📜

నమో తస్స భగవతో అరహతో సమ్మాసమ్బుద్ధస్స

బుద్ధగుణగాథావలీ

యథేవ పుప్ఫరాసిమ్హా, గన్థేయ్య మాలా సోభనా;

ఏవం బుద్ధగుణగాథా, విరచిం సహస్సాధికా.

సోపి భగవా అరహం, సమ్మాసమ్బుద్ధో సయమ్భూ;

విజ్జాచరణసమ్పన్నో, బుద్ధం తం పణమామ్యహం.౧.

పురిసదమ్మసారథీ, లోకవిదూ అనుత్తరో;

సత్థాదేవమనుస్సానం, బుద్ధం తం పణమామ్యహం.౨.

సుగతో సుగదో సామీ, సుఖదో సన్తిపదాయకో;

సబ్బలోకానుకమ్పకో, బుద్ధం తం పణమామ్యహం.౩.

వరో వరఞ్ఞూ వరదో, వరుత్తమో వరాహరో;

వరధమ్మం అదేసయి, బుద్ధం తం పణమామ్యహం.౪.

మహామఙ్గలమఙ్గల్యో, మఙ్గలో మఙ్గలాలయో;

మఙ్గలాయతనో నాథో, బుద్ధం తం పణమామ్యహం.౫.

మఙ్గలిన్దో మఙ్గలికో, మహామఙ్గలనాయకో;

మఙ్గలధమ్మం దేసేసి, బుద్ధం తం పణమామ్యహం.౬.

మఙ్గలగ్గో మఙ్గలఞ్ఞూ, మఙ్గలత్థపదాయకో;

మఙ్గలపన్థదస్సావీ, బుద్ధం తం పణమామ్యహం.౭.

మఙ్గలిచ్ఛో మఙ్గలిద్ధో, మఙ్గలమభివద్ధనో;

మఙ్గలేహి పరిపుణ్ణో, బుద్ధం తం పణమామ్యహం.౮.

మఙ్గలాభా ఉజ్జోతేసి, మఙ్గలత్థపభాకరో;

మఙ్గలాలోకమణ్డితో, బుద్ధం తం పణమామ్యహం.౯.

మఙ్గలత్థమనుప్పత్తో, మఙ్గలత్థపరాయణో;

సబ్బదా మఙ్గలకరో, బుద్ధం తం పణమామ్యహం.౧౦.

మఙ్గలమగ్గమన్వేసి, పత్తో మఙ్గలముత్తమం;

మఙ్గలాయనం దస్సేతా, బుద్ధం తం పణమామ్యహం.౧౧.

మఙ్గలమహిమాధారీ, మఙ్గలకారీ నాయకో;

సబ్బధి మఙ్గలదాతా, బుద్ధం తం పణమామ్యహం.౧౨.

మఙ్గలస్స కోవిదో చ, అమఙ్గలస్స కోవిదో;

పరమం మఙ్గలం లద్ధో, బుద్ధం తం పణమామ్యహం.౧౩.

సబ్బమఙ్గలసమ్పన్నో, మఙ్గలఘోసఘోసకో;

మఙ్గలుత్తమం దేసేసి, బుద్ధం తం పణమామ్యహం.౧౪.

మహామఙ్గలత్థం మగ్గీ, లద్ధో ధమ్మసుమఙ్గలో;

మఙ్గల’ద్ధానం ఞాపేసి, బుద్ధం తం పణమామ్యహం.౧౫.

అగారికత్థం ఞాపేసి, మహామఙ్గలముత్తమం;

గిహీ సహాయకో సామీ, బుద్ధం తం పణమామ్యహం.౧౬.

మహామఙ్గల’లఙ్కితో, మహామఙ్గలభూసనో;

మహామఙ్గలసేఖరో, బుద్ధం తం పణమామ్యహం.౧౭.

మహామఙ్గలంసుమాలీ, మఙ్గలాభో సముజ్జలో;

మఙ్గలంసుం ఉజ్జోతేసి, బుద్ధం తం పణమామ్యహం.౧౮.

మహగ్ఘ మఙ్గలోదధి, మహన్తమఙ్గలణ్ణవో;

మహామఙ్గలసాగరో, బుద్ధం తం పణమామ్యహం.౧౯.

అమఙ్గలనిసాహన్తా, మఙ్గలభానుభస్సరో;

మఙ్గలాలోకవికిణ్ణో, బుద్ధం తం పణమామ్యహం.౨౦.

బాహుసచ్చో బుజ్ఝనకో, ధమ్మచక్ఖుఉప్పాదకో;

తిభవమఙ్గలఙ్కారీ, బుద్ధం తం పణమామ్యహం.౨౧.

మహావత్తా పవత్తా చ, అత్థస్స నిన్నేతా పభూ;

అమతస్స దాతా విఞ్ఞూ, బుద్ధం తం పణమామ్యహం.౨౨.

దివా తపతి ఆదిచ్చో, రత్తిం దిప్పతి చన్దిమా;

రత్తిందివం తపి నాథో, బుద్ధం తం పణమామ్యహం.౨౩.

సన్నద్ధో ఖత్తియో తపతి, ఝాయీ తపతి బ్రాహ్మణో;

నిరన్తరం తపి నాథో, బుద్ధం తం పణమామ్యహం.౨౪.

దుక్ఖదోమనస్సనాసీ, సోకపరిదేవక్ఖయో;

జాతిమచ్చుజరాతిగో, బుద్ధం తం పణమామ్యహం.౨౫.

యథావాదీ తథాకారీ, తథవాదీ తథాగతో;

యథాకారీ తథావాదీ, బుద్ధం తం పణమామ్యహం.౨౬.

భగ్గరాగో భగ్గదోసో, భగ్గమోహో సో భగవా;

భగ్గమానో భగ్గమాయో, బుద్ధం తం పణమామ్యహం.౨౭.

భగ్గకామో భగ్గకోధో, భగ్గకోపో భగ్గకుహో;

భగ్గకసావో భగ్గిన్ధో, బుద్ధం తం పణమామ్యహం.౨౮.

భగ్గజాతి భగ్గమచ్చూ, భగ్గలోకో భగ్గభవో;

భగ్గసంసారో భగ్గోఘో, బుద్ధం తం పణమామ్యహం.౨౯.

భోగభగ్గో సోకభగ్గో, రోగభగ్గో భగ్గరజో;

సూలభగ్గో సల్లభగ్గో, బుద్ధం తం పణమామ్యహం.౩౦.

ఆసాభగ్గో ఇస్సాభగ్గో, ఏజాభగ్గో భగ్గజటా;

ఛన్దభగ్గో బన్ధభగ్గో, బుద్ధం తం పణమామ్యహం.౩౧.

వీతరాగో వీతదోసో, వీతమోహో వీతాసవో;

వీతకామో వీతకోధో, బుద్ధం తం పణమామ్యహం.౩౨.

వీతపాపో వీతపుఞ్ఞో, వీతభారో వీతమలో;

వీతవికారో వీతిన్ధో, బుద్ధం తం పణమామ్యహం.౩౩.

వన్తరాగో వన్తదోసో, వన్తమోహో వన్తమలో;

వన్తకసావో వన్తీఘో, బుద్ధం తం పణమామ్యహం.౩౪.

వన్తరాగో వన్తదోసో, వన్తమోహో వన్తమలో;

వన్తకసావో వన్తీఘో, బుద్ధం తం పణమామ్యహం.౩౫.

సగ్గురు తిలోకగురు, సబ్బసత్తానమగ్గగురూ;

నేతారేసు మహానేతా, బుద్ధం తం పణమామ్యహం.౩౬.

మహాగురు నరగురు, దేవగురు గురుత్తమో!

జేట్ఠగురు సేట్ఠగురు, బుద్ధం తం పణమామ్యహం.౩౭.

విస్సగురు లోకగురు, ధమ్మగురు గురూత్తమో;

నత్థి ఏతాదిసో గురు, బుద్ధం తం పణమామ్యహం.౩౮.

మహాసత్థా మహాసోత్థి, మహామిత్తో మహాసఖా;

మహాకల్యాణమిత్తో యో, బుద్ధం తం పణమామ్యహం.౩౯.

మహాపఞ్ఞో మహావిఞ్ఞూ, మహావిద్వా మహావిదూ;

మహామేధావీ సుమేధో, బుద్ధం తం పణమామ్యహం.౪౦.

మహాసుద్ధో మహాభద్దో, మహాదయో మహాసయో;

మహాదిబ్బో మహాభబ్బో, బుద్ధం తం పణమామ్యహం.౪౧.

మహావీరో మహాధీరో, మహాసూరో మహబ్బలో;

మహామారచమూ మద్ది, బుద్ధం తం పణమామ్యహం.౪౨.

మహాజేట్ఠో మహాసేట్ఠో, మహగ్గో మహానాయకో;

మహాఛేకో మహాదక్ఖో, బుద్ధం తం పణమామ్యహం.౪౩.

మహాబ్యత్తో మహాఞాతో, మహాఖ్యాతో మహాయసీ;

మహిద్ధో మహావిఖ్యాతో, బుద్ధం తం పణమామ్యహం.౪౪.

మహాతుట్ఠో మహాహట్ఠో, మహాజవో మహాజయో;

మహాసన్తుట్ఠో విసిట్ఠో, బుద్ధం తం పణమామ్యహం.౪౫.

మహానాథో మహాసామీ, మహాపభూ మహావిభూ;

మహిస్సరో బోధిస్సరో, బుద్ధం తం పణమామ్యహం.౪౬.

మహావణ్ణో మహాకన్తో, మనోపియో మనాపికో;

మహాసోభనో మనుఞ్ఞో, బుద్ధం తం పణమామ్యహం.౪౭.

మహాఝాయీ మహాఞాణీ, మహాధీమా మహాసుధీ;

మహావిభావీ మేధావీ, బుద్ధం తం పణమామ్యహం.౪౮.

మహాఖన్తీ చ తితిక్ఖో, మహానిక్కఙ్ఖో ధమ్మగూ;

మహాసంయతో సంవుతో, బుద్ధం తం పణమామ్యహం.౪౯.

మహాథోమితో పూజితో, మహామానితో వన్దితో;

మహాభివాదితో భియ్యో, బుద్ధం తం పణమామ్యహం.౫౦.

మహతత్థో మహత్థికో, మహన్తత్థో మహత్తరో;

మహన్తో మహత్తప్పత్తో, బుద్ధం తం పణమామ్యహం.౫౧.

మహాలాభీ మహాకారీ, మహాదాయీ మహాధనీ;

మహావిజ్జో మహాపుజ్జో, బుద్ధం తం పణమామ్యహం.౫౨.

మహాబుద్ధి మహాబుధా, మహాపబోధిపుఙ్గవో;

మహాభవణ్ణవం తిణ్ణో, బుద్ధం తం పణమామ్యహం.౫౩.

మహానాగో మహాభాగో, మహాబాహో మహిద్ధికో;

మహాయోధో మహగ్గతో, బుద్ధం తం పణమామ్యహం.౫౪.

మహాదన్తో మహాసన్తో, మహాగణీ మహాగుణీ;

మహాసన్తిపదాయకో, బుద్ధం తం పణమామ్యహం.౫౫.

మహాసీలో మహాచిత్తో, మహాబుధో మహేసినో;

మహామోహోదధిం తిణ్ణో, బుద్ధం తం పణమామ్యహం.౫౬.

మహాతపస్సీ ధమ్మేసీ, మహాయసస్సీ నాయకో;

మహాపతాపీ తేజస్సీ, బుద్ధం తం పణమామ్యహం.౫౭.

మహాఆభో మహాపభో, మోహన్ధకారభిన్దకో;

ఞాణపదీపం దీపేసి, బుద్ధం తం పణమామ్యహం.౫౮.

మహాపస్సద్ధిదాయకో, మునిరాజా మునిస్సరో;

సన్తిదదో సుఖదదో, బుద్ధం తం పణమామ్యహం.౫౯.

మహానీవరణా’తీతో, మహామోహసమూహతో;

మహోఘతిణ్ణో మోక్ఖకో, బుద్ధం తం పణమామ్యహం.౬౦.

మహాభవోపధిచత్తో, లోభదోసవినాసకో;

మహారిపుం నిమద్దేసి, బుద్ధం తం పణమామ్యహం.౬౧.

మహా’భిఞ్ఞాబలప్పత్తో, మహామఞ్ఞితనాసకో;

మహాసద్ధమం నిద్దిసి, బుద్ధం తం పణమామ్యహం.౬౨.

అహోరత్తిం సదాసుద్ధో, మహాలోకగ్గనాయకో;

సమత్తవిస్సవిస్సుతో, బుద్ధం తం పణమామ్యహం.౬౩.

మహాఅవిజ్జాఉచ్ఛిన్నో, మహాఆసత్తిరిఞ్చకో;

మహాజటా విజటేసి, బుద్ధం తం పణమామ్యహం.౬౪.

మహాసూలవివత్తకో, మహాసల్లవినోదనో;

మహాసవం బ్యన్తికరో, బుద్ధం తం పణమామ్యహం.౬౫.

మహాపరక్కమీ సూరో, సబ్బథా అపరాజయో;

అచ్చన్తఅభయో వీరో, బుద్ధం తం పణమామ్యహం.౬౬.

మహాతణ్హావీతివత్తో, మహాసోకపనూదనో;

మహాదుక్ఖమతిక్కన్తో, బుద్ధం తం పణమామ్యహం.౬౭.

మహామానమతిక్కమో, మారసేననిమ్మద్దనో;

కమ్మక్లేసం నిజ్జరేసి, బుద్ధం తం పణమామ్యహం.౬౮.

మహాభవోదధిత్తిణ్ణో, పాపణ్ణవపారఙ్గతో;

మహాసంసరణాతిగో, బుద్ధం తం పణమామ్యహం.౬౯.

మహాసంయోజనాతీతో, మహావట్టవినాసకో;

మహాసంసారోఘతిణ్ణో, బుద్ధం తం పణమామ్యహం.౭౦.

మహారాగవిరఞ్జకో, మహాదోసనిమ్మద్దకో;

మహాసోతం విసోసేసి, బుద్ధం తం పణమామ్యహం.౭౧.

మహామేత్తావిహారీ యో, మహాపుఞ్ఞో మహారహో;

మహాకరుణాసాగరో, బుద్ధం తం పణమామ్యహం.౭౨.

మహాభవసిన్ధులఙ్ఘీ, భవముత్తో భవన్తగూ;

సోకసూలసముచ్ఛిన్నో, బుద్ధం తం పణమామ్యహం.౭౩.

మహావనపథాతీతో, మహాకన్తారపారగూ;

మహాభవోఘనిత్తిణ్ణో, బుద్ధం తం పణమామ్యహం.౭౪.

మహామగ్గఫలప్పత్తో, సుపత్తో అమతోదధీ;

భవచక్కం విభఞ్జేసి, బుద్ధం తం పణమామ్యహం.౭౫.

మహాసుబోధిసమ్పన్నో, ముత్తిమగ్గసుభావితో;

భవబన్ధనం భఞ్జేసి, బుద్ధం తం పణమామ్యహం.౭౬.

మహానన్దీసముచ్ఛిన్నో, మహాకిలేసనిస్సటో;

మహాపాపోఘముత్తిణ్ణో, బుద్ధం తం పణమామ్యహం.౭౭.

మహాపిహాపరిక్ఖీణో, మహాసంయోజనే నుదో;

సబ్బాసవే వినోదేసి, బుద్ధం తం పణమామ్యహం.౭౮.

మోహతిమిరం భఞ్జేసి, సురియో’వ పభఙ్కరో;

మహాజుతిం పభాసేసి, బుద్ధం తం పణమామ్యహం.౭౯.

మహాభయం పదాలేసి, ఛమ్భచ్ఛిన్నో భయనుదో;

మహాదుక్ఖక్ఖన్ధనుదో, బుద్ధం తం పణమామ్యహం.౮౦.

మహాసత్తుం వినాసేసి, సత్తిధారీ మహాబలీ;

మహాసిద్ధో మహేసక్ఖో, బుద్ధం తం పణమామ్యహం.౮౧.

మహాతమం పనుది చ, మహాజోతిపభాసకో;

ఆదిచ్చో వియ దీపేసి, బుద్ధం తం పణమామ్యహం.౮౨.

మహాభోగపరిచ్చాగీ, తిణ్ణమహాతణ్హణ్ణవో;

మోహుదధిం పారఙ్గతో, బుద్ధం తం పణమామ్యహం.౮౩.

మహాభిఞ్ఞాబలప్పత్తో, మహాపధాననాయకో;

మహాబన్ధనవిముత్తో, బుద్ధం తం పణమామ్యహం.౮౪.

మహాబోధిమహణ్ణవో, మహాసమ్బోధిసాగరో;

మహాఞాణమహోదధి, బుద్ధం తం పణమామ్యహం.౮౫.

మహాభిసక్కో యతీన్దో, తణ్హారోగతికిచ్ఛకో;

దుక్ఖతో బహూ మోచేసి, బుద్ధం తం పణమామ్యహం.౮౬.

మహామహిమామణ్డితో, ఛబ్బణ్ణరంసిధారకో;

మహాపభాయ బ్యాపకో, బుద్ధం తం పణమామ్యహం.౮౭.

మహాకరుణాసమ్పత్తో, సదా మేత్తాయ’భిరతో;

మహాజనహితరతో, బుద్ధం తం పణమామ్యహం.౮౮.

మహామిచ్ఛాదిట్ఠిం హన్తా, మహాసద్ధమ్ముద్దేసకో;

మహాఅన్తకుపచ్ఛిన్నో, బుద్ధం తం పణమామ్యహం.౮౯.

మహాసోకసల్లకత్తో, మహాఖీలవిసోధనో;

మహాసన్తికరో లోకే, బుద్ధం తం పణమామ్యహం.౯౦.

మహాపాపపఙ్కం ధోతా, మహాదుక్ఖవిమోచకో;

మహాసజ్జనం సోధేసి, బుద్ధం తం పణమామ్యహం.౯౧.

మహాఅన్తకహన్తా యో, మచ్చుసేనవినాసకో;

మహాతణ్హం వినోదేసి, బుద్ధం తం పణమామ్యహం.౯౨.

మహాదిట్ఠిం విద్ధంసేసి, పాపపుఞ్ఞసమూహతో;

మానం మాయఞ్చ మద్దేసి, బుద్ధం తం పణమామ్యహం.౯౩.

మహామోహం వినాసేసి, మహారాగనిరోధకో;

మహాదోసం నిద్ధంసేసి, బుద్ధం తం పణమామ్యహం.౯౪.

విచిత్రధమ్మకథికో, అబ్భుతమగ్గుద్దేసకో;

మహక్ఖాతో మహాకథీ, బుద్ధం తం పణమామ్యహం.౯౫.

మహావాదీ కమ్మవాదీ, మహాసక్యమునీవరో;

మునిపుఙ్గవో మునిన్దో, బుద్ధం తం పణమామ్యహం.౯౬.

మహామోహనిసానాసీ, మహాపభా విత్థారకో;

మహాజుణ్హా పజ్జోతేసి, బుద్ధం తం పణమామ్యహం.౯౭.

మహా’విజ్జానిసా హన్తా, విజ్జారంసివిభూసితో;

మహాధమ్మాభా వికరి, బుద్ధం తం పణమామ్యహం.౯౮.

మహామోహం నిమ్మద్దేసి, మాయాజాలవిమోచనో;

మిచ్ఛావాదం పమద్దేసి, బుద్ధం తం పణమామ్యహం.౯౯.

ఆసవసోతం సోసేసి, మహావ్యాపాదమద్దనో;

మోహమహోదధితిణ్ణో, బుద్ధం తం పణమామ్యహం.౧౦౦.

మహామోహమతిక్కన్తో, మహాసఙ్కావినోదనో;

మహాభవోఘనిత్తిణ్ణో, బుద్ధం తం పణమామ్యహం.౧౦౧.

పాణాతిపాతా విరతో, చత్తదణ్డో అహింసకో;

అమితమేత్తవారిధి, బుద్ధం తం పణమామ్యహం.౧౦౨.

అదిన్నాదానా విరతో, అనిచ్ఛో అపరిగ్గహో;

సబ్బస్స చాగీ విరాగీ, బుద్ధం తం పణమామ్యహం.౧౦౩.

అబ్రహ్మచరియాతీతో, కామభోగపరిచ్చజో;

మారధీతామానం మద్ది, బుద్ధం తం పణమామ్యహం.౧౦౪.

కాయానురక్ఖీ సుదన్తో, వాచానురక్ఖీ సుబ్బతో;

మహాసీలేన సమ్పన్నో, బుద్ధం తం పణమామ్యహం.౧౦౫.

సమ్మాఆజీవసమ్పన్నో, సుద్ధాచరణచారకో;

సీలసిరోమణి సామీ, బుద్ధం తం పణమామ్యహం.౧౦౬.

సుభరో సీలసమ్పన్నో, సుద్ధాచారసిరోమణీ;

థామవా జవసమ్పన్నో, బుద్ధం తం పణమామ్యహం.౧౦౭.

అవికప్పో అవితక్కో, అవిచారో అచిన్తకో;

చిత్తఏకగ్గతాప్పత్తో, బుద్ధం తం పణమామ్యహం.౧౦౮.

ఇన్ద్రియాని సురక్ఖేసి, సతో సంవరమానసో;

సమ్మాసమాహితచిత్తో, బుద్ధం తం పణమామ్యహం.౧౦౯.

పబలపఞ్ఞో పఞ్ఞఞ్ఞూ, గమ్భీరపఞ్ఞాసోభనో;

సమ్పన్నపఞ్ఞో పఞ్ఞక్ఖో, బుద్ధం తం పణమామ్యహం.౧౧౦.

పహూతపఞ్ఞో సుపఞ్ఞో, పుథులపఞ్ఞో పఞ్ఞవా;

పగుణఞాణో ఞాణక్ఖో, బుద్ధం తం పణమామ్యహం.౧౧౧.

తిక్ఖపఞ్ఞో ఖిప్పపఞ్ఞో, పుణ్ణపఞ్ఞో పఞ్ఞాపభూ;

పఞ్ఞానాథో పఞ్ఞాసామీ, బుద్ధం తం పణమామ్యహం.౧౧౨.

ధువపఞ్ఞో ఠితపఞ్ఞో, థిరపఞ్ఞో పఞ్ఞాదదో;

పరియోదాతపఞ్ఞో యో, బుద్ధం తం పణమామ్యహం.౧౧౩.

పఞ్ఞాయ పారమీప్పత్తో, అనన్తపఞ్ఞసేఖరో;

పుఞ్ఞపారమీసమ్పన్నో, బుద్ధం తం పణమామ్యహం.౧౧౪.

పఞ్ఞాధనీ పఞ్ఞాబలీ, పఞ్ఞాసీలసమాహితో;

పఞ్ఞాపతి పఞ్ఞాధారీ, బుద్ధం తం పణమామ్యహం.౧౧౫.

పఞ్ఞవన్తో సుధీమన్తో, సీధపఞ్ఞో పఞ్ఞానిధి;

పఞ్ఞావారిధి పఞ్ఞగూ, బుద్ధం తం పణమామ్యహం.౧౧౬.

పగుణపఞ్ఞాకుసలో, అనన్తపఞ్ఞవా విభూ;

సేట్ఠపఞ్ఞో జేట్ఠపఞ్ఞో, బుద్ధం తం పణమామ్యహం.౧౧౭.

పరిపుణ్ణపఞ్ఞో పుణ్ణో, పవరపఞ్ఞపారగూ;

పఞ్ఞిస్సరో ఞాణిస్సరో, బుద్ధం తం పణమామ్యహం.౧౧౮.

అచ్చన్తఅమలపఞ్ఞో, సమ్పుణ్ణపటిభానవా;

పటివేధపఞ్ఞాధారీ, బుద్ధం తం పణమామ్యహం.౧౧౯.

అనోమపఞ్ఞో అనోమో, భూరిపఞ్ఞో పఞ్ఞవరో;

పరిసుద్ధపఞ్ఞో సుద్ధో, బుద్ధం తం పణమామ్యహం.౧౨౦.

నిబ్బేధికపఞ్ఞో నాథో, పటిబోధపఞ్ఞో పటూ;

విసుద్ధపఞ్ఞో సంసుద్ధో, బుద్ధం తం పణమామ్యహం.౧౨౧.

పఞ్ఞాచక్ఖు ఞాణచక్ఖు, బుద్ధచక్ఖు సుచక్ఖుమా;

సమన్తచక్ఖు సమ్పుణ్ణో, బుద్ధం తం పణమామ్యహం.౧౨౨.

పబలపఞ్ఞాసంయుత్తో, తిక్ఖమేధో మేధామయో;

పుణ్ణాభిఞ్ఞా అఞ్ఞాతావీ, బుద్ధం తం పణమామ్యహం.౧౨౩.

పఞ్ఞావుధేన సమ్పన్నో, అజేయ్యో అజితో పభూ;

జినో అజిని పాపిమం, బుద్ధం తం పణమామ్యహం.౧౨౪.

అసఙ్ఖతమనుప్పత్తో, పఞ్ఞా’భరణభూసితో;

పరమత్థం పఞ్ఞాపేసి, బుద్ధం తం పణమామ్యహం.౧౨౫.

పఞ్ఞవా పఞ్ఞం పసారేసి, ఞాణీ ఞాణసంవడ్ఢనో;

అధమ్మధంసకో ధమ్మీ, బుద్ధం తం పణమామ్యహం.౧౨౬.

పఞ్ఞాసేఖరో పఞ్ఞిన్దో, ఞాణిన్దో ఞాణసేఖరో;

ధమ్మసేఖరో ధమ్మిన్దో, బుద్ధం తం పణమామ్యహం.౧౨౭.

జవనపఞ్ఞో జితత్తో, సబ్బగన్థప్పమోచనో;

గణ్ఠిముత్తో గుత్తద్వారో, బుద్ధం తం పణమామ్యహం.౧౨౮.

బహుపఞ్ఞో బహుకారీ, బహుఞాణీ బహుగుణో;

బహులగుణసమ్పన్నో, బుద్ధం తం పణమామ్యహం.౧౨౯.

పఞ్ఞావిముత్తిసమ్పన్నో, మోహాతీతో దుక్ఖాతిగో;

కిలేససల్లకన్తకో, బుద్ధం తం పణమామ్యహం.౧౩౦.

బోధిహదయో సమ్బుద్ధో, పఞ్ఞిన్దో పఞ్ఞమానసో;

ఞాణచేతసో ఞాణాభో, బుద్ధం తం పణమామ్యహం.౧౩౧.

ధువసీలో ధువచిత్తో, ధువమేధో ధువఙ్గతో;

ధువముత్తో ధువలద్ధో, బుద్ధం తం పణమామ్యహం.౧౩౨.

సీలబలీ చిత్తబలీ, పఞ్ఞాబలీ అఞ్ఞాబలీ;

ధమ్మబలీ ధీరబలీ, బుద్ధం తం పణమామ్యహం.౧౩౩.

సీలధనీ చిత్తధనీ, పఞ్ఞాధనీ అఞ్ఞాధనీ;

ధమ్మధనీ ధీరధనీ, బుద్ధం తం పణమామ్యహం.౧౩౪.

కాయాసంవరసంయతో, సంయతవాచాసంవరో;

చిత్తసంవర సంయతో, బుద్ధం తం పణమామ్యహం.౧౩౫.

సీలగ్గో సమాధిప్పత్తో, పఞ్ఞప్పత్తో సుభావితో;

ధమ్మసుధారసం పాయీ, బుద్ధం తం పణమామ్యహం.౧౩౬.

సుసీలో సమాధిప్పత్తో, పఞ్ఞాలఙ్కార’లఙ్కతో;

ధమ్మాభరణభూసితో, బుద్ధం తం పణమామ్యహం.౧౩౭.

సమ్మాసమాధి’లఙ్కితో, సీలపఞ్ఞవిభూసతో;

సబ్బాభిఞ్ఞాబలప్పత్తో, బుద్ధం తం పణమామ్యహం.౧౩౮.

సుద్ధసీలో సుద్ధచిత్తో, సుద్ధపఞ్ఞో సుద్ధమనో;

సుద్ధధమ్మం పకాసేసి, బుద్ధం తం పణమామ్యహం.౧౩౯.

సీలవా సుసమాహితో, పఞ్ఞవా యసవా ఇసి;

లోకవిస్సుతో విదితో, బుద్ధం తం పణమామ్యహం.౧౪౦.

సీలసమాధిసమ్పన్నో, విధురో పఞ్ఞపుఙ్గవో;

సబ్బేసం సబ్బం బోధేసి, బుద్ధం తం పణమామ్యహం.౧౪౧.

అనన్తఞాణీ నిజ్ఝానీ, ఞాణసీసచూళామణి;

ఞాణక్ఖో నరపామోక్ఖో, బుద్ధం తం పణమామ్యహం.౧౪౨.

నాయకానం వరో నాథో, ఞాణికో ఞాణపుణ్ణికో;

ఞాణసమత్థో ఞాణట్ఠో, బుద్ధం తం పణమామ్యహం.౧౪౩.

ఞాణరామో ఞాణరతో, గమ్భీరఞాణకోవిదో;

ఞాణదస్సనసమ్పన్నో, బుద్ధం తం పణమామ్యహం.౧౪౪.

ఞాణసోభితో ఞాణగ్గూ, ఞాణ’లఙ్కార’లఙ్కతో;

ఞాణసిరోమణి ఞాణీ, బుద్ధం తం పణమామ్యహం.౧౪౫.

ఞాణవన్తో ఞాణవరో, ఞాణనేరు సుఞ్ఞాణవా;

ఞాణసిన్ధు ఞాణోదధి, బుద్ధం తం పణమామ్యహం.౧౪౬.

ఞాణమోలి ఞాణముద్ధో, ఞాణదీపో ఞాణసిఖో;

ఞాణమేరు ఞాణసిఙ్గో, బుద్ధం తం పణమామ్యహం.౧౪౭.

గమ్భీరఞ్ఞాణీ మేధావీ, తిక్ఖఞ్ఞాణీ విచక్ఖణో;

అఞ్ఞాణమూలం భఞ్జేసి, బుద్ధం తం పణమామ్యహం.౧౪౮.

సబ్బఞాణీ సబ్బఞ్ఞాతో, సత్థా సమ్మపవత్తకో;

సుద్ధధమ్మం విత్థారేసి, బుద్ధం తం పణమామ్యహం.౧౪౯.

సబ్బఞ్ఞుతఞాణపత్తో, సబ్బవిఞ్ఞూ వినాయకో;

నిబ్బానసుఖసమ్పత్తో, బుద్ధం తం పణమామ్యహం.౧౫౦.

సబ్బఞ్ఞూ సబ్బఞాణికో, సబ్బతో మఞ్ఞనాజహో;

సబ్బమథితవిక్ఖీణో, బుద్ధం తం పణమామ్యహం.౧౫౧.

సబ్బఞాణాధిపతికో, సమత్థో పవరో పభూ;

సబ్బతో ఞాణదస్సావీ, బుద్ధం తం పణమామ్యహం.౧౫౨.

దసబలాధిపో నాగో, అమితఞాణాధిపతి;

బహుం ఇద్ధిం అనుప్పత్తో, బుద్ధం తం పణమామ్యహం.౧౫౩.

పటివేధఞాణయుత్తో, మాయాపటపచ్ఛేదకో;

అవిజ్జం పరిధంసేసి, బుద్ధం తం పణమామ్యహం.౧౫౪.

ముత్తిఞాణం గవేసి యో, మగ్గసచ్చపకాసకో;

మగ్గ’క్ఖాయీ మగ్గవిదూ, బుద్ధం తం పణమామ్యహం.౧౫౫.

సబ్బాఞ్ఞాణం వినాసేసి, మహాపఞ్ఞానముత్తమో;

బోధిఞాణమహాసిన్ధు, బుద్ధం తం పణమామ్యహం.౧౫౬.

సమ్మాదస్సనసమ్పత్తో, సమ్మాఞాణపతిట్ఠితో;

సమ్మావిముత్తిజితత్తో, బుద్ధం తం పణమామ్యహం.౧౫౭.

అరహా విజ్జాసమ్పన్నో, ఞాణసిఖరసేఖరో;

పరమం సుఖం సమ్పత్తో, బుద్ధం తం పణమామ్యహం.౧౫౮.

