📜
නමො තස්ස භගවතො අරහතො සම්මාසම්බුද්ධස්ස.
වෙස්සන්තරාගීති
[ක]
බාත්තිංසලක්ඛණූපෙත ¶ ,
දාතබ්බං දදතං වර;
වෙස්සන්තරත්ත මාපාදි,
සඤ්චරං භවසාගරෙ.
[ඛ]
ද්වන්දංද්වන්දං ¶ සඤ්චරන්තී,
ජනානන්දෙ යසොධීරෙ;
මද්දිත්තං සමුපාගඤ්ඡි,
ත්වංපිතෙන භවණ්ණවෙ.
[ග]
තුම්හංදානි පවක්ඛාමි,
උපත්තිං නන්දිනිං තහිං;
දජ්ජහ්වොවො මමොකාසං,
කවයො ප්යාභිනන්දථ.
එකනවුතෙහිතො කප්පෙ,
විපස්සීනාම නායකො;
විනෙය්යෙ ¶ තාරයංඛෙමං,
ලොකෙ උප්පජ්ජිචක්ඛුමා.
ඛෙමාරාමම්හි සම්බුද්ධො,
මිගදායෙ මනොරමෙ;
නිස්සාය බන්ධුමතිංසො,
විහාසි නගරංතදා.
රජ්ජංධම්මෙන කාරෙසි,
නගරෙතම්හි බන්ධුමා;
රාජාතස්ස දුවෙධීතා,
ආසුං සබ්බඞ්ගසොභණා.
එකොහි ¶ එකදාරාජා,
බන්ධුමස්ස සුපෙසයි;
සහස්සග්ඝනිකං සොණ්ණ-
මාලඤ්චා නග්ඝ චන්දනං.
අදාසි බන්ධුමාරාජා,
පිතාජෙට්ඨාය චන්දනං;
සොණ්ණමාලං කනිට්ඨාය,
තහිං වියාය ධීතුයා.
උභොතාපීති ¶ චින්තෙසුං,
නත්ථත්ථොවත තෙහිනො;
භග්යවන්තස්ස පූජෙම,
සංපසාදෙන චෙතසා.
තතොසාචන්දනං චුණ්ණං-
කාරාපෙත්වාන ජෙට්ඨකා;
ගන්ත්වාන විහාරං සොණ්ණ,
වණ්ණංපූජෙසි නායකං.
විකිරිත්වා තු සාගන්ධ,
කුටියං සෙසචන්දනං;
එවඤ්හි පත්ථනං කාසි,
බුද්ධමාතා භවාමහං.
කාරෙත්වා ¶ සොණ්ණමාලංතු,
උරච්ඡද පසාදනං;
පූජෙසි හෙමවණ්ණංසා,
භගවන්තං කනිට්ඨකා.
එවම්පි පත්ථනංකාසි,
ඉදංමම පසාදනං;
සරීරෙ නිච්චලා ඨාතු,
චරන්තියා භවාභවං.
උභොපි ¶ රාජකඤ්ඤාතා,
ඨත්වාන යාවතා යුකං;
උපපජ්ජිංසු සොවග්ගං,
චුතාසුඛ පමොදනං.
මනුස්සදෙව ලොකෙසු,
සංසරිංසු සුඛංදුවෙ;
එකනවුති කප්පානි,
මුච්චිත්වා පායදුක්ඛතො.
කස්සපස්ස කාලෙතාසු,
කනිට්ඨා කිකිරාජිනො;
ධීතා උරච්ඡදානාම,
හුත්වාන පරිනිබ්බුතා.
ජෙට්ඨකා ¶ පන ධීතාසි,
කිකිස්ස රාජිනො තහිං;
ධම්මානාම දමිතා සා,
කොමාර බ්රහ්මචාරිනී.
තතොච විත්වාන සා දෙව,
මනුස්සෙසු පුනප්පුනං;
සංසරන්තී මහෙසීසි,
පූරින්දදස්ස එකදා.
රත්තචන්දන ¶ ලෙපෙන,
ලිම්පිත දෙහිනී හිසා;
කතපුඤ්ඤ විසෙසෙන,
නාමෙන ඵුස්සතීහ්විතා.
දෙවින්දො අඤ්ඤදාදිස්වා,
පරික්ඛීණායුකං වියං;
දෙවිං තං පරිවාරෙන,
මහතා නෙසිනන්දනං.
සිරීසයන පිට්ඨම්හි,
තංසයාවිය මාඝවා;
ඨිතො ¶ සයනපස්සම්හි,
ඵුස්සතිං එතදබ්රවී.
වරෙතෙදසදස්සාමි,
ඵුස්සතෙවරවණ්ණිකෙ;
ත්වංඤ්හිඉච්ඡසියෙලද්ධුං,
ලභාපෙස්සාමිතෙවරෙ.
සුත්වාතං ඵුස්සතීදෙවී,
ලොමහං සනරූපිනී;
ඛීණායුතමජානන්තී,
අත්තනො එතදබ්රවී.
පාපංනු ¶ ත්වයි දෙවිංන්ද,
කතංමෙ අප්පියාථතෙ;
රම්මාමෙ චවනං ඉච්ඡං,
මඤ්ඤෙභණංති ඊදිසං.
නතෙභද්දෙ කතංපාපං,
නචමෙ අප්පියාතුවං;
පුඤ්ඤංතුතෙ පරික්ඛීණං,
තස්මා තෙ වංවදාමහං.
සන්තිකෙ ¶ මරණං තුය්හං,
විනාභාවො භවිස්සති;
පටිග්ගණ්හාහි මෙ එතෙ,
වරෙදස පවච්ඡතො.
සක්කස්සවචනං සුත්වා,
ඤාත්වාමරණ මත්තනො;
වරෙසා ලද්ධුමිච්ඡන්තී,
දෙවින්දමෙත දබ්රවී.
ඉතො චුතාසහස්සක්ඛි,
සීවිරාජනිවෙසනෙ;
මහෙසී ඵුස්සතීනාම,
නීලනෙත්තා යථාමිගී.
අස්සං ¶ නීලභමුකාහං,
ලභෙය්යං පුත්තමුත්තමං;
ධාරෙන්ති යාචමෙගබ්භං,
මජ්ඣිමඞ්ගං අනුන්නතං.
පලිතාන විරූහන්තු,
අලම්බාච පයොරො;
කායෙරජො නලිම්පෙථ,
වජ්ඣඤ්චාපි පමොචයෙ.
යෙයාචිතා ¶ වරාභද්දෙ,
තයාදස මයාතව;
දින්නාතෙ තුට්ඨචිත්තෙන,
සබ්බෙලච්ඡසි මානුසෙ.
තතොචවිත්වාන සාදෙව-
ලොකා නිබ්බත්ති ඉච්ඡියං;
මහෙසියා පටිසන්ධි-
වසෙන මද්දරාජිනො.
දසමා ¶ සච්චයෙනෙසා,
ධීතරං මද්දරාජිනී;
හෙට්ඨාසුසෙතච්ඡත්තස්ස,
විජායි සෙට්ඨරූපිනිං.
රත්තචන්දන ලෙපෙන,
එසාලිම්පි තදෙහිනී;
තෙනස්සා බ්රාහ්මණානාමං,
අකංසු ඵුස්සතීඉති.
සඤ්ඤාකාර දොළාරුළ-
මඞ්ගලාදීනි කාතුන;
මහතා පරිහාරෙන,
පොසිංසු ඛත්තියානියො.
මධූරඛීර ¶ සම්පන්නා,
සිනිද්ධපීණ යොබ්බනා;
ධාතියො ඛත්තියානීතං,
ඛීරංපායිංසු යාපනං.
සඞ්කමන්තීව වුද්ධාසා,
අඞ්කාඅඞ්කං කරාකරං;
රාජකඤ්ඤාච තොසිංසු,
නච්චගීතෙහි නාටකී.
දෙවච්ඡරාවරූපෙන,
සුභාසොළස වස්සිකා;
හරන්තී ¶ නෙත්තරසංසා,
පස්සන්තානංසුඛෙධිතා.
සිවිරට්ඨෙ තදාරජ්ජං,
සිවිරාජා ජෙතුත්තරෙ;
කාරෙසිසිඤ්චයොනාම,
පුත්තොතස්ස මහායසො.
වයප්පත්තො භිරූපොසි,
දෙවපුත්තොව සිඤ්චයො;
අරොහ පරිණාහෙන,
නානාසිබ්බෙසු කොවිදො.
සිඤ්චයස්ස ¶ නිය්යාදෙසි,
රජ්ජංපුත්තස්ස අත්තනො;
ජීවන්තො පස්සිතුංරාජ-
සිරිංඉච්ඡං මහාරහං.
ආනෙත්වා මද්දරාජස්ස,
ධීතරං ඵුස්සතිංතහිං;
සොළසිත්ථි සහස්සානං,
මහෙසිංකාසි ජෙට්ඨිකං.
ඵුස්සතීසිඤ්චයොඤ්ඤොඤ්ඤ- ¶
මුඛංද්වෙපියචක්ඛුනා;
පස්සමානාවඅච්ඡිංසු,
අඤ්ඤමඤ්ඤපියංවදා.
අථචින්ති යදෙවින්දො,
දින්නාඵුස්සතියාමයා;
වරාදස තෙසුපුත්ත-
වරොනහිසමිජ්ඣති.
සමිජ්ඣා පෙසාමිඑතංති,
අජෙය්යෙභිදසාලයෙ;
උපධාරිත්ථතිස්සාය,
පුත්තභාවාරහංමරුං.
චවිත්වාහුඋද්ධංගාමී ¶ ,
බොධිදෙවොතතොතහිං;
බ්රහ්මංගන්ත්වාසහස්සක්ඛී,
තස්සතංඑතදබ්රවී.
ඉතො භො සුගතිංගච්ඡ,
අනුකම්පාහිමරිස;
සිඤ්චයංදෙවියංතස්ස,
සන්ධිං ගණ්හජුතින්ධර.
අඤ්ඤෙපි ¶ සට්ඨිසහස්ස-
දෙවෙ චවන ධම්මිනෙ;
උපසඞ්කම්ම සොයාචි,
ගච්ඡහ්වො සුගතිංඉති.
බොධිසත්තොච අඤ්ඤෙච,
සාධූති සම්පටිච්ඡිසුං;
තතොචුතා චතෙදෙවා,
ආගුං මානුසකංඉමං.
ඵුස්සත්යංහි ¶ මහාසත්තො,
නිබ්බත්ති පටිසන්ධියා;
කුලෙස්වඤ්ඤෙච මච්චානං,
නිබ්බත්තිංසු විසුංවිසුං.
කුච්ඡිඞ්ගතෙ මහාසත්තෙ,
දෙවී දො හළිනීඅහු;
දාතුකාමා මහාදානං,
විසජ්ජිය බුහුංධනං.
රාජමන්දිරද්වාරම්හි,
වෙමජ්ඣෙනගරස්සච;
චතුද්වාරෙසුඡද්දාන-
සාලායො දෙය්යපූරිතා.
කාරාපෙත්වාන ¶ ඡස්සත-
සහස්සානි දිනෙදිනෙ;
විසජ්ජිත්වාන සබ්බෙසං,
ඉච්ඡන්තී ආසිදාතවෙ.
උත්වාතං කාරණංරාජා,
පක්කොසාවිය බ්රාහ්මණෙ;
නිමිත්ත පාඨකෙපුච්ඡි,
කිං භවිස්සතීතිඤාතවෙ.
ජානාම නො මහාරාජ,
ගතොකුච්ඡිම්හි දෙවියා;
හෙහිත්ය ¶ භිරතොදානෙ,
එවංවදිංසු බ්රාහ්මණා.
බ්රාහ්මණානං වචොසුත්වා,
නරින්දො තුට්ඨමානසො;
දානංඅදාසි ඡද්දාන-
සාලායො සුට්ඨුමාවිය.
පටිසන්ධිග්ගහණම්හා,
බොධිසත්තස්ස විඤ්ඤුනො;
පට්ඨායණ්ණව වෙගොව,
ලාභොළාරො අනප්පකො.
පණ්ණාකාරං ¶ පහිණිංසු,
රාජිනො ජම්බුමණ්ඩලෙ;
බොධිසත්තා නුභාවෙන,
නානාරට්ඨින්දඛත්තියා.
පරිහාරං පවච්ඡෙසි,
මහෙසිං පටිසන්ධිනිං;
රාජාසුඛං වසාපෙසි,
කාරෙසිඉච්ඡිතිච්ඡිතං.
බුද්ධඞ්කුරානුභාවෙන,
ජනාසුං මොදමානසා;
කාලෙවස්සතිමෙඝොපි,
සුභික්ඛොසමයොඅහු.
සද්ධිංපුත්තෙන ¶ ජුණ්හාය,
කිළන්තියාවමාතුයා;
මහන්තීරතිසබ්බෙසං,
ජනානංවිපුලාතහිං.
ගබ්භංහි ධාරෙන්තීදෙවී,
දසමාසම්හිපූරිතෙ;
නගරංදට්ඨු කාමාසි,
තදාරොචෙසිරාජිනො.
සාධුභද්දෙති ¶ වත්වාන,
පුරංදෙව පුරංවිය;
රාජා අලඞ්කරාපෙසි,
දෙවියා පිතිවඩ්ඪනං.
ආරොපිය තතොදෙවිං,
විචිත්තං ලක්ඛිකංරථං;
පදක්ඛිණං කාරාපෙසි,
නගරං සබ්බලඞ්කතං.
