📜
නමො තස්ස භගවතො අරහතො සම්මාසම්බුද්ධස්ස
ධම්මනීති
වන්දිත්වා රතනං සෙට්ඨං ¶ , නිස්සාය පුබ්බකෙ ගරුං;
නිතිධම්මංපවක්ඛාමි, සබ්බලොකසුඛාවහං.
ආචරියොචසිප්පඤ්ච, පඤ්ඤාසුතංකථාධනං;
දෙසොචනිස්සයොමිත්තං, දුජ්ජනොසුජනොබලං.
ඉත්ථීපුත්තොචදාසොච ¶ , ඝරාවාසොකතාකතො;
ඤාතබ්බොචඅලඞ්කාරො, රාජධම්මොපසෙවකො;
දුකාදිමිස්සකොචෙව, පකිණ්ණකොතිමාතිකා.
කින්තෙහිපාදසුස්සසා ¶ , යෙසංනත්ථිගරූනිහ;
යෙතප්පාදරජොකිණ්ණා, තෙවසාධූවිවෙකිනො.
විනාගරූපදෙසන්තං, බාලොලඞ්කත්තුමිච්ඡති;
සම්පාපුණෙනවිඤ්ඤූහි, හසභාවංකථංනුසො.
උට්ඨානාඋපට්ඨානාච, සුස්සුසාපරිචාරිකා;
සක්කච්චංසිප්පුග්ගහණං, ගරුංආරාධයෙබුධො.
උපජ්ඣාචරියානඤ්ච ¶ , මාතාපිතූනමෙවච;
සක්කච්චංයොනුපට්ඨාති, සුතොපිතස්සතාදිසො.
උපජ්ඣාචරියානඤ්ච, මාතාපිතූනමෙවච;
සක්කච්චංයොඋපට්ඨාති, සුතොපිතස්සතාදිසො;
සම්මාඋපපරික්ඛිත්වා;
අක්ඛරෙසුපදෙසුච;
චොරඝාතොසිස්සොසියා,
ගරුචොරට්ටකාරකො.
පණ්ඩිතොසුතසම්පන්නො ¶ , යත්ථඅත්ථීති චෙසුතො;
මහුස්සාහෙනතංඨානං, ගන්තබ්බංවසුතෙසිනා.
සුඛංරුක්ඛස්සඡායාව, තතොඤාතිමාතාපිතු;
තතොආචරියොරඤ්ඤො, තතොජිනස්සසාසනං.
පාසාණඡත්තංගරුකං, තතොදෙවානචික්ඛනං;
තතොවුඩ්ඪානමොවාදො, තතොජිනස්සසාසනං.
තුලංසල්ලහුකංලොකෙ ¶ , තතොචපලජාතිකො;
තතොවුඩ්ඪානනොවාදො, යතිධම්මෙපමාදකො.
සුතිසම්මුතිසඞ්ඛ්යාච, යොගානිතිවිසෙසකා;
ගන්ධබ්බාගණිකාචෙව, ධනුබෙදාචපූරණා.
තිකිච්ඡාඉතිහාසාච ¶ , ජොතිමායාචඡන්දති;
කෙතුමන්තාචසද්දාච, සිප්පාට්ඨාරසකාඉමෙ.
අලසස්සකුතොසිප්පං, අසිප්පස්සකුතොධනං;
අධනස්සකුතොමිත්තං, අමිත්තස්සකුතොසුඛං;
අසුඛස්සකුතොපුඤ්ඤං, අපුඤ්ඤස්සකුතොනිබ්බානං.
සිප්පංසමංධනංනත්ථි, සිප්පංචොරානගණ්හන්ති;
ඉධලොකෙසිප්පංමිත්තං, පරලොකෙසුඛාවහං.
බොධපුත්රසදාවිත්යං ¶ , මාඛෙදාචරියංගරුං;
සදෙසෙපූජිතොරාජා, බුධොසබ්බත්ථපූජිතො.
බොධපුත්රකිමාලස්සෙ, අබොධොභාරවාහකො;
බොධකොපූජිතො ලොකෙ, බොධපුත්රදිනෙදිනෙ.
රූපයොබ්බන්නසම්පන්නා, විසාලකුලසම්භවා;
විත්යාහීනානසොභන්ති, නිගන්ධාඉවකිංසුකා.
මාතාසත්රුරුපිතාච ¶ , බාලකාලෙනසික්ඛිත;
න සොභතිසභාමජ්ඣෙ, හංසමජ්ඣෙබකොයථා.
ගුණොසෙට්ඨඞ්ගතංයාති, නඋච්චෙසයනෙවසෙ;
පාසාදසීඛරෙවාසො, කාකොකිංගරුළොසියා.
සබ්බසුතමධියතෙ, හීනමුක්කට්ඨමජ්ඣිමෙ;
සබ්බස්සඅත්ථංජානෙය්ය, නචසබ්බංපයොජයෙ.
නලොකෙසොභතෙමුළ්හො ¶ ,
කෙවලත්තපසංසකො;
අපිසම්පිහිතොකූපෙ,
කතවිජ්ජොපකාසිතො.
මදන්තදමනංසත්ථං, ඛලානංකුරුතෙමදං;
චක්ඛුසඞ්ඛාරකංතෙජං, උලූකානමිවන්ධකං.
භොජනංමෙථුනංනිද්දා,
ගවෙපොසෙචවිජ්ජති;
විජ්ජාවිසෙසොපොසස්ස,
තංහීනොගොසමොභවෙ.
යොසිස්සොසිප්පලොභෙන ¶ , බහුංබහුංවගණ්හාති;
මුගොවසුපිනංපස්සං, නසක්කාකථිතුං පරං.
සුස්සුසාසුතවඩ්ඪනා, පඤ්ඤායවඩ්ඪනංසුතං;
පඤ්ඤායඅත්ථංජානන්ති, ඤාතොඅත්ථොසුඛාවහො.
අනාගතංභයංදිස්වා ¶ , දූරතොපරිවජ්ජයෙ;
ආගතඤ්චභයංදිස්වා, අභිතොහොතිපණ්ඩිතො.
ලොභංකොධංමදංමානං, තන්දිංඉස්සංපමත්තකං;
සොණ්ඩංනිද්දාලුකංමක්ඛං, මච්ඡෙරඤ්චජහෙබුධො.
සද්ධාහිරිචඔත්තප්පං, බාහුසච්චංවිරංසති;
පඤ්ඤාචසත්තධම්මෙහි, සම්පන්නොපණ්ඩිතොමතො.
දිට්ඨෙධම්මෙචයොඅත්ථො ¶ ,
යොචත්ථොසම්පරායිකො;
අත්ථාභිසමයාධීරො,
පණ්ඩිතොතිපවුච්චති.
සභාවසදිසංවාක්යං, සභාවසදිසංපියං;
සභාවසදිසංකොධං, යොජානාතිසපණ්ඩිතො.
භූපාලොපණ්ඩිතොනිච්චං, නෙවතුල්යොකුදාචනං;
සදෙසෙපූජිතොරාජා, බුධොසබ්බත්ථපූජිතො.
පණ්ඩිතස්සපසංසාය ¶ , දණ්ඩොබාලෙනදිය්යතෙ;
පණ්ඩිතොපණ්ඩිතෙනෙව, වණ්ණිතොවසුවණ්ණිතො.
අත්තනායදිඑකෙන, විනිථෙනමහාජනා;
විනයංයන්තිසබ්බෙපි, කොධංනාසෙය්යපණ්ඩිතො.
සරීරස්සගුණානඤ්ච, දූරමච්චන්තමන්තරං;
සරීරංඛණවිද්ධංසි, ගුණාතුකප්පඨායිනො.
අත්ථංමහන්තමාපජ්ජං, විජ්ජංසම්පත්තිමෙවච;
විචරෙය්යාමානථද්ධො, පණ්ඩිතොසොපවුච්චති.
නාලබ්භමතිපත්ථෙන්ති ¶ , නට්ඨම්පිනචසොචරෙ;
විප්පත්යඤ්චනමුය්හන්ති, යෙනරාතෙවපණ්ඩිතා.
ගණ්ඨිඨානෙඑකපදෙ, නාතිමඤ්ඤෙය්යපණ්ඩිතො;
කිමක්කොවෙළුපබ්භාරො, තිමහාදීපභානුදො.
ගුණදොසෙසුනෙකෙන, අත්ථිකොචිවිවජ්ජිතො;
සුඛුමාලපදුමස්ස, නළංභවතිකක්ඛළං.
සුමහන්තානිසත්ථානි, ධාරයන්තාබහුස්සුතා;
ඡෙදායොසංසයානන්තු, ක්ලිස්සන්තිලොභමොහිතා.
දොසංපිසගුණෙදිස්වා ¶ , ගුණවාදීවදන්තින;
නලොකොවිජ්ජමානම්පිචන්දෙපස්සතිලඤ්ජනං.
සකිංපිවිඤ්ඤූධීරෙන, කරොතිසහසඞ්ගමං;
අත්තත්ථඤ්චපරත්ථඤ්ච, නිබ්බානන්තංසුඛංලභෙ.
නදීතීරෙට්ඨිතෙකූපෙ, අරණිතාලවණ්ඩකෙ;
නවදාපාදිනත්ථීති, නමුඛෙවචනංතථා.
පණ්ඩිතොඅපුට්ඨොභෙරී ¶ , පජ්ජුන්නොහොතිපුච්ඡිතො;
බාලොපුට්ඨොඅපුට්ඨොපි, බහුංවිකත්ථතෙසදා.
ගුණසම්පන්නලඞ්කාරො, සබ්බසත්තහිතාවහො;
පරත්තත්ථංනචරෙය්ය, කුතොසොපණ්ඩිතොභවෙ.
සපරත්ථංචරෙධීරො, අසක්කොන්තොසකංචරෙ;
තම්පිචෙවඅසක්කොන්තො, පාපාත්තානංවියොජයෙ.
සබ්බංසුණාතිසොතෙන ¶ , සබ්බංපස්සතිචක්ඛුනා;
නචදිට්ඨංසුතංධීරො, සබ්බිච්ඡිතුමරහති.
චක්ඛුමාස්සයථාඅන්ධො, සොතවාබධිරොයථා;
පඤ්ඤාවාපියථාමුගො, බලවාදුබ්බලොරිව;
අථඅත්ථෙසමුප්පන්නෙ, සයෙය්යමතසායිතං.
අතිජාතංමනුජාතං, පුත්තමිච්ඡන්තිපණ්ඩිතා;
අවජාතංනඉච්ඡන්ති, යොහොතිකුලඡින්නකො.
