📜

ᨶᨾᩮᩣ ᨲᩔ ᨽᨣᩅᨲᩮᩣ ᩋᩁᩉᨲᩮᩣ ᩈᨾ᩠ᨾᩣᩈᨾ᩠ᨻᩩᨴ᩠ᨵᩔ

ᩅᩥᨶᨿᨸᩥᨭᨠᩮ

ᨸᩣᩁᩣᨩᩥᨠᨸᩣᩊᩥ

ᩅᩮᩁᨬ᩠ᨩᨠᨱ᩠ᨯᩴ

᪑. ᨲᩮᨶ ¶ ¶ ¶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩅᩮᩁᨬ᩠ᨩᩣᨿᩴ ᩅᩥᩉᩁᨲᩥ ᨶᩊᩮᩁᩩᨸᩩᨧᩥᨾᨶ᩠ᨴᨾᩪᩃᩮ ᨾᩉᨲᩣ ᨽᩥᨠ᩠ᨡᩩᩈᨦ᩠ᨥᩮᨶ ᩈᨴ᩠ᨵᩥᩴ ᨸᨬ᩠ᨧᨾᨲ᩠ᨲᩮᩉᩥ ᨽᩥᨠ᩠ᨡᩩᩈᨲᩮᩉᩥ. ᩋᩔᩮᩣᩈᩥ ᨡᩮᩣ ᩅᩮᩁᨬ᩠ᨩᩮᩣ ᨻᩕᩣᩉ᩠ᨾᨱᩮᩣ – ‘‘ᩈᨾᨱᩮᩣ ᨡᩃᩩ, ᨽᩮᩣ, ᨣᩮᩣᨲᨾᩮᩣ ᩈᨠ᩠ᨿᨸᩩᨲ᩠ᨲᩮᩣ ᩈᨠ᩠ᨿᨠᩩᩃᩣ ᨸᨻ᩠ᨻᨩᩥᨲᩮᩣ ᩅᩮᩁᨬ᩠ᨩᩣᨿᩴ ᩅᩥᩉᩁᨲᩥ ᨶᩊᩮᩁᩩᨸᩩᨧᩥᨾᨶ᩠ᨴᨾᩪᩃᩮ ᨾᩉᨲᩣ ᨽᩥᨠ᩠ᨡᩩᩈᨦ᩠ᨥᩮᨶ ᩈᨴ᩠ᨵᩥᩴ ᨸᨬ᩠ᨧᨾᨲ᩠ᨲᩮᩉᩥ ᨽᩥᨠ᩠ᨡᩩᩈᨲᩮᩉᩥ. ᨲᩴ ᨡᩮᩣ ᨸᨶ ᨽᩅᨶ᩠ᨲᩴ ᨣᩮᩣᨲᨾᩴ ᩑᩅᩴ ᨠᩃ᩠ᨿᩣᨱᩮᩣ ᨠᩥᨲ᩠ᨲᩥᩈᨴ᩠ᨴᩮᩣ ᩋᨻ᩠ᨽᩩᨣ᩠ᨣᨲᩮᩣ – ‘ᩍᨲᩥᨸᩥ ᩈᩮᩣ ᨽᨣᩅᩣ ᩋᩁᩉᩴ ᩈᨾ᩠ᨾᩣᩈᨾ᩠ᨻᩩᨴ᩠ᨵᩮᩣ ᩅᩥᨩ᩠ᨩᩣᨧᩁᨱᩈᨾ᩠ᨸᨶ᩠ᨶᩮᩣ ᩈᩩᨣᨲᩮᩣ ᩃᩮᩣᨠᩅᩥᨴᩪ ᩋᨶᩩᨲ᩠ᨲᩁᩮᩣ ᨸᩩᩁᩥᩈᨴᨾ᩠ᨾᩈᩣᩁᨳᩥ ᩈᨲ᩠ᨳᩣ ᨴᩮᩅᨾᨶᩩᩔᩣᨶᩴ ᨻᩩᨴ᩠ᨵᩮᩣ ᨽᨣᩅᩣ [ᨽᨣᩅᩣᨲᩥ (ᩈ᩠ᨿᩣ.), ᨴᩦ. ᨶᩥ. ᪑.᪑᪕᪗, ᩋᨻ᩠ᨽᩩᨣ᩠ᨣᨲᩣᨠᩣᩁᩮᨶ ᨸᨶ ᩈᨾᩮᨲᩥ]. ᩈᩮᩣ ᩍᨾᩴ ᩃᩮᩣᨠᩴ ᩈᨴᩮᩅᨠᩴ ᩈᨾᩣᩁᨠᩴ ᩈᨻᩕᩉ᩠ᨾᨠᩴ ᩈᩔᨾᨱᨻᩕᩣᩉ᩠ᨾᨱᩥᩴ ᨸᨩᩴ ᩈᨴᩮᩅᨾᨶᩩᩔᩴ ᩈᨿᩴ ᩋᨽᩥᨬ᩠ᨬᩣ ᩈᨧ᩠ᨨᩥᨠᨲ᩠ᩅᩣ ᨸᩅᩮᨴᩮᨲᩥ. ᩈᩮᩣ ᨵᨾ᩠ᨾᩴ ᨴᩮᩈᩮᨲᩥ ᩌᨴᩥᨠᩃ᩠ᨿᩣᨱᩴ ᨾᨩ᩠ᨫᩮᨠᩃ᩠ᨿᩣᨱᩴ ᨸᩁᩥᨿᩮᩣᩈᩣᨶᨠᩃ᩠ᨿᩣᨱᩴ ¶ ᩈᩣᨲ᩠ᨳᩴ ᩈᨻ᩠ᨿᨬ᩠ᨩᨶᩴ; ᨠᩮᩅᩃᨸᩁᩥᨸᩩᨱ᩠ᨱᩴ ᨸᩁᩥᩈᩩᨴ᩠ᨵᩴ ᨻᩕᩉ᩠ᨾᨧᩁᩥᨿᩴ ᨸᨠᩣᩈᩮᨲᩥ; ᩈᩣᨵᩩ ᨡᩮᩣ ᨸᨶ ᨲᨳᩣᩁᩪᨸᩣᨶᩴ ᩋᩁᩉᨲᩴ ᨴᩔᨶᩴ ᩉᩮᩣᨲᩦ’’’ᨲᩥ.

᪒. [ᩍᨲᩮᩣ ᨸᩁᩴ ᨿᩣᩅ ᨸᩣᩁᩣ. ᪑᪕-᪑᪖ ᨸᨴᨠ᩠ᨡᩥᨱᩴ ᨠᨲ᩠ᩅᩣ ᨸᨠ᩠ᨠᩣᨾᩦᨲᩥ ᨸᩣᨮᩮᩣ ᩋ. ᨶᩥ. ᪘.᪑᪑] ᩋᨳ ¶ ᨡᩮᩣ ᩅᩮᩁᨬ᩠ᨩᩮᩣ ᨻᩕᩣᩉ᩠ᨾᨱᩮᩣ ᨿᩮᨶ ᨽᨣᩅᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨽᨣᩅᨲᩣ ᩈᨴ᩠ᨵᩥᩴ ᩈᨾ᩠ᨾᩮᩣᨴᩥ. ᩈᨾ᩠ᨾᩮᩣᨴᨶᩦᨿᩴ ᨠᨳᩴ ᩈᩣᩁᨱᩦᨿᩴ ᩅᩦᨲᩥᩈᩣᩁᩮᨲ᩠ᩅᩣ ᩑᨠᨾᨶ᩠ᨲᩴ ᨶᩥᩈᩦᨴᩥ ¶ . ᩑᨠᨾᨶ᩠ᨲᩴ ᨶᩥᩈᩥᨶ᩠ᨶᩮᩣ ᨡᩮᩣ ᩅᩮᩁᨬ᩠ᨩᩮᩣ ᨻᩕᩣᩉ᩠ᨾᨱᩮᩣ ᨽᨣᩅᨶ᩠ᨲᩴ ᩑᨲᨴᩅᩮᩣᨧ – ‘‘ᩈᩩᨲᩴ ᨾᩮᨲᩴ, ᨽᩮᩣ ᨣᩮᩣᨲᨾ – ‘ᨶ ᩈᨾᨱᩮᩣ ᨣᩮᩣᨲᨾᩮᩣ ¶ ᨻᩕᩣᩉ᩠ᨾᨱᩮ ᨩᩥᨱ᩠ᨱᩮ ᩅᩩᨯ᩠ᨰᩮ ᨾᩉᩃ᩠ᩃᨠᩮ ᩋᨴ᩠ᨵᨣᨲᩮ ᩅᨿᩮᩣᩋᨶᩩᨸ᩠ᨸᨲ᩠ᨲᩮ ᩋᨽᩥᩅᩣᨴᩮᨲᩥ ᩅᩣ ᨸᨧ᩠ᨧᩩᨭ᩠ᨮᩮᨲᩥ ᩅᩣ ᩌᩈᨶᩮᨶ ᩅᩣ ᨶᩥᨾᨶ᩠ᨲᩮᨲᩦ’ᨲᩥ. ᨲᨿᩥᨴᩴ, ᨽᩮᩣ ᨣᩮᩣᨲᨾ, ᨲᨳᩮᩅ? ᨶ ᩉᩥ ᨽᩅᩴ ᨣᩮᩣᨲᨾᩮᩣ ᨻᩕᩣᩉ᩠ᨾᨱᩮ ᨩᩥᨱ᩠ᨱᩮ ᩅᩩᨯ᩠ᨰᩮ ᨾᩉᩃ᩠ᩃᨠᩮ ᩋᨴ᩠ᨵᨣᨲᩮ ᩅᨿᩮᩣᩋᨶᩩᨸ᩠ᨸᨲ᩠ᨲᩮ ᩋᨽᩥᩅᩣᨴᩮᨲᩥ ᩅᩣ ᨸᨧ᩠ᨧᩩᨭ᩠ᨮᩮᨲᩥ ᩅᩣ ᩌᩈᨶᩮᨶ ᩅᩣ ᨶᩥᨾᨶ᩠ᨲᩮᨲᩥ? ᨲᨿᩥᨴᩴ, ᨽᩮᩣ ᨣᩮᩣᨲᨾ, ᨶ ᩈᨾ᩠ᨸᨶ᩠ᨶᨾᩮᩅᩣ’’ᨲᩥ.

‘‘ᨶᩣᩉᩴ ᨲᩴ, ᨻᩕᩣᩉ᩠ᨾᨱ, ᨸᩔᩣᨾᩥ ᩈᨴᩮᩅᨠᩮ ᩃᩮᩣᨠᩮ ᩈᨾᩣᩁᨠᩮ ᩈᨻᩕᩉ᩠ᨾᨠᩮ ᩈᩔᨾᨱᨻᩕᩣᩉ᩠ᨾᨱᩥᨿᩣ ᨸᨩᩣᨿ ᩈᨴᩮᩅᨾᨶᩩᩔᩣᨿ ᨿᨾᩉᩴ ᩋᨽᩥᩅᩣᨴᩮᨿ᩠ᨿᩴ ᩅᩣ ᨸᨧ᩠ᨧᩩᨭ᩠ᨮᩮᨿ᩠ᨿᩴ ᩅᩣ ᩌᩈᨶᩮᨶ ᩅᩣ ᨶᩥᨾᨶ᩠ᨲᩮᨿ᩠ᨿᩴ. ᨿᨬ᩠ᩉᩥ, ᨻᩕᩣᩉ᩠ᨾᨱ, ᨲᨳᩣᨣᨲᩮᩣ ᩋᨽᩥᩅᩣᨴᩮᨿ᩠ᨿ ᩅᩣ ᨸᨧ᩠ᨧᩩᨭ᩠ᨮᩮᨿ᩠ᨿ ᩅᩣ ᩌᩈᨶᩮᨶ ᩅᩣ ᨶᩥᨾᨶ᩠ᨲᩮᨿ᩠ᨿ, ᨾᩩᨴ᩠ᨵᩣᨸᩥ ᨲᩔ ᩅᩥᨸᨲᩮᨿ᩠ᨿᩣ’’ᨲᩥ.

᪓. ‘‘ᩋᩁᩈᩁᩪᨸᩮᩣ ᨽᩅᩴ ᨣᩮᩣᨲᨾᩮᩣ’’ᨲᩥ? ‘‘ᩋᨲ᩠ᨳᩥ ᨡ᩠ᩅᩮᩈ, ᨻᩕᩣᩉ᩠ᨾᨱ, ᨸᩁᩥᨿᩣᨿᩮᩣ ᨿᩮᨶ ᨾᩴ ᨸᩁᩥᨿᩣᨿᩮᨶ ᩈᨾ᩠ᨾᩣ ᩅᨴᨾᩣᨶᩮᩣ ᩅᨴᩮᨿ᩠ᨿ ¶ – ‘ᩋᩁᩈᩁᩪᨸᩮᩣ ᩈᨾᨱᩮᩣ ᨣᩮᩣᨲᨾᩮᩣ’ᨲᩥ. ᨿᩮ ᨲᩮ, ᨻᩕᩣᩉ᩠ᨾᨱ, ᩁᩪᨸᩁᩈᩣ ᩈᨴ᩠ᨴᩁᩈᩣ ᨣᨶ᩠ᨵᩁᩈᩣ ᩁᩈᩁᩈᩣ ᨹᩮᩣᨭ᩠ᨮᨻ᩠ᨻᩁᩈᩣ ᨲᩮ ᨲᨳᩣᨣᨲᩔ ᨸᩉᩦᨶᩣ ᩏᨧ᩠ᨨᩥᨶ᩠ᨶᨾᩪᩃᩣ ᨲᩣᩃᩣᩅᨲ᩠ᨳᩩᨠᨲᩣ ᩋᨶᨽᩣᩅᩴᨠᨲᩣ [ᩋᨶᨽᩣᩅᨠᨲᩣ (ᩈᩦ.) ᩋᨶᨽᩣᩅᩴᨣᨲᩣ (ᩈ᩠ᨿᩣ.)] ᩌᨿᨲᩥᩴ ᩋᨶᩩᨸ᩠ᨸᩣᨴᨵᨾ᩠ᨾᩣ. ᩋᨿᩴ ᨡᩮᩣ, ᨻᩕᩣᩉ᩠ᨾᨱ, ᨸᩁᩥᨿᩣᨿᩮᩣ ᨿᩮᨶ ᨾᩴ ᨸᩁᩥᨿᩣᨿᩮᨶ ᩈᨾ᩠ᨾᩣ ᩅᨴᨾᩣᨶᩮᩣ ᩅᨴᩮᨿ᩠ᨿ – ‘ᩋᩁᩈᩁᩪᨸᩮᩣ ᩈᨾᨱᩮᩣ ᨣᩮᩣᨲᨾᩮᩣ’ᨲᩥ, ᨶᩮᩣ ᨧ ᨡᩮᩣ ᨿᩴ ᨲ᩠ᩅᩴ ᩈᨶ᩠ᨵᩣᨿ ᩅᨴᩮᩈᩦ’’ᨲᩥ.

᪔. ‘‘ᨶᩥᨻ᩠ᨽᩮᩣᨣᩮᩣ ᨽᩅᩴ ᨣᩮᩣᨲᨾᩮᩣ’’ᨲᩥ? ‘‘ᩋᨲ᩠ᨳᩥ ᨡ᩠ᩅᩮᩈ, ᨻᩕᩣᩉ᩠ᨾᨱ, ᨸᩁᩥᨿᩣᨿᩮᩣ ᨿᩮᨶ ᨾᩴ ᨸᩁᩥᨿᩣᨿᩮᨶ ᩈᨾ᩠ᨾᩣ ᩅᨴᨾᩣᨶᩮᩣ ᩅᨴᩮᨿ᩠ᨿ – ‘ᨶᩥᨻ᩠ᨽᩮᩣᨣᩮᩣ ᩈᨾᨱᩮᩣ ᨣᩮᩣᨲᨾᩮᩣ’ᨲᩥ. ᨿᩮ ᨲᩮ, ᨻᩕᩣᩉ᩠ᨾᨱ, ᩁᩪᨸᨽᩮᩣᨣᩣ ᩈᨴ᩠ᨴᨽᩮᩣᨣᩣ ᨣᨶ᩠ᨵᨽᩮᩣᨣᩣ ᩁᩈᨽᩮᩣᨣᩣ ᨹᩮᩣᨭ᩠ᨮᨻ᩠ᨻᨽᩮᩣᨣᩣ ᨲᩮ ᨲᨳᩣᨣᨲᩔ ᨸᩉᩦᨶᩣ ᩏᨧ᩠ᨨᩥᨶ᩠ᨶᨾᩪᩃᩣ ᨲᩣᩃᩣᩅᨲ᩠ᨳᩩᨠᨲᩣ ᩋᨶᨽᩣᩅᩴᨠᨲᩣ ᩌᨿᨲᩥᩴ ᩋᨶᩩᨸ᩠ᨸᩣᨴᨵᨾ᩠ᨾᩣ. ᩋᨿᩴ ᨡᩮᩣ, ᨻᩕᩣᩉ᩠ᨾᨱ, ᨸᩁᩥᨿᩣᨿᩮᩣ ᨿᩮᨶ ᨾᩴ ᨸᩁᩥᨿᩣᨿᩮᨶ ᩈᨾ᩠ᨾᩣ ᩅᨴᨾᩣᨶᩮᩣ ᩅᨴᩮᨿ᩠ᨿ – ‘ᨶᩥᨻ᩠ᨽᩮᩣᨣᩮᩣ ᩈᨾᨱᩮᩣ ᨣᩮᩣᨲᨾᩮᩣ’ᨲᩥ, ᨶᩮᩣ ᨧ ᨡᩮᩣ ᨿᩴ ᨲ᩠ᩅᩴ ᩈᨶ᩠ᨵᩣᨿ ᩅᨴᩮᩈᩦ’’ᨲᩥ.

᪕. ‘‘ᩋᨠᩥᩁᩥᨿᩅᩣᨴᩮᩣ ¶ ᨽᩅᩴ ᨣᩮᩣᨲᨾᩮᩣ’’ᨲᩥ? ‘‘ᩋᨲ᩠ᨳᩥ ᨡ᩠ᩅᩮᩈ, ᨻᩕᩣᩉ᩠ᨾᨱ, ᨸᩁᩥᨿᩣᨿᩮᩣ ᨿᩮᨶ ᨾᩴ ᨸᩁᩥᨿᩣᨿᩮᨶ ᩈᨾ᩠ᨾᩣ ᩅᨴᨾᩣᨶᩮᩣ ᩅᨴᩮᨿ᩠ᨿ – ‘ᩋᨠᩥᩁᩥᨿᩅᩣᨴᩮᩣ ᩈᨾᨱᩮᩣ ᨣᩮᩣᨲᨾᩮᩣ’ᨲᩥ. ᩋᩉᨬ᩠ᩉᩥ, ᨻᩕᩣᩉ᩠ᨾᨱ, ᩋᨠᩥᩁᩥᨿᩴ ᩅᨴᩣᨾᩥ ᨠᩣᨿᨴᩩᨧ᩠ᨧᩁᩥᨲᩔ ¶ ᩅᨧᩦᨴᩩᨧ᩠ᨧᩁᩥᨲᩔ ᨾᨶᩮᩣᨴᩩᨧ᩠ᨧᩁᩥᨲᩔ. ᩋᨶᩮᨠᩅᩥᩉᩥᨲᩣᨶᩴ ᨸᩣᨸᨠᩣᨶᩴ ᩋᨠᩩᩈᩃᩣᨶᩴ ᨵᨾ᩠ᨾᩣᨶᩴ ᩋᨠᩥᩁᩥᨿᩴ ᩅᨴᩣᨾᩥ. ᩋᨿᩴ ᨡᩮᩣ, ᨻᩕᩣᩉ᩠ᨾᨱ, ᨸᩁᩥᨿᩣᨿᩮᩣ ᨿᩮᨶ ᨾᩴ ᨸᩁᩥᨿᩣᨿᩮᨶ ᩈᨾ᩠ᨾᩣ ᩅᨴᨾᩣᨶᩮᩣ ᩅᨴᩮᨿ᩠ᨿ – ‘ᩋᨠᩥᩁᩥᨿᩅᩣᨴᩮᩣ ᩈᨾᨱᩮᩣ ᨣᩮᩣᨲᨾᩮᩣ’ᨲᩥ, ᨶᩮᩣ ᨧ ᨡᩮᩣ ᨿᩴ ᨲ᩠ᩅᩴ ᩈᨶ᩠ᨵᩣᨿ ᩅᨴᩮᩈᩦ’’ᨲᩥ.

᪖. ‘‘ᩏᨧ᩠ᨨᩮᨴᩅᩣᨴᩮᩣ ᨽᩅᩴ ᨣᩮᩣᨲᨾᩮᩣ’’ᨲᩥ? ‘‘ᩋᨲ᩠ᨳᩥ ᨡ᩠ᩅᩮᩈ, ᨻᩕᩣᩉ᩠ᨾᨱ, ᨸᩁᩥᨿᩣᨿᩮᩣ ᨿᩮᨶ ᨾᩴ ᨸᩁᩥᨿᩣᨿᩮᨶ ᩈᨾ᩠ᨾᩣ ᩅᨴᨾᩣᨶᩮᩣ ᩅᨴᩮᨿ᩠ᨿ – ‘ᩏᨧ᩠ᨨᩮᨴᩅᩣᨴᩮᩣ ᩈᨾᨱᩮᩣ ᨣᩮᩣᨲᨾᩮᩣ’ᨲᩥ. ᩋᩉᨬ᩠ᩉᩥ, ᨻᩕᩣᩉ᩠ᨾᨱ, ᩏᨧ᩠ᨨᩮᨴᩴ ᩅᨴᩣᨾᩥ ᩁᩣᨣᩔ ᨴᩮᩣᩈᩔ ᨾᩮᩣᩉᩔ. ᩋᨶᩮᨠᩅᩥᩉᩥᨲᩣᨶᩴ ᨸᩣᨸᨠᩣᨶᩴ ᩋᨠᩩᩈᩃᩣᨶᩴ ᨵᨾ᩠ᨾᩣᨶᩴ ᩏᨧ᩠ᨨᩮᨴᩴ ᩅᨴᩣᨾᩥ. ᩋᨿᩴ ᨡᩮᩣ, ᨻᩕᩣᩉ᩠ᨾᨱ, ᨸᩁᩥᨿᩣᨿᩮᩣ ᨿᩮᨶ ᨾᩴ ᨸᩁᩥᨿᩣᨿᩮᨶ ᩈᨾ᩠ᨾᩣ ᩅᨴᨾᩣᨶᩮᩣ ¶ ᩅᨴᩮᨿ᩠ᨿ – ‘ᩏᨧ᩠ᨨᩮᨴᩅᩣᨴᩮᩣ ᩈᨾᨱᩮᩣ ᨣᩮᩣᨲᨾᩮᩣ’ᨲᩥ, ᨶᩮᩣ ¶ ᨧ ᨡᩮᩣ ᨿᩴ ᨲ᩠ᩅᩴ ᩈᨶ᩠ᨵᩣᨿ ᩅᨴᩮᩈᩦ’’ᨲᩥ.

᪗. ‘‘ᨩᩮᨣᩩᨧ᩠ᨨᩦ ᨽᩅᩴ ᨣᩮᩣᨲᨾᩮᩣ’’ᨲᩥ? ‘‘ᩋᨲ᩠ᨳᩥ ᨡ᩠ᩅᩮᩈ, ᨻᩕᩣᩉ᩠ᨾᨱ, ᨸᩁᩥᨿᩣᨿᩮᩣ ᨿᩮᨶ ᨾᩴ ᨸᩁᩥᨿᩣᨿᩮᨶ ᩈᨾ᩠ᨾᩣ ᩅᨴᨾᩣᨶᩮᩣ ᩅᨴᩮᨿ᩠ᨿ – ‘ᨩᩮᨣᩩᨧ᩠ᨨᩦ ᩈᨾᨱᩮᩣ ᨣᩮᩣᨲᨾᩮᩣ’ᨲᩥ. ᩋᩉᨬ᩠ᩉᩥ, ᨻᩕᩣᩉ᩠ᨾᨱ, ᨩᩥᨣᩩᨧ᩠ᨨᩣᨾᩥ ᨠᩣᨿᨴᩩᨧ᩠ᨧᩁᩥᨲᩮᨶ ᩅᨧᩦᨴᩩᨧ᩠ᨧᩁᩥᨲᩮᨶ ᨾᨶᩮᩣᨴᩩᨧ᩠ᨧᩁᩥᨲᩮᨶ. ᩋᨶᩮᨠᩅᩥᩉᩥᨲᩣᨶᩴ ᨸᩣᨸᨠᩣᨶᩴ ᩋᨠᩩᩈᩃᩣᨶᩴ ᨵᨾ᩠ᨾᩣᨶᩴ ᩈᨾᩣᨸᨲ᩠ᨲᩥᨿᩣ ᨩᩥᨣᩩᨧ᩠ᨨᩣᨾᩥ. ᩋᨿᩴ ᨡᩮᩣ, ᨻᩕᩣᩉ᩠ᨾᨱ, ᨸᩁᩥᨿᩣᨿᩮᩣ ᨿᩮᨶ ᨾᩴ ᨸᩁᩥᨿᩣᨿᩮᨶ ᩈᨾ᩠ᨾᩣ ᩅᨴᨾᩣᨶᩮᩣ ᩅᨴᩮᨿ᩠ᨿ – ‘ᨩᩮᨣᩩᨧ᩠ᨨᩦ ᩈᨾᨱᩮᩣ ᨣᩮᩣᨲᨾᩮᩣ’ᨲᩥ, ᨶᩮᩣ ᨧ ᨡᩮᩣ ᨿᩴ ᨲ᩠ᩅᩴ ᩈᨶ᩠ᨵᩣᨿ ᩅᨴᩮᩈᩦ’’ᨲᩥ.

᪘. ‘‘ᩅᩮᨶᨿᩥᨠᩮᩣ ᨽᩅᩴ ᨣᩮᩣᨲᨾᩮᩣ’’ᨲᩥ? ‘‘ᩋᨲ᩠ᨳᩥ ᨡ᩠ᩅᩮᩈ, ᨻᩕᩣᩉ᩠ᨾᨱ, ᨸᩁᩥᨿᩣᨿᩮᩣ ᨿᩮᨶ ᨾᩴ ᨸᩁᩥᨿᩣᨿᩮᨶ ᩈᨾ᩠ᨾᩣ ᩅᨴᨾᩣᨶᩮᩣ ᩅᨴᩮᨿ᩠ᨿ – ‘ᩅᩮᨶᨿᩥᨠᩮᩣ ᩈᨾᨱᩮᩣ ᨣᩮᩣᨲᨾᩮᩣ’ᨲᩥ. ᩋᩉᨬ᩠ᩉᩥ, ᨻᩕᩣᩉ᩠ᨾᨱ, ᩅᩥᨶᨿᩣᨿ ᨵᨾ᩠ᨾᩴ ᨴᩮᩈᩮᨾᩥ ᩁᩣᨣᩔ ᨴᩮᩣᩈᩔ ᨾᩮᩣᩉᩔ. ᩋᨶᩮᨠᩅᩥᩉᩥᨲᩣᨶᩴ ᨸᩣᨸᨠᩣᨶᩴ ᩋᨠᩩᩈᩃᩣᨶᩴ ᨵᨾ᩠ᨾᩣᨶᩴ ᩅᩥᨶᨿᩣᨿ ᨵᨾ᩠ᨾᩴ ᨴᩮᩈᩮᨾᩥ. ᩋᨿᩴ ᨡᩮᩣ, ᨻᩕᩣᩉ᩠ᨾᨱ, ᨸᩁᩥᨿᩣᨿᩮᩣ ᨿᩮᨶ ᨾᩴ ᨸᩁᩥᨿᩣᨿᩮᨶ ᩈᨾ᩠ᨾᩣ ᩅᨴᨾᩣᨶᩮᩣ ᩅᨴᩮᨿ᩠ᨿ – ‘ᩅᩮᨶᨿᩥᨠᩮᩣ ᩈᨾᨱᩮᩣ ᨣᩮᩣᨲᨾᩮᩣ’ᨲᩥ, ᨶᩮᩣ ᨧ ᨡᩮᩣ ᨿᩴ ᨲ᩠ᩅᩴ ᩈᨶ᩠ᨵᩣᨿ ᩅᨴᩮᩈᩦ’’ᨲᩥ.

᪙. ‘‘ᨲᨸᩔᩦ ᨽᩅᩴ ᨣᩮᩣᨲᨾᩮᩣ’’ᨲᩥ? ‘‘ᩋᨲ᩠ᨳᩥ ᨡ᩠ᩅᩮᩈ, ᨻᩕᩣᩉ᩠ᨾᨱ, ᨸᩁᩥᨿᩣᨿᩮᩣ ᨿᩮᨶ ᨾᩴ ᨸᩁᩥᨿᩣᨿᩮᨶ ᩈᨾ᩠ᨾᩣ ᩅᨴᨾᩣᨶᩮᩣ ᩅᨴᩮᨿ᩠ᨿ – ‘ᨲᨸᩔᩦ ᩈᨾᨱᩮᩣ ᨣᩮᩣᨲᨾᩮᩣ’ᨲᩥ ¶ . ᨲᨸᨶᩦᨿᩣᩉᩴ, ᨻᩕᩣᩉ᩠ᨾᨱ, ᨸᩣᨸᨠᩮ ᩋᨠᩩᩈᩃᩮ ᨵᨾ᩠ᨾᩮ ᩅᨴᩣᨾᩥ, ᨠᩣᨿᨴᩩᨧ᩠ᨧᩁᩥᨲᩴ ᩅᨧᩦᨴᩩᨧ᩠ᨧᩁᩥᨲᩴ ᨾᨶᩮᩣᨴᩩᨧ᩠ᨧᩁᩥᨲᩴ. ᨿᩔ ᨡᩮᩣ, ᨻᩕᩣᩉ᩠ᨾᨱ ¶ , ᨲᨸᨶᩦᨿᩣ ᨸᩣᨸᨠᩣ ᩋᨠᩩᩈᩃᩣ ᨵᨾ᩠ᨾᩣ ᨸᩉᩦᨶᩣ ᩏᨧ᩠ᨨᩥᨶ᩠ᨶᨾᩪᩃᩣ ᨲᩣᩃᩣᩅᨲ᩠ᨳᩩᨠᨲᩣ ᩋᨶᨽᩣᩅᩴᨠᨲᩣ ¶ ᩌᨿᨲᩥᩴ ᩋᨶᩩᨸ᩠ᨸᩣᨴᨵᨾ᩠ᨾᩣ ᨲᨾᩉᩴ ᨲᨸᩔᩦᨲᩥ ᩅᨴᩣᨾᩥ. ᨲᨳᩣᨣᨲᩔ ᨡᩮᩣ, ᨻᩕᩣᩉ᩠ᨾᨱ, ᨲᨸᨶᩦᨿᩣ ᨸᩣᨸᨠᩣ ᩋᨠᩩᩈᩃᩣ ᨵᨾ᩠ᨾᩣ ᨸᩉᩦᨶᩣ ᩏᨧ᩠ᨨᩥᨶ᩠ᨶᨾᩪᩃᩣ ᨲᩣᩃᩣᩅᨲ᩠ᨳᩩᨠᨲᩣ ᩋᨶᨽᩣᩅᩴᨠᨲᩣ ᩌᨿᨲᩥᩴ ᩋᨶᩩᨸ᩠ᨸᩣᨴᨵᨾ᩠ᨾᩣ. ᩋᨿᩴ ᨡᩮᩣ, ᨻᩕᩣᩉ᩠ᨾᨱ, ᨸᩁᩥᨿᩣᨿᩮᩣ ᨿᩮᨶ ᨾᩴ ᨸᩁᩥᨿᩣᨿᩮᨶ ᩈᨾ᩠ᨾᩣ ᩅᨴᨾᩣᨶᩮᩣ ᩅᨴᩮᨿ᩠ᨿ – ‘ᨲᨸᩔᩦ ᩈᨾᨱᩮᩣ ᨣᩮᩣᨲᨾᩮᩣ’ᨲᩥ, ᨶᩮᩣ ᨧ ᨡᩮᩣ ᨿᩴ ᨲ᩠ᩅᩴ ᩈᨶ᩠ᨵᩣᨿ ᩅᨴᩮᩈᩦ’’ᨲᩥ.

᪑᪐. ‘‘ᩋᨸᨣᨻ᩠ᨽᩮᩣ ᨽᩅᩴ ᨣᩮᩣᨲᨾᩮᩣ’’ᨲᩥ? ‘‘ᩋᨲ᩠ᨳᩥ ᨡ᩠ᩅᩮᩈ, ᨻᩕᩣᩉ᩠ᨾᨱ, ᨸᩁᩥᨿᩣᨿᩮᩣ ᨿᩮᨶ ᨾᩴ ᨸᩁᩥᨿᩣᨿᩮᨶ ᩈᨾ᩠ᨾᩣ ᩅᨴᨾᩣᨶᩮᩣ ᩅᨴᩮᨿ᩠ᨿ – ‘ᩋᨸᨣᨻ᩠ᨽᩮᩣ ᩈᨾᨱᩮᩣ ᨣᩮᩣᨲᨾᩮᩣ’ᨲᩥ. ᨿᩔ ᨡᩮᩣ, ᨻᩕᩣᩉ᩠ᨾᨱ, ᩌᨿᨲᩥᩴ ᨣᨻ᩠ᨽᩈᩮᨿ᩠ᨿᩣ ᨸᩩᨶᨻ᩠ᨽᩅᩣᨽᩥᨶᩥᨻ᩠ᨻᨲ᩠ᨲᩥ ᨸᩉᩦᨶᩣ ᩏᨧ᩠ᨨᩥᨶ᩠ᨶᨾᩪᩃᩣ ᨲᩣᩃᩣᩅᨲ᩠ᨳᩩᨠᨲᩣ ᩋᨶᨽᩣᩅᩴᨠᨲᩣ ᩌᨿᨲᩥᩴ ᩋᨶᩩᨸ᩠ᨸᩣᨴᨵᨾ᩠ᨾᩣ ᨲᨾᩉᩴ ᩋᨸᨣᨻ᩠ᨽᩮᩣᨲᩥ ᩅᨴᩣᨾᩥ. ᨲᨳᩣᨣᨲᩔ ᨡᩮᩣ, ᨻᩕᩣᩉ᩠ᨾᨱ, ᩌᨿᨲᩥᩴ ᨣᨻ᩠ᨽᩈᩮᨿ᩠ᨿᩣ ᨸᩩᨶᨻ᩠ᨽᩅᩣᨽᩥᨶᩥᨻ᩠ᨻᨲ᩠ᨲᩥ ᨸᩉᩦᨶᩣ ᩏᨧ᩠ᨨᩥᨶ᩠ᨶᨾᩪᩃᩣ ᨲᩣᩃᩣᩅᨲ᩠ᨳᩩᨠᨲᩣ ᩋᨶᨽᩣᩅᩴᨠᨲᩣ ᩌᨿᨲᩥᩴ ᩋᨶᩩᨸ᩠ᨸᩣᨴᨵᨾ᩠ᨾᩣ. ᩋᨿᩴ ᨡᩮᩣ, ᨻᩕᩣᩉ᩠ᨾᨱ, ᨸᩁᩥᨿᩣᨿᩮᩣ ᨿᩮᨶ ᨾᩴ ᨸᩁᩥᨿᩣᨿᩮᨶ ᩈᨾ᩠ᨾᩣ ᩅᨴᨾᩣᨶᩮᩣ ᩅᨴᩮᨿ᩠ᨿ – ‘ᩋᨸᨣᨻ᩠ᨽᩮᩣ ᩈᨾᨱᩮᩣ ᨣᩮᩣᨲᨾᩮᩣ’ᨲᩥ, ᨶᩮᩣ ᨧ ᨡᩮᩣ ᨿᩴ ᨲ᩠ᩅᩴ ᩈᨶ᩠ᨵᩣᨿ ᩅᨴᩮᩈᩥ’’.

᪑᪑. ‘‘ᩈᩮᨿ᩠ᨿᨳᩣᨸᩥ, ᨻᩕᩣᩉ᩠ᨾᨱ, ᨠᩩᨠ᩠ᨠᩩᨭᩥᨿᩣ ᩋᨱ᩠ᨯᩣᨶᩥ ᩋᨭ᩠ᨮ ᩅᩣ ᨴᩈ ᩅᩣ ᨴ᩠ᩅᩣᨴᩈ ᩅᩣ. ᨲᩣᨶᩔᩩ ᨠᩩᨠ᩠ᨠᩩᨭᩥᨿᩣ ᩈᨾ᩠ᨾᩣ ᩋᨵᩥᩈᨿᩥᨲᩣᨶᩥ ᩈᨾ᩠ᨾᩣ ᨸᩁᩥᩈᩮᨴᩥᨲᩣᨶᩥ ᩈᨾ᩠ᨾᩣ ᨸᩁᩥᨽᩣᩅᩥᨲᩣᨶᩥ. ᨿᩮᩣ ᨶᩩ ᨡᩮᩣ ᨲᩮᩈᩴ ᨠᩩᨠ᩠ᨠᩩᨭᨧ᩠ᨨᩣᨸᨠᩣᨶᩴ ᨸᨮᨾᨲᩁᩴ ᨸᩣᨴᨶᨡᩈᩥᨡᩣᨿ ᩅᩣ ᨾᩩᨡᨲᩩᨱ᩠ᨯᨠᩮᨶ ᩅᩣ ᩋᨱ᩠ᨯᨠᩮᩣᩈᩴ ᨸᨴᩣᩃᩮᨲ᩠ᩅᩣ ᩈᩮᩣᨲ᩠ᨳᩥᨶᩣ ᩋᨽᩥᨶᩥᨻ᩠ᨽᩥᨩ᩠ᨩᩮᨿ᩠ᨿ, ᨠᩥᨶ᩠ᨲᩥ ᩈ᩠ᩅᩣᩔ ᩅᨧᨶᩦᨿᩮᩣ – ‘‘ᨩᩮᨭ᩠ᨮᩮᩣ ¶ ᩅᩣ ᨠᨶᩥᨭ᩠ᨮᩮᩣ ᩅᩣ’’ᨲᩥ? ‘‘ᨩᩮᨭ᩠ᨮᩮᩣᨲᩥᩔ, ᨽᩮᩣ ᨣᩮᩣᨲᨾ, ᩅᨧᨶᩦᨿᩮᩣ. ᩈᩮᩣ ᩉᩥ ᨶᩮᩈᩴ ᨩᩮᨭ᩠ᨮᩮᩣ ᩉᩮᩣᨲᩦ’’ᨲᩥ. ‘‘ᩑᩅᨾᩮᩅ ᨡᩮᩣ ᩋᩉᩴ, ᨻᩕᩣᩉ᩠ᨾᨱ, ᩋᩅᩥᨩ᩠ᨩᩣᨣᨲᩣᨿ ᨸᨩᩣᨿ ᩋᨱ᩠ᨯᨽᩪᨲᩣᨿ ᨸᩁᩥᨿᩮᩣᨶᨴ᩠ᨵᩣᨿ ¶ ᩋᩅᩥᨩ᩠ᨩᨱ᩠ᨯᨠᩮᩣᩈᩴ ᨸᨴᩣᩃᩮᨲ᩠ᩅᩣ ᩑᨠᩮᩣᩅ ᩃᩮᩣᨠᩮ ᩋᨶᩩᨲ᩠ᨲᩁᩴ ᩈᨾ᩠ᨾᩣᩈᨾ᩠ᨻᩮᩣᨵᩥᩴ ᩋᨽᩥᩈᨾ᩠ᨻᩩᨴ᩠ᨵᩮᩣ. ᩈ᩠ᩅᩣᩉᩴ, ᨻᩕᩣᩉ᩠ᨾᨱ, ᨩᩮᨭ᩠ᨮᩮᩣ ᩈᩮᨭ᩠ᨮᩮᩣ ᩃᩮᩣᨠᩔ’’.

‘‘ᩌᩁᨴ᩠ᨵᩴ ᨡᩮᩣ ᨸᨶ ᨾᩮ, ᨻᩕᩣᩉ᩠ᨾᨱ, ᩅᩦᩁᩥᨿᩴ [ᩅᩥᩁᩥᨿᩴ (ᩈᩦ. ᩈ᩠ᨿᩣ.)] ᩋᩉᩮᩣᩈᩥ ᩋᩈᩃ᩠ᩃᩦᨶᩴ, ᩏᨸᨭ᩠ᨮᩥᨲᩣ ᩈᨲᩥ ᩋᩈᨾ᩠ᨾᩩᨭ᩠ᨮᩣ [ᩋᨸ᩠ᨸᨾᩩᨭ᩠ᨮᩣ (ᩈᩦ. ᩈ᩠ᨿᩣ.)], ᨸᩔᨴ᩠ᨵᩮᩣ ᨠᩣᨿᩮᩣ ᩋᩈᩣᩁᨴ᩠ᨵᩮᩣ, ᩈᨾᩣᩉᩥᨲᩴ ᨧᩥᨲ᩠ᨲᩴ ᩑᨠᨣ᩠ᨣᩴ. ᩈᩮᩣ ¶ ᨡᩮᩣ ᩋᩉᩴ, ᨻᩕᩣᩉ᩠ᨾᨱ, ᩅᩥᩅᩥᨧ᩠ᨧᩮᩅ ᨠᩣᨾᩮᩉᩥ ᩅᩥᩅᩥᨧ᩠ᨧ ᩋᨠᩩᩈᩃᩮᩉᩥ ᨵᨾ᩠ᨾᩮᩉᩥ ᩈᩅᩥᨲᨠ᩠ᨠᩴ ᩈᩅᩥᨧᩣᩁᩴ ᩅᩥᩅᩮᨠᨩᩴ ᨸᩦᨲᩥᩈᩩᨡᩴ ᨸᨮᨾᩴ ᨫᩣᨶᩴ ᩏᨸᩈᨾ᩠ᨸᨩ᩠ᨩ ᩅᩥᩉᩣᩈᩥᩴ. ᩅᩥᨲᨠ᩠ᨠᩅᩥᨧᩣᩁᩣᨶᩴ ᩅᩪᨸᩈᨾᩣ ᩋᨩ᩠ᨫᨲ᩠ᨲᩴ ᩈᨾ᩠ᨸᩈᩣᨴᨶᩴ ᨧᩮᨲᩈᩮᩣ ᩑᨠᩮᩣᨴᩥᨽᩣᩅᩴ ᩋᩅᩥᨲᨠ᩠ᨠᩴ ᩋᩅᩥᨧᩣᩁᩴ ᩈᨾᩣᨵᩥᨩᩴ ᨸᩦᨲᩥᩈᩩᨡᩴ ᨴᩩᨲᩥᨿᩴ ᨫᩣᨶᩴ ᩏᨸᩈᨾ᩠ᨸᨩ᩠ᨩ ᩅᩥᩉᩣᩈᩥᩴ. ᨸᩦᨲᩥᨿᩣ ᨧ ᩅᩥᩁᩣᨣᩣ ᩏᨸᩮᨠ᩠ᨡᨠᩮᩣ ᨧ ᩅᩥᩉᩣᩈᩥᩴ ᩈᨲᩮᩣ ᨧ ᩈᨾ᩠ᨸᨩᩣᨶᩮᩣ, ᩈᩩᨡᨬ᩠ᨧ ᨠᩣᨿᩮᨶ ᨸᨭᩥᩈᩴᩅᩮᨴᩮᩈᩥᩴ ¶ , ᨿᩴ ᨲᩴ ᩋᩁᩥᨿᩣ ᩌᨧᩥᨠ᩠ᨡᨶ᩠ᨲᩥ – ‘ᩏᨸᩮᨠ᩠ᨡᨠᩮᩣ ᩈᨲᩥᨾᩣ ᩈᩩᨡᩅᩥᩉᩣᩁᩦ’ᨲᩥ ᨲᨲᩥᨿᩴ ᨫᩣᨶᩴ ᩏᨸᩈᨾ᩠ᨸᨩ᩠ᨩ ᩅᩥᩉᩣᩈᩥᩴ. ᩈᩩᨡᩔ ᨧ ᨸᩉᩣᨶᩣ ᨴᩩᨠ᩠ᨡᩔ ᨧ ᨸᩉᩣᨶᩣ ᨸᩩᨻ᩠ᨻᩮᩅ ᩈᩮᩣᨾᨶᩔᨴᩮᩣᨾᨶᩔᩣᨶᩴ ᩋᨲ᩠ᨳᨦ᩠ᨣᨾᩣ ᩋᨴᩩᨠ᩠ᨡᨾᩈᩩᨡᩴ ᩏᨸᩮᨠ᩠ᨡᩣᩈᨲᩥᨸᩣᩁᩥᩈᩩᨴ᩠ᨵᩥᩴ ᨧᨲᩩᨲ᩠ᨳᩴ ᨫᩣᨶᩴ ᩏᨸᩈᨾ᩠ᨸᨩ᩠ᨩ ᩅᩥᩉᩣᩈᩥᩴ.

᪑᪒. ‘‘ᩈᩮᩣ ᩑᩅᩴ ᩈᨾᩣᩉᩥᨲᩮ ᨧᩥᨲ᩠ᨲᩮ ᨸᩁᩥᩈᩩᨴ᩠ᨵᩮ ᨸᩁᩥᨿᩮᩣᨴᩣᨲᩮ ᩋᨶᨦ᩠ᨣᨱᩮ ᩅᩥᨣᨲᩪᨸᨠ᩠ᨠᩥᩃᩮᩈᩮ ᨾᩩᨴᩩᨽᩪᨲᩮ ᨠᨾ᩠ᨾᨶᩥᨿᩮ ᨮᩥᨲᩮ ᩌᨶᩮᨬ᩠ᨩᨸ᩠ᨸᨲ᩠ᨲᩮ ᨸᩩᨻ᩠ᨻᩮᨶᩥᩅᩣᩈᩣᨶᩩᩔᨲᩥᨬᩣᨱᩣᨿ ᨧᩥᨲ᩠ᨲᩴ ᩋᨽᩥᨶᩥᨶ᩠ᨶᩣᨾᩮᩈᩥᩴ. ᩈᩮᩣ ᩋᨶᩮᨠᩅᩥᩉᩥᨲᩴ ᨸᩩᨻ᩠ᨻᩮᨶᩥᩅᩣᩈᩴ ᩋᨶᩩᩔᩁᩣᨾᩥ ¶ , ᩈᩮᨿ᩠ᨿᨳᩥᨴᩴ – ᩑᨠᨾ᩠ᨸᩥ ᨩᩣᨲᩥᩴ ᨴ᩠ᩅᩮᨸᩥ ᨩᩣᨲᩥᨿᩮᩣ ᨲᩥᩔᩮᩣᨸᩥ ᨩᩣᨲᩥᨿᩮᩣ ᨧᨲᩔᩮᩣᨸᩥ ᨩᩣᨲᩥᨿᩮᩣ ᨸᨬ᩠ᨧᨸᩥ ᨩᩣᨲᩥᨿᩮᩣ ᨴᩈᨸᩥ ᨩᩣᨲᩥᨿᩮᩣ ᩅᩦᩈᨾ᩠ᨸᩥ ᨩᩣᨲᩥᨿᩮᩣ ᨲᩥᩴᩈᨾ᩠ᨸᩥ ᨩᩣᨲᩥᨿᩮᩣ ᨧᨲ᩠ᨲᩣᩃᩦᩈᨾ᩠ᨸᩥ ᨩᩣᨲᩥᨿᩮᩣ ᨸᨬ᩠ᨬᩣᩈᨾ᩠ᨸᩥ ᨩᩣᨲᩥᨿᩮᩣ ᨩᩣᨲᩥᩈᨲᨾ᩠ᨸᩥ, ᨩᩣᨲᩥᩈᩉᩔᨾ᩠ᨸᩥ ᨩᩣᨲᩥᩈᨲᩈᩉᩔᨾ᩠ᨸᩥ, ᩋᨶᩮᨠᩮᨸᩥ ᩈᩴᩅᨭ᩠ᨭᨠᨸ᩠ᨸᩮ ᩋᨶᩮᨠᩮᨸᩥ ᩅᩥᩅᨭ᩠ᨭᨠᨸ᩠ᨸᩮ ᩋᨶᩮᨠᩮᨸᩥ ᩈᩴᩅᨭ᩠ᨭᩅᩥᩅᨭ᩠ᨭᨠᨸ᩠ᨸᩮ – ‘ᩋᨾᩩᨲᩕᩣᩈᩥᩴ ᩑᩅᩴᨶᩣᨾᩮᩣ ᩑᩅᩴᨣᩮᩣᨲ᩠ᨲᩮᩣ ᩑᩅᩴᩅᨱ᩠ᨱᩮᩣ ᩑᩅᨾᩣᩉᩣᩁᩮᩣ ᩑᩅᩴᩈᩩᨡᨴᩩᨠ᩠ᨡᨸ᩠ᨸᨭᩥᩈᩴᩅᩮᨴᩦ ᩑᩅᨾᩣᨿᩩᨸᩁᩥᨿᨶ᩠ᨲᩮᩣ; ᩈᩮᩣ ᨲᨲᩮᩣ ᨧᩩᨲᩮᩣ ᩋᨾᩩᨲᩕ ᩏᨴᨸᩣᨴᩥᩴ; ᨲᨲᩕᩣᨸᩣᩈᩥᩴ ᩑᩅᩴᨶᩣᨾᩮᩣ ᩑᩅᩴᨣᩮᩣᨲ᩠ᨲᩮᩣ ᩑᩅᩴᩅᨱ᩠ᨱᩮᩣ ᩑᩅᨾᩣᩉᩣᩁᩮᩣ ᩑᩅᩴᩈᩩᨡᨴᩩᨠ᩠ᨡᨸ᩠ᨸᨭᩥᩈᩴᩅᩮᨴᩦ ᩑᩅᨾᩣᨿᩩᨸᩁᩥᨿᨶ᩠ᨲᩮᩣ; ᩈᩮᩣ ᨲᨲᩮᩣ ᨧᩩᨲᩮᩣ ᩍᨵᩪᨸᨸᨶ᩠ᨶᩮᩣᨲᩥ. ᩍᨲᩥ ᩈᩣᨠᩣᩁᩴ ᩈᩏᨴ᩠ᨴᩮᩈᩴ ᩋᨶᩮᨠᩅᩥᩉᩥᨲᩴ ᨸᩩᨻ᩠ᨻᩮᨶᩥᩅᩣᩈᩴ ᩋᨶᩩᩔᩁᩣᨾᩥ. ᩋᨿᩴ ᨡᩮᩣ ᨾᩮ, ᨻᩕᩣᩉ᩠ᨾᨱ, ᩁᨲ᩠ᨲᩥᨿᩣ ᨸᨮᨾᩮ ᨿᩣᨾᩮ ᨸᨮᨾᩣ ᩅᩥᨩ᩠ᨩᩣ ᩋᨵᩥᨣᨲᩣ, ᩋᩅᩥᨩ᩠ᨩᩣ ᩅᩥᩉᨲᩣ, ᩅᩥᨩ᩠ᨩᩣ ᩏᨸ᩠ᨸᨶ᩠ᨶᩣ, ᨲᨾᩮᩣ ᩅᩥᩉᨲᩮᩣ, ᩌᩃᩮᩣᨠᩮᩣ ᩏᨸ᩠ᨸᨶ᩠ᨶᩮᩣ – ᨿᨳᩣ ᨲᩴ ᩋᨸ᩠ᨸᨾᨲ᩠ᨲᩔ ᩌᨲᩣᨸᩥᨶᩮᩣ ᨸᩉᩥᨲᨲ᩠ᨲᩔ ᩅᩥᩉᩁᨲᩮᩣ. ᩋᨿᩴ ᨡᩮᩣ ᨾᩮ, ᨻᩕᩣᩉ᩠ᨾᨱ, ᨸᨮᨾᩣᨽᩥᨶᩥᨻ᩠ᨽᩥᨴᩣ ᩋᩉᩮᩣᩈᩥ ᨠᩩᨠ᩠ᨠᩩᨭᨧ᩠ᨨᩣᨸᨠᩔᩮᩅ ᩋᨱ᩠ᨯᨠᩮᩣᩈᨾ᩠ᩉᩣ.

᪑᪓. ‘‘ᩈᩮᩣ ᩑᩅᩴ ᩈᨾᩣᩉᩥᨲᩮ ᨧᩥᨲ᩠ᨲᩮ ᨸᩁᩥᩈᩩᨴ᩠ᨵᩮ ᨸᩁᩥᨿᩮᩣᨴᩣᨲᩮ ᩋᨶᨦ᩠ᨣᨱᩮ ᩅᩥᨣᨲᩪᨸᨠ᩠ᨠᩥᩃᩮᩈᩮ ᨾᩩᨴᩩᨽᩪᨲᩮ ᨠᨾ᩠ᨾᨶᩥᨿᩮ ᨮᩥᨲᩮ ᩌᨶᩮᨬ᩠ᨩᨸ᩠ᨸᨲ᩠ᨲᩮ ᩈᨲ᩠ᨲᩣᨶᩴ ᨧᩩᨲᩪᨸᨸᩣᨲᨬᩣᨱᩣᨿ ᨧᩥᨲ᩠ᨲᩴ ᩋᨽᩥᨶᩥᨶ᩠ᨶᩣᨾᩮᩈᩥᩴ ¶ . ᩈᩮᩣ ᨴᩥᨻ᩠ᨻᩮᨶ ᨧᨠ᩠ᨡᩩᨶᩣ ᩅᩥᩈᩩᨴ᩠ᨵᩮᨶ ᩋᨲᩥᨠ᩠ᨠᨶ᩠ᨲᨾᩣᨶᩩᩈᨠᩮᨶ [ᩋᨲᩥᨠ᩠ᨠᨶ᩠ᨲᨾᩣᨶᩩᩔᨠᩮᨶ (ᨠ.)] ᩈᨲ᩠ᨲᩮ ᨸᩔᩣᨾᩥ ᨧᩅᨾᩣᨶᩮ ᩏᨸᨸᨩ᩠ᨩᨾᩣᨶᩮ ᩉᩦᨶᩮ ᨸᨱᩦᨲᩮ ¶ ᩈᩩᩅᨱ᩠ᨱᩮ ᨴᩩᨻ᩠ᨻᨱ᩠ᨱᩮ. ᩈᩩᨣᨲᩮ ᨴᩩᨣ᩠ᨣᨲᩮ ᨿᨳᩣᨠᨾ᩠ᨾᩪᨸᨣᩮ ᩈᨲ᩠ᨲᩮ ᨸᨩᩣᨶᩣᨾᩥ – ‘ᩍᨾᩮ ᩅᨲ ᨽᩮᩣᨶ᩠ᨲᩮᩣ ᩈᨲ᩠ᨲᩣ ᨠᩣᨿᨴᩩᨧ᩠ᨧᩁᩥᨲᩮᨶ ¶ ᩈᨾᨶ᩠ᨶᩣᨣᨲᩣ ᩅᨧᩦᨴᩩᨧ᩠ᨧᩁᩥᨲᩮᨶ ᩈᨾᨶ᩠ᨶᩣᨣᨲᩣ ᨾᨶᩮᩣᨴᩩᨧ᩠ᨧᩁᩥᨲᩮᨶ ᩈᨾᨶ᩠ᨶᩣᨣᨲᩣ ᩋᩁᩥᨿᩣᨶᩴ ᩏᨸᩅᩣᨴᨠᩣ ᨾᩥᨧ᩠ᨨᩣᨴᩥᨭ᩠ᨮᩥᨠᩣ ᨾᩥᨧ᩠ᨨᩣᨴᩥᨭ᩠ᨮᩥᨠᨾ᩠ᨾᩈᨾᩣᨴᩣᨶᩣ; ᨲᩮ ᨠᩣᨿᩔ ᨽᩮᨴᩣ ᨸᩁᩴ ᨾᩁᨱᩣ ᩋᨸᩣᨿᩴ ᨴᩩᨣ᩠ᨣᨲᩥᩴ ᩅᩥᨶᩥᨸᩣᨲᩴ ᨶᩥᩁᨿᩴ ᩏᨸᨸᨶ᩠ᨶᩣ. ᩍᨾᩮ ᩅᩣ ᨸᨶ ᨽᩮᩣᨶ᩠ᨲᩮᩣ ᩈᨲ᩠ᨲᩣ ᨠᩣᨿᩈᩩᨧᩁᩥᨲᩮᨶ ᩈᨾᨶ᩠ᨶᩣᨣᨲᩣ ᩅᨧᩦᩈᩩᨧᩁᩥᨲᩮᨶ ᩈᨾᨶ᩠ᨶᩣᨣᨲᩣ ᨾᨶᩮᩣᩈᩩᨧᩁᩥᨲᩮᨶ ᩈᨾᨶ᩠ᨶᩣᨣᨲᩣ ᩋᩁᩥᨿᩣᨶᩴ ᩋᨶᩩᨸᩅᩣᨴᨠᩣ ᩈᨾ᩠ᨾᩣᨴᩥᨭ᩠ᨮᩥᨠᩣ ᩈᨾ᩠ᨾᩣᨴᩥᨭ᩠ᨮᩥᨠᨾ᩠ᨾᩈᨾᩣᨴᩣᨶᩣ; ᨲᩮ ᨠᩣᨿᩔ ᨽᩮᨴᩣ ᨸᩁᩴ ᨾᩁᨱᩣ ᩈᩩᨣᨲᩥᩴ ᩈᨣ᩠ᨣᩴ ᩃᩮᩣᨠᩴ ᩏᨸᨸᨶ᩠ᨶᩣ’ᨲᩥ. ᩍᨲᩥ ᨴᩥᨻ᩠ᨻᩮᨶ ᨧᨠ᩠ᨡᩩᨶᩣ ᩅᩥᩈᩩᨴ᩠ᨵᩮᨶ ᩋᨲᩥᨠ᩠ᨠᨶ᩠ᨲᨾᩣᨶᩩᩈᨠᩮᨶ ᩈᨲ᩠ᨲᩮ ᨸᩔᩣᨾᩥ ᨧᩅᨾᩣᨶᩮ ᩏᨸᨸᨩ᩠ᨩᨾᩣᨶᩮ ¶ ᩉᩦᨶᩮ ᨸᨱᩦᨲᩮ ᩈᩩᩅᨱ᩠ᨱᩮ ᨴᩩᨻ᩠ᨻᨱ᩠ᨱᩮ. ᩈᩩᨣᨲᩮ ᨴᩩᨣ᩠ᨣᨲᩮ ᨿᨳᩣᨠᨾ᩠ᨾᩪᨸᨣᩮ ᩈᨲ᩠ᨲᩮ ᨸᨩᩣᨶᩣᨾᩥ. ᩋᨿᩴ ᨡᩮᩣ ᨾᩮ, ᨻᩕᩣᩉ᩠ᨾᨱ, ᩁᨲ᩠ᨲᩥᨿᩣ ᨾᨩ᩠ᨫᩥᨾᩮ ᨿᩣᨾᩮ ᨴᩩᨲᩥᨿᩣ ᩅᩥᨩ᩠ᨩᩣ ᩋᨵᩥᨣᨲᩣ, ᩋᩅᩥᨩ᩠ᨩᩣ ᩅᩥᩉᨲᩣ, ᩅᩥᨩ᩠ᨩᩣ ᩏᨸ᩠ᨸᨶ᩠ᨶᩣ, ᨲᨾᩮᩣ ᩅᩥᩉᨲᩮᩣ, ᩌᩃᩮᩣᨠᩮᩣ ᩏᨸ᩠ᨸᨶ᩠ᨶᩮᩣ – ᨿᨳᩣ ᨲᩴ ᩋᨸ᩠ᨸᨾᨲ᩠ᨲᩔ ᩌᨲᩣᨸᩥᨶᩮᩣ ᨸᩉᩥᨲᨲ᩠ᨲᩔ ᩅᩥᩉᩁᨲᩮᩣ. ᩋᨿᩴ ᨡᩮᩣ ᨾᩮ, ᨻᩕᩣᩉ᩠ᨾᨱ, ᨴᩩᨲᩥᨿᩣᨽᩥᨶᩥᨻ᩠ᨽᩥᨴᩣ ᩋᩉᩮᩣᩈᩥ ᨠᩩᨠ᩠ᨠᩩᨭᨧ᩠ᨨᩣᨸᨠᩔᩮᩅ ᩋᨱ᩠ᨯᨠᩮᩣᩈᨾ᩠ᩉᩣ.

᪑᪔. ‘‘ᩈᩮᩣ ᩑᩅᩴ ᩈᨾᩣᩉᩥᨲᩮ ᨧᩥᨲ᩠ᨲᩮ ᨸᩁᩥᩈᩩᨴ᩠ᨵᩮ ᨸᩁᩥᨿᩮᩣᨴᩣᨲᩮ ᩋᨶᨦ᩠ᨣᨱᩮ ᩅᩥᨣᨲᩪᨸᨠ᩠ᨠᩥᩃᩮᩈᩮ ᨾᩩᨴᩩᨽᩪᨲᩮ ᨠᨾ᩠ᨾᨶᩥᨿᩮ ᨮᩥᨲᩮ ᩌᨶᩮᨬ᩠ᨩᨸ᩠ᨸᨲ᩠ᨲᩮ ᩌᩈᩅᩣᨶᩴ ᨡᨿᨬᩣᨱᩣᨿ ᨧᩥᨲ᩠ᨲᩴ ᩋᨽᩥᨶᩥᨶ᩠ᨶᩣᨾᩮᩈᩥᩴ. ᩈᩮᩣ ‘ᩍᨴᩴ ᨴᩩᨠ᩠ᨡ’ᨶ᩠ᨲᩥ ᨿᨳᩣᨽᩪᨲᩴ ᩋᨻ᩠ᨽᨬ᩠ᨬᩣᩈᩥᩴ, ‘ᩋᨿᩴ ᨴᩩᨠ᩠ᨡᩈᨾᩩᨴᨿᩮᩣ’ᨲᩥ ᨿᨳᩣᨽᩪᨲᩴ ᩋᨻ᩠ᨽᨬ᩠ᨬᩣᩈᩥᩴ, ‘ᩋᨿᩴ ᨴᩩᨠ᩠ᨡᨶᩥᩁᩮᩣᨵᩮᩣ’ᨲᩥ ᨿᨳᩣᨽᩪᨲᩴ ᩋᨻ᩠ᨽᨬ᩠ᨬᩣᩈᩥᩴ, ‘ᩋᨿᩴ ᨴᩩᨠ᩠ᨡᨶᩥᩁᩮᩣᨵᨣᩣᨾᩥᨶᩦ ᨸᨭᩥᨸᨴᩣ’ᨲᩥ ᨿᨳᩣᨽᩪᨲᩴ ¶ ᩋᨻ᩠ᨽᨬ᩠ᨬᩣᩈᩥᩴ; ‘ᩍᨾᩮ ᩌᩈᩅᩣ’ᨲᩥ ᨿᨳᩣᨽᩪᨲᩴ ᩋᨻ᩠ᨽᨬ᩠ᨬᩣᩈᩥᩴ, ‘ᩋᨿᩴ ᩌᩈᩅᩈᨾᩩᨴᨿᩮᩣ’ᨲᩥ ᨿᨳᩣᨽᩪᨲᩴ ᩋᨻ᩠ᨽᨬ᩠ᨬᩣᩈᩥᩴ, ‘ᩋᨿᩴ ᩌᩈᩅᨶᩥᩁᩮᩣᨵᩮᩣ’ᨲᩥ ᨿᨳᩣᨽᩪᨲᩴ ᩋᨻ᩠ᨽᨬ᩠ᨬᩣᩈᩥᩴ, ‘ᩋᨿᩴ ᩌᩈᩅᨶᩥᩁᩮᩣᨵᨣᩣᨾᩥᨶᩦ ᨸᨭᩥᨸᨴᩣ’ᨲᩥ ᨿᨳᩣᨽᩪᨲᩴ ᩋᨻ᩠ᨽᨬ᩠ᨬᩣᩈᩥᩴ. ᨲᩔ ᨾᩮ ᩑᩅᩴ ᨩᩣᨶᨲᩮᩣ ᩑᩅᩴ ᨸᩔᨲᩮᩣ ᨠᩣᨾᩣᩈᩅᩣᨸᩥ ᨧᩥᨲ᩠ᨲᩴ ᩅᩥᨾᩩᨧ᩠ᨧᩥᨲ᩠ᨳ ᨽᩅᩣᩈᩅᩣᨸᩥ ᨧᩥᨲ᩠ᨲᩴ ᩅᩥᨾᩩᨧ᩠ᨧᩥᨲ᩠ᨳ ᩋᩅᩥᨩ᩠ᨩᩣᩈᩅᩣᨸᩥ ᨧᩥᨲ᩠ᨲᩴ ᩅᩥᨾᩩᨧ᩠ᨧᩥᨲ᩠ᨳ. ᩅᩥᨾᩩᨲ᩠ᨲᩈ᩠ᨾᩥᩴ ᩅᩥᨾᩩᨲ᩠ᨲᨾᩥᨲᩥ ᨬᩣᨱᩴ ᩋᩉᩮᩣᩈᩥ. ‘ᨡᩦᨱᩣ ᨩᩣᨲᩥ, ᩅᩩᩈᩥᨲᩴ ᨻᩕᩉ᩠ᨾᨧᩁᩥᨿᩴ, ᨠᨲᩴ ᨠᩁᨱᩦᨿᩴ, ᨶᩣᨸᩁᩴ ᩍᨲ᩠ᨳᨲ᩠ᨲᩣᨿᩣ’ᨲᩥ ᩋᨻ᩠ᨽᨬ᩠ᨬᩣᩈᩥᩴ. ᩋᨿᩴ ᨡᩮᩣ ᨾᩮ, ᨻᩕᩣᩉ᩠ᨾᨱ, ᩁᨲ᩠ᨲᩥᨿᩣ ᨸᨧ᩠ᨨᩥᨾᩮ ᨿᩣᨾᩮ ᨲᨲᩥᨿᩣ ᩅᩥᨩ᩠ᨩᩣ ᩋᨵᩥᨣᨲᩣ, ᩋᩅᩥᨩ᩠ᨩᩣ ᩅᩥᩉᨲᩣ, ᩅᩥᨩ᩠ᨩᩣ ᩏᨸ᩠ᨸᨶ᩠ᨶᩣ, ᨲᨾᩮᩣ ᩅᩥᩉᨲᩮᩣ, ᩌᩃᩮᩣᨠᩮᩣ ᩏᨸ᩠ᨸᨶ᩠ᨶᩮᩣ – ᨿᨳᩣ ᨲᩴ ᩋᨸ᩠ᨸᨾᨲ᩠ᨲᩔ ᩌᨲᩣᨸᩥᨶᩮᩣ ᨸᩉᩥᨲᨲ᩠ᨲᩔ ᩅᩥᩉᩁᨲᩮᩣ. ᩋᨿᩴ ᨡᩮᩣ ᨾᩮ, ᨻᩕᩣᩉ᩠ᨾᨱ, ᨲᨲᩥᨿᩣᨽᩥᨶᩥᨻ᩠ᨽᩥᨴᩣ ¶ ᩋᩉᩮᩣᩈᩥ – ᨠᩩᨠ᩠ᨠᩩᨭᨧ᩠ᨨᩣᨸᨠᩔᩮᩅ ᩋᨱ᩠ᨯᨠᩮᩣᩈᨾ᩠ᩉᩣ’’ᨲᩥ.

᪑᪕. ᩑᩅᩴ ¶ ᩅᩩᨲ᩠ᨲᩮ, ᩅᩮᩁᨬ᩠ᨩᩮᩣ ᨻᩕᩣᩉ᩠ᨾᨱᩮᩣ ᨽᨣᩅᨶ᩠ᨲᩴ ᩑᨲᨴᩅᩮᩣᨧ – ‘‘ᨩᩮᨭ᩠ᨮᩮᩣ ᨽᩅᩴ ᨣᩮᩣᨲᨾᩮᩣ, ᩈᩮᨭ᩠ᨮᩮᩣ ᨽᩅᩴ ᨣᩮᩣᨲᨾᩮᩣ! ᩋᨽᩥᨠ᩠ᨠᨶ᩠ᨲᩴ, ᨽᩮᩣ ᨣᩮᩣᨲᨾ, ᩋᨽᩥᨠ᩠ᨠᨶ᩠ᨲᩴ, ᨽᩮᩣ ᨣᩮᩣᨲᨾ!! ᩈᩮᨿ᩠ᨿᨳᩣᨸᩥ, ᨽᩮᩣ ᨣᩮᩣᨲᨾ, ᨶᩥᨠ᩠ᨠᩩᨩ᩠ᨩᩥᨲᩴ ᩅᩣ ᩏᨠ᩠ᨠᩩᨩ᩠ᨩᩮᨿ᩠ᨿ, ᨸᨭᩥᨧ᩠ᨨᨶ᩠ᨶᩴ ᩅᩣ ᩅᩥᩅᩁᩮᨿ᩠ᨿ, ᨾᩪᩊ᩠ᩉᩔ ᩅᩣ ᨾᨣ᩠ᨣᩴ ᩌᨧᩥᨠ᩠ᨡᩮᨿ᩠ᨿ, ᩋᨶ᩠ᨵᨠᩣᩁᩮ ᩅᩣ ᨲᩮᩃᨸᨩ᩠ᨩᩮᩣᨲᩴ ᨵᩣᩁᩮᨿ᩠ᨿ – ᨧᨠ᩠ᨡᩩᨾᨶ᩠ᨲᩮᩣ ᩁᩪᨸᩣᨶᩥ ᨴᨠ᩠ᨡᨶ᩠ᨲᩦᨲᩥ, ᩑᩅᨾᩮᩅᩴ ᨽᩮᩣᨲᩣ ᨣᩮᩣᨲᨾᩮᨶ ᩋᨶᩮᨠᨸᩁᩥᨿᩣᨿᩮᨶ ᨵᨾ᩠ᨾᩮᩣ ᨸᨠᩣᩈᩥᨲᩮᩣ ¶ . ᩑᩈᩣᩉᩴ ᨽᩅᨶ᩠ᨲᩴ ᨣᩮᩣᨲᨾᩴ ᩈᩁᨱᩴ ᨣᨧ᩠ᨨᩣᨾᩥ ᨵᨾ᩠ᨾᨬ᩠ᨧ ᨽᩥᨠ᩠ᨡᩩᩈᨦ᩠ᨥᨬ᩠ᨧ. ᩏᨸᩣᩈᨠᩴ ᨾᩴ ᨽᩅᩴ ᨣᩮᩣᨲᨾᩮᩣ ᨵᩣᩁᩮᨲᩩ ᩋᨩ᩠ᨩᨲᨣ᩠ᨣᩮ ᨸᩣᨱᩩᨸᩮᨲᩴ ᩈᩁᨱᩴ ᨣᨲᩴ. ᩋᨵᩥᩅᩣᩈᩮᨲᩩ ᨧ ᨾᩮ ᨽᩅᩴ ᨣᩮᩣᨲᨾᩮᩣ ᩅᩮᩁᨬ᩠ᨩᩣᨿᩴ ᩅᩔᩣᩅᩣᩈᩴ ᩈᨴ᩠ᨵᩥᩴ ᨽᩥᨠ᩠ᨡᩩᩈᨦ᩠ᨥᩮᨶᩣ’’ᨲᩥ. ᩋᨵᩥᩅᩣᩈᩮᩈᩥ ᨽᨣᩅᩣ ᨲᩩᨱ᩠ᩉᩦᨽᩣᩅᩮᨶ. ᩋᨳ ᨡᩮᩣ ᩅᩮᩁᨬ᩠ᨩᩮᩣ ᨻᩕᩣᩉ᩠ᨾᨱᩮᩣ ᨽᨣᩅᨲᩮᩣ ᩋᨵᩥᩅᩣᩈᨶᩴ ᩅᩥᨴᩥᨲ᩠ᩅᩣ ᩏᨭ᩠ᨮᩣᨿᩣᩈᨶᩣ ᨽᨣᩅᨶ᩠ᨲᩴ ᩋᨽᩥᩅᩣᨴᩮᨲ᩠ᩅᩣ ᨸᨴᨠ᩠ᨡᩥᨱᩴ ᨠᨲ᩠ᩅᩣ ᨸᨠ᩠ᨠᩣᨾᩥ.

᪑᪖. ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩅᩮᩁᨬ᩠ᨩᩣ ᨴᩩᨻ᩠ᨽᩥᨠ᩠ᨡᩣ ᩉᩮᩣᨲᩥ ᨴ᩠ᩅᩦᩉᩥᨲᩥᨠᩣ ᩈᩮᨲᨭ᩠ᨮᩥᨠᩣ ᩈᩃᩣᨠᩣᩅᩩᨲ᩠ᨲᩣ ᨶ ᩈᩩᨠᩁᩣ ᩏᨬ᩠ᨨᩮᨶ ᨸᨣ᩠ᨣᩉᩮᨶ ᨿᩣᨸᩮᨲᩩᩴ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩏᨲ᩠ᨲᩁᩣᨸᨳᨠᩣ [ᩏᨲ᩠ᨲᩁᩣᩉᨠᩣ (ᩈᩦ.)] ᩋᩔᩅᩣᨱᩥᨩᩣ [ᩋᩔᩅᨱᩥᨩᩣ (ᨠ.)] ᨸᨬ᩠ᨧᨾᨲ᩠ᨲᩮᩉᩥ ᩋᩔᩈᨲᩮᩉᩥ ᩅᩮᩁᨬ᩠ᨩᩴ ᩅᩔᩣᩅᩣᩈᩴ ᩏᨸᨣᨲᩣ ᩉᩮᩣᨶ᩠ᨲᩥ. ᨲᩮᩉᩥ ᩋᩔᨾᨱ᩠ᨯᩃᩥᨠᩣᩈᩩ ᨽᩥᨠ᩠ᨡᩪᨶᩴ ᨸᨲ᩠ᨳᨸᨲ᩠ᨳᨸᩩᩃᨠᩴ [ᨸᨲ᩠ᨳᨸᨲ᩠ᨳᨾᩪᩃᨠᩴ (ᨠ.)] ᨸᨬ᩠ᨬᨲ᩠ᨲᩴ ᩉᩮᩣᨲᩥ. ᨽᩥᨠ᩠ᨡᩪ ᨸᩩᨻ᩠ᨻᨱ᩠ᩉᩈᨾᨿᩴ ᨶᩥᩅᩣᩈᩮᨲ᩠ᩅᩣ ᨸᨲ᩠ᨲᨧᩦᩅᩁᨾᩣᨴᩣᨿ ᩅᩮᩁᨬ᩠ᨩᩴ ᨸᩥᨱ᩠ᨯᩣᨿ ᨸᩅᩥᩈᩥᨲ᩠ᩅᩣ ᨸᩥᨱ᩠ᨯᩴ ᩋᩃᨽᨾᩣᨶᩣ ᩋᩔᨾᨱ᩠ᨯᩃᩥᨠᩣᩈᩩ ᨸᩥᨱ᩠ᨯᩣᨿ ᨧᩁᩥᨲ᩠ᩅᩣ ᨸᨲ᩠ᨳᨸᨲ᩠ᨳᨸᩩᩃᨠᩴ ᩌᩁᩣᨾᩴ ᩌᩉᩁᩥᨲ᩠ᩅᩣ ᩏᨴᩩᨠ᩠ᨡᩃᩮ ᨠᩮᩣᨭ᩠ᨭᩮᨲ᩠ᩅᩣ ᨠᩮᩣᨭ᩠ᨭᩮᨲ᩠ᩅᩣ ᨸᩁᩥᨽᩩᨬ᩠ᨩᨶ᩠ᨲᩥ. ᩌᨿᩈ᩠ᨾᩣ ᨸᨶᩣᨶᨶ᩠ᨴᩮᩣ ᨸᨲ᩠ᨳᨸᩩᩃᨠᩴ ᩈᩥᩃᩣᨿᩴ ᨸᩥᩈᩥᨲ᩠ᩅᩣ ᨽᨣᩅᨲᩮᩣ ᩏᨸᨶᩣᨾᩮᨲᩥ. ᨲᩴ ᨽᨣᩅᩣ ᨸᩁᩥᨽᩩᨬ᩠ᨩᨲᩥ.

ᩋᩔᩮᩣᩈᩥ ᨡᩮᩣ ᨽᨣᩅᩣ ᩏᨴᩩᨠ᩠ᨡᩃᩈᨴ᩠ᨴᩴ. ᨩᩣᨶᨶ᩠ᨲᩣᨸᩥ ᨲᨳᩣᨣᨲᩣ ᨸᩩᨧ᩠ᨨᨶ᩠ᨲᩥ, ᨩᩣᨶᨶ᩠ᨲᩣᨸᩥ ᨶ ᨸᩩᨧ᩠ᨨᨶ᩠ᨲᩥ; ᨠᩣᩃᩴ ᩅᩥᨴᩥᨲ᩠ᩅᩣ ᨸᩩᨧ᩠ᨨᨶ᩠ᨲᩥ, ᨠᩣᩃᩴ ᩅᩥᨴᩥᨲ᩠ᩅᩣ ᨶ ᨸᩩᨧ᩠ᨨᨶ᩠ᨲᩥ; ᩋᨲ᩠ᨳᩈᩴᩉᩥᨲᩴ ¶ ᨲᨳᩣᨣᨲᩣ ᨸᩩᨧ᩠ᨨᨶ᩠ᨲᩥ, ᨶᩮᩣ ᩋᨶᨲ᩠ᨳᩈᩴᩉᩥᨲᩴ. ᩋᨶᨲ᩠ᨳᩈᩴᩉᩥᨲᩮ ᩈᩮᨲᩩᨥᩣᨲᩮᩣ ᨲᨳᩣᨣᨲᩣᨶᩴ. ᨴ᩠ᩅᩦᩉᩥ ᩌᨠᩣᩁᩮᩉᩥ ᨻᩩᨴ᩠ᨵᩣ ᨽᨣᩅᨶ᩠ᨲᩮᩣ ᨽᩥᨠ᩠ᨡᩪ ᨸᨭᩥᨸᩩᨧ᩠ᨨᨶ᩠ᨲᩥ – ᨵᨾ᩠ᨾᩴ ᩅᩣ ᨴᩮᩈᩮᩔᩣᨾ, ᩈᩣᩅᨠᩣᨶᩴ ᩅᩣ ᩈᩥᨠ᩠ᨡᩣᨸᨴᩴ ᨸᨬ᩠ᨬᨸᩮᩔᩣᨾᩣᨲᩥ [ᨸᨬ᩠ᨬᩣᨸᩮᩔᩣᨾᩣᨲᩥ (ᩈᩦ. ᩈ᩠ᨿᩣ.)]. ᩋᨳ ᨡᩮᩣ ᨽᨣᩅᩣ ᩌᨿᩈ᩠ᨾᨶ᩠ᨲᩴ ᩌᨶᨶ᩠ᨴᩴ ᩌᨾᨶ᩠ᨲᩮᩈᩥ – ‘‘ᨠᩥᩴ ᨶᩩ ᨡᩮᩣ ᩈᩮᩣ, ᩌᨶᨶ᩠ᨴ, ᩏᨴᩩᨠ᩠ᨡᩃᩈᨴ᩠ᨴᩮᩣ’’ᨲᩥ? ᩋᨳ ᨡᩮᩣ ᩌᨿᩈ᩠ᨾᩣ ᩌᨶᨶ᩠ᨴᩮᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ ¶ . ‘‘ᩈᩣᨵᩩ ᩈᩣᨵᩩ, ᩌᨶᨶ᩠ᨴ! ᨲᩩᨾ᩠ᩉᩮᩉᩥ, ᩌᨶᨶ᩠ᨴ ᩈᨸ᩠ᨸᩩᩁᩥᩈᩮᩉᩥ ᩅᩥᨩᩥᨲᩴ. ᨸᨧ᩠ᨨᩥᨾᩣ ᨩᨶᨲᩣ ᩈᩣᩃᩥᨾᩴᩈᩮᩣᨴᨶᩴ ᩋᨲᩥᨾᨬ᩠ᨬᩥᩔᨲᩦ’’ᨲᩥ.

᪑᪗. ᩋᨳ ¶ ᨡᩮᩣ ᩌᨿᩈ᩠ᨾᩣ ᨾᩉᩣᨾᩮᩣᨣ᩠ᨣᩃ᩠ᩃᩣᨶᩮᩣ [ᨾᩉᩣᨾᩮᩣᨣ᩠ᨣᩃᩣᨶᩮᩣ (ᨠ.)] ᨿᩮᨶ ᨽᨣᩅᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨽᨣᩅᨶ᩠ᨲᩴ ᩋᨽᩥᩅᩣᨴᩮᨲ᩠ᩅᩣ ᩑᨠᨾᨶ᩠ᨲᩴ ᨶᩥᩈᩦᨴᩥ. ᩑᨠᨾᨶ᩠ᨲᩴ ᨶᩥᩈᩥᨶ᩠ᨶᩮᩣ ᨡᩮᩣ ᩌᨿᩈ᩠ᨾᩣ ᨾᩉᩣᨾᩮᩣᨣ᩠ᨣᩃ᩠ᩃᩣᨶᩮᩣ ᨽᨣᩅᨶ᩠ᨲᩴ ᩑᨲᨴᩅᩮᩣᨧ – ‘‘ᩑᨲᩁᩉᩥ, ᨽᨶ᩠ᨲᩮ, ᩅᩮᩁᨬ᩠ᨩᩣ ᨴᩩᨻ᩠ᨽᩥᨠ᩠ᨡᩣ ᨴ᩠ᩅᩦᩉᩥᨲᩥᨠᩣ ᩈᩮᨲᨭ᩠ᨮᩥᨠᩣ ᩈᩃᩣᨠᩣᩅᩩᨲ᩠ᨲᩣ. ᨶ ᩈᩩᨠᩁᩣ ᩏᨬ᩠ᨨᩮᨶ ᨸᨣ᩠ᨣᩉᩮᨶ ᨿᩣᨸᩮᨲᩩᩴ. ᩍᨾᩥᩔᩣ, ᨽᨶ᩠ᨲᩮ, ᨾᩉᩣᨸᨳᩅᩥᨿᩣ ᩉᩮᨭ᩠ᨮᩥᨾᨲᩃᩴ ᩈᨾ᩠ᨸᨶ᩠ᨶᩴ – ᩈᩮᨿ᩠ᨿᨳᩣᨸᩥ ᨡᩩᨴ᩠ᨴᨾᨵᩩᩴ ᩋᨶᩦᩃᨠᩴ ᩑᩅᨾᩔᩣᨴᩴ. ᩈᩣᨵᩣᩉᩴ, ᨽᨶ᩠ᨲᩮ, ᨸᨳᩅᩥᩴ ᨸᩁᩥᩅᨲ᩠ᨲᩮᨿ᩠ᨿᩴ. ᨽᩥᨠ᩠ᨡᩪ ᨸᨸ᩠ᨸᨭᨠᩮᩣᨩᩴ ᨸᩁᩥᨽᩩᨬ᩠ᨩᩥᩔᨶ᩠ᨲᩦ’’ᨲᩥ. ‘‘ᨿᩮ ᨸᨶ ᨲᩮ, ᨾᩮᩣᨣ᩠ᨣᩃ᩠ᩃᩣᨶ, ᨸᨳᩅᩥᨶᩥᩔᩥᨲᩣ ᨸᩣᨱᩣ ᨲᩮ ᨠᨳᩴ ᨠᩁᩥᩔᩈᩦ’’ᨲᩥ? ‘‘ᩑᨠᩣᩉᩴ, ᨽᨶ᩠ᨲᩮ, ᨸᩣᨱᩥᩴ ᩋᨽᩥᨶᩥᨾ᩠ᨾᩥᨶᩥᩔᩣᨾᩥ – ᩈᩮᨿ᩠ᨿᨳᩣᨸᩥ ᨾᩉᩣᨸᨳᩅᩦ. ᨿᩮ ᨸᨳᩅᩥᨶᩥᩔᩥᨲᩣ ᨸᩣᨱᩣ ᨲᩮ ᨲᨲ᩠ᨳ ᩈᨦ᩠ᨠᩣᨾᩮᩔᩣᨾᩥ. ᩑᨠᩮᨶ ᩉᨲ᩠ᨳᩮᨶ ᨸᨳᩅᩥᩴ ᨸᩁᩥᩅᨲ᩠ᨲᩮᩔᩣᨾᩦ’’ᨲᩥ. ‘‘ᩋᩃᩴ, ᨾᩮᩣᨣ᩠ᨣᩃ᩠ᩃᩣᨶ, ᨾᩣ ¶ ᨲᩮ ᩁᩩᨧ᩠ᨧᩥ ᨸᨳᩅᩥᩴ ᨸᩁᩥᩅᨲ᩠ᨲᩮᨲᩩᩴ. ᩅᩥᨸᩃ᩠ᩃᩣᩈᨾ᩠ᨸᩥ ᩈᨲ᩠ᨲᩣ ᨸᨭᩥᩃᨽᩮᨿ᩠ᨿᩩ’’ᨶ᩠ᨲᩥ. ‘‘ᩈᩣᨵᩩ, ᨽᨶ᩠ᨲᩮ, ᩈᨻ᩠ᨻᩮᩣ ᨽᩥᨠ᩠ᨡᩩᩈᨦ᩠ᨥᩮᩣ ᩏᨲ᩠ᨲᩁᨠᩩᩁᩩᩴ ᨸᩥᨱ᩠ᨯᩣᨿ ᨣᨧ᩠ᨨᩮᨿ᩠ᨿᩣ’’ᨲᩥ. ‘‘ᩋᩃᩴ, ᨾᩮᩣᨣ᩠ᨣᩃ᩠ᩃᩣᨶ, ᨾᩣ ᨲᩮ ᩁᩩᨧ᩠ᨧᩥ ᩈᨻ᩠ᨻᩔ ᨽᩥᨠ᩠ᨡᩩᩈᨦ᩠ᨥᩔ ᩏᨲ᩠ᨲᩁᨠᩩᩁᩩᩴ ᨸᩥᨱ᩠ᨯᩣᨿ ᨣᨾᨶ’’ᨶ᩠ᨲᩥ.

᪑᪘. ᩋᨳ ¶ ᨡᩮᩣ ᩌᨿᩈ᩠ᨾᨲᩮᩣ ᩈᩣᩁᩥᨸᩩᨲ᩠ᨲᩔ ᩁᩉᩮᩣᨣᨲᩔ ᨸᨭᩥᩈᩃ᩠ᩃᩦᨶᩔ ᩑᩅᩴ ᨧᩮᨲᩈᩮᩣ ᨸᩁᩥᩅᩥᨲᨠ᩠ᨠᩮᩣ ᩏᨴᨸᩣᨴᩥ – ‘‘ᨠᨲᨾᩮᩈᩣᨶᩴ ᨡᩮᩣ ᨻᩩᨴ᩠ᨵᩣᨶᩴ ᨽᨣᩅᨶ᩠ᨲᩣᨶᩴ ᨻᩕᩉ᩠ᨾᨧᩁᩥᨿᩴ ᨶ ᨧᩥᩁᨭ᩠ᨮᩥᨲᩥᨠᩴ ᩋᩉᩮᩣᩈᩥ; ᨠᨲᨾᩮᩈᩣᨶᩴ ᨻᩩᨴ᩠ᨵᩣᨶᩴ ᨽᨣᩅᨶ᩠ᨲᩣᨶᩴ ᨻᩕᩉ᩠ᨾᨧᩁᩥᨿᩴ ᨧᩥᩁᨭ᩠ᨮᩥᨲᩥᨠᩴ ᩋᩉᩮᩣᩈᩦ’’ᨲᩥ? ᩋᨳ ᨡᩮᩣ ᩌᨿᩈ᩠ᨾᩣ ᩈᩣᩁᩥᨸᩩᨲ᩠ᨲᩮᩣ ᩈᩣᨿᨶ᩠ᩉᩈᨾᨿᩴ [ᩈᩣᨿᨱ᩠ᩉᩈᨾᨿᩴ (ᩈᩦ.)] ᨸᨭᩥᩈᩃ᩠ᩃᩣᨶᩣ ᩅᩩᨭ᩠ᨮᩥᨲᩮᩣ ᨿᩮᨶ ᨽᨣᩅᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨽᨣᩅᨶ᩠ᨲᩴ ᩋᨽᩥᩅᩣᨴᩮᨲ᩠ᩅᩣ ᩑᨠᨾᨶ᩠ᨲᩴ ᨶᩥᩈᩦᨴᩥ. ᩑᨠᨾᨶ᩠ᨲᩴ ᨶᩥᩈᩥᨶ᩠ᨶᩮᩣ ᨡᩮᩣ ᩌᨿᩈ᩠ᨾᩣ ᩈᩣᩁᩥᨸᩩᨲ᩠ᨲᩮᩣ ᨽᨣᩅᨶ᩠ᨲᩴ ᩑᨲᨴᩅᩮᩣᨧ – ‘‘ᩍᨵ ᨾᨿ᩠ᩉᩴ, ᨽᨶ᩠ᨲᩮ, ᩁᩉᩮᩣᨣᨲᩔ ᨸᨭᩥᩈᩃ᩠ᩃᩦᨶᩔ ᩑᩅᩴ ᨧᩮᨲᩈᩮᩣ ᨸᩁᩥᩅᩥᨲᨠ᩠ᨠᩮᩣ ᩏᨴᨸᩣᨴᩥ – ‘ᨠᨲᨾᩮᩈᩣᨶᩴ ᨡᩮᩣ ᨻᩩᨴ᩠ᨵᩣᨶᩴ ᨽᨣᩅᨶ᩠ᨲᩣᨶᩴ ᨻᩕᩉ᩠ᨾᨧᩁᩥᨿᩴ ᨶ ᨧᩥᩁᨭ᩠ᨮᩥᨲᩥᨠᩴ ᩋᩉᩮᩣᩈᩥ, ᨠᨲᨾᩮᩈᩣᨶᩴ ᨻᩩᨴ᩠ᨵᩣᨶᩴ ᨽᨣᩅᨶ᩠ᨲᩣᨶᩴ ᨻᩕᩉ᩠ᨾᨧᩁᩥᨿᩴ ᨧᩥᩁᨭ᩠ᨮᩥᨲᩥᨠᩴ ᩋᩉᩮᩣᩈᩦ’ᨲᩥ. ‘ᨠᨲᨾᩮᩈᩣᨶᩴ ᨶᩩ ᨡᩮᩣ, ᨽᨶ᩠ᨲᩮ, ᨻᩩᨴ᩠ᨵᩣᨶᩴ ᨽᨣᩅᨶ᩠ᨲᩣᨶᩴ ᨻᩕᩉ᩠ᨾᨧᩁᩥᨿᩴ ᨶ ᨧᩥᩁᨭ᩠ᨮᩥᨲᩥᨠᩴ ᩋᩉᩮᩣᩈᩥ, ᨠᨲᨾᩮᩈᩣᨶᩴ ᨻᩩᨴ᩠ᨵᩣᨶᩴ ᨽᨣᩅᨶ᩠ᨲᩣᨶᩴ ᨻᩕᩉ᩠ᨾᨧᩁᩥᨿᩴ ᨧᩥᩁᨭ᩠ᨮᩥᨲᩥᨠᩴ ᩋᩉᩮᩣᩈᩦ’’’ᨲᩥ?

‘‘ᨽᨣᩅᨲᩮᩣ ᨧ, ᩈᩣᩁᩥᨸᩩᨲ᩠ᨲ, ᩅᩥᨸᩔᩥᩔ ᨽᨣᩅᨲᩮᩣ ᨧ ᩈᩥᨡᩥᩔ ᨽᨣᩅᨲᩮᩣ ᨧ ᩅᩮᩔᨽᩩᩔ ᨻᩕᩉ᩠ᨾᨧᩁᩥᨿᩴ ᨶ ᨧᩥᩁᨭ᩠ᨮᩥᨲᩥᨠᩴ ᩋᩉᩮᩣᩈᩥ. ᨽᨣᩅᨲᩮᩣ ᨧ, ᩈᩣᩁᩥᨸᩩᨲ᩠ᨲ, ᨠᨠᩩᩈᨶ᩠ᨵᩔ ᨽᨣᩅᨲᩮᩣ ᨧ ᨠᩮᩣᨱᩣᨣᨾᨶᩔ ᨽᨣᩅᨲᩮᩣ ᨧ ᨠᩔᨸᩔ ᨻᩕᩉ᩠ᨾᨧᩁᩥᨿᩴ ¶ ᨧᩥᩁᨭ᩠ᨮᩥᨲᩥᨠᩴ ᩋᩉᩮᩣᩈᩦ’’ᨲᩥ.

᪑᪙. ‘‘ᨠᩮᩣ ¶ ᨶᩩ ᨡᩮᩣ ¶ , ᨽᨶ᩠ᨲᩮ, ᩉᩮᨲᩩ ᨠᩮᩣ ᨸᨧ᩠ᨧᨿᩮᩣ, ᨿᩮᨶ ᨽᨣᩅᨲᩮᩣ ᨧ ᩅᩥᨸᩔᩥᩔ ᨽᨣᩅᨲᩮᩣ ᨧ ᩈᩥᨡᩥᩔ ᨽᨣᩅᨲᩮᩣ ᨧ ᩅᩮᩔᨽᩩᩔ ᨻᩕᩉ᩠ᨾᨧᩁᩥᨿᩴ ᨶ ᨧᩥᩁᨭ᩠ᨮᩥᨲᩥᨠᩴ ᩋᩉᩮᩣᩈᩦ’’ᨲᩥ? ‘‘ᨽᨣᩅᩣ ᨧ, ᩈᩣᩁᩥᨸᩩᨲ᩠ᨲ, ᩅᩥᨸᩔᩦ ᨽᨣᩅᩣ ᨧ ᩈᩥᨡᩦ ᨽᨣᩅᩣ ᨧ ᩅᩮᩔᨽᩪ ᨠᩥᩃᩣᩈᩩᨶᩮᩣ ᩋᩉᩮᩈᩩᩴ ᩈᩣᩅᨠᩣᨶᩴ ᩅᩥᨲ᩠ᨳᩣᩁᩮᨶ ᨵᨾ᩠ᨾᩴ ᨴᩮᩈᩮᨲᩩᩴ. ᩋᨸ᩠ᨸᨠᨬ᩠ᨧ ᨶᩮᩈᩴ ᩋᩉᩮᩣᩈᩥ ᩈᩩᨲ᩠ᨲᩴ ᨣᩮᨿ᩠ᨿᩴ ᩅᩮᨿ᩠ᨿᩣᨠᩁᨱᩴ ᨣᩣᨳᩣ ᩏᨴᩣᨶᩴ ᩍᨲᩥᩅᩩᨲ᩠ᨲᨠᩴ ᨩᩣᨲᨠᩴ ᩋᨻ᩠ᨽᩩᨲᨵᨾ᩠ᨾᩴ ᩅᩮᨴᩃ᩠ᩃᩴ. ᩋᨸᨬ᩠ᨬᨲ᩠ᨲᩴ ᩈᩣᩅᨠᩣᨶᩴ ᩈᩥᨠ᩠ᨡᩣᨸᨴᩴ. ᩋᨶᩩᨴ᩠ᨴᩥᨭ᩠ᨮᩴ ᨸᩣᨲᩥᨾᩮᩣᨠ᩠ᨡᩴ. ᨲᩮᩈᩴ ᨻᩩᨴ᩠ᨵᩣᨶᩴ ᨽᨣᩅᨶ᩠ᨲᩣᨶᩴ ᩋᨶ᩠ᨲᩁᨵᩣᨶᩮᨶ ᨻᩩᨴ᩠ᨵᩣᨶᩩᨻᩩᨴ᩠ᨵᩣᨶᩴ ᩈᩣᩅᨠᩣᨶᩴ ᩋᨶ᩠ᨲᩁᨵᩣᨶᩮᨶ ᨿᩮ ᨲᩮ ᨸᨧ᩠ᨨᩥᨾᩣ ᩈᩣᩅᨠᩣ ᨶᩣᨶᩣᨶᩣᨾᩣ ᨶᩣᨶᩣᨣᩮᩣᨲ᩠ᨲᩣ ᨶᩣᨶᩣᨩᨧ᩠ᨧᩣ ᨶᩣᨶᩣᨠᩩᩃᩣ ᨸᨻ᩠ᨻᨩᩥᨲᩣ ᨲᩮ ᨲᩴ ᨻᩕᩉ᩠ᨾᨧᩁᩥᨿᩴ ᨡᩥᨸ᩠ᨸᨬ᩠ᨬᩮᩅ ᩋᨶ᩠ᨲᩁᨵᩣᨸᩮᩈᩩᩴ. ᩈᩮᨿ᩠ᨿᨳᩣᨸᩥ, ᩈᩣᩁᩥᨸᩩᨲ᩠ᨲ, ᨶᩣᨶᩣᨸᩩᨸ᩠ᨹᩣᨶᩥ ᨹᩃᨠᩮ ᨶᩥᨠ᩠ᨡᩥᨲ᩠ᨲᩣᨶᩥ ᩈᩩᨲ᩠ᨲᩮᨶ ᩋᩈᨦ᩠ᨣᩉᩥᨲᩣᨶᩥ ᨲᩣᨶᩥ ᩅᩣᨲᩮᩣ ᩅᩥᨠᩥᩁᨲᩥ ᩅᩥᨵᨾᨲᩥ ᩅᩥᨴ᩠ᨵᩴᩈᩮᨲᩥ. ᨲᩴ ᨠᩥᩔ ᩉᩮᨲᩩ? ᨿᨳᩣ ᨲᩴ ᩈᩩᨲ᩠ᨲᩮᨶ ᩋᩈᨦ᩠ᨣᩉᩥᨲᨲ᩠ᨲᩣ. ᩑᩅᨾᩮᩅ ᨡᩮᩣ, ᩈᩣᩁᩥᨸᩩᨲ᩠ᨲ, ᨲᩮᩈᩴ ᨻᩩᨴ᩠ᨵᩣᨶᩴ ᨽᨣᩅᨶ᩠ᨲᩣᨶᩴ ᩋᨶ᩠ᨲᩁᨵᩣᨶᩮᨶ ᨻᩩᨴ᩠ᨵᩣᨶᩩᨻᩩᨴ᩠ᨵᩣᨶᩴ ᩈᩣᩅᨠᩣᨶᩴ ᩋᨶ᩠ᨲᩁᨵᩣᨶᩮᨶ ᨿᩮ ᨲᩮ ᨸᨧ᩠ᨨᩥᨾᩣ ᩈᩣᩅᨠᩣ ᨶᩣᨶᩣᨶᩣᨾᩣ ᨶᩣᨶᩣᨣᩮᩣᨲ᩠ᨲᩣ ᨶᩣᨶᩣᨩᨧ᩠ᨧᩣ ᨶᩣᨶᩣᨠᩩᩃᩣ ᨸᨻ᩠ᨻᨩᩥᨲᩣ ᨲᩮ ᨲᩴ ᨻᩕᩉ᩠ᨾᨧᩁᩥᨿᩴ ᨡᩥᨸ᩠ᨸᨬ᩠ᨬᩮᩅ ᩋᨶ᩠ᨲᩁᨵᩣᨸᩮᩈᩩᩴ.

‘‘ᩋᨠᩥᩃᩣᩈᩩᨶᩮᩣ ᨧ ᨲᩮ ᨽᨣᩅᨶ᩠ᨲᩮᩣ ᩋᩉᩮᩈᩩᩴ ᩈᩣᩅᨠᩮ ᨧᩮᨲᩈᩣ ᨧᩮᨲᩮᩣ ᨸᩁᩥᨧ᩠ᨧ ᩒᩅᨴᩥᨲᩩᩴ. ᨽᩪᨲᨸᩩᨻ᩠ᨻᩴ, ¶ ᩈᩣᩁᩥᨸᩩᨲ᩠ᨲ, ᩅᩮᩔᨽᩪ ᨽᨣᩅᩣ ᩋᩁᩉᩴ ᩈᨾ᩠ᨾᩣᩈᨾ᩠ᨻᩩᨴ᩠ᨵᩮᩣ ᩋᨬ᩠ᨬᨲᩁᩈ᩠ᨾᩥᩴ ᨽᩥᩴᩈᨶᨠᩮ [ᨽᩦᩈᨶᨠᩮ (ᨠ.)] ᩅᨶᩈᨱ᩠ᨯᩮ ᩈᩉᩔᩴ ᨽᩥᨠ᩠ᨡᩩᩈᨦ᩠ᨥᩴ ᨧᩮᨲᩈᩣ ¶ ᨧᩮᨲᩮᩣ ᨸᩁᩥᨧ᩠ᨧ ᩒᩅᨴᨲᩥ ᩋᨶᩩᩈᩣᩈᨲᩥ – ‘ᩑᩅᩴ ᩅᩥᨲᨠ᩠ᨠᩮᨳ, ᨾᩣ ᩑᩅᩴ ᩅᩥᨲᨠ᩠ᨠᨿᩥᨲ᩠ᨳ; ᩑᩅᩴ ᨾᨶᩈᩥᨠᩁᩮᩣᨳ, ᨾᩣ ᩑᩅᩴ ᨾᨶᩈᩣᨠᨲ᩠ᨳ [ᨾᨶᩈᩣᨠᩁᩥᨲ᩠ᨳ (ᨠ.)]; ᩍᨴᩴ ᨸᨩᩉᨳ, ᩍᨴᩴ ᩏᨸᩈᨾ᩠ᨸᨩ᩠ᨩ ᩅᩥᩉᩁᨳᩣ’ᨲᩥ. ᩋᨳ ᨡᩮᩣ, ᩈᩣᩁᩥᨸᩩᨲ᩠ᨲ, ᨲᩔ ᨽᩥᨠ᩠ᨡᩩᩈᩉᩔᩔ ᩅᩮᩔᨽᩩᨶᩣ ᨽᨣᩅᨲᩣ ᩋᩁᩉᨲᩣ ᩈᨾ᩠ᨾᩣᩈᨾ᩠ᨻᩩᨴ᩠ᨵᩮᨶ ᩑᩅᩴ ᩒᩅᨴᩥᨿᨾᩣᨶᩣᨶᩴ ᩑᩅᩴ ᩋᨶᩩᩈᩣᩈᩥᨿᨾᩣᨶᩣᨶᩴ ᩋᨶᩩᨸᩣᨴᩣᨿ ᩌᩈᩅᩮᩉᩥ ᨧᩥᨲ᩠ᨲᩣᨶᩥ ᩅᩥᨾᩩᨧ᩠ᨧᩥᩴᩈᩩ. ᨲᨲᩕ ᩈᩩᨴᩴ, ᩈᩣᩁᩥᨸᩩᨲ᩠ᨲ, ᨽᩥᩴᩈᨶᨠᩔ ᩅᨶᩈᨱ᩠ᨯᩔ ᨽᩥᩴᩈᨶᨠᨲᩈ᩠ᨾᩥᩴ ᩉᩮᩣᨲᩥ – ᨿᩮᩣ ᨠᩮᩣᨧᩥ ᩋᩅᩦᨲᩁᩣᨣᩮᩣ ᨲᩴ ᩅᨶᩈᨱ᩠ᨯᩴ ᨸᩅᩥᩈᨲᩥ, ᨿᩮᨽᩩᨿ᩠ᨿᩮᨶ ᩃᩮᩣᨾᩣᨶᩥ ᩉᩴᩈᨶ᩠ᨲᩥ. ᩋᨿᩴ ᨡᩮᩣ, ᩈᩣᩁᩥᨸᩩᨲ᩠ᨲ, ᩉᩮᨲᩩ ᩋᨿᩴ ᨸᨧ᩠ᨧᨿᩮᩣ ᨿᩮᨶ ᨽᨣᩅᨲᩮᩣ ᨧ ᩅᩥᨸᩔᩥᩔ ᨽᨣᩅᨲᩮᩣ ᨧ ᩈᩥᨡᩥᩔ ᨽᨣᩅᨲᩮᩣ ᨧ ᩅᩮᩔᨽᩩᩔ ᨻᩕᩉ᩠ᨾᨧᩁᩥᨿᩴ ᨶ ᨧᩥᩁᨭ᩠ᨮᩥᨲᩥᨠᩴ ᩋᩉᩮᩣᩈᩦ’’ᨲᩥ.

᪒᪐. ‘‘ᨠᩮᩣ ¶ ᨸᨶ, ᨽᨶ᩠ᨲᩮ, ᩉᩮᨲᩩ ᨠᩮᩣ ᨸᨧ᩠ᨧᨿᩮᩣ ᨿᩮᨶ ᨽᨣᩅᨲᩮᩣ ᨧ ᨠᨠᩩᩈᨶ᩠ᨵᩔ ᨽᨣᩅᨲᩮᩣ ᨧ ᨠᩮᩣᨱᩣᨣᨾᨶᩔ ᨽᨣᩅᨲᩮᩣ ᨧ ᨠᩔᨸᩔ ᨻᩕᩉ᩠ᨾᨧᩁᩥᨿᩴ ᨧᩥᩁᨭ᩠ᨮᩥᨲᩥᨠᩴ ᩋᩉᩮᩣᩈᩦ’’ᨲᩥ? ‘‘ᨽᨣᩅᩣ ¶ ᨧ, ᩈᩣᩁᩥᨸᩩᨲ᩠ᨲ, ᨠᨠᩩᩈᨶ᩠ᨵᩮᩣ ᨽᨣᩅᩣ ᨧ ᨠᩮᩣᨱᩣᨣᨾᨶᩮᩣ ᨽᨣᩅᩣ ᨧ ᨠᩔᨸᩮᩣ ᩋᨠᩥᩃᩣᩈᩩᨶᩮᩣ ᩋᩉᩮᩈᩩᩴ ᩈᩣᩅᨠᩣᨶᩴ ᩅᩥᨲ᩠ᨳᩣᩁᩮᨶ ᨵᨾ᩠ᨾᩴ ᨴᩮᩈᩮᨲᩩᩴ. ᨻᩉᩩᨬ᩠ᨧ ᨶᩮᩈᩴ ᩋᩉᩮᩣᩈᩥ ᩈᩩᨲ᩠ᨲᩴ ᨣᩮᨿ᩠ᨿᩴ ᩅᩮᨿ᩠ᨿᩣᨠᩁᨱᩴ ᨣᩣᨳᩣ ᩏᨴᩣᨶᩴ ᩍᨲᩥᩅᩩᨲ᩠ᨲᨠᩴ ᨩᩣᨲᨠᩴ ᩋᨻ᩠ᨽᩩᨲᨵᨾ᩠ᨾᩴ ᩅᩮᨴᩃ᩠ᩃᩴ, ᨸᨬ᩠ᨬᨲ᩠ᨲᩴ ᩈᩣᩅᨠᩣᨶᩴ ᩈᩥᨠ᩠ᨡᩣᨸᨴᩴ, ᩏᨴ᩠ᨴᩥᨭ᩠ᨮᩴ ᨸᩣᨲᩥᨾᩮᩣᨠ᩠ᨡᩴ. ᨲᩮᩈᩴ ᨻᩩᨴ᩠ᨵᩣᨶᩴ ᨽᨣᩅᨶ᩠ᨲᩣᨶᩴ ᩋᨶ᩠ᨲᩁᨵᩣᨶᩮᨶ ᨻᩩᨴ᩠ᨵᩣᨶᩩᨻᩩᨴ᩠ᨵᩣᨶᩴ ᩈᩣᩅᨠᩣᨶᩴ ᩋᨶ᩠ᨲᩁᨵᩣᨶᩮᨶ ᨿᩮ ᨲᩮ ᨸᨧ᩠ᨨᩥᨾᩣ ᩈᩣᩅᨠᩣ ᨶᩣᨶᩣᨶᩣᨾᩣ ᨶᩣᨶᩣᨣᩮᩣᨲ᩠ᨲᩣ ᨶᩣᨶᩣᨩᨧ᩠ᨧᩣ ᨶᩣᨶᩣᨠᩩᩃᩣ ᨸᨻ᩠ᨻᨩᩥᨲᩣ ᨲᩮ ᨲᩴ ᨻᩕᩉ᩠ᨾᨧᩁᩥᨿᩴ ᨧᩥᩁᩴ ¶ ᨴᩦᨥᨾᨴ᩠ᨵᩣᨶᩴ ᨮᨸᩮᩈᩩᩴ. ᩈᩮᨿ᩠ᨿᨳᩣᨸᩥ, ᩈᩣᩁᩥᨸᩩᨲ᩠ᨲ, ᨶᩣᨶᩣᨸᩩᨸ᩠ᨹᩣᨶᩥ ᨹᩃᨠᩮ ᨶᩥᨠ᩠ᨡᩥᨲ᩠ᨲᩣᨶᩥ ᩈᩩᨲ᩠ᨲᩮᨶ ᩈᩩᩈᨦ᩠ᨣᩉᩥᨲᩣᨶᩥ ᨲᩣᨶᩥ ᩅᩣᨲᩮᩣ ᨶ ᩅᩥᨠᩥᩁᨲᩥ ᨶ ᩅᩥᨵᨾᨲᩥ ᨶ ᩅᩥᨴ᩠ᨵᩴᩈᩮᨲᩥ. ᨲᩴ ᨠᩥᩔ ᩉᩮᨲᩩ? ᨿᨳᩣ ᨲᩴ ᩈᩩᨲ᩠ᨲᩮᨶ ᩈᩩᩈᨦ᩠ᨣᩉᩥᨲᨲ᩠ᨲᩣ. ᩑᩅᨾᩮᩅ ᨡᩮᩣ, ᩈᩣᩁᩥᨸᩩᨲ᩠ᨲ, ᨲᩮᩈᩴ ᨻᩩᨴ᩠ᨵᩣᨶᩴ ᨽᨣᩅᨶ᩠ᨲᩣᨶᩴ ᩋᨶ᩠ᨲᩁᨵᩣᨶᩮᨶ ᨻᩩᨴ᩠ᨵᩣᨶᩩᨻᩩᨴ᩠ᨵᩣᨶᩴ ᩈᩣᩅᨠᩣᨶᩴ ᩋᨶ᩠ᨲᩁᨵᩣᨶᩮᨶ ᨿᩮ ᨲᩮ ᨸᨧ᩠ᨨᩥᨾᩣ ᩈᩣᩅᨠᩣ ᨶᩣᨶᩣᨶᩣᨾᩣ ᨶᩣᨶᩣᨣᩮᩣᨲ᩠ᨲᩣ ᨶᩣᨶᩣᨩᨧ᩠ᨧᩣ ᨶᩣᨶᩣᨠᩩᩃᩣ ᨸᨻ᩠ᨻᨩᩥᨲᩣ ᨲᩮ ᨲᩴ ᨻᩕᩉ᩠ᨾᨧᩁᩥᨿᩴ ᨧᩥᩁᩴ ᨴᩦᨥᨾᨴ᩠ᨵᩣᨶᩴ ᨮᨸᩮᩈᩩᩴ. ᩋᨿᩴ ᨡᩮᩣ, ᩈᩣᩁᩥᨸᩩᨲ᩠ᨲ, ᩉᩮᨲᩩ ᩋᨿᩴ ᨸᨧ᩠ᨧᨿᩮᩣ ᨿᩮᨶ ᨽᨣᩅᨲᩮᩣ ᨧ ᨠᨠᩩᩈᨶ᩠ᨵᩔ ᨽᨣᩅᨲᩮᩣ ᨧ ᨠᩮᩣᨱᩣᨣᨾᨶᩔ ᨽᨣᩅᨲᩮᩣ ᨧ ᨠᩔᨸᩔ ᨻᩕᩉ᩠ᨾᨧᩁᩥᨿᩴ ᨧᩥᩁᨭ᩠ᨮᩥᨲᩥᨠᩴ ᩋᩉᩮᩣᩈᩦ’’ᨲᩥ.

᪒᪑. ᩋᨳ ᨡᩮᩣ ᩌᨿᩈ᩠ᨾᩣ ᩈᩣᩁᩥᨸᩩᨲ᩠ᨲᩮᩣ ᩏᨭ᩠ᨮᩣᨿᩣᩈᨶᩣ ᩑᨠᩴᩈᩴ ᩏᨲ᩠ᨲᩁᩣᩈᨦ᩠ᨣᩴ ᨠᩁᩥᨲ᩠ᩅᩣ ᨿᩮᨶ ᨽᨣᩅᩣ ᨲᩮᨶᨬ᩠ᨩᩃᩥᩴ ᨸᨱᩣᨾᩮᨲ᩠ᩅᩣ ᨽᨣᩅᨶ᩠ᨲᩴ ᩑᨲᨴᩅᩮᩣᨧ – ‘‘ᩑᨲᩔ, ᨽᨣᩅᩣ, ᨠᩣᩃᩮᩣ! ᩑᨲᩔ, ᩈᩩᨣᨲ, ᨠᩣᩃᩮᩣ! ᨿᩴ ᨽᨣᩅᩣ ᩈᩣᩅᨠᩣᨶᩴ ᩈᩥᨠ᩠ᨡᩣᨸᨴᩴ ᨸᨬ᩠ᨬᨸᩮᨿ᩠ᨿ [ᨸᨬ᩠ᨬᩣᨸᩮᨿ᩠ᨿ (ᩈᩦ. ᩈ᩠ᨿᩣ.)], ᩏᨴ᩠ᨴᩥᩈᩮᨿ᩠ᨿ ᨸᩣᨲᩥᨾᩮᩣᨠ᩠ᨡᩴ, ᨿᨳᨿᩥᨴᩴ ᨻᩕᩉ᩠ᨾᨧᩁᩥᨿᩴ ᩋᨴ᩠ᨵᨶᩥᨿᩴ ᩋᩔ ᨧᩥᩁᨭ᩠ᨮᩥᨲᩥᨠ’’ᨶ᩠ᨲᩥ. ‘‘ᩌᨣᨾᩮᩉᩥ ᨲ᩠ᩅᩴ, ᩈᩣᩁᩥᨸᩩᨲ᩠ᨲ ¶ ! ᩌᨣᨾᩮᩉᩥ ᨲ᩠ᩅᩴ, ᩈᩣᩁᩥᨸᩩᨲ᩠ᨲ! ᨲᨳᩣᨣᨲᩮᩣᩅ ᨲᨲ᩠ᨳ ᨠᩣᩃᩴ ᨩᩣᨶᩥᩔᨲᩥ. ᨶ ᨲᩣᩅ, ᩈᩣᩁᩥᨸᩩᨲ᩠ᨲ, ᩈᨲ᩠ᨳᩣ ᩈᩣᩅᨠᩣᨶᩴ ᩈᩥᨠ᩠ᨡᩣᨸᨴᩴ ᨸᨬ᩠ᨬᨸᩮᨲᩥ ᩏᨴ᩠ᨴᩥᩈᨲᩥ [ᨶ ᩏᨴ᩠ᨴᩥᩈᨲᩥ (ᩈᩦ.)] ᨸᩣᨲᩥᨾᩮᩣᨠ᩠ᨡᩴ ᨿᩣᩅ ᨶ ᩍᨵᩮᨠᨧ᩠ᨧᩮ ᩌᩈᩅᨭ᩠ᨮᩣᨶᩦᨿᩣ ᨵᨾ᩠ᨾᩣ ᩈᨦ᩠ᨥᩮ ᨸᩣᨲᩩᨽᩅᨶ᩠ᨲᩥ. ᨿᨲᩮᩣ ᨧ ᨡᩮᩣ, ᩈᩣᩁᩥᨸᩩᨲ᩠ᨲ, ᩍᨵᩮᨠᨧ᩠ᨧᩮ ᩌᩈᩅᨭ᩠ᨮᩣᨶᩦᨿᩣ ᨵᨾ᩠ᨾᩣ ᩈᨦ᩠ᨥᩮ ᨸᩣᨲᩩᨽᩅᨶ᩠ᨲᩥ, ᩋᨳ ᩈᨲ᩠ᨳᩣ ᩈᩣᩅᨠᩣᨶᩴ ᩈᩥᨠ᩠ᨡᩣᨸᨴᩴ ¶ ᨸᨬ᩠ᨬᨸᩮᨲᩥ ᩏᨴ᩠ᨴᩥᩔᨲᩥ ᨸᩣᨲᩥᨾᩮᩣᨠ᩠ᨡᩴ ᨲᩮᩈᩴᨿᩮᩅ ᩌᩈᩅᨭ᩠ᨮᩣᨶᩦᨿᩣᨶᩴ ᨵᨾ᩠ᨾᩣᨶᩴ ᨸᨭᩥᨥᩣᨲᩣᨿ. ᨶ ᨲᩣᩅ, ᩈᩣᩁᩥᨸᩩᨲ᩠ᨲ, ᩍᨵᩮᨠᨧ᩠ᨧᩮ ᩌᩈᩅᨭ᩠ᨮᩣᨶᩦᨿᩣ ᨵᨾ᩠ᨾᩣ ᩈᨦ᩠ᨥᩮ ᨸᩣᨲᩩᨽᩅᨶ᩠ᨲᩥ ᨿᩣᩅ ᨶ ᩈᨦ᩠ᨥᩮᩣ ᩁᨲ᩠ᨲᨬ᩠ᨬᩩᨾᩉᨲ᩠ᨲᩴ ᨸᨲ᩠ᨲᩮᩣ ᩉᩮᩣᨲᩥ. ᨿᨲᩮᩣ ᨧ ᨡᩮᩣ, ᩈᩣᩁᩥᨸᩩᨲ᩠ᨲ, ᩈᨦ᩠ᨥᩮᩣ ᩁᨲ᩠ᨲᨬ᩠ᨬᩩᨾᩉᨲ᩠ᨲᩴ ᨸᨲ᩠ᨲᩮᩣ ᩉᩮᩣᨲᩥ ᩋᨳ ᩍᨵᩮᨠᨧ᩠ᨧᩮ ᩌᩈᩅᨭ᩠ᨮᩣᨶᩦᨿᩣ ¶ ᨵᨾ᩠ᨾᩣ ᩈᨦ᩠ᨥᩮ ᨸᩣᨲᩩᨽᩅᨶ᩠ᨲᩥ, ᩋᨳ, ᩈᨲ᩠ᨳᩣ ᩈᩣᩅᨠᩣᨶᩴ ᩈᩥᨠ᩠ᨡᩣᨸᨴᩴ ᨸᨬ᩠ᨬᨸᩮᨲᩥ ¶ ᩏᨴ᩠ᨴᩥᩈᨲᩥ ᨸᩣᨲᩥᨾᩮᩣᨠ᩠ᨡᩴ ᨲᩮᩈᩴᨿᩮᩅ ᩌᩈᩅᨭ᩠ᨮᩣᨶᩦᨿᩣᨶᩴ ᨵᨾ᩠ᨾᩣᨶᩴ ᨸᨭᩥᨥᩣᨲᩣᨿ. ᨶ ᨲᩣᩅ, ᩈᩣᩁᩥᨸᩩᨲ᩠ᨲ, ᩍᨵᩮᨠᨧ᩠ᨧᩮ ᩌᩈᩅᨭ᩠ᨮᩣᨶᩦᨿᩣ ᨵᨾ᩠ᨾᩣ ᩈᨦ᩠ᨥᩮ ᨸᩣᨲᩩᨽᩅᨶ᩠ᨲᩥ, ᨿᩣᩅ ᨶ ᩈᨦ᩠ᨥᩮᩣ ᩅᩮᨸᩩᩃ᩠ᩃᨾᩉᨲ᩠ᨲᩴ ᨸᨲ᩠ᨲᩮᩣ ᩉᩮᩣᨲᩥ. ᨿᨲᩮᩣ ᨧ ᨡᩮᩣ, ᩈᩣᩁᩥᨸᩩᨲ᩠ᨲ, ᩈᨦ᩠ᨥᩮᩣ ᩅᩮᨸᩩᩃ᩠ᩃᨾᩉᨲ᩠ᨲᩴ ᨸᨲ᩠ᨲᩮᩣ ᩉᩮᩣᨲᩥ, ᩋᨳ ᩍᨵᩮᨠᨧ᩠ᨧᩮ ᩌᩈᩅᨭ᩠ᨮᩣᨶᩦᨿᩣ ᨵᨾ᩠ᨾᩣ ᩈᨦ᩠ᨥᩮ ᨸᩣᨲᩩᨽᩅᨶ᩠ᨲᩥ, ᩋᨳ ᩈᨲ᩠ᨳᩣ ᩈᩣᩅᨠᩣᨶᩴ ᩈᩥᨠ᩠ᨡᩣᨸᨴᩴ ᨸᨬ᩠ᨬᨸᩮᨲᩥ ᩏᨴ᩠ᨴᩥᩈᨲᩥ ᨸᩣᨲᩥᨾᩮᩣᨠ᩠ᨡᩴ ᨲᩮᩈᩴᨿᩮᩅ ᩌᩈᩅᨭ᩠ᨮᩣᨶᩦᨿᩣᨶᩴ ᨵᨾ᩠ᨾᩣᨶᩴ ᨸᨭᩥᨥᩣᨲᩣᨿ. ᨶ ᨲᩣᩅ, ᩈᩣᩁᩥᨸᩩᨲ᩠ᨲ, ᩍᨵᩮᨠᨧ᩠ᨧᩮ ᩌᩈᩅᨭ᩠ᨮᩣᨶᩦᨿᩣ ᨵᨾ᩠ᨾᩣ ᩈᨦ᩠ᨥᩮ ᨸᩣᨲᩩᨽᩅᨶ᩠ᨲᩥ, ᨿᩣᩅ ᨶ ᩈᨦ᩠ᨥᩮᩣ ᩃᩣᨽᨣ᩠ᨣᨾᩉᨲ᩠ᨲᩴ ᨸᨲ᩠ᨲᩮᩣ ᩉᩮᩣᨲᩥ. ᨿᨲᩮᩣ ᨧ ᨡᩮᩣ, ᩈᩣᩁᩥᨸᩩᨲ᩠ᨲ, ᩈᨦ᩠ᨥᩮᩣ ᩃᩣᨽᨣ᩠ᨣᨾᩉᨲ᩠ᨲᩴ ᨸᨲ᩠ᨲᩮᩣ ᩉᩮᩣᨲᩥ, ᩋᨳ ᩍᨵᩮᨠᨧ᩠ᨧᩮ ᩌᩈᩅᨭ᩠ᨮᩣᨶᩦᨿᩣ ᨵᨾ᩠ᨾᩣ ᩈᨦ᩠ᨥᩮ ᨸᩣᨲᩩᨽᩅᨶ᩠ᨲᩥ, ᩋᨳ ᩈᨲ᩠ᨳᩣ ᩈᩣᩅᨠᩣᨶᩴ ᩈᩥᨠ᩠ᨡᩣᨸᨴᩴ ᨸᨬ᩠ᨬᨸᩮᨲᩥ ᩏᨴ᩠ᨴᩥᩈᨲᩥ ᨸᩣᨲᩥᨾᩮᩣᨠ᩠ᨡᩴ ᨲᩮᩈᩴᨿᩮᩅ ᩌᩈᩅᨭ᩠ᨮᩣᨶᩦᨿᩣᨶᩴ ᨵᨾ᩠ᨾᩣᨶᩴ ᨸᨭᩥᨥᩣᨲᩣᨿ. ᨶ ᨲᩣᩅ, ᩈᩣᩁᩥᨸᩩᨲ᩠ᨲ, ᩍᨵᩮᨠᨧ᩠ᨧᩮ ᩌᩈᩅᨭ᩠ᨮᩣᨶᩦᨿᩣ ᨵᨾ᩠ᨾᩣ ᩈᨦ᩠ᨥᩮ ᨸᩣᨲᩩᨽᩅᨶ᩠ᨲᩥ, ᨿᩣᩅ ᨶ ᩈᨦ᩠ᨥᩮᩣ ᨻᩣᩉᩩᩈᨧ᩠ᨧᨾᩉᨲ᩠ᨲᩴ ᨸᨲ᩠ᨲᩮᩣ ᩉᩮᩣᨲᩥ. ᨿᨲᩮᩣ ᨧ ᨡᩮᩣ, ᩈᩣᩁᩥᨸᩩᨲ᩠ᨲ, ᩈᨦ᩠ᨥᩮᩣ ᨻᩣᩉᩩᩈᨧ᩠ᨧᨾᩉᨲ᩠ᨲᩴ ᨸᨲ᩠ᨲᩮᩣ ᩉᩮᩣᨲᩥ, ᩋᨳ ᩍᨵᩮᨠᨧ᩠ᨧᩮ ᩌᩈᩅᨭ᩠ᨮᩣᨶᩦᨿᩣ ᨵᨾ᩠ᨾᩣ ᩈᨦ᩠ᨥᩮ ᨸᩣᨲᩩᨽᩅᨶ᩠ᨲᩥ, ᩋᨳ ᩈᨲ᩠ᨳᩣ ᩈᩣᩅᨠᩣᨶᩴ ᩈᩥᨠ᩠ᨡᩣᨸᨴᩴ ᨸᨬ᩠ᨬᨸᩮᨲᩥ ᩏᨴ᩠ᨴᩥᩈᨲᩥ ᨸᩣᨲᩥᨾᩮᩣᨠ᩠ᨡᩴ ᨲᩮᩈᩴᨿᩮᩅ ᩌᩈᩅᨭ᩠ᨮᩣᨶᩦᨿᩣᨶᩴ ᨵᨾ᩠ᨾᩣᨶᩴ ᨸᨭᩥᨥᩣᨲᩣᨿ. ᨶᩥᩁᨻ᩠ᨻᩩᨴᩮᩣ ᩉᩥ, ᩈᩣᩁᩥᨸᩩᨲ᩠ᨲ, ᨽᩥᨠ᩠ᨡᩩᩈᨦ᩠ᨥᩮᩣ ᨶᩥᩁᩣᨴᩦᨶᩅᩮᩣ ᩋᨸᨣᨲᨠᩣᩊᨠᩮᩣ ᩈᩩᨴ᩠ᨵᩮᩣ ᩈᩣᩁᩮ ᨸᨲᩥᨭ᩠ᨮᩥᨲᩮᩣ. ᩍᨾᩮᩈᨬ᩠ᩉᩥ, ᩈᩣᩁᩥᨸᩩᨲ᩠ᨲ, ᨸᨬ᩠ᨧᨶ᩠ᨶᩴ ᨽᩥᨠ᩠ᨡᩩᩈᨲᩣᨶᩴ ᨿᩮᩣ ᨸᨧ᩠ᨨᩥᨾᨠᩮᩣ ᨽᩥᨠ᩠ᨡᩩ ¶ ᩈᩮᩣ ᩈᩮᩣᨲᩣᨸᨶ᩠ᨶᩮᩣ ᩋᩅᩥᨶᩥᨸᩣᨲᨵᨾ᩠ᨾᩮᩣ ᨶᩥᨿᨲᩮᩣ ᩈᨾ᩠ᨻᩮᩣᨵᩥᨸᩁᩣᨿᨱᩮᩣ’’ᨲᩥ.

᪒᪒. ᩋᨳ ᨡᩮᩣ ᨽᨣᩅᩣ ᩌᨿᩈ᩠ᨾᨶ᩠ᨲᩴ ᩌᨶᨶ᩠ᨴᩴ ᩌᨾᨶ᩠ᨲᩮᩈᩥ – ‘‘ᩌᨧᩥᨱ᩠ᨱᩴ ᨡᩮᩣ ᨸᨶᩮᨲᩴ, ᩌᨶᨶ᩠ᨴ, ᨲᨳᩣᨣᨲᩣᨶᩴ ᨿᩮᩉᩥ ᨶᩥᨾᨶ᩠ᨲᩥᨲᩣ ᩅᩔᩴ ᩅᩈᨶ᩠ᨲᩥ, ᨶ ᨲᩮ ᩋᨶᨸᩃᩮᩣᨠᩮᨲ᩠ᩅᩣ ᨩᨶᨸᨴᨧᩣᩁᩥᨠᩴ ᨸᨠ᩠ᨠᨾᨶ᩠ᨲᩥ. ᩌᨿᩣᨾᩣᨶᨶ᩠ᨴ, ᩅᩮᩁᨬ᩠ᨩᩴ ᨻᩕᩣᩉ᩠ᨾᨱᩴ ᩋᨸᩃᩮᩣᨠᩮᩔᩣᨾᩣ’’ᨲᩥ. ‘‘ᩑᩅᩴ ᨽᨶ᩠ᨲᩮ’’ᨲᩥ ᨡᩮᩣ ᩌᨿᩈ᩠ᨾᩣ ᩌᨶᨶ᩠ᨴᩮᩣ ᨽᨣᩅᨲᩮᩣ ᨸᨧ᩠ᨧᩔᩮᩣᩈᩥ. ᩋᨳ ᨡᩮᩣ ᨽᨣᩅᩣ ᨶᩥᩅᩣᩈᩮᨲ᩠ᩅᩣ ᨸᨲ᩠ᨲᨧᩦᩅᩁᨾᩣᨴᩣᨿ ᩌᨿᩈ᩠ᨾᨲᩣ ᩌᨶᨶ᩠ᨴᩮᨶ ᨸᨧ᩠ᨨᩣᩈᨾᨱᩮᨶ ᨿᩮᨶ ᩅᩮᩁᨬ᩠ᨩᩔ ᨻᩕᩣᩉ᩠ᨾᨱᩔ ᨶᩥᩅᩮᩈᨶᩴ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨸᨬ᩠ᨬᨲ᩠ᨲᩮ ᩌᩈᨶᩮ ᨶᩥᩈᩦᨴᩥ. ᩋᨳ ᨡᩮᩣ ᩅᩮᩁᨬ᩠ᨩᩮᩣ ¶ ᨻᩕᩣᩉ᩠ᨾᨱᩮᩣ ᨿᩮᨶ ᨽᨣᩅᩣ ᨲᩮᨶᩩᨸᩈᨦ᩠ᨠᨾᩥ ¶ ; ᩏᨸᩈᨦ᩠ᨠᨾᩥᨲ᩠ᩅᩣ ᨽᨣᩅᨶ᩠ᨲᩴ ᩋᨽᩥᩅᩣᨴᩮᨲ᩠ᩅᩣ ᩑᨠᨾᨶ᩠ᨲᩴ ᨶᩥᩈᩦᨴᩥ. ᩑᨠᨾᨶ᩠ᨲᩴ ᨶᩥᩈᩥᨶ᩠ᨶᩴ ᨡᩮᩣ ᩅᩮᩁᨬ᩠ᨩᩴ ᨻᩕᩣᩉ᩠ᨾᨱᩴ ᨽᨣᩅᩣ ᩑᨲᨴᩅᩮᩣᨧ – ‘‘ᨶᩥᨾᨶ᩠ᨲᩥᨲᨾ᩠ᩉ ᨲᨿᩣ, ᨻᩕᩣᩉ᩠ᨾᨱ ¶ , ᩅᩔᩴᩅᩩᨭ᩠ᨮᩣ [ᩅᩔᩴᩅᩩᨲ᩠ᨳᩣ (ᩈᩦ. ᩈ᩠ᨿᩣ. ᨠ.)], ᩋᨸᩃᩮᩣᨠᩮᨾ ᨲᩴ, ᩍᨧ᩠ᨨᩣᨾ ᨾᨿᩴ ᨩᨶᨸᨴᨧᩣᩁᩥᨠᩴ ᨸᨠ᩠ᨠᨾᩥᨲᩩ’’ᨶ᩠ᨲᩥ. ‘‘ᩈᨧ᩠ᨧᩴ, ᨽᩮᩣ ᨣᩮᩣᨲᨾ, ᨶᩥᨾᨶ᩠ᨲᩥᨲᨲ᩠ᨳ ᨾᨿᩣ ᩅᩔᩴᩅᩩᨭ᩠ᨮᩣ; ᩋᨸᩥ ᨧ, ᨿᩮᩣ ᨴᩮᨿ᩠ᨿᨵᨾ᩠ᨾᩮᩣ ᩈᩮᩣ ᨶ ᨴᩥᨶ᩠ᨶᩮᩣ. ᨲᨬ᩠ᨧ ᨡᩮᩣ ᨶᩮᩣ ᩋᩈᨶ᩠ᨲᩴ, ᨶᩮᩣᨸᩥ ᩋᨴᩣᨲᩩᨠᨾ᩠ᨿᨲᩣ, ᨲᩴ ᨠᩩᨲᩮᨲ᩠ᨳ ᩃᨻ᩠ᨽᩣ ᨻᩉᩩᨠᩥᨧ᩠ᨧᩣ ᨥᩁᩣᩅᩣᩈᩣ ᨻᩉᩩᨠᩁᨱᩦᨿᩣ. ᩋᨵᩥᩅᩣᩈᩮᨲᩩ ᨾᩮ ᨽᩅᩴ ᨣᩮᩣᨲᨾᩮᩣ ᩈ᩠ᩅᩣᨲᨶᩣᨿ ᨽᨲ᩠ᨲᩴ ᩈᨴ᩠ᨵᩥᩴ ᨽᩥᨠ᩠ᨡᩩᩈᨦ᩠ᨥᩮᨶᩣ’’ᨲᩥ. ᩋᨵᩥᩅᩣᩈᩮᩈᩥ ᨽᨣᩅᩣ ᨲᩩᨱ᩠ᩉᩦᨽᩣᩅᩮᨶ. ᩋᨳ ᨡᩮᩣ ᨽᨣᩅᩣ ᩅᩮᩁᨬ᩠ᨩᩴ ᨻᩕᩣᩉ᩠ᨾᨱᩴ ᨵᨾ᩠ᨾᩥᨿᩣ ᨠᨳᩣᨿ ᩈᨶ᩠ᨴᩔᩮᨲ᩠ᩅᩣ ᩈᨾᩣᨴᨸᩮᨲ᩠ᩅᩣ ᩈᨾᩩᨲ᩠ᨲᩮᨩᩮᨲ᩠ᩅᩣ ᩈᨾ᩠ᨸᩉᩴᩈᩮᨲ᩠ᩅᩣ ᩏᨭ᩠ᨮᩣᨿᩣᩈᨶᩣ ¶ ᨸᨠ᩠ᨠᩣᨾᩥ. ᩋᨳ ᨡᩮᩣ ᩅᩮᩁᨬ᩠ᨩᩮᩣ ᨻᩕᩣᩉ᩠ᨾᨱᩮᩣ ᨲᩔᩣ ᩁᨲ᩠ᨲᩥᨿᩣ ᩋᨧ᩠ᨧᨿᩮᨶ ᩈᨠᩮ ᨶᩥᩅᩮᩈᨶᩮ ᨸᨱᩦᨲᩴ ᨡᩣᨴᨶᩦᨿᩴ ᨽᩮᩣᨩᨶᩦᨿᩴ ᨸᨭᩥᨿᩣᨴᩣᨸᩮᨲ᩠ᩅᩣ ᨽᨣᩅᨲᩮᩣ ᨠᩣᩃᩴ ᩌᩁᩮᩣᨧᩣᨸᩮᩈᩥ – ‘‘ᨠᩣᩃᩮᩣ, ᨽᩮᩣ ᨣᩮᩣᨲᨾ, ᨶᩥᨭ᩠ᨮᩥᨲᩴ ᨽᨲ᩠ᨲ’’ᨶ᩠ᨲᩥ.

᪒᪓. ᩋᨳ ᨡᩮᩣ ᨽᨣᩅᩣ ᨸᩩᨻ᩠ᨻᨱ᩠ᩉᩈᨾᨿᩴ ᨶᩥᩅᩣᩈᩮᨲ᩠ᩅᩣ ᨸᨲ᩠ᨲᨧᩦᩅᩁᨾᩣᨴᩣᨿ ᨿᩮᨶ ᩅᩮᩁᨬ᩠ᨩᩔ ᨻᩕᩣᩉ᩠ᨾᨱᩔ ᨶᩥᩅᩮᩈᨶᩴ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨸᨬ᩠ᨬᨲ᩠ᨲᩮ ᩌᩈᨶᩮ ᨶᩥᩈᩦᨴᩥ ᩈᨴ᩠ᨵᩥᩴ ᨽᩥᨠ᩠ᨡᩩᩈᨦ᩠ᨥᩮᨶ. ᩋᨳ ᨡᩮᩣ ᩅᩮᩁᨬ᩠ᨩᩮᩣ ᨻᩕᩣᩉ᩠ᨾᨱᩮᩣ ᨻᩩᨴ᩠ᨵᨸ᩠ᨸᨾᩩᨡᩴ ᨽᩥᨠ᩠ᨡᩩᩈᨦ᩠ᨥᩴ ᨸᨱᩦᨲᩮᨶ ᨡᩣᨴᨶᩦᨿᩮᨶ ᨽᩮᩣᨩᨶᩦᨿᩮᨶ ᩈᩉᨲ᩠ᨳᩣ ᩈᨶ᩠ᨲᨸ᩠ᨸᩮᨲ᩠ᩅᩣ ᩈᨾ᩠ᨸᩅᩣᩁᩮᨲ᩠ᩅᩣ ᨽᨣᩅᨶ᩠ᨲᩴ ᨽᩩᨲ᩠ᨲᩣᩅᩥᩴ ᩒᨶᩦᨲᨸᨲ᩠ᨲᨸᩣᨱᩥᩴ [ᩒᨱᩦᨲᨸᨲ᩠ᨲᨸᩣᨱᩥᩴ (ᨠ.)] ᨲᩥᨧᩦᩅᩁᩮᨶ ᩋᨧ᩠ᨨᩣᨴᩮᩈᩥ, ᩑᨠᨾᩮᨠᨬ᩠ᨧ ᨽᩥᨠ᩠ᨡᩩᩴ ᩑᨠᨾᩮᨠᩮᨶ ᨴᩩᩔᨿᩩᨣᩮᨶ ᩋᨧ᩠ᨨᩣᨴᩮᩈᩥ. ᩋᨳ ᨡᩮᩣ ᨽᨣᩅᩣ ᩅᩮᩁᨬ᩠ᨩᩴ ᨻᩕᩣᩉ᩠ᨾᨱᩴ ᨵᨾ᩠ᨾᩥᨿᩣ ᨠᨳᩣᨿ ᩈᨶ᩠ᨴᩔᩮᨲ᩠ᩅᩣ ᩈᨾᩣᨴᨸᩮᨲ᩠ᩅᩣ ᩈᨾᩩᨲ᩠ᨲᩮᨩᩮᨲ᩠ᩅᩣ ᩈᨾ᩠ᨸᩉᩴᩈᩮᨲ᩠ᩅᩣ ᩏᨭ᩠ᨮᩣᨿᩣᩈᨶᩣ ᨸᨠ᩠ᨠᩣᨾᩥ. ᩋᨳ ᨡᩮᩣ ᨽᨣᩅᩣ ᩅᩮᩁᨬ᩠ᨩᩣᨿᩴ ᨿᨳᩣᨽᩥᩁᨶ᩠ᨲᩴ ᩅᩥᩉᩁᩥᨲ᩠ᩅᩣ ᩋᨶᩩᨸᨣᨾ᩠ᨾ ᩈᩮᩣᩁᩮᨿ᩠ᨿᩴ ᩈᨦ᩠ᨠᩔᩴ ᨠᨱ᩠ᨱᨠᩩᨩ᩠ᨩᩴ ᨿᩮᨶ ᨸᨿᩣᨣᨸᨲᩥᨭ᩠ᨮᩣᨶᩴ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨸᨿᩣᨣᨸᨲᩥᨭ᩠ᨮᩣᨶᩮ ᨣᨦ᩠ᨣᩴ ᨶᨴᩥᩴ ᩏᨲ᩠ᨲᩁᩥᨲ᩠ᩅᩣ ᨿᩮᨶ ᨻᩣᩁᩣᨱᩈᩦ ᨲᨴᩅᩈᩁᩥ. ᩋᨳ ᨡᩮᩣ ᨽᨣᩅᩣ ᨻᩣᩁᩣᨱᩈᩥᨿᩴ ᨿᨳᩣᨽᩥᩁᨶ᩠ᨲᩴ ᩅᩥᩉᩁᩥᨲ᩠ᩅᩣ ᨿᩮᨶ ᩅᩮᩈᩣᩃᩦ ᨲᩮᨶ ᨧᩣᩁᩥᨠᩴ ᨸᨠ᩠ᨠᩣᨾᩥ. ᩋᨶᩩᨸᩩᨻ᩠ᨻᩮᨶ ᨧᩣᩁᩥᨠᩴ ᨧᩁᨾᩣᨶᩮᩣ ᨿᩮᨶ ᩅᩮᩈᩣᩃᩦ ᨲᨴᩅᩈᩁᩥ. ᨲᨲᩕ ᩈᩩᨴᩴ ᨽᨣᩅᩣ ᩅᩮᩈᩣᩃᩥᨿᩴ ᩅᩥᩉᩁᨲᩥ ᨾᩉᩣᩅᨶᩮ ᨠᩪᨭᩣᨣᩣᩁᩈᩣᩃᩣᨿᨶ᩠ᨲᩥ.

ᩅᩮᩁᨬ᩠ᨩᨽᩣᨱᩅᩣᩁᩮᩣ ᨶᩥᨭ᩠ᨮᩥᨲᩮᩣ.

᪑. ᨸᩣᩁᩣᨩᩥᨠᨠᨱ᩠ᨯᩴ

᪑. ᨸᨮᨾᨸᩣᩁᩣᨩᩥᨠᩴ

ᩈᩩᨴᩥᨶ᩠ᨶᨽᩣᨱᩅᩣᩁᩮᩣ

᪒᪔. ᨲᩮᨶ ¶ ¶ ¶ ᨡᩮᩣ ᨸᨶ ᩈᨾᨿᩮᨶ ᩅᩮᩈᩣᩃᩥᨿᩣ ᩋᩅᩥᨴᩪᩁᩮ ᨠᩃᨶ᩠ᨴᨣᩣᨾᩮᩣ ᨶᩣᨾ ᩋᨲ᩠ᨳᩥ [ᨠᩃᨶ᩠ᨴᨣᩣᨾᩮᩣ ᨶᩣᨾ ᩉᩮᩣᨲᩥ (ᩈᩦ.), ᨠᩃᨶ᩠ᨴᨣᩣᨾᩮᩣ ᩉᩮᩣᨲᩥ (ᩈ᩠ᨿᩣ.)]. ᨲᨲ᩠ᨳ ᩈᩩᨴᩥᨶ᩠ᨶᩮᩣ ᨶᩣᨾ ᨠᩃᨶ᩠ᨴᨸᩩᨲ᩠ᨲᩮᩣ ᩈᩮᨭ᩠ᨮᩥᨸᩩᨲ᩠ᨲᩮᩣ ᩉᩮᩣᨲᩥ. ᩋᨳ ᨡᩮᩣ ᩈᩩᨴᩥᨶ᩠ᨶᩮᩣ ᨠᩃᨶ᩠ᨴᨸᩩᨲ᩠ᨲᩮᩣ ᩈᨾ᩠ᨻᩉᩩᩃᩮᩉᩥ [ᩈᨾ᩠ᨸᩉᩪᩃᩮᩉᩥ (ᩈᩦ.)] ᩈᩉᩣᨿᨠᩮᩉᩥ ᩈᨴ᩠ᨵᩥᩴ ᩅᩮᩈᩣᩃᩥᩴ ᩋᨣᨾᩣᩈᩥ ᨠᩮᨶᨧᩥᨴᩮᩅ ᨠᩁᨱᩦᨿᩮᨶ ¶ . ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨽᨣᩅᩣ ᨾᩉᨲᩥᨿᩣ ᨸᩁᩥᩈᩣᨿ ᨸᩁᩥᩅᩩᨲᩮᩣ ᨵᨾ᩠ᨾᩴ ᨴᩮᩈᩮᨶ᩠ᨲᩮᩣ ᨶᩥᩈᩥᨶ᩠ᨶᩮᩣ ᩉᩮᩣᨲᩥ. ᩋᨴ᩠ᨴᩈ ᨡᩮᩣ ᩈᩩᨴᩥᨶ᩠ᨶᩮᩣ ᨠᩃᨶ᩠ᨴᨸᩩᨲ᩠ᨲᩮᩣ ᨽᨣᩅᨶ᩠ᨲᩴ ᨾᩉᨲᩥᨿᩣ ᨸᩁᩥᩈᩣᨿ ᨸᩁᩥᩅᩩᨲᩴ ᨵᨾ᩠ᨾᩴ ᨴᩮᩈᩮᨶ᩠ᨲᩴ ᨶᩥᩈᩥᨶ᩠ᨶᩴ. ᨴᩥᩈ᩠ᩅᩣᨶᩔ ᩑᨲᨴᩉᩮᩣᩈᩥ – ‘‘ᨿᩴᨶᩪᨶᩣᩉᨾ᩠ᨸᩥ ᨵᨾ᩠ᨾᩴ ᩈᩩᨱᩮᨿ᩠ᨿ’’ᨶ᩠ᨲᩥ. ᩋᨳ ᨡᩮᩣ ᩈᩩᨴᩥᨶ᩠ᨶᩮᩣ ᨠᩃᨶ᩠ᨴᨸᩩᨲ᩠ᨲᩮᩣ ᨿᩮᨶ ᩈᩣ ᨸᩁᩥᩈᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᩑᨠᨾᨶ᩠ᨲᩴ ᨶᩥᩈᩦᨴᩥ. ᩑᨠᨾᨶ᩠ᨲᩴ ᨶᩥᩈᩥᨶ᩠ᨶᩔ ᨡᩮᩣ ᩈᩩᨴᩥᨶ᩠ᨶᩔ ᨠᩃᨶ᩠ᨴᨸᩩᨲ᩠ᨲᩔ ᩑᨲᨴᩉᩮᩣᩈᩥ – ‘‘ᨿᨳᩣ ᨿᨳᩣ ᨡᩮᩣ ᩋᩉᩴ ᨽᨣᩅᨲᩣ ᨵᨾ᩠ᨾᩴ ᨴᩮᩈᩥᨲᩴ ᩌᨩᩣᨶᩣᨾᩥ, ᨶᨿᩥᨴᩴ ᩈᩩᨠᩁᩴ ᩋᨣᩣᩁᩴ ᩋᨩ᩠ᨫᩣᩅᩈᨲᩣ ᩑᨠᨶ᩠ᨲᨸᩁᩥᨸᩩᨱ᩠ᨱᩴ ᩑᨠᨶ᩠ᨲᨸᩁᩥᩈᩩᨴ᩠ᨵᩴ ᩈᨦ᩠ᨡᩃᩥᨡᩥᨲᩴ ᨻᩕᩉ᩠ᨾᨧᩁᩥᨿᩴ ᨧᩁᩥᨲᩩᩴ; ᨿᩴᨶᩪᨶᩣᩉᩴ ᨠᩮᩈᨾᩔᩩᩴ ᩒᩉᩣᩁᩮᨲ᩠ᩅᩣ ᨠᩣᩈᩣᨿᩣᨶᩥ ᩅᨲ᩠ᨳᩣᨶᩥ ᩋᨧ᩠ᨨᩣᨴᩮᨲ᩠ᩅᩣ ᩋᨣᩣᩁᩈ᩠ᨾᩣ ᩋᨶᨣᩣᩁᩥᨿᩴ ᨸᨻ᩠ᨻᨩᩮᨿ᩠ᨿ’’ᨶ᩠ᨲᩥ. ᩋᨳ ᨡᩮᩣ ᩈᩣ ᨸᩁᩥᩈᩣ ᨽᨣᩅᨲᩣ ᨵᨾ᩠ᨾᩥᨿᩣ ᨠᨳᩣᨿ ᩈᨶ᩠ᨴᩔᩥᨲᩣ ᩈᨾᩣᨴᨸᩥᨲᩣ ᩈᨾᩩᨲ᩠ᨲᩮᨩᩥᨲᩣ ᩈᨾ᩠ᨸᩉᩴᩈᩥᨲᩣ ᩏᨭ᩠ᨮᩣᨿᩣᩈᨶᩣ ᨽᨣᩅᨶ᩠ᨲᩴ ᩋᨽᩥᩅᩣᨴᩮᨲ᩠ᩅᩣ ᨸᨴᨠ᩠ᨡᩥᨱᩴ ᨠᨲ᩠ᩅᩣ ᨸᨠ᩠ᨠᩣᨾᩥ.

᪒᪕. ᩋᨳ ¶ ᨡᩮᩣ ᩈᩩᨴᩥᨶ᩠ᨶᩮᩣ ᨠᩃᨶ᩠ᨴᨸᩩᨲ᩠ᨲᩮᩣ ᩋᨧᩥᩁᩅᩩᨭ᩠ᨮᩥᨲᩣᨿ ᨸᩁᩥᩈᩣᨿ ᨿᩮᨶ ᨽᨣᩅᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨽᨣᩅᨶ᩠ᨲᩴ ᩋᨽᩥᩅᩣᨴᩮᨲ᩠ᩅᩣ ᩑᨠᨾᨶ᩠ᨲᩴ ᨶᩥᩈᩦᨴᩥ. ᩑᨠᨾᨶ᩠ᨲᩴ ᨶᩥᩈᩥᨶ᩠ᨶᩮᩣ ᨡᩮᩣ ᩈᩩᨴᩥᨶ᩠ᨶᩮᩣ ᨠᩃᨶ᩠ᨴᨸᩩᨲ᩠ᨲᩮᩣ ᨽᨣᩅᨶ᩠ᨲᩴ ᩑᨲᨴᩅᩮᩣᨧ – ‘‘ᨿᨳᩣ ᨿᨳᩣᩉᩴ, ᨽᨶ᩠ᨲᩮ, ᨽᨣᩅᨲᩣ ᨵᨾ᩠ᨾᩴ ᨴᩮᩈᩥᨲᩴ ᩌᨩᩣᨶᩣᨾᩥ ¶ , ᨶᨿᩥᨴᩴ ᩈᩩᨠᩁᩴ ᩋᨣᩣᩁᩴ ᩋᨩ᩠ᨫᩣᩅᩈᨲᩣ ᩑᨠᨶ᩠ᨲᨸᩁᩥᨸᩩᨱ᩠ᨱᩴ ᩑᨠᨶ᩠ᨲᨸᩁᩥᩈᩩᨴ᩠ᨵᩴ ᩈᨦ᩠ᨡᩃᩥᨡᩥᨲᩴ ᨻᩕᩉ᩠ᨾᨧᩁᩥᨿᩴ ᨧᩁᩥᨲᩩᩴ; ᩍᨧ᩠ᨨᩣᨾᩉᩴ, ᨽᨶ᩠ᨲᩮ, ᨠᩮᩈᨾᩔᩩᩴ ᩒᩉᩣᩁᩮᨲ᩠ᩅᩣ ᨠᩣᩈᩣᨿᩣᨶᩥ ᩅᨲ᩠ᨳᩣᨶᩥ ᩋᨧ᩠ᨨᩣᨴᩮᨲ᩠ᩅᩣ ᩋᨣᩣᩁᩈ᩠ᨾᩣ ᩋᨶᨣᩣᩁᩥᨿᩴ ᨸᨻ᩠ᨻᨩᩥᨲᩩᩴ. ᨸᨻ᩠ᨻᩣᨩᩮᨲᩩ ᨾᩴ ᨽᨣᩅᩣ’’ᨲᩥ. ‘‘ᩋᨶᩩᨬ᩠ᨬᩣᨲᩮᩣᩈᩥ ᨸᨶ ᨲ᩠ᩅᩴ, ᩈᩩᨴ᩠ᨴᩥᨶ᩠ᨶ, ᨾᩣᨲᩣᨸᩥᨲᩪᩉᩥ ᩋᨣᩣᩁᩈ᩠ᨾᩣ ᩋᨶᨣᩣᩁᩥᨿᩴ ᨸᨻ᩠ᨻᨩ᩠ᨩᩣᨿᩣ’’ᨲᩥ? ‘‘ᨶ ᨡᩮᩣ ᩋᩉᩴ, ᨽᨶ᩠ᨲᩮ, ᩋᨶᩩᨬ᩠ᨬᩣᨲᩮᩣ ᨾᩣᨲᩣᨸᩥᨲᩪᩉᩥ ᩋᨣᩣᩁᩈ᩠ᨾᩣ ᩋᨶᨣᩣᩁᩥᨿᩴ ¶ ᨸᨻ᩠ᨻᨩ᩠ᨩᩣᨿᩣ’’ᨲᩥ. ‘‘ᨶ ᨡᩮᩣ, ᩈᩩᨴᩥᨶ᩠ᨶ, ᨲᨳᩣᨣᨲᩣ ᩋᨶᨶᩩᨬ᩠ᨬᩣᨲᩴ ᨾᩣᨲᩣᨸᩥᨲᩪᩉᩥ ᨸᩩᨲ᩠ᨲᩴ ᨸᨻ᩠ᨻᩣᨩᩮᨶ᩠ᨲᩦ’’ᨲᩥ. ‘‘ᩈᩮᩣᩉᩴ, ᨽᨶ᩠ᨲᩮ, ᨲᨳᩣ ᨠᩁᩥᩔᩣᨾᩥ ᨿᨳᩣ ᨾᩴ ᨾᩣᨲᩣᨸᩥᨲᩁᩮᩣ ᩋᨶᩩᨩᩣᨶᩥᩔᨶ᩠ᨲᩥ ᩋᨣᩣᩁᩈ᩠ᨾᩣ ᩋᨶᨣᩣᩁᩥᨿᩴ ᨸᨻ᩠ᨻᨩ᩠ᨩᩣᨿᩣ’’ᨲᩥ.

