ වා ආවුසො වෙඨනං වා ධාරෙන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙව භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ කඤ්චුකම්පි ධාරෙසුං වෙඨනම්පි ධාරෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – චීවරසඤ්ඤුත්තං පුච්ඡිස්සං, සනිදානං සනිද්දෙසං. සමුක්කට්ඨපදානං ආවුසො කති ආපත්තියො.

විස්සජ්ජනා – චීවරසඤ්ඤුත්තං විස්සජ්ජිස්සං, සනිදානං සනිද්දෙසං. සමුක්කට්ඨපදානං භන්තෙ තිස්සො ආපත්තියො.

පුච්ඡා – සුද්ධං ¶ ආවුසො භික්ඛුං අනාපත්තිකං අවත්ථුස්මිං අකාරණෙ උක්ඛිපන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – චම්පායං භන්තෙ සම්බහුලෙ භික්ඛූ ආරබ්භ පඤ්ඤත්තං, භගවති භන්තෙ චම්පායං විහරති සම්බහුලා භික්ඛූ කාසීසු වාසභගාමෙ සුද්ධං කස්සපගොත්තං භික්ඛුං අනාපත්තිකං අවත්ථුස්මිං අකාරණෙ උක්ඛිපිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – චම්පෙය්යකං ¶ පුච්ඡිස්සං, සනිදානං සනිද්දෙසං. සමුක්කට්ඨපදානං ආවුසො කති ආපත්තියො.

විස්සජ්ජනා – චම්පෙය්යකං විස්සජ්ජිස්සං, සනිදානං සනිද්දෙසං. සමුක්කට්ඨපදානං භන්තෙ එකා ආපත්ති.

පුච්ඡා – භෙදගරුකෙහි ¶ භික්ඛවෙ භික්ඛූහි න සො භික්ඛු ආපත්තියා අදස්සනෙ උක්ඛිපිතබ්බොති ච, භෙදගරුකෙන භික්ඛවෙ භික්ඛුනා පරෙසම්පි සද්ධාය ආපත්තිදෙසෙතබ්බාති ච ආවුසො අයං සාමග්ගිරසඔවාදො භගවතා කත්ථ දින්නො, කං ආරබ්භ කිස්මිං වත්ථුස්මිං දින්නො.

විස්සජ්ජනා – කොසම්බියං භන්තෙ සම්බහුලෙ භික්ඛූ ආරබ්භ දින්නො, භගවති භන්තෙ කොසම්බියං විහරති අඤ්ඤතරො භික්ඛු ආපත්තිං ආපන්නො අහොසි, සො තස්සා ආපත්තියා ආපත්ති දිට්ඨි අහොසි, අඤ්ඤෙ භික්ඛූ තස්සා ආපත්තියා අනාපත්ති දිට්ඨිනො අහෙසුං. සො අපරෙන සමයෙන තස්සා ආපත්තියා අනාපත්තිදිට්ඨි අහොසි, අඤ්ඤෙ භික්ඛූ තස්සා ආපත්තියා ආපත්තිදිට්ඨිනො අහෙසුං. අථ ඛො තෙ භන්තෙ භික්ඛූ සාමග්ගිං ලභිත්වා තං භික්ඛුං ආපත්තියා අදස්සනෙ උක්ඛිපිංසු, තස්මිං භන්තෙ වත්ථුස්මිං දින්නො.

පුච්ඡා – සඞ්ඝභෙදස්ස ¶ ආවුසො මූලභූතෙ භික්ඛුම්හි උක්ඛිත්තකෙ ඔසාරිතෙ තස්ස වත්ථුස්ස වූපසමාය සඞ්ඝසාමග්ගිඤ්ච කාතුං සාමග්ගී උපොසථඤ්ච කාතුං භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – සාවත්ථියං භන්තෙ තෙයෙව උක්ඛිත්තකානුවත්තකෙ භික්ඛූ ආරබ්භ අනුඤ්ඤාතං, තෙ භන්තෙ උක්ඛිත්තකානුවත්තකා භික්ඛූ තං උක්ඛිත්තකං භික්ඛුං ඔසාරෙත්වා යෙන උක්ඛෙපකා භික්ඛූ තෙනුපසඞ්කමිංසු උපසඞ්කමිත්වා තෙ උක්ඛෙපකෙ භික්ඛූ එකදවොචුං ‘‘යස්මිං ආවුසො වත්ථුස්මිං අහොසි සඞ්ඝස්ස ¶ භණ්ඩනං කලහො විග්ගහො විවාදො සඞ්ඝභෙදො සඞ්ඝරාජි සඞ්ඝවවත්ථානං සඞ්ඝනානාකරණං, සො එසො භික්ඛුං ආපන්නො ච උක්ඛිත්තො ච පස්සි ච ඔසාරිතො ච, හන්ද මයං ආවුසො තස්ස වත්ථුස්ස වූපසමාය සඞ්ඝසාමග්ගිං කරොමා’’ති, තස්මිං භන්තෙ වත්ථුස්මිං අනුඤ්ඤාතං.

පුච්ඡා – කොසම්බකං ¶ පුච්ඡිස්සං, සනිදානං සනිද්දෙසං. සමුක්කට්ඨපදානං ආවුසො කති ආපත්තියො.

විස්සජ්ජනා – කොසම්බකං විස්සජ්ජිස්සං, සනිදානං සනිද්දෙසං. සමුක්කට්ඨපදානං භන්තෙ එකා ආපත්ති.

පුච්ඡා – භණ්ඩනාදිකාරකස්ස ¶ ආවුසො භික්ඛුනො තජ්ජනීයකම්මං කාතුං භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – සාවත්ථියං භන්තෙ පණ්ඩුකලොහිතකෙ භික්ඛූ ආරබ්භ අනුඤ්ඤාතං, පණ්ඩුකලොහිතකා භන්තෙ භික්ඛූ අත්තනා භණ්ඩනකාරකා කලහකාරකා විවාදකාරකා භස්සකාරකා සඞ්ඝෙ අධිකරණකාරකා, යෙපි චඤ්ඤෙ භික්ඛූ භණ්ඩනකාරකා කලහකාරකා විවාදකාරකා භස්සකාරකා සඞ්ඝෙ අධිකරණකාරකා තෙ උපසඞ්කමිත්වා එවමාහංසු ‘‘මා ඛො තුම්හෙ ආයස්මන්තො එසො අජෙසි, බලවාබලවං පටිමන්තෙථ, තුම්හෙ තෙන පණ්ඩිතතරා ච බ්යත්තතරා ච බහුස්සුතතරා ච අලමත්තතරා ච, මා චස්ස භායිත්ථ, මයම්පි තුම්හාකං පක්ඛා භවිස්සාමා’’ති, තෙන අනුප්පන්නානි චෙව භණ්ඩනානි උප්පජ්ජන්ති, උප්පන්නානි ච භණ්ඩනානි භිය්යොභාවාය වෙපුල්ලාය සංවත්තන්ති. තස්මිං භන්තෙ වත්ථුස්මිං අනුඤ්ඤාතං.

පුච්ඡා – තජ්ජනීයකම්මකතස්ස ¶ ආවුසො භික්ඛුනො කතිසු වත්තෙසු සම්මා වත්තන්තස්ස තං කම්මං පටිප්පස්සම්භෙතුං භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – අට්ඨාරසසු ¶ භන්තෙ වත්තෙසු සම්මා වත්තන්තස්ස තජ්ජනීයකම්මකතස්ස භික්ඛුනො තං කම්මං පටිප්පස්සම්භෙතුං භගවතා සාවත්ථියං අනුඤ්ඤාතං, තෙයෙව පණ්ඩුකලොහිතකා භික්ඛූ සඞ්ඝෙන තජ්ජනීයකම්මකතා සම්මා වත්තිත්වා සඞ්ඝං උපසඞ්කමිත්වා යාචිංසු, තස්මිං භන්තෙ වත්ථුස්මිං අනුඤ්ඤාතං.

පුච්ඡා – බාලස්ස ¶ ආවුසො අබ්යත්තස්ස ආපත්තිබහුලස්ස අනපදානස්ස ගිහිසංසට්ඨස්ස අනනුලොමිකෙහි ගිහිසංසග්ගෙහි නියස්සකම්මං කාතුං කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ආයස්මන්තං සෙය්යසකං ආරබ්භ පඤ්ඤත්තං, ආයස්මා භන්තෙ සෙය්යසකො බාලො අහොසි අබ්යත්තො ආපත්තිබහුලො අනපදානො ගිහිසංසට්ඨො විහාසි අනනුලොමිකෙහි ගිහිසංසග්ගෙහි, තස්මිං භන්තෙ වත්ථුස්මිං පඤ්ඤත්තං.

පුච්ඡා – නියස්සකම්මකතස්ස ¶ ආවුසො භික්ඛුනො කතිසු වත්තෙසු සම්මා වත්තන්තස්ස තං කම්මං පටිප්පස්සම්භෙතුං භගවතා අනුඤ්ඤාතං.

විස්සජ්ජනා – අට්ඨාරසසු භන්තෙ වත්තෙසු සම්මා වත්තන්තස්ස නියස්ස කම්මකතස්ස භික්ඛුනො තං කම්මං පටිප්පස්සම්භෙතුං භගවතා අනුඤ්ඤාතං, න උපසම්පාදෙතබ්බං, න නිස්සයො දාතබ්බො, න සාමණෙරො උපට්ඨාපෙතබ්බො, න භික්ඛුනොවාදකසම්මුති සාදිතබ්බා, සම්මතෙනපි භික්ඛුනියො න ඔවදිතබ්බා, එවමාදීසු භන්තෙ අට්ඨාරසසු වත්තෙසු සම්මා වත්තන්තස්ස නියස්සකම්මකතස්ස භික්ඛුනො තං කම්මං පටිප්පස්සම්භෙතුං භගවතා අනුඤ්ඤාතං.

පුච්ඡා – කුලදූසකස්ස ¶ ආවුසො පාපසමාචාරස්ස භික්ඛුනො පබ්බාජනීයකම්මං කාතුං භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – සාවත්ථියං භන්තෙ අස්සජිපුනබ්බසුකෙ භික්ඛූ ආරබ්භ අනුඤ්ඤාතං, අස්සජිපුනබ්බසුකා භන්තෙ භික්ඛූ කීටාගිරිස්මිං කුලදූසකා අහෙසුං පාපසමාචාරා, තස්මිං භන්තෙ වත්ථුස්මිං අනුඤ්ඤාතං.

