📜

నమో తస్స భగవతో అరహతో సమ్మాసమ్బుద్ధస్స

వినయపిటక

సంగాయనస్స పుచ్ఛా విస్సజ్జనా

ఓకాస దానకథా

సుణాతు ¶ మే భన్తే సఙ్ఘో, మహతీ అయం పరిసా, ఏవరూపాయ పరిసాయ న సుకరా సబ్బసో కథం సావేతుం, తస్మా ఆయస్మతో చ జవనత్థేరస్స పఖుక్కూనగరవాసినో ఆయస్మతో చ విచిత్తసారాభివంసస్స తిపిటకధర ధమ్మభణ్డాగారికస్స వినయపుచ్ఛనభారఞ్చ వినయవిస్సజ్జన భారఞ్చ ఆవహితుం ఓకాసం దమ్మి, కరోథ తుమ్హే ఆవుసో ఛట్ఠసంగీతిపుబ్బఙ్గమాని వినయపుచ్ఛన వినయవిస్సజ్జన కిచ్చాని యథాధమ్మం యథావినయం.

అగ్గమహాపణ్డిత ¶ భదన్తజవన మహాథేరేన

ఠపితా

పుచ్ఛక సమ్ముతి ఞాత్తి

సుణాతు మే భన్తే సఙ్ఘో, యది సఙ్ఘస్స పత్తకల్లం, అహం ఆయస్మన్తం విచిత్తసారాభివంసం తిపిటకధర ధమ్మభణ్డాగారికం వినయం పుచ్ఛేయ్యం.

తిపిటకధర ధమ్మభణ్డాగారిక

భదన్తవిచిత్తసారాభివంసేన

ఠపితా విస్సజ్జక సమ్ముతి ఞాత్తి

సుణాతు మే భన్తే సఙ్ఘో, యది సఙ్ఘస్స పత్తకల్లం, అహం ఆయస్మతా జవనత్థేరేన సఙ్ఘనాయక మహాథేరస్స పటినిధిభూతేన వినయం పుట్ఠో విస్సజ్జేయ్యం.

పఠమ పారాజిక సిక్ఖాపుచ్ఛా

పుచ్ఛా – యం ¶ తేన ఆవుసో భగవతా జానతా పస్సతా అరహతా సమ్మాసమ్బుద్ధేన పఠమం పారాజికం కత్థ పఞ్ఞత్తం.

విస్సజ్జనా – వేసాలియం భన్తే పఞ్ఞత్తం.

పుచ్ఛా – కం ఆవుసో ఆరబ్భ పఞ్ఞత్తం.

విస్సజ్జనా – సుదిన్నం భన్తే కలన్దపుత్తం ఆరబ్భ పఞ్ఞత్తం.

పుచ్ఛా – కిస్మిం ఆవుసో వత్థుస్మిం పఞ్ఞత్తం.

విస్సజ్జనా – సుదిన్దో భన్తే కలన్దపుత్తో పురాణదుతియికాయ మేథునం ధమ్మం పటిసేవి, తస్మిం భన్తే వత్థుస్మిం పఞ్ఞత్తం.

పుచ్ఛా – అత్థి ఆవుసో తత్థ పఞ్ఞత్తి అనుపఞ్ఞత్తి అనుప్పన్నపఞ్ఞత్తి.

విస్సజ్జనా – ఏకా భన్తే పఞ్ఞత్తి ద్వే అనుపఞ్ఞత్తియో, అనుప్పన్నపఞ్ఞత్తి తస్మిం నత్థి.

పుచ్ఛా – సబ్బత్థపఞ్ఞత్తినుఖో ¶ ఆవుసో పదేసపఞ్ఞత్తినుఖో.

విస్సజ్జనా – సబ్బత్థపఞ్ఞత్తి భన్తే.

పుచ్ఛా – సాధారణపఞ్ఞత్తినుఖో ఆవుసో అసాధారణపఞ్ఞత్తినుఖో.

విస్సజ్జనా – సాధారణపఞ్ఞత్తి భన్తే.

పుచ్ఛా – ఏకతోపఞ్ఞత్తినుఖో ఆవుసో ఉభతోపఞ్ఞత్తినుఖో.

విస్సజ్జనా – ఉభతోపఞ్ఞత్తి భన్తే.

పుచ్ఛా – పఞ్చన్నం ఆవుసో పాతిమోక్ఖుద్దేసానం కత్థోగధం కత్థ పరియాపన్నం.

విస్సజ్జనా – నిదానోగధం ¶ భన్తే నిదానపరియాపన్నం.

పుచ్ఛా – కతమేన ఆవుసో ఉద్దేసేన ఉద్దేసం ఆగచ్ఛతి.

విస్సజ్జనా – దుతియేన భన్తే ఉద్దేసేన ఉద్దేసం ఆగచ్ఛతి.

పుచ్ఛా – చతున్నం ఆవుసో విపత్తీనం కతమా విపత్తి.

విస్సజ్జనా – సీలవిపత్తి భన్తే.

పుచ్ఛా – కా ఆవుసో విపత్తి.

విస్సజ్జనా – అసంవరో భన్తే విపత్తి.

పుచ్ఛా – కా ఆవుసో సమ్పత్తి.

విస్సజ్జనా – సంవరో భన్తే సమ్మత్తి.

పుచ్ఛా – కా ¶ ఆవుసో పటిపత్తి.

విస్సజ్జనా – న ఏవరూపం కరిస్సామీతి యావజీవం ఆపాణకోటికం సమాదాయ సిక్ఖతి సిక్ఖాపదేసు, అయం భన్తే పటిపత్తి.

పుచ్ఛా – కతి ఆవుసో అత్థవసే పటిచ్చ భగవతా పఠమం పారాజికం పఞ్ఞత్తం.

విస్సజ్జనా – దస భన్తే అత్థవసే పటిచ్చ భగవతా పఠమం పారాజికం పఞ్ఞత్తం, ౧ - సఙ్ఘసుట్ఠుతాయ, ౨ - సఙ్ఘఫాసుతాయ, ౩ - దుమ్మఙ్కూనం పుగ్గలానం నిగ్గహాయ, ౪ - పేసలానం భిక్ఖూనం ఫాసువిహారాయ, ౫ - దిట్ఠధమ్మికానం ఆసవానం సంవరాయ, ౬ - సమ్పరాయికానం ఆసవానం పటిఘాతాయ, ౭ - అప్పసన్నానం పసాదాయ, ౮ - పసన్నానం భియ్యోభావాయ, ౯ - సద్ధమ్మట్ఠితియా, ౧౦ - వినయానుగ్గహాయ.

పుచ్ఛా – కే ¶ ఆవుసో సిక్ఖన్తి.

విస్సజ్జనా – సేక్ఖాచ భన్తే పుథుజ్జనకల్యాణకాచ సిక్ఖన్తి.

పుచ్ఛా – కే ఆవుసో సిక్ఖితసిక్ఖా.

విస్సజ్జనా – అరహన్తో భన్తే సిక్ఖితసిక్ఖా.

పుచ్ఛా – కత్థ ఆవుసో ఠితం.

విస్సజ్జనా – సిక్ఖాకామేసు భన్తే ఠితం.

పుచ్ఛా – కే ఆవుసో ధారేన్తి.

విస్సజ్జనా – యేసం భన్తే వత్తతి తే ధారేన్తి.

పుచ్ఛా – కస్స ¶ ఆవుసో వచనం.

విస్సజ్జనా – భగవతో భన్తే వచనం అరహతో సమ్మాసమ్బుద్ధస్స.

పుచ్ఛా – కేనావుసో ఆభతం.

విస్సజ్జనా – పరమ్పరాయ భన్తే ఆభతం.

సంగాయనత్థాయ సఙ్ఘస్స ఞాపనం

సుణాతు మే భన్తే సఙ్ఘో అహం భన్తే ఆయస్మన్తం విచిత్థసారాభివంసం తిపిటకధర ధమ్మభణ్డాగారికం పఠమస్స పారాజికస్స నిదానమ్పి పుచ్ఛిం, పుగ్గలమ్పి పుచ్ఛిం, వత్థుమ్పి పుచ్ఛిం, పఞ్ఞత్తి అనుపఞ్ఞత్తిఆదీనిపి పుచ్ఛిం, పుట్ఠో పుట్ఠోచ సో ఆయస్మావిచిత్తసారాభివంసో విస్సజ్జేసి, ఇతిహిదం భన్తే పఠమం పారాజిక సిక్ఖాపదం నిమ్మలం సుపరిసుద్ధం తస్సేవ భగవతో వచనం అరహతో సమ్మాసమ్బుద్ధస్స, తస్మా యథాపురే మహాకస్సపాదయో మహాథేరవరా పోరాణసంగీతికారా బ్రహ్మచరియ సఙ్ఖాతస్స బుద్ధసాసనస్స చిరట్ఠితియా బహుజనహితాయ బహుజనసుఖాయ లోకానుకమ్పాయ అత్థాయ హితాయ సుఖాయ దేవమనుస్సానం ధమ్మవినయం సఙ్గాయింసుచేవ అనుసఙ్గాయింసుచ, ఏవమేవ మయమ్పి దాని సబ్బేవ ఛట్ఠసంగీతిమహాధమ్మసభాపరియాపన్నా ఇదం పఠమ పారాజిక సిక్ఖాపదం ఏకతోసజ్ఝాయనవసేన సంగాయేయ్యామ.

రేవతాభి పణ్డితధజ సాసనవంస మహాధమ్మరాజగురునో

అభిధజమహారట్ఠగురునోచ సఙ్ఘనాయక మహాథేరస్స

ఓకాస దానకథా

సుణాతు ¶ మే భన్తే సఙ్ఘో, మహతీ అయం పరిసా, ఏవరూపాయ పరిసాయ న సుకరా సబ్బసో కథం సావేతుం, తస్మా ఆయస్మతోచ సోభనస్స సాసనరి సారామాధివాసినో ఆయస్మతోచ విచిత్తసారాభివంసస్స తిపిటకధర ధమ్మభణ్డాగారికస్స వినయపుచ్ఛనభారఞ్చ వినయవిస్సజ్జనభారఞ్చ ఆవహితుం ఓకాసం దమ్మి, కరోథ తుమ్హే ఆవుసో ఛట్ఠసంగీతిపుబ్బఙ్గమాని వినయపుచ్ఛన వినయవిస్సజ్జన కిచ్చాని యథాధమ్మం యథావినయం.

అగ్గమహాపణ్డిత భదన్త సోభనత్థేరేన

ఠపితా పుచ్ఛక సమ్ముతి ఞాత్తి

సుణాతు మే భన్తే సఙ్ఘో, యది సఙ్ఘస్స పత్తకల్లం, అహం ఆయస్మన్తం విచిత్తసారాభివంసం తిపిటకధర ధమ్మభణ్డాగారికం వినయం పుచ్ఛేయ్యం.

తిపిటకధర ధమ్మభణ్డాగారిక

భదన్తవిచిత్తసారాభివంసేన

ఠపితా విస్సజ్జక సమ్ముతి ఞాత్తి

సుణాతు ¶ మే భన్తే సఙ్ఘో, యదిసఙ్ఘస్స పత్తకల్లం, అహం ఆయస్మతా సోభనత్థేరేన సఙ్ఘనాయక మహాథేరస్స పటినిధిభూతేన వినయం పుట్ఠో విస్సజ్జేయ్యం.

దుతియ పారాజిక సిక్ఖాపుచ్ఛా

పుచ్ఛా – యం ¶ తేన ఆవుసో భగవతా జానతా పస్సతా అరహతా సమ్మాసమ్బుద్ధేన దుతియం పారాజికం కత్థ పఞ్ఞత్తం.

విస్సజ్జనా – రాజగహే భన్తే పఞ్ఞత్తం.

పుచ్ఛా – కం ఆవుసో ఆరబ్భ పఞ్ఞత్తం.

విస్సజ్జనా – ధనియం భన్తే కుమ్భకారపుత్తం ఆరబ్భ పఞ్ఞత్తం.

పుచ్ఛా – కిస్మిం ఆవుసో వత్థుస్మిం పఞ్ఞత్తం.

విస్సజ్జనా – ధనియో భన్తే కుమ్భకారపుత్తో రఞ్ఞో దారూని అదిన్నం ఆదియి, తస్మిం వత్థుస్మిం పఞ్ఞత్తం.

పుచ్ఛా – అత్థి ¶ ఆవుసో తత్థ పఞ్ఞత్తి అనుపఞ్ఞత్తి అనుప్పన్నపఞ్ఞత్తి.

విస్సజ్జనా – ఏకా భన్తే పఞ్ఞత్తి ఏకా అనుపఞ్ఞత్తి అనుప్పన్నపఞ్ఞత్తి తస్మిం నత్థి.

పుచ్ఛా – కా ఆవుసో తత్థ మూలపఞ్ఞత్తి.

విస్సజ్జనా – యో పన భిక్ఖు అదిన్నం థేయ్యసఙ్ఖాతం ఆదియేయ్య, యథారూపే అదిన్నాదానే రాజానో చోరం గహేత్వా హనేయ్యుంవా బన్ధేయ్యుంవా పబ్బాజేయ్యుంవా చోరోసి బాలోసి ముళ్హోసి థేనోసీతి తథారూపం భిక్ఖు అదిన్నం ఆదియమానో అయమ్పి పారాజికో హోతి అసంవాసోతి అయం భన్తే తత్థ మూలపఞ్ఞత్తి.

పుచ్ఛా – కా ¶ ఆవుసో తత్థ అనుపఞ్ఞత్తి.

విస్సజ్జనా – గామావా అరఞ్ఞావాతి అయం భన్తే తత్థ అనుపఞ్ఞత్తి.

పుచ్ఛా – కా ఆవుసో తత్థ పరిపుణ్ణపఞ్ఞత్తి.

విస్సజ్జనా – యో పన భిక్ఖు గామావా అరఞ్ఞావా అదిన్నం థేయ్యసఙ్ఖాతం ఆదియేయ్య, కథారూపే అదిన్నాదానే రాజానో చోరం గహేత్వా హనేయ్యుంవా బన్ధేయ్యుంవా పబ్బాజేయ్యుంవా చోరోసి బాలోసి మూళ్హోసి థేనోసీతి తథారూపం భిక్ఖు అదిన్నం ఆదియమానో అయమ్పి పారాజికో హోతి అసంవాసోతి అయం భన్తే తత్థ పరిపుణ్ణపఞ్ఞత్తి.

పుచ్ఛా – సబ్బత్థపఞ్ఞత్తి ¶ నుఖో ఆవుసో పదేసపఞ్ఞత్తినుఖో.

విస్సజ్జనా – సబ్బత్థపఞ్ఞత్తి భన్తే.

పుచ్ఛా – సాధారణపఞ్ఞత్తినుఖో ఆవుసో అసాధారణపఞ్ఞత్తి నుఖో.

విస్సజ్జనా – సాధారణపఞ్ఞత్తి భన్తే.

పుచ్ఛా – ఏకతోపఞ్ఞత్తినుఖో ఆవుసో ఉభతోపఞ్ఞత్తినుఖో.

విస్సజ్జనా – ఉభతోపఞ్ఞత్తి భన్తే.

పుచ్ఛా – తస్మిం ¶ ఆవుసో దుతియ పారాజికే అదిన్నం ఆదియన్తో కతి ఆపత్తియో ఆపజ్జతి విభజిత్వా విస్సజ్జేహి.

విస్సజ్జనా – అదిన్నం భన్తే ఆదియన్తో తిస్సో ఆపత్తియో ఆపజ్జతి, పఞ్చ మాసకంవా అతిరేక పఞ్చ మాసకంవా అగ్ఘనకం అదిన్నం థేయ్యసఙ్ఖాతం ఆదియతి ఆపత్తి పారాజికస్స, ఊనపఞ్చమాసకంవా అతిరేకమాసకంవా అదిన్నం థేయ్యసఙ్ఖాతం ఆదియతి ఆపత్తి థుల్లచ్చయస్స, మాసకంవా ఊనమాసకవా అగ్ఘనకం అదిన్నం థేయ్యసఙ్ఖాతం ఆదియతి ఆపత్తి దుక్కటస్స, అదిన్నం భన్తే ఆదియన్తో ఇమా తిస్సో ఆపత్తియో ఆపజ్జతి.

పుచ్ఛా – కేసం ¶ ఆవుసో అనాపత్తి.

విస్సజ్జనా – దసన్నం భన్తే పుగ్గలానం అనాపత్తి, సకసఞ్ఞిస్స, విస్సాసగ్గాహేన గణ్హన్తస్స, తావకాలికం గణ్హన్తస్స, పేతపరిగ్గహం గణ్హన్తస్స, తిరచ్ఛానగతపరిగ్గహం గణ్హన్తస్స, పంసుకూలసఞ్ఞిస్స, ఉమ్మత్తకస్స, ఖిత్తచిత్తస్స, వేదనాట్టస్స, ఆదికమ్మికస్సాతి.

పుచ్ఛా – పఞ్చన్నం ఆవుసో పాతిమోక్ఖుద్దేసానం కత్థోగధం కత్థపరియాపన్నం.

విస్సజ్జనా – నిదానోగధం భన్తే నిదానపరియాపన్నం.

పుచ్ఛా – కతమేన ¶ ఆవుసో ఉద్దేసేన ఉద్దేసం ఆగచ్ఛతి.

విస్సజ్జనా – దుతియేన భన్తే ఉద్దేసేన ఉద్దేసం ఆగచ్ఛతి.

పుచ్ఛా – చతున్నం ఆవుసో విపత్తీనం కతమా విపత్తి.

విస్సజ్జనా – సీలవిపత్తి భన్తే.

పుచ్ఛా – సత్తన్నం ఆవుసో ఆపత్తిక్ఖన్ధానం కతమో ఆపత్తిక్ఖన్ధో.

విస్సజ్జనా – పారాజికాపత్తిక్ఖన్ధో భన్తే.

పుచ్ఛా – ఛన్నం ఆవుసో ఆపత్తిసముట్ఠానానం కతిహి సముట్ఠానేహి సముట్ఠాతి.

విస్సజ్జనా – తీహి భన్తే సముట్ఠానేహి సముట్ఠాతి, సియా కాయతోచ చిత్తతోచ సముట్ఠాతి, న వాచాతో, సియా వాచాతోచ

చిత్తతోచ ¶ సముట్ఠాతి, న కాయతో, సియా కాయతోచ వాచాతోచ చిత్తతోచ సముట్ఠాతి.

పుచ్ఛా – చతున్నం ఆవుసో అధికరణానం కతమం అధికరణం.

విస్సజ్జనా – ఆపత్తాధికరణం భన్తే.

పుచ్ఛా – సత్తన్నం ఆవుసో సమథానం కతిహి సమథేహి సమ్మతి.

విస్సజ్జనా – ద్విహి భన్తే సమథేహి సమ్మతి సమ్ముఖావినయేనచ పటిఞ్ఞాత కరణేనచ.

పుచ్ఛా – కో ¶ ఆవుసో తత్థ వినయో, కో తత్థ అభివినయో.

విస్సజ్జనా – పఞ్ఞత్తి భన్తే వినయో విభత్తి అభివినయో.

పుచ్ఛా – కింఆవుసో తత్థ పాతిమోక్ఖం కిం తత్థ అధిపాతిమోక్ఖం.

విస్సజ్జనా – పఞ్ఞత్తి భన్తే పాతిమోక్ఖం, విభత్తి అధిపాతిమోక్ఖం.

పుచ్ఛా – కా ఆవుసో విపత్తి.

విస్సజ్జనా – అసంవరో భన్తే విపత్తి.

పుచ్ఛా – కా ¶ ఆవుసో సమ్పత్తి.

విస్సజ్జనా – సంవరో భన్తే సమ్పత్తి.

పుచ్ఛా – కా ఆవుసో పటిపత్తి.

విస్సజ్జనా – న ఏవరూపం కరిస్సామీతి యావజీవం ఆపాణకోటికం సమాదాయ సిక్ఖతి సిక్ఖాపదేసు అయం భన్తే తత్థ పటిపత్తి.

పుచ్ఛా – కతి ఆవుసో అత్థవసే పటిచ్చ భగవతా దుతియం పారాజికం పఞ్ఞత్తం.

విస్సజ్జనా – దస భన్తే అత్థవసే పటిచ్చ భగవతా దుతియం పారాజికం పఞ్ఞత్తం. సఙ్ఘసుట్ఠుతాయ సఙ్ఘఫాసుతాయ దుమ్మఙ్కూనం పుగ్గలానం నిగ్గహాయ పేసలానం భిక్ఖూనం ఫాసువిహారాయ దిట్ఠధమ్మికానం ఆసవానం సంవరాయ సమ్పరాయికానం ఆసవానం పటిఘాతాయ అప్పసన్నానం పసాదాయ పసన్నానం భియ్యోభావాయ సద్ధమ్మట్ఠితియా వినయానుగ్గహాయ.

పుచ్ఛా – కో ¶ ఆవుసో సిక్ఖన్తి.

విస్సజ్జనా – సేక్ఖాచ భన్తే పుథుజ్జనకల్యాణకాచ సిక్ఖన్తి.

పుచ్ఛా – కే ఆవుసో సిక్ఖితసిక్ఖా.

విస్సజ్జనా – అరహన్తో భన్తే సిక్ఖితసిక్ఖా.

పుచ్ఛా – కత్థ ¶ ఆవుసో ఠితం.

విస్సజ్జనా – సిక్ఖాకామేసు భన్తే ఠితం.

పుచ్ఛా – కే ఆవుసో ధారేన్తి.

విస్సజ్జనా – యేసం భన్తే వత్తతి తే ధారేన్తి.

పుచ్ఛా – కస్స ఆవుసో వచనం.

విస్సజ్జనా – భగవతా భన్తే వచనం అరహతో సమ్మాసమ్ముద్ధస్స.

పుచ్ఛా – కేనావుసో ¶ ఆభతం.

విస్సజ్జనా – పరమ్పరాయ భన్తే ఆభతం.

పుచ్ఛా – అత్థి ను ఖో ఆవుసో తత్థ ఉపనేతబ్బం వా అపనేతబ్బం వా అక్ఖరపదపచ్చాభట్ఠం వా విరద్ధపదబ్యఞ్జనం వా.

విస్సజ్జనా – నత్థి భన్తే.

‘‘సంగాయనత్థాయ సఙ్ఘస్స ఞాపనం’’

సుణాతు ¶ మే భన్తే సఙ్ఘో అహం భన్తే ఆయస్మన్తం విచిత్తసారాభివంస తిపిటకధరధమ్మభణ్డాగారికం దుతియస్స పారాజికస్స నిదానమ్పి పుచ్ఛిం, పుగ్గలమ్పి పుచ్ఛిం, వత్థుమ్పి పుచ్ఛిం, పఞ్ఞత్తిమ్పి పుచ్ఛిం, అనుపఞ్ఞత్తిమ్పి పుచ్ఛిం, ఆపత్తిమ్పి పుచ్ఛిం, అనాపత్తిమ్పి పుచ్ఛిం, అఞ్ఞానిపి ఈదిసాని పుచ్ఛితబ్బట్ఠానాని అనేకాని పుచ్ఛిం, పుట్ఠో పుట్ఠోచ సో ఆయస్మా విచిత్తసారాభివంసో విస్సజ్జేసి. ఇతి హిదం భన్తే ఇదం దుతియం పారాజిక సిక్ఖాపదం నిమ్మలం, సుపరిసుద్ధం, తస్సేవ భగవతో వచనం అరహతో సమ్మాసమ్బుద్ధస్స, తస్మా యథా పురే మహాకస్స పాదయో మహాథేరవరా పోరాణసంగీతికారా బ్రహ్మచరియసఙ్ఖాతస్స బుద్ధసాసనస్స చిరట్ఠితియా, బహుజనహితాయ, బహుజనసుఖాయ లోకానుకమ్పాయ అత్థాయ, హితాయ, సుఖాయ, దేవమనుస్సానం ధమ్మవినయం సఙ్గాయింసుచేవ అనుసఙ్గాయింసుచ, ఏవమేవ మయమ్పి దాని సబ్బేవ ఛట్ఠసంగీతిమహాధమ్మసభాపరియాపన్నా ఇదం దుతియ పారాజిక సిక్ఖాపదం ఏకతో గణసజ్ఝాయం కత్వా సమగ్గా సమ్మోదమానా హుత్వా సఙ్గాయేయ్యామ.

తతియ పారాజిక సిక్ఖాపుచ్ఛా

పుచ్ఛా – యం ¶ తేన ఆవుసో భగవతా (ప) సమ్మాసమ్బుద్ధేన తతియం పారాజికం కత్థ పఞ్ఞత్తం.

విస్సజ్జనా – వేసాలియం భన్తే పఞ్ఞత్తం.

పుచ్ఛా – కం ఆవుసో ఆరబ్భ పఞ్ఞత్తం.

విస్సజ్జనా – సమ్బహులే భన్తే భిక్ఖూ ఆరబ్భ పఞ్ఞత్తం.

పుచ్ఛా – కిస్మిం ఆవుసో వత్థుస్మిం పఞ్ఞత్తం.

విస్సజ్జనా – సమ్బహులా భన్తే భిక్ఖు అఞ్ఞమఞ్ఞం జీవితా వోరోపేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – అత్థి ¶ నుఖో ఆవుసో తత్థ పఞ్ఞత్తి అనుపఞ్ఞత్తి అనుప్పన్నపఞ్ఞత్తి.

విస్సజ్జనా – ఏకా భన్తే పఞ్ఞత్తి, ఏకా అనుపఞ్ఞత్తి, అనుప్పన్నపఞ్ఞత్తి తస్మిం నత్థి.

పుచ్ఛా – కా ఆవుసో తత్థ మూలపఞ్ఞత్తి.

విస్సజ్జనా – యోపన భిక్ఖు సఞ్చిచ్చ మనుస్సవిగ్గహం జీవితా వోరోపేయ్య, సత్థహారకంవాస్స పరియేసేయ్య అయమ్పి పారాజికో హోతి అసంవాసోతి అయం భన్తే తత్థ మూలపఞ్ఞత్తి.

పుచ్ఛా – కా ఆవుసో తత్థ అనుపఞ్ఞత్తి.

విస్సజ్జనా – మరణవణ్ణం వా సంవణ్ణేయ్య మరణాయ వా సమాదపేయ్య అమ్భోపురిస కిం తుయ్హిమినా పాపకేన దుజ్జీవితేన మతన్తే జీవితా

సేయ్యాతి ¶ ఇతి చిత్తమనో చిత్తసఙ్కప్పో అనేకపరియాయేన మరణవణ్ణం వా సంవణ్ణేయ్య మరణాయ వా సమాదపేయ్యాతి అయం భన్తే తత్థ అనుపఞ్ఞత్తి.

పుచ్ఛా – కా ఆవుసో తత్థ పరిపుణ్ణపఞ్ఞత్తి.

విస్సజ్జనా – యో పన భిక్ఖు సఞ్చిచ్చ మనుస్సవిగ్గహం జీవితా వోరోపేయ్య, సత్థహారకంవాస్స పరియేసేయ్య, మరణవణ్ణం వా సంవణ్ణేయ్య, మరణాయ వా సమాదపేయ్య, అమ్భో పురిస కిం తుయ్హిమినా పాపకేన దుజ్జీవితేన మతన్తే జీవితా సేయ్యోతి ఇతి చిత్తమనో చిత్తసఙ్కప్పో అనేకపరియాయేన మరణవణ్ణంవా సంవణ్ణేయ్య, మరణాయ వా సమాదపేయ్య, అయమ్పి పారాజికో హోతి అసంవాసోతి అయం భన్తే తత్థ పరిపుణ్ణపఞ్ఞత్తి.

పుచ్ఛా – సబ్బత్థపఞ్ఞత్తి ¶ నుఖో ఆవుసోపదేసపఞ్ఞత్తి నుఖో.

విస్సజ్జనా – సబ్బత్థపఞ్ఞత్తి భన్తే.

పుచ్ఛా – సాధారణపఞ్ఞత్తినుఖో ఆవుసో అసాధారణపఞ్ఞత్తి నుఖో.

విస్సజ్జనా – సాధారణపఞ్ఞత్తి భన్తే.

పుచ్ఛా – ఏకతోపఞ్ఞత్తి ¶ నుఖో ఆవుసో ఉభతోపఞ్ఞత్తి నుఖో.

విస్సజ్జనా – ఉభతోపఞ్ఞత్తి భన్తే.

పుచ్ఛా – తస్మిం ఆవుసో తతియ పారాజికే సఞ్చిచ్చ మనుస్సవిగ్గహం జీవితా వోరోపేన్తో కతి ఆపత్తియో ఆపజ్జతి.

విస్సజ్జనా – సఞ్చిస్స భన్తే మనుస్సవిగ్గహం జీవితా వోరోపేన్తో తిస్సో ఆపత్తియో ఆపజ్జతి, మనుస్సం ఓదిస్స పపాతం ఖణతి పపతిత్వా మరిస్సతీతి ఆపత్తి దుక్కటస్స, పపతితే దుక్ఖా వేదనా ఉప్పజ్జతి ఆపత్తి థుల్లచ్చయస్స, మరతి ఆపత్తి పారాజికస్స, సఞ్చిచ్చ భన్తే మనుస్సవిగ్గహం జీవితా వోరోపేన్తో ఇమా తిస్సో ఆపత్తియో ఆపజ్జతి.

పుచ్ఛా – కేసం ¶ ఆవుసో అనాపత్తి.

విస్సజ్జనా – సత్తన్నం భన్తే పుగ్గలానం అనాపత్తి, అసఞ్చిచ్చ మారేన్తస్స, అజానన్తస్స, న మరణాధిప్పాయస్స, ఉమ్మత్తకస్స, ఖిత్తచిత్తస్స, వేదనాట్టస్స, ఆదికమ్మికస్స.

పుచ్ఛా – పఞ్చన్నం ఆవుసో పాతిమోక్ఖుద్దేసానం కత్థోగధం కత్థ పరియాపన్నం.

విస్సజ్జనా – నిదానోగధం భన్తే నిదానపరియాపన్నం.

పుచ్ఛా – కతమేన ¶ ఆవుసో ఉద్దేసేన ఉద్దేసం ఆగచ్ఛతి.

విస్సజ్జనా – దుతియేన భన్తే ఉద్దేసేన ఉద్దేసం ఆగచ్ఛతి.

పుచ్ఛా – చతున్నం ఆవుసో విపత్తీనం కతమా విపత్తి.

విస్సజ్జనా – సీలవిపత్తి భన్తే.

పుచ్ఛా – సత్తన్నం ఆవుసో ఆపత్తిక్ఖన్ధానం కతమో ఆపత్తిక్ఖన్ధో.

విస్సజ్జనా – పారాజికాపత్తిక్ఖన్ధో భన్తే.

పుచ్ఛా – ఛన్నం ఆవుసో ఆపత్తిసముట్ఠానానం కతిహి సముట్ఠానేహి సముట్ఠాతి.

విస్సజ్జనా – ఛన్నం భన్తే ఆపత్తిసముట్ఠానానం తీహి సముట్ఠానేహి సముట్ఠాతి, సియా కాయతోచ చిత్తతోచ సముట్ఠాతి, న వాచతో ¶ , సియా వాచతోచ చిత్తతోచ సముట్ఠాతి, న కాయతో, సియా కాయతోచ వాచతోచ చిత్తతోచ సముట్ఠాతి.

పుచ్ఛా – చతున్నం ఆవుసో అధికరణానం కతమం అధికరణం.

విస్సజ్జనా – ఆపత్తాధికరణం భన్తే.

పుచ్ఛా – సత్తన్నం ¶ ఆవుసో సమథానం కతిహి సమథేహి సమ్మతి.

విస్సజ్జనా – సత్తానం భన్తే సమథానం ద్వీహి సమథేహి సమ్మతి, సమ్ముఖా వినయేనచ పటిఞ్ఞాతకరణేనచ.

పుచ్ఛా – కో తత్థ ఆవుసో వినయో కో తత్థ అభివినయో.

విస్సజ్జనా – పఞ్ఞత్తి భన్తే వినయో విభత్తి అభివినయో.

పుచ్ఛా – కిం ఆవుసో తత్థ పాతిమోక్ఖం కిం అధిపాతిమోక్ఖం.

విస్సజ్జనా – పఞ్ఞత్తి భన్తే పాతిమోక్ఖం విభత్తి అధిపాతిమోక్ఖం.

పుచ్ఛా – కా ¶ ఆవుసో విపత్తి.

విస్సజ్జనా – అసంవరో భన్తే విపత్తి.

పుచ్ఛా – కా ఆవుసో సమ్పత్తి.

విస్సజ్జనా – సంవరో భన్తే సమ్పత్తి.

పుచ్ఛా – కా ఆవుసో తత్థ పటిపత్తి.

విస్సజ్జనా – న ఏవరూపం కరిస్సామీతి యావజీవం ఆపాణకోటికం సమాదాయ సిక్ఖతి సిక్ఖాపదేసు అయం భన్తే తత్థ పటిపత్తి.

పుచ్ఛా – కతి ¶ ఆవుసో అత్థవసే పటిచ్చ భగవతా తతియం పారాజికం పఞ్ఞత్తం.

విస్సజ్జనా – దస భన్తే అత్థవసే పటిచ్చ భగవతా తతియం పారాజికం పఞ్ఞత్తం సఙ్ఘసుట్ఠుతాయ సఙ్ఘఫాసుతాయ (ప) వినయానుగ్గహాయ.

పుచ్ఛా – కే ¶ ఆవుసో సిక్ఖన్తి.

విస్సజ్జనా – సేక్ఖాచ భన్తే పుథుజ్జనకల్యాణకాచ సిక్ఖన్తి.

పుచ్ఛా – కే ఆవుసో సిక్ఖితసిక్ఖా.

విస్సజ్జనా – అరహన్తో భన్తే సిక్ఖితసిక్ఖా.

పుచ్ఛా – కత్థ ఆవుసో ఠితం.

విస్సజ్జనా – సిక్ఖాకామేసు భన్తే ఠితం.

పుచ్ఛా – కే ఆవుసో ధారేన్తి.

విస్సజ్జనా – యేసం భన్తే వత్తతి తే ధారేన్తి.

పుచ్ఛా – కస్స ¶ ఆవుసో వచనం.

విస్సజ్జనా – భగవతో భన్తే వచనం అరహతో సమ్మాసమ్బుద్ధస్స.

పుచ్ఛా – కేనావుసో ఆభతం.

విస్సజ్జనా – పరమ్పరాయ భన్తే ఆభతం.

పుచ్ఛా – అత్థినుఖో ఆవుసో తత్థ కిఞ్చి ఉపనేతబ్బం వా అపనేతబ్బం వా అక్ఖరపదపచ్చాభట్ఠం వా విరద్ధపదబ్యఞ్జనం వా.

విస్సజ్జనా – నత్థి భన్తే.

సంగాయనత్థాయ సఙ్ఘస్స ఞాపనం

సుణాతు ¶ మే భన్తే సఙ్ఘో, అహం భన్తే ఆయస్మన్తం విచిత్తసారాభివంసం తిపిటకధర ధమ్మభణ్డాగారికం తతియస్స పారాజికస్స నిదానమ్పి పుచ్ఛిం, పుగ్గలమ్పి పుచ్ఛిం, వత్థుమ్పి పుచ్ఛిం, పఞ్ఞత్తిమ్పి పుచ్ఛిం, అనుపఞ్ఞత్తిమ్పి పుచ్ఛిం, ఆపత్తిమ్పి పుచ్ఛిం, అనాపత్తిమ్పి పుచ్ఛిం, అఞ్ఞానిపి ఏవరూపాని పుచ్ఛితబ్బట్ఠానాని అనేకాని పుచ్ఛిం, పుట్ఠో పుట్ఠోచ సో ఆయస్మా విచిత్తసారాభివంసో విస్సజ్జేసి, ఇతిహిదం భన్తే తతియపారాజికసిక్ఖాపదం నిమ్మలం సుపరిసుద్ధం తస్సేవ భగవతో వచనం అరహతో సమ్మాసమ్ముద్ధస్స, తస్మా యథా పురే మహాకస్సపాదయో మహాథేరవరా పోరాణసంగీతికారా బ్రహ్మచరియసఙ్ఖాతస్స బుద్ధసాసనస్స చిరట్ఠితియా బహుజనహితాయ బహుజనసుఖాయ లోకానుకమ్పాయ అత్థాయ హితాయ సుఖాయ దేవమనుస్సానం ధమ్మవినయం సఙ్గాయింసుచేవ అనుసఙ్గాయింసుచ, ఏవమేవ మయమ్పి దాని సబ్బేవ ఛట్ఠసంగీతిమహాధమ్మసభాపరియాపన్నా ఇదం తతియపారాజికసిక్ఖాపదం ఏకతో గణసజ్ఝాయం కత్వా సమగ్గా సమ్మోదమానా హుత్వా సంగాయేయ్యామ.

చతుత్థ పారాజిక సిక్ఖాపుచ్ఛా

పుచ్ఛా – యం ¶ తేన ఆవుసో భగవతా జానతా పస్సతా…పే… సమ్మాసమ్బుద్ధేన చతుత్థం పారాజికం కత్థ పఞ్ఞత్తం.

విస్సజ్జనా – వేసాలియం భన్తే.

పుచ్ఛా – కం ఆవుసో ఆరబ్భ పఞ్ఞత్తం.

విస్సజ్జనా – వగ్గుముదాతీరియే భన్తే భిక్ఖూ ఆరబ్భ పఞ్ఞత్తం.

పుచ్ఛా – కిస్మిం ఆవుసో వత్థుస్మిం పఞ్ఞత్తం.

విస్సజ్జనా – వగ్గుముదాతీరియా భన్తే భిక్ఖూ గిహీనం అఞ్ఞమఞ్ఞస్స ఉత్తరిమనుస్సధమ్మస్స వణ్ణం భాసింసు, తస్మిం భన్తే వత్థుస్మిం పఞ్ఞత్తం.

పుచ్ఛా – అత్థి ¶ ఆవుసో తత్థ పఞ్ఞత్తి అనుపఞ్ఞత్తి అనుప్పన్నపఞ్ఞత్తి.

విస్సజ్జనా – ఏకా భన్తే పఞ్ఞత్తి ఏకా అనుపఞ్ఞత్తి అనుప్పన్నపఞ్ఞత్తి తస్మిం నత్థి.

పుచ్ఛా – కతమా ఆవుసో తత్థ మూలపఞ్ఞత్తి.

విస్సజ్జనా – యో పన భిక్ఖు అనభిజానం ఉత్తరిమనుస్సధమ్మం ఉత్తరిమనుస్సధమ్మం అత్తుపనాయికం అలమరియఞాణదస్సనం సముదాచరేయ్య, ఇతిజానామి ఇతిపస్సామీతి, తతో అపరేన సమయేన సమనుగ్గాహీయ మానోవా అసమనుగ్గాహీయ మానోవా ఆపన్నో విసుద్ధాపేక్ఖో ఏవం వదేయ్య అజానమేవం ఆవుసో అవచం జానామి అపస్సం పస్సామి తుచ్ఛం ముసావిలపిన్తి అయమ్పి పారాజికో హోతి అసంవాసోతి అయం భన్తే తత్థ మూలపఞ్ఞత్తి.

పుచ్ఛా – కతమా ¶ ఆవుసో తత్థ అనుపఞ్ఞత్తి.

విస్సజ్జనా – అఞ్ఞత్ర అధిమానాతి అయం భన్తే తత్థ అనుపఞ్ఞత్తి.

హోన్తి యే తే ఆనన్ద భిక్ఖూ అదిట్ఠే దిట్ఠసఞ్ఞినో అపత్తే పత్తసఞ్ఞినో అనధిగతే అధిగతసఞ్ఞినో అసచ్ఛికతే సచ్ఛికతసఞ్ఞనో అధిమానేన అఞ్ఞం బ్యాకరోన్తి, తఞ్చ ఖో ఏతం అబ్బోహారికం.

పుచ్ఛా – కతమా ¶ ఆవుసో తత్థ పరిపుణ్ణపఞ్ఞత్తి.

విస్సజ్జనా – యోపన భిక్ఖు అనభిజానం ఉత్తరిమనుస్సధమ్మం అత్తుపనాయికం అలమరియఞాణదస్సనం సముదాచరేయ్య, ఇతి జానామి ఇతి పస్సామీతి, తతో అపరేన సమయేన సమనుగ్గాహీయమానోవా అసమనుగ్గాహీయమానోవా ఆపన్నో విసుద్ధాపేక్ఖో ఏవం వదేయ్య అజానమేవం ఆవుసో అవచంజానామి అపస్సం పస్సామి తుచ్ఛం ముసా విలపిన్తి, అఞ్ఞత్ర అధిమానా అయమ్పి పారాజికో హోతి అసంవాసోతి అయం భన్తే తత్థ పరిపుణ్ణ పఞ్ఞత్తి.

పుచ్ఛా – సబ్బత్థపఞ్ఞత్తి ¶ నుఖో ఆవుసో పదేసపఞ్ఞత్తి నుఖో.

విస్సజ్జనా – సబ్బత్థపఞ్ఞత్తి భన్తే.

పుచ్ఛా – సాధారణపఞ్ఞత్తి నుఖో ఆవుసో అసాధారణపఞ్ఞత్తినుఖో.

విస్సజ్జనా – సాధారణపఞ్ఞత్తి భన్తే.

పుచ్ఛా – ఏకతోపఞ్ఞత్తి నుఖో ఆవుసో ఉభతో పఞ్ఞత్తి నుఖో.

విస్సజ్జనా – ఉభతోపఞ్ఞత్తి భన్తే.

పుచ్ఛా – తస్మిం ¶ ఆవుసో చతుత్థ పారాజికే అసన్తం అభూతం ఉత్తరిమనుస్సధమ్మం ఉల్లపన్తో కతి ఆపత్తియో ఆపజ్జతి, విభజిత్వా విస్సజ్జేహి.

విస్సజ్జనా – తస్మిం భన్తే చతుత్థపారాజికే అసన్తం అభూతం ఉత్తరిమనుస్సధమ్మం ఉల్లపన్తో తిస్సో ఆపత్తియో ఆపజ్జతి, అసన్తం అభూతం ఉత్తరిమనుస్సధమ్మం ఉల్లపతి ఆపత్తిపారాజికస్స, యో తే విహారే వసతి సో భిక్ఖు అరహాతి భణతి పటివిజానన్తస్స ఆపత్తి థుల్లచ్చయస్స, అప్పటివిజానన్తస్స ఆపత్తి దుక్కటస్స, ఉత్తరిమనుస్సధమ్మం భన్తే ఉల్లపన్తో ఇమా తిస్సో ఆపత్తియో ఆపజ్జతి.

పుచ్ఛా – కేసం ¶ ఆవుసో అనాపత్తి.

విస్సజ్జనా – ఛన్నం భన్తే పుగ్గలానం అనాపత్తి అధిమానేన భణన్తస్స అనుల్లపనాధిప్పాయస్స ఉమ్మత్తకస్స ఖిత్తచిత్తస్స వేదనాట్టస్స ఆదికమ్మికస్స.