᪒᪖. ᩋᨳ ᨡᩮᩣ ᩈᩩᨴᩥᨶ᩠ᨶᩮᩣ ᨠᩃᨶ᩠ᨴᨸᩩᨲ᩠ᨲᩮᩣ ᩅᩮᩈᩣᩃᩥᨿᩴ ᨲᩴ ᨠᩁᨱᩦᨿᩴ ᨲᩦᩁᩮᨲ᩠ᩅᩣ ᨿᩮᨶ ᨠᩃᨶ᩠ᨴᨣᩣᨾᩮᩣ ᨿᩮᨶ ᨾᩣᨲᩣᨸᩥᨲᩁᩮᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨾᩣᨲᩣᨸᩥᨲᩁᩮᩣ ᩑᨲᨴᩅᩮᩣᨧ – ‘‘ᩋᨾ᩠ᨾᨲᩣᨲᩣ, ᨿᨳᩣ ᨿᨳᩣᩉᩴ ᨽᨣᩅᨲᩣ ᨵᨾ᩠ᨾᩴ ᨴᩮᩈᩥᨲᩴ ᩌᨩᩣᨶᩣᨾᩥ, ᨶᨿᩥᨴᩴ ᩈᩩᨠᩁᩴ ᩋᨣᩣᩁᩴ ᩋᨩ᩠ᨫᩣᩅᩈᨲᩣ ᩑᨠᨶ᩠ᨲᨸᩁᩥᨸᩩᨱ᩠ᨱᩴ ᩑᨠᨶ᩠ᨲᨸᩁᩥᩈᩩᨴ᩠ᨵᩴ ¶ ᩈᨦ᩠ᨡᩃᩥᨡᩥᨲᩴ ᨻᩕᩉ᩠ᨾᨧᩁᩥᨿᩴ ᨧᩁᩥᨲᩩᩴ; ᩍᨧ᩠ᨨᩣᨾᩉᩴ ᨠᩮᩈᨾᩔᩩᩴ ᩒᩉᩣᩁᩮᨲ᩠ᩅᩣ ᨠᩣᩈᩣᨿᩣᨶᩥ ᩅᨲ᩠ᨳᩣᨶᩥ ᩋᨧ᩠ᨨᩣᨴᩮᨲ᩠ᩅᩣ ᩋᨣᩣᩁᩈ᩠ᨾᩣ ᩋᨶᨣᩣᩁᩥᨿᩴ ¶ ᨸᨻ᩠ᨻᨩᩥᨲᩩᩴ. ᩋᨶᩩᨩᩣᨶᩣᨳ ᨾᩴ ᩋᨣᩣᩁᩈ᩠ᨾᩣ ᩋᨶᨣᩣᩁᩥᨿᩴ ᨸᨻ᩠ᨻᨩ᩠ᨩᩣᨿᩣ’’ᨲᩥ. ᩑᩅᩴ ᩅᩩᨲ᩠ᨲᩮ ᩈᩩᨴᩥᨶ᩠ᨶᩔ ᨠᩃᨶ᩠ᨴᨸᩩᨲ᩠ᨲᩔ ᨾᩣᨲᩣᨸᩥᨲᩁᩮᩣ ᩈᩩᨴᩥᨶ᩠ᨶᩴ ᨠᩃᨶ᩠ᨴᨸᩩᨲ᩠ᨲᩴ ᩑᨲᨴᩅᩮᩣᨧᩩᩴ – ‘‘ᨲ᩠ᩅᩴ ᨡᩮᩣᩈᩥ, ᨲᩣᨲ ᩈᩩᨴᩥᨶ᩠ᨶ, ᩋᨾ᩠ᩉᩣᨠᩴ ᩑᨠᨸᩩᨲ᩠ᨲᨠᩮᩣ ᨸᩥᨿᩮᩣ ᨾᨶᩣᨸᩮᩣ ᩈᩩᨡᩮᨵᩥᨲᩮᩣ ᩈᩩᨡᨸᩁᩥᩉᨲᩮᩣ. ᨶ ᨲ᩠ᩅᩴ, ᨲᩣᨲ ᩈᩩᨴᩥᨶ᩠ᨶ, ᨠᩥᨬ᩠ᨧᩥ ᨴᩩᨠ᩠ᨡᩔ ᨩᩣᨶᩣᩈᩥ. ᨾᩁᨱᩮᨶᨸᩥ ᨾᨿᩴ ᨲᩮ ᩋᨠᩣᨾᨠᩣ ᩅᩥᨶᩣ ᨽᩅᩥᩔᩣᨾ, ᨠᩥᩴ ᨸᨶ ᨾᨿᩴ ᨲᩴ ᨩᩦᩅᨶ᩠ᨲᩴ ᩋᨶᩩᨩᩣᨶᩥᩔᩣᨾ ᩋᨣᩣᩁᩈ᩠ᨾᩣ ᩋᨶᨣᩣᩁᩥᨿᩴ ᨸᨻ᩠ᨻᨩ᩠ᨩᩣᨿᩣ’’ᨲᩥ. ᨴᩩᨲᩥᨿᨾ᩠ᨸᩥ ᨡᩮᩣ ᩈᩩᨴᩥᨶ᩠ᨶᩮᩣ ᨠᩃᨶ᩠ᨴᨸᩩᨲ᩠ᨲᩮᩣ ᨾᩣᨲᩣᨸᩥᨲᩁᩮᩣ ᩑᨲᨴᩅᩮᩣᨧ – ‘‘ᩋᨾ᩠ᨾᨲᩣᨲᩣ, ᨿᨳᩣ ᨿᨳᩣᩉᩴ ᨽᨣᩅᨲᩣ ᨵᨾ᩠ᨾᩴ ᨴᩮᩈᩥᨲᩴ ᩌᨩᩣᨶᩣᨾᩥ, ᨶᨿᩥᨴᩴ ᩈᩩᨠᩁᩴ ᩋᨣᩣᩁᩴ ᩋᨩ᩠ᨫᩣᩅᩈᨲᩣ ᩑᨠᨶ᩠ᨲᨸᩁᩥᨸᩩᨱ᩠ᨱᩴ ᩑᨠᨶ᩠ᨲᨸᩁᩥᩈᩩᨴ᩠ᨵᩴ ᩈᨦ᩠ᨡᩃᩥᨡᩥᨲᩴ ᨻᩕᩉ᩠ᨾᨧᩁᩥᨿᩴ ᨧᩁᩥᨲᩩᩴ; ᩍᨧ᩠ᨨᩣᨾᩉᩴ ᨠᩮᩈᨾᩔᩩᩴ ᩒᩉᩣᩁᩮᨲ᩠ᩅᩣ ᨠᩣᩈᩣᨿᩣᨶᩥ ᩅᨲ᩠ᨳᩣᨶᩥ ᩋᨧ᩠ᨨᩣᨴᩮᨲ᩠ᩅᩣ ᩋᨣᩣᩁᩈ᩠ᨾᩣ ᩋᨶᨣᩣᩁᩥᨿᩴ ᨸᨻ᩠ᨻᨩᩥᨲᩩᩴ. ᩋᨶᩩᨩᩣᨶᩣᨳ ᨾᩴ ᩋᨣᩣᩁᩈ᩠ᨾᩣ ᩋᨶᨣᩣᩁᩥᨿᩴ ᨸᨻ᩠ᨻᨩ᩠ᨩᩣᨿᩣ’’ᨲᩥ. ᨴᩩᨲᩥᨿᨾ᩠ᨸᩥ ᨡᩮᩣ ᩈᩩᨴᩥᨶ᩠ᨶᩔ ᨠᩃᨶ᩠ᨴᨸᩩᨲ᩠ᨲᩔ ᨾᩣᨲᩣᨸᩥᨲᩁᩮᩣ ᩈᩩᨴᩥᨶ᩠ᨶᩴ ᨠᩃᨶ᩠ᨴᨸᩩᨲ᩠ᨲᩴ ᩑᨲᨴᩅᩮᩣᨧᩩᩴ – ‘‘ᨲ᩠ᩅᩴ ᨡᩮᩣᩈᩥ, ᨲᩣᨲ ᩈᩩᨴᩥᨶ᩠ᨶ, ᩋᨾ᩠ᩉᩣᨠᩴ ᩑᨠᨸᩩᨲ᩠ᨲᨠᩮᩣ ᨸᩥᨿᩮᩣ ᨾᨶᩣᨸᩮᩣ ᩈᩩᨡᩮᨵᩥᨲᩮᩣ ᩈᩩᨡᨸᩁᩥᩉᨲᩮᩣ. ᨶ ᨲ᩠ᩅᩴ, ᨲᩣᨲ ᩈᩩᨴᩥᨶ᩠ᨶ, ᨠᩥᨬ᩠ᨧᩥ ᨴᩩᨠ᩠ᨡᩔ ᨩᩣᨶᩣᩈᩥ. ᨾᩁᨱᩮᨶᨸᩥ ᨾᨿᩴ ᨲᩮ ᩋᨠᩣᨾᨠᩣ ᩅᩥᨶᩣ ᨽᩅᩥᩔᩣᨾ, ᨠᩥᩴ ᨸᨶ ᨾᨿᩴ ᨲᩴ ᨩᩦᩅᨶ᩠ᨲᩴ ᩋᨶᩩᨩᩣᨶᩥᩔᩣᨾ ᩋᨣᩣᩁᩈ᩠ᨾᩣ ᩋᨶᨣᩣᩁᩥᨿᩴ ᨸᨻ᩠ᨻᨩ᩠ᨩᩣᨿᩣ’’ᨲᩥ! ᨲᨲᩥᨿᨾ᩠ᨸᩥ ᨡᩮᩣ ᩈᩩᨴᩥᨶ᩠ᨶᩮᩣ ᨠᩃᨶ᩠ᨴᨸᩩᨲ᩠ᨲᩮᩣ ᨾᩣᨲᩣᨸᩥᨲᩁᩮᩣ ᩑᨲᨴᩅᩮᩣᨧ – ‘‘ᩋᨾ᩠ᨾᨲᩣᨲᩣ ¶ , ᨿᨳᩣ ᨿᨳᩣᩉᩴ ᨽᨣᩅᨲᩣ ᨵᨾ᩠ᨾᩴ ᨴᩮᩈᩥᨲᩴ ᩌᨩᩣᨶᩣᨾᩥ, ᨶᨿᩥᨴᩴ ᩈᩩᨠᩁᩴ ᩋᨣᩣᩁᩴ ᩋᨩ᩠ᨫᩣᩅᩈᨲᩣ ᩑᨠᨶ᩠ᨲᨸᩁᩥᨸᩩᨱ᩠ᨱᩴ ᩑᨠᨶ᩠ᨲᨸᩁᩥᩈᩩᨴ᩠ᨵᩴ ᩈᨦ᩠ᨡᩃᩥᨡᩥᨲᩴ ᨻᩕᩉ᩠ᨾᨧᩁᩥᨿᩴ ᨧᩁᩥᨲᩩᩴ; ᩍᨧ᩠ᨨᩣᨾᩉᩴ ᨠᩮᩈᨾᩔᩩᩴ ᩒᩉᩣᩁᩮᨲ᩠ᩅᩣ ᨠᩣᩈᩣᨿᩣᨶᩥ ᩅᨲ᩠ᨳᩣᨶᩥ ᩋᨧ᩠ᨨᩣᨴᩮᨲ᩠ᩅᩣ ᩋᨣᩣᩁᩈ᩠ᨾᩣ ᩋᨶᨣᩣᩁᩥᨿᩴ ᨸᨻ᩠ᨻᨩᩥᨲᩩᩴ ¶ . ᩋᨶᩩᨩᩣᨶᩣᨳ ᨾᩴ ᩋᨣᩣᩁᩈ᩠ᨾᩣ ᩋᨶᨣᩣᩁᩥᨿᩴ ᨸᨻ᩠ᨻᨩ᩠ᨩᩣᨿᩣ’’ᨲᩥ. ᨲᨲᩥᨿᨾ᩠ᨸᩥ ¶ ᨡᩮᩣ ᩈᩩᨴᩥᨶ᩠ᨶᩔ ᨠᩃᨶ᩠ᨴᨸᩩᨲ᩠ᨲᩔ ᨾᩣᨲᩣᨸᩥᨲᩁᩮᩣ ᩈᩩᨴᩥᨶ᩠ᨶᩴ ᨠᩃᨶ᩠ᨴᨸᩩᨲ᩠ᨲᩴ ᩑᨲᨴᩅᩮᩣᨧᩩᩴ – ‘‘ᨲ᩠ᩅᩴ ᨡᩮᩣᩈᩥ, ᨲᩣᨲ ᩈᩩᨴᩥᨶ᩠ᨶ, ᩋᨾ᩠ᩉᩣᨠᩴ ᩑᨠᨸᩩᨲ᩠ᨲᨠᩮᩣ ᨸᩥᨿᩮᩣ ᨾᨶᩣᨸᩮᩣ ᩈᩩᨡᩮᨵᩥᨲᩮᩣ ᩈᩩᨡᨸᩁᩥᩉᨲᩮᩣ. ᨶ ᨲ᩠ᩅᩴ, ᨲᩣᨲ ᩈᩩᨴᩥᨶ᩠ᨶ, ᨠᩥᨬ᩠ᨧᩥ ᨴᩩᨠ᩠ᨡᩔ ᨩᩣᨶᩣᩈᩥ. ᨾᩁᨱᩮᨶᨸᩥ ᨾᨿᩴ ᨲᩮ ᩋᨠᩣᨾᨠᩣ ᩅᩥᨶᩣ ᨽᩅᩥᩔᩣᨾ, ᨠᩥᩴ ᨸᨶ ᨾᨿᩴ ᨲᩴ ᨩᩦᩅᨶ᩠ᨲᩴ ᩋᨶᩩᨩᩣᨶᩥᩔᩣᨾ ᩋᨣᩣᩁᩈ᩠ᨾᩣ ᩋᨶᨣᩣᩁᩥᨿᩴ ᨸᨻ᩠ᨻᨩ᩠ᨩᩣᨿᩣ’’ᨲᩥ!

᪒᪗. ᩋᨳ ᨡᩮᩣ ᩈᩩᨴᩥᨶ᩠ᨶᩮᩣ ᨠᩃᨶ᩠ᨴᨸᩩᨲ᩠ᨲᩮᩣ – ‘‘ᨶ ᨾᩴ ᨾᩣᨲᩣᨸᩥᨲᩁᩮᩣ ᩋᨶᩩᨩᩣᨶᨶ᩠ᨲᩥ ᩋᨣᩣᩁᩈ᩠ᨾᩣ ᩋᨶᨣᩣᩁᩥᨿᩴ ᨸᨻ᩠ᨻᨩ᩠ᨩᩣᨿᩣ’’ᨲᩥ, ᨲᨲ᩠ᨳᩮᩅ ᩋᨶᨶ᩠ᨲᩁᩉᩥᨲᩣᨿ ᨽᩪᨾᩥᨿᩣ ᨶᩥᨸᨩ᩠ᨩᩥ – ᩍᨵᩮᩅ ᨾᩮ ᨾᩁᨱᩴ ᨽᩅᩥᩔᨲᩥ ᨸᨻ᩠ᨻᨩ᩠ᨩᩣ ᩅᩣᨲᩥ. ᩋᨳ ᨡᩮᩣ ᩈᩩᨴᩥᨶ᩠ᨶᩮᩣ ᨠᩃᨶ᩠ᨴᨸᩩᨲ᩠ᨲᩮᩣ ᩑᨠᨾ᩠ᨸᩥ ᨽᨲ᩠ᨲᩴ ᨶ ᨽᩩᨬ᩠ᨩᩥ, ᨴ᩠ᩅᩮᨸᩥ ᨽᨲ᩠ᨲᩣᨶᩥ ᨶ ᨽᩩᨬ᩠ᨩᩥ, ᨲᩦᨱᩥᨸᩥ ᨽᨲ᩠ᨲᩣᨶᩥ ᨶ ᨽᩩᨬ᩠ᨩᩥ, ᨧᨲ᩠ᨲᩣᩁᩥᨸᩥ ᨽᨲ᩠ᨲᩣᨶᩥ ᨶ ᨽᩩᨬ᩠ᨩᩥ, ᨸᨬ᩠ᨧᨸᩥ ᨽᨲ᩠ᨲᩣᨶᩥ ᨶ ᨽᩩᨬ᩠ᨩᩥ, ᨨᨸᩥ ᨽᨲ᩠ᨲᩣᨶᩥ ᨶ ᨽᩩᨬ᩠ᨩᩥ, ᩈᨲ᩠ᨲᨸᩥ ᨽᨲ᩠ᨲᩣᨶᩥ ᨶ ᨽᩩᨬ᩠ᨩᩥ.

᪒᪘. ᩋᨳ ᨡᩮᩣ ᩈᩩᨴᩥᨶ᩠ᨶᩔ ᨠᩃᨶ᩠ᨴᨸᩩᨲ᩠ᨲᩔ ᨾᩣᨲᩣᨸᩥᨲᩁᩮᩣ ᩈᩩᨴᩥᨶ᩠ᨶᩴ ᨠᩃᨶ᩠ᨴᨸᩩᨲ᩠ᨲᩴ ᩑᨲᨴᩅᩮᩣᨧᩩᩴ – ‘‘ᨲ᩠ᩅᩴ ᨡᩮᩣᩈᩥ, ᨲᩣᨲ ᩈᩩᨴᩥᨶ᩠ᨶ, ᩋᨾ᩠ᩉᩣᨠᩴ ᩑᨠᨸᩩᨲ᩠ᨲᨠᩮᩣ ¶ ᨸᩥᨿᩮᩣ ᨾᨶᩣᨸᩮᩣ ᩈᩩᨡᩮᨵᩥᨲᩮᩣ ᩈᩩᨡᨸᩁᩥᩉᨲᩮᩣ. ᨶ ᨲ᩠ᩅᩴ, ᨲᩣᨲ ᩈᩩᨴᩥᨶ᩠ᨶ, ᨠᩥᨬ᩠ᨧᩥ ᨴᩩᨠ᩠ᨡᩔ ᨩᩣᨶᩣᩈᩥ. ᨾᩁᨱᩮᨶᨸᩥ ᨾᨿᩴ ᨲᩮ ᩋᨠᩣᨾᨠᩣ ᩅᩥᨶᩣ ᨽᩅᩥᩔᩣᨾ, ᨠᩥᩴ ᨸᨶ ᨾᨿᩴ ᨲᩴ ᨩᩦᩅᨶ᩠ᨲᩴ ᩋᨶᩩᨩᩣᨶᩥᩔᩣᨾ ᩋᨣᩣᩁᩈ᩠ᨾᩣ ᩋᨶᨣᩣᩁᩥᨿᩴ ᨸᨻ᩠ᨻᨩ᩠ᨩᩣᨿ? ᩏᨭ᩠ᨮᩮᩉᩥ, ᨲᩣᨲ ᩈᩩᨴᩥᨶ᩠ᨶ, ᨽᩩᨬ᩠ᨩ ᨧ ᨸᩥᩅ ᨧ ᨸᩁᩥᨧᩣᩁᩮᩉᩥ ᨧ, ᨽᩩᨬ᩠ᨩᨶ᩠ᨲᩮᩣ ᨸᩥᩅᨶ᩠ᨲᩮᩣ ᨸᩁᩥᨧᩣᩁᩮᨶ᩠ᨲᩮᩣ ᨠᩣᨾᩮ ᨸᩁᩥᨽᩩᨬ᩠ᨩᨶ᩠ᨲᩮᩣ ᨸᩩᨬ᩠ᨬᩣᨶᩥ ᨠᩁᩮᩣᨶ᩠ᨲᩮᩣ ᩋᨽᩥᩁᨾᩔᩩ. ᨶ ᨲᩴ ᨾᨿᩴ ᩋᨶᩩᨩᩣᨶᩣᨾ ᩋᨣᩣᩁᩈ᩠ᨾᩣ ᩋᨶᨣᩣᩁᩥᨿᩴ ᨸᨻ᩠ᨻᨩ᩠ᨩᩣᨿᩣ’’ᨲᩥ. ᩑᩅᩴ ᩅᩩᨲ᩠ᨲᩮ ᩈᩩᨴᩥᨶ᩠ᨶᩮᩣ ᨠᩃᨶ᩠ᨴᨸᩩᨲ᩠ᨲᩮᩣ ᨲᩩᨱ᩠ᩉᩦ ᩋᩉᩮᩣᩈᩥ. ᨴᩩᨲᩥᨿᨾ᩠ᨸᩥ ᨡᩮᩣ…ᨸᩮ… ᨲᨲᩥᨿᨾ᩠ᨸᩥ ᨡᩮᩣ ᩈᩩᨴᩥᨶ᩠ᨶᩔ ᨠᩃᨶ᩠ᨴᨸᩩᨲ᩠ᨲᩔ ᨾᩣᨲᩣᨸᩥᨲᩁᩮᩣ ᩈᩩᨴᩥᨶ᩠ᨶᩴ ᨠᩃᨶ᩠ᨴᨸᩩᨲ᩠ᨲᩴ ᩑᨲᨴᩅᩮᩣᨧᩩᩴ – ‘‘ᨲ᩠ᩅᩴ ᨡᩮᩣᩈᩥ, ᨲᩣᨲ ᩈᩩᨴᩥᨶ᩠ᨶ, ᩋᨾ᩠ᩉᩣᨠᩴ ᩑᨠᨸᩩᨲ᩠ᨲᨠᩮᩣ ᨸᩥᨿᩮᩣ ᨾᨶᩣᨸᩮᩣ ᩈᩩᨡᩮᨵᩥᨲᩮᩣ ᩈᩩᨡᨸᩁᩥᩉᨲᩮᩣ. ᨶ ᨲ᩠ᩅᩴ, ᨲᩣᨲ ᩈᩩᨴᩥᨶ᩠ᨶ, ᨠᩥᨬ᩠ᨧᩥ ᨴᩩᨠ᩠ᨡᩔ ᨩᩣᨶᩣᩈᩥ. ᨾᩁᨱᩮᨶᨸᩥ ᨾᨿᩴ ᨲᩮ ᩋᨠᩣᨾᨠᩣ ᩅᩥᨶᩣ ᨽᩅᩥᩔᩣᨾ, ᨠᩥᩴ ᨸᨶ ᨾᨿᩴ ᨲᩴ ᨩᩦᩅᨶ᩠ᨲᩴ ᩋᨶᩩᨩᩣᨶᩥᩔᩣᨾ ᩋᨣᩣᩁᩈ᩠ᨾᩣ ᩋᨶᨣᩣᩁᩥᨿᩴ ᨸᨻ᩠ᨻᨩ᩠ᨩᩣᨿ! ᩏᨭ᩠ᨮᩮᩉᩥ, ᨲᩣᨲ ᩈᩩᨴᩥᨶ᩠ᨶ, ᨽᩩᨬ᩠ᨩ ᨧ ᨸᩥᩅ ᨧ ᨸᩁᩥᨧᩣᩁᩮᩉᩥ ᨧ, ᨽᩩᨬ᩠ᨩᨶ᩠ᨲᩮᩣ ᨸᩥᩅᨶ᩠ᨲᩮᩣ ᨸᩁᩥᨧᩣᩁᩮᨶ᩠ᨲᩮᩣ ᨠᩣᨾᩮ ᨸᩁᩥᨽᩩᨬ᩠ᨩᨶ᩠ᨲᩮᩣ ᨸᩩᨬ᩠ᨬᩣᨶᩥ ᨠᩁᩮᩣᨶ᩠ᨲᩮᩣ ᩋᨽᩥᩁᨾᩔᩩ. ᨶ ᨲᩴ ᨾᨿᩴ ᩋᨶᩩᨩᩣᨶᩣᨾ ᩋᨣᩣᩁᩈ᩠ᨾᩣ ᩋᨶᨣᩣᩁᩥᨿᩴ ᨸᨻ᩠ᨻᨩ᩠ᨩᩣᨿᩣ’’ᨲᩥ. ᨲᨲᩥᨿᨾ᩠ᨸᩥ ᨡᩮᩣ ᩈᩩᨴᩥᨶ᩠ᨶᩮᩣ ᨠᩃᨶ᩠ᨴᨸᩩᨲ᩠ᨲᩮᩣ ᨲᩩᨱ᩠ᩉᩦ ᩋᩉᩮᩣᩈᩥ.

ᩋᨳ ᨡᩮᩣ ᩈᩩᨴᩥᨶ᩠ᨶᩔ ᨠᩃᨶ᩠ᨴᨸᩩᨲ᩠ᨲᩔ ᩈᩉᩣᨿᨠᩣ ᨿᩮᨶ ᩈᩩᨴᩥᨶ᩠ᨶᩮᩣ ᨠᩃᨶ᩠ᨴᨸᩩᨲ᩠ᨲᩮᩣ ᨲᩮᨶᩩᨸᩈᨦ᩠ᨠᨾᩥᩴᩈᩩ; ᩏᨸᩈᨦ᩠ᨠᨾᩥᨲ᩠ᩅᩣ ¶ ᩈᩩᨴᩥᨶ᩠ᨶᩴ ᨠᩃᨶ᩠ᨴᨸᩩᨲ᩠ᨲᩴ ᩑᨲᨴᩅᩮᩣᨧᩩᩴ ¶ – ‘‘ᨲ᩠ᩅᩴ ᨡᩮᩣᩈᩥ, ᩈᨾ᩠ᨾ ᩈᩩᨴᩥᨶ᩠ᨶ, ᨾᩣᨲᩣᨸᩥᨲᩪᨶᩴ ¶ ᩑᨠᨸᩩᨲ᩠ᨲᨠᩮᩣ ᨸᩥᨿᩮᩣ ᨾᨶᩣᨸᩮᩣ ¶ ᩈᩩᨡᩮᨵᩥᨲᩮᩣ ᩈᩩᨡᨸᩁᩥᩉᨲᩮᩣ. ᨶ ᨲ᩠ᩅᩴ, ᩈᨾ᩠ᨾ ᩈᩩᨴᩥᨶ᩠ᨶ, ᨠᩥᨬ᩠ᨧᩥ ᨴᩩᨠ᩠ᨡᩔ ᨩᩣᨶᩣᩈᩥ. ᨾᩁᨱᩮᨶᨸᩥ ᨲᩮ ᨾᩣᨲᩣᨸᩥᨲᩁᩮᩣ ᩋᨠᩣᨾᨠᩣ ᩅᩥᨶᩣ ᨽᩅᩥᩔᨶ᩠ᨲᩥ, ᨠᩥᩴ ᨸᨶ ᨲᩴ ᨩᩦᩅᨶ᩠ᨲᩴ ᩋᨶᩩᨩᩣᨶᩥᩔᨶ᩠ᨲᩥ ᩋᨣᩣᩁᩈ᩠ᨾᩣ ᩋᨶᨣᩣᩁᩥᨿᩴ ᨸᨻ᩠ᨻᨩᩣᨿ! ᩏᨭ᩠ᨮᩮᩉᩥ, ᩈᨾ᩠ᨾ ᩈᩩᨴᩥᨶ᩠ᨶ, ᨽᩩᨬ᩠ᨩ ᨧ ᨸᩥᩅ ᨧ ᨸᩁᩥᨧᩣᩁᩮᩉᩥ ᨧ, ᨽᩩᨬ᩠ᨩᨶ᩠ᨲᩮᩣ ᨸᩥᩅᨶ᩠ᨲᩮᩣ ᨸᩁᩥᨧᩣᩁᩮᨶ᩠ᨲᩮᩣ ᨠᩣᨾᩮ ᨸᩁᩥᨽᩩᨬ᩠ᨩᨶ᩠ᨲᩮᩣ ᨸᩩᨬ᩠ᨬᩣᨶᩥ ᨠᩁᩮᩣᨶ᩠ᨲᩮᩣ ᩋᨽᩥᩁᨾᩔᩩ, ᨶ ᨲᩴ ᨾᩣᨲᩣᨸᩥᨲᩁᩮᩣ ᩋᨶᩩᨩᩣᨶᩥᩔᨶ᩠ᨲᩥ ᩋᨣᩣᩁᩈ᩠ᨾᩣ ᩋᨶᨣᩣᩁᩥᨿᩴ ᨸᨻ᩠ᨻᨩ᩠ᨩᩣᨿᩣ’’ᨲᩥ. ᩑᩅᩴ ᩅᩩᨲ᩠ᨲᩮ, ᩈᩩᨴᩥᨶ᩠ᨶᩮᩣ ᨠᩃᨶ᩠ᨴᨸᩩᨲ᩠ᨲᩮᩣ ᨲᩩᨱ᩠ᩉᩦ ᩋᩉᩮᩣᩈᩥ. ᨴᩩᨲᩥᨿᨾ᩠ᨸᩥ ᨡᩮᩣ…ᨸᩮ… ᨲᨲᩥᨿᨾ᩠ᨸᩥ ᨡᩮᩣ ᩈᩩᨴᩥᨶ᩠ᨶᩔ ᨠᩃᨶ᩠ᨴᨸᩩᨲ᩠ᨲᩔ ᩈᩉᩣᨿᨠᩣ ᩈᩩᨴᩥᨶ᩠ᨶᩴ ᨠᩃᨶ᩠ᨴᨸᩩᨲ᩠ᨲᩴ ᩑᨲᨴᩅᩮᩣᨧᩩᩴ – ‘‘ᨲ᩠ᩅᩴ ᨡᩮᩣᩈᩥ, ᩈᨾ᩠ᨾ ᩈᩩᨴᩥᨶ᩠ᨶ…ᨸᩮ… ᨲᨲᩥᨿᨾ᩠ᨸᩥ ᨡᩮᩣ ᩈᩩᨴᩥᨶ᩠ᨶᩮᩣ ᨠᩃᨶ᩠ᨴᨸᩩᨲ᩠ᨲᩮᩣ ᨲᩩᨱ᩠ᩉᩦ ᩋᩉᩮᩣᩈᩥ.

᪒᪙. ᩋᨳ ᨡᩮᩣ ᩈᩩᨴᩥᨶ᩠ᨶᩔ ᨠᩃᨶ᩠ᨴᨸᩩᨲ᩠ᨲᩔ ᩈᩉᩣᨿᨠᩣ ᨿᩮᨶ ᩈᩩᨴᩥᨶ᩠ᨶᩔ ᨠᩃᨶ᩠ᨴᨸᩩᨲ᩠ᨲᩔ ᨾᩣᨲᩣᨸᩥᨲᩁᩮᩣ ᨲᩮᨶᩩᨸᩈᨦ᩠ᨠᨾᩥᩴᩈᩩ; ᩏᨸᩈᨦ᩠ᨠᨾᩥᨲ᩠ᩅᩣ ᩈᩩᨴᩥᨶ᩠ᨶᩔ ᨠᩃᨶ᩠ᨴᨸᩩᨲ᩠ᨲᩔ ᨾᩣᨲᩣᨸᩥᨲᩁᩮᩣ ᩑᨲᨴᩅᩮᩣᨧᩩᩴ – ‘‘ᩋᨾ᩠ᨾᨲᩣᨲᩣ, ᩑᩈᩮᩣ ᩈᩩᨴᩥᨶ᩠ᨶᩮᩣ ᩋᨶᨶ᩠ᨲᩁᩉᩥᨲᩣᨿ ᨽᩪᨾᩥᨿᩣ ᨶᩥᨸᨶ᩠ᨶᩮᩣ – ‘ᩍᨵᩮᩅ ᨾᩮ ᨾᩁᨱᩴ ᨽᩅᩥᩔᨲᩥ ᨸᨻ᩠ᨻᨩ᩠ᨩᩣ ᩅᩣ’ᨲᩥ. ᩈᨧᩮ ᨲᩩᨾ᩠ᩉᩮ ᩈᩩᨴᩥᨶ᩠ᨶᩴ ᨶᩣᨶᩩᨩᩣᨶᩥᩔᨳ ᩋᨣᩣᩁᩈ᩠ᨾᩣ ᩋᨶᨣᩣᩁᩥᨿᩴ ᨸᨻ᩠ᨻᨩ᩠ᨩᩣᨿ, ᨲᨲ᩠ᨳᩮᩅ ᨾᩁᨱᩴ ᩌᨣᨾᩥᩔᨲᩥ. ᩈᨧᩮ ᨸᨶ ᨲᩩᨾ᩠ᩉᩮ ᩈᩩᨴᩥᨶ᩠ᨶᩴ ᩋᨶᩩᨩᩣᨶᩥᩔᨳ ᩋᨣᩣᩁᩈ᩠ᨾᩣ ᩋᨶᨣᩣᩁᩥᨿᩴ ᨸᨻ᩠ᨻᨩ᩠ᨩᩣᨿ, ᨸᨻ᩠ᨻᨩᩥᨲᨾ᩠ᨸᩥ ᨶᩴ ᨴᨠ᩠ᨡᩥᩔᨳ. ᩈᨧᩮ ᩈᩩᨴᩥᨶ᩠ᨶᩮᩣ ᨶᩣᨽᩥᩁᨾᩥᩔᨲᩥ ᩋᨣᩣᩁᩈ᩠ᨾᩣ ᩋᨶᨣᩣᩁᩥᨿᩴ ᨸᨻ᩠ᨻᨩ᩠ᨩᩣᨿ, ᨠᩣ ᨲᩔ ᩋᨬ᩠ᨬᩣ ᨣᨲᩥ ᨽᩅᩥᩔᨲᩥ, ᩍᨵᩮᩅ ᨸᨧ᩠ᨧᩣᨣᨾᩥᩔᨲᩥ. ᩋᨶᩩᨩᩣᨶᩣᨳ ᩈᩩᨴᩥᨶ᩠ᨶᩴ ᩋᨣᩣᩁᩈ᩠ᨾᩣ ᩋᨶᨣᩣᩁᩥᨿᩴ ᨸᨻ᩠ᨻᨩ᩠ᨩᩣᨿᩣ’’ᨲᩥ. ‘‘ᩋᨶᩩᨩᩣᨶᩣᨾ ¶ , ᨲᩣᨲᩣ, ᩈᩩᨴᩥᨶ᩠ᨶᩴ ᩋᨣᩣᩁᩈ᩠ᨾᩣ ᩋᨶᨣᩣᩁᩥᨿᩴ ᨸᨻ᩠ᨻᨩ᩠ᨩᩣᨿᩣ’’ᨲᩥ. ᩋᨳ ᨡᩮᩣ ᩈᩩᨴᩥᨶ᩠ᨶᩔ ᨠᩃᨶ᩠ᨴᨸᩩᨲ᩠ᨲᩔ ᩈᩉᩣᨿᨠᩣ ᨿᩮᨶ ᩈᩩᨴᩥᨶ᩠ᨶᩮᩣ ᨠᩃᨶ᩠ᨴᨸᩩᨲ᩠ᨲᩮᩣ ᨲᩮᨶᩩᨸᩈᨦ᩠ᨠᨾᩥᩴᩈᩩ; ᩏᨸᩈᨦ᩠ᨠᨾᩥᨲ᩠ᩅᩣ ᩈᩩᨴᩥᨶ᩠ᨶᩴ ᨠᩃᨶ᩠ᨴᨸᩩᨲ᩠ᨲᩴ ᩑᨲᨴᩅᩮᩣᨧᩩᩴ – ‘‘ᩏᨭ᩠ᨮᩮᩉᩥ, ᩈᨾ᩠ᨾ ᩈᩩᨴᩥᨶ᩠ᨶ, ᩋᨶᩩᨬ᩠ᨬᩣᨲᩮᩣᩈᩥ ᨾᩣᨲᩣᨸᩥᨲᩪᩉᩥ ᩋᨣᩣᩁᩈ᩠ᨾᩣ ᩋᨶᨣᩣᩁᩥᨿᩴ ᨸᨻ᩠ᨻᨩ᩠ᨩᩣᨿᩣ’’ᨲᩥ.

᪓᪐. ᩋᨳ ᨡᩮᩣ ᩈᩩᨴᩥᨶ᩠ᨶᩮᩣ ᨠᩃᨶ᩠ᨴᨸᩩᨲ᩠ᨲᩮᩣ – ‘‘ᩋᨶᩩᨬ᩠ᨬᩣᨲᩮᩣᨾ᩠ᩉᩥ ᨠᩥᩁ ᨾᩣᨲᩣᨸᩥᨲᩪᩉᩥ ᩋᨣᩣᩁᩈ᩠ᨾᩣ ᩋᨶᨣᩣᩁᩥᨿᩴ ᨸᨻ᩠ᨻᨩ᩠ᨩᩣᨿᩣ’’ᨲᩥ, ᩉᨭ᩠ᨮᩮᩣ ᩏᨴᨣ᩠ᨣᩮᩣ ᨸᩣᨱᩥᨶᩣ ᨣᨲ᩠ᨲᩣᨶᩥ ᨸᩁᩥᨸᩩᨬ᩠ᨨᨶ᩠ᨲᩮᩣ ᩅᩩᨭ᩠ᨮᩣᩈᩥ. ᩋᨳ ᨡᩮᩣ ᩈᩩᨴᩥᨶ᩠ᨶᩮᩣ ᨠᩃᨶ᩠ᨴᨸᩩᨲ᩠ᨲᩮᩣ ᨠᨲᩥᨸᩣᩉᩴ ᨻᩃᩴ ᨣᩣᩉᩮᨲ᩠ᩅᩣ ᨿᩮᨶ ᨽᨣᩅᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨽᨣᩅᨶ᩠ᨲᩴ ᩋᨽᩥᩅᩣᨴᩮᨲ᩠ᩅᩣ ᩑᨠᨾᨶ᩠ᨲᩴ ᨶᩥᩈᩦᨴᩥ. ᩑᨠᨾᨶ᩠ᨲᩴ ᨶᩥᩈᨶ᩠ᨶᩮᩣ ᨡᩮᩣ ᩈᩩᨴᩥᨶ᩠ᨶᩮᩣ ᨠᩃᨶ᩠ᨴᨸᩩᨲ᩠ᨲᩮᩣ ¶ ᨽᨣᩅᨶ᩠ᨲᩴ ᩑᨲᨴᩅᩮᩣᨧ – ‘‘ᩋᨶᩩᨬ᩠ᨬᩣᨲᩮᩣ [ᩋᨶᩩᨬ᩠ᨬᩣᨲᩮᩣᨾ᩠ᩉᩥ (ᩈᩦ. ᩈ᩠ᨿᩣ.)] ᩋᩉᩴ, ᨽᨶ᩠ᨲᩮ, ᨾᩣᨲᩣᨸᩥᨲᩪᩉᩥ ᩋᨣᩣᩁᩈ᩠ᨾᩣ ᩋᨶᨣᩣᩁᩥᨿᩴ ᨸᨻ᩠ᨻᨩ᩠ᨩᩣᨿ. ᨸᨻ᩠ᨻᩣᨩᩮᨲᩩ ᨾᩴ ᨽᨣᩅᩣ’’ᨲᩥ ¶ . ᩋᩃᨲ᩠ᨳ ᨡᩮᩣ ᩈᩩᨴᩥᨶ᩠ᨶᩮᩣ ᨠᩃᨶ᩠ᨴᨸᩩᨲ᩠ᨲᩮᩣ ᨽᨣᩅᨲᩮᩣ ᩈᨶ᩠ᨲᩥᨠᩮ ᨸᨻ᩠ᨻᨩ᩠ᨩᩴ, ᩋᩃᨲ᩠ᨳ ᩏᨸᩈᨾ᩠ᨸᨴᩴ. ᩋᨧᩥᩁᩪᨸᩈᨾ᩠ᨸᨶ᩠ᨶᩮᩣ ᨧ ᨸᨶᩣᨿᩈ᩠ᨾᩣ ᩈᩩᨴᩥᨶ᩠ᨶᩮᩣ ᩑᩅᩁᩪᨸᩮ ᨵᩩᨲᨣᩩᨱᩮ ᩈᨾᩣᨴᩣᨿ ᩅᨲ᩠ᨲᨲᩥ, ᩌᩁᨬ᩠ᨬᩥᨠᩮᩣ ¶ ᩉᩮᩣᨲᩥ ᨸᩥᨱ᩠ᨯᨸᩣᨲᩥᨠᩮᩣ ᨸᩴᩈᩩᨠᩪᩃᩥᨠᩮᩣ ᩈᨸᨴᩣᨶᨧᩣᩁᩥᨠᩮᩣ, ᩋᨬ᩠ᨬᨲᩁᩴ ᩅᨩ᩠ᨩᩥᨣᩣᨾᩴ ᩏᨸᨶᩥᩔᩣᨿ ᩅᩥᩉᩁᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩅᨩ᩠ᨩᩦ ᨴᩩᨻ᩠ᨽᩥᨠ᩠ᨡᩣ ᩉᩮᩣᨲᩥ ᨴ᩠ᩅᩦᩉᩥᨲᩥᨠᩣ ᩈᩮᨲᨭ᩠ᨮᩥᨠᩣ ᩈᩃᩣᨠᩣᩅᩩᨲ᩠ᨲᩣ, ᨶ ᩈᩩᨠᩁᩣ ᩏᨬ᩠ᨨᩮᨶ ᨸᨣ᩠ᨣᩉᩮᨶ ᨿᩣᨸᩮᨲᩩᩴ. ᩋᨳ ᨡᩮᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᩑᨲᨴᩉᩮᩣᩈᩥ – ‘‘ᩑᨲᩁᩉᩥ ᨡᩮᩣ ᩅᨩ᩠ᨩᩦ ᨴᩩᨻ᩠ᨽᩥᨠ᩠ᨡᩣ ¶ ᨴ᩠ᩅᩦᩉᩥᨲᩥᨠᩣ ᩈᩮᨲᨭ᩠ᨮᩥᨠᩣ ᩈᩃᩣᨠᩣᩅᩩᨲ᩠ᨲᩣ, ᨶ ᩈᩩᨠᩁᩣ ᩏᨬ᩠ᨨᩮᨶ ᨸᨣ᩠ᨣᩉᩮᨶ ᨿᩣᨸᩮᨲᩩᩴ. ᨻᩉᩪ ᨡᩮᩣ ᨸᨶ ᨾᩮ ᩅᩮᩈᩣᩃᩥᨿᩴ ᨬᩣᨲᩦ ᩋᨯ᩠ᨰᩣ ᨾᩉᨴ᩠ᨵᨶᩣ ᨾᩉᩣᨽᩮᩣᨣᩣ ᨸᩉᩪᨲᨩᩣᨲᩁᩪᨸᩁᨩᨲᩣ ᨸᩉᩪᨲᩅᩥᨲ᩠ᨲᩪᨸᨠᩁᨱᩣ ᨸᩉᩪᨲᨵᨶᨵᨬ᩠ᨬᩣ. ᨿᩴᨶᩪᨶᩣᩉᩴ ᨬᩣᨲᩦ ᩏᨸᨶᩥᩔᩣᨿ ᩅᩥᩉᩁᩮᨿ᩠ᨿᩴ! ᨬᩣᨲᩦ ᨾᩴ [ᨬᩣᨲᨠᩣᨸᩥ ᨾᩴ (ᩈ᩠ᨿᩣ.)] ᨶᩥᩔᩣᨿ ᨴᩣᨶᩣᨶᩥ ᨴᩔᨶ᩠ᨲᩥ ᨸᩩᨬ᩠ᨬᩣᨶᩥ ᨠᩁᩥᩔᨶ᩠ᨲᩥ, ᨽᩥᨠ᩠ᨡᩪ ᨧ ᩃᩣᨽᩴ ᩃᨧ᩠ᨨᨶ᩠ᨲᩥ, ᩋᩉᨬ᩠ᨧ ᨸᩥᨱ᩠ᨯᨠᩮᨶ ᨶ ᨠᩥᩃᨾᩥᩔᩣᨾᩦ’’ᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᩈᩩᨴᩥᨶ᩠ᨶᩮᩣ ᩈᩮᨶᩣᩈᨶᩴ ᩈᩴᩈᩣᨾᩮᨲ᩠ᩅᩣ ᨸᨲ᩠ᨲᨧᩦᩅᩁᨾᩣᨴᩣᨿ ᨿᩮᨶ ᩅᩮᩈᩣᩃᩦ ᨲᩮᨶ ᨸᨠ᩠ᨠᩣᨾᩥ. ᩋᨶᩩᨸᩩᨻ᩠ᨻᩮᨶ ᨿᩮᨶ ᩅᩮᩈᩣᩃᩦ ᨲᨴᩅᩈᩁᩥ. ᨲᨲᩕ ᩈᩩᨴᩴ ᩌᨿᩈ᩠ᨾᩣ ᩈᩩᨴᩥᨶ᩠ᨶᩮᩣ ᩅᩮᩈᩣᩃᩥᨿᩴ ᩅᩥᩉᩁᨲᩥ ᨾᩉᩣᩅᨶᩮ ᨠᩪᨭᩣᨣᩣᩁᩈᩣᩃᩣᨿᩴ. ᩋᩔᩮᩣᩈᩩᩴ ᨡᩮᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨬᩣᨲᨠᩣ – ‘‘ᩈᩩᨴᩥᨶ᩠ᨶᩮᩣ ᨠᩥᩁ ᨠᩃᨶ᩠ᨴᨸᩩᨲ᩠ᨲᩮᩣ ᩅᩮᩈᩣᩃᩥᩴ ᩋᨶᩩᨸ᩠ᨸᨲ᩠ᨲᩮᩣ’’ᨲᩥ. ᨲᩮ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᩈᨭ᩠ᨮᩥᨾᨲ᩠ᨲᩮ ᨳᩣᩃᩥᨸᩣᨠᩮ ᨽᨲ᩠ᨲᩣᨽᩥᩉᩣᩁᩴ ᩋᨽᩥᩉᩁᩥᩴᩈᩩ. ᩋᨳ ᨡᩮᩣ ᩌᨿᩈ᩠ᨾᩣ ᩈᩩᨴᩥᨶ᩠ᨶᩮᩣ ᨲᩮ ᩈᨭ᩠ᨮᩥᨾᨲ᩠ᨲᩮ ᨳᩣᩃᩥᨸᩣᨠᩮ ᨽᩥᨠ᩠ᨡᩪᨶᩴ ᩅᩥᩔᨩ᩠ᨩᩮᨲ᩠ᩅᩣ ᨸᩩᨻ᩠ᨻᨱ᩠ᩉᩈᨾᨿᩴ ᨶᩥᩅᩣᩈᩮᨲ᩠ᩅᩣ ᨸᨲ᩠ᨲᨧᩦᩅᩁᨾᩣᨴᩣᨿ ᨠᩃᨶ᩠ᨴᨣᩣᨾᩴ ᨸᩥᨱ᩠ᨯᩣᨿ ᨸᩣᩅᩥᩈᩥ. ᨠᩃᨶ᩠ᨴᨣᩣᨾᩮ ᩈᨸᨴᩣᨶᩴ ᨸᩥᨱ᩠ᨯᩣᨿ ᨧᩁᨾᩣᨶᩮᩣ ᨿᩮᨶ ᩈᨠᨸᩥᨲᩩ ᨶᩥᩅᩮᩈᨶᩴ ᨲᩮᨶᩩᨸᩈᨦ᩠ᨠᨾᩥ.

᪓᪑. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨬᩣᨲᩥᨴᩣᩈᩦ ᩌᨽᩥᨴᩮᩣᩈᩥᨠᩴ ᨠᩩᨾ᩠ᨾᩣᩈᩴ ᨨᨯ᩠ᨯᩮᨲᩩᨠᩣᨾᩣ [ᨨᨭ᩠ᨭᩮᨲᩩᨠᩣᨾᩣ (ᨠ.)] ᩉᩮᩣᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᩈᩩᨴᩥᨶ᩠ᨶᩮᩣ ᨲᩴ ᨬᩣᨲᩥᨴᩣᩈᩥᩴ ᩑᨲᨴᩅᩮᩣᨧ – ‘‘ᩈᨧᩮ ᨲᩴ, ᨽᨣᩥᨶᩥ, ᨨᨯ᩠ᨯᨶᩦᨿᨵᨾ᩠ᨾᩴ ¶ , ᩍᨵ ᨾᩮ ᨸᨲ᩠ᨲᩮ ᩌᨠᩥᩁᩣ’’ᨲᩥ. ᩋᨳ ᨡᩮᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨬᩣᨲᩥᨴᩣᩈᩦ ᨲᩴ ᩌᨽᩥᨴᩮᩣᩈᩥᨠᩴ ¶ ᨠᩩᨾ᩠ᨾᩣᩈᩴ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨸᨲ᩠ᨲᩮ ᩌᨠᩥᩁᨶ᩠ᨲᩦ ᩉᨲ᩠ᨳᩣᨶᨬ᩠ᨧ ᨸᩣᨴᩣᨶᨬ᩠ᨧ ᩈᩁᩔ ᨧ ᨶᩥᨾᩥᨲ᩠ᨲᩴ ᩋᨣ᩠ᨣᩉᩮᩈᩥ. ᩋᨳ ᨡᩮᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨬᩣᨲᩥᨴᩣᩈᩦ ᨿᩮᨶᩣᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨾᩣᨲᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨾᩣᨲᩁᩴ ᩑᨲᨴᩅᩮᩣᨧ – ‘‘ᨿᨣ᩠ᨥᩮᨿ᩠ᨿᩮ, ᨩᩣᨶᩮᨿ᩠ᨿᩣᩈᩥ, ᩋᨿ᩠ᨿᨸᩩᨲ᩠ᨲᩮᩣ ᩈᩩᨴᩥᨶ᩠ᨶᩮᩣ ᩋᨶᩩᨸ᩠ᨸᨲ᩠ᨲᩮᩣ’’ᨲᩥ. ‘‘ᩈᨧᩮ, ᨩᩮ, ᨲ᩠ᩅᩴ ᩈᨧ᩠ᨧᩴ ᨽᨱᩈᩥ, ᩋᨴᩣᩈᩥᩴ ᨲᩴ ᨠᩁᩮᩣᨾᩦ’’ᨲᩥ.

᪓᪒. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᨿᩈ᩠ᨾᩣ ᩈᩩᨴᩥᨶ᩠ᨶᩮᩣ ᨲᩴ ᩌᨽᩥᨴᩮᩣᩈᩥᨠᩴ ᨠᩩᨾ᩠ᨾᩣᩈᩴ ᩋᨬ᩠ᨬᨲᩁᩴ ᨠᩩᨭ᩠ᨭᨾᩪᩃᩴ [ᨠᩩᨯ᩠ᨯᨾᩪᩃᩴ (ᩈᩦ. ᩈ᩠ᨿᩣ.)] ᨶᩥᩔᩣᨿ ᨸᩁᩥᨽᩩᨬ᩠ᨩᨲᩥ. ᨸᩥᨲᩣᨸᩥ ᨡᩮᩣ ᩌᨿᩈ᩠ᨾᨲᩮᩣ ¶ ᩈᩩᨴᩥᨶ᩠ᨶᩔ ᨠᨾ᩠ᨾᨶ᩠ᨲᩣ ᩌᨣᨧ᩠ᨨᨶ᩠ᨲᩮᩣ ᩋᨴ᩠ᨴᩈ ᩌᨿᩈ᩠ᨾᨶ᩠ᨲᩴ ᩈᩩᨴᩥᨶ᩠ᨶᩴ ᨲᩴ ᩌᨽᩥᨴᩮᩣᩈᩥᨠᩴ ᨠᩩᨾ᩠ᨾᩣᩈᩴ ᩋᨬ᩠ᨬᨲᩁᩴ ᨠᩩᨭ᩠ᨭᨾᩪᩃᩴ ᨶᩥᩔᩣᨿ ᨸᩁᩥᨽᩩᨬ᩠ᨩᨶ᩠ᨲᩴ ¶ . ᨴᩥᩈ᩠ᩅᩣᨶ ᨿᩮᨶᩣᨿᩈ᩠ᨾᩣ ᩈᩩᨴᩥᨶ᩠ᨶᩮᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᩈᩩᨴᩥᨶ᩠ᨶᩴ ᩑᨲᨴᩅᩮᩣᨧ – ‘‘ᩋᨲ᩠ᨳᩥ ᨶᩣᨾ, ᨲᩣᨲ ᩈᩩᨴᩥᨶ᩠ᨶ, ᩌᨽᩥᨴᩮᩣᩈᩥᨠᩴ ᨠᩩᨾ᩠ᨾᩣᩈᩴ ᨸᩁᩥᨽᩩᨬ᩠ᨩᩥᩔᩈᩥ! ᨶᨶᩩ ᨶᩣᨾ, ᨲᩣᨲ ᩈᩩᨴᩥᨶ᩠ᨶ, ᩈᨠᩴ ᨣᩮᩉᩴ ᨣᨶ᩠ᨲᨻ᩠ᨻ’’ᨶ᩠ᨲᩥ? ‘‘ᩋᨣᨾᩥᨾ᩠ᩉ [ᩋᨣᨾᨾ᩠ᩉᩣ (ᨠ.)] ᨡᩮᩣ ᨲᩮ ᨣᩉᨸᨲᩥ, ᨣᩮᩉᩴ. ᨲᨲᩮᩣᨿᩴ ᩌᨽᩥᨴᩮᩣᩈᩥᨠᩮᩣ ᨠᩩᨾ᩠ᨾᩣᩈᩮᩣ’’ᨲᩥ. ᩋᨳ ᨡᩮᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨸᩥᨲᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨻᩣᩉᩣᨿᩴ ᨣᩉᩮᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᩈᩩᨴᩥᨶ᩠ᨶᩴ ᩑᨲᨴᩅᩮᩣᨧ – ‘‘ᩑᩉᩥ, ᨲᩣᨲ ᩈᩩᨴᩥᨶ᩠ᨶ, ᨥᩁᩴ ᨣᨾᩥᩔᩣᨾᩣ’’ᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᩈᩩᨴᩥᨶ᩠ᨶᩮᩣ ᨿᩮᨶ ᩈᨠᨸᩥᨲᩩ ᨶᩥᩅᩮᩈᨶᩴ ᨲᩮᨶᩩᨸᩈᨦ᩠ᨠᨾᩥ ¶ ; ᩏᨸᩈᨦ᩠ᨠᨾᩥᨲ᩠ᩅᩣ ᨸᨬ᩠ᨬᨲ᩠ᨲᩮ ᩌᩈᨶᩮ ᨶᩥᩈᩦᨴᩥ. ᩋᨳ ᨡᩮᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨸᩥᨲᩣ ᩌᨿᩈ᩠ᨾᨶ᩠ᨲᩴ ᩈᩩᨴᩥᨶ᩠ᨶᩴ ᩑᨲᨴᩅᩮᩣᨧ – ‘‘ᨽᩩᨬ᩠ᨩ, ᨲᩣᨲ ᩈᩩᨴᩥᨶ᩠ᨶᩣ’’ᨲᩥ. ‘‘ᩋᩃᩴ, ᨣᩉᨸᨲᩥ, ᨠᨲᩴ ᨾᩮ ᩋᨩ᩠ᨩ ᨽᨲ᩠ᨲᨠᩥᨧ᩠ᨧ’’ᨶ᩠ᨲᩥ. ‘‘ᩋᨵᩥᩅᩣᩈᩮᩉᩥ, ᨲᩣᨲ ᩈᩩᨴᩥᨶ᩠ᨶ, ᩈ᩠ᩅᩣᨲᨶᩣᨿ ᨽᨲ᩠ᨲ’’ᨶ᩠ᨲᩥ. ᩋᨵᩥᩅᩣᩈᩮᩈᩥ ᨡᩮᩣ ᩌᨿᩈ᩠ᨾᩣ ᩈᩩᨴᩥᨶ᩠ᨶᩮᩣ ᨲᩩᨱ᩠ᩉᩦᨽᩣᩅᩮᨶ. ᩋᨳ ᨡᩮᩣ ᩌᨿᩈ᩠ᨾᩣ ᩈᩩᨴᩥᨶ᩠ᨶᩮᩣ ᩏᨭ᩠ᨮᩣᨿᩣᩈᨶᩣ ᨸᨠ᩠ᨠᩣᨾᩥ.

᪓᪓. ᩋᨳ ᨡᩮᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨾᩣᨲᩣ ᨲᩔᩣ ᩁᨲ᩠ᨲᩥᨿᩣ ᩋᨧ᩠ᨧᨿᩮᨶ ᩉᩁᩥᨲᩮᨶ ᨣᩮᩣᨾᨿᩮᨶ ᨸᨳᩅᩥᩴ ᩒᨸᩩᨬ᩠ᨩᩣᨸᩮᨲ᩠ᩅᩣ [ᩒᨸᩩᨧ᩠ᨨᩣᨸᩮᨲ᩠ᩅᩣ (ᩈᩦ. ᩈ᩠ᨿᩣ.)] ᨴ᩠ᩅᩮ ᨸᩩᨬ᩠ᨩᩮ ᨠᩣᩁᩣᨸᩮᩈᩥ – ᩑᨠᩴ ᩉᩥᩁᨬ᩠ᨬᩔ, ᩑᨠᩴ ᩈᩩᩅᨱ᩠ᨱᩔ. ᨲᩣᩅ ᨾᩉᨶ᩠ᨲᩣ ᨸᩩᨬ᩠ᨩᩣ ᩋᩉᩮᩈᩩᩴ, ᩒᩁᨲᩮᩣ ᨮᩥᨲᩮᩣ ᨸᩩᩁᩥᩈᩮᩣ ᨸᩣᩁᨲᩮᩣ ᨮᩥᨲᩴ ᨸᩩᩁᩥᩈᩴ ᨶ ᨸᩔᨲᩥ; ᨸᩣᩁᨲᩮᩣ ᨮᩥᨲᩮᩣ ᨸᩩᩁᩥᩈᩮᩣ ᩒᩁᨲᩮᩣ ᨮᩥᨲᩴ ᨸᩩᩁᩥᩈᩴ ᨶ ᨸᩔᨲᩥ. ᨲᩮ ᨸᩩᨬ᩠ᨩᩮ ᨠᩥᩃᨬ᩠ᨩᩮᩉᩥ ᨸᨭᩥᨧ᩠ᨨᩣᨴᩣᨸᩮᨲ᩠ᩅᩣ ᨾᨩ᩠ᨫᩮ ᩌᩈᨶᩴ ᨸᨬ᩠ᨬᩣᨸᩮᨲ᩠ᩅᩣ ᨲᩥᩁᩮᩣᨠᩁᨱᩦᨿᩴ ᨸᩁᩥᨠ᩠ᨡᩥᨸᩥᨲ᩠ᩅᩣ ᩌᨿᩈ᩠ᨾᨲᩮᩣ ¶ ᩈᩩᨴᩥᨶ᩠ᨶᩔ ᨸᩩᩁᩣᨱᨴᩩᨲᩥᨿᩥᨠᩴ ᩌᨾᨶ᩠ᨲᩮᩈᩥ – ‘‘ᨲᩮᨶ ᩉᩥ, ᩅᨵᩩ, ᨿᩮᨶ ᩋᩃᨦ᩠ᨠᩣᩁᩮᨶ ᩋᩃᨦ᩠ᨠᨲᩣ ᨸᩩᨲ᩠ᨲᩔ ᨾᩮ ᩈᩩᨴᩥᨶ᩠ᨶᩔ ᨸᩥᨿᩣ ᩋᩉᩮᩣᩈᩥ ᨾᨶᩣᨸᩣ ᨲᩮᨶ ᩋᩃᨦ᩠ᨠᩣᩁᩮᨶ ᩋᩃᨦ᩠ᨠᩁᩣ’’ᨲᩥ. ‘‘ᩑᩅᩴ, ᩋᨿ᩠ᨿᩮ’’ᨲᩥ, ᨡᩮᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨸᩩᩁᩣᨱᨴᩩᨲᩥᨿᩥᨠᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨾᩣᨲᩩᨿᩣ ᨸᨧ᩠ᨧᩔᩮᩣᩈᩥ.

᪓᪔. ᩋᨳ ᨡᩮᩣ ᩌᨿᩈ᩠ᨾᩣ ᩈᩩᨴᩥᨶ᩠ᨶᩮᩣ ᨸᩩᨻ᩠ᨻᨱ᩠ᩉᩈᨾᨿᩴ ᨶᩥᩅᩣᩈᩮᨲ᩠ᩅᩣ ᨸᨲ᩠ᨲᨧᩦᩅᩁᨾᩣᨴᩣᨿ ᨿᩮᨶ ᩈᨠᨸᩥᨲᩩ ᨶᩥᩅᩮᩈᨶᩴ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨸᨬ᩠ᨬᨲ᩠ᨲᩮ ᩌᩈᨶᩮ ᨶᩥᩈᩦᨴᩥ. ᩋᨳ ᨡᩮᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ¶ ᨸᩥᨲᩣ ᨿᩮᨶᩣᨿᩈ᩠ᨾᩣ ᩈᩩᨴᩥᨶ᩠ᨶᩮᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨲᩮ ᨸᩩᨬ᩠ᨩᩮ ᩅᩥᩅᩁᩣᨸᩮᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᩈᩩᨴᩥᨶ᩠ᨶᩴ ᩑᨲᨴᩅᩮᩣᨧ – ‘‘ᩍᨴᩴ ᨲᩮ, ᨲᩣᨲ ᩈᩩᨴᩥᨶ᩠ᨶ, ᨾᩣᨲᩩ ᨾᨲ᩠ᨲᩥᨠᩴ ᩍᨲ᩠ᨳᩥᨠᩣᨿ ᩍᨲ᩠ᨳᩥᨵᨶᩴ, ᩋᨬ᩠ᨬᩴ ᨸᩮᨲ᩠ᨲᩥᨠᩴ ᩋᨬ᩠ᨬᩴ ᨸᩥᨲᩣᨾᩉᩴ. ᩃᨻ᩠ᨽᩣ, ᨲᩣᨲ ᩈᩩᨴᩥᨶ᩠ᨶ, ᩉᩦᨶᩣᨿᩣᩅᨲ᩠ᨲᩥᨲ᩠ᩅᩣ ᨽᩮᩣᨣᩣ ᨧ ᨽᩩᨬ᩠ᨩᩥᨲᩩᩴ ᨸᩩᨬ᩠ᨬᩣᨶᩥ ᨧ ᨠᩣᨲᩩᩴ. ᩑᩉᩥ ᨲ᩠ᩅᩴ, ᨲᩣᨲ ᩈᩩᨴᩥᨶ᩠ᨶ, ᩉᩦᨶᩣᨿᩣᩅᨲ᩠ᨲᩥᨲ᩠ᩅᩣ ᨽᩮᩣᨣᩮ ᨧ ᨽᩩᨬ᩠ᨩᩔᩩ ᨸᩩᨬ᩠ᨬᩣᨶᩥ ᨧ ᨠᩁᩮᩣᩉᩦ’’ᨲᩥ ¶ . ‘‘ᨲᩣᨲ, ᨶ ᩏᩔᩉᩣᨾᩥ ᨶ ᩅᩥᩈᩉᩣᨾᩥ, ᩋᨽᩥᩁᨲᩮᩣ ᩋᩉᩴ ᨻᩕᩉ᩠ᨾᨧᩁᩥᨿᩴ ᨧᩁᩣᨾᩦ’’ᨲᩥ. ᨴᩩᨲᩥᨿᨾ᩠ᨸᩥ ᨡᩮᩣ…ᨸᩮ… ᨲᨲᩥᨿᨾ᩠ᨸᩥ ᨡᩮᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨸᩥᨲᩣ ᩌᨿᩈ᩠ᨾᨶ᩠ᨲᩴ ᩈᩩᨴᩥᨶ᩠ᨶᩴ ᩑᨲᨴᩅᩮᩣᨧ – ‘‘ᩍᨴᩴ ᨲᩮ, ᨲᩣᨲ ᩈᩩᨴᩥᨶ᩠ᨶ, ᨾᩣᨲᩩ ᨾᨲ᩠ᨲᩥᨠᩴ, ᩍᨲ᩠ᨳᩥᨠᩣᨿ ᩍᨲ᩠ᨳᩥᨵᨶᩴ, ᩋᨬ᩠ᨬᩴ ᨸᩮᨲ᩠ᨲᩥᨠᩴ ¶ , ᩋᨬ᩠ᨬᩴ ᨸᩥᨲᩣᨾᩉᩴ. ᩃᨻ᩠ᨽᩣ, ᨲᩣᨲ ᩈᩩᨴᩥᨶ᩠ᨶ, ᩉᩦᨶᩣᨿᩣᩅᨲ᩠ᨲᩥᨲ᩠ᩅᩣ ᨽᩮᩣᨣᩣ ᨧ ᨽᩩᨬ᩠ᨩᩥᨲᩩᩴ ᨸᩩᨬ᩠ᨬᩣᨶᩥ ᨧ ᨠᩣᨲᩩᩴ. ᩑᩉᩥ ᨲ᩠ᩅᩴ, ᨲᩣᨲ ᩈᩩᨴᩥᨶ᩠ᨶ, ᩉᩦᨶᩣᨿᩣᩅᨲ᩠ᨲᩥᨲ᩠ᩅᩣ ᨽᩮᩣᨣᩮ ᨧ ᨽᩩᨬ᩠ᨩᩔᩩ ᨸᩩᨬ᩠ᨬᩣᨶᩥ ᨧ ᨠᩁᩮᩣᩉᩦ’’ᨲᩥ. ‘‘ᩅᨴᩮᨿ᩠ᨿᩣᨾ ᨡᩮᩣ ᨲᩴ, ᨣᩉᨸᨲᩥ, ᩈᨧᩮ ᨲ᩠ᩅᩴ ᨶᩣᨲᩥᨠᨯ᩠ᨰᩮᨿ᩠ᨿᩣᩈᩦ’’ᨲᩥ. ‘‘ᩅᨴᩮᩉᩥ, ᨲᩣᨲ ᩈᩩᨴᩥᨶ᩠ᨶᩣ’’ᨲᩥ. ᨲᩮᨶ ᩉᩥ ᨲ᩠ᩅᩴ, ᨣᩉᨸᨲᩥ, ᨾᩉᨶ᩠ᨲᩮ ᨾᩉᨶ᩠ᨲᩮ ᩈᩣᨱᩥᨸᩈᩥᨻ᩠ᨻᨠᩮ ᨠᩣᩁᩣᨸᩮᨲ᩠ᩅᩣ ᩉᩥᩁᨬ᩠ᨬᩈᩩᩅᨱ᩠ᨱᩔ ᨸᩪᩁᩣᨸᩮᨲ᩠ᩅᩣ ᩈᨠᨭᩮᩉᩥ ᨶᩥᨻ᩠ᨻᩣᩉᩣᨸᩮᨲ᩠ᩅᩣ ᨾᨩ᩠ᨫᩮ ᨣᨦ᩠ᨣᩣᨿ ᩈᩮᩣᨲᩮ ᩒᨸᩣᨲᩮᩉᩥ [ᩒᩈᩣᨴᩮᩉᩥ (ᩈᩦ. ᩈ᩠ᨿᩣ.)]. ᨲᩴ ᨠᩥᩔ ᩉᩮᨲᩩ? ᨿᨬ᩠ᩉᩥ ᨲᩮ, ᨣᩉᨸᨲᩥ, ᨽᩅᩥᩔᨲᩥ ᨲᨲᩮᩣᨶᩥᨴᩣᨶᩴ ᨽᨿᩴ ᩅᩣ ᨨᨾ᩠ᨽᩥᨲᨲ᩠ᨲᩴ ᩅᩣ ᩃᩮᩣᨾᩉᩴᩈᩮᩣ ᩅᩣ ᩌᩁᨠ᩠ᨡᩮᩣ ᩅᩣ ᩈᩮᩣ ᨲᩮ ᨶ ᨽᩅᩥᩔᨲᩦ’’ᨲᩥ. ᩑᩅᩴ ᩅᩩᨲ᩠ᨲᩮ, ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨸᩥᨲᩣ ᩋᨶᨲ᩠ᨲᨾᨶᩮᩣ ¶ ᩋᩉᩮᩣᩈᩥ – ‘‘ᨠᨳᨬ᩠ᩉᩥ ᨶᩣᨾ ᨸᩩᨲ᩠ᨲᩮᩣ ᩈᩩᨴᩥᨶ᩠ᨶᩮᩣ ᩑᩅᩴ ᩅᨠ᩠ᨡᨲᩦ’’ᨲᩥ!

᪓᪕. ᩋᨳ ᨡᩮᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨸᩥᨲᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨸᩩᩁᩣᨱᨴᩩᨲᩥᨿᩥᨠᩴ ᩌᨾᨶ᩠ᨲᩮᩈᩥ – ‘‘ᨲᩮᨶ ᩉᩥ, ᩅᨵᩩ, ᨲ᩠ᩅᩴ ᨸᩥᨿᩣ ᨧ ᨾᨶᩣᨸᩣ ᨧ [ᨲ᩠ᩅᨾ᩠ᨸᩥ ᨿᩣᨧ (ᩈᩦ.)]. ᩋᨸ᩠ᨸᩮᩅ ¶ ᨶᩣᨾ ᨸᩩᨲ᩠ᨲᩮᩣ ᩈᩩᨴᩥᨶ᩠ᨶᩮᩣ ᨲᩩᨿ᩠ᩉᨾ᩠ᨸᩥ ᩅᨧᨶᩴ ᨠᩁᩮᨿ᩠ᨿᩣ’’ᨲᩥ! ᩋᨳ ᨡᩮᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨸᩩᩁᩣᨱᨴᩩᨲᩥᨿᩥᨠᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨸᩣᨴᩮᩈᩩ ᨣᩉᩮᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᩈᩩᨴᩥᨶ᩠ᨶᩴ ᩑᨲᨴᩅᩮᩣᨧ – ‘‘ᨠᩦᨴᩥᩈᩣ ᨶᩣᨾ ᨲᩣ, ᩋᨿ᩠ᨿᨸᩩᨲ᩠ᨲ, ᩋᨧ᩠ᨨᩁᩣᨿᩮᩣ ᨿᩣᩈᩴ ᨲ᩠ᩅᩴ ᩉᩮᨲᩩ ᨻᩕᩉ᩠ᨾᨧᩁᩥᨿᩴ ᨧᩁᩈᩦ’’ᨲᩥ? ‘‘ᨶ ᨡᩮᩣ ᩋᩉᩴ, ᨽᨣᩥᨶᩥ, ᩋᨧ᩠ᨨᩁᩣᨶᩴ ᩉᩮᨲᩩ ᨻᩕᩉ᩠ᨾᨧᩁᩥᨿᩴ ᨧᩁᩣᨾᩦ’’ᨲᩥ. ᩋᨳ ᨡᩮᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨸᩩᩁᩣᨱᨴᩩᨲᩥᨿᩥᨠᩣ – ‘‘ᩋᨩ᩠ᨩᨲᨣ᩠ᨣᩮ ᨾᩴ ᩋᨿ᩠ᨿᨸᩩᨲ᩠ᨲᩮᩣ ᩈᩩᨴᩥᨶ᩠ᨶᩮᩣ ᨽᨣᩥᨶᩥᩅᩣᨴᩮᨶ ᩈᨾᩩᨴᩣᨧᩁᨲᩦ’’ᨲᩥ, ᨲᨲ᩠ᨳᩮᩅ ᨾᩩᨧ᩠ᨨᩥᨲᩣ ᨸᨸᨲᩣ.

ᩋᨳ ᨡᩮᩣ ᩌᨿᩈ᩠ᨾᩣ ᩈᩩᨴᩥᨶ᩠ᨶᩮᩣ ᨸᩥᨲᩁᩴ ᩑᨲᨴᩅᩮᩣᨧ – ‘‘ᩈᨧᩮ, ᨣᩉᨸᨲᩥ, ᨽᩮᩣᨩᨶᩴ ᨴᩣᨲᨻ᩠ᨻᩴ ᨴᩮᨳ, ᨾᩣ ᨶᩮᩣ ᩅᩥᩉᩮᨮᨿᩥᨲ᩠ᨳᩣ’’ᨲᩥ. ‘‘ᨽᩩᨬ᩠ᨩ, ᨲᩣᨲ ᩈᩩᨴᩥᨶ᩠ᨶᩣ’’ᨲᩥ. ᩋᨳ ᨡᩮᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨾᩣᨲᩣ ᨧ ᨸᩥᨲᩣ ᨧ ᩌᨿᩈ᩠ᨾᨶ᩠ᨲᩴ ᩈᩩᨴᩥᨶ᩠ᨶᩴ ᨸᨱᩦᨲᩮᨶ ᨡᩣᨴᨶᩦᨿᩮᨶ ᨽᩮᩣᨩᨶᩦᨿᩮᨶ ᩈᩉᨲ᩠ᨳᩣ ᩈᨶ᩠ᨲᨸ᩠ᨸᩮᩈᩩᩴ ᩈᨾ᩠ᨸᩅᩣᩁᩮᩈᩩᩴ. ᩋᨳ ᨡᩮᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨾᩣᨲᩣ ᩌᨿᩈ᩠ᨾᨶ᩠ᨲᩴ ᩈᩩᨴᩥᨶ᩠ᨶᩴ ᨽᩩᨲ᩠ᨲᩣᩅᩥᩴ ᩒᨶᩦᨲᨸᨲ᩠ᨲᨸᩣᨱᩥᩴ ᩑᨲᨴᩅᩮᩣᨧ – ‘‘ᩍᨴᩴ, ᨲᩣᨲ ᩈᩩᨴᩥᨶ᩠ᨶ, ᨠᩩᩃᩴ ᩋᨯ᩠ᨰᩴ ᨾᩉᨴ᩠ᨵᨶᩴ ᨾᩉᩣᨽᩮᩣᨣᩴ ᨸᩉᩪᨲᨩᩣᨲᩁᩪᨸᩁᨩᨲᩴ ᨸᩉᩪᨲᩅᩥᨲ᩠ᨲᩪᨸᨠᩁᨱᩴ ᨸᩉᩪᨲᨵᨶᨵᨬ᩠ᨬᩴ. ᩃᨻ᩠ᨽᩣ, ᨲᩣᨲ ᩈᩩᨴᩥᨶ᩠ᨶ, ᩉᩦᨶᩣᨿᩣᩅᨲ᩠ᨲᩥᨲ᩠ᩅᩣ ᨽᩮᩣᨣᩣ ᨧ ᨽᩩᨬ᩠ᨩᩥᨲᩩᩴ ᨸᩩᨬ᩠ᨬᩣᨶᩥ ᨧ ᨠᩣᨲᩩᩴ. ᩑᩉᩥ ᨲ᩠ᩅᩴ, ᨲᩣᨲ ᩈᩩᨴᩥᨶ᩠ᨶ, ᩉᩦᨶᩣᨿᩣᩅᨲ᩠ᨲᩥᨲ᩠ᩅᩣ ᨽᩮᩣᨣᩮ ᨧ ᨽᩩᨬ᩠ᨩᩔᩩ ᨸᩩᨬ᩠ᨬᩣᨶᩥ ᨧ ᨠᩁᩮᩣᩉᩦ’’ᨲᩥ. ‘‘ᩋᨾ᩠ᨾ, ᨶ ᩏᩔᩉᩣᨾᩥ ᨶ ᩅᩥᩈᩉᩣᨾᩥ ¶ , ᩋᨽᩥᩁᨲᩮᩣ ¶ ᩋᩉᩴ ᨻᩕᩉ᩠ᨾᨧᩁᩥᨿᩴ ᨧᩁᩣᨾᩦ’’ᨲᩥ. ᨴᩩᨲᩥᨿᨾ᩠ᨸᩥ ᨡᩮᩣ…ᨸᩮ… ᨲᨲᩥᨿᨾ᩠ᨸᩥ ᨡᩮᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨾᩣᨲᩣ ᩌᨿᩈ᩠ᨾᨶ᩠ᨲᩴ ᩈᩩᨴᩥᨶ᩠ᨶᩴ ᩑᨲᨴᩅᩮᩣᨧ – ‘‘ᩍᨴᩴ, ᨲᩣᨲ ᩈᩩᨴᩥᨶ᩠ᨶ, ᨠᩩᩃᩴ ᩋᨯ᩠ᨰᩴ ᨾᩉᨴ᩠ᨵᨶᩴ ᨾᩉᩣᨽᩮᩣᨣᩴ ᨸᩉᩪᨲᨩᩣᨲᩁᩪᨸᩁᨩᨲᩴ ᨸᩉᩪᨲᩅᩥᨲ᩠ᨲᩪᨸᨠᩁᨱᩴ ᨸᩉᩪᨲᨵᨶᨵᨬ᩠ᨬᩴ [ᨸᩉᩪᨲᨵᨶᨵᨬ᩠ᨬᩴ (ᨸ. ᨧᩁᩣᨾᩦᨲᩥ) ᩍᨲᩥᨸᩣᨮᩮᩣ ᩈᨻ᩠ᨻᨲ᩠ᨳ ᨶᨲ᩠ᨳᩥ, ᩐᨶᩮᩣ ᨾᨬ᩠ᨬᩮ]. ᨲᩮᨶ ᩉᩥ, ᨲᩣᨲ ᩈᩩᨴᩥᨶ᩠ᨶ, ᨻᩦᨩᨠᨾ᩠ᨸᩥ ᨴᩮᩉᩥ – ᨾᩣ ᨶᩮᩣ ᩋᨸᩩᨲ᩠ᨲᨠᩴ ᩈᩣᨸᨲᩮᨿ᩠ᨿᩴ ᩃᩥᨧ᩠ᨨᩅᨿᩮᩣ ᩋᨲᩥᩉᩁᩣᨸᩮᩈᩩ’’ᨶ᩠ᨲᩥ. ‘‘ᩑᨲᩴ ᨡᩮᩣ ᨾᩮ, ᩋᨾ᩠ᨾ, ᩈᨠ᩠ᨠᩣ ¶ ᨠᩣᨲᩩ’’ᨶ᩠ᨲᩥ. ‘‘ᨠᩉᩴ ᨸᨶ, ᨲᩣᨲ ᩈᩩᨴᩥᨶ᩠ᨶ, ᩑᨲᩁᩉᩥ ᩅᩥᩉᩁᩈᩦ’’ᨲᩥ? ‘‘ᨾᩉᩣᩅᨶᩮ, ᩋᨾ᩠ᨾᩣ’’ᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᩈᩩᨴᩥᨶ᩠ᨶᩮᩣ ᩏᨭ᩠ᨮᩣᨿᩣᩈᨶᩣ ᨸᨠ᩠ᨠᩣᨾᩥ.

᪓᪖. ᩋᨳ ᨡᩮᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨾᩣᨲᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨸᩩᩁᩣᨱᨴᩩᨲᩥᨿᩥᨠᩴ ᩌᨾᨶ᩠ᨲᩮᩈᩥ – ‘‘ᨲᩮᨶ ᩉᩥ, ᩅᨵᩩ, ᨿᨴᩣ ᩏᨲᩩᨶᩦ ᩉᩮᩣᩈᩥ, ᨸᩩᨸ᩠ᨹᩴ ᨲᩮ ᩏᨸ᩠ᨸᨶ᩠ᨶᩴ ᩉᩮᩣᨲᩥ, ᩋᨳ ᨾᩮ ᩌᩁᩮᩣᨧᩮᨿ᩠ᨿᩣᩈᩦ’’ᨲᩥ. ‘‘ᩑᩅᩴ ᩋᨿ᩠ᨿᩮ’’ᨲᩥ ᨡᩮᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨸᩩᩁᩣᨱᨴᩩᨲᩥᨿᩥᨠᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨾᩣᨲᩩᨿᩣ ᨸᨧ᩠ᨧᩔᩮᩣᩈᩥ. ᩋᨳ ᨡᩮᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨸᩩᩁᩣᨱᨴᩩᨲᩥᨿᩥᨠᩣ ᨶᨧᩥᩁᩔᩮᩅ ¶ ᩏᨲᩩᨶᩦ ᩋᩉᩮᩣᩈᩥ, ᨸᩩᨸ᩠ᨹᩴᩈᩣ ᩏᨸ᩠ᨸᨩ᩠ᨩᩥ. ᩋᨳ ᨡᩮᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨸᩩᩁᩣᨱᨴᩩᨲᩥᨿᩥᨠᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨾᩣᨲᩁᩴ ᩑᨲᨴᩅᩮᩣᨧ – ‘‘ᩏᨲᩩᨶᩦᨾ᩠ᩉᩥ, ᩋᨿ᩠ᨿᩮ, ᨸᩩᨸ᩠ᨹᩴ ᨾᩮ ᩏᨸ᩠ᨸᨶ᩠ᨶ’’ᨶ᩠ᨲᩥ. ‘‘ᨲᩮᨶ ᩉᩥ, ᩅᨵᩩ, ᨿᩮᨶ ᩋᩃᨦ᩠ᨠᩣᩁᩮᨶ ᩋᩃᨦ᩠ᨠᨲᩣ ᨸᩩᨲ᩠ᨲᩔ ᩈᩩᨴᩥᨶ᩠ᨶᩔ ᨸᩥᨿᩣ ᩋᩉᩮᩣᩈᩥ ᨾᨶᩣᨸᩣ ᨲᩮᨶ ᩋᩃᨦ᩠ᨠᩣᩁᩮᨶ ᩋᩃᨦ᩠ᨠᩁᩣ’’ᨲᩥ. ‘‘ᩑᩅᩴ ᩋᨿ᩠ᨿᩮ’’ᨲᩥ ᨡᩮᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨸᩩᩁᩣᨱᨴᩩᨲᩥᨿᩥᨠᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨾᩣᨲᩩᨿᩣ ᨸᨧ᩠ᨧᩔᩮᩣᩈᩥ. ᩋᨳ ᨡᩮᩣ ᩌᨿᩈ᩠ᨾᨲᩮᩣ ¶ ᩈᩩᨴᩥᨶ᩠ᨶᩔ ᨾᩣᨲᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨸᩩᩁᩣᨱᨴᩩᨲᩥᨿᩥᨠᩴ ᩌᨴᩣᨿ ᨿᩮᨶ ᨾᩉᩣᩅᨶᩴ ᨿᩮᨶᩣᨿᩈ᩠ᨾᩣ ᩈᩩᨴᩥᨶ᩠ᨶᩮᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᩈᩩᨴᩥᨶ᩠ᨶᩴ ᩑᨲᨴᩅᩮᩣᨧ – ‘‘ᩍᨴᩴ, ᨲᩣᨲ ᩈᩩᨴᩥᨶ᩠ᨶ, ᨠᩩᩃᩴ ᩋᨯ᩠ᨰᩴ ᨾᩉᨴ᩠ᨵᨶᩴ ᨾᩉᩣᨽᩮᩣᨣᩴ ᨸᩉᩪᨲᨩᩣᨲᩁᩪᨸᩁᨩᨲᩴ ᨸᩉᩪᨲᩅᩥᨲ᩠ᨲᩪᨸᨠᩁᨱᩴ ᨸᩉᩪᨲᨵᨶᨵᨬ᩠ᨬᩴ. ᩃᨻ᩠ᨽᩣ, ᨲᩣᨲ ᩈᩩᨴᩥᨶ᩠ᨶ, ᩉᩦᨶᩣᨿᩣᩅᨲ᩠ᨲᩥᨲ᩠ᩅᩣ ᨽᩮᩣᨣᩣ ᨧ ᨽᩩᨬ᩠ᨩᩥᨲᩩᩴ ᨸᩩᨬ᩠ᨬᩣᨶᩥ ᨧ ᨠᩣᨲᩩᩴ. ᩑᩉᩥ ᨲ᩠ᩅᩴ, ᨲᩣᨲ ᩈᩩᨴᩥᨶ᩠ᨶ, ᩉᩦᨶᩣᨿᩣᩅᨲ᩠ᨲᩥᨲ᩠ᩅᩣ ᨽᩮᩣᨣᩮ ᨧ ᨽᩩᨬ᩠ᨩᩔᩩ ᨸᩩᨬ᩠ᨬᩣᨶᩥ ᨧ ᨠᩁᩮᩣᩉᩦ’’ᨲᩥ. ‘‘ᩋᨾ᩠ᨾ, ᨶ ᩏᩔᩉᩣᨾᩥ ᨶ ᩅᩥᩈᩉᩣᨾᩥ, ᩋᨽᩥᩁᨲᩮᩣ ᩋᩉᩴ ᨻᩕᩉ᩠ᨾᨧᩁᩥᨿᩴ ᨧᩁᩣᨾᩦ’’ᨲᩥ. ᨴᩩᨲᩥᨿᨾ᩠ᨸᩥ ᨡᩮᩣ…ᨸᩮ… ᨲᨲᩥᨿᨾ᩠ᨸᩥ ᨡᩮᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨾᩣᨲᩣ ᩌᨿᩈ᩠ᨾᨶ᩠ᨲᩴ ᩈᩩᨴᩥᨶ᩠ᨶᩴ ᩑᨲᨴᩅᩮᩣᨧ – ‘‘ᩍᨴᩴ, ᨲᩣᨲ ᩈᩩᨴᩥᨶ᩠ᨶ, ᨠᩩᩃᩴ ᩋᨯ᩠ᨰᩴ ᨾᩉᨴ᩠ᨵᨶᩴ ᨾᩉᩣᨽᩮᩣᨣᩴ ᨸᩉᩪᨲᨩᩣᨲᩁᩪᨸᩁᨩᨲᩴ ᨸᩉᩪᨲᩅᩥᨲ᩠ᨲᩪᨸᨠᩁᨱᩴ ᨸᩉᩪᨲᨵᨶᨵᨬ᩠ᨬᩴ. ᨲᩮᨶ ᩉᩥ, ᨲᩣᨲ ᩈᩩᨴᩥᨶ᩠ᨶ, ᨻᩦᨩᨠᨾ᩠ᨸᩥ ᨴᩮᩉᩥ – ᨾᩣ ᨶᩮᩣ ᩋᨸᩩᨲ᩠ᨲᨠᩴ ᩈᩣᨸᨲᩮᨿ᩠ᨿᩴ ᩃᩥᨧ᩠ᨨᩅᨿᩮᩣ ᩋᨲᩥᩉᩁᩣᨸᩮᩈᩩ’’ᨶ᩠ᨲᩥ. ‘‘ᩑᨲᩴ ᨡᩮᩣ ᨾᩮ, ᩋᨾ᩠ᨾ, ᩈᨠ᩠ᨠᩣ ᨠᩣᨲᩩ’’ᨶ᩠ᨲᩥ, ᨸᩩᩁᩣᨱᨴᩩᨲᩥᨿᩥᨠᩣᨿ ᨻᩣᩉᩣᨿᩴ ᨣᩉᩮᨲ᩠ᩅᩣ ᨾᩉᩣᩅᨶᩴ ᩋᨩ᩠ᨫᩮᩣᨣᩣᩉᩮᨲ᩠ᩅᩣ ᩋᨸᨬ᩠ᨬᨲ᩠ᨲᩮ ᩈᩥᨠ᩠ᨡᩣᨸᨴᩮ ᩋᨶᩣᨴᩦᨶᩅᨴᩔᩮᩣ ᨸᩩᩁᩣᨱᨴᩩᨲᩥᨿᩥᨠᩣᨿ ᨲᩥᨠ᩠ᨡᨲ᩠ᨲᩩᩴ ᨾᩮᨳᩩᨶᩴ ᨵᨾ᩠ᨾᩴ ᩋᨽᩥᩅᩥᨬ᩠ᨬᩣᨸᩮᩈᩥ. ᩈᩣ ᨲᩮᨶ ᨣᨻ᩠ᨽᩴ ᨣᨱ᩠ᩉᩥ. ᨽᩩᨾ᩠ᨾᩣ ᨴᩮᩅᩣ ᩈᨴ᩠ᨴᨾᨶᩩᩔᩣᩅᩮᩈᩩᩴ – ‘‘ᨶᩥᩁᨻ᩠ᨻᩩᨴᩮᩣ ᩅᨲ, ᨽᩮᩣ, ᨽᩥᨠ᩠ᨡᩩᩈᨦ᩠ᨥᩮᩣ ᨶᩥᩁᩣᨴᩦᨶᩅᩮᩣ; ᩈᩩᨴᩥᨶ᩠ᨶᩮᨶ ᨠᩃᨶ᩠ᨴᨸᩩᨲ᩠ᨲᩮᨶ ᩋᨻ᩠ᨻᩩᨴᩴ ᩏᨸ᩠ᨸᩣᨴᩥᨲᩴ, ᩌᨴᩦᨶᩅᩮᩣ ᩏᨸ᩠ᨸᩣᨴᩥᨲᩮᩣ’’ᨲᩥ. ᨽᩩᨾ᩠ᨾᩣᨶᩴ ᨴᩮᩅᩣᨶᩴ ᩈᨴ᩠ᨴᩴ ᩈᩩᨲ᩠ᩅᩣ ᨧᩣᨲᩩᨾᩉᩣᩁᩣᨩᩥᨠᩣ [ᨧᩣᨲᩩᨾ᩠ᨾᩉᩣᩁᩣᨩᩥᨠᩣ (ᩈᩦ. ᩈ᩠ᨿᩣ.)] ᨴᩮᩅᩣ ᩈᨴ᩠ᨴᨾᨶᩩᩔᩣᩅᩮᩈᩩᩴ…ᨸᩮ… ᨲᩣᩅᨲᩥᩴᩈᩣ ᨴᩮᩅᩣ… ᨿᩣᨾᩣ ᨴᩮᩅᩣ ¶ … ᨲᩩᩈᩥᨲᩣ ᨴᩮᩅᩣ… ᨶᩥᨾ᩠ᨾᩣᨶᩁᨲᩦ ᨴᩮᩅᩣ… ᨸᩁᨶᩥᨾ᩠ᨾᩥᨲᩅᩈᩅᨲ᩠ᨲᩦ ¶ ᨴᩮᩅᩣ… ᨻᩕᩉ᩠ᨾᨠᩣᨿᩥᨠᩣ ᨴᩮᩅᩣ ᩈᨴ᩠ᨴᨾᨶᩩᩔᩣᩅᩮᩈᩩᩴ – ‘‘ᨶᩥᩁᨻ᩠ᨻᩩᨴᩮᩣ ᩅᨲ, ᨽᩮᩣ, ᨽᩥᨠ᩠ᨡᩩᩈᨦ᩠ᨥᩮᩣ ᨶᩥᩁᩣᨴᩦᨶᩅᩮᩣ; ᩈᩩᨴᩥᨶ᩠ᨶᩮᨶ ᨠᩃᨶ᩠ᨴᨸᩩᨲ᩠ᨲᩮᨶ ᩋᨻ᩠ᨻᩩᨴᩴ ¶ ᩏᨸ᩠ᨸᩣᨴᩥᨲᩴ, ᩌᨴᩦᨶᩅᩮᩣ ᩏᨸ᩠ᨸᩣᨴᩥᨲᩮᩣ’’ᨲᩥ. ᩍᨲᩥᩉ ᨲᩮᨶ ᨡᨱᩮᨶ ᨲᩮᨶ ᨾᩩᩉᩩᨲ᩠ᨲᩮᨶ ᨿᩣᩅ ᨻᩕᩉ᩠ᨾᩃᩮᩣᨠᩣ ᩈᨴ᩠ᨴᩮᩣ ᩋᨻ᩠ᨽᩩᨣ᩠ᨣᨧ᩠ᨨᩥ.

ᩋᨳ ¶ ᨡᩮᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨸᩩᩁᩣᨱᨴᩩᨲᩥᨿᩥᨠᩣ ᨲᩔ ᨣᨻ᩠ᨽᩔ ᨸᩁᩥᨸᩣᨠᨾᨶ᩠ᩅᩣᨿ ᨸᩩᨲ᩠ᨲᩴ ᩅᩥᨩᩣᨿᩥ. ᩋᨳ ᨡᩮᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᩈᩉᩣᨿᨠᩣ ᨲᩔ ᨴᩣᩁᨠᩔ ‘ᨻᩦᨩᨠᩮᩣ’ᨲᩥ ᨶᩣᨾᩴ ᩋᨠᩴᩈᩩ. ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨸᩩᩁᩣᨱᨴᩩᨲᩥᨿᩥᨠᩣᨿ ᨻᩦᨩᨠᨾᩣᨲᩣᨲᩥ ᨶᩣᨾᩴ ᩋᨠᩴᩈᩩ. ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᨻᩦᨩᨠᨸᩥᨲᩣᨲᩥ ᨶᩣᨾᩴ ᩋᨠᩴᩈᩩ. ᨲᩮ ᩋᨸᩁᩮᨶ ᩈᨾᨿᩮᨶ ᩏᨽᩮᩣ ᩋᨣᩣᩁᩈ᩠ᨾᩣ ᩋᨶᨣᩣᩁᩥᨿᩴ ᨸᨻ᩠ᨻᨩᩥᨲ᩠ᩅᩣ ᩋᩁᩉᨲ᩠ᨲᩴ ᩈᨧ᩠ᨨᩣᨠᩴᩈᩩ.

᪓᪗. ᩋᨳ ᨡᩮᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᩋᩉᩩᨴᩮᩅ ᨠᩩᨠ᩠ᨠᩩᨧ᩠ᨧᩴ, ᩋᩉᩩ ᩅᩥᨸ᩠ᨸᨭᩥᩈᩣᩁᩮᩣ – ‘‘ᩋᩃᩣᨽᩣ ᩅᨲ ᨾᩮ, ᨶ ᩅᨲ ᨾᩮ ᩃᩣᨽᩣ! ᨴᩩᩃ᩠ᩃᨴ᩠ᨵᩴ ᩅᨲ ᨾᩮ, ᨶ ᩅᨲ ᨾᩮ ᩈᩩᩃᨴ᩠ᨵᩴ! ᨿᩮᩣᩉᩴ ᩑᩅᩴ ᩈ᩠ᩅᩣᨠ᩠ᨡᩣᨲᩮ ᨵᨾ᩠ᨾᩅᩥᨶᨿᩮ ᨸᨻ᩠ᨻᨩᩥᨲ᩠ᩅᩣ ᨶᩣᩈᨠ᩠ᨡᩥᩴ ᨿᩣᩅᨩᩦᩅᩴ ᨸᩁᩥᨸᩩᨱ᩠ᨱᩴ ᨸᩁᩥᩈᩩᨴ᩠ᨵᩴ ᨻᩕᩉ᩠ᨾᨧᩁᩥᨿᩴ ᨧᩁᩥᨲᩩ’’ᨶ᩠ᨲᩥ. ᩈᩮᩣ ᨲᩮᨶᩮᩅ ᨠᩩᨠ᩠ᨠᩩᨧ᩠ᨧᩮᨶ ᨲᩮᨶ ᩅᩥᨸ᩠ᨸᨭᩥᩈᩣᩁᩮᨶ ᨠᩥᩈᩮᩣ ᩋᩉᩮᩣᩈᩥ ᩃᩪᨡᩮᩣ ᨴᩩᨻ᩠ᨻᨱ᩠ᨱᩮᩣ ᩏᨸ᩠ᨸᨱ᩠ᨯᩩᨸ᩠ᨸᨱ᩠ᨯᩩᨠᨩᩣᨲᩮᩣ ᨵᨾᨶᩥᩈᨶ᩠ᨳᨲᨣᨲ᩠ᨲᩮᩣ ᩋᨶ᩠ᨲᩮᩣᨾᨶᩮᩣ ᩃᩦᨶᨾᨶᩮᩣ ᨴᩩᨠ᩠ᨡᩦ ᨴᩩᨾ᩠ᨾᨶᩮᩣ ᩅᩥᨸ᩠ᨸᨭᩥᩈᩣᩁᩦ ᨸᨩ᩠ᨫᩣᨿᩥ.

᪓᪘. ᩋᨳ ᨡᩮᩣ ᩌᨿᩈ᩠ᨾᨲᩮᩣ ᩈᩩᨴᩥᨶ᩠ᨶᩔ ᩈᩉᩣᨿᨠᩣ ᨽᩥᨠ᩠ᨡᩪ ᩌᨿᩈ᩠ᨾᨶ᩠ᨲᩴ ᩈᩩᨴᩥᨶ᩠ᨶᩴ ᩑᨲᨴᩅᩮᩣᨧᩩᩴ – ‘‘ᨸᩩᨻ᩠ᨻᩮ ᨡᩮᩣ ᨲ᩠ᩅᩴ, ᩌᩅᩩᩈᩮᩣ ᩈᩩᨴᩥᨶ᩠ᨶ, ᩅᨱ᩠ᨱᩅᩣ ᩋᩉᩮᩣᩈᩥ ᨸᩦᨱᩥᨶ᩠ᨴᩕᩥᨿᩮᩣ ᨸᩈᨶ᩠ᨶᨾᩩᨡᩅᨱ᩠ᨱᩮᩣ ᩅᩥᨸ᩠ᨸᩈᨶ᩠ᨶᨨᩅᩥᩅᨱ᩠ᨱᩮᩣ; ᩈᩮᩣ ᨴᩣᨶᩥ ᨲ᩠ᩅᩴ ᩑᨲᩁᩉᩥ ᨠᩥᩈᩮᩣ ¶ ᩃᩪᨡᩮᩣ ᨴᩩᨻ᩠ᨻᨱ᩠ᨱᩮᩣ ᩏᨸ᩠ᨸᨱ᩠ᨯᩩᨸ᩠ᨸᨱ᩠ᨯᩩᨠᨩᩣᨲᩮᩣ ᨵᨾᨶᩥᩈᨶ᩠ᨳᨲᨣᨲ᩠ᨲᩮᩣ ᩋᨶ᩠ᨲᩮᩣᨾᨶᩮᩣ ᩃᩦᨶᨾᨶᩮᩣ ᨴᩩᨠ᩠ᨡᩦ ᨴᩩᨾ᩠ᨾᨶᩮᩣ ᩅᩥᨸ᩠ᨸᨭᩥᩈᩣᩁᩦ ᨸᨩ᩠ᨫᩣᨿᩈᩥ. ᨠᨧ᩠ᨧᩥ ᨶᩮᩣ ᨲ᩠ᩅᩴ, ᩌᩅᩩᩈᩮᩣ ᩈᩩᨴᩥᨶ᩠ᨶ, ᩋᨶᨽᩥᩁᨲᩮᩣ ᨻᩕᩉ᩠ᨾᨧᩁᩥᨿᩴ ᨧᩁᩈᩦ’’ᨲᩥ? ‘‘ᨶ ᨡᩮᩣ ᩋᩉᩴ, ᩌᩅᩩᩈᩮᩣ, ᩋᨶᨽᩥᩁᨲᩮᩣ ᨻᩕᩉ᩠ᨾᨧᩁᩥᨿᩴ ᨧᩁᩣᨾᩥ. ᩋᨲ᩠ᨳᩥ ᨾᩮ ᨸᩣᨸᨠᨾ᩠ᨾᩴ ᨠᨲᩴ; ᨸᩩᩁᩣᨱᨴᩩᨲᩥᨿᩥᨠᩣᨿ ᨾᩮᨳᩩᨶᩮᩣ ᨵᨾ᩠ᨾᩮᩣ ᨸᨭᩥᩈᩮᩅᩥᨲᩮᩣ; ᨲᩔ ᨾᨿ᩠ᩉᩴ, ᩌᩅᩩᩈᩮᩣ, ᩋᩉᩩᨴᩮᩅ ᨠᩩᨠ᩠ᨠᩩᨧ᩠ᨧᩴ ᩋᩉᩩ ᩅᩥᨸ᩠ᨸᨭᩥᩈᩣᩁᩮᩣ – ‘ᩋᩃᩣᨽᩣ ᩅᨲ ᨾᩮ, ᨶ ᩅᨲ ᨾᩮ ᩃᩣᨽᩣ; ᨴᩩᩃ᩠ᩃᨴ᩠ᨵᩴ ᩅᨲ ᨾᩮ, ᨶ ᩅᨲ ᨾᩮ ᩈᩩᩃᨴ᩠ᨵᩴ; ᨿᩮᩣᩉᩴ ᩑᩅᩴ ᩈ᩠ᩅᩣᨠ᩠ᨡᩣᨲᩮ ᨵᨾ᩠ᨾᩅᩥᨶᨿᩮ ᨸᨻ᩠ᨻᨩᩥᨲ᩠ᩅᩣ ᨶᩣᩈᨠ᩠ᨡᩥᩴ ᨿᩣᩅᨩᩦᩅᩴ ᨸᩁᩥᨸᩩᨱ᩠ᨱᩴ ᨸᩁᩥᩈᩩᨴ᩠ᨵᩴ ᨻᩕᩉ᩠ᨾᨧᩁᩥᨿᩴ ᨧᩁᩥᨲᩩ’’ᨶ᩠ᨲᩥ. ‘‘ᩋᩃᨬ᩠ᩉᩥ ᨲᩮ, ᩌᩅᩩᩈᩮᩣ ᩈᩩᨴᩥᨶ᩠ᨶ, ᨠᩩᨠ᩠ᨠᩩᨧ᩠ᨧᩣᨿ ᩋᩃᩴ ᩅᩥᨸ᩠ᨸᨭᩥᩈᩣᩁᩣᨿ ᨿᩴ ᨲ᩠ᩅᩴ ᩑᩅᩴ ᩈ᩠ᩅᩣᨠ᩠ᨡᩣᨲᩮ ᨵᨾ᩠ᨾᩅᩥᨶᨿᩮ ᨸᨻ᩠ᨻᨩᩥᨲ᩠ᩅᩣ ᨶ ᩈᨠ᩠ᨡᩥᩔᩈᩥ ᨿᩣᩅᨩᩦᩅᩴ ᨸᩁᩥᨸᩩᨱ᩠ᨱᩴ ᨸᩁᩥᩈᩩᨴ᩠ᨵᩴ ᨻᩕᩉ᩠ᨾᨧᩁᩥᨿᩴ ᨧᩁᩥᨲᩩᩴ. ᨶᨶᩩ, ᩌᩅᩩᩈᩮᩣ, ᨽᨣᩅᨲᩣ ᩋᨶᩮᨠᨸᩁᩥᨿᩣᨿᩮᨶ ᩅᩥᩁᩣᨣᩣᨿ ᨵᨾ᩠ᨾᩮᩣ ᨴᩮᩈᩥᨲᩮᩣ, ᨶᩮᩣ ᩈᩁᩣᨣᩣᨿ; ᩅᩥᩈᩴᨿᩮᩣᨣᩣᨿ ᨵᨾ᩠ᨾᩮᩣ ᨴᩮᩈᩥᨲᩮᩣ, ᨶᩮᩣ ᩈᩴᨿᩮᩣᨣᩣᨿ; ᩋᨶᩩᨸᩣᨴᩣᨶᩣᨿ ᨵᨾ᩠ᨾᩮᩣ ᨴᩮᩈᩥᨲᩮᩣ, ᨶᩮᩣ ᩈᩏᨸᩣᨴᩣᨶᩣᨿ. ᨲᨲ᩠ᨳ ¶ ᨶᩣᨾ ᨲ᩠ᩅᩴ, ᩌᩅᩩᩈᩮᩣ, ᨽᨣᩅᨲᩣ ¶ ᩅᩥᩁᩣᨣᩣᨿ ᨵᨾ᩠ᨾᩮ ᨴᩮᩈᩥᨲᩮ ᩈᩁᩣᨣᩣᨿ ᨧᩮᨲᩮᩔᩈᩥ, ᩅᩥᩈᩴᨿᩮᩣᨣᩣᨿ ᨵᨾ᩠ᨾᩮ ᨴᩮᩈᩥᨲᩮ ¶ ᩈᩴᨿᩮᩣᨣᩣᨿ ᨧᩮᨲᩮᩔᩈᩥ, ᩋᨶᩩᨸᩣᨴᩣᨶᩣᨿ ᨵᨾ᩠ᨾᩮ ᨴᩮᩈᩥᨲᩮ ᩈᩏᨸᩣᨴᩣᨶᩣᨿ ᨧᩮᨲᩮᩔᩈᩥ! ᨶᨶᩩ, ᩌᩅᩩᩈᩮᩣ, ᨽᨣᩅᨲᩣ ᩋᨶᩮᨠᨸᩁᩥᨿᩣᨿᩮᨶ ᩁᩣᨣᩅᩥᩁᩣᨣᩣᨿ ᨵᨾ᩠ᨾᩮᩣ ᨴᩮᩈᩥᨲᩮᩣ, ᨾᨴᨶᩥᨾ᩠ᨾᨴᨶᩣᨿ ᨸᩥᨸᩣᩈᩅᩥᨶᨿᩣᨿ ᩌᩃᨿᩈᨾᩩᨣ᩠ᨥᩣᨲᩣᨿ ᩅᨭ᩠ᨭᩩᨸᨧ᩠ᨨᩮᨴᩣᨿ ᨲᨱ᩠ᩉᩣᨠ᩠ᨡᨿᩣᨿ ¶ ᩅᩥᩁᩣᨣᩣᨿ ᨶᩥᩁᩮᩣᨵᩣᨿ ᨶᩥᨻ᩠ᨻᩣᨶᩣᨿ ᨵᨾ᩠ᨾᩮᩣ ᨴᩮᩈᩥᨲᩮᩣ! ᨶᨶᩩ, ᩌᩅᩩᩈᩮᩣ, ᨽᨣᩅᨲᩣ ᩋᨶᩮᨠᨸᩁᩥᨿᩣᨿᩮᨶ ᨠᩣᨾᩣᨶᩴ ᨸᩉᩣᨶᩴ ᩋᨠ᩠ᨡᩣᨲᩴ, ᨠᩣᨾᩈᨬ᩠ᨬᩣᨶᩴ ᨸᩁᩥᨬ᩠ᨬᩣ ᩋᨠ᩠ᨡᩣᨲᩣ, ᨠᩣᨾᨸᩥᨸᩣᩈᩣᨶᩴ ᨸᨭᩥᩅᩥᨶᨿᩮᩣ ᩋᨠ᩠ᨡᩣᨲᩮᩣ, ᨠᩣᨾᩅᩥᨲᨠ᩠ᨠᩣᨶᩴ ᩈᨾᩩᨣ᩠ᨥᩣᨲᩮᩣ ᩋᨠ᩠ᨡᩣᨲᩮᩣ, ᨠᩣᨾᨸᩁᩥᩊᩣᩉᩣᨶᩴ ᩅᩪᨸᩈᨾᩮᩣ ᩋᨠ᩠ᨡᩣᨲᩮᩣ! ᨶᩮᨲᩴ, ᩌᩅᩩᩈᩮᩣ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ, ᨸᩈᨶ᩠ᨶᩣᨶᩴ ᩅᩣ ᨽᩥᨿ᩠ᨿᩮᩣᨽᩣᩅᩣᨿ. ᩋᨳ ᨡ᩠ᩅᩮᨲᩴ, ᩌᩅᩩᩈᩮᩣ, ᩋᨸ᩠ᨸᩈᨶ᩠ᨶᩣᨶᨬ᩠ᨧᩮᩅ ᩋᨸ᩠ᨸᩈᩣᨴᩣᨿ ᨸᩈᨶ᩠ᨶᩣᨶᨬ᩠ᨧ ᩑᨠᨧ᩠ᨧᩣᨶᩴ ᩋᨬ᩠ᨬᨳᨲ᩠ᨲᩣᨿᩣ’’ᨲᩥ.

᪓᪙. ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᩌᨿᩈ᩠ᨾᨶ᩠ᨲᩴ ᩈᩩᨴᩥᨶ᩠ᨶᩴ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ᩋᨳ ᨡᩮᩣ ᨽᨣᩅᩣ ᩑᨲᩈ᩠ᨾᩥᩴ ᨶᩥᨴᩣᨶᩮ ᩑᨲᩈ᩠ᨾᩥᩴ ᨸᨠᩁᨱᩮ ᨽᩥᨠ᩠ᨡᩩᩈᨦ᩠ᨥᩴ ᩈᨶ᩠ᨶᩥᨸᩣᨲᩣᨸᩮᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᩈᩩᨴᩥᨶ᩠ᨶᩴ ᨸᨭᩥᨸᩩᨧ᩠ᨨᩥ – ‘‘ᩈᨧ᩠ᨧᩴ ᨠᩥᩁ ᨲ᩠ᩅᩴ, ᩈᩩᨴᩥᨶ᩠ᨶ, ᨸᩩᩁᩣᨱᨴᩩᨲᩥᨿᩥᨠᩣᨿ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩦ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ – ‘‘ᩋᨶᨶᩩᨧ᩠ᨨᩅᩥᨠᩴ [ᩋᨶᨶᩩᨧ᩠ᨨᩅᩥᨿᩴ (ᩈᩦ.)], ᨾᩮᩣᨥᨸᩩᩁᩥᩈ, ᩋᨶᨶᩩᩃᩮᩣᨾᩥᨠᩴ ᩋᨸ᩠ᨸᨭᩥᩁᩪᨸᩴ ᩋᩔᩣᨾᨱᨠᩴ ᩋᨠᨸ᩠ᨸᩥᨿᩴ ᩋᨠᩁᨱᩦᨿᩴ. ᨠᨳᨬ᩠ᩉᩥ ᨶᩣᨾ ᨲ᩠ᩅᩴ, ᨾᩮᩣᨥᨸᩩᩁᩥᩈ, ᩑᩅᩴ ᩈ᩠ᩅᩣᨠ᩠ᨡᩣᨲᩮ ᨵᨾ᩠ᨾᩅᩥᨶᨿᩮ ᨸᨻ᩠ᨻᨩᩥᨲ᩠ᩅᩣ ᨶ ᩈᨠ᩠ᨡᩥᩔᩈᩥ ᨿᩣᩅᨩᩦᩅᩴ ᨸᩁᩥᨸᩩᨱ᩠ᨱᩴ ᨸᩁᩥᩈᩩᨴ᩠ᨵᩴ ᨻᩕᩉ᩠ᨾᨧᩁᩥᨿᩴ ᨧᩁᩥᨲᩩᩴ! ᨶᨶᩩ ᨾᨿᩣ, ᨾᩮᩣᨥᨸᩩᩁᩥᩈ, ᩋᨶᩮᨠᨸᩁᩥᨿᩣᨿᩮᨶ ᩅᩥᩁᩣᨣᩣᨿ ᨵᨾ᩠ᨾᩮᩣ ᨴᩮᩈᩥᨲᩮᩣ, ᨶᩮᩣ ᩈᩁᩣᨣᩣᨿ; ᩅᩥᩈᩴᨿᩮᩣᨣᩣᨿ ᨵᨾ᩠ᨾᩮᩣ ᨴᩮᩈᩥᨲᩮᩣ, ᨶᩮᩣ ᩈᩴᨿᩮᩣᨣᩣᨿ; ᩋᨶᩩᨸᩣᨴᩣᨶᩣᨿ ᨵᨾ᩠ᨾᩮᩣ ᨴᩮᩈᩥᨲᩮᩣ, ᨶᩮᩣ ᩈᩏᨸᩣᨴᩣᨶᩣᨿ! ᨲᨲ᩠ᨳ ᨶᩣᨾ ᨲ᩠ᩅᩴ, ᨾᩮᩣᨥᨸᩩᩁᩥᩈ, ᨾᨿᩣ ᩅᩥᩁᩣᨣᩣᨿ ᨵᨾ᩠ᨾᩮ ᨴᩮᩈᩥᨲᩮ ᩈᩁᩣᨣᩣᨿ ᨧᩮᨲᩮᩔᩈᩥ ¶ , ᩅᩥᩈᩴᨿᩮᩣᨣᩣᨿ ᨵᨾ᩠ᨾᩮ ᨴᩮᩈᩥᨲᩮ ᩈᩴᨿᩮᩣᨣᩣᨿ ᨧᩮᨲᩮᩔᩈᩥ, ᩋᨶᩩᨸᩣᨴᩣᨶᩣᨿ ᨵᨾ᩠ᨾᩮ ᨴᩮᩈᩥᨲᩮ ᩈᩏᨸᩣᨴᩣᨶᩣᨿ ᨧᩮᨲᩮᩔᩈᩥ! ᨶᨶᩩ ᨾᨿᩣ, ᨾᩮᩣᨥᨸᩩᩁᩥᩈ, ᩋᨶᩮᨠᨸᩁᩥᨿᩣᨿᩮᨶ ᩁᩣᨣᩅᩥᩁᩣᨣᩣᨿ ᨵᨾ᩠ᨾᩮᩣ ᨴᩮᩈᩥᨲᩮᩣ! ᨾᨴᨶᩥᨾ᩠ᨾᨴᨶᩣᨿ ᨸᩥᨸᩣᩈᩅᩥᨶᨿᩣᨿ ᩌᩃᨿᩈᨾᩩᨣ᩠ᨥᩣᨲᩣᨿ ᩅᨭ᩠ᨭᩩᨸᨧ᩠ᨨᩮᨴᩣᨿ ᨲᨱ᩠ᩉᩣᨠ᩠ᨡᨿᩣᨿ ᩅᩥᩁᩣᨣᩣᨿ ᨶᩥᩁᩮᩣᨵᩣᨿ ᨶᩥᨻ᩠ᨻᩣᨶᩣᨿ ᨵᨾ᩠ᨾᩮᩣ ᨴᩮᩈᩥᨲᩮᩣ! ᨶᨶᩩ ᨾᨿᩣ, ᨾᩮᩣᨥᨸᩩᩁᩥᩈ, ᩋᨶᩮᨠᨸᩁᩥᨿᩣᨿᩮᨶ ᨠᩣᨾᩣᨶᩴ ¶ ᨸᩉᩣᨶᩴ ᩋᨠ᩠ᨡᩣᨲᩴ, ᨠᩣᨾᩈᨬ᩠ᨬᩣᨶᩴ ᨸᩁᩥᨬ᩠ᨬᩣ ᩋᨠ᩠ᨡᩣᨲᩣ, ᨠᩣᨾᨸᩥᨸᩣᩈᩣᨶᩴ ᨸᨭᩥᩅᩥᨶᨿᩮᩣ ᩋᨠ᩠ᨡᩣᨲᩮᩣ, ᨠᩣᨾᩅᩥᨲᨠ᩠ᨠᩣᨶᩴ ᩈᨾᩩᨣ᩠ᨥᩣᨲᩮᩣ ᩋᨠ᩠ᨡᩣᨲᩮᩣ, ᨠᩣᨾᨸᩁᩥᩊᩣᩉᩣᨶᩴ ᩅᩪᨸᩈᨾᩮᩣ ᩋᨠ᩠ᨡᩣᨲᩮᩣ! ᩅᩁᩴ ᨲᩮ, ᨾᩮᩣᨥᨸᩩᩁᩥᩈ, ᩌᩈᩥᩅᩥᩈᩔ [ᩌᩈᩦᩅᩥᩈᩔ (ᩈᩦ. ᩈ᩠ᨿᩣ.)] ᨥᩮᩣᩁᩅᩥᩈᩔ ᨾᩩᨡᩮ ᩋᨦ᩠ᨣᨩᩣᨲᩴ ᨸᨠ᩠ᨡᩥᨲ᩠ᨲᩴ, ᨶ ᨲ᩠ᩅᩮᩅ ᨾᩣᨲᩩᨣᩣᨾᩔ ᩋᨦ᩠ᨣᨩᩣᨲᩮ ᩋᨦ᩠ᨣᨩᩣᨲᩴ ᨸᨠ᩠ᨡᩥᨲ᩠ᨲᩴ. ᩅᩁᩴ ᨲᩮ, ᨾᩮᩣᨥᨸᩩᩁᩥᩈ, ᨠᨱ᩠ᩉᩈᨸ᩠ᨸᩔ ᨾᩩᨡᩮ ᩋᨦ᩠ᨣᨩᩣᨲᩴ ᨸᨠ᩠ᨡᩥᨲ᩠ᨲᩴ, ᨶ ᨲ᩠ᩅᩮᩅ ᨾᩣᨲᩩᨣᩣᨾᩔ ᩋᨦ᩠ᨣᨩᩣᨲᩮ ᩋᨦ᩠ᨣᨩᩣᨲᩴ ᨸᨠ᩠ᨡᩥᨲ᩠ᨲᩴ. ᩅᩁᩴ ᨲᩮ, ᨾᩮᩣᨥᨸᩩᩁᩥᩈ, ᩋᨦ᩠ᨣᩣᩁᨠᩣᩈᩩᨿᩣ ᩌᨴᩥᨲ᩠ᨲᩣᨿ ᩈᨾ᩠ᨸᨩ᩠ᨩᩃᩥᨲᩣᨿ ᩈᨩᩮᩣᨲᩥᨽᩪᨲᩣᨿ ᩋᨦ᩠ᨣᨩᩣᨲᩴ ¶ ᨸᨠ᩠ᨡᩥᨲ᩠ᨲᩴ, ᨶ ᨲ᩠ᩅᩮᩅ ᨾᩣᨲᩩᨣᩣᨾᩔ ᩋᨦ᩠ᨣᨩᩣᨲᩮ ᩋᨦ᩠ᨣᨩᩣᨲᩴ ᨸᨠ᩠ᨡᩥᨲ᩠ᨲᩴ. ᨲᩴ ᨠᩥᩔ ᩉᩮᨲᩩ? ᨲᨲᩮᩣᨶᩥᨴᩣᨶᨬ᩠ᩉᩥ, ᨾᩮᩣᨥᨸᩩᩁᩥᩈ, ᨾᩁᨱᩴ ᩅᩣ ᨶᩥᨣᨧ᩠ᨨᩮᨿ᩠ᨿ ᨾᩁᨱᨾᨲ᩠ᨲᩴ ᩅᩣ ᨴᩩᨠ᩠ᨡᩴ, ᨶ ᨲ᩠ᩅᩮᩅ ᨲᨸ᩠ᨸᨧ᩠ᨧᨿᩣ ᨠᩣᨿᩔ ᨽᩮᨴᩣ ᨸᩁᩴ ᨾᩁᨱᩣ ᩋᨸᩣᨿᩴ ᨴᩩᨣ᩠ᨣᨲᩥᩴ ᩅᩥᨶᩥᨸᩣᨲᩴ ᨶᩥᩁᨿᩴ ᩏᨸᨸᨩ᩠ᨩᩮᨿ᩠ᨿ. ᩍᨲᩮᩣᨶᩥᨴᩣᨶᨬ᩠ᨧ ᨡᩮᩣ, ᨾᩮᩣᨥᨸᩩᩁᩥᩈ, ᨠᩣᨿᩔ ᨽᩮᨴᩣ ᨸᩁᩴ ᨾᩁᨱᩣ ᩋᨸᩣᨿᩴ ᨴᩩᨣ᩠ᨣᨲᩥᩴ ¶ ᩅᩥᨶᩥᨸᩣᨲᩴ ᨶᩥᩁᨿᩴ ᩏᨸᨸᨩ᩠ᨩᩮᨿ᩠ᨿ. ᨲᨲ᩠ᨳ ᨶᩣᨾ ᨲ᩠ᩅᩴ, ᨾᩮᩣᨥᨸᩩᩁᩥᩈ, ᨿᩴ ᨲ᩠ᩅᩴ ᩋᩈᨴ᩠ᨵᨾ᩠ᨾᩴ ᨣᩣᨾᨵᨾ᩠ᨾᩴ ¶ ᩅᩈᩃᨵᨾ᩠ᨾᩴ ᨴᩩᨭ᩠ᨮᩩᩃ᩠ᩃᩴ ᩒᨴᨠᨶ᩠ᨲᩥᨠᩴ ᩁᩉᩔᩴ ᨴ᩠ᩅᨿᩴᨴ᩠ᩅᨿᩈᨾᩣᨸᨲ᩠ᨲᩥᩴ ᩈᨾᩣᨸᨩ᩠ᨩᩥᩔᩈᩥ, ᨻᩉᩪᨶᩴ ᨡᩮᩣ ᨲ᩠ᩅᩴ, ᨾᩮᩣᨥᨸᩩᩁᩥᩈ, ᩋᨠᩩᩈᩃᩣᨶᩴ ᨵᨾ᩠ᨾᩣᨶᩴ ᩌᨴᩥᨠᨲ᩠ᨲᩣ ᨸᩩᨻ᩠ᨻᨦ᩠ᨣᨾᩮᩣ. ᨶᩮᨲᩴ, ᨾᩮᩣᨥᨸᩩᩁᩥᩈ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ, ᨸᩈᨶ᩠ᨶᩣᨶᩴ ᩅᩣ ᨽᩥᨿ᩠ᨿᩮᩣᨽᩣᩅᩣᨿ; ᩋᨳ ᨡ᩠ᩅᩮᨲᩴ, ᨾᩮᩣᨥᨸᩩᩁᩥᩈ, ᩋᨸ᩠ᨸᩈᨶ᩠ᨶᩣᨶᨬ᩠ᨧᩮᩅ ᩋᨸ᩠ᨸᩈᩣᨴᩣᨿ, ᨸᩈᨶ᩠ᨶᩣᨶᨬ᩠ᨧ ᩑᨠᨧ᩠ᨧᩣᨶᩴ ᩋᨬ᩠ᨬᨳᨲ᩠ᨲᩣᨿᩣ’’ᨲᩥ.

ᩋᨳ ᨡᩮᩣ ᨽᨣᩅᩣ ᩌᨿᩈ᩠ᨾᨶ᩠ᨲᩴ ᩈᩩᨴᩥᨶ᩠ᨶᩴ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨴᩩᨻ᩠ᨽᩁᨲᩣᨿ ᨴᩩᨸ᩠ᨸᩮᩣᩈᨲᩣᨿ ᨾᩉᩥᨧ᩠ᨨᨲᩣᨿ ᩋᩈᨶ᩠ᨲᩩᨭ᩠ᨮᩥᨲᩣᨿ [ᩋᩈᨶ᩠ᨲᩩᨭ᩠ᨮᨲᩣᨿ (ᩈ᩠ᨿᩣ.)] ᩈᨦ᩠ᨣᨱᩥᨠᩣᨿ ᨠᩮᩣᩈᨩ᩠ᨩᩔ ᩋᩅᨱ᩠ᨱᩴ ᨽᩣᩈᩥᨲ᩠ᩅᩣ ᩋᨶᩮᨠᨸᩁᩥᨿᩣᨿᩮᨶ ᩈᩩᨽᩁᨲᩣᨿ ᩈᩩᨸᩮᩣᩈᨲᩣᨿ ᩋᨸ᩠ᨸᩥᨧ᩠ᨨᩔ ᩈᨶ᩠ᨲᩩᨭ᩠ᨮᩔ ᩈᩃ᩠ᩃᩮᨡᩔ ᨵᩩᨲᩔ ᨸᩣᩈᩣᨴᩥᨠᩔ ᩋᨸᨧᨿᩔ ᩅᩦᩁᩥᨿᩣᩁᨾ᩠ᨽᩔ [ᩅᩦᩁᩥᨿᩣᩁᨻ᩠ᨽᩔ (ᨠ.)] ᩅᨱ᩠ᨱᩴ ᨽᩣᩈᩥᨲ᩠ᩅᩣ ᨽᩥᨠ᩠ᨡᩪᨶᩴ ᨲᨴᨶᩩᨧ᩠ᨨᩅᩥᨠᩴ ᨲᨴᨶᩩᩃᩮᩣᨾᩥᨠᩴ ᨵᨾ᩠ᨾᩥᩴ ᨠᨳᩴ ᨠᨲ᩠ᩅᩣ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ – ‘‘ᨲᩮᨶ ᩉᩥ, ᨽᩥᨠ᩠ᨡᩅᩮ, ᨽᩥᨠ᩠ᨡᩪᨶᩴ ᩈᩥᨠ᩠ᨡᩣᨸᨴᩴ ᨸᨬ᩠ᨬᨸᩮᩔᩣᨾᩥ [ᨸᨬ᩠ᨬᩣᨸᩮᩔᩣᨾᩥ (ᩈᩦ. ᩈ᩠ᨿᩣ.)] ᨴᩈ ᩋᨲ᩠ᨳᩅᩈᩮ ᨸᨭᩥᨧ᩠ᨧ – ᩈᨦ᩠ᨥᩈᩩᨭ᩠ᨮᩩᨲᩣᨿ, ᩈᨦ᩠ᨥᨹᩣᩈᩩᨲᩣᨿ, ᨴᩩᨾ᩠ᨾᨦ᩠ᨠᩪᨶᩴ ᨸᩩᨣ᩠ᨣᩃᩣᨶᩴ ᨶᩥᨣ᩠ᨣᩉᩣᨿ, ᨸᩮᩈᩃᩣᨶᩴ ᨽᩥᨠ᩠ᨡᩪᨶᩴ ᨹᩣᩈᩩᩅᩥᩉᩣᩁᩣᨿ, ᨴᩥᨭ᩠ᨮᨵᨾ᩠ᨾᩥᨠᩣᨶᩴ ᩌᩈᩅᩣᨶᩴ ᩈᩴᩅᩁᩣᨿ, ᩈᨾ᩠ᨸᩁᩣᨿᩥᨠᩣᨶᩴ ᩌᩈᩅᩣᨶᩴ ᨸᨭᩥᨥᩣᨲᩣᨿ, ᩋᨸ᩠ᨸᩈᨶ᩠ᨶᩣᨶᩴ ᨸᩈᩣᨴᩣᨿ, ᨸᩈᨶ᩠ᨶᩣᨶᩴ ᨽᩥᨿ᩠ᨿᩮᩣᨽᩣᩅᩣᨿ, ᩈᨴ᩠ᨵᨾ᩠ᨾᨭ᩠ᨮᩥᨲᩥᨿᩣ, ᩅᩥᨶᨿᩣᨶᩩᨣ᩠ᨣᩉᩣᨿ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

‘‘ᨿᩮᩣ ¶ ᨸᨶ ᨽᩥᨠ᩠ᨡᩩ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩮᨿ᩠ᨿ, ᨸᩣᩁᩣᨩᩥᨠᩮᩣ ᩉᩮᩣᨲᩥ ᩋᩈᩴᩅᩣᩈᩮᩣ’’ᨲᩥ.

ᩑᩅᨬ᩠ᨧᩥᨴᩴ ᨽᨣᩅᨲᩣ ᨽᩥᨠ᩠ᨡᩪᨶᩴ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ ᩉᩮᩣᨲᩥ.

ᩈᩩᨴᩥᨶ᩠ᨶᨽᩣᨱᩅᩣᩁᩮᩣ ᨶᩥᨭ᩠ᨮᩥᨲᩮᩣ.

ᨾᨠ᩠ᨠᨭᩦᩅᨲ᩠ᨳᩩ

᪔᪐. ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩅᩮᩈᩣᩃᩥᨿᩴ ᨾᩉᩣᩅᨶᩮ ᨾᨠ᩠ᨠᨭᩥᩴ ᩌᨾᩥᩈᩮᨶ ᩏᨸᩃᩣᨸᩮᨲ᩠ᩅᩣ ᨲᩔᩣ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᨲᩥ. ᩋᨳ ᨡᩮᩣ ᩈᩮᩣ ᨽᩥᨠ᩠ᨡᩩ ᨸᩩᨻ᩠ᨻᨱ᩠ᩉᩈᨾᨿᩴ ᨶᩥᩅᩣᩈᩮᨲ᩠ᩅᩣ ᨸᨲ᩠ᨲᨧᩦᩅᩁᩴ ¶ ᩌᨴᩣᨿ ᩅᩮᩈᩣᩃᩥᩴ ᨸᩥᨱ᩠ᨯᩣᨿ ᨸᩣᩅᩥᩈᩥ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩈᨾ᩠ᨻᩉᩩᩃᩣ ᨽᩥᨠ᩠ᨡᩪ ᩈᩮᨶᩣᩈᨶᨧᩣᩁᩥᨠᩴ ᩌᩉᩥᨱ᩠ᨯᨶ᩠ᨲᩣ ᨿᩮᨶ ᨲᩔ ᨽᩥᨠ᩠ᨡᩩᨶᩮᩣ ᩅᩥᩉᩣᩁᩮᩣ ᨲᩮᨶᩩᨸᩈᨦ᩠ᨠᨾᩥᩴᩈᩩ. ᩋᨴ᩠ᨴᩈ ᨡᩮᩣ ᩈᩣ ᨾᨠ᩠ᨠᨭᩦ ᨲᩮ ᨽᩥᨠ᩠ᨡᩪ ᨴᩪᩁᨲᩮᩣᩅ ᩌᨣᨧ᩠ᨨᨶ᩠ᨲᩮ. ᨴᩥᩈ᩠ᩅᩣᨶ ᨿᩮᨶ ᨲᩮ ᨽᩥᨠ᩠ᨡᩪ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨲᩮᩈᩴ ᨽᩥᨠ᩠ᨡᩪᨶᩴ ᨸᩩᩁᨲᩮᩣ ᨠᨭᩥᨾ᩠ᨸᩥ ᨧᩣᩃᩮᩈᩥ ᨨᩮᨸ᩠ᨸᨾ᩠ᨸᩥ ᨧᩣᩃᩮᩈᩥ, ᨠᨭᩥᨾ᩠ᨸᩥ ¶ ᩒᨯ᩠ᨯᩥ, ᨶᩥᨾᩥᨲ᩠ᨲᨾ᩠ᨸᩥ ᩋᨠᩣᩈᩥ. ᩋᨳ ᨡᩮᩣ ᨲᩮᩈᩴ ᨽᩥᨠ᩠ᨡᩪᨶᩴ ᩑᨲᨴᩉᩮᩣᩈᩥ – ‘‘ᨶᩥᩔᩴᩈᨿᩴ ᨡᩮᩣ ᩈᩮᩣ ᨽᩥᨠ᩠ᨡᩩ ᩍᨾᩥᩔᩣ ᨾᨠ᩠ᨠᨭᩥᨿᩣ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᨲᩦ’’ᨲᩥ. ᩑᨠᨾᨶ᩠ᨲᩴ ᨶᩥᩃᩦᨿᩥᩴᩈᩩ. ᩋᨳ ᨡᩮᩣ ᩈᩮᩣ ᨽᩥᨠ᩠ᨡᩩ ᩅᩮᩈᩣᩃᩥᨿᩴ ᨸᩥᨱ᩠ᨯᩣᨿ ᨧᩁᩥᨲ᩠ᩅᩣ ᨸᩥᨱ᩠ᨯᨸᩣᨲᩴ ᩌᨴᩣᨿ ᨸᨭᩥᨠ᩠ᨠᨾᩥ.

᪔᪑. ᩋᨳ ᨡᩮᩣ ᩈᩣ ᨾᨠ᩠ᨠᨭᩦ ᨿᩮᨶ ᩈᩮᩣ ᨽᩥᨠ᩠ᨡᩩ ᨲᩮᨶᩩᨸᩈᨦ᩠ᨠᨾᩥ. ᩋᨳ ᨡᩮᩣ ᩈᩮᩣ ᨽᩥᨠ᩠ᨡᩩ ᨲᩴ ᨸᩥᨱ᩠ᨯᨸᩣᨲᩴ ᩑᨠᨴᩮᩈᩴ ᨽᩩᨬ᩠ᨩᩥᨲ᩠ᩅᩣ ᩑᨠᨴᩮᩈᩴ ᨲᩔᩣ ᨾᨠ᩠ᨠᨭᩥᨿᩣ ᩋᨴᩣᩈᩥ. ᩋᨳ ᨡᩮᩣ ᩈᩣ ᨾᨠ᩠ᨠᨭᩦ ᨲᩴ ᨸᩥᨱ᩠ᨯᨸᩣᨲᩴ ᨽᩩᨬ᩠ᨩᩥᨲ᩠ᩅᩣ ᨲᩔ ᨽᩥᨠ᩠ᨡᩩᨶᩮᩣ ᨠᨭᩥᩴ ᩒᨯ᩠ᨯᩥ. ᩋᨳ ᨡᩮᩣ ᩈᩮᩣ ᨽᩥᨠ᩠ᨡᩩ ᨲᩔᩣ ᨾᨠ᩠ᨠᨭᩥᨿᩣ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᨲᩥ. ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨲᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧᩩᩴ – ‘‘ᨶᨶᩩ, ᩌᩅᩩᩈᩮᩣ, ᨽᨣᩅᨲᩣ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ; ᨠᩥᩔ ᨲ᩠ᩅᩴ, ᩌᩅᩩᩈᩮᩣ, ᨾᨠ᩠ᨠᨭᩥᨿᩣ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩈᩦ’’ᨲᩥ? ‘‘ᩈᨧ᩠ᨧᩴ, ᩌᩅᩩᩈᩮᩣ, ᨽᨣᩅᨲᩣ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ; ᨲᨬ᩠ᨧ ᨡᩮᩣ ¶ ᨾᨶᩩᩔᩥᨲ᩠ᨳᩥᨿᩣ ¶ , ᨶᩮᩣ ᨲᩥᩁᨧ᩠ᨨᩣᨶᨣᨲᩣᨿᩣ’’ᨲᩥ. ‘‘ᨶᨶᩩ, ᩌᩅᩩᩈᩮᩣ, ᨲᨳᩮᩅ ᨲᩴ ᩉᩮᩣᨲᩥ. ᩋᨶᨶᩩᨧ᩠ᨨᩅᩥᨠᩴ, ᩌᩅᩩᩈᩮᩣ, ᩋᨶᨶᩩᩃᩮᩣᨾᩥᨠᩴ ᩋᨸ᩠ᨸᨭᩥᩁᩪᨸᩴ ᩋᩔᩣᨾᨱᨠᩴ ᩋᨠᨸ᩠ᨸᩥᨿᩴ ᩋᨠᩁᨱᩦᨿᩴ. ᨠᨳᨬ᩠ᩉᩥ ᨶᩣᨾ ᨲ᩠ᩅᩴ, ᩌᩅᩩᩈᩮᩣ, ᩑᩅᩴ ᩈ᩠ᩅᩣᨠ᩠ᨡᩣᨲᩮ ᨵᨾ᩠ᨾᩅᩥᨶᨿᩮ ᨸᨻ᩠ᨻᨩᩥᨲ᩠ᩅᩣ ᨶ ᩈᨠ᩠ᨡᩥᩔᩈᩥ ᨿᩣᩅᨩᩦᩅᩴ ᨸᩁᩥᨸᩩᨱ᩠ᨱᩴ ᨸᩁᩥᩈᩩᨴ᩠ᨵᩴ ᨻᩕᩉ᩠ᨾᨧᩁᩥᨿᩴ ᨧᩁᩥᨲᩩᩴ! ᨶᨶᩩ, ᩌᩅᩩᩈᩮᩣ, ᨽᨣᩅᨲᩣ ᩋᨶᩮᨠᨸᩁᩥᨿᩣᨿᩮᨶ ᩅᩥᩁᩣᨣᩣᨿ ᨵᨾ᩠ᨾᩮᩣ ᨴᩮᩈᩥᨲᩮᩣ, ᨶᩮᩣ ᩈᩁᩣᨣᩣᨿ…ᨸᩮ… ᨠᩣᨾᨸᩁᩥᩊᩣᩉᩣᨶᩴ ᩅᩪᨸᩈᨾᩮᩣ ᩋᨠ᩠ᨡᩣᨲᩮᩣ! ᨶᩮᨲᩴ, ᩌᩅᩩᩈᩮᩣ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ ᨸᩈᨶ᩠ᨶᩣᨶᩴ ᩅᩣ ᨽᩥᨿ᩠ᨿᩮᩣᨽᩣᩅᩣᨿ. ᩋᨳ ᨡ᩠ᩅᩮᨲᩴ, ᩌᩅᩩᩈᩮᩣ, ᩋᨸ᩠ᨸᩈᨶ᩠ᨶᩣᨶᨬ᩠ᨧᩮᩅ ᩋᨸ᩠ᨸᩈᩣᨴᩣᨿ, ᨸᩈᨶ᩠ᨶᩣᨶᨬ᩠ᨧ ᩑᨠᨧ᩠ᨧᩣᨶᩴ ᩋᨬ᩠ᨬᨳᨲ᩠ᨲᩣᨿᩣ’’ᨲᩥ. ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨲᩴ ᨽᩥᨠ᩠ᨡᩩᩴ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩋᩁᩮᩣᨧᩮᩈᩩᩴ.

᪔᪒. ᩋᨳ ᨡᩮᩣ ᨽᨣᩅᩣ ᩑᨲᩈ᩠ᨾᩥᩴ ᨶᩥᨴᩣᨶᩮ ᩑᨲᩈ᩠ᨾᩥᩴ ᨸᨠᩁᨱᩮ ᨽᩥᨠ᩠ᨡᩩᩈᨦ᩠ᨥᩴ ᩈᨶ᩠ᨶᩥᨸᩣᨲᩣᨸᩮᨲ᩠ᩅᩣ ᨲᩴ ᨽᩥᨠ᩠ᨡᩩᩴ ᨸᨭᩥᨸᩩᨧ᩠ᨨᩥ – ‘‘ᩈᨧ᩠ᨧᩴ ᨠᩥᩁ ᨲ᩠ᩅᩴ, ᨽᩥᨠ᩠ᨡᩩ, ᨾᨠ᩠ᨠᨭᩥᨿᩣ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩦ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ – ‘‘ᩋᨶᨶᩩᨧ᩠ᨨᩅᩥᨠᩴ, ᨾᩮᩣᨥᨸᩩᩁᩥᩈ, ᩋᨶᨶᩩᩃᩮᩣᨾᩥᨠᩴ ᩋᨸ᩠ᨸᨲᩥᩁᩪᨸᩴ ᩋᩔᩣᨾᨱᨠᩴ ᩋᨠᨸ᩠ᨸᩥᨿᩴ ᩋᨠᩁᨱᩦᨿᩴ. ᨠᨳᨬ᩠ᩉᩥ ᨶᩣᨾ ᨲ᩠ᩅᩴ, ᨾᩮᩣᨥᨸᩩᩁᩥᩈ, ᩑᩅᩴ ᩈ᩠ᩅᩣᨠ᩠ᨡᩣᨲᩮ ᨵᨾ᩠ᨾᩅᩥᨶᨿᩮ ᨸᨻ᩠ᨻᨩᩥᨲ᩠ᩅᩣ ᨶ ᩈᨠ᩠ᨡᩥᩔᩈᩥ ᨿᩣᩅᨩᩦᩅᩴ ᨸᩁᩥᨸᩩᨱ᩠ᨱᩴ ᨸᩁᩥᩈᩩᨴ᩠ᨵᩴ ᨻᩕᩉ᩠ᨾᨧᩁᩥᨿᩴ ᨧᩁᩥᨲᩩᩴ! ᨶᨶᩩ ᨾᨿᩣ, ᨾᩮᩣᨥᨸᩩᩁᩥᩈ, ᩋᨶᩮᨠᨸᩁᩥᨿᩣᨿᩮᨶ ᩅᩥᩁᩣᨣᩣᨿ ᨵᨾ᩠ᨾᩮᩣ ᨴᩮᩈᩥᨲᩮᩣ, ᨶᩮᩣ ᩈᩁᩣᨣᩣᨿ ¶ …ᨸᩮ… ᨠᩣᨾᨸᩁᩥᩊᩣᩉᩣᨶᩴ ᩅᩪᨸᩈᨾᩮᩣ ᩋᨠ᩠ᨡᩣᨲᩮᩣ! ᩅᩁᩴ ᨲᩮ, ᨾᩮᩣᨥᨸᩩᩁᩥᩈ, ᩌᩈᩦᩅᩥᩈᩔ ᨥᩮᩣᩁᩅᩥᩈᩔ ᨾᩩᨡᩮ ᩋᨦ᩠ᨣᨩᩣᨲᩴ ᨸᨠ᩠ᨡᩥᨲ᩠ᨲᩴ, ᨶ ᨲ᩠ᩅᩮᩅ ᨾᨠ᩠ᨠᨭᩥᨿᩣ ᩋᨦ᩠ᨣᨩᩣᨲᩮ ᩋᨦ᩠ᨣᨩᩣᨲᩴ ᨸᨠ᩠ᨡᩥᨲ᩠ᨲᩴ. ᩅᩁᩴ ᨲᩮ, ᨾᩮᩣᨥᨸᩩᩁᩥᩈ, ᨠᨱ᩠ᩉᩈᨸ᩠ᨸᩔ ᨾᩩᨡᩮ ᩋᨦ᩠ᨣᨩᩣᨲᩴ ᨸᨠ᩠ᨡᩥᨲ᩠ᨲᩴ, ᨶ ᨲ᩠ᩅᩮᩅ ᨾᨠ᩠ᨠᨭᩥᨿᩣ ᩋᨦ᩠ᨣᨩᩣᨲᩮ ᩋᨦ᩠ᨣᨩᩣᨲᩴ ᨸᨠ᩠ᨡᩥᨲ᩠ᨲᩴ. ᩅᩁᩴ ¶ ᨲᩮ, ᨾᩮᩣᨥᨸᩩᩁᩥᩈ, ᩋᨦ᩠ᨣᩣᩁᨠᩣᩈᩩᨿᩣ ᩌᨴᩥᨲ᩠ᨲᩣᨿ ᩈᨾ᩠ᨸᨩ᩠ᨩᩃᩥᨲᩣᨿ ᩈᨩᩮᩣᨲᩥᨽᩪᨲᩣᨿ ᩋᨦ᩠ᨣᨩᩣᨲᩴ ᨸᨠ᩠ᨡᩥᨲ᩠ᨲᩴ, ᨶ ᨲ᩠ᩅᩮᩅ ᨾᨠ᩠ᨠᨭᩥᨿᩣ ᩋᨦ᩠ᨣᨩᩣᨲᩮ ᩋᨦ᩠ᨣᨩᩣᨲᩴ ᨸᨠ᩠ᨡᩥᨲ᩠ᨲᩴ. ᨲᩴ ᨠᩥᩔ ᩉᩮᨲᩩ? ᨲᨲᩮᩣᨶᩥᨴᩣᨶᨬ᩠ᩉᩥ, ᨾᩮᩣᨥᨸᩩᩁᩥᩈ, ᨾᩁᨱᩴ ᩅᩣ ᨶᩥᨣᨧ᩠ᨨᩮᨿ᩠ᨿ ᨾᩁᨱᨾᨲ᩠ᨲᩴ ᩅᩣ ᨴᩩᨠ᩠ᨡᩴ; ᨶ ᨲ᩠ᩅᩮᩅ ᨲᨸ᩠ᨸᨧ᩠ᨧᨿᩣ ᨠᩣᨿᩔ ᨽᩮᨴᩣ ᨸᩁᩴ ᨾᩁᨱᩣ ᩋᨸᩣᨿᩴ ᨴᩩᨣ᩠ᨣᨲᩥᩴ ᩅᩥᨶᩥᨸᩣᨲᩴ ᨶᩥᩁᨿᩴ ᩏᨸᨸᨩ᩠ᨩᩮᨿ᩠ᨿ. ᩍᨲᩮᩣᨶᩥᨴᩣᨶᨬ᩠ᨧ ᨡᩮᩣ, ᨾᩮᩣᨥᨸᩩᩁᩥᩈ, ᨠᩣᨿᩔ ᨽᩮᨴᩣ ᨸᩁᩴ ᨾᩁᨱᩣ ᩋᨸᩣᨿᩴ ᨴᩩᨣ᩠ᨣᨲᩥᩴ ᩅᩥᨶᩥᨸᩣᨲᩴ ᨶᩥᩁᨿᩴ ᩏᨸᨸᨩ᩠ᨩᩮᨿ᩠ᨿ. ᨲᨲ᩠ᨳ ᨶᩣᨾ ᨲ᩠ᩅᩴ, ᨾᩮᩣᨥᨸᩩᩁᩥᩈ, ᨿᩴ ᨲ᩠ᩅᩴ ᩋᩈᨴ᩠ᨵᨾ᩠ᨾᩴ ᨣᩣᨾᨵᨾ᩠ᨾᩴ ᩅᩈᩃᨵᨾ᩠ᨾᩴ ᨴᩩᨭ᩠ᨮᩩᩃ᩠ᩃᩴ ᩒᨴᨠᨶ᩠ᨲᩥᨠᩴ ᩁᩉᩔᩴ ᨴ᩠ᩅᨿᩴᨴ᩠ᩅᨿᩈᨾᩣᨸᨲ᩠ᨲᩥᩴ ᩈᨾᩣᨸᨩ᩠ᨩᩥᩔᩈᩥ! ᨶᩮᨲᩴ, ᨾᩮᩣᨥᨸᩩᩁᩥᩈ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

‘‘ᨿᩮᩣ ¶ ᨸᨶ ᨽᩥᨠ᩠ᨡᩩ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩮᨿ᩠ᨿ ᩋᨶ᩠ᨲᨾᩈᩮᩣ ᨲᩥᩁᨧ᩠ᨨᩣᨶᨣᨲᩣᨿᨸᩥ, ᨸᩣᩁᩣᨩᩥᨠᩮᩣ ᩉᩮᩣᨲᩥ ᩋᩈᩴᩅᩣᩈᩮᩣ’’ᨲᩥ.

ᩑᩅᨬ᩠ᨧᩥᨴᩴ ᨽᨣᩅᨲᩣ ᨽᩥᨠ᩠ᨡᩪᨶᩴ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ ᩉᩮᩣᨲᩥ.

ᨾᨠ᩠ᨠᨭᩦᩅᨲ᩠ᨳᩩ ᨶᩥᨭ᩠ᨮᩥᨲᩴ.

ᩈᨶ᩠ᨳᨲᨽᩣᨱᩅᩣᩁᩮᩣ

᪔᪓. ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩈᨾ᩠ᨻᩉᩩᩃᩣ ᩅᩮᩈᩣᩃᩥᨠᩣ ᩅᨩ᩠ᨩᩥᨸᩩᨲ᩠ᨲᨠᩣ ᨽᩥᨠ᩠ᨡᩪ ᨿᩣᩅᨴᨲ᩠ᨳᩴ ᨽᩩᨬ᩠ᨩᩥᩴᩈᩩ, ᨿᩣᩅᨴᨲ᩠ᨳᩴ ᩈᩩᨸᩥᩴᩈᩩ, ᨿᩣᩅᨴᨲ᩠ᨳᩴ ᨶ᩠ᩉᩣᨿᩥᩴᩈᩩ. ᨿᩣᩅᨴᨲ᩠ᨳᩴ ᨽᩩᨬ᩠ᨩᩥᨲ᩠ᩅᩣ ᨿᩣᩅᨴᨲ᩠ᨳᩴ ᩈᩩᨸᩥᨲ᩠ᩅᩣ ᨿᩣᩅᨴᨲ᩠ᨳᩴ ᨶ᩠ᩉᩣᨿᩥᨲ᩠ᩅᩣ ᩋᨿᩮᩣᨶᩥᩈᩮᩣ ᨾᨶᩈᩥ ᨠᩁᩥᨲ᩠ᩅᩣ ᩈᩥᨠ᩠ᨡᩴ ᩋᨸᨧ᩠ᨧᨠ᩠ᨡᩣᨿ ᨴᩩᨻ᩠ᨻᩃ᩠ᨿᩴ ᩋᨶᩣᩅᩥᨠᨲ᩠ᩅᩣ ᨾᩮᨳᩩᨶᩴ ¶ ᨵᨾ᩠ᨾᩴ ᨸᨭᩥᩈᩮᩅᩥᩴᩈᩩ. ᨲᩮ ᩋᨸᩁᩮᨶ ᩈᨾᨿᩮᨶ ᨬᩣᨲᩥᨻ᩠ᨿᩈᨶᩮᨶᨸᩥ ᨹᩩᨭ᩠ᨮᩣ ᨽᩮᩣᨣᨻ᩠ᨿᩈᨶᩮᨶᨸᩥ ᨹᩩᨭ᩠ᨮᩣ ᩁᩮᩣᨣᨻ᩠ᨿᩈᨶᩮᨶᨸᩥ ᨹᩩᨭ᩠ᨮᩣ ᩌᨿᩈ᩠ᨾᨶ᩠ᨲᩴ ᩌᨶᨶ᩠ᨴᩴ ᩏᨸᩈᨦ᩠ᨠᨾᩥᨲ᩠ᩅᩣ ᩑᩅᩴ ᩅᨴᨶ᩠ᨲᩥ – ‘‘ᨶ ᨾᨿᩴ, ᨽᨶ᩠ᨲᩮ ᩌᨶᨶ᩠ᨴ, ᨻᩩᨴ᩠ᨵᨣᩁᩉᩥᨶᩮᩣ ᨶ ᨵᨾ᩠ᨾᨣᩁᩉᩥᨶᩮᩣ ᨶ ᩈᨦ᩠ᨥᨣᩁᩉᩥᨶᩮᩣ; ᩋᨲ᩠ᨲᨣᩁᩉᩥᨶᩮᩣ ᨾᨿᩴ, ᨽᨶ᩠ᨲᩮ ᩌᨶᨶ᩠ᨴ, ᩋᨶᨬ᩠ᨬᨣᩁᩉᩥᨶᩮᩣ. ᨾᨿᨾᩮᩅᨾ᩠ᩉᩣ ᩋᩃᨠ᩠ᨡᩥᨠᩣ ᨾᨿᩴ ᩋᨸ᩠ᨸᨸᩩᨬ᩠ᨬᩣ, ᨿᩮ ᨾᨿᩴ ᩑᩅᩴ ᩈ᩠ᩅᩣᨠ᩠ᨡᩣᨲᩮ ᨵᨾ᩠ᨾᩅᩥᨶᨿᩮ ᨸᨻ᩠ᨻᨩᩥᨲ᩠ᩅᩣ ᨶᩣᩈᨠ᩠ᨡᩥᨾ᩠ᩉᩣ ᨿᩣᩅᨩᩦᩅᩴ ᨸᩁᩥᨸᩩᨱ᩠ᨱᩴ ᨸᩁᩥᩈᩩᨴ᩠ᨵᩴ ᨻᩕᩉ᩠ᨾᨧᩁᩥᨿᩴ ᨧᩁᩥᨲᩩᩴ. ᩍᨴᩣᨶᩥ ᨧᩮᨸᩥ ¶ [ᩍᨴᩣᨶᩥᨸᩥ ᨧᩮ (ᩈ᩠ᨿᩣ.)] ᨾᨿᩴ, ᨽᨶ᩠ᨲᩮ ᩌᨶᨶ᩠ᨴ, ᩃᨽᩮᨿ᩠ᨿᩣᨾ ᨽᨣᩅᨲᩮᩣ ᩈᨶ᩠ᨲᩥᨠᩮ ᨸᨻ᩠ᨻᨩ᩠ᨩᩴ ᩃᨽᩮᨿ᩠ᨿᩣᨾ ᩏᨸᩈᨾ᩠ᨸᨴᩴ, ᩍᨴᩣᨶᩥᨸᩥ ᨾᨿᩴ ᩅᩥᨸᩔᨠᩣ ᨠᩩᩈᩃᩣᨶᩴ ᨵᨾ᩠ᨾᩣᨶᩴ ᨸᩩᨻ᩠ᨻᩁᨲ᩠ᨲᩣᨸᩁᩁᨲ᩠ᨲᩴ ᨻᩮᩣᨵᩥᨸᨠ᩠ᨡᩥᨠᩣᨶᩴ ᨵᨾ᩠ᨾᩣᨶᩴ ᨽᩣᩅᨶᩣᨶᩩᨿᩮᩣᨣᨾᨶᩩᨿᩩᨲ᩠ᨲᩣ ᩅᩥᩉᩁᩮᨿ᩠ᨿᩣᨾ. ᩈᩣᨵᩩ, ᨽᨶ᩠ᨲᩮ ᩌᨶᨶ᩠ᨴ, ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩉᩦ’’ᨲᩥ. ‘‘ᩑᩅᨾᩣᩅᩩᩈᩮᩣ’’ᨲᩥ ᨡᩮᩣ ᩌᨿᩈ᩠ᨾᩣ ᩌᨶᨶ᩠ᨴᩮᩣ ᩅᩮᩈᩣᩃᩥᨠᩣᨶᩴ ᩅᨩ᩠ᨩᩥᨸᩩᨲ᩠ᨲᨠᩣᨶᩴ ᨸᨭᩥᩔᩩᨱᩥᨲ᩠ᩅᩣ ᨿᩮᨶ ᨽᨣᩅᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ.

‘‘ᩋᨭ᩠ᨮᩣᨶᨾᩮᨲᩴ, ᩌᨶᨶ᩠ᨴ, ᩋᨶᩅᨠᩣᩈᩮᩣ ᨿᩴ ᨲᨳᩣᨣᨲᩮᩣ ᩅᨩ᩠ᨩᩦᨶᩴ ᩅᩣ ᩅᨩ᩠ᨩᩥᨸᩩᨲ᩠ᨲᨠᩣᨶᩴ ᩅᩣ ᨠᩣᩁᨱᩣ ᩈᩣᩅᨠᩣᨶᩴ ᨸᩣᩁᩣᨩᩥᨠᩴ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ ᩈᨾᩪᩉᨶᩮᨿ᩠ᨿᩣ’’ᨲᩥ.

ᩋᨳ ¶ ᨡᩮᩣ ᨽᨣᩅᩣ ᩑᨲᩈ᩠ᨾᩥᩴ ᨶᩥᨴᩣᨶᩮ ᩑᨲᩈ᩠ᨾᩥᩴ ᨸᨠᩁᨱᩮ ᨵᨾ᩠ᨾᩥᩴ ᨠᨳᩴ ᨠᨲ᩠ᩅᩣ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ – ‘‘ᨿᩮᩣ, ᨽᩥᨠ᩠ᨡᩅᩮ [ᨿᩮᩣ ᨸᨶ ᨽᩥᨠ᩠ᨡᩅᩮ ᨽᩥᨠ᩠ᨡᩩ (ᩈᩦ.) ᨿᩮᩣ ᨡᩮᩣ ᨽᩥᨠ᩠ᨡᩅᩮ ᨽᩥᨠ᩠ᨡᩩ (ᩈ᩠ᨿᩣ.)], ᩈᩥᨠ᩠ᨡᩴ ᩋᨸᨧ᩠ᨧᨠ᩠ᨡᩣᨿ ᨴᩩᨻ᩠ᨻᩃ᩠ᨿᩴ ᩋᨶᩣᩅᩥᨠᨲ᩠ᩅᩣ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᨲᩥ ᩈᩮᩣ ᩌᨣᨲᩮᩣ ᨶ ᩏᨸᩈᨾ᩠ᨸᩣᨴᩮᨲᨻ᩠ᨻᩮᩣ ¶ ; ᨿᩮᩣ ᨧ ᨡᩮᩣ, ᨽᩥᨠ᩠ᨡᩅᩮ [ᨿᩮᩣ ᨧ ᨡᩮᩣ ᨽᩥᨠ᩠ᨡᩅᩮ ᨽᩥᨠ᩠ᨡᩩ (ᩈᩦ. ᩈ᩠ᨿᩣ.)], ᩈᩥᨠ᩠ᨡᩴ ᨸᨧ᩠ᨧᨠ᩠ᨡᩣᨿ ᨴᩩᨻ᩠ᨻᩃ᩠ᨿᩴ ᩌᩅᩥᨠᨲ᩠ᩅᩣ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᨲᩥ ᩈᩮᩣ ᩌᨣᨲᩮᩣ ᩏᨸᩈᨾ᩠ᨸᩣᨴᩮᨲᨻ᩠ᨻᩮᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪔᪔. ‘‘ᨿᩮᩣ ᨸᨶ ᨽᩥᨠ᩠ᨡᩩ ᨽᩥᨠ᩠ᨡᩪᨶᩴ ᩈᩥᨠ᩠ᨡᩣᩈᩣᨩᩦᩅᩈᨾᩣᨸᨶ᩠ᨶᩮᩣ ᩈᩥᨠ᩠ᨡᩴ ᩋᨸᨧ᩠ᨧᨠ᩠ᨡᩣᨿ ᨴᩩᨻ᩠ᨻᩃ᩠ᨿᩴ ᩋᨶᩣᩅᩥᨠᨲ᩠ᩅᩣ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩮᨿ᩠ᨿ ᩋᨶ᩠ᨲᨾᩈᩮᩣ ᨲᩥᩁᨧ᩠ᨨᩣᨶᨣᨲᩣᨿᨸᩥ, ᨸᩣᩁᩣᨩᩥᨠᩮᩣ ᩉᩮᩣᨲᩥ ᩋᩈᩴᩅᩣᩈᩮᩣ’’ᨲᩥ.

᪔᪕. ᨿᩮᩣ ᨸᨶᩣᨲᩥ ᨿᩮᩣ ᨿᩣᨴᩥᩈᩮᩣ ᨿᨳᩣᨿᩩᨲ᩠ᨲᩮᩣ ᨿᨳᩣᨩᨧ᩠ᨧᩮᩣ ᨿᨳᩣᨶᩣᨾᩮᩣ ᨿᨳᩣᨣᩮᩣᨲ᩠ᨲᩮᩣ ¶ ᨿᨳᩣᩈᩦᩃᩮᩣ ᨿᨳᩣᩅᩥᩉᩣᩁᩦ ᨿᨳᩣᨣᩮᩣᨧᩁᩮᩣ ᨳᩮᩁᩮᩣ ᩅᩣ ᨶᩅᩮᩣ ᩅᩣ ᨾᨩ᩠ᨫᩥᨾᩮᩣ ᩅᩣ. ᩑᩈᩮᩣ ᩅᩩᨧ᩠ᨧᨲᩥ ‘ᨿᩮᩣ ᨸᨶᩣ’ᨲᩥ.

[ᩅᩥᨽ. ᪕᪑᪐, ᨫᩣᨶᩅᩥᨽᨦ᩠ᨣᩮᨸᩥ] ᨽᩥᨠ᩠ᨡᩪᨲᩥ ᨽᩥᨠ᩠ᨡᨠᩮᩣᨲᩥ ᨽᩥᨠ᩠ᨡᩩ, ᨽᩥᨠ᩠ᨡᩣᨧᩁᩥᨿᩴ ᩋᨩ᩠ᨫᩩᨸᨣᨲᩮᩣᨲᩥ ᨽᩥᨠ᩠ᨡᩩ, ᨽᩥᨶ᩠ᨶᨸᨭᨵᩁᩮᩣᨲᩥ ᨽᩥᨠ᩠ᨡᩩ, ᩈᨾᨬ᩠ᨬᩣᨿ ᨽᩥᨠ᩠ᨡᩩ, ᨸᨭᩥᨬ᩠ᨬᩣᨿ ᨽᩥᨠ᩠ᨡᩩ, ᩑᩉᩥ ᨽᩥᨠ᩠ᨡᩪᨲᩥ ᨽᩥᨠ᩠ᨡᩩ, ᨲᩦᩉᩥ ᩈᩁᨱᨣᨾᨶᩮᩉᩥ ᩏᨸᩈᨾ᩠ᨸᨶ᩠ᨶᩮᩣᨲᩥ ᨽᩥᨠ᩠ᨡᩩ, ᨽᨴᩕᩮᩣ ᨽᩥᨠ᩠ᨡᩩ, ᩈᩣᩁᩮᩣ ᨽᩥᨠ᩠ᨡᩩ, ᩈᩮᨡᩮᩣ ᨽᩥᨠ᩠ᨡᩩ, ᩋᩈᩮᨡᩮᩣ ᨽᩥᨠ᩠ᨡᩩ, ᩈᨾᨣ᩠ᨣᩮᨶ ᩈᨦ᩠ᨥᩮᨶ ᨬᨲ᩠ᨲᩥᨧᨲᩩᨲ᩠ᨳᩮᨶ ᨠᨾ᩠ᨾᩮᨶ ᩋᨠᩩᨸ᩠ᨸᩮᨶ ᨮᩣᨶᩣᩁᩉᩮᨶ ᩏᨸᩈᨾ᩠ᨸᨶ᩠ᨶᩮᩣᨲᩥ ᨽᩥᨠ᩠ᨡᩩ. ᨲᨲᩕ ᨿ᩠ᩅᩣᨿᩴ ᨽᩥᨠ᩠ᨡᩩ ᩈᨾᨣ᩠ᨣᩮᨶ ᩈᨦ᩠ᨥᩮᨶ ᨬᨲ᩠ᨲᩥᨧᨲᩩᨲ᩠ᨳᩮᨶ ᨠᨾ᩠ᨾᩮᨶ ᩋᨠᩩᨸ᩠ᨸᩮᨶ ᨮᩣᨶᩣᩁᩉᩮᨶ ᩏᨸᩈᨾ᩠ᨸᨶ᩠ᨶᩮᩣ, ᩋᨿᩴ ᩍᨾᩈ᩠ᨾᩥᩴ ᩋᨲ᩠ᨳᩮ ᩋᨵᩥᨸ᩠ᨸᩮᨲᩮᩣ ᨽᩥᨠ᩠ᨡᩪᨲᩥ.

[ᨴᩦ. ᨶᩥ. ᪓.᪓᪐᪕] ᩈᩥᨠ᩠ᨡᩣᨲᩥ ¶ ᨲᩥᩔᩮᩣ ᩈᩥᨠ᩠ᨡᩣ – ᩋᨵᩥᩈᩦᩃᩈᩥᨠ᩠ᨡᩣ, ᩋᨵᩥᨧᩥᨲ᩠ᨲᩈᩥᨠ᩠ᨡᩣ, ᩋᨵᩥᨸᨬ᩠ᨬᩣᩈᩥᨠ᩠ᨡᩣ ¶ . ᨲᨲᩕ ᨿᩣᨿᩴ ᩋᨵᩥᩈᩦᩃᩈᩥᨠ᩠ᨡᩣ, ᩋᨿᩴ ᩍᨾᩈ᩠ᨾᩥᩴ ᩋᨲ᩠ᨳᩮ ᩋᨵᩥᨸ᩠ᨸᩮᨲᩣ ᩈᩥᨠ᩠ᨡᩣᨲᩥ.

ᩈᩣᨩᩦᩅᩴ ᨶᩣᨾ ᨿᩴ ᨽᨣᩅᨲᩣ ᨸᨬ᩠ᨬᨲ᩠ᨲᩴ ᩈᩥᨠ᩠ᨡᩣᨸᨴᩴ, ᩑᨲᩴ ᩈᩣᨩᩦᩅᩴ ᨶᩣᨾ. ᨲᩈ᩠ᨾᩥᩴ ᩈᩥᨠ᩠ᨡᨲᩥ, ᨲᩮᨶ ᩅᩩᨧ᩠ᨧᨲᩥ ᩈᩣᨩᩦᩅᩈᨾᩣᨸᨶ᩠ᨶᩮᩣᨲᩥ.

ᩈᩥᨠ᩠ᨡᩴ ¶ ᩋᨸᨧ᩠ᨧᨠ᩠ᨡᩣᨿ ᨴᩩᨻ᩠ᨻᩃ᩠ᨿᩴ ᩋᨶᩣᩅᩥᨠᨲ᩠ᩅᩣᨲᩥ ᩋᨲ᩠ᨳᩥ, ᨽᩥᨠ᩠ᨡᩅᩮ, ᨴᩩᨻ᩠ᨻᩃ᩠ᨿᩣᩅᩥᨠᨾ᩠ᨾᨬ᩠ᨧᩮᩅ ᩉᩮᩣᨲᩥ ᩈᩥᨠ᩠ᨡᩣ ᨧ ᩋᨸᨧ᩠ᨧᨠ᩠ᨡᩣᨲᩣ; ᩋᨲ᩠ᨳᩥ, ᨽᩥᨠ᩠ᨡᩅᩮ, ᨴᩩᨻ᩠ᨻᩃ᩠ᨿᩣᩅᩥᨠᨾ᩠ᨾᨬ᩠ᨧᩮᩅ ᩉᩮᩣᨲᩥ ᩈᩥᨠ᩠ᨡᩣ ᨧ ᨸᨧ᩠ᨧᨠ᩠ᨡᩣᨲᩣ.