වෙස්සානං ¶ වීථියාමජ්ඣෙ,
ඨානාඨානං පථාපථං;
චලිංසු කම්මජාවාතා,
චරන්තියාව දෙවියා.
උත්වාමච්චාපවත්තිංතං,
රඤ්ඤොරොචිංසුසීඝසො;
සුතිගෙහංකාරාපෙසි,
තංවීථියංවසිඤ්චයො.
තත්ථසාවසමානාව,
විජායිඅකුතොභයා;
නිම්මලංසුසුද්ධංපුත්තං,
සුවණ්ණක්ඛන්ධසන්නිභං.
අක්ඛීනිඋම්මිලිත්වාන ¶ ,
නික්ඛන්තොමාතු කුච්ඡිතො;
පසන්නප්පියාකාරෙන,
පස්සිත්තමාතුයාමුඛං.
අම්ම දානං දදිස්සාමි,
අත්ථිනු කිඤ්චි තෙධනං;
හත්තංසො පසාරෙත්වාන,
ඉතිබ්රවිතහිං මුහුං.
සුත්වාමොදිය ¶ තංමාතා,
දෙහිදානං යථිච්ඡිතං;
තාතාති තස්සපාදාසි,
සහස්සත්ථවිකංතහිං.
මහොසධ වෙස්සන්තර-
මහාසිද්ධත්ථ ජාතිසු;
කථෙසි මාතරාබොධි-
සසත්තො ජාතක්ඛණෙතිසු.
අච්ඡෙර මබ්භුතංදිස්වා,
ජනාමොදිං සුතාවදෙ;
අප්ඵොටෙන්තො හසන්තාච,
ජයනාදං පනාදයුං.
වෙස්සන්තරොති ¶ හ්වායිංසු,
නාමග්ගහණ මඞ්ගලං;
සඞ්ඛතා බ්රාහ්මණාතස්ස,
ජාතත්තා වෙස්සවීථියං.
විජාත දිවසෙතස්ස,
එකාආකාසචාරිනී;
හත්ථිනීහි සබ්බසෙතං,
එකං කුඤ්ජරපොසකං.
බොධිසත්තා නුභාවෙන,
ආනෙත්වා මඞ්ගලසම්මතං;
ථපෙත්වාන පක්කාමි,
හත්ථිසාලාය සාධුකං.
උප්පන්නත්තාමහාසත්තං ¶ ,
තස්සකත්වානපච්චයං;
අකංසුනාගරානාමං,
සමග්ගාපච්චයොඉති.
තද්දිනෙවවිජායිංසු,
අමච්චානංකුමාරකා;
ගෙහෙසුසඨිසහස්සා,
මහාසත්තසජාතකා.
අතිදීඝාදයොදොසෙ ¶ ,
විවජ්ජෙත්වානසිඤ්චයො;
කුමාරංචතුස්සඨිකා,
උපට්ඨාපෙසිධාතියො.
අලම්බත්ථනියොචෙතා,
භිරූපායොබ්බනෙඨිතා;
ආසුංමධුරථඤ්ඤායො,
සංසුද්ධාසෙට්ඨකොලියො.
සුසුසට්ඨිසහස්සානං ¶ ,
එකෙකාධාතියොතථා;
බුද්ධඞ්කුරසජාතානං,
උපට්ඨාපෙසිසුංන්දරා.
සද්ධිං සට්ඨිසහස්සෙහි,
කුමාරෙහිමහායසො;
මහතාපරිවාරෙන,
සංවඩ්ඪිබොධිසත්තවො.
රාජාසතසහස්සග්ඝ-
නිකං සුසුපිළන්ධනං;
කාරාපෙත්වාවිභූසෙසි,
අත්තජංදානනන්දනං.
ඔමුඤ්චිත්වානධාතීනං ¶ ,
තංචතුප්පඤ්චවස්සිකො;
අදාසිසොමහාසත්තො,
බොධිං අපෙක්ඛමානසො.
පුනතංතාහිධාතීහි,
දිය්යමානංපිසාදරං;
නසොගණ්හිත්ථකුමාරො,
දින්නෙසුඅනපෙඛවා.
ආරොචිංසුපවත්තිංතං ¶ ,
රඤ්ඤොතාධාතියොතදා;
සුත්වාමුදිතචිත්තෙන,
තංසොථොමිත්ථඅත්තජං.
පුත්තෙනමමදින්නංතං,
බ්රහ්මදෙය්යංපිළන්ධනං;
තුම්හාකංසන්තකංහොතු,
ඉච්චාපිබ්රවිසිඤ්චයො.
පුනාපරංපිකාරෙත්වා,
පාදාසිපුත්තනන්දනො;
පුත්තස්සදාතුකාමස්ස,
සුවිචිත්තපිළන්ධනං.
ඔමුඤ්චිත්වානඑතංපි ¶ ,
ධාතීනංදාසිදායකො;
දාරකොතුට්ඨචිත්තෙන,
සබ්බඤ්ඤුතප්පියායනො.
එවංවුත්ත නයෙනෙව,
නව වාරෙ පිළන්ධනං;
දහරොදාසි ධාතීනං,
නාථානාථ පරායනො.
අට්ඨවස්සි ¶ කකාලෙතු,
එවංචින්තෙසි බුද්ධිමා;
නිසින්නො සිරිසයනො,
පාසාදො පරිමණ්ඩලෙ.
දෙමිබාහිර දානංව,
නතාව මම මානසං;
පරිතො සෙතිඑවඤ්හි,
අජ්ඣත්තිකංදදාමහං.
සචෙමං කොචියාචෙය්ය,
සීසංස මොළිමුත්තධං;
ඡිජ්ජ තං තස්සදජ්ජෙය්යං,
නහෙය්යං ලීනචෙතසො.
හදයංමම ¶ යාචෙය්ය,
භින්දිත්වා අසිනාඋරං;
නීහරිත්වානතංතස්ස,
දජ්ජෙය්යං තුට්ඨමානසා.
අක්ඛීනි මමයාචෙය්ය,
උප්පාටෙත්වාන තාවදෙ;
සත්ථෙන තස්සදජ්ජෙය්යං,
සලොහිතානි තානිමෙ.
හත්ථෙපාදෙචකණ්ණෙච ¶ ,
යාචෙය්යමමසාධුකං;
ඡින්දිත්වා තානිදජ්ජෙය්යං,
තස්සපූරෙ මනොරථං.
මංසංමෙකොචියාචෙය්ය,
සීඝංසබ්බසරීරතො;
ඛණ්ඩාඛණ්ඩං ඡින්දිත්වාන,
දජ්ජෙ මංසං සලොහිතං.
හොහිත්වංමමදාසොති,
වදෙය්යකොචිචෙතහිං;
සයංආමාතිසාවෙත්වා,
අත්තානංපි දදාමහං.
තස්සෙවං ¶ චින්තයන්තස්ස,
කම්පිත්ථ පථවීමහා;
සමන්තාගජ්ජමානායං,
මත්තොව කුඤ්ජරොවනෙ.
මෙරුරාජො නමිත්වාන-
භිමුඛොව ජෙතුත්තරං;
නගරං ඨාසි සෙරිත-
වෙත්තඞ්කුරොව තාවදෙ.
මහීසද්දසන්තාසෙන ¶ ,
මෙඝොපාවස්සි තාවදෙ;
ඝනවස්සංමහාධාරං,
ගජ්ජමානො දිසොදිසං.
නිච්ඡරිංසු බහූවිජ්ජු-
ලතායොච සමන්තතො;
ඉන්දචාපා උට්ඨහිංසු,
උක්කාපාතො තදා අහු.
අප්ඵොටෙසි තහිංදෙව-
රාජාතුට්ඨො සුජම්පති;
සාධුසාධූති සාවෙසි,
මහාබ්රහ්මා කතඤ්චලී.
බ්රහ්මලොකා ¶ තදායාව,
ඉතොපථවි මණ්ඩලා;
අච්ඡෙරං අබ්භුතං ආසි,
එකකොලාහලං මහා.
එවංඤ්හි නෙකබ්භූතානි,
ජනෙත්වාන මහාජනං;
හාසයං සුසුඛංවඩ්ඪ-
මානොසොළස වස්සිකො.
කුමාරො ¶ සබ්බසිබ්බෙසු,
කොවිදොච පාරඞ්ගතො;
ඵුල්ලසාලොව සොභන්තො,
වණ්ණෙන වයසා තදා.
අථස්ස දාතුකාමොව,
රජ්ජංමන්තිය දෙවියා;
පිතාසි සිඤ්චිරාජත්තෙ,
පුත්තංසොළස වස්සිකං.
මද්දරට්ඨෙ තදාමද්ද-
රාජකුලා භිවණ්ණිනිං;
නෙත්වාමහෙ සිත්තෙමද්දිං-
භිසිඤ්චි ධම්මචාරිනිං.
මද්දීමාතුලධීතාසා ¶ ,
භගිනී මන්දහාසිනී;
වෙස්සන්තරකුමාරස්ස,
සෙට්ඨලක්ඛණධාරිනී.
පුබ්බඋට්ඨායිනී මද්දී,
නිච්චං පච්ඡානිපාතිනී;
මනාපචාරිනී දෙවී,
කිංකාර පටිසාවිනී.
සොළසිත්ථි ¶ සහස්සාතං,
මද්දිංසබ්බඞ්ග සොභණං;
නච්චවාදිත ගීතෙහි,
පරිචාරිංසු සබ්බදා.
වෙස්සන්තරො මහාරාජා,
රජ්ජෙභි සිත්තකාලතො;
පඨාය දානසාලායො,
ඡද්දානං දාසිකාරිය.
මහාදානං පවත්තෙසි,
විස්සජ්ජන්තො දිනෙදිනෙ;
සම්මොදමානො ඡස්සත-
සහස්සානි ධනානිසො.
එවංදානෙ ¶ රමන්තස්ස,
මහෙසීතස්සරාජිනො;
පුත්තංවිජායිඅපර-
භාගෙමද්දී සුදස්සනං.
සම්පටිච්ඡිංසු විජාත-
කාලෙතං සොණ්ණසන්නිතං;
සොණ්ණ ජාලෙනතෙනස්ස,
නාමංජාලීති වොහරුං.
පදසා ¶ ගමනෙ කාලෙ,
පුත්තස්ස තස්සජාලිනො;
විජායි ධීතරංඑකං,
නාරීනං සෙට්ඨංසම්මතං.
කණ්හාජිනෙන ධීතංතං,
සම්පටිච්ඡිංසු සාදරං;
තෙනස්සා ධිතුයානාමං,
කණ්හාජිනාති වොහරුං.
මහතා පරිවාරෙන,
වුද්ධිංන්වායිංසු තෙදුවෙ;
සයන්තා නච්චගීතෙන,
නච්චගීත පබොධනා.
මහාසත්තොහි ¶ මාසස්ස,
ඡක්ඛත්තුං දානමණ්ඩපෙ;
ඔලොකෙසි අලඞ්කත-
හත්ථික්ඛන්ධ වරෙඨිතො.
තහිං කලිඞ්කරට්ඨම්හි,
දුබ්බුට්ඨිකා භයානකා;
සස්සානි නසම්පජ්ජිංසු,
දුබ්භික්ඛො සමයොඅහු.
චොරකම්මං ¶ අකරිංසු,
අසක්කොන්තාව ජීවිතුං;
ජනා නිගමගාමෙසු,
විලුම්පන්ති දාමරිකා.
කලිඞ්කරට්ඨං සකලං,
දුබ්භික්ඛභයපීළිතං;
ඝටෙ විලොලපාරීව,
සඞ්ඛුම්භිත්ථ අනාථකං.
නෙගමා ජානපදාසබ්බෙ,
නාගරාච සමග්ගතා;
රාජඞ්ගණෙ උක්කොසිංසු,
දුබ්භික්ඛභය චොදිතා.
තදාසුත්වාන ¶ තංරාජා,
සීඝංඋබ්බිග්ග මානසා;
කොයංසද්දොති පුච්ඡිත්ථ,
මහාමච්චෙ සකන්තිකෙ.
ආරොචයිංසු රාජානං,
පවත්තිං තංඅසෙසතො;
රාජාපි පටිජානාසි,
මෙඝං වස්සාපයෙ-ඉති.
තතොසො පත්ථනංකාසි,
සමාදිය උපොසථං;
දෙවං වස්සාපනත්ථාය,
සත්තාහංසත්තකාරුණො.
නහිඑවංපිසොසක්ඛි ¶ ,
වස්සාපෙතුං නරිස්සරො;
මෙඝංකලිඞ්ක රට්ඨම්හි,
දුබ්බුට්ඨිකාව ජායහි.
තතොසො සන්නිපාතෙත්වා,
නාගරෙ එතදබ්රවී;
වසාපෙතුං නසක්කොමි,
දෙවං කිං නුකරෙ-ඉති.
තදාඑවමවොචිංසු ¶ ,
නරාකලිඞ්කරාජිනො;
දෙවං වස්සාපනත්ථාය,
සුභික්ඛකාලකාමිනො.
සිවිරට්ඨෙමහාරාජ,
රජ්ජෙධම්මෙනයොඨිතො;
ජෙතුත්තරෙමහාවෙස්ස-
න්තරො සිඤ්චයඔරසො.
දානෙසුභිරතොහෙස,
කිරමඞ්ගලකුඤ්ජරො;
තස්සත්ථිපච්චයොනාම,
පවරොසබ්බපණ්ඩරො.
ගතඨානෙකුඤ්ජරස්ස ¶ ,
තස්සෙකන්තෙනඛත්තිය;
පාවස්සිකිරගජ්ජන්තො,
මහාමෙඝොසවිජ්ජුකො.