పరమఞాణసమ్పన్నో, పవరపఞ్ఞాపుణ్ణికో;

సమ్మావిముత్తిం సమ్పత్తో, బుద్ధం తం పణమామ్యహం.౧౫౯.

సబ్బదస్సావీ సుఞ్ఞాణీ, సబ్బకిచ్చేసు పణ్డితో;

సబ్బధి సుగుణుపేతో, బుద్ధం తం పణమామ్యహం.౧౬౦.

సంవేదనా సంవేదిత్వా, సమ్మాసమ్బోధిం బోధయి;

సోకవిగతో సుమతో, బుద్ధం తం పణమామ్యహం.౧౬౧.

వేదనాసు వీతగిజ్ఝో, వేదనాముత్తో సబ్బథా;

వేదగూ చ వేదన్తగూ, బుద్ధం తం పణమామ్యహం.౧౬౨.

విస్సాసభూమి సత్తానం, అన్ధానం నయనూపమో;

అరక్ఖేయ్యో ఆరక్ఖకో, బుద్ధం తం పణమామ్యహం.౧౬౩.

దుక్ఖసక్ఖీ దుక్ఖక్ఖీణో, దుక్ఖవిదూ దుక్ఖన్తగూ;

దుక్ఖప్పహీనో దుక్ఖఞ్ఞూ, బుద్ధం తం పణమామ్యహం.౧౬౪.

కాయసక్ఖీ చిత్తసక్ఖీ, వేదనానుసక్ఖీ సుఖీ;

ధమ్మానుసక్ఖీ సుసక్ఖీ, బుద్ధం తం పణమామ్యహం.౧౬౫.

సన్తకాయో సన్తవాచో, సన్తచిత్తో సమాహితో;

సబ్బూపధివూపసన్తో, బుద్ధం తం పణమామ్యహం.౧౬౬.

సమ్మాసమాహితచిత్తో, సమ్మాసీలే పతిట్ఠితో;

సమ్మాపఞ్ఞాపరిపుణ్ణో, బుద్ధం తం పణమామ్యహం.౧౬౭.

నిఖిలనిట్ఠ’ధిగమో, అచ్చారద్ధవిపస్సకో;

సమత్తసన్తిసమ్పత్తో, బుద్ధం తం పణమామ్యహం.౧౬౮.

సబ్బకాయం సంవేదిత్వా, సబ్బధమ్మవిపస్సకో;

భవసంసారం రిఞ్చేసి, బుద్ధం తం పణమామ్యహం.౧౬౯.

సబ్బదా సతిసమ్పన్నో, సమ్పజఞ్ఞరతో సదా;

సన్తతం సమణో సామీ, బుద్ధం తం పణమామ్యహం.౧౭౦.

సచ్చదస్సనదస్సావీ, సచ్చధమ్మవిపస్సకో;

సచ్చచక్కం పవత్తేసి, బుద్ధం తం పణమామ్యహం.౧౭౧.

ఝానసోఖుమ్మసమ్పన్నో, అత్తపణిధిపారగూ;

భవాదీనవదస్సావీ, బుద్ధం తం పణమామ్యహం.౧౭౨.

చక్ఖుమన్తో వతవన్తో, సీలవన్తో సుసీలవా;

మేధావన్తో పఞ్ఞావన్తో, బుద్ధం తం పణమామ్యహం.౧౭౩.

వణ్ణవన్తో గుణవన్తో, జుతిమన్తో జుతిధరో;

యసవన్తో కిత్తిమన్తో, బుద్ధం తం పణమామ్యహం.౧౭౪.

సతిమన్తో యతి సన్తో, మతిమన్తో మేధావినో;

పతాపవన్తో ధీమన్తో, బుద్ధం తం పణమామ్యహం.౧౭౫.

యోగవన్తో ఖేమవన్తో, పటిభానవన్తో పభూ;

హిరీమనో సిరీమనో, బుద్ధం తం పణమామ్యహం.౧౭౬.

అత్తదన్తో అనుస్సదో, ధీరధారీ ధురన్ధరో;

ధితిమన్తో ధీసమ్పన్నో, బుద్ధం తం పణమామ్యహం.౧౭౭.

థామవన్తో ఇద్ధిమన్తో, దయావన్తో దయాలయో;

కన్తిమన్తో రూపవన్తో, బుద్ధం తం పణమామ్యహం.౧౭౮.

ఖన్తిమన్తో సన్తిమన్తో, భగవన్తో సుకేవలీ;

ఞాయవన్తో నయవన్తో, బుద్ధం తం పణమామ్యహం.౧౭౯.

బోధిమన్తో బుద్ధిమన్తో, బోధిఞాణో బోధిగుణో;

బోధిధమ్మమనుప్పత్తో, బుద్ధం తం పణమామ్యహం.౧౮౦.

ముత్తదోసో మేత్తావన్తో, కరుణావన్తో మోదితో;

సబ్బథా ఉపేక్ఖావన్తో, బుద్ధం తం పణమామ్యహం.౧౮౧.

యతవన్తో యతచారీ, ఖమవన్తో సుఖేమినో;

తపవన్తో తథవన్తో, బుద్ధం తం పణమామ్యహం.౧౮౨.

పభావవన్తో పురిసో, పతాపీ పటిభానవా;

సదత్థపటిదీపకో, బుద్ధం తం పణమామ్యహం.౧౮౩.

సఙ్గఛిన్నో రఙ్గఛిన్నో, రాగఛిన్నో ఛిన్నరతీ;

నన్దీఛిన్నో తణ్హాఛిన్నో, బుద్ధం తం పణమామ్యహం.౧౮౪.

ఛిన్నాసఙ్కో ఛిన్నాతఙ్కో, ఛిన్నాకఙ్ఖో ఛిన్నఙ్గణో;

ఛిన్నసంయోజనా సబ్బే, బుద్ధం తం పణమామ్యహం.౧౮౫.

ఛిన్నాసఙ్గో ఛిన్నాసత్తో, ఛిన్నాదానో ఛిన్నావిలో;

ఛిన్నలిత్తో ఛిన్నాలమ్బో, బుద్ధం తం పణమామ్యహం.౧౮౬.

ఛిన్నకామో ఛిన్నకోధో, ఛిన్నకోపో ఛిన్నమదో;

ఛిన్నక్లేసో ఛిన్నఖోభో, బుద్ధం తం పణమామ్యహం.౧౮౭.

ఛిన్నపాపో ఛిన్నతాపో, ఛిన్నిచ్ఛో ఛిన్నసంసయో;

ఛిన్నసోతో ఛిన్నస్నేహో, బుద్ధం తం పణమామ్యహం.౧౮౮.

ఛిన్నభోగో ఛిన్నయోగో, ఛిన్నభీతి ఛిన్నభయో;

ఛిన్నఖన్ధో ఛిన్నఛన్దో, బుద్ధం తం పణమామ్యహం.౧౮౯.

భిన్నాసఙ్కో భిన్నాతఙ్కో, భిన్నాకఙ్ఖో భిన్నుస్సుకో;

భిన్నాభిరతో భిన్నాసో, బుద్ధం తం పణమామ్యహం.౧౯౦.

భిన్నఖోభో భిన్నదుక్ఖో, భిన్నక్లేసో భిన్నఖిలో;

భిన్నాభిమానో భిన్నేజో, బుద్ధం తం పణమామ్యహం.౧౯౧.

లోభభిన్నో లోలభిన్నో, రోసభిన్నో భిన్నరణో;

నేహభిన్నో ఖేదభిన్నో, బుద్ధం తం పణమామ్యహం.౧౯౨.

భోగభిన్నో సోకభిన్నో, రోగభిన్నో భిన్నరజో;

సూలభిన్నో సల్లభిన్నో, బుద్ధం తం పణమామ్యహం.౧౯౩.

సఙ్గభిన్నో రఙ్గభిన్నో, రాగభిన్నో భిన్నరతీ;

నన్దీభిన్నో తణ్హాభిన్నో, బుద్ధం తం పణమామ్యహం.౧౯౪.

సబ్బభవాబాధభిన్నో, భిన్నమహామోహతమో;

ఆధిభిన్నో వ్యాధిభిన్నో, బుద్ధం తం పణమామ్యహం.౧౯౫.

ఖిన్నగిద్ధో ఖిన్నముద్ధో, ఖిన్నాభిలాసో ఖిన్నిచ్ఛో;

ఖిన్నలోభో ఖిన్నాభిజ్ఝో, బుద్ధం తం పణమామ్యహం.౧౯౬.

ఆసాఖిన్నో ఇస్సాఖిన్నో, ఏజాఖిన్నో ఖిన్నఇణో;

ఛన్దఖిన్నో బన్ధఖిన్నో, బుద్ధం తం పణమామ్యహం.౧౯౭.

కప్పఖిన్నో కాలఖిన్నో, కిలేసఖిన్నో సబ్బథా;

మూలఖిన్నో సూలఖిన్నో, బుద్ధం తం పణమామ్యహం.౧౯౮.

తిణ్ణపాపో తిణ్ణపుఞ్ఞో, తిణ్ణమోహో తిణ్ణమలో;

తిణ్ణవికారో తిణ్ణీణో, బుద్ధం తం పణమామ్యహం.౧౯౯.

తిణ్ణదోసో తిణ్ణదోహో, తిణ్ణరాగో తిణ్ణమమో;

తిణ్ణతాపో తిణ్ణతాసో, బుద్ధం తం పణమామ్యహం.౨౦౦.

తిణ్ణజాతి తిణ్ణమచ్చు, తిణ్ణలోకో తిణ్ణభవో;

తిణ్ణోఘో తిణ్ణసంసారో, బుద్ధం తం పణమామ్యహం.౨౦౧.

చుణ్ణమోహో చుణ్ణమక్ఖో, చుణ్ణమానో చుణ్ణమదో;

చుణ్ణరాగో చుణ్ణదోసో, బుద్ధం తం పణమామ్యహం.౨౦౨.

చుణ్ణకోధో చుణ్ణకోపో, చుణ్ణఖోభో చుణ్ణభయో;

చుణ్ణసూలో చుణ్ణసల్లో, బుద్ధం తం పణమామ్యహం.౨౦౩.

పాపచుణ్ణో పుఞ్ఞచుణ్ణో, అహంచుణ్ణో చుణ్ణమమో;

కఙ్ఖాచుణ్ణో సఙ్కాచుణ్ణో, బుద్ధం తం పణమామ్యహం.౨౦౪.

సంసారచక్కం చుణ్ణేసి, భవరజ్జూనికన్తకో;

సబ్బసఙ్ఖారవిచుణ్ణో, బుద్ధం తం పణమామ్యహం.౨౦౫.

నిమ్మమో నిరహంకారో, నిరాలమ్బో నిరాలయో;

నిప్పపఞ్చో నిరారమ్భో, బుద్ధం తం పణమామ్యహం.౨౦౬.

నిరాసత్తో నిరాసంసో, నిస్సంసయో నిరుస్సుకో;

నిరాసవో నిరపేక్ఖో, బుద్ధం తం పణమామ్యహం.౨౦౭.

నిరాసఙ్కో నిరాతఙ్కో, నిరాకఙ్ఖో నిరఙ్గణో;

నిస్సఙ్కిలిట్ఠో నిక్కఙ్ఖో, బుద్ధం తం పణమామ్యహం.౨౦౮.

న్హాతో ధోతో నిద్ధోతో, నిబ్బుతో నిత్థరణికో;

నిమ్మలో నిరోధప్పత్తో, బుద్ధం తం పణమామ్యహం.౨౦౯.

నిబ్భయో నరనిసభో, నిక్కమ్పో నరకేసరీ;

నరకుఞ్జరో నిచ్ఛమ్భీ, బుద్ధం తం పణమామ్యహం.౨౧౦.

నిరాగో చాపి నిక్కోపో, నిచ్ఛుద్ధో చాపి నిమ్మదో;

నిద్దుక్ఖో చాపి నిస్సోకో, బుద్ధం తం పణమామ్యహం.౨౧౧.

నాసకో తిత్థియే నానా, నానావాదవిద్ధంసకో;

నానాదిట్ఠిం నివారేసి, బుద్ధం తం పణమామ్యహం.౨౧౨.

నన్దిక్ఖయో నిబ్బనథో, నిరిచ్ఛకో నిరిన్ధనో;

నిస్సట్ఠమానో నిత్తణ్హో, బుద్ధం తం పణమామ్యహం.౨౧౩.

నిప్పటిబద్ధో నిబద్ధో, నిరాబాధో నిరబ్బుదో;

నిరగ్గలో నిక్కణ్టకో, బుద్ధం తం పణమామ్యహం.౨౧౪.

నిరుపతాపో నిప్పాపో, నిప్పిపాసో నిరాకులో;

నిప్పరిఫన్దో నిరిఞ్జో, బుద్ధం తం పణమామ్యహం.౨౧౫.

నిహతమానో నేపుఞ్ఞో, నయనియామఞాణికో;

నిత్తిణ్ణకఙ్ఖో నిస్సఙ్కో, బుద్ధం తం పణమామ్యహం.౨౧౬.

నిప్పగబ్భో నిప్పటిఘో, నాతిమానో నిరావిలో;

నిబ్బానపత్తో నిఖిలో, బుద్ధం తం పణమామ్యహం.౨౧౭.

నిరోసమానో నివేరో, నిక్కోధో చ నిక్కుపితో;

నియామప్పత్తో పముదో, బుద్ధం తం పణమామ్యహం.౨౧౮.

సునిపుణో నయలద్ధో, నిరాగు నిబ్బానగతో;

నముచిధేయ్యమచ్చగో, బుద్ధం తం పణమామ్యహం.౨౧౯.

నిల్లోభమానో నిస్నేహో, నిక్కమనో నిక్కామనో;

నిరభిమానీ నిల్లుద్ధో, బుద్ధం తం పణమామ్యహం.౨౨౦.

నిరాగమానో నిన్నేహో, నన్దీరాగవినాసకో;

నిరిచ్ఛమానో నిల్లగ్గో, బుద్ధం తం పణమామ్యహం.౨౨౧.

నిద్దోసమానో నిమ్మక్ఖో, భవనేత్తినికన్తకో;

నిక్కసావో నిక్కలుసో, బుద్ధం తం పణమామ్యహం.౨౨౨.

నిక్కిలిస్సకో నిక్కుప్పో, నిచ్చలో చ నిచ్చఞ్చలో;

నిచ్చపలో చ నిల్లోలో, బుద్ధం తం పణమామ్యహం.౨౨౩.

నిక్కుహో చ నిక్కుటిలో, నిబ్బికారో నిబ్బిజ్జనో;

నిగ్గణ్ఠో నిరాపరాధో, బుద్ధం తం పణమామ్యహం.౨౨౪.

నిక్కుక్కుచ్చో నిరుద్ధచ్చో, నిరాసో చ భవాభవే;

నిబ్బిచికిచ్ఛో నిబ్బిజ్జో, బుద్ధం తం పణమామ్యహం.౨౨౫.

నముచిసేనసూదకో, అనిమిత్తరతో యతీ;

నిపుణో నిత్తిణ్ణఓఘో, బుద్ధం తం పణమామ్యహం.౨౨౬.

నిక్ఖీలో చాపి నిస్సల్లో, నిస్సూలో నిబ్బానరతో;

నిప్పమాదో నిబ్బన్ధనో, బుద్ధం తం పణమామ్యహం.౨౨౭.

నిరభిమానో నిమ్మానో, నిత్తణ్హమానో నిచ్ఛలో;

నిక్కఙ్ఖమానో నిచ్ఛన్దో, బుద్ధం తం పణమామ్యహం.౨౨౮.

నరవీరో నరధీరో, నరాజఞ్ఞో నరవరో;

నరనాగో నరసీహో, బుద్ధం తం పణమామ్యహం.౨౨౯.

నరజేట్ఠో నరసేట్ఠో, నరుసభో నరుత్తమో;

నరదమ్మసుసారథీ, బుద్ధం తం పణమామ్యహం.౨౩౦.

వరనాథో నరనాథో, లోకనాథో లోకజినో;

దేవనాథో బ్రహ్మనాథో, బుద్ధం తం పణమామ్యహం.౨౩౧.

ఝాననిరతో నిజ్ఝాయీ, కిలేసవిసనాసకో;

సుఖుమఝానసమ్పన్నో, బుద్ధం తం పణమామ్యహం.౨౩౨.

నిత్తణ్హమానసో నాథో, సదా నిమ్మలమానసో;

అలిత్తమానసో చాగీ, బుద్ధం తం పణమామ్యహం.౨౩౩.

నున్నజాతి నున్నమచ్చు, నున్నలోకో నున్నభవో;

నున్నవిభవో నున్నోఘో, బుద్ధం తం పణమామ్యహం.౨౩౪.

నున్నాసఙ్కో నున్నాతఙ్కో, నున్నాసో చ నున్నుస్సుకో;

నున్నాభిరతో నున్నిచ్ఛో, బుద్ధం తం పణమామ్యహం.౨౩౫.

నున్నానుతాపో నున్నాగు, నున్నదాహో నున్నాసవో;

నున్నమానాభిమానో యో, బుద్ధం తం పణమామ్యహం.౨౩౬.

లోభనుదో లోలనుదో, రోసనుదో నున్నమదో;

దిసనుదో దేస్సనుదో, బుద్ధం తం పణమామ్యహం.౨౩౭.

కమ్మనుదో క్లేసనుదో, కలినుదో నున్నమలో;

సబ్బథా అవిజ్జానుదో, బుద్ధం తం పణమామ్యహం.౨౩౮.

సబ్బభవాబాధనుదో, నున్నమహామోహతమో;

ఆధినుదో వ్యాధినుదో, బుద్ధం తం పణమామ్యహం.౨౩౯.

లహుపఞ్ఞో పఞ్ఞణ్ణవో, కారుణో కరుణణ్ణవో;

మేధణ్ణవో మేత్తణ్ణవో, బుద్ధం తం పణమామ్యహం.౨౪౦.

ఞాణనిధి ఞాణణ్ణవో, ధమ్మనిధి ధమ్మణ్ణవో;

గుణనిధి గుణణ్ణవో, బుద్ధం తం పణమామ్యహం.౨౪౧.

ముత్తాసఙ్గో ముత్తాసఙ్కో, ముత్తాలమ్బో ముత్తాలయో;

ముత్తాసంసో ముత్తాసత్తో, బుద్ధం తం పణమామ్యహం.౨౪౨.

ముత్తలాలసో ముత్తిన్ధో, ముత్తఛమ్భో ముత్తదరో;

ముత్తమచ్ఛరో ముత్తిచ్ఛో, బుద్ధం తం పణమామ్యహం.౨౪౩.

ముత్తకామో ముత్తతణ్హో, ముత్తరాగో ముత్తపిహో;

ముత్తఛన్దో ముత్తనన్దీ, బుద్ధం తం పణమామ్యహం.౨౪౪.

ముత్తగిద్ధో ముత్తలుద్ధో, ముత్తాభిలాసో ముత్తిఞ్జో;

ముత్తలోభో ముత్తాభిజ్ఝో, బుద్ధం తం పణమామ్యహం.౨౪౫.

జాలముత్తో’వ సకుణో, ముత్తాసో యో భవాభవే;

సంయోజనేహి విముత్తో, బుద్ధం తం పణమామ్యహం.౨౪౬.

చేతోవిముత్తో ఝానవా, పఞ్ఞావిముత్తో పఞ్ఞవా;

ఉభతోభాగ విముత్తో, బుద్ధం తం పణమామ్యహం.౨౪౭.

సబ్బాయతనేహి ముత్తో, మునిన్దో పరినిబ్బుతో;

జాతిసంసారవిముత్తో, బుద్ధం తం పణమామ్యహం.౨౪౮.

సబ్బకిలేసా విముత్తో, సబ్బదోమనస్సచుతో;

సబ్బదోహవినిముత్తో, బుద్ధం తం పణమామ్యహం.౨౪౯.

కామేసనా వినిముత్తో, ముత్తో చాపి భవేసనా;

విభవేసనా విముత్తో, బుద్ధం తం పణమామ్యహం.౨౫౦.

కామిఞ్జనా వినిముత్తో, ముత్తో చాపి భవిఞ్జనా;

విభవిఞ్జనా విముత్తో, బుద్ధం తం పణమామ్యహం.౨౫౧.

కామతణ్హా వినిముత్తో, భవతణ్హావిభఞ్జకో;

విభవతణ్హావిక్ఖీణో, బుద్ధం తం పణమామ్యహం.౨౫౨.

సబ్బకామరోగముత్తో, భవరోగభేసజ్జగూ;

రాగరోగవినిముత్తో, బుద్ధం తం పణమామ్యహం.౨౫౩.

దుక్ఖముత్తో సుఖప్పత్తో, అత్తముత్తో అనత్తగూ;

అనిచ్చముత్తో నిచ్చఞ్ఞూ, బుద్ధం తం పణమామ్యహం.౨౫౪.

కోధముత్తో కోపముత్తో, క్లేసముత్తో ముత్తకుహో;

ఛన్దముత్తో ఛలముత్తో, బుద్ధం తం పణమామ్యహం.౨౫౫.

మాయాముత్తో మోహముత్తో, మక్ఖముత్తో ముత్తమదో;

మానముత్తో ముచ్ఛాముత్తో, బుద్ధం తం పణమామ్యహం.౨౫౬.

దోసముత్తో దోహముత్తో, దేస్సముత్తో ముత్తదిసో;

దిట్ఠిముత్తో అఘముత్తో, బుద్ధం తం పణమామ్యహం.౨౫౭.

లోభముత్తో లోలముత్తో, రోసముత్తో ముత్తరణో;

ఖోభముత్తో ఖేదముత్తో, బుద్ధం తం పణమామ్యహం.౨౫౮.

భోగముత్తో సోకముత్తో, రోగముత్తో ముత్తరజో;

సూలముత్తో సల్లముత్తో, బుద్ధం తం పణమామ్యహం.౨౫౯.

సఙ్గముత్తో రఙ్గముత్తో, రాగముత్తో ముత్తరతీ;

నన్దీముత్తో తణ్హాముత్తో, బుద్ధం తం పణమామ్యహం.౨౬౦.

ఇఞ్జాముత్తో ఇన్ధాముత్తో, ఇచ్ఛాముత్తో ముత్తపిహో;

ఏధముత్తో ఏళముత్తో, బుద్ధం తం పణమామ్యహం.౨౬౧.

ఈతిముత్తో భీతిముత్తో, ఛమ్భముత్తో ముత్తభయో;

ఆధిముత్తో వ్యాధిముత్తో, బుద్ధం తం పణమామ్యహం.౨౬౨.

గబ్బముత్తో దమ్భముత్తో, కూటముత్తో ముత్తదరో;

డాహముత్తో దాహముత్తో, బుద్ధం తం పణమామ్యహం.౨౬౩.

కమ్యముత్తో కిచ్చముత్తో, భన్తిముత్తో ముత్తభమో;

వట్టముత్తో ఓఘముత్తో, బుద్ధం తం పణమామ్యహం.౨౬౪.

జాతిముత్తో మచ్చుముత్తో, లోకముత్తో ముత్తభవో;

నేహముత్తో నేత్తిముత్తో, బుద్ధం తం పణమామ్యహం.౨౬౫.

ఆసాముత్తో ఇస్సాముత్తో, ఏజాముత్తో ముత్తఇణో;

వానముత్తో పిహాముత్తో, బుద్ధం తం పణమామ్యహం.౨౬౬.

సోతముత్తో యోగముత్తో, ఫస్సముత్తో ముత్తరసో;

మూలముత్తో భారముత్తో, బుద్ధం తం పణమామ్యహం.౨౬౭.

ఓరముత్తో పారముత్తో, ఘోరముత్తో ముత్తగహో;

కప్పముత్తో కాలముత్తో, బుద్ధం తం పణమామ్యహం.౨౬౮.

పాపముత్తో పుఞ్ఞముత్తో, అహంముత్తో ముత్తమమో;

కఙ్ఖాముత్తో సఙ్కాముత్తో, బుద్ధం తం పణమామ్యహం.౨౬౯.

థీనముత్తో మిద్ధముత్తో, తాపముత్తో ముత్తుపయో;

ముత్తుత్తాపో ముత్తుద్ధచ్చో, బుద్ధం తం పణమామ్యహం.౨౭౦.

ఖన్ధముత్తో బన్ధముత్తో, కలిముత్తో ముత్తమలో;

సబ్బథా పిపాసాముత్తో, బుద్ధం తం పణమామ్యహం.౨౭౧.

విచారవితక్కముత్తో, సదా సమ్మాసమాహితో;

సమ్మాపణిహితచిత్తో, బుద్ధం తం పణమామ్యహం.౨౭౨.

అన్వాహతచిత్తముత్తో, ముత్తో సబ్బభయేహి చ;

భీమముత్తో భేస్మముత్తో, బుద్ధం తం పణమామ్యహం.౨౭౩.

యో పఞ్ఞత్తిం ఠపేత్వాన, పరమత్థస్స దస్సనో;

విపల్లాసా విప్పముత్తో, బుద్ధం తం పణమామ్యహం.౨౭౪.

అభావితచిత్తముత్తో, ముత్తో సబ్బదుక్ఖేహి చ;

సబ్బూపసగ్గా విముత్తో, బుద్ధం తం పణమామ్యహం.౨౭౫.

ఆకులచిత్తవిముత్తో, సబ్బదా థిరమానసో;

అగ్గలచిత్తవిముత్తో, బుద్ధం తం పణమామ్యహం.౨౭౬.

అబ్బుదచిత్తవిముత్తో, సదా భావితమానసో;

పమాదచిత్తపముత్తో, బుద్ధం తం పణమామ్యహం.౨౭౭.

ఉపధిచిత్తవిముత్తో, సదా నియ్యానమానసో;

ఉస్సుకచిత్తవిముత్తో, బుద్ధం తం పణమామ్యహం.౨౭౮.

అపేక్ఖాచిత్తవిముత్తో, సదా చిత్తనిరాలయో;

ఆరమ్భచిత్తవిముత్తో, బుద్ధం తం పణమామ్యహం.౨౭౯.

సమ్మావిముత్తో సమ్బుద్ధో, సువిముత్తచిత్తో మునీ;

సమ్మదఞ్ఞాపరిముత్తో, బుద్ధం తం పణమామ్యహం.౨౮౦.

అసఙ్కిలిట్ఠచిత్తో యో, ముత్తో సబ్బభవేహి చ;

అభినివేసాభిముత్తో, బుద్ధం తం పణమామ్యహం.౨౮౧.

తిలోకతిమిరా ముత్తో, పఞ్ఞప్పభాపభాసకో;

తిభవతణ్హా నిత్తిణ్ణో, బుద్ధం తం పణమామ్యహం.౨౮౨.

పమదప్పముత్తో బ్యత్తో, భావనారతమానసో;

భవణ్ణవవినిముత్తో, బుద్ధం తం పణమామ్యహం.౨౮౩.

సంసారసఙ్ఖారా ముత్తో, వికారముత్తమానసో;

నవసముస్సయముత్తో, బుద్ధం తం పణమామ్యహం.౨౮౪.

జాతివ్యాధిజరాముత్తో, మరణముత్తో మారజీ;

పునబ్భవవినిముత్తో, బుద్ధం తం పణమామ్యహం.౨౮౫.

అసుచిఅసుద్ధిముత్తో, నిచ్చనిమ్మలమానసో;

సుభావితచిత్తో సుద్ధో, బుద్ధం తం పణమామ్యహం.౨౮౬.

అవిజ్జాన్ధకారముత్తో, విజ్జాలోకపకాసకో;

అనవసేసఞాణఞ్ఞూ, బుద్ధం తం పణమామ్యహం.౨౮౭.

ఆసత్తిముత్తో అలిత్తో, ఆసజ్జాముత్తచేతసో;

మోహమానవినిముత్తో, బుద్ధం తం పణమామ్యహం.౨౮౮.

భవభోగవిప్పముత్తో, భవసంయోజనచ్ఛిదో;

భవభీతిభయాతీతో, బుద్ధం తం పణమామ్యహం.౨౮౯.

కోపకోధవినిముత్తో, దోసదోహం విసోసయీ;

సోకసల్లం విచుణ్ణేసి, బుద్ధం తం పణమామ్యహం.౨౯౦.

బీజముత్తో బలయుత్తో, సుబుజ్ఝితా సుబుద్ధిమా;

గేధాముత్తో మేధాయుత్తో, బుద్ధం తం పణమామ్యహం.౨౯౧.

సబ్బభవాబాధముత్తో, ముత్తమహామోహతమో;

బాల్యసఠతావిముత్తో, బుద్ధం తం పణమామ్యహం.౨౯౨.

తసముత్తో తాసముత్తో, సన్తాసముత్తో సబ్బథా;

సబ్బతస్సనవిముత్తో, బుద్ధం తం పణమామ్యహం.౨౯౩.

భవనేత్తియా విముత్తో, భవోఘముత్తమానసో;

సబ్బత్థ సంయోగముత్తో, బుద్ధం తం పణమామ్యహం.౨౯౪.

సబ్బకామయోగముత్తో, సబ్బకామగ్గినిబ్బుతో;

సబ్బకామరతిముత్తో, బుద్ధం తం పణమామ్యహం.౨౯౫.

సబ్బేసానం జటాముత్తో, విముత్తో సబ్బాసత్తియా;

సబ్బానుసయాముత్తో, బుద్ధం తం పణమామ్యహం.౨౯౬.

సబ్బాసవా వినిముత్తో, సదా అలీనమానసో;

సబ్బాసజ్జా విప్పముత్తో, బుద్ధం తం పణమామ్యహం.౨౯౭.

సబ్బాతఙ్కవినిముత్తో, సీహో అభయమానసో;

సబ్బథా తస్సనముత్తో, బుద్ధం తం పణమామ్యహం.౨౯౮.

సబ్బాసఙ్కా వినిముత్తో, అనవస్సుతమానసో;

సబ్బఠానే కిచ్ఛాముత్తో, బుద్ధం తం పణమామ్యహం.౨౯౯.

సబ్బాలమ్బవినిముత్తో, సబ్బథా భవభఞ్జకో;

సబ్బానుసయా విచ్ఛిన్నో, బుద్ధం తం పణమామ్యహం.౩౦౦.

సబ్బాపేక్ఖా విప్పముత్తో, సదా అలిత్తచేతసో;

సబ్బాభిజ్ఝా వినిముత్తో, బుద్ధం తం పణమామ్యహం.౩౦౧.

ఇఞ్జనాఇన్ధనాముత్తో, ముత్తోమోహమదేహి చ;

సబ్బలోభవినిముత్తో, బుద్ధం తం పణమామ్యహం.౩౦౨.

సబ్బాక్కోసా వినిముత్తో, సమ్పుణ్ణమేత్తమానసో;

కుప్పనకుజ్ఝనముత్తో, బుద్ధం తం పణమామ్యహం.౩౦౩.

సబ్బథా సఙ్కోపముత్తో, బ్యాపాదముత్తో సబ్బదా;

సబ్బధి పటిఘముత్తో, బుద్ధం తం పణమామ్యహం.౩౦౪.

సబ్బాభిలాసా విముత్తో, ఆకఙ్ఖాముత్తో సబ్బథా;

సబ్బలాలసా విముత్తో, బుద్ధం తం పణమామ్యహం.౩౦౫.

విరోధానురోధముత్తో, సఙ్ఖోభముత్తో సబ్బదా;

సబ్బానుతాపా సుముత్తో, బుద్ధం తం పణమామ్యహం.౩౦౬.

సబ్బదా సమ్మోసముత్తో, సమ్మోహముత్తో సబ్బథా;

సబ్బధి అవిజ్జాముత్తో, బుద్ధం తం పణమామ్యహం.౩౦౭.

సబ్బఠానే విబ్భమముత్తో, విబ్భన్తిముత్తో సబ్బధి;

సబ్బవిపల్లాసముత్తో, బుద్ధం తం పణమామ్యహం.౩౦౮.

కటుకకసాయాముత్తో, కక్కసముత్తో సబ్బథా;

సబ్బదా కలుసాముత్తో, బుద్ధం తం పణమామ్యహం.౩౦౯.

