📜

ᨾᩥᩃᩥᨴᨭᩦᨠᩣ

ᨶᨾᩮᩣ ᨲᩔ ᨽᨣᩅᨲᩮᩣ ᩋᩁᩉᨲᩮᩣ ᩈᨾ᩠ᨾᩣᩈᨾ᩠ᨻᩩᨴ᩠ᨵᩔ

ᨶᩥᩁᨶ᩠ᨲᩁᩴ ᩃᩮᩣᨠᩉᩥᨲᩔ ᨠᩣᩁᨠᩴ

ᨶᩥᩁᨶ᩠ᨲᩁᩴ ᩃᩮᩣᨠᩉᩥᨲᩔ ᨴᩮᩈᨠᩴ,

ᨶᩥᩁᨶ᩠ᨲᩁᩴ ᩃᩮᩣᨠᩉᩥᨲᩔ ᨧᩥᨶ᩠ᨲᨠᩴ

ᨶᨾᩣᨾᩥ ᩅᩦᩁᩴ ᨶᩁᨴᨾ᩠ᨾᩈᩣᩁᨳᩥᩴ;

ᨸᨬ᩠ᩉᨵᨾ᩠ᨾᩅᩥᨴᩩᩴ ᨶᩣᨳᩴ ᨣᩩᨿ᩠ᩉᨵᨾ᩠ᨾᨸ᩠ᨸᨠᩣᩈᨠᩴ,

ᨶᨾᩔᩥᩅᩣᨶ ᩈᨾ᩠ᨻᩩᨴ᩠ᨵᩴ ᨵᨾ᩠ᨾᩴ ᩈᩣᨵᩩᨣᩩᨱᨾ᩠ᨸᩥ ᨧ;

ᨶᩣᨣᩈᩮᨶᨾᩉᩣᨳᩮᩁᩴ ᨸᩥᨭᨠᨲ᩠ᨲᨿᨠᩮᩣᩅᩥᨴᩴ,

ᩅᨴᩥᩅᩣ ᨲᨾ᩠ᨸᩥ ᩈᩥᩁᩈᩣ ᨸᨬ᩠ᩉᨵᨾ᩠ᨾᨸ᩠ᨸᨠᩣᩈᨠᩴ;

ᨾᩥᩃᩥᨴᨸᨬ᩠ᩉᩅᩥᩅᩁᨱᩴ ᨾᨵᩩᩁᨳᨸ᩠ᨸᨠᩣᩈᩥᨶᩥᩴ,

ᩁᨧᨿᩥᩔᩴ ᩈᨾᩣᩈᩮᨶ ᨲᩴ ᩈᩩᨱᩣᨳ ᩈᨾᩣᩉᩥᨲᩣ;

᪑. ᨲᨳ ᨸᨠᩥᨱ᩠ᨱᨠᨳᩅᩥᩅᩁᨱᩴ ᨩᩣᨲᨠᩩᨴ᩠ᨵᩁᨱᨶ᩠ᨲᩥ ᨴ᩠ᩅᩮ ᨿᩮᩅᨾᩣᨲᩥᨠᩣ.

ᨲᨳ-

ᩈᨾ᩠ᨻᨵᩮᩣ ᨧ ᨸᨴᨬ᩠ᨧᩮᩅ ᨸᨴᨳᩮᩣ ᨸᨴᩅᩥᨣ᩠ᨣᩉᩮᩣ

ᨧᩮᩣᨴᨶᩣ ᨸᩁᩥᩉᩣᩁᩮᩣ’ᨲᩥ ᨨᨻ᩠ᨻᩥᨵᩣ ᩋᨳᩅᨱ᩠ᨱᨶᩣ’ᨲᩥ;

ᩅᩩᨲ᩠ᨲᨲ᩠ᨲᩣ ᩈᨾ᩠ᨻᨵᩮᩣ ᨲᩣᩅ ᩅᩮᨴᩥᨲᨻ᩠ᨻᩮᩣ. ᩈᩮᩣ ᨧ ᨿᨳᩣᩅᩩᨲ᩠ᨲᩣᨩ᩠ᨫᩣᩉᩣᩁᩅᩈᩮᨶ ᨴᩩᩅᩥᨵᩮᩣ.

ᨸᨠᩥᨱ᩠ᨱᨠᨳᩅᩥᩅᩁᨱᩴ

ᨲᩮᩈᩩ –’ᨾᩥᩃᩥᨴᩮᩣ ᨶᩣᨾ ᩈᩮᩣ ᩁᩣᨩᩣ …ᨸᩮ… ᩈᩣᨣᩁᨶ᩠ᨲᩥ ᩑᨳ ᩋᨩ᩠ᨫᩣᩉᩣᩁᩈᨾ᩠ᨻᨵᩮᩣ ᩅᩮᨴᩥᨲᨻ᩠ᨻᩮᩣ ᨿᩮᩣ’ᨸᩥ ᨾᩥᩃᩥᨴᩮᩣ ᩁᩣᨩᩣ ᨽᨣᩅᨲᩮᩣ ᨸᩁᩥᨶᩥᨻ᩠ᨻᩣᨶᨲᩮᩣ ᨸᨬ᩠ᨧᩅᩔᩈᨲᩮ ᩋᨲᩥᨠ᩠ᨠᨶ᩠ᨲᩮ ᩁᩣᨩᨠᩩᩃᩮ ᩏᨸ᩠ᨸᨶ᩠ᨶᩮᩣ ᩈᩮᩣ ᩁᩣᨩᩣ ᨾᩥᩃᩥᨴᩮᩣ ᨶᩣᨾ.

ᩈᩣᨣᩃᩣᨿᩴ ᨸᩩᩁᩩᨲ᩠ᨲᨾᩮ ᩈᩣᨣᩃᨶᩣᨾᨠᩮ ᩏᨲ᩠ᨲᨾᨶᨣᩁᩮ ᩁᨩ᩠ᨩᩴ ᨠᩣᩁᩮᨶ᩠ᨲᩮᩣ ᨶᩣᨣᩈᩮᨶᨳᩮᩁᩴ ᩏᨸᨣᨬ᩠ᨨᩥ ᨠᩥᩴ ᩅᩥᨿᩣ?ᨲᩥ.

ᨣᨦ᩠ᨣᩣᩅ ᨿᨳ ᩈᩣᨣᩁᨶ᩠ᨲᩥ ᩌᩉ. ᨿᨳᩣ ᨣᨦ᩠ᨣᩣ ᩅᩣ ᨿᨾᩩᨶᩣᨴᩦᩈᩩ ᩋᨬ᩠ᨬᨲᩁᩣ ᩅᩣ ᩈᩣᨣᩁᩴ ᩏᨸᨣᨬ᩠ᨨᩥ ᨲᨳᩣ ᩏᨸᨣᨬ᩠ᨨᩥ’ᨲᩥ ᩋᨳᩮᩣ. ᩅ-ᩈᨴ᩠ᨴᩮᩣ ¶ ᩅᩮᨳ ᩈᨾᩩᨧ᩠ᨧᨿᨳᩮᩣ. ᨣᨦ᩠ᨣᩣ ᩅᩣ’ᨲᩥ ᩅᨲ᩠ᨲᨻ᩠ᨻᩮ ᩌᨠᩣᩁᩔ ᩁᩔᨲ᩠ᨲᩴ ᨠᩅᩣ ᨣᨦ᩠ᨣᩣᩅ ᩍᨲᩥ ᩅᩩᨲ᩠ᨲᩴ. ᩏᨸ᩠ᨸᩃᩴᩅ ᨿᨳᩮᩣᨴᨠᩮ’ᨲᩥ ᩑᨳ ᩅᩩᨲ᩠ᨲᩈᨾᩩᨧ᩠ᨧᨿᨳᩮᩣ ᩅᩣᩈᨴ᩠ᨴᩮᩣ ᩅᩥᨿ.

ᩌᩈᨩ᩠ᨩ ᩁᩣᨩᩣ …ᨸᩮ… ᩅᩥᨴᩣᩊᨶᩮ’ᨲᩥ ᩑᨳ ᨿᨳᩣᩅᩩᨲ᩠ᨲᩈᨾ᩠ᨻᨵᩮᩣ ᩅᩮᨴᩥᨲᨻ᩠ᨻᩮᩣ. ᩈᩮᩣ ᨧ ᩈᩩᩅᩥᨬᩮᨬᨿ᩠ᨿᩮᩣ’ᩅ. ᨸᨴᨶ᩠ᨲᩥ ᩏᨸᩈᨣ᩠ᨣ ᨶᩥᨸᩣᨲᨶᩣᨾᩌᨡ᩠ᨿᩣᨲᨸᨴᩅᩈᩮᨶ ᨧᨲᩩᨻ᩠ᨻᩥᨵᩴ. ᨲᩮᩈᩩ ᨶᩣᨾᨸᨴᩴ ᩈᩣᨾᨬ᩠ᨬᨣᩩᨱ-ᨠᩥᨲ᩠ᨲᩥᨾ-ᩒᨸᨸᩣᨲᩥᨠ-ᨶᩣᨾ ᩅᩈᩮᨶ ᨧᨲᩩᨻ᩠ᨻᩥᨵᩴ. ᨲᨳ ᨸᨮᨾᨠᨸ᩠ᨸᩥᨠᨾᩉᩣᨩᨶᩮᨶ ᩈᨾ᩠ᨾᨶ᩠ᨲᩥᩅᩣ ᨮᨸᩥᨲᨲ᩠ᨲᩣ ᨾᩉᩣᩈᨾ᩠ᨾᨲᩮᩣ’ᨲᩥ ᩁᨬ᩠ᨬᩮᩣ ᨶᩣᨾᩴ ᩈᩣᨾᨬᨬᨶᩣᨾᩴ ᨶᩣᨾ. ᨵᨾ᩠ᨾᨠᨳᩥᨠᩮᩣ ᨸᩴᩈᩩᨠᩩᩃᩥᨠᩮᩣ ᩅᩥᨶᨿᨵᩁᩮᩣ ᨲᩮᨸᩥᨭᨠᩮᩣ ᩈᨴ᩠ᨵᩮᩣ ᨸᩈᨶ᩠ᨶᩮᩣ’ᨲᩥ ᩑᩅᩁᩪᨸᩴ ᨣᩩᨱᨲᩮᩣ ᩌᨣᨲᩴ ᨶᩣᨾᩴ ᨣᩩᨱᨶᩣᨾᩴ ᨶᩣᨾ. ᨿᨾ᩠ᨸᨶ ᨩᩣᨲᩔ ᨠᩩᨾᩣᩁᩔ ᨶᩣᨾᨣᩉᨱᨴᩥᩅᩈᩮ ᨴᨠ᩠ᨡᩥᨱᩮᨿ᩠ᨿᩣᨶᩴ ᩈᨠ᩠ᨠᩣᩁᩴ ᨠᩅᩣ ᩈᨾᩦᨸᩮ ᨮᩥᨲᩣ ᨬᩣᨲᨠᩣ ᨠᨸ᩠ᨸᩮᩅᩣ’ᩋᨿᩴ ᩋᨾᩩᨠᩮᩣ ᨶᩣᨾᩣ’ᨲᩥ ᨶᩣᨾᩴ ᨠᩁᩮᩣᨶ᩠ᨲᩥ ᩍᨴᩴ ᨠᩥᨲ᩠ᨲᩥᨾ ᨶᩣᨾᩴ ᨶᩣᨾ. ᨿᩣ ᨸᨶ ᨸᩩᩁᩥᨾᨸᨬ᩠ᨬᨲ᩠ᨲᩥ ᨸᨧ᩠ᨨᩥᨾᨸᨬ᩠ᨬᨲ᩠ᨲᩥᨿᩴ ᨸᨲᨲᩥ, ᨸᩩᩁᩥᨾᩅᩮᩣᩉᩣᩁᩮᩣ ᨸᨧ᩠ᨨᩥᨾᩅᩮᩣᩉᩣᩁᩮ ᩈᩮᨿ᩠ᨿᨳᩥᨴᩴ ᨸᩩᩁᩥᨾᨠᨸ᩠ᨸᩮ’ᨸᩥ ᨧᨴᩮᩣ ᨧᨴᩮᩣᨿᩮᩅ ᨶᩣᨾ ᩑᨲᩁᩉᩥ’ᨸᩥ ᨧᨴᩮᩣ ᨧᨴᩮᩣᨿᩮᩅ ᨶᩣᨾ, ᩋᨲᩦᨲᩮ ᩈᩪᩁᩥᨿᩮᩣ ᩈᨾᩩᨴ᩠ᨴᩮᩣ ᨸᨳᩅᩦ ᨸᨻ᩠ᨻᨲᩮᩣᨿᩮᩅ ᨶᩣᨾ. ᩑᨲᩁᩉᩥ’ᨸᩥ ᨸᨻ᩠ᨻᨲᩮᩣ ᨸᨻ᩠ᨻᨲᩮᩣᨿᩮᩅ ᨶᩣᨾᩣᨲᩥ ᩍᨴᩴ ᩒᨸᨸᩣᨲᩥᨠᨶᩣᨾᩴ ᨶᩣᨾ, ᩍᨴᩴ ᨶᩣᨾᨧᨲᩩᨠ᩠ᨠᩴ ᩋᨽᩥᨵᨾ᩠ᨾᨸᩁᩥᨿᩣᨿᩮᨶ ᩅᩩᨲ᩠ᨲᩴ. ᩈᨴ᩠ᨴᩈᨳᩮ ᨸᨶ ᨶᩣᨾᨶᩣᨾ-ᩈᨻ᩠ᨻᨶᩣᨾ-ᩈᨾᩣᩈᨶᩣᨾ-ᨲᨴ᩠ᨵᩥᨲᨶᩣᨾ-ᨠᩥᨲᨶᩣᨾᩅᩈᩮᨶ ᨸᨬ᩠ᨧᩅᩥᨵᩴ ᩅᩩᨲ᩠ᨲᩴ. ᨲᩴ ᩈᨻ᩠ᨻᩴ ᩍᨵ ᨿᨳᩣᩁᩉᩴ ᩅᩮᨴᩥᨲᨻ᩠ᨻᩴ. ᨸᨴᨳᩮᩣ ᨸᨶ ᩌᩈᨩ᩠ᨩᩣ’ᨲᩥ ᨸᩅᩣ. ᨮᩣᨶᩣᨮᩣᨶᨣᨲᩮ’ᨲᩥ ᨠᩣᩁᨱᩣᨠᩣᩁᨱᨣᨲᩮ.

ᨸᩩᨳᩪ’ᨲᩥ ᨶᩣᨶᨸ᩠ᨸᨠᩣᩁᩮ.

ᩈᩩᨲ᩠ᨲᨩᩣᩃᩈᨾᨳᩥᨲᩣ’ᨲᩥ ᩈᩩᨲ᩠ᨲᨶ᩠ᨲᨸᩥᨭᨠᩈᨦ᩠ᨡᩣᨲᩈᩩᨲ᩠ᨲᩈᨾᩪᩉᩮᨶ ᩈᨾᨳᩥᨲᩣ ᨸᨳᩥᨲᩣ, ᩈᩩᨲ᩠ᨲᩴ ᩌᩉᩁᩥᩅᩣ ᩈᩩᨲ᩠ᨲᨳᩅᩥᩈᩮᩣᨵᨶᩅᩈᩮᨶ ᩈᩩᨲ᩠ᨲᨩᩣᩃᩈᩮᩣᨵᨠᩣ

ᨶᨿᩮᩉᩥ ᨧᩣᨲᩥ ᩋᨽᩥᨵᨾ᩠ᨾᩅᩥᨶᨿᩣᨴᩦᩉᩥ ᨶᨿᩮᩉᩥ ᨿᩩᨲ᩠ᨲᩦᩉᩥ ᩅᩣ.

ᨸᨱᩥᨵᩣᨿᩣ ᨧᩣᨲᩥ ᩋᨽᩥᨵᨾ᩠ᨾᩅᩥᨶᨿᩣᨴᩦᩉᩥ ᨶᨿᩮᩉᩥ ᨿᩩᨲ᩠ᨲᩦᩉᩥ ᩅᩣ.

ᨸᨱᩥᨵᩣᨿᩣᨲᩥ ᩋᨲ᩠ᨲᨶᩮᩣ ᨬᩣᨱᩴ ᨮᨸᩮᨶ᩠ᨲᩮᩣ.

ᨽᩣᩈᨿᩥᩅᩣᨶ ᨾᩣᨶᩈᨶ᩠ᨲᩥ ᩋᨲ᩠ᨲᨶᩮᩣ ᨧᩥᨲ᩠ᨲᩴ ᩋᨲᩥᩈᨿᩮᨶ ᨸᩩᨶᨸ᩠ᨸᩩᨶᩴ ᨸᩅᨲ᩠ᨲᩣᨸᨶᩅᩈᩮᨶ ᩉᩣᩈᩮᩅᩣ

ᨠᨦ᩠ᨡᩣᨮᩣᨶᩅᩥᨴᩣᩊᨶᩮ’ᨲᩥ ᨠᨦ᩠ᨡᩣᨿ ᩅᩥᨧᩥᨠᩥᨧ᩠ᨨᩣᨿ ᩅᩔᩣ ᨠᩣᩁᨱᨽᩪᨲᩣᨶᩴ ᩋᩅᩥᨩ᩠ᨩᩣᨴᩥᨠᩥᩃᩮᩈᩣᨶᩴ ᨵᨾ᩠ᨾᩣᨶᩴ ᩅᩥᨴᩣᩊᨶᨠᩣᩁᨱᩮ.

ᩋᨿᩴ ᨸᨴᨳᩮᩣ ᨶᩣᨾ.

ᩅᩥᨣ᩠ᨣᩉᩮᩣ ¶ ᨸᨶ ᩑᩅᩴ ᩅᩮᨴᩥᨲᨻ᩠ᨻᩮᩣ?

ᨿᩮᩣᨶᨠᩈᨦ᩠ᨡᩣᨲᩣᨶᩴ ᨾᩥᩃᩣᨶᩴ ᩍᨴᩮᩣ

ᨾᩥᩃᩥᨴᩮᩣ.

ᩈᩮᩣᨲᩴ ᨸᨲᩥᨲᩣᨶᩴ ᨩᨶᩣᨶᩴ ᩈᩴᩈᩦᨴᨶᩴ ᩁᩣᨲᩥ ᩌᨴᨴᩣᨲᩦ’ᨲᩥ

ᩈᩣᨣᩁᩮᩣ, ᨲᩴ ᩈᩣᨣᩁᩴ.

ᩋᨽᩥᨵᨾ᩠ᨾᩅᩥᨶᨿᩮᩈᩩ ᩋᨶᩩᨸᩅᩥᩈᨶᨳᩮᨶ ᩒᨣᩣᩊ᩠ᩉᩣ

ᩋᨽᩥᨵᨾ᩠ᨾᩅᩥᨶᨿᩮᩣᨣᩣᩊ᩠ᩉᩣ.

ᩈᩩᨲ᩠ᨲᨩᩣᩃᩔ ᩈᨾᨳᩥᨲᩣ

ᩈᩩᨲ᩠ᨲᨩᩣᩃᩈᨾᨳᩥᨲᩣ.

ᨠᨦ᩠ᨡᩣ ᨧ ᨠᨦ᩠ᨡᩣᨮᩣᨶᨬ᩠ᨧ ᨠᨦ᩠ᨡᩣᨮᩣᨶᩣᨶᩥ ᨠᨦ᩠ᨡᩣᨮᩣᨶᩣᨶᩴ ᩅᩥᨴᩣᩊᨶᩴ

ᨠᨦ᩠ᨡᩣᨮᩣᨶᩅᩥᨴᩣᩊᨶᩴ.

ᩋᨿᩴ ᩅᩥᨣ᩠ᨣᩉᩮᩣ.

ᩍᨾᩣ ᨸᨬ᩠ᨧ ᨣᩣᨳᩣ ᨠᩮᨶ ᨠᨲᩣ?ᨲᩥ ᨧᩮᩣᨴᨶᩣ ᨽᨴᨶ᩠ᨲᨻᩩᨴ᩠ᨵᨥᩮᩣᩈᩣᨧᩁᩥᨿᩮᨶ ᨠᨲᩣ’ᨲᩥ ᨸᩁᩥᩉᩣᩁᩮᩣ. ᨶ ᨠᩮᩅᩃᩴ ᨸᨬᨧ ᨣᩣᨳᩣ’ᩅ, ᨳᩮᩁᩁᩣᨩᩅᨧᨶᩮ’ᨸᩥ ᩋᨬ᩠ᨬᩴ ᨸᩩᨻ᩠ᨻᩣᨸᩁᩅᨧᨶᨾ᩠ᨸᩥ ᨲᩮᨶ ᩅᩩᨲ᩠ᨲᩴ.

ᨲᩮᩈᩩ ᩈᨾ᩠ᨻᨵᨶᨿᩮ–

‘ᩑᨠᨡ᩠ᨿᩣᨲᩮᩣ ᨸᨴᨧ᩠ᨧᨿᩮᩣ ᩈᩥᨿᩣ ᩅᩣᨠ᩠ᨿᩴ ᩈᨠᩣᩁᨠᩮᩣ’ᨲᩥ ᨧ

‘ᨿᩮᨶ ᨿᩔ ᩉᩥ ᩈᨾ᩠ᨻᨵᩮᩣ ᨴᩪᩁᨭ᩠ᨮᨾ᩠ᨸᩥ ᨧ ᨲᩔ ᨲᩴ,

ᩋᨳᨲᩮᩣ ᩋᩈᨾᩣᨶᩣᨶᩴ ᩌᩈᨶ᩠ᨶᨲ᩠ᨲᩴ ᩋᨠᩣᩁᨱᩴᨶ᩠ᨲᩥ ᨧ;

‘ᨶᩣᨶᨲ᩠ᨲᩣ ᩈᨲᩥ ᨿᩣ ᨶᩣᨶᩣ-ᨠᩕᩥᨿᩣ ᩉᩮᩣᨲᩥ ᨿᨳᩣᩁᩉᩴ,

ᩑᨠᨠᩕᩥᨿᩣᨿ ᨨᨶ᩠ᨶᨶ᩠ᨲᩩ ᨶᨳᩥ ᨠᩣᩁᨠᨲᩣ ᩈᨴᩣ’;

‘ᩅᩮᩣᩉᩣᩁᩅᩥᩈᨿᩮᩣ ᩈᨴ᩠ᨴᩮᩣ’ᨶᩮᨠᨳᨸᩁᨾᨳᨲᩮᩣ,

ᨻᩩᨴ᩠ᨵᩥᩅᩥᨠᨸ᩠ᨸᨲᩮᩣ ᨧᨳᩮᩣ ᨲᩔᨳᩮᩣ’ᨲᩥ ᨸᩅᩩᨧ᩠ᨧᨲᩥ;

ᨲᩦᨱᩦ’ᨸᩥ ᩃᨠ᩠ᨡᨱᩣᨶᩥ ᩈᩃ᩠ᩃᨠ᩠ᨡᩮᩅᩣ ᨿᨳᩣ ᩋᨳᩮᩣ ᨧ ᩈᨽᩣᩅᩮᩣ ᨧ ᩃᨻ᩠ᨽᨲᩥ, ᨲᨳᩣ ᩈᨴ᩠ᨴᨸ᩠ᨸᨿᩮᩣᨣᩮᩣ ᨠᩣᨲᨻ᩠ᨻᩮᩣ. ᩈᨴ᩠ᨴᨸ᩠ᨸᨿᩮᩣᨣᩮᨶ ᩉᩥ ᩋᨲ᩠ᨳᩈᨽᩣᩅᩣ ᩋᨶᩩᩅᨲ᩠ᨲᩥᨲᨻ᩠ᨻᩣ, ᨶ ᩋᨲ᩠ᨳᩈᨽᩣᩅᩮᩉᩥ ᩈᨴ᩠ᨴᨸ᩠ᨸᨿᩮᩣᨣᩮᩣ ᩋᨸᩥ ᨧ ᩌᨧᩁᩥᨿᩣ ᨶᩣᨶᩣᩁᨭ᩠ᨮᩮᩈᩩ ᨮᩥᨲᩣ ᩋᨲ᩠ᨲᨶᩮᩣ ᩋᨲ᩠ᨲᨶᩮᩣ ᩁᨭ᩠ᨮᩅᩮᩣᩉᩣᩁᩣᨶᩩᩁᩪᨸᩮᨶ ¶ ᩈᨴ᩠ᨴᨸ᩠ᨸᨿᩮᩣᨣᩔ ᩋᨳᩴ ᩅᨴᨶ᩠ᨲᩥ. ᩍᨵ ᩋᨾ᩠ᩉᩣᨠᩴ ᨻᩥᨦ᩠ᨣᩁᨭ᩠ᨮᩮ ᩈᩥᩃᩥᨭ᩠ᨮᩅᩮᩣᩉᩣᩁᩣᨶᩩᩁᩪᨸᩮᨶ ᩈᨴ᩠ᨴᨸ᩠ᨸᨿᩮᩣᨣᩔ ᩋᨳᩮᩣ ᩅᨲ᩠ᨲᨻ᩠ᨻᩮᩣ. ᨿᨳᩣ ᩅᨧᨶᩴ ᩈᩥᩃᩥᨭ᩠ᨮᩴ ᩉᩮᩣᨲᩥ ᨠᩩᩃᨸᩩᨲ᩠ᨲᩣᨶᨬ᩠ᨧ ᩉᨴᨿᩴ ᨸᩅᩥᩈᨲᩥ ᨲᨳᩣ ᩅᨲ᩠ᨲᨻ᩠ᨻᩮᩣ ᨠᨳᩴ? ᨿᨴᩥ ᨸᨮᨾᩣ ᨠᨲ᩠ᨲᩣ ᩉᩮᩣᨲᩥ, ᨴᩩᨲᩥᨿᩣ ᨠᨾ᩠ᨾᩴ ᩈᩅᩥᩈᩮᩈᨶᩴ ᨸᨮᨾᨶ᩠ᨲᨠᨲ᩠ᨲᩴ ᩅᩅᩣ ᨠᩕᩥᨿᩣᨸᨴᩴ ᩅᨲ᩠ᨲᨻ᩠ᨻᩴ. ᨠᩕᩥᨿᩣᨸᨴᩴ ᩅᩅᩣ ᩈᩅᩥᩈᩮᩈᨶᩴ ᨴᩩᨲᩥᨿᨶ᩠ᨲᨠᨾ᩠ᨾᩴ ᩅᨲ᩠ᨲᨻ᩠ᨻᩴ. ᨿᨴᩥ ᩈᩅᩥᩈᩮᩈᨶᩴ ᨸᨮᨾᨶ᩠ᨲᨸᨴᩴ ᨠᨾ᩠ᨾᩴ ᩉᩮᩣᨲᩥ ᨲᩴ ᨲᩔ ᩅᩥᩈᩮᩈᨶᨬ᩠ᨧ ᩅᩅᩣ ᨲᨲᩥᨿᨶ᩠ᨲᨠᨲ᩠ᨲᩣ ᩅᨲ᩠ᨲᨻ᩠ᨻᩮᩣ. ᨲᩴ ᩅᩅᩣ ᨠᩕᩥᨿᩣᨸᨴᩴ ᩅᨲ᩠ᨲᨻ᩠ᨻᨶ᩠ᨲᩥ.

ᨸᨴᨳᩮᩣ ᨸᨶ –

‘ᩋᨳᨸ᩠ᨸᨠᩣᩁᨱᩣ ᩃᩥᨦ᩠ᨣᩣ ᩒᨩᨬ᩠ᨬᩣ (?) ᨴᩮᩈᨠᩣᩃᨲᩮᩣ;

ᩈᨴ᩠ᨴᨳᩣ ᩅᩥᨽᨩᩦᨿᨶ᩠ᨲᩥ; ᨶ ᩈᨴ᩠ᨴᩣᨿᩮᩅ ᨠᩮᩅᩃᩣ’ᨲᩥ ᨧ;

‘ᨸᩁᨽᩣᩅᨸᨳᩣᨸᩮᨠ᩠ᨡᩴ ᩈ-ᩋᨾᩣᨴᩥ ᨲᩩ ᨠᩣᩁᨠᩴ,

ᨸᨧ᩠ᨧᨿᩔ ᩈᨵᩣᨲᩩᩔ ᩋᨳᨽᩩᨲᨶ᩠ᨲᩩ ᩈᩣᨵᨶᨶ᩠ᨲᩥ ᨧ;

‘ᨵᩣᨲᩩ ᩈᨴ᩠ᨴᩮᩣ ᨠᩕᩥᨿᩣᩅᩣᨧᩦ ᨸᨧ᩠ᨧᨿᩮᩣ ᩈᩣᨵᨶᩅᩣᨧᨠᩮᩣ,

ᩋᨳᩔ ᩅᩣᨧᨠᩴ ᩃᩥᨦ᩠ᨣᩴ ᩅᩥᨽᨲ᩠ᨲᩥ ᩋᨳᨩᩮᩣᨲᨠᩣ;’

ᨲᩥ ᨧ ᩃᨠ᩠ᨡᨱᩣᨶᩥ ᩈᩃ᩠ᩃᨠ᩠ᨡᩮᩅᩣ ᩑᨠᩮᨠᨸᨴᩔ ᩋᨳᩅᩥᨣ᩠ᨣᩉᩮᩣ ᩅᨲ᩠ᨲᨻ᩠ᨻᩮᩣ.

ᨸᨴ ᩅᩥᨣ᩠ᨣᩉᩮᩣ ᨸᨶ-

‘ᨵᩣᩅᨳᩮᩣ ᩉᩥ ᩈᩥᨿᩣ ᩉᩮᨲᩩ - ᨸᨧ᩠ᨧᨿᨳᩮᩣ ᩈᩥᨿᩣ ᨹᩃᩴ,

ᨴ᩠ᩅᩥᨶ᩠ᨶᩴ ᨩᩣᨶᨶᨳᨬ᩠ᨧ ᩍᨲᩥ ᩈᨴ᩠ᨴᩮᩣ ᨸᨿᩩᨩ᩠ᨩᨲᩮ;

ᩈᨻ᩠ᨻᩅᩣᨠ᩠ᨿᩮ ᨠᩕᩥᨿᩣᩈᨴ᩠ᨴᩮᩣ ᩍᨲᩥᩈᨴ᩠ᨴᩮᩣ ᨧ ᩉᩮᩣᨲᩥ ᩉᩥ;

ᨠᩕᩥᨿᩣᨻ᩠ᨿᩩᨸ᩠ᨸᨲ᩠ᨲᩥ ᨶᩥᨾᩥᨲ᩠ᨲᩴ ᩍᨲᩥᩈᨴ᩠ᨴᩮᨶ ᨴᩦᨸᩥᨲᨶ᩠ᨲᩥ,

ᩌᨴᩦᨶᩥ ᩃᨠ᩠ᨡᨱᩣᨶᩥ ᩈᩃ᩠ᩃᨠ᩠ᨡᩮᩅᩣ ᩅᨲ᩠ᨲᨻ᩠ᨻᩮᩣ;

ᩋᨿᩴ ᩋᨾ᩠ᩉᩮᩉᩥ ᩅᩩᨲ᩠ᨲᩮᩣ ᩈᨴ᩠ᨴᨸ᩠ᨸᨿᩮᩣᨣᩋᨳᨸ᩠ᨸᨿᩮᩣᨣᩮᩣ ᨿᩮᩣᨩᨶᩣᨶᩴ ᨶᨿᩮᩣ ᩈᨻ᩠ᨻᨳ ᩏᨸᨠᩣᩁᩮᩣ ᨠᩩᩃᨸᩩᨲ᩠ᨲᩮᩉᩥ ᩏᨣ᩠ᨣᩉᩮᨲᨻ᩠ᨻᩮᩣ ᩈᩃ᩠ᩃᨠ᩠ᨡᩮᨲᨻ᩠ᨻᩮᩣᨿᩮᩅ.

ᩍᨲᩮᩣ ᨸᩁᩴ ᨿᩴ ᩋᨳᨲᩮᩣ ᨧ ᩁᩪᨸᨲᩮᩣ ᨧ ᩋᨸᩣᨠᨭᩴ, ᨲᩴᨿᩮᩅ ᩅᨱ᩠ᨱᨿᩥᩔᩣᨾ.

ᩈᩩᩅᩥᨽᨲ᩠ᨲ-ᩅᩦᨳᩥ-ᨧᨧ᩠ᨧᩁ-ᨧᨲᩩᨠ᩠ᨠ-ᩈᩥᨦ᩠ᨥᩣᨭᨠᨶ᩠ᨶᩥ ᩈᩩᩅᩥᨽᨲ᩠ᨲᩣ ᩁᨳᩥᨠᩣᩈᨦ᩠ᨡᩣᨲᩣ ᩅᩦᨳᩥ ᨧᨧ᩠ᨧᩁᩈᨦ᩠ᨡᩣᨲᩣ ᨧᨲᩩᨠ᩠ᨠᩣ ᨾᨣ᩠ᨣᩈᨵᩥᩈᨦ᩠ᨡᩣᨲᩣ ᩈᩥᨦ᩠ᨥᩣᨭᨠᩣ ¶ ᩑᨳᩣᨲᩥ ᩈᩩᩅᩥᩅᩥᨽᨲ᩠ᨲᩅᩦᨳᩥᨧᨧ᩠ᨧᩁᨧᨲᩩᨠ᩠ᨠᩈᩥᨦ᩠ᨥᩣᨭᩴ. ᩅᩩᨲ᩠ᨲᨬ᩠ᩉᩮᨲᩴ ᩋᨽᩥᨵᩣᨶᨸ᩠ᨸᨴᩦᨸᩥᨠᩣᨿᩴ;

‘‘ᩁᨧ᩠ᨨᩣ ᨧ ᩅᩥᩈᩥᨡᩣ ᩅᩩᨲ᩠ᨲᩣ ᩁᨭᩥᨠᩣ ᩅᩦᨳᩥ ᨧᩣᨸ᩠ᨿᨳ

ᩅ᩠ᨿᩩᩉᩮᩣ ᩁᨧ᩠ᨨᩣ ᩋᨶᩥᨻ᩠ᨻᩥᨴ᩠ᨵᩣ ᨶᩥᨻ᩠ᨻᩥᨴ᩠ᨵᩣ ᨲᩩ ᨸᨳᨴ᩠ᨵᩥ ᨧ,

ᨧᨲᩩᨠ᩠ᨠᩴ ᨧᨧ᩠ᨧᩁᩮ ᨾᨣ᩠ᨣ-ᩈᨵᩥ-ᩈᩥᨦ᩠ᨥᩣᨭᨠᨾ᩠ᨽᩅᩮ’’ᨲᩥ;

ᨠᩣᩈᩥᨠ-ᨠᩮᩣᨭᩩᨾ᩠ᨻᩁᨠᩣᨴᩥ - ᨶᩣᨶᩣᩅᩥᨵᩅᨳᩣᨸᨱᩈᨾ᩠ᨸᨶ᩠ᨶᨶ᩠ᨲᩥ ᩑᨳ ᨾᩉᨣ᩠ᨥᩅᨳᩴ ᨠᩣᩈᩥᨠᩴ ᨠᩣᩈᩥᨠᩁᨭ᩠ᨮᩮ ᩅᩣ ᩏᨸ᩠ᨸᨶ᩠ᨶᩴ ᨠᩣᩈᩥᨠᩴ. ᨠᩮᩣᨭᩩᨾ᩠ᨻᩁᨴᩮᩈᩮ ᨩᩣᨲᩴ ᩅᨳᩴ ᨠᩮᩣᨭᩩᨾ᩠ᨻᩁᩴ. ᩌᨴᩥᩈᨴ᩠ᨴᩮᨶ ᨡᩮᩣᨾᩴ ᨠᨸ᩠ᨸᩣᩈᩥᨠᩴ ᨠᩮᩣᩈᩮᨿ᩠ᨿᩴ ᨠᨾ᩠ᨻᩃᩴ ᩈᩣᨱᩴ ᨽᨦ᩠ᨣᨶ᩠ᨲᩥ. ᨵᩅᩃᩅᨳᩣᨶᩥ ᨧ ᨡᩮᩣᨾᩔ ᩋᨶᩩᩃᩮᩣᨾᨽᩩᨲᩴ ᨴᩩᨠᩩᩃᩴ ᨠᩮᩣᩈᩮᨿ᩠ᨿᩔ ᩋᨶᩩᩃᩮᩣᨾᨽᩩᨲᩣᨶᩥ ᨸᨲ᩠ᨲᩩᨶ᩠ᨶᨸᨭ᩠ᨭ-ᩈᩮᩣᨾᩣᩁ-ᨧᩦᨶᨩ ᩅᨳᩣᨶᩥ ᨧ ᩈᨦ᩠ᨣᨱ᩠ᩉᩣᨲᩥ. ᩅᩩᨲ᩠ᨲᨬ᩠ᩉᩮᨲᩴ ᨡᩩᨴ᩠ᨴᨠᩈᩥᨠ᩠ᨡᩣᨣᨳᩮ?

ᨴᩩᨠᩪᩃᨬ᩠ᨧᩮᩅ ᨸᨲ᩠ᨲᩩᨶ᩠ᨶ - ᨸᨲ᩠ᨲᩴ ᩈᩮᩣᨾᩣᩁᨧᩦᨶᨩᩴ ᩍᨴ᩠ᨵᩥᨩᩴ ᨴᩮᩅᨴᩥᨶ᩠ᨶᨬ᩠ᨧ ᨲᩔ ᨲᩔᩣᨶᩩᩃᩮᩣᨾᨠᨶ᩠ᨲᩥ.

ᨲᩔ ᨭᩦᨠᩣᨿᨬ᩠ᨧ’ᩅᩣᨠᨾᨿᨲ᩠ᨲᩣ ᨴᩩᨠᩩᩃᩣ ᩈᩣᨱᩔ ᩋᨶᩩᩃᩮᩣᨾᨠᩮᩉᩥ ᨠᨲᩈᩩᨲ᩠ᨲᨾᨿᨲ᩠ᨲᩣ ᨸᨲ᩠ᨲᩩᨱ᩠ᨱᨸᨭ᩠ᨭ-ᩈᩮᩣᨾᩣᩁᨧᩦᨶᩅᨳᩣᨶᩥ ᨠᩮᩣᩈᩮᨿ᩠ᨿᩔ ᩋᨶᩩᩃᩮᩣᨾᩣᨶᩥ ᩍᨴ᩠ᨵᩥᨩᨴᩮᩅᨴᩥᨶ᩠ᨶᩅᨳᩣᨶᩥ ᨨᨶ᩠ᨶᩴ ᩅᨳᩣᨶᩴ ᩋᨶᩩᩃᩮᩣᨾᩣᨶᩥ ᨲᩮᩈᩴ ᩋᨬ᩠ᨬᨲᩁᨾᨿᨲ᩠ᨲᩣ’ᨲᩥ ᩅᩩᨲ᩠ᨲᩴ.

ᨲᨳ ᨾᩥᩃᩥᨴᨸᨬ᩠ᩉᩮᩣ ᩃᨠ᩠ᨡᨱᨸᨬ᩠ᩉᩮᩣ ᩅᩥᨾᨲᩥᨧ᩠ᨨᩮᨴᨶᨸᨬ᩠ᩉᩮᩣ’ᨲᩥ ᨴᩩᩅᩥᨵᩮᩣ’ᨲᩥ ᩑᨳ ᨵᨾ᩠ᨾᩣᨶᩴ ᩃᨠ᩠ᨡᨱᨸᩩᨧ᩠ᨨᨶᩅᩈᩮᨶ ᨸᩅᨲ᩠ᨲᩮᩣ ᨸᨬ᩠ᩉᩮᩣ ᩃᨠ᩠ᨡᨱᨸᨬᩮᩉᩣ.ᨵᨾ᩠ᨾᩣᨶᩴ ᩃᨠ᩠ᨡᨱᨸᨬ᩠ᩉᩮᩣ’ᨲᩥ ᨠᨳᨧᩥ ᩃᩥᨡᩥᨲᩴ. ᨮᩣᨶᩩᨸ᩠ᨸᨶ᩠ᨲᩥᨠᨸᨭᩥᩉᩣᨶᩮᩣ’ᨲᩥ ᨲᩈ᩠ᨾᩥᩴ ᨲᩈ᩠ᨾᩥᩴ ᨣᨾ᩠ᨽᩦᩁᨳᩅᩥᨧᩣᩁᨱᨠᩣᩃᩮ ᨠᨲ᩠ᨲᨻ᩠ᨻᨠᩥᨧ᩠ᨧᩈᨦ᩠ᨡᩣᨲᩮ ᨮᩣᨶᩮ ᩏᨸ᩠ᨸᨲ᩠ᨲᩥ ᩏᨸ᩠ᨸᨩ᩠ᨩᨶᩴ ᨮᩣᨶᩩᨸ᩠ᨸᨲ᩠ᨲᩥ ᩈᩣ ᩋᩔ ᩋᨳᩥᨲᩥ ᨮᩣᨶᩩᨸ᩠ᨸᨲ᩠ᨲᩥᨠᩴ. ᩌᩁᨾ᩠ᨾᨱᩮ ᨸᨭᩥᨽᩣᨲᩦᨲᩥ ᨸᨭᩥᨽᩣᨶᩴ, ᨬᩣᨱᩴ. ᨮᩣᨶᩩᨸ᩠ᨸᨲ᩠ᨲᩥᨠᩴ ᨸᨭᩥᨽᩣᨶᩴ ᨿᩔ ᩈᩮᩣ ᨮᩣᨶᩩᨸ᩠ᨸᨲ᩠ᨲᩥᨠᨸᨭᩥᨽᩣᨶᩮᩣ.

ᨸᨭᩥᨻᩃᩮᩣ ᩋᨲᩦᨲᩣᨶᩣᨣᨲᨸᨧ᩠ᨧᩩᨸ᩠ᨸᨶ᩠ᨶᩣᨶᨶ᩠ᨲᩥ ᩑᨳ ᩋᨳᩣᨶᩴ ᨩᩣᨶᩥᨲᩩᨶ᩠ᨲᩥ ᨸᩣᨮᩈᩮᩈᩮᩣ ᨠᩣᨲᨻ᩠ᨻᩮᩣ ᩈᩮᩣᨿᩮᩅ ᩅᩣ ᨸᩣᨮᩮᩣ. ᨲᨳ ᩋᩉᩴ ᩋᨲᩦᨲᨽᩅᩮ ᨴᩥᨶ᩠ᨶᨴᩣᨶᩮᩣ ᩁᨠ᩠ᨡᩥᨲᩈᩦᩃᩮᩣ ᨽᩣᩅᩥᨲᨽᩣᩅᨶᩮᩣ ᨠᨲᨠᩃ᩠ᨿᩣᨱᩮᩣ ᩍᨴᩣᨶᩥ ᨬᩣᨱᩈᨾ᩠ᨸᨶ᩠ᨶᩮᩣ ᨵᨶᩅᩣ ᨿᩈᩅᩣ’ᨲᩥ ᩋᨲᩦᨲᨳᩴ ᨩᩣᨶᩥᨲᩩᩴ ᨸᨭᩥᨻᩃᩮᩣ ᩍᨴᩣᨶᩥ ᨾᨿᩣ ᨴᩣᨶᩣᨴᩥ ᨸᩩᨬ᩠ᨬᩴ ᨠᨲ᩠ᨲᨻ᩠ᨻᩴ ᩈᨾ᩠ᨸᨲ᩠ᨲᩥ ¶ ᨽᩅᨲᩮᩣ. ᩈᨾ᩠ᨸᨲ᩠ᨲᩥ ᨽᩅᩮ ᩏᨸ᩠ᨸᨩ᩠ᨩᩥᩅᩣ ᩈᩩᨡᩦ ᩉᩩᩅᩣ ᨸᩁᩥᨶᩥᨻ᩠ᨻᩣᨿᩥᩔᩣᨾᩦ’ᨲᩥ. ᩑᩅᩴ ᨸᨧ᩠ᨧᩩᨸ᩠ᨸᨶ᩠ᨶᩋᨶᩣᨣᨲᨳᩮ ᨩᩣᨶᩥᨲᩩᩴ ᨸᨭᩥᨻᩃᩮᩣ ᨶᩣᨾ.

ᩈᨾᨶ᩠ᨲᨿᩮᩣᨣᩅᩥᨵᩣᨶᨠᩥᩁᩥᨿᩣᨶᩴ ᨠᩁᨱᨠᩣᩃᩮ’ᨲᩥ ᨿᩩᨬ᩠ᨩᩥᨲᨻ᩠ᨻᩮᩣ ᨿᩮᩣᨣᩮᩣ. ᩈᨾᨶ᩠ᨲᨲᩮᩣ ᩈᨻ᩠ᨻᨲᩮᩣ ᩈᨻ᩠ᨻᨠᩣᩃᩮ ᨿᩮᩣᨣᩮᩣ ᩈᨻ᩠ᨻᨠᩣᩃᩮᩈᩩ ᩈᨻ᩠ᨻᨠᨲ᩠ᨲᨻ᩠ᨻᨠᨾ᩠ᨾᩣᨶᩴ ᩅᩥᨴᩉᨶᩴ ᩅᩥᨵᩣᨶᩴ ᨶᩣᨾ. ᩍᨴᨬ᩠ᨧᩥᨴᨬ᩠ᨧ ᨠᩁᩥᩔᩣᨾᩥ, ᩍᨾᩈ᩠ᨾᩥᩴ ᨠᨲᩮ ᩍᨴᩴ ᨽᩅᩥᩔᨲᩦ’ᨲᩥ ᨸᩩᨻ᩠ᨻᨽᩣᨣᩮ ᩏᨸᩣᨿᩮᨶ ᨠᨲ᩠ᨲᨻ᩠ᨻᩅᩥᨵᩣᨶᩴ ᨠᩥᩁᩥᨿᩣ ᨶᩣᨾ ᨠᩁᨱᨠᩣᩃᩮᨿᩮᩅ ᩃᨻ᩠ᨽᨲᩥ. ᨸᩩᨻ᩠ᨻᨽᩣᨣᩮ ᨧ ᨠᩁᨱᨠᩣᩃᩮ ᨧ ᨶᩥᩈᨾ᩠ᨾᨠᩣᩁᩦᨲᩥ ᩋᨵᩥᨸ᩠ᨸᩣᨿᩮᩣ.

ᩈᩮᨿ᩠ᨿᨳᩦᨴᨶ᩠ᨲᩥ ᨿᩣᨶᩥ ᩈᨳᩣᨶᩥ ᨲᩮᨶ ᩏᨣ᩠ᨣᩉᩥᨲᩣᨶᩥ ᨲᩣᨶᩥ ᩈᩮᨿ᩠ᨿᨳᩥᨴᩴ ᩅᩥᨽᨩᩥᩔᩣᨾᩦᨲᩥ ᩋᨳᩮᩣ ᩋᨶᩮᨠᨳᨲᩮᩣ ᨾᩉᨶᩥᨴᩣᨶᩈᩩᨲ᩠ᨲᩅᨱ᩠ᨱᨶᩣᨿᨬ᩠ᨧ ᩑᩅᨾᩮᩅᨳᩮᩣ ᩅᩩᨲ᩠ᨲᩮᩣ’ ᩈᩮᨿ᩠ᨿᨳᩥᨴᩴ ᨠᨲᨾᩣᨶᩦ’ᨲᩥ ᨠᩮᨧᩥ ᩅᨴᨶ᩠ᨲᩥ. ᨲᩴ’ᨠᨲᨾᩮ ᨸᨬ᩠ᨧᩩᨸᩣᨴᩣᨶᨠ᩠ᨡᨵᩣ? ᩈᩮᨿ᩠ᨿᨳᩥᨴᩴ? ᩁᩪᨸᩪᨸᩣᨴᩣᨶᨠ᩠ᨡᨵᩮᩣ’ᨲᩥᩌᨴᩥᨶᩣ ᨶᨿᩮᨶ ᩈᨾᩮᨲᩥ. ᨲᩮᩈᩩ ᨧ ᩑᨠᩪᨶᩅᩦᩈᨲᩥᩈᨳᩮᩈᩩ.

ᩈᩩᨲᩦᨲᩥ ᩑᨳ ᩈᩩᨿ᩠ᨿᨲᩮ ᨵᨾ᩠ᨾᩮᩣ ᩑᨲᩣᨿᩣᨲᩥ ᩈᩩᨲᩥ, ᩅᩮᨴᩮᩣ.

ᩈᨾ᩠ᨾᩩᨲᩦᨲᩥ ᩈᨴ᩠ᨴᨣᨶ᩠ᨳᩮᩣ. ᩈᩮᩈᩣ ᩈᨦ᩠ᨡ᩠ᨿᩣᨴᨿᩮᩣᨸᩥ ᨧ ᨠᨲ᩠ᨲᩩᨿᩮᩣᨶᨠᨲ᩠ᨲᩣ ᨻᩣᩉᩥᩁ ᩈᨳᩮᩈᩩ ᨿᨴᩥ ᨴᩥᩔᨶ᩠ᨲᩥ ᨲᩮ ᩈᩩᨣᩉᩮᨲᨻ᩠ᨻᩣ ᨿᩮᩅᩣᨲᩥ.

ᨽᨲ᩠ᨲᩅᩥᩔᨣ᩠ᨣᨠᩁᨱᨳᩣᨿᩣᨲᩥ ᨽᨲ᩠ᨲᨠᩥᨧ᩠ᨧᨠᩁᨱᨳᩣᨿ.

ᩈᨠᩥᩴ ᩑᩅᩴ ᨧᨠ᩠ᨡᩩᩴ ᩏᨴᨸᩣᨴᩦᨲᩥ ᩋᨲᩦᨲᨽᩅᩮ ᨲᩦᩈᩩ ᩅᩮᨴᩮᩈᩩ ᨸᩁᩥᨧᨿᩈᨲᩥᨬᩣᨱᨻᩃᩮᨶ ᩈᨠᩥᨾᩮᩅ ᩑᨠᩩᨣ᩠ᨣᩉᨱᩅᩣᩁᨾᩮᩅ ᨧᨠ᩠ᨡᩩ ᩅᩮᨴᩩᨣ᩠ᨣᩉᨬᩣᨱᨧᨠ᩠ᨡᩩ ᩏᨴᨸᩣᨴᩥ. ᨻᩉᩩᨲᩁᩴ ᩋᩅᨧᩣᨸᩮᩅᩣ ᩑᨠᩅᩣᩁᨾᩮᩅ ᩅᨴᩣᨸᩮᩅᩣ ᨵᩣᩁᩮᨲᩩᩴ ᩋᩈᨠ᩠ᨠᩮᩣᨶ᩠ᨲᩔ ᨬᩣᨱᨧᨠ᩠ᨡᩩ ᩏᨴᨸᩣᨴᩦᨲᩥ ᩋᨵᩥᨸ᩠ᨸᩣᨿᩮᩣ.

ᩌᨧᩁᩥᨿᩔ ᩋᨶᩩᨿᩮᩣᨣᩴ ᨴᩅᩣ’ᨲᩥ’ᩌᨧᩁᩥᨿ, ᨲᩩᨾ᩠ᩉᩮᩉᩥ ᨿᩴ ᨿᩴ ᩍᨧ᩠ᨨᨳ, ᨲᩴ ᨲᩴ ᨾᩴ ᨸᩩᨧ᩠ᨨᨳ, ᩋᩉᩴ ᩅᩥᩔᨩᩮᩔᩣᨾᩥ. ᨻ᩠ᨿᩣᨠᩣᨲᩩᩴ ᩋᩈᨠ᩠ᨠᩮᩣᨶ᩠ᨲᩔ ᨾᩮ ᩌᨧᩥᨠ᩠ᨡᨳᩣ’ᨲᩥ ᩌᨧᩁᩥᨿᩔ ᩋᨲ᩠ᨲᨶᩮᩣ ᩋᨶᩩᨿᩮᩣᨣᩴ ᩋᨶᩩᨿᩩᨬ᩠ᨩᨶᩴ ᨧᩮᩣᨴᨶᩴ ᨴᩅᩣ. ᩑᨠᨧ᩠ᨧᩮᩣ ᩉᩥ ᩋᨶᩩᨿᩮᩣᨣᩴ ᨴᩣᨲᩩᩴ ᩈᨠ᩠ᨠᩮᩣᨲᩥ ᨻ᩠ᨿᩣᨠᩣᨲᩩᩴ ᨸᨶ ᨶ ᩈᨠ᩠ᨠᩮᩣᨲᩥ. ᨶᩣᨣᩈᩮᨶᨴᩣᩁᨠᩮᩣ ᨸᨶ ᨲᨴᩩᨽᨿᨾ᩠ᨸᩥ ᨠᩣᨲᩩᩴ ᩈᨠ᩠ᨠᩮᩣᨲᩥᨿᩮᩅ.

ᨵᨾ᩠ᨾᨧᨠ᩠ᨡᩩᩴ ᩏᨴᨸᩣᨴᩦᨲᩥ’ᨿᩴ ᨠᩥᨬ᩠ᨧᩥ ᩈᨾᩩᨴᨿᨵᨾ᩠ᨾᩴ ᩈᨻ᩠ᨻᩴ ᨲᩴ ᨶᩥᩁᩮᩣᨵᨵᨾ᩠ᨾᨶ᩠ᨲᩥᨵᨾ᩠ᨾᨧᨠ᩠ᨡᩩ ᩈᩮᩣᨲᩣᨸᨲ᩠ᨲᩥᨾᨣ᩠ᨣᨬᩣᨱᩴ ᨶᩥᨻ᩠ᨻᩣᨶᩣᩁᨾ᩠ᨾᨱᩴ ᩉᩩᩅᩣ ᩑᩅᩴ ᩏᨸ᩠ᨸᨩ᩠ᨩᨶᩣᨠᩣᩁᩮᨶ ᩏᨴᨸᩣᨴᩥᨿᩴ ᨠᩥᨬ᩠ᨧᩥ ᩈᨦ᩠ᨡᨲᩴ ᨵᨾ᩠ᨾᨩᩣᨲᩴ ᩈᨾᩩᨴᨿᨵᨾ᩠ᨾᩴ ᩏᨸ᩠ᨸᨩ᩠ᨩᨶᩈᨽᩣᩅᩴ ᩈᨻ᩠ᨻᩴ ᨲᩴ ᨶᩥᩁᩮᩣᨵᨵᨾ᩠ᨾᩴ, ᩈᨻ᩠ᨻᩴ ᨲᩴ ᨵᨾ᩠ᨾᨩᩣᨲᩴ ᨶᩥᩁᩩᨩ᩠ᨫᨶᩈᨽᩣᩅᩴ ᩋᨶᩥᨧ᩠ᨧᩴ ᨡᨿᩅᨿᨵᨾ᩠ᨾᨶ᩠ᨲᩥ ᩏᨴᨸᩣᨴᩥ. ¶ ᨠᩈ᩠ᨾᩣ ᨶᩥᨻ᩠ᨻᩣᨶᩣᩁᨾ᩠ᨾᨱᩴᨿᩮᩅ ᨾᨣ᩠ᨣᨬᩣᨱᨾᩮᩅ ᩏᨴᨸᩣᨴᩦ?ᨲᩥ. ᨲᨸ᩠ᨸᨭᩥᨧ᩠ᨨᩣᨴᨠᨾᩮᩣᩉᨵᨠᩣᩁᩴ ᩅᩥᨴ᩠ᨵᩴᩈᩮᩅᩣ ᩏᨸ᩠ᨸᨶ᩠ᨶᨲ᩠ᨲᩣ.

(ᨴᩮᩣᩈᩥᨶᩣ) ᨴᩮᩣᩈᩥᨲᩣᨲᩥ ᩅᨲ᩠ᨲᨻ᩠ᨻᩮ ᨲᨠᩣᩁᩔ ᨲᨠᩣᩁᩴ ᨠᩅᩣ ᨴᩮᩣᩈᩥᨶᩣ’ᨲᩥ ᩅᩩᨲ᩠ᨲᩴ.

ᩁᨳᩴ ᩌᩁᩩᨿ᩠ᩉᩣ’ᨲᩥ ᩑᨳ ᩈᩣᨾᩥᨠᩴ ᩁᨾᨿᨲᩦᨲᩥ ᩁᨳᩮᩣ’ᨲᩥ ᩅᩥᨣ᩠ᨣᩉᩮᩣ ᨠᩣᨲᨻ᩠ᨻᩮᩣ.

ᩁᩣᨩᩁᨳᩮᩣ ᨶᩣᨾ ᩈᨻ᩠ᨻᩁᨲᨶᩅᩥᨧᩥᨲ᩠ᨲᩮᩣ ᩍᨧ᩠ᨨᩥᨲᨻ᩠ᨻᩮᩣ.

(ᩅᨿᩉᩴ) ᩅᩉᨶ᩠ᨲᩦ ᩑᨲᩮᨶᩣᨲᩥ ᩅᨿᩉᩴ ᩏᨸᩁᩥᨾᨱ᩠ᨯᨸᩈᨴᩥᩈᨸᨴᩁᨧ᩠ᨨᨶ᩠ᨶᩈᨻ᩠ᨻᨾᩣᩃᩣᨣᩩᨱ᩠ᨮᩥᨾᩴ ᩅᩣ ᨨᩣᨴᩮᩅᩣᨲᩥ ᩋᨭ᩠ᨮᨠᨳᩣᨿᩴ ᩅᩩᨲ᩠ᨲᨶᨿᩮᨶ ᨠᨲᩈᨠᨭᩴ ᩅᨿ᩠ᩉᩴ ᨶᩣᨾ.

ᩈᨴᨾᩣᨶᩥᨠᩣ’ᨲᩥ ᩏᨽᩮᩣᩈᩩ ᨸᩔᩮᩈᩩ ᩈᩩᩅᨱ᩠ᨱᩁᨩᨲᩣᨴᩥᨾᨿᩣ ᨣᩮᩣᨸᩣᨶᩈᩥᨿᩮᩣ ᨴᩅᩣ ᨣᩁᩩᩊᨸᨠ᩠ᨡᨠᨶᨿᩮᨶ ᩈᨴᨾᩣᨶᩥᨠᩣ’ᨲᩥ ᩋᨭ᩠ᨮᨠᨳᩣᨿᩴ ᩅᩩᨲ᩠ᨲᨶᨿᩮᨶ ᨠᨲᩮᩣ ᨿᩣᨶᩅᩥᩈᩮᩈᩮᩣ ᩅᨿ᩠ᩉᩣᨴᩥᨴ᩠ᩅᨿᩴ ᨧᩮᨠᨳᩣᨿ ᩍᨵᩣᨶᩦᨲᩴ

ᨲᩥᨳᨠᩁᩮᩣ’ᨲᩥ’ᩏᨣ᩠ᨣᩉᩮᩣ ᩈᩅᨱᩴ ᨸᩩᨧ᩠ᨨᩣ ᨠᨳᨶᩴ ᨵᩣᩁᨱᩴ ᩍᨲᩥ ᨸᨬ᩠ᨧᨵᨾ᩠ᨾᩅᩈᩮᨶᩮᩅ ᨲᩥᨳᩅᩣᩈᩮᩣ ᨸᩅᩩᨧ᩠ᨧᨲᩦ’ᨲᩥ ᩑᩅᩴ ᩅᩩᨲ᩠ᨲᩮ ᨲᩥᨳᩅᩣᩈᩮ ᨸᨲᩥᨭ᩠ᨮᩣᨿ ᨸᩁᩮ ᨧ ᨸᨲᩥᨭ᩠ᨮᩣᨸᩮᩅᩣ ᨸᩥᨭᨠᨲ᩠ᨲᨿᨲᩥᨳᨨᩮᨠᨠᩁᨱᩮᨶ ᨵᨾ᩠ᨾᨲᩥᨳᨦ᩠ᨠᩁᩮᩣ.

ᨶᩥᨸᩩᨱᩮᩣ’ᨲᩥ ᨻᨵᩣᨴᩦᩈᩩ ᩏᨸᨩᩣᨶᨶᩈᨾᨳᩮᩣ.

ᩅᩥᩈᩣᩁᨴᩮᩣ’ᨲᩥ ᨸᩁᩥᩈᩣᩈᩩ ᨽᨿᩁᩉᩥᨲᩮᩣ.

ᩈᩣᨾᨿᩥᨠᩮᩣ’ᨲᩥ ᨴᩮᩈᨩᨽᩣᩈᩣᩈᨦ᩠ᨡᩣᨲᩈᨾᨿᨠᩩᩈᩃᩮᩣ ᩈᨠᩈᨾᨿᩈᨾᨿᨶ᩠ᨲᩁᨧ᩠ᨨᩮᨠᨬᩣᨱᩅᨶ᩠ᨲᩮᩣ.

ᨸᨭᩥᨽᩣᨱᩮᩣ’ᨲᩥ ᨠᩃ᩠ᨿᩣᨱᩅᩣᨠ᩠ᨿ ᩈᨦ᩠ᨡ᩠ᨿᩣᨲᨸᨭᩥᨽᩣᨱᩅᨶ᩠ᨲᩮᩣ.

ᨾᩮᨵᩣᩅᩦᨲᩥ ᨵᨾ᩠ᨾᩮᩣᨩᨸᨬ᩠ᨬᩣᨿ ᨾᩮᨵᩣᩅᩦ. ᨵᨾ᩠ᨾᩮᩣᨩᨸᨬ᩠ᨬᩣ ᨶᩣᨿ ᨬᩣᨶᨣᨲᩮᩣ ᨸᨱ᩠ᨯᩥᨲᩮᩣ’ᨠᩥᩴ ᩈᩩᨲᩴ ᨠᩥᩴ ᩅᩣ ᩈᩩᨱᩣᨾᩥ, ᨠᩥᩴ ᨠᩩᩈᩃᩴ ᨣᩅᩮᩈᩥᨶ᩠ᨲᩥ’ ᨿᩣᨿ ᩅᩥᨧᩣᩁᩮᨲᩥ ᩈᩣ ᨵᨾ᩠ᨾᩮᩣᨩᨸᨬ᩠ᨬᩣ ᨶᩣᨾ.

ᩌᨿᩈ᩠ᨾᩣᨸᩥ ᨡᩮᩣ ᨶᩣᨣᩈᩮᨶᩮᩣ ᨸᨭᩥᩈᨾ᩠ᨾᩮᩣᨴᩥ…ᨸᩮ… ᩌᩁᩣᨵᩮᩈᩥᨲᩥ ᨿᩮᨶᩮᩅ ᩈᨾ᩠ᨾᩮᩣᨴᨶᩥᨿᩅᨧᨶᩮᨶ ᨳᩮᩁᩮᩣ ᩁᨬᩮᨬᩣ ᨾᩥᩃᩥᨴᩔ ᨧᩥᨲ᩠ᨲᩴ ᩌᩁᩣᨵᩮᩈᩥ ᨲᩮᩣᩈᩮᩈᩥ ᨲᩮᨶᩮᩅ ᩈᨾ᩠ᨾᩮᩣᨴᨶᩦᨿᩅᨧᨶᩮᨶ ᩁᨬ᩠ᨬᩣ ᩈᨴ᩠ᨵᩥᩴ ᨸᨭᩥᩈᨾ᩠ᨾᩮᩣᨴᩦᨲᩥ ᨿᩮᩣᨩᨶᩣ.

ᨬᩣᨿᩣᨾᩦᨲᩥ ᨬᩣᨲᩮᩣ ᨸᩣᨠᨭᩮᩣ ᩉᩮᩣᨾᩥ.

ᩋᨸᩥ ¶ ᨧ ᨡᩮᩣ ᨾᩉᩣᩁᩣᨩ …ᨸᩮ… ᨶᩣᨣᩈᩮᨶᩮᩣ’ᨲᩥ ᨿᩴ ᩍᨴᩴᨶᩣᨣᩈᩮᨶᩮᩣ’ᨲᩥ ᨶᩣᨾᩴ ᩑᩈᩣ ᩈᨦ᩠ᨡᩣ ᩈᨾᨬ᩠ᨬᩣ ᨸᨬ᩠ᨬᨲ᩠ᨲᩥ ᩅᩮᩣᩉᩣᩁᩮᩣ ᨶᩣᨾᨾᨲ᩠ᨲᩴ ᩉᩮᩣᨲᩦᨲᩥ ᨿᩮᩣᨩᨶᩣ.

(ᩈᨦ᩠ᨡᩣ) ᩑᨳ ᨧ ᩈᨦ᩠ᨡᩣᨿᨲᩦᨲᩥ ᩈᨦ᩠ᨡᩣ. ᩈᨦ᩠ᨠᨳᩥᨿᨲᩦᨲᩥ ᩋᨳᩮᩣ ᨠᩥᨶ᩠ᨲᩥ ᩈᨦ᩠ᨠᨳᩥᨿᨲᩥ? ᨸᩁᩔᩣᨲᩥ ᩋᨲ᩠ᨲᩣ’ᨲᩥ ᨽᩅᩮᩣ’ᨲᩥ ᨸᩮᩣᩈᩮᩣ’ᨲᩥ ᨸᩩᨣ᩠ᨣᩃᩮᩣ’ᨲᩥ ᨶᩁᩮᩣ’ᨲᩥ ᨾᩣᨱᩅᩮᩣ’ᨲᩥ ᨲᩥᩔᩮᩣ’ᨲᩥ ᨴᨲ᩠ᨲᩮᩣ’ᨲᩥ ᨾᨬ᩠ᨧᨸᩦᨮᩴ ᨽᩥᩈᩥᨻᩥᨾ᩠ᨻᩮᩣ ᩉᨶᨶ᩠ᨲᩥ ᩅᩥᩉᩣᩁᩮᩣ ᨸᩁᩥᩅᩮᨱᩴ ᨴ᩠ᩅᩣᩁᩴ ᩅᩣᨲᨸᩣᨶᨶ᩠ᨲᩥ. ᩑᩅᩴ ᩋᨶᩮᨠᩮᩉᩥ ᩌᨠᩣᩁᩮᩉᩥ ᩈᨦ᩠ᨠᨳᩦᨿᨲᩥᨲᩥ ᩈᨦ᩠ᨡᩣ.

ᩈᨾᨬ᩠ᨬᩣ ᩈᨾ᩠ᨾᩣ ᨬᩣᨿᨲᩦᨲᩥ ᨠᩥᨶ᩠ᨲᩥ ᨬᩣᨿᨲᩦ?ᨲᩥ. ᩋᩉᨶ᩠ᨲᩥ ᨾᨾᨶ᩠ᨲᩥ…ᨸᩮ… ᨴ᩠ᩅᩣᩁᩴ ᩅᩣᨲᨸᩣᨶᨶ᩠ᨲᩥ ᩈᨾ᩠ᨾᩣ ᨬᩣᨿᨲᩦᨲᩥ ᩈᨾᨬ᩠ᨬᩣ.

(ᨸᨬ᩠ᨬᨲ᩠ᨲᩥ) ᨸᨬ᩠ᨬᩣᨸᩦᨿᨲᩦᨲᩥ ᨸᨬ᩠ᨬᨲ᩠ᨲᩥ.

(ᩅᩮᩣᩉᩣᩁᩮᩣ). ᨠᩥᨶ᩠ᨲᩥ ᨸᨬ᩠ᨬᩣᨸᩦᨿᨲᩦᨲᩥ…ᨸᩮ… ᩅᩮᩣᩉᩁᩦᨿᨲᩦᨲᩥ ᩅᩮᩣᩉᩣᩁᩮᩣ. ᨠᩥᨶ᩠ᨶᩥ ᩅᩮᩣᩉᩁᩦᨿᨲᩥᨲᩥ. ᩋᩉᨶ᩠ᨲᩥ ᨾᨾᨶ᩠ᨲᩥ…ᨸᩮ… ᨴ᩠ᩅᩣᩁᩴ ᩅᩣᨲᨸᩣᨲᨶ᩠ᨲᩥ ᩅᩮᩣᩉᩁᩦᨿᨲᩦᨲᩥ ᩅᩮᩣᩉᩣᩁᩮᩣ. ᩍᨾᩮᩉᩥ ᨧᨲᩩᩉᩥ ᩈᨦ᩠ᨡᩣᩌᨴᩦᩉᩥ ᨸᨴᩮᩉᩦ ᨶᩣᨾᨸᨬ᩠ᨬᨲ᩠ᨲᩥᨿᩮᩅ ᩋᨵᩥᨸ᩠ᨸᩮᨲᩣ ᨶᩣᨾᨾᨲ᩠ᨲᨶ᩠ᨲᩥ ᨴᩔᨶᨲᩮᩣ.

ᩈᨧᩮ ᩅᩴ ᨾᩉᩣᩁᩣᨩ ᨸᨱ᩠ᨯᩥᨲᩅᩣᨴᩣ ᩈᩃ᩠ᩃᨸᩥᩔᩈᩦᨲᩥ ᩅᩴ ᩈᨧᩮ ᨾᨿᩣ ᩈᨴ᩠ᨵᩥᩴ ᨸᨱ᩠ᨯᩥᨲᩣᨶᩴ ᩈᩃ᩠ᩃᩣᨸᩮᨶ.

ᩌᩅᩮᨮᨶᨾ᩠ᨸᩥ ᨠᨿᩥᩁᨲᩥ ᨶᩥᨻ᩠ᨻᩮᨮᨶᨾ᩠ᨸᩥ ᨠᨿᩥᩁᨲᩦ’ᨲᩥ ᨸᨬ᩠ᩉᨸᩪᨧ᩠ᨨᨶᩅᩈᩮᨶ ᩅᩮᨮᨶᩴ ᨸᨱ᩠ᨯᩥᨲᩮᩉᩥ ᨠᨿᩥᩁᨲᩥ ᨸᨬ᩠ᩉᩅᩥᩔᨩ᩠ᨩᨶᩅᩈᩮᨶ ᩅᩮᨮᨶᩴ ᨸᨱ᩠ᨯᩥᨲᩮᩉᩥ ᨠᨿᩥᩁᨲᩥ ᨸᨬ᩠ᩉᩅᩥᩔᨩ᩠ᨩᨶᩅᩈᩮᨶ ᨶᩥᨻ᩠ᨻᩮᨮᨶᨾ᩠ᨸᩥ ᨠᨿᩥᩁᨲᩥ.

ᨶᩥᨣ᩠ᨣᩉᩮᩣ’ᨸᩥ ᨠᨿᩥᩁᨲᩦ’ᨲᩥ ᨶᩣᨣᩈᩮᨶᨳᩮᩁᩮᩣ ᨾᩩᩈᩣᨽᨱᨲᩦᨲᩥᩌᨴᩥᨶᩣ ᨶᩥᨣ᩠ᨣᩉᨶᨿᩮᨶ ᩋᨬ᩠ᨬᨸᨱ᩠ᨯᩥᨲᩣᨶᩴ ᨶᩥᨣ᩠ᨣᩉᨱᩅᨧᨶᩴ ᩋᨬ᩠ᨬᨸᨱ᩠ᨯᩥᨲᩮᩉᩥ ᨠᨿᩥᩁᨲᩥ. ᩋᨸᩥ ᨧ ᨠᨳᩣᩅᨳᩩᨸ᩠ᨸᨠᩁᨱᩮ ᩌᨣᨲᩮᩣ ᩈᨻ᩠ᨻᨶᩥᨣ᩠ᨣᩉᩮᩣ ᨶᩥᨣ᩠ᨣᩉᩮᩣᨿᩮᩅ.

ᨸᨭᩥᨠ᩠ᨠᨾᨾ᩠ᨸᩦ’ᨲᩥ ᩅᩴ ᨾᩉᩣᩁᩣᨩ’ᩁᩣᨩᩣ ᨾᩥᩃᩥᨴᩮᩣ ᨩᨾ᩠ᨻᩩᨴᩦᨸᩮ ᩋᨣ᩠ᨣᩁᩣᨩᩣ ᨠᩈ᩠ᨾᩣ ᨾᩩᩈᩣ ᨽᨱᩈᩦ’ᨲᩥᩌᨴᩥᨶᩣ ᨸᨭᩥᨠ᩠ᨠᨾᨾ᩠ᨸᩥ ᨠᨿᩥᩁᨲᩥ.

ᩅᩥᩈᩮᩈᩮᩣ ‘ᨸᩦᨲᩥ’ᩈᨾ᩠ᨸᨶ᩠ᨶᩴ ᨾᩩᨶᩥᨶᩮᩣ ᨧᩥᨲ᩠ᨲᩴ, ‘ᨠᨾ᩠ᨾᨶᩣ ᨻ᩠ᨿᨲ᩠ᨲᨲ᩠ᨲᩮᨶ ᨧ ᩅᩥᨩ᩠ᨩᩣᨧᩁᨱᩈᨾ᩠ᨸᨶ᩠ᨶᩴ ᨵᨾ᩠ᨾᨣᨲᩣᨶᩴ ᨸᩈᩴᩈᨲᩦ’ᨲᩥᩌᨴᩥᨶᩣ ᨣᩩᨱᨸᩈᩴᩈᨶᩈᨦ᩠ᨡᩣᨲ ᩅᩥᩈᩮᩈᩮᩣ. ᩍᨵ ᨸᨶ ᨠᩃ᩠ᩃᩮᩣ’ᩈᩥ ᨽᨶ᩠ᨲᩮ’ᨲᩥᩌᨴᩥ ᨸᨭᩥᨣ᩠ᨣᩉᨱᩅᩥᩈᩮᩈᩮᩣ’ᨲᩥ’ᩈᨾ᩠ᨸᨶ᩠ᨶᩴ ᨾᩩᨶᩥᨶᩮᩣ ᨧᩥᨲ᩠ᨲᩴ…ᨸᩮ… ᨵᨾ᩠ᨾᨣᨲᩣᨶᩴ ᩋᨶᩩᨾᩮᩣᨴᩈᩦ’ᨲᩥᩌᨴᩥᨶᩣ ᨣᩩᨱᨸᩈᩴᩈᨶᩈᨦ᩠ᨡᩣᨲᩮᩣ ᨸᨭᩥᨣ᩠ᨣᩉᨱᩅᩥᩈᩮᩈᩮᩣ. ᩍᨵ ᨸᨶ ᩈᩣᨵᩩ ᨡᩮᩣ ᩅᩴ ᨾᩉᩣᩁᩣᨩ ᩁᨳᩴ ᨩᩣᨶᩣᩈᩦ’ᨲᩥᩌᨴᩥ. ᩑᨠᩴ ¶ ᩅᨳᩩᩴ ᨸᨭᩥᨩᩣᨶᨶ᩠ᨲᩦᨲᩥ ᨠᩃ᩠ᨿᩣᨱᨾᨱᩥᩌᨴᩥᨠᩴ ᩋᨬ᩠ᨬᨲᩁᩴ ᩑᨠᩴ ᩅᨳᩩᩴ ᨠᩃ᩠ᨿᩣᨱᩴ ᩅᩣ ᩋᨳᩥ ᨶᨳᩥᨲᩥ ᨸᨭᩥᨩᩣᨶᨶ᩠ᨲᩥ ᨸᨮᨾᨴᩥᩅᩈᩮ ᨲᨿᩮᩣ ᨸᨬ᩠ᩉᩣ ᩁᨬ᩠ᨬᩣ ᨸᩩᨧ᩠ᨨᩥᨲᩣ ᨶᩣᨾᨸᨬ᩠ᨬᨲ᩠ᨲᩥᨸᨬ᩠ᩉᩮᩣ ᩈᨲ᩠ᨲᩅᩔᩥᨠᨸᨬ᩠ᩉᩮᩣ ᩅᩦᨾᩴᩈᨶᨸᨬ᩠ᩉᩮᩣ.

ᨽᨶ᩠ᨲᩮ ᨶᩣᨣᩈᩮᨶ ᨸᩩᨧ᩠ᨨᩥᩔᩣᨾᩦᨲᩥ …ᨸᩮ… ᨠᩥᨾ᩠ᨸᨶ ᨾᩉᩣᩁᩣᨩ ᨲᨿᩣ ᨸᩩᨧ᩠ᨨᩥᨲᨶ᩠ᨲᩥ ᨲᨲᩥᨿᩮᩣ ᩅᩦᨾᩴᩈᨶᨸᨬ᩠ᩉᩮᩣ ᨮᩣᨶᩩᨸ᩠ᨸᨲ᩠ᨲᩥᨠᨸᨭᩥᩉᩣᨶᨩᩣᨶᨶᨳᩣᨿ ᩅᩦᨾᩴᩈᨶᩅᩈᩮᨶ ᨸᩩᨧ᩠ᨨᩥᨲᨲ᩠ᨲᩣ ᩅᩥᨾᩴᩈᨶᨸᨬ᩠ᩉᩮᩣ ᨶᩣᨾ. ᨲᨳ’ᨸᩩᨧ᩠ᨨᩥᨲᩮᩣ ᨾᩮ ᨽᨶ᩠ᨲᩮ’ᨲᩥ ᩍᨴᩴ ᩁᨬ᩠ᨬᩣ ᩋᨲ᩠ᨲᨶᩣ ᩉᩮᨭ᩠ᨮᩣ ᨸᩩᨧ᩠ᨨᩥᨲᩮ ᨴ᩠ᩅᩮ ᨸᨬ᩠ᩉᩮ ᩈᨵᩣᨿ ᩅᩩᨲ᩠ᨲᩴ.

ᩅᩥᩔᨩ᩠ᨩᩥᨲᩴ ᨾᩮ’ᨲᩥ ᩍᨴᨾ᩠ᨸᩥ ᨳᩮᩁᩮᨶ ᩋᨲ᩠ᨲᨶᩣ ᩉᩮᨭ᩠ᨮᩣ ᩅᩥᩔᨩ᩠ᨩᩥᨲᩮ ᨴ᩠ᩅᩮ ᨸᨬ᩠ᩉᩮ ᩈᨵᩣᨿ ᩅᩩᨲ᩠ᨲᩴ.

ᨶᩣᨣᩈᩮᨶᩮᩣ ᨶᩣᨣᩈᩮᨶᩮᩣ’ᨲᩥ ᩈᨩ᩠ᨫᩣᨿᩴ ᨠᩁᩮᩣᨶ᩠ᨲᩮᩣ ᨸᨠ᩠ᨠᩣᨾᩦᨲᩥ ᩁᨬ᩠ᨬᩣ ᨶᩣᨣᩈᩮᨶᨳᩮᩁᩮ ᨻᩉᩩᨾᩣᨶᨣᩣᩁᩅᩮᩣ ᨠᨲᩮᩣ’ᨲᩥ ᨴᩦᨸᩮᨲᩩᩴ ᨻᩩᨴ᩠ᨵᨥᩮᩣᩈᩣᨧᩁᩥᨿᩮᨶ ᩅᩩᨲ᩠ᨲᩴ ᩋᨣᩣᩁᩅᩮᩣ ᩉᩥ ᨸᩩᨣ᩠ᨣᩃᩮᩣ ᨣᩁᩩᨭ᩠ᨮᩣᨶᩥᨿᩴ ᨸᩩᨣ᩠ᨣᩃᩴ ᨴᩥᩈ᩠ᩅᩣᨸᩥ ᩈᩩᩅᩣᨸᩥ ᨩᩣᨶᩥᩅᩣᨸᩥ ᩋᨸᩔᨶ᩠ᨲᩮᩣ ᩋᩈᩩᨱᨶ᩠ᨲᩮᩣ ᩋᨩᩣᨶᨶ᩠ᨲᩮᩣ ᩅᩥᨿ ᩉᩮᩣᨲᩦᨲᩥ. ᨲᨲᩕᩣᨿᩴ ᩅᨧᨶᨳᩮᩣ? ᩌᨣᩩᩴ ᨸᩣᨸᩴ ᨶ ᨠᩁᩮᩣᨲᩦᨲᩥ ᨶᩣᨣᩮᩣ. ᩈᩮᨶ᩠ᨲᩥ ᩈᨿᨶ᩠ᨲᩥ ᩑᨲᩮᨶ ᩅᩣᨴᨸᨧ᩠ᨧᨳᩥᨠᩣ ᨩᨶᩣᨲᩥ ᩈᩮᨶᩮᩣ ᨶᩣᨣᩮᩣ ᨧ ᩈᩮᩣ ᩈᩮᨶᩮᩣ ᨧᩣᨲᩥ ᨶᩣᨣᩈᩮᨶᩮᩣ ᩈᩣᨾᨬ᩠ᨬᩣᨴᩦᩈᩩ ᨧᨲᩩᩈᩩ ᨶᩣᨾᩮᩈᩩ ᩍᨴᩴ ᨠᩥᨲ᩠ᨲᩥᨾᨶᩣᨾᩴ.

ᩈᩩᨭ᩠ᨮᩩ ᨳᩮᩁᩮᩣ ᩋᨻᨽᨶᩩᨾᩮᩣᨴᩦᨲᩥ’ᩈᩣᨵᩩ ᩈᩩᨭ᩠ᨮᩩ’ᨲᩥ ᩅᨧᨶᩮᨶ. ᩋᨶ᩠ᨲᩁᩣᨾᨣ᩠ᨣᩮ ᨸᩩᨧ᩠ᨨᩥᨲᩮᩣ ᩋᨶᨳᨠᩣᩃᨸᨬ᩠ᩉᩮᩣ.

ᨠᨲᨾᩮᨳ ᨶᩣᨣᩈᩮᨶᩮᩣ’ᨲᩥ ᨠᨲᨾᩮᩣ ᨵᨾ᩠ᨾᩮᩣ ᩑᨲᩈ᩠ᨾᩥᩴ ᩅᨧᨶᩮ ᨶᩣᨣᩈᩮᨶᩮᩣ ᨶᩣᨾ ᩉᩮᩣᨲᩦᨲᩥ ᨸᩩᨧ᩠ᨨᩥ.

ᨩᩦᩅᩮᩣ’ᨲᩥ ᨩᩦᩅᨽᩩᨲᩮᩣ ᩅᩣᨿᩮᩣ.

ᩋᩔᩣᩈᨸᩔᩣᩈᩣ ᨶᩣᨾᩮᨲᩮ ᨠᩣᨿᩈᨦ᩠ᨡᩣᩁᩮᩣ’ᨲᩥ ᨳᩮᩁᩮᩣ ᩋᨽᩥᨵᨾ᩠ᨾᨠᨳᩴ ᩋᨠᩣᩈᩦᨲᩥ ᩍᨾᩥᨶᩣ ᩋᨶᨶ᩠ᨲᨠᩣᨿᩔ ᩑᨲᩮ ᩋᨶ᩠ᨲᩮᩣ-ᨸᩅᩥᩈᨶ-ᨻᩉᩥ-ᨶᩥᨠ᩠ᨡᨾᨲᩅᩣᨲᩣ ᩋᩔᩣᩈᨸᩔᩈᩣ ᨶᩣᨾ ᨠᩁᨩᨠᩣᨿᩮᨶ ᩋᨽᩥᩈᨦ᩠ᨡᩁᩦᨿᨶ᩠ᨲᩥ, ᨲᩈ᩠ᨾᩣ ᨠᩣᨿᩈᨦ᩠ᨡᩣᩁᩣ ᨧ ᩉᩮᩣᨶ᩠ᨲᩥ, ᨲᩮᨶᩮᩅ ᨩᩦᩅᩮᨶ ᨶᩣᨣᩈᩮᨶᩮᩣ ᨶᩣᨣᩈᩮᨶᩮᩣ’ᨲᩥ ᩍᨾᩥᨶᩣ ᨶᩣᨾᨾᨲ᩠ᨲᩴ ᨣᨱ᩠ᩉᩣᨲᩥ ᨶ ᨸᩩᨣ᩠ᨣᩃᩮᩣ ᨩᩦᩅᩮᩣ ᨣᩉᩮᨲᨻ᩠ᨻᩮᩣ’ᨲᩥ ᨳᩮᩁᩮᩣ ᩋᨽᩥᨵᨾ᩠ᨾᨠᨳᩴ ᩋᨠᩣᩈᩥ.

ᩏᨸᩣᩈᨠᨲ᩠ᨲᩴ ᨸᩅᩮᨴᩮᩈᩦ’ᨲᩥ ᩋᨲ᩠ᨲᩈᨶ᩠ᨶᩥᨿ᩠ᨿᩣᨲᨶᩮᨶ ᩈᩥᩔᨽᩣᩅᩪᨸᨣᨾᨶᩮᨶ ᨸᨱᩥᨸᩣᨲᩮᨶ ᩈᨾᩣᨴᩣᨶᩮᨶᩣᨲᩥ ᨧᨲᩩᩈᩩ ᩈᩁᨱᨣᨾᨶᩪᨸᩣᨿᩮᩈᩩ ᩈᨾᩣᨴᩣᨶᩮᨶ ᩁᨲᨶᨲ᩠ᨲᨿᩔ ᨧ ᨳᩮᩁᩔ ᨧ ᩏᨸᩣᩈᨠᨽᩣᩅᩴ, ᨻᩩᨴ᩠ᨵᩴ ᩈᩁᨱᩴ ᨣᨧ᩠ᨨᩣᨾᩥ, ᨵᨾ᩠ᨾᩴ ᩈᩁᨱᩴ ᨣᨧ᩠ᨨᩣᨾᩥ, ᩈᨦ᩠ᨥᩴ ᩈᩁᨱᩴ ᨣᨧ᩠ᨨᩣᨾᩥ, ᨲᨬ᩠ᨧ ᩈᩁᨱᩴ ᨣᨧ᩠ᨨᩣᨾᩥ, ᩏᨸᩣᩈᨠᩴ ᨾᩴ ᨵᩣᩁᩮᩉᩥ ᩋᨩ᩠ᨩᨲᨣ᩠ᨣᩮ ᨸᩣᨱᩩᨸᩮᨲᩴ ᩈᩁᨱᩴ ᨣᨲᨶ᩠ᨲᩥ.

ᩋᨶᨶ᩠ᨲᨠᩣᨿᨸᨬ᩠ᩉᩮᩣ ᨧᨲᩩᨳᩮᩣ.

ᨠᩥᨾ᩠ᩉᩥ ¶ ᩉᩮᩣᨲᩥ ᨠᨳᩣᩈᩃ᩠ᩃᩣᨸᩮᩣ’ᨲᩥ ᨠᩥᨾ᩠ᩉᩥ ᨠᩣᩁᨱᩮ ᨶᩥᨾᩥᨲ᩠ᨲᨽᩩᨲᩮ ᨠᨳᩣᩈᩃ᩠ᩃᩣᨸᩮᩣ ᩉᩮᩣᨲᩥ. ᨠᩥᨾ᩠ᨸᨿᩮᩣᨩᨶᩮᩣ ᨠᨳᩣᩈᩃ᩠ᩃᩣᨸᩮᩣ’ᨲᩥ ᩋᨵᩥᨸ᩠ᨸᩣᨿᩮᩣ ᩍᨴᩴ ᩁᨬᨬᩣ ᨠᩥᨾᨳᩣᨿ ᩅᩩᨲ᩠ᨲᩴ? ᩋᨶᩩᨿᩮᩣᨣᨴᩣᨶᨳᩣᨿ ᨧᩮᩅ ᨸᩩᨧ᩠ᨨᨶᩔ ᩒᨠᩣᩈᨴᩣᨸᨶᨳᩣᨿ ᨧᩣᨲᩥ ᨬᩣᨲᨻ᩠ᨻᩴ.

ᩋᨳᩮᨶ ᨾᨿᩴ ᨾᩉᩣᩁᩣᨩ ᩋᨳᩥᨠᩣ ᩋᨳᩮᨶ ᩉᩮᩣᨲᩩ ᨠᨳᩣᩈᩃ᩠ᩃᨸᩮᩣ’ᨲᩥ ᩍᨾᩥᨶᩣ ᨳᩮᩁᩮᩣ ᩁᨬ᩠ᨬᩮᩣ ᩋᨶᩩᨿᩮᩣᨣᨬ᩠ᨧᩮᩅ ᩒᨠᩣᩈᨬ᩠ᨧ ᨴᩮᨲᩥ ᨲᨳ ᩋᨳᩮᨶᩣ’ᨲᩥ.