තයොවපණ්ඩිතාසත්ථෙ ¶ , අහමෙවාතිවාදිච;
අහමපිතිවාදීච, නාහන්තිචඉමෙතයො;
නසාසභායත්ථනසන්තිසන්තො,
නතෙසන්තොයෙනවදන්තිධම්මං;
රාගඤ්චදොසඤ්චපහායමොහං,
ධම්මංභණන්තාවභවන්තිසන්තො.
බාලෙචුම්මත්තකෙභූපෙ, ගුරුමාතාපිතූස්වපි;
සඞ්ඝෙජෙඨෙචභාතරි, නදොසාකරියාබුධා.
අත්තනාමනොතාපඤ්ච ¶ , ඝරෙදුච්චරිතානිච;
වඤ්චනඤ්චඅවමානං, මතිමානපකාසයෙ.
පරදාරංජනෙත්තිංව, ලෙඩ්ඩුංවපරසන්තකං;
අත්තාවසබ්බසත්තානං, යොපස්සතිසපණ්ඩිතො.
සඨෙනමිත්තංකලුසෙනධම්මං,
පරොපතාපෙනසමිද්ධිභාවං;
සුඛෙනවිජ්ජංඵරුසෙනනාරිං,
ඉච්ඡන්තියෙතෙනචෙවපණ්ඩිතා.
නිපුණෙසුහමෙසෙය්ය ¶ , විචිනිත්වාසුතත්ථිකො;
සත්තංහුක්ඛලියංපක්කං, භාජනෙපිතථාභවෙ.
වසුංගණ්හන්තිදූරට්ඨා, පබ්බතෙරතනොචිතෙ;
නමිලක්ඛාසමීපට්ඨා, එවංබාලාබහුස්සුතෙ.
හිරඤ්ඤෙනමිගානංව ¶ , සුසීලෙනඅසීලිනො;
අධම්මිකස්සධමෙන, බාලානම්පිසුතෙනකිං.
අප්පස්සුතායංපුරිසො, බලිබද්ධොවජීවති;
මංසානිතස්සවඩ්ඪන්ති, පඤ්ඤාතස්සනවඩ්ඪති.
අප්පස්සුතොසුතංඅප්පං, බහුමඤ්ඤතිමානිකො;
සින්ධූදකංඅපස්සන්තො, කූපෙසොයංවමණ්ඩුකො.
තදමිනාපිජානාථ ¶ , සොබ්භෙසුපතීරෙසුච;
සණන්තායන්තිකුසොබ්භා, තුණ්හීයන්තිමහොදධී.
සුභාසිතංඋත්තමමාහුසන්තො,
ධම්මංභණෙනාධම්මං, තංදුතියං;
පියංභණෙනාපියංතංතතියං,
සච්චංභණෙනාලිකංතංචතුත්ථං.
සීහමෙදාසුවණ්ණෙව ¶ , නචතිට්ඨන්තිරචතෙ;
පණ්ඩිතානංකථාවාක්යං නචතිට්ඨතිදුජ්ජනෙ.
මහාතෙජොපිතෙජොයං, මත්තිකංනමුදුංකරෙ;
ආපොපාපෙතිමුදුකං, සාධුවාචාචකක්ඛළං;
මුදුනාවරිපුංජෙති, මුදුනාජෙතිදාරුණං;
නාසිද්ධිමුදුනාකිඤ්චි, යතොතොමුදුනාජයෙ.
චන්දනං ¶ සීතලං ලොකෙ, තතො චන්දංව සීතලං;
චන්දන චන්ද සීතම්හා, සාධුවාක්යං සුභාසිතං.
සීතවාචො බහුමිත්තො, ඵරුසොතු අමිත්තකො;
උපමං එත්ථ ඤාතබ්බා, චන්දසූරියරාජුනං.
පත්තකල්ලොදිතංඅප්පං, වාක්යංසුභාසිතංභවෙ;
ඛුද්දිතස්සකදන්නම්පි, භුත්තංසාදුරසොභවෙ.
සත්ථකාපිබහුවාචා ¶ , නාදරාබහුභාණිනො;
සොපකාරම්ප්යුදාසීනං, නනුදිට්ඨංනදීජලං.
නාතිවෙලංපභාසෙය්ය, නතුණ්හිසබ්බදාසියා;
අවිකිණ්ණංමිතංවාක්යං, පත්තකාලෙඋදීරයෙ.
ඉච්ඡිතබ්බෙසුකම්මෙසු, වාචායකුසලංමූලං;
වාචායකුසලෙනට්ඨෙ, ඉච්ඡිතබ්බංනසිජ්ඣති.
හත්ථපාදාසිරොපිට්ඨි, කුච්ඡිපඤ්චඉමෙජනා;
මුඛමෙවූපසෙවන්ති, සදාවඅනුසාසිතා.
සද්ධාධනංසීලධනං ¶ , හිරිඔත්තප්පියංධනං;
සුතධනඤ්චචාගොච, පඤ්ඤාවෙසත්තමංධනං.
ඉත්ථීනඤ්චධනංරූපං, පුරිසානංධනංකුලං;
උරගානංධනංවිසං, භූපාලානංධනංබලං;
භික්ඛූනඤ්චධනංසීලං, බ්රහ්මණානංධනංවිජ්ජා.
නරූපංනචපඤ්ඤාණං ¶ , නචකුලඤ්චසම්භවො;
කාලවිප්පත්තිසම්පත්තෙ, ධනමෙවවිසෙසකං.
ධනහීනංචජෙමිත්තා, පුත්තදාරාසහොදරා;
ධනවන්තංවසෙවන්ති, ධනංලොකෙමහාසඛා.
සත්තාසදූපසෙවන්ති, සොදකංවාපිආදිකං;
සභොගංසධනඤ්චෙව, තුච්ඡාතෙචෙජහන්තිතෙ.
අත්තනාවකතාලක්ඛී ¶ , අලක්ඛීඅත්තනාකතා;
නහිලක්ඛිංඅලක්ඛිඤ්ච, අඤ්ඤොඅඤ්ඤස්සකාරිතො.
ධනවාජොතියොරාජා, නදීවෙජ්ජොතථාඉමෙ;
පඤ්චයත්ථනවිජ්ජන්ති, නතත්ථදිවසංවසෙ.
යත්ථදෙසෙනසමානො ¶ , නපීතිනචබන්ධවො;
නචවිජ්ජාගමොකොචි, නතත්ථදිවසංවසෙ.
අමානනායත්ථසියා, සන්තානංඅවමානනං;
හීනසමානනාවාපි, නතත්ථදිවසංවසෙ.
දෙසමොසජ්ජගච්ඡන්ති, සීහාසප්පුරිසාගජා;
තත්තෙවනිධනංයන්ති, කාකාකාපුරිසාමිගා.
යත්ථාලසොචදක්ඛොච ¶ , සූරොභිරුසමපූජා;
නසන්තොතත්ථවසන්ති, අවිසෙසකරෙනකො.
චලත්යෙකෙනපාදෙන, තිට්ඨත්යෙකෙනපණ්ඩිතො;
නාසමික්ඛ්යපරංඨානං, පුබ්බමායතනංචජෙ.
ඨානභට්ඨානසොභන්තෙ, දන්තාකෙසානඛානරා;
ඉතිවිඤ්ඤායමතිමා, සඨානංනලහුංචජෙ.
ගුණොසබ්බඤ්ඤුතුල්යොපි, සීදත්යෙකොඅනිස්සයො;
අනග්ඝංරතනංමණි, හෙමංනිස්සායසොභතෙ.
නසෙවෙඵරුසංසාමිං, තංපිසෙවෙනමච්ඡරිං;
තතොනිග්ගණ්හිකංසාමිං, නෙවාපග්ගණ්හිකංතතො.
පරොක්ඛෙගුණහන්තාරං ¶ , පච්චක්ඛෙපියභාණිනං;
තාදිසංනොපසෙවෙය්ය, විසකුම්භංපලොභිතං.
පිට්ඨිතොක්කංනිසෙවෙය්ය, නිසෙවෙඅග්ගිකුච්ඡිනා;
සාමීනංසබ්බකායෙන, පරලොකංඅමුළ්හකො.
නසෙවෙකතපාපම්හි, න සෙවාලිකවාදනෙ;
නසෙවෙඅත්තදත්ථම්හි, නසෙවෙඅතිසන්තකෙ.
මහන්තංනිස්සයංකත්වා ¶ , ඛුද්දකොපිමහාභවෙ;
හෙමපබ්බතංනිස්සාය, හෙමපක්ඛීභවන්තිතෙ.
අසහායොසමත්තොපි, තෙජසීකිංකරිස්සති;
නිවාතසණ්ඨිතොඅග්ගි, සයමෙවූපසම්මති.
රුක්ඛාසුභූමිනිස්සාය, පුප්ඵඵලංපවඩ්ඪති;
සප්පූරිසූපනිස්සාය, මහාපුඤ්ඤංපවඩ්ඪති.
අනලසොඅචණ්ඩික්කො ¶ , අසට්ඨොසුචිසච්චවා;
අලුද්ධොඅත්ථකාමොච, තමුත්තංඋත්තමොනරො.
අහිතෙපටිසෙධොච, හිතෙසුචනියොජකො;
බ්යසනෙචාපරිච්චාගො, සඞ්ඛෙපංමිත්තලක්ඛණං.
ආතුරෙබ්යසනෙසචෙ ¶ , දුබ්භික්ඛෙපරවිග්ගහෙ;
රාජද්වාරෙසුසානෙච, සඞ්ඛෙපංමිත්තලක්ඛිණං.
හිතෙසනොසුමිත්තොච, විඤ්ඤූචදුල්ලභොජනො;
යථොසධඤ්චසාදුඤ්ච, රොගහාරීචසජ්ජනො.
යොධුවානිපරිචජ්ජ, අධුවානොපසෙවති;
ධුවානිතස්සනස්සන්ති, අධුවෙසුකථාවකා.
ලුද්ධමත්ථෙනගණ්හෙය්ය ¶ , ථද්ධමඤ්ජථිකම්මුනා;
ඡන්දානුවත්තියාමුළ්හං, යථාභූතෙනපණ්ඩිතං.
සච්චාභික්ඛණසංසග්ගා, අසමොසරණෙනච;
එතෙනමිත්තාජිරන්ති, අකාලෙයාචනෙනච.
තස්මානාභික්ඛණංගච්ඡෙ, නචගච්ඡෙචිරාචිරං;
කාලෙනයාචංයාචෙය්ය, එවංමිත්තානජීයරෙ.
යෙනමිත්තෙනසංසග්ගා ¶ , යොගක්ඛෙමොවිහීයති;
පුබ්බෙවජ්ඣභවංතස්ස, රක්ඛෙය්යග්ගිංවපණ්ඩිතො.