‘‘ᨠᨳᨬ᩠ᨧ, ᨽᩥᨠ᩠ᨡᩅᩮ, ᨴᩩᨻ᩠ᨻᩃ᩠ᨿᩣᩅᩥᨠᨾ᩠ᨾᨬ᩠ᨧᩮᩅ ᩉᩮᩣᨲᩥ ᩈᩥᨠ᩠ᨡᩣ ᨧ ᩋᨸᨧ᩠ᨧᨠ᩠ᨡᩣᨲᩣ. ᩍᨵ, ᨽᩥᨠ᩠ᨡᩅᩮ, ᨽᩥᨠ᩠ᨡᩩ ᩏᨠ᩠ᨠᨱ᩠ᨮᩥᨲᩮᩣ ᩋᨶᨽᩥᩁᨲᩮᩣ ᩈᩣᨾᨬ᩠ᨬᩣ ᨧᩅᩥᨲᩩᨠᩣᨾᩮᩣ ᨽᩥᨠ᩠ᨡᩩᨽᩣᩅᩴ ᩋᨭ᩠ᨭᩦᨿᨾᩣᨶᩮᩣ ᩉᩁᩣᨿᨾᩣᨶᩮᩣ ᨩᩥᨣᩩᨧ᩠ᨨᨾᩣᨶᩮᩣ ᨣᩥᩉᩥᨽᩣᩅᩴ ᨸᨲ᩠ᨳᨿᨾᩣᨶᩮᩣ ᩏᨸᩣᩈᨠᨽᩣᩅᩴ ᨸᨲ᩠ᨳᨿᨾᩣᨶᩮᩣ ᩌᩁᩣᨾᩥᨠᨽᩣᩅᩴ ᨸᨲ᩠ᨳᨿᨾᩣᨶᩮᩣ ᩈᩣᨾᨱᩮᩁᨽᩣᩅᩴ ᨸᨲ᩠ᨳᨿᨾᩣᨶᩮᩣ ᨲᩥᨲ᩠ᨳᩥᨿᨽᩣᩅᩴ ᨸᨲ᩠ᨳᨿᨾᩣᨶᩮᩣ ᨲᩥᨲ᩠ᨳᩥᨿᩈᩣᩅᨠᨽᩣᩅᩴ ᨸᨲ᩠ᨳᨿᨾᩣᨶᩮᩣ ᩋᩔᨾᨱᨽᩣᩅᩴ ᨸᨲ᩠ᨳᨿᨾᩣᨶᩮᩣ ᩋᩈᨠ᩠ᨿᨸᩩᨲ᩠ᨲᩥᨿᨽᩣᩅᩴ ᨸᨲ᩠ᨳᨿᨾᩣᨶᩮᩣ – ‘ᨿᩴᨶᩪᨶᩣᩉᩴ ᨻᩩᨴ᩠ᨵᩴ ᨸᨧ᩠ᨧᨠ᩠ᨡᩮᨿ᩠ᨿ’ᨶ᩠ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ. ᩑᩅᨾ᩠ᨸᩥ, ᨽᩥᨠ᩠ᨡᩅᩮ, ᨴᩩᨻ᩠ᨻᩃ᩠ᨿᩣᩅᩥᨠᨾ᩠ᨾᨬ᩠ᨧᩮᩅ ᩉᩮᩣᨲᩥ ᩈᩥᨠ᩠ᨡᩣ ᨧ ᩋᨸᨧ᩠ᨧᨠ᩠ᨡᩣᨲᩣ.

‘‘ᩋᨳ ᩅᩣ ᨸᨶ ᩏᨠ᩠ᨠᨱ᩠ᨮᩥᨲᩮᩣ ᩋᨶᨽᩥᩁᨲᩮᩣ ᩈᩣᨾᨬ᩠ᨬᩣ ᨧᩅᩥᨲᩩᨠᩣᨾᩮᩣ ᨽᩥᨠ᩠ᨡᩩᨽᩣᩅᩴ ᩋᨭ᩠ᨭᩦᨿᨾᩣᨶᩮᩣ ᩉᩁᩣᨿᨾᩣᨶᩮᩣ ᨩᩥᨣᩩᨧ᩠ᨨᨾᩣᨶᩮᩣ ᨣᩥᩉᩥᨽᩣᩅᩴ ᨸᨲ᩠ᨳᨿᨾᩣᨶᩮᩣ…ᨸᩮ… ᩋᩈᨠ᩠ᨿᨸᩩᨲ᩠ᨲᩥᨿᨽᩣᩅᩴ ᨸᨲ᩠ᨳᨿᨾᩣᨶᩮᩣ – ‘ᨿᩴᨶᩪᨶᩣᩉᩴ ᨵᨾ᩠ᨾᩴ ᨸᨧ᩠ᨧᨠ᩠ᨡᩮᨿ᩠ᨿ’ᨶ᩠ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ…ᨸᩮ… ᨿᩴᨶᩪᨶᩣᩉᩴ ᩈᨦ᩠ᨥᩴ… ᨿᩴᨶᩪᨶᩣᩉᩴ ᩈᩥᨠ᩠ᨡᩴ… ᨿᩴᨶᩪᨶᩣᩉᩴ ¶ ᩅᩥᨶᨿᩴ… ᨿᩴᨶᩪᨶᩣᩉᩴ ᨸᩣᨲᩥᨾᩮᩣᨠ᩠ᨡᩴ… ᨿᩴᨶᩪᨶᩣᩉᩴ ᩏᨴ᩠ᨴᩮᩈᩴ… ᨿᩴᨶᩪᨶᩣᩉᩴ ¶ ᩏᨸᨩ᩠ᨫᩣᨿᩴ… ᨿᩴᨶᩪᨶᩣᩉᩴ ᩌᨧᩁᩥᨿᩴ… ᨿᩴᨶᩪᨶᩣᩉᩴ ᩈᨴ᩠ᨵᩥᩅᩥᩉᩣᩁᩥᨠᩴ… ᨿᩴᨶᩪᨶᩣᩉᩴ ᩋᨶ᩠ᨲᩮᩅᩣᩈᩥᨠᩴ… ᨿᩴᨶᩪᨶᩣᩉᩴ ᩈᨾᩣᨶᩩᨸᨩ᩠ᨫᩣᨿᨠᩴ… ᨿᩴᨶᩪᨶᩣᩉᩴ ᩈᨾᩣᨶᩣᨧᩁᩥᨿᨠᩴ ᨿᩴᨶᩪᨶᩣᩉᩴ ᩈᨻᩕᩉ᩠ᨾᨧᩣᩁᩥᩴ ᨸᨧ᩠ᨧᨠ᩠ᨡᩮᨿ᩠ᨿ’ᨶ᩠ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ. ‘ᨿᩴᨶᩪᨶᩣᩉᩴ ᨣᩥᩉᩦ ᩋᩔ’ᨶ᩠ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ. ‘ᨿᩴᨶᩪᨶᩣᩉᩴ ᩏᨸᩣᩈᨠᩮᩣ ᩋᩔ’ᨶ᩠ᨲᩥ… ‘ᨿᩴᨶᩪᨶᩣᩉᩴ ᩌᩁᩣᨾᩥᨠᩮᩣ ᩋᩔ’ᨶ᩠ᨲᩥ… ‘ᨿᩴᨶᩪᨶᩣᩉᩴ ᩈᩣᨾᨱᩮᩁᩮᩣ ᩋᩔ’ᨶ᩠ᨲᩥ… ‘ᨿᩴᨶᩪᨶᩣᩉᩴ ᨲᩥᨲ᩠ᨳᩥᨿᩮᩣ ᩋᩔ’ᨶ᩠ᨲᩥ… ‘ᨿᩴᨶᩪᨶᩣᩉᩴ ᨲᩥᨲ᩠ᨳᩥᨿᩈᩣᩅᨠᩮᩣ ᩋᩔ’ᨶ᩠ᨲᩥ… ‘ᨿᩴᨶᩪᨶᩣᩉᩴ ᩋᩔᨾᨱᩮᩣ ᩋᩔ’ᨶ᩠ᨲᩥ… ‘ᨿᩴᨶᩪᨶᩣᩉᩴ ᩋᩈᨠ᩠ᨿᨸᩩᨲ᩠ᨲᩥᨿᩮᩣ ᩋᩔ’ᨶ᩠ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ. ᩑᩅᨾ᩠ᨸᩥ, ᨽᩥᨠ᩠ᨡᩅᩮ, ᨴᩩᨻ᩠ᨻᩃ᩠ᨿᩣᩅᩥᨠᨾ᩠ᨾᨬ᩠ᨧᩮᩅ ᩉᩮᩣᨲᩥ ᩈᩥᨠ᩠ᨡᩣ ᨧ ᩋᨸᨧ᩠ᨧᨠ᩠ᨡᩣᨲᩣ.

᪔᪖. ‘‘ᩋᨳ ¶ ᩅᩣ ᨸᨶ ᩏᨠ᩠ᨠᨱ᩠ᨮᩥᨲᩮᩣ ᩋᨶᨽᩥᩁᨲᩮᩣ ᩈᩣᨾᨬ᩠ᨬᩣ ᨧᩅᩥᨲᩩᨠᩣᨾᩮᩣ ᨽᩥᨠ᩠ᨡᩩᨽᩣᩅᩴ ᩋᨭ᩠ᨭᩦᨿᨾᩣᨶᩮᩣ ᩉᩁᩣᨿᨾᩣᨶᩮᩣ ᨩᩥᨣᩩᨧ᩠ᨨᨾᩣᨶᩮᩣ ᨣᩥᩉᩥᨽᩣᩅᩴ ᨸᨲ᩠ᨳᨿᨾᩣᨶᩮᩣ…ᨸᩮ… ᩋᩈᨠ᩠ᨿᨸᩩᨲ᩠ᨲᩥᨿᨽᩣᩅᩴ ᨸᨲ᩠ᨳᨿᨾᩣᨶᩮᩣ – ‘ᨿᨴᩥ ᨸᨶᩣᩉᩴ ᨻᩩᨴ᩠ᨵᩴ ᨸᨧ᩠ᨧᨠ᩠ᨡᩮᨿ᩠ᨿ’ᨶ᩠ᨲᩥ ᩅᨴᨲᩥ ¶ ᩅᩥᨬ᩠ᨬᩣᨸᩮᨲᩥ…ᨸᩮ… ‘ᨿᨴᩥ ᨸᨶᩣᩉᩴ ᩋᩈᨠ᩠ᨿᨸᩩᨲ᩠ᨲᩥᨿᩮᩣ ᩋᩔ’ᨶ᩠ᨲᩥ ¶ ᩅᨴᨲᩥ ᩅᩥᨬ᩠ᨬᩣᨸᩮᨲᩥ…ᨸᩮ… ‘ᩋᨸᩣᩉᩴ ᨻᩩᨴ᩠ᨵᩴ ᨸᨧ᩠ᨧᨠ᩠ᨡᩮᨿ᩠ᨿ’ᨶ᩠ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ…ᨸᩮ… ‘ᩋᨸᩣᩉᩴ ᩋᩈᨠ᩠ᨿᨸᩩᨲ᩠ᨲᩥᨿᩮᩣ ᩋᩔ’ᨶ᩠ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ…ᨸᩮ… ‘ᩉᨶ᩠ᨴᩣᩉᩴ ᨻᩩᨴ᩠ᨵᩴ ᨸᨧ᩠ᨧᨠ᩠ᨡᩮᨿ᩠ᨿ’ᨶ᩠ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ…ᨸᩮ… ‘ᩉᨶ᩠ᨴᩣᩉᩴ ᩋᩈᨠ᩠ᨿᨸᩩᨲ᩠ᨲᩥᨿᩮᩣ ᩋᩔ’ᨶ᩠ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ…ᨸᩮ… ‘ᩉᩮᩣᨲᩥ ᨾᩮ ᨻᩩᨴ᩠ᨵᩴ ᨸᨧ᩠ᨧᨠ᩠ᨡᩮᨿ᩠ᨿ’ᨶ᩠ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ…ᨸᩮ… ‘ᩉᩮᩣᨲᩥ ᨾᩮ ᩋᩈᨠ᩠ᨿᨸᩩᨲ᩠ᨲᩥᨿᩮᩣ ᩋᩔ’ᨶ᩠ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ. ᩑᩅᨾ᩠ᨸᩥ, ᨽᩥᨠ᩠ᨡᩅᩮ, ᨴᩩᨻ᩠ᨻᩃ᩠ᨿᩣᩅᩥᨠᨾ᩠ᨾᨬ᩠ᨧᩮᩅ ᩉᩮᩣᨲᩥ ᩈᩥᨠ᩠ᨡᩣ ᨧ ᩋᨸᨧ᩠ᨧᨠ᩠ᨡᩣᨲᩣ.

᪔᪗. ‘‘ᩋᨳ ᩅᩣ ᨸᨶ ᩏᨠ᩠ᨠᨱ᩠ᨮᩥᨲᩮᩣ ᩋᨶᨽᩥᩁᨲᩮᩣ ᩈᩣᨾᨬ᩠ᨬᩣ ᨧᩅᩥᨲᩩᨠᩣᨾᩮᩣ ᨽᩥᨠ᩠ᨡᩩᨽᩣᩅᩴ ᩋᨭ᩠ᨭᩦᨿᨾᩣᨶᩮᩣ ᩉᩁᩣᨿᨾᩣᨶᩮᩣ ᨩᩥᨣᩩᨧ᩠ᨨᨾᩣᨶᩮᩣ ᨣᩥᩉᩥᨽᩣᩅᩴ ᨸᨲ᩠ᨳᨿᨾᩣᨶᩮᩣ…ᨸᩮ… ᩋᩈᨠ᩠ᨿᨸᩩᨲ᩠ᨲᩥᨿᨽᩣᩅᩴ ᨸᨲ᩠ᨳᨿᨾᩣᨶᩮᩣ ‘ᨾᩣᨲᩁᩴ ᩈᩁᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨸᩥᨲᩁᩴ ᩈᩁᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨽᩣᨲᩁᩴ ᩈᩁᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨽᨣᩥᨶᩥᩴ ᩈᩁᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨸᩩᨲ᩠ᨲᩴ ᩈᩁᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨵᩦᨲᩁᩴ ᩈᩁᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨸᨩᩣᨸᨲᩥᩴ ᩈᩁᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨬᩣᨲᨠᩮ ᩈᩁᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨾᩥᨲ᩠ᨲᩮ ᩈᩁᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨣᩣᨾᩴ ᩈᩁᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨶᩥᨣᨾᩴ ᩈᩁᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨡᩮᨲ᩠ᨲᩴ ᩈᩁᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᩅᨲ᩠ᨳᩩᩴ ᩈᩁᩣᨾᩥ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᩉᩥᩁᨬ᩠ᨬᩴ ᩈᩁᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᩈᩩᩅᨱ᩠ᨱᩴ ᩈᩁᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᩈᩥᨸ᩠ᨸᩴ ᩈᩁᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨸᩩᨻ᩠ᨻᩮ ᩉᩈᩥᨲᩴ ᩃᨸᩥᨲᩴ ᨠᩦᩊᩥᨲᩴ ᩈᨾᨶᩩᩔᩁᩣᨾᩦ’ᨲᩥ ¶ ᩅᨴᨲᩥ ᩅᩥᨬ᩠ᨬᩣᨸᩮᨲᩥ. ᩑᩅᨾ᩠ᨸᩥ, ᨽᩥᨠ᩠ᨡᩅᩮ, ᨴᩩᨻ᩠ᨻᩃ᩠ᨿᩣᩅᩥᨠᨾ᩠ᨾᨬ᩠ᨧᩮᩅ ¶ ᩉᩮᩣᨲᩥ ᩈᩥᨠ᩠ᨡᩣ ᨧ ᩋᨸᨧ᩠ᨧᨠ᩠ᨡᩣᨲᩣ.

᪔᪘. ‘‘ᩋᨳ ᩅᩣ ᨸᨶ ᩏᨠ᩠ᨠᨱ᩠ᨮᩥᨲᩮᩣ ᩋᨶᨽᩥᩁᨲᩮᩣ ᩈᩣᨾᨬ᩠ᨬᩣ ᨧᩅᩥᨲᩩᨠᩣᨾᩮᩣ ᨽᩥᨠ᩠ᨡᩩᨽᩣᩅᩴ ᩋᨭ᩠ᨭᩦᨿᨾᩣᨶᩮᩣ ᩉᩁᩣᨿᨾᩣᨶᩮᩣ ᨩᩥᨣᩩᨧ᩠ᨨᨾᩣᨶᩮᩣ ᨣᩥᩉᩥᨽᩣᩅᩴ ᨸᨲ᩠ᨳᨿᨾᩣᨶᩮᩣ…ᨸᩮ… ᩋᩈᨠ᩠ᨿᨸᩩᨲ᩠ᨲᩥᨿᨽᩣᩅᩴ ᨸᨲ᩠ᨳᨿᨾᩣᨶᩮᩣ – ‘ᨾᩣᨲᩣ ᨾᩮ ᩋᨲ᩠ᨳᩥ, ᩈᩣ ᨾᨿᩣ ᨸᩮᩣᩈᩮᨲᨻ᩠ᨻᩣ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨸᩥᨲᩣ ᨾᩮ ᩋᨲ᩠ᨳᩥ, ᩈᩮᩣ ᨾᨿᩣ ᨸᩮᩣᩈᩮᨲᨻ᩠ᨻᩮᩣ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨽᩣᨲᩣ ᨾᩮ ᩋᨲ᩠ᨳᩥ, ᩈᩮᩣ ᨾᨿᩣ ᨸᩮᩣᩈᩮᨲᨻ᩠ᨻᩮᩣ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨽᨣᩥᨶᩦ ᨾᩮ ᩋᨲ᩠ᨳᩥ, ᩈᩣ ᨾᨿᩣ ᨸᩮᩣᩈᩮᨲᨻ᩠ᨻᩣ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨸᩩᨲ᩠ᨲᩮᩣ ᨾᩮ ᩋᨲ᩠ᨳᩥ, ᩈᩮᩣ ᨾᨿᩣ ᨸᩮᩣᩈᩮᨲᨻ᩠ᨻᩮᩣ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨵᩦᨲᩣ ᨾᩮ ᩋᨲ᩠ᨳᩥ, ᩈᩣ ᨾᨿᩣ ᨸᩮᩣᩈᩮᨲᨻ᩠ᨻᩣ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨸᨩᩣᨸᨲᩥ ᨾᩮ ᩋᨲ᩠ᨳᩥ, ᩈᩣ ᨾᨿᩣ ᨸᩮᩣᩈᩮᨲᨻ᩠ᨻᩣ’ᨲᩥ ¶ ᩅᨴᨲᩥ ᩅᩥᨬ᩠ᨬᩣᨸᩮᨲᩥ ¶ … ‘ᨬᩣᨲᨠᩣ ᨾᩮ ᩋᨲ᩠ᨳᩥ, ᨲᩮ ᨾᨿᩣ ᨸᩮᩣᩈᩮᨲᨻ᩠ᨻᩣ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨾᩥᨲ᩠ᨲᩣ ᨾᩮ ᩋᨲ᩠ᨳᩥ, ᨲᩮ ᨾᨿᩣ ᨸᩮᩣᩈᩮᨲᨻ᩠ᨻᩣ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ. ᩑᩅᨾ᩠ᨸᩥ, ᨽᩥᨠ᩠ᨡᩅᩮ, ᨴᩩᨻ᩠ᨻᩃ᩠ᨿᩣᩅᩥᨠᨾ᩠ᨾᨬ᩠ᨧᩮᩅ ᩉᩮᩣᨲᩥ ᩈᩥᨠ᩠ᨡᩣ ᨧ ᩋᨸᨧ᩠ᨧᨠ᩠ᨡᩣᨲᩣ.

᪔᪙. ‘‘ᩋᨳ ᩅᩣ ᨸᨶ ᩏᨠ᩠ᨠᨱ᩠ᨮᩥᨲᩮᩣ ᩋᨶᨽᩥᩁᨲᩮᩣ ᩈᩣᨾᨬ᩠ᨬᩣ ᨧᩅᩥᨲᩩᨠᩣᨾᩮᩣ ᨽᩥᨠ᩠ᨡᩩᨽᩣᩅᩴ ᩋᨭ᩠ᨭᩦᨿᨾᩣᨶᩮᩣ ᩉᩁᩣᨿᨾᩣᨶᩮᩣ ᨩᩥᨣᩩᨧ᩠ᨨᨾᩣᨶᩮᩣ ᨣᩥᩉᩥᨽᩣᩅᩴ ᨸᨲ᩠ᨳᨿᨾᩣᨶᩮᩣ…ᨸᩮ… ᩋᩈᨠ᩠ᨿᨸᩩᨲ᩠ᨲᩥᨿᨽᩣᩅᩴ ᨸᨲ᩠ᨳᨿᨾᩣᨶᩮᩣ – ‘ᨾᩣᨲᩣ ᨾᩮ ᩋᨲ᩠ᨳᩥ, ᩈᩣ ᨾᩴ ᨸᩮᩣᩈᩮᩔᨲᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨸᩥᨲᩣ ᨾᩮ ᩋᨲ᩠ᨳᩥ, ᩈᩮᩣ ᨾᩴ ᨸᩮᩣᩈᩮᩔᨲᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨽᩣᨲᩣ ᨾᩮ ᩋᨲ᩠ᨳᩥ, ᩈᩮᩣ ᨾᩴ ᨸᩮᩣᩈᩮᩔᨲᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨽᨣᩥᨶᩦ ᨾᩮ ᩋᨲ᩠ᨳᩥ, ᩈᩣ ᨾᩴ ᨸᩮᩣᩈᩮᩔᨲᩦ’ᨲᩥ ¶ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨸᩩᨲ᩠ᨲᩮᩣ ᨾᩮ ᩋᨲ᩠ᨳᩥ, ᩈᩮᩣ ᨾᩴ ᨸᩮᩣᩈᩮᩔᨲᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨵᩦᨲᩣ ᨾᩮ ᩋᨲ᩠ᨳᩥ, ᩈᩣ ᨾᩴ ᨸᩮᩣᩈᩮᩔᨲᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨸᨩᩣᨸᨲᩥ ᨾᩮ ᩋᨲ᩠ᨳᩥ, ᩈᩣ ᨾᩴ ᨸᩮᩣᩈᩮᩔᨲᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨬᩣᨲᨠᩣ ᨾᩮ ᩋᨲ᩠ᨳᩥ, ᨲᩮ ᨾᩴ ᨸᩮᩣᩈᩮᩔᨶ᩠ᨲᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨾᩥᨲ᩠ᨲᩣ ᨾᩮ ᩋᨲ᩠ᨳᩥ, ᨲᩮ ᨾᩴ ᨸᩮᩣᩈᩮᩔᨶ᩠ᨲᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨣᩣᨾᩮᩣ ᨾᩮ ᩋᨲ᩠ᨳᩥ, ᨲᩮᨶᩣᩉᩴ ᨩᩦᩅᩥᩔᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨶᩥᨣᨾᩮᩣ ᨾᩮ ᩋᨲ᩠ᨳᩥ, ᨲᩮᨶᩣᩉᩴ ᨩᩦᩅᩥᩔᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨡᩮᨲ᩠ᨲᩴ ᨾᩮ ᩋᨲ᩠ᨳᩥ, ᨲᩮᨶᩣᩉᩴ ᨩᩦᩅᩥᩔᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᩅᨲ᩠ᨳᩩ ᨾᩮ ᩋᨲ᩠ᨳᩥ, ᨲᩮᨶᩣᩉᩴ ᨩᩦᩅᩥᩔᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᩉᩥᩁᨬ᩠ᨬᩴ ᨾᩮ ᩋᨲ᩠ᨳᩥ, ᨲᩮᨶᩣᩉᩴ ᨩᩦᩅᩥᩔᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᩈᩩᩅᨱ᩠ᨱᩴ ᨾᩮ ᩋᨲ᩠ᨳᩥ, ᨲᩮᨶᩣᩉᩴ ᨩᩦᩅᩥᩔᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᩈᩥᨸ᩠ᨸᩴ ᨾᩮ ᩋᨲ᩠ᨳᩥ, ᨲᩮᨶᩣᩉᩴ ᨩᩦᩅᩥᩔᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ. ᩑᩅᨾ᩠ᨸᩥ, ᨽᩥᨠ᩠ᨡᩅᩮ, ᨴᩩᨻ᩠ᨻᩃ᩠ᨿᩣᩅᩥᨠᨾ᩠ᨾᨬ᩠ᨧᩮᩅ ᩉᩮᩣᨲᩥ ᩈᩥᨠ᩠ᨡᩣ ᨧ ᩋᨸᨧ᩠ᨧᨠ᩠ᨡᩣᨲᩣ.

᪕᪐. ‘‘ᩋᨳ ᩅᩣ ᨸᨶ ᩏᨠ᩠ᨠᨱ᩠ᨮᩥᨲᩮᩣ ᩋᨶᨽᩥᩁᨲᩮᩣ ᩈᩣᨾᨬ᩠ᨬᩣ ᨧᩅᩥᨲᩩᨠᩣᨾᩮᩣ ᨽᩥᨠ᩠ᨡᩩᨽᩣᩅᩴ ᩋᨭ᩠ᨭᩦᨿᨾᩣᨶᩮᩣ ᩉᩁᩣᨿᨾᩣᨶᩮᩣ ᨩᩥᨣᩩᨧ᩠ᨨᨾᩣᨶᩮᩣ ᨣᩥᩉᩥᨽᩣᩅᩴ ᨸᨲ᩠ᨳᨿᨾᩣᨶᩮᩣ…ᨸᩮ… ᩋᩈᨠ᩠ᨿᨸᩩᨲ᩠ᨲᩥᨿᨽᩣᩅᩴ ᨸᨲ᩠ᨳᨿᨾᩣᨶᩮᩣ ‘ᨴᩩᨠ᩠ᨠᩁ’ᨶ᩠ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨶ ᩈᩩᨠᩁ’ᨶ᩠ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨴᩩᨧ᩠ᨧᩁ’ᨶ᩠ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨶ ᩈᩩᨧᩁ’ᨶ᩠ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨶ ᩏᩔᩉᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨶ ᩅᩥᩈᩉᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨶ ᩁᨾᩣᨾᩦ’ᨲᩥ ᩅᨴᨲᩥ ¶ ᩅᩥᨬ᩠ᨬᩣᨸᩮᨲᩥ… ‘ᨶᩣᨽᩥᩁᨾᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ. ᩑᩅᨾ᩠ᨸᩥ ᨡᩮᩣ, ᨽᩥᨠ᩠ᨡᩅᩮ, ᨴᩩᨻ᩠ᨻᩃ᩠ᨿᩣᩅᩥᨠᨾ᩠ᨾᨬ᩠ᨧᩮᩅ ᩉᩮᩣᨲᩥ ᩈᩥᨠ᩠ᨡᩣ ᨧ ᩋᨸᨧ᩠ᨧᨠ᩠ᨡᩣᨲᩣ.

᪕᪑. ‘‘ᨠᨳᨬ᩠ᨧ ¶ , ᨽᩥᨠ᩠ᨡᩅᩮ, ᨴᩩᨻ᩠ᨻᩃ᩠ᨿᩣᩅᩥᨠᨾ᩠ᨾᨬ᩠ᨧᩮᩅ ᩉᩮᩣᨲᩥ ᩈᩥᨠ᩠ᨡᩣ ᨧ ᨸᨧ᩠ᨧᨠ᩠ᨡᩣᨲᩣ? ᩍᨵ ¶ , ᨽᩥᨠ᩠ᨡᩅᩮ, ᨽᩥᨠ᩠ᨡᩩ ᩏᨠ᩠ᨠᨱ᩠ᨮᩥᨲᩮᩣ ᩋᨶᨽᩥᩁᨲᩮᩣ ᩈᩣᨾᨬ᩠ᨬᩣ ᨧᩅᩥᨲᩩᨠᩣᨾᩮᩣ ᨽᩥᨠ᩠ᨡᩩᨽᩣᩅᩴ ᩋᨭ᩠ᨭᩦᨿᨾᩣᨶᩮᩣ ᩉᩁᩣᨿᨾᩣᨶᩮᩣ ᨩᩥᨣᩩᨧ᩠ᨨᨾᩣᨶᩮᩣ ᨣᩥᩉᩥᨽᩣᩅᩴ ᨸᨲ᩠ᨳᨿᨾᩣᨶᩮᩣ…ᨸᩮ… ᩋᩈᨠ᩠ᨿᨸᩩᨲ᩠ᨲᩥᨿᨽᩣᩅᩴ ᨸᨲ᩠ᨳᨿᨾᩣᨶᩮᩣ – ‘ᨻᩩᨴ᩠ᨵᩴ ᨸᨧ᩠ᨧᨠ᩠ᨡᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ. ᩑᩅᨾ᩠ᨸᩥ, ᨽᩥᨠ᩠ᨡᩅᩮ, ᨴᩩᨻ᩠ᨻᩃ᩠ᨿᩣᩅᩥᨠᨾ᩠ᨾᨬ᩠ᨧᩮᩅ ᩉᩮᩣᨲᩥ ᩈᩥᨠ᩠ᨡᩣ ᨧ ᨸᨧ᩠ᨧᨠ᩠ᨡᩣᨲᩣ.

‘‘ᩋᨳ ᩅᩣ ᨸᨶ ᩏᨠ᩠ᨠᨱ᩠ᨮᩥᨲᩮᩣ ᩋᨶᨽᩥᩁᨲᩮᩣ ᩈᩣᨾᨬ᩠ᨬᩣ ᨧᩅᩥᨲᩩᨠᩣᨾᩮᩣ ᨽᩥᨠ᩠ᨡᩩᨽᩣᩅᩴ ᩋᨭ᩠ᨭᩦᨿᨾᩣᨶᩮᩣ ᩉᩁᩣᨿᨾᩣᨶᩮᩣ ᨩᩥᨣᩩᨧ᩠ᨨᨾᩣᨶᩮᩣ ᨣᩥᩉᩥᨽᩣᩅᩴ ᨸᨲ᩠ᨳᨿᨾᩣᨶᩮᩣ…ᨸᩮ… ᩋᩈᨠ᩠ᨿᨸᩩᨲ᩠ᨲᩥᨿᨽᩣᩅᩴ ᨸᨲ᩠ᨳᨿᨾᩣᨶᩮᩣ – ‘ᨵᨾ᩠ᨾᩴ ᨸᨧ᩠ᨧᨠ᩠ᨡᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᩈᨦ᩠ᨥᩴ ¶ ᨸᨧ᩠ᨧᨠ᩠ᨡᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᩈᩥᨠ᩠ᨡᩴ ᨸᨧ᩠ᨧᨠ᩠ᨡᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᩅᩥᨶᨿᩴ ᨸᨧ᩠ᨧᨠ᩠ᨡᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨸᩣᨲᩥᨾᩮᩣᨠ᩠ᨡᩴ ᨸᨧ᩠ᨧᨠ᩠ᨡᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᩏᨴ᩠ᨴᩮᩈᩴ ᨸᨧ᩠ᨧᨠ᩠ᨡᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᩏᨸᨩ᩠ᨫᩣᨿᩴ ᨸᨧ᩠ᨧᨠ᩠ᨡᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᩌᨧᩁᩥᨿᩴ ᨸᨧ᩠ᨧᨠ᩠ᨡᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᩈᨴ᩠ᨵᩥᩅᩥᩉᩣᩁᩥᨠᩴ ᨸᨧ᩠ᨧᨠ᩠ᨡᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᩋᨶ᩠ᨲᩮᩅᩣᩈᩥᨠᩴ ᨸᨧ᩠ᨧᨠ᩠ᨡᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᩈᨾᩣᨶᩩᨸᨩ᩠ᨫᩣᨿᨠᩴ ᨸᨧ᩠ᨧᨠ᩠ᨡᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᩈᨾᩣᨶᩣᨧᩁᩥᨿᨠᩴ ᨸᨧ᩠ᨧᨠ᩠ᨡᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᩈᨻᩕᩉ᩠ᨾᨧᩣᩁᩥᩴ ᨸᨧ᩠ᨧᨠ᩠ᨡᩣᨾᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨣᩥᩉᩦᨲᩥ ᨾᩴ ᨵᩣᩁᩮᩉᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᩏᨸᩣᩈᨠᩮᩣᨲᩥ ᨾᩴ ᨵᩣᩁᩮᩉᩦ’ᨲᩥ ¶ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᩌᩁᩣᨾᩥᨠᩮᩣᨲᩥ ᨾᩴ ᨵᩣᩁᩮᩉᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᩈᩣᨾᨱᩮᩁᩮᩣᨲᩥ ᨾᩴ ᨵᩣᩁᩮᩉᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨲᩥᨲ᩠ᨳᩥᨿᩮᩣᨲᩥ ᨾᩴ ᨵᩣᩁᩮᩉᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨲᩥᨲ᩠ᨳᩥᨿᩈᩣᩅᨠᩮᩣᨲᩥ ᨾᩴ ᨵᩣᩁᩮᩉᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᩋᩔᨾᨱᩮᩣᨲᩥ ᨾᩴ ᨵᩣᩁᩮᩉᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᩋᩈᨠ᩠ᨿᨸᩩᨲ᩠ᨲᩥᨿᩮᩣᨲᩥ ᨾᩴ ᨵᩣᩁᩮᩉᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ. ᩑᩅᨾ᩠ᨸᩥ, ᨽᩥᨠ᩠ᨡᩅᩮ, ᨴᩩᨻ᩠ᨻᩃ᩠ᨿᩣᩅᩥᨠᨾ᩠ᨾᨬ᩠ᨧᩮᩅ ᩉᩮᩣᨲᩥ ᩈᩥᨠ᩠ᨡᩣ ᨧ ᨸᨧ᩠ᨧᨠ᩠ᨡᩣᨲᩣ.

᪕᪒. ‘‘ᩋᨳ ᩅᩣ ᨸᨶ ᩏᨠ᩠ᨠᨱ᩠ᨮᩥᨲᩮᩣ ᩋᨶᨽᩥᩁᨲᩮᩣ ᩈᩣᨾᨬ᩠ᨬᩣ ᨧᩅᩥᨲᩩᨠᩣᨾᩮᩣ ᨽᩥᨠ᩠ᨡᩩᨽᩣᩅᩴ ᩋᨭ᩠ᨭᩦᨿᨾᩣᨶᩮᩣ ᩉᩁᩣᨿᨾᩣᨶᩮᩣ ᨩᩥᨣᩩᨧ᩠ᨨᨾᩣᨶᩮᩣ ᨣᩥᩉᩥᨽᩣᩅᩴ ᨸᨲ᩠ᨳᨿᨾᩣᨶᩮᩣ…ᨸᩮ… ᩋᩈᨠ᩠ᨿᨸᩩᨲ᩠ᨲᩥᨿᨽᩣᩅᩴ ᨸᨲ᩠ᨳᨿᨾᩣᨶᩮᩣ – ‘ᩋᩃᩴ ᨾᩮ ᨻᩩᨴ᩠ᨵᩮᨶᩣ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ…ᨸᩮ… ‘ᩋᩃᩴ ᨾᩮ ᩈᨻᩕᩉ᩠ᨾᨧᩣᩁᩦᩉᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ. ᩑᩅᨾ᩠ᨸᩥ…ᨸᩮ… ᩋᨳ ᩅᩣ ᨸᨶ…ᨸᩮ… ‘ᨠᩥᩴ ᨶᩩ ᨾᩮ ᨻᩩᨴ᩠ᨵᩮᨶᩣ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ…ᨸᩮ… ‘ᨠᩥᩴ ᨶᩩ ᨾᩮ ᩈᨻᩕᩉ᩠ᨾᨧᩣᩁᩦᩉᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᨶ ᨾᨾᨲ᩠ᨳᩮᩣ ᨻᩩᨴ᩠ᨵᩮᨶᩣ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ…ᨸᩮ… ‘ᨶ ᨾᨾᨲ᩠ᨳᩮᩣ ᩈᨻᩕᩉ᩠ᨾᨧᩣᩁᩦᩉᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ… ‘ᩈᩩᨾᩩᨲ᩠ᨲᩣᩉᩴ ᨻᩩᨴ᩠ᨵᩮᨶᩣ’ᨲᩥ ¶ ᩅᨴᨲᩥ ᩅᩥᨬ᩠ᨬᩣᨸᩮᨲᩥ…ᨸᩮ… ‘ᩈᩩᨾᩩᨲ᩠ᨲᩣᩉᩴ ᩈᨻᩕᩉ᩠ᨾᨧᩣᩁᩦᩉᩦ’ᨲᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ. ᩑᩅᨾ᩠ᨸᩥ, ᨽᩥᨠ᩠ᨡᩅᩮ, ᨴᩩᨻ᩠ᨻᩃ᩠ᨿᩣᩅᩥᨠᨾ᩠ᨾᨬ᩠ᨧᩮᩅ ᩉᩮᩣᨲᩥ ᩈᩥᨠ᩠ᨡᩣ ᨧ ᨸᨧ᩠ᨧᨠ᩠ᨡᩣᨲᩣ.

᪕᪓. ‘‘ᨿᩣᨶᩥ ¶ ᩅᩣ ᨸᨶᨬ᩠ᨬᩣᨶᩥᨸᩥ ᩋᨲ᩠ᨳᩥ ᨻᩩᨴ᩠ᨵᩅᩮᩅᨧᨶᩣᨶᩥ ᩅᩣ ᨵᨾ᩠ᨾᩅᩮᩅᨧᨶᩣᨶᩥ ᩅᩣ ᩈᨦ᩠ᨥᩅᩮᩅᨧᨶᩣᨶᩥ ᩅᩣ ᩈᩥᨠ᩠ᨡᩣᩅᩮᩅᨧᨶᩣᨶᩥ ᩅᩣ ᩅᩥᨶᨿᩅᩮᩅᨧᨶᩣᨶᩥ ᩅᩣ ᨸᩣᨲᩥᨾᩮᩣᨠ᩠ᨡᩅᩮᩅᨧᨶᩣᨶᩥ ᩅᩣ ᩏᨴ᩠ᨴᩮᩈᩅᩮᩅᨧᨶᩣᨶᩥ ᩅᩣ ᩏᨸᨩ᩠ᨫᩣᨿᩅᩮᩅᨧᨶᩣᨶᩥ ᩅᩣ ¶ ᩌᨧᩁᩥᨿᩅᩮᩅᨧᨶᩣᨶᩥ ᩅᩣ ᩈᨴ᩠ᨵᩥᩅᩥᩉᩣᩁᩥᨠᩅᩮᩅᨧᨶᩣᨶᩥ ᩅᩣ ᩋᨶ᩠ᨲᩮᩅᩣᩈᩥᨠᩅᩮᩅᨧᨶᩣᨶᩥ ᩅᩣ ᩈᨾᩣᨶᩩᨸᨩ᩠ᨫᩣᨿᨠᩅᩮᩅᨧᨶᩣᨶᩥ ᩅᩣ ᩈᨾᩣᨶᩣᨧᩁᩥᨿᨠᩅᩮᩅᨧᨶᩣᨶᩥ ᩅᩣ ᩈᨻᩕᩉ᩠ᨾᨧᩣᩁᩥᩅᩮᩅᨧᨶᩣᨶᩥ ᩅᩣ ᨣᩥᩉᩥᩅᩮᩅᨧᨶᩣᨶᩥ ᩅᩣ ᩏᨸᩣᩈᨠᩅᩮᩅᨧᨶᩣᨶᩥ ᩅᩣ ᩌᩁᩣᨾᩥᨠᩅᩮᩅᨧᨶᩣᨶᩥ ᩅᩣ ᩈᩣᨾᨱᩮᩁᩅᩮᩅᨧᨶᩣᨶᩥ ᩅᩣ ᨲᩥᨲ᩠ᨳᩥᨿᩅᩮᩅᨧᨶᩣᨶᩥ ᩅᩣ ᨲᩥᨲ᩠ᨳᩥᨿᩈᩣᩅᨠᩅᩮᩅᨧᨶᩣᨶᩥ ᩅᩣ ᩋᩔᨾᨱᩅᩮᩅᨧᨶᩣᨶᩥ ᩅᩣ ᩋᩈᨠ᩠ᨿᨸᩩᨲ᩠ᨲᩥᨿᩅᩮᩅᨧᨶᩣᨶᩥ ᩅᩣ, ᨲᩮᩉᩥ ᩌᨠᩣᩁᩮᩉᩥ ᨲᩮᩉᩥ ᩃᩥᨦ᩠ᨣᩮᩉᩥ ᨲᩮᩉᩥ ᨶᩥᨾᩥᨲ᩠ᨲᩮᩉᩥ ᩅᨴᨲᩥ ᩅᩥᨬ᩠ᨬᩣᨸᩮᨲᩥ. ᩑᩅᩴ ᨡᩮᩣ, ᨽᩥᨠ᩠ᨡᩅᩮ, ᨴᩩᨻ᩠ᨻᩃ᩠ᨿᩣᩅᩥᨠᨾ᩠ᨾᨬ᩠ᨧᩮᩅ ᩉᩮᩣᨲᩥ ᩈᩥᨠ᩠ᨡᩣ ᨧ ᨸᨧ᩠ᨧᨠ᩠ᨡᩣᨲᩣ.

᪕᪔. ‘‘ᨠᨳᨬ᩠ᨧ, ᨽᩥᨠ᩠ᨡᩅᩮ, ᩋᨸᨧ᩠ᨧᨠ᩠ᨡᩣᨲᩣ ᩉᩮᩣᨲᩥ ᩈᩥᨠ᩠ᨡᩣ? ᩍᨵ, ᨽᩥᨠ᩠ᨡᩅᩮ, ᨿᩮᩉᩥ ᩌᨠᩣᩁᩮᩉᩥ ᨿᩮᩉᩥ ᩃᩥᨦ᩠ᨣᩮᩉᩥ ᨿᩮᩉᩥ ᨶᩥᨾᩥᨲ᩠ᨲᩮᩉᩥ ᩈᩥᨠ᩠ᨡᩣ ᨸᨧ᩠ᨧᨠ᩠ᨡᩣᨲᩣ ᩉᩮᩣᨲᩥ ᨲᩮᩉᩥ ᩌᨠᩣᩁᩮᩉᩥ ᨲᩮᩉᩥ ᩃᩥᨦ᩠ᨣᩮᩉᩥ ᨲᩮᩉᩥ ᨶᩥᨾᩥᨲ᩠ᨲᩮᩉᩥ ᩏᨾ᩠ᨾᨲ᩠ᨲᨠᩮᩣ ᩈᩥᨠ᩠ᨡᩴ ᨸᨧ᩠ᨧᨠ᩠ᨡᩣᨲᩥ, ᩋᨸᨧ᩠ᨧᨠ᩠ᨡᩣᨲᩣ ᩉᩮᩣᨲᩥ ᩈᩥᨠ᩠ᨡᩣ. ᩏᨾ᩠ᨾᨲ᩠ᨲᨠᩔ ᩈᨶ᩠ᨲᩥᨠᩮ ᩈᩥᨠ᩠ᨡᩴ ᨸᨧ᩠ᨧᨠ᩠ᨡᩣᨲᩥ, ᩋᨸᨧ᩠ᨧᨠ᩠ᨡᩣᨲᩣ ᩉᩮᩣᨲᩥ ᩈᩥᨠ᩠ᨡᩣ. ᨡᩥᨲ᩠ᨲᨧᩥᨲ᩠ᨲᩮᩣ ᩈᩥᨠ᩠ᨡᩴ ᨸᨧ᩠ᨧᨠ᩠ᨡᩣᨲᩥ, ᩋᨸᨧ᩠ᨧᨠ᩠ᨡᩣᨲᩣ ᩉᩮᩣᨲᩥ ᩈᩥᨠ᩠ᨡᩣ. ᨡᩥᨲ᩠ᨲᨧᩥᨲ᩠ᨲᩔ ᩈᨶ᩠ᨲᩥᨠᩮ ᩈᩥᨠ᩠ᨡᩴ ᨸᨧ᩠ᨧᨠ᩠ᨡᩣᨲᩥ, ᩋᨸᨧ᩠ᨧᨠ᩠ᨡᩣᨲᩣ ᩉᩮᩣᨲᩥ ᩈᩥᨠ᩠ᨡᩣ. ᩅᩮᨴᨶᩣᨭ᩠ᨭᩮᩣ ᩈᩥᨠ᩠ᨡᩴ ᨸᨧ᩠ᨧᨠ᩠ᨡᩣᨲᩥ, ᩋᨸᨧ᩠ᨧᨠ᩠ᨡᩣᨲᩣ ᩉᩮᩣᨲᩥ ᩈᩥᨠ᩠ᨡᩣ. ᩅᩮᨴᨶᩣᨭ᩠ᨭᩔ ᩈᨶ᩠ᨲᩥᨠᩮ ᩈᩥᨠ᩠ᨡᩴ ᨸᨧ᩠ᨧᨠ᩠ᨡᩣᨲᩥ, ᩋᨸᨧ᩠ᨧᨠ᩠ᨡᩣᨲᩣ ᩉᩮᩣᨲᩥ ᩈᩥᨠ᩠ᨡᩣ. ᨴᩮᩅᨲᩣᨿ ᩈᨶ᩠ᨲᩥᨠᩮ ᩈᩥᨠ᩠ᨡᩴ ᨸᨧ᩠ᨧᨠ᩠ᨡᩣᨲᩥ, ᩋᨸᨧ᩠ᨧᨠ᩠ᨡᩣᨲᩣ ᩉᩮᩣᨲᩥ ᩈᩥᨠ᩠ᨡᩣ. ᨲᩥᩁᨧ᩠ᨨᩣᨶᨣᨲᩔ ᩈᨶ᩠ᨲᩥᨠᩮ ᩈᩥᨠ᩠ᨡᩴ ᨸᨧ᩠ᨧᨠ᩠ᨡᩣᨲᩥ, ᩋᨸᨧ᩠ᨧᨠ᩠ᨡᩣᨲᩣ ¶ ᩉᩮᩣᨲᩥ ᩈᩥᨠ᩠ᨡᩣ. ᩋᩁᩥᨿᨠᩮᨶ ᨾᩥᩃᨠ᩠ᨡᩔ [ᨾᩥᩃᨠ᩠ᨡᨠᩔ (ᩈᩦ. ᩈ᩠ᨿᩣ.) ᨾᩥᩃᨠ᩠ᨡᩩᩔ (ᨠ.)] ᩈᨶ᩠ᨲᩥᨠᩮ ᩈᩥᨠ᩠ᨡᩴ ᨸᨧ᩠ᨧᨠ᩠ᨡᩣᨲᩥ, ᩈᩮᩣ ᨧ ᨶ ᨸᨭᩥᩅᩥᨩᩣᨶᩣᨲᩥ, ᩋᨸᨧ᩠ᨧᨠ᩠ᨡᩣᨲᩣ ᩉᩮᩣᨲᩥ ᩈᩥᨠ᩠ᨡᩣ. ᨾᩥᩃᨠ᩠ᨡᨠᩮᨶ ᩋᩁᩥᨿᨠᩔ ᩈᨶ᩠ᨲᩥᨠᩮ ᩈᩥᨠ᩠ᨡᩴ ᨸᨧ᩠ᨧᨠ᩠ᨡᩣᨲᩥ, ᩈᩮᩣ ᨧ ᨶ ᨸᨭᩥᩅᩥᨩᩣᨶᩣᨲᩥ, ᩋᨸᨧ᩠ᨧᨠ᩠ᨡᩣᨲᩣ ᩉᩮᩣᨲᩥ ᩈᩥᨠ᩠ᨡᩣ. ᩋᩁᩥᨿᨠᩮᨶ ᩋᩁᩥᨿᩔ ᩈᨶ᩠ᨲᩥᨠᩮ ᩈᩥᨠ᩠ᨡᩴ ᨸᨧ᩠ᨧᨠ᩠ᨡᩣᨲᩥ, ᩈᩮᩣ ᨧ ᨶ ᨸᨭᩥᩅᩥᨩᩣᨶᩣᨲᩥ ¶ , ᩋᨸᨧ᩠ᨧᨠ᩠ᨡᩣᨲᩣ ᩉᩮᩣᨲᩥ ᩈᩥᨠ᩠ᨡᩣ. ᨾᩥᩃᨠ᩠ᨡᨠᩮᨶ ᨾᩥᩃᨠ᩠ᨡᩔ ¶ ᩈᨶ᩠ᨲᩥᨠᩮ ᩈᩥᨠ᩠ᨡᩴ ᨸᨧ᩠ᨧᨠ᩠ᨡᩣᨲᩥ, ᩈᩮᩣ ᨧ ᨶ ᨸᨭᩥᩅᩥᨩᩣᨶᩣᨲᩥ, ᩋᨸᨧ᩠ᨧᨠ᩠ᨡᩣᨲᩣ ᩉᩮᩣᨲᩥ ᩈᩥᨠ᩠ᨡᩣ. ᨴᩅᩣᨿ ᩈᩥᨠ᩠ᨡᩴ ᨸᨧ᩠ᨧᨠ᩠ᨡᩣᨲᩥ, ᩋᨸᨧ᩠ᨧᨠ᩠ᨡᩣᨲᩣ ᩉᩮᩣᨲᩥ ᩈᩥᨠ᩠ᨡᩣ. ᩁᩅᩣᨿ ᩈᩥᨠ᩠ᨡᩴ ᨸᨧ᩠ᨧᨠ᩠ᨡᩣᨲᩥ, ᩋᨸᨧ᩠ᨧᨠ᩠ᨡᩣᨲᩣ ᩉᩮᩣᨲᩥ ᩈᩥᨠ᩠ᨡᩣ. ᩋᩈᩣᩅᩮᨲᩩᨠᩣᨾᩮᩣ ᩈᩣᩅᩮᨲᩥ, ᩋᨸᨧ᩠ᨧᨠ᩠ᨡᩣᨲᩣ ᩉᩮᩣᨲᩥ ᩈᩥᨠ᩠ᨡᩣ. ᩈᩣᩅᩮᨲᩩᨠᩣᨾᩮᩣ ᨶ ᩈᩣᩅᩮᨲᩥ, ᩋᨸᨧ᩠ᨧᨠ᩠ᨡᩣᨲᩣ ᩉᩮᩣᨲᩥ ᩈᩥᨠ᩠ᨡᩣ. ᩋᩅᩥᨬ᩠ᨬᩩᩔ ᩈᩣᩅᩮᨲᩥ, ᩋᨸᨧ᩠ᨧᨠ᩠ᨡᩣᨲᩣ ᩉᩮᩣᨲᩥ ᩈᩥᨠ᩠ᨡᩣ. ᩅᩥᨬ᩠ᨬᩩᩔ ᨶ ᩈᩣᩅᩮᨲᩥ, ᩋᨸᨧ᩠ᨧᨠ᩠ᨡᩣᨲᩣ ᩉᩮᩣᨲᩥ ᩈᩥᨠ᩠ᨡᩣ. ᩈᨻ᩠ᨻᩈᩮᩣ ¶ ᩅᩣ ᨸᨶ ᨶ ᩈᩣᩅᩮᨲᩥ, ᩋᨸᨧ᩠ᨧᨠ᩠ᨡᩣᨲᩣ ᩉᩮᩣᨲᩥ ᩈᩥᨠ᩠ᨡᩣ. ᩑᩅᩴ ᨡᩮᩣ, ᨽᩥᨠ᩠ᨡᩅᩮ, ᩋᨸᨧ᩠ᨧᨠ᩠ᨡᩣᨲᩣ ᩉᩮᩣᨲᩥ ᩈᩥᨠ᩠ᨡᩣ’’.

᪕᪕. [ᨾᩉᩣᨶᩥ. ᪔᪙, ᪕᪐, ᪕᪑] ᨾᩮᨳᩩᨶᨵᨾ᩠ᨾᩮᩣ ᨶᩣᨾ ᨿᩮᩣ ᩈᩮᩣ ᩋᩈᨴ᩠ᨵᨾ᩠ᨾᩮᩣ ᨣᩣᨾᨵᨾ᩠ᨾᩮᩣ ᩅᩈᩃᨵᨾ᩠ᨾᩮᩣ ᨴᩩᨭ᩠ᨮᩩᩃ᩠ᩃᩴ ᩒᨴᨠᨶ᩠ᨲᩥᨠᩴ ᩁᩉᩔᩴ ᨴ᩠ᩅᨿᩴᨴ᩠ᩅᨿᩈᨾᩣᨸᨲ᩠ᨲᩥ, ᩑᩈᩮᩣ ᨾᩮᨳᩩᨶᨵᨾ᩠ᨾᩮᩣ ᨶᩣᨾ.

ᨸᨭᩥᩈᩮᩅᨲᩥ ᨶᩣᨾ ᨿᩮᩣ ᨶᩥᨾᩥᨲ᩠ᨲᩮᨶ ᨶᩥᨾᩥᨲ᩠ᨲᩴ ᩋᨦ᩠ᨣᨩᩣᨲᩮᨶ ᩋᨦ᩠ᨣᨩᩣᨲᩴ ᩋᨶ᩠ᨲᨾᩈᩮᩣ ᨲᩥᩃᨹᩃᨾᨲ᩠ᨲᨾ᩠ᨸᩥ ᨸᩅᩮᩈᩮᨲᩥ, ᩑᩈᩮᩣ ᨸᨭᩥᩈᩮᩅᨲᩥ ᨶᩣᨾ.

ᩋᨶ᩠ᨲᨾᩈᩮᩣ ¶ ᨲᩥᩁᨧ᩠ᨨᩣᨶᨣᨲᩣᨿᨸᩦᨲᩥ ᨲᩥᩁᨧ᩠ᨨᩣᨶᨣᨲᩥᨲ᩠ᨳᩥᨿᩣᨸᩥ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩥᨲ᩠ᩅᩣ ᩋᩔᨾᨱᩮᩣ ᩉᩮᩣᨲᩥ ᩋᩈᨠ᩠ᨿᨸᩩᨲ᩠ᨲᩥᨿᩮᩣ, ᨸᨣᩮᩅ ᨾᨶᩩᩔᩥᨲ᩠ᨳᩥᨿᩣ. ᨲᩮᨶ ᩅᩩᨧ᩠ᨧᨲᩥ – ‘ᩋᨶ᩠ᨲᨾᩈᩮᩣ ᨲᩥᩁᨧ᩠ᨨᩣᨶᨣᨲᩣᨿᨸᩦ’ᨲᩥ.

ᨸᩣᩁᩣᨩᩥᨠᩮᩣ ᩉᩮᩣᨲᩦᨲᩥ ᩈᩮᨿ᩠ᨿᨳᩣᨸᩥ ᨶᩣᨾ ᨸᩩᩁᩥᩈᩮᩣ ᩈᩦᩈᨧ᩠ᨨᩥᨶ᩠ᨶᩮᩣ ᩋᨽᨻ᩠ᨻᩮᩣ ᨲᩮᨶ ᩈᩁᩦᩁᨻᨶ᩠ᨵᨶᩮᨶ ᨩᩦᩅᩥᨲᩩᩴ, ᩑᩅᨾᩮᩅ ᨽᩥᨠ᩠ᨡᩩ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩥᨲ᩠ᩅᩣ ᩋᩔᨾᨱᩮᩣ ᩉᩮᩣᨲᩥ ᩋᩈᨠ᩠ᨿᨸᩩᨲ᩠ᨲᩥᨿᩮᩣ. ᨲᩮᨶ ᩅᩩᨧ᩠ᨧᨲᩥ – ‘ᨸᩣᩁᩣᨩᩥᨠᩮᩣ ᩉᩮᩣᨲᩦ’ᨲᩥ.

ᩋᩈᩴᩅᩣᩈᩮᩣᨲᩥ ᩈᩴᩅᩣᩈᩮᩣ ᨶᩣᨾ ᩑᨠᨠᨾ᩠ᨾᩴ ᩑᨠᩩᨴ᩠ᨴᩮᩈᩮᩣ ᩈᨾᩈᩥᨠ᩠ᨡᨲᩣ – ᩑᩈᩮᩣ ᩈᩴᩅᩣᩈᩮᩣ ᨶᩣᨾ. ᩈᩮᩣ ᨲᩮᨶ ᩈᨴ᩠ᨵᩥᩴ ᨶᨲ᩠ᨳᩥ. ᨲᩮᨶ ᩅᩩᨧ᩠ᨧᨲᩥ – ‘ᩋᩈᩴᩅᩣᩈᩮᩣ’ᨲᩥ.

᪕᪖. ᨲᩥᩔᩮᩣ ᩍᨲ᩠ᨳᩥᨿᩮᩣ – ᨾᨶᩩᩔᩥᨲ᩠ᨳᩦ, ᩋᨾᨶᩩᩔᩥᨲ᩠ᨳᩦ, ᨲᩥᩁᨧ᩠ᨨᩣᨶᨣᨲᩥᨲ᩠ᨳᩦ. ᨲᨿᩮᩣ ᩏᨽᨲᩮᩣᨻ᩠ᨿᨬ᩠ᨩᨶᨠᩣ – ᨾᨶᩩᩔᩩᨽᨲᩮᩣᨻ᩠ᨿᨬ᩠ᨩᨶᨠᩮᩣ, ᩋᨾᨶᩩᩔᩩᨽᨲᩮᩣᨻ᩠ᨿᨬ᩠ᨩᨶᨠᩮᩣ, ᨲᩥᩁᨧ᩠ᨨᩣᨶᨣᨲᩩᨽᨲᩮᩣᨻ᩠ᨿᨬ᩠ᨩᨶᨠᩮᩣ. ᨲᨿᩮᩣ ᨸᨱ᩠ᨯᨠᩣ – ᨾᨶᩩᩔᨸᨱ᩠ᨯᨠᩮᩣ, ᩋᨾᨶᩩᩔᨸᨱ᩠ᨯᨠᩮᩣ ¶ , ᨲᩥᩁᨧ᩠ᨨᩣᨶᨣᨲᨸᨱ᩠ᨯᨠᩮᩣ. ᨲᨿᩮᩣ ᨸᩩᩁᩥᩈᩣ – ᨾᨶᩩᩔᨸᩩᩁᩥᩈᩮᩣ, ᩋᨾᨶᩩᩔᨸᩩᩁᩥᩈᩮᩣ, ᨲᩥᩁᨧ᩠ᨨᩣᨶᨣᨲᨸᩩᩁᩥᩈᩮᩣ.

ᨾᨶᩩᩔᩥᨲ᩠ᨳᩥᨿᩣ ᨲᨿᩮᩣ ᨾᨣ᩠ᨣᩮ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᩅᨧ᩠ᨧᨾᨣ᩠ᨣᩮ, ᨸᩔᩣᩅᨾᨣ᩠ᨣᩮ, ᨾᩩᨡᩮ. ᩋᨾᨶᩩᩔᩥᨲ᩠ᨳᩥᨿᩣ…ᨸᩮ… ᨲᩥᩁᨧ᩠ᨨᩣᨶᨣᨲᩥᨲ᩠ᨳᩥᨿᩣ ᨲᨿᩮᩣ ᨾᨣ᩠ᨣᩮ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᩅᨧ᩠ᨧᨾᨣ᩠ᨣᩮ, ᨸᩔᩣᩅᨾᨣ᩠ᨣᩮ, ᨾᩩᨡᩮ. ᨾᨶᩩᩔᩩᨽᨲᩮᩣᨻ᩠ᨿᨬ᩠ᨩᨶᨠᩔ… ᩋᨾᨶᩩᩔᩩᨽᨲᩮᩣᨻ᩠ᨿᨬ᩠ᨩᨶᨠᩔ… ᨲᩥᩁᨧ᩠ᨨᩣᨶᨣᨲᩩᨽᨲᩮᩣᨻ᩠ᨿᨬ᩠ᨩᨶᨠᩔ ᨲᨿᩮᩣ ¶ ᨾᨣ᩠ᨣᩮ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᩅᨧ᩠ᨧᨾᨣ᩠ᨣᩮ, ᨸᩔᩣᩅᨾᨣ᩠ᨣᩮ, ᨾᩩᨡᩮ. ᨾᨶᩩᩔᨸᨱ᩠ᨯᨠᩔ ᨴ᩠ᩅᩮ ᨾᨣ᩠ᨣᩮ ¶ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᩅᨧ᩠ᨧᨾᨣ᩠ᨣᩮ, ᨾᩩᨡᩮ. ᩋᨾᨶᩩᩔᨸᨱ᩠ᨯᨠᩔ… ᨲᩥᩁᨧ᩠ᨨᩣᨶᨣᨲᨸᨱ᩠ᨯᨠᩔ… ᨾᨶᩩᩔᨸᩩᩁᩥᩈᩔ… ᩋᨾᨶᩩᩔᨸᩩᩁᩥᩈᩔ… ᨲᩥᩁᨧ᩠ᨨᩣᨶᨣᨲᨸᩩᩁᩥᩈᩔ ᨴ᩠ᩅᩮ ᨾᨣ᩠ᨣᩮ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᩅᨧ᩠ᨧᨾᨣ᩠ᨣᩮ, ᨾᩩᨡᩮ.

᪕᪗. ᨽᩥᨠ᩠ᨡᩩᩔ ¶ ᩈᩮᩅᨶᨧᩥᨲ᩠ᨲᩴ ᩏᨸᨭ᩠ᨮᩥᨲᩮ ᨾᨶᩩᩔᩥᨲ᩠ᨳᩥᨿᩣ ᩅᨧ᩠ᨧᨾᨣ᩠ᨣᩴ ᩋᨦ᩠ᨣᨩᩣᨲᩴ ᨸᩅᩮᩈᩮᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨽᩥᨠ᩠ᨡᩩᩔ ᩈᩮᩅᨶᨧᩥᨲ᩠ᨲᩴ ᩏᨸᨭ᩠ᨮᩥᨲᩮ ᨾᨶᩩᩔᩥᨲ᩠ᨳᩥᨿᩣ ᨸᩔᩣᩅᨾᨣ᩠ᨣᩴ… ᨾᩩᨡᩴ ᩋᨦ᩠ᨣᨩᩣᨲᩴ ᨸᩅᩮᩈᩮᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨽᩥᨠ᩠ᨡᩩᩔ ᩈᩮᩅᨶᨧᩥᨲ᩠ᨲᩴ ᩏᨸᨭ᩠ᨮᩥᨲᩮ ᩋᨾᨶᩩᩔᩥᨲ᩠ᨳᩥᨿᩣ… ᨲᩥᩁᨧ᩠ᨨᩣᨶᨣᨲᩥᨲ᩠ᨳᩥᨿᩣ… ᨾᨶᩩᩔᩩᨽᨲᩮᩣᨻ᩠ᨿᨬ᩠ᨩᨶᨠᩔ… ᩋᨾᨶᩩᩔᩩᨽᨲᩮᩣᨻ᩠ᨿᨬ᩠ᨩᨶᨠᩔ… ᨲᩥᩁᨧ᩠ᨨᩣᨶᨣᨲᩩᨽᨲᩮᩣᨻ᩠ᨿᨬ᩠ᨩᨶᨠᩔ… ᩅᨧ᩠ᨧᨾᨣ᩠ᨣᩴ ᨸᩔᩣᩅᨾᨣ᩠ᨣᩴ ᨾᩩᨡᩴ ᩋᨦ᩠ᨣᨩᩣᨲᩴ ᨸᩅᩮᩈᩮᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨽᩥᨠ᩠ᨡᩩᩔ ᩈᩮᩅᨶᨧᩥᨲ᩠ᨲᩴ ᩏᨸᨭ᩠ᨮᩥᨲᩮ ᨾᨶᩩᩔᨸᨱ᩠ᨯᨠᩔ ᩅᨧ᩠ᨧᨾᨣ᩠ᨣᩴ ᨾᩩᨡᩴ ᩋᨦ᩠ᨣᨩᩣᨲᩴ ᨸᩅᩮᩈᩮᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨽᩥᨠ᩠ᨡᩩᩔ ᩈᩮᩅᨶᨧᩥᨲ᩠ᨲᩴ ᩏᨸᨭ᩠ᨮᩥᨲᩮ ᩋᨾᨶᩩᩔᨸᨱ᩠ᨯᨠᩔ… ᨲᩥᩁᨧ᩠ᨨᩣᨶᨣᨲᨸᨱ᩠ᨯᨠᩔ… ᨾᨶᩩᩔᨸᩩᩁᩥᩈᩔ… ᩋᨾᨶᩩᩔᨸᩩᩁᩥᩈᩔ… ᨲᩥᩁᨧ᩠ᨨᩣᨶᨣᨲᨸᩩᩁᩥᩈᩔ ᩅᨧ᩠ᨧᨾᨣ᩠ᨣᩴ ᨾᩩᨡᩴ ᩋᨦ᩠ᨣᨩᩣᨲᩴ ᨸᩅᩮᩈᩮᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

᪕᪘. ᨽᩥᨠ᩠ᨡᩩᨸᨧ᩠ᨧᨲ᩠ᨳᩥᨠᩣ ᨾᨶᩩᩔᩥᨲ᩠ᨳᩥᩴ ᨽᩥᨠ᩠ᨡᩩᩔ ᩈᨶ᩠ᨲᩥᨠᩮ ᩌᨶᩮᨲ᩠ᩅᩣ ᩅᨧ᩠ᨧᨾᨣ᩠ᨣᩮᨶ ¶ ᩋᨦ᩠ᨣᨩᩣᨲᩴ ᩋᨽᩥᨶᩥᩈᩦᨴᩮᨶ᩠ᨲᩥ. ᩈᩮᩣ ᨧᩮ ᨸᩅᩮᩈᨶᩴ ᩈᩣᨴᩥᨿᨲᩥ [ᨸᩅᩥᩈᨶᩴ ᩈᩣᨴᨿᨲᩥ (ᨠ.)], ᨸᩅᩥᨭ᩠ᨮᩴ ᩈᩣᨴᩥᨿᨲᩥ, ᨮᩥᨲᩴ ᩈᩣᨴᩥᨿᨲᩥ, ᩏᨴ᩠ᨵᩁᨱᩴ ᩈᩣᨴᩥᨿᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨽᩥᨠ᩠ᨡᩩᨸᨧ᩠ᨧᨲ᩠ᨳᩥᨠᩣ ᨾᨶᩩᩔᩥᨲ᩠ᨳᩥᩴ ᨽᩥᨠ᩠ᨡᩩᩔ ᩈᨶ᩠ᨲᩥᨠᩮ ᩌᨶᩮᨲ᩠ᩅᩣ ᩅᨧ᩠ᨧᨾᨣ᩠ᨣᩮᨶ ᩋᨦ᩠ᨣᨩᩣᨲᩴ ᩋᨽᩥᨶᩥᩈᩦᨴᩮᨶ᩠ᨲᩥ. ᩈᩮᩣ ᨧᩮ ᨸᩅᩮᩈᨶᩴ ᨶ ᩈᩣᨴᩥᨿᨲᩥ, ᨸᩅᩥᨭ᩠ᨮᩴ ᩈᩣᨴᩥᨿᨲᩥ, ᨮᩥᨲᩴ ᩈᩣᨴᩥᨿᨲᩥ, ᩏᨴ᩠ᨵᩁᨱᩴ ᩈᩣᨴᩥᨿᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨽᩥᨠ᩠ᨡᩩᨸᨧ᩠ᨧᨲ᩠ᨳᩥᨠᩣ ᨾᨶᩩᩔᩥᨲ᩠ᨳᩥᩴ ᨽᩥᨠ᩠ᨡᩩᩔ ᩈᨶ᩠ᨲᩥᨠᩮ ¶ ᩌᨶᩮᨲ᩠ᩅᩣ ᩅᨧ᩠ᨧᨾᨣ᩠ᨣᩮᨶ ᩋᨦ᩠ᨣᨩᩣᨲᩴ ᩋᨽᩥᨶᩥᩈᩦᨴᩮᨶ᩠ᨲᩥ. ᩈᩮᩣ ᨧᩮ ᨸᩅᩮᩈᨶᩴ ᨶ ᩈᩣᨴᩥᨿᨲᩥ, ᨸᩅᩥᨭ᩠ᨮᩴ ᨶ ᩈᩣᨴᩥᨿᨲᩥ, ᨮᩥᨲᩴ ᩈᩣᨴᩥᨿᨲᩥ, ᩏᨴ᩠ᨵᩁᨱᩴ ᩈᩣᨴᩥᨿᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨽᩥᨠ᩠ᨡᩩᨸᨧ᩠ᨧᨲ᩠ᨳᩥᨠᩣ ᨾᨶᩩᩔᩥᨲ᩠ᨳᩥᩴ ᨽᩥᨠ᩠ᨡᩩᩔ ᩈᨶ᩠ᨲᩥᨠᩮ ᩌᨶᩮᨲ᩠ᩅᩣ ᩅᨧ᩠ᨧᨾᨣ᩠ᨣᩮᨶ ᩋᨦ᩠ᨣᨩᩣᨲᩴ ᩋᨽᩥᨶᩥᩈᩦᨴᩮᨶ᩠ᨲᩥ. ᩈᩮᩣ ᨧᩮ ᨸᩅᩮᩈᨶᩴ ᨶ ᩈᩣᨴᩥᨿᨲᩥ, ᨸᩅᩥᨭ᩠ᨮᩴ ᨶ ᩈᩣᨴᩥᨿᨲᩥ, ᨮᩥᨲᩴ ᨶ ᩈᩣᨴᩥᨿᨲᩥ, ᩏᨴ᩠ᨵᩁᨱᩴ ᩈᩣᨴᩥᨿᨲᩥ ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨽᩥᨠ᩠ᨡᩩᨸᨧ᩠ᨧᨲ᩠ᨳᩥᨠᩣ ᨾᨶᩩᩔᩥᨲ᩠ᨳᩥᩴ ᨽᩥᨠ᩠ᨡᩩᩔ ᩈᨶ᩠ᨲᩥᨠᩮ ᩌᨶᩮᨲ᩠ᩅᩣ ᩅᨧ᩠ᨧᨾᨣ᩠ᨣᩮᨶ ᩋᨦ᩠ᨣᨩᩣᨲᩴ ᩋᨽᩥᨶᩥᩈᩦᨴᩮᨶ᩠ᨲᩥ. ᩈᩮᩣ ᨧᩮ ᨸᩅᩮᩈᨶᩴ ᨶ ᩈᩣᨴᩥᨿᨲᩥ, ᨸᩅᩥᨭ᩠ᨮᩴ ᨶ ᩈᩣᨴᩥᨿᨲᩥ, ᨮᩥᨲᩴ ᨶ ᩈᩣᨴᩥᨿᨲᩥ, ᩏᨴ᩠ᨵᩁᨱᩴ ᨶ ᩈᩣᨴᩥᨿᨲᩥ, ᩋᨶᩣᨸᨲ᩠ᨲᩥ.

ᨽᩥᨠ᩠ᨡᩩᨸᨧ᩠ᨧᨲ᩠ᨳᩥᨠᩣ ᨾᨶᩩᩔᩥᨲ᩠ᨳᩥᩴ ᨽᩥᨠ᩠ᨡᩩᩔ ᩈᨶ᩠ᨲᩥᨠᩮ ᩌᨶᩮᨲ᩠ᩅᩣ ᨸᩔᩣᩅᨾᨣ᩠ᨣᩮᨶ… ᨾᩩᨡᩮᨶ ᩋᨦ᩠ᨣᨩᩣᨲᩴ ᩋᨽᩥᨶᩥᩈᩦᨴᩮᨶ᩠ᨲᩥ. ᩈᩮᩣ ᨧᩮ ᨸᩅᩮᩈᨶᩴ ᩈᩣᨴᩥᨿᨲᩥ, ᨸᩅᩥᨭ᩠ᨮᩴ ᩈᩣᨴᩥᨿᨲᩥ, ᨮᩥᨲᩴ ᩈᩣᨴᩥᨿᨲᩥ, ᩏᨴ᩠ᨵᩁᨱᩴ ᩈᩣᨴᩥᨿᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ…ᨸᩮ… ᨶ ᩈᩣᨴᩥᨿᨲᩥ, ᩋᨶᩣᨸᨲ᩠ᨲᩥ.

᪕᪙. ᨽᩥᨠ᩠ᨡᩩᨸᨧ᩠ᨧᨲ᩠ᨳᩥᨠᩣ ¶ ᨾᨶᩩᩔᩥᨲ᩠ᨳᩥᩴ ᨩᩣᨣᩁᨶ᩠ᨲᩥᩴ… ᩈᩩᨲ᩠ᨲᩴ… ᨾᨲ᩠ᨲᩴ… ᩏᨾ᩠ᨾᨲ᩠ᨲᩴ… ᨸᨾᨲ᩠ᨲᩴ… ᨾᨲᩴ ᩋᨠ᩠ᨡᩣᨿᩥᨲᩴ… ᨾᨲᩴ ᨿᩮᨽᩩᨿ᩠ᨿᩮᨶ ᩋᨠ᩠ᨡᩣᨿᩥᨲᩴ…ᨸᩮ… ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨾᨲᩴ ᨿᩮᨽᩩᨿ᩠ᨿᩮᨶ ᨡᩣᨿᩥᨲᩴ ᨽᩥᨠ᩠ᨡᩩᩔ ᩈᨶ᩠ᨲᩥᨠᩮ ¶ ᩌᨶᩮᨲ᩠ᩅᩣ ᩅᨧ᩠ᨧᨾᨣ᩠ᨣᩮᨶ… ᨸᩔᩣᩅᨾᨣ᩠ᨣᩮᨶ… ᨾᩩᨡᩮᨶ ᩋᨦ᩠ᨣᨩᩣᨲᩴ ᩋᨽᩥᨶᩥᩈᩦᨴᩮᨶ᩠ᨲᩥ. ᩈᩮᩣ ᨧᩮ ᨸᩅᩮᩈᨶᩴ ¶ ᩈᩣᨴᩥᨿᨲᩥ, ᨸᩅᩥᨭ᩠ᨮᩴ ᩈᩣᨴᩥᨿᨲᩥ, ᨮᩥᨲᩴ ᩈᩣᨴᩥᨿᨲᩥ, ᩏᨴ᩠ᨵᩁᨱᩴ ᩈᩣᨴᩥᨿᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ…ᨸᩮ… ᨶ ᩈᩣᨴᩥᨿᨲᩥ, ᩋᨶᩣᨸᨲ᩠ᨲᩥ.

ᨽᩥᨠ᩠ᨡᩩᨸᨧ᩠ᨧᨲ᩠ᨳᩥᨠᩣ ᩋᨾᨶᩩᩔᩥᨲ᩠ᨳᩥᩴ… ᨲᩥᩁᨧ᩠ᨨᩣᨶᨣᨲᩥᨲ᩠ᨳᩥᩴ… ᨾᨶᩩᩔᩩᨽᨲᩮᩣᨻ᩠ᨿᨬ᩠ᨩᨶᨠᩴ… ᩋᨾᨶᩩᩔᩩᨽᨲᩮᩣᨻ᩠ᨿᨬ᩠ᨩᨶᨠᩴ… ᨲᩥᩁᨧ᩠ᨨᩣᨶᨣᨲᩩᨽᨲᩮᩣᨻ᩠ᨿᨬ᩠ᨩᨶᨠᩴ ᨽᩥᨠ᩠ᨡᩩᩔ ᩈᨶ᩠ᨲᩥᨠᩮ ᩌᨶᩮᨲ᩠ᩅᩣ ᩅᨧ᩠ᨧᨾᨣ᩠ᨣᩮᨶ… ᨸᩔᩣᩅᨾᨣ᩠ᨣᩮᨶ… ᨾᩩᨡᩮᨶ ᩋᨦ᩠ᨣᨩᩣᨲᩴ ᩋᨽᩥᨶᩥᩈᩦᨴᩮᨶ᩠ᨲᩥ. ᩈᩮᩣ ᨧᩮ ᨸᩅᩮᩈᨶᩴ ᩈᩣᨴᩥᨿᨲᩥ, ᨸᩅᩥᨭ᩠ᨮᩴ ᩈᩣᨴᩥᨿᨲᩥ, ᨮᩥᨲᩴ ᩈᩣᨴᩥᨿᨲᩥ, ᩏᨴ᩠ᨵᩁᨱᩴ ᩈᩣᨴᩥᨿᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ…ᨸᩮ… ᨶ ᩈᩣᨴᩥᨿᨲᩥ, ᩋᨶᩣᨸᨲ᩠ᨲᩥ.

ᨽᩥᨠ᩠ᨡᩩᨸᨧ᩠ᨧᨲ᩠ᨳᩥᨠᩣ ᨲᩥᩁᨧ᩠ᨨᩣᨶᨣᨲᩩᨽᨲᩮᩣᨻ᩠ᨿᨬ᩠ᨩᨶᨠᩴ ᨩᩣᨣᩁᨶ᩠ᨲᩴ… ᩈᩩᨲ᩠ᨲᩴ… ᨾᨲ᩠ᨲᩴ… ᩏᨾ᩠ᨾᨲ᩠ᨲᩴ… ᨸᨾᨲ᩠ᨲᩴ… ᨾᨲᩴ ᩋᨠ᩠ᨡᩣᨿᩥᨲᩴ… ᨾᨲᩴ ᨿᩮᨽᩩᨿ᩠ᨿᩮᨶ ᩋᨠ᩠ᨡᩣᨿᩥᨲᩴ…ᨸᩮ… ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨾᨲᩴ ᨿᩮᨽᩩᨿ᩠ᨿᩮᨶ ᨡᩣᨿᩥᨲᩴ ᨽᩥᨠ᩠ᨡᩩᩔ ᩈᨶ᩠ᨲᩥᨠᩮ ᩌᨶᩮᨲ᩠ᩅᩣ ᩅᨧ᩠ᨧᨾᨣ᩠ᨣᩮᨶ… ᨸᩔᩣᩅᨾᨣ᩠ᨣᩮᨶ… ᨾᩩᨡᩮᨶ ᩋᨦ᩠ᨣᨩᩣᨲᩴ ᩋᨽᩥᨶᩥᩈᩦᨴᩮᨶ᩠ᨲᩥ. ᩈᩮᩣ ᨧᩮ ᨸᩅᩮᩈᨶᩴ ᩈᩣᨴᩥᨿᨲᩥ ¶ , ᨸᩅᩥᨭ᩠ᨮᩴ ᩈᩣᨴᩥᨿᨲᩥ, ᨮᩥᨲᩴ ᩈᩣᨴᩥᨿᨲᩥ, ᩏᨴ᩠ᨵᩁᨱᩴ ᩈᩣᨴᩥᨿᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ…ᨸᩮ… ᨶ ᩈᩣᨴᩥᨿᨲᩥ, ᩋᨶᩣᨸᨲ᩠ᨲᩥ.

ᨽᩥᨠ᩠ᨡᩩᨸᨧ᩠ᨧᨲ᩠ᨳᩥᨠᩣ ᨾᨶᩩᩔᨸᨱ᩠ᨯᨠᩴ… ᩋᨾᨶᩩᩔᨸᨱ᩠ᨯᨠᩴ… ᨲᩥᩁᨧ᩠ᨨᩣᨶᨣᨲᨸᨱ᩠ᨯᨠᩴ ᨽᩥᨠ᩠ᨡᩩᩔ ᩈᨶ᩠ᨲᩥᨠᩮ ᩌᨶᩮᨲ᩠ᩅᩣ ᩅᨧ᩠ᨧᨾᨣ᩠ᨣᩮᨶ… ᨾᩩᨡᩮᨶ ᩋᨦ᩠ᨣᨩᩣᨲᩴ ᩋᨽᩥᨶᩥᩈᩦᨴᩮᨶ᩠ᨲᩥ. ᩈᩮᩣ ᨧᩮ ᨸᩅᩮᩈᨶᩴ ᩈᩣᨴᩥᨿᨲᩥ, ᨸᩅᩥᨭ᩠ᨮᩴ ᩈᩣᨴᩥᨿᨲᩥ, ᨮᩥᨲᩴ ᩈᩣᨴᩥᨿᨲᩥ, ᩏᨴ᩠ᨵᩁᨱᩴ ᩈᩣᨴᩥᨿᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ…ᨸᩮ… ᨶ ᩈᩣᨴᩥᨿᨲᩥ, ᩋᨶᩣᨸᨲ᩠ᨲᩥ.

ᨽᩥᨠ᩠ᨡᩩᨸᨧ᩠ᨧᨲ᩠ᨳᩥᨠᩣ ᨲᩥᩁᨧ᩠ᨨᩣᨶᨣᨲᨸᨱ᩠ᨯᨠᩴ ᨩᩣᨣᩁᨶ᩠ᨲᩴ… ᩈᩩᨲ᩠ᨲᩴ… ᨾᨲ᩠ᨲᩴ… ᩏᨾ᩠ᨾᨲ᩠ᨲᩴ… ᨸᨾᨲ᩠ᨲᩴ… ᨾᨲᩴ ᩋᨠ᩠ᨡᩣᨿᩥᨲᩴ ¶ … ᨾᨲᩴ ᨿᩮᨽᩩᨿ᩠ᨿᩮᨶ ᩋᨠ᩠ᨡᩣᨿᩥᨲᩴ…ᨸᩮ… ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨾᨲᩴ ᨿᩮᨽᩩᨿ᩠ᨿᩮᨶ ¶ ᨡᩣᨿᩥᨲᩴ ᨽᩥᨠ᩠ᨡᩩᩔ ᩈᨶ᩠ᨲᩥᨠᩮ ᩌᨶᩮᨲ᩠ᩅᩣ ᩅᨧ᩠ᨧᨾᨣ᩠ᨣᩮᨶ… ᨾᩩᨡᩮᨶ ᩋᨦ᩠ᨣᨩᩣᨲᩴ ᩋᨽᩥᨶᩥᩈᩦᨴᩮᨶ᩠ᨲᩥ. ᩈᩮᩣ ᨧᩮ ᨸᩅᩮᩈᨶᩴ ᩈᩣᨴᩥᨿᨲᩥ, ᨸᩅᩥᨭ᩠ᨮᩴ ᩈᩣᨴᩥᨿᨲᩥ, ᨮᩥᨲᩴ ᩈᩣᨴᩥᨿᨲᩥ, ᩏᨴ᩠ᨵᩁᨱᩴ ᩈᩣᨴᩥᨿᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ…ᨸᩮ… ᨶ ᩈᩣᨴᩥᨿᨲᩥ, ᩋᨶᩣᨸᨲ᩠ᨲᩥ.

᪖᪐. ᨽᩥᨠ᩠ᨡᩩᨸᨧ᩠ᨧᨲ᩠ᨳᩥᨠᩣ ᨾᨶᩩᩔᨸᩩᩁᩥᩈᩴ… ᩋᨾᨶᩩᩔᨸᩩᩁᩥᩈᩴ… ᨲᩥᩁᨧ᩠ᨨᩣᨶᨣᨲᨸᩩᩁᩥᩈᩴ ᨽᩥᨠ᩠ᨡᩩᩔ ᩈᨶ᩠ᨲᩥᨠᩮ ᩌᨶᩮᨲ᩠ᩅᩣ ᩅᨧ᩠ᨧᨾᨣ᩠ᨣᩮᨶ… ᨾᩩᨡᩮᨶ ᩋᨦ᩠ᨣᨩᩣᨲᩴ ᩋᨽᩥᨶᩥᩈᩦᨴᩮᨶ᩠ᨲᩥ. ᩈᩮᩣ ᨧᩮ ᨸᩅᩮᩈᨶᩴ ᩈᩣᨴᩥᨿᨲᩥ, ᨸᩅᩥᨭ᩠ᨮᩴ ᩈᩣᨴᩥᨿᨲᩥ, ᨮᩥᨲᩴ ᩈᩣᨴᩥᨿᨲᩥ, ᩏᨴ᩠ᨵᩁᨱᩴ ᩈᩣᨴᩥᨿᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ…ᨸᩮ… ᨶ ᩈᩣᨴᩥᨿᨲᩥ, ᩋᨶᩣᨸᨲ᩠ᨲᩥ.

ᨽᩥᨠ᩠ᨡᩩᨸᨧ᩠ᨧᨲ᩠ᨳᩥᨠᩣ ᨲᩥᩁᨧ᩠ᨨᩣᨶᨣᨲᨸᩩᩁᩥᩈᩴ ᨩᩣᨣᩁᨶ᩠ᨲᩴ… ᩈᩩᨲ᩠ᨲᩴ… ᨾᨲ᩠ᨲᩴ… ᩏᨾ᩠ᨾᨲ᩠ᨲᩴ… ᨸᨾᨲ᩠ᨲᩴ… ᨾᨲᩴ ᩋᨠ᩠ᨡᩣᨿᩥᨲᩴ… ᨾᨲᩴ ᨿᩮᨽᩩᨿ᩠ᨿᩮᨶ ᩋᨠ᩠ᨡᩣᨿᩥᨲᩴ…ᨸᩮ… ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨾᨲᩴ ᨿᩮᨽᩩᨿ᩠ᨿᩮᨶ ᨡᩣᨿᩥᨲᩴ ᨽᩥᨠ᩠ᨡᩩᩔ ᩈᨶ᩠ᨲᩥᨠᩮ ᩌᨶᩮᨲ᩠ᩅᩣ ᩅᨧ᩠ᨧᨾᨣ᩠ᨣᩮᨶ… ᨾᩩᨡᩮᨶ ᩋᨦ᩠ᨣᨩᩣᨲᩴ ᩋᨽᩥᨶᩥᩈᩦᨴᩮᨶ᩠ᨲᩥ. ᩈᩮᩣ ᨧᩮ ᨸᩅᩮᩈᨶᩴ ᩈᩣᨴᩥᨿᨲᩥ, ᨸᩅᩥᨭ᩠ᨮᩴ ᩈᩣᨴᩥᨿᨲᩥ, ᨮᩥᨲᩴ ᩈᩣᨴᩥᨿᨲᩥ, ᩏᨴ᩠ᨵᩁᨱᩴ ᩈᩣᨴᩥᨿᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ…ᨸᩮ… ᨶ ᩈᩣᨴᩥᨿᨲᩥ, ᩋᨶᩣᨸᨲ᩠ᨲᩥ.

᪖᪑. ᨽᩥᨠ᩠ᨡᩩᨸᨧ᩠ᨧᨲ᩠ᨳᩥᨠᩣ ᨾᨶᩩᩔᩥᨲ᩠ᨳᩥᩴ ᨽᩥᨠ᩠ᨡᩩᩔ ¶ ᩈᨶ᩠ᨲᩥᨠᩮ ᩌᨶᩮᨲ᩠ᩅᩣ ᩅᨧ᩠ᨧᨾᨣ᩠ᨣᩮᨶ… ᨸᩔᩣᩅᨾᨣ᩠ᨣᩮᨶ… ᨾᩩᨡᩮᨶ ᩋᨦ᩠ᨣᨩᩣᨲᩴ ᩋᨽᩥᨶᩥᩈᩦᨴᩮᨶ᩠ᨲᩥ ᩈᨶ᩠ᨳᨲᩣᨿ ᩋᩈᨶ᩠ᨳᨲᩔ, ᩋᩈᨶ᩠ᨳᨲᩣᨿ ᩈᨶ᩠ᨳᨲᩔ, ᩈᨶ᩠ᨳᨲᩣᨿ ᩈᨶ᩠ᨳᨲᩔ, ᩋᩈᨶ᩠ᨳᨲᩣᨿ ᩋᩈᨶ᩠ᨳᨲᩔ. ᩈᩮᩣ ᨧᩮ ᨸᩅᩮᩈᨶᩴ ᩈᩣᨴᩥᨿᨲᩥ, ᨸᩅᩥᨭ᩠ᨮᩴ ᩈᩣᨴᩥᨿᨲᩥ, ᨮᩥᨲᩴ ᩈᩣᨴᩥᨿᨲᩥ, ᩏᨴ᩠ᨵᩁᨱᩴ ᩈᩣᨴᩥᨿᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ…ᨸᩮ… ᨶ ᩈᩣᨴᩥᨿᨲᩥ, ᩋᨶᩣᨸᨲ᩠ᨲᩥ ¶ .

ᨽᩥᨠ᩠ᨡᩩᨸᨧ᩠ᨧᨲ᩠ᨳᩥᨠᩣ ¶ ᨾᨶᩩᩔᩥᨲ᩠ᨳᩥᩴ ᨩᩣᨣᩁᨶ᩠ᨲᩥᩴ… ᩈᩩᨲ᩠ᨲᩴ… ᨾᨲ᩠ᨲᩴ… ᩏᨾ᩠ᨾᨲ᩠ᨲᩴ… ᨸᨾᨲ᩠ᨲᩴ… ᨾᨲᩴ ᩋᨠ᩠ᨡᩣᨿᩥᨲᩴ… ᨾᨲᩴ ᨿᩮᨽᩩᨿ᩠ᨿᩮᨶ ᩋᨠ᩠ᨡᩣᨿᩥᨲᩴ…ᨸᩮ… ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨾᨲᩴ ᨿᩮᨽᩩᨿ᩠ᨿᩮᨶ ᨡᩣᨿᩥᨲᩴ ᨽᩥᨠ᩠ᨡᩩᩔ ᩈᨶ᩠ᨲᩥᨠᩮ ᩌᨶᩮᨲ᩠ᩅᩣ ᩅᨧ᩠ᨧᨾᨣ᩠ᨣᩮᨶ… ᨸᩔᩣᩅᨾᨣ᩠ᨣᩮᨶ… ᨾᩩᨡᩮᨶ ᩋᨦ᩠ᨣᨩᩣᨲᩴ ᩋᨽᩥᨶᩥᩈᩦᨴᩮᨶ᩠ᨲᩥ, ᩈᨶ᩠ᨳᨲᩣᨿ ᩋᩈᨶ᩠ᨳᨲᩔ, ᩋᩈᨶ᩠ᨳᨲᩣᨿ ᩈᨶ᩠ᨳᨲᩔ, ᩈᨶ᩠ᨳᨲᩣᨿ ᩈᨶ᩠ᨳᨲᩔ, ᩋᩈᨶ᩠ᨳᨲᩣᨿ ᩋᩈᨶ᩠ᨳᨲᩔ. ᩈᩮᩣ ᨧᩮ ᨸᩅᩮᩈᨶᩴ ᩈᩣᨴᩥᨿᨲᩥ, ᨸᩅᩥᨭ᩠ᨮᩴ ᩈᩣᨴᩥᨿᨲᩥ, ᨮᩥᨲᩴ ᩈᩣᨴᩥᨿᨲᩥ, ᩏᨴ᩠ᨵᩁᨱᩴ ᩈᩣᨴᩥᨿᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ…ᨸᩮ… ᨶ ᩈᩣᨴᩥᨿᨲᩥ, ᩋᨶᩣᨸᨲ᩠ᨲᩥ.

ᨽᩥᨠ᩠ᨡᩩᨸᨧ᩠ᨧᨲ᩠ᨳᩥᨠᩣ ᩋᨾᨶᩩᩔᩥᨲ᩠ᨳᩥᩴ… ᨲᩥᩁᨧ᩠ᨨᩣᨶᨣᨲᩥᨲ᩠ᨳᩥᩴ… ᨾᨶᩩᩔᩩᨽᨲᩮᩣᨻ᩠ᨿᨬ᩠ᨩᨶᨠᩴ… ᩋᨾᨶᩔᩩᨽᨲᩮᩣᨻ᩠ᨿᨬ᩠ᨩᨶᨠᩴ ¶ … ᨲᩥᩁᨧ᩠ᨨᩣᨶᨣᨲᩩᨽᨲᩮᩣᨻ᩠ᨿᨬ᩠ᨩᨶᨠᩴ ᨽᩥᨠ᩠ᨡᩩᩔ ᩈᨶ᩠ᨲᩥᨠᩮ ᩌᨶᩮᨲ᩠ᩅᩣ ᩅᨧ᩠ᨧᨾᨣ᩠ᨣᩮᨶ… ᨸᩔᩣᩅᨾᨣ᩠ᨣᩮᨶ… ᨾᩩᨡᩮᨶ ᩋᨦ᩠ᨣᨩᩣᨲᩴ ᩋᨽᩥᨶᩥᩈᩦᨴᩮᨶ᩠ᨲᩥ ᩈᨶ᩠ᨳᨲᩔ ᩋᩈᨶ᩠ᨳᨲᩔ, ᩋᩈᨶ᩠ᨳᨲᩔ ᩈᨶ᩠ᨳᨲᩔ, ᩈᨶ᩠ᨳᨲᩔ ᩈᨶ᩠ᨳᨲᩔ, ᩋᩈᨶ᩠ᨳᨲᩔ ᩋᩈᨶ᩠ᨳᨲᩔ. ᩈᩮᩣ ᨧᩮ ᨸᩅᩮᩈᨶᩴ ᩈᩣᨴᩥᨿᨲᩥ, ᨸᩅᩥᨭ᩠ᨮᩴ ᩈᩣᨴᩥᨿᨲᩥ, ᨮᩥᨲᩴ ᩈᩣᨴᩥᨿᨲᩥ, ᩏᨴ᩠ᨵᩁᨱᩴ ᩈᩣᨴᩥᨿᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ…ᨸᩮ… ᨶ ᩈᩣᨴᩥᨿᨲᩥ, ᩋᨶᩣᨸᨲ᩠ᨲᩥ.

ᨽᩥᨠ᩠ᨡᩩᨸᨧ᩠ᨧᨲ᩠ᨳᩥᨠᩣ ᨲᩥᩁᨧ᩠ᨨᩣᨶᨣᨲᩩᨽᨲᩮᩣᨻ᩠ᨿᨬ᩠ᨩᨶᨠᩴ ᨩᩣᨣᩁᨶ᩠ᨲᩴ… ᩈᩩᨲ᩠ᨲᩴ… ᨾᨲ᩠ᨲᩴ… ᩏᨾ᩠ᨾᨲ᩠ᨲᩴ… ᨸᨾᨲ᩠ᨲᩴ… ᨾᨲᩴ ᩋᨠ᩠ᨡᩣᨿᩥᨲᩴ… ᨾᨲᩴ ᨿᩮᨽᩩᨿ᩠ᨿᩮᨶ ᩋᨠ᩠ᨡᩣᨿᩥᨲᩴ…ᨸᩮ… ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨾᨲᩴ ᨿᩮᨽᩩᨿ᩠ᨿᩮᨶ ᨡᩣᨿᩥᨲᩴ ᨽᩥᨠ᩠ᨡᩩᩔ ᩈᨶ᩠ᨲᩥᨠᩮ ᩌᨶᩮᨲ᩠ᩅᩣ ᩅᨧ᩠ᨧᨾᨣ᩠ᨣᩮᨶ… ᨸᩔᩣᩅᨾᨣ᩠ᨣᩮᨶ… ᨾᩩᨡᩮᨶ ᩋᨦ᩠ᨣᨩᩣᨲᩴ ᩋᨽᩥᨶᩥᩈᩦᨴᩮᨶ᩠ᨲᩥ, ᩈᨶ᩠ᨳᨲᩔ ᩋᩈᨶ᩠ᨳᨲᩔ, ᩋᩈᨶ᩠ᨳᨲᩔ ᩈᨶ᩠ᨳᨲᩔ, ᩈᨶ᩠ᨳᨲᩔ ᩈᨶ᩠ᨳᨲᩔ, ᩋᩈᨶ᩠ᨳᨲᩔ ᩋᩈᨶ᩠ᨳᨲᩔ. ᩈᩮᩣ ᨧᩮ ᨸᩅᩮᩈᨶᩴ ᩈᩣᨴᩥᨿᨲᩥ, ᨸᩅᩥᨭ᩠ᨮᩴ ᩈᩣᨴᩥᨿᨲᩥ, ᨮᩥᨲᩴ ᩈᩣᨴᩥᨿᨲᩥ ¶ , ᩏᨴ᩠ᨵᩁᨱᩴ ᩈᩣᨴᩥᨿᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ…ᨸᩮ… ᨶ ᩈᩣᨴᩥᨿᨲᩥ, ᩋᨶᩣᨸᨲ᩠ᨲᩥ.

᪖᪒. ᨽᩥᨠ᩠ᨡᩩᨸᨧ᩠ᨧᨲ᩠ᨳᩥᨠᩣ ᨾᨶᩩᩔᨸᨱ᩠ᨯᨠᩴ… ᩋᨾᨶᩩᩔᨸᨱ᩠ᨯᨠᩴ… ᨲᩥᩁᨧ᩠ᨨᩣᨶᨣᨲᨸᨱ᩠ᨯᨠᩴ… ᨾᨶᩩᩔᨸᩩᩁᩥᩈᩴ… ᩋᨾᨶᩩᩔᨸᩩᩁᩥᩈᩴ… ᨲᩥᩁᨧ᩠ᨨᩣᨶᨣᨲᨸᩩᩁᩥᩈᩴ ᨽᩥᨠ᩠ᨡᩩᩔ ᩈᨶ᩠ᨲᩥᨠᩮ ᩌᨶᩮᨲ᩠ᩅᩣ ᩅᨧ᩠ᨧᨾᨣ᩠ᨣᩮᨶ… ᨾᩩᨡᩮᨶ ᩋᨦ᩠ᨣᨩᩣᨲᩴ ᩋᨽᩥᨶᩥᩈᩦᨴᩮᨶ᩠ᨲᩥ ᩈᨶ᩠ᨳᨲᩔ ᩋᩈᨶ᩠ᨳᨲᩔ, ᩋᩈᨶ᩠ᨳᨲᩔ ᩈᨶ᩠ᨳᨲᩔ, ᩈᨶ᩠ᨳᨲᩔ ᩈᨶ᩠ᨳᨲᩔ, ᩋᩈᨶ᩠ᨳᨲᩔ ᩋᩈᨶ᩠ᨳᨲᩔ. ᩈᩮᩣ ᨧᩮ ᨸᩅᩮᩈᨶᩴ ᩈᩣᨴᩥᨿᨲᩥ, ᨸᩅᩥᨭ᩠ᨮᩴ ᩈᩣᨴᩥᨿᨲᩥ, ᨮᩥᨲᩴ ᩈᩣᨴᩥᨿᨲᩥ, ᩏᨴ᩠ᨵᩁᨱᩴ ᩈᩣᨴᩥᨿᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ…ᨸᩮ… ᨶ ᩈᩣᨴᩥᨿᨲᩥ, ᩋᨶᩣᨸᨲ᩠ᨲᩥ.

ᨽᩥᨠ᩠ᨡᩩᨸᨧ᩠ᨧᨲ᩠ᨳᩥᨠᩣ ¶ ᨲᩥᩁᨧ᩠ᨨᩣᨶᨣᨲᨸᩩᩁᩥᩈᩴ ᨩᩣᨣᩁᨶ᩠ᨲᩴ… ᩈᩩᨲ᩠ᨲᩴ… ᨾᨲ᩠ᨲᩴ… ᩏᨾ᩠ᨾᨲ᩠ᨲᩴ… ᨸᨾᨲ᩠ᨲᩴ… ᨾᨲᩴ ᩋᨠ᩠ᨡᩣᨿᩥᨲᩴ… ᨾᨲᩴ ᨿᩮᨽᩩᨿ᩠ᨿᩮᨶ ᩋᨠ᩠ᨡᩣᨿᩥᨲᩴ…ᨸᩮ… ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨾᨲᩴ ᨿᩮᨽᩩᨿ᩠ᨿᩮᨶ ᨡᩣᨿᩥᨲᩴ ᨽᩥᨠ᩠ᨡᩩᩔ ᩈᨶ᩠ᨲᩥᨠᩮ ᩌᨶᩮᨲ᩠ᩅᩣ ᩅᨧ᩠ᨧᨾᨣ᩠ᨣᩮᨶ… ᨾᩩᨡᩮᨶ ᩋᨦ᩠ᨣᨩᩣᨲᩴ ᩋᨽᩥᨶᩥᩈᩦᨴᩮᨶ᩠ᨲᩥ, ᩈᨶ᩠ᨳᨲᩔ ᩋᩈᨶ᩠ᨳᨲᩔ, ᩋᩈᨶ᩠ᨳᨲᩔ ᩈᨶ᩠ᨳᨲᩔ, ᩈᨶ᩠ᨳᨲᩔ ᩈᨶ᩠ᨳᨲᩔ, ᩋᩈᨶ᩠ᨳᨲᩔ ᩋᩈᨶ᩠ᨳᨲᩔ. ᩈᩮᩣ ᨧ ᨸᩅᩮᩈᨶᩴ ᩈᩣᨴᩥᨿᨲᩥ, ᨸᩅᩥᨭ᩠ᨮᩴ ᩈᩣᨴᩥᨿᨲᩥ, ᨮᩥᨲᩴ ᩈᩣᨴᩥᨿᨲᩥ, ᩏᨴ᩠ᨵᩁᨱᩴ ᩈᩣᨴᩥᨿᨲᩥ ¶ , ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ…ᨸᩮ… ᨶ ᩈᩣᨴᩥᨿᨲᩥ, ᩋᨶᩣᨸᨲ᩠ᨲᩥ.

᪖᪓. ᨽᩥᨠ᩠ᨡᩩᨸᨧ᩠ᨧᨲ᩠ᨳᩥᨠᩣ ᨽᩥᨠ᩠ᨡᩩᩴ ᨾᨶᩩᩔᩥᨲ᩠ᨳᩥᨿᩣ ᩈᨶ᩠ᨲᩥᨠᩮ ᩌᨶᩮᨲ᩠ᩅᩣ ᩋᨦ᩠ᨣᨩᩣᨲᩮᨶ ᩅᨧ᩠ᨧᨾᨣ᩠ᨣᩴ… ᨸᩔᩣᩅᨾᨣ᩠ᨣᩴ… ᨾᩩᨡᩴ ᩋᨽᩥᨶᩥᩈᩦᨴᩮᨶ᩠ᨲᩥ. ᩈᩮᩣ ᨧᩮ ᨸᩅᩮᩈᨶᩴ ᩈᩣᨴᩥᨿᨲᩥ, ᨸᩅᩥᨭ᩠ᨮᩴ ᩈᩣᨴᩥᨿᨲᩥ ¶ , ᨮᩥᨲᩴ ᩈᩣᨴᩥᨿᨲᩥ, ᩏᨴ᩠ᨵᩁᨱᩴ ᩈᩣᨴᩥᨿᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ…ᨸᩮ… ᨶ ᩈᩣᨴᩥᨿᨲᩥ, ᩋᨶᩣᨸᨲ᩠ᨲᩥ.

ᨽᩥᨠ᩠ᨡᩩᨸᨧ᩠ᨧᨲ᩠ᨳᩥᨠᩣ ᨽᩥᨠ᩠ᨡᩩᩴ ᨾᨶᩩᩔᩥᨲ᩠ᨳᩥᨿᩣ ᨩᩣᨣᩁᨶ᩠ᨲᩥᨿᩣ… ᩈᩩᨲ᩠ᨲᩣᨿ… ᨾᨲ᩠ᨲᩣᨿ… ᩏᨾ᩠ᨾᨲ᩠ᨲᩣᨿ… ᨸᨾᨲ᩠ᨲᩣᨿ ¶ … ᨾᨲᩣᨿ ᩋᨠ᩠ᨡᩣᨿᩥᨲᩣᨿ… ᨾᨲᩣᨿ ᨿᩮᨽᩩᨿ᩠ᨿᩮᨶ ᩋᨠ᩠ᨡᩣᨿᩥᨲᩣᨿ…ᨸᩮ… ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨾᨲᩣᨿ ᨿᩮᨽᩩᨿ᩠ᨿᩮᨶ ᨡᩣᨿᩥᨲᩣᨿ ᩈᨶ᩠ᨲᩥᨠᩮ ᩌᨶᩮᨲ᩠ᩅᩣ ᩋᨦ᩠ᨣᨩᩣᨲᩮᨶ ᩅᨧ᩠ᨧᨾᨣ᩠ᨣᩴ… ᨸᩔᩣᩅᨾᨣ᩠ᨣᩴ… ᨾᩩᨡᩴ ᩋᨽᩥᨶᩥᩈᩦᨴᩮᨶ᩠ᨲᩥ. ᩈᩮᩣ ᨧᩮ ᨸᩅᩮᩈᨶᩴ ᩈᩣᨴᩥᨿᨲᩥ, ᨸᩅᩥᨭ᩠ᨮᩴ ᩈᩣᨴᩥᨿᨲᩥ, ᨮᩥᨲᩴ ᩈᩣᨴᩥᨿᨲᩥ, ᩏᨴ᩠ᨵᩁᨱᩴ ᩈᩣᨴᩥᨿᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ…ᨸᩮ… ᨶ ᩈᩣᨴᩥᨿᨲᩥ, ᩋᨶᩣᨸᨲ᩠ᨲᩥ.

ᨽᩥᨠ᩠ᨡᩩᨸᨧ᩠ᨧᨲ᩠ᨳᩥᨠᩣ ᨽᩥᨠ᩠ᨡᩩᩴ ᩋᨾᨶᩩᩔᩥᨲ᩠ᨳᩥᨿᩣ… ᨲᩥᩁᨧ᩠ᨨᩣᨶᨣᨲᩥᨲ᩠ᨳᩥᨿᩣ… ᨾᨶᩩᩔᩩᨽᨲᩮᩣᨻ᩠ᨿᨬ᩠ᨩᨶᨠᩔ… ᩋᨾᨶᩩᩔᩩᨽᨲᩮᩣᨻ᩠ᨿᨬ᩠ᨩᨶᨠᩔ… ᨲᩥᩁᨧ᩠ᨨᩣᨶᨣᨲᩩᨽᨲᩮᩣᨻ᩠ᨿᨬ᩠ᨩᨶᨠᩔ… ᨾᨶᩩᩔᨸᨱ᩠ᨯᨠᩔ… ᩋᨾᨶᩩᩔᨸᨱ᩠ᨯᨠᩔ… ᨲᩥᩁᨧ᩠ᨨᩣᨶᨣᨲᨸᨱ᩠ᨯᨠᩔ… ᨾᨶᩩᩔᨸᩩᩁᩥᩈᩔ… ᩋᨾᨶᩩᩔᨸᩩᩁᩥᩈᩔ… ᨲᩥᩁᨧ᩠ᨨᩣᨶᨣᨲᨸᩩᩁᩥᩈᩔ ᩈᨶ᩠ᨲᩥᨠᩮ ᩌᨶᩮᨲ᩠ᩅᩣ ᩋᨦ᩠ᨣᨩᩣᨲᩮᨶ ᩅᨧ᩠ᨧᨾᨣ᩠ᨣᩴ… ᨾᩩᨡᩴ ᩋᨽᩥᨶᩥᩈᩦᨴᩮᨶ᩠ᨲᩥ. ᩈᩮᩣ ᨧᩮ ᨸᩅᩮᩈᨶᩴ ᩈᩣᨴᩥᨿᨲᩥ, ᨸᩅᩥᨭ᩠ᨮᩴ ᩈᩣᨴᩥᨿᨲᩥ, ᨮᩥᨲᩴ ᩈᩣᨴᩥᨿᨲᩥ, ᩏᨴ᩠ᨵᩁᨱᩴ ᩈᩣᨴᩥᨿᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ…ᨸᩮ… ᨶ ᩈᩣᨴᩥᨿᨲᩥ, ᩋᨶᩣᨸᨲ᩠ᨲᩥ.

ᨽᩥᨠ᩠ᨡᩩᨸᨧ᩠ᨧᨲ᩠ᨳᩥᨠᩣ ᨽᩥᨠ᩠ᨡᩩᩴ ᨲᩥᩁᨧ᩠ᨨᩣᨶᨣᨲᨸᩩᩁᩥᩈᩔ ᨩᩣᨣᩁᨶ᩠ᨲᩔ… ᩈᩩᨲ᩠ᨲᩔ… ᨾᨲ᩠ᨲᩔ… ᩏᨾ᩠ᨾᨲ᩠ᨲᩔ… ᨸᨾᨲ᩠ᨲᩔ… ᨾᨲᩔ ᩋᨠ᩠ᨡᩣᨿᩥᨲᩔ… ᨾᨲᩔ ᨿᩮᨽᩩᨿ᩠ᨿᩮᨶ ᩋᨠ᩠ᨡᩣᨿᩥᨲᩔ…ᨸᩮ… ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨾᨲᩔ ᨿᩮᨽᩩᨿ᩠ᨿᩮᨶ ᨡᩣᨿᩥᨲᩔ ᩈᨶ᩠ᨲᩥᨠᩮ ᩌᨶᩮᨲ᩠ᩅᩣ ᩋᨦ᩠ᨣᨩᩣᨲᩮᨶ ᩅᨧ᩠ᨧᨾᨣ᩠ᨣᩴ… ᨾᩩᨡᩴ ᩋᨽᩥᨶᩥᩈᩦᨴᩮᨶ᩠ᨲᩥ. ᩈᩮᩣ ¶ ᨧᩮ ᨸᩅᩮᩈᨶᩴ ᩈᩣᨴᩥᨿᨲᩥ, ᨸᩅᩥᨭ᩠ᨮᩴ ᩈᩣᨴᩥᨿᨲᩥ, ᨮᩥᨲᩴ ᩈᩣᨴᩥᨿᨲᩥ, ᩏᨴ᩠ᨵᩁᨱᩴ ᩈᩣᨴᩥᨿᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ…ᨸᩮ… ᨶ ᩈᩣᨴᩥᨿᨲᩥ, ᩋᨶᩣᨸᨲ᩠ᨲᩥ.

᪖᪔. ᨽᩥᨠ᩠ᨡᩩᨸᨧ᩠ᨧᨲ᩠ᨳᩥᨠᩣ ᨽᩥᨠ᩠ᨡᩩᩴ ᨾᨶᩩᩔᩥᨲ᩠ᨳᩥᨿᩣ ᩈᨶ᩠ᨲᩥᨠᩮ ᩌᨶᩮᨲ᩠ᩅᩣ ᩋᨦ᩠ᨣᨩᩣᨲᩮᨶ ¶ ᩅᨧ᩠ᨧᨾᨣ᩠ᨣᩴ… ᨸᩔᩣᩅᨾᨣ᩠ᨣᩴ… ᨾᩩᨡᩴ ᩋᨽᩥᨶᩥᩈᩦᨴᩮᨶ᩠ᨲᩥ ᩈᨶ᩠ᨳᨲᩔ ᩋᩈᨶ᩠ᨳᨲᩣᨿ, ᩋᩈᨶ᩠ᨳᨲᩔ ᩈᨶ᩠ᨳᨲᩣᨿ, ᩈᨶ᩠ᨳᨲᩔ ᩈᨶ᩠ᨳᨲᩣᨿ, ᩋᩈᨶ᩠ᨳᨲᩔ ᩋᩈᨶ᩠ᨳᨲᩣᨿ. ᩈᩮᩣ ᨧᩮ ᨸᩅᩮᩈᨶᩴ ᩈᩣᨴᩥᨿᨲᩥ, ᨸᩅᩥᨭ᩠ᨮᩴ ᩈᩣᨴᩥᨿᨲᩥ, ᨮᩥᨲᩴ ᩈᩣᨴᩥᨿᨲᩥ, ᩏᨴ᩠ᨵᩁᨱᩴ ᩈᩣᨴᩥᨿᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ…ᨸᩮ… ᨶ ᩈᩣᨴᩥᨿᨲᩥ, ᩋᨶᩣᨸᨲ᩠ᨲᩥ.

ᨽᩥᨠ᩠ᨡᩩᨸᨧ᩠ᨧᨲ᩠ᨳᩥᨠᩣ ¶ ᨽᩥᨠ᩠ᨡᩩᩴ ᨾᨶᩩᩔᩥᨲ᩠ᨳᩥᨿᩣ ᨩᩣᨣᩁᨶ᩠ᨲᩥᨿᩣ… ᩈᩩᨲ᩠ᨲᩣᨿ… ᨾᨲ᩠ᨲᩣᨿ… ᩏᨾ᩠ᨾᨲ᩠ᨲᩣᨿ… ᨸᨾᨲ᩠ᨲᩣᨿ… ᨾᨲᩣᨿ ᩋᨠ᩠ᨡᩣᨿᩥᨲᩣᨿ… ᨾᨲᩣᨿ ᨿᩮᨽᩩᨿ᩠ᨿᩮᨶ ᩋᨠ᩠ᨡᩣᨿᩥᨲᩣᨿ…ᨸᩮ… ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨾᨲᩣᨿ ᨿᩮᨽᩩᨿ᩠ᨿᩮᨶ ᨡᩣᨿᩥᨲᩣᨿ ᩈᨶ᩠ᨲᩥᨠᩮ ᩌᨶᩮᨲ᩠ᩅᩣ ᩋᨦ᩠ᨣᨩᩣᨲᩮᨶ ¶ ᩅᨧ᩠ᨧᨾᨣ᩠ᨣᩴ… ᨸᩔᩣᩅᨾᨣ᩠ᨣᩴ… ᨾᩩᨡᩴ ᩋᨽᩥᨶᩥᩈᩦᨴᩮᨶ᩠ᨲᩥ ᩈᨶ᩠ᨳᨲᩔ ᩋᩈᨶ᩠ᨳᨲᩣᨿ, ᩋᩈᨶ᩠ᨳᨲᩔ ᩈᨶ᩠ᨳᨲᩣᨿ, ᩈᨶ᩠ᨳᨲᩔ ᩈᨶ᩠ᨳᨲᩣᨿ, ᩋᩈᨶ᩠ᨳᨲᩔ ᩋᩈᨶ᩠ᨳᨲᩣᨿ. ᩈᩮᩣ ᨧᩮ ᨸᩅᩮᩈᨶᩴ ᩈᩣᨴᩥᨿᨲᩥ, ᨸᩅᩥᨭ᩠ᨮᩴ ᩈᩣᨴᩥᨿᨲᩥ, ᨮᩥᨲᩴ ᩈᩣᨴᩥᨿᨲᩥ, ᩏᨴ᩠ᨵᩁᨱᩴ ᩈᩣᨴᩥᨿᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ…ᨸᩮ… ᨶ ᩈᩣᨴᩥᨿᨲᩥ, ᩋᨶᩣᨸᨲ᩠ᨲᩥ.

ᨽᩥᨠ᩠ᨡᩩᨸᨧ᩠ᨧᨲ᩠ᨳᩥᨠᩣ ᨽᩥᨠ᩠ᨡᩩᩴ ᩋᨾᨶᩩᩔᩥᨲ᩠ᨳᩥᨿᩣ… ᨲᩥᩁᨧ᩠ᨨᩣᨶᨣᨲᩥᨲ᩠ᨳᩥᨿᩣ… ᨾᨶᩩᩔᩩᨽᨲᩮᩣᨻ᩠ᨿᨬ᩠ᨩᨶᨠᩔ… ᩋᨾᨶᩩᩔᩩᨽᨲᩮᩣᨻ᩠ᨿᨬ᩠ᨩᨶᨠᩔ… ᨲᩥᩁᨧ᩠ᨨᩣᨶᨣᨲᩩᨽᨲᩮᩣᨻ᩠ᨿᨬ᩠ᨩᨶᨠᩔ… ᨾᨶᩩᩔᨸᨱ᩠ᨯᨠᩔ… ᩋᨾᨶᩩᩔᨸᨱ᩠ᨯᨠᩔ… ᨲᩥᩁᨧ᩠ᨨᩣᨶᨣᨲᨸᨱ᩠ᨯᨠᩔ… ᨾᨶᩩᩔᨸᩩᩁᩥᩈᩔ… ᩋᨾᨶᩩᩔᨸᩩᩁᩥᩈᩔ… ᨲᩥᩁᨧ᩠ᨨᩣᨶᨣᨲᨸᩩᩁᩥᩈᩔ ᩈᨶ᩠ᨲᩥᨠᩮ ᩌᨶᩮᨲ᩠ᩅᩣ ᩋᨦ᩠ᨣᨩᩣᨲᩮᨶ ᩅᨧ᩠ᨧᨾᨣ᩠ᨣᩴ… ᨾᩩᨡᩴ ᩋᨽᩥᨶᩥᩈᩦᨴᩮᨶ᩠ᨲᩥ ᩈᨶ᩠ᨳᨲᩔ ᩋᩈᨶ᩠ᨳᨲᩔ, ᩋᩈᨶ᩠ᨳᨲᩔ ᩈᨶ᩠ᨳᨲᩔ, ᩈᨶ᩠ᨳᨲᩔ ᩈᨶ᩠ᨳᨲᩔ, ᩋᩈᨶ᩠ᨳᨲᩔ ᩋᩈᨶ᩠ᨳᨲᩔ. ᩈᩮᩣ ᨧᩮ ᨸᩅᩮᩈᨶᩴ ᩈᩣᨴᩥᨿᨲᩥ, ᨸᩅᩥᨭ᩠ᨮᩴ ᩈᩣᨴᩥᨿᨲᩥ, ᨮᩥᨲᩴ ᩈᩣᨴᩥᨿᨲᩥ, ᩏᨴ᩠ᨵᩁᨱᩴ ᩈᩣᨴᩥᨿᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ…ᨸᩮ… ᨶ ᩈᩣᨴᩥᨿᨲᩥ, ᩋᨶᩣᨸᨲ᩠ᨲᩥ.

᪖᪕. ᨽᩥᨠ᩠ᨡᩩᨸᨧ᩠ᨧᨲ᩠ᨳᩥᨠᩣ ¶ ᨽᩥᨠ᩠ᨡᩩᩴ ᨲᩥᩁᨧ᩠ᨨᩣᨶᨣᨲᨸᩩᩁᩥᩈᩔ ᨩᩣᨣᩁᨶ᩠ᨲᩔ… ᩈᩩᨲ᩠ᨲᩔ… ᨾᨲ᩠ᨲᩔ… ᩏᨾ᩠ᨾᨲ᩠ᨲᩔ… ᨸᨾᨲ᩠ᨲᩔ… ᨾᨲᩔ ᩋᨠ᩠ᨡᩣᨿᩥᨲᩔ… ᨾᨲᩔ ᨿᩮᨽᩩᨿ᩠ᨿᩮᨶ ᩋᨠ᩠ᨡᩣᨿᩥᨲᩔ…ᨸᩮ… ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨾᨲᩔ ᨿᩮᨽᩩᨿ᩠ᨿᩮᨶ ᨡᩣᨿᩥᨲᩔ ᩈᨶ᩠ᨲᩥᨠᩮ ᩌᨶᩮᨲ᩠ᩅᩣ ᩋᨦ᩠ᨣᨩᩣᨲᩮᨶ ᩅᨧ᩠ᨧᨾᨣ᩠ᨣᩴ… ᨾᩩᨡᩴ ᩋᨽᩥᨶᩥᩈᩦᨴᩮᨶ᩠ᨲᩥ ᩈᨶ᩠ᨳᨲᩔ ᩋᩈᨶ᩠ᨳᨲᩔ, ᩋᩈᨶ᩠ᨳᨲᩔ ᩈᨶ᩠ᨳᨲᩔ, ᩈᨶ᩠ᨳᨲᩔ ¶ ᩈᨶ᩠ᨳᨲᩔ, ᩋᩈᨶ᩠ᨳᨲᩔ ᩋᩈᨶ᩠ᨳᨲᩔ. ᩈᩮᩣ ᨧᩮ ᨸᩅᩮᩈᨶᩴ ᩈᩣᨴᩥᨿᨲᩥ, ᨸᩅᩥᨭ᩠ᨮᩴ ᩈᩣᨴᩥᨿᨲᩥ, ᨮᩥᨲᩴ ᩈᩣᨴᩥᨿᨲᩥ, ᩏᨴ᩠ᨵᩁᨱᩴ ᩈᩣᨴᩥᨿᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ…ᨸᩮ… ᨶ ᩈᩣᨴᩥᨿᨲᩥ, ᩋᨶᩣᨸᨲ᩠ᨲᩥ.

ᨿᨳᩣ ᨽᩥᨠ᩠ᨡᩩᨸᨧ᩠ᨧᨲ᩠ᨳᩥᨠᩣ ᩅᩥᨲ᩠ᨳᩣᩁᩥᨲᩣ, ᩑᩅᩴ ᩅᩥᨲ᩠ᨳᩣᩁᩮᨲᨻ᩠ᨻᩣ.

ᩁᩣᨩᨸᨧ᩠ᨧᨲ᩠ᨳᩥᨠᩣ… ᨧᩮᩣᩁᨸᨧ᩠ᨧᨲ᩠ᨳᩥᨠᩣ… ᨵᩩᨲ᩠ᨲᨸᨧ᩠ᨧᨲ᩠ᨳᩥᨠᩣ… ᩏᨸ᩠ᨸᩊᨣᨶ᩠ᨵᨸᨧ᩠ᨧᨲ᩠ᨳᩥᨠᩣ. ᩈᩴᨡᩥᨲ᩠ᨲᩴ.

᪖᪖. ᨾᨣ᩠ᨣᩮᨶ ᨾᨣ᩠ᨣᩴ ᨸᩅᩮᩈᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨾᨣ᩠ᨣᩮᨶ ᩋᨾᨣ᩠ᨣᩴ ᨸᩅᩮᩈᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᩋᨾᨣ᩠ᨣᩮᨶ ᨾᨣ᩠ᨣᩴ ᨸᩅᩮᩈᩮᨲᩥ, ᩌᨸᨲ᩠ᨲᩥ ¶ ᨸᩣᩁᩣᨩᩥᨠᩔ. ᩋᨾᨣ᩠ᨣᩮᨶ ᩋᨾᨣ᩠ᨣᩴ ᨸᩅᩮᩈᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ.

ᨽᩥᨠ᩠ᨡᩩ ᩈᩩᨲ᩠ᨲᨽᩥᨠ᩠ᨡᩩᨾ᩠ᩉᩥ ᩅᩥᨸ᩠ᨸᨭᩥᨸᨩ᩠ᨩᨲᩥ; ᨸᨭᩥᨻᩩᨴ᩠ᨵᩮᩣ ᩈᩣᨴᩥᨿᨲᩥ, ᩏᨽᩮᩣ ᨶᩣᩈᩮᨲᨻ᩠ᨻᩣ. ᨸᨭᩥᨻᩩᨴ᩠ᨵᩮᩣ ᨶ ᩈᩣᨴᩥᨿᨲᩥ, ᨴᩪᩈᨠᩮᩣ ᨶᩣᩈᩮᨲᨻ᩠ᨻᩮᩣ. ᨽᩥᨠ᩠ᨡᩩ ᩈᩩᨲ᩠ᨲᩈᩣᨾᨱᩮᩁᨾ᩠ᩉᩥ ᩅᩥᨸ᩠ᨸᨭᩥᨸᨩ᩠ᨩᨲᩥ; ᨸᨭᩥᨻᩩᨴ᩠ᨵᩮᩣ ᩈᩣᨴᩥᨿᨲᩥ, ᩏᨽᩮᩣ ᨶᩣᩈᩮᨲᨻ᩠ᨻᩣ. ᨸᨭᩥᨻᩩᨴ᩠ᨵᩮᩣ ᨶ ᩈᩣᨴᩥᨿᨲᩥ, ᨴᩪᩈᨠᩮᩣ ᨶᩣᩈᩮᨲᨻ᩠ᨻᩮᩣ. ᩈᩣᨾᨱᩮᩁᩮᩣ ᩈᩩᨲ᩠ᨲᨽᩥᨠ᩠ᨡᩩᨾ᩠ᩉᩥ ᩅᩥᨸ᩠ᨸᨭᩥᨸᨩ᩠ᨩᨲᩥ; ᨸᨭᩥᨻᩩᨴ᩠ᨵᩮᩣ ᩈᩣᨴᩥᨿᨲᩥ, ᩏᨽᩮᩣ ᨶᩣᩈᩮᨲᨻ᩠ᨻᩣ. ᨸᨭᩥᨻᩩᨴ᩠ᨵᩮᩣ ᨶ ᩈᩣᨴᩥᨿᨲᩥ, ᨴᩪᩈᨠᩮᩣ ᨶᩣᩈᩮᨲᨻ᩠ᨻᩮᩣ. ᩈᩣᨾᨱᩮᩁᩮᩣ ᩈᩩᨲ᩠ᨲᩈᩣᨾᨱᩮᩁᨾ᩠ᩉᩥ ᩅᩥᨸ᩠ᨸᨭᩥᨸᨩ᩠ᨩᨲᩥ; ᨸᨭᩥᨻᩩᨴ᩠ᨵᩮᩣ ᩈᩣᨴᩥᨿᨲᩥ, ᩏᨽᩮᩣ ᨶᩣᩈᩮᨲᨻ᩠ᨻᩣ ¶ . ᨸᨭᩥᨻᩩᨴ᩠ᨵᩮᩣ ᨶ ᩈᩣᨴᩥᨿᨲᩥ, ᨴᩪᩈᨠᩮᩣ ᨶᩣᩈᩮᨲᨻ᩠ᨻᩮᩣ.

ᩋᨶᩣᨸᨲ᩠ᨲᩥ ᩋᨩᩣᨶᨶ᩠ᨲᩔ, ᩋᩈᩣᨴᩥᨿᨶ᩠ᨲᩔ, ᩏᨾ᩠ᨾᨲ᩠ᨲᨠᩔ, ᨡᩥᨲ᩠ᨲᨧᩥᨲ᩠ᨲᩔ, ᩅᩮᨴᨶᩣᨭ᩠ᨭᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᩈᨶ᩠ᨳᨲᨽᩣᨱᩅᩣᩁᩮᩣ ᨶᩥᨭ᩠ᨮᩥᨲᩮᩣ.

ᩅᩥᨶᩦᨲᩅᨲ᩠ᨳᩩᩏᨴ᩠ᨴᩣᨶᨣᩣᨳᩣ

ᨾᨠ᩠ᨠᨭᩦ ᩅᨩ᩠ᨩᩥᨸᩩᨲ᩠ᨲᩣ ᨧ, ᨣᩥᩉᩦ ᨶᨣ᩠ᨣᩮᩣ ᨧ ᨲᩥᨲ᩠ᨳᩥᨿᩣ;

ᨴᩣᩁᩥᨠᩩᨸ᩠ᨸᩃᩅᨱ᩠ᨱᩣ ᨧ, ᨻ᩠ᨿᨬ᩠ᨩᨶᩮᩉᩥᨸᩁᩮ ᨴᩩᩅᩮ.

ᨾᩣᨲᩣ ¶ ᨵᩦᨲᩣ ᨽᨣᩥᨶᩦ ᨧ, ᨩᩣᨿᩣ ᨧ ᨾᩩᨴᩩ ᩃᨾ᩠ᨻᩥᨶᩣ;

ᨴ᩠ᩅᩮ ¶ ᩅᨱᩣ ᩃᩮᨸᨧᩥᨲ᩠ᨲᨬ᩠ᨧ, ᨴᩣᩁᩩᨵᩦᨲᩃᩥᨠᩣᨿ ᨧ.

ᩈᩩᨶ᩠ᨴᩁᩮᨶ ᩈᩉ ᨸᨬ᩠ᨧ, ᨸᨬ᩠ᨧ ᩈᩥᩅᨳᩥᨠᨭ᩠ᨮᩥᨠᩣ;

ᨶᩣᨣᩦ ᨿᨠ᩠ᨡᩦ ᨧ ᨸᩮᨲᩦ ᨧ, ᨸᨱ᩠ᨯᨠᩮᩣᨸᩉᨲᩮᩣ ᨨᩩᨸᩮ.

ᨽᨴ᩠ᨴᩥᨿᩮ ᩋᩁᩉᩴ ᩈᩩᨲ᩠ᨲᩮᩣ, ᩈᩣᩅᨲ᩠ᨳᩥᨿᩣ ᨧᨲᩩᩁᩮᩣ ᨸᩁᩮ;

ᩅᩮᩈᩣᩃᩥᨿᩣ ᨲᨿᩮᩣ ᨾᩣᩃᩣ, ᩈᩩᨸᩥᨶᩮ ᨽᩣᩁᩩᨠᨧ᩠ᨨᨠᩮᩣ.

ᩈᩩᨸᨻ᩠ᨻᩣ ¶ ᩈᨴ᩠ᨵᩣ ᨽᩥᨠ᩠ᨡᩩᨶᩦ, ᩈᩥᨠ᩠ᨡᨾᩣᨶᩣ ᩈᩣᨾᨱᩮᩁᩦ ᨧ;

ᩅᩮᩈᩥᨿᩣ ᨸᨱ᩠ᨯᨠᩮᩣ ᨣᩥᩉᩦ, ᩋᨬ᩠ᨬᨾᨬ᩠ᨬᩴ ᩅᩩᨯ᩠ᨰᨸᨻ᩠ᨻᨩᩥᨲᩮᩣ ᨾᩥᨣᩮᩣᨲᩥ.

ᩅᩥᨶᩦᨲᩅᨲ᩠ᨳᩩ

᪖᪗. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨾᨠ᩠ᨠᨭᩥᨿᩣ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ – ‘‘ᨽᨣᩅᨲᩣ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ, ᨠᨧ᩠ᨧᩥ ᨶᩩ ᨡᩮᩣ ᩋᩉᩴ ᨸᩣᩁᩣᨩᩥᨠᩴ ᩌᨸᨲ᩠ᨲᩥᩴ ᩌᨸᨶ᩠ᨶᩮᩣ’’ᨲᩥ? ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩈᨾ᩠ᨻᩉᩩᩃᩣ ᩅᩮᩈᩣᩃᩥᨠᩣ ᩅᨩ᩠ᨩᩥᨸᩩᨲ᩠ᨲᨠᩣ ᨽᩥᨠ᩠ᨡᩪ ᩈᩥᨠ᩠ᨡᩴ ᩋᨸᨧ᩠ᨧᨠ᩠ᨡᩣᨿ ᨴᩩᨻ᩠ᨻᩃ᩠ᨿᩴ ᩋᨶᩣᩅᩥᨠᨲ᩠ᩅᩣ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩥᩴᩈᩩ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ – ‘‘ᨽᨣᩅᨲᩣ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ, ᨠᨧ᩠ᨧᩥ ᨶᩩ ᨡᩮᩣ ᨾᨿᩴ ᨸᩣᩁᩣᨩᩥᨠᩴ ᩌᨸᨲ᩠ᨲᩥᩴ ᩌᨸᨶ᩠ᨶᩣ’’ᨲᩥ? ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ‘‘ᩌᨸᨲ᩠ᨲᩥᩴ ᨲᩩᨾ᩠ᩉᩮ, ᨽᩥᨠ᩠ᨡᩅᩮ, ᩌᨸᨶ᩠ᨶᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ – ‘ᩑᩅᩴ ᨾᩮ ᩋᨶᩣᨸᨲ᩠ᨲᩥ ᨽᩅᩥᩔᨲᩦ’ᨲᩥ, ᨣᩥᩉᩥᩃᩥᨦ᩠ᨣᩮᨶ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ ‘‘ᨽᨣᩅᨲᩣ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ, ᨠᨧ᩠ᨧᩥ ᨶᩩ ᨡᩮᩣ ᩋᩉᩴ ᨸᩣᩁᩣᨩᩥᨠᩴ ᩌᨸᨲ᩠ᨲᩥᩴ ᩌᨸᨶ᩠ᨶᩮᩣ’’ᨲᩥ? ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ – ‘ᩑᩅᩴ ᨾᩮ ᩋᨶᩣᨸᨲ᩠ᨲᩥ ᨽᩅᩥᩔᨲᩦ’ᨲᩥ, ᨶᨣ᩠ᨣᩮᩣ ᩉᩩᨲ᩠ᩅᩣ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ – ‘ᩑᩅᩴ ᨾᩮ ᩋᨶᩣᨸᨲ᩠ᨲᩥ ᨽᩅᩥᩔᨲᩦ’ᨲᩥ, ᨠᩩᩈᨧᩦᩁᩴ ᨶᩥᩅᩣᩈᩮᨲ᩠ᩅᩣ… ᩅᩣᨠᨧᩦᩁᩴ ᨶᩥᩅᩣᩈᩮᨲ᩠ᩅᩣ… ᨹᩃᨠᨧᩦᩁᩴ ᨶᩥᩅᩣᩈᩮᨲ᩠ᩅᩣ… ᨠᩮᩈᨠᨾ᩠ᨻᩃᩴ ᨶᩥᩅᩣᩈᩮᨲ᩠ᩅᩣ… ᩅᩣᩃᨠᨾ᩠ᨻᩃᩴ ᨶᩥᩅᩣᩈᩮᨲ᩠ᩅᩣ… ᩏᩃᩪᨠᨸᨠ᩠ᨡᩥᨠᩴ ᨶᩥᩅᩣᩈᩮᨲ᩠ᩅᩣ… ᩋᨩᩥᨶᨠ᩠ᨡᩥᨸᩴ ᨶᩥᩅᩣᩈᩮᨲ᩠ᩅᩣ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨸᩥᨱ᩠ᨯᨧᩣᩁᩥᨠᩮᩣ ᨽᩥᨠ᩠ᨡᩩ ᨸᩦᨮᨠᩮ ᨶᩥᨸᨶ᩠ᨶᩴ ᨴᩣᩁᩥᨠᩴ ᨸᩔᩥᨲ᩠ᩅᩣ ᩈᩣᩁᨲ᩠ᨲᩮᩣ ᩋᨦ᩠ᨣᩩᨭ᩠ᨮᩴ ᩋᨦ᩠ᨣᨩᩣᨲᩴ ᨸᩅᩮᩈᩮᩈᩥ. ᩈᩣ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ ¶ , ᨽᩥᨠ᩠ᨡᩩ, ᨸᩣᩁᩣᨩᩥᨠᩔ. ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔᩣ’’ᨲᩥ.

᪖᪘. ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨾᩣᨱᩅᨠᩮᩣ ᩏᨸ᩠ᨸᩃᩅᨱ᩠ᨱᩣᨿ ᨽᩥᨠ᩠ᨡᩩᨶᩥᨿᩣ ᨸᨭᩥᨻᨴ᩠ᨵᨧᩥᨲ᩠ᨲᩮᩣ ᩉᩮᩣᨲᩥ. ᩋᨳ ᨡᩮᩣ ᩈᩮᩣ ᨾᩣᨱᩅᨠᩮᩣ ᩏᨸ᩠ᨸᩃᩅᨱ᩠ᨱᩣᨿ ᨽᩥᨠ᩠ᨡᩩᨶᩥᨿᩣ ᨣᩣᨾᩴ ᨸᩥᨱ᩠ᨯᩣᨿ ᨸᩅᩥᨭ᩠ᨮᩣᨿ ᨠᩩᨭᩥᨠᩴ ᨸᩅᩥᩈᩥᨲ᩠ᩅᩣ ᨶᩥᩃᩦᨶᩮᩣ ᩋᨧ᩠ᨨᩥ. ᩏᨸ᩠ᨸᩃᩅᨱ᩠ᨱᩣ ᨽᩥᨠ᩠ᨡᩩᨶᩦ ᨸᨧ᩠ᨨᩣᨽᨲ᩠ᨲᩴ ᨸᩥᨱ᩠ᨯᨸᩣᨲᨸᨭᩥᨠ᩠ᨠᨶ᩠ᨲᩣ ᨸᩣᨴᩮ ᨸᨠ᩠ᨡᩣᩃᩮᨲ᩠ᩅᩣ ᨠᩩᨭᩥᨠᩴ ᨸᩅᩥᩈᩥᨲ᩠ᩅᩣ ᨾᨬ᩠ᨧᨠᩮ ᨶᩥᩈᩦᨴᩥ. ᩋᨳ ᨡᩮᩣ ᩈᩮᩣ ᨾᩣᨱᩅᨠᩮᩣ ᩏᨸ᩠ᨸᩃᩅᨱ᩠ᨱᩴ ᨽᩥᨠ᩠ᨡᩩᨶᩥᩴ ᩏᨣ᩠ᨣᩉᩮᨲ᩠ᩅᩣ ᨴᩪᩈᩮᩈᩥ. ᩏᨸ᩠ᨸᩃᩅᨱ᩠ᨱᩣ ᨽᩥᨠ᩠ᨡᩩᨶᩦ ᨽᩥᨠ᩠ᨡᩩᨶᩦᨶᩴ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ᨽᩥᨠ᩠ᨡᩩᨶᩥᨿᩮᩣ ᨽᩥᨠ᩠ᨡᩪᨶᩴ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ᨽᩥᨠ᩠ᨡᩪ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᩋᩈᩣᨴᩥᨿᨶ᩠ᨲᩥᨿᩣ’’ᨲᩥ.

᪖᪙. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᩍᨲ᩠ᨳᩥᩃᩥᨦ᩠ᨣᩴ ᨸᩣᨲᩩᨽᩪᨲᩴ ᩉᩮᩣᨲᩥ. ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ‘‘ᩋᨶᩩᨩᩣᨶᩣᨾᩥ, ᨽᩥᨠ᩠ᨡᩅᩮ, ᨲᩴᨿᩮᩅ ᩏᨸᨩ᩠ᨫᩴ ᨲᨾᩮᩅ ᩏᨸᩈᨾ᩠ᨸᨴᩴ ᨲᩣᨶᩥᨿᩮᩅ [ᨲᩣᨶᩥ (ᩈᩦ. ᩈ᩠ᨿᩣ.)] ᩅᩔᩣᨶᩥ ᨽᩥᨠ᩠ᨡᩩᨶᩦᩉᩥ ᩈᨦ᩠ᨣᨾᩥᨲᩩᩴ [ᩈᨦ᩠ᨠᨾᩥᨲᩩᩴ (ᩈᩦ. ᩈ᩠ᨿᩣ.)]. ᨿᩣ ᩌᨸᨲ᩠ᨲᩥᨿᩮᩣ ᨽᩥᨠ᩠ᨡᩪᨶᩴ ᨽᩥᨠ᩠ᨡᩩᨶᩦᩉᩥ ᩈᩣᨵᩣᩁᨱᩣ ᨲᩣ ᩌᨸᨲ᩠ᨲᩥᨿᩮᩣ ᨽᩥᨠ᩠ᨡᩩᨶᩦᨶᩴ ᩈᨶ᩠ᨲᩥᨠᩮ ᩅᩩᨭ᩠ᨮᩣᨲᩩᩴ. ᨿᩣ ᩌᨸᨲ᩠ᨲᩥᨿᩮᩣ ᨽᩥᨠ᩠ᨡᩪᨶᩴ ᨽᩥᨠ᩠ᨡᩩᨶᩦᩉᩥ ᩋᩈᩣᨵᩣᩁᨱᩣ ᨲᩣᩉᩥ ᩌᨸᨲ᩠ᨲᩦᩉᩥ ᩋᨶᩣᨸᨲ᩠ᨲᩦ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩥᩔᩣ ᨽᩥᨠ᩠ᨡᩩᨶᩥᨿᩣ ᨸᩩᩁᩥᩈᩃᩥᨦ᩠ᨣᩴ ᨸᩣᨲᩩᨽᩪᨲᩴ ᩉᩮᩣᨲᩥ. ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ‘‘ᩋᨶᩩᨩᩣᨶᩣᨾᩥ, ᨽᩥᨠ᩠ᨡᩅᩮ, ᨲᩴᨿᩮᩅ ᩏᨸᨩ᩠ᨫᩴ ᨲᨾᩮᩅ ᩏᨸᩈᨾ᩠ᨸᨴᩴ ᨲᩣᨶᩥᨿᩮᩅ [ᨲᩣᨶᩥ (ᩈᩦ. ᩈ᩠ᨿᩣ.)] ᩅᩔᩣᨶᩥ ᨽᩥᨠ᩠ᨡᩪᩉᩥ ᩈᨦ᩠ᨣᨾᩥᨲᩩᩴ [ᩈᨦ᩠ᨠᨾᩥᨲᩩᩴ (ᩈᩦ. ᩈ᩠ᨿᩣ.)]. ᨿᩣ ᩌᨸᨲ᩠ᨲᩥᨿᩮᩣ ¶ ᨽᩥᨠ᩠ᨡᩩᨶᩦᨶᩴ ᨽᩥᨠ᩠ᨡᩪᩉᩥ ᩈᩣᨵᩣᩁᨱᩣ ᨲᩣ ᩌᨸᨲ᩠ᨲᩥᨿᩮᩣ ᨽᩥᨠ᩠ᨡᩪᨶᩴ ᩈᨶ᩠ᨲᩥᨠᩮ ᩅᩩᨭ᩠ᨮᩣᨲᩩᩴ. ᨿᩣ ᩌᨸᨲ᩠ᨲᩥᨿᩮᩣ ᨽᩥᨠ᩠ᨡᩩᨶᩦᨶᩴ ᨽᩥᨠ᩠ᨡᩪᩉᩥ ᩋᩈᩣᨵᩣᩁᨱᩣ ¶ ᨲᩣᩉᩥ ᩌᨸᨲ᩠ᨲᩦᩉᩥ ᩋᨶᩣᨸᨲ᩠ᨲᩦ’’ᨲᩥ.

᪗᪐. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ – ‘ᩑᩅᩴ ᨾᩮ ᩋᨶᩣᨸᨲ᩠ᨲᩥ ᨽᩅᩥᩔᨲᩦ’ᨲᩥ, ᨾᩣᨲᩩᨿᩣ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩥ… ᨵᩦᨲᩩᨿᩣ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩥ… ᨽᨣᩥᨶᩥᨿᩣ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩥ… ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨸᩩᩁᩣᨱᨴᩩᨲᩥᨿᩥᨠᩣᨿ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

᪗᪑. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨾᩩᨴᩩᨸᩥᨭ᩠ᨮᩥᨠᩮᩣ ᩉᩮᩣᨲᩥ. ᩈᩮᩣ ᩋᨶᨽᩥᩁᨲᩥᨿᩣ ᨸᩦᩊᩥᨲᩮᩣ ᩋᨲ᩠ᨲᨶᩮᩣ ᩋᨦ᩠ᨣᨩᩣᨲᩴ ᨾᩩᨡᩮᨶ ᩋᨣ᩠ᨣᩉᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩃᨾ᩠ᨻᩦ ᩉᩮᩣᨲᩥ. ᩈᩮᩣ ᩋᨶᨽᩥᩁᨲᩥᨿᩣ ᨸᩦᩊᩥᨲᩮᩣ ᩋᨲ᩠ᨲᨶᩮᩣ ᩋᨦ᩠ᨣᨩᩣᨲᩴ ᩋᨲ᩠ᨲᨶᩮᩣ ᩅᨧ᩠ᨧᨾᨣ᩠ᨣᩴ ᨸᩅᩮᩈᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨾᨲᩈᩁᩦᩁᩴ ᨸᩔᩥ. ᨲᩈ᩠ᨾᩥᨬ᩠ᨧ ᩈᩁᩦᩁᩮ ᩋᨦ᩠ᨣᨩᩣᨲᩈᩣᨾᨶ᩠ᨲᩣ ᩅᨱᩮᩣ ᩉᩮᩣᨲᩥ. ᩈᩮᩣ – ‘ᩑᩅᩴ ᨾᩮ ᩋᨶᩣᨸᨲ᩠ᨲᩥ ᨽᩅᩥᩔᨲᩦ’ᨲᩥ, ᩋᨦ᩠ᨣᨩᩣᨲᩮ ᩋᨦ᩠ᨣᨩᩣᨲᩴ ᨸᩅᩮᩈᩮᨲ᩠ᩅᩣ ᩅᨱᩮᨶ ᨶᩦᩉᩁᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨾᨲᩈᩁᩦᩁᩴ ᨸᩔᩥ. ᨲᩈ᩠ᨾᩥᨬ᩠ᨧ ᩈᩁᩦᩁᩮ ᩋᨦ᩠ᨣᨩᩣᨲᩈᩣᨾᨶ᩠ᨲᩣ ᩅᨱᩮᩣ ᩉᩮᩣᨲᩥ. ᩈᩮᩣ – ‘ᩑᩅᩴ ¶ ᨾᩮ ᩋᨶᩣᨸᨲ᩠ᨲᩥ ᨽᩅᩥᩔᨲᩦ’ᨲᩥ, ᩅᨱᩮ ᩋᨦ᩠ᨣᨩᩣᨲᩴ ᨸᩅᩮᩈᩮᨲ᩠ᩅᩣ ᩋᨦ᩠ᨣᨩᩣᨲᩮᨶ ᨶᩦᩉᩁᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᩣᩁᨲ᩠ᨲᩮᩣ ᩃᩮᨸᨧᩥᨲ᩠ᨲᩔ ᨶᩥᨾᩥᨲ᩠ᨲᩴ ᩋᨦ᩠ᨣᨩᩣᨲᩮᨶ ᨨᩩᨸᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ. ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᩣᩁᨲ᩠ᨲᩮᩣ ᨴᩣᩁᩩᨵᩦᨲᩃᩥᨠᩣᨿ ᨶᩥᨾᩥᨲ᩠ᨲᩴ ᩋᨦ᩠ᨣᨩᩣᨲᩮᨶ ᨨᩩᨸᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ. ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

᪗᪒. ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩈᩩᨶ᩠ᨴᩁᩮᩣ ᨶᩣᨾ ᨽᩥᨠ᩠ᨡᩩ ᩁᩣᨩᨣᩉᩣ ᨸᨻ᩠ᨻᨩᩥᨲᩮᩣ ᩁᨳᩥᨠᩣᨿ [ᩁᨳᩥᨿᩣᨿ (ᨠ.)] ᨣᨧ᩠ᨨᨲᩥ. ᩋᨬ᩠ᨬᨲᩁᩣ ᩍᨲ᩠ᨳᩦ – ‘ᨾᩩᩉᩩᨲ᩠ᨲᩴ [ᩍᨲ᩠ᨳᩦ ᨲᩴ ᨸᩔᩥᨲ᩠ᩅᩣ ᩑᨲᨴᩅᩮᩣᨧ ᨾᩩᩉᩩᨲ᩠ᨲᩴ (ᩈ᩠ᨿᩣ.)], ᨽᨶ᩠ᨲᩮ, ᩌᨣᨾᩮᩉᩥ, ᩅᨶ᩠ᨴᩥᩔᩣᨾᩦ’ᨲᩥ ᩈᩣ ᩅᨶ᩠ᨴᨶ᩠ᨲᩦ ᩋᨶ᩠ᨲᩁᩅᩣᩈᨠᩴ ᩏᨠ᩠ᨡᩥᨸᩥᨲ᩠ᩅᩣ ᨾᩩᨡᩮᨶ ᩋᨦ᩠ᨣᨩᩣᨲᩴ ᩋᨣ᩠ᨣᩉᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩈᩣᨴᩥᨿᩥ ᨲ᩠ᩅᩴ, ᨽᩥᨠ᩠ᨡᩪ’’ᨲᩥ? ‘‘ᨶᩣᩉᩴ, ᨽᨣᩅᩣ, ᩈᩣᨴᩥᨿᩥ’’ᨶ᩠ᨲᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩋᩈᩣᨴᩥᨿᨶ᩠ᨲᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩣ ᩍᨲ᩠ᨳᩦ ᨽᩥᨠ᩠ᨡᩩᩴ ᨸᩔᩥᨲ᩠ᩅᩣ ᩑᨲᨴᩅᩮᩣᨧ – ‘‘ᩑᩉᩥ, ᨽᨶ᩠ᨲᩮ, ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩣ’’ᨲᩥ. ‘‘ᩋᩃᩴ, ᨽᨣᩥᨶᩥ, ᨶᩮᨲᩴ ᨠᨸ᩠ᨸᨲᩦ’’ᨲᩥ. ‘‘ᩑᩉᩥ, ᨽᨶ᩠ᨲᩮ, ᩋᩉᩴ ᩅᩣᨿᨾᩥᩔᩣᨾᩥ, ᨲ᩠ᩅᩴ ᨾᩣ ᩅᩣᨿᨾᩥ, ᩑᩅᩴ ᨲᩮ ᩋᨶᩣᨸᨲ᩠ᨲᩥ ᨽᩅᩥᩔᨲᩦ’’ᨲᩥ. ᩈᩮᩣ ᨽᩥᨠ᩠ᨡᩩ ᨲᨳᩣ ᩋᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ¶ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩣ ᩍᨲ᩠ᨳᩦ ᨽᩥᨠ᩠ᨡᩩᩴ ᨸᩔᩥᨲ᩠ᩅᩣ ᩑᨲᨴᩅᩮᩣᨧ – ‘‘ᩑᩉᩥ, ᨽᨶ᩠ᨲᩮ, ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩣ’’ᨲᩥ. ‘‘ᩋᩃᩴ, ᨽᨣᩥᨶᩥ, ᨶᩮᨲᩴ ᨠᨸ᩠ᨸᨲᩦ’’ᨲᩥ. ‘‘ᩑᩉᩥ ᨽᨶ᩠ᨲᩮ, ᨲ᩠ᩅᩴ ᩅᩣᨿᨾ, ᩋᩉᩴ ᨶ ᩅᩣᨿᨾᩥᩔᩣᨾᩥ, ᩑᩅᩴ ᨲᩮ ᩋᨶᩣᨸᨲ᩠ᨲᩥ ᨽᩅᩥᩔᨲᩦ’’ᨲᩥ. ᩈᩮᩣ ᨽᩥᨠ᩠ᨡᩩ ᨲᨳᩣ ᩋᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩣ ᩍᨲ᩠ᨳᩦ ᨽᩥᨠ᩠ᨡᩩᩴ ᨸᩔᩥᨲ᩠ᩅᩣ ᩑᨲᨴᩅᩮᩣᨧ – ‘‘ᩑᩉᩥ, ᨽᨶ᩠ᨲᩮ, ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩣ’’ᨲᩥ. ‘‘ᩋᩃᩴ, ᨽᨣᩥᨶᩥ, ᨶᩮᨲᩴ ᨠᨸ᩠ᨸᨲᩦ’’ᨲᩥ. ‘‘ᩑᩉᩥ, ᨽᨶ᩠ᨲᩮ, ᩋᨻ᩠ᨽᨶ᩠ᨲᩁᩴ ᨥᨭ᩠ᨭᩮᨲ᩠ᩅᩣ ᨻᩉᩥ ᨾᩮᩣᨧᩮᩉᩥ…ᨸᩮ… ᨻᩉᩥ ᨥᨭ᩠ᨭᩮᨲ᩠ᩅᩣ ᩋᨻ᩠ᨽᨶ᩠ᨲᩁᩴ ᨾᩮᩣᨧᩮᩉᩥ, ᩑᩅᩴ ᨲᩮ ᩋᨶᩣᨸᨲ᩠ᨲᩥ ᨽᩅᩥᩔᨲᩦ’’ᨲᩥ. ᩈᩮᩣ ᨽᩥᨠ᩠ᨡᩩ ᨲᨳᩣ ᩋᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

᪗᪓. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᩥᩅᨳᩥᨠᩴ ᨣᨶ᩠ᨲ᩠ᩅᩣ ᩋᨠ᩠ᨡᩣᨿᩥᨲᩴ ᩈᩁᩦᩁᩴ ᨸᩔᩥᨲ᩠ᩅᩣ ᨲᩈ᩠ᨾᩥᩴ ᨾᩮᨳᩩᨶᩴ ᨵᨾ᩠ᨾᩴ ¶ ᨸᨭᩥᩈᩮᩅᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᩥᩅᨳᩥᨠᩴ ᨣᨶ᩠ᨲ᩠ᩅᩣ ᨿᩮᨽᩩᨿ᩠ᨿᩮᨶ ᩋᨠ᩠ᨡᩣᨿᩥᨲᩴ ᩈᩁᩦᩁᩴ ¶ ᨸᩔᩥᨲ᩠ᩅᩣ ᨲᩈ᩠ᨾᩥᩴ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᩥᩅᨳᩥᨠᩴ ᨣᨶ᩠ᨲ᩠ᩅᩣ ᨿᩮᨽᩩᨿ᩠ᨿᩮᨶ ᨡᩣᨿᩥᨲᩴ ¶ ᩈᩁᩦᩁᩴ ᨸᩔᩥᨲ᩠ᩅᩣ ᨲᩈ᩠ᨾᩥᩴ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ. ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᩥᩅᨳᩥᨠᩴ ᨣᨶ᩠ᨲ᩠ᩅᩣ ᨨᩥᨶ᩠ᨶᩈᩦᩈᩴ ᨸᩔᩥᨲ᩠ᩅᩣ ᩅᨭ᩠ᨭᨠᨲᩮ ᨾᩩᨡᩮ ᨨᩩᨸᨶ᩠ᨲᩴ ᩋᨦ᩠ᨣᨩᩣᨲᩴ ᨸᩅᩮᩈᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᩥᩅᨳᩥᨠᩴ ᨣᨶ᩠ᨲ᩠ᩅᩣ ᨨᩥᨶ᩠ᨶᩈᩦᩈᩴ ᨸᩔᩥᨲ᩠ᩅᩣ ᩅᨭ᩠ᨭᨠᨲᩮ ᨾᩩᨡᩮ ᩋᨧ᩠ᨨᩩᨸᨶ᩠ᨲᩴ ᩋᨦ᩠ᨣᨩᩣᨲᩴ ᨸᩅᩮᩈᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ. ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩋᨬ᩠ᨬᨲᩁᩥᩔᩣ ᩍᨲ᩠ᨳᩥᨿᩣ ᨸᨭᩥᨻᨴ᩠ᨵᨧᩥᨲ᩠ᨲᩮᩣ ᩉᩮᩣᨲᩥ. ᩈᩣ ᨠᩣᩃᨦ᩠ᨠᨲᩣ [ᨠᩣᩃᨠᨲᩣ (ᩈᩦ. ᩈ᩠ᨿᩣ.)] ᩈᩩᩈᩣᨶᩮ ᨨᨯ᩠ᨯᩥᨲᩣ. ᩋᨭ᩠ᨮᩥᨠᩣᨶᩥ ᩅᩥᨸ᩠ᨸᨠᩥᨱ᩠ᨱᩣᨶᩥ ᩉᩮᩣᨶ᩠ᨲᩥ. ᩋᨳ ᨡᩮᩣ ᩈᩮᩣ ᨽᩥᨠ᩠ᨡᩩ ᩈᩥᩅᨳᩥᨠᩴ ᨣᨶ᩠ᨲ᩠ᩅᩣ ᩋᨭ᩠ᨮᩥᨠᩣᨶᩥ ᩈᨦ᩠ᨠᨯ᩠ᨰᩥᨲ᩠ᩅᩣ ᨶᩥᨾᩥᨲ᩠ᨲᩮ ᩋᨦ᩠ᨣᨩᩣᨲᩴ ᨸᨭᩥᨸᩣᨴᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ. ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨶᩣᨣᩥᨿᩣ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩥ… ᨿᨠ᩠ᨡᩥᨶᩥᨿᩣ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩥ… ᨸᩮᨲᩥᨿᩣ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩥ ¶ … ᨸᨱ᩠ᨯᨠᩔ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩏᨸᩉᨲᩥᨶ᩠ᨴᩕᩥᨿᩮᩣ ᩉᩮᩣᨲᩥ. ᩈᩮᩣ – ‘ᨶᩣᩉᩴ ᩅᩮᨴᩥᨿᩣᨾᩥ [ᩅᩮᨴᨿᩣᨾᩥ (ᨠ.)] ᩈᩩᨡᩴ ᩅᩣ ᨴᩩᨠ᩠ᨡᩴ ᩅᩣ, ᩋᨶᩣᨸᨲ᩠ᨲᩥ ᨾᩮ ᨽᩅᩥᩔᨲᩦ’ᨲᩥ, ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩥ. ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ‘‘ᩅᩮᨴᨿᩥ ᩅᩣ ᩈᩮᩣ, ᨽᩥᨠ᩠ᨡᩅᩮ, ᨾᩮᩣᨥᨸᩩᩁᩥᩈᩮᩣ ᨶ ᩅᩣ ᩅᩮᨴᨿᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔᩣ’’ᨲᩥ.

ᨲᩮᨶ ¶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ – ‘ᩍᨲ᩠ᨳᩥᨿᩣ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩥᩔᩣᨾᩦ’ᨲᩥ, ᨨᩩᨸᩥᨲᨾᨲ᩠ᨲᩮ ᩅᩥᨸ᩠ᨸᨭᩥᩈᩣᩁᩦ ᩋᩉᩮᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ. ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔᩣ’’ᨲᩥ.