పుచ్ఛా – పఞ్చన్నం ¶ ఆవుసో పాతిమోక్ఖుద్దేసానం కత్థోగధం కత్థ పరియాపన్నం.

విస్సజ్జనా – నిదానోగధం భన్తే నిదానపరియాపన్నం.

పుచ్ఛా – కతమేన ఆవుసో ఉద్దేసేన ఉద్దేసం ఆగచ్ఛతి.

విస్సజ్జనా – దుతియేన భన్తే ఉద్దేసేన ఉద్దేసం ఆగచ్ఛతి.

పుచ్ఛా – చతున్నం ఆవుసో విపత్తీనం కతమా విపత్తి.

విస్సజ్జనా – సీలవిపత్తి భన్తే.

పుచ్ఛా – సత్తన్నం ¶ ఆవుసో ఆపత్తిక్ఖన్ధానం కతమో ఆపత్తిక్ఖన్ధో.

విస్సజ్జనా – పారాజికాపత్తిక్ఖన్ధో భన్తే.

పుచ్ఛా – ఛన్నం ఆవుసో ఆపత్తిసముట్ఠానానం కతిహి సముట్ఠానేహి సముట్ఠాతి.

విస్సజ్జనా – ఛన్నం భన్తే ఆపత్తిసముట్ఠానానం తీహి సముట్ఠానేహి సముట్ఠాతి, సియా కాయతోచ చిత్తతోచ సముట్ఠాతి, న వాచతో, సియా వాచతోచ చిత్తతోచ సముట్ఠాతి, న కాయతో, సియా కాయతోచ వాచతోచ చిత్తతోచ సముట్ఠాతి.

పుచ్ఛా – చతున్నం ¶ ఆవుసో అధికరణానం కతమం అధికరణం.

విస్సజ్జనా – ఆపత్తాధికరణం భన్తే.

పుచ్ఛా – సత్తన్నం ఆవుసో సమథానం కతిహి సమథేహి సమ్మతి.

విస్సజ్జనా – సత్తన్నం భన్తే సమథానం ద్వీహి సమథేహి సమ్మతి, సమ్ముఖావినయేనచ పటిఞ్ఞాతకరణేనచ.

పుచ్ఛా – కో తత్థ ఆవుసో వినయో, కో తత్థ అభివినయో.

విస్సజ్జనా – పఞ్ఞత్తి భన్తే వినయో, విభత్తి అభివినయో.

పుచ్ఛా – కిం ¶ ఆవుసో తత్థ పాతిమోక్ఖం, కిం అధిపాతిమోక్ఖం.

విస్సజ్జనా – పఞ్ఞత్తి భన్తే పాతిమోక్ఖం, విభత్తి అధిపాతిమోక్ఖం.

పుచ్ఛా – కా ఆవుసో విపత్తి.

విస్సజ్జనా – అసంవరో భన్తే విపత్తి.

పుచ్ఛా – కా ఆవుసో సమ్పత్తి.

విస్సజ్జనా – సంవరో భన్తే సమ్పత్తి.

పుచ్ఛా – కా ¶ ఆవుసో తత్థ పటిపత్తి.

విస్సజ్జనా – న ఏవరూపం కరిస్సామీతి యావజీవం ఆపాణకోటికం సమాదాయ సిక్ఖతి సిక్ఖాపదేసు అయం భన్తే తత్థ పటిపత్తి.

పుచ్ఛా – కతి ఆవుసో అత్థవసే పటిచ్చ భగవతా చతుత్థం పారాజికం పఞ్ఞత్తం.

విస్సజ్జనా – దస భన్తే అత్థవసే పటిచ్చ భగవతా చతుత్థం పారాజికం పఞ్ఞత్తం, సఙ్ఘసుట్ఠుతాయ సఙ్ఘఫాసుతాయ…పే… వినయానుగ్గహాయ.

పుచ్ఛా – కే ¶ ఆవుసో సిక్ఖన్తి.

విస్సజ్జనా – సేక్ఖాచ భన్తే పుథుజ్జనకల్యాణకాచ సిక్ఖన్తి.

పుచ్ఛా – కే ఆవుసో సిక్ఖితసిక్ఖా.

విస్సజ్జనా – అరహన్తో భన్తే సిక్ఖితసిక్ఖా.

పుచ్ఛా – కత్థ ఆవుసో ఠితం.

విస్సజ్జనా – సిక్ఖాకామేసు భన్తే ఠితం.

పుచ్ఛా – కే ఆవుసో ధారేన్తి.

విస్సజ్జనా – యేసం భన్తే వత్తతి తే ధారేన్తి.

పుచ్ఛా – కస్స ¶ ఆవుసో వచనం.

విస్సజ్జనా – భగవతో భన్తే వచనం అరహతో సమ్మాసమ్బుద్ధస్స.

పుచ్ఛా – కేనావుసో ఆభతం.

విస్సజ్జనా – పరమ్పరాయ భన్తే ఆభతం.

పుచ్ఛా – అత్థి నుఖో ఆవుసో తత్థ కిఞ్చి ఉపనేతబ్బం వా అపనేతబ్బం వా అక్ఖరపదపచ్చాభట్ఠం వా విరద్ధపదబ్యఞ్జనం వా.

విస్సజ్జనా – నత్థి భన్తే.

సఙ్ఘాదిసేస సిక్ఖాపుచ్ఛా

౧. సుక్కవిస్సట్ఠిసఙ్ఘాదిసేస సిక్ఖాపుచ్ఛా

పుచ్ఛా – యం ¶ తేన ఆవుసో భగవతా జానతా పస్సతా అరహతా సమ్మాసమ్బుద్ధేన ఉపక్కమిత్వా అసుచిం మోచేన్తస్స సఙ్ఘాదిసేసో కత్థ పఞ్ఞత్తో.

విస్సజ్జనా – సావత్థియం భన్తే పఞ్ఞత్తో.

పుచ్ఛా – కం ఆవుసో ఆరబ్భ పఞ్ఞత్తో.

విస్సజ్జనా – ఆయస్మన్తం భన్తే సేయ్యసకం ఆరబ్భ పఞ్ఞత్తో.

పుచ్ఛా – కిస్మిం ఆవుసో వత్థుస్మిం పఞ్ఞత్తో.

విస్సజ్జనా – ఆయస్మా భన్తే సేయ్యసకో హత్థేన ఉపక్కమిత్వా అసుచిం మోచేసి, తస్మిం భన్తే వత్థుస్మిం పఞ్ఞత్తో.

పుచ్ఛా – అత్థి ¶ ఆవుసో తత్థ పఞ్ఞత్తి అనుపఞ్ఞత్తి అనుప్పన్నపఞ్ఞత్తి.

విస్సజ్జనా – ఏకా భన్తే పఞ్ఞత్తి, ఏకా అనుపఞ్ఞత్తి, అనుప్పన్నపఞ్ఞత్తి తస్మిం నత్థి.

పుచ్ఛా – కతమా ఆవుసో తత్థ మూలపఞ్ఞత్తి.

విస్సజ్జనా – సఞ్చేతనికా సుక్కవిస్సట్ఠి సఙ్ఘాదిసేసోతి అయం భన్తే తత్థ మూలపఞ్ఞత్తి.

పుచ్ఛా – కతమా పనావుసో తత్థ అనుపఞ్ఞత్తి.

విస్సజ్జనా – అఞ్ఞత్ర సుపినన్తాతి అయం భన్తే తత్థ అనుపఞ్ఞత్తి.

పుచ్ఛా – కతమా ¶ పనావుసో తత్థ పరిపుణ్ణపఞ్ఞత్తి.

విస్సజ్జనా – సఞ్చేతనికా సుక్కవిస్సట్ఠి అఞ్ఞత్రసుపినన్తా సఙ్ఘాదిసోతి అయం భన్తే తత్థ పరిపుణ్ణపఞ్ఞత్తి.

పుచ్ఛా – సాధారణ పఞ్ఞత్తినుఖో ఆవుసో అసాధారణ పఞ్ఞత్తినుఖో.

విస్సజ్జనా – అసాధారణపఞ్ఞత్తి భన్తే.

పుచ్ఛా – తత్థ ఆవుసో ఉపక్కమిత్వా అసుచిం మోచేన్తో కతి ఆపత్తియో ఆపజ్జతి.

విస్సజ్జనా – ఉపక్కమిత్వా భన్తే అసుచిం మోచేన్తో తిస్సో ఆపత్తియో ఆపజ్జతి, చేతేతి ఉపక్కమతి ముచ్చతి ఆపత్తి

సఙ్ఘాదిసేసస్స ¶ , చేతేతి ఉపక్కమతి న ముచ్చతి ఆపత్తి థుల్లచ్చయస్స, పయోగే దుక్కటం.

పుచ్ఛా – కేసం ఆవుసో అనాపత్తి.

విస్సజ్జనా – ఛన్నం భన్తే అనాపత్తి సుపినన్తేన మోచేన్తస్స న మోచనాధిప్పాయస్స ఉమ్మత్తకస్స ఖిత్తచిత్తస్స వేదనాట్టస్స ఆదికమ్మికస్స ఇమేసం ఖో భన్తే ఛన్నం అనాపత్తి.

పుచ్ఛా – పఞ్చన్నం ¶ ఆవుసో పాతిమోక్ఖుద్దేసానం కతమేన ఉద్దేసేన ఉద్దేసం ఆగచ్ఛతి.

విస్సజ్జనా – పఞ్చన్నం భన్తే పాతిమోక్ఖుద్దేసానం తతియేన ఉద్దేసేన ఉద్దేసం ఆగచ్ఛతి.

పుచ్ఛా – చతున్నం ఆవుసో విపత్తీనం కతమా విపత్తి.

విస్సజ్జనా – చతున్నం భన్తే విపత్తీనం సీలవిపత్తి.

పుచ్ఛా – కా ఆవుసో విపత్తి.

విస్సజ్జనా – అసంవరో భన్తే విపత్తి.

పుచ్ఛా – కా ¶ ఆవుసో సమ్పత్తి.

విస్సజ్జనా – సంవరో భన్తే సమ్పత్తి.

పుచ్ఛా – కా ఆవుసో పటిపత్తి.

విస్సజ్జనా – న ఏవ రూపం కరిస్సామీతి యావజీవం ఆపాణకోటికం సమాదాయ సిక్ఖతి సిక్ఖాపదేసు అయం భన్తే పటిపత్తి.

పుచ్ఛా – కతి ఆవుసో అత్థవసే పటిచ్చ భగవతా ఉపక్కమిత్వా అసుచిం మోచేన్తస్స సఙ్ఘాదిసేసో పఞ్ఞత్తో.

విస్సజ్జనా – దస ¶ భన్తే అత్థవసే పటిచ్చ భగవతా ఉపక్కమిత్వా అసుచిం మోచేన్తస్స సఙ్ఘాదిసేసో పఞ్ఞత్తో సఙ్ఘసుట్ఠుతాయ…పే… వినయానుగ్గహాయ.

పుచ్ఛా – కత్థ ఆవుసో ఠితం.

విస్సజ్జనా – సిక్ఖాకామేసు భన్తే ఠితం.

పుచ్ఛా – కే ఆవుసో ధారేన్తి.

విస్సజ్జనా – యేసం భన్తే వత్తతి తే ధారేన్తి.

పుచ్ఛా – కస్స ¶ ఆవుసో వచనం.

విస్సజ్జనా – భగవతో భన్తే వచనం అరహతో సమ్మాసమ్బుద్ధస్స.

పుచ్ఛా – కేనావుసో ఆభతం.

విస్సజ్జనా – పరమ్పరాయ భన్తే ఆభతం.

పుచ్ఛా – అత్థి నుఖో ఆవుసో తత్థ సనిదానే సపదభాజనీయే సవినీతవత్థుకే ఉపనేతబ్బం వా అపనేతబ్బం వా అక్ఖరపదపచ్చాభట్ఠం వా విరద్ధపదబ్యఞ్జనం వా.

సంగాయనత్థాయ సఙ్ఘస్స ఞాపనం

సుణాతు ¶ మే భన్తే సఙ్ఘో ఆయస్మన్తం విచిత్తసారాభివంసం తిపిటకధర ధమ్మభణ్డాగారికం పఠమస్స సఙ్ఘాదిసేస సిక్ఖాపదస్స నిదానమ్పి పుచ్ఛిం, పుగ్గలమ్పి పుచ్ఛిం, వత్థుమ్పి పుచ్ఛిం, పఞ్ఞత్తిమ్పి పుచ్ఛిం, అనుపఞ్ఞత్తిమ్పి పుచ్ఛి, ఆపత్తిమ్పి పుచ్ఛిం, అనాపత్తిమ్పి పుచ్ఛిం, అఞ్ఞానిపి ఏవరూపాని అనేకాని పుచ్ఛితబ్బట్ఠానాని పుచ్ఛిం, పుట్ఠో పుట్ఠో చ సో ఆయస్మా విచిత్తసారాభివంసో విస్సజ్జేసి, ఇతిహిదం భన్తే పఠమ సఙ్ఘాదిసేస సిక్ఖాపదం సపరివారం నిమ్మలం సుపరిసుద్ధం తస్సేవ భగవతో వచనం అరహతో సమ్మాసమ్బుద్ధస్స. తస్మా యథాపురే మహాకస్సపాదయో మహాథేరవరా పోరాణసంగీతికారా బ్రహ్మచరియస్స చిరట్ఠితియా బహుజనహితాయ బహుజనసుఖాయ లోకానుకమ్పాయ అత్థాయ హితాయ సుఖాయ దేవమనుస్సానం ¶ ధమ్మవినయం సంగాయింసుచేవ అనుసంగాయింసుచ, ఏవమేవ మయమ్పి సబ్బేవ ఛట్ఠసంగీతిమహాధమ్మసభా పరియాపన్నా ఇదం పఠమం సఙ్ఘాదిసేస సిక్ఖాపదం నిదానతో పట్ఠాయ ఏకచ్చానం వచసా సజ్ఝాయవసేన ఏకచ్చానం మనసా మనసికరణవసేనచ ఏకతో గణసజ్ఝాయం కత్వా సంగాయేయ్యామ.

పుచ్ఛా – యం ¶ తేన ఆవుసో భగవతా…పే… సమ్మాసమ్బుద్ధేన మాతుకామేన సద్ధిం కాయసంసగ్గం సమాపజ్జన్తస్స చ, మాతుగామం దుట్ఠుల్లాహి వాచాహి ఓభాసన్తస్స చ, మాతుగామస్స సన్తికే అత్తకామ పారిచరియాయ వణ్ణం భాసన్తస్స చ, సఞ్చరిత్తం సమాపజ్జన్తస్స చ సఙ్ఘాదిసేసో కత్థ పఞ్ఞత్తో.

విస్సజ్జనా – సావత్థియం భన్తే పఞ్ఞత్తో.

పుచ్ఛా – కం ¶ ఆవుసో ఆరబ్భ పఞ్ఞత్తో.

విస్సజ్జనా – ఆయస్మన్తం భన్తే ఉదాయిత్థేరం ఆరబ్భ పఞ్ఞత్తో.

పుచ్ఛా – కిస్మిం ఆవుసో వత్థుస్మిం పఞ్ఞత్తో.

విస్సజ్జనా – ఆయస్మా భన్తే ఉదాయిత్థేరో మాతుగామేన సద్ధిం కాయసంసగ్గం సమాపజ్జి, ఆయస్మాయేవ భన్తే ఉదాయిత్థేరో మాతుగామం దుట్ఠుల్లాహి వాచాహి ఓభాసి, ఆయస్మాయేవ భన్తే ఉదాయిత్థేరో మాతుగామస్స సన్తికే అత్తకామ పారిచరియాయ వణ్ణం అభాసి, ఆయస్మాయేవ భన్తే ఉదాయిత్థేరో సఞ్చరిత్తం సమాపజ్జిం, తస్మిం భన్తే వత్థుస్మిం పఞ్ఞత్తో.

౬. కుటికార సఙ్ఘాదిసేస సిక్ఖాపుచ్ఛా

పుచ్ఛా – యం ¶ తేన ఆవుసో…పే… సమ్మాసమ్బుద్ధేన సఞ్ఞాచికాయ కుటిం కారాపేన్తస్స సఙ్ఘాదిసేసో కత్థ పఞ్ఞత్తో.

విస్సజ్జనా – ఆళవియం భన్తే పఞ్ఞత్థో.

పుచ్ఛా – కం ఆవుసో ఆరబ్భ పఞ్ఞత్తో.

విస్సజ్జనా – ఆళవికే భన్తే భిక్ఖూ ఆరబ్భ పఞ్ఞత్తో.

పుచ్ఛా – కిస్మిం ¶ ఆవుసో వత్థుస్మిం పఞ్ఞత్తో.

విస్సజ్జనా – ఆళవికా భన్తే భిక్ఖూ సఞ్ఞాచికాయో కుటియో కారాపేసుం, తస్మిం భన్తే వత్థుస్మిం పఞ్ఞత్తో.

౭. విహారకార సఙ్ఘాదిసేస సిక్ఖాపుచ్ఛా

పుచ్ఛా – యం తేన ఆవుసో…పే… సమ్మాసమ్బుద్ధేన మహల్లకం విహారం కారాపేన్తస్స సఙ్ఘాదిసేసో కత్థ పఞ్ఞత్తో.

విస్సజ్జనా – కోసమ్బియం భన్తే.

పుచ్ఛా – కం ¶ ఆవుసో ఆరబ్భ పఞ్ఞత్తో.

విస్సజ్జనా – ఆయస్మన్తం భన్తే ఛన్నత్థేరం ఆరబ్భ పఞ్ఞత్తో.

పుచ్ఛా – కిస్మిం ఆవుసో వత్థుస్మిం పఞ్ఞత్తో.

విస్సజ్జనా – ఆయస్మా భన్తే ఛన్నో విహారవత్థుం సోధేన్తో అఞ్ఞతరం చేతియరుక్ఖం ఛేదాపేసి గామపూజితం నిగమపూజితం నగర పూజితం జనపదపూజితం రట్ఠపూజితం, తస్మిం భన్తే వత్థుస్మిం పఞ్ఞత్తో.

౮-౯. దుట్ఠదోస సఙ్ఘాదిసేస సిక్ఖాపుచ్ఛా

పుచ్ఛా – యం తేన ఆవుసో భగవతా…పే… సమ్మాసమ్బుద్ధేన భిక్ఖుం అమూలకేన పారాజికేన ధమ్మేన అనుద్ధంసేన్తస్స చ, భిక్ఖుం అఞ్ఞభాగియస్స అధికరణస్స కిఞ్చిదేసం లేసమత్తం ఉపాదాయ పారాజికేన ధమ్మేన అనుద్ధంసేన్తస్స చ సఙ్ఘాదిసేసో కత్థ పఞ్ఞత్తో.

విస్సజ్జనా – రాజగహే ¶ భన్తే పఞ్ఞత్తో.

పుచ్ఛా – కం ఆవుసో ఆరబ్భ కిస్మిం వత్థుస్మిం పఞ్ఞత్తో.

విస్సజ్జనా – మేత్తియభూమజకా భన్తే భిక్ఖూ ఆరబ్భ పఞ్ఞత్తో, మేత్తియభూమజకా భన్తే భిక్ఖూ ఆయస్మన్తం దబ్బం మల్లపుత్తం అమూలకేన పారాజికేన ధమ్మేన అనుద్ధంసేసుం, తేయేవ భన్తే మేత్తియభూమజకా భిక్ఖూ ఆయస్మన్తం దబ్బం మల్లపుత్తం అఞ్ఞభాగియస్స అధికరణస్స కిఞ్చిదేసం లేసమత్తం ఉపాదాయ పారాజికేన ధమ్మేన అనుద్ధంసేసుం, తస్మిం భన్తే వత్థుస్మిం, పఞ్ఞత్తో.

౧౦. సఙ్ఘభేదక సఙ్ఘాదిసేస సిక్ఖాపుచ్ఛా

పుచ్ఛా – యం ¶ తేన ఆవుసో భగవతా…పే… సమ్మాసమ్బుద్ధేన సఙ్ఘభేదకస్స భిక్ఖునో యావతతియం సమనుభాసనాయ అప్పటినిస్సజ్జన్తస్స సఙ్ఘాదిసేసో కత్థ పఞ్ఞత్తో.

విస్సజ్జనా – రాజగహే భన్తే పఞ్ఞత్తో.

పుచ్ఛా – కం ¶ ఆవుసో ఆరబ్భ కిస్మిం వత్థుస్మిం పఞ్ఞత్థో.

విస్సజ్జనా – దేవదత్తం భన్తే ఆరబ్భ పఞ్ఞత్తో.

దేవదత్తో భన్తే సమగ్గస్స సఙ్ఘస్స భేదాయ పరక్కమి, తస్మిం భన్తే వత్థుస్మిం పఞ్ఞత్తో.

౧౧. భేదానువత్తక సిక్ఖాపుచ్ఛా

పుచ్ఛా – యం ¶ తేన ఆవుసో భగవతా…పే… సమ్మాసమ్బుద్ధేన భేదానువత్తకానం భిక్ఖూనం యావతతియం సమనుభాసనాయ అప్పటినిస్సజ్జన్తానం సఙ్ఘాదిసేసో కత్థ పఞ్ఞత్తో.

విస్సజ్జనా – రాజగహే భన్తే పఞ్ఞత్తో.

పుచ్ఛా – కం ఆవుసో ఆరబ్భ కిస్మిం వత్థుస్మిం పఞ్ఞత్తో.

విస్సజ్జనా – సమ్బహులే భన్తే భిక్ఖూ ఆరబ్భ పఞ్ఞత్తో, సమ్బహులా భన్తే భిక్ఖూ దేవదత్తస్స సఙ్ఘాభేదాయ పరక్కమన్తస్స అనువత్తకా అహేసుం వగ్గవాదకా, తస్మిం భన్తే వత్థుస్మిం పఞ్ఞత్తో.

౧౨. దుబ్బచ, సఙ్ఘాదిసేస సిక్ఖాపుచ్ఛా

పుచ్ఛా – యం ¶ తేన ఆవుసో భగవతా…పే… సమ్మాసమ్బుద్ధేన దుబ్బచస్స భిక్ఖునో యావతతియం సమనుభాసనాయ అప్పటినిస్సజ్జన్తస్స సఙ్ఘాదిసేసో కత్థ పఞ్ఞత్తో.

విస్సజ్జనా – కోసమ్బియం భన్తే పఞ్ఞత్తో.

పుచ్ఛా – కం ¶ ఆవుసో ఆరబ్భ కిస్మిం వత్థుస్మిం పఞ్ఞత్తో.

విస్సజ్జనా – ఆయస్మన్తం భన్తే ఛన్నం ఆరబ్భ పఞ్ఞత్తో, ఆయస్మా భన్తే ఛన్నో భిక్ఖూహి సహధమ్మికం వుచ్చమానో అత్తానం అవచనీయం అకాసి, తస్మిం భన్తే వత్థుస్మిం పఞ్ఞత్తో.

౧౩. కులదూసక సఙ్ఘాదిసేస సిక్ఖాపుచ్ఛా

పుచ్ఛా – యం ¶ తేన ఆవుసో భగవతా…పే… సమ్మాసమ్బుద్ధేన కులదూసకస్స భిక్ఖునో యావతతియం సమనుభాసనాయ అప్పటినిస్సజ్జన్తస్స సఙ్ఘాదిసేసో కత్థ పఞ్ఞత్తో.

విస్సజ్జనా – సావత్థియం ¶ భన్తే పఞ్ఞత్తో.

పుచ్ఛా – కం ఆరబ్భ ఆవుసో కిస్మిం వత్థుస్మిం పఞ్ఞత్తో.

విస్సజ్జనా – అస్సజి పునబ్బసుకే భన్తే భిక్ఖూ ఆరబ్భ పఞ్ఞత్తో, అస్సజిపునబ్బసుకా భన్తే భిక్ఖూ సఙ్ఘేన పబ్బాజనీయకమ్మకతా ఛన్దగామితా దోసగామితా మోహగామితా భయగామితా పాపేసుం, తస్మిం భన్తే వత్థుస్మిం పఞ్ఞత్తో.

అనియత సిక్ఖాపుచ్ఛా

పుచ్ఛా – యం ¶ తేన ఆవుసో భగవతా…పే… సమ్మాసమ్బుద్ధేన పఠమో చ అనియతో దుతియో చ అనియతో కత్థ పఞ్ఞత్తో.

విస్సజ్జనా – సావత్థియం భన్తే పఞ్ఞత్తో.

పుచ్ఛా – కం ఆవుసో ఆరబ్భ కిస్మిం వత్థుస్మిం పఞ్ఞత్తో.

విస్సజ్జనా – ఆయస్మన్తం భన్తే ఉదాయిం ఆరబ్భ పఞ్ఞత్తో, ఆయస్మా భన్తే ఉదాయీ మాతుగామేన సద్ధిం ఏకోఏకాయ రహో పటిచ్ఛన్నే ఆసనే అలంకమ్మనియే నిసజ్జం కప్పేసి, తస్మిఞ్చ వత్థుస్మిం, ఆయస్మాయేవ భన్తే ఉదాయీ మాతుగామేన సద్ధిం రహో నిసజ్జం అకాసి, తస్మిఞ్చ భన్తే వత్థుస్మిం పఞ్ఞత్తో.

పుచ్ఛా – కస్స ¶ ఆవుసో వచనం.

విస్సజ్జనా – భగవతో భన్తే వచనం అరహతో సమ్మాసమ్బుద్ధస్స.

పుచ్ఛా – కేనావుసో ఆభతం.

విస్సజ్జనా – పరమ్పరాయ భన్తే ఆభతం.

పుచ్ఛా – అత్థి నుఖో ఆవుసో ఏత్థ కోచిపి విరద్ధదోసో.

విస్సజ్జనా – నత్థి భన్తే.

సంగాయనత్థాయ సఙ్ఘస్సఞాపనం

సుణాతు ¶ మే భన్తే సఙ్ఘో, అహం భన్తే ఆయస్మన్తం విచిత్తసారాభివంసం తిపిటకధర ధమ్మభణ్డాగారికం పఠమ దుట్ఠదోస సిక్ఖాపదతో పట్ఠాయ పుచ్ఛితబ్బాని అనేకాని ఠానాని పుచ్ఛిం, సో చ ఆయస్మా పుట్ఠో పుట్ఠో విస్సజ్జేతి, ఇతిహిదం భన్తే సబ్బం సిక్ఖాపదం నిమ్మలం సుపరిసుద్ధం తస్సేవ భగవతో వచనం అరహతో సమ్మాసమ్బుద్ధస్స, తస్మా యథాపురే మహాకస్సపాదయో మహాథేరవరా పోరాణసంగీతికారా బ్రహ్మచరియస్స చిరట్ఠితియా బహుజనహితాయ బహుజనసుఖాయ లోకానుకమ్పాయ అత్థాయ హితాయ సుఖాయ దేవమనుస్సానం సంగాయింసుచేవ అనుసంగాయింసుచ, ఏవమేవ మయమ్పి దాని సబ్బేవ ఛట్ఠసంగీతి మహాధమ్మసభాపరియాపన్నా ఇమాని సిక్ఖాపదాని ఏకతో గణసజ్ఝాయం కత్వా సంగాయేయ్యామ.

నిస్సగ్గిపాచిత్తియ

౧. చీవరవగ్గ ౧. పఠమకథిన సిక్ఖాపుచ్ఛా

పుచ్ఛా – యం ¶ తేన ఆవుసో భగవతా…పే… సమ్మాసమ్బుద్ధేన అతిరేకచీవరం దసాహం అతిక్కామేన్తస్స నిస్సగ్గియం పాచిత్తియం కత్థ పఞ్ఞత్తం.

విస్సజ్జనా – వేసాలియం భన్తే పఞ్ఞత్తం.

పుచ్ఛా – కం ఆవుసో ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఛబ్బగ్గియే భన్తే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ అతిరేకచీవరం ధారేసుం, తస్మిం భన్తే వత్థుస్మిం పఞ్ఞత్తం.

౧. చీవరవగ్గ ౨. ఉదోసిత సిక్ఖాపుచ్ఛా

పుచ్ఛా – ఏకరత్తం ¶ ఆవుసో తిచివరేన విప్పవసన్తస్స నిస్సగ్గియం పాచిత్తియం భగవతా కత్థ పఞ్ఞత్తం.

విస్సజ్జనా – సావత్థియం భన్తే పఞ్ఞత్తం.

పుచ్ఛా – కం ఆవుసో ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సమ్బహులే భన్తే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ భిక్ఖూనం హత్థే చీవరం నిక్ఖిపిత్వా సన్తరుత్తరేన జనపదచారికం పక్కమింసు, తస్మిం భన్తే వత్థుస్మిం పఞ్ఞత్తం.

౧. చీవరవగ్గ ౩. తతియకథిన సిక్ఖాపుచ్ఛా

పుచ్ఛా – అకాలచీవరం ¶ ఆవుసో పటిగ్గహేత్వా మాసం అతిక్కామేన్తస్స నిస్సగ్గియం పాచిత్తియం భగవతా కత్థ పఞ్ఞత్తం.

విస్సజ్జనా – సావత్థియం భన్తే పఞ్ఞత్తం.

పుచ్ఛా – కం ఆవుసో ఆరబ్బ్భ కిస్మిం వత్థుస్మిం పఞ్ఞత్తం.

విస్సజ్జనా – సమ్బహులే భన్తే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ అకాలచీవరం పటిగ్గహేత్వా మాసం అతిక్కామేసుం, తస్మిం భన్తే వత్థుస్మిం పఞ్ఞత్తం.

౧. చీవరవగ్గ ౪. పురాణచీవర సిక్ఖాపుచ్ఛా

పుచ్ఛా – అఞ్ఞాతికాయ ¶ ఆవుసో భిక్ఖునియా పురాణచీవరం ధోవాపేన్తస్స నిస్సగ్గియం పాచిత్తియం భగవతా కత్థ పఞ్ఞత్తం.

విస్సజ్జనా – సావత్థియం భన్తే పఞ్ఞత్తం.

పుచ్ఛా – కం ఆవుసో ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఆయస్మన్తం భన్తే ఉదాయిం ఆరబ్భ పఞ్ఞత్తం, ఆయస్మా భన్తే ఉదాయీ అఞ్ఞాతికాయ భిక్ఖునియా పురాణచీవరం ధోవాపేసి, తస్మిం భన్తే వత్థుస్మిం పఞ్ఞత్తం.

౧. చీవరవగ్గ ౫. చీవరపటిగ్గహణ సిక్ఖాపుచ్ఛా

పుచ్ఛా – అఞ్ఞాతికాయ ¶ ఆవుసో భిక్ఖునియా హత్థతో చీవరం పటిగ్గణ్హన్తస్స నిస్సగ్గియం పాచిత్తియం భగవతా కత్థ పఞ్ఞత్తం.

విస్సజ్జనా – రాజగహే భన్తే పఞ్ఞత్తం.

పుచ్ఛా – కం ఆవుసో ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఆయస్మన్తం భన్తే ఉదాయిం ఆరబ్భ పఞ్ఞత్తం, ఆయస్మా భన్తే ఉదాయీ అఞ్ఞాతికాయ భిక్ఖునియా హత్థతో చీవరం పటిగ్గహేసి, తస్మిం భన్తే వత్థుస్మిం పఞ్ఞత్తం.

౧. చీవరవగ్గ ౬. అఞ్ఞాతకవిఞ్ఞత్తి సిక్ఖాపుచ్ఛా

పుచ్ఛా – అఞ్ఞాతకం ¶ ఆవుసో గహపతింవా గహతానింవా చీవరం విఞ్ఞాపేన్తస్స నిస్సగ్గియం పాచిత్తియం భగవతా కత్థ పఞ్ఞత్తం.

విస్సజ్జనా – సావత్థియం భన్తే పఞ్ఞత్తం.

పుచ్ఛా – కం ఆవుసో ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఆయస్మన్తం భన్తే ఉపనన్దం సక్యపుత్తం ఆరబ్భ పఞ్ఞత్తం, ఆయస్మా భన్తే ఉపనన్దో సక్యపుత్తో అఞ్ఞాతకం సేట్ఠిపుత్తం చీవరం విఞ్ఞాపేసి, తస్మిం భన్తే వత్థుస్మిం పఞ్ఞత్తం.

౧. చీవరవగ్గ ౭. తతుత్తరి సిక్ఖాపుచ్ఛా

పుచ్ఛా – అఞ్ఞాతకం ¶ ఆవుసో గహపతిం వా గహపతానిం వా తతుత్తరి చీవరం విఞ్ఞాపేన్తస్స నిస్సగ్గియం పాచిత్తియం భగవతా కత్థ పఞ్ఞత్తం.

విస్సజ్జనా – సావత్థియం భన్తే పఞ్ఞత్తం.

పుచ్ఛా – కం ఆవుసో ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఛబ్బగ్గియే భన్తే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ న మత్తం జానిత్వా బహుమ్పి చీవరం విఞ్ఞాపేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – పుబ్బే ¶ అప్పవారితస్స ఆవుసో అఞ్ఞాతకం గహపతిం వా గహతానిం వా ఉపసఙ్కమిత్వా చీవరే వికప్పం ఆపజ్జన్తస్స చ అఞ్ఞాతకే గహపతికే ఉపసఙ్కమిత్వా చీవరే వికప్పం ఆపజ్జన్తస్స చ నిస్సగ్గియం పాచిత్తియం భగవతా కత్థ పఞ్ఞత్తం.

విస్సజ్జనా – సావత్థియం భన్తే పఞ్ఞత్తం.

పుచ్ఛా – కం ఆవుసో ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఆయస్మన్తం భన్తే ఉపనన్దం సక్యపుత్తం ఆరబ్భ పఞ్ఞత్తం, ఆయస్మా భన్తే ఉపనన్దో సక్యపుత్తో పుబ్బే అప్పవారితో అఞ్ఞాతకం గహపతికం ఉపసఙ్కమిత్వా చీవరే వికప్పం ఆపజ్జి. సోయేవ భన్తే ఆయస్మా ఉపనన్దో సక్యపుత్తో పుబ్బే అప్పవారితో అఞ్ఞాతకే గహపతికే ఉపసఙ్కమిత్వా చీవరే వికప్పం ఆపజ్జి, తస్మిం భన్తే వత్థుస్మిం పఞ్ఞత్తం.

౧. చీవరవగ్గ ౧౦. రాజ సిక్ఖాపుచ్ఛా

పుచ్ఛా – అతిరేకతిక్ఖత్తుం ఆవుసో చోదనాయ అతిరేక ఛక్ఖత్తుం ఠానేన చీవరం అభినిప్ఫాదేన్తస్స నిస్సగ్గియం పాచిత్తియం భగవతా కత్థ పఞ్ఞత్తం.

విస్సజ్జనా – సావత్థియం భన్తే పఞ్ఞత్తం.

పుచ్ఛా – కం ¶ ఆవుసో ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఆయస్మన్తం భన్తే ఉపనన్దం సక్యపుత్తం ఆరబ్భ పఞ్ఞత్తం, ఆయస్మా భన్తే ఉపనన్దో సక్యపుత్తో ఉపాసకేన అజ్జణ్హో భన్తే ఆగమేహీతి వుచ్చమానో నాగమేసి, తస్మిం భన్తే వత్థుస్మిం పఞ్ఞత్తం.

౨. కోసియవగ్గ, ౧. కోసియ సిక్ఖాపుచ్ఛా

పుచ్ఛా – కోసియమిస్సకం ఆవుసో సన్థకం కారాపేన్తస్స నిస్సగ్గియం పాచిత్తియం భగవతా కత్థ పఞ్ఞత్తం.

విస్సజ్జనా – ఆళవియం భన్తే పఞ్ఞత్తం.

పుచ్ఛా – కం ¶ ౦ ఆవుసో ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఛబ్బగ్గియే భన్తే ఆరబ్భ పఞ్ఞత్తం, ఛబ్బగ్గియా భన్తే భిక్ఖూ కోసియకారకే ఉపసఙ్కమిత్వా ఏవమహంసు బహూ ఆవుసో కోసకారకే పచథ అమ్హాకమ్పి దస్సథ మయమ్పి ఇచ్ఛామ కోసియమిస్సకం సన్తకం కాతున్తి, తస్మిం భన్తే వత్థుస్మిం పఞ్ఞత్తం.

౨. కోసియవగ్గ ౨. సుద్ధకాళక సిక్ఖాపుచ్ఛా

పుచ్ఛా – సుద్ధకాళకానం ఆవుసో ఏళకలోమానం సన్థతం కారాపేన్తస్స నిస్సగ్గియం పాచిత్తియం భగవతా కత్థ పఞ్ఞత్తం.

విస్సజ్జనా – వేసాలియం భన్తే పఞ్ఞత్థం.

పుచ్ఛా – కం ¶ ఆవుసో ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఛబ్బగ్గియే భన్తే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ సుద్ధకాళకానం ఏళకలోమానం సన్థతం కారాపేసుం, తస్మిం భన్తే వత్థుస్మిం పఞ్ఞత్తం.

౨. కోసియవగ్గ ౩. ద్వేభాగ సిక్ఖాపుచ్ఛా

పుచ్ఛా – అనాదియిత్వా ఆవుసో తులం ఓదాతానం తులం గోచరియానం నవం సన్థతం కారాపేన్తస్స నిస్సగ్గియం పాచిత్తియం భగవతా కత్థ పఞ్ఞత్తం.

విస్సజ్జనా – సావత్థియం భన్తే పఞ్ఞత్తం.

పుచ్ఛా – కం ¶ ఆవుసో ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఛబ్బగ్గియే భన్తే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ థోకంయేవ ఓదాతం అన్తే ఆదియిత్వా తథేవ సుద్ధకాళకానం ఏళకలోమానం సన్థతం కారాపేసుం, తస్మిం భన్తే వత్థుస్మిం పఞ్ఞత్తం.

౨. కోసియవగ్గ ౪. ఛబ్బస్స సిక్ఖాపుచ్ఛా

పుచ్ఛా – యం తేన ఆవుసో భగవతా…పే… సమ్మాసమ్బుద్ధేన అనువస్సం కారాపేన్తస్స నిస్సగ్గియం పాచిత్తియం కత్థ పఞ్ఞత్తం.

విస్సజ్జనా – సావత్థియం భన్తే పఞ్ఞత్తం.

పుచ్ఛా – కం ¶ ఆవుసో ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సమ్బహులే భన్తే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ అనువస్సం సన్థతం కారాపేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – కస్స ఆవుసో వచనం.

విస్సజ్జనా – భగవతో భన్తే వచనం అరహతో సమ్మాసమ్బుద్ధస్స.

పుచ్ఛా – కేనావుసో ఆభతం.

విస్సజ్జనా – పరమ్పరాయ భన్తే ఆభతం.

పుచ్ఛా – అత్థి ¶ నుఖో ఆవుసో ఏత్థ కోచి విరద్ధదోసో.

విస్సజ్జనా – నత్థి భన్తే.

సంగాయనత్థాయ సఙ్ఘస్స ఞాపనం

సుణాతు మే భన్తే సఙ్ఘో, అహం ఆయస్మన్తం విచిత్తసారాభివంసం తిపిటకధర ధమ్మభణ్డాగారికం ఇమేసం నిస్సగ్గియపాచిత్తియసిక్ఖాపదానం యావ ఛబ్బస్ససిక్ఖాపదం నిదానాదీని పుచ్ఛితబ్బాని అనేకాని ఠానాని పుచ్ఛిం, పుట్ఠోపుట్ఠో చ సో ఆయస్మా విచిత్తసారాభివంసో విస్సజ్జేసి, ఇతిహిదం భన్తే ఇమాని సిక్ఖాపదాని నిమ్మలాని సుపరిసుద్ధానీ తస్సేవ భగవతో వచనాని అరహతో సమ్మాసమ్బుద్ధస్స, తస్మా యథాపురే మహాకస్సపాదయో మహాథేరవరా పోరాణసంగీతికారా బ్రహ్మచరియస్స చిరట్ఠితియా బహుజనహితాయ బహుజనసుఖాయ లోకానుకమ్పాయ అత్థాయ హితాయ సుఖాయ దేవమనుస్సానం ధమ్మవినయం సంగాయింసు చేవ అనుసంగాయింసు చ, ఏవమేవ మయమ్పి దాని సబ్బేవ ఛట్ఠసంగీతి మహాధమ్మసభా పరియాపన్నా ఛబ్బస్స నిస్సగ్గియ సిక్ఖాపదతో పట్ఠాయ ఇమాని నిస్సగ్గియసిక్ఖాపదాని ఏకతో గణసజ్ఝాయం కత్వా సంహాయేయ్యామ.

౨. కోసియవగ్గ ౫. నిసీదనసన్థత సిక్ఖాపుచ్ఛా

పుచ్ఛా – యం ¶ తేన ఆవుసో భగవతా…పే… సమ్మాసమ్బుద్ధేన అనాదియిత్వా పురాణసన్థతస్స సామన్తా సుగతవిదత్తిం నవం నిసీదనసన్థతం కారాపేన్తస్స నిస్సగ్గియం పాచిత్తియం కత్థ పఞ్ఞత్తం.

విస్సజ్జనా – సావత్థియం భన్తే పఞ్ఞత్తం.

పుచ్ఛా – కం ¶ ఆవుసో ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సమ్బహులే భన్తే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ సన్థతాని ఉజ్ఝిత్వా ఆరఞ్ఞికం పిణ్డపాతికఙ్గం పంసుకూలకఙ్గం సమాదియింసు, తస్మిం భన్తే వత్థుస్మిం పఞ్ఞత్తం.

౨. కోసియవగ్గ ౬. ఏళకలోమ సిక్ఖాపుచ్ఛా

పుచ్ఛా – ఏళకలోమాని ఆవుసో పటిగ్గహేత్వా తియోజనం అతిక్కామేన్తస్స నిస్సగ్గియం పాచిత్తియం కత్థ పఞ్ఞత్తం.

విస్సజ్జనా – సావత్థియం భన్తే పఞ్ఞత్తం.

పుచ్ఛా – కం ¶ ఆవుసో ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – అఞ్ఞతరం భన్తే భిక్ఖుం ఆరబ్భ పఞ్ఞత్తం, అఞ్ఞతరో భన్తే భిక్ఖు ఏళకలోమాని పటిగ్గహేత్వా తియోజనం అతిక్కామేసి, తస్మిం భన్తే వత్థుస్మిం పఞ్ఞత్తం.

౨. కోసియవగ్గ ౭. ఏళకలోమధోవాపన సిక్ఖాపుచ్ఛా

పుచ్ఛా – అఞ్ఞాతికాయ ¶ ఆవుసో భిక్ఖునియా ఏళకలోమాని ధోవాపేన్తస్స నిస్సగ్గియం పాచిత్తియం కత్థ పఞ్ఞత్తం.