යෙනමිත්තෙනසංසග්ගා, යොගක්ඛෙමොපවඩ්ඪති;
කරෙය්යත්තසමංවුත්තිං, සබ්බකිච්චෙසුපණ්ඩිතො.
පබ්බෙපබ්බෙකමෙනුච්ඡු, විසෙසරසවාග්ගතො;
තථාසුමෙත්තිකොසාධු, විපරිත්තොවදුජ්ජනො.
තෙනෙවමුනිනාවුත්තං ¶ , ධම්මායෙකෙචිලොකියා;
තතාලොකුත්තරාචෙව, ධම්මානිබ්බානගාමිනො.
කල්යාණමිත්තමාගම්ම, සබ්බෙතෙහොන්තිපාණිනං;
තස්මාකල්යාණමිත්තෙසු, කාතබ්බංහිසදාදරං.
යොහවෙකතඤ්ඤූකතවෙදිධීරො,
කල්යාණමිත්තෙදළ්හභත්තිචහොති;
දුක්ඛිතස්සසක්කච්චංකරොතිකිච්චං,
තබ්භාවංසප්පුරිසංවදන්තිලොකෙ.
හිතකාරොපරොබන්ධු ¶ , බන්ධූපිඅහිතොපරො;
අහිතොදෙහජොබ්යාධි, හිතමාරඤ්ඤමොසධං.
පදුමංවමුඛයස්ස, වාචාචන්දනසීතලං;
මධුතිට්ඨතිජිව්හග්ගෙ, හදයෙසුහලාහලං;
තාදිසංනොපසෙවෙය්ය, තංමිත්තංපරිවජ්ජයෙ.
කත්වානකුසලංකම්මං ¶ , කත්වාන, කුසලංපුරෙ;
සුඛිතංදුක්ඛිතංහොන්තං, සොබාලොයොනපස්සති.
කාලක්ඛෙපෙනහාපෙති, දානසීලාදිකංජළො;
අථිරංපිථිරංමඤ්ඤෙ, අත්තානංසස්සතීසමං.
බාලොධපාපකංකත්වා, නතංඡට්ටිතුමුස්සහෙ;
කිංබ්යග්ඝආදිගච්ඡන්තො, පදංමක්ඛෙතුමුස්සහෙ.
නිද්ධනොපිචකාමෙති ¶ , දුබ්බලොවෙරිකංකරො;
මන්දසත්ථොවිවාදත්ථී, තිවිධංමුළ්හලක්ඛණං.
අනව්හායංගමයන්තො, අපුච්ඡාබහුභාසකො;
අත්තග්ගුණංපසංසන්ති, තිවිධංහීනලක්ඛණං.
යථාචුට්ටම්පරාපක්කා, බහිරත්තකමෙවච;
අන්තොකිමිලපූරණො, එවංදුජ්ජනධම්මතා.
යදූනකංසණතිතං, යංපූරංසන්තමෙවතං;
අඩ්ඪකුම්භුපමොබාලො, යංපූරකුම්භොවපණ්ඩිතො.
බුධෙහිසාසමානොපි ¶ , ඛලොබහුතකෙතවො;
ඝංසියමානොපඞ්ගාරො, නිලමත්තංනිගච්ඡති.
මුළ්හසිස්සොපදෙසෙන, කුනාරීභරණෙනච;
ඛලසත්තූහිසංයොගා, පණ්ඩිතොප්යවසීදති.
චාරුතාපරදාරාය, ධනංලොකතපත්තියා;
පසුතංසාධුනාසාය, ඛලෙඛලතරාගුණා.
ඉතොහාසතරංලොකෙ ¶ , කිඤ්චිතස්සනවිජ්ජති;
දුජ්ජනොතිචයංආහ, සුජනංදුජ්ජනොසයං.
නවිනාපරවාදෙන, රමන්තිදුජ්ජනාඛලු;
නසාසබ්බරසෙභුත්වා, විනාසුද්ධෙනතුස්සති.
තප්පතෙයාතිසම්බන්ධං, ද්රවංභවත්යවනතං;
මුදුදුජ්ජනචිත්තංන කිංලොහෙනපමීයතෙ.
තස්මාදුජ්ජනසංසග්ගං ¶ , ආසිවීසමිවොරගං;
ආරකාපරිවජ්ජෙය්ය, භූතකාමොවිචක්ඛණො.
දුජ්ජනෙනහිසංසග්ගං, සත්තුතාපිනයුජ්ජති;
තත්තොවඩය්හත්යඞ්ගාරො, සන්තොකාළායතංකරො;
දුජ්ජනොවජ්ජනීයොව, විජ්ජායාලඞ්කතොපිචෙ;
මණිනාලඞ්කතොසන්තො, සබ්බොකිංනුභයංකරො.
අග්ගිනොදහතොදායං, සඛාභවතිමාලුතො;
සොඑවදීපංනාසෙති, ඛලෙනත්ථෙවමිත්තතා.
සබ්බොදුට්ඨොඛලොදුට්ඨො ¶ , සබ්බාදුට්ඨතරොඛලො;
මන්තොසධෙහිසොසබ්බො, ඛලොකෙනුපසම්මති.
හදයට්ඨෙනසුතෙන, ඛලොනෙවසුසීලවා;
මධුනාකොටරට්ඨෙන, නිම්බොකිංමධුරොභවෙ.
අසතංසම්පයොගෙන, සන්තොපිඅසන්තොභවෙ;
මග්ගොකචවරයුත්තො, උජුම්පිඅසාධුභවෙ.
පුතිමච්ඡංකුසග්ගෙන ¶ , යොනරොඋපනය්හති;
කුසාපිපුතිංවායන්ති, එවංබාලුපසෙවනා.
බාලංනපස්සෙනසුණෙ, නචබාසෙනසංවසෙ;
බාලෙනාලාපසල්ලාපං, නකරෙනචරොචයෙ.
අනයංනෙතිදුම්මෙධො, අධුරායනියුඤ්ජති;
දුන්නයොසෙය්යසොහොති, සම්මාවුත්තොපිකුප්පති;
විනයංසොනජානාති, සාධුසෙනඅදස්සනං.
යාවජීවංපිචෙබාලො ¶ , පණ්ඩිතංපයිරූපාසි;
නසොධම්මංවිජානාති, දබ්බිසූපරසංයථා.
ඵලංවෙකදලිංහන්ති, හන්තිවෙළුනළංඵලං;
සක්කාරොකාපුරිසංහන්ති, ගබ්භොඅස්සතරිංයථා.
සුනඛොසුනඛංදිස්වා, දන්තංදස්සෙතිහිංසිතුං;
දුජ්ජනොදුජ්ජනංදිස්වා, රොසයංහිංසමිච්ඡති.
මණ්ඩූකොපිනුක්කොසීහො ¶ , සුකරොපිනුක්කොදීපි;
බිලාරොසදිසොබ්යග්ඝො, දුප්පඤ්ඤොපිනපඤ්ඤවා.
මණ්ඩූකොපිසීහොවිය,
කාකොගණ්හෙපිඤ්ඤෙපිඤ්ඤෙ;
බාලොචපණ්ඩිතොවිය,
ධීරොපුච්ඡෙවයෙවයෙ.
කාකොදුට්ඨොසකුණෙසු, ඝරෙදුට්ඨොචමූසිකො;
වානරොචවනෙදුට්ඨො, මනුස්සෙසුචබ්රහ්මණො.
තිණානිභූමිචොදකං ¶ , චතුත්ථංවාක්යසුට්ඨුතං;
එතානිහිසතංගෙහෙ, නොඡිජ්ජන්තෙකදාචිපි.
අම්බුංපිවන්තිනොනජ්ජො, රුක්ඛාඛාදන්තිනොඵලං;
මෙඝොකදාචිනොසස්සං, පරත්ථායසතංධනං.
ගුණාකුබ්බන්තිදූතත්තං ¶ , දූරෙපිවසතංසතං;
කෙටකෙගන්ධමාඝාය, ගච්ඡන්තිභමරාසයං.
ආකිණ්ණොපිඅසබ්භීධ, අසංසට්ඨොවභද්දකො;
බහුනාසන්නජාතෙන, ගච්ඡෙ නඋම්මත්තකෙන.
පාපමිත්තෙවිවජ්ජෙත්වා, භජෙය්යුත්තමපුග්ගලං;
ඔවාදෙචස්සතිට්ඨෙය්ය, පත්ථන්තොඅචලංසුඛං.
යථාචපනසාපක්කා, බහිසණ්ඩකමෙවච;
අන්තොඅමතපූරණො, එවං සුජනධම්මතා.
තග්ගරඤ්ජපලාසෙන ¶ , යොනරොඋපනය්හති;
පත්තාපිගන්ධංවායන්ති, එවංධීරුපසෙවනා.
ධීරංපස්සෙසුණෙධීරං, ධීරෙනසහසංවසෙ;
ධීරෙනාලාපසල්ලාපං, තංකරෙතඤ්චරොචයෙ.
නයංනයති මෙධාවී, අධුරායනයුජ්ජති;
සුනයොසෙය්යසොහොති, සම්මාවුත්තොනකුප්පති;
විනයංසොපජානාති, සාධුතෙනසමාගමො.
අප්පකෙනපිචෙවිඤ්ඤූ ¶ , පණ්ඩිතංපයිරූපාසි;
ඛිප්පංධම්මංවිජානාති, ජිව්හාසූපරසංයථා.
බාහුබලඤ්චඅමච්චං, භොගංඅභිජච්චංබලං;
ඉමෙහිචතුබලෙහි, පඤ්ඤාවෙසෙඨතංබලං.
බලංපක්ඛීනමාකාසො ¶ , මච්ඡානංඋදකංබලං;
දුබ්බලස්සබලංරාජා, කුමාරානංරුදංබලං.
බලංචන්දොබලංසූරො, බලංසමණබ්රහ්මණා;
බලංවෙලංසමුද්දස්ස, බලංතිබලමිත්ථියා.
සපාදානංබලංසීහො, තතොපුළුවකොබලං;
තතොකිප්පිලිකොනරො, රාජාසබ්බෙසමන්තතො.
ගතිමිගානංපවනං, ආකාසොපක්ඛිනංගති;
විරාගොගතිධම්මානං, නිබ්බානාරහතංගති.
චරෙය්යකුලජංපඤ්ඤො ¶ , විරූපමවිකඤ්ඤකං;
හීනායපිසුරූපාය, විවාහසදිසංකරෙ.
සාමාමිගක්ඛීසුකෙසී, තනුමජ්ඣිමදන්තවා;
දස්සනීයාමුඛවණ්ණා, ගම්භීරනාභිවාචකා;
සුසීලාවායමතිච, හීනකුලංපිවාහයෙ.