’ᩋᨳᩮᩣ ᨸᨿᩮᩣᨩᨶᩮᩣ ᩈᨴ᩠ᨴᩣ’ᨽᩥᨵᩮᨿ᩠ᨿ ᩅᩩᨴ᩠ᨵᩥᨿᩴ ᨵᨶᩮ,

ᩅᨳᨾ᩠ᩉᩥ ᨠᩣᩁᨱᩮ ᨶᩣᩈᩮ ᩉᩥᨲᩮ ᨸᨧ᩠ᨨᩥᨾᨸᨻ᩠ᨻᨲᩮ’ᨲᩥ;

ᩑᩅᩴ ᩅᩩᨲ᩠ᨲᩮᩈᩩ ᩋᨳᩮᩈᩩ ᩍᨵ ᨸᨿᩮᩣᨩᨶᨬ᩠ᨧ ᩉᩥᨲᨬ᩠ᨧ ᩃᨻ᩠ᨽᨲᩥ. ᨲᩮᩈᩩ ᩃᩮᩣᨠᩥᨿᩃᩮᩣᨠᩩᨲ᩠ᨲᩁᨹᩃᩴ ᨸᨿᩮᩣᨩᨶᩴ ᨶᩣᨾ, ᩈᩣᩈᨶᩅᩩᨴ᩠ᨵᩥ ᩅᩣ. ᨿᨳᩥᨧ᩠ᨨᩥᨲᨹᩃᨶᩥᨸ᩠ᨹᩣᨴᩣᨶᩮᩣ ᩉᩥᨶᩮᩣᨲᩥ ᨸᩅᨲ᩠ᨲᨲᩦᨲᩥ ᩉᩥᨲᩴ. ᨴᩣᨶᩈᩦᩃᩣᨴᩥᩃᩮᩣᨠᩥᨿᩃᩮᩣᨠᩩᨲ᩠ᨲᩁᨠᩣᩁᨱᩴ.

ᨠᩥᨶ᩠ᨲᩦ’ᨲᩥ ᨠᩥᨾ᩠ᩉᩥ ᩋᩈᨦ᩠ᨡᨲᨵᩣᨲᩩᩈᨦ᩠ᨡᩣᨲᩮ ᨶᩥᨻ᩠ᨻᩣᨶᩮ ᨹᩃᩈᨦ᩠ᨡᩣᨲᩮ ᨶᩥᨻ᩠ᨻᩣᨶᩮ ᩍᨴᩴ ᨸᨧ᩠ᨧᩩᨸ᩠ᨸᨶ᩠ᨶᨴᩩᨠ᩠ᨡᩴ ᨶᩥᩁᩩᨩ᩠ᨫᩮᨿ᩠ᨿ.

ᩋᨶᩩᨸᩣᨴᩣᨸᩁᩥᨶᩥᨻ᩠ᨻᩣᨶᨶ᩠ᨲᩥ ᩋᩁᩉᨲ᩠ᨲᨹᩃᩈᨦ᩠ᨡᩣᨲᩴ ᩋᨶᩩᨸᩣᨴᩣᨸᩁᩥᨶᩥᨻ᩠ᨻᩣᨶᩴ. ᨶᩥᨻ᩠ᨻᩣᨶᨬ᩠ᩉᩥ ᨴᩩᩅᩥᨵᩴ ᩋᨸᨧ᩠ᨧᨿᨸᩁᩥᨶᩥᨻ᩠ᨻᩣᨶᩴ ᩋᨶᩩᨸᩣᨴᩣᨸᩁᩥᨶᩥᨻ᩠ᨻᩣᨶᨶ᩠ᨲᩥ. ᨲᩮᩈᩩ ᩋᩅᩥᨩ᩠ᨩᩣᨴᩥᨸᨧ᩠ᨧᨿᩁᩉᩥᨲᨲ᩠ᨲᩣ ᩋᩈᨦ᩠ᨡᨲᨵᩣᨲᩩ ᩋᨸᨧ᩠ᨧᨿ-ᨸᩁᩥᨶᩥᨻ᩠ᨻᩣᨶᩴ ᨶᩣᨾ. ᨠᩥᩃᩮᩈᩈᨦ᩠ᨡᨲ-ᨸᩁᩥᨶᩥᨻ᩠ᨻᩣᨶᩈᨦ᩠ᨡᩣᨲᩴ ᩏᨸᩣᨴᩣᨶ ᩁᩉᩥᨲᨲ᩠ᨲᩣ ᩋᩁᩉᨲ᩠ᨲᨹᩃᩴ ᩋᨶᩩᨸᩣᨴᩣᨸᩁᩥᨶᩥᨻ᩠ᨻᩣᨶᩴ ᨶᩣᨾ.

ᩁᩣᨩᩣᨽᩥᨶᩦᨲᩣ’ᨲᩥ ᩁᩣᨩᩪᩉᩥ ᨸᩦᩊᩥᨲᩣ ᩁᩣᨩᨽᩦᨲᩣ ᩅᩣ.

ᩍᨱᨭ᩠ᨭᩣ’ᨲᩥ ᩍᨱᩮᨶ ᨸᩦᩊᩥᨲᩣ.

ᨠᩃ᩠ᩃᩮᩣ’ᩈᩦᨲᩥ ᨻ᩠ᨿᩣᨠᩁᨱ ᨬᩣᨱᩮᨶ ᨨᩮᨠᩮᩣ’ᩈᩥ, ᩋᨦ᩠ᨣᩩᨲ᩠ᨲᩁᨭᩦᨠᩣᨿᩴ’ ᨻ᩠ᨿᩣᨠᩁᨱᩮ ᩈᨾᨳᩮᩣ’. ᨸᨭᩥᨻᩃᩮᩣ’ᨲᩥᨸᩥ ᩅᨲ᩠ᨲᩩᩴ ᩅᨭ᩠ᨭᨲᩥ ᨿᩮᩅᩣᨲᩥ.

ᨸᨻ᩠ᨻᨩ᩠ᨩᩣᨸᨬ᩠ᩉᩮᩣ ᨸᨬ᩠ᨧᨾᩮᩣ.

ᩈᩮᩣᨸᩣᨴᩣᨶᩮᩣ’ᨲᩥ ᩈᨠᩥᩃᩮᩈᩮᩣ.

ᨸᨭᩥᩈᨴᩉᨶᨸᨬ᩠ᩉᩮᩣ ᨨᨭ᩠ᨮᩮᩣ.

ᨿᩮᩣᨶᩥᩈᩮᩣ ᨾᨶᩈᩥᨠᩣᩁᩮᨶᩣᨲᩥ ᩋᨶᩥᨧ᩠ᨧᩴ ᨴᩩᨠ᩠ᨡᨶ᩠ᨲᩥ ᩏᨸᩣᨿᩮᨶ ᨸᨳᩮᨶ ᩈᩣᩁᨱᩃᨠ᩠ᨡᨱᩮᨶ ᩌᩁᨾ᩠ᨾᨱᨸᨭᩥᨸᩣᨴᨠᨾᨶᩈᩥᨠᩣᩁᩮᨶ.

ᨾᨶᩈᩥᨠᩣᩁᨸᨬ᩠ᩉᩮᩣ ᩈᨲ᩠ᨲᨾᩮᩣ.

ᩏᩔᩉᨶᩃᨠ᩠ᨡᨱᩮ’ᨲᩥ ¶ ᩈᨾ᩠ᨸᨿᩩᨲ᩠ᨲᩣᨶᩴ ᩌᩁᨾ᩠ᨾᨱᩮ ᩈᩴᨿᩮᩣᨩᨶᩅᩈᩮᨶ ᩏᩔᩉᨶᩃᨠ᩠ᨡᨱᩮ ᨣᨱ᩠ᩉᨶᩃᨠ᩠ᨡᨱᩮ ᩅᩣ.

ᨾᨶᩈᩥᨠᩣᩁᩃᨠ᩠ᨡᨱᨸᨬ᩠ᩉᩮᩣ ᩋᨭ᩠ᨮᨾᩮᩣ.

ᨿᩮᩣ ᩈᩦᩃᨠ᩠ᨡᨵᩮᩣ ᩅᩁᨸᩣᨲᩥᨾᩮᩣᨠ᩠ᨡᩥᨿᩮᩣ’ᨲᩥ ᨿᩮᩣ ᨸᩣᨲᩥᨾᩮᩣᨠ᩠ᨡᩈᩦᩃᩈᩴᩅᩁᩈᨦ᩠ᨡᩣᨲᩮᩣ ᨻᩩᨴ᩠ᨵᩩᨸ᩠ᨸᩣᨴᩮᨿᩮᩅ ᩏᨸ᩠ᨸᨶ᩠ᨶᩮᩣ ᩈᩦᩃᨣᩩᨱᩮᩣ ᩈᨿᩴ ᨸᨲᩥᨭ᩠ᨮᩣᨲᩥ ᩍᨴᩩᨿᩣᨴᩦᨶᩴ ᩑᨠᨴᩈᨶ᩠ᨶᩴ ᨠᩩᩈᩃᨵᨾ᩠ᨾᩣᨶᩴ ᨶᩥᩔᨿᩣᨠᩣᩁᩮᨶ ᨶᩥᩔᨿᨸᨧ᩠ᨧᨿᩮᩣ ᨧᩮᩅ ᨻᩃᩅᨠᩣᩁᨱᨭ᩠ᨮᩮᨶ ᩏᨸᨶᩥᩔᨿᩮᩣ ᨧ ᨸᨳᩅᩦ ᩍᩅ ᩈᨲ᩠ᨲᩣᨶᩴ ᨸᨲᩥᨭ᩠ᨮᩣ.

ᩈᩦᩃᨸᨲᩥᨭ᩠ᨮᩣᨶᩃᨠ᩠ᨡᨱᨸᨬ᩠ᩉᩮᩣ ᨶᩅᨾᩮᩣ.

ᩋᨬ᩠ᨬᩮᩈᩴ ᨧᩥᨲ᩠ᨲᩴ ᩅᩥᨾᩩᨲ᩠ᨲᩴ ᨸᩔᩥᩅᩣ’ᨲᩥ ᩋᨬ᩠ᨬᩮᩈᩴ ᩋᩁᩥᨿᩣᨶᩴ ᩈᩮᩣᨲᩣᨸᨲ᩠ᨲᩥᨹᩃᩣᨴᩥᨠᩮ ᨹᩃᩮ ᩅᩥᩈᩮᩈᩮᨶ ᩋᨵᩥᨾᩩᨲ᩠ᨲᩴ ᨸᨠ᩠ᨡᨴᨶ᩠ᨲᩴ ᨬᩣᨱᨧᨠ᩠ᨡᩩᨶᩣ ᨸᩔᩥᩅᩣ.

ᩈᨴ᩠ᨵᩣᩃᨠ᩠ᨡᨱᨸᨬ᩠ᩉᩮᩣ ᨴᩈᨾᩮᩣ.

ᩈᨻ᩠ᨻᩮ ᨠᩩᩈᩃᩣ ᨵᨾ᩠ᨾᩣ’ᨲᩥ ᩈᨻ᩠ᨻᩮ ᩃᩮᩣᨠᩥᨿᨠᩩᩈᩃᨵᨾ᩠ᨾᩣ ᩏᨸ᩠ᨸᨶ᩠ᨶᩣ ᨶ ᨸᩁᩥᩉᩣᨿᨶ᩠ᨲᩥ.

ᩅᩦᩁᩥᨿᩃᨠ᩠ᨡᨱᨸᨬ᩠ᩉᩮᩣ ᩑᨠᩣᨴᩈᨾᩮᩣ.

ᩋᨸᩥᩃᩣᨸᨶᩃᨠ᩠ᨡᨱᩮᩣ’ᨲᩥ ᩌᩁᨾ᩠ᨾᨱᩮ ᩋᨶᩩᨸᩅᩥᩈᨶᨭ᩠ᨮᩮᨶ ᩒᨣᩣᩉᨶᩃᨠ᩠ᨡᨱᩮᩣ ᩈᨸ᩠ᨸᨭᩥᨽᩣᨣᨵᨾ᩠ᨾᩮᩣ’ᨲᩥ ᨸᨭᩥᨽᩣᨣᩮᨶ ᨸᨧ᩠ᨧᨳᩥᨠᩮᨶ ᩈᩉ ᩅᨲ᩠ᨲᨶ᩠ᨲᩦᨲᩥ ᩈᨸ᩠ᨸᨭᩥᨽᩣᨣᩣ ᩈᩩᨠ᩠ᨠᩮᩣ ᨧ ᨠᨱ᩠ᩉᨸᨭᩥᨽᩣᨣᩮᨶ ᩈᨸ᩠ᨸᨭᩥᨽᩣᨣᩮᩣ.

ᨠᨱ᩠ᩉᩈᩩᨠ᩠ᨠᩈᨸ᩠ᨸᨭᩥᨽᩣᨣᩮ’ᨲᩥ ᩎᨴᩥᩈᨸᩣᨮᩮᩣ ᨿᨴᩥ ᩋᨳᩥ ᩈᩩᨴᩁᩮᩣᨿᩮᩅ.

ᩋᨸᩥᩃᩣᨸᩮᨲᩦᨲᩥ ᩋᨶᩩᨸᩅᩥᩈᨶᨭ᩠ᨮᩮᨶ ᩒᨣᩣᩉᨲᩥ.

ᩉᩥᨲᩣᩉᩥᨲᩣᨶᩴ ᨵᨾ᩠ᨾᩣᨶᩴ ᨣᨲᩥᨿᩮᩣ’ᨲᩥ ᨠᩩᩈᩃᩣᨠᩩᩈᩃᩣᨶᩴ ᨵᨾ᩠ᨾᩣᨶᩴ ᩍᨭ᩠ᨮᩣᨶᩥᨭ᩠ᨮ-ᩅᩥᨸᩣᨠᨴᩣᨶᨽᩣᩅ-ᩈᩴᨡᩣᨲ-ᨶᩥᨸ᩠ᨹᨲ᩠ᨲᩥᨿᩮᩣ.

ᩈᨻ᩠ᨻᨳᨠᨶ᩠ᨲᩥ ᩈᨻ᩠ᨻᨠᩥᨧ᩠ᨧᩮ ᨶᩥᨿᩩᨲ᩠ᨲᩴ ᩈᨻ᩠ᨻᩃᩦᨶᩩᨵᨧ᩠ᨧᩮᩈᩩ ᩍᨧ᩠ᨨᩥᨲᨻ᩠ᨻᩴ ᩅᩣ.

ᩈᨲᩥᩃᨠ᩠ᨡᨱᨸᨬ᩠ᩉᩮᩣ ᨴ᩠ᩅᩣᨴᩈᨾᩮᩣ.

ᨲᨸ᩠ᨸᨾᩩᨡᩣ’ᩅᩣᨲᩥ ᩁᩣᨩᨸ᩠ᨸᨵᩣᨶᩣ ᩍᩅ.

ᩈᨾᩣᨵᩥᨸᨬ᩠ᩉᩮᩣ ᨲᩮᩁᩈᨾᩮᩣ.

ᨿᩮᩣ ᩏᨸ᩠ᨸᨩ᩠ᨩᨲᩥ ᩈᩮᩣ ᩑᩅ ᩈᩮᩣ’ᨲᩥ ᨿᩮᩣ ᨸᨳᩅᩥᨹᩔᩣᨴᩥᨸᩁᨾᨳᨵᨾ᩠ᨾᩮᩣ ᩏᨸ᩠ᨸᨩ᩠ᨩᨲᩥ, ᩈᩮᩣ ᩏᨸ᩠ᨸᨶ᩠ᨶᨸᩩᨻ᩠ᨻᨵᨾ᩠ᨾᩮᩣ ᩑᩅ.

ᨸᨬ᩠ᨬᩣᩃᨠ᩠ᨡᨱᨸᨬ᩠ᩉᩮᩣ ¶ ᨧᩩᨴ᩠ᨴᩈᨾᩮᩣ.

ᨶᩣᨶᩣ-ᩑᨠᨠᩥᨧ᩠ᨧᨠᩁᨱᨸᨬ᩠ᩉᩮᩣ ᨸᨱ᩠ᨱᩁᩈᨾᩮᩣ.

ᨸᨱ᩠ᨱᩁᩈᨸᨬ᩠ᩉᩅᨶ᩠ᨲᩮᩣ ᨸᨮᨾᩅᨣ᩠ᨣᩮᩣ ᩈᨾᨲ᩠ᨲᩮᩣ.

ᩅᩴ ᨸᨶ ᨽᨶ᩠ᨲᩮ ᩑᩅᩴ ᩅᩩᨲ᩠ᨲᩮ ᨠᩥᩴ ᩅᨴᩮᨿ᩠ᨿᩣᩈᩦ’ᨲᩥ ᨿᨴᩣ ᩅᩴ ᨴᩉᩁᩮᩣ ᨲᩁᩩᨱᩮᩣ ᨾᨴᩮᩣ ᩏᨲ᩠ᨲᩣᨶᩈᩮᨿ᩠ᨿᨠᩮᩣ ᩋᩉᩮᩣᩈᩥ ᩈᩮᩣᨿᩮᩅ ᩅᩴ ᩑᨲᩁᩉᩥ ᨾᩉᨶ᩠ᨲᩮᩣ’ᨲᩥ ᩍᨾᩈ᩠ᨾᩥᩴ ᩅᨧᨶᩮ ᨾᨿᩣ ᨧ ᨠᩮᨶᩅᩥᨵ ᨸᩩᨧ᩠ᨨᨶᩅᩈᩮᨶ ᩅᩩᨲ᩠ᨲᩮ ᩅᩴ ᨠᩥᩴ ᩅᨴᩮᨿ᩠ᨿᩣᩈᩦᨲᩥ ᨿᩮᩣᨩᨶᩣ.

ᨴᩩᨲᩥᨿᩅᨣ᩠ᨣᩮ ᨸᨶ ᨵᨾ᩠ᨾᩈᨶ᩠ᨲᨲᩥᨸᨬ᩠ᩉᩮᩣ ᨸᨮᨾᩮᩣ.

ᨶ ᨸᨭᩥᩈᨴᩉᨶᨩᩣᨶᨶᨸᨬ᩠ᩉᩮᩣ ᨴᩩᨲᩥᨿᩮᩣ.

ᩈᨠᩥᨧ᩠ᨧᨿᨶ᩠ᨲᩥ ᩋᨲ᩠ᨲᨶᩮᩣ ᩅᩥᩈᨿᩮᩣᨽᩣᩈᨶᨠᩥᨧ᩠ᨧᩴ.

ᩌᩃᩥᨾ᩠ᨸᨶᩴ ᩅᩥᨩ᩠ᨫᩣᨸᩮᨲᩩᨶ᩠ᨲᩥ ᩋᨣ᩠ᨣᩥᩴ ᨶᩥᨻ᩠ᨻᩣᨸᩮᨲᩩᩴ

ᨸᨬ᩠ᨬᩣᨶᩥᩁᩩᨩ᩠ᨫᨶᨸᨬ᩠ᩉᩮᩣ ᨲᨲᩥᨿᩮᩣ.

ᨶᩥᨻ᩠ᨻᩥᩈᩴ ᨽᨲᨠᩮᩣ ᨿᨳᩣ’ᨲᩥ ᨿᨳᩣ ᨽᨲᨠᩮᩣ ᨽᨲᨠᨠᨾ᩠ᨾᩴ ᨠᩅᩣ ᩃᨠ᩠ᨡᩴ ᨶᩥᨻ᩠ᨻᩥᩈᩴ ᨶᩥᨻ᩠ᨻᩥᩈᨶ᩠ᨲᩮᩣ ᩃᨽᨶ᩠ᨲᩮᩣ ᨴᩩᨠ᩠ᨡᩴ ᨩᩦᩅᩥᨲᩩᩴ ᨶᩣᨽᩥᨶᨴᨲᩥ ᨾᩁᨱᨬ᩠ᨧ ᨶᩣᨽᩥᨶᨴᨲᩥ ᨾᩁᨱᨠᩣᩃᩴ ᩌᨣᨾᩮᨲᩥ, ᩑᩅᨾᩮᩅᩣᩉᩴ ᨠᩣᩃᩴ ᨾᩁᨱᨠᩣᩃᩴ ᨸᨭᩥᨠᨦ᩠ᨡᩣᨾᩥ ᩌᨣᨾᩮᨾᩦᨲᩥ ᩋᨵᩥᨸ᩠ᨸᩣᨿᩮᩣ.

ᨸᩁᩦᨶᩥᨻ᩠ᨻᩣᨶᨸᨬ᩠ᩉᩮᩣ ᨧᨲᩩᨳᩮᩣ.

ᨿᨴᩥ ᨠᩩᩈᩃᩣ ᨶ ᨴᩩᨠ᩠ᨡᩣ’ᨲᩥ ᩈᩩᨡᩣ ᩅᩮᨴᨶᩣ ᨠᩩᩈᩃᩣ ᨿᨴᩥ ᩈᩥᨿᩣ ᩈᩣ ᨠᩩᩈᩃᩣ ᩅᩮᨴᨶᩣ ᨶ ᨴᩩᨠ᩠ᨡᨽᩪᨲᩣ.ᨿᨴᩥ ᩈᩥᨿᩣ ᩈᩣ ᨠᩩᩈᩃᩣ ᨶ ᩉᩮᩣᨲᩥ. ᨠᩩᩈᩃᩴ ᨴᩩᨠ᩠ᨡᨶ᩠ᨲᩥ ᨶ ᩏᨸᨸᨩ᩠ᨩᨲᩦ’ᨲᩥ ᨠᩩᩈᩃᩴ ᨴᩩᨠ᩠ᨡᨽᩩᨲᨶ᩠ᨲᩥ ᩅᨧᨶᩴ ᨶ ᩏᨸᨸᨩ᩠ᨩᨲᩦᨲᩥ ᩅᨲ᩠ᨲᩩᩴ ᨶ ᨿᩩᨩ᩠ᨩᨲᩥ. ᨠᩩᩈᩃᩴ ᨴᩩᨠ᩠ᨡᩴ ᨶ. ᩋᨬ᩠ᨬᨾᨬ᩠ᨬᨸᨧ᩠ᨧᨶᩦᨠᨲ᩠ᨲᩣ’ᨲᩥ ᩁᨬ᩠ᨬᩮᩣ ᩋᨵᩥᨸ᩠ᨸᩣᨿᩮᩣ. ᩈᨽᩣᩅᩮᩣ ᨸᨶ ᩑᩅᩴ ᨶ ᩉᩮᩣᨲᩥ. ᨠᩩᩈᩃᩣ ᩉᩥ ᩈᩩᨡᩣ ᩅᩮᨴᨶᩣ ᩈᨦ᩠ᨡᩣᩁᨴᩩᨠ᩠ᨡᩮᨶ ᩅᩥᨸᩁᩥᨱᩣᨾᨴᩩᨠ᩠ᨡᩮᨶ’ᨸᩥ ᨴᩩᨠ᩠ᨡᩣ. ᨶᩮᨠ᩠ᨡᨾ᩠ᨾᨶᩥᩔᩥᨲᨴᩮᩣᨾᨶᩔᩈᨦ᩠ᨡᩣᨲᨴᩩᨠ᩠ᨡᩣ’ᨸᩥ ᩋᨶᩅᨩ᩠ᨩᨭ᩠ᨮᩮᨶ ᨠᩩᩈᩃᩣ ᩈᩥᨿᩣᨲᩥ ᨳᩮᩁᩮᩣ ᨸᨶ ᨾᨿᩥ ᩁᩣᨩᩣᨶᩴ ᩋᨿᩮᩣᨣᩩᩊᩉᩥᨾᨸᩥᨱ᩠ᨯᨸᨬ᩠ᩉᩴ ᨸᩩᨧ᩠ᨨᨶ᩠ᨲᩮ ᨲᩴ ᩁᩣᨩᩣ ᨾᩥᨧ᩠ᨨᩣ ᨻ᩠ᨿᩣᨠᩁᩥᩔᨲᩥ. ᨲᩈ᩠ᨾᩥᩴ ᨴᩮᩣᩈᩴ ᩌᩁᩮᩣᨸᩮᩔᩣᨾᩥ. ᩁᩣᨩᩣ ᨲᩴ ᨾᩥᨧ᩠ᨨᩣ ᨻ᩠ᨿᩣᨠᩁᩥᩔᨲᩥ. ᨲᩈ᩠ᨾᩥᩴ ᨴᩮᩣᩈᩴ ᩌᩁᩮᩣᨸᩮᩔᩣᨾᩥ. ᩁᩣᨩᩣ ᨲᩴ ᩉᩁᩥᨲᩩᩴ ᩋᩈᨠ᩠ᨠᩮᩣᨶ᩠ᨲᩮᩣ ᨾᩴ ᩋᨳᨩᨸ᩠ᨸᨶᩴ ᨿᩣᨧᩥᩔᨲᩥ. ᩋᨳ ᩁᩣᨩᩣᨲᩴ ᩈᨽᩣᩅᨳᩴ ᩈᨬ᩠ᨬᩣᨸᩮᩔᩣᨾᩦᨲᩥ ᨾᨶ᩠ᩅᩣ ᨲᩴ ᨠᩥᨾ᩠ᨾᨬ᩠ᨬᩈᩥ ᨾᩉᩣᩁᩣᨩᩣ’ᨲᩥᩌᨴᩥᨾᩣᩉ. ᨠᩥᨶ᩠ᨶᩩ ¶ ᨡᩮᩣ ᨾᩉᩣᩁᩣᨩ ᩏᨽᩮᩣ’ᨸᩥ ᨲᩮ ᨴᩉᩮᨿ᩠ᨿᩩᨶ᩠ᨲᩥ ᩍᨾᩈ᩠ᨾᩥᩴ ᨸᩩᨧ᩠ᨨᩣᩅᨧᨶᩮ ᨳᩮᩁᩮᨶ ᩅᩩᨲ᩠ᨲᩮ ᩁᩣᨩᩣ ᩈᩦᨲᩩᨱ᩠ᩉᩈᨾᨬ᩠ᨬᩣᨲᩣ ᨲᩮᨩᩮᩣᨵᩣᨲᩩ’ᨲᩥ ᩈᩩᨲᨲ᩠ᨲᩣ ᩈᩦᨲᩉᩥᨾᨸᩥᨱ᩠ᨯᩔ ᨡᩁᨡᩣᨴᨶᨽᩣᩅᨬ᩠ᨧ ᩈᨵᩣᨿ ᨵᩣᨲᩩᨶᩴ ᩏᩔᨴᨽᩣᩅᨩᩣᨶᨶᨬᩣᨱᨲᩮᩣ ᩅᩥᩁᩩᨩ᩠ᨫᩥᩅᩣ’ᩌᨾ ᨽᨶ᩠ᨲᩮ ᩏᨽᩮᩣ’ᨸᩥ ᨲᩮ ᨴᩉᩮᨿ᩠ᨿᩩᨶ᩠ᨲᩥ ᩅᩥᩁᩩᨴ᩠ᨵᨸᨭᩥᩅᨧᨶᩴ ᩋᨴᩣᩈᩥ.

ᨶ ᩉᩥ ᨽᨶ᩠ᨲᩮ’ᨲᩥ ᩁᨬ᩠ᨬᩮᩣ ᩋᩅᨩᩣᨶᨶᨸᨭᩥᨠ᩠ᨡᨸᨶᩴ.

ᩋᨩᩣᨶᩣᩉᩥ ᨶᩥᨣ᩠ᨣᩉᨶ᩠ᨲᩥ ᨳᩮᩁᩅᨧᨶᩴ. ᨿᩈ᩠ᨾᩣ ᨲᩮ ᨸᩩᩁᩥᨾᩣᨿ’ᩌᨾᩣ’ᨲᩥ ᨸᨭᩥᨬ᩠ᨬᩣᨿ ᨸᨧ᩠ᨨᩥᨾᩣ’ᨶ ᩉᩥ ᨽᨶ᩠ᨲᩮ’ᨲᩥ ᨸᨭᩥᨬ᩠ᨬᩣ ᨸᨧ᩠ᨨᩥᨾᩣᨿ ᨧ ᨸᩩᩁᩥᨾᩣ ᨶ ᩈᨵᩥᨿᨲᩦ. ᨲᩈ᩠ᨾᩣ ᩅᩴ ᨶᩥᨣ᩠ᨣᩉᩴ ᨸᨲ᩠ᨲᩮᩣ. ᩅᩴ ᨶᩥᨣ᩠ᨣᩉᩴ ᨴᩮᩣᩈᩴ ᩋᨸᩁᩣᨵᩴ ᩈᨾ᩠ᨸᩥᨭᩥᨧ᩠ᨨᩣᩉᩦ’ᨲᩥ ᩋᨳᩮᩣ. ᩍᨴᩣᨶᩥ ᩏᨽᩥᨶ᩠ᨶᩴ ᨲᨲ᩠ᨲᩣᨽᩣᩅᨴᩔᨶᩅᩈᩮᨶ ᩏᨽᩥᨶ᩠ᨶᩴ ᩈᩦᨲᩃᩣᨽᩣᩅᨴᩔᨶᩅᩈᩮᨶ ᨧ ᨲᩴ ᨶᩥᨣ᩠ᨣᩉᩴ ᨸᩣᨠᨭᩴ ᨠᩁᩮᩣᨶ᩠ᨲᩮᩣ ᨿᨴᩥ ᨲᨲ᩠ᨲᩴ ᨴᩉᨲᩦ’ᨲᩥᩌᨴᩥᨾᩣᩉ.

ᨲᨳ– ‘ᨿᨴᩥ ᨲᨲ᩠ᨲᩴ ᨴᩉᨲᩦ’ᨲᩥ ᩈᨧᩮ ᩏᨽᩥᨶ᩠ᨶᩴ ᨲᨲ᩠ᨲᨲᩣ ᨴᩉᨲᩥ. ᨿᨴᩥ ᨲᨲ᩠ᨲᩴ ᨴᩉᨲᩦ’ᨲᩥ ᨧ ᨮᨸᨶᩅᨧᨶᩴ.

ᨶ ᨧ ᨲᩮ ᩏᨽᩮᩣ’ᨲᩥ ᨴᩮᩣᩈᩣᩁᩮᩣᨸᨶᩅᨧᨶᩴ.

ᨲᩮᨶ ᨶ ᩏᨸ᩠ᨸᨩ᩠ᨩᨲᩦ’ᨲᩥ ᨲᩮᨶ ᨲᩈ᩠ᨾᩥᩴ ᩏᨽᩥᨶ᩠ᨶᩴ ᩏᨱ᩠ᩉᨽᩣᩅᨠᩣᩁᨱᩣ ᩏᨽᩮᩣ’ᨸᩮᨲᩮ ᨴᩉᨶ᩠ᨲᩥ’ᨲᩥ ᩅᨧᨶᩴ ᨲᨲ᩠ᨲᨽᩣᩅᩔ ᨴᩉᨶᩮ ᨶ ᩏᨸᨸᨩ᩠ᨩᨲᩥ, ᨶ ᨿᩩᨩ᩠ᨩᨲᩥ.

ᨿᨴᩥ ᩈᩦᨲᩃᩴ ᨴᩉᨲᩦᨲᩥ ᩈᨧᩮ ᩏᨽᩥᨶ᩠ᨶᩴ ᩈᩦᨲᩃᨽᩣᩅᩮᩣ ᨴᩉᨲᩥ ᨲᩮᨶ ᨶ ᩏᨸᨸᨩ᩠ᨩᨲᩦ’ᨲᩥ ᨲᩈ᩠ᨾᩣ ᨠᩣᩁᨱᩣ ᩏᨽᩥᨶ᩠ᨶᩴ ᩈᩦᨲᩃᩣᨽᩣᩅᨠᩣᩁᨱᩣ ᩏᨽᩮᩣ’ᨸᩥ ᨲᩮ ᨴᩉᨶ᩠ᨲᩥ’ᨲᩥ ᩅᨧᨶᩴ ᩈᩦᨲᩃᨽᩣᩅᩔ ᨴᩉᨶᩮᨶ ᨶ ᩏᨸᨸᨩ᩠ᨩᨲᩦ’ᨲᩥ ᩅᨲ᩠ᨲᩩᩴ ᨶ ᨿᩩᨩ᩠ᨩᨲᩥ ᨸᩩᨶ ᨲᩴ ᨴᩮᩣᩈᩴ ᨸᩣᨠᨭᨲᩁᩴ ᨠᩁᩮᩣᨶ᩠ᨲᩮᩣ ᨳᩮᩁᩮᩣ ᨠᩥᩔ ᨸᨶ ᨲᩮ ᨾᩉᩣᩁᩣᨩ ᩏᨽᩮᩣ’ᨸᩥ ᨴᩉᨶ᩠ᨲᩥᨲᩥᩌᨴᩥᨾᩣᩉ.

(ᨠᩥᩔ)ᨲᨳ-ᨠᩥᩔᩣᨲᩥ ᨠᩮᨶ ᨠᩣᩁᨱᩮᨶ ᩏᨽᩮᩣᨸᩥ ᨲᩮ ᨴᩉᨶ᩠ᨲᩦᨲᩥ.

ᨲᩮᨶ ᨶ ᩏᨸᨸᨩ᩠ᨩᨲᩦᨲᩥ ᨠᩮᨶ ᨲᩈ᩠ᨾᩣ ᨠᩣᩁᨱᩣ ᩑᨠᩔ ᩏᨱ᩠ᩉᩔ ᩑᨠᩔ ᩈᩦᨲᩃᩔ ᨽᩣᩅᨠᩣᩁᨱᩣ ᩏᨽᩮᩣᨸᩥ ᨲᩮ ᨴᩉᨶ᩠ᨲᩦ’ᨲᩥ ᨲᨿᩣ ᩅᩩᨲ᩠ᨲᩅᨧᨶᩴ ᨶ ᩏᨸᨸᨩ᩠ᨩᨲᩥ ᨶ ᩅᨭ᩠ᨭᨲᩥ. ᩏᨽᩮᩣᨸᩥ ᨲᩮ ᨴᩉᨶ᩠ᨲᩦᨲᩥ ᩅᩩᨲ᩠ᨲᩴ, ᩋᨿᩩᨲ᩠ᨲᨾ᩠ᨸᩥ ᨲᨿᩣ ᩅᩩᨲ᩠ᨲᨾᩮᩅ. ᨠᩩᩈᩃᩴ ᨴᩩᨠ᩠ᨡᨶ᩠ᨲᩥ ᩅᨲ᩠ᨲᩩᩴ ᩅᩩᨲ᩠ᨲᨾᩮᩅ ᨠᩩᩈᩃᩴ ᨴᩩᨠ᩠ᨡᨶ᩠ᨲᩥ ᨶ ᩏᨸᨸᨩ᩠ᨩᨲᩦᨲᩥ ᩍᨴᩴ ᩅᩴ ᨠᩈ᩠ᨾᩣ ᩅᨴᩈᩥ? ᩅᨲ᩠ᨲᩩᩴ ᨿᩩᨲ᩠ᨲᩅᨧᨶᩴ ᨶ ᨿᩩᨩ᩠ᨩᨲᩦᨲᩥ ᩅᨴᩈᩥ ᩅᨲ᩠ᨲᩩᩴ ᩋᨿᩩᨲ᩠ᨲᩅᨧᨶᩴ ᨿᩩᨩ᩠ᨩᨲᩦᨲᩥ ᩅᨴᩈᩦᨲᩥ ᨳᩮᩁᩔ ᩅᨧᨶᩮᨶ ᩋᨲ᩠ᨲᨶᩮᩣ ᩅᩣᨴᩮ ᨴᩮᩣᩈᩴ ᨸᩔᨶ᩠ᨲᩮᩣ ᨲᩴ ᨸᩁᩥᩉᩁᩥᨲᩩᩴ ᩋᩈᨠ᩠ᨠᩮᩣᨶ᩠ᨲᩮᩣ ᨶᩦᩅᨾᨶᩮᩣ ᨳᩮᩁᩴ ᩋᨳᨩᨸ᩠ᨸᨶᩴ ᨿᩣᨧᨶ᩠ᨲᩮᩣ’ᨶᩣᩉᩴ ᨸᨭᩥᨻᩃᩮᩣ’ᨲᩥᩌᨴᩥᨾᩣᩉ.

ᨲᨿᩣ ¶ ᩅᩣᨴᩥᨶᩣᨲᩥ ᨿᩩᨲ᩠ᨲᨾᨳᨣᨾ᩠ᨽᩦᩁᩅᩥᨧᩥᨲ᩠ᨲᨸᨭᩥᨽᩣᨶᩅᩣᨴᩥᨶᩣ

ᩈᩣᨵᩪ ᩋᨳᩴ ᨩᨸ᩠ᨸᩮᩉᩦ ᨲᩦ ᩈᩣᨵᩩ ᨿᩣᨧᩣᨾᩥ. ᩈᩩᨡᩣ ᩅᩮᨴᨶᩣ ᨠᩩᩈᩃᩣᨲᩥ ᩅᩣ ᩋᨠᩩᩈᩃᩣ ᩋᨻ᩠ᨿᩣᨠᨲᩣᨲᩥ ᩅᩣ ᩍᨾᩔ ᨾᨿᩣ ᨸᩩᨧ᩠ᨨᩥᨲᩅᨧᨶᩔ ᩋᨳᩴ ᨩᨸ᩠ᨸᩮᩉᩥ ᨴᩮᩈᩮᩉᩥ ᩋᨳᩮᨶᩣᩉᩴ ᩋᨳᩥᨠᩮᩣ, ᨠᩥᩴ ᩅᩥᩅᩣᨴᩮᨶᩣᨲᩥ ᩋᨵᩥᨸ᩠ᨸᩣᨿᩮᩣ.

ᨣᩮᩉᨶᩥᩔᩥᨲᩣᨶᩦᨲᩥ ᨣᩮᩉᩈᨴᩥᩈᨠᩣᨾᨣᩩᨱᨶᩥᩔᩥᨲᩣᨶᩥ ᨲᨾᩣᩁᨻ᩠ᨽ ᨸᩅᨲ᩠ᨲᩣᨶᩦᨲᩥ ᩋᨳᩮᩣ.

ᨶᩮᨠ᩠ᨡᨾ᩠ᨾᨶᩥᩔᩦᨲᩣᨶᩦ’ᨲᩥ.

ᩑᨳ

‘ᨸᨻ᩠ᨻᨩ᩠ᨩᩣ ᨸᨮᨾᩴ ᨵᩣᨶᩴ ᨶᩥᨻ᩠ᨻᩣᨶᨬ᩠ᨧ ᩅᩥᨸᩔᨶᩣ

ᩈᨻ᩠ᨻᩮᨸᩥ ᨠᩩᩈᩃᩣ ᨵᨾ᩠ᨾᩣ ᨶᩮᨠ᩠ᨡᨾ᩠ᨾᨶ᩠ᨲᩥ ᨸᩅᩩᨧ᩠ᨧᨲᩦ’ᨲᩥ,

ᩅᩩᨲ᩠ᨲᨶᩮᨠ᩠ᨡᨾ᩠ᨾᩮᩈᩩ ᨶᩥᨻ᩠ᨻᩣᨶᩅᩥᨸᩔᨶᩣᨠᩩᩈᩃᨵᨾ᩠ᨾᩈᨦ᩠ᨡᩣᨲᩮ;

ᨶᩮᨠ᩠ᨡᨾ᩠ᨾᩮ ᨶᩥᩔᩥᨲᩣᨶᩥ.

ᩈᩩᨡᩅᩮᨴᨶᩣᨸᨬ᩠ᩉᩮᩣ ᨸᨬ᩠ᨧᨾᩮᩣ.

ᩈᩮᩣ ᨧ ᩋᨬ᩠ᨬᨸᨬ᩠ᩉᩮᩉᩥ ᨣᨾ᩠ᨽᩦᩁᨲᩁᩮᩣ, ᨠᩩᩃᨸᩩᨲ᩠ᨲᩮᩉᩥ ᨾᨿᩣ ᩅᩩᨲ᩠ᨲᩋᨳᨾᨲ᩠ᨲᩮᨶ ᩈᨶ᩠ᨲᩮᩣᩈᩴ ᨠᩅᩣ ᩋᨲ᩠ᨲᨶᩮᩣ ᨸᨬ᩠ᨬᩣᨶᩩᨽᩣᩅᩮᨶ ᨧ ᨸᩩᨶᨸ᩠ᨸᩩᨶᩴ ᨧᩥᨶ᩠ᨲᩮᩅᩣ ᨸᩩᨻ᩠ᨻᩣᨸᩁᩴ ᩈᩃ᩠ᩃᨠ᩠ᨡᩮᩅᩣ ᨿᩮᩣ ᨾᨿᩣ ᩅᩩᨲ᩠ᨲᩋᨳᨲᩮᩣ ᨿᩩᨲ᩠ᨲᩁᩮᩣ ᩈᩮᩣ ᩋᨳᩮᩣ ᨣᩉᩮᨲᨻ᩠ᨻᩮᩣ ᨿᩮᩅᩣᨲᩥ.

ᨶᩣᨾᩁᩪᨸᨶ᩠ᨲᩥ ᨶᩣᨾᨠᩁᨱᨭ᩠ᨮᩮᨶ ᨶᨾᨶᨭ᩠ᨮᩮᨶ ᨧᨲ᩠ᨲᩣᩁᩮᩣ ᩋᩁᩪᨸᩥᨶᩮᩣ ᨡᨵᩣ ᨶᩣᨾᩴ. ᩍᨵ ᩅᩥᨸᩣᨠᨶᩣᨾᩴ ᩋᨵᩥᨸ᩠ᨸᩮᨲᩴ ᩈᩦᨲᩣᨴᩦᩉᩥ ᩁᩩᨸ᩠ᨸᨶᨭ᩠ᨮᩮᨶ ᩁᩪᨸᩴ ᨶᩥᨸ᩠ᨸᩁᩥᨿᩣᨿᨲᩮᩣ ᨨᨶ᩠ᨶᩅᩩᨲᩥᩁᩪᨸᨠᩮᩣᨭ᩠ᨮᩣᩈᩈᨦ᩠ᨡᩣᨲᩴ ᨶᩥᨸ᩠ᨹᨶ᩠ᨶᩁᩪᨸᩴ ᨸᩁᩥᨿᩣᨿᨲᩮᩣ ᨴᩈᩅᩥᨵᩣ ᩋᨶᩥᨸ᩠ᨹᨶ᩠ᨶᩁᩪᨸᨬ᩠ᨧ ᨧᨠ᩠ᨡᩩᩈᩮᩣᨲᨥᩣᨶᨩᩥᩅ᩠ᩉᩣᨠᩣᨿᨽᩣᩅᩅᨳᩩᨴᩈᨠᩈᨦ᩠ᨡᩣᨲᩣ ᩈᨲ᩠ᨲ ᨴᩈᨠᩣ, ᨧᩥᨲ᩠ᨲ ᩏᨲᩩ-ᩌᩉᩣᩁᨩᩋᨭ᩠ᨮᨠᩣ ᨲᨿᩮᩣ, ᨧᩥᨲ᩠ᨲᨩ ᩏᨲᩩᨩᩈᨴ᩠ᨴᩅᩈᩮᨶ ᨴ᩠ᩅᩮ ᩈᨴ᩠ᨴᩣ’ᨲᩥ ᨨᨶ᩠ᨶᩅᩩᨲᩥᩁᩪᨸᨠᩮᩣᨭ᩠ᨮᩣᩈᩣ. ᩍᨵ ᨸᨶ ᨠᨾ᩠ᨾᨩᩁᩪᨸᩴ ᩋᨵᩥᨸ᩠ᨸᩮᨲᩴ.

ᨲᩮᨶ ᨠᨾ᩠ᨾᩮᨶ ᩋᨬ᩠ᨬᩴ ᨶᩣᨾᩁᩪᨸᩴ ᨸᨭᩥᩈᨴᩉᨲᩦᨲᩥ ᨲᩮᨶ ᨠᩩᩈᩃᩣᨠᩩᩈᩃᨠᨾ᩠ᨾᩮᨶ ᩋᨬ᩠ᨬᩴ ᨶᩣᨾᩁᩪᨸᩴ ᩋᨬ᩠ᨬᩴ ᩋᨶᩣᨣᨲᨶᩣᨾᩁᩪᨸᩴ ᩈᩩᨣᨲᩥᨴᩩᨣ᩠ᨣᨲᩥᨸᩁᩥᨿᩣᨸᨶ᩠ᨶᩴ ᩍᨾᩥᨶᩣ ᨸᨧ᩠ᨧᩩᨸ᩠ᨸᨶ᩠ᨶᨶᩣᨾᩁᩪᨸᩮᨶ ᩈᨴ᩠ᨵᩥᩴ ᨸᨭᩥᩈᨴᩉᨲᩥ.

ᨸᩩᩁᩥᨾᩴ ᨽᨶ᩠ᨲᩮ ᩋᨾ᩠ᨻᨻᩦᨩᩴ ᨽᩪᨲᩴ ᨾᩪᩃᨠᩣᩁᨱᨽᩪᨲᩴ ᩋᨸᨧ᩠ᨧᨠ᩠ᨡᩣᨿ ᩋᩅᩥᨩᩉᩥᩅᩣ ᨶᩥᨻ᩠ᨻᨲ᩠ᨲᩮᨶ ᨸᨧ᩠ᨨᩥᨾᩮᨶ ᩋᨾ᩠ᨻᩮᨶ ᨸᩩᩁᩥᩈᩮᩣ ᨴᨱᨯᨸ᩠ᨸᨲ᩠ᨲᩮᩣ ᨽᩅᩮᨿ᩠ᨿᩣᨲᩥ ᨿᩮᩣᨩᨶᩣ.

ᨶᩣᨾᩁᩪᨸᨸᨭᩥᩈᨴᩉᨶᨸᨬᩮᩉᩣ ᨨᨭ᩠ᨮᩮᩣ.

ᩈᨲ᩠ᨲᩮᩣᨸᨾᩣᨸᨲᩥᨾᨱᨯᩥᨲᩮᩣ.

ᩋᨵᩥᨠᩣᩁᨶ᩠ᨲᩥ ᨾᩉᨶ᩠ᨲᩴ ᨸᩪᨩᩣᩈᨠ᩠ᨠᩣᩁᩴ. ᩋᨿᩴ ᩈᨲ᩠ᨲᨾᩮᩣᨸᨬ᩠ᩉᩮᩣ ᨸᩩᨶ ᨸᩩᨧ᩠ᨨᨲᩮ. ᩏᨸᨾᩴ ᩈᩮᩣᨲᩩᨠᩣᨾᨲᩣᩅᩈᩮᨶ ᨸᩩᨶ ᨸᩩᨧ᩠ᨨᩥᨲᩮᩣ’ᨲᩥ ᨬᩣᨲᨻ᩠ᨻᩴ.

ᨸᩩᨶᨸᨭᩥᩈᨴᩉᨶᨸᨬ᩠ᩉᩮᩣ ᩈᨲ᩠ᨲᨾᩮᩣ.

ᨶᩣᨾᩁᩪᨸᨸᨬ᩠ᩉᩮᩣ ᩋᨭ᩠ᨮᨾᩮᩣ.

ᩋᨴ᩠ᨵᩣᨸᨬ᩠ᩉᩮᩣ ᨶᩅᨾᩮᩣ.

ᨶᩅᨸᨬ᩠ᩉᩅᨶ᩠ᨲᩮᩣ ᨴᩩᨲᩥᨿᩮᩣ ᩅᨣ᩠ᨣᩮᩣ.

ᨲᨲᩥᨿᩅᨣ᩠ᨣᩮ ᩋᨴ᩠ᨵᩣᨾᩩᩃᨸᩩᨧ᩠ᨨᨶᨸᨬ᩠ᩉᩮᩣ ᨸᨮᨾᩮᩣ.

ᨸᨳᩅᩥᨿᩣ ᨧᨠ᩠ᨠᩴᩋᩃᩥᨡᩥᩅᩣ’ᨲᩥ ᨽᨾᨧᨠ᩠ᨠᩴ ᨸᩩᨶᨸ᩠ᨸᩩᨶᩴ ᨸᩁᩥᩅᨲ᩠ᨲᨶᩅᩈᩮᨶ ᩌ ᨽᩩᩈᩮᩣ ᩃᩥᨡᩥᩅᩣ.

ᨸᩩᨻ᩠ᨻᩣᨠᩮᩣᨭᩥ ᨶᨸᨬ᩠ᨬᩣᨿᨶ ᨸᨬ᩠ᩉᩮᩣ ᨴᩩᨲᩥᨿᩮᩣ.

ᨡᨵᩣ ᨧ ᨴᩩᨠ᩠ᨡᩔ ᨻᩦᨩᩣᨲᩦᨲᩥ ᨸᨭᩥᩈᨵᩥᨽᩩᨲᩣ ᨻᨵᩣ ᨠᩮᩅᩃᩔ ᩈᨠᩃᩔ ᨸᩅᨲ᩠ᨲᩥᨴᩩᨠ᩠ᨡᩁᩣᩈᩥᩔ ᨾᩩᩃᨠᩣᩁᨱᨽᩣᩅᩮᨶ ᨻᩦᨩᩣᨶᩥ ᩑᩅᩴ ᨡᨱᨠᩮᩣᨭᩥᩈᨦ᩠ᨡᩣᨲᨸᨭᩥᩈᨵᩥᨻᨵᨲᩮᩣ ᨸᩅᨲ᩠ᨲᩥ ᨴᩩᨠ᩠ᨡᩅᨯ᩠ᨰᨶᩴ ᩈᨠ᩠ᨠᩣ ᨠᩣᨲᩩᨶ᩠ᨲᩥ ᩋᨵᩥᨸ᩠ᨸᩣᨿᩮᩣ.

ᨠᩮᩣᨭᩥᩅᨯ᩠ᨰᨶᨸᨬ᩠ᩉᩮᩣ ᨲᨲᩥᨿᩮᩣ.

ᨧᨠ᩠ᨡᩩᩈ᩠ᨾᩥᨬ᩠ᨧ ᨡᩮᩣ ᨾᩉᩣᩁᩣᨩ ᩈᨲᩥ ᩁᩪᨸᩮᩈᩩ ᨧ ᨧᨠ᩠ᨡᩩᩅᩥᨬ᩠ᨬᩣᨱᩴ ᩉᩮᩣᨲᩦᨲᩥ ᩑᨳ ᩋᨽᩥᨵᨾ᩠ᨾᩣᩅᨲᩣᩁᨭᩦᨠᩣᨸᩁᩥᨿᩣᨿᩮᨶ ᩑᨠᨲᩮᩣ ᩈᩉᨩᩣᨲᩮᩈᩩ ᨻᩉᩪᩈᩩ ᨧᨠ᩠ᨡᩩᨸ᩠ᨸᩈᩣᨴᩮᩈᩩ ᨿᩴ ᨧᨠ᩠ᨡᩩ ᩅᩥᩈᨴᩥᨲᩴ ᨲᩴ ᨧᨠ᩠ᨡᩩᩅᩥᨬ᩠ᨬᩣᨱᩔ ᨶᩥᩔᨿᨸᨧ᩠ᨧᨿᩮᩣ. ᨧᨠ᩠ᨡᩩᩈ᩠ᨾᩥᨬ᩠ᨧᩣᨲᩥ ᩑᨠᩅᨧᨶᨴᩔᨶᨲᩮᩣ. ᩁᩪᨸᩮᩈᩩ ᨧᩣ’ᨲᩥ ᨻᩉᩩᩅᨧᨶᩔ ᨴᩔᨶᨲᩮᩣ ᨸᨶ ᨻᩉᩪᨶᩥᨸᩥ ᩁᩪᨸᩣᨶᩥ ᨧᨠ᩠ᨡᩩᩅᩥᨬ᩠ᨬᩣᨱᩔ ᨸᩩᩁᩮᨩᩣᨲᨸᨧ᩠ᨧᨿᩮᩣ ᨸᨧ᩠ᨧᨿᨽᩣᩅ. ᩅᩥᩈᩮᩈ-ᩈᨽᩣᩅᨲᩮᩣᨲᩥ ᨴᨭ᩠ᨮᨻ᩠ᨻᩮᩣ.

ᩋᨳᩥ-ᨠᩮᨧᩥ-ᩈᨬ᩠ᨩᩣᨶᨶᨸᨬ᩠ᩉᩮᩣ ᨧᨲᩩᨳᩮᩣ.

ᨽᩅᨶ᩠ᨲᩣᨿᩮᩅ ᨡᩮᩣ ᨾᩉᩣᩁᩣᨩ ᩈᨦ᩠ᨡᩣᩁᩣ ᨩᩣᨿᨶ᩠ᨲᩥᨲᩥ ᩑᨳ ᩋᨶ᩠ᨲᨸ᩠ᨸᨧ᩠ᨧᨿᩮᩣ ᩋᨲᩦᨲᩮ ᩉᩮᩣᨲᩥ. ᩋᨲᩦᨲᩮ ᨽᩪᨲᩣ’ᨲᩥ ᩋᨳᩮᩣ.

ᩋᨿᨬ᩠ᨧ ᨣᩣᨳᩣ’ᨲᩥ ᩈᨴᩥᩈᨣᩣᨳᩣ. ᩋᩉᩩᩅᩣ ᩈᨾ᩠ᨽᩮᩣᨲᩦᨲᩥ ᨧ ᨣᩣᨳᩣ ᨡᨱᩥᨠᨣᩣᨳᩣ’ᨲᩥ ᨴᨭ᩠ᨮᨻ᩠ᨻᩴ. ᩑᩅᨬ᩠ᩉᩥ ᨸᩩᨻ᩠ᨻᩣᨸᩁᩴ ᩈᨾᩮᨲᩥ.

(ᩏᨲ᩠ᨲᩁᩣᩁᨱᩥ) ᩋᩁᨱᩥᩈᩉᩥᨲᩮᨠᨶ᩠ᨲᨠᩥᨧ᩠ᨧᨠᩁᩮᩣ ᨴᨱ᩠ᨯᩮᩣ ᩏᨲ᩠ᨲᩁᩣᩁᨱᩥ ᨶᩣᨾ.

ᨽᩅᨶ᩠ᨲᨩᩣᨿᨶᨸᨬ᩠ᩉᩮᩣ ¶ ᩈᨲ᩠ᨲᩮᩣᨸᨾᩣᩈᩉᩥᨲᩮᩣ ᨸᨬ᩠ᨧᨾᩮᩣ.

ᩅᩮᨴᨣᩩᨸᨬ᩠ᩉᩮᩣ ᨨᨭ᩠ᨮᩮᩣ.

ᨧᨠ᩠ᨡᩩᩅᩥᨬ᩠ᨬᩣᨱᩣᨴᩥᨸᨬ᩠ᩉᩮᩣ ᩈᨲ᩠ᨲᨾᩮᩣ.

ᨹᩩᩈᨶᩃᨠ᩠ᨡᨱᩮᩣ’ᨲᩥ ᨧᩥᨲ᩠ᨲᩣᩁᨾ᩠ᨾᨱᨹᩩᩈᨶᩃᨠ᩠ᨡᨱᩮᩣ. ᨿᨳᩣ ᨧᨠ᩠ᨡᩩ’ᨲᩥ ᩑᨳ ᨧᨠ᩠ᨡᩩᨸ᩠ᨸᩈᩣᨴᩮᩣ’ᨸᩥ ᨧᨠ᩠ᨡᩩᩅᩥᨬ᩠ᨬᩣᨱᨾ᩠ᨸᩥ ᩃᨻ᩠ᨽᨲᩥ.

ᩈᨦ᩠ᨥᨭ᩠ᨭᨶᩁᩈᩮᩣ’ᨲᩥ ᩍᨾᩮᩈᩴ ᩅᨳᩣᩁᨾ᩠ᨾᨱᩣᨶᩴ ᩈᨦ᩠ᨥᨭ᩠ᨭᨶᩁᩈᩮᩣ ᩈᨾ᩠ᨸᨲ᩠ᨲᩥ ᩑᨲᩔᩣ ᨲ ᩋᨳᩮᩣ ᩃᨻ᩠ᨽᨲᩥ. ᨿᨴᩣ ᨧᨠ᩠ᨡᩩᩅᩥᨬ᩠ᨬᩣᨱᨾ᩠ᨸᩥ ᩃᨻ᩠ᨽᨲᩥ. ᨲᨴᩣ ᨧᩥᨲ᩠ᨲᩣᩁᨾ᩠ᨾᨱᩈᨦ᩠ᨥᨭ᩠ᨭᨶᩁᩈᩮᩣ ᨠᩥᨧ᩠ᨧᩴ ᩑᨲᩔᩮᨲᩥ ᩋᨳᩮᩣ ᩃᨻ᩠ᨽᨲᩥ. ᩈᨦ᩠ᨥᨭ᩠ᨭᨶᩁᩈᩮᩣ’ᨲᩥ ᨧ ᨸᨬ᩠ᨧᨴ᩠ᩅᩣᩁᩥᨠᨹᩔᩮ ᩃᨻ᩠ᨽᨲᩥ. ᨶ ᨾᨶᩮᩣᨴ᩠ᩅᩣᩁᩥᨠᨹᩔᩮ’ᨲᩥ ᩋᨿᨾᩥᨴᩥᩈᩮᩣ ᩋᨳᩮᩣ ᩋᨲ᩠ᨳᩈᩣᩃᩥᨶᩥᨿᩴ ᩅᩩᨲ᩠ᨲᩮᩣ ᨿᩮᩅᩣ’ᨲᩥ.

ᨹᩩᩈᨶᩃᨠ᩠ᨡᨱᨸᨬ᩠ᩉᩮᩣ ᩋᨭ᩠ᨮᨾᩮᩣ.

ᩅᩮᨴᨶᩣᩃᨠ᩠ᨡᨱᨸᨬ᩠ᩉᩮᩣ ᨶᩅᨾᩮᩣ.

ᩈᨬ᩠ᨬᩣᩃᨠ᩠ᨡᨱᨸᨬ᩠ᩉᩮᩣ ᨴᩈᨾᩮᩣ.

ᨧᩮᨲᨶᩣᩃᨠ᩠ᨡᨱᨸᨬ᩠ᩉᩮᩣ ᩑᨠᩣᨴᩈᨾᩮᩣ.

ᩅᩥᨬ᩠ᨬᩣᨱᩃᨠ᩠ᨡᨱᨸᨬ᩠ᩉᩮᩣ ᨴ᩠ᩅᩣᨴᩈᨾᩮᩣ.

ᩅᨯ᩠ᨰᨠᩦ ᩈᩩᨸᩁᩥᨠᨾ᩠ᨾᨠᨲᩴ ᨴᩣᩁᩩᩴ ᩈᨵᩥᩈ᩠ᨾᩥᩴ ᩋᨸ᩠ᨸᩮᨲᩦᨲᩥ ᩅᨯ᩠ᨰᨠᩦ ᨩᨶᩮᩣ ᩈᩩᨭ᩠ᨮᩩᨸᩁᩥᨠᨾ᩠ᨾᨠᨲᩴ ᨴᩣᩁᩩᩴ ᩈᨵᩥᩈ᩠ᨾᩥᩴ ᩋᨸ᩠ᨸᩮᨲᩥ ᨸᩣᨸᩮᨲᩥ ᨸᩅᩮᩈᩮᨲᩥ.

ᩅᩥᨲᨠ᩠ᨠᩃᨠ᩠ᨡᨱᨸᨬ᩠ᩉᩮᩣ ᨲᩮᩁᩈᨾᩮᩣ.

ᩅᩥᨧᩣᩁᩃᨠ᩠ᨡᨱᨸᨬ᩠ᩉᩮᩣ ᨧᩩᨴ᩠ᨴᩈᨾᩮᩣ.

ᨧᩩᨴ᩠ᨴᩈᨸᨬ᩠ᩉᩅᨶ᩠ᨲᩮᩣ ᨲᨲᩥᨿᩅᨣ᩠ᨣᩮᩣ ᩈᨾᨲ᩠ᨲᩮᩣ. ᩅᩥᨶᩥᨻ᩠ᨽᩩᨩᩥᩅᩣ ᩅᩥᨶᩥᨻᨽᩩᨩᩥᩅᩣ’ᨲᩥ ᩋᨬ᩠ᨬᨾᨬ᩠ᨬᩣᨲᩮᩣ ᩅᩥᩈᩩᩴ ᩅᩥᩈᩩᩴ ᨠᩅᩣ ᩅᩥᨽᨩᩥᩅᩣ ᩅᩥᨽᨩᩥᩅᩣ.

ᩅᨣ᩠ᨣᨲᩮᩣ ᩋᨲᩥᩁᩮᨠᨸᨮᨾᨸᨬ᩠ᩉᩮᩣ ᩅᩥᨽᨩ᩠ᨩᨸᨬ᩠ᩉᩮᩣ ᨸᨮᨾᩮᩣ.

ᨶᨶᩩ ᩃᩮᩣᨱᨾᩮᩅ ᩌᩉᩁᩥᨲᨻ᩠ᨻᨶ᩠ᨲᩥ ᩈᨠᨭᩮᩉᩥ ᩈᩩᨴ᩠ᨵᩃᩮᩣᨱᨾᩮᩅ ᨻᩃᩥᩅᨴ᩠ᨴᩮᩉᩥ ᩌᩉᩁᩥᨲᨻ᩠ᨻᩴ.

ᨶ ᩈᨠ᩠ᨠᩣ ᨾᩉᩣᩁᩣᨩ ᩃᩮᩣᨱᨾᩮᩅ ᩌᩉᩁᩥᨲᩩᨶ᩠ᨲᩥ ᨸᩣᨮᩮᨶ ᨽᩅᩥᨲᨻ᩠ᨻᨶ᩠ᨲᩥ ᨶᨠᩣᩁᩮᩣ ᨸᩮᩣᨳᨠᩮ ᨴᩥᩔᨲᩥ.

ᩃᩮᩣᨱᨸᨬ᩠ᩉᩮᩣ ᨴᩩᨲᩥᨿᩮᩣ, ᩁᨬ᩠ᨬᩮᩣ ᨵᨾ᩠ᨾᩃᨠ᩠ᨡᨱᩮᩈᩩ ᨴᩊ᩠ᩉᨸᨲᩥᨭ᩠ᨮᩣᨸᨶᨳᩴ ᨳᩮᩁᩮᨶ ᨸᨮᨾᩴ ᩅᩩᨲ᩠ᨲᩮᩣ.

ᩑᨲ᩠ᨲᩣᩅᨲᩣ ᨲᩮᨧᨲ᩠ᨲᩣᩊᩦᩈ ᨸᨬ᩠ᩉᩣ ᩈᨾᨲ᩠ᨲᩣ.

ᨧᨲᩩᨳᩅᨣ᩠ᨣᩮ ¶ ᨶᩣᨶᩣᨠᨾ᩠ᨾᩮᩉᩥ ᨾᩉᩣᩁᩣᨩ ᨶᩥᨻ᩠ᨻᨲ᩠ᨲᩣᨶᩥ ᨶ ᩑᨠᩮᨶ ᨠᨾ᩠ᨾᩮᨶᩣ’ᨲᩥ ᩌᨸᩣᨿᩥᨠᩈᨲ᩠ᨲᩣᨶᩴ ᨸᨬ᩠ᨧᩣᨿᨲᨶᩣᨶᩥ ᨶᩣᨶᩣᩋᨠᩩᩈᩃᨠᨾ᩠ᨾᩮᩉᩥ ᨶᩥᨻ᩠ᨻᨲ᩠ᨲᩣᨶᩥ ᩈᩩᨣᨲᩥᨸᩁᩥᨿᩣᨸᨶ᩠ᨶᩈᨲ᩠ᨲᩣᨶᩴ ᨸᨬ᩠ᨧᩣᨿᨲᨶᩣᨶᩥ ᨶᩣᨶᩣᨠᩩᩈᩃᨠᨾ᩠ᨾᩮᩉᩥ ᩑᨠᩮᨶ ᨠᨾ᩠ᨾᩮᨶ ᩑᨠᩮᨶ ᨸᨭᩥᩈᨵᩥᨩᨶᨠᨠᨾ᩠ᨾᩮᨶᩮᩅ ᨶᩥᨻ᩠ᨻᨲ᩠ᨲᩣᨶᩥ. ᩋᨽᩥᨵᨾ᩠ᨾᩣᩅᨲᩣᩁᨭᩦᨠᩣᨿᩴ ᨸᨭᩥᩈᨵᩥᨠ᩠ᨡᨱᩮ ᨾᩉᨣ᩠ᨣᨲᨧᩮᨲᨶᩣ ᨠᨭᨲ᩠ᨲᩣᩁᩪᨸᩣᨶᩴ ᨠᨾ᩠ᨾᨸᨧ᩠ᨧᨿᩮᨶ ᨸᨧ᩠ᨧᨿᩮᩣ’ᨲᩥ ᩅᨧᨶᩮᨶ ᨸᨭᩥᩈᨵᩥᨠ᩠ᨡᨱᩮ ᩅᩥᨩ᩠ᨩᨾᩣᨶᩣᨶᩴ ᩈᨻ᩠ᨻᩮᩈᩴᨿᩮᩅ ᨠᨭᨲ᩠ᨲᩣᩁᩪᨸᩣᨶᩴ ᨠᨾ᩠ᨾᨸᨧ᩠ᨧᨿᩮᩣ ᩉᩮᩣᨲᩦᨲᩥ ᩅᩥᨬ᩠ᨬᩣᨿᨲᩥ. ᨶᩣᨶᩣᨧᩮᨲᨶᩣᩉᩥ ᨲᨴᩣ ᩍᨴᩕᩥᨿᩩᨸ᩠ᨸᨲ᩠ᨲᩥᨿᩴ ᩈᨲᩥ ᩋᨲᩥᨸᩁᩥᨲ᩠ᨲᩮᨶ ᨧ ᨾᩉᨣ᩠ᨣᨲᩮᨶ ᨧ ᨠᨾ᩠ᨾᩮᨶ ᨶᩥᨻ᩠ᨻᨲ᩠ᨲᩴ ᨠᨭᨲ᩠ᨲᩣᩁᩪᨸᩴ ᩌᨸᨩ᩠ᨩᩮᨿ᩠ᨿ, ᨶ ᨧᩮᨠᩣ ᨸᨭᩥᩈᨵᩥ ᩋᨶᩮᨠᨾ᩠ᨾᨶᩥᨻ᩠ᨻᨲ᩠ᨲᩣ ᩉᩮᩣᨲᩦ’ᨲᩥ.’ᩈᨴ᩠ᨵᩥᩴ ᩑᨠᩮᨶ ᨠᨾ᩠ᨾᩮᨶ ᩋᨶᩮᨠᩥᨴᩥᩁᨿᩩᨸ᩠ᨸᨲ᩠ᨲᩥ ᩉᩮᩣᨲᩦ’ᨲᩥ ᩅᩩᨲ᩠ᨲᩴ. ᩅᩥᨧᩣᩁᩮᩅᩣ ᨿᩴ ᨿᩩᨲ᩠ᨲᨲᩁᩴ ᨲᩴ ᨣᩉᩮᨲᨻ᩠ᨻᩴ. ᨲᨲᩕᩣᨿᩴ ᩅᩥᨧᩣᩁᨱᩣᨠᩣᩁᩮᩣ?

ᨾᩉᨣ᩠ᨣᨲᩈᨲ᩠ᨲᩣᨶᩴ ᩍᨴᩕᩥᨿᩣᨶᩥ ᩑᨠᩮᨶ ᨸᨭᩥᩈᨵᩥᨩᨶᨠᨠᨾ᩠ᨾᩮᨶ ᨶᩥᨻ᩠ᨻᨲ᩠ᨲᩣᨶᩥ. ᨶᩣᨣᩈᩮᨶᨳᩮᩁᩮᩣ ᨸᨶ ᩋᩁᩉᩣ ᨡᩦᨱᩣᩈᩅᩮᩣ ᨻᩩᨴ᩠ᨵᨾᨲᨬ᩠ᨬᩩ ᨲᩔ ᩋᨵᩥᨸ᩠ᨸᩣᨿᩣᨶᩩᩁᩪᨸᩮᨶ ᨠᩣᨾᩣᩅᨧᩁᨠᩈᨲ᩠ᨲᩣᨶᩴ ᨶᩣᨶᩣᨠᨾ᩠ᨾᩮᩉᩥ ᨶᩥᨻ᩠ᨻᨲ᩠ᨲᩦᨲᩥ ᨣᩉᩮᨲᨻ᩠ᨻᩴ.

ᨶᩣᨶᩣᨠᨾ᩠ᨾᨶᩥᨻ᩠ᨻᨲ᩠ᨲᩣᨿᨲᨶᨸᨬ᩠ᩉᩮᩣ ᨸᨮᨾᩮᩣ.

ᨾᩉᩣᨠᩩᩃᩦᨶᨲᩣᨲᩥ ᩏᨧ᩠ᨧᨠᩩᩃᩦᨶᨲᩣ. ᩈᩮᩣᨿᩮᩅ ᩅᩣ ᨸᩣᨮᩮᩣ. ᩌᨻᩣᨵ-ᩅᨱ᩠ᨱ-ᩈᩩᨠ᩠ᨡ-ᨽᩮᩣᨣ-ᨠᩩᩃᩦᨶᩴ ᨸᨬ᩠ᨬᨠᩣ ᩑᨲᩮ ᨧᩩᨴ᩠ᨴᩈ ᨸᨬ᩠ᩉᩣ’ᨸᩥ ᩈᩩᨽᩈᩩᨲ᩠ᨲᩮ ᨸᨠᩣᩈᩥᨲᩣ’ᨲᩥ ᩋᨿᩴ ᨣᩣᨳᩣ ᩈᩩᨡᩅᩣᨧᩩᨣ᩠ᨣᨲᨠᩁᨱᨳᩴ ᨸᩮᩣᩁᩣᨱᩮᩉᩥ ᩅᩩᨲ᩠ᨲᩣ.

ᨾᨶᩩᩔᨶᩣᨶᩣᨽᩣᩅᨸᨬ᩠ᩉᩮᩣ ᨴᩩᨲᩥᨿᩮᩣ.

ᨠᩥᩴ ᨸᨭᩥᨣᨧ᩠ᨧᩮᩅ ᩅᩣᨿᨾᩥᨲᩮᨶᩣ’ᨲᩥ ᨸᩩᨻ᩠ᨻᩮ ᩅᩣᨿᩣᨾᩮᨶ ᩈᩉ ᨸᩅᨲ᩠ᨲᨠᨾ᩠ᨾᩮᨶ ᩅᩣᨿᩣᨾᨠᩁᨱᩮᨶ ᨠᩥᩴ ᨸᨿᩮᩣᨩᨶᩴ ᩋᨳᩥ?

ᩋᨠᩥᨧ᩠ᨧᨠᩁᩮᩣ’ᨲᩥ ᩑᨳ ᨿᨳᩥᨧ᩠ᨨᩥᨲᨹᩃᩈᨦ᩠ᨡᩣᨲᩴ ᨠᩥᨧ᩠ᨧᩴ ᨶ ᨠᩁᩮᩣᨲᩦᨲᩥ ᩋᨠᩥᨧ᩠ᨧᨠᩁᩮᩣ. ᩋᨿᨬ᩠ᨧ ᩋᨿᩩᨲ᩠ᨲᩈᨾᩣᩈᩮᩣ. ᩈᨴ᩠ᨵᩴ ᨾᨲᨠᨽᩮᩣᨩᨶᩴ ᨶ ᨽᩩᨬ᩠ᨩᨲᩦᨲᩥ ᩋᩈᨴ᩠ᨵᨽᩮᩣᨩᩥᨲᩥᩌᨴᩥᨠᩮᩣ ᩅᩥᨿᩣ’ᨲᩥ.

ᨻᩩᨽᩩᨠ᩠ᨡᩥᨲᩮᩣ’ᨲᩥ ᨻᩩᨵᩣᨽᩥᨽᩪᨲᩮᩣ.

ᨸᨭᩥᨣᨧ᩠ᨧᨠᩥᨧ᩠ᨧᨠᩁᨱᨸᨬ᩠ᩉᩮᩣ ᨲᨲᩥᨿᩮᩣ.

ᨸᨧ᩠ᨧᨾᩣᨶᩣ’ᨲᩥ ᨶᩥᩁᨿᨣ᩠ᨣᩦᨶᩣ ᨯᨿ᩠ᩉᨾᩣᨶᩣ.

ᩈᩮᩣ ᨶ ᨲᩣᩅ ᨠᩣᩃᩴ ᨠᩁᩮᩣᨲᩦᨲᩥ ᨲᩣᩅ ᨲᨲ᩠ᨲᨠᩴ ᩈᩮᩣ ᨶᩮᩁᨿᩥᨠᩈᨲ᩠ᨲᩮᩣ ᨠᩣᩃᩴ ᨾᩁᨱᩴ ᨶ ᨠᩁᩮᩣᨲᩥ. ᨠᨾ᩠ᨾᩣᨵᩥᨠᨲᩮᨶᩣ’ᨲᩥ ¶ ᨸᩩᨻ᩠ᨻᩮ ᩋᨵᩥᨠᨲᩮᨶ ᨠᨾ᩠ᨾᩮᨶ ᨾᩪᩃᨠᩣᩁᨱᨽᩩᨲᩮᨶ.

ᨶᩅᩥᩃᩦᨿᨶᨸᨬ᩠ᩉᩮᩣ ᨧᨲᩩᨳᩮᩣ.

ᩌᨠᩣᩈ-ᩏᨴᨠ-ᨸᨳᩅᩥᨵᩣᩁᨱᨸᨬ᩠ᩉᩮᩣ ᨸᨬ᩠ᨧᨾᩮᩣ.

ᩋᨩ᩠ᨫᩮᩣᩈᩣᨿᩣ’ᨲᩥ ᨲᨱ᩠ᩉᩣᨿ ᨣᩥᩃᩥᩅᩣ ᨸᩁᩥᨶᩥᨭ᩠ᨮᨸᩮᩅᩣ.

ᨶᩥᩁᩮᩣᨵᨶᩥᨻ᩠ᨻᩣᨶᨸᨬ᩠ᩉᩮᩣ ᨨᨭ᩠ᨮᩮᩣ.

ᩋᨽᩥᨬ᩠ᨬᩮᨿ᩠ᨿᩮ ᨵᨾ᩠ᨾᩮ’ᨲᩥ ᩋᨽᩥᩅᩥᩈᩥᨭ᩠ᨮᩮᨶ ᨧᨲᩩᩈᨧ᩠ᨧᨬᩣᨱᩮᨶ ᨩᩣᨶᩥᨲᨻ᩠ᨻᩮ ᨵᨾ᩠ᨾᩮ, ᨧᨲᩩᩈᨧ᩠ᨧᨵᨾ᩠ᨾᩮ.

ᨶᩥᨻ᩠ᨻᩣᨶᩃᨽᨶᨸᨬ᩠ᩉᩣ ᩈᨲ᩠ᨲᨾᩮᩣ.

ᨶᩥᨻ᩠ᨻᩣᨶᨩᩣᨶᨶᨸᨬ᩠ᩉᩮᩣ ᩋᨭ᩠ᨮᨾᩮᩣ.

ᩋᨭ᩠ᨮᨸᨬ᩠ᩉᩅᨶ᩠ᨲᩮᩣ ᨧᨲᩩᨳᩮᩣ ᩅᨣ᩠ᨣᩮᩣ.

ᨸᨬ᩠ᨧᨾᩅᨣ᩠ᨣᩮ ᨶᨳᩥᨻᩩᨴ᩠ᨵᨸᨬ᩠ᩉᩮᩣ ᨸᨮᨾᩮᩣ.

ᨻᩩᨴ᩠ᨵᩣᨶᩩᨲ᩠ᨲᩁᨸᨬ᩠ᩉᩮᩣ ᨴᩩᨲᩥᨿᩮᩣ.

ᩈᨠ᩠ᨠᩣ ᨩᩣᨶᩥᨲᩩᩴ ᨻᩩᨴ᩠ᨵᩮᩣ ᩋᨶᩩᨲ᩠ᨲᩁᩮᩣ’ᨲᩥ ᩍᨴᩴ ᩁᨬ᩠ᨬᩣ’ᨽᨣᩅᩣ ᨻᩩᨴ᩠ᨵᩮᩣ ᩋᨶᩩᨲ᩠ᨲᩁᩮᩣ’ᨲᩥ ᨳᩮᩁᩴ ᨸᩩᨻ᩠ᨻᩮ ᨸᩩᨧ᩠ᨨᩥᨲᩴ. ᨸᩩᨶ ᨠᩈ᩠ᨾᩣ ᩅᩩᨲ᩠ᨲᩴ? ᨸᩩᨻ᩠ᨻᨸᨬ᩠ᩉᩮᩣ ᨳᩮᩁᩔ ᩅᩥᨩᩣᨶᨶᩴ ᩈᨵᩣᨿ ᨸᩩᨧ᩠ᨨᩥᨲᩴ ᨸᩩᨧ᩠ᨨᩣᨸᨬ᩠ᩉᩮᩣ ᩈᨻ᩠ᨻᨸᨬ᩠ᩉᩮᩣ ᨳᩮᩁᩔ ᩅᩥᨩᩣᨶᨶᩴ ᩈᨵᩣᨿ ᨸᩩᨧ᩠ᨨᩥᨲᩴ. ᨸᩩᨧ᩠ᨨᩣᨸᨬ᩠ᩉᩮᩣ ᩈᨻ᩠ᨻᨸᨱ᩠ᨯᩥᨲᩣᨶᩴ ᨩᩣᨶᨶᩴ ᩈᨵᩣᨿ ᨸᩩᨧ᩠ᨨᩥᨲᩮᩣ’ᨲᩥ ᩅᩥᨬ᩠ᨬᩣᨲᨻ᩠ᨻᩴ.

ᩈᨠ᩠ᨠᩣ ᨻᩩᨴ᩠ᨵᩣᨶᩩᨲ᩠ᨲᩁᨸᨬ᩠ᩉᩮᩣ ᨲᨲᩥᨿᩮᩣ.

ᨻᩩᨴ᩠ᨵᨶᩮᨲ᩠ᨲᩦᨿᩣ’ᨲᩥ ᨶᩥᨻ᩠ᨻᩣᨶᩴ ᨶᩮᨲᩥ ᩑᨲᩣᨿ ᩈᨴᩮᩅᨠᩮ ᩃᩮᩣᨠᩮ’ᨲᩥ ᨶᩮᨲ᩠ᨲᩥ, ᩈᩩᨲ᩠ᨲᨶ᩠ᨲᩣᨽᩥᨵᨾ᩠ᨾᨸᩣᩃᩥ.

(ᨻᩩᨴ᩠ᨵᨸᨬ᩠ᨬᨲ᩠ᨲᩥ) ᨸᨬ᩠ᨬᩣᨿᨸᩦᨿᨲᩥ ᩑᨲᩣᨿ ᨽᨣᩅᨲᩮᩣ ᩌᨱᩣ’ᨲᩥ ᨸᨬ᩠ᨬᨲ᩠ᨲᩥ. ᨻᩩᨴ᩠ᨵᩔ ᨸᨬ᩠ᨬᨲ᩠ᨲᩥ ᨻᩩᨴ᩠ᨵᨸᨬ᩠ᨬᨲ᩠ᨲᩥ, ᩅᩥᨶᨿᨸᩣᩃᩥ.

ᨿᩣᩅᨩᩦᩅᩴ ᩈᩣᩅᨠᩮᩉᩥ ᩅᨲ᩠ᨲᩥᨲᨻ᩠ᨻᨶ᩠ᨲᩥ ᩍᨴᩴ ᨳᩮᩁᩮᨶ’ᩌᨾ ᨾᩉᩣᩁᩣᨩ ᨵᨾ᩠ᨾᩮᩣ ᨾᨿᩣ ᨴᩥᨭ᩠ᨮᩮᩣ’ᨲᩥ ᩋᩅᩥᩔᨩ᩠ᨩᩮᩅᩣ ᨠᩈ᩠ᨾᩣ ᩅᩩᨲ᩠ᨲᩴ? ᩁᩣᨩᩣ ᨳᩮᩁᩔ ᨵᨾ᩠ᨾᨴᩔᨶᨽᩣᩅᩴ ᨸᨧ᩠ᨧᨠ᩠ᨡᨲᩮᩣ ᨬᩅᩣ ᩅᩥᨧᩥᨲᩕᨸᨭᩥᨽᩣᨶᩴ ᩈᩮᩣᨲᩩᨠᩣᨾᩮᩣ ᨸᩩᨧ᩠ᨨᨲᩥ, ᨶ ᨩᩣᨶᨶᨳᩣᨿ ᨳᩮᩁᩮᩣ ᨲᩔ ᩋᨩ᩠ᨫᩣᩈᨿᩴ ᨬᩅᩣ ᩑᩅᨾᩣᩉ. ᩋᨴᩥᨭ᩠ᨮᨵᨾ᩠ᨾᩮᩣ ᩉᩥ ᨻᩩᨴ᩠ᨵᨶᩮᨲ᩠ᨲᩥᨿᩣ ᨻᩩᨴ᩠ᨵᨸᨬ᩠ᨬᨲ᩠ᨲᩥᨿᩣ ᨿᩣᩅᨩᩦᩅᩴ ᩅᨲ᩠ᨲᩥᨲᩩᩴ ᩈᨠ᩠ᨠᩮᩣᨲᩥ.

ᨵᨾ᩠ᨾᨴᩥᨭ᩠ᨮᨸᨬ᩠ᩉᩮᩣ ᨧᨲᩩᨳᩮᩣ.

ᨶᩅᩈᨦ᩠ᨠᨾᨲᩥᨸᨬ᩠ᩉᩮᩣ ᨸᨬ᩠ᨧᨾᩮᩣ.

ᩅᩮᨴᨣᩩ ᩏᨸᩃᨻ᩠ᨽᨲᩦᨲᩥ ᩋᨿᨾ᩠ᨸᨬ᩠ᩉᩮᩣ ᨸᩩᨻ᩠ᨻᩮ ᨧ ᨸᩩᨧ᩠ᨨᩥᨲᩮᩣ. ᨠᩈ᩠ᨾᩣ ᨸᩩᨶ ᨸᩩᨧ᩠ᨨᩥᨲᩮᩣ? ᨸᩩᨻ᩠ᨻᨸᨬ᩠ᩉᩮᩣ ᨩᩦᩅᩅᩮᨴᨣᩩᩴ ᩈᨵᩣᨿ ᨸᩩᨧ᩠ᨨᩥᨲᩮᩣ. ᩋᨿᩴ’ᨿᩮ ᨻᩕᩣᩉ᩠ᨾᨱᩣ ᩅᩮᨴᨣᩩ’ᨲᩥᩌᨴᩥᨶᩣ ᩅᩩᨲ᩠ᨲᩴ ᨸᩩᨣ᩠ᨣᩃᩅᩮᨴᨣᩩᩴ ᩈᨵᩣᨿ ᨸᩩᨧ᩠ᨨᩥᨲᩮᩣ. ¶ ᩈᩅᩮ ᨳᩮᩁᩮᩣ’ᨶ ᩏᨸᩃᨻ᩠ᨽᨲᩦ’ᨲᩥ ᨻ᩠ᨿᩣᨠᩁᩥᩔᨲᩥ, ᨲᩔ ᩅᩣᨴᩮ ᨴᩮᩣᩈᩴ ᩌᩁᩮᩣᨸᩮᨲᩩᨠᩣᨾᨲᩣᨿ ᨸᩩᨧ᩠ᨨᨲᩥ. ᨳᩮᩁᩮᩣ ᨸᨶ ᩅᩥᨩ᩠ᨩᨾᩣᨶᩮᨶ ᩋᩅᩥᨩ᩠ᨩᨾᩣᨶᨸᨬ᩠ᨬᨲ᩠ᨲᩥᩴ ᩈᨵᩣᨿ’ᨸᩁᨾᨳᩮᨶ ᨡᩮᩣ ᨾᩉᩣᩁᩣᨩ ᩅᩮᨴᨣᩩ ᨶ ᩏᨸᩃᨻ᩠ᨽᨲᩦ’ᨲᩥ ᩌᩉ. ᨸᩁᨾᨳᩮᨶ ᨶ ᩏᨸᩃᨻ᩠ᨽᨲᩥ, ᩅᩮᩣᩉᩣᩁᨲᩮᩣ ᩏᨸᩃᨻ᩠ᨽᨲᩦ’ᨲᩥ ᨳᩮᩁᩔ ᩋᨵᩥᨸ᩠ᨸᩣᨿᩮᩣ.

ᨸᩩᨣ᩠ᨣᩃᩅᩮᨴᨣᩩᨸᨬ᩠ᩉᩮᩣ ᨨᨭ᩠ᨮᩮᩣ.

ᨶ ᨡᩮᩣ-ᨸᩮ ᨲᩮᨶ ᩁᩮᩣᨸᩥᨲᩣᨶᩥᨲᩥ ᨲᩣᨶᩥ ᩋᨾ᩠ᨻᩣᨶᩥ ᩋᩅᩉᩣᩁᩥᨿᩣᨶᩥ ᨲᩣᨶᩥ ᩋᨾ᩠ᨻᩣᨶᩥ ᨸᩩᩁᩥᩈᩮᨶ ᩋᩅᩉᩁᩥᨲᩣᨶᩥ ᨲᩮᨶ ᩈᩣᨾᩥᨠᨸᩩᩁᩥᩈᩮᨶ ᩁᩮᩣᨸᩥᨲᩣᨶᩥ ᩁᩮᩣᨸᩥᨲᩋᨾ᩠ᨻᨽᩩᨲᩣᨶᩥ ᨶ ᩉᩮᩣᨶ᩠ᨲᩥᨲᩥ ᩋᨳᩮᩣ

ᩍᨾᨾ᩠ᩉᩣᨠᩣᨿ ᨸᨬ᩠ᩉᩮᩣᩈᨲ᩠ᨲᨾᩮᩣ.

ᨠᩩᩉᩥᨶ᩠ᨲᩥᨸᨬ᩠ᩉᩮᩣ ᩋᨭ᩠ᨮᨾᩮᩣ.

ᩏᨸᨸᨩ᩠ᨩᨲᩥ-ᨩᩣᨶᩣᨲᩥ ᨸᨬ᩠ᩉᩮᩣ ᨶᩅᨾᩮᩣ.

ᩋᨳᩥᨻᩩᨴ᩠ᨵᨸᨬ᩠ᩉᩮᩣ ᨴᩈᨾᩮᩣ.

ᨴᩈᨸᨬ᩠ᩉᩈᩉᩥᨲᩮᩣ ᨸᨬ᩠ᨧᨾᩮᩣ ᩅᨣ᩠ᨣᩮᩣ.

ᩈᨾᨶ᩠ᨲᨲᩮᩣ ᨸᨣ᩠ᨥᩁᨲᩦᨲᩥ ᩋᨿᩴ ᨡᩮᩣ ᨣᩩᨳᨾᩩᨲ᩠ᨲᩣᨴᩦᩉᩥ ᩋᩈᩩᨧᩥᩅᨳᩪᩉᩥ ᩈᨾᨶ᩠ᨲᨲᩮᩣ ᨸᨣ᩠ᨥᩁᩣᨸᩮᨲᩥ.

ᨨᨭ᩠ᨮᩅᨣ᩠ᨣᩮ ᨠᩣᨿᩋᨸ᩠ᨸᩥᨿᨸᨬ᩠ᩉᩮᩣ ᨸᨮᨾᩮᩣ.

ᩈᨾ᩠ᨸᨲ᩠ᨲᨠᩣᩃᨸᨬ᩠ᩉᩮᩣ ᨴᩩᨲᩥᨿᩮᩣ.