පුච්ඡා – පටිසාරණීයකම්මං ¶ ආවුසො පුච්ඡාමි, සද්ධං ආවුසො පසන්නං ගහපතිං දායකං කාරකං සඞ්ඝුපට්ඨාකං හීනෙන ඛුංසෙන්තස්ස භික්ඛුනො ¶ පටිසාරණීයකම්මං කාතුං භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – සාවත්ථියං භන්තෙ ආයස්මන්තං සුධම්මං ආරබ්භ අනුඤ්ඤාතං, භගවති භන්තෙ සාවත්ථියං විහරති ආයස්මා සුධම්මො මච්ඡිකාසණ්ඩෙ චිත්තං ගහපතිං සද්ධං පසන්නං දායකං කාරකං සඞ්ඝුපට්ඨාකං හීනෙන ඛුංසෙසි හීනෙන වම්භෙසි, තස්මිං භන්තෙ වත්ථුස්මිං අනුඤ්ඤාතං.

තෙනහි ¶ භික්ඛවෙ සඞ්ඝො සුධම්මස්ස භික්ඛුනො පටිසාරණීයකම්මං කරොතු ‘‘චිත්තො තෙ ගහපති ඛමාපෙතබ්බො’’ති –

පුච්ඡා – පටිසාරණීයකම්මකතස්ස ¶ ආවුසො භික්ඛුනො අනුදූතං දාතුඤ්ච තෙන අනුදූතෙන සද්ධිං ගන්ත්වා යථාඛුංසිතං ගහපතිං ඛමාපෙතුං ¶ ච භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – සාවත්ථියං භන්තෙ ආයස්මන්තංයෙව සුධම්මං ආරබ්භ අනුඤ්ඤාතං, ආයස්මා භන්තෙ සුධම්මො මච්ඡිකාසණ්ඩං ගන්ත්වා මඞ්කුභූතො නාසක්ඛි චිත්තං ගහපතිං ඛමාපෙතුං, තස්මිං භන්තෙ වත්ථුස්මිං අනුඤ්ඤාතං.

පුච්ඡා – පටිසාරණීයකම්මකතස්ස ¶ ආවුසො භික්ඛුනො කතිසු වත්තෙසු සම්මා වත්තන්තස්ස තං කම්මං පටිප්පස්සම්භෙතුං භගවතා අනුඤ්ඤාතං.

විස්සජ්ජනා – අට්ඨාරසසු භන්තෙ වත්තෙසු සම්මා වත්තන්තස්ස පටිසාරණීය කම්මකතස්ස භික්ඛුනො තං කම්මං පටිප්පස්සම්භෙතුං භගවතා අනුඤ්ඤාතං.

පුච්ඡා – ආපත්තිං ¶ ආවුසො ආපජ්ජිත්වා තං ආපත්තිං පස්සිතුං වා පටිකාතුං වා න ඉච්ඡන්තස්ස භික්ඛුනො ආපත්තියා අදස්සනෙ වා අප්පටිකම්මෙ වා උක්ඛෙපනීයකම්මං කාතුං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – කොසම්බියං භන්තෙ ආයස්මන්තං ඡන්නත්ථෙරං ආරබ්භ පඤ්ඤත්තං, ආයස්මා භන්තෙ ඡන්නො ආපත්තිං ආපජ්ජිත්වා න ඉච්ඡි තං ආපත්තිං පස්සිතුං වා පටිකාතුං වා, තස්මිං භන්තෙ වත්ථුස්මිං පඤ්ඤත්තං.

පුච්ඡා – ආපත්තියා ¶ ආවුසො අදස්සනෙන වා අප්පටිකම්මෙ වා උක්ඛෙපනීය කම්මකතෙන භික්ඛුනා කතිසු වත්තෙසු සම්මා වත්තිතබ්බං.

විස්සජ්ජනා – තෙචත්තාලීසාය භන්තෙ වත්තෙසු සම්මා වත්තිතබ්බං.

පුච්ඡා – උක්ඛෙපනීයකම්මකතස්ස ¶ ආවුසො භික්ඛුනො සම්මා වත්තන්තස්ස තං කම්මං පටිප්පස්සම්භෙතුං භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – කොසම්බියං භන්තෙ ආයස්මන්තංයෙව ඡන්නං ආරබ්භ අනුඤ්ඤාතං, ආයස්මා භන්තෙ ඡන්නො සඞ්ඝෙන ආපත්තියා අදස්සනෙ වා අප්පටිකම්මෙ වා උක්ඛෙපනීයකම්මකතො සම්මා වත්තෙසි ලොමංපාතෙසි නෙත්ථාරං වත්තෙසි සඞ්ඝං උපසඞ්කමිත්වා තස්ස කම්මස්ස පටිප්පස්සද්ධියා යාචි, තස්මිං භන්තෙ වත්ථුස්මිං අනුඤ්ඤාතං.

පුච්ඡා – පාපිකං ¶ ආවුසො දිට්ඨිං ගහෙත්වා තං දිට්ඨිං න පටිනිස්සජ්ජන්තස්ස පාපිකාය දිට්ඨියා අප්පටිනිස්සග්ගෙ උක්ඛෙපනීයකම්මං කාතුං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ අරිට්ඨං භික්ඛුං ගද්ධබාධිපුබ්බං ආරබ්භ පඤ්ඤත්තං, භගවති භන්තෙ සාවත්ථියං විහරති අරිට්ඨස්ස නාම භික්ඛුනො ගද්ධබාධිපුබ්බස්ස එවරූපං පාපකං දිට්ඨිගතං උප්පන්නං අහොසි ‘‘තථාහං භගවතා ධම්මං දෙසිතං ආජානාමි, යථායෙමෙ අන්තරායිකා ධම්මා වුත්තා භගවතා, තෙ පටිසෙවතො ¶ නාලං අන්තරායායා’’ති, තස්මිං භන්තෙ වත්ථුස්මිං පඤ්ඤත්තං.

පුච්ඡා – පාපිකාය ආවුසො දිට්ඨියා අප්පටිනිස්සග්ගෙ උක්ඛෙපනීයකම්මකතෙන භික්ඛුනා කතිසු වත්තෙසු සම්මා වත්තිතබ්බං.

විස්සජ්ජනා – තෙචත්තාලීසාය ¶ භන්තෙ වත්තෙසු සම්මා වත්තිතබ්බං.

පුච්ඡා – කම්මක්ඛන්ධකං පුච්ඡිස්සං, සනිදානි සනිද්දෙසං. සමුක්කට්ඨපදානං ආවුසො කති ආපත්තියො.

විස්සජ්ජනා – කම්මක්ඛන්ධකං විස්සජ්ජිස්සං, සනිදානං සනිද්දෙසං. සමුක්කට්ඨපදානං භන්තෙ එකා ආපත්ති.

පුච්ඡා – පාරිවාසිකස්ස ¶ ආවුසො පකතත්තානං භික්ඛූනං අභිවාදනාදීනි සාදියන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ පාරිවාසිකෙ භික්ඛූ ආරබ්භ පඤ්ඤත්තං, පාරිවාසිකා භන්තෙ භික්ඛූ සාදියිංසු පකතත්තානං භික්ඛූනං අභිවාදනාදීනි, තස්මිං භන්තෙ වත්ථුස්මිං පඤ්ඤත්තං.

පුච්ඡා – පාරිවාසිකෙන ¶ ආවුසො භික්ඛුනා කතිසු වත්තෙසු සම්මා වත්තිතබ්බං.

විස්සජ්ජනා – පාරිවාසිකෙන භන්තෙ භික්ඛුනා චතුනවුතියා වත්තෙසු සම්මා වත්තිතබ්බං.

පුච්ඡා – පාරිවාසිකං පුච්ඡිස්සං, සනිදානං සනිද්දෙසං. සමුක්කට්ඨපදානං ආවුසො කති ආපත්තියො.

විස්සජ්ජනා – පාරිවාසිකං විස්සජ්ජිස්සං, සනිදානං සනිද්දෙසං. සමුක්කට්ඨපදානං භන්තෙ එකා ආපත්ති.

පුච්ඡා – සමුච්චයං ¶ පුච්ඡිස්සං, සනිදානං සනිද්දෙසං. සමුක්කට්ඨපදානං ආවුසො කති ආපත්තියො.

විස්සජ්ජනා – සමුච්චයං විස්සජ්ජිස්සං, සනිදානං සනිද්දෙසං. සමුක්කට්ඨපදානං භන්තෙ එකා ආපත්ති.

පුච්ඡා – අසම්මුඛීභූතානං ¶ ආවුසො භික්ඛූනං තජ්ජනීයං වා නියස්සං වා පබ්බාජනීයං වා පටිසාරණීයං වා උක්ඛෙපනීයං වා කම්මං කරොන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ අසම්මුඛීභූතානං භික්ඛූනං කම්මං අකංසු තජ්ජනීයම්පි නියස්සම්පි පබ්බාජනීයම්පි පටිසාරණීයම්පි උක්ඛෙපනීයම්පි, තස්මිං භන්තෙ වත්ථුස්මිං පඤ්ඤත්තං.

පුච්ඡා – සතිවෙපුල්ලපත්තස්ස ¶ ආවුසො භික්ඛුනො සතිවිනයං දානං භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – රාජගහෙ භන්තෙ මෙත්තියභූමජකෙ භික්ඛූ ආරබ්භ අනුඤ්ඤාතං මෙත්තියභූමජකා භන්තෙ භික්ඛූ ආයස්මන්තං දබ්බං මල්ලපුත්තං අමූලිකාය සීලවිපත්තියා අනුද්ධංසෙසුං, තස්මිං භන්තෙ වත්ථුස්මිං අනුඤ්ඤාතං.

පුච්ඡා – කතිපනාවුසො ¶ එත්ථ ධම්මිකානි සතිවිනයදානානි.

විස්සජ්ජනා – පඤ්චිමානි භන්තෙ ධම්මිකානි සතිවිනයස්ස දානානි, සුද්ධො හොති භික්ඛු අනාපත්තිකො, අනුවදන්ති ච නං, යාචති ච, තස්ස සඞ්ඝො සතිවිනයං දෙති ධම්මෙන සමග්ගෙන, ඉමානි ඛො භන්තෙ පඤ්ච ධම්මිකානි සති විනයස්ස දානානි.

පුච්ඡා – අමූළ්හස්ස ¶ ආවුසො භික්ඛුනො අමූළ්හවිනයං දාතුං භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – රාජගහෙ භන්තෙ සම්බහුලෙ භික්ඛූ ආරබ්භ අනුඤ්ඤාතං, සම්බහුලා භන්තෙ භික්ඛූ ගග්ගං භික්ඛුං උම්මත්තකෙන චිත්තවිපරියාසකතෙන ¶ අජ්ඣාචිණ්ණෙන ආපත්තියා චොදෙසුං ‘‘සරතා යස්මා එවරූපිං ආපත්තිං ආපජ්ජිතා’’ති, සො එවං වදෙති ‘‘අහං ඛො ආවුසො උම්මත්තකො අහොසි චිත්තවිපරියාසකතො, තෙන මෙ උම්මත්තකෙන චිත්තවිපරියාසකතෙන බහුං අස්සාමණකං අජ්ඣාචිණ්ණං භාසිතපරික්කන්තං, නාහං තං සරාමි, මූළ්හෙන මෙ එතං කත’’න්ති. එවම්පි නං වුච්චමානා චොදෙන්තෙව ‘‘සරතා යස්මා එවරූපිං ආපත්තිං ආපජ්ජිතා’’ති, තස්මිං භන්තෙ වත්ථුස්මිං අනුඤ්ඤාතං.