සුත්තොමාතාවභොජෙසි ¶ , භරණෙසුචධාතියො;
කම්මෙසුසකපන්ති ච, කතකම්මෙසුධාතිනං.
ධම්මෙසුපතිට්ඨානිච්චං, සයනෙසුචවණ්ණිභා;
කුලෙසුභාතරංවාචී, යානාරීසෙට්ඨසම්මතා.
යොනංභරතිසබ්බදා ¶ , නිච්චංආතාපිඋස්සුකො;
සබ්බකාමහරංපොසං, භත්තාරංනාතිමඤ්ඤති.
නචාපිස්වත්ථිභත්තාරං, ඉච්ඡාචාරෙනරොසයෙ;
භත්තුචගරුනොසබ්බෙ, පතිපූජෙතිපණ්ඩිතා.
උට්ඨාහිකාඅනලස්සා, සඞ්ගාහිකාපරිජනෙ;
භත්තුමනාපංචරති, සම්භතමනුරක්ඛති.
එවංවත්තතියානාරී, භත්තුඡන්දවසානුගා;
මනාපානාමතෙදෙවා, යත්ථසාඋපපජ්ජති.
ඉත්ථියෙකච්චියොවාපි ¶ , සෙය්යාවුත්තාවමුනිනා;
භණ්ඩානංඋත්තමාඉත්ථී, අග්ගුපට්ඨායිකාතිපි.
මාතරාධීතරාවාපි, භගිනියාවිචක්ඛණො;
නවිවිත්තාසනෙමන්තෙ, නාරීමායාවිනීනනු.
විජ්ජුතානඤ්චලොලත්තං, සත්ථානඤ්චාතිතික්ඛණං;
සිඞ්ඝතංවායුතෙජානං, අනුකුබ්බන්තිනාරියො.
දිගුණොථීනමාහාරො ¶ ,
බුද්ධිචාපිචතුග්ගුණො;
ඡගුණොහොතිවායාමො,
කාමොත්වට්ඨගුණොභවෙ.
එකමෙකායඉත්ථියා, අට්ඨඅට්ඨපතිනොසියුං;
සූරොචපලවන්තොච, සබ්බකාමරසාහරා;
කරෙය්යනවමෙඡන්දං, උන්නත්තාහිනපූරති.
විවාදසීලීඋස්සුයා ¶ , පස්සන්තතණ්හිකාගතා;
අමිතාභුඤ්ජනානිද්දා, සතංපුත්තංපිතංජහෙ.
ලපන්තීසද්ධිමඤ්ඤෙන, පස්සන්තඤ්ඤංසවිබ්භමා;
චිත්තකංචින්තයන්තඤ්ඤං, නාරීනංනාමකොපියො.
ගණ්හෙය්යවාතංජාලෙන, සාගරමෙකපාණිනා;
ඔසිඤ්චෙය්යචතාළෙන, සකෙනජනයෙරවං;
පමාදාසුවිසජ්ජෙය්ය, ඉත්ථියෙසාවධම්මතා.
ජිව්හාසහස්සිකොයොහි ¶ , ජීවෙවස්සසතංනරො;
තෙනනිකම්මුනාවුත්තො, ථිදොසොකිංඛයංගතො.
පඤ්චඨානානිසම්පස්සං ¶ , පුත්තමිච්ඡන්තිපණ්ඩිතා;
භතොවානොභරිස්සති, කිච්චංවානොකරිස්සති.
කුලවංසොචිරංතිට්ඨෙ, දායජ්ජංපතිපජ්ජති;
අථවාපනපෙතානං, දක්ඛිණානුපදස්සති.
අතිජාතමනුජාතං, පුත්තමිච්ඡන්තිපණ්ඩිතා;
අවජාතංනඉච්ඡන්ති, යොහොතිකුලඡින්නකො.
එකූදරසමුප්පන්නා, නභවන්තිසමස්සමා;
නානාවණ්ණානානාචරා, යථාබදරකණ්ඩකා.
අදම්මෙබහවොදොසෙ ¶ , දම්මෙතුබහවොගුණෙ;
තස්මාපුත්තඤ්චසිස්සඤ්ච, දම්මකාලෙවදම්මයෙ.
ඔවාදෙය්යානුසාසෙය්ය,
අසප්පායානිවාරයෙ;
දන්තොහියොපියොහොති,
අදන්තොහොතිඅප්පියො.
පුත්තංවාභාතරංදුට්ඨං, අනුසාසෙය්යනොජහෙ;
කිංනුඡෙජ්ජංහත්ථපාදං, ලිත්තඅසුචිනාසියා.
අන්තොජාතොධනක්කිතො ¶ , දාසබ්යොපගතොසයං;
දාසාකරමරානිතො, ඉච්චෙවංචතුධාසියුං.
දාසාපඤ්චෙවචොරය්ය, සඛඤාතත්තසදිසා;
තථාවිඤ්ඤූහිවිඤ්ඤෙය්ය, මිත්තාදාරාචබන්ධවා.
දුට්ඨදාරෙනඅමිත්යා ¶ , දාසොචුත්තරවාචකො;
සසප්පෙචඝරෙවාසො, මච්චුමෙවනසංසයො.
යසංලාභංපත්ථයන්තං, නරංවජ්ජන්තිදූරතො;
තස්මාඅනපෙක්ඛිත්වාන, තංමග්ගංමග්ගයෙබුධො.
ඛලංසාලංපසුංඛෙත්තං ¶ , ගන්තාචස්සඅභික්ඛණං;
මිතංධඤ්ඤංනිධාපෙය්ය, මිතඤ්චපාචයෙඝරෙ.
අඤ්ජනානංඛයංදිස්වා, වම්මිකානඤ්චසඤ්චයං;
මධූනඤ්චසමාහාරං, පණ්ඩිතොඝරමාවසෙ.
සයංආයංවයංජඤ්ඤා, සයංජඤ්ඤාකතාකතං;
නිග්ගණ්හෙනිග්ගණ්හාරහං, පග්ගණ්හෙපග්ගණ්හාරහං.
එකයාමොනරාධිප්පො ¶ ,
ද්වියාමොපණ්ඩිතොනරො;
තයොයාමොඝරාවාසොච,
චතුයාමොචදුග්ගතො.
යොචබන්ධුහිතෙයුත්තො,
සොපිතායොචපොසකො;
තංමිත්තංයත්ථවිසාසො,
භරියායත්ථනිබ්බුති.
සද්ධාපෙමෙසුසන්තෙසු, නගණෙමාසකංසතං;
සද්ධාපෙමෙඅසන්තෙසු, මාසකංපිසතංගණෙ.
යාචකොඅපියොහොති ¶ , යාචංඅදදමප්පියං;
තස්මාසෙට්ඨනරොලොකෙ, ධනංසිප්පංපරිග්ගහෙ.
සබ්බදාපිධනංරක්ඛෙ, දාරංරක්ඛෙධනංපිච;
දාරංධනඤ්චඅත්තානං, රක්ඛායෙවසදාභවෙ.
නසාධාරණදාරස්ස, නභුඤ්ජෙසාදුමෙකකො;
නසෙවෙලොකායතිකං, නෙතංපඤ්ඤායවඩ්ඪනං.
සීලවාවත්තසම්පන්නො ¶ , අප්පමත්තොවිචක්ඛණො;
නිවාතවුත්තිඅථද්ධො, සූරතොසඛිලොමුදු.
සඞ්ගහෙතාවමිත්තානං, සංවිභාගීවිජානවා;
තප්පෙය්යඅන්නපානෙන, සදාසමණබ්රහ්මණා.
ධම්මකාමොසුතද්ධරො, භවෙය්යපරිපුච්ඡාකො;
සක්කච්චංපයිරූපාසෙ, සීලවන්තෙබහුස්සුතෙ.
පුබ්බසිරොසිමෙධාවී ¶ , දීඝායුදක්ඛිණංසිරො;
පච්ඡිමොචිත්තසන්තොසි, මරණංඋත්තරොභවෙ.
ආයුමාපාචිනංමූඛං, ධනවාදක්ඛිණංභවෙ;
පච්ඡිමංයසසීභුඤ්ජෙ, නොභුඤ්ජෙඋත්තරංමුඛං;
භුත්වානිසීදනංථූලං, තිට්ඨන්තොබලවඩ්ඪනො;
ආයුමාචඞ්කමොසියා, ධාවන්තොරොගවජ්ජිතො.
යොචසිතඤ්චඋණ්හඤ්ච ¶ , තිණාභිය්යොනමඤ්ඤති;
කරංපුරිසකිච්චානි, සොසුඛානවිහායති.
විසම්හාමතමාදෙය්ය, අසුද්ධම්හාපිකඤ්චනං;
නීචම්හාප්යුත්තමොවිජ්ජං, රතනථිංපිදුක්කුලා.
ගුය්හමත්ථමසම්බුද්ධං, සම්බොධයතියොනරො;
මන්තභෙදභයාතස්ස, දාසභූතොතිතික්ඛති.
අඤ්ඤාතවාසවසතා, ජාතවෙදසමෙනපි;
ඛමිතබ්බංසපඤ්ඤෙන, අපිදාසස්සතජ්ජිතං.
ධනධඤ්ඤපයොගෙසු ¶ , තථාවිජ්ජාගමෙසුච;
දූතෙචබ්යාහාරෙසු, චත්තොලජ්ජංසදාභවෙ.
නහිකොචිකතෙකිච්චෙ, කත්තාරංසමපෙක්ඛතෙ;
තස්මාසබ්බානිකම්මානි, සාවසෙසානිකාරයෙ.
උපකාරංහිතෙනෙව, සත්තුනාසත්තුමුද්ධරෙ;
පාදලග්ගංකරට්ඨෙන, කණ්ඩකෙනෙවකණ්ඩකං.
නමෙනමන්තස්සභජෙභජන්තං ¶ ,
කිච්චානිකුබ්බස්සකරෙය්යකිච්චං;
නානත්ථකාමස්සකරෙය්යඅත්ථං,
අසම්භජන්තංපිනසම්භජෙය්ය.
වජෙචජන්තිසිනෙහාකිරියා,
අපෙමචිත්තෙන නසම්භජෙය්ය;
දිජොවදුමංඛිණඵලංඤත්වා,
අඤ්ඤංඅපෙක්ඛෙය්යමහාහිලොකො.
චජෙඑකංකුලස්සත්ථං, ගාමස්සත්ථංකුලංචජෙ,
ගාමංජනපදස්සත්ථං, අත්තත්ථංපථවිංචජෙ.