ᨴ᩠ᩅᨲ᩠ᨲᩥᩴᩈ…ᨸᩮ…ᨸᩁᩥᩁᨬ᩠ᨩᩥᨲᩮᩣ’ᨲᩥ ᩑᨳ ᨴ᩠ᩅᨲ᩠ᨲᩥᩴᩈᨾᩉᩣᨸᩩᩁᩥᩈᩃᨠ᩠ᨡᨱᩈᩁᩪᨸᩴ ᨻᩉᩩᩈᩩ ᩈᩩᨲ᩠ᨲᩮᩈᩩ ᩌᨣᨲᩴ. ᨲᩴ ᨸᩣᨠᨭᩴ ᩋᩈᩦᨲ᩠ᨿᨶᩩᨻᨬ᩠ᨩᨶᩈᩩᩁᩪᨸᩴ ᨶ ᨸᩣᨠᨭᩴ ᨩᩥᨶᩣᩃᨦ᩠ᨠᩣᩁᨭᩦᨠᩣᨿᩴᨿᩮᩅ ᩌᨣᨲᩴ. ᨲᩈ᩠ᨾᩣ ᨲᩴ ᨴᩔᨿᩥᩔᩣᨾ. ᨠᨲᨾᩣᨶᩥ ᩋᩈᩦᨲ᩠ᨿᩣᨶᩩᨻ᩠ᨿᨬ᩠ᨩᨶᨶᩣᨶᩥ? ᨧᩥᨲᨦ᩠ᨣᩩᩃᩥᨲᩣ, ᩋᨶᩩᨸᩩᨻ᩠ᨻᨦ᩠ᨣᩩᩃᩥᨲᩣ, ᩅᨭ᩠ᨭᨦ᩠ᨣᩩᩃᩥᨲᩣ, ᨲᨾ᩠ᨻᨶᨡᨲᩣ, ᨲᩩᨦ᩠ᨣᨶᨡᨲᩣ, ᩈᩥᨶᩥᨴ᩠ᨵᨶᨡᨲᩣ, ᨶᩥᨣᩩᩊ᩠ᩉᨣᩮᩣᨸ᩠ᨹᨠᨲᩣ, ᩈᨾᨸᩣᨴᨲᩣ, ᨣᨩᩈᨾᩣᨶᨠ᩠ᨠᨾᨶᨲᩣ, ᩈᩦᩉᩈᨾᩣᨶᨠ᩠ᨠᨾᨶᨲᩣ, ᩉᩴᩈᩈᨾᩣᨶᨠ᩠ᨠᨾᨶᨲᩣ, ᩏᩈᨽᩈᨾᩣᨶᨠ᩠ᨠᨾᨶᨲᩣ, ᨴᨠ᩠ᨡᩥᨱᩣᩅᨭ᩠ᨭᨣᨲ᩠ᨲᨲᩣ, ᩈᨾᨶ᩠ᨲᨲᩮᩣᨧᩣᩁᩩᨩᩣᨱᩩᨾᨱᨯᩃᨲᩣ, ᨸᩁᩥᨸᩩᨱ᩠ᨱ ᨸᩩᩁᩥᩈᨻ᩠ᨿᨬ᩠ᨩᨶᨲᩣ, ᩋᨧ᩠ᨨᩥᨴ᩠ᨴᨶᩣᨽᩥᨲᩣ, ᨣᨾ᩠ᨽᩦᩁᨶᩣᨽᩥᨲᩣ, ᨴᨠ᩠ᨡᩥᨱᩣᩅᨭ᩠ᨭᨶᩣᨽᩥᨲᩣ, ᩈᩩᩅᨱ᩠ᨱᨠᨴᩃᩩᩁᩩᨲᩣ, ᩑᩁᩣᩅᨱᨠᩁᩈᨴᩥᩈᨽᩩᨩᨲᩣ, ᩋᨶᩩᨸᩩᨻ᩠ᨻᨣᨲ᩠ᨲᨲᩣ, ᨾᨭ᩠ᨮᨠᨣᨲ᩠ᨲᨲᩣ, ᩈᩩᨧᩥᨣᨲ᩠ᨲᨲᩣ, ᩈᩩᩅᩥᨽᨲ᩠ᨲᨣᨲ᩠ᨲᨲᩣ, ᩋᨶᩩᩔᨶ᩠ᨶᩣᨶᩩᩔᨶ᩠ᨶᩈᨻ᩠ᨻᨣᨲ᩠ᨲᨲᩣ, ᩋᩃᩦᨶᨣᨲ᩠ᨲᨲᩣ, ᨲᩥᩃᨠᩣᨴᩥᩅᩥᩁᩉᩥᨲᨣᨲ᩠ᨲᨲᩣ, ᩋᨶᩩᨸᩩᨻ᩠ᨻᩁᩩᨧᩥᩁᨣᨲ᩠ᨲᨲᩣ, ᩅᩥᩈᩩᨴ᩠ᨵᨣᨲ᩠ᨲᨲᩣ, ᨠᩮᩣᨭᩥᩈᩉᩔᩉᨳᩥᨻᩃᨵᩁ ᨣᨲ᩠ᨲᨲᩣ, ᨲᩩᨦ᩠ᨣᨶᩣᩈᨲᩣ, ᩈᩩᩈᨱ᩠ᨮᩣᨶᨶᩣᩈᨲᩣ, ᩁᨲ᩠ᨲᨴ᩠ᩅᩥᨩᨾᩴᩈᨲᩣ, ¶ ᩈᩩᩈᩩᨠ᩠ᨠᨴᨶ᩠ᨲᨲᩣ, ᩈᩩᩅᩥᩈᩩᨴ᩠ᨵᩥᨴᩕᩥᨿᨲᩣ, ᩅᨭ᩠ᨭᨴᩣᨮᨲᩣ, ᩁᨲ᩠ᨲᩮᩣᨭ᩠ᨮᩈᨾᨻᩥᨾ᩠ᨻᩥᨲᩣ, ᩌᨿᨲᩅᨴᨶᨲᩣ, ᨣᨾ᩠ᨽᩦᩁᨸᩣᨱᩥᩃᩮᨡᨲᩣ, ᩌᨿᨲᩃᩮᨡᨲᩣ, ᩏᨩᩩᩃᩮᨡᨲᩣ, ᩈᩩᩁᩩᨧᩥᩁᩈᨱ᩠ᨮᩣᨶᩃᩮᨡᨲᩣ, ᨸᩁᩥᨾᨱ᩠ᨯᩃᨠᩣᨿᩅᨶ᩠ᨲᨲᩣ, ᨸᩁᩥᨸᩩᨱ᩠ᨱᨠᨸᩮᩣᩃᨲᩣ, ᩌᨿᨲᩅᩥᩈᩣᩃᨶᩮᨲ᩠ᨲᨲᩣ, ᨸᨬ᩠ᨧᨸᩈᩣᨴᩅᨶ᩠ᨲᨶᩮᨲ᩠ᨲᨲᩣ, ᩌᨠᩩᨧᩥᨲᨣ᩠ᨣᨸᨡᩩᨾᨲᩣ, ᨾᩩᨴᩩᨲᨶᩩᨠ-ᩁᨲ᩠ᨲᨩᩦᩅ᩠ᩉᨲᩣ, ᩌᨿᨲᨩᩦᩅ᩠ᩉᨲᩣ, ᩌᨿᨲᩁᩩᨧᩥᩁᨠᨱ᩠ᨱᨲᩣ, ᨶᩥᨣ᩠ᨣᨱ᩠ᨮᩥᩈᩥᩁᨲᩣ, ᨶᩥᨣ᩠ᨣᩩᨿ᩠ᩉᩈᩥᩁᨲᩣ, ᨨᨲ᩠ᨲᩈᨶ᩠ᨲᩥᨽᨧᩣᩁᩩᩈᩦᩈᨲᩣ, ᩌᨿᨲ-ᨸᩩᨳᩩᩃ-ᩃᩃᩣᨭ-ᩈᩮᩣᨽᨲᩣ, ᩈᩩᩈᨱ᩠ᨮᩣᨶᨽᨾᩩᨠᨲᩣ, ᨠᨱ᩠ᩉᨽᨾᩩᨠᨲᩣ, ᩈᩩᨡᩩᨾᩣᩃᨣᨲ᩠ᨲᨲᩣ, ᩋᨲᩥᩅᩥᨿ ᩏᨩ᩠ᨩᩃᩥᨲᨣᨲ᩠ᨲᨲᩣ, ᩋᨲᩥᩅᩥᨿᩈᩮᩣᨾ᩠ᨾᨣᨲ᩠ᨲᨲᩣ, ᩋᨲᩥᩅᩥᨾᩃᨣᨲ᩠ᨲᨲᩣ, ᨠᩮᩣᨾᩃᨣᨲ᩠ᨲᨲᩣ, ᩈᩥᨶᩥᨴ᩠ᨵᨣᨲ᩠ᨲᨲᩣ, ᩈᩩᨣᨵᨲᨶᩩᨲᩣ, ᩈᨾᩃᩮᩣᨾᨲᩣ, ᩋᨲᩥᩈᩩᨡᩩᨾᩋᩔᩣᩈᨸᩔᩣᩈᨵᩣᩁᨱᨲᩣ, ᩈᩩᩈᨱ᩠ᨮᩣᨶᨾᩩᨡᨲᩣ, ᩈᩩᨣᨵᨾᩩᨡᨲᩣ, ᩈᩩᨣᨵᨾᩩᨴ᩠ᨵᨲᩣ, ᩈᩩᨶᩦᩃᨠᩮᩈᨲᩣ, ᨴᨠ᩠ᨡᩥᨱᩣᩅᨭ᩠ᨭᨠᩮᩈᨲᩣ, ᩈᩩᩈᨱ᩠ᨮᩣᨶᨠᩮᩈᨲᩣ, ᩈᩥᨶᩥᨴ᩠ᨵᨠᩮᩈᨲᩣ, ᩈᨱ᩠ᩉᨠᩮᩈᨲᩣ, ᩋᩃᩩᩃᩥᨲᨠᩮᩈᨲᩣ, ᨠᩮᨲᩩᨾᩣᩃᩣᩁᨲᨶᨧᩥᨲ᩠ᨲᨲᩣ. ᨴ᩠ᩅᨲ᩠ᨲᩦᩴᩈᨸᩩᩁᩥᩈᩃᨠ᩠ᨡᨱᨸᨬ᩠ᩉᩮᩣ ᨲᨲᩥᨿᩮᩣ.

ᨻᩕᩉ᩠ᨾᨧᩁᩥᨿᨸᨬ᩠ᩉᩮᩣ ᨸᨬ᩠ᨧᨾᩮᩣ.

ᩋᩔᩩᨸᨬᩮᩉᩣ ᨨᨭ᩠ᨮᩮᩣ.

ᩁᩈᨸᨭᩥᩈᩴᩅᩮᨴᩥᨸᨬ᩠ᩉᩮᩣ ᩋᨭ᩠ᨮᨾᩮᩣ.

ᨸᨬ᩠ᨬᩣᨸᨬ᩠ᩉᩮᩣ ᩋᨭ᩠ᨮᨾᩮᩣ.

ᩈᩴᩈᩣᩁᨸᨬ᩠ᩉᩮᩣ ᨶᩅᨾᩮᩣ.

ᩈᨲᩥᨸᨬ᩠ᩉᩮᩣ ᨴᩈᨾᩮᩣ.

ᩑᩅᨬ᩠ᩉᩥ ᨽᨶ᩠ᨲᩮ ᨶᩣᨣᩈᩮᨶ ᩈᨻ᩠ᨻᩣ ᩈᨲᩥ ᩋᨽᩥᨩᩣᨶᨶ᩠ᨲᩦ ᩏᨸ᩠ᨸᨩ᩠ᨩᨲᩥ ᨶᨳᩥ ᨠᨭᩩᨾᩥᨠᩣ ᩈᨲᩦᨲᩥ ᩑᩅᩴ ᨾᨿᩣ ᨧᩥᨶ᩠ᨲᨶᩣᨠᩣᩁᩮ ᩈᨻ᩠ᨻᩣ ᩈᨲᩥ ᩋᨽᩥᨩᩣᨶᨶ᩠ᨲᩦ ᩈᨿᩴ ᨸᩣᨠᨭᩣ ᨸᩁᩪᨸᨴᩮᩈᩁᩉᩥᨲᩣ ᩏᨸ᩠ᨸᨩ᩠ᨩᨲᩥ, ᨠᨭᩩᨾᩥᨠᩣ ᨸᩁᩥᨶᩥᨻ᩠ᨻᨩ᩠ᨩᨶ-ᨸᩁᩪᨸᨴᩮᩈ-ᩈᨦ᩠ᨡᩣᨲᩣ ᨠᨭᩩᨾᩈᩉᩥᨲᩣ ᩈᨲᩥ ᨶᨳᩥᨲᩥ ᩋᨳᩮᩣ.

ᩈᨲᩥ ᩋᨽᩥᨩᩣᨶᨶᨸᨬ᩠ᩉᩮᩣ ᩑᨠᩣᨴᩈᨾᩮᩣ.

ᩑᨠᩣᨴᩈᨸᨬ᩠ᩉᩈᩉᩥᨲᩮᩣ ᨨᨭ᩠ᨮᩅᨣ᩠ᨣᩮᩣ.

ᩋᨽᩥᨩᩣᨶᨲᩮᩣ’ᨲᩥ ᩈᨲᩥᩈᩉᩥᨲᩴᩋᨽᩥᩅᩥᩈᩮᩈᩴᨩᩣᨶᨲᩮᩣ. ᨠᨭᩩᨾᩥᨠᩣᨿᩣ’ᨲᩥ ¶ ᨸᩁᩥᨸᩦᩊᨶ-ᨸᩁᩈᩣᩈᨶ-ᩈᨦ᩠ᨡᩣᨲᨠᨭᩩᨾᩥᨠᩣᨿ. ᩒᩃᩣᩁᩥᨠᩅᩥᨬ᩠ᨬᩣᨱᨲᩮᩣ’ᨲᩥ ᨾᩉᨶ᩠ᨲᩮ ᩌᩁᨾ᩠ᨾᨱᩮ ᨸᩅᨲ᩠ᨲᩅᩥᨬ᩠ᨬᩣᨱᨲᩮᩣ. ᩋᩉᩥᨲᩅᩥᨬ᩠ᨬᩣᨱᨲᩮᩣ’ᨲᩥ ᨴᩩᨠ᩠ᨡᩈᨦ᩠ᨡᩣᨲᩋᩉᩥᨲᩮ ᨸᩅᨲ᩠ᨲᩅᩥᨬ᩠ᨬᩣᨱᨲᩮᩣ. ᩈᨽᩣᨣᨶᩥᨾᩥᨲ᩠ᨲᨲᩮᩣ’ᨲᩥ ᩈᨽᩣᨣᩣᩁᨾ᩠ᨾᨱᨲᩮᩣ. ᩅᩥᩈᨽᩣᨣᨶᩥᨾᩥᨲ᩠ᨲᨲᩮᩣ’ᨲᩥ ᨶᩣᨾᩅᨱ᩠ᨱᩣᨴᩥ - ᩋᨬ᩠ᨬᨾᨬ᩠ᨬᩅᩥᩈᨴᩥᩈᩣᩁᨾ᩠ᨾᨱᨲᩮᩣ. ᨠᨳᩣᨽᩥᨬ᩠ᨬᩣᨱᨲᩮᩣ’ᨲᩥ ᨸᩁᨠᨳᩣᩈᨦ᩠ᨡᩣᨲᩋᨽᩥᨬ᩠ᨬᩣᨱᨲᩮᩣ. ᩃᨠ᩠ᨡᨱᨲᩮᩣ’ᨲᩥ ᨣᩮᩣᨱ-ᩈᨠᨭ-ᨴᨶ᩠ᨲ-ᨸᩥᩊᨠᩣᨴᩥᩃᨠ᩠ᨡᨱᨲᩮᩣ. ᩈᩁᨱᨲᩮᩣ’ᨲᩥ ᨸᩁᩮᩉᩥ ᩈᩁᩣᨸᨶᨲᩮᩣ ᨾᩩᨴ᩠ᨴᩣᨲᩮᩣ’ᨲᩥ ᩋᨠ᩠ᨡᩁᩈᩥᨠ᩠ᨡᨶᨲᩮᩣ. ᨽᩣᩅᨶᩣᨲᩮᩣ’ᨲᩥ ᩋᨽᩥᨬ᩠ᨬᩣᩈᩈᨦ᩠ᨡᩣᨲᨽᩣᩅᨶᩣᨲᩮᩣ. ᨸᩮᩣᨳᨠᨶᩥᨻᨵᨶᨲᩮᩣ’ᨲᩥ ᨸᩮᩣᨳᨠᩮ ᩃᩥᨡᩥᨲᩒᩅᩣᨴᩋᨠ᩠ᨡᩁᨵᩣᩁᨱᨲᩮᩣ. ᩋᨶᩩᨽᩪᨲᨲᩮᩣ’ᨲᩥ ᨨᨶ᩠ᨶᩴ ᩌᩁᨾ᩠ᨾᨱᩣᨶᩴ ᩋᨶᩩᨽᩩᨲᨸᩩᨻ᩠ᨻᨲᩮᩣ. ᨶᩥᨻᨵᨶ᩠ᨲᩦ’ᨲᩥ ᨸᩦᩊᩮᨶ᩠ᨲᩥ. ᩃᩥᨸᩥᨿᩣ ᩈᩥᨠ᩠ᨡᩥᨲᨲ᩠ᨲᩣ’ᨲᩥ ᩋᨠ᩠ᨡᩁᩔ ᩈᩥᨠ᩠ᨡᩥᨲᨲ᩠ᨲᩣ.

ᩈᨲ᩠ᨲᨾᩮᩅᨣ᩠ᨣᩮ ᩈᨲᩥᩌᨠᩣᩁᨸᨬ᩠ᩉᩮᩣ ᨸᨮᨾᩮᩣ.

ᩅᩔᩈᨲᨸᨬ᩠ᩉᩮᩣ ᨴᩩᨲᩥᨿᩮᩣ.

ᩋᨶᩣᨣᨲᨸᨬ᩠ᩉᩮᩣ ᨲᨲᩥᨿᩮᩣ.

ᨴᩪᩁᨻᩕᩉ᩠ᨾᩃᩮᩣᨠᨸᨬ᩠ᩉᩮᩣ ᨧᨲᩩᨳᩮᩣ.

ᨻᩕᩉ᩠ᨾᩃᩮᩣᨠᨠᩈ᩠ᨾᩦᩁᨸᨬ᩠ᩉᩮᩣ ᨸᨬ᩠ᨧᨾᩮᩣ.

ᩈᨲ᩠ᨲᨻᩮᩣᨩ᩠ᨫᨦ᩠ᨣᨸᨬ᩠ᩉᩮᩣ ᨨᨭ᩠ᨮᩮᩣ.

ᨸᩩᨬ᩠ᨬᨻᩉᩩᨲᩁᨸᨬ᩠ᩉᩮᩣ ᩈᨲ᩠ᨲᨾᩮᩣ.

ᨩᩣᨶᩣᨩᩣᨶᨸᨬ᩠ᩉᩮᩣ ᩋᨭ᩠ᨮᨾᩮᩣ.

ᩏᨲ᩠ᨲᩁᨠᩩᩁᩩᨸᨬ᩠ᩉᩮᩣ ᨶᩅᨾᩮᩣ.

ᨴᩦᨥᩋᨭ᩠ᨮᩥᨠᨸᨬ᩠ᩉᩮᩣ ᨴᩈᨾᩮᩣ.

ᩋᩔᩣᩈᨸᩔᩣᩈᨸᨬ᩠ᩉᩮᩣ ᩑᨠᩣᨴᩈᨾᩮᩣ.

ᩈᨾᩩᨴ᩠ᨴᨸᨬ᩠ᩉᩮᩣ ᨴ᩠ᩅᩣᨴᩈᨾᩮᩣ.

ᩑᨠᩁᩈᨸᨬ᩠ᩉᩮᩣ ᨲᩮᩁᩈᨾᩮᩣ.

ᨶᨳᩥ ᨴᩩᨲᩥᨿᩴ ᨸᨬ᩠ᨬᩣᨿ ᨨᩮᨴᨶᨶ᩠ᨲᩥ ᨿᩴ ᨨᩮᨴᨶᩴ ᨸᨬ᩠ᨬᩣᨿ ᩈᨴ᩠ᨵᩥᩴ ᨴ᩠ᩅᨿᩴ ᨲᩴ ᨨᩮᨴᨶᩴ ᨶᨳᩥᨲᩥ ᩋᨳᩮᩣ. ᨨᩮᨴᨶᨸᨬ᩠ᩉᩮᩣ ¶ ᨧᩩᨴ᩠ᨴᩈᨾᩮᩣ. ᨽᩩᨲᨩᩥᩅᨸᨬ᩠ᩉᩮᩣ ᨸᨶ᩠ᨶᩁᩈᨾᩮᩣ. ᨴᩩᨠ᩠ᨠᩁᨸᨬ᩠ᩉᩮᩣ ᩈᩮᩣᩊᩈᨾᩮᩣ ᨳᩮᩁᩮᨶ ᨸᨮᨾᩴ ᩅᩩᨲ᩠ᨲᩮᩣ. ᩈᩮᩣᩊᩈᨸᨬ᩠ᩉᩈᩉᩥᨲᩮᩣ ᩈᨲ᩠ᨲᨾᩮᩣ ᩅᨣ᩠ᨣᩮᩣ.

ᩈᨾ᩠ᨸᨲᩥ ᨠᩣ ᩅᩮᩃᩣ’ᨲᩥ ᩍᨴᩣᨶᩥ ᨠᩣ ᩅᩮᩃᩣ ᩈᨾ᩠ᨸᨲ᩠ᨲᩣ’ᨲᩥ ᨿᩮᩣᨩᨶᩣ. ᨣᨾᩥᩔᨶ᩠ᨲᩥᨲᩥ ᨲᨿᩣ ᩈᨴ᩠ᨵᩥᩴ ᨣᨾᩥᩔᨶ᩠ᨲᩥ. ᨽᨱ᩠ᨯᨲᩮᩣ ᨽᨱ᩠ᨯᩣᨣᩣᩁᨲᩮᩣ. ᩁᩣᨩᨴᩮᨿ᩠ᨿᩣᨶᩦᨲᩥ ᩁᩣᨩᩈᨶ᩠ᨲᨠᩣᨶᩥ.

ᨲᩔ ᨸᨬ᩠ᩉᩅᩮᨿ᩠ᨿᩣᨠᩁᨱᩮᨶ ᨲᩩᨭ᩠ᨮᩮ ᩁᩣᨩᩣ’ᨲᩥ ᨲᩔ ᨶᩣᨣᩈᩮᨶᨳᩮᩁᩔ ᩋᩈᩦᨲᩥᨸᨬ᩠ᩉᩅᩮᨿ᩠ᨿᩣᨠᩁᨱᩮᨶ ᨲᩩᨭ᩠ᨮᩮᩣ ᩁᩣᨩᩣ. ᩋᨻ᩠ᨽᨶ᩠ᨲᩁᨠᨳᩣᨿᨬ᩠ᩉᩥ ᩋᨭ᩠ᨮᩣᩈᩦᨲᩥ ᨸᨬ᩠ᩉᩣ ᨸᨮᨾᨴᩥᩅᩈᩮ ᩅᩥᩈᨩ᩠ᨩᩥᨲᩣ. ᨲᨿᩮᩣ ᨴᩥᩅᩈᩮ ᨸᩣᩈᩣᨴᩮ ᨽᨲ᩠ᨲᨠᩥᨧ᩠ᨧᨲᩮᩣ ᨸᨭ᩠ᨮᩣᨿ ᨿᩣᩅ ᨸᨮᨾᨿᩣᨾᩣᩅᩈᩣᨶᩣ ᩋᨭ᩠ᨮᩣᩈᩦᨲᩥ ᨸᨬ᩠ᩉᩣ ᩅᩥᩈᨩ᩠ᨩᩥᨲᩣ ᩋᩉᩮᩈᩩᩴ.

ᨻᩣᩉᩥᩁᨠᨳᩣᨸᨬ᩠ᩉᩣ ᨲᨿᩮᩣ. ᨲᩮᨶ ᩈᨴ᩠ᨵᩥᩴ ᩑᨠᨶᩅᩩᨲᩥ ᨸᨬ᩠ᩉᩣ ᩉᩮᩣᨶ᩠ᨲᩥ.

ᩑᨠᨶᩅᩩᨲᩦᨸᨬ᩠ᩉ ᨸᨭᩥᨾᨱ᩠ᨯᩥᨲᩣ.

ᨾᩥᩃᩥᨴᨸᨬ᩠ᩉᩅᨱ᩠ᨱᨶᩣ ᩈᨾᨲ᩠ᨲᩣ.

ᨾᩮᨱ᩠ᨯᨠᨸᨬ᩠ᩉᩮ ᨸᨶ ᨽᩔᨸ᩠ᨸᩅᩣᨴᩦᨲᩥ ᩅᩮᩣᩉᩣᩁᨠᩩᩈᩃᨲᩣᨿ ᨿᩩᨲ᩠ᨲᩅᨧᨶᩈᨦ᩠ᨡᩣᨲᨽᩔᩅᨴᨶᩈᩦᩃᩮᩣ. ᩅᩮᨲᨱᨯᩦᨲᩥ ᨳᩮᩁᩅᩣᨴᩮᨶ ᩈᨴ᩠ᨵᩥᩴ ᩅᩥᩁᩩᨴ᩠ᨵᩅᨧᨶᩅᨴᨶᩈᩦᩃᩮᩣ.

ᩅᩈᨶ᩠ᨲᩮᩣ ᨲᩔ ᨨᩣᨿᩣᨿᩣᨲᩥ ᨵᨾ᩠ᨾᨧᩁᩥᨿ-ᨣᩩᩁᩩᩈᨴ᩠ᨵᩣᨸᨬ᩠ᨬᩣᨴᩥᨣᩩᨱᨾᨱ᩠ᨯᩥᨲᩮᩣ, ᩋᩔᨴ᩠ᨵᩮᩣᨸᩥ ᩈᩮᩣ ᨲᩔ’ ᨾᩮᨵᩣᩅᩦ ᩋᨾᨲᩣᨽᩥᨾᩩᨡᩮᩣ’ᨲᩥ ᩑᩅᩴ ᩅᩩᨲ᩠ᨲᩮᩉᩥ ᩈᩮᩣᨽᨣ᩠ᨣᨣᩩᨱᩮᩉᩥ ᩈᨾᨶ᩠ᨶᩣᨣᨲᩮᩣ ᨲᩔ ᨳᩮᩁᩔ ᨠᩁᩩᨱᩣᨸᨬ᩠ᨬᩣᩅᩈᩮᨶ ᨸᩅᨲ᩠ᨲᨠᩣᩁᨱᩣᨠᩣᩁᨱᩉᩥᨲᩩᨸᨾᩣᨿᩩᨲ᩠ᨲᩥᩏᨸᨴᩮᩈᩅᨧᨶᩈᨦ᩠ᨡᩣᨲᨨᩣᨿᩣᨿ ᩅᩈᨶ᩠ᨲᩮᩣ. ᨲᩣᨶᩥ ᩉᩥ ᨳᩮᩁᩔ ᨠᩁᩩᨱᩣᨬᩣᨱᩴ ᨶᩣᨾᨠᩣᨿᨲᩮᩣ ᨸᩅᨲ᩠ᨲᨶ᩠ᨲᩥ ᨸᨠᨲᩥᩈᩁᩦᩁᨲᩮᩣ ᨸᩅᨲ᩠ᨲᨨᩣᨿᩣ ᩅᩥᨿ ᩉᩮᩣᨲᩦ ᨲᩦ.

ᩋᨴ᩠ᨴᨠ᩠ᨡᩥ ᨾᩮᨱ᩠ᨯᨠᩮ ᨸᨬ᩠ᩉᩮ’ᨲᩥ ᨬᩣᨱᨧᨠ᩠ᨡᩩᨶᩣ ᨾᩮᨱ᩠ᨯᨠᩮ ᨣᨾ᩠ᨽᩦᩁᩮ ᨸᨬ᩠ᩉᩮ ᩋᨴ᩠ᨴᨠ᩠ᨡᩥ. ᩋᨳᩅᩣ ᩈᩮᨶᨠᩣᨴᩥᨽᩣᩈᩥᨲᨻ᩠ᨻᩴ ᩋᨶᩮᨠᨸᩁᩥᨿᩣᨿᨽᩣᩅᩮᨶ ᨧᩮᩅ ᩋᨽᩩᨲᨽᩣᩅᩮᨶ ᨧ ᨾᩮᨱᨯᨠᨸᨬ᩠ᩉᩈᨴᩥᩈᩮ. ᩋᨳᩅᩣ ᨴ᩠ᩅᩦᩅᨧᨶᩅᨶ᩠ᨲᨲ᩠ᨲᩣ ¶ ᨲᩔ ᨸᨬ᩠ᩉᩔ ᨴ᩠ᩅᩥᨾᩮᨱ᩠ᨯᨠᨿᩩᨴ᩠ᨵᩈᨴᩥᩈᩮ’ᨲᩥᨸᩥ ᩅᩩᨲ᩠ᨲᩴ ᩅᨭ᩠ᨭᨲᩥ.

ᨸᩁᩥᨿᩣᨿ ᨽᩣᩈᩥᨲᩴ ᩋᨳᩥ’ᨲᩥ’ᩌᨶᨴ, ᨾᨿᩣᨴ᩠ᩅᩮ’ᨸᩥ ᩅᩮᨴᨶᩣ ᩅᩩᨲ᩠ᨲᩣ ᨸᩁᩥᨿᩣᨿᩮᨶᩣ’ᨲᩥᩌᨴᩥᨠᩴ ᨸᩁᩥᨿᩣᨿᩅᨧᨶᩴ ᩋᨳᩥ. ᨠᨳᩴ ᩍᨾᩥᩔᩣ ᨸᩁᩥᨿᩣᨿᨶᩥᨸ᩠ᨸᩁᩥᨿᩣᨿᨴᩮᩈᨶᩣᨽᩣᩅᩮᩣ ᨩᩣᨶᩥᨲᨻ᩠ᨻᩮᩣ? ᩏᨸᩮᨠ᩠ᨡᩣᩅᩮᨴᨶᩣ ᩉᩥ ᩈᨶ᩠ᨲᨾᩥᩴ ᨸᨱᩦᨲᩮ ᩈᩩᨡᩮ ᩅᩩᨲ᩠ᨲᩣ ᨽᨣᩅᨲᩣ’ᨲᩥ ᩋᨿᩴ ᩉᩮᨳ ᨸᩁᩥᨿᩣᨿᩮᩣ.

ᩈᨽᩣᩅᨽᩣᩈᩥᨲᩴ ᩋᨳᩥᨲᩥ’ᨲᩥᩔᩮᩣ ᩍᩉ ᨽᩥᨠ᩠ᨡᩅᩮ ᩅᩮᨴᨶᩣ ᩈᩩᨡᩣ ᨴᩩᨠ᩠ᨡᩣ ᩏᨸᩮᨠ᩠ᨡᩣ ᩅᩮᨴᨶᩣ’ᨲᩥᩌᨴᩥᨠᩴ ᨶᩥᨸ᩠ᨸᩁᩥᨿᩣᨿᩅᨧᨶᩴ ᩋᨳᩥ. ᨠᨳᩴ ᨶᩥᨸ᩠ᨸᩁᩥᨿᩣᨿᨽᩣᩅᩮᩣ ᨩᩣᨶᩥᨲᨻ᩠ᨻᩮᩣ? ᩅᩮᨴᨶᩣᩈᨽᩣᩅᩮᩣ ᩉᩥ ᨲᩥᩅᩥᨵᩮᩣ’ᨲᩥ ᩋᨿᨾᩮᨳ ᨶᩥᨸ᩠ᨸᩁᩥᨿᩣᨿᩮᩣ ᩋᨳᩥ.

ᩈᨵᩣᨿᨽᩣᩈᩥᨲᨶ᩠ᨲᩥ’ᨲᩦᩉᩥ ᨽᩥᨠ᩠ᨡᩅᩮ ᨮᩣᨶᩮᩉᩥ ᨩᨾ᩠ᨻᩩᨴᩦᨸᩥᨠᩣ ᨾᨶᩩᩔᩣ ᨴᩮᩅᩮ ᨲᩣᩅᨲᩥᩴᩈᩮ ᩏᨲ᩠ᨲᩁᨠᩩᩁᩩᨠᩮ ᨧ ᨾᨶᩩᩔᩮ ᩋᨵᩥᨣᨱ᩠ᩉᨶ᩠ᨲᩥ. ᨠᨲᨾᩮᩉᩥ ᨲᩦᩉᩥ? ᩈᩪᩁᩣ ᩈᨲᩥᨾᨶ᩠ᨲᩮᩣ ᩍᨵ ᨻᩕᩉ᩠ᨾᨧᩁᩥᨿᩅᩣᩈᩮᩣ’ᨲᩥᩌᨴᩥᨠᩴ ᩈᨵᩣᨿ ᨽᩣᩈᩥᨲᩴ ᩋᨳᩥ.’ᩍᨵ ᨻᩕᩉ᩠ᨾᨧᩁᩥᨿᩅᩣᩈᩮᩣ’ᨲᩥ ᩍᨴᩴ ᨸᨻ᩠ᨻᨩ᩠ᨩᩣᨻᩕᩉ᩠ᨾᨧᩁᩥᨿᩅᩣᩈᨶᩴ ᩅᩩᨲ᩠ᨲᩴ ᨶ ᨾᨣ᩠ᨣᨻᩕᩉ᩠ᨾᨧᩁᩥᨿᩅᩣᩈᩴ. ᨶᩮᨿ᩠ᨿᨳᨶᩦᨲᨳᩅᨧᨶᩴ ᩍᨵ ᩋᨶᩣᨣᨲᩴ. ᨲᨾ᩠ᨸᩥ ᩌᩉᩁᩥᩅᩣ ᨴᩔᩮᨲᨻ᩠ᨻᩴ.’ᨿᩴ ᨠᩥᨬ᩠ᨧᩥ ᩅᩮᨴᨿᩥᨲᩴ ᩈᨻ᩠ᨻᩴ ᨲᩴ ᨴᩩᨠ᩠ᨡᨶ᩠ᨲᩥ’ᩌᨴᩥᨠᩴ ᨶ᩠ᨿᩮᨳᩅᨧᨶᩴ.’ᩈᩩᨡᩣᨸᩥ ᨡᩮᩣ ᩅᩮᨴᨶᩣ ᩋᨶᩥᨧ᩠ᨧᩣ ᩈᨦ᩠ᨡᨲᩣ’ᨲᩥᩌᨴᩥᨠᩴ ᨿᨳᩣᩁᩩᨲᩅᩈᩮᨶ ᨩᩣᨶᩥᨲᨻ᩠ᨻᩴ ᨶᩦᨲᨳᩅᨧᨶᩴ ᩋᨳᩦᨲᩥ.

‘ᨶᩮᨿ᩠ᨿᨳᩅᨧᨶᨬ᩠ᨧᩮᩅ ᩋᨳᩮᩣ ᩈᨵᩣᨿᨽᩣᩈᩥᨲᩴ

ᨸᩁᩥᨿᩣᨿᨽᩣᩈᩥᨲᨬ᩠ᨧᩮᩅ ᩋᨳᩮᩣ ᩈᨽᩣᩅᨽᩣᩈᩥᨲᩴ’,

ᩍᨲᩥ ᨸᨬ᩠ᨧᨸ᩠ᨸᨽᩮᨴᩴ’ᩅ ᩈᩣᩈᨶᩮ ᨩᩥᨶᨽᩣᩈᩥᨲᩴ

ᩈᩃ᩠ᩃᨠ᩠ᨡᩮᩅᩣᨶ ᨲᩴ ᩈᨻ᩠ᨻᩴ ᩋᨳᩴ ᩅᨴᩮᨳ ᨸᨱ᩠ᨯᩥᨲᩮᩣ’ᨲᩥ;

ᨶ ᩁᩉᩔᨠᩴ ᨠᩣᨲᨻ᩠ᨻᨶ᩠ᨲᩥ ᩋᨳᨸᨭᩥᨧ᩠ᨨᨶ᩠ᨶᩅᨧᨶᩴ ᨶ ᨠᩣᨲᨻ᩠ᨻᩴ.

ᨣᩁᩩᨠᩴ ᨸᩁᩥᨱᨾᨲᩦᨲᩥ ᨣᩁᩩᨽᩣᩅᩮᨶ ᨸᩁᩥᨸᩣᨠᩴ ᨣᨧ᩠ᨨᨲᩥ ᨴᨵᨽᩣᩅᩮᨶ ᨸᩣᨠᨭᩮᩣ ᩉᩮᩣᨲᩥᨲᩥ ᩋᨵᩥᨸ᩠ᨸᩣᨿᩮᩣ.

ᩍᨲ᩠ᨲᩁᨲᩣᨿᩣᨲᩥ ᩋᨸ᩠ᨸᨸᨬ᩠ᨬᨲᩣᨿ.

ᨲᩥᨳᩅᩣᩈᩮᨶᩣᨲᩥ

‘ᩏᨣ᩠ᨣᩉᩮᩣ ᩈᩅᨶᩴ ᨸᩩᨧ᩠ᨨᩣ ᨠᨳᨶᩴ ᨵᩣᩁᨱᩴ ᩍᨲᩥ,

ᨸᨬ᩠ᨧᨵᨾ᩠ᨾᩅᩈᩮᨶᩮᩅ ᨲᩥᨳᩅᩣᩈᩮᩣ ᨸᩅᩩᨧ᩠ᨧᨲᩦ’ᨲᩥ;

ᩑᩅᩴᩅᩩᨲ᩠ᨲᨲᩥᨳᩅᩣᩈᩮᨶ.

ᩈ᩠ᨶᩮᩉᩈᩴᩈᩮᩅᩣ’ᨲᩥ ᨸᩥᨿᨸᩩᨣ᩠ᨣᩃᩈᩴᩈᩮᩅᨶᩅᩈᩮᨶ. ᨾᨶ᩠ᨲᩥᩈᩉᩣᨿᩮᩣ’ᨲᩥ ᨾᨶ᩠ᨲᩦ ᩅᩥᨧᩣᩁᨱᨸᨬ᩠ᨬᩮᩣ ᩈᩉᩣᨿᩮᩣ ᩑᨲᩔᩣᨲᩥ ᨾᨶ᩠ᨲᩥᩈᩉᩣᨿᩮᩣ.

ᨾᩣ ¶ ᩉᩣᨿᩥ ᩋᨳᩮᩣ ᨲᩮ ᩋᨽᩥᨠ᩠ᨠᨾᨲᩦᨲᩥ ᩋᨲ᩠ᨲᩣᨶᩩᩅᩣᨴᩣᨴᩥᨽᨿᩮ ᩏᨸ᩠ᨸᨶ᩠ᨶᩮ ᩅᩴ ᩑᨲ᩠ᨲᨠᩮᨶ ᨠᩣᩁᨱᩮᨶ ᨾᩣ ᨽᩣᨿᩥ. ᨠᨲᨸᩩᨬ᩠ᨬᩮᩣ ᨠᨲᨽᩦᩁᩩᨲ᩠ᨲᩣᨱᩮᩣ ᨬᩣᨱᩈᨾ᩠ᨸᨶ᩠ᨶᩮᩣᩈᨾ᩠ᨾᩣᨸᨿᩮᩣᨣᩮ ᨮᩥᨲᩮᩣ ᨶ ᨧᩥᩁᩔᩮᩅ ᩃᩮᩣᨠᩥᨿᩃᩮᩣᨠᩩᨲ᩠ᨲᩁᩁᨳᩮᩣ ᨲᩮ ᩋᨽᩥᨠ᩠ᨠᨾᨲᩥ ᩋᨽᩥᨠ᩠ᨠᨾᩥᩔᨲᩥ ᨸᩅᨲ᩠ᨲᩥᩔᨲᩥ.

ᩋᩃ᩠ᩃᩣᨸᩮᩣ’ᨲᩥ ᨸᨮᨾᩣᨾᨶ᩠ᨲᩣᨶᩣ’ᨲᩥ ᨠᩮᨧᩥ ᩅᨴᨶ᩠ᨲᩥ. ᩁᨭ᩠ᨮᨠᩅᨧᨶᩴ ᩌᨾᨶ᩠ᨲᨶᩣ.

ᩈᨠ᩠ᨠᨧ᩠ᨧᨠᩣᩁᩥᨶᩣ’ᨲᩥ ᩉᩥᨲᨠᩁᨱ-ᩉᩥᨲᨴᩮᩈᨶ-ᩉᩥᨲᨧᩥᨶ᩠ᨲᨶᩣᨶᩴ ᩋᨡᨱ᩠ᨯᨠᩣᩁᩥᨶᩣ.

ᨡᩃᩥᨲᩮ ᨵᨾ᩠ᨾᩮᨶ ᨸᨣ᩠ᨣᩉᩮᨲᨻ᩠ᨻᩮᩣ’ᨲᩥ ᩈᨾ᩠ᨾᩣᨸᨭᩥᨸᨲ᩠ᨲᩥᨲᩮᩣ ᩅᩣ ᨿᩩᨲ᩠ᨲᩅᨧᨶᨲᩮᩣ ᩅᩣ ᨡᩃᩥᨲᩮ ᩋᨶ᩠ᨲᩮᩅᩣᩈᩥᨠᨾ᩠ᩉᩥ ᨵᨾ᩠ᨾᩮᨶ ᩈᨽᩣᩅᩮᨶ ᨲᩴ ᨲᩴ ᨠᩣᩁᨱᩴ ᩅᩅᩣ ᩈᩦᩃᩣᨴᩥᨣᩩᨱᩮᩈᩩ ᨸᨣ᩠ᨣᩉᩮᨲᨻ᩠ᨻᩮᩣ.

ᨾᩮᨱ᩠ᨯᨠᨸᨬ᩠ᩉᩣ ᨣᨾ᩠ᨽᩦᩁᨣᨱ᩠ᨮᩥᨣᩩᨿ᩠ᩉᨸᨬ᩠ᩉᩣ.

ᩋᨽᩥᩅᨯ᩠ᨰᩥᨿᩣ ᩅᩣᨿᨾᨲᩦ’ᨲᩥ ᨸᩁᩥᨿᨲ᩠ᨲᩥᨸᨭᩥᨸᨲ᩠ᨲᩥᩈᩣᩈᨶᩣᨶᩴ ᩋᨽᩥᩅᨯ᩠ᨰᨶᨳᩣᨿ ᨧᨲᩩᨸᨧ᩠ᨧᨿᨴᩣᨶᩣᨴᩥᨶᩣ ᩏᨸᩣᨿᩮᨶ ᩅᩣᨿᩣᨾᩴ ᨠᩁᩮᩣᨲᩥ.

‘ᨽᩅᨲᩥ ᩈᨦ᩠ᨥᩮᨶ ᩈᨾᩈᩩᨡᩮᩣ ᨴᩩᨠ᩠ᨡᩥ ᨵᨾ᩠ᨾᩣᨵᩥᨸᨲᩥᨠᩮᩣ’ᨸᩥ ᨧ;

ᩈᩴᩅᩥᨽᩣᨣᩦ ᨿᨳᩣᨳᩣᨾᩴ ᨩᩥᨶᨧᨠ᩠ᨠᩣᨽᩥᩅᨯ᩠ᨰᨠᩮᩣ

ᩈᨾ᩠ᨾᩣᨴᩥᨭ᩠ᨮᩥᨸᩩᩁᩮᨠ᩠ᨡᩣᩁᩮᩣ ᩋᨶᨬ᩠ᨬᩈᨳᩩᨠᩮᩣ ᨲᨳᩣ;

ᩈᩩᩁᨠ᩠ᨡᩮᩣ ᨠᩣᨿᨠᨾ᩠ᨾᩣᨴᩥ ᩈᨾᨣ᩠ᨣᩣᨽᩥᩁᨲᩮᩣ’ᨸᩥ ᨧ

ᩋᨠᩩᩉᩮᩣ ᨶ ᩅᩁᩮᩣ ᨧᨠ᩠ᨠᩮ ᨻᩩᨴ᩠ᨵᩣᨴᩥᩈᩁᨱᩴ ᨣᨲᩮᩣ

ᨴᩈ ᩏᨸᩣᩈᨠᨣᩩᨱᩣ ᨶᩣᨣᩈᩮᨶᩮᨶ ᨽᩣᩈᩥᨲᩣ’ᨲᩥ;

ᩍᨾᩣ ᨲᩥᩔᩮᩣ ᨣᩣᨳᩣ.

‘ᨸᨬ᩠ᨧᨾᩴ ᩃᩉᩩ ᩈᨻ᩠ᨻᨳ ᩈᨲ᩠ᨲᨾᩴ ᨴ᩠ᩅᩥᨧᨲᩩᨳᩥᩈᩩ,

ᨨᨭ᩠ᨮᩴ ᨲᩩ ᨣᩁᩩᨸᩣᨴᩣᨶᩴ ᩈᩮᩈᩣ ᩋᨶᩥᨿᨾᩣ ᨾᨲᩣ’ᨲᩥ;

ᩍᨾᩥᨶᩣ ᩅᩩᨲ᩠ᨲᩃᨠ᩠ᨡᨱᩮᨶ ᩅᩩᨲ᩠ᨲᩣ.

ᩃᩮᩣᨠᩈᩣᨵᩣᩁᨱᩮᩣ’ᨲᩥ ᩈᨲ᩠ᨲᩃᩮᩣᨠᩮᨶ ᩈᨴᩥᩈᩮᩣ,

ᩋᨸ᩠ᨸᨲ᩠ᨲᨾᩣᨶᩈᩣᨶᨶ᩠ᨲᩥ ᩋᨸᨸᨲ᩠ᨲᩋᩁᩉᨲ᩠ᨲᨹᩃᩣᨶᩴ;

ᨬᩣᨱᩁᨲᨶᩣᩁᨾ᩠ᨾᨱᩮᨶᩣ’ᨲᩥ ¶ ᩋᩁᩉᨲ᩠ᨲᨾᨣᨣᨸᨴᨭ᩠ᨮᩣᨶᩈᨻᨻᨬ᩠ᨬᩩᨲ ᨬᩣᨱᩮᩣ ᨽᨣᩅᩣ ᩈᨻ᩠ᨻᨬ᩠ᨬᩩ ᩈᨻ᩠ᨻᨴᩔᩣᩅᩦ ᨴᩈᨻᩃᩈᨾᨶ᩠ᨶᩣᨣᨲᩮᩣ ᨧᨲᩩᩉᩥ ᩅᩮᩈᩁᨩ᩠ᨩᩮᩉᩥ ᩈᨾᨶᨶᩣᨣᨲᩮᩣ ᨸᨽᩥᨶ᩠ᨶᨸᨭᩥᩈᨾ᩠ᨽᩥᨴᩮᩣ ᨨᩊᨽᩥᨬ᩠ᨬᩮᩣ ᨧ ᩋᩈᩣᨵᩣᩁᨱᨬᩣᨱᩮᩣ ᩋᨭ᩠ᨮᩣᩁᩈᨻᩩᨴ᩠ᨵᨵᨾ᩠ᨾᩈᨾᨶ᩠ᨶᩣᨣᨲᩮᩣ, ᨲᩔ ᩋᩁᩉᨲ᩠ᨲᨾᨣᨣᨬᩣᨱᩴ ᨴᩈᨻᩃᩣᨴᩥᩈᨻ᩠ᨻᨣᩩᨱᨴᩣᨿᨠᩴ ᩈᨻ᩠ᨻᨬ᩠ᨬᩩᨲᨬᩣᨱᩴ ᩈᨻ᩠ᨻᨬᩮᨿ᩠ᨿᨵᨾ᩠ᨾᨩᩣᨶᨶᩈᨾᨳᨶ᩠ᨲᩥ ᨽᨣᩅᨲᩮᩣ ᨬᩣᨱᩁᨲᨶᩣᩁᨾ᩠ᨾᨱᩮᨶ ᩈᨠᩈᨠᨧᩥᨲ᩠ᨲᩩᨸ᩠ᨸᩣᨴᩮᨶ.

ᩏᨻ᩠ᨻᨲ᩠ᨲᩦᨿᨶ᩠ᨲᩮ’ᨲᩥ ᨸᨠᨲᩥᨸᨠᨲᩥᨲᩮᩣ ᩅᩥᨸᩁᩦᨿᨶ᩠ᨲᩮᩣ ᩅᩥᨶᩔᨶ᩠ᨲᩮ ᩅᩣ.

ᨶᩥᨸ᩠ᨸᨽᩣ ᨩᩣᨲᩣ ᨠᩩᨲᩥᨳᩥᨿᩣ ᩅᩴ ᨣᨱᩦᩅᩁᨸᩅᩁᨾᩣᩈᨩ᩠ᨩᩣᨲᩥ ᨠᩩᨲᩥᨳᩥᨿᩣ ᨾᩥᨧ᩠ᨨᩣᨴᩥᨭ᩠ᨮᩥᨠᩣ ᩅᩴ ᨽᨴᨶ᩠ᨲᩴ ᨣᨱᩥᩅᩁᨸᩅᩁᩴ ᨣᨱᩥᩅᩁᩮᩉᩥ ᨸᩁᩴ ᩈᩮᨭ᩠ᨮᩴ ᩌᩈᨩ᩠ᨩ ᨸᩅᩣ ᨶᩥᨸ᩠ᨸᨽᩣ ᨶᩥᨩ᩠ᨩᩮᩣᨲᩣ ᨽᩅᩮᨿ᩠ᨿᩩᨶ᩠ᨲᩥ ᨿᩮᩣᨩᨶᩣ.

ᨾᩮᨱ᩠ᨯᨠᨸᨬ᩠ᩉᩮᩈᩩ ᨸᩪᨩᩣᩅᨬ᩠ᨵᩣᩅᨬ᩠ᨵᩣᨸᨬ᩠ᩉᩮᩣ ᩋᨭ᩠ᨮᩩᨸᨾᩣᩈᩉᩥᨲᩮᩣ ᨸᨮᨾᩮᩣ.

ᩅᩣᩉᩈᨲᩴ ᨡᩮᩣ ᨾᩉᩣᩁᩣᨩ ᩅᩦᩉᩦᨶᩴ ᩋᨯ᩠ᨰᩩᨧᩪᩊᨬ᩠ᨧ ᩅᩣᩉᩣ ᩅᩦᩉᩦ ᩈᨲ᩠ᨲᨾ᩠ᨾᨱᩣᨶᩥ ᨴ᩠ᩅᩮ ᨧ ᨲᩩᨾ᩠ᨻᩣ ᩑᨠᨧ᩠ᨨᩁᨠ᩠ᨡᨱᩮ ᨸᩅᨲ᩠ᨲᩅᩥᨲ᩠ᨲᩔ ᩑᨲ᩠ᨲᨠᩣᩅᩥᩉᩦᨲᩥ ᩃᨠ᩠ᨡᩴ ᨮᨸᩦᨿᨾᩣᨶᩣ ᨸᩁᩥᨠ᩠ᨡᨿᩴ ᨸᩁᩥᨿᩣᨴᩣᨶᩴ ᨣᨧ᩠ᨨᩮᨿ᩠ᨿᩩᨶ᩠ᨲᩥ ᩑᨳ ᩈᩣᨴᩥᨠᨴᩥᨿᨯ᩠ᨰᩅᩣᩉᩈᨲᩴ ᨳᩮᩣᨠᩮᨶ ᩏᨴ᩠ᨵᩴ ᩏᨸᨯ᩠ᨰᩣᩅᩣᩉᩈᨲᩔ ᨸᨲᨶᩣᩃᩥᨠᩮ ᨲᩩᨾ᩠ᨻᩮᩣ’ᨲᩥ ᩋᨦ᩠ᨣᩩᨲ᩠ᨲᩁᨭᩦᨠᩣᨿᩴ ᩅᩩᨲ᩠ᨲᩴ. ᩋᨯ᩠ᨰᨧᩪᩊᨶ᩠ᨲᩥ ᩅᩣᩉᩔ ᨲᩔ ᩋᨯ᩠ᨰᩣᨵᩥᨠᩣ ᩅᩣᩉᩅᩦᩉᩦ’ᨲᩥᨸᩥ ᩅᨲ᩠ᨲᩩᩴ ᩅᨭ᩠ᨭᨲᩥᨿᩮᩅ.

‘ᨠᩩᨯᩩᨻᩮᩣ ᨸᩈᨲᩮᩣ ᩑᨠᩮᩣ ᨸᨳᩮᩣ ᨲᩮ ᨧᨲᩩᩁᩮᩣ ᩈᩥᨿᩩᩴ

ᩌᩊ᩠ᩉᨠᩮᩣ ᨧᨲᩩᩁᩮᩣ ᨸᨳᩣ ᨴᩮᩣᨱᩴ ᩅᩣ ᨧᨲᩩᩁᩣᩊ᩠ᩉᨠᩴ,

ᨾᩣᨱᩥᨠᩣ ᨧᨲᩩᩁᩮᩣ ᨴᩮᩣᨱᩣ ᨡᩣᩁᩦᨲᩥ ᨧᨲᩩᨾᩣᨱᩥᨠᩣ;

ᨡᩣᩁᩥᨿᩮᩣ ᩅᩦᩈ ᩅᩣᩉᩮᩣ’ᨳ ᩈᩥᨿᩣ ᨲᩩᨾ᩠ᨻᩮᩣ ᨴᩈᨾ᩠ᨾᨱᩴ

ᩌᩊᩉᨠᩮᩣ ᨶᩥᨳᩥᨿᩴ ᨲᩩᨾ᩠ᨻᩮᩣ ᨸᨳᩮᩣ ᨲᩩ ᨶᩣᩊᩥ ᨶᩣᩁᩥᨿᩴ,

ᩅᩣᩉᩮᩣ ᨲᩩ ᩈᨠᨭᩮᩣ ᨧᩮᨠᩮᩣ ᨴᩈ ᨴᩮᩣᨱᩣ ᨲᩩ ᩋᨾ᩠ᨾᨱ’ᨶ᩠ᨲᩥ;

ᩋᨽᩥᨵᩣᨶᨸ᩠ᨸᨴᩥᨸᩥᨠᩣᨿᩴ ᩅᩩᨲ᩠ᨲᩮᩣ ᩈᨠᨭᨸᨸᨾᩣᨱᩮᩣ ᩅᩣᩉᩮᩣ’ᨲᩥ ᩅᩥᨶᨿᨭᩦᨠᩣᨿᨾ᩠ᨸᨶ’ ᨴ᩠ᩅᩮ ᩈᨠᨭᩣ ᩅᩣᩉᩣ ᩑᨠᩮᩣ ᩅᩣᩉᩮᩣ’ᨲᩥ ᩅᩩᨲ᩠ᨲᩴ. ᩅᩥᩉᩦᨶᩴ ᩅᩣᩉᩈᨲᨬ᩠ᨧ ᩋᨯ᩠ᨰᨧᩪᩃᨬ᩠ᨧ ᩅᩣᩉᩈᨲᩔ ᩋᨯᨰᨬᨧ ᨧᩪᩊᩴ ᩋᨯᨰᨲᩮᩣ ᨳᩮᩣᨠᩮᨶ ᩐᨶᩴ ᩅᩣ ᩉᩮᩣᨲᩥ. ᨿᨳᩣᩅᩩᨲ᩠ᨲᩅᩣᩉᨲᩮᩣ ᩋᨵᩥᨠᩣᨶᩥ ᩅᩦᩉᩥᩈᨲ᩠ᨲᨾ᩠ᨾᨱᩣᨶᩥ ᩅᩦᩉᩦᨶᩴ ᩈᨲ᩠ᨲ ᩋᨾ᩠ᨾᨱᩣᨶᩥ ᨴ᩠ᩅᩮ ᨧ ᨲᩩᨾ᩠ᨻᩣ ᩉᩮᩣᨶ᩠ᨲᩦ’ᨲᩥ ᨿᩮᩣᨩᨶᩣ. ᩅᩦᩉᩦᨶᩴ ᩈᩣᨵᩥᨠᨴᩥᨿᨯ᩠ᨰᩅᩣᩉᩈᨲᨶ᩠ᨲᩥ ᩋᨵᩥᨸ᩠ᨸᩣᨿᩮᩣ.

ᩑᨠᨧ᩠ᨨᩁᨠ᩠ᨡᨱᩮ ᨸᩅᨲ᩠ᨲᨧᩥᨲ᩠ᨲᩔᩣ’ᨲᩥ ᩍᨾᩔ ᩃᨠ᩠ᨡᨶ᩠ᨲᩥ ᩍᨾᩥᨶᩣ ᩈᨾ᩠ᨻᨵᩮᩣ. ᩃᨠ᩠ᨡᨶᨲᩥ ¶ ᨧᩥ ᨣᩉᨱᩈᩃ᩠ᩃᨠ᩠ᨡᨱᨳᩴ ᩈᨾ᩠ᨸᨴᩣᨶᨳᩮ ᨧᩮᨲᩴ ᩏᨸᨿᩮᩣᨣᩅᨧᨶᩴ’ ᨴᩥᩅᩣᩅᩥᩉᩣᩁᩴ ᨸᩣᩅᩥᩈᩦ’ᨲᩥ ᨴᩥᩅᩣᩅᩥᩉᩣᩁᨳᩣᨿ ᨸᩣᩅᩥᩈᩥᨲᩥᩌᨴᩥᩈᩩ ᩅᩥᨿ. ᩃᨠ᩠ᨡᩈᨴ᩠ᨴᩮᩣ ᨧ ᩃᨠ᩠ᨡᨱᩅᩣᨧᨠᩮᩣ. ᩅᩩᨲ᩠ᨲᨬ᩠ᩉᩮᨲᩴ ᩋᨽᩥᨵᩣᨶᩈᨳᩮ.

‘ᨠᩃᨦ᩠ᨠᩮᩣ ᩃᨬ᩠ᨨᨶᩴ ᩃᨠ᩠ᨡᩴ ᩋᨦ᩠ᨠᩮᩣ’ᨽᩥᨬ᩠ᨬᩣᨱᩃᨠ᩠ᨡᨱᩴ,

ᨧᩥᨱ᩠ᩉᨬ᩠ᨧᩣᨸᩥ ᨲᩩ ᩈᩮᩣᨽᩣ ᨲᩩ ᨸᩁᨾᩣ ᩈᩩᩈᨾᩣ’ᨳ ᨧᩣ’ᨲᩥ;

ᨸᩁᩥᨠ᩠ᨡᨿᩴ ᨸᩁᩥᨿᩣᨴᩣᨶᨶ᩠ᨲᩥ ᨡᩦᨱᨽᩣᩅᩴ ᨣᨧ᩠ᨨᩮᨿ᩠ᨿᩩᩴ. ᩍᨾᩥᨶᩣ ᨴᩈᩣᨵᩥᨠᨴᩥᨯ᩠ᨰᩅᩣᩉᩈᨲᩅᩦᩉᩥᨲᩮᩣ ᩋᨵᩥᨠᩣᨶᩥᩑᨠᨧ᩠ᨨᩁᨠ᩠ᨡᨱᩮ ᨸᩅᨲ᩠ᨲᨧᩥᨲ᩠ᨲᩣᨶᩦ’ᨲᩥ ᨴᩔᩮᨲᩥ.

ᩑᩅᩴ ᩑᨠᨧ᩠ᨨᩁᨠ᩠ᨡᨱᩮ ᨸᩅᨲ᩠ᨲᨧᩥᨲ᩠ᨲᩔ ᩑᨲ᩠ᨲᨠᩅᩦᩉᩥᨲᩮᩣ ᩋᨶᩮᨠᨽᩣᩅᩴ ᨴᩔᩮᩅᩣ ᩍᨴᩣᨶᩥ ᩑᨠᨧ᩠ᨨᩁᨠ᩠ᨡᨱᩮ ᨸᩅᨲ᩠ᨲᨧᩥᨲ᩠ᨲᩔ ᨸᩩᨣ᩠ᨣᩃᩅᩥᩈᩮᩈᩅᩈᩮᨶ ᩅᩥᩈᩮᩈᨽᩣᩅᩴ ᨴᩔᩮᨲᩩᩴ ᨲᨲᩕᩦᨾᩮ’ᨲᩥᩌᨴᩥᨾᩣᩉ.

ᨲᨳ

ᨲᨲᩕᩣᨲᩥ ᩈᨲ᩠ᨲᩅᩥᨵᩮᩈᩩ ᩈᨲ᩠ᨲᩮᩈᩩ.

ᩍᨾᩮ ᩈᨲ᩠ᨲᩅᩥᨵᩣ ᨧᩥᨲ᩠ᨲᩣ ᨸᩅᨲ᩠ᨲᨶ᩠ᨲᩦᨲᩥ ᩍᨾᩣᨶᩥ ᩈᨲ᩠ᨲᩅᩥᨵᩣᨶᩥ ᨧᩥᨲ᩠ᨲᩣᨶᩥ ᨸᩅᨲ᩠ᨲᨶ᩠ᨲᩥ.

ᩋᨽᩣᩅᩥᨲᨠᩣᨿᩣ’ᨲᩥ ᨸᨬ᩠ᨧᩩᨸᩣᨴᩣᨶᨠ᩠ᨡᨵᨠᩣᨿᩮᩈᩩ ᩋᨶᩥᨧ᩠ᨧᩣᨴᩥᩅᩈᩮᨶ ᩋᨽᩣᩅᩥᨲᨠᩣᨿᩣ.

ᩋᨽᩣᩅᩥᨲᩈᩦᩃᩣ’ᨲᩥ ᩋᨽᩣᩅᩥᨲᩃᩮᩣᨠᩩᨲ᩠ᨲᩁᩈᩦᩃᩣ.

ᨲᩦᩈᩩ ᨮᩣᨶᩮᩈᩩ’ᨲᩥ ᩈᨠ᩠ᨠᩣᨿᨴᩥᨭ᩠ᨮᩥ-ᩅᩥᨧᩥᨠᩥᨧ᩠ᨨᩣ-ᩈᩦᩃᨻ᩠ᨻᨲᨸᩁᩣᨾᩣᩈ ᩈᨾᩩᨣ᩠ᨥᩣᨭᩥᨲᨭ᩠ᨮᩣᨶᩅᩈᩮᨶ ᨲᩦᩈᩩ ᨮᩣᨶᩮᩈᩩ. ᩏᨸᩁᩥᨽᩩᨾᩦᩈᩩ’ᨲᩥ ᩈᨠᨴᩣᨣᩣᨾᩥᩌᨴᩦᨶᩴ ᨸᨬ᩠ᨧᨠ᩠ᨡᨵᩈᨦ᩠ᨡᩣᨲ ᩏᨸᩁᩥᨽᩩᨾᩥᩈᩩ?

ᨸᨬ᩠ᨧᩈᩩ ᨮᩣᨶᩮᩈᩩ’ᨲᩥ ᩉᩮᨭ᩠ᨮᩣ ᩅᩩᨲ᩠ᨲᩮᩈᩩ ᨲᩦᩈᩩ ᨮᩣᨶᩮᩈᩩ ᩁᩣᨣᨴᩮᩣᩈᨲᨶᩩᨭ᩠ᨮᩣᨶᨴ᩠ᩅᨿᩴ ᨸᨠ᩠ᨡᩥᨸᩥᩅᩣ ᨸᨬ᩠ᨧ ᨮᩣᨶᩣᨶᩥ ᩅᩮᨴᩥᨲᨻ᩠ᨻᩣᨶᩥ.

ᨴᩈᩈᩩ ᨮᩣᨶᩮᩈᩩ’ᨲᩥ ᩉᩮᨭ᩠ᨮᩣ ᨸᨬ᩠ᨧᨭ᩠ᨮᩣᨶᩣᨶᩥ ᨧᩮᩅ ᨣᩉᩥᨲᨣ᩠ᨣᩉᨱᨶᨿᩮᨶ ᩈᨠ᩠ᨠᩣᨿᨴᩥᨭ᩠ᨮᩥ-ᩅᩥᨧᩥᨠᩥᨧ᩠ᨨᩣ-ᩈᩦᩃᨻ᩠ᨻᨲᨸᩁᩣᨾᩣᩈ-ᩃᩮᩣᨽ-ᩅ᩠ᨿᩣᨸᩣᨴ-ᩈᨦ᩠ᨡᩣᨲ-ᨸ- ᨬ᩠ᨧᩮᩣᩁᨾ᩠ᨽᩣᨣᨿᩈᨬ᩠ᨬᩮᨩᨶᩈᨾᩩᨣ᩠ᨥᩣᨭᩥᨲᨴ᩠ᨵᩣᨶᩅᩈᩮᨶ ᨸᨬ᩠ᨧ᩠ौᨴ᩠ᨵᨾ᩠ᩉᩣᨣᩥᨿ ᩈᩴᨿᩮᩣᨩᨶ ᩈᨾᩩᨣ᩠ᨥᩣᨭᩥᨲᨭ᩠ᨮᩣᨶᩅᩈᩮᨶᩮᩅ. ᩋᨸᩁᩣᨲᩥ ᨸᨬ᩠ᨧᩣ’ᨲᩥ ᨴᩈ ᨮᩣᨶᩣᨶᩥ ᩅᩥᨸᩔᨶᩣᨿ ᩌᩁᨾ᩠ᨾᨱᨽᩩᨲᩣ ᨸᨬ᩠ᨧᩩᨸᩣᨴᩣᨶᨠ᩠ᨡᨵᩣ ᨿᩮᩅᩣᨲᩥ ᨣᩉᩮᨲᨻ᩠ᨻᩴ.

ᨶᩣᩁᩣᨧᩔᩣ’ᨲᩥ ᩏᩈᩩᩋᨣ᩠ᨣᨸᩅᩮᩈᩥᨲ-ᩋᨿᩮᩣᨾᨿ ᨶᩣᩁᩣᩅᩔ

ᨴᩊ᩠ᩉᩴ ᨧᩣᨸᩈᨾᩣᩁᩪᩊ᩠ᩉᩔᩣ’ᨲᩥ ᨴᩊ᩠ᩉᨧᩣᨸᨵᨶᩩᨾ᩠ᩉᩥ ᩌᩁᩮᩣᨸᩥᨲᩔ.

ᨲᨳᩣ’ᨲᩥ ᨽᨣᩅᨲᩮᩣ ᩃᩉᩩᨠᨸᩁᩥᩅᨲ᩠ᨲᨶᩮ. ᩏᨲ᩠ᨲᩁᩥᨠᩣᩁᨱ’ᨶ᩠ᨲᩥ ¶ ᨿᨾᨠᨸᩣᨭᩥᩉᩣᩁᩥᨿᨲᩮᩣ ᩏᨲ᩠ᨲᩁᩥᨿᩴ ᩅᩩᨲ᩠ᨲᩴ

ᨲᨾ᩠ᨸᩥ ᨾᩉᩣᩁᩣᨩ ᨸᩣᨭᩥᩉᩥᩁᨶ᩠ᨲᩥ ᨲᨾᨽᨣᩅᨲᩮᩣ ᩋᨣ᩠ᨣᩥᨠ᩠ᨡᨵ-ᩏᨴᨠᨵᩣᩁᩣ-ᨸᩅᨲ᩠ᨲᨶ-ᩈᨦ᩠ᨡᩣᨲ-ᨿᨾᨠᨸᩣᨭᩥᩉᩦᩁᩴ ᩋᨲ᩠ᨲᨶᩮᩣ ᨸᩁᩮᩈᩴ ᩁᩣᨣᩣᨴᩥᨸᨧ᩠ᨧᨶᩦᨠᩉᩁᨱᨲᩮᩣ ᨸᩣᨭᩥᩉᩥᩁᩴ.

ᩌᩅᨩ᩠ᨩᨶᩅᩥᨠᩊᨾᨲ᩠ᨲᨠᩮᨶᩣ’ᨲᩥ ᨽᨣᩅᨲᩣ ᩋᨶᩩᨸ᩠ᨸᩣᨴᩥᨲᩅᩈᩮᨶ ᨾᨶᩮᩣᨴ᩠ᩅᩣᩁᩣᩅᨩ᩠ᨩᨶᩔ ᩉᩦᨶᩅᩈᩮᨶ

ᩈᨻ᩠ᨻᨬ᩠ᨬᩩᨸᨬ᩠ᩉᩮᩣ ᨴᩩᨲᩥᨿᩮᩣ.

ᨨᨠᩮᩣᨭ᩠ᨮᩣᩈᩮ ᨠᨲᩮ ᨠᨸ᩠ᨸᩮ’ᨲᩥ ᨧᨲᩩᩈᨭ᩠ᨮᩥᩋᨶ᩠ᨲᩁᨠᨸ᩠ᨸᨸᨾᩣᨱᩮ ᩅᩥᩅᨭ᩠ᨭᨭ᩠ᨮᩣᨿᩥᨠᨸ᩠ᨸᩮ ᨨᨠᩮᩣᨭ᩠ᨮᩣᩈᩮ ᨠᨲᩮ.

ᩋᨲᩥᨠ᩠ᨠᨶ᩠ᨲᩮ ᨸᨮᨾᨠᩮᩣᨭ᩠ᨮᩣᩈᩮ ᨠᩥᨬ᩠ᨧᩥ ᩈᩣᨵᩥᨠᨴᩈᨶ᩠ᨲᩁᨠᨸ᩠ᨸᨸᨾᩣᨱᩮ ᩅᩥᨧᨭ᩠ᨭᨭ᩠ᨮᩣᨿᩥᨠᨸ᩠ᨸᩔ ᨸᨮᨾᨠᩮᩣᨭᨮᩣᩈᩮ ᩋᨲᩥᨠ᩠ᨠᨶ᩠ᨲᩮ ᨴᩮᩅᨴᨲ᩠ᨲᩮᩣ ᩈᨦ᩠ᨥᩴ ᨽᩥᨴᩥ ᨴᩮᩅᨴᨲ᩠ᨲᨸᨻ᩠ᨻᨩ᩠ᨩᩣᨸᨬ᩠ᩉᩮᩣ ᨲᨲᩥᨿᩮᩣ

ᨿᨾᨶᩥᨿᨾᩮ’ᨲᩥ

‘ᨿᩴ ᨴᩮᩉᩈᩣᨵᨶᩣᨸᩮᨠ᩠ᨡᩴ ᨶᩥᨧ᩠ᨧᩴ ᨠᨾ᩠ᨾᨾᨿᩴ ᨿᨾᩮᩣ,

ᩌᨣᨶ᩠ᨲᩴ ᩈᩣᨵᨶᩴ ᨠᨾ᩠ᨾᩴ ᩋᨶᩥᨧ᩠ᨧᩴ ᨶᩥᨿᨾᩮᩣ ᨽᩅᩮ;

ᩋᩉᩥᩴᩈᩣᩈᨧ᩠ᨧᨾᩣᨵᩮᨿ᩠ᨿᩴ ᨻᩕᩉ᩠ᨾᨧᩣᩁ ᨸᩁᩥᨣ᩠ᨣᩉᩮᩣ,

ᨶᩥᨧ᩠ᨧᩴ ᩈᩁᩦᩁᩈᩮᩣᨧᩮᨿ᩠ᨿᩴ ᨿᨾᩮᩣ ᨶᩣᨾᩣᨲᩥ ᩅᩩᨧ᩠ᨧᩁᩮ;

ᩈᨶ᩠ᨲᩮᩣᩈ-ᨾᩮᩣᨶ-ᩈᨩ᩠ᨫᩣᨿᩣ ᨠᩥᨧ᩠ᨨᩣᨠᩉᩣᩁᩮᩣ ᨧ ᨽᩣᩅᨶᩣ,

ᩈᨿᨾ᩠ᨸᩣᨠ-ᩅᨶᩮ ᩅᩣᩈᩣ-ᨶᩥᨿᨾᩣ-ᨶᩥᨧ᩠ᨧᩈᩣᨵ᩠ᨿᨲᩣ’;

ᩑᩅᩴ ᩅᩩᨲ᩠ᨲᩮ ᨿᨾᨠᨾ᩠ᨾᩮ ᨧ ᨶᩥᨿᨾᨠᨾ᩠ᨾᩮ ᨧ.

ᨿᩴ ᨲᨳᩣᨣᨲᩮᩣ…ᨸᩮ… ᩑᩅᨾᨵᩥᨸ᩠ᨸᩣᨿᩮᩣ ᩋᨳᩥ ᨿᩴ ᨿᩮᨶ ᨣᩩᨱᩮᨶ ᩉᩮᨲᩩ ᨽᩩᨲᩮᨶ…ᨸᩮ…ᩑᩅᩴ ᩋᨵᩥᨸ᩠ᨸᨿᩮᩣ ᩉᩮᩣᨲᩥ ᨲᩴ ᨻᩩᨴ᩠ᨵᩣᨶᩴ ᨣᩩᨱᩴ ᩋᨽᩩᨲᩴ ᩋᨳᩥᨲᩥ ᨿᩮᩣᨩᨶᩣ.

ᨸᩁᨠ᩠ᨠᨾᩮᩣ ᨴᨠ᩠ᨡᩣᨸᩥᨲᩮᩣ’ᨲᩥ ᨸᩣᩁᨾᩦᨸᩪᩁᨱᩮ ᨸᩁᨠ᩠ᨠᨾᩮᩣ ᩅᩣᨿᩣᨾᩮᩣ ᨴᨠ᩠ᨡᩣᨸᩥᨲᩮᩣ ᨸᩮᨠ᩠ᨡᩣᨸᩥᨲᩮᩣ.

ᩉᩥᨿ᩠ᨿᩮᩣ ᩒᨽᩣᩈᩥᨲᩣ’ᨲᩥ ᨩᩥᨶᩣᨶᩴ ᨸᩣᩁᨾᩦ ᨧ ᨶᨿᩣ ᨽᩥᨿ᩠ᨿᩮᩣ ᩋᨲᩥᩈᨿᩮᨶ ᩒᨽᩣᩈᩥᨲᩣ.

ᨽᩥᨴᩥ ᨲᩥᨳᩥᨿᩣᨶᩴ ᩅᩣᨴᨣᨱ᩠ᨮᩥᨶ᩠ᨲᩥ ᩅᩴ ᨲᩥᨳᩥᨿᩣᨶᩴ ᨾᩥᨧ᩠ᨨᩣᩅᩣᨴᨣᨱ᩠ᨮᩥᩴ ᨸᨽᩥᨴᩥ.

ᨽᩥᨶ᩠ᨶᩣ ¶ ᨸᩁᨸ᩠ᨸᩅᩣᨴᨠᩩᨾ᩠ᨽᩣ’ᨲᩥ ᨸᩁᨸ᩠ᨸᩅᩣᨴᩣ ᨲᨿᩣ ᨽᩥᨶ᩠ᨶᩣ.

ᨣᨾ᩠ᨽᩦᩁᩮᩣ ᩏᨲ᩠ᨲᩣᨶᩥᨠᨲᩮᩣ’ᨲᩥ ᩋᨲᩥᩅᩥᨿ ᨣᨾ᩠ᨽᩦᩁᩮᩣ ᨸᨬ᩠ᩉᩮᩣ ᨲᨿᩣ ᩏᨲ᩠ᨲᩣᨲᩦᨠᨲᩮᩣ.

ᩈᨾ᩠ᨾᩣᩃᨴ᩠ᨵᩴ ᨩᩥᨶᨸᩩᨲ᩠ᨲᩣᨶᩴ ᨶᩥᨻ᩠ᨻᩣᩉᨶᨶ᩠ᨲᩥ ᨸᩁᨾᩥᨧ᩠ᨨᩣᩅᩣᨴᩉᩁᨱᩮ ᩏᨸᩣᨿᩈᨦ᩠ᨡᩣᨲᩴ ᨶᩥᨻ᩠ᨻᩣᩉᨶᨾᩩᨡᩴ ᨩᩥᨶᨸᩩᨲ᩠ᨲᩣᨶᩴ ᨩᩥᨶᨸᩩᨲ᩠ᨲᩮᩉᩥ ᩈᩩᨭ᩠ᨮᩩ ᩃᨴ᩠ᨵᩴ.

ᩑᩅᨾᩮᨲᨶ᩠ᨲᩥ ᩈᨻ᩠ᨻᩴ ᩉᩮᨭ᩠ᨮᩣᩅᩩᨲ᩠ᨲᩅᨧᨶᩴ ᨲᨿᩣ ᩅᩩᨲ᩠ᨲᩴ ᨿᨳᩣ ᩉᩮᩣᨲᩥ ᨲᩴ,

ᩈᨻ᩠ᨻᩴ ᩅᨧᨶᩴ ᩑᩅᩴ ᩈᨽᩣᩅᨲᩮᩣ ᩉᩮᩣᨲᩦᨲᩥ ᩋᨩ᩠ᨫᩣᩉᩣᩁᨿᩮᩣᨩᨶᩣ;

ᨣᨱᩦᩅᩁᨸᩅᩁᩣ’ᨲᩥ ᩌᩃᨸᨶᨾᩮᨲᩴ ᨣᨱᩦᨶᩴ ᨣᨱᨸᩁᩥᩈᩣᨶᩴ ᩅᩁᨸᩁᨾ,

ᩋᨲᩥᩈᩮᨭ᩠ᨮ ᨿᨳᩣ ᨲᨿᩣ ᩅᩩᨲ᩠ᨲᩴ ᨾᨿᩴ ᨲᨳᩣ ᩈᨾ᩠ᨸᨭᩥᨧᨨᩣᨾᩣ’ᨲᩥ;

ᨸᨳᩅᩥᨠᨾ᩠ᨸᨶᩉᩮᨲᩩᨸᨬ᩠ᩉᩮᩣ ᨧᨲᩩᨳᩮᩣ.

ᨶᨳᨬ᩠ᨬᩴ ᨧᩮᨳᩣᨲᩥ ᩑᨲᩮᩈᩩ ᩈᨧ᩠ᨧᩮᩈᩩ ᩅᩥᨩ᩠ᨩᨾᩣᨶᩴ ᩈᨧ᩠ᨧᨲᩮᩣ ᩋᨬ᩠ᨬᩴ ᨠᩣᩁᨱᩴ ᨸᨭᩥᩅᩮᨵᩔ ᨧ ᨶᨳᩥ.

ᩈᩦᩉᩁᨳᩮᨶᩣ’ᨲᩥ ᩈᩮᨭ᩠ᨮᩁᨳᩮᨶ ᨾᨬ᩠ᨧᩁᨳᩮᨶ. ᩈᩦᩉᩈᨴ᩠ᨴᩮᩣ ᩅᩣ ᩏᩈᨽᩈᨴ᩠ᨴᩮᩣ ᩅᩣ ᩋᨬ᩠ᨬᩈᨴ᩠ᨴᩮᨶ ᨸᨿᩩᨲ᩠ᨲᩮᩣ ᩈᩮᨭ᩠ᨮᩅᩣᨧᨠᩮᩣ ᩉᩮᩣᨲᩦᨲᩥ.

ᩈᩥᩅᩥᩁᩣᨩᨴᩥᨻ᩠ᨻᨧᨠ᩠ᨡᩩᨸᨬ᩠ᩉᩮᩣ ᨸᨬ᩠ᨧᨾᩮᩣ.

ᨠᩃᩃᩴ ᩒᩈᩁᨲᩦᨲᩥ ᩍᨴᩴ ᨾᩣᨲᩩᨿᩣ ᨸᩥᨭ᩠ᨮᩥᨠᨱ᩠ᨭᨠᨶᩣᨽᩦᨶᩴ ᨾᨩ᩠ᨫᨭ᩠ᨮᩣᨶᨽᩩᨲᩮ ᨣᨻ᩠ᨽᨸᨲᩥᨭ᩠ᨮᩣᨶᩣᩁᩉᨭ᩠ᨮᩣᨶᩮ ᩈᨶ᩠ᨶᩥᨧᩥᨲᩴ ᨸᨭᩥᨠᩃᩃᩈᨴᩥᩈᩴ ᨾᨴᩁᨲ᩠ᨲᩃᩮᩣᩉᩥᨲᩴ ᩈᨵᩣᨿ ᩅᩩᨲ᩠ᨲᩴ, ᨶ ᨠᩃᩃᩁᩪᨸᩴ.

ᨾᩩᨡᨸᩣᨶᩮᨶᨸᩥ ᨴ᩠ᩅᨿᩈᨶ᩠ᨲᩥᨸᩣᨲᩮᩣ ᨽᩅᨲᩦᨲᩥ ᨾᩩᨡᨸᩣᨶᩮᨶᨸᩥ ᩈᩉ ᨾᩣᨲᩣ ᨧ ᩏᨲᩩᨶᩦ ᨣᨻ᩠ᨽᩮᩣ ᨸᨧ᩠ᨧᩩᨸᨭ᩠ᨮᩥᨲᩮᩣ’ᨲᩥ ᨴ᩠ᩅᨿᩈᨶ᩠ᨶᩥᨸᩣᨲᩮᩣ ᨽᩅᨲᩥ.

ᨸᩩᩁᩥᨾᩮᨶ ᨲᨳ ᨠᩣᩁᨱᩴ ᩅᨠ᩠ᨡᩣᨾᩦᨲᩥ ᨸᩩᩁᩥᨾᩮᨶ ᩈᩣᨾᩅᨳᩩᨶᩣ ᨲᩮᩈᩴ ᨴ᩠ᩅᩥᨶ᩠ᨶᩴ ᨲᩥᨱ᩠ᨱᩴ ᩈᨶ᩠ᨶᩥᨸᩣᨲᩣᨶᩴ ᩋᨶ᩠ᨲᩮᩣᨣᨵᨽᩣᩅᩮ ᨠᩣᩁᨱᩴ ᨿᩪᨲ᩠ᨲᩥᩅᨧᨶᩴ ᨠᨳᩮᩔᩣᨾᩥ.

ᨲᩮ ᩈᨻ᩠ᨻᩮ’ᨲᩥ ᨿᩮ ᨠᩮᨧᩥ ᩈᨲ᩠ᨲᩣ ᨾᩣᨲᩩᨣᨻ᩠ᨽᩴ ᩒᨠ᩠ᨠᨶ᩠ᨲᩣ ᨲᩮ ᩈᨻ᩠ᨻᩮ ᩈᨲ᩠ᨲᩣ ᨿᩮ ᩅᨶᩁᩩᨠ᩠ᨡᩣᨴᨿᩮᩣ’ᨲᩥ ᨿᩮᩣᨩᨶᩣ.

ᨿᩮᩣ ᨠᩮᩣᨧᩥ ᨣᨵᨻ᩠ᨻᩮᩣ’ᨲᩥ ᨿᩮᩣ ᨠᩮᩣᩅᩥ ᩋᨲ᩠ᨲᨶᩮᩣ ᨠᨾ᩠ᨾᩮᨶ ᨲᨳ ᨲᨳ ᩏᨸᨣᨶ᩠ᨶᨻ᩠ᨻᩈᨲ᩠ᨲᩮᩣ.

ᨣᨻᨽᩣᩅᨠ᩠ᨠᨶ᩠ᨲᩥᨸᨬ᩠ᩉᩮᩣ ᨨᨭ᩠ᨮᩮᩣ.

ᩈᨴ᩠ᨵᨾ᩠ᨾᩮᩣ’ᨲᩥ ¶ ᨸᨭᩥᩈᨾ᩠ᨽᩥᨴᩣᨸ᩠ᨸᨲ᩠ᨲᨡᩦᨱᩣᩈᩅᩈᨶ᩠ᨲᨠᩣᨵᩥᨣᨾᩈᨴ᩠ᨵᨾ᩠ᨾᩮᩣ ᩈᩩᨴ᩠ᨵᨶᨿ-ᨸᨭᩥᩅᨲ᩠ᨲᨶᩅᩈᩮᨶ ᨸᨭᩥᩅᩮᨵᩈᨴ᩠ᨵᨾ᩠ᨾᩮᩣ ᩅᩣ.

ᨲᩴ ᨡᨿᩴ ᨸᩁᩥᨴᩦᨸᨿᨶ᩠ᨲᩮᩣ’ᨲᩥ ᨲᩮᨶ ᩅᨧᨶᩮᨶ ᨸᩩᨻ᩠ᨻᨸᨬ᩠ᨧᩅᩔᩈᨲᨸ᩠ᨸ-ᨾᩣᨱᨭ᩠ᨮᩣᨶᩣᩁᩉ-ᩈᨴ᩠ᨵᨾ᩠ᨾᨠ᩠ᨡᨿᩴ ᨸᩁᩥᨴᩦᨸᨿᨶ᩠ᨲᩮᩣ.

ᩈᩮᩈᨠᩴ ᨸᩁᩥᨧ᩠ᨨᩥᨴᩦᨲᩥ ᩈᩮᩈᨠᩴ ᨸᨧ᩠ᨨᩥᨾᨸᨬ᩠ᨧᩅᩔᩈᨲᩴ ᩈᨴ᩠ᨵᨾ᩠ᨾᨲᩥᨭ᩠ᨮᨶᨠ᩠ᨡᨱᩴ ᨸᩁᩥᨧ᩠ᨨᩥᨴᩥ. ᨲᩴ ᨴᩦᨸᨶᩣᨠᩣᩁᩴ ᨸᩁᩥᨧ᩠ᨨᨴᨶᩣᨠᩣᩁᨬ᩠ᨧ ᨴᩔᩮᨶ᩠ᨲᩮᩣ ᩅᩔᩈᨲᩴ ᩈᩉᩔᨶ᩠ᨲᩥᩌᨴᩥᨾᩣᩉ.

ᨶᨭ᩠ᨮᩣᨿᩥᨠᩮᩣ’ᨲᩥ ᨶᨭ᩠ᨮᨵᨶᩮᩣ.

ᩅᩔᩈᨲᨸ᩠ᨸᨾᩣᨱᨸᨬ᩠ᩉᩮᩣ ᩈᨲ᩠ᨲᨾᩮᩣ.

ᨲᨲᩕ ᨿᩮ ᨲᩮ ᩈᨲ᩠ᨲᩮ ᨠᨾ᩠ᨾᩴ ᩅᩥᨻᩣᨵᨲᩥ ᨲᩮ ᩍᨾᩮ ᩈᨲ᩠ᨲᩣ ᨠᩣᩁᨱᩴ ᨸᨭᩥᨻᩣᩉᨶ᩠ᨲᩥ, ᨲᩮᩈᩴ ᨲᩴ ᩅᨧᨶ ᨾᩥᨧ᩠ᨨᩣ’ᨲᩥ ᨸᩮᩣᨳᨠᩮᩈᩩ ᩃᩥᨡᩥᨲᩴ ᨲᩴ ᨴᩩᨩ᩠ᨩᩣᨶᩴ. ᨲᩈ᩠ᨾᩣ ᨿᩮ ᩈᨲ᩠ᨲᩮ ᨠᨾ᩠ᨾᩴ ᩅᩥᨻᩣᨵᨲᩥ, ᨲᩮ ᩈᨲ᩠ᨲᩣ ᨠᨾ᩠ᨾᩅᩥᨸᩣᨠᨩᩣ, ᨴᩩᨠ᩠ᨡ ᩅᩮᨴᨶᩣ ᩅᩮᨴᨿᨶ᩠ᨲᩦᨲᩥ ᨿᩮ ᨸᨶ ᩈᨲ᩠ᨲᩣ ᨠᩣᩁᨱᩴ ᨸᨭᩥᨻᩣᩉᨶ᩠ᨲᩥ ᨲᩮᩈᩴ ᨲᩴ ᩅᨧᨶᩴ ᨾᩥᨧ᩠ᨨᩣ’ᨲᩥ ᨸᩣᨮᩮᨶ ᨽᩅᩥᨲᨻ᩠ᨻᩴ. ᩑᩅᨬ᩠ᩉᩥ ᩈᨲᩥ ᨸᩩᨻ᩠ᨻᩣᨸᩁᩴ ᩈᨾᩮᨲᩥ.

ᨲᨲᩕ ᨿᩮ ᨲᩮ ᨶᩅᩅᩥᨵᩣ’ᨲᩥ ᨲᨲᩕ ᨴᩈᩅᩥᨵᩮᩈᩩ ᨠᩩᨸ᩠ᨸᩅᩣᨲᩮᩈᩩ ᨿᩮ ᨲᩮ ᨶᩅᩅᩥᨵᩣ ᨠᩩᨸ᩠ᨸᩅᩣᨲᩣ.