᪗᪔. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨽᨴ᩠ᨴᩥᨿᩮ ᨩᩣᨲᩥᨿᩣᩅᨶᩮ ᨴᩥᩅᩣᩅᩥᩉᩣᩁᨣᨲᩮᩣ ᨶᩥᨸᨶ᩠ᨶᩮᩣ ᩉᩮᩣᨲᩥ. ᨲᩔ ᩋᨦ᩠ᨣᨾᨦ᩠ᨣᩣᨶᩥ ᩅᩣᨲᩪᨸᨲ᩠ᨳᨴ᩠ᨵᩣᨶᩥ ᩉᩮᩣᨶ᩠ᨲᩥ. ᩋᨬ᩠ᨬᨲᩁᩣ ᩍᨲ᩠ᨳᩦ ᨸᩔᩥᨲ᩠ᩅᩣ ᩋᨦ᩠ᨣᨩᩣᨲᩮ ᩋᨽᩥᨶᩥᩈᩦᨴᩥᨲ᩠ᩅᩣ ᨿᩣᩅᨴᨲ᩠ᨳᩴ ᨠᨲ᩠ᩅᩣ ᨸᨠ᩠ᨠᩣᨾᩥ. ᨽᩥᨠ᩠ᨡᩪ ᨠᩥᩃᩥᨶ᩠ᨶᩴ ᨸᩔᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ‘‘ᨸᨬ᩠ᨧᩉᩥ ¶ , ᨽᩥᨠ᩠ᨡᩅᩮ, ᩌᨠᩣᩁᩮᩉᩥ ᩋᨦ᩠ᨣᨩᩣᨲᩴ ᨠᨾ᩠ᨾᨶᩥᨿᩴ ᩉᩮᩣᨲᩥ – ᩁᩣᨣᩮᨶ, ᩅᨧ᩠ᨧᩮᨶ, ᨸᩔᩣᩅᩮᨶ, ᩅᩣᨲᩮᨶ, ᩏᨧ᩠ᨧᩣᩃᩥᨦ᩠ᨣᨸᩣᨱᨠᨴᨭ᩠ᨮᩮᨶ. ᩍᨾᩮᩉᩥ ᨡᩮᩣ, ᨽᩥᨠ᩠ᨡᩅᩮ, ᨸᨬ᩠ᨧᩉᩣᨠᩣᩁᩮᩉᩥ ᩋᨦ᩠ᨣᨩᩣᨲᩴ ᨠᨾ᩠ᨾᨶᩥᨿᩴ ᩉᩮᩣᨲᩥ ¶ . ᩋᨭ᩠ᨮᩣᨶᨾᩮᨲᩴ, ᨽᩥᨠ᩠ᨡᩅᩮ, ᩋᨶᩅᨠᩣᩈᩮᩣ ᨿᩴ ᨲᩔ ᨽᩥᨠ᩠ᨡᩩᨶᩮᩣ ᩁᩣᨣᩮᨶ ᩋᨦ᩠ᨣᨩᩣᨲᩴ ᨠᨾ᩠ᨾᨶᩥᨿᩴ ᩋᩔ. ᩋᩁᩉᩴ ᩈᩮᩣ, ᨽᩥᨠ᩠ᨡᩅᩮ, ᨽᩥᨠ᩠ᨡᩩ. ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨲᩔ ᨽᩥᨠ᩠ᨡᩩᨶᩮᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᩣᩅᨲ᩠ᨳᩥᨿᩣ ᩋᨶ᩠ᨵᩅᨶᩮ ᨴᩥᩅᩣᩅᩥᩉᩣᩁᨣᨲᩮᩣ ᨶᩥᨸᨶ᩠ᨶᩮᩣ ᩉᩮᩣᨲᩥ. ᩋᨬ᩠ᨬᨲᩁᩣ ᨣᩮᩣᨸᩣᩃᩥᨠᩣ ᨸᩔᩥᨲ᩠ᩅᩣ ᩋᨦ᩠ᨣᨩᩣᨲᩮ ᩋᨽᩥᨶᩥᩈᩦᨴᩥ. ᩈᩮᩣ ᨽᩥᨠ᩠ᨡᩩ ᨸᩅᩮᩈᨶᩴ ᩈᩣᨴᩥᨿᩥ, ᨸᩅᩥᨭ᩠ᨮᩴ ᩈᩣᨴᩥᨿᩥ, ᨮᩥᨲᩴ ᩈᩣᨴᩥᨿᩥ, ᩏᨴ᩠ᨵᩁᨱᩴ ᩈᩣᨴᩥᨿᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᩣᩅᨲ᩠ᨳᩥᨿᩣ ᩋᨶ᩠ᨵᩅᨶᩮ ᨴᩥᩅᩣᩅᩥᩉᩣᩁᨣᨲᩮᩣ ᨶᩥᨸᨶ᩠ᨶᩮᩣ ᩉᩮᩣᨲᩥ. ᩋᨬ᩠ᨬᨲᩁᩣ ᩋᨩᨸᩣᩃᩥᨠᩣ ᨸᩔᩥᨲ᩠ᩅᩣ… ᩋᨬ᩠ᨬᨲᩁᩣ ᨠᨭ᩠ᨮᩉᩣᩁᩥᨠᩣ ᨸᩔᩥᨲ᩠ᩅᩣ… ᩋᨬ᩠ᨬᨲᩁᩣ ᨣᩮᩣᨾᨿᩉᩣᩁᩥᨠᩣ ᨸᩔᩥᨲ᩠ᩅᩣ ᩋᨦ᩠ᨣᨩᩣᨲᩮ ᩋᨽᩥᨶᩥᩈᩦᨴᩥ. ᩈᩮᩣ ᨽᩥᨠ᩠ᨡᩩ ᨸᩅᩮᩈᨶᩴ ᩈᩣᨴᩥᨿᩥ, ᨸᩅᩥᨭ᩠ᨮᩴ ᩈᩣᨴᩥᨿᩥ, ᨮᩥᨲᩴ ᩈᩣᨴᩥᨿᩥ, ᩏᨴ᩠ᨵᩁᨱᩴ ᩈᩣᨴᩥᨿᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

᪗᪕. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩅᩮᩈᩣᩃᩥᨿᩴ ᨾᩉᩣᩅᨶᩮ ᨴᩥᩅᩣᩅᩥᩉᩣᩁᨣᨲᩮᩣ ᨶᩥᨸᨶ᩠ᨶᩮᩣ ᩉᩮᩣᨲᩥ. ᩋᨬ᩠ᨬᨲᩁᩣ ᩍᨲ᩠ᨳᩦ ᨸᩔᩥᨲ᩠ᩅᩣ ᩋᨦ᩠ᨣᨩᩣᨲᩮ ᩋᨽᩥᨶᩥᩈᩦᨴᩥᨲ᩠ᩅᩣ ᨿᩣᩅᨴᨲ᩠ᨳᩴ ᨠᨲ᩠ᩅᩣ ᩈᩣᨾᨶ᩠ᨲᩣ ᩉᩈᨾᩣᨶᩣ ᨮᩥᨲᩣ ᩉᩮᩣᨲᩥ ¶ . ᩈᩮᩣ ᨽᩥᨠ᩠ᨡᩩ ᨸᨭᩥᨻᩩᨩ᩠ᨫᩥᨲ᩠ᩅᩣ ᨲᩴ ᩍᨲ᩠ᨳᩥᩴ ᩑᨲᨴᩅᩮᩣᨧ – ‘‘ᨲᩩᨿ᩠ᩉᩥᨴᩴ ᨠᨾ᩠ᨾ’’ᨶ᩠ᨲᩥ? ‘‘ᩌᨾ, ᨾᨿ᩠ᩉᩴ ᨠᨾ᩠ᨾ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩈᩣᨴᩥᨿᩥ ᨲ᩠ᩅᩴ, ᨽᩥᨠ᩠ᨡᩪ’’ᨲᩥ? ‘‘ᨶᩣᩉᩴ, ᨽᨣᩅᩣ, ᨩᩣᨶᩣᨾᩦ’’ᨲᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩋᨩᩣᨶᨶ᩠ᨲᩔᩣ’’ᨲᩥ.

᪗᪖. ᨲᩮᨶ ¶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩅᩮᩈᩣᩃᩥᨿᩴ ᨾᩉᩣᩅᨶᩮ ᨴᩥᩅᩣᩅᩥᩉᩣᩁᨣᨲᩮᩣ ᩁᩩᨠ᩠ᨡᩴ ᩋᨸᩔᩣᨿ ᨶᩥᨸᨶ᩠ᨶᩮᩣ ᩉᩮᩣᨲᩥ. ᩋᨬ᩠ᨬᨲᩁᩣ ᩍᨲ᩠ᨳᩦ ᨸᩔᩥᨲ᩠ᩅᩣ ᩋᨦ᩠ᨣᨩᩣᨲᩮ ᩋᨽᩥᨶᩥᩈᩦᨴᩥ. ᩈᩮᩣ ᨽᩥᨠ᩠ᨡᩩ ᩈᩉᩈᩣ ᩅᩩᨭ᩠ᨮᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩈᩣᨴᩥᨿᩥ ᨲ᩠ᩅᩴ, ᨽᩥᨠ᩠ᨡᩪ’’ᨲᩥ? ‘‘ᨶᩣᩉᩴ, ᨽᨣᩅᩣ, ᩈᩣᨴᩥᨿᩥ’’ᨶ᩠ᨲᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩋᩈᩣᨴᩥᨿᨶ᩠ᨲᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩅᩮᩈᩣᩃᩥᨿᩴ ᨾᩉᩣᩅᨶᩮ ᨴᩥᩅᩣᩅᩥᩉᩣᩁᨣᨲᩮᩣ ᩁᩩᨠ᩠ᨡᩴ ᩋᨸᩔᩣᨿ ᨶᩥᨸᨶ᩠ᨶᩮᩣ ᩉᩮᩣᨲᩥ. ᩋᨬ᩠ᨬᨲᩁᩣ ᩍᨲ᩠ᨳᩦ ᨸᩔᩥᨲ᩠ᩅᩣ ᩋᨦ᩠ᨣᨩᩣᨲᩮ ᩋᨽᩥᨶᩥᩈᩦᨴᩥ. ᩈᩮᩣ ᨽᩥᨠ᩠ᨡᩩ ᩋᨠ᩠ᨠᨾᩥᨲ᩠ᩅᩣ ᨸᩅᨲ᩠ᨲᩮᩈᩥ [ᨸᩅᨭ᩠ᨭᩮᩈᩥ (ᩈᩦ. ᩈ᩠ᨿᩣ.)]. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩈᩣᨴᩥᨿᩥ ᨲ᩠ᩅᩴ, ᨽᩥᨠ᩠ᨡᩪ’’ᨲᩥ? ‘‘ᨶᩣᩉᩴ, ᨽᨣᩅᩣ, ᩈᩣᨴᩥᨿᩥ’’ᨶ᩠ᨲᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩋᩈᩣᨴᩥᨿᨶ᩠ᨲᩔᩣ’’ᨲᩥ.

᪗᪗. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩅᩮᩈᩣᩃᩥᨿᩴ ᨾᩉᩣᩅᨶᩮ ᨠᩪᨭᩣᨣᩣᩁᩈᩣᩃᩣᨿᩴ ᨴᩥᩅᩣᩅᩥᩉᩣᩁᨣᨲᩮᩣ ᨴ᩠ᩅᩣᩁᩴ ᩅᩥᩅᩁᩥᨲ᩠ᩅᩣ ᨶᩥᨸᨶ᩠ᨶᩮᩣ ᩉᩮᩣᨲᩥ. ᨲᩔ ᩋᨦ᩠ᨣᨾᨦ᩠ᨣᩣᨶᩥ ᩅᩣᨲᩪᨸᨲ᩠ᨳᨴ᩠ᨵᩣᨶᩥ ᩉᩮᩣᨶ᩠ᨲᩥ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩈᨾ᩠ᨻᩉᩩᩃᩣ ᩍᨲ᩠ᨳᩥᨿᩮᩣ ᨣᨶ᩠ᨵᨬ᩠ᨧ ᨾᩣᩃᨬ᩠ᨧ ¶ ᩌᨴᩣᨿ ᩌᩁᩣᨾᩴ ᩌᨣᨾᩴᩈᩩ ᩅᩥᩉᩣᩁᨸᩮᨠ᩠ᨡᩥᨠᩣᨿᩮᩣ. ᩋᨳ ᨡᩮᩣ ᨲᩣ ᩍᨲ᩠ᨳᩥᨿᩮᩣ ᨲᩴ ᨽᩥᨠ᩠ᨡᩩᩴ ᨸᩔᩥᨲ᩠ᩅᩣ ᩋᨦ᩠ᨣᨩᩣᨲᩮ ᩋᨽᩥᨶᩥᩈᩦᨴᩥᨲ᩠ᩅᩣ ᨿᩣᩅᨴᨲ᩠ᨳᩴ ᨠᨲ᩠ᩅᩣ, ᨸᩩᩁᩥᩈᩪᩈᨽᩮᩣ ᩅᨲᩣᨿᨶ᩠ᨲᩥ ᩅᨲ᩠ᩅᩣ ᨣᨶ᩠ᨵᨬ᩠ᨧ ᨾᩣᩃᨬ᩠ᨧ ᩌᩁᩮᩣᨸᩮᨲ᩠ᩅᩣ ᨸᨠ᩠ᨠᨾᩥᩴᩈᩩ. ᨽᩥᨠ᩠ᨡᩪ ᨠᩥᩃᩥᨶ᩠ᨶᩴ ᨸᩔᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ‘‘ᨸᨬ᩠ᨧᩉᩥ, ᨽᩥᨠ᩠ᨡᩅᩮ, ᩌᨠᩣᩁᩮᩉᩥ ᩋᨦ᩠ᨣᨩᩣᨲᩴ ᨠᨾ᩠ᨾᨶᩥᨿᩴ ᩉᩮᩣᨲᩥ – ᩁᩣᨣᩮᨶ, ᩅᨧ᩠ᨧᩮᨶ, ᨸᩔᩣᩅᩮᨶ, ᩅᩣᨲᩮᨶ, ᩏᨧ᩠ᨧᩣᩃᩥᨦ᩠ᨣᨸᩣᨱᨠᨴᨭ᩠ᨮᩮᨶ. ᩍᨾᩮᩉᩥ ¶ ᨡᩮᩣ, ᨽᩥᨠ᩠ᨡᩅᩮ, ᨸᨬ᩠ᨧᩉᩣᨠᩣᩁᩮᩉᩥ ᩋᨦ᩠ᨣᨩᩣᨲᩴ ᨠᨾ᩠ᨾᨶᩥᨿᩴ ᩉᩮᩣᨲᩥ. ᩋᨭ᩠ᨮᩣᨶᨾᩮᨲᩴ, ᨽᩥᨠ᩠ᨡᩅᩮ, ᩋᨶᩅᨠᩣᩈᩮᩣ, ᨿᩴ ᨲᩔ ᨽᩥᨠ᩠ᨡᩩᨶᩮᩣ ᩁᩣᨣᩮᨶ ᩋᨦ᩠ᨣᨩᩣᨲᩴ ᨠᨾ᩠ᨾᨶᩥᨿᩴ ᩋᩔ. ᩋᩁᩉᩴ ᩈᩮᩣ, ᨽᩥᨠ᩠ᨡᩅᩮ, ᨽᩥᨠ᩠ᨡᩩ. ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨲᩔ ᨽᩥᨠ᩠ᨡᩩᨶᩮᩣ. ᩋᨶᩩᨩᩣᨶᩣᨾᩥ, ᨽᩥᨠ᩠ᨡᩅᩮ, ᨴᩥᩅᩣ ᨸᨭᩥᩈᩃ᩠ᩃᩦᨿᨶ᩠ᨲᩮᨶ ᨴ᩠ᩅᩣᩁᩴ ᩈᩴᩅᩁᩥᨲ᩠ᩅᩣ ᨸᨭᩥᩈᩃ᩠ᩃᩦᨿᩥᨲᩩ’’ᨶ᩠ᨲᩥ.

᪗᪘. ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩣᩁᩩᨠᨧ᩠ᨨᨠᩮᩣ ᨽᩥᨠ᩠ᨡᩩ ᩈᩩᨸᩥᨶᨶ᩠ᨲᩮ [ᩈᩩᨸᩥᨶᨶ᩠ᨲᩮᨶ (ᩈᩦ. ᩈ᩠ᨿᩣ.)] ᨸᩩᩁᩣᨱᨴᩩᨲᩥᨿᩥᨠᩣᨿ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩥᨲ᩠ᩅᩣ – ‘ᩋᩔᨾᨱᩮᩣ ᩋᩉᩴ, ᩅᩥᨻ᩠ᨽᨾᩥᩔᩣᨾᩦ’ᨲᩥ, ᨽᩣᩁᩩᨠᨧ᩠ᨨᩴ ᨣᨧ᩠ᨨᨶ᩠ᨲᩮᩣ ᩋᨶ᩠ᨲᩁᩣᨾᨣ᩠ᨣᩮ ᩌᨿᩈ᩠ᨾᨶ᩠ᨲᩴ ᩏᨸᩣᩃᩥᩴ ᨸᩔᩥᨲ᩠ᩅᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ᩌᨿᩈ᩠ᨾᩣ ᩏᨸᩣᩃᩥ ᩑᩅᨾᩣᩉ – ‘‘ᩋᨶᩣᨸᨲ᩠ᨲᩥ, ᩌᩅᩩᩈᩮᩣ, ᩈᩩᨸᩥᨶᨶ᩠ᨲᩮᨶᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩁᩣᨩᨣᩉᩮ ᩈᩩᨸᨻ᩠ᨻᩣ ᨶᩣᨾ ᩏᨸᩣᩈᩥᨠᩣ ᨾᩩᨵᨸ᩠ᨸᩈᨶ᩠ᨶᩣ [ᨾᩩᨴ᩠ᨵᨸ᩠ᨸᩈᨶ᩠ᨶᩣ (ᩈᩦ.)] ᩉᩮᩣᨲᩥ. ᩈᩣ ᩑᩅᩴᨴᩥᨭ᩠ᨮᩥᨠᩣ ᩉᩮᩣᨲᩥ – ‘‘ᨿᩣ ᨾᩮᨳᩩᨶᩴ ᨵᨾ᩠ᨾᩴ ᨴᩮᨲᩥ ᩈᩣ ᩋᨣ᩠ᨣᨴᩣᨶᩴ ᨴᩮᨲᩦ’’ᨲᩥ. ᩈᩣ ᨽᩥᨠ᩠ᨡᩩᩴ ᨸᩔᩥᨲ᩠ᩅᩣ ᩑᨲᨴᩅᩮᩣᨧ – ¶ ‘‘ᩑᩉᩥ, ᨽᨶ᩠ᨲᩮ, ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩣ’’ᨲᩥ. ‘‘ᩋᩃᩴ, ᨽᨣᩥᨶᩥ, ᨶᩮᨲᩴ ᨠᨸ᩠ᨸᨲᩦ’’ᨲᩥ. ‘‘ᩑᩉᩥ, ᨽᨶ᩠ᨲᩮ, ᩐᩁᩩᨶ᩠ᨲᩁᩥᨠᩣᨿ [ᩐᩁᨶ᩠ᨲᩁᩥᨠᩣᨿ (ᩈᩦ.)] ᨥᨭ᩠ᨭᩮᩉᩥ, ᩑᩅᩴ ᨲᩮ ᩋᨶᩣᨸᨲ᩠ᨲᩥ ᨽᩅᩥᩔᨲᩦ’’ᨲᩥ…ᨸᩮ… ¶ ᩑᩉᩥ, ᨽᨶ᩠ᨲᩮ, ᨶᩣᨽᩥᨿᩴ ᨥᨭ᩠ᨭᩮᩉᩥ… ᩑᩉᩥ, ᨽᨶ᩠ᨲᩮ, ᩏᨴᩁᩅᨭ᩠ᨭᩥᨿᩴ ᨥᨭ᩠ᨭᩮᩉᩥ… ᩑᩉᩥ, ᨽᨶ᩠ᨲᩮ, ᩏᨸᨠᨧ᩠ᨨᨠᩮ ᨥᨭ᩠ᨭᩮᩉᩥ… ᩑᩉᩥ, ᨽᨶ᩠ᨲᩮ, ᨣᩦᩅᩣᨿᩴ ᨥᨭ᩠ᨭᩮᩉᩥ… ᩑᩉᩥ, ᨽᨶ᩠ᨲᩮ, ᨠᨱ᩠ᨱᨧ᩠ᨨᩥᨴ᩠ᨴᩮ ᨥᨭ᩠ᨭᩮᩉᩥ… ᩑᩉᩥ, ᨽᨶ᩠ᨲᩮ, ᨠᩮᩈᩅᨭ᩠ᨭᩥᨿᩴ ᨥᨭ᩠ᨭᩮᩉᩥ… ᩑᩉᩥ, ᨽᨶ᩠ᨲᩮ, ᩋᨦ᩠ᨣᩩᩃᨶ᩠ᨲᩁᩥᨠᩣᨿ ᨥᨭ᩠ᨭᩮᩉᩥ… ‘‘ᩑᩉᩥ, ᨽᨶ᩠ᨲᩮ, ᩉᨲ᩠ᨳᩮᨶ ᩏᨸᨠ᩠ᨠᨾᩥᨲ᩠ᩅᩣ ᨾᩮᩣᨧᩮᩔᩣᨾᩥ, ᩑᩅᩴ ᨲᩮ ᩋᨶᩣᨸᨲ᩠ᨲᩥ ᨽᩅᩥᩔᨲᩦ’’ᨲᩥ. ᩈᩮᩣ ᨽᩥᨠ᩠ᨡᩩ ᨲᨳᩣ ᩋᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ. ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔᩣ’’ᨲᩥ.

᪗᪙. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩈᩣᩅᨲ᩠ᨳᩥᨿᩴ ᩈᨴ᩠ᨵᩣ ᨶᩣᨾ ᩏᨸᩣᩈᩥᨠᩣ ᨾᩩᨵᨸ᩠ᨸᩈᨶ᩠ᨶᩣ ᩉᩮᩣᨲᩥ. ᩈᩣ ᩑᩅᩴᨴᩥᨭ᩠ᨮᩥᨠᩣ ᩉᩮᩣᨲᩥ – ‘‘ᨿᩣ ᨾᩮᨳᩩᨶᩴ ᨵᨾ᩠ᨾᩴ ᨴᩮᨲᩥ ᩈᩣ ᩋᨣ᩠ᨣᨴᩣᨶᩴ ᨴᩮᨲᩦ’’ᨲᩥ. ᩈᩣ ᨽᩥᨠ᩠ᨡᩩᩴ ᨸᩔᩥᨲ᩠ᩅᩣ ᩑᨲᨴᩅᩮᩣᨧ – ‘‘ᩑᩉᩥ, ᨽᨶ᩠ᨲᩮ, ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩣ’’ᨲᩥ. ‘‘ᩋᩃᩴ, ᨽᨣᩥᨶᩥ, ᨶᩮᨲᩴ ᨠᨸ᩠ᨸᨲᩦ’’ᨲᩥ. ‘‘ᩑᩉᩥ, ᨽᨶ᩠ᨲᩮ, ᩐᩁᩩᨶ᩠ᨲᩁᩥᨠᩣᨿ ᨥᨭ᩠ᨭᩮᩉᩥ…ᨸᩮ… ¶ ᩑᩉᩥ, ᨽᨶ᩠ᨲᩮ, ᩉᨲ᩠ᨳᩮᨶ ᩏᨸᨠ᩠ᨠᨾᩥᨲ᩠ᩅᩣ ᨾᩮᩣᨧᩮᩔᩣᨾᩥ, ᩑᩅᩴ ᨲᩮ ᩋᨶᩣᨸᨲ᩠ᨲᩥ ᨽᩅᩥᩔᨲᩦ’’ᨲᩥ. ᩈᩮᩣ ᨽᩥᨠ᩠ᨡᩩ ᨲᨳᩣ ᩋᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ. ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔᩣ’’ᨲᩥ.

᪘᪐. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩅᩮᩈᩣᩃᩥᨿᩴ ᩃᩥᨧ᩠ᨨᩅᩥᨠᩩᨾᩣᩁᨠᩣ ᨽᩥᨠ᩠ᨡᩩᩴ ᨣᩉᩮᨲ᩠ᩅᩣ ᨽᩥᨠ᩠ᨡᩩᨶᩥᨿᩣ ᩅᩥᨸ᩠ᨸᨭᩥᨸᩣᨴᩮᩈᩩᩴ… ᩈᩥᨠ᩠ᨡᨾᩣᨶᩣᨿ ᩅᩥᨸ᩠ᨸᨭᩥᨸᩣᨴᩮᩈᩩᩴ… ᩈᩣᨾᨱᩮᩁᩥᨿᩣ ᩅᩥᨸ᩠ᨸᨭᩥᨸᩣᨴᩮᩈᩩᩴ. ᩏᨽᩮᩣ ¶ ᩈᩣᨴᩥᨿᩥᩴᩈᩩ. ᩏᨽᩮᩣ ᨶᩣᩈᩮᨲᨻ᩠ᨻᩣ. ᩏᨽᩮᩣ ᨶ ᩈᩣᨴᩥᨿᩥᩴᩈᩩ. ᩏᨽᩥᨶ᩠ᨶᩴ ᩋᨶᩣᨸᨲ᩠ᨲᩥ.

᪘᪑. ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩅᩮᩈᩣᩃᩥᨿᩴ ᩃᩥᨧ᩠ᨨᩅᩥᨠᩩᨾᩣᩁᨠᩣ ᨽᩥᨠ᩠ᨡᩩᩴ ᨣᩉᩮᨲ᩠ᩅᩣ ᩅᩮᩈᩥᨿᩣ ᩅᩥᨸ᩠ᨸᨭᩥᨸᩣᨴᩮᩈᩩᩴ… ᨸᨱ᩠ᨯᨠᩮ ᩅᩥᨸ᩠ᨸᨭᩥᨸᩣᨴᩮᩈᩩᩴ… ᨣᩥᩉᩥᨶᩥᨿᩣ ¶ ᩅᩥᨸ᩠ᨸᨭᩥᨸᩣᨴᩮᩈᩩᩴ. ᨽᩥᨠ᩠ᨡᩩ ᩈᩣᨴᩥᨿᩥ. ᨽᩥᨠ᩠ᨡᩩ ᨶᩣᩈᩮᨲᨻ᩠ᨻᩮᩣ. ᨽᩥᨠ᩠ᨡᩩ ᨶ ᩈᩣᨴᩥᨿᩥ. ᨽᩥᨠ᩠ᨡᩩᩔ ᩋᨶᩣᨸᨲ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩅᩮᩈᩣᩃᩥᨿᩴ ᩃᩥᨧ᩠ᨨᩅᩥᨠᩩᨾᩣᩁᨠᩣ ᨽᩥᨠ᩠ᨡᩪ ᨣᩉᩮᨲ᩠ᩅᩣ ᩋᨬ᩠ᨬᨾᨬ᩠ᨬᩴ ᩅᩥᨸ᩠ᨸᨭᩥᨸᩣᨴᩮᩈᩩᩴ. ᩏᨽᩮᩣ ᩈᩣᨴᩥᨿᩥᩴᩈᩩ. ᩏᨽᩮᩣ ᨶᩣᩈᩮᨲᨻ᩠ᨻᩣ. ᩏᨽᩮᩣ ᨶ ᩈᩣᨴᩥᨿᩥᩴᩈᩩ. ᩏᨽᩥᨶ᩠ᨶᩴ ᩋᨶᩣᨸᨲ᩠ᨲᩥ.

᪘᪒. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᩅᩩᨯ᩠ᨰᨸᨻ᩠ᨻᨩᩥᨲᩮᩣ ᨽᩥᨠ᩠ᨡᩩ ᨸᩩᩁᩣᨱᨴᩩᨲᩥᨿᩥᨠᩣᨿ ᨴᩔᨶᩴ ᩋᨣᨾᩣᩈᩥ. ᩈᩣ – ‘ᩑᩉᩥ, ᨽᨶ᩠ᨲᩮ, ᩅᩥᨻ᩠ᨽᨾᩣ’ᨲᩥ ᩋᨣ᩠ᨣᩉᩮᩈᩥ. ᩈᩮᩣ ᨽᩥᨠ᩠ᨡᩩ ᨸᨭᩥᨠ᩠ᨠᨾᨶ᩠ᨲᩮᩣ ᩏᨲ᩠ᨲᩣᨶᩮᩣ ᨸᩁᩥᨸᨲᩥ. ᩈᩣ ᩏᨻ᩠ᨽᨩᩥᨲ᩠ᩅᩣ [ᩏᨻ᩠ᨽᩩᨩᩥᨲ᩠ᩅᩣ (ᩈᩦ. ᩈ᩠ᨿᩣ.)] ᩋᨦ᩠ᨣᨩᩣᨲᩮ [ᩋᨦ᩠ᨣᨩᩣᨲᩮᨶ (ᩈᩦ.)] ᩋᨽᩥᨶᩥᩈᩦᨴᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ ¶ …ᨸᩮ… ‘‘ᩈᩣᨴᩥᨿᩥ ᨲ᩠ᩅᩴ, ᨽᩥᨠ᩠ᨡᩪ’’ᨲᩥ? ‘‘ᨶᩣᩉᩴ, ᨽᨣᩅᩣ, ᩈᩣᨴᩥᨿᩥ’’ᨶ᩠ᨲᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩋᩈᩣᨴᩥᨿᨶ᩠ᨲᩔᩣ’’ᨲᩥ.

᪘᪓. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩋᩁᨬ᩠ᨬᩮ ᩅᩥᩉᩁᨲᩥ. ᨾᩥᨣᨸᩮᩣᨲᨠᩮᩣ ᨲᩔ ᨸᩔᩣᩅᨭ᩠ᨮᩣᨶᩴ ᩌᨣᨶ᩠ᨲ᩠ᩅᩣ ᨸᩔᩣᩅᩴ ᨸᩥᩅᨶ᩠ᨲᩮᩣ ᨾᩩᨡᩮᨶ ᩋᨦ᩠ᨣᨩᩣᨲᩴ ᩋᨣ᩠ᨣᩉᩮᩈᩥ. ᩈᩮᩣ ᨽᩥᨠ᩠ᨡᩩ ᩈᩣᨴᩥᨿᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨸᨮᨾᨸᩣᩁᩣᨩᩥᨠᩴ ᩈᨾᨲ᩠ᨲᩴ.

᪒. ᨴᩩᨲᩥᨿᨸᩣᩁᩣᨩᩥᨠᩴ

᪘᪔. ᨲᩮᨶ ¶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩁᩣᨩᨣᩉᩮ ᩅᩥᩉᩁᨲᩥ ᨣᩥᨩ᩠ᨫᨠᩪᨭᩮ ᨸᨻ᩠ᨻᨲᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩈᨾ᩠ᨻᩉᩩᩃᩣ ᩈᨶ᩠ᨴᩥᨭ᩠ᨮᩣ ᩈᨾ᩠ᨽᨲ᩠ᨲᩣ ᨽᩥᨠ᩠ᨡᩪ ᩍᩈᩥᨣᩥᩃᩥᨸᩔᩮ ᨲᩥᨱᨠᩩᨭᩥᨿᩮᩣ ᨠᩁᩥᨲ᩠ᩅᩣ ᩅᩔᩴ ᩏᨸᨣᨧ᩠ᨨᩥᩴᩈᩩ. ᩌᨿᩈ᩠ᨾᩣᨸᩥ ᨵᨶᩥᨿᩮᩣ ᨠᩩᨾ᩠ᨽᨠᩣᩁᨸᩩᨲ᩠ᨲᩮᩣ ᨲᩥᨱᨠᩩᨭᩥᨠᩴ ᨠᩁᩥᨲ᩠ᩅᩣ ᩅᩔᩴ ᩏᨸᨣᨧ᩠ᨨᩥ. ᩋᨳ ᨡᩮᩣ ᨲᩮ ¶ ᨽᩥᨠ᩠ᨡᩪ ᩅᩔᩴᩅᩩᨭ᩠ᨮᩣ ᨲᩮᨾᩣᩈᨧ᩠ᨧᨿᩮᨶ ᨲᩥᨱᨠᩩᨭᩥᨿᩮᩣ ᨽᩥᨶ᩠ᨴᩥᨲ᩠ᩅᩣ ᨲᩥᨱᨬ᩠ᨧ ᨠᨭ᩠ᨮᨬ᩠ᨧ ᨸᨭᩥᩈᩣᨾᩮᨲ᩠ᩅᩣ ᨩᨶᨸᨴᨧᩣᩁᩥᨠᩴ ᨸᨠ᩠ᨠᨾᩥᩴᩈᩩ. ᩌᨿᩈ᩠ᨾᩣ ᨸᨶ ᨵᨶᩥᨿᩮᩣ ᨠᩩᨾ᩠ᨽᨠᩣᩁᨸᩩᨲ᩠ᨲᩮᩣ ᨲᨲ᩠ᨳᩮᩅ ᩅᩔᩴ ᩅᩈᩥ, ᨲᨲ᩠ᨳ ᩉᩮᨾᨶ᩠ᨲᩴ, ᨲᨲ᩠ᨳ ᨣᩥᨾ᩠ᩉᩴ. ᩋᨳ ᨡᩮᩣ ᩌᨿᩈ᩠ᨾᨲᩮᩣ ᨵᨶᩥᨿᩔ ᨠᩩᨾ᩠ᨽᨠᩣᩁᨸᩩᨲ᩠ᨲᩔ ᨣᩣᨾᩴ ᨸᩥᨱ᩠ᨯᩣᨿ ᨸᩅᩥᨭ᩠ᨮᩔ ᨲᩥᨱᩉᩣᩁᩥᨿᩮᩣ ᨠᨭ᩠ᨮᩉᩣᩁᩥᨿᩮᩣ ᨲᩥᨱᨠᩩᨭᩥᨠᩴ ᨽᩥᨶ᩠ᨴᩥᨲ᩠ᩅᩣ ᨲᩥᨱᨬ᩠ᨧ ᨠᨭ᩠ᨮᨬ᩠ᨧ ᩌᨴᩣᨿ ᩋᨣᨾᩴᩈᩩ. ᨴᩩᨲᩥᨿᨾ᩠ᨸᩥ ᨡᩮᩣ ᩌᨿᩈ᩠ᨾᩣ ᨵᨶᩥᨿᩮᩣ ᨠᩩᨾ᩠ᨽᨠᩣᩁᨸᩩᨲ᩠ᨲᩮᩣ ᨲᩥᨱᨬ᩠ᨧ ᨠᨭ᩠ᨮᨬ᩠ᨧ ᩈᩴᨠᨯ᩠ᨰᩥᨲ᩠ᩅᩣ ᨲᩥᨱᨠᩩᨭᩥᨠᩴ ᩋᨠᩣᩈᩥ. ᨴᩩᨲᩥᨿᨾ᩠ᨸᩥ ᨡᩮᩣ ᩌᨿᩈ᩠ᨾᨲᩮᩣ ᨵᨶᩥᨿᩔ ᨠᩩᨾ᩠ᨽᨠᩣᩁᨸᩩᨲ᩠ᨲᩔ ᨣᩣᨾᩴ ᨸᩥᨱ᩠ᨯᩣᨿ ᨸᩅᩥᨭ᩠ᨮᩔ ᨲᩥᨱᩉᩣᩁᩥᨿᩮᩣ ᨠᨭ᩠ᨮᩉᩣᩁᩥᨿᩮᩣ ᨲᩥᨱᨠᩩᨭᩥᨠᩴ ᨽᩥᨶ᩠ᨴᩥᨲ᩠ᩅᩣ ᨲᩥᨱᨬ᩠ᨧ ᨠᨭ᩠ᨮᨬ᩠ᨧ ᩌᨴᩣᨿ ᩋᨣᨾᩴᩈᩩ. ᨲᨲᩥᨿᨾ᩠ᨸᩥ ᨡᩮᩣ ᩌᨿᩈ᩠ᨾᩣ ᨵᨶᩥᨿᩮᩣ ᨠᩩᨾ᩠ᨽᨠᩣᩁᨸᩩᨲ᩠ᨲᩮᩣ ᨲᩥᨱᨬ᩠ᨧ ᨠᨭ᩠ᨮᨬ᩠ᨧ ᩈᩴᨠᨯ᩠ᨰᩥᨲ᩠ᩅᩣ ᨲᩥᨱᨠᩩᨭᩥᨠᩴ ᩋᨠᩣᩈᩥ. ᨲᨲᩥᨿᨾ᩠ᨸᩥ ᨡᩮᩣ ᩌᨿᩈ᩠ᨾᨲᩮᩣ ᨵᨶᩥᨿᩔ ᨠᩩᨾ᩠ᨽᨠᩣᩁᨸᩩᨲ᩠ᨲᩔ ᨣᩣᨾᩴ ᨸᩥᨱ᩠ᨯᩣᨿ ᨸᩅᩥᨭ᩠ᨮᩔ ᨲᩥᨱᩉᩣᩁᩥᨿᩮᩣ ᨠᨭ᩠ᨮᩉᩣᩁᩥᨿᩮᩣ ᨲᩥᨱᨠᩩᨭᩥᨠᩴ ᨽᩥᨶ᩠ᨴᩥᨲ᩠ᩅᩣ ᨲᩥᨱᨬ᩠ᨧ ᨠᨭ᩠ᨮᨬ᩠ᨧ ᩌᨴᩣᨿ ᩋᨣᨾᩴᩈᩩ.

ᩋᨳ ᨡᩮᩣ ᩌᨿᩈ᩠ᨾᨲᩮᩣ ᨵᨶᩥᨿᩔ ᨠᩩᨾ᩠ᨽᨠᩣᩁᨸᩩᨲ᩠ᨲᩔ ¶ ᩑᨲᨴᩉᩮᩣᩈᩥ – ‘‘ᨿᩣᩅᨲᨲᩥᨿᨠᩴ ᨡᩮᩣ ᨾᩮ ᨣᩣᨾᩴ ᨸᩥᨱ᩠ᨯᩣᨿ ᨸᩅᩥᨭ᩠ᨮᩔ ᨲᩥᨱᩉᩣᩁᩥᨿᩮᩣ ᨠᨭ᩠ᨮᩉᩣᩁᩥᨿᩮᩣ ᨲᩥᨱᨠᩩᨭᩥᨠᩴ ᨽᩥᨶ᩠ᨴᩥᨲ᩠ᩅᩣ ᨲᩥᨱᨬ᩠ᨧ ᨠᨭ᩠ᨮᨬ᩠ᨧ ᩌᨴᩣᨿ ᩋᨣᨾᩴᩈᩩ. ᩋᩉᩴ ᨡᩮᩣ ᨸᨶ ᩈᩩᩈᩥᨠ᩠ᨡᩥᨲᩮᩣ ᩋᨶᩅᨿᩮᩣ ᩈᨠᩮ ᩌᨧᩁᩥᨿᨠᩮ ᨠᩩᨾ᩠ᨽᨠᩣᩁᨠᨾ᩠ᨾᩮ ᨸᩁᩥᨿᩮᩣᨴᩣᨲᩈᩥᨸ᩠ᨸᩮᩣ ¶ . ᨿᩴᨶᩪᨶᩣᩉᩴ ᩈᩣᨾᩴ ᨧᩥᨠ᩠ᨡᩃ᩠ᩃᩴ ᨾᨴ᩠ᨴᩥᨲ᩠ᩅᩣ ᩈᨻ᩠ᨻᨾᨲ᩠ᨲᩥᨠᩣᨾᨿᩴ ᨠᩩᨭᩥᨠᩴ ᨠᩁᩮᨿ᩠ᨿ’’ᨶ᩠ᨲᩥ! ᩋᨳ ᨡᩮᩣ ᩌᨿᩈ᩠ᨾᩣ ᨵᨶᩥᨿᩮᩣ ᨠᩩᨾ᩠ᨽᨠᩣᩁᨸᩩᨲ᩠ᨲᩮᩣ ᩈᩣᨾᩴ ᨧᩥᨠ᩠ᨡᩃ᩠ᩃᩴ ᨾᨴ᩠ᨴᩥᨲ᩠ᩅᩣ ᩈᨻ᩠ᨻᨾᨲ᩠ᨲᩥᨠᩣᨾᨿᩴ ¶ ᨠᩩᨭᩥᨠᩴ ᨠᩁᩥᨲ᩠ᩅᩣ ᨲᩥᨱᨬ᩠ᨧ ᨠᨭ᩠ᨮᨬ᩠ᨧ ᨣᩮᩣᨾᨿᨬ᩠ᨧ ᩈᩴᨠᨯ᩠ᨰᩥᨲ᩠ᩅᩣ ᨲᩴ ᨠᩩᨭᩥᨠᩴ ᨸᨧᩥ. ᩈᩣ ᩋᩉᩮᩣᩈᩥ ᨠᩩᨭᩥᨠᩣ ᩋᨽᩥᩁᩪᨸᩣ ᨴᩔᨶᩦᨿᩣ ᨸᩣᩈᩣᨴᩥᨠᩣ ᩃᩮᩣᩉᩥᨲᩥᨠᩣ [ᩃᩮᩣᩉᩥᨲᨠᩣ (ᩈ᩠ᨿᩣ.)], ᩈᩮᨿ᩠ᨿᨳᩣᨸᩥ ᩍᨶ᩠ᨴᨣᩮᩣᨸᨠᩮᩣ. ᩈᩮᨿ᩠ᨿᨳᩣᨸᩥ ᨶᩣᨾ ᨠᩥᨦ᩠ᨠᨱᩥᨠᩈᨴ᩠ᨴᩮᩣ [ᨠᩥᨦ᩠ᨠᩥᨱᩥᨠᩈᨴ᩠ᨴᩮᩣ (ᩈᩦ. ᩈ᩠ᨿᩣ.)] ᩑᩅᨾᩮᩅᩴ ᨲᩔᩣ ᨠᩩᨭᩥᨠᩣᨿ ᩈᨴ᩠ᨴᩮᩣ ᩋᩉᩮᩣᩈᩥ.

᪘᪕. ᩋᨳ ᨡᩮᩣ ᨽᨣᩅᩣ ᩈᨾ᩠ᨻᩉᩩᩃᩮᩉᩥ ᨽᩥᨠ᩠ᨡᩪᩉᩥ ᩈᨴ᩠ᨵᩥᩴ ᨣᩥᨩ᩠ᨫᨠᩪᨭᩣ ᨸᨻ᩠ᨻᨲᩣ ᩒᩁᩮᩣᩉᨶ᩠ᨲᩮᩣ ᩋᨴ᩠ᨴᩈ ᨲᩴ ᨠᩩᨭᩥᨠᩴ ᩋᨽᩥᩁᩪᨸᩴ ᨴᩔᨶᩦᨿᩴ ᨸᩣᩈᩣᨴᩥᨠᩴ ᩃᩮᩣᩉᩥᨲᩥᨠᩴ. ᨴᩥᩈ᩠ᩅᩣᨶ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ – ‘‘ᨠᩥᩴ ᩑᨲᩴ, ᨽᩥᨠ᩠ᨡᩅᩮ, ᩋᨽᩥᩁᩪᨸᩴ ᨴᩔᨶᩦᨿᩴ ᨸᩣᩈᩣᨴᩥᨠᩴ ᩃᩮᩣᩉᩥᨲᩥᨠᩴ, ᩈᩮᨿ᩠ᨿᨳᩣᨸᩥ ᩍᨶ᩠ᨴᨣᩮᩣᨸᨠᩮᩣ’’ᨲᩥ? ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ – ‘‘ᩋᨶᨶᩩᨧ᩠ᨨᩅᩥᨠᩴ, ᨽᩥᨠ᩠ᨡᩅᩮ, ᨲᩔ ᨾᩮᩣᨥᨸᩩᩁᩥᩈᩔ ᩋᨶᨶᩩᩃᩮᩣᨾᩥᨠᩴ ᩋᨸ᩠ᨸᨲᩥᩁᩪᨸᩴ ᩋᩔᩣᨾᨱᨠᩴ ¶ ᩋᨠᨸ᩠ᨸᩥᨿᩴ ᩋᨠᩁᨱᩦᨿᩴ. ᨠᨳᨬ᩠ᩉᩥ ᨶᩣᨾ ᩈᩮᩣ, ᨽᩥᨠ᩠ᨡᩅᩮ, ᨾᩮᩣᨥᨸᩩᩁᩥᩈᩮᩣ ᩈᨻ᩠ᨻᨾᨲ᩠ᨲᩥᨠᩣᨾᨿᩴ ᨠᩩᨭᩥᨠᩴ ᨠᩁᩥᩔᨲᩥ! ᨶ ᩉᩥ ᨶᩣᨾ, ᨽᩥᨠ᩠ᨡᩅᩮ, ᨲᩔ ᨾᩮᩣᨥᨸᩩᩁᩥᩈᩔ ᨸᩣᨱᩮᩈᩩ ᩋᨶᩩᨴ᩠ᨴᨿᩣ ᩋᨶᩩᨠᨾ᩠ᨸᩣ ᩋᩅᩥᩉᩮᩈᩣ ᨽᩅᩥᩔᨲᩥ! ᨣᨧ᩠ᨨᨳᩮᨲᩴ, ᨽᩥᨠ᩠ᨡᩅᩮ, ᨠᩩᨭᩥᨠᩴ ¶ ᨽᩥᨶ᩠ᨴᨳ. ᨾᩣ ᨸᨧ᩠ᨨᩥᨾᩣ ᨩᨶᨲᩣ ᨸᩣᨱᩮᩈᩩ ᨸᩣᨲᨻ᩠ᨿᨲᩴ ᩌᨸᨩ᩠ᨩᩥ. ᨶ ᨧ, ᨽᩥᨠ᩠ᨡᩅᩮ, ᩈᨻ᩠ᨻᨾᨲ᩠ᨲᩥᨠᩣᨾᨿᩣ ᨠᩩᨭᩥᨠᩣ ᨠᩣᨲᨻ᩠ᨻᩣ. ᨿᩮᩣ ᨠᩁᩮᨿ᩠ᨿ, ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ. ‘‘ᩑᩅᩴ, ᨽᨶ᩠ᨲᩮ’’ᨲᩥ, ᨡᩮᩣ ᨲᩮ ᨽᩥᨠ᩠ᨡᩪ ᨽᨣᩅᨲᩮᩣ ᨸᨭᩥᩔᩩᨱᩥᨲ᩠ᩅᩣ ᨿᩮᨶ ᩈᩣ ᨠᩩᨭᩥᨠᩣ ᨲᩮᨶᩩᨸᩈᨦ᩠ᨠᨾᩥᩴᩈᩩ; ᩏᨸᩈᨦ᩠ᨠᨾᩥᨲ᩠ᩅᩣ ᨲᩴ ᨠᩩᨭᩥᨠᩴ ᨽᩥᨶ᩠ᨴᩥᩴᩈᩩ. ᩋᨳ ᨡᩮᩣ ᩌᨿᩈ᩠ᨾᩣ ᨵᨶᩥᨿᩮᩣ ᨠᩩᨾ᩠ᨽᨠᩣᩁᨸᩩᨲ᩠ᨲᩮᩣ ᨲᩮ ᨽᩥᨠ᩠ᨡᩪ ᩑᨲᨴᩅᩮᩣᨧ – ‘‘ᨠᩥᩔ ᨾᩮ ᨲᩩᨾ᩠ᩉᩮ, ᩌᩅᩩᩈᩮᩣ, ᨠᩩᨭᩥᨠᩴ ᨽᩥᨶ᩠ᨴᨳᩣ’’ᨲᩥ? ‘‘ᨽᨣᩅᩣ, ᩌᩅᩩᩈᩮᩣ, ᨽᩮᨴᩣᨸᩮᨲᩦ’’ᨲᩥ. ‘‘ᨽᩥᨶ᩠ᨴᨳᩣᩅᩩᩈᩮᩣ, ᩈᨧᩮ ᨵᨾ᩠ᨾᩔᩣᨾᩦ ᨽᩮᨴᩣᨸᩮᨲᩦ’’ᨲᩥ.

᪘᪖. ᩋᨳ ᨡᩮᩣ ᩌᨿᩈ᩠ᨾᨲᩮᩣ ᨵᨶᩥᨿᩔ ᨠᩩᨾ᩠ᨽᨠᩣᩁᨸᩩᨲ᩠ᨲᩔ ᩑᨲᨴᩉᩮᩣᩈᩥ – ‘‘ᨿᩣᩅᨲᨲᩥᨿᨠᩴ ᨡᩮᩣ ᨾᩮ ᨣᩣᨾᩴ ᨸᩥᨱ᩠ᨯᩣᨿ ᨸᩅᩥᨭ᩠ᨮᩔ ᨲᩥᨱᩉᩣᩁᩥᨿᩮᩣ ᨠᨭ᩠ᨮᩉᩣᩁᩥᨿᩮᩣ ᨲᩥᨱᨠᩩᨭᩥᨠᩴ ᨽᩥᨶ᩠ᨴᩥᨲ᩠ᩅᩣ ᨲᩥᨱᨬ᩠ᨧ ᨠᨭ᩠ᨮᨬ᩠ᨧ ᩌᨴᩣᨿ ᩋᨣᨾᩴᩈᩩ. ᨿᩣᨸᩥ ᨾᨿᩣ ᩈᨻ᩠ᨻᨾᨲ᩠ᨲᩥᨠᩣᨾᨿᩣ ᨠᩩᨭᩥᨠᩣ ᨠᨲᩣ ᩈᩣᨸᩥ ᨽᨣᩅᨲᩣ ᨽᩮᨴᩣᨸᩥᨲᩣ. ᩋᨲ᩠ᨳᩥ ᨧ ᨾᩮ ᨴᩣᩁᩩᨣᩉᩮ ᨣᨱᨠᩮᩣ ᩈᨶ᩠ᨴᩥᨭ᩠ᨮᩮᩣ. ᨿᩴᨶᩪᨶᩣᩉᩴ ᨴᩣᩁᩩᨣᩉᩮ ᨣᨱᨠᩴ ᨴᩣᩁᩪᨶᩥ ᨿᩣᨧᩥᨲ᩠ᩅᩣ ᨴᩣᩁᩩᨠᩩᨭᩥᨠᩴ ᨠᩁᩮᨿ᩠ᨿ’’ᨶ᩠ᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᨵᨶᩥᨿᩮᩣ ᨠᩩᨾ᩠ᨽᨠᩣᩁᨸᩩᨲ᩠ᨲᩮᩣ ᨿᩮᨶ ᨴᩣᩁᩩᨣᩉᩮ ᨣᨱᨠᩮᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨴᩣᩁᩩᨣᩉᩮ ᨣᨱᨠᩴ ᩑᨲᨴᩅᩮᩣᨧ – ‘‘ᨿᩣᩅᨲᨲᩥᨿᨠᩴ ᨡᩮᩣ ᨾᩮ, ᩌᩅᩩᩈᩮᩣ, ᨣᩣᨾᩴ ᨸᩥᨱ᩠ᨯᩣᨿ ᨸᩅᩥᨭ᩠ᨮᩔ ᨲᩥᨱᩉᩣᩁᩥᨿᩮᩣ ᨠᨭ᩠ᨮᩉᩣᩁᩥᨿᩮᩣ ᨲᩥᨱᨠᩩᨭᩥᨠᩴ ᨽᩥᨶ᩠ᨴᩥᨲ᩠ᩅᩣ ᨲᩥᨱᨬ᩠ᨧ ᨠᨭ᩠ᨮᨬ᩠ᨧ ᩌᨴᩣᨿ ᩋᨣᨾᩴᩈᩩ. ᨿᩣᨸᩥ ᨾᨿᩣ ᩈᨻ᩠ᨻᨾᨲ᩠ᨲᩥᨠᩣᨾᨿᩣ ᨠᩩᨭᩥᨠᩣ ᨠᨲᩣ ᩈᩣᨸᩥ ᨽᨣᩅᨲᩣ ᨽᩮᨴᩣᨸᩥᨲᩣ ¶ . ᨴᩮᩉᩥ ᨾᩮ, ᩌᩅᩩᩈᩮᩣ, ᨴᩣᩁᩪᨶᩥ. ᩍᨧ᩠ᨨᩣᨾᩥ ᨴᩣᩁᩩᨠᩩᨭᩥᨠᩴ [ᨴᩣᩁᩩᨠᩩᨯ᩠ᨯᩥᨠᩴ ᨠᩩᨭᩥᨠᩴ (ᩈᩦ.)] ᨠᩣᨲᩩ’’ᨶ᩠ᨲᩥ. ‘‘ᨶᨲ᩠ᨳᩥ, ᨽᨶ᩠ᨲᩮ, ᨲᩣᨴᩥᩈᩣᨶᩥ ᨴᩣᩁᩪᨶᩥ ᨿᩣᨶᩣᩉᩴ ¶ ᩋᨿ᩠ᨿᩔ ᨴᨴᩮᨿ᩠ᨿᩴ. ᩋᨲ᩠ᨳᩥ ¶ , ᨽᨶ᩠ᨲᩮ, ᨴᩮᩅᨣᩉᨴᩣᩁᩪᨶᩥ ᨶᨣᩁᨸᨭᩥᩈᨦ᩠ᨡᩣᩁᩥᨠᩣᨶᩥ ᩌᨸᨴᨲ᩠ᨳᩣᨿ ᨶᩥᨠ᩠ᨡᩥᨲ᩠ᨲᩣᨶᩥ. ᩈᨧᩮ ᨲᩣᨶᩥ ᨴᩣᩁᩪᨶᩥ ᩁᩣᨩᩣ ᨴᩣᨸᩮᨲᩥ ᩉᩁᩣᨸᩮᨳ, ᨽᨶ᩠ᨲᩮ’’ᨲᩥ. ‘‘ᨴᩥᨶ᩠ᨶᩣᨶᩥ, ᩌᩅᩩᩈᩮᩣ, ᩁᨬ᩠ᨬᩣ’’ᨲᩥ. ᩋᨳ ᨡᩮᩣ ᨴᩣᩁᩩᨣᩉᩮ ᨣᨱᨠᩔ ᩑᨲᨴᩉᩮᩣᩈᩥ – ‘‘ᩍᨾᩮ ᨡᩮᩣ ᩈᨾᨱᩣ ᩈᨠ᩠ᨿᨸᩩᨲ᩠ᨲᩥᨿᩣ ᨵᨾ᩠ᨾᨧᩣᩁᩥᨶᩮᩣ ᩈᨾᨧᩣᩁᩥᨶᩮᩣ [ᩈᨾ᩠ᨾᨧᩣᩁᩥᨶᩮᩣ (ᨠ.)] ᨻᩕᩉ᩠ᨾᨧᩣᩁᩥᨶᩮᩣ ᩈᨧ᩠ᨧᩅᩣᨴᩥᨶᩮᩣ ᩈᩦᩃᩅᨶ᩠ᨲᩮᩣ ᨠᩃ᩠ᨿᩣᨱᨵᨾ᩠ᨾᩣ. ᩁᩣᨩᩣᨸᩥᨾᩮᩈᩴ ᩋᨽᩥᨸ᩠ᨸᩈᨶ᩠ᨶᩮᩣ. ᨶᩣᩁᩉᨲᩥ ᩋᨴᩥᨶ᩠ᨶᩴ ᨴᩥᨶ᩠ᨶᨶ᩠ᨲᩥ ᩅᨲ᩠ᨲᩩ’’ᨶ᩠ᨲᩥ. ᩋᨳ ᨡᩮᩣ ᨴᩣᩁᩩᨣᩉᩮ ¶ ᨣᨱᨠᩮᩣ ᩌᨿᩈ᩠ᨾᨶ᩠ᨲᩴ ᨵᨶᩥᨿᩴ ᨠᩩᨾ᩠ᨽᨠᩣᩁᨸᩩᨲ᩠ᨲᩴ ᩑᨲᨴᩅᩮᩣᨧ – ‘‘ᩉᩁᩣᨸᩮᨳ, ᨽᨶ᩠ᨲᩮ’’ᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᨵᨶᩥᨿᩮᩣ ᨠᩩᨾ᩠ᨽᨠᩣᩁᨸᩩᨲ᩠ᨲᩮᩣ ᨲᩣᨶᩥ ᨴᩣᩁᩪᨶᩥ ᨡᨱ᩠ᨯᩣᨡᨱ᩠ᨯᩥᨠᩴ ᨨᩮᨴᩣᨸᩮᨲ᩠ᩅᩣ ᩈᨠᨭᩮᩉᩥ ᨶᩥᨻ᩠ᨻᩣᩉᩣᨸᩮᨲ᩠ᩅᩣ ᨴᩣᩁᩩᨠᩩᨭᩥᨠᩴ ᩋᨠᩣᩈᩥ.

᪘᪗. ᩋᨳ ᨡᩮᩣ ᩅᩔᨠᩣᩁᩮᩣ ᨻᩕᩣᩉ᩠ᨾᨱᩮᩣ ᨾᨣᨵᨾᩉᩣᨾᨲ᩠ᨲᩮᩣ ᩁᩣᨩᨣᩉᩮ ᨠᨾ᩠ᨾᨶ᩠ᨲᩮ ᩋᨶᩩᩈᨬ᩠ᨬᩣᨿᨾᩣᨶᩮᩣ ᨿᩮᨶ ᨴᩣᩁᩩᨣᩉᩮ ᨣᨱᨠᩮᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨴᩣᩁᩩᨣᩉᩮ ᨣᨱᨠᩴ ᩑᨲᨴᩅᩮᩣᨧ – ‘‘ᨿᩣᨶᩥ ᨲᩣᨶᩥ, ᨽᨱᩮ, ᨴᩮᩅᨣᩉᨴᩣᩁᩪᨶᩥ ᨶᨣᩁᨸᨭᩥᩈᨦ᩠ᨡᩣᩁᩥᨠᩣᨶᩥ ᩌᨸᨴᨲ᩠ᨳᩣᨿ ᨶᩥᨠ᩠ᨡᩥᨲ᩠ᨲᩣᨶᩥ ᨠᩉᩴ ᨲᩣᨶᩥ ᨴᩣᩁᩪᨶᩦ’’ᨲᩥ? ‘‘ᨲᩣᨶᩥ, ᩈᩣᨾᩥ, ᨴᩣᩁᩪᨶᩥ ᨴᩮᩅᩮᨶ ᩋᨿ᩠ᨿᩔ ᨵᨶᩥᨿᩔ ᨠᩩᨾ᩠ᨽᨠᩣᩁᨸᩩᨲ᩠ᨲᩔ ᨴᩥᨶ᩠ᨶᩣᨶᩦ’’ᨲᩥ. ᩋᨳ ᨡᩮᩣ ᩅᩔᨠᩣᩁᩮᩣ ᨻᩕᩣᩉ᩠ᨾᨱᩮᩣ ᨾᨣᨵᨾᩉᩣᨾᨲ᩠ᨲᩮᩣ ¶ ᩋᨶᨲ᩠ᨲᨾᨶᩮᩣ ᩋᩉᩮᩣᩈᩥ – ‘‘ᨠᨳᨬ᩠ᩉᩥ ᨶᩣᨾ ᨴᩮᩅᩮᩣ ᨴᩮᩅᨣᩉᨴᩣᩁᩪᨶᩥ ᨶᨣᩁᨸᨭᩥᩈᨦ᩠ᨡᩣᩁᩥᨠᩣᨶᩥ ᩌᨸᨴᨲ᩠ᨳᩣᨿ ᨶᩥᨠ᩠ᨡᩥᨲ᩠ᨲᩣᨶᩥ ᨵᨶᩥᨿᩔ ᨠᩩᨾ᩠ᨽᨠᩣᩁᨸᩩᨲ᩠ᨲᩔ ᨴᩔᨲᩦ’’ᨲᩥ! ᩋᨳ ᨡᩮᩣ ᩅᩔᨠᩣᩁᩮᩣ ᨻᩕᩣᩉ᩠ᨾᨱᩮᩣ ᨾᨣᨵᨾᩉᩣᨾᨲ᩠ᨲᩮᩣ ᨿᩮᨶ ᩁᩣᨩᩣ ᨾᩣᨣᨵᩮᩣ ᩈᩮᨶᩥᨿᩮᩣ ᨻᩥᨾ᩠ᨻᩥᩈᩣᩁᩮᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᩁᩣᨩᩣᨶᩴ ᨾᩣᨣᨵᩴ ᩈᩮᨶᩥᨿᩴ ᨻᩥᨾ᩠ᨻᩥᩈᩣᩁᩴ ᩑᨲᨴᩅᩮᩣᨧ – ‘‘ᩈᨧ᩠ᨧᩴ ᨠᩥᩁ, ᨴᩮᩅᩮᨶ [ᩈᨧ᩠ᨧᩴ ᨠᩥᩁ ᨴᩮᩅ ᨴᩮᩅᩮᨶ (ᩈᩦ.)] ᨴᩮᩅᨣᩉᨴᩣᩁᩪᨶᩥ ᨶᨣᩁᨸᨭᩥᩈᨦ᩠ᨡᩣᩁᩥᨠᩣᨶᩥ ᩌᨸᨴᨲ᩠ᨳᩣᨿ ᨶᩥᨠ᩠ᨡᩥᨲ᩠ᨲᩣᨶᩥ ᨵᨶᩥᨿᩔ ᨠᩩᨾ᩠ᨽᨠᩣᩁᨸᩩᨲ᩠ᨲᩔ ᨴᩥᨶ᩠ᨶᩣᨶᩦ’’ᨲᩥ? ‘‘ᨠᩮᩣ ᩑᩅᨾᩣᩉᩣ’’ᨲᩥ? ‘‘ᨴᩣᩁᩩᨣᩉᩮ ᨣᨱᨠᩮᩣ, ᨴᩮᩅᩣ’’ᨲᩥ. ‘‘ᨲᩮᨶ ᩉᩥ, ᨻᩕᩣᩉ᩠ᨾᨱ, ᨴᩣᩁᩩᨣᩉᩮ ᨣᨱᨠᩴ ᩌᨱᩣᨸᩮᩉᩦ’’ᨲᩥ. ᩋᨳ ᨡᩮᩣ ᩅᩔᨠᩣᩁᩮᩣ ᨻᩕᩣᩉ᩠ᨾᨱᩮᩣ ᨾᨣᨵᨾᩉᩣᨾᨲ᩠ᨲᩮᩣ ᨴᩣᩁᩩᨣᩉᩮ ᨣᨱᨠᩴ ᨻᨶ᩠ᨵᩴ [ᨻᨴ᩠ᨵᩴ (ᩈᩦ.)] ᩌᨱᩣᨸᩮᩈᩥ. ᩋᨴ᩠ᨴᩈ ᨡᩮᩣ ᩌᨿᩈ᩠ᨾᩣ ᨵᨶᩥᨿᩮᩣ ᨠᩩᨾ᩠ᨽᨠᩣᩁᨸᩩᨲ᩠ᨲᩮᩣ ᨴᩣᩁᩩᨣᩉᩮ ᨣᨱᨠᩴ ᨻᨶ᩠ᨵᩴ ᨶᩥᨿ᩠ᨿᨾᩣᨶᩴ. ᨴᩥᩈ᩠ᩅᩣᨶ ᨴᩣᩁᩩᨣᩉᩮ ᨣᨱᨠᩴ ᩑᨲᨴᩅᩮᩣᨧ – ‘‘ᨠᩥᩔ ᨲ᩠ᩅᩴ, ᩌᩅᩩᩈᩮᩣ, ᨻᨶ᩠ᨵᩮᩣ ᨶᩥᨿ᩠ᨿᩣᩈᩦ’’ᨲᩥ? ‘‘ᨲᩮᩈᩴ, ᨽᨶ᩠ᨲᩮ, ᨴᩣᩁᩪᨶᩴ ᨠᩥᨧ᩠ᨧᩣ’’ᨲᩥ. ‘‘ᨣᨧ᩠ᨨᩣᩅᩩᩈᩮᩣ, ᩋᩉᨾ᩠ᨸᩥ ᩌᨣᨧ᩠ᨨᩣᨾᩦ’’ᨲᩥ. ‘‘ᩑᨿ᩠ᨿᩣᩈᩥ, ᨽᨶ᩠ᨲᩮ, ᨸᩩᩁᩣᩉᩴ ᩉᨬ᩠ᨬᩣᨾᩦ’’ᨲᩥ.

᪘᪘. ᩋᨳ ᨡᩮᩣ ᩌᨿᩈ᩠ᨾᩣ ᨵᨶᩥᨿᩮᩣ ᨠᩩᨾ᩠ᨽᨠᩣᩁᨸᩩᨲ᩠ᨲᩮᩣ ᨿᩮᨶ ᩁᨬ᩠ᨬᩮᩣ ᨾᩣᨣᨵᩔ ᩈᩮᨶᩥᨿᩔ ᨻᩥᨾ᩠ᨻᩥᩈᩣᩁᩔ ᨶᩥᩅᩮᩈᨶᩴ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨸᨬ᩠ᨬᨲ᩠ᨲᩮ ᩌᩈᨶᩮ ᨶᩥᩈᩦᨴᩥ. ᩋᨳ ᨡᩮᩣ ᩁᩣᨩᩣ ᨾᩣᨣᨵᩮᩣ ¶ ᩈᩮᨶᩥᨿᩮᩣ ᨻᩥᨾ᩠ᨻᩥᩈᩣᩁᩮᩣ ᨿᩮᨶᩣᨿᩈ᩠ᨾᩣ ᨵᨶᩥᨿᩮᩣ ᨠᩩᨾ᩠ᨽᨠᩣᩁᨸᩩᨲ᩠ᨲᩮᩣ ¶ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᩌᨿᩈ᩠ᨾᨶ᩠ᨲᩴ ¶ ᨵᨶᩥᨿᩴ ᨠᩩᨾ᩠ᨽᨠᩣᩁᨸᩩᨲ᩠ᨲᩴ ᩋᨽᩥᩅᩣᨴᩮᨲ᩠ᩅᩣ ᩑᨠᨾᨶ᩠ᨲᩴ ᨶᩥᩈᩦᨴᩥ. ᩑᨠᨾᨶ᩠ᨲᩴ ᨶᩥᩈᩥᨶ᩠ᨶᩮᩣ ᨡᩮᩣ ᩁᩣᨩᩣ ᨾᩣᨣᨵᩮᩣ ᩈᩮᨶᩥᨿᩮᩣ ᨻᩥᨾ᩠ᨻᩥᩈᩣᩁᩮᩣ ᩌᨿᩈ᩠ᨾᨶ᩠ᨲᩴ ᨵᨶᩥᨿᩴ ᨠᩩᨾ᩠ᨽᨠᩣᩁᨸᩩᨲ᩠ᨲᩴ ¶ ᩑᨲᨴᩅᩮᩣᨧ – ‘‘ᩈᨧ᩠ᨧᩴ ᨠᩥᩁ ᨾᨿᩣ, ᨽᨶ᩠ᨲᩮ, ᨴᩮᩅᨣᩉᨴᩣᩁᩪᨶᩥ ᨶᨣᩁᨸᨭᩥᩈᨦ᩠ᨡᩣᩁᩥᨠᩣᨶᩥ ᩌᨸᨴᨲ᩠ᨳᩣᨿ ᨶᩥᨠ᩠ᨡᩥᨲ᩠ᨲᩣᨶᩥ ᩋᨿ᩠ᨿᩔ ᨴᩥᨶ᩠ᨶᩣᨶᩦ’’ᨲᩥ? ‘‘ᩑᩅᩴ, ᨾᩉᩣᩁᩣᨩᩣ’’ᨲᩥ. ‘‘ᨾᨿᩴ ᨡᩮᩣ, ᨽᨶ᩠ᨲᩮ, ᩁᩣᨩᩣᨶᩮᩣ ᨶᩣᨾ ᨻᩉᩩᨠᩥᨧ᩠ᨧᩣ ᨻᩉᩩᨠᩁᨱᩦᨿᩣ, ᨴᨲ᩠ᩅᩣᨸᩥ ᨶ ᩈᩁᩮᨿ᩠ᨿᩣᨾ; ᩍᨦ᩠ᨥ, ᨽᨶ᩠ᨲᩮ, ᩈᩁᩣᨸᩮᩉᩦ’’ᨲᩥ. ‘‘ᩈᩁᩈᩥ ᨲ᩠ᩅᩴ, ᨾᩉᩣᩁᩣᨩ, ᨸᨮᨾᩣᨽᩥᩈᩥᨲ᩠ᨲᩮᩣ ᩑᩅᩁᩪᨸᩥᩴ ᩅᩣᨧᩴ ᨽᩣᩈᩥᨲᩣ – ‘‘ᨴᩥᨶ᩠ᨶᨬ᩠ᨬᩮᩅ ᩈᨾᨱᨻᩕᩣᩉ᩠ᨾᨱᩣᨶᩴ ᨲᩥᨱᨠᨭ᩠ᨮᩮᩣᨴᨠᩴ ᨸᩁᩥᨽᩩᨬ᩠ᨩᨶ᩠ᨲᩪ’’ᨲᩥ. ‘‘ᩈᩁᩣᨾᩉᩴ, ᨽᨶ᩠ᨲᩮ. ᩈᨶ᩠ᨲᩥ, ᨽᨶ᩠ᨲᩮ, ᩈᨾᨱᨻᩕᩣᩉ᩠ᨾᨱᩣ ᩃᨩ᩠ᨩᩥᨶᩮᩣ ᨠᩩᨠ᩠ᨠᩩᨧ᩠ᨧᨠᩣ ᩈᩥᨠ᩠ᨡᩣᨠᩣᨾᩣ. ᨲᩮᩈᩴ ᩋᨸ᩠ᨸᨾᨲ᩠ᨲᨠᩮᨸᩥ ᨠᩩᨠ᩠ᨠᩩᨧ᩠ᨧᩴ ᩏᨸ᩠ᨸᨩ᩠ᨩᨲᩥ. ᨲᩮᩈᩴ ᨾᨿᩣ ᩈᨶ᩠ᨵᩣᨿ ᨽᩣᩈᩥᨲᩴ, ᨲᨬ᩠ᨧ ᨡᩮᩣ ᩋᩁᨬ᩠ᨬᩮ ᩋᨸᩁᩥᨣ᩠ᨣᩉᩥᨲᩴ. ᩈᩮᩣ ᨲ᩠ᩅᩴ, ᨽᨶ᩠ᨲᩮ, ᨲᩮᨶ ᩃᩮᩈᩮᨶ ᨴᩣᩁᩪᨶᩥ ᩋᨴᩥᨶ᩠ᨶᩴ ᩉᩁᩥᨲᩩᩴ ᨾᨬ᩠ᨬᩈᩥ! ᨠᨳᨬ᩠ᩉᩥ ᨶᩣᨾ ᨾᩣᨴᩥᩈᩮᩣ ᩈᨾᨱᩴ ᩅᩣ ᨻᩕᩣᩉ᩠ᨾᨱᩴ ᩅᩣ ᩅᩥᨩᩥᨲᩮ ᩅᩈᨶ᩠ᨲᩴ ᩉᨶᩮᨿ᩠ᨿ ᩅᩣ ᨻᨶ᩠ᨵᩮᨿ᩠ᨿ ᩅᩣ ᨸᨻ᩠ᨻᩣᨩᩮᨿ᩠ᨿ ᩅᩣ! ᨣᨧ᩠ᨨ, ᨽᨶ᩠ᨲᩮ, ᩃᩮᩣᨾᩮᨶ ᨲ᩠ᩅᩴ ᨾᩩᨲ᩠ᨲᩮᩣᩈᩥ. ᨾᩣᩔᩩ ᨸᩩᨶᨸᩥ ᩑᩅᩁᩪᨸᩴ ᩋᨠᩣᩈᩦ’’ᨲᩥ. ᨾᨶᩩᩔᩣ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᩋᩃᨩ᩠ᨩᩥᨶᩮᩣ ᩍᨾᩮ ᩈᨾᨱᩣ ᩈᨠ᩠ᨿᨸᩩᨲ᩠ᨲᩥᨿᩣ ᨴᩩᩔᩦᩃᩣ ᨾᩩᩈᩣᩅᩣᨴᩥᨶᩮᩣ. ᩍᨾᩮ ᩉᩥ ᨶᩣᨾ ᨵᨾ᩠ᨾᨧᩣᩁᩥᨶᩮᩣ ¶ ᩈᨾᨧᩣᩁᩥᨶᩮᩣ ᨻᩕᩣᩉ᩠ᨾᨧᩣᩁᩥᨶᩮᩣ ᩈᨧ᩠ᨧᩅᩣᨴᩥᨶᩮᩣ ᩈᩦᩃᩅᨶ᩠ᨲᩮᩣ ᨠᩃ᩠ᨿᩣᨱᨵᨾ᩠ᨾᩣ ᨸᨭᩥᨩᩣᨶᩥᩔᨶ᩠ᨲᩥ! ᨶᨲ᩠ᨳᩥ ᩍᨾᩮᩈᩴ ᩈᩣᨾᨬ᩠ᨬᩴ, ᨶᨲ᩠ᨳᩥ ᩍᨾᩮᩈᩴ ᨻᩕᩉ᩠ᨾᨬ᩠ᨬᩴ. ᨶᨭ᩠ᨮᩴ ᩍᨾᩮᩈᩴ ᩈᩣᨾᨬ᩠ᨬᩴ, ᨶᨭ᩠ᨮᩴ ᩍᨾᩮᩈᩴ ᨻᩕᩉ᩠ᨾᨬ᩠ᨬᩴ. ᨠᩩᨲᩮᩣ ᩍᨾᩮᩈᩴ ᩈᩣᨾᨬ᩠ᨬᩴ, ᨠᩩᨲᩮᩣ ᩍᨾᩮᩈᩴ ᨻᩕᩉ᩠ᨾᨬ᩠ᨬᩴ! ᩋᨸᨣᨲᩣ ᩍᨾᩮ ᩈᩣᨾᨬ᩠ᨬᩣ, ᩋᨸᨣᨲᩣ ᩍᨾᩮ ᨻᩕᩉ᩠ᨾᨬ᩠ᨬᩣ. ᩁᩣᨩᩣᨶᨾ᩠ᨸᩥ ᩍᨾᩮ ᩅᨬ᩠ᨧᩮᨶ᩠ᨲᩥ, ᨠᩥᩴ ᨸᨶᨬ᩠ᨬᩮ ᨾᨶᩩᩔᩮ’’ᨲᩥ! ᩋᩔᩮᩣᩈᩩᩴ ᨡᩮᩣ ᨽᩥᨠ᩠ᨡᩪ ᨲᩮᩈᩴ ᨾᨶᩩᩔᩣᨶᩴ ᩏᨩ᩠ᨫᩣᨿᨶ᩠ᨲᩣᨶᩴ ᨡᩥᨿ᩠ᨿᨶ᩠ᨲᩣᨶᩴ ᩅᩥᨸᩣᨧᩮᨶ᩠ᨲᩣᨶᩴ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ ᩈᨶ᩠ᨲᩩᨭ᩠ᨮᩣ ᩃᨩ᩠ᨩᩥᨶᩮᩣ ᨠᩩᨠ᩠ᨠᩩᨧ᩠ᨧᨠᩣ ᩈᩥᨠ᩠ᨡᩣᨠᩣᨾᩣ ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩌᨿᩈ᩠ᨾᩣ ᨵᨶᩥᨿᩮᩣ ᨠᩩᨾ᩠ᨽᨠᩣᩁᨸᩩᨲ᩠ᨲᩮᩣ ᩁᨬ᩠ᨬᩮᩣ ᨴᩣᩁᩪᨶᩥ ᩋᨴᩥᨶ᩠ᨶᩴ ᩌᨴᩥᨿᩥᩔᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᩌᨿᩈ᩠ᨾᨶ᩠ᨲᩴ ᨵᨶᩥᨿᩴ ᨠᩩᨾ᩠ᨽᨠᩣᩁᨸᩩᨲ᩠ᨲᩴ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ᩋᨳ ᨡᩮᩣ ᨽᨣᩅᩣ ᩑᨲᩈ᩠ᨾᩥᩴ ᨶᩥᨴᩣᨶᩮ ᩑᨲᩈ᩠ᨾᩥᩴ ᨸᨠᩁᨱᩮ ᨽᩥᨠ᩠ᨡᩩᩈᨦ᩠ᨥᩴ ᩈᨶ᩠ᨶᩥᨸᩣᨲᩣᨸᩮᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᨵᨶᩥᨿᩴ ᨠᩩᨾ᩠ᨽᨠᩣᩁᨸᩩᨲ᩠ᨲᩴ ᨸᨭᩥᨸᩩᨧ᩠ᨨᩥ – ‘‘ᩈᨧ᩠ᨧᩴ ᨠᩥᩁ ᨲ᩠ᩅᩴ, ᨵᨶᩥᨿ, ᩁᨬ᩠ᨬᩮᩣ ᨴᩣᩁᩪᨶᩥ ᩋᨴᩥᨶ᩠ᨶᩴ ᩌᨴᩥᨿᩦ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ – ‘‘ᩋᨶᨶᩩᨧ᩠ᨨᩅᩥᨠᩴ, ᨾᩮᩣᨥᨸᩩᩁᩥᩈ, ᩋᨶᨶᩩᩃᩮᩣᨾᩥᨠᩴ ᩋᨸ᩠ᨸᨲᩥᩁᩪᨸᩴ ᩋᩔᩣᨾᨱᨠᩴ ᩋᨠᨸ᩠ᨸᩥᨿᩴ ᩋᨠᩁᨱᩦᨿᩴ. ᨠᨳᨬ᩠ᩉᩥ ᨶᩣᨾ ᨲ᩠ᩅᩴ, ᨾᩮᩣᨥᨸᩩᩁᩥᩈ ¶ , ᩁᨬ᩠ᨬᩮᩣ ᨴᩣᩁᩪᨶᩥ ᩋᨴᩥᨶ᩠ᨶᩴ ᩌᨴᩥᨿᩥᩔᩈᩥ! ᨶᩮᨲᩴ, ᨾᩮᩣᨥᨸᩩᩁᩥᩈ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ ᨸᩈᨶ᩠ᨶᩣᨶᩴ ᩅᩣ ᨽᩥᨿ᩠ᨿᩮᩣᨽᩣᩅᩣᨿ; ᩋᨳᨡ᩠ᩅᩮᨲᩴ, ᨾᩮᩣᨥᨸᩩᩁᩥᩈ, ᩋᨸ᩠ᨸᩈᨶ᩠ᨶᩣᨶᨬ᩠ᨧᩮᩅ ᩋᨸ᩠ᨸᩈᩣᨴᩣᨿ ᨸᩈᨶ᩠ᨶᩣᨶᨬ᩠ᨧ ᩑᨠᨧ᩠ᨧᩣᨶᩴ ᩋᨬ᩠ᨬᨳᨲ᩠ᨲᩣᨿᩣ’’ᨲᩥ.

ᨲᩮᨶ ¶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨸᩩᩁᩣᨱᩅᩮᩣᩉᩣᩁᩥᨠᩮᩣ ¶ ᨾᩉᩣᨾᨲ᩠ᨲᩮᩣ ᨽᩥᨠ᩠ᨡᩪᩈᩩ ᨸᨻ᩠ᨻᨩᩥᨲᩮᩣ ᨽᨣᩅᨲᩮᩣ ᩋᩅᩥᨴᩪᩁᩮ ᨶᩥᩈᩥᨶ᩠ᨶᩮᩣ ᩉᩮᩣᨲᩥ. ᩋᨳ ᨡᩮᩣ ᨽᨣᩅᩣ ᨲᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᨠᩥᨲ᩠ᨲᨠᩮᨶ ᨡᩮᩣ ᨽᩥᨠ᩠ᨡᩩ ᩁᩣᨩᩣ ᨾᩣᨣᨵᩮᩣ ᩈᩮᨶᩥᨿᩮᩣ ᨻᩥᨾ᩠ᨻᩥᩈᩣᩁᩮᩣ ᨧᩮᩣᩁᩴ ᨣᩉᩮᨲ᩠ᩅᩣ ᩉᨶᨲᩥ ᩅᩣ ᨻᨶ᩠ᨵᨲᩥ ᩅᩣ ᨸᨻ᩠ᨻᩣᨩᩮᨲᩥ ᩅᩣ’’ᨲᩥ? ‘‘ᨸᩣᨴᩮᨶ ᩅᩣ, ᨽᨣᩅᩣ, ᨸᩣᨴᩣᩁᩉᩮᨶ ᩅᩣ’’ᨲᩥ [ᨸᩣᨴᩣᩁᩉᩮᨶᩅᩣ ᩋᨲᩥᩁᩮᨠᨸᩣᨴᩮᨶᩅᩣᨲᩥ (ᩈ᩠ᨿᩣ.)]. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩁᩣᨩᨣᩉᩮ ᨸᨬ᩠ᨧᨾᩣᩈᨠᩮᩣ ᨸᩣᨴᩮᩣ ᩉᩮᩣᨲᩥ. ᩋᨳ ᨡᩮᩣ ᨽᨣᩅᩣ ᩌᨿᩈ᩠ᨾᨶ᩠ᨲᩴ ᨵᨶᩥᨿᩴ ᨠᩩᨾ᩠ᨽᨠᩣᩁᨸᩩᨲ᩠ᨲᩴ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨴᩩᨻ᩠ᨽᩁᨲᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪘᪙. ‘‘ᨿᩮᩣ ᨸᨶ ᨽᩥᨠ᩠ᨡᩩ ᩋᨴᩥᨶ᩠ᨶᩴ ᨳᩮᨿ᩠ᨿᩈᨦ᩠ᨡᩣᨲᩴ ᩌᨴᩥᨿᩮᨿ᩠ᨿ, ᨿᨳᩣᩁᩪᨸᩮ ᩋᨴᩥᨶ᩠ᨶᩣᨴᩣᨶᩮ ᩁᩣᨩᩣᨶᩮᩣ ᨧᩮᩣᩁᩴ ᨣᩉᩮᨲ᩠ᩅᩣ ᩉᨶᩮᨿ᩠ᨿᩩᩴ ᩅᩣ ᨻᨶ᩠ᨵᩮᨿ᩠ᨿᩩᩴ ᩅᩣ ᨸᨻ᩠ᨻᩣᨩᩮᨿ᩠ᨿᩩᩴ ᩅᩣ – ‘ᨧᩮᩣᩁᩮᩣᩈᩥ ᨻᩣᩃᩮᩣᩈᩥ ᨾᩪᩊ᩠ᩉᩮᩣᩈᩥ ᨳᩮᨶᩮᩣᩈᩦ’ᨲᩥ, ᨲᨳᩣᩁᩪᨸᩴ ᨽᩥᨠ᩠ᨡᩩ ᩋᨴᩥᨶ᩠ᨶᩴ ᩌᨴᩥᨿᨾᩣᨶᩮᩣ ᩋᨿᨾ᩠ᨸᩥ ᨸᩣᩁᩣᨩᩥᨠᩮᩣ ᩉᩮᩣᨲᩥ ᩋᩈᩴᩅᩣᩈᩮᩣ’’ᨲᩥ.

ᩑᩅᨬ᩠ᨧᩥᨴᩴ ᨽᨣᩅᨲᩣ ᨽᩥᨠ᩠ᨡᩪᨶᩴ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ ᩉᩮᩣᨲᩥ.

᪙᪐. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᩁᨩᨠᨲ᩠ᨳᩁᨱᩴ ᨣᨶ᩠ᨲ᩠ᩅᩣ ᩁᨩᨠᨽᨱ᩠ᨯᩥᨠᩴ ᩋᩅᩉᩁᩥᨲ᩠ᩅᩣ ᩌᩁᩣᨾᩴ ᩉᩁᩥᨲ᩠ᩅᩣ ᨽᩣᨩᩮᩈᩩᩴ. ᨽᩥᨠ᩠ᨡᩪ ᩑᩅᨾᩣᩉᩴᩈᩩ – ‘‘ᨾᩉᩣᨸᩩᨬ᩠ᨬᨲ᩠ᨳ ᨲᩩᨾ᩠ᩉᩮ, ᩌᩅᩩᩈᩮᩣ. ᨻᩉᩩᩴ ᨲᩩᨾ᩠ᩉᩣᨠᩴ ᨧᩦᩅᩁᩴ ᩏᨸ᩠ᨸᨶ᩠ᨶ’’ᨶ᩠ᨲᩥ. ‘‘ᨠᩩᨲᩮᩣ ᩌᩅᩩᩈᩮᩣ, ᩋᨾ᩠ᩉᩣᨠᩴ ᨸᩩᨬ᩠ᨬᩴ, ᩍᨴᩣᨶᩥ ᨾᨿᩴ ᩁᨩᨠᨲ᩠ᨳᩁᨱᩴ ᨣᨶ᩠ᨲ᩠ᩅᩣ ᩁᨩᨠᨽᨱ᩠ᨯᩥᨠᩴ ᩋᩅᩉᩁᩥᨾ᩠ᩉᩣ’’ᨲᩥ. ‘‘ᨶᨶᩩ, ᩌᩅᩩᩈᩮᩣ, ᨽᨣᩅᨲᩣ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ. ᨠᩥᩔ ᨲᩩᨾ᩠ᩉᩮ, ᩌᩅᩩᩈᩮᩣ, ᩁᨩᨠᨽᨱ᩠ᨯᩥᨠᩴ ᩋᩅᩉᩁᩥᨲ᩠ᨳᩣ’’ᨲᩥ ¶ ? ‘‘ᩈᨧ᩠ᨧᩴ, ᩌᩅᩩᩈᩮᩣ, ᨽᨣᩅᨲᩣ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ. ᨲᨬ᩠ᨧ ᨡᩮᩣ ᨣᩣᨾᩮ, ᨶᩮᩣ ᩋᩁᨬ᩠ᨬᩮ’’ᨲᩥ. ‘‘ᨶᨶᩩ, ᩌᩅᩩᩈᩮᩣ, ᨲᨳᩮᩅᩮᨲᩴ ᩉᩮᩣᨲᩥ. ᩋᨶᨶᩩᨧ᩠ᨨᩅᩥᨠᩴ, ᩌᩅᩩᩈᩮᩣ, ᩋᨶᨶᩩᩃᩮᩣᨾᩥᨠᩴ ᩋᨸ᩠ᨸᨲᩥᩁᩪᨸᩴ ᩋᩔᩣᨾᨱᨠᩴ ᩋᨠᨸ᩠ᨸᩥᨿᩴ ᩋᨠᩁᨱᩦᨿᩴ. ᨠᨳᨬ᩠ᩉᩥ ᨶᩣᨾ ᨲᩩᨾ᩠ᩉᩮ, ᩌᩅᩩᩈᩮᩣ, ᩁᨩᨠᨽᨱ᩠ᨯᩥᨠᩴ ᩋᩅᩉᩁᩥᩔᨳ! ᨶᩮᨲᩴ, ᩌᩅᩩᩈᩮᩣ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ ᨸᩈᨶ᩠ᨶᩣᨶᩴ ᩅᩣ ᨽᩥᨿ᩠ᨿᩮᩣᨽᩣᩅᩣᨿ; ᩋᨳᨡ᩠ᩅᩮᨲᩴ, ᩌᩅᩩᩈᩮᩣ, ᩋᨸ᩠ᨸᩈᨶ᩠ᨶᩣᨶᨬ᩠ᨧᩮᩅ ᩋᨸ᩠ᨸᩈᩣᨴᩣᨿ ᨸᩈᨶ᩠ᨶᩣᨶᨬ᩠ᨧ ᩑᨠᨧ᩠ᨧᩣᨶᩴ ᩋᨬ᩠ᨬᨳᨲ᩠ᨲᩣᨿᩣ’’ᨲᩥ. ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨨᨻ᩠ᨻᨣ᩠ᨣᩥᨿᩮ ᨽᩥᨠ᩠ᨡᩪ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ¶ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ᩋᨳ ¶ ᨡᩮᩣ ᨽᨣᩅᩣ ᩑᨲᩈ᩠ᨾᩥᩴ ᨶᩥᨴᩣᨶᩮ ᩑᨲᩈ᩠ᨾᩥᩴ ᨸᨠᩁᨱᩮ ᨽᩥᨠ᩠ᨡᩩᩈᨦ᩠ᨥᩴ ᩈᨶ᩠ᨶᩥᨸᩣᨲᩣᨸᩮᨲ᩠ᩅᩣ ᨨᨻ᩠ᨻᨣ᩠ᨣᩥᨿᩮ ᨽᩥᨠ᩠ᨡᩪ ᨸᨭᩥᨸᩩᨧ᩠ᨨᩥ – ‘‘ᩈᨧ᩠ᨧᩴ ᨠᩥᩁ ᨲᩩᨾ᩠ᩉᩮ, ᨽᩥᨠ᩠ᨡᩅᩮ, ᩁᨩᨠᨲ᩠ᨳᩁᨱᩴ ᨣᨶ᩠ᨲ᩠ᩅᩣ ᩁᨩᨠᨽᨱ᩠ᨯᩥᨠᩴ ᩋᩅᩉᩁᩥᨲ᩠ᨳᩣ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ – ‘‘ᩋᨶᨶᩩᨧ᩠ᨨᩅᩥᨠᩴ, ᨾᩮᩣᨥᨸᩩᩁᩥᩈᩣ, ᩋᨶᨶᩩᩃᩮᩣᨾᩥᨠᩴ ᩋᨸ᩠ᨸᨭᩥᩁᩪᨸᩴ ᩋᩔᩣᨾᨱᨠᩴ ᩋᨠᨸ᩠ᨸᩥᨿᩴ ᩋᨠᩁᨱᩦᨿᩴ. ᨠᨳᨬ᩠ᩉᩥ ᨶᩣᨾ ᨲᩩᨾ᩠ᩉᩮ, ᨾᩮᩣᨥᨸᩩᩁᩥᩈᩣ, ᩁᨩᨠᨽᨱ᩠ᨯᩥᨠᩴ ¶ ᩋᩅᩉᩁᩥᩔᨳ! ᨶᩮᨲᩴ, ᨾᩮᩣᨥᨸᩩᩁᩥᩈᩣ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ ᨸᩈᨶ᩠ᨶᩣᨶᩴ ᩅᩣ ᨽᩥᨿ᩠ᨿᩮᩣᨽᩣᩅᩣᨿ; ᩋᨳ ᨡ᩠ᩅᩮᨲᩴ, ᨾᩮᩣᨥᨸᩩᩁᩥᩈᩣ, ᩋᨸ᩠ᨸᩈᨶ᩠ᨶᩣᨶᨬ᩠ᨧᩮᩅ ᩋᨸ᩠ᨸᩈᩣᨴᩣᨿ ᨸᩈᨶ᩠ᨶᩣᨶᨬ᩠ᨧ ᩑᨠᨧ᩠ᨧᩣᨶᩴ ᩋᨬ᩠ᨬᨳᨲ᩠ᨲᩣᨿᩣ’’ᨲᩥ. ᩋᨳ ᨡᩮᩣ ᨽᨣᩅᩣ ᨨᨻ᩠ᨻᨣ᩠ᨣᩥᨿᩮ ᨽᩥᨠ᩠ᨡᩪ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨴᩩᨻ᩠ᨽᩁᨲᩣᨿ…ᨸᩮ… ᩅᩦᩁᩥᨿᩣᩁᨾ᩠ᨽᩔ ᩅᨱ᩠ᨱᩴ ᨽᩣᩈᩥᨲ᩠ᩅᩣ ᨽᩥᨠ᩠ᨡᩪᨶᩴ ᨲᨴᨶᩩᨧ᩠ᨨᩅᩥᨠᩴ ᨲᨴᨶᩩᩃᩮᩣᨾᩥᨠᩴ ᨵᨾ᩠ᨾᩥᩴ ᨠᨳᩴ ᨠᨲ᩠ᩅᩣ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ…ᨸᩮ… ‘‘ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪙᪑. ‘‘ᨿᩮᩣ ᨸᨶ ᨽᩥᨠ᩠ᨡᩩ ᨣᩣᨾᩣ ᩅᩣ ᩋᩁᨬ᩠ᨬᩣ ᩅᩣ ᩋᨴᩥᨶ᩠ᨶᩴ ᨳᩮᨿ᩠ᨿᩈᨦ᩠ᨡᩣᨲᩴ ᩌᨴᩥᨿᩮᨿ᩠ᨿ, ᨿᨳᩣᩁᩪᨸᩮ ᩋᨴᩥᨶ᩠ᨶᩣᨴᩣᨶᩮ ¶ ᩁᩣᨩᩣᨶᩮᩣ ᨧᩮᩣᩁᩴ ᨣᩉᩮᨲ᩠ᩅᩣ ᩉᨶᩮᨿ᩠ᨿᩩᩴ ᩅᩣ ᨻᨶ᩠ᨵᩮᨿ᩠ᨿᩩᩴ ᩅᩣ ᨸᨻ᩠ᨻᩣᨩᩮᨿ᩠ᨿᩩᩴ ᩅᩣ – ‘ᨧᩮᩣᩁᩮᩣᩈᩥ ᨻᩣᩃᩮᩣᩈᩥ ᨾᩪᩊ᩠ᩉᩮᩣᩈᩥ ᨳᩮᨶᩮᩣᩈᩦ’ᨲᩥ, ᨲᨳᩣᩁᩪᨸᩴ ᨽᩥᨠ᩠ᨡᩩ ᩋᨴᩥᨶ᩠ᨶᩴ ᩌᨴᩥᨿᨾᩣᨶᩮᩣ ᩋᨿᨾ᩠ᨸᩥ ᨸᩣᩁᩣᨩᩥᨠᩮᩣ ᩉᩮᩣᨲᩥ ᩋᩈᩴᩅᩣᩈᩮᩣ’’ᨲᩥ.

᪙᪒. ᨿᩮᩣ ᨸᨶᩣᨲᩥ ᨿᩮᩣ ᨿᩣᨴᩥᩈᩮᩣ…ᨸᩮ… ᨽᩥᨠ᩠ᨡᩪᨲᩥ…ᨸᩮ… ᩋᨿᩴ ᩍᨾᩈ᩠ᨾᩥᩴ ᩋᨲ᩠ᨳᩮ ᩋᨵᩥᨸ᩠ᨸᩮᨲᩮᩣ ᨽᩥᨠ᩠ᨡᩪᨲᩥ.

ᨣᩣᨾᩮᩣ ᨶᩣᨾ ᩑᨠᨠᩩᨭᩥᨠᩮᩣᨸᩥ ᨣᩣᨾᩮᩣ, ᨴ᩠ᩅᩥᨠᩩᨭᩥᨠᩮᩣᨸᩥ ᨣᩣᨾᩮᩣ, ᨲᩥᨠᩩᨭᩥᨠᩮᩣᨸᩥ ᨣᩣᨾᩮᩣ, ᨧᨲᩩᨠᩩᨭᩥᨠᩮᩣᨸᩥ ᨣᩣᨾᩮᩣ, ᩈᨾᨶᩩᩔᩮᩣᨸᩥ ᨣᩣᨾᩮᩣ, ᩋᨾᨶᩩᩔᩮᩣᨸᩥ ᨣᩣᨾᩮᩣ, ᨸᩁᩥᨠ᩠ᨡᩥᨲ᩠ᨲᩮᩣᨸᩥ ᨣᩣᨾᩮᩣ, ᩋᨸᩁᩥᨠ᩠ᨡᩥᨲ᩠ᨲᩮᩣᨸᩥ ᨣᩣᨾᩮᩣ, ᨣᩮᩣᨶᩥᩈᩣᨴᩥᨶᩥᩅᩥᨭ᩠ᨮᩮᩣᨸᩥ ᨣᩣᨾᩮᩣ, ᨿᩮᩣᨸᩥ ᩈᨲ᩠ᨳᩮᩣ ᩋᨲᩥᩁᩮᨠᨧᨲᩩᨾᩣᩈᨶᩥᩅᩥᨭ᩠ᨮᩮᩣ ᩈᩮᩣᨸᩥ ᩅᩩᨧ᩠ᨧᨲᩥ ᨣᩣᨾᩮᩣ.

ᨣᩣᨾᩪᨸᨧᩣᩁᩮᩣ ᨶᩣᨾ ᨸᩁᩥᨠ᩠ᨡᩥᨲ᩠ᨲᩔ ᨣᩣᨾᩔ ᩍᨶ᩠ᨴᨡᩦᩃᩮ [ᩍᨶ᩠ᨴᨡᩥᩃᩮ (ᨠ.)] ᨮᩥᨲᩔ ᨾᨩ᩠ᨫᩥᨾᩔ ᨸᩩᩁᩥᩈᩔ ᩃᩮᨯ᩠ᨯᩩᨸᩣᨲᩮᩣ, ᩋᨸᩁᩥᨠ᩠ᨡᩥᨲ᩠ᨲᩔ ᨣᩣᨾᩔ ᨥᩁᩪᨸᨧᩣᩁᩮ ᨮᩥᨲᩔ ᨾᨩ᩠ᨫᩥᨾᩔ ᨸᩩᩁᩥᩈᩔ ᩃᩮᨯ᩠ᨯᩩᨸᩣᨲᩮᩣ.

ᩋᩁᨬ᩠ᨬᩴ ¶ ᨶᩣᨾ ᨮᨸᩮᨲ᩠ᩅᩣ ᨣᩣᨾᨬ᩠ᨧ ᨣᩣᨾᩪᨸᨧᩣᩁᨬ᩠ᨧ ᩋᩅᩈᩮᩈᩴ ᩋᩁᨬ᩠ᨬᩴ ᨶᩣᨾ.

ᩋᨴᩥᨶ᩠ᨶᩴ ᨶᩣᨾᩴ ᨿᩴ ᩋᨴᩥᨶ᩠ᨶᩴ ᩋᨶᩥᩔᨭ᩠ᨮᩴ ᩋᨸᩁᩥᨧ᩠ᨧᨲ᩠ᨲᩴ ᩁᨠ᩠ᨡᩥᨲᩴ ᨣᩮᩣᨸᩥᨲᩴ ᨾᨾᩣᨿᩥᨲᩴ ᨸᩁᨸᩁᩥᨣ᩠ᨣᩉᩥᨲᩴ. ᩑᨲᩴ ᩋᨴᩥᨶ᩠ᨶᩴ ᨶᩣᨾ.

ᨳᩮᨿ᩠ᨿᩈᨦ᩠ᨡᩣᨲᨶ᩠ᨲᩥ ᨳᩮᨿ᩠ᨿᨧᩥᨲ᩠ᨲᩮᩣ ᩋᩅᩉᩁᨱᨧᩥᨲ᩠ᨲᩮᩣ.

ᩌᨴᩥᨿᩮᨿ᩠ᨿᩣᨲᩥ ¶ ᩌᨴᩥᨿᩮᨿ᩠ᨿ ᩉᩁᩮᨿ᩠ᨿ ᩋᩅᩉᩁᩮᨿ᩠ᨿ ᩍᩁᩥᨿᩣᨸᨳᩴ ᩅᩥᨠᩮᩣᨸᩮᨿ᩠ᨿ ᨮᩣᨶᩣ ᨧᩣᩅᩮᨿ᩠ᨿ ᩈᨦ᩠ᨠᩮᨲᩴ ᩅᩦᨲᩥᨶᩣᨾᩮᨿ᩠ᨿ.

ᨿᨳᩣᩁᩪᨸᩴ ᨶᩣᨾ ᨸᩣᨴᩴ ᩅᩣ ᨸᩣᨴᩣᩁᩉᩴ ᩅᩣ ᩋᨲᩥᩁᩮᨠᨸᩣᨴᩴ ᩅᩣ.

ᩁᩣᨩᩣᨶᩮᩣ ¶ ᨶᩣᨾ ᨸᨳᨻ᩠ᨿᩣᩁᩣᨩᩣ ᨸᨴᩮᩈᩁᩣᨩᩣ ᨾᨱ᩠ᨯᩃᩥᨠᩣ ᩋᨶ᩠ᨲᩁᨽᩮᩣᨣᩥᨠᩣ ¶ ᩋᨠ᩠ᨡᨴᩔᩣ ᨾᩉᩣᨾᨲ᩠ᨲᩣ, ᨿᩮ ᩅᩣ ᨸᨶ ᨨᩮᨩ᩠ᨩᨽᩮᨩ᩠ᨩᩴ ᨠᩁᩮᩣᨶ᩠ᨲᩣ ᩋᨶᩩᩈᩣᩈᨶ᩠ᨲᩥ. ᩑᨲᩮ ᩁᩣᨩᩣᨶᩮᩣ ᨶᩣᨾ.

ᨧᩮᩣᩁᩮᩣ ᨶᩣᨾ ᨿᩮᩣ ᨸᨬ᩠ᨧᨾᩣᩈᨠᩴ ᩅᩣ ᩋᨲᩥᩁᩮᨠᨸᨬ᩠ᨧᨾᩣᩈᨠᩴ ᩅᩣ ᩋᨣ᩠ᨥᨶᨠᩴ ᩋᨴᩥᨶ᩠ᨶᩴ ᨳᩮᨿ᩠ᨿᩈᨦ᩠ᨡᩣᨲᩴ ᩌᨴᩥᨿᨲᩥ. ᩑᩈᩮᩣ ᨧᩮᩣᩁᩮᩣ ᨶᩣᨾ.

ᩉᨶᩮᨿ᩠ᨿᩩᩴ ᩅᩣᨲᩥ ᩉᨲ᩠ᨳᩮᨶ ᩅᩣ ᨸᩣᨴᩮᨶ ᩅᩣ ᨠᩈᩣᨿ ᩅᩣ ᩅᩮᨲ᩠ᨲᩮᨶ ᩅᩣ ᩋᨯ᩠ᨰᨴᨱ᩠ᨯᨠᩮᨶ ᩅᩣ ᨨᩮᨩ᩠ᨩᩣᨿ ᩅᩣ ᩉᨶᩮᨿ᩠ᨿᩩᩴ.

ᨻᨶ᩠ᨵᩮᨿ᩠ᨿᩩᩴ ᩅᩣᨲᩥ ᩁᨩ᩠ᨩᩩᨻᨶ᩠ᨵᨶᩮᨶ ᩅᩣ ᩋᨶ᩠ᨴᩩᨻᨶ᩠ᨵᨶᩮᨶ ᩅᩣ ᩈᨦ᩠ᨡᩃᩥᨠᨻᨶ᩠ᨵᨶᩮᨶ ᩅᩣ ᨥᩁᨻᨶ᩠ᨵᨶᩮᨶ ᩅᩣ ᨶᨣᩁᨻᨶ᩠ᨵᨶᩮᨶ ᩅᩣ ᨣᩣᨾᨻᨶ᩠ᨵᨶᩮᨶ ᩅᩣ ᨶᩥᨣᨾᨻᨶ᩠ᨵᨶᩮᨶ ᩅᩣ ᨻᨶ᩠ᨵᩮᨿ᩠ᨿᩩᩴ, ᨸᩩᩁᩥᩈᨣᩩᨲ᩠ᨲᩥᩴ ᩅᩣ ᨠᩁᩮᨿ᩠ᨿᩩᩴ.

ᨸᨻ᩠ᨻᩣᨩᩮᨿ᩠ᨿᩩᩴ ᩅᩣᨲᩥ ᨣᩣᨾᩣ ᩅᩣ ᨶᩥᨣᨾᩣ ᩅᩣ ᨶᨣᩁᩣ ᩅᩣ ᨩᨶᨸᨴᩣ ᩅᩣ ᨩᨶᨸᨴᨸᨴᩮᩈᩣ ᩅᩣ ᨸᨻ᩠ᨻᩣᨩᩮᨿ᩠ᨿᩩᩴ.

ᨧᩮᩣᩁᩮᩣᩈᩥ ᨻᩣᩃᩮᩣᩈᩥ ᨾᩪᩊ᩠ᩉᩮᩣᩈᩥ ᨳᩮᨶᩮᩣᩈᩦᨲᩥ ᨸᩁᩥᨽᩣᩈᩮᩣ ᩑᩈᩮᩣ.

ᨲᨳᩣᩁᩪᨸᩴ ᨶᩣᨾ ᨸᩣᨴᩴ ᩅᩣ ᨸᩣᨴᩣᩁᩉᩴ ᩅᩣ ᩋᨲᩥᩁᩮᨠᨸᩣᨴᩴ ᩅᩣ.

ᩌᨴᩥᨿᨾᩣᨶᩮᩣᨲᩥ ᩌᨴᩥᨿᨾᩣᨶᩮᩣ ᩉᩁᨾᩣᨶᩮᩣ ᩋᩅᩉᩁᨾᩣᨶᩮᩣ ᩍᩁᩥᨿᩣᨸᨳᩴ ᩅᩥᨠᩮᩣᨸᨿᨾᩣᨶᩮᩣ ᨮᩣᨶᩣ ᨧᩣᩅᨿᨾᩣᨶᩮᩣ ᩈᨦ᩠ᨠᩮᨲᩴ ᩅᩦᨲᩥᨶᩣᨾᨿᨾᩣᨶᩮᩣ.

ᩋᨿᨾ᩠ᨸᩦᨲᩥ ¶ ᨸᩩᩁᩥᨾᩴ ᩏᨸᩣᨴᩣᨿ ᩅᩩᨧ᩠ᨧᨲᩥ.

ᨸᩣᩁᩣᨩᩥᨠᩮᩣ ¶ ᩉᩮᩣᨲᩦᨲᩥ ᩈᩮᨿ᩠ᨿᨳᩣᨸᩥ ᨶᩣᨾ ᨸᨱ᩠ᨯᩩᨸᩃᩣᩈᩮᩣ ᨻᨶ᩠ᨵᨶᩣ ᨸᩅᩩᨲ᩠ᨲᩮᩣ [ᩉᩁᩥᨲᨲ᩠ᨲᩣᨿ (ᩈᩦ. ᩈ᩠ᨿᩣ.)] ᩋᨽᨻ᩠ᨻᩮᩣ ᩉᩁᩥᨲᨲ᩠ᨳᩣᨿ [ᩉᩁᩥᨲᨲ᩠ᨲᩣᨿ (ᩈᩦ. ᩈ᩠ᨿᩣ.)], ᩑᩅᨾᩮᩅ ᨽᩥᨠ᩠ᨡᩩ ᨸᩣᨴᩴ ᩅᩣ ᨸᩣᨴᩣᩁᩉᩴ ᩅᩣ ᩋᨲᩥᩁᩮᨠᨸᩣᨴᩴ ᩅᩣ ᩋᨴᩥᨶ᩠ᨶᩴ ᨳᩮᨿ᩠ᨿᩈᨦ᩠ᨡᩣᨲᩴ ᩌᨴᩥᨿᩥᨲ᩠ᩅᩣ ᩋᩔᨾᨱᩮᩣ ᩉᩮᩣᨲᩥ ᩋᩈᨠ᩠ᨿᨸᩩᨲ᩠ᨲᩥᨿᩮᩣ. ᨲᩮᨶ ᩅᩩᨧ᩠ᨧᨲᩥ – ‘ᨸᩣᩁᩣᨩᩥᨠᩮᩣ ᩉᩮᩣᨲᩦ’ᨲᩥ.

ᩋᩈᩴᩅᩣᩈᩮᩣᨲᩥ ᩈᩴᩅᩣᩈᩮᩣ ᨶᩣᨾ ᩑᨠᨠᨾ᩠ᨾᩴ ᩑᨠᩩᨴ᩠ᨴᩮᩈᩮᩣ ¶ ᩈᨾᩈᩥᨠ᩠ᨡᨲᩣ. ᩑᩈᩮᩣ ᩈᩴᩅᩣᩈᩮᩣ ᨶᩣᨾ. ᩈᩮᩣ ᨲᩮᨶ ᩈᨴ᩠ᨵᩥᩴ ᨶᨲ᩠ᨳᩥ. ᨲᩮᨶ ᩅᩩᨧ᩠ᨧᨲᩥ – ‘ᩋᩈᩴᩅᩣᩈᩮᩣ’ᨲᩥ.

᪙᪓. ᨽᩪᨾᨭ᩠ᨮᩴ ᨳᩃᨭ᩠ᨮᩴ ᩌᨠᩣᩈᨭ᩠ᨮᩴ ᩅᩮᩉᩣᩈᨭ᩠ᨮᩴ ᩏᨴᨠᨭ᩠ᨮᩴ ᨶᩣᩅᨭ᩠ᨮᩴ ᨿᩣᨶᨭ᩠ᨮᩴ ᨽᩣᩁᨭ᩠ᨮᩴ ᩌᩁᩣᨾᨭ᩠ᨮᩴ ᩅᩥᩉᩣᩁᨭ᩠ᨮᩴ ᨡᩮᨲ᩠ᨲᨭ᩠ᨮᩴ ᩅᨲ᩠ᨳᩩᨭ᩠ᨮᩴ ᨣᩣᨾᨭ᩠ᨮᩴ ᩋᩁᨬ᩠ᨬᨭ᩠ᨮᩴ ᩏᨴᨠᩴ ᨴᨶ᩠ᨲᨸᩮᩣᨱᩴ [ᨴᨶ᩠ᨲᨸᩮᩣᨶᩴ (ᩈᩦ. ᨠ.)] ᩅᨶᨸ᩠ᨸᨲᩥ ᩉᩁᨱᨠᩴ ᩏᨸᨶᩥᨵᩥ ᩈᩩᨦ᩠ᨠᨥᩣᨲᩴ ᨸᩣᨱᩮᩣ ᩋᨸᨴᩴ ᨴ᩠ᩅᩥᨸᨴᩴ ᨧᨲᩩᨸ᩠ᨸᨴᩴ ᨻᩉᩩᨸ᩠ᨸᨴᩴ ᩒᨧᩁᨠᩮᩣ ᩒᨱᩥᩁᨠ᩠ᨡᩮᩣ ᩈᩴᩅᩥᨴᩣᩅᩉᩣᩁᩮᩣ ᩈᨦ᩠ᨠᩮᨲᨠᨾ᩠ᨾᩴ ᨶᩥᨾᩥᨲ᩠ᨲᨠᨾ᩠ᨾᨶ᩠ᨲᩥ.

᪙᪔. ᨽᩪᨾᨭ᩠ᨮᩴ ᨶᩣᨾ ᨽᨱ᩠ᨯᩴ ᨽᩪᨾᩥᨿᩴ ᨶᩥᨠ᩠ᨡᩥᨲ᩠ᨲᩴ ᩉᩮᩣᨲᩥ ᨶᩥᨡᩣᨲᩴ ᨸᨭᩥᨧ᩠ᨨᨶ᩠ᨶᩴ. ᨽᩪᨾᨭ᩠ᨮᩴ ᨽᨱ᩠ᨯᩴ ᩋᩅᩉᩁᩥᩔᩣᨾᩦᨲᩥ ᨳᩮᨿ᩠ᨿᨧᩥᨲ᩠ᨲᩮᩣ ᨴᩩᨲᩥᨿᩴ ᩅᩣ ᨸᩁᩥᨿᩮᩈᨲᩥ ᨠᩩᨴᩣᩃᩴ ᩅᩣ ᨸᩥᨭᨠᩴ ᩅᩣ ᨸᩁᩥᨿᩮᩈᨲᩥ ᨣᨧ᩠ᨨᨲᩥ ᩅᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨲᨲ᩠ᨳ ᨩᩣᨲᨠᩴ ¶ ᨠᨭ᩠ᨮᩴ ᩅᩣ ᩃᨲᩴ ᩅᩣ ᨨᩥᨶ᩠ᨴᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨲᨲ᩠ᨳ ᨸᩴᩈᩩᩴ ᨡᨱᨲᩥ ᩅᩣ ᨻ᩠ᨿᩪᩉᨲᩥ [ᩅᩥᨿᩪᩉᨲᩥ (ᩈ᩠ᨿᩣ.)] ᩅᩣ ᩏᨴ᩠ᨵᩁᨲᩥ ᩅᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨠᩩᨾ᩠ᨽᩥᩴ ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᩋᨲ᩠ᨲᨶᩮᩣ ᨽᩣᨩᨶᩴ ᨸᩅᩮᩈᩮᨲ᩠ᩅᩣ ᨸᨬ᩠ᨧᨾᩣᩈᨠᩴ ᩅᩣ ᩋᨲᩥᩁᩮᨠᨸᨬ᩠ᨧᨾᩣᩈᨠᩴ ᩅᩣ ᩋᨣ᩠ᨥᨶᨠᩴ ᨳᩮᨿ᩠ᨿᨧᩥᨲ᩠ᨲᩮᩣ ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᩋᨲ᩠ᨲᨶᩮᩣ ᨽᩣᨩᨶᨣᨲᩴ ᩅᩣ ᨠᩁᩮᩣᨲᩥ ᨾᩩᨭ᩠ᨮᩥᩴ ᩅᩣ ᨨᩥᨶ᩠ᨴᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᩈᩩᨲ᩠ᨲᩣᩁᩩᩊ᩠ᩉᩴ ᨽᨱ᩠ᨯᩴ ᨸᩣᨾᨦ᩠ᨣᩴ ᩅᩣ ᨠᨱ᩠ᨮᩈᩩᨲ᩠ᨲᨠᩴ ¶ ᩅᩣ ᨠᨭᩥᩈᩩᨲ᩠ᨲᨠᩴ ᩅᩣ ᩈᩣᨭᨠᩴ ᩅᩣ ᩅᩮᨮᨶᩴ ᩅᩣ ᨳᩮᨿ᩠ᨿᨧᩥᨲ᩠ᨲᩮᩣ ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨠᩮᩣᨭᩥᨿᩴ ᨣᩉᩮᨲ᩠ᩅᩣ ᩏᨧ᩠ᨧᩣᩁᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨥᩴᩈᨶ᩠ᨲᩮᩣ ᨶᩦᩉᩁᨲᩥ, ᩌᨸᨲ᩠ᨲᩥ ¶ ᨳᩩᩃ᩠ᩃᨧ᩠ᨧᨿᩔ. ᩋᨶ᩠ᨲᨾᩈᩮᩣ ᨠᩮᩈᨣ᩠ᨣᨾᨲ᩠ᨲᨾ᩠ᨸᩥ ᨠᩩᨾ᩠ᨽᩥᨾᩩᨡᩣ ᨾᩮᩣᨧᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᩈᨸ᩠ᨸᩥᩴ ᩅᩣ ᨲᩮᩃᩴ ᩅᩣ ᨾᨵᩩᩴ ᩅᩣ ᨹᩣᨱᩥᨲᩴ ᩅᩣ ᨸᨬ᩠ᨧᨾᩣᩈᨠᩴ ᩅᩣ ᩋᨲᩥᩁᩮᨠᨸᨬ᩠ᨧᨾᩣᩈᨠᩴ ᩅᩣ ᩋᨣ᩠ᨥᨶᨠᩴ ᨳᩮᨿ᩠ᨿᨧᩥᨲ᩠ᨲᩮᩣ ᩑᨠᩮᨶ ᨸᨿᩮᩣᨣᩮᨶ ᨸᩥᩅᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨲᨲ᩠ᨳᩮᩅ ᨽᩥᨶ᩠ᨴᨲᩥ ᩅᩣ ᨨᨯ᩠ᨯᩮᨲᩥ ᩅᩣ ᨫᩣᨸᩮᨲᩥ ᩅᩣ ᩋᨸᩁᩥᨽᩮᩣᨣᩴ ᩅᩣ ᨠᩁᩮᩣᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

᪙᪕. ᨳᩃᨭ᩠ᨮᩴ ᨶᩣᨾ ᨽᨱ᩠ᨯᩴ ᨳᩃᩮ ᨶᩥᨠ᩠ᨡᩥᨲ᩠ᨲᩴ ᩉᩮᩣᨲᩥ. ᨳᩃᨭ᩠ᨮᩴ ᨽᨱ᩠ᨯᩴ ᩋᩅᩉᩁᩥᩔᩣᨾᩦᨲᩥ ᨳᩮᨿ᩠ᨿᨧᩥᨲ᩠ᨲᩮᩣ ¶ ᨴᩩᨲᩥᨿᩴ ᩅᩣ ᨸᩁᩥᨿᩮᩈᨲᩥ ᨣᨧ᩠ᨨᨲᩥ ᩅᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

᪙᪖. ᩌᨠᩣᩈᨭ᩠ᨮᩴ ᨶᩣᨾ ᨽᨱ᩠ᨯᩴ ᩌᨠᩣᩈᨣᨲᩴ ᩉᩮᩣᨲᩥ. ᨾᩮᩣᩁᩮᩣ ᩅᩣ ᨠᨸᩥᨬ᩠ᨩᩁᩮᩣ ᩅᩣ ᨲᩥᨲ᩠ᨲᩥᩁᩮᩣ ᩅᩣ ᩅᨭ᩠ᨭᨠᩮᩣ ᩅᩣ, ᩈᩣᨭᨠᩴ ᩅᩣ ᩅᩮᨮᨶᩴ ᩅᩣ ᩉᩥᩁᨬ᩠ᨬᩴ ᩅᩣ ᩈᩩᩅᨱ᩠ᨱᩴ ᩅᩣ ᨨᩥᨩ᩠ᨩᨾᩣᨶᩴ ᨸᨲᨲᩥ. ᩌᨠᩣᩈᨭ᩠ᨮᩴ ᨽᨱ᩠ᨯᩴ ᩋᩅᩉᩁᩥᩔᩣᨾᩦᨲᩥ ᨳᩮᨿ᩠ᨿᨧᩥᨲ᩠ᨲᩮᩣ ᨴᩩᨲᩥᨿᩴ ᩅᩣ ᨸᩁᩥᨿᩮᩈᨲᩥ ᨣᨧ᩠ᨨᨲᩥ ᩅᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ ¶ . ᨣᨾᨶᩴ ᩏᨸᨧ᩠ᨨᩥᨶ᩠ᨴᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

᪙᪗. ᩅᩮᩉᩣᩈᨭ᩠ᨮᩴ ᨶᩣᨾ ᨽᨱ᩠ᨯᩴ ᩅᩮᩉᩣᩈᨣᨲᩴ ᩉᩮᩣᨲᩥ. ᨾᨬ᩠ᨧᩮ ᩅᩣ ᨸᩦᨮᩮ ᩅᩣ ᨧᩦᩅᩁᩅᩴᩈᩮ ᩅᩣ ᨧᩦᩅᩁᩁᨩ᩠ᨩᩩᨿᩣ ᩅᩣ ᨽᩥᨲ᩠ᨲᩥᨡᩥᩃᩮ ᩅᩣ ᨶᩣᨣᨴᨶ᩠ᨲᩮ ᩅᩣ ᩁᩩᨠ᩠ᨡᩮ ᩅᩣ ᩃᨣ᩠ᨣᩥᨲᩴ ᩉᩮᩣᨲᩥ, ᩋᨶ᩠ᨲᨾᩈᩮᩣ ᨸᨲ᩠ᨲᩣᨵᩣᩁᨠᩮᨸᩥ. ᩅᩮᩉᩣᩈᨭ᩠ᨮᩴ ᨽᨱ᩠ᨯᩴ ᩋᩅᩉᩁᩥᩔᩣᨾᩦᨲᩥ ᨳᩮᨿ᩠ᨿᨧᩥᨲ᩠ᨲᩮᩣ ᨴᩩᨲᩥᨿᩴ ᩅᩣ ᨸᩁᩥᨿᩮᩈᨲᩥ ᨣᨧ᩠ᨨᨲᩥ ᩅᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

᪙᪘. ᩏᨴᨠᨭ᩠ᨮᩴ ¶ ᨶᩣᨾ ᨽᨱ᩠ᨯᩴ ᩏᨴᨠᩮ ᨶᩥᨠ᩠ᨡᩥᨲ᩠ᨲᩴ ᩉᩮᩣᨲᩥ. ᩏᨴᨠᨭ᩠ᨮᩴ ᨽᨱ᩠ᨯᩴ ᩋᩅᩉᩁᩥᩔᩣᨾᩦᨲᩥ ᨳᩮᨿ᩠ᨿᨧᩥᨲ᩠ᨲᩮᩣ ᨴᩩᨲᩥᨿᩴ ᩅᩣ ᨸᩁᩥᨿᩮᩈᨲᩥ ᨣᨧ᩠ᨨᨲᩥ ᩅᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨶᩥᨾᩩᨩ᩠ᨩᨲᩥ ᩅᩣ ᩏᨾ᩠ᨾᩩᨩ᩠ᨩᨲᩥ ᩅᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨲᨲ᩠ᨳ ᨩᩣᨲᨠᩴ ᩏᨸ᩠ᨸᩃᩴ ᩅᩣ ᨸᨴᩩᨾᩴ ᩅᩣ ᨸᩩᨱ᩠ᨯᩁᩦᨠᩴ ᩅᩣ ᨽᩥᩈᩴ ᩅᩣ ᨾᨧ᩠ᨨᩴ ᩅᩣ ᨠᨧ᩠ᨨᨸᩴ ᩅᩣ ᨸᨬ᩠ᨧᨾᩣᩈᨠᩴ ᩅᩣ ᩋᨲᩥᩁᩮᨠᨸᨬ᩠ᨧᨾᩣᩈᨠᩴ ᩅᩣ ᩋᨣ᩠ᨥᨶᨠᩴ ᨳᩮᨿ᩠ᨿᨧᩥᨲ᩠ᨲᩮᩣ ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

᪙᪙. ᨶᩣᩅᩣ ¶ ᨶᩣᨾ ᨿᩣᨿ ᨲᩁᨲᩥ. ᨶᩣᩅᨭ᩠ᨮᩴ ᨶᩣᨾ ᨽᨱ᩠ᨯᩴ ᨶᩣᩅᩣᨿ ᨶᩥᨠ᩠ᨡᩥᨲ᩠ᨲᩴ ᩉᩮᩣᨲᩥ. ‘‘ᨶᩣᩅᨭ᩠ᨮᩴ ᨽᨱ᩠ᨯᩴ ᩋᩅᩉᩁᩥᩔᩣᨾᩦ’’ᨲᩥ ᨳᩮᨿ᩠ᨿᨧᩥᨲ᩠ᨲᩮᩣ ᨴᩩᨲᩥᨿᩴ ¶ ᩅᩣ ᨸᩁᩥᨿᩮᩈᨲᩥ ᨣᨧ᩠ᨨᨲᩥ ᩅᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨶᩣᩅᩴ ᩋᩅᩉᩁᩥᩔᩣᨾᩦᨲᩥ ᨳᩮᨿ᩠ᨿᨧᩥᨲ᩠ᨲᩮᩣ ᨴᩩᨲᩥᨿᩴ ᩅᩣ ᨸᩁᩥᨿᩮᩈᨲᩥ ᨣᨧ᩠ᨨᨲᩥ ᩅᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ¶ ᨳᩩᩃ᩠ᩃᨧ᩠ᨧᨿᩔ. ᨻᨶ᩠ᨵᨶᩴ ᨾᩮᩣᨧᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨻᨶ᩠ᨵᨶᩴ ᨾᩮᩣᨧᩮᨲ᩠ᩅᩣ ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᩏᨴ᩠ᨵᩴ ᩅᩣ ᩋᨵᩮᩣ ᩅᩣ ᨲᩥᩁᩥᨿᩴ ᩅᩣ ᩋᨶ᩠ᨲᨾᩈᩮᩣ ᨠᩮᩈᨣ᩠ᨣᨾᨲ᩠ᨲᨾ᩠ᨸᩥ ᩈᨦ᩠ᨠᩣᨾᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

᪑᪐᪐. ᨿᩣᨶᩴ ᨶᩣᨾ ᩅᨿ᩠ᩉᩴ ᩁᨳᩮᩣ ᩈᨠᨭᩴ ᩈᨶ᩠ᨴᨾᩣᨶᩥᨠᩣ. ᨿᩣᨶᨭ᩠ᨮᩴ ᨶᩣᨾ ᨽᨱ᩠ᨯᩴ ᨿᩣᨶᩮ ᨶᩥᨠ᩠ᨡᩥᨲ᩠ᨲᩴ ᩉᩮᩣᨲᩥ. ᨿᩣᨶᨭ᩠ᨮᩴ ᨽᨱ᩠ᨯᩴ ᩋᩅᩉᩁᩥᩔᩣᨾᩦᨲᩥ ᨳᩮᨿ᩠ᨿᨧᩥᨲ᩠ᨲᩮᩣ ᨴᩩᨲᩥᨿᩴ ᩅᩣ ᨸᩁᩥᨿᩮᩈᨲᩥ ᨣᨧ᩠ᨨᨲᩥ ᩅᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨿᩣᨶᩴ ᩋᩅᩉᩁᩥᩔᩣᨾᩦᨲᩥ ᨳᩮᨿ᩠ᨿᨧᩥᨲ᩠ᨲᩮᩣ ᨴᩩᨲᩥᨿᩴ ᩅᩣ ᨸᩁᩥᨿᩮᩈᨲᩥ ᨣᨧ᩠ᨨᨲᩥ ᩅᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

᪑᪐᪑. ᨽᩣᩁᩮᩣ ᨶᩣᨾ ᩈᩦᩈᨽᩣᩁᩮᩣ ᨡᨶ᩠ᨵᨽᩣᩁᩮᩣ ᨠᨭᩥᨽᩣᩁᩮᩣ ᩒᩃᨾ᩠ᨻᨠᩮᩣ. ᩈᩦᩈᩮ ᨽᩣᩁᩴ ᨳᩮᨿ᩠ᨿᨧᩥᨲ᩠ᨲᩮᩣ ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨡᨶ᩠ᨵᩴ ᩒᩁᩮᩣᨸᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨡᨶ᩠ᨵᩮ ¶ ᨽᩣᩁᩴ ᨳᩮᨿ᩠ᨿᨧᩥᨲ᩠ᨲᩮᩣ ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨠᨭᩥᩴ ᩒᩁᩮᩣᨸᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨠᨭᩥᨿᩣ ᨽᩣᩁᩴ ᨳᩮᨿ᩠ᨿᨧᩥᨲ᩠ᨲᩮᩣ ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᩉᨲ᩠ᨳᩮᨶ ᨣᨱ᩠ᩉᩣᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᩉᨲ᩠ᨳᩮ ᨽᩣᩁᩴ ᨳᩮᨿ᩠ᨿᨧᩥᨲ᩠ᨲᩮᩣ ᨽᩪᨾᩥᨿᩴ ᨶᩥᨠ᩠ᨡᩥᨸᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨳᩮᨿ᩠ᨿᨧᩥᨲ᩠ᨲᩮᩣ ᨽᩪᨾᩥᨲᩮᩣ ᨣᨱ᩠ᩉᩣᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

᪑᪐᪒. ᩌᩁᩣᨾᩮᩣ ᨶᩣᨾ ᨸᩩᨸ᩠ᨹᩣᩁᩣᨾᩮᩣ ᨹᩃᩣᩁᩣᨾᩮᩣ. ᩌᩁᩣᨾᨭ᩠ᨮᩴ ᨶᩣᨾ ᨽᨱ᩠ᨯᩴ ᩌᩁᩣᨾᩮ ᨧᨲᩪᩉᩥ ᨮᩣᨶᩮᩉᩥ ᨶᩥᨠ᩠ᨡᩥᨲ᩠ᨲᩴ ᩉᩮᩣᨲᩥ – ᨽᩪᨾᨭ᩠ᨮᩴ ᨳᩃᨭ᩠ᨮᩴ, ᩌᨠᩣᩈᨭ᩠ᨮᩴ, ᩅᩮᩉᩣᩈᨭ᩠ᨮᩴ. ᩌᩁᩣᨾᨭ᩠ᨮᩴ ᨽᨱ᩠ᨯᩴ ᩋᩅᩉᩁᩥᩔᩣᨾᩦᨲᩥ ¶ ᨳᩮᨿ᩠ᨿᨧᩥᨲ᩠ᨲᩮᩣ ᨴᩩᨲᩥᨿᩴ ᩅᩣ ᨸᩁᩥᨿᩮᩈᨲᩥ ¶ ᨣᨧ᩠ᨨᨲᩥ ᩅᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨲᨲ᩠ᨳ ᨩᩣᨲᨠᩴ ᨾᩪᩃᩴ ᩅᩣ ᨲᨧᩴ ᩅᩣ ᨸᨲ᩠ᨲᩴ ᩅᩣ ᨸᩩᨸ᩠ᨹᩴ ᩅᩣ ᨹᩃᩴ ᩅᩣ ᨸᨬ᩠ᨧᨾᩣᩈᨠᩴ ᩅᩣ ᩋᨲᩥᩁᩮᨠᨸᨬ᩠ᨧᨾᩣᩈᨠᩴ ᩅᩣ ᩋᨣ᩠ᨥᨶᨠᩴ ᨳᩮᨿ᩠ᨿᨧᩥᨲ᩠ᨲᩮᩣ ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᩌᩁᩣᨾᩴ ᩋᨽᩥᨿᩩᨬ᩠ᨩᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩣᨾᩥᨠᩔ ᩅᩥᨾᨲᩥᩴ ᩏᨸ᩠ᨸᩣᨴᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᩈᩣᨾᩥᨠᩮᩣ ᨶ ᨾᨿ᩠ᩉᩴ ᨽᩅᩥᩔᨲᩦᨲᩥ ᨵᩩᩁᩴ ᨶᩥᨠ᩠ᨡᩥᨸᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨵᨾ᩠ᨾᩴ ᨧᩁᨶ᩠ᨲᩮᩣ ᩈᩣᨾᩥᨠᩴ ᨸᩁᩣᨩᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨵᨾ᩠ᨾᩴ ᨧᩁᨶ᩠ᨲᩮᩣ ᨸᩁᨩ᩠ᨩᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ.

᪑᪐᪓. ᩅᩥᩉᩣᩁᨭ᩠ᨮᩴ ¶ ¶ ᨶᩣᨾ ᨽᨱ᩠ᨯᩴ ᩅᩥᩉᩣᩁᩮ ᨧᨲᩪᩉᩥ ᨮᩣᨶᩮᩉᩥ ᨶᩥᨠ᩠ᨡᩥᨲ᩠ᨲᩴ ᩉᩮᩣᨲᩥ – ᨽᩪᨾᨭ᩠ᨮᩴ, ᨳᩃᨭ᩠ᨮᩴ, ᩌᨠᩣᩈᨭ᩠ᨮᩴ, ᩅᩮᩉᩣᩈᨭ᩠ᨮᩴ. ᩅᩥᩉᩣᩁᨭ᩠ᨮᩴ ᨽᨱ᩠ᨯᩴ ᩋᩅᩉᩁᩥᩔᩣᨾᩦᨲᩥ ᨳᩮᨿ᩠ᨿᨧᩥᨲ᩠ᨲᩮᩣ ᨴᩩᨲᩥᨿᩴ ᩅᩣ ᨸᩁᩥᨿᩮᩈᨲᩥ ᨣᨧ᩠ᨨᨲᩥ ᩅᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᩅᩥᩉᩣᩁᩴ ᩋᨽᩥᨿᩩᨬ᩠ᨩᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩣᨾᩥᨠᩔ ᩅᩥᨾᨲᩥᩴ ᩏᨸ᩠ᨸᩣᨴᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᩈᩣᨾᩥᨠᩮᩣ ᨶ ᨾᨿ᩠ᩉᩴ ᨽᩅᩥᩔᨲᩦᨲᩥ ᨵᩩᩁᩴ ᨶᩥᨠ᩠ᨡᩥᨸᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨵᨾ᩠ᨾᩴ ᨧᩁᨶ᩠ᨲᩮᩣ ᩈᩣᨾᩥᨠᩴ ᨸᩁᩣᨩᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨵᨾ᩠ᨾᩴ ᨧᩁᨶ᩠ᨲᩮᩣ ᨸᩁᨩ᩠ᨩᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ.

᪑᪐᪔. ᨡᩮᨲ᩠ᨲᩴ ᨶᩣᨾ ᨿᨲ᩠ᨳ ᨸᩩᨻ᩠ᨻᨱ᩠ᨱᩴ ᩅᩣ ᩋᨸᩁᨱ᩠ᨱᩴ ᩅᩣ ᨩᩣᨿᨲᩥ. ᨡᩮᨲ᩠ᨲᨭ᩠ᨮᩴ ᨶᩣᨾ ᨽᨱ᩠ᨯᩴ ᨡᩮᨲ᩠ᨲᩮ ᨧᨲᩪᩉᩥ ᨮᩣᨶᩮᩉᩥ ᨶᩥᨠ᩠ᨡᩥᨲ᩠ᨲᩴ ᩉᩮᩣᨲᩥ – ᨽᩪᨾᨭ᩠ᨮᩴ, ᨳᩃᨭ᩠ᨮᩴ, ᩌᨠᩣᩈᨭ᩠ᨮᩴ, ᩅᩮᩉᩣᩈᨭ᩠ᨮᩴ. ᨡᩮᨲ᩠ᨲᨭ᩠ᨮᩴ ᨽᨱ᩠ᨯᩴ ᩋᩅᩉᩁᩥᩔᩣᨾᩦᨲᩥ ᨳᩮᨿ᩠ᨿᨧᩥᨲ᩠ᨲᩮᩣ ᨴᩩᨲᩥᨿᩴ ᩅᩣ ᨸᩁᩥᨿᩮᩈᨲᩥ ᨣᨧ᩠ᨨᨲᩥ ᩅᩣ, ᩌᨸᨲ᩠ᨲᩥ, ᨴᩩᨠ᩠ᨠᨭᩔ. ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨲᨲ᩠ᨳ ᨩᩣᨲᨠᩴ ᨸᩩᨻ᩠ᨻᨱ᩠ᨱᩴ ᩅᩣ ᩋᨸᩁᨱ᩠ᨱᩴ ᩅᩣ ᨸᨬ᩠ᨧᨾᩣᩈᨠᩴ ᩅᩣ ᩋᨲᩥᩁᩮᨠᨸᨬ᩠ᨧᨾᩣᩈᨠᩴ ᩅᩣ ᩋᨣ᩠ᨥᨶᨠᩴ ᨳᩮᨿ᩠ᨿᨧᩥᨲ᩠ᨲᩮᩣ ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨡᩮᨲ᩠ᨲᩴ ᩋᨽᩥᨿᩩᨬ᩠ᨩᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩣᨾᩥᨠᩔ ᩅᩥᨾᨲᩥᩴ ᩏᨸ᩠ᨸᩣᨴᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᩈᩣᨾᩥᨠᩮᩣ ᨶ ¶ ᨾᨿ᩠ᩉᩴ ᨽᩅᩥᩔᨲᩦᨲᩥ ᨵᩩᩁᩴ ᨶᩥᨠ᩠ᨡᩥᨸᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨵᨾ᩠ᨾᩴ ᨧᩁᨶ᩠ᨲᩮᩣ ᩈᩣᨾᩥᨠᩴ ᨸᩁᩣᨩᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨵᨾ᩠ᨾᩴ ᨧᩁᨶ᩠ᨲᩮᩣ ᨸᩁᨩ᩠ᨩᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨡᩥᩃᩴ ᩅᩣ ᩁᨩ᩠ᨩᩩᩴ ¶ ᩅᩣ ᩅᨲᩥᩴ ᩅᩣ ᨾᩁᩥᨿᩣᨴᩴ ᩅᩣ ᩈᨦ᩠ᨠᩣᨾᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩑᨠᩴ ᨸᨿᩮᩣᨣᩴ ᩋᨶᩣᨣᨲᩮ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨲᩈ᩠ᨾᩥᩴ ᨸᨿᩮᩣᨣᩮ ᩌᨣᨲᩮ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

᪑᪐᪕. ᩅᨲ᩠ᨳᩩ ᨶᩣᨾ ᩌᩁᩣᨾᩅᨲ᩠ᨳᩩ ᩅᩥᩉᩣᩁᩅᨲ᩠ᨳᩩ. ᩅᨲ᩠ᨳᩩᨭ᩠ᨮᩴ ᨶᩣᨾ ᨽᨱ᩠ᨯᩴ ᩅᨲ᩠ᨳᩩᩈ᩠ᨾᩥᩴ ᨧᨲᩪᩉᩥ ᨮᩣᨶᩮᩉᩥ ᨶᩥᨠ᩠ᨡᩥᨲ᩠ᨲᩴ ᩉᩮᩣᨲᩥ – ᨽᩪᨾᨭ᩠ᨮᩴ, ᨳᩃᨭ᩠ᨮᩴ, ᩌᨠᩣᩈᨭ᩠ᨮᩴ, ᩅᩮᩉᩣᩈᨭ᩠ᨮᩴ. ᩅᨲ᩠ᨳᩩᨭ᩠ᨮᩴ ᨽᨱ᩠ᨯᩴ ᩋᩅᩉᩁᩥᩔᩣᨾᩦᨲᩥ ᨳᩮᨿ᩠ᨿᨧᩥᨲ᩠ᨲᩮᩣ ᨴᩩᨲᩥᨿᩴ ᩅᩣ ᨸᩁᩥᨿᩮᩈᨲᩥ ᨣᨧ᩠ᨨᨲᩥ ᩅᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᩅᨲ᩠ᨳᩩᩴ ᩋᨽᩥᨿᩩᨬ᩠ᨩᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩣᨾᩥᨠᩔ ᩅᩥᨾᨲᩥᩴ ᩏᨸ᩠ᨸᩣᨴᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᩈᩣᨾᩥᨠᩮᩣ ᨶ ᨾᨿ᩠ᩉᩴ ᨽᩅᩥᩔᨲᩦᨲᩥ ᨵᩩᩁᩴ ᨶᩥᨠ᩠ᨡᩥᨸᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨵᨾ᩠ᨾᩴ ᨧᩁᨶ᩠ᨲᩮᩣ ᩈᩣᨾᩥᨠᩴ ᨸᩁᩣᨩᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨵᨾ᩠ᨾᩴ ᨧᩁᨶ᩠ᨲᩮᩣ ᨸᩁᨩ᩠ᨩᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨡᩦᩃᩴ ¶ ᩅᩣ ᩁᨩ᩠ᨩᩩᩴ ᩅᩣ ᩅᨲᩥᩴ ᩅᩣ ᨸᩣᨠᩣᩁᩴ ᩅᩣ ᩈᨦ᩠ᨠᩣᨾᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩑᨠᩴ ᨸᨿᩮᩣᨣᩴ ᩋᨶᩣᨣᨲᩮ ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨲᩈ᩠ᨾᩥᩴ ᨸᨿᩮᩣᨣᩮ ᩌᨣᨲᩮ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

᪑᪐᪖. ᨣᩣᨾᨭ᩠ᨮᩴ ᨶᩣᨾ ᨽᨱ᩠ᨯᩴ ᨣᩣᨾᩮ ᨧᨲᩪᩉᩥ ᨮᩣᨶᩮᩉᩥ ᨶᩥᨠ᩠ᨡᩥᨲ᩠ᨲᩴ ᩉᩮᩣᨲᩥ ¶ – ᨽᩪᨾᨭ᩠ᨮᩴ, ᨳᩃᨭ᩠ᨮᩴ, ᩌᨠᩣᩈᨭ᩠ᨮᩴ, ᩅᩮᩉᩣᩈᨭ᩠ᨮᩴ. ᨣᩣᨾᨭ᩠ᨮᩴ ᨽᨱ᩠ᨯᩴ ᩋᩅᩉᩁᩥᩔᩣᨾᩦᨲᩥ ᨳᩮᨿ᩠ᨿᨧᩥᨲ᩠ᨲᩮᩣ ᨴᩩᨲᩥᨿᩴ ᩅᩣ ᨸᩁᩥᨿᩮᩈᨲᩥ ᨣᨧ᩠ᨨᨲᩥ ᩅᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

᪑᪐᪗. ᩋᩁᨬ᩠ᨬᩴ ¶ ᨶᩣᨾ ᨿᩴ ᨾᨶᩩᩔᩣᨶᩴ ᨸᩁᩥᨣ᩠ᨣᩉᩥᨲᩴ ᩉᩮᩣᨲᩥ, ᨲᩴ ᩋᩁᨬ᩠ᨬᩴ. ᩋᩁᨬ᩠ᨬᨭ᩠ᨮᩴ ᨶᩣᨾ ᨽᨱ᩠ᨯᩴ ᩋᩁᨬ᩠ᨬᩮ ᨧᨲᩪᩉᩥ ᨮᩣᨶᩮᩉᩥ ᨶᩥᨠ᩠ᨡᩥᨲ᩠ᨲᩴ ᩉᩮᩣᨲᩥ – ᨽᩪᨾᨭ᩠ᨮᩴ, ᨳᩃᨭ᩠ᨮᩴ, ᩌᨠᩣᩈᨭ᩠ᨮᩴ, ᩅᩮᩉᩣᩈᨭ᩠ᨮᩴ. ᩋᩁᨬ᩠ᨬᨭ᩠ᨮᩴ ᨽᨱ᩠ᨯᩴ ᩋᩅᩉᩁᩥᩔᩣᨾᩦᨲᩥ ᨳᩮᨿ᩠ᨿᨧᩥᨲ᩠ᨲᩮᩣ ᨴᩩᨲᩥᨿᩴ ᩅᩣ ᨸᩁᩥᨿᩮᩈᨲᩥ ᨣᨧ᩠ᨨᨲᩥ ᩅᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨲᨲ᩠ᨳ ᨩᩣᨲᨠᩴ ᨠᨭ᩠ᨮᩴ ᩅᩣ ᩃᨲᩴ ᩅᩣ ᨲᩥᨱᩴ ᩅᩣ ᨸᨬ᩠ᨧᨾᩣᩈᨠᩴ ᩅᩣ ᩋᨲᩥᩁᩮᨠᨸᨬ᩠ᨧᨾᩣᩈᨠᩴ ᩅᩣ ᩋᨣ᩠ᨥᨶᨠᩴ ᨳᩮᨿ᩠ᨿᨧᩥᨲ᩠ᨲᩮᩣ ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

᪑᪐᪘. ᩏᨴᨠᩴ ¶ ᨶᩣᨾ ᨽᩣᨩᨶᨣᨲᩴ ᩅᩣ ᩉᩮᩣᨲᩥ ᨸᩮᩣᨠ᩠ᨡᩁᨱᩥᨿᩣ ᩅᩣ ᨲᩊᩣᨠᩮ ᩅᩣ. ᨳᩮᨿ᩠ᨿᨧᩥᨲ᩠ᨲᩮᩣ ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ ¶ . ᩋᨲ᩠ᨲᨶᩮᩣ ᨽᩣᨩᨶᩴ ᨸᩅᩮᩈᩮᨲ᩠ᩅᩣ ᨸᨬ᩠ᨧᨾᩣᩈᨠᩴ ᩅᩣ ᩋᨲᩥᩁᩮᨠᨸᨬ᩠ᨧᨾᩣᩈᨠᩴ ᩅᩣ ᩋᨣ᩠ᨥᨶᨠᩴ ᩏᨴᨠᩴ ᨳᩮᨿ᩠ᨿᨧᩥᨲ᩠ᨲᩮᩣ ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᩋᨲ᩠ᨲᨶᩮᩣ ᨽᩣᨩᨶᨣᨲᩴ ᨠᩁᩮᩣᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨾᩁᩥᨿᩣᨴᩴ ᨽᩥᨶ᩠ᨴᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨾᩁᩥᨿᩣᨴᩴ ᨽᩥᨶ᩠ᨴᩥᨲ᩠ᩅᩣ ᨸᨬ᩠ᨧᨾᩣᩈᨠᩴ ᩅᩣ ᩋᨲᩥᩁᩮᨠᨸᨬ᩠ᨧᨾᩣᩈᨠᩴ ᩅᩣ ᩋᨣ᩠ᨥᨶᨠᩴ ᩏᨴᨠᩴ ᨶᩥᨠ᩠ᨡᩣᨾᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᩋᨲᩥᩁᩮᨠᨾᩣᩈᨠᩴ ᩅᩣ ᩐᨶᨸᨬ᩠ᨧᨾᩣᩈᨠᩴ ᩅᩣ ᩋᨣ᩠ᨥᨶᨠᩴ ᩏᨴᨠᩴ ᨶᩥᨠ᩠ᨡᩣᨾᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨾᩣᩈᨠᩴ ᩅᩣ ᩐᨶᨾᩣᩈᨠᩴ ᩅᩣ ᩋᨣ᩠ᨥᨶᨠᩴ ᩏᨴᨠᩴ ᨶᩥᨠ᩠ᨡᩣᨾᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

᪑᪐᪙. ᨴᨶ᩠ᨲᨸᩮᩣᨱᩴ ᨶᩣᨾ ᨨᩥᨶ᩠ᨶᩴ ᩅᩣ ᩋᨧ᩠ᨨᩥᨶ᩠ᨶᩴ ᩅᩣ. ᨸᨬ᩠ᨧᨾᩣᩈᨠᩴ ᩅᩣ ᩋᨲᩥᩁᩮᨠᨸᨬ᩠ᨧᨾᩣᩈᨠᩴ ᩅᩣ ᩋᨣ᩠ᨥᨶᨠᩴ ᨳᩮᨿ᩠ᨿᨧᩥᨲ᩠ᨲᩮᩣ ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

᪑᪑᪐. ᩅᨶᨸ᩠ᨸᨲᩥ ¶ ᨶᩣᨾ ᨿᩮᩣ ᨾᨶᩩᩔᩣᨶᩴ ᨸᩁᩥᨣ᩠ᨣᩉᩥᨲᩮᩣ ᩉᩮᩣᨲᩥ ᩁᩩᨠ᩠ᨡᩮᩣ ᨸᩁᩥᨽᩮᩣᨣᩮᩣ. ᨳᩮᨿ᩠ᨿᨧᩥᨲ᩠ᨲᩮᩣ ᨨᩥᨶ᩠ᨴᨲᩥ, ᨸᩉᩣᩁᩮ ᨸᩉᩣᩁᩮ ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩑᨠᩴ ᨸᩉᩣᩁᩴ ᩋᨶᩣᨣᨲᩮ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨲᩈ᩠ᨾᩥᩴ ᨸᩉᩣᩁᩮ ᩌᨣᨲᩮ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

᪑᪑᪑. ᩉᩁᨱᨠᩴ ᨶᩣᨾ ᩋᨬ᩠ᨬᩔ ᩉᩁᨱᨠᩴ ᨽᨱ᩠ᨯᩴ. ᨳᩮᨿ᩠ᨿᨧᩥᨲ᩠ᨲᩮᩣ ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᩈᩉᨽᨱ᩠ᨯᩉᩣᩁᨠᩴ ᨸᨴᩈᩣ ᨶᩮᩔᩣᨾᩦᨲᩥ ¶ ᨸᨮᨾᩴ ᨸᩣᨴᩴ ᩈᨦ᩠ᨠᩣᨾᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨴᩩᨲᩥᨿᩴ ᨸᩣᨴᩴ ᩈᨦ᩠ᨠᩣᨾᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨸᨲᩥᨲᩴ ᨽᨱ᩠ᨯᩴ ᨣᩉᩮᩔᩣᨾᩦᨲᩥ ᨸᩣᨲᩣᨸᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨸᨲᩥᨲᩴ ᨽᨱ᩠ᨯᩴ ᨸᨬ᩠ᨧᨾᩣᩈᨠᩴ ᩅᩣ ᩋᨲᩥᩁᩮᨠᨸᨬ᩠ᨧᨾᩣᩈᨠᩴ ᩅᩣ ᩋᨣ᩠ᨥᨶᨠᩴ ᨳᩮᨿ᩠ᨿᨧᩥᨲ᩠ᨲᩮᩣ ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

᪑᪑᪒. ᩏᨸᨶᩥᨵᩥ ᨶᩣᨾ ᩏᨸᨶᩥᨠ᩠ᨡᩥᨲ᩠ᨲᩴ ᨽᨱ᩠ᨯᩴ. ᨴᩮᩉᩥ ᨾᩮ ᨽᨱ᩠ᨯᨶ᩠ᨲᩥ ᩅᩩᨧ᩠ᨧᨾᩣᨶᩮᩣ ᨶᩣᩉᩴ ᨣᨱ᩠ᩉᩣᨾᩦᨲᩥ ᨽᨱᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩣᨾᩥᨠᩔ ᩅᩥᨾᨲᩥᩴ ᩏᨸ᩠ᨸᩣᨴᩮᨲᩥ ¶ , ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ ¶ . ᩈᩣᨾᩥᨠᩮᩣ ᨶ ᨾᨿ᩠ᩉᩴ ᨴᩔᨲᩦᨲᩥ ᨵᩩᩁᩴ ᨶᩥᨠ᩠ᨡᩥᨸᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨵᨾ᩠ᨾᩴ ᨧᩁᨶ᩠ᨲᩮᩣ ᩈᩣᨾᩥᨠᩴ ᨸᩁᩣᨩᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨵᨾ᩠ᨾᩴ ᨧᩁᨶ᩠ᨲᩮᩣ ᨸᩁᨩ᩠ᨩᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ.

᪑᪑᪓. ᩈᩩᨦ᩠ᨠᨥᩣᨲᩴ ᨶᩣᨾ ᩁᨬ᩠ᨬᩣ ᨮᨸᩥᨲᩴ ᩉᩮᩣᨲᩥ ᨸᨻ᩠ᨻᨲᨡᨱ᩠ᨯᩮ ᩅᩣ ᨶᨴᩦᨲᩥᨲ᩠ᨳᩮ ᩅᩣ ᨣᩣᨾᨴ᩠ᩅᩣᩁᩮ ᩅᩣ – ‘ᩋᨲᩕ ᨸᩅᩥᨭ᩠ᨮᩔ ᩈᩩᨦ᩠ᨠᩴ ᨣᨱ᩠ᩉᨶ᩠ᨲᩪ’ᨲᩥ. ᨲᨲᩕ ᨸᩅᩥᩈᩥᨲ᩠ᩅᩣ ᩁᩣᨩᨣ᩠ᨣᩴ [ᩁᩣᨩᨣ᩠ᨥᩴ (ᩈᩦ. ᩈ᩠ᨿᩣ.)] ᨽᨱ᩠ᨯᩴ ᨸᨬ᩠ᨧᨾᩣᩈᨠᩴ ᩅᩣ ᩋᨲᩥᩁᩮᨠᨸᨬ᩠ᨧᨾᩣᩈᨠᩴ ᩅᩣ ᩋᨣ᩠ᨥᨶᨠᩴ ᨳᩮᨿ᩠ᨿᨧᩥᨲ᩠ᨲᩮᩣ ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨸᨮᨾᩴ ᨸᩣᨴᩴ ᩈᩩᨦ᩠ᨠᨥᩣᨲᩴ ᩋᨲᩥᨠ᩠ᨠᩣᨾᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨴᩩᨲᩥᨿᩴ ᨸᩣᨴᩴ ᩋᨲᩥᨠ᩠ᨠᩣᨾᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᩋᨶ᩠ᨲᩮᩣᩈᩩᨦ᩠ᨠᨥᩣᨲᩮ ᨮᩥᨲᩮᩣ ᨻᩉᩥᩈᩩᨦ᩠ᨠᨥᩣᨲᩴ ᨸᩣᨲᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᩈᩩᨦ᩠ᨠᩴ ᨸᩁᩥᩉᩁᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

᪑᪑᪔. ᨸᩣᨱᩮᩣ ¶ ᨶᩣᨾ ᨾᨶᩩᩔᨸᩣᨱᩮᩣ ᩅᩩᨧ᩠ᨧᨲᩥ. ᨳᩮᨿ᩠ᨿᨧᩥᨲ᩠ᨲᩮᩣ ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨸᨴᩈᩣ ᨶᩮᩔᩣᨾᩦᨲᩥ ᨸᨮᨾᩴ ᨸᩣᨴᩴ ᩈᨦ᩠ᨠᩣᨾᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨴᩩᨲᩥᨿᩴ ᨸᩣᨴᩴ ᩈᨦ᩠ᨠᩣᨾᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᩋᨸᨴᩴ ¶ ᨶᩣᨾ ᩋᩉᩥ ᨾᨧ᩠ᨨᩣ. ᨸᨬ᩠ᨧᨾᩣᩈᨠᩴ ᩅᩣ ᩋᨲᩥᩁᩮᨠᨸᨬ᩠ᨧᨾᩣᩈᨠᩴ ᩅᩣ ᩋᨣ᩠ᨥᨶᨠᩴ ᨳᩮᨿ᩠ᨿᨧᩥᨲ᩠ᨲᩮᩣ ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

᪑᪑᪕. ᨴ᩠ᩅᩥᨸᨴᩴ ᨶᩣᨾ ᨾᨶᩩᩔᩣ, ᨸᨠ᩠ᨡᨩᩣᨲᩣ. ᨳᩮᨿ᩠ᨿᨧᩥᨲ᩠ᨲᩮᩣ ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨸᨴᩈᩣ ᨶᩮᩔᩣᨾᩦᨲᩥ ᨸᨮᨾᩴ ᨸᩣᨴᩴ ᩈᨦ᩠ᨠᩣᨾᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨴᩩᨲᩥᨿᩴ ᨸᩣᨴᩴ ᩈᨦ᩠ᨠᩣᨾᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

᪑᪑᪖. ᨧᨲᩩᨸ᩠ᨸᨴᩴ ᨶᩣᨾ – ᩉᨲ᩠ᨳᩦ ᩋᩔᩣ ᩒᨭ᩠ᨮᩣ ᨣᩮᩣᨱᩣ ᨣᨴᩕᨽᩣ ᨸᩈᩩᨠᩣ. ᨳᩮᨿ᩠ᨿᨧᩥᨲ᩠ᨲᩮᩣ ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨸᨴᩈᩣ ᨶᩮᩔᩣᨾᩦᨲᩥ ᨸᨮᨾᩴ ᨸᩣᨴᩴ ᩈᨦ᩠ᨠᩣᨾᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨴᩩᨲᩥᨿᩴ ᨸᩣᨴᩴ ᩈᨦ᩠ᨠᩣᨾᩮᨲᩥ, ᩌᨸᨲ᩠ᨲᩥ ¶ ᨳᩩᩃ᩠ᩃᨧ᩠ᨧᨿᩔ. ᨲᨲᩥᨿᩴ ᨸᩣᨴᩴ ᩈᨦ᩠ᨠᩣᨾᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨧᨲᩩᨲ᩠ᨳᩴ ᨸᩣᨴᩴ ᩈᨦ᩠ᨠᩣᨾᩮᨲᩥ, ᩌᨸᨲ᩠ᨲᩥ ¶ ᨸᩣᩁᩣᨩᩥᨠᩔ.

᪑᪑᪗. ᨻᩉᩩᨸ᩠ᨸᨴᩴ ᨶᩣᨾ – ᩅᩥᨧ᩠ᨨᩥᨠᩣ ᩈᨲᨸᨴᩦ ᩏᨧ᩠ᨧᩣᩃᩥᨦ᩠ᨣᨸᩣᨱᨠᩣ. ᨸᨬ᩠ᨧᨾᩣᩈᨠᩴ ᩅᩣ ᩋᨲᩥᩁᩮᨠᨸᨬ᩠ᨧᨾᩣᩈᨠᩴ ᩅᩣ ᩋᨣ᩠ᨥᨶᨠᩴ ᨳᩮᨿ᩠ᨿᨧᩥᨲ᩠ᨲᩮᩣ ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨸᨴᩈᩣ ᨶᩮᩔᩣᨾᩦᨲᩥ ᩈᨦ᩠ᨠᩣᨾᩮᨲᩥ, ᨸᨴᩮ ᨸᨴᩮ ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨸᨧ᩠ᨨᩥᨾᩴ ᨸᩣᨴᩴ ᩈᨦ᩠ᨠᩣᨾᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

᪑᪑᪘. ᩒᨧᩁᨠᩮᩣ ᨶᩣᨾ ᨽᨱ᩠ᨯᩴ ᩒᨧᩁᩥᨲ᩠ᩅᩣ ᩌᨧᩥᨠ᩠ᨡᨲᩥ – ‘‘ᩍᨲ᩠ᨳᨶ᩠ᨶᩣᨾᩴ ᨽᨱ᩠ᨯᩴ ᩋᩅᩉᩁᩣ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩮᩣ ᨲᩴ ᨽᨱ᩠ᨯᩴ ᩋᩅᩉᩁᨲᩥ, ᩌᨸᨲ᩠ᨲᩥ ᩏᨽᩥᨶ᩠ᨶᩴ ᨸᩣᩁᩣᨩᩥᨠᩔ.

ᩒᨱᩥᩁᨠ᩠ᨡᩮᩣ ¶ ᨶᩣᨾ ᩌᩉᨭᩴ ᨽᨱ᩠ᨯᩴ ᨣᩮᩣᨸᩮᨶ᩠ᨲᩮᩣ ᨸᨬ᩠ᨧᨾᩣᩈᨠᩴ ᩅᩣ ᩋᨲᩥᩁᩮᨠᨸᨬ᩠ᨧᨾᩣᩈᨠᩴ ᩅᩣ ᩋᨣ᩠ᨥᨶᨠᩴ ᨳᩮᨿ᩠ᨿᨧᩥᨲ᩠ᨲᩮᩣ ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᩈᩴᩅᩥᨴᩣᩅᩉᩣᩁᩮᩣ ᨶᩣᨾ ᩈᨾ᩠ᨻᩉᩩᩃᩣ ᩈᩴᩅᩥᨴᩉᩥᨲ᩠ᩅᩣ ᩑᨠᩮᩣ ᨽᨱ᩠ᨯᩴ ᩋᩅᩉᩁᨲᩥ, ᩌᨸᨲ᩠ᨲᩥ ᩈᨻ᩠ᨻᩮᩈᩴ ᨸᩣᩁᩣᨩᩥᨠᩔ.