విస్సజ్జనా – సక్కేసు భన్తే పఞ్ఞత్తం.

పుచ్ఛా – కం ఆవుసో ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఛబ్బగ్గియే భన్తే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ అఞ్ఞాతికాహి భిక్ఖూనీహి ఏళకలోమాని ధోవాపేసుం, తస్మిం భన్తే వత్థుస్మిం పఞ్ఞత్తం.

౨. కోసియవగ్గ ౮. రూపియ సిక్ఖాపుచ్ఛా

పుచ్ఛా – రూపియం ¶ ఆవుసో పటిగ్గణ్హన్తస్స నిస్సగ్గియం పాచిత్తియం భగవతా కత్థ పఞ్ఞత్తం.

విస్సజ్జనా – రాజగహే భన్తే పఞ్ఞత్తం.

పుచ్ఛా – కం ఆవుసో ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఆయస్మన్తం భన్తే ఉపనన్దం సక్యపుత్తం ఆరబ్భ పఞ్ఞత్తం, ఆయస్మా భన్తే ఉపనన్దో సక్యపుత్తో రూపియం పటిగ్గహేసి, తస్మిం భన్తే వత్థుస్మిం పఞ్ఞత్తం.

పుచ్ఛా – కథం ¶ ఆవుసో తత్థ పటిపజ్జన్తో రూపియం పటిగ్గణ్హాతి నామ.

విస్సజ్జనా – సయం భన్తే గణ్హాతి, అఞ్ఞం వా గణ్హాపేసి, ఇదం అయ్యస్స హోతూతి ఉపనిక్ఖిత్తం సాదియతి, ఏవం ఖో భన్తే పటిపజ్జన్తో భిక్ఖు రూపియం పటిగ్గణ్హాతి నామ.

పుచ్ఛా – కథం ఆవుసో తత్థ పటిపజ్జన్తో భిక్ఖు రూపియం న పటిగ్గణ్హాతి నామ.

విస్సజ్జనా – యథా ¶ భన్తే రాజసిక్ఖాపదే యథా చ భన్తే మేణ్డకసిక్ఖాపదే ఆగచ్ఛతి, తథా భన్తే పటిపజ్జన్తో భిక్ఖు రూపియం న పటిగ్గణ్హాతినామ.

౨. కోసియవగ్గ ౯. రూపియసంవోహార సిక్ఖాపుచ్ఛా

పుచ్ఛా – రూపియసంవోహారం ¶ ఆవుసో సమాపజ్జన్తస్స నిస్సగ్గియం పాచిత్తియం భగవతా కత్థ పఞ్ఞత్తం.

విస్సజ్జనా – సావత్థియం భన్తే పఞ్ఞత్తం.

పుచ్ఛా – కం ఆవుసో ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఛబ్బగ్గియే భన్తే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ నానప్పకారకం రూపియసంవోహారం సమాపజ్జింసు, తస్మిం భన్తే వత్థుస్మిం పఞ్ఞత్తం.

౨. కోసియవగ్గ, ౧౦. కయవిక్కయ సిక్ఖాపుచ్ఛా

పుచ్ఛా – నానప్పకారకం ఆవుసో కయవిక్కయం ఆపజ్జన్తస్స నిస్సగ్గియం పాచిత్తియం భగవతా కత్థ పఞ్ఞత్తం.

విస్సజ్జనా – సావత్థియం భన్తే పఞ్ఞత్తం.

పుచ్ఛా – కం ఆవుసో ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఆయస్మన్తం భన్తే ఉపనన్దం సక్యపుత్తం ఆరబ్భ పఞ్ఞత్తం, ఆయస్మా భన్తే ఉపనన్దో సక్యపుత్తో పరిబ్బాజకేన సద్ధి కయవిక్కయం సమాపజ్జి, తస్మిం భన్తే వత్థుస్మిం పఞ్ఞత్తం.

పుచ్ఛా – కథం ఆవుసో తత్థ పటిపజ్జన్తో భిక్ఖు కయవిక్కయం సమాపజ్జతినామ.

విస్సజ్జనా – ఇమినా ఇమం దేహి ఇమినా ఇమం ఆహర ఇమినా ఇమం పరివత్తేహి ఇమినా ఇమం చేతామేహీతి అజ్ఝాచరతి, ఏవం ఖో భన్తే పటిపజ్జన్తో కయవిక్కయం సమాపజ్జతినామ.

పుచ్ఛా – కథం ¶ ఆవుసో తత్థ పటిపజ్జన్తో భిక్ఖు న కయవిక్కయం సమాపజ్జతినామ.

విస్సజ్జనా – యో భన్తే అగ్ఘం పుచ్ఛతి, యో చ భన్తే కప్పియకారకస్స ఆచిక్ఖతి, యో చ భన్తే అమ్హాకఞ్చ ఇదం అత్థి అమ్హాకఞ్చ ఇమినా చ ఇమినా చ అత్థోతి భణతి, ఏవం ఖో భన్తే పటిపజ్జన్తో భిక్ఖు న కయవిక్కయం సమాపజ్జతినామ.

౩. పత్తవగ్గ, ౧. పత్త సిక్ఖాపుచ్ఛా

పుచ్ఛా – అతిరేకపత్తం ఆవుసో దసాహం అతిక్కామేన్తస్స నిస్సగ్గియం పాచిత్తియం కత్థ పఞ్ఞత్తం.

విస్సజ్జనా – సావత్థియం భన్తే పఞ్ఞత్తం.

పుచ్ఛా – కం ¶ ఆవుసో ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఛబ్బగ్గియే భన్తే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ అతిరేకపత్తం ధారేసుం, తస్మిం భన్తే వత్థుస్మిం పఞ్ఞత్తం.

౫౧౪ ౩. పత్తవగ్గ, ౨. ఊనపఞ్చబన్ధన సిక్ఖాపుచ్ఛా

పుచ్ఛా – ఊనపఞ్చబన్ధనేన పత్తేన అఞ్ఞం నవం పత్తం చేతాపేన్తస్స నిస్సగ్గియం పాచిత్తియం కత్థ పఞ్ఞత్తం.

విస్సజ్జనా – సక్కేసు భన్తే పఞ్ఞత్తం.

పుచ్ఛా – కం ¶ ఆవుసో ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఛబ్బగ్గియే భన్తే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ అప్పమత్తకేనపి భిన్నేన అప్పమత్తకేనపి ఖణ్డేన విలిఖితమత్తేనపి బహూ పత్తే వియ్యాపేసుం, తస్మిం భన్తే వత్థుస్మిం పఞ్ఞత్తం.

న భిక్ఖవే పత్తో విఞ్ఞాపేతబ్బో, యో విఞ్ఞాపేయ్య ఆపత్తి దుక్కటస్స.

౩. పత్తవగ్గ ౩. భేసజ్జ సిక్ఖాపుచ్ఛా

పుచ్ఛా – భేసజ్జాని ¶ ఆవుసో పటిగ్గహేత్వా సత్తాహం అతిక్కామేన్తస్స నిస్సగ్గియం పాచిత్తియం కత్థ పఞ్ఞత్తం.

విస్సజ్జనా – సావత్థియం భన్తే పఞ్ఞత్తం.

పుచ్ఛా – కం ఆవుసో ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సమ్బహులే భన్తే భిక్ఖూ ఆరబ్భ ఆరబ్భ పఞ్ఞత్తం, సమ్బహులా భన్తే భిక్ఖూ భేసజ్జాని పటిగ్గహేత్వా సత్తాహం అతిక్కామేసుం, తస్మిం భన్తే వత్థుస్మిం పఞ్ఞత్తం.

౩. పత్తవగ్గ ౪. వస్సికసాటిక సిక్ఖాపుచ్ఛా

పుచ్ఛా – అతిరేకమాసే ¶ సేసే గిమానే ఆవుసో వస్సికసాటికచీవరం పరియేసన్తస్స నిస్సగ్గియం పాచిత్తియం కత్థ పఞ్ఞత్తం.

విస్సజ్జనా – సావత్థియం భన్తే పఞ్ఞత్తం.

పుచ్ఛా – కం ¶ ఆవుసో ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఛబ్బగ్గియే భన్తే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ అతిరేకమాసే సేసే గిమ్హానే వస్సికసాటికచీవరం పరియేసింసు, తస్మిం భన్తే వత్థుస్మిం పఞ్ఞత్తం.

౩. పత్తవగ్గ ౫. చీవరఅచ్ఛిన్దన సిక్ఖాపుచ్ఛా

పుచ్ఛా – భిక్ఖుస్స ఆవుసో సామం చీవరం దత్వా కుపితేన అనత్తమనేన అచ్ఛిన్దన్తస్స నిస్సగ్గియం పాచిత్తియం కత్థ పఞ్ఞత్తం.

విస్సజ్జనా – సావత్థియం భన్తే పఞ్ఞత్తం.

పుచ్ఛా – కం ¶ ఆవుసో ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఆయస్మన్తం భన్తే ఉపనన్దం సక్యపుత్తం ఆరబ్భ పఞ్ఞత్తం, ఆయస్మా భన్తే ఉపనన్దో సక్యపుత్తో భిక్ఖుస్స సామం చీవరం దత్వా కుపితో అనత్తమనో అచ్ఛిన్ది, తస్మిం భన్తే వత్థుస్మిం పఞ్ఞత్తం.

౩. పత్తవగ్గో, ౬. సుత్తవిఞ్ఞత్తి సిక్ఖాపుచ్ఛా

పుచ్ఛా – సామం ఆవుసో సుత్తం విఞ్ఞాపేత్వా తన్తవాయేహి చీవరం వాయాపేన్తస్స నిస్సగ్గియం పాచిత్తియం కత్థ పఞ్ఞత్తం.

విస్సజ్జనా – రాజగహే భన్తే పఞ్ఞత్తం.

పుచ్ఛా – కం ఆవుసో ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఛబ్బగ్గియే భన్తే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ సామం సుత్తం విఞ్ఞాపేత్వా తన్తవాయేహి చీవరం వాయాపేసుం, తస్మిం భన్తే వత్థుస్మిం పఞ్ఞత్తం.

౩. పత్తవగ్గ, ౭. మహాపేసకార సిక్ఖాపుచ్ఛా

పుచ్ఛా – పుబ్బే ¶ అప్పవారితస్స ఆవుసో అఞ్ఞాతకస్స గహపతికస్స తన్తవాయే ఉపసఙ్కమిత్వా చీవరే వికప్పం ఆపజ్జన్తస్స నిస్సగ్గియం పాచిత్తియం కత్థ పఞ్ఞత్తం.

విస్సజ్జనా – సావత్థి యం భన్తే పఞ్ఞత్తం.

పుచ్ఛా – కం ¶ ఆవుసో ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఆయస్మన్తం భన్తే ఉపనన్దం సక్యపుత్తం ఆరబ్భ పఞ్ఞత్తం, ఆయస్మా భన్తే ఉపనన్దో సక్యపుత్తో పుబ్బే అప్పవారితో అఞ్ఞాతకస్స గహపతికస్స తన్తవాయే ఉపసఙ్కమిత్వా చీవరే వికప్పం ఆపజ్జి, తస్మిం భన్తే వత్థుస్మిం పఞ్ఞత్తం.

౩. పత్తవగ్గో, ౮. అచ్చేకచీవర సిక్ఖాపుచ్ఛా

పుచ్ఛా – అచ్చేక చీవరం ఆవుసో పటిగ్గహేత్వా చీవరకాలసమయం అతిక్కామేన్తస్స నిస్సగ్గియం పాచిత్తియం కత్థ పఞ్ఞత్తం.

విస్సజ్జనా – సావత్థియం భన్తే పఞ్ఞత్తం.

పుచ్ఛా – కం ¶ ఆవుసో ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సమ్బహులే భన్తే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ అచ్చేకచీవరం పటిగ్గహేత్వా చీవరకాలసమయం అతిక్కామేసుం, తస్మిం భన్తే వత్థుస్మిం పఞ్ఞత్తం.

౩. పత్తవగ్గో, ౯. సాసఙ్క సిక్ఖాపుచ్ఛా

పుచ్ఛా – తిణ్ణం ఆవుసో చీవరానం అఞ్ఞతరం చీవరం అన్తరఘరే నిక్ఖిపిత్వా అతిరేకఛారత్తం విప్పవసన్తస్స నిస్సగ్గియం పాచిత్తియం కత్థ పఞ్ఞత్తం.

విస్సజ్జనా – సావత్థియం భన్తే పఞ్ఞత్తం.

పుచ్ఛా – కం ¶ ఆవుసో ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సమ్బహులే భన్తే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ తిణ్ణం చీవరానం అఞ్ఞతరం చీవరం అన్తరఘరే నిక్ఖిపిత్వా అతిరేకఛారత్తం విప్పవసింసు, తస్మిం భన్తే వత్థుస్మిం పఞ్ఞత్తం.

౩. పత్తవగ్గో, ౧౦. పరిణత సిక్ఖాపుచ్ఛా

పుచ్ఛా – యం తేన ఆవుసో భగవతా పస్సతా అరహతా సమ్మాసమ్బుద్ధేన జానం సఙ్ఘికం లాభం అత్థనో పరిణామేన్తస్స నిస్సగ్గియం పాచిత్తియం కత్థ పఞ్ఞత్తం.

విస్సజ్జనా – సావత్థియం భన్తే పఞ్ఞత్తం.

పుచ్ఛా – కం ¶ ఆవుసో ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఛబ్బగ్గియే భన్తే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ జానం సఙ్ఘికం లాభం పరిణతం అత్తనో పరిణామేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – జానం ¶ ఆవుసో సఙ్ఘికం లాభం పరిణతం అత్తనో పరిణామేన్తో, కతి ఆపత్తియో ఆపజ్జతి.

విస్సజ్జనా – జానం భన్తే సఙ్ఘికం లాభం పరిణతం అత్తనో పరిణామేన్తో ద్వే ఆపత్తియో ఆపజ్జతి, పరిణామేతి పయోగే దుక్కటం, పరిణామితే నిస్సగ్గియం పాచిత్తియం, జానం భన్తే సఙ్ఘికం లాభం పరిణతం అత్తనో పరిణామేన్తో ఇమా ద్వే ఆపత్తియో ఆపజ్జతి.

పుచ్ఛా – కస్స ¶ ఆవుసో వచనం.

విస్సజ్జనా – భగవతో భన్తే వచనం అరహతో సమ్మాసమ్బుద్ధస్స.

పుచ్ఛా – కేనావుసో ఆభతం.

విస్సజ్జనా – పరమ్పరాయ భన్తే ఆభతం.

పుచ్ఛా – అత్థి నుఖో ఆవుసో తత్థ కోచిపి విరద్ధదోసో.

విస్సజ్జనా – నత్థి భన్తే.

సంగాయనత్థాయ ఞాపనం

సుణాతు ¶ మే భన్తే సఙ్ఘో, అహం భన్తే ఇమేసం సోళసన్నం నిస్సగ్గియపాచిత్తియసిక్ఖాపదానం నిదానాదీని అనేకాని పుచ్ఛితబ్బాని ఆయస్మన్తం విచిత్తసారాభివంసం తిపిటకధర ధమ్మభణ్డాగారికం పుచ్ఛిం, సో చ పుట్ఠో పుట్ఠో విస్సజ్జేతి, ఇతిహిదం భన్తే సిక్ఖాపదసఞ్జాతం నిమ్మలం సు పరిసుద్ధం తస్సేవ భగవతో వచనం అరహతో సమ్మాసమ్బుద్ధస్స, తస్మా యథా పురే మహాకస్సపాదయో మహాథేర వరా పోరాణసంగీతికారా బ్రహ్మచరియసఙ్ఖాతస్స బుద్ధసాసనస్స చిరట్ఠితియా బహుజనహితాయ బహుజనసుఖాయ లోకానుకమ్పాయ అత్థాయ హితాయ సుఖాయ దేవమనుస్సానం ధమ్మవినయం సంగాయింసుచేవ అనుసంగాయింసుచ, ఏవమేవ మయమ్పి దాని ఛట్ఠసంగీతి మహాధమ్మసభాపరియాపన్నా ఇమాని సిక్ఖాపదాని యథానుప్పత్తట్ఠానతో పట్ఠాయ ఏకతో గణసజ్ఝాయం కత్వా సంగాయేయ్యామ.

పాచిత్తియపాళి

౧. ముసావాదవగ్గ, ౧. ముసావాద సిక్ఖాపుచ్ఛా

పుచ్ఛా – యం తేన ఆవుసో భగవతా జానతా పస్సతా అరహతా సమ్మాసమ్బుద్ధేన సమ్పజానముసావాదే పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే పఞ్ఞత్తం, హత్థకం సక్యపుత్తం ఆరబ్భ పఞ్ఞత్తం, హత్థకో భన్తే సక్యపుత్తో తిత్థియేహి సద్ధిం సల్లపన్తో అవజానిత్వా పటిజానాతి పటిజానిత్వా అవజానాతి, తస్మిం భన్తే వత్థుస్మిం పఞ్ఞత్తం.

౧. ముసావాదవగ్గో, ౨-౩. ఓమసవాద, పేసుఞ్ఞ సిక్ఖాపుచ్ఛా

పుచ్ఛా – ఓమసవాదే పాచిత్తియఞ్చ ఆవుసో భిక్ఖుపేసుఞ్ఞే పాచిత్తియఞ్చ భగవతా కత్థపఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం ¶ భన్తే పఞ్ఞత్తం, ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ భిక్ఖూహి సద్ధిం భణ్డన్తా ఓమసింసు తస్మించ వత్థుస్మిం, ఛబ్బగ్గియా భన్తే భిక్ఖూ భిక్ఖూనం భణ్డనజాతానం కలహజాతానం వివాదాపన్నానం పేసుఞ్ఞం ఉపసంహరింసు, తస్మిం భన్తే వత్థుస్మిం పఞ్ఞత్తం.

౧. ముసావాదవగ్గ, ౪. పదసోధమ్మ సిక్ఖాపుచ్ఛా

పుచ్ఛా – అనుపసమ్పన్నం ఆవుసో పదసో వాచేన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే పఞ్ఞత్తం, ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ ఉపాసకే పదసో ధమ్మం వాచేసుం, తస్మిం భన్తే వత్థుస్మిం పఞ్ఞత్తం.

౧. ముసావాదవగ్గో ౫. సహసేయ్య సిక్ఖాపుచ్ఛా

పుచ్ఛా – అనుపసమ్పన్నేన ఆవుసో ఉత్తరిదిరత్తతిరత్తం సహసేయ్యం కప్పేన్తస్స పాచిత్తియం కత్థ పఞ్ఞత్తం, కంఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఆళవియం భన్తే పఞ్ఞత్తం, సమ్బహులే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ అనుపసమ్పన్నేన సహసేయ్యం కప్పేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – కేసం ¶ ఆవుసో ఏత్థ అనుపసమ్పన్నేన సహసేయ్యం కప్పేన్తానమ్పి అనాపత్తి హోతి.

విస్సజ్జనా – ఏకాదసన్నం భన్తే పుగ్గలానం అనుపసమ్పన్నేన సహసేయ్యం కప్పేన్తానం అనాపత్తి, ద్వేతిస్సో రత్తియో వసతీ, ఊనకద్వే తిస్సో రత్తియో వసతి, ద్వేరత్తియో వసిత్వా తతియాయరత్తియా పురారుణా నిక్ఖమిత్వా పున వసతి, సబ్బచ్ఛన్నే సబ్బఅపరిచ్ఛన్నే, సబ్బపరిచ్ఛన్నే సబ్బఅచ్ఛన్నే, యేభుయ్యేన అచ్ఛన్నే యేభుయ్యేన అపరిచ్ఛన్నే, అనుపసమ్పన్నే నిపన్నే భిక్ఖు నిసీదతి, భిక్ఖునిపన్నే అనుపసమ్పన్నో నిసీదతి, ఉభోవా నిసీదన్తి, ఉమ్మత్తకస్స, ఆదికమ్మికస్స, ఇమేసంఖో భన్తే ఏకాదసన్నం పుగ్గలానం అనుపసమ్పన్నేన సహసేయ్యం కప్పేన్తానం అనాపత్తి.

౧. ముసావాదవగ్గో, ౬. దుతియ సహసేయ్య సిక్ఖాపుచ్ఛా

పుచ్ఛా – మాతుగామేన ¶ ఆవుసో సహసేయ్యం కప్పేన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఆయస్మన్తం అనురుద్ధం ఆరబ్భ పఞ్ఞత్తం, ఆయస్మా భన్తే అనురుద్ధో మాతుగామేన సహసేయ్యం కప్పేసి, తస్మిం భన్తే వత్థుస్మిం పఞ్ఞత్తం.

౧. ముసావాదవగ్గో, ౭. ధమ్మదేసనా సిక్ఖాపుచ్ఛా

పుచ్ఛా – మాతుగామస్స ¶ ఆవుసో ఉత్తరి ఛప్పఞ్చవాచాహి ధమ్మం దేసేన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఆయస్మన్తం ఉదాయిం ఆరబ్భ పఞ్ఞత్తం, ఆయస్మా భన్తే ఉదాయీ మాతుగామస్స ధమ్మందేసేతి, తస్మిం భన్తే వత్థుస్మిం పఞ్ఞత్తం.

౧. ముసావాదవగ్గో, ౮. భూతారోచన సిక్ఖాపుచ్ఛా

పుచ్ఛా – అనుపసమ్పన్నస్స ¶ ఆవుసో ఉత్తరిమనుస్సధమ్మం భూతం ఆరోచేన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – వేసాలియం భన్తే వగ్గుముదాతీరియే భిక్ఖూ ఆరబ్భ పఞ్ఞత్తం, వగ్గుముదాతీరియా భన్తే భిక్ఖూ గిహీనం అఞ్ఞమఞ్ఞస్స ఉత్తరిమనుస్సధమ్మస్స వణ్ణం భాసింసు, తస్మిం భన్తే వత్థుస్మిం పఞ్ఞత్తం.

౧. ముసావాదవగ్గో, ౯. దుట్ఠుల్లారోచన సిక్ఖాపుచ్ఛా

పుచ్ఛా – భిక్ఖుస్స ¶ ఆవుసో దుట్ఠుల్లాపత్తిం అనుపసమ్పన్నస్స ఆరోచేన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ భిక్ఖుస్స దుట్ఠుల్లాపత్తిం అనుపసమ్పన్నస్స ఆరోచేసుం, తస్మిం భన్తే వత్థుస్మిం పఞ్ఞత్తం.

౧. ముసావాదవగ్గో, ౧౦. పథవీఖణన సిక్ఖాపుచ్ఛా

పుచ్ఛా – పథవింఖణన్తస్స ¶ ఆవుసో పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఆళవియం భన్తే ఆళవికే భిక్ఖూ ఆరబ్భ పఞ్ఞత్తం, ఆళవికా భన్తే భిక్ఖూ పథవింఖణింసు, తస్మిం భన్తే వత్థుస్మిం పఞ్ఞత్తం.

౨. భూతగామవగ్గో, ౧. భూతగామ సిక్ఖాపుచ్ఛా

పుచ్ఛా – భూతగామపాతబ్యతాయ ¶ పాచిత్తియం ఆవుసో భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఆళవియం భన్తే ఆళవికే భిక్ఖూ ఆరబ్భ పఞ్ఞత్తం, ఆళవికా భన్తే భిక్ఖూ రుక్ఖం ఛిన్దిం సు, తస్మిం భన్తే వత్థుస్మిం పఞ్ఞత్తం.

౨. భూతగామవగ్గ, ౨. అఞ్ఞవాదక సిక్ఖాపుచ్ఛా

పుచ్ఛా – అఞ్ఞవాదకే విహేసకే పాచిత్తియం ఆవుసో భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – కోసమ్బియం ¶ భన్తే ఆయస్మన్తం ఛన్నం ఆరబ్భ పఞ్ఞత్తం, ఆయస్మా భన్తే ఛన్నో సఙ్ఘమజ్ఝే ఆపత్తియా అనుయుఞ్జీయమానో అఞ్ఞేనఞ్ఞం పటిచరి, తస్మిం భన్తే వత్థుస్మిం పఞ్ఞత్తం.

౨. భూతగామవగ్గ, ౩. ఉజ్ఝాపనక సిక్ఖాపుచ్ఛా

పుచ్ఛా – ఉజ్ఝాపనకే ఖియ్యనకే పాచిత్తియం ఆవుసో భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే మేత్తియభూమజకే భిక్ఖూ ఆరబ్భ పఞ్ఞత్తం, మేత్తియభూమజకా భన్తే భిక్ఖూ ఆయస్మన్తం దబ్బం మల్లపుత్తం భిక్ఖూ ఉజ్ఝాపేసుం, తస్మిం భన్తే వత్థుస్మిం పఞ్ఞత్తం.

౨. భూతగామవగ్గ, ౪. పఠమ సేనాసన సిక్ఖాపుచ్ఛా

పుచ్ఛా – సఙ్ఘికం ¶ ఆవుసో మఞ్చంవా పీఠంవా భిసింవా కోచ్ఛంవా అజ్ఝోకాసే సన్థరిత్వా అనుద్ధరిత్వా అనాపుచ్ఛా పక్కమన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే సమ్బహులే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ సఙ్ఘికం సేనాసనం అజ్ఝోకాసే సన్థరిత్వా అనుద్ధరిత్వా అనాపుచ్ఛా పక్కమింసు, తస్మిం భన్తే వత్థుస్మిం పఞ్ఞత్తం.

౨. భూతగామవగ్గ, ౫. దుతియ సేనాసన సిక్ఖాపుచ్ఛా

పుచ్ఛా – సఙ్ఘికే ¶ ఆవుసో విహారే సేయ్యం సన్థరిత్వా అనుద్ధరిత్వా అనాపుచ్ఛా పక్కమన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే సత్తరసవగ్గియే భిక్ఖూ ఆరబ్భ పఞ్ఞత్తం, సత్తరసవగ్గియా భన్తే భిక్ఖూ సఙ్ఘికే విహారే సేయ్యం సన్థరిత్వా అనుద్ధరిత్వా అనాపుచ్ఛా పక్కమింసు, తస్మిం భన్తే వత్థుస్మిం పఞ్ఞత్తం.

పుచ్ఛా – కస్స ¶ ఆవుసో వచనం.

విస్సజ్జనా – భగవతా భన్తే వచనం అరహతో సమ్మాసమ్బుద్ధస్స.

పుచ్ఛా – కేనావుసో ఆభతం.

విస్సజ్జనా – పరమ్పరాయ భన్తే ఆభతం.

పుచ్ఛా – అత్థి ¶ నుఖో ఆవుసో ఏత్థ కోచిపి విరద్ధదోసో.

విస్సజ్జనా – నత్థి భన్తే.

సఙ్ఘస్స ఞాపనం

సుణాతు మే భన్తే సఙ్ఘో, అహం భన్తే ఆయస్మన్తం విచిత్తసారాభివంసం ఇమేసం పన్నరసన్నం సిక్ఖాపదానం నిదానాదీని పుచ్ఛితబ్బాని అనేకాని ఠానాని పుచ్ఛిం, సో చ పుట్ఠో పుట్ఠో విస్సజ్జేతి, ఇతి హిదం భన్తే నిమ్మలం సుపరిసుద్ధం తస్సేవ భగవతో వచనం అరహతో సమ్మాసమ్బుద్ధస్స, తస్మా యథాపురే మహాకస్సపాదయో మహాథేరవరా పోరాణసంగీతికారా బ్రహ్మచరియస్స చిరట్ఠితియా బహుజనహితాయ బహుజనసుఖాయ లోనుకమ్పాయ అత్థాయ హితాయ సుఖాయ దేవమనుస్సానం ధమ్మవినయం సంగాయింసుచేవ అనుసంగాయింసుచ, ఏవమేవ మయమ్పి దాని ఛట్ఠసంగీతిమహాధమ్మసభా పరియాపన్నా యథానుప్పట్ఠానతో పట్ఠాయ ఇమాని సిక్ఖాపదాని ఏకతో గణసజ్ఝాయం కత్వా సంగాయేయ్యామ.

౨. భూతగామవగ్గ, ౬. అనుపఖజ్జ సిక్ఖాపుచ్ఛా

పుచ్ఛా – యం ¶ తేన ఆవుసో…పే… సమ్మాసమ్బుద్ధేన సఙ్ఘికే విహారే జానం పుబ్బుపగతం భిక్ఖుం అనుపఖజ్జ సేయ్యం కప్పేన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ థేరే భిక్ఖూ అనుపఖజ్జ సేయ్యం కప్పేసుం, తస్మిం భన్తే వత్థుస్మిం పఞ్ఞత్తం.

౨. భూతగామవగ్గ, ౭. నికడ్ఢన సిక్ఖాపుచ్ఛా

పుచ్ఛా – భిక్ఖుం ¶ ఆవుసో కుపితేన అనత్తమనేన సఙ్ఘికా విహారా నిక్కడ్ఢేన్తస్స పాచిత్తియం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ కుపితా అనత్తమనా భిక్ఖూ సఙ్ఘికావిహారా నిక్కడ్ఢింసు, తస్మిం భన్తే వత్థుస్మిం పఞ్ఞత్తం.

౨. భూతగామవగ్గ, ౮. వేహాసకుటి సిక్ఖాపుచ్ఛా

పుచ్ఛా – ఉపరివేహాసకుటియా ఆవుసో ఆహచ్చపాదకం మఞ్చంవా పీఠంవా అభినిసీదన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం ¶ భన్తే అఞ్ఞతరం భిక్ఖుం ఆరబ్భ పఞ్ఞత్తం, అఞ్ఞతరో భన్తే భిక్ఖు సఙ్ఘికే విహారే ఉపరివేహాస కుటియా ఆహచ్చపాదకం మఞ్చం సహసా అభినిసీది, తస్మిం భన్తే వత్థుస్మిం పఞ్ఞత్తం.

౨. భూతగామవగ్గ, ౯. మహల్లకవిహార సిక్ఖాపుచ్ఛా

పుచ్ఛా – ద్వత్తి పరియాయే ఆవుసో అధిట్ఠహిత్వా తతుత్తరి అధిట్ఠహన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – కోసమ్బియం భన్తే ఆయస్మన్తం ఛన్నత్థేరం ఆరబ్భ పఞ్ఞత్తం, ఆయస్మా భన్తే ఛన్దో కతపరియోసితం విహారం పునప్పునం ఛాదాపేసి పునప్పునం లేపాపేసి, అతిభారితో విహారో పరిపతి, తస్మిం భన్తే వత్థుస్మిం పఞ్ఞత్తం.

౨. భూతగామవగ్గ, ౧౦. సప్పాణక సిక్ఖాపుచ్ఛా

పుచ్ఛా – జానం ¶ ఆవుసో సప్పాణకం ఉదకం తిణంవా మత్తికంవా సిఞ్చన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఆళవియం భన్తే ఆళవికే భిక్ఖూ ఆరబ్భ పఞ్ఞత్తం, ఆళవికా భన్తే భిక్ఖూ జానం సప్పాణకం ఉదకం తిణమ్పి మత్తికమ్పి సిఞ్చింసు, తస్మిం భన్తే వత్థుస్మిం పఞ్ఞత్తం.

౩. ఓవాదవగ్గ, ౧. ఓవాద సిక్ఖాపుచ్ఛా

పుచ్ఛా – అసమ్మతేన ¶ ఆవుసో భిక్ఖునియో ఓవదన్తస్స పాచిత్తియం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ అసమ్మతా భిక్ఖునియో ఓవదింసు, తస్మిం భన్తే వత్థుస్మిం పఞ్ఞత్తం.

౩. ఓవాదవగ్గ, ౨. అత్థఙ్గత సిక్ఖాపుచ్ఛా

పుచ్ఛా – అత్థఙ్గతే ఆవుసో సూరియే భిక్ఖునియో ఓవదన్తస్స పాచిత్తియం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఆయస్మన్తం చూళపన్థకం ఆరబ్భ పఞ్ఞత్తం, ఆయస్మా భన్తే చూళపన్థకో అత్థఙ్గతే సూరియే భిక్ఖునియో ఓవది, తస్మిం భన్తే వత్థుస్మిం పఞ్ఞత్తం.

౩. ఓవాదవగ్గ, ౩-౪. భిక్ఖునుపస్సయ, ఆమిస సిక్ఖాపుచ్ఛా

పుచ్ఛా – భిక్ఖునుపస్సయం ¶ ఆవుసో ఉపసఙ్కమిత్వా భిక్ఖునియో ఓవదన్తస్సచ ఆమిసహేతు థేరా భిక్ఖూ భిక్ఖునియో ఓవదన్తీతి భణన్తస్సచ పాచిత్తియం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – భిక్ఖునుపస్సయం ఉపసఙ్కమిత్వా భిక్ఖునియో ఓవదన్తస్స పాచిత్తియం భన్తే సక్కేసు ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ భిక్ఖునుపస్సయం ఉపసఙ్కమిత్వా భిక్ఖునియో ఓవదింసు, ఆమిసహేతు థేరా భిక్ఖూ భిక్ఖునియో ఓవదన్తీతి భణన్తస్స పాచిత్తియం సావత్థియం ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ ఆమిసహేతు థేరా భిక్ఖూ ¶ భిక్ఖునియో ఓవదన్తీతి భణింసు, తస్మిం భన్తే వత్థుస్మిం పఞ్ఞత్తం.

౩. ఓవాదవగ్గ, ౫. చీవరదాన సిక్ఖాపుచ్ఛా

పుచ్ఛా – అఞ్ఞాతికాయ ¶ ఆవుసో భిక్ఖునియా చీవరం దేన్తస్స పాచిత్తియం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే అఞ్ఞతరం భిక్ఖుం ఆరబ్భ పఞ్ఞత్తం, అఞ్ఞతరో భన్తే భిక్ఖు అఞ్ఞాతికాయ భిక్ఖునియా చీవరం అదాసి, తస్మిం భన్తే వత్థుస్మిం పఞ్ఞత్తం.

౩. ఓవాదవగ్గ, ౬. చీవరసిబ్బన సిక్ఖాపుచ్ఛా

పుచ్ఛా – అఞ్ఞాతికాయ ఆవుసో భిక్ఖునియా చీవరం సిబ్బేన్తస్స పాచిత్తియం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఆయస్మన్తం ఉదాయిం ఆరబ్భ పఞ్ఞత్తం, ఆయస్మా భన్తే ఉదాయీ అఞ్ఞాతికాయ భిక్ఖునియా చీవరం సిబ్బేసి, తస్మిం భన్తే వత్థుస్మిం పఞ్ఞత్తం.

౩. ఓవాదవగ్గ, ౭. సంవిధాన సిక్ఖాపుచ్ఛా

పుచ్ఛా – భిక్ఖునయా ¶ ఆవుసో సద్ధిం సంవిధాయ ఏకద్ధానమగ్గం పటిపజ్జన్తస్స పాచిత్తియం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ భిక్ఖునీహి సద్ధిం సంవిధాయ ఏకద్ధానమగ్గం పటిపజ్జింసు, తస్మిం భన్తే వత్థుస్మిం పఞ్ఞత్తం.

౩. ఓవాదవగ్గ, ౮. నావాభిరుహన సిక్ఖాపుచ్ఛా

పుచ్ఛా – భిక్ఖునియా ¶ ఆవుసో సద్ధిం సంవిధాయ ఏకం నావం అభిరుహన్తస్స పాచిత్తియం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ భిక్ఖూనీహి సద్ధిం సంవిధాయ ఏకం నావం అభిరుహింసు, తస్మిం భన్తే వత్థుస్మిం పఞ్ఞత్తం.

౩. ఓవాదవగ్గ, ౯. పరిపాచిత సిక్ఖాపుచ్ఛా

పుచ్ఛా – జానం ఆవుసో భిక్ఖునిపరిపాచితం పిణ్డపాతం భుఞ్జన్తస్స పాచిత్తియం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే దేవదత్తం ఆరబ్భ పఞ్ఞత్తం, దేవదత్తో భన్తే జానం భిక్ఖునిపరిపాచితం పిణ్డపాతం భుఞ్జి, తస్మిం భన్తే వత్థుస్మిం పఞ్ఞత్తం.

౩. ఓవాదవగ్గ, ౧౦. రహోనిసజ్జ సిక్ఖాపుచ్ఛా

పుచ్ఛా – భిక్ఖునియా ¶ సద్ధిం ఆవుసో ఏకో ఏకాయ రహో నిసజ్జం కప్పేన్తస్స పాచిత్తియం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఆయస్మన్తం ఉదాయిం ఆరబ్భ పఞ్ఞత్తం, ఆయస్మా భన్తే ఉదాయీ భిక్ఖునియా సద్ధిం ఏకో ఏకాయ రహో నిసజ్జం కప్పేసి, తస్మిం భన్తే వత్థుస్మిం పఞ్ఞత్తం.

౪. భోజనవగ్గ, ౧. ఆవసథపిణ్డ సిక్ఖాపుచ్ఛా

పుచ్ఛా – తతుత్తరి ¶ ఆవుసో ఆవసథపిణ్డం భుఞ్జన్తస్స పాచిత్తియం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ అనువసిత్వా అనువసిత్వా ఆవసథపిణ్డం పరిభుఞ్జింసు, తస్మిం భన్తే వత్థుస్మిం పఞ్ఞత్తం.

౪. భోజనవగ్గ, ౨. గణభోజన సిక్ఖాపుచ్ఛా

పుచ్ఛా – గణభోజనే పాచిత్తియం ఆవుసో భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే దేవదత్తం ఆరబ్భ పఞ్ఞత్తం, దేవదత్తో భన్తే సపరిసో కులేసు విఞ్ఞాపేత్వా భుఞ్జి, తస్మిం భన్తే వత్థుస్మిం పఞ్ఞత్తం.

౪. భోజనవగ్గ ౩. పరమ్పరభోజన సిక్ఖాపుచ్ఛా

పుచ్ఛా – పరమ్పర ¶ భోజనే పాచిత్తియం ఆవుసో భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – వేసాలియం భన్తే సమ్బహులే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ అఞ్ఞత్ర నిమన్తితా అఞ్ఞత్ర భుఞ్జింసు, తస్మిం భన్తే వత్థుస్మిం పఞ్ఞత్తం.

౪. భోజనవగ్గ, ౪. కాణమాతు సిక్ఖాపుచ్ఛా

పుచ్ఛా – ద్వత్తిపత్తపూరం ¶ పూవం పటిగ్గహేత్వా తతుత్తరి పటిగ్గణ్హన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే సమ్బహులే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ న మత్తం జానిత్వా పూవం పటిగ్గహేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – కస్స ఆవుసో వచనం.

విస్సజ్జనా – భగవతో భన్తే వచనం అరహతో సమ్మాసమ్బుద్ధస్స.

పుచ్ఛా – కేనావుసో ఆభతం.

విస్సజ్జనా – పరమ్పరాయ భన్తే ఆభతం.

పుచ్ఛా – అత్థి నుఖో ఆవుసో ఏత్థ కోచిపి విరద్ధదోసో.

విస్సజ్జనా – నత్థి భన్తే.

౪. భోజనవగ్గ, ౫. పఠమపవారణా సిక్ఖాపుచ్ఛా

పుచ్ఛా – యం ¶ తేన సావుసో…పే… సమ్మాసమ్బుద్ధేన భుత్తావినా పరివాతేన అనతిరిత్తం ఖాదనీయంవా భోజనీయంవా భుఞ్జన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే సమ్బహులే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ భుత్తావీ పవారితా అఞ్ఞత్ర భుఞ్జింసు, తస్మిం భన్తే వత్థుస్మిం పఞ్ఞత్తం.

౪. భోజనవగ్గ, ౬. దుతియ పవారణా సిక్ఖాపుచ్ఛా

పుచ్ఛా – భిక్ఖుం ¶ ఆవుసో భుత్తావిం పవారితం అనతిరిత్తేన ఖాదనీయేన భోజనీయేన అభిహట్ఠుం పవారేన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే అఞ్ఞతరం భిక్ఖుం ఆరబ్భ పఞ్ఞత్తం, అఞ్ఞతరో భన్తే భిక్ఖు భిక్ఖుం భుత్తావిం పవారితం అనతిరిత్తేన భోజనీయేన అభిహట్ఠుం పవారేసి, తస్మిం భన్తే వత్థుస్మిం పఞ్ఞత్తం.

౪. భోజనవగ్గ, ౭. వికాలభోజన సిక్ఖాపుచ్ఛా

పుచ్ఛా – వికాలే ఆవుసో ఖాదనీయం వా భోజనీయం వా భుఞ్జన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే సత్తరసవగ్గియే భిక్ఖూ ఆరబ్భ పఞ్ఞత్తం, సత్తరసవగ్గియా భన్తే భిక్ఖూ వికాలే భోజనం భుఞ్జింసు, తస్మిం భన్తే వత్థుస్మిం పఞ్ఞత్తం.

౪. భోజనవగ్గ, ౮. సన్నిధికారక సిక్ఖాపుచ్ఛా

పుచ్ఛా – సన్నిధికారకం ఆవుసో ఖాదనీయం వా భోజనీయం వా భుఞ్జన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఆయస్మన్తం బేలట్ఠసీసం ఆరబ్భ పఞ్ఞత్తం, ఆయస్మా భన్తే బేలట్ఠసీసో సన్నిధికారకం భోజనం భుఞ్జి, తస్మిం భన్తే వత్థుస్మిం పఞ్ఞత్తం.

౪. భోజనవగ్గ, ౯. పణీతభోజన సిక్ఖాపుచ్ఛా

పుచ్ఛా – పణీత భోజనాని ఆవుసో అత్తనో అత్థాయ విఞ్ఞాపేత్వా భుఞ్జన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం ¶ భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ పణీతభోజనాని అత్తనో అత్థాయ విఞ్ఞాపేత్వా భుఞ్జింసు, తస్మిం భన్తే వత్థుస్మిం పఞ్ఞత్తం.

౪. భోజనవగ్గ, ౧౦. దన్తపోన సిక్ఖాపుచ్ఛా

పుచ్ఛా – అదిన్నం ఆవుసో ముఖద్వారం ఆహారం ఆహరన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – వేసాలియం భన్తే అఞ్ఞతరం భిక్ఖుం ఆరబ్భ పఞ్ఞత్తం, అఞ్ఞతరో భన్తే భిక్ఖు అదిన్నం ముఖద్వారం ఆహారం ఆహరి, తస్మిం భన్తే వత్థుస్మిం పఞ్ఞత్తం.

౫. అచేలకవగ్గ, ౧. అచేలక సిక్ఖాపుచ్ఛా

పుచ్ఛా – అచేలకస్సవా ¶ ఆవుసో పరిబ్బాజకస్సవా పరిబ్బాజికాయవా సహత్థా ఖాదనీయంవా భోజనీయంవా దేన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – వేసాలియం భన్తే ఆయస్మన్తం ఆనన్దం ఆరబ్భ పఞ్ఞత్తం, ఆయస్మా భన్తే ఆనన్దో అఞ్ఞతరిస్సా పరిబ్బాజికాయ ఏకం మఞ్ఞమానో ద్వే పూవే అదాసి, తస్మిం భన్తే వత్థుస్మిం పఞ్ఞత్తం.