సబ్బస్సాదనా విముత్తో, సంసట్ఠముత్తో సబ్బదా;

ఆసజ్జనా వినిముత్తో, బుద్ధం తం పణమామ్యహం.౩౧౦.

అహఙ్కారా వినిముత్తో, మమఙ్కారా ముత్తో మునీ;

మానావమానా విముత్తో, బుద్ధం తం పణమామ్యహం.౩౧౧.

సబ్బగన్థవినిముత్తో, పలిఘముత్తో సబ్బదా;

సబ్బాభిభూ సబ్బముత్తో, బుద్ధం తం పణమామ్యహం.౩౧౨.

సబ్బసారమ్భసుముత్తో, పపఞ్చముత్తో సబ్బదా;

సబ్బూపధి వినిముత్తో, బుద్ధం తం పణమామ్యహం.౩౧౩.

కోహఞ్ఞకోటిల్లముత్తో, చాపల్లముత్తో సబ్బథా;

సబ్బథా విద్దేసముత్తో, బుద్ధం తం పణమామ్యహం.౩౧౪.

దోమనస్సా వినిముత్తో, పళాసముత్తమానసో;

సబ్బసన్తాపా సుముత్తో, బుద్ధం తం పణమామ్యహం.౩౧౫.

సబ్బాభిమానా విముత్తో, సబ్బతాపేహి ముచ్చకో;

సబ్బధి విక్ఖోభముత్తో, బుద్ధం తం పణమామ్యహం.౩౧౬.

సబ్బనీవరణాముత్తో, సిద్ధో ఏకగ్గమానసో;

సమ్మాపఞ్ఞో సమ్మాముత్తో, బుద్ధం తం పణమామ్యహం.౩౧౭.

సబ్బావిలా విప్పముత్తో, సుద్ధో సంసుద్ధచేతసో;

కసావకలఙ్కముత్తో, బుద్ధం తం పణమామ్యహం.౩౧౮.

సబ్బబ్యాపాదప్పముత్తో, సదా పసాదమానసో;

సబ్బూపనాహా విముత్తో, బుద్ధం తం పణమామ్యహం.౩౧౯.

సబ్బథాపమాదముత్తో, సమ్పజానో సతియుతో;

భావనాభిరతో యోగీ, బుద్ధం తం పణమామ్యహం.౩౨౦.

సబ్బాభిసజ్జనా ముత్తో, సదా కారుఞ్ఞమానసో;

సబ్బుపారమ్భవిముత్తో, బుద్ధం తం పణమామ్యహం.౩౨౧.

సబ్బధి రోసరహితో, సబ్బధి కరుణానిధీ;

సబ్బసావజ్జా విముత్తో, బుద్ధం తం పణమామ్యహం.౩౨౨.

సబ్బబాధాపరిముత్తో, బన్ధముత్తో చ సబ్బథా;

కఙ్ఖిచ్ఛాకణ్టకముత్తో, బుద్ధం తం పణమామ్యహం.౩౨౩.

సబ్బారమ్భవినిముత్తో, సదా సమితమానసో;

ఖమ్భనాఖోభనా ముత్తో, బుద్ధం తం పణమామ్యహం.౩౨౪.

సబ్బసఙ్ఖతా సుముత్తో, అసఙ్ఖత సుదస్సనో;

ఉద్ధచ్చకుక్కుచ్చాముత్తో, బుద్ధం తం పణమామ్యహం.౩౨౫.

సబ్బబ్యసనవిముత్తో, అబ్యాసత్త సుమానసో;

సబ్బసంసరణముత్తో, బుద్ధం తం పణమామ్యహం.౩౨౬.

సబ్బుపాదానపముత్తో, ముత్తో సబ్బమదేహి చ;

సబ్బాయతనేహి సుఞ్ఞో, బుద్ధం తం పణమామ్యహం.౩౨౭.

సబ్బపాసేహి పముత్తో, యో విప్పసన్నమానసో;

సబ్బమానానుసయాముత్తో, బుద్ధం తం పణమామ్యహం.౩౨౮.

సబ్బనేహవినిముత్తో, సదా అలిత్తచేతసో;

సబ్బాసతివినిముత్తో, బుద్ధం తం పణమామ్యహం.౩౨౯.

చిత్తిఞ్జనా వినిముత్తో, సదా చిత్తనిరిన్ధనో;

సబ్బాసవా విప్పముత్తో, బుద్ధం తం పణమామ్యహం.౩౩౦.

సబ్బదా అకమ్పచిత్తో, థిరవిముత్తమానసో;

సబ్బవిక్ఖేపవిముత్తో, బుద్ధం తం పణమామ్యహం.౩౩౧.

భవస్నేహా విప్పముత్తో, విముత్తో తిభవోదధి;

సబ్బానుగిద్ధిసుముత్తో, బుద్ధం తం పణమామ్యహం.౩౩౨.

భవచక్కవినిముత్తో, సుదన్తో బహుసంయతో;

విసఙ్ఖారగతచిత్తో, బుద్ధం తం పణమామ్యహం.౩౩౩.

సబ్బథా భవిఞ్జాముత్తో, వన్తలోకామిసో ఇసి;

ధారేసి అన్తిమం దేహం, బుద్ధం తం పణమామ్యహం.౩౩౪.

సబ్బాభిజ్ఝావినిముత్తో, సన్తుట్ఠో సుద్ధమానసో;

సంసారసాగరా ముత్తో, బుద్ధం తం పణమామ్యహం.౩౩౫.

సబ్బధి సబ్బతో ముత్తో, సబ్బఞ్ఞాతో సబ్బఞ్జయో;

సబ్బథా ముత్తో సుభద్దో, బుద్ధం తం పణమామ్యహం.౩౩౬.

సబ్బన్తరాయవిముత్తో, అగ్గలముత్తో సబ్బధి;

సబ్బబ్యవధానముత్తో, బుద్ధం తం పణమామ్యహం.౩౩౭.

సబ్బతాపవినిముత్తో, సీతలో సీతిమానసో;

భవరాగగ్గివిముత్తో, బుద్ధం తం పణమామ్యహం.౩౩౮.

వఙ్కముత్తో పఙ్కముత్తో,?..ధముత్తో ముత్తమనో;

సబ్బదా ఆతఙ్కముత్తో, బుద్ధం తం పణమామ్యహం.౩౩౯.

సబ్బథా సంసయముత్తో, కమ్పముత్తో విసారదో;

అగ్గిఇధుమవిముత్తో, బుద్ధం తం పణమామ్యహం.౩౪౦.

సబ్బదా చణ్డిక్కముత్తో, దుస్సనముత్తో సబ్బథా;

సబ్బధి సమ్పుణ్ణముత్తో, బుద్ధం తం పణమామ్యహం.౩౪౧.

ఉజుచిత్తో సుజూచిత్తో, సమచిత్తో సమాచరో;

ధీతిచిత్తో వతచిత్తో, బుద్ధం తం పణమామ్యహం.౩౪౨.

అలోభఅదోసచిత్తో, అలగ్గచిత్తో సోభనో;

అమోహచిత్తో ధీచిత్తో, బుద్ధం తం పణమామ్యహం.౩౪౩.

సాధుచిత్తో సుద్ధచిత్తో, సోత్థిచిత్తో సతియుతో;

చారుచిత్తో సివచిత్తో, బుద్ధం తం పణమామ్యహం.౩౪౪.

ధమ్మచిత్తో అత్థచిత్తో, ధీరచిత్తో చిత్తుత్తమో;

హిరిచిత్తో సిరిచిత్తో, బుద్ధం తం పణమామ్యహం.౩౪౫.

హితచిత్తో సుఖచిత్తో, కల్యాణచిత్తో కారుఞ్ఞో;

పీతిచిత్తో సీతిచిత్తో, బుద్ధం తం పణమామ్యహం.౩౪౬.

పరమవిసుద్ధచిత్తో, ముత్తచిత్తో యతివరో;

యతచిత్తో వతచిత్తో, బుద్ధం తం పణమామ్యహం.౩౪౭.

హట్ఠచిత్తో తుట్ఠచిత్తో, సేట్ఠచిత్తో సుట్ఠుత్తరో;

సన్తుట్ఠచిత్తో పహట్ఠో, బుద్ధం తం పణమామ్యహం.౩౪౮.

సతిచిత్తో యతిచిత్తో, సమ్పజఞ్ఞో విరియవా;

సుమతిచిత్తో సప్పఞ్ఞో, బుద్ధం తం పణమామ్యహం.౩౪౯.

మేత్తచిత్తో దయాచిత్తో, కరుణచిత్తో కేవలీ;

మోదితో మద్దవచిత్తో, బుద్ధం తం పణమామ్యహం.౩౫౦.

సచ్చచిత్తో తథచిత్తో, సుగుణచిత్తో సీలవా;

నిల్లోభచిత్తో సుచిత్తో, బుద్ధం తం పణమామ్యహం.౩౫౧.

నిద్దోసచిత్తో నిద్ధోతో, నిమ్మోహచిత్తో నిల్లీనో;

నిమ్మలచిత్తో నిస్సఙ్గో, బుద్ధం తం పణమామ్యహం.౩౫౨.

దిబ్బచిత్తో భబ్బచిత్తో, దమ్మచిత్తో దసబలో;

భబ్బభావరతో భబ్బో, బుద్ధం తం పణమామ్యహం.౩౫౩.

ఞాణచిత్తో మేధాచిత్తో, విజ్జాచిత్తో విజ్జాధనీ;

పఞ్ఞాచిత్తో అఞ్ఞాచిత్తో, బుద్ధం తం పణమామ్యహం.౩౫౪.

దిత్తిచిత్తో జుతిచిత్తో, జుణ్హచిత్తో ఆలోకదో;

కన్తిచిత్తో ఖన్తిచిత్తో, బుద్ధం తం పణమామ్యహం.౩౫౫.

అమలో ఓదాతచిత్తో, పసన్నచిత్తో పేసలో;

పావనో పునీతచిత్తో, బుద్ధం తం పణమామ్యహం.౩౫౬.

జవచిత్తో బలచిత్తో, థామచిత్తో విసారదో;

ఠితచిత్తో థిరచిత్తో, బుద్ధం తం పణమామ్యహం.౩౫౭.

ఓజచిత్తో తేజచిత్తో, యోధచిత్తో అవిచలో;

నిబ్భయచిత్తో నిప్ఫన్దో, బుద్ధం తం పణమామ్యహం.౩౫౮.

పగుణో సుపఞ్ఞచిత్తో, సంయతచిత్తో సంవుతో;

పసన్నచిత్తో పస్సద్ధో, బుద్ధం తం పణమామ్యహం.౩౫౯.

భద్దచిత్తో మోక్ఖచిత్తో, సబ్బసేట్ఠో సత్తుత్తమో;

సోమనస్సచిత్తో సన్తో, బుద్ధం తం పణమామ్యహం.౩౬౦.

సన్తచిత్తో దన్తచిత్తో, వసీచిత్తో వుసితవా;

సుచిచిత్తో రుచిచిత్తో, బుద్ధం తం పణమామ్యహం.౩౬౧.

గుత్తచిత్తో ముత్తచిత్తో, పసన్నచిత్తో చిత్తుజూ;

సుమనచిత్తో సుచిత్తో, బుద్ధం తం పణమామ్యహం.౩౬౨.

సన్తచిత్తో సదాసన్తో, సదా సన్తుసితో ఇసి;

సబ్బత్థ సంవుతో సామీ, బుద్ధం తం పణమామ్యహం.౩౬౩.

రిత్తకామో రిత్తతణ్హో, రిత్తరాగో రిత్తరజో;

రిత్తఛన్దో రిత్తనన్దీ, బుద్ధం తం పణమామ్యహం.౩౬౪.

రిత్తవేరో రిత్తరోసో, రిత్తుత్తాపో రిత్తావిలో;

రిత్తకోధో రిత్తకోపో, బుద్ధం తం పణమామ్యహం.౩౬౫.

సఙ్గరిత్తో రఙ్గరిత్తో, రాగరిత్తో రిత్తరతీ;

నన్దీరిత్తో తణ్హారిత్తో, బుద్ధం తం పణమామ్యహం.౩౬౬.

సబ్బభవాబాధరిత్తో, రిత్తమహామోహతమో;

సబ్బథా అవిజ్జారిత్తో, బుద్ధం తం పణమామ్యహం.౩౬౭.

నన్దీసంయోజనరిత్తో, సబ్బసఙ్గపరిచ్చజో;

ఉత్తమత్థం హత్థగతో, బుద్ధం తం పణమామ్యహం.౩౬౮.

ఇఞ్జారిత్తో ఇన్ధారిత్తో, ఇచ్ఛారిత్తో రిత్తఅఘో;

ఏధరిత్తో గేధరిత్తో, బుద్ధం తం పణమామ్యహం.౩౬౯.

అన్తగతో అన్తప్పత్తో, పారప్పత్తో పారఙ్గతో;

కోటిగతో కోటిప్పత్తో, బుద్ధం తం పణమామ్యహం.౩౭౦.

ఖేమప్పత్తో ఖేమఙ్గతో, అగ్గప్పత్తో అగ్గఙ్గతో;

సివప్పత్తో సివఙ్గతో, బుద్ధం తం పణమామ్యహం.౩౭౧.

పదప్పత్తో ధువప్పత్తో, పరిసుద్ధిప్పత్తో పభూ;

మగ్గప్పత్తో ఫలప్పత్తో, బుద్ధం తం పణమామ్యహం.౩౭౨.

సారప్పత్తో పారగతో, పరియన్తప్పత్తో వరో;

పరియోదాతసమ్పత్తో, బుద్ధం తం పణమామ్యహం.౩౭౩.

విమలో వోదాతప్పత్తో, నిబ్బానప్పత్తో నిమ్మలో;

అమలో అమతప్పత్తో, బుద్ధం తం పణమామ్యహం.౩౭౪.

ధమ్మప్పత్తో ధమ్మయోగీ, కుసలప్పత్తో కేవలీ;

లోకుత్తరప్పత్తో పుజ్జో, బుద్ధం తం పణమామ్యహం.౩౭౫.

పత్తవిజ్జో పత్తపఞ్ఞో, పత్తో సమ్బోధిముత్తమం;

పత్తసన్తి పత్తసుఖో, బుద్ధం తం పణమామ్యహం.౩౭౬.

పత్తధమ్మో పత్తబోధి, పత్తమగ్గో పత్తఫలో;

పత్తఅమతో పత్తత్థో, బుద్ధం తం పణమామ్యహం.౩౭౭.

పరమత్థసచ్చం పత్తో, పత్తఖేమో పత్తసివో;

పత్తఅచ్చుతో పత్తగ్గో, బుద్ధం తం పణమామ్యహం.౩౭౮.

పత్తఅనోమో పత్తిట్ఠో, పత్తధువో పత్తక్ఖయో;

పత్తలోకుత్తరధమ్మో, బుద్ధం తం పణమామ్యహం.౩౭౯.

పత్తఞాణో పత్తమేధో, పత్తధమ్మనియామకో;

పత్తఅనన్తో పత్తన్తో, బుద్ధం తం పణమామ్యహం.౩౮౦.

పత్తవిసుద్ధి పత్తిద్ధి, పత్తప్పరమత్థపదో;

పత్తనిపుణత్థధమ్మో, బుద్ధం తం పణమామ్యహం.౩౮౧.

పత్తకన్తి పత్తవణ్ణో, పత్తకిత్తి పత్తయసో;

పత్తపస్సిద్ధి పఖ్యాతో, బుద్ధం తం పణమామ్యహం.౩౮౨.

సబ్బకప్పపరిక్ఖీణో, పరిముత్తో పతాపవా;

సంసారోఘపారప్పత్తో, బుద్ధం తం పణమామ్యహం.౩౮౩.

నయప్పత్తో వసీప్పత్తో, సచ్ఛికరణపారగూ;

నియ్యానం సుసచ్ఛికతో, బుద్ధం తం పణమామ్యహం.౩౮౪.

భారభఞ్జకో భదన్తో, భువనభోగభిన్దకో;

భవమహణ్ణవం తిణ్ణో, బుద్ధం తం పణమామ్యహం.౩౮౫.

దుక్కరే బోధిస్సమ్భారే, పూరేత్వాన అసేసతో;

పత్తో సబ్బఞ్ఞుతం ఞాణం, బుద్ధం తం పణమామ్యహం.౩౮౬.

సన్తిపత్తో సన్తిభూతో, సీతలీభూతో సబ్బధి;

పరమం సుఖం సమ్పత్తో, బుద్ధం తం పణమామ్యహం.౩౮౭.

పన్నాసజ్జో పన్నాసత్తో, పన్నాలమ్బో పన్నాలయో;

పన్నసూలో పన్నసల్లో, బుద్ధం తం పణమామ్యహం.౩౮౮.

పన్నాసఙ్కో పన్నాతఙ్కో, పన్నాకఙ్ఖో పన్నఙ్గణో;

పన్నాపేక్ఖో పన్నాభిజ్ఝో, బుద్ధం తం పణమామ్యహం.౩౮౯.

పన్నభారో కతకిచ్చో, పుణ్ణఅభిఞ్ఞా వోసితో;

సబ్బవోసిత వోసానం, బుద్ధం తం పణమామ్యహం.౩౯౦.

మనోగుత్తో వచీగుత్తో, కాయగుత్తో గుత్తివరో;

గుత్తకమ్మో గుత్తధమ్మో, బుద్ధం తం పణమామ్యహం.౩౯౧.

చిత్తగుత్తో చిత్తదన్తో, సంతత చిత్త సంయతో;

చిత్తముత్తో చిత్తసన్తో, బుద్ధం తం పణమామ్యహం.౩౯౨.

ఇన్ద్రియగుత్తో సుగుత్తో, అత్తపచ్చక్ఖో ఆసభో;

పచురపఞ్ఞాసమ్పన్నో, బుద్ధం తం పణమామ్యహం.౩౯౩.

కాయగుత్తో వచీగుత్తో, చిత్తగుత్తో యో గుత్తత్తో;

సబ్బిన్ద్రియగుత్తో సామీ, బుద్ధం తం పణమామ్యహం.౩౯౪.

ధీరహదయో ధోరయ్హో, సంవుతో సంయతమనో;

గుత్తిన్ద్రియో గుత్తమానో, బుద్ధం తం పణమామ్యహం.౩౯౫.

ధితియుత్తో మతియుత్తో, నీతియుత్తో యుత్తనయో;

మగ్గయుత్తో ఫలయుత్తో, బుద్ధం తం పణమామ్యహం.౩౯౬.

మగ్గలద్ధో అగ్గలద్ధో, అన్తలద్ధో లద్ధపథో;

పరమత్థసచ్చలద్ధో, బుద్ధం తం పణమామ్యహం.౩౯౭.

ఇట్ఠలద్ధో సిద్ధలద్ధో, సీతిలద్ధో లద్ధసివో;

దుల్లభనిబ్బానలద్ధో, బుద్ధం తం పణమామ్యహం.౩౯౮.

ధమ్మలద్ధో అత్థలద్ధో, ముత్తిలద్ధో లద్ధతథో;

పలద్ధతింసపారమీ, బుద్ధం తం పణమామ్యహం.౩౯౯.

సన్తిలద్ధో ఖన్తిలద్ధో, కన్తిలద్ధో లద్ధయసో;

దిత్తిలద్ధో కిత్తిలద్ధో, బుద్ధం తం పణమామ్యహం.౪౦౦.

దిబ్బలద్ధో భబ్బలద్ధో, సబ్బలద్ధో లద్ధబలో;

సుదుద్దసం సివం లద్ధో, బుద్ధం తం పణమామ్యహం.౪౦౧.

సుద్ధిలద్ధో బుద్ధిలద్ధో, ఇద్ధిలద్ధో లద్ధనిధీ;

ఉపలద్ధఛళభిఞ్ఞో, బుద్ధం తం పణమామ్యహం.౪౦౨.

కల్యాణం కుసలం లద్ధో, పీతిలద్ధో లద్ధసుఖో;

ఉపలద్ధఅమతసిన్ధూ, బుద్ధం తం పణమామ్యహం.౪౦౩.

ఉపలద్ధయోగక్ఖేమో, సోత్థిలద్ధో లద్ధధువో;

దసబలలద్ధో వీరో, బుద్ధం తం పణమామ్యహం.౪౦౪.

బోధిలద్ధో ఞాణలద్ధో, మేధాలద్ధో లద్ధనయో;

పఞ్ఞాలద్ధో విజ్జాలద్ధో, బుద్ధం తం పణమామ్యహం.౪౦౫.

సుమతిలద్ధో ధీలద్ధో, లద్ధవిముత్తిసమ్పత్తీ;

పరమ’పవగ్గలద్ధో, బుద్ధం తం పణమామ్యహం.౪౦౬.

పునీతం పవిత్తంలద్ధో, లద్ధఉత్తమమఙ్గలో;

పరమం అవయం లద్ధో, బుద్ధం తం పణమామ్యహం.౪౦౭.

ఉక్కట్ఠం కేవలం లద్ధో, సుముత్తిలద్ధో సబ్బతో;

అనన్త’నీతికం లద్ధో, బుద్ధం తం పణమామ్యహం.౪౦౮.

సత్తబోజ్ఝఙ్గుపలద్ధో, లద్ధఅభిఞ్ఞో సబ్బతో;

భవతణ్హక్ఖయం లద్ధో, బుద్ధం తం పణమామ్యహం.౪౦౯.

పరిసుద్ధపన్థలద్ధో, సచ్చలద్ధో అనూపమో;

పరిపుణ్ణధమ్మలద్ధో, బుద్ధం తం పణమామ్యహం.౪౧౦.

సమ్పుణ్ణపరిఞ్ఞాలద్ధో, అఞ్ఞాలద్ధో సబ్బుత్తమో;

పటిసమ్భిదాసులద్ధో, బుద్ధం తం పణమామ్యహం.౪౧౧.

పచ్చక్ఖవిముత్తిలద్ధో, లద్ధఛళభిఞ్ఞావరో;

పరిపుణ్ణసన్తిలద్ధో, బుద్ధం తం పణమామ్యహం.౪౧౨.

యథాభూతసచ్చలద్ధో, తథతాలద్ధో సబ్బధి;

సమన్తసమతాలద్ధో, బుద్ధం తం పణమామ్యహం.౪౧౩.

నిమ్మలచక్ఖుపలద్ధో, విమలవిజ్జావారిధి;

నిపుణత్థధమ్మలద్ధో, బుద్ధం తం పణమామ్యహం.౪౧౪.

థామలద్ధో జవలద్ధో, సమలద్ధో పతాపవా;

లోకుత్తరసచ్చలద్ధో, బుద్ధం తం పణమామ్యహం.౪౧౫.

ధితిలద్ధో సుచిలద్ధో, సంసుద్ధిలద్ధో సుద్ధిమా;

సుధాలద్ధో సుమేధావీ, బుద్ధం తం పణమామ్యహం.౪౧౬.

లద్ధఅద్ధో భద్దలద్ధో, మోదలద్ధో లద్ధసుభో;

సబ్బత్థ సన్తోసలద్ధో, బుద్ధం తం పణమామ్యహం.౪౧౭.

తీరలద్ధో పారలద్ధో, సారలద్ధో లద్ధఫలో;

మఙ్గలముత్తమం లద్ధో, బుద్ధం తం పణమామ్యహం.౪౧౮.

అంసులద్ధో రంసిలద్ధో, ఓజలద్ధో లద్ధజుతీ;

ఉగ్గఅగ్గఆభాలద్ధో, బుద్ధం తం పణమామ్యహం.౪౧౯.

పసంసాపసిద్ధిలద్ధో, విసేసవిస్సవిస్సుతో;

పూజనం థోమనం లద్ధో, బుద్ధం తం పణమామ్యహం.౪౨౦.

మోహన్ధకారవిముత్తో, ఆలోకలద్ధో లోకజీ;

అప్పమేయ్యప్పభాలద్ధో, బుద్ధం తం పణమామ్యహం.౪౨౧.

విసల్లో కుసలో సత్థా, కమ్మాకమ్మస్సకోవిదో;

పారగూ సబ్బకమ్మానం, బుద్ధం తం పణమామ్యహం.౪౨౨.

కుసలస్స కోవిదో చ, అకుసలస్స కోవిదో;

కుసలస్సుపసమ్పన్నో, బుద్ధం తం పణమామ్యహం.౪౨౩.

ధమ్మస్స కోవిదో చాపి, అధమ్మస్సాపి కోవిదో;

పారగూ సబ్బధమ్మానం, బుద్ధం తం పణమామ్యహం.౪౨౪.

పుఞ్ఞస్స కోవిదో చాపి, అపుఞ్ఞస్సాపి కోవిదో;

పాపపుఞ్ఞమతిక్కన్తో, బుద్ధం తం పణమామ్యహం.౪౨౫.

మగ్గస్స కోవిదో చాపి, అమగ్గస్సాపి కోవిదో;

అగ్గమగ్గముగ్ఘాటేసి, బుద్ధం తం పణమామ్యహం.౪౨౬.

సుఖస్స కోవిదో చాపి, దుక్ఖస్స చాపి కోవిదో;

పరమసుఖదస్సావీ, బుద్ధం తం పణమామ్యహం.౪౨౭.

ఇట్ఠస్స కోవిదో చాపి, అనిట్ఠస్సాపి కోవిదో;

పరమిట్ఠం పఞ్ఞాపేసి, బుద్ధం తం పణమామ్యహం.౪౨౮.

అన్తస్స కోవిదో చాపి, అనన్తస్సాపి కోవిదో;

అనన్తఓభాసం సక్ఖీ, బుద్ధం తం పణమామ్యహం.౪౨౯.

మతస్స కోవిదో చాపి, అమతస్సాపి కోవిదో;

అమతస్ససిన్ధులద్ధో, బుద్ధం తం పణమామ్యహం.౪౩౦.

నిచ్చస్స కోవిదో చాపి, అనిచ్చస్సాపి కోవిదో;

నిచ్చసచ్చం పకాసేసి, బుద్ధం తం పణమామ్యహం.౪౩౧.

భవస్స కోవిదో చాపి, విభవస్సాపి కోవిదో;

సబ్బసో భవం భఞ్జేసి, బుద్ధం తం పణమామ్యహం.౪౩౨.

రాగస్స కోవిదో చాపి, అరాగస్సాపి కోవిదో;

సబ్బరాగం విరఞ్జేసి, బుద్ధం తం పణమామ్యహం.౪౩౩.

దోసస్స కోవిదో చాపి, అదోసస్సాపి కోవిదో;

సబ్బదోసం విద్ధంసేసి, బుద్ధం తం పణమామ్యహం.౪౩౪.

మోహస్స కోవిదో చాపి, అమోహస్సాపి కోవిదో;

సబ్బమోహవీతివత్తో, బుద్ధం తం పణమామ్యహం.౪౩౫.

వేరస్స కోవిదో చాపి, అవేరస్సాపి కోవిదో;

సబ్బవేరమతిక్కన్తో, బుద్ధం తం పణమామ్యహం.౪౩౬.

క్లేసస్స కోవిదో చాపి, నిక్లేసస్సాపి కోవిదో;

సబ్బకిలేసం ఝాపేసి, బుద్ధం తం పణమామ్యహం.౪౩౭.

తమస్స కోవిదో చాపి, ఆలోకస్సాపి కోవిదో;

లోకే ఆలోకం జోతేసి, బుద్ధం తం పణమామ్యహం.౪౩౮.

నేళస్స కోవిదో చాపి, అనేళస్సాపి కోవిదో;

అనేళకో అక్కిలేసో, బుద్ధం తం పణమామ్యహం.౪౩౯.

సఙ్గస్స కోవిదో చాపి, అసఙ్గస్సాపి కోవిదో;

సబ్బసఙ్గవినిముత్తో, బుద్ధం తం పణమామ్యహం.౪౪౦.

కోవిదో చ వేదనాయ, అవేదనాయ కోవిదో;

సబ్బస్స వేదనాతీతో, బుద్ధం తం పణమామ్యహం.౪౪౧.

ఆరమ్భస్స కోవిదో చ, అనారమ్భస్స కోవిదో;

సబ్బారమ్భపరిచ్చాగీ, బుద్ధం తం పణమామ్యహం.౪౪౨.

ఆలయస్స కోవిదో చ, అనాలయస్స కోవిదో;

సబ్బాలయవినిముత్తో, బుద్ధం తం పణమామ్యహం.౪౪౩.

ఆలమ్బస్స కోవిదో చ, అనాలమ్బస్స కోవిదో;

సబ్బాలమ్బనా విగతో, బుద్ధం తం పణమామ్యహం.౪౪౪.

తణ్హాయ కోవిదో చాపి, వీతతణ్హాయ కోవిదో;

తణ్హాజాలం విదాలేసి, బుద్ధం తం పణమామ్యహం.౪౪౫.

మానస్స కోవిదో చాపి, అవమానస్స కోవిదో;

మానావమానసమకో, బుద్ధం తం పణమామ్యహం.౪౪౬.

కామస్స కోవిదో చాపి, నిక్కామస్సాపి కోవిదో;

సబ్బకామపరిక్ఖీణో, బుద్ధం తం పణమామ్యహం.౪౪౭.

కోపస్స కోవిదో చాపి, నిక్కోపస్సాపి కోవిదో;

సబ్బకోపగ్గినిబ్బుతో, బుద్ధం తం పణమామ్యహం.౪౪౮.

కోధస్స కోవిదో చాపి, నిక్కోధస్సాపి కోవిదో;

కోధానలం నిబ్బాపేసి, బుద్ధం తం పణమామ్యహం.౪౪౯.

ఛన్దస్స కోవిదో చాపి, నిచ్ఛన్దస్సాపి కోవిదో;

సబ్బభవచ్ఛన్దచ్ఛిన్నో, బుద్ధం తం పణమామ్యహం.౪౫౦.

లోభస్స కోవిదో చాపి, నిల్లోభస్సాపి కోవిదో;

లోభలాలసానిల్లిత్తో, బుద్ధం తం పణమామ్యహం.౪౫౧.

సోకస్స కోవిదో చాపి, నిస్సోకస్సాపి కోవిదో;

సోకసూలం అబ్బాహేసి, బుద్ధం తం పణమామ్యహం.౪౫౨.

స్నేహస్స కోవిదో చాపి, నిస్నేహస్సాపి కోవిదో;

సబ్బస్నేహా వినిముత్తో, బుద్ధం తం పణమామ్యహం.౪౫౩.

ఖోభస్స కోవిదో చాపి, నిక్ఖోభస్సాపి కోవిదో;

సబ్బకమ్మఖోభఖీణో, బుద్ధం తం పణమామ్యహం.౪౫౪.

సల్లస్స కోవిదో చాపి, విసల్లస్సాపి కోవిదో;

సబ్బసల్లం సన్దాలేసి, బుద్ధం తం పణమామ్యహం.౪౫౫.

ఖయస్స కోవిదో చాపి, అక్ఖయస్సాపి కోవిదో;

సబ్బథా అక్ఖయం పత్తో, బుద్ధం తం పణమామ్యహం.౪౫౬.

లోకస్స కోవిదో చాపి, లోకన్తస్సాపి కోవిదో;

లోకుత్తరం సచ్ఛికతో, బుద్ధం తం పణమామ్యహం.౪౫౭.

సుద్ధస్స కోవిదో చాపి, అసుద్ధస్సాపి కోవిదో;

సుద్ధిమగ్గం విసోధేసి, బుద్ధం తం పణమామ్యహం.౪౫౮.

కాలస్స కోవిదో చాపి, అకాలస్సాపి కోవిదో;

కాలానుసారీ దేసేసి, బుద్ధం తం పణమామ్యహం.౪౫౯.

ఛలస్స కోవిదో చాపి, నిచ్ఛలస్సాపి కోవిదో;

సబ్బథా ఛలవిముత్తో, బుద్ధం తం పణమామ్యహం.౪౬౦.

సుమనస్స కోవిదో చ, దుమ్మనస్సాపి కోవిదో;

సబ్బధి సుమనో సన్తో, బుద్ధం తం పణమామ్యహం.౪౬౧.

కోవిదో లోకచక్కస్స, ధమ్మచక్కస్స కోవిదో;

లోకచక్కం విద్ధంసేసి, బుద్ధం తం పణమామ్యహం.౪౬౨.