ᨶ ᨲᩮ ᩋᨲᩦᨲᩮ ᩏᨸ᩠ᨸᨩ᩠ᨩᨶ᩠ᨲᩥᨲᩥ ᨲᩮ ᩅᩣᨲᩣ ᩋᨲᩦᨲᩮ ᨽᩅᩮ ᨠᨾ᩠ᨾᨻᩃᩮᨶ ᨶ ᩏᨸ᩠ᨸᨩ᩠ᨩᨶ᩠ᨲᩥ. ᩈᩮᩈ ᨸᨴᨴ᩠ᩅᨿᩮ’ᨸᩥ ᩑᩈᩮᩅ ᨶᨿᩮᩣ.

ᨲᩮᩉᩥ ᨲᩮᩉᩥ ᨠᩮᩣᨸᩮᩉᩦ’ᨲᩥ ᨲᩮᩉᩥ ᨲᩮᩉᩥ ᩈᩦᨲᩣᨴᩥᨠᩮᩣᨸᨸ᩠ᨸᨠᩣᩁᩮᩉᩥ.

ᩈᨠᩴ ᩈᨠᩴ ᩅᩮᨴᨶᨶ᩠ᨲᩥ ᩋᨲ᩠ᨲᨶᩮᩣ ᩋᨲ᩠ᨲᨶᩮᩣ ᨹᩃᨽᩪᨲᩴ ᩅᩮᨴᨶᩴ.

ᩅᩥᩈᨾᨸᩁᩥᩉᩣᩁᨩᩣ’ᨲᩥ ᨧᨲᩩᨶ᩠ᨶᩴ ᩍᩁᩥᨿᩣᨸᨳᩣᨶᩴ ᩅᩥᩈᨴᩥᩈᩉᩁᨱᨲᩮᩣ ᨩᩣᨲᩣ ᩅᩮᨴᨶᩣ.

ᩒᨸᨠ᩠ᨠᨾᩥᨠᩮᨶᩣ’ᨲᩥ ᨴᨱ᩠ᨯᨸ᩠ᨸᩉᩣᩁᨴᩥᩅᩈᩮᨶ ᨸᩁᩪᨸᨠ᩠ᨠᨾᩮᨶ.

ᨠᨾ᩠ᨾᩅᩥᨸᩣᨠᨩᩣ’ᨲᩥ ᨠᨾ᩠ᨾᩅᩥᨸᩣᨠᨽᩩᨲᨸᨬ᩠ᨧᨠ᩠ᨡᨵᨲᩮᩣ ᨩᩣᨲᩣ.

ᨻᩉᩩᨲᩁᩴ ᩋᩅᩈᩮᩈᨶ᩠ᨲᩥ ᨠᨾ᩠ᨾᩅᩥᨸᩣᨠᨩᩅᩮᨴᨶᩣᨲᩮᩣ ᩋᩅᩈᩮᩈᩴ ᩅᩮᨴᨿᩥᨲᩴ ᨻᩉᩩᨲᩁᩴ.

ᨶ ᩈᨾ᩠ᨽᩅᨲᩦᨲᩥ ᨶ ᩈᨾ᩠ᨸᨩ᩠ᨩᨲᩥ.

ᨻᩦᨩᨴᩩᨭ᩠ᨮᨲᩣ’ᨲᩥ ᨡᩮᨲ᩠ᨲᨲᩮᩣ ᩋᨬ᩠ᨬᨠᩣᩁᨱᨴᩩᨭ᩠ᨮᨲᩣ.

ᨠᨾ᩠ᨾᩅᩥᨸᨠᨲᩮᩣ ᩅᩣ’ᨲᩥ ᩑᨳ

‘ᩅᩮᨾᩣᨲᩩᨽᩣᨲᩥᨠᩴ ¶ ᨸᩩᨻ᩠ᨻᩮ ᨵᨶᩉᩮᨲᩩ ᩉᨶᩥᩴ ᩋᩉᩴ

ᨲᩮᨶ ᨠᨾ᩠ᨾᩅᩥᨸᩣᨠᩮᨶ ᨴᩮᩅᨴᨲ᩠ᨲᩮᩣ ᩈᩥᩃᩴ ᨡᩥᨸᩥ;

ᩋᨦ᩠ᨣᩩᨭ᩠ᨮᩴ ᨸᩥᩴᩈᨿᩦ ᨸᩣᨴᩮ ᨾᨾ ᨸᩣᩈᩣᨱᩈᨠ᩠ᨡᩁᩣ’ᨲᩥ;

ᩋᨿᩴ ᨣᩣᨳᩣ ᩅᨲ᩠ᨲᨻ᩠ᨻᩣ ᨲᨳ ᨵᨶᩉᩮᨲᩩ’ᨲᩥ ᨴᩣᩈᩥᨴᩣᩈᩈᨦ᩠ᨡᩣᨲ-ᨩᨦ᩠ᨣᨾᨵᨶ-ᩉᩮᨲᩩ. ᨵᨶᨬ᩠ᩉᩥ ᨳᩣᩅᩁᨩᨦ᩠ᨣᨾ-ᩈᩴᩉᩣᩁᩥᨾ-ᩋᨦ᩠ᨣᩈᨾ-ᩋᨶᩩᨣᩣᨾᩥᨵᨶᩅᩈᩮᨶ ᨸᨬ᩠ᨧᩅᩥᨵᩴ.

ᨠᩥᩁᩥᨿᨲᩮᩣ ᩅᩣ’ᨲᩥ ᨴᩮᩅᨴᨲ᩠ᨲᩔ ᩏᨸᨠ᩠ᨠᨾᨠᩥᩁᩥᨿᨲᩮᩣ ᩅᩣ.

ᨽᩮᩣᨩᨶᩴ ᩅᩥᩈᨾᩴ ᨸᩁᩥᨱᨾᨲᩦᨲᩥ ᨠᩩᨧ᩠ᨨᩥᨣᨲᨽᩮᩣᨩᨶᩴ ᩅᩥᩈᨾᩴ ᨸᩁᩥᨸᨠ᩠ᨠᨽᩣᩅᩴ ᨣᨧ᩠ᨨᨲᩥ.

ᨲᩣᨿ ᨧ ᨸᨶ ᩅᩮᨴᨶᩣᨿᩣ’ᨲᩥ ᩍᨴᩴ ᨠᨲ᩠ᨲᨳᩮ ᨠᩁᨱᩅᨧᨶᩴ.

ᨶᩥᨠᩣᨿᩅᩁᨬ᩠ᨨᨠᩮ’ᨲᩥ ᩑᨳ ᩃᨬ᩠ᨨᨶ᩠ᨲᩥ ᩈᨬ᩠ᨧᩣᨶᨶ᩠ᨲᩥ ᩑᨲᩮᨶ ᩑᨳ ᩅᩣ ᨸᩩᨬ᩠ᨬᨸᩣᨸᩣᨶᩥ ᨸᨱ᩠ᨯᩥᨲᨩᨶᩣᨲᩥ ᩃᨬ᩠ᨨᨠᩮᩣ’ᨲᩥ ᨶᩥᨠᩣᨿᩅᩁᩮᩣ ᨧ ᩈᩮᩣ ᩃᨬ᩠ᨨᨠᩮᩣ ᨧᩣᨲᩥ ᩅᩥᨣ᩠ᨣᩉᩮᩣ.

ᩈᨻ᩠ᨻᩣᨠᩩᩈᩃᨩ᩠ᨫᩣᨸᨶᨸᨬ᩠ᩉᩮᩣ ᩋᨭ᩠ᨮᨾᩮᩣ.

ᩍᨾᩈ᩠ᨾᩥᩴ ᨸᨬ᩠ᩉᩮ ᨳᩮᩁᩔ ᩑᨠᩴᩈᩥᨠᩴ ᨻ᩠ᨿᩣᨠᩁᨱᩴ ᨶ ᩉᩮᩣᨲᩥ. ᨲᩈ᩠ᨾᩣ ᩅᩥᨧᩣᩁᩮᩅᩣ ᨿᩴ ᨿᩩᨲ᩠ᨲᩁᩴ ᨲᩴ ᨣᩉᩮᨲᨻ᩠ᨻᩴ. ᨲᨲᩕᩣᨿᩴ ᩅᩥᨧᩣᩁᨱᩣᨠᩣᩁᩮᩣ. ᨾᨣ᩠ᨣᩅᨩ᩠ᨫᩣ ᩉᩥ ᨠᩥᩃᩮᩈᩣ ᩋᨶᩩᨸᩣᨴᩥᨶ᩠ᨶᨠᨽᩩᨲᩣ ᨿᩮ ᨶᩮᩅ ᩋᨲᩦᨲᩣ ᩋᨶᩣᨣᨲᩣ ᨶ ᨸᨧ᩠ᨧᩩᨸ᩠ᨸᨶ᩠ᨶᩣ. ᩏᨸᩣᨴᩥᨶ᩠ᨶᨠᨶᩥᩁᩮᩣᨵᨠᨳᩣ ᨧ ᩋᨶᩣᨣᨲᨽᩅᩴ ᩈᨵᩣᨿ ᨠᨳᩥᨲᩣ ᨽᨣᩅᨲᩮᩣ ᩏᨸ᩠ᨸᨶ᩠ᨶᩣ ᩅᩮᨴᨶᩣ ᩍᨾᩈ᩠ᨾᩥᩴ ᨸᨧ᩠ᨧᩩᨸ᩠ᨸᨶ᩠ᨶᨽᩅᩮᨿᩮᩅ ᩉᩮᩣᨲᩥ. ᩋᨸᩁᩣᨸᩁᩅᩮᨴᨶᩥᨿᨠᨾ᩠ᨾᨬ᩠ᨧ ᨻᩩᨴ᩠ᨵᨸᨧ᩠ᨧᩮᨠᨻᩩᨴ᩠ᨵᩮᩉᩥ’ᨸᩥ ᨶ ᩈᨠ᩠ᨠᩣ ᨶᩥᩅᩣᩁᩮᨲᩩᩴ. ᨲᩈ᩠ᨾᩣ ᨳᩮᩁᩔ ᨠᨾ᩠ᨾᩅᩥᨸᩣᨠᨲᩮᩣ ᩅᩣ ᩑᩈᩣ ᩅᩮᨴᨶᩣ ᨶᩥᨻ᩠ᨻᨲ᩠ᨲᩣ’ᨲᩥ ᩅᩣᨴᩮᩣ ᨿᩩᨲ᩠ᨲᨲᩁᩮᩣ’ᨲᩥ ᨣᩉᩮᨲᨻ᩠ᨻᩴ. ᨿᨴᩥ ᩑᩅᩴ ᨠᩈ᩠ᨾᩣ ᨳᩮᩁᩮᩣ ᩋᨶᩮᨠᩅᩥᩉᩥᨲᩴ ᨠᨳᩮᩈᩦ?ᨲᩥ. ᩁᩣᨩᩣ ᨾᩥᩃᩥᨴᩮᩣ ᨬᩣᨱᨽᩮᨴᩴ ᨣᩅᩮᩈᨶ᩠ᨲᩮᩣ ᩅᩥᨧᩥᨲᩕᨸᨭᩥᨽᩣᨶᩴ ᩈᩮᩣᨲᩩᨠᩣᨾᩮᩣ ᩉᩮᩣᨲᩥ. ᨲᩔ ᩋᨩ᩠ᨫᩣᩈᨿᩅᩈᩮᨶ ᩋᨶᩮᨠᩅᩥᩉᩥᨲᩴ ᨠᨳᩮᩈᩦ’ᨲᩥ ᨸᩁᩥᩉᩣᩁᩮᩣ ᩅᨲ᩠ᨲᨻ᩠ᨻᩮᩣ ᩋᨬ᩠ᨬᩮᩈᩩ ᩎᨴᩥᩈᩮᩈᩩ ᨮᩣᨶᩮᩈᩩ ᨿᩩᨲ᩠ᨲᩥᨿᩮᩅ ᨣᩅᩮᩈᩥᨲᨻ᩠ᨻᩣ, ᨶ ᩑᨠᨧᩥᨶ᩠ᨲᩥᨶᩣ ᨽᩅᩥᨲᨻ᩠ᨻᨶ᩠ᨲᩥ.

ᨠᨲᩔ ᨸᨲᩥᨧᨿᩮᩣ’ᨲᩥ ᨧᨲᩩᩈᩩ ᩈᨧ᩠ᨧᩮᩈᩩ ᨠᨲᩈᩮᩣᩊᩈᨠᩥᨧ᩠ᨧᩔ ᨸᨲᩥᨧᨿᩮᩣ ᨸᩩᨶ ᩅᨯ᩠ᨰᨶᩴ ᨶᨳᩥ.

ᨶᩥᨻ᩠ᨻᩣᩉᩥᨲᨻ᩠ᨻᩮᩣ’ᨲᩥ ᨶᩥᨻ᩠ᨻᩮᨮᩮᨲᨻ᩠ᨻᩮᩣ ᨠᨳᩮᨲᨻ᩠ᨻᩮᩣ. ᨸᨭᩥᩈᩃ᩠ᩃᩣᨶᨶ᩠ᨲᩥ ¶ ᨠᩣᨿᩥᨠᨧᩮᨲᩈᩥᨠᨸᨭᩥᩈᩃ᩠ᩃᩣᨶᨠᩥᩁᩥᨿᩣ. ᩋᨳᨲᩮᩣ ᨸᨶ ᨸᨭᩥᩈᩃ᩠ᩃᩣᨶᨭ᩠ᨮᩣᨶᩮ ᩃᩉᩥᨲᨻ᩠ᨻᩣ ᩈᨾᩣᨵᩥᩈᨲᩥᩈᨾ᩠ᨸᨩᨬ᩠ᨬᩣᨴᨿᩮᩣ ᨠᩩᩈᩃᩣ ᨵᨾ᩠ᨾᩣ ᨸᨭᩥᩈᩃ᩠ᩃᩣᨶᩴ ᨶᩣᨾ.

ᩁᨠ᩠ᨡᨲᩦᨲᩥ ᩈᨾ᩠ᨸᩁᩣᨿᩥᨠᩋᨸᩣᨿᩣᨴᩥᨴᩩᨠ᩠ᨡᨲᩮᩣ ᩁᨠ᩠ᨡᨲᩥ.

ᨸᨭᩥᩈᩃ᩠ᩃᩣᨶᨸᨬ᩠ᩉᩮᩣ ᨶᩅᨾᩮᩣ.

ᨲᩴ ᩍᨴ᩠ᨵᩥᨻᩃᨶ᩠ᨲᩥ ᨲᩮᨶ ᩍᨴ᩠ᨵᩥᨻᩃᩮᨶ ᩃᨽᩥᨲᨻ᩠ᨻᨠᨸ᩠ᨸᨠᨸ᩠ᨸᩣᩅᩔᨭ᩠ᨮᩣᨶᩴ.

ᩋᨶ᩠ᨲᨾᩈᩮᩣ ᩋᨧ᩠ᨨᩁᩣᩈᨦ᩠ᨥᩣᨲᨾᨲ᩠ᨲᨾ᩠ᨸᩦᨲᩥ ᩈᨻ᩠ᨻᨶ᩠ᨲᩥᨾᩮᨶ ᨸᩁᩥᨧ᩠ᨨᩮᨴᩮᨶ ᩋᨧ᩠ᨨᩁᩣᩈᨦ᩠ᨥᩣᨲᨾᨲ᩠ᨲᨾ᩠ᨸᩥ ᨠᩣᩃᩴ ᨸᨬ᩠ᨧᨠ᩠ᨡᨵᩈᨦ᩠ᨡᩣᨲᨽᩅᩔ ᨸᩅᨲ᩠ᨲᨶᩴ ᨶ ᩅᨱ᩠ᨱᩮᨾᩥ, ᩋᨸ᩠ᨸᩅᨲ᩠ᨲᨶᨶᩥᨻ᩠ᨻᩣᨶᨾᩮᩅ ᩅᨱ᩠ᨱᩮᨾᩦᨲᩥ ᩋᨵᩥᨸ᩠ᨸᩣᨿᩮᩣ.

ᩍᨴ᩠ᨵᩥᨻᩃᨠᩥᨲ᩠ᨲᨶᨸᨬ᩠ᩉᩮᩣ ᨴᩈᨾᩮᩣ.

ᨴᩈᨸᨬ᩠ᩉᨸᨭᩥᨾᨱ᩠ᨯᩥᨲᩋᨭ᩠ᨮᨾᩅᨣ᩠ᨣᩅᨱ᩠ᨱᨶᩣ ᩈᨾᨲ᩠ᨲᩣ.

ᩋᨽᩥᨬ᩠ᨬᩣᨿᩣᩉᩴ ᨽᩥᨠ᩠ᨡᩅᩮ ᨵᨾ᩠ᨾᩴ ᨴᩮᩈᩮᨾᩦᨲᩥ ᨸᨬ᩠ᨧᨠ᩠ᨡᨵᩣ, ᨴ᩠ᩅᩣᨴᩈᩣᨿᨲᨶᩣᨶᩥ, ᩋᨭ᩠ᨮᩣᩁᩈ ᨵᩣᨲᩩᨿᩮᩣ, ᨧᨲ᩠ᨲᩣᩁᩥ ᩈᨧ᩠ᨧᩣᨶᩥ, ᨻᩣᩅᩦᩈᨲᩥᨴᩕᩥᨿᩣᨶᩥ, ᨶᩅ ᩉᩮᨲᩩ, ᨧᨲ᩠ᨲᩣᩁᩮᩣ ᩌᩉᩣᩁᩣ, ᩈᨲ᩠ᨲᩅᩔᩣ, ᩈᨲ᩠ᨲ ᩅᩮᨴᨶᩣ, ᩈᨲ᩠ᨲ ᩈᨬ᩠ᨬᩣ, ᩈᨲ᩠ᨲ ᨧᩮᨲᨶᩣ, ᩈᨲ᩠ᨲ ᨧᩥᨲ᩠ᨲᩣᨶᩦᨲᩥᩌᨴᩥᨶᩣ ᩋᨽᩥᩅᩥᩈᩮᩈᩮᨶ ᩈᨻ᩠ᨻᨬ᩠ᨬᩩᨲᨬᩣᨱᩮᨶ ᨩᩣᨶᩥᩅᩣ ᨵᨾ᩠ᨾᩴ ᨴᩮᩈᩮᨾᩥ.

ᩋᨬ᩠ᨬᩴ ᩏᨲ᩠ᨲᩁᩥᩴ…ᨸᩮ…ᩈᨲᨶ᩠ᨲᩥ ᨡᩩᨴ᩠ᨴᩣᨶᩩᨡᩩᨴ᩠ᨴᨠᨲᩮᩣ ᩋᨬ᩠ᨬᩴ ᩏᨲ᩠ᨲᩁᩥᩴ ᨧᨲᩩᨸᩣᩁᩣᨩᩥᨠ - ᨲᩮᩁᩈ ᩈᨦ᩠ᨥᩣᨴᩥᩈᩮᩈ - ᨲᩥᩴᩈᨶᩥᩔᨣ᩠ᨣᩥᨿ - ᨴ᩠ᩅᩣᨶᩅᩩᨲᩥ - ᨸᩣᨧᩥᨲ᩠ᨲᩥᨿ - ᨧᨲᩩᨸᩣᨭᩥᨴᩮᩈᨶᩦᨿ - ᩈᨲ᩠ᨲᩣᨵᩥᨠᩁᨱ -ᩈᩥᨠ᩠ᨡᩣᨸᨴ - ᩈᨦ᩠ᨡᩣᨲᨴᩥᨿᨯ᩠ᨰ - ᩈᩥᨠ᩠ᨡᩣᨸᨴᩈᨲᩴ.

ᨲᩮᩉᩥᨸᩥ ᨶ ᩑᨠᨩ᩠ᨫᨠᨲᩣ’ᨲᩥ ᩋᨲ᩠ᨲᨶᩮᩣ ᨧᩥᨲ᩠ᨲᨶᩥᨭ᩠ᨮᩣ ᩑᨠᨶ᩠ᨲᨽᩣᩅᩮᨶ ᨶ ᨠᨲᩣ.

ᨵᨾ᩠ᨾᩈᨱ᩠ᨮᩥᨲᨸᩁᩥᨿᩣᨿᩮᨶᩣᨲᩥ ᨿᨬ᩠ᨧ ᨲᩴ ᩌᨸᨲ᩠ᨲᩥᩴ ᩌᨸᨶ᩠ᨶᩮᩣ ᨲᨬ᩠ᨧ ᨿᨳᩣᨵᨾ᩠ᨾᩮᩣ ᨠᩣᩁᩮᨲᨻ᩠ᨻᩮᩣ’ᨲᩥ ᩅᩩᨲ᩠ᨲᨵᨾ᩠ᨾᩈᨱ᩠ᨮᩥᨲᩥᨸᩁᩥᨿᩣᨿᩮᨶ.

ᨡᩩᨴ᩠ᨴᩣᨶᩩᨡᩩᨴ᩠ᨴᨠᩈᨾᩪᩉᨶᨶᨸᨬ᩠ᩉᩮᩣ ᨸᨮᨾᩮᩣ.

ᩋᨶᩥᨧ᩠ᨧᨾ᩠ᨸᨶ ᩁᩪᨸᨶ᩠ᨲᩥ ᩅᩥᨽᨩ᩠ᨩᨻ᩠ᨿᩣᨠᩁᨱᩥᨿᩮᩣ ᨸᨬ᩠ᩉᩮᩣ’ᨲᩥ ᩋᨶᩥᨧ᩠ᨧᩴ ᨶᩣᨾᩁᩪᨸᩴ, ᨠᩥᩴ. ᩁᩪᨸᨾᩮᩅᩣ?ᨲᩥ ᨸᩩᨭ᩠ᨮᩮᩣ ᩋᨶᩥᨧ᩠ᨧᩴ ᨶᩣᨾᩁᩪᨸᨾ᩠ᨸᩥ ᩋᨶᩥᨧ᩠ᨧᩣ ᩅᩮᨴᨶᩣ ᨸᩦ’ᨲᩥᩌᨴᩥᨶᩣ ᨶᨿᩮᨶ ᩅᩥᨽᨩᩥᩅᩣ ᨻ᩠ᨿᩣᨠᩣᨲᨻ᩠ᨻᩮᩣ ᩅᩥᨽᨩ᩠ᨩᨻ᩠ᨿᩣᨠᩁᨱᩦᨿᩮᩣ ᨶᩣᨾᩣ’ᨲᩥ ᩋᨳᩮᩣ. ᨠᩥᨶ᩠ᨶᩩ ¶ ᨡᩮᩣ ᨧᨠ᩠ᨡᩩᨶᩣ ᩈᨻ᩠ᨻᩴ ᩅᩥᨩᩣᨶᩣᨲᩦᨲᩥ ᨸᩩᨣ᩠ᨣᩃᩮᩣ ᩈᨻ᩠ᨻᩴ ᨧᨠ᩠ᨡᩩᨶᩣ ᨠᩥᩴ ᩅᩥᨩᩣᨶᩣᨲᩦᨲᩥ ᩍᨾᩈ᩠ᨾᩥᩴ ᨸᨬ᩠ᩉᩮ ᨠᩮᨶᩣᨸᩥ ᨸᩩᨭ᩠ᨮᩮᩣ’ᨠᨲᨾᩮᨶ ᨧᨠ᩠ᨡᩩᨶᩣ ᩈᨾᨶ᩠ᨲᨧᨠ᩠ᨡᩩᨶᩣ ᩏᨴᩣᩉᩩ ᨾᩴᩈᨧᨠ᩠ᨡᩩᨶᩣ’ᨲᩥ ᩅᩩᨲ᩠ᨲᩮ’ᩌᨾᩣ’ᨲᩥ ᩅᨲ᩠ᨲᨻ᩠ᨻᩮᩣ’ᨲᩥ ᩋᨿᩴ ᨸᨬ᩠ᩉᩮᩣ ᨸᨭᩥᨸᩩᨧ᩠ᨨᩣᨻ᩠ᨿᩣᨠᩁᨱᩦᨿᩮᩣ ᨸᨬ᩠ᩉᩮᩣ ᨶᩣᨾᩣᨲᩥ ᨿᩮᩣᨩᨶᩣ.

ᨾᩣᩃᩩᨦ᩠ᨠ᩠ᨿᨸᩩᨲ᩠ᨲᨸᨬ᩠ᩉᩮᩣ ᨴᩩᨲᩥᨿᩮᩣ.

ᩈᨾᩩᩉᨲᩮᩣ ᨽᨿᩉᩮᨲᩩ ᩋᩁᩉᨲᩮᩣ’ᨲᩥ ᨽᨿᩉᩮᨲᩩ ᩋᩁᩉᨲᩮᩣ ᩋᩁᩉᨶ᩠ᨲᩮᨶ ᩈᨾᩪᩉᨲᩮᩣ.

ᩏᨶ᩠ᨶᨲᩣᩅᨶᨲᩣ’ᨲᩥ ᩈᩩᨡᩮ ᩏᨶ᩠ᨶᨲᩥᨮᩣᨶᩅᩈᩮᨶ ᩏᨶ᩠ᨶᨲᩣ ᨴᩩᨠ᩠ᨡᩮ ᨾᨦ᩠ᨠᩩᩅᩈᩮᨶ ᩒᨶᨲᩣ

ᨠᩩᨭᩥᨸᩩᩁᩥᩈᩮ’ᨲᩥ ᨸᩣᨠᨭᨸᩩᩁᩥᩈᩮ.

ᩌᩉᨧ᩠ᨧᨸᨴᨶ᩠ᨲᩥ ᨽᨣᩅᨲᩮᩣ ᩈᨻ᩠ᨻᨬ᩠ᨬᩩᨲᨬᩣᨱᩮᨶ ᩅᩥᩈᩮᩈᩮᩅᩣ ᩅᩩᨲ᩠ᨲᩅᨧᨶᩴ.

ᩈᨻ᩠ᨻᨲᩈᨸᨬ᩠ᩉᩮᩣ ᨲᨲᩥᨿᩮᩣ.

ᨲᩮᨶ ᨲᩮᩈᩴ ᨸᩅᨲ᩠ᨲᩮᨶᩣ’ᨲᩥ ᨲᩮᩈᩴ ᨸᩁᩥᨲ᩠ᨲᩣᨶᩴ ᨲᩮᨩᩅᨶ᩠ᨲᩣᨶᩴ ᨲᩮᨶ ᨸᩅᨲ᩠ᨲᩮᨶ.

ᩅᩥᩈᩴ ᨧᩥᨠ᩠ᨡᩔᨶ᩠ᨲᩮᩣ’ᨲᩥ ᩅᩥᩈᩴ ᩅᩥᨶᩣᩈᨿᨾᩣᨶᩮᩣ.

ᩏᨴ᩠ᨵᨾᨵᩮᩣ ᩌᨧᨿᨾᩣᨶᩮᩣ’ᨲᩥ ᩈᩁᩦᩁᩔ ᩏᨴ᩠ᨵᩴ ᩈᩩᨡᩴ ᩅᨯ᩠ᨰᨿᨾᩣᨶᩮᩣ.

ᨧᩮᩣᩁᩣᨶᩴ ᩏᨠ᩠ᨡᩥᨲ᩠ᨲᩃᨣᩩᩊᨶ᩠ᨲᩦ ᨸᩮᩣᨳᨠᩮᩈᩩ ᩃᩥᨡᩥᨲᩴ ᩅᩮᩁᩥᨧᩮᩣᩁᩣᨶᩴ ᩏᨠ᩠ᨡᨲ᩠ᨲᩃᨣᩩᩊᨾ᩠ᨸᩦᨲᩥ ᨸᩣᨮᩮᨶ ᨽᩅᩥᨲᨻ᩠ᨻᩴ. ᩅᩮᩁᩥᨧᩮᩣᩁᩮᩉᩥ ᩏᨠ᩠ᨡᩥᨲ᩠ᨲᨾᩩᨣ᩠ᨣᩁᩴ ᨶ ᩈᨾ᩠ᨽᩅᨲᩦᨲᩥ ᩋᨳᩮᩣ.

ᩌᩉᩣᩁᨳᩴ ᩅᩣ ᩑᩁᨲᩦ’ᨲᩥ ᩌᩉᩣᩁᨠᩥᨧ᩠ᨧᩴ ᩈᨾ᩠ᨸᩣᨴᩮᨲᩥ.

ᩈᩪᨧᩥᨠᩣᨿᩣ’ᨲᩥ ᩏᨴ᩠ᨵ-ᩅᨾᨶᩣᨻᩣᨵᩮᨶ.

ᨴᩪᩁᩩᨸᨧᩣᩁᩮᨶᩣ’ᨲᩥ ᨴᩩᨭ᩠ᨮᨸᨿᩩᨲ᩠ᨲᩮᨶ ᨠᩣᩁᨱᩮᨶ.

ᩈᨲ᩠ᨲᩣᨶᩴ ᩁᨠ᩠ᨡᨶᩴ ᨾᩉᩣᩁᩣᨩᩣ ᨸᩁᩥᨲ᩠ᨲᨶ᩠ᨲᩥ ᨾᩉᩣᩁᩣᨩ, ᨸᩁᩥᨲ᩠ᨲᩴ ᨶᩣᨾ ᩈᨲ᩠ᨲᩣᨶᩴ ᩁᨠ᩠ᨡᨶ᩠ᨲᩣᨶᩴ ᩈᨲ᩠ᨲᩣᨶᩴ ᩋᨶᩩᩁᨠ᩠ᨡᨶᩴ ᩉᩮᩣᨲᩦᨲᩥ ᨿᩮᩣᨩᨶᩣ.

ᩋᨲ᩠ᨲᨶᩣ ᨠᨲᩮᨶ ᩌᩁᨠ᩠ᨡᩴ ᨩᨶᩣᨲᩦ’ᨲᩥ ᨠᨾ᩠ᨾᩣᨧᩁᨱᩣᨴᩥᨲᩮᩣ ᨸᩣᨸᨸᩩᨣ᩠ᨣᩃᩮᩣ ᩋᨲ᩠ᨲᨶᩣ ᨠᨲᩮᨶ ᨴᩮᩣᩈᩮᨶ ᨸᩁᩥᨲ᩠ᨲᩔ ᩁᨠ᩠ᨡᨶᨽᩣᩅᩴ ᨩᩉᨲᩥ ᩅᩥᨶᩣᩈᩮᨲᩥ.

ᨸᩁᩁᩥᨲ᩠ᨲᩣᨶᩩᩁᨠ᩠ᨡᨶᨸᨬ᩠ᩉᩮᩣ ᨧᨲᩩᨳᩮᩣ.

ᨻᩩᨴ᩠ᨵᨻᩃᨲᩮᩣ ¶ ᨧ ᨾᩣᩁᨻᩃᩴ ᨻᩃᩅᨲᩁᩴ ᨶ ᩉᩮᩣᨲᩦ’ᨲᩥ ᨿᩮᩣᨩᨶᩣ.

ᨸᨬ᩠ᨧᩈᩣᩃᨣᩣᨸᨬ᩠ᩉᩮᩣ ᨸᨬ᩠ᨧᨾᩮᩣ.

ᨲᨲᩕ ᩋᨳᨶ᩠ᨲᩁᩴ ᩋᨳᩥ’ᨲᩥ ᨲᨳ ᨲᩮᩈᩩ ᨴ᩠ᩅᩦᩈᩩ ᩅᨧᨶᩮᩈᩩ. ᩋᨳᨽᩮᨴᩮᩣ ᩋᨳᩅᩥᩈᩮᩈᩮᩣ ᩋᨳᩥ.’

ᩋᨶ᩠ᨲᩁᩴ ᨾᨩ᩠ᨫᩅᨳᨬ᩠ᨧ ᨡᨱᩮᩣᨠᩣᩈᩮᩣ’ᨸᩥ ᩉᩮᨲᩩᩈᩩ ᩅ᩠ᨿᩅᨵᩣᨶᩮ ᩅᩥᨶᩣ ᨧᩮᨳ ᨽᩮᨴᩮ ᨨᩥᨴ᩠ᨴᩮ ᨾᨶᩈ᩠ᨿᨸᩦ’ᨲᩥ ᩋᨽᩥᨵᩣᨶᩈᨳᩮ ᩅᩩᨲ᩠ᨲᩴ.

ᩈᨬ᩠ᨬᩣᩅᩥᨾᩮᩣᨠ᩠ᨡᩮᩣᨲᩥ ᩈᨬ᩠ᨬᩣᨿ ᨽᩣᩅᩮᨶ ᩌᨸᨲ᩠ᨲᩥᨽᩣᩅᨲᩮᩣ ᩅᩥᨾᩮᩣᨠ᩠ᨡᩮᩣ ᩈᨬ᩠ᨬᩅᩥᨾᩮᩣᨠ᩠ᨡᩮᩣ. ᩈᨧᩥᨲ᩠ᨲᨠᩣᨸᨲ᩠ᨲᩦᨲᩥ ᩋᨳᩮᩣ.

ᨶᩮᩣ ᩈᨬ᩠ᨬᩣᩅᩥᨾᩮᩣᨠ᩠ᨡᩮᩣᨲᩥ ᩈᨬ᩠ᨬᩣᨿᩣᨽᩣᩅᩮᨶ ᩌᨸᨲ᩠ᨲᩥᨽᩣᩅᨲᩮᩣ ᨶᩮᩣ ᩅᩥᨾᩮᩣᨠ᩠ᨡᩮᩣ, ᨶᩈᨬ᩠ᨬᩣᩅᩥᨾᩮᩣᨠ᩠ᨡᩮᩣ, ᩋᨧᩥᨲ᩠ᨲᨠᩣᨸᨲ᩠ᨲᩦᨲᩥ ᩋᨳᩮᩣ.

ᨸᩣᨸᩣᨩᩣᨶᨸᨬ᩠ᩉᩮᩣ ᨨᨭ᩠ᨮᩮᩣ.

ᩑᨲᩈ᩠ᨾᩥᨬ᩠ᨧ ᨾᩉᩣᩁᩣᨩ ᨸᨬ᩠ᩉᩮ’ᨲᩥ ᩑᨲᩈ᩠ᨾᩥᩴ ᨲᨿᩣ ᨸᩩᨧ᩠ᨨᩥᨲᨸᨬ᩠ᩉᩮ.

ᩑᨠᩮᩣ ᩋᨳᩮᩣ ᩈᩣᩅᩈᩮᩈᩮᩣ’ᨲᩥ’ᨲᨳᩣᨣᨲᩔ ᨡᩮᩣ ᩌᨶᨴᩑᩅᩴ ᩉᩮᩣᨲᩦ’ᨲᩥᩌᨴᩥᩅᨧᨶᩔ ᩑᨠᩮᩣ ᩋᨳᩮᩣ ᨶᩁᩣᨾᩥᩈᨸᩁᩥᩉᩁᨱᩈᨦ᩠ᨡᩣᨲᩋᨳᩮᨶ ᩋᩅᩈᩮᩈᩮᨶ ᩈᩣᩅᩈᩮᩈᩮᩣ.

ᨣᨱᨸᩁᩥᩉᩁᨱᨸᨬ᩠ᩉᩮᩣ ᩈᨲ᩠ᨲᨾᩮᩣ.

ᨠᨲᩮᨶ ᩌᨴᩣᨶᩮᨶ ᩅᩣᨲᩥ ᨠᨲᩮᨶ ᨴᩮᩣᩈᩮᨶ ᩅᩣ.

ᩋᨽᩮᨩ᩠ᨩᨸᩁᩥᩈᨸᨬ᩠ᩉᩮᩣ ᩋᨭ᩠ᨮᨾᩮᩣ.

ᩋᨭ᩠ᨮᨸᨬ᩠ᩉᩅᨶ᩠ᨲᩮᩣ ᨴᩩᨲᩥᨿᩅᨣ᩠ᨣᩮᩣ.

ᩈᩮᨭ᩠ᨮᩮᩣ ᨿᨾᩮᩣ’ᨲᩥ

‘ᨿᩴ ᨴᩮᩉᩈᩣᨵᨶᩣᨸᩮᨠ᩠ᨡᩴ ᨶᩥᨧ᩠ᨧᨠᨾ᩠ᨾᨾᨿᩴ ᨿᨾᩮᩣ

ᩌᨣᨶ᩠ᨲᩩᨠᩈᩣᨵᨶᩴ ᨠᨾ᩠ᨾᨾᨶᩥᨧ᩠ᨧᩴᨶᩥᨿᨾᩮᩣᨽᩅᩮ’;

ᩋᩉᩥᩴᩈᩣ ᩈᨧ᩠ᨧᨾᩣᨵᩮᨿ᩠ᨿᩴ ᨻᩕᩉ᩠ᨾᨧᩣᩁᩥ ᩋᨸᩁᩥᨣ᩠ᨣᩉᩮᩣ

ᨶᩥᨧ᩠ᨧᩴ ᩈᩁᩦᩁᩮ ᩈᩣᨵ᩠ᨿᨲ᩠ᨲᩣ ᨿᨾᩮᩣ ᨶᩣᨾᩣᨲᩥ ᩅᩩᨧ᩠ᨧᩁᩮ’ᨲᩥ;

ᩑᩅᩴ ᩅᩩᨲ᩠ᨲᩮᩣ ᩈᩮᨭ᩠ᨮᩮᩣ ᨿᨾᩮᩣ.

ᩋᨣ᩠ᨣᩮᩣ ᨶᩥᨿᨾᩮᩣ’ᨲᩥ

ᩈᨶ᩠ᨲᩮᩣᩈ ᨾᩮᩣᨶ-ᩈᨩ᩠ᨫᩣᨿᩣ ᨠᩥᨧ᩠ᨨᩣᨸᩁᩮᩣ ᨧ ᨽᩣᩅᨶᩣ,

ᩈᨿᨾ᩠ᨸᩣᨠᩅᨶᩅᩣᩈᩣ ᨶᩥᨿᨾᩣᨶᩥ ᨧ ᩈᩣᨵᨿᨲᩮᩣ’ᨲᩥ;

ᩑᩅᩴ ᩅᩩᨲ᩠ᨲᩮᩣ ᩋᨣ᩠ᨣᩮᩣ ᨶᩥᨿᨾᩮᩣ.

ᨲᨳ ᩋᩉᩥᩴᩈᩣ’ᨲᩥ ᩍᨾᩥᨶᩣ ᨠᩁᩩᨱᩣ ᩅᩩᨲ᩠ᨲᩣ. ᩈᨧ᩠ᨧᨶ᩠ᨲᩥ ᩅᨧᩦᩈᨧ᩠ᨧᨬᩣᨱᩈᨧ᩠ᨧᨸᩁᨾᨳᩈᨧ᩠ᨧᩣᨶᩥ. ᩌᨵᩮᨿ᩠ᨿᨶ᩠ᨲᩥ ᩌᨵᩮᨿ᩠ᨿᩅᨧᨶᨲᩣ ᨻᩕᩉ᩠ᨾᨧᩣᩁᩦᨲᩥ ᨾᩮᨳᩩᨶᩅᩥᩁᨲᩥ. ᩋᨸᩁᩥᨣ᩠ᨣᩉᩮᩣᨲᩥ ᨾᨾ ᩍᨴᨶ᩠ᨲᩥ ᨸᩁᩥᨣ᩠ᨣᩉᩥᨲᨲᨱ᩠ᩉᩣᩁᩉᩥᨲᨽᩣᩅᩮᩣ ᩅᩩᨲ᩠ᨲᩮᩣ ᩈᨶ᩠ᨲᩮᩣᩈᨾᩮᩣᨶᩈᨩ᩠ᨫᩣᨿᩣ’ᨲᩥ ᨴ᩠ᩅᩣᨴᩈᩅᩥᨵᩈᨶ᩠ᨲᩮᩣᩈᩣ ᨸᩣᨸᨸ᩠ᨸᩅᩣᩉᩣ ᨶ ᨻᩩᨴ᩠ᨵᩅᨧᨶ ᩈᨩ᩠ᨫᩣᨿᩣ. ᨠᩥᨧ᩠ᨨᩣᨸᩁᩮᩣᨲᩥ ᩍᨾᩥᨶᩣ ᨵᩪᨲᨦ᩠ᨣᨸᩁᩥᩉᩁᨱᩴ ᨽᩣᩅᨶᩣ’ᨲᩥ ᨸᩁᩥᨠᨾ᩠ᨾ ᨽᩣᩅᨶᩣᨴᨿᩮᩣ ᨲᩥᩔᩮᩣ ᨽᩣᩅᨶᩣ. ᩈᨿᨾ᩠ᨸᩣᨠᩅᨶᩮ ᩅᩣᩈᩣ’ᨲᩥ ᩑᨳ ᩍᨾᩈ᩠ᨾᩥᩴ ᩈᨿᨾ᩠ᨸᩣᨠᩮᩅᨶᩮ ᨻᩩᨴ᩠ᨵᩈᩣᩈᨶᩮ ᩈᨿᨾ᩠ᨸᩣᨠᩅᩥᩁᨲᩥ ᨣᩉᩮᨲᨻ᩠ᨻᩣ. ᩌᨴᩥᩌᨠᩣᩁᩮᨶᨧᩣᨲᩥ.

ᨧᩣᩁᩮᩣ’ᨲᩥ ᩈᩮᨡᩥᨿ ᩅᨣ᩠ᨣᩣᨶᩩᩁᩪᨸᩮᨶᨣᩣᨾᩅᩥᩉᩣᩁᩮᩈᩩ ᨧᩣᩁᩮᩣ.

ᩅᩥᩉᩣᩁᩮᩣ’ᨲᩥ ᩈᨾᨱᩈᩣᩁᩩᨸ᩠ᨸᩮᩁᩥᨿᩣᨸᨳᩅᩥᩉᩣᩁᩮᩣ ᨧᩮᩅ ᨴᩥᨻ᩠ᨻᨻᩕᩉ᩠ᨾᩋᩁᩥᨿᩅᩈᩮᨶ ᨲᩥᩅᩥᨵᨵᨾ᩠ᨾᩅᩥᩉᩣᩁᩮᩣ ᨧ.

ᩈᨿᩴᨾᩮᩣ’ᨲᩥ ᩍᨴᩕᩥᨿᩈᩴᨿᨾᩮᩣ.

ᩈᩴᩅᩁᩮᩣ’ᨲᩥ ᨸᩣᨲᩥᨾᩮᩣᨠ᩠ᨡᩈᩴᩅᩁᩮᩣ.

ᨡᨶ᩠ᨲᩦ’ᨲᩥ ᩋᨵᩥᩅᩣᩈᨶᨡᨶ᩠ᨲᩥ ᨬᩣᨱᨡᨶ᩠ᨲᩥ.

ᩈᩥᨠ᩠ᨡᩣᨸᨴᩣᨶᩴ ᩏᨴ᩠ᨴᩮᩈᩮᩣ’ᨲᩥ ᩈᩥᨠ᩠ᨡᩣᨸᨴᩣᨶᩴ ᨸᩣᩊᩥ.

ᩏᨣ᩠ᨣᩉᨸᩁᩥᨸᩩᨧ᩠ᨨᩣ’ᨲᩥ ᩈᩥᨠ᩠ᨡᩣᨸᨴᩣᨶᩴ ᩋᨭ᩠ᨮᨠᨳᩣ ᩏᨣ᩠ᨣᩉᨱᩴ

ᨠᩣᩈᩣᩅᨵᩣᩁᨱᩴ ᨽᨱ᩠ᨯᩩᨽᩣᩅᩮᩣ’ᨲᩥ ᩍᨾᩥᨶᩣ ᨴ᩠ᩅᩥᩃᩥᨦ᩠ᨣᩈᩁᩪᨸᩴ ᨴᩔᩮᨲᩥ

ᨽᨱ᩠ᨯᩩᨽᩣᩅᩮᩣ ᨴ᩠ᩅᨦ᩠ᨣᩩᩃᨠᩮᩈᩮᩣᩅᩣ ᨶᩅᨾᩩᨱ᩠ᨯᩮᩣ ᩅᩣ’ᨲᩥ ᩋᨵᩥᨸ᩠ᨸᩣᨿᩮᩣ ᨽᩅᨲᩥ ᩉᩥ.

‘‘ᨿᨾᩮᩣ ᨧ ᨶᩥᨿᨾᩮᩣ ᨧᩮᩅ ᨧᩣᩁᩮᩣ ᨧᩅᩥᩉᩣᩁᩮᩣ ᨲᨳᩣ,

ᩈᩴᨿᨾᩮᩣ ᩈᩴᩅᩁᩮᩣ ᨧᩮᩅ ᨡᨶ᩠ᨲᩦ ᨧ ᩈᩮᩣᩁᨧ᩠ᨧᨾ᩠ᨸᩥ ᨧ;

ᩑᨠᨶ᩠ᨲᨧᩁᩥᨿᩣ ᨧᩮᩅ ᩑᨠᨲ᩠ᨲᩣᨽᩥᩁᨲᩣ’ᨸᩥ ᨧ,

ᨸᨭᩥᩈᩃ᩠ᩃᩣᨶᩈᩮᩅᨶᩴ ᩉᩥᩁᩥᩒᨲᨸ᩠ᨸᨾᩮᩅ ᨧ;

ᩋᨸ᩠ᨸᨾᩣᨴᩮᩣ ᨧ ᩅᩦᩁᩥᨿᩴ ᩏᨴ᩠ᨴᩮᩈᨸᩁᩥᨸᩩᨧ᩠ᨨᩣ ᨲᨳᩣ,

ᩈᩦᩃᩣᨴ᩠ᨿᨽᩥᩁᨲᩥ ᨧᩮᩅ ᨶᩥᩁᩣᩃᨿᩈᨽᩣᩅᨲᩮᩣ;

ᩈᩥᨠ᩠ᨡᩣᨸᨴᩣᨽᩥᨸᩪᩁᨱᨾᩥᨲᩥ ᩅᩦᩈᨸ᩠ᨸᨽᩮᨴᩮᨶ,

ᩈᨾᨱᨠᩁᨱᩣ ᨵᨾ᩠ᨾᩣ ᨶᩣᨣᩈᩮᨶᩮᨶ ᨴᩮᩈᩥᨲᩣ;

ᨠᩣᩈᩣᩅᨵᩣᩁᨱᨬ᩠ᨧᩮᩅ ᨽᨱ᩠ᨯᩩᨽᩣᩅᩮᩣ ᨲᨳᩣ ᩍᨲᩥ,

ᨴᩩᩅᩮ ᩈᨾᨱᩃᩥᨦ᩠ᨣᩣ’ᨧ ᨶᩣᨣᩈᩮᨶᩮᨶᨴᩮᩈᩥᨲᩣ’ᨲᩥ;

ᩈᩣᨾᨬ᩠ᨬᩴ ¶ ᩏᨸᨣᨲᩮᩣ’ᨲᩥ ᩅᩦᩈᨲᩥᨵᨾ᩠ᨾᨴ᩠ᩅᩥᩃᩥᨦ᩠ᨣᩮᩉᩥ ᩈᨴᩥᩈᨽᩣᩅᨦ᩠ᨣᨲᩮᩣ.

ᩈᩮᩣ ᩈᩣᨾᨬ᩠ᨬᨶ᩠ᨲᩥ ᩈᩮᩣ ᩈᨾᨱᨽᩣᩅᩮᩣ. ᩋᨣ᩠ᨣᨸᩁᩥᩈᨶ᩠ᨲᩥ ᨽᩥᨠ᩠ᨡᩩᨸᩁᩥᩈᩈᨦ᩠ᨡᩣᨲᩴ ᩋᨣ᩠ᨣᨸᩁᩥᩈᩴ.

ᩈᩮᩣ ᨾᩮ ᩌᨣᨾᩮᩣ’ᨲᩥ ᩅᩦᩈᨲᩥᨵᨾ᩠ᨾᨴ᩠ᩅᩥᩃᩥᨦ᩠ᨣᩣᨶᩴ ᨾᨿ᩠ᩉᩴ ᩈᨲ᩠ᨲᩣᨶᩮ ᩈᩮᩣ ᩌᨣᨾᩮᩣ ᨶᨳᩥ.

ᨸᩩᨳᩩᨩ᩠ᨩᨶᨸᨬ᩠ᩉᩮᩣ ᨸᨮᨾᩮᩣ.

ᨿᩮ ᨲᩮ ᨽᨻ᩠ᨻᩣ’ᨲᩥ ᨿᩮ ᨲᩮ ᩈᨲ᩠ᨲᩣ ᨽᩅ᩠ᨿᩣ ᨿᩩᨲ᩠ᨲᩣ

ᨾᩩᨡᩃᩮᩣᩉᩥᨲᨸᨣ᩠ᨥᩁᨱᨸᨬ᩠ᩉᩮᩣ ᨴᩩᨲᩥᨿᩮᩣ.

ᨲᨸ᩠ᨸᨭᩥᨽᩣᨣᨶ᩠ᨲᩥ ᨲᩮᨶ ᩅᨳᨣᩩᨿ᩠ᩉᩮᨶ ᩈᨴᩥᩈᩴ.

ᩋᨶᩩᩈᩣᩈᨶᩥᨿᩴ ᩋᨶᩩᩅᩣᩈᩮᨲᩦᨲᩥ ᩏᨸᩁᩥᨽᩣᨣᩮ ᨸᩔᩣᩅᨾᨣ᩠ᨣᩮ ᩅᨳᩥᨠᨾ᩠ᨾᩴᩅᩩᨲ᩠ᨲᩴ ᩌᨿᩩᨻ᩠ᨻᩮᨴᩮ

‘ᩅᨾᨶᩴ ᩁᩮᨧᨶᩴ ᨶᩈ᩠ᨿᩴ ᨶᩥᩁᩪᩉ ᩋᨶᩩᩅᩣᩈᨶᩴ

ᨬᩮᨿ᩠ᨿᩴ ᨸᨬ᩠ᨧᩅᩥᨵᩴ ᨠᨾ᩠ᨾᩴ ᩅᩥᨵᩣᨶᩴ ᨲᩔ ᩅᩩᨧ᩠ᨧᨲᩮ’ᨲᩥ;

ᨶᩥᩁᩪᩉᩋᨶᩩᩅᩣᩈᨶᩅᩈᩮᨶ ᩉᩥ ᨴᩩᩅᩥᨵᩴ ᩅᨳᩥᨠᨾ᩠ᨾᩴ.

ᨲᨳ ᨶᩥᩁᩪᩉᩅᨳᩥᨠᨾ᩠ᨾᩴ ᩋᨵᩮᩣᨽᩣᨣᩮ ᩅᨧ᩠ᨧᨾᨣ᩠ᨣᩮ ᨠᩣᨲᨻ᩠ᨻᩴ. ᩋᨶᩩᩅᩣᩈᨶᩅᨳᩥᨠᨾ᩠ᨾᩴ ᩏᨸᩁᩥᨽᩣᨣᩮ ᨸᩔᩣᩅᨾᨣ᩠ᨣᩮ ᨠᩣᨲᨻ᩠ᨻᩴ. ᩅᨳᩥᨠᨾ᩠ᨾᩴ ᩏᨲ᩠ᨲᩁᩅᨳᩥᨠᨾ᩠ᨾᨾ᩠ᨸᩥ ᩍᨴᩴ ᨶᩣᨾᨴ᩠ᩅᨿᩴ ᨲᩮᩈᩴᨿᩮᩅ ᨶᩣᨾᨶ᩠ᨲᩥ. ᨲᩔ ᨭᩦᨠᩣ?

‘‘ᩈᨾ᩠ᨻᩣᨵᩔᩮᩅ ᩈᩣᨾᨶ᩠ᨲᩣ ᨲᨳ ᨠᨾ᩠ᨾᩴ ᨴᩩᩅᨦ᩠ᨣᩩᩃᩴ,

ᩅᩣᩁᩥᨲᩴ ᩅᨳᩥᨠᨾ᩠ᨾᨾ᩠ᨸᩥ ᩈᨾ᩠ᨻᩣᨵᩮᨿᩮᩅ ᩈᨲ᩠ᨳᩩᨶᩣ’’;

ᩅᨳᩥᨠᨾ᩠ᨾᨶ᩠ᨲᩥ ᨲᩮᩃᨽᩮᩈᨩ᩠ᨩᩣᨶᩴ ᩅᩥᨩ᩠ᨫᨶᩅᩈᩮᨶᨠᨲ᩠ᨲᨻ᩠ᨻᩴ ᩅᨳᩥᨠᨾ᩠ᨾᨶ᩠ᨲᩥ ᩅᩥᨶᨿᨭᩦᨠᩣ.

ᨣᩩᨿ᩠ᩉᨸ᩠ᨸᨠᩣᩈᨶᨸᨬ᩠ᩉᩮᩣ ᨲᨲᩥᨿᩮᩣ.

ᩋᩈᩣᩁᨾ᩠ᨽᩮᨶᩣᨲᩥ ᨶᩥᨴ᩠ᨴᩮᩣᩈᩮᨶ.

ᨧᨲᩩᩈᨧ᩠ᨧᩣᩉᩥᩈᨾᨿᩮᩣ’ᨲᩥ ᨧᨲᩩᨶ᩠ᨶᩴ ᩋᩁᩥᨿᩈᨧ᩠ᨧᩣᨶᩴ ᨬᩣᨱᩮᨶ ᩋᨽᩥᩈᨾᨿᩮᩣ.

ᨸᩩᩁᩥᩈᨲ᩠ᨲᨶᨶ᩠ᨲᩥ ᨸᩩᩁᩥᩈᨲ᩠ᨲᩴ, ᩈᩮᩣᨿᩮᩅ ᩅᩣ ᨸᩣᨮᩮᩣ.

ᩋᨬ᩠ᨬᩴ ᨠᨿᩥᩁᨾᩣᨶᩴ ᩋᨬ᩠ᨬᩮᨶ ᩈᨾ᩠ᨽᩅᨲᩦᨲᩥ ᩋᨬ᩠ᨬᩴ ᩃᩮᩣᨠᩩᨲ᩠ᨲᩁᨹᩃᩴ ᩌᩁᨻ᩠ᨽ ᩅᩥᨸᩔᨶᩣ ᨠᨾ᩠ᨾᩴ ᨲᩮᨶ ᨠᨿᩥᩁᨾᩣᨶᩴ ᩋᨬ᩠ᨬᩮᨶ ᩃᩮᩣᨠᩥᨿᨹᩃᩮᨶ ᩈᨾ᩠ᨽᩅᨲᩥ, ᩃᩮᩣᨠᩥᨿᨹᩃᩴ ᨴᩮᨲᩦᨲᩥ ᩋᨵᩥᨸ᩠ᨸᩣᨿᩮᩣ. ᩈᨽᩣᩅᨾ᩠ᨸᩦ’ᨲᩥ ¶ ᩈᨽᩣᩅᩮᨶ ᩅᨧᨶᩮᨶ.

ᨿᩮᩣ ᩋᨠ᩠ᨠᩮᩣᩈᨶ᩠ᨲᩮᩣ’ᨲᩥ ᨿᩮᩣ ᨸᩁᩴ ᩋᨠ᩠ᨠᩮᩣᩈᨶ᩠ᨲᩮᩣ.

ᨠᩥᩁᩥᨿᩣᨿᩮᩅ ᨠᨲᩣ’ᨲᩥ ᨴᩮᩣᩈᩅᨶ᩠ᨲᩔ ᨸᩩᨣ᩠ᨣᩃᩔ ᨠᩥᩁᩥᨿᩣᨿᨿᩮᩅ ᨠᩁᨱᩮᨶᨿᩮᩅ ᨾᩮᩣᨥᨸᩩᩁᩥᩈᩅᨧᨶᨠᨲᩣ’ᨲᩥ.

ᩈᩅᨱᩮᨶ…ᨸᩮ… ᨩᩥᨣᩩᨧ᩠ᨨᨲᩦᨲᩥ ᨽᨣᩅᨲᩮᩣ ᨽᨣᩅᨶ᩠ᨲᩔ ᩈᩅᨱᩮᨶ ᩈᩣᩈᨶᩈᩅᨱᩮᨶ.

ᩒᨲ᩠ᨲᨸ᩠ᨸᨲᩦ’ᨲᩥ ᨩᩥᨣᩩᨧ᩠ᨨᨲᩥ.

ᨽᩥᨿ᩠ᨿᩮᩣᨴᩔᨶᩮᨶᩣᨲᩥ ᨽᨣᩅᨲᩮᩣ ᨴᩔᨶᩮᨶ ᩒᨲ᩠ᨲᨸ᩠ᨸᨲᩥ ᨩᩥᨣᩩᨧ᩠ᨨᨲᩥ.

ᨾᩮᩣᨥᨸᩩᩁᩥᩈᩅᨧᨶᨸᨬ᩠ᩉᩮᩣ ᨧᨲᩩᨳᩮᩣ.

‘‘ᩋᨧᩮᨲᨶᩴ ᨻᩕᩣᩉ᩠ᨾᨱ ᩋᩔᩩᨱᨶ᩠ᨲᩴ

ᨩᩣᨶᩴ ᩋᨩᩣᨶᨶ᩠ᨲᨾᩥᨾᩴ ᨸᩃᩣᩈᩴ,

ᩌᩁᨴ᩠ᨵᩅᩦᩁᩥᨿᩮᩣ ᨵᩩᩅᨾᨸ᩠ᨸᨾᨲ᩠ᨲᩮᩣ

ᩈᩩᨡᩈᩮᨿ᩠ᨿᩴ ᨸᩩᨧ᩠ᨨᩈᩥ ᨠᩥᩔᩉᩮᨲᩩ’’ᨲᩥ;

ᩍᨴᩴ ᨧᨲᩩᨠ᩠ᨠᨶᩥᨸᩣᨲ᩠ᨬᩣᨣᨲᩴ ᨸᩃᩣᩈᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ.

ᩍᨲᩥ ᨹᨴᨶ ᩁᩩᨠ᩠ᨡᩮ’ᨸᩥ ᨲᩣᩅᨴᩮ’ᨲᩥ ᨾᩥᩃᩥᨴᩮ ᩌᨣᨲᩴ. ᨩᩣᨲᨠᩮ ᨸᨶ

‘‘ᩍᨲᩥ ᨹᨴᨶᩁᩩᨠ᩠ᨡᩮᨸᩥ ᨴᩮᩅᨲᩣ ᩋᨩ᩠ᨫᨽᩣᩈᨲ,

ᨾᨿ᩠ᩉᨾ᩠ᨸᩥ ᩅᨧᨶᩴ ᩋᨳᩥ ᨽᩣᩁᨴ᩠ᩅᩣᨩ ᩈᩩᨱᩮᩣᩉᩥ ᨾᩮ’’ᨲᩥ;

ᩌᨣᨲᩴ ᩍᨴᨬ᩠ᨧ ᨲᩮᩁᩈᨶᩥᨸᩣᨲᩮ ᩌᨣᨲᩴ ᨹᨴᨶᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ.

ᩁᩩᨠ᩠ᨡᩣᨧᩮᨲᨶᨸᨬ᩠ᩉᩮᩣ ᨸᨬ᩠ᨧᨾᩮᩣ.

ᨶᩅᨶ᩠ᨶᩴ ᨾᩉᩣᩁᩣᨩ ᩋᨶᩩᨸᩩᨻ᩠ᨻᩅᩥᩉᩣᩁᩈᨾᩣᨸᨲ᩠ᨲᩦᨶᨶ᩠ᨲᩥ ᩋᨭ᩠ᨮᩁᩪᨸᩣᩅᨧᩁᩈᨾᩣᨸᨲ᩠ᨲᩥᩑᨠᨶᩥᩁᩮᩣᨵᩈᨾᩣᨸᨲ᩠ᨲᩥᩅᩈᩮᨶ ᨶᩅᨶ᩠ᨶᩴ ᩋᨶᩩᨸᩩᨻ᩠ᨻᩅᩥᩉᩣᩁᩈᨾᩣᨸᨲ᩠ᨲᩦᨶᩴ. ᨶᩥᨻ᩠ᨻᩣᨶᩈᩩᨲ᩠ᨲᨠᨳᩣᨿᨾ᩠ᨸᨶ ᨹᩃᩈᨾᩣᨸᨲ᩠ᨲᩥᩈᨾᨲ᩠ᨲᩣᨿ ᨸᩁᩥᨶᩥᨻ᩠ᨻᩣᨶᩈᨾᨲ᩠ᨲᩣᨿ ᨲᩮᩈᩴ ᨴ᩠ᩅᩥᨶ᩠ᨶᩴ ᨴᩣᨿᨠᩣᨶᩴ ᩋᨶᩩᩔᩁᨱᩮ ᩈᨾᨲ᩠ᨲᩣᨿᩣᨲᩥ ᨲᩦᩉᩥ ᨠᩣᩁᨱᩮᩉᩥᨴ᩠ᩅᩮ ᨸᩥᨱ᩠ᨯᨸᩣᨲᩣ ᩈᨾᨹᩃᩣ ᩅᩩᨲ᩠ᨲᩣ.

ᨴ᩠ᩅᩥᨸᩥᨱ᩠ᨯᨸᩣᨲᩈᨾᨹᩃᨸᨬ᩠ᩉᩮᩣ ᨨᨭ᩠ᨮᩮᩣ.

ᨸᩪᨩᩮᨳ ᨶᩴ ᨸᩪᨩᨶᩦᨿᩔ ᨵᩣᨲᩩᩴ ᩑᩅᩴ ᨠᩥᩁ ᨽᩮᩣ ᩈᨣ᩠ᨣᨾᩥᨲᩮᩣ ᨣᨾᩥᩔᨳᩣᨲᩥ ᩍᨴᩴᩋᨶᩮᨠᩅᨱ᩠ᨱᩅᩥᨾᩣᨶᩮ ᩅᩩᨲ᩠ᨲᩴ.

ᨻᩩᨴ᩠ᨵᨸᩪᨩᩣᨸᨬ᩠ᩉᩮᩣ ᩈᨲ᩠ᨲᨾᩮᩣ.

ᩋᨶᩥᨾᩥᨲ᩠ᨲᨠᨲᩈᨴᩥᩈᩣ’ᨲᩥ ¶ ᩋᩈᩃ᩠ᩃᨠ᩠ᨡᨶᨠᨲᩈᨴᩥᩈᩣ.

ᩋᨸᩣᩈᨶᨸᨸᨭᩥᨠᨸᨬ᩠ᩉᩮᩣ ᩋᨭ᩠ᨮᨾᩮᩣ.

ᨡᩦᨱᩣᩈᩅᨸᨬ᩠ᩉᩮᩣ ᨶᩅᨾᩮᩣ.

ᩏᨻ᩠ᨻᩥᩃᩣᩅᩥᨲᨸᨬ᩠ᩉᩮᩣ ᨴᩈᨾᩮᩣ.

ᨾᩣᨾᨠᩮᩣ’ᨲᩥ ᨾᨾ ᩈᨶ᩠ᨲᨠᩮᩣ ᨾᨾ ᩈᩣᩅᨠᩮᩣ.

ᨠᩣᩁᨱᩣ’ᨲᩥ ᨸᩦᩊᨶᩣ.

ᩈᨶ᩠ᨶᨲᩥᩅᩥᨠᩮᩣᨸᨶᨶ᩠ᨲᩥ ᨶᩣᨾᩁᩪᨸᩈᨶ᩠ᨲᨲᩥᩅᩥᨶᩣᩈᨶᩴ ᨵᨾ᩠ᨾᩮᩣ ᩉᩥ ᨾᩉᩣᩁᩣᨩᩋᩉᩥᩴᩈᩣᩃᨠ᩠ᨡᨱᩮᩣ’ᨲᩥ ᩈᨠᩃᩮᩣ ᩉᩥ ᩈᨽᩣᩅᩅᨧᨶᨵᨾ᩠ᨾᩮᩣ ᩋᩉᩥᩴᩈᩣᩅᨧᨶᩃᨠ᩠ᨡᨱᩮᩣ. ᩏᨴ᩠ᨵᨲᩴ ᨾᩉᩣᩁᩣᨩ ᨧᩥᨲ᩠ᨲᩴ ᨶᩥᨣ᩠ᨣᩉᩮᨲᨻ᩠ᨻᨶ᩠ᨲᩥ ᨿᩮᩣᨣᩣᩅᨧᩁᩮᩉᩥ ᩏᨴ᩠ᨵᨲᩴ ᨧᩥᨲ᩠ᨲᩴ ᨸᩔᨴ᩠ᨵᩥᩈᨾᩣᨵᩥᩏᨸᩮᨠ᩠ᨡᩣᩈᨾ᩠ᨻᩮᩣᨩ᩠ᨫᨦ᩠ᨣᩮᩉᩥ ᨶᩥᨣ᩠ᨣᩉᩮᨲᨻ᩠ᨻᩴ ᨸᨣ᩠ᨣᩉᩮᨲᨻ᩠ᨻᨶ᩠ᨲᩦ ᨸᨣ᩠ᨣᩉᨴᨱ᩠ᨯᩈᨴᩥᩈᩮᩉᩥ ᨵᨾ᩠ᨾᩅᩥᨧᨿᩅᩦᩁᩥᨿᨸᩦᨲᩥᩈᨾ᩠ᨻᩮᩣᨩ᩠ᨫᨦ᩠ᨣᩮᩉᩥ ᨸᨣ᩠ᨣᩉᩮᨲᨻ᩠ᨻᩴ. ᩈᨲᩥ ᨸᨶ ᩈᨻ᩠ᨻᨳ ᩃᩦᨶᩩᨴ᩠ᨵᨧ᩠ᨧᩮᩈᩩᩍᨧ᩠ᨨᩥᨲᨻ᩠ᨻᩣ? ‘‘ᩈᨲᩥᩴ ᨡᩅᩣᩉᩴ ᨽᩥᨠ᩠ᨡᩅᩮᩈᨻ᩠ᨻᨳᩥᨠᩴ ᩅᨴᩣᨾᩦ’’ᨲᩥ ᩅᨧᨶᨲᩮᩣ.

ᩈᨿᨦ᩠ᨠᨲᩮᨶᩈᩮᩣᨥᩣᨲᩦᨿᨲᩦᨲᩥ ᩈᩮᩣ ᨧᩮᩣᩁᩮᩣ ᩋᨲ᩠ᨲᨶᩣ ᨠᨲᩮᨶ ᨴᩩᨧ᩠ᨧᩁᩥᨲᨠᨾ᩠ᨾᩮᨶᨠᨲ᩠ᨲᩩᨽᩩᨲᩮᨶ ᨸᩁᩥᨥᩣᨲᩦᨿᨲᩥ.

ᩋᨸᩥ ᨧ ᨵᨾ᩠ᨾᩣᨶᩩᩈᨳᩥ ᩋᨶᩩᩈᩣᩈᩦᨿᨲᩦᨲᩥ ᩑᨠᩴᩈᩮᨶ ᨽᨣᩅᨲᩮᩣ ᩋᨶᩩᩈᩥᨭ᩠ᨮᩥ ᨸᨱ᩠ᨯᩥᨲᨩᨶᩮ ᩋᨸᩁᩣᨵᩥᨠᨾᨶᩩᩔᩮ ᩋᨶᩩᩈᩣᩈᨿᨲᩥ ᨵᨾ᩠ᨾᩮᨶ ᩋᨶᩩᩅᨴᩣᨸᩮᨲᩥ.’ ᨶᩥᨣ᩠ᨣᩉᩮ ᨶᩥᨣ᩠ᨣᩉᩣᩁᩉᨶ᩠ᨲᩥᩅᨧᨶᨲᩮᩣ ᩅᨴᨲᩮᩣ ᨽᨣᩅᨲᩮᩣ ᨴᩮᩣᩈᩮᩣ ᨶᨳᩥᨲᩥ ᩋᨵᩥᨸ᩠ᨸᩣᨿᩮᩣ’ᨶᩥᨣ᩠ᨣᩉᩮ ᨶᩥᨣ᩠ᨣᩉᩣᩁᩉᨶ᩠ᨲᩥ’ ᩍᨴᨬ᩠ᨧ ᨵᨾ᩠ᨾᩮᨶ ᨶᩥᨣᩉᨶᩴ ᩈᨵᩣᨿ ᩅᩩᨲ᩠ᨲᩴ, ᨶ ᨸᩦᩊᨶᨠᨾ᩠ᨾᩴ ᩈᨵᩣᨿ ᩅᩩᨲ᩠ᨲᨶ᩠ᨲᩥ ᩍᨴᩴ ᨳᩮᩁᩮᨶ ᩅᨲ᩠ᨲᨻ᩠ᨻᩴ ᨠᩈ᩠ᨾᩣ ᨶᩅᩩᨲ᩠ᨲᨶ᩠ᨲᩥ ᨧᩮ ᩁᨬ᩠ᨬᩮᩣ ᩁᩩᨧᩥᨿᩣ ᩋᨶᨶᩩᨠᩪᩃᨲ᩠ᨲᩣ. ᨳᩮᩁᩮᩣ ᩉᩥ ᨿᨳᩣ ᩁᩣᨩᩣ ᨠᨦ᩠ᨡᩴ ᩅᩥᨶᨿᩥᩅᩣ ᨵᨾ᩠ᨾᩈᨽᩣᩅᩴ ᨩᩣᨶᩣᨲᩥ ᨲᨳᩣ ᨸᨬ᩠ᩉᩴ ᨻ᩠ᨿᩣᨠᩁᩮᩣᨲᩦᨲᩥ. ᨽᨣᩅᨲᩣ ᩈᨦ᩠ᨡᩮᨸᩅᩥᨳᩣᩁᨴᩮᩈᩥᨲᨶᨿᩮᨶ ᨲᨳᩣ ᨲᨳᩣ ᩉᩥ ᨸᨬ᩠ᩉᩴ ᨸᨠᩣᩈᩮᨲᩥ. ᩑᩈ ᨿᨳᩣ ᨿᨳᩣᩔ ᩈᨴ᩠ᨵᨾ᩠ᨾᨲᩮᨩᩅᩥᩉᨲᩅᩥᩃᨿᨶᨡᨱᩮᨶ ᨾᩥᩃᩥᨴᩁᩣᨩᩉᨴᨿᩮ ᩅᩥᨾᨲᩥ ᨸᨿᩣᨲᩦᨲᩥ.

ᨶᩥᨣ᩠ᨣᩉᨸᨬ᩠ᩉᩮᩣ ᩑᨠᩣᨴᩈᨾᩮᩣ.

ᨸᨱᩣᨾᩮᩈᩦᨲᩥ ᨸᨻ᩠ᨻᩣᨩᩮᩈᩥ.

ᩋᨸ᩠ᨸᨲᩥᩅᨲ᩠ᨲᩥᨲᩮᩣ’ᨲᩥ ᩋᨸ᩠ᨸᩉᩦᨱᩮᩣ.

ᨶᩥᨧ᩠ᨨᩩᩉᨲᩦᨲᩥ ᨶᩦᩉᩁᨲᩥ.

ᨳᩃᩴ ¶ ᩏᩔᩣᨴᩮᨲᩦ’ᨲᩥ ᨳᩃᨭ᩠ᨮᩣᨶᩮ ᩁᩣᩈᩥᩴ ᨠᩁᩮᩣᨲᩥ.

ᨸᩁᩥᩃᩦᨿᨲᩦ’ᨲᩥ ᨸᨭᩥᩃᩦᨿᩥᨲᩩᩴ ᩋᩁᩉᨲᩥ

ᨸᨱᩣᨾᩦᨿᨲᩦ’ᨲᩥ ᨸᨱᨾᩮᨲᩩᩴ ᩅᩣ ᨸᨻ᩠ᨻᩣᨩᩮᨲᩩᩴ ᩅᩣ ᩋᩁᩉᨲᩥ.

ᨸᨱᩣᨾᨶᨸᨬ᩠ᩉᩮᩣ ᨴ᩠ᩅᩣᨴᩈᨾᩮᩣ.

ᨴ᩠ᩅᩣᨴᩈᨸᨬ᩠ᩉᩅᨶ᩠ᨲᨲᨲᩥᨿᩅᨣ᩠ᨣᩅᨱ᩠ᨱᨶᩣ ᩈᨾᨲ᩠ᨲᩣ.

ᨠᨾ᩠ᨾᩣᨵᩥᨣ᩠ᨣᩉᩥᨲᩔᩣᨲᩥ ᩋᨽᩥᨽᩅᨶᩦᨿᨾᩣᨶᩔ.

ᨾᩮᩣᨣ᩠ᨣᩃ᩠ᩃᩣᨶ ᨶᩥᨻ᩠ᨻᩣᨶᨸᨬ᩠ᩉᩮᩣ ᨸᨮᨾᩮᩣ.

ᩋᨳᩁᩈᩮᩣ’ᨲᩥ ᨹᩃᩴ ᨠᨳᩥᨲᩴ.

ᨵᨾ᩠ᨾᩁᩈᩮᩣ’ᨲᩥ ᩉᩮᨲᩩ.

ᩅᩥᨾᩩᨲ᩠ᨲᩥᩁᩈᩮᩣ’ᨲᩥ ᨶᩥᨻ᩠ᨻᩣᨶᩴ.

ᩋᨬ᩠ᨬᩴ ᩌᩁᩣᨵᩮᨲᩦᨲᩥ ᩈᨾᨲ᩠ᨲᨠᩣᩁᩦ ᨸᩁᩥᨸᩩᨱ᩠ᨱᨠᩣᩁᩦ ᩋᨬ᩠ᨬᩴ ᩋᩁᩉᨲ᩠ᨲᨹᩃᩴ ᩌᩁᩣᨵᩮᨲᩥ, ᩋᨲ᩠ᨲᨶᩮᩣ ᩈᨶ᩠ᨲᩣᨶᩮ ᨶᩥᨸ᩠ᨹᩣᨴᩮᨲᩥ.

ᩈᩅᩁᨸᩩᩁᩴ ᩋᨶᩩᨣᨲ’ᨶ᩠ᨲᩥ ᨾᨶᩩᩔᨩᩣᨶᨸᨴᨸᩩᩁᩴ ᩋᨶᩩᨸ᩠ᨸᨲ᩠ᨲᩴ.

ᨸᩣᨲᩥᨾᩮᩣᨠ᩠ᨡᨸᩥᩉᩥᨲᨸᨬ᩠ᩉᩮᩣ ᨴᩩᨲᩥᨿᩮᩣ.

ᩏᨧ᩠ᨨᩥᨩ᩠ᨩᨲᩦ’ᨲᩥ ᨿᩴ ᨿᩮᨶ ᨠᩣᩁᨱᩮᨶ ᨽᩥᨠ᩠ᨡᩩᨽᩣᩅᩮᩣ ᩏᨧ᩠ᨨᩥᨩ᩠ᨩᨲᩥ.

ᩏᨽᨲᩮᩣ ᨸᨠ᩠ᨡᩮ’ᨲᩥ ᨾᩣᨲᩩᨸᩥᨲᩩᨸᨠ᩠ᨡᩈᨦ᩠ᨡᩣᨲᩮ ᩏᨽᨲᩮᩣᨸᨠ᩠ᨡᩮ.

ᨾᨶᩩᩔᨶ᩠ᨲᩁᩮᨶᩣ’ᨲᩥ ᨾᨶᩩᩔᩈᩣᨶᨲ᩠ᨲᩮᨶ. ᨨᨶ᩠ᨶᨬ᩠ᩉᩥ ᨶᩣᨶᨲ᩠ᨲᩴ ᩋᨲᩥᩅᩥᨿ ᨶᩣᨶᨲ᩠ᨲᩴ ᩉᩮᩣᨲᩥ. ᩅᩩᨲ᩠ᨲᨬ᩠ᩉᩮᨲᩴ ᩅᩮᨴᩈᨳᩮ-

‘‘ᩅᩣᨩᩦ ᩅᩣ ᨾᩁᨱᩃᩮᩣᩉᩣᨶᩴ ᨠᨭ᩠ᨮᨸᩣᩈᩣᨱᩅᩣᩈᩈᩴ,

ᨶᩣᩁᩦᨸᩩᩁᩥᩈᨣᩮᩣᨿᩣᨶᩴ ᩋᨶ᩠ᨲᩁᩴ ᨻᩉᩩᨲᨶ᩠ᨲᩁᨶ᩠ᨲᩥ’’;

ᨾᩩᩈᩣᩅᩣᨴᨲᩁᨸᨬ᩠ᩉᩮᩣ ᨲᨲᩥᨿᩮᩣ.

ᨶᩥᨾᩮᩈᨶ᩠ᨲᩁᨾ᩠ᨸᨲᩥ ᨧᨠ᩠ᨡᩩᨶᩥᨾ᩠ᨾᩥᩈᨶᨠ᩠ᨡᨱᨾ᩠ᨸᩥ.

ᩅᩣᨱᩥᨩᩮᩣ ᩉᨳᩥᨶᩣᨣᩮᩣ ᨧ ᩈᩣᨠᨭᩥᨠᩮᩣ ᨶᩥᨿᩣᨾᨠᩮᩣ

ᩉᩥᩈᨠ᩠ᨠᩮᩣ ᩏᨲ᩠ᨲᩁᩈᩮᨲᩩ ᨽᩥᨠ᩠ᨡᩩ ᨧᩮᩅ ᨻᩮᩣᨵᩥᩈᨲ᩠ᨲᩮᩣ,

ᩏᨲ᩠ᨲᩁᩈᩮᨲᩩ ᨸᨭᩥᨸᨶ᩠ᨶᨠᩮᩣ ᨸᩩᨣ᩠ᨣᩃᩮᩣ;

ᩑᨲᩮ ᩋᨶᩣᨣᨲᩴ ᩋᨭ᩠ᨮ ᨩᨶᩣ ᩅᩥᩃᩮᩣᨠᩥᨿᩣ;

ᩅᩥᨠ᩠ᨠᨿᩣᨶᩣᨣᨲᨾᨣ᩠ᨣᩮᩣ ᨲᩥᨳᩴ ᨲᩦᩁᨾᩣᨿᩩᨳᩥᩁᩴ

ᩋᨶᩣᨣᨲᩴ ᨠᩩᩃᨾ᩠ᨸᩥ ᨧ ᩋᨭ᩠ᨮᨭ᩠ᨮᩣᨶᩣ ᩅᩥᩃᩮᩣᨠᩥᨿᩣ’ᨲᩥ;

ᨠᩩᩃᩅᩥᩃᩮᩣᨠᨶᨸᨬ᩠ᩉᩮᩣ ᨧᨲᩩᨳᩮᩣ.

ᨿᨳᩣᨵᨾ᩠ᨾᩮᩣ ¶ ᨠᩣᩁᩮᨲᨻ᩠ᨻᩮᩣᨲᩥᩌᨸᨲ᩠ᨲᩥᨵᨾ᩠ᨾᩮᩣ ᩅᩥᨶᨿᩮ ᨲᩥᨭ᩠ᨮᨲᩥ. ᨿᨳᩣ ᨲᩥᨭ᩠ᨮᨲᩥ, ᨲᨳᩣ ᩈᩮᩣ ᨽᩥᨠ᩠ᨡᩩ ᩈᨦ᩠ᨥᩮᨶ ᨠᩣᩁᩮᨲᨻ᩠ᨻᩮᩣ, ᨲᨳᩣ ᨻᩮᩣᨵᩮᨲᨻ᩠ᨻᩮᩣ.

ᩋᨲ᩠ᨲᨶᩥᨸᩣᨲᨶᨸᨬ᩠ᩉᩮᩣ ᨸᨬ᩠ᨧᨾᩮᩣ.

ᨶᩮᨲᩮ ᨾᩉᩣᩁᩣᨩ ᨣᩩᨱᩣ ᨸᩩᨣ᩠ᨣᩃᩔᩣᨲᩥ ᨸᩩᨣ᩠ᨣᩃᩔ ᩑᨲᩮ ᨣᩩᨱᩣ ᩑᨠᩣᨴᩈᩣᨴᩥᩈᨦ᩠ᨡᩣ ᨶ ᩉᩮᩣᨶ᩠ᨲᩥ. ᨾᩮᨲ᩠ᨲᩣ ᨽᩣᩅᨶᩣᨿ ᩑᩅ ᩑᨲᩮ ᨣᩩᨱᩣ. ᨾᩮᨲ᩠ᨲᩣᩅᩥᩉᩣᩁᩥ ᨸᩩᨣ᩠ᨣᩃᩔ ᩈᩴᩅᩥᨩ᩠ᨩᨶ᩠ᨲᩦᨲᩥ ᩋᨵᩥᨸ᩠ᨸᩣᨿᩮᩣ.

ᨿᩔᩣᨲᩥ ᨿᩔ ᨣᩩᨱᩔ ᩉᩮᨲᩩ.

ᩋᨶ᩠ᨲᩁᨵᩣᨶᨾᩪᩃᨶ᩠ᨶᩥᨲᩥ ᨸᨠᨲᩥᩈᩁᩦᩁᩔ ᩋᨶ᩠ᨲᩁᨵᩣᨶ-ᨴᩥᨻ᩠ᨻᨽᩮᩈᨩ᩠ᨩᩁᩩᨠ᩠ᨡᨾᩪᩃᩴ.

ᩋᨶ᩠ᨲᩁᨵᩣᨶᩔᩣ’ᨲᩥ ᩋᨶ᩠ᨲᩁᨵᩣᨶᨠᩁᨱᩔ.

ᨿᨶ᩠ᨲᩥ ᨿᩮᨶ ᨣᩩᨱᩮᨶ.

ᨾᩮᨲ᩠ᨲᩴ ᩈᨾᩣᨸᨶ᩠ᨲᩮᩣ’ᨲᩥ ᩋᨸ᩠ᨸᨱᩣᨸ᩠ᨸᨲ᩠ᨲᩴ ᨾᩮᨲ᩠ᨲᩴ ᩈᨾᩣᨸᨶ᩠ᨶᩮᩣ.

ᨾᩮᨲ᩠ᨲᩣᨽᩣᩅᨶᩣ ᩉᩥᨲᩣᨶᨾ᩠ᨸᩥ ᩋᩉᩥᨲᩣᨶᨾ᩠ᨸᩦᨲᩥ ᩉᩥᨲᩁᩉᩥᨲᩣᨶᨾ᩠ᨸᩥ ᩈᨲ᩠ᨲᩮᩈᩩ ᨹᩁᨱᨠᨾᩮᨲ᩠ᨲᩣᨽᩣᩅᨶᩣ ᩈᨻ᩠ᨻᨠᩩᩈᩃᨣᩩᨱᩣᩅᩉᩣ ᩈᨻ᩠ᨻᨶᩥᩁᩅᨩ᩠ᨩᨣᩩᨱᩣᨶᩥᩈᩴᩈᩣ’ᩅ ᩉᩮᩣᨲᩥ.

ᩈᨻ᩠ᨻᩮᩈᨶ᩠ᨲᩥ ᩈᨻ᩠ᨻᩮᩈᩩ ᩅᩥᨬ᩠ᨬᩣᨱᨻᨴ᩠ᨵᩮᩈᩩ ᩈᨲ᩠ᨲᩮᩈᩩ ᨾᩉᩣᨶᩥᩈᩴᩈᩣ ᨾᩮᨲ᩠ᨲᩣᨽᩣᩅᨶᩣ ᩈᨾᨹᩁᨱᩅᩈᩮᨶ ᨸᨱ᩠ᨯᩥᨲᩮᩉᩥ ᩈᩴᩅᩥᩉᨩᩥᨲᨻ᩠ᨻᩣ.

ᩈᩩᩅᨱ᩠ᨱᩈᩣᨾᨾᩮᨲ᩠ᨲᩣᩅᩥᩉᩣᩁᨸᨬ᩠ᩉᩮᩣ ᨨᨭ᩠ᨮᩮᩣ.

ᨶᨭ᩠ᨮᩣᨿᩥᨠᩮᩣ’ᨲᩥ ᨶᨭ᩠ᨮᨵᨶᩮᩣ.

ᨿᨴᩣ ᨴᩮᩅᨴᨲ᩠ᨲᩮᩣ ᩈᩥᨣᩣᩃᩮᩣ ᩋᩉᩮᩣᩈᩥ ᨡᨲ᩠ᨲᩥᨿᨵᨾ᩠ᨾᩮᩣ, ᩈᩮᩣ ᨿᩣᩅᨲᩣ ᨩᨾ᩠ᨻᩩᨴᩦᨸᩮ ᨸᨴᩮᩈᩁᩣᨩᩣᨶᩮᩣ ᨲᩮ ᩈᨻ᩠ᨻᩮ ᩋᨶᩩᨿᩩᨲ᩠ᨲᩮ ᩋᨠᩣᩈᩥ. ᨲᨴᩣ ᨻᩮᩣᨵᩥᩈᨲ᩠ᨲᩮᩣ ᩅᩥᨵᩩᩁᩮᩣ ᨶᩣᨾ ᨸᨱ᩠ᨯᩥᨲᩮᩣ ᩋᩉᩮᩣᩈᩦᨲᩥ ᩍᨴᩴ ᨴᩩᨠᨶᩥᨸᩣᨲᩮ ᩈᨻ᩠ᨻᨴᩣᨮᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ.

ᨿᨳᩣ ᨸᨱᩥᩉᩥᨲᨶ᩠ᨲᩥ ᨿᨳᩣ ᩍᨧ᩠ᨨᩥᨲᩴ, ᨿᨳᩣ ᨮᨸᩥᨲᩴ ᩅᩣ.

ᨻᩮᩣᨵᩥᩈᨲ᩠ᨲᩣᨵᩥᨠᩈᨾᨸᨬ᩠ᩉᩮᩣ ᩈᨲ᩠ᨲᨾᩮᩣ.

ᩈᨸᨠ᩠ᨡᩮᩣ’ᨲᩥ ᩈᨸᩁᩥᩅᩣᩁᩮᩣ.

ᨾᩥᨲ᩠ᨲᩈᨾ. ᨶᩮᩣ’ᨲᩥ ᩋᨲ᩠ᨲᨶᩣ ᩈᩉᨩᩣᨲ-ᩈᩉᨩᨶᩣᨵᩥᨠᩮᩉᩥ ᨾᩥᨲ᩠ᨲᩮᩉᩥ ᩈᨾᨶ᩠ᨶᩣᨣᨲᩮᩣ.

ᩌᨿᩪᩉᨠᩮᩣ’ᨲᩥ ᨵᨶᨸᩩᨬ᩠ᨬᩣᨶᩴ ᩌᨿᩪᩉᨠᩮᩣ.

ᩈᨦ᩠ᨣᩣᩉᨠᩮᩣ’ᨲᩥ ¶ ᨧᨲᩩᩉᩥ ᨴᩣᨶᩣᨴᩥᩈᨦ᩠ᨣᩉᩅᨳᩪᩉᩥ ᨧᨲᩩᩉᩥ ᨩᨶᩈᨦ᩠ᨣᩣᩉᨠᩮᩉᩥ ᩈᨦ᩠ᨣᩣᩉᨠᩮᩣ.

ᩈᨡᩥᩃᩮᩣ’ᨲᩥ ᨾᨵᩩᨠᩅᨧᨶᩮᩣ ᩉᨴᨿᨦ᩠ᨣᨾᨠᨱ᩠ᨱᩈᩩᨡᨾᨭ᩠ᨮᩅᨧᨶᩮᩣ.

ᩉᩥᨲᩮᩈᩦ ᩏᨸᨶᩥᩔᩥᨲᩣᨶᨶ᩠ᨲᩥ ᩈᨲ᩠ᨲᩣᨶ ᨶᩥᩔᩣᨿ ᩅᩈᨶ᩠ᨲᩣᨶᩴ ᨸᩩᨣ᩠ᨣᩃᩣᨶᩴ ᨵᨶᨿᩈᨸᨬ᩠ᨬᩣᩈᨦ᩠ᨡᩣᨲᩉᩥᨲᨣᩅᩮᩈᨶᩈᩦᩃᩮᩣ.