౫. అచేలకవగ్గ, ౨. ఉయ్యోజన సిక్ఖాపుచ్ఛా

పుచ్ఛా – భిక్ఖుం ¶ ఏహావుసో గామంవా నిగమంవా పిణ్డాయ పవిసిస్సామాతి తస్స దాపేత్వావా అదాపేత్వావా ఉయ్యోజేన్తస్స ఆవుసో పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఆయస్మన్తం ఉపనన్దం సక్యపుత్తం ఆరబ్భ పఞ్ఞత్తం, ఆయస్మా భన్తే ఉపనన్దో సక్యపుత్తో భిక్ఖు ఏహావుసో గామం పిణ్డాయ పవిసిస్సామాతి తస్స అదాపేత్వా ఉయ్యోజేసి, తస్మిం భన్తే వత్థుస్మిం పఞ్ఞత్తం.

౫. అచేలకవగ్గ, ౩. సభోజన సిక్ఖాపుచ్ఛా

పుచ్ఛా – సభోజనే కులే అనుపఖజ్జ నిసజ్జం కప్పేన్తస్స ఆవుసో పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం ¶ భన్తే ఆయస్మన్తం ఉపనన్దం సక్యపుత్తం ఆరబ్భ పఞ్ఞత్తం, ఆయస్మా భన్తే ఉపనన్దో సక్యపుత్తో సభోజనే కులే అనుపఖజ్జ నిసజ్జం కప్పేసి, తస్మిం భన్తేవత్థుస్మిం పఞ్ఞత్తం.

౫. అచేలకవగ్గ ౪-౫. రహోపటిచ్ఛన్న, రహోనిసజ్జ సిక్ఖాపుచ్ఛా

పుచ్ఛా – మాతుగామేన సద్ధిం రహో పటిచ్ఛన్నే ఆసనే నిసజ్జం కప్పేన్తస్సచ ఆవుసో మాతుగామేన సద్ధిం ఏకో ఏకాయ రహో నిసజ్జం కప్పేన్తస్సచ పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఆయస్మన్తం ఉపనన్దం సక్యపుత్తం ఆరబ్భ పఞ్ఞత్తం, ఆయస్మా భన్తే ఉపనన్దో సక్యపుత్తో మాతుగామేన సద్ధిం రహో పటిచ్ఛన్నే ఆసనే నిసజ్జం కప్పేసి, మాతుగామేన సద్ధిం ఏకో ఏకాయ రహో నిసజ్జం కప్పేసి, తస్మిం భన్తే వత్థుస్మిం పఞ్ఞత్తం.

౫. అచేలకవగ్గ, ౬. చారిత్త సిక్ఖాపుచ్ఛా

పుచ్ఛా – నిమన్తితేన ¶ ఆవుసో సభత్తేన సన్తం భిక్ఖుం అనాపుచ్ఛా పురేభత్తంవా పచ్ఛాభత్తంవా కులేసు చారిత్తం ఆపజ్జన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే ఆయస్మన్తం ఉపనన్దం సక్యపుత్తం ఆరబ్భ పఞ్ఞత్తం, ఆయస్మా భన్తే ఉపనన్దో సక్యపుత్తో నిమన్తితో సభత్తో సమానో పురేభత్తం పచ్ఛాభత్తం కులేసు చారిత్తం ఆపజ్జి, తస్మిం భన్తే వత్థుస్మిం పఞ్ఞత్తం.

౫. అచేలకవగ్గ, ౭. మహానామ సిక్ఖాపుచ్ఛా

పుచ్ఛా – తతుత్తరి ఆవుసో భేసజ్జం విఞ్ఞాపేన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సక్కేసు ¶ భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ మహానామేన సక్కేన అజ్జణ్హో భన్తే ఆగమేతాతి వుచ్చమానా నాగమేసుం, తస్మిం భన్తే వత్థుస్మిం పఞ్ఞత్తం.

౫. అచేలకవగ్గ ౮-౯-౧౦. ఉయ్యుత్తసేనా చసో సిక్ఖాపుచ్ఛా

పుచ్ఛా – ఉయ్యుత్తం ఆవుసో సేనం దస్సనాయ గచ్ఛన్తస్స చ అతిరేకతిరత్తం సేనాయ వసన్తస్స చ ఉయ్యోధికం గచ్ఛన్తస్స చ పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ ఉయ్యుత్తం సేనం దస్సనాయ అగమంసు, తేయేవ భన్తే ఛబ్బగ్గియా భిక్ఖూ అతిరేకతిరత్తం సేనాయ వసింసు, తేయేవ భన్తే ఛబ్బగ్గియా భిక్ఖూ ఉయ్యోధికం అగమంసు, తస్మిం భన్తే వత్థుస్మిం పఞ్ఞత్తం.

౬. సురాపానవగ్గ, ౧. సురాపాన సిక్ఖాపుచ్ఛా

పుచ్ఛా – సురామేరయపానే ¶ ఆవుసో పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – కోసమ్బియం భన్తే ఆయస్మన్తం సాగతం ఆరబ్భ పఞ్ఞత్తం, ఆయస్మా భన్తే సాగతో మజ్జం పివి, తస్మిం భన్తే వత్థుస్మిం పఞ్ఞత్తం.

౬. సురాపానవగ్గ, ౨. అఙ్గులిపతోదక సిక్ఖాపుచ్ఛా

పుచ్ఛా – అఙ్గులిపతోదకే ¶ ఆవుసో పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ భిక్ఖుం అఙ్గులిపతోదకేన హాసేసుం, తస్మిం భన్తే వత్థుస్మిం పఞ్ఞత్తం.

౬. సురాపానవగ్గ, ౩. హసధమ్మ సిక్ఖాపుచ్ఛా

పుచ్ఛా – ఉదకే హసధమ్మే ఆవుసో పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే సత్తరసవగ్గియే భిక్ఖూ ఆరబ్భ పఞ్ఞత్తం, సత్తరసవగ్గియా భన్తే భిక్ఖూ అచిరవతియా నదియా ఉదకే కీళింసు, తస్మిం భన్తే వత్థుస్మిం పఞ్ఞత్తం.

౬. సురాపానవగ్గ, ౪. అనాదరియ సిక్ఖాపుచ్ఛా

పుచ్ఛా – అనాదరియ ¶ ఆవుసో పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – కోసమ్బియం భన్తే ఆయస్మన్తం ఛన్నం ఆరబ్భ పఞ్ఞత్తం, ఆయస్మా భన్తే ఛన్నో ఆపత్తియా అనుయుఞ్జియమానో అనాదరియం అకాసి, తస్మిం భన్తే వత్థుస్మిం పఞ్ఞత్తం.

౬. సురాపానవగ్గ, ౫. భింసాపన సిక్ఖాపుచ్ఛా

పుచ్ఛా – భిక్ఖుం ¶ భింసాపేన్తస్స ఆవుసో పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ భిక్ఖుం భింసాపేసుం, తస్మిం భన్తే వత్థుస్మిం పఞ్ఞత్తం.

౬. సురాపానవగ్గ, ౬. జోతిక సిక్ఖాపుచ్ఛా

పుచ్ఛా – జోతిం ఆవుసో సమాదహిత్వా విసిబ్బేన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – భగ్గేసు భన్తే సమ్బహులే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ జోతిం సమాదపేత్వా విసిబ్బేసుం, తస్మిం భన్తే వత్థుస్మిం పఞ్ఞత్తం.

౬. సురాపానవగ్గ, ౭. నహాన సిక్ఖాపుచ్ఛా

పుచ్ఛా – ఓరేనద్ధమాసం ¶ ఆవుసో నహాయన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే సమ్బహులే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ రాజానమ్పి పస్సిత్వా న మత్తం జానిత్వా నహాయింసు, తస్మిం భన్తే వత్థుస్మిం పఞ్ఞత్తం.

పుచ్ఛా – కస్స ¶ ఆవుసో వచనం.

విస్సజ్జనా – భగవతో భన్తే వచనం అరహతో సమ్మాసమ్బుద్ధస్స.

పుచ్ఛా – కేనావుసో ఆభతం.

విస్సజ్జనా – పరమ్పరాయ భన్తే ఆభతం.

పుచ్ఛా – అత్థి నుఖో ఆవుసో ఏత్థ కోచిపి విరుద్ధదోసో.

విస్సజ్జనా – నత్థి భన్తే.

సుణాతు మే భన్తే సఙ్ఘో…పే… సంగాయేయ్యామ.

పుచ్ఛా – యం ¶ తేన ఆవుసో…పే… సమ్మాసమ్బుద్ధేన అనాదియిత్వా తిణ్ణం దుబ్బణ్ణకరణానం అఞ్ఞతరం దుబ్బణ్ణకరణం నవం చీవరం పరిభుఞ్జన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే సమ్బహులే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ అత్తనో చీవరం న సఞ్జానింసు, తస్మిం భన్తే వత్థుస్మిం పఞ్ఞత్తం.

౬. సురాపానవగ్గ, ౧౦. చీవరఅపనిధాన సిక్ఖాపుచ్ఛా

పుచ్ఛా – భిక్ఖుస్స ఆవుసో పత్తం వా చీవరం వా నిసీదనం వా సూచిఘరం వా కాయబన్ధనం వా అపనిధేన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం ¶ భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ భిక్ఖూనం పత్తమ్పి చీవరమ్పి అపనిధేసుం, తస్మిం భన్తే వత్థుస్మిం పఞ్ఞత్తం.

౭. సప్పాణకవగ్గ, ౧. సఞ్చిచ్చ సిక్ఖాపుచ్ఛా

పుచ్ఛా – సఞ్చిచ్చ ఆవుసో పాణం జీవితా వోరోపేన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఆయస్మన్తం ఉదాయిం ఆరబ్భ పఞ్ఞత్తం ఆయస్మా భన్తే ఉదాయీ సఞ్చిచ్చ పాణం జీవితా వోరోపేసి, తస్మిం భన్తే వత్థుస్మిం పఞ్ఞత్తం.

౭. సప్పాణకవగ్గ, ౨. సప్పాణక సిక్ఖాపుచ్ఛా

పుచ్ఛా – జానం ¶ ఆవుసో సప్పాణకం ఉదకం పరిభుఞ్జన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ జానం సప్పాణకం ఉదకం పరిభుఞ్జింసు, తస్మిం భన్తే వత్థుస్మిం పఞ్ఞత్తం.

౭. సప్పాణకవగ్గ, ౬. థేయ్యసత్థ సిక్ఖాపుచ్ఛా

పుచ్ఛా – జానం ఆవుసో థేయ్యసత్థేన సద్ధిం సంవిధాయ ఏకద్ధానమగ్గం పటిపజ్జన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే అఞ్ఞతరం భిక్ఖుం ఆరబ్భ పఞ్ఞత్తం, అఞ్ఞతరో భన్తే భిక్ఖు జానం థేయ్యసత్థేన సద్ధిం సంవిధాయ ఏకద్ధానమగ్గం పటిపజ్జి, తస్మిం భన్తే వత్థుస్మిం పఞ్ఞత్తం.

౭. సప్పాణకవగ్గ, ౭. సంవిధాన సిక్ఖాపుచ్ఛా

పుచ్ఛా – మాతుగామేన ¶ సద్ధిం ఆవుసో సంవిధాయ ఏకద్ధానమగ్గం పటిపజ్జన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే అఞ్ఞతరం భిక్ఖుం ఆరబ్భ పఞ్ఞత్తం, అఞ్ఞతరో భన్తే భిక్ఖు మాతుగామేన సద్ధిం సంవిధాయ ఏకద్ధానమగ్గం పటిపజ్జి, తస్మిం భన్తే వత్థుస్మిం పఞ్ఞత్తం.

౮. సహధమ్మికవగ్గ, ౧. సహధమ్మిక సిక్ఖాపుచ్ఛా

పుచ్ఛా – భిక్ఖూహి ఆవుసో సహధమ్మికం వుచ్చమానేన న తావాహం ఆవుసో ఏతస్మిం సిక్ఖాపదే సిక్ఖిస్సామి, యావ న అఞ్ఞం భిక్ఖుం బ్యత్తం వినయధరం పరిపుచ్ఛిస్సామీతి భణన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – కోసమ్బియం ¶ భన్తే ఆయస్మన్తం ఛన్నం ఆరబ్భ పఞ్ఞత్తం, ఆయస్మా భన్తే ఛన్నో భిక్ఖూహి సహధమ్మికం వుచ్చమానో న తావాహం ఆవుసో ఏతస్మిం సిక్ఖాపదే సిక్ఖిస్సామి, యావ న అఞ్ఞం భిక్ఖుం బ్యత్తం వినయధరం పరిపుచ్ఛిస్సామీతి భణి, తస్మిం భన్తే వత్థుస్మిం పఞ్ఞత్తం.

౮. సహధమ్మికవగ్గ, ౨. విలేఖన సిక్ఖాపుచ్ఛా

పుచ్ఛా – వినయం వివణ్ణేన్తస్స ఆవుసో పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ వినయం వివణ్ణేసుం, తస్మిం భన్తే వత్థుస్మిం పఞ్ఞత్తం.

౮. సహధమ్మికవగ్గ, ౩. మోహన సిక్ఖాపుచ్ఛా

పుచ్ఛా – మోహనకే ¶ ఆవుసో పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ మోహేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – భిక్ఖుస్స ¶ ఆవుసో కుపితేన అనత్తమనేన పహారం దేన్తస్స చ తలసత్తికం ఉగ్గిరన్తస్స చ పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ కుపితా అనత్తమనా సత్తరసవగ్గియానం భిక్ఖూనం పహారం అదంసు, తలసత్తికఞ్చ ఉగ్గిరింసు, తస్మిం భన్తే వత్థుస్మిం పఞ్ఞత్తం.

౮. సహధమ్మికవగ్గ, ౭. సఞ్చిచ్చ సిక్ఖాపుచ్ఛా

పుచ్ఛా – భిక్ఖుస్స ఆవుసో సఞ్చిచ్చ కుక్కుచ్చం ఉపదహన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ భిక్ఖూనం సఞ్చిచ్చ కుక్కుచ్చం ఉపదహింసు, తస్మిం భన్తే వత్థుస్మిం పఞ్ఞత్తం.

౮. సహధమ్మికవగ్గ, ౮. ఉపస్సుతి సిక్ఖాపుచ్ఛా

పుచ్ఛా – భిక్ఖూనం ¶ ఆవుసో భణ్డనజాతానం కలహజాతానం వివాదా పన్నానం ఉపస్సుతిం తిట్ఠన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ భిక్ఖూనం భణ్డనజాతానం కలహ జాతానం వివాదాపన్నానం ఉపస్సుతిం తిట్ఠహింసు, తస్మిం భన్తే వత్థుస్మిం పఞ్ఞత్తం.

౮. సహధమ్మికవగ్గ, ౯. కమ్మపటిబాహన సిక్ఖాపుచ్ఛా

పుచ్ఛా – ధమ్మికానం ఆవుసో కమ్మానం ఛన్దం దత్వా పచ్ఛా ఖీయనధమ్మం ఆపజ్జన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం ¶ భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ ధమ్మికానం కమ్మానం ఛన్దం దత్వా పచ్ఛా ఖీయనధమ్మం ఆపజ్జింసు, తస్మిం భన్తే వత్థుస్మిం పఞ్ఞత్తం.

౮. సహధమ్మికవగ్గ ౧౦. ఛన్దం అదత్వాగమన సిక్ఖాపుచ్ఛా

పుచ్ఛా – సఙ్ఘే ఆవుసో వినిచ్ఛకథాయ వత్తమానాయ ఛన్దం అదత్వా ఉట్ఠాయాసనా పక్కమన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే అఞ్ఞతరం భిక్ఖుం ఆరబ్భ పఞ్ఞత్తం, అఞ్ఞతరో భన్తే ఛబ్బగ్గియో భిక్ఖు సఙ్ఘే వినిచ్ఛయకథాయ వత్తమానాయ ఛన్దం అదత్వా ఉట్ఠాయాసనా పక్కామి, తస్మిం భన్తే వత్థుస్మిం పఞ్ఞత్తం.

౮. సహధమ్మికవగ్గ, ౧౨. పరిణామన సిక్ఖాపుచ్ఛా

పుచ్ఛా – జానం ¶ ఆవుసో సఙ్ఘికం లాభం పరిణతం పుగ్గలస్స పరిణామేన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ జానం సఙ్ఘికం లాభం పరిణతం పుగ్గలస్స పరిణామేసుం, తస్మిం భన్తే వత్థుస్మిం పఞ్ఞత్తం.

౯. రతనవగ్గ, ౧. అన్తేపుర సిక్ఖాపుచ్ఛా

పుచ్ఛా – పుబ్బే అప్పటిసంవిదితేన ఆవుసో రఞ్ఞో అన్తేపురం పవిసన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం ¶ భన్తే ఆయస్మన్తం ఆనన్దం ఆరబ్భ పఞ్ఞత్తం, ఆయస్మా భన్తే ఆనన్దో పుబ్బే అప్పటిసంవిదితో రఞ్ఞో అన్తేపురం పావిసి, తస్మిం భన్తే వత్థుస్మిం పఞ్ఞత్తం.

౯. రతనవగ్గ, ౨. రతన సిక్ఖాపుచ్ఛా

పుచ్ఛా – రతనం ఆవుసో ఉగ్గణ్హన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే అఞ్ఞతరం భిక్ఖుం ఆరబ్భ పఞ్ఞత్తం, అఞ్ఞతరో భన్తే భిక్ఖు రతనం ఉగ్గహేసి, తస్మిం భన్తే వత్థుస్మిం పఞ్ఞత్తం.

౯. రతనవగ్గ, ౩. వికాలగామప్పవిసన సిక్ఖాపుచ్ఛా

పుచ్ఛా – సన్తం ¶ ఆవుసో భిక్ఖుం అనాపుచ్ఛా వికాలే గామం పవిసన్తస్స పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ సన్తం భిక్ఖుం అనాపుచ్ఛా వికాలే గామం పవిసింసు, తస్మిం భన్తే వత్థుస్మిం పఞ్ఞత్తం.

పాటిదేసనీయ

౩. తతియపాటిదేసనీ సిక్ఖాపుచ్ఛా

పుచ్ఛా – సేక్ఖసమ్మతేసు ¶ ఆవుసో కులేసు ఖాదనీయం వా భోజనీయం వా సహత్థా పటిగ్గహేత్వా భుఞ్జన్తస్స పాటిదేసనీయం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే సమ్బహులే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ నమత్తం జానిత్వా పటిగ్గహేసుం, తస్మిం భన్తే వత్థుస్మిం పఞ్ఞత్తం.

సేఖియకణ్డ

పుచ్ఛా – అనాదరియం ¶ ఆవుసో పటిచ్చ పురతో వా పచ్ఛతో వా ఓలమ్బేన్తేన నివాసేన్తస్సచ పారుపన్తస్సచ దుక్కటం కత్థ పఞ్ఞత్తం, కం ఆరబ్భ కిస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ పురతో చ పచ్ఛతో చ ఓలమ్బన్తా నివాసేసుంచేవ పారుపింసుచ, తస్మిం భన్తే వత్థుస్మిం పఞ్ఞత్తం.

పుచ్ఛా – అనాదరియం ఆవుసో పటిచ్చ కాయం వివరిత్వా అన్తరఘరే గచ్ఛన్తస్స చ నిసీదన్తస్స చ దుక్కటం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గీయే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ కాయం వివరిత్వా అన్తరఘరే గచ్ఛింసు చేవ నిసీదింసుచ, తస్మిం భన్తే వత్థుస్మిం పఞ్ఞత్తం.

పుచ్ఛా – అనాదరియం ¶ ఆవుసో పటిచ్చ హత్థం వా పాదం వా కీళాపేన్తేన అన్తరఘరే గచ్ఛన్తస్స చ నిసీదన్తస్స చ, తహం తహం ఓలోకేన్తేన అన్తరఘరే గచ్ఛన్తస్స చ నిసీదన్తస్స చ, ఉక్ఖిత్తకాయ అన్తరఘరే గచ్ఛన్తస్స చ నిసీదన్తస్స చ దుక్కటం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ హత్థమ్పి పాదమ్పి కీళాపేన్తా తహం తహంపి ఓలోకేన్తా అన్తరఘరే గచ్ఛింసుచేవ నిసీదింసు చ, తేయేవ భన్తే ఛబ్బగ్గియా భిక్ఖూ ఉక్ఖిత్తకాయ అన్తరఘరే గచ్ఛింసుచేవ నిసీదింసుచ, తస్మిం భన్తే వత్థుస్మిం పఞ్ఞత్తం.

పుచ్ఛా – అనాదరియం ¶ ఆవుసో పటిచ్చ ఉజ్జగ్ఘికాయ వా ఉచ్చాసద్దం మహాసద్దం కరోన్తేన వా అన్తరఘరే గచ్ఛన్తస్సచ నిసీదన్తస్సచ దుక్కటం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ మహాహసితం హసన్తా చ ఉచ్చాసద్దం మహాసద్దం కరోన్తా చ అన్తరఘరే గచ్ఛింసుచేవ నిసీదింసుచ, తస్మిం భన్తే వత్థుస్మిం పఞ్ఞత్తం.

పుచ్ఛా – అనాదరియం ఆవుసో పటిచ్చ కాయప్పచాలకం వా బాహుప్ప చాలకం వా సీసప్పచాలకం వా ఖమ్భకతేన వా ఓగుణ్ఠితేన వా అన్తరఘరే గచ్ఛన్తస్స చ నిసీదన్తస్స చ ఉక్కుటికాయ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ కాయప్పచాలకం బాహుప్పచాలకం సీసప్పచాలకం కరోన్తా చ ఖమ్భీకతా చ ఓగుణ్ఠితా చ అన్తరఘరే గచ్ఛింసుచేవ నిసీదింసుచ, ఉక్కుటికాయచ అన్తరఘరే గచ్ఛింసు, తస్మిం భన్తే వత్థుస్మిం పఞ్ఞత్తం.

పుచ్ఛా – అనాదరియం ¶ ఆవుసో పటిచ్చ పల్లత్థికాయ అన్తరఘరే నిసిన్నస్స దుక్కటం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ పల్లత్థికాయ అన్తరఘరే నిసీదింసు, తస్మిం భన్తే వత్థుస్మిం పఞ్ఞత్తం.

పుచ్ఛా – అనాదరియం ¶ ఆవుసో పటిచ్చ అసక్కచ్చం పిణ్డపాతం పటిగ్గణ్హన్తస్స చ తహం తహం ఓలోకేన్తేన పిణ్డపాతం పటిగ్గణ్హన్తస్సచ సూపఞ్ఞేవ బహుం పటిగ్గణ్హన్తస్సచ థూపీకతం పిణ్డపాతం పటిగ్గణ్హన్తస్సచ దుక్కటం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ అసక్కచ్చం పిణ్డపాతం పటిగ్గహేసుం, తహం తహం ఓలోకేన్తా పిణ్డపాతం పటిగ్గహేసుం, సూపఞ్ఞేవ బహుం పటిగ్గహేసుం, థూపీకతం పిణ్డపాతం పటిగ్గహేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – అనాదరియం ¶ ఆవుసో పటిచ్చ ఆసక్కచ్చం పిణ్డపాతం భుఞ్జన్తస్సచ తహం తహం ఓలోకేన్తన పిణ్డపాతం భుఞ్జన్తస్స చ తహం తహం ఓమసిత్వా పిణ్డపాతం భుఞ్జన్తస్స చ సూపఞ్ఞేవ బహుం భుఞ్జన్తస్స చ థూపకతో ఓమద్దిత్వా పిణ్డపాతం భుఞ్జన్తస్స చ సూపం వా బ్యఞ్జనం వా ఓదనేన పటిచ్ఛాదేన్తస్స చ దుక్కటం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ అసక్కచ్చం పిణ్డపాతం భుఞ్జింసు, తహం తహం ఓలోకేన్తా పిణ్డపాతం భుఞ్జింసు, తేయేవ భన్తే ఛబ్బగ్గియా భిక్ఖూ తహం తహం ఓమసిత్వా పిణ్డపాతం భుఞ్జింసు, తేయేవ భన్తే ఛబ్బగ్గియా భిక్ఖూ బహుం సూపం భుఞ్జింసు, తేయేవ భన్తే ఛబ్బగ్గియా భిక్ఖూ థూపకతో ఓమద్దిత్వా పిణ్డపాతం భుఞ్జింసు, తేయేవ భన్తే ఛబ్బగ్గియా భిక్ఖూ సూపమ్పి బ్యఞ్జనమ్పి ఓదనేన పటిచ్ఛాదేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – అనాదరియం ¶ ఆవుసో పటిచ్చ సూపంవా ఓదనంవా అగిలానేన అత్తనో అత్థాయ విఞ్ఞాపేత్వా భుఞ్జన్తస్స దుక్కటం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ సూపమ్పి ఓదనమ్పి అత్తనో అత్థాయ విఞ్ఞాపేత్వా భుఞ్జింసు, తస్మిం భన్తే వత్థుస్మిం పఞ్ఞత్తం.

పుచ్ఛా – అనాదరియం ఆవుసో పటిచ్చ ఉజ్ఝానసఞ్ఞినా పరేసం పత్తం ఓలోకేన్తస్స చ అతిమహన్తం కబళం కరోన్తస్స చ దీఘం ఆలోపం కరోన్తస్స చ దుక్కటం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం ¶ భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ ఉజ్ఝానసఞ్ఞినో పరేసం పత్తం ఓలోకేసుం, తేయేవ భన్తే ఛబ్బగ్గియా భిక్ఖూ అతిమహన్తం కబళం కరింసు, తేయేవ భన్తే ఛబ్బగ్గియా భిక్ఖూ దీఘం ఆలోపం కరింసు, తస్మిం భన్తే వత్థుస్మిం పఞ్ఞత్తం.

పుచ్ఛా – అనాదరియం ఆవుసో పటిచ్చ అనాహటే కబళే ముఖద్వారం వివరన్తస్స చ భుఞ్జమానే సబ్బం హత్థం ముఖే పక్ఖిపన్తస్స చ సకబళేన ముఖేన బ్యాహరన్తస్స చ పిణ్డుక్ఖేపకం పిణ్డపాతం భుఞ్జన్తస్స చ కబళావచ్ఛేదకం పిణ్డపాతం భుఞ్జన్తస్స చ అవగణ్డకారకం పిణ్డపాతం భుఞ్జన్తస్స చ హత్థనిద్ధునకం సిత్థావకారకం జివ్హానిచ్ఛారకం చపుచపుకారకం పిణ్డపాతం భుఞ్జన్తస్స చ దుక్కటం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ అనాహటే కబళే ముఖద్వారం వివరింసు, భుఞ్జమానా సబ్బం హత్థం ముఖే పక్ఖిపింసు, సకబళేన ముఖేన బ్యాహరింసు, పిణ్డుక్ఖేపకం భుఞ్జింసు, కబళావచ్ఛేదకం భుఞ్జింసు, అవగణ్డకారకం భుఞ్జింసు, హత్థనిద్ధునకం సిత్థావకారకం జివ్హానిచ్ఛారకం ¶ చపుచపుకారకం భుఞ్జింసు, తస్మిం భన్తే వత్థుస్మిం పఞ్ఞత్తం.

పుచ్ఛా – అనాదరియం ఆవుసో పటిచ్చ సురుసురుకారకం భుఞ్జన్తస్సచ హత్థనిల్లేహకంవా పత్తనిల్లేహకం వా ఓట్ఠనిల్లేహకం వా భుఞ్జన్తస్స చ సామిసేన హత్థేన పానీయథాలకం పటిగ్గణ్హన్తస్స చ ససిత్థకం పత్తధోవనం అన్తరఘరే చడ్డేన్తస్స చ దుక్కటం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సురు సురుకారకం భన్తే భుఞ్జన్తస్స దుక్కటం కోసమ్బియం పఞ్ఞత్తం, సమ్బహులే భన్తే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ సురుసురుకారకం ఖీరం పివింసు, తస్మిం భన్తే వత్థుస్మిం పఞ్ఞత్తం. హత్థనిల్లేహకం ¶ భుఞ్జన్తస్స చ పత్తనిల్లేహకం భుఞ్జన్తస్స చ ఓట్ఠనిల్లేహకం భుఞ్జన్తస్స దుక్కటం సావత్థియం పఞ్ఞత్తం, ఛబ్బగ్గియే భన్తే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ హత్థనిల్లేహకం భుఞ్జింసు, పత్తనిల్లేహకం భుఞ్జింసు, ఓట్ఠనిల్లేహకం భుఞ్జింసు, తస్మిం భన్తే వత్థుస్మిం పఞ్ఞత్తం.

సామిసేన హత్థేన పానీయథాలకం పటిగ్గణ్హన్తస్స చ ససిత్థకం పత్తధోవనం అన్తరఘరే ఛడ్డేన్తస్స చ దుక్కటం భగ్గేసు పఞ్ఞత్తం, సమ్బహులే భిక్ఖూ ఆరబ్భ పఞ్ఞత్తం, సమ్బహులా భిక్ఖూ సామిసేన హత్థేన పానీయథాలకం పటిగ్గహేసుం, తేయేవ భన్తే సమ్బహులా భిక్ఖూ ససిత్థకం పత్తధోవనం అన్తరఘరే ఛడ్డేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – అనాదరియం ¶ ఆవుసో పటిచ్చ ఛత్తపాణిస్స ధమ్మం దేసేన్తస్స చ దణ్డపాణిస్స వా సత్థపాణిస్స వా ఆవుధపాణిస్స వా ధమ్మం దేసేన్తస్స చ దుక్కటం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ ఛత్తపాణిస్స దణ్డపాణిస్స సత్థపాణిస్స ఆవుధపాణిస్స ధమ్మం దేసేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – అనాదరియం ఆవుసో పటిచ్చ పాదుకారుళ్హస్స చ ఉపహనారుళ్హస్స చ యానగతస్స చ సయనగతస్స చ ధమ్మం దేసేన్తస్స దుక్కటం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ పాదుకారుళ్హస్స ఉపహనారుళ్హస్స యానగతస్స సయనగతస్స ధమ్మం దేసేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – అనాదరియం ¶ ఆవుసో పటిచ్చ పల్లత్థికాయ నిసిన్నస్స చ వేఠితసీసస్స చ ఓగుణ్ఠితసీసస్స చ ఛమాయం నిసీదిత్వా ఆసనే నిసిన్నస్స చ నీచే ఆసనే నిసీదిత్వా ఉచ్చే ఆసనే నిసిన్నస్స చ ఠితేన నిసిన్నస్స చ పచ్ఛతో గచ్ఛన్తేన పురతో గచ్ఛన్తస్స చ ఉప్పథేన గచ్ఛన్తేన పథేన గచ్ఛన్తస్స చ ధమ్మం దేసేన్తస్స దుక్కటం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియేవ భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ పల్లత్థికాయ నిసిన్నస్స చ వేఠితసీసస్స చ ఓగుణ్ఠితసీసస్స చ ఛమాయం నిసీదిత్వా ఆసనే నిసిన్నస్స చ నీచే ఆసనే నిసీదిత్వా ఉచ్చే ఆసనే నిసిన్నస్స చ ఠితానిసిన్నస్స చ పచ్ఛతో గచ్ఛన్తా పురతో గచ్ఛన్తస్స చ ఉప్పథేన గచ్ఛన్తా పథేన గచ్ఛన్తస్స చ ధమ్మం దేసేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – అనాదరియం ¶ ఆవుసో పటిచ్చ ఠితేన ఉచ్చారం వా పస్సావం వా కరోన్తస్స చ హరితే వా ఉదకే వా ఉచ్చారం వా పస్సావం వా ఖేళం వా కరోన్తస్స చ దుక్కటం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియేవ భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ ఠితా ఉచ్చారమ్పి పస్సావమ్పి అకంసు, తేయేవ భన్తే ఛబ్బగ్గియా భిక్ఖూ హరితేపి ఉదకేపి ఉచ్చారమ్పి పస్సావమ్పి ఖేళమ్పి అకంసు, తస్మిం భన్తే వత్థుస్మిం పఞ్ఞత్తం.

భిక్ఖునీవిభఙ్గ

౫. పఞ్చమ పారాజిక సిక్ఖాపుచ్ఛా

పుచ్ఛా – భిక్ఖునీనం ¶ ఆవుసో పఞ్చమ పారాజికం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే సున్దరీనన్దం భిక్ఖునిం ఆరబ్భ పఞ్ఞత్తం, సున్దరీనన్దా భన్తే భిక్ఖునీ అవస్సుతా అవస్సుతస్స పురిసపుగ్గలస్స కాయసంసగ్గం సాదియి, తస్మిం భన్తే వత్థుస్మిం పఞ్ఞత్తం.

భిక్ఖునీవిభఙ్గ, సఙ్ఘాదిసేస సిక్ఖాపుచ్ఛా

పుచ్ఛా – ఉస్సయవాదికాయ ఆవుసో భిక్ఖునియా అడ్డం కరోన్తియా సఙ్ఘాదిసేసో కత్థ పఞ్ఞత్తో, కం ఆరబ్భ కిస్మిం వత్థుస్మిం పఞ్ఞత్తో.

విస్సజ్జనా – సావత్థియం భన్తే తుల్లనన్దం భిక్ఖునిం ఆరబ్భ పఞ్ఞత్తో, థుల్లనన్దా భన్తే భిక్ఖునీ ఉస్సయవాదికా విహరి, తస్మిం భన్తే వత్థుస్మిం పఞ్ఞత్తో.

పుచ్ఛా – చోరిం ¶ ఆవుసో వుట్ఠాపేన్తియా సఙ్ఘాదిసేసో కత్థ పఞ్ఞత్తో, కం ఆరబ్భ కిస్మిం వత్థుస్మిం పఞ్ఞత్తో.

విస్సజ్జనా – సావత్థియం భన్తే థుల్లనన్దం భిక్ఖునిం ఆరబ్భ పఞ్ఞత్తో, థుల్లనన్దా భన్తే భిక్ఖునీ చోరిం వుట్ఠాపేసి, తస్మిం భన్తే వత్థుస్మిం పఞ్ఞత్తో.

పుచ్ఛా – ఏకాయ ¶ ఆవుసో గామన్తరం గచ్ఛన్తియా సఙ్ఘాదిసేసో కత్థ పఞ్ఞత్తో, కం ఆరబ్భ కిస్మిం వత్థుస్మిం పఞ్ఞత్తో.

విస్సజ్జనా – సావత్థియం భన్తే అఞ్ఞతరం భిక్ఖునిం ఆరబ్భ పఞ్ఞత్తో, అఞ్ఞతరా భన్తే భిక్ఖునీ ఏకా గామన్తరం గచ్ఛి, తస్మిం భన్తే వత్థుస్మిం పఞ్ఞత్తో.

పుచ్ఛా – అవస్సుతాయ ఆవుసో భిక్ఖునియా అవస్సుతస్స పురిసపుగ్గలస్స హత్థతో ఖాదనీయంవా భోజనీయంవా సహత్థా పటిగ్గహేత్వా భుఞ్జన్తస్స సఙ్ఘాదిసేసో కత్థ పఞ్ఞత్తో, కం ఆరబ్భ కిస్మిం వత్థుస్మిం పఞ్ఞత్తో.

విస్సజ్జనా – సావత్థియం భన్తే సున్దరీనన్దం భిక్ఖునిం ఆరబ్భ పఞ్ఞత్తో, సున్దరీనన్దా భన్తే భిక్ఖునీ అవస్సుతా అవస్సుతస్స పురిసపుగ్గలస్స ¶ హత్థతో ఆమిసం పటిగ్గహేసి తస్మిం భన్తే వత్థుస్మిం పఞ్ఞత్తో.

పుచ్ఛా – కుపితాయ ఆవుసో అనత్తమనాయ భిక్ఖునియా యావతతియం సమనుభాసన్తియా న పటినిసజ్జన్తియా సఙ్ఘాదిసేసో కత్థ పఞ్ఞత్తో, కం ఆరబ్భ కిస్మిం వత్థుస్మిం పఞ్ఞత్తో.

విస్సజ్జనా – సావత్థియం భన్తే చణ్డకాళిం భిక్ఖునిం ఆరబ్భ పఞ్ఞత్తో, చణ్డకాళీ భన్తే భిక్ఖునీ కుపితా అనత్తమనా ఏవం అభణి, బుద్ధం పచ్చాచిక్ఖామి, ధమ్మం పచ్చాచిక్ఖామి, సఙ్ఘం పచ్చాచిక్ఖామి, సిక్ఖం పచ్చాచిక్ఖామి, కిన్నుమావ సమణియో యా సమణియో సక్యధీతరో, సన్తఞ్ఞాపి సమణియో లజ్జినియో కుక్కుచ్చికా సిక్ఖాకామా, తాసాహం సన్తికే బ్రహ్మచరియం చరిస్సామీతి, తస్మిం భన్తే వత్థుస్మిం పఞ్ఞత్తో.

పుచ్ఛా – కస్స ¶ ఆవుసో వచనం.

విస్సజ్జనా – భగవతో భన్తే వచనం అరహతో సమ్మాసమ్బుద్ధస్స.

పుచ్ఛా – కేనావుసో ఆభతం.

విస్సజ్జనా – పరమ్పరాయ భన్తే ఆభతం.

పుచ్ఛా – అత్థి నుఖో ఆవుసో ఏత్థ కోచిపి విరద్ధదోసో.

విస్సజ్జనా – నత్థి భన్తే.

భిక్ఖునీ విభఙ్గపాచిత్తియ

౧. లసుణవగ్గ, ౧. పఠమ సిక్ఖాపుచ్ఛా

పుచ్ఛా – యం ¶ తేన ఆవుసో భగవతా…పే… సమ్మాసమ్బుద్ధేన లక్ఖణం ఖాదన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే థుల్లనన్దం భిక్ఖునిం ఆరబ్భ పఞ్ఞత్తం, థుల్లనన్దా భన్తే భిక్ఖునీ న మత్తం జానిత్వా బహుం లసుణం హరాపేసి, తస్మిం భన్తే వత్థుస్మిం పఞ్ఞత్తం.

౧. లసుణవగ్గ, ౬. ఛట్ఠ సిక్ఖాపుచ్ఛా

పుచ్ఛా – భిక్ఖుస్స ఆవుసో భుఞ్జమానస్స అన్నేన వా పానేన వా విధూపనేన వా ఉపతిట్ఠన్తియా భిక్ఖునియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం ¶ భన్తే అఞ్ఞతరం భిక్ఖునిం ఆరబ్భ పఞ్ఞత్తం, అఞ్ఞతరా భన్తే భిక్ఖునీ భిక్ఖుస్స భుఞ్జమానస్స పానీయేన విధూపనేన చ ఉపతిట్ఠతి, తస్మిం భన్తే వత్థుస్మిం పఞ్ఞత్తం.

౧. లసుణవగ్గ, ౮. అట్ఠమ సిక్ఖాపుచ్ఛా

పుచ్ఛా – ఉచ్చారంవా ఆవుసో పస్సావంవా సఙ్కారంవా విఘాసంవా థిరోకుట్టే ఛడ్డేన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే అఞ్ఞతరం భిక్ఖునిం ఆరబ్భ పఞ్ఞత్తం, అఞ్ఞతరా భన్తే భిక్ఖునీ ఉచ్చారం తిరోకుట్టే ఛడ్డేసి, తస్మిం భన్తే వత్థుస్మిం పఞ్ఞత్తం.

౧. లసుణవగ్గ, ౧౦. దసమ సిక్ఖాపుచ్ఛా

పుచ్ఛా – నచ్చం ¶ వా ఆవుసో గీతం వా వాదితం వా దస్సనాయ గచ్ఛన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియా భిక్ఖునియో ఆరబ్భ పఞ్ఞత్తం, ఛబ్బగ్గియా భన్తే భిక్ఖునియో నచ్చమ్పి గీతమ్పి వాదితమ్పి దస్సనాయ అగమంసు, తస్మిం భన్తే వత్థుస్మిం పఞ్ఞత్తం.

పుచ్ఛా – భిక్ఖుపన ¶ ఆవుసో నచ్చం వా గీతం వా వాదితం వా దస్సనాయ గచ్ఛన్తో కం నామ ఆపత్తిం ఆపజ్జతి.

విస్సజ్జనా – దుక్కటం భన్తే ఆపత్తిం ఆపజ్జతి.

౧. పఠమ సిక్ఖాపుచ్ఛా

పుచ్ఛా – రత్తన్ధకారే ఆవుసో అపదీపే పురిసేన సద్ధిం ఏకేనేకాయ సన్తిట్ఠన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే అఞ్ఞతరం భిక్ఖునిం ఆరబ్భ పఞ్ఞత్తం, అఞ్ఞతరా భన్తే భిక్ఖునీ రత్తన్ధకారే అపదీపే పురిసేన సద్ధిం ఏకేనేకా సన్తిట్ఠి, తస్మిం భన్తే వత్థుస్మిం పఞ్ఞత్తం.

౨. అన్ధకారవగ్గ, ౨-౩. దుతియ, తతియ సిక్ఖాపుచ్ఛా

పుచ్ఛా – పటిచ్ఛన్నే ¶ వా ఆవుసో ఓకాసే అజ్ఝోకాసే వా పురిసేన సద్ధిం ఏకేనేకాయ సన్తిట్ఠన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే అఞ్ఞతరం భిక్ఖునిం ఆరబ్భ పఞ్ఞత్తం, అఞ్ఞతరా భన్తే భిక్ఖునీ పటిచ్ఛన్నే ఓకాసే అజ్ఝోకాసే చ పురిసేన సద్ధిం ఏకేనేకా సన్తిట్ఠి, తస్మిం భన్తే వత్థుస్మిం పఞ్ఞత్తం.

౨. అన్ధకారవగ్గ, ౮. అట్ఠమ సిక్ఖాపుచ్ఛా

పుచ్ఛా – దుగ్గహితేన ఆవుసో దూపధారితేన పరం ఉజ్ఝాపేన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే అఞ్ఞతరం భిక్ఖునిం ఆరబ్భ పఞ్ఞత్తం, అఞ్ఞతరా భన్తే భిక్ఖునీ దుగ్గహితేన దూపధారితేన పరం ఉజ్ఝాపేసి, తస్మిం భన్తే వత్థుస్మిం పఞ్ఞత్తం.

౨. అన్ధకారవగ్గ, ౯. నవమ సిక్ఖాపుచ్ఛా

పుచ్ఛా – అత్తానం ¶ వా ఆవుసో పరం వా నిరయేన వా బ్రహ్మచరియేన వా అభిసపన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే చణ్డకాళిం భిక్ఖునిం ఆరబ్భ పఞ్ఞత్తం, చణ్డకాళీ భన్తే భిక్ఖునీ అత్తానమ్పి పరమ్పి నిరయేనపి బ్రహ్మచరియేనపి అభిసపి, తస్మిం భన్తే వత్థుస్మిం పఞ్ఞత్తం.