తీరస్స కోవిదో చాపి, పారస్స చాపి కోవిదో;

ఘోరం ఓఘం పారఙ్గతో, బుద్ధం తం పణమామ్యహం.౪౬౩.

బోధస్స కోవిదో చాపి, దుబ్బోధస్సాపి కోవిదో;

సబ్బథా సబ్బం బోధేసి, బుద్ధం తం పణమామ్యహం.౪౬౪.

యోగస్స కోవిదో చాపి, ఖేమస్స చాపి కోవిదో;

యోగక్ఖేమమనుప్పత్తో, బుద్ధం తం పణమామ్యహం.౪౬౫.

ఆవిలస్స కోవిదో చ, అనావిలస్స కోవిదో;

సబ్బావిలం విధోపేసి, బుద్ధం తం పణమామ్యహం.౪౬౬.

సంసయస్స కోవిదో చ, అసంసయస్స కోవిదో;

సబ్బత్థ సంసయముత్తో, బుద్ధం తం పణమామ్యహం.౪౬౭.

సారజ్జస్స కోవిదో చ, విసారజ్జస్స కోవిదో;

వేసారజ్జఞాణుపేతో, బుద్ధం తం పణమామ్యహం.౪౬౮.

వికారస్స కోవిదో చ, నిబ్బికారస్స కోవిదో;

వికారాని విక్ఖమ్భేసి, బుద్ధం తం పణమామ్యహం.౪౬౯.

సమ్మోహస్స కోవిదో చ, అసమ్మోహస్స కోవిదో;

సబ్బసమ్మోహా విముత్తో, బుద్ధం తం పణమామ్యహం.౪౭౦.

సన్తాపస్స కోవిదో చ, అసన్తాపస్స కోవిదో;

సన్తాపానం సన్తికరో, బుద్ధం తం పణమామ్యహం.౪౭౧.

పటిఘస్స కోవిదో చ, అప్పటిఘస్స కోవిదో;

పటిఘసఞ్ఞాసుఞ్ఞో యో, బుద్ధం తం పణమామ్యహం.౪౭౨.

ఆసవస్స కోవిదో చ, అనాసవస్స కోవిదో;

సబ్బాసవపరిక్ఖీణో, బుద్ధం తం పణమామ్యహం.౪౭౩.

సుగుణస్స కోవిదో చ, దుగ్గుణస్సాపి కోవిదో;

సబ్బసుగుణసంయుత్తో, బుద్ధం తం పణమామ్యహం.౪౭౪.

కల్యాణస్స కోవిదో చ, అకల్యాణస్స కోవిదో;

కల్యాణత్థమనుప్పత్తో, బుద్ధం తం పణమామ్యహం.౪౭౫.

విపులపఞ్ఞో పబలో, మగ్గామగ్గస్స కోవిదో;

పరమత్థధమ్మలద్ధో, బుద్ధం తం పణమామ్యహం.౪౭౬.

చేతోసమథకోవిదో, ఝానసమాధికోవిదో;

సమాపత్తిసమాపన్నో, బుద్ధం తం పణమామ్యహం.౪౭౭.

మగ్గకోవిదో మగ్గఞ్ఞూ, ధమ్మఞ్ఞూ ధమ్మకోవిదో;

అగ్గకోవిదో అగ్గఞ్ఞూ, బుద్ధం తం పణమామ్యహం.౪౭౮.

సమ్పజఞ్ఞస్స కోవిదో, సమ్మాసతియా కోవిదో;

సతిపట్ఠానే కోవిదో, బుద్ధం తం పణమామ్యహం.౪౭౯.

సత్తబోజ్ఝఙ్గకోవిదో, సబ్బవిభఙ్గకోవిదో;

విజ్జాకోవిదో తేవిజ్జో, బుద్ధం తం పణమామ్యహం.౪౮౦.

చేతోవిముత్తికోవిదో, పఞ్ఞావిముత్తికోవిదో;

ఉభతోవిముత్తిప్పత్తో, బుద్ధం తం పణమామ్యహం.౪౮౧.

ఇద్ధిపాదేసు కోవిదో, చేతోపరియకోవిదో;

ఛళభిఞ్ఞాహి సమ్పన్నో, బుద్ధం తం పణమామ్యహం.౪౮౨.

అప్పమఞ్ఞాసు కోవిదో, అట్ఠఙ్గమగ్గం పారగూ;

సబ్బథా నిక్ఖయప్పత్తో, బుద్ధం తం పణమామ్యహం.౪౮౩.

ధమ్మనియామే కోవిదో, ధమ్మతాయపి కోవిదో;

ధమ్మట్ఠితియా కోవిదో, బుద్ధం తం పణమామ్యహం.౪౮౪.

కాయసంవరసమ్పన్నో, చిత్తసంవరకోవిదో;

వచీసంవరసంవుతో, బుద్ధం తం పణమామ్యహం.౪౮౫.

లోకజేట్ఠో లోకసేట్ఠో, తిలోకజేట్ఠో తేవిజ్జో;

పురిసజేట్ఠో విసిట్ఠో, బుద్ధం తం పణమామ్యహం.౪౮౬.

సబ్బసేట్ఠో సుధమ్మట్ఠో, యోనిసో సబ్బనిగ్గహో;

విసంసగ్గో విసంసట్ఠో, బుద్ధం తం పణమామ్యహం.౪౮౭.

సబ్బజేట్ఠో సబ్బసేట్ఠో, సబ్బగ్గో సబ్బనాయకో;

సబ్బనాథో సబ్బసామీ, బుద్ధం తం పణమామ్యహం.౪౮౮.

మచ్చుజయీ మారజయీ, మారధేయ్యవిద్ధంసకో;

మారపాసం వినాసేసి, బుద్ధం తం పణమామ్యహం.౪౮౯.

మచ్చుహాయీ మారహాయీ, మచ్చుధేయ్యవిద్ధంసకో;

మచ్చుపాసం వినాసేసి, బుద్ధం తం పణమామ్యహం.౪౯౦.

మారజయో మచ్చుజయో, అన్తకధేయ్యద్ధంసకో;

మచ్చుఖేత్తం పదాలేసి, బుద్ధం తం పణమామ్యహం.౪౯౧.

పరక్కమపుణ్ణో వీరో, మారచమూనిమ్మద్దనో;

మచ్చుతిణ్ణో మచ్చుజితో, బుద్ధం తం పణమామ్యహం.౪౯౨.

మారమాయం విమద్దేసి, మోహనమారఘాతకో;

మారమదనమద్దనో, బుద్ధం తం పణమామ్యహం.౪౯౩.

పబలో మారం మద్దేసి, సబలో మచ్చుమద్దకో;

నముచినాసకో నాగో, బుద్ధం తం పణమామ్యహం.౪౯౪.

పాపీమారబలానీకం, నిమ్మద్దేసి మహాజినో;

పరం సుఖం అధిప్పత్తో, బుద్ధం తం పణమామ్యహం.౪౯౫.

పాపజయో పుఞ్ఞజయో, అహంజయో జితమమో;

కఙ్ఖాజయో సఙ్కాజయో, బుద్ధం తం పణమామ్యహం.౪౯౬.

జితమోహో జితమాయో, జితమక్ఖో మారఞ్జితో;

జితమచ్ఛరో జితిచ్ఛో, బుద్ధం తం పణమామ్యహం.౪౯౭.

జితకోధో జితకామో, జితలోభో నన్దీజితో;

జితతణ్హో జితరాగో, బుద్ధం తం పణమామ్యహం.౪౯౮.

జితవేరో జితస్నేహో, జితమానో జితమదో;

జితాతఙ్కో జితాపేక్ఖో, బుద్ధం తం పణమామ్యహం.౪౯౯.

సబ్బదా విజయీ వీరో, సబ్బజి సమణుత్తమో;

ఖేమదాయకో ఖేమిన్దో, బుద్ధం తం పణమామ్యహం.౫౦౦.

సబ్బజితో సబ్బవసీ, సబ్బవిజయమఙ్గలో;

సబ్బజయో సక్కసీహో, బుద్ధం తం పణమామ్యహం.౫౦౧.

దన్తథీనో దన్తమిద్ధో, దన్తపమాదో దన్తిఞ్జో;

దన్తారమ్భో దన్తలీనో, బుద్ధం తం పణమామ్యహం.౫౦౨.

దన్తఛమ్భో దన్తదరో, దన్తభీతి దన్తభయో;

దన్తభేస్మో దన్తభీమో, బుద్ధం తం పణమామ్యహం.౫౦౩.

దోహదన్తో దోసదన్తో, దేస్సదన్తో దన్తదిసో;

డాహదన్తో దాహదన్తో, బుద్ధం తం పణమామ్యహం.౫౦౪.

సమ్మాపధానో విక్కన్తో, మహావిక్కమమానసో;

పరక్కమీ మారఞ్జయో, బుద్ధం తం పణమామ్యహం.౫౦౫.

సమ్మాపధానకుసలో, సంవుతో అతిసంయతో;

పారమితాపరిపుణ్ణో, బుద్ధం తం పణమామ్యహం.౫౦౬.

హిరోత్తప్పీ ఆతాపీ చ, సుదన్తో అతిసంవుతో;

సక్యసేట్ఠో సబ్బజేట్ఠో, బుద్ధం తం పణమామ్యహం.౫౦౭.

దసబలధారీ దళ్హో, ధీరో అసయ్హసాహినో;

పురిసపుఙ్గవో సూరో, బుద్ధం తం పణమామ్యహం.౫౦౮.

ద్విపదుత్తమో దమకో, దన్తో దళ్హపరక్కమో;

దోసాపగతో దోసఞ్ఞూ, బుద్ధం తం పణమామ్యహం.౫౦౯.

ఉపక్కమీ పరక్కమీ, విరియారమ్భో విక్కమీ;

పారమీ పరిపూరేసి, బుద్ధం తం పణమామ్యహం.౫౧౦.

పతాపీ పారమీప్పత్తో, పధానికో పగ్గాహకో;

పాపీమారం పరాజేసి, బుద్ధం తం పణమామ్యహం.౫౧౧.

జవసత్తిసుసమ్పన్నో, సూరో విక్కమసేఖరో;

ధితిధారకో సుధీరో, బుద్ధం తం పణమామ్యహం.౫౧౨.

విక్కమో దురతిక్కమో, అకిలన్తో పరక్కమో;

అమతాగధం సమ్పత్తో, బుద్ధం తం పణమామ్యహం.౫౧౩.

సతిసాతచ్చసమ్పన్నో, సమ్మప్పధాన పారగూ;

అరియదస్సనదస్సీ, బుద్ధం తం పణమామ్యహం.౫౧౪.

సమ్మావిరియసమ్పన్నో, సమ్మాపధానపారగూ;

సబ్బత్థప్పత్తో సిద్ధత్థో, బుద్ధం తం పణమామ్యహం.౫౧౫.

సూరో విజితసఙ్గామో, వీరో విజితవేరికో;

ధీరో పురిసధోరేయ్యో, బుద్ధం తం పణమామ్యహం.౫౧౬.

పూరేసి పారమీ సబ్బా, నరాసభో పరక్కమీ;

విముత్తజాతిమరణో, బుద్ధం తం పణమామ్యహం.౫౧౭.

విక్కమో చ పరక్కమో, పాపకమ్మం పహాణకో;

పగ్గాహకో ఉపక్కమో, బుద్ధం తం పణమామ్యహం.౫౧౮.

సబ్బసత్తహితత్థాయ, పరిక్కామేసి విక్కమీ;

ముత్తాయనం అన్వేసి, బుద్ధం తం పణమామ్యహం.౫౧౯.

భవవట్టం సుఅచ్ఛేచ్ఛి, నరసద్దూలో నిద్దరో;

పరమిట్ఠం సుసమ్పత్తో, బుద్ధం తం పణమామ్యహం.౫౨౦.

హతమోహో హతమాయో, హతమక్ఖో హతమదో;

హతమానో హతమారో, బుద్ధం తం పణమామ్యహం.౫౨౧.

దమ్భహన్తా గబ్బహన్తా, వట్టహన్తా అరహన్తో;

బీజహన్తా బాధాహన్తా, బుద్ధం తం పణమామ్యహం.౫౨౨.

భవనేత్తిం సమ్మాహన్తా, సఙ్ఖతముత్తమానసో;

సబ్బధి అవిజ్జాహన్తా, బుద్ధం తం పణమామ్యహం.౫౨౩.

సంవుతత్తో సంయతత్తో, సమితత్తో సమాహితో;

విముత్తత్తో విరత్తత్తో, బుద్ధం తం పణమామ్యహం.౫౨౪.

పాపఘచ్చో పుఞ్ఞఘచ్చో, అహంఘచ్చో ఘచ్చమమో;

కఙ్ఖాఘచ్చో సఙ్కాఘచ్చో, బుద్ధం తం పణమామ్యహం.౫౨౫.

కప్పఘచ్చో కాలఘచ్చో, కిలేసఘచ్చో సబ్బథా;

మూలఘచ్చో సూలఘచ్చో, బుద్ధం తం పణమామ్యహం.౫౨౬.

ఘచ్చజాతి ఘచ్చమచ్చు, ఘచ్చలోకో ఘచ్చభవో;

ఘచ్చవిభవో ఘచ్చోఘో, బుద్ధం తం పణమామ్యహం.౫౨౭.

ఘచ్చఖోభో ఘచ్చదుక్ఖో, ఘచ్చసల్లో ఘచ్చఖిలో;

ఘచ్చాభిమానో ఘచ్చేధో, బుద్ధం తం పణమామ్యహం.౫౨౮.

దోసభఞ్జో దోహభఞ్జో, కామభఞ్జో భఞ్జతమో;

దిట్ఠిభఞ్జో దుక్ఖభఞ్జో, బుద్ధం తం పణమామ్యహం.౫౨౯.

భోగభఞ్జో సోకభఞ్జో, రోగభఞ్జో భఞ్జరజో;

సూలభఞ్జో సల్లభఞ్జో, బుద్ధం తం పణమామ్యహం.౫౩౦.

భఞ్జథీనో భఞ్జమిద్ధో, భఞ్జబన్ధో భఞ్జగ్గలో;

భఞ్జారమ్భో భఞ్జలీనో, బుద్ధం తం పణమామ్యహం.౫౩౧.

భఞ్జాసఙ్కో భఞ్జాతఙ్కో, భఞ్జాసంసో భఞ్జుస్సుకో;

భఞ్జాభిరతో భఞ్జిచ్ఛో, బుద్ధం తం పణమామ్యహం.౫౩౨.

భఞ్జానుతాపో భఞ్జాగు, భఞ్జఙ్గణో భఞ్జాసవో;

మానాభిమానవిభఞ్జో, బుద్ధం తం పణమామ్యహం.౫౩౩.

సల్లభఞ్జో సూలభఞ్జో, మూలభఞ్జో భఞ్జమలో;

సబ్బభవబన్ధభఞ్జో, బుద్ధం తం పణమామ్యహం.౫౩౪.

కప్పక్ఖయో కాలక్ఖయో, కిలేసక్ఖయో సబ్బథా;

మూలక్ఖయో సూలక్ఖయో, బుద్ధం తం పణమామ్యహం.౫౩౫.

దోసక్ఖయో దోహక్ఖయో, కామక్ఖయో ఖీణమదో;

దిట్ఠిక్ఖయో దుక్ఖక్ఖయో, బుద్ధం తం పణమామ్యహం.౫౩౬.

కోధఖీణో కోపఖీణో, క్లేసఖీణో ఖీణకుహో;

వేరఖీణో దేస్సఖీణో, బుద్ధం తం పణమామ్యహం.౫౩౭.

లోభఖీణో లోలఖీణో, రోసఖీణో ఖీణరణో;

కిచ్ఛాఖీణో ఇచ్ఛాఖీణో, బుద్ధం తం పణమామ్యహం.౫౩౮.

ఖీణరాగో ఖీణదోసో, ఖీణమోహో ఖీణభవో;

ఖీణమానో ఖీణమక్ఖో, బుద్ధం తం పణమామ్యహం.౫౩౯.

ఖీణగేధో ఖీణలోభో, ఖీణకామో చ ఖీణిఞ్జో;

ఖీణసారమ్భో ఖీణిన్ధో, బుద్ధం తం పణమామ్యహం.౫౪౦.

ఖీణాసయో ఖీణబీజో, అవిరుళ్హిఛన్దో వసీ;

ఖీణతణ్హో ఖీణభిజ్ఝో, బుద్ధం తం పణమామ్యహం.౫౪౧.

ఖయాసఙ్కో ఖయాతఙ్కో, ఖయాకఙ్ఖో ఖయఙ్గణో;

ఖయాపేక్ఖో ఖయాభిజ్ఝో, బుద్ధం తం పణమామ్యహం.౫౪౨.

ఖయతణ్హో ఖయలోభో, ఖయసల్లో ఖయఖిలో;

ఖయభోగో ఖయరోగో, బుద్ధం తం పణమామ్యహం.౫౪౩.

ఖయఛమ్భో ఖయదరో, ఖయభిస్మా ఖయభయో;

ఖయసంసయో ఖయిఞ్జో, బుద్ధం తం పణమామ్యహం.౫౪౪.

ఖయసంసట్ఠో ఖయోకో, ఖయాగారో ఖయగహో;

ఖయసూలో ఖయమూలో, బుద్ధం తం పణమామ్యహం.౫౪౫.

అహఙ్ఖయో మమఙ్ఖయో, సఙ్ఖతక్ఖయో సబ్బధి;

సఙ్కిలేసక్ఖయప్పత్తో, బుద్ధం తం పణమామ్యహం.౫౪౬.

సుఞ్ఞతణ్హో సుఞ్ఞరాగో, సుఞ్ఞరఙ్గో సుఞ్ఞరజో;

సుఞ్ఞఛన్దో సుఞ్ఞనన్దీ, బుద్ధం తం పణమామ్యహం.౫౪౭.

సుఞ్ఞరోసో సుఞ్ఞదోసో, సుఞ్ఞదోహో సుఞ్ఞదహో;

సుఞ్ఞసాపో సుఞ్ఞతాపో, బుద్ధం తం పణమామ్యహం.౫౪౮.

సుఞ్ఞకోధో సుఞ్ఞకోపో, సుఞ్ఞక్లేసో సుఞ్ఞకుహో;

సుఞ్ఞవేరీ సుఞ్ఞసత్తు, బుద్ధం తం పణమామ్యహం.౫౪౯.

సుఞ్ఞజాతి సుఞ్ఞమచ్చు, సుఞ్ఞలోకో సుఞ్ఞభవో;

సుఞ్ఞతా’భిరతో సుగతో, బుద్ధం తం పణమామ్యహం.౫౫౦.

ఈతిసుఞ్ఞో భీతిసుఞ్ఞో, ఛమ్భసుఞ్ఞో సుఞ్ఞభయో;

సబ్బథా సారజ్జసుఞ్ఞో, బుద్ధం తం పణమామ్యహం.౫౫౧.

సుఞ్ఞగన్థో సుఞ్ఞరజ్జు, సబ్బథా సుఞ్ఞబన్ధనో;

సుఞ్ఞదిట్ఠి సుఞ్ఞనేత్తి, బుద్ధం తం పణమామ్యహం.౫౫౨.

సల్లసుఞ్ఞో సూలసుఞ్ఞో, మూలసుఞ్ఞో సుఞ్ఞమలో;

సబ్బానుసయేహి సుఞ్ఞో, బుద్ధం తం పణమామ్యహం.౫౫౩.

సబ్బధి సన్తాపసుఞ్ఞో, సన్తాససుఞ్ఞో సబ్బథా;

తససుఞ్ఞో తాససుఞ్ఞో, బుద్ధం తం పణమామ్యహం.౫౫౪.

ఆసాసుఞ్ఞో ఇస్సాసుఞ్ఞో, ఏజాసుఞ్ఞో సుఞ్ఞఇణో;

ఛన్దసుఞ్ఞో బన్ధసుఞ్ఞో, బుద్ధం తం పణమామ్యహం.౫౫౫.

పాపసుఞ్ఞో పుఞ్ఞసుఞ్ఞో, అహంసుఞ్ఞో సుఞ్ఞమమో;

కఙ్ఖాసుఞ్ఞో సఙ్కాసుఞ్ఞో, బుద్ధం తం పణమామ్యహం.౫౫౬.

సబ్బకమ్మజహో చాగీ, చత్తాభిలాసో సబ్బధి;

సబ్బథా చత్తసంసట్ఠో, బుద్ధం తం పణమామ్యహం.౫౫౭.

దోసచాగీ దోహచాగీ, కుజ్ఝనచాగీ చత్తిన్ధో;

కోధచాగీ కోపచాగీ, బుద్ధం తం పణమామ్యహం.౫౫౮.

సబ్బరాజభోగచాగీ, మహాఓఘముమ్ముజ్జకో;

పరమత్థధమ్మదస్సీ, బుద్ధం తం పణమామ్యహం.౫౫౯.

చత్తకామో చత్తక్లేసో, చత్తాసత్తో చత్తాసవో;

చత్తపాపో చత్తుత్తాపో, బుద్ధం తం పణమామ్యహం.౫౬౦.

ఈతిచుతో భీతిచుతో, ఛమ్భచుతో చుత్తభయో;

డాహచుతో దాహచుతో, బుద్ధం తం పణమామ్యహం.౫౬౧.

సబ్బచత్తో సబ్బచజో, సబ్బచాగీ సబ్బచ్చగో;

సబ్బరిత్తో సబ్బఞ్జహో, బుద్ధం తం పణమామ్యహం.౫౬౨.

అనాసఙ్కో అనాతఙ్కో, అనాకఙ్ఖో అనఙ్గణో;

సదా అసఙ్గచేతసో, బుద్ధం తం పణమామ్యహం.౫౬౩.

అనుసూయో అనాసంసో, అనాసో చ అనుస్సుకో;

అనాసవో అనపేక్ఖో, బుద్ధం తం పణమామ్యహం.౫౬౪.

ఆకాసో వియ పఞ్ఞాయ, అలిత్తో అనిలో యథా;

అనిస్సితో విహాసి యో, బుద్ధం తం పణమామ్యహం.౫౬౫.

ఆరద్ధవిరియో ఆతాపీ, ఉయ్యుజ్జన్తో పధానికో;

అకుసీతో అనలసో, బుద్ధం తం పణమామ్యహం.౫౬౬.

అనుపమో సత్థా జేట్ఠో, సబ్బసేట్ఠో ఓవాదకో;

అరియధమ్మం అఞ్ఞాసి, బుద్ధం తం పణమామ్యహం.౫౬౭.

అమతేన అతప్పి లోకం, ధమ్మమేఘపవస్సకో;

అస్సాసేసి యథా చన్దో, బుద్ధం తం పణమామ్యహం.౫౬౮.

అవికమ్పీ అనభీతో, అసన్తాసీ అనాతురో;

అభీరుకో యో అచ్ఛమ్భీ, బుద్ధం తం పణమామ్యహం.౫౬౯.

అమచ్ఛరీ అమాయావీ, అజేగుచ్ఛో అనిట్ఠురో;

అప్పదుట్ఠో అకుటిలో, బుద్ధం తం పణమామ్యహం.౫౭౦.

అనభిజ్ఝో అపిహాలు, అకుహకో అలోలుపో;

అనుపవజ్జో అమత్తో, బుద్ధం తం పణమామ్యహం.౫౭౧.

అప్పగబ్భో అప్పటిఘో, అప్పావిలో అముచ్ఛితో;

అపేసుణికో అదోసో, బుద్ధం తం పణమామ్యహం.౫౭౨.

అకోపో చాపి అదుట్ఠో, వీతుస్సుకో అదూసకో;

వీతకోపో వీతకుహో, బుద్ధం తం పణమామ్యహం.౫౭౩.

అకమ్పితో అకమ్పకో, అవేరో అకుతోభయో;

సబ్బదా ఛమ్భరహితో, బుద్ధం తం పణమామ్యహం.౫౭౪.

అనతిమానీ అఖిలో, అకుప్పనో అకుజ్ఝనో;

అనభిసజ్జో అక్కోధో, బుద్ధం తం పణమామ్యహం.౫౭౫.

అకక్కసో చ అక్కోపో, అకటుకో అకూటకో;

అప్పదేస్సో అనున్నలో, బుద్ధం తం పణమామ్యహం.౫౭౬.

అనపేక్ఖీ అనుపయో, అనాసఙ్గో అనావిలో;

అనలిత్తో అనాలమ్బో, బుద్ధం తం పణమామ్యహం.౫౭౭.

అగ్గమహత్తత్తో ముని, అభినిబ్బుత్తత్తో యతీ;

విసుద్ధో అభిసమ్బుద్ధో, బుద్ధం తం పణమామ్యహం.౫౭౮.

అబ్బూళ్హసల్లో అరజో, అక్ఖదక్ఖీ అనాసవో;

అనోమదక్ఖీ అనణో, బుద్ధం తం పణమామ్యహం.౫౭౯.

అత్థపతిట్ఠో అత్థగూ, అనప్పఅత్థపారగూ;

అచ్చన్తో అత్థకుసలో, బుద్ధం తం పణమామ్యహం.౫౮౦.

అరియద్ధానం సమ్పత్తో, అత్థత్తో అత్థపణ్డితో;

మోచేసి బన్ధనాసత్తే, బుద్ధం తం పణమామ్యహం.౫౮౧.

అసజ్జమానసో అలీనో, సదా అసఙ్గమానసో;

అప్పమాదరతో నాథో, బుద్ధం తం పణమామ్యహం.౫౮౨.

అసఙ్గచిత్తో అక్లేసో, ఆసా యస్స న విజ్జతి;

అసఙ్కిలిట్ఠో అక్కుహో, బుద్ధం తం పణమామ్యహం.౫౮౩.

ఉపేక్ఖచిత్తో అచలో, ఉపాదానక్ఖయో ఉజూ;

అభినిబ్బిదో అప్పిఞ్జో, బుద్ధం తం పణమామ్యహం.౫౮౪.

అభిఞ్ఞాపారమీపత్తో, అభిపఞ్ఞో అభిగతో;

అనుపాదా విముత్తో యో, బుద్ధం తం పణమామ్యహం.౫౮౫.

అవిరుద్ధో అసారత్తో, సన్తిలద్ధో అనప్పకో;

అమితఅమతప్పత్తో, బుద్ధం తం పణమామ్యహం.౫౮౬.

ఆకఙ్ఖిఞ్జారిత్తో, అనుపాదానో ఉత్తమో;

అప్పనేహో చ అప్పిహో, బుద్ధం తం పణమామ్యహం.౫౮౭.

అతిసీలో అతిసన్తో, అతివిఞ్ఞూ అరహతో;

అగ్గత్థపత్తో అగ్గత్తో, బుద్ధం తం పణమామ్యహం.౫౮౮.

అధిసీలో అధిచిత్తో, అధిపఞ్ఞో అధిగతో;

అపలోకితదస్సావీ, బుద్ధం తం పణమామ్యహం.౫౮౯.

అత్తదీపో అత్తసరణో, అత్తనాథో అధివరో;

అచ్చన్తుత్తమో అగ్గభూ, బుద్ధం తం పణమామ్యహం.౫౯౦.

అనభికఙ్ఖో అనిచ్ఛో, అరాగో అనపేక్ఖకో;

అననుగిద్ధో అలోభో, బుద్ధం తం పణమామ్యహం.౫౯౧.

అనభిలాసో అనేధో, అవిరుళ్హితణ్హో ఇసి;

ఉచ్ఛిన్నరాగో అలగ్గో, బుద్ధం తం పణమామ్యహం.౫౯౨.

నట్ఠరాగో నట్ఠదోసో, నట్ఠమోహో నట్ఠమదో;

నట్ఠకోధో నట్ఠకోపో, బుద్ధం తం పణమామ్యహం.౫౯౩.

వినట్ఠిఞ్జో వినట్ఠిన్ధో, వినట్ఠిచ్ఛో వినట్ఠిణో;

వినట్ఠాసా వినట్ఠిస్సా, బుద్ధం తం పణమామ్యహం.౫౯౪.

నట్ఠకఙ్ఖా నట్ఠసఙ్కా, నట్ఠభన్తి నట్ఠభమో;

నట్ఠమాయా, నట్ఠావిజ్జా, బుద్ధం తం పణమామ్యహం.౫౯౫.

అమాయో అపరిచ్ఛిన్నో, ఉజుకో అతివిస్సుతో;

అనోమచిత్తో అనేళో, బుద్ధం తం పణమామ్యహం.౫౯౬.

అత్థపస్సీ అత్థచరో, అత్థక్ఖాయీ అత్థకరో;

అత్థకామో అత్తమనో, బుద్ధం తం పణమామ్యహం.౫౯౭.

అబ్భుతో చ అచ్ఛరియో, చిత్తకథీ ఓవాదకో!

అగ్గమగ్గం సుఅక్ఖాసి, బుద్ధం తం పణమామ్యహం.౫౯౮.

అకలఙ్కో అకలుసో, అకసావో అపణ్ణకో;

అకుక్కుచ్చో చ అకఙ్ఖీ, బుద్ధం తం పణమామ్యహం.౫౯౯.

సబ్బసో విజయో సూరో, అభయో అభయప్పదో;

అనాకులో అప్పభీతో, బుద్ధం తం పణమామ్యహం.౬౦౦.

ఉపేక్ఖకో ఉపసన్తో, అనుసయరిత్తో ఇసి;

అప్పటిబద్ధో అబద్ధో, బుద్ధం తం పణమామ్యహం.౬౦౧.

అత్థచారీ అత్థకారీ, అత్థసారీ అత్థరతో;

అత్థఞాణీ అత్థభాణీ, బుద్ధం తం పణమామ్యహం.౬౦౨.

అనధివరో అసోకో, ఉసభో ఇసిపుఙ్గవో;

అనోమనామో అనోమో, బుద్ధం తం పణమామ్యహం.౬౦౩.

అనవస్సుతహదయో, అనన్వాహతచేతసో;

అనభిరతో అనిఞ్జో, బుద్ధం తం పణమామ్యహం.౬౦౪.

అప్పాసఙ్కో అప్పాతఙ్కో, అప్పాకఙ్ఖో అప్పఙ్గణో;

అప్పలోలో అప్పకమ్పీ, బుద్ధం తం పణమామ్యహం.౬౦౫.

అత్థవిఞ్ఞూ అత్థవిదూ, అత్థకుసలో అత్థవా;

కుసలత్థమనుప్పత్తో, బుద్ధం తం పణమామ్యహం.౬౦౬.

అవిచలితో అకుప్పో, కేసరీ’వ అఛమ్భితో;

అవికమ్పితో అబ్భయో, బుద్ధం తం పణమామ్యహం.౬౦౭.

అకిఞ్చనో అనాదానో, అమతఞ్ఞూ అమతోగధో;

అగ్గఫలమనుప్పత్తో, బుద్ధం తం పణమామ్యహం.౬౦౮.

అమితఅనుగ్గహం కత్వా, అకాలికధమ్మదదో;

అచ్చన్తుపకారీ నాథో, బుద్ధం తం పణమామ్యహం.౬౦౯.

అనుపలిత్తో లోకేన, తోయేన పదుమం యథా;

నిస్సఙ్గచిత్తో నిస్సత్తో, బుద్ధం తం పణమామ్యహం.౬౧౦.

అబ్బూళ్హేసికో ఇసి, ఉక్ఖిత్తపలిఘో ఉజూ;

అనుద్ధతో అతన్దితో, బుద్ధం తం పణమామ్యహం.౬౧౧.

అగిద్ధో అలిత్తచిత్తో, ఆదీనవవిదాలకో;

పకతత్తో పహితత్తో, బుద్ధం తం పణమామ్యహం.౬౧౨.

అగ్గపుఞ్ఞో అగ్గవిఞ్ఞూ, అగ్గీసి అగ్గసేఖరో;

అగ్గమగ్గమనుప్పత్తో, బుద్ధం తం పణమామ్యహం.౬౧౩.

అగ్గగోచరో అగ్గగూ, అగ్గత్థో అగ్గదేసకో;

అగ్గఞాణీ అగ్గభాణీ, బుద్ధం తం పణమామ్యహం.౬౧౪.

అగ్గపఞ్ఞో అగ్గట్ఠితో, అగ్గసిద్ధో అగ్గయతీ;

అగ్గభూతో అగ్గపతి, బుద్ధం తం పణమామ్యహం.౬౧౫.