ᨵᨶᩅᩣ’ᨲᩥ ᨳᩣᩅᩁᨩᨦ᩠ᨣᨾᩈᩴᩉᩣᩁᩥᨾᩋᨦ᩠ᨣᩈᨾᩋᨶᩩᨣᩣᨾᩥᨵᨶᩈᨦ᩠ᨲᩮᩉᩥ ᨸᨬ᩠ᨧᨵᨶᩮᩉᩥ ᨵᨶᩅᩣ.

ᩋᨾᩁᩣᨴᩮᩅᩥᨶᩥᨾᨶ᩠ᨲᨶᨸᨬ᩠ᩉᩮᩣ ᩋᨭ᩠ᨮᨾᩮᩣ.

ᩒᨸᨲᨶ᩠ᨲᩦᨲᩥ ᩏᨸᨣᨧ᩠ᨨᨶ᩠ᨲᩥ.

ᩋᩁᩉᨶ᩠ᨲᩈᨽᩣᨿᨶᨸᨬ᩠ᩉᩮᩣ ᨶᩅᨾᩮᩣ.

ᩒᨠᩔᩣ’ᨲᩥ ᩌᨠᨯ᩠ᨰᩥᩅᩣ ᨸᩣᨣᩩᨸᨾᩮᨿ᩠ᨿᨠᩔ. (?)

ᩈᨠ᩠ᨿᩮᩣᨸᨾᩣᩉᩁᨱᨸᨬ᩠ᩉᩮᩣ ᨴᩈᨾᩮᩣ.

ᨴᩈᨸᨬ᩠ᩉᨸᨭᩥᨾᨱ᩠ᨯᩥᨲᨧᨲᩩᨳᩅᨣ᩠ᨣᩅᨱ᩠ᨱᨶᩣ ᩈᨾᨲ᩠ᨲᩣ.

ᨴ᩠ᩅᩮ ᩋᨳᩅᩈᩮ’ᨲᩥ ᨴ᩠ᩅᩮ ᩌᨶᩥᩈᩴᩈᩮ.

ᨻ᩠ᨿᨲ᩠ᨲᩈᨦ᩠ᨠᩮᨲᩣ’ᨲᩥ ᨸᩣᨠᨭᩈᨦ᩠ᨠᩮᨲᩣ ᩈᩩᩃᨽᨴᩔᨶᩴ ᨴᩔᨶᨠᩣᨾᩣᨶᨶ᩠ᨲᩥ ᩈᩦᩃᩅᨶ᩠ᨲᩣᨶᩴ ᨴᩔᨶᨠᩣᨾᩣᨶᩴ ᩏᨸᩣᩈᨠᩮᩣᨸᩣᩈᩥᨠᩣᨶᩴ ᩈᩩᩃᨽᨴᩔᨶᩴ ᩈᩩᨡᩮᨶ ᩃᨽᩥᨲᨻ᩠ᨻᩴ ᩈᩦᩃᩅᨶ᩠ᨲᨴᩔᨶᩴ ᨽᩅᩥᩔᨲᩥ.

ᩋᨶᩥᨠᩮᨲᨸᨬ᩠ᩉᩮᩣ ᨸᨮᨾᩮᩣ.

ᩅᨶ᩠ᨲᩔ…ᨸᩮ… ᩌᨲᩩᩁᩔᩣ’ᨲᩥ ᩅᨶ᩠ᨲᩔ ᩅᩮᨩ᩠ᨩᩮᨶ ᩅᨾᩣᨸᩮᨲᨻ᩠ᨻᩔ.

ᩅᩥᩁᩥᨲ᩠ᨲᩔ ᩋᨵᩮᩣᩅᩥᩁᨧᩥᨲᩔ.

ᩋᨶᩩᩅᩣᩈᩥᨲᩔ ᨸᩔᩣᩅᨾᨣ᩠ᨣᨠᨲ᩠ᨲᨻ᩠ᨻᩔᩋᨶᩩᩅᩣᩈᨠᨾ᩠ᨾᩔ, ᩌᨲᩩᩁᩔ ᨣᩥᩃᩣᨶᨸᩩᨣ᩠ᨣᩃᩔ.

ᩏᨴᩁᩈᩴᨿᨲᨸᨬ᩠ᩉᩮᩣ ᨴᩩᨲᩥᨿᩮᩣ.

ᨻᩣᩉᩥᩁᩣᨶᩴ ᩌᨣᨾᩣᨶᨶ᩠ᨲᩥ’ᨲᩥ ᨸᩥᨭᨠᨲ᩠ᨲᨿᨲᩮᩣ ᨻᩣᩉᩥᩁᩣᨶᩴ.

ᩋᨶᩩᨲ᩠ᨲᩁᨽᩦᩈᨠ᩠ᨠᨸᨬ᩠ᩉᩮᩣ ᨲᨲᩥᨿᩮᩣ.

ᨾᨣ᩠ᨣᩥᨿᨶ᩠ᨲᩥ ᨣᩅᩮᩈᩥᨲᨻ᩠ᨻᩴ.

ᨲᩔᨸᨠᨲᨶ᩠ᨲᩥ ᨲᩮᨶᩋᨸᩁᨧᨠ᩠ᨠᩅᨲ᩠ᨲᩥᨶᩣ ᨸᨠᨲᩴ.

ᨿᩮᩣᨶᩥᨿᩣ ᨩᨶᨿᩥᩅᩣ’ᨲᩥ ᩋᨲ᩠ᨲᨶᩮᩣ ᨸᩔᩣᨧᨾᨣ᩠ᨣᨴ᩠ᩅᩣᩁᩮᨶ ᨩᨶᩮᩅᩣ.

ᩋᨶᩩᨸ᩠ᨸᨶ᩠ᨶᨾᨣ᩠ᨣᩩᨸ᩠ᨸᩣᨴᨶᨸᨬ᩠ᩉᩮᩣ ᨧᨲᩩᨳᩮᩣ.

ᩅᩣᨩᨸᩮᨿ᩠ᨿᨶ᩠ᨲᩥ ¶ ᩈᨸ᩠ᨸᩥᩌᨴᩥᩅᨳᩩᩈᨦ᩠ᨡᩣᨲᩴ ᩅᩣᨩᩴ ᨸᩥᩅᨶ᩠ᨲᩥ ᩑᨳᩣᨲᩥ ᩅᩣᨩᨸᩮᨿ᩠ᨿᩮᩣ, ᨲᩴ ᩁᩣᨣᩅᩈᩮᨶ ᩅᩥᩈᨬ᩠ᨬᩥᨶᩣ’ᨲᩥ ᩁᩣᨣᨻᩃᩮᨶ ᨸᨠᨲᩥᩈ᩠ᨬᩣᩁᩉᩥᨲᩮᨶ ᩃᩮᩣᨾᩈᨠᩔᨸᨻᩮᩣᨵᩥᩈᨲ᩠ᨲᩮᨶ.

ᩁᨲ᩠ᨲᩮᩣ ᩁᩣᨣᩅᩈᩮᨶᩣ’ᨲᩥ ᨸᩩᨲ᩠ᨲᩣᨴᩥᩈᩩ ᩁᨲ᩠ᨲᩮᩣ ᨸᩩᨲ᩠ᨲᩣᨴᩦᨶᩴ ᨾᨦ᩠ᨣᩃᨳᩣᨿ ᩁᩣᨣᨻᩃᩮᨶ ᨸᩣᨱᩴ ᩉᨶ᩠ᨲᩥ. ᨽᩅᨲᩦ ᩉ-

‘‘ᩁᨲ᩠ᨲᩮᩣ ᨴᩩᨭ᩠ᨮᩮᩣ ᨧ ᨾᩪᩊ᩠ᩉᩮᩣ ᨧ ᨾᩣᨶᩦ ᩃᩩᨴ᩠ᨵᩮᩣ ᨲᨳᩣ’ᩃᩈᩮᩣ,

ᩁᩣᨩᩣ ᨧ ᨥᩣᨲᨠᩣ ᩋᨭ᩠ᨮ ᨶᩣᨣᩈᩮᨶᩮᨶ ᨴᩮᩈᩥᨲᩣ;’’

ᩒᨶᨾᩮᨿ᩠ᨿᩣ’ᨲᩥ ᨸᩣᨱᩴ ᨥᩣᨲᩮᨿ᩠ᨿ.

ᩈᩈᨾᩩᨴ᩠ᨴᨸᩁᩥᨿᩣᨿᨶ᩠ᨲᩥ ᩈᩈᨾᩩᨴ᩠ᨴᨸᩁᩥᨠ᩠ᨡᩮᨸᩴ.

ᩃᩮᩣᨾᩈᨠᩔᨸᨸᨬ᩠ᩉᩮᩣ ᨸᨬ᩠ᨧᨾᩮᩣ.

ᨩᩮᩣᨲᩥᨸᩣᩃᨨᨴ᩠ᨴᨶ᩠ᨲᨸᨬ᩠ᩉᩮᩣ ᨨᨭ᩠ᨮᩮᩣ.

ᨠᩔᨸᨻᩩᨴ᩠ᨵᨠᩩᨭᩥᨠᩣᩒᩅᩔᨶᨸᨬ᩠ᩉᩮᩣ ᩈᨲ᩠ᨲᨾᩮᩣ.

ᨻᩕᩣᩉ᩠ᨾᨱᩁᩣᨩᨸᨬ᩠ᩉᩮᩣ ᩋᨭ᩠ᨮᨾᩮᩣ.

ᨣᩣᨳᩣᨽᩥᨣᩦᨲᨸᨬ᩠ᩉᩮᩣ ᨶᩅᨾᩮᩣ.

ᨶᩮᩣᨵᨾ᩠ᨾᨴᩮᩈᨶᨧᩥᨲ᩠ᨲᨶᨾᨶᨸᨬ᩠ᩉᩮᩣ ᨴᩈᨾᩮᩣ.

ᨴᩈᨸᨬ᩠ᩉᨸᨭᩥᨾᨱ᩠ᨯᩥᨲᨸᨬ᩠ᨧᨾᩅᨣ᩠ᨣᩅᨱ᩠ᨱᨶᩣ.

ᩒᨶᩮᩣᨩᩮᩅᩣ’ᨲᩥ ᩏᨴᨠᩴ ᨸᩣᨲᩮᩅᩣ

ᨶᨾ᩠ᨬᩣᨧᩁᩥᨿᩮᩣᩋᨳᩥᨸᨬ᩠ᩉᩮᩣ ᨸᨮᨾᩮᩣ.

ᩈᨾᩩᨸᩣᨴᩥᨠᩣ’ᨲᩥ ᩈᩣᨾᩴ ᩏᨴ᩠ᨵᩴᨸᨳᩅᩥᩴ ᨸᩅᨲ᩠ᨲᩦ’ᨲᩥ ᩈᨾᩩᨸᩣᨴᩥᨠᩣ. ᩏᨴᨠᩔ ᩏᨸᩁᩥ ᩈᨾᨣᨾᨶᩴ ᨶᩥᨻ᩠ᨻᨲ᩠ᨲᩦᨲᩥ ᩋᨳᩮᩣ.

ᨴ᩠ᩅᩥᨻᩩᨴ᩠ᨵᩮᩣᨸ᩠ᨸᨩ᩠ᨩᨶᨸᨬ᩠ᩉᩮᩣ ᨴᩩᨲᩥᨿᩮᩣ.

ᨾᩣᩁᨻᩃᨶᩥᩈᩪᨴᨶᩮ ᨻᩩᨴ᩠ᨵᩮ’ᨲᩥ ᨾᩣᩁᨻᩃᨶᩥᨾ᩠ᨾᨴ᩠ᨴᨶᩈᨾᨳᩮ ᨻᩩᨴ᩠ᨵᩮ.

ᩑᨠᩮᩣ ᨾᨶᩮᩣᨸᩈᩣᨴᩮᩣ ᨻᩩᨵᩈᩁᨱᨣᨾᨶᨧᩥᨲ᩠ᨲᩩᨸ᩠ᨸᩣᨴᩮᩣ.

ᩋᨬ᩠ᨩᩃᩥᨸᨱᩣᨾᩮᩣ ᩋᨬ᩠ᨩᩃᩥᨸᨱᨾᨶᨾᨲ᩠ᨲᩮᨶ ᩅᨴᨶᩣᨠᩣᩁᩮᩣ

ᩏᩔᩉᨲᩮ ᨲᩣᩁᨿᩥᨲᩩᨶ᩠ᨲᩥ ᩋᨸᩣᨿᨴᩩᨠ᩠ᨡᩅᨵᨴᩩᨠ᩠ᨡᨲᩮᩣ ᨲᩣᩁᨿᩥᨲᩩᩴ ᩈᨠ᩠ᨠᩮᩣᨲᩥ.

ᨣᩮᩣᨲᨾᩦᨴᩥᨶ᩠ᨶᩅᨳᨸᨬ᩠ᩉᩮᩣ ᨲᨲᩥᨿᩮᩣ.

ᩌᩁᩣᨵᨠᩮᩣ ¶ ᩉᩮᩣᨲᩥ ᨬᩣᨿᩴ ᨵᨾ᩠ᨾᩴ ᨠᩩᩈᩃᨶ᩠ᨲᩥ ᨾᨣ᩠ᨣᨹᩃᨶᩥᨻ᩠ᨻᩣᨶᩈᨦ᩠ᨡᩣᨲᩴ ᨬᩣᨿᩴ ᨠᩩᩈᩃᨵᨾ᩠ᨾᩴ ᩌᩁᩣᨵᨠᩮᩣ ᩈᨾᩥᨩ᩠ᨫᨶᨠᩮᩣ ᩉᩮᩣᨲᩥ.

ᨸᨻ᩠ᨻᨩ᩠ᨩᩣᨶᩥᩁᨳᨸᨬ᩠ᩉᩮᩣ ᨧᨲᩩᨳᩮᩣ.

ᨴᩩᨠ᩠ᨠᩁᨠᩥᩁᩥᨿᩣᨶᩥᩁᨳᨠᨸᨬ᩠ᩉᩮᩣ ᨸᨬ᩠ᨧᨾᩮᩣ.

ᩍᨴᨾᩮᨳ ᨠᩣᩁᨱᨶ᩠ᨲᩥ ᨾᨶᩩᩔᩣᨶᩴ ᩍᨴᩴ ᨶᩥᨭ᩠ᨮᩣᩅᨧᨶᩴ ᩑᨳ ᩋᩁᩥᨿᨾᨣ᩠ᨣᩋᨸᩣᨸᩩᩁᨱᨸᨻ᩠ᨻᨩᨶᩮ ᨠᩣᩁᨱᩴ ᩉᩮᩣᨲᩦᨲᩥ ᨿᩮᩣᨩᨶᩣ.

ᩈᨿᨶ᩠ᨲᩥ ᩈᩣᩈᨶᩔ ᩋᨲ᩠ᨲᨶᩣ ᨩᩥᨶᩈᩣᩈᨶᩅᩥᨻ᩠ᨽᨶ᩠ᨲᩴ ᨸᩩᨣ᩠ᨣᩃᩴ ᨠᩥᩴ ᩈᩮᩣᨵᩮᩔᨲᩥ?

ᨶᩥᨻ᩠ᨻᩥᩈᩮᩈᩣ’ᨲᩥᩈᩦᩃᩣᨴᩥᨣᩩᨱᩅᩥᩈᩮᩈᩁᩉᩥᨲᩣ.

ᩋᨠᨲᨸᩩᨬ᩠ᨬᩣ’ᨲᩥ ᨸᩩᨻ᩠ᨻᨩᩥᨶᩈᩣᩈᨶᩮᩈᩩ ᨸᨻ᩠ᨻᨩ᩠ᨩᩣᨸᩩᨬ᩠ᨬᩔ ᩋᨠᩁᨱᩮᨶ ᩋᨠᨲᨸᩩᨬ᩠ᨬᩣ.

ᩋᩅᩮᨾᩪᩊ᩠ᩉᩣ ᨩᩥᨶᩈᩣᩈᨶᩮ’ᨲᩥ ᩈᩦᩃᩣᨴᩥᨣᩩᨱᩅᩮᨾᩪᩊ᩠ᩉᨽᩣᩅᩴ ᨸᩣᨸᩩᨱᩥᨲᩩᩴ ᩋᩈᨾᨳᩣ.

ᩉᩦᨶᩣᨿᩅᨲ᩠ᨲᨶᨴᩮᩣᩈᨸᨬ᩠ᩉᩮᩣ ᨨᨭ᩠ᨮᩮᩣ.

ᩋᩁᩉᨶ᩠ᨲᨠᩣᨿᩥᨠᨴᩩᨠ᩠ᨡᩅᩮᨴᨶᩣᨸᨬ᩠ᩉᩮᩣ ᩈᨲ᩠ᨲᨾᩮᩣ.

ᨸᩣᩁᩣᨩᩥᨠᩋᨩ᩠ᨫᩣᨶᨸᨬ᩠ᩉᩮᩣ ᩋᨭ᩠ᨮᨾᩮᩣ.

ᩈᨦ᩠ᨥᩈᨾᨿᩴᩋᨶᩩᨸᩅᩥᨭ᩠ᨮᨲᩣᨿᩣ’ᨲᩥ ᩈᨦ᩠ᨥᩈᨾᨿᩴ ᨸᩅᩥᨭ᩠ᨮᨽᩣᩅᩮᨶ.

ᨸᨻ᩠ᨻᨩᩥᨲᨣᩥᩉᩦᨴᩩᩔᩦᩃᨸᨬ᩠ᩉᩮᩣ ᨶᩅᨾᩮᩣ.

ᩏᨴᨠᨩᩦᩅᨸᨬ᩠ᩉᩮᩣ ᨴᩈᨾᩮᩣ.

ᨴᩈᨸᨬ᩠ᩉᩅᨶ᩠ᨲᨨᨭ᩠ᨮᩅᨣ᩠ᨣᩅᨱ᩠ᨱᨶᩣ ᩈᨾᨲ᩠ᨲᩣ.

ᨾᩉᩣᩁᨩᨠ᩠ᨡᩣ’ᨲᩥ ᨸᨬ᩠ᨬᩣᨾᨿᩮ ᩋᨠ᩠ᨡᩥᨾ᩠ᩉᩥ ᨾᩉᨶ᩠ᨲᩣ ᩁᩣᨣᩣᨴᩥᩁᨩᩣ ᩑᨲᩮᩈᨶ᩠ᨲᩥ ᨾᩉᩣᩁᨩᨠ᩠ᨡᩣ ᩋᨳ ᩅᩣ ᩋᨠ᩠ᨡᩴ ᨿᩮᩈᩴ ᩋᨲ᩠ᨳᩥᨲᩥ ᩋᨠ᩠ᨡᩣ. ᨾᩉᨶ᩠ᨲᩴ ᩁᩣᨣᩣᨴᩥᩁᨩᩴ ᩑᨲᩮᩈᨶ᩠ᨲᩥ ᨾᩉᩣᩁᩣᨩᩣ. ᨾᩉᩣᩁᨩᩣ ᨧ ᨲᩮ ᩋᨠ᩠ᨡᩣ ᨧᩣ ᨲ ᨾᩉᩣᩁᨩᨠ᩠ᨡᩣ. ᨾᩉᩣᩁᨩᩣ ᩑ ᨾᩉᩣᩁᨩᨠ᩠ᨡᩣ’ᨲᩥᨸᩥ ᩅᨲ᩠ᨲᩩᩴ ᩅᨭ᩠ᨭᨲᩥᨿᩮᩅ. ᩍᨾᩈ᩠ᨾᩥᩴ ᨸᨧ᩠ᨨᩥᨾᩅᩥᨠᨸ᩠ᨸᩮ ᩋᨠ᩠ᨡᩈᨴ᩠ᨴᩮᩣ ᨶᩥᩁᨳᩮᩣ.

ᨶᩥᨸ᩠ᨸᨸᨬ᩠ᨧᨸᨬ᩠ᩉᩮᩣ ᨸᨮᨾᩮᩣ.

ᩅᩥᩈᨾᨠᩮᩣᨭ᩠ᨮᩔᩣ’ᨲᩥ ᩅᩥᩈᨾᩋᨶ᩠ᨲᩔ.

ᨴᩩᨻ᩠ᨻᩃᨣᩉᨱᩔᩣ’ᨲᩥ ᩋᨸ᩠ᨸᨴᩩᨻ᩠ᨻᩃᨶ᩠ᨲᩁᨴᩮᩉᩥᩔ.

ᨣᩥᩉᩦᩋᩁᩉᨶ᩠ᨲᨸᨬ᩠ᩉᩮᩣ ᨴᩩᨲᩥᨿᩮᩣ.

ᨾᨣ᩠ᨣᩮᩣ ¶ ᨸᩥ ᨲᩔᨾᩉᩥᨿᩣ ᩋᨶᨬ᩠ᨬᩣᨲᩮᩣ’ᨲᩥ ᨾᩉᩥᨿᩣ ᨾᨣ᩠ᨣᩮᩣ ᨲᩔ ᩋᨴ᩠ᨵᩥᨠᩔ ᩋᩁᩉᨲᩮᩣ ᩋᨶᨬ᩠ᨬᩣᨲᩮᩣ.

ᩋᩁᩉᨶ᩠ᨲᩈᨲᩥᩈᨾ᩠ᨾᩮᩣᩈᨸᨬ᩠ᩉᩮᩣ ᨲᨲᩥᨿᩮᩣ.

ᨲᩦᨱᩥᨶᨳᩥᨸᨬ᩠ᩉᩮᩣ ᨧᨲᩩᨳᩮᩣ.

ᨶᨳᩥᨵᨾ᩠ᨾᨶ᩠ᨲᩥ ᩋᩅᩥᨩᩉᨶᩈᨽᩣᩅᩴ.

ᩋᨳᩥᨵᨾ᩠ᨾᨶ᩠ᨲᩥ ᩅᩥᨩᩉᨶᩈᨽᩣᩅᩴ.

ᩋᨠᨾ᩠ᨾᨩᨸᨬ᩠ᩉᩮᩣ ᨸᨬ᩠ᨧᨾᩮᩣ.

ᨻᩦᨩᨩᩣᨲᩣᨶᩦ’ᨲᩥ ᨻᩦᨩᩅᩣᩈᩥᨿᩮᩣ.

ᨠᨾ᩠ᨾᨩᨸᨬ᩠ᩉᩮᩣ ᨨᨭ᩠ᨮᩮᩣ.

ᨿᨠ᩠ᨡᨠᩩᨱᨸᨸᨬ᩠ᩉᩮᩣ ᩈᨲ᩠ᨲᨾᩮᩣ.

ᩋᨶᩣᨣᨲᩮᩈᩩᨸᨬ᩠ᨬᨲ᩠ᨲᩥᩈᩥᨠ᩠ᨡᩣᨸᨬ᩠ᩉᩮᩣ ᨶᩅᨾᩮᩣ.

ᩈᩪᩁᩥᨿᨲᨸᨶᨸᨬ᩠ᩉᩮᩣ ᨴᩈᨾᩮᩣ.

ᨴᩈᨸᨬ᩠ᩉᩅᨶ᩠ᨲᩈᨲ᩠ᨲᨾᩅᨣ᩠ᨣᩅᨱ᩠ᨱᨶᩣ ᩈᨾᨲ᩠ᨲᩣ.

ᨸᩩᨶᨴᩮᩅ ᩃᨲᩣᨿ ᨻᨵᩥᩅᩣ ᩋᨴᩣᩈᩦ’ᨲᩥ ᩍᨴᩴᨩᩣᨲᨠᩮ ᨶ ᨸᩣᨠᨭᩴ. ᩁᨬ᩠ᨬᩮᩣ ᨸᩁᨾ᩠ᨸᩁᩣᨣᨲᩅᨧᨶᩴ ᨣᩉᩮᩅᩣ ᩅᩩᨲ᩠ᨲᩴ ᩈᩥᨿᩣ. ᩋᨸᩥ ᨧ ᨻᩮᩣᨵᩥᩈᨲ᩠ᨲᩮᩣ ᩋᨲ᩠ᨲᨶᩮᩣ ᩈᨶ᩠ᨲᩥᨠᩴ ᩌᨣᨲᩮ ᨻᨵᨶᩣ ᩋᨾᩩᨬ᩠ᨧᩥᩅᩣ ᩋᨩ᩠ᨫᩩᨸᩮᨠ᩠ᨡᩥᨲᩮᩣ ᨸᩩᨶᨴᩮᩅ ᩃᨲᩣᨿ ᨻᨵᩥᩅᩣ ᩋᨴᩣᩈᩥ ᩅᩥᨿ ᩈᨬ᩠ᨬᩣᨿ ᩅᩩᨲ᩠ᨲᩴ ᩈᩥᨿᩣ.

ᩁᩪᩊᩁᩪᩊᩔ ᨹᩁᩩᩈᩣᨲᩥᨹᩁᩩᩈᩔ ᨽᩦᨾᨽᩦᨾᩔ ᨩᩪᨩᨠᩔ ᨻᩕᩣᩉ᩠ᨾᨱᩔ ᩈᩅᨱᩮ ᩅᨲ᩠ᨲᨾᩣᨶᩮᩣ.

ᨴᩣᩁᨠᩮᨴᩣᩁᨠᨴ᩠ᩅᨿᩮ ᨻᩮᩣᨵᩥᩈᨲ᩠ᨲᩔ ᩋᨴᩔᨶᩴ ᨣᨾᩥᨲᩮ ᩈᨲᩥ ᩈᩮᩣ ᨻᩮᩣᨵᩥᩈᨲ᩠ᨲᩮᩣ ᩈᨲᨵᩣ ᩅᩣ ᩈᩉᩔᨵᩣ ᩅᩣ ᩈᩮᩣᨠᩅᩈᩮᨶ.

ᩉᨴᨿᩴ ᨶ ᩑᩃᩥ ᨶ ᨹᩃᩮᩈᩥ ᩍᨴᩴ ᩈᨲ᩠ᨲᨾᩴ ᨴᩩᨠ᩠ᨠᩁᨲᩮᩣ ᨴᩩᨠ᩠ᨠᩁᨲᩁᩴ ᩋᩉᩮᩣᩈᩦᨲᩥ ᨿᩮᩣᨩᨶᩣ.

ᩅᩮᩔᨶ᩠ᨲᩁᨸᩩᨲ᩠ᨲᨴᩣᩁᨴᩣᨶᨸᨬ᩠ᩉᩮᩣ ᨸᨮᨾᩮᩣ.

ᨴᩩᨠ᩠ᨠᩁᨠᩣᩁᩥᨸᨬ᩠ᩉᩮᩣ ᨴᩩᨲᩥᨿᩮᩣ.

ᩃᩮᩣᨠᩥᨿᩴ ᨽᨶ᩠ᨲᩮ ᨶᩣᨣᩈᩮᨶ ᩃᩮᩣᨠᩩᨲ᩠ᨲᩁᩮᨶ ᩅᩥᨬ᩠ᨬᩣᨸᩥᨲᨶ᩠ᨲᩥ ᩃᩮᩣᨠᩥᨠᩴ ᩋᨳᨩᩣᨲᩴ ᩅᩥᨿ…ᨸᩮ…ᨲᨿᩣ ᩃᩮᩣᨠᩩᨲ᩠ᨲᩁᩮᨶ ᩋᨳᨩᩣᨲᩮᨶ ᩅᩥᨬ᩠ᨬᩣᨸᩥᨲᩴ.

ᨸᩣᨸᨻᩃᨸᨬ᩠ᩉᩮᩣ ᨲᨲᩥᨿᩮᩣ.

ᨸᩮᨲᨸᩣᨸᩩᨱᨶᨠᨸᩩᨬ᩠ᨬᨸᨬ᩠ᩉᩮᩣ ᨧᨲᩩᨳᩮᩣ.

ᨴᩥᨻ᩠ᨻᩮᩣ ¶ ᩋᨳᩮᩣ’ᨲᩥ ᨴᩥᨻ᩠ᨻᩈᨴᩥᩈᩮᩣ ᨧ ᩑᨠᨶ᩠ᨲᨴᩥᨻ᩠ᨻᩮᩣ ᨧ ᩋᨳᩮᩣ.

ᨾᩥᨴ᩠ᨵᩈᨾᩣᨸᨶ᩠ᨶᩮᩣ’ᨲᩥ ᨽᩅᨦ᩠ᨣᩅᩈᩮᨶ ᨶᩥᨴ᩠ᨴᩴ ᩌᨸᨶ᩠ᨶᩮᩣ.

ᨠᨸᩥᨾᩥᨴ᩠ᨵᨸᩁᩮᨲᩮᩣ’ᨲᩥ ᨠᨸᩥᨶᩥᨴ᩠ᨴᩣᨿ ᩈᨾᨶ᩠ᨶᩣᨣᨲᩮᩣ.

ᨿᩮᩣ ᨠᩣᨿᩔ ᩒᨶᩣᩉᩮᩣ’ᨲᩥ ᨶᩣᨾᨠᩣᨿᩔ ᨧ ᩁᩪᨸᨠᩣᨿᩔ ᨧ ᨻᨵᨶᩣᨠᩣᩁᩮᩣ.

ᨸᨲᩥᨿᩮᩣᨶᩣᩉᩮᩣ’ᨲᩥ ᨠᨾ᩠ᨾᩴ ᨠᩣᨲᩩᩴ ᩋᩈᨾᨳᨲᩣᩅᩈᩮᨶ ᩈᨾᨶ᩠ᨲᨲᩮᩣ ᨻᨵᨶᩣᨠᩣᩁᩮᩣ.

ᨿᩮᩣ ᨾᩉᩣᩁᩣᨩ ᨠᨸᩥᨶᩥᨴ᩠ᨴᩣᨸᩁᩮᨲᩮᩣ ᩅᩮᩣᨠᩥᨱ᩠ᨱᨲᩣ ᨩᩣᨣᩁᨲᩦ’ᨲᩥ ᨿᩣ ᨠᨸᩥᨶᩥᨴ᩠ᨴᩣᨿ ᨸᩥᩊᩥᨲᩔ ᨸᩩᨣ᩠ᨣᩃᩔ ᨶᩥᨴ᩠ᨴᩣ ᩅᩮᩣᨠᩥᨱ᩠ᨱᨠᩴ ᨩᩣᨣᩁᩴ ᨣᨲᩥᨿᩣ ᨶᩥᨴ᩠ᨴᩣᨾᩥᩔᨠᨩᩣᨣᩁᨸᩅᨲ᩠ᨲᨶᩴ.

ᩈᩩᨸᩥᨶᨸᨬ᩠ᩉᩮᩣ ᨸᨬ᩠ᨧᨾᩮᩣ.

ᩋᨠᩣᩁᨱᨾᩁᨱᨸᨬ᩠ᩉᩮᩣ ᨨᨭ᩠ᨮᩮᩣ.

ᨸᩁᩥᨶᩥᨻ᩠ᨻᩩᨲᨸᩣᨭᩥᩉᩣᩁᩥᨿᨸᨬ᩠ᩉᩮᩣ ᩈᨲ᩠ᨲᨾᩮᩣ.

ᩐᨶᩈᨲ᩠ᨲᩅᩔᨸᨬ᩠ᩉᩮᩣ ᩋᨭ᩠ᨮᨾᩮᩣ.

ᩈᩩᨡᨴᩩᨠ᩠ᨡᨾᩥᩔᨶᩥᨻ᩠ᨻᩣᨶᨸᩉᩮᩣ ᨶᩅᨾᩮᩣ.

ᩈᨽᩣᩅᨲᩮᩣ ᨶᨳᩥ’ᨲᩥ ᨠᩥᨬ᩠ᨧᩥ ᩒᨸᨾ᩠ᨾᨶᩥᨴᩔᨶᨾᨲ᩠ᨲᩴ ᩈᨽᩣᩅᨲᩮᩣ ᩈᩁᩪᨸᨲᩮᩣ ᨶᨳᩥ. ᨣᩩᨱᨲᩮᩣ ᨸᨶ ᩋᨶᩩᨸᩃᩥᨲ᩠ᨲᩮᩣ ᨴ᩠ᩅᩥᨣᩩᨱᨲᩮᩣ ᨠᩥᨬ᩠ᨧᩥ ᩒᨸᨾ᩠ᨾᨶᩥᨴᩔᨶᨾᨲ᩠ᨲᩴ ᩈᨠ᩠ᨠᩣ ᨲᩩᨿ᩠ᩉᩴ ᩏᨸᨴᩔᨿᩥᨲᩩᩴ ᨸᨠᩣᩈᩮᨲᩩᩴ.

ᨸᨴᩩᨾᩴ ᩏᨴᨠᩴ ᨶᩮᩅ ᩋᨣᨴᩴ ᩈᩣᨣᩁᩮᩣ ᨲᨳᩣ

ᨽᩮᩣᨩᨶᩴ ᩌᨠᩣᩈ-ᨾᨱᩥᩁᨲᨶᩅᨴᨶᩴ

ᩈᨸ᩠ᨸᩥᨾᨱ᩠ᨯᩮᩣ ᨣᩥᩁᩥ ᩅᨳᩪ ᨴᩈᩪᨸᨾᩣ

ᩑᨠᨴ᩠ᩅᩥᨲᩥᨧᨲ᩠ᨲᩣᩁᩥ ᨸᨬ᩠ᨧᨠᨴᩈᨠᩣ ᨲᩦᨱᩥ.

ᨸᩩᨶ ᨲᩦᨱᩥ ᨸᩩᨶ ᨲᩦᨱᩥ ᨸᨬ᩠ᨧ ᨣᩩᨱᩣ ᨸᨱ᩠ᨯᩥᨲᩮᩉᩥ ᩅᩥᨩᩣᨶᩥᨿᩣ

ᨲᨳ ᨸᨴᩩᨾᩔ ᩏᨴᨠᩮ ᩋᨶᩩᨸᩃᩥᨲ᩠ᨲᨽᩣᩅᩮᩣ ᩑᨠᩮᩣ ᨣᩩᨱᩮᩣ ᨶᩥᨻ᩠ᨻᩣᨶᩴ ᩋᨶᩩᨸ᩠ᨸᩅᩥᨭ᩠ᨮᩮᩣ.

ᩏᨴᨠᩔ ᩈᩦᨲᩃᨲᩣ ᨸᩥᨸᩣᩈᩣᩅᩥᨶᨿᨲᩣ’ᨲᩥ ᨴ᩠ᩅᩮ ᨣᩩᨱᩣ.

ᩋᨣᨴᩔ ᨸᨭᩥᩈᩁᨱᨲᩣ ᩁᩮᩣᨣᩋᨶ᩠ᨲᨠᩁᨱᨲᩣ ᩋᨾᨲᨲᩣ’ᨲᩥ ᨲᨿᩮᩣ ᨣᩩᨱᩣ.

ᩈᨾᩩᨴ᩠ᨴᩔ ᨠᩩᨱᨸᩈᩩᨬ᩠ᨬᨲᩣ ᩈᩅᨶ᩠ᨲᩦᩉᩥ ᩋᨸᩪᩁᨱᨲᩣ ᨾᩉᨶ᩠ᨲᨽᩪᨲᩣᩅᩣᩈᨲᩣ ᩋᨸᩁᩥᨾᩥᨲᩅᩥᨧᩥᨲ᩠ᨲᨸᩩᨸ᩠ᨹᩈᩴᨠᩩᩈᩩᨾᩥᨲᨲᩣ’ᨲᩥᨧᨲ᩠ᨲᩣᩁᩮᩣ ᨣᩩᨱᩣ ᨽᩮᩣᨩᨶᩔ ¶ ᩌᨿᩩᨵᩣᩁᨱᨲᩣ ᨻᩃᩅᨯ᩠ᨰᨶᨲᩣ ᩅᨱ᩠ᨱᨩᨶᨶᨲᩣ ᨴᩁᨳᩅᩪᨸᩈᨾᨶᨲᩣ ᨩᩥᨣᨧ᩠ᨨᩣᨴᩩᨻ᩠ᨻᩃ᩠ᨿᨸᨭᩥᩅᩥᨶᩮᩣᨴᨶᨲᩣ’ᨲᩥ ᨸᨬ᩠ᨧᨣᩩᨱᩣ. ᩌᨠᩣᩈᩔ ᩋᨩᩣᨿᨶᨲᩣ ᩋᨩᩦᩁᨱᨲᩣ ᩋᨾᩦᨿᨶᨲᩣ ᩋᨧᩅᨶᨲᩣ ᩋᨶᩩᨸ᩠ᨸᨩ᩠ᨩᨶᨲᩣ ᨴᩩᨸ᩠ᨸᩈᩉᨲᩣ ᩋᨧᩮᩣᩁᩉᩁᨱᨲᩣ ᩋᨶᩥᩔᩥᨲᨲᩣ ᩅᩥᩉᨣᨣᨾᨶᨲᩣ ᨶᩥᩁᩣᩅᩁᨱᨲᩣ ᩋᨶᨶ᩠ᨲᨲᩣ’ᨲᩥ ᨴᩈ ᨣᩩᨱᩣ.

ᨾᨱᩥᩁᨲᨶᩔ ᨠᩣᨾᨴᨴᨲᩣ ᩉᩣᩈᨠᩣᩁᨱᨲᩣ ᩏᨩ᩠ᨩᩮᩣᨲᨳᨠᩁᨱᨲᩣ’ᨲᩥ ᨲᨿᩮᩣ ᨣᩩᨱᩣ.

ᩃᩮᩣᩉᩥᨲᨧᨴᨶᩔ ᨴᩩᩃ᩠ᩃᨽᨲᩣ ᩋᩈᨾᨣᨵᨲᩣ ᩈᩩᨩᨶᨸ᩠ᨸᩈᨳᨲᩣᨲᩥ ᨲᨿᩮᩣ ᨣᩩᨱᩣ.

ᩈᨸ᩠ᨸᩥᨾᨱ᩠ᨯᩔ ᩅᨱ᩠ᨱᩈᨾ᩠ᨸᨶ᩠ᨶᨲᩣ ᨣᨵᩈᨾ᩠ᨸᨶ᩠ᨶᨲᩣ ᩁᩈᩈᨾ᩠ᨸᨶ᩠ᨶᨲᩣ’ᨲᩥ ᨲᨿᩮᩣ ᨣᩩᨱᩣ.

ᨣᩥᩁᩥᩈᩥᨡᩁᩔ ᩋᨧ᩠ᨧᩩᨣ᩠ᨣᨲᨲᩣ ᩋᨧᩃᨲᩣ ᨴᩩᩁᨽᩥᩁᩮᩣᩉᨲᩣ ᨻᩦᨩᩣᩁᩪᩉᨱᨲᩣ ᩋᨶᩩᨶᨿᨸᨭᩥᨥᩅᩥᨸ᩠ᨸᨾᩩᨲ᩠ᨲᨲᩣ’ᨲᩦ ᨸᨬ᩠ᨧᨣᩩᨱᩣ ᨶᨻ᩠ᨻᩣᨶᩴ ᩋᨶᩩᨸ᩠ᨸᩅᩥᨭ᩠ᨮᩣ’ᨲᩥ.

ᨶᩥᨻ᩠ᨻᩣᨶᩣᨶᩩᨸ᩠ᨸᩅᩥᨭ᩠ᨮᨣᩩᨱᨸᨬ᩠ᩉᩮᩣ ᨴᩈᨾᩮᩣ.

ᩑᨳᩮᩅᩣᨠᩥᩁᩣ’ᨲᩥ ᩑᨳ ᩑᩅ ᨲᨿᩣ ᩈᩥᨠ᩠ᨡᩥᨲᩮ ᨶᩥᨻ᩠ᨻᩣᨶᩮ ᩌᨠᩥᩁᩣᩉᩦ’ᨲᩥ ᩋᨽᩥᨠᩁᩮᩣᩉᩥ ᩅᩣ ᩋᨿᨾᩮᩅ ᩅᩣ ᨸᩣᨮᩮᩣ.

ᩋᨶᩦᨲᩥᨲᩮᩣ’ᨲᩥ ᩋᨶᩦᨲᩥᨽᩣᩅᨲᩮᩣ ᨶᩥᨻ᩠ᨻᩣᨶᩴ ᨴᨭ᩠ᨮᨻ᩠ᨻᩴ. ᩈᩮᩈᩮᩈᩩ’ᨸᩥ ᩑᩈᩮᩅ ᨶᨿᩮᩣ.

ᨠᩩᩉᩦᨿᨲᩦ’ᨲ ᩅᩥᨾ᩠ᨽᨿᨧᩥᨲ᩠ᨲᩮᩣ ᩉᩮᩣᨲᩥ.

ᨶᩥᨻ᩠ᨻᩣᨶᩈᨧ᩠ᨨᩥᨠᩁᨱᨸᨬ᩠ᩉᩮᩣ ᨴ᩠ᩅᩣᨴᩈᨾᩮᩣ.

ᨴ᩠ᩅᩣᨴᩈᨸᨬ᩠ᩉᩅᨶ᩠ᨲᩋᨭ᩠ᨮᨾᩅᨣ᩠ᨣᩅᨱ᩠ᨱᨶᩣ ᩈᨾᨲ᩠ᨲᩣ.

ᨾᩮᨱ᩠ᨯᨠᨸᨬ᩠ᩉᩮ ᩋᨮᨾᩅᨣ᩠ᨣᩅᨱ᩠ᨱᨶᩣ ᩈᨾᨲ᩠ᨲᩣ.

ᩋᨶᩩᨾᩣᨶᨸᨬ᩠ᩉᩮᩣ.

ᨠᨾ᩠ᨾᨾᩪᩃᩴ ᨣᩉᩮᩅᩣᨶᩣ’ᨲᩥ ᨸᩩᨻ᩠ᨻᨻᩩᨴ᩠ᨵᩣᨶᩴᩈᨶ᩠ᨲᩥᨠᩮ ᨠᨲᨠᩩᩈᩃᨾᩪᩃᩴ ᨣᩉᩮᩅᩣ.

ᨲᨲᩮᩣ ᨾᩩᨧ᩠ᨧᨳ ᩅᩥᨾᩩᨲ᩠ᨲᩥᨿᩣ’ᨲᩥ ᨲᨲᩮᩣ ᨲᩮᨶ ᩌᩁᨾ᩠ᨾᨱᨠᩥᨱᨶᩮᨶ ᨴᩈ ᩈᨬ᩠ᨬᩣᨽᩣᩅᨶᩣᨶᩩᨿᩮᩣᨣᩮᨶ ᩅᩥᨾᩩᨲ᩠ᨲᩥᨿᩣ ᩈᨾᩩᨧ᩠ᨨᩮᨴᩅᩥᨾᩩᨲ᩠ᨲᩥᨿᩣ ᩅᨭ᩠ᨭᨴᩩᨠ᩠ᨡᨲᩮᩣ ᨾᩩᨧ᩠ᨧᨳ.

ᩋᨶᩥᩅᩣᨿᨶ᩠ᨲᩦ’ᨲᩥ ᩋᨸ᩠ᨸᨭᩥᩅᩣᨲᩣ ᩉᩩᩅᩣ ᩅᩣᨿᨶ᩠ᨲᩥ.

ᩈᩁᨱᩈᩦᩃᨶ᩠ᨲᩥ ᩈᩁᨱᨣᨾᨶᩴ ᨣᩉᩮᩅᩣ ᨣᩉᩮᨲᨻ᩠ᨻᩴ ᨸᨬ᩠ᨧᩈᩦᩃᩴ.

ᨸᨬ᩠ᨧᩩᨴ᩠ᨴᩮᩈᨸᩁᩥᨿᩣᨸᨶ᩠ᨶᨶ᩠ᨲᩥ ¶ ᨶᩥᨴᩣᨶᩩᨴ᩠ᨴᩮᩈ-ᨸᩁᩣᨩᩥᨠᩩᨴ᩠ᨴᩮᩈ-ᩈᨦ᩠ᨥᩣᨴᩥᩈᩮᩈᩩᨴ᩠ᨴᩮᩈ-ᩋᨶᩥᨿᨲᩩᨴ᩠ᨴᩮᩈ ᩈᨦ᩠ᨡᩣᨲᩴ ᨸᨬ᩠ᨧᩩᨴ᩠ᨴᩮᩈᨸᩁᩥᨿᩣᨸᨶ᩠ᨶᩴ.

ᨸᩣᨲᩥᨾᩮᩣᨠ᩠ᨡᩈᩴᩅᩁᩈᩦᩃᨶ᩠ᨲᩥ ᩈᨲ᩠ᨲᩅᩦᩈᩣᨵᩥᨠᨴ᩠ᩅᩥᩈᨲᨸᩣᨲᩥᨾᩮᩣᨠ᩠ᨡᩈᩴᩅᩁᩈᩦᩃᩴ.

ᩏᨸᩣᨴᩣᨿᩩᨸᩣᨴᩣᨿ ᩅᩥᨾᩩᨲ᩠ᨲᩣᨶᨶ᩠ᨲᩥ ᨲᨱ᩠ᩉᩣᨴᩥᨭ᩠ᨮᩥᩈᨦ᩠ᨡᩣᨲᩮᩣᨸᨿᩮ ᩏᨸᩣᨴᩣᨿᩩᨸᩣᨴᩣᨿ ᩅᩥᨾᩩᨲ᩠ᨲᩣᨶᩴ ᩈᩮᩣᨲᩣᨸᨶ᩠ᨶᩈᨠᨴᩣᨣᩣᨾᩥᩋᨶᩣᨣᩣᨾᩦᨶᩴ

ᨣᩮᩉᨩᨶᩮᩣ’ᨲᩥ ᨴᩣᩈᨠᨾ᩠ᨾᨠᩁᩣᨴᩥᨠᩮᩣ ᨣᩮᩉᩮ ᨮᩥᨲᨩᨶᩮᩣ.

ᨲᨳᩣ ᨻᩩᨴ᩠ᨵᩴ ᩈᩮᩣᨠᨶᩩᨴᩴ…ᨸᩮ… ᩏᨾ᩠ᨾ ᨴᩥᩈ᩠ᩅᩣ ᩈᨴᩮᩅᨠᩮ’ᨲᩥ ᩑᨳ ᨲᨳᩣ ᩑᩅ ᩏᨾ᩠ᨾᩥᩴ ᨴᩥᩈ᩠ᩅᩣ ᨾᩉᨶ᩠ᨲᩴ ᨵᨾ᩠ᨾ᩠ौᨾ᩠ᨾᩥᩴ ᨬᩣᨱᨧᨠ᩠ᨡᩩᨶᩣ ᨴᩥᩈ᩠ᩅᩣ ᨻᩩᨴ᩠ᨵᩴ ᩈᩮᩣᨠᨶᩩᨴᩴ ᩋᨶᩩᨾᩣᨶᩮᨶ ᩋᨶᩩᨾᩣᨶᨬᩣᨱᩮᨶ ᨠᩣᨲᨻ᩠ᨻᩴ ᨬᩣᨲᨻ᩠ᨻᩴ. ᩈᨴᩮᩅᨠᩮᩃᩮᩣᨠᩮ ᨿᨳᩣ ᨵᨾ᩠ᨾᩮᩣ ᩏᨾ᩠ᨾᩥᩅᩥᨸ᩠ᨹᩣᩁᩮᩣ ᨲᨳᩣ ᩈᨴᩮᩅᨠᩮ ᩃᩮᩣᨠᩮᨻᩩᨴ᩠ᨵᩮᩣ ᩋᨣ᩠ᨣᩮᩣ ᨽᩅᩥᩔᨲᩦ’ᨲᩥ ᩋᨶᩩᨾᩣᨶᩮᨶ ᨬᩣᨲᨻ᩠ᨻᨶ᩠ᨲᩥ ᨿᩮᩣᨩᨶᩣ.

ᨾᩥᨣᩁᩣᨩᩔᩣ’ᨲᩥ ᨧᨲᩩᨸ᩠ᨸᩣᨴᩣᨶᩴ ᨾᩉᨶ᩠ᨲᨽᩣᩅᩮᨶ ᨾᩥᨣᩁᩣᨩᩔ ᩉᨳᩥᨶᩮᩣ.

ᨸᨴᨶ᩠ᨲᩥ ᨵᨾ᩠ᨾᨸᨴᩴ.

ᨵᨾ᩠ᨾᩁᩣᨩᩮᨶ ᨣᨩ᩠ᨩᩥᨲᨶ᩠ᨲᩥ ᨻᩩᨴ᩠ᨵᩈᩦᩉᨶᩣᨴᩅᨧᨶᩴ ᨵᨾ᩠ᨾᩁᩣᨩᩮᨶ ᨠᨳᩥᨲᩴ.

ᩋᨶᩩᨾᩣᨶᩮᨶ ᨬᩣᨲᨻ᩠ᨻᩴ ᨻᩩᨴ᩠ᨵᩮᩣ ᨧ ᨾᩉᨶ᩠ᨲᩮᩣ ᨻᩩᨴ᩠ᨵᩈᩦᩉᨶᩣᨴᩮᩣ ᨧ ᨾᩉᨶ᩠ᨲᩮᩣ’ᨲᩥ ᩅᩥᨬ᩠ᨬᩣᨲᨻ᩠ᨻᩴ.

ᩃᨣ᩠ᨣᩴ ᨴᩥᩈ᩠ᩅᩣ ᨽᩩᩈᩴ ᨸᨦ᩠ᨠᩴ ᨠᩃᩃᨴ᩠ᨴᩴ ᨣᨲᩴ ᨾᩉᩥᨶ᩠ᨲᩥ ᩃᨣ᩠ᨣᩴ ᩃᨣ᩠ᨣᩣᨸᨶᩈᨾᨳᩴ ᨾᩉᨶ᩠ᨲᩴ ᨸᨦ᩠ᨠᨬ᩠ᨧ ᨴᩥᩈ᩠ᩅᩣ ᨠᩃᩃᨴᩣᨿᨠᩴ ᩏᨴᨠᨬ᩠ᨧ ᨣᨲᩴ ᨾᩉᩥᩴ ᨾᩉᩥᨿᩣ ᨣᨲᩴ ᨸᩅᩥᨭ᩠ᨮᩴ ᨴᩥᩈ᩠ᩅᩣ ᨸᨱ᩠ᨯᩥᨲᩣ ᨾᩉᩣᩅᩣᩁᩥᨠ᩠ᨡᨵᩮᩣ ᨣᨲᩮᩣ ᨸᩅᨲ᩠ᨲᩮᩣ’ᨲᩥ ᩋᨶᩩᨾᩣᨶᩮᨶ ᨩᩣᨶᨶ᩠ᨲᩥ.

ᨩᨶᨶ᩠ᨲᩥ ᩈᩣᨵᩩᨩᨶᩈᨾᩩᩉᩴ.

ᩁᨩᨸᨦ᩠ᨠᩈᨾᩮᩣᩉᩥᨲᨶ᩠ᨲᩥ ᩁᩣᨣᩣᨴᩥᩁᨩᩈᨦ᩠ᨡᩣᨲᨸᨦ᩠ᨠᩮᩉᩥ ᩋᨩ᩠ᨫᩮᩣᨳᨭᩴ ᨸᩁᩥᨿᩮᩣᨶᨴ᩠ᨵᩴ.

ᩅᩉᩥᨲᩴ ᨵᨾ᩠ᨾᨶᨴ᩠ᨵᩥᨿᩣ’ᨲᩥ ᨸᩁᩥᨿᨲ᩠ᨲᩥᨸᨭᩥᨸᨲ᩠ᨲᩥᨵᨾ᩠ᨾᨶᨴ᩠ᨵᩥᨿᩣ ᩅᩉᩥᨲᩴ.

ᩅᩥᩔᨭ᩠ᨮᩴ ᨵᨾ᩠ᨾᩈᩣᨣᩁᩮ’ᨲᩥ ᨶᩥᨻ᩠ᨻᩣᨶᩈᨦ᩠ᨡᩣᨲᩮ ᨾᩉᩣᩈᨾᩩᨴ᩠ᨴᩮ ᨵᨾ᩠ᨾᨶᨴ᩠ᨵᩥᨿᩣ ᩅᩥᩔᨭ᩠ᨮᩴ ᩅᩥᩔᨩ᩠ᨩᩥᨲᩴ ᨸᩅᩮᩈᩥᨲᩴ.

ᨵᨾ᩠ᨾᩣᨾᨲᨣᨲᩴ ᨵᨾ᩠ᨾᩣᨾᨲᩮ ᨸᩅᨲ᩠ᨲᩴ ᩈᨴᩮᩅᨠᩴ ᩈᨻᩕᩉ᩠ᨾᨠᩴ ᩍᩴ ᨾᩉᩥᩴ ᨾᩉᩥᨿᩣ ᨮᩥᨲᩴ ᩍᨾᩴ ᩈᩣᨵᩩᨩᨶᩈᨾᩪᩉᩴ.

ᨴᩥᩈ᩠ᩅᩣ ᨬᩣᨱᨧᨠ᩠ᨡᩩᨶᩣ ᨸᩔᩥᩅᩣ.

ᨵᨾ᩠ᨾᨠ᩠ᨡᨵᩮᩣ ¶ ᨾᩉᩣ’ᨣᨲᩮᩣ’ᨲᩥ ᩈᨾ᩠ᨾᩣᩈᨾ᩠ᨻᩩᨴ᩠ᨵᨧᩁᨱᩈᨦ᩠ᨡᩣᨲᩮᩣ ᨧᨲᩩᩁᩣᩈᩦᨲᩥᨿᩣ ᨵᨾ᩠ᨾᨠ᩠ᨡᨵᩈᩉᩔᩣᨶᩴ ᨴᩮᩈᩥᨲᨲ᩠ᨲᩣ ᨾᩉᩣᨵᨾ᩠ᨾᨠ᩠ᨡᨵᩮᩣᩌᨣᨲᩮᩣ ᨸᩅᨲ᩠ᨲᩮᩣ’ᨲᩥ ᩋᨶᩩᨾᩣᨶᨬᩣᨱᩮᨶ ᨬᩣᨲᨻ᩠ᨻᨶ᩠ᨲᩥ ᨿᩮᩣᨩᨶᩣ.

ᩋᨶᩩᨾᩣᨶᨸᨬ᩠ᩉᩮᩣ ᩑᨠᩣᨴᩈᨾᩮᩣ. (ᨵᩩᨲᨦ᩠ᨣᨠᨳᩣ)

ᨠᨲᨾᩮᨶ ᨲᩮ ᨸᩁᩥᨿᩣᨿᩮᨶ ᩋᨶᩩᨿᩮᩣᨣᩴ ᨲᩮ ᨴᨾ᩠ᨾᩥ’ᨲᩥ ᩋᨶᩩᨿᩮᩣᨣᩴ ᩅᩴ ᨸᩩᨧ᩠ᨨᩥ ᩋᩉᩴ ᨻ᩠ᨿᩣᨠᩁᩥᩔᩣᨾᩥ. ᩋᨶᩩᨿᩮᩣᨣᩅᨧᨶᩴ ᨲᩮ ᨲᩅ ᨠᨲᨾᩮᨶ ᨠᩣᩁᨱᩮᨶ ᨴᨾ᩠ᨾᩥ.

ᩅᨾᩮᩅᩮᨲᩴ ᨻᩕᩪᩉᩦᨲᩥ ᩁᩣᨩᩅᨧᨶᩴ ᨽᨶ᩠ᨲᩮ ᨶᩣᨣᩈᩮᨶ ᩅᨾᩮᩅ ᨸᩁᩥᨿᩣᨿᩴ ᨻᩕᩪᩉᩥ.

ᨲᩮᨶᩉᩦ’ᨲᩥ ᨲᩈ᩠ᨾᩣ ᨲᩅ ᩈᩮᩣᨲᩩᨠᩣᨾᨲᩣᨿ ᩈᨲᩮᨶ ᩅᩣ…ᨸᩮ…ᨠᩮᩣᨭᩥᩈᨲᩈᩉᩔᩮᨶ ᩅᩣ ᨸᩁᩥᨿᩣᨿᩴ ᨲᩮ ᨠᨳᨿᩥᩔᩣᨾᩦᨲᩥ ᨿᩮᩣᨩᨶᩣ.

ᨿᩣ ᨠᩣᨧᩥ ᨠᨳᩣ’ᨲᩥ ᩈᨾ᩠ᨻᨵᩮᩣ

ᩍᨵᩣ’ᨲᩥ ᩍᨾᩈ᩠ᨾᩥᩴ ᨵᩩᨲᨦ᩠ᨣᩅᩁᨣᩩᨱᩮ,

ᩋᨽᩥᩅᩩᨭ᩠ᨮᨶ᩠ᨲᩥ ᩅᩔᩮᩣᨴᨠᩮᨶᩋᨽᩥᩅᩩᨭ᩠ᨮᩴ

ᩈᨾ᩠ᨸᩣᨴᨠᩮ ᩈᨲᩦᨲᩥ ᨸᨭᩥᨸᩣᨴᨠᩮ ᨸᩩᨣ᩠ᨣᩃᩮ ᩈᨲᩥ.

ᨾᨿ᩠ᩉᩴ ᨸᩩᨭ᩠ᨮᩮᩣ’ᨲᩥ ᩍᨾᩈ᩠ᨾᩥᩴ ᨵᩪᨲᨦ᩠ᨣᩅᩁᨣᩩᨱᩮ ᨸᩁᩥᨻ᩠ᨿᨲ᩠ᨲᨲᩣᨿ ᨨᩮᨠᨲᩣᨿ ᨸᩣᨠᨭᩣᨿ ᨻᩩᨴ᩠ᨵᩥᨿᩣ ᨿᩩᨲ᩠ᨲᨠᩣᩁᨱᨸᩁᩥᨴᩦᨸᨶᩴ ᩈᨾᩮᩣᩈᩁᩥᩔᨲᩦᨲᩥ.

ᩅᩥᨩᨭᩥᨲᨠᩥᩃᩮᩈᨩᩣᩃᩅᨳᩪ’ᨲᩥ ᨲᩴ ᨠᩥᩃᩮᨶ ᩈᨾᩩᩉᨸᨬ᩠ᨧᨠ᩠ᨡᨵᩅᨳᩩ.

ᨽᩥᨶ᩠ᨶᨽᨣ᩠ᨣᩈᨦ᩠ᨠᩩᨭᩥᨲᩈᨬ᩠ᨨᨶ᩠ᨶᨣᨲᩥᨶᩥᩅᩣᩁᨱᩮᩣ’ᨲᩥ ᩋᩁᩉᨲ᩠ᨲᨾᨣ᩠ᨣᨹᩃᩮᨶ ᨽᩥᨶ᩠ᨶᨽᨣ᩠ᨣᩈᨦ᩠ᨠᩩᨭᩥᨲᩈᨬ᩠ᨨᩥᨶ᩠ᨶᨣᨲᩥᨶᩥᩅᩣᩁᨱᩮᩣ.

ᩋᨽᩥᨶᩦᨲᩅᩣᩈᩮᩣ’ᨲᩥ ᩋᨽᩥᨸᩩᨬ᩠ᨬᨠᩣᨾᩮᩉᩥ ᩋᨽᩥᨸᨳᩥᨲᩅᩣᩈᩮᩣ ᩋᨽᩥᨶᩦᨲ᩠ैᩁᩥᨿᩣᨸᨳᩅᩣᩈᩮᩣ ᩅᩣ.

ᩅᩥᨾᩩᨲ᩠ᨲᩥᨩ᩠ᨫᩣᨿᩥᨲᨲ᩠ᨲᩮᩣ’ᨲᩥ ᩋᩁᩉᨲ᩠ᨲᨹᩃᨩ᩠ᨫᩣᨶᩈᨾ᩠ᨸᨿᩩᨲ᩠ᨲᨧᩥᨲ᩠ᨲᩮᩣ ᩋᨧᩃᨴᩊ᩠ᩉᨽᩦᩁᩩᨲ᩠ᨲᩣᨱᨭ᩠ᨮᩣᨶᩴ ᩌᩁᨾ᩠ᨾᨱᨠᩁᨱᩅᩈᩮᨶ ᩏᨸᨣᨲᩮᩣ.

ᨵᩪᨲᨦ᩠ᨣᨸᨬ᩠ᩉᨠᨳᩣᩈᨦ᩠ᨡᩣᨲᨿᩮᩣᨣᩥᨠᨳᩣ ᩈᨾᨲ᩠ᨲᩣ.

ᨧᨲᩩᩁᩣᩈᩦᨲᩥᨸᨬ᩠ᩉᨸᨭᩥᨾᨱ᩠ᨯᩥᨲᨾᩮᨱ᩠ᨯᨠᨸᨬ᩠ᩉᩅᨱ᩠ᨱᨶᩣ ᩈᨾᨲ᩠ᨲᩣ.

ᨾᩥᩃᩥᨴᨸᨬ᩠ᩉᨾᩮᨱ᩠ᨯᨠᨸᨬ᩠ᩉᩮᩈᩩ ᩈᨻ᩠ᨻᩮ ᨸᨬ᩠ᩉᩣ ᩈᨾ᩠ᨸᩥᨱ᩠ᨯᩥᨲᩣ ᨸᨬ᩠ᨧᩈᨲ᩠ᨲᩣᨵᩥᨠᩈᨲᨸᨬ᩠ᩉᩣ ᩉᩮᩣᨶ᩠ᨲᩥ. ᩋᨦ᩠ᨣᨣᩉᨱᨠᨳᩣᨿ ᨸᨶ ᨶᩣᨵᩥᨠᩈᨲᨾᩣᨲᩥᨠᩣᩈᩩ ᩈᨲ᩠ᨲᩈᨭ᩠ᨮᩥᨾᩣᨲᩥᨠᩣ ᨶᩥᨴ᩠ᨴᩮᩈᩅᩈᩮᨶᩋᩅᩥᩔᨩ᩠ᨩᩥᨲᩣ. ᩈᩮᩈᩣ’ ᩁᨬ᩠ᨬᩮᩣ ᨧᨲ᩠ᨲᩣᩁᩥ ᩋᨦ᩠ᨣᩣᨶᩥ ᨣᩉᩮᨲᨻ᩠ᨻᩣᨶᩦ’ᨲᩥᩌᨴᩥᨠᩣ ᩑᨠᩪᨶᨧᨲ᩠ᨲᩣᩊᩦᩈ ᨾᩣᨲᩥᨠᩣ ᨶᩥᨴ᩠ᨴᩮᩈᩅᩈᩮᨶ ᩋᩅᩥᩔᨩ᩠ᨩᩥᨲᩣ ᨿᨳ ᨸᩮᩣᨳᨠᩮᩈᩩ ᨴᩥᩔᨶ᩠ᨲᩥ ᨲᨲᩮᩣ ᨣᩉᩮᨲᨻ᩠ᨻᩣ ᨿᩮᩅᩣ’ᨲᩥ.

ᨧᨲᩔᩮᩣ ¶ ᨵᨾ᩠ᨾᨴᩮᩈᨶᩣᨿᩮᩣ; ᨵᨾ᩠ᨾᩣᨵᩥᨭ᩠ᨮᩣᨶᩣ ᨵᨾ᩠ᨾᨴᩮᩈᨶᩣ, ᨵᨾ᩠ᨾᩣᨵᩥᨭ᩠ᨮᩣᨶᩣ ᨸᩩᨣ᩠ᨣᩃᨴᩮᩈᨶᩣ, ᨸᩩᨣ᩠ᨣᩃᩣᨵᩥᨭ᩠ᨮᩣᨶᩣ ᨵᨾ᩠ᨾᨴᩮᩈᨶᩣ, ᨸᩩᨣ᩠ᨣᩃᩣᨵᩥᨭ᩠ᨮᩣᨶᩣ ᨸᩩᨣ᩠ᨣᩃᨴᩮᩈᨶᩣ’ᨲᩥ. ᨲᩣᩈᩩ ᨸᩩᩁᩥᨾᩣ ᨲᩥᩔᩮᩣ ᨵᨾ᩠ᨾᨴᩮᩈᨶᩣ ᩍᨵ ᨣᨳᩮ ᩃᨻ᩠ᨽᨶ᩠ᨲᩥ, ᨧᨲᩩᨳᩮᩣ ᨶ ᩃᨻ᩠ᨽᨲᩥ.

ᩋᨸᩁᩣ’ᨸᩥ ᨧᩩᨴ᩠ᨴᩈᩅᩥᨵᩣ ᨴᩮᩈᨶᩣ? ᩋᨳᩈᨴᩔᨶ-ᨣᩩᨱᨸᩁᩥᨴᩦᨸᨶ-ᨶᩥᨣ᩠ᨣᩉ-ᩈᨾ᩠ᨸᩉᩴᩈᨶᨧᩁᩥᨿᩣᩅᩮᩣᨴᩣᨶᨶᩥᨴᩔᨶ -ᨸᩩᨧ᩠ᨨᩣᩅᩥᩈᨩ᩠ᨩᨶ-ᩋᨶᩩᩈᩣᩈᨶ-ᨸᩩᨣ᩠ᨣᩃᩅᩥᩈᩮᩣᨵᨶᩋᨩ᩠ᨫᩣᩈᨿᨸᩁᩥᨸᩪᩁᨱᨸᩅᩮᨱᩥ ᩈᨴᩔᨶ-ᨸᩁᨸ᩠ᨸᩅᩣᨴᨾᨴ᩠ᨴᨶᩮᩣᨸᨶᩥᩔᨿᨸᨧ᩠ᨧᨿᨶᩥᨴᩔᨶᨲᩩᨭ᩠ᨮᩣ-ᨠᩣᩁᩈᨴᩔᨶᨵᨾ᩠ᨾᩈᨽᩣ-ᩅᨣᩩᨱᩣᨴᩥ-ᨶᩥᨴᩔᨶᩣᨠᩣᩁᨴᩮᩈᨶᩣ’ᨲᩥ.

ᨲᨳ

ᨸᨧ᩠ᨧᨿᩣᨠᩣᩁᨴᩮᩈᨶᩣ’ᨲᩥ ᨸᨧ᩠ᨧᨿᩣᨠᩣᩁᩈᩩᨲ᩠ᨲᨶ᩠ᨲ-ᩈᨲᩥᨸᨭ᩠ᨮᩣᨶ-ᩈᨾ᩠ᨾᨸ᩠ᨸ-ᨵᩣᨶ-ᩍᨴ᩠ᨵᩥᨸᩣᨴ-ᩍᨴᩕᩥᨿᨻᩃ-ᨻᩮᩣᨩ᩠ᨫᨦ᩠ᨣᩣᨴᩥᩈᩩᨲ᩠ᨲᨶ᩠ᨲᩈᨾ᩠ᨻᨵᩣ.

(ᩋᨳᩈᨴᩔᨶᩣ) ᨸᨧ᩠ᨧᨿᩣᨠᩣᩁᨸᨧ᩠ᨧᨿᨳᨸᩁᨾᨳᩴ ᨴᩮᩈᩮᨶ᩠ᨲᩦ ᨸᩅᨲ᩠ᨲᩣ ᨵᨾ᩠ᨾᨴᩮᩈᨶᩣ ᩋᨳᩈᨴᩔᨶᩣ ᨶᩣᨾ.

(ᨣᩩᨱᨸᩁᩥᨴᩦᨸᨶᩦ). ᩈᩩᩈᩦᨾ-ᨣᩮᩣᩈᩣᩃ-ᨣᩮᩣᩈᩥᨦ᩠ᨣᩈᨾ᩠ᨸᩈᩣᨴᨶ-ᨸᩣᩈᩣᨴᩥᨠ-ᨴᩈᨻᩃ-ᨣᩮᩣᨲᨾᨠ- ᨾᩉᩣᩈᩦᩉᨶᩣᨴᩣᨴᩥᩈᩩᨲ᩠ᨲᨶ᩠ᨲᩈᨾ᩠ᨻᨵ ᩋᨲ᩠ᨲᨣᩩᨱᨸᩁᨣᩩᨱ-ᩈᩣᩈᨶᨣᩩᨱᨸᩁᩥᨴᩦᨸᨶᩦ ᨣᩩᨱᨸᩁᩥᨴᩦᨸᨶᩦ ᨶᩣᨾ.

(ᨶᩥᨣ᩠ᨣᩉᨴᩮᩈᨶᩣ) ᩈᨠᩃᩅᩥᨶᨿᨸᩥᨭᨠᩴ ᩌᨴᩥᩴ ᨠᩅᩣ ᨿᩣ ᨠᩣᨧᩥ ᨠᩥᩃᩮᩈᨸᩣᨸᨸᩩᨣ᩠ᨣᩃᨶᩥᨣ᩠ᨣᩉᨴᩮᩈᨶᩣ ᩑᩈᩣ ᨶᩥᨣ᩠ᨣᩉᨴᩮᩈᨶᩣ ᨶᩣᨾ.

(ᩈᨾ᩠ᨸᩉᩴᩈᨶᩣ) ᨽᨿᨽᩦᩁᩩᨠᩣᨶᩴ ᨸᩩᨣ᩠ᨣᩃᩣᨶᩴ ᨽᨿᨸᨭᩥᩈᩮᨵᨶᨳᩣᨿ ᩏᨸᨳᨾ᩠ᨽᨩᨶᨶ-ᨾᨣ᩠ᨣᩣᨶᩥᩈᩴᩈ-ᩈᩦᩃᨳᩮᩣᨾᨶᩣᨴᩥᨠᩣ ᨴᩮᩈᨶᩣ ᩈᨾ᩠ᨸᩉᩴ-ᩈᨶᩣ ᨶᩣᨾ.

(ᨧᩁᩥᨿᩣᩅᩮᩣᨴᩣᨶᨶᩥᨴᩔᨶᩣ) ᩈᨠᩃᨩᩣᨲᨠᩴ ᩋᨧ᩠ᨨᩥᨿᩈᩩᨲ᩠ᨲᩴ ᩌᨴᩥᩴ ᨠᩅᩣ ᨴ᩠ᩅᩮᨵᩣᩅᩥᨲᨠ᩠ᨠᨻᩮᩣᨵᩥᩁᩣᨩᨠᩩᨾᩣᩁᩈᩩᨲ᩠ᨲᩣᨴᩥᩈᨾ᩠ᨻᨵᩣᨴᩮᩈᨶᩣ ᨧᩁᩥᨿᩣᩅᩮᩣᨴᩣᨶᨶᩥᨴᩔᨶᩣ ᨶᩣᨾ.

(ᨸᩩᨧ᩠ᨨᩣᩅᩥᩔᨩ᩠ᨩᨶᩣ) ᩋᨭ᩠ᨮᩉᩥ ᨸᩁᩥᩈᩣᩉᩥ ᨸᩩᨧ᩠ᨨᩥᨲᩣᨶᩴ ᨸᨬ᩠ᩉᩣᨶᩴ ᩅᩥᩔᨩ᩠ᨩᨶᩣᨸᨭᩥᩈᩴᨿᩩᨲ᩠ᨲᩣ ᩈᨠᩃᩈᨣᩣᨳᩅᨣ᩠ᨣᨾᩣᨴᩥᩴ ᨠᩅᩣ ᩅᨾ᩠ᨾᩥᨠᩈᩩᨲ᩠ᨲ-ᨸᩁᩣᨿᨱᩈᩩᨲ᩠ᨲᩣᨴᩥᨠᩣ ᨴᩮᩈᨶᩣ ᨸᩩᨧ᩠ᨨᩣᩅᩥᩔᨩ᩠ᨩᨶᩣ ᨶᩣᨾ.

(ᩋᨶᩩᩈᩣᩈᨶᩣ). ᩋᩁᩥᨿᩅᩴᩈ-ᨸᩩᨬ᩠ᨬᩣᨽᩥᩈᨴ-ᨵᩩᨲᨦ᩠ᨣᩣᨶᩩᩈᩣᩈᨶ-ᩅᨲ᩠ᨲᩣᨶᩩᩈᩣᩈᨶ-ᩈᨾ᩠ᨻᨵᩣ ᨴᩮᩈᨶᩣ ᩋᨶᩩᩈᩣᩈᨶᩣ ᨶᩣᨾ.

(ᨸᩩᨣ᩠ᨣᩃᩅᩥᩈᩮᩣᨵᨶᩣ) ᨽᨿᩈᨴᩔᨶᨴᩮᩈᨶᩣᨸᨭᩥᩈᩴᨿᩩᨲ᩠ᨲᩣ ᨴᩮᩅᨴᩪᨲᩋᨣ᩠ᨣᩥᨠ᩠ᨡᨵᩮᩣᨸᨾᩣᨴᩥᩈᩩᨲ᩠ᨲᩈᨾ᩠ᨻᨵᩣᨸᩩᨣ᩠ᨣᩃᩣᨶᩴ ᩈᩦᩃᩅᨲ᩠ᨲᩣᨴᩥᩅᩥᩈᩮᩣᨵᨶᨳᩣᨿ ᩅᩩᨲ᩠ᨲᩣ ᨸᩩᨣ᩠ᨣᩃᩅᩥᩈᩮᩣᨵᨶᩣ ᨶᩣᨾ.

(ᩋᨩ᩠ᨫᩣᩈᨿᨸᩁᩥᨸᩪᩁᨱᩣ). ¶ ᨲᩅᨭᨠᨶᩣᩊᨠ-ᨸᨭᩥᨸᨴᩣ-ᨵᨾ᩠ᨾᨴᩣᨿᩣᨴᩈᩩᨲ᩠ᨲᩣᨴᩥᨠᩣ ᨸᩩᨣ᩠ᨣᩃᩣᨶᩴ ᩈᨾᨳᩅᩥᨸᩔᨶᩣᨸᩁᩥᨸᩪᩁᨱᨳᩣᨿ ᨠᨳᩥᨲᩣ ᩋᨩ᩠ᨫᩣᩈᨿᨸᩁᩥᨸᩪᩁᨱᩣ ᨶᩣᨾ.

(ᨸᩅᩮᨶᩥᩈᨴᩔᨶᨠᨳᩣ). ᨻᩩᨴ᩠ᨵᩅᩴᩈ-ᨾᩉᩣᨸᨴᩣᨶᩈᩩᨲ᩠ᨲᩣᨠᩣᩁᩣ ᩋᨲ᩠ᨲᨶᩮᩣ ᨧ ᨸᩁᩮᩈᨬ᩠ᨧ ᩋᨽᩥᨶᩦᩉᩣᩁᨾᩣᩁᨻ᩠ᨽ ᨸᩁᩥᨶᩥᨻ᩠ᨻᩣᨶᨸᩁᩥᨿᩮᩣᩈᩣᨶᩣ ᨸᩅᩮᨶᩥᩈᨴᩔᨶᨠᨳᩣ ᨶᩣᨾ.

(ᨸᩁᨸ᩠ᨸᩅᩣᨴᨾᨴ᩠ᨴᨶᩣ). ᨧᩁᩥᨿᩣᨸᩥᨭᨠᨾᩣᨴᩥᩴ ᨠᩅᩣ ᨾᩉᩣᩈᩦᩉᨶᩣᨴ-ᨧᩪᩃ᩠ᩃᩈᩦᩉᨶᩣᨴ-ᨵᩣᨶᩣᨽᩥᨬ᩠ᨬᩣᩈᩴᩅᨱ᩠ᨱᨶᩣ-ᨸᨭᩥᨻᨴ᩠ᨵᩣ ᨴᩮᩈᨶᩣ ᨸᩁᨸ᩠ᨸᩅᩣᨴᨾᨴ᩠ᨴᨶᩣ ᨶᩣᨾ.

(ᩏᨸᨶᩥᩔᨿᨸᨧ᩠ᨧᨿᨶᩥᨴᩔᨶᩣ). ᨿᨳᩪᨸᨶᩥᩔᨿᩣ ᨴᩥᩔᨾᩣᨶᩣ ᨴᩥᩔᨾᩣᨶᨠᩣᨿᩮᨶ ᨴᩮᩈᨶᩣ ᩍᨲᩥᩅᩩᨲ᩠ᨲᨠᨾᩣᨴᩥᩴ ᨠᨲ᩠ᩅᩣ ᨵᨶᩥᨿᩈᩩᨲ᩠ᨲ-ᩋᩁᩩᨱᩅᨲᩥᨿᩈᩩᨲ᩠ᨲ-ᨶᨴᨶᨸᩁᩥᨿᩣᨿᩈᩩᨲ᩠ᨲᩣᨴᩥᨸ᩠ᨸᨽᩮᨴᩣᩏᨸᨶᩥᩔᩣᨿ– ᨸᨧ᩠ᨧᨿᨶᩥᨴᩔᨶᩣ ᨶᩣᨾ.

(ᨲᩩᨭ᩠ᨮᩣᨠᩣᩁᩈᨴᩔᨶᩣ). ᩈᨠᩃᩮᩣᨴᩣᨶ-ᩈᨾ᩠ᨸᩈᩣᨴᨶᩥᨿ-ᩈᨦ᩠ᨣᩦᨲᩥᩈᩩᨲ᩠ᨲᩣᨴᩥᨠᩣ ᨴᩮᩈᨶᩣ ᨲᩩᨭ᩠ᨮᩣᨠᩣᩁᩈᨴᩔᨶᩣ ᨶᩣᨾ.

(ᨵᨾ᩠ᨾᩈᨽᩣᩅᨣᩩᨱᨶᩥᨴᩔᨶᩣ) ᨡᨵᨵᩣᩅᩣᨿᨲᨶᩥᨴᩕᩥᨿᩈᨧ᩠ᨧᨸᨭᩥᨧ᩠ᨧ ᩈᨾᩩᨸ᩠ᨸᩣᨴᨾᨣ᩠ᨣᨹᩃᩣᨴᨿᩮᩣ ᨵᨾ᩠ᨾᩣ ᩅᩥᨽᨲ᩠ᨲᩣ ᨲᩴ ᨲᨳ ᩈᨽᩣᨣᩅᩥᩈᨽᩣᨣᨸᩁᩥᨴᩦᨸᩥᨠᩣ ᩋᨽᩥᨵᨾ᩠ᨾᨴᩮᩈᨶᩣ ᨧ ᩃᨠ᩠ᨡᨱᨸᩁᩥᨴᩦᨸᩥᨠᩣ ᨿᩮ ᨧᨬ᩠ᨬᩮ ᨵᨾ᩠ᨾᩣ ᩈᩃᨠ᩠ᨡᨱᨵᩣᩁᨱᨠᩣ ᩋᨲ᩠ᨲᨶᩮᩣ ᩈᨽᩣᩅᩅᩈᩮᨶ ᩅᩩᨲ᩠ᨲᩣ ᩑᩈᩣ ᨵᨾ᩠ᨾᩈᨽᩣᩅᨣᩩᨱᨶᩥᨴᩔᨶᩣ ᨶᩣᨾ.

ᩍᨾᩮᩉᩥ ᨧᩩᨴ᩠ᨴᩈᩅᩥᨵᩮᩉᩥ ᩃᩮᩣᨠᨣ᩠ᨣᨶᩣᨿᨠᩣ ᨵᨾ᩠ᨾᩴ ᨴᩮᩈᩮᨶ᩠ᨲᩥ ᨲᩮᩈᨬ᩠ᨧ ᩈᩣᩅᨠᩣ’ᨲᩥ.

ᨲᩮᩈᩩ ᨸᨧ᩠ᨨᩣᩅᩥᩈᨩ᩠ᨩᨶᩣ ᨴᩮᩈᨶᩣ ᩍᨵ ᨸᩣᨠᨭᩣ. ᩈᩮᩈᩣ ᨿᨳᩣᩁᩉᩴ ᩍᨵ ᨣᩉᩮᨲᨻ᩠ᨻᩣ ᨿᩮᩅᩣᨲᩥ.

(ᩈᩣᨸᨲᨲ᩠ᨲᩥᨠᨳᩣ). ᨴᩩᩅᩥᨵᩣᨠᨳᩣ ᩍᨾᩈ᩠ᨾᩥᩴ ᨾᩥᩃᩥᨴᨸᨬ᩠ᩉᨸ᩠ᨸᨠᩁᨱᩮᩉᩮᩣᨶ᩠ᨲᩥ ᩈᩣᨸᨲ᩠ᨲᩥᨠᨳᩣ ᨧ ᩋᨶᩣᨸᨲᨲ᩠ᨲᩥᨠᨳᩣ ᨧ. ᨲᨳ ᨿᩴ ᨳᩮᩁᩮᨶ ᨽᨣᩅᨲᩮᩣ ᩅᨧᨶᩴ ᩁᨬ᩠ᨬᩮᩣ ᩈᨬ᩠ᨬᩣᨸᨶᨳᩴ ᩌᨽᨲᩴ ᨲᩴᩈᩣᨸᨲ᩠ᨲᩥᨠᨳᩣ ᨶᩣᨾ.

(ᩋᨶᩣᨸᨲ᩠ᨲᩥᨠᨳᩣ). ᨿᩣ ᨳᩮᩁᩮᨶ ᩈᨠᨸᨭᩥᨽᩣᨶᩮᨶ ᩅᩩᨲ᩠ᨲᩣ ᩈᩣ ᩋᨶᩣᨸᨲ᩠ᨲᩥᨠᨳᩣ ᨶᩣᨾ.

ᩅᩩᨲ᩠ᨲᨬ᩠ᩉᩮᨲᩴ ᨸᨴᩈᩮᩣᨵᨾ᩠ᨾᩈᩥᨠ᩠ᨡᩣᨸᨴᩔ ᩋᨭ᩠ᨮᨠᨳᩣᨿᩴ-’

ᨾᩮᨱ᩠ᨯᨠᨾᩥᩃᩥᨴᨸᨬ᩠ᩉᩮᩈᩩ ᨳᩮᩁᩔ ᩈᨠᨸᨭᩥᨽᩣᨶᩮᨶ ᩋᨶᩣᨸᨲ᩠ᨲᩥ. ᨿᨾ᩠ᨸᨶᩁᨬ᩠ᨬᩮᩣ ᩈᨬᨬᩣᨸᨶᨳᩴ ᩌᩉᩁᩅᩣ ᩅᩩᨲ᩠ᨲᩴ ᨲᨳ ᩌᨸᨲ᩠ᨲᩦ’ᨲᩥ (ᨴ᩠ᩅᩮ ¶ ᨠᨳᩣ) ᨸᩩᨶ ᨴ᩠ᩅᩮ ᨠᨳᩣ ᩍᨵ ᩉᩮᩣᨶ᩠ᨲᩥ ᩈᨾ᩠ᨾᩩᨲᩥᨠᨳᩣ ᨧ ᨸᩁᨾᨳᨠᨳᩣ ᨧ.

(ᩈᨾ᩠ᨾᩩᨲᩥᨠᨳᩣ). ᨲᨳ ᩈᨾ᩠ᨾᩩᨲᩥᨠᨳᩣ ᨶᩣᨾ’ᨽᨶ᩠ᨲᩮ ᨶᩣᨣᩈᩮᨶ ᩅᩮᨴᨣᩩ ᩏᨸᩃᨻ᩠ᨽᨲᩦ’ᨲᩥᩌᨴᩥᨠᩣ.

ᨸᩁᨾᨳᨠᨳᩣ ᨶᩣᨾ’ᨿᩮᩣ ᩏᨸ᩠ᨸᨩ᩠ᨩᨲᩥ ᩈᩮᩣ ᩑᩅ ᩈᩮᩣ’ᨲᩥᩌᨴᩥᨠᩣᨲᩮᨶᩣᩉ?

ᨴᩩᩅᩮ ᩈᨧ᩠ᨧᩣᨶᩥ ᩋᨠ᩠ᨡᩣᩈᩥ ᩈᨾ᩠ᨻᩩᨴ᩠ᨵᩮᩣ ᩅᨴᨲᩴ ᩅᩁᩮᩣ,

ᩈᨾ᩠ᨾᩩᨲᩥᩴ ᨸᩁᨾᨳᨬ᩠ᨧ ᨲᨲᩥᨿᩴ ᨶᩪᨸᩃᨻ᩠ᨽᨲᩦ’ᨲᩥ.

ᨿᨾ᩠ᨸᩩᨻ᩠ᨻᩮ ᩅᩩᨲ᩠ᨲᩴ ᩋᨶᩩᨾᩣᨶᨠᨳᩣ ᩏᨸᨾᩣᨠᨳᩣ’ᨲᩥ, ᨲᩣᩈᩩ ᩏᨸᨾᩣᨠᨳᩣᨿ ᩅᩥᩈᩩᩴ ᨠᩮᩣᨭ᩠ᨮᩣᩈᨽᩣᩅᩮᩣ ᨶᨳᩥ. ᨾᩥᩃᩥᨴᨸᨬ᩠ᩉᨾᩮᨱ᩠ᨯᨠᨸᨬ᩠ᩉᩣᨶᩴ ᩋᨶ᩠ᨲᩁᨶ᩠ᨲᩁᩣ ᨮᩥᨲᩣ ᩉᩮᩣᨲᩥ. ᩋᨶᩩᨾᩣᨶᨠᨳᩣ ᨸᨶ ᩅᩥᩈᩩᩴ ᨠᩮᩣᨭ᩠ᨮᩣᩈᨽᩣᩅᩮᨶ ᩉᩮᩣᨲᩦᨲᩥ.

ᩅᩥᨧᩁᩮᨳ ᩋᨶᩩᩴ ᨸᩁᨾᩮ ᨸᩁᨾᩮ

ᩈᩩᨩᨶᩔ ᩈᩩᨡᩴ ᨶᨿᨶᩮ ᨶᨿᨶᩮ,

ᨠᨭᩩ ᩉᩮᩣᨲᩥ ᨸᨵᩣᨶᩁᨲᩮᩣ ᨶᩁᨲᩮᩣ

ᩍᨵ ᨿᩮᩣ ᨸᨶ ᩈᩣᩁᨾᨲᩮ ᩁᨾᨲᩮ.

ᨸᨠᩥᨱ᩠ᨱᨠᩅᨧᨶᩅᨱ᩠ᨱᨶᩣ ᩈᨾᨲ᩠ᨲᩣ.

ᨩᩣᨲᨠᩩᨴ᩠ᨵᩁᨱᩴ.

ᨩᩣᨲᨠᩩᨴ᩠ᨵᩁᨱᩴ ᨸᨶ ᩑᩅᩴ ᩅᩮᨴᩥᨲᨻ᩠ᨻᩴ. ᨾᩮᨱ᩠ᨯᨠᨸᨬ᩠ᩉᨲᨲᩥᨿᩅᨣ᩠ᨣᩮ ᨸᨬ᩠ᨧ ᨸᨬ᩠ᨧ ᨸᨬ᩠ᩉᩣ.

‘‘ᩋᨧᩮᨲᨶᩴ ᨻᩕᩣᩉ᩠ᨾᨱ ᩋᩈᩩᨱᨶ᩠ᨲᩴ…ᨸᩮ… ᨸᩩᨧ᩠ᨨᩈᩥ ᨲᩴ ᨠᩥᩔ ᩉᩮᨲᩩ‘‘ᨲᩥ ᩍᨴᩴᨧᨲᩩᨠ᩠ᨠᨶᩥᨸᩣᨲᩮ ᩌᨣᨲᩴᨸᩃᩣᩈᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ. ᨠᨲᨾᩴ ᨲᩴ ᨩᩣᨲᨠᨶ᩠ᨲᩥ?’

ᩋᨧᩮᨲᨶᩴ ᨻᩕᩣᩉ᩠ᨾᨱᩣ’ᨲᩥ ᩍᨴᩴ ᩈᨳᩣ ᨸᩁᩥᨶᩥᨻ᩠ᨻᩣᨶᨾᨬ᩠ᨧᩮ ᨶᩥᨸᨶ᩠ᨶᩮᩣ ᩌᨶᨴᨳᩮᩁᩴ ᩌᩁᨻ᩠ᨽ ᨠᨳᩮᩈᩥ.

‘‘ᩈᩮᩣ ᨸᩣᨿᩈ᩠ᨾᩣ ᩁᩩᨠ᩠ᨡᨴᩮᩅᨲᩣ ᨸᨶᩣ ᩋᩉᨾᩮᩅᩣ’’ᨲᩥ.

ᨸᩃᩣᩈᨩᩣᨲᨠᩴ ᩈᨾᨲ᩠ᨲᩴ.