౨. అన్ధకారవగ్గ, ౧౦. దసమ సిక్ఖాపుచ్ఛా

పుచ్ఛా – అత్తానం ¶ ఆవుసో వధిత్వా వధిత్వా రోదన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే చణ్డకాళిం భిక్ఖునిం ఆరబ్భ పఞ్ఞత్తం, చణ్డకాళీ భన్తే భిక్ఖునీ భిక్ఖునీహి సద్ధిం భణ్డిత్వా అత్తానం వధిత్వా వధిత్వా రోది, తస్మిం భన్తే వత్థుస్మిం పఞ్ఞత్తం.

౩. నగ్గవగ్గ, ౩. తతియ సిక్ఖాపుచ్ఛా

పుచ్ఛా – భిక్ఖునియా ¶ ఆవుసో చీవరం విసిబ్బేత్వా వా విసిబ్బాపేత్వా వా నేవ సిబ్బేన్తియా న సిబ్బాపనాయ ఉస్సుక్కం కరోన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే థుల్లనన్దం భిక్ఖునిం ఆరబ్భ పఞ్ఞత్తం, థుల్లనన్దా భన్తే భిక్ఖునీ భిక్ఖునియా చీవరం విసిబ్బాపేత్వా నేవ సిబ్బేసి న సిబ్బాపనాయ ఉస్సుక్కం అకాసి, తస్మిం భన్తే వత్థుస్మిం పఞ్ఞత్తం.

౩. నగ్గవగ్గ, ౮. అట్ఠమ సిక్ఖాపుచ్ఛా

పుచ్ఛా – అగారికస్స ¶ వా ఆవుసో పరిబ్బాజకస్స వా పరిబ్బాజికాయ వా సమణచీవరం దేన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే థుల్లనన్దం భిక్ఖునిం ఆరబ్భ పఞ్ఞత్తం, థుల్లనన్దా భన్తే భిక్ఖునీ అగారికస్స సమణచీవరం అదాసి, తస్మిం భన్తే వత్థుస్మిం పఞ్ఞత్తం.

౪. తువట్టవగ్గ, ౧-౨. పఠమ, దుతియ సిక్ఖాపుచ్ఛా

పుచ్ఛా – ద్విన్నం ఆవుసో భిక్ఖునీనం ఏకమఞ్చే వా ఏకత్థరణపావురణే వా తువట్టేన్తీనం పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే సమ్బహులా భిక్ఖునియో ఆరబ్భ పఞ్ఞత్తం, సమ్బహులా భన్తే భిక్ఖునియో ద్వే ఏకమఞ్చే తువట్టేసుం, ఏకత్థరణపావురణే తువట్టేసుం, తస్మిం భన్తే వత్థుస్మిం పఞ్ఞత్తం.

౪. తువట్టవగ్గ, ౩. తతియ సిక్ఖాపుచ్ఛా

పుచ్ఛా – భిక్ఖునియా ¶ ఆవుసో సఞ్చిచ్చ అఫాసుం కరోన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే థుల్లనన్దం భిక్ఖునిం ఆరబ్భ పఞ్ఞత్తం, థుల్లనన్దా భన్తే భిక్ఖునీ భిక్ఖునియా సఞ్చిచ్చ అఫాసుం అకాసి, తస్మిం భన్తే వత్థుస్మిం పఞ్ఞత్తం.

౪. తువట్టవగ్గ, ౪. చతుత్థ సిక్ఖాపుచ్ఛా

పుచ్ఛా – దుక్ఖితం ¶ ఆవుసో సహజీవినిం నేవ ఉపట్ఠేన్తియా న ఉపట్ఠాపనాయ ఉస్సుక్కం కరోన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే థుల్లనన్దంయేవ భిక్ఖునిం ఆరబ్భ పఞ్ఞత్తం, థుల్లనన్దా భన్తే భిక్ఖునీ దుక్ఖితం సహజీవినిం నేవఉపట్ఠేసి న ఉపట్ఠాపనాయ ఉస్సుక్కం అకాసి, తస్మిం భన్తే వత్థుస్మిం పఞ్ఞత్తం.

౪. తువట్టవగ్గ, ౫. పఞ్చమ సిక్ఖాపుచ్ఛా

పుచ్ఛా – భిక్ఖునియా ¶ ఆవుసో ఉపస్సయం దత్వా కుపితాయ అనత్తమనాయ నిక్కడ్ఢన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే థుల్లనన్దంయేవ భిక్ఖునిం ఆరబ్భ పఞ్ఞత్తం, థుల్లనన్దా భన్తే భిక్ఖునీ భిక్ఖునియా ఉపస్సయం దత్వా కుపితా అనత్తమనా నిక్కడ్ఢి, తస్మిం భన్తే వత్థుస్మిం పఞ్ఞత్తం.

౪. తువట్టవగ్గ, ౬. ఛట్ఠ సిక్ఖాపుచ్ఛా

పుచ్ఛా – సంసట్ఠాయ ¶ ఆవుసో భిక్ఖునియా యావతతియం సమనుభాసనాయ న పటినిస్సజ్జన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే చణ్డకాళిం భిక్ఖునిం ఆరబ్భ పఞ్ఞత్తం, చణ్డకాళీ భన్తే భిక్ఖునీ సంసట్ఠా విహరి, తస్మిం భన్తే వత్థుస్మిం పఞ్ఞత్తం.

౪. తువట్టవగ్గ, ౭-౮. సత్తమ అట్ఠమ సిక్ఖాపుచ్ఛా

పుచ్ఛా – అన్తోరట్ఠే ¶ వా ఆవుసో తిరోరట్ఠే వా సాసఙ్కసమ్మతే సప్పటిభయే అసత్థికాయ చారికం చరన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే సమ్బహులా భిక్ఖునియో ఆరబ్భ పఞ్ఞత్తం, సమ్బహులా భన్తే భిక్ఖునియో అన్తోరట్ఠేపి తిరోరట్ఠేపి సాసఙ్కసమ్మతే సప్పటిభయే అసత్థికాయో చారికం చరింసు, తస్మిం భన్తే వత్థుస్మిం పఞ్ఞత్తం.

౪. తువట్టవగ్గ, ౯. నవమ సిక్ఖాపుచ్ఛా

పుచ్ఛా – అన్తోవస్సం ఆవుసో చారికం చరన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే సమ్బహులా భిక్ఖునియో ఆరబ్భ పఞ్ఞత్తం, సమ్బహులా భన్తే భిక్ఖునియో అన్తోవస్సం చారికం పక్కమింసు, తస్మిం భన్తే వత్థుస్మిం పఞ్ఞత్తం.

౪. తువట్టవగ్గ, ౧౦. దసమ సిక్ఖాపుచ్ఛా

పుచ్ఛా – వస్సం ¶ వుట్ఠాయ ఆవుసో భిక్ఖునియా చారికం న పక్కమన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే సమ్బహులా భిక్ఖునియో ఆరబ్భం పఞ్ఞత్తం, సమ్బహులా భన్తే భిక్ఖునియో వస్సంవుట్ఠా చారికం న పక్కమింసు, తస్మిం భన్తే వత్థుస్మిం పఞ్ఞత్తం.

పుచ్ఛా – కస్స ¶ ఆవుసో వచనం.

విస్సజ్జనా – భగవతో భన్తే వచనం అరహతో సమ్మాసమ్బుద్ధస్స.

పుచ్ఛా – కేనావుసో ఆభతం.

విస్సజ్జనా – పరమ్పరాయ భన్తే వచనం.

సుణాతు మే భన్తే సఙ్ఘో…పే… సంగాయేయ్యామ.

౫. చిత్తాగారవగ్గ, ౧. పఠమ సిక్ఖాపుచ్ఛా

పుచ్ఛా – యం తేన ఆవుసో భగవతా…పే… సమ్మాసమ్బుద్ధేన రాజాగారం వా చిత్తాగారం వా ఆరామం వా ఉయ్యానం వా పోక్ఖరణిం వా దస్సనాయ గచ్ఛన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం ¶ భన్తే ఛబ్బగ్గియా భిక్ఖునియో ఆరబ్భ పఞ్ఞత్తం, ఛబ్బగ్గియా భన్తే భిక్ఖునియో రాజాగారమ్పి చిత్తాగారమ్పి దస్సనాయ గచ్ఛింసు, తస్మిం భన్తే వత్థుస్మిం పఞ్ఞత్తం.

౫. చిత్తాగారవగ్గ, ౪. చతుత్థ సిక్ఖాపుచ్ఛా

పుచ్ఛా – గిహివేయ్యావచ్చం ఆవుసో కరోన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే సమ్బహులా భిక్ఖునియో ఆరబ్భ పఞ్ఞత్తం, సమ్బహులా భన్తే భిక్ఖునియోగిహి వేయ్యావచ్చం అకంసు, తస్మిం భన్తే వత్థుస్మిం పఞ్ఞత్తం.

౫. చిత్తాగారవగ్గ, ౬. ఛట్ఠ సిక్ఖాపుచ్ఛా

పుచ్ఛా – అగారికస్స ¶ వా ఆవుసో పరిబ్బాజకస్స వా పరిబ్బాజికాయ వా సహత్థా ఖాదనీయం భోజనీయం దేన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే థుల్లనన్దం భిక్ఖునిం ఆరబ్భ పఞ్ఞత్తం, థుల్లనన్దా భన్తే భిక్ఖునీ అగారికస్స సహత్థా ఖాదనీయమ్పి భోజనీయమ్పి అదాసి, తస్మిం భన్తే వత్థుస్మిం పఞ్ఞత్తం.

౫. చిత్తాగారవగ్గ, ౯-౧౦. నవమ, దసమ సిక్ఖాపుచ్ఛా

పుచ్ఛా – తిరచ్ఛానవిజ్జం ఆవుసో పరియాపుణన్తియా చ వాచేన్తియా చ పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియా భిక్ఖునియో ఆరబ్భ పఞ్ఞత్తం, ఛబ్బగ్గియా భన్తే భిక్ఖునియో తిరచ్ఛానవిజ్జం పరియాపుణింసుచేవ వాచేసుఞ్చ, తస్మిం భన్తే వత్థుస్మిం పఞ్ఞత్తం.

పుచ్ఛా – భిక్ఖు ¶ పన ఆవుసో తాదిసం తిరచ్ఛానవిజ్జం పరియాపుణన్తో చ వాచేన్తో చ కిం నామ ఆపత్తిం ఆపజ్జతి.

విస్సజ్జనా – దుక్కటం భన్తే ఆపత్తిం ఆపజ్జతి.

౬. ఆరామవగ్గ, ౧. పఠమ సిక్ఖాపుచ్ఛా

పుచ్ఛా – జానం ఆవుసో సభిక్ఖుకం ఆరామం అనాపుచ్ఛా పవిసన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే సమ్బహులా భిక్ఖునియో ఆరబ్భ పఞ్ఞత్తం, సమ్బహులా భన్తే భిక్ఖునియో ఆరామం అనాపుచ్ఛా పవిసింసు, తస్మిం భన్తే వత్థుస్మిం పఞ్ఞత్తం.

౬. ఆరామవగ్గ, ౨. దుతియ సిక్ఖాపుచ్ఛా

పుచ్ఛా – భిక్ఖుం ¶ ఆవుసో అక్కోసన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – వేసాలియం భన్తే ఛబ్బగ్గియా భిక్ఖునియో ఆరబ్భ పఞ్ఞత్తం, ఛబ్బగ్గియా భన్తే భిక్ఖునియో ఆయస్మన్తం ఉపాలిం అక్కోసింసు, తస్మిం భన్తే వత్థుస్మిం పఞ్ఞత్తం.

౬. ఆరామవగ్గ, ౩. తతియ సిక్ఖాపుచ్ఛా

పుచ్ఛా – చణ్డికతాయ ¶ ఆవుసో గణం పరిభాసన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే థుల్లనన్దం భిక్ఖునిం ఆరబ్భ పఞ్ఞత్తం, థుల్లనన్దా భన్తే భిక్ఖునీ చణ్డికతాయ గణం పరిభాసి, తస్మిం భన్తే వత్థుస్మిం పఞ్ఞత్తం.

౬. ఆరామవగ్గ, ౫. పఞ్చమ సిక్ఖాపుచ్ఛా

పుచ్ఛా – కులం ¶ ఆవుసో మచ్ఛరాయన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే అఞ్ఞతరం భిక్ఖునిం ఆరబ్భ పఞ్ఞత్తం, అఞ్ఞతరా భన్తే భిక్ఖునీ కులం మచ్ఛరాయి, తస్మిం భన్తే వత్థుస్మిం పఞ్ఞత్తం.

౬. ఆరామవగ్గ, ౬. ఛట్ఠ సిక్ఖాపుచ్ఛా

పుచ్ఛా – అభిక్ఖుకే ¶ ఆవుసో ఆవాసే వస్సం వసన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే సమ్బహులా భిక్ఖునియో ఆరబ్భ పఞ్ఞత్తం, సమ్బహులా భన్తే భిక్ఖునియో అభిక్ఖుకే ఆవాసే వస్సం వసింసు, తస్మిం భన్తే వత్థుస్మిం పఞ్ఞత్తం.

౬. ఆరామవగ్గ, ౭. సత్తమ సిక్ఖాపుచ్ఛా

పుచ్ఛా – వస్సం ¶ వుట్ఠాయ ఆవుసో భిక్ఖునియా ఉభతోసఙ్ఘే తీహి ఠానేహి న పవారేన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే సమ్బహులా భిక్ఖునియో ఆరబ్భ పఞ్ఞత్తం, సమ్బహులా భన్తే భిక్ఖునియో వస్సం వుట్ఠా భిక్ఖుసఙ్ఘం న పవారేసుం, తస్మిం భన్తే వత్థుస్మిం పఞ్ఞత్తం.

౬. ఆరామవగ్గ, ౮. అట్ఠమ సిక్ఖాపుచ్ఛా

పుచ్ఛా – ఓవాదాయ వా ఆవుసో సంవాసాయ వా నగచ్ఛన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సక్కేసు భన్తే ఛబ్బగ్గియా భిక్ఖునియో ఆరబ్భ పఞ్ఞత్తం, ఛబ్బగ్గియా భన్తే భిక్ఖునియో ఓవాదం నగచ్ఛింసు, తస్మిం భన్తే వత్థుస్మిం పఞ్ఞత్తం.

౬. ఆరామవగ్గ, ౯. నవమ సిక్ఖాపుచ్ఛా

పుచ్ఛా – ఉపోసథమ్పి ¶ ఆవుసో న పుచ్ఛన్తియా ఓవాదమ్పి న యాచన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే సమ్బహులా భిక్ఖునియో ఆరబ్భ పఞ్ఞత్తం, సమ్బహులా భన్తే భిక్ఖునియో ఉపోసథం న పుచ్ఛింసు, ఓవాదమ్పి న యాచింసు, తస్మిం భన్తే వత్థుస్మిం పఞ్ఞత్తం.

౭. గబ్భినీవగ్గ, ౧-౨. పఠమ, దుతియ సిక్ఖాపుచ్ఛా

పుచ్ఛా – గబ్భినిం వా ఆవుసో పాయన్తిం వా వుట్ఠాపేన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం ¶ భన్తే సమ్బహులా భిక్ఖునియో ఆరబ్భ పఞ్ఞత్తం, సమ్బహులా భన్తే భిక్ఖునియో గబ్భినిం వుట్ఠాపేసుం, పాయన్తిం వుట్ఠాపేసుం, తస్మిం భన్తే వత్థుస్మిం పఞ్ఞత్తం.

౭. గబ్భినీవగ్గ, ౩. తతియ సిక్ఖాపుచ్ఛా

పుచ్ఛా – ద్వే వస్సాని ఆవుసో ఛసు ధమ్మేసు అసిక్ఖితసిక్ఖం సిక్ఖమానం వుట్ఠాపేన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే సమ్బహులా భిక్ఖునియో ఆరబ్భ పఞ్ఞత్తం, సమ్బహులా భన్తే భిక్ఖునియో ద్వే వస్సాని ఛసు ధమ్మేసు అసిక్ఖితసిక్ఖం సిక్ఖమానం వుట్ఠాపేసుం, తస్మిం భన్తే వత్థుస్మిం పఞ్ఞత్తం.

౮. కుమారీభూతవగ్గ, ౯. నవమ సిక్ఖాపుచ్ఛా

పుచ్ఛా – పురిససంసట్ఠం ¶ ఆవుసో కుమారకసంసట్ఠం చణ్డిం సోకావాసం సిక్ఖమానం వుట్ఠాపేన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే థుల్లనన్దం భిక్ఖునిం ఆరబ్భ పఞ్ఞత్తం, థుల్లనన్దా భన్తే భిక్ఖునీ పురిససంసట్ఠం కుమారకసంసట్ఠం చణ్డిం సోకావాసం చణ్డకాళిం సేక్ఖమానం వుట్ఠాపేసి, తస్మిం భన్తే వత్థుస్మిం పఞ్ఞత్తం.

౮. కుమారీభూతవగ్గ, ౧౦. దసమ సిక్ఖాపుచ్ఛా

పుచ్ఛా – మాతాపితూహి ¶ వా ఆవుసో సామికేన వా అననుఞ్ఞాతం సిక్ఖమానం వుట్ఠాపేన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే థుల్లనన్దం భిక్ఖునిం ఆరబ్భ పఞ్ఞత్తం, థుల్లనన్దా భన్తే భిక్ఖునీ మాతాపితూహిపి సామికేనపి అననుఞ్ఞాతం సిక్ఖమానం వుట్ఠాపేసి, తస్మిం భన్తే వత్థుస్మిం పఞ్ఞత్తం.

౯. ఛత్తుపాహనవగ్గ, ౧-౨. పఠమ, దుతియ సిక్ఖాపుచ్ఛా

పుచ్ఛా – ఛత్తుపాహనం ఆవుసో ధారేన్తియా చ యానేన యాయన్తియా చ పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియా భిక్ఖునియో ఆరబ్భ పఞ్ఞత్తం, ఛబ్బగ్గియా భన్తే భిక్ఖునియో ఛత్తుపాహనం ధారేసుం, యానేన యాయింసు, తస్మిం భన్తే వత్థుస్మిం పఞ్ఞత్తం.

౯. ఛత్తుపాహనవగ్గ, ౪. చతుత్థ సిక్ఖాపుచ్ఛా

పుచ్ఛా – ఇత్థాలఙ్కారం ¶ ఆవుసో ధారేన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియా భిక్ఖునియో ఆరబ్భ పఞ్ఞత్తం, ఛబ్బగ్గియా భన్తే భిక్ఖునియో ఇత్థాలఙ్కారం ధారేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – భిక్ఖు పన ఆవుసో పురిసాలఙ్కారం ధారేన్తో కిం నామ ఆపత్తిం ఆపజ్జేయ్య.

విస్సజ్జనా – దుక్కటం భన్తే ఆపత్తిం ఆపజ్జేయ్య.

౯. ఛత్తుపాహనవగ్గ, ౫. పఞ్చమ సిక్ఖాపుచ్ఛా

పుచ్ఛా – గన్ధవణ్ణకేన ¶ ఆవుసో నహాయన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియా భిక్ఖునియో ఆరబ్భ పఞ్ఞత్తం, ఛబ్బగ్గియా భన్తే భిక్ఖునియో గన్ధవణ్ణకేన నహాయింసు, తస్మిం భన్తే వత్థుస్మిం పఞ్ఞత్తం.

౯. ఛత్తుపాహనవగ్గ, ౧౧. ఏకాదసమ సిక్ఖాపుచ్ఛా

పుచ్ఛా – భిక్ఖుస్స ఆవుసో పురతో అనాపుచ్ఛా ఆసనే నిసీదన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే సమ్బహులా భిక్ఖునియో ఆరబ్భ పఞ్ఞత్తం, సమ్బహులా భన్తే భిక్ఖునియో భిక్ఖుస్స పురతో అనాపుచ్ఛా ఆసనే నిసీదింసు, తస్మిం భన్తే వత్థుస్మిం పఞ్ఞత్తం.

౯. ఛత్తుపాహనవగ్గ, ౧౨. ద్వాదసమ సిక్ఖాపుచ్ఛా

పుచ్ఛా – అనోకాసకతం ¶ ఆవుసో భిక్ఖుం పఞ్హం పుచ్ఛన్తియా పాచిత్తియం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే సమ్బహులా భిక్ఖునియో ఆరబ్భ పఞ్ఞత్తం, సమ్బహులా భన్తే భిక్ఖునియో అనోకాసకతం భిక్ఖుం పఞ్హం పుచ్ఛింసు, తస్మిం భన్తే వత్థుస్మిం పఞ్ఞత్తం.

పుచ్ఛా – సప్పిం వా ఆవుసో తేలం వా మధుం వా ఫాణితం వా మచ్ఛం వా మంసం వా ఖీరం వా దధిం వా విఞ్ఞాపేత్వా భుఞ్జన్తియా పాటిదేసనీయం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియా భిక్ఖునియో ఆరబ్భ పఞ్ఞత్తం, ఛబ్బగ్గియా భన్తే భిక్ఖునియో సప్పిమ్పి తేలమ్పి మధుమ్పి ఫాణితమ్పి మచ్ఛమ్పి మంసమ్పి ఖీరమ్పి దధిమ్పి విఞ్ఞాపేత్వా భుఞ్జింసు, తస్మిం భన్తే వత్థుస్మిం పఞ్ఞత్తం.

పుచ్ఛా – చతున్నం ¶ ఆవుసో విపత్తీనం కతమా విపత్తి.

విస్సజ్జనా – ఆచారవిపత్తి భన్తే.

పుచ్ఛా – ఛన్నం ఆవుసో ఆపత్తిసముట్ఠానానం కతిహి సముట్ఠానేహి సముట్ఠాతి.

విస్సజ్జనా – చతూహి భన్తే సముట్ఠానేహి సముట్ఠాతి, సియా కాయతో సముట్ఠాతి, నవాచతో నచిత్తతో, సియా కాయతో చ వాచతో చ సముట్ఠాతి, నచిత్తతో, సియా కాయతో చ చిత్తతో చ సముట్ఠాతి, నవాచతో, సియా కాయతో చ వాచతో చ చిత్తతో చ సముట్ఠాతి, ఇమేహి భన్తే చతూహి సముట్ఠానేహి సముట్ఠాతి.

పుచ్ఛా – కా ¶ ఆవుసో విపత్తి.

విస్సజ్జనా – అసంవరో భన్తే విపత్తి.

పుచ్ఛా – కా ఆవుసో సమ్పత్తి.

విస్సజ్జనా – సంవరో భన్తే సమ్పత్తి.

పుచ్ఛా – కా ¶ ఆవుసో పటిపత్తి.

విస్సజ్జనా – న ఏవరూపం కరిస్సామీతి యావజీవం ఆపాణకోటికం సమాదాయ సిక్ఖతి సిక్ఖాపదేసు, అయం భన్తే పటిపత్తి.

పుచ్ఛా – కస్స ఆవుసో వచనం.

విస్సజ్జనా – భగవతో భన్తే వచనం అరహతో సమ్మాసమ్బుద్ధస్స.

పుచ్ఛా – కేనావుసో ఆభతం.

విస్సజ్జనా – పరమ్పరాయ భన్తే ఆభతం.

సుణాతు మే భన్తే సఙ్ఘో…పే… సంగాయేయ్యామ.

మహావగ్గపాళి

సంగాయనస్స పుచ్ఛా విస్సజ్జనా

పుచ్ఛా – ఉభతో ¶ విభఙ్గానన్తరం ఆవుసో పోరాణకేహి సంగీతికారమహాథేరేహి కం నామ పావచనం సంగీతం.

విస్సజ్జనా – ఉభతో విభఙ్గానన్తరం భన్తే పోరాణకేహి సంగీతికారమహాథేరేహి ఖన్ధకా సంగీతా.

పుచ్ఛా – తే పన ఆవుసో ఖన్ధకా వగ్గభేదేన కతివిధా.

విస్సజ్జనా – తే ¶ పన భన్తే ఖన్ధకా దువిధా వగ్గభేదేన మహావగ్గో చూళవగ్గోతి.

పుచ్ఛా – మహావగ్గే ఆవుసో కతి ఖన్ధకా పరియాపన్నా.

విస్సజ్జనా – మహావగ్గే భన్తే దసఖన్ధకా పరియాపన్నా, సేయ్యథిదం, మహాఖన్ధకో ఉపోసథక్ఖన్ధకో వస్సూపనాయికక్ఖన్ధకో పవారణాక్ఖన్ధకో చమ్మక్ఖన్ధకో భేసజ్జక్ఖన్ధకో కథినక్ఖన్ధకో చీవరక్ఖన్ధకో చమ్పేయ్యక్ఖన్ధకో కోసమ్బకక్ఖన్ధకోతి.

పుచ్ఛా – మహాఖన్ధకే ఆవుసో బహూ కథాయో, కతమా తాసం ఆదికథా.

విస్సజ్జనా – మహాఖన్ధకే భన్తే బోధికథా ఆది.

మహాఖన్ధక

మహాబోధిపుచ్ఛా

పుచ్ఛా – తస్మాతిహ ¶ ఆవుసో తతో పట్ఠాయ తం పుచ్ఛిస్సామి, భగవా ఆవుసో పఠమాభిసమ్బుద్ధకాలే కత్థ కీవచీరం కేనాకారేన విహాసి.

విస్సజ్జనా – భగవా భన్తే పఠమాభిసమ్బుద్ధో బోధిరుక్ఖమూలే సత్తాహం ఏకపల్లఙ్కేన విహాసి విముత్తిసుఖం పటిసంవేదీ.

పుచ్ఛా – తదా ఆవుసో భగవా కీదిసం ధమ్మం మనసికత్వా కీదిసం ఉదానం ఉదానేసి.

విస్సజ్జనా – తదా భన్తే భగవా రత్తియా పఠమం యామం రత్తియా మజ్ఝిమం యామం రత్తియా పచ్ఛిమం యామం పటిచ్చసముప్పాదం అనులోమం పటిలోమం మనసికత్వా తీణి ఉదానాని ఉదానేసి.

అజపాల

పుచ్ఛా – తస్స ¶ ఆవుసో సత్తాహస్స అచ్చయేన భగవా కత్థ విహాసి.

విస్సజ్జనా – తస్స భన్తే సత్తాహస్స అచ్చయేన భగవా అజపాల నిగ్రోధమూలే విహాసి, సత్తాహం ఏకపల్లఙ్కేన విహాసి విముత్తిసుఖం పటిసంవేదీ.

ముచలిన్దా

పుచ్ఛా – తస్సపి ఆవుసో సత్తాహస్స అచ్చయేన భగవా కత్థ విహాసి.

విస్సజ్జనా – తస్స ¶ భన్తే సత్తాహస్స అచ్చయేన భగవా ముచలిన్దమూలే సత్తాహం ఏకపల్లఙ్కేన నిసీది.

పుచ్ఛా – తస్సపి ఆవుసో సత్తాహస్స అచ్చయేన భగవా కత్థ విహాసి.

విస్సజ్జనా – తస్సపి భన్తే సత్తాహస్స అచ్చయేన భగవా రాజాయతనమూలే సత్తాహం ఏకపల్లఙ్కేన నిసీది విముత్తిసుఖం పటిసంవేదీ.

పుచ్ఛా – తస్సపి ¶ ఆవుసో సత్తాహస్స అచ్చయేన భగవా కత్థ విహాసి.

విస్సజ్జనా – తస్స భన్తే సత్తాహస్స అచ్చయేన భగవా పునదేవ అజపాలనిగ్రోధమూలే విహాసి.

పుచ్ఛా – తస్మిం పన ఆవుసో అజపాలనిగ్రోధే విహరన్తస్స భగవతో కథం చేతసో పరివితక్కో ఉదపాది.

విస్సజ్జనా – తస్మిం పన భన్తే అజపాలనిగ్రోధే విహరన్తస్స భగవతో రహోగతస్స పటిసల్లీనస్స ధమ్మగమ్భీరతాపటిసంయుత్తో చేతసో పరివితక్కో ఉదపాది.

అధిగతో ఖో మ్యాయం ధమ్మో గమ్భీరో దుద్దసో అరనుబోధో సన్తో పణీతో అతక్కావచరా నిపుణో పణ్డితవేదనీయో.

ఆలయరామాఖో ¶ పనాయం పజా ఆలయరతా ఆలయసమ్ముదితా,

సహమ్పతి బ్రహ్మా

పుచ్ఛా – కథం ఆవుసో తదా ధమ్మదేసనాయ బ్రహ్మయాచనా చ భగవతో పటిఞ్ఞాచ అహోసి.

విస్సజ్జనా – దేసేతు భన్తే భగవా ధమ్మం, దేసేతు సుగతో ధమ్మం, సన్తి సత్తా అప్పరజక్ఖజాతికా అస్సవనతా ధమ్మస్స పరిహాయన్తి, భవిస్సన్తి ధమ్మస్స అఞ్ఞాతారోతి ఇతి భన్తే బ్రహ్మునో ధమ్మదేసనాయ యాచనా అహోసి,

‘‘అపారుతా తేసం అమతస్స ద్వారా,

యే సోతవన్తో పముఞ్చన్తు సద్ధం;

విహింససఞ్ఞీ పగుణం నభాసిం,

ధమ్మం పణీతం మనుజేసు బ్రహ్మే’’తి.

ఏవం ఖో భన్తే భగవతో ధమ్మదేసనాయ పటిఞ్ఞా చ అహోసి.

నస్సతి ¶ వత లోకో…

దేసేతు భన్తే భగవా ధమ్మం…

అపారుతా తేసం అమతస్స ద్వారా,

యే సోతవన్తో పముఞ్చన్తు సద్ధం.

పుచ్ఛా – ఏవం ¶ ఖో ఆవుసో భగవా ధమ్మదేసనాయ పటిఞ్ఞం కత్వా పఠమం ధమ్మం దేసేన్తో కత్థ కీదిసం ధమ్మం కస్స దేసేసి.

విస్సజ్జనా – బారాణసియం భన్తే ఇసిపతనే మిగదాయే పఞ్చవగ్గియ భిక్ఖుపముఖానం బ్రహ్మగణానం ధమ్మచక్కపవత్తనసుత్తం దేసేసి.

పుచ్ఛా – తస్మిం ¶ ఖో పన ఆవుసో ధమ్మచక్కపవత్తనసుత్తే దేసియమానే మనుస్సలోకే కస్స ధమ్మాభిసమయో అహోసి.

విస్సజ్జనా – ఆయస్మతో భన్తే కోణ్డఞ్ఞస్స ధమ్మాభిసమయో అహోసి.

పుచ్ఛా – కథం ను ఖో ఆవుసో ఇమస్మిం బుద్ధసాసనే పఠమం పబ్బజ్జా చ ఉపసమ్పదా చ అహోసి.

విస్సజ్జనా – ఇమస్మిం భన్తే బుద్ధసాసనే పఠమం ఏహిభిక్ఖుపసమ్పదా అహోసి.

లభేయ్యాహం ¶ భన్తే భగవతో సన్తికే పబ్బజం, లభేయ్యం ఉపసమ్పదం.

ఏహి భిక్ఖు స్వాఖాతో ధమ్మో, చర బ్రహ్మచరియం సమ్మా దుక్ఖస్స అన్తకిరియాయ.

పుచ్ఛా – ఇతరేసం పన ఆవుసో చతున్నం పఞ్చవగ్గియానం కదా ధమ్మాభిసమయో అహోసి.

విస్సజ్జనా – పాటిపదే భన్తే దివసే ఆయస్మతో వప్పస్స, దుతియే భన్తే దివసే ఆయస్మతో భద్దియస్స, తతియే భన్తే దివసే ఆయస్మతో మహానామస్స, చతుత్థే భన్తే దివసే ఆయస్మతో అస్సజిస్స ధమ్మాభిసమయో అహోసి.

పుచ్ఛా – సబ్బేసమ్పి ¶ ఆవుసో తేసం పఞ్చవగ్గియానం భిక్ఖూనం కదా అరహత్తపత్తి హోతి.

విస్సజ్జనా – సబ్బేసమ్పి భన్తే తేసం పఞ్చవగ్గియానం భిక్ఖూనం పక్ఖస్స పఞ్చమియం అనత్తలక్ఖణసుత్తే దేసియమానే అరహత్తపత్తి హోతి.

పుచ్ఛా – కదా ఆవుసో భగవతా భిక్ఖూ తత్థ తత్థ చారికం చరిత్వా ధమ్మదేసనత్థాయ పేసితా.

విస్సజ్జనా – యసప్పముఖానం భన్తే చతుపఞ్ఞాస సహాయకానం పబ్బజితకాలే భగవతా భిక్ఖూ తత్థ తత్థ చారికం చరిత్వా ధమ్మదేసనత్థాయ పేసితా.

సరణగమన

పుచ్ఛా – కదా ¶ ఆవుసో భగవతా తీహి సరణగమనేహి పబ్బజ్జూప సమ్పదా అనుఞ్ఞాతో అహోసి.

విస్సజ్జనా – యసప్పముఖానం భన్తే చతుపఞ్ఞాసాయ గిహి సహాయకానం పబ్బజిత్వా తత్థ తత్థ చారికం చరిత్వా ధమ్మదేసనత్థాయ పేసితకాలే భగవతా తీహి సరణగమనేహి పబ్బజ్జా చ ఉపసమ్పదా చ అనుఞ్ఞాతా.

అనుజానామి ¶ భిక్ఖవే తుమ్హేవ దాని తాసు తాసు దిసాసు తేసు తేసు జనపదేసు పబ్బాజేథ ఉపసమ్పాదేథ.

పుచ్ఛా – భగవతా ఆవుసో భిక్ఖూనం ఆరామో పటిగ్గణ్హితుం కత్థ కిస్మిం వత్థుస్మిం అనుఞ్ఞాతో.

విస్సజ్జనా – భగవతా భన్తే భిక్ఖూనం ఆరామం పటిగ్గణ్హితుం రాజగహే అనుఞ్ఞాతో, రాజా భన్తే మాగధో సేనియో బిమ్బిసారో బుద్ధప్పముఖస్స భిక్ఖుసఙ్ఘస్స వేళువనం ఉయ్యానం అదాసి, తస్మిం భన్తే వత్థుస్మిం అనుఞ్ఞాతో.

ఏతాహం ¶ భన్తే వేళువనం ఉయ్యానం బుద్ధప్పముఖస్స భిక్ఖుసఙ్ఘస్స దమ్మి –

అనుజానామి భిక్ఖవే ఆరామం.

పుచ్ఛా – కథఞ్చ ¶ ఆవుసో ద్విన్నం అగ్గసావకానం పబ్బజ్జూపసమ్పదా అహోసి.

విస్సజ్జనా – ద్విన్నం భన్తే అగ్గసావకానం ఏహి భిక్ఖుపసమ్పదా అహోసి.

విప్పసన్నాని ¶ ఖో తే ఆవుసో ఇన్ద్రియాని.

కంసి త్వం ఆవుసో ఉద్దిస్స పబ్బజితో.

కో వా తే సత్థా.

కస్స వా త్వం ధమ్మం రోచేసి.

అత్థావుసో మహాసమణో సక్యపుత్తో సక్యకులా పబ్బజితో.

కిం వాదీ పనాయస్మతో సత్థా కిమక్ఖాయీ.

యే ¶ ధమ్మా హేతుప్పభవా, తేసం హేతుం తథాగతో;

ఆహ తేసఞ్చ యో నిరోధో, ఏవం వాదీ మహాసమణో.

అలం ఆవుసో మా అగమిత్థ.

ఏతే భిక్ఖవే ద్వే సహాయకా ఆగచ్ఛన్తి కోలితో ఉపతిస్సో చ ఏతం మే సావకయుగం భవిస్సతి అగ్గం భద్దయుగం.

లభేయ్యామ ¶ మయం భన్తే భగవతో సన్తికే పబ్బజ్జం లభేయ్యామ ఉపసమ్పదం.

ఏథ భిక్ఖవో స్వాఖాతో ధమ్మో, చరథ బ్రహ్మచరియం సమ్మా దుక్ఖస్స అన్తకిరియాయ.

పుచ్ఛా – ఉపజ్ఝాయో ఆవుసో గణ్హితుం భగవతా కత్థ అనుఞ్ఞాతో, కం ఆరబ్భ కిస్మిం వత్థుస్మిం అనుఞ్ఞాతో.

విస్సజ్జనా – రాజగహే భన్తే సమ్బహులే భిక్ఖూ ఆరబ్భ అనుఞ్ఞాతో, సమ్బహులా భన్తే భిక్ఖూ అనుపజ్ఝాయకా అనాచరియకా అనోవదియమానా అననుసాసియమానా దున్నివత్థా దుప్పారుతా అనోకప్పసమ్పన్నా పిణ్డాయ చరింసు, తస్మిం భన్తే వత్థుస్మిం అనుఞ్ఞాతో.

పుచ్ఛా – ఉపజ్ఝాయమ్హి ఆవుసో న సమ్మావత్తన్తస్స దుక్కటం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే ¶ భన్తే సమ్బహులే సద్ధివిహారికే ఆరబ్భ పఞ్ఞత్తం, సమ్బహులా భన్తే సద్ధివిహారికా ఉపజ్ఝాయమ్హి న సమ్మావత్తింసు, తస్మిం భన్తే వత్థుస్మిం పఞ్ఞత్తం.

పుచ్ఛా – కదా ఆవుసో భగవతా తీహి సరణగమనేహి ఉపసమ్పదం పటిక్ఖిపిత్వా ఞాతిచతుత్థేన కమ్మేన ఉపసమ్పదా అనుఞ్ఞాతా.

విస్సజ్జనా – రాధబ్రాహ్మణస్స భన్తే పబ్బజితకాలే భగవతా తీహి సరణగమనేహి ఉపసమ్పదం పటిక్ఖిపిత్వా ఞాత్తిచతుత్థేన కమ్మేన ఉపసమ్పదా అనుఞ్ఞాతా.

కోను ¶ ఖో భిక్ఖవే తస్స బ్రాహ్మణస్స అధికారం సరతి.

అహం ఖో భన్తే తస్స బ్రాహ్మణస్స అధికారం సరామి.

సాధు సాధు సారిపుత్త, కతఞ్ఞునో హి సారిపుత్త సప్పురిసా కతవేదినో.

కథాహం భన్తే తం బ్రాహ్మణం ఉపసమ్పాదేమి.

యాసా ¶ భిక్ఖవే మయా తీహి సరణగమనేహి ఉపసమ్పదాఅనుఞ్ఞాతా, తం అజ్జతగ్గే పటిక్ఖిపామి.

అనుజానామి భిక్ఖవే ఞాత్తిచతుత్థేన కమ్మేన ఉపసమ్పాదేతుం.

పుచ్ఛా – అయాచితకం ఆవుసో ఉపసమ్పదాపేక్ఖం ఉపసమ్పాదేన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే అఞ్ఞతరం భిక్ఖుం ఆరబ్భ పఞ్ఞత్తం, అఞ్ఞతరో భన్తే భిక్ఖు ఉపసమ్పన్నసమనన్తరం అనాచారం అచరి, తస్మిం భన్తే వత్థుస్మిం పఞ్ఞత్తం.

పుచ్ఛా – చతున్నం ¶ ఆవుసో నిస్సయానం ఆచిక్ఖణా భగవతా కత్థ అనుఞ్ఞాతా, కం ఆరబ్భ కిస్మిం వత్థుస్మిం అనుఞ్ఞాతా.

విస్సజ్జనా – రాజగహే భన్తే అఞ్ఞతరం భిక్ఖుం ఆరబ్భ అనుఞ్ఞాతా, అఞ్ఞతరో భన్తే భిక్ఖు ఉదరస్స కారణా పబ్బజి, తస్మిం భన్తే వత్థుస్మిం అనుఞ్ఞాతా.

ఏహి ¶ దాని ఆవుసో పిణ్డాయ చరిస్సామ.

కథఞ్హి నామ భిక్ఖు ఏవం స్వాక్ఖాతే ధమ్మవినయే ఉదరస్స కారణా పబ్బజిస్సతి.

పుచ్ఛా – ఊనదసవస్సేన ¶ ఆవుసో ఉపసమ్పాదేన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే ఆయస్మన్తం ఉపసేనం వఙ్గన్తపుత్తం ఆరబ్భ పఞ్ఞత్తం, ఆయస్మా భన్తే ఉపసేనో వఙ్గన్తపుత్తో ఏకవస్సో సద్ధివిహారికం ఉపసమ్పాదేసి, తస్మిం భన్తే వత్థుస్మిం పఞ్ఞత్తం.

పుచ్ఛా – బాలేన ¶ ఆవుసో అబ్యత్తేన ఉపసమ్పాదేన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే సమ్బహులే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ ‘‘దసవస్సమ్హా దసవస్సమ్హా’’తి బాలా అబ్యత్తా ఉపసమ్పాదేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – ఆచరియో ¶ ఆవుసో గణ్హితుం భగవతా కత్థ అనుఞ్ఞాతో, కం ఆరబ్భ కిస్మిం వత్థుస్మిం అనుఞ్ఞాతో.

విస్సజ్జనా – రాజగహే భన్తే సమ్బహులే భిక్ఖూ ఆరబ్భ అనుఞ్ఞాతో, సమ్బహులా భన్తే భిక్ఖూ ఉపజ్ఝాయేసు పక్కన్తేసుపి విబ్భన్తేసుపి కాలఙ్కతేసుపి పక్ఖసఙ్కన్తేసుపి అనాచరియకా అనోవదియమానా అననుసాసియమానా దున్నివత్థా దుప్పారుతా అనాకప్పసమ్పన్నా పిణ్డాయ చరింసు, తస్మిం భన్తే వత్థుస్మిం అనుఞ్ఞాతో.

పుచ్ఛా – పఞ్చహి ¶ ఆవుసో ఆబాధేహి ఫుట్ఠం పబ్బాజేన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే సమ్బహులే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ పఞ్చహి ఆబాధేహి ఫుట్ఠం పబ్బాజేసుం, తస్మిం భన్తే వత్థుస్మిం పఞ్ఞత్తం.

సాధు ¶ భన్తే అయ్యా పఞ్చహి ఆబాధేహి ఫుట్ఠం న పబ్బాజేయ్యుం…

పుచ్ఛా – రాజభటం ఆవుసో పబ్బాజేన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే సమ్బహులే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ రాజభటే పబ్బాజేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – ధజబన్ధం ¶ ఆవుసో చోరం పబ్బాజేన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహేయేవ భన్తే అఙ్గులిమాలం చోరం ఆరబ్భ పఞ్ఞత్తం, అఙ్గులిమాలో భన్తే చోరో భిక్ఖూసు పబ్బజితో హోతి, తస్మిం భన్తే వత్థుస్మిం పఞ్ఞత్తం.