පුච්ඡා – කති ¶ ආවුසො අධම්මිකානි අමූළ්හවිනයස්ස දානානි, විභජිත්වා කථෙහි.

විස්සජ්ජනා – තීණි භන්තෙ අධම්මිකානි අමූළ්හවිනයස්ස දානානි, ඉධ භන්තෙ භික්ඛු ආපත්තිං ආපන්නො හොති, තමෙනං චොදෙති සඞ්ඝො වා සම්බහුලා වා එකපුග්ගලො වා ‘‘සරතායස්මා එවරූපිං ආපත්තිං ආපජ්ජිතා’’ති, සො සරමානොව එවං වදෙති ‘‘න ඛො අහං ආවුසො සරාමි එවරූපිං ආපත්තිං ආපජ්ජිතා’’ති. අඤ්ඤො සරමානොව එවං වදෙති ‘‘සරාමි ඛො අහං ආවුසො යථා සුපිනන්තෙනා’’ති. අඤ්ඤො අනුම්මත්තකොව උම්මත්තකාලයං කරොති ‘‘අහම්පි ඛො එවං කරොමි, තුම්හෙපි එවං කරොථ, මය්හම්පි එතං කප්පති, තුම්හාකම්පෙතං කප්පතී’’ති. එසං සඞ්ඝො අමූළ්හවිනයං දෙති, අධම්මිකං භන්තෙ අමූළ්හවිනයස්ස දානං. ඉමානි ඛො භන්තෙ තීණි අධම්මිකානි අමූළ්හවිනයස්ස දානානි.

පුච්ඡා – කති ¶ ආවුසො ධම්මිකානි අමූළ්හවිනයස්ස දානානි, විභජිත්වා කථෙහි.

විස්සජ්ජනා – තීණි භන්තෙ ධම්මිකානි අමූළ්හවිනයස්ස දානානි, ඉධ භන්තෙ භික්ඛු උම්මත්තකො හොති චිත්තවිපරියාසකතො තෙන උම්මත්තකෙන චිත්තවිපරියාසකතෙන බහුං අස්සාමණකං අජ්ඣාචිණ්ණං හොති භාසිතපරික්කන්තං, තමෙනං චොදෙති සඞ්ඝො වා සම්බහුලා වා එකපුග්ගලො වා ‘‘සරතායස්මා එවරූපිං ආපත්තිං ආපජ්ජිතා’’ති, සො අස්සරමානොව එවං වදෙති ‘‘න ඛො අහං ආවුසො සරාමි එවරූපිං ආපත්තිං ආපජ්ජිතා’’ති. අඤ්ඤොපි අස්සරමානොව එවං වදෙති ‘‘සරාමි ඛො අහං ආවුසො යථා සුපිනන්තෙනා’’ති. අඤ්ඤොපි උම්මත්තකොව උම්මත්තකාලයං කරොති ‘‘අහම්පි එවං කරොමි, තුම්හෙපි එවං කරොථ, මය්හම්පි එතං කප්පති, තුම්හාකම්පෙතං කප්පතී’’ති. එසං භන්තෙ තිණ්ණං භික්ඛූනං සඞ්ඝො අමූළ්හවිනයං දෙති, ධම්මිකං භන්තෙ අමූළ්හවිනයස්ස දානං. ඉමානි ඛො භන්තෙ තීණි ධම්මිකානි අමූළ්හවිනයස්ස දානානි.

පුච්ඡා – අප්පටිඤ්ඤාය ¶ ආවුසො භික්ඛූනං තජ්ජනීයාදීනි කම්මානි කරොන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ ¶ භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ අප්පටිඤ්ඤාය භික්ඛූනං කම්මානි අකංසු තජ්ජනීයාදීනි, තස්මිං භන්තෙ වත්ථුස්මිං පඤ්ඤත්තං.

පුච්ඡා – කථං ආවුසො අධම්මිකං හොති පටිඤ්ඤාතකරණං.

විස්සජ්ජනා – අඤ්ඤථා භන්තෙ ආපත්තිං ආපජ්ජන්තස්ස අඤ්ඤථා පටිජානන්තස්ස යථා සො පටිජානාති, තථා සඞ්ඝො කාරෙති, එවං ඛො භන්තෙ අධම්මිකං හොති පටිඤ්ඤාතකරණං.

පුච්ඡා – කථං ¶ ආවුසො ධම්මිකං හොති පටිඤ්ඤාතකරණං.

විස්සජ්ජනා – යං භන්තෙ ආපත්තිං ආපජ්ජන්තස්ස තමෙව පටිජානන්තස්ස තෙනෙව සඞ්ඝො කාරෙති, එවං ඛො භන්තෙ ධම්මිකං පටිඤ්ඤාතකරණං.

පුච්ඡා – යෙභුය්යසිකාය ¶ ආවුසො අධිකරණං වූපසමෙතුං භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – රාජගහෙ ¶ භන්තෙ සම්බහුලෙ භික්ඛූ ආරබ්භ අනුඤ්ඤාතං, සම්බහුලා භන්තෙ භික්ඛූ භණ්ඩනජාතා කලහජාතා විවාදාපන්නා අඤ්ඤමඤ්ඤං මුඛසත්තීහි විතුදන්තා විහරිංසු, න සක්කොන්ති තං අධිකරණං වූපසමෙතුං, තස්මිං භන්තෙ වත්ථුස්මිං අනුඤ්ඤාතං.

පුච්ඡා – කථං ආවුසො අධිකරණං යෙභුය්යසිකාය වූපසමෙතබ්බං.

විස්සජ්ජනා – පඤ්චහි භන්තෙ අඞ්ගෙහි සමන්නාගතො භික්ඛු සලාකග්ගාහාපකො සම්මන්නිතබ්බො, තෙන භන්තෙ සලාකග්ගාහාපකෙන ¶ සලාකා ගාහාතබ්බා යථා බහුතරා භික්ඛූ ධම්මවාදිනො වදන්ති තථා තං අධිකරණං වූපසමෙතබ්බං, එවං ඛො භන්තෙ යෙභුය්යසිකාය අධිකරණං වූපසමෙතබ්බං.

පුච්ඡා – කති ¶ ආවුසො අධම්මිකා සලාකග්ගාහා.

විස්සජ්ජනා – දස භන්තෙ අධම්මිකා සලාකග්ගාහා, ඔරමත්තකඤ්ච අධිකරණං හොති, න ච ගතිගතං හොති, න ච සරිතසාරිතං හොති, ජානාති ‘අධම්මවාදී බහුතරා’ති, අප්පෙව නාම අධම්මවාදී බහුතරා අස්සූති, ජානාති ‘සඞ්ඝො භිජ්ජිස්සතී’ති, අප්පෙව නාම සඞ්ඝො භිජ්ජෙය්යාති, අධම්මෙන ගණ්හන්ති, වග්ගා ගණ්හන්ති, න ච යථාදිට්ඨියා ගණ්හන්ති, ඉමෙ ඛො භන්තෙ දස අධම්මිකා කලාකග්ගාහා.

පුච්ඡා – කති ¶ ආවුසො ධම්මිකා සලාකග්ගාහා.

විස්සජ්ජනා – දස භන්තෙ ධම්මිකා සලාකග්ගාහා වුත්තවිපරියායෙන.

පුච්ඡා – පාපුස්සන්නස්ස ආවුසො භික්ඛුස්ස තස්ස පාපියසිකා කම්මං කාතුං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ උපවාළං භික්ඛුං ආරබ්භ පඤ්ඤත්තං, උපවාළො භන්තෙ භික්ඛු සඞ්ඝමජ්ඣෙ ආපත්තියා අනුයුඤ්ජියමානො අවජානිත්වා පටිජානාති, පටිජානිත්වා අවජානාති, අඤ්ඤෙනඤ්ඤං පටිචරති, සම්පජානමුසා භාසති, තස්මිං භන්තෙ වත්ථුස්මිං පඤ්ඤත්තං.

පුච්ඡා – කති ¶ ආවුසො ධම්මිකානි තස්සපාපියසිකා කම්මස්ස කරණානි.

විස්සජ්ජනා – පඤ්චිමානි භන්තෙ ධම්මිකානි තස්සපාපියසිකා කම්මස්ස කරණානි. අසුචි ච හොති, අලජ්ජී ච, සානුවාදො ච, තස්ස සඞ්ඝො තස්සපාපියසිකා කම්මං කරොති ධම්මෙන සමග්ගෙන, ඉමානි ඛො භන්තෙ පඤ්ච ධම්මිකානි තස්ස පාපියසිකා කම්මස්ස කරණානි.

පුච්ඡා – තස්ස ¶ පාපියසිකාකම්මකතෙන ආවුසො භික්ඛුනා කතිසු වත්තෙසු සම්මා වත්තිතබ්බං.

විස්සජ්ජනා – තස්ස පාපියසිකාකම්මකතෙන භන්තෙ භික්ඛුනා අට්ඨාරසසු වත්තෙසු සම්මා වත්තිතබ්බං. න උපසම්පාදෙතබ්බං, න නිස්සයො දාතබ්බො, න සාමණෙරො උපට්ඨාපෙතබ්බො, එවමාදීසු භන්තෙ අට්ඨාරසසු වත්තෙසු සම්මා වත්තිතබ්බං.

පුච්ඡා – කති ¶ ආවුසො අධිකරණානි සමථෙහි වූපසමෙතබ්බානි.

විස්සජ්ජනා – චත්තාරිමානි භන්තෙ අධිකරණානි සමථෙහි වූපසමෙතබ්බානි, විවාදාධිකරණං අනුවාදාධිකරණං ආපත්තාධිකරණං කිච්චාධිකරණං, ඉමානි භන්තෙ චත්තාරි අධිකරණානි සමථෙහි වූපසමෙතබ්බානි.

පුච්ඡා – කිං ¶ ආවුසො විවාදාධිකරණස්ස මූලං.

විස්සජ්ජනා – ඡ භන්තෙ විවාදමූලානි විවාදාධිකරණස්ස මූලං, තීණිපි අකුසලමූලානි විවාදාධිකරණස්ස මූලං, තීණිපි කුසලමූලානි විවාදාධිකරණස්ස මූලං, ඉදං භන්තෙ විවාදාධිකරණස්ස මූලං.

පුච්ඡා – කිං ¶ පනාවුසො අනුවාදාධිකරණස්ස මූලං.