පෙසෙත්වාබ්රාහ්මාණෙරාජ,
යාචාපෙතුංසුපණ්ඩරං;
හත්ථිංවට්ටතිතංතෙන,
සීඝංපෙසෙහිබ්රාහ්මණෙ.
සම්පටිච්ඡියසාධූති,
සුත්වාතංතුට්ඨමානසො;
රාජඞ්ගණම්හිරාජාසො,
සන්නිපාතෙසිබ්රාහ්මණෙ.
ගුණවණ්ණෙහිසම්පන්නෙ ¶ ,
විචිනිත්වානබ්රහ්මණෙ;
අට්ඨතෙසුරාජාතෙසං,
නෙකංදාසිපරිබ්බයං.
ආනෙථකුඤ්ජරංභොන්තො,
වෙස්සන්තරස්සසන්තිකං;
ගන්ත්වායාචිය-එවංතෙ,
රාජාවත්වානපෙසයිං.
බ්රාහ්මාණා ¶ අට්ඨරාජානං,
තෙකත්වාන පදක්ඛිණං;
ගඤ්ඡිංසු ජෙතුත්තරං නාගං,
නෙථුං සබ්බඞ්ගසුන්දරං.
අනුපුබ්බෙන ගන්ත්වාන,
තෙපාපුණිංසු බ්රාහ්මණා;
ජෙතුත්තරං භුඤ්ජමානා,
දානසාලාසු අච්ඡයුං.
තතොපුණ්ණ මදිනම්හි,
කත්වාසරීරමත්තනො;
තෙපංසුමක්ඛිතංආගුං,
පාචීනද්වාරමණ්ඩලං.
සංයාචිස්සාමනාගන්ති ¶ ,
චින්තමානාවරාජිනො;
ආගමෙන්තාආගමනං,
තත්ථඅච්ඡිං සුබ්රාහ්මාණා.
දානග්ගං ඔලෙකෙය්යන්ති,
තදාසුර සභොජනො;
පාතොනූත්වා මහාසත්තො,
අලඞ්කාරෙන ලඞ්කරි.
අලඞ්කත හත්ථික්ඛන්ධං,
අරුය්හ අගමාතතො;
රාජා ¶ පුරත්ථිමං ද්වාරං,
පරිසාය මහන්තියා.
මහන්තිං පරිසංදිස්වා,
භිතා උබ්බිග්ග මානසා;
තත්ථොකාසං නලභිංසු,
යාචිතුං බ්රාහ්මණා තහිං.
තම්හා දක්ඛිණද්වාරං තෙ,
සඞ්කමිත්වාන උන්නතෙ;
පදෙසෙ සෙට්ඨරාජානං,
ආගමෙසුං ඨිතා තතො.
ඔලොකෙත්වාන ¶ පාචීන-
දාරම්හි දානමණ්ඩපෙ;
හත්ථික්ඛන්ධගතො රාජා,
ද්වාරමා ගඤ්චිදක්ඛිණං.
රාජානං ආගතං දිස්වා,
පසාරෙත්වාන බ්රාහ්මණා;
හත්ථෙ ‘‘වෙස්සන්තරොජෙතු’’
තික්ඛත්තුං ඉතිභාසිංසු.
ජයසද්දං පනාදන්තෙ,
රාජාදිස්වාන බ්රාහ්මණෙ;
හත්ථිං තෙසං ඨිතඨානං,
පාජෙසි දානමානසා.
හත්ථික්ඛන්ධෙ ¶ නිසින්නොව,
පසන්නෙන මුඛෙනසො;
ම්හිතපුබ්බං තතොවොච,
ගිරෙවං හදයඞ්ගමං.
දක්ඛිණාවට්ටසඞ්ඛෙන,
බාහුංපග්ගය්හ දක්ඛිණ;
පුරතො මම තිට්ඨන්තා,
කිං මංයාචන්ති බ්රාහ්මණා.
එවංසීඝම ¶ වොචිංසු,
පහට්ඨා බ්රාහ්මණා තහිං;
රතනංරාජ යාචාම,
කුඤ්ජරං සබ්බපණ්ඩරං.
ඉදංසුත්වානසොචින්ති,
අජ්ඣත්තිකං පිදාතවෙ;
අහමිච්ඡාමිතෙදානි,
මමං යාචන්ති බාහිරං.
ඉදානි පූරයිස්සාමි,
යාචන්තානං මනොරථං;
එවංචින්තියසොභාසි ¶ ,
හත්ථික්ඛන්ධඨිතො ඉති.
දෙමිතං නවිකම්පාමි,
යංමංයාචන්ති බ්රාහ්මණා;
කෙලාස සදිසං සෙතං,
අලඞ්කතං ගජුත්තමං.
හත්ථික්ඛන්ධා තතො රුය්හ,
රාජා චාගාධිමානසො;
ඔලොකෙසිතික්ඛත්තුංතං,
කත්වා නාගං පදක්ඛිණං.
ගහෙත්වා ¶ සොණ්ණභිඞ්ගාරං,
සුගන්ධොදක පූරිතං;
අහ්වායි එථ භොන්තොති,
කුඤ්ජරංඑස දාතවෙ.
ගහෙත්වා රජතදාම-
සදිසං සෙත හත්තිනො;
සොණ්ඩංට්ඨපිය හත්ථෙසු,
බ්රාහ්මණානං ගජිස්සරො.
සාලඞ්කතං මහානාගං,
පාතෙත්වා දක්ඛිණොදකං;
අදාසි සෙට්ඨදන්තිංතං,
අසල්ලිනෙන චෙතසා.
සද්ධිං ¶ වීසතිලක්ඛෙන,
චතුලක්ඛානි අග්ඝති;
අලඞ්කාරොහි නාගස්ස,
නානාරතනචිත්තිතො.
අථාපිඅනග්ඝා හොන්ති,
ඡළෙව අඞ්කුසාදිසු;
මණයො වාරණොචාපි,
අනඞ්ඝො සත්තනග්ඝිකා.
යතාවුත්ත රතනෙහි,
සද්ධිං අදාසි කුඤ්ජරං;
නාගොපියොපි තෙනෙව,
තතො සබ්බඤ්ඤුතං පියං.
අථාපි ¶ පඤ්චසතානි,
පරිචාරානි හත්ථිනො;
කුලානි හත්ථිගොපෙහි,
සද්ධිං අදාසි සාදරං.
වෙස්සන්තරෙන දින්නම්හි,
සෙත මඞ්ගල කුඤ්ජරෙ;
අචෙතනාපිනාදෙන්තී,
මෙදනී සම්ප කම්පථ.
තහිං ¶ භීසනකං ආසි,
නානං ලොමහංසනං;
මහන්තො විපුලො ඝොසො,
ඛුම්භිත්ථ සකලං පුරං.
මහීසද්දසන්තාසෙන,
මෙඝො පාවස්සි තාවදෙ;
ඝනවස්සං මහාධාරං,
ගජ්ජමානො දිසො දිසං.
නිච්ඡරිංසු බහූවිජ්ජු-
ලතා යොච සමන්තතො;
ඉන්දචාපා උට්ඨහීංසු,
උක්කාපාතො තදා අහු.
හත්ථිං ¶ ලද්ධානතෙ තුට්ඨා,
බ්රාහ්මණා කිරදක්ඛිණා-
ද්වාරා නගර මජ්ඣෙන,
ගජක්ඛන්ධ ගතානයුං.
මහාජනපරිවාරෙ,
ගජාරුළ්හෙට්ඨ බ්රාහ්මණෙ;
පස්සිං සුනාගරා සබ්බෙ,
තදාතෙ එතදබ්රවුං.
අම්හාකං ¶ කුඤ්ජරං හම්භො,
ආරුළ්හා වො ඉධාගතා;
දින්නොයං කෙන තුම්හාකං,
කදා ලද්ධො කුතො-ඉති.
වෙස්සන්තරෙන දින්නො නො,
කථංතුම්හෙ වදිස්සථ;
නකථෙය්යාම විත්ථාරං,
ගච්ඡෙම නගරං මයං.
එවංවත්වා නික්ඛමිංසු,
ද්වාරෙන උත්තරෙනතෙ;
චිත්තංවිලොල ¶ මානාව,
නාගරානං කලිඞ්කජා.
තදාහි නාගරා සබ්බෙ,
බොධිසත්තස්ස කුජ්ඣිතා;
රාජද්වාරෙ සන්නිපච්ච,
උපක්කොසමකංසු තෙ.
අධම්මෙනෙවභොන්ත්තොනො,
නාගං රට්ඨස්ස පූජිතං;
අදාවෙස්සන්තරොදුට්ඨ-
බ්රාහ්මණානමලඞ්කතං.
සඞ්ඛුම්භිතචිත්තා ¶ සබ්බෙ,
තතොනගරවාසිනො;
ගන්ත්වා සිඤ්චයරාජස්ස,
සන්තිකං එවමබ්රවුං.
විධමංදෙවතෙරට්ඨං,
පුත්තොවෙස්සන්තරොතව;
කතංසොකුඤ්ජරංදාසි,
සිවිරට්ඨස්සපූජිතං.
කථංසො ¶ වාරණංදාසි,
සෙතං කෙලාසසන්නිභං;
පණ්ඩුකම්පලසඤ්ඡන්නං,
ජය භූමි විජනානං.
සචෙ සො දාතුමිච්ඡෙය්ය,
අන්නංපාණඤ්චභොජනං;
වත්ථං සෙනාසනං සොණ්ණං,
යුත්තංදාතුං යථිච්ඡිතං.
සචෙත්වං නකරිස්සසි,
සිවීනං වචනංඉදං;
මඤ්ඤෙතං සහපුත්තෙන,
සිවීහත්ථෙ කරිස්සරෙ.
තජ්ජමානාහි ¶ එවඤ්හි,
සුත්වා සිවීහි භාසිතං;
මඤ්ඤිත්ථ සිඤ්චයො පුත්තං,
මාරෙතුං ඉච්ඡරෙඉති.
එවංබ්යාකාසි තෙනෙව,
සීඝංවිබ්භන්ත මානසො;
පුත්තපෙම චොදිතො සො,
සොකසල්ල සමප්පිතො.
කාමං ¶ ජනපදො සබ්බං,
රට්ඨඤ්චාපි විනස්සතු;
නාහං සිවීනංවචනා,
පබ්බාජෙය්යං මමත්රජං.
කථං හං තම්හි දුබ්භෙය්යං,
සන්තොසො සුද්ධචෙතසො;
පුත්තංකථඤ්ච නිද්දොසං,
සත්ථෙන ඝාතයෙ මම.
සිවයො තස්ස සුත්වාන,
භාසිතං පුත්තගිද්ධිනො;
අවොචුං විසට්ඨා වීත-
භහාඑවං යථාතථං.
මානං ¶ දණ්ඩෙන සත්ථෙන,
නාපි සො බන්ධනාරහො;
පබ්බාජෙහි වනං රට්ඨා,
වඞ්කෙ වසතු පබ්බතෙ.
තදාචින්තයි සොරාජා,
නයුත්තං පනූදෙතවෙ;
ඡන්දං හි සිවිනං දානි,
තතො වොච සුභාසිතං.
යථාඡන්දං ¶ කරෙය්යාමි,
රට්ඨ පබ්බාජයෙථ තං;
එකොකාසඤ්ච යාචාම,
රත්තිං සො වසතං ඉමං.
අමන්තෙතු යථාකාමං,
කණ්හාජිනාය ජාලිනා;
තථාච මද්දියා සද්ධිං,
කාමෙච පරිභුඤ්ජතු.
තතො රත්යා විවසානෙ,
සූරියුග්ගමනෙසති;
සමග්ගා සිවයො හුත්වා,
රට්ඨා පබ්බජයන්තු තං.
පච්චාගඤ්ඡුං ¶ තදා සබ්බෙ,
සිවයො තුට්ඨමානසා;
සම්පටිච්ඡිත්වාන සාධූති,
වචනං සිවිරාජිනො.
තතොසො සිඤ්චයොඑකං,
කත්තාරං පුත්තසන්තිකං;
සාසනං පෙසනත්ථාය,
තුරිතං එවමබ්රවී.
උට්ඨෙහි කත්තෙ තරමානො,
ගන්ත්වා වස්සන්තරං වද;
සිවයො දෙව තෙකුද්ධා,
නෙගමාච සමාගතා.
අස්මා ¶ රත්යා විවසානෙ,
සූරියුග්ගමනෙ සති;
සමග්ගා සිවයො හුත්වා,
රට්ඨා පබ්බාජයන්තිතං.
සකත්තා තරමානොව,
සිවිරාජෙන පෙසිතො;
උපාගමි පුරංරම්මං,
වෙස්සන්තර නිවෙසනං.
තත්ථද්දස ¶ කුරංසො,
රමමානං සකෙ පුරෙ;
පරිකිණ්ණං අමච්චෙහි,
තිදසානංව වාසවං.
වන්දිත්වා රොදමානොසො,
කත්තා වෙස්සන්තරං බ්රවී;
දුක්ඛං තෙ වෙදයිස්සාමි,
මාමෙකුජ්ඣ රථෙසභ.
අස්මාරත්යා විවසානෙ,
සූරියුග්ගමනෙ සති;
සිවයො දෙව තෙකුද්ධා,
රට්ඨා පබ්බාජයන්තිතං.
සුත්වාන ¶ භාසිතං එතං,
හසමානො පමොදයං;
එවංපුච්ඡිත්ථ කත්තාරං,
වෙස්සන්තරො සුධීතිමා.