అగ్గసమణో లోకగ్గో, పఞ్ఞగ్గో అగ్గమగ్గగూ;

అగ్గధమ్మం ఉగ్ఘాటేసి, బుద్ధం తం పణమామ్యహం.౬౧౬.

అగ్గధమ్మమనుప్పత్తో, అగ్గధమ్మప్పకాసకో;

అపాయదుక్ఖం నాసేసి, బుద్ధం తం పణమామ్యహం.౬౧౭.

అగ్గపుగ్గలో అగ్గగ్గో, ఞాణగ్గో ఞాణపుఙ్గవో;

ధమ్మపుగ్గలో ధమ్మగ్గో, బుద్ధం తం పణమామ్యహం.౬౧౮.

అగ్గపస్సీ అగ్గదస్సీ, అగ్గపన్థపకాసకో;

అగ్గేసీ అగ్గదస్సావీ, బుద్ధం తం పణమామ్యహం.౬౧౯.

అనన్తఝానీ ఝానిన్దో, అనన్తపఞ్ఞవారిధీ;

అనన్తమేధాసమ్పన్నో, బుద్ధం తం పణమామ్యహం.౬౨౦.

అనన్తవిజ్జావారిధి, అనన్తపఞ్ఞాసాగరో;

అనన్తకరుణాసిన్ధు, బుద్ధం తం పణమామ్యహం.౬౨౧.

సబ్బుత్తమో సత్తుత్తమో, సుమనో సమణుత్తమో;

జనుత్తమో జినుత్తమో, బుద్ధం తం పణమామ్యహం.౬౨౨.

కల్యాణమిత్తో కల్యాణో, మఙ్గలమిత్తో మఙ్గలో;

ధమ్మమిత్తో ధమ్మదదో, బుద్ధం తం పణమామ్యహం.౬౨౩.

ధమ్మిట్ఠో చాపి ధమ్మట్ఠో, పఞ్ఞిట్ఠో చాపి పఞ్ఞట్ఠో;

సుద్ధిట్ఠో చాపి సుద్ధట్ఠో, బుద్ధం తం పణమామ్యహం.౬౨౪.

కాయాసక్ఖీ చిత్తసక్ఖీ, ధమ్మసక్ఖీ సక్ఖీవరో;

వేదనాసక్ఖీ సుసక్ఖీ, బుద్ధం తం పణమామ్యహం.౬౨౫.

సీఘపఞ్ఞో సునిపుణో, సన్తిపత్తో సుఖాధిపో;

కల్యాణకారీ కుసలో, బుద్ధం తం పణమామ్యహం.౬౨౬.

సుసీలగ్గో సుచిత్తగ్గో, సుపఞ్ఞగ్గో సుసోభితో;

అగ్గమత్థమనుప్పత్తో, బుద్ధం తం పణమామ్యహం.౬౨౭.

ఉపరిట్ఠో ఉజ్జుగతో, ఉక్కట్ఠో అమతావహో;

అప్పదమ్భో అప్పగబ్బో, బుద్ధం తం పణమామ్యహం.౬౨౮.

అప్పసోకో అప్పరోగో, అప్పభీతి అప్పభయో;

అప్పపాపో అప్పతాపో, బుద్ధం తం పణమామ్యహం.౬౨౯.

అప్పరోసో అప్పదోసో, అప్పదోహో అప్పిన్ధనో;

అప్పాభిసజ్జో అప్పీఘో, బుద్ధం తం పణమామ్యహం.౬౩౦.

అచ్చన్తకరుణాకారీ, అచ్చన్తమేత్తచేతసో;

అచ్చన్తముదితో సన్తో, బుద్ధం తం పణమామ్యహం.౬౩౧.

ఏకప్పత్తో ఏకనాథో, ఏకో అప్పటిపుగ్గలో;

ఏకోవ సబ్బలోకస్మిం, బుద్ధం తం పణమామ్యహం.౬౩౨.

అతులియో అతితులో, అదుతియో అనుత్తరో;

అప్పమేయ్యో అప్పటిమో, బుద్ధం తం పణమామ్యహం.౬౩౩.

అతులదస్సీ అతులో, అసరిక్ఖో అనుపమో;

అసమో యో అసదిసో, బుద్ధం తం పణమామ్యహం.౬౩౪.

అమితో అపరిమితో, అమితఞాణసాగరో;

అపరిత్తో అప్పమాణో, బుద్ధం తం పణమామ్యహం.౬౩౫.

అసీమో అసమసమో, అతుల్యో అమితగుణో;

అనుపమేయ్యో అగాధో, బుద్ధం తం పణమామ్యహం.౬౩౬.

నిప్పరిచ్ఛిన్నో నిస్సీమో, నప్పమఞ్ఞో జినవరో;

నప్పమాణో నిరుపమో, బుద్ధం తం పణమామ్యహం.౬౩౭.

నత్థి అఞ్ఞో ఏతాదిసో, నిపకో ఏకపుగ్గలో;

ఏకన్తసుఖసంవేదీ, బుద్ధం తం పణమామ్యహం.౬౩౮.

అగ్గవసభో అసమో, అసమపటిపుగ్గలో;

ఏకకో ఏకపురిసో, బుద్ధం తం పణమామ్యహం.౬౩౯.

సబ్బత్థ ఆసత్తిసుఞ్ఞో, సబ్బథాముత్తమానసో;

సబ్బదా ఏకసదిసో, బుద్ధం తం పణమామ్యహం.౬౪౦.

పాపసూలం విభఞ్జేసి, పాపమూలస్స ఛేదకో;

పాపరజ్జుం వికన్తేసి, బుద్ధం తం పణమామ్యహం.౬౪౧.

పాపనేత్తిం నిజ్జరేసి, పాపకమ్మవినాసకో;

సబ్బపాపపరిక్ఖీణో, బుద్ధం తం పణమామ్యహం.౬౪౨.

సమూలం ఖణితో పాపం, పాపవారిధిపారగూ;

పాపగన్థిం విమోచేసి, బుద్ధం తం పణమామ్యహం.౬౪౩.

పాపచక్కం విచుణ్ణేత్వా, ధమ్మచక్కం పవత్తయీ;

బహూజనే ఉద్ధారేసి, బుద్ధం తం పణమామ్యహం.౬౪౪.

నిజ్జరేసి పాపకమ్మం, మహాపాపోఘపారగూ;

సబ్బపాపవీతివత్తో, బుద్ధం తం పణమామ్యహం.౬౪౫.

సబ్బపాపమతిక్కన్తో, సబ్బపాపసమూహతో;

సబ్బపాపసముచ్ఛిన్నో, బుద్ధం తం పణమామ్యహం.౬౪౬.

పాపసోతం విసోసేసి, పాపతాపపనూదనో;

పాపఛన్దం విచ్ఛిన్దేసి, బుద్ధం తం పణమామ్యహం.౬౪౭.

పాపతాసవినిముత్తో, పాపపావకనిబ్బుతో;

పాపబన్ధం విమోచేసి, బుద్ధం తం పణమామ్యహం.౬౪౮.

పాపసల్లం విచుణ్ణేసి, పాపచక్కవిదాలకో;

పాపరోగసోకఖీణో, బుద్ధం తం పణమామ్యహం.౬౪౯.

పాపమోహపరిముత్తో, పాపసంతాసనాసకో;

పాపఖోభం విక్ఖమ్భేసి, బుద్ధం తం పణమామ్యహం.౬౫౦.

కణ్హకలుసం ధోపేసి, పాపమలపక్ఖాలకో;

సబ్బక్లేసం వోదాపేసి, బుద్ధం తం పణమామ్యహం.౬౫౧.

పాపపరిళాహముత్తో, విముత్తపాపతస్సనా;

పాపసన్తాపవిముత్తో, బుద్ధం తం పణమామ్యహం.౬౫౨.

పాపఉపధిముచ్ఛిన్నో, పాపపలిఘభగ్గవా;

పాపధేయ్యవీతివత్తో, బుద్ధం తం పణమామ్యహం.౬౫౩.

పాపపుఞ్ఞపనూదకో, భవబన్ధనభఞ్జకో;

పాపకణ్టకకన్తకో, బుద్ధం తం పణమామ్యహం.౬౫౪.

సబ్బపాపం పదాలేసి, సబ్బపాపం పరిచ్చజీ;

సబ్బపాపేహి నిస్సటో, బుద్ధం తం పణమామ్యహం.౬౫౫.

సబ్బపాపం పవాహేసి, సబ్బపాపజిగుచ్ఛకో;

సబ్బపాపేహి విముత్తో, బుద్ధం తం పణమామ్యహం.౬౫౬.

సబ్బపాపం విరజ్జేసి, సబ్బపాపనిద్ధోతకో;

సబ్బపాపం నిద్ధంసేసి, బుద్ధం తం పణమామ్యహం.౬౫౭.

పాపణ్ణవసముత్తిణ్ణో, ఛిన్నభవసంయోజనో;

పునబ్భవపరిక్ఖీణో, బుద్ధం తం పణమామ్యహం.౬౫౮.

పాపపఙ్కం పక్ఖాలేసి, ధమ్మసోతపవాహకో;

సద్ధమ్మం పతిట్ఠాపేసి, బుద్ధం తం పణమామ్యహం.౬౫౯.

పాపుత్తాపం సముచ్ఛిన్నో, మోహుత్తాపం సీతికరో;

సబ్బుత్తాపం నిబ్బాపేసి, బుద్ధం తం పణమామ్యహం.౬౬౦.

పాపహారీ తాపహారీ, సుఖకారీ ఖేమఙ్కరో;

మేత్తావిహారీ మారారీ, బుద్ధం తం పణమామ్యహం.౬౬౧.

సంయోజనపరిక్ఖీణో, పాపతాపవిద్ధంసకో;

అన్తిమభవసమ్పత్తో, బుద్ధం తం పణమామ్యహం.౬౬౨.

పటిపదాపటిపన్నో, దుక్ఖదాహపనూదనో;

పాపతాపపరిక్ఖీణో, బుద్ధం తం పణమామ్యహం.౬౬౩.

పుఞ్ఞపాపపరిక్ఖీణో, సోకసల్లవినోదనో;

పధానపహితత్తో యో, బుద్ధం తం పణమామ్యహం.౬౬౪.

చక్ఖుమా సబ్బధమ్మేసు, సబ్బపాపప్పభఞ్జకో;

సబ్బసంయోజనహన్తా, బుద్ధం తం పణమామ్యహం.౬౬౫.

సబ్బపాపం పక్ఖాలేసి, సబ్బకిలేససోధకో;

సబ్బత్థ విమలో సుద్ధో, బుద్ధం తం పణమామ్యహం.౬౬౬.

సబ్బపాపం నిమ్మద్దేసి, సబ్బతాపసమూహతో;

సబ్బసన్తాపం హాపేసి, బుద్ధం తం పణమామ్యహం.౬౬౭.

సబ్బూపధీనం నిస్సగ్గో, సబ్బాసానం విరజ్జకో;

సబ్బపాపం పభఞ్జేసి, బుద్ధం తం పణమామ్యహం.౬౬౮.

పారగూ పారసమ్పత్తో, ఆసవసోతసోసకో;

సబ్బపాపం పహాసి యో, బుద్ధం తం పణమామ్యహం.౬౬౯.

సబ్బాసవం విద్ధంసేసి, సబ్బమోహసమూహతో;

సబ్బపాపం వివజ్జేసి, బుద్ధం తం పణమామ్యహం.౬౭౦.

సబ్బాసా సమతిక్కన్తో, సబ్బరాగగ్గి నిబ్బుతో;

సబ్బపాపం పరిమద్ది, బుద్ధం తం పణమామ్యహం.౬౭౧.

సబ్బకామభవతిణ్ణో, సబ్బవిభవవజ్జితో;

సబ్బపాపుత్తాపక్ఖీణో, బుద్ధం తం పణమామ్యహం.౬౭౨.

సబ్బనీవరణాతీతో, సబ్బపాసప్పమోచనో;

మారమరీచికా భఞ్జి, బుద్ధం తం పణమామ్యహం.౬౭౩.

సరణదాయకో సామీ, పరిత్తాణప్పదాయకో;

ఆరక్ఖణదాతా సత్థా, బుద్ధం తం పణమామ్యహం.౬౭౪.

సచ్చస్స కోవిదో చాపి, అసచ్చస్సాపి కోవిదో;

చతుసచ్చం ఉగ్ఘోసేసి, బుద్ధం తం పణమామ్యహం.౬౭౫.

భద్దస్స కోవిదో చాపి, అభద్దస్సాపి కోవిదో;

సబ్బతో భద్దం దస్సావీ, బుద్ధం తం పణమామ్యహం.౬౭౬.

ఆకఙ్ఖాయ కోవిదో చ, అనాకఙ్ఖాయ కోవిదో;

సబ్బేసు చ నిరాకఙ్ఖో, బుద్ధం తం పణమామ్యహం.౬౭౭.

లోలస్స కోవిదో చాపి, అలోలస్సాపి కోవిదో;

నిల్లోభో అపి నిల్లోలో, బుద్ధం తం పణమామ్యహం.౬౭౮.

పపఞ్చస్స కోవిదో చ, నిప్పపఞ్చస్స కోవిదో;

నిప్పపఞ్చో చ నిచ్ఛలో, బుద్ధం తం పణమామ్యహం.౬౭౯.

సబ్బే ధమ్మే పబోధేసి, సబ్బపాపేహి మోచకో;

సబ్బదుక్ఖవీతివత్తో, బుద్ధం తం పణమామ్యహం.౬౮౦.

విదురో సబ్బధమ్మేసు, పాపప్పహానపారగూ;

సబ్బసఙ్ఖారూపసమో, బుద్ధం తం పణమామ్యహం.౬౮౧.

సచ్చధమ్మం విత్థారేసి, సబ్బపాపవినాసకో;

పాపాయతనా విముత్తో, బుద్ధం తం పణమామ్యహం.౬౮౨.

సబ్బధమ్మానుపస్సీ యో, సబ్బపాపం విసోసయీ;

సబ్బతణ్హా పహాసి యో, బుద్ధం తం పణమామ్యహం.౬౮౩.

పాపపాసం పమోచేసి, సబ్బధమ్మాన వేదగూ;

సబ్బుపధీహి విముత్తో, బుద్ధం తం పణమామ్యహం.౬౮౪.

చక్కవత్తీ ధమ్మరాజా, ధమ్మచక్కవిభూసితో;

అధమ్మచక్కం చుణ్ణేసీ, బుద్ధం తం పణమామ్యహం.౬౮౫.

సద్ధమ్మముద్ధాభిసితో, ధమ్మమహారఞ్ఞో బుధో;

ధమ్మసాసన ఠాపేసి, బుద్ధం తం పణమామ్యహం.౬౮౬.

ధమ్మనాథో ధమ్మస్సామీ, ధమ్మీసో ధమ్మసాసకో;

ధమ్మసూరో ధమ్మసత్థా, బుద్ధం తం పణమామ్యహం.౬౮౭.

ధమ్మరఞ్ఞో ధమ్మపతి, ధమ్మవత్తీ ధమ్మిస్సరో;

ధమ్మభూపో ధమ్మాధిపో, బుద్ధం తం పణమామ్యహం.౬౮౮.

ధమ్మమహారాజాధిపో, సబ్బథా ధమ్మసమ్మతో;

ధమ్మసమత్థో ధమ్మీసో, బుద్ధం తం పణమామ్యహం.౬౮౯.

ధమ్మతాణో ధమ్మలేణో, ధమ్మసరణదాయకో;

ధమ్మసక్కో ధమ్మాసయో, బుద్ధం తం పణమామ్యహం.౬౯౦.

ధమ్మదాతా ధమ్మతాతా, ధమ్మక్ఖాతా ధమ్మసఖా;

ధమ్మసుఖో ధమ్మహితో, బుద్ధం తం పణమామ్యహం.౬౯౧.

ధమ్మనాగో ధమ్మసీహో, ధమ్మాజఞ్ఞో ధమ్ముసభో;

ధమ్మధురన్ధరో ధీరో, బుద్ధం తం పణమామ్యహం.౬౯౨.

ధమ్మసిఙ్గో ధమ్మతుఙ్గో, ధమ్మమేరు ధమ్మగిరి;

ధమ్మకూటో ధమ్మసీసో, బుద్ధం తం పణమామ్యహం.౬౯౩.

ధమ్మాదిచ్చో ధమ్మప్పభో, దిబ్బో ధమ్మవిభాకరో;

ధమ్మభాకరో ధమ్మాభో, బుద్ధం తం పణమామ్యహం.౬౯౪.

ధమ్మసిరోమణి సామీ, ధమ్మసిఖరసేఖరో;

ధమ్మచూళామణి చారు, బుద్ధం తం పణమామ్యహం.౬౯౫.

ధమ్మభూసనభూసితో, ధమ్మాలఙ్కార’లఙ్కితో;

ధమ్మాభరణసోభితో, బుద్ధం తం పణమామ్యహం.౬౯౬.

ధమ్మదీపో ధమ్మోభాసో, ధమ్మలోకో ధమ్మజుతి;

ధమ్మపకాసో ధమ్మంసు, బుద్ధం తం పణమామ్యహం.౬౯౭.

ధమ్మగుత్తో పాపముత్తో, ధమ్మయుత్తో ధమ్మాలయో;

ధమ్మఞత్తో ధమ్మసఞ్ఞో, బుద్ధం తం పణమామ్యహం.౬౯౮.

ధమ్మదస్సీ ధమ్మపస్సీ, ధమ్మపేక్ఖీ విచక్ఖణో;

ధమ్మవిపస్సీ సుపస్సీ, బుద్ధం తం పణమామ్యహం.౬౯౯.

ధమ్మదక్ఖీ ధమ్మసక్ఖీ, ధమ్మరక్ఖీ ధమ్మధరో;

సద్ధమ్మపేక్ఖీ ఉపేక్ఖీ, బుద్ధం తం పణమామ్యహం.౭౦౦.

ధమ్మసఞ్ఞో ధమ్మపఞ్ఞో, ధమ్మఅభిఞ్ఞో ధమ్మఞ్ఞో;

ధఞ్ఞో ధమ్మపరాయణో, బుద్ధం తం పణమామ్యహం.౭౦౧.

ధమ్మఞాణీ ధమ్మభాణీ, ధమ్మవాచీ ధమ్మవిదూ;

మన్తభాణీ మధుభాణీ, బుద్ధం తం పణమామ్యహం.౭౦౨.

ధమ్మవా ధమ్మసమ్పన్నో, ఞాణవా ఞాణసాగరో;

పఞ్ఞవా పఞ్ఞావారిధి, బుద్ధం తం పణమామ్యహం.౭౦౩.

ధమ్మక్ఖో ధమ్మరక్ఖకో, బుద్ధక్ఖో బోధిరక్ఖకో;

పఞ్ఞక్ఖో చాపి మేధక్ఖో, బుద్ధం తం పణమామ్యహం.౭౦౪.

అధమ్మముత్తో ధమ్మభా, అఞ్ఞాణముత్తో ఞాణభా;

అవిజ్జాముత్తో విజ్జాభా, బుద్ధం తం పణమామ్యహం.౭౦౫.

ధమ్మసిన్ధు ధమ్మోదధి, అనన్తధమ్మసాగరో;

సద్ధమ్మరత్నాకరో, బుద్ధం తం పణమామ్యహం.౭౦౬.

ధమ్మపటిభానప్పత్తో, ధమ్మప్పటిపదావిదూ;

పటిసమ్భిదామగ్గఞ్ఞూ, బుద్ధం తం పణమామ్యహం.౭౦౭.

తుట్ఠో ధమ్మసన్తుట్ఠితో, ధీరో ధమ్మపతిట్ఠితో;

అగ్గపతిట్ఠితో అగ్గో, బుద్ధం తం పణమామ్యహం.౭౦౮.

మోక్ఖద్ధజం ఉన్నామేసి, మారద్ధజం ఓనామకో;

పాపహారీ సోకహారీ, బుద్ధం తం పణమామ్యహం.౭౦౯.

సబ్బాసవం వివజ్జిత్వా, పత్తధమ్మనియ్యానికో;

సమిద్ధిగుణసమ్పన్నో, బుద్ధం తం పణమామ్యహం.౭౧౦.

ధమ్మధారా పవాహేసి, పాపధారానిరోధకో;

అతిత్తానం సుతోసేసి, బుద్ధం తం పణమామ్యహం.౭౧౧.

ధమ్మమేఘో పఞ్ఞామేఘో, ధమ్మామతం పవస్సయీ;

రజోజల్లం విధోవేసి, బుద్ధం తం పణమామ్యహం.౭౧౨.

ధమ్మఞత్తో ధమ్మక్ఖాయీ, ధమ్మమగ్గస్స దేసకో;

ధమ్మిం ధమ్మం విత్థారేసి, బుద్ధం తం పణమామ్యహం.౭౧౩.

సబ్బఞేయ్యధమ్మం ఞత్వా, ఞత్తధమ్మం సువితరీ;

అభిఞ్ఞాఞాణసమ్పుణ్ణో, బుద్ధం తం పణమామ్యహం.౭౧౪.

సబ్బసద్ధమ్మసమ్పత్తో, తిణ్ణసంసారసాగరో;

సబ్బపాపపరిముత్తో, బుద్ధం తం పణమామ్యహం.౭౧౫.

సిద్ధధమ్మో సిద్ధఅత్థో, సబ్బసంసారపూజితో;

సబ్బుత్తమో సమ్మచారీ, బుద్ధం తం పణమామ్యహం.౭౧౬.

ధమ్మకారీ ధమ్మధారీ, ధమ్మచారీ ధమ్మయుతో;

ధమ్మసారీ ధమ్మభావీ, బుద్ధం తం పణమామ్యహం.౭౧౭.

ధమ్మజేట్ఠో ధమ్మసేట్ఠో, ధమ్మసుద్ధో ధమ్మసుచీ;

ధమ్మకేతు ధమ్మద్ధజో, బుద్ధం తం పణమామ్యహం.౭౧౮.

ధమ్మకామో ధమ్మభూతో, ధమ్మాభిరమన్తో ముని;

ధమ్మానురాగీ విరాగీ, బుద్ధం తం పణమామ్యహం.౭౧౯.

ధమ్మఞాతో పాపనుదో, ధమ్మవిహారీ ధమ్మికో;

దస్సేసి అమతం ధమ్మం, బుద్ధం తం పణమామ్యహం.౭౨౦.

ధమ్మకాయో ధమ్మరూపో, ధమ్మనామో ధమ్మముదో;

ధమ్మపతిట్ఠో ముత్తిట్ఠో, బుద్ధం తం పణమామ్యహం.౭౨౧.

ధమ్మధారకో ధోరేయ్హో, ధమ్మపుణ్ణో’వ పుణ్ణిన్దు;

అమతోగధం సమ్పత్తో, బుద్ధం తం పణమామ్యహం.౭౨౨.

ధమ్మతికిచ్ఛకో దక్ఖో, విసల్లో సల్లకన్తకో;

మహోపకారీ భిసక్కో, బుద్ధం తం పణమామ్యహం.౭౨౩.

ధమ్మసక్కో ధమ్మసిద్ధో, ధమ్మమకుటసోభనో;

ధమ్మకన్తో ధమ్మసన్తో, బుద్ధం తం పణమామ్యహం.౭౨౪.

ధమ్మాఞాణీ ధమ్మకథీ, ధమ్మదాయీ మగ్గదదో;

ధమ్మవిభూ ధమ్మపభూ, బుద్ధం తం పణమామ్యహం.౭౨౫.

అమతధమ్మం ఞాపేసి, సన్తారేసి బహుజనం;

ఆతురానం తికిచ్ఛకో, బుద్ధం తం పణమామ్యహం.౭౨౬.

ధమ్మభాగీ పాపచాగీ, ధమ్మభజీ పాపచ్చజో;

ధమ్మరాగీ ధమ్మరమో, బుద్ధం తం పణమామ్యహం.౭౨౭.

ధమ్మవిఞ్ఞూ ధమ్మవిద్వా, ధమ్మవిజ్జో ధమ్మయుతో;

ధమ్మవత్తా ధమ్మవ్యత్తో, బుద్ధం తం పణమామ్యహం.౭౨౮.

ధమ్మానుధమ్మధారకో, తాసానుతాసనాసకో;

భయానుభయభఞ్జకో, బుద్ధం తం పణమామ్యహం.౭౨౯.

విసుద్ధధమ్మధారకో, సబ్బధి ఉపకారకో;

చారుచరణచారకో, బుద్ధం తం పణమామ్యహం.౭౩౦.

ధమ్మమకరన్దపాయీ, ముదుచిత్తో మధుకరో;

సద్ధమ్మసుధామథనో, బుద్ధం తం పణమామ్యహం.౭౩౧.

ఏహిపస్సికం ధమ్మదదో, సన్దిట్ఠికమకాలికం;

ఓపనయికం స్వాక్ఖాతం, బుద్ధం తం పణమామ్యహం.౭౩౨.

సుద్ధధమ్మామతం పాయీ, సుభుఞ్జేసి ముత్తిఫలం;

సన్తిభోజీ సుఖభక్ఖీ, బుద్ధం తం పణమామ్యహం.౭౩౩.

మానితో మహిమావన్తో, మహిద్ధికో మహీయతో;

మహాసద్ధమ్మాధిపతి, బుద్ధం తం పణమామ్యహం.౭౩౪.

అత్తసరణమనుసాసి, నేపక్కో అనుసాసకో;

ధమ్మసరణమనుసాసి, బుద్ధం తం పణమామ్యహం.౭౩౫.

బోధిపక్ఖియధమ్మానం, భావితో బహులీకతో;

సమ్మాసమ్బోధిసమ్పత్తో, బుద్ధం తం పణమామ్యహం.౭౩౬.

మతిమా ధితిసమ్పన్నో, ధీరవరో సుధమ్మికో;

ధమ్మట్ఠప్పటిసంయుత్తో, బుద్ధం తం పణమామ్యహం.౭౩౭.

ధమ్మ’జ్ఝాసయకుసలో, ధమ్మేసు అకథంకథీ;

పరమత్థమనుప్పత్తో, బుద్ధం తం పణమామ్యహం.౭౩౮.

ధితిబలో ధితిధరో, ధితిధారీ ధీసేఖరో;

ఉత్తమధమ్మేసీ ధీరో, బుద్ధం తం పణమామ్యహం.౭౩౯.

సబ్బసన్తాపం ధంసేసి, సబ్బపాపవినోదనో;

సబ్బధమ్మఫలప్పత్తో, బుద్ధం తం పణమామ్యహం.౭౪౦.

విరతో సబ్బపాపేహి, సబ్బాధమ్మేహి ముఞ్చితో;

సబ్బదుక్ఖబ్యన్తికరో, బుద్ధం తం పణమామ్యహం.౭౪౧.

సబ్బధి పాపవిముత్తో, సుద్ధధమ్మే పతిట్ఠితో;

సబ్బదుక్ఖా పమోచేసి, బుద్ధం తం పణమామ్యహం.౭౪౨.

సబ్బపాపప్పహీనో యో, సబ్బధమ్మాన పారగూ;

ఘోరదుక్ఖోఘఉత్తిణ్ణో, బుద్ధం తం పణమామ్యహం.౭౪౩.

సబ్బాధమ్మం విద్ధంసేసి, సబ్బపాపక్ఖయఙ్కరో;

కత్తకో సబ్బబన్ధానం, బుద్ధం తం పణమామ్యహం.౭౪౪.

సబ్బాధిధమ్మం పాలేసి, సబ్బపాపపనూదనో;

సబ్బదుక్ఖం నిద్ధంసేసి, బుద్ధం తం పణమామ్యహం.౭౪౫.

దుక్ఖమోచకో మోక్ఖదో, సమత్థో సత్థవాహకో;

పాపనాసీ ధమ్మభాసీ, బుద్ధం తం పణమామ్యహం.౭౪౬.

ధమ్మభజో పాపచ్చజో, రాగచ్చజో చాగభజో;

సుఖభజో దుక్ఖచ్చజో, బుద్ధం తం పణమామ్యహం.౭౪౭.

సమ్మాజీవీ ధమ్మాజీవీ, సుద్ధాజీవీ సుచిజీవీ;

సీలజీవీ సచ్చాజీవీ, బుద్ధం తం పణమామ్యహం.౭౪౮.

పఞ్ఞాజీవీ అఞ్ఞాజీవీ, ఞాణాజీవీ వరజీవీ;

విజ్జాజీవీ విఞ్ఞాజీవీ, బుద్ధం తం పణమామ్యహం.౭౪౯.

ఖన్తిజీవీ సన్తిజీవీ, సూజుజీవీ ఉజుజీవీ;

పీతిజీవీ పీతిభోజీ, బుద్ధం తం పణమామ్యహం.౭౫౦.

దిబ్బాజీవీ భబ్బాజీవీ, భద్దాజీవీ సమజీవీ;

మోదజీవీ మేత్తాజీవీ, బుద్ధం తం పణమామ్యహం.౭౫౧.

గుత్తాజీవీ ముత్తాజీవీ, దన్తాజీవీ యతజీవీ;

దక్ఖాజీవీ సేట్ఠాజీవీ, బుద్ధం తం పణమామ్యహం.౭౫౨.

హితజీవీ సుఖజీవీ, ఝానజీవీ వతజీవీ;

సుధాజీవీ సుభాజీవీ, బుద్ధం తం పణమామ్యహం.౭౫౩.

విసుద్ధజీవీ సంసుద్ధో, సన్తుట్ఠజీవీ సుతుట్ఠో;

పవరజీవీ పకట్ఠో, బుద్ధం తం పణమామ్యహం.౭౫౪.

మేత్తాధారీ మేత్తాచారీ, మేత్తాకారీ మేత్తాలయో;

మేత్తాసయో మేత్తాసారీ, బుద్ధం తం పణమామ్యహం.౭౫౫.

సన్తిధారీ సన్తికారీ, సన్తిచారీ సన్తిమనో;

సన్తిసారీ సన్తిచిత్తో, బుద్ధం తం పణమామ్యహం.౭౫౬.

ఖన్తిధారీ ఖన్తికారీ, ఖన్తిచారీ ఖన్తిమనో;

ఖన్తియుత్తో ఖన్తిసారీ, బుద్ధం తం పణమామ్యహం.౭౫౭.

సుఖకారీ సుఖచారీ, సుఖధారీ సుఖావహో;

సుఖసారీ సుఖచిత్తో, బుద్ధం తం పణమామ్యహం.౭౫౮.

హితకారీ హితధారీ, హితచారీ హితావహో;

హితసారీ హితేసినో, బుద్ధం తం పణమామ్యహం.౭౫౯.

పఞ్ఞాచారీ పఞ్ఞాసారీ, పఞ్ఞాధారీ పఞ్ఞాలయో;

పఞ్ఞాభాను పఞ్ఞాదిచ్చో, బుద్ధం తం పణమామ్యహం.౭౬౦.

మేధాచారీ మేధాసారీ, మేధాధారీ మేధాలయో;

మేధాచన్దో మేధాఇన్దో, బుద్ధం తం పణమామ్యహం.౭౬౧.

మేత్తఙ్కరో మోదఙ్కరో, కుసలో కుసలఙ్కరో;

మేధాచారీ మేధఙ్కరో, బుద్ధం తం పణమామ్యహం.౭౬౨.

పభఙ్కరో దివఙ్కరో, కారుఞ్ఞో కరుణఙ్కరో;

నిబ్భీతో నిబ్భయఙ్కరో, బుద్ధం తం పణమామ్యహం.౭౬౩.

సివఙ్కరో సుభఙ్కరో, సుఖఙ్కరో హితఙ్కరో;

సల్లహరో సూలహరో, బుద్ధం తం పణమామ్యహం.౭౬౪.

మహాఖేమఙ్కరో ఖేమీ, మహాపఞ్ఞఙ్కరో పభూ;

మహాసన్తికరో సన్తో, బుద్ధం తం పణమామ్యహం.౭౬౫.

అనాథానం భవనాథో, భీతానం అభయఙ్కరో;

సరణఙ్కరో దీనానం, బుద్ధం తం పణమామ్యహం.౭౬౬.