ධනංචජෙඅඞ්ගංවරස්සහෙතු ¶ ,
අඞ්ගංචජෙජීවිතංරක්ඛමානො;
ධනංඅඞ්ගංජීවිතඤ්චාපිසබ්බං,
චජෙනරොධම්මමනුස්සරන්තො.
අහාගච්ඡන්තිහායන්තා, සත්තානමිහජීවිතං;
තස්මාහිමාපමත්තතං, ගච්ඡන්තුජිනසාසනෙ.
එතෙසිය්යොසමායන්ති ¶ , සන්තිතෙසංනජීරති;
යොඅධිප්පන්නංසහති, යොචජානාතිදෙසනං.
අග්ගිආපොඉත්ථීමුළ්හො, සප්පොරාජකුලානිච;
පයතනොවගන්තබ්බො, මච්චුපාණහරානිති.
සත්ථංසුනිච්ඡිතමපීතිවිචින්තනීයං,
සාරාධිතොප්යවනිපොපරිසඞ්කනීයො;
හත්ථඞ්ගතාපියුවතීපරිරක්ඛනීයා,
සත්ථාවනීපයුවතීසුකුතොවසීතං.
උස්සාහොරිපුවමිත්තං ¶ , අලසොමිත්තංවරිපු,
විසංවියාමතංවිජ්ජා, පමාදොඅමතංවිසං.
වහෙඅමිත්තංඛන්ධෙන, යාවකාලෙඅනාගතෙ;
තමෙවආගතෙකාලෙ, භින්දෙකුම්භංවසිලායං.
සිඞ්ගිංපඤ්ඤාසහත්ථෙන ¶ , සතෙනවාහනංචජෙ;
හත්ථීනන්තුසහස්සෙන, දෙසචජ්ජෙනදුජ්ජනං.
පච්චක්ඛෙගරවොසංසෙ, පරොක්ඛෙමිත්තබන්ධවෙ;
කම්මන්තෙචදාසභච්චෙ, පුත්තදාරෙසංසෙමතෙ.
සිනෙසිප්පංසිනෙධනං, සිනෙපබ්බතමාරුහෙ;
සිනෙකාමොචකොධොච, ඉමෙපඤ්චසිනෙසිනෙ.
සතංචක්ඛුසතංකණ්ණා ¶ , නායකස්සසුතොසදා;
තථාපිඅන්ධබධිරො, එසානායකධම්මතා.
බහූනංඅප්පසාරානං, සාමග්ගියාතිදුජ්ජයො;
තිණෙනවට්ටතෙරජ්ජු, තෙනනාගොපිබන්ධතෙ.
උප්පජ්ජතෙසචෙකොධො, ආවජ්ජෙකකචූපමං;
උප්පජ්ජතෙරසෙතණ්හා, පුත්තමංසූපමංසරෙ.
දානංසිනෙහභෙසජ්ජං, මච්ඡෙරංදොසනොසධං;
දානංයසස්සිභෙසජ්ජං, මච්ඡෙරංකප්පනොසධං.
ධනමිච්ඡෙවණිජ්ජෙය්ය ¶ , සිප්පමිච්ඡෙබහුස්සුතෙ;
පුත්තමිච්ඡෙනාරිකඤ්ඤෙ, රාජාමච්චංඉච්ඡාගතෙ.
මහන්තංවට්ටරුක්ඛාදිං, ඛුද්දබීජංබහුප්ඵලං;
සක්ඛිංකත්වාඋදික්ඛෙය්ය, පුඤ්ඤපාපංකරොනරො.
ගරුකාතබ්බපොසෙසු, නීචවුත්තිංකරොතියො;
නීචත්තංසොපහන්ත්වාන, උත්තමත්ථෙපතිට්ඨති.
උත්තමංපණිපාතෙන ¶ , සූරංභෙදෙනවිජයෙ;
හීනමප්පපදානෙන, වික්කමෙනසමංජයෙ.
නත්තදොසංපරෙජඤ්ඤා, ජඤ්ඤාදොසංපරස්සතු;
කුම්මොගුය්හාඉවඞ්ගානි, පරභාවඤ්චලක්ඛයෙ.
උස්සූරසෙය්යංආලස්යං ¶ , චණ්ඩික්කංදීඝසුත්තියං;
එකස්සද්ධානගමනං, පරදාරුපසෙවනං;
එතංබ්රහ්මණස්සෙවස්සු, අනත්ථායභවිස්සති.
සුරායොගොවිකාලොච, සමජ්ජානඝරඞ්ගතො;
ඛිඩ්ඩධුත්තොපාපමිත්තො, අලසොසොඉමෙජනා;
මහාභොගාවිනස්සන්ති, හීනභාවස්සිදංඵලං.
අතිසීතංඅතිඋණ්හං, අතිසායමිදංඅහු;
ඉතිවිස්සට්ඨකම්මන්තෙ, ඛණාඅච්චන්තිමාණවෙ.
පරනාසනතොනට්ඨො ¶ , පුරෙවපරනාසකො;
සිඞ්ඝංවආනසංයාති, තිණොපාසාදඣාපකො.
නවිසාසෙඅමිත්තස්ස, මිත්තඤ්චාපිනවිසාසෙ;
කදාචිකුප්පිතොමිත්තො, සබ්බදොසපකාසකො.
කුදෙසඤ්චකුමිත්තඤ්ච, කුසම්බන්ධංකුබන්ධවං;
කුදාරඤ්චකුරාජානං, දූරතොපරිවජ්ජයෙ.
කක්කටොඅසීසොයාති ¶ , සබ්බාපදොවගච්ඡති;
අථනීකුක්කුටීපුත්තා, පුරිසෙනාවමඤ්ඤරෙ.
හීනපුත්තොරාජාමච්චො, බාලපුත්තොපිපණ්ඩිතො;
අධනස්සපුත්තොසෙට්ඨි, පුරිසෙනාවමඤ්ඤරෙ.
යෙනමිච්ඡතිසම්බන්ධං, තෙනතීණිනකාරයෙ;
විවාදමත්ථසම්බන්ධං, පරොක්ඛෙදාරදස්සනං.
ඉණසෙසොඅග්ගිසෙසො ¶ ,
සත්රුසෙසොතථෙවච;
පුනප්පුනම්පිවඩ්ඪන්ති,
තස්මාසෙසංනකාරයෙ.
කුලජාතොකුලපුත්තො, කුලවංසසුරක්ඛිතො;
අත්තනාදුක්ඛපත්තොපි, හීනකම්මංනකාරයෙ.
සමිද්ධොධනධඤ්ඤෙන, නකට්ඨොදතිණග්ගිහි;
සබ්බතොදුග්ගතොනට්ඨො, තස්මානදුක්කටංකරෙ.
නගණස්සග්ගථොගච්ඡෙ ¶ , සිද්ධෙකම්මෙසමංඵලං;
කම්මවිප්පත්තිචෙහොති, ඵරුසංතස්සභාසයෙ.
බාලක්කොපෙතධූමොච, වුඩ්ඪිත්ථිපල්ලලොදකං;
ආයුක්ඛයකරංනිච්චං, රත්තොචදධිභොජනං.
ඉත්ථීනංදුජ්ජනානඤ්ච, විසාසොනොපපජ්ජතෙ;
විසෙසිගිම්හිනදියං, රොගෙරාජකුලම්හිච.
අයුත්තකම්මාරභනංවිරොධො ¶ ,
සඞ්ඝස්සයුද්ධඤ්චමහාබලෙහි;
විසාසකම්මංපමදාසුනිච්චං,
ද්වාරානිමච්චුස්සවදන්තිවිද්වා.
ථියොසෙවෙය්යනච්චන්තං, සාදුභුඤ්ජෙය්යනාහිතං;
පූජයෙමානයෙවුඩ්ඪෙ, ගරුංමායායනොභජෙ.
විනාසත්ථංනගච්ඡෙය්ය, සූරොසඞ්ගාමභූමියං;
පණ්ඩිත්වද්ධගූවාණිජ්ජො, විදෙසගමනොතථා.
දෙහීතිවචනද්වාරා ¶ , දෙහට්ඨාපඤ්චදෙවතා;
සජ්ජනිය්යන්තිධිකිත්ති, මතිහීරිසිරීපිච.
නත්ථීතිවචනංදුක්ඛං, දෙහීතිවචනංතථා;
වාක්යනත්ථීතිදෙහීති, මාභවෙය්යභවාභවෙ.
යත්ථවොසංනජානන්ති, ජාතියාවිනයෙනවා;
නතත්ථමානංකිරියා, ජනෙවසමඤ්ඤාතකෙ.
මාතාහීනස්සදුබ්භාසා ¶ , පිතාහීනස්සදුක්රියා;
උභොමාතාපිතාහීනා, දුබ්භාසාචදුක්කිරියා.
මාතාසෙට්ඨස්සසුභාසා,
පිතාසෙට්ඨස්සසුකිරියා;
උභොමාතාපිතාසෙට්ඨා,
සුභාසාචසුකිරියා.
අතිදීඝොමහාමුළ්හො ¶ , මජ්ඣිමොචවිචක්ඛණො;
වාසුදෙවංපුරෙක්ඛිත්වා, සබ්බෙවාමනකාසඨා.
ආචාරොකුලමක්ඛාති, දෙසමක්ඛතිභාසිතං;
සම්භවොපෙමමක්ඛාති, දෙහමක්ඛාතිභොජනං.
ජලප්පමාණංකුමුදනාළං,
කුලප්පමාණංකරණකම්මං;
පඤ්ඤාපමාණංකථිතවාක්යං,
භූමිප්පමාණංභජ්ජලතිණං.
ජවෙනභද්රංජානන්ති ¶ , වහෙනචබලිබද්ධං;
දුහෙනධෙනුජානන්ති, භාසමානෙනපණ්ඩිතං.
ජානෙය්යපෙසනෙභච්චං බන්ධවංපිභයාගමෙ,
බ්යසනෙචතථාමිත්තං, දාරඤ්චවිභවක්ඛයෙ.
විනාසත්ථංනජානන්ති, කාලංසබ්බෙපිජොතිකා;
කුක්කුටාපනජානන්ති, තතොරුක්ඛාතතොභ්වාපා.
පථවීභූසනංමෙරු ¶ , රත්තියාභූසනංසසී;
ජනානංභූසනංරාජා, සෙනානංභූසනංගජො.
සීලතාසොභතෙරූපං,
චාරිතාසොභතෙකුලං;
සපුප්ඵාසොභතෙරඤ්ඤං,
සගජාසොභතෙබලං.
කොකිලානංසද්දංරූපං ¶ , නාරීරූපංපතිබ්බතං;
විජ්ජාරූපංඅරූපානං, ඛමාරූපංතපස්සිනං.