විස්සජ්ජනා – ඡ භන්තෙ අනුවාදමූලානි අනුවාදාධිකරණස්ස මූලං, තීණිපි අකුසලමූලානි අනුවාදාධිකරණස්ස මූලං, තීණිපි කුසලමූලානි අනුවාදාධිකරණස්ස මූලං, කායොපි අනුවාදාධිකරණස්ස මූලං, වාචාපි අනුවාදාධිකරණස්ස මූලං, ඉදං ඛො භන්තෙ අනුවාදාධිකරණස්ස මූලං.

පුච්ඡා – කිං ¶ පනාවුසො ආපත්තාධිකරණස්ස මූලං.

විස්සජ්ජනා – ඡ භන්තෙ ආපත්තිසමුට්ඨානා ආපත්තාධිකරණස්ස මූලං, අත්ති භන්තෙ ආපත්ති කායතො සමුට්ඨාති න වාචතො න චිත්තතො, අත්ථි භන්තෙ ආපත්ති වාචතො සමුට්ඨාති න කායතො න චිත්තතො, අත්ථි භන්තෙ ආපත්ති කායතො ¶ ච වාචතො ච සමුට්ඨාති න චිත්තතො, අත්ථි භන්තෙ ආපත්ති කායතො ච චිත්තතො ච සමුට්ඨාති න වාචතො, අත්ථි භන්තෙ ආපත්ති වාචතො ච චිත්තතො ච සමුට්ඨාති න කායතො, අත්ථි භන්තෙ ආපත්ති කායතො ච වාචතො ච චිත්තතො ච සමුට්ඨාති, ඉමානි භන්තෙ ඡ ආපත්ති සමුට්ඨානානි ආපත්තාධිකරණස්ස මූලං.

පුච්ඡා – කිං ¶ පනාවුසො කිච්චාධිකරණස්ස මූලං.

විස්සජ්ජනා – කිච්චාධිකරණස්ස භන්තෙ එකං මූලං සඞ්ඝො.

පුච්ඡා – සමථං ආවුසො පුච්ඡිස්සං, සනිදානං සනිද්දෙසං. සමුක්කට්ඨපදානං ආවුසො කති ආපත්තියො.

විස්සජ්ජනා – සමථං භන්තෙ විස්සජ්ජිස්සං, සනිදානං සනිද්දෙසං. සමුක්කට්ඨපදානං භන්තෙ ද්වෙ ආපත්තියො.

පුච්ඡා – නහායන්තෙන ¶ ආවුසො භික්ඛුනා රුක්ඛෙ වා ථම්භෙ වා කුට්ටෙ වා කායං උග්ඝංසෙන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ නහායමානා රුක්ඛෙපි ථම්භෙපි කුට්ටෙපි කායං උග්ඝංසෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – ගන්ධබ්බහත්ථකෙන වා ආවුසො කුරුවින්දකසුත්තියා වා මල්ලකෙන වා නහායන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ ඡබ්බග්ගියෙව භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ ගන්ධබ්බහත්ථකෙනපි කුරුවින්දකසුත්තියාපි ¶ මල්ලකෙනපි නහායිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – පාණිනා ආවුසො පරිකම්මං කාතුං භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – රාජගහෙ භන්තෙ සම්බහුලෙ භික්ඛූ ආරබ්භ අනුඤ්ඤාතං, සම්බහුලා භන්තෙ භික්ඛූ පිට්ඨිපරිකම්මං කාතුං කුක්කුච්චායිංසු, තස්මිං භන්තෙ වත්ථුස්මිං අනුඤ්ඤාතං.

පුච්ඡා – වල්ලිකං ¶ වා ආවුසො පාමඞ්ගං වා කණ්ඨසුත්තකං වා කටිසුත්තකං වා ඔවට්ටිකං වා කායුරං වා හත්ථාභරණං වා අඞ්ගුලිමුද්දිකං වා ධාරෙන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ වල්ලිකාදීනි ධාරෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – දීඝෙ ¶ ආවුසො කෙසෙ ධාරෙන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ දීඝෙ කෙසෙ ධාරෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – කොච්ඡෙනවා ¶ ආවුසො ඵණකෙනවා හත්ථඵණකෙනවා කෙසෙ ඔසණ්ඨෙන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ ඡබ්බග්ගියෙව භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ කොච්ඡාදීහි කෙසෙ ඔසණ්ඨෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – ආදාසෙ ¶ වා ආවුසො උදකපත්තෙ වා මුඛනිමිත්තං ඔලොකෙන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ ඡබ්බග්ගියෙව භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ ආදාසෙපි උදකපත්තෙපි මුඛනිමිත්තං ඔලොකෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – ආබාධපච්චයා ¶ පනාවුසො ආදාසෙ වා උදකපත්තෙ වා මුඛනිමිත්තං ඔලොකෙතුං භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – රාජගහෙ භන්තෙ අඤ්ඤතරං භික්ඛුං ආරබ්භ අනුඤ්ඤාතං, භගවති භන්තෙ රාජගහෙ විහරති අඤ්ඤතරස්ස භික්ඛුනො මුඛෙ වණො අහොසි, සො භික්ඛූ එතදවොච ‘‘කීදිසො මෙ ආවුසො වණො’’ති, භික්ඛූ එවමාහංසු ‘‘එදිසො තෙ ආවුසො වණො’’ති, සො න සද්දහති, තස්මිං භන්තෙ වත්ථුස්මිං අනුඤ්ඤාතං.

පුච්ඡා – මුඛාලෙපනාදීනි ¶ ආවුසො කරොන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ මුඛාලෙපනාදීනි අකංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – නච්චං ¶ වා ආවුසො ගීතං වා වාදිතං වා දස්සනාය ගච්ඡන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ නච්චම්පි ගීතම්පි වාදිතම්පි දස්සනාය ගච්ඡිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – කථං ආවුසො නච්චාදීනි පස්සන්තස්ස ආපත්ති හොති, කථං පන අනාපත්ති.

විස්සජ්ජනා – නච්චං වා භන්තෙ ගීතං වා වාදිතං වා දස්සනාය ගච්ඡති ආපත්ති දුක්කටස්ස, යත්ථ ඨිතො පස්සති වා සුණාති වා ආපත්ති දුක්කටස්ස ¶ , දස්සනූපචාරං විජහිත්වා පුනප්පුනං පස්සති ආපත්ති දුක්කටස්ස, ආරාමෙ ඨිතස්ස පස්සතො අනාපත්ති, විහාරතො පන විහාරං පස්සිස්සාමීති ගච්ඡතො ආපත්තියෙව, යත්ථ ඨිතො පස්සති වා සුණාති වා ආපත්ති දුක්කටස්ස, ආසනසාලාය නිසින්නො පස්සති අනාපත්ති, පස්සිස්සාමීති වුට්ඨහිත්වා ගච්ඡති ආපත්ති දුක්කටස්ස, යත්ථ ඨිතො පස්සති වා සුණාති වා ආපත්ති දුක්කටස්ස, පතිපථං ගච්ඡන්තො පස්සති අනාපත්ති, ගීවං පරිවත්තෙත්වා පස්සතො පන ආපත්ති භන්තෙ.

පුච්ඡා – ආයතකෙන ¶ ආවුසො ගීතස්සරෙන ධම්මං ගායන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ ආයතකෙන ගීතස්සරෙන ධම්මං ගායිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – දාරුපත්තං ¶ ආවුසො ධාරෙන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ ආයස්මන්තං පිණ්ඩොලභාරද්වාජං ආරබ්භ පඤ්ඤත්තං, ආයස්මා භන්තෙ පිණ්ඩොලභාරද්වාජො ඡවස්ස දාරුපත්තස්ස කාරණා ගිහීනං උත්තරිමනුස්සධම්මං ඉද්ධිපාටිහාරියං දස්සෙති, තස්මිං භන්තෙ වත්ථුස්මිං පඤ්ඤත්තං.

න ¶ ච භික්ඛවෙ දාරුපත්තො ධාරෙතබ්බො, යො ධාරෙය්ය ආපත්ති දුක්කටස්ස –

පුච්ඡා – භගවතා ආවුසො උච්චාවචෙ පත්තෙ පටික්ඛිපිත්වා අයො පත්තො භූමිපත්තොති ඉමෙයෙව ද්වෙ පත්තා කත්ථ අනුඤ්ඤාතා, කං ආරබ්භ කිස්මිං වත්ථුස්මිං අනුඤ්ඤාතා.

විස්සජ්ජනා – රාජගහෙ භන්තෙ ඡබ්බග්ගියෙ භික්ඛූ ආරබ්භ අනුඤ්ඤාතා, ඡබ්බග්ගියා භන්තෙ භික්ඛූ උච්චාවචෙ පත්තෙ ධාරෙසුං සොවණ්ණමයා ¶ රූපියමයා, තස්මිං භන්තෙ වත්ථුස්මිං අනුඤ්ඤාතා.

පුච්ඡා – සොදකං ¶ ආවුසො පත්තං පටිසාමෙන්තස්ස ච ඔතාපෙන්තස්සච උණ්හෙ පත්තං නිදහන්තස්ස ච දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ සොදකං පත්තං පටිසාමෙසුං, ඔතාපෙසුං, උණ්හෙ පත්තං නිදහිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – ඡවසීසපත්තං ¶ ආවුසො ධාරෙන්තස්ස ච සබ්බපංසුකූලිකස්ස ච දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ අඤ්ඤතරං භික්ඛුං ආරබ්භ පඤ්ඤත්තං, අඤ්ඤතරො භන්තෙ භික්ඛු සබ්බපංසුකූලිකො අහොසි, සො ඡවසීසස්ස පත්තං ධාරෙසි, අඤ්ඤතරා ඉත්ථී පස්සිත්වා භීතා ¶ විස්සරමකාසි ‘‘අභුං මෙ පිසාචො වතාය’’න්ති, තස්මිං භන්තෙ වත්ථුස්මිං පඤ්ඤත්තං.

පුච්ඡා – චලකානි වා ආවුසො අට්ඨිකානි වා උච්ඡිට්ඨොදකං වා පත්තෙන නීහරන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ චලකානිපි අට්ඨිකානිපි උච්ඡිට්ඨො දකම්පි පත්තෙන නීහරිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – උපාහනත්ථවිකා ¶ ආවුසො භගවතා කත්ථ අනුඤ්ඤාතා, කං ආරබ්භ කිස්මිං වත්ථුස්මිං අනුඤ්ඤාතා.