‘‘ᩍᨲᩥ ᨹᨴᨶᩁᩩᨠ᩠ᨡᩣ’ᨸᩥ ᨲᩣ ᨴᩮᩅᨲᩣ…ᨸᩮ… ᨽᩣᩁᨴ᩠ᩅᩣᨩ ᩈᩩᨱᩮᩣᩉᩥ ᨾᩮ’’ᨲᩥ ᩌᨣᨲᩴ. ᩍᨴᨬ᩠ᨧ ᨲᩮᩁᩈᨶᩥᨸᩣᨲᩮᨹᨴᨶᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ. ᨠᨲᨾᩴ ᨲᩴ ᨩᩣᨲᨠᨶ᩠ᨲᩥ?

‘‘ᨠᩩᨮᩣᩁᩥᩉᨳᩮᩣ ᨸᩩᩁᩥᩈᩮᩣ’ᨲᩥ ᩍᨴᩴ ᩈᨳᩣ ᩁᩮᩣᩉᩥᨱᩦᨶᨴᩦᨲᩦᩁᩮ ᩅᩥᩉᩁᨶ᩠ᨲᩮᩣ ᨬᩣᨲᨠᩣᨶᩴ ᨠᩃᩉᩴ ᩌᩁᨻ᩠ᨽ ᨠᨳᩮᩈᩥ ᩅᨶᩈᨱ᩠ᨯᩮ ᨴᩮᩅᨲᩣ ᩋᩉ’’ᨶ᩠ᨲᩥ.

ᨹᨴᨶᨩᩣᨲᨠᩴ ¶ ᨴᩩᨲᩥᨿᩴ ᨲᩮᩁᩈᨶᩥᨸᩣᨲᩴ.

ᨾᩮᨱ᩠ᨯᨠᨸᨬ᩠ᩉᨧᨲᩩᨳᩅᨣ᩠ᨣᩮ ᨴᩮᩅᨴᨲ᩠ᨲᨻᩮᩣᨵᩥᩈᨲ᩠ᨲᩣᨵᩥᨠᩈᨾ᩠ᨸᨬ᩠ᩉᩮ ᨻᩣᩅᩦᩈᨲᩥᨩᩣᨲᨠᩣᨶᩥ ᩌᨣᨲᩣᨶᩦ’ᨲᩥ.

‘‘ᨽᨶ᩠ᨲᩮ ᨶᩣᨣᩈᩮᨶ, ᨲᩩᨾ᩠ᩉᩮ ᨽᨱᨳ? ᨴᩮᩅᨴᨲ᩠ᨲᩮᩣᩑᨠᨶ᩠ᨲᨠᨱ᩠ᩉᩮᩣ ᩑᨠᨶ᩠ᨲᨠᨱ᩠ᩉᩮᩉᩥ ᨵᨾ᩠ᨾᩮᩉᩥ ᩈᨾᨶ᩠ᨶᨣᨲᩮᩣ, ᨻᩮᩣᨵᩥᩈᨲ᩠ᨲᩮᩣ ᩑᨠᨶ᩠ᨲᩈᩩᨠ᩠ᨠᩮᩉᩥ ᨵᨾ᩠ᨾᩮᩉᩥ ᩈᨾᨶ᩠ᨶᨣᨲᩮᩣ’ᨲᩥ. ᨸᩩᨶ ᨧ ᨴᩮᩅᨴᨲ᩠ᨲᩮᩣ ᨽᩅᩮ ᨽᩅᩮ ᨿᩈᩮᨶ ᨧ ᨸᨠ᩠ᨡᩮᨶ ᨧ ᨻᩮᩣᨵᩥᩈᨲ᩠ᨲᩮᨶ ᩈᨾᩈᨾᩮᩣ ᩉᩮᩣᨲᩥ ᨠᨴᩣᨧᩥ ᩋᨵᩥᨠᨲᩁᩮᩣ ᩅᩣ ᨿᨴᩣ ᨴᩮᩅᨴᨲ᩠ᨲᩮᩣ ᨶᨣᩁᩮ ᨻᩣᩁᩣᨱᩈᩥᨿᩴ ᨻᩕᩉ᩠ᨾᨴᨲ᩠ᨲᩔ ᩁᨬ᩠ᨬᩮᩣ ᨸᩩᩁᩮᩣᩉᩥᨲᨸᩩᨲ᩠ᨲᩮᩣ ᩋᩉᩮᩣᩈᩥ, ᨲᨴᩣ ᨻᩮᩣᨵᩥᩈᨲ᩠ᨲᩮᩣ ᨨᩅᨠᨧᨱ᩠ᨯᩣᩃᩮᩣ ᩅᩥᨩ᩠ᨩᩣᨵᩁᩮᩣ, ᩅᩥᨩ᩠ᨩᩴ ᨸᩁᩥᨩᨸᩥᩅᩣ ᩋᨠᩣᩃᩮ ᩋᨾ᩠ᨻᨹᩃᩣᨶᩥ ᨶᩥᨻ᩠ᨻᨲ᩠ᨲᩮᩈᩥ. ᩑᨳ ᨲᩣᩅ ᨻᩮᩣᨵᩥᩈᨲ᩠ᨲᩮᩣ ᨴᩮᩅᨴᨲ᩠ᨲᩮᨶ ᨩᩣᨲᩥᨿᩣ ᨶᩥᩉᩦᨶᩮᩣ ᨿᩈᩈᩣ ᨧ ᨶᩥᩉᩦᨶᩮᩣ …ᨸᩮ… ᨸᩩᨶ ᨧ ᨸᩁᩴ ᨿᨴᩣ ᨴᩮᩅᨴᨲ᩠ᨲᩮᩣ ᨲᩣᨸᩮᩣ ᨶᩣᨾ ᩁᩣᨩᩣ ᩋᩉᩮᩣᩈᩥ ᨲᨴᩣᨻᩮᩣᨵᩥᩈᨲ᩠ᨲᩮᩣ ᨲᩔ ᨸᩩᨲ᩠ᨲᩮᩣ ᨵᨾ᩠ᨾᨸᩣᩃᩮᩣ ᨶᩣᨾ ᩋᩉᩮᩣᩈᩥ ᨲᨴᩣ ᩈᩮᩣ ᩁᩣᨩᩣ ᩈᨠᨸᩩᨲ᩠ᨲᩔ ᩉᨳᨸᩣᨴᩮ ᩈᩦᩈᨬ᩠ᨧ ᨨᩥᨴᩣᨸᩮᩈᩥ. ᨲᨳ ᨲᩣᩅ ᨴᩮᩅᨴᨲ᩠ᨲᩮᩣᨿᩮᩅ ᩏᨲ᩠ᨲᩁᩮᩣ ᩋᨵᩥᨠᨲᩁᩮᩣ. ᩋᨩ᩠ᨩᩮᨲᩁᩉᩥ ᩏᨽᩮᩣ’ᨸᩥ ᩈᨠ᩠ᨿᨠᩩᩃᩮ ᨩᩣᨿᩥᩈᩩ. ᨻᩮᩣᨵᩥᩈᨲ᩠ᨲᩮᩣ ᨻᩩᨴ᩠ᨵᩮᩣ ᩋᩉᩮᩣᩈᩥ ᩈᨻ᩠ᨻᨬ᩠ᨬᩩ ᩃᩮᩣᨠᨶᩣᨿᨠᩮᩣ. ᨴᩮᩅᨴᨲ᩠ᨲᩮᩣ ᩋᨲᩥᨴᩮᩅᩔ ᩈᩣᩈᨶᩮ ᨸᨻ᩠ᨻᨩᩥᩅᩣ ᩍᨴ᩠ᨵᩥᩴ ᨶᩥᨻ᩠ᨻᨲ᩠ᨲᩮᩅᩣ ᨻᩩᨴ᩠ᨵᩣᩃᨿᩴ ᩋᨠᩣᩈᩥ. ᨠᩥᨶ᩠ᨶᩩ ᨡᩮᩣ ᨽᨶ᩠ᨲᩮ ᨶᩣᨣᩈᩮᨶ ᨿᩴ ᨾᨿᩣ ᨽᨱᩥᨲᩴ ᨲᩴ ᩈᨻ᩠ᨻᩴ ᨲᨳᩴ ᩏᨴᩣᩉᩩ ᩅᩥᨲᨳᨶ᩠ᨲᩥ? ‘‘ᩋᨿᨾ᩠ᨸᨶ ᨾᩥᩃᩥᨴᩁᨬ᩠ᨬᩣ ᨿᩣᨶᩥ ᨻᩣᩅᩦᩈᨲᩥᨩᩣᨲᨠᩣᨶᩥ ᨶᩥᩔᩣᨿ ᨸᩩᨧ᩠ᨨᩥᨲᩮᩣ ᩉᩮᩣᨲᩥ ᨲᩣᨶᩥ ᨾᨿᩣ ᩏᨴ᩠ᨵᩁᩥᩅᩣ ᩍᨵ ᨠᨳᩮᨲᨻ᩠ᨻᩣᨶᩥ.

ᨲᨳ ᨧ,’ᨿᨴᩣ ᨧ ᨴᩮᩅᨴᨲ᩠ᨲᩮᩣ ᨶᨣᩁᩮ ᨻᩣᩁᩣᨱᩈᩥᨿᩴ ᨻᩕᩉ᩠ᨾᨴᨲ᩠ᨲᩔ ᩁᨬ᩠ᨬᩮᩣ ᨸᩩᩁᩮᩣᩉᩥᨲᨸᩩᨲ᩠ᨲᩮᩣ ᩋᩉᩮᩣᩈᩥ ᨲᨴᩣ ᨻᩮᩣᨵᩥᩈᨲ᩠ᨲᩮᩣ ᨨᩅᨠᨧᨱ᩠ᨯᩣᩃᩮᩣ ᩋᩉᩮᩣᩈᩥ ᩅᩥᨩ᩠ᨩᩣᨵᩁᩮᩣ ᩅᩥᨩ᩠ᨩᩴ ᨸᩁᩥᨩᨸᩥᩅᩣ ᩋᨠᩣᩃᩮ ᩋᨾ᩠ᨻᨹᩃᩣᨶᩥ ᨶᩥᨻ᩠ᨻᨲ᩠ᨲᩮᩈᩥ. ᩑᨳ ᨲᩣᩅ ᨻᩮᩣᨵᩥᩈᨲ᩠ᨲᩮᩣ ᨴᩮᩅᨴᨲ᩠ᨲᨲᩮᩣ ᨩᩣᨲᩥᨿᩣ ᨶᩥᩉᩦᨶᩮᩣ ᨿᩈᩈᩣ ᨧ ᨶᩥᩉᩦᨶᩮᩣ. ‘‘ᩍᨴᨾ᩠ᨸᨶ ᩅᨧᨶᩴ ᨩᩮᨲᩅᨶᩣᩁᩣᨾᩮ ᩅᩥᩉᩁᨶ᩠ᨲᩮᨶ ᩈᨳᩣᩁᩣ ᨲᩮᩁᩈᨶᩥᨸᩣᨲᩮ ᨴᩮᩅᨴᨲ᩠ᨲᨾᩣᩁᨻ᩠ᨽ ᨠᨳᩥᨲᩴ ᩋᨾ᩠ᨻᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ ᩉᩮᩣᨲᩥ. ᨴᩮᩅᨴᨲ᩠ᨲᩮᩣ ᩉᩥ ‘‘ᩋᩉᩴ ᨻᩩᨴ᩠ᨵᩮᩣ ᨽᩅᩥᩔᩣᨾᩥ…ᨸᩮ… ᨧᨱ᩠ᨯᩣᩃᨸᩩᨲ᩠ᨲᩮᩣ ᩋᩉᨾᩮᩅᩣ’’ᨲᩥ.

ᩑᩅᨾᩮᨲᩴ ᨾᩥᩃᩥᨴᩁᨬ᩠ᨬᩣ ᩍᨾᩴ ᩋᨾ᩠ᨻᨩᩣᨲᨠᩴ ᩈᨵᩣᨿ ᨠᨳᩥᨲᩴ ᩉᩮᩣᨲᩦᨲᩥ ᩍᨴᩴ ᩁᨬ᩠ᨬᩮᩣ ᩌᨽᨲᩴ ᨸᨮᨾᩴ ᨩᩣᨲᨠᩴ.

‘‘ᨸᩩᨶ ᨧ ᨸᩁᩴ ᨿᨴᩣ ᨴᩮᩅᨴᨲ᩠ᨲᩮᩣ ᩁᩣᨩᩣ ᩋᩉᩮᩣᩈᩥ ᨾᩉᩦᨸᨲᩥ ᩈᨻ᩠ᨻᨠᩣᨾᩈᨾᨦ᩠ᨣᩦ ᨲᨴᩣ ᨻᩮᩣᨵᩥᩈᨲ᩠ᨲᩮᩣ ᨲᩔᩪᨸᨽᩮᩣᨣᩮᩣ ᩋᩉᩮᩣᩈᩥ ᩉᨳᩥᨶᩣᨣᩮᩣ ᩈᨻ᩠ᨻᩃᨠ᩠ᨡᨱᩈᨾ᩠ᨸᨶ᩠ᨶᩮᩣ ᨲᩔ ᨧᩣᩁᩩᨣᨲᩥᩅᩥᩃᩣᩈᩴ ᩋᩈᩉᨾᩣᨶᩮᩣ ᩁᩣᨩᩣ ᩅᨵᩴ ᩍᨧ᩠ᨨᨶ᩠ᨲᩮᩣ ᩉᨳᩣᨧᩁᩥᨿᩴ ᩑᩅᨾᩅᩮᩣᩅ? ‘‘ᩋᩈᩥᨠ᩠ᨡᩥᨲᩮᩣ ᨲᩮ ᩌᨧᩁᩥᨿ ᩉᨳᩥᨶᩣᨣᩮᩣ ¶ ᨲᩔ ᩌᨠᩣᩈᨣᨾᨶᩴ ᨶᩣᨾ ᨠᩣᩁᨱᩴ ᩉᩮᩣᨲᩦ’’ᨲᩥ ᨲᨳᨸ ᨲᩣᨧ ᨻᩮᩣᨵᩥᩈᨲ᩠ᨲᩮᩣ ᨴᩮᩅᨴᨲ᩠ᨲᨲᩮᩣ ᨩᩣᨲᩥᨿᩣ ᨶᩦᩉᩦᨶᩮᩣ, ᩃᩣᨾᨠᩮᩣ ᨲᩥᩁᨧ᩠ᨨᩣᨶᨣᨲᩮᩣ’’ᨲᩥ. ᩍᨴᨾ᩠ᨸᨶ ᩅᨧᨶᩴ ᨾᩥᩃᩥᨴᩁᨬ᩠ᨬᩣ ᩅᩮᩊᩩᩅᨶᩮ ᩅᩥᩉᩁᨶ᩠ᨲᩮᨶ ᩈᨳᩣᩁᩣ ᩑᨠᨠᨶᩥᨸᩣᨲᩮ ᨴᩮᩅᨴᨲ᩠ᨲᨾᩣᩁᨻ᩠ᨽᨠᨳᩥᨲᩴ ᨴᩩᨾ᩠ᨾᩮᨵᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ ᩉᩮᩣᨲᩥ ᨵᨾ᩠ᨾᩈᨽᩣᨿᩴ ᨽᩥᨠ᩠ᨡᩩ’ᩌᩅᩩᩈᩮᩣ ᨴᩮᩅᨴᨲ᩠ᨲᩮᩣ …ᨸᩮ… ᩉᨳᩥ ᨸᨶ ᩋᩉᨾᩮᩅᩣ’’ᨲᩥ ᩑᩅᨾᩮᨲᩴ ᨾᩥᩃᩥᨴᩁᨬ᩠ᨬᩮᩣ ᩍᨾᩴ ᨴᩩᨾ᩠ᨾᩮᨵᨩᩣᨲᨠᩴ ᩈᨵᩣᨿ ᨠᨳᩥᨲᩴ ᩉᩮᩣᨲᩦᨲᩥ. ᨴᩩᨲᩥᨿᩴ ᨩᩣᨲᨠᩴ.

ᨸᩩᨶ ᨧ ᨸᩁᩴ ᨿᨴᩣ ᨴᩮᩅᨴᨲ᩠ᨲᩮᩣ ᨾᨶᩩᩔᩮᩣ ᩋᩉᩮᩣᩈᩥ. ᨸᩅᨶᩮ ᨶᨭ᩠ᨮᩣᨿᩥᨠᩮᩣ ᨲᨴᩣ ᨻᩮᩣᨵᩥᩈᨲ᩠ᨲᩮᩣ ᨾᩉᩣᨸᨳᩅᩥ ᨶᩣᨾ ᨾᨠ᩠ᨠᨭᩮᩣ ᩋᩉᩮᩣᩈᩥ. ᩑᨳᨸᩥ ᨲᩣᩅ ᨴᩥᩔᨲᩥ ᩅᩥᩈᩮᩈᩮᩣ ᨾᨶᩩᩔᩔ ᨧ ᨲᩥᩁᨧ᩠ᨨᩣᨶᨣᨲᩔ ᨧ. ᩑᨳᨸᩥ ᨲᩣᩅ ᨻᩮᩣᨵᩥᩈᨲ᩠ᨲᩮᩣ ᨴᩮᩅᨴᨲ᩠ᨲᨲᩮᩣ ᨩᩣᨲᩥᨿᩣ ᨶᩥᩉᩦᨶᩮᩣ’ᨲᩥ ᩍᨾᩴ ᨸᨶ ᩅᨧᨶᩴ ᨾᩥᩃᩥᨴᩁᨬ᩠ᨬᩣ ᩅᩮᩊᩩᩅᨶᩮ ᩅᩥᩉᩁᨶ᩠ᨲᩮᨶ ᩈᨳᩣᩁᩣ ᨲᩥᩴᩈᨶᩥᨸᩣᨲᩮ ᨴᩮᩅᨴᨲ᩠ᨲᩔ ᩈᩥᩃᩣᨸᩅᩥᨩ᩠ᨫᨶᨾᩣᩁᨻ᩠ᨽ ᨠᨳᩥᨲᩴ ᨾᩉᩣᨠᨸᩥᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ ᩉᩮᩣᨲᩥ? ‘‘ᨲᩮᨶ ᩉᩥ ᨵᨶᩩᨣ᩠ᨣᩉᩮ ᨸᨿᩮᩣᨩᩮᩅᩣ…ᨸᩮ… ᨠᨸᩥᩁᩣᨩᩣ ᩋᩉᨾᩮᩅᩣ’’ᨲᩥ ᩑᩅᨾᩮᨲᩴ ᨾᩥᩃᩥᨴᩁᨬ᩠ᨬᩣ ᩍᨾᩴᨾᩉᩣᨠᨸᩥᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ ᩉᩮᩣᨲᩦᨲᩥ. ᨲᨲᩥᨿᩴ ᨩᩣᨲᨠᩴ.

‘‘ᨸᩪᨶ ᨧ ᨸᩁᩴ ᨿᨴᩣ ᨴᩮᩅᨴᨲ᩠ᨲᩮᩣ ᨾᨶᩩᩔᩮᩣ ᩉᩮᩣᨲᩥ ᩈᩮᩣᨱᩩᨲ᩠ᨲᩁᩮᩣ ᨶᩣᨾ ᨶᩮᩈᩣᨴᩮᩣ ᨻᩃᩅᩣ ᨻᩃᩅᨲᩁᩮᩣ ᨶᩣᨣᨻᩃᩮᩣ ᨲᨴᩣᨻᩮᩣᨵᩥᩈᨲ᩠ᨲᩮᩣ ᨨᨴ᩠ᨴᨶ᩠ᨲᩮᩣ ᨶᩣᨾ ᨶᩣᨣᩁᩣᨩᩣ ᩋᩉᩮᩣᩈᩥ. ᨲᨴᩣ ᩃᩩᨴ᩠ᨴᨠᩮᩣ ᨲᩴ ᩉᨳᩥᨶᩣᨣᩴ ᨥᩣᨲᩮᩈᩥ. ᨲᨳᨸᩥ ᨲᩣᩅ ᨴᩮᩅᨴᨲ᩠ᨲᩮᩣ ᩋᨵᩥᨠᨲᩁᩮᩣ‘‘ᨲᩥ ᩍᨴᩴ ᩅᨧᨶᩴ ᨾᩥᩃᩥᨴᩁᨬ᩠ᨬᩣ ᨩᩮᨲᩅᨶᩮ ᨾᩉᩣᩅᩥᩉᩣᩁᩮ ᩅᩥᩉᩣᩁᨶ᩠ᨲᩮᨶ ᩈᨳᩣᩁᩣ ᨲᩥᩴᩈᨶᩥᨸᩣᨲᩮ ᩑᨠᩴ ᨴᩉᩁᨽᩥᨠ᩠ᨡᩩᨶᩥᩴ ᩌᩁᨻ᩠ᨽ ᨠᨳᩥᨲᩴ ᨨᨴ᩠ᨴᨶ᩠ᨲᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ ᩉᩮᩣᨲᩥ ᨲᨳ ᨽᨣᩅᨲᩣ ᩅᩥᨳᩣᩁᨲᩮᩣ ᨴᩮᩈᩥᨲᩴ ᨨᨴ᩠ᨴᨶ᩠ᨲᨩᩣᨲᨠᩴ ᨲᩴ ᨾᨿᩣ ᩍᨵ ᩈᨦ᩠ᨡᩮᨸᨲᩮᩣ ᩏᨴ᩠ᨵᩁᩥᩅᩣ ᨠᨳᩮᨲᨻ᩠ᨻᨾᩮᩅ. ‘‘ᩈᩣ ᨠᩥᩁ ᩈᩣᩅᨳᩥᨿᩴ…ᨸᩮ… ᩈᩣ ᨸᨶ ᨽᩥᨠ᩠ᨡᩩᨱᩦ ᨸᨧ᩠ᨨᩣ ᩅᩥᨸᩔᩥᩅᩣ ᩋᩁᩉᨲ᩠ᨲᩴ ᨸᨲ᩠ᨲᩣ’’ᨲᩥ. ᩑᩅᨾᩮᨲᩴ ᨾᩥᩃᩥᨴᩁᨬ᩠ᨬᩣ ᩍᨾᩴ ᨨᨴ᩠ᨴᨶ᩠ᨲᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ ᩉᩮᩣᨲᩥ. ᨧᨲᩩᨳᩣᨩᩣᨲᨠᩴ.

ᨸᩩᨶ ᨧ ᨸᩁᩴ ᨿᨴᩣ ᨴᩮᩅᨴᨲ᩠ᨲᩮᩣ ᨾᨶᩩᩔᩮᩣ ᩋᩉᩮᩣᩈᩥ ᩅᨶᨧᩁᨠᩮᩣ ᩋᨶᩥᨠᩮᨲᩅᩣᩈᩦ ᨲᨴᩣ ᨻᩮᩣᨵᩥᩈᨲ᩠ᨲᩮᩣ ᩈᨠᩩᨱᩮᩣ ᩋᩉᩮᩣᩈᩥ ᨲᩥᨲ᩠ᨲᩥᩁᩮᩣ ᨾᨶ᩠ᨲᨩ᩠ᨫᩣᨿᩦ. ᨲᨴᩣ ᩈᩮᩣ ᩅᨶᨧᩁᨠᩮᩣ ᨲᩴ ᩈᨠᩩᨱᩴ ᨥᩣᨲᩮᩈᩥ. ᨲᨳᨸᩥ ᨲᩣᩅ ᨴᩮᩅᨴᨲ᩠ᨲᩮᩣ ᨩᩣᨲᩥᨿᩣ ᩋᨵᩥᨠᨲᩁᩮᩣ’’ᨲᩥ ᩍᨴᨾ᩠ᨸᨶ ᩅᨧᨶᩴ ᨾᩥᩃᩥᨴᩁᨬ᩠ᨬᩣ ᨣᩥᨩ᩠ᨫᨠᩪᨭᩮ ᩅᩥᩉᩁᨶ᩠ᨲᩮᨶ ᩈᨳᩣᩁᩣ ᨶᩅᨠᨶᩥᨸᩣᨲᩮ ᨴᩮᩅᨴᨲ᩠ᨲᩔ ᩅᨵᩣᨿ ᨸᩁᩥᩈᨠ᩠ᨠᨶᩴ ᩌᩁᨻ᩠ᨽ ᨠᨳᩥᨲᩴ ᨴᨴ᩠ᨴᩁᨩᩣᨲᨠᩴ (ᨲᩥᨲ᩠ᨲᩥᩁᨩᩣᨲᨠᩴ) ᩈᨵᩣᨿ ᩅᩩᨲ᩠ᨲᩴ ᩉᩮᩣᨲᩥ. ‘‘ᨲᩈ᩠ᨾᩥᩴ ᩈᨾᨿᩮ ᨵᨾ᩠ᨾᩈᨽᩣᨿᩴ ᨠᨳᩴ ᩈᨾᩩᨭ᩠ᨮᩣᨸᩮᩈᩩᩴ…ᨸᩮ… ᨲᩥᨲ᩠ᨲᩥᩁᨸᨱ᩠ᨯᩥᨲᩮᩣ ᨸᨶ ᩋᩉᨾᩮᩅᩣ’’ᨲᩥ. ᩑᩅᨾᩮᨲᩴ ᨾᩥᩃᩥᨴᩁᨬ᩠ᨬᩣ ᩍᨾᩴ ᨴᨴ᩠ᨴᩁᨩᩣᨲᨠᩴ ᩈᨵᩣᨿ ᨠᨳᩥᨲᩴ ᩉᩮᩣᨲᩦᨲᩥ. ᨸᨬ᩠ᨧᨾᨩᩣᨲᨠᩴ.

‘‘ᨸᩩᨶ ¶ ᨧ ᨸᩁᩴ ᨿᨴᩣ ᨴᩮᩅᨴᨲ᩠ᨲᩮᩣ ᨠᩃᩣᨻᩩ ᨶᩣᨾ ᨻᩣᩁᩣᨱᩈᩥᩁᩣᨩᩣ ᩋᩉᩮᩣᩈᩥ ᨲᨴᩣ ᨻᩮᩣᨵᩥᩈᨲ᩠ᨲᩮᩣ ᨲᩣᨸᩈᩮᩣ ᩋᩉᩮᩣᩈᩥ ᨡᨶ᩠ᨲᩥᩅᩣᨴᩦ. ᨲᨴᩣ ᩈᩮᩣ ᩁᩣᨩᩣ ᨲᩔᨲᩣᨸᩈᩔ ᨠᩩᨴ᩠ᨵᩮᩣ ᩉᨳᨸᩣᨴᩮ ᩅᩴᩈᨠᩃᩦᩁᩮ ᩅᩥᨿ ᨨᩮᨴᩣᨸᩮᩈᩥ. ᨲᨳᨸᩥ ᨲᩣᩅ ᨴᩮᩅᨴᨲ᩠ᨲᩮᩣᨿᩮᩅ ᩋᨵᩥᨠᨲᩁᩮᩣ ᨩᩣᨲᩥᨿᩣ ᨧ ᨿᩈᩮᨶ ᨧᩣ’’ᨲᩥ ᩍᨴᨾ᩠ᨸᨶ ᩅᨧᨶᩴ ᨾᩥᩃᩥᨴᩁᨬ᩠ᨬᩣ ᨩᩮᨧᩅᨶᩮ ᩅᩥᩉᩁᨶ᩠ᨲᩮᨶ ᩈᨳᩣᩁᩣ ᨧᨲᩩᨠ᩠ᨠᨶᩥᨸᩣᨲᩮ ᩑᨠᩴ ᨠᩮᩣᨵᨶᨽᩥᨠ᩠ᨡᩩᩴ ᩌᩁᨻ᩠ᨽ ᨠᨳᩥᨲᩴ ᨡᨶ᩠ᨲᩥᩅᩣᨴᩥᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ ᩉᩮᩣᨲᩥ. ‘‘ᩈᨳᩣ ᨸᨶ ᨲᩴ ᨽᩥᨠ᩠ᨡᩩᩴ ᨠᩈ᩠ᨾᩣᩅᩴ…ᨸᩮ… ᨡᨶ᩠ᨲᩥᩅᩣᨴᩥᨲᩣᨸᩈᩮᩣᨸᨶ ᩋᩉᨾᩮᩅᩣ’’ᨲᩥ ᩑᩅᨾᩮᨲᩴ ᨾᩥᩃᩥᨴᩁᨬ᩠ᨬᩣ ᩍᨾᩴ ᨡᨶ᩠ᨲᩥᩅᩣᨴᩥᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ ᩉᩮᩣᨲᩦᨲᩥ. ᨸᨭ᩠ᨮᨩᩣᨲᨠᩴ.

ᨸᩩᨶ ᨧ ᨸᩁᩴ ᨿᨴᩣ ᨴᩮᩅᨴᨲ᩠ᨲᩮᩣ ᩋᩉᩮᩣᩈᩥ ᩅᨶᨧᩁᩮᩣ ᨲᨴᩣᨻᩮᩣᨵᩥᩈᨲ᩠ᨲᩮᩣ ᨶᨴᩥᨿᩮᩣ ᨶᩣᨾ ᩅᩣᨶᩁᩥᨴᩮᩣ ᩋᩉᩮᩣᩈᩥ. ᨲᨴᩣᨸᩥ ᩈᩮᩣ ᩅᨶᨧᩁᩮᩣ ᨲᩴ ᩅᩣᨶᩁᩥᨴᩴ ᨥᩣᨲᩮᩈᩥ ᩈᨴ᩠ᨵᩥᩴ ᨾᩣᨲᩁᩣ ᨠᨲᩥᨭ᩠ᨮᨽᩣᨲᩥᨠᩮᨶᨸᩥ. ᨲᨳᨸᩥ ᨲᩣᩅ ᨴᩮᩅᨴᨲ᩠ᨲᩮᩣᨿᩮᩅᩋᨵᩥᨠᨲᩁᩮᩣ ᨩᩣᨲᩥᨿᩣ‘‘ᨲᩥ ᩍᨴᩴ ᨸᨶ ᩅᨧᨶᩴ ᨾᩥᩃᩥᨴᩁᨬ᩠ᨬᩣ ᩅᩮᩊᩩᩅᨶᩮ ᩅᩥᩉᩁᨶ᩠ᨲᩮᨶᩈᨳᩣᩁᩣ ᨴᩩᨠᨶᩥᨸᩣᨲᩮ ᨴᩮᩅᨴᨲ᩠ᨲᩴ ᩌᩁᨻ᩠ᨽ ᨠᨳᩥᨲᩴ ᨧᩩᩃ᩠ᩃᨶᨴᩥᨿᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ ᩉᩮᩣᨲᩥ. ‘‘ᩑᨠᨴᩥᩅᩈᨬ᩠ᩉᩥ ᨽᩥᨠ᩠ᨡᩪ ᨵᨾ᩠ᨾᩈᩉᩣᨿᩴ …ᨸᩮ… ᩈᩩᨸᨱ᩠ᨱᩁᩣᨩᩣ ᨸᨶ ᩋᩉᨾᩮᩅᩣ’’ᨲᩥ ᩑᩅᨾᩮᨲᩴ ᨾᩥᩃᩥᨴᩁᨬ᩠ᨬᩣ ᩍᨾᩴ ᨸᨱ᩠ᨯᩁᨩᩣᨲᨠᩴ ᩈᨵᩣᨿ ᨸᩁᨲᩮᩣᨥᩮᩣᩈᩅᩈᩮᨶ ᨻᩮᩣᨵᩥᩈᨲ᩠ᨲᩮᩣ ᨸᨱ᩠ᨯᩁᨠᩮᩣ ᨶᩣᨾ ᨶᩣᨣᩁᩣᨩ ᩋᩉᩮᩣᩈᩦ’’ᨲᩥ ᨠᨳᩥᨲᩴ ᩉᩮᩣᨲᩥ ᨲᨳᩣᩉᩥ ᩍᨾᩈ᩠ᨾᩥᩴ ᨩᩣᨲᨠᩮ ᨻᩮᩣᨵᩥᩈᨲ᩠ᨲᩮᩣ ᩈᩩᨸᨱ᩠ᨱᩁᩣᨩᩣ ᨿᩮᩅᩣ’ᨲᩥ. ᩋᨭ᩠ᨮᨾᩴ ᨩᩣᨲᨠᩴ.

ᨸᩩᨶ ᨧ ᨸᩁᩴ ᨿᨴᩣ ᨴᩮᩅᨴᨲ᩠ᨲᩮᩣ ᨾᨶᩩᩔᩮᩣ ᩋᩉᩮᩣᩈᩥᨸᩅᨶᩮ ᨩᨭᩥᩃᨠᩮᩣ ᨲᨴᩣ ᨻᩮᩣᨵᩥᩈᨲ᩠ᨲᩮᩣ ᨲᨧ᩠ᨨᨠᩮᩣ ᨶᩣᨾ ᨾᩉᩣᩈᩪᨠᩁᩮᩣ ᩋᩉᩮᩣᩈᩥ. ᨲᨳᨸᩥ ᨲᩣᩅ ᨴᩮᩅᨴᨲ᩠ᨲᩮᩣᨿᩮᩅ ᨩᩣᨲᩥᨿᩣ ᩋᨵᩥᨠᨲᩁᩮᩣ’’ᨲᩥ ᩍᨴᨾ᩠ᨸᨶ ᩅᨧᨶᩴ ᨾᩥᩃᩥᨴᩁᨬ᩠ᨬᩣ ᨩᩮᨲᩅᨶᩮ ᩅᩥᩉᩁᨶ᩠ᨲᩮᨶ ᩈᨳᩣᩁᩣ ᨸᨠᩥᨱ᩠ᨱᨠᨶᩥᨸᩣᨲᩮ ᨴ᩠ᩅᩮ ᨾᩉᩃ᩠ᩃᨠᩮ ᨳᩮᩁᩮ ᩌᩁᨻ᩠ᨽ ᨠᨳᩥᨲᩴ ᨲᨧ᩠ᨨᨠᩈᩪᨠᩁᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ ᩉᩮᩣᨲᩥ. ‘‘ᨾᩉᩣᨠᩮᩣᩈᩃᩮᩣ ᨸᨶ ᨻᩥᨾ᩠ᨻᩥᩈᩣᩁᩔ ᨵᩥᨲᩁᩴ ᨴᩮᨶ᩠ᨲᩮᩣ…ᨸᩮ…ᩁᩩᨠ᩠ᨡᨴᩮᩅᨲᩣ ᨸᨶ ᩋᩉᨾᩮᩅᩣ’’ᨲᩥ.

ᩑᩅᨾᩮᨲᩴ ¶ ᨾᩥᩃᩥᨴᩁᨬ᩠ᨬᩣ ᩍᨾᩴ ᨲᨧ᩠ᨨᨠᩈᩪᨠᩁᨩᩣᨲᨠᩴ ᩈᨵᩣᨿ ᨸᩁᨲᩮᩣᨥᩮᩣᩈᩅᩈᩮᨶ ᨻᩮᩣᨵᩥᩈᨲ᩠ᨲᩮᩣ ᨾᩉᩣᨲᨧ᩠ᨨᨠᩈᩪᨠᩁᩮᩣ ᨶᩣᨾ ᩋᩉᩮᩣᩈᩥᨲᩥ ᨠᨳᩥᨲᩴ ᨲᨳᩣ ᩉᩥ ᩍᨾᩈ᩠ᨾᩥᩴ ᨩᩣᨲᨠᩮ ᨻᩮᩣᨵᩥᩈᨲ᩠ᨲᩮᩣ ᩁᩩᨠ᩠ᨡᨴᩮᩅᨲᩣᨿᩮᩅ ᩋᩉᩮᩣᩈᩦᨲᩥ. ᨶᩅᨾᩴ ᨩᩣᨲᨠᩴ.

ᨸᩩᨶ ᨧ ᨸᩁᩴ ᨿᨴᩣᨴᩮᩅᨴᨲ᩠ᨲᩮᩣ ᨧᩮᨲᩥᨿᩮᩈᩩ ᩈᩩᩁᨸᩁᩥᨧᩁᩮᩣ ᨶᩣᨾ ᩁᩣᨩᩣ ᩋᩉᩮᩣᩈᩥ ᩏᨸᩁᩥ ᨸᩩᩁᩥᩈᨾᨲ᩠ᨲᩮ ᨣᨣᨶᩮᩅᩮᩉᩣᩈᨦ᩠ᨣᨾᩮᩣ, ᨲᨴᩣ ᨻᩮᩣᨵᩥᩈᨲ᩠ᨲᩮᩣ ᨠᨸᩥᩃᩮᩣ ᨶᩣᨾ ᨻᩕᩣᩉ᩠ᨾᨱᩮᩣ ᩋᩉᩮᩣᩈᩥ. ᨲᨳᨸᩥ ᨲᩣᩅ ᨴᩮᩅᨴᨲ᩠ᨲᩔ ᨸᨳᩅᩥᨸ᩠ᨸᩅᩮᩈᨾᩣᩁᨻ᩠ᨽ ᨠᨳᩥᨲᩴ ᨧᩮᨲᩥᨿᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ ᩉᩮᩣᨲᩥ. ‘‘ᨲᩈ᩠ᨾᩥᨬ᩠ᩉᩥ ᨴᩥᩅᩈᩮ ᨽᩥᨠ᩠ᨡᩪ ᨵᨾ᩠ᨾᩈᩉᩣᨿᩴ. ᨸᩮ-ᨠᨸᩥᩃ-ᨻᩕᩣᩉ᩠ᨾᨱᩮᩣ ᨸᨶ ᩋᩉᨾᩮᩅᩣ’’ᨲᩥ ᩑᩅᨬ᩠ᨧᩮᨲᩴ ᨾᩥᩃᩥᨴᩁᨬ᩠ᨬᩣ ᩍᨴᩴᨧᩮᨲᩥᨿᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ ᩉᩮᩣᨲᩦᨲᩥ. ᨴᩈᨾᩴ ᨩᩣᨲᨠᩴ.

ᨸᩩᨶ ᨧ ᨸᩁᩴ ᨿᨴᩣ ᨴᩮᩅᨴᨲ᩠ᨲᩮᩣ ᨾᨶᩩᩔᩮᩣ ᩋᩉᩮᩣᩈᩥ ᩈᩣᨾᩮᩣ ᨶᩣᨾ, ᨲᨴᩣ ᨻᩮᩣᨵᩥᩈᨲ᩠ᨲᩮᩣ ᩁᩪᩁᩩᨶᩣᨾ ᨾᩥᨣᩁᩣᨩᩣ ᩋᩉᩮᩣᩈᩥ. ᨲᨳᨸᩥ ᨲᩣᩅ ᨴᩮᩅᨴᨲ᩠ᨲᩮᩣᨿᩮᩅ ᨩᩣᨲᩥᨿᩣ ᩋᨵᩥᨠᨲᩁᩮᩣ’ᨲᩥ ᩍᨴᨾ᩠ᨸᨶ ᩅᨧᨶᩴ ᨾᩥᩃᩥᨴᩁᨬ᩠ᨬᩣ ᨩᩮᨲᩅᨶᩮ ᩅᩥᩉᩁᨶ᩠ᨲᩮᨶ ᩈᨳᩣᩁᩣ ᨲᩮᩁᩈᨠᨶᩥᨸᩣᨲᩮ ᨴᩮᩅᨴᨲ᩠ᨲᨾᩣᩁᨻ᩠ᨽᨠᨳᩥᨲᩴ ᩁᩪᩁᩪᨾᨣᩁᩣᨩᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ ᩉᩮᩣᨲᩥ. ᩈᩮᩣ ᨠᩥᩁ ᨽᩥᨠ᩠ᨡᩪᩉᩥ’ᨻᩉᩩᨸᨠᩣᩁᩮᩣ ᩌᩅᩩᩈᩮᩣ-ᨸᩮᩁᩪᩁᩩᨾᩥᨣᩮᩣ ᨸᨶ ᩋᩉᨾᩮᩅᩣ’’ᨲᩥ. ᩑᩅᨾᩮᨲᩴ ᨾᩥᩃᩥᨴᩁᨬ᩠ᨬᩣ ᩍᨾᩴᩁᩪᩁᩩᨾᩥᨣᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ ᩉᩮᩣᨲᩦ’ᨲᩥ ᩑᨠᩣᨴᩈᨾᩴ ᨩᩣᨲᨠᩴ.

‘‘ᨸᩩᨶ ᨧ ᨸᩁᩴ ᨿᨴᩣ ᨴᩮᩅᨴᨲ᩠ᨲᩮᩣ ᨾᨶᩩᩔᩮᩣ ᩋᩉᩮᩣᩈᩥ ᩃᩩᨴ᩠ᨴᨠᩮᩣ ᨸᩅᨶᨧᩁᩮᩣ, ᨲᨴᩣ ᨻᩮᩣᨵᩥᩈᨲ᩠ᨲᩮᩣ ᩉᨳᩥᨶᩣᨣᩮᩣ ᩋᩉᩮᩣᩈᩥ ᩈᩮᩣ ᩃᩩᨴ᩠ᨴᨠᩮᩣ ᨲᩔ ᩉᨳᩥᨶᩣᨣᩔ ᩈᨲ᩠ᨲᨠ᩠ᨡᨲ᩠ᨲᩩᩴ ᨴᨶ᩠ᨲᩮ ᨨᩥᨴᩥᩅᩣ ᩉᩁᩥ ᨲᨳᨸᩥ ᨲᩣᩅ ᨴᩮᩅᨴᨲ᩠ᨲᩮᩣᨿᩮᩅ ᨿᩮᩣᨶᩥᨿᩣ ᩋᨵᩥᨠᨲᩁᩮᩣ’ᨲᩥ ᩍᨴᨾ᩠ᨸᨶ ᩅᨧᨶᩴ ᨾᩥᩃᩥᨴᩁᨬ᩠ᨬᩣ ᨩᩮᨲᩅᨶᩮ ᩅᩥᩉᩁᨶ᩠ᨲᩮᨶ ᩈᨳᩣᩁᩣ ᩑᨠᨠᨶᩥᨸᩣᨲᩮ ᨴᩮᩅᨴᨲ᩠ᨲᨾᩣᩁᨻ᩠ᨽ ᨠᨳᩥᨲᩴ ᩈᩦᩃᩅᨶᩣᨣᩁᩣᨩᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ ᩉᩮᩣᨲᩥ. ᨵᨾ᩠ᨾᩈᨽᩣᨿᨬ᩠ᩉᩥ ᨽᩥᨠ᩠ᨡᩪ’ᩌᩅᩩᩈᩮᩣ ᨴᩮᩅᨴᨲ᩠ᨲᩮᩣ…ᨸᩮ… ᩈᩦᩃᩅᨶᩣᨣᩁᩣᨩᩣ ᨸᨶ ᩋᩉᨾᩮᩅᩣᨲᩥ.

ᩑᩅᨾᩮᨲᩴ ᨾᩥᩃᩥᨴᩁᨬ᩠ᨬᩣ ᩍᨾᩴ ᩈᩦᩃᩅᨶᩣᨣᩁᩣᨩᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ ᩉᩮᩣᨲᩦ’ᨲᩥ ᨴ᩠ᩅᩣᨴᩈᨾᩴ ᨩᩣᨲᨠᩴ.

ᨸᩩᨶ ᨧ ᨸᩁᩴ ᨿᨴᩣ ᨴᩮᩅᨴᨲ᩠ᨲᩮᩣ ᩈᩥᨣᩣᩃᩮᩣ ᩋᩉᩮᩣᩈᩥ ᨡᨲ᩠ᨲᩥᨿᨵᨾ᩠ᨾᩮᩣ, ᩈᩮᩣ ᨿᩣᩅᨲᩣ ᨩᨾ᩠ᨻᩩᨴᩦᨸᩮ ᨸᨴᩮᩈᩁᩣᨩᩣᨶᩮᩣ ᨲᩮ ᩈᨻ᩠ᨻᩮ ᩋᨶᩩᨿᩩᨲ᩠ᨲᩮ ᩋᨠᩣᩈᩥ, ᨲᨴᩣ ᨻᩮᩣᨵᩥᩈᨲ᩠ᨲᩮᩣ ᩅᩥᨵᩩᩁᩮᩣ ᨶᩣᨾ ᨸᨱ᩠ᨯᩥᨲᩮᩣ ᩋᩉᩮᩣᩈᩥ ᨲᨳᨸᩥ ᨲᩣᩅ ᨴᩮᩅᨴᨲ᩠ᨲᩮᩣᨿᩮᩅ ᨿᩈᩮᨶ ᩋᨵᩥᨠᨲᩁᩮᩣ’ᨲᩥ ᩍᨴᨾ᩠ᨸᨶ ᩅᨧᨶᩴ ¶ ᨾᩥᩃᩥᨴᩁᨬ᩠ᨬᩣ ᩅᩮᩊᩩᩅᨶᩮ ᩅᩥᩉᩁᨶ᩠ᨲᩮᨶ ᩈᨳᩣᩁᩣ ᨴᩩᨠᨶᩥᨸᩣᨲᩮ ᨴᩮᩅᨴᨲ᩠ᨲᨾᩣᩁᨻ᩠ᨽ ᨠᨳᩥᨲᩴ ᩈᨻ᩠ᨻᨴᩣᨮᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ ᩉᩮᩣᨲᩥ. ‘‘ᨴᩮᩅᨴᨲ᩠ᨲᩮᩣ ᩋᨩᩣᨲᩈᨲ᩠ᨲᩩᩴ ᨸᩈᩣᨴᩮᩅᩣ…ᨸᩮ… ᨸᩩᩁᩮᩣᩉᩥᨲᩮᩣ ᨸᨶ ᩋᩉᨾᩮᩅᩣ’’ᨲᩥ.

ᩑᩅᨾᩮᨲᩴ ᨾᩥᩃᩥᨴᩁᨬ᩠ᨬᩣ ᩍᨾᩴ ᩈᨻ᩠ᨻᨴᩣᨮᩥᨠ ᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ ᨸᩁᨲᩮᩣᨥᩮᩣᩈᩅᩈᩮᨶ ‘‘ᩈᩮᩣ ᨿᩣᩅᨲᩣ ᨩᨾ᩠ᨻᩩᨴᩦᨸᩮ ᨸᨴᩮᩈᩁᩣᨩᩣᨶᩮᩣ, ᨲᩮ ᩈᨻ᩠ᨻᩮ ᩋᨶᩩᨿᩩᨲ᩠ᨲᩮ ᩋᨠᩣᩈᩦ’’ᨲᩥ ᩅᩩᨲ᩠ᨲᩴ ᨲᨴᩣ ᩉᩥ ᩈᩮᩣᨶ ᩈᨻ᩠ᨻᩮ ᩁᩣᨩᩣᨶᩮᩣ ᩋᨶᩩᨿᩩᨲ᩠ᨲᩮ ᩋᨠᩣᩈᩦ’ᨲᩥ. ᨲᩮᩁᩈᨾᩴ ᨩᩣᨲᨠᩴ.

ᨸᩩᨶ ᨧ ᨸᩁᩴ ᨿᨴᩣ ᨴᩮᩅᨴᨲ᩠ᨲᩮᩣ ᩈᨳᩥᨶᩣᨣᩮᩣ ᩉᩩᩅᩣ ᩃᨭᩩᨠᩥᨠᩣᨿ ᩈᨠᩩᨱᩥᨠᩣᨿ ᨸᩩᨲ᩠ᨲᨠᩮᨥᩣᨲᩮᩈᩥ, ᨲᨴᩣ ᨻᩮᩣᨵᩥᩈᨲ᩠ᨲᩮᩣ’ᨸᩥ ᩉᨳᩥᨶᩣᨣᩮᩣ ᩋᩉᩮᩣᩈᩥ ᨿᩩᨳᨸᨲᩥ ᨲᨳ ᨲᩣᩅ ᩏᨽᩮᩣ’ᨸᩥ ᩈᨾᩈᨾᩣ ᩋᩉᩮᩈᩩᨶ᩠ᨲᩥ’ ᩍᨴᨾ᩠ᨸᨶ ᩅᨧᨶᩴ ᨾᩥᩃᩥᨴᩁᨬ᩠ᨬᩣ ᩅᩮᩊᩩᩅᨶᩮ ᩅᩥᩉᩁᨶ᩠ᨲᩮᨶ ᩈᨳᩣᩁᩣ ᨸᨬ᩠ᨧᨠᨶᩥᨸᩣᨲᩮ ᨴᩮᩅᨴᨲ᩠ᨲᨾᩣᩁᩁᨻ᩠ᨽ ᨠᨳᩥᨲᩴ ᩃᨭᩩᨠᩥᨠᨩᩣᨲᨠᩴ ᩈᨵᩣᨿᩅᩩᨲ᩠ᨲᩴ ᩉᩮᩣᨲᩦ’ᨲᩥ ᨧᩩᨴ᩠ᨴᩈᨾᩴ ᨩᩣᨲᨠᩴ.

ᨸᩩᨶ ᨧ ᨸᩁᩴ ‘‘ᨿᨴᩣ ᨴᩮᩅᨴᨲ᩠ᨲᩮᩣ ᨿᨠ᩠ᨡᩮᩣ ᩋᩉᩮᩣᩈᩥ ᩋᨵᨾ᩠ᨾᩮᩣ ᨶᩣᨾ, ᨲᨴᩣ ᨻᩮᩣᨵᩥᩈᨲ᩠ᨲᩮᩣᨸᩥ ᨿᨠ᩠ᨡᩮᩣ ᩋᩉᩮᩣᩈᩥ ᨵᨾ᩠ᨾᩮᩣ ᨶᩣᨾ. ᨲᨳᨸᩥ ᨲᩣᩅ ᩏᨽᩮᩣᨸᩥ ᩈᨾᩈᨾᩣ ᩋᩉᩮᩈᩩᨶ᩠ᨲᩥ‘‘ᩍᨴᩴ ᨸᨶ ᩅᨧᨶᩴ ᨾᩥᩃᩥᨴᩁᨬ᩠ᨬᩣ ᨩᩮᨲᩅᨶᩮ ᩅᩥᩉᩁᨶ᩠ᨲᩮᨶ ᩈᨳᩣᩁᩣ ᩑᨠᩣᨴᩈᨠᨶᩥᨸᩣᨲᩮ ᨴᩮᩅᨴᨲ᩠ᨲᩔ ᨸᨳᩅᩥᨸ᩠ᨸᩅᩮᩈᨾᩣᩁᨻ᩠ᨽ ᨠᨳᩥᨲᩴ ᨵᨾ᩠ᨾᨴᩮᩅᨸᩩᨲ᩠ᨲ ᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ ᩉᩮᩣᨲᩥ. ‘‘ᨲᨴᩣ ᨽᩥᨠ᩠ᨡᩩ ᨵᨾ᩠ᨾᩥᩈᨽᩣᨿᩴ ᨵᨾ᩠ᨾᨴᩮᩅᨸᩩᨲ᩠ᨲᩮᩣ ᨸᨶ ᩋᩉᨾᩮᩅ ᩈᨾ᩠ᨾᩣᩈᨾ᩠ᨻᩩᨴ᩠ᨵᩮᩣ’’ᨲᩥ. ᩑᩅᨾᩮᨲᩴ ᨾᩥᩃᩥᨴᩁᨬ᩠ᨬᩮᩣ ᩍᨾᩴ ᨵᨾ᩠ᨾᨴᩮᩅᨸᩩᨲ᩠ᨲᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ ᩉᩮᩣᨲᩦᨲᩥ ᨸᨱ᩠ᨱᩁᩈᨾᩴ ᨩᩣᨲᨠᩴ.

ᨸᩩᨶ ᨧ ᨸᩁᩴ ᨿᨴᩣ ᨴᩮᩅᨴᨲ᩠ᨲᩮᩣ ᨶᩣᩅᩥᨠᩮᩣ ᩋᩉᩮᩣᩈᩥ, ᨸᨬ᩠ᨧᨶ᩠ᨶᩴ ᨠᩩᩃᩈᨲᩣᨶᩴ ᩍᩔᩁᩮᩣ, ᨲᨴᩣ ᨻᩮᩣᨵᩥᩈᨲ᩠ᨲᩮᩣᨸᩥ ᨶᩣᩅᩥᨠᩮᩣ ᩋᩉᩮᩣᩈᩥ ᨸᨬ᩠ᨧᨶ᩠ᨶᩴ ᨠᩩᩃᩈᨲᩣᨶᩴ ᩍᩔᩁᩮᩣ ᨲᨳᨸᩥ ᨲᩣᩅ ᩏᨽᩮᩣᨸᩥ ᩈᨾᩈᨾᩣ’ᨧ ᩋᩉᩮᩈᩩᨶ᩠ᨲᩥ‘‘ᩍᨴᨾ᩠ᨸᨶ ᨾᩥᩃᩥᨴᩁᨬ᩠ᨬᩣ ᨩᩮᨲᩅᨶᩮ ᩅᩥᩉᩁᨶ᩠ᨲᩮᨶ ᩈᨳᩣᩁᩣ ᨴ᩠ᩅᩣᨴᩈᨠᨶᩥᨸᩣᨲᩮ ᨴᩮᩅᨴᨲ᩠ᨲᩔ ᨸᨬ᩠ᨧᨠᩩᩃᩈᨲᩣᨶᩥ ᨣᩉᩮᩅᩣ ᨶᩥᩁᨿᩮ ᨸᩅᩥᨭ᩠ᨮᨽᩣᩅᨾᩣᩁᨻ᩠ᨽ ᨠᨳᩥᨲᩴ ᩈᨾᩩᨴ᩠ᨴᩅᩣᨱᩥᨩᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ ᩉᩮᩣᨲᩥ. ‘‘ᩈᩮᩣ ᩉᩥ ᩋᨣ᩠ᨣᩈᩣᩅᨠᩮᩈᩩ ᨸᩁᩥᩈᩴ ᨣᩉᩮᩅᩣ ᩈᩮᩣᨸᨱ᩠ᨯᩥᨲᩅᨯᨰᨠᩦ ᨶᩣᨾ ᩋᩉᨾᩮᩅᩣ’’ᨲᩥ. ᩑᩅᨾᩮᨲᩴ ᨾᩥᩃᩥᨴᩁᩁᨬᨬᩣ ᩍᨾᩴ ᩈᨾᩩᨴ᩠ᨴᩅᩣᨱᩥᨩᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ ᩉᩮᩣᨲᩦ’ᨲᩥ. ᩈᩮᩣᩊᩈᨾᩴ ᨩᩣᨲᨠᩴ.

ᨸᩩᨶ ᨧ ᨸᩁᩴ ᨿᨴᩣ ᨴᩮᩅᨴᨲ᩠ᨲᩮᩣ ᩈᨳᩅᩣᩉᩮᩣ ᩋᩉᩮᩣᩈᩥ ᨸᨬ᩠ᨧᨶ᩠ᨶᩴ ᩈᨠᨭᩈᨲᩣᨶᩴ ᩍᩔᩁᩮᩣ, ᨲᨴᩣ ᨻᩮᩣᨵᩥᩈᨲ᩠ᨲᩮᩣᨸᩥ ᩈᨳᩅᩣᩉᩮᩣ ᩋᩉᩮᩣᩈᩥ ᨸᨬ᩠ᨧᨶ᩠ᨶᩴ ᩈᨠᨭᩈᨲᩣᨶᩴ ᩍᩔᩁᩮᩣ. ᨲᨳᨸᩥ ᨲᩣᩅ ᩏᨽᩮᩣᨸᩥ ᩈᨾᩈᨾᩣ ᩋᩉᩮᩈᩩ’’ᨶ᩠ᨲᩥ ¶ ᩍᨴᨾ᩠ᨸᨶᩅᨧᨶᩴ ᨾᩥᩃᩥᨴᩁᨬ᩠ᨬᩣ ᨩᩮᨲᩅᨶᩮ ᩅᩥᩉᩁᨶ᩠ᨲᩮᨶ ᩈᨳᩣᩁᩣ ᩑᨠᨠᨶᩥᨸᩣᨲᩮ ᩋᨶᩣᨳᨸᩥᨱ᩠ᨯᩥᨠᩔᩈᩉᩣᨿᨠᩮ ᨲᩥᨳᨿᩈᩣᩅᨠᩮ ᩌᩁᨻ᩠ᨽ ᨠᨳᩥᨲᩴ ᩋᨸᨱ᩠ᨱᨠ ᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ ᩉᩮᩣᨲᩦ’ᨲᩥ. ᩈᨲ᩠ᨲᩁᩈᨾᩴ ᨩᩣᨲᨠᩴ.

ᨸᩩᨶ ᨧ ᨸᩁᩴ ᨿᨴᩣ ᨴᩮᩅᨴᨲ᩠ᨲᩮᩣ ᩈᩣᨡᩮᩣ ᨶᩣᨾ ᨾᩥᨣᩁᩣᨩᩣ ᩋᩉᩮᩣᩈᩥ, ᨲᨴᩣ ᨻᩮᩣᨵᩥᩈᨲ᩠ᨲᩮᩣᨸᩥ ᨶᩥᨣᩕᩮᩣᨵᩮᩣ ᨶᩣᨾ ᨾᩥᨣᩁᩣᨩᩣ ᩋᩉᩮᩣᩈᩥ. ᨲᨳᨸᩥ ᨲᩣᩅ ᩏᨽᩮᩣᨸᩥ ᩈᨾᩈᨾᩣ ᩋᩉᩮᩈᩩᨶ᩠ᨲᩥ ‘‘ᩍᨴᨾ᩠ᨸᨶ ᩅᨧᨶᩴ ᨾᩥᩃᩥᨴᩁᨬ᩠ᨬᩣ ᨩᩮᨲᩅᨶᩮ ᩅᩥᩉᩁᨶ᩠ᨲᩮᨶ ᩈᨳᩣᩁᩣ ᩑᨠᨠᨶᩥᨸᩣᨲᩮ ᨠᩩᨾᩣᩁᨠᩔᨸᨾᩣᨲᩁᩴ ᨽᩥᨠ᩠ᨡᩩᨱᩥᩴ ᩌᩁᨻ᩠ᨽ ᨠᨳᩥᨲᩴ ᨶᩥᨣᩕᩮᩣᨵᨾᩥᨣᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ ᩉᩮᩣᨲᩥ ᩈᩣ ᨠᩥᩁ ᩁᩣᨩᨣᩉᨶᨣᩁᩮ ᨾᩉᩣᩅᩥᨽᩅᩔ ᩈᩮᨭ᩠ᨮᩥᨶᩮᩣ ᨵᩦᨲᩣ ᩋᩉᩮᩣᩈᩥ ᨶᩥᨣᩕᩮᩣᨵᨾᩥᨣᩁᩣᨩᩣ ᨸᨶ ᩋᩉᨾᩮᩅᩣ’’ᨲᩥ ᩑᩅ ᨾᩮᨲᩴ ᨾᩥᩃᩥᨴᩁᨬ᩠ᨬᩣ ᩍᨾᩴ ᨶᩥᨣᩕᩮᩣᨵᨾᩥᨣᩁᩣᨩᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ ᩉᩮᩣᨲᩦ’ᨲᩥ. ᩋᨭ᩠ᨮᩣᩁᩈᨾᩴ ᨩᩣᨲᨠᩴ.

ᨸᩩᨶ ᨧ ᨸᩁᩴ ᨿᨴᩣ ᨴᩮᩅᨴᨲ᩠ᨲᩮᩣ ᩈᩣᨡᩮᩣ ᨶᩣᨾ ᩈᩮᨶᩣᨸᨲᩥ ᩋᩉᩮᩣᩈᩥ, ᨲᨴᩣ ᨻᩮᩣᨵᩥᩈᨲ᩠ᨲᩮᩣ ᨶᩥᨣᩕᩮᩣᨵᩮᩣ ᨶᩣᨾ ᩁᩣᨩᩣ ᩋᩉᩮᩣᩈᩥ. ᨲᨳᨸᩥ ᨲᩣᩅ ᩏᨽᩮᩣᨸᩥ ᩈᨾᩈᨾᩣ ᩋᩉᩮᩈᩩᨶ᩠ᨲᩥ ᩍᨴᨾ᩠ᨸᨶ ᩅᨧᨶᩴ ᨾᩥᩃᩥᨴᩁᨬ᩠ᨬᩣ ᩅᩮᩊᩩᩅᨶᩮ ᩅᩥᩉᩁᨶ᩠ᨲᩮᨶ ᩈᨳᩣᩁᩣ ᨴᩈᨠᨶᩥᨸᩣᨲᩮ ᨴᩮᩅᨴᨲ᩠ᨲᩣᨾᩣᩁᨻ᩠ᨽ ᨠᨳᩥᨲᩴ ᨶᩥᨣᩕᩮᩣᨵᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ ᩉᩮᩣᨲᩥ. ‘‘ᩑᨠᨴᩥᩅᩈᨬ᩠ᩉᩥ ᨽᩥᨠ᩠ᨡᩪ ᨶᩥᨣᩕᩮᩣᨵᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ ᩉᩮᩣᨲᩦ’ᨲᩥ. ᩑᨠᩩᨶᩅᩥᩈᨲᩥᨾᩴ ᨩᩣᨲᨠᩴ.

ᨸᩩᨶ ᨧ ᨸᩁᩴ ᩈᨴᩣ ᨴᩮᩅᨴᨲ᩠ᨲᩮᩣ ᨡᨱ᩠ᨯᩉᩣᩃᩮᩣ ᨶᩣᨾ ᨻᩕᩣᩉ᩠ᨾᨱᩮᩣ ᩋᩉᩮᩣᩈᩥ, ᨲᨴᩣ ᨻᩮᩣᨵᩥᩈᨲ᩠ᨲᩮᩣ ᨧᨴᩮᩣ ᨶᩣᨾ ᩁᩣᨩᨠᩩᨾᩣᩁᩮᩣ ᩋᩉᩮᩣᩈᩥ. ᨲᨳᩣᨸᩥ ᨲᩣᩅ ᩋᨶᩮᨶ ᨡᨱ᩠ᨯᩉᩣᩃᩮᩣ ᩋᨵᩥᨠᨲᩁᩮᩣ’ᨲᩥ ‘‘ᩍᨴᨾ᩠ᨸᨶ ᩅᨧᨶᩴ ᨾᩥᩃᩥᨴᩁᨬ᩠ᨬᩣ ᨣᩥᨩ᩠ᨫᨠᩪᨭᩮ ᩅᩥᩉᩁᨶ᩠ᨲᩮᨶ ᩈᨳᩣᩁᩣ ᨴᩈᨩᩣᨲᨠᩮᨴᩮᩅᨴᨲ᩠ᨲᨾᩣᩁᨻ᩠ᨽ ᨠᨳᩥᨲᩴ ᨧᨴᨠᩩᨾᩣᩁᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ ᨲᩴ ᩈᨦ᩠ᨡᩮᨸᨶᩮᩣ ᨴᩔᨿᩥᩔᩣᨾ. ‘‘ᨲᩔ ᩅᨳᩩ ᩈᨦ᩠ᨥᨽᩮᨴᨠ᩠ᨡᨵᨠᩮ ᩌᨣᨲᨾᩮᩅ ᨧᨴᨠᩩᨾᩣᩁᩮᩣ ᨸᨶ ᩋᩉᨾᩮᩣᩅᩣ’’ᨲᩥ ᩑᩅᨾᩮᨲᩴ ᨾᩥᩃᩥᨴᩁᨬ᩠ᨬᩣ ᩍᨾᩴ ᩅᨴᨠᩩᨾᩣᩁᨩᩣᨲᨠᩴ ᩈᨵᩣᨿ ᩅᩩᨲ᩠ᨲᨶ᩠ᨲᩥ ᩅᩦᩈᨲᩥᨾᨩᩣᨲᨠᩴ.

ᨸᩩᨶ ᨧ ᨸᩁᩴ ᨿᨴᩣ ᨴᩮᩅᨴᨲ᩠ᨲᩮᩣ ᨻᩕᩉ᩠ᨾᨴᨲ᩠ᨲᩮᩣ ᨶᩣᨾ ᩁᩣᨩ ᩋᩉᩮᩣᩈᩥ, ᨲᨴᩣ ᨻᩮᩣᨵᩥᩈᨲ᩠ᨲᩮᩣ ᨲᩔ ᨸᩩᨲ᩠ᨲᩮᩣ ᨾᩉᩣᨸᨴᩩᨾᩮᩣ ᨶᩣᨾ ᨠᩩᨾᩣᩁᩮᩣ ᩋᩉᩮᩣᩈᩥ, ᨲᨴᩣ ᩈᩮᩣᩁᩣᨩᩣ ᩈᨠᨸᩩᨲ᩠ᨲᩴ ᨧᩮᩣᩁᨸ᩠ᨸᨸᩣᨲᩮ ᨡᩥᨸᩣᨸᩮᩈᩥ. ᨿᨲᩮᩣ ᨠᩩᨲᩮᩣᨧᩥ ᨸᩥᨲᩣ ᨸᩩᨲ᩠ᨲᩣᨶᩴ ᩋᨵᩥᨠᨲᩁᩮᩣ ᩋᩉᩮᩣᩈᩥ ᩅᩥᩈᩥᨭ᩠ᨮᩮᩣ, ᨲᨳᨸᩥ ᨲᩣᩅ ᨴᩮᩅᨴᨲ᩠ᨲᩮᩣᨿᩮᩅ ᩋᨵᩥᨠᨲᩁᩮᩣ’ᨲᩥ ᩍᨴᨾ᩠ᨸᨶ ᩑᩅᨶᩴ ᨾᩥᩃᩥᨴᩁᨬ᩠ᨬᩣ ᨩᩮᨲᩅᨶᩮ ¶ ᩅᩥᩉᩁᨶ᩠ᨲᩮᨶ ᩈᨳᩣᩁᩣ ᨴ᩠ᩅᩣᨴᩈᨠᨶᩥᨸᩣᨲᩮ ᨧᩥᨬ᩠ᨧᩴ ᨾᩣᨱᩅᩥᨠᨾᩣᩁᨻ᩠ᨽ ᨠᨳᩥᨲᩴ ᨾᩉᩣᨸᨴᩩᨾᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ. ‘‘ᨸᨮᨾᨻᩮᩣᨵᩥᨿᨬ᩠ᩉᩥ ᨴᩈᨻᩃᩔ ᩋᩉᩴ ᨲᨴᩣ ᩁᩣᨩᨸᩩᨲ᩠ᨲᩮᩣ, ᩑᩅᩴ ᨵᩣᩁᩮᨳ ᨩᩣᨲᨠᨶ᩠ᨲᩥ, ᩑᩅᨾᩮᨲᩴ ᨾᩥᩃᩥᨴᩁᨬ᩠ᨬᩣ ᩍᨾᩴ ᨾᩉᩣᨸᨴᩩᨾᨩᩣᨲᨠᩴ ᩈᨵᩣᨿ ᨸᩩᨲ᩠ᨲᨶ᩠ᨲᩥ ᩑᨠᩅᩦᩈᨲᩥᨾᨩᩣᨲᨠᩴ.

ᨸᩩᨶ ᨧ ᨸᩁᩴ ᨿᨴᩣ ᨴᩮᩅᨴᨲ᩠ᨲᩮᩣ ᨾᩉᩣᨸᨲᩣᨸᩮᩣ ᨶᩣᨾ ᩁᩣᨩᩣ ᩋᩉᩮᩣᩈᩥ, ᨲᨴᩣ ᨻᩮᩣᨵᩥᩈᨲ᩠ᨲᩮᩣ ᨲᩔ ᨸᩩᨲ᩠ᨲᩮᩣ ᨵᨾ᩠ᨾᨸᩣᩃᩮᩣ ᨶᩣᨾ ᨠᩩᨾᩣᩁᩮᩣ ᩋᩉᩮᩣᩈᩥ, ᨲᨴᩣ ᩈᩮᩣ ᩁᩣᨩᩣ ᩈᨠᨸᩩᨲ᩠ᨲᩔ ᩉᨳᨸᩣᨴᩮ ᩈᩦᩈᨬ᩠ᨧ ᨨᩮᨴᩣᨸᩮᩈᩥ. ᨲᨳᨸᩥ ᨲᩣᩅ ᨴᩮᩅᨴᨲ᩠ᨲᩮᩣ ᨿᩮᨧ ᩏᨲ᩠ᨲᩁᩮᩣ ᩋᨵᩥᨠᨲᩁᩮᩣ’’ᨲᩥ ᩍᨴᨾ᩠ᨸᨶ ᩅᨧᨶᩴ ᨾᩥᩃᩥᨴᩁᨬ᩠ᨬᩣ ᩅᩮᩊᩩᩅᨶᩮ ᩅᩥᩉᩁᨶ᩠ᨲᩮᨶ ᩈᨳᩣᩁᩣ ᨸᨬ᩠ᨧᨠᨶᩥᨸᩣᨲᩮ ᨴᩮᩅᨴᨲ᩠ᨲᩔᩅᨵᨸᩁᩥᩈᨠ᩠ᨠᨶᨾᩣᩁᨻ᩠ᨽ ᨠᨳᩥᨲᩴ ᨧᩩᩃ᩠ᩃᨵᨾ᩠ᨾᨸᩣᩃᨩᩣᨲᨠᩴ ᩈᨵᩣᨿ ᩅᩩᨲ᩠ᨲᩴ ᩉᩮᩣᨲᩥ. ‘‘ᩋᨳᩮᨠᨴᩥᩅᩈᩴ ᨽᩥᨠ᩠ᨡᩩ ᨵᨾ᩠ᨾᩈᨽᩣᨿᩴ ᨠᨳᩴ ᨵᨾ᩠ᨾᨸᩣᩃᨠᩩᨾᩣᩁᩮᩣ ᨸᨶ ᩋᩉᨾᩮᩅᩣ’’ᨲᩥ ᩑᩅᨾᩮᨲᩴ ᨾᩥᩃᩥᨴᩁᨬ᩠ᨬᩣ ᩍᨾᩴ ᨧᩩᩃ᩠ᩃᨵᨾ᩠ᨾᨸᩣᩃᨩᩣᨲᨠᩴ ᩈᨵᩣᨿ ᩅᩩᨲ᩠ᨲᨶ᩠ᨲᩥ ᨻᩣᩅᩦᩈᨲᩥᨾ ᨩᩣᨲᨠᩴ ᩈᨾᨲ᩠ᨲᩴ.

ᩋᨾ᩠ᨻᨩᩣᨲᨠ-ᨴᩩᨾ᩠ᨾᩮᨵᨩᩣᨲᨠᩣᨶᩥ ᨾᩉᩣᨠᨸᩥ-

ᨨᨴ᩠ᨴᨶ᩠ᨲ-ᨴᨴ᩠ᨴᩁᨬ᩠ᨧᩣᨸᩥ ᨡᨶ᩠ᨲᩥᩅᩣᨴᩥᨠᨩᩣᨲᨠᩴ

ᨧᩩᩃ᩠ᩃᨶᨴᩥᨿ-ᨸᨱ᩠ᨯᩁᨠ-ᨲᨧ᩠ᨨᩈᩩᨠᩁᨩᩣᨲᨠᩴ

ᨧᩮᨲᩥᨿᨩᩣᨲᨠᨬ᩠ᨧᩣᨸᩥ ᩁᩪᩁᩩᨾᩥᨣᩥᨴᨩᩣᨲᨠᩴ

ᩈᩦᩃᩅᩴ ᩈᨻ᩠ᨻᨴᩣᨮᨬ᩠ᨧ ᩃᨭᩩᨠᩥᨠᨬ᩠ᨧ ᩋᨸᨱ᩠ᨱᨠᩴ

ᨶᩥᨣᩕᩮᩣᨵᨾᩥᨣ-ᨶᩥᨣᩕᩮᩣᨵ-ᨧᨴᨠᩩᨾᩣᩁᨩᩣᨲᨠᩴ

ᨾᩉᩣᨸᨴᩩᨾᨠᩩᨾᩣᩁ-ᨵᨾ᩠ᨾᨸᩣᩃᨠᨩᩣᨲᨠᩴ

ᩍᨲᩥ ᩑᨲᩣᨶᩥ ᨻᩣᩅᩦᩈ ᨩᩣᨲᨠᩣᨶᩥ ᨿᨳᩣᨠ᩠ᨠᨾᩴ

ᨾᩥᩃᩥᨴᩮᩣ ᨶᩣᨾᩩᨸᨴᩣᨿ ᨶᩣᨣᩈᩮᨶᩔ ᩋᨻᩕᩅᩦᨲᩥ.

ᩑᩅᨬ᩠ᨧ ᩈᩮᩣ ᩁᩣᨩᩣ ᩍᨾᩣᨶᩥ ᨩᩣᨲᨠᩣᨶᩥ ᩈᨵᩣᨿ ᨠᨳᩮᩅᩣ ᨸᩩᨶᨸᩥ ᩑᩅᨾᩣᩉ? ‘‘ᨽᨶ᩠ᨲᩮ ᨶᩣᨣᩈᩮᨶ, ᩋᨩ᩠ᨩᩮᨠᩁᩉᩥ ᩏᨽᩮᩣᨸᩥ ᩈᨠ᩠ᨿᨠᩩᩃᩮᩈᩩ ᨩᩣᨿᩥᩴᩈᩩ. ᨻᩮᩣᨵᩥᩈᨲ᩠ᨲᩮᩣᨸᩥ ᨻᩩᨴ᩠ᨵᩮᩣ ᩋᩉᩮᩣᩈᩥ. ᩈᨻ᩠ᨻᨬ᩠ᨬᩩ ᩃᩮᩣᨠᨶᩣᨿᨠᩮᩣ, ᨴᩮᩅᨴᨲ᩠ᨲᩮᩣ ᨲᩔ ᨴᩮᩅᩣᨲᩥᨴᩮᩅᩔ ᩈᩣᩈᨶᩮ ᨸᨻ᩠ᨻᨩᩥᩅᩣ ᨻᩩᨴ᩠ᨵᩣᩃᨿᩴ ᩋᨠᩣᩈᩥ. ᨠᩥᨶ᩠ᨶᩩᨡᩮᩣ ᨽᨶ᩠ᨲᩮ ᨶᩣᨣᩈᩮᨶ, ᨿᩴ ᨾᨿᩣ ᨽᨱᩥᨲᩴ ᨲᩴ ᩈᨻ᩠ᨻᨾ᩠ᨸᩥ ᨲᨳᩴ ᩏᨴᩣᩉᩩ ᩅᩥᨲᨳᨶ᩠ᨲᩥ.’’

ᨩᩣᨲᨠᩩᨴ᩠ᨵᩁᨱᩴ ᩈᨾᨲ᩠ᨲᩴ.

ᨣᩣᨳᩣᩈᩁᩪᨸᩴ ¶

ᨣᩣᨳᩣᩈᩁᩪᨸᨾ᩠ᨸᨶ ᩑᩅᩴ ᩅᩮᨴᩥᨲᨻ᩠ᨻᩴ?

ᨾᩥᩃᩥᨴᩮᩣ ᨶᩣᨾ ᩈᩮᩣ ᩁᩣᨩᩣ ᩈᩣᨣᩃᩣᨿᨾ᩠ᨸᩩᩁᩩᨲ᩠ᨲᨾᩮ

ᩏᨸᨣᨬ᩠ᨨᩥ ᨶᩣᨣᩈᩮᨶᩴ ᨣᨦ᩠ᨣᩣ’ᩅ ᨿᨳᩈᩣᨣᩁᩴ.

ᩌᩈᨩ᩠ᨩ ᩁᩣᨩᩣ ᨧᩥᨲᩕᨠᨳᩦ ᩏᨠ᩠ᨠᩣᨵᩣᩁᩴ ᨲᨾᩮᩣᨶᩩᨴᩴ ᩋᨸᩩᨧ᩠ᨨᩥ ᨶᩥᨸᩩᨱᩮ ᨸᨬ᩠ᩉᩮ ᨮᩣᨶᩣᨮᩣᨶᨣᨲᩮ ᨸᩩᨳᩪ,

ᨸᩩᨧ᩠ᨨᩣ ᩅᩥᩈᨩ᩠ᨩᨶᩣ ᨧᩮᩅ ᨣᨾ᩠ᨽᩥᩁᨳᩪᨸᨶᩥᩔᩥᨲᩣ

ᩉᨴᨿᨦ᩠ᨣᨾᩣ ᨠᨱ᩠ᨱᩈᩩᨡᩣ ᩋᨻ᩠ᨽᩩᨲᩣ ᩃᩮᩣᨾᩉᩴᩈᨶᩣ

ᩋᨽᩥᨵᨾ᩠ᨾᩅᩥᨶᨿᩮᩣᨣᩣᩊ᩠ᩉᩣ ᩈᩩᨲ᩠ᨲᨩᩣᩃᩈᨾᨳᩥᨲᩣ

ᨶᩣᨣᩈᩮᨶᨠᨳᩣ ᨧᩥᨲᩕᩣ ᩒᨸᨾ᩠ᨾᩮᩉᩥ ᨶᨿᩮᩉᩥ ᨧ

ᨲᨳ ᨬᩣᨱᨾ᩠ᨸᨱᩥᨵᩣᨿ ᩉᩣᩈᨿᩥᩅᩣᨶ ᨾᩣᨶᩈᩴ

ᩈᩩᨱᩮᩣᨳ ᨶᩥᨸᩩᨱᩮ ᨸᨬ᩠ᩉᩮ ᨠᨦ᩠ᨡᩣᨭ᩠ᨮᩣᨶᩅᩥᨴᩣᩊᨶᩮ’ᨲᩥ

ᨲᩮᨶᩣᩉᩩ?-

ᨻᩉᩩᩔᩩᨲᩮᩣ ᨧᩥᨲᩕᨠᨳᩦ ᨶᩥᨸᩩᨱᩮᩣ ᨧ ᩅᩥᩈᩣᩁᨴᩮᩣ,

ᩈᩣᨾᨿᩥᨠᩮᩣ ᨧ ᨠᩩᩈᩃᩮᩣ ᨸᨭᩥᨽᩣᨶᩮ ᨧ ᨠᩮᩣᩅᩥᨴᩮᩣ;

ᨲᩮᨸᩥ ᨲᩮᨸᩥᨭᨠᩣ ᨽᩥᨠ᩠ᨡᩪ ᨸᨬ᩠ᨧᨶᩮᨠᩣᨿᩥᨠᩣᨸᩥ ᨧ,

ᨧᨲᩩᨶᩮᨠᩣᨿᩥᨠᩣ ᨧᩮᩅ ᨶᩣᨣᩈᩮᨶᩴ ᨸᩩᩁᨠ᩠ᨡᩁᩩᩴ;

ᨣᨾ᩠ᨽᩦᩁᨸᨬ᩠ᨬᩮᩣ ᨾᩮᨵᩣᩅᩦ ᨾᨣ᩠ᨣᩣᨾᨣ᩠ᨣᩔ ᨠᩮᩣᩅᩥᨴᩮᩣ,

ᩏᨲ᩠ᨲᨾᨳᨾᨶᩩᨸ᩠ᨸᨲ᩠ᨲᩮᩣ ᨶᩣᨣᩈᩮᨶᩮᩣ ᩅᩥᩈᩣᩁᨴᩮᩣ;

ᨲᩮᩉᩥ ᨽᩥᨠ᩠ᨡᩪᩉᩥ ᨸᩁᩥᩅᩩᨲᩮᩣ ᨶᩥᨸᩩᨱᩮᩉᩥ ᩈᨧ᩠ᨧᩅᩣᨴᩥᨽᩦ,

ᨧᩁᨶ᩠ᨲᩮᩣ ᨣᩣᨾᨶᩥᨣᨾᩴ ᩈᩣᨣᩃᩴ ᩏᨸᩈᨦ᩠ᨠᨾᩦ;

ᩈᨦ᩠ᨡᩮᨿ᩠ᨿᨸᩁᩥᩅᩮᨱᩈ᩠ᨾᩥᩴ ᨶᩣᨣᩈᩮᨶᩮᩣ ᨲᨴᩣ ᩅᩈᩦ,

ᨠᨳᩮᨲᩥ ᩈᩮᩣ ᨾᨶᩩᩔᩮᩉᩥ ᨸᨻ᩠ᨻᨲᩮ ᨠᩮᩈᩁᩦ ᨿᨳᩣ’ᨲᩥ;

ᨧᩁᨱᩮᨶ ᨧᩮᩅ ᩈᨾ᩠ᨸᨶ᩠ᨶᩴ ᩈᩩᨴᨶ᩠ᨲᩴ ᩏᨲ᩠ᨲᨾᩮ ᨴᨾᩮ,

ᨴᩥᩈ᩠ᩅᩣ ᩁᩣᨩᩣ ᨶᩣᨣᩈᩮᨶᩴ ᩍᨴᩴ ᩅᨧᨶᨾᨻᩕᩅᩥ;

ᨠᨳᩥᨠᩣ ᨾᨿᩣ ᨻᩉᩪ ᨴᩥᨭ᩠ᨮᩣ ᩈᩣᨠᨧ᩠ᨨᩣ ᩒᩈᨭᩣ ᨻᩉᩪ,

ᨶ ᨲᩣᨴᩥᩈᩴ ᨽᨿᩴ ᩌᩈᩥ ᩋᨩ᩠ᨩᨲᩣᩈᩮᩣ ᨿᨳᩣ ᨾᨾ;

ᨶᩥᩔᩴᩈᨿᩴ ᨸᩁᩣᨩᨿᩮᩣ ᨾᨾ ᩋᨩ᩠ᨩ ᨽᩅᩥᩔᨲᩥ,

ᨩᨿᩮᩣ’ᩅ ᨶᩣᨣᩈᩮᨶᩔ ᨿᨳᩣ ᨧᩥᨲ᩠ᨲᩴ ᨶ ᩈᨱ᩠ᨮᩥᨲᨶ᩠ᨲᩥ;

ᨻᩣᩉᩥᩁᨣᩣᨳᩣ ¶

ᨿᨳᩣ ᩉᩥ ᩋᨦ᩠ᨣᩈᨾ᩠ᨽᩣᩁᩣ ᩉᩮᩣᨲᩥ ᩈᨴ᩠ᨴᩮᩣ ᩁᨳᩮᩣ ᩍᨲᩥ,

ᩑᩅᩴ ᨡᨵᩮᩈᩩ ᩈᨶ᩠ᨲᩮᩈᩩ ᩉᩮᩣᨲᩥ ᩈᨲ᩠ᨲᩮᩣᨲᩥ ᩈᨾ᩠ᨾᩩᨲᩥ;

ᩈᩦᩃᩮ ᨸᨲᩥᨭ᩠ᨮᩣᨿ ᨶᩁᩮᩣ ᩈᨸᨬᩮᨬᩣ ᨧᩥᨲ᩠ᨲᩴ ᨸᨬ᩠ᨬᨬ᩠ᨧ ᨽᩣᩅᨿᩴ,

ᩌᨲᩣᨸᩦ ᨶᩥᨸᨠᩮᩣ ᨽᩥᨠ᩠ᨡᩩ ᩈᩮᩣ ᩍᨾᩴ ᩅᩥᨩᨭᨿᩮ ᨩᨭᨶ᩠ᨲᩥ;

ᩋᨿᨾ᩠ᨸᨲᩥᨭ᩠ᨮᩣ ᨵᩁᨱᩦᩅ ᨸᩣᨱᩥᨶᩴ ᩍᨴᨬ᩠ᨧ ᨾᩪᩃᩴ ᨠᩩᩈᩃᩣᨽᩥᩅᩩᨴ᩠ᨵᩥᨿᩣ,

ᨾᩩᨡᨬ᩠ᨧᩥᨴᩴ ᩈᨻ᩠ᨻᨩᩥᨶᩣᨶᩩᩈᩣᩈᨶᩮ ᨿᩮᩣ ᩈᩪᩃᨠ᩠ᨡᨵᩮᩣ ᩅᩁᨸᩣᨲᩥᨾᩮᩣᨠ᩠ᨡᩥᨿᩮᩣ’ᨲᩥ;

ᩈᨴ᩠ᨵᩣᨿ ᨲᩁᨲᩦ ᩒᨥᩴ ᩋᨸ᩠ᨸᨾᩣᨴᩮᨶ ᩋᨱ᩠ᨱᩅᩴ,

ᩅᩦᩁᩥᨿᩮᨶ ᨴᩩᨠ᩠ᨡᩴ ᩋᨧ᩠ᨧᩮᨲᩥ ᨸᨬ᩠ᨬᩣᨿ ᨸᩁᩥᩈᩩᨩ᩠ᨫᨲᩥ;

ᨶᩣᨽᩥᨶᨴᩣᨾᩥ ᨾᩁᨱᩴ ᨶᩣᨽᩥᨶᨴᩣᨾᩥ ᨩᩦᩅᩥᨲᩴ,

ᨠᩣᩃᨬ᩠ᨧ ᨸᨭᩥᨠᨦ᩠ᨡᩣᨾᩥ ᨶᩥᨻ᩠ᨻᩥᩈᩴ ᨽᨲᨠᩮᩣ ᨿᨳᩣ;

ᨶᩣᨽᩥᨶᨴᩣᨾᩥ ᨾᩁᨱᩴ ᨶᩣᨽᩥᨶᨴᩣᨾᩥ ᨩᩦᩅᩥᨲᩴ,

ᨠᩣᩃᨬ᩠ᨧ ᨸᨭᩥᨠᨦ᩠ᨡᩣᨾᩥ ᩈᨾ᩠ᨸᨩᩣᨶᩮᩣ ᨸᨲᩥᩔᨲᩮᩣ;

ᨸᨭᩥᨣᨧ᩠ᨧᩮᩅ ᨲᩴ ᨠᨿᩥᩁᩣ ᨿᩴ ᨩᨬ᩠ᨬᩣ ᩉᩥᨲᨾᨲ᩠ᨲᨶᩮᩣ,

ᨶ ᩈᩣᨠᩣᨭᩥᨠᨧᩥᨶ᩠ᨲᩣᨿ ᨾᨶ᩠ᨲᩣ ᨵᩦᩁᩮᩣ ᨸᩁᨠ᩠ᨠᨾᩮ;

ᨿᨳᩣ ᩈᩣᨠᨭᩥᨠᩮᩣ ᨶᩣᨾ ᩈᨾᩴ ᩉᩥᩅᩣ ᨾᩉᩣᨸᨳᩴ,

ᩅᩥᩈᨾᩴ ᨾᨣ᩠ᨣᨾᩣᩁᩩᨿ᩠ᩉ ᩋᨠ᩠ᨡᨽᩥᨶ᩠ᨶᩮᩣ’ᩅ ᨵᩣᨿᨲᩥ;

ᩑᩅᩴ ᨵᨾ᩠ᨾᩣ ᩋᨸᨠ᩠ᨠᨾ᩠ᨾ ᩋᨵᨾ᩠ᨾᨾᨶᩩᩅᨲ᩠ᨲᩥᨿ,

ᨾᨴᩮᩣ ᨾᨧ᩠ᨧᩩᨾᩩᨡᨾ᩠ᨸᨲ᩠ᨲᩮᩣ ᩋᨠ᩠ᨡᨧ᩠ᨨᩥᨶ᩠ᨶᩮᩣ’ᩅ ᩈᩮᩣᨧᨲᩥ;

ᩋᩃ᩠ᩃᩅᨾ᩠ᨾᨸᨭᩥᨧ᩠ᨨᨶ᩠ᨶᩮᩣ ᨶᩅᨴ᩠ᩅᩣᩁᩮᩣ ᨾᩉᩣᩅᨱᩮᩣ,

ᩈᨾᨶ᩠ᨲᨲᩮᩣ ᨸᨣ᩠ᨥᩁᨲᩥ ᩋᩈᩩᨧᩥ ᨸᩪᨲᩥᨣᨵᩥᨿᩮᩣ’ᨲᩥ;

ᨾᩥᩃᩥᨴᨸᨬ᩠ᩉᩮ ᨮᩥᨲᩣ ᨻᩣᩅᩦᩈᨲᩥ ᨣᩣᨳᩣ ᩈᨾᨲ᩠ᨲᩣ.