పుచ్ఛా – కారభేదకం ఆవుసో చోరం పబ్బాజేన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహేయేవ ¶ భన్తే సమ్బహులే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ కారభేదకచోరం పబ్బాజేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – ఇణాయికం ఆవుసో పబ్బాజేన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహేయేవ భన్తే సమ్బహులే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ ఇణాయికం పబ్బాజేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – దాసం ¶ ఆవుసో పబ్బజేన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహేయేవ భన్తే సమ్బహులే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ దాసం పబ్బాజేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – భణ్డుకమ్మాయ ఆవుసో అపలోకనం భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – రాజగహేయేవ భన్తే అఞ్ఞతరం కమ్మారభణ్డుపుత్తం ఆరబ్భ అనుఞ్ఞాతం అఞ్ఞతరో భన్తే కమ్మారభణ్డుపుత్తో మాతాపితూహి సద్ధిం భణ్డిత్వా భిక్ఖూసు పబ్బజితో హోతి, తస్మిం భన్తే వత్థుస్మిం అనుఞ్ఞాతం.

పుచ్ఛా – ఊనవీసతివస్సస్స ¶ ఆవుసో పుగ్గలస్స ఉపసమ్పదా భగవతా కత్థ పటిక్ఖిత్తా, కం ఆరబ్భ కిస్మిం వత్థుస్మిం పటిక్ఖిత్తా.

విస్సజ్జనా – రాజగహే ¶ భన్తే సమ్బహులే భిక్ఖూ ఆరబ్భ పటిక్ఖిత్తా, సమ్బహులా భన్తే భిక్ఖూ ఊనవీసతివస్సం పుగ్గలం ఉపసమ్పాదేసుం, తస్మిం భన్తే వత్థుస్మిం పటిక్ఖిత్తా.

న ¶ భిక్ఖవే జానం ఊనవీసతివస్సో పుగ్గలో ఉపసమ్పాదేతబ్బో, యోఉపసమ్పాదేయ్య, యథాధమ్మో కారేతబ్బో.

పుచ్ఛా – మాతాపితూహి ¶ ఆవుసో అననుఞ్ఞాతం పుత్తం పబ్బాజేన్తస్స దుక్కటం భగవతా కత్థ పఞ్ఞత్తం, కిస్మిం వత్థుస్మిం పఞ్ఞత్తం.

విస్సజ్జనా – సక్కేసు భన్తే పఞ్ఞత్తం, రాజా భన్తే సుద్ధోదనో భగవన్తం ఉపసఙ్కమిత్వా వరం యాచి, సాధు భన్తే అయ్యాఅననుఞ్ఞాతం మాతాపితూహి పుత్తం పబ్బాజేయ్యున్తి, తస్మిం భన్తే వత్థుస్మిం పఞ్ఞత్తం.

న ¶ భిక్ఖవే అననుఞ్ఞాతో మాతాపితూహి పుత్తో పబ్బాజేతబ్బో, యో పబ్బాజేయ్య, ఆపత్తిదుక్కటస్స.

పుచ్ఛా – థేయ్యసంవాసకస్స ఆవుసో ఉపసమ్పదా భగవతా కత్థ పటిక్ఖిత్తా, కం ఆరబ్భ కిస్మిం వత్థుస్మిం పటిక్ఖిత్తా.

విస్సజ్జనా – సావత్థియం భన్తే అఞ్ఞతరం పురాణకులపుత్తం ఆరబ్భ పటిక్ఖిత్తా, అఞ్ఞతరో భన్తే పురాణకులపుత్తో ఖీణ కోలఞ్ఞో సామం పత్తచీవరం పటియాదేత్వా కేసమస్సుం ఓహారేత్వా ¶ కాసాయాని వత్థాని అచ్ఛాదేత్వా ఆరామం గన్త్వా భిక్ఖూహి సద్ధిం సంవసి, భన్తే వత్థుస్మిం పటిక్ఖిత్తా.

పుచ్ఛా – తిరచ్ఛానగతస్స ¶ ఆవుసో ఉపసమ్పదా భగవతా కత్థ పటిక్ఖిత్తా, కం ఆరబ్భ కిస్మిం వత్థుస్మిం పటిక్ఖిత్తా.

విస్సజ్జనా – సావత్థియం భన్తే అఞ్ఞతరం నాగం ఆరబ్భ పటిక్ఖిత్తా, అఞ్ఞతరో భన్తే నాగో మాణవకవణ్ణేన భిక్ఖూ ఉపసఙ్కమిత్వా పబ్బజ్జం యాచి, తం భిక్ఖూ పబ్బాజేసుం ఉపసమ్పాదేసుం, తస్మిం భన్తే వత్థుస్మిం పటిక్ఖిత్తా.

పుచ్ఛా – మాతుఘాతకస్స ¶ చ ఆవుసో పితుఘాతకస్స చ ఉపసమ్పదా భగవతా కత్థ పటిక్ఖిత్తా, కం ఆరబ్భ కిస్మిం వత్థుస్మిం పటిక్ఖిత్తా.

విస్సజ్జనా – సావత్థియంయేవ ¶ భన్తే అఞ్ఞతరం మాణవకం ఆరబ్భ పటిక్ఖిత్తా, అఞ్ఞతరో చ భన్తే మాణవకో అఞ్ఞతరో చ మాణవకో మాతరం జీవితా వోరోపేసి పితరం జీవితా వోరోపేసి, తస్మిం భన్తే వత్థుస్మిం పటిక్ఖిత్తా.

మాతుఘాతకో ¶ భిక్ఖవే అనుపసమ్పన్నో నఉపసమ్పాదేతబ్బో, ఉపసమ్పన్నో నాసేతబ్బో, పితుఘాతకో భిక్ఖవే అనుపసమ్పన్నో నఉపసమ్పాదేతబ్బో, ఉపసమ్పన్నో నాసేతబ్బో.

పుచ్ఛా – అపత్తచీవరకం వా ఆవుసో యాచితపత్తచీవరకం వా ఉపసమ్పాదేన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే సమ్బహులే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ అపత్తచీవరకం ఉపసమ్పాదేసుం, యాచితకేన పత్తచీవరేన ఉపసమ్పాదేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – ఉపసమ్పదం ¶ పుచ్ఛిస్సం, సనిదానం సఉద్దేసం. సముక్కట్ఠపదానం ఆవుసో కతి ఆపత్తియో.

విస్సజ్జనా – ఉపసమ్పదం విస్సజ్జిస్సం, సనిదానం సనిద్దేసం. సముక్కట్ఠపదానం భన్తే ద్వే ఆపత్తియో.

౨. ఉపోసథక్ఖన్ధక

పుచ్ఛా – చాతుద్దసే ¶ చ ఆవుసో పన్నరసే చ పక్ఖస్స చ అట్ఠమియా సన్నిపతిత్వా ధమ్మం భాసితుం భగవతా కత్థ అనుఞ్ఞాతం, కిస్మిం వత్థుస్మిం అనుఞ్ఞాతం.

విస్సజ్జనా – రాజగహే భన్తే సమ్బహులే భిక్ఖూ ఆరబ్భ అనుఞ్ఞాతా, సమ్బహులా భన్తే భిక్ఖూ చాతుద్దేస పన్నరసే అట్ఠమియా చ పక్ఖస్స సన్నిపతిత్వా తుణ్హీ నిసీదింసు, తస్మిం భన్తే వత్థుస్మిం అనుఞ్ఞాతా.

అనుజానామి ¶ భిక్ఖవే చాతుద్దసే పన్నరసే అట్ఠమియా చ పక్ఖస్స సన్నిపతితుం.

నను నామ సన్నిపతితేహి ధమ్మో భాసితబ్బో.

పుచ్ఛా – కదా ఆవుసో భిక్ఖూనం పాతిమోక్ఖుద్దేసో భగవతా అనుఞ్ఞాతో.

విస్సజ్జనా – యదా భన్తే భగవతో రహోగతస్స పటిసల్లీనస్స ఏవం చేతసో పరివితక్కో ఉదపాది ‘‘యంనూనాహం యాని మయా భిక్ఖూనం పఞ్ఞత్తాని సిక్ఖాపదాని, తాని నేసం పాతిమోక్ఖుద్దేసం అనుజానేయ్యం, సో నేసం భవిస్సతి ఉపోసథకమ్మ’’న్తి ¶ తదా భన్తే భగవతా భిక్ఖూనం పాతిమోక్ఖుద్దేసో అనుఞ్ఞాతో.

పుచ్ఛా – సీమం ఆవుసో సమ్మనితుం భగవతా కత్థ అనుఞ్ఞాతం, కిస్మిఞ్చ వత్థుస్మిం అనుఞ్ఞాతం.

విస్సజ్జనా – రాజగహే భన్తే అనుఞ్ఞాతం, రాజగహే భన్తే భగవతి విహరతి భిక్ఖూనం ఏతదహోసి ‘‘భగవతా పఞ్ఞత్తం ఏత్తావతా సామగ్గీ, యావతా ఏకావాసోతి కిత్తావతానుఖో ఏకావాసో హోతీ’’తి, తస్మిం భన్తే వత్థుస్మిం అనుఞ్ఞాతం.

పుచ్ఛా – కతి ¶ ఆవుసో ఉపోసథా దివసవసేన చ కారకపుగ్గలవసేన చ కాతబ్బాకారవసేన చ.

విస్సజ్జనా – దివసవసేన భన్తే తయో ఉపోసథా, పుగ్గలవసేన చ భన్తే తయో ఉపోసథా, కాతబ్బాకారవసేన చ భన్తే తయో ఉపోసథా.

పుచ్ఛా – కతి ¶ ఆవుసో ఉపోసథకమ్మాని తేసు చ కీదిసం ఉపోసథకమ్మం భగవతా అనుఞ్ఞాతం, కీదిసం అననుఞ్ఞాతం.

విస్సజ్జనా – చత్తారిమాని భన్తే ఉపోసథకమ్మాని, అధమ్మేన వగ్గం ఉపోసథకమ్మం, అధమ్మేన సమగ్గం ఉపోసథకమ్మం, ధమ్మేన వగ్గం ఉపోసథకమ్మం, ధమ్మేన సమగ్గం ఉపోసథకమ్మం. తత్ర భన్తే యదిదం అధమ్మేన వగ్గం ఉపోసథకమ్మం, అధమ్మేన సమగ్గం ఉపోసథకమ్మం ధమ్మేన వగ్గం ఉపోసథకమ్మం, ఏవరూపం భన్తే ఉపోసథకమ్మం అననుఞ్ఞాతం, తత్ర భన్తే యదిదం ధమ్మేన సమగ్గం ఉపోసథకమ్మం, ఏవరూపం భన్తే ఉపోసథకమ్మం అనుఞ్ఞాతం.

పుచ్ఛా – ఉపోసథం ¶ పుచ్ఛిస్సం, సనిదానం సనిద్దేసం. సముక్కట్ఠపదానం ఆవుసో కతి ఆపత్తియో.

విస్సజ్జనా – ఉపోసథం విస్సజ్జిస్సం, సనిదానం సనిద్దేసం. సముక్కట్ఠపదానం భన్తే తిస్సో ఆపత్తియో.

౩. వస్సుపనాయికక్ఖన్ధక

పుచ్ఛా – వస్సూపనాయికం ఆవుసో భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే సమ్బహులా భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ హేమన్తమ్పి గిమ్హమ్పి వస్సమ్పి చారికం చరింసు, తస్మిం భన్తే వత్థుస్మిం పఞ్ఞత్తం.

పుచ్ఛా – కతిపనావుసో వస్సూపనాయికా భగవతా అనుఞ్ఞాతా.

విస్సజ్జనా – ద్వేమా భన్తే వస్సూపనాయికా భగవతా అనుఞ్ఞాతా పురిమికా పచ్ఛిమికా, అపరజ్జుగతాయ భన్తే ఆసళ్హియా పురిమికా ఉపగన్తబ్బా, మాసగతాయ భన్తే ఆసళ్హియా పచ్ఛిమికా ఉపగన్తబ్బా, ఇమా ఖో భన్తే ద్వే వస్సూపనాయికా భగవతా అనుఞ్ఞాతా.

పుచ్ఛా – వస్సం ¶ ఆవుసో ఉపగన్త్వా పురిమం వా తేమాసం పచ్ఛిమం వా తేమాసం అవసిత్వా చారికం పక్కమన్తస్స దుక్కటం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ వస్సం ఉపగన్త్వా అన్తరా వస్సం చారికం పక్కమింసు, తస్మిం భన్తే వత్థుస్మిం పఞ్ఞత్తం.

పుచ్ఛా – సత్తాహ కరణీయేన ఆవుసో పహితే గన్తుం భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – సావత్థియం భన్తే సమ్బహులే భిక్ఖూ ఆరబ్భ అనుఞ్ఞాతం, సమ్బహులా భన్తే భిక్ఖూ ఉదేనేన ఉపాసకేన పహితే న గచ్ఛింసు, తస్మిం భన్తే వత్థుస్మిం అనుఞ్ఞాతం.

పుచ్ఛా – సత్తాహకరణీయేన ¶ ఆవుసో సత్తన్నం అపహితేపి గన్తుం భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – సావత్థియం భన్తే అఞ్ఞతరస్స భిక్ఖునో మాతుగిలాన వత్థుస్మిం అనుఞ్ఞాతం.

అనుజానామి ¶ భిక్ఖవే సత్తన్నం సత్తాహకరణీయేన అపహితేపి గన్తుం, పగేవ పహితే.

పుచ్ఛా – కిస్మించి ఆవుసో అన్తరాయే సతి అన్తోవస్సం పక్కమితుం భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – సావత్థియం భన్తే సమ్బహులే భిక్ఖూ ఆరబ్భ అనుఞ్ఞాతం, సమ్బహులా భన్తే భిక్ఖూ కోసలేసు జనపదేసు వస్సం ఉపగచ్ఛింసు, తే వస్సూపగతా వాళేహి ఉబ్బాళ్హా అహేసుం, తస్మిం భన్తే వత్థుస్మిం అనుఞ్ఞాతం.

పుచ్ఛా – రుక్ఖ ¶ సుసిరే వా ఆవుసో రుక్ఖవిటభియా వా అజ్ఝోకాసే వా వస్సం ఉపగచ్ఛన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే సమ్బహులే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ రుక్ఖసుసిరేపి రుక్ఖవిటభియాపి అజ్ఝోకాసేపి వస్సం ఉపగచ్ఛింసు, తస్మిం భన్తే వత్థుస్మిం పఞ్ఞత్తం.

పుచ్ఛా – అసేనాసనికేన ¶ ఆవుసో వస్సం ఉపగచ్ఛన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – తస్మింయేవ భన్తే సావత్థియం సమ్బహులే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ అసేనాసనికా వస్సం ఉపగచ్ఛింసు, తస్మిం భన్తే వత్థుస్మిం పఞ్ఞత్తం.

పుచ్ఛా – ఛవకుటికాయ వా ఆవుసో ఛత్తే వా చాటియా వా వస్సం ఉపగచ్ఛన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియంయేవ భన్తే సమ్బహులే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ ఛవకుటికాయపి ఛత్తేపి చాటియాపి వస్సం ఉపగచ్ఛింసు, తస్మిం భన్తే వత్థుస్మిం పఞ్ఞత్తం.

పుచ్ఛా – పటిస్సవం ¶ ఆవుసో విసం వాదేన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఆయస్మన్తం ఉపనన్దం సక్యపుత్తం ఆరబ్భ పఞ్ఞత్తం, ఆయస్మా భన్తే ఉపనన్దో సక్యపుత్తో రఞ్ఞో పసేనదిస్స కోసలస్స వస్సం వాసం పటిస్సుణిత్వా విసంవాదేసి, తస్మిం భన్తే వత్థుస్మిం పఞ్ఞత్తం.

పుచ్ఛా – వస్సూపనాయికం ¶ పుచ్ఛిస్సం, సనిదానం సనిద్దేసం. సముక్కట్ఠపదానం ఆవుసో కతి ఆపత్తియో.

విస్సజ్జనా – వస్సూపనాయికం విస్సజ్జిస్సం, సనిదానం సనిద్దేసం. సముక్కట్ఠపదానం భన్తే ఏకా ఆపత్తి.

౪. పవారణాక్ఖన్ధక

పుచ్ఛా – వస్సం ¶ వుట్ఠానం ఆవుసో భిక్ఖూనం తీహి ఠానేహి పవారితుం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే సమ్బహులే భిక్ఖూ ఆరబ్భ అనుఞ్ఞాతం, సమ్బహులా భన్తే భిక్ఖూ సన్దిట్ఠా సమ్భత్తా అన్తోవస్సం నేవ ఆలపింసు న సల్లపింసు, తస్మిం భన్తే వత్థుస్మిం అనుఞ్ఞాతం.

అనుజానామి ¶ భిక్ఖవే వస్సం వుట్ఠానం భిక్ఖూనం తీహి ఠానేహి పవారేతుం, దిట్ఠేవ వా సుతేన వా పరిసఙ్కాయ వా.

పుచ్ఛా – కతి ఆవుసో పవారణా దివసవసేన చ పుగ్గలవసేన చ కాతబ్బాకారవసేన చ.

విస్సజ్జనా – దివసవసేన భన్తే తిస్సో పవారణా, తథా పుగ్గలవసేన కాతబ్బాకారవసేనచ.

పుచ్ఛా – కతీనం ¶ ఆవుసో సఙ్ఘే పవారేతుం భగవతా అనుఞ్ఞాతం, కతీనం పనావుసో అఞ్ఞమఞ్ఞం పవారేతుం భగవతా అనుఞ్ఞాతం.

విస్సజ్జనా – పఞ్చన్నం భన్తే భిక్ఖూనం సఙ్ఘే పవారేతుం భగవతా అనుఞ్ఞాతం, చతున్నం వా భన్తే తిణ్ణం వా ద్విన్నం వా అఞ్ఞమఞ్ఞం పవారేతుం అనుఞ్ఞాతం.

పుచ్ఛా – ఏకేన పనావుసో వస్సంవుట్ఠేన భిక్ఖునా కథం పటిపజ్జితబ్బన్తి భగవతా అనుఞ్ఞాతం.

విస్సజ్జనా – ఏకేన పన భన్తే భిక్ఖునా ‘‘అజ్జ మే పవారణా’’తి అధిట్ఠాతబ్బన్తి భగవతా అనుఞ్ఞాతం.

పుచ్ఛా – పవారణం ¶ పుచ్ఛిస్సం, సనిదానం సనిద్దేసం. సముక్కట్ఠపదానం ఆవుసో కతి ఆపత్తియో.

విస్సజ్జనా – పవారణం విస్సజ్జిస్సం, సనిదానం సనిద్దేసం. సముక్కట్ఠపదానం భన్తే తిస్సో ఆపత్తియో.

౫. చమ్మక్ఖన్ధక

సోణమథేర వత్థు

పుచ్ఛా – ఉపాహనం ¶ ఆవుసో భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – రాజగహే భన్తే ఆయస్మన్తం సోణం ఆరబ్భ అనుఞ్ఞాతం, ఆయస్మతో భన్తే సోణస్స అచ్చారద్ధవీరియస్స చఙ్కమతో పాదా భిజ్జింసు, చఙ్కమో లోహితేన ఫుటో అహోసి, తస్మిం భన్తే వత్థుస్మిం అనుఞ్ఞాతం.

పుచ్ఛా – సబ్బనీలికా ¶ వా ఆవుసో సబ్బపీతికా వా సబ్బలోహితికా వా సబ్బమఞ్జిట్ఠికా వా సబ్బకణ్హా వా సబ్బమహారఙ్గరత్తా వా సబ్బమహానామరత్తా ¶ వా ఉపాహనాయో ధారేన్తస్స దుక్కటం భగవతా కత్థ కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ సబ్బనీలికాయో ఉపాహనాయో ధారేసుం, సబ్బపీతికాయో సబ్బలోహితికాయో సబ్బమఞ్జిట్ఠికాయో సబ్బకణ్హాయో సబ్బమహారఙ్గరత్తా సబ్బమహానామరత్తాయోపి ఉపాహనాయో ధారేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – ఖల్లకబన్ధా ¶ వా ఆవుసో పుటబన్ధా వా పాలిగుణ్ఠిమా వా తూలపుణ్ణికా వా తిత్తిరపత్తికా వా మేణ్డవిసాణవద్ధికా వా అజవిసాణవద్ధికా వా విచ్ఛికాళికా వా మోరపిఞ్ఛ పరిసిబ్బికా వా చిత్రా వా ఉపాహనాయో ధారేన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ ఖల్లకబన్ధా ఉపాహనాయోపి ధారేసుం, పుటబన్ధా ఉపాహనాయోపి ధారేసుం, పాలిగుణ్ఠిమా ఉపాహనాయోపి ధారేసుం, తూలపుణ్ణికా ఉపాహనాయోపి ధారేసుం, తిత్తిరపత్తికా ఉపాహనాయోపి ధారేసుం, మేణ్డవిసాణవద్ధికా ఉపాహనాయోపి ధారేసుం, అజవిసాణవద్ధికా ఉపాహనాయోపి ధారేసుం, విచ్ఛికాళికా ఉపాహనాయోపి ధారేసుం, మోరపిఞ్ఛ పరిసిబ్బితా ఉపాహనాయో ధారేసుం, చిత్రా ఉపాహనాయోపి ధారేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – కట్ఠపాదుకాయో ¶ ఆవుసో ధారేన్తస్స దుక్కటం భగవతా కత్థ కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే ఛబ్బగ్గీయేవ భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ రత్తియా పచ్చూససమయం పచ్చుట్ఠాయ కట్ఠపాదుకాయో అభిరుహిత్వా అజ్ఝోకాసే చఙ్కమన్తి ఉచ్చాసద్దా మహాసద్దా ఖటఖటసద్దా అనేకవిహితం తిరచ్ఛానకథం కథేన్తా, తస్మిం భన్తే వత్థుస్మిం పఞ్ఞత్తం.

పుచ్ఛా – యానేన ¶ ఆవుసో యాయన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ యానేన యాయింసు, తస్మిం భన్తే వత్థుస్మిం పఞ్ఞత్తం.

పుచ్ఛా – గిలానస్స ¶ ఆవుసో యానం భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – సావత్థియం భన్తే అఞ్ఞతరం గిలానం భిక్ఖుం ఆరబ్భ అనుఞ్ఞాతం, అఞ్ఞతరో భన్తే భిక్ఖు కోసలేసు జనపదే సావత్థిం గచ్ఛన్తో భగవన్తం దస్సనాయ అన్తరామగ్గే గిలానో కుక్కుచ్చాయన్తో యానం నాభిరుహి, తస్మిం భన్తే వత్థుస్మిం అనుఞ్ఞాతం.

పుచ్ఛా – ఉచ్చాసయనమహాసయనాని ¶ ఆవుసో ధారేన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ ఉచ్చాసయనమహాసయనాని ధారేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – గోచమ్మాని ఆవుసో ధారేన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే అఞ్ఞతరం పాపభిక్ఖుం ఆరబ్భ పఞ్ఞత్తం, అఞ్ఞతరో భన్తే భిక్ఖు పాణాతిపాతే సమాదపేసి, తస్మిం భన్తే వత్థుస్మిం పఞ్ఞత్తం.

పుచ్ఛా – పచ్చన్తిమేసు ¶ ఆవుసో జనపదేసు వినయధరపఞ్చమేన గణేన ఉపసమ్పదా చ గుణఙ్గుణూపహనఞ్చ ధువనహానఞ్చ చమ్మాని అత్థరణాని చ నిస్సీమగతానం చీవరదానఞ్చాతి ఇమాని పఞ్చ భగవతా కత్థ అనుఞ్ఞాతాని, కం ఆరబ్భ కిస్మిం వత్థుస్మిం అనుఞ్ఞాతాని.

విస్సజ్జనా – సావత్థియం భన్తే ఆయస్మన్తం సోణం కుటికణ్ణం ఆరబ్భ అనుఞ్ఞాతా, ఆయస్మా భన్తే సోణో కుటికణ్ణో ఏతాని పఞ్చవత్థూని ఆయస్మతో మహాకచ్చానస్స వచనేన భగవన్తం యాచి, తస్మిం భన్తే వత్థుస్మిం అనుఞ్ఞాతా.

పుచ్ఛా – చమ్మసఞ్ఞుత్తం ¶ పుచ్ఛిస్సం, సనిదానం సనిద్దేసం. సముక్కట్ఠపదానం ఆవుసో కతి ఆపత్తియో.

విస్సజ్జనా – చమ్మసఞ్ఞుత్తం విస్సజ్జిస్సం, సనిదానం సనిద్దేసం. సముక్కట్ఠపదానం భన్తే తిస్సో ఆపత్తియో.

౬. భేసజ్జక్ఖన్ధక

పుచ్ఛా – పఞ్చ ¶ ఆవుసో భేసజ్జాని పటిగ్గహేత్వా కాలేపి వికాలేపి పరిభుఞ్జితుం భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – సావత్థియం భన్తే సమ్బహులే భిక్ఖూ ఆరబ్భ అనుఞ్ఞాతం, సమ్బహులానం భన్తే భిక్ఖూనం సారదికేన ఆబాధేన పుట్ఠానం యాగుపి న సమ్మా పరిణామం గచ్ఛి, భత్తమ్పి భుత్తం న సమ్మా పరిణామం గచ్ఛి, తే తేన కిసా అహేసుం లూఖా దుబ్బణ్ణా ఉప్పణ్డుప్పణ్డుకజాతా ధమనిసన్థతగత్తా, తస్మిం భన్తే వత్థుస్మిం అనుఞ్ఞాతం.

పుచ్ఛా – మూలాదిభేసజ్జాని ¶ ఆవుసో భగవతా కత్థ అనుఞ్ఞాతాని, కం ఆరబ్భ కిస్మిం వత్థుస్మిం అనుఞ్ఞాతాని.

విస్సజ్జనా – సావత్థియం భన్తే సమ్బహులే గిలానే భిక్ఖూ ఆరబ్భ అనుఞ్ఞాతాని, సమ్బహులానం గిలానానం భిక్ఖూనం మూలేహి భేసజ్జేహి అత్థో అహోసి, తస్మిం భన్తే వత్థుస్మిం అనుఞ్ఞాతాని.

పుచ్ఛా – అన్తోవుట్ఠంవా ఆవుసో అన్తోపక్కం వా సామంపక్కం వా పరిభుఞ్జన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే ఆయస్మన్తం ఆనన్దం ఆరబ్భ పఞ్ఞత్తం, ఆయస్మా భన్తే ఆనన్దో సామం తిలమ్పి తణ్డులమ్పి ముగ్గమ్పి విఞ్ఞాపేత్వా అన్తో వాసేత్వా అన్తో సామం పచి, తస్మిం భన్తే వత్థుస్మిం పఞ్ఞత్తం.

సుప్పియా వత్థు

పుచ్ఛా – మనుస్సమంసం ¶ ఆవుసో పరిభుఞ్జన్తస్స థుల్లచ్చయఞ్చ అప్పటివేక్ఖిత్వా మంసం పరిభుఞ్జన్తస్స దుక్కటఞ్చ భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – బారాణసియం భన్తే అఞ్ఞతరం భిక్ఖుం ఆరబ్భ పఞ్ఞత్తం, అఞ్ఞతరో భన్తే భిక్ఖు అప్పటివేక్ఖిత్వా మనుస్సమంసం భుఞ్జి, తస్మిం భన్తే వత్థుస్మిం పఞ్ఞత్తం.

న ¶ భిక్ఖవే మనుస్సమంసం పరిభుఞ్జితబ్బం, యో పరిభుఞ్జేయ్య, ఆపత్తి థుల్లచ్చయస్స, న చ భిక్ఖవే అప్పటివేక్ఖిత్వా మంసం పరిభుఞ్జితబ్బం, యో పరిభుఞ్జేయ్య ఆపత్తి దుక్కటస్స.

పుచ్ఛా – హత్థిమంసం వా ఆవుసో అస్సమంసం వా పరిభుఞ్జన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – బారాణసియం భన్తే సమ్బహులే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ హత్థిమంసమ్పి అస్సమంసమ్పి పరిభుఞ్జింసు, తస్మిం భన్తే వత్థుస్మిం పఞ్ఞత్తం.

పుచ్ఛా – సునక్ఖమంసం ¶ వా ఆవుసో అహిమంసం వా భుఞ్జన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – బారాణసియం భన్తే సమ్బహులే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ సునక్ఖమంసమ్పి అహిమంసమ్పి పరిభుఞ్జింసు, తస్మిం భన్తే వత్థుస్మిం పఞ్ఞత్తం.

పుచ్ఛా – సీహమంసం ¶ వా ఆవుసో బ్యగ్ఘమంసం వా దీపిమంసం వా అచ్ఛమంసం వా తరచ్ఛమంసం వా భుఞ్జన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – బారాణసియంయేవ భన్తే సమ్బహులే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ సీహమంసమ్పి బ్యగ్ఘమంసమ్పి దీపిమంసమ్పి అచ్ఛమంసమ్పి తరచ్ఛమంసమ్పి పరిభుఞ్జింసు, తస్మిం భన్తే వత్థుస్మిం పఞ్ఞత్తం.

పుచ్ఛా – గిలానస్స ¶ ఆవుసో గుళం వా అగిలానస్స గుళోదకం వా భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – రాజగహే భన్తే సమ్బహులే భిక్ఖూ ఆరబ్భ అనుఞ్ఞాతం, సమ్బహులా భన్తే భిక్ఖూ గిలానస్సేవ భగవతా గుళో అనుఞ్ఞాతో నో అగిలానస్సాతి కుక్కుచ్చాయన్తా గుళం న భుఞ్జింసు, తస్మిం భన్తే వత్థుస్మిం అనుఞ్ఞాతం.

పుచ్ఛా – జానం ¶ ఆవుసో ఉద్దిస్స కతం మంసం పరిభుఞ్జన్తస్స దుక్కటం పఞ్ఞపేత్వా తికోటిపరిసుద్ధం మంసం భగవతా కత్థ అనుఞ్ఞాతం.

విస్సజ్జనా – వేసాలియం భన్తే సీహస్స సేటాపతినో వత్థుస్మిం అనుఞ్ఞాతం.

మేణ్డక వత్థు

పుచ్ఛా – పాథేయ్యం ¶ ఆవుసో పరియేసితుఞ్చ కప్పియకారకానం హత్థే ఉపనిక్ఖిత్తహిరఞ్ఞతో నిబ్బత్తం కప్పియపచ్చయం సాదితుఞ్చ భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – అన్తరా ¶ చ భన్తే భద్దియం అన్తరా చ అఙ్గుత్తరాపం మేణ్డకం గహపతిం ఆరబ్భ అనుఞ్ఞాతం, మేణ్డకో భన్తే గహపతి భగవన్తం యాచి ‘‘సన్తి భన్తే మగ్గా కన్తారా అప్పోదకా అప్పభక్ఖా న సుకరా అపాథేయ్యేన గన్తుం, సాధు భన్తే భగవా భిక్ఖూనం పాథేయ్యం అనుజానాతూ’’తి, తస్మిం భన్తే వత్థుస్మిం అనుఞ్ఞాతం.

కేణియ వత్థు

పుచ్ఛా – అట్ఠ ¶ ఆవుసో పానాని భగవతా కత్థ అనుఞ్ఞాతాని, కం ఆరబ్భ కిస్మిం వత్థుస్మిం అనుఞ్ఞాతాని.

విస్సజ్జనా – ఆపణే భన్తే సమ్బహులే భిక్ఖూ ఆరబ్భ అనుఞ్ఞాతాని, సమ్బహులా భన్తే భిక్ఖూ కుక్కుచ్చాయన్తా పానాని న పటిగ్గణ్హింసు, తస్మిం భన్తే వత్థుస్మిం అనుఞ్ఞాతాని.

రోజమల్లా వత్థు

పుచ్ఛా – సబ్బఞ్చ ¶ ఆవుసో డాకం సబ్బఞ్చ పిట్ఠఖాదనీయం భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – కుసినారాయం భన్తే సమ్బహులే భిక్ఖూ ఆరబ్భ అనుఞ్ఞాతం, సమ్బహులా భన్తే భిక్ఖూ కుక్కుచ్చాయన్తా డాకఞ్చ పిట్ఠఖాదనీయఞ్చ న పటిగ్గహేసుం, తస్మిం భన్తే వత్థుస్మిం అనుఞ్ఞాతం.

పుచ్ఛా – అకప్పియం ¶ ఆవుసో సమాదపేన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఆతుమాయం భన్తే అఞ్ఞతరం వుడ్ఢపబ్బజితం ఆరబ్భ పఞ్ఞత్తం, అఞ్ఞతరో భన్తే వుడ్ఢపబ్బజితో అకప్పియే సమాదపేతి, తస్మిం భన్తే వత్థుస్మిం పఞ్ఞత్తం.

పుచ్ఛా – సఙ్ఘికాని ¶ వా ఆవుసో పుగ్గలికాని వా బీజాని పుగ్గలికాయ వా సఙ్ఘికాయ వా భూమియా రోపితాని భాగం దత్వా పరిభుఞ్జితుం భగవతా కత్థ అనుఞ్ఞాతం, కిస్మిం వత్థుస్మిం అనుఞ్ఞాతం.

విస్సజ్జనా – సావత్థియం భన్తే అనుఞ్ఞాతం, సావత్థియం భన్తే భగవతి విహరతి సఙ్ఘికానిపి బీజాని పుగ్గలికాయ భూమియా రోపియింసు, పుగ్గలికానిపి బీజాని సఙ్ఘికాయ భూమియా రోపియింసు, తస్మిం భన్తే వత్థుస్మిం అనుఞ్ఞాతం.

పుచ్ఛా – వినయమహాపదేససఙ్ఖాతాని ¶ ఆవుసో చత్తారి కప్పియాకప్పియఅనులోమాని భగవతా కత్థ పఞ్ఞత్తాని, కం ఆరబ్భ కిస్మిం వత్థుస్మిం పఞ్ఞత్తాని.

విస్సజ్జనా – సావత్థియం భన్తే సమ్బహులే భిక్ఖూ ఆరబ్భ పఞ్ఞత్తాని, సమ్బహులానం భన్తే భిక్ఖూనం కిస్మిఞ్చి కిస్మిఞ్చిఠానే కుక్కుచ్చం ఉప్పజ్జి, తస్మిం భన్తే వత్థుస్మిం పఞ్ఞత్తాని.

పుచ్ఛా – యావకాలికాదీహి ¶ సంసట్ఠానం ఆవుసో యామకాలికాదీనం పరిభోగకాలమరియాదం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే సమ్బహులే భిక్ఖూ ఆరబ్భ పఞ్ఞత్తం, సమ్బహులానం భన్తే భిక్ఖూనం ఏతదహోసి ‘‘కప్పతి నుఖో యావకాలికేన యామకాలికం సత్తాహకాలికం యావజీవికం, న నుఖో కప్పతి. కప్పతినుఖో యామకాలికేన సత్తాహకాలికం యావజీవికం, న నుఖో కప్పతి. కప్పతి నుఖో సత్తాహకాలికేన యావజీవికం, న నుఖో కప్పతీ’’తి. తస్మిం భన్తే వత్థుస్మిం పఞ్ఞత్తం.

పుచ్ఛా – భేసజ్జకం ¶ పుచ్ఛిస్సం, సనిదానం సనిద్దేసం. సముక్కట్ఠపదానం ఆవుసో కతి ఆపత్తియో.

విస్సజ్జనా – భేసజ్జకం విస్సజ్జిస్సం సనిదానం సనిద్దేసం. సముక్కట్ఠపదానం భన్తే తిస్సో ఆపత్తియో.

౭. కథినక్ఖన్ధక

పుచ్ఛా – వస్సంవుట్ఠానం ¶ ఆవుసో భిక్ఖూనం కథినం అత్థరితుం భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – సావత్థియం భన్తే తింసమత్తే పావేయ్యకే భిక్ఖూ ఆరబ్భ అనుఞ్ఞాతం, తింసమత్తా భన్తే పావేయ్యకా భిక్ఖూ సావత్థిం ఆగచ్ఛన్తా భగవన్తం దస్సనాయ ఉపకట్ఠాయ వస్సూపనాయికాయ నాసక్ఖింసు సావత్థియం వస్సూపనాయికం సమ్భావేతుం, తస్మిం భన్తే వత్థుస్మిం అనుఞ్ఞాతం.

పుచ్ఛా – కథినకం ¶ పుచ్ఛిస్సం, సనిదానం సనిద్దేసం. సముక్కట్ఠపదానం ఆవుసో కతి ఆపత్తియో.

విస్సజ్జనా – కథినకం విస్సజ్జిస్సం, సనిదానం సనిద్దేసం. సముక్కట్ఠపదానం భన్తే న కతమా ఆపత్తి.

౮. చీవరక్ఖన్ధక

జీవకవత్థు

పుచ్ఛా – గహపతిచీవరం ¶ ఆవుసో సాదియితుం భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – రాజగహే భన్తే జీవకం కోమారభచ్చం ఆరబ్భ అనుఞ్ఞాతం, జీవకో భన్తే కోమారభచ్చో భిక్ఖూనం గహపతిచీవరం అనుజానితుం భగవన్తం యాచి, తస్మిం భన్తే వత్థుస్మిం అనుఞ్ఞాతం.

పుచ్ఛా – ఛ ¶ ఆవుసో రజనాని భగవతా కత్థ అనుఞ్ఞాతాని, కిస్మిం వత్థుస్మిం అనుఞ్ఞాతాని.

విస్సజ్జనా – రాజగహే భన్తే సమ్బహులే భిక్ఖూ ఆరబ్భ అనుఞ్ఞాతాని, సమ్బహులా భన్తే భిక్ఖూ ఛకణేనపి పణ్డుమత్తికాయపి చీవరం రజింసు, చీవరం దుబ్బణ్ణం హోతి, తస్మిం భన్తే వత్థుస్మిం అనుఞ్ఞాతాని.

పుచ్ఛా – అచ్ఛిన్నకాని ¶ ఆవుసో చీవరాని ధారేన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే సమ్బహులే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ అచ్ఛిన్నకాని చీవరాని ధారేసుం దన్తకసావాని, తస్మిం భన్తే వత్థుస్మిం పఞ్ఞత్తం.

పుచ్ఛా – కదా ఆవుసో భగవా అనుఞ్ఞాసి ఛిన్నకం సఙ్ఘాటిం ఛిన్నకం ఉత్తరాసఙ్గం ఛిన్నకం అన్తరవాసకం.

విస్సజ్జనా – దక్ఖిణాగిరితో భన్తే పచ్ఛాగతకాలే భగవా అనుఞ్ఞాసి ఛిన్నకం సఙ్ఘాటిం ఛిన్నకం ఉత్తరాసఙ్గం ఛిన్నకం అన్తరవాసకం.

పుచ్ఛా – అగ్గళం ¶ చ ఆవుసో తున్నఞ్చ ఓవట్టికఞ్చ కణ్డుసకఞ్చ దళ్హీకమ్మఞ్చ భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – బారాణసియం భన్తే అఞ్ఞతరం భిక్ఖుం ఆరబ్భ అనుఞ్ఞాతం, అఞ్ఞతరో భన్తే భిక్ఖు అగ్గళం అచ్ఛుపేసి, తస్మిం భన్తే వత్థుస్మిం అనుఞ్ఞాతం.

పుచ్ఛా – వస్సికసాటికా ¶ చ ఆవుసో ఆగన్తుకభత్తఞ్చ గమికభత్తఞ్చ గిలానభత్తఞ్చ గిలానుపట్ఠాకభత్తఞ్చ గిలానభేసజ్జఞ్చ ధువయాగు చ భిక్ఖునిసఙ్ఘస్స ఉదకసాటికాచాతి ఇమా అట్ఠ భగవతా కత్థ అనుఞ్ఞాతా, కం ఆరబ్భ కిస్మిం వత్థుస్మిం అనుఞ్ఞాతా.

విస్సజ్జనా – సావత్థియం భన్తే విసాఖం మిగారమాతరం ఆరబ్భ అనుఞ్ఞాతా, విసాఖా భన్తే మిగారమాతా భగవన్తం అట్ఠవరాని యాచి, తస్మిం భన్తే వత్థుస్మిం అనుఞ్ఞాతా.

పుచ్ఛా – భగవతా ¶ ఆవుసో మాతాపితూనం దానం అనుజానిత్వా సద్ధాదేయ్యం వినిపాతేన్తస్స దుక్కటం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే అఞ్ఞతరం భిక్ఖుం ఆరబ్భ పఞ్ఞత్తం, అఞ్ఞతరస్స భన్తే భిక్ఖునో బహుం చీవరం ఉప్పన్నం అహోసి, సో చ తంచీవరం మాతాపితూనం దాతుకామో అహోసి, తస్మిం భన్తే వత్థుస్మిం పఞ్ఞత్తం.

మాతాపితరోతి ¶ ఖో భిక్ఖవే దదమానే కిం వదేయ్యామ, అనుజానామి భిక్ఖవే మాతాపితూనం దాతుం, న చ భిక్ఖవే సద్ధాదేయ్యం వినిపాతేతబ్బం, యో వినిపాతేయ్య ఆపత్తి దుక్కటస్స –

పుచ్ఛా – అఞ్ఞత్ర వస్సం వుట్ఠేన ఆవుసో అఞ్ఞత్ర చీవరభాగం సాదియన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఆయస్మన్తం ఉపనన్దం సక్యపుత్తం ఆరబ్భ పఞ్ఞత్తం, ఆయస్మా భన్తే ఉపనన్దో సక్యపుత్తో అఞ్ఞత్ర వస్సం వుట్ఠో అఞ్ఞత్ర చీవరభాగం సాదియి, తస్మిం భన్తే వత్థుస్మిం పఞ్ఞత్తం.

పుచ్ఛా – అనాథకం ¶ ఆవుసో భిక్ఖుం గిలానం న ఉపట్ఠహన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే అఞ్ఞతరం భిక్ఖుం ఆరబ్భ పఞ్ఞత్తం, భగవతి భన్తే సావత్థియం విహరతి అఞ్ఞతరస్స భిక్ఖునో కుచ్ఛివికారాబాధో అహోసి, సో సకే ముత్తకరీసే పలిపన్నో సయి, తస్మిం భన్తే వత్థుస్మిం పఞ్ఞత్తం.

పుచ్ఛా – నగ్గియం ¶ ఆవుసో తిత్థియసమాదానం సమాదియన్తస్స థుల్లచ్చయం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే అఞ్ఞతరం భిక్ఖుం ఆరబ్భ పఞ్ఞత్తం, అఞ్ఞతరో భన్తే భిక్ఖు నగ్గియం తిత్థియసమాదానం సమాదియి, తస్మిం భన్తే వత్థుస్మిం పఞ్ఞత్తం.