කිසාසොභාතපස්සීච,
ථූලාසොභාචතුප්පදා;
විජ්ජාසොභාමනුස්සාච,
ඉත්ථීසොභාචසාමිකා.
රත්තිහීනොනචන්දරො, ඌමිහීනොනසාගරො;
හංසහීනොනසංඵුල්ලො, ඉත්ථිහීනොනපුරිසො.
වත්ථහීනංනලඞ්කාරං ¶ , පතිහීනානනාරිකා;
සිප්පහීනොනපුරිසො, ධෙනුහීනංනභොජනං.
දීපකෙදීපකොචන්දො, නාරිකෙදීපකොපති;
තිලොකෙදීපකොධම්මො, සුපුත්තොකුලදීපකො.
අපුත්තකංඝරංසුඤ්ඤං, දෙසංසුඤ්ඤංඅරාජිකං;
අපඤ්ඤස්සමුඛංසුඤ්ඤං, සබ්බසුඤ්ඤංදලිද්දකං.
සොතංසුතෙනෙවනකුණ්ඩලෙන ¶ ,
දානෙනපාණීනතුකඞ්කණෙන;
ආභාතිකායොපුරිසුත්තමස්ස,
පරොපකාරෙනනචන්දනෙන.
දානංසීලංපරිච්චාගං ¶ , අජ්ජවංමද්දවංතපං;
අකොධංඅවිහිංසඤ්ච, ඛන්තීචඅවිරොධනං;
දසෙතෙධම්මෙරාජානො, අප්පමත්තෙනධාරෙය්යුං.
දානංඅත්ථචරියාපිය, වාචාඅත්තසමංපිච;
සඞ්ගහාචතුරොඉමෙ, මුනින්දෙනපකාසිතා.
වනෙමිගානලභන්ති, මතාභයානිද්දසුඛං;
රාජානොපිනලභන්ති, උත්තරථාමභීතතො;
සංසාරභයභිතෙන, නරමන්තියෙපණ්ඩිතා.
ඛමාජාගරියුට්ඨානං ¶ , සංවිභාගොදයික්ඛනා;
නායකස්සගුණාඑතෙ, ඉච්ඡිතබ්බාහිතත්ථිනො.
පරිභූතොමුදුහොති, අතිතික්ඛඤ්චවෙරවා;
එතඤ්චඋභයංඤත්වා, අනුමජ්ඣංසමාචරෙ.
නෙකන්තමුදුනාසක්කා, එකන්තතිඛිණෙනවා;
මහත්තෙට්ඨපිතුඅත්තං, තස්මාඋභයමාචරෙ.
කස්සකොවාණිජොමච්චො ¶ , සමණොසුතසීලවා;
තෙසුවිපුලජාතෙසු, රට්ඨංපිවිපුලංසියා.
තෙසුදුබ්බලජාතෙසු, රට්ඨංපිදුබ්බලංසියා;
සරට්ඨංවිපුලංතස්මා, ධාරෙය්යරට්ඨභාරවා.
මහාරුක්ඛස්සඵලිනො, ආමංඡින්දතියොඵලං;
රසඤ්චස්සනජානාති, බීජඤ්චස්සවිනස්සති.
මහාරුක්ඛූපමංරට්ඨං, අධම්මෙනපසාසති;
රසඤ්චස්සනජානාති, රට්ඨඤ්චාපිවිනස්සති.
මහාරුක්ඛස්සඵලිනො ¶ , පක්කංඡින්දතියොඵලං;
රසඤ්චස්සවිජානාති, බීජඤ්චස්සනනස්සති.
මහාරුක්ඛූපමංරට්ඨං, ධම්මෙන යොපසාසති;
රසඤ්චස්සවිජානාති, රට්ඨඤ්චාපිනනස්සති.
යොචරාජාජනපදං, අධම්මෙනපසාසති;
සබ්බොසධීහිසොරාජා, විරුද්ධොහොතිඛත්තියො.
තථෙවනෙගමෙහිංසං ¶ , යෙයුත්තාකයවික්කයෙ;
ඔජාදානබලිකාරෙ, සකොසෙනවිරුජ්ඣති.
පහාරවරඛෙත්තඤ්ඤූ, සඞ්ගාමෙකතනිස්සමෙ;
උස්සිතෙහිංසයංරාජා, සබලෙනවිරුජ්ඣති.
තථෙවඉසයොහිංසං, සංයමෙබ්රහ්මචාරියො;
අධම්මචාරිඛත්තියො, සසග්ගෙනවිරුජ්ඣති.
සයංකතානපරෙන ¶ , මහානජ්ජොජුවඞ්කතා;
ඉස්සරෙනතථාරඤ්ඤා, සරට්ඨෙඅධිපච්චත්තා.
පුත්තොපාපංකතොමාතා,
සිස්සොපාපංකතොගරු;
නාගරෙහිකතොරාජා,
රාජාපාපංපුරොහිතො.
පුඤ්ඤාපුඤ්ඤංකරොන්තෙසු, ඡභාගොඑකදෙසකං;
රාජාලභතිසබ්බෙහි, තස්මාපාපානිවාරයෙ;
පුඤ්ඤමෙවපවඩ්ඪෙන්තො, ජනකායංපසාසයෙ.
බාලස්සජීවිතංඅප්පං ¶ , පණ්ඩිතස්සබහුතරං;
ජනකායස්සරාජාව, රාජධම්මොවරාජුනං.
අනායකාවිනස්සන්ති, නස්සන්තිබහුනායකා;
ථිනායකාවිනස්සන්ති, නස්සන්තිසුසුනායකා.
කච්ඡපීනඤ්චමච්ඡීනං, කුක්කුටීනඤ්චධෙනුනං;
පුත්තපොසොයථාහොති, තථාමච්චෙසුරාජුනං.
නහිරාජකුලංපත්තො ¶ , අඤ්ඤාතොලභතෙයසං;
නාසූරොනාතිදුම්මෙධො, නපමත්තොකුදාචනං.
යදාසීලඤ්චපඤ්ඤඤ්ච ¶ , සොචෙය්යඤ්චාධිගච්ඡති;
අථවිසාසිතොතම්හි, ගුය්හඤ්චස්සනරක්ඛති.
දිවාවායදිවාරත්තිං, රාජකිච්චෙසුපණ්ඩිතො;
අජ්ඣිට්ඨොනවිකප්පෙය්ය, සරාජවසතිංවසෙ.
නරඤ්ඤාසමකංවත්ථං, නමාලංනවිලෙපනං;
ආකප්පංසරකුත්තිංවා, නරඤ්ඤාසදිසමාචරෙ.
කිළෙරාජාඅමච්චෙහි ¶ , භරියාපරිවාරිතො;
නාමච්චොරාජභරියා, භාවංකුබ්බෙථපණ්ඩිතො.
අනුද්ධතොඅචපලො, නිපකොසංවුතින්ද්රියො;
මනොපණිධිසම්පන්නො, සරාජවසතිංවසෙ.
නාස්සභරියාකිළෙය්ය, නමන්තෙය්යරහොගතො;
නාස්සකොසෙධනංගණ්හෙ, සරාජවසතිංවසෙ.
න ¶ නිද්දංබහුංමඤ්ඤෙය්ය, නමදායසුරංපිවෙ;
නාසදායෙමිගෙහඤ්ඤෙ, සරාජවසතිංවසෙ.
නාස්සපිට්ඨංනපල්ලඞ්කං, නකොච්ඡංනනාවංරථං;
සම්මතොම්හීතිආරුළ්හෙ, සරාජවසතිංවසෙ.
නාතිදූරෙභජෙරඤ්ඤො, නච්චාසන්නෙවිචක්ඛණො;
සමුඛාචස්සතිට්ඨෙය්ය, සන්තසන්තොසභත්තුනො.
නමෙරාජාසඛාහොති ¶ 6, නරාජාහොතිමෙථුනො;
ඛිප්පංකුජ්ඣන්තිරාජානො, සුලෙනක්ඛිවඝට්ටිතං.
නපූජිතොමඤ්ඤමානො, මෙධාවීපණ්ඩිතොනරො;
ඵරුසංපතිමන්තෙය්ය, රාජානංපරිසංගතං.
ලද්ධද්වාරොලභෙද්වාරං, නෙවරාජූසුවීසයෙ;
අග්ගිංවසංයතොතිට්ඨෙ, සරාජවසතිංවසෙ.
පුත්තංවාභාතරංවාපි ¶ , සම්පග්ගණ්හාතිඛත්තියො;
ගාමෙහිනිගමෙහිවා, රට්ඨෙහිජනපදෙහි;
තුණ්හිභූතොවුදික්ඛෙය්ය, නභණෙඡෙකපාපකං.
හත්ථාරොහෙඅනිකට්ඨෙ, රථිකෙපත්තිකාරකෙ;
තෙසංකම්මාවධානෙන, රාජාවඩ්ඪෙතිවෙත්තනං;
නතෙසංඅන්තරාගච්ඡෙ, සරාජවසතිංවසෙ.
චාපොවූනූදරොචස්ස ¶ , වංසොවාපිපකම්පය්යෙ;
පටිලොමංනවත්තෙය්ය, සරාජවසතිංවසෙ.
චාපොවූනූදරොචස්ස, මච්ඡොවස්සඅජිව්හකො;
අභාසංනිපකොසූරො, සරාජවසතිංවසෙ.
නබාළ්හංඉත්ථිංගච්ඡෙය්ය, සම්පස්සං තෙජසඞ්ඛයං;
කාසංසාසංථද්ධාබලං, ඛීණමෙධොනිගච්ඡති.
නාතිවෙලංපභාසෙය්ය ¶ , නතුණ්හිසබ්බදාසියා;
අවිතිණ්ණංමිතංවාචං, පත්ථකාලෙඋදීරයෙ.
අකොධනොඅසඞ්ඝට්ටො,
සච්චොසණ්හොඅපෙසුණො;
සම්ඵංගිරංනභාසෙය්ය,
සරාජවසතිංවසෙ.
මාතාපිතුභරොඅස්ස ¶ , කුලෙජෙට්ඨාපචායිකො;
හිරිඔත්තප්පසම්පන්නො, සරාජවසතිංවසෙ.
විනිතොසිප්පවාදන්තො, යතත්තොනියතොමුදු;
අප්පමත්තොසුචිදක්ඛො, සරාජවසතිංවසෙ.
නිවාතවුත්තිවුඩ්ඪෙසු ¶ , සප්පතිස්සොසගාරවො;
සූරතොසුඛසංවාසො, සරාජවසතිංවසෙ.
ආරකාපරිවජ්ජෙය්ය, සඤ්ඤිතුංපහිතංජනං;
භත්තාරමෙවුදික්ඛෙය්ය, නචඅඤ්ඤස්සරාජිනො.