කිස්මිං මෙ සිවයො කුද්ධා,
යං නපස්සාමි දුක්කටං;
තංමෙ කත්තෙ වියාචික්ඛ,
කස්මා පබ්බාජයන්ති මං.
තහිං ¶ කත්තා ඉදංවොච,
හත්ථිදානෙන කුජ්ඣරෙ;
ඛීයන්ති සිවයො රාජ,
තස්මා පබ්බාජයන්ති තං.
තංසුත්වාන මහාසත්තො,
දානෙසු ථීරමානසො;
වචනං ම්හිතපුබ්බං සො,
කත්තාරං එතදබ්රවී.
හදයං ¶ චක්ඛුමහං දජ්ජං,
බාහුංපි දක්ඛිණං මම;
හිරඤ්ඤ මණිසොණ්ණාදිං,
නකිං බාහිරකං ධනං.
කාමංමංසි වයොසබ්බෙ,
පබ්බාජෙන්තු හනන්තුවා;
නෙවදානා විරමිස්සං,
කාමංඡින්දන්තු සත්තධා.
තතොසො දෙවතාවිට්ඨො,
කත්තාමග්ගම දෙසයි;
පබ්බාජිතානං සබ්බෙසං,
ගතපුබ්බං පුරාණකං.
කොන්තීමාරාය ¶ තීරෙන,
ගීරිමා රඤ්චරං පති;
යෙනපබ්බාජිතායන්ති,
තෙනගච්ඡතු සුබ්බතො.
තංසුත්වාන බොධිසත්තො,
සාධූති සම්පටිච්ඡිය;
එකොකාසං නාගරානං,
යාචෙතුං එවමබ්රවී.
දානංසත්තසතකංහං ¶ ,
කත්තෙදජ්ජං සුවෙතතො;
පරස්වෙ නික්ඛමිස්සාමි,
රත්තිංදිවං ඛමන්තුමෙ.
සාධුදෙවපවක්ඛාමි,
ඛමාපෙතුංනිසාදිවං;
නාගරානංතිවත්වාන,
තදාකත්තාපිපක්කමි.
මහාසත්තොමහායෙන- ¶
කුත්තංසකලකම්මිකං;
පක්කොසාවියස්වෙදානං,
එවංබ්යාකාසිදාතවෙ.
හත්ථීඅස්සෙරතෙඉත්ථී,
දාසීදාසෙචධෙනුයො;
පටියාදෙහිත්වංසත්ත-
සතෙචාගායමාරිස.
අථොනානප්පකාරානි,
අන්නපානානිසබ්බසො;
සුරංපි පටියාදෙහි,
සබ්බංදාතබ්බයුත්තකං.
එවංසොබ්යාකරිත්වාන ¶ ,
පෙමචිත්තෙනචොදිතො;
එකොවමද්දියාරම්මං,
පාසාදමභිරූහථ.
රත්තචන්දන ගන්ධෙහි,
ගන්ධොදකෙහිවාසිතං;
සොපාවෙක්ඛිසිරීගබ්භං,
මද්දීදෙවීනිවාසනං.
මද්දීදිස්වානආයන්තං ¶ ,
ම්හිතානනෙනසාමිකං;
උට්ඨාසිආසනාසීඝං,
රෙණුමත්තාවකින්නරී.
උට්ඨාහිත්වානසාමද්දී,
වාමහත්ථෙසු රාජිනො;
දක්ඛිණෙ නසහත්ථෙන,
ගණ්හිත්ථමන්දහාසිනී.
තතොසිරිසයනම්හි ¶ ,
නසින්නංසකසාමිකං;
බීජයන්තීවසාට්ඨාසි,
මද්දීසඤ්ඤතවාසිනී.
මද්දිංඅඞ්කෙට්ඨපෙත්වාථ,
ගණ්හංහත්තෙසුදෙවියා;
මුඛංමුඛෙනකත්වාන,
රාජාමන්දමභාසථ.
යංතෙසචෙමයාදින්නං,
යඤ්චතෙපෙත්තිකංධනං;
සබ්බංතංනිදහෙය්යාසි,
භද්දෙකොමාරපෙමිකෙ.
තහිංනවුත්තපුබ්බංමෙ ¶ ,
සාමිකෙනමමීදිසං;
කදාචිඑත්ථකංකාලං,
මද්දීඑවඤ්හිචින්තයි.
තතො උබ්බිග්ගචිත්තෙන,
මද්දීඑව මභාසථ;
කුහිං දෙව නිදහාමි,
තංමෙ අක්ඛාහි පුච්ඡිතො.
සීලවන්තෙසු ¶ දුජ්ජාසි,
දානං මද්දී යථාරහං;
නහිදානා පරංඅත්ථි,
පතිට්ඨා සබ්බපාණිනං.
නිධානං නාම එතංව,
ධනානං නන්දිවඩ්ඪනෙ;
දානංහි නිධි සත්තානං,
එවංබ්යාකාසි ඛත්තියො.
මද්දීවත්වාන ¶ සාධූති,
ඔනමිත්වා සිරුත්තමං;
සම්පටිච්ඡි තතො රාජා,
පුනාපි එවමබ්රවී.
ජාලිම්හිමද්දිදයෙසි,
සාධුකණ්හාජිනායච;
ගාරවංනිවාතංකාසි,
සස්සුයාසස්සුරම්හිච.
යොහිතං පෙම චිත්තෙන,
මයාවිප්පවසෙන තෙ;
ඉච්ඡෙ චෙභවිතුං අත්තා,
සක්කච්චං තංඋපට්ඨහෙ.
සචෙ ¶ එවං නභවෙය්ය,
භත්තාරං මාදිසං වියං;
පරිරෙ සෙහි අඤ්ඤං ත්වං,
මාකි ස්සිත්ථො මයාවිනා.
තදාහි දුම්මුඛී මද්දී,
රාජාන මෙව මබ්රවී;
දුස්සුතං වත සුණොමි,
ඊදිසං කින්නුභාසසි.
වියාචික්ඛාමි ¶ මෙභ ද්දෙ,
සකලං දානි කාරිණං;
හත්ථිදානෙනකුජ්ඣන්ති,
සමග්ගා සිවයො මම.
පබ්බාජෙන්ති මමං තෙන,
සිවයො සිවිරට්ඨතො;
මහාදානං දදිස්සාමි,
සුවෙ කොමාරසඞ්ගමෙ.
පරස්වෙ නික්ඛමිස්සාමි,
රට්ඨා එකොව සොභණෙ;
නානාභයෙහි සංකිණ්ණං
වඞ්කං ගච්ඡාමි පබ්බත.
පාණීකතපියෙ ¶ ජාලිං,
කණ්හාජිනඤ්ච අත්තජං;
තඤ්චඔහාය ගච්ඡෙය්යං,
වසෙය්යං එකකොවනෙ.
රඤ්ඤො සුත්වාන සඞ්කම්පි,
වචනංසොකවඩ්ඪනං;
මාලුතෙරිතපත්තංව,
මද්දීයා හදයං තදා.
මාමමෙවමවචුත්ථ ¶ ,
කම්පෙසි හදයං මම;
තත්තතෙලෙනසිත්තංව,
සරිරං රාජ දය්හතෙ.
නෙසධම්මො මහාරාජ,
යං ත්වං ගච්ඡෙය්ය එකකො;
අහංපි තෙන ගච්ඡාමි,
යෙනගච්ඡසි ඛත්තිය.
මරණංවා ¶ තයා සද්ධිං,
ජීවිතංවා තයා විනා;
තදෙව මරණං සෙය්යො,
යඤ්චෙජීවෙ තයාපිනා.
අග්ගිං උජ්ජාලයිත්වාන,
එකජාල සමාහිතං;
තත්ථෙ වමරණං සෙය්යො,
යඤ්චෙ ජීවෙ තයා විනා.
චරන්තා රඤ්ඤනාගංව,
දුග්ගෙස්වන්වෙත්ති හත්ථිනී;
එවංතං ¶ අනුගච්ඡාමි,
පුත්තෙආදායපච්ඡතො.
විමංසෙතුං තදා රාජා,
මානසං මද්දිදෙවියා;
නානාභයං පකාසෙන්තො,
එවංබ්රවි භයාපයං.
වියාචික්ඛාමි ¶ තෙසච්චං,
වනම්හි මුදුමානසෙ;
නානාභයං ඛරං ඝොරං,
හෙස්මං හදයකම්පනං.
කෙසරීනාම යෙභද්දෙ,
මිගරාජා ඛරස්සරා;
හිං සන්තිං තෙ සසද්දෙන,
මිගෙතික්ඛග්ග දාඨිනො.
දීපීබ්යග්ඝාකණ්හාච්ඡාච,
තික්ඛග්ග නඛ ධාරිනො;
ඛග්ගා ¶ වනමහිංසාච,
තික්ඛග්ගසිඞ්ගධාරිනො.
තික්ඛග්ග නඛ සිඞ්ගෙහි,
එතෙ පොසංපි ඡින්දිය;
ඛණ්ඩාඛණ්ඩං කරිත්වාන,
මූලාලංවිය භක්ඛරෙ.
යාචයක්ඛිනියොයක්ඛා,
බහූමනුස්සඛාදකා;
නරංනාරිං ගවෙසන්ති,
දුම්මුඛා ඛග්ගපාණිනො.
අථො ¶ අජගරාසප්පා,
ඝොරවීසාච විජ්ජරෙ;
විංසාචා රක්ඛසාවාළා,
සජ්ජුලොහිතභොජනා.
අඤ්ඤෙපි බහවොසන්ති,
භයාභෙස්මකාරකා;
කිංනභායසි එතෙසං,
භයානං භයමානසෙ.
මා ¶ මමං ත්වං නුගච්ඡාහි,
ගච්ඡන්තං භයසංයුතං;
වනං ඉධෙව අච්ඡාහි,
වුත්තෙහිසහභීරුකෙ.
ත්වෙකදාසිරිගබ්භම්හි,
වසන්තී සහමෙ සුභෙ;
සුත්වාගවෙසිතාණඞ්කෙ,
කිංමෙ මඤ්ජාරගජ්ජිතං.
ත්වෙකදාකිංවිබොධෙසි ¶ ,
භෙමිභෙමීති භාසිය;
රත්තියං හි සයන්තං මං,
සුත්වා නුලුඞ්කවස්සිතං.
ත්වෙකදා මෙඝසද්දංහි,
සුත්වාදිවා මමන්තිකං;
ධාවිත්වාමං පරිස්සජ්ජ,
කිං මුච්ඡිලොමහංසීනී.
එවංභය ¶ චඤ්චලාය,
සුඛුමාලාය දෙවියා;
නාලංහි වසිතුංරඤ්ඤෙ,
භෙස්මෙ අවනවාසිකෙ.
මද්දීසුත්වාන රාජස්ස,
භාසිත්තං ථීරමානසා;
විසාරදෙන චිත්තෙන,
සාමිකං එවමබ්රවී.
තයිමෙ පෙම චිත්තඤ්ච,
අරඤ්ඤෙ භයමානසං;
තයිතෙසුමහාරාජ ¶ ,
සුතික්ඛං පෙම චෙතසං.
සන්දතෙ සීඝසොතංමෙ,
තයිසාගර සන්නිභෙ;
නිච්චංපෙමොදකංරාජ,
ගඞ්ගොදකංව සාගරෙ.
මරණංපෙමචිත්තෙන,
ජීවිතං භය චෙතසා;
තදෙව මරණංසෙය්යො,
යඤ්චෙතං ජීවිතංචිරං.
පාකාරං ¶ මමූරංරාජ,
කත්වාන පුරතොවනං;
නානාභයං නිවාරෙන්තී,
ගච්ඡං හංවෙරහිංසිනී.
තයිහං පෙමචිත්තාසිං,
ගහෙත්ත්වා වඞ්කපබ්බතෙ;
ඵලාඵලංගවෙසන්තී,
වසෙය්යාමි තයාසහ.
එවංඤ්හි ¶ සූරභාවං සා,
දස්සයිත්වාන අත්තනො;
හිමවන්ත වාසිනීව-
රාජානං වීතිතොසයි.
යදාදක්ඛසිනච්චන්තෙ,
කුමාරෙ මාලධාරිනෙ;
කීළන්තෙ අස්සමෙරම්මෙ,
නරජ්ජස්ස සරිස්සසි.
යදාදක්ඛසිගායන්තෙ ¶ ,
අඤ්ඤොඤ්ඤමුඛදස්සිනෙ;
කුමාරෙවනගුම්බම්හි,
නරජ්ජස්ස සරිස්සසි.
යදාදක්ඛසිමාතඞ්ගං,
සායංපාතංබ්රහාවනෙ;
අසහායංවිචරන්තං,
නරජ්ජස්ස සරිස්සසි.
නාදංකරෙණුසඞ්ඝස්ස ¶ ,
නදමානස්සපූරතො;
නාගස්සවජතොසුත්වා,
නරජ්ජස්සසරිස්සසි.
මිගංදිස්වානසායන්හං,
පඤ්චමාලිනමාගතං;
කිං පූරිසෙචනච්චන්තෙ,
නරජ්ඣස්සසරිස්සසි.
යදාසුස්සසිනිග්ඝොසං ¶ ,
සන්දමානායසින්ධුයා;
ගීතංකිංපුරිසානඤ්ච,
නරජ්ජස්සසරිස්සසි.
සරතස්සචසීහස්ස,
බ්යග්ඝස්සච්ඡස්සදිවිනො;
සද්දං සුත්වානඛග්ගස්ස,
නරජ්ජස්සසරිස්සසි.
යදාමොරීහිපරිකිණ්ණං ¶ ,
විචිත්රපුච්ඡපක්ඛිනං;
මොරංදක්ඛසිනච්චන්තං,
නරජ්ජස්ස සරිස්සසි.