పుచ్ఛా – సబ్బనీలకాని ¶ వా ఆవుసో చీవరాని సబ్బపీతకాని వా సబ్బలోహితకాని వా సబ్బమఞ్జిట్ఠకాని వా సబ్బకణ్హానివాతి ఏవరూపాని చీవరాని ధారేన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం ¶ భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ సబ్బనీలకాదీని చీవరాని ధారేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – కఞ్చుకం ¶ వా ఆవుసో వేఠనం వా ధారేన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియేవ భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ కఞ్చుకమ్పి ధారేసుం వేఠనమ్పి ధారేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – చీవరసఞ్ఞుత్తం పుచ్ఛిస్సం, సనిదానం సనిద్దేసం. సముక్కట్ఠపదానం ఆవుసో కతి ఆపత్తియో.

విస్సజ్జనా – చీవరసఞ్ఞుత్తం విస్సజ్జిస్సం, సనిదానం సనిద్దేసం. సముక్కట్ఠపదానం భన్తే తిస్సో ఆపత్తియో.

౬. చమ్పేయ్యక్ఖన్ధక

పుచ్ఛా – సుద్ధం ¶ ఆవుసో భిక్ఖుం అనాపత్తికం అవత్థుస్మిం అకారణే ఉక్ఖిపన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – చమ్పాయం భన్తే సమ్బహులే భిక్ఖూ ఆరబ్భ పఞ్ఞత్తం, భగవతి భన్తే చమ్పాయం విహరతి సమ్బహులా భిక్ఖూ కాసీసు వాసభగామే సుద్ధం కస్సపగోత్తం భిక్ఖుం అనాపత్తికం అవత్థుస్మిం అకారణే ఉక్ఖిపింసు, తస్మిం భన్తే వత్థుస్మిం పఞ్ఞత్తం.

పుచ్ఛా – చమ్పేయ్యకం ¶ పుచ్ఛిస్సం, సనిదానం సనిద్దేసం. సముక్కట్ఠపదానం ఆవుసో కతి ఆపత్తియో.

విస్సజ్జనా – చమ్పేయ్యకం విస్సజ్జిస్సం, సనిదానం సనిద్దేసం. సముక్కట్ఠపదానం భన్తే ఏకా ఆపత్తి.

౧౦. కోసమ్బకక్ఖన్ధక

పుచ్ఛా – భేదగరుకేహి ¶ భిక్ఖవే భిక్ఖూహి న సో భిక్ఖు ఆపత్తియా అదస్సనే ఉక్ఖిపితబ్బోతి చ, భేదగరుకేన భిక్ఖవే భిక్ఖునా పరేసమ్పి సద్ధాయ ఆపత్తిదేసేతబ్బాతి చ ఆవుసో అయం సామగ్గిరసఓవాదో భగవతా కత్థ దిన్నో, కం ఆరబ్భ కిస్మిం వత్థుస్మిం దిన్నో.

విస్సజ్జనా – కోసమ్బియం భన్తే సమ్బహులే భిక్ఖూ ఆరబ్భ దిన్నో, భగవతి భన్తే కోసమ్బియం విహరతి అఞ్ఞతరో భిక్ఖు ఆపత్తిం ఆపన్నో అహోసి, సో తస్సా ఆపత్తియా ఆపత్తి దిట్ఠి అహోసి, అఞ్ఞే భిక్ఖూ తస్సా ఆపత్తియా అనాపత్తి దిట్ఠినో అహేసుం. సో అపరేన సమయేన తస్సా ఆపత్తియా అనాపత్తిదిట్ఠి అహోసి, అఞ్ఞే భిక్ఖూ తస్సా ఆపత్తియా ఆపత్తిదిట్ఠినో అహేసుం. అథ ఖో తే భన్తే భిక్ఖూ సామగ్గిం లభిత్వా తం భిక్ఖుం ఆపత్తియా అదస్సనే ఉక్ఖిపింసు, తస్మిం భన్తే వత్థుస్మిం దిన్నో.

పుచ్ఛా – సఙ్ఘభేదస్స ¶ ఆవుసో మూలభూతే భిక్ఖుమ్హి ఉక్ఖిత్తకే ఓసారితే తస్స వత్థుస్స వూపసమాయ సఙ్ఘసామగ్గిఞ్చ కాతుం సామగ్గీ ఉపోసథఞ్చ కాతుం భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – సావత్థియం భన్తే తేయేవ ఉక్ఖిత్తకానువత్తకే భిక్ఖూ ఆరబ్భ అనుఞ్ఞాతం, తే భన్తే ఉక్ఖిత్తకానువత్తకా భిక్ఖూ తం ఉక్ఖిత్తకం భిక్ఖుం ఓసారేత్వా యేన ఉక్ఖేపకా భిక్ఖూ తేనుపసఙ్కమింసు ఉపసఙ్కమిత్వా తే ఉక్ఖేపకే భిక్ఖూ ఏకదవోచుం ‘‘యస్మిం ఆవుసో వత్థుస్మిం అహోసి సఙ్ఘస్స ¶ భణ్డనం కలహో విగ్గహో వివాదో సఙ్ఘభేదో సఙ్ఘరాజి సఙ్ఘవవత్థానం సఙ్ఘనానాకరణం, సో ఏసో భిక్ఖుం ఆపన్నో చ ఉక్ఖిత్తో చ పస్సి చ ఓసారితో చ, హన్ద మయం ఆవుసో తస్స వత్థుస్స వూపసమాయ సఙ్ఘసామగ్గిం కరోమా’’తి, తస్మిం భన్తే వత్థుస్మిం అనుఞ్ఞాతం.

పుచ్ఛా – కోసమ్బకం ¶ పుచ్ఛిస్సం, సనిదానం సనిద్దేసం. సముక్కట్ఠపదానం ఆవుసో కతి ఆపత్తియో.

విస్సజ్జనా – కోసమ్బకం విస్సజ్జిస్సం, సనిదానం సనిద్దేసం. సముక్కట్ఠపదానం భన్తే ఏకా ఆపత్తి.

చూళవగ్గపాళి

౧. కమ్బక్ఖన్ధక

పుచ్ఛా – భణ్డనాదికారకస్స ¶ ఆవుసో భిక్ఖునో తజ్జనీయకమ్మం కాతుం భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – సావత్థియం భన్తే పణ్డుకలోహితకే భిక్ఖూ ఆరబ్భ అనుఞ్ఞాతం, పణ్డుకలోహితకా భన్తే భిక్ఖూ అత్తనా భణ్డనకారకా కలహకారకా వివాదకారకా భస్సకారకా సఙ్ఘే అధికరణకారకా, యేపి చఞ్ఞే భిక్ఖూ భణ్డనకారకా కలహకారకా వివాదకారకా భస్సకారకా సఙ్ఘే అధికరణకారకా తే ఉపసఙ్కమిత్వా ఏవమాహంసు ‘‘మా ఖో తుమ్హే ఆయస్మన్తో ఏసో అజేసి, బలవాబలవం పటిమన్తేథ, తుమ్హే తేన పణ్డితతరా చ బ్యత్తతరా చ బహుస్సుతతరా చ అలమత్తతరా చ, మా చస్స భాయిత్థ, మయమ్పి తుమ్హాకం పక్ఖా భవిస్సామా’’తి, తేన అనుప్పన్నాని చేవ భణ్డనాని ఉప్పజ్జన్తి, ఉప్పన్నాని చ భణ్డనాని భియ్యోభావాయ వేపుల్లాయ సంవత్తన్తి. తస్మిం భన్తే వత్థుస్మిం అనుఞ్ఞాతం.

పుచ్ఛా – తజ్జనీయకమ్మకతస్స ¶ ఆవుసో భిక్ఖునో కతిసు వత్తేసు సమ్మా వత్తన్తస్స తం కమ్మం పటిప్పస్సమ్భేతుం భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – అట్ఠారససు ¶ భన్తే వత్తేసు సమ్మా వత్తన్తస్స తజ్జనీయకమ్మకతస్స భిక్ఖునో తం కమ్మం పటిప్పస్సమ్భేతుం భగవతా సావత్థియం అనుఞ్ఞాతం, తేయేవ పణ్డుకలోహితకా భిక్ఖూ సఙ్ఘేన తజ్జనీయకమ్మకతా సమ్మా వత్తిత్వా సఙ్ఘం ఉపసఙ్కమిత్వా యాచింసు, తస్మిం భన్తే వత్థుస్మిం అనుఞ్ఞాతం.

పుచ్ఛా – బాలస్స ¶ ఆవుసో అబ్యత్తస్స ఆపత్తిబహులస్స అనపదానస్స గిహిసంసట్ఠస్స అననులోమికేహి గిహిసంసగ్గేహి నియస్సకమ్మం కాతుం కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఆయస్మన్తం సేయ్యసకం ఆరబ్భ పఞ్ఞత్తం, ఆయస్మా భన్తే సేయ్యసకో బాలో అహోసి అబ్యత్తో ఆపత్తిబహులో అనపదానో గిహిసంసట్ఠో విహాసి అననులోమికేహి గిహిసంసగ్గేహి, తస్మిం భన్తే వత్థుస్మిం పఞ్ఞత్తం.

పుచ్ఛా – నియస్సకమ్మకతస్స ¶ ఆవుసో భిక్ఖునో కతిసు వత్తేసు సమ్మా వత్తన్తస్స తం కమ్మం పటిప్పస్సమ్భేతుం భగవతా అనుఞ్ఞాతం.

విస్సజ్జనా – అట్ఠారససు భన్తే వత్తేసు సమ్మా వత్తన్తస్స నియస్స కమ్మకతస్స భిక్ఖునో తం కమ్మం పటిప్పస్సమ్భేతుం భగవతా అనుఞ్ఞాతం, న ఉపసమ్పాదేతబ్బం, న నిస్సయో దాతబ్బో, న సామణేరో ఉపట్ఠాపేతబ్బో, న భిక్ఖునోవాదకసమ్ముతి సాదితబ్బా, సమ్మతేనపి భిక్ఖునియో న ఓవదితబ్బా, ఏవమాదీసు భన్తే అట్ఠారససు వత్తేసు సమ్మా వత్తన్తస్స నియస్సకమ్మకతస్స భిక్ఖునో తం కమ్మం పటిప్పస్సమ్భేతుం భగవతా అనుఞ్ఞాతం.

పుచ్ఛా – కులదూసకస్స ¶ ఆవుసో పాపసమాచారస్స భిక్ఖునో పబ్బాజనీయకమ్మం కాతుం భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – సావత్థియం భన్తే అస్సజిపునబ్బసుకే భిక్ఖూ ఆరబ్భ అనుఞ్ఞాతం, అస్సజిపునబ్బసుకా భన్తే భిక్ఖూ కీటాగిరిస్మిం కులదూసకా అహేసుం పాపసమాచారా, తస్మిం భన్తే వత్థుస్మిం అనుఞ్ఞాతం.

పుచ్ఛా – పటిసారణీయకమ్మం ¶ ఆవుసో పుచ్ఛామి, సద్ధం ఆవుసో పసన్నం గహపతిం దాయకం కారకం సఙ్ఘుపట్ఠాకం హీనేన ఖుంసేన్తస్స భిక్ఖునో ¶ పటిసారణీయకమ్మం కాతుం భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – సావత్థియం భన్తే ఆయస్మన్తం సుధమ్మం ఆరబ్భ అనుఞ్ఞాతం, భగవతి భన్తే సావత్థియం విహరతి ఆయస్మా సుధమ్మో మచ్ఛికాసణ్డే చిత్తం గహపతిం సద్ధం పసన్నం దాయకం కారకం సఙ్ఘుపట్ఠాకం హీనేన ఖుంసేసి హీనేన వమ్భేసి, తస్మిం భన్తే వత్థుస్మిం అనుఞ్ఞాతం.

తేనహి ¶ భిక్ఖవే సఙ్ఘో సుధమ్మస్స భిక్ఖునో పటిసారణీయకమ్మం కరోతు ‘‘చిత్తో తే గహపతి ఖమాపేతబ్బో’’తి –

పుచ్ఛా – పటిసారణీయకమ్మకతస్స ¶ ఆవుసో భిక్ఖునో అనుదూతం దాతుఞ్చ తేన అనుదూతేన సద్ధిం గన్త్వా యథాఖుంసితం గహపతిం ఖమాపేతుం ¶ చ భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – సావత్థియం భన్తే ఆయస్మన్తంయేవ సుధమ్మం ఆరబ్భ అనుఞ్ఞాతం, ఆయస్మా భన్తే సుధమ్మో మచ్ఛికాసణ్డం గన్త్వా మఙ్కుభూతో నాసక్ఖి చిత్తం గహపతిం ఖమాపేతుం, తస్మిం భన్తే వత్థుస్మిం అనుఞ్ఞాతం.

పుచ్ఛా – పటిసారణీయకమ్మకతస్స ¶ ఆవుసో భిక్ఖునో కతిసు వత్తేసు సమ్మా వత్తన్తస్స తం కమ్మం పటిప్పస్సమ్భేతుం భగవతా అనుఞ్ఞాతం.

విస్సజ్జనా – అట్ఠారససు భన్తే వత్తేసు సమ్మా వత్తన్తస్స పటిసారణీయ కమ్మకతస్స భిక్ఖునో తం కమ్మం పటిప్పస్సమ్భేతుం భగవతా అనుఞ్ఞాతం.

పుచ్ఛా – ఆపత్తిం ¶ ఆవుసో ఆపజ్జిత్వా తం ఆపత్తిం పస్సితుం వా పటికాతుం వా న ఇచ్ఛన్తస్స భిక్ఖునో ఆపత్తియా అదస్సనే వా అప్పటికమ్మే వా ఉక్ఖేపనీయకమ్మం కాతుం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – కోసమ్బియం భన్తే ఆయస్మన్తం ఛన్నత్థేరం ఆరబ్భ పఞ్ఞత్తం, ఆయస్మా భన్తే ఛన్నో ఆపత్తిం ఆపజ్జిత్వా న ఇచ్ఛి తం ఆపత్తిం పస్సితుం వా పటికాతుం వా, తస్మిం భన్తే వత్థుస్మిం పఞ్ఞత్తం.

పుచ్ఛా – ఆపత్తియా ¶ ఆవుసో అదస్సనేన వా అప్పటికమ్మే వా ఉక్ఖేపనీయ కమ్మకతేన భిక్ఖునా కతిసు వత్తేసు సమ్మా వత్తితబ్బం.

విస్సజ్జనా – తేచత్తాలీసాయ భన్తే వత్తేసు సమ్మా వత్తితబ్బం.

పుచ్ఛా – ఉక్ఖేపనీయకమ్మకతస్స ¶ ఆవుసో భిక్ఖునో సమ్మా వత్తన్తస్స తం కమ్మం పటిప్పస్సమ్భేతుం భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – కోసమ్బియం భన్తే ఆయస్మన్తంయేవ ఛన్నం ఆరబ్భ అనుఞ్ఞాతం, ఆయస్మా భన్తే ఛన్నో సఙ్ఘేన ఆపత్తియా అదస్సనే వా అప్పటికమ్మే వా ఉక్ఖేపనీయకమ్మకతో సమ్మా వత్తేసి లోమంపాతేసి నేత్థారం వత్తేసి సఙ్ఘం ఉపసఙ్కమిత్వా తస్స కమ్మస్స పటిప్పస్సద్ధియా యాచి, తస్మిం భన్తే వత్థుస్మిం అనుఞ్ఞాతం.

పుచ్ఛా – పాపికం ¶ ఆవుసో దిట్ఠిం గహేత్వా తం దిట్ఠిం న పటినిస్సజ్జన్తస్స పాపికాయ దిట్ఠియా అప్పటినిస్సగ్గే ఉక్ఖేపనీయకమ్మం కాతుం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే అరిట్ఠం భిక్ఖుం గద్ధబాధిపుబ్బం ఆరబ్భ పఞ్ఞత్తం, భగవతి భన్తే సావత్థియం విహరతి అరిట్ఠస్స నామ భిక్ఖునో గద్ధబాధిపుబ్బస్స ఏవరూపం పాపకం దిట్ఠిగతం ఉప్పన్నం అహోసి ‘‘తథాహం భగవతా ధమ్మం దేసితం ఆజానామి, యథాయేమే అన్తరాయికా ధమ్మా వుత్తా భగవతా, తే పటిసేవతో ¶ నాలం అన్తరాయాయా’’తి, తస్మిం భన్తే వత్థుస్మిం పఞ్ఞత్తం.

పుచ్ఛా – పాపికాయ ఆవుసో దిట్ఠియా అప్పటినిస్సగ్గే ఉక్ఖేపనీయకమ్మకతేన భిక్ఖునా కతిసు వత్తేసు సమ్మా వత్తితబ్బం.

విస్సజ్జనా – తేచత్తాలీసాయ ¶ భన్తే వత్తేసు సమ్మా వత్తితబ్బం.

పుచ్ఛా – కమ్మక్ఖన్ధకం పుచ్ఛిస్సం, సనిదాని సనిద్దేసం. సముక్కట్ఠపదానం ఆవుసో కతి ఆపత్తియో.

విస్సజ్జనా – కమ్మక్ఖన్ధకం విస్సజ్జిస్సం, సనిదానం సనిద్దేసం. సముక్కట్ఠపదానం భన్తే ఏకా ఆపత్తి.

౨. పారివాసికక్ఖన్ధక

పుచ్ఛా – పారివాసికస్స ¶ ఆవుసో పకతత్తానం భిక్ఖూనం అభివాదనాదీని సాదియన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే పారివాసికే భిక్ఖూ ఆరబ్భ పఞ్ఞత్తం, పారివాసికా భన్తే భిక్ఖూ సాదియింసు పకతత్తానం భిక్ఖూనం అభివాదనాదీని, తస్మిం భన్తే వత్థుస్మిం పఞ్ఞత్తం.

పుచ్ఛా – పారివాసికేన ¶ ఆవుసో భిక్ఖునా కతిసు వత్తేసు సమ్మా వత్తితబ్బం.

విస్సజ్జనా – పారివాసికేన భన్తే భిక్ఖునా చతునవుతియా వత్తేసు సమ్మా వత్తితబ్బం.

పుచ్ఛా – పారివాసికం పుచ్ఛిస్సం, సనిదానం సనిద్దేసం. సముక్కట్ఠపదానం ఆవుసో కతి ఆపత్తియో.

విస్సజ్జనా – పారివాసికం విస్సజ్జిస్సం, సనిదానం సనిద్దేసం. సముక్కట్ఠపదానం భన్తే ఏకా ఆపత్తి.

౩. సముచ్చయక్ఖన్ధక

పుచ్ఛా – సముచ్చయం ¶ పుచ్ఛిస్సం, సనిదానం సనిద్దేసం. సముక్కట్ఠపదానం ఆవుసో కతి ఆపత్తియో.

విస్సజ్జనా – సముచ్చయం విస్సజ్జిస్సం, సనిదానం సనిద్దేసం. సముక్కట్ఠపదానం భన్తే ఏకా ఆపత్తి.

౪. సమథక్ఖన్ధక

పుచ్ఛా – అసమ్ముఖీభూతానం ¶ ఆవుసో భిక్ఖూనం తజ్జనీయం వా నియస్సం వా పబ్బాజనీయం వా పటిసారణీయం వా ఉక్ఖేపనీయం వా కమ్మం కరోన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ అసమ్ముఖీభూతానం భిక్ఖూనం కమ్మం అకంసు తజ్జనీయమ్పి నియస్సమ్పి పబ్బాజనీయమ్పి పటిసారణీయమ్పి ఉక్ఖేపనీయమ్పి, తస్మిం భన్తే వత్థుస్మిం పఞ్ఞత్తం.

పుచ్ఛా – సతివేపుల్లపత్తస్స ¶ ఆవుసో భిక్ఖునో సతివినయం దానం భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – రాజగహే భన్తే మేత్తియభూమజకే భిక్ఖూ ఆరబ్భ అనుఞ్ఞాతం మేత్తియభూమజకా భన్తే భిక్ఖూ ఆయస్మన్తం దబ్బం మల్లపుత్తం అమూలికాయ సీలవిపత్తియా అనుద్ధంసేసుం, తస్మిం భన్తే వత్థుస్మిం అనుఞ్ఞాతం.

పుచ్ఛా – కతిపనావుసో ¶ ఏత్థ ధమ్మికాని సతివినయదానాని.

విస్సజ్జనా – పఞ్చిమాని భన్తే ధమ్మికాని సతివినయస్స దానాని, సుద్ధో హోతి భిక్ఖు అనాపత్తికో, అనువదన్తి చ నం, యాచతి చ, తస్స సఙ్ఘో సతివినయం దేతి ధమ్మేన సమగ్గేన, ఇమాని ఖో భన్తే పఞ్చ ధమ్మికాని సతి వినయస్స దానాని.

పుచ్ఛా – అమూళ్హస్స ¶ ఆవుసో భిక్ఖునో అమూళ్హవినయం దాతుం భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – రాజగహే భన్తే సమ్బహులే భిక్ఖూ ఆరబ్భ అనుఞ్ఞాతం, సమ్బహులా భన్తే భిక్ఖూ గగ్గం భిక్ఖుం ఉమ్మత్తకేన చిత్తవిపరియాసకతేన ¶ అజ్ఝాచిణ్ణేన ఆపత్తియా చోదేసుం ‘‘సరతా యస్మా ఏవరూపిం ఆపత్తిం ఆపజ్జితా’’తి, సో ఏవం వదేతి ‘‘అహం ఖో ఆవుసో ఉమ్మత్తకో అహోసి చిత్తవిపరియాసకతో, తేన మే ఉమ్మత్తకేన చిత్తవిపరియాసకతేన బహుం అస్సామణకం అజ్ఝాచిణ్ణం భాసితపరిక్కన్తం, నాహం తం సరామి, మూళ్హేన మే ఏతం కత’’న్తి. ఏవమ్పి నం వుచ్చమానా చోదేన్తేవ ‘‘సరతా యస్మా ఏవరూపిం ఆపత్తిం ఆపజ్జితా’’తి, తస్మిం భన్తే వత్థుస్మిం అనుఞ్ఞాతం.

పుచ్ఛా – కతి ¶ ఆవుసో అధమ్మికాని అమూళ్హవినయస్స దానాని, విభజిత్వా కథేహి.

విస్సజ్జనా – తీణి భన్తే అధమ్మికాని అమూళ్హవినయస్స దానాని, ఇధ భన్తే భిక్ఖు ఆపత్తిం ఆపన్నో హోతి, తమేనం చోదేతి సఙ్ఘో వా సమ్బహులా వా ఏకపుగ్గలో వా ‘‘సరతాయస్మా ఏవరూపిం ఆపత్తిం ఆపజ్జితా’’తి, సో సరమానోవ ఏవం వదేతి ‘‘న ఖో అహం ఆవుసో సరామి ఏవరూపిం ఆపత్తిం ఆపజ్జితా’’తి. అఞ్ఞో సరమానోవ ఏవం వదేతి ‘‘సరామి ఖో అహం ఆవుసో యథా సుపినన్తేనా’’తి. అఞ్ఞో అనుమ్మత్తకోవ ఉమ్మత్తకాలయం కరోతి ‘‘అహమ్పి ఖో ఏవం కరోమి, తుమ్హేపి ఏవం కరోథ, మయ్హమ్పి ఏతం కప్పతి, తుమ్హాకమ్పేతం కప్పతీ’’తి. ఏసం సఙ్ఘో అమూళ్హవినయం దేతి, అధమ్మికం భన్తే అమూళ్హవినయస్స దానం. ఇమాని ఖో భన్తే తీణి అధమ్మికాని అమూళ్హవినయస్స దానాని.

పుచ్ఛా – కతి ¶ ఆవుసో ధమ్మికాని అమూళ్హవినయస్స దానాని, విభజిత్వా కథేహి.

విస్సజ్జనా – తీణి భన్తే ధమ్మికాని అమూళ్హవినయస్స దానాని, ఇధ భన్తే భిక్ఖు ఉమ్మత్తకో హోతి చిత్తవిపరియాసకతో తేన ఉమ్మత్తకేన చిత్తవిపరియాసకతేన బహుం అస్సామణకం అజ్ఝాచిణ్ణం హోతి భాసితపరిక్కన్తం, తమేనం చోదేతి సఙ్ఘో వా సమ్బహులా వా ఏకపుగ్గలో వా ‘‘సరతాయస్మా ఏవరూపిం ఆపత్తిం ఆపజ్జితా’’తి, సో అస్సరమానోవ ఏవం వదేతి ‘‘న ఖో అహం ఆవుసో సరామి ఏవరూపిం ఆపత్తిం ఆపజ్జితా’’తి. అఞ్ఞోపి అస్సరమానోవ ఏవం వదేతి ‘‘సరామి ఖో అహం ఆవుసో యథా సుపినన్తేనా’’తి. అఞ్ఞోపి ఉమ్మత్తకోవ ఉమ్మత్తకాలయం కరోతి ‘‘అహమ్పి ఏవం కరోమి, తుమ్హేపి ఏవం కరోథ, మయ్హమ్పి ఏతం కప్పతి, తుమ్హాకమ్పేతం కప్పతీ’’తి. ఏసం భన్తే తిణ్ణం భిక్ఖూనం సఙ్ఘో అమూళ్హవినయం దేతి, ధమ్మికం భన్తే అమూళ్హవినయస్స దానం. ఇమాని ఖో భన్తే తీణి ధమ్మికాని అమూళ్హవినయస్స దానాని.

పుచ్ఛా – అప్పటిఞ్ఞాయ ¶ ఆవుసో భిక్ఖూనం తజ్జనీయాదీని కమ్మాని కరోన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే ¶ భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ అప్పటిఞ్ఞాయ భిక్ఖూనం కమ్మాని అకంసు తజ్జనీయాదీని, తస్మిం భన్తే వత్థుస్మిం పఞ్ఞత్తం.

పుచ్ఛా – కథం ఆవుసో అధమ్మికం హోతి పటిఞ్ఞాతకరణం.

విస్సజ్జనా – అఞ్ఞథా భన్తే ఆపత్తిం ఆపజ్జన్తస్స అఞ్ఞథా పటిజానన్తస్స యథా సో పటిజానాతి, తథా సఙ్ఘో కారేతి, ఏవం ఖో భన్తే అధమ్మికం హోతి పటిఞ్ఞాతకరణం.

పుచ్ఛా – కథం ¶ ఆవుసో ధమ్మికం హోతి పటిఞ్ఞాతకరణం.

విస్సజ్జనా – యం భన్తే ఆపత్తిం ఆపజ్జన్తస్స తమేవ పటిజానన్తస్స తేనేవ సఙ్ఘో కారేతి, ఏవం ఖో భన్తే ధమ్మికం పటిఞ్ఞాతకరణం.

పుచ్ఛా – యేభుయ్యసికాయ ¶ ఆవుసో అధికరణం వూపసమేతుం భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – రాజగహే ¶ భన్తే సమ్బహులే భిక్ఖూ ఆరబ్భ అనుఞ్ఞాతం, సమ్బహులా భన్తే భిక్ఖూ భణ్డనజాతా కలహజాతా వివాదాపన్నా అఞ్ఞమఞ్ఞం ముఖసత్తీహి వితుదన్తా విహరింసు, న సక్కోన్తి తం అధికరణం వూపసమేతుం, తస్మిం భన్తే వత్థుస్మిం అనుఞ్ఞాతం.

పుచ్ఛా – కథం ఆవుసో అధికరణం యేభుయ్యసికాయ వూపసమేతబ్బం.

విస్సజ్జనా – పఞ్చహి భన్తే అఙ్గేహి సమన్నాగతో భిక్ఖు సలాకగ్గాహాపకో సమ్మన్నితబ్బో, తేన భన్తే సలాకగ్గాహాపకేన ¶ సలాకా గాహాతబ్బా యథా బహుతరా భిక్ఖూ ధమ్మవాదినో వదన్తి తథా తం అధికరణం వూపసమేతబ్బం, ఏవం ఖో భన్తే యేభుయ్యసికాయ అధికరణం వూపసమేతబ్బం.

పుచ్ఛా – కతి ¶ ఆవుసో అధమ్మికా సలాకగ్గాహా.

విస్సజ్జనా – దస భన్తే అధమ్మికా సలాకగ్గాహా, ఓరమత్తకఞ్చ అధికరణం హోతి, న చ గతిగతం హోతి, న చ సరితసారితం హోతి, జానాతి ‘అధమ్మవాదీ బహుతరా’తి, అప్పేవ నామ అధమ్మవాదీ బహుతరా అస్సూతి, జానాతి ‘సఙ్ఘో భిజ్జిస్సతీ’తి, అప్పేవ నామ సఙ్ఘో భిజ్జేయ్యాతి, అధమ్మేన గణ్హన్తి, వగ్గా గణ్హన్తి, న చ యథాదిట్ఠియా గణ్హన్తి, ఇమే ఖో భన్తే దస అధమ్మికా కలాకగ్గాహా.

పుచ్ఛా – కతి ¶ ఆవుసో ధమ్మికా సలాకగ్గాహా.

విస్సజ్జనా – దస భన్తే ధమ్మికా సలాకగ్గాహా వుత్తవిపరియాయేన.

పుచ్ఛా – పాపుస్సన్నస్స ఆవుసో భిక్ఖుస్స తస్స పాపియసికా కమ్మం కాతుం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే ఉపవాళం భిక్ఖుం ఆరబ్భ పఞ్ఞత్తం, ఉపవాళో భన్తే భిక్ఖు సఙ్ఘమజ్ఝే ఆపత్తియా అనుయుఞ్జియమానో అవజానిత్వా పటిజానాతి, పటిజానిత్వా అవజానాతి, అఞ్ఞేనఞ్ఞం పటిచరతి, సమ్పజానముసా భాసతి, తస్మిం భన్తే వత్థుస్మిం పఞ్ఞత్తం.

పుచ్ఛా – కతి ¶ ఆవుసో ధమ్మికాని తస్సపాపియసికా కమ్మస్స కరణాని.

విస్సజ్జనా – పఞ్చిమాని భన్తే ధమ్మికాని తస్సపాపియసికా కమ్మస్స కరణాని. అసుచి చ హోతి, అలజ్జీ చ, సానువాదో చ, తస్స సఙ్ఘో తస్సపాపియసికా కమ్మం కరోతి ధమ్మేన సమగ్గేన, ఇమాని ఖో భన్తే పఞ్చ ధమ్మికాని తస్స పాపియసికా కమ్మస్స కరణాని.

పుచ్ఛా – తస్స ¶ పాపియసికాకమ్మకతేన ఆవుసో భిక్ఖునా కతిసు వత్తేసు సమ్మా వత్తితబ్బం.

విస్సజ్జనా – తస్స పాపియసికాకమ్మకతేన భన్తే భిక్ఖునా అట్ఠారససు వత్తేసు సమ్మా వత్తితబ్బం. న ఉపసమ్పాదేతబ్బం, న నిస్సయో దాతబ్బో, న సామణేరో ఉపట్ఠాపేతబ్బో, ఏవమాదీసు భన్తే అట్ఠారససు వత్తేసు సమ్మా వత్తితబ్బం.

పుచ్ఛా – కతి ¶ ఆవుసో అధికరణాని సమథేహి వూపసమేతబ్బాని.

విస్సజ్జనా – చత్తారిమాని భన్తే అధికరణాని సమథేహి వూపసమేతబ్బాని, వివాదాధికరణం అనువాదాధికరణం ఆపత్తాధికరణం కిచ్చాధికరణం, ఇమాని భన్తే చత్తారి అధికరణాని సమథేహి వూపసమేతబ్బాని.

పుచ్ఛా – కిం ¶ ఆవుసో వివాదాధికరణస్స మూలం.

విస్సజ్జనా – ఛ భన్తే వివాదమూలాని వివాదాధికరణస్స మూలం, తీణిపి అకుసలమూలాని వివాదాధికరణస్స మూలం, తీణిపి కుసలమూలాని వివాదాధికరణస్స మూలం, ఇదం భన్తే వివాదాధికరణస్స మూలం.

పుచ్ఛా – కిం ¶ పనావుసో అనువాదాధికరణస్స మూలం.

విస్సజ్జనా – ఛ భన్తే అనువాదమూలాని అనువాదాధికరణస్స మూలం, తీణిపి అకుసలమూలాని అనువాదాధికరణస్స మూలం, తీణిపి కుసలమూలాని అనువాదాధికరణస్స మూలం, కాయోపి అనువాదాధికరణస్స మూలం, వాచాపి అనువాదాధికరణస్స మూలం, ఇదం ఖో భన్తే అనువాదాధికరణస్స మూలం.

పుచ్ఛా – కిం ¶ పనావుసో ఆపత్తాధికరణస్స మూలం.

విస్సజ్జనా – ఛ భన్తే ఆపత్తిసముట్ఠానా ఆపత్తాధికరణస్స మూలం, అత్తి భన్తే ఆపత్తి కాయతో సముట్ఠాతి న వాచతో న చిత్తతో, అత్థి భన్తే ఆపత్తి వాచతో సముట్ఠాతి న కాయతో న చిత్తతో, అత్థి భన్తే ఆపత్తి కాయతో ¶ చ వాచతో చ సముట్ఠాతి న చిత్తతో, అత్థి భన్తే ఆపత్తి కాయతో చ చిత్తతో చ సముట్ఠాతి న వాచతో, అత్థి భన్తే ఆపత్తి వాచతో చ చిత్తతో చ సముట్ఠాతి న కాయతో, అత్థి భన్తే ఆపత్తి కాయతో చ వాచతో చ చిత్తతో చ సముట్ఠాతి, ఇమాని భన్తే ఛ ఆపత్తి సముట్ఠానాని ఆపత్తాధికరణస్స మూలం.

పుచ్ఛా – కిం ¶ పనావుసో కిచ్చాధికరణస్స మూలం.

విస్సజ్జనా – కిచ్చాధికరణస్స భన్తే ఏకం మూలం సఙ్ఘో.

పుచ్ఛా – సమథం ఆవుసో పుచ్ఛిస్సం, సనిదానం సనిద్దేసం. సముక్కట్ఠపదానం ఆవుసో కతి ఆపత్తియో.

విస్సజ్జనా – సమథం భన్తే విస్సజ్జిస్సం, సనిదానం సనిద్దేసం. సముక్కట్ఠపదానం భన్తే ద్వే ఆపత్తియో.

౫. ఖుద్దకవత్థుక్ఖన్ధక

పుచ్ఛా – నహాయన్తేన ¶ ఆవుసో భిక్ఖునా రుక్ఖే వా థమ్భే వా కుట్టే వా కాయం ఉగ్ఘంసేన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ నహాయమానా రుక్ఖేపి థమ్భేపి కుట్టేపి కాయం ఉగ్ఘంసేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – గన్ధబ్బహత్థకేన వా ఆవుసో కురువిన్దకసుత్తియా వా మల్లకేన వా నహాయన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే ఛబ్బగ్గియేవ భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ గన్ధబ్బహత్థకేనపి కురువిన్దకసుత్తియాపి ¶ మల్లకేనపి నహాయింసు, తస్మిం భన్తే వత్థుస్మిం పఞ్ఞత్తం.

పుచ్ఛా – పాణినా ఆవుసో పరికమ్మం కాతుం భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – రాజగహే భన్తే సమ్బహులే భిక్ఖూ ఆరబ్భ అనుఞ్ఞాతం, సమ్బహులా భన్తే భిక్ఖూ పిట్ఠిపరికమ్మం కాతుం కుక్కుచ్చాయింసు, తస్మిం భన్తే వత్థుస్మిం అనుఞ్ఞాతం.

పుచ్ఛా – వల్లికం ¶ వా ఆవుసో పామఙ్గం వా కణ్ఠసుత్తకం వా కటిసుత్తకం వా ఓవట్టికం వా కాయురం వా హత్థాభరణం వా అఙ్గులిముద్దికం వా ధారేన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ వల్లికాదీని ధారేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – దీఘే ¶ ఆవుసో కేసే ధారేన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ దీఘే కేసే ధారేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – కోచ్ఛేనవా ¶ ఆవుసో ఫణకేనవా హత్థఫణకేనవా కేసే ఓసణ్ఠేన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే ఛబ్బగ్గియేవ భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ కోచ్ఛాదీహి కేసే ఓసణ్ఠేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – ఆదాసే ¶ వా ఆవుసో ఉదకపత్తే వా ముఖనిమిత్తం ఓలోకేన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే ఛబ్బగ్గియేవ భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ ఆదాసేపి ఉదకపత్తేపి ముఖనిమిత్తం ఓలోకేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – ఆబాధపచ్చయా ¶ పనావుసో ఆదాసే వా ఉదకపత్తే వా ముఖనిమిత్తం ఓలోకేతుం భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – రాజగహే భన్తే అఞ్ఞతరం భిక్ఖుం ఆరబ్భ అనుఞ్ఞాతం, భగవతి భన్తే రాజగహే విహరతి అఞ్ఞతరస్స భిక్ఖునో ముఖే వణో అహోసి, సో భిక్ఖూ ఏతదవోచ ‘‘కీదిసో మే ఆవుసో వణో’’తి, భిక్ఖూ ఏవమాహంసు ‘‘ఏదిసో తే ఆవుసో వణో’’తి, సో న సద్దహతి, తస్మిం భన్తే వత్థుస్మిం అనుఞ్ఞాతం.

పుచ్ఛా – ముఖాలేపనాదీని ¶ ఆవుసో కరోన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ ముఖాలేపనాదీని అకంసు, తస్మిం భన్తే వత్థుస్మిం పఞ్ఞత్తం.

పుచ్ఛా – నచ్చం ¶ వా ఆవుసో గీతం వా వాదితం వా దస్సనాయ గచ్ఛన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే నచ్చమ్పి గీతమ్పి వాదితమ్పి దస్సనాయ గచ్ఛింసు, తస్మిం భన్తే వత్థుస్మిం పఞ్ఞత్తం.

పుచ్ఛా – కథం ఆవుసో నచ్చాదీని పస్సన్తస్స ఆపత్తి హోతి, కథం పన అనాపత్తి.

విస్సజ్జనా – నచ్చం వా భన్తే గీతం వా వాదితం వా దస్సనాయ గచ్ఛతి ఆపత్తి దుక్కటస్స, యత్థ ఠితో పస్సతి వా సుణాతి వా ఆపత్తి దుక్కటస్స ¶ , దస్సనూపచారం విజహిత్వా పునప్పునం పస్సతి ఆపత్తి దుక్కటస్స, ఆరామే ఠితస్స పస్సతో అనాపత్తి, విహారతో పన విహారం పస్సిస్సామీతి గచ్ఛతో ఆపత్తియేవ, యత్థ ఠితో పస్సతి వా సుణాతి వా ఆపత్తి దుక్కటస్స, ఆసనసాలాయ నిసిన్నో పస్సతి అనాపత్తి, పస్సిస్సామీతి వుట్ఠహిత్వా గచ్ఛతి ఆపత్తి దుక్కటస్స, యత్థ ఠితో పస్సతి వా సుణాతి వా ఆపత్తి దుక్కటస్స, పతిపథం గచ్ఛన్తో పస్సతి అనాపత్తి, గీవం పరివత్తేత్వా పస్సతో పన ఆపత్తి భన్తే.

పుచ్ఛా – ఆయతకేన ¶ ఆవుసో గీతస్సరేన ధమ్మం గాయన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ ఆయతకేన గీతస్సరేన ధమ్మం గాయింసు, తస్మిం భన్తే వత్థుస్మిం పఞ్ఞత్తం.

పుచ్ఛా – దారుపత్తం ¶ ఆవుసో ధారేన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే ఆయస్మన్తం పిణ్డోలభారద్వాజం ఆరబ్భ పఞ్ఞత్తం, ఆయస్మా భన్తే పిణ్డోలభారద్వాజో ఛవస్స దారుపత్తస్స కారణా గిహీనం ఉత్తరిమనుస్సధమ్మం ఇద్ధిపాటిహారియం దస్సేతి, తస్మిం భన్తే వత్థుస్మిం పఞ్ఞత్తం.

న ¶ చ భిక్ఖవే దారుపత్తో ధారేతబ్బో, యో ధారేయ్య ఆపత్తి దుక్కటస్స –

పుచ్ఛా – భగవతా ఆవుసో ఉచ్చావచే పత్తే పటిక్ఖిపిత్వా అయో పత్తో భూమిపత్తోతి ఇమేయేవ ద్వే పత్తా కత్థ అనుఞ్ఞాతా, కం ఆరబ్భ కిస్మిం వత్థుస్మిం అనుఞ్ఞాతా.

విస్సజ్జనా – రాజగహే భన్తే ఛబ్బగ్గియే భిక్ఖూ ఆరబ్భ అనుఞ్ఞాతా, ఛబ్బగ్గియా భన్తే భిక్ఖూ ఉచ్చావచే పత్తే ధారేసుం సోవణ్ణమయా ¶ రూపియమయా, తస్మిం భన్తే వత్థుస్మిం అనుఞ్ఞాతా.

పుచ్ఛా – సోదకం ¶ ఆవుసో పత్తం పటిసామేన్తస్స చ ఓతాపేన్తస్సచ ఉణ్హే పత్తం నిదహన్తస్స చ దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే సమ్బహులే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ సోదకం పత్తం పటిసామేసుం, ఓతాపేసుం, ఉణ్హే పత్తం నిదహింసు, తస్మిం భన్తే వత్థుస్మిం పఞ్ఞత్తం.

పుచ్ఛా – ఛవసీసపత్తం ¶ ఆవుసో ధారేన్తస్స చ సబ్బపంసుకూలికస్స చ దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే అఞ్ఞతరం భిక్ఖుం ఆరబ్భ పఞ్ఞత్తం, అఞ్ఞతరో భన్తే భిక్ఖు సబ్బపంసుకూలికో అహోసి, సో ఛవసీసస్స పత్తం ధారేసి, అఞ్ఞతరా ఇత్థీ పస్సిత్వా భీతా ¶ విస్సరమకాసి ‘‘అభుం మే పిసాచో వతాయ’’న్తి, తస్మిం భన్తే వత్థుస్మిం పఞ్ఞత్తం.

పుచ్ఛా – చలకాని వా ఆవుసో అట్ఠికాని వా ఉచ్ఛిట్ఠోదకం వా పత్తేన నీహరన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే సమ్బహులే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ చలకానిపి అట్ఠికానిపి ఉచ్ఛిట్ఠో దకమ్పి పత్తేన నీహరింసు, తస్మిం భన్తే వత్థుస్మిం పఞ్ఞత్తం.

పుచ్ఛా – ఉపాహనత్థవికా ¶ ఆవుసో భగవతా కత్థ అనుఞ్ఞాతా, కం ఆరబ్భ కిస్మిం వత్థుస్మిం అనుఞ్ఞాతా.