විස්සජ්ජනා – අන්තරා ච භන්තෙ රාජගහං අන්තරා ච වෙසාලිං අඤ්ඤතරං භික්ඛුං ආරබ්භ අනුඤ්ඤාතා, අඤ්ඤතරො භන්තෙ භික්ඛු උපාහනායො කායබන්ධනෙන බන්ධිත්වා ගාමං පිණ්ඩාය පාවිසි, අඤ්ඤතරො උපාසකො තං භික්ඛුං අභිවාදෙන්තො උපාහනායො සීසෙන ඝට්ටෙති, සො භික්ඛු මඞ්කු අහොසි, තස්මිං භන්තෙ වත්ථුස්මිං අනුඤ්ඤාතා.

පුච්ඡා – අද්ධානමග්ගප්පටිපන්නෙන ¶ ආවුසො පරිස්සාවනං යාචියමානෙන න දදන්තස්ස ච අප්පටිස්සාවනකෙන අද්ධානං පටිපජ්ජන්තස්ස ච දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – අන්තරා ච භන්තෙ රාජගහං අන්තරා ච වෙසාලිං අඤ්ඤතරං භික්ඛුං ආරබ්භ පඤ්ඤත්තං, අඤ්ඤතරො භන්තෙ භික්ඛු පරිස්සාවනං යාචියමානො න අදාසි, තස්මිං භන්තෙ වත්ථුස්මිං පඤ්ඤත්තං.

පුච්ඡා – පුප්ඵාභිකිණ්ණෙ ¶ ආවුසො සයනෙ සයන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – වෙසාලියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ පුප්ඵාභිකිණ්ණෙසු සයනෙසු සයිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – එකභාජනෙ වා ආවුසො භුඤ්ජන්තානං එකථාලකෙ වා පිවන්තානං එකත්ථරණපාවුරණානං වා තුවට්ටානං දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – වෙසාලියං භන්තෙ ඡබ්බග්ගියෙව භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ එකභාජනෙපි භුඤ්ජිංසු, එකථාලකෙපි ¶ පිවිංසු, එකමඤ්චකෙපි තුවට්ටෙසුං, එකත්ථරණාපි තුවට්ටෙසුං, එකපාවුරණාපි තුවට්ටෙසුං, එකත්ථරණපාවුරණාපි, තස්මිං භන්තෙ වත්ථුස්මිං පඤ්ඤත්තං.

පුච්ඡා – චාමරිබීජනිං ආවුසො පටික්ඛිපිත්වා තිස්සො බීජනියො භගවතා කත්ථ අනුඤ්ඤාතා, කිස්මිඤ්ච වත්ථුස්මිං අනුඤ්ඤාතා.

විස්සජ්ජනා – සාවත්ථියං භන්තෙ අනුඤ්ඤාතා, සාවත්ථියං භන්තෙ භගවති විහරති සඞ්ඝස්ස චාමරිබීජනී උප්පන්නා අහොසි, භගවතො එතමත්ථං ආරොචෙසුං, තස්මිං භන්තෙ වත්ථුස්මිං අනුඤ්ඤාතා.

න ¶ භික්ඛවෙ චාමරිබීජනී ධාරෙතබ්බා, යො ධාරෙය්ය, ආපත්ති දුක්කටස්ස. අනුජානාමි භික්ඛවෙ තිස්සො බීජනියො වාකමයං උසීරමයං මොරපිඤ්ඡා මයං.

පුච්ඡා – දීඝෙ ආවුසො නඛෙ ධාරෙන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං ¶ භන්තෙ අඤ්ඤතරං භික්ඛුං ආරබ්භ පඤ්ඤත්තං, අඤ්ඤතරො භන්තෙ භික්ඛු දීඝෙ නඛෙ ධාරෙසි, තස්මිං භන්තෙ වත්ථුස්මිං පඤ්ඤත්තං.

පුච්ඡා – කත්තරිකාය ¶ ආවුසො කෙසෙ ඡෙදාපෙන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ කත්තරිකාය කෙසෙ ඡින්දිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – දීඝෙ ¶ ආවුසො නාසිකාලොමෙ ධාරෙන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ දීඝානි නාසිකාලොමානි ධාරෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – උච්චාවචා ආවුසො කණ්ණමලහරණියො පටික්ඛිපිත්වා දස කණ්ණමලහරණියො භගවතා කත්ථ අනුඤ්ඤාතා, කං ආරබ්භ කිස්මිං වත්ථුස්මිං අනුඤ්ඤාතා.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ අනුඤ්ඤාතා, ඡබ්බග්ගියා භන්තෙ භික්ඛූ උච්චාවචා කණ්ණමලහරණියො ධාරෙසුං ¶ සොවණ්ණමයං රූපියමයං, තස්මිං භන්තෙ වත්ථුස්මිං අනුඤ්ඤාතා.

පුච්ඡා – සඞ්ඝාටිපල්ලත්ථිකාය නිසීදන්තස්ස ආවුසො දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ සඞ්ඝාටිපල්ලත්ථිකාය නිසීදිංසු, සඞ්ඝාටියා ¶ පත්තා ලුජ්ජිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – අකායබන්ධනෙන ආවුසො ගාමං පවිසන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ අඤ්ඤතරං භික්ඛුං ආරබ්භ පඤ්ඤත්තං, අඤ්ඤතරො භන්තෙ භික්ඛු අකායබන්ධනො ගාමං පිණ්ඩාය පාවිසි, තස්මිං භන්තෙ වත්ථුස්මිං පඤ්ඤත්තං.

පුච්ඡා – ගිහිනිවත්ථං ¶ ආවුසො නිවාසෙන්තස්ස ච, ගිහිපාරුතං පාරුපන්තස්ස ච, සංවෙල්ලියං නිවාසෙන්තස්ස ච දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ ගිහිනිවත්ථං නිවාසිංසු, ගිහිපාරුතම්පි පාරුපිංසු, සංවෙල්ලියම්පි නිවාසිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – උභතො ¶ කාජං ආවුසො ධාරෙන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ උභතො කාජං ධාරෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – ලොකායතං ¶ ආවුසො පරියාපුණන්තස්ස ච වාචෙන්තස්ස ච දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ ලොකායතං පරියාපුණිංසුපි වාචෙසුම්පි, තස්මිං භන්තෙ වත්ථුස්මිං පඤ්ඤත්තං.

පුච්ඡා – තිරච්ඡානවිජ්ජං ¶ ආවුසො පරියාපුණන්තස්ස ච වාචෙන්තස්ස ච දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ තිරච්ඡානවිජ්ජං පරියාපුණිංසුපි වාචෙසුම්පි, තස්මිං භන්තෙ වත්ථුස්මිං පඤ්ඤත්තං.

පුච්ඡා – ඛිපිතෙ ආවුසො ‘‘ජීවා’’තිවදන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං ¶ භන්තෙ සම්බහුලෙ භික්ඛූ ආරබ්භ පඤ්ඤත්තං, භගවා භන්තෙ මහතියා පරිසාය පරිවුතො ධම්මං දෙසෙන්තො ඛිපි, භික්ඛූ ‘‘ජීවතු භන්තෙ භගවා, ජීවතු සුගතොති’’ උච්චාසද්දං මහාසද්දං අකංසු, තෙන සද්දෙන ධම්මකථා අන්තරා අහොසි, තස්මිං භන්තෙ වත්ථුස්මිං පඤ්ඤත්තං.

පුච්ඡා – ආරාමෙ ආවුසො පස්සාවවච්චානං තහං තහං කරණං පටික්ඛිපිත්වා එකමන්තං කාතුං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ ආරාමෙ තහං තහං පස්සාවං අකංසු, තහං තහං වච්චං අකංසු, ආරාමො දුස්සි, තස්මිං භන්තෙ වත්ථුස්මිං පඤ්ඤත්තං.

පුච්ඡා – ඛුද්දකවත්ථුං ¶ පුච්ඡිස්සං, සනිදානං සනිද්දෙසං. සමුක්කට්ඨපදානං ආවුසො කති ආපත්තියො.

විස්සජ්ජනා – ඛුද්දකං විස්සජ්ජිස්සං, සනිදානං සනිද්දෙසං. සමුක්කට්ඨපදානං භන්තෙ තිස්සො ආපත්තියො.

පුච්ඡා – පඤ්ච ¶ ආවුසො ලෙණානි භගවතා කත්ථ අනුඤ්ඤාතානි, කං ආරබ්භ කිස්මිං වත්ථුස්මිං අනුඤ්ඤාතානි.

විස්සජ්ජනා – රාජගහෙ භන්තෙ සම්බහුලෙ භික්ඛූ ආරබ්භ අනුඤ්ඤාතානි, සම්බහුලා භන්තෙ භික්ඛූ භගවන්තං උපසඞ්කමිත්වා එතදවොචුං ‘‘රාජගහකො භන්තෙ සෙට්ඨී විහාරෙ කාරාපෙතුකාමො, කථං නු ඛො භන්තෙ පටිපජ්ජිතබ්බ’’න්ති, තස්මිං භන්තෙ වත්ථුස්මිං අනුඤ්ඤාතානි.

පුච්ඡා – කථං ¶ ආවුසො විහාරා පඨමං උප්පන්නා, කථඤ්ච තෙ පතිට්ඨාපි තා.

විස්සජ්ජනා – එකාහෙනෙව ¶ භන්තෙ රාජගහකෙන සෙට්ඨිනා ඡට්ඨිවිහාරා පතිට්ඨාපිතා, තෙ ඉධ භන්තෙ සට්ඨිවිහාරා බුද්ධප්පමුඛස්ස ආගතානාගතස්ස චාතුද්දිසස්ස සඞ්ඝස්ස පතිට්ඨාපිතා.

පුච්ඡා – විහාරෙ ¶ ආවුසො පටිභානකම්මං පටික්ඛිපිත්වා මාලාකම්මාදීනි භගවතා කත්ථ අනුඤ්ඤාතානි, කං ආරබ්භ කිස්මිං වත්ථුස්මිං අනුඤ්ඤාතානි.

විස්සජ්ජනා – රාජගහෙ භන්තෙ ඡබ්බග්ගියෙ භික්ඛූ ආරබ්භ අනුඤ්ඤාතානි. ඡබ්බග්ගියා භන්තෙ භික්ඛූ විහාරෙ පටිභානචිත්තං කාරාපෙසුං ඉත්ථිරූපකං පුරිසරූපකං, තස්මිං භන්තෙ වත්ථුස්මිං අනුඤ්ඤාතානි.