దూరదస్సీ దీఘదస్సీ, అన్తదస్సీ భవన్తగూ;

తీరదస్సీ పారదస్సీ, బుద్ధం తం పణమామ్యహం.౭౬౭.

సారదస్సీ సచ్చదస్సీ, సివదస్సీ సుదస్సికో;

యోగదస్సీ ఖేమదస్సీ, బుద్ధం తం పణమామ్యహం.౭౬౮.

సన్తిదస్సీ సుఖదస్సీ, సుద్ధిదస్సీ సుద్ధమనో;

అగ్గదస్సీ ధువదస్సీ, బుద్ధం తం పణమామ్యహం.౭౬౯.

లోకుత్తరధమ్మదస్సీ, పరియన్తదస్సీ ఇసీ;

మగ్గదస్సీ ఫలదస్సీ, బుద్ధం తం పణమామ్యహం.౭౭౦.

అత్థదస్సీ పథదస్సీ, అనోమదస్సీ సుదస్సీ;

పరమపస్సీ సుపస్సీ, బుద్ధం తం పణమామ్యహం.౭౭౧.

ఖయదస్సీ వయదస్సీ, నయదస్సీ సుదస్సనో;

అక్ఖయదస్సీ సుదస్సీ, బుద్ధం తం పణమామ్యహం.౭౭౨.

అమతదస్సీ పచ్చక్ఖో, పేక్ఖకో పరిసోధకో;

పటిసమ్భిదాసమ్పత్తో, బుద్ధం తం పణమామ్యహం.౭౭౩.

సబ్బధి సబ్బదస్సావీ, సబ్బపస్సీ సబ్బవిదూ;

సబ్బం సమ్మా అభఞ్ఞాసి, బుద్ధం తం పణమామ్యహం.౭౭౪.

హన్త్వా కామభవతణ్హా, విభవతణ్హాభఞ్జకో;

సబ్బతణ్హా విచుణ్ణేసి, బుద్ధం తం పణమామ్యహం.౭౭౫.

తణ్హాసంయోజనక్ఖయో, తణ్హాసల్లవిచుణ్ణకో;

తణ్హాపిహా పదాళేసి, బుద్ధం తం పణమామ్యహం.౭౭౬.

కామతణ్హాపరిక్ఖీణో, భవతణ్హాఉపచ్చగో;

విభవతణ్హావినట్ఠో, బుద్ధం తం పణమామ్యహం.౭౭౭.

తుట్ఠిమన్తే తోసవన్తే, అతస్సన్తే సుతప్పయీ;

తణ్హాతీతో సదాతిత్తో, బుద్ధం తం పణమామ్యహం.౭౭౮.

కిలేసజాలవిద్ధంసీ, తణ్హామలపక్ఖాలకో;

సంసారసోతం సోసేసి, బుద్ధం తం పణమామ్యహం.౭౭౯.

ఉపధిపటినిస్సగ్గో, తణ్హాజాలప్పభేదకో;

నీవరణే పవిజ్ఝేసి, బుద్ధం తం పణమామ్యహం.౭౮౦.

గుహాసయపరిక్ఖీణో, పహీనతణ్హానిస్సయో;

ఛిన్నఅవిజ్జానుసయో, బుద్ధం తం పణమామ్యహం.౭౮౧.

తణ్హాసల్లం హనిత్వాన, తేవిజ్జో మచ్చుహాయనో;

సమ్బోధిముత్తమం పత్తో, బుద్ధం తం పణమామ్యహం.౭౮౨.

తణ్హాజటా విజటేసి, సబ్బఠానే నేహనుదో;

నన్దీరాగం విద్ధంసేసి, బుద్ధం తం పణమామ్యహం.౭౮౩.

సబ్బాసాసమతిక్కన్తో, తణ్హాసోతవిసోసకో;

ధమ్మసోతం పవాహేసి, బుద్ధం తం పణమామ్యహం.౭౮౪.

సబ్బతణ్హక్ఖయం పత్తో, సబ్బదుక్ఖప్పనూదనో;

సబ్బుపధి సన్దాలేసి, బుద్ధం తం పణమామ్యహం.౭౮౫.

సబ్బతణ్హా విక్ఖమ్భేసి, పటిప్పస్సద్ధసబ్బిచ్ఛో;

సబ్బిఞ్జా సముచ్ఛిన్దేసి, బుద్ధం తం పణమామ్యహం.౭౮౬.

సబ్బిఞ్జా పరిభఞ్జేసి, సబ్బతణ్హాతిగో యతీ;

సబ్బిచ్ఛా పరిచజ్జేసి, బుద్ధం తం పణమామ్యహం.౭౮౭.

తణ్హాసాగరనిత్తిణ్ణో, సబ్బమిచ్ఛమనిచ్ఛకో;

చిత్తసల్లం విమోచేసి, బుద్ధం తం పణమామ్యహం.౭౮౮.

కమ్మవట్టం వివజ్జేసి, కమ్మక్లేసా అపగతో;

సబ్బత్థ సంవుతో సూరో, బుద్ధం తం పణమామ్యహం.౭౮౯.

అసత్తో ఉపసన్తత్తో, కామకోధభయాతిగో;

భవకమ్మజహో ఛేకో, బుద్ధం తం పణమామ్యహం.౭౯౦.

విగతసారదో సీహో, ఛిన్నఛమ్భో ఛిన్నదరో;

భవకమ్మక్ఖయప్పత్తో, బుద్ధం తం పణమామ్యహం.౭౯౧.

కమ్మబీజాని ఝాపేసి, మోహమూలపలిఖణో;

నిజ్జరేసి అనుసయే, బుద్ధం తం పణమామ్యహం.౭౯౨.

సబ్బకమ్మపరిక్ఖీణో, సబ్బవిపాకనిజ్జరో;

సబ్బపుఞ్ఞపాపఞ్జహో, బుద్ధం తం పణమామ్యహం.౭౯౩.

సబ్బకమ్మం కిలేసే చ, అసేసమభివాహయీ;

సబ్బగణ్ఠిం విమోచేసి, బుద్ధం తం పణమామ్యహం.౭౯౪.

సబ్బకమ్మేహి విముత్తో, సబ్బకమ్మపరిచ్చజో;

సబ్బకామగుణా’పేతో, బుద్ధం తం పణమామ్యహం.౭౯౫.

అవిజ్జామూలం భిన్దేసి, కమ్మయన్తవిఘాతకో;

సబ్బకమ్మక్ఖయం పత్తో, బుద్ధం తం పణమామ్యహం.౭౯౬.

నత్థికవాదం మద్దిత్వా, అత్థికవాదం తిట్ఠయి;

సమ్మాదిట్ఠిం విఞ్ఞాపేసి, బుద్ధం తం పణమామ్యహం.౭౯౭.

అజ్ఝత్తన్హాతకో నాథో, తిభవోఘపారఙ్గతో;

సుభగో సబ్బథా సుద్ధో, బుద్ధం తం పణమామ్యహం.౭౯౮.

నాగవరో సీహవరో, సత్థవాహో సత్థువరో;

ధీసాగరో ధీరధరో, బుద్ధం తం పణమామ్యహం.౭౯౯.

తాపనుదో దుక్ఖనుదో, సబ్బహితసుఖదదో;

వగ్గువదో పియవదో, బుద్ధం తం పణమామ్యహం.౮౦౦.

చరణయుత్తో తేవిజ్జో, మూలఘచ్చసమూహతో;

పచ్ఛిమజాతిసమ్పత్తో, బుద్ధం తం పణమామ్యహం.౮౦౧.

తిభవద్ధజ’చ్ఛరియో, తిలోకకేతుఅబ్భుతో;

సద్ధమ్మపతాకాసేట్ఠో, బుద్ధం తం పణమామ్యహం.౮౦౨.

యతిన్ద్రియో సన్తిన్ద్రియో, పసన్నపసాదిన్ద్రియో;

సుభావితిన్ద్రియో సన్తో, బుద్ధం తం పణమామ్యహం.౮౦౩.

నభూపమమేధాయుత్తో, ధితియుత్తో సేలసమో;

ఖన్తియుత్తో ధరాసమో, బుద్ధం తం పణమామ్యహం.౮౦౪.

అప్పమేయ్యసిరిమన్తో, సన్తిలఙ్కార’లఙ్కతో;

సుఖాభరణభూసితో, బుద్ధం తం పణమామ్యహం.౮౦౫.

తింసపారమీ సఞ్చయి, సుత్తిణ్ణో తిభవణ్ణవా;

అన్తిమజాతియుత్తో యో, బుద్ధం తం పణమామ్యహం.౮౦౬.

భవాసవపరిఞ్ఞాతో, పాపుత్తాపవూపసమో;

పరమసుఖధిగతో, బుద్ధం తం పణమామ్యహం.౮౦౭.

భద్దప్పత్తో భద్దక్ఖాయీ, భద్దమగ్గప్పకాసకో;

భద్దక్ఖో భద్దదస్సావీ, బుద్ధం తం పణమామ్యహం.౮౦౮.

మహామహిద్ధికో ధీమా, భవాభవం బ్యన్తికతో;

యో అమతప్ఫలం పత్తో, బుద్ధం తం పణమామ్యహం.౮౦౯.

నిబ్బానభాగీ భగవా, సన్తిప్పత్తో సుభాగ్యవా;

పరమం సివం సమ్పత్తో, బుద్ధం తం పణమామ్యహం.౮౧౦.

ఆచారగుణసమ్పన్నో, సబ్బగుణానమాకరో;

పుణ్ణిన్దు వియ సమ్పుణ్ణో, బుద్ధం తం పణమామ్యహం.౮౧౧.

నన్దీరాగపరిక్ఖీణో, ఉపాదానప్పమోచనో;

నరోత్తమో యోగక్ఖేమీ, బుద్ధం తం పణమామ్యహం.౮౧౨.

కిచ్చకారీ కతకిచ్చో, కిచ్చాకిచ్చప్పకాసకో;

కిచ్చాధికరణదక్ఖో, బుద్ధం తం పణమామ్యహం.౮౧౩.

సుపస్సద్ధో మునివరో, పగుణో మునిపుఙ్గవో;

ఇసిపుఙ్గవో ఉత్తమో, బుద్ధం తం పణమామ్యహం.౮౧౪.

పహీనభయభేరవో, పరిసాసు విసారదో;

నరసీహనాదం నది, బుద్ధం తం పణమామ్యహం.౮౧౫.

పారగామీ పారగతో, పవరో పరియన్తగూ;

లోకవిదూ లోకన్తగూ, బుద్ధం తం పణమామ్యహం.౮౧౬.

పరమత్థపరిపుణ్ణో, పరమసచ్చదస్సనో;

నిబ్బానం యో సచ్ఛికతో, బుద్ధం తం పణమామ్యహం.౮౧౭.

లాభాలాభే యసాయసే, సమ్మానఅవమాననే;

సబ్బత్థ సమకో సామీ, బుద్ధం తం పణమామ్యహం.౮౧౮.

పరమత్థప్పత్తో ధీరో, పరమనిమ్మలోత్తమో;

భవబన్ధం పమోచేసి, బుద్ధం తం పణమామ్యహం.౮౧౯.

పటిరూపో పటిబుద్ధో, సంసారపటిమోచకో;

పటిపస్సద్ధిసంయుత్తో, బుద్ధం తం పణమామ్యహం.౮౨౦.

పఞ్చక్ఖన్ధపరిఞ్ఞాతో, పఞ్ఞాయ పటిభావితో;

సబ్బమోహం నిమ్మద్దేసి, బుద్ధం తం పణమామ్యహం.౮౨౧.

పధానో పురిసవరో, పారగవేసీ పారగూ;

పవివేకమనుప్పత్తో, బుద్ధం తం పణమామ్యహం.౮౨౨.

సబ్బక్లేసక్ఖయం పత్తో, సబ్బానుసయద్ధంసితో;

సబ్బాసవే పహాసి యో, బుద్ధం తం పణమామ్యహం.౮౨౩.

సబ్బావిజ్జా సఞ్ఛిన్దేసి, తిక్ఖవిజ్జావుధన్ధరో;

సబ్బాసయం వినాసేసి, బుద్ధం తం పణమామ్యహం.౮౨౪.

సబ్బసోకమతిక్కన్తో, సబ్బదుక్ఖవినాసకో;

సబ్బుపాయాసఉచ్ఛిన్నో, బుద్ధం తం పణమామ్యహం.౮౨౫.

ముత్తిమగ్గం పకాసేసి, ముత్తిమగ్గగవేసకో;

సబ్బభవబ్యాధిముత్తో, బుద్ధం తం పణమామ్యహం.౮౨౬.

యో న లిమ్పతి కామేసు, ఆరగ్గేరివ సాసపో;

భవాసత్తివిసంయుత్తో, బుద్ధం తం పణమామ్యహం.౮౨౭.

ముని మోనేయ్య సమ్పన్నో, బాహితపాపో బ్రాహ్మణో;

సమణో సమతావినో, బుద్ధం తం పణమామ్యహం.౮౨౮.

భవాసవా విధూపితో, కామాసవా వూపసమో;

అవిజ్జాసవా విగతో, బుద్ధం తం పణమామ్యహం.౮౨౯.

పరిఞ్ఞేయ్యం పరిఞ్ఞాతో, భావేతబ్బం చ భావితో;

పహాతబ్బం పహీనం యో, బుద్ధం తం పణమామ్యహం.౮౩౦.

సన్తిసుఖమనుప్పత్తో, ముత్తిసోతపవాహకో;

బహూ సత్తే పమోచేసి, బుద్ధం తం పణమామ్యహం.౮౩౧.

పరిఞ్ఞాపారగూ చాపి, పహానపారగూ పభూ;

భావనాపారగూ విభూ, బుద్ధం తం పణమామ్యహం.౮౩౨.

ఆసత్తిదోసరహితో, విప్పముత్తో నిరుపధి;

ఓనద్ధముత్తో ఓముత్తో, బుద్ధం తం పణమామ్యహం.౮౩౩.

నిబ్బానపత్తో సిద్ధత్థో, పగబ్భో పపఞ్చజహో;

పబుద్ధో పటిసరణో, బుద్ధం తం పణమామ్యహం.౮౩౪.

మగ్గట్ఠో అపి ఫలట్ఠో, మోహజాలసుఫాలకో;

సుఫాసుకో సుముత్తిమా, బుద్ధం తం పణమామ్యహం.౮౩౫.

బోధిరతనసమ్పన్నో, పవరభూరిమేధసో;

బ్రాహ్మణో సమణో సాధు, బుద్ధం తం పణమామ్యహం.౮౩౬.

మిచ్ఛాదిట్ఠిం పదాలేసి, మిచ్ఛాచారనిమ్మద్దకో;

మిచ్ఛాఞాణం నివారేసి, బుద్ధం తం పణమామ్యహం.౮౩౭.

మోహజాలమతిక్కన్తో, దుట్ఠన్తకస్స అన్తకో;

మారమదం నిమ్మద్దేసి, బుద్ధం తం పణమామ్యహం.౮౩౮.

సిద్ధత్థో సదత్థపత్తో, పరిపుణ్ణమనోరథో;

కతకిచ్చో వూపసన్తో, బుద్ధం తం పణమామ్యహం.౮౩౯.

యస్స మాయా చ మానో చ, మోహో మక్ఖో చ పాతితో;

వారి పోక్ఖరపత్తా’వ, బుద్ధం తం పణమామ్యహం.౮౪౦.

ఉళురాజా’వ విమలో, సుద్ధచిత్తో అనావిలో;

అసత్తో సుగతో నాథో, బుద్ధం తం పణమామ్యహం.౮౪౧.

కామభవప్పరిక్ఖీణో, రూపభవముపచ్చగో;

అరూపభవం భఞ్జేసి, బుద్ధం తం పణమామ్యహం.౮౪౨.

యసీ యసఆభూసితో, మహేసీ ఇసికుఞ్జరో;

హితేసీ హితసమ్భవో, బుద్ధం తం పణమామ్యహం.౮౪౩.

తపస్సీ చాపి తేజస్సీ, యసస్సీ చ యసోధరో;

విపస్సీ చాపి విదస్సీ, బుద్ధం తం పణమామ్యహం.౮౪౪.

అగ్గమగ్గగవేసీ చ, సుఖేసి సబ్బపాణినం;

మహాముని మహేసీ చ, బుద్ధం తం పణమామ్యహం.౮౪౫.

అత్థవిదూ సచ్చవిదూ, లోకవిదూ లోకన్తగూ;

అద్ధగూ అద్ధానగతో, బుద్ధం తం పణమామ్యహం.౮౪౬.

సోకసల్లసత్తిచుణ్ణో, సబ్బుపాదానఝాయకో;

మోహణ్ణవతిణ్ణో వీరో, బుద్ధం తం పణమామ్యహం.౮౪౭.

భయభేరవమతిక్కన్తో, అభీతో వీతసారదో;

సబ్బథా ఛమ్భవిముత్తో, బుద్ధం తం పణమామ్యహం.౮౪౮.

నిప్పపఞ్చరతో నాథో, నిప్పపఞ్చం నిద్దేసయి;

సబ్బప్పపఞ్చం హాపేసి, బుద్ధం తం పణమామ్యహం.౮౪౯.

ఓవాదకో విఞ్ఞాపకో, తారకో బహుపాణినం;

దేసనాకుసలో సత్థా, బుద్ధం తం పణమామ్యహం.౮౫౦.

సుద్ధహదయో సంసుద్ధో, విమలో విరజమానసో;

న్హాతకో నిమ్మలచిత్తో, బుద్ధం తం పణమామ్యహం.౮౫౧.

విక్ఖీణజాతిసంసారో, అన్తిమదేహధారకో;

సంసారే అసంసరన్తో, బుద్ధం తం పణమామ్యహం.౮౫౨.

దీపఙ్కరపాదమూలే, ముత్తిం హత్థగతం చజి;

సమ్మాసమ్బోధిమాకఙ్ఖీ, బుద్ధం తం పణమామ్యహం.౮౫౩.

పియవాచీ పియభాణీ, పియవాదీ వచీవరో;

వగ్గువాచీ వగ్గుభాణీ, బుద్ధం తం పణమామ్యహం.౮౫౪.

థిరవాచో ఖేమవాచో, పీతివాచో సన్తివదో;

అచ్ఛభాణీ తచ్ఛభాణీ, బుద్ధం తం పణమామ్యహం.౮౫౫.

ఞాణభాసీ ఞాణవిదూ, కాలభాసీ కాలవిదూ;

సచ్చభాసీ సచ్చవిదూ, బుద్ధం తం పణమామ్యహం.౮౫౬.

కరవీకభాణీ ఞాణీ, గమ్భీరధమ్మదేసకో;

చిత్రకథికో విచిత్తో, బుద్ధం తం పణమామ్యహం.౮౫౭.

సమ్మాసమ్బోధిసమ్పన్నో, సద్ధమ్మబలసోభితో;

సమ్పన్నవిజ్జాచరణో, బుద్ధం తం పణమామ్యహం.౮౫౮.

యస్సాసవా న విజ్జన్తి, విముత్తచిత్తో సబ్బదా;

పరమం పదం సమ్పత్తో, బుద్ధం తం పణమామ్యహం.౮౫౯.

సమథప్పత్తో సమణో, బ్రహ్మవిహారీ బ్రాహ్మణో;

సబ్బమలం పబ్బాజేసి, బుద్ధం తం పణమామ్యహం.౮౬౦.

నన్దీభవపరిక్ఖీణో, భవోఘమోహమచ్చగో;

సబ్బోత్తమమనుప్పత్తో, బుద్ధం తం పణమామ్యహం.౮౬౧.

పఞ్చనీవరణాతీతో, సత్తవిసుద్ధిధారణో;

సత్తబోజ్ఝఙ్గకుసలో, బుద్ధం తం పణమామ్యహం.౮౬౨.

సబ్బపారమీ పూరేత్వా, సుద్ధధమ్మగవేసయీ;

మోక్ఖమగ్గం పకాసేసి, బుద్ధం తం పణమామ్యహం.౮౬౩.

లోకాభిభూ లోకజితో, లోకఞ్ఞూ లోకనాయకో;

తిలోకనాథో లోకీసో, బుద్ధం తం పణమామ్యహం.౮౬౪.

సువత్థినామో సునామో, సచ్చనామో సుఖావహో;

సచ్చసన్ధో సచ్చవాదో, బుద్ధం తం పణమామ్యహం.౮౬౫.

ఛన్దరాగవిప్పహీనో, అమమో చ అనాసయో;

అసత్తో సుగతో సుద్ధో, బుద్ధం తం పణమామ్యహం.౮౬౬.

పుణ్ణవోసితవోసానో, అభిఞ్ఞాబలవోసితో;

జాతిమచ్చుక్ఖయం పత్తో, బుద్ధం తం పణమామ్యహం.౮౬౭.

మాయామోహసముచ్ఛిన్నో, దోసదోహవిదాలకో;

లోభలాలసా ధంసేసి, బుద్ధం తం పణమామ్యహం.౮౬౮.

దోససల్లసముచ్ఛిన్నో, అప్పటిబద్ధమానసో;

దళ్హచిత్తో అసన్తాపీ, బుద్ధం తం పణమామ్యహం.౮౬౯.

పఫుల్లమానసో సత్థా, సదా పసన్నమానసో;

ముదితమానసో సామీ, బుద్ధం తం పణమామ్యహం.౮౭౦.

నిరజమానసో నాథో, సదా విమలమానసో;

విసుద్ధమానసో సుద్ధో, బుద్ధం తం పణమామ్యహం.౮౭౧.

తేజస్సీ చ తేజధనో, తపస్సీ చ తపోధనో;

ఞాణేసీ చ ఞాణధనో, బుద్ధం తం పణమామ్యహం.౮౭౨.

పమోదితో పమోదేసి, తోసేసి పరితోసకో;

పరిరక్ఖకో రక్ఖేసి, బుద్ధం తం పణమామ్యహం.౮౭౩.

పుణ్ణవోసితవోసానో, అభిఞ్ఞాబలవోసితో;

జాతిమచ్చుక్ఖయం పత్తో, బుద్ధం తం పణమామ్యహం.౮౭౪.

మాయామోహసముచ్ఛిన్నో, దోసదోహవిదాలకో;

లోభలాలసా ధంసేసి, బుద్ధం తం పణమామ్యహం.౮౭౫.

దోససల్లసముచ్ఛిన్నో, అప్పటిబద్ధమానసో;

దళ్హచిత్తో అసన్తాపీ, బుద్ధం తం పణమామ్యహం.౮౭౬.

సహేతుధమ్మం ఞాపేసి, ఆతాపీ ఝాయీ బ్రాహ్మణో;

సబ్బా కఙ్ఖా వినోదేసి, బుద్ధం తం పణమామ్యహం.౮౭౭.

సబ్బా కఙ్ఖాయో వాపేసి, ఆతాపీ ఝాయీ బ్రాహ్మణో;

పచ్చయానం ఖయం విద్వా, బుద్ధం తం పణమామ్యహం.౮౭౮.

మారసేనా పరాజిత్వా, సురియో’వ ఓభాససి;

సచ్చధమ్మమనుప్పత్తో, బుద్ధం తం పణమామ్యహం.౮౭౯.

తింసపారమీపూరేసి, సబ్బలోకహితఙ్కరో;

చతుసచ్చం అన్వేసయి, బుద్ధం తం పణమామ్యహం.౮౮౦.

చతుసచ్చం సచ్ఛికత్వా, తణ్హానం ఖయమజ్ఝగా;

విసఙ్ఖారగతచిత్తో, బుద్ధం తం పణమామ్యహం.౮౮౧.

భద్దకాయో భద్దవాచో, భద్దచిత్తో భద్దాసయో;

సమన్తభద్దో సుభద్దో, బుద్ధం తం పణమామ్యహం.౮౮౨.

సన్తకాయో సన్తవాచో, సన్తవా సన్తచేతసో;

సన్తిసముద్దం సమ్పత్తో, బుద్ధం తం పణమామ్యహం.౮౮౩.

లోకబన్ధు లోకసామీ, లోకాధిపో లోకిస్సరో;

లోకమిత్తో లోకసఖా, బుద్ధం తం పణమామ్యహం.౮౮౪.

అక్ఖరానం సన్నిపాతే, పుబ్బాపరానం పారగూ;

నిరుత్తిపదకోవిదో, బుద్ధం తం పణమామ్యహం.౮౮౫.

సన్తిసుఖపదాయకో, విజ్జానిధి వినాయకో;

బాహూజనే సహాయకో, బుద్ధం తం పణమామ్యహం.౮౮౬.

విజయన్తో బోధిమూళే, పత్తో సమ్బోధిముత్తమం;

అన్తకస్స అన్తకరో, బుద్ధం తం పణమామ్యహం.౮౮౭.

వినయవాదీ విరత్తో, ధమ్మవాదీ ధమ్మగతో;

అత్థవాదీ అత్థప్పత్తో, బుద్ధం తం పణమామ్యహం.౮౮౮.

సన్తివాదీ ముదువాదీ, సచ్చవాదీ సచ్చరతో;

భూతవాదీ భద్దవాదీ, బుద్ధం తం పణమామ్యహం.౮౮౯.

యతకాయో యతవాచో, యతచిత్తో యతిన్ద్రియో;

సబ్బవిధే యతో యతి, బుద్ధం తం పణమామ్యహం.౮౯౦.

నిరిచ్ఛో చేవ ఛిన్నిచ్ఛో, వీతిచ్ఛో ఇచ్ఛాఉచ్ఛిన్నో;

గతిచ్ఛో ఇచ్ఛానిచ్ఛాతో, బుద్ధం తం పణమామ్యహం.౮౯౧.

అచ్ఛచిత్తో అచ్ఛచారీ, అనచ్ఛఇచ్ఛారిఞ్చకో;

సబ్బిచ్ఛా’నిచ్ఛా ఉచ్ఛిన్నో, బుద్ధం తం పణమామ్యహం.౮౯౨.

అచ్చితో అచ్చిసజ్జితో, అచ్చుచ్చో చ అచ్చుత్తమో;

అచ్చుతం అకతం పత్తో, బుద్ధం తం పణమామ్యహం.౮౯౩.

సుద్ధో మగ్గం విసోధేసి, సిద్ధో సమణసేఖరో;

బుద్ధో బోధిం పకాసేసి, బుద్ధం తం పణమామ్యహం.౮౯౪.

పణీతో చ పునీతో చ, పవిత్తో చాపి పావనో;

పేసలో పవరో మేజ్ఝో, బుద్ధం తం పణమామ్యహం.౮౯౫.

ఖేమో ఖీణపరిళాహో, ఖేమయుత్తో ఖేమకరో;

ఖేమక్ఖేత్తో ఖేమట్ఠానో, బుద్ధం తం పణమామ్యహం.౮౯౬.

గతభోగో గతరోగో, గతసోకో గతావిలో;

గతానుతాపో గతిన్ధో, బుద్ధం తం పణమామ్యహం.౮౯౭.

పారగూ సబ్బదుక్ఖానం, పరిఞ్ఞాణఞ్చ పారగూ;

నిరోధం సుసచ్ఛికతో, బుద్ధం తం పణమామ్యహం.౮౯౮.

సత్తవిసుద్ధిసమ్పన్నో, సుద్ధో విసుద్ధమానసో;

విముత్తమానసో విద్వా, బుద్ధం తం పణమామ్యహం.౮౯౯.

భవాభవే అనుభవిత్వా, పత్తో సుముత్తిముత్తమం;

బ్రహ్మచక్కం పవత్తేసి, బుద్ధం తం పణమామ్యహం.౯౦౦.

భూరిపఞ్ఞో భూరిమేధో, భూరిబోధిపకాసకో;

భూరిఞాణం పసారేసి, బుద్ధం తం పణమామ్యహం.౯౦౧.

భారనిక్ఖేపకో వీరో, భవసినేహనాసకో;

భవనేత్తిం విభఞ్జేసి, బుద్ధం తం పణమామ్యహం.౯౦౨.

భావితత్తో భవముత్తో, భావితో భావనారతో;

భావితిన్ద్రియో భగవా, బుద్ధం తం పణమామ్యహం.౯౦౩.

మహాభిసక్కో భేసజ్జో, భవరోగతికిచ్ఛకో;

భవోఘతారకో భద్దో, బుద్ధం తం పణమామ్యహం.౯౦౪.

భవాభవతణ్హాభగ్గో, భవాసత్తివిభఞ్జకో;

భవసంయోజనం ఛిన్దేసి, బుద్ధం తం పణమామ్యహం.౯౦౫.

భవన్తదస్సీ సుభద్దో, భవగ్గాతీతో నిబ్బుతో;

భవన్తగూ భగవన్తో, బుద్ధం తం పణమామ్యహం.౯౦౬.

భావితో అరియమగ్గో, భవబన్ధనసమూహతో;

భయభేరవం భేదేసి, బుద్ధం తం పణమామ్యహం.౯౦౭.

భావేసి కుసలం ధమ్మం, బోజ్ఝఙ్గరతనిస్సరో;

భవసోతం తిణ్ణో నాథో, బుద్ధం తం పణమామ్యహం.౯౦౮.

భవసంయోజనం ఛేత్వా, భవసఙ్గాతిగో ఇసి;

భవసాగరముత్తిణ్ణో, బుద్ధం తం పణమామ్యహం.౯౦౯.

భవయోగవీతివత్తో, భవసన్తాపనిబ్బుతో;

భవమోహోదధితిణ్ణో, బుద్ధం తం పణమామ్యహం.౯౧౦.

భవభోగవిసంయుత్తో, భారముత్తో భవజయో;

భవయోగవిప్పముత్తో, బుద్ధం తం పణమామ్యహం.౯౧౧.

భవభోగోఘనిత్తిణ్ణో, భవజాలసన్దాలకో;

భవసంసరణాతీతో, బుద్ధం తం పణమామ్యహం.౯౧౨.

భీరుతాణో భీరులేణో, భీరుసరణదాయకో;

భీరుఆరక్ఖకో భియ్యో, బుద్ధం తం పణమామ్యహం.౯౧౩.

సబ్బాసరణసరణో, తాణో లేణో సురక్ఖకో;

జనానం నన్దకో భియ్యో, బుద్ధం తం పణమామ్యహం.౯౧౪.

సబ్బాబాధం అచ్చగమో, తణ్హాతిమిరన్తకరో;

కామాసవం పజహి యో, బుద్ధం తం పణమామ్యహం.౯౧౫.

సబ్బధమ్మాభిసమ్బుద్ధో, మోక్ఖమగ్గగన్వేసకో;

పరమత్థధమ్మప్పత్తో, బుద్ధం తం పణమామ్యహం.౯౧౬.

సబ్బధమ్మం సమ్బోధేసి, అన్తకన్తకరో జినో;

పరియన్తధమ్మప్పత్తో, బుద్ధం తం పణమామ్యహం.౯౧౭.

సబ్బలోకం పరిఞ్ఞాసి, సబ్బలోకపనూదనో;

లోకుత్తరధమ్మప్పత్తో, బుద్ధం తం పణమామ్యహం.౯౧౮.

సబ్బలోకహితత్థాయ, బోధేసి కరుణాపతీ;

నిపుణత్థధమ్మప్పత్తో, బుద్ధం తం పణమామ్యహం.౯౧౯.

సబ్బఇద్ధీ అభిఞ్ఞాసి, సబ్బతణ్హా నిరోధకో;

నిరోధం సక్ఖిం అకాసి, బుద్ధం తం పణమామ్యహం.౯౨౦.

సబ్బసచ్చం అభిఞ్ఞాసి, సబ్బఞ్ఞూ సమణుత్తమో;

పణ్డితో సబ్బధమ్మేసు, బుద్ధం తం పణమామ్యహం.౯౨౧.

సబ్బసిద్ధత్థసిద్ధో చ, సమన్తభద్దో సబ్బథా;

సబ్బుత్తమం ధమ్మం లద్ధో, బుద్ధం తం పణమామ్యహం.౯౨౨.

ఉపేతో బోధిధమ్మేహి, విముత్తో సబ్బభవేహి చ;

ఇట్ఠపత్తో ముత్తా’నిట్ఠో, బుద్ధం తం పణమామ్యహం.౯౨౩.

సబ్బాహారపరిఞ్ఞాతో, సబ్బాహారమనిస్సితో;

సబ్బాధారపరిచ్చాగీ, బుద్ధం తం పణమామ్యహం.౯౨౪.