᪑᪑᪙. ᩈᨦ᩠ᨠᩮᨲᨠᨾ᩠ᨾᩴ ¶ ᨶᩣᨾ ᩈᨦ᩠ᨠᩮᨲᩴ ᨠᩁᩮᩣᨲᩥ – ‘‘ᨸᩩᩁᩮᨽᨲ᩠ᨲᩴ ᩅᩣ ᨸᨧ᩠ᨨᩣᨽᨲ᩠ᨲᩴ ᩅᩣ ᩁᨲ᩠ᨲᩥᩴ ᩅᩣ ᨴᩥᩅᩣ ᩅᩣ ᨲᩮᨶ ᩈᨦ᩠ᨠᩮᨲᩮᨶ ᨲᩴ ᨽᨱ᩠ᨯᩴ ᩋᩅᩉᩁᩣ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨲᩮᨶ ᩈᨦ᩠ᨠᩮᨲᩮᨶ ᨲᩴ ᨽᨱ᩠ᨯᩴ ᩋᩅᩉᩁᨲᩥ, ᩌᨸᨲ᩠ᨲᩥ ᩏᨽᩥᨶ᩠ᨶᩴ ᨸᩣᩁᩣᨩᩥᨠᩔ. ᨲᩴ ᩈᨦ᩠ᨠᩮᨲᩴ ᨸᩩᩁᩮ ᩅᩣ ᨸᨧ᩠ᨨᩣ ¶ ᩅᩣ ᨲᩴ ᨽᨱ᩠ᨯᩴ ᩋᩅᩉᩁᨲᩥ, ᨾᩪᩃᨭ᩠ᨮᩔ ᩋᨶᩣᨸᨲ᩠ᨲᩥ. ᩋᩅᩉᩣᩁᨠᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

᪑᪒᪐. ᨶᩥᨾᩥᨲ᩠ᨲᨠᨾ᩠ᨾᩴ ᨶᩣᨾ ᨶᩥᨾᩥᨲ᩠ᨲᩴ ᨠᩁᩮᩣᨲᩥ. ᩋᨠ᩠ᨡᩥᩴ ᩅᩣ ᨶᩥᨡᨱᩥᩔᩣᨾᩥ ᨽᨾᩩᨠᩴ ᩅᩣ ᩏᨠ᩠ᨡᩥᨸᩥᩔᩣᨾᩥ ᩈᩦᩈᩴ ᩅᩣ ᩏᨠ᩠ᨡᩥᨸᩥᩔᩣᨾᩥ, ᨲᩮᨶ ᨶᩥᨾᩥᨲ᩠ᨲᩮᨶ ᨲᩴ ᨽᨱ᩠ᨯᩴ ᩋᩅᩉᩁᩣᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨲᩮᨶ ᨶᩥᨾᩥᨲ᩠ᨲᩮᨶ ᨲᩴ ᨽᨱ᩠ᨯᩴ ᩋᩅᩉᩁᨲᩥ, ᩌᨸᨲ᩠ᨲᩥ ᩏᨽᩥᨶ᩠ᨶᩴ ᨸᩣᩁᩣᨩᩥᨠᩔ. ᨲᩴ ᨶᩥᨾᩥᨲ᩠ᨲᩴ ᨸᩩᩁᩮ ᩅᩣ ᨸᨧ᩠ᨨᩣ ᩅᩣ ᨲᩴ ᨽᨱ᩠ᨯᩴ ᩋᩅᩉᩁᨲᩥ, ᨾᩪᩃᨭ᩠ᨮᩔ ᩋᨶᩣᨸᨲ᩠ᨲᩥ. ᩋᩅᩉᩣᩁᨠᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

᪑᪒᪑. ᨽᩥᨠ᩠ᨡᩩ ¶ ᨽᩥᨠ᩠ᨡᩩᩴ ᩌᨱᩣᨸᩮᨲᩥ – ‘‘ᩍᨲ᩠ᨳᨶ᩠ᨶᩣᨾᩴ ᨽᨱ᩠ᨯᩴ ᩋᩅᩉᩁᩣ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩮᩣ ᨲᩴ ᨾᨬ᩠ᨬᨾᩣᨶᩮᩣ ᨲᩴ ᩋᩅᩉᩁᨲᩥ, ᩌᨸᨲ᩠ᨲᩥ ᩏᨽᩥᨶ᩠ᨶᩴ ᨸᩣᩁᩣᨩᩥᨠᩔ.

ᨽᩥᨠ᩠ᨡᩩ ᨽᩥᨠ᩠ᨡᩩᩴ ᩌᨱᩣᨸᩮᨲᩥ – ‘‘ᩍᨲ᩠ᨳᨶ᩠ᨶᩣᨾᩴ ᨽᨱ᩠ᨯᩴ ᩋᩅᩉᩁᩣ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩮᩣ ᨲᩴ ᨾᨬ᩠ᨬᨾᩣᨶᩮᩣ ᩋᨬ᩠ᨬᩴ ᩋᩅᩉᩁᨲᩥ, ᨾᩪᩃᨭ᩠ᨮᩔ ᩋᨶᩣᨸᨲ᩠ᨲᩥ. ᩋᩅᩉᩣᩁᨠᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨽᩥᨠ᩠ᨡᩩ ᨽᩥᨠ᩠ᨡᩩᩴ ᩌᨱᩣᨸᩮᨲᩥ – ‘‘ᩍᨲ᩠ᨳᨶ᩠ᨶᩣᨾᩴ ᨽᨱ᩠ᨯᩴ ᩋᩅᩉᩁᩣ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩮᩣ ᩋᨬ᩠ᨬᩴ ᨾᨬ᩠ᨬᨾᩣᨶᩮᩣ ᨲᩴ ᩋᩅᩉᩁᨲᩥ, ᩌᨸᨲ᩠ᨲᩥ ᩏᨽᩥᨶ᩠ᨶᩴ ᨸᩣᩁᩣᨩᩥᨠᩔ.

ᨽᩥᨠ᩠ᨡᩩ ᨽᩥᨠ᩠ᨡᩩᩴ ᩌᨱᩣᨸᩮᨲᩥ – ‘‘ᩍᨲ᩠ᨳᨶ᩠ᨶᩣᨾᩴ ᨽᨱ᩠ᨯᩴ ᩋᩅᩉᩁᩣ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩮᩣ ᩋᨬ᩠ᨬᩴ ᨾᨬ᩠ᨬᨾᩣᨶᩮᩣ ᩋᨬ᩠ᨬᩴ ᩋᩅᩉᩁᨲᩥ, ᨾᩪᩃᨭ᩠ᨮᩔ ᩋᨶᩣᨸᨲ᩠ᨲᩥ. ᩋᩅᩉᩣᩁᨠᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨽᩥᨠ᩠ᨡᩩ ᨽᩥᨠ᩠ᨡᩩᩴ ᩌᨱᩣᨸᩮᨲᩥ – ‘‘ᩍᨲ᩠ᨳᨶ᩠ᨶᩣᨾᩔ ᨸᩣᩅᨴ – ‘ᩍᨲ᩠ᨳᨶ᩠ᨶᩣᨾᩮᩣ ᩍᨲ᩠ᨳᨶ᩠ᨶᩣᨾᩔ ᨸᩣᩅᨴᨲᩩ – ᩍᨲ᩠ᨳᨶ᩠ᨶᩣᨾᩮᩣ ᩍᨲ᩠ᨳᨶ᩠ᨶᩣᨾᩴ ¶ ᨽᨱ᩠ᨯᩴ ᩋᩅᩉᩁᨲᩪ’’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩮᩣ ᩍᨲᩁᩔ ᩌᩁᩮᩣᨧᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᩅᩉᩣᩁᨠᩮᩣ ᨸᨭᩥᨣ᩠ᨣᨱ᩠ᩉᩣᨲᩥ, ᨾᩪᩃᨭ᩠ᨮᩔ ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᩈᩮᩣ ᨲᩴ ᨽᨱ᩠ᨯᩴ ᩋᩅᩉᩁᨲᩥ, ᩌᨸᨲ᩠ᨲᩥ ᩈᨻ᩠ᨻᩮᩈᩴ ᨸᩣᩁᩣᨩᩥᨠᩔ.

ᨽᩥᨠ᩠ᨡᩩ ¶ ᨽᩥᨠ᩠ᨡᩩᩴ ᩌᨱᩣᨸᩮᨲᩥ – ‘‘ᩍᨲ᩠ᨳᨶ᩠ᨶᩣᨾᩔ ᨸᩣᩅᨴ – ‘ᩍᨲ᩠ᨳᨶ᩠ᨶᩣᨾᩮᩣ ᩍᨲ᩠ᨳᨶ᩠ᨶᩣᨾᩔ ᨸᩣᩅᨴᨲᩩ – ᩍᨲ᩠ᨳᨶ᩠ᨶᩣᨾᩮᩣ ᩍᨲ᩠ᨳᨶ᩠ᨶᩣᨾᩴ ᨽᨱ᩠ᨯᩴ ᩋᩅᩉᩁᨲᩪ’’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩮᩣ ᩋᨬ᩠ᨬᩴ ᩌᨱᩣᨸᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᩅᩉᩣᩁᨠᩮᩣ ᨸᨭᩥᨣ᩠ᨣᨱ᩠ᩉᩣᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩮᩣ ᨲᩴ ᨽᨱ᩠ᨯᩴ ᩋᩅᩉᩁᨲᩥ, ᨾᩪᩃᨭ᩠ᨮᩔ ᩋᨶᩣᨸᨲ᩠ᨲᩥ. ᩌᨱᩣᨸᨠᩔ ᨧ ᩋᩅᩉᩣᩁᨠᩔ ᨧ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨽᩥᨠ᩠ᨡᩩ ᨽᩥᨠ᩠ᨡᩩᩴ ᩌᨱᩣᨸᩮᨲᩥ – ‘‘ᩍᨲ᩠ᨳᨶ᩠ᨶᩣᨾᩴ ¶ ᨽᨱ᩠ᨯᩴ ᩋᩅᩉᩁᩣ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩮᩣ ᨣᨶ᩠ᨲ᩠ᩅᩣ ᨸᩩᨶ ᨸᨧ᩠ᨧᩣᨣᨧ᩠ᨨᨲᩥ – ‘‘ᨶᩣᩉᩴ ᩈᨠ᩠ᨠᩮᩣᨾᩥ ᨲᩴ ᨽᨱ᩠ᨯᩴ ᩋᩅᩉᩁᩥᨲᩩ’’ᨶ᩠ᨲᩥ. ᩈᩮᩣ ᨸᩩᨶ ᩌᨱᩣᨸᩮᨲᩥ – ‘‘ᨿᨴᩣ ᩈᨠ᩠ᨠᩮᩣᩈᩥ ᨲᨴᩣ ᨲᩴ ᨽᨱ᩠ᨯᩴ ᩋᩅᩉᩁᩣ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩮᩣ ᨲᩴ ᨽᨱ᩠ᨯᩴ ᩋᩅᩉᩁᨲᩥ, ᩌᨸᨲ᩠ᨲᩥ ᩏᨽᩥᨶ᩠ᨶᩴ ᨸᩣᩁᩣᨩᩥᨠᩔ.

ᨽᩥᨠ᩠ᨡᩩ ¶ ᨽᩥᨠ᩠ᨡᩩᩴ ᩌᨱᩣᨸᩮᨲᩥ – ‘‘ᩍᨲ᩠ᨳᨶ᩠ᨶᩣᨾᩴ ᨽᨱ᩠ᨯᩴ ᩋᩅᩉᩁᩣ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩮᩣ ᩌᨱᩣᨸᩮᨲ᩠ᩅᩣ ᩅᩥᨸ᩠ᨸᨭᩥᩈᩣᩁᩦ ᨶ ᩈᩣᩅᩮᨲᩥ – ‘‘ᨾᩣ ᩋᩅᩉᩁᩦ’’ᨲᩥ. ᩈᩮᩣ ᨲᩴ ᨽᨱ᩠ᨯᩴ ᩋᩅᩉᩁᨲᩥ, ᩌᨸᨲ᩠ᨲᩥ ᩏᨽᩥᨶ᩠ᨶᩴ ᨸᩣᩁᩣᨩᩥᨠᩔ.

ᨽᩥᨠ᩠ᨡᩩ ᨽᩥᨠ᩠ᨡᩩᩴ ᩌᨱᩣᨸᩮᨲᩥ – ‘‘ᩍᨲ᩠ᨳᨶ᩠ᨶᩣᨾᩴ ᨽᨱ᩠ᨯᩴ ᩋᩅᩉᩁᩣ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩮᩣ ᩌᨱᩣᨸᩮᨲ᩠ᩅᩣ ᩅᩥᨸ᩠ᨸᨭᩥᩈᩣᩁᩦ ᩈᩣᩅᩮᨲᩥ – ‘‘ᨾᩣ ᩋᩅᩉᩁᩦ’’ᨲᩥ. ᩈᩮᩣ ‘‘ᩌᨱᨲ᩠ᨲᩮᩣ ᩋᩉᩴ ᨲᨿᩣ’’ᨲᩥ, ᨲᩴ ᨽᨱ᩠ᨯᩴ ᩋᩅᩉᩁᨲᩥ, ᨾᩪᩃᨭ᩠ᨮᩔ ᩋᨶᩣᨸᨲ᩠ᨲᩥ. ᩋᩅᩉᩣᩁᨠᩔ ¶ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨽᩥᨠ᩠ᨡᩩ ᨽᩥᨠ᩠ᨡᩩᩴ ᩌᨱᩣᨸᩮᨲᩥ – ‘‘ᩍᨲ᩠ᨳᨶ᩠ᨶᩣᨾᩴ ᨽᨱ᩠ᨯᩴ ᩋᩅᩉᩁᩣ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩮᩣ ᩌᨱᩣᨸᩮᨲ᩠ᩅᩣ ᩅᩥᨸ᩠ᨸᨭᩥᩈᩣᩁᩦ ᩈᩣᩅᩮᨲᩥ – ‘‘ᨾᩣ ᩋᩅᩉᩁᩦ’’ᨲᩥ. ᩈᩮᩣ ‘‘ᩈᩣᨵᩪ’’ᨲᩥ [ᩈᩩᨭ᩠ᨮᩪᨲᩥ (ᨠ.)]? ᩒᩁᨾᨲᩥ, ᩏᨽᩥᨶ᩠ᨶᩴ ᩋᨶᩣᨸᨲ᩠ᨲᩥ.

᪑᪒᪒. ᨸᨬ᩠ᨧᩉᩥ ᩌᨠᩣᩁᩮᩉᩥ ᩋᨴᩥᨶ᩠ᨶᩴ ᩌᨴᩥᨿᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᨸᩁᨸᩁᩥᨣ᩠ᨣᩉᩥᨲᨬ᩠ᨧ ᩉᩮᩣᨲᩥ, ᨸᩁᨸᩁᩥᨣ᩠ᨣᩉᩥᨲᩈᨬ᩠ᨬᩦ ᨧ, ᨣᩁᩩᨠᩮᩣ ᨧ ᩉᩮᩣᨲᩥ ᨸᩁᩥᨠ᩠ᨡᩣᩁᩮᩣ, ᨸᨬ᩠ᨧᨾᩣᩈᨠᩮᩣ ᩅᩣ ᩋᨲᩥᩁᩮᨠᨸᨬ᩠ᨧᨾᩣᩈᨠᩮᩣ ᩅᩣ, ᨳᩮᨿ᩠ᨿᨧᩥᨲ᩠ᨲᨬ᩠ᨧ ᨸᨧ᩠ᨧᩩᨸᨭ᩠ᨮᩥᨲᩴ ᩉᩮᩣᨲᩥ. ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

᪑᪒᪓. ᨸᨬ᩠ᨧᩉᩥ ᩌᨠᩣᩁᩮᩉᩥ ᩋᨴᩥᨶ᩠ᨶᩴ ᩌᨴᩥᨿᨶ᩠ᨲᩔ ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ – ᨸᩁᨸᩁᩥᨣ᩠ᨣᩉᩥᨲᨬ᩠ᨧ ᩉᩮᩣᨲᩥ, ᨸᩁᨸᩁᩥᨣ᩠ᨣᩉᩥᨲᩈᨬ᩠ᨬᩦ ᨧ, ᩃᩉᩩᨠᩮᩣ ᨧ ᩉᩮᩣᨲᩥ ᨸᩁᩥᨠ᩠ᨡᩣᩁᩮᩣ, ᩋᨲᩥᩁᩮᨠᨾᩣᩈᨠᩮᩣ ¶ ᩅᩣ ᩐᨶᨸᨬ᩠ᨧᨾᩣᩈᨠᩮᩣ ᩅᩣ, ᨳᩮᨿ᩠ᨿᨧᩥᨲ᩠ᨲᨬ᩠ᨧ ᨸᨧ᩠ᨧᩩᨸᨭ᩠ᨮᩥᨲᩴ ᩉᩮᩣᨲᩥ. ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ.

᪑᪒᪔. ᨸᨬ᩠ᨧᩉᩥ ᩌᨠᩣᩁᩮᩉᩥ ᩋᨴᩥᨶ᩠ᨶᩴ ᩌᨴᩥᨿᨶ᩠ᨲᩔ ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨸᩁᨸᩁᩥᨣ᩠ᨣᩉᩥᨲᨬ᩠ᨧ ᩉᩮᩣᨲᩥ, ᨸᩁᨸᩁᩥᨣ᩠ᨣᩉᩥᨲᩈᨬ᩠ᨬᩦ ᨧ, ᩃᩉᩩᨠᩮᩣ ᨧ ᩉᩮᩣᨲᩥ ᨸᩁᩥᨠ᩠ᨡᩣᩁᩮᩣ, ᨾᩣᩈᨠᩮᩣ ᩅᩣ ᩐᨶᨾᩣᩈᨠᩮᩣ ᩅᩣ, ᨳᩮᨿ᩠ᨿᨧᩥᨲ᩠ᨲᨬ᩠ᨧ ᨸᨧ᩠ᨧᩩᨸᨭ᩠ᨮᩥᨲᩴ ᩉᩮᩣᨲᩥ. ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

᪑᪒᪕. ᨨᩉᩥ ᩌᨠᩣᩁᩮᩉᩥ ᩋᨴᩥᨶ᩠ᨶᩴ ᩌᨴᩥᨿᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨶ ¶ ᨧ ᩈᨠᩈᨬ᩠ᨬᩦ, ᨶ ᨧ ᩅᩥᩔᩣᩈᨣ᩠ᨣᩣᩉᩦ, ᨶ ᨧ ᨲᩣᩅᨠᩣᩃᩥᨠᩴ, ᨣᩁᩩᨠᩮᩣ ᨧ ᩉᩮᩣᨲᩥ ¶ ᨸᩁᩥᨠ᩠ᨡᩣᩁᩮᩣ, ᨸᨬ᩠ᨧᨾᩣᩈᨠᩮᩣ ᩅᩣ ᩋᨲᩥᩁᩮᨠᨸᨬ᩠ᨧᨾᩣᩈᨠᩮᩣ ᩅᩣ, ᨳᩮᨿ᩠ᨿᨧᩥᨲ᩠ᨲᨬ᩠ᨧ ᨸᨧ᩠ᨧᩩᨸᨭ᩠ᨮᩥᨲᩴ ᩉᩮᩣᨲᩥ. ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩈ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

᪑᪒᪖. ᨨᩉᩥ ᩌᨠᩣᩁᩮᩉᩥ ᩋᨴᩥᨶ᩠ᨶᩴ ᩌᨴᩥᨿᨶ᩠ᨲᩔ ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨶ ᨧ ᩈᨠᩈᨬ᩠ᨬᩦ, ᨶ ᨧ ᩅᩥᩔᩣᩈᨣ᩠ᨣᩣᩉᩦ, ᨶ ᨧ ᨲᩣᩅᨠᩣᩃᩥᨠᩴ, ᩃᩉᩩᨠᩮᩣ ᨧ ᩉᩮᩣᨲᩥ ᨸᩁᩥᨠ᩠ᨡᩣᩁᩮᩣ ᩋᨲᩥᩁᩮᨠᨾᩣᩈᨠᩮᩣ ¶ ᩅᩣ ᩐᨶᨸᨬ᩠ᨧᨾᩣᩈᨠᩮᩣ ᩅᩣ, ᨳᩮᨿ᩠ᨿᨧᩥᨲ᩠ᨲᨬ᩠ᨧ ᨸᨧ᩠ᨧᩩᨸᨭ᩠ᨮᩥᨲᩴ ᩉᩮᩣᨲᩥ. ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ.

᪑᪒᪗. ᨨᩉᩥ ᩌᨠᩣᩁᩮᩉᩥ ᩋᨴᩥᨶ᩠ᨶᩴ ᩌᨴᩥᨿᨶ᩠ᨲᩔ ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨶ ᨧ ᩈᨠᩈᨬ᩠ᨬᩦ, ᨶ ᨧ ᩅᩥᩔᩣᩈᨣ᩠ᨣᩣᩉᩦ, ᨶ ᨧ ᨲᩣᩅᨠᩣᩃᩥᨠᩴ, ᩃᩉᩩᨠᩮᩣ ᨧ ᩉᩮᩣᨲᩥ ᨸᩁᩥᨠ᩠ᨡᩣᩁᩮᩣ, ᨾᩣᩈᨠᩮᩣ ᩅᩣ ᩐᨶᨾᩣᩈᨠᩮᩣ ᩅᩣ, ᨳᩮᨿ᩠ᨿᨧᩥᨲ᩠ᨲᨬ᩠ᨧ ᨸᨧ᩠ᨧᩩᨸᨭ᩠ᨮᩥᨲᩴ ᩉᩮᩣᨲᩥ. ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

᪑᪒᪘. ᨸᨬ᩠ᨧᩉᩥ ᩌᨠᩣᩁᩮᩉᩥ ᩋᨴᩥᨶ᩠ᨶᩴ ᩌᨴᩥᨿᨶ᩠ᨲᩔ ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨶ ᨧ ᨸᩁᨸᩁᩥᨣ᩠ᨣᩉᩥᨲᩴ ᩉᩮᩣᨲᩥ, ᨸᩁᨸᩁᩥᨣ᩠ᨣᩉᩥᨲᩈᨬ᩠ᨬᩦ ᨧ, ᨣᩁᩩᨠᩮᩣ ᨧ ᩉᩮᩣᨲᩥ ᨸᩁᩥᨠ᩠ᨡᩣᩁᩮᩣ, ᨸᨬ᩠ᨧᨾᩣᩈᨠᩮᩣ ᩅᩣ ᩋᨲᩥᩁᩮᨠᨸᨬ᩠ᨧᨾᩣᩈᨠᩮᩣ ᩅᩣ, ᨳᩮᨿ᩠ᨿᨧᩥᨲ᩠ᨲᨬ᩠ᨧ ᨸᨧ᩠ᨧᩩᨸᨭ᩠ᨮᩥᨲᩴ ᩉᩮᩣᨲᩥ. ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

᪑᪒᪙. ᨸᨬ᩠ᨧᩉᩥ ¶ ᩌᨠᩣᩁᩮᩉᩥ ᩋᨴᩥᨶ᩠ᨶᩴ ᩌᨴᩥᨿᨶ᩠ᨲᩔ ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨶ ¶ ᨧ ᨸᩁᨸᩁᩥᨣ᩠ᨣᩉᩥᨲᩴ ᩉᩮᩣᨲᩥ, ᨸᩁᨸᩁᩥᨣ᩠ᨣᩉᩥᨲᩈᨬ᩠ᨬᩦ ᨧ, ᩃᩉᩩᨠᩮᩣ ᨧ ᩉᩮᩣᨲᩥ ᨸᩁᩥᨠ᩠ᨡᩣᩁᩮᩣ, ᩋᨲᩥᩁᩮᨠᨾᩣᩈᨠᩮᩣ ᩅᩣ ᩐᨶᨸᨬ᩠ᨧᨾᩣᩈᨠᩮᩣ ᩅᩣ, ᨳᩮᨿ᩠ᨿᨧᩥᨲ᩠ᨲᨬ᩠ᨧ ᨸᨧ᩠ᨧᩩᨸᨭ᩠ᨮᩥᨲᩴ ᩉᩮᩣᨲᩥ. ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

᪑᪓᪐. ᨸᨬ᩠ᨧᩉᩥ ᩌᨠᩣᩁᩮᩉᩥ ᩋᨴᩥᨶ᩠ᨶᩴ ᩌᨴᩥᨿᨶ᩠ᨲᩔ ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨶ ᨧ ᨸᩁᨸᩁᩥᨣ᩠ᨣᩉᩥᨲᩴ ᩉᩮᩣᨲᩥ, ᨸᩁᨸᩁᩥᨣ᩠ᨣᩉᩥᨲᩈᨬ᩠ᨬᩦ ᨧ, ᩃᩉᩩᨠᩮᩣ ᨧ ᩉᩮᩣᨲᩥ ᨸᩁᩥᨠ᩠ᨡᩣᩁᩮᩣ, ᨾᩣᩈᨠᩮᩣ ᩅᩣ ᩐᨶᨾᩣᩈᨠᩮᩣ ᩅᩣ, ᨳᩮᨿ᩠ᨿᨧᩥᨲ᩠ᨲᨬ᩠ᨧ ᨸᨧ᩠ᨧᩩᨸᨭ᩠ᨮᩥᨲᩴ ᩉᩮᩣᨲᩥ. ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨹᨶ᩠ᨴᩣᨸᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨮᩣᨶᩣ ᨧᩣᩅᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

᪑᪓᪑. ᩋᨶᩣᨸᨲ᩠ᨲᩥ ¶ ᩈᩈᨬ᩠ᨬᩥᩔ, ᩅᩥᩔᩣᩈᨣ᩠ᨣᩣᩉᩮ, ᨲᩣᩅᨠᩣᩃᩥᨠᩮ, ᨸᩮᨲᨸᩁᩥᨣ᩠ᨣᩉᩮ, ᨲᩥᩁᨧ᩠ᨨᩣᨶᨣᨲᨸᩁᩥᨣ᩠ᨣᩉᩮ, ᨸᩴᩈᩩᨠᩪᩃᩈᨬ᩠ᨬᩥᩔ, ᩏᨾ᩠ᨾᨲ᩠ᨲᨠᩔ, (ᨡᩥᨲ᩠ᨲᨧᩥᨲ᩠ᨲᩔ ᩅᩮᨴᨶᩣᨭ᩠ᨭᩔ) [(ᨡᩥᨲ᩠ᨲᨧᩥᨲ᩠ᨲᩔ ᩅᩮᨴᨶᩣᨭ᩠ᨭᩔ) ᨠᨲ᩠ᨳᨧᩥ ᨶᨲ᩠ᨳᩥ] ᩌᨴᩥᨠᨾ᩠ᨾᩥᨠᩔᩣᨲᩥ.

ᩋᨴᩥᨶ᩠ᨶᩣᨴᩣᨶᨾ᩠ᩉᩥ ᨸᨮᨾᨽᩣᨱᩅᩣᩁᩮᩣ ᨶᩥᨭ᩠ᨮᩥᨲᩮᩣ.

ᩅᩥᨶᩦᨲᩅᨲ᩠ᨳᩩᩏᨴ᩠ᨴᩣᨶᨣᩣᨳᩣ

ᩁᨩᨠᩮᩉᩥ ᨸᨬ᩠ᨧ ᩋᨠ᩠ᨡᩣᨲᩣ, ᨧᨲᩩᩁᩮᩣ ᩋᨲ᩠ᨳᩁᨱᩮᩉᩥ ᨧ;

ᩋᨶ᩠ᨵᨠᩣᩁᩮᨶ ᩅᩮ ᨸᨬ᩠ᨧ, ᨸᨬ᩠ᨧ ᩉᩣᩁᨱᨠᩮᨶ ᨧ.

ᨶᩥᩁᩩᨲ᩠ᨲᩥᨿᩣ ᨸᨬ᩠ᨧ ᩋᨠ᩠ᨡᩣᨲᩣ, ᩅᩣᨲᩮᩉᩥ ᩋᨸᩁᩮ ᨴᩩᩅᩮ;

ᩋᩈᨾ᩠ᨽᩥᨶ᩠ᨶᩮ ᨠᩩᩈᩣᨸᩣᨲᩮᩣ, ᨩᨶ᩠ᨲᨣ᩠ᨣᩮᨶ [ᨩᨶ᩠ᨲᩣᨥᩁᩮᨶ (ᩈ᩠ᨿᩣ.)] ᩈᩉᩣ ᨴᩈ.

ᩅᩥᨥᩣᩈᩮᩉᩥ ᨸᨬ᩠ᨧ ᩋᨠ᩠ᨡᩣᨲᩣ, ᨸᨬ᩠ᨧ ᨧᩮᩅ ᩋᨾᩪᩃᨠᩣ;

ᨴᩩᨻ᩠ᨽᩥᨠ᩠ᨡᩮ ᨠᩩᩁᨾᩴᩈᨬ᩠ᨧ [ᨠᩪᩁᨾᩴᩈᨬ᩠ᨧ (ᩈ᩠ᨿᩣ.)], ᨸᩪᩅᩈᨠ᩠ᨡᩃᩥᨾᩮᩣᨴᨠᩣ.

ᨨᨸᩁᩥᨠ᩠ᨡᩣᩁᨳᩅᩥᨠᩣ ¶ , ᨽᩥᩈᩥᩅᩴᩈᩣ ᨶ ᨶᩥᨠ᩠ᨡᨾᩮ;

ᨡᩣᨴᨶᩦᨿᨬ᩠ᨧ ᩅᩥᩔᩣᩈᩴ, ᩈᩈᨬ᩠ᨬᩣᨿᨸᩁᩮ ᨴᩩᩅᩮ.

ᩈᨲ᩠ᨲ ¶ ᨶᩣᩅᩉᩁᩣᨾᩣᨲᩥ, ᩈᨲ᩠ᨲ ᨧᩮᩅ ᩋᩅᩣᩉᩁᩩᩴ;

ᩈᨦ᩠ᨥᩔ ᩋᩅᩉᩁᩩᩴ ᩈᨲ᩠ᨲ, ᨸᩩᨸ᩠ᨹᩮᩉᩥ ᩋᨸᩁᩮ ᨴᩩᩅᩮ.

ᨲᨿᩮᩣ ᨧ ᩅᩩᨲ᩠ᨲᩅᩣᨴᩥᨶᩮᩣ, ᨾᨱᩥ ᨲᩦᨱᩥ ᩋᨲᩥᨠ᩠ᨠᨾᩮ;

ᩈᩪᨠᩁᩣ ᨧ ᨾᩥᨣᩣ ᨾᨧ᩠ᨨᩣ, ᨿᩣᨶᨬ᩠ᨧᩣᨸᩥ ᨸᩅᨲ᩠ᨲᨿᩥ.

ᨴᩩᩅᩮ ᨸᩮᩈᩦ ᨴᩩᩅᩮ ᨴᩣᩁᩪ, ᨸᩴᩈᩩᨠᩪᩃᩴ ᨴᩩᩅᩮ ᨴᨠᩣ;

ᩋᨶᩩᨸᩩᨻ᩠ᨻᩅᩥᨵᩣᨶᩮᨶ ¶ , ᨲᨴᨬ᩠ᨬᩮᩣ ᨶ ᨸᩁᩥᨸᩪᩁᨿᩥ.

ᩈᩣᩅᨲ᩠ᨳᩥᨿᩣ ¶ ᨧᨲᩩᩁᩮᩣ ᨾᩩᨭ᩠ᨮᩦ, ᨴ᩠ᩅᩮ ᩅᩥᨥᩣᩈᩣ ᨴᩩᩅᩮ ᨲᩥᨱᩣ;

ᩈᨦ᩠ᨥᩔ ᨽᩣᨩᨿᩩᩴ ᩈᨲ᩠ᨲ, ᩈᨲ᩠ᨲ ᨧᩮᩅ ᩋᩔᩣᨾᩥᨠᩣ.

ᨴᩣᩁᩩᨴᨠᩣ ᨾᨲ᩠ᨲᩥᨠᩣ ᨴ᩠ᩅᩮ ᨲᩥᨱᩣᨶᩥ;

ᩈᨦ᩠ᨥᩔ ᩈᨲ᩠ᨲ ᩋᩅᩉᩣᩈᩥ ᩈᩮᨿ᩠ᨿᩴ;

ᩈᩔᩣᨾᩥᨠᩴ ᨶ ᨧᩣᨸᩥ ᨶᩦᩉᩁᩮᨿ᩠ᨿ;

ᩉᩁᩮᨿ᩠ᨿ ᩈᩔᩣᨾᩥᨠᩴ ᨲᩣᩅᨠᩣᩃᩥᨠᩴ.

ᨧᨾ᩠ᨸᩣ ᩁᩣᨩᨣᩉᩮ ᨧᩮᩅ, ᩅᩮᩈᩣᩃᩥᨿᩣ ᨧ ᩋᨩ᩠ᨩᩩᨠᩮᩣ;

ᨻᩣᩁᩣᨱᩈᩦ ᨧ ᨠᩮᩣᩈᨾ᩠ᨻᩦ, ᩈᩣᨣᩃᩣ ᨴᩊ᩠ᩉᩥᨠᩮᨶ ᨧᩣᨲᩥ.

ᩅᩥᨶᩦᨲᩅᨲ᩠ᨳᩩ

᪑᪓᪒. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᩁᨩᨠᨲ᩠ᨳᩁᨱᩴ ᨣᨶ᩠ᨲ᩠ᩅᩣ ᩁᨩᨠᨽᨱ᩠ᨯᩥᨠᩴ ᩋᩅᩉᩁᩥᩴᩈᩩ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ – ‘‘ᨽᨣᩅᨲᩣ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ. ᨠᨧ᩠ᨧᩥ ᨶᩩ ᨡᩮᩣ ᨾᨿᩴ ᨸᩣᩁᩣᨩᩥᨠᩴ ᩌᨸᨲ᩠ᨲᩥᩴ ᩌᨸᨶ᩠ᨶᩣ’’ᨲᩥ ¶ . ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ‘‘ᩌᨸᨲ᩠ᨲᩥᩴ ᨲᩩᨾ᩠ᩉᩮ, ᨽᩥᨠ᩠ᨡᩅᩮ, ᩌᨸᨶ᩠ᨶᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩁᨩᨠᨲ᩠ᨳᩁᨱᩴ ᨣᨶ᩠ᨲ᩠ᩅᩣ ᨾᩉᨣ᩠ᨥᩴ ᨴᩩᩔᩴ ᨸᩔᩥᨲ᩠ᩅᩣ ᨳᩮᨿ᩠ᨿᨧᩥᨲ᩠ᨲᩴ ᩏᨸ᩠ᨸᩣᨴᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ – ‘‘ᨽᨣᩅᨲᩣ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ, ᨠᨧ᩠ᨧᩥ ᨶᩩ ᨡᩮᩣ ¶ ᩋᩉᩴ ᨸᩣᩁᩣᨩᩥᨠᩴ ᩌᨸᨲ᩠ᨲᩥᩴ ᩌᨸᨶ᩠ᨶᩮᩣ’’ᨲᩥ? ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨧᩥᨲ᩠ᨲᩩᨸ᩠ᨸᩣᨴᩮ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩁᨩᨠᨲ᩠ᨳᩁᨱᩴ ᨣᨶ᩠ᨲ᩠ᩅᩣ ᨾᩉᨣ᩠ᨥᩴ ᨴᩩᩔᩴ ᨸᩔᩥᨲ᩠ᩅᩣ ᨳᩮᨿ᩠ᨿᨧᩥᨲ᩠ᨲᩮᩣ ᩌᨾᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ. ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩁᨩᨠᨲ᩠ᨳᩁᨱᩴ ᨣᨶ᩠ᨲ᩠ᩅᩣ ᨾᩉᨣ᩠ᨥᩴ ᨴᩩᩔᩴ ᨸᩔᩥᨲ᩠ᩅᩣ ᨳᩮᨿ᩠ᨿᨧᩥᨲ᩠ᨲᩮᩣ ᨹᨶ᩠ᨴᩣᨸᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ. ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩁᨩᨠᨲ᩠ᨳᩁᨱᩴ ᨣᨶ᩠ᨲ᩠ᩅᩣ ᨾᩉᨣ᩠ᨥᩴ ᨴᩩᩔᩴ ᨸᩔᩥᨲ᩠ᩅᩣ ᨳᩮᨿ᩠ᨿᨧᩥᨲ᩠ᨲᩮᩣ ᨮᩣᨶᩣ ᨧᩣᩅᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

᪑᪓᪓. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨸᩥᨱ᩠ᨯᨧᩣᩁᩥᨠᩮᩣ ᨽᩥᨠ᩠ᨡᩩ ᨾᩉᨣ᩠ᨥᩴ ᩏᨲ᩠ᨲᩁᨲ᩠ᨳᩁᨱᩴ ᨸᩔᩥᨲ᩠ᩅᩣ ᨳᩮᨿ᩠ᨿᨧᩥᨲ᩠ᨲᩴ ᩏᨸ᩠ᨸᩣᨴᩮᩈᩥ…ᨸᩮ… ᨳᩮᨿ᩠ᨿᨧᩥᨲ᩠ᨲᩮᩣ ᩌᨾᩈᩥ…ᨸᩮ… ¶ ᨳᩮᨿ᩠ᨿᨧᩥᨲ᩠ᨲᩮᩣ ᨹᨶ᩠ᨴᩣᨸᩮᩈᩥ…ᨸᩮ… ᨳᩮᨿ᩠ᨿᨧᩥᨲ᩠ᨲᩮᩣ ᨮᩣᨶᩣ ᨧᩣᩅᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

᪑᪓᪔. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨴᩥᩅᩣ ᨽᨱ᩠ᨯᩴ ᨸᩔᩥᨲ᩠ᩅᩣ ᨶᩥᨾᩥᨲ᩠ᨲᩴ ᩋᨠᩣᩈᩥ – ‘ᩁᨲ᩠ᨲᩥᩴ ᩋᩅᩉᩁᩥᩔᩣᨾᩦ’ᨲᩥ. ᩈᩮᩣ ᨲᩴ ᨾᨬ᩠ᨬᨾᩣᨶᩮᩣ ᨲᩴ ᩋᩅᩉᩁᩥ…ᨸᩮ… ᨲᩴ ᨾᨬ᩠ᨬᨾᩣᨶᩮᩣ ᩋᨬ᩠ᨬᩴ ᩋᩅᩉᩁᩥ…ᨸᩮ… ᩋᨬ᩠ᨬᩴ ᨾᨬ᩠ᨬᨾᩣᨶᩮᩣ ᨲᩴ ᩋᩅᩉᩁᩥ…ᨸᩮ… ᩋᨬ᩠ᨬᩴ ᨾᨬ᩠ᨬᨾᩣᨶᩮᩣ ᩋᨬ᩠ᨬᩴ ᩋᩅᩉᩁᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ ¶ .

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨴᩥᩅᩣ ᨽᨱ᩠ᨯᩴ ᨸᩔᩥᨲ᩠ᩅᩣ ᨶᩥᨾᩥᨲ᩠ᨲᩴ ᩋᨠᩣᩈᩥ – ‘‘ᩁᨲ᩠ᨲᩥᩴ ᩋᩅᩉᩁᩥᩔᩣᨾᩦ’’ᨲᩥ. ᩈᩮᩣ ᨲᩴ ᨾᨬ᩠ᨬᨾᩣᨶᩮᩣ ᩋᨲ᩠ᨲᨶᩮᩣ ᨽᨱ᩠ᨯᩴ ᩋᩅᩉᩁᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ. ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩋᨬ᩠ᨬᩔ ᨽᨱ᩠ᨯᩴ ᩉᩁᨶ᩠ᨲᩮᩣ ᩈᩦᩈᩮ ᨽᩣᩁᩴ ᨳᩮᨿ᩠ᨿᨧᩥᨲ᩠ᨲᩮᩣ ᩌᨾᩈᩥ…ᨸᩮ… ᨳᩮᨿ᩠ᨿᨧᩥᨲ᩠ᨲᩮᩣ ᨹᨶ᩠ᨴᩣᨸᩮᩈᩥ…ᨸᩮ… ᨳᩮᨿ᩠ᨿᨧᩥᨲ᩠ᨲᩮᩣ ᨡᨶ᩠ᨵᩴ ᩒᩁᩮᩣᨸᩮᩈᩥ…ᨸᩮ… ¶ ᨡᨶ᩠ᨵᩮ ᨽᩣᩁᩴ ᨳᩮᨿ᩠ᨿᨧᩥᨲ᩠ᨲᩮᩣ ᩌᨾᩈᩥ…ᨸᩮ… ᨳᩮᨿ᩠ᨿᨧᩥᨲ᩠ᨲᩮᩣ ᨹᨶ᩠ᨴᩣᨸᩮᩈᩥ…ᨸᩮ… ᨳᩮᨿ᩠ᨿᨧᩥᨲ᩠ᨲᩮᩣ ᨠᨭᩥᩴ ᩒᩁᩮᩣᨸᩮᩈᩥ…ᨸᩮ… ᨠᨭᩥᨿᩣ ᨽᩣᩁᩴ ᨳᩮᨿ᩠ᨿᨧᩥᨲ᩠ᨲᩮᩣ ᩌᨾᩈᩥ…ᨸᩮ… ᨳᩮᨿ᩠ᨿᨧᩥᨲ᩠ᨲᩮᩣ ᨹᨶ᩠ᨴᩣᨸᩮᩈᩥ…ᨸᩮ… ᨳᩮᨿ᩠ᨿᨧᩥᨲ᩠ᨲᩮᩣ ᩉᨲ᩠ᨳᩮᨶ ᩋᨣ᩠ᨣᩉᩮᩈᩥ…ᨸᩮ… ᩉᨲ᩠ᨳᩮ ᨽᩣᩁᩴ ᨳᩮᨿ᩠ᨿᨧᩥᨲ᩠ᨲᩮᩣ ᨽᩪᨾᩥᨿᩴ ᨶᩥᨠ᩠ᨡᩥᨸᩥ…ᨸᩮ… ᨳᩮᨿ᩠ᨿᨧᩥᨲ᩠ᨲᩮᩣ ᨽᩪᨾᩥᨲᩮᩣ ᩋᨣ᩠ᨣᩉᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

᪑᪓᪕. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩋᨩ᩠ᨫᩮᩣᨠᩣᩈᩮ ᨧᩦᩅᩁᩴ ᨸᨲ᩠ᨳᩁᩥᨲ᩠ᩅᩣ ᩅᩥᩉᩣᩁᩴ ᨸᩣᩅᩥᩈᩥ. ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ – ‘ᨾᩣᨿᩥᨴᩴ ᨧᩦᩅᩁᩴ ᨶᩔᩦ’ᨲᩥ, ᨸᨭᩥᩈᩣᨾᩮᩈᩥ. ᩈᩮᩣ ᨶᩥᨠ᩠ᨡᨾᩥᨲ᩠ᩅᩣ ᨲᩴ ᨽᩥᨠ᩠ᨡᩩᩴ ᨸᩩᨧ᩠ᨨᩥ – ‘‘ᩌᩅᩩᩈᩮᩣ, ᨾᨿ᩠ᩉᩴ ᨧᩦᩅᩁᩴ ᨠᩮᨶ ᩋᩅᩉᨭ’’ᨶ᩠ᨲᩥ ¶ ? ᩈᩮᩣ ᩑᩅᨾᩣᩉ – ‘‘ᨾᨿᩣ ᩋᩅᩉᨭ’’ᨶ᩠ᨲᩥ. ‘‘ᩈᩮᩣ ᨲᩴ ᩌᨴᩥᨿᩥ, ᩋᩔᨾᨱᩮᩣᩈᩥ ᨲ᩠ᩅ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ…. ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ‘‘ᨠᩥᩴᨧᩥᨲ᩠ᨲᩮᩣ ᨲ᩠ᩅᩴ, ᨽᩥᨠ᩠ᨡᩪ’’ᨲᩥ? ‘‘ᨶᩥᩁᩩᨲ᩠ᨲᩥᨸᨳᩮᩣ ᩋᩉᩴ, ᨽᨣᩅᩣ’’ᨲᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨶᩥᩁᩩᨲ᩠ᨲᩥᨸᨳᩮ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨸᩦᨮᩮ ᨧᩦᩅᩁᩴ ᨶᩥᨠ᩠ᨡᩥᨸᩥᨲ᩠ᩅᩣ. ᨸᩦᨮᩮ ᨶᩥᩈᩦᨴᨶᩴ ᨶᩥᨠ᩠ᨡᩥᨸᩥᨲ᩠ᩅᩣ… ᩉᩮᨭ᩠ᨮᩣᨸᩦᨮᩮ ᨸᨲ᩠ᨲᩴ ᨶᩥᨠ᩠ᨡᩥᨸᩥᨲ᩠ᩅᩣ ᩅᩥᩉᩣᩁᩴ ᨸᩣᩅᩥᩈᩥ. ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ – ‘‘ᨾᩣᨿᩴ ᨸᨲ᩠ᨲᩮᩣ ᨶᩔᩦ’’ᨲᩥ ᨸᨭᩥᩈᩣᨾᩮᩈᩥ. ᩈᩮᩣ ᨶᩥᨠ᩠ᨡᨾᩥᨲ᩠ᩅᩣ ᨲᩴ ᨽᩥᨠ᩠ᨡᩩᩴ ᨸᩩᨧ᩠ᨨᩥ – ‘‘ᩌᩅᩩᩈᩮᩣ, ᨾᨿ᩠ᩉᩴ ᨸᨲ᩠ᨲᩮᩣ ᨠᩮᨶ ᩋᩅᩉᨭᩮᩣ’’ᨲᩥ? ᩈᩮᩣ ᩑᩅᨾᩣᩉ – ‘‘ᨾᨿᩣ ᩋᩅᩉᨭᩮᩣ’’ᨲᩥ. ‘‘ᩈᩮᩣ ᨲᩴ ᩌᨴᩥᨿᩥ, ᩋᩔᨾᨱᩮᩣᩈᩥ ᨲ᩠ᩅ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨶᩥᩁᩩᨲ᩠ᨲᩥᨸᨳᩮ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩣ ᨽᩥᨠ᩠ᨡᩩᨶᩦ ᩅᨲᩥᨿᩣ ᨧᩦᩅᩁᩴ ᨸᨲ᩠ᨳᩁᩥᨲ᩠ᩅᩣ ᩅᩥᩉᩣᩁᩴ ᨸᩣᩅᩥᩈᩥ. ᩋᨬ᩠ᨬᨲᩁᩣ ᨽᩥᨠ᩠ᨡᩩᨶᩦ – ‘ᨾᩣᨿᩥᨴᩴ ¶ ᨧᩦᩅᩁᩴ ᨶᩔᩦ’ᨲᩥ ᨸᨭᩥᩈᩣᨾᩮᩈᩥ. ᩈᩣ ᨶᩥᨠ᩠ᨡᨾᩥᨲ᩠ᩅᩣ ᨲᩴ ᨽᩥᨠ᩠ᨡᩩᨶᩥᩴ ᨸᩩᨧ᩠ᨨᩥ – ‘‘ᩋᨿ᩠ᨿᩮ, ᨾᨿ᩠ᩉᩴ ᨧᩦᩅᩁᩴ ᨠᩮᨶ ᩋᩅᩉᨭ’’ᨶ᩠ᨲᩥ? ᩈᩣ ᩑᩅᨾᩣᩉ – ‘‘ᨾᨿᩣ ᩋᩅᩉᨭ’’ᨶ᩠ᨲᩥ. ‘‘ᩈᩣ ᨲᩴ ᩌᨴᩥᨿᩥ, ᩋᩔᨾᨱᩦᩈᩥ ᨲ᩠ᩅ’’ᨶ᩠ᨲᩥ. ᨲᩔᩣ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ. ᩋᨳ ᨡᩮᩣ ᩈᩣ ᨽᩥᨠ᩠ᨡᩩᨶᩦ ᨽᩥᨠ᩠ᨡᩩᨶᩦᨶᩴ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ᨽᩥᨠ᩠ᨡᩩᨶᩥᨿᩮᩣ ᨽᩥᨠ᩠ᨡᩪᨶᩴ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ᨽᩥᨠ᩠ᨡᩪ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨶᩥᩁᩩᨲ᩠ᨲᩥᨸᨳᩮ’’ᨲᩥ.

᪑᪓᪖. ᨲᩮᨶ ¶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩅᩣᨲᨾᨱ᩠ᨯᩃᩥᨠᩣᨿ ᩏᨠ᩠ᨡᩥᨲ᩠ᨲᩴ ᩈᩣᨭᨠᩴ ᨸᩔᩥᨲ᩠ᩅᩣ ᩈᩣᨾᩥᨠᩣᨶᩴ ᨴᩔᩣᨾᩦᨲᩥ, ᩋᨣ᩠ᨣᩉᩮᩈᩥ. ᩈᩣᨾᩥᨠᩣ ᨲᩴ ᨽᩥᨠ᩠ᨡᩩᩴ ᨧᩮᩣᨴᩮᩈᩩᩴ – ‘‘ᩋᩔᨾᨱᩮᩣᩈᩥ ᨲ᩠ᩅ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᨠᩥᩴᨧᩥᨲ᩠ᨲᩮᩣ ᨲ᩠ᩅᩴ ᨽᩥᨠ᩠ᨡᩪ’’ᨲᩥ? ‘‘ᩋᨳᩮᨿ᩠ᨿᨧᩥᨲ᩠ᨲᩮᩣ ᩋᩉᩴ, ᨽᨣᩅᩣ’’ᨲᩥ. ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩋᨳᩮᨿ᩠ᨿᨧᩥᨲ᩠ᨲᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩅᩣᨲᨾᨱ᩠ᨯᩃᩥᨠᩣᨿ ᩏᨠ᩠ᨡᩥᨲ᩠ᨲᩴ ᩅᩮᨮᨶᩴ ᨸᩔᩥᨲ᩠ᩅᩣ ‘ᨸᩩᩁᩮ ᩈᩣᨾᩥᨠᩣ ᨸᩔᨶ᩠ᨲᩦ’ᨲᩥ ᨳᩮᨿ᩠ᨿᨧᩥᨲ᩠ᨲᩮᩣ ᩋᨣ᩠ᨣᩉᩮᩈᩥ. ᩈᩣᨾᩥᨠᩣ ᨲᩴ ᨽᩥᨠ᩠ᨡᩩᩴ ᨧᩮᩣᨴᩮᩈᩩᩴ – ‘‘ᩋᩔᨾᨱᩮᩣᩈᩥ ᨲ᩠ᩅ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

᪑᪓᪗. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᩩᩈᩣᨶᩴ ᨣᨶ᩠ᨲ᩠ᩅᩣ ᩋᨽᩥᨶ᩠ᨶᩮ ᩈᩁᩦᩁᩮ ᨸᩴᩈᩩᨠᩪᩃᩴ ᩋᨣ᩠ᨣᩉᩮᩈᩥ. ᨲᩈ᩠ᨾᩥᨬ᩠ᨧ ᩈᩁᩦᩁᩮ ᨸᩮᨲᩮᩣ ᩋᨵᩥᩅᨲ᩠ᨳᩮᩣ ᩉᩮᩣᨲᩥ ¶ . ᩋᨳ ᨡᩮᩣ ᩈᩮᩣ ᨸᩮᨲᩮᩣ ᨲᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᨾᩣ, ᨽᨶ᩠ᨲᩮ, ᨾᨿ᩠ᩉᩴ ᩈᩣᨭᨠᩴ ᩋᨣ᩠ᨣᩉᩮᩈᩦ’’ᨲᩥ. ᩈᩮᩣ ᨽᩥᨠ᩠ᨡᩩ ᩋᨶᩣᨴᩥᨿᨶ᩠ᨲᩮᩣ ᩋᨣᨾᩣᩈᩥ ¶ . ᩋᨳ ᨡᩮᩣ ᨲᩴ ᩈᩁᩦᩁᩴ ᩏᨭ᩠ᨮᩉᩥᨲ᩠ᩅᩣ ᨲᩔ ᨽᩥᨠ᩠ᨡᩩᨶᩮᩣ ᨸᩥᨭ᩠ᨮᩥᨲᩮᩣ ᨸᩥᨭ᩠ᨮᩥᨲᩮᩣ ᩋᨶᩩᨻᨶ᩠ᨵᩥ. ᩋᨳ ᨡᩮᩣ ᩈᩮᩣ ᨽᩥᨠ᩠ᨡᩩ ᩅᩥᩉᩣᩁᩴ ᨸᩅᩥᩈᩥᨲ᩠ᩅᩣ ᨴ᩠ᩅᩣᩁᩴ ᨳᨠᩮᩈᩥ. ᩋᨳ ᨡᩮᩣ ᨲᩴ ᩈᩁᩦᩁᩴ ᨲᨲ᩠ᨳᩮᩅ ᨸᩁᩥᨸᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ. ᨶ ᨧ, ᨽᩥᨠ᩠ᨡᩅᩮ, ᩋᨽᩥᨶ᩠ᨶᩮ ᩈᩁᩦᩁᩮ ᨸᩴᩈᩩᨠᩪᩃᩴ ᨣᩉᩮᨲᨻ᩠ᨻᩴ. ᩈᩮᩣ ᨣᨱ᩠ᩉᩮᨿ᩠ᨿ, ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

᪑᪓᪘. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᨦ᩠ᨥᩔ ᨧᩦᩅᩁᩮ ᨽᩣᨩᩦᨿᨾᩣᨶᩮ ᨳᩮᨿ᩠ᨿᨧᩥᨲ᩠ᨲᩮᩣ ᨠᩩᩈᩴ ᩈᨦ᩠ᨠᩣᨾᩮᨲ᩠ᩅᩣ ᨧᩦᩅᩁᩴ ᩋᨣ᩠ᨣᩉᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

᪑᪓᪙. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᨿᩈ᩠ᨾᩣ ᩌᨶᨶ᩠ᨴᩮᩣ ᨩᨶ᩠ᨲᩣᨥᩁᩮ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᩋᨶ᩠ᨲᩁᩅᩣᩈᨠᩴ ᩋᨲ᩠ᨲᨶᩮᩣ ᨾᨬ᩠ᨬᨾᩣᨶᩮᩣ ᨶᩥᩅᩣᩈᩮᩈᩥ. ᩋᨳ ᨡᩮᩣ ᩈᩮᩣ ᨽᩥᨠ᩠ᨡᩩ ᩌᨿᩈ᩠ᨾᨶ᩠ᨲᩴ ᩌᨶᨶ᩠ᨴᩴ ᩑᨲᨴᩅᩮᩣᨧ – ‘‘ᨠᩥᩔ ᨾᩮ ᨲ᩠ᩅᩴ, ᩌᩅᩩᩈᩮᩣ ᩌᨶᨶ᩠ᨴ, ᩋᨶ᩠ᨲᩁᩅᩣᩈᨠᩴ ᨶᩥᩅᩣᩈᩮᩈᩦ’’ᨲᩥ? ‘‘ᩈᨠᩈᨬ᩠ᨬᩦ ᩋᩉᩴ, ᩌᩅᩩᩈᩮᩣ’’ᨲᩥ. ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᩈᨠᩈᨬ᩠ᨬᩥᩔᩣ’’ᨲᩥ.

᪑᪔᪐. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩈᨾ᩠ᨻᩉᩩᩃᩣ ᨽᩥᨠ᩠ᨡᩪ ᨣᩥᨩ᩠ᨫᨠᩪᨭᩣ ᨸᨻ᩠ᨻᨲᩣ ᩒᩁᩮᩣᩉᨶ᩠ᨲᩣ ᩈᩦᩉᩅᩥᨥᩣᩈᩴ ¶ ᨸᩔᩥᨲ᩠ᩅᩣ ᨸᨧᩣᨸᩮᨲ᩠ᩅᩣ ᨸᩁᩥᨽᩩᨬ᩠ᨩᩥᩴᩈᩩ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᩈᩦᩉᩅᩥᨥᩣᩈᩮ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩈᨾ᩠ᨻᩉᩩᩃᩣ ᨽᩥᨠ᩠ᨡᩪ ᨣᩥᨩ᩠ᨫᨠᩪᨭᩣ ᨸᨻ᩠ᨻᨲᩣ ᩒᩁᩮᩣᩉᨶ᩠ᨲᩣ ᨻ᩠ᨿᨣ᩠ᨥᩅᩥᨥᩣᩈᩴ ᨸᩔᩥᨲ᩠ᩅᩣ… ᨴᩦᨸᩥᩅᩥᨥᩣᩈᩴ ¶ ᨸᩔᩥᨲ᩠ᩅᩣ… ᨲᩁᨧ᩠ᨨᩅᩥᨥᩣᩈᩴ ᨸᩔᩥᨲ᩠ᩅᩣ… ᨠᩮᩣᨠᩅᩥᨥᩣᩈᩴ ᨸᩔᩥᨲ᩠ᩅᩣ ᨸᨧᩣᨸᩮᨲ᩠ᩅᩣ ᨸᩁᩥᨽᩩᨬ᩠ᨩᩥᩴᩈᩩ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨲᩥᩁᨧ᩠ᨨᩣᨶᨣᨲᨸᩁᩥᨣ᩠ᨣᩉᩮ’’ᨲᩥ.

᪑᪔᪑. ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᨦ᩠ᨥᩔ ᩒᨴᨶᩮ ᨽᩣᨩᩦᨿᨾᩣᨶᩮ – ‘ᩋᨸᩁᩔ ᨽᩣᨣᩴ ᨴᩮᩉᩦ’ᨲᩥ ᩋᨾᩪᩃᨠᩴ ᩋᨣ᩠ᨣᩉᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ. ᩌᨸᨲ᩠ᨲᩥ ᩈᨾ᩠ᨸᨩᩣᨶᨾᩩᩈᩣᩅᩣᨴᩮ ᨸᩣᨧᩥᨲ᩠ᨲᩥᨿᩔᩣ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᨦ᩠ᨥᩔ ᨡᩣᨴᨶᩦᨿᩮ ᨽᩣᨩᩥᨿᨾᩣᨶᩮ… ᩈᨦ᩠ᨥᩔ ᨸᩪᩅᩮ ᨽᩣᨩᩥᨿᨾᩣᨶᩮ… ᩈᨦ᩠ᨥᩔ ᩏᨧ᩠ᨨᩩᨾ᩠ᩉᩥ ᨽᩣᨩᩥᨿᨾᩣᨶᩮ… ᩈᨦ᩠ᨥᩔ ᨲᩥᨾ᩠ᨻᩁᩪᩈᨠᩮ ᨽᩣᨩᩥᨿᨾᩣᨶᩮ – ‘ᩋᨸᩁᩔ ᨽᩣᨣᩴ ᨴᩮᩉᩦ’ᨲᩥ ᩋᨾᩪᩃᨠᩴ ᩋᨣ᩠ᨣᩉᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ…. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ. ᩌᨸᨲ᩠ᨲᩥ ᩈᨾ᩠ᨸᨩᩣᨶᨾᩩᩈᩣᩅᩣᨴᩮ ᨸᩣᨧᩥᨲ᩠ᨲᩥᨿᩔᩣ’’ᨲᩥ.

᪑᪔᪒. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨴᩩᨻ᩠ᨽᩥᨠ᩠ᨡᩮ ᩒᨴᨶᩦᨿᨥᩁᩴ ᨸᩅᩥᩈᩥᨲ᩠ᩅᩣ ᨸᨲ᩠ᨲᨸᩪᩁᩴ ᩒᨴᨶᩴ ᨳᩮᨿ᩠ᨿᨧᩥᨲ᩠ᨲᩮᩣ ᩋᩅᩉᩁᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨴᩩᨻ᩠ᨽᩥᨠ᩠ᨡᩮ ᩈᩪᨶᨥᩁᩴ [ᩈᩪᨶᩣᨥᩁᩴ (ᩈᩦ. ᩈ᩠ᨿᩣ)] ᨸᩅᩥᩈᩥᨲ᩠ᩅᩣ ᨸᨲ᩠ᨲᨸᩪᩁᩴ ᨾᩴᩈᩴ ᨳᩮᨿ᩠ᨿᨧᩥᨲ᩠ᨲᩮᩣ ᩋᩅᩉᩁᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨴᩩᨻ᩠ᨽᩥᨠ᩠ᨡᩮ ᨸᩪᩅᨥᩁᩴ ᨸᩅᩥᩈᩥᨲ᩠ᩅᩣ ᨸᨲ᩠ᨲᨸᩪᩁᩴ ᨸᩪᩅᩴ ᨳᩮᨿ᩠ᨿᨧᩥᨲ᩠ᨲᩮᩣ ᩋᩅᩉᩁᩥ…ᨸᩮ… ᨸᨲ᩠ᨲᨸᩪᩁᩣ ᩈᨠ᩠ᨡᩃᩥᨿᩮᩣ ᨳᩮᨿ᩠ᨿᨧᩥᨲ᩠ᨲᩮᩣ ᩋᩅᩉᩁᩥ…ᨸᩮ… ᨸᨲ᩠ᨲᨸᩪᩁᩮ ¶ ᨾᩮᩣᨴᨠᩮ ᨳᩮᨿ᩠ᨿᨧᩥᨲ᩠ᨲᩮᩣ ᩋᩅᩉᩁᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

᪑᪔᪓. ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨴᩥᩅᩣ ᨸᩁᩥᨠ᩠ᨡᩣᩁᩴ ᨸᩔᩥᨲ᩠ᩅᩣ ᨶᩥᨾᩥᨲ᩠ᨲᩴ ᩋᨠᩣᩈᩥ – ‘‘ᩁᨲ᩠ᨲᩥᩴ ᩋᩅᩉᩁᩥᩔᩣᨾᩦ’’ᨲᩥ. ᩈᩮᩣ ᨲᩴ ᨾᨬ᩠ᨬᨾᩣᨶᩮᩣ ᨲᩴ ᩋᩅᩉᩁᩥ…ᨸᩮ… ᨲᩴ ᨾᨬ᩠ᨬᨾᩣᨶᩮᩣ ᩋᨬ᩠ᨬᩴ ᩋᩅᩉᩁᩥ…ᨸᩮ… ᩋᨬ᩠ᨬᩴ ᨾᨬ᩠ᨬᨾᩣᨶᩮᩣ ᨲᩴ ᩋᩅᩉᩁᩥ…ᨸᩮ… ᩋᨬ᩠ᨬᩴ ᨾᨬ᩠ᨬᨾᩣᨶᩮᩣ ᩋᨬ᩠ᨬᩴ ᩋᩅᩉᩁᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨴᩥᩅᩣ ᨸᩁᩥᨠ᩠ᨡᩣᩁᩴ ᨸᩔᩥᨲ᩠ᩅᩣ ᨶᩥᨾᩥᨲ᩠ᨲᩴ ᩋᨠᩣᩈᩥ – ‘‘ᩁᨲ᩠ᨲᩥᩴ ᩋᩅᩉᩁᩥᩔᩣᨾᩦ’’ᨲᩥ. ᩈᩮᩣ ᨲᩴ ᨾᨬ᩠ᨬᨾᩣᨶᩮᩣ ᩋᨲ᩠ᨲᨶᩮᩣ ᨸᩁᩥᨠ᩠ᨡᩣᩁᩴ ᩋᩅᩉᩁᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ. ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

᪑᪔᪔. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨸᩦᨮᩮ ᨳᩅᩥᨠᩴ ᨸᩔᩥᨲ᩠ᩅᩣ – ‘‘ᩍᨲᩮᩣ ᨣᨱ᩠ᩉᨶ᩠ᨲᩮᩣ ᨸᩣᩁᩣᨩᩥᨠᩮᩣ ᨽᩅᩥᩔᩣᨾᩦ’’ᨲᩥ ᩈᩉ ᨸᩦᨮᨠᩮᨶ ᩈᨦ᩠ᨠᩣᨾᩮᨲ᩠ᩅᩣ ¶ ᩋᨣ᩠ᨣᩉᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᨦ᩠ᨥᩔ ᨽᩥᩈᩥᩴ ᨳᩮᨿ᩠ᨿᨧᩥᨲ᩠ᨲᩮᩣ ᩋᩅᩉᩁᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

᪑᪔᪕. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨧᩦᩅᩁᩅᩴᩈᩮ ᨧᩦᩅᩁᩴ ¶ ᨳᩮᨿ᩠ᨿᨧᩥᨲ᩠ᨲᩮᩣ ¶ ᩋᩅᩉᩁᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩅᩥᩉᩣᩁᩮ ᨧᩦᩅᩁᩴ ᩋᩅᩉᩁᩥᨲ᩠ᩅᩣ – ‘‘ᩍᨲᩮᩣ ᨶᩥᨠ᩠ᨡᨾᨶ᩠ᨲᩮᩣ ᨸᩣᩁᩣᨩᩥᨠᩮᩣ ᨽᩅᩥᩔᩣᨾᩦ’’ᨲᩥ ᩅᩥᩉᩣᩁᩣ ᨶ ᨶᩥᨠ᩠ᨡᨾᩥ…ᨸᩮ… ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ‘‘ᨶᩥᨠ᩠ᨡᨾᩥ [ᨶᩥᨠ᩠ᨡᨾᩮᨿ᩠ᨿ (ᩈᩦ. ᩈ᩠ᨿᩣ.)] ᩅᩣ ᩈᩮᩣ, ᨽᩥᨠ᩠ᨡᩅᩮ, ᨾᩮᩣᨥᨸᩩᩁᩥᩈᩮᩣ ᨶ ᩅᩣ ᨶᩥᨠ᩠ᨡᨾᩥ [ᨶᩥᨠ᩠ᨡᨾᩮᨿ᩠ᨿ (ᩈᩦ. ᩈ᩠ᨿᩣ.)], ᩌᨸᨲ᩠ᨲᩥ ᨸᩣᩁᩣᨩᩥᨠᩔᩣ’’ᨲᩥ.

᪑᪔᪖. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨴ᩠ᩅᩮ ᨽᩥᨠ᩠ᨡᩪ ᩈᩉᩣᨿᨠᩣ ᩉᩮᩣᨶ᩠ᨲᩥ. ᩑᨠᩮᩣ ᨽᩥᨠ᩠ᨡᩩ ᨣᩣᨾᩴ ᨸᩥᨱ᩠ᨯᩣᨿ ᨸᩣᩅᩥᩈᩥ. ᨴᩩᨲᩥᨿᩮᩣ ᨽᩥᨠ᩠ᨡᩩ ᩈᨦ᩠ᨥᩔ ᨡᩣᨴᨶᩦᨿᩮ ᨽᩣᨩᩦᨿᨾᩣᨶᩮ ᩈᩉᩣᨿᨠᩔ ᨽᩣᨣᩴ ᨣᩉᩮᨲ᩠ᩅᩣ ᨲᩔ ¶ ᩅᩥᩔᩈᨶ᩠ᨲᩮᩣ ᨸᩁᩥᨽᩩᨬ᩠ᨩᩥ. ᩈᩮᩣ ᨩᩣᨶᩥᨲ᩠ᩅᩣ ᨲᩴ ᨧᩮᩣᨴᩮᩈᩥ – ‘‘ᩋᩔᨾᨱᩮᩣᩈᩥ ᨲ᩠ᩅ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᨠᩥᩴ ᨧᩥᨲ᩠ᨲᩮᩣ ᨲ᩠ᩅᩴ, ᨽᩥᨠ᩠ᨡᩪ’’ᨲᩥ? ‘‘ᩅᩥᩔᩣᩈᨣ᩠ᨣᩣᩉᩮᩣ ᩋᩉᩴ, ᨽᨣᩅᩣ’’ᨲᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩅᩥᩔᩣᩈᨣ᩠ᨣᩣᩉᩮ’’ᨲᩥ.

᪑᪔᪗. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩈᨾ᩠ᨻᩉᩩᩃᩣ ᨽᩥᨠ᩠ᨡᩪ ᨧᩦᩅᩁᨠᨾ᩠ᨾᩴ ᨠᩁᩮᩣᨶ᩠ᨲᩥ. ᩈᨦ᩠ᨥᩔ ᨡᩣᨴᨶᩦᨿᩮ ᨽᩣᨩᩦᨿᨾᩣᨶᩮ ᩈᨻ᩠ᨻᩮᩈᩴ ᨸᨭᩥᩅᩥᩈᩣ ᩌᩉᩁᩥᨲ᩠ᩅᩣ ᩏᨸᨶᩥᨠ᩠ᨡᩥᨲ᩠ᨲᩣ ᩉᩮᩣᨶ᩠ᨲᩥ. ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨸᨭᩥᩅᩥᩈᩴ ᩋᨲ᩠ᨲᨶᩮᩣ ᨾᨬ᩠ᨬᨾᩣᨶᩮᩣ ᨸᩁᩥᨽᩩᨬ᩠ᨩᩥ. ᩈᩮᩣ ᨩᩣᨶᩥᨲ᩠ᩅᩣ ᨲᩴ ᨧᩮᩣᨴᩮᩈᩥ – ‘‘ᩋᩔᨾᨱᩮᩣᩈᩥ ᨲ᩠ᩅ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᨠᩥᩴᨧᩥᨲ᩠ᨲᩮᩣ ᨲ᩠ᩅᩴ, ᨽᩥᨠ᩠ᨡᩪ’’ᨲᩥ? ‘‘ᩈᨠᩈᨬ᩠ᨬᩦ ᩋᩉᩴ, ᨽᨣᩅᩣ’’ᨲᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨠᩈᨬ᩠ᨬᩥᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩈᨾ᩠ᨻᩉᩩᩃᩣ ᨽᩥᨠ᩠ᨡᩪ ᨧᩦᩅᩁᨠᨾ᩠ᨾᩴ ¶ ᨠᩁᩮᩣᨶ᩠ᨲᩥ. ᩈᨦ᩠ᨥᩔ ᨡᩣᨴᨶᩦᨿᩮ ᨽᩣᨩᩥᨿᨾᩣᨶᩮ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨸᨲ᩠ᨲᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ¶ ᨸᨭᩥᩅᩥᩈᩮᩣ ᩌᩉᩁᩥᨲ᩠ᩅᩣ ᩏᨸᨶᩥᨠ᩠ᨡᩥᨲ᩠ᨲᩮᩣ ᩉᩮᩣᨲᩥ. ᨸᨲ᩠ᨲᩈᩣᨾᩥᨠᩮᩣ ᨽᩥᨠ᩠ᨡᩩ ᩋᨲ᩠ᨲᨶᩮᩣ ᨾᨬ᩠ᨬᨾᩣᨶᩮᩣ ᨸᩁᩥᨽᩩᨬ᩠ᨩᩥ. ᩈᩮᩣ ᨩᩣᨶᩥᨲ᩠ᩅᩣ ᨲᩴ ᨧᩮᩣᨴᩮᩈᩥ – ‘‘ᩋᩔᨾᨱᩮᩣᩈᩥ ᨲ᩠ᩅ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨠᩈᨬ᩠ᨬᩥᩔᩣ’’ᨲᩥ.

᪑᪔᪘. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨾ᩠ᨻᨧᩮᩣᩁᨠᩣ ᩋᨾ᩠ᨻᩴ ᨸᩣᨲᩮᨲ᩠ᩅᩣ ᨽᨱ᩠ᨯᩥᨠᩴ ᩌᨴᩣᨿ ᩋᨣᨾᩴᩈᩩ. ᩈᩣᨾᩥᨠᩣ ᨲᩮ ᨧᩮᩣᩁᨠᩮ ᩋᨶᩩᨻᨶ᩠ᨵᩥᩴᩈᩩ. ᨧᩮᩣᩁᨠᩣ ᩈᩣᨾᩥᨠᩮ ᨸᩔᩥᨲ᩠ᩅᩣ ᨽᨱ᩠ᨯᩥᨠᩴ ᨸᩣᨲᩮᨲ᩠ᩅᩣ ᨸᩃᩣᨿᩥᩴᩈᩩ. ᨽᩥᨠ᩠ᨡᩪ ᨸᩴᩈᩩᨠᩪᩃᩈᨬ᩠ᨬᩥᨶᩮᩣ ᨸᨭᩥᨣ᩠ᨣᩉᩣᨸᩮᨲ᩠ᩅᩣ ᨸᩁᩥᨽᩩᨬ᩠ᨩᩥᩴᩈᩩ. ᩈᩣᨾᩥᨠᩣ ᨲᩮ ᨽᩥᨠ᩠ᨡᩪ ᨧᩮᩣᨴᩮᩈᩩᩴ – ‘‘ᩋᩔᨾᨱᩣᨲ᩠ᨳ ᨲᩩᨾ᩠ᩉᩮ’’ᨲᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ‘‘ᨠᩥᩴᨧᩥᨲ᩠ᨲᩣ ᨲᩩᨾ᩠ᩉᩮ, ᨽᩥᨠ᩠ᨡᩅᩮ’’ᨲᩥ? ‘‘ᨸᩴᩈᩩᨠᩪᩃᩈᨬ᩠ᨬᩥᨶᩮᩣ ᨾᨿᩴ, ᨽᨣᩅᩣ’’ᨲᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨸᩴᩈᩩᨠᩪᩃᩈᨬ᩠ᨬᩥᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨩᨾ᩠ᨻᩩᨧᩮᩣᩁᨠᩣ… ᩃᨻᩩᨩᨧᩮᩣᩁᨠᩣ… ᨸᨶᩈᨧᩮᩣᩁᨠᩣ… ᨲᩣᩃᨸᨠ᩠ᨠᨧᩮᩣᩁᨠᩣ… ᩏᨧ᩠ᨨᩩᨧᩮᩣᩁᨠᩣ… ᨲᩥᨾ᩠ᨻᩁᩪᩈᨠᨧᩮᩣᩁᨠᩣ ᨲᩥᨾ᩠ᨻᩁᩪᩈᨠᩮ ¶ ᩏᨧ᩠ᨧᩥᨶᩥᨲ᩠ᩅᩣ ᨽᨱ᩠ᨯᩥᨠᩴ ᩌᨴᩣᨿ ᩋᨣᨾᩴᩈᩩ. ᩈᩣᨾᩥᨠᩣ ᨲᩮ ᨧᩮᩣᩁᨠᩮ ᩋᨶᩩᨻᨶ᩠ᨵᩥᩴᩈᩩ. ᨧᩮᩣᩁᨠᩣ ᩈᩣᨾᩥᨠᩮ ᨸᩔᩥᨲ᩠ᩅᩣ ᨽᨱ᩠ᨯᩥᨠᩴ ᨸᩣᨲᩮᨲ᩠ᩅᩣ ᨸᩃᩣᨿᩥᩴᩈᩩ. ᨽᩥᨠ᩠ᨡᩪ ᨸᩴᩈᩩᨠᩪᩃᩈᨬ᩠ᨬᩥᨶᩮᩣ ᨸᨭᩥᨣ᩠ᨣᩉᩣᨸᩮᨲ᩠ᩅᩣ ᨸᩁᩥᨽᩩᨬ᩠ᨩᩥᩴᩈᩩ. ᩈᩣᨾᩥᨠᩣ ᨲᩮ ᨽᩥᨠ᩠ᨡᩪ ᨧᩮᩣᨴᩮᩈᩩᩴ – ‘‘ᩋᩔᨾᨱᩣᨲ᩠ᨳ ᨲᩩᨾ᩠ᩉᩮ’’ᨲᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨸᩴᩈᩩᨠᩪᩃᩈᨬ᩠ᨬᩥᩔᩣ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨾ᩠ᨻᨧᩮᩣᩁᨠᩣ ᩋᨾ᩠ᨻᩴ ᨸᩣᨲᩮᨲ᩠ᩅᩣ ᨽᨱ᩠ᨯᩥᨠᩴ ¶ ᩌᨴᩣᨿ ᩋᨣᨾᩴᩈᩩ. ᩈᩣᨾᩥᨠᩣ ᨲᩮ ᨧᩮᩣᩁᨠᩮ ᩋᨶᩩᨻᨶ᩠ᨵᩥᩴᩈᩩ. ᨧᩮᩣᩁᨠᩣ ᩈᩣᨾᩥᨠᩮ ᨸᩔᩥᨲ᩠ᩅᩣ ᨽᨱ᩠ᨯᩥᨠᩴ ᨸᩣᨲᩮᨲ᩠ᩅᩣ ᨸᩃᩣᨿᩥᩴᩈᩩ. ᨽᩥᨠ᩠ᨡᩪ – ‘ᨸᩩᩁᩮ ᩈᩣᨾᩥᨠᩣ ᨸᩔᨶ᩠ᨲᩦ’ᨲᩥ, ᨳᩮᨿ᩠ᨿᨧᩥᨲ᩠ᨲᩣ ᨸᩁᩥᨽᩩᨬ᩠ᨩᩥᩴᩈᩩ. ᩈᩣᨾᩥᨠᩣ ᨲᩮ ᨽᩥᨠ᩠ᨡᩪ ᨧᩮᩣᨴᩮᩈᩩᩴ – ‘‘ᩋᩔᨾᨱᩣᨲ᩠ᨳ ᨲᩩᨾ᩠ᩉᩮ’’ᨲᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲᩩᨾ᩠ᩉᩮ, ᨽᩥᨠ᩠ᨡᩅᩮ, ᩌᨸᨶ᩠ᨶᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨩᨾ᩠ᨻᩩᨧᩮᩣᩁᨠᩣ… ᩃᨻᩩᨩᨧᩮᩣᩁᨠᩣ… ᨸᨶᩈᨧᩮᩣᩁᨠᩣ… ᨲᩣᩃᨸᨠ᩠ᨠᨧᩮᩣᩁᨠᩣ… ᩏᨧ᩠ᨨᩩᨧᩮᩣᩁᨠᩣ… ᨲᩥᨾ᩠ᨻᩁᩪᩈᨠᨧᩮᩣᩁᨠᩣ ᨲᩥᨾ᩠ᨻᩁᩪᩈᨠᩮ ᩏᨧ᩠ᨧᩥᨶᩥᨲ᩠ᩅᩣ ᨽᨱ᩠ᨯᩥᨠᩴ ᩌᨴᩣᨿ ᩋᨣᨾᩴᩈᩩ. ᩈᩣᨾᩥᨠᩣ ᨲᩮ ᨧᩮᩣᩁᨠᩮ ᩋᨶᩩᨻᨶ᩠ᨵᩥᩴᩈᩩ. ᨧᩮᩣᩁᨠᩣ ᩈᩣᨾᩥᨠᩮ ᨸᩔᩥᨲ᩠ᩅᩣ ᨽᨱ᩠ᨯᩥᨠᩴ ᨸᩣᨲᩮᨲ᩠ᩅᩣ ¶ ᨸᩃᩣᨿᩥᩴᩈᩩ. ᨽᩥᨠ᩠ᨡᩪ – ‘ᨸᩩᩁᩮ ᩈᩣᨾᩥᨠᩣ ᨸᩔᨶ᩠ᨲᩦ’ᨲᩥ, ᨳᩮᨿ᩠ᨿᨧᩥᨲ᩠ᨲᩣ ᨸᩁᩥᨽᩩᨬ᩠ᨩᩥᩴᩈᩩ. ᩈᩣᨾᩥᨠᩣ ᨲᩮ ᨽᩥᨠ᩠ᨡᩪ ᨧᩮᩣᨴᩮᩈᩩᩴ – ‘‘ᩋᩔᨾᨱᩣᨲ᩠ᨳ ᨲᩩᨾ᩠ᩉᩮ’’ᨲᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲᩩᨾ᩠ᩉᩮ, ᨽᩥᨠ᩠ᨡᩅᩮ, ᩌᨸᨶ᩠ᨶᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᨦ᩠ᨥᩔ ᩋᨾ᩠ᨻᩴ ᨳᩮᨿ᩠ᨿᨧᩥᨲ᩠ᨲᩮᩣ ᩋᩅᩉᩁᩥ… ᩈᨦ᩠ᨥᩔ ᨩᨾ᩠ᨻᩩᩴ… ᩈᨦ᩠ᨥᩔ ᩃᨻᩩᨩᩴ… ᩈᨦ᩠ᨥᩔ ᨸᨶᩈᩴ… ᩈᨦ᩠ᨥᩔ ᨲᩣᩃᨸᨠ᩠ᨠᩴ… ᩈᨦ᩠ᨥᩔ ᩏᨧ᩠ᨨᩩᩴ… ᩈᨦ᩠ᨥᩔ ᨲᩥᨾ᩠ᨻᩁᩪᩈᨠᩴ ᨳᩮᨿ᩠ᨿᨧᩥᨲ᩠ᨲᩮᩣ ᩋᩅᩉᩁᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

᪑᪔᪙. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨸᩩᨸ᩠ᨹᩣᩁᩣᨾᩴ ᨣᨶ᩠ᨲ᩠ᩅᩣ ᩒᨧᩥᨲᩴ ᨸᩩᨸ᩠ᨹᩴ ᨸᨬ᩠ᨧᨾᩣᩈᨣ᩠ᨥᨶᨠᩴ ᨳᩮᨿ᩠ᨿᨧᩥᨲ᩠ᨲᩮᩣ ᩋᩅᩉᩁᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ¶ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨸᩩᨸ᩠ᨹᩣᩁᩣᨾᩴ ᨣᨶ᩠ᨲ᩠ᩅᩣ ᨸᩩᨸ᩠ᨹᩴ ᩒᨧᩥᨶᩥᨲ᩠ᩅᩣ ᨸᨬ᩠ᨧᨾᩣᩈᨣ᩠ᨥᨶᨠᩴ ᨳᩮᨿ᩠ᨿᨧᩥᨲ᩠ᨲᩮᩣ ᩋᩅᩉᩁᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

᪑᪕᪐. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨣᩣᨾᨠᩴ ᨣᨧ᩠ᨨᨶ᩠ᨲᩮᩣ ᩋᨬ᩠ᨬᨲᩁᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᩌᩅᩩᩈᩮᩣ, ᨲᩩᨿ᩠ᩉᩴ ᩏᨸᨭ᩠ᨮᩣᨠᨠᩩᩃᩴ ᩅᩩᨲ᩠ᨲᩮᩣ ᩅᨩ᩠ᨩᩮᨾᩦ’’ᨲᩥ. ᩈᩮᩣ ᨣᨶ᩠ᨲ᩠ᩅᩣ ᩑᨠᩴ ᩈᩣᨭᨠᩴ ᩌᩉᩁᩣᨸᩮᨲ᩠ᩅᩣ ᩋᨲ᩠ᨲᨶᩣ ᨸᩁᩥᨽᩩᨬ᩠ᨩᩥ. ᩈᩮᩣ ᨩᩣᨶᩥᨲ᩠ᩅᩣ ᨲᩴ ᨧᩮᩣᨴᩮᩈᩥ – ‘‘ᩋᩔᨾᨱᩮᩣᩈᩥ ᨲ᩠ᩅ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ¶ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ. ᨶ ᨧ, ᨽᩥᨠ᩠ᨡᩅᩮ, ᩅᩩᨲ᩠ᨲᩮᩣ ᩅᨩ᩠ᨩᩮᨾᩦᨲᩥ ᩅᨲ᩠ᨲᨻ᩠ᨻᩮᩣ. ᨿᩮᩣ ᩅᨴᩮᨿ᩠ᨿ, ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨣᩣᨾᨠᩴ ᨣᨧ᩠ᨨᨲᩥ. ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨲᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᩌᩅᩩᩈᩮᩣ, ᨾᨿ᩠ᩉᩴ ᩏᨸᨭ᩠ᨮᩣᨠᨠᩩᩃᩴ ᩅᩩᨲ᩠ᨲᩮᩣ ᩅᨩ᩠ᨩᩮᩉᩦ’’ᨲᩥ. ᩈᩮᩣ ᨣᨶ᩠ᨲ᩠ᩅᩣ ᨿᩩᨣᩈᩣᨭᨠᩴ ᩌᩉᩁᩣᨸᩮᨲ᩠ᩅᩣ ᩑᨠᩴ ᩋᨲ᩠ᨲᨶᩣ ᨸᩁᩥᨽᩩᨬ᩠ᨩᩥ, ᩑᨠᩴ ᨲᩔ ᨽᩥᨠ᩠ᨡᩩᨶᩮᩣ ᩋᨴᩣᩈᩥ. ᩈᩮᩣ ᨩᩣᨶᩥᨲ᩠ᩅᩣ ᨲᩴ ᨧᩮᩣᨴᩮᩈᩥ – ‘‘ᩋᩔᨾᨱᩮᩣᩈᩥ ᨲ᩠ᩅ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ. ᨶ ᨧ, ᨽᩥᨠ᩠ᨡᩅᩮ, ᩅᩩᨲ᩠ᨲᩮᩣ ᩅᨩ᩠ᨩᩮᩉᩦᨲᩥ ᩅᨲ᩠ᨲᨻ᩠ᨻᩮᩣ. ᨿᩮᩣ ᩅᨴᩮᨿ᩠ᨿ, ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨣᩣᨾᨠᩴ ᨣᨧ᩠ᨨᨶ᩠ᨲᩮᩣ ¶ ᩋᨬ᩠ᨬᨲᩁᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᩌᩅᩩᩈᩮᩣ, ᨲᩩᨿ᩠ᩉᩴ ᩏᨸᨭ᩠ᨮᩣᨠᨠᩩᩃᩴ ᩅᩩᨲ᩠ᨲᩮᩣ ᩅᨩ᩠ᨩᩮᨾᩦ’’ᨲᩥ. ᩈᩮᩣᨸᩥ ᩑᩅᨾᩣᩉ – ‘‘ᩅᩩᨲ᩠ᨲᩮᩣ ᩅᨩ᩠ᨩᩮᩉᩦ’’ᨲᩥ. ᩈᩮᩣ ᨣᨶ᩠ᨲ᩠ᩅᩣ ᩌᩊ᩠ᩉᨠᩴ ᩈᨸ᩠ᨸᩥᩴ ᨲᩩᩃᩴ ᨣᩩᩊᩴ ᨴᩮᩣᨱᩴ ᨲᨱ᩠ᨯᩩᩃᩴ ᩌᩉᩁᩣᨸᩮᨲ᩠ᩅᩣ ᩋᨲ᩠ᨲᨶᩣ ᨸᩁᩥᨽᩩᨬ᩠ᨩᩥ. ᩈᩮᩣ ᨩᩣᨶᩥᨲ᩠ᩅᩣ ᨲᩴ ᨧᩮᩣᨴᩮᩈᩥ ¶ – ‘‘ᩋᩔᨾᨱᩮᩣᩈᩥ ᨲ᩠ᩅ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ. ᨶ ᨧ, ᨽᩥᨠ᩠ᨡᩅᩮ, ᩅᩩᨲ᩠ᨲᩮᩣ ᩅᨩ᩠ᨩᩮᨾᩦᨲᩥ ᩅᨲ᩠ᨲᨻ᩠ᨻᩮᩣ, ᨶ ᨧ ᩅᩩᨲ᩠ᨲᩮᩣ ᩅᨩ᩠ᨩᩮᩉᩦᨲᩥ ᩅᨲ᩠ᨲᨻ᩠ᨻᩮᩣ. ᨿᩮᩣ ᩅᨴᩮᨿ᩠ᨿ, ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

᪑᪕᪑. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨸᩩᩁᩥᩈᩮᩣ ᨾᩉᨣ᩠ᨥᩴ ᨾᨱᩥᩴ ᩌᨴᩣᨿ ᩋᨬ᩠ᨬᨲᩁᩮᨶ ᨽᩥᨠ᩠ᨡᩩᨶᩣ ᩈᨴ᩠ᨵᩥᩴ ᩋᨴ᩠ᨵᩣᨶᨾᨣ᩠ᨣᨸ᩠ᨸᨭᩥᨸᨶ᩠ᨶᩮᩣ ᩉᩮᩣᨲᩥ. ᩋᨳ ᨡᩮᩣ ᩈᩮᩣ ᨸᩩᩁᩥᩈᩮᩣ ᩈᩩᨦ᩠ᨠᨭ᩠ᨮᩣᨶᩴ ᨸᩔᩥᨲ᩠ᩅᩣ ᨲᩔ ᨽᩥᨠ᩠ᨡᩩᨶᩮᩣ ᩋᨩᩣᨶᨶ᩠ᨲᩔ ᨳᩅᩥᨠᩣᨿ ᨾᨱᩥᩴ ᨸᨠ᩠ᨡᩥᨸᩥᨲ᩠ᩅᩣ ᩈᩩᨦ᩠ᨠᨭ᩠ᨮᩣᨶᩴ ᩋᨲᩥᨠ᩠ᨠᨾᩥᨲ᩠ᩅᩣ ᩋᨣ᩠ᨣᩉᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᨠᩥᩴᨧᩥᨲ᩠ᨲᩮᩣ ᨲ᩠ᩅᩴ, ᨽᩥᨠ᩠ᨡᩪ’’ᨲᩥ? ‘‘ᨶᩣᩉᩴ, ᨽᨣᩅᩣ, ᨩᩣᨶᩣᨾᩦ’’ᨲᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩋᨩᩣᨶᨶ᩠ᨲᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨸᩩᩁᩥᩈᩮᩣ ᨾᩉᨣ᩠ᨥᩴ ᨾᨱᩥᩴ ᩌᨴᩣᨿ ᩋᨬ᩠ᨬᨲᩁᩮᨶ ᨽᩥᨠ᩠ᨡᩩᨶᩣ ᩈᨴ᩠ᨵᩥᩴ ᩋᨴ᩠ᨵᩣᨶᨾᨣ᩠ᨣᨸ᩠ᨸᨭᩥᨸᨶ᩠ᨶᩮᩣ ᩉᩮᩣᨲᩥ. ᩋᨳ ᨡᩮᩣ ᩈᩮᩣ ᨸᩩᩁᩥᩈᩮᩣ ᩈᩩᨦ᩠ᨠᨭ᩠ᨮᩣᨶᩴ ᨸᩔᩥᨲ᩠ᩅᩣ ᨣᩥᩃᩣᨶᩣᩃᨿᩴ ᨠᩁᩥᨲ᩠ᩅᩣ ᩋᨲ᩠ᨲᨶᩮᩣ ᨽᨱ᩠ᨯᩥᨠᩴ ᨲᩔ ᨽᩥᨠ᩠ᨡᩩᨶᩮᩣ ᩋᨴᩣᩈᩥ. ᩋᨳ ᨡᩮᩣ ᩈᩮᩣ ᨸᩩᩁᩥᩈᩮᩣ ᩈᩩᨦ᩠ᨠᨭ᩠ᨮᩣᨶᩴ ᩋᨲᩥᨠ᩠ᨠᨾᩥᨲ᩠ᩅᩣ ᨲᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᩌᩉᩁ ᨾᩮ, ᨽᨶ᩠ᨲᩮ, ᨽᨱ᩠ᨯᩥᨠᩴ; ᨶᩣᩉᩴ ᩋᨠᩃ᩠ᩃᨠᩮᩣ’’ᨲᩥ. ‘‘ᨠᩥᩔ ᨸᨶ ᨲ᩠ᩅᩴ, ᩌᩅᩩᩈᩮᩣ, ᩑᩅᩁᩪᨸᩴ ᩋᨠᩣᩈᩦ’’ᨲᩥ? ᩋᨳ ᨡᩮᩣ ᩈᩮᩣ ᨸᩩᩁᩥᩈᩮᩣ ᨲᩔ ᨽᩥᨠ᩠ᨡᩩᨶᩮᩣ ᩑᨲᨾᨲ᩠ᨳᩴ ¶ ᩌᩁᩮᩣᨧᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᨠᩥᩴᨧᩥᨲ᩠ᨲᩮᩣ ᨲ᩠ᩅᩴ, ᨽᩥᨠ᩠ᨡᩪ’’ᨲᩥ? ‘‘ᨶᩣᩉᩴ, ᨽᨣᩅᩣ, ᨩᩣᨶᩣᨾᩦ’’ᨲᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩋᨩᩣᨶᨶ᩠ᨲᩔᩣ’’ᨲᩥ.

᪑᪕᪒. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᨲ᩠ᨳᩮᨶ ᩈᨴ᩠ᨵᩥᩴ ᩋᨴ᩠ᨵᩣᨶᨾᨣ᩠ᨣᨸ᩠ᨸᨭᩥᨸᨶ᩠ᨶᩮᩣ ᩉᩮᩣᨲᩥ. ᩋᨬ᩠ᨬᨲᩁᩮᩣ ᨸᩩᩁᩥᩈᩮᩣ ¶ ᨲᩴ ᨽᩥᨠ᩠ᨡᩩᩴ ᩌᨾᩥᩈᩮᨶ ᩏᨸᩃᩣᨸᩮᨲ᩠ᩅᩣ ᩈᩩᨦ᩠ᨠᨭ᩠ᨮᩣᨶᩴ ᨸᩔᩥᨲ᩠ᩅᩣ ᨾᩉᨣ᩠ᨥᩴ ᨾᨱᩥᩴ ᨲᩔ ᨽᩥᨠ᩠ᨡᩩᨶᩮᩣ ᩋᨴᩣᩈᩥ – ‘‘ᩍᨾᩴ, ᨽᨶ᩠ᨲᩮ, ᨾᨱᩥᩴ ᩈᩩᨦ᩠ᨠᨭ᩠ᨮᩣᨶᩴ ᩋᨲᩥᨠ᩠ᨠᩣᨾᩮᩉᩦ’’ᨲᩥ. ᩋᨳ ᨡᩮᩣ ᩈᩮᩣ ᨽᩥᨠ᩠ᨡᩩ ᨲᩴ ᨾᨱᩥᩴ ᩈᩩᨦ᩠ᨠᨭ᩠ᨮᩣᨶᩴ ᩋᨲᩥᨠ᩠ᨠᩣᨾᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

᪑᪕᪓. ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨸᩣᩈᩮ ᨻᨶ᩠ᨵᩴ ᩈᩪᨠᩁᩴ ᨠᩣᩁᩩᨬ᩠ᨬᩮᨶ ᨾᩩᨬ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᨠᩥᩴᨧᩥᨲ᩠ᨲᩮᩣ ᨲ᩠ᩅᩴ, ᨽᩥᨠ᩠ᨡᩪ’’ᨲᩥ? ‘‘ᨠᩣᩁᩩᨬ᩠ᨬᩣᨵᩥᨸ᩠ᨸᩣᨿᩮᩣ ᩋᩉᩴ, ᨽᨣᩅᩣ’’ᨲᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨠᩣᩁᩩᨬ᩠ᨬᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨸᩣᩈᩮ ᨻᨶ᩠ᨵᩴ ᩈᩪᨠᩁᩴ – ‘‘ᨸᩩᩁᩮ ᩈᩣᨾᩥᨠᩣ ᨸᩔᨶ᩠ᨲᩦ’’ᨲᩥ, ᨳᩮᨿ᩠ᨿᨧᩥᨲ᩠ᨲᩮᩣ ᨾᩩᨬ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨸᩣᩈᩮ ᨻᨶ᩠ᨵᩴ ᨾᩥᨣᩴ ᨠᩣᩁᩩᨬ᩠ᨬᩮᨶ ᨾᩩᨬ᩠ᨧᩥ… ᨸᩣᩈᩮ ᨻᨶ᩠ᨵᩴ ᨾᩥᨣᩴ – ‘‘ᨸᩩᩁᩮ ᩈᩣᨾᩥᨠᩣ ᨸᩔᨶ᩠ᨲᩦ’’ᨲᩥ, ᨳᩮᨿ᩠ᨿᨧᩥᨲ᩠ᨲᩮᩣ ᨾᩩᨬ᩠ᨧᩥ ¶ … ᨠᩩᨾᩥᨶᩮ ᨻᨶ᩠ᨵᩮ ᨾᨧ᩠ᨨᩮ ᨠᩣᩁᩩᨬ᩠ᨬᩮᨶ ᨾᩩᨬ᩠ᨧᩥ… ᨠᩩᨾᩥᨶᩮ ᨻᨶ᩠ᨵᩮ ᨾᨧ᩠ᨨᩮ – ‘‘ᨸᩩᩁᩮ ᩈᩣᨾᩥᨠᩣ ᨸᩔᨶ᩠ᨲᩦ’’ᨲᩥ ᨳᩮᨿ᩠ᨿᨧᩥᨲ᩠ᨲᩮᩣ ᨾᩩᨬ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨿᩣᨶᩮ ᨽᨱ᩠ᨯᩴ ᨸᩔᩥᨲ᩠ᩅᩣ – ‘‘ᩍᨲᩮᩣ ᨣᨱ᩠ᩉᨶ᩠ᨲᩮᩣ ᨸᩣᩁᩣᨩᩥᨠᩮᩣ ᨽᩅᩥᩔᩣᨾᩦ’’ᨲᩥ, ᩋᨲᩥᨠ᩠ᨠᨾᩥᨲ᩠ᩅᩣ ᨸᩅᨭ᩠ᨭᩮᨲ᩠ᩅᩣ [ᨸᩅᨲ᩠ᨲᩮᨲ᩠ᩅᩣ (ᨠ.)] ᩋᨣ᩠ᨣᩉᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ ¶ , ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨠᩩᩃᩃᩮᨶ ᩏᨠ᩠ᨡᩥᨲ᩠ᨲᩴ ᨾᩴᩈᨸᩮᩈᩥᩴ – ‘‘ᩈᩣᨾᩥᨠᩣᨶᩴ ᨴᩔᩣᨾᩦ’’ᨲᩥ ᩋᨣ᩠ᨣᩉᩮᩈᩥ. ᩈᩣᨾᩥᨠᩣ ᨲᩴ ᨽᩥᨠ᩠ᨡᩩᩴ ᨧᩮᩣᨴᩮᩈᩩᩴ – ‘‘ᩋᩔᨾᨱᩮᩣᩈᩥ ᨲ᩠ᩅ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩋᨳᩮᨿ᩠ᨿᨧᩥᨲ᩠ᨲᩔᩣ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨠᩩᩃᩃᩮᨶ ᩏᨠ᩠ᨡᩥᨲ᩠ᨲᩴ ᨾᩴᩈᨸᩮᩈᩥᩴ – ‘‘ᨸᩩᩁᩮ ᩈᩣᨾᩥᨠᩣ ᨸᩔᨶ᩠ᨲᩦ’’ᨲᩥ, ᨳᩮᨿ᩠ᨿᨧᩥᨲ᩠ᨲᩮᩣ ᩋᨣ᩠ᨣᩉᩮᩈᩥ. ᩈᩣᨾᩥᨠᩣ ᨲᩴ ᨽᩥᨠ᩠ᨡᩩᩴ ᨧᩮᩣᨴᩮᩈᩩᩴ – ‘‘ᩋᩔᨾᨱᩮᩣᩈᩥ ᨲ᩠ᩅ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

᪑᪕᪔. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨾᨶᩩᩔᩣ ᩏᩊᩩᨾ᩠ᨸᩴ ᨻᨶ᩠ᨵᩥᨲ᩠ᩅᩣ ᩋᨧᩥᩁᩅᨲᩥᨿᩣ ᨶᨴᩥᨿᩣ ᩒᩈᩣᩁᩮᨶ᩠ᨲᩥ. ᨻᨶ᩠ᨵᨶᩮ ᨨᩥᨶ᩠ᨶᩮ ᨠᨭ᩠ᨮᩣᨶᩥ ᩅᩥᨸ᩠ᨸᨠᩥᨱ᩠ᨱᩣᨶᩥ ᩋᨣᨾᩴᩈᩩ. ᨽᩥᨠ᩠ᨡᩪ ᨸᩴᩈᩩᨠᩪᩃᩈᨬ᩠ᨬᩥᨶᩮᩣ ᩏᨲ᩠ᨲᩣᩁᩮᩈᩩᩴ. ᩈᩣᨾᩥᨠᩣ ᨲᩮ ᨽᩥᨠ᩠ᨡᩪ ᨧᩮᩣᨴᩮᩈᩩᩴ – ‘‘ᩋᩔᨾᨱᩣᨲ᩠ᨳ ¶ ᨲᩩᨾ᩠ᩉᩮ’’ᨲᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨸᩴᩈᩩᨠᩪᩃᩈᨬ᩠ᨬᩥᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨾᨶᩩᩔᩣ ᩏᩊᩩᨾ᩠ᨸᩴ ᨻᨶ᩠ᨵᩥᨲ᩠ᩅᩣ ᩋᨧᩥᩁᩅᨲᩥᨿᩣ ᨶᨴᩥᨿᩣ ᩒᩈᩣᩁᩮᨶ᩠ᨲᩥ. ᨻᨶ᩠ᨵᨶᩮ ᨨᩥᨶ᩠ᨶᩮ ᨠᨭ᩠ᨮᩣᨶᩥ ᩅᩥᨸ᩠ᨸᨠᩥᨱ᩠ᨱᩣᨶᩥ ᩋᨣᨾᩴᩈᩩ. ᨽᩥᨠ᩠ᨡᩪ – ‘‘ᨸᩩᩁᩮ ᩈᩣᨾᩥᨠᩣ ᨸᩔᨶ᩠ᨲᩦ’’ᨲᩥ, ᨳᩮᨿ᩠ᨿᨧᩥᨲ᩠ᨲᩣ ᩏᨲ᩠ᨲᩣᩁᩮᩈᩩᩴ. ᩈᩣᨾᩥᨠᩣ ᨲᩮ ᨽᩥᨠ᩠ᨡᩪ ᨧᩮᩣᨴᩮᩈᩩᩴ – ‘‘ᩋᩔᨾᨱᩣᨲ᩠ᨳ ᨲᩩᨾ᩠ᩉᩮ’’ᨲᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲᩩᨾ᩠ᩉᩮ, ᨽᩥᨠ᩠ᨡᩅᩮ, ᩌᨸᨶ᩠ᨶᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨣᩮᩣᨸᩣᩃᨠᩮᩣ ᩁᩩᨠ᩠ᨡᩮ ᩈᩣᨭᨠᩴ ᩌᩃᨣ᩠ᨣᩮᨲ᩠ᩅᩣ ᩏᨧ᩠ᨧᩣᩁᩴ ᩋᨣᨾᩣᩈᩥ. ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨸᩴᩈᩩᨠᩪᩃᩈᨬ᩠ᨬᩦ ᩋᨣ᩠ᨣᩉᩮᩈᩥ ¶ . ᩋᨳ ᨡᩮᩣ ᩈᩮᩣ ᨣᩮᩣᨸᩣᩃᨠᩮᩣ ᨲᩴ ᨽᩥᨠ᩠ᨡᩩᩴ ᨧᩮᩣᨴᩮᩈᩥ – ‘‘ᩋᩔᨾᨱᩮᩣᩈᩥ ᨲ᩠ᩅ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩴᩈᩩᨠᩪᩃᩈᨬ᩠ᨬᩥᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨶᨴᩥᩴ ᨲᩁᨶ᩠ᨲᩔ ᩁᨩᨠᩣᨶᩴ ᩉᨲ᩠ᨳᨲᩮᩣ ᨾᩩᨲ᩠ᨲᩴ ᩈᩣᨭᨠᩴ ᨸᩣᨴᩮ ᩃᨣ᩠ᨣᩴ ᩉᩮᩣᨲᩥ. ᩈᩮᩣ ᨽᩥᨠ᩠ᨡᩩ – ‘‘ᩈᩣᨾᩥᨠᩣᨶᩴ ᨴᩔᩣᨾᩦ’’ᨲᩥ ᩋᨣ᩠ᨣᩉᩮᩈᩥ. ᩈᩣᨾᩥᨠᩣ ᨲᩴ ᨽᩥᨠ᩠ᨡᩩᩴ ᨧᩮᩣᨴᩮᩈᩩᩴ – ‘‘ᩋᩔᨾᨱᩮᩣᩈᩥ ᨲ᩠ᩅ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩋᨳᩮᨿ᩠ᨿᨧᩥᨲ᩠ᨲᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨶᨴᩥᩴ ᨲᩁᨶ᩠ᨲᩔ ᩁᨩᨠᩣᨶᩴ ᩉᨲ᩠ᨳᨲᩮᩣ ᨾᩩᨲ᩠ᨲᩴ ᩈᩣᨭᨠᩴ ᨸᩣᨴᩮ ᩃᨣ᩠ᨣᩴ ᩉᩮᩣᨲᩥ ¶ . ᩈᩮᩣ ᨽᩥᨠ᩠ᨡᩩ – ‘‘ᨸᩩᩁᩮ ᩈᩣᨾᩥᨠᩣ ᨸᩔᨶ᩠ᨲᩦ’’ᨲᩥ, ᨳᩮᨿ᩠ᨿᨧᩥᨲ᩠ᨲᩮᩣ ᩋᨣ᩠ᨣᩉᩮᩈᩥ. ᩈᩣᨾᩥᨠᩣ ᨲᩴ ᨽᩥᨠ᩠ᨡᩩᩴ ᨧᩮᩣᨴᩮᩈᩩᩴ – ‘‘ᩋᩔᨾᨱᩮᩣᩈᩥ ᨲ᩠ᩅ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

᪑᪕᪕. ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᨸ᩠ᨸᩥᨠᩩᨾ᩠ᨽᩥᩴ ᨸᩔᩥᨲ᩠ᩅᩣ ᨳᩮᩣᨠᩴ ᨳᩮᩣᨠᩴ ᨸᩁᩥᨽᩩᨬ᩠ᨩᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩈᨾ᩠ᨻᩉᩩᩃᩣ ᨽᩥᨠ᩠ᨡᩪ ᩈᩴᩅᩥᨴᩉᩥᨲ᩠ᩅᩣ ᩋᨣᨾᩴᩈᩩ – ‘‘ᨽᨱ᩠ᨯᩴ ᩋᩅᩉᩁᩥᩔᩣᨾᩣ’’ᨲᩥ. ᩑᨠᩮᩣ ᨽᨱ᩠ᨯᩴ ᩋᩅᩉᩁᩥ. ᨲᩮ ᩑᩅᨾᩣᩉᩴᩈᩩ – ‘‘ᨶ ¶ ᨾᨿᩴ ᨸᩣᩁᩣᨩᩥᨠᩣ. ᨿᩮᩣ ᩋᩅᩉᨭᩮᩣ ᩈᩮᩣ ᨸᩣᩁᩣᨩᩥᨠᩮᩣ’’ᨲᩥ. ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ… ‘‘ᩌᨸᨲ᩠ᨲᩥᩴ ᨲᩩᨾ᩠ᩉᩮ, ᨽᩥᨠ᩠ᨡᩅᩮ, ᩌᨸᨶ᩠ᨶᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩈᨾ᩠ᨻᩉᩩᩃᩣ ᨽᩥᨠ᩠ᨡᩪ ᩈᩴᩅᩥᨴᩉᩥᨲ᩠ᩅᩣ ᨽᨱ᩠ᨯᩴ ᩋᩅᩉᩁᩥᨲ᩠ᩅᩣ ᨽᩣᨩᩮᩈᩩᩴ ¶ . ᨲᩮᩉᩥ ᨽᩣᨩᩦᨿᨾᩣᨶᩮ ᩑᨠᨾᩮᨠᩔ ᨸᨭᩥᩅᩥᩈᩮᩣ ᨶ ᨸᨬ᩠ᨧᨾᩣᩈᨠᩮᩣ ᨸᩪᩁᩥ. ᨲᩮ ᩑᩅᨾᩣᩉᩴᩈᩩ – ‘‘ᨶ ᨾᨿᩴ ᨸᩣᩁᩣᨩᩥᨠᩣ’’ᨲᩥ. ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ‘‘ᩌᨸᨲ᩠ᨲᩥᩴ ᨲᩩᨾ᩠ᩉᩮ, ᨽᩥᨠ᩠ᨡᩅᩮ, ᩌᨸᨶ᩠ᨶᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᩣᩅᨲ᩠ᨳᩥᨿᩴ ᨴᩩᨻ᩠ᨽᩥᨠ᩠ᨡᩮ ᩌᨸᨱᩥᨠᩔ ᨲᨱ᩠ᨯᩩᩃᨾᩩᨭ᩠ᨮᩥᩴ ᨳᩮᨿ᩠ᨿᨧᩥᨲ᩠ᨲᩮᩣ ᩋᩅᩉᩁᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᩣᩅᨲ᩠ᨳᩥᨿᩴ ᨴᩩᨻ᩠ᨽᩥᨠ᩠ᨡᩮ ᩌᨸᨱᩥᨠᩔ ᨾᩩᨣ᩠ᨣᨾᩩᨭ᩠ᨮᩥᩴ… ᨾᩣᩈᨾᩩᨭ᩠ᨮᩥᩴ… ᨲᩥᩃᨾᩩᨭ᩠ᨮᩥᩴ ᨳᩮᨿ᩠ᨿᨧᩥᨲ᩠ᨲᩮᩣ ᩋᩅᩉᩁᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩈᩣᩅᨲ᩠ᨳᩥᨿᩴ ᩋᨶ᩠ᨵᩅᨶᩮ ᨧᩮᩣᩁᨠᩣ ᨣᩣᩅᩥᩴ ᩉᨶ᩠ᨲ᩠ᩅᩣ ᨾᩴᩈᩴ ᨡᩣᨴᩥᨲ᩠ᩅᩣ ᩈᩮᩈᨠᩴ ᨸᨭᩥᩈᩣᨾᩮᨲ᩠ᩅᩣ ᩋᨣᨾᩴᩈᩩ. ᨽᩥᨠ᩠ᨡᩪ ᨸᩴᩈᩩᨠᩪᩃᩈᨬ᩠ᨬᩥᨶᩮᩣ ᨸᨭᩥᨣ᩠ᨣᩉᩣᨸᩮᨲ᩠ᩅᩣ ᨸᩁᩥᨽᩩᨬ᩠ᨩᩥᩴᩈᩩ. ᨧᩮᩣᩁᨠᩣ ᨲᩮ ᨽᩥᨠ᩠ᨡᩪ ᨧᩮᩣᨴᩮᩈᩩᩴ – ‘‘ᩋᩔᨾᨱᩣᨲ᩠ᨳ ᨲᩩᨾ᩠ᩉᩮ’’ᨲᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨸᩴᩈᩩᨠᩪᩃᩈᨬ᩠ᨬᩥᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩈᩣᩅᨲ᩠ᨳᩥᨿᩴ ᩋᨶ᩠ᨵᩅᨶᩮ ᨧᩮᩣᩁᨠᩣ ᩈᩪᨠᩁᩴ ᩉᨶ᩠ᨲ᩠ᩅᩣ ᨾᩴᩈᩴ ᨡᩣᨴᩥᨲ᩠ᩅᩣ ᩈᩮᩈᨠᩴ ᨸᨭᩥᩈᩣᨾᩮᨲ᩠ᩅᩣ ᩋᨣᨾᩴᩈᩩ. ᨽᩥᨠ᩠ᨡᩪ ᨸᩴᩈᩩᨠᩪᩃᩈᨬ᩠ᨬᩥᨶᩮᩣ ᨸᨭᩥᨣ᩠ᨣᩉᩣᨸᩮᨲ᩠ᩅᩣ ᨸᩁᩥᨽᩩᨬ᩠ᨩᩥᩴᩈᩩ. ᨧᩮᩣᩁᨠᩣ ᨲᩮ ¶ ᨽᩥᨠ᩠ᨡᩪ ᨧᩮᩣᨴᩮᩈᩩᩴ – ‘‘ᩋᩔᨾᨱᩣᨲ᩠ᨳ ᨲᩩᨾ᩠ᩉᩮ’’ᨲᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨸᩴᩈᩩᨠᩪᩃᩈᨬ᩠ᨬᩥᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨲᩥᨱᨠ᩠ᨡᩮᨲ᩠ᨲᩴ ᨣᨶ᩠ᨲ᩠ᩅᩣ ᩃᩪᨲᩴ ᨲᩥᨱᩴ ᨸᨬ᩠ᨧᨾᩣᩈᨣ᩠ᨥᨶᨠᩴ ᨳᩮᨿ᩠ᨿᨧᩥᨲ᩠ᨲᩮᩣ ᩋᩅᩉᩁᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ ¶ …ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨲᩥᨱᨠ᩠ᨡᩮᨲ᩠ᨲᩴ ᨣᨶ᩠ᨲ᩠ᩅᩣ ᨲᩥᨱᩴ ᩃᩣᨿᩥᨲ᩠ᩅᩣ ᨸᨬ᩠ᨧᨾᩣᩈᨣ᩠ᨥᨶᨠᩴ ᨳᩮᨿ᩠ᨿᨧᩥᨲ᩠ᨲᩮᩣ ᩋᩅᩉᩁᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

᪑᪕᪖. ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩌᨣᨶ᩠ᨲᩩᨠᩣ ᨽᩥᨠ᩠ᨡᩪ ᩈᨦ᩠ᨥᩔ ᩋᨾ᩠ᨻᩴ ᨽᩣᨩᩣᨸᩮᨲ᩠ᩅᩣ ᨸᩁᩥᨽᩩᨬ᩠ᨩᩥᩴᩈᩩ. ᩌᩅᩣᩈᩥᨠᩣ ᨽᩥᨠ᩠ᨡᩪ ᨲᩮ ᨽᩥᨠ᩠ᨡᩪ ᨧᩮᩣᨴᩮᩈᩩᩴ – ‘‘ᩋᩔᨾᨱᩣᨲ᩠ᨳ ᨲᩩᨾ᩠ᩉᩮ’’ᨲᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ‘‘ᨠᩥᩴᨧᩥᨲ᩠ᨲᩣ ᨲᩩᨾ᩠ᩉᩮ, ᨽᩥᨠ᩠ᨡᩅᩮ’’ᨲᩥ? ‘‘ᨸᩁᩥᨽᩮᩣᨣᨲ᩠ᨳᩣᨿ [ᨸᩁᩥᨽᩮᩣᨣᨲ᩠ᨳᩣ (ᩈᩦ.)] ᨾᨿᩴ ᨽᨣᩅᩣ’’ᨲᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨸᩁᩥᨽᩮᩣᨣᨲ᩠ᨳᩣᨿᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᨣᨶ᩠ᨲᩩᨠᩣ ᨽᩥᨠ᩠ᨡᩪ ᩈᨦ᩠ᨥᩔ ᨩᨾ᩠ᨻᩩᩴ… ᩈᨦ᩠ᨥᩔ ᩃᨻᩩᨩᩴ… ᩈᨦ᩠ᨥᩔ ᨸᨶᩈᩴ… ᩈᨦ᩠ᨥᩔ ᨲᩣᩃᨸᨠ᩠ᨠᩴ… ᩈᨦ᩠ᨥᩔ ᩏᨧ᩠ᨨᩩᩴ… ᩈᨦ᩠ᨥᩔ ᨲᩥᨾ᩠ᨻᩁᩪᩈᨠᩴ ᨽᩣᨩᩣᨸᩮᨲ᩠ᩅᩣ ᨸᩁᩥᨽᩩᨬ᩠ᨩᩥᩴᩈᩩ. ᩌᩅᩣᩈᩥᨠᩣ ᨽᩥᨠ᩠ᨡᩪ ᨲᩮ ᨽᩥᨠ᩠ᨡᩪ ᨧᩮᩣᨴᩮᩈᩩᩴ – ‘‘ᩋᩔᨾᨱᩣᨲ᩠ᨳ, ᨲᩩᨾ᩠ᩉᩮ’’ᨲᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨸᩁᩥᨽᩮᩣᨣᨲ᩠ᨳᩣᨿᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨾ᩠ᨻᨸᩣᩃᨠᩣ ᨽᩥᨠ᩠ᨡᩪᨶᩴ ᩋᨾ᩠ᨻᨹᩃᩴ ᨴᩮᨶ᩠ᨲᩥ. ᨽᩥᨠ᩠ᨡᩪ – ‘‘ᨣᩮᩣᨸᩮᨲᩩᩴ ᩍᨾᩮ ᩍᩔᩁᩣ, ᨶᨿᩥᨾᩮ ᨴᩣᨲᩩ’’ᨶ᩠ᨲᩥ, ᨠᩩᨠ᩠ᨠᩩᨧ᩠ᨧᩣᨿᨶ᩠ᨲᩣ ᨶ ᨸᨭᩥᨣ᩠ᨣᨱ᩠ᩉᨶ᩠ᨲᩥ. ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨣᩮᩣᨸᨠᩔ ᨴᩣᨶᩮ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨩᨾ᩠ᨻᩩᨸᩣᩃᨠᩣ… ᩃᨻᩩᨩᨸᩣᩃᨠᩣ… ᨸᨶᩈᨸᩣᩃᨠᩣ… ᨲᩣᩃᨸᨠ᩠ᨠᨸᩣᩃᨠᩣ… ᩏᨧ᩠ᨨᩩᨸᩣᩃᨠᩣ… ᨲᩥᨾ᩠ᨻᩁᩪᩈᨠᨸᩣᩃᨠᩣ ᨽᩥᨠ᩠ᨡᩪᨶᩴ ᨲᩥᨾ᩠ᨻᩁᩪᩈᨠᩴ ᨴᩮᨶ᩠ᨲᩥ. ᨽᩥᨠ᩠ᨡᩪ ¶ – ‘‘ᨣᩮᩣᨸᩮᨲᩩᩴ ᩍᨾᩮ ᩍᩔᩁᩣ, ᨶᨿᩥᨾᩮ ᨴᩣᨲᩩ’’ᨶ᩠ᨲᩥ, ᨠᩩᨠ᩠ᨠᩩᨧ᩠ᨧᩣᨿᨶ᩠ᨲᩣ ᨶ ᨸᨭᩥᨣ᩠ᨣᨱ᩠ᩉᨶ᩠ᨲᩥ. ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨣᩮᩣᨸᨠᩔ ᨴᩣᨶᩮ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᨦ᩠ᨥᩔ ᨴᩣᩁᩩᩴ ᨲᩣᩅᨠᩣᩃᩥᨠᩴ ᩉᩁᩥᨲ᩠ᩅᩣ ᩋᨲ᩠ᨲᨶᩮᩣ ᩅᩥᩉᩣᩁᩔ ᨠᩩᨭ᩠ᨭᩴ ᩏᨸᨲ᩠ᨳᨾ᩠ᨽᩮᩈᩥ. ᨽᩥᨠ᩠ᨡᩪ ᨲᩴ ᨽᩥᨠ᩠ᨡᩩᩴ ᨧᩮᩣᨴᩮᩈᩩᩴ – ‘‘ᩋᩔᨾᨱᩮᩣᩈᩥ ᨲ᩠ᩅ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ. ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ‘‘ᨠᩥᩴᨧᩥᨲ᩠ᨲᩮᩣ ᨲ᩠ᩅᩴ, ᨽᩥᨠ᩠ᨡᩪ’’ᨲᩥ? ‘‘ᨲᩣᩅᨠᩣᩃᩥᨠᩮᩣ ᩋᩉᩴ, ᨽᨣᩅᩣ’’ᨲᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨲᩣᩅᨠᩣᩃᩥᨠᩮ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᨦ᩠ᨥᩔ ᩏᨴᨠᩴ ᨳᩮᨿ᩠ᨿᨧᩥᨲ᩠ᨲᩮᩣ ᩋᩅᩉᩁᩥ… ᩈᨦ᩠ᨥᩔ ᨾᨲ᩠ᨲᩥᨠᩴ ᨳᩮᨿ᩠ᨿᨧᩥᨲ᩠ᨲᩮᩣ ᩋᩅᩉᩁᩥ… ᩈᨦ᩠ᨥᩔ ᨸᩩᨬ᩠ᨩᨠᩥᨲᩴ ᨲᩥᨱᩴ ᨳᩮᨿ᩠ᨿᨧᩥᨲ᩠ᨲᩮᩣ ᩋᩅᩉᩁᩥ… ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᨦ᩠ᨥᩔ ᨸᩩᨬ᩠ᨩᨠᩥᨲᩴ ᨲᩥᨱᩴ ᨳᩮᨿ᩠ᨿᨧᩥᨲ᩠ᨲᩮᩣ ᨫᩣᨸᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ. ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᨦ᩠ᨥᩔ ᨾᨬ᩠ᨧᩴ ᨳᩮᨿ᩠ᨿᨧᩥᨲ᩠ᨲᩮᩣ ᩋᩅᩉᩁᩥ… ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᨦ᩠ᨥᩔ ᨸᩦᨮᩴ… ᩈᨦ᩠ᨥᩔ ᨽᩥᩈᩥᩴ… ᩈᨦ᩠ᨥᩔ ᨻᩥᨻ᩠ᨻᩮᩣᩉᨶᩴ [ᨻᩥᨾ᩠ᨻᩮᩣᩉᨶᩴ (ᩈᩦ. ᩈ᩠ᨿᩣ.)] … ᩈᨦ᩠ᨥᩔ ¶ ᨠᩅᩣᨭᩴ… ᩈᨦ᩠ᨥᩔ ᩌᩃᩮᩣᨠᩈᨶ᩠ᨵᩥᩴ… ᩈᨦ᩠ᨥᩔ ᨣᩮᩣᨸᩣᨶᩈᩥᩴ ᨳᩮᨿ᩠ᨿᨧᩥᨲ᩠ᨲᩮᩣ ᩋᩅᩉᩁᩥ… ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

᪑᪕᪗. [ᨧᩪᩊᩅ. ᪓᪒᪔] ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨽᩥᨠ᩠ᨡᩪ ᩋᨬ᩠ᨬᨲᩁᩔ ᩏᨸᩣᩈᨠᩔ ᩅᩥᩉᩣᩁᨸᩁᩥᨽᩮᩣᨣᩴ ¶ ᩈᩮᨶᩣᩈᨶᩴ ᩋᨬ᩠ᨬᨲᩕ ᨸᩁᩥᨽᩩᨬ᩠ᨩᨶ᩠ᨲᩥ. ᩋᨳ ᨡᩮᩣ ᩈᩮᩣ ᩏᨸᩣᩈᨠᩮᩣ ᩏᨩ᩠ᨫᩣᨿᨲᩥ ᨡᩥᨿ᩠ᨿᨲᩥ ᩅᩥᨸᩣᨧᩮᨲᩥ – ‘‘ᨠᨳᨬ᩠ᩉᩥ ᨶᩣᨾ ᨽᨴᨶ᩠ᨲᩣ ᩋᨬ᩠ᨬᨲᩕ ᨸᩁᩥᨽᩮᩣᨣᩴ ᩋᨬ᩠ᨬᨲᩕ ᨸᩁᩥᨽᩩᨬ᩠ᨩᩥᩔᨶ᩠ᨲᩦ’’ᨲᩥ! ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ‘‘ᨶ, ᨽᩥᨠ᩠ᨡᩅᩮ, ᩋᨬ᩠ᨬᨲᩕ ᨸᩁᩥᨽᩮᩣᨣᩮᩣ ᩋᨬ᩠ᨬᨲᩕ ᨸᩁᩥᨽᩩᨬ᩠ᨩᩥᨲᨻ᩠ᨻᩮᩣ. ᨿᩮᩣ ᨸᩁᩥᨽᩩᨬ᩠ᨩᩮᨿ᩠ᨿ, ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

[ᨧᩪᩊᩅ. ᪓᪒᪔] ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨽᩥᨠ᩠ᨡᩪ ᩏᨸᩮᩣᩈᨳᨣ᩠ᨣᨾ᩠ᨸᩥ ᩈᨶ᩠ᨶᩥᩈᨩ᩠ᨩᨾ᩠ᨸᩥ ᩉᩁᩥᨲᩩᩴ ᨠᩩᨠ᩠ᨠᩩᨧ᩠ᨧᩣᨿᨶ᩠ᨲᩣ ᨨᨾᩣᨿᩴ ᨶᩥᩈᩦᨴᨶ᩠ᨲᩥ. ᨣᨲ᩠ᨲᩣᨶᩥᨸᩥ ᨧᩦᩅᩁᩣᨶᩥᨸᩥ ᨸᩴᩈᩩᨠᩥᨲᩣᨶᩥ ᩉᩮᩣᨶ᩠ᨲᩥ. ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ‘‘ᩋᨶᩩᨩᩣᨶᩣᨾᩥ, ᨽᩥᨠ᩠ᨡᩅᩮ, ᨲᩣᩅᨠᩣᩃᩥᨠᩴ ᩉᩁᩥᨲᩩ’’ᨶ᩠ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᨧᨾ᩠ᨸᩣᨿᩴ ᨳᩩᩃ᩠ᩃᨶᨶ᩠ᨴᩣᨿ ᨽᩥᨠ᩠ᨡᩩᨶᩥᨿᩣ ᩋᨶ᩠ᨲᩮᩅᩣᩈᩥᨶᩦ ᨽᩥᨠ᩠ᨡᩩᨶᩦ ᨳᩩᩃ᩠ᩃᨶᨶ᩠ᨴᩣᨿ ᨽᩥᨠ᩠ᨡᩩᨶᩥᨿᩣ ᩏᨸᨭ᩠ᨮᩣᨠᨠᩩᩃᩴ ᨣᨶ᩠ᨲ᩠ᩅᩣ – ‘‘ᩋᨿ᩠ᨿᩣ ᩍᨧ᩠ᨨᨲᩥ ¶ ᨲᩮᨠᨭᩩᩃᨿᩣᨣᩩᩴ ᨸᩣᨲᩩ’’ᨶ᩠ᨲᩥ, ᨸᨧᩣᨸᩮᨲ᩠ᩅᩣ ᩉᩁᩥᨲ᩠ᩅᩣ ᩋᨲ᩠ᨲᨶᩣ ᨸᩁᩥᨽᩩᨬ᩠ᨩᩥ. ᩈᩣ ᨩᩣᨶᩥᨲ᩠ᩅᩣ ᨲᩴ ᨧᩮᩣᨴᩮᩈᩥ – ‘‘ᩋᩔᨾᨱᩦᩈᩥ ᨲ᩠ᩅ’’ᨶ᩠ᨲᩥ. ᨲᩔᩣ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ. ᩋᨳ ᨡᩮᩣ ᩈᩣ ᨽᩥᨠ᩠ᨡᩩᨶᩦ ᨽᩥᨠ᩠ᨡᩩᨶᩦᨶᩴ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ᨽᩥᨠ᩠ᨡᩩᨶᩥᨿᩮᩣ ᨽᩥᨠ᩠ᨡᩪᨶᩴ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ᨽᩥᨠ᩠ᨡᩪ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᩈᨾ᩠ᨸᨩᩣᨶᨾᩩᩈᩣᩅᩣᨴᩮ ¶ ᨸᩣᨧᩥᨲ᩠ᨲᩥᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩁᩣᨩᨣᩉᩮ ᨳᩩᩃ᩠ᩃᨶᨶ᩠ᨴᩣᨿ ᨽᩥᨠ᩠ᨡᩩᨶᩥᨿᩣ ᩋᨶ᩠ᨲᩮᩅᩣᩈᩥᨶᩦ ᨽᩥᨠ᩠ᨡᩩᨶᩦ ᨳᩩᩃ᩠ᩃᨶᨶ᩠ᨴᩣᨿ ᨽᩥᨠ᩠ᨡᩩᨶᩥᨿᩣ ᩏᨸᨭ᩠ᨮᩣᨠᨠᩩᩃᩴ ᨣᨶ᩠ᨲ᩠ᩅᩣ – ‘‘ᩋᨿ᩠ᨿᩣ ᩍᨧ᩠ᨨᨲᩥ ᨾᨵᩩᨣᩮᩣᩊᨠᩴ ᨡᩣᨴᩥᨲᩩ’’ᨶ᩠ᨲᩥ, ᨸᨧᩣᨸᩮᨲ᩠ᩅᩣ ᩉᩁᩥᨲ᩠ᩅᩣ ᩋᨲ᩠ᨲᨶᩣ ᨸᩁᩥᨽᩩᨬ᩠ᨩᩥ. ᩈᩣ ᨩᩣᨶᩥᨲ᩠ᩅᩣ ᨲᩴ ᨧᩮᩣᨴᩮᩈᩥ – ‘‘ᩋᩔᨾᨱᩦᩈᩥ ᨲ᩠ᩅ’’ᨶ᩠ᨲᩥ. ᨲᩔᩣ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᩈᨾ᩠ᨸᨩᩣᨶᨾᩩᩈᩣᩅᩣᨴᩮ ᨸᩣᨧᩥᨲ᩠ᨲᩥᨿᩔᩣ’’ᨲᩥ.

᪑᪕᪘. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩅᩮᩈᩣᩃᩥᨿᩴ ᩌᨿᩈ᩠ᨾᨲᩮᩣ ᩋᨩ᩠ᨩᩩᨠᩔ ᩏᨸᨭ᩠ᨮᩣᨠᩔ ᨣᩉᨸᨲᩥᨶᩮᩣ ᨴ᩠ᩅᩮ ᨴᩣᩁᨠᩣ ᩉᩮᩣᨶ᩠ᨲᩥ – ᨸᩩᨲ᩠ᨲᩮᩣ ᨧ ᨽᩣᨣᩥᨶᩮᨿ᩠ᨿᩮᩣ ᨧ. ᩋᨳ ᨡᩮᩣ ᩈᩮᩣ ᨣᩉᨸᨲᩥ ᩌᨿᩈ᩠ᨾᨶ᩠ᨲᩴ ᩋᨩ᩠ᨩᩩᨠᩴ ᩑᨲᨴᩅᩮᩣᨧ – ‘‘ᩍᨾᩴ, ᨽᨶ᩠ᨲᩮ, ᩒᨠᩣᩈᩴ ᨿᩮᩣ ᩍᨾᩮᩈᩴ ᨴ᩠ᩅᩥᨶ᩠ᨶᩴ ᨴᩣᩁᨠᩣᨶᩴ ᩈᨴ᩠ᨵᩮᩣ ᩉᩮᩣᨲᩥ ᨸᩈᨶ᩠ᨶᩮᩣ ᨲᩔ ᩌᨧᩥᨠ᩠ᨡᩮᨿ᩠ᨿᩣᩈᩦ’’ᨲᩥ [ᩌᨧᩥᨠ᩠ᨡᩮᨿ᩠ᨿᩣᩈᩦᨲᩥ ᩈᩮᩣ ᨠᩣᩃᨾᨠᩣᩈᩥ (ᩈ᩠ᨿᩣ.)]. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨲᩔ ᨣᩉᨸᨲᩥᨶᩮᩣ ᨽᩣᨣᩥᨶᩮᨿ᩠ᨿᩮᩣ ᩈᨴ᩠ᨵᩮᩣ ᩉᩮᩣᨲᩥ ᨸᩈᨶ᩠ᨶᩮᩣ. ᩋᨳ ᨡᩮᩣ ᩌᨿᩈ᩠ᨾᩣ ᩋᨩ᩠ᨩᩩᨠᩮᩣ ᨲᩴ ᩒᨠᩣᩈᩴ ᨲᩔ ᨴᩣᩁᨠᩔ ᩌᨧᩥᨠ᩠ᨡᩥ. ᩈᩮᩣ ᨲᩮᨶ ᩈᩣᨸᨲᩮᨿ᩠ᨿᩮᨶ ᨠᩩᨭᩩᨾ᩠ᨻᨬ᩠ᨧ ᩈᨱ᩠ᨮᨸᩮᩈᩥ ᨴᩣᨶᨬ᩠ᨧ ᨸᨭ᩠ᨮᨸᩮᩈᩥ. ᩋᨳ ᨡᩮᩣ ᨲᩔ ᨣᩉᨸᨲᩥᨶᩮᩣ ᨸᩩᨲ᩠ᨲᩮᩣ ᩌᨿᩈ᩠ᨾᨶ᩠ᨲᩴ ᩌᨶᨶ᩠ᨴᩴ ᩑᨲᨴᩅᩮᩣᨧ – ‘‘ᨠᩮᩣ ᨶᩩ ᨡᩮᩣ, ᨽᨶ᩠ᨲᩮ ᩌᨶᨶ᩠ᨴ, ᨸᩥᨲᩩᨶᩮᩣ ᨴᩣᨿᨩ᩠ᨩᩮᩣ – ᨸᩩᨲ᩠ᨲᩮᩣ ᩅᩣ ᨽᩣᨣᩥᨶᩮᨿ᩠ᨿᩮᩣ ᩅᩣ’’ᨲᩥ? ‘‘ᨸᩩᨲ᩠ᨲᩮᩣ ᨡᩮᩣ, ᩌᩅᩩᩈᩮᩣ, ᨸᩥᨲᩩᨶᩮᩣ ᨴᩣᨿᨩ᩠ᨩᩮᩣ’’ᨲᩥ. ‘‘ᩋᨿᩴ, ᨽᨶ᩠ᨲᩮ, ᩋᨿ᩠ᨿᩮᩣ ᩋᨩ᩠ᨩᩩᨠᩮᩣ ᩋᨾ᩠ᩉᩣᨠᩴ ᩈᩣᨸᨲᩮᨿ᩠ᨿᩴ ¶ ᩋᨾ᩠ᩉᩣᨠᩴ ᨾᩮᨳᩩᨶᨠᩔ ᩌᨧᩥᨠ᩠ᨡᩦ’’ᨲᩥ. ‘‘ᩋᩔᨾᨱᩮᩣ, ᩌᩅᩩᩈᩮᩣ, ᩌᨿᩈ᩠ᨾᩣ ᩋᨩ᩠ᨩᩩᨠᩮᩣ’’ᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᩋᨩ᩠ᨩᩩᨠᩮᩣ ᩌᨿᩈ᩠ᨾᨶ᩠ᨲᩴ ᩌᨶᨶ᩠ᨴᩴ ᩑᨲᨴᩅᩮᩣᨧ – ‘‘ᨴᩮᩉᩥ ᨾᩮ, ᩌᩅᩩᩈᩮᩣ ᩌᨶᨶ᩠ᨴ, ᩅᩥᨶᩥᨧ᩠ᨨᨿ’’ᨶ᩠ᨲᩥ. ᨲᩮᨶ ᨡᩮᩣ ¶ ᨸᨶ ᩈᨾᨿᩮᨶ ᩌᨿᩈ᩠ᨾᩣ ᩏᨸᩣᩃᩥ ᩌᨿᩈ᩠ᨾᨲᩮᩣ ᩋᨩ᩠ᨩᩩᨠᩔ ᨸᨠ᩠ᨡᩮᩣ ᩉᩮᩣᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᩏᨸᩣᩃᩥ ᩌᨿᩈ᩠ᨾᨶ᩠ᨲᩴ ᩌᨶᨶ᩠ᨴᩴ ᩑᨲᨴᩅᩮᩣᨧ – ‘‘ᨿᩮᩣ ¶ ᨶᩩ ᨡᩮᩣ, ᩌᩅᩩᩈᩮᩣ ᩌᨶᨶ᩠ᨴ, ᩈᩣᨾᩥᨠᩮᨶ ‘ᩍᨾᩴ ᩒᨠᩣᩈᩴ ᩍᨲ᩠ᨳᨶ᩠ᨶᩣᨾᩔ ᩌᨧᩥᨠ᩠ᨡᩮᨿ᩠ᨿᩣᩈᩦ’ᨲᩥ ᩅᩩᨲ᩠ᨲᩮᩣ ᨲᩔ ᩌᨧᩥᨠ᩠ᨡᨲᩥ, ᨠᩥᩴ ᩈᩮᩣ ᩌᨸᨩ᩠ᨩᨲᩦ’’ᨲᩥ? ‘‘ᨶ, ᨽᨶ᩠ᨲᩮ, ᨠᩥᨬ᩠ᨧᩥ ᩌᨸᨩ᩠ᨩᨲᩥ, ᩋᨶ᩠ᨲᨾᩈᩮᩣ ᨴᩩᨠ᩠ᨠᨭᨾᨲ᩠ᨲᨾ᩠ᨸᩦ’’ᨲᩥ. ‘‘ᩋᨿᩴ, ᩌᩅᩩᩈᩮᩣ, ᩌᨿᩈ᩠ᨾᩣ ᩋᨩ᩠ᨩᩩᨠᩮᩣ ¶ ᩈᩣᨾᩥᨠᩮᨶ – ‘ᩍᨾᩴ ᩒᨠᩣᩈᩴ ᩍᨲ᩠ᨳᨶ᩠ᨶᩣᨾᩔ ᩌᨧᩥᨠ᩠ᨡᩣ’ᨲᩥ ᩅᩩᨲ᩠ᨲᩮᩣ ᨲᩔ ᩌᨧᩥᨠ᩠ᨡᨲᩥ; ᩋᨶᩣᨸᨲ᩠ᨲᩥ, ᩌᩅᩩᩈᩮᩣ, ᩌᨿᩈ᩠ᨾᨲᩮᩣ ᩋᨩ᩠ᨩᩩᨠᩔᩣ’’ᨲᩥ.

᪑᪕᪙. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨻᩣᩁᩣᨱᩈᩥᨿᩴ ᩌᨿᩈ᩠ᨾᨲᩮᩣ ᨸᩥᩃᩥᨶ᩠ᨴᩅᨧ᩠ᨨᩔ ᩏᨸᨭ᩠ᨮᩣᨠᨠᩩᩃᩴ ᨧᩮᩣᩁᩮᩉᩥ ᩏᨸᨴ᩠ᨴᩩᨲᩴ ᩉᩮᩣᨲᩥ. ᨴ᩠ᩅᩮ ᨧ ᨴᩣᩁᨠᩣ ᨶᩦᨲᩣ ᩉᩮᩣᨶ᩠ᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᨸᩥᩃᩥᨶ᩠ᨴᩅᨧ᩠ᨨᩮᩣ ᨲᩮ ᨴᩣᩁᨠᩮ ᩍᨴ᩠ᨵᩥᨿᩣ ᩌᨶᩮᨲ᩠ᩅᩣ ᨸᩣᩈᩣᨴᩮ ᨮᨸᩮᩈᩥ. ᨾᨶᩩᩔᩣ ᨲᩮ ᨴᩣᩁᨠᩮ ᨸᩔᩥᨲ᩠ᩅᩣ – ‘‘ᩋᨿ᩠ᨿᩔᩣᨿᩴ ᨸᩥᩃᩥᨶ᩠ᨴᩅᨧ᩠ᨨᩔ ᩍᨴ᩠ᨵᩣᨶᩩᨽᩣᩅᩮᩣ’’ᨲᩥ, ᩌᨿᩈ᩠ᨾᨶ᩠ᨲᩮ ᨸᩥᩃᩥᨶ᩠ᨴᩅᨧ᩠ᨨᩮ ᩋᨽᩥᨸ᩠ᨸᩈᩦᨴᩥᩴᩈᩩ. ᨽᩥᨠ᩠ᨡᩪ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩌᨿᩈ᩠ᨾᩣ ᨸᩥᩃᩥᨶ᩠ᨴᩅᨧ᩠ᨨᩮᩣ ᨧᩮᩣᩁᩮᩉᩥ ᨶᩦᨲᩮ ᨴᩣᩁᨠᩮ ᩌᨶᩮᩔᨲᩦ’’ᨲᩥ! ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ [ᩍᨴ᩠ᨵᩥᨾᨲᩮᩣ (ᩈᩦ.), ᩍᨴ᩠ᨵᩥᨾᨶ᩠ᨲᩔ (ᩈ᩠ᨿᩣ.)], ᩍᨴ᩠ᨵᩥᨾᩔ ᩍᨴ᩠ᨵᩥᩅᩥᩈᨿᩮ’’ᨲᩥ.

᪑᪖᪐. ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᨴ᩠ᩅᩮ ᨽᩥᨠ᩠ᨡᩪ ᩈᩉᩣᨿᨠᩣ ᩉᩮᩣᨶ᩠ᨲᩥ – ᨸᨱ᩠ᨯᩩᨠᩮᩣ ᨧ ᨠᨸᩥᩃᩮᩣ ᨧ. ᩑᨠᩮᩣ ᨣᩣᨾᨠᩮ ᩅᩥᩉᩁᨲᩥ, ᩑᨠᩮᩣ ᨠᩮᩣᩈᨾ᩠ᨻᩥᨿᩴ. ᩋᨳ ᨡᩮᩣ ᨲᩔ ᨽᩥᨠ᩠ᨡᩩᨶᩮᩣ ᨣᩣᨾᨠᩣ ᨠᩮᩣᩈᨾ᩠ᨻᩥᩴ ᨣᨧ᩠ᨨᨶ᩠ᨲᩔ ᩋᨶ᩠ᨲᩁᩣᨾᨣ᩠ᨣᩮ ᨶᨴᩥᩴ ᨲᩁᨶ᩠ᨲᩔ ᩈᩪᨠᩁᩥᨠᩣᨶᩴ ᩉᨲ᩠ᨳᨲᩮᩣ ᨾᩩᨲ᩠ᨲᩣ ᨾᩮᨴᩅᨭ᩠ᨭᩥ ᨸᩣᨴᩮ ᩃᨣ᩠ᨣᩣ ᩉᩮᩣᨲᩥ. ᩈᩮᩣ ᨽᩥᨠ᩠ᨡᩩ – ‘‘ᩈᩣᨾᩥᨠᩣᨶᩴ ᨴᩔᩣᨾᩦ’’ᨲᩥ ᩋᨣ᩠ᨣᩉᩮᩈᩥ. ᩈᩣᨾᩥᨠᩣ ᨲᩴ ᨽᩥᨠ᩠ᨡᩩᩴ ᨧᩮᩣᨴᩮᩈᩩᩴ – ‘‘ᩋᩔᨾᨱᩮᩣᩈᩥ ᨲ᩠ᩅ’’ᨶ᩠ᨲᩥ. ᨲᩴ ᩏᨲ᩠ᨲᩥᨱ᩠ᨱᩴ ᨣᩮᩣᨸᩣᩃᩥᨠᩣ [ᩋᨬ᩠ᨬᨲᩁᩣ ᨣᩮᩣᨸᩣᩃᩥᨠᩣ (ᩈᩦ. ᩈ᩠ᨿᩣ.)] ᨸᩔᩥᨲ᩠ᩅᩣ ᩑᨲᨴᩅᩮᩣᨧ – ‘‘ᩑᩉᩥ, ᨽᨶ᩠ᨲᩮ, ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩣ’’ᨲᩥ. ᩈᩮᩣ – ‘‘ᨸᨠᨲᩥᨿᩣᨸᩣᩉᩴ ᩋᩔᨾᨱᩮᩣ’’ᨲᩥ ᨲᩔᩣ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩥᨲ᩠ᩅᩣ ᨠᩮᩣᩈᨾ᩠ᨻᩥᩴ ᨣᨶ᩠ᨲ᩠ᩅᩣ ᨽᩥᨠ᩠ᨡᩪᨶᩴ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ᨽᩥᨠ᩠ᨡᩪ ᨽᨣᩅᨲᩮᩣ ᩑᨲᨾᨲ᩠ᨳᩴ ᩒᩁᩮᩣᨧᩮᩈᩩᩴ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᩋᨴᩥᨶ᩠ᨶᩣᨴᩣᨶᩮ ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨾᩮᨳᩩᨶᨵᨾ᩠ᨾᩈᨾᩣᨿᩮᩣᨣᩮ ᨸᩣᩁᩣᨩᩥᨠᩔᩣ’’ᨲᩥ.

᪑᪖᪑. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩈᩣᨣᩃᩣᨿᩴ ᩌᨿᩈ᩠ᨾᨲᩮᩣ ᨴᩊ᩠ᩉᩥᨠᩔ ᩈᨴ᩠ᨵᩥᩅᩥᩉᩣᩁᩥᨠᩮᩣ ᨽᩥᨠ᩠ᨡᩩ ᩋᨶᨽᩥᩁᨲᩥᨿᩣ ᨸᩦᩊᩥᨲᩮᩣ ᩌᨸᨱᩥᨠᩔ ᩅᩮᨮᨶᩴ ᩋᩅᩉᩁᩥᨲ᩠ᩅᩣ ¶ ᩌᨿᩈ᩠ᨾᨶ᩠ᨲᩴ ᨴᩊ᩠ᩉᩥᨠᩴ ᩑᨲᨴᩅᩮᩣᨧ – ‘‘ᩋᩔᨾᨱᩮᩣ ᩋᩉᩴ, ᨽᨶ᩠ᨲᩮ, ᩅᩥᨻ᩠ᨽᨾᩥᩔᩣᨾᩦ’’ᨲᩥ. ‘‘ᨠᩥᩴ ᨲᨿᩣ, ᩌᩅᩩᩈᩮᩣ, ᨠᨲ’’ᨶ᩠ᨲᩥ? ᩈᩮᩣ ᨲᨾᨲ᩠ᨳᩴ ᩌᩁᩮᩣᨧᩮᩈᩥ. ᩌᩉᩁᩣᨸᩮᨲ᩠ᩅᩣ ᩋᨣ᩠ᨥᩣᨸᩮᩈᩥ. ᨲᩴ ᩋᨣ᩠ᨥᩣᨸᩮᨶ᩠ᨲᩴ ᨶ ᨸᨬ᩠ᨧᨾᩣᩈᨠᩮ ᩋᨣ᩠ᨥᨲᩥ ¶ . ‘‘ᩋᨶᩣᨸᨲ᩠ᨲᩥ, ᩌᩅᩩᩈᩮᩣ, ᨸᩣᩁᩣᨩᩥᨠᩔᩣ’’ᨲᩥ. ᨵᨾ᩠ᨾᨠᨳᩴ ᩋᨠᩣᩈᩥ. ᩈᩮᩣ ᨽᩥᨠ᩠ᨡᩩ ᩋᨽᩥᩁᨾᨲᩦᨲᩥ [ᩋᨽᩥᩁᨾᩦᨲᩥ (ᩈᩦ. ᩈ᩠ᨿᩣ.)].

ᨴᩩᨲᩥᨿᨸᩣᩁᩣᨩᩥᨠᩴ ᩈᨾᨲ᩠ᨲᩴ.

᪓. ᨲᨲᩥᨿᨸᩣᩁᩣᨩᩥᨠᩴ

᪑᪖᪒. [ᩍᨴᩴ ᩅᨲ᩠ᨳᩩ ᩈᩴ. ᨶᩥ. ᪕.᪙᪘᪕] ᨲᩮᨶ ¶ ¶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩅᩮᩈᩣᩃᩥᨿᩴ ᩅᩥᩉᩁᨲᩥ ᨾᩉᩣᩅᨶᩮ ᨠᩪᨭᩣᨣᩣᩁᩈᩣᩃᩣᨿᩴ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨽᨣᩅᩣ ᨽᩥᨠ᩠ᨡᩪᨶᩴ ᩋᨶᩮᨠᨸᩁᩥᨿᩣᨿᩮᨶ ᩋᩈᩩᨽᨠᨳᩴ ᨠᨳᩮᨲᩥ, ᩋᩈᩩᨽᩣᨿ ᩅᨱ᩠ᨱᩴ ᨽᩣᩈᨲᩥ, ᩋᩈᩩᨽᨽᩣᩅᨶᩣᨿ ᩅᨱ᩠ᨱᩴ ᨽᩣᩈᨲᩥ, ᩌᨴᩥᩔ ᩌᨴᩥᩔ ᩋᩈᩩᨽᩈᨾᩣᨸᨲ᩠ᨲᩥᨿᩣ ᩅᨱ᩠ᨱᩴ ᨽᩣᩈᨲᩥ. ᩋᨳ ᨡᩮᩣ ᨽᨣᩅᩣ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ – ‘‘ᩍᨧ᩠ᨨᩣᨾᩉᩴ, ᨽᩥᨠ᩠ᨡᩅᩮ, ᩋᨴ᩠ᨵᨾᩣᩈᩴ ᨸᨭᩥᩈᩃ᩠ᩃᩦᨿᩥᨲᩩᩴ. ᨶᨾ᩠ᩉᩥ ᨠᩮᨶᨧᩥ ᩏᨸᩈᨦ᩠ᨠᨾᩥᨲᨻ᩠ᨻᩮᩣ, ᩋᨬ᩠ᨬᨲᩕ ᩑᨠᩮᨶ ᨸᩥᨱ᩠ᨯᨸᩣᨲᨶᩦᩉᩣᩁᨠᩮᨶᩣ’’ᨲᩥ. ‘‘ᩑᩅᩴ, ᨽᨶ᩠ᨲᩮ’’ᨲᩥ, ᨡᩮᩣ ᨲᩮ ᨽᩥᨠ᩠ᨡᩪ ᨽᨣᩅᨲᩮᩣ ᨸᨭᩥᩔᩩᨱᩥᨲ᩠ᩅᩣ ᨶᩣᩔᩩᨵ ᨠᩮᩣᨧᩥ ᨽᨣᩅᨶ᩠ᨲᩴ ᩏᨸᩈᨦ᩠ᨠᨾᨲᩥ, ᩋᨬ᩠ᨬᨲᩕ ᩑᨠᩮᨶ ᨸᩥᨱ᩠ᨯᨸᩣᨲᨶᩦᩉᩣᩁᨠᩮᨶ. ᨽᩥᨠ᩠ᨡᩪ – ‘‘ᨽᨣᩅᩣ ᨡᩮᩣ ᩋᨶᩮᨠᨸᩁᩥᨿᩣᨿᩮᨶ ᩋᩈᩩᨽᨠᨳᩴ ᨠᨳᩮᨲᩥ, ᩋᩈᩩᨽᩣᨿ ᩅᨱ᩠ᨱᩴ ᨽᩣᩈᨲᩥ, ᩋᩈᩩᨽᨽᩣᩅᨶᩣᨿ ᩅᨱ᩠ᨱᩴ ᨽᩣᩈᨲᩥ, ᩌᨴᩥᩔ ᩌᨴᩥᩔ ᩋᩈᩩᨽᩈᨾᩣᨸᨲ᩠ᨲᩥᨿᩣ ᩅᨱ᩠ᨱᩴ ᨽᩣᩈᨲᩦ’’ᨲᩥ (ᨲᩮ) [( ) (?) ᩑᩅᨾᩩᨸᩁᩥᨸᩥ ᩎᨴᩥᩈᩮᩈᩩ ᨮᩣᨶᩮᩈᩩ] ᩋᨶᩮᨠᩣᨠᩣᩁᩅᩮᩣᨠᩣᩁᩴ ᩋᩈᩩᨽᨽᩣᩅᨶᩣᨶᩩᨿᩮᩣᨣᨾᨶᩩᨿᩩᨲ᩠ᨲᩣ ᩅᩥᩉᩁᨶ᩠ᨲᩥ. ᨲᩮ ᩈᨠᩮᨶ ᨠᩣᨿᩮᨶ ᩋᨭ᩠ᨭᩦᨿᨶ᩠ᨲᩥ ᩉᩁᩣᨿᨶ᩠ᨲᩥ ᨩᩥᨣᩩᨧ᩠ᨨᨶ᩠ᨲᩥ. ᩈᩮᨿ᩠ᨿᨳᩣᨸᩥ ᨶᩣᨾ ᩍᨲ᩠ᨳᩦ ᩅᩣ ᨸᩩᩁᩥᩈᩮᩣ ᩅᩣ ᨴᩉᩁᩮᩣ ᨿᩩᩅᩣ ᨾᨱ᩠ᨯᨶᨠᨩᩣᨲᩥᨠᩮᩣ ᩈᩦᩈᩴᨶ᩠ᩉᩣᨲᩮᩣ ᩋᩉᩥᨠᩩᨱᨸᩮᨶ ᩅᩣ ᨠᩩᨠ᩠ᨠᩩᩁᨠᩩᨱᨸᩮᨶ ᩅᩣ ᨾᨶᩩᩔᨠᩩᨱᨸᩮᨶ ᩅᩣ ᨠᨱ᩠ᨮᩮ ᩌᩈᨲ᩠ᨲᩮᨶ ᩋᨭ᩠ᨭᩦᨿᩮᨿ᩠ᨿ ᩉᩁᩣᨿᩮᨿ᩠ᨿ ᨩᩥᨣᩩᨧ᩠ᨨᩮᨿ᩠ᨿ, ᩑᩅᨾᩮᩅ ᨲᩮ ᨽᩥᨠ᩠ᨡᩪ ᩈᨠᩮᨶ ᨠᩣᨿᩮᨶ ᩋᨭ᩠ᨭᩦᨿᨶ᩠ᨲᩣ ᩉᩁᩣᨿᨶ᩠ᨲᩣ ᨩᩥᨣᩩᨧ᩠ᨨᨶ᩠ᨲᩣ ᩋᨲ᩠ᨲᨶᩣᨸᩥ ᩋᨲ᩠ᨲᩣᨶᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᨶ᩠ᨲᩥ, ᩋᨬ᩠ᨬᨾᨬ᩠ᨬᨾ᩠ᨸᩥ ᨩᩦᩅᩥᨲᩣ ᩅᩮᩣᩁᩮᩣᨸᩮᨶ᩠ᨲᩥ, ᨾᩥᨣᩃᨱ᩠ᨯᩥᨠᨾ᩠ᨸᩥ ¶ ᩈᨾᨱᨠᩩᨲ᩠ᨲᨠᩴ ᩏᨸᩈᨦ᩠ᨠᨾᩥᨲ᩠ᩅᩣ ᩑᩅᩴ ᩅᨴᨶ᩠ᨲᩥ – ‘‘ᩈᩣᨵᩩ ᨶᩮᩣ, ᩌᩅᩩᩈᩮᩣ, ᨩᩦᩅᩥᨲᩣ ᩅᩮᩣᩁᩮᩣᨸᩮᩉᩥ ¶ . ᩍᨴᩴ ᨲᩮ ᨸᨲ᩠ᨲᨧᩦᩅᩁᩴ ᨽᩅᩥᩔᨲᩦ’’ᨲᩥ. ᩋᨳ ᨡᩮᩣ ᨾᩥᨣᩃᨱ᩠ᨯᩥᨠᩮᩣ ᩈᨾᨱᨠᩩᨲ᩠ᨲᨠᩮᩣ ᨸᨲ᩠ᨲᨧᩦᩅᩁᩮᩉᩥ ᨽᨭᩮᩣ ᩈᨾ᩠ᨻᩉᩩᩃᩮ ᨽᩥᨠ᩠ᨡᩪ ᨩᩦᩅᩥᨲᩣ ᩅᩮᩣᩁᩮᩣᨸᩮᨲ᩠ᩅᩣ ᩃᩮᩣᩉᩥᨲᨠᩴ [ᩃᩮᩣᩉᩥᨲᨣᨲᩴ (ᨠ.)] ᩋᩈᩥᩴ ᩌᨴᩣᨿ ᨿᩮᨶ ᩅᨣ᩠ᨣᨾᩩᨴᩣ ᨶᨴᩦ ᨲᩮᨶᩩᨸᩈᨦ᩠ᨠᨾᩥ.

᪑᪖᪓. ᩋᨳ ᨡᩮᩣ ᨾᩥᨣᩃᨱ᩠ᨯᩥᨠᩔ ᩈᨾᨱᨠᩩᨲ᩠ᨲᨠᩔ ᩃᩮᩣᩉᩥᨲᨠᩴ ᨲᩴ ᩋᩈᩥᩴ ᨵᩮᩣᩅᨶ᩠ᨲᩔ ᩋᩉᩩᨴᩮᩅ ᨠᩩᨠ᩠ᨠᩩᨧ᩠ᨧᩴ ᩋᩉᩩ ᩅᩥᨸ᩠ᨸᨭᩥᩈᩣᩁᩮᩣ – ‘‘ᩋᩃᩣᨽᩣ ᩅᨲ ᨾᩮ, ᨶ ᩅᨲ ᨾᩮ ᩃᩣᨽᩣ; ᨴᩩᩃ᩠ᩃᨴ᩠ᨵᩴ ᩅᨲ ᨾᩮ, ᨶ ᩅᨲ ᨾᩮ ᩈᩩᩃᨴ᩠ᨵᩴ ¶ . ᨻᩉᩩᩴ ᩅᨲ ᨾᨿᩣ ᩋᨸᩩᨬ᩠ᨬᩴ ᨸᩈᩩᨲᩴ, ᨿᩮᩣᩉᩴ ᨽᩥᨠ᩠ᨡᩪ ᩈᩦᩃᩅᨶ᩠ᨲᩮ ᨠᩃ᩠ᨿᩣᨱᨵᨾ᩠ᨾᩮ ᨩᩦᩅᩥᨲᩣ ᩅᩮᩣᩁᩮᩣᨸᩮᩈᩥ’’ᨶ᩠ᨲᩥ. ᩋᨳ ᨡᩮᩣ ᩋᨬ᩠ᨬᨲᩁᩣ ᨾᩣᩁᨠᩣᨿᩥᨠᩣ ᨴᩮᩅᨲᩣ ᩋᨽᩥᨩ᩠ᨩᨾᩣᨶᩮ ᩏᨴᨠᩮ ᩌᨣᨶ᩠ᨲ᩠ᩅᩣ ᨾᩥᨣᩃᨱ᩠ᨯᩥᨠᩴ ᩈᨾᨱᨠᩩᨲ᩠ᨲᨠᩴ ᩑᨲᨴᩅᩮᩣᨧ – ‘‘ᩈᩣᨵᩩ ᩈᩣᨵᩩ ᩈᨸ᩠ᨸᩩᩁᩥᩈ, ᩃᩣᨽᩣ ᨲᩮ ᩈᨸ᩠ᨸᩩᩁᩥᩈ, ᩈᩩᩃᨴ᩠ᨵᩴ ᨲᩮ ᩈᨸ᩠ᨸᩩᩁᩥᩈ. ᨻᩉᩩᩴ ᨲᨿᩣ ᩈᨸ᩠ᨸᩩᩁᩥᩈ ᨸᩩᨬ᩠ᨬᩴ ᨸᩈᩩᨲᩴ, ᨿᩴ ᨲ᩠ᩅᩴ ᩋᨲᩥᨱ᩠ᨱᩮ ᨲᩣᩁᩮᩈᩦ’’ᨲᩥ. ᩋᨳ ᨡᩮᩣ ᨾᩥᨣᩃᨱ᩠ᨯᩥᨠᩮᩣ ᩈᨾᨱᨠᩩᨲ᩠ᨲᨠᩮᩣ – ‘‘ᩃᩣᨽᩣ ᨠᩥᩁ ᨾᩮ, ᩈᩩᩃᨴ᩠ᨵᩴ ᨠᩥᩁ ᨾᩮ, ᨻᩉᩩᩴ ¶ ᨠᩥᩁ ᨾᨿᩣ ᨸᩩᨬ᩠ᨬᩴ ᨸᩈᩩᨲᩴ, ᩋᨲᩥᨱ᩠ᨱᩮᩣ ᨠᩥᩁᩣᩉᩴ ᨲᩣᩁᩮᨾᩦ’’ᨲᩥ ᨲᩥᨱ᩠ᩉᩴ ᩋᩈᩥᩴ ᩌᨴᩣᨿ ᩅᩥᩉᩣᩁᩮᨶ ᩅᩥᩉᩣᩁᩴ ᨸᩁᩥᩅᩮᨱᩮᨶ ᨸᩁᩥᩅᩮᨱᩴ ᩏᨸᩈᨦ᩠ᨠᨾᩥᨲ᩠ᩅᩣ ᩑᩅᩴ ᩅᨴᩮᨲᩥ – ‘‘ᨠᩮᩣ ᩋᨲᩥᨱ᩠ᨱᩮᩣ, ᨠᩴ ᨲᩣᩁᩮᨾᩦ’’ᨲᩥ? ᨲᨲ᩠ᨳ ᨿᩮ ᨲᩮ ᨽᩥᨠ᩠ᨡᩪ ᩋᩅᩦᨲᩁᩣᨣᩣ ᨲᩮᩈᩴ ᨲᩈ᩠ᨾᩥᩴ ᩈᨾᨿᩮ ᩉᩮᩣᨲᩥᨿᩮᩅ ᨽᨿᩴ ᩉᩮᩣᨲᩥ ᨨᨾ᩠ᨽᩥᨲᨲ᩠ᨲᩴ ᩉᩮᩣᨲᩥ ᩃᩮᩣᨾᩉᩴᩈᩮᩣ. ᨿᩮ ᨸᨶ ᨲᩮ ᨽᩥᨠ᩠ᨡᩪ ᩅᩦᨲᩁᩣᨣᩣ ᨲᩮᩈᩴ ᨲᩈ᩠ᨾᩥᩴ ᩈᨾᨿᩮ ᨶ ᩉᩮᩣᨲᩥ ¶ ᨽᨿᩴ ᨶ ᩉᩮᩣᨲᩥ ᨨᨾ᩠ᨽᩥᨲᨲ᩠ᨲᩴ ᨶ ᩉᩮᩣᨲᩥ ᩃᩮᩣᨾᩉᩴᩈᩮᩣ. ᩋᨳ ᨡᩮᩣ ᨾᩥᨣᩃᨱ᩠ᨯᩥᨠᩮᩣ ᩈᨾᨱᨠᩩᨲ᩠ᨲᨠᩮᩣ ᩑᨠᨾ᩠ᨸᩥ ᨽᩥᨠ᩠ᨡᩩᩴ ᩑᨠᩣᩉᩮᨶ ᨩᩦᩅᩥᨲᩣ ᩅᩮᩣᩁᩮᩣᨸᩮᩈᩥ, ᨴ᩠ᩅᩮᨸᩥ ᨽᩥᨠ᩠ᨡᩪ ᩑᨠᩣᩉᩮᨶ ᨩᩦᩅᩥᨲᩣ ᩅᩮᩣᩁᩮᩣᨸᩮᩈᩥ, ᨲᨿᩮᩣᨸᩥ ᨽᩥᨠ᩠ᨡᩪ ᩑᨠᩣᩉᩮᨶ ᨩᩦᩅᩥᨲᩣ ᩅᩮᩣᩁᩮᩣᨸᩮᩈᩥ, ᨧᨲ᩠ᨲᩣᩁᩮᩣᨸᩥ ᨽᩥᨠ᩠ᨡᩪ ᩑᨠᩣᩉᩮᨶ ᨩᩦᩅᩥᨲᩣ ᩅᩮᩣᩁᩮᩣᨸᩮᩈᩥ, ᨸᨬ᩠ᨧᨸᩥ ᨽᩥᨠ᩠ᨡᩪ ᩑᨠᩣᩉᩮᨶ ᨩᩦᩅᩥᨲᩣ ᩅᩮᩣᩁᩮᩣᨸᩮᩈᩥ, ᨴᩈᨸᩥ ᨽᩥᨠ᩠ᨡᩪ ᩑᨠᩣᩉᩮᨶ ᨩᩦᩅᩥᨲᩣ ᩅᩮᩣᩁᩮᩣᨸᩮᩈᩥ, ᩅᩦᩈᨾ᩠ᨸᩥ ᨽᩥᨠ᩠ᨡᩪ ᩑᨠᩣᩉᩮᨶ ᨩᩦᩅᩥᨲᩣ ᩅᩮᩣᩁᩮᩣᨸᩮᩈᩥ, ᨲᩥᩴᩈᨾ᩠ᨸᩥ ᨽᩥᨠ᩠ᨡᩪ ᩑᨠᩣᩉᩮᨶ ᨩᩦᩅᩥᨲᩣ ᩅᩮᩣᩁᩮᩣᨸᩮᩈᩥ, ᨧᨲ᩠ᨲᩣᩃᩦᩈᨾ᩠ᨸᩥ ᨽᩥᨠ᩠ᨡᩪ ᩑᨠᩣᩉᩮᨶ ᨩᩦᩅᩥᨲᩣ ᩅᩮᩣᩁᩮᩣᨸᩮᩈᩥ, ᨸᨬ᩠ᨬᩣᩈᨾ᩠ᨸᩥ ᨽᩥᨠ᩠ᨡᩪ ᩑᨠᩣᩉᩮᨶ ᨩᩦᩅᩥᨲᩣ ᩅᩮᩣᩁᩮᩣᨸᩮᩈᩥ, ᩈᨭ᩠ᨮᩥᨾ᩠ᨸᩥ ᨽᩥᨠ᩠ᨡᩪ ᩑᨠᩣᩉᩮᨶ ᨩᩦᩅᩥᨲᩣ ᩅᩮᩣᩁᩮᩣᨸᩮᩈᩥ.