යදාදක්ඛසි හෙමන්තෙ,
පුප්ඵිතෙධරණීරුහෙ;
සුරබ්භිසම්පවායන්තෙ,
නරජ්ජස්ස සරිස්සසි.
යදා ¶ හෙමන්ති කෙමාසෙ,
හරිතං දක්ඛසි මෙදනිං;
ඉන්දගොපක සඤ්ඡන්නං,
නරජ්ජස්ස සරිස්සසි.
තදාහිඵුස්සතීදෙවී,
ඨිතාසි පුත්තසොකිනී;
සීරීපගබ්භස්සද්වාරම්හි,
විමංසන්තීකථාකථං.
කලුනංපරිදෙවිත්ථ ¶ ,
අඤ්ඤොඤ්ඤාභාසිතංගිරං;
සුත්වානඵුස්සතීදෙවී,
වුත්තස්සසුණිසායච.
විසංමෙඛාදිතංසෙය්යො,
පබ්බතාච පපාතනං;
මතඤ්චරජ්ජුයාබජ්ඣ,
නත්ථත්ථොජීවිතෙනමෙ.
අජ්ඣායකං ¶ දාන පතිං,
යසස්සිනං අමච්ඡරිං;
කස්මා වෙස්සරං පුත්තං,
පබ්බාජන්ති අදූසකං.
පූජිතං පතිරා ජූහි,
සබ්බලොකහි තෙසිනං;
කස්මා වෙස්සන්තරං වුත්තං,
පබ්බාජෙන්තිඅදූසකං.
කලුනං පරි දෙවිත්වා,
අස්සා සෙත්වාන ඵුස්සතී;
වුත්තඤ්ච සුණිසං සීඝං,
අගා සිඤ්චය සන්තිකං.
තතොතං ¶ සිඤ්චයංදෙවී,
විසට්ඨා එතදබ්රවී;
නානූපායං පකාසෙන්තී,
විචිත්ත වාද විඤ්ඤුනී.
මධූනිව පලා තානි,
අම්බාවපති තාඡමා;
එවංහෙ ස්සතිතෙ රට්ඨං,
පබ්බාජිතෙඅදූසකෙ.
හංසො ¶ නිඛීණ පත්තොව,
පල්ලස්මිං අනූදකෙ;
අපවිට්ඨො අමච්චෙහි,
එකොරාජාවිහිය්යසි.
තන්තංබ්රූමි මහාරාජ,
අත්ථොතෙමා උපච්චගා;
මානංසිවීනංවචනා,
පබ්බාජෙසිඅදූසකං.
දෙවියාවචනංසුත්වා ¶ ,
ධම්මරාජාධම්මඤ්චරො;
ධම්මෙනධම්මිකංබ්රූසි,
මහෙසිං පුත්තසොකිනිං.
එසොවෙස්සන්තරොභද්දෙ,
පාණාපියතරොහිමෙ;
තථාපිනං පබ්බාජෙමි,
ධම්මසත්ථවසානුගො.
සීවිරට්ඨම්හිපොරාණ- ¶
රාජූනංධම්මතන්තියා;
අහඤ්හිපචිතිංකුම්මි,
විනයන්තොමමොරසං.
රඤ්ඤොතං වචනංසුත්වා,
ඛින්නාහදයකම්පිනී;
පුනසාපරිදෙවන්තී,
එවංවිලවිඵුස්සතී.
යස්සපුබ්බෙධජග්ගානි,
කණිකාරාවපුප්ඵිතා;
යායන්තමනුයායන්ති,
ස්වජ්ජෙකොවගමිස්සති.
ඉන්දගොපකවණ්ණාභා ¶ ,
ගන්ධාරා පණ්ඩුකම්පලා;
යායන්තමනුයායන්ති,
ස්වජ්ජෙකොවගමිස්සසි.
යොපුබ්බෙහත්ථිනායාති,
සිවිකායරථෙනච;
ස්වජ්ජවෙස්සරොරාජා,
කථංගච්ඡතිපත්ථිකා.
කථංචන්දනලිත්තඞ්ගො ¶ ,
නච්චගීතපබොධනො;
ඛුරාජිනං ඵරුසඤ්ච,
ඛාරිකාජඤ්චහාහිති.
පවීසන්තො බ්රහාරඤ්ඤං,
කාසාවං අජිනා නිවා;
ඛරං කුස මයං චීරං,
කථං පරි දහිස්සති.
කාසියානිච ¶ ධරෙත්වා,
ඛොමකො ටුම්පරානිච;
කුසචීරානි ධාරෙන්තී,
කථංමද්දීකරිස්සති.
වය්හාහි පරියායිත්වා,
සිවිකාය රථෙනච,
සාකථජ්ජ අනුජ්ඣඞ්ගී,
පථං ගච්ඡති පත්ථිකා.
සුඛෙධිතාහිහිරඤ්ඤ- ¶
පාදුකාරුළ්හගාමිනී,
සාකථජ්ජසුඛානන්දී,
පථංගච්ඡතිපත්ථිකා.
ගන්ත්වාඉත්ථිසහස්සානං,
පූරතොයාහිමාලිනී;
සාකථජ්ජයසානන්දී,
වනංගච්ඡතිඑකිකා.
සද්දංසිවායසුත්වායා ¶ ,
මුහුංඋත්තස්සතෙපුරෙ;
වසන්තීසාබ්රහාරඤ්ඤෙ,
කථං වච්ඡතිභීරුකා.
සද්දංසුත්වානුලුඞ්කස්ස,
මුහුංඋත්තසතෙපුරෙ;
වසන්තීසාබ්රහාරඤ්ඤෙ,
කථංවච්ඡතිභීරුකා.
සකුණීහත ¶ පුත්තාව,
සුඤ්ඤංදිස්වා කුලාවකං;
චීරංදුක්ඛෙන ඣායිස්සං,
සුඤ්ඤංආගම්මිමංපුරං.
කුරුරී හතඡාපාව,
සුඤ්ඤංදිස්වා කුලාවකං;
තෙනතෙන පධාවිස්සං,
පියෙපුත්තෙඅපස්සතී.
එවංමෙවිල ¶ පන්තියා,
රාජපුත්තං අදූසකං;
පබ්බාජෙසි වනංරට්ඨා,
මඤ්ඤෙහිස්සාමිජීවිතං.
ඵුස්සත්යා ලවිතංසුත්වා,
සබ්බා සිඤ්චයරා ජිනො;
බාහාපග්ගය්හ පක්කන්දුං,
සිවිකඤ්ඤා සමාගතා.
පක්කන්දිතරවංතාසං ¶ ,
සුත්වා සොකපමද්දිතා;
සිවිකඤ්ඤාච පක්කන්දුං,
වෙස්සන්තරනිවෙසනෙ.
ඔරොධාච කුමාරාච,
වෙසියානා බ්රහ්මණා;
බාහාපග්ගය්හපක්කන්දුං,
වෙස්සන්තරනිවෙසනෙ.
හත්ථාරොහාඅනීකට්ඨා ¶ ,
රථිකා පත්ථිකාරකා;
බාහාපග්ගය්හ පක්කන්දුං,
වෙස්සන්තර නිවෙසනෙ.
තස්සාරත්යා අච්චයෙන,
සූරියෙ උග්ගතෙසති;
ආරොචයිංසු රාජානං,
දානග්ගං උපගන්තවෙ.
අථපාතොව සොරාජා,
න්හත්වාභූසන භූසිතො;
දානසාල මුපාගඤ්ඡි,
මහාජන පුරක්ඛතො.
දානසාලාසු ¶ දාතබ්බං,
දිස්වාන පටියාදිතං;
අමච්චෙව මාණාපෙසි,
රාජාභි තුට්ඨමානතො.
වත්තානිවත්ථකාමානං,
සොණ්ඩානං දෙථවාරුණිං;
භොජනං භොජනත්ථිනං,
සම්මදෙව පවච්ඡථ.
යෙයංයං ¶ ලද්ධුමිච්ඡන්ති,
තංතංතස්සපවච්ඡථ;
මායාචකෙ නිවාරෙථ,
දානසාලාසු ආගතෙ.
තදාසියං භීසනකං,
තදාසි ලොමහංසනං;
මහාදානෙ පදින්නම්හි
මෙදිනී සම්පකම්පථ.
පරිදෙවිංසු වෙස්සන්ත්ත-
රරාජං පතිතාවදෙ;
පකිත්තෙත්වාන නානප්ප-
කාරං එවං වණිබ්බකා.
අම්හෙහිත්වාන ¶ වෙස්සන්ත-
රරාජා දානදායකො;
අචිරෙ නෙව රට්ඨම්හා,
නික්ඛමිස්සතිකානනං.
සත්තහත්ථිසතෙදත්වා,
සබ්බාලඞ්කාර භූසිතෙ;
එසවෙස්සන්තරො සම්හා,
රට්ඨම්හා නික්ඛමිස්සති.
සත්තඅස්ස සතෙ දත්වා,
සින්ධවෙ සීඝ වාහනෙ;
එස වෙස්සන්තරොසම්හා,
රට්ඨම්හා නික්ඛමිස්සති.
රථෙසත්තසතෙදත්වා ¶ ,
සන්නන්ධෙ උස්සිතද්ධජෙ;
එස වෙස්සන්තරොසම්හා,
රට්ඨම්හා නික්ඛමිස්සති.
සත්තකඤ්ඤා සතෙදත්වා,
සුරූපිනී විභූසිතා;
එස වෙස්සන්තරොසම්හා,
රට්ඨම්හා නික්ඛමිස්සති.
සත්තධෙනු ¶ සතෙ දත්වා,
සබ්බාකංසු පධාරණා;
එසවෙස්සන්තරොරාජා,
සම්හාරට්ඨානිරච්ඡති.
සත්තදාසි සතෙ දත්වා,
සත්තදාස සතානිච;
එසවෙස්සන්තරොරාජා,
සම්හාරට්ඨානිරච්ඡති.
අථෙත්ථවත්තතෙසද්දො,
තුමුලොභෙ රවොමහා;
සමාකුලං පුරංආසි,
අහොසි ලොමහංසනං.
සොදත්වාන ¶ මහාදානං,
වෙස්සන්තරො අමච්ඡරී;
පුරක්ඛතො අමච්චෙහි,
අගාසකනිවෙසනං.
තතොහි මද්දියාසද්ධිං,
මාතාපිතූන සන්තිකං;
වන්දනත්ථාය අගඤ්ඡි,
අලඞ්කත රථෙනසො.
වන්දිත්වා ¶ පිතරංබොධි-
සත්තොබ්රවිකතඤ්ජලී;
එවංආවීකරොන්තොව,
ගමිස්සමානඅඤ්ජසං.
මමංතාත පබ්බාජෙසි,
යම්හාරට්ඨා අදූසකං;
සිවීනං වචනත්ථෙන,
තෙනං-ගච්ඡාමි කානනං.
සුවෙඅහං මහාරාජ,
සූරියුග්ග මනෙ සති,
නික්ඛමිස්සාමි රට්ඨම්හා,
වඞ්කං ගච්ඡාමි පබ්බතං.
වනෙවාළ ¶ මිගාකිණ්ණෙ,
ඛග්ගදීපිනිඉසෙ විතෙ;
අහංපුඤ්ඤානි කරොමි,
තුම්හෙ පඞ්කම්හී සීදථ.
තතොසොතරමානොව,
ගන්ත්වානමාකුසන්තිකං;
වන්දමානොආරොචිත්ත,
එවංඤ්හිසකමාතුයා.
අනුජානාහිමංඅම්මා,
ගච්ඡාමිවඞ්කපබ්බතං;
වනෙපුඤ්ඤානිකාහාමි ¶ ,
පබ්බජ්ජාමමරුච්චති.
තංසුත්ත්වාරුණ්ණමුඛෙන,
ජනනීඑවමබ්රවී;
අනුජානාමිතංවුත්තං,
පබ්බජ්ජාතෙසමිජ්ඣභු.
අයඤ්හිවුත්ත මෙමද්දී,
සුණ්හා සුඛුමවද්ධිනී;
අච්ඡතං සහ වුත්තෙහි,
කිං අරඤ්ඤෙකරිස්සති.
මාතුයාවචනංසුත්වා ¶ ,
වෙස්සන්තරො කතඤ්ජලී;
ම්හිතපුබ්බමභා සිත්ත,
ඤාපෙන්තොඅත්තනොමතිං.
නාහංඅකා මාදාසංවි,
අරඤ්ඤංනෙතු මුස්සහෙ;
සචෙඉච්ඡ තිඅන්වෙතු,
සචෙනිච්ඡති අච්ඡතු.
තතොසුණ්හංමහාරාජා ¶ ,
යාචිතුංපටිපජ්ජථ;
මාචන්දනසමාචාරෙ,
රජොජල්ලංමධාරයි.
කාසියානිචධාරෙත්වා,
කුසචීරමධාරයි;
දුක්ඛොවාසොඅරඤ්ඤස්මිං,
මාහිත්වංලක්ඛණෙගමි.
තතො ¶ පතිබ්බතා සුණ්හා,
සස්සුරං එවමබ්රවී;
නාහං තංසුඛමිච්ඡය්යං,
යංමෙ වෙස්සන්තරං විනා.
තතො සුණ්හං මහාරාජා,
දුස්සහානි බ්රහාවනෙ;
නානාභයානි ඤාපෙන්තො,
වනං යාචි අගන්තවෙ.
යාන සන්ති මහාරාජ,
භයානිතානි කානනෙ;
සබ්බානි ¶ හං සහිස්සමි,
අනුගච්ඡාමි මෙපතිං.