విస్సజ్జనా – అన్తరా చ భన్తే రాజగహం అన్తరా చ వేసాలిం అఞ్ఞతరం భిక్ఖుం ఆరబ్భ అనుఞ్ఞాతా, అఞ్ఞతరో భన్తే భిక్ఖు ఉపాహనాయో కాయబన్ధనేన బన్ధిత్వా గామం పిణ్డాయ పావిసి, అఞ్ఞతరో ఉపాసకో తం భిక్ఖుం అభివాదేన్తో ఉపాహనాయో సీసేన ఘట్టేతి, సో భిక్ఖు మఙ్కు అహోసి, తస్మిం భన్తే వత్థుస్మిం అనుఞ్ఞాతా.

పుచ్ఛా – అద్ధానమగ్గప్పటిపన్నేన ¶ ఆవుసో పరిస్సావనం యాచియమానేన న దదన్తస్స చ అప్పటిస్సావనకేన అద్ధానం పటిపజ్జన్తస్స చ దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – అన్తరా చ భన్తే రాజగహం అన్తరా చ వేసాలిం అఞ్ఞతరం భిక్ఖుం ఆరబ్భ పఞ్ఞత్తం, అఞ్ఞతరో భన్తే భిక్ఖు పరిస్సావనం యాచియమానో న అదాసి, తస్మిం భన్తే వత్థుస్మిం పఞ్ఞత్తం.

పుచ్ఛా – పుప్ఫాభికిణ్ణే ¶ ఆవుసో సయనే సయన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – వేసాలియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ పుప్ఫాభికిణ్ణేసు సయనేసు సయింసు, తస్మిం భన్తే వత్థుస్మిం పఞ్ఞత్తం.

పుచ్ఛా – ఏకభాజనే వా ఆవుసో భుఞ్జన్తానం ఏకథాలకే వా పివన్తానం ఏకత్థరణపావురణానం వా తువట్టానం దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – వేసాలియం భన్తే ఛబ్బగ్గియేవ భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ ఏకభాజనేపి భుఞ్జింసు, ఏకథాలకేపి ¶ పివింసు, ఏకమఞ్చకేపి తువట్టేసుం, ఏకత్థరణాపి తువట్టేసుం, ఏకపావురణాపి తువట్టేసుం, ఏకత్థరణపావురణాపి, తస్మిం భన్తే వత్థుస్మిం పఞ్ఞత్తం.

పుచ్ఛా – చామరిబీజనిం ఆవుసో పటిక్ఖిపిత్వా తిస్సో బీజనియో భగవతా కత్థ అనుఞ్ఞాతా, కిస్మిఞ్చ వత్థుస్మిం అనుఞ్ఞాతా.

విస్సజ్జనా – సావత్థియం భన్తే అనుఞ్ఞాతా, సావత్థియం భన్తే భగవతి విహరతి సఙ్ఘస్స చామరిబీజనీ ఉప్పన్నా అహోసి, భగవతో ఏతమత్థం ఆరోచేసుం, తస్మిం భన్తే వత్థుస్మిం అనుఞ్ఞాతా.

న ¶ భిక్ఖవే చామరిబీజనీ ధారేతబ్బా, యో ధారేయ్య, ఆపత్తి దుక్కటస్స. అనుజానామి భిక్ఖవే తిస్సో బీజనియో వాకమయం ఉసీరమయం మోరపిఞ్ఛా మయం.

పుచ్ఛా – దీఘే ఆవుసో నఖే ధారేన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం ¶ భన్తే అఞ్ఞతరం భిక్ఖుం ఆరబ్భ పఞ్ఞత్తం, అఞ్ఞతరో భన్తే భిక్ఖు దీఘే నఖే ధారేసి, తస్మిం భన్తే వత్థుస్మిం పఞ్ఞత్తం.

పుచ్ఛా – కత్తరికాయ ¶ ఆవుసో కేసే ఛేదాపేన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ కత్తరికాయ కేసే ఛిన్దింసు, తస్మిం భన్తే వత్థుస్మిం పఞ్ఞత్తం.

పుచ్ఛా – దీఘే ¶ ఆవుసో నాసికాలోమే ధారేన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే సమ్బహులే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ దీఘాని నాసికాలోమాని ధారేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – ఉచ్చావచా ఆవుసో కణ్ణమలహరణియో పటిక్ఖిపిత్వా దస కణ్ణమలహరణియో భగవతా కత్థ అనుఞ్ఞాతా, కం ఆరబ్భ కిస్మిం వత్థుస్మిం అనుఞ్ఞాతా.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ అనుఞ్ఞాతా, ఛబ్బగ్గియా భన్తే భిక్ఖూ ఉచ్చావచా కణ్ణమలహరణియో ధారేసుం ¶ సోవణ్ణమయం రూపియమయం, తస్మిం భన్తే వత్థుస్మిం అనుఞ్ఞాతా.

పుచ్ఛా – సఙ్ఘాటిపల్లత్థికాయ నిసీదన్తస్స ఆవుసో దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ సఙ్ఘాటిపల్లత్థికాయ నిసీదింసు, సఙ్ఘాటియా ¶ పత్తా లుజ్జింసు, తస్మిం భన్తే వత్థుస్మిం పఞ్ఞత్తం.

పుచ్ఛా – అకాయబన్ధనేన ఆవుసో గామం పవిసన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే అఞ్ఞతరం భిక్ఖుం ఆరబ్భ పఞ్ఞత్తం, అఞ్ఞతరో భన్తే భిక్ఖు అకాయబన్ధనో గామం పిణ్డాయ పావిసి, తస్మిం భన్తే వత్థుస్మిం పఞ్ఞత్తం.

పుచ్ఛా – గిహినివత్థం ¶ ఆవుసో నివాసేన్తస్స చ, గిహిపారుతం పారుపన్తస్స చ, సంవేల్లియం నివాసేన్తస్స చ దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ గిహినివత్థం నివాసింసు, గిహిపారుతమ్పి పారుపింసు, సంవేల్లియమ్పి నివాసింసు, తస్మిం భన్తే వత్థుస్మిం పఞ్ఞత్తం.

పుచ్ఛా – ఉభతో ¶ కాజం ఆవుసో ధారేన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ ఉభతో కాజం ధారేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – లోకాయతం ¶ ఆవుసో పరియాపుణన్తస్స చ వాచేన్తస్స చ దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ లోకాయతం పరియాపుణింసుపి వాచేసుమ్పి, తస్మిం భన్తే వత్థుస్మిం పఞ్ఞత్తం.

పుచ్ఛా – తిరచ్ఛానవిజ్జం ¶ ఆవుసో పరియాపుణన్తస్స చ వాచేన్తస్స చ దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ తిరచ్ఛానవిజ్జం పరియాపుణింసుపి వాచేసుమ్పి, తస్మిం భన్తే వత్థుస్మిం పఞ్ఞత్తం.

పుచ్ఛా – ఖిపితే ఆవుసో ‘‘జీవా’’తివదన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం ¶ భన్తే సమ్బహులే భిక్ఖూ ఆరబ్భ పఞ్ఞత్తం, భగవా భన్తే మహతియా పరిసాయ పరివుతో ధమ్మం దేసేన్తో ఖిపి, భిక్ఖూ ‘‘జీవతు భన్తే భగవా, జీవతు సుగతోతి’’ ఉచ్చాసద్దం మహాసద్దం అకంసు, తేన సద్దేన ధమ్మకథా అన్తరా అహోసి, తస్మిం భన్తే వత్థుస్మిం పఞ్ఞత్తం.

పుచ్ఛా – ఆరామే ఆవుసో పస్సావవచ్చానం తహం తహం కరణం పటిక్ఖిపిత్వా ఏకమన్తం కాతుం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే సమ్బహులే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ ఆరామే తహం తహం పస్సావం అకంసు, తహం తహం వచ్చం అకంసు, ఆరామో దుస్సి, తస్మిం భన్తే వత్థుస్మిం పఞ్ఞత్తం.

ఖుద్దకవత్థుక్ఖన్ధక

పుచ్ఛా – ఖుద్దకవత్థుం ¶ పుచ్ఛిస్సం, సనిదానం సనిద్దేసం. సముక్కట్ఠపదానం ఆవుసో కతి ఆపత్తియో.

విస్సజ్జనా – ఖుద్దకం విస్సజ్జిస్సం, సనిదానం సనిద్దేసం. సముక్కట్ఠపదానం భన్తే తిస్సో ఆపత్తియో.

౬. సేనాసనక్ఖన్ధక

పుచ్ఛా – పఞ్చ ¶ ఆవుసో లేణాని భగవతా కత్థ అనుఞ్ఞాతాని, కం ఆరబ్భ కిస్మిం వత్థుస్మిం అనుఞ్ఞాతాని.

విస్సజ్జనా – రాజగహే భన్తే సమ్బహులే భిక్ఖూ ఆరబ్భ అనుఞ్ఞాతాని, సమ్బహులా భన్తే భిక్ఖూ భగవన్తం ఉపసఙ్కమిత్వా ఏతదవోచుం ‘‘రాజగహకో భన్తే సేట్ఠీ విహారే కారాపేతుకామో, కథం ను ఖో భన్తే పటిపజ్జితబ్బ’’న్తి, తస్మిం భన్తే వత్థుస్మిం అనుఞ్ఞాతాని.

పుచ్ఛా – కథం ¶ ఆవుసో విహారా పఠమం ఉప్పన్నా, కథఞ్చ తే పతిట్ఠాపి తా.

విస్సజ్జనా – ఏకాహేనేవ ¶ భన్తే రాజగహకేన సేట్ఠినా ఛట్ఠివిహారా పతిట్ఠాపితా, తే ఇధ భన్తే సట్ఠివిహారా బుద్ధప్పముఖస్స ఆగతానాగతస్స చాతుద్దిసస్స సఙ్ఘస్స పతిట్ఠాపితా.

పుచ్ఛా – విహారే ¶ ఆవుసో పటిభానకమ్మం పటిక్ఖిపిత్వా మాలాకమ్మాదీని భగవతా కత్థ అనుఞ్ఞాతాని, కం ఆరబ్భ కిస్మిం వత్థుస్మిం అనుఞ్ఞాతాని.

విస్సజ్జనా – రాజగహే భన్తే ఛబ్బగ్గియే భిక్ఖూ ఆరబ్భ అనుఞ్ఞాతాని. ఛబ్బగ్గియా భన్తే భిక్ఖూ విహారే పటిభానచిత్తం కారాపేసుం ఇత్థిరూపకం పురిసరూపకం, తస్మిం భన్తే వత్థుస్మిం అనుఞ్ఞాతాని.

పుచ్ఛా – యథావుడ్ఢం ¶ ఆవుసో అభివాదనాదీని చ అగ్గాసనాదీని చ అనుజానిత్వా సఙ్ఘికం యథావుడ్ఢం పటిబాహన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – అన్తరా చ భన్తే వేసాలిం అన్తరా చ సావత్థిం ఛబ్బగ్గియానం భిక్ఖూనం అన్తేవాసికే భిక్ఖూ ఆరబ్భ పఞ్ఞత్తం, ఛబ్బగ్గియానం భన్తే భిక్ఖూనం అన్తేవాసికా భిక్ఖూ బుద్ధప్పముఖస్స సఙ్ఘస్స పురతో పురతో గన్త్వా విహారే పటిగ్గహేసుం, సేయ్యాయో పటిగ్గహేసుం ‘‘ఇదం అమ్హాకం ఉపజ్ఝాయానం భవిస్సతి, ఇదం అమ్హాకం ఆచరియానం భవిస్సతి, ఇదం అమ్హాకం భవిస్సతీ’’తి, తస్మిం భన్తే వత్థుస్మిం పఞ్ఞత్తం.

పుచ్ఛా – ఏకేన ¶ ఆవుసో ద్వే పటిబాహన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఆయస్మన్తం ఉపనన్దం సక్యపుత్తం ఆరబ్భ పఞ్ఞత్తం, ఆయస్మా భన్తే ఉపనన్దో సక్యపుత్తో ఏకో ద్వే పటిబాహి, తస్మిం భన్తే వత్థుస్మిం పఞ్ఞత్తం.

పుచ్ఛా – నవకేన ¶ ఆవుసో ఉద్దిసన్తేన సమకే వా ఆసనే నిసీదితుం ఉచ్చతరే వా ధమ్మగారవేన, థేరేన పన భిక్ఖునా ఉద్దిసాపేన్తేన సమకే వా ఆసనే నిసీదితుం నీచతరే వా ధమ్మగారవేన భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – సావత్థియం భన్తే సమ్బహులే భిక్ఖూ ఆరబ్భ అనుఞ్ఞాతం, సమ్బహులా భన్తే భిక్ఖూ ఆయస్మతో ఉపాలిస్స సన్తికే వినయం పరియాపుణింసు, ఆయస్మా భన్తే ఉపాలి ఠితకోవ ఉద్దిసతి థేరానం భిక్ఖూనం గారవేన, తత్థ భన్తే థేరా చేవ భిక్ఖూ కిలమింసు ఆయస్మా చ ఉపాలి కిలమి, తస్మిం భన్తే వత్థుస్మిం అనుఞ్ఞాతం.

పుచ్ఛా – తివస్సన్తరేన ¶ ఆవుసో సహ నిసీదితుం భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – సావత్థియం భన్తే సమ్బహులే భిక్ఖూ ఆరబ్భ అనుఞ్ఞాతం, సమ్బహులానం భన్తే భిక్ఖూనం ఏతదహోసి ‘‘కిత్తావతాను ఖో సమానాసనికో హోతీ’’తి, తస్మిం భన్తే వత్థుస్మిం అనుఞ్ఞాతం.

పుచ్ఛా – మఞ్చే ¶ చ ఆవుసో పీఠే చ ద్విన్నంయేవ నిసీదితుం భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – సావత్థియం భన్తే సమ్బహులే సమానాసనికే ఆరబ్భ పఞ్ఞత్తం, సమ్బహులా భన్తే భిక్ఖూ సమానాసనికా మఞ్చే నిసీదిత్వా మఞ్చం భిన్దింసు, పీఠే నిసీదిత్వా పీఠం భిన్దింసు, తస్మిం భన్తే వత్థుస్మిం అనుఞ్ఞాతం.

పుచ్ఛా – దీఘాసనే ¶ పనావుసో అసమానాసనికేహిపి నిసీదితుం భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – సావత్థియం భన్తే సమ్బహులే భిక్ఖూ ఆరబ్భ అనుఞ్ఞాతం, సమ్బహులా భన్తే భిక్ఖూ దీఘాసనే అసమానాసనికేహి సహ నిసీదితుం కుక్కుచ్చాయింసు, తస్మిం భన్తే వత్థుస్మిం అనుఞ్ఞాతం.

పుచ్ఛా – పఞ్చ ¶ ఆవుసో అవిస్సజ్జియాని భగవతా కత్థ పఞ్ఞత్తాని, కం ఆరబ్భ కిస్మిం వత్థుస్మిం పఞ్ఞత్తాని.

విస్సజ్జనా – సావత్థియం భన్తే సమ్బహులే భిక్ఖూ ఆరబ్భ పఞ్ఞత్తాని, సమ్బహులా భన్తే భిక్ఖూ సఙ్ఘికం సేనాసనం విస్సజ్జేసుం, తస్మిం భన్తే వత్థుస్మిం పఞ్ఞత్తం.

పుచ్ఛా – పఞ్చ ¶ ఆవుసో అవేభఙ్గియాని భగవతా కత్థ పఞ్ఞత్తాని, కం ఆరబ్భ కిస్మిం వత్థుస్మిం పఞ్ఞత్తాని.

విస్సజ్జనా – కీటాగిరిస్మిం భన్తే అస్సజిపునబ్బసుకే భిక్ఖూ ఆరబ్భ పఞ్ఞత్తాని, అస్సజిపునబ్బసుకా భన్తే భిక్ఖూ సఙ్ఘికం సేనాసనం విభజింసు, తస్మిం భన్తే వత్థుస్మిం పఞ్ఞత్తాని.

పుచ్ఛా – అఞ్ఞత్ర ¶ పరిభోగం ఆవుసో అఞ్ఞత్ర పరిభుఞ్జన్తస్స దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఆళవియం భన్తే సమ్బహులే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ అఞ్ఞతరస్స ఉపాసకస్స విహారపరిభోగం సేనాసనం అఞ్ఞత్ర పరిభుఞ్జింసు, తస్మిం భన్తే వత్థుస్మిం పఞ్ఞత్తం.

పుచ్ఛా – అధోతేహి చ ఆవుసో అల్లేహి చ పాదేహి సేనాసనం అక్కమన్తస్స చ సఉపాహనేన సేనాసనం అక్కమన్తస్స చ దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఆళవియం ¶ భన్తే సమ్బహులే భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ అధోతేహి పాదేహి సేనాసనం అక్కమింసు, అల్లేహి చ పాదేహి సేనాసనం అక్కమింసు, సఉపాహనాపి సేనాసనం అక్కమింసు, సేనాసనం దుస్సి, తస్మిం భన్తే వత్థుస్మిం పఞ్ఞత్తం.

పుచ్ఛా – పరికమ్మకతాయ ఆవుసో భూమియా నిట్ఠుభన్తస్స చ పరికమ్మకతం భిత్తిం అపస్సయన్తస్స చ దుక్కటం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – ఆళవియం ¶ భన్తే సమ్బహులేవ భిక్ఖూ ఆరబ్భ పఞ్ఞత్తం, సమ్బహులా భన్తే భిక్ఖూ పరికమ్మకతాయ భూమియా నిట్ఠుభింసు, పరికమ్మకతం భిత్తిం అపస్సయింసు, తస్మిం భన్తే వత్థుస్మిం పఞ్ఞత్తం.

పుచ్ఛా – సేనాసనక్ఖన్ధకం పుచ్ఛిస్సం, సనిదానం సనిద్దేసం. సముక్కట్ఠపదానం ఆవుసో కతి ఆపత్తియో.

విస్సజ్జనా – సేనాసనక్ఖన్ధకం ¶ విస్సజ్జిస్సం, సనిదానం సనిద్దేసం. సముక్కట్ఠపదానం భన్తే తిస్సో ఆపత్తియో.

౭. సఙ్ఘతేదకక్ఖన్ధక

పుచ్ఛా – కథం ¶ ఆవుసో ఛన్నం సక్యకుమారానం సహ ఉపాలికప్పకేన పబ్బజ్జా అహోసి, కథఞ్చ నేసం విసేసో ఉదపాది.

విస్సజ్జనా – భగవా భన్తే ఉపాలిం కప్పకం పఠమం పబ్బాజేసి, పచ్ఛా తే సక్యకుమారే, అథ భన్తే ఆయస్మా భద్దియో తేనేవ అన్తరవస్సేన తిస్సో విజ్జా సచ్ఛాకాసి, ఆయస్మా అనురుద్ధో దిబ్బచక్ఖుం ఉప్పాదేసి, ఆయస్మా ఆనన్దో సోతాపత్తిఫలం సచ్ఛాకాసి, దేవదత్తో పోథుజ్జనికం ఇద్ధిం అభినిప్ఫాదేసి. ఏవం ఖో భన్తే ఛన్నం సక్యకుమారానం ఉపాలికప్పకేన సహ పబ్బజ్జా అహోసి, ఏవఞ్చ పన భన్తే తేసం విసేసాధిగమో అహోసి.

పకాసనీయ

పుచ్ఛా – పకాసనీయకమ్మం ¶ ఆవుసో కాతుం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే దేవదత్తం ఆరబ్భ పఞ్ఞత్తం, దేవదత్తో భన్తే ‘‘సరాజికాయ మం భగవా పరిసాయ ఖేళాసకవాదేన అపసాదేతి, సారిపుత్తమోగ్గల్లానేవ ఉక్కంసతీ’’తి కుపితో అనత్తమనో భగవతి ఆఘాతం బన్ధి, తస్మిం భన్తే వత్థుస్మిం పఞ్ఞత్తం.

పకాసనీయ

పుచ్ఛా – దేవదత్తస్స ¶ ఆవుసో పకాసనీయకమ్మం కారాపేత్వా కథం భగవా పకాసేతుం ఆణాపేసి.

విస్సజ్జనా – భగవా భన్తే దేవదత్తస్స పకాసనీయకమ్మం కాతుం పఞ్ఞపేత్వా ఆయస్మన్తం సారిపుత్తం ఆమన్తేసి ‘‘తేన హి త్వం సారిపుత్త దేవదత్తం రాజగహే పకాసేహీ’’తి, ఏవం ఖో భన్తే దేవదత్తస్స పకాసనీయకమ్మం కత్వా దేవదత్తం రాజగహే పకాసేతుం భగవా ఆణాపేసి.

దేవదత్త

పుచ్ఛా – కథం ¶ ఆవుసో దేవదత్తేన దుట్ఠచిత్తేన వధకచిత్తేన తథా గతస్స రుహిరం ఉప్పాదేత్వా పఠమం ఆనన్తరియం కమ్మం ఉపచితం.

విస్సజ్జనా – భగవా భన్తే గిజ్ఝకూటస్స పబ్బతస్స ఛాయాయం చఙ్కమి, అథ భన్తే దేవదత్తో గిజ్ఝకూటం పబ్బతం ఆరుహిత్వా మహతిం సిలం పవిజ్ఝి ‘‘ఇమాయ సమణం గోతమం జీవితా వోరోపేస్సామీ’’తి, అథ ఖో భన్తే ద్వే పబ్బతకూటాని సమాగన్త్వా తం సిలం సమ్పటిచ్ఛింసు, తతో పపతికా ఉప్పతిత్వా భగవతో పాదే రుహిరం ఉప్పాదేసి. ఏవం ఖో భన్తే దేవదత్తేన దుట్ఠేన వధకచిత్తేన తథాగతస్స రుహిరం ఉప్పాదేత్వా పఠమం ఆనన్తరియకమ్మం ఉపచితం.

పుచ్ఛా – కులేసు ¶ ఆవుసో తికభోజనం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే దేవదత్తం ఆరబ్భ పఞ్ఞత్తం, దేవదత్తో భన్తే పరిహీనలాభసక్కారో సపరిసో కులేసు విఞ్ఞాపేత్వా విఞ్ఞాపేత్వా భుఞ్జి, తస్మిం భన్తే వత్థుస్మిం పఞ్ఞత్తం.

పుచ్ఛా – అలం ¶ దేవదత్త, మా తే రుచ్చి సఙ్ఘభేదో, గరుకో ఖో దేవదత్త సఙ్ఘభేదోతిఆదికో ఆవుసో ఓవాదో భగవతా కత్థ దిన్నో, కిస్మిం వత్థుస్మిం దిన్నో.

విస్సజ్జనా – రాజగహే భన్తే దేవదత్తం ఆరబ్భ దిన్నో, దేవదత్తో భన్తే సఙ్ఘభేదాయ పరక్కమి చక్కభేదాయ, తస్మిం భన్తే వత్థుస్మిం దిన్నో.

అలం ¶ దేవదత్త, మా తే రుచ్చి సఙ్ఘభేదో, గరుకో ఖో దేవదత్త సఙ్ఘభేదో –

పుచ్ఛా – ‘‘సుకరం సాధునా సాధుం, సాధుం పాపేన దుక్కరం. పాపం పాపేన సుకరం, పాపమరియేహి దుక్కర’’న్తి- ఆవుసో ¶ ఇదం ఉదానం భగవతా కత్థ ఉదానితం, కం ఆరబ్భ కిస్మిం వత్థుస్మిం ఉదానితం.

విస్సజ్జనా – రాజగహే భన్తే దేవదత్తంయేవ ఆరబ్భ ఉదానితం, ఆయస్మా భన్తే ఆనన్దో పుబ్బణ్హసమయం నివాసేత్వా పత్తచీవరమాదాయ రాజగహం పిణ్డాయ పావిసి, అథ ఖో భన్తే దేవదత్తో యేనాయస్మా ఆనన్దో తేనుపసఙ్కమి, ఉపసఙ్కమిత్వా ఆయస్మన్తం ఆనన్దం ఏతదవోచ ‘‘అజ్జతగ్గే దానాహం ఆవుసో ఆనన్ద అఞ్ఞత్రేవ భగవతా అఞ్ఞత్రేవ భిక్ఖుసఙ్ఘా ఉపోసథం కరిస్సామి సఙ్ఘకమ్మం కరిస్సామీ’’తి, తస్మిం భన్తే వత్థుస్మిం ఉదానితం.

సుకరం సాధునా సాధుం, సాధుం పాపేన దుక్కరం;

పాపం పాపేన సుకరం, పాపమరియేహి దుక్కరం.

పుచ్ఛా – భేదానువత్తకానం ¶ ఆవుసో భిక్ఖూనం థుల్లచ్చయం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – రాజగహే భన్తే సమ్బహులే భిక్ఖూ ఆరబ్భ పఞ్ఞత్తం, ఆయస్మా భన్తే సారిపుత్తో భగవన్తం ఉపసఙ్కమిత్వా ఏతదవోచ ‘‘సాధు భన్తే భేదానువత్తకా భిక్ఖూ పున ఉపసమ్పజ్జేయ్యు’’న్తి, తస్మిం భన్తే వత్థుస్మిం పఞ్ఞత్తం.

‘‘సాధు ¶ భన్తే భేదానువత్తకా భిక్ఖూ పున ఉపసమ్పజ్జేయ్యు’’న్తి –

పుచ్ఛా – కిత్తావతా ¶ ను ఖో ఆవుసో సఙ్ఘరాజి హోతి నో చ సఙ్ఘభేదో, కిత్తావతా చ పన సఙ్ఘరాజి చేవ హోతి సఙ్ఘభేదో చ.

విస్సజ్జనా – ఏకతో భన్తే ఏకో హోతి, ఏకతో ద్వే చతుత్థో అనుస్సావేతి, సలాకం గాహేతి ‘‘అయం ధమ్మో అయం వినయో ఇదం సత్థుసాసనం ఇమం గణ్హథ ఇమం రోచేథాతి’’, ఏతేనేవ భన్తే నయేన చతున్నం వా పఞ్చన్నం వా ఛన్నం వా సత్తన్నం వా అట్ఠన్నం వా సఙ్ఘరాజి హోతి, నో చ సఙ్ఘభేదో, ఏకతో భన్తే చత్తారో హోన్తి, ఏకతో చత్తారో, నవమో అనుస్సావేతి, సలాకం గాహేతి ‘‘అయం ధమ్మో అయం వినయో ఇదం సత్థుసాసనం ఇమం గణ్హథ ఇమం రోచేథా’’తి, ఏవం ఖో భన్తే సఙ్ఘరాజి చేవ హోతి సఙ్ఘభేదో చ. ఏవం ఖో భన్తే సఙ్ఘరాజి హోతి, నో చ సఙ్ఘభేదో, ఏవఞ్చ పన భన్తే సఙ్ఘరాజి చేవ హోతి సఙ్ఘభేదో చ.

పుచ్ఛా – కిత్తావతా ¶ ను ఖో ఆవుసో సఙ్ఘో భిన్నో హోతి.

విస్సజ్జనా – ఇధ భన్తే భిక్ఖూ అధమ్మాదిం ధమ్మాదీనీతి దీపేన్తి, తే ఇమేహి అట్ఠారసహి వత్థూహి అపకస్సన్తి, అవపకస్సన్తి, ఆవేనిం ¶ ఉపోసథం కరోన్తి, ఆవేనిం పవారణం కరోన్తి, ఆవేనిం సఙ్ఘకమ్మం కరోన్తి, ఏవం ఖో భన్తే సఙ్ఘో భిన్నో హోతి.

పుచ్ఛా – కిత్తావతా ను ఖో ఆవుసో సఙ్ఘో సమగ్గో హోతి.

విస్సజ్జనా – ఇధ భన్తే భిక్ఖూ అధమ్మం అధమ్మోతి దీపేన్తి, ధమ్మం ధమ్మోతి దీపేన్తి, అవినయం అవినయోతి దీపేన్తి…పే… దుట్ఠుల్లం ఆపత్తిం దుట్ఠుల్లా ఆపత్తీతి దీపేన్తి, అదుట్ఠుల్లం ఆపత్తిం అదుట్ఠుల్లా ఆపత్తీతి దీపేన్తి, తే ఇమేహి అట్ఠారసహి వత్థూహి న అపకస్సన్తి, న అవపకస్సన్తి, న ఆవేనిం ఉపోసథం కరోన్తి, న ఆవేనిం పవారణం కరోన్తి, న ఆవేనిం సఙ్ఘకమ్మం కరోన్తి, ఏత్తావతా ఖో భన్తే సఙ్ఘో సమగ్గో హోతి.

పుచ్ఛా – సమగ్గం ¶ ఆవుసో సఙ్ఘం భిన్దిత్వా కిం సో పసవతి.

విస్సజ్జనా – సమగ్గం ఖో భన్తే సఙ్ఘం భిన్దిత్వా కప్పట్ఠితికం కిబ్బిసం పసవతి, కప్పం నిరయమ్హి పచ్చతి.

పుచ్ఛా – భిన్నం ¶ ఖో ఆవుసో సఙ్ఘం సమగ్గం కత్వా కిం సో పసవతి.

విస్సజ్జనా – భిన్నం ఖో భన్తే సఙ్ఘం సమగ్గం కత్వా బ్రహ్మం పుఞ్ఞం పసవతి, కప్పం సగ్గమ్హి మోదతి.

పుచ్ఛా – సఙ్ఘభేదం ¶ పుచ్ఛిస్సం, సనిదానం సనిద్దేసం. సముక్కట్ఠపదానం ఆవుసో కతి ఆపత్తియో.

విస్సజ్జనా – సఙ్ఘభేదం విస్సజ్జిస్సం, సనిదానం సనిద్దేసం. సముక్కట్ఠపదానం భన్తే ద్వే ఆపత్తియో.

౮. వత్తక్ఖన్ధక

పుచ్ఛా – ఆగన్తుకానం ¶ ఆవుసో భిక్ఖూనం వత్తం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే సమ్బహులే ఆగన్తుకే భిక్ఖూ ఆరబ్భ పఞ్ఞత్తం, ఆగన్తుకా భన్తే భిక్ఖూ సఉపాహనాపి ఆరామం పవిసింసు, ఛత్తపగ్గహితాపి ఆరామం పవిసింసు, ఓగుణ్ఠితాపి ఆరామం పవిసింసు, సీసేపి చీవరం కరిత్వా ఆరామం పవిసింసు, పానీయేనపి పాదే దోవింసు, వుడ్ఢతరేపి ఆవాసికే భిక్ఖూ నాభివాదేసుం, నపి సేనాసనం పుచ్ఛింసు, తస్మిం భన్తే వత్థుస్మిం ‘‘తేన హి భిక్ఖవే ఆగన్తుకానం భిక్ఖూనం వత్తం పఞ్ఞపేస్సామి, యథా ఆగన్తుకేహి భిక్ఖూహి సమ్మా వత్తితబ్బం, ఆగన్తుకేన భిక్ఖవే భిక్ఖునా ఇదాని ఆరామం పవిసిస్సామీతి ఉపాహనా ఓముఞ్చిత్వా నీచం కత్వా పప్ఫోటేత్వా గహేత్వా ఛత్తం అపనామేత్వా సీసం వివరిత్వా సీసే చీవరం ఖన్ధే కత్వా సాధుకం అతరమానేన ఆరామో పవిసితబ్బో’’ ఏవమాదినా భన్తే ఆగన్తుకానం భిక్ఖూనం వత్తం పఞ్ఞత్తం.

పుచ్ఛా – ఆవాసికానం ¶ ఆవుసో భిక్ఖూనం వత్తం భగవతా కత్థ కం ఆరబ్భ కిస్మిం వత్థుస్మిం పఞ్ఞత్తం, కథఞ్చ పన పఞ్ఞత్తం.

విస్సజ్జనా – సావత్థియం భన్తే సమ్బహులే ఆవాసికే భిక్ఖూ ఆరబ్భ పఞ్ఞత్తం, సమ్బహులా భన్తే ఆవాసికా భిక్ఖూ ఆగన్తుకే భిక్ఖూ దిస్వా నేవ ఆసనం పఞ్ఞపేసుం, న పాదోదకం పాదపీఠం పాదకథలికం ఉపనిక్ఖిపింసు, న పచ్చుగ్గన్త్వా పత్తచీవరం పటిగ్గహేసుం, న సేనాసనం పఞ్ఞపేసుం, తస్మిం భన్తే వత్థుస్మిం పఞ్ఞత్తం, తస్మిం భన్తే వత్థుస్మిం –

‘‘ఆవాసికేన భిక్ఖవే భిక్ఖునా ఆగన్తుకం భిక్ఖుం వుడ్ఢతరం దిస్వా ఆసనం పఞ్ఞపేతబ్బం, పాదోదకం పాదపీఠం పాదకథలికం ఉపనిక్ఖిపితబ్బం, పచ్చుగ్గన్త్వా పత్తచీవరం పటిగ్గహేతబ్బం ¶ పానీయేన పుచ్ఛితబ్బో’’ ఏవమాదినా భన్తే ఆవాసికానం భిక్ఖూనం వత్తం భగవతా పఞ్ఞత్తం.

పుచ్ఛా – గమికానం ¶ ఆవుసో భిక్ఖూనం వత్తం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం, కథఞ్చపన పఞ్ఞత్తం.

విస్సజ్జనా – సావత్థియం భన్తే సమ్బహులే గమికే భిక్ఖూ ఆరబ్భ పఞ్ఞత్తం, సమ్బహులా భన్తే గమికా భిక్ఖూ దారుభణ్డం మత్తికాభణ్డం అప్పటిసామేత్వా ద్వారవాతపానం వివరిత్వా సేనాసనం అనాపుచ్ఛా పక్కమింసు, తస్మిం భన్తే వత్థుస్మిం ‘‘గమికేన భిక్ఖవే భిక్ఖునా దారుభణ్డం పటిసామేత్వా ద్వారవాతపానం థకేత్వా సేనాసనం ఆపుచ్ఛా పక్కమితబ్బం’’ ఏవమాదినా భన్తే ఆకారేన భగవతా గమికానం భిక్ఖూనం వత్తం పఞ్ఞత్తం.

పుచ్ఛా – భత్తగ్గే ¶ ఆవుసో అనుమోదితుం భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – సావత్థియం ¶ భన్తే సమ్బహులే భిక్ఖూ ఆరబ్భ అనుఞ్ఞాతం, సమ్బహులా భన్తే భిక్ఖూ భత్తగ్గే నానుమోదింసు, తస్మిం భన్తే వత్థుస్మిం అనుఞ్ఞాతం.

పుచ్ఛా – భిక్ఖూనం ఆవుసో భత్తగ్గవత్తం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ దున్నివత్థా దుప్పారుతా అనాకప్పసమ్పన్నా భత్తగ్గం గచ్ఛింసు, తస్మిం భన్తే వత్థుస్మిం ‘‘సచే ఆరామే కాలో ఆరోచితో హోతి, తిమణ్డలం పటిచ్ఛాదేన్తేన పరిమణ్డలం నివాసేత్వా కాయబన్ధనం బన్ధిత్వా సగుణం కత్వా సఙ్ఘాటియో పారుపిత్వా గణ్ఠికం పటిముఞ్చిత్వా ధోవిత్వా ¶ పత్తం గహేత్వా సాధుకం అతరమానేన గామో పవిసితబ్బో’’తి ఏవమాదినా భన్తే భత్తగ్గవత్తం పఞ్ఞత్తం.

పుచ్ఛా – భిక్ఖూనం ¶ ఆవుసో సేనాసనవత్తం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం, కథఞ్చ తం పఞ్ఞత్తం.

విస్సజ్జనా – సావత్థియం భన్తే ఛబ్బగ్గియే భిక్ఖూ ఆరబ్భ పఞ్ఞత్తం, ఛబ్బగ్గియా భన్తే భిక్ఖూ భిక్ఖూసు అజ్ఝోకాసే చీవరం కరోన్తేసు పటివాతే అఙ్గణే సేనాసనం పప్ఫోటేసుం, తస్మిం భన్తే వత్థుస్మిం ‘‘యస్మిం విహారే విహరతి, సచే సో విహారో ఉక్లాపో హోతి, సచే ఉస్సహతి సోధేతబ్బో’’తి ఏవమాదినా భన్తే భిక్ఖూనం సేనాసనవత్తం భగవతా పఞ్ఞత్తం.

పుచ్ఛా – సమాచారం పుచ్ఛిస్సం, సనిదానం సనిద్దేసం. సముక్కట్ఠపదానం ఆవుసో కతి ఆపత్తియో.

విస్సజ్జనా – సమాచారం విస్సజ్జిస్సం, సనిదానం సనిద్దేసం. సముక్కట్ఠపదానం భన్తే ఏకా ఆపత్తి.

౯. పాతిమోక్ఖట్ఠపనక్ఖన్ధక

పుచ్ఛా – సాపత్తికేన ¶ ఆవుసో పాతిమోక్ఖం సుణన్తస్స పాతిమోక్ఖం ఠపేతుం భగవతా కత్థ పఞ్ఞత్తం, కం ఆరబ్భ కిస్మిం వత్థుస్మిం పఞ్ఞత్తం.

విస్సజ్జనా – సావత్థియం భన్తే అఞ్ఞతరం పుగ్గలం దుస్సీలం పాపధమ్మం ఆరబ్భ పఞ్ఞత్తం, అఞ్ఞతరో భన్తే పుగ్గలో దుస్సీలో పాపధమ్మో తదహుపోసథే సఙ్ఘమజ్ఝే నిసిన్నో అహోసి, తస్మిం భన్తే వత్థుస్మిం పఞ్ఞత్తం.

పుచ్ఛా – ఠపనం ¶ ఆవుసో పుచ్ఛిస్సం, సనిదానం సనిద్దేసం. సముక్కట్ఠపదానం ఆవుసో కతి ఆపత్తియో.

విస్సజ్జనా – ఠపనం విస్సజ్జిస్సం, సనిదానం సనిద్దేసం. సముక్కట్ఠపదానం భన్తే ఏకా ఆపత్తి.

౧౦. భిక్ఖునిక్ఖన్ధక

పుచ్ఛా – అట్ఠహి ¶ ఆవుసో గరుధమ్మేహి ఉపసమ్పదా భగవతా కత్థ అనుఞ్ఞాతా, కస్స అనుఞ్ఞాతా, కిస్మిఞ్చ వత్థుస్మిం అనుఞ్ఞాతా.

విస్సజ్జనా – వేసాలియం భన్తే మహాపజాపతియా గోతమియా అనుఞ్ఞాతా, మహాపజాపతి భన్తే గోతమీ సూనేహి పాదేహి రజోకిణ్ణేన గత్తేన దుక్ఖీ దుమ్మనా అస్సుముఖీ రుదమానా బహిద్వారకోట్ఠకే అట్ఠాసి, అథ ఖో భన్తే ఆయస్మా ఆనన్దో మహాపజాపతిం గోతమిం తం కారణం పుచ్ఛిత్వా భగవన్తం చతుక్ఖత్తుం యాచి మాతుగామస్స తథాగతప్పవేదితే ధమ్మవినయే ఆగారస్మా అనాగారియం పబ్బజ్జం, తస్మిం భన్తే వత్థుస్మిం అనుఞ్ఞాతా.

పుచ్ఛా – భిక్ఖూహి ¶ ఆవుసో భిక్ఖునియో ఉపసమ్పాదేతుం భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – వేసాలియం భన్తే మహాపజాపతిం గోతమిం ఆరబ్భ అనుఞ్ఞాతం, మహాపజాపతి భన్తే గోతమీ భగవన్తం ఏతదవోచ ‘‘కథాహం భన్తే ఇమాసు సాకియానీసు పటిపజ్జామీ’’తి, తస్మిం భన్తే వత్థుస్మిం అనుఞ్ఞాతం.

పుచ్ఛా – ఏకతో ¶ ఉపసమ్పన్నాయ ఆవుసో భిక్ఖునిసఙ్ఘే విసుద్ధాయ భిక్ఖుసఙ్ఘే ఉపసమ్పాదేతుం భగవతా కత్థ అనుఞ్ఞాతం, కం ఆరబ్భ కిస్మిం వత్థుస్మిం అనుఞ్ఞాతం.

విస్సజ్జనా – సావత్థియం భన్తే సమ్బహులే భిక్ఖూ ఆరబ్భ అనుఞ్ఞాతం, సమ్బహులా భన్తే భిక్ఖూ భిక్ఖునీనం అన్తరాయికే ధమ్మే పుచ్ఛింసు, ఉపసమ్పదాపేక్ఖాయో విత్థాయింసు, మఙ్కూ అహేసుం, న సక్ఖింసు విస్సజ్జేతుం, తస్మిం భన్తే వత్థుస్మిం అనుఞ్ఞాతం.

పుచ్ఛా – భిక్ఖునిక్ఖన్ధకం ¶ పుచ్ఛిస్సం, సనిదానం సనిద్దేసం. సముక్కట్ఠపదానం ఆవుసో కతి ఆపత్తియో.

విస్సజ్జనా – భిక్ఖునిక్ఖన్ధకం విస్సజ్జిస్సం, సనిదానం సనిద్దేసం. సముక్కట్ఠపదానం భన్తే ద్వే ఆపత్తియో.

౧౧. పఞ్చసతికక్ఖన్ధక

పఠమ సంగాయనా

పుచ్ఛా – పఞ్చసతికం ¶ పుచ్ఛిస్సం, సనిదానం సనిద్దేసం. సముక్కట్ఠపదానం ఆవుసో కతి ఆపత్తియో.

విస్సజ్జనా – పఞ్చసతికం విస్సజ్జిస్సం, సనిదానం సనిద్దేసం. సముక్కట్ఠపదానం భన్తే న కతమా ఆపత్తి.

౧౨. సత్తసతికక్ఖన్ధక

దుతియ సంగాయనా

పుచ్ఛా – సత్తసతికం ¶ పుచ్ఛిస్సం, సనిదానం సనిద్దేసం. సముక్కట్ఠపదానం ఆవుసో కతి ఆపత్తియో.

విస్సజ్జనా – సత్తసతికం విస్సజ్జిస్సం, సనిదానం సనిద్దేసం. సముక్కట్ఠపదానం భన్తే న కతమా ఆపత్తి.

పుచ్ఛా – కస్స ¶ ఆవుసో వచనం.

విస్సజ్జనా – భగవతో భన్తే వచనం అరహతో సమ్మాసమ్బుద్ధస్స.

పుచ్ఛా – కే ఆవుసో సిక్ఖన్తి.

విస్సజ్జనా – సేక్ఖా చ భన్తే పుథుజ్జనకల్యాణకా చ సిక్ఖన్తి.

పుచ్ఛా – కే ¶ ఆవుసో సిక్ఖితసిక్ఖా.

విస్సజ్జనా – అరహన్తో భన్తే సిక్ఖితసిక్ఖా.

పుచ్ఛా – కత్థ ఆవుసో ఠితం.

విస్సజ్జనా – సిక్ఖాకామేసు భన్తే ఠితం.

పుచ్ఛా – కేనావుసో ఆభతం.

విస్సజ్జనా – పరమ్పరాయ భన్తే ఆభతం.