᪑᪖᪔. ᩋᨳ ᨡᩮᩣ ᨽᨣᩅᩣ ᨲᩔ ᩋᨴ᩠ᨵᨾᩣᩈᩔ ᩋᨧ᩠ᨧᨿᩮᨶ ᨸᨭᩥᩈᩃ᩠ᩃᩣᨶᩣ ᩅᩩᨭ᩠ᨮᩥᨲᩮᩣ ᩌᨿᩈ᩠ᨾᨶ᩠ᨲᩴ ᩌᨶᨶ᩠ᨴᩴ ᩌᨾᨶ᩠ᨲᩮᩈᩥ – ‘‘ᨠᩥᩴ ᨶᩩ ᨡᩮᩣ, ᩌᨶᨶ᩠ᨴ, ᨲᨶᩩᨽᩪᨲᩮᩣ ᩅᩥᨿ ᨽᩥᨠ᩠ᨡᩩᩈᨦ᩠ᨥᩮᩣ’’ᨲᩥ? ‘‘ᨲᨳᩣ ᩉᩥ ᨸᨶ, ᨽᨶ᩠ᨲᩮ, ᨽᨣᩅᩣ ᨽᩥᨠ᩠ᨡᩪᨶᩴ ᩋᨶᩮᨠᨸᩁᩥᨿᩣᨿᩮᨶ ¶ ᩋᩈᩩᨽᨠᨳᩴ ᨠᨳᩮᨲᩥ, ᩋᩈᩩᨽᩣᨿ ᩅᨱ᩠ᨱᩴ ᨽᩣᩈᨲᩥ, ᩋᩈᩩᨽᨽᩣᩅᨶᩣᨿ ᩅᨱ᩠ᨱᩴ ᨽᩣᩈᨲᩥ, ᩌᨴᩥᩔ ᩌᨴᩥᩔ ᩋᩈᩩᨽᩈᨾᩣᨸᨲ᩠ᨲᩥᨿᩣ ᩅᨱ᩠ᨱᩴ ᨽᩣᩈᨲᩥ. ᨲᩮ ᨧ, ᨽᨶ᩠ᨲᩮ, ᨽᩥᨠ᩠ᨡᩪ – ‘ᨽᨣᩅᩣ ᨡᩮᩣ ᩋᨶᩮᨠᨸᩁᩥᨿᩣᨿᩮᨶ ᩋᩈᩩᨽᨠᨳᩴ ᨠᨳᩮᨲᩥ, ᩋᩈᩩᨽᩣᨿ ᩅᨱ᩠ᨱᩴ ᨽᩣᩈᨲᩥ, ᩋᩈᩩᨽᨽᩣᩅᨶᩣᨿ ᩅᨱ᩠ᨱᩴ ᨽᩣᩈᨲᩥ, ᩌᨴᩥᩔ ᩌᨴᩥᩔ ᩋᩈᩩᨽᩈᨾᩣᨸᨲ᩠ᨲᩥᨿᩣ ᩅᨱ᩠ᨱᩴ ᨽᩣᩈᨲᩦ’ᨲᩥ, ᨲᩮ ᩋᨶᩮᨠᩣᨠᩣᩁᩅᩮᩣᨠᩣᩁᩴ ᩋᩈᩩᨽᨽᩣᩅᨶᩣᨶᩩᨿᩮᩣᨣᨾᨶᩩᨿᩩᨲ᩠ᨲᩣ ᩅᩥᩉᩁᨶ᩠ᨲᩥ. ᨲᩮ ᩈᨠᩮᨶ ᨠᩣᨿᩮᨶ ᩋᨭ᩠ᨭᩦᨿᨶ᩠ᨲᩥ ᩉᩁᩣᨿᨶ᩠ᨲᩥ ᨩᩥᨣᩩᨧ᩠ᨨᨶ᩠ᨲᩥ. ᩈᩮᨿ᩠ᨿᨳᩣᨸᩥ ᨶᩣᨾ ᩍᨲ᩠ᨳᩦ ᩅᩣ ᨸᩩᩁᩥᩈᩮᩣ ᩅᩣ ᨴᩉᩁᩮᩣ ᨿᩩᩅᩣ ᨾᨱ᩠ᨯᨶᨠᨩᩣᨲᩥᨠᩮᩣ ¶ ᩈᩦᩈᩴᨶ᩠ᩉᩣᨲᩮᩣ ᩋᩉᩥᨠᩩᨱᨸᩮᨶ ᩅᩣ ᨠᩩᨠ᩠ᨠᩩᩁᨠᩩᨱᨸᩮᨶ ᩅᩣ ᨾᨶᩩᩔᨠᩩᨱᨸᩮᨶ ᩅᩣ ᨠᨱ᩠ᨮᩮ ᩌᩈᨲ᩠ᨲᩮᨶ ᩋᨭ᩠ᨭᩦᨿᩮᨿ᩠ᨿ ᩉᩁᩣᨿᩮᨿ᩠ᨿ ᨩᩥᨣᩩᨧ᩠ᨨᩮᨿ᩠ᨿ, ᩑᩅᨾᩮᩅ ᨲᩮ ᨽᩥᨠ᩠ᨡᩪ ᩈᨠᩮᨶ ᨠᩣᨿᩮᨶ ᩋᨭ᩠ᨭᩦᨿᨶ᩠ᨲᩣ ¶ ᩉᩁᩣᨿᨶ᩠ᨲᩣ ᨩᩥᨣᩩᨧ᩠ᨨᨶ᩠ᨲᩣ ᩋᨲ᩠ᨲᨶᩣᨸᩥ ᩋᨲ᩠ᨲᩣᨶᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᨶ᩠ᨲᩥ, ᩋᨬ᩠ᨬᨾᨬ᩠ᨬᨾ᩠ᨸᩥ ᨩᩦᩅᩥᨲᩣ ᩅᩮᩣᩁᩮᩣᨸᩮᨶ᩠ᨲᩥ, ᨾᩥᨣᩃᨱ᩠ᨯᩥᨠᨾ᩠ᨸᩥ ᩈᨾᨱᨠᩩᨲ᩠ᨲᨠᩴ ᩏᨸᩈᨦ᩠ᨠᨾᩥᨲ᩠ᩅᩣ ᩑᩅᩴ ᩅᨴᨶ᩠ᨲᩥ – ‘ᩈᩣᨵᩩ ᨶᩮᩣ, ᩌᩅᩩᩈᩮᩣ, ᨩᩦᩅᩥᨲᩣ ᩅᩮᩣᩁᩮᩣᨸᩮᩉᩥ. ᩍᨴᩴ ᨲᩮ ᨸᨲ᩠ᨲᨧᩦᩅᩁᩴ ᨽᩅᩥᩔᨲᩦ’ᨲᩥ. ᩋᨳ ᨡᩮᩣ, ᨽᨶ᩠ᨲᩮ, ᨾᩥᨣᩃᨱ᩠ᨯᩥᨠᩮᩣ ᩈᨾᨱᨠᩩᨲ᩠ᨲᨠᩮᩣ ᨸᨲ᩠ᨲᨧᩦᩅᩁᩮᩉᩥ ᨽᨭᩮᩣ ᩑᨠᨾ᩠ᨸᩥ ᨽᩥᨠ᩠ᨡᩩᩴ ᩑᨠᩣᩉᩮᨶ ᨩᩦᩅᩥᨲᩣ ᩅᩮᩣᩁᩮᩣᨸᩮᩈᩥ…ᨸᩮ… ᩈᨭ᩠ᨮᩥᨾ᩠ᨸᩥ ᨽᩥᨠ᩠ᨡᩪ ᩑᨠᩣᩉᩮᨶ ᨩᩦᩅᩥᨲᩣ ᩅᩮᩣᩁᩮᩣᨸᩮᩈᩥ. ᩈᩣᨵᩩ, ᨽᨶ᩠ᨲᩮ, ᨽᨣᩅᩣ ᩋᨬ᩠ᨬᩴ ᨸᩁᩥᨿᩣᨿᩴ ᩌᨧᩥᨠ᩠ᨡᨲᩩ ᨿᨳᩣᨿᩴ ᨽᩥᨠ᩠ᨡᩩᩈᨦ᩠ᨥᩮᩣ ᩋᨬ᩠ᨬᩣᨿ ᩈᨱ᩠ᨮᩉᩮᨿ᩠ᨿᩣ’’ᨲᩥ. ‘‘ᨲᩮᨶᩉᩣᨶᨶ᩠ᨴ, ᨿᩣᩅᨲᩥᨠᩣ ᨽᩥᨠ᩠ᨡᩪ ᩅᩮᩈᩣᩃᩥᩴ ᩏᨸᨶᩥᩔᩣᨿ ᩅᩥᩉᩁᨶ᩠ᨲᩥ ᨲᩮ ᩈᨻ᩠ᨻᩮ ᩏᨸᨭ᩠ᨮᩣᨶᩈᩣᩃᩣᨿᩴ ᩈᨶ᩠ᨶᩥᨸᩣᨲᩮᩉᩦ’’ᨲᩥ ¶ . ‘‘ᩑᩅᩴ, ᨽᨶ᩠ᨲᩮ’’ᨲᩥ, ᨡᩮᩣ ᩌᨿᩈ᩠ᨾᩣ ᩌᨶᨶ᩠ᨴᩮᩣ ᨽᨣᩅᨲᩮᩣ ᨸᨭᩥᩔᩩᨱᩥᨲ᩠ᩅᩣ ᨿᩣᩅᨲᩥᨠᩣ ᨽᩥᨠ᩠ᨡᩪ ᩅᩮᩈᩣᩃᩥᩴ ᩏᨸᨶᩥᩔᩣᨿ ᩅᩥᩉᩁᨶ᩠ᨲᩥ ᨲᩮ ᩈᨻ᩠ᨻᩮ ᩏᨸᨭ᩠ᨮᩣᨶᩈᩣᩃᩣᨿᩴ ᩈᨶ᩠ᨶᩥᨸᩣᨲᩮᨲ᩠ᩅᩣ ᨿᩮᨶ ᨽᨣᩅᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨽᨣᩅᨶ᩠ᨲᩴ ᩑᨲᨴᩅᩮᩣᨧ – ‘‘ᩈᨶ᩠ᨶᩥᨸᨲᩥᨲᩮᩣ, ᨽᨶ᩠ᨲᩮ ᨽᩥᨠ᩠ᨡᩩᩈᨦ᩠ᨥᩮᩣ; ᨿᩔ ᨴᩣᨶᩥ, ᨽᨶ᩠ᨲᩮ, ᨽᨣᩅᩣ ᨠᩣᩃᩴ ᨾᨬ᩠ᨬᨲᩦ’’ᨲᩥ.

᪑᪖᪕. ᩋᨳ ᨡᩮᩣ ᨽᨣᩅᩣ ᨿᩮᨶ ᩏᨸᨭ᩠ᨮᩣᨶᩈᩣᩃᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨸᨬ᩠ᨬᨲ᩠ᨲᩮ ᩌᩈᨶᩮ ᨶᩥᩈᩦᨴᩥ. ᨶᩥᩈᨩ᩠ᨩ ᨡᩮᩣ ᨽᨣᩅᩣ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ – ‘‘ᩋᨿᨾ᩠ᨸᩥ ᨡᩮᩣ, ᨽᩥᨠ᩠ᨡᩅᩮ, ᩌᨶᩣᨸᩣᨶᩔᨲᩥᩈᨾᩣᨵᩥ ᨽᩣᩅᩥᨲᩮᩣ ᨻᩉᩩᩃᩦᨠᨲᩮᩣ ᩈᨶ᩠ᨲᩮᩣ ᨧᩮᩅ ᨸᨱᩦᨲᩮᩣ ᨧ ᩋᩈᩮᨧᨶᨠᩮᩣ ᨧ ᩈᩩᨡᩮᩣ ᨧ ᩅᩥᩉᩣᩁᩮᩣ ᩏᨸ᩠ᨸᨶ᩠ᨶᩩᨸ᩠ᨸᨶ᩠ᨶᩮ ¶ ᨧ ᨸᩣᨸᨠᩮ ᩋᨠᩩᩈᩃᩮ ᨵᨾ᩠ᨾᩮ ᨮᩣᨶᩈᩮᩣ ᩋᨶ᩠ᨲᩁᨵᩣᨸᩮᨲᩥ ᩅᩪᨸᩈᨾᩮᨲᩥ. ᩈᩮᨿ᩠ᨿᨳᩣᨸᩥ, ᨽᩥᨠ᩠ᨡᩅᩮ, ᨣᩥᨾ᩠ᩉᩣᨶᩴ ᨸᨧ᩠ᨨᩥᨾᩮ ᨾᩣᩈᩮ ᩏᩉᨲᩴ [ᩐᩉᨲᩴ (ᨠ.)] ᩁᨩᩮᩣᨩᩃ᩠ᩃᩴ ᨲᨾᩮᨶᩴ ¶ ᨾᩉᩣ ᩋᨠᩣᩃᨾᩮᨥᩮᩣ ᨮᩣᨶᩈᩮᩣ ᩋᨶ᩠ᨲᩁᨵᩣᨸᩮᨲᩥ ᩅᩪᨸᩈᨾᩮᨲᩥ, ᩑᩅᨾᩮᩅ ᨡᩮᩣ, ᨽᩥᨠ᩠ᨡᩅᩮ, ᩌᨶᩣᨸᩣᨶᩔᨲᩥᩈᨾᩣᨵᩥ ᨽᩣᩅᩥᨲᩮᩣ ᨻᩉᩩᩃᩦᨠᨲᩮᩣ ᩈᨶ᩠ᨲᩮᩣ ᨧᩮᩅ ᨸᨱᩦᨲᩮᩣ ᨧ ᩋᩈᩮᨧᨶᨠᩮᩣ ᨧ ᩈᩩᨡᩮᩣ ᨧ ᩅᩥᩉᩣᩁᩮᩣ ᩏᨸ᩠ᨸᨶ᩠ᨶᩩᨸ᩠ᨸᨶ᩠ᨶᩮ ᨧ ᨸᩣᨸᨠᩮ ᩋᨠᩩᩈᩃᩮ ᨵᨾ᩠ᨾᩮ ᨮᩣᨶᩈᩮᩣ ᩋᨶ᩠ᨲᩁᨵᩣᨸᩮᨲᩥ ᩅᩪᨸᩈᨾᩮᨲᩥ. ᨠᨳᩴ ᨽᩣᩅᩥᨲᩮᩣ ᨧ, ᨽᩥᨠ᩠ᨡᩅᩮ, ᩌᨶᩣᨸᩣᨶᩔᨲᩥᩈᨾᩣᨵᩥ ᨠᨳᩴ ᨻᩉᩩᩃᩦᨠᨲᩮᩣ ᩈᨶ᩠ᨲᩮᩣ ᨧᩮᩅ ᨸᨱᩦᨲᩮᩣ ᨧ ᩋᩈᩮᨧᨶᨠᩮᩣ ᨧ ᩈᩩᨡᩮᩣ ᨧ ᩅᩥᩉᩣᩁᩮᩣ ᩏᨸ᩠ᨸᨶ᩠ᨶᩩᨸ᩠ᨸᨶ᩠ᨶᩮ ᨧ ᨸᩣᨸᨠᩮ ᩋᨠᩩᩈᩃᩮ ᨵᨾ᩠ᨾᩮ ᨮᩣᨶᩈᩮᩣ ᩋᨶ᩠ᨲᩁᨵᩣᨸᩮᨲᩥ ᩅᩪᨸᩈᨾᩮᨲᩥ? ᩍᨵ, ᨽᩥᨠ᩠ᨡᩅᩮ, ᨽᩥᨠ᩠ᨡᩩ ᩋᩁᨬ᩠ᨬᨣᨲᩮᩣ ᩅᩣ ᩁᩩᨠ᩠ᨡᨾᩪᩃᨣᨲᩮᩣ ᩅᩣ ᩈᩩᨬ᩠ᨬᩣᨣᩣᩁᨣᨲᩮᩣ ᩅᩣ ᨶᩥᩈᩦᨴᨲᩥ ᨸᩃ᩠ᩃᨦ᩠ᨠᩴ ᩌᨽᩩᨩᩥᨲ᩠ᩅᩣ ᩏᨩᩩᩴ ᨠᩣᨿᩴ ᨸᨱᩥᨵᩣᨿ ᨸᩁᩥᨾᩩᨡᩴ ᩈᨲᩥᩴ ᩏᨸᨭ᩠ᨮᨸᩮᨲ᩠ᩅᩣ. ᩈᩮᩣ ᩈᨲᩮᩣᩅ ᩋᩔᩈᨲᩥ ᩈᨲᩮᩣ ᨸᩔᩈᨲᩥ. ᨴᩦᨥᩴ ᩅᩣ ᩋᩔᩈᨶ᩠ᨲᩮᩣ ᨴᩦᨥᩴ ᩋᩔᩈᩣᨾᩦᨲᩥ ᨸᨩᩣᨶᩣᨲᩥ, ᨴᩦᨥᩴ ᩅᩣ ᨸᩔᩈᨶ᩠ᨲᩮᩣ ᨴᩦᨥᩴ ᨸᩔᩈᩣᨾᩦᨲᩥ ᨸᨩᩣᨶᩣᨲᩥ. ᩁᩔᩴ ᩅᩣ ᩋᩔᩈᨶ᩠ᨲᩮᩣ ᩁᩔᩴ ᩋᩔᩈᩣᨾᩦᨲᩥ ᨸᨩᩣᨶᩣᨲᩥ, ᩁᩔᩴ ᩅᩣ ᨸᩔᩈᨶ᩠ᨲᩮᩣ ᩁᩔᩴ ᨸᩔᩈᩣᨾᩦᨲᩥ ᨸᨩᩣᨶᩣᨲᩥ. ᩈᨻ᩠ᨻᨠᩣᨿᨸ᩠ᨸᨭᩥᩈᩴᩅᩮᨴᩦ ᩋᩔᩈᩥᩔᩣᨾᩦᨲᩥ ᩈᩥᨠ᩠ᨡᨲᩥ. ᩈᨻ᩠ᨻᨠᩣᨿᨸ᩠ᨸᨭᩥᩈᩴᩅᩮᨴᩦ ¶ ᨸᩔᩈᩥᩔᩣᨾᩦᨲᩥ ᩈᩥᨠ᩠ᨡᨲᩥ. ᨸᩔᨾ᩠ᨽᨿᩴ ᨠᩣᨿᩈᨦ᩠ᨡᩣᩁᩴ ᩋᩔᩈᩥᩔᩣᨾᩦᨲᩥ ᩈᩥᨠ᩠ᨡᨲᩥ. ᨸᩔᨾ᩠ᨽᨿᩴ ᨠᩣᨿᩈᨦ᩠ᨡᩣᩁᩴ ᨸᩔᩈᩥᩔᩣᨾᩦᨲᩥ ᩈᩥᨠ᩠ᨡᨲᩥ. ᨸᩦᨲᩥᨸ᩠ᨸᨭᩥᩈᩴᩅᩮᨴᩦ ᩋᩔᩈᩥᩔᩣᨾᩦᨲᩥ ᩈᩥᨠ᩠ᨡᨲᩥ. ᨸᩦᨲᩥᨸ᩠ᨸᨭᩥᩈᩴᩅᩮᨴᩦ ᨸᩔᩈᩥᩔᩣᨾᩦᨲᩥ ᩈᩥᨠ᩠ᨡᨲᩥ. ᩈᩩᨡᨸ᩠ᨸᨭᩥᩈᩴᩅᩮᨴᩦ ᩋᩔᩈᩥᩔᩣᨾᩦᨲᩥ ᩈᩥᨠ᩠ᨡᨲᩥ. ᩈᩩᨡᨸ᩠ᨸᨭᩥᩈᩴᩅᩮᨴᩦ ᨸᩔᩈᩥᩔᩣᨾᩦᨲᩥ ᩈᩥᨠ᩠ᨡᨲᩥ. ᨧᩥᨲ᩠ᨲᩈᨦ᩠ᨡᩣᩁᨸ᩠ᨸᨭᩥᩈᩴᩅᩮᨴᩦ ¶ ᩋᩔᩈᩥᩔᩣᨾᩦᨲᩥ ᩈᩥᨠ᩠ᨡᨲᩥ. ᨧᩥᨲ᩠ᨲᩈᨦ᩠ᨡᩣᩁᨸ᩠ᨸᨭᩥᩈᩴᩅᩮᨴᩦ ᨸᩔᩈᩥᩔᩣᨾᩦᨲᩥ ᩈᩥᨠ᩠ᨡᨲᩥ. ᨸᩔᨾ᩠ᨽᨿᩴ ᨧᩥᨲ᩠ᨲᩈᨦ᩠ᨡᩣᩁᩴ ᩋᩔᩈᩥᩔᩣᨾᩦᨲᩥ ᩈᩥᨠ᩠ᨡᨲᩥ. ᨸᩔᨾ᩠ᨽᨿᩴ ᨧᩥᨲ᩠ᨲᩈᨦ᩠ᨡᩣᩁᩴ ᨸᩔᩈᩥᩔᩣᨾᩦᨲᩥ ᩈᩥᨠ᩠ᨡᨲᩥ. ᨧᩥᨲ᩠ᨲᨸ᩠ᨸᨭᩥᩈᩴᩅᩮᨴᩦ ᩋᩔᩈᩥᩔᩣᨾᩦᨲᩥ ᩈᩥᨠ᩠ᨡᨲᩥ. ᨧᩥᨲ᩠ᨲᨸ᩠ᨸᨭᩥᩈᩴᩅᩮᨴᩦ ᨸᩔᩈᩥᩔᩣᨾᩦᨲᩥ ᩈᩥᨠ᩠ᨡᨲᩥ. ᩋᨽᩥᨸ᩠ᨸᨾᩮᩣᨴᨿᩴ ᨧᩥᨲ᩠ᨲᩴ…ᨸᩮ… ᩈᨾᩣᨴᩉᩴ ᨧᩥᨲ᩠ᨲᩴ…ᨸᩮ… ᩅᩥᨾᩮᩣᨧᨿᩴ ᨧᩥᨲ᩠ᨲᩴ…ᨸᩮ… ᩋᨶᩥᨧ᩠ᨧᩣᨶᩩᨸᩔᩦ…ᨸᩮ… ᩅᩥᩁᩣᨣᩣᨶᩩᨸᩔᩦ…ᨸᩮ… ᨶᩥᩁᩮᩣᨵᩣᨶᩩᨸᩔᩦ…ᨸᩮ… ᨸᨭᩥᨶᩥᩔᨣ᩠ᨣᩣᨶᩩᨸᩔᩦ ¶ ᩋᩔᩈᩥᩔᩣᨾᩦᨲᩥ ᩈᩥᨠ᩠ᨡᨲᩥ. ᨸᨭᩥᨶᩥᩔᨣ᩠ᨣᩣᨶᩩᨸᩔᩦ ᨸᩔᩈᩥᩔᩣᨾᩦᨲᩥ ᩈᩥᨠ᩠ᨡᨲᩥ. ᩑᩅᩴ ᨽᩣᩅᩥᨲᩮᩣ ᨡᩮᩣ, ᨽᩥᨠ᩠ᨡᩅᩮ, ᩌᨶᩣᨸᩣᨶᩔᨲᩥᩈᨾᩣᨵᩥ ᩑᩅᩴ ᨻᩉᩩᩃᩦᨠᨲᩮᩣ ᩈᨶ᩠ᨲᩮᩣ ᨧᩮᩅ ᨸᨱᩦᨲᩮᩣ ᨧ ᩋᩈᩮᨧᨶᨠᩮᩣ ᨧ ᩈᩩᨡᩮᩣ ᨧ ᩅᩥᩉᩣᩁᩮᩣ ᩏᨸ᩠ᨸᨶ᩠ᨶᩩᨸ᩠ᨸᨶ᩠ᨶᩮ ᨧ ᨸᩣᨸᨠᩮ ᩋᨠᩩᩈᩃᩮ ᨵᨾ᩠ᨾᩮ ᨮᩣᨶᩈᩮᩣ ᩋᨶ᩠ᨲᩁᨵᩣᨸᩮᨲᩥ ᩅᩪᨸᩈᨾᩮᨲᩦ’’ᨲᩥ.

᪑᪖᪖. ᩋᨳ ᨡᩮᩣ ᨽᨣᩅᩣ ᩑᨲᩈ᩠ᨾᩥᩴ ᨶᩥᨴᩣᨶᩮ ᩑᨲᩈ᩠ᨾᩥᩴ ᨸᨠᩁᨱᩮ ᨽᩥᨠ᩠ᨡᩩᩈᨦ᩠ᨥᩴ ᩈᨶ᩠ᨶᩥᨸᩣᨲᩣᨸᩮᨲ᩠ᩅᩣ ᨽᩥᨠ᩠ᨡᩪ ᨸᨭᩥᨸᩩᨧ᩠ᨨᩥ – ‘‘ᩈᨧ᩠ᨧᩴ ᨠᩥᩁ, ᨽᩥᨠ᩠ᨡᩅᩮ, ᨽᩥᨠ᩠ᨡᩪ ᩋᨲ᩠ᨲᨶᩣᨸᩥ ᩋᨲ᩠ᨲᩣᨶᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᨶ᩠ᨲᩥ, ᩋᨬ᩠ᨬᨾᨬ᩠ᨬᨾ᩠ᨸᩥ ᨩᩦᩅᩥᨲᩣ ᩅᩮᩣᩁᩮᩣᨸᩮᨶ᩠ᨲᩥ ᨾᩥᨣᩃᨱ᩠ᨯᩥᨠᨾ᩠ᨸᩥ ¶ ᩈᨾᨱᨠᩩᨲ᩠ᨲᨠᩴ ᩏᨸᩈᨦ᩠ᨠᨾᩥᨲ᩠ᩅᩣ ᩑᩅᩴ ᩅᨴᨶ᩠ᨲᩥ – ‘ᩈᩣᨵᩩ ᨶᩮᩣ, ᩌᩅᩩᩈᩮᩣ ¶ , ᨩᩦᩅᩥᨲᩣ ᩅᩮᩣᩁᩮᩣᨸᩮᩉᩥ, ᩍᨴᩴ ᨲᩮ ᨸᨲ᩠ᨲᨧᩦᩅᩁᩴ ᨽᩅᩥᩔᨲᩦ’’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ – ‘‘ᩋᨶᨶᩩᨧ᩠ᨨᩅᩥᨠᩴ, ᨽᩥᨠ᩠ᨡᩅᩮ, ᨲᩮᩈᩴ ᨽᩥᨠ᩠ᨡᩪᨶᩴ ᩋᨶᨶᩩᩃᩮᩣᨾᩥᨠᩴ ᩋᨸ᩠ᨸᨭᩥᩁᩪᨸᩴ ᩋᩔᩣᨾᨱᨠᩴ ᩋᨠᨸ᩠ᨸᩥᨿᩴ ᩋᨠᩁᨱᩦᨿᩴ. ᨠᨳᨬ᩠ᩉᩥ ᨶᩣᨾ ᨲᩮ, ᨽᩥᨠ᩠ᨡᩅᩮ, ᨽᩥᨠ᩠ᨡᩪ ᩋᨲ᩠ᨲᨶᩣᨸᩥ ᩋᨲ᩠ᨲᩣᨶᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᩔᨶ᩠ᨲᩥ, ᩋᨬ᩠ᨬᨾᨬ᩠ᨬᨾ᩠ᨸᩥ ᨩᩦᩅᩥᨲᩣ ᩅᩮᩣᩁᩮᩣᨸᩮᩔᨶ᩠ᨲᩥ, ᨾᩥᨣᩃᨱ᩠ᨯᩥᨠᨾ᩠ᨸᩥ ᩈᨾᨱᨠᩩᨲ᩠ᨲᨠᩴ ᩏᨸᩈᨦ᩠ᨠᨾᩥᨲ᩠ᩅᩣ ᩑᩅᩴ ᩅᨠ᩠ᨡᨶ᩠ᨲᩥ – ‘ᩈᩣᨵᩩ ᨶᩮᩣ, ᩌᩅᩩᩈᩮᩣ, ᨩᩦᩅᩥᨲᩣ ᩅᩮᩣᩁᩮᩣᨸᩮᩉᩥ, ᩍᨴᩴ ᨲᩮ ᨸᨲ᩠ᨲᨧᩦᩅᩁᩴ ᨽᩅᩥᩔᨲᩦ’ᨲᩥ. ᨶᩮᨲᩴ, ᨽᩥᨠ᩠ᨡᩅᩮ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪑᪖᪗. ‘‘ᨿᩮᩣ ᨸᨶ ᨽᩥᨠ᩠ᨡᩩ ᩈᨬ᩠ᨧᩥᨧ᩠ᨧ ᨾᨶᩩᩔᩅᩥᨣ᩠ᨣᩉᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᨿ᩠ᨿ ᩈᨲ᩠ᨳᩉᩣᩁᨠᩴ ᩅᩣᩔ ᨸᩁᩥᨿᩮᩈᩮᨿ᩠ᨿ, ᩋᨿᨾ᩠ᨸᩥ ᨸᩣᩁᩣᨩᩥᨠᩮᩣ ᩉᩮᩣᨲᩥ ᩋᩈᩴᩅᩣᩈᩮᩣ’’ᨲᩥ.

ᩑᩅᨬ᩠ᨧᩥᨴᩴ ᨽᨣᩅᨲᩣ ᨽᩥᨠ᩠ᨡᩪᨶᩴ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ ᩉᩮᩣᨲᩥ.

᪑᪖᪘. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᩏᨸᩣᩈᨠᩮᩣ ᨣᩥᩃᩣᨶᩮᩣ ᩉᩮᩣᨲᩥ. ᨲᩔ ᨸᨩᩣᨸᨲᩥ ᩋᨽᩥᩁᩪᨸᩣ ᩉᩮᩣᨲᩥ ᨴᩔᨶᩦᨿᩣ ᨸᩣᩈᩣᨴᩥᨠᩣ. ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᨲᩔᩣ ᩍᨲ᩠ᨳᩥᨿᩣ ᨸᨭᩥᨻᨴ᩠ᨵᨧᩥᨲ᩠ᨲᩣ ᩉᩮᩣᨶ᩠ᨲᩥ. ᩋᨳ ᨡᩮᩣ ᨨᨻ᩠ᨻᨣ᩠ᨣᩥᨿᩣᨶᩴ ᨽᩥᨠ᩠ᨡᩪᨶᩴ ᩑᨲᨴᩉᩮᩣᩈᩥ – ‘‘ᩈᨧᩮ ᨡᩮᩣ ᩈᩮᩣ, ᩌᩅᩩᩈᩮᩣ ¶ , ᩏᨸᩣᩈᨠᩮᩣ ᨩᩦᩅᩥᩔᨲᩥ ᨶ ᨾᨿᩴ ᨲᩴ ᩍᨲ᩠ᨳᩥᩴ ᩃᨽᩥᩔᩣᨾ. ᩉᨶ᩠ᨴ ᨾᨿᩴ, ᩌᩅᩩᩈᩮᩣ, ᨲᩔ ᩏᨸᩣᩈᨠᩔ ᨾᩁᨱᩅᨱ᩠ᨱᩴ ᩈᩴᩅᨱ᩠ᨱᩮᨾᩣ’’ᨲᩥ. ᩋᨳ ᨡᩮᩣ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᨿᩮᨶ ᩈᩮᩣ ᩏᨸᩣᩈᨠᩮᩣ ᨲᩮᨶᩩᨸᩈᨦ᩠ᨠᨾᩥᩴᩈᩩ; ᩏᨸᩈᨦ᩠ᨠᨾᩥᨲ᩠ᩅᩣ ᨲᩴ ᩏᨸᩣᩈᨠᩴ ᩑᨲᨴᩅᩮᩣᨧᩩᩴ – ‘‘ᨲ᩠ᩅᩴ ᨡᩮᩣᩈᩥ, ᩏᨸᩣᩈᨠ, ᨠᨲᨠᩃ᩠ᨿᩣᨱᩮᩣ ᨠᨲᨠᩩᩈᩃᩮᩣ ᨠᨲᨽᩦᩁᩩᨲ᩠ᨲᩣᨱᩮᩣ ᩋᨠᨲᨸᩣᨸᩮᩣ ᩋᨠᨲᩃᩩᨴ᩠ᨴᩮᩣ ᩋᨠᨲᨠᩥᨻ᩠ᨻᩥᩈᩮᩣ. ᨠᨲᩴ ᨲᨿᩣ ᨠᩃ᩠ᨿᩣᨱᩴ, ᩋᨠᨲᩴ ᨲᨿᩣ ¶ ᨸᩣᨸᩴ ¶ . ᨠᩥᩴ ᨲᩩᨿ᩠ᩉᩥᨾᩥᨶᩣ ᨸᩣᨸᨠᩮᨶ ᨴᩩᨩ᩠ᨩᩦᩅᩥᨲᩮᨶ! ᨾᨲᩴ ᨲᩮ ᨩᩦᩅᩥᨲᩣ ᩈᩮᨿ᩠ᨿᩮᩣ. ᩍᨲᩮᩣ ᨲ᩠ᩅᩴ ᨠᩣᩃᨦ᩠ᨠᨲᩮᩣ ᨠᩣᨿᩔ ᨽᩮᨴᩣ ᨸᩁᩴ ᨾᩁᨱᩣ ᩈᩩᨣᨲᩥᩴ ᩈᨣ᩠ᨣᩴ ᩃᩮᩣᨠᩴ ᩏᨸᨸᨩ᩠ᨩᩥᩔᩈᩥ. ᨲᨲ᩠ᨳ ᨴᩥᨻ᩠ᨻᩮᩉᩥ ᨸᨬ᩠ᨧᩉᩥ ᨠᩣᨾᨣᩩᨱᩮᩉᩥ ᩈᨾᨸ᩠ᨸᩥᨲᩮᩣ ᩈᨾᨦ᩠ᨣᩦᨽᩪᨲᩮᩣ ᨸᩁᩥᨧᩣᩁᩮᩔᩈᩦ’’ᨲᩥ.

᪑᪖᪙. ᩋᨳ ᨡᩮᩣ ᩈᩮᩣ ᩏᨸᩣᩈᨠᩮᩣ – ‘‘ᩈᨧ᩠ᨧᩴ ᨡᩮᩣ ᩋᨿ᩠ᨿᩣ ᩌᩉᩴᩈᩩ. ᩋᩉᨬ᩠ᩉᩥ ᨠᨲᨠᩃ᩠ᨿᩣᨱᩮᩣ ᨠᨲᨠᩩᩈᩃᩮᩣ ᨠᨲᨽᩦᩁᩩᨲ᩠ᨲᩣᨱᩮᩣ ᩋᨠᨲᨸᩣᨸᩮᩣ ᩋᨠᨲᩃᩩᨴ᩠ᨴᩮᩣ ᩋᨠᨲᨠᩥᨻ᩠ᨻᩥᩈᩮᩣ. ᨠᨲᩴ ᨾᨿᩣ ᨠᩃ᩠ᨿᩣᨱᩴ, ᩋᨠᨲᩴ ᨾᨿᩣ ᨸᩣᨸᩴ ¶ . ᨠᩥᩴ ᨾᨿ᩠ᩉᩥᨾᩥᨶᩣ ᨸᩣᨸᨠᩮᨶ ᨴᩩᨩ᩠ᨩᩦᩅᩥᨲᩮᨶ! ᨾᨲᩴ ᨾᩮ ᨩᩦᩅᩥᨲᩣ ᩈᩮᨿ᩠ᨿᩮᩣ. ᩍᨲᩮᩣ ᩋᩉᩴ ᨠᩣᩃᨦ᩠ᨠᨲᩮᩣ ᨠᩣᨿᩔ ᨽᩮᨴᩣ ᨸᩁᩴ ᨾᩁᨱᩣ ᩈᩩᨣᨲᩥᩴ ᩈᨣ᩠ᨣᩴ ᩃᩮᩣᨠᩴ ᩏᨸᨸᨩ᩠ᨩᩥᩔᩣᨾᩥ. ᨲᨲ᩠ᨳ ᨴᩥᨻ᩠ᨻᩮᩉᩥ ᨸᨬ᩠ᨧᩉᩥ ᨠᩣᨾᨣᩩᨱᩮᩉᩥ ᩈᨾᨸ᩠ᨸᩥᨲᩮᩣ ᩈᨾᨦ᩠ᨣᩦᨽᩪᨲᩮᩣ ᨸᩁᩥᨧᩣᩁᩮᩔᩣᨾᩦ’’ᨲᩥ, ᩈᩮᩣ ᩋᩈᨸ᩠ᨸᩣᨿᩣᨶᩥ ᨧᩮᩅ ᨽᩮᩣᨩᨶᩣᨶᩥ ᨽᩩᨬ᩠ᨩᩥ ᩋᩈᨸ᩠ᨸᩣᨿᩣᨶᩥ ᨧ ᨡᩣᨴᨶᩦᨿᩣᨶᩥ ᨡᩣᨴᩥ ᩋᩈᨸ᩠ᨸᩣᨿᩣᨶᩥ ᨧ ᩈᩣᨿᨶᩦᨿᩣᨶᩥ ᩈᩣᨿᩥ ᩋᩈᨸ᩠ᨸᩣᨿᩣᨶᩥ ᨧ ᨸᩣᨶᩣᨶᩥ ᨸᩥᩅᩥ. ᨲᩔ ᩋᩈᨸ᩠ᨸᩣᨿᩣᨶᩥ ᨧᩮᩅ ᨽᩮᩣᨩᨶᩣᨶᩥ ᨽᩩᨬ᩠ᨩᨲᩮᩣ ᩋᩈᨸ᩠ᨸᩣᨿᩣᨶᩥ ᨧ ᨡᩣᨴᨶᩦᨿᩣᨶᩥ ᨡᩣᨴᨲᩮᩣ ᩋᩈᨸ᩠ᨸᩣᨿᩣᨶᩥ ᨧ ᩈᩣᨿᨶᩦᨿᩣᨶᩥ ᩈᩣᨿᨲᩮᩣ ᩋᩈᨸ᩠ᨸᩣᨿᩣᨶᩥ ᨧ ᨸᩣᨶᩣᨶᩥ ᨸᩥᩅᨲᩮᩣ ᨡᩁᩮᩣ ᩌᨻᩣᨵᩮᩣ ᩏᨸ᩠ᨸᨩ᩠ᨩᩥ. ᩈᩮᩣ ᨲᩮᨶᩮᩅ ᩌᨻᩣᨵᩮᨶ ᨠᩣᩃᨾᨠᩣᩈᩥ. ᨲᩔ ᨸᨩᩣᨸᨲᩥ ᩏᨩ᩠ᨫᩣᨿᨲᩥ ᨡᩥᨿ᩠ᨿᨲᩥ ᩅᩥᨸᩣᨧᩮᨲᩥ – ‘‘ᩋᩃᨩ᩠ᨩᩥᨶᩮᩣ ᩍᨾᩮ ᩈᨾᨱᩣ ᩈᨠ᩠ᨿᨸᩩᨲ᩠ᨲᩥᨿᩣ ᨴᩩᩔᩦᩃᩣ ᨾᩩᩈᩣᩅᩣᨴᩥᨶᩮᩣ. ᩍᨾᩮ ᩉᩥ ᨶᩣᨾ ᨵᨾ᩠ᨾᨧᩣᩁᩥᨶᩮᩣ ᩈᨾᨧᩣᩁᩥᨶᩮᩣ ᨻᩕᩉ᩠ᨾᨧᩣᩁᩥᨶᩮᩣ ᩈᨧ᩠ᨧᩅᩣᨴᩥᨶᩮᩣ ᩈᩦᩃᩅᨶ᩠ᨲᩮᩣ ᨠᩃ᩠ᨿᩣᨱᨵᨾ᩠ᨾᩣ ᨸᨭᩥᨩᩣᨶᩥᩔᨶ᩠ᨲᩥ! ᨶᨲ᩠ᨳᩥ ᩍᨾᩮᩈᩴ ᩈᩣᨾᨬ᩠ᨬᩴ ᨶᨲ᩠ᨳᩥ ᩍᨾᩮᩈᩴ ᨻᩕᩉ᩠ᨾᨬ᩠ᨬᩴ, ᨶᨭ᩠ᨮᩴ ᩍᨾᩮᩈᩴ ᩈᩣᨾᨬ᩠ᨬᩴ ᨶᨭ᩠ᨮᩴ ᩍᨾᩮᩈᩴ ᨻᩕᩉ᩠ᨾᨬ᩠ᨬᩴ, ᨠᩩᨲᩮᩣ ᩍᨾᩮᩈᩴ ᩈᩣᨾᨬ᩠ᨬᩴ ¶ ᨠᩩᨲᩮᩣ ᩍᨾᩮᩈᩴ ᨻᩕᩉ᩠ᨾᨬ᩠ᨬᩴ, ᩋᨸᨣᨲᩣ ᩍᨾᩮ ᩈᩣᨾᨬ᩠ᨬᩣ ᩋᨸᨣᨲᩣ ᩍᨾᩮ ᨻᩕᩉ᩠ᨾᨬ᩠ᨬᩣ. ᩍᨾᩮ ᨾᩮ ᩈᩣᨾᩥᨠᩔ ᨾᩁᨱᩅᨱ᩠ᨱᩴ ᩈᩴᩅᨱ᩠ᨱᩮᩈᩩᩴ. ᩍᨾᩮᩉᩥ ᨾᩮ ᩈᩣᨾᩥᨠᩮᩣ ᨾᩣᩁᩥᨲᩮᩣ’’ᨲᩥ. ᩋᨬ᩠ᨬᩮᨸᩥ ᨾᨶᩩᩔᩣ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᩋᩃᨩ᩠ᨩᩥᨶᩮᩣ ᩍᨾᩮ ᩈᨾᨱᩣ ᩈᨠ᩠ᨿᨸᩩᨲ᩠ᨲᩥᨿᩣ ᨴᩩᩔᩦᩃᩣ ᨾᩩᩈᩣᩅᩣᨴᩥᨶᩮᩣ. ᩍᨾᩮ ᩉᩥ ᨶᩣᨾ ᨵᨾ᩠ᨾᨧᩣᩁᩥᨶᩮᩣ ᩈᨾᨧᩣᩁᩥᨶᩮᩣ ᨻᩕᩉ᩠ᨾᨧᩣᩁᩥᨶᩮᩣ ᩈᨧ᩠ᨧᩅᩣᨴᩥᨶᩮᩣ ᩈᩦᩃᩅᨶ᩠ᨲᩮᩣ ᨠᩃ᩠ᨿᩣᨱᨵᨾ᩠ᨾᩣ ᨸᨭᩥᨩᩣᨶᩥᩔᨶ᩠ᨲᩥ! ᨶᨲ᩠ᨳᩥ ᩍᨾᩮᩈᩴ ᩈᩣᨾᨬ᩠ᨬᩴ ᨶᨲ᩠ᨳᩥ ᩍᨾᩮᩈᩴ ᨻᩕᩉ᩠ᨾᨬ᩠ᨬᩴ, ᨶᨭ᩠ᨮᩴ ᩍᨾᩮᩈᩴ ᩈᩣᨾᨬ᩠ᨬᩴ ᨶᨭ᩠ᨮᩴ ᩍᨾᩮᩈᩴ ᨻᩕᩉ᩠ᨾᨬ᩠ᨬᩴ, ᨠᩩᨲᩮᩣ ᩍᨾᩮᩈᩴ ᩈᩣᨾᨬ᩠ᨬᩴ ᨠᩩᨲᩮᩣ ᩍᨾᩮᩈᩴ ᨻᩕᩉ᩠ᨾᨬ᩠ᨬᩴ, ᩋᨸᨣᨲᩣ ᩍᨾᩮ ᩈᩣᨾᨬ᩠ᨬᩣ ᩋᨸᨣᨲᩣ ᩍᨾᩮ ᨻᩕᩉ᩠ᨾᨬ᩠ᨬᩣ. ᩍᨾᩮ ᩏᨸᩣᩈᨠᩔ ᨾᩁᨱᩅᨱ᩠ᨱᩴ ᩈᩴᩅᨱ᩠ᨱᩮᩈᩩᩴ. ᩍᨾᩮᩉᩥ ᩏᨸᩣᩈᨠᩮᩣ ᨾᩣᩁᩥᨲᩮᩣ’’ᨲᩥ. ᩋᩔᩮᩣᩈᩩᩴ ᨡᩮᩣ ᨽᩥᨠ᩠ᨡᩪ ᨲᩮᩈᩴ ᨾᨶᩩᩔᩣᨶᩴ ᩏᨩ᩠ᨫᩣᨿᨶ᩠ᨲᩣᨶᩴ ᨡᩥᨿ᩠ᨿᨶ᩠ᨲᩣᨶᩴ ᩅᩥᨸᩣᨧᩮᨶ᩠ᨲᩣᨶᩴ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᩏᨸᩣᩈᨠᩔ ᨾᩁᨱᩅᨱ᩠ᨱᩴ ᩈᩴᩅᨱ᩠ᨱᩥᩔᨶ᩠ᨲᩦ’’ᨲᩥ!

᪑᪗᪐. ᩋᨳ ᨡᩮᩣ ¶ ᨲᩮ ᨽᩥᨠ᩠ᨡᩪ ᨨᨻ᩠ᨻᨣ᩠ᨣᩥᨿᩮ ᨽᩥᨠ᩠ᨡᩪ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ¶ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩈᨧ᩠ᨧᩴ ᨠᩥᩁ ᨲᩩᨾ᩠ᩉᩮ, ᨽᩥᨠ᩠ᨡᩅᩮ, ᩏᨸᩣᩈᨠᩔ ᨾᩁᨱᩅᨱ᩠ᨱᩴ ᩈᩴᩅᨱ᩠ᨱᩮᨳᩣ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ – ‘‘ᩋᨶᨶᩩᨧ᩠ᨨᩅᩥᨠᩴ, ᨾᩮᩣᨥᨸᩩᩁᩥᩈᩣ, ᩋᨶᨶᩩᩃᩮᩣᨾᩥᨠᩴ ᩋᨸ᩠ᨸᨭᩥᩁᩪᨸᩴ ᩋᩔᩣᨾᨱᨠᩴ ᩋᨠᨸ᩠ᨸᩥᨿᩴ ᩋᨠᩁᨱᩦᨿᩴ. ᨠᨳᨬ᩠ᩉᩥ ᨶᩣᨾ ᨲᩩᨾ᩠ᩉᩮ, ᨾᩮᩣᨥᨸᩩᩁᩥᩈᩣ, ᩏᨸᩣᩈᨠᩔ ¶ ᨾᩁᨱᩅᨱ᩠ᨱᩴ ᩈᩴᩅᨱ᩠ᨱᩥᩔᨳ! ᨶᩮᨲᩴ, ᨾᩮᩣᨥᨸᩩᩁᩥᩈᩣ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ ¶ –

᪑᪗᪑. ‘‘ᨿᩮᩣ ᨸᨶ ᨽᩥᨠ᩠ᨡᩩ ᩈᨬ᩠ᨧᩥᨧ᩠ᨧ ᨾᨶᩩᩔᩅᩥᨣ᩠ᨣᩉᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᨿ᩠ᨿ ᩈᨲ᩠ᨳᩉᩣᩁᨠᩴ ᩅᩣᩔ ᨸᩁᩥᨿᩮᩈᩮᨿ᩠ᨿ ᨾᩁᨱᩅᨱ᩠ᨱᩴ ᩅᩣ ᩈᩴᩅᨱ᩠ᨱᩮᨿ᩠ᨿ ᨾᩁᨱᩣᨿ ᩅᩣ ᩈᨾᩣᨴᨸᩮᨿ᩠ᨿ – ‘ᩋᨾ᩠ᨽᩮᩣ ᨸᩩᩁᩥᩈ, ᨠᩥᩴ ᨲᩩᨿ᩠ᩉᩥᨾᩥᨶᩣ ᨸᩣᨸᨠᩮᨶ ᨴᩩᨩ᩠ᨩᩦᩅᩥᨲᩮᨶ, ᨾᨲᩴ ᨲᩮ ᨩᩦᩅᩥᨲᩣ ᩈᩮᨿ᩠ᨿᩮᩣ’ᨲᩥ, ᩍᨲᩥ ᨧᩥᨲ᩠ᨲᨾᨶᩮᩣ ᨧᩥᨲ᩠ᨲᩈᨦ᩠ᨠᨸ᩠ᨸᩮᩣ ᩋᨶᩮᨠᨸᩁᩥᨿᩣᨿᩮᨶ ᨾᩁᨱᩅᨱ᩠ᨱᩴ ᩅᩣ ᩈᩴᩅᨱ᩠ᨱᩮᨿ᩠ᨿ, ᨾᩁᨱᩣᨿ ᩅᩣ ᩈᨾᩣᨴᨸᩮᨿ᩠ᨿ, ᩋᨿᨾ᩠ᨸᩥ ᨸᩣᩁᩣᨩᩥᨠᩮᩣ ᩉᩮᩣᨲᩥ ᩋᩈᩴᩅᩣᩈᩮᩣ’’ᨲᩥ.

᪑᪗᪒. ᨿᩮᩣ ᨸᨶᩣᨲᩥ ᨿᩮᩣ ᨿᩣᨴᩥᩈᩮᩣ…ᨸᩮ… ᨽᩥᨠ᩠ᨡᩪᨲᩥ…ᨸᩮ… ᩋᨿᩴ ᩍᨾᩈ᩠ᨾᩥᩴ ᩋᨲ᩠ᨳᩮ ᩋᨵᩥᨸ᩠ᨸᩮᨲᩮᩣ ᨽᩥᨠ᩠ᨡᩪᨲᩥ.

ᩈᨬ᩠ᨧᩥᨧ᩠ᨧᩣᨲᩥ ᨩᩣᨶᨶ᩠ᨲᩮᩣ ᩈᨬ᩠ᨩᩣᨶᨶ᩠ᨲᩮᩣ ᨧᩮᨧ᩠ᨧ ᩋᨽᩥᩅᩥᨲᩁᩥᨲ᩠ᩅᩣ ᩅᩦᨲᩥᨠ᩠ᨠᨾᩮᩣ.

ᨾᨶᩩᩔᩅᩥᨣ᩠ᨣᩉᩮᩣ ᨶᩣᨾ ᨿᩴ ᨾᩣᨲᩩᨠᩩᨧ᩠ᨨᩥᩈ᩠ᨾᩥᩴ ᨸᨮᨾᩴ ᨧᩥᨲ᩠ᨲᩴ ᩏᨸ᩠ᨸᨶ᩠ᨶᩴ ᨸᨮᨾᩴ ᩅᩥᨬ᩠ᨬᩣᨱᩴ ᨸᩣᨲᩩᨽᩪᨲᩴ, ᨿᩣᩅ ᨾᩁᨱᨠᩣᩃᩣ ᩑᨲ᩠ᨳᨶ᩠ᨲᩁᩮ ᩑᩈᩮᩣ ᨾᨶᩩᩔᩅᩥᨣ᩠ᨣᩉᩮᩣ ᨶᩣᨾ.

ᨩᩦᩅᩥᨲᩣ ᩅᩮᩣᩁᩮᩣᨸᩮᨿ᩠ᨿᩣᨲᩥ ᨩᩦᩅᩥᨲᩥᨶ᩠ᨴᩕᩥᨿᩴ ᩏᨸᨧ᩠ᨨᩥᨶ᩠ᨴᨲᩥ ᩏᨸᩁᩮᩣᨵᩮᨲᩥ ᩈᨶ᩠ᨲᨲᩥᩴ ᩅᩥᨠᩮᩣᨸᩮᨲᩥ.

ᩈᨲ᩠ᨳᩉᩣᩁᨠᩴ ᩅᩣᩔ ᨸᩁᩥᨿᩮᩈᩮᨿ᩠ᨿᩣᨲᩥ ᩋᩈᩥᩴ ᩅᩣ ᩈᨲ᩠ᨲᩥᩴ ᩅᩣ ᨽᩮᨱ᩠ᨯᩥᩴ ᩅᩣ [ᨽᩮᨶ᩠ᨴᩥᩴ ᩅᩣ (ᨠ.)] ᩃᨣᩩᩊᩴ ᩅᩣ [ᩈᩪᩃᩴᩅᩣ ᩃᨣᩩᩊᩴᩅᩣ (ᩈ᩠ᨿᩣ.)] ᨸᩣᩈᩣᨱᩴ ᩅᩣ ᩈᨲ᩠ᨳᩴ ᩅᩣ ᩅᩥᩈᩴ ᩅᩣ ᩁᨩ᩠ᨩᩩᩴ ᩅᩣ.

ᨾᩁᨱᩅᨱ᩠ᨱᩴ ᩅᩣ ᩈᩴᩅᨱ᩠ᨱᩮᨿ᩠ᨿᩣᨲᩥ ᨩᩦᩅᩥᨲᩮ ᩌᨴᩦᨶᩅᩴ ᨴᩔᩮᨲᩥ, ᨾᩁᨱᩮ ᩅᨱ᩠ᨱᩴ ᨽᨱᨲᩥ.

ᨾᩁᨱᩣᨿ ᩅᩣ ᩈᨾᩣᨴᨸᩮᨿ᩠ᨿᩣᨲᩥ ᩈᨲ᩠ᨳᩴ ᩅᩣ ᩌᩉᩁ, ᩅᩥᩈᩴ ᩅᩣ ᨡᩣᨴ, ᩁᨩ᩠ᨩᩩᨿᩣ ᩅᩣ ᩏᨻ᩠ᨻᨶ᩠ᨵᩥᨲ᩠ᩅᩣ ᨠᩣᩃᨦ᩠ᨠᩁᩮᩣᩉᩦᨲᩥ.

ᩋᨾ᩠ᨽᩮᩣ ¶ ¶ ᨸᩩᩁᩥᩈᩣᨲᩥ ᩌᩃᨸᨶᩣᨵᩥᩅᨧᨶᨾᩮᨲᩴ.

ᨠᩥᩴ ¶ ᨲᩩᨿ᩠ᩉᩥᨾᩥᨶᩣ ᨸᩣᨸᨠᩮᨶ ᨴᩩᨩ᩠ᨩᩦᩅᩥᨲᩮᨶᩣᨲᩥ ᨸᩣᨸᨠᩴ ᨶᩣᨾ ᨩᩦᩅᩥᨲᩴ ᩋᨯ᩠ᨰᩣᨶᩴ ᨩᩦᩅᩥᨲᩴ ᩏᨸᩣᨴᩣᨿ ᨴᩃᩥᨴ᩠ᨴᩣᨶᩴ ᨩᩦᩅᩥᨲᩴ ᨸᩣᨸᨠᩴ ᩃᩣᨾᨠᩴ, ᩈᨵᨶᩣᨶᩴ ᨩᩦᩅᩥᨲᩴ ᩏᨸᩣᨴᩣᨿ ᩋᨵᨶᩣᨶᩴ ᨩᩦᩅᩥᨲᩴ ᨸᩣᨸᨠᩴ, ᨴᩮᩅᩣᨶᩴ ᨩᩦᩅᩥᨲᩴ ᩏᨸᩣᨴᩣᨿ ᨾᨶᩩᩔᩣᨶᩴ ᨩᩦᩅᩥᨲᩴ ᨸᩣᨸᨠᩴ ¶ .

ᨴᩩᨩ᩠ᨩᩦᩅᩥᨲᩴ ᨶᩣᨾ ᩉᨲ᩠ᨳᨧ᩠ᨨᩥᨶ᩠ᨶᩔ ᨸᩣᨴᨧ᩠ᨨᩥᨶ᩠ᨶᩔ ᩉᨲ᩠ᨳᨸᩣᨴᨧ᩠ᨨᩥᨶ᩠ᨶᩔ ᨠᨱ᩠ᨱᨧ᩠ᨨᩥᨶ᩠ᨶᩔ ᨶᩣᩈᨧ᩠ᨨᩥᨶ᩠ᨶᩔ ᨠᨱ᩠ᨱᨶᩣᩈᨧ᩠ᨨᩥᨶ᩠ᨶᩔ, ᩍᨾᩥᨶᩣ ᨧ ᨸᩣᨸᨠᩮᨶ ᩍᨾᩥᨶᩣ ᨧ ᨴᩩᨩ᩠ᨩᩦᩅᩥᨲᩮᨶ ᨾᨲᩴ ᨲᩮ ᨩᩦᩅᩥᨲᩣ ᩈᩮᨿ᩠ᨿᩮᩣᨲᩥ.

ᩍᨲᩥ ᨧᩥᨲ᩠ᨲᨾᨶᩮᩣᨲᩥ ᨿᩴ ᨧᩥᨲ᩠ᨲᩴ ᨲᩴ ᨾᨶᩮᩣ, ᨿᩴ ᨾᨶᩮᩣ ᨲᩴ ᨧᩥᨲ᩠ᨲᩴ.

ᨧᩥᨲ᩠ᨲᩈᨦ᩠ᨠᨸ᩠ᨸᩮᩣᨲᩥ ᨾᩁᨱᩈᨬ᩠ᨬᩦ ᨾᩁᨱᨧᩮᨲᨶᩮᩣ ᨾᩁᨱᩣᨵᩥᨸ᩠ᨸᩣᨿᩮᩣ.

ᩋᨶᩮᨠᨸᩁᩥᨿᩣᨿᩮᨶᩣᨲᩥ ᩏᨧ᩠ᨧᩣᩅᨧᩮᩉᩥ ᩌᨠᩣᩁᩮᩉᩥ.

ᨾᩁᨱᩅᨱ᩠ᨱᩴ ᩅᩣ ᩈᩴᩅᨱ᩠ᨱᩮᨿ᩠ᨿᩣᨲᩥ ᨩᩦᩅᩥᨲᩮ ᩌᨴᩦᨶᩅᩴ ᨴᩔᩮᨲᩥ, ᨾᩁᨱᩮ ᩅᨱ᩠ᨱᩴ ᨽᨱᨲᩥ – ‘‘ᩍᨲᩮᩣ ᨲ᩠ᩅᩴ ᨠᩣᩃᨦ᩠ᨠᨲᩮᩣ ᨠᩣᨿᩔ ᨽᩮᨴᩣ ᨸᩁᩴ ᨾᩁᨱᩣ ᩈᩩᨣᨲᩥᩴ ᩈᨣ᩠ᨣᩴ ᩃᩮᩣᨠᩴ ᩏᨸᨸᨩ᩠ᨩᩥᩔᩈᩥ, ᨲᨲ᩠ᨳ ᨴᩥᨻ᩠ᨻᩮᩉᩥ ᨸᨬ᩠ᨧᩉᩥ ᨠᩣᨾᨣᩩᨱᩮᩉᩥ ᩈᨾᨸ᩠ᨸᩥᨲᩮᩣ ᩈᨾᨦ᩠ᨣᩦᨽᩪᨲᩮᩣ ᨸᩁᩥᨧᩣᩁᩮᩔᩈᩦ’’ᨲᩥ.

ᨾᩁᨱᩣᨿ ᩅᩣ ᩈᨾᩣᨴᨸᩮᨿ᩠ᨿᩣᨲᩥ ᩈᨲ᩠ᨳᩴ ᩅᩣ ᩌᩉᩁ, ᩅᩥᩈᩴ ᩅᩣ ᨡᩣᨴ, ᩁᨩ᩠ᨩᩩᨿᩣ ᩅᩣ ᩏᨻ᩠ᨻᨶ᩠ᨵᩥᨲ᩠ᩅᩣ ᨠᩣᩃᨦ᩠ᨠᩁᩮᩣᩉᩥ, ᩈᩮᩣᨻ᩠ᨽᩮ ᩅᩣ ᨶᩁᨠᩮ ᩅᩣ ᨸᨸᩣᨲᩮ ᩅᩣ ᨸᨸᨲᩣᨲᩥ.

ᩋᨿᨾ᩠ᨸᩦᨲᩥ ᨸᩩᩁᩥᨾᩮ ᩏᨸᩣᨴᩣᨿ ᩅᩩᨧ᩠ᨧᨲᩥ.

ᨸᩣᩁᩣᨩᩥᨠᩮᩣ ᩉᩮᩣᨲᩦᨲᩥ ᩈᩮᨿ᩠ᨿᨳᩣᨸᩥ ᨶᩣᨾ ᨸᩩᨳᩩᩈᩥᩃᩣ ᨴ᩠ᩅᩥᨵᩣ ᨽᩥᨶ᩠ᨶᩣ [ᨴ᩠ᩅᩮᨵᩣ ᨽᩥᨶ᩠ᨶᩣ (ᩈ᩠ᨿᩣ.)] ᩋᨸ᩠ᨸᨭᩥᩈᨶ᩠ᨵᩥᨠᩣ ᩉᩮᩣᨲᩥ, ᩑᩅᨾᩮᩅ ᨽᩥᨠ᩠ᨡᩩ ᩈᨬ᩠ᨧᩥᨧ᩠ᨧ ᨾᨶᩩᩔᩅᩥᨣ᩠ᨣᩉᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᨲ᩠ᩅᩣ ᩋᩔᨾᨱᩮᩣ ᩉᩮᩣᨲᩥ ᩋᩈᨠ᩠ᨿᨸᩩᨲ᩠ᨲᩥᨿᩮᩣ. ᨲᩮᨶ ᩅᩩᨧ᩠ᨧᨲᩥ – ‘ᨸᩣᩁᩣᨩᩥᨠᩮᩣ ᩉᩮᩣᨲᩦ’ᨲᩥ.

ᩋᩈᩴᩅᩣᩈᩮᩣᨲᩥ ¶ ¶ ᩈᩴᩅᩣᩈᩮᩣ ¶ ᨶᩣᨾ ᩑᨠᨠᨾ᩠ᨾᩴ ᩑᨠᩩᨴ᩠ᨴᩮᩈᩮᩣ ᩈᨾᩈᩥᨠ᩠ᨡᨲᩣ – ᩑᩈᩮᩣ ᩈᩴᩅᩣᩈᩮᩣ ᨶᩣᨾ. ᩈᩮᩣ ᨲᩮᨶ ᩈᨴ᩠ᨵᩥᩴ ᨶᨲ᩠ᨳᩥ, ᨲᩮᨶ ᩅᩩᨧ᩠ᨧᨲᩥ ᩋᩈᩴᩅᩣᩈᩮᩣᨲᩥ.

᪑᪗᪓. ᩈᩣᨾᩴ, ᩋᨵᩥᨭ᩠ᨮᩣᨿ, ᨴᩪᨲᩮᨶ, ᨴᩪᨲᨸᩁᩴᨸᩁᩣᨿ, ᩅᩥᩈᨠ᩠ᨠᩥᨿᩮᨶ ᨴᩪᨲᩮᨶ, ᨣᨲᨸᨧ᩠ᨧᩣᨣᨲᩮᨶ ᨴᩪᨲᩮᨶ, ᩋᩁᩉᩮᩣ ᩁᩉᩮᩣᩈᨬ᩠ᨬᩦ, ᩁᩉᩮᩣ ᩋᩁᩉᩮᩣᩈᨬ᩠ᨬᩦ, ᩋᩁᩉᩮᩣ ᩋᩁᩉᩮᩣᩈᨬ᩠ᨬᩦ, ᩁᩉᩮᩣ ᩁᩉᩮᩣᩈᨬ᩠ᨬᩦ ᨠᩣᨿᩮᨶ ᩈᩴᩅᨱ᩠ᨱᩮᨲᩥ, ᩅᩣᨧᩣᨿ ᩈᩴᩅᨱ᩠ᨱᩮᨲᩥ, ᨠᩣᨿᩮᨶ ᩅᩣᨧᩣᨿ ᩈᩴᩅᨱ᩠ᨱᩮᨲᩥ, ᨴᩪᨲᩮᨶ ᩈᩴᩅᨱ᩠ᨱᩮᨲᩥ, ᩃᩮᨡᩣᨿ ᩈᩴᩅᨱ᩠ᨱᩮᨲᩥ, ᩒᨸᩣᨲᩴ ᩋᨸᩔᩮᨶᩴ, ᩏᨸᨶᩥᨠ᩠ᨡᩥᨸᨶᩴ, ᨽᩮᩈᨩ᩠ᨩᩴ, ᩁᩪᨸᩪᨸᩉᩣᩁᩮᩣ, ᩈᨴ᩠ᨴᩪᨸᩉᩣᩁᩮᩣ, ᨣᨶ᩠ᨵᩪᨸᩉᩣᩁᩮᩣ, ᩁᩈᩪᨸᩉᩣᩁᩮᩣ, ᨹᩮᩣᨭ᩠ᨮᨻ᩠ᨻᩪᨸᩉᩣᩁᩮᩣ, ᨵᨾ᩠ᨾᩪᨸᩉᩣᩁᩮᩣ, ᩌᨧᩥᨠ᩠ᨡᨶᩣ, ᩋᨶᩩᩈᩣᩈᨶᩦ, ᩈᨦ᩠ᨠᩮᨲᨠᨾ᩠ᨾᩴ, ᨶᩥᨾᩥᨲ᩠ᨲᨠᨾ᩠ᨾᨶ᩠ᨲᩥ.

᪑᪗᪔. ᩈᩣᨾᨶ᩠ᨲᩥ ᩈᨿᩴ ᩉᨶᨲᩥ ᨠᩣᨿᩮᨶ ᩅᩣ ᨠᩣᨿᨸᨭᩥᨻᨴ᩠ᨵᩮᨶ ᩅᩣ ᨶᩥᩔᨣ᩠ᨣᩥᨿᩮᨶ ᩅᩣ.

ᩋᨵᩥᨭ᩠ᨮᩣᨿᩣᨲᩥ ᩋᨵᩥᨭ᩠ᨮᩉᩥᨲ᩠ᩅᩣ ᩌᨱᩣᨸᩮᨲᩥ – ‘‘ᩑᩅᩴ ᩅᩥᨩ᩠ᨫ, ᩑᩅᩴ ᨸᩉᩁ, ᩑᩅᩴ ᨥᩣᨲᩮᩉᩦ’’ᨲᩥ.

ᨽᩥᨠ᩠ᨡᩩ ¶ ᨽᩥᨠ᩠ᨡᩩᩴ ᩌᨱᩣᨸᩮᨲᩥ – ‘‘ᩍᨲ᩠ᨳᨶ᩠ᨶᩣᨾᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᩉᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩮᩣ ᨲᩴ ᨾᨬ᩠ᨬᨾᩣᨶᩮᩣ ᨲᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᨲᩥ, ᩌᨸᨲ᩠ᨲᩥ ᩏᨽᩥᨶ᩠ᨶᩴ ᨸᩣᩁᩣᨩᩥᨠᩔ.

ᨽᩥᨠ᩠ᨡᩩ ᨽᩥᨠ᩠ᨡᩩᩴ ᩌᨱᩣᨸᩮᨲᩥ – ‘‘ᩍᨲ᩠ᨳᨶ᩠ᨶᩣᨾᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᩉᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩮᩣ ᨲᩴ ᨾᨬ᩠ᨬᨾᩣᨶᩮᩣ ᩋᨬ᩠ᨬᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᨲ᩠ᨲᩥ, ᨾᩪᩃᨭ᩠ᨮᩔ ᩋᨶᩣᨸᨲ᩠ᨲᩥ. ᩅᨵᨠᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨽᩥᨠ᩠ᨡᩩ ᨽᩥᨠ᩠ᨡᩩᩴ ᩌᨱᩣᨸᩮᨲᩥ – ‘‘ᩍᨲ᩠ᨳᨶ᩠ᨶᩣᨾᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᩉᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩮᩣ ᩋᨬ᩠ᨬᩴ ᨾᨬ᩠ᨬᨾᩣᨶᩮᩣ ᨲᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᨲᩥ, ᩌᨸᨲ᩠ᨲᩥ ᩏᨽᩥᨶ᩠ᨶᩴ ᨸᩣᩁᩣᨩᩥᨠᩔ.

ᨽᩥᨠ᩠ᨡᩩ ᨽᩥᨠ᩠ᨡᩩᩴ ᩌᨱᩣᨸᩮᨲᩥ ¶ – ‘‘ᩍᨲ᩠ᨳᨶ᩠ᨶᩣᨾᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᩉᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩮᩣ ᩋᨬ᩠ᨬᩴ ᨾᨬ᩠ᨬᨾᩣᨶᩮᩣ ᩋᨬ᩠ᨬᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᨲᩥ; ᨾᩪᩃᨭ᩠ᨮᩔ ᩋᨶᩣᨸᨲ᩠ᨲᩥ, ᩅᨵᨠᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨽᩥᨠ᩠ᨡᩩ ¶ ᨽᩥᨠ᩠ᨡᩩᩴ ᩌᨱᩣᨸᩮᨲᩥ – ‘‘ᩍᨲ᩠ᨳᨶ᩠ᨶᩣᨾᩔ ᨸᩣᩅᨴ – ‘ᩍᨲ᩠ᨳᨶ᩠ᨶᩣᨾᩮᩣ ᩍᨲ᩠ᨳᨶ᩠ᨶᩣᨾᩔ ᨸᩣᩅᨴᨲᩩ ¶ – ᩍᨲ᩠ᨳᨶ᩠ᨶᩣᨾᩮᩣ ᩍᨲ᩠ᨳᨶ᩠ᨶᩣᨾᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᨲᩪ’’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩮᩣ ᩍᨲᩁᩔ ᩌᩁᩮᩣᨧᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩅᨵᨠᩮᩣ ᨸᨭᩥᨣ᩠ᨣᨱ᩠ᩉᩣᨲᩥ, ᨾᩪᩃᨭ᩠ᨮᩔ ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᩈᩮᩣ ᨲᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᨲᩥ, ᩌᨸᨲ᩠ᨲᩥ ᩈᨻ᩠ᨻᩮᩈᩴ ᨸᩣᩁᩣᨩᩥᨠᩔ.

ᨽᩥᨠ᩠ᨡᩩ ᨽᩥᨠ᩠ᨡᩩᩴ ᩌᨱᩣᨸᩮᨲᩥ – ‘‘ᩍᨲ᩠ᨳᨶ᩠ᨶᩣᨾᩔ ᨸᩣᩅᨴ – ‘ᩍᨲ᩠ᨳᨶ᩠ᨶᩣᨾᩮᩣ ᩍᨲ᩠ᨳᨶ᩠ᨶᩣᨾᩔ ᨸᩣᩅᨴᨲᩩ – ᩍᨲ᩠ᨳᨶ᩠ᨶᩣᨾᩮᩣ ᩍᨲ᩠ᨳᨶ᩠ᨶᩣᨾᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᨲᩪ’’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩮᩣ ᩋᨬ᩠ᨬᩴ ᩌᨱᩣᨸᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩅᨵᨠᩮᩣ ᨸᨭᩥᨣ᩠ᨣᨱ᩠ᩉᩣᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩮᩣ ᨲᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᨲᩥ, ᨾᩪᩃᨭ᩠ᨮᩔ ᩋᨶᩣᨸᨲ᩠ᨲᩥ; ᩌᨱᩣᨸᨠᩔ ᨧ ᩅᨵᨠᩔ ᨧ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨽᩥᨠ᩠ᨡᩩ ᨽᩥᨠ᩠ᨡᩩᩴ ᩌᨱᩣᨸᩮᨲᩥ – ‘‘ᩍᨲ᩠ᨳᨶ᩠ᨶᩣᨾᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᩉᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩮᩣ ᨣᨶ᩠ᨲ᩠ᩅᩣ ᨸᩩᨶ ᨸᨧ᩠ᨧᩣᨣᨧ᩠ᨨᨲᩥ – ‘‘ᨶᩣᩉᩴ ᩈᨠ᩠ᨠᩮᩣᨾᩥ ᨲᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᨲᩩ’’ᨶ᩠ᨲᩥ. ᩈᩮᩣ ᨸᩩᨶ ᩌᨱᩣᨸᩮᨲᩥ – ‘‘ᨿᨴᩣ ᩈᨠ᩠ᨠᩮᩣᩈᩥ ᨲᨴᩣ ᨲᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᩉᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩮᩣ ᨲᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᨲᩥ, ᩌᨸᨲ᩠ᨲᩥ ᩏᨽᩥᨶ᩠ᨶᩴ ᨸᩣᩁᩣᨩᩥᨠᩔ.

ᨽᩥᨠ᩠ᨡᩩ ᨽᩥᨠ᩠ᨡᩩᩴ ᩌᨱᩣᨸᩮᨲᩥ – ‘‘ᩍᨲ᩠ᨳᨶ᩠ᨶᩣᨾᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᩉᩦ’’ᨲᩥ, ᩌᨸᨲ᩠ᨲᩥ ¶ ᨴᩩᨠ᩠ᨠᨭᩔ. ᩈᩮᩣ ᩌᨱᩣᨸᩮᨲ᩠ᩅᩣ ᩅᩥᨸ᩠ᨸᨭᩥᩈᩣᩁᩦ ᨶ ᩈᩣᩅᩮᨲᩥ – ‘‘ᨾᩣ ᨥᩣᨲᩮᩉᩦ’’ᨲᩥ. ᩈᩮᩣ ᨲᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᨲᩥ, ᩌᨸᨲ᩠ᨲᩥ ᩏᨽᩥᨶ᩠ᨶᩴ ᨸᩣᩁᩣᨩᩥᨠᩔ.

ᨽᩥᨠ᩠ᨡᩩ ᨽᩥᨠ᩠ᨡᩩᩴ ᩌᨱᩣᨸᩮᨲᩥ – ‘‘ᩍᨲ᩠ᨳᨶ᩠ᨶᩣᨾᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᩉᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩮᩣ ᩌᨱᩣᨸᩮᨲ᩠ᩅᩣ ᩅᩥᨸ᩠ᨸᨭᩥᩈᩣᩁᩦ ᩈᩣᩅᩮᨲᩥ – ‘‘ᨾᩣ ᨥᩣᨲᩮᩉᩦ’’ᨲᩥ. ᩈᩮᩣ – ‘‘ᩌᨱᨲ᩠ᨲᩮᩣ ᩋᩉᩴ ᨲᨿᩣ’’ᨲᩥ ᨲᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᨲᩥ, ᨾᩪᩃᨭ᩠ᨮᩔ ᩋᨶᩣᨸᨲ᩠ᨲᩥ. ᩅᨵᨠᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨽᩥᨠ᩠ᨡᩩ ᨽᩥᨠ᩠ᨡᩩᩴ ᩌᨱᩣᨸᩮᨲᩥ – ‘‘ᩍᨲ᩠ᨳᨶ᩠ᨶᩣᨾᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᩉᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩮᩣ ᩌᨱᩣᨸᩮᨲ᩠ᩅᩣ ᩅᩥᨸ᩠ᨸᨭᩥᩈᩣᩁᩦ ᩈᩣᩅᩮᨲᩥ – ‘‘ᨾᩣ ᨥᩣᨲᩮᩉᩦ’’ᨲᩥ. ᩈᩮᩣ ᩈᩣᨵᩪᨲᩥ ᩒᩁᨾᨲᩥ, ᩏᨽᩥᨶ᩠ᨶᩴ ᩋᨶᩣᨸᨲ᩠ᨲᩥ.

᪑᪗᪕. ᩋᩁᩉᩮᩣ ᩁᩉᩮᩣᩈᨬ᩠ᨬᩦ ᩏᩃ᩠ᩃᨸᨲᩥ – ‘‘ᩋᩉᩮᩣ ᩍᨲ᩠ᨳᨶ᩠ᨶᩣᨾᩮᩣ ᩉᨲᩮᩣ ᩋᩔᩣ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩁᩉᩮᩣ ᩋᩁᩉᩮᩣᩈᨬ᩠ᨬᩦ ᩏᩃ᩠ᩃᨸᨲᩥ – ‘‘ᩋᩉᩮᩣ ᩍᨲ᩠ᨳᨶ᩠ᨶᩣᨾᩮᩣ ¶ ᩉᨲᩮᩣ ᩋᩔᩣ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᩁᩉᩮᩣ ᩋᩁᩉᩮᩣᩈᨬ᩠ᨬᩦ ᩏᩃ᩠ᩃᨸᨲᩥ – ‘‘ᩋᩉᩮᩣ ¶ ᩍᨲ᩠ᨳᨶ᩠ᨶᩣᨾᩮᩣ ᩉᨲᩮᩣ ᩋᩔᩣ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ ¶ . ᩁᩉᩮᩣ ᩁᩉᩮᩣᩈᨬ᩠ᨬᩦ ᩏᩃ᩠ᩃᨸᨲᩥ – ‘‘ᩋᩉᩮᩣ ᩍᨲ᩠ᨳᨶ᩠ᨶᩣᨾᩮᩣ ᩉᨲᩮᩣ ᩋᩔᩣ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᨠᩣᨿᩮᨶ ᩈᩴᩅᨱ᩠ᨱᩮᨲᩥ ᨶᩣᨾ ᨠᩣᨿᩮᨶ ᩅᩥᨠᩣᩁᩴ ᨠᩁᩮᩣᨲᩥ – ‘‘ᨿᩮᩣ ᩑᩅᩴ ᨾᩁᨲᩥ ᩈᩮᩣ ᨵᨶᩴ ᩅᩣ ᩃᨽᨲᩥ ᨿᩈᩴ ᩅᩣ ᩃᨽᨲᩥ ᩈᨣ᩠ᨣᩴ ᩅᩣ ᨣᨧ᩠ᨨᨲᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨲᩣᨿ ᩈᩴᩅᨱ᩠ᨱᨶᩣᨿ ᨾᩁᩥᩔᩣᨾᩦᨲᩥ ᨴᩩᨠ᩠ᨡᩴ ᩅᩮᨴᨶᩴ ᩏᨸ᩠ᨸᩣᨴᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨾᩁᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᩅᩣᨧᩣᨿ ᩈᩴᩅᨱ᩠ᨱᩮᨲᩥ ᨶᩣᨾ ᩅᩣᨧᩣᨿ ᨽᨱᨲᩥ – ‘‘ᨿᩮᩣ ᩑᩅᩴ ᨾᩁᨲᩥ ᩈᩮᩣ ᨵᨶᩴ ¶ ᩅᩣ ᩃᨽᨲᩥ ᨿᩈᩴ ᩅᩣ ᩃᨽᨲᩥ ᩈᨣ᩠ᨣᩴ ᩅᩣ ᨣᨧ᩠ᨨᨲᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨲᩣᨿ ᩈᩴᩅᨱ᩠ᨱᨶᩣᨿ ᨾᩁᩥᩔᩣᨾᩦᨲᩥ ᨴᩩᨠ᩠ᨡᩴ ᩅᩮᨴᨶᩴ ᩏᨸ᩠ᨸᩣᨴᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨾᩁᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨠᩣᨿᩮᨶ ᩅᩣᨧᩣᨿ ᩈᩴᩅᨱ᩠ᨱᩮᨲᩥ ᨶᩣᨾ ᨠᩣᨿᩮᨶ ᨧ ᩅᩥᨠᩣᩁᩴ ᨠᩁᩮᩣᨲᩥ, ᩅᩣᨧᩣᨿ ᨧ ᨽᨱᨲᩥ – ‘‘ᨿᩮᩣ ᩑᩅᩴ ᨾᩁᨲᩥ ᩈᩮᩣ ᨵᨶᩴ ᩅᩣ ᩃᨽᨲᩥ ᨿᩈᩴ ᩅᩣ ᩃᨽᨲᩥ ᩈᨣ᩠ᨣᩴ ᩅᩣ ᨣᨧ᩠ᨨᨲᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨲᩣᨿ ᩈᩴᩅᨱ᩠ᨱᨶᩣᨿ ᨾᩁᩥᩔᩣᨾᩦᨲᩥ ᨴᩩᨠ᩠ᨡᩴ ᩅᩮᨴᨶᩴ ᩏᨸ᩠ᨸᩣᨴᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨾᩁᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨴᩪᨲᩮᨶ ᩈᩴᩅᨱ᩠ᨱᩮᨲᩥ ᨶᩣᨾ ᨴᩪᨲᩔ ᩈᩣᩈᨶᩴ ᩌᩁᩮᩣᨧᩮᨲᩥ – ‘‘ᨿᩮᩣ ᩑᩅᩴ ᨾᩁᨲᩥ ᩈᩮᩣ ᨵᨶᩴ ᩅᩣ ᩃᨽᨲᩥ ᨿᩈᩴ ᩅᩣ ᩃᨽᨲᩥ ᩈᨣ᩠ᨣᩴ ᩅᩣ ᨣᨧ᩠ᨨᨲᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨴᩪᨲᩔ ᩈᩣᩈᨶᩴ ᩈᩩᨲ᩠ᩅᩣ ᨾᩁᩥᩔᩣᨾᩦᨲᩥ ᨴᩩᨠ᩠ᨡᩴ ᩅᩮᨴᨶᩴ ᩏᨸ᩠ᨸᩣᨴᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨾᩁᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

᪑᪗᪖. ᩃᩮᨡᩣᨿ ᩈᩴᩅᨱ᩠ᨱᩮᨲᩥ ᨶᩣᨾ ᩃᩮᨡᩴ ᨨᩥᨶ᩠ᨴᨲᩥ – ‘‘ᨿᩮᩣ ᩑᩅᩴ ᨾᩁᨲᩥ ᩈᩮᩣ ᨵᨶᩴ ᩅᩣ ᩃᨽᨲᩥ ᨿᩈᩴ ᩅᩣ ᩃᨽᨲᩥ ᩈᨣ᩠ᨣᩴ ᩅᩣ ᨣᨧ᩠ᨨᨲᩦ’’ᨲᩥ, ᩋᨠ᩠ᨡᩁᨠ᩠ᨡᩁᩣᨿ ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩃᩮᨡᩴ ᨸᩔᩥᨲ᩠ᩅᩣ ᨾᩁᩥᩔᩣᨾᩦᨲᩥ ᨴᩩᨠ᩠ᨡᩴ ᩅᩮᨴᨶᩴ ᩏᨸ᩠ᨸᩣᨴᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨾᩁᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᩒᨸᩣᨲᩴ ᨶᩣᨾ ᨾᨶᩩᩔᩴ ᩏᨴ᩠ᨴᩥᩔ ᩒᨸᩣᨲᩴ ᨡᨶᨲᩥ – ‘‘ᨸᨸᨲᩥᨲ᩠ᩅᩣ ᨾᩁᩥᩔᨲᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨸᨸᨲᩥᨲᩮ ᨴᩩᨠ᩠ᨡᩣ ᩅᩮᨴᨶᩣ ᩏᨸ᩠ᨸᨩ᩠ᨩᨲᩥ, ᩌᨸᨲ᩠ᨲᩥ ¶ ᨳᩩᩃ᩠ᩃᨧ᩠ᨧᨿᩔ. ᨾᩁᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᩋᨶᩮᩣᨴᩥᩔ ᩒᨸᩣᨲᩴ ᨡᨶᨲᩥ – ‘‘ᨿᩮᩣ ᨠᩮᩣᨧᩥ ᨸᨸᨲᩥᨲ᩠ᩅᩣ ¶ ᨾᩁᩥᩔᨲᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨾᨶᩩᩔᩮᩣ ᨲᩈ᩠ᨾᩥᩴ ᨸᨸᨲᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨸᨸᨲᩥᨲᩮ ᨴᩩᨠ᩠ᨡᩣ ᩅᩮᨴᨶᩣ ᩏᨸ᩠ᨸᨩ᩠ᨩᨲᩥ ¶ , ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨾᩁᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨿᨠ᩠ᨡᩮᩣ ᩅᩣ ᨸᩮᨲᩮᩣ ᩅᩣ ᨲᩥᩁᨧ᩠ᨨᩣᨶᨣᨲᨾᨶᩩᩔᩅᩥᨣ᩠ᨣᩉᩮᩣ ᩅᩣ ᨲᩈ᩠ᨾᩥᩴ ᨸᨸᨲᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨸᨸᨲᩥᨲᩮ ᨴᩩᨠ᩠ᨡᩣ ᩅᩮᨴᨶᩣ ᩏᨸ᩠ᨸᨩ᩠ᨩᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨾᩁᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨲᩥᩁᨧ᩠ᨨᩣᨶᨣᨲᩮᩣ ᨲᩈ᩠ᨾᩥᩴ ᨸᨸᨲᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨸᨸᨲᩥᨲᩮ ᨴᩩᨠ᩠ᨡᩣ ᩅᩮᨴᨶᩣ ᩏᨸ᩠ᨸᨩ᩠ᨩᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨾᩁᨲᩥ, ᩌᨸᨲ᩠ᨲᩥ ᨸᩣᨧᩥᨲ᩠ᨲᩥᨿᩔ.

᪑᪗᪗. ᩋᨸᩔᩮᨶᩴ ᨶᩣᨾ ᩋᨸᩔᩮᨶᩮ ᩈᨲ᩠ᨳᩴ ᩅᩣ ᨮᨸᩮᨲᩥ ᩅᩥᩈᩮᨶ ᩅᩣ ᨾᨠ᩠ᨡᩮᨲᩥ ᨴᩩᨻ᩠ᨻᩃᩴ ᩅᩣ ᨠᩁᩮᩣᨲᩥ ᩈᩮᩣᨻ᩠ᨽᩮ ᩅᩣ ᨶᩁᨠᩮ ᩅᩣ ᨸᨸᩣᨲᩮ ᩅᩣ ᨮᨸᩮᨲᩥ – ‘‘ᨸᨸᨲᩥᨲ᩠ᩅᩣ ᨾᩁᩥᩔᨲᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᨲ᩠ᨳᩮᨶ ᩅᩣ ᩅᩥᩈᩮᨶ ᩅᩣ ᨸᨸᨲᩥᨲᩮᨶ ᩅᩣ ᨴᩩᨠ᩠ᨡᩣ ᩅᩮᨴᨶᩣ ᩏᨸ᩠ᨸᨩ᩠ᨩᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨾᩁᨲᩥ ¶ , ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᩏᨸᨶᩥᨠ᩠ᨡᩥᨸᨶᩴ ᨶᩣᨾ ᩋᩈᩥᩴ ᩅᩣ ᩈᨲ᩠ᨲᩥᩴ ᩅᩣ ᨽᩮᨱ᩠ᨯᩥᩴ ᩅᩣ ᩃᨣᩩᩊᩴ ᩅᩣ ᨸᩣᩈᩣᨱᩴ ᩅᩣ ᩈᨲ᩠ᨳᩴ ᩅᩣ ᩅᩥᩈᩴ ᩅᩣ ᩁᨩ᩠ᨩᩩᩴ ᩅᩣ ᩏᨸᨶᩥᨠ᩠ᨡᩥᨸᨲᩥ – ‘‘ᩍᨾᩥᨶᩣ ᨾᩁᩥᩔᨲᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ‘‘ᨲᩮᨶ ᨾᩁᩥᩔᩣᨾᩦ’’ᨲᩥ ¶ ᨴᩩᨠ᩠ᨡᩴ ᩅᩮᨴᨶᩴ ᩏᨸ᩠ᨸᩣᨴᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨾᩁᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨽᩮᩈᨩ᩠ᨩᩴ ᨶᩣᨾ ᩈᨸ᩠ᨸᩥᩴ ᩅᩣ ᨶᩅᨶᩦᨲᩴ ᩅᩣ ᨲᩮᩃᩴ ᩅᩣ ᨾᨵᩩᩴ ᩅᩣ ᨹᩣᨱᩥᨲᩴ ᩅᩣ ᨴᩮᨲᩥ – ‘‘ᩍᨾᩴ ᩈᩣᨿᩥᨲ᩠ᩅᩣ ᨾᩁᩥᩔᨲᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨲᩴ ᩈᩣᨿᩥᨲᩮ ᨴᩩᨠ᩠ᨡᩣ ᩅᩮᨴᨶᩣ ᩏᨸ᩠ᨸᨩ᩠ᨩᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨾᩁᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

᪑᪗᪘. ᩁᩪᨸᩪᨸᩉᩣᩁᩮᩣ ᨶᩣᨾ ᩋᨾᨶᩣᨸᩥᨠᩴ ᩁᩪᨸᩴ ᩏᨸᩈᩴᩉᩁᨲᩥ ᨽᨿᩣᨶᨠᩴ ᨽᩮᩁᩅᩴ – ‘‘ᩍᨾᩴ ᨸᩔᩥᨲ᩠ᩅᩣ ᩏᨲ᩠ᨲᩈᩥᨲ᩠ᩅᩣ ᨾᩁᩥᩔᨲᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨲᩴ ᨸᩔᩥᨲ᩠ᩅᩣ ᩏᨲ᩠ᨲᩈᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨾᩁᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨾᨶᩣᨸᩥᨠᩴ ᩁᩪᨸᩴ ᩏᨸᩈᩴᩉᩁᨲᩥ [ᩏᨸᩈᩴᩉᩁᨲᩥ ᨸᩮᨾᨶᩦᨿᩴ ᩉᨴᨿᨦ᩠ᨣᨾᩴ (ᩈ᩠ᨿᩣ.)] – ‘‘ᩍᨾᩴ ᨸᩔᩥᨲ᩠ᩅᩣ ᩋᩃᩣᨽᨠᩮᨶ ᩈᩩᩔᩥᨲ᩠ᩅᩣ ᨾᩁᩥᩔᨲᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨲᩴ ᨸᩔᩥᨲ᩠ᩅᩣ ᩋᩃᩣᨽᨠᩮᨶ ᩈᩩᩔᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨾᩁᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᩈᨴ᩠ᨴᩪᨸᩉᩣᩁᩮᩣ ᨶᩣᨾ ᩋᨾᨶᩣᨸᩥᨠᩴ ᩈᨴ᩠ᨴᩴ ᩏᨸᩈᩴᩉᩁᨲᩥ ᨽᨿᩣᨶᨠᩴ ᨽᩮᩁᩅᩴ – ‘‘ᩍᨾᩴ ᩈᩩᨲ᩠ᩅᩣ ᩏᨲ᩠ᨲᩈᩥᨲ᩠ᩅᩣ ᨾᩁᩥᩔᨲᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨲᩴ ᩈᩩᨲ᩠ᩅᩣ ᩏᨲ᩠ᨲᩈᨲᩥ ¶ , ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨾᩁᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨾᨶᩣᨸᩥᨠᩴ ᩈᨴ᩠ᨴᩴ ᩏᨸᩈᩴᩉᩁᨲᩥ ᨸᩮᨾᨶᩦᨿᩴ ᩉᨴᨿᨦ᩠ᨣᨾᩴ – ‘‘ᩍᨾᩴ ᩈᩩᨲ᩠ᩅᩣ ᩋᩃᩣᨽᨠᩮᨶ ¶ ᩈᩩᩔᩥᨲ᩠ᩅᩣ ᨾᩁᩥᩔᨲᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨲᩴ ᩈᩩᨲ᩠ᩅᩣ ᩋᩃᩣᨽᨠᩮᨶ ᩈᩩᩔᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨾᩁᨲᩥ ¶ , ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨣᨶ᩠ᨵᩪᨸᩉᩣᩁᩮᩣ ᨶᩣᨾ ᩋᨾᨶᩣᨸᩥᨠᩴ ᨣᨶ᩠ᨵᩴ ᩏᨸᩈᩴᩉᩁᨲᩥ ᨩᩮᨣᩩᨧ᩠ᨨᩴ ᨸᩣᨭᩥᨠᩩᩃ᩠ᨿᩴ [ᨸᨭᩥᨠᩪᩃᩴ (?)] – ‘‘ᩍᨾᩴ ᨥᩣᨿᩥᨲ᩠ᩅᩣ ᨩᩮᨣᩩᨧ᩠ᨨᨲᩣ ᨸᩣᨭᩥᨠᩩᩃ᩠ᨿᨲᩣ ᨾᩁᩥᩔᨲᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨲᩴ ᨥᩣᨿᩥᨲᩮ ᨩᩮᨣᩩᨧ᩠ᨨᨲᩣ ᨸᩣᨭᩥᨠᩩᩃ᩠ᨿᨲᩣ ᨴᩩᨠ᩠ᨡᩣ ᩅᩮᨴᨶᩣ ᩏᨸ᩠ᨸᨩ᩠ᨩᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨾᩁᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨾᨶᩣᨸᩥᨠᩴ ᨣᨶ᩠ᨵᩴ ᩏᨸᩈᩴᩉᩁᨲᩥ – ‘‘ᩍᨾᩴ ᨥᩣᨿᩥᨲ᩠ᩅᩣ ᩋᩃᩣᨽᨠᩮᨶ ᩈᩩᩔᩥᨲ᩠ᩅᩣ ᨾᩁᩥᩔᨲᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨲᩴ ᨥᩣᨿᩥᨲ᩠ᩅᩣ ᩋᩃᩣᨽᨠᩮᨶ ᩈᩩᩔᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨾᩁᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᩁᩈᩪᨸᩉᩣᩁᩮᩣ ᨶᩣᨾ ᩋᨾᨶᩣᨸᩥᨠᩴ ᩁᩈᩴ ᩏᨸᩈᩴᩉᩁᨲᩥ ᨩᩮᨣᩩᨧ᩠ᨨᩴ ᨸᩣᨭᩥᨠᩩᩃ᩠ᨿᩴ [ᨸᨭᩥᨠᩪᩃᩴ (?)] – ‘‘ᩍᨾᩴ ᩈᩣᨿᩥᨲ᩠ᩅᩣ ᨩᩮᨣᩩᨧ᩠ᨨᨲᩣ ᨸᩣᨭᩥᨠᩩᩃ᩠ᨿᨲᩣ ᨾᩁᩥᩔᨲᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨲᩴ ᩈᩣᨿᩥᨲᩮ ᨩᩮᨣᩩᨧ᩠ᨨᨲᩣ ᨸᩣᨭᩥᨠᩩᩃ᩠ᨿᨲᩣ ᨴᩩᨠ᩠ᨡᩣ ᩅᩮᨴᨶᩣ ᩏᨸ᩠ᨸᨩ᩠ᨩᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨾᩁᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨾᨶᩣᨸᩥᨠᩴ ᩁᩈᩴ ᩏᨸᩈᩴᩉᩁᨲᩥ – ‘‘ᩍᨾᩴ ᩈᩣᨿᩥᨲ᩠ᩅᩣ ᩋᩃᩣᨽᨠᩮᨶ ᩈᩩᩔᩥᨲ᩠ᩅᩣ ᨾᩁᩥᩔᨲᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨲᩴ ᩈᩣᨿᩥᨲ᩠ᩅᩣ ᩋᩃᩣᨽᨠᩮᨶ ᩈᩩᩔᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨾᩁᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨹᩮᩣᨭ᩠ᨮᨻ᩠ᨻᩪᨸᩉᩣᩁᩮᩣ ᨶᩣᨾ ᩋᨾᨶᩣᨸᩥᨠᩴ ¶ ᨹᩮᩣᨭ᩠ᨮᨻ᩠ᨻᩴ ᩏᨸᩈᩴᩉᩁᨲᩥ ᨴᩩᨠ᩠ᨡᩈᨾ᩠ᨹᩔᩴ ᨡᩁᩈᨾ᩠ᨹᩔᩴ – ‘‘ᩍᨾᩥᨶᩣ ᨹᩩᨭ᩠ᨮᩮᩣ ᨾᩁᩥᩔᨲᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨲᩮᨶ ᨹᩩᨭ᩠ᨮᩔ ᨴᩩᨠ᩠ᨡᩣ ᩅᩮᨴᨶᩣ ᩏᨸ᩠ᨸᨩ᩠ᨩᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨾᩁᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨾᨶᩣᨸᩥᨠᩴ ᨹᩮᩣᨭ᩠ᨮᨻ᩠ᨻᩴ ᩏᨸᩈᩴᩉᩁᨲᩥ ᩈᩩᨡᩈᨾ᩠ᨹᩔᩴ ᨾᩩᨴᩩᩈᨾ᩠ᨹᩔᩴ – ‘‘ᩍᨾᩥᨶᩣ ᨹᩩᨭ᩠ᨮᩮᩣ ᩋᩃᩣᨽᨠᩮᨶ ᩈᩩᩔᩥᨲ᩠ᩅᩣ ᨾᩁᩥᩔᨲᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨲᩮᨶ ᨹᩩᨭ᩠ᨮᩮᩣ ¶ ᩋᩃᩣᨽᨠᩮᨶ ᩈᩩᩔᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨾᩁᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨵᨾ᩠ᨾᩪᨸᩉᩣᩁᩮᩣ ᨶᩣᨾ ᨶᩮᩁᨿᩥᨠᩔ ᨶᩥᩁᨿᨠᨳᩴ ᨠᨳᩮᨲᩥ – ‘‘ᩍᨾᩴ ᩈᩩᨲ᩠ᩅᩣ ᩏᨲ᩠ᨲᩈᩥᨲ᩠ᩅᩣ ᨾᩁᩥᩔᨲᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨲᩴ ᩈᩩᨲ᩠ᩅᩣ ᩏᨲ᩠ᨲᩈᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨾᩁᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨠᩃ᩠ᨿᩣᨱᨠᨾ᩠ᨾᩔ ᩈᨣ᩠ᨣᨠᨳᩴ ᨠᨳᩮᨲᩥ – ‘‘ᩍᨾᩴ ᩈᩩᨲ᩠ᩅᩣ ᩋᨵᩥᨾᩩᨲ᩠ᨲᩮᩣ ᨾᩁᩥᩔᨲᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨲᩴ ᩈᩩᨲ᩠ᩅᩣ ¶ ᩋᨵᩥᨾᩩᨲ᩠ᨲᩮᩣ ᨾᩁᩥᩔᩣᨾᩦᨲᩥ ᨴᩩᨠ᩠ᨡᩴ ᩅᩮᨴᨶᩴ ᩏᨸ᩠ᨸᩣᨴᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨾᩁᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

᪑᪗᪙. ᩌᨧᩥᨠ᩠ᨡᨶᩣ ¶ ᨶᩣᨾ ᨸᩩᨭ᩠ᨮᩮᩣ ᨽᨱᨲᩥ – ‘‘ᩑᩅᩴ ᨾᩁᩔᩩ. ᨿᩮᩣ ᩑᩅᩴ ᨾᩁᨲᩥ ᩈᩮᩣ ᨵᨶᩴ ᩅᩣ ᩃᨽᨲᩥ ᨿᩈᩴ ᩅᩣ ᩃᨽᨲᩥ ᩈᨣ᩠ᨣᩴ ᩅᩣ ᨣᨧ᩠ᨨᨲᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨲᩣᨿ ᩌᨧᩥᨠ᩠ᨡᨶᩣᨿ ᨾᩁᩥᩔᩣᨾᩦᨲᩥ ᨴᩩᨠ᩠ᨡᩴ ᩅᩮᨴᨶᩴ ᩏᨸ᩠ᨸᩣᨴᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨾᩁᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᩋᨶᩩᩈᩣᩈᨶᩦ ᨶᩣᨾ ᩋᨸᩩᨭ᩠ᨮᩮᩣ ᨽᨱᨲᩥ – ‘‘ᩑᩅᩴ ᨾᩁᩔᩩ. ᨿᩮᩣ ᩑᩅᩴ ᨾᩁᨲᩥ ᩈᩮᩣ ᨵᨶᩴ ᩅᩣ ᩃᨽᨲᩥ ᨿᩈᩴ ᩅᩣ ᩃᨽᨲᩥ ᩈᨣ᩠ᨣᩴ ᩅᩣ ᨣᨧ᩠ᨨᨲᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨲᩣᨿ ᩋᨶᩩᩈᩣᩈᨶᩥᨿᩣ ᨾᩁᩥᩔᩣᨾᩦᨲᩥ ᨴᩩᨠ᩠ᨡᩴ ᩅᩮᨴᨶᩴ ᩏᨸ᩠ᨸᩣᨴᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨾᩁᨲᩥ, ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᩈᨦ᩠ᨠᩮᨲᨠᨾ᩠ᨾᩴ ᨶᩣᨾ ᩈᨦ᩠ᨠᩮᨲᩴ ᨠᩁᩮᩣᨲᩥ ᨸᩩᩁᩮᨽᨲ᩠ᨲᩴ ᩅᩣ ᨸᨧ᩠ᨨᩣᨽᨲ᩠ᨲᩴ ᩅᩣ ᩁᨲ᩠ᨲᩥᩴ ᩅᩣ ᨴᩥᩅᩣ ᩅᩣ – ‘‘ᨲᩮᨶ ᩈᨦ᩠ᨠᩮᨲᩮᨶ ᨲᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᩉᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨲᩮᨶ ᩈᨦ᩠ᨠᩮᨲᩮᨶ ᨲᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᨲᩥ, ᩌᨸᨲ᩠ᨲᩥ ᩏᨽᩥᨶ᩠ᨶᩴ ᨸᩣᩁᩣᨩᩥᨠᩔ. ᨲᩴ ᩈᨦ᩠ᨠᩮᨲᩴ ᨸᩩᩁᩮ ᩅᩣ ᨸᨧ᩠ᨨᩣ ¶ ᩅᩣ ᨲᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᨲᩥ, ᨾᩪᩃᨭ᩠ᨮᩔ ᩋᨶᩣᨸᨲ᩠ᨲᩥ, ᩅᨵᨠᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨶᩥᨾᩥᨲ᩠ᨲᨠᨾ᩠ᨾᩴ ᨶᩣᨾ ᨶᩥᨾᩥᨲ᩠ᨲᩴ ᨠᩁᩮᩣᨲᩥ – ‘‘ᩋᨠ᩠ᨡᩥᩴ ᩅᩣ ᨶᩥᨡᨱᩥᩔᩣᨾᩥ ᨽᨾᩩᨠᩴ ᩅᩣ ᩏᨠ᩠ᨡᩥᨸᩥᩔᩣᨾᩥ ᩈᩦᩈᩴ ᩅᩣ ᩏᨠ᩠ᨡᩥᨸᩥᩔᩣᨾᩥ, ᨲᩮᨶ ᨶᩥᨾᩥᨲ᩠ᨲᩮᨶ ᨲᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᩉᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨲᩮᨶ ᨶᩥᨾᩥᨲ᩠ᨲᩮᨶ ᨲᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᨲᩥ, ᩌᨸᨲ᩠ᨲᩥ ᩏᨽᩥᨶ᩠ᨶᩴ ᨸᩣᩁᩣᨩᩥᨠᩔ. ᨲᩴ ᨶᩥᨾᩥᨲ᩠ᨲᩴ ᨸᩩᩁᩮ ᩅᩣ ᨸᨧ᩠ᨨᩣ ᩅᩣ ᨲᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᨲᩥ, ᨾᩪᩃᨭ᩠ᨮᩔ ᩋᨶᩣᨸᨲ᩠ᨲᩥ, ᩅᨵᨠᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᩋᨶᩣᨸᨲ᩠ᨲᩥ ᩋᩈᨬ᩠ᨧᩥᨧ᩠ᨧ ᩋᨩᩣᨶᨶ᩠ᨲᩔ ᨶᨾᩁᨱᩣᨵᩥᨸ᩠ᨸᩣᨿᩔ ᩏᨾ᩠ᨾᨲ᩠ᨲᨠᩔ [ᩏᨾ᩠ᨾᨲ᩠ᨲᨠᩔ ᨡᩥᨲ᩠ᨲᨧᩥᨲ᩠ᨲᩔ ᩅᩮᨴᨶᩣᨭ᩠ᨭᩔ (ᩈ᩠ᨿᩣ.)] ᩌᨴᩥᨠᨾ᩠ᨾᩥᨠᩔᩣᨲᩥ.

ᨾᨶᩩᩔᩅᩥᨣ᩠ᨣᩉᨸᩣᩁᩣᨩᩥᨠᨾ᩠ᩉᩥ ᨸᨮᨾᨽᩣᨱᩅᩣᩁᩮᩣ ᨶᩥᨭ᩠ᨮᩥᨲᩮᩣ.

ᩅᩥᨶᩦᨲᩅᨲ᩠ᨳᩩᩏᨴ᩠ᨴᩣᨶᨣᩣᨳᩣ

ᩈᩴᩅᨱ᩠ᨱᨶᩣ ¶ ¶ ᨶᩥᩈᩦᨴᨶ᩠ᨲᩮᩣ, ᨾᩩᩈᩃᩮᩣᨴᩩᨠ᩠ᨡᩃᩮᨶ ᨧ;

ᩅᩩᨯ᩠ᨰᨸᨻ᩠ᨻᨩᩥᨲᩣᨽᩥᩈᨶ᩠ᨶᩮᩣ, ᩋᨣ᩠ᨣᩅᩦᨾᩴᩈᨶᩣᩅᩥᩈᩴ.

ᨲᨿᩮᩣ ¶ ᨧ ᩅᨲ᩠ᨳᩩᨠᨾ᩠ᨾᩮᩉᩥ, ᩍᨭ᩠ᨮᨠᩣᩉᩥᨸᩁᩮ ᨲᨿᩮᩣ;

ᩅᩣᩈᩦ ᨣᩮᩣᨸᩣᨶᩈᩦ ᨧᩮᩅ, ᩋᨭ᩠ᨭᨠᩮᩣᨲᩁᨱᩴ ᨸᨲᩥ.

ᩈᩮᨴᩴ ᨶᨲ᩠ᨳᩩᨬ᩠ᨧ ᩈᨾ᩠ᨻᩣᩉᩮᩣ, ᨶ᩠ᩉᩣᨸᨶᨻ᩠ᨽᨬ᩠ᨩᨶᩮᨶ ᨧ;

ᩏᨭ᩠ᨮᩣᨸᩮᨶ᩠ᨲᩮᩣ ᨶᩥᨸᩣᨲᩮᨶ᩠ᨲᩮᩣ, ᩋᨶ᩠ᨶᨸᩣᨶᩮᨶ ᨾᩣᩁᨱᩴ.

ᨩᩣᩁᨣᨻ᩠ᨽᩮᩣ ᩈᨸᨲ᩠ᨲᩦ ᨧ, ᨾᩣᨲᩣ ᨸᩩᨲ᩠ᨲᩴ ᩏᨽᩮᩣ ᩅᨵᩥ;

ᩏᨽᩮᩣ ¶ ᨶ ᨾᩥᨿ᩠ᨿᩁᩮ ᨾᨴ᩠ᨴᩣ, ᨲᩣᨸᩴ ᩅᨬ᩠ᨫᩣ ᩅᩥᨩᩣᨿᩥᨶᩦ.

ᨸᨲᩮᩣᨴᩴ ᨶᩥᨣ᩠ᨣᩉᩮ ᨿᨠ᩠ᨡᩮᩣ, ᩅᩣᩊᨿᨠ᩠ᨡᨬ᩠ᨧ ᨸᩣᩉᩥᨱᩥ;

ᨲᩴ ᨾᨬ᩠ᨬᨾᩣᨶᩮᩣ ᨸᩉᩁᩥ, ᩈᨣ᩠ᨣᨬ᩠ᨧ ᨶᩥᩁᨿᩴ ᨽᨱᩮ.

ᩌᩊᩅᩥᨿᩣ ᨲᨿᩮᩣ ᩁᩩᨠ᩠ᨡᩣ, ᨴᩣᨿᩮᩉᩥ ᩋᨸᩁᩮ ᨲᨿᩮᩣ;

ᨾᩣ ᨠᩥᩃᨾᩮᩈᩥ ᨶ ᨲᩩᨿ᩠ᩉᩴ, ᨲᨠ᩠ᨠᩴ ᩈᩮᩣᩅᩦᩁᨠᩮᨶ ᨧᩣᨲᩥ.

ᩅᩥᨶᩦᨲᩅᨲ᩠ᨳᩩ

᪑᪘᪐. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨣᩥᩃᩣᨶᩮᩣ ᩉᩮᩣᨲᩥ. ᨲᩔ ᨽᩥᨠ᩠ᨡᩪ ᨠᩣᩁᩩᨬ᩠ᨬᩮᨶ ᨾᩁᨱᩅᨱ᩠ᨱᩴ ᩈᩴᩅᨱ᩠ᨱᩮᩈᩩᩴ. ᩈᩮᩣ ᨽᩥᨠ᩠ᨡᩩ ᨠᩣᩃᨾᨠᩣᩈᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ ‘‘ᨽᨣᩅᨲᩣ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ, ᨠᨧ᩠ᨧᩥ ᨶᩩ ᨡᩮᩣ ᨾᨿᩴ ᨸᩣᩁᩣᨩᩥᨠᩴ ᩌᨸᨲ᩠ᨲᩥᩴ ᩌᨸᨶ᩠ᨶᩣ’’ᨲᩥ? ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ‘‘ᩌᨸᨲ᩠ᨲᩥᩴ ᨲᩩᨾ᩠ᩉᩮ, ᨽᩥᨠ᩠ᨡᩅᩮ, ᩌᨸᨶ᩠ᨶᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨸᩥᨱ᩠ᨯᨧᩣᩁᩥᨠᩮᩣ ᨽᩥᨠ᩠ᨡᩩ ᨸᩦᨮᨠᩮ ᨸᩥᩃᩮᩣᨲᩥᨠᩣᨿ ᨸᨭᩥᨧ᩠ᨨᨶ᩠ᨶᩴ ᨴᩣᩁᨠᩴ ᨶᩥᩈᩦᨴᨶ᩠ᨲᩮᩣ ᩒᨲ᩠ᨳᩁᩥᨲ᩠ᩅᩣ ᨾᩣᩁᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ ‘‘ᨽᨣᩅᨲᩣ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ, ᨠᨧ᩠ᨧᩥ ᨶᩩ ᨡᩮᩣ ᩋᩉᩴ ᨸᩣᩁᩣᨩᩥᨠᩴ ᩌᨸᨲ᩠ᨲᩥᩴ ᩌᨸᨶ᩠ᨶᩮᩣ’’ᨲᩥ? ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ. ᨶ ᨧ, ᨽᩥᨠ᩠ᨡᩅᩮ, ᩋᨸ᩠ᨸᨭᩥᩅᩮᨠ᩠ᨡᩥᨲ᩠ᩅᩣ ᩌᩈᨶᩮ ᨶᩥᩈᩦᨴᩥᨲᨻ᩠ᨻᩴ; ᨿᩮᩣ ᨶᩥᩈᩦᨴᩮᨿ᩠ᨿ, ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨽᨲ᩠ᨲᨣ᩠ᨣᩮ ᩋᨶ᩠ᨲᩁᨥᩁᩮ ᩌᩈᨶᩴ ᨸᨬ᩠ᨬᨸᩮᨶ᩠ᨲᩮᩣ ᨾᩩᩈᩃᩮ ᩏᩔᩥᨲᩮ ¶ ᩑᨠᩴ ᨾᩩᩈᩃᩴ ᩋᨣ᩠ᨣᩉᩮᩈᩥ. ᨴᩩᨲᩥᨿᩮᩣ ᨾᩩᩈᩃᩮᩣ ᨸᩁᩥᨸᨲᩥᨲ᩠ᩅᩣ ᩋᨬ᩠ᨬᨲᩁᩔ ᨴᩣᩁᨠᩔ ᨾᨲ᩠ᨳᨠᩮ ᩋᩅᨲ᩠ᨳᩣᩈᩥ. ᩈᩮᩣ ¶ ¶ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᨠᩥᩴᨧᩥᨲ᩠ᨲᩮᩣ ᨲ᩠ᩅᩴ, ᨽᩥᨠ᩠ᨡᩪ’’ᨲᩥ? ‘‘ᩋᩈᨬ᩠ᨧᩥᨧ᩠ᨧ ᩋᩉᩴ, ᨽᨣᩅᩣ’’ᨲᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩋᩈᨬ᩠ᨧᩥᨧ᩠ᨧᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨽᨲ᩠ᨲᨣ᩠ᨣᩮ ᩋᨶ᩠ᨲᩁᨥᩁᩮ ᩌᩈᨶᩴ ᨸᨬ᩠ᨬᨸᩮᨶ᩠ᨲᩮᩣ ᩏᨴᩩᨠ᩠ᨡᩃᨽᨱ᩠ᨯᩥᨠᩴ ᩋᨠ᩠ᨠᨾᩥᨲ᩠ᩅᩣ ᨸᩅᨭ᩠ᨭᩮᩈᩥ. ᩋᨬ᩠ᨬᨲᩁᩴ ᨴᩣᩁᨠᩴ ᩒᨲ᩠ᨳᩁᩥᨲ᩠ᩅᩣ ᨾᩣᩁᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩋᩈᨬ᩠ᨧᩥᨧ᩠ᨧᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨸᩥᨲᩣᨸᩩᨲ᩠ᨲᩣ ᨽᩥᨠ᩠ᨡᩪᩈᩩ ᨸᨻ᩠ᨻᨩᩥᨲᩣ ᩉᩮᩣᨶ᩠ᨲᩥ. ᨠᩣᩃᩮ ᩌᩁᩮᩣᨧᩥᨲᩮ ᨸᩩᨲ᩠ᨲᩮᩣ ᨸᩥᨲᩁᩴ ᩑᨲᨴᩅᩮᩣᨧ – ‘‘ᨣᨧ᩠ᨨ, ᨽᨶ᩠ᨲᩮ, ᩈᨦ᩠ᨥᩮᩣ ᨲᩴ ᨸᨲᩥᨾᩣᨶᩮᨲᩦ’’ᨲᩥ ᨸᩥᨭ᩠ᨮᩥᨿᩴ ᨣᩉᩮᨲ᩠ᩅᩣ ᨸᨱᩣᨾᩮᩈᩥ. ᩈᩮᩣ ᨸᨸᨲᩥᨲ᩠ᩅᩣ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᨠᩥᩴᨧᩥᨲ᩠ᨲᩮᩣ ¶ ᨲ᩠ᩅᩴ, ᨽᩥᨠ᩠ᨡᩪ’’ᨲᩥ? ‘‘ᨶᩣᩉᩴ, ᨽᨣᩅᩣ, ᨾᩁᨱᩣᨵᩥᨸ᩠ᨸᩣᨿᩮᩣ’’ᨲᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨶᨾᩁᨱᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨸᩥᨲᩣᨸᩩᨲ᩠ᨲᩣ ᨽᩥᨠ᩠ᨡᩪᩈᩩ ᨸᨻ᩠ᨻᨩᩥᨲᩣ ᩉᩮᩣᨶ᩠ᨲᩥ. ᨠᩣᩃᩮ ᩌᩁᩮᩣᨧᩥᨲᩮ ᨸᩩᨲ᩠ᨲᩮᩣ ᨸᩥᨲᩁᩴ ᩑᨲᨴᩅᩮᩣᨧ – ‘‘ᨣᨧ᩠ᨨ, ᨽᨶ᩠ᨲᩮ, ᩈᨦ᩠ᨥᩮᩣ ᨲᩴ ᨸᨲᩥᨾᩣᨶᩮᨲᩦ’’ᨲᩥ ᨾᩁᨱᩣᨵᩥᨸ᩠ᨸᩣᨿᩮᩣ ᨸᩥᨭ᩠ᨮᩥᨿᩴ ᨣᩉᩮᨲ᩠ᩅᩣ ᨸᨱᩣᨾᩮᩈᩥ. ᩈᩮᩣ ᨸᨸᨲᩥᨲ᩠ᩅᩣ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨸᩥᨲᩣᨸᩩᨲ᩠ᨲᩣ ᨽᩥᨠ᩠ᨡᩪᩈᩩ ᨸᨻ᩠ᨻᨩᩥᨲᩣ ᩉᩮᩣᨶ᩠ᨲᩥ. ᨠᩣᩃᩮ ᩌᩁᩮᩣᨧᩥᨲᩮ ᨸᩩᨲ᩠ᨲᩮᩣ ᨸᩥᨲᩁᩴ ᩑᨲᨴᩅᩮᩣᨧ – ‘‘ᨣᨧ᩠ᨨ, ᨽᨶ᩠ᨲᩮ, ᩈᨦ᩠ᨥᩮᩣ ᨲᩴ ᨸᨲᩥᨾᩣᨶᩮᨲᩦ’’ᨲᩥ ᨾᩁᨱᩣᨵᩥᨸ᩠ᨸᩣᨿᩮᩣ ᨸᩥᨭ᩠ᨮᩥᨿᩴ ᨣᩉᩮᨲ᩠ᩅᩣ ᨸᨱᩣᨾᩮᩈᩥ. ᩈᩮᩣ ᨸᨸᨲᩥᨲ᩠ᩅᩣ ᨶ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ ¶ ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

᪑᪘᪑. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨽᩩᨬ᩠ᨩᨶ᩠ᨲᩔ ᨾᩴᩈᩴ ᨠᨱ᩠ᨮᩮ ᩅᩥᩃᨣ᩠ᨣᩴ ᩉᩮᩣᨲᩥ. ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨲᩔ ᨽᩥᨠ᩠ᨡᩩᨶᩮᩣ ᨣᩦᩅᩣᨿᩴ ᨸᩉᩣᩁᩴ ᩋᨴᩣᩈᩥ. ᩈᩃᩮᩣᩉᩥᨲᩴ ᨾᩴᩈᩴ ᨸᨲᩥ. ᩈᩮᩣ ᨽᩥᨠ᩠ᨡᩩ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨶᨾᩁᨱᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨽᩩᨬ᩠ᨩᨶ᩠ᨲᩔ ᨾᩴᩈᩴ ᨠᨱ᩠ᨮᩮ ᩅᩥᩃᨣ᩠ᨣᩴ ᩉᩮᩣᨲᩥ. ᩋᨬ᩠ᨬᨲᩁᩮᩣ ¶ ᨽᩥᨠ᩠ᨡᩩ ᨾᩁᨱᩣᨵᩥᨸ᩠ᨸᩣᨿᩮᩣ ᨲᩔ ᨽᩥᨠ᩠ᨡᩩᨶᩮᩣ ᨣᩦᩅᩣᨿᩴ ᨸᩉᩣᩁᩴ ᩋᨴᩣᩈᩥ. ᩈᩃᩮᩣᩉᩥᨲᩴ ᨾᩴᩈᩴ ᨸᨲᩥ. ᩈᩮᩣ ᨽᩥᨠ᩠ᨡᩩ ᨠᩣᩃᨾᨠᩣᩈᩥ ¶ . ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨽᩩᨬ᩠ᨩᨶ᩠ᨲᩔ ᨾᩴᩈᩴ ᨠᨱ᩠ᨮᩮ ᩅᩥᩃᨣ᩠ᨣᩴ ᩉᩮᩣᨲᩥ. ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨾᩁᨱᩣᨵᩥᨸ᩠ᨸᩣᨿᩮᩣ ᨲᩔ ᨽᩥᨠ᩠ᨡᩩᨶᩮᩣ ᨣᩦᩅᩣᨿᩴ ᨸᩉᩣᩁᩴ ᩋᨴᩣᩈᩥ. ᩈᩃᩮᩣᩉᩥᨲᩴ ᨾᩴᩈᩴ ᨸᨲᩥ. ᩈᩮᩣ ᨽᩥᨠ᩠ᨡᩩ ᨶ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨸᩥᨱ᩠ᨯᨧᩣᩁᩥᨠᩮᩣ ᨽᩥᨠ᩠ᨡᩩ ᩅᩥᩈᨣᨲᩴ ᨸᩥᨱ᩠ᨯᨸᩣᨲᩴ ᩃᨽᩥᨲ᩠ᩅᩣ ᨸᨭᩥᨠ᩠ᨠᨾᨶᩴ ᩉᩁᩥᨲ᩠ᩅᩣ ᨽᩥᨠ᩠ᨡᩪᨶᩴ ᩋᨣ᩠ᨣᨠᩣᩁᩥᨠᩴ ᩋᨴᩣᩈᩥ. ᨲᩮ ᨽᩥᨠ᩠ᨡᩪ ᨠᩣᩃᨾᨠᩴᩈᩩ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᨠᩥᩴᨧᩥᨲ᩠ᨲᩮᩣ ᨲ᩠ᩅᩴ, ᨽᩥᨠ᩠ᨡᩪ’’ᨲᩥ? ‘‘ᨶᩣᩉᩴ, ᨽᨣᩅᩣ, ᨩᩣᨶᩣᨾᩦ’’ᨲᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩋᨩᩣᨶᨶ᩠ᨲᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩅᩦᨾᩴᩈᩣᨵᩥᨸ᩠ᨸᩣᨿᩮᩣ ¶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᩅᩥᩈᩴ ᩋᨴᩣᩈᩥ. ᩈᩮᩣ ᨽᩥᨠ᩠ᨡᩩ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᨠᩥᩴᨧᩥᨲ᩠ᨲᩮᩣ ᨲ᩠ᩅᩴ, ᨽᩥᨠ᩠ᨡᩪ’’ᨲᩥ? ‘‘ᩅᩦᨾᩴᩈᩣᨵᩥᨸ᩠ᨸᩣᨿᩮᩣ ᩋᩉᩴ, ᨽᨣᩅᩣ’’ᨲᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

᪑᪘᪒. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᩊᩅᨠᩣ [ᩌᩊᩅᩥᨠᩣ (ᩈ᩠ᨿᩣ.)] ᨽᩥᨠ᩠ᨡᩪ ᩅᩥᩉᩣᩁᩅᨲ᩠ᨳᩩᩴ ᨠᩁᩮᩣᨶ᩠ᨲᩥ ¶ . ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩉᩮᨭ᩠ᨮᩣ ᩉᩩᨲ᩠ᩅᩣ ᩈᩥᩃᩴ ᩏᨧ᩠ᨧᩣᩁᩮᩈᩥ. ᩏᨸᩁᩥᨾᩮᨶ ᨽᩥᨠ᩠ᨡᩩᨶᩣ ᨴᩩᨣ᩠ᨣᩉᩥᨲᩣ ᩈᩥᩃᩣ ᩉᩮᨭ᩠ᨮᩥᨾᩔ ᨽᩥᨠ᩠ᨡᩩᨶᩮᩣ ᨾᨲ᩠ᨳᨠᩮ ᩋᩅᨲ᩠ᨳᩣᩈᩥ. ᩈᩮᩣ ᨽᩥᨠ᩠ᨡᩩ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩋᩈᨬ᩠ᨧᩥᨧ᩠ᨧᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᩊᩅᨠᩣ ᨽᩥᨠ᩠ᨡᩪ ᩅᩥᩉᩣᩁᩅᨲ᩠ᨳᩩᩴ ᨠᩁᩮᩣᨶ᩠ᨲᩥ. ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩉᩮᨭ᩠ᨮᩣ ᩉᩩᨲ᩠ᩅᩣ ᩈᩥᩃᩴ ᩏᨧ᩠ᨧᩣᩁᩮᩈᩥ. ᩏᨸᩁᩥᨾᩮᩣ ᨽᩥᨠ᩠ᨡᩩ ᨾᩁᨱᩣᨵᩥᨸ᩠ᨸᩣᨿᩮᩣ ᩉᩮᨭ᩠ᨮᩥᨾᩔ ᨽᩥᨠ᩠ᨡᩩᨶᩮᩣ ᨾᨲ᩠ᨳᨠᩮ ᩈᩥᩃᩴ ᨾᩩᨬ᩠ᨧᩥ. ᩈᩮᩣ ᨽᩥᨠ᩠ᨡᩩ ᨠᩣᩃᨾᨠᩣᩈᩥ…ᨸᩮ… ᩈᩮᩣ ᨽᩥᨠ᩠ᨡᩩ ᨶ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ¶ ¶ ᨡᩮᩣ ᨸᨶ ᩈᨾᨿᩮᨶ ᩌᩊᩅᨠᩣ ᨽᩥᨠ᩠ᨡᩪ ᩅᩥᩉᩣᩁᩔ ᨠᩩᨭ᩠ᨭᩴ ᩏᨭ᩠ᨮᩣᨸᩮᨶ᩠ᨲᩥ. ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩉᩮᨭ᩠ᨮᩣ ᩉᩩᨲ᩠ᩅᩣ ᩍᨭ᩠ᨮᨠᩴ ᩏᨧ᩠ᨧᩣᩁᩮᩈᩥ. ᩏᨸᩁᩥᨾᩮᨶ ᨽᩥᨠ᩠ᨡᩩᨶᩣ ᨴᩩᨣ᩠ᨣᩉᩥᨲᩣ ᩍᨭ᩠ᨮᨠᩣ ᩉᩮᨭ᩠ᨮᩥᨾᩔ ᨽᩥᨠ᩠ᨡᩩᨶᩮᩣ ᨾᨲ᩠ᨳᨠᩮ ᩋᩅᨲ᩠ᨳᩣᩈᩥ. ᩈᩮᩣ ᨽᩥᨠ᩠ᨡᩩ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲᩥ, ᨽᩥᨠ᩠ᨡᩩ, ᩋᩈᨬ᩠ᨧᩥᨧ᩠ᨧᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᩊᩅᨠᩣ ᨽᩥᨠ᩠ᨡᩪ ᩅᩥᩉᩣᩁᩔ ᨠᩩᨭ᩠ᨭᩴ ᩏᨭ᩠ᨮᩣᨸᩮᨶ᩠ᨲᩥ. ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ¶ ᩉᩮᨭ᩠ᨮᩣ ᩉᩩᨲ᩠ᩅᩣ ᩍᨭ᩠ᨮᨠᩴ ᩏᨧ᩠ᨧᩣᩁᩮᩈᩥ. ᩏᨸᩁᩥᨾᩮᩣ ᨽᩥᨠ᩠ᨡᩩ ᨾᩁᨱᩣᨵᩥᨸ᩠ᨸᩣᨿᩮᩣ ᩉᩮᨭ᩠ᨮᩥᨾᩔ ᨽᩥᨠ᩠ᨡᩩᨶᩮᩣ ᨾᨲ᩠ᨳᨠᩮ ᩍᨭ᩠ᨮᨠᩴ ᨾᩩᨬ᩠ᨧᩥ. ᩈᩮᩣ ᨽᩥᨠ᩠ᨡᩩ ᨠᩣᩃᨾᨠᩣᩈᩥ…ᨸᩮ… ᩈᩮᩣ ᨽᩥᨠ᩠ᨡᩩ ᨶ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

᪑᪘᪓. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᩊᩅᨠᩣ ᨽᩥᨠ᩠ᨡᩪ ᨶᩅᨠᨾ᩠ᨾᩴ ᨠᩁᩮᩣᨶ᩠ᨲᩥ. ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩉᩮᨭ᩠ᨮᩣ ᩉᩩᨲ᩠ᩅᩣ ᩅᩣᩈᩥᩴ ᩏᨧ᩠ᨧᩣᩁᩮᩈᩥ. ᩏᨸᩁᩥᨾᩮᨶ ᨽᩥᨠ᩠ᨡᩩᨶᩣ ᨴᩩᨣ᩠ᨣᩉᩥᨲᩣ ᩅᩣᩈᩦ ᩉᩮᨭ᩠ᨮᩥᨾᩔ ᨽᩥᨠ᩠ᨡᩩᨶᩮᩣ ᨾᨲ᩠ᨳᨠᩮ ᩋᩅᨲ᩠ᨳᩣᩈᩥ. ᩈᩮᩣ ᨽᩥᨠ᩠ᨡᩩ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩋᩈᨬ᩠ᨧᩥᨧ᩠ᨧᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᩊᩅᨠᩣ ᨽᩥᨠ᩠ᨡᩪ ᨶᩅᨠᨾ᩠ᨾᩴ ᨠᩁᩮᩣᨶ᩠ᨲᩥ. ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩉᩮᨭ᩠ᨮᩣ ᩉᩩᨲ᩠ᩅᩣ ᩅᩣᩈᩥᩴ ᩏᨧ᩠ᨧᩣᩁᩮᩈᩥ. ᩏᨸᩁᩥᨾᩮᩣ ᨽᩥᨠ᩠ᨡᩩ ᨾᩁᨱᩣᨵᩥᨸ᩠ᨸᩣᨿᩮᩣ ᩉᩮᨭ᩠ᨮᩥᨾᩔ ᨽᩥᨠ᩠ᨡᩩᨶᩮᩣ ᨾᨲ᩠ᨳᨠᩮ ᩅᩣᩈᩥᩴ ᨾᩩᨬ᩠ᨧᩥ. ᩈᩮᩣ ᨽᩥᨠ᩠ᨡᩩ ᨠᩣᩃᨾᨠᩣᩈᩥ…ᨸᩮ… ᩈᩮᩣ ᨽᩥᨠ᩠ᨡᩩ ᨶ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᩊᩅᨠᩣ ᨽᩥᨠ᩠ᨡᩪ ᨶᩅᨠᨾ᩠ᨾᩴ ᨠᩁᩮᩣᨶ᩠ᨲᩥ. ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩉᩮᨭ᩠ᨮᩣ ᩉᩩᨲ᩠ᩅᩣ ᨣᩮᩣᨸᩣᨶᩈᩥᩴ ᩏᨧ᩠ᨧᩣᩁᩮᩈᩥ. ᩏᨸᩁᩥᨾᩮᨶ ᨽᩥᨠ᩠ᨡᩩᨶᩣ ᨴᩩᨣ᩠ᨣᩉᩥᨲᩣ ᨣᩮᩣᨸᩣᨶᩈᩦ ᩉᩮᨭ᩠ᨮᩥᨾᩔ ᨽᩥᨠ᩠ᨡᩩᨶᩮᩣ ᨾᨲ᩠ᨳᨠᩮ ᩋᩅᨲ᩠ᨳᩣᩈᩥ. ᩈᩮᩣ ᨽᩥᨠ᩠ᨡᩩ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩋᩈᨬ᩠ᨧᩥᨧ᩠ᨧᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᩊᩅᨠᩣ ᨽᩥᨠ᩠ᨡᩪ ᨶᩅᨠᨾ᩠ᨾᩴ ᨠᩁᩮᩣᨶ᩠ᨲᩥ. ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩉᩮᨭ᩠ᨮᩣ ¶ ᩉᩩᨲ᩠ᩅᩣ ᨣᩮᩣᨸᩣᨶᩈᩥᩴ ᩏᨧ᩠ᨧᩣᩁᩮᩈᩥ. ᩏᨸᩁᩥᨾᩮᩣ ᨽᩥᨠ᩠ᨡᩩ ᨾᩁᨱᩣᨵᩥᨸ᩠ᨸᩣᨿᩮᩣ ᩉᩮᨭ᩠ᨮᩥᨾᩔ ᨽᩥᨠ᩠ᨡᩩᨶᩮᩣ ᨾᨲ᩠ᨳᨠᩮ ᨣᩮᩣᨸᩣᨶᩈᩥᩴ ᨾᩩᨬ᩠ᨧᩥ. ᩈᩮᩣ ¶ ᨽᩥᨠ᩠ᨡᩩ ᨠᩣᩃᨾᨠᩣᩈᩥ…ᨸᩮ… ᩈᩮᩣ ᨽᩥᨠ᩠ᨡᩩ ᨶ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩌᩊᩅᨠᩣ ᨽᩥᨠ᩠ᨡᩪ ᨶᩅᨠᨾ᩠ᨾᩴ ᨠᩁᩮᩣᨶ᩠ᨲᩣ ᩋᨭ᩠ᨭᨠᩴ ᨻᨶ᩠ᨵᨶ᩠ᨲᩥ. ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩋᨬ᩠ᨬᨲᩁᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᩌᩅᩩᩈᩮᩣ, ᩋᨲᩕᨭ᩠ᨮᩥᨲᩮᩣ ᨻᨶ᩠ᨵᩣᩉᩦ’’ᨲᩥ. ᩈᩮᩣ ᨲᨲᩕᨭ᩠ᨮᩥᨲᩮᩣ ᨻᨶ᩠ᨵᨶ᩠ᨲᩮᩣ ᨸᩁᩥᨸᨲᩥᨲ᩠ᩅᩣ ᨠᩣᩃᨾᨠᩣᩈᩥ ¶ . ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᨠᩥᩴᨧᩥᨲ᩠ᨲᩮᩣ ᨲ᩠ᩅᩴ, ᨽᩥᨠ᩠ᨡᩪ’’ᨲᩥ? ‘‘ᨶᩣᩉᩴ, ᨽᨣᩅᩣ, ᨾᩁᨱᩣᨵᩥᨸ᩠ᨸᩣᨿᩮᩣ’’ᨲᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨶᨾᩁᨱᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᩊᩅᨠᩣ ᨽᩥᨠ᩠ᨡᩪ ᨶᩅᨠᨾ᩠ᨾᩴ ᨠᩁᩮᩣᨶ᩠ᨲᩣ ᩋᨭ᩠ᨭᨠᩴ ᨻᨶ᩠ᨵᨶ᩠ᨲᩥ. ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨾᩁᨱᩣᨵᩥᨸ᩠ᨸᩣᨿᩮᩣ ᩋᨬ᩠ᨬᨲᩁᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᩌᩅᩩᩈᩮᩣ, ᩋᨲᩕᨭ᩠ᨮᩥᨲᩮᩣ ᨻᨶ᩠ᨵᩣᩉᩦ’’ᨲᩥ. ᩈᩮᩣ ᨲᨲᩕᨭ᩠ᨮᩥᨲᩮᩣ ᨻᨶ᩠ᨵᨶ᩠ᨲᩮᩣ ᨸᩁᩥᨸᨲᩥᨲ᩠ᩅᩣ ᨠᩣᩃᨾᨠᩣᩈᩥ…ᨸᩮ… ᨸᩁᩥᨸᨲᩥᨲ᩠ᩅᩣ ᨶ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩅᩥᩉᩣᩁᩴ ᨨᩣᨴᩮᨲ᩠ᩅᩣ ᩒᨲᩁᨲᩥ. ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨲᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᩌᩅᩩᩈᩮᩣ, ᩍᨲᩮᩣ ᩒᨲᩁᩣᩉᩦ’’ᨲᩥ. ᩈᩮᩣ ᨲᩮᨶ ᩒᨲᩁᨶ᩠ᨲᩮᩣ ᨸᩁᩥᨸᨲᩥᨲ᩠ᩅᩣ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨶᨾᩁᨱᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩅᩥᩉᩣᩁᩴ ᨨᩣᨴᩮᨲ᩠ᩅᩣ ᩒᨲᩁᨲᩥ ¶ . ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨾᩁᨱᩣᨵᩥᨸ᩠ᨸᩣᨿᩮᩣ ᨲᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᩌᩅᩩᩈᩮᩣ, ᩍᨲᩮᩣ ᩒᨲᩁᩣᩉᩦ’’ᨲᩥ. ᩈᩮᩣ ᨲᩮᨶ ᩒᨲᩁᨶ᩠ᨲᩮᩣ ᨸᩁᩥᨸᨲᩥᨲ᩠ᩅᩣ ᨠᩣᩃᨾᨠᩣᩈᩥ…ᨸᩮ… ᨸᩁᩥᨸᨲᩥᨲ᩠ᩅᩣ ᨶ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩋᨶᨽᩥᩁᨲᩥᨿᩣ ᨸᩦᩊᩥᨲᩮᩣ ᨣᩥᨩ᩠ᨫᨠᩪᨭᩴ ᨸᨻ᩠ᨻᨲᩴ ᩋᨽᩥᩁᩩᩉᩥᨲ᩠ᩅᩣ ᨸᨸᩣᨲᩮ ᨸᨸᨲᨶ᩠ᨲᩮᩣ ᩋᨬ᩠ᨬᨲᩁᩴ ᩅᩥᩃᩦᩅᨠᩣᩁᩴ ᩒᨲ᩠ᨳᩁᩥᨲ᩠ᩅᩣ ᨾᩣᩁᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ. ᨶ ᨧ, ᨽᩥᨠ᩠ᨡᩅᩮ, ᩋᨲ᩠ᨲᩣᨶᩴ ᨸᩣᨲᩮᨲᨻ᩠ᨻᩴ. ᨿᩮᩣ ᨸᩣᨲᩮᨿ᩠ᨿ, ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᨣᩥᨩ᩠ᨫᨠᩪᨭᩴ ᨸᨻ᩠ᨻᨲᩴ ᩋᨽᩥᩁᩩᩉᩥᨲ᩠ᩅᩣ ᨴᩅᩣᨿ ᩈᩥᩃᩴ ᨸᩅᩥᨩ᩠ᨫᩥᩴᩈᩩ. ᩈᩣ ᩋᨬ᩠ᨬᨲᩁᩴ ᨣᩮᩣᨸᩣᩃᨠᩴ ᩒᨲ᩠ᨳᩁᩥᨲ᩠ᩅᩣ ᨾᩣᩁᩮᩈᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ ¶ …ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨸᩣᩁᩣᨩᩥᨠᩔ. ᨶ ᨧ, ᨽᩥᨠ᩠ᨡᩅᩮ, ᨴᩅᩣᨿ ᩈᩥᩃᩣ ᨸᩅᩥᨩ᩠ᨫᩥᨲᨻ᩠ᨻᩣ. ᨿᩮᩣ ᨸᩅᩥᨩ᩠ᨫᩮᨿ᩠ᨿ, ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

᪑᪘᪔. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨣᩥᩃᩣᨶᩮᩣ ᩉᩮᩣᨲᩥ. ᨲᩴ ᨽᩥᨠ᩠ᨡᩪ ᩈᩮᨴᩮᩈᩩᩴ. ᩈᩮᩣ ᨽᩥᨠ᩠ᨡᩩ ᨠᩣᩃᨾᨠᩣᩈᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨶᨾᩁᨱᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨣᩥᩃᩣᨶᩮᩣ ᩉᩮᩣᨲᩥ ¶ . ᨲᩴ ᨽᩥᨠ᩠ᨡᩪ ᨾᩁᨱᩣᨵᩥᨸ᩠ᨸᩣᨿᩣ ᩈᩮᨴᩮᩈᩩᩴ. ᩈᩮᩣ ᨽᩥᨠ᩠ᨡᩩ ᨠᩣᩃᨾᨠᩣᩈᩥ.…ᨸᩮ… ᩈᩮᩣ ᨽᩥᨠ᩠ᨡᩩ ᨶ ᨠᩣᩃᨾᨠᩣᩈᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ¶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᩈᩦᩈᩣᨽᩥᨲᩣᨸᩮᩣ ᩉᩮᩣᨲᩥ. ᨲᩔ ᨽᩥᨠ᩠ᨡᩪ ᨶᨲ᩠ᨳᩩᩴ ᩋᨴᩴᩈᩩ. ᩈᩮᩣ ᨽᩥᨠ᩠ᨡᩩ ᨠᩣᩃᨾᨠᩣᩈᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨶᨾᩁᨱᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᩈᩦᩈᩣᨽᩥᨲᩣᨸᩮᩣ ᩉᩮᩣᨲᩥ. ᨲᩔ ᨽᩥᨠ᩠ᨡᩪ ᨾᩁᨱᩣᨵᩥᨸ᩠ᨸᩣᨿᩣ ᨶᨲ᩠ᨳᩩᩴ ᩋᨴᩴᩈᩩ. ᩈᩮᩣ ᨽᩥᨠ᩠ᨡᩩ ᨠᩣᩃᨾᨠᩣᩈᩥ…ᨸᩮ… ᩈᩮᩣ ᨽᩥᨠ᩠ᨡᩩ ᨶ ᨠᩣᩃᨾᨠᩣᩈᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨣᩥᩃᩣᨶᩮᩣ ᩉᩮᩣᨲᩥ. ᨲᩴ ᨽᩥᨠ᩠ᨡᩪ ᩈᨾ᩠ᨻᩣᩉᩮᩈᩩᩴ. ᩈᩮᩣ ᨽᩥᨠ᩠ᨡᩩ ᨠᩣᩃᨾᨠᩣᩈᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨶᨾᩁᨱᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨣᩥᩃᩣᨶᩮᩣ ᩉᩮᩣᨲᩥ. ᨲᩴ ᨽᩥᨠ᩠ᨡᩪ ᨾᩁᨱᩣᨵᩥᨸ᩠ᨸᩣᨿᩣ ᩈᨾ᩠ᨻᩣᩉᩮᩈᩩᩴ. ᩈᩮᩣ ᨽᩥᨠ᩠ᨡᩩ ᨠᩣᩃᨾᨠᩣᩈᩥ…ᨸᩮ… ᩈᩮᩣ ᨽᩥᨠ᩠ᨡᩩ ᨶ ᨠᩣᩃᨾᨠᩣᩈᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨣᩥᩃᩣᨶᩮᩣ ᩉᩮᩣᨲᩥ. ᨲᩴ ᨽᩥᨠ᩠ᨡᩩ ᨶ᩠ᩉᩣᨸᩮᩈᩩᩴ. ᩈᩮᩣ ᨽᩥᨠ᩠ᨡᩩ ¶ ᨠᩣᩃᨾᨠᩣᩈᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨶᨾᩁᨱᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ¶ ᨽᩥᨠ᩠ᨡᩩ ᨣᩥᩃᩣᨶᩮᩣ ᩉᩮᩣᨲᩥ. ᨲᩴ ᨽᩥᨠ᩠ᨡᩪ ᨾᩁᨱᩣᨵᩥᨸ᩠ᨸᩣᨿᩣ ᨶ᩠ᩉᩣᨸᩮᩈᩩᩴ. ᩈᩮᩣ ᨽᩥᨠ᩠ᨡᩩ ᨠᩣᩃᨾᨠᩣᩈᩥ…ᨸᩮ… ᩈᩮᩣ ᨽᩥᨠ᩠ᨡᩩ ᨶ ᨠᩣᩃᨾᨠᩣᩈᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨣᩥᩃᩣᨶᩮᩣ ᩉᩮᩣᨲᩥ. ᨲᩴ ᨽᩥᨠ᩠ᨡᩪ ᨲᩮᩃᩮᨶ ᩋᨻ᩠ᨽᨬ᩠ᨩᩥᩴᩈᩩ. ᩈᩮᩣ ᨽᩥᨠ᩠ᨡᩩ ᨠᩣᩃᨾᨠᩣᩈᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨶᨾᩁᨱᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨣᩥᩃᩣᨶᩮᩣ ᩉᩮᩣᨲᩥ. ᨲᩴ ᨽᩥᨠ᩠ᨡᩪ ᨾᩁᨱᩣᨵᩥᨸ᩠ᨸᩣᨿᩣ ᨲᩮᩃᩮᨶ ᩋᨻ᩠ᨽᨬ᩠ᨩᩥᩴᩈᩩ. ᩈᩮᩣ ᨽᩥᨠ᩠ᨡᩩ ᨠᩣᩃᨾᨠᩣᩈᩥ…ᨸᩮ… ᩈᩮᩣ ᨽᩥᨠ᩠ᨡᩩ ᨶ ᨠᩣᩃᨾᨠᩣᩈᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

᪑᪘᪕. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨣᩥᩃᩣᨶᩮᩣ ᩉᩮᩣᨲᩥ. ᨲᩴ ᨽᩥᨠ᩠ᨡᩪ ᩏᨭ᩠ᨮᩣᨸᩮᩈᩩᩴ. ᩈᩮᩣ ᨽᩥᨠ᩠ᨡᩩ ᨠᩣᩃᨾᨠᩣᩈᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨶᨾᩁᨱᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨣᩥᩃᩣᨶᩮᩣ ᩉᩮᩣᨲᩥ. ᨲᩴ ᨽᩥᨠ᩠ᨡᩪ ᨾᩁᨱᩣᨵᩥᨸ᩠ᨸᩣᨿᩣ ᩏᨭ᩠ᨮᩣᨸᩮᩈᩩᩴ. ᩈᩮᩣ ᨽᩥᨠ᩠ᨡᩩ ᨠᩣᩃᨾᨠᩣᩈᩥ…ᨸᩮ… ᩈᩮᩣ ᨽᩥᨠ᩠ᨡᩩ ᨶ ᨠᩣᩃᨾᨠᩣᩈᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ ¶ .

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨣᩥᩃᩣᨶᩮᩣ ᩉᩮᩣᨲᩥ. ᨲᩴ ᨽᩥᨠ᩠ᨡᩪ ᨶᩥᨸᩣᨲᩮᩈᩩᩴ. ᩈᩮᩣ ᨽᩥᨠ᩠ᨡᩩ ᨠᩣᩃᨾᨠᩣᩈᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨶᨾᩁᨱᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨣᩥᩃᩣᨶᩮᩣ ᩉᩮᩣᨲᩥ. ᨲᩴ ᨽᩥᨠ᩠ᨡᩪ ᨾᩁᨱᩣᨵᩥᨸ᩠ᨸᩣᨿᩣ ¶ ᨶᩥᨸᩣᨲᩮᩈᩩᩴ. ᩈᩮᩣ ᨽᩥᨠ᩠ᨡᩩ ᨠᩣᩃᨾᨠᩣᩈᩥ…ᨸᩮ… ᩈᩮᩣ ᨽᩥᨠ᩠ᨡᩩ ᨶ ᨠᩣᩃᨾᨠᩣᩈᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨣᩥᩃᩣᨶᩮᩣ ᩉᩮᩣᨲᩥ. ᨲᩔ ᨽᩥᨠ᩠ᨡᩪ ᩋᨶ᩠ᨶᩴ ᩋᨴᩴᩈᩩ. ᩈᩮᩣ ᨽᩥᨠ᩠ᨡᩩ ᨠᩣᩃᨾᨠᩣᩈᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨶᨾᩁᨱᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨣᩥᩃᩣᨶᩮᩣ ᩉᩮᩣᨲᩥ. ᨲᩔ ᨽᩥᨠ᩠ᨡᩪ ᨾᩁᨱᩣᨵᩥᨸ᩠ᨸᩣᨿᩣ ᩋᨶ᩠ᨶᩴ ᩋᨴᩴᩈᩩ. ᩈᩮᩣ ᨽᩥᨠ᩠ᨡᩩ ᨠᩣᩃᨾᨠᩣᩈᩥ…ᨸᩮ… ᩈᩮᩣ ᨽᩥᨠ᩠ᨡᩩ ᨶ ᨠᩣᩃᨾᨠᩣᩈᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨣᩥᩃᩣᨶᩮᩣ ᩉᩮᩣᨲᩥ. ᨲᩔ ᨽᩥᨠ᩠ᨡᩩ ᨸᩣᨶᩴ ᩋᨴᩴᩈᩩ. ᩈᩮᩣ ᨽᩥᨠ᩠ᨡᩩ ᨠᩣᩃᨾᨠᩣᩈᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨶᨾᩁᨱᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨣᩥᩃᩣᨶᩮᩣ ᩉᩮᩣᨲᩥ. ᨲᩔ ᨽᩥᨠ᩠ᨡᩪ ᨾᩁᨱᩣᨵᩥᨸ᩠ᨸᩣᨿᩣ ᨸᩣᨶᩴ ᩋᨴᩴᩈᩩ. ᩈᩮᩣ ᨽᩥᨠ᩠ᨡᩩ ᨠᩣᩃᨾᨠᩣᩈᩥ…ᨸᩮ… ᩈᩮᩣ ᨽᩥᨠ᩠ᨡᩩ ᨶ ᨠᩣᩃᨾᨠᩣᩈᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ ¶ , ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

᪑᪘᪖. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩣ ᩍᨲ᩠ᨳᩦ ᨸᩅᩩᨲ᩠ᨳᨸᨲᩥᨠᩣ ᨩᩣᩁᩮᨶ ᨣᨻ᩠ᨽᩥᨶᩦ ᩉᩮᩣᨲᩥ. ᩈᩣ ᨠᩩᩃᩪᨸᨠᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᩍᨦ᩠ᨥᩣᨿ᩠ᨿ ᨣᨻ᩠ᨽᨸᩣᨲᨶᩴ ᨩᩣᨶᩣᩉᩦ’’ᨲᩥ. ‘‘ᩈᩩᨭ᩠ᨮᩩ, ᨽᨣᩥᨶᩦ’’ᨲᩥ ᨲᩔᩣ ᨣᨻ᩠ᨽᨸᩣᨲᨶᩴ ᩋᨴᩣᩈᩥ. ᨴᩣᩁᨠᩮᩣ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨸᩩᩁᩥᩈᩔ ᨴ᩠ᩅᩮ ᨸᨩᩣᨸᨲᩥᨿᩮᩣ ᩉᩮᩣᨶ᩠ᨲᩥ – ᩑᨠᩣ ᩅᨬ᩠ᨫᩣ, ᩑᨠᩣ ᩅᩥᨩᩣᨿᩥᨶᩦ. ᩅᨬ᩠ᨫᩣ ᩍᨲ᩠ᨳᩦ ᨠᩩᩃᩪᨸᨠᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᩈᨧᩮ ᩈᩣ, ᨽᨶ᩠ᨲᩮ, ᩅᩥᨩᩣᨿᩥᩔᨲᩥ ᩈᨻ᩠ᨻᩔ ᨠᩩᨭᩩᨾ᩠ᨻᩔ ᩍᩔᩁᩣ ᨽᩅᩥᩔᨲᩥ. ᩍᨦ᩠ᨥᩣᨿ᩠ᨿ, ᨲᩔᩣ ᨣᨻ᩠ᨽᨸᩣᨲᨶᩴ ᨩᩣᨶᩣᩉᩦ’’ᨲᩥ ¶ .‘‘ᩈᩩᨭ᩠ᨮᩩ, ᨽᨣᩥᨶᩦ’’ᨲᩥ ᨲᩔᩣ ᨣᨻ᩠ᨽᨸᩣᨲᨶᩴ ᩋᨴᩣᩈᩥ. ᨴᩣᩁᨠᩮᩣ ᨠᩣᩃᨾᨠᩣᩈᩥ, ᨾᩣᨲᩣ ᨶ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨸᩩᩁᩥᩈᩔ ᨴ᩠ᩅᩮ ᨸᨩᩣᨸᨲᩥᨿᩮᩣ ᩉᩮᩣᨶ᩠ᨲᩥ – ᩑᨠᩣ ᩅᨬ᩠ᨫᩣ, ᩑᨠᩣ ᩅᩥᨩᩣᨿᩥᨶᩦ. ᩅᨬ᩠ᨫᩣ ᩍᨲ᩠ᨳᩦ ᨠᩩᩃᩪᨸᨠᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᩈᨧᩮ ᩈᩣ, ᨽᨶ᩠ᨲᩮ, ᩅᩥᨩᩣᨿᩥᩔᨲᩥ ᩈᨻ᩠ᨻᩔ ᨠᩩᨭᩩᨾ᩠ᨻᩔ ᩍᩔᩁᩣ ᨽᩅᩥᩔᨲᩥ. ᩍᨦ᩠ᨥᩣᨿ᩠ᨿ, ᨲᩔᩣ ᨣᨻ᩠ᨽᨸᩣᨲᨶᩴ ᨩᩣᨶᩣᩉᩦ’’ᨲᩥ. ‘‘ᩈᩩᨭ᩠ᨮᩩ, ᨽᨣᩥᨶᩦ’’ᨲᩥ ᨲᩔᩣ ᨣᨻ᩠ᨽᨸᩣᨲᨶᩴ ᩋᨴᩣᩈᩥ. ᨾᩣᨲᩣ ᨠᩣᩃᨾᨠᩣᩈᩥ, ᨴᩣᩁᨠᩮᩣ ᨶ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ ¶ ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨸᩩᩁᩥᩈᩔ ᨴ᩠ᩅᩮ ᨸᨩᩣᨸᨲᩥᨿᩮᩣ ᩉᩮᩣᨶ᩠ᨲᩥ – ᩑᨠᩣ ᩅᨬ᩠ᨫᩣ ¶ , ᩑᨠᩣ ᩅᩥᨩᩣᨿᩥᨶᩦ. ᩅᨬ᩠ᨫᩣ ᩍᨲ᩠ᨳᩦ ᨠᩩᩃᩪᨸᨠᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᩈᨧᩮ ᩈᩣ, ᨽᨶ᩠ᨲᩮ, ᩅᩥᨩᩣᨿᩥᩔᨲᩥ ᩈᨻ᩠ᨻᩔ ᨠᩩᨭᩩᨾ᩠ᨻᩔ ᩍᩔᩁᩣ ᨽᩅᩥᩔᨲᩥ. ᩍᨦ᩠ᨥᩣᨿ᩠ᨿ, ᨲᩔᩣ ᨣᨻ᩠ᨽᨸᩣᨲᨶᩴ ᨩᩣᨶᩣᩉᩦ’’ᨲᩥ. ‘‘ᩈᩩᨭ᩠ᨮᩩ, ᨽᨣᩥᨶᩦ’’ᨲᩥ ᨲᩔᩣ ᨣᨻ᩠ᨽᨸᩣᨲᨶᩴ ᩋᨴᩣᩈᩥ. ᩏᨽᩮᩣ ᨠᩣᩃᨾᨠᩴᩈᩩ…ᨸᩮ… ᩏᨽᩮᩣ ᨶ ᨠᩣᩃᨾᨠᩴᩈᩩ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

᪑᪘᪗. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩣ ᨣᨻ᩠ᨽᩥᨶᩦ ᩍᨲ᩠ᨳᩦ ᨠᩩᩃᩪᨸᨠᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᩍᨦ᩠ᨥᩣᨿ᩠ᨿ, ᨣᨻ᩠ᨽᨸᩣᨲᨶᩴ ᨩᩣᨶᩣᩉᩦ’’ᨲᩥ. ‘‘ᨲᩮᨶ ᩉᩥ, ᨽᨣᩥᨶᩥ, ᨾᨴ᩠ᨴᩔᩪ’’ᨲᩥ. ᩈᩣ ᨾᨴ᩠ᨴᩣᨸᩮᨲ᩠ᩅᩣ ᨣᨻ᩠ᨽᩴ ᨸᩣᨲᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩣ ᨣᨻ᩠ᨽᩥᨶᩦ ᩍᨲ᩠ᨳᩦ ᨠᩩᩃᩪᨸᨠᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᩍᨦ᩠ᨥᩣᨿ᩠ᨿ, ᨣᨻ᩠ᨽᨸᩣᨲᨶᩴ ᨩᩣᨶᩣᩉᩦ’’ᨲᩥ. ‘‘ᨲᩮᨶ ᩉᩥ, ᨽᨣᩥᨶᩥ, ᨲᩣᨸᩮᩉᩦ’’ᨲᩥ. ᩈᩣ ᨲᩣᨸᩮᨲ᩠ᩅᩣ ᨣᨻ᩠ᨽᩴ ᨸᩣᨲᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩣ ᩅᨬ᩠ᨫᩣ ᩍᨲ᩠ᨳᩦ ᨠᩩᩃᩪᨸᨠᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᩍᨦ᩠ᨥᩣᨿ᩠ᨿ, ᨽᩮᩈᨩ᩠ᨩᩴ ᨩᩣᨶᩣᩉᩥ ᨿᩮᨶᩣᩉᩴ ᩅᩥᨩᩣᨿᩮᨿ᩠ᨿ’’ᨶ᩠ᨲᩥ. ‘‘ᩈᩩᨭ᩠ᨮᩩ, ᨽᨣᩥᨶᩦ’’ᨲᩥ ᨲᩔᩣ ᨽᩮᩈᨩ᩠ᨩᩴ ᩋᨴᩣᩈᩥ ¶ . ᩈᩣ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩣ ᩅᩥᨩᩣᨿᩥᨶᩦ ᩍᨲ᩠ᨳᩦ ᨠᩩᩃᩪᨸᨠᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᩍᨦ᩠ᨥᩣᨿ᩠ᨿ, ᨽᩮᩈᨩ᩠ᨩᩴ ᨩᩣᨶᩣᩉᩥ ᨿᩮᨶᩣᩉᩴ ᨶ ᩅᩥᨩᩣᨿᩮᨿ᩠ᨿ’’ᨶ᩠ᨲᩥ. ‘‘ᩈᩩᨭ᩠ᨮᩩ, ᨽᨣᩥᨶᩦ’’ᨲᩥ ᨲᩔᩣ ᨽᩮᩈᨩ᩠ᨩᩴ ᩋᨴᩣᩈᩥ. ᩈᩣ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ ¶ , ᨽᩥᨠ᩠ᨡᩩ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᩈᨲ᩠ᨲᩁᩈᩅᨣ᩠ᨣᩥᨿᩴ ᨽᩥᨠ᩠ᨡᩩᩴ ᩋᨦ᩠ᨣᩩᩃᩥᨸᨲᩮᩣᨴᨠᩮᨶ ᩉᩣᩈᩮᩈᩩᩴ. ᩈᩮᩣ ᨽᩥᨠ᩠ᨡᩩ ᩏᨲ᩠ᨲᨶ᩠ᨲᩮᩣ ᩋᨶᩔᩣᩈᨠᩮᩣ ᨠᩣᩃᨾᨠᩣᩈᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨸᩣᩁᩣᨩᩥᨠᩔᩣ’’ᨲᩥ [ᨸᩣᩁᩣᨩᩥᨠᩔ, ᩌᨸᨲ᩠ᨲᩥ ᨸᩣᨧᩥᨲ᩠ᨲᩥᨿᩔᩣᨲᩥ (ᩈ᩠ᨿᩣ.)].