පූරතොහං ගමිස්සාමි,
දදන්තී භත්ථුනො පථං;
උරසා පනුදහිත්වාන,
කුස නළ වනාදයො.
බහූහි වතවරියාහි,
කුමාරී වින්දතෙ පතිං;
වෙධබ්යං කටුකං ලොකෙ,
ගච්ඡඤ්ඤෙව රථෙසභ.
නානාකාරෙහි ¶ පීළෙන්ති,
අනාථංවිධවං ජනා;
අතිවාක්යෙන භාසන්ති,
මිත්තාචාපි සලොහිතා.
නග්ගා නදී අනූදකා,
නග්ගං රට්ඨං අරාජකං;
ඉත්ථීපි විධවා නග්ගා,
යස්සාසුංදස භාතරො.
ධජො ¶ රථස්ස පඤ්ඤානං,
ධුමො පඤ්ඤා නමග්ගිනො;
රාජා රට්ඨස්ස පඤ්ඤානං,
භත්තා පඤ්ඤානමිත්ථියා.
යා දලිද්දස්ස පොසස්ස,
දලිද්දී භරියා සියා;
අඩ්ඪා අඩ්ඪස්ස රාජින්ද,
තං වෙ දෙවා පසංසරෙ.
කථං නුතාසං හදයං,
සුඛරාවත ඉත්ථියො;
යා ¶ සාමිකෙ දුක්ඛිතම්හි,
සුඛමිච්ඡන්ති අත්තනො.
අපිසාගරපරියන්තං,
බහුවිත්තධරංමහිං;
නානාරතනපරිපූරං,
නිච්ඡෙවෙස්සන්තරංවිනා.
සාමිකං අනුගච්ඡිස්සං,
අහං කාසායවාසිනී;
ධීරත්ථුතං ¶ නිස්සීරිකං,
වෙධබ්යංයඤ්ච නාරියා.
සුණ්හාය භාසිතං සුත්වා,
සස්සුරො නික්ඛිපෙතවෙ;
දුවෙ ඉධෙව නත්තාරො,
සුණ්හංසො එව මබ්රවී.
ඉමෙතෙ දහරාපුත්තා,
ජාලීකණ්හාජිනා චුභො;
නික්ඛිප්ප ලක්ඛණෙ ගච්ඡ,
මයංතෙ පොසිසාමසෙ.
පියාමෙ ¶ පුත්තකා දෙව,
ජාලී කණ්හාජිනා චුභො;
ත්යම්හං තත්ථ රමෙස්සන්ති,
අරඤ්ඤෙ ජීවිසො කිනං.
පුත්තෙනෙත්වාන ගච්ඡාම,
ද්වෙමයං වඞ්කපබ්බතං,
දක්ඛමානා වසිස්සාම,
එතෙ පමොදමානසා.
සුණමානා ¶ වසිස්සාම,
ගීතඤ්ච වියභාණිනං;
එතෙසං නච්චමානානං,
අරඤ්ඤෙ මාලධාරිනං.
සුණ්හාය භාසිතංසුත්වා,
සස්සුරොඛින්න මානසො;
එවඤ්හිසො විලවිත්ථ,
පටිච්චදාරකෙ දුවෙ.
සාලිනං ¶ ඔදනං භුත්වා,
සුචිං මංසුපසෙචනං;
රුක්ඛඵලානි භුඤ්ජන්තා,
කථංකාහන්ති දාරකා.
භුත්වා සතපලෙ කංසෙ,
සොවණ්ණෙ සතරාජිතෙ;
රුක්ඛපත්තෙසු භුඤ්ජන්තා,
කථංකාහන්ති දාරකා.
කාසියානිච ධාරෙත්වා,
ඛොම කොටුම්පරානිච;
කුසචීරානි ¶ ධාරෙන්තා,
කථං කාහන්ති දාරකා.
වය්හාහිපරියායිත්වා,
සිවිකාය රථෙනච;
පත්ථිකා පරිධාවන්තා,
කථං කාහන්ති දාරකා.
කුටාගාරෙ සයිත්වාන,
නිවාතෙ ඵුසිතග්ගලෙ;
සයන්තා රුක්ඛමූලස්මිං,
කථංකාහන්ති දාරකා.
පල්ලඞ්කෙසු ¶ සයිත්වාන,
ගොනකෙ චිත්තසන්ථතෙ;
සයන්තා තිණසන්ථාරෙ,
කථංකාහන්ති දාරකා.
ගන්ධකෙන විලිම්පෙත්වා,
අගලුචන්දනෙනච;
රජොජල්ලානි ධාරෙන්තා,
කථංකාහන්ති දාරකා.
චාමරී ¶ මොර හත්ථෙහි,
බීජිතඞ්ගා සුඛෙධිතා;
ඵුට්ඨා ඩංසෙහි මකසෙහි,
කථංකාහන්ති දාරකා.
තහිංවංබ්රවි රාජානං,
විලපන්තං සොකට්ටිතං;
පටිච්ච දාරකෙ සුණ්හා,
වෙස්සන්තරපියඤ්ජනා.
මා ¶ දෙව පරිදෙවෙසි,
මාච ත්වං විමනොඅහු;
යථාමයං භවිස්සාම,
තථා හෙස්සන්ති දාරකා.
එවඤ්හි සල්ලපන්තානං,
තෙසං ඛත්තියජාතිනං;
අඤ්ඤොඤ්ඤං විභාතා රත්ති,
සමුග්ගඤ්ඡිත්ථ සූරියො.
තදානෙත්වා ¶ ඨපයිංසු,
චතුසින්ධවයුඤ්ජිතං;
අලඞ්කත රථංරාජ-
ද්වාරෙ මඞ්ගලසම්මතං.
වන්දිත්වා සස්සුරෙ මද්දී,
ආදාය පුත්තකෙ දුවෙ;
භත්තුනො පුරතො ගන්ත්වා,
පථමං රථමාරුහි.
තතොවෙස්සන්තරොමාතා-
පිතරො අතිවන්දිය;
පදක්ඛිණඤ්ච කත්වාන,
සීඝසො රථමාරුහි.
තතො ¶ මඞ්ගලද්වාරෙන,
රථං පෙසෙසි ලඞ්කතං;
තොසාපයං මහාසත්තො,
මද්දිං ජාලිස්ස මාතරං.
පථන්තෙසු භිවන්දන්ති,
සක්කච්චං බහවො ජනා;
වෙස්සන්තරඤ්ච මද්දිඤ්ච,
පස්සමානා කතඤ්චලී.
ආපුච්ඡන්තොච ¶ පක්කාමි,
ගච්ඡිස්සාමීහි පත්ථයං;
නිදුක්ඛා සුඛිතාහොථ,
ඉතිසො වන්දකෙ ජනෙ.
රථෙ ඨිතොව සොරාජා,
ඔවදන්තො අපක්කමි;
දානආදීනි පුඤ්ඤානි,
කරොථාති මහාජනං.
ගච්ඡන්තෙ බොධිසත්තම්හි,
මාතා එවඤ්හි චින්තයි;
දාතුකාමොසි මෙවුත්තො,
පට්ඨාය ජාතකාලතො.
තතොදානං ¶ දදොපෙතුං,
පුත්තංරතන පූරිතෙ;
පුත්තස්සුභොසු පස්සෙසු,
පෙසෙසි සකටෙබහූ.
වෙස්සන්තරොහි සම්පරොහි සම්පත්ත-
යාචකානං අසෙසකං;
අට්ඨාරසවාරෙ දාසි,
කායාරුළ්හංපිඅත්තනො.
නගරා ¶ නික්ඛමන්තම්හි,
වෙස්සන්තරෙස පෙත්තිකං;
නගරං දට්ඨුකාමොසි,
තදා සඞ්කම්පි මෙදනී.
තහිං රථප්පමාණම්හි,
ඨානෙ භිජ්ජිය මෙදනී,
පරිවත්තිත්ථ කුලාල-
චක්කංවනගරාමුඛී.
නගරං ඔලොකෙත්වාන,
නගරාභිමුඛෙ රථෙ,
ඨිතොමද්දිංපි දක්ඛෙතුං,
එවංසොබ්රවි හාසයං.
ඉඞ්ඝ ¶ මද්දි නිසාමෙහි,
රම්මරූපංව දිස්සති;
ආවාසො සිවිසෙට්ඨස්ස,
පෙත්තිකං භවනං මම.
සහජාතඅමච්චෙච,
නිවත්තෙත්වා මහාජනං;
රථං පාජෙසි සො සීඝං,
මොදන්තොමද්දියාතතො.
අන්වාගමිංසු ¶ පාජෙන්තං,
චත්තාරො බ්රහ්මණා තහිං;
යාචිතුං සින්ධවෙ එතෙ,
මද්දී පස්සිත්ථ තාවදෙ.
මද්දීපි මන්දසද්දෙන,
යාචකා විය ආගතා;
ඉත්යාරොචෙසි භත්තාරං,
ගණ්හන්තී තස්ස පිට්ඨියං.
සාධු ¶ භද්දෙති වත්වාන,
රථස්සාගමනං අකා;
බ්රහ්මණා උපගන්ත්වාන,
යාචිංසු සින්ධවෙ තහිං.
මොදමානොව සොදාසි,
බ්රහ්මණානං සුසින්ධවෙ;
බ්රහ්මණාදාය ගඤ්ඡිංසු,
අස්සෙසක නිවෙසනං.
අස්සෙසු පන දින්නෙසු,
චත්තාරො දෙවපුත්තකා;
රොහිච්චමිගවණ්ණෙන,
රථං වහිය ගඤ්ඡිසුං.
දෙවා ¶ රොහිච්චවණ්ණෙන,
වහන්තීති සුබුද්ධිමා;
විජානිත්වාන මද්දිංපි,
ඤාපෙන්තො එවමබ්රවී.
ඉඞ්ඝප්මද්දි නිසාමෙහි,
චිත්තරූපංව දිස්සති;
මිගරො හිච්චවණ්ණෙන,
දක්ඛිණස්සාවහන්තිමං.
මද්දීචෙවං ¶ නිච්ඡාරෙසි,
ගිරං අච්ඡෙරරූපිනී;
වෙස්සන්තරස්සතෙජෙන,
රථංවහන්තිදෙවතා.
ආගන්ත්වාන රථං යාචි,
අපරො බ්රාහ්මණො තතො;
බොධිසත්තොපිසොදාසි,
රථං තස්ස අනිග්ඝියං.
සකප්පියෙ දදන්තම්හි,
මද්දී පහට්ඨමානසා;
සාධුකාරං පවත්තෙසි,
සදා මච්ඡෙරහිංසිනී.
දින්නෙ ¶ රථම්හි අන්තර-
ධාරියිංසු දෙවපුත්තකා;
සබ්බෙ තෙ පත්ථිකා ආසුං,
රාජාමද්දිං තදාබ්රවී.
ත්වං මද්දි කණ්හංගණ්හාහි,
ලහුඑසා කනිට්ඨකා;
අහං ජාලිං ගහෙස්සාමි,
ගරුකො භාතිකොහිසො.
රාජා ¶ කුමාරමාදාය,
රාජපුත්තීච දාරිකං;
සම්මොදමානා පක්කාමුං,
අඤ්ඤමඤ්ඤ පියං වදා.
ආගච්ඡන්තෙ පටිපථං,
දිස්වාන අද්ධිකෙජනෙ;
එවං පුච්ඡියගඤ්ඡිංසු,
කුහිං වඞ්කතපබ්බතො.
කලුණං ¶ පරිදෙවිත්වා,
පුච්ඡිතා අද්ධිකාජනා;
එවං තෙ පටිවෙදෙසුං,
දූරෙවඞ්කතපබ්බතො.
මග්ගාසන්නෙසු පස්සන්තා,
දාරකා ඵලිනෙ දුමෙ;
තෙසංඵලානං හෙතුම්හි,
පිතරො උපරොදරෙ.
රොදන්තෙ දාරකෙ දිස්වා,
උබ්බිග්ගා විපුලා දුමා;
යසමෙවොනමිත්වාන,
උපගච්ඡන්ති දාරකෙ.
ඉදං ¶ අච්ඡෙරකං දිස්වා,
මද්දී සසඞ්කසන්නිභා;
පිතිපුණ්ණෙන කායෙන,
එවංගායිත්ථ නන්දනා.
අච්ඡෙරං වත ලොකස්මිං,
අබ්භූතං ලොමහංසනං,
වෙස්සන්තරස්ස තෙජෙන;
සයමෙ වොනතා දුමා.
සංඛිපිංසු ¶ පථං යක්ඛා,
අනුකම්පාය දාරකෙ;
නික්ඛන්තදිවසෙනෙව,
ජෙතරට්ඨමුපාගමුං.
එකාහෙනෙවතෙ තිංස-
යොජනානි අතික්කමුං;
සායන්හෙ මාතුලංනාම,
සම්පත්තා නගරං සුභං.
නගරස්සස්ස ද්වාරම්හි,
සාලායං නිසිදිං සුතෙ;
ඛෙදං විනොදමානාව,
තොසෙන්තා දාරකෙ දුවෙ.
මද්දීපි ¶ බොධිසත්තස්ස,
රජං පාදෙසු පුඤ්ඡිය;
සම්බහිත්වාන පාදෙච,
විජයන්තී ඨිතා තදා.
සාලාය නික්ඛමිත්වාන,
භත්තුචක්ඛුපථෙ ඨිතා;
දිසොදිසං ඔලොකෙසි,
මද්දී කන්තාරඛෙදිනී.
