📜

సద్దబిన్దు పకరణం

నమో తస్స భగవతో అరహతో సమ్మాసమ్బుద్ధస్స

.

యస్సఞేయ్యేసు ధమ్మేసు, నాణుమత్తమ్పవేదితం,

నత్వాసద్ధమ్మసఙ్ఘంతం, సద్దబిన్దుంసమారభే;

.

కాదిరితా నవసఙ్ఖ్యా, కమేనటా ది యాదిచ,

పాదయోపఞ్చ సఙ్ఖ్యాతా, సుఞ్ఞనామా సరఞ్ఞనా;

.

సరేహేవసరాపుబ్బే లుత్తావావీపరేరమా,

బ్యఞ్జనాచాగమావావీ దీఘరస్సాదిసమ్భవా;

.

కాకాసేనాగతోసిస కేనిద్ధిమచ్చదస్సయి,

అరాజఖ్వగ్గిమేసీనం సోతుకమ్మేఘయిత్థియో;

ఇతి సన్ధికప్పో సమత్తో.

.

బుద్ధపుమయువసన్త రాజబ్రహ్మసఖాచసా,

యతాదిదేహీజన్తుచ సత్థుపితాభిభూవిదూ;

.

కఞ్ఞామ్మారత్తిథిపో, క్ఖరణీనదిరుమాతుభూ,

నపుంసకేతియన్తాచ, పదకమ్మదధాయునో;

.

గహితాగహణేనేత్థ సుద్ధోస్యాద్యన్తకాపుమే,

విమలాహోన్తిజాన్తేహి థ్యంపఞ్చన్తేహిదాధికా;

.

నపుంసకేపయోగాతు జనకాహోన్తిత్యన్తతో,

పధానానుగతాసబ్బ నామసమాసతద్ధితా;

.

అత్తిలిఙ్గానిపాతాది తతోలుత్తావస్యాదయో,

సుత్తానురూపతోసిద్ధా హోన్తివత్తామనాదయో;

ఇతి నామకప్పో సమత్తో.

౧౦.

ఛకారకేససామిస్మిం సమాసోహోతిసమ్భవా,

తద్ధీతాకత్తుకమ్మస, మ్పదానోకాససామిసు;

౧౧.

సాధత్తయమ్హిఆఖ్యాతో కితకోసత్తసాధనే,

సబ్బత్థపఠమావుత్తే అవుత్తేదుతియాదయో;

౧౨.

మనసామునినోవుత్యా వనేబుద్ధేనవణ్ణితే,

వట్టాహితోవివట్టత్థం భిక్ఖుభావేతిభావనం;

ఇతి కారకకప్పో సమత్తో.

౧౩.

రాసీద్విపదికాద్వన్దా లిఙ్గేనవచనేనచ,

లుత్తాతుల్యాధికరణా బహుబ్బీహీతుఖేమరూ;

౧౪.

తప్పురిసాచఖేమోరా దయాచకమ్మధారయా,

దిగవోచావ్యయాహారా ఏతేసబ్బేపిహారితా;

ఇతి సమాసకప్పో సమత్తో.

౧౫.

కచ్చాదితోపిఏకమ్హా సద్దతోనియమంవినా,

నేకత్థేసతిభోన్తేవ సబ్బేతద్ధితపచ్చయా;

ఇతి తద్ధితకప్పో సమత్తో.

౧౬.

కత్తరినాఞ్ఞథాకమ్మే తథాభావేతుమేరయా,

సబ్బేతేపచధాతుమ్హి సఙ్ఖేపేనమరూమయా;

౧౭.

గమీమ్హాతిగుణాఫత్తో సమ్భవాఅఞ్ఞధాతుసు,

అనన్తావపయోగాతే ఆదేసపచ్చయాదిహి;

ఇతి ఆఖ్యాతకప్పో సమత్తో.

౧౮.

కితాదిపచ్చయాసబ్బే, ఏకమ్హాఅపిధాతుతో,

సియుంనురూపతోసత్త, సాధనేసతిపాయతో;

ఇతి కితకప్పో సమత్తో.

౧౯.

ఇమినాకిఞ్చిలేసేన, సక్కాఞాతుంజినాగమే,

పయోగాఞాణినాసిన్ధు, రసోవేకేనబిన్దునా;

౨౦.

రమ్మంసీఘప్పవేసాయ, పురంపిటకసఞ్ఞితం,

మగ్గోజుమగ్గతంమగ్గం, సద్దారఞ్ఞేవిసోధితో;

౨౧.

తేనేవ కిఞ్చి జలితో జలితో పదీపో

కచ్చాయనుత్తిరతనో చితగబ్భకోణే,

ధమ్మాదిరాజగురునా గరుమామకేన

ధమ్మేన యోబ్బిపతినా సగరుత్తనీతో;

ఇతి సద్దబిన్దు పకరణం పరిసమత్తం.

యోసఞ్ఞమో గుణధనో నయనం నిజంవ

సిక్ఖాపయీ మమ మవం సుగతాగమాదో,

సల్లోక పుఞ్జ సుహదో పదుమాది రామ

నామో మహా యతివరా చరియో సమయ్హం;

సద్ధాధనేన వసతా విదితమ్హి పుప్ఫా

రామేధునా అరియవంస ధజవ్హయేన,

సన్తేన ఞాణతిలకో త్యపరాఖ్యకేన

బాలానమేతమవిధీయి మయాహితాయ;