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩈᨲ᩠ᨲᩁᩈᩅᨣ᩠ᨣᩥᨿᩣ ᨽᩥᨠ᩠ᨡᩪ ᨨᨻ᩠ᨻᨣ᩠ᨣᩥᨿᩴ ᨽᩥᨠ᩠ᨡᩩᩴ ᨠᨾ᩠ᨾᩴ ᨠᩁᩥᩔᩣᨾᩣᨲᩥ ᩒᨲ᩠ᨳᩁᩥᨲ᩠ᩅᩣ ᨾᩣᩁᩮᩈᩩᩴ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨸᩣᩁᩣᨩᩥᨠᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩪᨲᩅᩮᨩ᩠ᨩᨠᩮᩣ ᨽᩥᨠ᩠ᨡᩩ ᨿᨠ᩠ᨡᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩋᨬ᩠ᨬᨲᩁᩴ ᨽᩥᨠ᩠ᨡᩩᩴ ᩅᩣᩊᨿᨠ᩠ᨡᩅᩥᩉᩣᩁᩴ ᨸᩣᩉᩮᩈᩥ. ᨲᩴ ᨿᨠ᩠ᨡᩣ ᨩᩦᩅᩥᨲᩣ ᩅᩮᩣᩁᩮᩣᨸᩮᩈᩩᩴ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨶᨾᩁᨱᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨾᩁᨱᩣᨵᩥᨸ᩠ᨸᩣᨿᩮᩣ ᩋᨬ᩠ᨬᨲᩁᩴ ᨽᩥᨠ᩠ᨡᩩᩴ ᩅᩣᩊᨿᨠ᩠ᨡᩅᩥᩉᩣᩁᩴ ᨸᩣᩉᩮᩈᩥ. ᨲᩴ ᨿᨠ᩠ᨡᩣ ᨩᩦᩅᩥᨲᩣ ᩅᩮᩣᩁᩮᩣᨸᩮᩈᩩᩴ…ᨸᩮ… ᨲᩴ ᨿᨠ᩠ᨡᩣ ᨩᩦᩅᩥᨲᩣ ᨶ ᩅᩮᩣᩁᩮᩣᨸᩮᩈᩩᩴ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ ¶ .

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩋᨬ᩠ᨬᨲᩁᩴ ᨽᩥᨠ᩠ᨡᩩᩴ ᩅᩣᩊᨠᨶ᩠ᨲᩣᩁᩴ ᨸᩣᩉᩮᩈᩥ ¶ . ᨲᩴ ᩅᩣᩊᩣ ᨩᩦᩅᩥᨲᩣ ᩅᩮᩣᩁᩮᩣᨸᩮᩈᩩᩴ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨶᨾᩁᨱᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨾᩁᨱᩣᨵᩥᨸ᩠ᨸᩣᨿᩮᩣ ᩋᨬ᩠ᨬᨲᩁᩴ ᨽᩥᨠ᩠ᨡᩩᩴ ᩅᩣᩊᨠᨶ᩠ᨲᩣᩁᩴ ᨸᩣᩉᩮᩈᩥ. ᨲᩴ ᩅᩣᩊᩣ ᨩᩦᩅᩥᨲᩣ ᩅᩮᩣᩁᩮᩣᨸᩮᩈᩩᩴ…ᨸᩮ… ᨲᩴ ᩅᩣᩊᩣ ᨩᩦᩅᩥᨲᩣ ᨶ ᩅᩮᩣᩁᩮᩣᨸᩮᩈᩩᩴ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩋᨬ᩠ᨬᨲᩁᩴ ᨽᩥᨠ᩠ᨡᩩᩴ ᨧᩮᩣᩁᨠᨶ᩠ᨲᩣᩁᩴ ᨸᩣᩉᩮᩈᩥ. ᨲᩴ ᨧᩮᩣᩁᩣ ᨩᩦᩅᩥᨲᩣ ᩅᩮᩣᩁᩮᩣᨸᩮᩈᩩᩴ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨶᨾᩁᨱᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨾᩁᨱᩣᨵᩥᨸ᩠ᨸᩣᨿᩮᩣ ᩋᨬ᩠ᨬᨲᩁᩴ ᨽᩥᨠ᩠ᨡᩩᩴ ᨧᩮᩣᩁᨠᨶ᩠ᨲᩣᩁᩴ ᨸᩣᩉᩮᩈᩥ. ᨲᩴ ᨧᩮᩣᩁᩣ ᨩᩦᩅᩥᨲᩣ ᩅᩮᩣᩁᩮᩣᨸᩮᩈᩩᩴ…ᨸᩮ… ᨲᩴ ᨧᩮᩣᩁᩣ ᨩᩦᩅᩥᨲᩣ ᨶ ᩅᩮᩣᩁᩮᩣᨸᩮᩈᩩᩴ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

᪑᪘᪘. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨲᩴ ᨾᨬ᩠ᨬᨾᩣᨶᩮᩣ ᨲᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᩈᩥ…ᨸᩮ… ᨲᩴ ᨾᨬ᩠ᨬᨾᩣᨶᩮᩣ ᩋᨬ᩠ᨬᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᩈᩥ…ᨸᩮ… ᩋᨬ᩠ᨬᩴ ᨾᨬ᩠ᨬᨾᩣᨶᩮᩣ ᨲᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᩈᩥ…ᨸᩮ… ᩋᨬ᩠ᨬᩴ ¶ ᨾᨬ᩠ᨬᨾᩣᨶᩮᩣ ᩋᨬ᩠ᨬᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩋᨾᨶᩩᩔᩮᨶ ᨣᩉᩥᨲᩮᩣ ᩉᩮᩣᨲᩥ. ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨲᩔ ᨽᩥᨠ᩠ᨡᩩᨶᩮᩣ ᨸᩉᩣᩁᩴ ᩋᨴᩣᩈᩥ. ᩈᩮᩣ ᨽᩥᨠ᩠ᨡᩩ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ ¶ , ᨶᨾᩁᨱᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩋᨾᨶᩩᩔᩮᨶ ᨣᩉᩥᨲᩮᩣ ᩉᩮᩣᨲᩥ. ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨾᩁᨱᩣᨵᩥᨸ᩠ᨸᩣᨿᩮᩣ ᨲᩔ ᨽᩥᨠ᩠ᨡᩩᨶᩮᩣ ᨸᩉᩣᩁᩴ ᩋᨴᩣᩈᩥ. ᩈᩮᩣ ᨽᩥᨠ᩠ᨡᩩ ᨠᩣᩃᨾᨠᩣᩈᩥ…ᨸᩮ… ᩈᩮᩣ ᨽᩥᨠ᩠ᨡᩩ ᨶ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨠᩃ᩠ᨿᩣᨱᨠᨾ᩠ᨾᩔ ᩈᨣ᩠ᨣᨠᨳᩴ ᨠᨳᩮᩈᩥ. ᩈᩮᩣ ᩋᨵᩥᨾᩩᨲ᩠ᨲᩮᩣ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨶᨾᩁᨱᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨾᩁᨱᩣᨵᩥᨸ᩠ᨸᩣᨿᩮᩣ ᨠᩃ᩠ᨿᩣᨱᨠᨾ᩠ᨾᩔ ᩈᨣ᩠ᨣᨠᨳᩴ ᨠᨳᩮᩈᩥ. ᩈᩮᩣ ᩋᨵᩥᨾᩩᨲ᩠ᨲᩮᩣ ᨠᩣᩃᨾᨠᩣᩈᩥ…ᨸᩮ… ᩈᩮᩣ ᩋᨵᩥᨾᩩᨲ᩠ᨲᩮᩣ ᨶ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨶᩮᩁᨿᩥᨠᩔ ᨶᩥᩁᨿᨠᨳᩴ ᨠᨳᩮᩈᩥ. ᩈᩮᩣ ᩏᨲ᩠ᨲᩈᩥᨲ᩠ᩅᩣ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨶᨾᩁᨱᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨾᩁᨱᩣᨵᩥᨸ᩠ᨸᩣᨿᩮᩣ ᨶᩮᩁᨿᩥᨠᩔ ᨶᩥᩁᨿᨠᨳᩴ ᨠᨳᩮᩈᩥ. ᩈᩮᩣ ᩏᨲ᩠ᨲᩈᩥᨲ᩠ᩅᩣ ᨠᩣᩃᨾᨠᩣᩈᩥ…ᨸᩮ… ᩈᩮᩣ ᩏᨲ᩠ᨲᩈᩥᨲ᩠ᩅᩣ ᨶ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

᪑᪘᪙. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᩊᩅᨠᩣ ᨽᩥᨠ᩠ᨡᩪ ᨶᩅᨠᨾ᩠ᨾᩴ ᨠᩁᩮᩣᨶ᩠ᨲᩣ ᩁᩩᨠ᩠ᨡᩴ ᨨᩥᨶ᩠ᨴᨶ᩠ᨲᩥ. ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩋᨬ᩠ᨬᨲᩁᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ ¶ – ‘‘ᩌᩅᩩᩈᩮᩣ, ᩋᨲᩕᨭ᩠ᨮᩥᨲᩮᩣ ᨨᩥᨶ᩠ᨴᩣᩉᩦ’’ᨲᩥ. ᨲᩴ ᨲᨲᩕᨭ᩠ᨮᩥᨲᩴ ᨨᩥᨶ᩠ᨴᨶ᩠ᨲᩴ ᩁᩩᨠ᩠ᨡᩮᩣ ᩒᨲ᩠ᨳᩁᩥᨲ᩠ᩅᩣ ᨾᩣᩁᩮᩈᩥ ¶ . ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨶᨾᩁᨱᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᩊᩅᨠᩣ ᨽᩥᨠ᩠ᨡᩪ ᨶᩅᨠᨾ᩠ᨾᩴ ᨠᩁᩮᩣᨶ᩠ᨲᩣ ᩁᩩᨠ᩠ᨡᩴ ᨨᩥᨶ᩠ᨴᨶ᩠ᨲᩥ. ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨾᩁᨱᩣᨵᩥᨸ᩠ᨸᩣᨿᩮᩣ ᩋᨬ᩠ᨬᨲᩁᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᩌᩅᩩᩈᩮᩣ, ᩋᨲᩕᨭ᩠ᨮᩥᨲᩮᩣ ᨨᩥᨶ᩠ᨴᩣᩉᩦ’’ᨲᩥ. ᨲᩴ ᨲᨲᩕᨭ᩠ᨮᩥᨲᩴ ᨨᩥᨶ᩠ᨴᨶ᩠ᨲᩴ ᩁᩩᨠ᩠ᨡᩮᩣ ᩒᨲ᩠ᨳᩁᩥᨲ᩠ᩅᩣ ᨾᩣᩁᩮᩈᩥ…ᨸᩮ… ᩁᩩᨠ᩠ᨡᩮᩣ ᩒᨲ᩠ᨳᩁᩥᨲ᩠ᩅᩣ ᨶ ᨾᩣᩁᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

᪑᪙᪐. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᨴᩣᨿᩴ ᩌᩃᩥᨾ᩠ᨸᩮᩈᩩᩴ [ᩌᩊᩥᨾ᩠ᨸᩮᩈᩩᩴ (ᩈ᩠ᨿᩣ. ᨠ.)]; ᨾᨶᩩᩔᩣ ᨴᨯ᩠ᨰᩣ ᨠᩣᩃᨾᨠᩴᩈᩩ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨶᨾᩁᨱᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᨾᩁᨱᩣᨵᩥᨸ᩠ᨸᩣᨿᩣ ᨴᩣᨿᩴ ᩌᩃᩥᨾ᩠ᨸᩮᩈᩩᩴ. ᨾᨶᩩᩔᩣ ᨴᨯ᩠ᨰᩣ ᨠᩣᩃᨾᨠᩴᩈᩩ…ᨸᩮ… ᨾᨶᩩᩔᩣ ᨴᨯ᩠ᨰᩣ ᨶ ᨠᩣᩃᨾᨠᩴᩈᩩ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

᪑᪙᪑. ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩌᨥᩣᨲᨶᩴ ᨣᨶ᩠ᨲ᩠ᩅᩣ ᨧᩮᩣᩁᨥᩣᨲᩴ ᩑᨲᨴᩅᩮᩣᨧ – ‘‘ᩌᩅᩩᩈᩮᩣ, ᨾᩣᨿᩥᨾᩴ ᨠᩥᩃᨾᩮᩈᩥ. ᩑᨠᩮᨶ ᨸᩉᩣᩁᩮᨶ ᨩᩦᩅᩥᨲᩣ ᩅᩮᩣᩁᩮᩣᨸᩮᩉᩦ’’ᨲᩥ. ‘‘ᩈᩩᨭ᩠ᨮᩩ, ᨽᨶ᩠ᨲᩮ’’ᨲᩥ ᩑᨠᩮᨶ ᨸᩉᩣᩁᩮᨶ ᨩᩦᩅᩥᨲᩣ ᩅᩮᩣᩁᩮᩣᨸᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩌᨥᩣᨲᨶᩴ ᨣᨶ᩠ᨲ᩠ᩅᩣ ᨧᩮᩣᩁᨥᩣᨲᩴ ᩑᨲᨴᩅᩮᩣᨧ – ‘‘ᩌᩅᩩᩈᩮᩣ, ᨾᩣᨿᩥᨾᩴ ᨠᩥᩃᨾᩮᩈᩥ ¶ . ᩑᨠᩮᨶ ᨸᩉᩣᩁᩮᨶ ᨩᩦᩅᩥᨲᩣ ᩅᩮᩣᩁᩮᩣᨸᩮᩉᩦ’’ᨲᩥ. ᩈᩮᩣ – ‘‘ᨶᩣᩉᩴ ᨲᩩᨿ᩠ᩉᩴ ᩅᨧᨶᩴ ᨠᩁᩥᩔᩣᨾᩦ’’ᨲᩥ ᨲᩴ ᨩᩦᩅᩥᨲᩣ ᩅᩮᩣᩁᩮᩣᨸᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

᪑᪙᪒. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨸᩩᩁᩥᩈᩮᩣ ᨬᩣᨲᩥᨥᩁᩮ ᩉᨲ᩠ᨳᨸᩣᨴᨧ᩠ᨨᩥᨶ᩠ᨶᩮᩣ ᨬᩣᨲᨠᩮᩉᩥ ᩈᨾ᩠ᨸᩁᩥᨠᩥᨱ᩠ᨱᩮᩣ ᩉᩮᩣᨲᩥ. ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨲᩮ ᨾᨶᩩᩔᩮ ᩑᨲᨴᩅᩮᩣᨧ – ‘‘ᩌᩅᩩᩈᩮᩣ, ᩍᨧ᩠ᨨᨳ ᩍᨾᩔ ᨾᩁᨱ’’ᨶ᩠ᨲᩥ? ‘‘ᩌᨾ, ᨽᨶ᩠ᨲᩮ, ᩍᨧ᩠ᨨᩣᨾᩣ’’ᨲᩥ. ‘‘ᨲᩮᨶ ᩉᩥ ᨲᨠ᩠ᨠᩴ ᨸᩣᨿᩮᨳᩣ’’ᨲᩥ. ᨲᩮ ᨲᩴ ᨲᨠ᩠ᨠᩴ ᨸᩣᨿᩮᩈᩩᩴ. ᩈᩮᩣ ¶ ᨠᩣᩃᨾᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨸᩩᩁᩥᩈᩮᩣ ᨠᩩᩃᨥᩁᩮ ᩉᨲ᩠ᨳᨸᩣᨴᨧ᩠ᨨᩥᨶ᩠ᨶᩮᩣ ᨬᩣᨲᨠᩮᩉᩥ ᩈᨾ᩠ᨸᩁᩥᨠᩥᨱ᩠ᨱᩮᩣ ᩉᩮᩣᨲᩥ. ᩋᨬ᩠ᨬᨲᩁᩣ ᨽᩥᨠ᩠ᨡᩩᨶᩦ ᨲᩮ ᨾᨶᩩᩔᩮ ᩑᨲᨴᩅᩮᩣᨧ – ‘‘ᩌᩅᩩᩈᩮᩣ, ᩍᨧ᩠ᨨᨳ ᩍᨾᩔ ᨾᩁᨱ’’ᨶ᩠ᨲᩥ? ‘‘ᩌᨾᨿ᩠ᨿᩮ, ᩍᨧ᩠ᨨᩣᨾᩣ’’ᨲᩥ. ‘‘ᨲᩮᨶ ᩉᩥ ᩃᩮᩣᨱᩈᩮᩣᩅᩦᩁᨠᩴ ᨸᩣᨿᩮᨳᩣ’’ᨲᩥ. ᨲᩮ ᨲᩴ ᩃᩮᩣᨱᩈᩮᩣᩅᩦᩁᨠᩴ ᨸᩣᨿᩮᩈᩩᩴ. ᩈᩮᩣ ᨠᩣᩃᨾᨠᩣᩈᩥ. ᨲᩔᩣ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ. ᩋᨳ ᨡᩮᩣ ᩈᩣ ᨽᩥᨠ᩠ᨡᩩᨶᩦ ᨽᩥᨠ᩠ᨡᩩᨶᩦᨶᩴ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ᨽᩥᨠ᩠ᨡᩩᨶᩥᨿᩮᩣ ᨽᩥᨠ᩠ᨡᩪᨶᩴ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ᨽᩥᨠ᩠ᨡᩪ ¶ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ‘‘ᩌᨸᨲ᩠ᨲᩥᩴ ᩈᩣ, ᨽᩥᨠ᩠ᨡᩅᩮ, ᨽᩥᨠ᩠ᨡᩩᨶᩦ ᩌᨸᨶ᩠ᨶᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᨲᩥᨿᨸᩣᩁᩣᨩᩥᨠᩴ ᩈᨾᨲ᩠ᨲᩴ.

᪔. ᨧᨲᩩᨲ᩠ᨳᨸᩣᩁᩣᨩᩥᨠᩴ

᪑᪙᪓. [ᩍᨴᩴ ᩅᨲ᩠ᨳᩩ ᨸᩣᨧᩥ. ᪖᪗] ᨲᩮᨶ ¶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩅᩮᩈᩣᩃᩥᨿᩴ ᩅᩥᩉᩁᨲᩥ ᨾᩉᩣᩅᨶᩮ ᨠᩪᨭᩣᨣᩣᩁᩈᩣᩃᩣᨿᩴ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩈᨾ᩠ᨻᩉᩩᩃᩣ ᩈᨶ᩠ᨴᩥᨭ᩠ᨮᩣ ᩈᨾ᩠ᨽᨲ᩠ᨲᩣ ᨽᩥᨠ᩠ᨡᩪ ᩅᨣ᩠ᨣᩩᨾᩩᨴᩣᨿ ᨶᨴᩥᨿᩣ ᨲᩦᩁᩮ ᩅᩔᩴ ᩏᨸᨣᨧ᩠ᨨᩥᩴᩈᩩ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩅᨩ᩠ᨩᩦ ᨴᩩᨻ᩠ᨽᩥᨠ᩠ᨡᩣ ᩉᩮᩣᨲᩥ ᨴ᩠ᩅᩦᩉᩥᨲᩥᨠᩣ ᩈᩮᨲᨭ᩠ᨮᩥᨠᩣ ᩈᩃᩣᨠᩣᩅᩩᨲ᩠ᨲᩣ, ᨶ ᩈᩩᨠᩁᩣ ᩏᨬ᩠ᨨᩮᨶ ᨸᨣ᩠ᨣᩉᩮᨶ ᨿᩣᨸᩮᨲᩩᩴ. ᩋᨳ ᨡᩮᩣ ᨲᩮᩈᩴ ᨽᩥᨠ᩠ᨡᩪᨶᩴ ᩑᨲᨴᩉᩮᩣᩈᩥ – ‘‘ᩑᨲᩁᩉᩥ ᨡᩮᩣ ᩅᨩ᩠ᨩᩦ ᨴᩩᨻ᩠ᨽᩥᨠ᩠ᨡᩣ ᨴ᩠ᩅᩦᩉᩥᨲᩥᨠᩣ ᩈᩮᨲᨭ᩠ᨮᩥᨠᩣ ᩈᩃᩣᨠᩣᩅᩩᨲ᩠ᨲᩣ, ᨶ ᩈᩩᨠᩁᩣ ᩏᨬ᩠ᨨᩮᨶ ᨸᨣ᩠ᨣᩉᩮᨶ ᨿᩣᨸᩮᨲᩩᩴ. ᨠᩮᨶ ᨶᩩ ᨡᩮᩣ ᨾᨿᩴ ᩏᨸᩣᨿᩮᨶ ᩈᨾᨣ᩠ᨣᩣ ᩈᨾ᩠ᨾᩮᩣᨴᨾᩣᨶᩣ ᩋᩅᩥᩅᨴᨾᩣᨶᩣ ᨹᩣᩈᩩᨠᩴ ᩅᩔᩴ ᩅᩈᩮᨿ᩠ᨿᩣᨾ, ᨶ ᨧ ᨸᩥᨱ᩠ᨯᨠᩮᨶ ᨠᩥᩃᨾᩮᨿ᩠ᨿᩣᨾᩣ’’ᨲᩥ? ᩑᨠᨧ᩠ᨧᩮ ᩑᩅᨾᩣᩉᩴᩈᩩ – ‘‘ᩉᨶ᩠ᨴ ᨾᨿᩴ, ᩌᩅᩩᩈᩮᩣ, ᨣᩥᩉᩦᨶᩴ ᨠᨾ᩠ᨾᨶ᩠ᨲᩴ ᩋᨵᩥᨭ᩠ᨮᩮᨾ, ᩑᩅᩴ ᨲᩮ ᩋᨾ᩠ᩉᩣᨠᩴ ᨴᩣᨲᩩᩴ ᨾᨬ᩠ᨬᩥᩔᨶ᩠ᨲᩥ. ᩑᩅᩴ ᨾᨿᩴ ᩈᨾᨣ᩠ᨣᩣ ᩈᨾ᩠ᨾᩮᩣᨴᨾᩣᨶᩣ ᩋᩅᩥᩅᨴᨾᩣᨶᩣ ᨹᩣᩈᩩᨠᩴ ᩅᩔᩴ ᩅᩈᩥᩔᩣᨾ, ᨶ ᨧ ᨸᩥᨱ᩠ᨯᨠᩮᨶ ᨠᩥᩃᨾᩥᩔᩣᨾᩣ’’ᨲᩥ. ᩑᨠᨧ᩠ᨧᩮ ᩑᩅᨾᩣᩉᩴᩈᩩ – ‘‘ᩋᩃᩴ, ᩌᩅᩩᩈᩮᩣ, ᨠᩥᩴ ᨣᩥᩉᩦᨶᩴ ¶ ᨠᨾ᩠ᨾᨶ᩠ᨲᩴ ᩋᨵᩥᨭ᩠ᨮᩥᨲᩮᨶ! ᩉᨶ᩠ᨴ ᨾᨿᩴ ¶ , ᩌᩅᩩᩈᩮᩣ, ᨣᩥᩉᩦᨶᩴ ᨴᩪᨲᩮᨿ᩠ᨿᩴ ᩉᩁᩣᨾ, ᩑᩅᩴ ᨲᩮ ᩋᨾ᩠ᩉᩣᨠᩴ ᨴᩣᨲᩩᩴ ᨾᨬ᩠ᨬᩥᩔᨶ᩠ᨲᩥ. ᩑᩅᩴ ᨾᨿᩴ ᩈᨾᨣ᩠ᨣᩣ ᩈᨾ᩠ᨾᩮᩣᨴᨾᩣᨶᩣ ᩋᩅᩥᩅᨴᨾᩣᨶᩣ ᨹᩣᩈᩩᨠᩴ ᩅᩔᩴ ᩅᩈᩥᩔᩣᨾ, ᨶ ᨧ ᨸᩥᨱ᩠ᨯᨠᩮᨶ ᨠᩥᩃᨾᩥᩔᩣᨾᩣ’’ᨲᩥ. ᩑᨠᨧ᩠ᨧᩮ ᩑᩅᨾᩣᩉᩴᩈᩩ – ‘‘ᩋᩃᩴ, ᩌᩅᩩᩈᩮᩣ, ᨠᩥᩴ ᨣᩥᩉᩦᨶᩴ ᨠᨾ᩠ᨾᨶ᩠ᨲᩴ ᩋᨵᩥᨭ᩠ᨮᩥᨲᩮᨶ! ᨠᩥᩴ ᨣᩥᩉᩦᨶᩴ ᨴᩪᨲᩮᨿ᩠ᨿᩴ ᩉᨭᩮᨶ! ᩉᨶ᩠ᨴ ᨾᨿᩴ, ᩌᩅᩩᩈᩮᩣ, ᨣᩥᩉᩦᨶᩴ ᩋᨬ᩠ᨬᨾᨬ᩠ᨬᩔ ᩏᨲ᩠ᨲᩁᩥᨾᨶᩩᩔᨵᨾ᩠ᨾᩔ ᩅᨱ᩠ᨱᩴ ᨽᩣᩈᩥᩔᩣᨾ – ‘ᩋᩈᩩᨠᩮᩣ ᨽᩥᨠ᩠ᨡᩩ ᨸᨮᨾᩔ ᨫᩣᨶᩔ ᩃᩣᨽᩦ, ᩋᩈᩩᨠᩮᩣ ᨽᩥᨠ᩠ᨡᩩ ᨴᩩᨲᩥᨿᩔ ᨫᩣᨶᩔ ᩃᩣᨽᩦ, ᩋᩈᩩᨠᩮᩣ ᨽᩥᨠ᩠ᨡᩩ ᨲᨲᩥᨿᩔ ᨫᩣᨶᩔ ᩃᩣᨽᩦ, ᩋᩈᩩᨠᩮᩣ ᨽᩥᨠ᩠ᨡᩩ ᨧᨲᩩᨲ᩠ᨳᩔ ᨫᩣᨶᩔ ᩃᩣᨽᩦ, ᩋᩈᩩᨠᩮᩣ ᨽᩥᨠ᩠ᨡᩩ ᩈᩮᩣᨲᩣᨸᨶ᩠ᨶᩮᩣ, ᩋᩈᩩᨠᩮᩣ ᨽᩥᨠ᩠ᨡᩩ ᩈᨠᨴᩣᨣᩣᨾᩦ, ᩋᩈᩩᨠᩮᩣ ᨽᩥᨠ᩠ᨡᩩ ᩋᨶᩣᨣᩣᨾᩦ, ᩋᩈᩩᨠᩮᩣ ᨽᩥᨠ᩠ᨡᩩ ᩋᩁᩉᩣ, ᩋᩈᩩᨠᩮᩣ ᨽᩥᨠ᩠ᨡᩩ ᨲᩮᩅᩥᨩ᩠ᨩᩮᩣ, ᩋᩈᩩᨠᩮᩣ ᨽᩥᨠ᩠ᨡᩩ ᨨᩊᨽᩥᨬ᩠ᨬᩮᩣ’ᨲᩥ. ᩑᩅᩴ ᨲᩮ ᩋᨾ᩠ᩉᩣᨠᩴ ᨴᩣᨲᩩᩴ ᨾᨬ᩠ᨬᩥᩔᨶ᩠ᨲᩥ. ᩑᩅᩴ ᨾᨿᩴ ᩈᨾᨣ᩠ᨣᩣ ᩈᨾ᩠ᨾᩮᩣᨴᨾᩣᨶᩣ ¶ ᩋᩅᩥᩅᨴᨾᩣᨶᩣ ᨹᩣᩈᩩᨠᩴ ᩅᩔᩴ ᩅᩈᩥᩔᩣᨾ, ᨶ ᨧ ᨸᩥᨱ᩠ᨯᨠᩮᨶ ᨠᩥᩃᨾᩥᩔᩣᨾᩣ’’ᨲᩥ. ‘‘ᩑᩈᩮᩣᨿᩮᩅ ᨡᩮᩣ, ᩌᩅᩩᩈᩮᩣ, ᩈᩮᨿ᩠ᨿᩮᩣ ᨿᩮᩣ ᩋᨾ᩠ᩉᩣᨠᩴ ᨣᩥᩉᩦᨶᩴ ᩋᨬ᩠ᨬᨾᨬ᩠ᨬᩔ ᩏᨲ᩠ᨲᩁᩥᨾᨶᩩᩔᨵᨾ᩠ᨾᩔ ᩅᨱ᩠ᨱᩮᩣ ᨽᩣᩈᩥᨲᩮᩣ’’ᨲᩥ.

᪑᪙᪔. ¶ ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨣᩥᩉᩦᨶᩴ ᩋᨬ᩠ᨬᨾᨬ᩠ᨬᩔ ᩏᨲ᩠ᨲᩁᩥᨾᨶᩩᩔᨵᨾ᩠ᨾᩔ ᩅᨱ᩠ᨱᩴ ᨽᩣᩈᩥᩴᩈᩩ – ‘‘ᩋᩈᩩᨠᩮᩣ ᨽᩥᨠ᩠ᨡᩩ ᨸᨮᨾᩔ ᨫᩣᨶᩔ ᩃᩣᨽᩦ…ᨸᩮ… ᩋᩈᩩᨠᩮᩣ ᨽᩥᨠ᩠ᨡᩩ ᨨᩊᨽᩥᨬ᩠ᨬᩮᩣ’’ᨲᩥ. ᩋᨳ ᨡᩮᩣ ᨲᩮ ᨾᨶᩩᩔᩣ – ‘‘ᩃᩣᨽᩣ ᩅᨲ ᨶᩮᩣ, ᩈᩩᩃᨴ᩠ᨵᩴ ᩅᨲ ᨶᩮᩣ, ᨿᩮᩈᩴ ᩅᨲ ᨶᩮᩣ ᩑᩅᩁᩪᨸᩣ ᨽᩥᨠ᩠ᨡᩪ ᩅᩔᩴ ᩏᨸᨣᨲᩣ; ᨶ ᩅᨲ ᨶᩮᩣ ᩍᨲᩮᩣ ᨸᩩᨻ᩠ᨻᩮ ᩑᩅᩁᩪᨸᩣ ᨽᩥᨠ᩠ᨡᩪ ᩅᩔᩴ ᩏᨸᨣᨲᩣ ᨿᨳᨿᩥᨾᩮ ᨽᩥᨠ᩠ᨡᩪ ᩈᩦᩃᩅᨶ᩠ᨲᩮᩣ ᨠᩃ᩠ᨿᩣᨱᨵᨾ᩠ᨾᩣ’’ᨲᩥ, ᨲᩮ ᨶ ᨲᩣᨴᩥᩈᩣᨶᩥ ᨽᩮᩣᨩᨶᩣᨶᩥ ᩋᨲ᩠ᨲᨶᩣ ᨸᩁᩥᨽᩩᨬ᩠ᨩᨶ᩠ᨲᩥ ᨾᩣᨲᩣᨸᩥᨲᩪᨶᩴ ᨴᩮᨶ᩠ᨲᩥ ᨸᩩᨲ᩠ᨲᨴᩣᩁᩔ ᨴᩮᨶ᩠ᨲᩥ ᨴᩣᩈᨠᨾ᩠ᨾᨠᩁᨸᩮᩣᩁᩥᩈᩔ ᨴᩮᨶ᩠ᨲᩥ ᨾᩥᨲ᩠ᨲᩣᨾᨧ᩠ᨧᩣᨶᩴ ᨴᩮᨶ᩠ᨲᩥ ᨬᩣᨲᩥᩈᩣᩃᩮᩣᩉᩥᨲᩣᨶᩴ ᨴᩮᨶ᩠ᨲᩥ, ᨿᩣᨴᩥᩈᩣᨶᩥ ᨽᩥᨠ᩠ᨡᩪᨶᩴ ¶ ᨴᩮᨶ᩠ᨲᩥ. ᨲᩮ ᨶ ᨲᩣᨴᩥᩈᩣᨶᩥ ᨡᩣᨴᨶᩦᨿᩣᨶᩥ ᩈᩣᨿᨶᩦᨿᩣᨶᩥ ᨸᩣᨶᩣᨶᩥ ᩋᨲ᩠ᨲᨶᩣ ᨡᩣᨴᨶ᩠ᨲᩥ ᩈᩣᨿᨶ᩠ᨲᩥ ᨸᩥᩅᨶ᩠ᨲᩥ ᨾᩣᨲᩣᨸᩥᨲᩪᨶᩴ ᨴᩮᨶ᩠ᨲᩥ ᨸᩩᨲ᩠ᨲᨴᩣᩁᩔ ᨴᩮᨶ᩠ᨲᩥ ᨴᩣᩈᨠᨾ᩠ᨾᨠᩁᨸᩮᩣᩁᩥᩈᩔ ᨴᩮᨶ᩠ᨲᩥ ᨾᩥᨲ᩠ᨲᩣᨾᨧ᩠ᨧᩣᨶᩴ ᨴᩮᨶ᩠ᨲᩥ ᨬᩣᨲᩥᩈᩣᩃᩮᩣᩉᩥᨲᩣᨶᩴ ᨴᩮᨶ᩠ᨲᩥ, ᨿᩣᨴᩥᩈᩣᨶᩥ ᨽᩥᨠ᩠ᨡᩪᨶᩴ ᨴᩮᨶ᩠ᨲᩥ. ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᩅᨱ᩠ᨱᩅᩣ ᩋᩉᩮᩈᩩᩴ ᨸᩦᨱᩥᨶ᩠ᨴᩕᩥᨿᩣ ᨸᩈᨶ᩠ᨶᨾᩩᨡᩅᨱ᩠ᨱᩣ ᩅᩥᨸ᩠ᨸᩈᨶ᩠ᨶᨨᩅᩥᩅᨱ᩠ᨱᩣ.

ᩌᨧᩥᨱ᩠ᨱᩴ ᨡᩮᩣ ᨸᨶᩮᨲᩴ ᩅᩔᩴᩅᩩᨭ᩠ᨮᩣᨶᩴ ᨽᩥᨠ᩠ᨡᩪᨶᩴ ᨽᨣᩅᨶ᩠ᨲᩴ ᨴᩔᨶᩣᨿ ᩏᨸᩈᨦ᩠ᨠᨾᩥᨲᩩᩴ. ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᩅᩔᩴᩅᩩᨭ᩠ᨮᩣ ᨲᩮᨾᩣᩈᨧ᩠ᨧᨿᩮᨶ ᩈᩮᨶᩣᩈᨶᩴ ᩈᩴᩈᩣᨾᩮᨲ᩠ᩅᩣ ᨸᨲ᩠ᨲᨧᩦᩅᩁᩴ ᩌᨴᩣᨿ ᨿᩮᨶ ᩅᩮᩈᩣᩃᩦ ᨲᩮᨶ ᨸᨠ᩠ᨠᨾᩥᩴᩈᩩ. ᩋᨶᩩᨸᩩᨻ᩠ᨻᩮᨶ ᨿᩮᨶ ᩅᩮᩈᩣᩃᩦ ᨾᩉᩣᩅᨶᩴ ᨠᩪᨭᩣᨣᩣᩁᩈᩣᩃᩣ ᨿᩮᨶ ᨽᨣᩅᩣ ᨲᩮᨶᩩᨸᩈᨦ᩠ᨠᨾᩥᩴᩈᩩ; ᩏᨸᩈᨦ᩠ᨠᨾᩥᨲ᩠ᩅᩣ ᨽᨣᩅᨶ᩠ᨲᩴ ᩋᨽᩥᩅᩣᨴᩮᨲ᩠ᩅᩣ ᩑᨠᨾᨶ᩠ᨲᩴ ᨶᩥᩈᩦᨴᩥᩴᩈᩩ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᨴᩥᩈᩣᩈᩩ ᩅᩔᩴᩅᩩᨭ᩠ᨮᩣ ᨽᩥᨠ᩠ᨡᩪ ᨠᩥᩈᩣ ᩉᩮᩣᨶ᩠ᨲᩥ ᩃᩪᨡᩣ ᨴᩩᨻ᩠ᨻᨱ᩠ᨱᩣ ᩏᨸ᩠ᨸᨱ᩠ᨯᩩᨸ᩠ᨸᨱ᩠ᨯᩩᨠᨩᩣᨲᩣ ᨵᨾᨶᩥᩈᨶ᩠ᨳᨲᨣᨲ᩠ᨲᩣ; ᩅᨣ᩠ᨣᩩᨾᩩᨴᩣᨲᩦᩁᩥᨿᩣ ᨸᨶ ᨽᩥᨠ᩠ᨡᩪ ᩅᨱ᩠ᨱᩅᩣ ᩉᩮᩣᨶ᩠ᨲᩥ ᨸᩦᨱᩥᨶ᩠ᨴᩕᩥᨿᩣ ᨸᩈᨶ᩠ᨶᨾᩩᨡᩅᨱ᩠ᨱᩣ ¶ ᩅᩥᨸ᩠ᨸᩈᨶ᩠ᨶᨨᩅᩥᩅᨱ᩠ᨱᩣ. ᩌᨧᩥᨱ᩠ᨱᩴ ᨡᩮᩣ ᨸᨶᩮᨲᩴ ᨻᩩᨴ᩠ᨵᩣᨶᩴ ᨽᨣᩅᨶ᩠ᨲᩣᨶᩴ ᩌᨣᨶ᩠ᨲᩩᨠᩮᩉᩥ ᨽᩥᨠ᩠ᨡᩪᩉᩥ ᩈᨴ᩠ᨵᩥᩴ ᨸᨭᩥᩈᨾ᩠ᨾᩮᩣᨴᩥᨲᩩᩴ. ᩋᨳ ᨡᩮᩣ ᨽᨣᩅᩣ ᩅᨣ᩠ᨣᩩᨾᩩᨴᩣᨲᩦᩁᩥᨿᩮ ᨽᩥᨠ᩠ᨡᩪ ᩑᨲᨴᩅᩮᩣᨧ – ‘‘ᨠᨧ᩠ᨧᩥ, ᨽᩥᨠ᩠ᨡᩅᩮ, ᨡᨾᨶᩦᨿᩴ ᨠᨧ᩠ᨧᩥ ᨿᩣᨸᨶᩦᨿᩴ ᨠᨧ᩠ᨧᩥ ᩈᨾᨣ᩠ᨣᩣ ᩈᨾ᩠ᨾᩮᩣᨴᨾᩣᨶᩣ ᩋᩅᩥᩅᨴᨾᩣᨶᩣ ᨹᩣᩈᩩᨠᩴ ᩅᩔᩴ ᩅᩈᩥᨲ᩠ᨳ ᨶ ᨧ ᨸᩥᨱ᩠ᨯᨠᩮᨶ ᨠᩥᩃᨾᩥᨲ᩠ᨳᩣ’’ᨲᩥ? ‘‘ᨡᨾᨶᩦᨿᩴ, ᨽᨣᩅᩣ, ᨿᩣᨸᨶᩦᨿᩴ, ᨽᨣᩅᩣ. ᩈᨾᨣ᩠ᨣᩣ ᨧ ᨾᨿᩴ, ᨽᨶ᩠ᨲᩮ, ᩈᨾ᩠ᨾᩮᩣᨴᨾᩣᨶᩣ ᩋᩅᩥᩅᨴᨾᩣᨶᩣ ᨹᩣᩈᩩᨠᩴ ᩅᩔᩴ ᩅᩈᩥᨾ᩠ᩉᩣ, ᨶ ᨧ ᨸᩥᨱ᩠ᨯᨠᩮᨶ ᨠᩥᩃᨾᩥᨾ᩠ᩉᩣ’’ᨲᩥ. ᨩᩣᨶᨶ᩠ᨲᩣᨸᩥ ᨲᨳᩣᨣᨲᩣ ᨸᩩᨧ᩠ᨨᨶ᩠ᨲᩥ, ᨩᩣᨶᨶ᩠ᨲᩣᨸᩥ ¶ ᨶ ᨸᩩᨧ᩠ᨨᨶ᩠ᨲᩥ…ᨸᩮ… ᨴ᩠ᩅᩦᩉᩣᨠᩣᩁᩮᩉᩥ ᨻᩩᨴ᩠ᨵᩣ ᨽᨣᩅᨶ᩠ᨲᩮᩣ ᨽᩥᨠ᩠ᨡᩪ ᨸᨭᩥᨸᩩᨧ᩠ᨨᨶ᩠ᨲᩥ – ᨵᨾ᩠ᨾᩴ ᩅᩣ ᨴᩮᩈᩮᩔᩣᨾ, ᩈᩣᩅᨠᩣᨶᩴ ᩅᩣ ᩈᩥᨠ᩠ᨡᩣᨸᨴᩴ ᨸᨬ᩠ᨬᩣᨸᩮᩔᩣᨾᩣᨲᩥ. ᩋᨳ ᨡᩮᩣ ᨽᨣᩅᩣ ᩅᨣ᩠ᨣᩩᨾᩩᨴᩣᨲᩦᩁᩥᨿᩮ ᨽᩥᨠ᩠ᨡᩪ ᩑᨲᨴᩅᩮᩣᨧ – ‘‘ᨿᨳᩣ ᨠᨳᩴ ᨸᨶ ᨲᩩᨾ᩠ᩉᩮ, ᨽᩥᨠ᩠ᨡᩅᩮ, ᩈᨾᨣ᩠ᨣᩣ ᩈᨾ᩠ᨾᩮᩣᨴᨾᩣᨶᩣ ᩋᩅᩥᩅᨴᨾᩣᨶᩣ ᨹᩣᩈᩩᨠᩴ ᩅᩔᩴ ᩅᩈᩥᨲ᩠ᨳ ᨶ ᨧ ᨸᩥᨱ᩠ᨯᨠᩮᨶ ᨠᩥᩃᨾᩥᨲ᩠ᨳᩣ’’ᨲᩥ? ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ ¶ – ‘‘ᨠᨧ᩠ᨧᩥ ᨸᨶ ᩅᩮᩣ, ᨽᩥᨠ᩠ᨡᩅᩮ, ᨽᩪᨲ’’ᨶ᩠ᨲᩥ? ‘‘ᩋᨽᩪᨲᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ – ‘‘ᩋᨶᨶᩩᨧ᩠ᨨᩅᩥᨠᩴ, ᨾᩮᩣᨥᨸᩩᩁᩥᩈᩣ, ᩋᨶᨶᩩᩃᩮᩣᨾᩥᨠᩴ ᩋᨸ᩠ᨸᨲᩥᩁᩪᨸᩴ ᩋᩔᩣᨾᨱᨠᩴ ᩋᨠᨸ᩠ᨸᩥᨿᩴ ᩋᨠᩁᨱᩦᨿᩴ. ᨠᨳᨬ᩠ᩉᩥ ᨶᩣᨾ ᨲᩩᨾ᩠ᩉᩮ, ᨾᩮᩣᨥᨸᩩᩁᩥᩈᩣ, ᩏᨴᩁᩔ ᨠᩣᩁᨱᩣ ᨣᩥᩉᩦᨶᩴ ᩋᨬ᩠ᨬᨾᨬ᩠ᨬᩔ ᩏᨲ᩠ᨲᩁᩥᨾᨶᩩᩔᨵᨾ᩠ᨾᩔ ᩅᨱ᩠ᨱᩴ ᨽᩣᩈᩥᩔᨳ! ᩅᩁᩴ ᨲᩩᨾ᩠ᩉᩮᩉᩥ, ᨾᩮᩣᨥᨸᩩᩁᩥᩈᩣ, ᨲᩥᨱ᩠ᩉᩮᨶ ᨣᩮᩣᩅᩥᨠᨶ᩠ᨲᨶᩮᨶ ¶ [ᨣᩮᩣᩅᩥᨠᨲ᩠ᨲᨶᩮᨶ (ᩈᩦ. ᨠ.)] ᨠᩩᨧ᩠ᨨᩥᩴ ᨸᩁᩥᨠᨶ᩠ᨲᩮᩣ, ᨶ ᨲ᩠ᩅᩮᩅ ᩏᨴᩁᩔ ᨠᩣᩁᨱᩣ ᨣᩥᩉᩦᨶᩴ ᩋᨬ᩠ᨬᨾᨬ᩠ᨬᩔ ᩏᨲ᩠ᨲᩁᩥᨾᨶᩩᩔᨵᨾ᩠ᨾᩔ ᩅᨱ᩠ᨱᩮᩣ ᨽᩣᩈᩥᨲᩮᩣ! ᨲᩴ ᨠᩥᩔ ᩉᩮᨲᩩ? ᨲᨲᩮᩣ ᨶᩥᨴᩣᨶᨬ᩠ᩉᩥ, ᨾᩮᩣᨥᨸᩩᩁᩥᩈᩣ, ᨾᩁᨱᩴ ᩅᩣ ᨶᩥᨣᨧ᩠ᨨᩮᨿ᩠ᨿ ᨾᩁᨱᨾᨲ᩠ᨲᩴ ᩅᩣ ᨴᩩᨠ᩠ᨡᩴ, ᨶ ᨲ᩠ᩅᩮᩅ ᨲᨸ᩠ᨸᨧ᩠ᨧᨿᩣ ᨠᩣᨿᩔ ᨽᩮᨴᩣ ᨸᩁᩴ ᨾᩁᨱᩣ ᩋᨸᩣᨿᩴ ᨴᩩᨣ᩠ᨣᨲᩥᩴ ᩅᩥᨶᩥᨸᩣᨲᩴ ᨶᩥᩁᨿᩴ ᩏᨸᨸᨩ᩠ᨩᩮᨿ. ᩍᨲᩮᩣ ᨶᩥᨴᩣᨶᨬ᩠ᨧ ᨡᩮᩣ, ᨾᩮᩣᨥᨸᩩᩁᩥᩈᩣ, ᨠᩣᨿᩔ ᨽᩮᨴᩣ ᨸᩁᩴ ᨾᩁᨱᩣ ᩋᨸᩣᨿᩴ ᨴᩩᨣ᩠ᨣᨲᩥᩴ ᩅᩥᨶᩥᨸᩣᨲᩴ ᨶᩥᩁᨿᩴ ᩏᨸᨸᨩ᩠ᨩᩮᨿ᩠ᨿ. ᨶᩮᨲᩴ, ᨾᩮᩣᨥᨸᩩᩁᩥᩈᩣ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ’’…ᨸᩮ… ᩅᩥᨣᩁᩉᩥᨲ᩠ᩅᩣ ᨵᨾ᩠ᨾᩥᩴ ᨠᨳᩴ ᨠᨲ᩠ᩅᩣ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ –

᪑᪙᪕. ‘‘ᨸᨬ᩠ᨧᩥᨾᩮ, ᨽᩥᨠ᩠ᨡᩅᩮ, ᨾᩉᩣᨧᩮᩣᩁᩣ ᩈᨶ᩠ᨲᩮᩣ ᩈᩴᩅᩥᨩ᩠ᨩᨾᩣᨶᩣ ᩃᩮᩣᨠᩈ᩠ᨾᩥᩴ. ᨠᨲᨾᩮ ᨸᨬ᩠ᨧ? ᩍᨵ, ᨽᩥᨠ᩠ᨡᩅᩮ, ᩑᨠᨧ᩠ᨧᩔ ᨾᩉᩣᨧᩮᩣᩁᩔ ᩑᩅᩴ ᩉᩮᩣᨲᩥ – ‘ᨠᩩᨴᩣᩔᩩ ᨶᩣᨾᩣᩉᩴ ᩈᨲᩮᨶ ᩅᩣ ᩈᩉᩔᩮᨶ ᩅᩣ ᨸᩁᩥᩅᩩᨲᩮᩣ ᨣᩣᨾᨶᩥᨣᨾᩁᩣᨩᨵᩣᨶᩦᩈᩩ ¶ ᩌᩉᩥᨱ᩠ᨯᩥᩔᩣᨾᩥ ᩉᨶᨶ᩠ᨲᩮᩣ ᨥᩣᨲᩮᨶ᩠ᨲᩮᩣ ᨨᩥᨶ᩠ᨴᨶ᩠ᨲᩮᩣ ᨨᩮᨴᩣᨸᩮᨶ᩠ᨲᩮᩣ ᨸᨧᨶ᩠ᨲᩮᩣ ᨸᩣᨧᩮᨶ᩠ᨲᩮᩣ’ᨲᩥ! ᩈᩮᩣ ᩋᨸᩁᩮᨶ ᩈᨾᨿᩮᨶ ᩈᨲᩮᨶ ᩅᩣ ᩈᩉᩔᩮᨶ ᩅᩣ ᨸᩁᩥᩅᩩᨲᩮᩣ ᨣᩣᨾᨶᩥᨣᨾᩁᩣᨩᨵᩣᨶᩦᩈᩩ ᩌᩉᩥᨱ᩠ᨯᨲᩥ ᩉᨶᨶ᩠ᨲᩮᩣ ᨥᩣᨲᩮᨶ᩠ᨲᩮᩣ ᨨᩥᨶ᩠ᨴᨶ᩠ᨲᩮᩣ ᨨᩮᨴᩣᨸᩮᨶ᩠ᨲᩮᩣ ᨸᨧᨶ᩠ᨲᩮᩣ ᨸᩣᨧᩮᨶ᩠ᨲᩮᩣ. ᩑᩅᨾᩮᩅ ᨡᩮᩣ, ᨽᩥᨠ᩠ᨡᩅᩮ, ᩍᨵᩮᨠᨧ᩠ᨧᩔ ᨸᩣᨸᨽᩥᨠ᩠ᨡᩩᨶᩮᩣ ᩑᩅᩴ ᩉᩮᩣᨲᩥ – ‘ᨠᩩᨴᩣᩔᩩ ᨶᩣᨾᩣᩉᩴ ᩈᨲᩮᨶ ᩅᩣ ᩈᩉᩔᩮᨶ ᩅᩣ ᨸᩁᩥᩅᩩᨲᩮᩣ ᨣᩣᨾᨶᩥᨣᨾᩁᩣᨩᨵᩣᨶᩦᩈᩩ ᨧᩣᩁᩥᨠᩴ ᨧᩁᩥᩔᩣᨾᩥ ᩈᨠ᩠ᨠᨲᩮᩣ ᨣᩁᩩᨠᨲᩮᩣ ᨾᩣᨶᩥᨲᩮᩣ ᨸᩪᨩᩥᨲᩮᩣ ᩋᨸᨧᩥᨲᩮᩣ ᨣᩉᨭ᩠ᨮᩣᨶᨬ᩠ᨧᩮᩅ ᨸᨻ᩠ᨻᨩᩥᨲᩣᨶᨬ᩠ᨧ, ᩃᩣᨽᩦ ᨧᩦᩅᩁᨸᩥᨱ᩠ᨯᨸᩣᨲᩈᩮᨶᩣᩈᨶᨣᩥᩃᩣᨶᨸ᩠ᨸᨧ᩠ᨧᨿᨽᩮᩈᨩ᩠ᨩᨸᩁᩥᨠ᩠ᨡᩣᩁᩣᨶ’ᨶ᩠ᨲᩥ ¶ ! ᩈᩮᩣ ᩋᨸᩁᩮᨶ ᩈᨾᨿᩮᨶ ᩈᨲᩮᨶ ᩅᩣ ᩈᩉᩔᩮᨶ ᩅᩣ ᨸᩁᩥᩅᩩᨲᩮᩣ ᨣᩣᨾᨶᩥᨣᨾᩁᩣᨩᨵᩣᨶᩦᩈᩩ ᨧᩣᩁᩥᨠᩴ ᨧᩁᨲᩥ ᩈᨠ᩠ᨠᨲᩮᩣ ᨣᩁᩩᨠᨲᩮᩣ ᨾᩣᨶᩥᨲᩮᩣ ᨸᩪᨩᩥᨲᩮᩣ ᩋᨸᨧᩥᨲᩮᩣ ¶ ᨣᩉᨭ᩠ᨮᩣᨶᨬ᩠ᨧᩮᩅ ᨸᨻ᩠ᨻᨩᩥᨲᩣᨶᨬ᩠ᨧ, ᩃᩣᨽᩦ ᨧᩦᩅᩁᨸᩥᨱ᩠ᨯᨸᩣᨲᩈᩮᨶᩣᩈᨶᨣᩥᩃᩣᨶᨸ᩠ᨸᨧ᩠ᨧᨿᨽᩮᩈᨩ᩠ᨩᨸᩁᩥᨠ᩠ᨡᩣᩁᩣᨶᩴ. ᩋᨿᩴ, ᨽᩥᨠ᩠ᨡᩅᩮ, ᨸᨮᨾᩮᩣ ᨾᩉᩣᨧᩮᩣᩁᩮᩣ ᩈᨶ᩠ᨲᩮᩣ ᩈᩴᩅᩥᨩ᩠ᨩᨾᩣᨶᩮᩣ ᩃᩮᩣᨠᩈ᩠ᨾᩥᩴ.

‘‘ᨸᩩᨶ ᨧᨸᩁᩴ, ᨽᩥᨠ᩠ᨡᩅᩮ, ᩍᨵᩮᨠᨧ᩠ᨧᩮᩣ ᨸᩣᨸᨽᩥᨠ᩠ᨡᩩ ᨲᨳᩣᨣᨲᨸ᩠ᨸᩅᩮᨴᩥᨲᩴ ᨵᨾ᩠ᨾᩅᩥᨶᨿᩴ ᨸᩁᩥᨿᩣᨸᩩᨱᩥᨲ᩠ᩅᩣ ᩋᨲ᩠ᨲᨶᩮᩣ ᨴᩉᨲᩥ. ᩋᨿᩴ, ᨽᩥᨠ᩠ᨡᩅᩮ, ᨴᩩᨲᩥᨿᩮᩣ ᨾᩉᩣᨧᩮᩣᩁᩮᩣ ᩈᨶ᩠ᨲᩮᩣ ᩈᩴᩅᩥᨩ᩠ᨩᨾᩣᨶᩮᩣ ᩃᩮᩣᨠᩈ᩠ᨾᩥᩴ.

‘‘ᨸᩩᨶ ᨧᨸᩁᩴ, ᨽᩥᨠ᩠ᨡᩅᩮ, ᩍᨵᩮᨠᨧ᩠ᨧᩮᩣ ᨸᩣᨸᨽᩥᨠ᩠ᨡᩩ ᩈᩩᨴ᩠ᨵᩴ ᨻᩕᩉ᩠ᨾᨧᩣᩁᩥᩴ ᨸᩁᩥᩈᩩᨴ᩠ᨵᩴ ᨻᩕᩉ᩠ᨾᨧᩁᩥᨿᩴ ᨧᩁᨶ᩠ᨲᩴ ¶ ᩋᨾᩪᩃᨠᩮᨶ ᩋᨻᩕᩉ᩠ᨾᨧᩁᩥᨿᩮᨶ ᩋᨶᩩᨴ᩠ᨵᩴᩈᩮᨲᩥ. ᩋᨿᩴ, ᨽᩥᨠ᩠ᨡᩅᩮ, ᨲᨲᩥᨿᩮᩣ ᨾᩉᩣᨧᩮᩣᩁᩮᩣ ᩈᨶ᩠ᨲᩮᩣ ᩈᩴᩅᩥᨩ᩠ᨩᨾᩣᨶᩮᩣ ᩃᩮᩣᨠᩈ᩠ᨾᩥᩴ.

‘‘ᨸᩩᨶ ᨧᨸᩁᩴ, ᨽᩥᨠ᩠ᨡᩅᩮ, ᩍᨵᩮᨠᨧ᩠ᨧᩮᩣ ᨸᩣᨸᨽᩥᨠ᩠ᨡᩩ ᨿᩣᨶᩥ ᨲᩣᨶᩥ ᩈᨦ᩠ᨥᩔ ᨣᩁᩩᨽᨱ᩠ᨯᩣᨶᩥ ᨣᩁᩩᨸᩁᩥᨠ᩠ᨡᩣᩁᩣᨶᩥ, ᩈᩮᨿ᩠ᨿᨳᩥᨴᩴ – ᩌᩁᩣᨾᩮᩣ ᩌᩁᩣᨾᩅᨲ᩠ᨳᩩ ᩅᩥᩉᩣᩁᩮᩣ ᩅᩥᩉᩣᩁᩅᨲ᩠ᨳᩩ ᨾᨬ᩠ᨧᩮᩣ ᨸᩦᨮᩴ ᨽᩥᩈᩥ ᨻᩥᨾ᩠ᨻᩮᩣᩉᨶᩴ [ᨻᩥᨾ᩠ᨻᩮᩣᩉᨶᩴ (ᩈᩦ. ᩈ᩠ᨿᩣ.)] ᩃᩮᩣᩉᨠᩩᨾ᩠ᨽᩦ ᩃᩮᩣᩉᨽᩣᨱᨠᩴ ᩃᩮᩣᩉᩅᩣᩁᨠᩮᩣ ᩃᩮᩣᩉᨠᨭᩣᩉᩴ ᩅᩣᩈᩦ ᨸᩁᩈᩩ [ᨹᩁᩈᩩ (ᩈᩦ. ᩈ᩠ᨿᩣ.)] ᨠᩩᨮᩣᩁᩦ ᨠᩩᨴᩣᩃᩮᩣ ᨶᩥᨡᩣᨴᨶᩴ ᩅᩃ᩠ᩃᩥ ᩅᩮᩊᩩ ᨾᩩᨬ᩠ᨩᩴ ᨸᨻ᩠ᨻᨩᩴ ᨲᩥᨱᩴ ᨾᨲ᩠ᨲᩥᨠᩣ ᨴᩣᩁᩩᨽᨱ᩠ᨯᩴ ᨾᨲ᩠ᨲᩥᨠᩣᨽᨱ᩠ᨯᩴ, ᨲᩮᩉᩥ ᨣᩥᩉᩦᩴ ᩈᨦ᩠ᨣᨱ᩠ᩉᩣᨲᩥ ᩏᨸᩃᩣᨸᩮᨲᩥ. ᩋᨿᩴ, ᨽᩥᨠ᩠ᨡᩅᩮ, ᨧᨲᩩᨲ᩠ᨳᩮᩣ ᨾᩉᩣᨧᩮᩣᩁᩮᩣ ᩈᨶ᩠ᨲᩮᩣ ᩈᩴᩅᩥᨩ᩠ᨩᨾᩣᨶᩮᩣ ᩃᩮᩣᨠᩈ᩠ᨾᩥᩴ.

‘‘ᩈᨴᩮᩅᨠᩮ, ᨽᩥᨠ᩠ᨡᩅᩮ, ᩃᩮᩣᨠᩮ ᩈᨾᩣᩁᨠᩮ ᩈᨻᩕᩉ᩠ᨾᨠᩮ ᩈᩔᨾᨱᨻᩕᩣᩉ᩠ᨾᨱᩥᨿᩣ ᨸᨩᩣᨿ ᩈᨴᩮᩅᨾᨶᩩᩔᩣᨿ ᩋᨿᩴ ᩋᨣ᩠ᨣᩮᩣ ᨾᩉᩣᨧᩮᩣᩁᩮᩣ ᨿᩮᩣ ᩋᩈᨶ᩠ᨲᩴ ᩋᨽᩪᨲᩴ ᩏᨲ᩠ᨲᩁᩥᨾᨶᩩᩔᨵᨾ᩠ᨾᩴ ¶ ᩏᩃ᩠ᩃᨸᨲᩥ. ᨲᩴ ᨠᩥᩔ ᩉᩮᨲᩩ? ᨳᩮᨿ᩠ᨿᩣᨿ ᩅᩮᩣ, ᨽᩥᨠ᩠ᨡᩅᩮ, ᩁᨭ᩠ᨮᨸᩥᨱ᩠ᨯᩮᩣ ᨽᩩᨲ᩠ᨲᩮᩣ’’ᨲᩥ.

[ᩈᩴ. ᨶᩥ. ᪑.᪓᪕] ᩋᨬ᩠ᨬᨳᩣ ¶ ᩈᨶ᩠ᨲᨾᨲ᩠ᨲᩣᨶᩴ, ᩋᨬ᩠ᨬᨳᩣ ᨿᩮᩣ ᨸᩅᩮᨴᨿᩮ;

ᨶᩥᨠᨧ᩠ᨧ ᨠᩥᨲᩅᩔᩮᩅ, ᨽᩩᨲ᩠ᨲᩴ ᨳᩮᨿ᩠ᨿᩮᨶ ᨲᩔ ᨲᩴ.

[ᨵ. ᨸ. ᪓᪐᪗ ᨵᨾ᩠ᨾᨸᨴᩮᨸᩥ] ᨠᩣᩈᩣᩅᨠᨱ᩠ᨮᩣ ᨻᩉᩅᩮᩣ, ᨸᩣᨸᨵᨾ᩠ᨾᩣ ᩋᩈᨬ᩠ᨬᨲᩣ;

ᨸᩣᨸᩣ ᨸᩣᨸᩮᩉᩥ ᨠᨾ᩠ᨾᩮᩉᩥ, ᨶᩥᩁᨿᩴ ᨲᩮ ᩏᨸᨸᨩ᩠ᨩᩁᩮ.

[ᨵ. ᨸ. ᪓᪐᪗ ᨵᨾ᩠ᨾᨸᨴᩮᨸᩥ] ᩈᩮᨿ᩠ᨿᩮᩣ ᩋᨿᩮᩣᨣᩩᩊᩮᩣ ᨽᩩᨲ᩠ᨲᩮᩣ, ᨲᨲ᩠ᨲᩮᩣ ᩋᨣ᩠ᨣᩥᩈᩥᨡᩪᨸᨾᩮᩣ;

ᨿᨬ᩠ᨧᩮ ᨽᩩᨬ᩠ᨩᩮᨿ᩠ᨿ ᨴᩩᩔᩦᩃᩮᩣ, ᩁᨭ᩠ᨮᨸᩥᨱ᩠ᨯᩴ ᩋᩈᨬ᩠ᨬᨲᩮᩣᨲᩥ.

ᩋᨳ ᨡᩮᩣ ᨽᨣᩅᩣ ᨲᩮ ᩅᨣ᩠ᨣᩩᨾᩩᨴᩣᨲᩦᩁᩥᨿᩮ ᨽᩥᨠ᩠ᨡᩪ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨴᩩᨻ᩠ᨽᩁᨲᩣᨿ ᨴᩩᨸ᩠ᨸᩮᩣᩈᨲᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

‘‘ᨿᩮᩣ ᨸᨶ ᨽᩥᨠ᩠ᨡᩩ ᩋᨶᨽᩥᨩᩣᨶᩴ ᩏᨲ᩠ᨲᩁᩥᨾᨶᩩᩔᨵᨾ᩠ᨾᩴ ᩋᨲ᩠ᨲᩩᨸᨶᩣᨿᩥᨠᩴ ᩋᩃᨾᩁᩥᨿᨬᩣᨱᨴᩔᨶᩴ ᩈᨾᩩᨴᩣᨧᩁᩮᨿ᩠ᨿ – ‘ᩍᨲᩥ ᨩᩣᨶᩣᨾᩥ ᩍᨲᩥ ᨸᩔᩣᨾᩦ’ᨲᩥ, ᨲᨲᩮᩣ ᩋᨸᩁᩮᨶ ᩈᨾᨿᩮᨶ ᩈᨾᨶᩩᨣ᩠ᨣᩣᩉᩦᨿᨾᩣᨶᩮᩣ ᩅᩣ ᩋᩈᨾᨶᩩᨣ᩠ᨣᩣᩉᩦᨿᨾᩣᨶᩮᩣ ᩅᩣ ᩌᨸᨶ᩠ᨶᩮᩣ ᩅᩥᩈᩩᨴ᩠ᨵᩣᨸᩮᨠ᩠ᨡᩮᩣ ᩑᩅᩴ ᩅᨴᩮᨿ᩠ᨿ – ‘ᩋᨩᩣᨶᨾᩮᩅᩴ, ᩌᩅᩩᩈᩮᩣ, ᩋᩅᨧᩴ ᨩᩣᨶᩣᨾᩥ ¶ ¶ , ᩋᨸᩔᩴ ᨸᩔᩣᨾᩥ. ᨲᩩᨧ᩠ᨨᩴ ᨾᩩᩈᩣ ᩅᩥᩃᨸᩥ’ᨶ᩠ᨲᩥ, ᩋᨿᨾ᩠ᨸᩥ ᨸᩣᩁᩣᨩᩥᨠᩮᩣ ᩉᩮᩣᨲᩥ ᩋᩈᩴᩅᩣᩈᩮᩣ’’ᨲᩥ.

ᩑᩅᨬ᩠ᨧᩥᨴᩴ ᨽᨣᩅᨲᩣ ᨽᩥᨠ᩠ᨡᩪᨶᩴ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ ᩉᩮᩣᨲᩥ.

᪑᪙᪖. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩈᨾ᩠ᨻᩉᩩᩃᩣ ᨽᩥᨠ᩠ᨡᩪ ᩋᨴᩥᨭ᩠ᨮᩮ ᨴᩥᨭ᩠ᨮᩈᨬ᩠ᨬᩥᨶᩮᩣ ᩋᨸᨲ᩠ᨲᩮ ᨸᨲ᩠ᨲᩈᨬ᩠ᨬᩥᨶᩮᩣ ᩋᨶᨵᩥᨣᨲᩮ ᩋᨵᩥᨣᨲᩈᨬ᩠ᨬᩥᨶᩮᩣ ᩋᩈᨧ᩠ᨨᩥᨠᨲᩮ ᩈᨧ᩠ᨨᩥᨠᨲᩈᨬ᩠ᨬᩥᨶᩮᩣ ¶ ᩋᨵᩥᨾᩣᨶᩮᨶ ᩋᨬ᩠ᨬᩴ ᨻ᩠ᨿᩣᨠᩁᩥᩴᩈᩩ. ᨲᩮᩈᩴ ᩋᨸᩁᩮᨶ ᩈᨾᨿᩮᨶ ᩁᩣᨣᩣᨿᨸᩥ ᨧᩥᨲ᩠ᨲᩴ ᨶᨾᨲᩥ ᨴᩮᩣᩈᩣᨿᨸᩥ ᨧᩥᨲ᩠ᨲᩴ ᨶᨾᨲᩥ ᨾᩮᩣᩉᩣᨿᨸᩥ ᨧᩥᨲ᩠ᨲᩴ ᨶᨾᨲᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ – ‘‘ᨽᨣᩅᨲᩣ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ. ᨾᨿᨬ᩠ᨧᨾ᩠ᩉ ᩋᨴᩥᨭ᩠ᨮᩮ ᨴᩥᨭ᩠ᨮᩈᨬ᩠ᨬᩥᨶᩮᩣ ᩋᨸᨲ᩠ᨲᩮ ᨸᨲ᩠ᨲᩈᨬ᩠ᨬᩥᨶᩮᩣ ᩋᨶᨵᩥᨣᨲᩮ ᩋᨵᩥᨣᨲᩈᨬ᩠ᨬᩥᨶᩮᩣ ᩋᩈᨧ᩠ᨨᩥᨠᨲᩮ ᩈᨧ᩠ᨨᩥᨠᨲᩈᨬ᩠ᨬᩥᨶᩮᩣ, ᩋᨵᩥᨾᩣᨶᩮᨶ ᩋᨬ᩠ᨬᩴ ᨻ᩠ᨿᩣᨠᩁᩥᨾ᩠ᩉᩣ. ᨠᨧ᩠ᨧᩥ ᨶᩩ ᨡᩮᩣ ᨾᨿᩴ ᨸᩣᩁᩣᨩᩥᨠᩴ ᩌᨸᨲ᩠ᨲᩥᩴ ᩌᨸᨶ᩠ᨶᩣ’’ᨲᩥ? ᨲᩮ ᩌᨿᩈ᩠ᨾᨲᩮᩣ ᩌᨶᨶ᩠ᨴᩔ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ᩌᨿᩈ᩠ᨾᩣ ᩌᨶᨶ᩠ᨴᩮᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ‘‘ᩉᩮᩣᨶ᩠ᨲᩥ ᨿᩮ ᨲᩮ, ᩌᨶᨶ᩠ᨴ [ᩉᩮᩣᨶ᩠ᨲᩥ ᨿᩮᩅᩣᨶᨶ᩠ᨴ (ᩈ᩠ᨿᩣ.), ᩉᩮᩣᨶ᩠ᨲᩥ ᨲᩮ ᩌᨶᨶ᩠ᨴ (ᩈᩦ.)], ᨽᩥᨠ᩠ᨡᩪ ᩋᨴᩥᨭ᩠ᨮᩮ ᨴᩥᨭ᩠ᨮᩈᨬ᩠ᨬᩥᨶᩮᩣ ᩋᨸᨲ᩠ᨲᩮ ᨸᨲ᩠ᨲᩈᨬ᩠ᨬᩥᨶᩮᩣ ᩋᨶᨵᩥᨣᨲᩮ ᩋᨵᩥᨣᨲᩈᨬ᩠ᨬᩥᨶᩮᩣ ᩋᩈᨧ᩠ᨨᩥᨠᨲᩮ ᩈᨧ᩠ᨨᩥᨠᨲᩈᨬ᩠ᨬᩥᨶᩮᩣ ᩋᨵᩥᨾᩣᨶᩮᨶ ᩋᨬ᩠ᨬᩴ ᨻ᩠ᨿᩣᨠᩁᩮᩣᨶ᩠ᨲᩥ. ᨲᨬ᩠ᨧ ᨡᩮᩣ ᩑᨲᩴ ᩋᨻ᩠ᨻᩮᩣᩉᩣᩁᩥᨠ’’ᨶ᩠ᨲᩥ.

‘‘ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪑᪙᪗. ‘‘ᨿᩮᩣ ¶ ᨸᨶ ᨽᩥᨠ᩠ᨡᩩ ᩋᨶᨽᩥᨩᩣᨶᩴ ᩏᨲ᩠ᨲᩁᩥᨾᨶᩩᩔᨵᨾ᩠ᨾᩴ ᩋᨲ᩠ᨲᩩᨸᨶᩣᨿᩥᨠᩴ ᩋᩃᨾᩁᩥᨿᨬᩣᨱᨴᩔᨶᩴ ᩈᨾᩩᨴᩣᨧᩁᩮᨿ᩠ᨿ – ‘ᩍᨲᩥ ᨩᩣᨶᩣᨾᩥ ᩍᨲᩥ ᨸᩔᩣᨾᩦ’ᨲᩥ, ᨲᨲᩮᩣ ᩋᨸᩁᩮᨶ ᩈᨾᨿᩮᨶ ᩈᨾᨶᩩᨣ᩠ᨣᩣᩉᩦᨿᨾᩣᨶᩮᩣ ᩅᩣ ᩋᩈᨾᨶᩩᨣ᩠ᨣᩣᩉᩦᨿᨾᩣᨶᩮᩣ ᩅᩣ ᩌᨸᨶ᩠ᨶᩮᩣ ᩅᩥᩈᩩᨴ᩠ᨵᩣᨸᩮᨠ᩠ᨡᩮᩣ ᩑᩅᩴ ᩅᨴᩮᨿ᩠ᨿ – ‘ᩋᨩᩣᨶᨾᩮᩅᩴ, ᩌᩅᩩᩈᩮᩣ, ᩋᩅᨧᩴ ᨩᩣᨶᩣᨾᩥ, ᩋᨸᩔᩴ ᨸᩔᩣᨾᩥ. ᨲᩩᨧ᩠ᨨᩴ ᨾᩩᩈᩣ ᩅᩥᩃᨸᩥ’ᨶ᩠ᨲᩥ, ᩋᨬ᩠ᨬᨲᩕ ᩋᨵᩥᨾᩣᨶᩣ, ᩋᨿᨾ᩠ᨸᩥ ᨸᩣᩁᩣᨩᩥᨠᩮᩣ ᩉᩮᩣᨲᩥ ᩋᩈᩴᩅᩣᩈᩮᩣ’’ᨲᩥ.

᪑᪙᪘. ᨿᩮᩣ ᨸᨶᩣᨲᩥ ¶ ᨿᩮᩣ ᨿᩣᨴᩥᩈᩮᩣ…ᨸᩮ… ᨽᩥᨠ᩠ᨡᩪᨲᩥ…ᨸᩮ… ᩋᨿᩴ ᩍᨾᩈ᩠ᨾᩥᩴ ᩋᨲ᩠ᨳᩮ ᩋᨵᩥᨸ᩠ᨸᩮᨲᩮᩣ ᨽᩥᨠ᩠ᨡᩪᨲᩥ.

ᩋᨶᨽᩥᨩᩣᨶᨶ᩠ᨲᩥ ᩋᩈᨶ᩠ᨲᩴ ᩋᨽᩪᨲᩴ ᩋᩈᩴᩅᩥᨩ᩠ᨩᨾᩣᨶᩴ ᩋᨩᩣᨶᨶ᩠ᨲᩮᩣ ᩋᨸᩔᨶ᩠ᨲᩮᩣ ᩋᨲ᩠ᨲᨶᩥ ᨠᩩᩈᩃᩴ ᨵᨾ᩠ᨾᩴ – ᩋᨲ᩠ᨳᩥ ᨾᩮ ᨠᩩᩈᩃᩮᩣ ᨵᨾ᩠ᨾᩮᩣᨲᩥ.

[ᨸᩣᨧᩥ. ᪗᪐] ᩏᨲ᩠ᨲᩁᩥᨾᨶᩩᩔᨵᨾ᩠ᨾᩮᩣ ¶ ᨶᩣᨾ ᨫᩣᨶᩴ ᩅᩥᨾᩮᩣᨠ᩠ᨡᩮᩣ [ᩅᩥᨾᩮᩣᨠ᩠ᨡᩴ (ᩈᩦ. ᩈ᩠ᨿᩣ.)] ᩈᨾᩣᨵᩥ ᩈᨾᩣᨸᨲ᩠ᨲᩥ ᨬᩣᨱᨴᩔᨶᩴ ᨾᨣ᩠ᨣᨽᩣᩅᨶᩣ ᨹᩃᩈᨧ᩠ᨨᩥᨠᩥᩁᩥᨿᩣ ᨠᩥᩃᩮᩈᨸ᩠ᨸᩉᩣᨶᩴ ᩅᩥᨶᩦᩅᩁᨱᨲᩣ ᨧᩥᨲ᩠ᨲᩔ ᩈᩩᨬ᩠ᨬᩣᨣᩣᩁᩮ ᩋᨽᩥᩁᨲᩥ.

ᩋᨲ᩠ᨲᩩᨸᨶᩣᨿᩥᨠᨶ᩠ᨲᩥ ᨲᩮ ᩅᩣ ᨠᩩᩈᩃᩮ ᨵᨾ᩠ᨾᩮ ᩋᨲ᩠ᨲᨶᩥ ᩏᨸᨶᩮᨲᩥ ᩋᨲ᩠ᨲᩣᨶᩴ ᩅᩣ ᨲᩮᩈᩩ ᨠᩩᩈᩃᩮᩈᩩ ᨵᨾ᩠ᨾᩮᩈᩩ ᩏᨸᨶᩮᨲᩥ.

ᨬᩣᨱᨶ᩠ᨲᩥ ᨲᩥᩔᩮᩣ ᩅᩥᨩ᩠ᨩᩣ. ᨴᩔᨶᨶ᩠ᨲᩥ ᨿᩴ ᨬᩣᨱᩴ ᨲᩴ ᨴᩔᨶᩴ. ᨿᩴ ᨴᩔᨶᩴ ᨲᩴ ᨬᩣᨱᩴ.

ᩈᨾᩩᨴᩣᨧᩁᩮᨿ᩠ᨿᩣᨲᩥ ¶ ᩌᩁᩮᩣᨧᩮᨿ᩠ᨿ ᩍᨲ᩠ᨳᩥᨿᩣ ᩅᩣ ᨸᩩᩁᩥᩈᩔ ᩅᩣ ᨣᩉᨭ᩠ᨮᩔ ᩅᩣ ᨸᨻ᩠ᨻᨩᩥᨲᩔ ᩅᩣ.

ᩍᨲᩥ ᨩᩣᨶᩣᨾᩥ ᩍᨲᩥ ᨸᩔᩣᨾᩦᨲᩥ ᨩᩣᨶᩣᨾᩉᩴ ᩑᨲᩮ ᨵᨾ᩠ᨾᩮ, ᨸᩔᩣᨾᩉᩴ ᩑᨲᩮ ᨵᨾ᩠ᨾᩮ ᩋᨲ᩠ᨳᩥ ᨧ ᩑᨲᩮ ᨵᨾ᩠ᨾᩣ ᨾᨿᩥ, ᩋᩉᨬ᩠ᨧ ᩑᨲᩮᩈᩩ ᨵᨾ᩠ᨾᩮᩈᩩ ᩈᨶ᩠ᨴᩥᩔᩣᨾᩦᨲᩥ.

ᨲᨲᩮᩣ ᩋᨸᩁᩮᨶ ᩈᨾᨿᩮᨶᩣᨲᩥ ᨿᩈ᩠ᨾᩥᩴ ᨡᨱᩮ ᩈᨾᩩᨴᩣᨧᩥᨱ᩠ᨱᩴ ᩉᩮᩣᨲᩥ ᨲᩴ ᨡᨱᩴ ᨲᩴ ᩃᨿᩴ ᨲᩴ ᨾᩩᩉᩩᨲ᩠ᨲᩴ ᩅᩦᨲᩥᩅᨲ᩠ᨲᩮ.

ᩈᨾᨶᩩᨣ᩠ᨣᩣᩉᩦᨿᨾᩣᨶᩮᩣᨲᩥ ᨿᩴ ᩅᨲ᩠ᨳᩩ ᨸᨭᩥᨬ᩠ᨬᩣᨲᩴ ᩉᩮᩣᨲᩥ ᨲᩈ᩠ᨾᩥᩴ ᩅᨲ᩠ᨳᩩᩈ᩠ᨾᩥᩴ ᩈᨾᨶᩩᨣ᩠ᨣᩣᩉᩦᨿᨾᩣᨶᩮᩣ – ‘‘ᨠᩥᨶ᩠ᨲᩮ ᩋᨵᩥᨣᨲᩴ, ᨠᩥᨶ᩠ᨲᩥ ᨲᩮ ᩋᨵᩥᨣᨲᩴ, ᨠᨴᩣ ᨲᩮ ᩋᨵᩥᨣᨲᩴ, ᨠᨲ᩠ᨳ ᨲᩮ ᩋᨵᩥᨣᨲᩴ, ᨠᨲᨾᩮ ᨲᩮ ᨠᩥᩃᩮᩈᩣ ᨸᩉᩦᨶᩣ, ᨠᨲᨾᩮᩈᩴ ᨲ᩠ᩅᩴ ᨵᨾ᩠ᨾᩣᨶᩴ ᩃᩣᨽᩦ’’ᨲᩥ.

ᩋᩈᨾᨶᩩᨣ᩠ᨣᩣᩉᩦᨿᨾᩣᨶᩮᩣᨲᩥ ¶ ᨶ ᨠᩮᨶᨧᩥ ᩅᩩᨧ᩠ᨧᨾᩣᨶᩮᩣ.

ᩌᨸᨶ᩠ᨶᩮᩣᨲᩥ ᨸᩣᨸᩥᨧ᩠ᨨᩮᩣ ᩍᨧ᩠ᨨᩣᨸᨠᨲᩮᩣ ¶ ᩋᩈᨶ᩠ᨲᩴ ᩋᨽᩪᨲᩴ ᩏᨲ᩠ᨲᩁᩥᨾᨶᩩᩔᨵᨾ᩠ᨾᩴ ᩏᩃ᩠ᩃᨸᩥᨲ᩠ᩅᩣ ᨸᩣᩁᩣᨩᩥᨠᩴ ᩌᨸᨲ᩠ᨲᩥᩴ ᩌᨸᨶ᩠ᨶᩮᩣ ᩉᩮᩣᨲᩥ.

ᩅᩥᩈᩩᨴ᩠ᨵᩣᨸᩮᨠ᩠ᨡᩮᩣᨲᩥ ᨣᩥᩉᩦ ᩅᩣ ᩉᩮᩣᨲᩩᨠᩣᨾᩮᩣ ᩏᨸᩣᩈᨠᩮᩣ ᩅᩣ ᩉᩮᩣᨲᩩᨠᩣᨾᩮᩣ ᩌᩁᩣᨾᩥᨠᩮᩣ ᩅᩣ ᩉᩮᩣᨲᩩᨠᩣᨾᩮᩣ ᩈᩣᨾᨱᩮᩁᩮᩣ ᩅᩣ ᩉᩮᩣᨲᩩᨠᩣᨾᩮᩣ.

ᩋᨩᩣᨶᨾᩮᩅᩴ ¶ , ᩌᩅᩩᩈᩮᩣ, ᩋᩅᨧᩴ – ᨩᩣᨶᩣᨾᩥ, ᩋᨸᩔᩴ ᨸᩔᩣᨾᩦᨲᩥ ᨶᩣᩉᩴ ᩑᨲᩮ ᨵᨾ᩠ᨾᩮ ᨩᩣᨶᩣᨾᩥ, ᨶᩣᩉᩴ ᩑᨲᩮ ᨵᨾ᩠ᨾᩮ ᨸᩔᩣᨾᩥ, ᨶᨲ᩠ᨳᩥ ᨧ ᩑᨲᩮ ᨵᨾ᩠ᨾᩣ ᨾᨿᩥ, ᨶ ᨧᩣᩉᩴ ᩑᨲᩮᩈᩩ ᨵᨾ᩠ᨾᩮᩈᩩ ᩈᨶ᩠ᨴᩥᩔᩣᨾᩦᨲᩥ.

ᨲᩩᨧ᩠ᨨᩴ ᨾᩩᩈᩣ ᩅᩥᩃᨸᩥᨶ᩠ᨲᩥ ᨲᩩᨧ᩠ᨨᨠᩴ ᨾᨿᩣ ᨽᨱᩥᨲᩴ, ᨾᩩᩈᩣ ᨾᨿᩣ ᨽᨱᩥᨲᩴ, ᩋᨽᩪᨲᩴ ᨾᨿᩣ ᨽᨱᩥᨲᩴ, ᩋᨩᩣᨶᨶ᩠ᨲᩮᨶ ᨾᨿᩣ ᨽᨱᩥᨲᩴ.

ᩋᨬ᩠ᨬᨲᩕ ᩋᨵᩥᨾᩣᨶᩣᨲᩥ ᨮᨸᩮᨲ᩠ᩅᩣ ᩋᨵᩥᨾᩣᨶᩴ.

ᩋᨿᨾ᩠ᨸᩦᨲᩥ ᨸᩩᩁᩥᨾᩮ ᩏᨸᩣᨴᩣᨿ ᩅᩩᨧ᩠ᨧᨲᩥ.

ᨸᩣᩁᩣᨩᩥᨠᩮᩣ ᩉᩮᩣᨲᩦᨲᩥ ᩈᩮᨿ᩠ᨿᨳᩣᨸᩥ ᨶᩣᨾ ᨲᩣᩃᩮᩣ ᨾᨲ᩠ᨳᨠᨧ᩠ᨨᩥᨶ᩠ᨶᩮᩣ ᩋᨽᨻ᩠ᨻᩮᩣ ᨸᩩᨶ ᩅᩥᩁᩪᩊ᩠ᩉᩥᨿᩣ, ᩑᩅᨾᩮᩅ ᨽᩥᨠ᩠ᨡᩩ ᨸᩣᨸᩥᨧ᩠ᨨᩮᩣ ᩍᨧ᩠ᨨᩣᨸᨠᨲᩮᩣ ᩋᩈᨶ᩠ᨲᩴ ᩋᨽᩪᨲᩴ ᩏᨲ᩠ᨲᩁᩥᨾᨶᩩᩔᨵᨾ᩠ᨾᩴ ᩏᩃ᩠ᩃᨸᩥᨲ᩠ᩅᩣ ᩋᩔᨾᨱᩮᩣ ᩉᩮᩣᨲᩥ ᩋᩈᨠ᩠ᨿᨸᩩᨲ᩠ᨲᩥᨿᩮᩣ. ᨲᩮᨶ ᩅᩩᨧ᩠ᨧᨲᩥ – ‘‘ᨸᩣᩁᩣᨩᩥᨠᩮᩣ ᩉᩮᩣᨲᩦ’’ᨲᩥ.

ᩋᩈᩴᩅᩣᩈᩮᩣᨲᩥ ᩈᩴᩅᩣᩈᩮᩣ ᨶᩣᨾ ᩑᨠᨠᨾ᩠ᨾᩴ ᩑᨠᩩᨴ᩠ᨴᩮᩈᩮᩣ ᩈᨾᩈᩥᨠ᩠ᨡᨲᩣ – ᩑᩈᩮᩣ ᩈᩴᩅᩣᩈᩮᩣ ᨶᩣᨾ. ᩈᩮᩣ ᨲᩮᨶ ᩈᨴ᩠ᨵᩥᩴ ᨶᨲ᩠ᨳᩥ. ᨲᩮᨶ ᩅᩩᨧ᩠ᨧᨲᩥ – ‘‘ᩋᩈᩴᩅᩣᩈᩮᩣ’’ᨲᩥ.

᪑᪙᪙. ᩏᨲ᩠ᨲᩁᩥᨾᨶᩩᩔᨵᨾ᩠ᨾᩮᩣ ᨶᩣᨾ ᨫᩣᨶᩴ ᩅᩥᨾᩮᩣᨠ᩠ᨡᩮᩣ ᩈᨾᩣᨵᩥ ᩈᨾᩣᨸᨲ᩠ᨲᩥ ᨬᩣᨱᨴᩔᨶᩴ ᨾᨣ᩠ᨣᨽᩣᩅᨶᩣ ᨹᩃᩈᨧ᩠ᨨᩥᨠᩥᩁᩥᨿᩣ ᨠᩥᩃᩮᩈᨸ᩠ᨸᩉᩣᨶᩴ ᩅᩥᨶᩦᩅᩁᨱᨲᩣ ᨧᩥᨲ᩠ᨲᩔ ᩈᩩᨬ᩠ᨬᩣᨣᩣᩁᩮ ᩋᨽᩥᩁᨲᩥ.

[ᨸᩣᨧᩥ. ᪗᪐] ᨫᩣᨶᨶ᩠ᨲᩥ ᨸᨮᨾᩴ ᨫᩣᨶᩴ ᨴᩩᨲᩥᨿᩴ ᨫᩣᨶᩴ ¶ ᨲᨲᩥᨿᩴ ᨫᩣᨶᩴ ᨧᨲᩩᨲ᩠ᨳᩴ ᨫᩣᨶᩴ.

[ᨸᩣᨧᩥ. ᪗᪐] ᩅᩥᨾᩮᩣᨠ᩠ᨡᩮᩣᨲᩥ ᩈᩩᨬ᩠ᨬᨲᩮᩣ ᩅᩥᨾᩮᩣᨠ᩠ᨡᩮᩣ ᩋᨶᩥᨾᩥᨲ᩠ᨲᩮᩣ ᩅᩥᨾᩮᩣᨠ᩠ᨡᩮᩣ ᩋᨸ᩠ᨸᨱᩥᩉᩥᨲᩮᩣ ᩅᩥᨾᩮᩣᨠ᩠ᨡᩮᩣ.

[ᨸᩣᨧᩥ. ᪗᪐] ᩈᨾᩣᨵᩦᨲᩥ ¶ ᩈᩩᨬ᩠ᨬᨲᩮᩣ ᩈᨾᩣᨵᩥ ᩋᨶᩥᨾᩥᨲ᩠ᨲᩮᩣ ᩈᨾᩣᨵᩥ ᩋᨸ᩠ᨸᨱᩥᩉᩥᨲᩮᩣ ᩈᨾᩣᨵᩥ.

[ᨸᩣᨧᩥ. ᪗᪐] ᩈᨾᩣᨸᨲ᩠ᨲᩦᨲᩥ ¶ ᩈᩩᨬ᩠ᨬᨲᩣ ᩈᨾᩣᨸᨲ᩠ᨲᩥ ᩋᨶᩥᨾᩥᨲ᩠ᨲᩣ ᩈᨾᩣᨸᨲ᩠ᨲᩥ ᩋᨸ᩠ᨸᨱᩥᩉᩥᨲᩣ ᩈᨾᩣᨸᨲ᩠ᨲᩥ.

[ᨸᩣᨧᩥ. ᪗᪐] ᨬᩣᨱᨴᩔᨶᨶ᩠ᨲᩥ ᨲᩥᩔᩮᩣ ᩅᩥᨩ᩠ᨩᩣ.

[ᨸᩣᨧᩥ. ᪗᪐] ᨾᨣ᩠ᨣᨽᩣᩅᨶᩣᨲᩥ ¶ ᨧᨲ᩠ᨲᩣᩁᩮᩣ ᩈᨲᩥᨸᨭ᩠ᨮᩣᨶᩣ, ᨧᨲ᩠ᨲᩣᩁᩮᩣ ᩈᨾ᩠ᨾᨸ᩠ᨸᨵᩣᨶᩣ, ᨧᨲ᩠ᨲᩣᩁᩮᩣ ᩍᨴ᩠ᨵᩥᨸᩣᨴᩣ, ᨸᨬ᩠ᨧᩥᨶ᩠ᨴᩕᩥᨿᩣᨶᩥ, ᨸᨬ᩠ᨧ ᨻᩃᩣᨶᩥ, ᩈᨲ᩠ᨲ ᨻᩮᩣᨩ᩠ᨫᨦ᩠ᨣᩣ, ᩋᩁᩥᨿᩮᩣ ᩋᨭ᩠ᨮᨦ᩠ᨣᩥᨠᩮᩣ ᨾᨣ᩠ᨣᩮᩣ.

[ᨸᩣᨧᩥ. ᪗᪐] ᨹᩃᩈᨧ᩠ᨨᩥᨠᩥᩁᩥᨿᩣᨲᩥ ᩈᩮᩣᨲᩣᨸᨲ᩠ᨲᩥᨹᩃᩔ ᩈᨧ᩠ᨨᩥᨠᩥᩁᩥᨿᩣ, ᩈᨠᨴᩣᨣᩣᨾᩥᨹᩃᩔ ᩈᨧ᩠ᨨᩥᨠᩥᩁᩥᨿᩣ, ᩋᨶᩣᨣᩣᨾᩥᨹᩃᩔ ᩈᨧ᩠ᨨᩥᨠᩥᩁᩥᨿᩣ, ᩋᩁᩉᨲ᩠ᨲᩔ [ᩋᩁᩉᨲ᩠ᨲᨹᩃᩔ (ᩈ᩠ᨿᩣ.)] ᩈᨧ᩠ᨨᩥᨠᩥᩁᩥᨿᩣ.

[ᨸᩣᨧᩥ. ᪗᪐] ᨠᩥᩃᩮᩈᨸ᩠ᨸᩉᩣᨶᨶ᩠ᨲᩥ ᩁᩣᨣᩔ ᨸᩉᩣᨶᩴ ᨴᩮᩣᩈᩔ ᨸᩉᩣᨶᩴ ᨾᩮᩣᩉᩔ ᨸᩉᩣᨶᩴ.

[ᨸᩣᨧᩥ. ᪗᪐] ᩅᩥᨶᩦᩅᩁᨱᨲᩣ ᨧᩥᨲ᩠ᨲᩔᩣᨲᩥ ᩁᩣᨣᩣ ᨧᩥᨲ᩠ᨲᩴ ᩅᩥᨶᩦᩅᩁᨱᨲᩣ, ᨴᩮᩣᩈᩣ ᨧᩥᨲ᩠ᨲᩴ ᩅᩥᨶᩦᩅᩁᨱᨲᩣ, ᨾᩮᩣᩉᩣ ᨧᩥᨲ᩠ᨲᩴ ᩅᩥᨶᩦᩅᩁᨱᨲᩣ.

[ᨸᩣᨧᩥ. ᪗᪐] ᩈᩩᨬ᩠ᨬᩣᨣᩣᩁᩮ ᩋᨽᩥᩁᨲᩦᨲᩥ ᨸᨮᨾᩮᨶ ᨫᩣᨶᩮᨶ ᩈᩩᨬ᩠ᨬᩣᨣᩣᩁᩮ ᩋᨽᩥᩁᨲᩥ, ᨴᩩᨲᩥᨿᩮᨶ ᨫᩣᨶᩮᨶ ᩈᩩᨬ᩠ᨬᩣᨣᩣᩁᩮ ᩋᨽᩥᩁᨲᩥ, ᨲᨲᩥᨿᩮᨶ ᨫᩣᨶᩮᨶ ᩈᩩᨬ᩠ᨬᩣᨣᩣᩁᩮ ᩋᨽᩥᩁᨲᩥ, ᨧᨲᩩᨲ᩠ᨳᩮᨶ ᨫᩣᨶᩮᨶ ᩈᩩᨬ᩠ᨬᩣᨣᩣᩁᩮ ᩋᨽᩥᩁᨲᩥ.

᪒᪐᪐. ᨲᩦᩉᩣᨠᩣᩁᩮᩉᩥ ᨸᨮᨾᩴ ᨫᩣᨶᩴ ᩈᨾᩣᨸᨩ᩠ᨩᩥᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ, ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ.

ᨧᨲᩪᩉᩣᨠᩣᩁᩮᩉᩥ ᨸᨮᨾᩴ ᨫᩣᨶᩴ ᩈᨾᩣᨸᨩ᩠ᨩᩥᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ¶ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ.

ᨸᨬ᩠ᨧᩉᩣᨠᩣᩁᩮᩉᩥ ᨸᨮᨾᩴ ᨫᩣᨶᩴ ᩈᨾᩣᨸᨩ᩠ᨩᩥᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ ᩅᩥᨶᩥᨵᩣᨿ ᨡᨶ᩠ᨲᩥᩴ.

ᨨᩉᩣᨠᩣᩁᩮᩉᩥ ¶ ᨸᨮᨾᩴ ᨫᩣᨶᩴ ᩈᨾᩣᨸᨩ᩠ᨩᩥᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ ¶ – ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ, ᩅᩥᨶᩥᨵᩣᨿ ᨡᨶ᩠ᨲᩥᩴ, ᩅᩥᨶᩥᨵᩣᨿ ᩁᩩᨧᩥᩴ.

ᩈᨲ᩠ᨲᩉᩣᨠᩣᩁᩮᩉᩥ ᨸᨮᨾᩴ ᨫᩣᨶᩴ ᩈᨾᩣᨸᨩ᩠ᨩᩥᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ, ᩅᩥᨶᩥᨵᩣᨿ ᨡᨶ᩠ᨲᩥᩴ, ᩅᩥᨶᩥᨵᩣᨿ ᩁᩩᨧᩥᩴ, ᩅᩥᨶᩥᨵᩣᨿ ᨽᩣᩅᩴ.

᪒᪐᪑. ᨲᩦᩉᩣᨠᩣᩁᩮᩉᩥ ᨸᨮᨾᩴ ᨫᩣᨶᩴ ᩈᨾᩣᨸᨩ᩠ᨩᩣᨾᩦᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ.

ᨧᨲᩪᩉᩣᨠᩣᩁᩮᩉᩥ ᨸᨮᨾᩴ ᨫᩣᨶᩴ ᩈᨾᩣᨸᨩ᩠ᨩᩣᨾᩦᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ.

ᨸᨬ᩠ᨧᩉᩣᨠᩣᩁᩮᩉᩥ ¶ ᨸᨮᨾᩴ ᨫᩣᨶᩴ ᩈᨾᩣᨸᨩ᩠ᨩᩣᨾᩦᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ, ᩅᩥᨶᩥᨵᩣᨿ ᨡᨶ᩠ᨲᩥᩴ.

ᨨᩉᩣᨠᩣᩁᩮᩉᩥ ᨸᨮᨾᩴ ᨫᩣᨶᩴ ᩈᨾᩣᨸᨩ᩠ᨩᩣᨾᩦᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ, ᩅᩥᨶᩥᨵᩣᨿ ᨡᨶ᩠ᨲᩥᩴ, ᩅᩥᨶᩥᨵᩣᨿ ᩁᩩᨧᩥᩴ.

ᩈᨲ᩠ᨲᩉᩣᨠᩣᩁᩮᩉᩥ ᨸᨮᨾᩴ ᨫᩣᨶᩴ ᩈᨾᩣᨸᨩ᩠ᨩᩣᨾᩦᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ, ᩅᩥᨶᩥᨵᩣᨿ ᨡᨶ᩠ᨲᩥᩴ, ᩅᩥᨶᩥᨵᩣᨿ ᩁᩩᨧᩥᩴ, ᩅᩥᨶᩥᨵᩣᨿ ᨽᩣᩅᩴ.

᪒᪐᪒. ᨲᩦᩉᩣᨠᩣᩁᩮᩉᩥ ¶ ¶ ᨸᨮᨾᩴ ᨫᩣᨶᩴ ᩈᨾᩣᨸᨶ᩠ᨶᩮᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ.

ᨧᨲᩪᩉᩣᨠᩣᩁᩮᩉᩥ ᨸᨮᨾᩴ ᨫᩣᨶᩴ ᩈᨾᩣᨸᨶ᩠ᨶᩮᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ.

ᨸᨬ᩠ᨧᩉᩣᨠᩣᩁᩮᩉᩥ ᨸᨮᨾᩴ ᨫᩣᨶᩴ ᩈᨾᩣᨸᨶ᩠ᨶᩮᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ¶ ᨸᩣᩁᩣᨩᩥᨠᩔ – ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ, ᩅᩥᨶᩥᨵᩣᨿ ᨡᨶ᩠ᨲᩥᩴ.

ᨨᩉᩣᨠᩣᩁᩮᩉᩥ ᨸᨮᨾᩴ ᨫᩣᨶᩴ ᩈᨾᩣᨸᨶ᩠ᨶᩮᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ, ᩅᩥᨶᩥᨵᩣᨿ ᨡᨶ᩠ᨲᩥᩴ, ᩅᩥᨶᩥᨵᩣᨿ ᩁᩩᨧᩥᩴ.

ᩈᨲ᩠ᨲᩉᩣᨠᩣᩁᩮᩉᩥ ᨸᨮᨾᩴ ᨫᩣᨶᩴ ᩈᨾᩣᨸᨶ᩠ᨶᩮᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ, ᩅᩥᨶᩥᨵᩣᨿ ᨡᨶ᩠ᨲᩥᩴ, ᩅᩥᨶᩥᨵᩣᨿ ᩁᩩᨧᩥᩴ, ᩅᩥᨶᩥᨵᩣᨿ ᨽᩣᩅᩴ.

᪒᪐᪓. ᨲᩦᩉᩣᨠᩣᩁᩮᩉᩥ ᨸᨮᨾᩔ ᨫᩣᨶᩔ ᩃᩣᨽᩦᨾ᩠ᩉᩦᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ.

ᨧᨲᩪᩉᩣᨠᩣᩁᩮᩉᩥ ᨸᨮᨾᩔ ᨫᩣᨶᩔ ᩃᩣᨽᩦᨾ᩠ᩉᩦᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ.

ᨸᨬ᩠ᨧᩉᩣᨠᩣᩁᩮᩉᩥ ¶ ¶ ᨸᨮᨾᩔ ᨫᩣᨶᩔ ᩃᩣᨽᩦᨾ᩠ᩉᩦᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ ¶ , ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ, ᩅᩥᨶᩥᨵᩣᨿ ᨡᨶ᩠ᨲᩥᩴ.

ᨨᩉᩣᨠᩣᩁᩮᩉᩥ ᨸᨮᨾᩔ ᨫᩣᨶᩔ ᩃᩣᨽᩦᨾ᩠ᩉᩦᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ, ᩅᩥᨶᩥᨵᩣᨿ ᨡᨶ᩠ᨲᩥᩴ, ᩅᩥᨶᩥᨵᩣᨿ ᩁᩩᨧᩥᩴ.

ᩈᨲ᩠ᨲᩉᩣᨠᩣᩁᩮᩉᩥ ᨸᨮᨾᩔ ᨫᩣᨶᩔ ᩃᩣᨽᩦᨾ᩠ᩉᩦᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ, ᩅᩥᨶᩥᨵᩣᨿ ᨡᨶ᩠ᨲᩥᩴ, ᩅᩥᨶᩥᨵᩣᨿ ᩁᩩᨧᩥᩴ, ᩅᩥᨶᩥᨵᩣᨿ ᨽᩣᩅᩴ.

᪒᪐᪔. ᨲᩦᩉᩣᨠᩣᩁᩮᩉᩥ ᨸᨮᨾᩔ ᨫᩣᨶᩔ ᩅᩈᩦᨾ᩠ᩉᩦᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ.

ᨧᨲᩪᩉᩣᨠᩣᩁᩮᩉᩥ ᨸᨮᨾᩔ ᨫᩣᨶᩔ ᩅᩈᩦᨾ᩠ᩉᩦᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ.

ᨸᨬ᩠ᨧᩉᩣᨠᩣᩁᩮᩉᩥ ᨸᨮᨾᩔ ᨫᩣᨶᩔ ᩅᩈᩦᨾ᩠ᩉᩦᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ¶ ᨴᩥᨭ᩠ᨮᩥᩴ, ᩅᩥᨶᩥᨵᩣᨿ ᨡᨶ᩠ᨲᩥᩴ.

ᨨᩉᩣᨠᩣᩁᩮᩉᩥ ᨸᨮᨾᩔ ᨫᩣᨶᩔ ᩅᩈᩦᨾ᩠ᩉᩦᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ, ᩅᩥᨶᩥᨵᩣᨿ ᨡᨶ᩠ᨲᩥᩴ, ᩅᩥᨶᩥᨵᩣᨿ ᩁᩩᨧᩥᩴ.

ᩈᨲ᩠ᨲᩉᩣᨠᩣᩁᩮᩉᩥ ¶ ᨸᨮᨾᩔ ᨫᩣᨶᩔ ᩅᩈᩦᨾ᩠ᩉᩦᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ, ᩅᩥᨶᩥᨵᩣᨿ ᨡᨶ᩠ᨲᩥᩴ, ᩅᩥᨶᩥᨵᩣᨿ ᩁᩩᨧᩥᩴ, ᩅᩥᨶᩥᨵᩣᨿ ᨽᩣᩅᩴ.

᪒᪐᪕. ᨲᩦᩉᩣᨠᩣᩁᩮᩉᩥ ¶ ¶ ᨸᨮᨾᩴ ᨫᩣᨶᩴ ᩈᨧ᩠ᨨᩥᨠᨲᩴ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ.

ᨧᨲᩪᩉᩣᨠᩣᩁᩮᩉᩥ ᨸᨮᨾᩴ ᨫᩣᨶᩴ ᩈᨧ᩠ᨨᩥᨠᨲᩴ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ.

ᨸᨬ᩠ᨧᩉᩣᨠᩣᩁᩮᩉᩥ ᨸᨮᨾᩴ ᨫᩣᨶᩴ ᩈᨧ᩠ᨨᩥᨠᨲᩴ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ, ᩅᩥᨶᩥᨵᩣᨿ ᨡᨶ᩠ᨲᩥᩴ.

ᨨᩉᩣᨠᩣᩁᩮᩉᩥ ᨸᨮᨾᩴ ᨫᩣᨶᩴ ¶ ᩈᨧ᩠ᨨᩥᨠᨲᩴ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ, ᩅᩥᨶᩥᨵᩣᨿ ᨡᨶ᩠ᨲᩥᩴ, ᩅᩥᨶᩥᨵᩣᨿ ᩁᩩᨧᩥᩴ.

ᩈᨲ᩠ᨲᩉᩣᨠᩣᩁᩮᩉᩥ ᨸᨮᨾᩴ ᨫᩣᨶᩴ ᩈᨧ᩠ᨨᩥᨠᨲᩴ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ – ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ, ᩅᩥᨶᩥᨵᩣᨿ ᨡᨶ᩠ᨲᩥᩴ, ᩅᩥᨶᩥᨵᩣᨿ ᩁᩩᨧᩥᩴ, ᩅᩥᨶᩥᨵᩣᨿ ᨽᩣᩅᩴ.

ᨿᨳᩣ ᩍᨴᩴ ᨸᨮᨾᩴ ᨫᩣᨶᩴ ᩅᩥᨲ᩠ᨳᩣᩁᩥᨲᩴ ᨲᩴ ᩈᨻ᩠ᨻᨾ᩠ᨸᩥ ᩅᩥᨲ᩠ᨳᩣᩁᩮᨲᨻ᩠ᨻᩴ.

᪒᪐᪖. ᨲᩦᩉᩣᨠᩣᩁᩮᩉᩥ…ᨸᩮ… ᩈᨲ᩠ᨲᩉᩣᨠᩣᩁᩮᩉᩥ ᨴᩩᨲᩥᨿᩴ ᨫᩣᨶᩴ…ᨸᩮ… ᨲᨲᩥᨿᩴ ᨫᩣᨶᩴ…ᨸᩮ… ᨧᨲᩩᨲ᩠ᨳᩴ ¶ ᨫᩣᨶᩴ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨧᨲᩩᨲ᩠ᨳᩔ ¶ ᨫᩣᨶᩔ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨧᨲᩩᨲ᩠ᨳᩴ ᨫᩣᨶᩴ ᩈᨧ᩠ᨨᩥᨠᨲᩴ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ, ᩅᩥᨶᩥᨵᩣᨿ ᨡᨶ᩠ᨲᩥᩴ, ᩅᩥᨶᩥᨵᩣᨿ ᩁᩩᨧᩥᩴ, ᩅᩥᨶᩥᨵᩣᨿ ᨽᩣᩅᩴ.

᪒᪐᪗. ᨲᩦᩉᩣᨠᩣᩁᩮᩉᩥ ᩈᩩᨬ᩠ᨬᨲᩴ ᩅᩥᨾᩮᩣᨠ᩠ᨡᩴ… ᩋᨶᩥᨾᩥᨲ᩠ᨲᩴ ᩅᩥᨾᩮᩣᨠ᩠ᨡᩴ… ᩋᨸ᩠ᨸᨱᩥᩉᩥᨲᩴ ᩅᩥᨾᩮᩣᨠ᩠ᨡᩴ… ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᩋᨸ᩠ᨸᨱᩥᩉᩥᨲᩔ ᩅᩥᨾᩮᩣᨠ᩠ᨡᩔ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᩋᨸ᩠ᨸᨱᩥᩉᩥᨲᩮᩣ ᩅᩥᨾᩮᩣᨠ᩠ᨡᩮᩣ ᩈᨧ᩠ᨨᩥᨠᨲᩮᩣ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ¶ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ…ᨸᩮ….

ᨲᩦᩉᩣᨠᩣᩁᩮᩉᩥ ᩈᩩᨬ᩠ᨬᨲᩴ ᩈᨾᩣᨵᩥᩴ… ᩋᨶᩥᨾᩥᨲ᩠ᨲᩴ ᩈᨾᩣᨵᩥᩴ… ᩋᨸ᩠ᨸᨱᩥᩉᩥᨲᩴ ᩈᨾᩣᨵᩥᩴ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᩋᨸ᩠ᨸᨱᩥᩉᩥᨲᩔ ᩈᨾᩣᨵᩥᩔ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᩋᨸ᩠ᨸᨱᩥᩉᩥᨲᩮᩣ ᩈᨾᩣᨵᩥ ᩈᨧ᩠ᨨᩥᨠᨲᩮᩣ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ᩈᩩᨬ᩠ᨬᨲᩴ ᩈᨾᩣᨸᨲ᩠ᨲᩥᩴ… ᩋᨶᩥᨾᩥᨲ᩠ᨲᩴ ᩈᨾᩣᨸᨲ᩠ᨲᩥᩴ… ᩋᨸ᩠ᨸᨱᩥᩉᩥᨲᩴ ᩈᨾᩣᨸᨲ᩠ᨲᩥᩴ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᩋᨸ᩠ᨸᨱᩥᩉᩥᨲᩣᨿ ᩈᨾᩣᨸᨲ᩠ᨲᩥᨿᩣ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᩋᨸ᩠ᨸᨱᩥᩉᩥᨲᩣ ᩈᨾᩣᨸᨲ᩠ᨲᩥ ᩈᨧ᩠ᨨᩥᨠᨲᩣ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ᨲᩥᩔᩮᩣ ᩅᩥᨩ᩠ᨩᩣ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ ᩈᨾᩣᨸᨶ᩠ᨶᩮᩣ… ᨲᩥᩔᨶ᩠ᨶᩴ ᩅᩥᨩ᩠ᨩᩣᨶᩴ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨲᩥᩔᩮᩣ ᩅᩥᨩ᩠ᨩᩣ ᩈᨧ᩠ᨨᩥᨠᨲᩣ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ᨧᨲ᩠ᨲᩣᩁᩮᩣ ᩈᨲᩥᨸᨭ᩠ᨮᩣᨶᩮ… ᨧᨲ᩠ᨲᩣᩁᩮᩣ ᩈᨾ᩠ᨾᨸ᩠ᨸᨵᩣᨶᩮ… ᨧᨲ᩠ᨲᩣᩁᩮᩣ ᩍᨴ᩠ᨵᩥᨸᩣᨴᩮ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨧᨲᩩᨶ᩠ᨶᩴ ᩍᨴ᩠ᨵᩥᨸᩣᨴᩣᨶᩴ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨧᨲ᩠ᨲᩣᩁᩮᩣ ᩍᨴ᩠ᨵᩥᨸᩣᨴᩣ ᩈᨧ᩠ᨨᩥᨠᨲᩣ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ᨸᨬ᩠ᨧᩥᨶ᩠ᨴᩕᩥᨿᩣᨶᩥ… ᨸᨬ᩠ᨧ ᨻᩃᩣᨶᩥ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ ¶ … ᨸᨬ᩠ᨧᨶ᩠ᨶᩴ ᨻᩃᩣᨶᩴ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨸᨬ᩠ᨧᨻᩃᩣᨶᩥ ᩈᨧ᩠ᨨᩥᨠᨲᩣᨶᩥ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ¶ ᩈᨲ᩠ᨲ ᨻᩮᩣᨩ᩠ᨫᨦ᩠ᨣᩮ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᩈᨲ᩠ᨲᨶ᩠ᨶᩴ ᨻᩮᩣᨩ᩠ᨫᨦ᩠ᨣᩣᨶᩴ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᩈᨲ᩠ᨲ ᨻᩮᩣᨩ᩠ᨫᨦ᩠ᨣᩣ ᩈᨧ᩠ᨨᩥᨠᨲᩣ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ¶ ᩋᩁᩥᨿᩴ ᩋᨭ᩠ᨮᨦ᩠ᨣᩥᨠᩴ ᨾᨣ᩠ᨣᩴ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᩋᩁᩥᨿᩔ ᩋᨭ᩠ᨮᨦ᩠ᨣᩥᨠᩔ ᨾᨣ᩠ᨣᩔ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᩋᩁᩥᨿᩮᩣ ᩋᨭ᩠ᨮᨦ᩠ᨣᩥᨠᩮᩣ ᨾᨣ᩠ᨣᩮᩣ ᩈᨧ᩠ᨨᩥᨠᨲᩮᩣ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ᩈᩮᩣᨲᩣᨸᨲ᩠ᨲᩥᨹᩃᩴ… ᩈᨠᨴᩣᨣᩣᨾᩥᨹᩃᩴ… ᩋᨶᩣᨣᩣᨾᩥᨹᩃᩴ… ᩋᩁᩉᨲ᩠ᨲᩴ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᩋᩁᩉᨲ᩠ᨲᩔ ᩃᩣᨽᩦᨾ᩠ᩉᩥ ᩅᩈᩦᨾ᩠ᩉᩥ ᩋᩁᩉᨲ᩠ᨲᩴ ᩈᨧ᩠ᨨᩥᨠᨲᩴ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ ¶ .

ᨲᩦᩉᩣᨠᩣᩁᩮᩉᩥ ᩁᩣᨣᩮᩣ ᨾᩮ ᨧᨲ᩠ᨲᩮᩣ ᩅᨶ᩠ᨲᩮᩣ ᨾᩩᨲ᩠ᨲᩮᩣ ᨸᩉᩦᨶᩮᩣ ᨸᨭᩥᨶᩥᩔᨭ᩠ᨮᩮᩣ ᩏᨠ᩠ᨡᩮᨭᩥᨲᩮᩣ ᩈᨾᩩᨠ᩠ᨡᩮᨭᩥᨲᩮᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ᨴᩮᩣᩈᩮᩣ ᨾᩮ ᨧᨲ᩠ᨲᩮᩣ ᩅᨶ᩠ᨲᩮᩣ ᨾᩩᨲ᩠ᨲᩮᩣ ᨸᩉᩦᨶᩮᩣ ᨸᨭᩥᨶᩥᩔᨭ᩠ᨮᩮᩣ ᩏᨠ᩠ᨡᩮᨭᩥᨲᩮᩣ ᩈᨾᩩᨠ᩠ᨡᩮᨭᩥᨲᩮᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ᨾᩮᩣᩉᩮᩣ ᨾᩮ ᨧᨲ᩠ᨲᩮᩣ ᩅᨶ᩠ᨲᩮᩣ ᨾᩩᨲ᩠ᨲᩮᩣ ᨸᩉᩦᨶᩮᩣ ᨸᨭᩥᨶᩥᩔᨭ᩠ᨮᩮᩣ ᩏᨠ᩠ᨡᩮᨭᩥᨲᩮᩣ ᩈᨾᩩᨠ᩠ᨡᩮᨭᩥᨲᩮᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ᩁᩣᨣᩣ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ᨴᩮᩣᩈᩣ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ¶ …ᨸᩮ… ᩈᨲ᩠ᨲᩉᩣᨠᩣᩁᩮᩉᩥ ᨾᩮᩣᩉᩣ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ¶ ᨸᩣᩁᩣᨩᩥᨠᩔ – ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ, ᩅᩥᨶᩥᨵᩣᨿ ᨡᨶ᩠ᨲᩥᩴ, ᩅᩥᨶᩥᨵᩣᨿ ᩁᩩᨧᩥᩴ, ᩅᩥᨶᩥᨵᩣᨿ ᨽᩣᩅᩴ.

ᩈᩩᨴ᩠ᨵᩥᨠᩴ ᨶᩥᨭ᩠ᨮᩥᨲᩴ.

᪒᪐᪘. ᨲᩦᩉᩣᨠᩣᩁᩮᩉᩥ ¶ ᨸᨮᨾᨬ᩠ᨧ ᨫᩣᨶᩴ ᨴᩩᨲᩥᨿᨬ᩠ᨧ ᨫᩣᨶᩴ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨸᨮᨾᩔ ᨧ ᨫᩣᨶᩔ ᨴᩩᨲᩥᨿᩔ ᨧ ᨫᩣᨶᩔ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨸᨮᨾᨬ᩠ᨧ ᨫᩣᨶᩴ ᨴᩩᨲᩥᨿᨬ᩠ᨧ ᨫᩣᨶᩴ ᩈᨧ᩠ᨨᩥᨠᨲᩴ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ…ᨸᩮ….

ᨲᩦᩉᩣᨠᩣᩁᩮᩉᩥ ᨸᨮᨾᨬ᩠ᨧ ᨫᩣᨶᩴ ᨲᨲᩥᨿᨬ᩠ᨧ ᨫᩣᨶᩴ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨸᨮᨾᩔ ᨧ ᨫᩣᨶᩔ ᨲᨲᩥᨿᩔ ᨧ ᨫᩣᨶᩔ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨸᨮᨾᨬ᩠ᨧ ᨫᩣᨶᩴ ᨲᨲᩥᨿᨬ᩠ᨧ ᨫᩣᨶᩴ ᩈᨧ᩠ᨨᩥᨠᨲᩴ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ᨸᨮᨾᨬ᩠ᨧ ᨫᩣᨶᩴ ᨧᨲᩩᨲ᩠ᨳᨬ᩠ᨧ ᨫᩣᨶᩴ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨸᨮᨾᩔ ᨧ ᨫᩣᨶᩔ ᨧᨲᩩᨲ᩠ᨳᩔ ᨧ ᨫᩣᨶᩔ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨸᨮᨾᨬ᩠ᨧ ᨫᩣᨶᩴ ᨧᨲᩩᨲ᩠ᨳᨬ᩠ᨧ ᨫᩣᨶᩴ ᩈᨧ᩠ᨨᩥᨠᨲᩴ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ᨸᨮᨾᨬ᩠ᨧ ᨫᩣᨶᩴ ᩈᩩᨬ᩠ᨬᨲᨬ᩠ᨧ ᩅᩥᨾᩮᩣᨠ᩠ᨡᩴ… ᨸᨮᨾᨬ᩠ᨧ ᨫᩣᨶᩴ ᩋᨶᩥᨾᩥᨲ᩠ᨲᨬ᩠ᨧ ᩅᩥᨾᩮᩣᨠ᩠ᨡᩴ… ᨸᨮᨾᨬ᩠ᨧ ᨫᩣᨶᩴ ᩋᨸ᩠ᨸᨱᩥᩉᩥᨲᨬ᩠ᨧ ᩅᩥᨾᩮᩣᨠ᩠ᨡᩴ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨸᨮᨾᩔ ᨧ ᨫᩣᨶᩔ ᩋᨸ᩠ᨸᨱᩥᩉᩥᨲᩔ ᨧ ᩅᩥᨾᩮᩣᨠ᩠ᨡᩔ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨸᨮᨾᨬ᩠ᨧ ᨫᩣᨶᩴ ᩋᨸ᩠ᨸᨱᩥᩉᩥᨲᩮᩣ ¶ ᨧ ᩅᩥᨾᩮᩣᨠ᩠ᨡᩮᩣ ᩈᨧ᩠ᨨᩥᨠᨲᩮᩣ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ᨸᨮᨾᨬ᩠ᨧ ᨫᩣᨶᩴ ᩈᩩᨬ᩠ᨬᨲᨬ᩠ᨧ ᩈᨾᩣᨵᩥᩴ… ᨸᨮᨾᨬ᩠ᨧ ᨫᩣᨶᩴ ᩋᨶᩥᨾᩥᨲ᩠ᨲᨬ᩠ᨧ ᩈᨾᩣᨵᩥᩴ… ᨸᨮᨾᨬ᩠ᨧ ᨫᩣᨶᩴ ᩋᨸ᩠ᨸᨱᩥᩉᩥᨲᨬ᩠ᨧ ᩈᨾᩣᨵᩥᩴ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ ᨸᨮᨾᩔ ¶ ᨧ ᨫᩣᨶᩔ ᩋᨸ᩠ᨸᨱᩥᩉᩥᨲᩔ ᨧ ᩈᨾᩣᨵᩥᩔ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨸᨮᨾᨬ᩠ᨧ ᨫᩣᨶᩴ ᩋᨸ᩠ᨸᨱᩥᩉᩥᨲᩮᩣ ᨧ ᩈᨾᩣᨵᩥ ᩈᨧ᩠ᨨᩥᨠᨲᩮᩣ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ᨸᨮᨾᨬ᩠ᨧ ᨫᩣᨶᩴ ᩈᩩᨬ᩠ᨬᨲᨬ᩠ᨧ ᩈᨾᩣᨸᨲ᩠ᨲᩥᩴ… ᨸᨮᨾᨬ᩠ᨧ ᨫᩣᨶᩴ ᩋᨶᩥᨾᩥᨲ᩠ᨲᨬ᩠ᨧ ᩈᨾᩣᨸᨲ᩠ᨲᩥᩴ… ᨸᨮᨾᨬ᩠ᨧ ᨫᩣᨶᩴ ᩋᨸ᩠ᨸᨱᩥᩉᩥᨲᨬ᩠ᨧ ᩈᨾᩣᨸᨲ᩠ᨲᩥᩴ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ ᨸᨮᨾᩔ ᨧ ᨫᩣᨶᩔ ᩋᨸ᩠ᨸᨱᩥᩉᩥᨲᩣᨿ ᨧ ᩈᨾᩣᨸᨲ᩠ᨲᩥᨿᩣ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨸᨮᨾᨬ᩠ᨧ ᨫᩣᨶᩴ ᩋᨸ᩠ᨸᨱᩥᩉᩥᨲᩣ ᨧ ᩈᨾᩣᨸᨲ᩠ᨲᩥ ᩈᨧ᩠ᨨᩥᨠᨲᩣ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ᨸᨮᨾᨬ᩠ᨧ ᨫᩣᨶᩴ ᨲᩥᩔᩮᩣ ᨧ ᩅᩥᨩ᩠ᨩᩣ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨸᨮᨾᩔ ᨧ ᨫᩣᨶᩔ ᨲᩥᩔᨶ᩠ᨶᨬ᩠ᨧ ᩅᩥᨩ᩠ᨩᩣᨶᩴ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨸᨮᨾᨬ᩠ᨧ ᨫᩣᨶᩴ ᨲᩥᩔᩮᩣ ᨧ ᩅᩥᨩ᩠ᨩᩣ ᩈᨧ᩠ᨨᩥᨠᨲᩣ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ¶ ᨸᨮᨾᨬ᩠ᨧ ᨫᩣᨶᩴ ᨧᨲ᩠ᨲᩣᩁᩮᩣ ᨧ ᩈᨲᩥᨸᨭ᩠ᨮᩣᨶᩮ… ᨸᨮᨾᨬ᩠ᨧ ᨫᩣᨶᩴ ᨧᨲ᩠ᨲᩣᩁᩮᩣ ᨧ ᩈᨾ᩠ᨾᨸ᩠ᨸᨵᩣᨶᩮ… ᨸᨮᨾᨬ᩠ᨧ ᨫᩣᨶᩴ ᨧᨲ᩠ᨲᩣᩁᩮᩣ ᨧ ᩍᨴ᩠ᨵᩥᨸᩣᨴᩮ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨸᨮᨾᩔ ᨧ ᨫᩣᨶᩔ ¶ ᨧᨲᩩᨶ᩠ᨶᨬ᩠ᨧ ᩍᨴ᩠ᨵᩥᨸᩣᨴᩣᨶᩴ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨸᨮᨾᨬ᩠ᨧ ᨫᩣᨶᩴ ᨧᨲ᩠ᨲᩣᩁᩮᩣ ᨧ ᩍᨴ᩠ᨵᩥᨸᩣᨴᩣ ᩈᨧ᩠ᨨᩥᨠᨲᩣ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ᨸᨮᨾᨬ᩠ᨧ ᨫᩣᨶᩴ ᨸᨬ᩠ᨧ ᨧ ᩍᨶ᩠ᨴᩕᩥᨿᩣᨶᩥ… ᨸᨮᨾᨬ᩠ᨧ ᨫᩣᨶᩴ ᨸᨬ᩠ᨧ ᨧ ᨻᩃᩣᨶᩥ ¶ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨸᨮᨾᩔ ᨧ ᨫᩣᨶᩔ ᨸᨬ᩠ᨧᨶ᩠ᨶᨬ᩠ᨧ ᨻᩃᩣᨶᩴ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨸᨮᨾᨬ᩠ᨧ ᨫᩣᨶᩴ ᨸᨬ᩠ᨧ ᨧ ᨻᩃᩣᨶᩥ ᩈᨧ᩠ᨨᩥᨠᨲᩣᨶᩥ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

᪒᪐᪙. ᨲᩦᩉᩣᨠᩣᩁᩮᩉᩥ ᨸᨮᨾᨬ᩠ᨧ ᨫᩣᨶᩴ ᩈᨲ᩠ᨲ ᨧ ᨻᩮᩣᨩ᩠ᨫᨦ᩠ᨣᩮ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨸᨮᨾᩔ ᨧ ᨫᩣᨶᩔ ᩈᨲ᩠ᨲᨶ᩠ᨶᨬ᩠ᨧ ᨻᩮᩣᨩ᩠ᨫᨦ᩠ᨣᩣᨶᩴ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨸᨮᨾᨬ᩠ᨧ ᨫᩣᨶᩴ ᩈᨲ᩠ᨲ ᨧ ᨻᩮᩣᨩ᩠ᨫᨦ᩠ᨣᩣ ᩈᨧ᩠ᨨᩥᨠᨲᩣ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ¶ ᨸᨮᨾᨬ᩠ᨧ ᨫᩣᨶᩴ ᩋᩁᩥᨿᨬ᩠ᨧ ᩋᨭ᩠ᨮᨦ᩠ᨣᩥᨠᩴ ᨾᨣ᩠ᨣᩴ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨸᨮᨾᩔ ᨧ ᨫᩣᨶᩔ ᩋᩁᩥᨿᩔ ᨧ ᩋᨭ᩠ᨮᨦ᩠ᨣᩥᨠᩔ ᨾᨣ᩠ᨣᩔ ᩃᩣᨽᩦᨾ᩠ᩉᩥ ᩅᩈᩦᨾ᩠ᩉᩥ… ᨸᨮᨾᨬ᩠ᨧ ᨫᩣᨶᩴ ᩋᩁᩥᨿᩮᩣ ᨧ ᩋᨭ᩠ᨮᨦ᩠ᨣᩥᨠᩮᩣ ᨾᨣ᩠ᨣᩮᩣ ᩈᨧ᩠ᨨᩥᨠᨲᩮᩣ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ᨸᨮᨾᨬ᩠ᨧ ᨫᩣᨶᩴ ᩈᩮᩣᨲᩣᨸᨲ᩠ᨲᩥᨹᩃᨬ᩠ᨧ… ᨸᨮᨾᨬ᩠ᨧ ᨫᩣᨶᩴ ᩈᨠᨴᩣᨣᩣᨾᩥᨹᩃᨬ᩠ᨧ… ᨸᨮᨾᨬ᩠ᨧ ᨫᩣᨶᩴ ᩋᨶᩣᨣᩣᨾᩥᨹᩃᨬ᩠ᨧ… ᨸᨮᨾᨬ᩠ᨧ ᨫᩣᨶᩴ ¶ ᩋᩁᩉᨲ᩠ᨲᨬ᩠ᨧ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨸᨮᨾᩔ ᨧ ᨫᩣᨶᩔ ᩋᩁᩉᨲ᩠ᨲᩔ ᨧ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨸᨮᨾᨬ᩠ᨧ ᨫᩣᨶᩴ ᩋᩁᩉᨲ᩠ᨲᨬ᩠ᨧ ᩈᨧ᩠ᨨᩥᨠᨲᩴ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ᨸᨮᨾᨬ᩠ᨧ ᨫᩣᨶᩴ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨸᨮᨾᩔ ᨧ ᨫᩣᨶᩔ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨸᨮᨾᨬ᩠ᨧ ᨫᩣᨶᩴ ᩈᨧ᩠ᨨᩥᨠᨲᩴ ᨾᨿᩣ, ᩁᩣᨣᩮᩣ ᨧ ᨾᩮ ᨧᨲ᩠ᨲᩮᩣ… ᨴᩮᩣᩈᩮᩣ ᨧ ᨾᩮ ᨧᨲ᩠ᨲᩮᩣ… ᨾᩮᩣᩉᩮᩣ ᨧ ᨾᩮ ᨧᨲ᩠ᨲᩮᩣ ᩅᨶ᩠ᨲᩮᩣ ᨾᩩᨲ᩠ᨲᩮᩣ ᨸᩉᩦᨶᩮᩣ ᨸᨭᩥᨶᩥᩔᨭ᩠ᨮᩮᩣ ᩏᨠ᩠ᨡᩮᨭᩥᨲᩮᩣ ᩈᨾᩩᨠ᩠ᨡᩮᨭᩥᨲᩮᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ…ᨸᩮ… ᩈᨲ᩠ᨲᩉᩣᨠᩣᩁᩮᩉᩥ ᨸᨮᨾᨬ᩠ᨧ ᨫᩣᨶᩴ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨸᨮᨾᩔ ᨧ ᨫᩣᨶᩔ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨸᨮᨾᨬ᩠ᨧ ᨫᩣᨶᩴ ᩈᨧ᩠ᨨᩥᨠᨲᩴ ᨾᨿᩣ, ᩁᩣᨣᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ… ᨴᩮᩣᩈᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ… ᨾᩮᩣᩉᩣ ¶ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ, ᩅᩥᨶᩥᨵᩣᨿ ᨡᨶ᩠ᨲᩥᩴ, ᩅᩥᨶᩥᨵᩣᨿ ᩁᩩᨧᩥᩴ, ᩅᩥᨶᩥᨵᩣᨿ ᨽᩣᩅᩴ.

ᨡᨱ᩠ᨯᨧᨠ᩠ᨠᩴ ᨶᩥᨭ᩠ᨮᩥᨲᩴ.

᪒᪑᪐. ᨲᩦᩉᩣᨠᩣᩁᩮᩉᩥ ¶ ᨴᩩᨲᩥᨿᨬ᩠ᨧ ᨫᩣᨶᩴ ᨲᨲᩥᨿᨬ᩠ᨧ ᨫᩣᨶᩴ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨴᩩᨲᩥᨿᩔ ᨧ ᨫᩣᨶᩔ ᨲᨲᩥᨿᩔ ᨧ ᨫᩣᨶᩔ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨴᩩᨲᩥᨿᨬ᩠ᨧ ᨫᩣᨶᩴ ᨲᨲᩥᨿᨬ᩠ᨧ ᨫᩣᨶᩴ ᩈᨧ᩠ᨨᩥᨠᨲᩴ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ¶ ᨴᩩᨲᩥᨿᨬ᩠ᨧ ᨫᩣᨶᩴ ᨧᨲᩩᨲ᩠ᨳᨬ᩠ᨧ ᨫᩣᨶᩴ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨴᩩᨲᩥᨿᩔ ᨧ ᨫᩣᨶᩔ ᨧᨲᩩᨲ᩠ᨳᩔ ᨧ ᨫᩣᨶᩔ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨴᩩᨲᩥᨿᨬ᩠ᨧ ᨫᩣᨶᩴ ᨧᨲᩩᨲ᩠ᨳᨬ᩠ᨧ ᨫᩣᨶᩴ ᩈᨧ᩠ᨨᩥᨠᨲᩴ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ᨴᩩᨲᩥᨿᨬ᩠ᨧ ᨫᩣᨶᩴ ᩈᩩᨬ᩠ᨬᨲᨬ᩠ᨧ ᩅᩥᨾᩮᩣᨠ᩠ᨡᩴ… ᩋᨶᩥᨾᩥᨲ᩠ᨲᨬ᩠ᨧ ᩅᩥᨾᩮᩣᨠ᩠ᨡᩴ… ᩋᨸ᩠ᨸᨱᩥᩉᩥᨲᨬ᩠ᨧ ᩅᩥᨾᩮᩣᨠ᩠ᨡᩴ… ᩈᩩᨬ᩠ᨬᨲᨬ᩠ᨧ ᩈᨾᩣᨵᩥᩴ… ᩋᨶᩥᨾᩥᨲ᩠ᨲᨬ᩠ᨧ ᩈᨾᩣᨵᩥᩴ… ᩋᨸ᩠ᨸᨱᩥᩉᩥᨲᨬ᩠ᨧ ᩈᨾᩣᨵᩥᩴ… ᩈᩩᨬ᩠ᨬᨲᨬ᩠ᨧ ᩈᨾᩣᨸᨲ᩠ᨲᩥᩴ… ᩋᨶᩥᨾᩥᨲ᩠ᨲᨬ᩠ᨧ ᩈᨾᩣᨸᨲ᩠ᨲᩥᩴ… ᩋᨸ᩠ᨸᨱᩥᩉᩥᨲᨬ᩠ᨧ ᩈᨾᩣᨸᨲ᩠ᨲᩥᩴ… ᨲᩥᩔᩮᩣ ᨧ ᩅᩥᨩ᩠ᨩᩣ… ᨧᨲ᩠ᨲᩣᩁᩮᩣ ᨧ ᩈᨲᩥᨸᨭ᩠ᨮᩣᨶᩮ… ᨧᨲ᩠ᨲᩣᩁᩮᩣ ᨧ ᩈᨾ᩠ᨾᨸ᩠ᨸᨵᩣᨶᩮ… ᨧᨲ᩠ᨲᩣᩁᩮᩣ ᨧ ᩍᨴ᩠ᨵᩥᨸᩣᨴᩮ… ᨸᨬ᩠ᨧ ᨧ ᩍᨶ᩠ᨴᩕᩥᨿᩣᨶᩥ… ᨸᨬ᩠ᨧ ᨧ ᨻᩃᩣᨶᩥ… ᩈᨲ᩠ᨲ ᨧ ᨻᩮᩣᨩ᩠ᨫᨦ᩠ᨣᩮ… ᩋᩁᩥᨿᨬ᩠ᨧ ᩋᨭ᩠ᨮᨦ᩠ᨣᩥᨠᩴ ᨾᨣ᩠ᨣᩴ… ᩈᩮᩣᨲᩣᨸᨲ᩠ᨲᩥᨹᩃᨬ᩠ᨧ… ᩈᨠᨴᩣᨣᩣᨾᩥᨹᩃᨬ᩠ᨧ… ᩋᨶᩣᨣᩣᨾᩥᨹᩃᨬ᩠ᨧ… ᩋᩁᩉᨲ᩠ᨲᨬ᩠ᨧ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨴᩩᨲᩥᨿᩔ ᨧ ᨫᩣᨶᩔ ᩋᩁᩉᨲ᩠ᨲᩔ ᨧ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨴᩩᨲᩥᨿᨬ᩠ᨧ ᨫᩣᨶᩴ ᩋᩁᩉᨲ᩠ᨲᨬ᩠ᨧ ᩈᨧ᩠ᨨᩥᨠᨲᩴ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ᨴᩩᨲᩥᨿᨬ᩠ᨧ ᨫᩣᨶᩴ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨴᩩᨲᩥᨿᩔ ᨧ ᨫᩣᨶᩔ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨴᩩᨲᩥᨿᨬ᩠ᨧ ᨫᩣᨶᩴ ᩈᨧ᩠ᨨᩥᨠᨲᩴ ᨾᨿᩣ, ᩁᩣᨣᩮᩣ ᨧ ¶ ᨾᩮ ᨧᨲ᩠ᨲᩮᩣ… ᨴᩮᩣᩈᩮᩣ ᨧ ᨾᩮ ᨧᨲ᩠ᨲᩮᩣ… ᨾᩮᩣᩉᩮᩣ ᨧ ᨾᩮ ᨧᨲ᩠ᨲᩮᩣ ᩅᨶ᩠ᨲᩮᩣ ᨾᩩᨲ᩠ᨲᩮᩣ ᨸᩉᩦᨶᩮᩣ ᨸᨭᩥᨶᩥᩔᨭ᩠ᨮᩮᩣ ᩏᨠ᩠ᨡᩮᨭᩥᨲᩮᩣ ᩈᨾᩩᨠ᩠ᨡᩮᨭᩥᨲᩮᩣ. ᩁᩣᨣᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ… ᨴᩮᩣᩈᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ… ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ¶ …ᨸᩮ… ᩈᨲ᩠ᨲᩉᩣᨠᩣᩁᩮᩉᩥ ᨴᩩᨲᩥᨿᨬ᩠ᨧ ᨫᩣᨶᩴ ᨸᨮᨾᨬ᩠ᨧ ᨫᩣᨶᩴ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨴᩩᨲᩥᨿᩔ ᨧ ᨫᩣᨶᩔ ᨸᨮᨾᩔ ᨧ ᨫᩣᨶᩔ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨴᩩᨲᩥᨿᨬ᩠ᨧ ᨫᩣᨶᩴ ᨸᨮᨾᨬ᩠ᨧ ᨫᩣᨶᩴ ᩈᨧ᩠ᨨᩥᨠᨲᩴ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ…ᨸᩮ… ᩅᩥᨶᩥᨵᩣᨿ ᨽᩣᩅᩴ.

ᨻᨴ᩠ᨵᨧᨠ᩠ᨠᩴ.

ᩑᩅᩴ ᩑᨠᩮᨠᩴ ᨾᩪᩃᩴ ᨠᩣᨲᩩᨶ ᨻᨴ᩠ᨵᨧᨠ᩠ᨠᩴ ᨸᩁᩥᩅᨲ᩠ᨲᨠᩴ ᨠᨲ᩠ᨲᨻ᩠ᨻᩴ.

ᩍᨴᩴ ᩈᩴᨡᩥᨲ᩠ᨲᩴ.

᪒᪑᪑. ᨲᩦᩉᩣᨠᩣᩁᩮᩉᩥ ¶ ᨲᨲᩥᨿᨬ᩠ᨧ ᨫᩣᨶᩴ ᨧᨲᩩᨲ᩠ᨳᨬ᩠ᨧ ᨫᩣᨶᩴ…ᨸᩮ… ᨲᨲᩥᨿᨬ᩠ᨧ ᨫᩣᨶᩴ ᩋᩁᩉᨲ᩠ᨲᨬ᩠ᨧ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨲᨲᩥᨿᩔ ᨧ ᨫᩣᨶᩔ ᩋᩁᩉᨲ᩠ᨲᩔ ᨧ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨲᨲᩥᨿᨬ᩠ᨧ ᨫᩣᨶᩴ ᩋᩁᩉᨲ᩠ᨲᨬ᩠ᨧ ᩈᨧ᩠ᨨᩥᨠᨲᩴ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ᨲᨲᩥᨿᨬ᩠ᨧ ᨫᩣᨶᩴ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨲᨲᩥᨿᩔ ᨧ ᨫᩣᨶᩔ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨲᨲᩥᨿᨬ᩠ᨧ ᨫᩣᨶᩴ ᩈᨧ᩠ᨨᩥᨠᨲᩴ ᨾᨿᩣ, ᩁᩣᨣᩮᩣ ᨧ ᨾᩮ ᨧᨲ᩠ᨲᩮᩣ… ᨴᩮᩣᩈᩮᩣ ᨧ ᨾᩮ ᨧᨲ᩠ᨲᩮᩣ… ᨾᩮᩣᩉᩮᩣ ᨧ ᨾᩮ ᨧᨲ᩠ᨲᩮᩣ ᩅᨶ᩠ᨲᩮᩣ ᨾᩩᨲ᩠ᨲᩮᩣ ᨸᩉᩦᨶᩮᩣ ᨸᨭᩥᨶᩥᩔᨭ᩠ᨮᩮᩣ ᩏᨠ᩠ᨡᩮᨭᩥᨲᩮᩣ ᩈᨾᩩᨠ᩠ᨡᩮᨭᩥᨲᩮᩣ. ᩁᩣᨣᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ… ᨴᩮᩣᩈᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ… ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ᨲᨲᩥᨿᨬ᩠ᨧ ᨫᩣᨶᩴ ᨸᨮᨾᨬ᩠ᨧ ᨫᩣᨶᩴ… ᨲᨲᩥᨿᨬ᩠ᨧ ᨫᩣᨶᩴ ᨴᩩᨲᩥᨿᨬ᩠ᨧ ᨫᩣᨶᩴ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨲᨲᩥᨿᩔ ᨧ ᨫᩣᨶᩔ ᨴᩩᨲᩥᨿᩔ ᨧ ᨫᩣᨶᩔ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨲᨲᩥᨿᨬ᩠ᨧ ᨫᩣᨶᩴ ᨴᩩᨲᩥᨿᨬ᩠ᨧ ᨫᩣᨶᩴ ᩈᨧ᩠ᨨᩥᨠᨲᩴ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᨠᩣᩁᩮᩉᩥ ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᨸᨮᨾᨬ᩠ᨧ ᨫᩣᨶᩴ…ᨸᩮ… ᨴᩩᨲᩥᨿᨬ᩠ᨧ ᨫᩣᨶᩴ… ᨲᨲᩥᨿᨬ᩠ᨧ ᨫᩣᨶᩴ… ᨧᨲᩩᨲ᩠ᨳᨬ᩠ᨧ ᨫᩣᨶᩴ ¶ ᩈᨾᩣᨸᨩ᩠ᨩᩥᩴ ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᨧᨲᩩᨲ᩠ᨳᩔ ᨧ ᨫᩣᨶᩔ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᨧᨲᩩᨲ᩠ᨳᨬ᩠ᨧ ᨫᩣᨶᩴ ᩈᨧ᩠ᨨᩥᨠᨲᩴ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

᪒᪑᪒. ᨲᩦᩉᩣᨠᩣᩁᩮᩉᩥ ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᩈᩩᨬ᩠ᨬᨲᨬ᩠ᨧ ᩅᩥᨾᩮᩣᨠ᩠ᨡᩴ… ᩋᨶᩥᨾᩥᨲ᩠ᨲᨬ᩠ᨧ ᩅᩥᨾᩮᩣᨠ᩠ᨡᩴ… ᩋᨸ᩠ᨸᨱᩥᩉᩥᨲᨬ᩠ᨧ ᩅᩥᨾᩮᩣᨠ᩠ᨡᩴ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᩋᨸ᩠ᨸᨱᩥᩉᩥᨲᩔ ᨧ ᩅᩥᨾᩮᩣᨠ᩠ᨡᩔ ¶ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᩋᨸ᩠ᨸᨱᩥᩉᩥᨲᩮᩣ ᨧ ᩅᩥᨾᩮᩣᨠ᩠ᨡᩮᩣ ᩈᨧ᩠ᨨᩥᨠᨲᩮᩣ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᩈᩩᨬ᩠ᨬᨲᨬ᩠ᨧ ᩈᨾᩣᨵᩥᩴ… ᩋᨶᩥᨾᩥᨲ᩠ᨲᨬ᩠ᨧ ᩈᨾᩣᨵᩥᩴ… ¶ ᩋᨸ᩠ᨸᨱᩥᩉᩥᨲᨬ᩠ᨧ ᩈᨾᩣᨵᩥᩴ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᩋᨸ᩠ᨸᨱᩥᩉᩥᨲᩔ ᨧ ᩈᨾᩣᨵᩥᩔ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᩋᨸ᩠ᨸᨱᩥᩉᩥᨲᩮᩣ ᨧ ᩈᨾᩣᨵᩥ ᩈᨧ᩠ᨨᩥᨠᨲᩮᩣ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᩈᩩᨬ᩠ᨬᨲᨬ᩠ᨧ ᩈᨾᩣᨸᨲ᩠ᨲᩥᩴ… ᩋᨶᩥᨾᩥᨲ᩠ᨲᨬ᩠ᨧ ᩈᨾᩣᨸᨲ᩠ᨲᩥᩴ… ᩋᨸ᩠ᨸᨱᩥᩉᩥᨲᨬ᩠ᨧ ᩈᨾᩣᨸᨲ᩠ᨲᩥᩴ ᩈᨾᩣᨸᨩ᩠ᨩᩥᩴ ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᩋᨸ᩠ᨸᨱᩥᩉᩥᨲᩣᨿ ᨧ ᩈᨾᩣᨸᨲ᩠ᨲᩥᨿᩣ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᩋᨸ᩠ᨸᨱᩥᩉᩥᨲᩣ ᨧ ᩈᨾᩣᨸᨲ᩠ᨲᩥ ᩈᨧ᩠ᨨᩥᨠᨲᩣ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᨲᩥᩔᩮᩣ ᨧ ᩅᩥᨩ᩠ᨩᩣ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ‘ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᨲᩥᩔᨶ᩠ᨶᨬ᩠ᨧ ᩅᩥᨩ᩠ᨩᩣᨶᩴ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᨲᩥᩔᩮᩣ ᨧ ᩅᩥᨩ᩠ᨩᩣ ᩈᨧ᩠ᨨᩥᨠᨲᩣ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᨧᨲ᩠ᨲᩣᩁᩮᩣ ᨧ ᩈᨲᩥᨸᨭ᩠ᨮᩣᨶᩮ… ᨧᨲ᩠ᨲᩣᩁᩮᩣ ᨧ ᩈᨾ᩠ᨾᨸ᩠ᨸᨵᩣᨶᩮ… ᨧᨲ᩠ᨲᩣᩁᩮᩣ ᨧ ᩍᨴ᩠ᨵᩥᨸᩣᨴᩮ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᨧᨲᩩᨶ᩠ᨶᨬ᩠ᨧ ᩍᨴ᩠ᨵᩥᨸᩣᨴᩣᨶᩴ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᨧᨲ᩠ᨲᩣᩁᩮᩣ ᨧ ᩍᨴ᩠ᨵᩥᨸᩣᨴᩣ ᩈᨧ᩠ᨨᩥᨠᨲᩣ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

᪒᪑᪓. ᨲᩦᩉᩣᨠᩣᩁᩮᩉᩥ ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᨸᨬ᩠ᨧ ᨧ ᩍᨶ᩠ᨴᩕᩥᨿᩣᨶᩥ… ᨸᨬ᩠ᨧ ᨧ ᨻᩃᩣᨶᩥ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᨸᨬ᩠ᨧᨶ᩠ᨶᨬ᩠ᨧ ᨻᩃᩣᨶᩴ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᨸᨬ᩠ᨧ ᨧ ᨻᩃᩣᨶᩥ ᩈᨧ᩠ᨨᩥᨠᨲᩣᨶᩥ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ¶ ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᩈᨲ᩠ᨲ ᨧ ᨻᩮᩣᨩ᩠ᨫᨦ᩠ᨣᩮ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᩈᨲ᩠ᨲᨶ᩠ᨶᨬ᩠ᨧ ᨻᩮᩣᨩ᩠ᨫᨦ᩠ᨣᩣᨶᩴ ᩃᩣᨽᩦᨾ᩠ᩉᩥ ¶ … ᩅᩈᩦᨾ᩠ᩉᩥ… ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᩈᨲ᩠ᨲ ᨧ ᨻᩮᩣᨩ᩠ᨫᨦ᩠ᨣᩣ ᩈᨧ᩠ᨨᩥᨠᨲᩣ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᩋᩁᩥᨿᨬ᩠ᨧ ᩋᨭ᩠ᨮᨦ᩠ᨣᩥᨠᩴ ᨾᨣ᩠ᨣᩴ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᩋᩁᩥᨿᩔ ᨧ ᩋᨭ᩠ᨮᨦ᩠ᨣᩥᨠᩔ ᨾᨣ᩠ᨣᩔ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᩋᩁᩥᨿᩮᩣ ᨧ ᩋᨭ᩠ᨮᨦ᩠ᨣᩥᨠᩮᩣ ᨾᨣ᩠ᨣᩮᩣ ᩈᨧ᩠ᨨᩥᨠᨲᩮᩣ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᩈᩮᩣᨲᩣᨸᨲ᩠ᨲᩥᨹᩃᨬ᩠ᨧ… ᩈᨠᨴᩣᨣᩣᨾᩥᨹᩃᨬ᩠ᨧ… ᩋᨶᩣᨣᩣᨾᩥᨹᩃᨬ᩠ᨧ… ᩋᩁᩉᨲ᩠ᨲᨬ᩠ᨧ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ… ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᩋᩁᩉᨲ᩠ᨲᩔ ᨧ ᩃᩣᨽᩦᨾ᩠ᩉᩥ… ᩅᩈᩦᨾ᩠ᩉᩥ… ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᩋᩁᩉᨲ᩠ᨲᨬ᩠ᨧ ᩈᨧ᩠ᨨᩥᨠᨲᩴ ᨾᨿᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ, ᩁᩣᨣᩮᩣ ᨧ ᨾᩮ ᨧᨲ᩠ᨲᩮᩣ… ᨴᩮᩣᩈᩮᩣ ᨧ ᨾᩮ ᨧᨲ᩠ᨲᩮᩣ… ᨾᩮᩣᩉᩮᩣ ᨧ ᨾᩮ ᨧᨲ᩠ᨲᩮᩣ ᩅᨶ᩠ᨲᩮᩣ ᨾᩩᨲ᩠ᨲᩮᩣ ᨸᩉᩦᨶᩮᩣ ᨸᨭᩥᨶᩥᩔᨭ᩠ᨮᩮᩣ ᩏᨠ᩠ᨡᩮᨭᩥᨲᩮᩣ ᩈᨾᩩᨠ᩠ᨡᩮᨭᩥᨲᩮᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ.

ᨲᩦᩉᩣᨠᩣᩁᩮᩉᩥ…ᨸᩮ… ¶ ᩈᨲ᩠ᨲᩉᩣᨠᩣᩁᩮᩉᩥ ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᩁᩣᨣᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ… ᨴᩮᩣᩈᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ, ᩅᩥᨶᩥᨵᩣᨿ ᨡᨶ᩠ᨲᩥᩴ, ᩅᩥᨶᩥᨵᩣᨿ ᩁᩩᨧᩥᩴ, ᩅᩥᨶᩥᨵᩣᨿ ᨽᩣᩅᩴ.

ᩑᨠᨾᩪᩃᨠᩴ ᨶᩥᨭ᩠ᨮᩥᨲᩴ. [ᩑᨠᨾᩪᩃᨠᩴ ᩈᨦ᩠ᨡᩥᨲ᩠ᨲᩴ ᨶᩥᨭ᩠ᨮᩥᨲᩴ (ᩈ᩠ᨿᩣ.)]

ᨿᨳᩣ ᩑᨠᨾᩪᩃᨠᩴ ᩅᩥᨲ᩠ᨳᩣᩁᩥᨲᩴ ᩑᩅᨾᩮᩅ ᨴᩩᨾᩪᩃᨠᩣᨴᩥᨸᩥ ᩅᩥᨲ᩠ᨳᩣᩁᩮᨲᨻ᩠ᨻᩴ.

ᩍᨴᩴ ᩈᨻ᩠ᨻᨾᩪᩃᨠᩴ

᪒᪑᪔. ᨲᩦᩉᩣᨠᩣᩁᩮᩉᩥ ¶ …ᨸᩮ… ᩈᨲ᩠ᨲᩉᩣᨠᩣᩁᩮᩉᩥ ᨸᨮᨾᨬ᩠ᨧ ᨫᩣᨶᩴ ᨴᩩᨲᩥᨿᨬ᩠ᨧ ᨫᩣᨶᩴ ᨲᨲᩥᨿᨬ᩠ᨧ ¶ ᨫᩣᨶᩴ ᨧᨲᩩᨲ᩠ᨳᨬ᩠ᨧ ᨫᩣᨶᩴ ᩈᩩᨬ᩠ᨬᨲᨬ᩠ᨧ ᩅᩥᨾᩮᩣᨠ᩠ᨡᩴ ¶ ᩋᨶᩥᨾᩥᨲ᩠ᨲᨬ᩠ᨧ ᩅᩥᨾᩮᩣᨠ᩠ᨡᩴ ᩋᨸ᩠ᨸᨱᩥᩉᩥᨲᨬ᩠ᨧ ᩅᩥᨾᩮᩣᨠ᩠ᨡᩴ ᩈᩩᨬ᩠ᨬᨲᨬ᩠ᨧ ᩈᨾᩣᨵᩥᩴ ᩋᨶᩥᨾᩥᨲ᩠ᨲᨬ᩠ᨧ ᩈᨾᩣᨵᩥᩴ ᩋᨸ᩠ᨸᨱᩥᩉᩥᨲᨬ᩠ᨧ ᩈᨾᩣᨵᩥᩴ ᩈᩩᨬ᩠ᨬᨲᨬ᩠ᨧ ᩈᨾᩣᨸᨲ᩠ᨲᩥᩴ ᩋᨶᩥᨾᩥᨲ᩠ᨲᨬ᩠ᨧ ᩈᨾᩣᨸᨲ᩠ᨲᩥᩴ ᩋᨸ᩠ᨸᨱᩥᩉᩥᨲᨬ᩠ᨧ ᩈᨾᩣᨸᨲ᩠ᨲᩥᩴ ᨲᩥᩔᩮᩣ ᨧ ᩅᩥᨩ᩠ᨩᩣ ᨧᨲ᩠ᨲᩣᩁᩮᩣ ᨧ ᩈᨲᩥᨸᨭ᩠ᨮᩣᨶᩮ ᨧᨲ᩠ᨲᩣᩁᩮᩣ ᨧ ᩈᨾ᩠ᨾᨸ᩠ᨸᨵᩣᨶᩮ ᨧᨲ᩠ᨲᩣᩁᩮᩣ ᨧ ᩍᨴ᩠ᨵᩥᨸᩣᨴᩮ ᨸᨬ᩠ᨧ ᨧ ᩍᨶ᩠ᨴᩕᩥᨿᩣᨶᩥ ᨸᨬ᩠ᨧ ᨧ ᨻᩃᩣᨶᩥ ᩈᨲ᩠ᨲ ᨧ ᨻᩮᩣᨩ᩠ᨫᨦ᩠ᨣᩮ ᩋᩁᩥᨿᨬ᩠ᨧ ᩋᨭ᩠ᨮᨦ᩠ᨣᩥᨠᩴ ᨾᨣ᩠ᨣᩴ ᩈᩮᩣᨲᩣᨸᨲ᩠ᨲᩥᨹᩃᨬ᩠ᨧ ᩈᨠᨴᩣᨣᩣᨾᩥᨹᩃᨬ᩠ᨧ ᩋᨶᩣᨣᩣᨾᩥᨹᩃᨬ᩠ᨧ ᩋᩁᩉᨲ᩠ᨲᨬ᩠ᨧ ᩈᨾᩣᨸᨩ᩠ᨩᩥᩴ… ᩈᨾᩣᨸᨩ᩠ᨩᩣᨾᩥ… ᩈᨾᩣᨸᨶ᩠ᨶᩮᩣ…ᨸᩮ… ᩁᩣᨣᩮᩣ ᨧ ᨾᩮ ᨧᨲ᩠ᨲᩮᩣ, ᨴᩮᩣᩈᩮᩣ ᨧ ᨾᩮ ᨧᨲ᩠ᨲᩮᩣ, ᨾᩮᩣᩉᩮᩣ ᨧ ᨾᩮ ᨧᨲ᩠ᨲᩮᩣ ᩅᨶ᩠ᨲᩮᩣ ᨾᩩᨲ᩠ᨲᩮᩣ ᨸᩉᩦᨶᩮᩣ ᨸᨭᩥᨶᩥᩔᨭ᩠ᨮᩮᩣ ᩏᨠ᩠ᨡᩮᨭᩥᨲᩮᩣ ᩈᨾᩩᨠ᩠ᨡᩮᨭᩥᨲᩮᩣ. ᩁᩣᨣᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ, ᨴᩮᩣᩈᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ, ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ. ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ, ᩅᩥᨶᩥᨵᩣᨿ ᨡᨶ᩠ᨲᩥᩴ, ᩅᩥᨶᩥᨵᩣᨿ ᩁᩩᨧᩥᩴ, ᩅᩥᨶᩥᨵᩣᨿ ᨽᩣᩅᩴ.

ᩈᨻ᩠ᨻᨾᩪᩃᨠᩴ ᨶᩥᨭ᩠ᨮᩥᨲᩴ.

ᩈᩩᨴ᩠ᨵᩥᨠᩅᩣᩁᨠᨳᩣ ᨶᩥᨭ᩠ᨮᩥᨲᩣ.

᪒᪑᪕. ᨲᩦᩉᩣᨠᩣᩁᩮᩉᩥ ¶ ᨸᨮᨾᩴ ᨫᩣᨶᩴ ᩈᨾᩣᨸᨩ᩠ᨩᩥᨶ᩠ᨲᩥ ᩅᨲ᩠ᨲᩩᨠᩣᨾᩮᩣ ᨴᩩᨲᩥᨿᩴ ᨫᩣᨶᩴ ᩈᨾᩣᨸᨩ᩠ᨩᩥᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ; ᨶ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ.

ᨲᩦᩉᩣᨠᩣᩁᩮᩉᩥ ᨸᨮᨾᩴ ᨫᩣᨶᩴ ᩈᨾᩣᨸᨩ᩠ᨩᩥᨶ᩠ᨲᩥ ᩅᨲ᩠ᨲᩩᨠᩣᨾᩮᩣ ᨲᨲᩥᨿᩴ ᨫᩣᨶᩴ ᩈᨾᩣᨸᨩ᩠ᨩᩥᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ; ᨶ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ.

ᨲᩦᩉᩣᨠᩣᩁᩮᩉᩥ ᨸᨮᨾᩴ ᨫᩣᨶᩴ ᩈᨾᩣᨸᨩ᩠ᨩᩥᨶ᩠ᨲᩥ ᩅᨲ᩠ᨲᩩᨠᩣᨾᩮᩣ ᨧᨲᩩᨲ᩠ᨳᩴ ᨫᩣᨶᩴ ᩈᨾᩣᨸᨩ᩠ᨩᩥᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ; ᨶ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ.