ජෙතියො ¶ පරිවාරිංසු,
දිස්වාන අසහායිකං
මද්දිං එවංඋග්ඝොසිංසු,
ඉත්ථී ඉච්ඡෙරරූවිනී.
වය්හාහි පරියායිත්වා,
සිවිකාය රථෙනච;
සාජ්ජ මද්දීඅරඤ්ඤස්මි,
පත්ථිකා පරිධාවති.
අනාථාගමනං මද්දිං,
භත්තාරා පුත්තකෙහිච,
දිස්වාගන්ත්වානා චික්ඛංසු,
ජෙතින්දානං ඛණෙන තා.
තං ¶ සුත්වා ජෙතපාමොක්ඛා,
රොදමානා උපාගමුං;
වෙස්සන්තරස්ස පාදෙස,
නිපච්ච ඉති පුච්ඡිසුං.
කිච්චිනු දෙව කුසලං,
කිච්චි දෙව අනාමයං;
කිච්චිපිතා අරොගොතෙ,
සිවීනඤ්ච අනාමයං;
කො තෙ බලං මහාරාජ,
කොනු තෙ රථමණ්ඩලං.
අනස්සකො ¶ අරථකො,
දීඝමද්ධාන මාගතො;
කිච්චාමිත්තෙහි පකතො,
අනුප්පත්තො සිමංදිසං.
අථ වෙස්සන්තරොරාජා,
ආගතහෙතුමත්තනො;
ඤාපෙතුං ජෙතරාජූනං,
ඉමාගාථා අභාසථ.
කුසලඤ්චෙව ¶ මෙසම්ම,
අථො සම්ම අනාමයං;
අථො විභා අරොගොමෙ,
සිවීනඤ්ච ආනාමයං.
අහඤ්හිකුඤ්ජරං දජ්ජං,
සබ්බසෙතං ගජුත්තමං;
බ්රාහ්මණානං සාලඞ්කාරං,
ඛෙත්තඤ්ඤුං රඨපූජිතං.
තස්මිං මෙ සිවයොකුද්ධා,
විභා උපහතොමනො;
අවරුද්ධසි මං රාජා,
වඞ්කංගච්ඡාමිපබ්බතං.
තදා ¶ තෙ ජෙතරාජානො,
බලානුප්පදමානසා;
එවං තොසිංසු රාජානං,
නික්ඛන්තං සකරඨතො.
ස්වාගතන්තෙ මහාරාජ,
අථොතෙඅදුරාගතං;
ඉස්සරො සිඅනුප්පත්තො,
යංඉධත්ථිපවෙදය.
ඉධෙව ¶ තාව අච්ඡස්සු,
ජෙතරට්ඨෙ රථෙසභ;
යාව ජෙතා ගමිස්සන්ති,
රඤ්ඤො සන්තික යාචිතුං.
තදා වෙස්සන්තරො ආහ,
මාවොගමිත්ථ සන්තිකං;
යාචිතුං මම පිතුස්ස,
රාජාපි තත්ථ නිස්සරො.
අච්චුග්ගතාහි සිවයො,
බලග්ගානෙ ගමාචයෙ,
තෙපඅධංසි තුමිච්ඡන්ති,
රාජානං මම කාරණා.
සචෙඑවං ¶ මහාරාජ,
සියා ජෙතුත්තරෙ පුරෙ;
ඉධෙවරජ්ජං කාරෙහි,
ජෙතෙහි පරිවාරිතො.
ඉද්ධං ඵිතඤ්චිදංරට්ඨං,
ඉද්ධො ජනපදො මහා;
මතිං කරොහි ත්වං දෙව,
රජ්ජස්ස මනුස්සතිතුං.
අලං ¶ මෙ රජ්ජසුඛෙන,
පබ්බාජිතස්ස රට්ඨතො;
අතුට්ඨා සිවයොචාසුං,
මඤ්චෙරජ්ජෙභිසෙචය්යූං.
අසම්මොදනී යම්පිවොඅස්ස,
අච්චන්තං මමකාරණා;
සිවීහි භණ්ඩනඤ්චාවි,
විග්ගහො මෙ නරුච්චති.
පටිග්ගහිතං යං දින්නං,
සබ්බස්ස අග්ඝියං කතං;
අවරුද්ධසි මං රාජා,
වඞ්ක ගච්ඡාමිපබ්බතං.
අනෙක ¶ පරියායෙන,
ජෙතරාජූහි යාචිතො;
අනිච්ඡන්තො පටික්ඛීපි,
රජ්ජං සො ජෙතරට්ඨකෙ.
නගරං අපවීසිත්වා,
සාලං සාණිපරික්ඛිපං;
කාරෙත්වා එකරත්තිංසො,
සයී සපුත්තදාරකො.
පුබ්බණ්හසමයෙ ¶ භුත්වා,
නානග්ගං රසභොජනං;
නූත්වා සො ජෙතරාජූහි,
පරිවුතොව නික්ඛමි.
ජෙතරාජා පන්නරස-
යොජනං ජෙතරට්ඨතො;
ගන්ත්වාන වනද්වාරම්හි
ඨිතාමග්ග මභාසිසුං.
එසසෙලොමහාරාජ,
පබ්බතො ගන්ධමාදනො;
යත්ත ත්වං සහ පුත්තෙහි,
සහභරියාය වච්ඡසි.
තං ¶ ජෙතා අනුසාසිංසු,
අස්සුනෙත්තා රුදම්මුඛා;
ඉතො ගච්ඡංමහාරාජ,
උජුං යෙනුත්තරාභිමුඛො.
අථ දක්ඛසි භද්දන්තෙ,
වෙපුල්ලංනාම පබ්බතං;
නානාදුමගණාකිණ්ණං,
සීතච්ඡායං මනොරමං.
තමතික්කමභද්දන්තෙ ¶ ,
අථදක්ඛසිආපගං;
නදිංකෙතුමදිංනාම,
ගම්භීරංගිරිගබ්භරං.
පුථුලොමච්ඡආකිණ්ණං,
සුප්පතිත්ථංමහොදකං;
ථත්තනූත්වාපිවිත්වාච,
අස්සාසෙත්වාසපුත්තකෙ.
අථදක්ඛසිභද්දන්තෙ,
නග්රොධංමධුවිප්ඵලං;
රම්මකෙ සිඛරෙජාතං,
සීතච්ඡායංමනොරමං.
අථ ¶ දක්ඛසි භද්දන්තෙ,
නාළිකංනාම පබ්බතං;
නානාදිජ ගණාකිණ්ණං,
සෙලං කිං පුරිසායුතං.
තස්සඋත්තරපුබ්බෙන,
මුචලින්දොනාමසොසරො;
පුණ්ඩරිකෙහිසඤ්ඡන්නො,
සෙතසොගන්ධිකෙහිච.
සොවනං මෙඝසඞ්කාසං,
ධුවං හරිතසද්දලං;
සීහොවා මිසපෙක්ඛීව,
වනසණ්ඩං විගාහය.
තත්ථ ¶ බින්දුස්සරා වග්ගූ,
නානාවණ්ණා බහූදිජා;
කූජන්ති මුපකූජන්ති,
උතුසංපුප්ඵිතෙ දුමෙ.
ගන්ත්වා ගිරිවිදුග්ගානං,
නදීනං පභවානිච;
සො අද්දස පොක්ඛරණිං,
කරඤ්ච-ක කුධායුතං.
පුථුලො මච්ඡආකිණ්ණං,
සුප්පතිත්ථං මහොදකං;
සමඤ්ච චතුරං සඤ්ච,
සාදුං අප්පතිගන්ධියං.
තස්සා ¶ උත්තරපුබ්බෙන,
පණ්ණසාලං අමාපය;
පණ්ණසාලං අමාපෙත්වා,
උඤ්ඡාචරියාය ඊහථ.
එවඤ්හි ජෙතරාජානො,
ආචික්ඛිත්වාන අඤ්ජසං;
එකං ජෙතපුත්තං බ්යත්තං,
ආමන්තෙසුං සුසික්ඛිතං.
ගච්ඡන්තෙචා ¶ ගච්ඡන්තෙච,
පරිග්ගණ්හස්සු ලුද්ධක;
ඉච්චෙවං සඤ්ඤාපෙත්වාන,
වනද්වාරෙ ඨපිං සුතං.
නානාභය විනොදාය,
වෙස්සන්තරස්ස රාජිනො;
ආරක්ඛං තෙ ඨපෙත්වාන,
ආගමිංසු සකංපුරං.
වෙස්සන්තරොච ගච්ඡන්තො,
ගන්ධ මාදනපබ්බතං;
සපුත්ත ¶ දාරකො පත්තො;
විස්සමී දිවසං තහිං.
තතොත්තරාහි මුඛොසො,
ගච්ඡ වෙපුල්ල පබ්බතං;
පත්වා තප්පාද මග්ගෙන,
පත්තො කෙතුමතිං නදිං.
තිස්සා තීරෙ නිසීදිත්වා,
මංසංඛාදිය සුන්දරං;
දින්නමෙකෙන ලුද්ධෙන,
නූත්වා පිත්වාච විස්සමී.
සොණ්ණසූචිං ¶ ලුද්ධකස්ස,
දත්වාන සො තතොපරං;
ගච්ඡන්තො දක්ඛිනිග්රොධං,
පබ්බතසිඛරෙ ඨිතං.
තස්සමූලෙ නිසීදිත්වා,
ථොකංඵලානි භුඤ්ජිය;
තතොපරං ස ගච්ඡන්තො,
පත්තො නාළිකපබ්බතං.
නාළිකං පරිහරිත්වා,
ගච්ඡන්තො සො මහාසරං;
මුචලින්දං උපාගඤ්ඡි,
නානාකමල භූසිතං.
තස්ස ¶ පුබ්බඋත්තරෙන,
ඛුද්දමග්ගෙන ගච්ඡතා;
දිට්ඨං බ්රහාවනං රම්මං,
ඵල පුප්ඵාන පූරිතං.
තමතික්කම්ම ගච්ඡන්තො,
අනුපුබ්බෙන ඛත්ථියො;
චතුරංස පොක්ඛරණිං,
සම්පත්තො, සි මහොදකං.
වෙස්සන්තරොච ¶ මද්දීච,
ජාලීකණ්හාජිනා චුභො;
තත්ථෙව තෙ විස්සමිංසු,
අඤ්ඤමඤ්ඤපියංවදා.
ආවජ්ජන්තො තදා සක්කො,
පස්සිත්ථ දෙවකුඤ්ජරො;
හිමවන්තං මහාසත්තං,
පවිට්ඨංභයභෙරවං.
විස්සුකම්මං දෙවපුත්තං,
පක්කොසාපිය සො තතො;
අස්සමං මාපනත්ථාය,
පෙසෙසි වඞ්කපබ්බතං.
විස්සුකම්මොපි ¶ සො සීඝං,
ඔතරිත්වා දෙවලොකතො;
වඞ්කපබ්බත කුච්ඡිම්හි,
මාපෙසි අස්සමෙ දුවෙ.
දුවෙච චඞ්කමෙරත්ති-
දිවා ඨානානිමාපයි;
පටිරූපෙසු ඨානෙසු,
පුප්ඵිතෙ ඵලිතෙ දුමෙ.
පටියාදියිත්වා සමණ-
පරික්ඛාරෙ අසෙසතො;
අක්ඛරානිපි සොකාසි,
එවංඅස්සම භිත්තියං.
පබ්බජ්ජං ¶ ඉච්ඡමානාචෙ,
යොතෙ ඉමෙ ගණ්හන්තුවෙ;
පබ්බජිත්වාන අච්ඡන්තු,
ඉමම්හිඅස්සමෙ සුඛං.
එවංලිඛිත්වාන සොදෙවො,
අමනුස්සෙච භෙරවෙ;
මිගෙ ඛගෙ පලාපෙත්වා,
සකඨාන ගතො අහු.
සො ¶ එකපදිකං මග්ගං,
දිස්වා වෙස්සන්තරො තතො;
පබ්බජිතාන මාවාසො,
අයං හෙහීති චින්තිය.
මද්දිං අස්සම ද්වාරම්හි,
ඨපෙත්වා පුත්තකෙපිච;
අස්සමං පවිසිත්වාන,
පස්සිත්ථ අක්ඛරානිසො.
ඉදංසක්කෙන දින්නංති,
උත්වා සො තුට්ඨමානසො;
පණ්ණසාලං පවිසිත්ථ,
එකකො පබ්බජෙතවෙ.
තහිං ¶ ධනුඤ්ච ඛග්ගඤ්ච,
අපනෙත්වා සසාටකෙ;
ඔමුඤ්චිත්වාන සොරත්ත-
වාකචීරං නිවාසයි.
අංසෙ කත්වාන අජින-
චම්මඤ්ච සක්කදත්තියං;
ගණ්හිත්ථ ඉසිවෙසංසො,
බන්ධිත්වා ජටමණ්ඩලං.
දණ්ඩමාදාය ¶ නික්ඛම්ම,
පණ්ණසාලාය චඞ්කමං;
ආරුය්හ උද, නෙත්වානං,
චඞ්කමී අපරාපරං.
තතොසො පුත්තදාරානං,
සන්තිකං සංවුතින්ද්රියො;
ආගඤ්ඡි සට්ඨි වස්සොව,
ථෙරො ඔරුය්හ චඞ්කමා.
මද්දීදිස්වා මහාසත්තං,
කලුනං පරිදෙවයි;
නිපච්ච තස්ස පාදෙසු,
පුරාණානි අනුත්ථුනං.