පුච්ඡා – යථාවුඩ්ඪං ¶ ආවුසො අභිවාදනාදීනි ච අග්ගාසනාදීනි ච අනුජානිත්වා සඞ්ඝිකං යථාවුඩ්ඪං පටිබාහන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – අන්තරා ච භන්තෙ වෙසාලිං අන්තරා ච සාවත්ථිං ඡබ්බග්ගියානං භික්ඛූනං අන්තෙවාසිකෙ භික්ඛූ ආරබ්භ පඤ්ඤත්තං, ඡබ්බග්ගියානං භන්තෙ භික්ඛූනං අන්තෙවාසිකා භික්ඛූ බුද්ධප්පමුඛස්ස සඞ්ඝස්ස පුරතො පුරතො ගන්ත්වා විහාරෙ පටිග්ගහෙසුං, සෙය්යායො පටිග්ගහෙසුං ‘‘ඉදං අම්හාකං උපජ්ඣායානං භවිස්සති, ඉදං අම්හාකං ආචරියානං භවිස්සති, ඉදං අම්හාකං භවිස්සතී’’ති, තස්මිං භන්තෙ වත්ථුස්මිං පඤ්ඤත්තං.

පුච්ඡා – එකෙන ¶ ආවුසො ද්වෙ පටිබාහන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ආයස්මන්තං උපනන්දං සක්යපුත්තං ආරබ්භ පඤ්ඤත්තං, ආයස්මා භන්තෙ උපනන්දො සක්යපුත්තො එකො ද්වෙ පටිබාහි, තස්මිං භන්තෙ වත්ථුස්මිං පඤ්ඤත්තං.

පුච්ඡා – නවකෙන ¶ ආවුසො උද්දිසන්තෙන සමකෙ වා ආසනෙ නිසීදිතුං උච්චතරෙ වා ධම්මගාරවෙන, ථෙරෙන පන භික්ඛුනා උද්දිසාපෙන්තෙන සමකෙ වා ආසනෙ නිසීදිතුං නීචතරෙ වා ධම්මගාරවෙන භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – සාවත්ථියං භන්තෙ සම්බහුලෙ භික්ඛූ ආරබ්භ අනුඤ්ඤාතං, සම්බහුලා භන්තෙ භික්ඛූ ආයස්මතො උපාලිස්ස සන්තිකෙ විනයං පරියාපුණිංසු, ආයස්මා භන්තෙ උපාලි ඨිතකොව උද්දිසති ථෙරානං භික්ඛූනං ගාරවෙන, තත්ථ භන්තෙ ථෙරා චෙව භික්ඛූ කිලමිංසු ආයස්මා ච උපාලි කිලමි, තස්මිං භන්තෙ වත්ථුස්මිං අනුඤ්ඤාතං.

පුච්ඡා – තිවස්සන්තරෙන ¶ ආවුසො සහ නිසීදිතුං භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – සාවත්ථියං භන්තෙ සම්බහුලෙ භික්ඛූ ආරබ්භ අනුඤ්ඤාතං, සම්බහුලානං භන්තෙ භික්ඛූනං එතදහොසි ‘‘කිත්තාවතානු ඛො සමානාසනිකො හොතී’’ති, තස්මිං භන්තෙ වත්ථුස්මිං අනුඤ්ඤාතං.

පුච්ඡා – මඤ්චෙ ¶ ච ආවුසො පීඨෙ ච ද්වින්නංයෙව නිසීදිතුං භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – සාවත්ථියං භන්තෙ සම්බහුලෙ සමානාසනිකෙ ආරබ්භ පඤ්ඤත්තං, සම්බහුලා භන්තෙ භික්ඛූ සමානාසනිකා මඤ්චෙ නිසීදිත්වා මඤ්චං භින්දිංසු, පීඨෙ නිසීදිත්වා පීඨං භින්දිංසු, තස්මිං භන්තෙ වත්ථුස්මිං අනුඤ්ඤාතං.

පුච්ඡා – දීඝාසනෙ ¶ පනාවුසො අසමානාසනිකෙහිපි නිසීදිතුං භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – සාවත්ථියං භන්තෙ සම්බහුලෙ භික්ඛූ ආරබ්භ අනුඤ්ඤාතං, සම්බහුලා භන්තෙ භික්ඛූ දීඝාසනෙ අසමානාසනිකෙහි සහ නිසීදිතුං කුක්කුච්චායිංසු, තස්මිං භන්තෙ වත්ථුස්මිං අනුඤ්ඤාතං.

පුච්ඡා – පඤ්ච ¶ ආවුසො අවිස්සජ්ජියානි භගවතා කත්ථ පඤ්ඤත්තානි, කං ආරබ්භ කිස්මිං වත්ථුස්මිං පඤ්ඤත්තානි.

විස්සජ්ජනා – සාවත්ථියං භන්තෙ සම්බහුලෙ භික්ඛූ ආරබ්භ පඤ්ඤත්තානි, සම්බහුලා භන්තෙ භික්ඛූ සඞ්ඝිකං සෙනාසනං විස්සජ්ජෙසුං, තස්මිං භන්තෙ වත්ථුස්මිං පඤ්ඤත්තං.

පුච්ඡා – පඤ්ච ¶ ආවුසො අවෙභඞ්ගියානි භගවතා කත්ථ පඤ්ඤත්තානි, කං ආරබ්භ කිස්මිං වත්ථුස්මිං පඤ්ඤත්තානි.

විස්සජ්ජනා – කීටාගිරිස්මිං භන්තෙ අස්සජිපුනබ්බසුකෙ භික්ඛූ ආරබ්භ පඤ්ඤත්තානි, අස්සජිපුනබ්බසුකා භන්තෙ භික්ඛූ සඞ්ඝිකං සෙනාසනං විභජිංසු, තස්මිං භන්තෙ වත්ථුස්මිං පඤ්ඤත්තානි.

පුච්ඡා – අඤ්ඤත්ර ¶ පරිභොගං ආවුසො අඤ්ඤත්ර පරිභුඤ්ජන්තස්ස දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ආළවියං භන්තෙ සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ අඤ්ඤතරස්ස උපාසකස්ස විහාරපරිභොගං සෙනාසනං අඤ්ඤත්ර පරිභුඤ්ජිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – අධොතෙහි ච ආවුසො අල්ලෙහි ච පාදෙහි සෙනාසනං අක්කමන්තස්ස ච සඋපාහනෙන සෙනාසනං අක්කමන්තස්ස ච දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ආළවියං ¶ භන්තෙ සම්බහුලෙ භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ අධොතෙහි පාදෙහි සෙනාසනං අක්කමිංසු, අල්ලෙහි ච පාදෙහි සෙනාසනං අක්කමිංසු, සඋපාහනාපි සෙනාසනං අක්කමිංසු, සෙනාසනං දුස්සි, තස්මිං භන්තෙ වත්ථුස්මිං පඤ්ඤත්තං.

පුච්ඡා – පරිකම්මකතාය ආවුසො භූමියා නිට්ඨුභන්තස්ස ච පරිකම්මකතං භිත්තිං අපස්සයන්තස්ස ච දුක්කටං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ආළවියං ¶ භන්තෙ සම්බහුලෙව භික්ඛූ ආරබ්භ පඤ්ඤත්තං, සම්බහුලා භන්තෙ භික්ඛූ පරිකම්මකතාය භූමියා නිට්ඨුභිංසු, පරිකම්මකතං භිත්තිං අපස්සයිංසු, තස්මිං භන්තෙ වත්ථුස්මිං පඤ්ඤත්තං.

පුච්ඡා – සෙනාසනක්ඛන්ධකං පුච්ඡිස්සං, සනිදානං සනිද්දෙසං. සමුක්කට්ඨපදානං ආවුසො කති ආපත්තියො.

විස්සජ්ජනා – සෙනාසනක්ඛන්ධකං ¶ විස්සජ්ජිස්සං, සනිදානං සනිද්දෙසං. සමුක්කට්ඨපදානං භන්තෙ තිස්සො ආපත්තියො.

පුච්ඡා – කථං ¶ ආවුසො ඡන්නං සක්යකුමාරානං සහ උපාලිකප්පකෙන පබ්බජ්ජා අහොසි, කථඤ්ච නෙසං විසෙසො උදපාදි.

විස්සජ්ජනා – භගවා භන්තෙ උපාලිං කප්පකං පඨමං පබ්බාජෙසි, පච්ඡා තෙ සක්යකුමාරෙ, අථ භන්තෙ ආයස්මා භද්දියො තෙනෙව අන්තරවස්සෙන තිස්සො විජ්ජා සච්ඡාකාසි, ආයස්මා අනුරුද්ධො දිබ්බචක්ඛුං උප්පාදෙසි, ආයස්මා ආනන්දො සොතාපත්තිඵලං සච්ඡාකාසි, දෙවදත්තො පොථුජ්ජනිකං ඉද්ධිං අභිනිප්ඵාදෙසි. එවං ඛො භන්තෙ ඡන්නං සක්යකුමාරානං උපාලිකප්පකෙන සහ පබ්බජ්ජා අහොසි, එවඤ්ච පන භන්තෙ තෙසං විසෙසාධිගමො අහොසි.

පුච්ඡා – පකාසනීයකම්මං ¶ ආවුසො කාතුං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ දෙවදත්තං ආරබ්භ පඤ්ඤත්තං, දෙවදත්තො භන්තෙ ‘‘සරාජිකාය මං භගවා පරිසාය ඛෙළාසකවාදෙන අපසාදෙති, සාරිපුත්තමොග්ගල්ලානෙව උක්කංසතී’’ති කුපිතො අනත්තමනො භගවති ආඝාතං බන්ධි, තස්මිං භන්තෙ වත්ථුස්මිං පඤ්ඤත්තං.

පුච්ඡා – දෙවදත්තස්ස ¶ ආවුසො පකාසනීයකම්මං කාරාපෙත්වා කථං භගවා පකාසෙතුං ආණාපෙසි.

විස්සජ්ජනා – භගවා භන්තෙ දෙවදත්තස්ස පකාසනීයකම්මං කාතුං පඤ්ඤපෙත්වා ආයස්මන්තං සාරිපුත්තං ආමන්තෙසි ‘‘තෙන හි ත්වං සාරිපුත්ත දෙවදත්තං රාජගහෙ පකාසෙහී’’ති, එවං ඛො භන්තෙ දෙවදත්තස්ස පකාසනීයකම්මං කත්වා දෙවදත්තං රාජගහෙ පකාසෙතුං භගවා ආණාපෙසි.

පුච්ඡා – කථං ¶ ආවුසො දෙවදත්තෙන දුට්ඨචිත්තෙන වධකචිත්තෙන තථා ගතස්ස රුහිරං උප්පාදෙත්වා පඨමං ආනන්තරියං කම්මං උපචිතං.

විස්සජ්ජනා – භගවා භන්තෙ ගිජ්ඣකූටස්ස පබ්බතස්ස ඡායායං චඞ්කමි, අථ භන්තෙ දෙවදත්තො ගිජ්ඣකූටං පබ්බතං ආරුහිත්වා මහතිං සිලං පවිජ්ඣි ‘‘ඉමාය සමණං ගොතමං ජීවිතා වොරොපෙස්සාමී’’ති, අථ ඛො භන්තෙ ද්වෙ පබ්බතකූටානි සමාගන්ත්වා තං සිලං සම්පටිච්ඡිංසු, තතො පපතිකා උප්පතිත්වා භගවතො පාදෙ රුහිරං උප්පාදෙසි. එවං ඛො භන්තෙ දෙවදත්තෙන දුට්ඨෙන වධකචිත්තෙන තථාගතස්ස රුහිරං උප්පාදෙත්වා පඨමං ආනන්තරියකම්මං උපචිතං.