ᨽᩔᨸ᩠ᨸᩅᩮᨴᩦ ᩅᩮᨲᨱ᩠ᨯᩦ ᩋᨲᩥᨻᩩᨴ᩠ᨵᩥᩅᩥᨧᨠ᩠ᨡᨱᩮᩣ,

ᨾᩥᩃᩥᨴᩮᩣ ᨬᩣᨱᨽᩮᨴᩣᨿ ᨶᩣᨣᩈᩮᨶᨾᩩᨸᩣᨣᨾᩦ;

ᩅᩈᨶ᩠ᨲᩮᩣ ᨲᩔ ᨨᩣᨿᩣᨿ ᨸᩁᩥᨸᩩᨧ᩠ᨨᨶ᩠ᨲᩮᩣ ᨸᩩᨶᨸ᩠ᨸᩩᨶᩴ,

ᨸᨽᩥᨶ᩠ᨶᨻᩩᨴ᩠ᨵᩥ ᩉᩩᩅᩣᨶ ᩈᩮᩣ’ᨸᩥ ᩌᩈᩥ ᨲᩥᨸᩮᨭᨠᩮᩣ;

ᨶᩅᨦ᩠ᨣᩴ ᩋᨶᩩᨾᨩ᩠ᨩᨶ᩠ᨲᩮᩣ ᩁᨲ᩠ᨲᩥᨽᩣᨣᩮ ᩁᩉᩮᩣᨣᨲᩮᩣ,

ᩋᨴ᩠ᨴᨠ᩠ᨡᩥ ᨾᩮᨱ᩠ᨯᨠᩮ ᨸᨬ᩠ᩉᩮ ᨴᩩᨶ᩠ᨶᩥᩅᩮᨮᩮ ᩈᨶᩥᨣ᩠ᨣᩉᩮ;

ᨸᩁᩥᨿᩣᨿᨽᩣᩈᩥᨲᩴ ᩋᨳᩥ ᩋᨳᩥ ᩈᨵᩣᨿ ᨽᩣᩈᩥᨲᩴ,

ᩈᨽᩣᩅᨽᩣᩈᩥᨲᩴ ᩋᨳᩥ ᨵᨾ᩠ᨾᩁᩣᨩᩔ ᩈᩣᩈᨶᩮ;

ᨲᩮᩈᩴ ¶ ᩋᨳᨾᩅᩥᨬ᩠ᨬᩣᨿ ᨾᩮᨱ᩠ᨯᨠᩮ ᨩᩥᨶᨽᩣᩈᩥᨲᩮ,

ᩋᨶᩣᨣᨲᨾ᩠ᩉᩥ ᩋᨴ᩠ᨵᩣᨶᩮᩅᩥᨣ᩠ᨣᩉᩮᩣ ᨲᨳ ᩉᩮᩔᨲᩥ;

ᩉᨴ ᨠᨳᩥᨾ᩠ᨸᩈᩣᨴᩮᨲ᩠ᩅᩣ ᨨᩮᨩ᩠ᨩᩣᨸᩮᩔᩣᨾᩥ ᨾᩮᨱ᩠ᨯᨠᩮ,

ᨲᩔ ᨶᩥᨴ᩠ᨴᩥᨭ᩠ᨮᨾᨣ᩠ᨣᩮᨶ ᨶᩥᨴ᩠ᨴᩥᩈᩥᩔᨶ᩠ᨲ᩠ᨿᨶᩣᨣᨲᩮ;

ᩅᩥᩈᨾᩴ ᩈᨽᨿᩴ ᩋᨲᩥᩅᩣᨲᩮᩣ ᨸᨭᩥᨧ᩠ᨨᨶ᩠ᨶᩴ ᨴᩮᩅᨶᩥᩔᩥᨲᩴ,

ᨸᨳᩮᩣ ᨧ ᩈᨦ᩠ᨠᨾᩮᩣ ᨲᩥᨳᩴ ᩋᨭ᩠ᨮᩮᨲᩮ ᨸᩁᩥᩅᨩ᩠ᨩᩥᨿᩣ;

ᩁᨲ᩠ᨲᩮᩣ ᨴᩩᨭ᩠ᨮᩮᩣ ᨧ ᨾᩪᩊ᩠ᩉᩮᩣ ᨧ ᨾᩣᨶᩦ ᩃᩩᨴ᩠ᨵᩮᩣ ᨲᨳᩣ’ᩃᩈᩮᩣ,

ᩑᨠᨧᩥᨶ᩠ᨲᩦ ᨧ ᨻᩣᩃᩮᩣ ᨧ ᩑᨲᩮ ᩋᨳᩅᩥᨶᩣᩈᨠᩣ;

ᩁᨲ᩠ᨲᩮᩣ ᨴᩩᨭ᩠ᨮᩮᩣ ᨧ ᨾᩪᩊ᩠ᩉᩮᩣ ᨧ ᨽᩦᩁᩩ ᩌᨾᩥᩈᨧᨠ᩠ᨡᩩᨠᩮᩣ,

ᩍᨳᩥ ᩈᩮᩣᨱ᩠ᨯᩮᩣ ᨸᨱ᩠ᨯᨠᩮᩣ ᨧ ᨶᩅᨾᩮᩣ ᨽᩅᨲᩥ ᨴᩣᩁᨠᩮᩣ;

ᨶᩅᩮᨲᩮ ᨸᩩᨣ᩠ᨣᩃᩣ ᩃᩮᩣᨠᩮ ᩍᨲ᩠ᨲᩁᩣ ᨧᩃᩥᨲᩣ ᨧᩃᩣ,

ᩑᨲᩮᩉᩥ ᨾᨶ᩠ᨲᩥᨲᩴ ᨣᩩᨿ᩠ᩉᩴ ᨡᩥᨸ᩠ᨸᩴ ᨽᩅᨲᩥ ᨸᩣᨠᨭᩴ;

ᩅᩈᩮᨶ ᨿᩈᨸᩩᨧ᩠ᨨᩣᩉᩥ ᨲᩥᨳᩅᩣᩈᩮᨶ ᨿᩮᩣᨶᩥᩈᩮᩣ,

ᩈᩣᨠᨧ᩠ᨨᩣ ᩈ᩠ᨶᩮᩉᩈᩴᩈᩮᩅᩣ ᨸᨲᩥᩁᩪᨸᩅᩈᩮᨶ ᨧ

ᩑᨲᩣᨶᩥ ᩋᨭ᩠ᨮ ᨮᩣᨶᩣᨶᩥ ᨻᩩᨴ᩠ᨵᩥᩅᩥᩈᨴᨠᩣᩁᨠᩣ,

ᨿᩮᩈᩴ ᩑᨲᩣᨶᩥ ᩈᨾ᩠ᩉᩮᩣᨶ᩠ᨲᩥ ᨲᩮᩈᩴ ᨻᩩᨴ᩠ᨵᩥ ᨸᨽᩥᨩ᩠ᨩᨲᩥ;

ᨸᩪᨩᩦᨿᨶ᩠ᨲᩣ ᩋᩈᨾᩈᨾᩣ ᩈᨴᩮᩅᨾᩣᨶᩩᩈᩮᩉᩥ ᨲᩮ,

ᨶ ᩈᩣᨴᩥᨿᨶ᩠ᨲᩥ ᩈᨠ᩠ᨠᩣᩁᩴ ᨻᩩᨴ᩠ᨵᩣᨶᩴ ᩑᩈ ᨵᨾ᩠ᨾᨲᩣ’ᨲᩥ

ᩋᨿᩴ ᨣᩣᨳᩣ ᩈᩣᩁᩥᨸᩩᨲ᩠ᨲᨳᩮᩁᩮᨶ ᩅᩩᨲ᩠ᨲᩣ.

ᩍᨾᩮᩉᩥ ᩋᨭ᩠ᨮᩥᩉᩥ ᨲᨾᨣ᩠ᨣᨸᩩᨣ᩠ᨣᩃᩴ

ᨴᩮᩅᩣᨲᩥᨴᩮᩅᩴ ᨶᩁᨴᨾ᩠ᨾᩈᩣᩁᨳᩥᩴ,

ᩈᨾᨶ᩠ᨲᨧᨠ᩠ᨡᩩᩴ ᩈᨲᨸᩩᨬ᩠ᨬᩃᨠ᩠ᨡᨱᩴ

ᨸᩣᨱᩮᩉᩥ ᨻᩩᨴ᩠ᨵᩴ ᩈᩁᨱᩴ ᨣᨲᩮᩣ’ᩈ᩠ᨾᩥ;

ᨩᩣᩃᩥᩴᨠᨱ᩠ᩉᩣᨩᩥᨶᩴ ᨵᩦᨲᩴ ᨾᨴ᩠ᨴᩥᨴᩮᩅᩥᩴ ᨸᨲᩥᨻ᩠ᨻᨲᩴ,

ᨧᨩᨾᩣᨶᩮᩣ ᨶᨧᩥᨶ᩠ᨲᩮᩈᩥᩴ ᨻᩮᩣᨵᩥᨿᩣᨿᩮᩅ ᨠᩣᩁᨱᩣ; (ᨩᩣᨲᨠᨣᩣᨳᩣ)

ᨶ ᩋᨶ᩠ᨲᩃᩥᨠ᩠ᨡᩮ ᨶ ᩈᨾᩩᨴ᩠ᨴᨾᨩ᩠ᨫᩮ

ᨶ ᨸᨻ᩠ᨻᨲᩣᨶᩴ ᩅᩥᩅᩁᩴ ᨸᩅᩥᩔ,

ᨶ ᩅᩥᨩ᩠ᨩᨲᩥ ᩈᩮᩣ ᨩᨣᨲᩥᨸ᩠ᨸᨴᩮᩈᩮᩣ

ᨿᨳᨭ᩠ᨮᩥᨲᩴ ᨶᨸ᩠ᨸᩈᩉᩮᨿ᩠ᨿ ᨾᨧ᩠ᨧᩩ;

ᨠᩣᨿᩮᨶ ¶ ᩈᩴᩅᩁᩮᩣ ᩈᩣᨵᩩ ᩈᩣᨵᩩᩅᩣᨧᩣᨿ ᩈᩴᩅᩁᩮᩣ,

ᨾᨶᩈᩣ ᩈᩴᩅᩁᩮᩣ ᩈᩣᨵᩩ ᩈᩣᨵᩩ ᩈᨻ᩠ᨻᨳᩈᩴᩅᩁᩮᩣ;

ᩋᨧᩮᨲᨶᩴ ᨻᩕᩣᩉ᩠ᨾᨱ ᩋᩔᩩᨱᨶ᩠ᨲᩴ

ᨩᩣᨶᩴ ᩋᨩᩣᨶᨶ᩠ᨲᨾᩥᨾᩴ ᨸᩃᩣᩈᩴ,

ᩌᩁᨴ᩠ᨵᩅᩦᩁᩥᨿᩮᩣ ᨵᩩᩅᨾᨸ᩠ᨸᨾᨲ᩠ᨲᩮᩣ

ᩈᩩᨡᩈᩮᨿ᩠ᨿᩴ ᨸᩩᨧ᩠ᨨᩈᩥ ᨠᩥᩔ ᩉᩮᨲᩩ’ᨲᩥ; (ᨩᩣᨲᨠᨣᩣᨳᩣ)

ᩍᨲᩥ ᨹᨴᨶ ᩁᩩᨠ᩠ᨡᩮᩣ’ᨸᩥ ᨲᩣᩅᨴᩮ ᩋᨩ᩠ᨫᨽᩣᩈᨳ,

ᨾᨿ᩠ᩉᨾ᩠ᨸᩥ ᩅᨧᨶᩴ ᩋᨳᩥ ᨽᩣᨩᨴ᩠ᩅᩣᨩ ᩈᩩᨱᩮᩣᩉᩥ ᨾᩮ’ᨲᩥ; (ᨩᩣᨲᨠᨣᩣᨳᩣ)

ᨧᩩᨴᩔ ᨽᨲ᩠ᨲᩴ ᨽᩩᨬ᩠ᨩᩥᩅᩣ ᨠᨾ᩠ᨾᩣᩁᩔᩣ’ᨲᩥ ᨾᩮ ᩈᩩᨲᩴ,

ᩌᨻᩣᨵᩴ ᩈᨾ᩠ᨹᩩᩈᩦ ᨵᩦᩁᩮᩣ ᨸᨻᩣᩊ᩠ᩉᩴ ᨾᩣᩁᨱᨶ᩠ᨲᩥᨠᨲ᩠ᨲᩥ

ᩈᨳᩅᩣᨲᩮᩣ ᨽᨿᩴ ᨩᩣᨲᩴ ᨶᩥᨠᩮᨲᩣ ᨩᩣᨿᨲᩦ ᩁᨩᩮᩣ,

ᩋᨶᩥᨠᩮᨲᨾᩈᨳᩅᩴ ᩑᨲᩴ ᩅᩮ ᨾᩩᨶᩥᨴᩔᨶᨶ᩠ᨲᩥ; (ᨩᩥᨶᨽᩣᩈᩥᨲᩣ ᨾᩥᨶᩥᨴᩮᨶ ᩅᩩᨲ᩠ᨲᩣ)

ᩈᩈᨾᩩᨴ᩠ᨴᨸᩁᩥᨿᩣᨿᩴ ᨾᩉᩥᩴ ᩈᩣᨣᩁᨠᩩᨱ᩠ᨯᩃᩴ,

ᨶ ᩍᨧ᩠ᨨᩮ ᩈᩉ ᨶᩥᨴᩣᨿ ᩑᩅᩴ ᩈᨿ᩠ᩉ ᩅᩥᨩᩣᨶᩉᩦᨲᩥ; (ᨩᩣᨲᨠᨣᩣᨳᩣ ᩃᩮᩣᨾᨠᩔᨸᩮᨶ ᩅᩩᨲ᩠ᨲᩣ)

ᩅᨵᩥᩔᨾᩮᨲᨶ᩠ᨲᩥ ᨸᩁᩣᨾᩈᨶ᩠ᨲᩮᩣ

ᨠᩣᩈᩣᩅᨾᨴ᩠ᨴᨠ᩠ᨡᩥ ᨵᨩᩴ ᩍᩈᩦᨶᩴ,

ᨴᩩᨠ᩠ᨡᩮᨶ ᨹᩩᨭ᩠ᨮᩔᩩᨴᨸᩣᨴᩥ ᩈᨬ᩠ᨬᩣ

ᩋᩁᩉᨴ᩠ᨵᨩᩮᩣ ᩈᨻ᩠ᨽᩥ ᩋᩅᨩ᩠ᨫᩁᩪᨸᩮᩣ’ᨲᩥ; (ᨩᩣᨲᨠᨣᩣᨳᩣ ᨨᨴ᩠ᨴᨶ᩠ᨲᨶᩣᨣᩁᩣᨩᩮᨶ ᩅᩩᨲ᩠ᨲᩣ)

ᨣᩣᨳᩣᨽᩥᨣᩦᨲᨾ᩠ᨾᩮ ᩋᨽᩮᩣᨩᨶᩮᨿ᩠ᨿᩴ

ᩈᨾ᩠ᨸᩔᨲᩴ ᨻᩕᩣᩉ᩠ᨾᨱ ᨶᩮᩈ ᨵᨾ᩠ᨾᩮᩣ,

ᨣᩣᨳᩣᨽᩥᨣᩦᨲᩴ ᨸᨶᩩᨴᨶ᩠ᨲᩥ ᨻᩩᨴ᩠ᨵᩣ

ᨵᨾ᩠ᨾᩮ ᩈᨲᩥ ᨻᩕᩣᩉ᩠ᨾᨱ ᩅᩩᨲ᩠ᨲᩥᩁᩮᩈᩣ; (ᩈᩩᨲ᩠ᨲᩣᨶᩥᨸᩣᨲᨣᩣᨳᩣ ᨩᩥᨶᨽᩣᩈᩥᨲᩣ)

ᨶ ᨾᩮ ᩌᨧᩁᩥᨿᩮᩣ ᩋᨳ ᩈᨴᩥᩈᩮᩣ ᨾᩮ ᨶ ᩅᩥᨩ᩠ᨩᨲᩥ,

ᩈᨴᩮᩅᨠᩈ᩠ᨾᩥᩴ ᩃᩮᩣᨠᩈ᩠ᨾᩥᩴ ᨶᨳᩥ ᨾᩮ ᨸᨭᩥᨸᩩᨣ᩠ᨣᩃᩮᩣ’ᨲᩥ; (ᨡᨵᨠᨣᩣᨳᩣ ᨩᩥᨶᨽᩣᩈᩥᨲᩣ)

ᩅᩥᨸᩩᩃᩮᩣ ¶ ᩁᩣᨩᨣᩉᩥᨠᩣᨶᩴ ᨣᩥᩁᩥᩈᩮᨭ᩠ᨮᩮᩣ ᨸᩅᩩᨧ᩠ᨧᨲᩥ,

ᩈᩮᨲᩮᩣ ᩉᩥᨾᩅᨲᩴ ᩈᩮᨭ᩠ᨮᩮᩣ ᩌᨴᩥᨧ᩠ᨧᩮᩣ ᩋᨥᨣᩣᨾᩥᨶᩴ;

ᩈᨾᩩᨴ᩠ᨴᩮᩣ’ᨴᨵᩥᨶᩴ ᩈᩮᨭ᩠ᨮᩮᩣ ᨶᨠ᩠ᨡᨲ᩠ᨲᩣᨶᨬ᩠ᨧ ᨧᨴᩥᨾᩣ,

ᩈᨴᩮᩅᨠᩔ ᩃᩮᩣᨠᩔ ᨻᩩᨴ᩠ᨵᩮᩣ ᩋᨣ᩠ᨣᩮᩣ ᨸᩅᩩᨧ᩠ᨧᨲᩦᨲᩥ;

(ᨴ᩠ᩅᩮ ᨣᩣᨳᩣ ᨾᩣᨱᩅᨠᨴᩮᩅᨸᩩᨲ᩠ᨲᩮᨶ ᩅᩩᨲ᩠ᨲᩣ ᨶᩣᨣᩈᩮᨶᨳᩮᩁᩮᨶ ᩅᩩᨲ᩠ᨲᩣ)

ᩑᨠᩮᩣ ᨾᨶᩮᩣᨸᩈᩣᨴᩮᩣ ᩈᩁᨱᨣᨾᨶᩴ ᩋᨬ᩠ᨩᩃᩥᨸ᩠ᨸᨱᩣᨾᩮᩣ ᩅᩣ,

ᩏᩔᩉᨲᩮ ᨲᩣᩁᨿᩥᨲᩩᩴ ᨾᩣᩁᨻᩃᨶᩥᩈᩪᨴᨶᩮ ᨻᩩᨴ᩠ᨵᩮ’ᨲᩥ; (ᩋᨿᩴ ᨣᩣᨳᩣ ᩈᩣᩁᩥᨸᩩᨲ᩠ᨲᨳᩮᩁᩮᨶᩣᨽᨲᩣ)

ᩌᩁᩉᨳ ᨶᩥᨠ᩠ᨡᨾᨳ ᨿᩩᨩ᩠ᨩᨳ ᨻᩩᨴ᩠ᨵᩈᩣᩈᨶᩮ,

ᨵᩩᨶᩣᨳ ᨾᨧ᩠ᨧᩩᨶᩮᩣ ᩈᩮᨶᩴ ᨶᩊᩣᨣᩣᩁᩴ’ᩅ ᨠᩩᨬ᩠ᨩᩁᩮᩣ’ᨲᩥ; (ᨩᩥᨶᨽᩣᩈᩥᨲᩣ ᨾᩥᩃᩥᨴᩮᨶ ᩅᩩᨲ᩠ᨲᩣ)

ᨿᩮᩣ ᩈᩦᩃ ᩅᩣ ᨴᩩᩔᩦᩃᩮᩈᩩ ᨴᨴᩣᨲᩥ ᨴᩣᨶᩴ

ᨵᨾ᩠ᨾᩮᨶ ᩃᨴ᩠ᨵᩴ ᩈᩩᨸᩈᨶ᩠ᨶ ᨧᩥᨲ᩠ᨲᩮᩣ,

ᩋᨽᩥᩈᨴ᩠ᨴᩉᩴ ᨠᨾ᩠ᨾᨹᩃᩴ ᩏᩃᩣᩁᩴ

ᨲᩴ ᩅᩮ ᨴᩣᨶᩴ ᨴᩣᨿᨠᨲᩮᩣ ᩅᩥᩈᩩᨩ᩠ᨫᨲᩦ’ᨲᩥ; (ᩋᨿᩴ ᨶᩣᨣᩈᩮᨶᩮᨶ ᩌᨽᨲᩣ)

ᨶ ᨾᩮ ᨴᩮᩔᩣ ᩏᨽᩮᩣ ᨸᩩᨲ᩠ᨲᩣ ᨾᨴ᩠ᨴᩦ ᨴᩮᩅᩦ ᨶ ᩋᨸ᩠ᨸᩥᨿᩣ,

ᩈᨻ᩠ᨻᨬ᩠ᨬᩩᨲᩴ ᨸᩥᨿᩴ ᨾᨿ᩠ᩉᩴ ᨲᩈ᩠ᨾᩣ ᨸᩥᨿᩮ ᩋᨴᩣᩈᩉᨶ᩠ᨲᩥ;

ᩈᩉᩔᨣ᩠ᨥᨬ᩠ᩉᩥ ᨾᩴ ᨲᩣᨲᩮᩣ ᨻᩕᩣᩉ᩠ᨾᨱᩔ ᨸᩥᨲᩣ ᩋᨴᩣ,

ᩋᨳᩮᩣ ᨠᨱ᩠ᩉᩣᨩᩥᨶᩴ ᨠᨬ᩠ᨬᩴ ᩉᨳᩥᨶᨬ᩠ᨧ ᩈᨲᩮᨶ ᨧᩣ’ᨲᩥ;

ᨩᩥᨣᨧ᩠ᨨᩣᨿ ᨸᩥᨸᩣᩈᩣᨿ ᩋᩉᩥᨶᩣ ᨴᨭ᩠ᨮᩮᩣ ᩅᩥᩈᩮᨶ ᨧ,

ᩋᨣ᩠ᨣᩥ ᩏᨴᨠ ᩈᨲ᩠ᨲᩦᩉᩥ ᩋᨠᩣᩃᩮ ᨲᨳ ᨾᩥᨿ᩠ᨿᨲᩥ;

ᩋᨶᩩᨾᩣᨶᨸᨬ᩠ᩉᩮ ᩅᩩᨧ᩠ᨧᨾᩣᨶᩣ ᩍᨾᩣ ᨣᩣᨳᩣ ᩈᩃ᩠ᩃᨠ᩠ᨡᩮᨲᨻ᩠ᨻᩣ?

ᨻᩉᩩ ᨩᨶᩮ ᨲᩣᩁᨿᩥᩅᩣ ᨶᩥᨻ᩠ᨻᩩᨲᩮᩣ ᩏᨸᨵᩥᨠ᩠ᨡᨿᩮ,

ᩋᨶᩩᨾᩣᨶᩮᨶᨬᩣᨲᨻ᩠ᨻᩴ’ᩋᨳᩥ ᩈᩮᩣ ᨴᩦᨸᨴᩩᨲ᩠ᨲᨾᩮᩣ’ᨲᩥ;

ᨠᨾ᩠ᨾᨾᩪᩃᩴ ᨣᩉᩮᨲ᩠ᩅᩣᨶ ᩌᨸᨱᩴ ᩏᨸᨣᨧ᩠ᨨᨳ,

ᩌᩁᨾ᩠ᨾᨱᩴ ᨠᩥᨱᩥᩅᩣᨶ ᨲᨲᩮᩣ ᨾᩩᨧ᩠ᨧᨳ ᨾᩩᨲ᩠ᨲᩥᨿᩣᨲᩥ;

ᨶ ᨸᩩᨸ᩠ᨹᨣᨵᩮᩣ ᨸᨭᩥᩅᩣᨲᨾᩮᨲᩥ ᨶ ᨧᨴᨶᩴ ᨲᨣᩁᨾᩃ᩠ᩃᩥᨠᩣ ᩅᩣ,

ᩈᨲᨬ᩠ᨧ ᨣᨵᩮᩣ ᨸᨭᩥᩅᩣᨲᨾᩮᨲᩥ ᩈᨻ᩠ᨻᩣ ᨴᩥᩈᩣᩈᨸ᩠ᨸᩩᩁᩥᩈᩮᩣ ᨸᩅᩣᨲᩥ;

ᨧᨴᨶᩴ ¶ ᨲᨣᩁᩴ ᩅᩣᨸᩥ ᩏᨸ᩠ᨸᩃᩴ ᩋᨳ ᩅᩔᩥᨠᩦ,

ᩑᨲᩮᩈᩴ ᨣᨵᨩᩣᨲᩣᨶᩴ ᩈᩦᩃᨣᨵᩮᩣ ᩋᨶᩩᨲ᩠ᨲᩁᩮᩣ;

ᩋᨸ᩠ᨸᨾᨲ᩠ᨲᩮᩣ ᩋᨿ ᨣᨵᩮᩣ ᨿᩅᩣᨿᩴ ᨶᨣᩁᨧᨴᨶᩦ,

ᨿᩮᩣ ᨧ ᩈᩦᩃᩅᨲᩴ ᨣᨵᩮᩣ ᩅᩣᨲ ᨴᩮᩅᩮᩈᩩ ᩏᨲ᩠ᨲᨾᩮᩣ’ᨲᩥ;

ᨠᨾ᩠ᨾᨾᩪᩃᩴ ᨩᨶᩣ ᨴᩅᩣ ᨣᨱ᩠ᩉᨶ᩠ᨲᩥ ᩋᨾᨲᩴ ᨹᩃᩴ,

ᨲᩮᨶ ᨲᩮ ᩈᩩᨡᩥᨲᩣ ᩉᩮᩣᨶ᩠ᨲᩥ ᨿᩮ ᨠᩦᨲᩣ ᩋᨾᨲᩴ ᨹᩃᨶ᩠ᨲᩥ;

ᨿᩮ ᨠᩮᨧᩥ ᩃᩮᩣᨠᩮ ᩋᨣᨴᩣ ᩅᩥᩈᩣᨶᩴ ᨸᨭᩥᨻᩣᩉᨠᩣ,

ᨵᨾ᩠ᨾᩣᨣᨴᩈᨾᩴ ᨶᨳᩥ ᩑᨲᩴ ᨸᩥᩅᨳ ᨽᩥᨠ᩠ᨡᩅᩮᩣ’ᨲᩥ;

ᨿᩮ ᨠᩮᨧᩥ ᩒᩈᨵᩣ ᩃᩮᩣᨠᩮ ᩅᩥᨩ᩠ᨩᨶ᩠ᨲᩥ ᩅᩥᩅᩥᨵᩣ ᨻᩉᩪ,

ᨵᨾ᩠ᨾᩮᩣᩈᨵ ᩈᨾᩴ ᨶᨳᩥ ᩑᨲᩴ ᨸᩥᩅᨳ ᨽᩥᨠ᩠ᨡᩅᩮᩣ’ᨲᩥ;

ᨵᨾ᩠ᨾᩮᩣᩈᨵᩴ ᨸᩥᩅᩥᩅᩣᨶ ᩋᨩᩁᩣᨾᩁᨱᩣ ᩈᩥᨿᩩᩴ,

ᨽᩣᩅᨿᩥᩅᩣ ᨧ ᨸᩔᩥᩅᩣ ᨶᩥᨻ᩠ᨻᩩᨲᩣ ᩏᨸᨵᩥᨠ᩠ᨡᨿᩮ’ᨲᩥ;

ᨻ᩠ᨿᩣᨵᩥᨲᩴ ᨩᨶᨲᩴ ᨴᩥᩈ᩠ᩅᩣ ᩋᨾᨲᩣᨸᨱᩴ ᨸᩈᩣᩁᨿᩦ,

ᨠᨾ᩠ᨾᩮᨶ ᨲᩴ ᨠᩥᨱᩥᩅᩣᨶ ᩋᨾᨲᨾᩣᨴᩮᨳ ᨽᩥᨠ᩠ᨡᩅᩮᩣ’ᨲᩥ;

ᩑᩅᩁᩪᨸᩣᨶᩥ ᩈᩦᩃᩣᨶᩥᩈᨶ᩠ᨲᩥ ᨻᩩᨴ᩠ᨵᩔ ᩌᨸᨱᩮ,

ᨠᨾ᩠ᨾᩮᨶ ᨲᩴ ᨠᩥᨱᩥᩅᩣᨶ ᩁᨲᨶᩴ ᩅᩮᩣ ᨸᩥᩃᨵᨳᩣ’ᨲᩥ;

ᩈᨾᩣᨵᩥᩁᨲᨶᨾᩣᩃᩔ ᨠᩩᩅᩥᨲᨠ᩠ᨠᩣ ᨶ ᨩᩣᨿᩁᩮ,

ᨶ ᨧ ᩅᩥᨠ᩠ᨡᩥᨸ᩠ᨸᨲᩮ ᨧᩥᨲ᩠ᨲᩴ ᩑᨲᩴ ᨲᩩᨾ᩠ᩉᩮ ᨸᩥᩃᨵᨳᩣ’ᨲᩥ;

ᨸᨬ᩠ᨬᩣᩁᨲᨶᨾᩣᩃᩔ ᨶ ᨧᩥᩁᩴ ᩅᨲ᩠ᨲᨲᩮ ᨽᩅᩮᩣ,

ᨡᩥᨸ᩠ᨸᩴ ᨹᩔᩮᨲᩥ ᩋᨾᨲᩴ ᨶ ᨧ ᩈᩮᩣ ᩁᩮᩣᨧᨲᩮ ᨽᩅᩮ’ᨲᩥ;

ᨾᨱᩥᨾᩣᩃᩣᨵᩁᩴ ᨣᩮᩉᨩᨶᩮᩣ ᩈᩣᨾᩥᩴ ᩏᨴᩥᨠ᩠ᨡᨲᩥ,

ᩅᩥᨾᩩᨲ᩠ᨲᩥᩁᨲᨶᨾᩣᩃᨶ᩠ᨲᩩ ᩏᨴᩥᨠ᩠ᨡᨶ᩠ᨲᩥ ᩈᨴᩮᩅᨠᩣ’ᨲᩥ;

ᨿᩮᨶ ᨬᩣᨱᩮᨶ ᨻᩩᨩ᩠ᨫᨶ᩠ᨲᩥ ᩋᩁᩥᨿᩣ ᨠᨲᨠᩥᨧ᩠ᨧᨲᩴ,

ᨲᩴ ᨬᩣᨱᩁᨲᨶᩴ ᩃᨴ᩠ᨵᩩᩴ ᩅᩣᨿᨾᩮᨳ ᨩᩥᨶᩮᩣᩁᩈᩣ’ᨲᩥ;

ᨸᨭᩥᩈᨾ᩠ᨽᩥᨴᩣ ᨠᩥᨱᩥᩅᩣᨶᨬᩣᨱᩮᨶ ᨹᩔᨿᩮᨿ᩠ᨿ ᨿᩮᩣ,

ᩋᩈᨾ᩠ᨽᩦᨲᩮᩣ ᩋᨶᩩᨻ᩠ᨻᩥᨣ᩠ᨣᩮᩣ ᩋᨲᩥᩁᩮᩣᨧᨲᩥ ᩈᨴᩮᩅᨠᩮ’ᨲᩥ;

ᨻᩮᩣᨩ᩠ᨫᨦ᩠ᨣᩁᨲᨶᨾᩣᩃᩔ ᩏᨴᩥᨠ᩠ᨡᨶ᩠ᨲᩥ ᩈᨴᩮᩅᨠᩣ,

ᨠᨾ᩠ᨾᩮᨶ ᨲᩴ ᨠᩥᨱᩥᩅᩣᨶ ᩁᨲᨶᩴ ᩅᩮᩣ ᨸᩥᩃᨵᨳᩣ’ᨲᩥ;

ᩌᨿᩩ ¶ ᩌᩁᩮᩣᨣᨲᩣ ᩅᨱ᩠ᨱᩴ ᩈᨣ᩠ᨣᩴ ᩏᨧ᩠ᨧᩣᨠᩩᩃᩦᨶᨲᩣ,

ᩋᩈᨦ᩠ᨡᨲᨬ᩠ᨧ ᩋᨾᨲᩴ ᩋᨳᩥ ᩈᨻ᩠ᨻᩣᨸᨱᩮ ᨩᩥᨶᩮ;

ᩋᨸ᩠ᨸᩮᨶ ᨻᩉᩩᨠᩮᨶᩣᨸᩥ ᨠᨾ᩠ᨾᨾᩪᩃᩮᨶ ᨣᨿ᩠ᩉᨲᩥ,

ᨠᩥᨱᩥᩅᩣ ᩈᨴ᩠ᨵᩣᨾᩪᩃᩮᨶ ᩈᨾᩥᨴ᩠ᨵᩣ ᩉᩮᩣᨳ ᨽᩥᨠ᩠ᨡᩅᩮᩣ;

ᨽᩅᨲᩦᩉ-

ᩅᩦᨲᩁᩣᨣᩣ ᩅᩦᨲᨴᩮᩣᩈᩣ ᩅᩦᨲᨾᩮᩣᩉᩣ ᩋᨶᩣᩈᩅᩣ,

ᩅᩦᨲᨲᨱ᩠ᩉᩣ ᩋᨶᩣᨴᩣᨶᩣ ᨵᨾ᩠ᨾᨶᨣᩁᩮ ᩅᩈᨶ᩠ᨲᩥ ᨲᩮ;

ᩌᩁᨬ᩠ᨬᨠᩣ ᨵᩪᨲᨵᩁᩣ ᨵᩣᨿᩥᨶᩮᩣ ᩃᩪᨡᨧᩦᩅᩁᩣ,

ᩅᩥᩅᩮᨠᩣᨽᩥᩁᨲᩣ ᨵᩦᩁᩣ ᨵᨾ᩠ᨾᨶᨣᩁᩮ ᩅᩈᨶ᩠ᨲᩥ ᨲᩮ’ᨲᩥ;

ᨶᩮᩈᨩ᩠ᨩᩥᨠᩣ ᩈᨳᨲᩥᨠᩣ ᩋᨳᩮᩣ’ᨸᩥ ᨮᩣᨶᩅᨦ᩠ᨠᨾᩣ,

ᨸᩴᩈᩩᨠᩪᩃᨵᩁᩣ ᩈᨻ᩠ᨻᩮ ᨵᨾ᩠ᨾᨶᨣᩁᩮ ᩅᩈᨶ᩠ᨲᩥ ᨲᩮ;

ᨲᩥᨧᩦᩅᩁᨵᩁᩣ ᩈᨻ᩠ᨻᩮ ᨧᨾ᩠ᨾᨡᨱ᩠ᨯᨧᨲᩩᨳᨠᩣ,

ᩁᨲᩣ ᩑᨠᩣᩈᨶᩮ ᩅᩥᨬ᩠ᨬᩩ ᨵᨾ᩠ᨾᨶᨣᩁᩮ ᩅᩈᨶ᩠ᨲᩥ ᨲᩮ;

ᩋᨸ᩠ᨸᩥᨧ᩠ᨨᩣ ᨶᩥᨸᨠᩣ ᨵᩦᩁᩣ ᩋᨸ᩠ᨸᩣᩉᩣᩁᩣ ᩋᩃᩮᩣᩃᩩᨸᩣ,

ᩃᩣᨽᩣᩃᩣᨽᩮᨶ ᩈᨶ᩠ᨲᩩᨭ᩠ᨮᩣ ᨵᨾ᩠ᨾᨶᨣᩁᩮ ᩅᩈᨶ᩠ᨲᩥ ᨲᩮ;

ᨵᩣᨿᩦ ᨵᩣᨶᩁᨲᩣ ᨵᩦᩁᩣ ᩈᨶ᩠ᨲᨧᩥᨲ᩠ᨲᩣ ᩈᨾᩣᩉᩥᨲᩣ,

ᩌᨠᩥᨬ᩠ᨧᨬ᩠ᨬᩴ ᨸᨳᨿᩣᨶᩣ ᨵᨾ᩠ᨾᨶᨣᩁᩮ ᩅᩈᨶ᩠ᨲᩦ ᨲᩮ;

ᨸᨭᩥᨸᨶ᩠ᨶᩣ ᨹᩃᨭ᩠ᨮᩣ ᨧ ᩈᩮᨠ᩠ᨡᩣ ᨹᩃᩈᨾᨦ᩠ᨣᩥᨶᩮᩣ,

ᩌᩈᩥᩴᩈᨠᩣ ᩏᨲ᩠ᨲᨾᨳᩴ ᨵᨾ᩠ᨾᨶᨣᩁᩮ ᩅᩈᨶ᩠ᨲᩥ ᨲᩮ;

ᩈᩮᩣᨲᩣᨸᨶ᩠ᨶᩣ ᨧ ᩅᩥᨾᩃᩣ ᩈᨠᨴᩣᨣᩣᨾᩥᨶᩮᩣ ᨧ ᨿᩮ,

ᩋᨶᩣᨣᩣᨾᩦ ᨧ ᩋᩁᩉᨶ᩠ᨲᩮᩣ ᨵᨾ᩠ᨾᨶᨣᩁᩮ ᩅᩈᨶ᩠ᨲᩥ ᨲᩮ;

ᩈᨲᩥᨸᨭ᩠ᨮᩣᨶᨠᩩᩈᩃᩣ ᨻᩮᩣᨩ᩠ᨫᨦ᩠ᨣᨽᩣᩅᨶᩣᩁᨲᩣ,

ᩅᩥᨸᩔᨠᩣ ᨵᨾ᩠ᨾᨵᩁᩣ ᨵᨾ᩠ᨾᨶᨣᩁᩮ ᩅᩈᨶ᩠ᨲᩥ ᨲᩮ;

ᩍᨴ᩠ᨵᩥᨸᩣᨴᩮᩈᩩ ᨠᩩᩈᩃᩣ ᩈᨾᩣᨵᩥᨽᩣᩅᨶᩣᩁᨲᩣ,

ᩈᨾ᩠ᨾᨸ᩠ᨸᨵᩣᨶᨾᨶᩩᨿᩩᨲ᩠ᨲᩣ ᨵᨾ᩠ᨾᨶᨣᩁᩮ ᩅᩈᨶ᩠ᨲᩥ ᨲᩮ;

ᩋᨽᩥᨬ᩠ᨬᩣᨸᩣᩁᨾᩥᨸ᩠ᨸᨲ᩠ᨲᩣ ᨸᩮᨲ᩠ᨲᩥᨠᩮ ᨣᩮᩣᨧᩁᩮ ᩁᨲᩣ,

ᩋᨶ᩠ᨲᩊᩥᨠ᩠ᨡᨾ᩠ᩉᩥ ᨧᩁᨱᩣ ᨵᨾ᩠ᨾᨶᨣᩁᩮ ᩅᩈᨶ᩠ᨲᩥ ᨲᩮ;

ᩒᨠ᩠ᨡᩥᨲ᩠ᨲᨧᨠ᩠ᨡᩩ ᨾᩥᨲᨽᩣᨱᩦ ᨣᩩᨲ᩠ᨲᨴ᩠ᩅᩣᩁᩣ ᩈᩩᩈᩴᩅᩩᨲᩣ,

ᩈᩩᨴᨶ᩠ᨲᩣ ᩏᨲ᩠ᨲᨾᩮ ᨴᨾᩮ ᨵᨾ᩠ᨾᨶᨣᩁᩮ ᩅᩈᨶ᩠ᨲᩥ ᨲᩮ;

ᨲᩮᩅᩥᨩ᩠ᨩᩣ ¶ ᨩᩊᨽᩥᨬ᩠ᨬᩣ ᨧ ᩍᨴ᩠ᨵᩥᨿᩣ ᨸᩣᩁᨾᩥᩴ ᨣᨲᩣ,

ᨸᨬᨬᩣᨿ ᨸᩣᩁᨾᩥᨸ᩠ᨸᨲ᩠ᨲᩣ ᨵᨾ᩠ᨾᨶᨣᩁᩮ ᩅᩈᨶ᩠ᨲᩥ ᨲᩮ;

ᨿᨳᩣᨸᩥ ᨶᨣᩁᩴ ᨴᩥᩈ᩠ᩅᩣ ᩈᩩᩅᩥᨽᨲ᩠ᨲᩴ ᨾᨶᩮᩣᩁᨾᩴ,

ᩋᨶᩩᨾᩣᨶᩮᨶ ᨩᩣᨶᨶ᩠ᨲᩥ ᩅᨯ᩠ᨰᨠᩥᩔ ᨾᩉᨲ᩠ᨲᨶᩴ;

ᨲᨳᩮᩅ ᩃᩮᩣᨠᨶᩣᨳᩔ ᨴᩥᩈ᩠ᩅᩣ ᨵᨾ᩠ᨾᨸᩩᩁᩴ ᩅᩁᩴ,

ᩋᨶᩩᨾᩣᨶᩮᨶ ᨩᩣᨶᨶ᩠ᨲᩥ ᩋᨳᩥ ᩈᩮᩣ ᨽᨣᩅᩣ ᩍᨲᩥ;

ᩋᨶᩩᨾᩣᨶᩮᨶᨩᩣᨶᨶ᩠ᨲᩥ ᩐᨾᩥᩴ ᨴᩥᩈ᩠ᩅᩣᨶ ᩈᩣᨣᩁᩮ,

ᨿᨳᩣ’ᨿᩴ ᨴᩥᩔᨲᩮ ᩐᨾᩦ ᨾᩉᨶ᩠ᨲᩮᩣ ᩈᩮᩣ ᨽᩅᩥᩔᨲᩥ;

ᨲᨳᩣ ᨻᩩᨴ᩠ᨵᩴ ᩈᩮᩣᨠᨶᩩᨴᩴ ᩈᨻ᩠ᨻᨳᨾᨸᩁᩣᨩᩥᨲᩴ,

ᨲᨱ᩠ᩉᨠ᩠ᨡᨿᨾᨶᩩᨸ᩠ᨸᨲ᩠ᨲᨾ᩠ᨽᩅᩈᩴᩈᩣᩁᨾᩮᩣᨧᨶᩴ;

ᩋᨶᩩᨾᩣᨶᩮᨶ ᨬᩣᨲᨻ᩠ᨻᩴ ᩐᨾᩥᩴ ᨴᩥᩈ᩠ᩅᩣ ᩈᨴᩮᩅᨠᩮ,

ᨿᨳᩣ ᨵᨾ᩠ᨾᩩᨾᩥᩅᩥᨸ᩠ᨹᩁᩮᩣ ᩋᨣ᩠ᨣᩮᩣ ᨻᩩᨴ᩠ᨵᩮᩣ ᨽᩅᩥᩔᨲᩥ;

ᩋᨶᩩᨾᩣᨶᩮᨶ ᨩᩣᨶᨶ᩠ᨲᩥ ᨴᩥᩈ᩠ᩅᩣ ᩋᨧ᩠ᨧᩩᨣ᩠ᨣᨲᩴ ᨣᩥᩁᩥᩴ,

ᨿᨳᩣ ᩋᨧ᩠ᨧᩩᨣ᩠ᨣᨲᩮᩣ ᩑᩈ ᩉᩥᨾᩅᩣ ᩈᩮᩣ ᨽᩅᩥᩔᨲᩥ;

ᨲᨳᩣ ᨴᩥᩈ᩠ᩅᩣᨵᨾ᩠ᨾᨣᩥᩁᩥᩴ ᩈᩦᨲᩦᨽᩩᨲᩴ ᨶᩥᩁᩪᨸᨵᩥᩴ,

ᩋᨧ᩠ᨧᩩᨣ᩠ᨣᨲᩴ ᨽᨣᩅᨲᩮᩣ ᩋᨧᩃᩴ ᩈᩩᨸ᩠ᨸᨲᩥᨭ᩠ᨮᩥᨲᩴ;

ᩋᨶᩩᨾᩣᨶᩮᨶ ᨬᩣᨲᨻ᩠ᨻᩴ ᨴᩥᩈ᩠ᩅᩣᨶ ᨵᨾ᩠ᨾᨸᨻ᩠ᨻᨲᩴ,

ᨲᨳᩣ ᩉᩥ ᩈᩮᩣ ᨾᩉᩣᩅᩦᩁᩮᩣ ᩋᨣ᩠ᨣᩮᩣ ᨻᩩᨴ᩠ᨵᩮᩣ ᨽᩅᩥᩔᨲᩥ;

ᨿᨳᩣᨸᩥ ᨣᨩᩁᩣᨩᩔ ᨸᨴᩴ ᨴᩥᩈ᩠ᩅᩣᨶ ᨾᩣᨶᩩᩈᩣ,

ᩋᨶᩩᨾᩣᨶᩮᨶᨩᩣᨶᨶ᩠ᨲᩥ ᨾᩉᩣ ᩑᩈ ᨣᨩᩮᩣ ᩍᨲᩥ;

ᨲᨳᩮᩅ ᨻᩩᨴ᩠ᨵᨶᩣᨣᩔ ᨸᨴᩴ ᨴᩥᩈ᩠ᩅᩣ ᩅᩥᨽᩣᩅᩥᨶᩮᩣ,

ᩋᨶᩩᨾᩣᨶᩮᨶ ᨩᩣᨶᨶ᩠ᨲᩥ ᩏᩊᩣᩁᩮᩣ ᩈᩮᩣ ᨽᩅᩥᩔᨲᩥ;

ᩋᨶᩩᨾᩣᨶᩮᨶᨩᩣᨶᨶ᩠ᨲᩥ ᨽᩦᨲᩮ ᨴᩥᩈ᩠ᩅᩣᨶ ᨠᩩᨾ᩠ᨾᩥᨣᩮ,

ᨾᩥᨣᩁᩣᨩᩔ ᩈᨴ᩠ᨴᩮᨶᨽᩦᨲᩣ’ᨾᩮ ᨠᩩᨾ᩠ᨾᩥᨣᩣ ᩍᨲᩥ;

ᨲᨳᩮᩅ ᨲᩥᨳᩥᨿᩮ ᨴᩥᩈ᩠ᩅᩣ ᩅᩥᨳᨴ᩠ᨵᩮ ᨽᩦᨲᨾᩣᨶᩈᩮ,

ᩋᨶᩩᨾᩣᨶᩮᨶ ᨬᩣᨲᨻ᩠ᨻᩴ ᨵᨾ᩠ᨾᩁᩣᨩᩮᨶ ᨣᨩ᩠ᨩᩥᨲᩴ;

ᨶᩥᨻ᩠ᨻᩩᨲᩴ ᨸᨳᩅᩥᩴ ᨴᩥᩈ᩠ᩅᩣ ᩉᩁᩥᨲᨸᨲ᩠ᨲᩴ ᨾᩉᩮᩣᨴᨠᩴ,

ᩋᨶᨾᩣᨶᩮᨶ ᨩᩣᨶᨶ᩠ᨲᩥ ᨾᩉᩣᨾᩮᨥᩮᨶ ᨶᩥᨻ᩠ᨻᩩᨲᩴ;

ᨲᨳᩮᩅᩥᨾᩴ ¶ ᨩᨶᩴ ᨴᩥᩈ᩠ᩅᩣ ᩌᨾᩮᩣᨴᩥᨲᨸᨾᩮᩣᨴᩥᨲᩴ,

ᩋᨶᩩᨾᩣᨶᩮᨶ ᨬᩣᨲᨻ᩠ᨻᩴ ᨵᨾ᩠ᨾᩁᩣᨩᩮᨶ ᨲᨸ᩠ᨸᩥᨲᩴ;

ᩃᨣ᩠ᨣᩴ ᨴᩥᩈ᩠ᩅᩣ ᨽᩥᩈᩴ ᨸᨦ᩠ᨠᩴ ᨠᩃᩃᨴ᩠ᨴᨣᨲᩴ ᨾᩉᩥᩴ,

ᩋᨶᩩᨾᩣᨶᩮᨶ ᨩᩣᨶᨶ᩠ᨲᩥ ᩅᩣᩁᩥᨠ᩠ᨡᨵᩮᩣ ᨾᩉᩣ ᨣᨲᩮᩣ;

ᨲᨳᩮᩅᩥᨾᩴ ᨩᨶᩴ ᨴᩥᩈ᩠ᩅᩣ ᩁᨩᩮᩣᨸᨠ᩠ᨡᩈᨾᩣᩉᩥᨲᩴ,

ᩅᩉᩥᨲᩴ ᨵᨾ᩠ᨾᨶᨴᩥᨿᩣ ᩅᩥᩔᨭ᩠ᨮᩴ ᨵᨾ᩠ᨾᩈᩣᨣᩁᩮ;

ᨵᨾ᩠ᨾᩣᨾᨲᨣᨲᩴ ᨴᩥᩈ᩠ᩅᩣ ᩈᨴᩮᩅᨠᨾᩥᨾᩴ ᨾᩉᩥᩴ,

ᩋᨶᩩᨾᩣᨶᩮᨶ ᨬᩣᨲᨻ᩠ᨻᩴ ᨵᨾ᩠ᨾᨠ᩠ᨡᨵᩮᩣ ᨾᩉᩣ ᨣᨲᩮᩣ;

ᩋᨶᩩᨾᩣᨶᩮᨶ ᨩᩣᨶᨶ᩠ᨲᩥ ᨥᩣᨿᩥᩅᩣ ᨣᨵᨾᩩᨲ᩠ᨲᨾᩴ,

ᨿᨳᩣ’ᨿᩴ ᩅᩣᨿᨲᩦ ᨣᨵᩮᩣ ᩉᩮᩔᨶ᩠ᨲᩥ ᨸᩩᨸ᩠ᨹᩥᨲᩣ ᨴᩩᨾᩣ;

ᨲᨳᩮᩅᩣᨿᩴ ᩈᩦᩃᨣᨵᩮᩣ ᨸᩅᩣᨿᨲᩥ ᩈᨴᩮᩅᨠᩮ,

ᩋᨶᩩᨾᩣᨶᩮᨶ ᨬᩣᨲᨻ᩠ᨻᩴ ᩋᨳᩥ ᨻᩩᨴ᩠ᨵᩮᩣ ᩋᨶᩩᨲ᩠ᨲᩁᩮᩣ’ᨲᩥ;

ᩋᨶᩩᨾᩣᨶᨸᨬ᩠ᩉᩴ.

ᨸᩔᨲᩣᩁᨬ᩠ᨬᨠᩮ ᨽᩥᨠ᩠ᨡᩪ ᩋᨩ᩠ᨫᩮᩣᨣᩣᩊ᩠ᩉᩮ ᨵᩩᨲᩮ ᨣᩩᨱᩮ,

ᨸᩩᨶ ᨸᩔᨲᩥ ᨣᩥᩉᩥ ᩁᩣᨩᩣ ᩋᨶᩣᨣᩣᨾᩥᨹᩃᩮ ᨮᩥᨲᩮ;

ᩏᨽᩮᩣ’ᨸᩥ ᨲᩮ ᩅᩥᩃᩮᩣᨠᩮᩅᩣ ᩏᨸ᩠ᨸᨩ᩠ᨩᩥ ᩈᩴᩈᨿᩮᩣ ᨾᩉᩣ,

ᨻᩩᨩ᩠ᨫᩮᨿ᩠ᨿ ᨧᩮ ᨣᩥᩉᩥᨵᨾ᩠ᨾᩮ ᨵᩩᨲᨦ᩠ᨣᩴ ᨶᩥᨸ᩠ᨹᩃᩴ ᩈᩥᨿᩣ;

ᨸᩁᩅᩣᨴᩥᩅᩣᨴᨾᨳᨶᩴ ᨶᩥᨸᩩᨱᩴ ᨸᩥᨭᨠᨲ᩠ᨲᨿᩮ,

ᩉᨴ ᨸᩩᨧ᩠ᨨᩮ ᨠᨳᩥᩈᩮᨭ᩠ᨮᩴ ᩈᩮᩣ ᨾᩮ ᨠᨦ᩠ᨡᩴ ᩅᩥᨶᩮᩣᩔᨲᩦ’ᨲᩥ

ᨾᩮᨱ᩠ᨯᨠᨸᨬ᩠ᩉᩮ ᨮᩥᨲᩣ ᨴ᩠ᩅᩣᩈᩦᨲᩥ ᨣᩣᨳᩣ ᩈᨾᨲ᩠ᨲᩣ.

ᨾᩥᩃᩥᨴᨸ᩠ᨸᨠᩁᨱᩮ ᩈᨻ᩠ᨻᩣ ᨣᩣᨳᩣ ᩈᨾ᩠ᨸᩥᨱ᩠ᨯᩥᨲᩣ ᨧᨲᩩᩁᩣᨵᩥᨠᩈᨲᨣᩣᨳᩣ ᩉᩮᩣᨶ᩠ᨲᩥ.

ᨾᩥᩃᩥᨴᨸ᩠ᨸᨠᩁᨱᩮ ᩈᨻ᩠ᨻᨣᩣᨳᩣᩈᩁᩪᨸᨣᩉᨱᩴ ᩈᨾᨲ᩠ᨲᩴ.

ᩈᩴᨡ᩠ᨿᩣᩈᩁᩪᨸᩴ

ᩈᨦ᩠ᨡ᩠ᨿᩣᩈᩁᩪᨸᩴ ᨸᨶ ᩑᩅᩴ ᩅᩮᨴᩥᨲᨻ᩠ᨻᩴ. ᩑᨠ-ᨴ᩠ᩅᩥ-ᨲᩥ-ᨧᨲᩩ-ᨸᨬ᩠ᨧ-ᨨ-ᩈᨲ᩠ᨲ-ᩋᨭ᩠ᨮ-ᨶᩅ-ᨴᩈ-ᩑᨠᩣᨴᩈ-ᨴ᩠ᩅᩣᨴᩈ- ᨲᩮᩁᩈ-ᨧᩩᨴ᩠ᨴᩈ-ᩈᩮᩣᩊᩈ-ᩈᨲ᩠ᨲᩁᩈ-ᩋᨭ᩠ᨮᩣᩁᩈ-ᩑᨠᩪᨶᩅᩦᩈᨲᩥ-ᨸᨬ᩠ᨧᩅᩦᩈᨲᩥ-ᩋᨭ᩠ᨮᩅᩦᩈᨲᩥ-ᨲᩥᩴᩈᩣ -ᨨᩈᨭ᩠ᨮᩥ-ᨴᩥᨿᨯ᩠ᨰᩈᨲᨶ᩠ᨲᩥ ᨸᨬ᩠ᨧᩅᩦᩈᨲᩥᩅᩥᨵᩣ ᩈᨦ᩠ᨡ᩠ᨿᩣ. ᨲᨳ ¶ ᨻᩩᨴ᩠ᨵᩮᩣ ᩑᨠᩮᩣ, ᨸᨳᩅᩥ ᩑᨠᩣ, ᩈᨾᩩᨴ᩠ᨴᩮᩣ ᩑᨠᩮᩣ, ᩈᩥᨶᩮᩁᩩ ᩑᨠᩮᩣ, ᨴᩮᩅᩃᩮᩣᨠᩮᩣ ᩑᨠᩮᩣ, ᨻᩕᩉ᩠ᨾᩃᩮᩣᨠᩮᩣ ᩑᨠᩮᩣ’ᨲᩥ ᨨ ᩑᨠᨠᩣ ᨾᩥᩃᩥᨴᨸ᩠ᨸᨠᩁᨱᩮ ᩌᨣᨲᩣ.

ᨴ᩠ᩅᩮ ᩋᨳᩅᩈᩮ ᩈᨾ᩠ᨸᩔᨾᩣᨶᩣ ᨽᨣᩅᨲᩣ ᩅᩥᩉᩣᩁᨴᩣᨶᩴ ᩋᨶᩩᨬ᩠ᨬᩣᨲᩴ? ᩅᩥᩉᩣᩁᨴᩣᨶᩴ ᨶᩣᨾ ᩈᨻ᩠ᨻᨻᩩᨴ᩠ᨵᩮᩉᩥ ᩅᨱ᩠ᨱᩥᨲᩴ ᩋᨶᩩᨾᨲᩴ ᨳᩮᩣᨾᩥᨲᩴ ᨸᩈᨳᩴ ᩅᩥᩉᩣᩁᨴᩣᨶᩴ ᨴᩅᩣ ᨴᩮᩅᨾᨶᩩᩔᩣ ᨩᩣᨲᩥᨩᩁᩣᨻ᩠ᨿᩣᨵᩥᨾᩁᨱᩮᩉᩥ ᨾᩩᨧ᩠ᨧᩥᩔᨶ᩠ᨲᩥ. ᩅᩥᩉᩣᩁᩮ ᩈᨲᩥ ᨽᩥᨠ᩠ᨡᩪ ᨽᩥᨠ᩠ᨡᩩᨶᩥᨿᩮᩣ ᩅᩣ ᨠᨲᩮᩣᨠᩣᩈᩣ ᨴᩔᨶᨠᩣᨾᩣᨶᩴ ᩈᩩᩃᨽᨴᩔᨶᩴ ᨽᩅᩥᩔᨶ᩠ᨲᩦ’ᨲᩥ.

ᨴ᩠ᩅᩮ ᩋᨳᩅᩈᩮ ᨸᨭᩥᨧ᩠ᨧ ᩈᨻ᩠ᨻᨻᩩᨴ᩠ᨵᩣ ᩋᨲ᩠ᨲᨶᩣ ᨶᩥᨾ᩠ᨾᩥᨲᩴ ᨧᨲᩩᨸᨧ᩠ᨧᨿᩴ ᨶ ᨸᩁᩥᨽᩩᨬ᩠ᨩᨶ᩠ᨲᩥ? ᩋᨣ᩠ᨣᨴᨠ᩠ᨡᩥᨱᩮᨿ᩠ᨿᩮᩣ ᩈᨳᩣ’ᨲᩥ ᨻᩉᩪ ᨴᩮᩅᨾᨶᩩᩔᩣ ᨧᨲᩩᨸᨧ᩠ᨧᨿᩴ ᨴᨲ᩠ᩅᩣ ᨴᩩᨠ᩠ᨡᩣ ᨾᩩᨧ᩠ᨧᩥᩔᨶ᩠ᨲᩥ. ᨻᩩᨴ᩠ᨵᩣ ᨸᨭᩥᩉᩣᩁᩥᨿᩴ ᨠᩅᩣ ᨩᩦᩅᩥᨲᩅᩩᨲ᩠ᨲᩥᩴ ᨸᩁᩥᨿᩮᩈᨶ᩠ᨲᩦ’ᨲᩥ ᨸᩁᩪᨸᩅᩣᨴᩃᩮᩣᨸᨶᨳᨬ᩠ᨧᩣᨲᩥ.

ᨴ᩠ᩅᩮ ᩋᨠᨾ᩠ᨾᨩᩣ ᩋᩉᩮᨲᩩᨩᩣ ᩋᨶᩩᨲᩩᨩᩣ? ᩌᨠᩣᩈᩮᩣ ᨶᩥᨻ᩠ᨻᩣᨶᨬ᩠ᨧᩣ’ᨲᩥ

ᨴ᩠ᩅᩮ ᩋᨳᩅᩈᩮ ᩈᨾ᩠ᨸᩔᨾᩣᨶᩮᨶ ᩅᩮᩔᨶ᩠ᨲᩁᩮᨶ ᩁᨬ᩠ᨬᩣ ᨴ᩠ᩅᩮ ᨸᩩᨲ᩠ᨲᩣ ᨴᩥᨶ᩠ᨶᩣ? ᨴᩣᨶᨸᨳᩮᩣᩅ ᨾᩮ ᨶ ᨸᩁᩥᩉᩣᨿᩥᩔᨲᩥ, ᩍᨾᩮ ᨠᩩᨾᩣᩁᩣ ᨾᩪᩃᨩᩃᩣᩉᩣᩁᨽᩩᨬ᩠ᨩᨶᨴᩩᨠ᩠ᨡᨲᩮᩣ ᨾᩩᨧᨧᩥᩔᨶ᩠ᨲᩦ’ᨲᩥ.

ᩏᨴᨠᩔ ᨴ᩠ᩅᩮ ᨣᩩᨱᩣ ᨶᩥᨻ᩠ᨻᩣᨶᩴ ᩋᨶᩩᨸ᩠ᨸᩅᩥᨭ᩠ᨮᩣ? ᩈᩦᨲᩃᨽᩣᩅᩮᩣ, ᨸᩦᨲᩔ ᨥᨾ᩠ᨾᩅᩥᨶᨿᨶᨽᩣᩅᩮᩣ ᨧᩣ’ᨲᩥ.

ᩋᩈᨲᩥᨿᩣ ᩋᨩᩣᨶᨶᩮᨶ ᨧᩣ’ᨲᩥ ᨴ᩠ᩅᩦᩉᩥ ᨠᩣᩁᨱᩮᩉᩥ ᩌᨸᨲ᩠ᨲᩥᩴ ᩌᨸᨩ᩠ᨩᨶ᩠ᨲᩦ’ᨲᩥ ᨨ ᨴᩩᨠᩣ ᩌᨣᨲᩣ.

ᩈᩦᨲᩮᨶ ᩏᨱ᩠ᩉᩮᨶ ᩋᨲᩥᨽᩮᩣᨩᨶᩮᨶᩣ’ᨲᩥ ᨲᩦᩉᩥ ᩌᨠᩣᩁᩮᩉᩥ ᨸᩥᨲ᩠ᨲᩴ ᨠᩩᨸ᩠ᨸᨲᩥ.

ᩈᩦᨲᩮᨶ ᩏᨱ᩠ᩉᩮᨶ ᩋᨶ᩠ᨶᩣᨸᩣᨶᩮᨶ ᨧᩣ’ᨲᩥ ᨲᩉᩦ ᩌᨠᩣᩁᩮᩉᩥ ᩈᩮᨾ᩠ᩉᩴ ᨠᩩᨸ᩠ᨸᨲᩥ.

ᨻᩩᨴ᩠ᨵᩅᩴᩈᨲᩣᨿ ᨵᨾ᩠ᨾᨣᩁᩩᨠᨲᩣᨿ ᨽᩥᨠ᩠ᨡᩩᨽᩩᨾᩥᨾᩉᨶ᩠ᨲᨲᩣᨿᩣ’ᨲᩥ ᨲᩦᩉᩥ ᨠᩣᩁᨱᩮᩉᩥ ᨸᩣᨲᩥᨾᩮᩣᨠ᩠ᨡᩴ ᨸᨭᩥᨧ᩠ᨨᨶ᩠ᨶᩴ ᨠᩣᩁᩣᨸᩮᨲᩥ.

ᩋᨣᨴᩔ ᨲᨿᩮᩣ ᨣᩩᨱᩣ ᨶᩥᨻ᩠ᨻᩣᨶᩴ ᩋᨶᩩᨸ᩠ᨸᩅᩥᨭ᩠ᨮᩣ? ᨣᩥᩃᩣᨶᨠᩣᨶᩴ ᨸᩁᩥᩈᩁᨱᩴ ᩁᩮᩣᨣᩅᩥᨶᩣᩈᨶᩴ ᩋᨾᨲᨠᩁᨱᨶ᩠ᨲᩥ.

ᨾᨱᩥᩁᨲᨶᩔ ᨲᨿᩮᩣ ᨣᩩᨱᩣ ᨶᩥᨻ᩠ᨻᩣᨶᩴ ᩋᨶᩩᨸ᩠ᨸᩅᩥᨭ᩠ᨮᩣ? ᩈᨻ᩠ᨻᨠᩣᨾᨴᨴᩴ ᨶᩉᩣᩈᨠᩁᩴ ᩏᨩ᩠ᨩᩮᩣᨲᨳᨠᩁᨶ᩠ᨲᩥ.

ᩁᨲᨶᨧᨴᨶᩔ ᨲᨿᩮᩣ ᨣᩩᨱᩣ? ᩅᨱ᩠ᨱᩈᨾ᩠ᨸᨶ᩠ᨶᩮᩣ ᨣᨵᩈᨾ᩠ᨸᨶ᩠ᨶᩮᩣ ᩁᩈᩈᨾ᩠ᨸᨶ᩠ᨶᩮᩣ’ᨲᩥ ᩈᨲ᩠ᨲ ᨲᩥᨠᩣ ᩅᩩᨲ᩠ᨲᩣ.

ᩈᨸ᩠ᨸᩥᨾᨱ᩠ᨯᩔ ¶ ᨲᨿᩮᩣ ᨣᩩᨱᩣ? ᩅᨱ᩠ᨱᩈᨾᨸᨶ᩠ᨶᩮᩣ, ᨣᨵᩈᨾ᩠ᨸᨶ᩠ᨶᩮᩣ, ᩁᩈᩈᨾ᩠ᨸᨶ᩠ᨶᩮᩣ’ᨲᩥ ᩈᨲ᩠ᨲᨲᩥᨠᩣ ᩅᩩᨲ᩠ᨲᩣ ᨴᩥᨭ᩠ᨮᨵᨾ᩠ᨾᨹᩣᩈᩩᩅᩥᩉᩣᩁᨲᩣᨿ ᩋᨶᩅᨩ᩠ᨩᨣᩩᨱᨻᩉᩩᩃᨲᩣᨿᩋᩈᩮᩈᩋᩁᩥᨿᩅᩦᨳᩥᨽᩣᩅᨲᩮᩣ ᩈᨻ᩠ᨻᨻᩩᨴ᩠ᨵᨸᩈᨳᨲᩣᨿᩣᨲᩥ ᩍᨾᩮ ᨧᨲ᩠ᨲᩣᩁᩮᩣ ᩋᨳᩅᩈᩮ ᩈᨾ᩠ᨸᩔᨾᩣᨶᩣ ᨻᩩᨴ᩠ᨵᩣ ᨸᨭᩥᩈᩃ᩠ᩃᩣᨶᩴ ᩈᩮᩅᨶ᩠ᨲᩥ.

ᨶᩥᨶ᩠ᨶᨲᩣᨿ ᨴ᩠ᩅᩣᩁᨲᩣᨿ ᨧᩥᨱ᩠ᨱᨲᩣᨿ ᩈᨾᩩᨴᩣᨧᩁᩥᨲᨲ᩠ᨲᩣᨲᩥ ᨧᨲᩩᩉᩥ ᩌᨠᩣᩁᩮᩉᩥ ᨾᨶᩮᩣᩅᩥᨬ᩠ᨬᩣᨱᩴ ᨴ᩠ᩅᩥᨸᨬ᩠ᨧᩅᩥᨬ᩠ᨬᩣᨱᩮ ᩋᨶᩩᨸᩅᨲ᩠ᨲᨲᩥ.

ᨠᨾ᩠ᨾᩅᩈᩮᨶ ᨿᩮᩣᨶᩥᩅᩈᩮᨶ ᨠᩩᩃᩅᩈᩮᨶ ᩌᨿᩣᨧᨶᩅᩈᩮᨶᩣ’ᨲᩥ ᨧᨲᩩᨶ᩠ᨶᩴ ᩈᨶ᩠ᨶᩥᨸᩣᨲᩣᨶᩴ ᩅᩈᩮᨶ ᨣᨻ᩠ᨽᩔᩣᩅᨠ᩠ᨠᨶ᩠ᨲᩥ ᩉᩮᩣᨲᩥ.

ᩋᨴᩥᨭ᩠ᨮᨶ᩠ᨲᩁᩣᨿᩮᩣ, ᩏᨴ᩠ᨴᩥᩔᨠᨲᩔ ᩋᨶ᩠ᨲᩁᩣᨿᩮᩣ, ᩏᨸᨠ᩠ᨡᨭᨶ᩠ᨲᩁᩣᨿᩮᩣ ᨸᩁᩥᨽᩮᩣᨣᨶ᩠ᨲᩁᩣᨿᩮᩣ’ᨲᩥ ᨧᨲ᩠ᨲᩣᩁᩮᩣ ᩋᨶ᩠ᨲᩁᩣᨿᩣ ᨲᩮᩈᩩ ᩋᨴᩥᨭ᩠ᨮᨶ᩠ᨲᩁᩣᨿᩮᩣ ᨽᨣᩅᨲᩮᩣ ᩋᨳᩥ, ᩈᩮᩈᩣ ᨲᨿᩮᩣ ᨶᨳᩥ, ᩏᨴ᩠ᨴᩥᩔᨠᨲᩔ ᨻ᩠ᨿᩣᨾᨸ᩠ᨸᨽᩣᨿ ᩈᨻ᩠ᨻᨬ᩠ᨬᩩᨲᨬᩣᨱᩔ ᨩᩦᩅᩥᨲᩔ ᨧᩣ’ᨲᩥ ᨧᨲᩩᨶ᩠ᨶᩴ ᩋᨶ᩠ᨲᩁᩣᨿᩣᨽᩣᩅᩣ.

ᩋᨻ᩠ᨽᩣ, ᨾᩉᩥᨠᩣ, ᨾᩮᨥᩮᩣ, ᩁᩣᩉᩩ ᨧᩣ’ᨲᩥ ᨧᨲ᩠ᨲᩣᩁᩮᩣ ᩈᩪᩁᩥᨿᩁᩮᩣᨣᩣ ᩈᨾᩩᨴ᩠ᨴᩈᩈ ᨧᨲ᩠ᨲᩣᩁᩮᩣ ᨣᩩᨱᩣ? ᨠᩩᨱᨸᩮᩉᩥ ᩋᩈᩴᩅᩣᩈᩥᨿᨽᩣᩅᩮᩣ, ᨶᨴᩦᩉᩥ ᩋᨸᩪᩁᨱᨲᩣ, ᨾᩉᩣᨽᩩᨲᩣᩅᩣᩈᨲᩣ, ᩅᩥᨧᩥᨲ᩠ᨲᨸᩩᨸ᩠ᨹᩈᨾᩣᨠᩥᨱ᩠ᨱᨲᩣ’ᨲᩥ.ᩈᨲ᩠ᨲ ᨧᨲᩩᨠ᩠ᨠᩣ ᩅᩩᨲ᩠ᨲᩣ.

᪕. ᨽᩩᨾᩥᨾᩉᨶ᩠ᨲᨲᩣ, ᨸᩁᩥᩈᩩᨴ᩠ᨵᩅᩥᨾᩃᨲᩣ, ᨸᩣᨸᩮᩉᩥᩋᩈᩴᩅᩣᩈᩥᨿᨲᩣ, ᨴᩩᨸ᩠ᨸᨭᩥᩅᩥᨩ᩠ᨫᨲᩣ, ᨻᩉᩩᩅᩥᨵᩈᩴᩅᩁᩁᨠ᩠ᨡᩥᨿᨲᩣ’ᨲᩥ ᩈᩣᩈᨶᩔ ᩍᨾᩮ ᩋᨲᩩᩃ᩠ᨿᩣ ᨸᨬ᩠ᨧ ᨣᩩᨱᩣ ᩅᨲ᩠ᨲᨶ᩠ᨲᩥ ᨸᨠᩣᩈᨶ᩠ᨲᩥ.

ᨽᩮᩣᨩᨶᩔ ᨸᨬ᩠ᨧ ᨣᩩᨱᩣ ᨶᩥᨻ᩠ᨻᩣᨶᩴ ᩋᨶᩩᨸ᩠ᨸᩅᩥᨭ᩠ᨮᩣ? ᩋᨧ᩠ᨧᩩᨣ᩠ᨣᨲᨲᩣ, ᩋᨧᩃᨲᩣ ᨴᩩᩁᨵᩥᩁᩮᩣᩉᨱᨲᩣ ᨻᩦᨩᩣᩁᩪᩉᨱᨲᩣ ᨠᩮᩣᨸᩣᨶᩩᨶᨿᩅᩥᩅᨩ᩠ᨩᨶᨲᩣ’ᨲᩥ.

ᩌᩉᨧ᩠ᨧᨸᨴᩮᨶ ᩁᩈᩮᨶ ᩌᨧᩁᩥᨿᩅᩴᩈᨲᩣᨿ ᩋᨵᩥᨸ᩠ᨸᩣᨿᩣᨠᩣᩁᨲᩣᨿ ᨬᩣᨱᩩᨲ᩠ᨲᩁᨲᩣᨿᩣ’ᨲᩥ ᩍᨾᩮᩉᩥ ᨸᨬ᩠ᨧᨣᩩᨱᩮᩉᩥ ᩋᨳᩮᩣ ᨸᨭᩥᨣ᩠ᨣᩉᩮᨲᨻ᩠ᨻᩮᩣ ᨧᩣ’ᨲᩥ ᨧᨲ᩠ᨲᩣᩁᩮᩣ ᨸᨬ᩠ᨧᨠᩣ ᩅᩩᨲ᩠ᨲᩣ.

᪖. ᩈᩮᨶᩣᨸᨲᩥ, ᨸᩩᩁᩮᩣᩉᩥᨲᩮᩣ, ᩋᨠ᩠ᨡᨴᩔᩮᩣ, ᨽᨱ᩠ᨯᩣᨣᩣᩁᩥᨠᩮᩣ, ᨨᨲ᩠ᨲᨣᩣᩉᩮᩣ, ᨡᨣ᩠ᨣᨣᩣᩉᩮᩣ ᩋᨾᨧ᩠ᨧᩮᩣ’ᨲᩥ ᨨ ᩋᨾᨧ᩠ᨧᩣ ᨣᨱᩦᨿᨶ᩠ᨲᩥ. ᩅᩮᨸᩩᩃ᩠ᩃᩮᩣ ¶ ᩁᩣᨩᨣᩉᩥᨿᩣᨶᩴ ᨻᩩᨴ᩠ᨵᩮᩣ ᩋᨣ᩠ᨣᩮᩣ ᨸᩅᩩᨧ᩠ᨧᨲᩦ’ᨲᩥ ᨨ ᩋᨣ᩠ᨣᩣ. ᨾᩣᨱᩅᨣᩣᨾᩥᨠᨴᩮᩅᨸᩩᨲ᩠ᨲᩮᨶ ᩅᩩᨲ᩠ᨲᨣᩣᨳᩣ ᨶᩣᨣᩈᩮᨶᩮᨶ ᩌᩉᩁᩥᩅᩣ ᩅᩩᨲ᩠ᨲᩣ.

ᩅᩣᨲᩥᨠᩮᩣ, ᨸᩥᨲ᩠ᨲᩥᨠᩮᩣ, ᩈᩮᨾ᩠ᩉᩥᨠᩮᩣ, ᨴᩮᩅᨲᩪᨸᩈᩴᩉᩣᩁᨲᩮᩣ, ᩈᨾᩩᨴᩣᨧᩥᨱ᩠ᨱᨲᩮᩣ, ᨸᩩᨻ᩠ᨻᨶᩥᨾᩥᨲ᩠ᨲᨲᩮᩣ’ᨲᩥ ᨨ ᨩᨶᩣ ᩈᩩᨸᩥᨶᩴᨸᩔᨶ᩠ᨲᩦ’ᨲᩥ ᨲᨿᩮᩣ ᨨᨠ᩠ᨠᩣ ᩅᩩᨲ᩠ᨲᩣ.

᪗. ᨸᩩᨳᩩᨩ᩠ᨩᨶᨧᩥᨲ᩠ᨲᩴ, ᩈᩮᩣᨲᩣᨸᨶ᩠ᨶᨧᩥᨲ᩠ᨲᩴ, ᩈᨠᨴᩣᨣᩣᨾᩥᨧᩥᨲ᩠ᨲᩴ, ᩋᨶᩣᨣᩣᨾᩥᨧᩥᨲ᩠ᨲᩴ, ᩋᩁᩉᨶ᩠ᨲᨧᩥᨲ᩠ᨲᩴ, ᨸᨧ᩠ᨧᩮᨠᨻᩩᨴ᩠ᨵᨧᩥᨲ᩠ᨲᩴ, ᩈᨾ᩠ᨾᩣᩈᨾ᩠ᨻᩩᨴ᩠ᨵᨧᩥᨲ᩠ᨲᨶ᩠ᨲᩥ ᩈᨲ᩠ᨲ ᨧᩥᨲ᩠ᨲᩅᩥᨾᩩᨲ᩠ᨲᩥᨿᩮᩣ.

ᨶᩣᩁᨴᩮᩣ, ᨵᨾ᩠ᨾᨶ᩠ᨲᩁᩦ, ᩋᩴᨣᩦᩁᩈᩮᩣ, ᨠᨸᩥᩃᩮᩣ, ᨠᨱ᩠ᨯᩁᨣ᩠ᨣᩥᩈᩣᨾᩮᩣ, ᩋᨲᩩᩃᩮᩣ, ᨸᩩᨻ᩠ᨻᨠᨧ᩠ᨧᩣᨿᨶᩮᩣ’ᨲᩥ ᩈᨲ᩠ᨲ ᩌᨧᩁᩥᨿᩣ ᩒᩅᩣᨴᨠᩣᩁᨠᩣ.

‘‘ᨩᩥᨥᨧ᩠ᨨᩣᨿ, ᨸᩥᨸᩣᩈᩣᨿ, ᩋᩉᩥᨶᩣ ᨴᨭ᩠ᨮᩮᩣ, ᩅᩥᩈᩮᨶ ᨧ,

ᩋᨣ᩠ᨣᩦ-ᩏᨴᨠ-ᩈᨲ᩠ᨲᩦᩉᩥ ᩋᨠᩣᩃᩮ ᨲᨲ᩠ᨳ ᨾᩥᨿ᩠ᨿᨲᩦ’’ᨲᩥ;

ᩍᨾᩮ ᩈᨲ᩠ᨲ ᨩᨶᩣ ᩋᨠᩣᩃᨾᩁᨱᩥᨠᩣ ᨶᩣᨾᩣ’ᨲᩥ ᨲᨿᩮᩣ ᩈᨲ᩠ᨲᨠᩣ ᩅᩩᨲ᩠ᨲᩣ.

᪘. ᩅᩥᩈᨾᩴ ᩈᨽᨿᩴ …ᨸᩮ… ᩋᨭ᩠ᨮᩮᨲᩮ ᨸᩁᩥᩅᨩ᩠ᨩᩥᨿᩣ’ᨲᩥ ᩍᨾᩣᨶᩥ ᩋᨭ᩠ᨮᨭ᩠ᨮᩣᨶᩣᨶᩥ ᨸᨱ᩠ᨯᩥᨲᩮᩉᩥ ᨸᩁᩥᩅᨩ᩠ᨩᨶᩦᨿᩣᨶᩦᨲᩥ ᨸᩁᩥᩅᨩ᩠ᨩᨶᩦᨿᨭ᩠ᨮᩣᨶᨭ᩠ᨮᨠᩴ ᨶᩣᨾ.

ᩁᨲ᩠ᨲᩮᩣᨴᩩᨭ᩠ᨮᩮᩣ …ᨸᩮ… ᩑᨲᩮ ᩋᨳᩅᩥᨶᩣᩈᨠᩣ’ᨲᩥ ᩍᨴᩴ ᩋᨳᩅᩥᨶᩣᩈᨠᨭ᩠ᨮᨠᩴ ᨶᩣᨾ.

ᩅᩈᩮᨶ ᨿᩈᨸᩩᨧ᩠ᨨᩣᩉᩥ …ᨸᩮ… ᨲᩮᩈᩴ ᨻᩩᨴ᩠ᨵᩥ ᨸᨽᩥᨩ᩠ᨩᨲᩦ’ᨲᩥ ᩍᨴᩴ ᨻᩩᨴ᩠ᨵᩥᩅᩥᩈᨴᨠᩁᨱᨭ᩠ᨮᨠᩴ ᨶᩣᨾ.

ᨠᩣᩃᩴ ᨴᩮᩈᩴ ᨴᩦᨸᩴ ᨠᩩᩃᩴ ᨩᨶᩮᨲ᩠ᨲᩥᨾᩣᨿᩩᩴ ᨾᩣᩈᩴ ᨶᩮᨠ᩠ᨡᨾ᩠ᨾᩴ ᩅᩥᩃᩮᩣᨠᩮᨲᩦ’ᨲᩥ ᩍᨴᩴ ᨻᩮᩣᨵᩥᩈᨲ᩠ᨲᩮᨶ ᩅᩥᩃᩮᩣᨠᩥᨿᨭ᩠ᨮᨠᩴ ᨶᩣᨾ.

‘‘ᩅᩥᨠ᩠ᨠᨿᩣᨶᩣᨣᨲᨾᨣ᩠ᨣᩮᩣ ᨲᩥᨳᩴ ᨲᩦᩁᩴ ᩌᨿᩩᨳᩥᩁᩴ;

ᩋᨶᩣᨣᨲᩴ ᨠᩩᩈᩃᩴᩅᩣ’ᨲᩥ ᩋᨭ᩠ᨮᨭ᩠ᨮᩣᨶᩣ ᩅᩥᩃᩮᩣᨠᩥᨿᩣ’’ᨲᩥ;

ᩍᨴᩴ ᩋᨶᩣᨣᨲᩅᩥᩃᩮᩣᨠᩥᨿᨭ᩠ᨮᨠᩴ ᨶᩣᨾ.

‘‘ᩅᩣᨱᩥᨩᩮᩣ ᩉᨳᩥᨶᩣᨣᩮᩣ ᨧ ᩈᩣᨠᨭᩥᨠᩮᩣ ᨶᩥᨿᩣᨾᨠᩮᩣ

ᨽᩥᩈᨠ᩠ᨠᩮᩣ ᩏᨲ᩠ᨲᩁᩈᩮᨲᩩ ᨽᩥᨠ᩠ᨡᩩ ᨧᩮᩅ ᨩᩥᨶᨦ᩠ᨠᩩᩁᩮᩣ,

ᩑᨲᩮ ᩋᨭ᩠ᨮ ᩋᨶᩣᨣᨲᩮ ᩋᨭ᩠ᨮ ᨩᨶᩣ ᩅᩥᩃᩮᩣᨠᩥᨿᩣ’’ᨲᩥ;

ᩍᨴᩴ ᩅᩥᩃᩮᩣᨠᩥᨿᨭ᩠ᨮᨠᩴ ᨶᩣᨾ.

ᩁᨲ᩠ᨲᩮᩣ ¶ ᨴᩩᨭ᩠ᨮᩮᩣ’ᨧ ᨾᩪᩊ᩠ᩉᩮᩣ ᨧ ᨾᩣᨶᩦ ᩃᩩᨴ᩠ᨵᩮᩣ ᨲᨳᩣ’ᩃᩈᩮᩣ ᩁᩣᨩᩣ ᨧ ᨥᩣᨲᨠᩣ ᩋᨭ᩠ᨮ ᨶᩣᨣᩈᩮᨶᩮᨶ ᨴᩮᩈᩥᨲᩣ’ᨲᩥᩍᨴᩴ ᨥᩣᨲᨠᨭ᩠ᨮᨠᩴ ᨶᩣᨾ.

ᩅᩣᨲ ᨸᩥᨲ᩠ᨲᩮᨶ ᩈᩮᨾ᩠ᩉᩮᨶ …ᨸᩮ… ᩋᨠᩣᩃᩮ ᨲᨳ ᩅᩥᨿ᩠ᨿᨲᩦ’ᨲᩥ ᩍᨴᩴ ᩋᨠᩣᩃᨾᩁᨱᨠᩣᩁᨱᨭ᩠ᨮᨠᩴ ᨶᩣᨾ.

ᨶ ᩅᩣ ᩋᨳᩮᩣ ᩋᨶᩩᩈᩣᩈᩥᨲᨻ᩠ᨻᩮᩣ, ᨶ ᩁᩣᨣᩩᨸᩈᩴᩉᩥᨲᩴ ᨧᩥᨲ᩠ᨲᩴ ᨶ ᨴᩮᩣᩈᩪᨸᩈᩴᩉᩥᨲᩴ ᨧᩥᨲ᩠ᨲᩴ ᨶ ᨾᩮᩣᩉᩪᨸᩈᩴᩉᩥᨲᩴ ᨧᩥᨲ᩠ᨲᩴ ᩏᨸᨭ᩠ᨮᩣᨸᩮᨲᨻ᩠ᨻᩴ, ᨴᩣᩈᨠᨾ᩠ᨾᨠᩁᨸᩮᩣᩁᩥᩈᩮᩈᩩ ᨶᩦᨧᩅᩩᨲ᩠ᨲᩥᨶᩣ ᨽᩅᩥᨲᨻ᩠ᨻᩴ, ᨠᩣᨿᩥᨠᩅᩣᨧᩈᩥᨠᩴ ᩈᩩᨭ᩠ᨮᩩ ᩁᨠ᩠ᨡᩥᨲᨻ᩠ᨻᩴ, ᨨᩊᩥᨴᩕᩥᨿᩣᨶᩥ ᩈᩩᨭ᩠ᨮᩪ ᩁᨠ᩠ᨡᩥᨲᨻ᩠ᨻᩣᨶᩥ, ᨾᩮᨲ᩠ᨲᩣᨽᩣᩅᨶᩣᨿ ᨾᩣᨶᩈᩴ ᩏᨸᨭ᩠ᨮᩣᨸᩮᨲᨻ᩠ᨻᨶ᩠ᨲᩥ ᩍᨴᩴ ᩁᨬ᩠ᨬᩣ ᨾᩥᩃᩥᨴᩮᨶ ᩈᨾᩣᨴᩥᨶ᩠ᨶᩴ ᩅᨲ᩠ᨲᨭ᩠ᨮᨠᩴ ᨶᩣᨾ.

ᨸᩩᨸ᩠ᨹᩣᨸᨱᩴ ᨣᨵᩣᨸᨶᩴ ᨹᩃᩣᨸᨱᩴ ᩋᨣᨴᩣᨸᨱᩴ ᩒᩈᨵᩣᨸᨱᩴ ᩋᨾᨲᩣᨸᨱᩴ ᩁᨲᨶᩣᨸᨱᩴ ᩈᨻ᩠ᨻᩣᨸᨱᨶ᩠ᨲᩥ ᩍᨴᩴ ᩌᨸᨱᨭ᩠ᨮᨠᩴ ᨶᩣᨾᩣ’ᨲᩥ. ᨴᩈ ᩋᨭ᩠ᨮᨠᩣ ᩅᩩᨲ᩠ᨲᩣ.

᪙. ’ᩁᨲ᩠ᨲᩮᩣ ᨴᩩᨭ᩠ᨮᩮᩣ ᨧ ᨾᩪᩊ᩠ᩉᩮᩣ ᨧ …ᨸᩮ… ᨡᩥᨸ᩠ᨸᩴ ᨽᩅᨲᩥ ᨸᩣᨠᨭᨶ᩠ᨲᩥ’ ᩍᨴᩴ ᩍᨲ᩠ᨲᩁᨶᩅᨠᩴ ᨶᩣᨾ.

ᨶᩅᩣᨶᩩᨸᩩᨻ᩠ᨻᩅᩥᩉᩣᩁᩈᨦ᩠ᨡᩣᨲᨵᨾ᩠ᨾᩣᨶᩩᨾᨩ᩠ᨩᨩᨶᩅᨠᨶ᩠ᨲᩥ ᨴ᩠ᩅᩮ ᨶᩅᨠᩣ ᩅᩩᨲ᩠ᨲᩣ.

᪑᪐.

’ᩈᨦ᩠ᨥᩈᨾᩩᩈᩩᨡᩮᩣ ᨴᩩᨠ᩠ᨡᩥ ᨵᨾ᩠ᨾᩣᨵᩥᨸᨲᩥᨠᩮᩣᨸᩥ ᨧ

ᩈᩴᩅᩥᨽᩣᨣᩦ ᨿᨳᩣᨳᩣᨾᩴ ᨩᩥᨶᨧᨠ᩠ᨠᩣᨽᩥᩅᨯ᩠ᨰᨠᩮᩣ

ᩈᨾ᩠ᨾᨴᩥᨭ᩠ᨮᩥᨸᩩᩁᨠ᩠ᨡᩣᩁᩮᩣ ᩋᨶᨬ᩠ᨬᩈᨳᩩᨠᩮᩣ ᨲᨳᩣ

ᩈᩩᩁᨠ᩠ᨡᩮᩣ ᨠᩣᨿᨠᨾ᩠ᨾᩣᨴᩥ ᩈᨾᨣ᩠ᨣᩣᨽᩥᩁᨲᩮᩣᨸᩥ ᨧ

ᩋᨠᩩᨽᩮᩣ ᨶ ᨧᩁᩮ ᨧᨠ᩠ᨠᩮ ᨻᩩᨴ᩠ᨵᩣᨴᩥᩈᩁᨱᨦ᩠ᨣᨲᩮᩣ

ᨴᩈ ᩏᨸᩣᩈᨠᨣᩩᨱᩣ ᨶᩣᨣᩈᩮᨶᩮᨶ ᨴᩮᩈᩥᨲᩣ’ᨲᩥ

ᩍᨴᩴ ᩏᨸᩣᩈᨠᨣᩩᨱᨴᩈᨠᩴ ᨶᩣᨾ.