සමණෙබ්රහ්මණෙචාපි, සීලවන්තෙබහුස්සුතෙ;
සක්කච්චංපයිරූපාසෙ, අන්නපානෙනතප්පය්යෙ;
ආසජ්ජපඤ්හෙපුච්ඡෙය්ය, ආකඞ්ඛංවුඩ්ඪිමත්තනො.
දින්නපුබ්බංනහාපෙය්ය ¶ , දානංසමණබ්රහ්මණෙ;
නචකිඤ්චිනිවාරෙය්ය, දානකාලෙවණිබ්බකෙ.
පඤ්ඤාවාවුඩ්ඪිසම්පන්නො, විධානවිධිකොවිදො;
කාලඤ්ඤූසමයඤ්ඤූච, සරාජවසතිංවසෙ.
උට්ඨාතාකම්මචෙරෙසු, අප්පමත්තොවිචක්ඛණො;
සුසංවිහිතකම්මන්තො, සරාජවසතිංවසෙ.
ඛලංසාලංපසුංඛෙත්තං ¶ , ගන්තාචස්සඅභික්ඛණං;
මිතංධඤ්ඤංනිධාපෙය්ය, මිතඤ්චපාචයෙඝරෙ.
පුත්තංවාභාතරංවාපි, සීලෙසුඅසමාහිතං;
අනඞ්ගවාහිතෙබාලා, යථාපෙතාතථෙවතෙ;
චොළඤ්චනෙසංපිණ්ඩඤ්ච, ආසනඤ්චපදාපරෙ.
දාසෙකම්මකරෙපොසෙ ¶ , සීලෙසුසුසමාහිතෙ;
දක්ඛෙඋට්ඨානසම්පන්නෙ, අධිපච්චම්හිඨාපයෙ.
සීලවාචඅලොභොච, අනුරුත්තොචරාජිනො;
ආවීරහොහිතොචස්ස, සරාජවසතිංවසෙ.
ඡන්දඤ්ඤූරාජිනොඅස්ස, චිත්තට්ඨොචස්සරාජිනො;
අසඞ්කුසකවුත්තිස්ස, සරාජවසතිංවසෙ.
උච්ඡාදනෙන්හාපනෙච ¶ , ධොතෙපාදෙඅදොසිරං;
ආහතොපිනකුප්පෙය්ය, සරාජවසතිංවසෙ.
කුම්භිඤ්හිපඤ්ජලිංක්රියා, චාතඤ්චාපිපදක්ඛිණං;
කිමෙවසබ්බකාමානං, නදාදංධීරමුත්තමං.
යොදෙතිසයනංවත්ථං, යානංආවසතංඝරං;
පජ්ජුන්නොරිවභූතානං, භොගෙහිඅභිවස්සති.
ද්වෙවිමෙකණ්ඩකාතික්ඛා ¶ , සරීරපරිසොසිතා;
කාමෙතිනිද්ධනොයොච, යොචකුප්පත්යනිස්සරො.
අධනස්සරසංඛාදා, අබලස්සහතාහතා;
අපඤ්ඤස්සකථාවාක්යා, තිවිධංහීනලක්ඛණං.
පථබ්යාමධුරාතීණි ¶ , උච්ඡුනාරීසුභාසිතං;
උච්ඡුනාරීසුතප්පන්ති, නතප්පන්තිසුභාසිතං.
පථබ්යාතීණිරතනානි, සඞ්ගහානිමහීතලෙ;
සිප්පංධඤ්ඤඤ්චමිත්තඤ්ච, භවන්තිරතනාඉමෙ.
කල්යාණමිත්තංකන්තාරං, යුද්ධංසභායභාසිතුං;
අසත්ථාගන්තුමිච්ඡන්ති, මුළ්හාතෙචතුරොජනා.
ජීවන්තොපිමතාපඤ්ච ¶ , බ්යාසෙනපරිකිත්තිතා;
දුක්ඛිතොබ්යාධිතොපක්ඛො, ඉණවානිත්යසෙවකො.
චක්ඛුද්වාරාදිකංඡක්කං, සංවුතොසපඤ්ඤොනරො;
ඡබ්බිධොහොතිසීලෙන, අසීලෙනාපිඡබ්බිධො.
නිද්දාලුකොපමාදොච, සුඛිතොරොගවාලසො;
නිච්ඡන්දොචකම්මාරාමො, සත්තෙතෙසත්ථවජ්ජිතා.
කුලජොපඤ්ඤවාඡන්දො ¶ , හිරොත්තප්පොසුතද්ධරො;
අත්ථකාමොසුරක්ඛොච, අට්ඨෙතෙසත්ථයුජ්ජිතා.
කුලසෙට්ඨොසපඤ්ඤොච, වුඩ්ඪිසූරොචසීලවා;
බහුස්සුතොවුට්ඨානොච, මීරොසුගතිගාමිකො;
නවෙතෙසුජනාසෙට්ඨා, පාපාත්තානංනිවාරයෙ.
බුද්ධොපච්චෙකබුද්ධොච, අරහාඅග්ගසාවකො;
මාතාපිතාගරුසත්ථා, දායකොධම්මදෙසකො;
පණ්ඩිතෙහිඉමෙදස, න දුබ්භන්තීතිජානියා.
ධම්මත්ථකාමමොක්ඛානං ¶ , පාණොසංසිද්ධිකාරණං;
තංනිඝාතොකිංනිහතො, රක්ඛිතොකිංනරක්ඛති.
සථංදීඝායුකොසබ්බ ¶ , සත්තානංසුඛකාරණං;
අසථංපනසබ්බෙසං, දුක්ඛහෙතුනසංසයො.
යන්තගතොඋච්ඡුරසං, නජහාතිගජොතථා;
සඞ්ගාමෙසුගතොලිළං, සුස්සුතෙනාපිචන්දනං.
සාරගන්ධංනජහාති, දුක්ඛපත්තොපිපණ්ඩිතො;
නජහාතිසතංධම්මං, සුඛකාලෙකථාවකා.
අත්තාබන්ධුමනුස්සානං, රිපුඅත්තාවජන්තුනං;
අත්තාවනියතොඤාති, අත්තාවනියතොරිපු.
අත්තානංපරිච්චාගෙන ¶ , යංනිස්සිතානුරක්ඛනං;
කරොන්තිසජ්ජනායෙව, නතංනිතිමාතාමතං.
සත්ථකබ්බවිචාරෙන, කාලොගච්ඡතිධීමතං;
බ්යසනෙනඅසාධූනං, නිද්දායකලහෙනවා.
භමරාපුප්ඵමිච්ඡන්ති, පුතිමිච්ඡන්තිමක්ඛිකා;
සුජානාගුණමිච්ඡන්ති, දොසමිච්ඡන්තිදුජ්ජනා.
නමන්තිඵලිනොරුක්ඛා ¶ , නමතෙවබුධාජනා;
සුක්ඛකට්ඨඤ්චමුළ්හොච, නෙවනමන්තිභිජ්ජතෙ.
සචෙසන්තොවිවාදති, ඛිප්පසන්ධියරෙපුන;
බාලොපත්තාවභිජ්ජන්ති, නතෙසමතමාගමුං.
අප්පම්පිසාධූනංධනං, කූපාවාරිවනිස්සයො;
බහුකංපිඅසාධූනං, නචවාරිවඅණ්ණවෙ.
සොකඨානසහස්සානි ¶ , භයඨානසතානිච;
දිවසෙදිවසෙමුළ්හං, ආවීසන්තිනපණ්ඩිතං.
දුට්ඨචිත්තොපනාහිස්ස, කොධොපාසාණලෙඛිතො;
කුච්ඡිතබ්බොසුජනස්ස, ජලෙලෙඛාචිරට්ඨිතා.
නිදුලුකොඅසන්තුට්ඨො, අකතඤ්ඤූචභිරුකො;
සක්කොන්තිනසමාචාරං, සික්ඛිතුංතෙකදාචිපි.
සාධුත්තංසුජනසමාගමාඛලානං ¶ ,
සාධූනංනඛලසමාගමාඛලත්තං;
ආමොදංකුසුමභවංදධාතිභූමි,
භූගන්ධංනචකුසුමානිධාරයන්ති.
ගුණමද්ධිසමංමක්ඛෙ, පරෙනකලහෙසති;
අද්ධිසමංපකාසෙන්තං, අනුමත්තංපිදොසකං.
දොසංපරස්සපස්සන්ති, අත්තදොසංනපස්සති;
තිලමත්තංපරදොසං, නාළිකෙරංනපස්සති.
කොධොඅත්ථංනජානාති ¶ , කොධොධම්මංනපස්සති;
අන්ධතමංතදාහොති, යංකොධොසහතෙනරං.
කොධොඅබ්භන්තරෙජාතො, ධුවංනාසෙතිකොධනං;
වත්ථාලඞ්කාරපුණ්ණායං, මඤ්ජුසායංසිඛීයථා.
රාගොනාමමනොසල්ලං, ගුණවරත්තචොරකො;
රාහුවිජ්ජාසසඞ්කිස්ස, තපොධනහුතාසනො.
නතිත්තිරාජාධනෙන ¶ , පණ්ඩිතොපිසුභාසිතෙ;
චක්ඛූපිපියදස්සනෙ, සාගරොපිමහාජලෙ.
අසන්තුට්ඨොයතිනට්ඨො, සන්තුට්ඨොපිමහීපති;
සසජ්ජාගණිකානට්ඨා, නිලජ්ජාසුකුලගතා.
භූපාණ්ණවග්ගිථීසිප්පී, අභිජ්ඣාලුචපුග්ගලො;
එතෙසංමහිච්ඡන්තානං, මහිච්ඡතාඅනිච්ඡිතා.
ආරොග්යංපරමංලාභං ¶ , සන්තුට්ඨීපරමංධනං;
විසාසොපරමංඤාති, නිබ්බානංපරමංසුඛං.
දුග්ගතංගච්ඡභොලාභ, ලාභොලාභෙනපූරති;
ථලෙපවුට්ඨපජ්ජුන්න, ආපොආපෙනපූරති.
බොධයන්තිනයාචන්ති, දෙහීතිපච්ඡිමාජනා;
පස්සවත්ථුංඅදානස්ස, මාභවතූතිඊදිසො.
සෙලෙසෙලෙනමාණිකං ¶ , ගජෙගජෙනමුත්තිකං;
වනෙවනෙනචන්දනං, ඨානෙඨානෙනපණ්ඩිතං.
සතෙසුජායතෙසූරො, සහස්සෙසුචපණ්ඩිතො;
වාක්යංසතසහස්සෙසු, චාගොභවතිවානවා.