තතො ¶ සා බොධිසත්තෙන,
සද්ධිං පවිසි අස්සමං;
ගන්ත්වා සකපණ්ණසාලං,
ඉසිවෙසග්ගහා අහු.
පච්ඡාපුත්තෙපි තාපස-
කුමාරකෙ කරිංසුතෙ;
වසිංසු වඞ්කකුච්ඡිම්හි,
චත්තාරො ඛත්තියාජනා.
අථමද්දී වරංයාචි,
මහාසත්තං මහාඉසිං;
මාතුම්හෙ දෙවගඤ්ඡිත්ථ,
ඵලාඵල ගවෙසනං.
ඉධපුත්තෙ ¶ ගහෙත්වාන,
වසෙය්යාථ යථාසුඛං;
අහමෙවා හරිස්සාමි,
මූලාලෙච ඵලාඵලෙ.
එවංවරං යාචිත්වාන,
අරඤ්ඤතො ඵලාඵලං;
ආහරිත්වාන පොසෙසි,
ජටිනීසා තයොජනෙ.
බොධිසත්තොපි ¶ යාචිත්ත,
වරංමද්දිං සුචාරිනිං;
මාගච්ඡ ආකාලෙභද්දෙ,
පට්ඨායිතො මමන්තිකං.
ඉත්ථීච බ්රහ්මචරිය-
මලංනාම සුමෙධසෙ;
බ්රහ්මචාරිංහි නාසෙන්ති,
තස්මා යාචාමි මංවරං.
සම්පටිච්ඡිත්ථ සාධූති,
සාමද්දී බ්රහ්මචාරිනී;
සකට්ඨානෙ තෙ වසිංසු,
භාවෙන්තා පිය භාවනං.
මෙත්තාය ¶ ආනුභාවෙන,
මහෙසිස්ස තියොජනෙ;
අඤ්ඤමඤ්ඤං මෙත්තායිංසු,
සමන්තා සබ්බපාණිනො.
පාතොවුට්ඨාය මද්දීපි,
උපට්ඨාපිය පානියං;
පරිභොජනියඤ්චෙව,
මුඛොදකඤ්ච ආහරි.
දන්තකට්ඨඤ්ච ¶ පාදාසි,
තතො අස්සමමණ්ඩලං;
සම්මජිත්වාන ද්වෙපුත්තෙ,
ඨපෙත්වා පිතුසන්තිකෙ.
ඛණිත්තිං පච්ඡි මාදාය,
අඞ්කුසඤ්චාපි ගණ්හිය;
වනමූලඵලත්ථාය,
පාවෙක්ඛි එකිකාවනං.
සායන්හසමයෙ පච්ඡිං,
මූලාලෙහි ඵලෙහිච;
පූරාපෙත්වාන සාගඤ්ඡි,
පණ්ණසාලං අරඤ්ඤතො.
ඵලපච්ඡිං ¶ නික්ඛිපෙත්වා,
සයං න්හාත්වාන පුත්තකෙ;
න්හාපෙත්වාච භුඤ්ජිංසු,
මොදෙන්තා චතුරොජනා.
භුත්වා නල්ලාප සල්ලාපං,
කත්වාන පුත්තකෙ දුවෙ;
මද්දීආදාය පාවීසි,
සාපණ්ණසාලමත්තනො.
එවංවුත්තනියාමෙන,
චත්තාරොඛත්තියාජනා;
වඞ්කපබ්බතකුච්ඡිම්හි,
සත්තමාසෙවසිංසුතෙ.
තදාකලිඞ්ගරට්ඨම්හි ¶ ,
ගාමම්හිදුන්නිවිට්ඨකෙ;
බ්රහ්මණොජූචකොනාම,
භික්ඛාචාරො අලක්ඛිකො.
කහාපණසතංලද්ධා,
භික්ඛාචාරෙනබ්රාහ්මණො;
එකබ්රාහ්මණකුලම්හි,
ථපෙත්වාපුනසොගතො.
අනාගන්ත්වාචිරායන්තෙ,
ජූචකම්හිගහාපණං,
ඛීණංබ්රාහ්මණගෙහම්හි,
වලඤ්ජෙත්වාඅසෙසතො.
චොදෙසිගහාපණංසො ¶ ,
පච්ඡාගන්ත්වානජූචකො;
කහාපණස්සඛීණත්තා,
දාතුංනාසක්ඛිබ්රාහ්මණො.
ධීතා තස්ස බ්රාහ්මණස්ස,
නාමෙනාමිත්තතාපනා;
යුවතීරූපවන්තීච,
ජූචකස්සඅදංසුතං.
වසිත්ථදුන්නිවිට්ඨම්හි ¶ ,
ආදායාමිත්තතාපනං;
දහරිංජිණ්ණකොපාපො,
ජූචකොයාචජීවකො.
අමිත්තතාපනාසම්මා,
ගරුංකත්වානබ්රාහ්මණං;
පටිජග්ගතිඉන්දංව,
සූජාඋට්ඨානසීලිනී.
යුවානොබ්රාහ්මණාඅඤ්ඤෙ,
දිස්වානාමිත්තතාපනං;
ජායාවත්තෙනසම්පන්නං,
සදාරෙඉතිතජ්ජරෙ.
අයංමහල්ලකංසම්මා ¶ ,
පටිජග්ගතිජූචකං;
කිං පමජ්ජථ අම්හාකං,
යුවානානංතු වො සතං.
පටිජග්ගථනොබාලා,
පස්සිත්වා මිත්තතාපනං;
නොචෙපටිජග්ගෙය්යාථ,
දණ්ඩෙස්සාමඛරංභුසං.
තජ්ජිතා ¶ භරියාසබ්බා,
පතීහි භයමානසා;
සන්නිසින්නා මන්තලිංසු;
ආරබ්භාමිත්තතාපනං.
පලාපෙස්සාම අය්යායො,
ඉමම්හාදුන්නි විට්ඨතො;
එවංසුඛං විහිස්සාම,
ජූචකස්ස පජාපතිං.
මන්තයිත්වානතා එවං,
නදිං උදකහාරියා;
සමාගන්තා උජ්ඣායිංසු,
තිත්ථෙ අමිත්තතාපනං.
අමිත්තානුනතෙමාතා ¶ ,
අමිත්තොනුනතෙපිතා;
යෙසංජිණ්ණස්සපාදංසු,
එවං දහරියං සතිං.
අහිතංවතතෙඤ්ඤාතී,
මන්තයිංසු රහොගතා;
යෙතංජිණ්ණස්ස පාදංසු,
එවං දහරියංසතිං.
අමනාපවාසංවසති ¶ ,
ජිණ්ණෙනපතිනාසහ;
යාත්වංවසසිජිණ්ණස්ස,
මතන්තෙජීවිතාවරං.
නහිනුනතෙවින්දිංසු,
මාතාපිතාචසොභණෙ;
තුය්හත්ථායජූචකම්හා,
පතිංඅඤ්ඤංසුයොබ්බනං.
දුයිට්ඨංතෙනවමියා,
අකතංඅග්ගිහුතකං;
යෙතංජිණ්ණස්සපාදංසු,
එවංදහරියංසතිං.
සමණෙ ¶ බ්රාහ්මණෙ සුද්ධෙ,
අක්කොසි බ්රාහ්මචාරිනෙ;
යෙනතෙනදහරීත්වං,
මඤ්ඤෙජිණ්ණෙනසඞ්ගමී.
නදුක්ඛංඅහිනාදට්ඨං,
නදුක්ඛංසත්තියාහතං;
තඤ්චදුක්ඛඤ්චතිබ්බඤ්ච,
යංපස්සෙජිණ්ණකංපතිං.
නත්ථිඛිට්ටානත්ථිරති ¶ ,
ජිණ්ණෙනපතිනාසහ;
නත්ථිඅල්ලාපසල්ලාපො,
ජග්ඝිතුංවිනසොභති.
යදාදහරොදහරී,
මන්තයිංසුරහොගතා;
සබ්බසොකාවිනස්සන්ති,
යෙකෙචිහදයස්සිතා.
දහරීත්වංරූපාතී,
පුරිසාත්වමභිපත්ථිතා;
ගච්ඡ ඤාතිකුලෙ අච්ඡ,
කිං ජිණ්ණො රමයිස්සති.
රොදමානාවආගඤ්ඡි ¶ ,
සාඝරංපරිභාසිතා;
බ්රාහ්මණීහි හිරායන්තී,
ඝටමාදායසීඝසො.
රොදන්තිං ආගතංජායං,
දිස්වාකිං භොතිරොදිය;
ආගච්ඡ සීතිපුච්ඡිත්ථ,
පච්චුග්ගච්ඡං වජූචකො.
නතෙබ්රාහ්මණ ¶ ගච්ඡාමි,
නදිං උදකහාරියා;
ථියොමංපරිභාසිංසු,
තයාජිණ්ණෙනබ්රාහ්මණ.
බ්රාහ්මණ්යාභාසමානාය,
කථංසුත්වානබ්රාහ්මණො;
තොසෙන්තොභරියංරුණ්ණං,
ජිණ්ණොසොඑතදබ්රවී.
මාමෙත්වංඅකරාකම්මං,
මමෙඋදකමාහරි;
අහංඋදකමාහිස්සං,
මාභොතිකුපිතාඅහු.
නාහංතම්හිකුලෙජාතා ¶ ,
යංත්වංඋදකමාහරි;
එවංබ්රාහ්මණජානාහි,
නතෙවච්ඡාමිහංඝරෙ.
සචෙමෙදාසංදාසිං වා,
නානයිස්සසිබ්රාහ්මණ;
එවංබ්රාහ්මණජානාහි,
නතෙවච්ඡාමසන්තිකෙ.
නත්ථිමෙ ¶ සිබ්බට්ඨානංවා,
ධනධඤ්ඤඤ්ච බ්රහ්මණි;
කුතොතං දාසංදාසිං වා,
ආනයිස්සාමි භොතියා,
අහංභොතිං උපට්ඨිස්සං,
මාභොතිකු පිතාඅහු.
එහිතෙ අහ මක්ඛිස්සං,
යථාමෙවචනංසුතං;
එසවෙස්සන්තරො රාජා,
වඞ්කෙවසති පබ්බතෙ.
තංත්වංගන්ත්වාන යාචස්සු,
දාසංදාසිඤ්ච බ්රහ්මණ;
සොතෙදස්සති යාචිතො,
දාසංදාසිඤ්ච ඛත්ථියො.
ජිණ්ණොහස්මි ¶ දුබ්බලො,
දීඝොචද්ධාසු දුග්ගමො;
කථංගන්තුං සක්ඛිස්සමි,
උපඨිස්සාමි තං අහං.
යථාඅගන්ත්වා සඞ්ගාමං,
අයුද්ධොව පරාජිතො,
එවමෙව තුවංබ්රහ්මෙ,
අගන්ත්වාව පරාජිතො.
සචෙමෙ ¶ දාසංදාසිං වා,
නානයිස්සසි බ්රහ්මණ;
එවං බ්රහ්මණ ජානාහි,
නතෙවච්ඡා මහංඝරෙ;
අමනාපං තෙකරිස්සාමි,
තංතෙදුක්ඛං භවිස්සති.
නක්ඛත්තෙ උතුපුප්ඵෙසු,
යදාමංදක්ඛසි ලඞ්කතං;
අඤ්ඤෙහි සද්ධිං රමමානං,
තන්තෙදුක්ඛං භවිස්සති.
අදස්සනෙන ¶ මය්හංතෙ,
ජිණ්ණස්ස පරිදෙවතො;
භිය්යොවඞ්කා පලිතාච,
බහූහෙස්සන්ති බ්රහ්මණ.
තතො සො බ්රහ්මණො භීතො,
බ්රහ්මණියාව සානුගො;
අට්ටිතො කාමරාගෙන,
බ්රහ්මණිං එතදබ්රවී.
පාථෙය්යංමෙකරොහිත්වං ¶ ,
සංකුල්යාසකලානිච;
මධුපිණ්ඩිකාචසුකතායො,
සත්ථු භත්තඤ්චබ්රහ්මණි.
ආනයිස්සං මෙථුනකෙ,
උභොදාසකුමාරකෙ;
තෙතංපරිචරිස්සන්ති,
රත්තිංදිවමතන්දිතා.
සාඛිප්පංපටියාදෙසි ¶ ,
පාථෙය්යංමිත්තතාපනා;
පටියාදිතන්ති ආචික්ඛි,
බ්රහ්මණස්සඅලක්ඛිනො.
ගෙහෙදුබ්බලඨානංසො,
ථිරංකත්වානබ්රහ්මණො;
භරියායගොපනත්ථං,
ගුත්තද්වාරඤ්චසඞ්ඛරි.
දාරූනිආහරිත්වාන,
ඝටෙපූරෙසිවාරිනා;
ජායායසුඛවාසත්ථං,
අනික්ඛන්තුංචගෙහතො.
පච්චක්ඛෙයෙව ¶ ජායාය,
ඉසිවෙසංසමාදිය;
පස්සිත්වාභරියංඑවං,
ඔවදෙසිසජූචකො.
ඉතොපඨායත්වංභද්දෙ,
විකාලෙමාස්සුනික්ඛමි;
මමආගමනායාව,
වසෙසිඅප්පමත්තකා.
ඉදංවත්වානලග්ගිත්වා ¶ ,
සොපාථෙය්යපසිබ්බහං;
උපාහනඤ්චආරුය්හ,
ගණ්හීකත්තරදණ්ඩකං.
තතොසොරුණ්ණමුඛෙන,
භරියංකත්වාපදක්ඛිණං;
සොචමානො වපක්කාමි,
දාසකෙ පරියෙසිතුං.