ᨣᨦ᩠ᨣᩣ ᨿᨾᩩᨶᩣ ᩋᨧᩥᩁᩅᨲᩦ ᩈᩁᨽᩩ ᨾᩉᩦ ᩈᩥᨵᩩ ᩈᩁᩔᨲᩦ ᩅᩮᨲᩕᩅᨲᩦ ᩅᩥᨲᨳᩣ ᨧᨴᨽᩣᨣᩣ’ᨲᩦ ᩍᨴᩴᨶᨴᩥᨴᩈᨠᩴ ᨶᩣᨾ.

ᩈᩦᨲᩴ ᩏᨱ᩠ᩉᩴ ᨩᩥᨥᨧ᩠ᨨᩣ ᨸᩥᨸᩣᩈᩣ ᩏᨧ᩠ᨧᩣᩁᩮᩣ ᨸᩔᩣᩅᩮᩣ ᨳᩥᨶᨾᩥᨴ᩠ᨵᩴ ᨩᩁᩣ ᨻ᩠ᨿᩣᨵᩥ ᨾᩁᨱᨶ᩠ᨲᩥ ᩍᨴᩴ ᨠᩣᨿᩣᨶᩩᩅᨲ᩠ᨲᨠᨴᩈᨠᩴ ᨶᩣᨾ.

ᨻᩩᨴ᩠ᨵᩮ ᩈᨣᩣᩁᩅᩮᩣ, ᨵᨾ᩠ᨾᩮ ᩈᨣᩣᩁᩅᩮᩣ, ᩈᨦ᩠ᨥᩮ ᩈᨣᩣᩁᩅᩮᩣ, ᩈᨻᩕᩉ᩠ᨾᨧᩣᩁᩥᩈᩩ ᩈᨣᩣᩁᩅᩮᩣ, ᩏᨴ᩠ᨴᩮᩈᨸᩁᩥᨸᩩᨧ᩠ᨨᩣᩈᩩ ᩅᩣᨿᨾᨲᩥ, ᩈᩅᨱᨻᩉᩩᩃᩮᩣ ᩉᩮᩣᨲᩥ, ᨽᩥᨶ᩠ᨶᩈᩦᩃᩮᩣ’ᨸᩥ ¶ ᩌᨠᨸ᩠ᨸᩴ ᩏᨸᨭ᩠ᨮᩣᨸᩮᨲᩥ, ᨣᩁᩉᨽᨿᩣ ᨠᩣᨿᩥᨠᩅᩣᨧᩈᩥᨠᨬ᩠ᨧᩔ ᩈᩩᩁᨠ᩠ᨡᩥᨲᩴ ᩉᩮᩣᨲᩥ, ᨸᨵᩣᨶᩣᨽᩥᨾᩩᨡᩴ ᨧᩥᨲ᩠ᨲᩴ ᩉᩮᩣᨲᩥ, ᨠᩁᩮᩣᨶ᩠ᨲᩮᩣᨸᩥ ᨸᩣᨸᩴ ᨸᨭᩥᨧ᩠ᨨᨶ᩠ᨶᩴ ᩌᨧᩁᨲᩦ’ᨲᩥ ᩍᨴᩴ ᨣᩥᩉᩥᨴᩩᩔᩦᩃᩣᨵᩥᨠᨣᩩᨱᨴᩈᨠᩴ ᨶᩣᨾ.

ᩋᩅᨩ᩠ᨫᨠᩅᨧᨵᩣᩁᨱᨠᩮᩣ, ᩍᩈᩥᩈᩣᨾᨬ᩠ᨬᨽᨱ᩠ᨯᩃᩥᨦ᩠ᨣᨵᩣᩁᨱᨠᩮᩣ, ᩈᨦ᩠ᨥᩈᨾᨿᨾᨶᩩᨸᩅᩥᨭ᩠ᨮᨲᩣᨿ ᨻᩩᨴ᩠ᨵᨵᨾ᩠ᨾᩈᨦ᩠ᨥᩁᨲᨶᨣᨲᨲᩣᨿ ᨸᨵᩣᨶᩣᩃᨿᨶᩥᨠᩮᨲᩅᩣᩈᨲᩣᨿ ᨩᩥᨶᩈᩣᩈᨶᩮ ᨵᨶᨸᩁᩥᨿᩮᩈᨶᨲᩮᩣ ᩅᩁᨵᨾ᩠ᨾᨴᩮᩈᨶᨲᩮᩣ ᨵᨾ᩠ᨾᨴᩦᨸᨣᨲᩥᨸᩁᩣᨿᨱᨲᩣᨿ’ ᩋᨣ᩠ᨣᩮᩣ ᨻᩩᨴ᩠ᨵᩮᩣ’ᨲᩥ ᩑᨠᨶ᩠ᨲᩮᩣᨩᩩᨴᩥᨭ᩠ᨮᩥᨲᩣᨿ ᩏᨸᩮᩣᩈᨳᩈᨾᩣᨴᩣᨶᨲᩮᩣ ᨴᨠ᩠ᨡᩥᨱᩴ ᩅᩥᩈᩮᩣᨵᩮᨲᩦ’ᨲᩥ ᩑᨠᨶ᩠ᨲᩮᩣᨩᩩᨴᩥᨭ᩠ᨮᩥᨲᩣᨿ ᩏᨸᩮᩣᩈᨳᩈᨾᩣᨴᩣᨶᨲᩮᩣ ᨴᨠ᩠ᨡᩥᨱᩴ ᩅᩥᩈᩮᩣᨵᩮᨲᩦ’ᨲᩥ ᩑᨠᨶ᩠ᨲᩮᩣᨩᩩᨴᩥᨭ᩠ᨮᩥᨲᩣᨿ ᩏᨸᩮᩣᩈᨳᩈᨾᩣᨴᩣᨶᨲᩮᩣ ᨴᨠ᩠ᨡᩥᨱᩴ ᩅᩥᩈᩮᩣᨵᩮᨲᩦ’ᨲᩥ ᩍᨴᩴ ᨴᨠ᩠ᨡᩥᨱᩣᩅᩈᩮᨶ ᨴᩈᨠᩴ ᨶᩣᨾ.

ᩋᩃᨣ᩠ᨣᨶᨲᩣ, ᨶᩥᩁᩣᩃᨿᨲᩣ, ᩅᩣᨣᩮᩣ, ᨸᩉᩣᨱᩴ, ᩋᨸᩩᨶᩁᩣᩅᨲ᩠ᨲᩥᨲᩣ, ᩈᩩᨡᩩᨾᨲᩣ, ᨾᩉᨶ᩠ᨲᨲᩣ, ᨴᩩᩁᨶᩩᨻᩮᩣᨵᨲᩣ, ᨴᩩᩃ᩠ᩃᨽᨲᩣ ᩋᩈᨴᩥᩈᨲᩣ, ᨻᩩᨴ᩠ᨵᨵᨾ᩠ᨾᩔᩣ’ᨲᩥ ᩍᨴᩴ ᨻᩮᩣᨵᩥᩈᨲ᩠ᨲᨣᩩᨱᨴᩈᨠᩴ ᨶᩣᨾ.

ᨾᨩ᩠ᨩᨩᨴᩣᨶᩴ, ᩈᨾᨩ᩠ᨩᨴᩣᨶᩴ, ᩍᨳᩥᨴᩣᩴ, ᩋᩈᨽᨴᩣᨶᩴ, ᨧᩥᨲ᩠ᨲᨠᨾ᩠ᨾᨴᩣᨶᩴ, ᩅᩥᩈᨴᩣᨶᩴ, ᩈᨳᨴᩣᨶᩴ, ᩈᨦ᩠ᨡᩃᩥᨠᨴᩣᨶᩴ, ᨠᩩᨠ᩠ᨠᩩᨭᩈᩪᨠᩁᨴᩣᨶᩴ, ᨲᩩᩃᩣᨠᩪᨭ ᨾᩣᨶᨶᨠᩪᨭᨴᩣᨶᨶᨶ᩠ᨲᩥ ᩍᨴᩴ ᩃᩮᩣᨠᩮ ᩋᨴᩣᨶᩈᨾ᩠ᨾᨲᨴᩣᨶᩴ ᨶᩣᨾ.

ᨾᩣᨲᩣ ᨻᨵᨶᩴ, ᨸᩥᨲᩣ ᨻᨵᨶᩴ, ᨽᩁᩥᨿᩣ ᨻᨵᨶᩴ, ᨸᩩᨲ᩠ᨲᩣ ᨻᨵᨶᩴ, ᨬᩣᨲᩦ ᨻᨵᨶᩴ, ᨾᩥᨲ᩠ᨲᩣᨻᨵᨶᩴ, ᨵᨶᩴ ᨻᨵᨶᩴ, ᩃᩣᨽᩈᨠ᩠ᨠᩣᩁᩮᩣᨻᨵᨶᩴ, ᩍᩔᩁᩥᨿᩴ ᨻᨵᨶᩴ, ᨸᨬ᩠ᨧᨠᩣᨾᨣᩩᨱᩣ ᨻᨵᨶᨶ᩠ᨲᩥ ᩍᨴᩴ ᨻᨵᨶᨴᩈᨠᩴ ᨶᩣᨾ.

ᩅᩥᨵᩅᩣ ᩍᨳᩥ, ᨴᩩᨻ᩠ᨻᩃᩮᩣ ᨸᩩᨣ᩠ᨣᩃᩮᩣ, ᩋᨾᩥᨲ᩠ᨲᨬᩣᨲᩥᨸᩩᨣ᩠ᨣᩃᩮᩣ, ᨾᩉᨣ᩠ᨥᩈᩮᩣ, ᩋᨶᩣᨧᩣᩁᩥᨿᨠᩩᩃᩅᩣᩈᩦ, ᨸᩣᨸᨾᩥᨲ᩠ᨲᩮᩣ, ᨵᨶᩉᩦᨶᩮᩣ, ᩌᨧᩁᩥᨿᩉᩦᨶᩮᩣ, ᨠᨾ᩠ᨾᩉᩦᨶᩮᩣ, ᨸᨿᩮᩣᨣᩉᩦᨶᩮᩣ ᨸᩩᨣ᩠ᨣᩃᩮᩣ’ᨲᩥ ᩍᨴᩴ ᩒᨬᩣᨲᨻ᩠ᨻᨸᩩᨣ᩠ᨣᩃᨴᩈᨠᩴ ᨶᩣᨾ.

ᨴᨾᩮ ᩈᨾᩮ ᨡᨶ᩠ᨲᩥᩈᩴᩅᩁᩮ ᨿᨾᩮ ᨶᩥᨿᨾᩮ ᩋᨠ᩠ᨠᩮᩣᨵᩮ ᩅᩥᩉᩥᩴᩈᩣᨿ ᩈᨧ᩠ᨧᩮ ᩈᩮᩣᨧᩮᨿ᩠ᨿᩮ’ᨲᩥ ᨴᩈᨭ᩠ᨮᩣᨶᩮᩈᩩ ᩈᨲᨲᩴ ᨧᩥᨲ᩠ᨲᩴ ᨸᩅᨲ᩠ᨲᨲᩦ’ᨲᩥ ᩍᨴᩴ ᩅᩮᩔᨶ᩠ᨲᩁᨣᩩᨱᨴᩈᨠᩴ ᨶᩣᨾᩣ’ᨲᩥ.

ᩑᨠᩣᨴᩈ ᨴᩈᨠᩣ ᩅᩩᨲ᩠ᨲᩣ.

᪑᪑. ᩌᨠᩣᩈᩔ ᩑᨠᩣᨴᩈ ᨣᩩᨱᩣ ᨶᩥᨻ᩠ᨻᩣᨶᩴ ᩋᨶᩩᨸ᩠ᨸᩅᩥᨭ᩠ᨮᩣ? ᨶ ᨩᩣᨿᨲᩥ, ᨶᨩᩥᨿ᩠ᨿᨲᩥ, ᨶ ᨾᩥᨿ᩠ᨿᨲᩥ, ᨶ ᨧᩅᨲᩥ, ᨶ ᩏᨸ᩠ᨸᨩ᩠ᨩᨲᩥ, ᨴᩩᨸ᩠ᨸᩈᨿ᩠ᩉᩮᩣ, ᩋᨧᩮᩣᩁᩉᩁᨱᩮᩣ, ᩋᨶᩥᩔᩥᨲᩮᩣ, ᩅᩥᩉᨦ᩠ᨣᨣᨾᨶᩮᩣ, ᨶᩥᩁᩣᩅᩁᨱᩮᩣ, ᩋᨶᨶ᩠ᨲᩮᩣ’ᨲᩥ ᩍᨴᩴ ᩌᨠᩣᩈᨣᩩᨱᨠᩣᨴᩈᨠᩴ ᨶᩣᨾ.

ᩈᩦᩃᨸᩣᨠᩣᩁᩴ …ᨸᩮ… ᩈᨲᩥᨸᨭ᩠ᨮᩣᨶᩅᩦᨳᩥᨠᨶ᩠ᨲᩥ ᩍᨴᩴ ᨵᨾ᩠ᨾᨶᨣᩁᨸᩁᩥᩅᩣᩁᩮᨠᩣᨴᩈᨠᩴ ᨶᩣᨾᩣ’ᨲᩥ ᨴ᩠ᩅᩮ ᩑᨠᩣᨴᩈᨠᩣ ᩅᩩᨲ᩠ᨲᩣ.

᪑᪒. ¶ ᩁᨲ᩠ᨲᩮᩣ ᩁᩣᨣᩅᩈᩮᨶ ᩋᨸᨧᩥᨲᩥᩴ ᨶ ᨠᩁᩮᩣᨲᩥ, ᨴᩩᨭ᩠ᨮᩮᩣ ᨴᩮᩣᩈᩅᩈᩮᨶ, ᨾᩪᩊ᩠ᩉᩮᩣ ᨾᩮᩣᩉᩅᩈᩮᨶ, ᩏᨶ᩠ᨶᩊᩮᩣᨾᩣᨶᩅᩈᩮᨶ, ᨶᩥᨣ᩠ᨣᩩᨱᩮᩣ ᩋᩅᩥᩈᩮᩈᨲᩣᨿ, ᩋᨲᩥᨳᨴ᩠ᨵᩮᩣ ᩋᨲᩥᩈᩮᨵᨲᩣᨿ, ᩉᩦᨶᩮᩣ ᩉᩦᨶᨽᩣᩅᨲᩣᨿ,ᩅᨧᨶᨠᩁᩮᩣ ᩋᨶᩥᩔᩁᨲᩣᨿ, ᨸᩣᨸᩮᩣ ᨠᨴᩁᩥᨿᨲᩣᨿ, ᨴᩩᨠ᩠ᨡᩣᨸᩥᨲᩮᩣ ᨴᩩᨠ᩠ᨡᩣᨸᩥᨲᨲᩣᨿ, ᩃᩩᨴ᩠ᨵᩮᩣ ᩃᩮᩣᨽᩅᩈᩮᨶ, ᩌᨿᩪᩉᩥᨲᩮᩣ ᩋᨳᩈᩣᨵᨶᩅᩈᩮᨶ ᩋᨸᨧᩥᨲᩥᩴ ᨶ ᨠᩁᩮᩣᨲᩦᨲᩥ ᩍᨴᩴ ᩋᨸᨧᩥᨲᩥᩋᨠᩣᩁᨠᨸᩩᨣ᩠ᨣᩃᨴ᩠ᩅᩣᨴᩈᨠᩴ ᨶᩣᨾ ᩑᨠᨾᩮᩅ ᩌᨣᨲᩴ.

᪑᪓. ᨸᩴᩈᩩᨠᩪᩃᩥᨠᨦ᩠ᨣᩴ ᨲᩮᨧᩦᩅᩁᩥᨠᨦ᩠ᨣᩴ ᨸᩥᨱ᩠ᨯᨸᩣᨲᩥᨠᨦ᩠ᨣᩴ ᩈᨸᨴᩣᨶᨧᩣᩁᩥᨠᨦ᩠ᨣᩴ ᩑᨠᩣᩈᨶᩥᨠᨦ᩠ᨣᩴ ᨸᨲ᩠ᨲᨸᩥᨱ᩠ᨯᩥᨠᨦ᩠ᨣᩴ ᨡᩃᩩᨸᨧᨨᩣᨽᨲ᩠ᨲᩥᨠᨦ᩠ᨣᩴ ᩌᩁᨬ᩠ᨬᩥᨠᨦ᩠ᨣᩴ ᩁᩩᨠ᩠ᨡᨾᩪᩃᩥᨠᨦ᩠ᨣᩴ ᩋᨻ᩠ᨽᩮᩣᨠᩣᩈᩥᨠᨦ᩠ᨣᩴ ᩈᩮᩣᩈᩣᨶᩥᨠᨦ᩠ᨣᩴ ᨿᨳᩣᩈᨳᨲᩥᨠᨦ᩠ᨣᩴ ᨶᩮᩈᨩᨩᩥᨠᨦ᩠ᨣᨶ᩠ᨲᩥ ᩍᨴᩴ ᨵᩩᨲᨦ᩠ᨣᨲᩮᩁᩈᨠᩴ ᨶᩣᨾ ᩑᨠᨾᩮᩅ.

᪑᪔. ᨧᩩᨴ᩠ᨴᩈᨻᩩᨴ᩠ᨵᨬᩣᨱᩅᩈᩮᨶ ᨧᩩᨴ᩠ᨴᩈᨠᩴ ᩅᩮᨴᩥᨲᨻ᩠ᨻᩴ.

᪑᪖. ᩋᩃᨦ᩠ᨠᩣᩁᨸᩊᩥᨻᩮᩣᨵᩮᩣ, ᨾᨱ᩠ᨯᨶᨸᩊᩥᨻᩮᩣᨵᩮᩣ, ᨲᩮᩃᨾᨠ᩠ᨡᨶᨸᩊᩥᨻᩮᩣᨵᩮᩣ, ᩅᨱ᩠ᨱᨸᩊᩥᨻᩮᩣᨵᩮᩣ, ᨾᩣᩃᩣᨸᩊᩥᨻᩮᩣᨵᩮᩣ, ᨣᨵᨸᩊᩥᨻᩮᩣᨵᩮᩣ, ᩅᩣᩈᨸᩊᩥᨻᩮᩣᨵᩮᩣ, ᩉᩁᩦᨭᨠᩥᨸᩊᩥᨻᩮᩣᨵᩮᩣ, ᩌᨾᩃᨠᨸᩊᩥᨻᩮᩣᨵᩮᩣ, ᩁᨦ᩠ᨣᨸᩊᩥᨻᩮᩣᨵᩮᩣ, ᨻᨵᨶᨸᩊᩥᨻᩮᩣᨵᩮᩣ, ᨠᩮᩣᨧ᩠ᨨᨸᩊᩥᨻᩮᩣᨵᩮᩣ, ᨠᨸ᩠ᨸᨠᨸᩊᩥᨻᩮᩣᨵᩮᩣ, ᩅᩥᨩᨭᨶᨸᩊᩥᨻᩮᩣᨵᩮᩣ, ᩐᨠᩣᨸᩊᩥᨻᩮᩣᨵᩮᩣ, ᨠᩮᩈᩮᩈᩩ ᩃᩪᨿᨶ᩠ᨲᩮᩈᩩ ᩈᩮᩣᨧᨶ᩠ᨲᩥ ᨠᩥᩃᨾᨶ᩠ᨲᩥ ᨸᩁᩥᨴᩮᩅᨶ᩠ᨲᩥ ᩏᩁᨲ᩠ᨲᩣᩊᩥᩴ ᨠᨴᨶ᩠ᨲᩥ ᩈᨾ᩠ᨾᩮᩣᩉᩴ ᩌᨸᨩ᩠ᨩᨶ᩠ᨲᩦᨲᩥ ᩍᨴᩴ ᨠᩮᩈᨸᩊᩥᨻᩮᩣᨵᩈᩮᩣᩊᨠᩴ.

ᨲᩥᩁᨧ᩠ᨨᨶᨣᨲᩮᩣ ᨸᩮᨲᩮᩣ ᨾᩥᨧ᩠ᨨᩣᨴᩥᨭ᩠ᨮᩥᨲᩮᩣ ᨠᩩᩉᨠᩮᩣ ᨾᩣᨲᩩᨥᩣᨲᨠᩮᩣ ᨸᩥᨲᩩᨥᩣᨲᨠᩮᩣ ᩋᩁᩉᨶ᩠ᨲᨥᩣᨲᨠᩮᩣ ᩃᩮᩣᩉᩥᨲᩩᨸ᩠ᨸᩣᨴᨠᩮᩣ ᩈᨦ᩠ᨥᨽᩮᨴᨠᩮᩣ ᨲᩥᨳᩥᨿᨸᨠ᩠ᨠᨶ᩠ᨲᨠᩮᩣ ᨳᩮᨿ᩠ᨿᩈᩴᩅᩣᩈᨠᩮᩣ ᨽᩥᨠ᩠ᨡᩩᨶᩦᨴᩪᩈᨠᩮᩣ ᨲᩮᩁᩈᨶ᩠ᨶᩴ ᨣᩁᩩᨠᩣᨸᨲ᩠ᨲᩦᨶᩴ ᩋᨬ᩠ᨬᨲᩁᩴ ᩌᨸᨩ᩠ᨩᩥᩅᩣ ᩋᩅᩩᨭ᩠ᨮᩥᨲᩮᩣ ᨸᨱ᩠ᨯᨠᩮᩣ, ᩏᨽᨲᩮᩣᨻ᩠ᨿᨬ᩠ᨩᨶᨠᩮᩣ, ᩐᨶᩈᨲ᩠ᨲᩅᩔᨠᩮᩣ’ᨲᩥ ᩍᨴᩴ ᩋᨵᨾ᩠ᨾᩣᨽᩥᩈᨾᨿᨸᩩᨣ᩠ᨣᩃᩈᩮᩣᩊᩈᨠᨶ᩠ᨲᩦ ᨴ᩠ᩅᩮ ᩈᩮᩣᩊᩈᨠᩣ ᩅᩩᨲ᩠ᨲᩣ.

᪑᪗. ᩋᨽᩥᨩᩣᨶᨲᩮᩣ ᩈᨲᩥ ᩏᨸ᩠ᨸᨩ᩠ᨩᨲᩥ ᨠᨭᩩᨾᩥᨠᩣᨿ, ᩒᩊᩣᩁᩥᨠᩅᩥᨬ᩠ᨬᩣᨱᨲᩮᩣ ᩉᩥᨲᩅᩥᨬ᩠ᨬᩣᨱᨲᩮᩣ ᩋᩉᩥᨲᩅᩥᨬ᩠ᨬᩣᨱᨲᩮᩣ ᩈᨽᩣᨣᨶᩥᨾᩥᨲ᩠ᨲᨲᩮᩣ ᩅᩦᩈᨽᩣᨣᨶᩥᨾᩥᨲ᩠ᨲᨲᩮᩣ ᨠᨳᩣᨽᩥᨬᨬᩣᨱᨲᩮᩣ ᩃᨠ᩠ᨡᨱᨲᩮᩣ ᩈᩁᨱᨲᩮᩣ ᨾᩩᨴ᩠ᨴᨲᩮᩣ ᨣᨱᨶᩣᨲᩮᩣ ᨵᩣᩁᨱᨲᩮᩣ ᨽᩣᩅᨶᨲᩮᩣ ᨸᩮᩣᨲ᩠ᨳᨠᨶᩥᨻᨵᨶᨲᩮᩣ ᩏᨸᨶᩥᨠ᩠ᨡᩮᨸᨲᩮᩣ ᩋᨶᩩᨽᩩᨲᨲᩮᩣ ᩈᨲᩥ ᩏᨸ᩠ᨸᨩ᩠ᨩᨲᩦᨲᩥ ᩍᨴᩴ ᩈᨲᩥᩏᨸ᩠ᨸᨩ᩠ᨩᨶᩣᨠᩣᩁᩈᨲ᩠ᨲᩁᩈᨠᩴ ᩑᨠᨾᩮᩅ.

᪑᪘. ¶ ᩋᨭ᩠ᨮᩣᩁᩈᨻᩩᨴ᩠ᨵᨵᨾ᩠ᨾᩅᩈᩮᨶ ᩋᨭ᩠ᨮᩣᩁᩈᨠᩴ ᩅᩮᨴᩥᨲᨻ᩠ᨻᩴ.

᪑᪙. ᩈᩩᨲᩥ ᩈᩩᨾᩩᨲᩥ ᩈᩴᨡ᩠ᨿᨿᩮᩣᨣᩣ ᨬᩣᨿᩅᩮᩈᩮᩈᩥᨠᩣ ᨣᨱᩥᨲᩣ ᨣᨵᨻ᩠ᨻᩣ ᨲᩥᨠᩥᨧ᩠ᨨᩣ ᨧᨲᩩᨻ᩠ᨻᩮᨴᩣ ᨸᩩᩁᩣᨱᩣ ᩍᨲᩥᩉᩣᩈᨩᩮᩣᨲᩥᩈᩣ ᨾᩣᨿᩣ ᩉᩮᨲᩩ ᨾᨶ᩠ᨲᨶᩣ ᨿᩩᨴ᩠ᨵᩣ ᨨᨴᩈᩣ ᨻᩩᨴ᩠ᨵᩅᨧᨶᩮᨶ ᩑᨠᩪᨶᩅᩦᩈᨲᩦᨲᩥ ᩍᨴᩴ ᩁᨬ᩠ᨬᩮᩣ ᩈᩥᨠ᩠ᨡᩥᨲᩈᨳᩮᨠᩪᨶᩅᩥᩈᨲᩥᨠᩴ.

᪒᪒. ᩋᨣ᩠ᨣᩮᩣ ᨿᨾᩮᩣ ᩈᩮᨭ᩠ᨮᩮᩣ ᨶᩥᨿᨾᩮᩣ ᩉᩣᩁᩮᩣ ᩅᩥᩉᩣᩁᩮᩣ ᩈᩴᨿᨾᩮᩣ ᩈᩴᩅᩁᩮᩣ ᨡᨶ᩠ᨲᩥ ᩈᩮᩣᩁᨧ᩠ᨧᩴ ᩑᨠᨶ᩠ᨲᨧᩁᩥᨿᩣ ᩑᨠᨲ᩠ᨲᩣᨽᩥᩁᨲᩥ ᨸᨭᩥᩈᩃ᩠ᩃᩣᨶᩴ ᩉᩥᩁᩥ ᩒᨲ᩠ᨲᨸ᩠ᨸᩴ ᩅᩦᩁᩥᨿᩴ ᩋᨸ᩠ᨸᨾᩣᨴᩮᩣ ᩈᩥᨠ᩠ᨡᩣᨸᨴᩣᨶᩴ ᩏᨴ᩠ᨴᩮᩈᩮᩣ ᨸᩁᩥᨸᩩᨧ᩠ᨨᩣ ᩈᩦᩃᩣᨴᩥᩋᨽᩥᩁᨲᩥ ᨶᩥᩁᩣᩃᨿᨲᩣ ᩈᩥᨠ᩠ᨡᩣᨸᨴᨸᩣᩁᩥᨸᩪᩁᩥᨲᩣᨲᩥ ᨻᩣᩅᩦᩈᨲᩥᩈᨾᨱᨠᩁᨱᩣ ᨵᨾ᩠ᨾᩣ ᨠᩣᩈᩣᩅᨵᩣᩁᨱᩴ ᨽᨱ᩠ᨯᩩᨽᩣᩅᩮᩣ ᨧᩣ’ᨲᩥ ᨴ᩠ᩅᩮ ᩃᩥᨦ᩠ᨣᩣᨶᩥ ᨸᨠ᩠ᨡᩥᨸᩥᩅᩣ ᩅᨴᨶᨠᩣᩁᨱᨣᩩᨱᨻᩣᩅᩦᩈᨲᩥᨠᩴ.

᪒᪕. ᩌᩁᨠ᩠ᨡᩣ ᩈᩮᩅᨶᩣ ᨧᩮᩅ ᨸᨾᨲ᩠ᨲᨸ᩠ᨸᨾᨲ᩠ᨲᩣ ᨲᨳᩣ ᩈᩮᨿ᩠ᨿᩣᩅᨠᩣᩈᩮᩣ ᨣᩮᩃᨬ᩠ᨬᩴ ᨽᩮᩣᨩᨶᩴ ᩃᨻ᩠ᨽᨠᨬ᩠ᨧᩮᩅ ᩅᩥᩈᩮᩈᩮᩣ ᨧ ᩅᩥᨩᩣᨶᩥᨿᩣ ᨸᨲ᩠ᨲᨽᨲ᩠ᨲᩴ ᩈᩴᩅᩥᨽᨩᩮ ᩋᩔᩣᩈᩮᩣ ᨧ ᨸᨭᩥᨧᩣᩁᩮᩣ ᨣᩣᨾᩅᩥᩉᩁᩴ ᨧᩣᩁᩣ ᨻᩮ ᩈᩃ᩠ᩃᩣᨸᩮᩣ ᨸᨶ ᨠᩣᨲᨻ᩠ᨻᩮᩣ ᨨᩥᨴ᩠ᨴᩴ ᨴᩥᩈ᩠ᩅᩣ ᨡᨾᩮᨿ᩠ᨿ ᨧ ᩈᨠ᩠ᨠᨧ᩠ᨧᩣᨡᨱ᩠ᨯᨠᩣᩁᩦ ᨴ᩠ᩅᩮ ᩋᩁᩉᩔᩣᩈᩮᩈᨠᩣᩁᩥ ᨴ᩠ᩅᩮ ᨩᨶᩮᨿ᩠ᨿ ᨩᨶᨠᩴ ᨧᩥᨲ᩠ᨲᩴ ᩅᨯ᩠ᨰᩥᨧᩥᨲᨲᩴ ᨩᨶᩮᨿ᩠ᨿ ᨧ ᩈᩥᨠ᩠ᨡᩣᨻᩃᩮ ᨮᨸᩮᨿ᩠ᨿ ᨶᩴ ᨾᩮᨲ᩠ᨲᩴ ᨧᩥᨲ᩠ᨲᨬ᩠ᨧ ᨽᩣᩅᨿᩮ. ᨶ ᨩᩉᩮ ᩋᨸᨴᩣᨿ ᨧ ᨠᩁᨱᩦᨿᩮ ᨧ ᩏᩔᩩᨠᩴ ᨸᨣ᩠ᨣᩉᩮ ᨡᩃᩥᨠᩴ ᨵᨾ᩠ᨾᩮ. ᩍᨲᩥ ᨸᩴᨧᩅᩦᩈ ᨣᩩᨱᩣᨾᩥᩃᩥᨴᩮᨶ ᨸᨠᩣᩈᩥᨲᩣ’ᨲᩥ ᩍᨴᩴ ᩋᨶ᩠ᨲᩮᩅᩣᩈᩥᨠᨾ᩠ᩉᩥ ᩌᨧᩁᩥᨿᩮᨶ ᨠᨲᨣᩩᨱᨸᩴᨧᩅᩦᩈᨲᩥᨠᩴ

ᨠᩮᩣᨵᩮᩣ ᩏᨸᨶᩣᩉᩮᩣ ᨾᨠ᩠ᨡᩮᩣ ᨸᩃᩣᩈᩮᩣ ᩍᩔᩣ ᨾᨧ᩠ᨨᩁᩥᨿᩴ ᨾᩣᨿᩣ ᩈᩣᨮᩮᨿ᩠ᨿᩴ ᨳᨾ᩠ᩉᩮᩣ ᩈᩣᩁᨾ᩠ᩉᩮᩣ ᨾᩣᨶᩮᩣ ᩋᨲᩥᨾᩣᨶᩮᩣ ᨾᨴᩮᩣ ᨸᨾᩣᨴᩮᩣ ᨳᩥᨶᨾᩥᨴ᩠ᨵᩴ ᨶᨴᩥ ᩌᩃᩈ᩠ᨿᩴ ᨸᩣᨸᨾᩥᨲ᩠ᨲᨲᩣ ᩁᩪᨸᩣ ᩈᨴ᩠ᨴᩣ ᨣᨵᩣ ᩁᩈᩣ ᨹᩮᩣᨭ᩠ᨮᨻ᩠ᨻᩣ ᨻᩩᨵᩣ ᨸᩥᨸᩣᩈᩣ ᩋᩁᨲᩦᨲᩥ ᩍᨴᩴ ᨧᩥᨲ᩠ᨲᨴᩩᨻ᩠ᨻᩃᩦᨠᩁᨱᨵᨾ᩠ᨾᨸᨬ᩠ᨧᩅᩦᩈᨲᩥᨠᨶ᩠ᨲᩥ ᨴ᩠ᩅᩮ ᨸᨬ᩠ᨧᩅᩦᩈᨲᩥᨠᩣ ᩅᩩᨲ᩠ᨲᩣ.

᪒᪘. ¶ ᨸᨭᩥᩈᩃ᩠ᩃᩣᨶᩴ ᨸᨭᩥᩈᩃ᩠ᩃᩥᨿᨾᩣᨶᩴ ᨸᩩᨣ᩠ᨣᩃᩴ ᩁᨠ᩠ᨡᨲᩥ. ᩌᨿᩩᩴ ᩅᨯ᩠ᨰᩮᨲᩥ, ᨻᩃᩴ ᩅᨯ᩠ᨰᩮᨲᩥ, ᩅᨩ᩠ᨩᩴ ᨸᩥᨴᩉᨲᩥ, ᩋᨿᩈᩴ ᩋᨸᨶᩮᨲᩥ, ᨿᩈᩴ ᩏᨸᨴᩉᨲᩥ, ᩋᩁᨲᩥᩴ ᩋᨸᨶᩮᨲᩥ, ᩁᨲᩥᩴ ᩏᨸᨴᩉᨲᩥ, ᨽᨿᩴ ᩋᨸᨶᩮᨲᩥ, ᩅᩮᩈᩣᩁᨩ᩠ᨩᩴ ᨠᩁᩮᩣᨲᩥ, ᨠᩮᩣᩈᨩ᩠ᨩᩴ ᩋᨸᨶᩮᨲᩥ, ᩅᩦᩁᩥᨿᩴ ᩋᨽᩥᨩᨶᩮᨲᩥ, ᩁᩣᨣᩴ ᩋᨸᨶᩮᨲᩥ, ᨴᩮᩣᩈᩴ ᩋᨸᨶᩮᨲᩥ, ᨾᩮᩣᩉᩴ ᩋᨸᨶᩮᨲᩥ, ᨾᩣᨶᩴ ᨶᩥᩉᨶ᩠ᨲᩥ, ᩅᩥᨲᨠ᩠ᨠᩴ ᨽᨬ᩠ᨩᨲᩥ, ᨧᩥᨲ᩠ᨲᨾᩮᨠᨣ᩠ᨣᩴ ᨠᩁᩮᩣᨲᩥ, ᨾᩣᨶᩈᩴ ᩈᩥᨶᩮᩉᨿᨲᩥ, ᩉᩣᩈᩴᩋᨽᩥᨩᨶᩮᨲᩥ, ᨣᩁᩩᨠᩴᨠᩁᩮᩣᨲᩥ, ᨾᩣᨶᩴ ᩏᨸ᩠ᨸᩣᨴᨿᨲᩥ, ᨶᨾᩔᩥᨿᩴ ᨠᩁᩮᩣᨲᩥ, ᨸᩦᨲᩥᩴ ᨸᩣᨸᩮᨲᩥ, ᨸᩣᨾᩮᩣᨩ᩠ᨩᩴ ᨠᩁᩮᩣᨲᩥ, ᩈᨦ᩠ᨡᩣᩁᩣᨶᩴ ᩈᨽᩣᩅᩴ ᨴᩔᨿᨲᩥ, ᨽᩅᨸᨭᩥᩈᨵᩥᩴ ᩏᨣ᩠ᨥᩣᨭᩮᨲᩥ, ᩈᨻ᩠ᨻᩈᩣᨾᨬ᩠ᨬᩴ ᨴᩮᨲᩦᨲᩥ ᩍᨴᩴᨸᨭᩥᩈᩃ᩠ᩃᩣᨶᩮ ᨣᩩᨱᨭ᩠ᨮᩅᩦᩈᨲᩥᨠᩴ.

ᨾᩉᩮᩣᩈᨵᩮᩣ ᨾᩉᩣᩁᩣᨩ ᩈᩪᩁᩮᩣ, ᩉᩥᩁᩥᨾᩣ, ᩒᨲ᩠ᨲᩣᨸᩦ, ᩈᨸᨠ᩠ᨡᩮᩣ, ᨾᩥᨲ᩠ᨲᩈᨾ᩠ᨸᨶ᩠ᨶᩮᩣ, ᨡᨾᩮᩣ, ᩈᩦᩃᩅᩣ, ᩈᨧ᩠ᨧᩅᩣᨴᩦ, ᩈᩮᩣᨧᩮᨿ᩠ᨿᩈᨾ᩠ᨸᨶ᩠ᨶᩮᩣ, ᩋᨠᩮᩣᨵᨶᩮᩣ, ᩋᨶᨲᩥᨾᩣᨶᩦ, ᩋᨶᩩᩈᩪᨿᨠᩮᩣ, ᩅᩦᩁᩥᨿᩅᩣ, ᩌᨿᩪᩉᨠᩮᩣ, ᩈᨦ᩠ᨣᩣᩉᨠᩮᩣ, ᩈᩴᩅᩥᨽᩣᨣᩦ, ᩈᨡᩥᩃᩮᩣ, ᨶᩥᩅᩣᨲᩅᩩᨲ᩠ᨲᩥ, ᩋᩈᨮᩮᩣ, ᩋᨾᩣᨿᩣᩅᩦ, ᨻᩩᨴ᩠ᨵᩥᩈᨾ᩠ᨸᨶ᩠ᨶᩮᩣ, ᨠᩥᨲ᩠ᨲᩥᨾᩣ, ᩅᩥᨩ᩠ᨩᩣᩈᨾ᩠ᨸᨶ᩠ᨶᩮᩣ, ᩉᩥᨲᩮᩈᩦ ᩏᨸᨶᩥᩔᩥᨲᩣᨶᩴ, ᩋᨽᩥᩁᩪᨸᩮᩣ ᨴᩔᨶᩦᨿᩮᩣ, ᨸᨳᩥᨲᩮᩣ ᩈᨻ᩠ᨻᨩᨶᩔ, ᨵᨶᩅᩣ ᨿᩈᩅᩣ’ᨲᩥ ᩍᨴᩴ ᨾᩉᩮᩣᩈᨵᨣᩩᨱᨭ᩠ᨮᩅᩦᩈᨲᩥᨠᩴ ᩍᨲᩥ ᨴ᩠ᩅᩮ ᩋᨭ᩠ᨮᩅᩦᩈᨲᩥᨠᩣ ᩅᩩᨲ᩠ᨲᩣ.

᪓᪐. ᩍᨾᩮᩉᩥ ᨲᩮᩁᩈᩉᩥ ᨵᩩᨲᨣᩩᨱᩮᩉᩥ ᨸᩩᨻ᩠ᨻᩮ ᩌᩈᩮᩅᩥᨲᩮᩉᩥ ᨶᩥᩈᩮᩅᩥᨲᩮᩉᩥ ᨧᩥᨱ᩠ᨱᩮᩉᩥ ᨸᩁᩥᨧᩥᨱ᩠ᨱᩮᩉᩥ ᨧᩁᩥᨲᩮᩉᩥ ᨸᩁᩥᨸᩪᩁᩥᨲᩮᩉᩥ ᨶᩥᨾᩥᨲ᩠ᨲᨽᩪᨲᩮᩉᩥ ᩋᩁᩥᨿᩈᩣᩅᨠᩮᩣ ᩍᨵ ᨽᩅᩮ ᨲᩥᩴᩈᨣᩩᨱᩅᩁᩮᩉᩥ ᩈᨾᩩᨸᩮᨲᩮᩣ ᩉᩮᩣᨲᩥ ᨠᨲᨾᩮᩉᩥ ᨲᩥᩴᩈᨣᩩᨱᩅᩁᩮᩉᩥ? ᩈᩥᨶᩥᨴ᩠ᨵᨾᩩᨴᩩᨾᨴ᩠ᨴᩅᨾᩮᨲ᩠ᨲᨧᩥᨲ᩠ᨲᩮᩣ ᩉᩮᩣᨲᩥ, ᨥᩣᨲᩥᨲᩉᨲᩅᩥᩉᨲᨠᩥᩃᩮᩈᩮᩣ ᩉᩮᩣᨲᩥ, ᩉᨲᨶᩥᩉᨲᨾᩣᨶᨴᨸ᩠ᨸᩮᩣ ᩉᩮᩣᨲᩥ, ᩋᨧᩃᨴᩊ᩠ᩉᨶᩥᩅᩥᨭ᩠ᨮᨶᩥᨻ᩠ᨻᩮᨾᨲᩥᨠᩈᨴ᩠ᨵᩮᩣ ᩉᩮᩣᨲᩥ, ᨸᩁᩥᨸᩩᨱ᩠ᨱ-ᨸᩦᨱᩥᨲ. ᨸᩉᨭ᩠ᨮᩃᩮᩣᨽᨶᩥᨿ-ᩈᨶ᩠ᨲ-ᩈᩩᨡ-ᩈᨾᩣᨸᨲ᩠ᨲᩥᩃᩣᨽᩦ ᩉᩮᩣᨲᩥ, ᩈᩦᩃ-ᩅᩁ-ᨸᩅᩁ-ᩋᩈᨾ-ᩈᩩᨧᩥᨣᨵᨸᩁᩥᨽᩣᩅᩥᨲᩮᩣ ᩉᩮᩣᨲᩥ, ᨴᩮᩅᨾᨶᩩᩔᩣᨶᩴ ᨸᩥᨿᩮᩣ ᩉᩮᩣᨲᩥ ᨾᨶᩣᨸᩮᩣ, ᨡᩦᨱᩣᩈᩅ-ᩋᩁᩥᨿᨸᩩᨣ᩠ᨣᩃ-ᨸᨳᩥᨲᩮᩣ ᩉᩮᩣᨲᩥ, ᨴᩮᩅᨾᨶᩩᩔᩣᨶᩴ ᩅᨴᩥᨲᨸᩪᨩᩥᨲᩮᩣ ᨳᩩᨲᨳᩅᩥᨲᨳᩮᩣᨾᩥᨲᨸᩈᨳᩮᩣ, ᩍᨵ ᩅᩣ ᩉᩩᩁᩴ ᩅᩣ ᩃᩮᩣᨠᩮᨶ ᩋᨶᩩᨸᩃᩥᨲ᩠ᨲᩮᩣ, ᩋᨸ᩠ᨸᨳᩮᩣᨠᩅᨩ᩠ᨩᩮ’ᨸᩥ ᨽᨿᨴᩔᩣᩅᩦ, ᩅᩥᨸᩩᩃ-ᩅᩁ-ᩈᨾ᩠ᨸᨲ᩠ᨲᩥᨠᩣᨾᩣᨶᩴ ᨾᨣ᩠ᨣᨹᩃᩅᩁᨳᩈᩣᨵᨶᩮᩣ, ᩋᨿᩣᨧᩥᨲᩅᩥᨸᩩᩃᨸᨱᩦᨲᨸᨧ᩠ᨧᨿᨽᩣᨣᩦ, ᩋᨶᩥᨠᩮᨲᩈᨶᩮᩣ, ᨵᩣᨶᨩ᩠ᨫᩣᨿᩥᨲᨸᩅᩁᩅᩥᩉᩣᩁᩦ, ᩅᩥᨩᨭᩥᨲᨠᩥᩃᩮᩈᨩᩣᩃᩅᨳᩩᨠᩮᩣ, ᨽᩥᨶ᩠ᨶ-ᨽᨣ᩠ᨣ-ᩈᨦ᩠ᨠᩩᨭᩥᨲ-ᩈᨾ᩠ᩉᩥᨶ-ᨣᨲᩥᨶᩥᩅᩣᩁᨱᩮᩣ, ᩋᨠᩩᨸ᩠ᨸᨵᨾ᩠ᨾᩮᩣ, ᩋᩉᩦᨶᩦᨲᩅᩣᩈᩮᩣ, ᩋᨶᩅᨩ᩠ᨩᨽᩮᩣᨣᩦ, ᨣᨲᩥᩅᩥᨾᩩᨲ᩠ᨲᩮᩣ, ᩏᨲ᩠ᨲᩥᨱ᩠ᨱᩈᨻ᩠ᨻᩅᩥᨧᩥᨠᩥᨧ᩠ᨨᩮᩣ, ᩅᩥᨾᩩᨲ᩠ᨲᩥᨩ᩠ᨫᩣᨿᩥᨲᨲ᩠ᨲᩮᩣ, ᨴᩥᨭ᩠ᨮᨵᨾ᩠ᨾᩮᩣ, ᩋᨧᩃᨴᩊ᩠ᩉᨽᩦᩁᩩᨲ᩠ᨲᩣᨱᨾᩩᨸᨣᨲᩮᩣ, ᩈᨾᩩᨧ᩠ᨨᩥᨶ᩠ᨶᩣᨶᩩᩈᨿᩮᩣ, ᩈᨻ᩠ᨻᩣᩈᩅᨠ᩠ᨡᨿᨾ᩠ᨸᨲ᩠ᨲᩮᩣ, ᩈᨶ᩠ᨲᩈᩩᨡᩈᨾᩣᨸᨲ᩠ᨲᩥᩅᩥᩉᩣᩁᨻᩉᩩᩃᩮᩣ, ᩈᨻ᩠ᨻᩈᨾᨱᨱᨣᩩᨱᩈᨾᩩᨸᩮᨲᩮᩣ, ᩍᨾᩮᩉᩥ ᨲᩥᩴᩈᨣᩩᨱᩅᩁᩮᩉᩥ ᩈᨾᩩᨸᩮᨲᩮᩣ ᩉᩮᩣᨲᩥ. ᩍᨲᩥ ᨵᩩᨲᨦ᩠ᨣᨣᩩᨱᩣᨶᩥᩈᩴᩈᨣᩩᨱᩅᩁᨲᩥᩴᩈᨠᩴ.

ᨩᩣᨲᩥᨸᩥ ¶ ᨴᩩᨠ᩠ᨡᩣ, ᨩᩁᩣᨸᩥ ᨴᩩᨠ᩠ᨡᩣ, ᨻ᩠ᨿᩣᨵᩥᨸᩥ ᨴᩩᨠ᩠ᨡᩮᩣ, ᨾᩁᨱᨾ᩠ᨸᩥ ᨴᩩᨠ᩠ᨡᩴ, ᩈᩮᩣᨠᩮᩣᨸᩥ ᨸᩁᩥᨴᩮᩅᩮᩣᨸᩥ ᨴᩩᨠ᩠ᨡᩮᩣ,ᩏᨸᩣᨿᩣᩈᩮᩣᨸᩥ ᩋᨸ᩠ᨸᩥᨿᩮᩉᩥ ᩈᨾ᩠ᨸᨿᩮᩣᨣᩮᩣᨸᩥ ᨸᩥᨿᩮᩉᩥ ᩅᩥᨸ᩠ᨸᨿᩮᩣᨣᩮᩣᨸᩥ, ᨾᩣᨲᩩᨾᩁᨱᨾ᩠ᨸᩥ ᨸᩥᨲᩩᨾᩁᨱᨾ᩠ᨸᩥ ᨽᩣᨲᩩᨾᩁᨱᨾ᩠ᨸᩥ ᨽᨣᩥᨶᩥᨾᩁᨱᨾ᩠ᨸᩥ ᨬᩣᨲᩥᨾᩁᨱᨾ᩠ᨸᩥ ᨬᩣᨲᩥᨻ᩠ᨿᩈᨶᨾ᩠ᨸᩥ ᨽᩮᩣᨣᩅ᩠ᨿᩈᨶᨾ᩠ᨸᩥ ᩈᩦᩃᨻ᩠ᨿᩈᨶᨾ᩠ᨸᩥ ᨴᩥᨭ᩠ᨮᩥᨻ᩠ᨿᩈᨶᨾ᩠ᨸᩥ ᩁᩣᨩᨻ᩠ᨿᩈᨶᨾ᩠ᨸᩥ ᨧᩮᩣᩁᨻ᩠ᨿᩈᨶᨾ᩠ᨸᩥ ᩅᩮᩁᩥᨽᨿᨾ᩠ᨸᩥ ᨴᩩᨻ᩠ᨽᩥᨠ᩠ᨡᨽᨿᨾ᩠ᨸᩥ ᩋᨣ᩠ᨣᩥᨽᨿᨾ᩠ᨸᩥ ᨴᩩᨠ᩠ᨡᩴ, ᩏᨴᨠᨽᨿᨾ᩠ᨸᩥ ᨴᩩᨠ᩠ᨡᩴ, ᩐᨾᩥᨽᨿᨾ᩠ᨸᩥ ᩌᩅᨭ᩠ᨭᨽᨿᨾ᩠ᨸᩥ ᨠᩩᨾ᩠ᨽᩦᩃᨽᨿᨾ᩠ᨸᩥ ᩈᩩᩴᩈᩩᨾᩣᩁᨽᨿᨾ᩠ᨸᩥ ᩋᨲ᩠ᨲᩣᨶᩩᩅᩣᨴᨽᨿᨾ᩠ᨸᩥ ᨸᩁᩣᨶᩩᩅᩣᨴᨽᨿᨾ᩠ᨸᩥ ᩋᩈᩥᩃᩮᩣᨠᨽᨿᨾ᩠ᨸᩥ ᨴᨱ᩠ᨯᨽᨿᨾ᩠ᨸᩥ ᨴᩩᨣ᩠ᨣᨲᩥᨽᨿᨾ᩠ᨸᩥ ᨸᩁᩥᩈᩈᩣᩁᨩ᩠ᨩᨽᨿᨾ᩠ᨸᩥ ᩌᨩᩦᩅᩥᨠᨽᨿᨾ᩠ᨸᩥ ᨾᩁᨱᨽᨿᨾ᩠ᨸᩥ ᨾᩉᩣᨽᨿᨾ᩠ᨸᩥ ᩅᩮᨲ᩠ᨲᩮᩉᩥ ᨲᩣᩊᨶᨾ᩠ᨸᩥ ᨠᩈᩣᩉᩥ ᨲᩣᩊᨶᨾ᩠ᨸᩥ ᩋᨯ᩠ᨰᨴᨱ᩠ᨯᨠᩮᩉᩥ ᨲᩣᩊᨶᨾ᩠ᨸᩥ ᩉᨳᨧ᩠ᨨᩮᨴᨾ᩠ᨸᩥ ᨸᩣᨴᨧ᩠ᨨᩮᨴᨾ᩠ᨸᩥ ᨶᩣᩈᨧ᩠ᨨᩮᨴᨾ᩠ᨸᩥ ᨠᨱ᩠ᨱᨧ᩠ᨨᩮᨴᨾ᩠ᨸᩥ ᨠᨱ᩠ᨱᨶᩣᩈᨧ᩠ᨨᩮᨴᨾ᩠ᨸᩥ ᨻᩥᩊᨦ᩠ᨣᨳᩣᩃᩥᨠᨾ᩠ᨸᩥ ᩈᨦ᩠ᨡᨾᩩᨱ᩠ᨯᩥᨠᨾ᩠ᨸᩥ ᩁᩣᩉᩩᨾᩩᨡᨾ᩠ᨸᩥ ᨩᩮᩣᨲᩥᨾᩃᩥᨠᨾ᩠ᨸᩥ ᩉᨳᨸᨩ᩠ᨩᩮᩣᨲᩥᨠᨾ᩠ᨸᩥ ᩑᩁᨠᩅᨲ᩠ᨲᩥᨠᨾ᩠ᨸᩥ ᨧᩦᩁᨠᩅᩣᩈᩥᨠᨾ᩠ᨸᩥ ᩑᨶᩮᨿ᩠ᨿᨠᨾ᩠ᨸᩥ ᨻᩃᩥᩈᨾᩴᩈᩥᨠᨾ᩠ᨸᩥ ᨠᩉᩣᨸᨱᩥᨠᨾ᩠ᨸᩥ ᨡᩣᩁᩣᨸᨲᨧ᩠ᨨᩥᨠᨾ᩠ᨸᩥ ᨸᩊᩥᨥᨸᩁᩥᩅᨲ᩠ᨲᩥᨠᨾ᩠ᨸᩥ ᨸᩃᩣᩃᨸᩦᨮᩥᨠᨾ᩠ᨸᩥ ᨲᨲ᩠ᨲᩮᨶᨸᩥ ᨲᩮᩃᩮᨶ ᩒᩈᩥᨬ᩠ᨧᨶᨾ᩠ᨸᩥ ᩈᩩᨶᨡᩮᩉᩥ ᨡᩣᨴᩣᨸᨶᨾ᩠ᨸᩥ ᨩᩦᩅᩈᩪᩃᩣᩁᩮᩣᨸᨱᨾ᩠ᨸᩥ ᩋᩈᩥᨶᩣᩈᩦᩈᨧ᩠ᨨᩮᨴᨶᨾ᩠ᨸᩦᨲᩥ ᩍᨴᩴ ᨴᩩᨠ᩠ᨡᩈᨭ᩠ᨮᩥᨠᩴ.

ᩈᨦ᩠ᨡᨾᩩᨱ᩠ᨯᨠᨶ᩠ᨲᩥ ᩈᨦ᩠ᨡᨾᩩᨱ᩠ᨯᨠᨾ᩠ᨾᨠᩁᨱᩴ ᨲᩴ ᨠᩁᩮᩣᨶ᩠ᨲᩣ ᩏᨲ᩠ᨲᩁᩮᩣᨭ᩠ᨮᩔ ᩏᨽᨿᨲᩮᩣ ᨠᨱ᩠ᨱᨧᩪᩊᩥᨠᨣᩃᩅᩣᨭᨠᨸᩁᩥᨧ᩠ᨨᩮᨴᩮᨶ ᨧᨾ᩠ᨾᩴ ᨨᩥᨴᩥᩅᩣ ᩈᨻ᩠ᨻᨠᩮᩈᩮ ᩑᨠᨲᩮᩣ ᨣᨱ᩠ᨮᩥᩴ ᨠᩅᩣ ᨴᨱ᩠ᨯᨠᩮᨶ ᩅᩮᨰᩅᩣ ᩏᨸ᩠ᨸᩣᨭᩮᨶ᩠ᨲᩥ ᩈᩉ ᨠᩮᩈᩮᩉᩥ ᨧᨾ᩠ᨾᩴ ᩏᨭ᩠ᨮᩉᨲᩥ ᨲᨲᩮᩣ ᩈᩦᩈᨠᨭᩣᩉᩴᨳᩪᩃᩈᨠ᩠ᨡᩁᩣᩉᩥ ᨥᩴᩈᩥᩅᩣ ᨵᩮᩣᩅᨶ᩠ᨲᩣ ᩈᨦ᩠ᨡᩅᨱ᩠ᨱᩴ ᨠᩁᩮᩣᨶ᩠ᨲᩥ.

ᨲᨳ ᨻᩥᩊᨦ᩠ᨣᨳᩣᩃᩥᨠᨶ᩠ᨲᩥ ᨠᨬ᩠ᨩᩥᨿᩮᩣᨠ᩠ᨡᩃᩥᨠᨠᨾ᩠ᨾᨠᩁᨱᩴ. ᨲᩴ ᨠᩁᩮᩣᨶ᩠ᨲᩣ ᩈᩥᩈᨠᨭᩣᩉᩴ ᩏᨸ᩠ᨸᩣᨭᩮᩅᩣ ᨲᨲ᩠ᨲᩴ ᩋᨿᩮᩣᨣᩩᩊᩴ ᩈᨱ᩠ᨯᩣᩈᩮᨶ ᨣᩉᩮᩅᩣ ᨲᨳ ᨸᨠ᩠ᨡᩥᨸᨶ᩠ᨲᩥ. ᨲᩮᨶ ᨾᨳᩃᩩᨦ᩠ᨣᩴ ᨸᨠ᩠ᨠᨮᩥᩅᩣ ᩏᨸᩁᩥ ᩏᨲ᩠ᨲᩁᨲᩥ.

ᩁᩣᩉᩩᨾᩩᨡᨶ᩠ᨲᩥ ᩁᩣᩉᩩᨾᩩᨡᨠᨾ᩠ᨾᨠᩁᨱᩴ. ᨲᩴ ᨠᩁᩮᩣᨶ᩠ᨲᩣ ᩈᨦ᩠ᨠᩩᨶᩣ ᩅᩥᩅᩁᩥᩅᩣ ᩋᨶ᩠ᨲᩮᩣᨾᩩᨡᩮ ᨴᩦᨸᩴ ᨩᩣᩃᩮᨶ᩠ᨲᩥ. ᨠᨱ᩠ᨱᨧᩪᩊᩥᨠᩣᩉᩥ ᩅᩣ ᨸᨭ᩠ᨮᩣᨿ ᨾᩩᨡᩴ ᨶᩥᨡᩣᨴᨶᩮᨶ ᨡᨱᨶ᩠ᨲᩥ ᩃᩮᩣᩉᩥᨲᩴᨸᨣ᩠ᨥᩁᩥᩅᩣ ᨾᩩᨡᩴ ᨸᩪᩁᩮᨲᩥ.

ᨩᩮᩣᨲᩥᨾᩣᩃᩥᨠᨶ᩠ᨲᩥ ᩈᨠᩃᩈᩁᩦᩁᩴ ᨲᩮᩃᨸᩥᩃᩮᩣᨲᩥᨠᩣᨿ ᩅᩮᨮᩮᩅᩣ ᩌᩃᩥᨾ᩠ᨸᩮᨶ᩠ᨲᩥ.

ᩉᨳᨸᨩ᩠ᨩᩮᩣᨲᩥᨠᨶ᩠ᨲᩥ ᩉᨳᩮ ᨲᩮᩃᨸᩥᩃᩮᩣᨲᩥᨠᩣᨿ ᩅᩮᨮᩮᩅᩣ ᨸᨩ᩠ᨩᩣᩃᩮᨶ᩠ᨲᩥ.

ᩑᩁᨠᩅᨲ᩠ᨲᩥᨠᨶ᩠ᨲᩥ ᩑᩁᨠᩅᨲ᩠ᨲᨠᨾ᩠ᨾᨠᩁᨱᩴ. ᨲᩴ ᨠᩁᩮᩣᨶ᩠ᨲᩣ ᩉᩮᨭ᩠ᨮᩣᨣᩥᩅᨲᩮᩣ ᨸᨭ᩠ᨮᩣᨿ ᨧᨾ᩠ᨾᩅᨭ᩠ᨭᩮ ᨠᨶ᩠ᨲᨶ᩠ᨲᩣ ᨣᩮᩣᨸ᩠ᨹᨠᩮ ᨸᩣᨲᩮᨶ᩠ᨲᩦ ᩋᨳ ᨶᩴ ᨿᩮᩣᨲ᩠ᨲᩮᩉᩥ ᨻᨵᩥᩅᩣ ᨠᨯ᩠ᨰᨶ᩠ᨲᩥ. ᩈᩮᩣ ᩋᨲ᩠ᨲᨶᩮᩣ’ᩅᨧᨾ᩠ᨾᩅᨭ᩠ᨭᩮ ᩋᨠ᩠ᨠᨾᩥᩅᩣ ᨸᨲᨲᩥ ᨧᩦᩁᨠᩅᩣᩈᩥᨠᨶ᩠ᨲᩥ ¶ ᨧᩥᩁᨠᩅᩣᩈᩥᨠᨠᨾ᩠ᨾᨠᩁᨱᩴ. ᨲᩴ ᨠᩁᩮᩣᨶ᩠ᨲᩣ ᨲᨳᩮᩅ ᨧᨾ᩠ᨾᩅᨭ᩠ᨭᩮ ᨠᨶ᩠ᨲᩥᩅᩣ ᨠᨭᩥᨿᩴ ᨮᨸᩮᨶ᩠ᨲᩥ. ᨠᨭᩥᨲᩮᩣ ᨸᨭ᩠ᨮᩣᨿ ᨠᨶ᩠ᨲᩥᩅᩣᨣᩮᩣᨸ᩠ᨹᨠᩮᩈᩩ ᨮᨸᩮᨶ᩠ᨲᩥ. ᩏᨸᩁᩥᨾᩮᩉᩥ ᩉᩮᨭ᩠ᨮᩥᨾᩈᩁᩦᩁᩴ ᨧᩦᩁᨠᨶᩥᩅᩣᩈᨶᨶᩥᩅᨳᩴ ᩅᩥᨿ ᩉᩮᩣᨲᩥ.

ᩑᨱᩮᨿ᩠ᨿᨠᨶ᩠ᨲᩥ ᩑᨱᩮᨿ᩠ᨿᨠᨠᨾ᩠ᨾᨠᩁᨱᩴ. ᨲᩴ ᨠᩁᩮᩣᨶ᩠ᨲᩣ ᩏᩉᩮᩣᩈᩩ ᨠᨸ᩠ᨸᩁᩮᩈᩩ ᨧ ᨩᨱ᩠ᨱᩩᨠᩮᩈᩩ ᨧ ᩋᨿᩈᩃᩣᨠᨿᩮᩣ ᨴᩅᩣ ᩋᨿᩈᩪᩃᩣᨶᩥ ᨠᩮᩣᨭ᩠ᨭᩮᨶ᩠ᨲᩥ. ᩈᩮᩣ ᨧᨲᩩᩉᩥ ᩋᨿᨿᩩᩃᩮᩉᩥ ᨽᩩᨾᩥᨿᩴ ᨸᨲᩥᨭ᩠ᨮᩉᨲᩥ. ᩋᨳ ᨶᩴ ᨸᩁᩥᩅᩣᩁᩮᩅᩣ ᩋᨣ᩠ᨣᩥᩴ ᨠᩁᩮᩣᨶ᩠ᨲᩥ. ᨲᩴ ᩈᨵᩥᩈᨵᩥᨲᩮᩣ ᩈᩪᩃᩣᨶᩥ ᩋᨸᨶᩮᩣᩅᩣ ᨧᨲᩩᩉᩥ ᩋᨭ᩠ᨮᩥᨠᩮᩣᨭᩦᩉᩥᨿᩮᩅ ᨮᨸᩮᨶ᩠ᨲᩥ.

ᨻᩊᩥᩈᨾᩴᩈᩥᨠᨶ᩠ᨲᩥᩏᨽᨲᩮᩣᨾᩩᨡᩮᩉᩥ ᨻᩊᩥᩈᩮᩉᩥ ᨸᩉᩁᩥᩅᩣ ᨧᨾ᩠ᨾᨾᩴᩈᨶᩉᩣᩁᩪᨶᩥ ᩏᨸ᩠ᨸᩣᨭᩮᨶ᩠ᨲᩥ.

ᨠᩉᩣᨸᨱᨠᨶ᩠ᨲᩥ ᩈᨠᩃ ᩈᩁᩦᩁᩴ ᨲᩥᨱ᩠ᩉᩣᩉᩥ ᩅᩣᩈᩦᩉᩥ ᨠᩮᩣᨭᩥᨲᩮᩣ ᨸᨭ᩠ᨮᩣᨿ ᨠᩉᩣᨸᨱ ᨾᨲ᩠ᨲᩴ ᨠᩉᩣᨸᨱ ᨾᨲ᩠ᨲᩴ ᨸᩣᨲᩮᨶ᩠ᨲᩣ ᨠᩮᩣᨭ᩠ᨭᩮᨶ᩠ᨲᩥ.

ᨡᩣᩁᩣᨸᨲᨧ᩠ᨨᩥᨠᨶ᩠ᨲᩥ ᩈᩁᩦᩁᩴ ᨲᨳ ᨲᨳ ᩌᩅᩩᨵᩮᩉᩥ ᨸᩉᩁᩥᩅᩣ ᨠᩮᩣᨧ᩠ᨨᩮᩉᩥ ᨡᩣᩁᩴ ᩈᩴᩈᩮᨶ᩠ᨲᩥ ᨧᨾ᩠ᨾᨾᩴᩈᨶᩉᩣᩁᩪᨶᩥ ᨸᨣ᩠ᨥᩁᩥᩅᩣ ᩋᨭ᩠ᨮᨠᩈᨦ᩠ᨡᩃᩥᨠᩣ’ᩅ ᨲᩥᨭ᩠ᨮᨲᩥ.

ᨸᩊᩥᨥᨸᩁᩥᩅᨲ᩠ᨲᨠᨲᩦ ᩑᨠᩮᨶ ᨸᩔᩮᨶ ᨶᩥᨸᨩ᩠ᨩᩣᨸᩮᩅᩣ ᨠᨱ᩠ᨱᨱᨧ᩠ᨨᩥᨴ᩠ᨴᩮ ᩋᨿᩈᩪᩃᩴ ᨠᩮᩣᨭ᩠ᨭᩮᩅᩣ ᨸᨳᩅᩥᨿᩣ ᩑᨠᨻᨴ᩠ᨵᩴ ᨠᩁᩮᩣᨶ᩠ᨲᩥ ᩋᨳ ᨶᩴ ᨸᩣᨴᩮ ᨣᩉᩮᩅᩣ ᩌᩅᩥᨩ᩠ᨫᨶ᩠ᨲᩥ.

ᨸᩃᩣᩃᨸᩦᨮᩥᨠᨶ᩠ᨲᩥ ᨨᩮᨠᩮᩣ ᨠᩣᩁᨱᩥᨠᩮᩣ ᨨᩅᩥᨧᨾ᩠ᨾᩴ ᩋᨧ᩠ᨨᩥᨴᩥᩅᩣ ᨶᩥᩈᨴᨸᩮᩣᨲᨠᩮᩉᩥ ᩋᨭ᩠ᨮᩥᨶᩥ ᨽᩥᨴᩥᩅᩣᨠᩮᩈᨠᩃᩣᨸᩮ ᨣᩉᩮᩅᩣ ᩏᨠ᩠ᨡᩥᨸᨶ᩠ᨲᩥ. ᨾᩴᩈᩁᩣᩈᩥᨿᩮᩅ ᩉᩮᩣᨲᩥ. ᩋᨳ ᨶᩴ ᨠᩮᩈᩮᩉᩮᩅ ᨸᩁᩥᨿᩮᩣᨶᨵᩥᩅᩣ ᨣᨱ᩠ᩉᨶ᩠ᨲᩥ ᨸᩃᩣᩃᩅᨭ᩠ᨭᩥᩴ ᩅᩥᨿ ᨠᩅᩣ ᨸᩊᩥᩅᩮᨮᩮᨶ᩠ᨲᩦ’ᨲᩥ ᩅᩥᨶᨿᨭᩦᨠᩣ.

ᩍᨾᨬ᩠ᨧ ᩈᨭ᩠ᨮᩥᩅᩥᨵᩴ ᨴᩩᨠ᩠ᨡᩴ ᩈᩃ᩠ᩃᨠ᩠ᨡᩮᩅᩣ ᨽᩅᩮᩈᩩ ᨶᩥᨻ᩠ᨻᩥᨴᩥᩅᩣ ᩅᩥᩁᨩ᩠ᨩᩥᩅᩣ ᨽᩅᨲᨱ᩠ᩉᩴ ᨸᩉᩣᩅᩣ ᨴᩩᨠ᩠ᨡᩃᨠ᩠ᨡᨱᩴ ᨴᩩᨠ᩠ᨡᩣᨶᩩᨸᩔᨶᩣ ᨬᩣᨱᩮᨶ ᨸᩔᩥᨲᨻ᩠ᨻᨶ᩠ᨲᩥ.

ᨴᩥᨿᨯ᩠ᨰᩈᩥᨠ᩠ᨡᩣᨸᨴᩈᨲᨶ᩠ᨲᩥ ᨸᨬ᩠ᨧᩈᨲ᩠ᨲᨲᩥ ᩈᩮᨡᩥᨿᩮ ᩋᨸᨶᩮᩅᩣ ᩈᩮᩈᩣᨶᩴ ᩅᩈᩮᨶ ᨴᩥᨿᨯ᩠ᨰᩈᩥᨠ᩠ᨡᩣᨸᨴᩈᨲᩴ ᩅᩮᨴᩥᨲᨻ᩠ᨻᨶ᩠ᨲᩥ.

ᩈᨦ᩠ᨡ᩠ᨿᩣᨸᩁᩥᨧ᩠ᨨᩮᨴᩔ ᩈᩁᩪᨸᨣᩉᨱᩴ ᩈᨾᨲ᩠ᨲᩴ.

ᨧᨲᩩᩁᩣᨵᩥᨠᩈᨲᩮᩈᩩ ᨣᩉᩮᨲᨻ᩠ᨻᨳᩮᩈᩩ ᨸᨶ ᨧᨲᩩᨲ᩠ᨲᩥᩴᩈ ᩑᨠᨳᩣᨶᩦ, ᨧᨲᩩᨲ᩠ᨲᩥᩴᩈ ᨴ᩠ᩅᩮᨿᨳᩣᨶᩥ ᩈᩮᩣᩊᩈ ᨲ᩠ᨿᨳᩣᨶᩥ, ᨸᩴᨧ ᨧᨲᩩᩁᨳᩣᨶᩥ, ᨲᩮᩁᩈ ᨸᨬ᩠ᨧᨳᩣᨶᩥ, ᨴ᩠ᩅᩮ ᩈᨲ᩠ᨲᨳᩣᨶᩦ’ᨲᩥ.

ᨾᩥᩃᩥᨴᨸᨬ᩠ᩉᨭᩦᨠᩣ ᩈᨾᨲ᩠ᨲᩣ.

ᨠᩩᩈᩃᩮᨶ ᨮᩥᨲᩣ ᨠᩩᩈᩃᩣ

ᨠᩩᩈᩃᩮᩣ ᩋᨵᩥᨣᨧ᩠ᨨᨲᩥ ᩈᨶ᩠ᨲᩥᨸᨴᩴ,

ᨠᨳᩥᨲᩴ ᨾᩩᨶᩥᨶᩣ ᩈᩩᨧᩥᨲᩴ

ᨸᩁᨾᨳ ᩈᨽᩣᩅᨣᨲᩦᩈᩩ ᨣᨲᩴ;

ᨶᩣᨶᩣᩋᨵᩥᨸ᩠ᨸᩣᨿᩅᩈᩣ ᨸᩅᨲ᩠ᨲᩮ

ᨸᩣᨮᩣᨶᨾᨳᩮ ᨠᩩᩈᩃᩮᩣ ᩅᩥᨴᩥᩅᩣ,

ᩌᩁᩮᩣᨧᨾᩣᨶᩮᩣ ᩅᩁᨿᩩᨲ᩠ᨲᨾᨳᩴ

ᨣᨱ᩠ᩉᩮᨿ᩠ᨿ ᩈᩦᩉᩮᩣ ᩅᩥᨿ ᨶᩣᨣᩁᩣᨩᩴ;

ᩉᩥᩅᩣ ᩋᩈᩣᩁᩴ ᩈᩩᩉᩥᨲᨬ᩠ᨧ ᨣᨱ᩠ᩉᩮ

ᩌᩁᩮᩣᨣ᩠ᨿᨠᩣᨾᩮᩣ ᩋᩉᩥᨲᩴ’ᩅ ᩁᩮᩣᨣᩴ,

ᩅᩥᨬ᩠ᨬᩩ ᨸᩅᩮᩈᩮᨿ᩠ᨿ ᨧ ᨿᩩᨲ᩠ᨲᨾᨳᩴ

ᩉᩴᩈᩣᨵᩥᨸᩮᩣ ᩅᩣ ᩏᨴᨠᩴ’ᩅ ᨡᩦᩁᩣ’ᨲᩥ;

ᨸᩁᨾᩅᩥᩈᩩᨴ᩠ᨵᩈᨴ᩠ᨵᩣᨻᩩᨴ᩠ᨵᩥᩅᩦᩁᩥᨿᨸᨲᩥᨾᨱ᩠ᨯᩥᨲᩮᨶ ᩈᩦᩃᩣᨧᩣᩁᨩ᩠ᨩᩅᨾᨴ᩠ᨴᩅᩣᨴᩥ-ᨣᩩᨱᩈᨾᩩᨴᨿᩈᨾᩩᨴᩥᨲᩮᨶᩈᨠᩈᨾᨿᩈᨾᨿᨶ᩠ᨲᩁᨣᩉᨱᨩ᩠ᨫᩮᩣᨣᩣᩉᩈᨾᨳᩮᨶ- ᨸᨬ᩠ᨬᩣᩅᩮᨿ᩠ᨿᨲ᩠ᨲᩥᨿᩈᨾᨶ᩠ᨶᩣᨣᨲᩮᨶ ᨲᩥᨸᩥᨭᨠᨸᩁᩥᨿᨲ᩠ᨲᩥᨸ᩠ᨸᨽᩮᨴᩮ ᩈᩣᨭ᩠ᨮ-ᨠᨳᩮ ᩈᨳᩩᩈᩣᩈᨶᩮ ᩋᨸ᩠ᨸᨭᩥᩉᨲᨬᩣᨱᨸ᩠ᨸᨽᩣᩅᩮᨶ ᩌᨶᨶᩩᨽᩣᩅᨠᩁᨱ- ᩈᨾ᩠ᨸᨲ᩠ᨲᩥᨩᨶᩥᨲᩈᩩᨡᩅᩥᨶᩥᨣ᩠ᨣᨲᨾᨵᩩᩁᩮᩣᩊᩣᩁᩅᨧᨶᩃᩣᩅᨬᨬᨿᩩᨲ᩠ᨲᩮᨶ ᨿᩩᨲ᩠ᨲ-ᨾᨳᩅᩣᨴᩥᨶᩣ ᩅᩣᨴᩦᩅᩁᩮᨶ ᨾᩉᩣᨠᩅᩥᨶᩣ ᩈᩩᩅᩥᨸᩩᩃᩅᩥᨾᩃᨻᩩᨴ᩠ᨵᩥᨶᩣ ᨾᩉᩣᨲᩥᨸᩥᨭᨠ- ᨧᩪᩊᩣᨽᨿᨳᩮᩁᩮᩣ’ᨲᩥ ᨣᩁᩪᩉᩥ ᨣᩉᩥᨲᨶᩣᨾᨵᩮᨿ᩠ᨿᩮᨶᨳᩮᩁᩮᨶ ᨠᨲᩮᩣ ᨾᩥᩃᩥᨴᨭᩦᨠᩣᨣᨳᩮᩣ ᩈᨾᨲ᩠ᨲᩮᩣ.

ᨲᩣᩅ ᨲᩥᨭ᩠ᨮᨲᩩ ᩃᩮᩣᨠᩈ᩠ᨾᩥᩴ ᩃᩮᩣᨠᨶᩥᨳᩁᨱᩮᩈᩥᨲᩴ

ᨴᩔᩮᨶ᩠ᨲᩮᩣ ᨠᩩᩃᨸᩩᨲ᩠ᨲᩣᨶᩴ ᨶᨿᨸᨬ᩠ᨬᩣ ᩅᩥᩈᩩᨴ᩠ᨵᩥᨿᩣ,

ᨿᩣᩅ ᨻᩩᨴ᩠ᨵᩮᩣ’ᨲᩥ ᨶᩣᨾᨾ᩠ᨸᩥ ᩈᩩᨴ᩠ᨵᨧᩥᨲ᩠ᨲᩔ ᨲᩣᨴᩥᨶᩮᩣ

ᩃᩮᩣᨠᨾ᩠ᩉᩥ ᩃᩮᩣᨠᨩᩮᨭ᩠ᨮᩔ ᨸᩅᨲ᩠ᨲᨲᩥ ᨾᩉᩮᩈᩥᨶᩮᩣ;

ᨽᩩᨲ᩠ᨲᩣ ᩈᩩᨵᩣᨴ᩠ᩅᩣᨴᩈ ᩉᨶ᩠ᨲᩥ ᨸᩣᨸᨠᩮ

ᨡᩩᨵᩴ ᨸᩥᨸᩣᩈᩴ ᩋᨲᩥᨴᩁᩴᨲᩕᩥᨾᩴ (?)

ᨠᩮᩣᨵᩩᨸᨶᩣᩉᨬ᩠ᨧᩅᩥᩅᩣᨴᨸᩮᩈᩩᨶᩥᩴ

ᩈᩥᨲᩩᨱ᩠ᩉᨲᨴᩥᨬ᩠ᨧ ᩁᩈᨣ᩠ᨣᨾᩣᩅᩉᩣ;

ᨴᩮᨶ᩠ᨲᩔ ᨸᩣᨠᩣᨴᩥᩈᨠᨸ᩠ᨹᩃᩣᩅᩉᩣ

ᨵᨾ᩠ᨾᩮᩣ ᩈᩩᩅᩩᨲ᩠ᨲᩮᩣ ᨸᨶ ᨠᩮᩣᨸᨵᩣᨸᨠᩮ,

ᨲᨴᩩᨲ᩠ᨲᩁᩥᩴ ᩉᨶ᩠ᨲᩥ ᩋᩈᩮᩈᨸᩣᨸᨠᩮ

ᨴᩮᨶ᩠ᨲᩔ ᩈᩮᩣᨲᩣᨴᩥᩈᨠᨸ᩠ᨹᩃᩣᩅᩉᩮᩣ;

ᩍᨲᩥ ¶ ᨸᨬ᩠ᨧ ᨲᩥᨿᨯ᩠ᨰᩈᨲᩮ ᩈᨠᩥᨴᩮ (?)

ᨾᨵᩩᩁᩣᨽᩥᩁᨾᩮᨠᩁᩈᩮᨶᨶ ᨿᩩᨲᩮᩣ,

ᨾᩥᩃᩥᨴᩣ ᩈᩩᨭᩥᨠᩣ ᩈᩩᨣᩩᨱᩣ ᩈᩩᨠᨲᩣ

ᨶᩥᨽᨿᩮᨶ ᨴ᩠ᩅᩦᨸᩈᩮᨶ (?) ᨿᨲᩣ ᩈᨾᨲᩮᩣ;

ᩃᨦ᩠ᨠᩅ᩠ᩉᨿᩮ ᨴᩥᨸᩅᩁᩮ ᩈᩩᩈᨱᨱ᩠ᨮᩥᨲᩣ

ᨾᩉᩣᩅᩥᩉᩣᩁᩮ ᨧ ᨩᩥᨶᩮᩣᩁᩈᩣᩃᨿᩮ,

ᨸᩁᨾ᩠ᨸᩁᩣ ᨳᩮᩁᨣᨱᩣ ᩈᩩᩈᨱ᩠ᨮᩥᨲᩣ

ᨸᨠᩣᩈᨠᩣ ᨿᩮ ᩅᩁᩈᨳᩩᩈᩣᩈᨶᩮ;

ᨲᩮᩈᩴ ᩋᩃᨦ᩠ᨠᩣᩁᨽᩅᩮᨶ ᩈᩣᩈᨶᩮ

ᨲᩥᨸᩮᨭᨠᩮ ᩈᩩᨴ᩠ᨵᩅᩥᩈᩩᨴ᩠ᨵᨻᩩᨴ᩠ᨵᩥᨶᩣ,

ᩈᩉᩣᩈᨿᨶ᩠ᨲᩮᨶ ᨶᩁᩮ ᩈᩁᩣᨩᩥᨠᩮ

ᨸᩉᩣᩈᨿᨶ᩠ᨲᩮᨶ ᨣᨱᩮ ᨣᨱᩩᨲ᩠ᨲᨾᩮ;

ᨭᩦᨠᩣ’ᨲᩥ ᨶᩣᨾᩮᨶ ᨾᩥᩃᩥᨴᨴᩦᨸᩥᨠᩣ

ᩅᩁᨳᨲᩮᩣ ᨣᨳᨸ᩠ᨸᨠᩁᩮᨶ ᩈᨾ᩠ᨽᩅᩴ (?)

ᩈᩩᨣᨳᨠᩣᩁᩮᨶᨩᩥᨶᨦ᩠ᨠᩩᩁᩮᨶ ᨾᩮ

ᨠᨲᨬ᩠ᨧ ᨿᩴ ᨿᩴ ᩅᩁᨸᩩᨬ᩠ᨬ ᩈᨾ᩠ᨸᨴᩴ (?)

ᨠᩩᩈᩃᩮᨶ ᨲᩮᨶᩮᩅᩉᩥᨸᨳᨿᨶ᩠ᨲᩣ

ᩅᩁᨻᩮᩣᨵᩥᨬᩣᨱᩴ ᨲᩥᩅᩥᨵᩮᩈᩩ ᨿᩮ ᨿᩴ,

ᨶᩥᨽᨿᩮᨶ ᨲᩮᩈᩴ ᨲᩩᩁᩈᩥᨩ᩠ᨫᨲᩴ ᨲᩴ (?)

ᨸᩁᨾᨬ᩠ᨧ ᩈᨻ᩠ᨻᨬ᩠ᨬᩩᨲᩴ ᨸᩣᨸᩩᨱᩮᨿ᩠ᨿᩴ;

ᩍᨲᩮᩣ ᨧᩩᨲᩮᩣ’ᩉᩴᩈᩩᩉᩥᨲᩮᨶ ᨠᨾ᩠ᨾᩩᨶᩣ

ᨽᩅᩣᨾᩥ ᨴᩮᩅᩮ ᨲᩩᩈᩥᨲᩅ᩠ᩉᨿᩮ ᨸᩩᩁᩮ,

ᨧᩥᩁᩴ ᨧᩁᨶ᩠ᨲᩮᩣ ᨠᩩᩈᩃᩴ ᨸᩩᨶᨸ᩠ᨸᩩᨶᩴ

ᨲᨳᩮᩅ ᨾᩮᨲ᩠ᨲᩮᨿ᩠ᨿᩅᩁᩮ ᨶᩥᩁᨶ᩠ᨲᩁᩴ;

ᨲᨲᩮᩣ ᨶᩁᨶ᩠ᨲᩮᩣ’ᩅ ᨩᩥᨶᨦ᩠ᨠᩩᩁᩮᩣ ᩅᩁᩮᩣ

ᨿᨳᩣ ᩅᩦᩁᨻᩩᨴ᩠ᨵᩮᩣ’ᨲᩥ ᨽᩅᩮᨠᨶᩣᨿᨠᩮᩣ,

ᨲᨲᩮᩣ ᨲᩁᨶ᩠ᨲᩮᩣ ᩅᩁᨸᩩᨬ᩠ᨬᨠᩣᩁᨠᩮᩣ

ᨽᩅᩣᨾᩥ ᨶᩁᩣᨶᩁᨸᩪᨩᩥᨲᩮᩣ ᩈᨴᩣ;

ᩈᩩᩈᩩᩁᩮᩣ ᨸᩅᩁᩮᩣ ᩈᩩᨾᨶᩮᩣ ᩅᩁᨴᩮᩣ

ᨸᩥᨭᨠᩮᨶ ᩅᩈᩮ ᩈᨩᨶᩮ ᨠᨳᩥᨲᩮ,

ᨸᩅᩁᨳ ᨸᨠᩣᩈᨠᨬᩣᨱᩅᩁᩮᩣ

ᩅᩁᨵᨾ᩠ᨾᩈᩩᨡᩮᩈᨶᨠᩮᩣ ᩈᩦᩃᩅᩣ (?)

ᩈᨧᩮ ¶ ᨲᩥᨴᩥᩅᩮ ᨲᩩᩈᩥᨲᩮ ᨾᨶᩮᩣᩁᨾᩮ

ᨽᩅᩣᨾᩥ ᨩᩣᨲᩮᩣ ᨾᨶᩮᩣᩁᨳᨸ᩠ᨸᨲᩥ,

ᩅᩁᨸ᩠ᨸᨴᩮᩈᩮ ᨸᨲᩥᩁᩪᨸᨠᩮ ᩈᨴᩣ

ᨵᩦᩁᩣ ᨸᨩᩣᨿᨶ᩠ᨲᩥ ᩈᩩᨸᩩᨬ᩠ᨬ ᨠᨾ᩠ᨾᩥᨶᩮᩣ;

ᩋᩉᨾ᩠ᨸᩥ ᨲᨳᩮᩅ ᨸᨴᩮᩈᨾᩩᨲ᩠ᨲᨾᩮ

ᨽᩅᩣᨾᩥ ᨶᩣᩁᩦᩉᩥ ᨶᩁᩮᩉᩥ ᨸᩪᨩᩥᨲᩮᩣ,

ᨵᨶᩮᨶ ᨬᩣᨱᩮᨶ ᨿᩈᩮᨶ ᨴᩦᨸᩥᨲᩮᩣ

ᩅᩥᩈᩮᩣᨵᨿᨶ᩠ᨲᩮᩣ ᨸᩩᨶ ᩈᨳᩩᩈᩣᩈᨶᨶᩴ;

ᩋᨶᩮᨶ ᨸᩩᨬ᩠ᨬᩮᨶ ᨽᩅᩣᩅᩈᩣᨶᨠᩮ

ᩈᨻ᩠ᨻᨬ᩠ᨬᩩᨲᩴᨿᩣᩅ ᨧ ᨸᩣᨸᩪᨱᩮᩅᩁᩴ,

ᨶᩥᩁᨶ᩠ᨲᩁᩴ ᩃᩮᩣᨠᩉᩥᨲᩔ ᨠᩣᩁᨠᩮᩣ

ᨽᩅᩮ ᨽᩅᩮᨿ᩠ᨿᩴ ᩈᩩᨧᩥᨲᩮᩣ ᨧ ᨸᩣᩁᨾᩦ;

ᨸᩩᨬ᩠ᨬᩮᨶᨶᩮᨶ ᩅᩥᨸᩩᩃᩮᨶ ᨽᩅᩣᨽᩅᩮᩈᩩ

ᨸᩩᨬ᩠ᨬᩣᨽᩥᩅᩪᨯ᩠ᨰ ᨸᩁᩥᩈᩩᨴ᩠ᨵᨣᩩᨱᩣᨵᩥᩅᩣᩈᩮᩣ,

ᩉᩩᩅᩣ ᨶᩁᩣᨵᩥᨠᨲᩁᩮᩣ (ᩅᨲ) ᩈᨻ᩠ᨻᩈᩮᨭ᩠ᨮᩮᩣ;

ᨻᩩᨴ᩠ᨵᩮᩣ ᨽᩅᩮᨿ᩠ᨿᨾᩉᨾᩩᨲ᩠ᨲᨾᨶᩣᨳᨶᩣᨳᩮᩣ;

ᨸᩩᨬ᩠ᨬᩮᨶ ᨧᩥᨱ᩠ᨱᩮᨶ ᨸᩥᨿᩮ ᨾᨿᩣ’ᨴᩁᩴ (?)

ᩈᨲ᩠ᨲᩣ ᩋᩅᩮᩁᩣ ᩈᩩᨡᩥᨲᩣ ᨽᩅᨶ᩠ᨲᩩ ᨲᩮ,

ᨴᩮᩅᩣ ᨶᩁᩥᨴᩣ ᩈᨠᩃᩴ ᩍᨾᩴ ᨾᩉᩥᩴ

ᩁᨠ᩠ᨡᨶ᩠ᨲᩩ ᨵᨾ᩠ᨾᩮᨶ ᩈᨾᩮᨶ ᨵᨾ᩠ᨾᩥᨶᩮᩣ’ᨲᩥ;