ජිනෙනආගතංසූරං, ධනඤ්චගෙහමාගතං;
ජිණ්ණඅන්නංපසංසෙය්ය, දාරඤ්චගතයොබ්බනං.
පොත්ථකෙසුචයංසිප්පං ¶ , පරහත්ථෙසුයංධනං;
යදාඉච්ඡෙසමුප්පන්නෙ, නතංසිප්පංනතංධනං.
වාචාවුධාචරාජානො, සච්චාවුධාචසමණා;
ධනාවුධාසෙට්ඨිනොච, ගොණාවුධාදලිද්දකා.
උක්කට්ඨෙසූරමිච්ඡන්ති, කොලාහලෙසුභාසිතං;
පියංඅන්නඤ්චපානඤ්ච, අත්ථකිච්චෙසුපණ්ඩිතං.
කපණෙතාරයෙමිත්තං ¶ , දුබ්භික්ඛෙධඤ්ඤංධාරයෙ;
සභායංධාරයෙසිප්පං, සඞ්ගහානිමහීතලෙ.
දුබ්භික්ඛෙඅන්නදානඤ්ච, සුභික්ඛෙචහිරඤ්ඤදං;
භයෙචභයධාතාරං, සබ්බෙසංවරමංවරං.
හංසොමජ්ඣෙනකාකානං, සීහොගුන්නංනසොභතෙ;
ගද්රභානංනතුරඞ්ගො, බාලානඤ්චනපණ්ඩිතො.
නසොරාජායොඅජෙය්යං ¶ , ජිනාතිනසොසඛාරං;
යොඅයුත්තෙනජිනාති, නසාභරියාපතිනො;
විරොධතිනතෙපුත්තා, යෙනභරන්ති ජිණ්ණ.
නත්ථිවිජ්ජාසමංමිත්තං, නත්ථිබ්යාධිසමොරිපු;
නත්ථිඅත්තසමංපෙමං, නත්ථිකම්මපරංබලං.
ඉත්ථිමිස්සොකුතොසීලං,
මංසභක්ඛොකුතොදයං;
සුරාපානොකුතොසච්චං,
මහාකොධොකුතොතපං.
ක්වාතිභාරොසමත්ථානං ¶ , කිංදූරොබ්යවහාරිනං;
කොවිදෙසොසවිජ්ජානං, කොපරොපියවාදිනං.
දුබ්භික්ඛොකසිනොනත්ථි, සන්තානංනත්ථිපාපකො;
මුගස්සකලහොනත්ථි, නත්ථිජාගරතොභයං.
බාලිත්ථීමක්ඛිකාතුණ්ඩි, ඉසීනඤ්චකමණ්ඩලු;
සෙතම්බුඵලංතම්බුලං, නොජ්ඣිට්ඨමුපජායතො.
පඤ්චරත්යාසුගන්ධබ්බා ¶ , සත්තරත්යාධනුග්ගහා;
එකමාසාසුභරියා, අඩ්ඪමාසාසිස්සාමලා.
මලිත්ථියාදුච්චරිතං, මච්ඡෙරංදදතොමලං;
මලාවෙලාමකාධම්මා, අස්මිංලොකෙපරම්හිච;
මලංමලතරංතතො, අවිජ්ජාපරමංමලං.
සුතස්සරක්ඛාසබ්බදාභියොගො,
කුලස්සවත්ථංපුරිසස්සවිජ්ජා;
රඤ්ඤොපමාදොපසමොධනස්ස,
ඉත්ථීනන්තුනත්ථෙවජාතුරක්ඛා.
සත්තානංජරතාහන්ති ¶ , තණ්හාහන්තිසබ්බසුඛං;
සබ්බබලංචින්තාහන්ති, දයාහන්තිසකංධනං.
නීචෙවාසොසිරිංහන්ති, හන්තිගරුංචයාචකො;
පසංසාසුගුණංහන්ති, හන්තිචිත්තංඅසඤ්ඤතා.
අසනංභයමන්තානං ¶ , මච්චානංමරණංභයං;
උත්තමානන්තුසබ්බෙසං, අවමානංපරංභයං.
සූරියොතපනංතපො, නසන්තිපරිවාරිතා;
චන්දරංසීතලංජාතං, තාරකාපරිවාරිතා;
උපමාඑත්ථඤාතබ්බා, සූරියචන්දරාජුනං.
අලසොමන්දබුද්ධිච, සුඛිතොරොගපීළිතො;
නිද්දාරොමංසවඩ්ඪනො, සුභක්ඛොචවිලුද්ධකො.
පමාදොජායතෙමදා, පමාදාජායතෙඛයො;
ඛයාදොසාපවඩ්ඪන්ති, මදංකිංනජහෙබුධො.
යාදිසංවප්පතෙබීජං ¶ , තාදිසංඵලංසම්පත්තො;
කල්යාණකාරිකල්යාණං, පාපකාරීචපාපකං.
පුඤ්ඤාපාපඵලංයොචෙ, නසද්දහතිසච්චතො;
සොවෙසකානනංඛිප්පං, ආදාසතලමානයෙ.
සම්පරායිකත්ථෙයො ¶ , නසද්දහතිචෙපිසො;
ආවාසෙසප්පගාමීනං, මොක්ඛභෙකිංනපස්සති.
සද්ධාහිරිචඔත්තප්පං, බාහුසච්චංවිරංසති;
පඤ්ඤාචසත්තධම්මෙහි, සම්පන්නොපණ්ඩිතොමතො.
රවිමූලංසසීඛන්ධං, සොරිඅඞ්ගාචපත්තිකං;
බුද්ධංපුප්ඵංගරුබීජං, භරගුඵලමෙවච.
පොත්ථකාදීනිඛෙත්තංව ¶ , ලෙඛානියුගනඞ්ගලං;
අක්ඛරානිබීජංකත්වා, චරන්තොපණ්ඩිතොභවෙ.
අක්ඛරංඑකමෙකඤ්ච, බුද්ධරූපංසමංසියා;
තස්මාහිපණ්ඩිතොපොසො, ලිඛෙය්යපිටකත්තයං.
දුග්ගතිංනාභිජායෙය්ය, පිටකත්තයකාරකො;
බහුක්ඛත්තුංචක්කවත්ති, රාජාචතුදීපාධිපො.
පදෙසරජ්ජංවිපුලං, ගණනාතොඅසඞ්ඛ්යෙයො;
ඡකාමාවචරොදෙව, රාජාහොතිබහුක්ඛත්තුං.
දානාදීනිචපුඤ්ඤානි ¶ , කරොන්තොබොධිඅඞ්කුරො;
භවාසබ්බඞ්ගසම්පන්නො, තිලොකපූජිතොභවෙ.
අද්ධෙමහද්ධනෙඵිතෙ, ජායරෙකුලමුත්තමෙ;
උත්තමෙනෙවසංවාසො, පිටකත්තයවාචකො.
එකක්ඛරඵලෙනහි, පිටකත්තයකාරකො;
චතුරාසීතිසහස්සං, ලභන්තිපවරංසුඛං.
අප්පකෙනාපිමෙධාවී, පාභතෙනවිචක්ඛණො;
සමුට්ඨාපෙතිඅත්තානං, අනුමග්ගිවසන්ධමං.
දුක්ඛංපාපස්සපුඤ්ඤස්ස ¶ , සුඛංමිස්සස්සමිස්සකං;
සබ්බංසදිසකංයාති, ඤාතබ්බංකම්මුනොඵලං.
චොදෙන්තොචතුභාගාච, කම්මකාරාතයොභාගා;
සාමිනොසමභාගාච, එකභාගානුමොදනා.
අනත්තස්සවාක්යාපරමංතුණ්හි ¶ ,
අසන්තමිත්තාපරමංඑකං;
සුරූපදාරාවරමන්ධා,
දූරෙකලාභාවරමස්සසුක්ඛං.
හීනචජ්ජොපිචෙ හොති, උට්ඨාතාධීතිමානරො;
සීලආචාරසම්පන්නො, නිසෙඅග්ගිවභාසති.
නචජ්ජවසලොහොති,
නචජ්ජහොතිබ්රහ්මණො;
කම්මුනාවසලොහොති,
කම්මුනාහොතිබ්රහ්මණො.
පථවීවෙළුකංපත්තං ¶ , චක්කවාළංසුචිප්ඵලං;
සිනෙරුවම්මිකංඛුද්දං, සමුද්දොපාතිතංයථා.
එකෙනෙවචකප්පෙන, මාතුඛීරංනසඤ්චයං;
තතොතුසමුද්දොචාපි, අතිරෙකතරංබහුං.
බ්රහ්මාතිමාතාපීතරො, පුබ්බාචරියාවුච්චතෙ;
ආහුනෙය්යාචපුත්තානං, පජානමනුකම්පකා.
තස්මාහිනෙනමස්සෙය්ය ¶ , සක්කරෙය්යචපණ්ඩිතො;
අන්නෙනඅථොපානෙන, වත්ථෙනසයනෙනච.
උච්ඡාදනෙනන්හාපෙන, පාදානංධොවනෙනච;
උට්ඨායපාදචරියා, උපට්ඨාපෙය්යපණ්ඩිතො;
ඉධෙවනංපසංසන්ති, පච්චසග්ගෙපමොදති.
එකස්සෙකෙනකප්පෙන ¶ , පුග්ගලස්සට්ඨිසඤ්චයො;
සමංපබ්බතරාසිම්හි, ඉතිවුත්තංමහෙසිනා.
සබ්බදානංධම්මදානංජිනාති;
සබ්බරසංධම්මරසොජිනාති,
සබ්බරතිංධම්මරතිජිනාති;
සබ්බදුක්ඛංතණ්හක්ඛයොජිනාති.
අප්පමාදරතාහොථ, සචිත්තමනුරක්ඛථ;
දුක්ඛාඋද්ධරථත්තානං, පඞ්කෙසන්නංවකුඤ්ජරං.
චජදුජ්ජනසංසග්ගං ¶ , භජසාධුසමාගමං;
කරපුඤ්ඤමහොරත්තිං, සරනිච්චමනිච්චතං.
අනිච්චාවතසඞ්ඛාරා, උප්පාදවයධම්මිනො;
උප්පජ්ජිත්වානිරුජ්ඣන්ති, තෙසංවූපසමොසුඛො.
නහිධම්මොඅධම්මොච, උභොසමවිපාකිනො;
අධම්මොනිරයංනෙති, ධම්මොපාපෙතිසුග්ගතිං.
සමසීසංසමපාදං ¶ , අන්තරඤ්චසමංසමං;
ඉදංමනසිනිධාය, ලිඛෙය්යපිටකත්තයන්ති.