సబ్బమోహనిసా హన్త్వా, సబ్బం రాగం దోసం నుదో;

సుద్ధిధమ్మం పకాసేసి, బుద్ధం తం పణమామ్యహం.౯౨౫.

సబ్బకిలేసం సోసేసి, సబ్బాదానపనూదనో;

సబ్బసోకం వినాసేసి, బుద్ధం తం పణమామ్యహం.౯౨౬.

సబ్బిన్ద్రియగుత్తో సామీ, సబ్బకఙ్ఖిచ్ఛాసంవుతో;

సబ్బలోకేసనాచాగీ, బుద్ధం తం పణమామ్యహం.౯౨౭.

సబ్బాసవపరిచ్చాగీ, జాతిమచ్చు నివారయీ;

భవదుక్ఖం విద్ధంసేసి, బుద్ధం తం పణమామ్యహం.౯౨౮.

సబ్బకమ్మక్లేసజహో, వీతసఙ్ఖారచేతసో;

అన్తిమసారీరప్పత్తో, బుద్ధం తం పణమామ్యహం.౯౨౯.

సబ్బబన్ధం విఘాతేసి, సబ్బన్తరాయనాసకో;

బోధఞ్ఞూ దుబ్బుద్ధిముత్తో, బుద్ధం తం పణమామ్యహం.౯౩౦.

సబ్బమోహపరిక్ఖీణో, సబ్బఞ్ఞూ సబ్బకోవిదో;

సబ్బాభిభూ సబ్బవిదూ, బుద్ధం తం పణమామ్యహం.౯౩౧.

సబ్బాభినివేసా సుఞ్ఞో, సబ్బగుణపతిట్ఠితో;

సబ్బక్లేసే విసోధేసి, బుద్ధం తం పణమామ్యహం.౯౩౨.

సబ్బరాగం విరాజేసి, సబ్బదోసవిద్ధంసకో;

సబ్బమోహవినిముత్తో, బుద్ధం తం పణమామ్యహం.౯౩౩.

సబ్బదుక్ఖపరిఞ్ఞాతో, సబ్బదుక్ఖక్ఖయఙ్కరో;

సబ్బధి భవభఞ్జనో, బుద్ధం తం పణమామ్యహం.౯౩౪.

సబ్బదుక్ఖమతిక్కన్తో, సబ్బదుక్ఖస్స అన్తగూ;

సబ్బదుక్ఖప్పహీనో చ, బుద్ధం తం పణమామ్యహం.౯౩౫.

సంసారసాగరుత్తిణ్ణో, సబ్బభవాన పారగూ;

అన్తిమదేహం ధారేసి, బుద్ధం తం పణమామ్యహం.౯౩౬.

సబ్బథా ఆకఙ్ఖాతీతో, సబ్బసఙ్గాతిగో సుధీ;

సబ్బేసు అనూపలిత్తో, బుద్ధం తం పణమామ్యహం.౯౩౭.

గిద్ధిఞ్జహో తణ్హక్ఖయో, సబ్బచాగేసు సణ్ఠితో;

సబ్బత్థ ఉపసమ్మతో, బుద్ధం తం పణమామ్యహం.౯౩౮.

సబ్బామిత్తే వసీకత్వా, సబ్బజినో సబ్బాభిభూ;

సబ్బవేరవిప్పముత్తో, బుద్ధం తం పణమామ్యహం.౯౩౯.

సబ్బభోగమతిక్కన్తో, సబ్బకామరతిచజో;

సబ్బకఙ్ఖిచ్ఛా ఉచ్ఛిన్నో, బుద్ధం తం పణమామ్యహం.౯౪౦.

సబ్బీతియో వీతివత్తో, సబ్బభీతివినాసకో;

సబ్బదోసదోహదన్తో, బుద్ధం తం పణమామ్యహం.౯౪౧.

సబ్బకోపకోధఖీణో, కామక్లేసమతిక్కమో;

సబ్బమోహమాయాముత్తో, బుద్ధం తం పణమామ్యహం.౯౪౨.

సబ్బసంయోజనే ఛేత్వా, సబ్బసంసయ’పగతో;

సబ్బుపాదానుపచ్ఛిన్నో, బుద్ధం తం పణమామ్యహం.౯౪౩.

సబ్బాభిలాసా హాపేసి, సబ్బక్లేసవిసోధకో;

సబ్బిఞ్జా పటిప్పస్సద్ధో, బుద్ధం తం పణమామ్యహం.౯౪౪.

సబ్బాదానపరిచ్చాగీ, సబ్బసంయోజనాతిగో;

సబ్బసఙ్గవిసంయుత్తో, బుద్ధం తం పణమామ్యహం.౯౪౫.

సబ్బత్థ సుమనో సామీ, సబ్బసోత్థిం పదాయకో;

సబ్బేసం సమ్పసీదేసి, బుద్ధం తం పణమామ్యహం.౯౪౬.

సబ్బానలం నిబ్బాపేసి, సబ్బసన్తాపమద్దకో;

సబ్బధి సుముత్తో సన్తో, బుద్ధం తం పణమామ్యహం.౯౪౭.

సబ్బాసవం పరిజాని, సబ్బబ్యాధివినాసకో;

సబ్బసోకక్ఖయం పత్తో, బుద్ధం తం పణమామ్యహం.౯౪౮.

సబ్బరాగతమం ధంసీ, సబ్బదోసతమం నుదో;

సబ్బమోహతమం హన్తా, బుద్ధం తం పణమామ్యహం.౯౪౯.

సబ్బధి సబ్బత్థప్పత్తో, సబ్బత్థదస్సావీ ఇసి;

సబ్బపాసణ్డం మద్దేసి, బుద్ధం తం పణమామ్యహం.౯౫౦.

సబ్బపారమీసమ్భూతో, సబ్బపరిఞ్ఞాపూరితో;

సబ్బఅభిఞ్ఞాసమ్పుణ్ణో, బుద్ధం తం పణమామ్యహం.౯౫౧.

సబ్బదుక్ఖక్ఖయం పత్తో, సబ్బసోకమతిక్కమో;

సంసారసిన్ధునిత్తిణ్ణో, బుద్ధం తం పణమామ్యహం.౯౫౨.

సీలసమాధిసంయుత్తో, విజ్జావారిధి పఞ్ఞవా;

సబ్బాసవాఛిన్నభిన్నో, బుద్ధం తం పణమామ్యహం.౯౫౩.

సబ్బతాపవిప్పముత్తో, సముచ్ఛిన్నసబ్బూపధి;

సబ్బపపఞ్చూపసమో, బుద్ధం తం పణమామ్యహం.౯౫౪.

సబ్బఅహఙ్కారముత్తో, సబ్బమమఙ్కారక్ఖయో;

సబ్బాసత్తి విప్పముత్తో, బుద్ధం తం పణమామ్యహం.౯౫౫.

విజితసబ్బసఙ్గామో, సబ్బత్థ అపరాజితో;

సబ్బే వత్తేసి సబ్బసో, బుద్ధం తం పణమామ్యహం.౯౫౬.

సబ్బఞ్ఞూ తిలోకసేట్ఠో, సబ్బసంయోజనా నుదో;

సబ్బఓఘే నిత్థరేసి, బుద్ధం తం పణమామ్యహం.౯౫౭.

సబ్బబన్ధవినిముత్తో, సబ్బగణ్ఠివిఖణ్డితో;

సబ్బపాసేహి మోచేసి, బుద్ధం తం పణమామ్యహం.౯౫౮.

సబ్బగన్థసముచ్ఛిన్నో, సబ్బయోగవిసంయుతో;

హతక్ఖోభో హతాలయో, బుద్ధం తం పణమామ్యహం.౯౫౯.

సబ్బసంయోజనా సుఞ్ఞో, సబ్బవట్టవినాసకో;

సబ్బజటా విజటేసి, బుద్ధం తం పణమామ్యహం.౯౬౦.

సబ్బేసు అనిచ్ఛాసఞ్ఞీ, సబ్బాభిజ్ఝాతిగో ఇసి;

సబ్బసంయోగ’సంయోగో, బుద్ధం తం పణమామ్యహం.౯౬౧.

సబ్బసఙ్ఖారేహి రిత్తో, సబ్బాసత్తి పనూదనో;

సబ్బాకుసలపముత్తో, బుద్ధం తం పణమామ్యహం.౯౬౨.

సబ్బపకారసమ్పన్నో, సబ్బసమన్తభద్దకో;

సబ్బాకారపరిపుణ్ణో, బుద్ధం తం పణమామ్యహం.౯౬౩.

సబ్బ విజ్జా అనుప్పత్తో, సబ్బసుగుణసఙ్గహో;

భద్దకో సుభద్దకారీ, బుద్ధం తం పణమామ్యహం.౯౬౪.

సబ్బాసవే పరిఞ్ఞాతో, సబ్బాసవే బ్యన్తికతో;

సబ్బేసం పరిచజ్జేసి, బుద్ధం తం పణమామ్యహం.౯౬౫.

సబ్బబన్ధవిప్పముత్తో, సబ్బసఙ్కప్పపూరితో;

సబ్బక్ఖేమం వికాసేసి, బుద్ధం తం పణమామ్యహం.౯౬౬.

సబ్బత్థ కుసలో సత్థా, సబ్బత్థ కోవిదో విదూ;

సబ్బత్థ విమలో సుద్ధో, బుద్ధం తం పణమామ్యహం.౯౬౭.

సబ్బోచ్చ సబ్బతోభద్దో, సబ్బథా మఞ్ఞితం చజో;

సమ్మాదస్సనసమ్పన్నో, బుద్ధం తం పణమామ్యహం.౯౬౮.

అనవసేసఞాణఞ్ఞూ, సబ్బతో సువిజానకో;

సబ్బఅఞ్ఞాణముచ్ఛిన్నో, బుద్ధం తం పణమామ్యహం.౯౬౯.

సబ్బఞ్ఞాసమ్పత్తో నాథో, ఆసత్తిరిత్తో సబ్బధి;

సబ్బత్థ సబ్బవిసిట్ఠో, బుద్ధం తం పణమామ్యహం.౯౭౦.

సబ్బకిలేసేహి సుఞ్ఞో, సబ్బగన్థిప్పమోచకో;

సబ్బబన్ధం విచ్ఛిన్దేసి, బుద్ధం తం పణమామ్యహం.౯౭౧.

సబ్బభవఉపచ్ఛిన్నో, ఉచ్ఛిన్నలోకబన్ధనో;

సబ్బఓఘం నిత్థరణో, బుద్ధం తం పణమామ్యహం.౯౭౨.

నిత్తిణ్ణభవసాగరో, కతకిచ్చో యతిస్సరో;

సబ్బసో సీతలీభూతో, బుద్ధం తం పణమామ్యహం.౯౭౩.

సబ్బలోకమభిభూతో, సబ్బలోకవిదూ ఇసి;

సబ్బలోకం సుదస్సావీ, బుద్ధం తం పణమామ్యహం.౯౭౪.

సబ్బలోకవిసంయుత్తో, సబ్బలోకవిరజ్జకో;

సబ్బలోకం నిరోధేసి, బుద్ధం తం పణమామ్యహం.౯౭౫.

సబ్బలోకే అనాసంసో, సబ్బలోకే అనూపయో;

సబ్బలోకే సఙ్గసుఞ్ఞో, బుద్ధం తం పణమామ్యహం.౯౭౬.

సబ్బఅభిఞ్ఞా సమ్పత్తో, సబ్బధి సుమతివరో;

సబ్బసచ్చం విత్థారేసి, బుద్ధం తం పణమామ్యహం.౯౭౭.

సబ్బపారమీసమ్పన్నో, సబ్బగుణానుపాగతో;

సబ్బథా పరిఞ్ఞాపత్తో, బుద్ధం తం పణమామ్యహం.౯౭౮.

భవసోతం విసోసేసి, సబ్బక్లేసముపచ్చగో;

సబ్బాసవం విక్ఖాలేసి, బుద్ధం తం పణమామ్యహం.౯౭౯.

సబ్బథా సమ్పటినిస్సజ్జి, సబ్బం సన్తరబాహిరం;

సబ్బం సోత్థిం సచ్ఛికతో, బుద్ధం తం పణమామ్యహం.౯౮౦.

సబ్బప్పపఞ్చం పహాసి యో, పరిచ్చాగేసు సణ్ఠితో;

సబ్బసఙ్గం వివజ్జేసి, బుద్ధం తం పణమామ్యహం.౯౮౧.

సబ్బ’న్తరాయవిహతో, సబ్బ’ఘానలనిబ్బుతో;

సబ్బసారమ్భం భఞ్జేసి, బుద్ధం తం పణమామ్యహం.౯౮౨.

సబ్బాభిలాసా ఉచ్ఛిన్నో, సబ్బాభిమానభిన్దకో;

సబ్బా’నుసయం నిస్సట్ఠో, బుద్ధం తం పణమామ్యహం.౯౮౩.

సబ్బసంసట్ఠవిచ్ఛిన్నో, సబ్బసంయోజనా చజో;

సబ్బగేధపభేదకో, బుద్ధం తం పణమామ్యహం.౯౮౪.

సబ్బుపాదానూపసమో, సబ్బాకఙ్ఖావిఖణ్డితో;

సబ్బసల్లం విచుణ్ణేసి, బుద్ధం తం పణమామ్యహం.౯౮౫.

సబ్బమోహం వినోదేసి, సబ్బమాననిమద్దకో;

సబ్బభీతిం వీతివత్తో, బుద్ధం తం పణమామ్యహం.౯౮౬.

కామాసత్తిం బ్యన్తికతో, సబ్బఛన్దసఞ్ఛిన్దకో;

సబ్బా ఇచ్ఛా ఉచ్ఛేదేసి, బుద్ధం తం పణమామ్యహం.౯౮౭.

సబ్బసమ్మోహం మద్దేసి, సబ్బసోతవిసోసకో;

సబ్బగన్థిం నిద్ధంసేసి, బుద్ధం తం పణమామ్యహం.౯౮౮.

సబ్బిస్సా సమతిక్కన్తో, సబ్బతో ఇఞ్జా రిఞ్చకో;

సబ్బదోసదోహం హన్తా, బుద్ధం తం పణమామ్యహం.౯౮౯.

సబ్బకోధమతిక్కన్తో, సబ్బకామనిమద్దకో;

సబ్బమోహసముచ్ఛిన్నో, బుద్ధం తం పణమామ్యహం.౯౯౦.

భవనేత్తిం సఞ్ఛిన్దేసి, సబ్బభోగజిగుచ్ఛకో;

సబ్బబోధిగుణుపేతో, బుద్ధం తం పణమామ్యహం.౯౯౧.

సబ్బత్థదోహాతీతో యో, సబ్బమానాతిగో ముని;

సబ్బదోసం విప్పముత్తో, బుద్ధం తం పణమామ్యహం.౯౯౨.

సబ్బసంసయా విముత్తో, సబ్బసంయోజనాచుతో;

సబ్బసంసారోఘం తిణ్ణో, బుద్ధం తం పణమామ్యహం.౯౯౩.

సబ్బమ్హి అనూపలిత్తో, సబ్బవిదూ సబ్బాభిభూ;

సబ్బన్తరాయవిక్ఖీణో, బుద్ధం తం పణమామ్యహం.౯౯౪.

సబ్బూపధిమతిక్కన్తో, సబ్బాసవక్ఖయఙ్కరో;

సీహో’వ అనుత్రాసో, బుద్ధం తం పణమామ్యహం.౯౯౫.

సబ్బమమఙ్కారముత్తో, సబ్బఅహంకారక్ఖయో;

సబ్బదోసమతిక్కన్తో, బుద్ధం తం పణమామ్యహం.౯౯౬.

సబ్బభవపథం ఖిన్నో, సబ్బసఙ్ఖారనిబ్బుతో;

సబ్బబన్ధనం భఞ్జేసి, బుద్ధం తం పణమామ్యహం.౯౯౭.

సబ్బీఘా సముగ్ఘాతేసి, సబ్బిన్ధా పరినిస్సగో;

సబ్బిస్సా పటినిస్సట్ఠో, బుద్ధం తం పణమామ్యహం.౯౯౮.

సబ్బగిద్ధాగిజ్ఝాచాగీ, సబ్బమోహమాయానుదో;

సబ్బాభిజ్ఝా విభఞ్జేసి, బుద్ధం తం పణమామ్యహం.౯౯౯.

సబ్బకోపకోధాతీతో, సబ్బదోసక్లేసచ్చజో;

సబ్బదోహమతిక్కన్తో, బుద్ధం తం పణమామ్యహం.౧౦౦౦.

సబ్బరాగం విరజ్జేసి, సబ్బదోసవినాసకో;

సబ్బమోహమతిక్కన్తో, బుద్ధం తం పణమామ్యహం.౧౦౦౧.

సబ్బమలం పక్ఖాలేసి, సబ్బసల్లసన్దాలకో;

సబ్బఖిలం విద్దాలేసి, బుద్ధం తం పణమామ్యహం.౧౦౦౨.

సబ్బభయమతిక్కన్తో, సబ్బభీతిబ్యన్తికతో;

సబ్బఛమ్భిసముచ్ఛిన్నో, బుద్ధం తం పణమామ్యహం.౧౦౦౩.

సబ్బలోభఅబ్బుళ్హన్తో, సబ్బరజం విరాజేసీ;

సబ్బనన్దీ విచ్ఛిన్దేసి, బుద్ధం తం పణమామ్యహం.౧౦౦౪.

సబ్బసోకసముచ్ఛిన్నో, సబ్బదోసవిసోసకో;

సబ్బనేత్తిం నివారేసి, బుద్ధం తం పణమామ్యహం.౧౦౦౫.

సబ్బజాతిం నిజ్జరేసి, సబ్బభవగ్గినిబ్బుతో;

సబ్బలోకమతిక్కన్తో, బుద్ధం తం పణమామ్యహం.౧౦౦౬.

సబ్బసంసట్ఠవిరతో, సబ్బసంసగ్గఆరకో;

సబ్బాసత్తినిరత్తకో, బుద్ధం తం పణమామ్యహం.౧౦౦౭.

సబ్బాకఙ్ఖాపరిక్ఖీణో, సబ్బాపేక్ఖావిక్ఖమ్భకో;

సబ్బాభిలాసా భఞ్జేసి, బుద్ధం తం పణమామ్యహం.౧౦౦౮.

సబ్బాసఙ్కా నివారేసి, సబ్బాతఙ్కావిచ్ఛిన్దకో;

సబ్బావిలం విక్ఖాలేసి, బుద్ధం తం పణమామ్యహం.౧౦౦౯.

సబ్బాలయసముచ్ఛిన్నో, సబ్బాసయఅనిస్సితో;

సబ్బాసవే విసోసేసి, బుద్ధం తం పణమామ్యహం.౧౦౧౦.

సబ్బుపధిం నిద్ధోవేసి, సబ్బారమ్మణరిఞ్చకో;

సబ్బాభిమానం భఞ్జేసి, బుద్ధం తం పణమామ్యహం.౧౦౧౧.

సబ్బుపాయాసం ఉక్ఖిత్తో, సబ్బుపాదానం ఉజ్ఝితో;

సబ్బాభిజ్ఝా ఉచ్ఛేదేసి, బుద్ధం తం పణమామ్యహం.౧౦౧౨.

సబ్బసంయోజనం ఛేత్వా, సుద్ధాజీవీ సుద్ధాచరో;

సఙ్గాతిగో ఓఘతిణ్ణో, బుద్ధం తం పణమామ్యహం.౧౦౧౩.

సబ్బదోమనస్ససన్తో, సబ్బసంయోజనా హతో;

సబ్బాసఙ్కావిప్పముత్తో, బుద్ధం తం పణమామ్యహం.౧౦౧౪.

సబ్బసోకవీతివత్తో, సబ్బనీవరణానుదో;

సబ్బదోమనస్సముత్తో, బుద్ధం తం పణమామ్యహం.౧౦౧౫.

సబ్బభీతిభయాతీతో, ఛమ్భనసుఞ్ఞో సబ్బసో;

సబ్బాకులతా నాసేసి, బుద్ధం తం పణమామ్యహం.౧౦౧౬.

సబ్బభోగే పహాసి యో, సబ్బాసత్తిపరిచ్చజో;

సబ్బకామమతిక్కమో, బుద్ధం తం పణమామ్యహం.౧౦౧౭.

సబ్బోత్తమయోగక్ఖేమీ, సబ్బోత్తమం అధిగమో;

సబ్బోత్తమసన్తిమన్తో, బుద్ధం తం పణమామ్యహం.౧౦౧౮.

సబ్బవోసితవోసానో, కతకిచ్చో యతిన్ద్రియో;

మహామోహణ్ణవుత్తిణ్ణో, బుద్ధం తం పణమామ్యహం.౧౦౧౯.

దుక్ఖక్ఖన్ధం పరిఞ్ఞాతో, తణ్హాపాసవిచ్ఛేదకో;

సబ్బసన్తాససుముత్తో, బుద్ధం తం పణమామ్యహం.౧౦౨౦.

సబ్బయోగవీతివత్తో, సీతిభూతో నిరూపధి;

భవరాగపరిక్ఖీణో, బుద్ధం తం పణమామ్యహం.౧౦౨౧.

సబ్బేజా సమతిక్కన్తో, సబ్బధిం సమతాఠితో;

సదా సుమతిదాయకో, బుద్ధం తం పణమామ్యహం.౧౦౨౨.

భవేన నిరాసత్తికో, పరమోయం సముస్సయో;

పహాసి సబ్బసఙ్ఖారే, బుద్ధం తం పణమామ్యహం.౧౦౨౩.

సబ్బదుక్ఖపరిముత్తో, దోసదోహపధంసకో;

భవగన్థం పదాలేసి, బుద్ధం తం పణమామ్యహం.౧౦౨౪.

అంసుమాలీ అచ్చిమాలీ, రంసిమాలీ ధమ్మరవి;

మోహ’మావసీ నాసేసి, బుద్ధం తం పణమామ్యహం.౧౦౨౫.

చన్దిమా’వ సన్తికరో, చన్దిమా’వ పభాకరో;

సన్తిపభా సణ్ఠపేసి, బుద్ధం తం పణమామ్యహం.౧౦౨౬.

అగ్గిక్ఖన్ధో’వ సుప్పభో, భబ్బతేజో సుఖాలయో;

ఓభాసితో ఉక్కాధారీ, బుద్ధం తం పణమామ్యహం.౧౦౨౭.

అచ్చిమా’వ పభస్సరో, సబ్బలోకే ఆలోకదా;

అతిరుచిరో ఓభాసో, బుద్ధం తం పణమామ్యహం.౧౦౨౮.

బ్యామప్పభాయ సుప్పభో, కరుణారుణఉజ్జలో;

రుచిరాభాయ సమ్పన్నో, బుద్ధం తం పణమామ్యహం.౧౦౨౯.

ఇన్దువియ’మ్బరమజ్ఝే, సఙ్ఘమజ్ఝే విరోచయి;

ఞాణాలోకం వికిరేసి, బుద్ధం తం పణమామ్యహం.౧౦౩౦.

ఆదిచ్చబన్ధు ఆతాపీ, దిబ్బరూపో విరోచనో;

సబ్బలోకం పజ్జోతేసి, బుద్ధం తం పణమామ్యహం.౧౦౩౧.

మజ్ఝే సమణసఙ్ఘస్స, ఆదిచ్చో’వ విరోచయీ;

విజ్జాలోకకరో లోకే, బుద్ధం తం పణమామ్యహం.౧౦౩౨.

తారా’వ సమణమజ్ఝే, పుణ్ణిన్దుసమసోభితో;

సబ్బసత్తుత్తమో సామీ, బుద్ధం తం పణమామ్యహం.౧౦౩౩.

చారుఞాణసిఖాధారీ, సోభాజోతిసముజ్జలో;

పభస్సరం పభాసేసి, బుద్ధం తం పణమామ్యహం.౧౦౩౪.

దినకరో తమోనుదో, దిత్తో తిమిరద్ధంసకో;

ఛబ్బణ్ణరంసీసోభితో, బుద్ధం తం పణమామ్యహం.౧౦౩౫.

ఇన్దు’వ నిమ్మలో సుద్ధో, పరమపురిసో యసీ;

వరలక్ఖణసమ్పుణ్ణో, బుద్ధం తం పణమామ్యహం.౧౦౩౬.

పుణ్ణిన్దసదిసో జుణ్హో, సమ్పుణ్ణసన్తమానసో;

సబ్బతో సీతలీభూతో, బుద్ధం తం పణమామ్యహం.౧౦౩౭.

చారుదస్సీ పియదస్సీ, అఙ్గీరసో ఆలోకితో;

పభఙ్కరో’వ ఉజ్జోతో, బుద్ధం తం పణమామ్యహం.౧౦౩౮.

ఇన్దు’వ అమ్బరతలే, అభివణ్ణో సుసోభితో;

మహాధమ్మప్పభాయుత్తో, బుద్ధం తం పణమామ్యహం.౧౦౩౯.

ఆరోచితో ఓభాసితో, సురియో’వ విరోచితో;

అతులతేజో తేజస్సీ, బుద్ధం తం పణమామ్యహం.౧౦౪౦.

సహస్సరంసీ భగవా, పదుమామలసుచ్ఛవీ;

ధమ్మప్పభాపరివుతో, బుద్ధం తం పణమామ్యహం.౧౦౪౧.

సోభితో సాలరాజా’వ, పుణ్ణమాయం’వ చన్దిమా;

ఓభాసేసి దిసా సబ్బా, బుద్ధం తం పణమామ్యహం.౧౦౪౨.

రంసిజాలపరిక్ఖిత్తో, పదుమాననలోచనో;

కనకం’వ విరోచేసి, బుద్ధం తం పణమామ్యహం.౧౦౪౩.

మేత్తాపభాపరివుతో, ధమ్మభానుపభాసితో;

పఞ్ఞప్పభా వికాసేసి, బుద్ధం తం పణమామ్యహం.౧౦౪౪.

పరిధోతో పరిసుద్ధో, చన్దిమా ఇవ పుణ్ణకో;

సద్ధమం పరిసోధేసి, బుద్ధం తం పణమామ్యహం.౧౦౪౫.

ఞాణరంసిం వికిరేసి, ధమ్మాదిచ్చసుభాసురో;

ముత్తిపన్థం పకాసేసి, బుద్ధం తం పణమామ్యహం.౧౦౪౬.

అన్తలిక్ఖే పుణ్ణిన్దు’వ, సీతలపభాదాయకో;

సుద్ధధమ్మజోతికరో, బుద్ధం తం పణమామ్యహం.౧౦౪౭.

సద్ధమ్మజోతిం జోతేసి, జుతివన్తో జుతిన్ధరో;

సబ్బలోకం పజ్జోతేసి, బుద్ధం తం పణమామ్యహం.౧౦౪౮.

పభస్సరో తిలోకగ్గో, సద్ధమ్మస్స సుదీపకో;

అరియఞాణం విత్థారేసి, బుద్ధం తం పణమామ్యహం.౧౦౪౯.

చన్దిమా’వ గగనతలే, సీతాభా సుప్పకాసకో;

అనూనసుఖదాయకో, బుద్ధం తం పణమామ్యహం.౧౦౫౦.

జలితప్పదీపం దిత్తో, తిలోకస్సతిమిరహరో;

అరియమగ్గం జోతేసి, బుద్ధం తం పణమామ్యహం.౧౦౫౧.

జుతిఙ్కరో జోతిధరో, పభఙ్కరో పభాధరో;

ఆభాధరో ఆభాకరో, బుద్ధం తం పణమామ్యహం.౧౦౫౨.

అవిజ్జాతమం ధంసేసి, విజ్జాభానుసముజ్జలో;

ధమ్మవిభా విభాసేసి, బుద్ధం తం పణమామ్యహం.౧౦౫౩.

తిలోకతిమిరం హన్తా, మేధాముద్ధాసముజ్జలో;

లోకాలోకకరో నాథో, బుద్ధం తం పణమామ్యహం.౧౦౫౪.

మోహతిమిరం ధంసేసి, పభాకరో పదీపకో;

సచ్చధమ్మం పకాసేసి, బుద్ధం తం పణమామ్యహం.౧౦౫౫.

కరుణారుణో ఆలోకో, పఞ్ఞారంసిపకాసకో;

అవిజ్జావరణభిన్నో, బుద్ధం తం పణమామ్యహం.౧౦౫౬.

కరుణాకరో పఞ్ఞాభో, తిభవే ఆలోకఙ్కరో;

సన్తిరస్మీ విప్ఫారేసి, బుద్ధం తం పణమామ్యహం.౧౦౫౭.

పుణ్ణిన్దు వియ సుదిత్తో, ఞాణిన్దు ఞాణపుణ్ణికో;

సద్ధమ్మాభా పభాసేసి, బుద్ధం తం పణమామ్యహం.౧౦౫౮.

మోహతిమిసికాఛిన్నో, దీపఙ్కరో సుదీపితో;

బోధిప్పభా పభాసేసి, బుద్ధం తం పణమామ్యహం.౧౦౫౯.

అవిజ్జానిసా నాసేసి, తిలోకే ధమ్మసూరియో;

ధమ్మరంసిం వికిరేసి, బుద్ధం తం పణమామ్యహం.౧౦౬౦.

అవిజ్జాచ్ఛాదితే లోకే, విజ్జాలోకం వికాసయీ;

ధమ్మప్పభా విసజ్జేసి, బుద్ధం తం పణమామ్యహం.౧౦౬౧.

మోహనిసా వినాసేసి, ధమ్ముజ్జలో దివాకరో;

లోకాలోకం ఆలోకేసి, బుద్ధం తం పణమామ్యహం.౧౦౬౨.

తిభవస్స తమోహన్తా, తేజస్సీ జినసూరియో;

ఆభస్సరో ఆభాపుణ్ణో, బుద్ధం తం పణమామ్యహం.౧౦౬౩.

భద్దతేజో మహాతేజో, తిబ్బతేజో తేజబహూ;

ఝానతేజో ఞాణతేజో, బుద్ధం తం పణమామ్యహం.౧౦౬౪.

ఉగ్గతేజో అగ్గతేజో, పుణ్ణతేజో తేజిస్సరో;

బ్రహ్మతేజో ధమ్మతేజో, బుద్ధం తం పణమామ్యహం.౧౦౬౫.

సబ్బదిసా పభాసేసి, సబ్బత్థం సమ్పకాసకో;

మహాపభస్సరో ఉగ్గో, బుద్ధం తం పణమామ్యహం.౧౦౬౬.

భూరిపఞ్ఞో పభఙ్కరో, సబ్బథా తమనాసకో;

అరియసచ్చం జోతేసి, బుద్ధం తం పణమామ్యహం.౧౦౬౭.

రంసిమన్తో రంసిధరో, జోతిమన్తో జోతికరో;

సహస్సరంసి జోతిన్దో, బుద్ధం తం పణమామ్యహం.౧౦౬౮.

పుణ్ణిన్దు సదిసదిత్తో, పఞ్ఞాఓభాసో భాసురో;

మహామోహతమం భిన్నో, బుద్ధం తం పణమామ్యహం.౧౦౬౯.

మోహఅమావసీనాసీ, మహాదిచ్చో మహప్పభో;

సబ్బలోకం పభాసేసి, బుద్ధం తం పణమామ్యహం.౧౦౭౦.

అఙ్గారివ అచ్చిమన్తో, విజ్జాదీపో రస్మిధరో;

మోహతిమిసం ధంసేసి, బుద్ధం తం పణమామ్యహం.౧౦౭౧.

తమచ్ఛన్నే భవే సబ్బే, ఞాణాలోకేన మోచయీ;

ధమ్మజోతిం ఉజ్జోతేసి, బుద్ధం తం పణమామ్యహం.౧౦౭౨.

అవిజ్జాన్ధకారహన్తా, సబ్బఞ్ఞూ సబ్బతో పభో;

విజ్జాయనం పభాసేసి, బుద్ధం తం పణమామ్యహం.౧౦౭౩.

సబ్బతమన్తరహితో, సబ్బథా సబ్బతో పభో;

సబ్బసచ్చం పకాసేసి, బుద్ధం తం పణమామ్యహం.౧౦౭౪.