පුච්ඡා – කුලෙසු ¶ ආවුසො තිකභොජනං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ දෙවදත්තං ආරබ්භ පඤ්ඤත්තං, දෙවදත්තො භන්තෙ පරිහීනලාභසක්කාරො සපරිසො කුලෙසු විඤ්ඤාපෙත්වා විඤ්ඤාපෙත්වා භුඤ්ජි, තස්මිං භන්තෙ වත්ථුස්මිං පඤ්ඤත්තං.

පුච්ඡා – අලං ¶ දෙවදත්ත, මා තෙ රුච්චි සඞ්ඝභෙදො, ගරුකො ඛො දෙවදත්ත සඞ්ඝභෙදොතිආදිකො ආවුසො ඔවාදො භගවතා කත්ථ දින්නො, කිස්මිං වත්ථුස්මිං දින්නො.

විස්සජ්ජනා – රාජගහෙ භන්තෙ දෙවදත්තං ආරබ්භ දින්නො, දෙවදත්තො භන්තෙ සඞ්ඝභෙදාය පරක්කමි චක්කභෙදාය, තස්මිං භන්තෙ වත්ථුස්මිං දින්නො.

අලං ¶ දෙවදත්ත, මා තෙ රුච්චි සඞ්ඝභෙදො, ගරුකො ඛො දෙවදත්ත සඞ්ඝභෙදො –

පුච්ඡා – ‘‘සුකරං සාධුනා සාධුං, සාධුං පාපෙන දුක්කරං. පාපං පාපෙන සුකරං, පාපමරියෙහි දුක්කර’’න්ති- ආවුසො ¶ ඉදං උදානං භගවතා කත්ථ උදානිතං, කං ආරබ්භ කිස්මිං වත්ථුස්මිං උදානිතං.

විස්සජ්ජනා – රාජගහෙ භන්තෙ දෙවදත්තංයෙව ආරබ්භ උදානිතං, ආයස්මා භන්තෙ ආනන්දො පුබ්බණ්හසමයං නිවාසෙත්වා පත්තචීවරමාදාය රාජගහං පිණ්ඩාය පාවිසි, අථ ඛො භන්තෙ දෙවදත්තො යෙනායස්මා ආනන්දො තෙනුපසඞ්කමි, උපසඞ්කමිත්වා ආයස්මන්තං ආනන්දං එතදවොච ‘‘අජ්ජතග්ගෙ දානාහං ආවුසො ආනන්ද අඤ්ඤත්රෙව භගවතා අඤ්ඤත්රෙව භික්ඛුසඞ්ඝා උපොසථං කරිස්සාමි සඞ්ඝකම්මං කරිස්සාමී’’ති, තස්මිං භන්තෙ වත්ථුස්මිං උදානිතං.

සුකරං සාධුනා සාධුං, සාධුං පාපෙන දුක්කරං;

පාපං පාපෙන සුකරං, පාපමරියෙහි දුක්කරං.

පුච්ඡා – භෙදානුවත්තකානං ¶ ආවුසො භික්ඛූනං ථුල්ලච්චයං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – රාජගහෙ භන්තෙ සම්බහුලෙ භික්ඛූ ආරබ්භ පඤ්ඤත්තං, ආයස්මා භන්තෙ සාරිපුත්තො භගවන්තං උපසඞ්කමිත්වා එතදවොච ‘‘සාධු භන්තෙ භෙදානුවත්තකා භික්ඛූ පුන උපසම්පජ්ජෙය්යු’’න්ති, තස්මිං භන්තෙ වත්ථුස්මිං පඤ්ඤත්තං.

‘‘සාධු ¶ භන්තෙ භෙදානුවත්තකා භික්ඛූ පුන උපසම්පජ්ජෙය්යු’’න්ති –

පුච්ඡා – කිත්තාවතා ¶ නු ඛො ආවුසො සඞ්ඝරාජි හොති නො ච සඞ්ඝභෙදො, කිත්තාවතා ච පන සඞ්ඝරාජි චෙව හොති සඞ්ඝභෙදො ච.

විස්සජ්ජනා – එකතො භන්තෙ එකො හොති, එකතො ද්වෙ චතුත්ථො අනුස්සාවෙති, සලාකං ගාහෙති ‘‘අයං ධම්මො අයං විනයො ඉදං සත්ථුසාසනං ඉමං ගණ්හථ ඉමං රොචෙථාති’’, එතෙනෙව භන්තෙ නයෙන චතුන්නං වා පඤ්චන්නං වා ඡන්නං වා සත්තන්නං වා අට්ඨන්නං වා සඞ්ඝරාජි හොති, නො ච සඞ්ඝභෙදො, එකතො භන්තෙ චත්තාරො හොන්ති, එකතො චත්තාරො, නවමො අනුස්සාවෙති, සලාකං ගාහෙති ‘‘අයං ධම්මො අයං විනයො ඉදං සත්ථුසාසනං ඉමං ගණ්හථ ඉමං රොචෙථා’’ති, එවං ඛො භන්තෙ සඞ්ඝරාජි චෙව හොති සඞ්ඝභෙදො ච. එවං ඛො භන්තෙ සඞ්ඝරාජි හොති, නො ච සඞ්ඝභෙදො, එවඤ්ච පන භන්තෙ සඞ්ඝරාජි චෙව හොති සඞ්ඝභෙදො ච.

පුච්ඡා – කිත්තාවතා ¶ නු ඛො ආවුසො සඞ්ඝො භින්නො හොති.

විස්සජ්ජනා – ඉධ භන්තෙ භික්ඛූ අධම්මාදිං ධම්මාදීනීති දීපෙන්ති, තෙ ඉමෙහි අට්ඨාරසහි වත්ථූහි අපකස්සන්ති, අවපකස්සන්ති, ආවෙනිං ¶ උපොසථං කරොන්ති, ආවෙනිං පවාරණං කරොන්ති, ආවෙනිං සඞ්ඝකම්මං කරොන්ති, එවං ඛො භන්තෙ සඞ්ඝො භින්නො හොති.

පුච්ඡා – කිත්තාවතා නු ඛො ආවුසො සඞ්ඝො සමග්ගො හොති.

විස්සජ්ජනා – ඉධ භන්තෙ භික්ඛූ අධම්මං අධම්මොති දීපෙන්ති, ධම්මං ධම්මොති දීපෙන්ති, අවිනයං අවිනයොති දීපෙන්ති…පෙ… දුට්ඨුල්ලං ආපත්තිං දුට්ඨුල්ලා ආපත්තීති දීපෙන්ති, අදුට්ඨුල්ලං ආපත්තිං අදුට්ඨුල්ලා ආපත්තීති දීපෙන්ති, තෙ ඉමෙහි අට්ඨාරසහි වත්ථූහි න අපකස්සන්ති, න අවපකස්සන්ති, න ආවෙනිං උපොසථං කරොන්ති, න ආවෙනිං පවාරණං කරොන්ති, න ආවෙනිං සඞ්ඝකම්මං කරොන්ති, එත්තාවතා ඛො භන්තෙ සඞ්ඝො සමග්ගො හොති.

පුච්ඡා – සමග්ගං ¶ ආවුසො සඞ්ඝං භින්දිත්වා කිං සො පසවති.

විස්සජ්ජනා – සමග්ගං ඛො භන්තෙ සඞ්ඝං භින්දිත්වා කප්පට්ඨිතිකං කිබ්බිසං පසවති, කප්පං නිරයම්හි පච්චති.

පුච්ඡා – භින්නං ¶ ඛො ආවුසො සඞ්ඝං සමග්ගං කත්වා කිං සො පසවති.

විස්සජ්ජනා – භින්නං ඛො භන්තෙ සඞ්ඝං සමග්ගං කත්වා බ්රහ්මං පුඤ්ඤං පසවති, කප්පං සග්ගම්හි මොදති.

පුච්ඡා – සඞ්ඝභෙදං ¶ පුච්ඡිස්සං, සනිදානං සනිද්දෙසං. සමුක්කට්ඨපදානං ආවුසො කති ආපත්තියො.

විස්සජ්ජනා – සඞ්ඝභෙදං විස්සජ්ජිස්සං, සනිදානං සනිද්දෙසං. සමුක්කට්ඨපදානං භන්තෙ ද්වෙ ආපත්තියො.

පුච්ඡා – ආගන්තුකානං ¶ ආවුසො භික්ඛූනං වත්තං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ සම්බහුලෙ ආගන්තුකෙ භික්ඛූ ආරබ්භ පඤ්ඤත්තං, ආගන්තුකා භන්තෙ භික්ඛූ සඋපාහනාපි ආරාමං පවිසිංසු, ඡත්තපග්ගහිතාපි ආරාමං පවිසිංසු, ඔගුණ්ඨිතාපි ආරාමං පවිසිංසු, සීසෙපි චීවරං කරිත්වා ආරාමං පවිසිංසු, පානීයෙනපි පාදෙ දොවිංසු, වුඩ්ඪතරෙපි ආවාසිකෙ භික්ඛූ නාභිවාදෙසුං, නපි සෙනාසනං පුච්ඡිංසු, තස්මිං භන්තෙ වත්ථුස්මිං ‘‘තෙන හි භික්ඛවෙ ආගන්තුකානං භික්ඛූනං වත්තං පඤ්ඤපෙස්සාමි, යථා ආගන්තුකෙහි භික්ඛූහි සම්මා වත්තිතබ්බං, ආගන්තුකෙන භික්ඛවෙ භික්ඛුනා ඉදානි ආරාමං පවිසිස්සාමීති උපාහනා ඔමුඤ්චිත්වා නීචං කත්වා පප්ඵොටෙත්වා ගහෙත්වා ඡත්තං අපනාමෙත්වා සීසං විවරිත්වා සීසෙ චීවරං ඛන්ධෙ කත්වා සාධුකං අතරමානෙන ආරාමො පවිසිතබ්බො’’ එවමාදිනා භන්තෙ ආගන්තුකානං භික්ඛූනං වත්තං පඤ්ඤත්තං.

පුච්ඡා – ආවාසිකානං ¶ ආවුසො භික්ඛූනං වත්තං භගවතා කත්ථ කං ආරබ්භ කිස්මිං වත්ථුස්මිං පඤ්ඤත්තං, කථඤ්ච පන පඤ්ඤත්තං.

විස්සජ්ජනා – සාවත්ථියං භන්තෙ සම්බහුලෙ ආවාසිකෙ භික්ඛූ ආරබ්භ පඤ්ඤත්තං, සම්බහුලා භන්තෙ ආවාසිකා භික්ඛූ ආගන්තුකෙ භික්ඛූ දිස්වා නෙව ආසනං පඤ්ඤපෙසුං, න පාදොදකං පාදපීඨං පාදකථලිකං උපනික්ඛිපිංසු, න පච්චුග්ගන්ත්වා පත්තචීවරං පටිග්ගහෙසුං, න සෙනාසනං පඤ්ඤපෙසුං, තස්මිං භන්තෙ වත්ථුස්මිං පඤ්ඤත්තං, තස්මිං භන්තෙ වත්ථුස්මිං –

‘‘ආවාසිකෙන භික්ඛවෙ භික්ඛුනා ආගන්තුකං භික්ඛුං වුඩ්ඪතරං දිස්වා ආසනං පඤ්ඤපෙතබ්බං, පාදොදකං පාදපීඨං පාදකථලිකං උපනික්ඛිපිතබ්බං, පච්චුග්ගන්ත්වා පත්තචීවරං පටිග්ගහෙතබ්බං ¶ පානීයෙන පුච්ඡිතබ්බො’’ එවමාදිනා භන්තෙ ආවාසිකානං භික්ඛූනං වත්තං භගවතා පඤ්ඤත්තං.

පුච්ඡා – ගමිකානං ¶ ආවුසො භික්ඛූනං වත්තං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං, කථඤ්චපන පඤ්ඤත්තං.

විස්සජ්ජනා – සාවත්ථියං භන්තෙ සම්බහුලෙ ගමිකෙ භික්ඛූ ආරබ්භ පඤ්ඤත්තං, සම්බහුලා භන්තෙ ගමිකා භික්ඛූ දාරුභණ්ඩං මත්තිකාභණ්ඩං අප්පටිසාමෙත්වා ද්වාරවාතපානං විවරිත්වා සෙනාසනං අනාපුච්ඡා පක්කමිංසු, තස්මිං භන්තෙ වත්ථුස්මිං ‘‘ගමිකෙන භික්ඛවෙ භික්ඛුනා දාරුභණ්ඩං පටිසාමෙත්වා ද්වාරවාතපානං ථකෙත්වා සෙනාසනං ආපුච්ඡා පක්කමිතබ්බං’’ එවමාදිනා භන්තෙ ආකාරෙන භගවතා ගමිකානං භික්ඛූනං වත්තං පඤ්ඤත්තං.

පුච්ඡා – භත්තග්ගෙ ¶ ආවුසො අනුමොදිතුං භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – සාවත්ථියං ¶ භන්තෙ සම්බහුලෙ භික්ඛූ ආරබ්භ අනුඤ්ඤාතං, සම්බහුලා භන්තෙ භික්ඛූ භත්තග්ගෙ නානුමොදිංසු, තස්මිං භන්තෙ වත්ථුස්මිං අනුඤ්ඤාතං.

පුච්ඡා – භික්ඛූනං ආවුසො භත්තග්ගවත්තං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ දුන්නිවත්ථා දුප්පාරුතා අනාකප්පසම්පන්නා භත්තග්ගං ගච්ඡිංසු, තස්මිං භන්තෙ වත්ථුස්මිං ‘‘සචෙ ආරාමෙ කාලො ආරොචිතො හොති, තිමණ්ඩලං පටිච්ඡාදෙන්තෙන පරිමණ්ඩලං නිවාසෙත්වා කායබන්ධනං බන්ධිත්වා සගුණං කත්වා සඞ්ඝාටියො පාරුපිත්වා ගණ්ඨිකං පටිමුඤ්චිත්වා ධොවිත්වා ¶ පත්තං ගහෙත්වා සාධුකං අතරමානෙන ගාමො පවිසිතබ්බො’’ති එවමාදිනා භන්තෙ භත්තග්ගවත්තං පඤ්ඤත්තං.

පුච්ඡා – භික්ඛූනං ¶ ආවුසො සෙනාසනවත්තං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං, කථඤ්ච තං පඤ්ඤත්තං.

විස්සජ්ජනා – සාවත්ථියං භන්තෙ ඡබ්බග්ගියෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ භික්ඛූසු අජ්ඣොකාසෙ චීවරං කරොන්තෙසු පටිවාතෙ අඞ්ගණෙ සෙනාසනං පප්ඵොටෙසුං, තස්මිං භන්තෙ වත්ථුස්මිං ‘‘යස්මිං විහාරෙ විහරති, සචෙ සො විහාරො උක්ලාපො හොති, සචෙ උස්සහති සොධෙතබ්බො’’ති එවමාදිනා භන්තෙ භික්ඛූනං සෙනාසනවත්තං භගවතා පඤ්ඤත්තං.

පුච්ඡා – සමාචාරං පුච්ඡිස්සං, සනිදානං සනිද්දෙසං. සමුක්කට්ඨපදානං ආවුසො කති ආපත්තියො.

විස්සජ්ජනා – සමාචාරං විස්සජ්ජිස්සං, සනිදානං සනිද්දෙසං. සමුක්කට්ඨපදානං භන්තෙ එකා ආපත්ති.

පුච්ඡා – සාපත්තිකෙන ¶ ආවුසො පාතිමොක්ඛං සුණන්තස්ස පාතිමොක්ඛං ඨපෙතුං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ අඤ්ඤතරං පුග්ගලං දුස්සීලං පාපධම්මං ආරබ්භ පඤ්ඤත්තං, අඤ්ඤතරො භන්තෙ පුග්ගලො දුස්සීලො පාපධම්මො තදහුපොසථෙ සඞ්ඝමජ්ඣෙ නිසින්නො අහොසි, තස්මිං භන්තෙ වත්ථුස්මිං පඤ්ඤත්තං.

පුච්ඡා – ඨපනං ¶ ආවුසො පුච්ඡිස්සං, සනිදානං සනිද්දෙසං. සමුක්කට්ඨපදානං ආවුසො කති ආපත්තියො.

විස්සජ්ජනා – ඨපනං විස්සජ්ජිස්සං, සනිදානං සනිද්දෙසං. සමුක්කට්ඨපදානං භන්තෙ එකා ආපත්ති.

පුච්ඡා – අට්ඨහි ¶ ආවුසො ගරුධම්මෙහි උපසම්පදා භගවතා කත්ථ අනුඤ්ඤාතා, කස්ස අනුඤ්ඤාතා, කිස්මිඤ්ච වත්ථුස්මිං අනුඤ්ඤාතා.

විස්සජ්ජනා – වෙසාලියං භන්තෙ මහාපජාපතියා ගොතමියා අනුඤ්ඤාතා, මහාපජාපති භන්තෙ ගොතමී සූනෙහි පාදෙහි රජොකිණ්ණෙන ගත්තෙන දුක්ඛී දුම්මනා අස්සුමුඛී රුදමානා බහිද්වාරකොට්ඨකෙ අට්ඨාසි, අථ ඛො භන්තෙ ආයස්මා ආනන්දො මහාපජාපතිං ගොතමිං තං කාරණං පුච්ඡිත්වා භගවන්තං චතුක්ඛත්තුං යාචි මාතුගාමස්ස තථාගතප්පවෙදිතෙ ධම්මවිනයෙ ආගාරස්මා අනාගාරියං පබ්බජ්ජං, තස්මිං භන්තෙ වත්ථුස්මිං අනුඤ්ඤාතා.

පුච්ඡා – භික්ඛූහි ¶ ආවුසො භික්ඛුනියො උපසම්පාදෙතුං භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – වෙසාලියං භන්තෙ මහාපජාපතිං ගොතමිං ආරබ්භ අනුඤ්ඤාතං, මහාපජාපති භන්තෙ ගොතමී භගවන්තං එතදවොච ‘‘කථාහං භන්තෙ ඉමාසු සාකියානීසු පටිපජ්ජාමී’’ති, තස්මිං භන්තෙ වත්ථුස්මිං අනුඤ්ඤාතං.

පුච්ඡා – එකතො ¶ උපසම්පන්නාය ආවුසො භික්ඛුනිසඞ්ඝෙ විසුද්ධාය භික්ඛුසඞ්ඝෙ උපසම්පාදෙතුං භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.

විස්සජ්ජනා – සාවත්ථියං භන්තෙ සම්බහුලෙ භික්ඛූ ආරබ්භ අනුඤ්ඤාතං, සම්බහුලා භන්තෙ භික්ඛූ භික්ඛුනීනං අන්තරායිකෙ ධම්මෙ පුච්ඡිංසු, උපසම්පදාපෙක්ඛායො විත්ථායිංසු, මඞ්කූ අහෙසුං, න සක්ඛිංසු විස්සජ්ජෙතුං, තස්මිං භන්තෙ වත්ථුස්මිං අනුඤ්ඤාතං.

පුච්ඡා – භික්ඛුනික්ඛන්ධකං ¶ පුච්ඡිස්සං, සනිදානං සනිද්දෙසං. සමුක්කට්ඨපදානං ආවුසො කති ආපත්තියො.

විස්සජ්ජනා – භික්ඛුනික්ඛන්ධකං විස්සජ්ජිස්සං, සනිදානං සනිද්දෙසං. සමුක්කට්ඨපදානං භන්තෙ ද්වෙ ආපත්තියො.

පුච්ඡා – පඤ්චසතිකං ¶ පුච්ඡිස්සං, සනිදානං සනිද්දෙසං. සමුක්කට්ඨපදානං ආවුසො කති ආපත්තියො.

විස්සජ්ජනා – පඤ්චසතිකං විස්සජ්ජිස්සං, සනිදානං සනිද්දෙසං. සමුක්කට්ඨපදානං භන්තෙ න කතමා ආපත්ති.

පුච්ඡා – සත්තසතිකං ¶ පුච්ඡිස්සං, සනිදානං සනිද්දෙසං. සමුක්කට්ඨපදානං ආවුසො කති ආපත්තියො.

විස්සජ්ජනා – සත්තසතිකං විස්සජ්ජිස්සං, සනිදානං සනිද්දෙසං. සමුක්කට්ඨපදානං භන්තෙ න කතමා ආපත්ති.

විස්සජ්ජනා – භගවතො භන්තෙ වචනං අරහතො සම්මාසම්බුද්ධස්ස.

විස්සජ්ජනා – සෙක්ඛා ච භන්තෙ පුථුජ්ජනකල්යාණකා ච සික්ඛන්ති.

පුච්ඡා – කෙ ¶ ආවුසො සික්ඛිතසික්ඛා.

විස්සජ්ජනා – අරහන්තො භන්තෙ සික්ඛිතසික්ඛා.

විස්සජ්ජනා – සික්ඛාකාමෙසු භන්තෙ ඨිතං.

විස්සජ්ජනා – පරම්පරාය භන්තෙ ආභතං.