సబ్బలోకానుకమ్పాయ, సబ్బలోకే జోతిఙ్కరో;

సబ్బలోకే తమోహరో, బుద్ధం తం పణమామ్యహం.౧౦౭౫.

సబ్బఞ్ఞుతం పకాసేసి, సబ్బస్స దస్సావీ ఇసి;

మోహమూలం విద్ధంసేసి, బుద్ధం తం పణమామ్యహం.౧౦౭౬.

జలన్తో ఞాణతేజేన, తిక్ఖతేజో అతిసయో;

ఞాణంసుమాలీ ఆతాపీ, బుద్ధం తం పణమామ్యహం.౧౦౭౭.

మోహతమం వినాసేసి, ధమ్మజోతిపకాసకో;

బహుజనే పహాసేసి, బుద్ధం తం పణమామ్యహం.౧౦౭౮.

ఘోరతమాచ్ఛన్నలోకే, మహాఞాణేన మోచయీ;

ధమ్మాలోకం పకాసేసి, బుద్ధం తం పణమామ్యహం.౧౦౭౯.

కరుణారుణో జోతిదో, సబ్బసోకపనూదనో;

తణ్హాతిమిరం ధంసేసి, బుద్ధం తం పణమామ్యహం.౧౦౮౦.

తమాచ్ఛన్నే సబ్బలోకే, ధమ్మాలోకకరో పభూ;

అవిజ్జాభన్తిభఞ్జకో, బుద్ధం తం పణమామ్యహం.౧౦౮౧.

అవిజ్జావరణం ఛేత్వా, విజ్జాలోకపభాసకో;

పఞ్ఞాప్పభా పభంకారీ, బుద్ధం తం పణమామ్యహం.౧౦౮౨.

ఘోరతమం నిద్ధంసేసి, విద్ధంసేసి తయో భవే;

నరాదిచ్చో వరాదిచ్చో, బుద్ధం తం పణమామ్యహం.౧౦౮౩.

ఞాణజోతిం పజ్జోతేసి, మోహావరణనాసకో;

ధమ్మప్పభం పభాసేసి, బుద్ధం తం పణమామ్యహం.౧౦౮౪.

ధమ్మజోతిం విజోతేసి, పాపతమనిద్ధంసకో;

మోక్ఖాయనం పకాసేసి, బుద్ధం తం పణమామ్యహం.౧౦౮౫.

ధమ్మదీపం పదీపేసి, పాపావరణ ఛేదకో;

ముత్తిపథం పఞ్ఞాపేసి, బుద్ధం తం పణమామ్యహం.౧౦౮౬.

పఞ్ఞాభాను పఞ్ఞాప్పభో, ఉద్ధతం అన్ధతమం హరో;

లోకాలోకం పకాసేసి, బుద్ధం తం పణమామ్యహం.౧౦౮౭.

ధమ్మదీపపజ్జలితో, మోహతమసన్దాలకో;

వరధమ్మముజ్జోతేసి, బుద్ధం తం పణమామ్యహం.౧౦౮౮.

పఞ్ఞా’లోకం పజ్జలేసి, తమక్ఖన్ధప్పదాలకో;

పఞ్చక్ఖన్ధం నిరోధేసి, బుద్ధం తం పణమామ్యహం.౧౦౮౯.

ధమ్మభాను భబ్బప్పభో, సబ్బఞాణతమం హతో;

ఉజ్జలో జోతిజ్జలితో, బుద్ధం తం పణమామ్యహం.౧౦౯౦.

పఞ్ఞాజోతిప్పభన్ధరో, సబ్బలోకాలోకకరో;

మోక్ఖధమ్మం పభాసేసి, బుద్ధం తం పణమామ్యహం.౧౦౯౧.

అవిజ్జాన్ధకారం హన్తా, ధమ్మాలోకప్పకాసకో;

పభాకారీ ఆభాకారీ, బుద్ధం తం పణమామ్యహం.౧౦౯౨.

ఓజస్సీ ఓజసమ్పన్నో, తపస్సీ తపసేఖరో;

తేజభూసితో తేజస్సీ, బుద్ధం తం పణమామ్యహం.౧౦౯౩.

ధమ్మమఙ్గలసమ్మతో, ధమ్మాభాపరిమణ్డితో;

ధమ్మం సుట్ఠుపరివుత్తో, బుద్ధం తం పణమామ్యహం.౧౦౯౪.

పఞ్ఞాభాపరిమణ్డితో, పఞ్ఞాభాపరిదీపకో;

పఞ్ఞంసుమా పఞ్ఞచ్చిమా, బుద్ధం తం పణమామ్యహం.౧౦౯౫.

అంసుమన్తో ఆభావన్తో, తేజవన్తో జుతికరో;

పభావన్తో సోభావన్తో, బుద్ధం తం పణమామ్యహం.౧౦౯౬.

కోటిభానుసమప్పభో, చన్దిమా’వ సముజ్జలో;

అభిక్కన్తో అధిక్కన్తో, బుద్ధం తం పణమామ్యహం.౧౦౯౭.

సబ్బకఙ్ఖా నివారేసి, మారసేన విధూపకో;

సబ్బలోకం ఓభాసేసి, బుద్ధం తం పణమామ్యహం.౧౦౯౮.

అమితాభో అతులాభో, లోకే అమితాలోకదా;

అమితోజో అతులోజో, బుద్ధం తం పణమామ్యహం.౧౦౯౯.

సబ్బలోకం పభాసేసి, అబ్భాముత్తో’వ చన్దిమా;

సుద్ధం సద్ధమ్మం దీపేసి, బుద్ధం తం పణమామ్యహం.౧౧౦౦.

అగ్గి యథా పజ్జలితో, దేవతా’వ విరోచయి;

మహా’విజ్జా విద్ధంసేసి, బుద్ధం తం పణమామ్యహం.౧౧౦౧.

సన్తిధమ్మం పకాసేసి, సురియో తమచ్ఛద్దకో;

సన్తతం సన్తిం పసారేసి, బుద్ధం తం పణమామ్యహం.౧౧౦౨.

లోకమిత్తో లోకహితో, లోకబన్ధు లోకసఖా;

తిలోకే ఆలోకకరో, బుద్ధం తం పణమామ్యహం.౧౧౦౩.

పీతిపస్సద్ధిఖాయీ చ, పీతిరసపాయీ బహూ;

పీతిభక్ఖీ పీతిమనో, బుద్ధం తం పణమామ్యహం.౧౧౦౪.

పీతిపామోజ్జజనకో, పరమం సుఖం భోజకో;

పటిసల్లాననిరతో, బుద్ధం తం పణమామ్యహం.౧౧౦౫.

బోధితేజో బోధిరంసి, బోధిప్పభాయ మణ్డితో;

బ్రహ్మతేజో బ్రహ్మరంసి, బుద్ధం తం పణమామ్యహం.౧౧౦౬.

బ్రహ్మకాయో బ్రహ్మరూపో, బ్రహ్మధమ్మో యో బ్రాహ్మణో;

బ్రహ్మపత్తో బ్రహ్మభూతో, బుద్ధం తం పణమామ్యహం.౧౧౦౭.

బ్రహ్మపఞ్ఞో బ్రహ్మచారీ, బ్రహ్మవిహారీ బ్రహ్మఞ్ఞూ;

బ్రహ్మచక్ఖు ధమ్మచక్ఖు, బుద్ధం తం పణమామ్యహం.౧౧౦౮.

బహూపకారీ మేత్తావా, మహాకారుఞ్ఞమానసో;

ముత్తినయం నిద్దేసేసి, బుద్ధం తం పణమామ్యహం.౧౧౦౯.

బహూ భవోఘా తారేసి, సుదక్ఖో నావికో యథా;

మేత్తావేగపరక్కమీ, బుద్ధం తం పణమామ్యహం.౧౧౧౦.

కల్యాణకామీ నిబ్బనో, అనన్తకరుణాలయో;

అనూనక కల్యాణఞ్ఞూ, బుద్ధం తం పణమామ్యహం.౧౧౧౧.

చక్ఖుదదో ఞాణదదో, సబ్బలోకానుకమ్పకో;

కరుణాపుణ్ణమానసో, బుద్ధం తం పణమామ్యహం.౧౧౧౨.

కల్యాణచిత్తో అచణ్డో, మేత్తామనో అక్కోధనో;

విసుద్ధచిత్తో అక్కోసో, బుద్ధం తం పణమామ్యహం.౧౧౧౩.

కల్యాణకారీ కల్యాణో, కల్యాణపథనాయకో;

కల్యాణపారమీప్పత్తో, బుద్ధం తం పణమామ్యహం.౧౧౧౪.

నిస్సీమకరుణాకారీ, ఉస్సన్నకరుణానిధీ;

గంభీరకరుణాలయో, బుద్ధం తం పణమామ్యహం.౧౧౧౫.

మహాకారుణికో ధీరో, కరుణాఞాణసాగరో;

అతీవకరుణాకారీ, బుద్ధం తం పణమామ్యహం.౧౧౧౬.

కల్యాణకారీ కారుఞ్ఞో, కల్యాణమిత్తో మేత్తవా;

కల్యాణం ధమ్మం దేసేసి, బుద్ధం తం పణమామ్యహం.౧౧౧౭.

కరుణాహదయో నాథో, ఖేమినో ఖేమమానసో;

ముదితచిత్తో మాదకో, బుద్ధం తం పణమామ్యహం.౧౧౧౮.

చక్కవత్తిం వివజ్జిత్వా, పత్తో సబ్బఞ్ఞుతం బుధో;

నిస్సేసం కరుణాసిన్ధు, బుద్ధం తం పణమామ్యహం.౧౧౧౯.

కోధదోసమహాఅగ్గిం, మేత్తోదకేన సిఞ్చయీ;

సబ్బలోకస్స హితకారీ, బుద్ధం తం పణమామ్యహం.౧౧౨౦.

కరుణాసీతలచిత్తో, సబ్బసత్తానుకమ్పకో;

కల్యాణధమ్మేన యుత్తో, బుద్ధం తం పణమామ్యహం.౧౧౨౧.

దయోదధి దయానిధి, దయాలు దయాసాగరో;

దయాధిపో దయానాథో, బుద్ధం తం పణమామ్యహం.౧౧౨౨.

మహాదయో మహోదయో, మహాసయో మహేసి యో;

సదాదయో సదాసయో, బుద్ధం తం పణమామ్యహం.౧౧౨౩.

హితదో సబ్బసత్తానం, సబ్బేసానం సుఖదదో;

సన్తిదో సబ్బపాణానం, బుద్ధం తం పణమామ్యహం.౧౧౨౪.

పజ్జున్నోరివ భూతాని, ధమ్మమేఘేన వస్సితా;

సన్తిసుఖకరో లోకే, బుద్ధం తం పణమామ్యహం.౧౧౨౫.

పరపేక్ఖీ పరసేవీ, పరసుఖకారీ ఇసి;

పరహితేసీ పరత్థీ, బుద్ధం తం పణమామ్యహం.౧౧౨౬.

చతుసచ్చం పకాసేసి, అనుకమ్పాయ పాణినం;

బహూజనే సన్తారేసి, బుద్ధం తం పణమామ్యహం.౧౧౨౭.

సదా సన్తో సన్తిదాయీ, సుఖితో సుఖదాయకో;

ధమ్మమేఘం పవస్సేసి, బుద్ధం తం పణమామ్యహం.౧౧౨౮.

బహుజనహితత్థాయ, అనేకభవం సంసరి;

బహుజనం ఉద్ధారేసి, బుద్ధం తం పణమామ్యహం.౧౧౨౯.

బహూనం హితసుఖాయ, పరిపూరేసి పారమీ;

మోక్ఖమగ్గం గవేసేసి, బుద్ధం తం పణమామ్యహం.౧౧౩౦.

సబ్బత్థ సమత్తచిత్తో, సబ్బపాణానుకమ్పకో;

సబ్బదా కరుఞ్ఞచిత్తో, బుద్ధం తం పణమామ్యహం.౧౧౩౧.

సబ్బమిత్తో సబ్బసఖో, సబ్బభూతానుకమ్పకో;

సబ్బసత్తహితకరో, బుద్ధం తం పణమామ్యహం.౧౧౩౨.

సబ్బేసానం హితచిన్తీ, సబ్బేసానం సుఖావహో;

సబ్బేసానం అనుకమ్పీ, బుద్ధం తం పణమామ్యహం.౧౧౩౩.

సమ్పుణ్ణసుకుమారఙ్గో, అఙ్గపచ్చఙ్గ సోభనో;

వణ్ణనీయో వన్దనీయో, బుద్ధం తం పణమామ్యహం.౧౧౩౪.

సబ్బసోభా సుసోభితో, సబ్బమహిమామణ్డితో;

సబ్బపజానం వల్లభో, బుద్ధం తం పణమామ్యహం.౧౧౩౫.

రుచిరో అభిరుచిరో, అభిరూపో సురూపవా;

అనోమవణ్ణో సువణ్ణో, బుద్ధం తం పణమామ్యహం.౧౧౩౬.

కన్తవణ్ణో కన్తరూపో, కన్తకిత్తి కన్తయసో;

కన్తజుణ్హో కన్తజోతి, బుద్ధం తం పణమామ్యహం.౧౧౩౭.

ఛళభిఞ్ఞాప్పత్తో ధీమా, ఛవివణ్ణో సుదస్సనో;

ఛబ్బణ్ణరంసీ సోభనో, బుద్ధం తం పణమామ్యహం.౧౧౩౮.

కఞ్చనగ్ఘియసఙ్కాసో, నిద్దోసో కనకత్తచో;

సోణ్ణాననో సురుచిరో, బుద్ధం తం పణమామ్యహం.౧౧౩౯.

పభాహి అనురఞ్జేసి, మోక్ఖపన్థపకాసకో;

ధమ్మరస్మిపరిక్ఖిత్తో, బుద్ధం తం పణమామ్యహం.౧౧౪౦.

సీహహను’సభక్ఖన్ధో, ఞాణనిభామణ్డితో;

సుముఖో సున్దరో ఏసో, బుద్ధం తం పణమామ్యహం.౧౧౪౧.

కన్తియుత్తో కన్తిదత్తో, మనోజో మనమోదనో;

సబ్బజనే పమోదేసి, బుద్ధం తం పణమామ్యహం.౧౧౪౨.

సువణ్ణో సువణ్ణవణ్ణో, హేమవణ్ణో వణ్ణుత్తమో;

హిరఞ్ఞవణ్ణో హేమాంసు, బుద్ధం తం పణమామ్యహం.౧౧౪౩.

కన్తకాయో కన్తసోభో, కన్తఆభో కన్తపభో;

కన్తదస్సనో కన్తిమా, బుద్ధం తం పణమామ్యహం.౧౧౪౪.

ముదుధవలుణ్ణో చాపి, అవిరళదన్తావలీ;

ఉస్సఙ్ఖపాదో భగవా, బుద్ధం తం పణమామ్యహం.౧౧౪౫.

దీఘతను దీఘజివ్హో, దీఘబాహు దీఘఙ్గులీ;

సుదళ్హహత్థచరణో, బుద్ధం తం పణమామ్యహం.౧౧౪౬.

బ్రహ్మఘోసో ఏణిజఙ్ఘో, ఉజుదేహో బ్రహ్మాసమో;

రసఞ్ఞూ రసగ్గసగ్గీ, బుద్ధం తం పణమామ్యహం.౧౧౪౭.

నీలక్ఖీ దీఘపణ్హీ చ, కనకతుఙ్గనాసికో;

చక్కవరఙ్కితపాదో, బుద్ధం తం పణమామ్యహం.౧౧౪౮.

చత్తాలీససమదన్తో, తరుణవచ్ఛ పఖుమో;

సీహో’వ పుబ్బద్ధకాయో, బుద్ధం తం పణమామ్యహం.౧౧౪౯.

లోమకూపేకలోమో చ, కఞ్చనసదిసత్తచో;

ఓదాతదాఢాసమ్పన్నో, బుద్ధం తం పణమామ్యహం.౧౧౫౦.

సునీలముద్ధగ్గలోమో, బ్యామప్పభాసుమణ్డితో;

జాలికహత్థచరణో, బుద్ధం తం పణమామ్యహం.౧౧౫౧.

కోసోహితవత్థగుయ్హో, సుప్పతిట్ఠితచరణో;

సీహహను’ణ్హీససీసో, బుద్ధం తం పణమామ్యహం.౧౧౫౨.

సబ్బమహాపురిసఙ్గో, బత్తింసలక్ఖణధరో;

అసీతానుబ్యఞ్జనో యో, బుద్ధం తం పణమామ్యహం.౧౧౫౩.

అతివియ మనుఞ్ఞో చ, అతివియ మనోరమో;

అతివియ మనోహారీ, బుద్ధం తం పణమామ్యహం.౧౧౫౪.

అచ్చన్తకన్తిమా కన్తో, సోభనో పియదస్సనో;

బత్తింసలక్ఖణపుణ్ణో, బుద్ధం తం పణమామ్యహం.౧౧౫౫.

కన్తాభో కఞ్చనవణ్ణో, కఞ్చనాననలోచనో;

కఞ్చనాచలసఙ్కాసో, బుద్ధం తం పణమామ్యహం.౧౧౫౬.

కమనీయో కన్తనీయో, కఞ్చనం’వ జుతికరో;

పదుమపత్తక్ఖో రూపీ, బుద్ధం తం పణమామ్యహం.౧౧౫౭.

కల్యాణదస్సనో జుణ్హో, దిత్తో’వ కనకాచలో;

జుతిమా దిబ్బదస్సనో, బుద్ధం తం పణమామ్యహం.౧౧౫౮.

వరలక్ఖణలఙ్కితో, సబ్బతో సబ్బసున్దరో;

సోమ్మ సబ్బఙ్గసోభనో, బుద్ధం తం పణమామ్యహం.౧౧౫౯.

గుణానమాకరో పుజ్జో, కరవీకరుతస్సరో;

వరలక్ఖణఆకిణ్ణో, బుద్ధం తం పణమామ్యహం.౧౧౬౦.

మహాకాయో బ్రహాకాయో, బ్రహ్మకాయో కాయఉజూ;

కన్తికాయో సన్తికాయో, బుద్ధం తం పణమామ్యహం.౧౧౬౧.

అచ్చన్తసుఖుమాలఙ్గో, అచ్చన్తముదులతను;

అచ్చన్తసున్దరో సామీ, బుద్ధం తం పణమామ్యహం.౧౧౬౨.

జననేత్తో జనమోళి, పసన్ననయనాననో;

కుముదాననలోచనో, బుద్ధం తం పణమామ్యహం.౧౧౬౩.

పసన్నచిత్తో పసాదో, పణీతో అతిసోభితో;

పరియోదాతో పరమో, బుద్ధం తం పణమామ్యహం.౧౧౬౪.

భబ్బరూపో భద్దరూపో, భద్దభాణీ భద్దముఖో;

భస్సరో భాసురో భియ్యో, బుద్ధం తం పణమామ్యహం.౧౧౬౫.

మఞ్జుఘోసో మఞ్జువాణీ, మఞ్జుభాణీ మఞ్జుస్సరో;

మఞ్జుభాసీ ముదుభాసీ, బుద్ధం తం పణమామ్యహం.౧౧౬౬.

ముదుకాయో ముదుచిత్తో, ముదుకో ముదులక్ఖణో;

ముదుమనో ముదుభణో, బుద్ధం తం పణమామ్యహం.౧౧౬౭.

వరలక్ఖణసమ్పన్నో, సబ్బఙ్గసమన్నాగతో;

సబ్బలోకే సబ్బుత్తమో, బుద్ధం తం పణమామ్యహం.౧౧౬౮.

సుసోభితో సోభాయుత్తో, సన్తిభూసనభూసితో;

తిలోకస్స తుఙ్గకేతుం, బుద్ధం తం పణమామ్యహం.౧౧౬౯.

ఘోరసంసారోఘతిణ్ణో, మోక్ఖలఙ్కార’లఙ్కతో;

సుసోభయుత్తో సుగుణో, బుద్ధం తం పణమామ్యహం.౧౧౭౦.

సబ్బగుణసుసమ్పన్నో, సీలాలఙ్కార’లఙ్కతో;

సద్ధమ్మరతనసేట్ఠో, బుద్ధం తం పణమామ్యహం.౧౧౭౧.

అనన్తకిత్తివణ్ణో యో, సబ్బసంసారవన్దితో;

పసిద్ధో విస్సుతో పుజ్జో, బుద్ధం తం పణమామ్యహం.౧౧౭౨.

సువన్దితో సబ్బలోకే, సబ్బలోకే సమ్భావితో;

సమ్మానితో సబ్బలోకే, బుద్ధం తం పణమామ్యహం.౧౧౭౩.

దేవాధిదేవవన్దితో, మహాదేవవినాయకో;

తిభవవల్లభో ఖ్యాతో, బుద్ధం తం పణమామ్యహం.౧౧౭౪.

దస్సనేయ్యో థోమనేయ్యో, పసంసనేయ్యో పామోక్ఖో;

వణ్ణనీయో వన్దనీయో, బుద్ధం తం పణమామ్యహం.౧౧౭౫.

పసాదనీయో పసీదో, పాసాదికో పస్సద్ధికో;

పూజనీయో అచ్చనీయో, బుద్ధం తం పణమామ్యహం.౧౧౭౬.

అపచితో సక్కారితో, పథితో అభివాదితో;

నిస్సీమసిలాఘాప్పత్తో, బుద్ధం తం పణమామ్యహం.౧౧౭౭.

తిభవవన్దితో భియ్యో, ఓరం తీరం పారఙ్గతో;

అనఘో పఞ్ఞసేఖరో, బుద్ధం తం పణమామ్యహం.౧౧౭౮.

బలవన్తో ఫలవన్తో, బహూహి బహుమానితో;

బహూపకారీ బోధిన్దో, బుద్ధం తం పణమామ్యహం.౧౧౭౯.

సబ్బలోకే నమస్సితో, సబ్బలోకే సమ్మానితో;

మనుజామరసక్కతో, బుద్ధం తం పణమామ్యహం.౧౧౮౦.

లోకానం ఉత్తమో పుజ్జో, సుసక్కతో సగారవో;

వణ్ణకిత్తిభతో కన్తో, బుద్ధం తం పణమామ్యహం.౧౧౮౧.

ఖ్యాతో పఖ్యాతో సుఖ్యాతో, విస్సవిఖ్యాతో వన్దితో;

వణ్ణాధికో విత్థారికో, బుద్ధం తం పణమామ్యహం.౧౧౮౨.

సబ్బసేట్ఠో సబ్బజేట్ఠో, సబ్బసుద్ధో సబ్బుత్తమో;

సబ్బవన్దితో మానితో, బుద్ధం తం పణమామ్యహం.౧౧౮౩.

సబ్బే దేవేనువత్తేసి, సబ్బదేవవినాయకో;

తిలోకమహితో నాథో, బుద్ధం తం పణమామ్యహం.౧౧౮౪.

సబ్బలోకస్స వినేతా, సబ్బలోకతికిచ్ఛకో;

సబ్బేసం సేట్ఠో ధమ్మట్ఠో, బుద్ధం తం పణమామ్యహం.౧౧౮౫.

సబ్బలోకాభిభూ వీరో, సబ్బలోకుత్తమో జినో;

విస్సుతో సబ్బలోకమ్హి, బుద్ధం తం పణమామ్యహం.౧౧౮౬.

సబ్బాభిఞ్ఞాపరిపుణ్ణో, సబ్బలోకస్మిం విస్సుతో;

సమన్తచక్ఖూ పసిద్ధో, బుద్ధం తం పణమామ్యహం.౧౧౮౭.

సబ్బలోకహితో నాథో, సబ్బలోకసుఖావహో;

సుపూజితో సబ్బలోకే, బుద్ధం తం పణమామ్యహం.౧౧౮౮.

సబ్బిచ్ఛం అనిచ్ఛన్తో, ఉచ్ఛిన్నఛన్దో సబ్బధి;

మహాతణ్హాణ్ణవుత్తిణ్ణో, బుద్ధం తం పణమామ్యహం.౧౧౮౯.

యథాపేక్ఖీ తథా’క్ఖాసి, సబ్బథా సచ్చమానసో;

అవితథం విఞ్ఞాపేసి, బుద్ధం తం పణమామ్యహం.౧౧౯౦.

ఞాణఞ్ఞూ ఞాణసమ్పన్నో, పఞ్ఞాసమ్పన్నో పఞ్ఞవా;

ధమ్మోజో ధమ్మప్పసన్తో, బుద్ధం తం పణమామ్యహం.౧౧౯౧.

సుగుణేసు సుసమ్పన్నో, సాధు సప్పురిసో సుధీ;

మహాసుమతిసాగరో, బుద్ధం తం పణమామ్యహం.౧౧౯౨.

నామదస్సీ రూపదస్సీ, తపస్సీ చ తపోనిధి;

యథాభూతం విపస్సీ చ, బుద్ధం తం పణమామ్యహం.౧౧౯౩.

ఉపేతో బుద్ధధమ్మేహి, అట్ఠారసహి నాయకో;

ఇద్ధిప్పత్తో మహాసిద్ధో, బుద్ధం తం పణమామ్యహం.౧౧౯౪.

సీలఞ్చ సమాధిం పత్తో, పత్తో పఞ్ఞం నియ్యానికం;

పరిపుణ్ణధమ్మప్పత్తో, బుద్ధం తం పణమామ్యహం.౧౧౯౫.

పరిసుద్ధధమ్మప్పత్తో, సబ్బవిపల్లాసనుదో;

తిభవాణ్ణవనిత్తిణ్ణో, బుద్ధం తం పణమామ్యహం.౧౧౯౬.

రాగానలం నిబ్బాపేసి, సీతిభూతో సీతఙ్కరో;

సన్తిసుధా వస్సాపేసి, బుద్ధం తం పణమామ్యహం.౧౧౯౭.

తిత్థియే సునిమ్మద్దిత్వా, ఠపేత్వా మిచ్ఛామఞ్ఞితం;

సచ్చధమ్మే పతిట్ఠేసి, బుద్ధం తం పణమామ్యహం.౧౧౯౮.

విముత్తో మానుసాసత్తిం, దిబ్బాసత్తిం ఉపచ్చగో;

సబ్బాసత్తివినిమ్ముత్తో, బుద్ధం తం పణమామ్యహం.౧౧౯౯.

తిభవేతిమిరహరో, బోధిఞాణప్పభన్ధరో;

ధమ్మప్పదీపకో భబ్బో, బుద్ధం తం పణమామ్యహం.౧౨౦౦.

ఝానికో ఝానసమ్పన్నో, అఞ్ఞాణధేయ్యధంసకో;

సుట్ఠుఝానీ మహాఝానీ, బుద్ధం తం పణమామ్యహం.౧౨౦౧.

తణ్హక్ఖయప్పత్తో నాగో, భవనేత్తిపచ్ఛిన్దకో;

ఆసత్తిం పరిమద్దేసి, బుద్ధం తం పణమామ్యహం.౧౨౦౨.

సబ్బకమ్మకిలేసాని, అనవసేస వాహయీ;

ధమ్మగఙ్గా పవాహేసి, బుద్ధం తం పణమామ్యహం.౧౨౦౩.

దమప్పత్తో యమప్పత్తో, సమప్పత్తో సమాచరో;

ధువం సస్సతం సమ్పత్తో, బుద్ధం తం పణమామ్యహం.౧౨౦౪.

బుద్ధిమా ముతిమా చేవ, మతిమా చ మతిస్సరో;

ముత్తిమా మేత్తమానసో, బుద్ధం తం పణమామ్యహం.౧౨౦౫.

ఠానాఠానేసు కుసలో, ధమ్మేసు అతికోవిదో;

లద్ధమేధో సుమేధావీ, బుద్ధం తం పణమామ్యహం.౧౨౦౬.

భవదుక్ఖోఘనిత్తిణ్ణో, తణ్హాపహానపారగూ;

అఞ్ఞాణనిసా నాసేసి, బుద్ధం తం పణమామ్యహం.౧౨౦౭.

ధీరహదయో ధోరయ్హో, సంవుతో సంయతమనో;

గుత్తిన్ద్రియో గుత్తమానో, బుద్ధం తం పణమామ్యహం.౧౨౦౮.

సుసంవుతో సన్తిన్ద్రియో, సన్తుట్ఠో సుసమాహితో;

విజ్జాచరణసమ్పుణ్ణో, బుద్ధం తం పణమామ్యహం.౧౨౦౯.

జాతిచక్కం విచుణ్ణేసి, నత్థి దాని పునబ్భవో;

తిలోకఓఘనిత్తిణ్ణో, బుద్ధం తం పణమామ్యహం.౧౨౧౦.

అసంసట్ఠో అగారేహి, అనాగారేహి చూభయం;

అనోకసారీ అసఙ్గో, బుద్ధం తం పణమామ్యహం.౧౨౧౧.

పహీనజాతిమరణో, అనుపాదాయ నిబ్బుతో;

సంసారసాగరం తిణ్ణో, బుద్ధం తం పణమామ్యహం.౧౨౧౨.

మగ్గగవేసీ మగ్గగూ, మగ్గక్ఖాతో తథాగతో;

అమతమగ్గం దస్సావీ, బుద్ధం తం పణమామ్యహం.౧౨౧౩.

యథా అదక్ఖి అక్ఖాసి, భగవా భూరిమేధసో;

నిక్కామో నిమ్మలో నాథో, బుద్ధం తం పణమామ్యహం.౧౨౧౪.

మోనేయ్యసేట్ఠో మునిన్దో, రతిం చ అరతిం చుతో;

భయాతీతో భవాతీతో, బుద్ధం తం పణమామ్యహం.౧౨౧౫.

పబుద్ధపరిణాయకో, అతిఉచ్చుపకారకో;

సబ్బోచ్చసుఖదాయకో, బుద్ధం తం పణమామ్యహం.౧౨౧౬.

అమలినో అమలిచ్ఛో, నిమ్మలో మలమజ్జనో;

మదమద్దో వీతమదో, బుద్ధం తం పణమామ్యహం.౧౨౧౭.

అపచితో నమస్సితో, పథితో అభివాదితో;

దేవమనుజఅచ్చితో, బుద్ధం తం పణమామ్యహం.౧౨౧౮.

బ్యామప్పభాభిరుచితో, ద్వత్తింసలక్ఖణద్ధరో;

అనుబ్యఞ్జనసమ్పన్నో, బుద్ధం తం పణమామ్యహం.౧౨౧౯.

అదణ్డేన అసత్థేన, ధమ్మేన అనుసాసయి;

ఉద్ధరేసి బహూ సత్తే, బుద్ధం తం పణమామ్యహం.౧౨౨౦.

ధఞ్ఞో ధమ్మసుధా పాయీ, తణ్హావిసవిద్ధంసకో;

సబ్బావిజ్జం విచుణ్ణేసి, బుద్ధం తం పణమామ్యహం.౧౨౨౧.

ధఞ్ఞో నాథో! ధఞ్ఞో సామీ! ధఞ్ఞో మారాభిభూ మునీ!

ధఞ్ఞో విజితసఙ్గామో! బుద్ధం తం పణమామ్యహం.౧౨౨౨.

ఝానారామో ఝానరతో, ధమ్మారామో ధమ్మరతో;

అహో! అహో! పారఙ్గతో, బుద్ధం తం పణమామ్యహం.౧౨౨౩.

పుణ్డరీకో’వ నిల్లిత్తో, పస్స తస్స విసుద్ధతం;

అలగ్గమానసో ఏకో, బుద్ధం తం పణమామ్యహం.౧౨౨౪.

అహో! బుద్ధో! అహో! సుద్ధో! అహో! సంసుద్ధమానసో!

అహో! అహో! మేత్తాసిన్ధు! బుద్ధం తం పణమామ్యహం.౧౨౨౫.

సీలవిసుద్ధో, చిత్తవిసుద్ధో, దిట్ఠివిసుద్ధో నమో నమో;

ధమ్మవిహారీ, మఙ్గలకారీ, జనహితకారీ నమో నమో.

మహాతపస్సీ, ధమ్మవిపస్సీ, అక్ఖయదస్సీ నమో నమో;

మగ్గగవేసీ, లోకహితేసీ, బుద్ధమహేసీ నమో నమో.