ᨲᩦᩉᩣᨠᩣᩁᩮᩉᩥ ¶ …ᨸᩮ… ᩈᨲ᩠ᨲᩉᩣᨠᩣᩁᩮᩉᩥ ᨸᨮᨾᩴ ᨫᩣᨶᩴ ᩈᨾᩣᨸᨩ᩠ᨩᩥᨶ᩠ᨲᩥ ᩅᨲ᩠ᨲᩩᨠᩣᨾᩮᩣ ᩈᩩᨬ᩠ᨬᨲᩴ ¶ ᩅᩥᨾᩮᩣᨠ᩠ᨡᩴ… ᩋᨶᩥᨾᩥᨲ᩠ᨲᩴ ᩅᩥᨾᩮᩣᨠ᩠ᨡᩴ… ᩋᨸ᩠ᨸᨱᩥᩉᩥᨲᩴ ᩅᩥᨾᩮᩣᨠ᩠ᨡᩴ… ᩈᩩᨬ᩠ᨬᨲᩴ ᩈᨾᩣᨵᩥᩴ… ᩋᨶᩥᨾᩥᨲ᩠ᨲᩴ ᩈᨾᩣᨵᩥᩴ… ᩋᨸ᩠ᨸᨱᩥᩉᩥᨲᩴ ᩈᨾᩣᨵᩥᩴ… ᩈᩩᨬ᩠ᨬᨲᩴ ᩈᨾᩣᨸᨲ᩠ᨲᩥᩴ… ᩋᨶᩥᨾᩥᨲ᩠ᨲᩴ ᩈᨾᩣᨸᨲ᩠ᨲᩥᩴ… ᩋᨸ᩠ᨸᨱᩥᩉᩥᨲᩴ ᩈᨾᩣᨸᨲ᩠ᨲᩥᩴ… ᨲᩥᩔᩮᩣ ᩅᩥᨩ᩠ᨩᩣ… ᨧᨲ᩠ᨲᩣᩁᩮᩣ ᩈᨲᩥᨸᨭ᩠ᨮᩣᨶᩮ… ᨧᨲ᩠ᨲᩣᩁᩮᩣ ᩈᨾ᩠ᨾᨸ᩠ᨸᨵᩣᨶᩮ… ᨧᨲ᩠ᨲᩣᩁᩮᩣ ᩍᨴ᩠ᨵᩥᨸᩣᨴᩮ… ᨸᨬ᩠ᨧᩥᨶ᩠ᨴᩕᩥᨿᩣᨶᩥ… ᨸᨬ᩠ᨧ ᨻᩃᩣᨶᩥ… ᩈᨲ᩠ᨲ ᨻᩮᩣᨩ᩠ᨫᨦ᩠ᨣᩮ… ᩋᩁᩥᨿᩴ ᩋᨭ᩠ᨮᨦ᩠ᨣᩥᨠᩴ ᨾᨣ᩠ᨣᩴ… ᩈᩮᩣᨲᩣᨸᨲ᩠ᨲᩥᨹᩃᩴ… ᩈᨠᨴᩣᨣᩣᨾᩥᨹᩃᩴ… ᩋᨶᩣᨣᩣᨾᩥᨹᩃᩴ… ᩋᩁᩉᨲ᩠ᨲᩴ ᩈᨾᩣᨸᨩ᩠ᨩᩥᩴ…ᨸᩮ… ᩁᩣᨣᩮᩣ ᨾᩮ ᨧᨲ᩠ᨲᩮᩣ… ᨴᩮᩣᩈᩮᩣ ᨾᩮ ᨧᨲ᩠ᨲᩮᩣ… ᨾᩮᩣᩉᩮᩣ ᨾᩮ ᨧᨲ᩠ᨲᩮᩣ ᩅᨶ᩠ᨲᩮᩣ ᨾᩩᨲ᩠ᨲᩮᩣ ᨸᩉᩦᨶᩮᩣ ᨸᨭᩥᨶᩥᩔᨭ᩠ᨮᩮᩣ ᩏᨠ᩠ᨡᩮᨭᩥᨲᩮᩣ ᩈᨾᩩᨠ᩠ᨡᩮᨭᩥᨲᩮᩣ. ᩁᩣᨣᩣ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ… ᨴᩮᩣᩈᩣ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ… ᨾᩮᩣᩉᩣ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ¶ ᨽᨱᨶ᩠ᨲᩔ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ; ᨶ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ, ᩅᩥᨶᩥᨵᩣᨿ ᨡᨶ᩠ᨲᩥᩴ, ᩅᩥᨶᩥᨵᩣᨿ ᩁᩩᨧᩥᩴ, ᩅᩥᨶᩥᨵᩣᨿ ᨽᩣᩅᩴ.

ᩅᨲ᩠ᨳᩩᩅᩥᩈᩣᩁᨠᩔ ᩑᨠᨾᩪᩃᨠᩔ ᨡᨱ᩠ᨯᨧᨠ᩠ᨠᩴ ᨶᩥᨭ᩠ᨮᩥᨲᩴ.

᪒᪑᪖. ᨲᩦᩉᩣᨠᩣᩁᩮᩉᩥ ¶ ᨴᩩᨲᩥᨿᩴ ᨫᩣᨶᩴ ᩈᨾᩣᨸᨩ᩠ᨩᩥᨶ᩠ᨲᩥ ᩅᨲ᩠ᨲᩩᨠᩣᨾᩮᩣ ᨲᨲᩥᨿᩴ ᨫᩣᨶᩴ ᩈᨾᩣᨸᨩ᩠ᨩᩥᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ; ᨶ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ.

ᨲᩦᩉᩣᨠᩣᩁᩮᩉᩥ ᨴᩩᨲᩥᨿᩴ ᨫᩣᨶᩴ ᩈᨾᩣᨸᨩ᩠ᨩᩥᨶ᩠ᨲᩥ ᩅᨲ᩠ᨲᩩᨠᩣᨾᩮᩣ ᨧᨲᩩᨲ᩠ᨳᩴ ᨫᩣᨶᩴ ᩈᨾᩣᨸᨩ᩠ᨩᩥᨶ᩠ᨲᩥ…ᨸᩮ… ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ; ᨶ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ.

ᨲᩦᩉᩣᨠᩣᩁᩮᩉᩥ…ᨸᩮ… ᩈᨲ᩠ᨲᩉᩣᨠᩣᩁᩮᩉᩥ ᨴᩩᨲᩥᨿᩴ ᨫᩣᨶᩴ ᩈᨾᩣᨸᨩ᩠ᨩᩥᨶ᩠ᨲᩥ ᩅᨲ᩠ᨲᩩᨠᩣᨾᩮᩣ ᨸᨮᨾᩴ ᨫᩣᨶᩴ ᩈᨾᩣᨸᨩ᩠ᨩᩥᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ ¶ ; ᨶ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ…ᨸᩮ… ᩅᩥᨶᩥᨵᩣᨿ ᨽᩣᩅᩴ.

ᩅᨲ᩠ᨳᩩᩅᩥᩈᩣᩁᨠᩔ ᩑᨠᨾᩪᩃᨠᩔ ᨻᨴ᩠ᨵᨧᨠ᩠ᨠᩴ.

ᨾᩪᩃᩴ ᩈᩴᨡᩥᨲ᩠ᨲᩴ.

᪒᪑᪗. ᨲᩦᩉᩣᨠᩣᩁᩮᩉᩥ ¶ ¶ ᨾᩮᩣᩉᩣ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᨶ᩠ᨲᩥ ᩅᨲ᩠ᨲᩩᨠᩣᨾᩮᩣ ᨸᨮᨾᩴ ᨫᩣᨶᩴ ᩈᨾᩣᨸᨩ᩠ᨩᩥᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ; ᨶ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ.

ᨲᩦᩉᩣᨠᩣᩁᩮᩉᩥ…ᨸᩮ… ᩈᨲ᩠ᨲᩉᩣᨠᩣᩁᩮᩉᩥ ᨾᩮᩣᩉᩣ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᨶ᩠ᨲᩥ ᩅᨲ᩠ᨲᩩᨠᩣᨾᩮᩣ ᨴᩮᩣᩈᩣ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ; ᨶ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ…ᨸᩮ… ᩅᩥᨶᩥᨵᩣᨿ ᨽᩣᩅᩴ.

ᩅᨲ᩠ᨳᩩᩅᩥᩈᩣᩁᨠᩔ ᩑᨠᨾᩪᩃᨠᩴ ᨶᩥᨭ᩠ᨮᩥᨲᩴ.

ᨿᨳᩣ ᩑᨠᨾᩪᩃᨠᩴ ᩅᩥᨲ᩠ᨳᩣᩁᩥᨲᩴ ᩑᩅᨾᩮᩅ ᨴᩩᨾᩪᩃᨠᩣᨴᩥᨸᩥ ᩅᩥᨲ᩠ᨳᩣᩁᩮᨲᨻ᩠ᨻᩴ.

ᩍᨴᩴ ᩈᨻ᩠ᨻᨾᩪᩃᨠᩴ

᪒᪑᪘. ᨲᩦᩉᩣᨠᩣᩁᩮᩉᩥ…ᨸᩮ… ᩈᨲ᩠ᨲᩉᩣᨠᩣᩁᩮᩉᩥ ᨸᨮᨾᨬ᩠ᨧ ᨫᩣᨶᩴ ᨴᩩᨲᩥᨿᨬ᩠ᨧ ᨫᩣᨶᩴ ᨲᨲᩥᨿᨬ᩠ᨧ ᨫᩣᨶᩴ ᨧᨲᩩᨲ᩠ᨳᨬ᩠ᨧ ᨫᩣᨶᩴ ᩈᩩᨬ᩠ᨬᨲᨬ᩠ᨧ ᩅᩥᨾᩮᩣᨠ᩠ᨡᩴ ᩋᨶᩥᨾᩥᨲ᩠ᨲᨬ᩠ᨧ ᩅᩥᨾᩮᩣᨠ᩠ᨡᩴ ᩋᨸ᩠ᨸᨱᩥᩉᩥᨲᨬ᩠ᨧ ᩅᩥᨾᩮᩣᨠ᩠ᨡᩴ ᩈᩩᨬ᩠ᨬᨲᨬ᩠ᨧ ᩈᨾᩣᨵᩥᩴ ᩋᨶᩥᨾᩥᨲ᩠ᨲᨬ᩠ᨧ ᩈᨾᩣᨵᩥᩴ ᩋᨸ᩠ᨸᨱᩥᩉᩥᨲᨬ᩠ᨧ ᩈᨾᩣᨵᩥᩴ ᩈᩩᨬ᩠ᨬᨲᨬ᩠ᨧ ᩈᨾᩣᨸᨲ᩠ᨲᩥᩴ ᩋᨶᩥᨾᩥᨲ᩠ᨲᨬ᩠ᨧ ᩈᨾᩣᨸᨲ᩠ᨲᩥᩴ ᩋᨸ᩠ᨸᨱᩥᩉᩥᨲᨬ᩠ᨧ ᩈᨾᩣᨸᨲ᩠ᨲᩥᩴ ᨲᩥᩔᩮᩣ ᨧ ᩅᩥᨩ᩠ᨩᩣ ᨧᨲ᩠ᨲᩣᩁᩮᩣ ᨧ ᩈᨲᩥᨸᨭ᩠ᨮᩣᨶᩮ ᨧᨲ᩠ᨲᩣᩁᩮᩣ ᨧ ᩈᨾ᩠ᨾᨸ᩠ᨸᨵᩣᨶᩮ ᨧᨲ᩠ᨲᩣᩁᩮᩣ ᨧ ᩍᨴ᩠ᨵᩥᨸᩣᨴᩮ ᨸᨬ᩠ᨧ ᨧ ᩍᨶ᩠ᨴᩕᩥᨿᩣᨶᩥ ᨸᨬ᩠ᨧ ᨧ ᨻᩃᩣᨶᩥ ᩈᨲ᩠ᨲ ᨧ ᨻᩮᩣᨩ᩠ᨫᨦ᩠ᨣᩮ ᩋᩁᩥᨿᨬ᩠ᨧ ᩋᨭ᩠ᨮᨦ᩠ᨣᩥᨠᩴ ᨾᨣ᩠ᨣᩴ ᩈᩮᩣᨲᩣᨸᨲ᩠ᨲᩥᨹᩃᨬ᩠ᨧ ᩈᨠᨴᩣᨣᩣᨾᩥᨹᩃᨬ᩠ᨧ ᩋᨶᩣᨣᩣᨾᩥᨹᩃᨬ᩠ᨧ ᩋᩁᩉᨲ᩠ᨲᨬ᩠ᨧ ᩈᨾᩣᨸᨩ᩠ᨩᩥᩴ…ᨸᩮ… ᩁᩣᨣᩮᩣ ᨧ ᨾᩮ ᨧᨲ᩠ᨲᩮᩣ… ᨴᩮᩣᩈᩮᩣ ᨧ ᨾᩮ ᨧᨲ᩠ᨲᩮᩣ… ᨾᩮᩣᩉᩮᩣ ᨧ ᨾᩮ ᨧᨲ᩠ᨲᩮᩣ ᩅᨶ᩠ᨲᩮᩣ ᨾᩩᨲ᩠ᨲᩮᩣ ᨸᩉᩦᨶᩮᩣ ᨸᨭᩥᨶᩥᩔᨭ᩠ᨮᩮᩣ ᩏᨠ᩠ᨡᩮᨭᩥᨲᩮᩣ ᩈᨾᩩᨠ᩠ᨡᩮᨭᩥᨲᩮᩣ. ᩁᩣᨣᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ… ᨴᩮᩣᩈᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᨶ᩠ᨲᩥ ᩅᨲ᩠ᨲᩩᨠᩣᨾᩮᩣ ᨾᩮᩣᩉᩣ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ¶ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ; ᨶ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. [[ ] ᩑᨲ᩠ᨳᨶ᩠ᨲᩁᩮ ᨸᩣᨮᩣ ᩈ᩠ᨿᩣᨾᨸᩮᩣᨲ᩠ᨳᨠᩮ ᨶᨲ᩠ᨳᩥ]

᪒᪑᪙. ᨲᩦᩉᩣᨠᩣᩁᩮᩉᩥ ᨴᩩᨲᩥᨿᨬ᩠ᨧ ᨫᩣᨶᩴ ᨲᨲᩥᨿᨬ᩠ᨧ ᨫᩣᨶᩴ ᨧᨲᩩᨲ᩠ᨳᨬ᩠ᨧ ᨫᩣᨶᩴ ᩈᩩᨬ᩠ᨬᨲᨬ᩠ᨧ ᩅᩥᨾᩮᩣᨠ᩠ᨡᩴ ᩋᨶᩥᨾᩥᨲ᩠ᨲᨬ᩠ᨧ ᩅᩥᨾᩮᩣᨠ᩠ᨡᩴ ᩋᨸ᩠ᨸᨱᩥᩉᩥᨲᨬ᩠ᨧ ᩅᩥᨾᩮᩣᨠ᩠ᨡᩴ ᩈᩩᨬ᩠ᨬᨲᨬ᩠ᨧ ᩈᨾᩣᨵᩥᩴ ᩋᨶᩥᨾᩥᨲ᩠ᨲᨬ᩠ᨧ ᩈᨾᩣᨵᩥᩴ ᩋᨸ᩠ᨸᨱᩥᩉᩥᨲᨬ᩠ᨧ ᩈᨾᩣᨵᩥᩴ ᩈᩩᨬ᩠ᨬᨲᨬ᩠ᨧ ᩈᨾᩣᨸᨲ᩠ᨲᩥᩴ ᩋᨶᩥᨾᩥᨲ᩠ᨲᨬ᩠ᨧ ᩈᨾᩣᨸᨲ᩠ᨲᩥᩴ ᩋᨸ᩠ᨸᨱᩥᩉᩥᨲᨬ᩠ᨧ ᩈᨾᩣᨸᨲ᩠ᨲᩥᩴ ᨲᩥᩔᩮᩣ ᨧ ᩅᩥᨩ᩠ᨩᩣ ᨧᨲ᩠ᨲᩣᩁᩮᩣ ᨧ ᩈᨲᩥᨸᨭ᩠ᨮᩣᨶᩮ ᨧᨲ᩠ᨲᩣᩁᩮᩣ ᨧ ᩈᨾ᩠ᨾᨸ᩠ᨸᨵᩣᨶᩮ ᨧᨲ᩠ᨲᩣᩁᩮᩣ ᨧ ᩍᨴ᩠ᨵᩥᨸᩣᨴᩮ ᨸᨬ᩠ᨧ ¶ ᨧ ᩍᨶ᩠ᨴᩕᩥᨿᩣᨶᩥ ᨸᨬ᩠ᨧ ᨧ ᨻᩃᩣᨶᩥ ᩈᨲ᩠ᨲ ᨧ ᨻᩮᩣᨩ᩠ᨫᨦ᩠ᨣᩮ ᩋᩁᩥᨿᨬ᩠ᨧ ᩋᨭ᩠ᨮᨦ᩠ᨣᩥᨠᩴ ᨾᨣ᩠ᨣᩴ ¶ ᩈᩮᩣᨲᩣᨸᨲ᩠ᨲᩥᨹᩃᨬ᩠ᨧ ᩈᨠᨴᩣᨣᩣᨾᩥᨹᩃᨬ᩠ᨧ ᩋᨶᩣᨣᩣᨾᩥᨹᩃᨬ᩠ᨧ ᩋᩁᩉᨲ᩠ᨲᨬ᩠ᨧ ᩈᨾᩣᨸᨩ᩠ᨩᩥᩴ…ᨸᩮ… ᩁᩣᨣᩮᩣ ᨧ ᨾᩮ ᨧᨲ᩠ᨲᩮᩣ… ᨴᩮᩣᩈᩮᩣ ᨧ ᨾᩮ ᨧᨲ᩠ᨲᩮᩣ… ᨾᩮᩣᩉᩮᩣ ᨧ ᨾᩮ ᨧᨲ᩠ᨲᩮᩣ ᩅᨶ᩠ᨲᩮᩣ ᨾᩩᨲ᩠ᨲᩮᩣ ᨸᩉᩦᨶᩮᩣ ᨸᨭᩥᨶᩥᩔᨭ᩠ᨮᩮᩣ ᩏᨠ᩠ᨡᩮᨭᩥᨲᩮᩣ ᩈᨾᩩᨠ᩠ᨡᩮᨭᩥᨲᩮᩣ. ᩁᩣᨣᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ… ᨴᩮᩣᩈᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ… ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᨶ᩠ᨲᩥ ᩅᨲ᩠ᨲᩩᨠᩣᨾᩮᩣ ᨸᨮᨾᩴ ᨫᩣᨶᩴ ᩈᨾᩣᨸᨩ᩠ᨩᩥᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ; ᨶ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ.

ᨲᩦᩉᩣᨠᩣᩁᩮᩉᩥ ᨲᨲᩥᨿᨬ᩠ᨧ ᨫᩣᨶᩴ ᨧᨲᩩᨲ᩠ᨳᨬ᩠ᨧ ᨫᩣᨶᩴ…ᨸᩮ… ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᨸᨮᨾᨬ᩠ᨧ ᨫᩣᨶᩴ ᩈᨾᩣᨸᨩ᩠ᨩᩥᨶ᩠ᨲᩥ ᩅᨲ᩠ᨲᩩᨠᩣᨾᩮᩣ ᨴᩩᨲᩥᨿᩴ ᨫᩣᨶᩴ ᩈᨾᩣᨸᨩ᩠ᨩᩥᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ; ᨶ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ.

ᨲᩦᩉᩣᨠᩣᩁᩮᩉᩥ…ᨸᩮ… ᩈᨲ᩠ᨲᩉᩣᨠᩣᩁᩮᩉᩥ ᨾᩮᩣᩉᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᩴ ᨸᨮᨾᨬ᩠ᨧ ᨫᩣᨶᩴ ᨴᩩᨲᩥᨿᨬ᩠ᨧ ᨫᩣᨶᩴ ᨲᨲᩥᨿᨬ᩠ᨧ ᨫᩣᨶᩴ ᨧᨲᩩᨲ᩠ᨳᨬ᩠ᨧ ᨫᩣᨶᩴ…ᨸᩮ… ᩁᩣᨣᩣ ᨧ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᨶ᩠ᨲᩥ ᩅᨲ᩠ᨲᩩᨠᩣᨾᩮᩣ ᨴᩮᩣᩈᩣ ᨾᩮ ᨧᩥᨲ᩠ᨲᩴ ᩅᩥᨶᩦᩅᩁᨱᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨸᩣᩁᩣᨩᩥᨠᩔ ¶ ; ᨶ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ, ᩅᩥᨶᩥᨵᩣᨿ ᨡᨶ᩠ᨲᩥᩴ, ᩅᩥᨶᩥᨵᩣᨿ ᩁᩩᨧᩥᩴ, ᩅᩥᨶᩥᨵᩣᨿ ᨽᩣᩅᩴ.

ᩅᨲ᩠ᨳᩩᩅᩥᩈᩣᩁᨠᩔ ᩈᨻ᩠ᨻᨾᩪᩃᨠᩴ ᨶᩥᨭ᩠ᨮᩥᨲᩴ.

ᩅᨲ᩠ᨳᩩᩅᩥᩈᩣᩁᨠᩔ ᨧᨠ᩠ᨠᨸᩮᨿ᩠ᨿᩣᩃᩴ ᨶᩥᨭ᩠ᨮᩥᨲᩴ.

ᩅᨲ᩠ᨳᩩᨠᩣᨾᩅᩣᩁᨠᨳᩣ ᨶᩥᨭ᩠ᨮᩥᨲᩣ.

᪒᪒᪐. ᨲᩦᩉᩣᨠᩣᩁᩮᩉᩥ ¶ ᨿᩮᩣ ᨲᩮ ᩅᩥᩉᩣᩁᩮ ᩅᩈᩥ ᩈᩮᩣ ᨽᩥᨠ᩠ᨡᩩ ᨸᨮᨾᩴ ᨫᩣᨶᩴ ᩈᨾᩣᨸᨩ᩠ᨩᩥ… ᩈᨾᩣᨸᨩ᩠ᨩᨲᩥ… ᩈᨾᩣᨸᨶ᩠ᨶᩮᩣ… ᩈᩮᩣ ᨽᩥᨠ᩠ᨡᩩ ᨸᨮᨾᩔ ᨫᩣᨶᩔ ᩃᩣᨽᩦ… ᩅᩈᩦ… ᨲᩮᨶ ᨽᩥᨠ᩠ᨡᩩᨶᩣ ᨸᨮᨾᩴ ᨫᩣᨶᩴ ᩈᨧ᩠ᨨᩥᨠᨲᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ; ᨶ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᨧᨲᩪᩉᩣᨠᩣᩁᩮᩉᩥ ¶ … ᨸᨬ᩠ᨧᩉᩣᨠᩣᩁᩮᩉᩥ… ᨨᩉᩣᨠᩣᩁᩮᩉᩥ… ᩈᨲ᩠ᨲᩉᩣᨠᩣᩁᩮᩉᩥ ᨿᩮᩣ ᨲᩮ ᩅᩥᩉᩣᩁᩮ ᩅᩈᩥ ᩈᩮᩣ ¶ ᨽᩥᨠ᩠ᨡᩩ ᨸᨮᨾᩴ ᨫᩣᨶᩴ ᩈᨾᩣᨸᨩ᩠ᨩᩥ… ᩈᨾᩣᨸᨩ᩠ᨩᨲᩥ… ᩈᨾᩣᨸᨶ᩠ᨶᩮᩣ… ᩈᩮᩣ ᨽᩥᨠ᩠ᨡᩩ ᨸᨮᨾᩔ ᨫᩣᨶᩔ ᩃᩣᨽᩦ… ᩅᩈᩦ… ᨲᩮᨶ ᨽᩥᨠ᩠ᨡᩩᨶᩣ ᨸᨮᨾᩴ ᨫᩣᨶᩴ ᩈᨧ᩠ᨨᩥᨠᨲᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ; ᨶ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ, ᩅᩥᨶᩥᨵᩣᨿ ᨡᨶ᩠ᨲᩥᩴ, ᩅᩥᨶᩥᨵᩣᨿ ᩁᩩᨧᩥᩴ, ᩅᩥᨶᩥᨵᩣᨿ ᨽᩣᩅᩴ.

ᨲᩦᩉᩣᨠᩣᩁᩮᩉᩥ ᨿᩮᩣ ᨲᩮ ᩅᩥᩉᩣᩁᩮ ᩅᩈᩥ ᩈᩮᩣ ᨽᩥᨠ᩠ᨡᩩ ᨴᩩᨲᩥᨿᩴ ᨫᩣᨶᩴ… ᨲᨲᩥᨿᩴ ᨫᩣᨶᩴ… ᨧᨲᩩᨲ᩠ᨳᩴ ᨫᩣᨶᩴ… ᩈᩩᨬ᩠ᨬᨲᩴ ᩅᩥᨾᩮᩣᨠ᩠ᨡᩴ… ᩋᨶᩥᨾᩥᨲ᩠ᨲᩴ ᩅᩥᨾᩮᩣᨠ᩠ᨡᩴ… ᩋᨸ᩠ᨸᨱᩥᩉᩥᨲᩴ ᩅᩥᨾᩮᩣᨠ᩠ᨡᩴ… ᩈᩩᨬ᩠ᨬᨲᩴ ᩈᨾᩣᨵᩥᩴ… ᩋᨶᩥᨾᩥᨲ᩠ᨲᩴ ᩈᨾᩣᨵᩥᩴ… ᩋᨸ᩠ᨸᨱᩥᩉᩥᨲᩴ ᩈᨾᩣᨵᩥᩴ… ᩈᩩᨬ᩠ᨬᨲᩴ ᩈᨾᩣᨸᨲ᩠ᨲᩥᩴ… ᩋᨶᩥᨾᩥᨲ᩠ᨲᩴ ᩈᨾᩣᨸᨲ᩠ᨲᩥᩴ… ᩋᨸ᩠ᨸᨱᩥᩉᩥᨲᩴ ᩈᨾᩣᨸᨲ᩠ᨲᩥᩴ… ᨲᩥᩔᩮᩣ ᩅᩥᨩ᩠ᨩᩣ… ᨧᨲ᩠ᨲᩣᩁᩮᩣ ᩈᨲᩥᨸᨭ᩠ᨮᩣᨶᩮ… ᨧᨲ᩠ᨲᩣᩁᩮᩣ ᩈᨾ᩠ᨾᨸ᩠ᨸᨵᩣᨶᩮ… ᨧᨲ᩠ᨲᩣᩁᩮᩣ ᩍᨴ᩠ᨵᩥᨸᩣᨴᩮ… ᨸᨬ᩠ᨧ ᩍᨶ᩠ᨴᩕᩥᨿᩣᨶᩥ… ᨸᨬ᩠ᨧ ᨻᩃᩣᨶᩥ… ᩈᨲ᩠ᨲ ᨻᩮᩣᨩ᩠ᨫᨦ᩠ᨣᩮ… ᩋᩁᩥᨿᩴ ᩋᨭ᩠ᨮᨦ᩠ᨣᩥᨠᩴ ᨾᨣ᩠ᨣᩴ… ᩈᩮᩣᨲᩣᨸᨲ᩠ᨲᩥᨹᩃᩴ… ᩈᨠᨴᩣᨣᩣᨾᩥᨹᩃᩴ… ᩋᨶᩣᨣᩣᨾᩥᨹᩃᩴ… ᩋᩁᩉᨲ᩠ᨲᩴ ᩈᨾᩣᨸᨩ᩠ᨩᩥ… ᩈᨾᩣᨸᨩ᩠ᨩᨲᩥ… ᩈᨾᩣᨸᨶ᩠ᨶᩮᩣ… ᩈᩮᩣ ᨽᩥᨠ᩠ᨡᩩ ᩋᩁᩉᨲ᩠ᨲᩔ ᩃᩣᨽᩦ… ᩅᩈᩦ… ᨲᩮᨶ ᨽᩥᨠ᩠ᨡᩩᨶᩣ ᩋᩁᩉᨲ᩠ᨲᩴ ᩈᨧ᩠ᨨᩥᨠᨲᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ; ᨶ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᨲᩦᩉᩣᨠᩣᩁᩮᩉᩥ ᨿᩮᩣ ᨲᩮ ᩅᩥᩉᩣᩁᩮ ᩅᩈᩥ, ᨲᩔ ᨽᩥᨠ᩠ᨡᩩᨶᩮᩣ ᩁᩣᨣᩮᩣ ᨧᨲ᩠ᨲᩮᩣ… ᨴᩮᩣᩈᩮᩣ ᨧᨲ᩠ᨲᩮᩣ… ᨾᩮᩣᩉᩮᩣ ᨧᨲ᩠ᨲᩮᩣ ¶ ᩅᨶ᩠ᨲᩮᩣ ᨾᩩᨲ᩠ᨲᩮᩣ ᨸᩉᩦᨶᩮᩣ ᨸᨭᩥᨶᩥᩔᨭ᩠ᨮᩮᩣ ᩏᨠ᩠ᨡᩮᨭᩥᨲᩮᩣ ᩈᨾᩩᨠ᩠ᨡᩮᨭᩥᨲᩮᩣᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ; ᨶ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᨲᩦᩉᩣᨠᩣᩁᩮᩉᩥ…ᨸᩮ… ᩈᨲ᩠ᨲᩉᩣᨠᩣᩁᩮᩉᩥ ᨿᩮᩣ ᨲᩮ ᩅᩥᩉᩣᩁᩮ ᩅᩈᩥ, ᨲᩔ ᨽᩥᨠ᩠ᨡᩩᨶᩮᩣ ᩁᩣᨣᩣ ᨧᩥᨲ᩠ᨲᩴ ᩅᩥᨶᩦᩅᩁᨱᩴ… ᨴᩮᩣᩈᩣ ᨧᩥᨲ᩠ᨲᩴ ᩅᩥᨶᩦᩅᩁᨱᩴ… ᨾᩮᩣᩉᩣ ᨧᩥᨲ᩠ᨲᩴ ᩅᩥᨶᩦᩅᩁᨱᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ; ᨶ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ… ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ, ᩅᩥᨶᩥᨵᩣᨿ ᨡᨶ᩠ᨲᩥᩴ, ᩅᩥᨶᩥᨵᩣᨿ ᩁᩩᨧᩥᩴ, ᩅᩥᨶᩥᨵᩣᨿ ᨽᩣᩅᩴ.

ᨲᩦᩉᩣᨠᩣᩁᩮᩉᩥ…ᨸᩮ… ᩈᨲ᩠ᨲᩉᩣᨠᩣᩁᩮᩉᩥ ᨿᩮᩣ ᨲᩮ ᩅᩥᩉᩣᩁᩮ ᩅᩈᩥ ᩈᩮᩣ ᨽᩥᨠ᩠ᨡᩩ ᩈᩩᨬ᩠ᨬᩣᨣᩣᩁᩮ ᨸᨮᨾᩴ ᨫᩣᨶᩴ… ᨴᩩᨲᩥᨿᩴ ᨫᩣᨶᩴ… ᨲᨲᩥᨿᩴ ᨫᩣᨶᩴ… ᨧᨲᩩᨲ᩠ᨳᩴ ᨫᩣᨶᩴ ᩈᨾᩣᨸᨩ᩠ᨩᩥ ¶ … ᩈᨾᩣᨸᨩ᩠ᨩᨲᩥ… ᩈᨾᩣᨸᨶ᩠ᨶᩮᩣ… ᩈᩮᩣ ᨽᩥᨠ᩠ᨡᩩ ᩈᩩᨬ᩠ᨬᩣᨣᩣᩁᩮ ᨧᨲᩩᨲ᩠ᨳᩔ ᨫᩣᨶᩔ ᩃᩣᨽᩦ… ᩅᩈᩦ… ᨲᩮᨶ ᨽᩥᨠ᩠ᨡᩩᨶᩣ ᩈᩩᨬ᩠ᨬᩣᨣᩣᩁᩮ ¶ ᨧᨲᩩᨲ᩠ᨳᩴ ᨫᩣᨶᩴ ᩈᨧ᩠ᨨᩥᨠᨲᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᨸᨭᩥᩅᩥᨩᩣᨶᨶ᩠ᨲᩔ ¶ ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ; ᨶ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨸᩩᨻ᩠ᨻᩮᩅᩔ ᩉᩮᩣᨲᩥ ᨾᩩᩈᩣ ᨽᨱᩥᩔᨶ᩠ᨲᩥ, ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ ᨽᨱᩥᨲᩔ ᩉᩮᩣᨲᩥ, ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ, ᩅᩥᨶᩥᨵᩣᨿ ᨡᨶ᩠ᨲᩥᩴ, ᩅᩥᨶᩥᨵᩣᨿ ᩁᩩᨧᩥᩴ, ᩅᩥᨶᩥᨵᩣᨿ ᨽᩣᩅᩴ.

ᨿᨳᩣ ᩍᨴᩴ ᩅᩥᨲ᩠ᨳᩣᩁᩥᨲᩴ ᩑᩅᨾᩮᩅ ᩈᩮᩈᩣᨶᩥᨸᩥ ᩅᩥᨲ᩠ᨳᩣᩁᩮᨲᨻ᩠ᨻᩣᨶᩥ.

᪒᪒᪑. ᨲᩦᩉᩣᨠᩣᩁᩮᩉᩥ…ᨸᩮ… ᩈᨲ᩠ᨲᩉᩣᨠᩣᩁᩮᩉᩥ ᨿᩮᩣ ᨲᩮ ᨧᩦᩅᩁᩴ ᨸᩁᩥᨽᩩᨬ᩠ᨩᩥ… ᨿᩮᩣ ᨲᩮ ᨸᩥᨱ᩠ᨯᨸᩣᨲᩴ ᨸᩁᩥᨽᩩᨬ᩠ᨩᩥ… ᨿᩮᩣ ᨲᩮ ᩈᩮᨶᩣᩈᨶᩴ ᨸᩁᩥᨽᩩᨬ᩠ᨩᩥ… ᨿᩮᩣ ᨲᩮ ᨣᩥᩃᩣᨶᨸ᩠ᨸᨧ᩠ᨧᨿᨽᩮᩈᨩ᩠ᨩᨸᩁᩥᨠ᩠ᨡᩣᩁᩴ ᨸᩁᩥᨽᩩᨬ᩠ᨩᩥ ᩈᩮᩣ ᨽᩥᨠ᩠ᨡᩩ ᩈᩩᨬ᩠ᨬᩣᨣᩣᩁᩮ ᨧᨲᩩᨲ᩠ᨳᩴ ᨫᩣᨶᩴ ᩈᨾᩣᨸᨩ᩠ᨩᩥ… ᩈᨾᩣᨸᨩ᩠ᨩᨲᩥ… ᩈᨾᩣᨸᨶ᩠ᨶᩮᩣ… ᩈᩮᩣ ᨽᩥᨠ᩠ᨡᩩ ᩈᩩᨬ᩠ᨬᩣᨣᩣᩁᩮ ᨧᨲᩩᨲ᩠ᨳᩔ ᨫᩣᨶᩔ ᩃᩣᨽᩦ… ᩅᩈᩦ… ᨲᩮᨶ ᨽᩥᨠ᩠ᨡᩩᨶᩣ ᩈᩩᨬ᩠ᨬᩣᨣᩣᩁᩮ ᨧᨲᩩᨲ᩠ᨳᩴ ᨫᩣᨶᩴ ᩈᨧ᩠ᨨᩥᨠᨲᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ¶ ᨽᨱᨶ᩠ᨲᩔ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ; ᨶ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ… ᩅᩥᨶᩥᨵᩣᨿ ᨽᩣᩅᩴ.

ᨲᩦᩉᩣᨠᩣᩁᩮᩉᩥ…ᨸᩮ… ᩈᨲ᩠ᨲᩉᩣᨠᩣᩁᩮᩉᩥ ᨿᩮᨶ ᨲᩮ ᩅᩥᩉᩣᩁᩮᩣ ᨸᩁᩥᨽᩩᨲ᩠ᨲᩮᩣ… ᨿᩮᨶ ᨲᩮ ᨧᩦᩅᩁᩴ ᨸᩁᩥᨽᩩᨲ᩠ᨲᩴ… ᨿᩮᨶ ᨲᩮ ᨸᩥᨱ᩠ᨯᨸᩣᨲᩮᩣ ᨸᩁᩥᨽᩩᨲ᩠ᨲᩮᩣ… ᨿᩮᨶ ᨲᩮ ᩈᩮᨶᩣᩈᨶᩴ ᨸᩁᩥᨽᩩᨲ᩠ᨲᩴ… ᨿᩮᨶ ᨲᩮ ᨣᩥᩃᩣᨶᨸ᩠ᨸᨧ᩠ᨧᨿᨽᩮᩈᨩ᩠ᨩᨸᩁᩥᨠ᩠ᨡᩣᩁᩮᩣ ᨸᩁᩥᨽᩩᨲ᩠ᨲᩮᩣ… ᩈᩮᩣ ᨽᩥᨠ᩠ᨡᩩ ᩈᩩᨬ᩠ᨬᩣᨣᩣᩁᩮ ᨧᨲᩩᨲ᩠ᨳᩴ ᨫᩣᨶᩴ ᩈᨾᩣᨸᨩ᩠ᨩᩥ… ᩈᨾᩣᨸᨩ᩠ᨩᨲᩥ… ᩈᨾᩣᨸᨶ᩠ᨶᩮᩣ… ᩈᩮᩣ ᨽᩥᨠ᩠ᨡᩩ ᩈᩩᨬ᩠ᨬᩣᨣᩣᩁᩮ ᨧᨲᩩᨲ᩠ᨳᩔ ᨫᩣᨶᩔ ᩃᩣᨽᩦ… ᩅᩈᩦ… ᨲᩮᨶ ᨽᩥᨠ᩠ᨡᩩᨶᩣ ᩈᩩᨬ᩠ᨬᩣᨣᩣᩁᩮ ᨧᨲᩩᨲ᩠ᨳᩴ ᨫᩣᨶᩴ ᩈᨧ᩠ᨨᩥᨠᨲᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ; ᨶ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ… ᩅᩥᨶᩥᨵᩣᨿ ᨽᩣᩅᩴ.

ᨲᩦᩉᩣᨠᩣᩁᩮᩉᩥ ¶ …ᨸᩮ… ᩈᨲ᩠ᨲᩉᩣᨠᩣᩁᩮᩉᩥ ᨿᩴ ᨲ᩠ᩅᩴ ᩌᨣᨾ᩠ᨾ ᩅᩥᩉᩣᩁᩴ ᩋᨴᩣᩈᩥ… ᨧᩦᩅᩁᩴ ᩋᨴᩣᩈᩥ… ᨸᩥᨱ᩠ᨯᨸᩣᨲᩴ ᩋᨴᩣᩈᩥ… ᩈᩮᨶᩣᩈᨶᩴ ᩋᨴᩣᩈᩥ… ᨣᩥᩃᩣᨶᨸ᩠ᨸᨧ᩠ᨧᨿᨽᩮᩈᨩ᩠ᨩᨸᩁᩥᨠ᩠ᨡᩣᩁᩴ ᩋᨴᩣᩈᩥ ᩈᩮᩣ ᨽᩥᨠ᩠ᨡᩩ ᩈᩩᨬ᩠ᨬᩣᨣᩣᩁᩮ ᨧᨲᩩᨲ᩠ᨳᩴ ᨫᩣᨶᩴ ᩈᨾᩣᨸᨩ᩠ᨩᩥ… ᩈᨾᩣᨸᨩ᩠ᨩᨲᩥ… ᩈᨾᩣᨸᨶ᩠ᨶᩮᩣ… ᩈᩮᩣ ᨽᩥᨠ᩠ᨡᩩ ᩈᩩᨬ᩠ᨬᩣᨣᩣᩁᩮ ᨧᨲᩩᨲ᩠ᨳᩔ ᨫᩣᨶᩔ ᩃᩣᨽᩦ… ᩅᩈᩦ… ᨲᩮᨶ ᨽᩥᨠ᩠ᨡᩩᨶᩣ ᩈᩩᨬ᩠ᨬᩣᨣᩣᩁᩮ ᨧᨲᩩᨲ᩠ᨳᩴ ᨫᩣᨶᩴ ᩈᨧ᩠ᨨᩥᨠᨲᨶ᩠ᨲᩥ ᩈᨾ᩠ᨸᨩᩣᨶᨾᩩᩈᩣ ᨽᨱᨶ᩠ᨲᩔ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ; ᨶ ᨸᨭᩥᩅᩥᨩᩣᨶᨶ᩠ᨲᩔ ᩌᨸᨲ᩠ᨲᩥ ¶ ᨴᩩᨠ᩠ᨠᨭᩔ. ᨸᩩᨻ᩠ᨻᩮᩅᩔ ᩉᩮᩣᨲᩥ ¶ ᨾᩩᩈᩣ ᨽᨱᩥᩔᨶ᩠ᨲᩥ ¶ , ᨽᨱᨶ᩠ᨲᩔ ᩉᩮᩣᨲᩥ ᨾᩩᩈᩣ ᨽᨱᩣᨾᩦᨲᩥ, ᨽᨱᩥᨲᩔ ᩉᩮᩣᨲᩥ ᨾᩩᩈᩣ ᨾᨿᩣ ᨽᨱᩥᨲᨶ᩠ᨲᩥ, ᩅᩥᨶᩥᨵᩣᨿ ᨴᩥᨭ᩠ᨮᩥᩴ, ᩅᩥᨶᩥᨵᩣᨿ ᨡᨶ᩠ᨲᩥᩴ, ᩅᩥᨶᩥᨵᩣᨿ ᩁᩩᨧᩥᩴ, ᩅᩥᨶᩥᨵᩣᨿ ᨽᩣᩅᩴ.

ᨸᩮᨿ᩠ᨿᩣᩃᨸᨶ᩠ᨶᩁᩈᨠᩴ ᨶᩥᨭ᩠ᨮᩥᨲᩴ.

ᨸᨧ᩠ᨧᨿᨸ᩠ᨸᨭᩥᩈᩴᨿᩩᨲ᩠ᨲᩅᩣᩁᨠᨳᩣ ᨶᩥᨭ᩠ᨮᩥᨲᩣ.

ᩏᨲ᩠ᨲᩁᩥᨾᨶᩩᩔᨵᨾ᩠ᨾᨧᨠ᩠ᨠᨸᩮᨿ᩠ᨿᩣᩃᩴ ᨶᩥᨭ᩠ᨮᩥᨲᩴ.

᪒᪒᪒. ᩋᨶᩣᨸᨲ᩠ᨲᩥ ᩋᨵᩥᨾᩣᨶᩮᨶ, ᩋᨶᩩᩃ᩠ᩃᨸᨶᩣᨵᩥᨸ᩠ᨸᩣᨿᩔ, ᩏᨾ᩠ᨾᨲ᩠ᨲᨠᩔ, ᨡᩥᨲ᩠ᨲᨧᩥᨲ᩠ᨲᩔ, ᩅᩮᨴᨶᩣᨭ᩠ᨭᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᩅᩥᨶᩦᨲᩅᨲ᩠ᨳᩩᩏᨴ᩠ᨴᩣᨶᨣᩣᨳᩣ

ᩋᨵᩥᨾᩣᨶᩮ ¶ [ᩋᨵᩥᨾᩣᨶᩮᨶ (ᨸᩦ.)] ᩋᩁᨬ᩠ᨬᨾ᩠ᩉᩥ, ᨸᩥᨱ᩠ᨯᩮᩣᨸᨩ᩠ᨫᩣᩁᩥᨿᩣᨸᨳᩮᩣ;

ᩈᩴᨿᩮᩣᨩᨶᩣ ᩁᩉᩮᩣᨵᨾ᩠ᨾᩣ, ᩅᩥᩉᩣᩁᩮᩣ ᨸᨧ᩠ᨧᩩᨸᨭ᩠ᨮᩥᨲᩮᩣ.

ᨶ ᨴᩩᨠ᩠ᨠᩁᩴ ᩅᩦᩁᩥᨿᨾᨳᩮᩣᨸᩥ ᨾᨧ᩠ᨧᩩᨶᩮᩣ;

ᨽᩣᨿᩣᩅᩩᩈᩮᩣ ᩅᩥᨸ᩠ᨸᨭᩥᩈᩣᩁᩥ ᩈᨾ᩠ᨾᩣ;

ᩅᩥᩁᩥᨿᩮᨶ ᨿᩮᩣᨣᩮᨶ ᩌᩁᩣᨵᨶᩣᨿ;

ᩋᨳ ᩅᩮᨴᨶᩣᨿ ᩋᨵᩥᩅᩣᩈᨶᩣ ᨴᩩᩅᩮ.

ᨻᩕᩣᩉ᩠ᨾᨱᩮ ᨸᨬ᩠ᨧ ᩅᨲ᩠ᨳᩪᨶᩥ, ᩋᨬ᩠ᨬᩴ ᨻ᩠ᨿᩣᨠᩁᨱᩣ ᨲᨿᩮᩣ;

ᩋᨣᩣᩁᩣᩅᩁᨱᩣ ᨠᩣᨾᩣ, ᩁᨲᩥ ᨧᩣᨸᩥ ᩋᨸᨠ᩠ᨠᨾᩥ.

ᩋᨭ᩠ᨮᩥ ᨸᩮᩈᩥ ᩏᨽᩮᩣ ᨣᩣᩅᨥᩣᨲᨠᩣ;

ᨸᩥᨱ᩠ᨯᩮᩣ ᩈᩣᨠᩩᨱᩥᨠᩮᩣ ᨶᩥᨧ᩠ᨨᩅᩥ ᩒᩁᨻ᩠ᨽᩥ;

ᩋᩈᩥ ᨧ ᩈᩪᨠᩁᩥᨠᩮᩣ ᩈᨲ᩠ᨲᩥ ᨾᩣᨣᩅᩥ;

ᩏᩈᩩ ᨧ ᨠᩣᩁᨱᩥᨠᩮᩣ ᩈᩪᨧᩥ ᩈᩣᩁᨳᩥ.

ᨿᩮᩣ ᨧ ᩈᩥᨻ᩠ᨻᩦᨿᨲᩥ ᩈᩪᨧᨠᩮᩣ ᩉᩥ ᩈᩮᩣ;

ᩋᨱ᩠ᨯᨽᩣᩁᩥ ᩋᩉᩩ ᨣᩣᨾᨠᩪᨭᨠᩮᩣ;

ᨠᩪᨸᩮ ᨶᩥᨾᩩᨣ᩠ᨣᩮᩣ ᩉᩥ ᩈᩮᩣ ᨸᩣᩁᨴᩣᩁᩥᨠᩮᩣ;

ᨣᩪᨳᨡᩣᨴᩦ ᩋᩉᩩ ᨴᩩᨭ᩠ᨮᨻᩕᩣᩉ᩠ᨾᨱᩮᩣ.

ᨶᩥᨧ᩠ᨨᩅᩥᨲ᩠ᨳᩦ ¶ ¶ ᩋᨲᩥᨧᩣᩁᩥᨶᩦ ᩋᩉᩩ;

ᨾᨦ᩠ᨣᩩᩃᩥᨲ᩠ᨳᩦ ᩋᩉᩩ ᩍᨠ᩠ᨡᨱᩥᨲ᩠ᨳᩥᨠᩣ;

ᩒᨠᩥᩃᩥᨶᩦ ¶ ᩉᩥ ᩈᨸᨲ᩠ᨲᨦ᩠ᨣᩣᩁᩮᩣᨠᩥᩁᩥ;

ᩈᩦᩈᨧ᩠ᨨᩥᨶ᩠ᨶᩮᩣ ᩋᩉᩩ ᨧᩮᩣᩁᨥᩣᨲᨠᩮᩣ.

ᨽᩥᨠ᩠ᨡᩩ ᨽᩥᨠ᩠ᨡᩩᨶᩦ ᩈᩥᨠ᩠ᨡᨾᩣᨶᩣ;

ᩈᩣᨾᨱᩮᩁᩮᩣ ᩋᨳ ᩈᩣᨾᨱᩮᩁᩥᨠᩣ;

ᨠᩔᨸᩔ ᩅᩥᨶᨿᩈ᩠ᨾᩥᩴ ᨸᨻ᩠ᨻᨩᩴ;

ᨸᩣᨸᨠᨾ᩠ᨾᨾᨠᩁᩥᩴᩈᩩ ᨲᩣᩅᨴᩮ.

ᨲᨸᩮᩣᨴᩣ ᩁᩣᨩᨣᩉᩮ ᨿᩩᨴ᩠ᨵᩴ, ᨶᩣᨣᩣᨶᩮᩣᨣᩣᩉᨶᩮᨶ ᨧ;

ᩈᩮᩣᨽᩥᨲᩮᩣ ᩋᩁᩉᩴ ᨽᩥᨠ᩠ᨡᩩ, ᨸᨬ᩠ᨧᨠᨸ᩠ᨸᩈᨲᩴ ᩈᩁᩮᨲᩥ.

ᩅᩥᨶᩦᨲᩅᨲ᩠ᨳᩩ

᪒᪒᪓. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩋᨵᩥᨾᩣᨶᩮᨶ ᩋᨬ᩠ᨬᩴ ᨻ᩠ᨿᩣᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ – ‘‘ᨽᨣᩅᨲᩣ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ. ᨠᨧ᩠ᨧᩥ ᨶᩩ ᨡᩮᩣ ᩋᩉᩴ ᨸᩣᩁᩣᨩᩥᨠᩴ ᩌᨸᨲ᩠ᨲᩥᩴ ᩌᨸᨶ᩠ᨶᩮᩣ’’ᨲᩥ? ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩋᨵᩥᨾᩣᨶᩮᨶᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨸᨱᩥᨵᩣᨿ ᩋᩁᨬ᩠ᨬᩮ ¶ ᩅᩥᩉᩁᨲᩥ – ‘‘ᩑᩅᩴ ᨾᩴ ᨩᨶᩮᩣ ᩈᨾ᩠ᨽᩣᩅᩮᩔᨲᩦ’’ᨲᩥ. ᨲᩴ ᨩᨶᩮᩣ ᩈᨾ᩠ᨽᩣᩅᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ. ᨶ ᨧ, ᨽᩥᨠ᩠ᨡᩅᩮ, ᨸᨱᩥᨵᩣᨿ ᩋᩁᨬ᩠ᨬᩮ ᩅᨲ᩠ᨳᨻ᩠ᨻᩴ. ᨿᩮᩣ ᩅᩈᩮᨿ᩠ᨿ, ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨸᨱᩥᨵᩣᨿ ᨸᩥᨱ᩠ᨯᩣᨿ ᨧᩁᨲᩥ – ‘‘ᩑᩅᩴ ᨾᩴ ᨩᨶᩮᩣ ᩈᨾ᩠ᨽᩣᩅᩮᩔᨲᩦ’’ᨲᩥ. ᨲᩴ ᨩᨶᩮᩣ ᩈᨾ᩠ᨽᩣᩅᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ. ᨶ ᨧ, ᨽᩥᨠ᩠ᨡᩅᩮ, ᨸᨱᩥᨵᩣᨿ ᨸᩥᨱ᩠ᨯᩣᨿ ᨧᩁᩥᨲᨻ᩠ᨻᩴ. ᨿᩮᩣ ᨧᩁᩮᨿ᩠ᨿ, ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ¶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩋᨬ᩠ᨬᨲᩁᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᨿᩮ, ᩌᩅᩩᩈᩮᩣ, ᩋᨾ᩠ᩉᩣᨠᩴ ᩏᨸᨩ᩠ᨫᩣᨿᩔ ᩈᨴ᩠ᨵᩥᩅᩥᩉᩣᩁᩥᨠᩣ ᩈᨻ᩠ᨻᩮᩅ ᩋᩁᩉᨶ᩠ᨲᩮᩣ’’ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᨠᩥᩴᨧᩥᨲ᩠ᨲᩮᩣ ᨲ᩠ᩅᩴ, ᨽᩥᨠ᩠ᨡᩪ’’ᨲᩥ? ‘‘ᩏᩃ᩠ᩃᨸᨶᩣᨵᩥᨸ᩠ᨸᩣᨿᩮᩣ ¶ ᩋᩉᩴ, ᨽᨣᩅᩣ’’ᨲᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩋᨬ᩠ᨬᨲᩁᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᨿᩮ, ᩌᩅᩩᩈᩮᩣ, ᩋᨾ᩠ᩉᩣᨠᩴ ᩏᨸᨩ᩠ᨫᩣᨿᩔ ᩋᨶ᩠ᨲᩮᩅᩣᩈᩥᨠᩣ ᩈᨻ᩠ᨻᩮᩅ ᨾᩉᩥᨴ᩠ᨵᩥᨠᩣ ᨾᩉᩣᨶᩩᨽᩣᩅᩣ’’ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᨠᩥᩴᨧᩥᨲ᩠ᨲᩮᩣ ᨲ᩠ᩅᩴ, ᨽᩥᨠ᩠ᨡᩪ’’ᨲᩥ? ‘‘ᩏᩃ᩠ᩃᨸᨶᩣᨵᩥᨸ᩠ᨸᩣᨿᩮᩣ ᩋᩉᩴ, ᨽᨣᩅᩣ’’ᨲᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨸᨱᩥᨵᩣᨿ ᨧᨦ᩠ᨠᨾᨲᩥ… ᨸᨱᩥᨵᩣᨿ ᨲᩥᨭ᩠ᨮᨲᩥ… ᨸᨱᩥᨵᩣᨿ ᨶᩥᩈᩦᨴᨲᩥ… ᨸᨱᩥᨵᩣᨿ ᩈᩮᨿ᩠ᨿᩴ ᨠᨸ᩠ᨸᩮᨲᩥ – ‘‘ᩑᩅᩴ ᨾᩴ ᨩᨶᩮᩣ ᩈᨾ᩠ᨽᩣᩅᩮᩔᨲᩦ’’ᨲᩥ. ᨲᩴ ᨩᨶᩮᩣ ᩈᨾ᩠ᨽᩣᩅᩮᩈᩥ. ᨲᩔ ¶ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ. ᨶ ᨧ, ᨽᩥᨠ᩠ᨡᩅᩮ, ᨸᨱᩥᨵᩣᨿ ᩈᩮᨿ᩠ᨿᩣ ᨠᨸ᩠ᨸᩮᨲᨻ᩠ᨻᩣ. ᨿᩮᩣ ᨠᨸ᩠ᨸᩮᨿ᩠ᨿ, ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᩏᨲ᩠ᨲᩁᩥᨾᨶᩩᩔᨵᨾ᩠ᨾᩴ ᩏᩃ᩠ᩃᨸᨲᩥ. ᩈᩮᩣᨸᩥ ᩑᩅᨾᩣᩉ – ‘‘ᨾᨿ᩠ᩉᨾ᩠ᨸᩥ, ᩌᩅᩩᩈᩮᩣ, ᩈᩴᨿᩮᩣᨩᨶᩣ ᨸᩉᩦᨶᩣ’’ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

᪒᪒᪔. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩁᩉᩮᩣᨣᨲᩮᩣ ᩏᨲ᩠ᨲᩁᩥᨾᨶᩩᩔᨵᨾ᩠ᨾᩴ ᩏᩃ᩠ᩃᨸᨲᩥ. ᨸᩁᨧᩥᨲ᩠ᨲᩅᩥᨴᩪ ᨽᩥᨠ᩠ᨡᩩ ᨲᩴ ᨽᩥᨠ᩠ᨡᩩᩴ ᩋᨸᩈᩣᨴᩮᩈᩥ – ‘‘ᨾᩣ, ᩌᩅᩩᩈᩮᩣ, ᩑᩅᩁᩪᨸᩴ ᩋᨽᨱᩥ. ᨶᨲ᩠ᨳᩮᩈᩮᩣ ᨲᩩᨿ᩠ᩉ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ¶ ᨽᩥᨠ᩠ᨡᩩ ᩁᩉᩮᩣᨣᨲᩮᩣ ᩏᨲ᩠ᨲᩁᩥᨾᨶᩩᩔᨵᨾ᩠ᨾᩴ ᩏᩃ᩠ᩃᨸᨲᩥ. ᨴᩮᩅᨲᩣ ᨲᩴ ᨽᩥᨠ᩠ᨡᩩᩴ ᩋᨸᩈᩣᨴᩮᩈᩥ – ‘‘ᨾᩣ, ᨽᨶ᩠ᨲᩮ, ᩑᩅᩁᩪᨸᩴ ᩋᨽᨱᩥ. ᨶᨲ᩠ᨳᩮᩈᩮᩣ ᨲᩩᨿ᩠ᩉ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩋᨬ᩠ᨬᨲᩁᩴ ᩏᨸᩣᩈᨠᩴ ᩑᨲᨴᩅᩮᩣᨧ – ‘‘ᨿᩮᩣ, ᩌᩅᩩᩈᩮᩣ ¶ , ᨲᩩᨿ᩠ᩉᩴ ᩅᩥᩉᩣᩁᩮ ᩅᩈᨲᩥ ᩈᩮᩣ ᨽᩥᨠ᩠ᨡᩩ ᩋᩁᩉᩣ’’ᨲᩥ ¶ . ᩈᩮᩣ ᨧ ᨲᩔ ᩅᩥᩉᩣᩁᩮ ᩅᩈᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᨠᩥᩴᨧᩥᨲ᩠ᨲᩮᩣ ᨲ᩠ᩅᩴ, ᨽᩥᨠ᩠ᨡᩪ’’ᨲᩥ? ‘‘ᩏᩃ᩠ᩃᨸᨶᩣᨵᩥᨸ᩠ᨸᩣᨿᩮᩣ ᩋᩉᩴ, ᨽᨣᩅᩣ’’ᨲᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩋᨬ᩠ᨬᨲᩁᩴ ᩏᨸᩣᩈᨠᩴ ᩑᨲᨴᩅᩮᩣᨧ – ‘‘ᨿᩴ ᨲ᩠ᩅᩴ, ᩌᩅᩩᩈᩮᩣ, ᩏᨸᨭ᩠ᨮᩮᩈᩥ ᨧᩦᩅᩁᨸᩥᨱ᩠ᨯᨸᩣᨲᩈᩮᨶᩣᩈᨶᨣᩥᩃᩣᨶᨸ᩠ᨸᨧ᩠ᨧᨿᨽᩮᩈᨩ᩠ᨩᨸᩁᩥᨠ᩠ᨡᩣᩁᩮᨶ ᩈᩮᩣ ᨽᩥᨠ᩠ᨡᩩ ᩋᩁᩉᩣ’’ᨲᩥ. ᩈᩮᩣ ᨧ ᨲᩴ ᩏᨸᨭ᩠ᨮᩮᨲᩥ ᨧᩦᩅᩁᨸᩥᨱ᩠ᨯᨸᩣᨲᩈᩮᨶᩣᩈᨶᨣᩥᩃᩣᨶᨸ᩠ᨸᨧ᩠ᨧᨿᨽᩮᩈᨩ᩠ᨩᨸᩁᩥᨠ᩠ᨡᩣᩁᩮᨶ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᨠᩥᩴᨧᩥᨲ᩠ᨲᩮᩣ ᨲ᩠ᩅᩴ, ᨽᩥᨠ᩠ᨡᩪ’’ᨲᩥ? ‘‘ᩏᩃ᩠ᩃᨸᨶᩣᨵᩥᨸ᩠ᨸᩣᨿᩮᩣ ᩋᩉᩴ, ᨽᨣᩅᩣ’’ᨲᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

᪒᪒᪕. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨣᩥᩃᩣᨶᩮᩣ ᩉᩮᩣᨲᩥ. ᨲᩴ ᨽᩥᨠ᩠ᨡᩪ ᩑᨲᨴᩅᩮᩣᨧᩩᩴ – ‘‘ᩋᨲ᩠ᨳᩣᨿᩈ᩠ᨾᨲᩮᩣ ᩏᨲ᩠ᨲᩁᩥᨾᨶᩩᩔᨵᨾ᩠ᨾᩮᩣ’’ᨲᩥ? ‘‘ᨶᩣᩅᩩᩈᩮᩣ, ᨴᩩᨠ᩠ᨠᩁᩴ ᩋᨬ᩠ᨬᩴ ᨻ᩠ᨿᩣᨠᩣᨲᩩ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ – ‘‘ᨿᩮ ᨡᩮᩣ ᨲᩮ ᨽᨣᩅᨲᩮᩣ ᩈᩣᩅᨠᩣ ᨲᩮ ᩑᩅᩴ ᩅᨴᩮᨿ᩠ᨿᩩᩴ. ᩋᩉᨬ᩠ᨧᨾ᩠ᩉᩥ ᨶ ᨽᨣᩅᨲᩮᩣ ᩈᩣᩅᨠᩮᩣ. ᨠᨧ᩠ᨧᩥ ᨶᩩ ᨡᩮᩣ ᩋᩉᩴ ᨸᩣᩁᩣᨩᩥᨠᩴ ᩌᨸᨲ᩠ᨲᩥᩴ ᩌᨸᨶ᩠ᨶᩮᩣ’’ᨲᩥ? ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ‘‘ᨠᩥᩴᨧᩥᨲ᩠ᨲᩮᩣ ᨲ᩠ᩅᩴ, ᨽᩥᨠ᩠ᨡᩪ’’ᨲᩥ? ‘‘ᩋᨶᩩᩃ᩠ᩃᨸᨶᩣᨵᩥᨸ᩠ᨸᩣᨿᩮᩣ ᩋᩉᩴ, ᨽᨣᩅᩣ’’ᨲᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩋᨶᩩᩃ᩠ᩃᨸᨶᩣᨵᩥᨸ᩠ᨸᩣᨿᩔᩣ’’ᨲᩥ ¶ .

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨣᩥᩃᩣᨶᩮᩣ ᩉᩮᩣᨲᩥ. ᨲᩴ ᨽᩥᨠ᩠ᨡᩪ ᩑᨲᨴᩅᩮᩣᨧᩩᩴ – ‘‘ᩋᨲ᩠ᨳᩣᨿᩈ᩠ᨾᨲᩮᩣ ᩏᨲ᩠ᨲᩁᩥᨾᨶᩩᩔᨵᨾ᩠ᨾᩮᩣ’’ᨲᩥ? ‘‘ᩌᩁᩣᨵᨶᩦᨿᩮᩣ ᨡᩮᩣ, ᩌᩅᩩᩈᩮᩣ, ᨵᨾ᩠ᨾᩮᩣ ᩌᩁᨴ᩠ᨵᩅᩦᩁᩥᨿᩮᨶᩣ’’ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩋᨶᩩᩃ᩠ᩃᨸᨶᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨣᩥᩃᩣᨶᩮᩣ ᩉᩮᩣᨲᩥ. ᨲᩴ ᨽᩥᨠ᩠ᨡᩪ ᩑᨲᨴᩅᩮᩣᨧᩩᩴ – ‘‘ᨾᩣ ᨡᩮᩣ, ᩌᩅᩩᩈᩮᩣ, ᨽᩣᨿᩦ’’ᨲᩥ. ᨶᩣᩉᩴ, ᩌᩅᩩᩈᩮᩣ, ᨾᨧ᩠ᨧᩩᨶᩮᩣ ᨽᩣᨿᩣᨾᩦ’’ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩋᨶᩩᩃ᩠ᩃᨸᨶᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨣᩥᩃᩣᨶᩮᩣ ᩉᩮᩣᨲᩥ. ᨲᩴ ᨽᩥᨠ᩠ᨡᩪ ᩑᨲᨴᩅᩮᩣᨧᩩᩴ – ‘‘ᨾᩣ ᨡᩮᩣ, ᩌᩅᩩᩈᩮᩣ, ᨽᩣᨿᩦ’’ᨲᩥ. ‘‘ᨿᩮᩣ ᨶᩪᨶᩣᩅᩩᩈᩮᩣ, ᩅᩥᨸ᩠ᨸᨭᩥᩈᩣᩁᩦ ᩋᩔ ᩈᩮᩣ ᨽᩣᨿᩮᨿ᩠ᨿᩣ’’ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩋᨶᩩᩃ᩠ᩃᨸᨶᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ¶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨣᩥᩃᩣᨶᩮᩣ ᩉᩮᩣᨲᩥ. ᨲᩴ ᨽᩥᨠ᩠ᨡᩪ ᩑᨲᨴᩅᩮᩣᨧᩩᩴ – ‘‘ᩋᨲ᩠ᨳᩣᨿᩈ᩠ᨾᨲᩮᩣ ᩏᨲ᩠ᨲᩁᩥᨾᨶᩩᩔᨵᨾ᩠ᨾᩮᩣ’’ᨲᩥ? ‘‘ᩌᩁᩣᨵᨶᩦᨿᩮᩣ ᨡᩮᩣ, ᩌᩅᩩᩈᩮᩣ, ᨵᨾ᩠ᨾᩮᩣ ᩈᨾ᩠ᨾᩣᨸᨿᩩᨲ᩠ᨲᩮᨶᩣ’’ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩋᨶᩩᩃ᩠ᩃᨸᨶᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ¶ ᨣᩥᩃᩣᨶᩮᩣ ᩉᩮᩣᨲᩥ. ᨲᩴ ᨽᩥᨠ᩠ᨡᩪ ᩑᨲᨴᩅᩮᩣᨧᩩᩴ – ‘‘ᩋᨲ᩠ᨳᩣᨿᩈ᩠ᨾᨲᩮᩣ ᩏᨲ᩠ᨲᩁᩥᨾᨶᩩᩔᨵᨾ᩠ᨾᩮᩣ’’ᨲᩥ? ‘‘ᩌᩁᩣᨵᨶᩦᨿᩮᩣ ᨡᩮᩣ, ᩌᩅᩩᩈᩮᩣ, ᨵᨾ᩠ᨾᩮᩣ ᩌᩁᨴ᩠ᨵᩅᩦᩁᩥᨿᩮᨶᩣ’’ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩋᨶᩩᩃ᩠ᩃᨸᨶᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨣᩥᩃᩣᨶᩮᩣ ᩉᩮᩣᨲᩥ. ᨲᩴ ᨽᩥᨠ᩠ᨡᩪ ᩑᨲᨴᩅᩮᩣᨧᩩᩴ – ‘‘ᩋᨲ᩠ᨳᩣᨿᩈ᩠ᨾᨲᩮᩣ ᩏᨲ᩠ᨲᩁᩥᨾᨶᩩᩔᨵᨾ᩠ᨾᩮᩣ’’ᨲᩥ? ‘‘ᩌᩁᩣᨵᨶᩦᨿᩮᩣ ᨡᩮᩣ, ᩌᩅᩩᩈᩮᩣ, ᨵᨾ᩠ᨾᩮᩣ ᨿᩩᨲ᩠ᨲᨿᩮᩣᨣᩮᨶᩣ’’ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩋᨶᩩᩃ᩠ᩃᨸᨶᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨣᩥᩃᩣᨶᩮᩣ ᩉᩮᩣᨲᩥ. ᨲᩴ ᨽᩥᨠ᩠ᨡᩪ ᩑᨲᨴᩅᩮᩣᨧᩩᩴ – ‘‘ᨠᨧ᩠ᨧᩣᩅᩩᩈᩮᩣ, ᨡᨾᨶᩦᨿᩴ, ᨠᨧ᩠ᨧᩥ ᨿᩣᨸᨶᩦᨿ’’ᨶ᩠ᨲᩥ? ‘‘ᨶᩣᩅᩩᩈᩮᩣ, ᩈᨠ᩠ᨠᩣ ᨿᩮᨶ ᩅᩣ ᨲᩮᨶ ᩅᩣ ᩋᨵᩥᩅᩣᩈᩮᨲᩩ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩋᨶᩩᩃ᩠ᩃᨸᨶᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨣᩥᩃᩣᨶᩮᩣ ᩉᩮᩣᨲᩥ. ᨲᩴ ᨽᩥᨠ᩠ᨡᩪ ᩑᨲᨴᩅᩮᩣᨧᩩᩴ – ‘‘ᨠᨧ᩠ᨧᩣᩅᩩᩈᩮᩣ ᨡᨾᨶᩦᨿᩴ, ᨠᨧ᩠ᨧᩥ ᨿᩣᨸᨶᩦᨿ’’ᨶ᩠ᨲᩥ? ‘‘ᨶᩣᩅᩩᩈᩮᩣ, ᩈᨠ᩠ᨠᩣ ᨸᩩᨳᩩᨩ᩠ᨩᨶᩮᨶ ᩋᨵᩥᩅᩣᩈᩮᨲᩩ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᨠᩥᩴᨧᩥᨲ᩠ᨲᩮᩣ ᨲ᩠ᩅᩴ, ᨽᩥᨠ᩠ᨡᩪ’’ᨲᩥ? ‘‘ᩏᩃ᩠ᩃᨸᨶᩣᨵᩥᨸ᩠ᨸᩣᨿᩮᩣ ᩋᩉᩴ, ᨽᨣᩅᩣ’’ᨲᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨸᩣᩁᩣᨩᩥᨠᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

᪒᪒᪖. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨻᩕᩣᩉ᩠ᨾᨱᩮᩣ ᨽᩥᨠ᩠ᨡᩪ ᨶᩥᨾᨶ᩠ᨲᩮᨲ᩠ᩅᩣ ᩑᨲᨴᩅᩮᩣᨧ – ‘‘ᩌᨿᨶ᩠ᨲᩩ, ᨽᩮᩣᨶ᩠ᨲᩮᩣ ᩋᩁᩉᨶ᩠ᨲᩮᩣ’’ᨲᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ – ‘‘ᨾᨿᨬ᩠ᨧᨾ᩠ᩉ ᨶ ᩋᩁᩉᨶ᩠ᨲᩮᩣ [ᩋᨶᩁᩉᨶ᩠ᨲᩮᩣ (ᩈᩦ.)]. ᩋᨿᨬ᩠ᨧ ᨻᩕᩣᩉ᩠ᨾᨱᩮᩣ ᩋᨾ᩠ᩉᩮ ¶ ᩋᩁᩉᨶ᩠ᨲᩅᩣᨴᩮᨶ ᩈᨾᩩᨴᩣᨧᩁᨲᩥ. ᨠᨳᩴ ᨶᩩ ᨡᩮᩣ ᩋᨾ᩠ᩉᩮᩉᩥ ᨸᨭᩥᨸᨩ᩠ᨩᩥᨲᨻ᩠ᨻ’’ᨶ᩠ᨲᩥ? ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨸᩈᩣᨴᨽᨬ᩠ᨬᩮ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨻᩕᩣᩉ᩠ᨾᨱᩮᩣ ᨽᩥᨠ᩠ᨡᩪ ᨶᩥᨾᨶ᩠ᨲᩮᨲ᩠ᩅᩣ ᩑᨲᨴᩅᩮᩣᨧ – ‘‘ᨶᩥᩈᩦᨴᨶ᩠ᨲᩩ, ᨽᩮᩣᨶ᩠ᨲᩮᩣ ᩋᩁᩉᨶ᩠ᨲᩮᩣ’’ᨲᩥ… ‘‘ᨽᩩᨬ᩠ᨩᨶ᩠ᨲᩩ, ᨽᩮᩣᨶ᩠ᨲᩮᩣ ᩋᩁᩉᨶ᩠ᨲᩮᩣ’’ᨲᩥ… ‘‘ᨲᨸ᩠ᨸᩮᨶ᩠ᨲᩩ, ᨽᩮᩣᨶ᩠ᨲᩮᩣ ᩋᩁᩉᨶ᩠ᨲᩮᩣ’’ᨲᩥ… ‘‘ᨣᨧ᩠ᨨᨶ᩠ᨲᩩ, ᨽᩮᩣᨶ᩠ᨲᩮᩣ ᩋᩁᩉᨶ᩠ᨲᩮᩣ’’ᨲᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ – ‘‘ᨾᨿᨬ᩠ᨧᨾ᩠ᩉ ᨶ ᩋᩁᩉᨶ᩠ᨲᩮᩣ ¶ . ᩋᨿᨬ᩠ᨧ ᨻᩕᩣᩉ᩠ᨾᨱᩮᩣ ᩋᨾ᩠ᩉᩮ ᩋᩁᩉᨶ᩠ᨲᩅᩣᨴᩮᨶ ᩈᨾᩩᨴᩣᨧᩁᨲᩥ. ᨠᨳᩴ ᨶᩩ ᨡᩮᩣ ᩋᨾ᩠ᩉᩮᩉᩥ ᨸᨭᩥᨸᨩ᩠ᨩᩥᨲᨻ᩠ᨻ’’ᨶ᩠ᨲᩥ? ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨸᩈᩣᨴᨽᨬ᩠ᨬᩮ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᩏᨲ᩠ᨲᩁᩥᨾᨶᩩᩔᨵᨾ᩠ᨾᩴ ᩏᩃ᩠ᩃᨸᨲᩥ. ᩈᩮᩣᨸᩥ ᩑᩅᨾᩣᩉ – ‘‘ᨾᨿ᩠ᩉᨾ᩠ᨸᩥ, ᩌᩅᩩᩈᩮᩣ, ᩌᩈᩅᩣ ᨸᩉᩦᨶᩣ’’ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ¶ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᩏᨲ᩠ᨲᩁᩥᨾᨶᩩᩔᨵᨾ᩠ᨾᩴ ᩏᩃ᩠ᩃᨸᨲᩥ. ᩈᩮᩣᨸᩥ ᩑᩅᨾᩣᩉ – ‘‘ᨾᨿ᩠ᩉᨾ᩠ᨸᩥ, ᩌᩅᩩᩈᩮᩣ, ᩑᨲᩮ ᨵᨾ᩠ᨾᩣ ᩈᩴᩅᩥᨩ᩠ᨩᨶ᩠ᨲᩦ’’ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᩏᨲ᩠ᨲᩁᩥᨾᨶᩩᩔᨵᨾ᩠ᨾᩴ ᩏᩃ᩠ᩃᨸᨲᩥ. ᩈᩮᩣᨸᩥ ᩑᩅᨾᩣᩉ – ‘‘ᩋᩉᨾ᩠ᨸᩣᩅᩩᩈᩮᩣ, ᨲᩮᩈᩩ ᨵᨾ᩠ᨾᩮᩈᩩ ᩈᨶ᩠ᨴᩥᩔᩣᨾᩦ’’ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ ¶ , ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩴ ᨽᩥᨠ᩠ᨡᩩᩴ ᨬᩣᨲᨠᩣ ᩑᨲᨴᩅᩮᩣᨧᩩᩴ – ‘‘ᩑᩉᩥ, ᨽᨶ᩠ᨲᩮ, ᩋᨣᩣᩁᩴ ᩋᨩ᩠ᨫᩣᩅᩈᩣ’’ᨲᩥ. ‘‘ᩋᨽᨻ᩠ᨻᩮᩣ ᨡᩮᩣ, ᩌᩅᩩᩈᩮᩣ, ᨾᩣᨴᩥᩈᩮᩣ ᩋᨣᩣᩁᩴ ᩋᨩ᩠ᨫᩣᩅᩈᩥᨲᩩ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩋᨶᩩᩃ᩠ᩃᨸᨶᩣᨵᩥᨸ᩠ᨸᩣᨿᩔᩣ’’ᨲᩥ.

᪒᪒᪗. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩴ ᨽᩥᨠ᩠ᨡᩩᩴ ᨬᩣᨲᨠᩣ ᩑᨲᨴᩅᩮᩣᨧᩩᩴ – ‘‘ᩑᩉᩥ, ᨽᨶ᩠ᨲᩮ, ᨠᩣᨾᩮ ᨸᩁᩥᨽᩩᨬ᩠ᨩᩣ’’ᨲᩥ. ‘‘ᩌᩅᨭᩣ ᨾᩮ, ᩌᩅᩩᩈᩮᩣ, ᨠᩣᨾᩣ’’ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩋᨶᩩᩃ᩠ᩃᨸᨶᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩴ ᨽᩥᨠ᩠ᨡᩩᩴ ᨬᩣᨲᨠᩣ ᩑᨲᨴᩅᩮᩣᨧᩩᩴ – ‘‘ᩋᨽᩥᩁᨾᩈᩥ, ᨽᨶ᩠ᨲᩮ’’ᨲᩥ? ‘‘ᩋᨽᩥᩁᨲᩮᩣ ᩋᩉᩴ, ᩌᩅᩩᩈᩮᩣ, ᨸᩁᨾᩣᨿ ᩋᨽᩥᩁᨲᩥᨿᩣ’’ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ. ‘‘ᨿᩮ ᨡᩮᩣ ᨲᩮ ᨽᨣᩅᨲᩮᩣ ᩈᩣᩅᨠᩣ ᨲᩮ ᩑᩅᩴ ᩅᨴᩮᨿ᩠ᨿᩩᩴ! ᩋᩉᨬ᩠ᨧᨾ᩠ᩉᩥ ᨶ ᨽᨣᩅᨲᩮᩣ ᩈᩣᩅᨠᩮᩣ. ᨠᨧ᩠ᨧᩥ ¶ ᨶᩩ ᨡᩮᩣ ᩋᩉᩴ ᨸᩣᩁᩣᨩᩥᨠᩴ ᩌᨸᨲ᩠ᨲᩥᩴ ᩌᨸᨶ᩠ᨶᩮᩣ’’ᨲᩥ? ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ‘‘ᨠᩥᩴᨧᩥᨲ᩠ᨲᩮᩣ ᨲ᩠ᩅᩴ, ᨽᩥᨠ᩠ᨡᩪ’’ᨲᩥ? ‘‘ᩋᨶᩩᩃ᩠ᩃᨸᨶᩣᨵᩥᨸ᩠ᨸᩣᨿᩮᩣ ᩋᩉᩴ, ᨽᨣᩅᩣ’’ᨲᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩋᨶᩩᩃ᩠ᩃᨸᨶᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩈᨾ᩠ᨻᩉᩩᩃᩣ ᨽᩥᨠ᩠ᨡᩪ ᨠᨲᩥᨠᩴ ᨠᨲ᩠ᩅᩣ ᩋᨬ᩠ᨬᨲᩁᩈ᩠ᨾᩥᩴ ᩌᩅᩣᩈᩮ ᩅᩔᩴ ᩏᨸᨣᨧ᩠ᨨᩥᩴᩈᩩ – ‘‘ᨿᩮᩣ ᩍᨾᨾ᩠ᩉᩣ ᩌᩅᩣᩈᩣ ᨸᨮᨾᩴ ᨸᨠ᩠ᨠᨾᩥᩔᨲᩥ ᨲᩴ ᨾᨿᩴ ᩋᩁᩉᩣᨲᩥ ᨩᩣᨶᩥᩔᩣᨾᩣ’’ᨲᩥ. ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ¶ – ‘‘ᨾᩴ ᩋᩁᩉᩣᨲᩥ ᨩᩣᨶᨶ᩠ᨲᩪ’’ᨲᩥ, ᨲᨾ᩠ᩉᩣ ᩌᩅᩣᩈᩣ ᨸᨮᨾᩴ ᨸᨠ᩠ᨠᩣᨾᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᨸᩣᩁᩣᨩᩥᨠ’’ᨶ᩠ᨲᩥ.

᪒᪒᪘. [ᩍᨾᩣᨶᩥ ᩅᨲ᩠ᨳᩩᨶᩥ ᩈᩴ. ᨶᩥ. ᪒.᪒᪐᪒ ᩌᨣᨲᩣᨶᩥ] ᨲᩮᨶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩁᩣᨩᨣᩉᩮ ᩅᩥᩉᩁᨲᩥ ᩅᩮᩊᩩᩅᨶᩮ ᨠᩃᨶ᩠ᨴᨠᨶᩥᩅᩣᨸᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᨿᩈ᩠ᨾᩣ ᨧ ᩃᨠ᩠ᨡᨱᩮᩣ ᩌᨿᩈ᩠ᨾᩣ ᨧ ᨾᩉᩣᨾᩮᩣᨣ᩠ᨣᩃ᩠ᩃᩣᨶᩮᩣ ᨣᩥᨩ᩠ᨫᨠᩪᨭᩮ ᨸᨻ᩠ᨻᨲᩮ ᩅᩥᩉᩁᨶ᩠ᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᨾᩉᩣᨾᩮᩣᨣ᩠ᨣᩃ᩠ᩃᩣᨶᩮᩣ ᨸᩩᨻ᩠ᨻᨱ᩠ᩉᩈᨾᨿᩴ ᨶᩥᩅᩣᩈᩮᨲ᩠ᩅᩣ ᨸᨲ᩠ᨲᨧᩦᩅᩁᩴ ᩌᨴᩣᨿ ᨿᩮᨶᩣᨿᩈ᩠ᨾᩣ ᩃᨠ᩠ᨡᨱᩮᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᩃᨠ᩠ᨡᨱᩴ ᩑᨲᨴᩅᩮᩣᨧ – ‘‘ᩌᨿᩣᨾᩣᩅᩩᩈᩮᩣ ᩃᨠ᩠ᨡᨱ, ᩁᩣᨩᨣᩉᩴ ᨸᩥᨱ᩠ᨯᩣᨿ ᨸᩅᩥᩈᩥᩔᩣᨾᩣ’’ᨲᩥ. ‘‘ᩑᩅᨾᩣᩅᩩᩈᩮᩣ’’ᨲᩥ ᨡᩮᩣ ᩌᨿᩈ᩠ᨾᩣ ᩃᨠ᩠ᨡᨱᩮᩣ ᩌᨿᩈ᩠ᨾᨲᩮᩣ ᨾᩉᩣᨾᩮᩣᨣ᩠ᨣᩃ᩠ᩃᩣᨶᩔ ᨸᨧ᩠ᨧᩔᩮᩣᩈᩥ. ᩋᨳ ᨡᩮᩣ ᩌᨿᩈ᩠ᨾᩣ ᨾᩉᩣᨾᩮᩣᨣ᩠ᨣᩃ᩠ᩃᩣᨶᩮᩣ ᨣᩥᨩ᩠ᨫᨠᩪᨭᩣ ᨸᨻ᩠ᨻᨲᩣ ¶ ᩒᩁᩮᩣᩉᨶ᩠ᨲᩮᩣ ᩋᨬ᩠ᨬᨲᩁᩈ᩠ᨾᩥᩴ ᨸᨴᩮᩈᩮ ᩈᩥᨲᩴ ᨸᩣᨲ᩠ᩅᩣᨠᩣᩈᩥ. ᩋᨳ ᨡᩮᩣ ᩌᨿᩈ᩠ᨾᩣ ᩃᨠ᩠ᨡᨱᩮᩣ ᩌᨿᩈ᩠ᨾᨶ᩠ᨲᩴ ᨾᩉᩣᨾᩮᩣᨣ᩠ᨣᩃ᩠ᩃᩣᨶᩴ ᩑᨲᨴᩅᩮᩣᨧ – ‘‘ᨠᩮᩣ ᨶᩩ ᨡᩮᩣ, ᩌᩅᩩᩈᩮᩣ ᨾᩮᩣᨣ᩠ᨣᩃ᩠ᩃᩣᨶ, ᩉᩮᨲᩩ ᨠᩮᩣ ᨸᨧ᩠ᨧᨿᩮᩣ ᩈᩥᨲᩔ ᨸᩣᨲᩩᨠᨾ᩠ᨾᩣᨿᩣ’’ᨲᩥ? ‘‘ᩋᨠᩣᩃᩮᩣ ᨡᩮᩣ, ᩌᩅᩩᩈᩮᩣ ᩃᨠ᩠ᨡᨱ, ᩑᨲᩔ ᨸᨬ᩠ᩉᩔ [ᨸᨬ᩠ᩉᩔ ᨻ᩠ᨿᩣᨠᩁᨱᩣᨿ (ᩈ᩠ᨿᩣ.)]. ᨽᨣᩅᨲᩮᩣ ᨾᩴ ᩈᨶ᩠ᨲᩥᨠᩮ ᩑᨲᩴ ᨸᨬ᩠ᩉᩴ ᨸᩩᨧ᩠ᨨᩣᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᨧ ᩃᨠ᩠ᨡᨱᩮᩣ ᩌᨿᩈ᩠ᨾᩣ ᨧ ᨾᩉᩣᨾᩮᩣᨣ᩠ᨣᩃ᩠ᩃᩣᨶᩮᩣ ¶ ᩁᩣᨩᨣᩉᩮ ᨸᩥᨱ᩠ᨯᩣᨿ ᨧᩁᩥᨲ᩠ᩅᩣ ᨸᨧ᩠ᨨᩣᨽᨲ᩠ᨲᩴ ᨸᩥᨱ᩠ᨯᨸᩣᨲᨸᨭᩥᨠ᩠ᨠᨶ᩠ᨲᩣ ᨿᩮᨶ ᨽᨣᩅᩣ ᨲᩮᨶᩩᨸᩈᨦ᩠ᨠᨾᩥᩴᩈᩩ; ᩏᨸᩈᨦ᩠ᨠᨾᩥᨲ᩠ᩅᩣ ᨽᨣᩅᨶ᩠ᨲᩴ ᩋᨽᩥᩅᩣᨴᩮᨲ᩠ᩅᩣ ᩑᨠᨾᨶ᩠ᨲᩴ ᨶᩥᩈᩦᨴᩥᩴᩈᩩ. ᩑᨠᨾᨶ᩠ᨲᩴ ᨶᩥᩈᩥᨶ᩠ᨶᩮᩣ ᨡᩮᩣ ᩌᨿᩈ᩠ᨾᩣ ᩃᨠ᩠ᨡᨱᩮᩣ ᩌᨿᩈ᩠ᨾᨶ᩠ᨲᩴ ᨾᩉᩣᨾᩮᩣᨣ᩠ᨣᩃ᩠ᩃᩣᨶᩴ ᩑᨲᨴᩅᩮᩣᨧ – ‘‘ᩍᨵᩣᨿᩈ᩠ᨾᩣ ᨾᩉᩣᨾᩮᩣᨣ᩠ᨣᩃ᩠ᩃᩣᨶᩮᩣ ᨣᩥᨩ᩠ᨫᨠᩪᨭᩣ ᨸᨻ᩠ᨻᨲᩣ ᩒᩁᩮᩣᩉᨶ᩠ᨲᩮᩣ ᩋᨬ᩠ᨬᨲᩁᩈ᩠ᨾᩥᩴ ᨸᨴᩮᩈᩮ ᩈᩥᨲᩴ ᨸᩣᨲ᩠ᩅᩣᨠᩣᩈᩥ. ᨠᩮᩣ ᨶᩩ ᨡᩮᩣ, ᩌᩅᩩᩈᩮᩣ ᨾᩮᩣᨣ᩠ᨣᩃ᩠ᩃᩣᨶ, ᩉᩮᨲᩩ ᨠᩮᩣ ᨸᨧ᩠ᨧᨿᩮᩣ ᩈᩥᨲᩔ ᨸᩣᨲᩩᨠᨾ᩠ᨾᩣᨿᩣ’’ᨲᩥ? ‘‘ᩍᨵᩣᩉᩴ, ᩌᩅᩩᩈᩮᩣ, ᨣᩥᨩ᩠ᨫᨠᩪᨭᩣ ᨸᨻ᩠ᨻᨲᩣ ᩒᩁᩮᩣᩉᨶ᩠ᨲᩮᩣ ᩋᨴ᩠ᨴᩈᩴ ᩋᨭ᩠ᨮᩥᨠᩈᨦ᩠ᨡᩃᩥᨠᩴ ᩅᩮᩉᩣᩈᩴ ᨣᨧ᩠ᨨᨶ᩠ᨲᩥᩴ. ᨲᨾᩮᨶᩴ ᨣᩥᨩ᩠ᨫᩣᨸᩥ ᨠᩣᨠᩣᨸᩥ ᨠᩩᩃᩃᩣᨸᩥ ᩋᨶᩩᨸᨲᩥᨲ᩠ᩅᩣ ᩋᨶᩩᨸᨲᩥᨲ᩠ᩅᩣ ᨹᩣᩈᩩᩊᨶ᩠ᨲᩁᩥᨠᩣᩉᩥ ᩅᩥᨲᩩᨯᩮᨶ᩠ᨲᩥ [ᩅᩥᨲᩩᨴᩮᨶ᩠ᨲᩥ ᩅᩥᨲᨧ᩠ᨨᩮᨶ᩠ᨲᩥ ᩅᩥᩁᩣᨩᩮᨶ᩠ᨲᩥ (ᩈ᩠ᨿᩣ.)]. ᩈᩣ ᩈᩩᨴᩴ ᩋᨭ᩠ᨭᩔᩁᩴ ᨠᩁᩮᩣᨲᩥ. ᨲᩔ ᨾᨿ᩠ᩉᩴ, ᩌᩅᩩᩈᩮᩣ, ᩑᨲᨴᩉᩮᩣᩈᩥ – ‘ᩋᨧ᩠ᨨᩁᩥᨿᩴ ᩅᨲ ᨽᩮᩣ, ᩋᨻ᩠ᨽᩩᨲᩴ ᩅᨲ ᨽᩮᩣ, ᩑᩅᩁᩪᨸᩮᩣᨸᩥ ᨶᩣᨾ ᩈᨲ᩠ᨲᩮᩣ ᨽᩅᩥᩔᨲᩥ! ᩑᩅᩁᩪᨸᩮᩣᨸᩥ ¶ ᨶᩣᨾ ¶ ᨿᨠ᩠ᨡᩮᩣ ᨽᩅᩥᩔᨲᩥ! ᩑᩅᩁᩪᨸᩮᩣᨸᩥ ᨶᩣᨾ ᩋᨲ᩠ᨲᨽᩣᩅᨸ᩠ᨸᨭᩥᩃᩣᨽᩮᩣ ᨽᩅᩥᩔᨲᩦ’’’ᨲᩥ! ᨽᩥᨠ᩠ᨡᩪ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᩏᨲ᩠ᨲᩁᩥᨾᨶᩩᩔᨵᨾ᩠ᨾᩴ ᩌᨿᩈ᩠ᨾᩣ ᨾᩉᩣᨾᩮᩣᨣ᩠ᨣᩃ᩠ᩃᩣᨶᩮᩣ ᩏᩃ᩠ᩃᨸᨲᩦ’’ᨲᩥ. ᩋᨳ ᨡᩮᩣ ᨽᨣᩅᩣ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ ¶ – ‘‘ᨧᨠ᩠ᨡᩩᨽᩪᨲᩣ ᩅᨲ, ᨽᩥᨠ᩠ᨡᩅᩮ, ᩈᩣᩅᨠᩣ ᩅᩥᩉᩁᨶ᩠ᨲᩥ. ᨬᩣᨱᨽᩪᨲᩣ ᩅᨲ, ᨽᩥᨠ᩠ᨡᩅᩮ, ᩈᩣᩅᨠᩣ ᩅᩥᩉᩁᨶ᩠ᨲᩥ. ᨿᨲᩕ ᩉᩥ ᨶᩣᨾ ᩈᩣᩅᨠᩮᩣ ᩑᩅᩁᩪᨸᩴ ᨬᩔᨲᩥ ᩅᩣ ᨴᨠ᩠ᨡᨲᩥ ᩅᩣ ᩈᨠ᩠ᨡᩥᩴ ᩅᩣ ᨠᩁᩥᩔᨲᩥ. ᨸᩩᨻ᩠ᨻᩮᩅ ᨾᩮ ᩈᩮᩣ, ᨽᩥᨠ᩠ᨡᩅᩮ, ᩈᨲ᩠ᨲᩮᩣ ᨴᩥᨭ᩠ᨮᩮᩣ ᩋᩉᩮᩣᩈᩥ. ᩋᨸᩥ ᨧᩣᩉᩴ ᨶ ᨻ᩠ᨿᩣᨠᩣᩈᩥᩴ. ᩋᩉᨬ᩠ᨧᩮᨲᩴ ᨻ᩠ᨿᩣᨠᩁᩮᨿ᩠ᨿᩴ ᨸᩁᩮ ᨧ ᨾᩮ ᨶ ᩈᨴ᩠ᨴᩉᩮᨿ᩠ᨿᩩᩴ. ᨿᩮ ᨾᩮ ᨶ ᩈᨴ᩠ᨴᩉᩮᨿ᩠ᨿᩩᩴ ᨲᩮᩈᩴ ᨲᩴ ᩋᩔ ᨴᩦᨥᩁᨲ᩠ᨲᩴ ᩋᩉᩥᨲᩣᨿ ᨴᩩᨠ᩠ᨡᩣᨿ. ᩑᩈᩮᩣ, ᨽᩥᨠ᩠ᨡᩅᩮ, ᩈᨲ᩠ᨲᩮᩣ ᩍᨾᩈ᩠ᨾᩥᩴᨿᩮᩅ ᩁᩣᨩᨣᩉᩮ ᨣᩮᩣᨥᩣᨲᨠᩮᩣ ᩋᩉᩮᩣᩈᩥ. ᩈᩮᩣ ᨲᩔ ᨠᨾ᩠ᨾᩔ ᩅᩥᨸᩣᨠᩮᨶ ᨻᩉᩪᨶᩥ ᩅᩔᩣᨶᩥ ᨻᩉᩪᨶᩥ ᩅᩔᩈᨲᩣᨶᩥ ᨻᩉᩪᨶᩥ ᩅᩔᩈᩉᩔᩣᨶᩥ ᨻᩉᩪᨶᩥ ᩅᩔᩈᨲᩈᩉᩔᩣᨶᩥ ᨶᩥᩁᨿᩮ ᨸᨧ᩠ᨧᩥᨲ᩠ᩅᩣ ᨲᩔᩮᩅ ᨠᨾ᩠ᨾᩔ ᩅᩥᨸᩣᨠᩣᩅᩈᩮᩈᩮᨶ ᩑᩅᩁᩪᨸᩴ ᩋᨲ᩠ᨲᨽᩣᩅᨸ᩠ᨸᨭᩥᩃᩣᨽᩴ ᨸᨭᩥᩈᩴᩅᩮᨴᩮᨲᩥ. ᩈᨧ᩠ᨧᩴ, ᨽᩥᨠ᩠ᨡᩅᩮ, ᨾᩮᩣᨣ᩠ᨣᩃ᩠ᩃᩣᨶᩮᩣ ᩌᩉ. ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨾᩮᩣᨣ᩠ᨣᩃ᩠ᩃᩣᨶᩔᩣ’’ᨲᩥ.

᪒᪒᪙. ‘‘ᩍᨵᩣᩉᩴ, ᩌᩅᩩᩈᩮᩣ, ᨣᩥᨩ᩠ᨫᨠᩪᨭᩣ ᨸᨻ᩠ᨻᨲᩣ ᩒᩁᩮᩣᩉᨶ᩠ᨲᩮᩣ ᩋᨴ᩠ᨴᩈᩴ ᨾᩴᩈᨸᩮᩈᩥᩴ ᩅᩮᩉᩣᩈᩴ ᨣᨧ᩠ᨨᨶ᩠ᨲᩥᩴ. ᨲᨾᩮᨶᩴ ᨣᩥᨩ᩠ᨫᩣᨸᩥ ᨠᩣᨠᩣᨸᩥ ᨠᩩᩃᩃᩣᨸᩥ ᩋᨶᩩᨸᨲᩥᨲ᩠ᩅᩣ ᩋᨶᩩᨸᨲᩥᨲ᩠ᩅᩣ ᩅᩥᨲᨧ᩠ᨨᩮᨶ᩠ᨲᩥ ᩅᩥᨽᨩ᩠ᨩᩮᨶ᩠ᨲᩥ [ᩅᩥᨲᩩᨴᩮᨶ᩠ᨲᩥ ᩅᩥᨲᨧ᩠ᨨᩮᨶ᩠ᨲᩥ ᩅᩥᩁᩣᨩᩮᨶ᩠ᨲᩥ (ᩈ᩠ᨿᩣ.)]. ᩈᩣ ᩈᩩᨴᩴ ᩋᨭ᩠ᨭᩔᩁᩴ ¶ ᨠᩁᩮᩣᨲᩥ…ᨸᩮ… ᩑᩈᩮᩣ, ᨽᩥᨠ᩠ᨡᩅᩮ, ᩈᨲ᩠ᨲᩮᩣ ᩍᨾᩈ᩠ᨾᩥᩴᨿᩮᩅ ᩁᩣᨩᨣᩉᩮ ᨣᩮᩣᨥᩣᨲᨠᩮᩣ ᩋᩉᩮᩣᩈᩥ…ᨸᩮ….

‘‘ᩍᨵᩣᩉᩴ, ᩌᩅᩩᩈᩮᩣ, ᨣᩥᨩ᩠ᨫᨠᩪᨭᩣ ᨸᨻ᩠ᨻᨲᩣ ᩒᩁᩮᩣᩉᨶ᩠ᨲᩮᩣ ᩋᨴ᩠ᨴᩈᩴ ᨾᩴᩈᨸᩥᨱ᩠ᨯᩴ ᩅᩮᩉᩣᩈᩴ ᨣᨧ᩠ᨨᨶ᩠ᨲᩴ. ᨲᨾᩮᨶᩴ ᨣᩥᨩ᩠ᨫᩣᨸᩥ ᨠᩣᨠᩣᨸᩥ ᨠᩩᩃᩃᩣᨸᩥ ᩋᨶᩩᨸᨲᩥᨲ᩠ᩅᩣ ᩋᨶᩩᨸᨲᩥᨲ᩠ᩅᩣ ᩅᩥᨲᨧ᩠ᨨᩮᨶ᩠ᨲᩥ ᩅᩥᨽᨩ᩠ᨩᩮᨶ᩠ᨲᩥ. ᩈᩮᩣ ᩈᩩᨴᩴ ᩋᨭ᩠ᨭᩔᩁᩴ ᨠᩁᩮᩣᨲᩥ…ᨸᩮ… ᩑᩈᩮᩣ, ᨽᩥᨠ᩠ᨡᩅᩮ, ᩈᨲ᩠ᨲᩮᩣ ᩍᨾᩈ᩠ᨾᩥᩴᨿᩮᩅ ᩁᩣᨩᨣᩉᩮ ᩈᩣᨠᩩᨱᩥᨠᩮᩣ ᩋᩉᩮᩣᩈᩥ…ᨸᩮ….

‘‘ᩍᨵᩣᩉᩴ, ᩌᩅᩩᩈᩮᩣ, ᨣᩥᨩ᩠ᨫᨠᩪᨭᩣ ᨸᨻ᩠ᨻᨲᩣ ᩒᩁᩮᩣᩉᨶ᩠ᨲᩮᩣ ᩋᨴ᩠ᨴᩈᩴ ᨶᩥᨧ᩠ᨨᩅᩥᩴ ᨸᩩᩁᩥᩈᩴ ᩅᩮᩉᩣᩈᩴ ᨣᨧ᩠ᨨᨶ᩠ᨲᩴ. ᨲᨾᩮᨶᩴ ᨣᩥᨩ᩠ᨫᩣᨸᩥ ᨠᩣᨠᩣᨸᩥ ᨠᩩᩃᩃᩣᨸᩥ ᩋᨶᩩᨸᨲᩥᨲ᩠ᩅᩣ ᩋᨶᩩᨸᨲᩥᨲ᩠ᩅᩣ ᩅᩥᨲᨧ᩠ᨨᩮᨶ᩠ᨲᩥ ᩅᩥᨽᨩ᩠ᨩᩮᨶ᩠ᨲᩥ. ᩈᩮᩣ ᩈᩩᨴᩴ ᩋᨭ᩠ᨭᩔᩁᩴ ᨠᩁᩮᩣᨲᩥ…ᨸᩮ… ¶ ᩑᩈᩮᩣ, ᨽᩥᨠ᩠ᨡᩅᩮ, ᩈᨲ᩠ᨲᩮᩣ ᩍᨾᩈ᩠ᨾᩥᩴᨿᩮᩅ ᩁᩣᨩᨣᩉᩮ ᩒᩁᨻ᩠ᨽᩥᨠᩮᩣ ᩋᩉᩮᩣᩈᩥ…ᨸᩮ….

‘‘ᩍᨵᩣᩉᩴ, ᩌᩅᩩᩈᩮᩣ, ᨣᩥᨩ᩠ᨫᨠᩪᨭᩣ ᨸᨻ᩠ᨻᨲᩣ ᩒᩁᩮᩣᩉᨶ᩠ᨲᩮᩣ ᩋᨴ᩠ᨴᩈᩴ ᩋᩈᩥᩃᩮᩣᨾᩴ ᨸᩩᩁᩥᩈᩴ ᩅᩮᩉᩣᩈᩴ ᨣᨧ᩠ᨨᨶ᩠ᨲᩴ ¶ . ᨲᩔ ᨲᩮ ᩋᩈᩦ ᩏᨸ᩠ᨸᨲᩥᨲ᩠ᩅᩣ ᩏᨸ᩠ᨸᨲᩥᨲ᩠ᩅᩣ ᨲᩔᩮᩅ ᨠᩣᨿᩮ ᨶᩥᨸᨲᨶ᩠ᨲᩥ. ᩈᩮᩣ ᩈᩩᨴᩴ ᩋᨭ᩠ᨭᩔᩁᩴ ᨠᩁᩮᩣᨲᩥ…ᨸᩮ… ᩑᩈᩮᩣ, ᨽᩥᨠ᩠ᨡᩅᩮ, ᩈᨲ᩠ᨲᩮᩣ ᩍᨾᩈ᩠ᨾᩥᩴᨿᩮᩅ ᩁᩣᨩᨣᩉᩮ ᩈᩪᨠᩁᩥᨠᩮᩣ ᩋᩉᩮᩣᩈᩥ…ᨸᩮ….

‘‘ᩍᨵᩣᩉᩴ, ᩌᩅᩩᩈᩮᩣ, ᨣᩥᨩ᩠ᨫᨠᩪᨭᩣ ᨸᨻ᩠ᨻᨲᩣ ᩒᩁᩮᩣᩉᨶ᩠ᨲᩮᩣ ᩋᨴ᩠ᨴᩈᩴ ᩈᨲ᩠ᨲᩥᩃᩮᩣᨾᩴ ᨸᩩᩁᩥᩈᩴ ᩅᩮᩉᩣᩈᩴ ᨣᨧ᩠ᨨᨶ᩠ᨲᩴ. ᨲᩔ ᨲᩣ ᩈᨲ᩠ᨲᩥᨿᩮᩣ ᩏᨸ᩠ᨸᨲᩥᨲ᩠ᩅᩣ ᩏᨸ᩠ᨸᨲᩥᨲ᩠ᩅᩣ ᨲᩔᩮᩅ ᨠᩣᨿᩮ ᨶᩥᨸᨲᨶ᩠ᨲᩥ. ᩈᩮᩣ ᩈᩩᨴᩴ ᩋᨭ᩠ᨭᩔᩁᩴ ᨠᩁᩮᩣᨲᩥ…ᨸᩮ… ᩑᩈᩮᩣ, ᨽᩥᨠ᩠ᨡᩅᩮ, ᩈᨲ᩠ᨲᩮᩣ ᩍᨾᩈ᩠ᨾᩥᩴᨿᩮᩅ ᩁᩣᨩᨣᩉᩮ ᨾᩣᨣᩅᩥᨠᩮᩣ ᩋᩉᩮᩣᩈᩥ…ᨸᩮ….

‘‘ᩍᨵᩣᩉᩴ, ᩌᩅᩩᩈᩮᩣ, ᨣᩥᨩ᩠ᨫᨠᩪᨭᩣ ᨸᨻ᩠ᨻᨲᩣ ᩒᩁᩮᩣᩉᨶ᩠ᨲᩮᩣ ᩋᨴ᩠ᨴᩈᩴ ᩏᩈᩩᩃᩮᩣᨾᩴ ᨸᩩᩁᩥᩈᩴ ᩅᩮᩉᩣᩈᩴ ᨣᨧ᩠ᨨᨶ᩠ᨲᩴ. ᨲᩔ ᨲᩮ ᩏᩈᩪ ᩏᨸ᩠ᨸᨲᩥᨲ᩠ᩅᩣ ᩏᨸ᩠ᨸᨲᩥᨲ᩠ᩅᩣ ᨲᩔᩮᩅ ᨠᩣᨿᩮ ᨶᩥᨸᨲᨶ᩠ᨲᩥ. ᩈᩮᩣ ᩈᩩᨴᩴ ᩋᨭ᩠ᨭᩔᩁᩴ ᨠᩁᩮᩣᨲᩥ…ᨸᩮ… ᩑᩈᩮᩣ, ᨽᩥᨠ᩠ᨡᩅᩮ, ᩈᨲ᩠ᨲᩮᩣ ᩍᨾᩈ᩠ᨾᩥᩴᨿᩮᩅ ᩁᩣᨩᨣᩉᩮ ᨠᩣᩁᨱᩥᨠᩮᩣ ᩋᩉᩮᩣᩈᩥ…ᨸᩮ….

‘‘ᩍᨵᩣᩉᩴ, ᩌᩅᩩᩈᩮᩣ, ᨣᩥᨩ᩠ᨫᨠᩪᨭᩣ ᨸᨻ᩠ᨻᨲᩣ ᩒᩁᩮᩣᩉᨶ᩠ᨲᩮᩣ ᩋᨴ᩠ᨴᩈᩴ ᩈᩪᨧᩥᩃᩮᩣᨾᩴ ᨸᩩᩁᩥᩈᩴ ᩅᩮᩉᩣᩈᩴ ᨣᨧ᩠ᨨᨶ᩠ᨲᩴ. ᨲᩔ ᨲᩣ ᩈᩪᨧᩥᨿᩮᩣ ᩏᨸ᩠ᨸᨲᩥᨲ᩠ᩅᩣ ᩏᨸ᩠ᨸᨲᩥᨲ᩠ᩅᩣ ᨲᩔᩮᩅ ¶ ᨠᩣᨿᩮ ᨶᩥᨸᨲᨶ᩠ᨲᩥ. ᩈᩮᩣ ᩈᩩᨴᩴ ᩋᨭ᩠ᨭᩔᩁᩴ ᨠᩁᩮᩣᨲᩥ…ᨸᩮ… ᩑᩈᩮᩣ, ᨽᩥᨠ᩠ᨡᩅᩮ, ᩈᨲ᩠ᨲᩮᩣ ᩍᨾᩈ᩠ᨾᩥᩴᨿᩮᩅ ᩁᩣᨩᨣᩉᩮ ᩈᩣᩁᨳᩥᨠᩮᩣ ᩋᩉᩮᩣᩈᩥ…ᨸᩮ….

‘‘ᩍᨵᩣᩉᩴ, ᩌᩅᩩᩈᩮᩣ, ᨣᩥᨩ᩠ᨫᨠᩪᨭᩣ ᨸᨻ᩠ᨻᨲᩣ ᩒᩁᩮᩣᩉᨶ᩠ᨲᩮᩣ ᩋᨴ᩠ᨴᩈᩴ ᩈᩪᨧᩥᩃᩮᩣᨾᩴ ᨸᩩᩁᩥᩈᩴ ᩅᩮᩉᩣᩈᩴ ᨣᨧ᩠ᨨᨶ᩠ᨲᩴ. ᨲᩔ ᨲᩣ ᩈᩪᨧᩥᨿᩮᩣ ᩈᩦᩈᩮ ᨸᩅᩥᩈᩥᨲ᩠ᩅᩣ ᨾᩩᨡᨲᩮᩣ ᨶᩥᨠ᩠ᨡᨾᨶ᩠ᨲᩥ; ᨾᩩᨡᩮ ᨸᩅᩥᩈᩥᨲ᩠ᩅᩣ ᩏᩁᨲᩮᩣ ᨶᩥᨠ᩠ᨡᨾᨶ᩠ᨲᩥ; ᩏᩁᩮ ᨸᩅᩥᩈᩥᨲ᩠ᩅᩣ ᩏᨴᩁᨲᩮᩣ ᨶᩥᨠ᩠ᨡᨾᨶ᩠ᨲᩥ; ᩏᨴᩁᩮ ᨸᩅᩥᩈᩥᨲ᩠ᩅᩣ ᩐᩁᩪᩉᩥ ᨶᩥᨠ᩠ᨡᨾᨶ᩠ᨲᩥ; ᩐᩁᩪᩈᩩ ᨸᩅᩥᩈᩥᨲ᩠ᩅᩣ ᨩᨦ᩠ᨥᩣᩉᩥ ᨶᩥᨠ᩠ᨡᨾᨶ᩠ᨲᩥ; ᨩᨦ᩠ᨥᩣᩈᩩ ᨸᩅᩥᩈᩥᨲ᩠ᩅᩣ ᨸᩣᨴᩮᩉᩥ ᨶᩥᨠ᩠ᨡᨾᨶ᩠ᨲᩥ. ᩈᩮᩣ ᩈᩩᨴᩴ ᩋᨭ᩠ᨭᩔᩁᩴ ᨠᩁᩮᩣᨲᩥ…ᨸᩮ… ᩑᩈᩮᩣ, ᨽᩥᨠ᩠ᨡᩅᩮ, ᩈᨲ᩠ᨲᩮᩣ ᩍᨾᩈ᩠ᨾᩥᩴᨿᩮᩅ ᩁᩣᨩᨣᩉᩮ ᩈᩪᨧᨠᩮᩣ ᩋᩉᩮᩣᩈᩥ…ᨸᩮ….

‘‘ᩍᨵᩣᩉᩴ, ᩌᩅᩩᩈᩮᩣ, ᨣᩥᨩ᩠ᨫᨠᩪᨭᩣ ᨸᨻ᩠ᨻᨲᩣ ᩒᩁᩮᩣᩉᨶ᩠ᨲᩮᩣ ᩋᨴ᩠ᨴᩈᩴ ᨠᩩᨾ᩠ᨽᨱ᩠ᨯᩴ ᨸᩩᩁᩥᩈᩴ ᩅᩮᩉᩣᩈᩴ ᨣᨧ᩠ᨨᨶ᩠ᨲᩴ. ᩈᩮᩣ ᨣᨧ᩠ᨨᨶ᩠ᨲᩮᩣᨸᩥ ᨲᩮᩅ ᩋᨱ᩠ᨯᩮ ᨡᨶ᩠ᨵᩮ ᩌᩁᩮᩣᨸᩮᨲ᩠ᩅᩣ ᨣᨧ᩠ᨨᨲᩥ, ᨶᩥᩈᩦᨴᨶ᩠ᨲᩮᩣᨸᩥ ᨲᩮᩈ᩠ᩅᩮᩅ ᩋᨱ᩠ᨯᩮᩈᩩ ᨶᩥᩈᩦᨴᨲᩥ. ᨲᨾᩮᨶᩴ ᨣᩥᨩ᩠ᨫᩣᨸᩥ ᨠᩣᨠᩣᨸᩥ ¶ ᨠᩩᩃᩃᩣᨸᩥ ᩋᨶᩩᨸᨲᩥᨲ᩠ᩅᩣ ᩋᨶᩩᨸᨲᩥᨲ᩠ᩅᩣ ᩅᩥᨲᨧ᩠ᨨᩮᨶ᩠ᨲᩥ ᩅᩥᨽᨩ᩠ᨩᩮᨶ᩠ᨲᩥ. ᩈᩮᩣ ᩈᩩᨴᩴ ᩋᨭ᩠ᨭᩔᩁᩴ ᨠᩁᩮᩣᨲᩥ…ᨸᩮ… ᩑᩈᩮᩣ, ᨽᩥᨠ᩠ᨡᩅᩮ, ᩈᨲ᩠ᨲᩮᩣ ᩍᨾᩈ᩠ᨾᩥᩴᨿᩮᩅ ᩁᩣᨩᨣᩉᩮ ᨣᩣᨾᨠᩪᨭᩮᩣ ᩋᩉᩮᩣᩈᩥ…ᨸᩮ….

‘‘ᩍᨵᩣᩉᩴ, ᩌᩅᩩᩈᩮᩣ, ᨣᩥᨩ᩠ᨫᨠᩪᨭᩣ ᨸᨻ᩠ᨻᨲᩣ ᩒᩁᩮᩣᩉᨶ᩠ᨲᩮᩣ ᩋᨴ᩠ᨴᩈᩴ ᨸᩩᩁᩥᩈᩴ ᨣᩪᨳᨠᩪᨸᩮ ᩈᩈᩦᩈᨠᩴ ᨶᩥᨾᩩᨣ᩠ᨣᩴ…ᨸᩮ… ᩑᩈᩮᩣ, ᨽᩥᨠ᩠ᨡᩅᩮ, ᩈᨲ᩠ᨲᩮᩣ ᩍᨾᩈ᩠ᨾᩥᩴᨿᩮᩅ ᩁᩣᨩᨣᩉᩮ ᨸᩣᩁᨴᩣᩁᩥᨠᩮᩣ ᩋᩉᩮᩣᩈᩥ…ᨸᩮ….

‘‘ᩍᨵᩣᩉᩴ ¶ , ᩌᩅᩩᩈᩮᩣ, ᨣᩥᨩ᩠ᨫᨠᩪᨭᩣ ᨸᨻ᩠ᨻᨲᩣ ᩒᩁᩮᩣᩉᨶ᩠ᨲᩮᩣ ᩋᨴ᩠ᨴᩈᩴ ¶ ᨸᩩᩁᩥᩈᩴ ᨣᩪᨳᨠᩪᨸᩮ ᩈᩈᩦᩈᨠᩴ ᨶᩥᨾᩩᨣ᩠ᨣᩴ ᩏᨽᩮᩣᩉᩥ ᩉᨲ᩠ᨳᩮᩉᩥ ᨣᩪᨳᩴ ᨡᩣᨴᨶ᩠ᨲᩴ…ᨸᩮ… ᩑᩈᩮᩣ, ᨽᩥᨠ᩠ᨡᩅᩮ, ᩈᨲ᩠ᨲᩮᩣ ᩍᨾᩈ᩠ᨾᩥᩴᨿᩮᩅ ᩁᩣᨩᨣᩉᩮ ᨴᩩᨭ᩠ᨮᨻᩕᩣᩉ᩠ᨾᨱᩮᩣ ¶ ᩋᩉᩮᩣᩈᩥ. ᩈᩮᩣ ᨠᩔᨸᩔ ᩈᨾ᩠ᨾᩣᩈᨾ᩠ᨻᩩᨴ᩠ᨵᩔ ᨸᩣᩅᨧᨶᩮ ᨽᩥᨠ᩠ᨡᩩᩈᨦ᩠ᨥᩴ ᨽᨲ᩠ᨲᩮᨶ ᨶᩥᨾᨶ᩠ᨲᩮᨲ᩠ᩅᩣ ᨴᩮᩣᨱᩥᨿᩮᩣ [ᨴᩮᩣᨱᩥᨿᩮᩣ (ᩍᨲᩥᨸᩥ)] ᨣᩪᨳᩔ ᨸᩪᩁᩣᨸᩮᨲ᩠ᩅᩣ ᨠᩣᩃᩴ ᩌᩁᩮᩣᨧᩣᨸᩮᨲ᩠ᩅᩣ ᩑᨲᨴᩅᩮᩣᨧ – ‘ᩋᨲᩮᩣ [ᩍᨲᩮᩣ (ᩈ᩠ᨿᩣ.) ᩋᩉᩮᩣ (ᩍᨲᩥᨸᩥ)], ᨽᩮᩣᨶ᩠ᨲᩮᩣ, ᨿᩣᩅᨴᨲ᩠ᨳᩴ ᨽᩩᨬ᩠ᨩᨶ᩠ᨲᩩ ᨧᩮᩅ ᩉᩁᨶ᩠ᨲᩩ ᨧᩣ’’’ᨲᩥ…ᨸᩮ….

᪒᪓᪐. ‘‘ᩍᨵᩣᩉᩴ, ᩌᩅᩩᩈᩮᩣ, ᨣᩥᨩ᩠ᨫᨠᩪᨭᩣ ᨸᨻ᩠ᨻᨲᩣ ᩒᩁᩮᩣᩉᨶ᩠ᨲᩮᩣ ᩋᨴ᩠ᨴᩈᩴ ᨶᩥᨧ᩠ᨨᩅᩥᩴ ᩍᨲ᩠ᨳᩥᩴ ᩅᩮᩉᩣᩈᩴ ᨣᨧ᩠ᨨᨶ᩠ᨲᩥᩴ. ᨲᨾᩮᨶᩴ ᨣᩥᨩ᩠ᨫᩣᨸᩥ ᨠᩣᨠᩣᨸᩥ ᨠᩩᩃᩃᩣᨸᩥ ᩋᨶᩩᨸᨲᩥᨲ᩠ᩅᩣ ᩋᨶᩩᨸᨲᩥᨲ᩠ᩅᩣ ᩅᩥᨲᨧ᩠ᨨᩮᨶ᩠ᨲᩥ ᩅᩥᨽᨩ᩠ᨩᩮᨶ᩠ᨲᩥ. ᩈᩣ ᩈᩩᨴᩴ ᩋᨭ᩠ᨭᩔᩁᩴ ᨠᩁᩮᩣᨲᩥ…ᨸᩮ… ᩑᩈᩣ, ᨽᩥᨠ᩠ᨡᩅᩮ, ᩍᨲ᩠ᨳᩦ ᩍᨾᩈ᩠ᨾᩥᩴᨿᩮᩅ ᩁᩣᨩᨣᩉᩮ ᩋᨲᩥᨧᩣᩁᩥᨶᩦ ᩋᩉᩮᩣᩈᩥ…ᨸᩮ….

‘‘ᩍᨵᩣᩉᩴ, ᩌᩅᩩᩈᩮᩣ, ᨣᩥᨩ᩠ᨫᨠᩪᨭᩣ ᨸᨻ᩠ᨻᨲᩣ ᩒᩁᩮᩣᩉᨶ᩠ᨲᩮᩣ ᩋᨴ᩠ᨴᩈᩴ ᩍᨲ᩠ᨳᩥᩴ ᨴᩩᨣ᩠ᨣᨶ᩠ᨵᩴ ᨾᨦ᩠ᨣᩩᩃᩥᩴ ᩅᩮᩉᩣᩈᩴ ᨣᨧ᩠ᨨᨶ᩠ᨲᩥᩴ. ᨲᨾᩮᨶᩴ ᨣᩥᨩ᩠ᨫᩣᨸᩥ ᨠᩣᨠᩣᨸᩥ ᨠᩩᩃᩃᩣᨸᩥ ᩋᨶᩩᨸᨲᩥᨲ᩠ᩅᩣ ᩋᨶᩩᨸᨲᩥᨲ᩠ᩅᩣ ᩅᩥᨲᨧ᩠ᨨᩮᨶ᩠ᨲᩥ ᩅᩥᨽᨩ᩠ᨩᩮᨶ᩠ᨲᩥ. ᩈᩣ ᩈᩩᨴᩴ ᩋᨭ᩠ᨭᩔᩁᩴ ᨠᩁᩮᩣᨲᩥ…ᨸᩮ… ᩑᩈᩣ, ᨽᩥᨠ᩠ᨡᩅᩮ, ᩍᨲ᩠ᨳᩦ ᩍᨾᩈ᩠ᨾᩥᩴᨿᩮᩅ ᩁᩣᨩᨣᩉᩮ ᩍᨠ᩠ᨡᨱᩥᨠᩣ ᩋᩉᩮᩣᩈᩥ…ᨸᩮ….

‘‘ᩍᨵᩣᩉᩴ, ᩌᩅᩩᩈᩮᩣ, ᨣᩥᨩ᩠ᨫᨠᩪᨭᩣ ᨸᨻ᩠ᨻᨲᩣ ᩒᩁᩮᩣᩉᨶ᩠ᨲᩮᩣ ᩋᨴ᩠ᨴᩈᩴ ᩍᨲ᩠ᨳᩥᩴ ᩏᨸ᩠ᨸᨠ᩠ᨠᩴ ᩒᨠᩥᩃᩥᨶᩥᩴ ᩒᨠᩥᩁᩥᨶᩥᩴ ᩅᩮᩉᩣᩈᩴ ᨣᨧ᩠ᨨᨶ᩠ᨲᩥᩴ. ᩈᩣ ᩈᩩᨴᩴ ᩋᨭ᩠ᨭᩔᩁᩴ ᨠᩁᩮᩣᨲᩥ…ᨸᩮ… ᩑᩈᩣ, ᨽᩥᨠ᩠ᨡᩅᩮ ¶ , ᩍᨲ᩠ᨳᩦ ᨠᩣᩃᩥᨦ᩠ᨣᩔ ᩁᨬ᩠ᨬᩮᩣ ᩋᨣ᩠ᨣᨾᩉᩮᩈᩦ ᩋᩉᩮᩣᩈᩥ. ᩈᩣ ᩍᩔᩣᨸᨠᨲᩣ ᩈᨸᨲ᩠ᨲᩥᩴ ᩋᨦ᩠ᨣᩣᩁᨠᨭᩣᩉᩮᨶ ᩒᨠᩥᩁᩥ…ᨸᩮ….

‘‘ᩍᨵᩣᩉᩴ, ᩌᩅᩩᩈᩮᩣ, ᨣᩥᨩ᩠ᨫᨠᩪᨭᩣ ᨸᨻ᩠ᨻᨲᩣ ᩒᩁᩮᩣᩉᨶ᩠ᨲᩮᩣ ᩋᨴ᩠ᨴᩈᩴ ᩋᩈᩦᩈᨠᩴ ᨠᨻᨶ᩠ᨵᩴ ᩅᩮᩉᩣᩈᩴ ᨣᨧ᩠ᨨᨶ᩠ᨲᩴ. ᨲᩔ ᩏᩁᩮ ᩋᨠ᩠ᨡᩦᨶᩥ ᨧᩮᩅ ᩉᩮᩣᨶ᩠ᨲᩥ ᨾᩩᨡᨬ᩠ᨧ. ᨲᨾᩮᨶᩴ ᨣᩥᨩ᩠ᨫᩣᨸᩥ ᨠᩣᨠᩣᨸᩥ ᨠᩩᩃᩃᩣᨸᩥ ᩋᨶᩩᨸᨲᩥᨲ᩠ᩅᩣ ᩋᨶᩩᨸᨲᩥᨲ᩠ᩅᩣ ᩅᩥᨲᨧ᩠ᨨᩮᨶ᩠ᨲᩥ ᩅᩥᨽᨩ᩠ᨩᩮᨶ᩠ᨲᩥ. ᩈᩮᩣ ¶ ᩈᩩᨴᩴ ᩋᨭ᩠ᨭᩔᩁᩴ ᨠᩁᩮᩣᨲᩥ…ᨸᩮ… ᩑᩈᩮᩣ, ᨽᩥᨠ᩠ᨡᩅᩮ, ᩈᨲ᩠ᨲᩮᩣ ᩍᨾᩈ᩠ᨾᩥᩴᨿᩮᩅ ᩁᩣᨩᨣᩉᩮ ᩉᩣᩁᩥᨠᩮᩣ ᨶᩣᨾ ᨧᩮᩣᩁᨥᩣᨲᨠᩮᩣ ᩋᩉᩮᩣᩈᩥ…ᨸᩮ….

‘‘ᩍᨵᩣᩉᩴ ¶ , ᩌᩅᩩᩈᩮᩣ, ᨣᩥᨩ᩠ᨫᨠᩪᨭᩣ ᨸᨻ᩠ᨻᨲᩣ ᩒᩁᩮᩣᩉᨶ᩠ᨲᩮᩣ ᩋᨴ᩠ᨴᩈᩴ ᨽᩥᨠ᩠ᨡᩩᩴ ᩅᩮᩉᩣᩈᩴ ᨣᨧ᩠ᨨᨶ᩠ᨲᩴ. ᨲᩔ ᩈᨦ᩠ᨥᩣᨭᩥᨸᩥ ᩌᨴᩥᨲ᩠ᨲᩣ ᩈᨾ᩠ᨸᨩ᩠ᨩᩃᩥᨲᩣ ᩈᨩᩮᩣᨲᩥᨽᩪᨲᩣ, ᨸᨲ᩠ᨲᩮᩣᨸᩥ ᩌᨴᩥᨲ᩠ᨲᩮᩣ ᩈᨾ᩠ᨸᨩ᩠ᨩᩃᩥᨲᩮᩣ ᩈᨩᩮᩣᨲᩥᨽᩪᨲᩮᩣ, ᨠᩣᨿᨻᨶ᩠ᨵᨶᨾ᩠ᨸᩥ ᩌᨴᩥᨲ᩠ᨲᩴ ᩈᨾ᩠ᨸᨩ᩠ᨩᩃᩥᨲᩴ ᩈᨩᩮᩣᨲᩥᨽᩪᨲᩴ, ᨠᩣᨿᩮᩣᨸᩥ ᩌᨴᩥᨲ᩠ᨲᩮᩣ ᩈᨾ᩠ᨸᨩ᩠ᨩᩃᩥᨲᩮᩣ ᩈᨩᩮᩣᨲᩥᨽᩪᨲᩮᩣ. ᩈᩮᩣ ᩈᩩᨴᩴ ᩋᨭ᩠ᨭᩔᩁᩴ ᨠᩁᩮᩣᨲᩥ…ᨸᩮ… ᩑᩈᩮᩣ, ᨽᩥᨠ᩠ᨡᩅᩮ, ᨽᩥᨠ᩠ᨡᩩ ᨠᩔᨸᩔ ᩈᨾ᩠ᨾᩣᩈᨾ᩠ᨻᩩᨴ᩠ᨵᩔ ᨸᩣᩅᨧᨶᩮ ᨸᩣᨸᨽᩥᨠ᩠ᨡᩩ ᩋᩉᩮᩣᩈᩥ…ᨸᩮ….

‘‘ᩍᨵᩣᩉᩴ, ᩌᩅᩩᩈᩮᩣ, ᨣᩥᨩ᩠ᨫᨠᩪᨭᩣ ᨸᨻ᩠ᨻᨲᩣ ᩒᩁᩮᩣᩉᨶ᩠ᨲᩮᩣ ᩋᨴ᩠ᨴᩈᩴ ᨽᩥᨠ᩠ᨡᩩᨶᩥᩴ… ᩋᨴ᩠ᨴᩈᩴ ᩈᩥᨠ᩠ᨡᨾᩣᨶᩴ… ᩋᨴ᩠ᨴᩈᩴ ᩈᩣᨾᨱᩮᩁᩴ… ᩋᨴ᩠ᨴᩈᩴ ᩈᩣᨾᨱᩮᩁᩥᩴ ᩅᩮᩉᩣᩈᩴ ᨣᨧ᩠ᨨᨶ᩠ᨲᩥᩴ. ᨲᩔᩣ ᩈᨦ᩠ᨥᩣᨭᩥᨸᩥ ᩌᨴᩥᨲ᩠ᨲᩣ ᩈᨾ᩠ᨸᨩ᩠ᨩᩃᩥᨲᩣ ᩈᨩᩮᩣᨲᩥᨽᩪᨲᩣ, ᨸᨲ᩠ᨲᩮᩣᨸᩥ ᩌᨴᩥᨲ᩠ᨲᩮᩣ ᩈᨾ᩠ᨸᨩ᩠ᨩᩃᩥᨲᩮᩣ ᩈᨩᩮᩣᨲᩥᨽᩪᨲᩮᩣ, ᨠᩣᨿᨻᨶ᩠ᨵᨶᨾ᩠ᨸᩥ ᩌᨴᩥᨲ᩠ᨲᩴ ᩈᨾ᩠ᨸᨩ᩠ᨩᩃᩥᨲᩴ ᩈᨩᩮᩣᨲᩥᨽᩪᨲᩴ, ᨠᩣᨿᩮᩣᨸᩥ ᩌᨴᩥᨲ᩠ᨲᩮᩣ ¶ ᩈᨾ᩠ᨸᨩ᩠ᨩᩃᩥᨲᩮᩣ ᩈᨩᩮᩣᨲᩥᨽᩪᨲᩮᩣ. ᩈᩣ ᩈᩩᨴᩴ ᩋᨭ᩠ᨭᩔᩁᩴ ᨠᩁᩮᩣᨲᩥ. ᨲᩔ ᨾᨿ᩠ᩉᩴ, ᩌᩅᩩᩈᩮᩣ, ᩑᨲᨴᩉᩮᩣᩈᩥ – ‘ᩋᨧ᩠ᨨᩁᩥᨿᩴ ᩅᨲ ᨽᩮᩣ, ᩋᨻ᩠ᨽᩩᨲᩴ ᩅᨲ ᨽᩮᩣ, ᩑᩅᩁᩪᨸᩮᩣᨸᩥ ᨶᩣᨾ ᩈᨲ᩠ᨲᩮᩣ ᨽᩅᩥᩔᨲᩥ! ᩑᩅᩁᩪᨸᩮᩣᨸᩥ ᨶᩣᨾ ᨿᨠ᩠ᨡᩮᩣ ᨽᩅᩥᩔᨲᩥ! ᩑᩅᩁᩪᨸᩮᩣᨸᩥ ᨶᩣᨾ ᩋᨲ᩠ᨲᨽᩣᩅᨸ᩠ᨸᨭᩥᩃᩣᨽᩮᩣ ᨽᩅᩥᩔᨲᩦ’’’ᨲᩥ! ᨽᩥᨠ᩠ᨡᩪ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᩏᨲ᩠ᨲᩁᩥᨾᨶᩩᩔᨵᨾ᩠ᨾᩴ ᩌᨿᩈ᩠ᨾᩣ ᨾᩉᩣᨾᩮᩣᨣ᩠ᨣᩃ᩠ᩃᩣᨶᩮᩣ ᩏᩃ᩠ᩃᨸᨲᩦ’’ᨲᩥ.

ᩋᨳ ᨡᩮᩣ ᨽᨣᩅᩣ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ – ‘‘ᨧᨠ᩠ᨡᩩᨽᩪᨲᩣ ᩅᨲ, ᨽᩥᨠ᩠ᨡᩅᩮ, ᩈᩣᩅᨠᩣ ᩅᩥᩉᩁᨶ᩠ᨲᩥ. ᨬᩣᨱᨽᩪᨲᩣ ᩅᨲ ¶ , ᨽᩥᨠ᩠ᨡᩅᩮ, ᩈᩣᩅᨠᩣ ᩅᩥᩉᩁᨶ᩠ᨲᩥ. ᨿᨲᩕ ᩉᩥ ᨶᩣᨾ ᩈᩣᩅᨠᩮᩣ ᩑᩅᩁᩪᨸᩴ ᨬᩔᨲᩥ ᩅᩣ ᨴᨠ᩠ᨡᨲᩥ ᩅᩣ ᩈᨠ᩠ᨡᩥᩴ ᩅᩣ ᨠᩁᩥᩔᨲᩥ! ᨸᩩᨻ᩠ᨻᩮᩅ ᨾᩮ ᩈᩣ, ᨽᩥᨠ᩠ᨡᩅᩮ, ᩈᩣᨾᨱᩮᩁᩦ ᨴᩥᨭ᩠ᨮᩣ ᩋᩉᩮᩣᩈᩥ. ᩋᨸᩥ ᨧᩣᩉᩴ ᨶ ᨻ᩠ᨿᩣᨠᩣᩈᩥᩴ. ᩋᩉᨬ᩠ᨧᩮᨲᩴ ᨻ᩠ᨿᩣᨠᩁᩮᨿ᩠ᨿᩴ ᨸᩁᩮ ᨧ ᨾᩮ ᨶ ᩈᨴ᩠ᨴᩉᩮᨿ᩠ᨿᩩᩴ. ᨿᩮ ᨾᩮ ᨶ ᩈᨴ᩠ᨴᩉᩮᨿ᩠ᨿᩩᩴ ᨲᩮᩈᩴ ᨲᩴ ᩋᩔ ᨴᩦᨥᩁᨲ᩠ᨲᩴ ᩋᩉᩥᨲᩣᨿ ᨴᩩᨠ᩠ᨡᩣᨿ. ᩑᩈᩣ, ᨽᩥᨠ᩠ᨡᩅᩮ, ᩈᩣᨾᨱᩮᩁᩦ ᨠᩔᨸᩔ ᩈᨾ᩠ᨾᩣᩈᨾ᩠ᨻᩩᨴ᩠ᨵᩔ ᨸᩣᩅᨧᨶᩮ ᨸᩣᨸᩈᩣᨾᨱᩮᩁᩦ ᩋᩉᩮᩣᩈᩥ. ᩈᩣ ᨲᩔ ᨠᨾ᩠ᨾᩔ ᩅᩥᨸᩣᨠᩮᨶ ᨻᩉᩪᨶᩥ ᩅᩔᩣᨶᩥ ᨻᩉᩪᨶᩥ ᩅᩔᩈᨲᩣᨶᩥ ᨻᩉᩪᨶᩥ ᩅᩔᩈᩉᩔᩣᨶᩥ ᨻᩉᩪᨶᩥ ᩅᩔᩈᨲᩈᩉᩔᩣᨶᩥ ᨶᩥᩁᨿᩮ ᨸᨧ᩠ᨧᩥᨲ᩠ᩅᩣ ᨲᩔᩮᩅ ᨠᨾ᩠ᨾᩔ ᩅᩥᨸᩣᨠᩣᩅᩈᩮᩈᩮᨶ ᩑᩅᩁᩪᨸᩴ ᩋᨲ᩠ᨲᨽᩣᩅᨸ᩠ᨸᨭᩥᩃᩣᨽᩴ ᨸᨭᩥᩈᩴᩅᩮᨴᩮᨲᩥ. ᩈᨧ᩠ᨧᩴ, ᨽᩥᨠ᩠ᨡᩅᩮ, ᨾᩮᩣᨣ᩠ᨣᩃ᩠ᩃᩣᨶᩮᩣ ᩌᩉ. ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨾᩮᩣᨣ᩠ᨣᩃ᩠ᩃᩣᨶᩔᩣ’’ᨲᩥ.

᪒᪓᪑. ᩋᨳ ¶ ᨡᩮᩣ ᩌᨿᩈ᩠ᨾᩣ ᨾᩉᩣᨾᩮᩣᨣ᩠ᨣᩃ᩠ᩃᩣᨶᩮᩣ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ – ‘‘ᨿᨲᩣᨿᩴ, ᩌᩅᩩᩈᩮᩣ, ᨲᨸᩮᩣᨴᩣ ᩈᨶ᩠ᨴᨲᩥ ᩈᩮᩣ ᨴᩉᩮᩣ ᩋᨧ᩠ᨨᩮᩣᨴᨠᩮᩣ ᩈᩦᨲᩮᩣᨴᨠᩮᩣ ᩈᩣᨲᩮᩣᨴᨠᩮᩣ ᩈᩮᨲᨠᩮᩣ ᩈᩩᨸ᩠ᨸᨲᩥᨲ᩠ᨳᩮᩣ ᩁᨾᨱᩦᨿᩮᩣ ᨸᩉᩪᨲᨾᨧ᩠ᨨᨠᨧ᩠ᨨᨸᩮᩣ ᨧᨠ᩠ᨠᨾᨲ᩠ᨲᩣᨶᩥ ᨧ ᨸᨴᩩᨾᩣᨶᩥ ᨸᩩᨸ᩠ᨹᨶ᩠ᨲᩦ’’ᨲᩥ. ᨽᩥᨠ᩠ᨡᩪ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩌᨿᩈ᩠ᨾᩣ ᨾᩉᩣᨾᩮᩣᨣ᩠ᨣᩃ᩠ᩃᩣᨶᩮᩣ ᩑᩅᩴ ᩅᨠ᩠ᨡᨲᩥ – ‘ᨿᨲᩣᨿᩴ, ᩌᩅᩩᩈᩮᩣ ¶ , ᨲᨸᩮᩣᨴᩣ ᩈᨶ᩠ᨴᨲᩥ ᩈᩮᩣ ᨴᩉᩮᩣ ᩋᨧ᩠ᨨᩮᩣᨴᨠᩮᩣ ᩈᩦᨲᩮᩣᨴᨠᩮᩣ ᩈᩣᨲᩮᩣᨴᨠᩮᩣ ᩈᩮᨲᨠᩮᩣ ᩈᩩᨸ᩠ᨸᨲᩥᨲ᩠ᨳᩮᩣ ᩁᨾᨱᩦᨿᩮᩣ ᨸᩉᩪᨲᨾᨧ᩠ᨨᨠᨧ᩠ᨨᨸᩮᩣ ᨧᨠ᩠ᨠᨾᨲ᩠ᨲᩣᨶᩥ ¶ ᨧ ᨸᨴᩩᨾᩣᨶᩥ ᨸᩩᨸ᩠ᨹᨶ᩠ᨲᩦ’ᨲᩥ. ᩋᨳ ᨧ ᨸᨶᩣᨿᩴ ᨲᨸᩮᩣᨴᩣ ᨠᩩᨳᩥᨲᩣ ᩈᨶ᩠ᨴᨲᩥ. ᩏᨲ᩠ᨲᩁᩥᨾᨶᩩᩔᨵᨾ᩠ᨾᩴ ᩌᨿᩈ᩠ᨾᩣ ᨾᩉᩣᨾᩮᩣᨣ᩠ᨣᩃ᩠ᩃᩣᨶᩮᩣ ᩏᩃ᩠ᩃᨸᨲᩦ’’ᨲᩥ. ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ‘‘ᨿᨲᩣᨿᩴ, ᨽᩥᨠ᩠ᨡᩅᩮ, ᨲᨸᩮᩣᨴᩣ ᩈᨶ᩠ᨴᨲᩥ ᩈᩮᩣ ᨴᩉᩮᩣ ᩋᨧ᩠ᨨᩮᩣᨴᨠᩮᩣ ᩈᩦᨲᩮᩣᨴᨠᩮᩣ ᩈᩣᨲᩮᩣᨴᨠᩮᩣ ᩈᩮᨲᨠᩮᩣ ᩈᩩᨸ᩠ᨸᨲᩥᨲ᩠ᨳᩮᩣ ᩁᨾᨱᩦᨿᩮᩣ ᨸᩉᩪᨲᨾᨧ᩠ᨨᨠᨧ᩠ᨨᨸᩮᩣ ᨧᨠ᩠ᨠᨾᨲ᩠ᨲᩣᨶᩥ ᨧ ᨸᨴᩩᨾᩣᨶᩥ ᨸᩩᨸ᩠ᨹᨶ᩠ᨲᩥ. ᩋᨸᩥ ᨧᩣᨿᩴ, ᨽᩥᨠ᩠ᨡᩅᩮ, ᨲᨸᩮᩣᨴᩣ ᨴ᩠ᩅᩥᨶ᩠ᨶᩴ ᨾᩉᩣᨶᩥᩁᨿᩣᨶᩴ ᩋᨶ᩠ᨲᩁᩥᨠᩣᨿ ᩌᨣᨧ᩠ᨨᨲᩥ. ᨲᩮᨶᩣᨿᩴ ᨲᨸᩮᩣᨴᩣ ᨠᩩᨳᩥᨲᩣ ᩈᨶ᩠ᨴᨲᩥ. ᩈᨧ᩠ᨧᩴ, ᨽᩥᨠ᩠ᨡᩅᩮ, ᨾᩮᩣᨣ᩠ᨣᩃ᩠ᩃᩣᨶᩮᩣ ᩌᩉ. ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨾᩮᩣᨣ᩠ᨣᩃ᩠ᩃᩣᨶᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩁᩣᨩᩣ ᨾᩣᨣᨵᩮᩣ ᩈᩮᨶᩥᨿᩮᩣ ᨻᩥᨾ᩠ᨻᩥᩈᩣᩁᩮᩣ ᩃᩥᨧ᩠ᨨᩅᩦᩉᩥ ᩈᨴ᩠ᨵᩥᩴ ᩈᨦ᩠ᨣᩣᨾᩮᨶ᩠ᨲᩮᩣ ᨸᨽᨣ᩠ᨣᩮᩣ ᩋᩉᩮᩣᩈᩥ. ᩋᨳ ᩁᩣᨩᩣ ᨸᨧ᩠ᨨᩣ ᩈᩮᨶᩴ ᩈᨦ᩠ᨠᨯ᩠ᨰᩥᨲ᩠ᩅᩣ ᩃᩥᨧ᩠ᨨᩅᨿᩮᩣ ᨸᩁᩣᨩᩮᩈᩥ. ᩈᨦ᩠ᨣᩣᨾᩮ ᨧ ᨶᨶ᩠ᨴᩥ ᨧᩁᨲᩥ – ‘‘ᩁᨬ᩠ᨬᩣ ᩃᩥᨧ᩠ᨨᩅᩦ ᨸᨽᨣ᩠ᨣᩣ’’ᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᨾᩉᩣᨾᩮᩣᨣ᩠ᨣᩃ᩠ᩃᩣᨶᩮᩣ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ – ‘‘ᩁᩣᨩᩣ, ᩌᩅᩩᩈᩮᩣ, ᩃᩥᨧ᩠ᨨᩅᩦᩉᩥ ᨸᨽᨣ᩠ᨣᩮᩣ’’ᨲᩥ. ᨽᩥᨠ᩠ᨡᩪ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩌᨿᩈ᩠ᨾᩣ ᨾᩉᩣᨾᩮᩣᨣ᩠ᨣᩃ᩠ᩃᩣᨶᩮᩣ ᩑᩅᩴ ᩅᨠ᩠ᨡᨲᩥ – ‘ᩁᩣᨩᩣ ¶ , ᩌᩅᩩᩈᩮᩣ, ᩃᩥᨧ᩠ᨨᩅᩦᩉᩥ ᨸᨽᨣ᩠ᨣᩮᩣ’ᨲᩥ! ᩈᨦ᩠ᨣᩣᨾᩮ ᨧ ᨶᨶ᩠ᨴᩥᩴ ᨧᩁᨲᩥ – ‘ᩁᨬ᩠ᨬᩣ ᩃᩥᨧ᩠ᨨᩅᩦ ᨸᨽᨣ᩠ᨣᩣ’ᨲᩥ! ᩏᨲ᩠ᨲᩁᩥᨾᨶᩩᩔᨵᨾ᩠ᨾᩴ ᩌᨿᩈ᩠ᨾᩣ ᨾᩉᩣᨾᩮᩣᨣ᩠ᨣᩃ᩠ᩃᩣᨶᩮᩣ ᩏᩃ᩠ᩃᨸᨲᩦ’’ᨲᩥ. ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ‘‘ᨸᨮᨾᩴ, ᨽᩥᨠ᩠ᨡᩅᩮ, ᩁᩣᨩᩣ ᩃᩥᨧ᩠ᨨᩅᩦᩉᩥ ᨸᨽᨣ᩠ᨣᩮᩣ. ᩋᨳ ¶ ᩁᩣᨩᩣ ᨸᨧ᩠ᨨᩣ ᩈᩮᨶᩴ ᩈᨦ᩠ᨠᨯ᩠ᨰᩥᨲ᩠ᩅᩣ ᩃᩥᨧ᩠ᨨᩅᨿᩮᩣ ᨸᩁᩣᨩᩮᩈᩥ. ᩈᨧ᩠ᨧᩴ, ᨽᩥᨠ᩠ᨡᩅᩮ, ᨾᩮᩣᨣ᩠ᨣᩃ᩠ᩃᩣᨶᩮᩣ ᩌᩉ. ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨾᩮᩣᨣ᩠ᨣᩃ᩠ᩃᩣᨶᩔᩣ’’ᨲᩥ.

᪒᪓᪒. ᩋᨳ ᨡᩮᩣ ᩌᨿᩈ᩠ᨾᩣ ᨾᩉᩣᨾᩮᩣᨣ᩠ᨣᩃ᩠ᩃᩣᨶᩮᩣ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ – ‘‘ᩍᨵᩣᩉᩴ, ᩌᩅᩩᩈᩮᩣ, ᩈᨸ᩠ᨸᩥᨶᩥᨠᩣᨿ ᨶᨴᩥᨿᩣ ᨲᩦᩁᩮ ᩌᨶᩮᨬ᩠ᨩᩴ ᩈᨾᩣᨵᩥᩴ ᩈᨾᩣᨸᨶ᩠ᨶᩮᩣ ᨶᩣᨣᩣᨶᩴ ᩒᨣᨿ᩠ᩉ ᩏᨲ᩠ᨲᩁᨶ᩠ᨲᩣᨶᩴ ᨠᩮᩣᨬ᩠ᨧᩴ ᨠᩁᩮᩣᨶ᩠ᨲᩣᨶᩴ ᩈᨴ᩠ᨴᩴ ᩋᩔᩮᩣᩈᩥ’’ᨶ᩠ᨲᩥ. ᨽᩥᨠ᩠ᨡᩪ ¶ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩌᨿᩈ᩠ᨾᩣ ᨾᩉᩣᨾᩮᩣᨣ᩠ᨣᩃ᩠ᩃᩣᨶᩮᩣ ᩌᨶᩮᨬ᩠ᨩᩴ ᩈᨾᩣᨵᩥᩴ ᩈᨾᩣᨸᨶ᩠ᨶᩮᩣ ᩈᨴ᩠ᨴᩴ ᩈᩮᩣᩔᨲᩥ! ᩏᨲ᩠ᨲᩁᩥᨾᨶᩩᩔᨵᨾ᩠ᨾᩴ ᩌᨿᩈ᩠ᨾᩣ ᨾᩉᩣᨾᩮᩣᨣ᩠ᨣᩃ᩠ᩃᩣᨶᩮᩣ ᩏᩃ᩠ᩃᨸᨲᩦ’’ᨲᩥ. ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ‘‘ᩋᨲ᩠ᨳᩮᩈᩮᩣ, ᨽᩥᨠ᩠ᨡᩅᩮ, ᩈᨾᩣᨵᩥ ᩈᩮᩣ ᨧ ᨡᩮᩣ ᩋᨸᩁᩥᩈᩩᨴ᩠ᨵᩮᩣ. ᩈᨧ᩠ᨧᩴ, ᨽᩥᨠ᩠ᨡᩅᩮ, ᨾᩮᩣᨣ᩠ᨣᩃ᩠ᩃᩣᨶᩮᩣ ᩌᩉ. ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᨾᩮᩣᨣ᩠ᨣᩃ᩠ᩃᩣᨶᩔᩣ’’ᨲᩥ.

ᩋᨳ ᨡᩮᩣ ᩌᨿᩈ᩠ᨾᩣ ᩈᩮᩣᨽᩥᨲᩮᩣ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ – ‘‘ᩋᩉᩴ, ᩌᩅᩩᩈᩮᩣ, ᨸᨬ᩠ᨧ ᨠᨸ᩠ᨸᩈᨲᩣᨶᩥ ¶ ᩋᨶᩩᩔᩁᩣᨾᩦ’’ᨲᩥ. ᨽᩥᨠ᩠ᨡᩪ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩌᨿᩈ᩠ᨾᩣ ᩈᩮᩣᨽᩥᨲᩮᩣ ᩑᩅᩴ ᩅᨠ᩠ᨡᨲᩥ – ‘ᩋᩉᩴ, ᩌᩅᩩᩈᩮᩣ ¶ , ᨸᨬ᩠ᨧ ᨠᨸ᩠ᨸᩈᨲᩣᨶᩥ ᩋᨶᩩᩔᩁᩣᨾᩦ’ᨲᩥ! ᩏᨲ᩠ᨲᩁᩥᨾᨶᩩᩔᨵᨾ᩠ᨾᩴ ᩌᨿᩈ᩠ᨾᩣ ᩈᩮᩣᨽᩥᨲᩮᩣ ᩏᩃ᩠ᩃᨸᨲᩦ’’ᨲᩥ. ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ‘‘ᩋᨲ᩠ᨳᩮᩈᩣ, ᨽᩥᨠ᩠ᨡᩅᩮ, ᩈᩮᩣᨽᩥᨲᩔ. ᩈᩣ ᨧ ᨡᩮᩣ ᩑᨠᩣᨿᩮᩅ ᨩᩣᨲᩥ. ᩈᨧ᩠ᨧᩴ, ᨽᩥᨠ᩠ᨡᩅᩮ, ᩈᩮᩣᨽᩥᨲᩮᩣ ᩌᩉ. ᩋᨶᩣᨸᨲ᩠ᨲᩥ, ᨽᩥᨠ᩠ᨡᩅᩮ, ᩈᩮᩣᨽᩥᨲᩔᩣᨲᩥ.

ᨧᨲᩩᨲ᩠ᨳᨸᩣᩁᩣᨩᩥᨠᩴ ᩈᨾᨲ᩠ᨲᩴ.

᪒᪓᪓. ᩏᨴ᩠ᨴᩥᨭ᩠ᨮᩣ ᨡᩮᩣ ᩌᨿᩈ᩠ᨾᨶ᩠ᨲᩮᩣ ᨧᨲ᩠ᨲᩣᩁᩮᩣ ᨸᩣᩁᩣᨩᩥᨠᩣ ᨵᨾ᩠ᨾᩣ, ᨿᩮᩈᩴ ᨽᩥᨠ᩠ᨡᩩ ᩋᨬ᩠ᨬᨲᩁᩴ ᩅᩣ ᩋᨬ᩠ᨬᨲᩁᩴ ᩅᩣ ᩌᨸᨩ᩠ᨩᩥᨲ᩠ᩅᩣ ᨶ ᩃᨽᨲᩥ ᨽᩥᨠ᩠ᨡᩪᩉᩥ ᩈᨴ᩠ᨵᩥᩴ ᩈᩴᩅᩣᩈᩴ, ᨿᨳᩣ ᨸᩩᩁᩮ ᨲᨳᩣ ᨸᨧ᩠ᨨᩣ, ᨸᩣᩁᩣᨩᩥᨠᩮᩣ ᩉᩮᩣᨲᩥ ᩋᩈᩴᩅᩣᩈᩮᩣ. ᨲᨲ᩠ᨳᩣᨿᩈ᩠ᨾᨶ᩠ᨲᩮ ᨸᩩᨧ᩠ᨨᩣᨾᩥ – ‘‘ᨠᨧ᩠ᨧᩥᨲ᩠ᨳ ᨸᩁᩥᩈᩩᨴ᩠ᨵᩣ’’? ᨴᩩᨲᩥᨿᨾ᩠ᨸᩥ ᨸᩩᨧ᩠ᨨᩣᨾᩥ – ‘‘ᨠᨧ᩠ᨧᩥᨲ᩠ᨳ ᨸᩁᩥᩈᩩᨴ᩠ᨵᩣ’’? ᨲᨲᩥᨿᨾ᩠ᨸᩥ ᨸᩩᨧ᩠ᨨᩣᨾᩥ – ‘‘ᨠᨧ᩠ᨧᩥᨲ᩠ᨳ ᨸᩁᩥᩈᩩᨴ᩠ᨵᩣ’’? ᨸᩁᩥᩈᩩᨴ᩠ᨵᩮᨲ᩠ᨳᩣᨿᩈ᩠ᨾᨶ᩠ᨲᩮᩣ, ᨲᩈ᩠ᨾᩣ ᨲᩩᨱ᩠ᩉᩦ, ᩑᩅᨾᩮᨲᩴ ᨵᩣᩁᨿᩣᨾᩦᨲᩥ.

ᨸᩣᩁᩣᨩᩥᨠᩴ ᨶᩥᨭ᩠ᨮᩥᨲᩴ.

ᨲᩔᩩᨴ᩠ᨴᩣᨶᩴ –

ᨾᩮᨳᩩᨶᩣᨴᩥᨶ᩠ᨶᩣᨴᩣᨶᨬ᩠ᨧ, ᨾᨶᩩᩔᩅᩥᨣ᩠ᨣᩉᩩᨲ᩠ᨲᩁᩥ;

ᨸᩣᩁᩣᨩᩥᨠᩣᨶᩥ ᨧᨲ᩠ᨲᩣᩁᩥ, ᨨᩮᨩ᩠ᨩᩅᨲ᩠ᨳᩪ ᩋᩈᩴᩈᨿᩣᨲᩥ.

ᨸᩣᩁᩣᨩᩥᨠᨠᨱ᩠ᨯᩴ ᨶᩥᨭ᩠ᨮᩥᨲᩴ.

᪒. ᩈᨦ᩠ᨥᩣᨴᩥᩈᩮᩈᨠᨱ᩠ᨯᩴ

᪑. ᩈᩩᨠ᩠ᨠᩅᩥᩔᨭ᩠ᨮᩥᩈᩥᨠ᩠ᨡᩣᨸᨴᩴ

ᩍᨾᩮ ¶ ᨡᩮᩣ ᨸᨶᩣᨿᩈ᩠ᨾᨶ᩠ᨲᩮᩣ ᨲᩮᩁᩈ ᩈᨦ᩠ᨥᩣᨴᩥᩈᩮᩈᩣ

ᨵᨾ᩠ᨾᩣ ᩏᨴ᩠ᨴᩮᩈᩴ ᩌᨣᨧ᩠ᨨᨶ᩠ᨲᩥ.

᪒᪓᪔. ᨲᩮᨶ ¶ ¶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ ᨩᩮᨲᩅᨶᩮ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᨿᩈ᩠ᨾᩣ ᩈᩮᨿ᩠ᨿᩈᨠᩮᩣ ᩋᨶᨽᩥᩁᨲᩮᩣ ᨻᩕᩉ᩠ᨾᨧᩁᩥᨿᩴ ᨧᩁᨲᩥ. ᩈᩮᩣ ᨲᩮᨶ ᨠᩥᩈᩮᩣ ᩉᩮᩣᨲᩥ ᩃᩪᨡᩮᩣ ᨴᩩᨻ᩠ᨻᨱ᩠ᨱᩮᩣ ᩏᨸ᩠ᨸᨱ᩠ᨯᩩᨸ᩠ᨸᨱ᩠ᨯᩩᨠᨩᩣᨲᩮᩣ ᨵᨾᨶᩥᩈᨶ᩠ᨳᨲᨣᨲ᩠ᨲᩮᩣ. ᩋᨴ᩠ᨴᩈ ᨡᩮᩣ ᩌᨿᩈ᩠ᨾᩣ ᩏᨴᩣᨿᩦ ᩌᨿᩈ᩠ᨾᨶ᩠ᨲᩴ ᩈᩮᨿ᩠ᨿᩈᨠᩴ ᨠᩥᩈᩴ ᩃᩪᨡᩴ ᨴᩩᨻ᩠ᨻᨱ᩠ᨱᩴ ᩏᨸ᩠ᨸᨱ᩠ᨯᩩᨸ᩠ᨸᨱ᩠ᨯᩩᨠᨩᩣᨲᩴ ᨵᨾᨶᩥᩈᨶ᩠ᨳᨲᨣᨲ᩠ᨲᩴ. ᨴᩥᩈ᩠ᩅᩣᨶ ᩌᨿᩈ᩠ᨾᨶ᩠ᨲᩴ ᩈᩮᨿ᩠ᨿᩈᨠᩴ ᩑᨲᨴᩅᩮᩣᨧ – ‘‘ᨠᩥᩔ ᨲ᩠ᩅᩴ, ᩌᩅᩩᩈᩮᩣ ᩈᩮᨿ᩠ᨿᩈᨠ, ᨠᩥᩈᩮᩣ ᩃᩪᨡᩮᩣ ᨴᩩᨻ᩠ᨻᨱ᩠ᨱᩮᩣ ᩏᨸ᩠ᨸᨱ᩠ᨯᩩᨸ᩠ᨸᨱ᩠ᨯᩩᨠᨩᩣᨲᩮᩣ ᨵᨾᨶᩥᩈᨶ᩠ᨳᨲᨣᨲ᩠ᨲᩮᩣ? ᨠᨧ᩠ᨧᩥ ᨶᩮᩣ ᨲ᩠ᩅᩴ, ᩌᩅᩩᩈᩮᩣ ᩈᩮᨿ᩠ᨿᩈᨠ, ᩋᨶᨽᩥᩁᨲᩮᩣ ᨻᩕᩉ᩠ᨾᨧᩁᩥᨿᩴ ᨧᩁᩈᩦ’’ᨲᩥ? ‘‘ᩑᩅᨾᩣᩅᩩᩈᩮᩣ’’ᨲᩥ. ‘‘ᨲᩮᨶ ᩉᩥ ᨲ᩠ᩅᩴ, ᩌᩅᩩᩈᩮᩣ ᩈᩮᨿ᩠ᨿᩈᨠ, ᨿᩣᩅᨴᨲ᩠ᨳᩴ ᨽᩩᨬ᩠ᨩ ᨿᩣᩅᨴᨲ᩠ᨳᩴ ᩈᩩᨸ ᨿᩣᩅᨴᨲ᩠ᨳᩴ ᨶ᩠ᩉᩣᨿ. ᨿᩣᩅᨴᨲ᩠ᨳᩴ ᨽᩩᨬ᩠ᨩᩥᨲ᩠ᩅᩣ ᨿᩣᩅᨴᨲ᩠ᨳᩴ ᩈᩩᨸᩥᨲ᩠ᩅᩣ ᨿᩣᩅᨴᨲ᩠ᨳᩴ ᨶ᩠ᩉᩣᨿᩥᨲ᩠ᩅᩣ ᨿᨴᩣ ᨲᩮ ᩋᨶᨽᩥᩁᨲᩥ ᩏᨸ᩠ᨸᨩ᩠ᨩᨲᩥ ᩁᩣᨣᩮᩣ ᨧᩥᨲ᩠ᨲᩴ ᩋᨶᩩᨴ᩠ᨵᩴᩈᩮᨲᩥ ᨲᨴᩣ ᩉᨲ᩠ᨳᩮᨶ ᩏᨸᨠ᩠ᨠᨾᩥᨲ᩠ᩅᩣ ᩋᩈᩩᨧᩥᩴ ᨾᩮᩣᨧᩮᩉᩦ’’ᨲᩥ. ‘‘ᨠᩥᩴ ᨶᩩ ᨡᩮᩣ, ᩌᩅᩩᩈᩮᩣ, ᨠᨸ᩠ᨸᨲᩥ ᩑᩅᩁᩪᨸᩴ ᨠᩣᨲᩩ’’ᨶ᩠ᨲᩥ? ‘‘ᩌᨾ, ᩌᩅᩩᩈᩮᩣ. ᩋᩉᨾ᩠ᨸᩥ ᩑᩅᩴ ᨠᩁᩮᩣᨾᩦ’’ᨲᩥ.

ᩋᨳ ᨡᩮᩣ ᩌᨿᩈ᩠ᨾᩣ ᩈᩮᨿ᩠ᨿᩈᨠᩮᩣ ᨿᩣᩅᨴᨲ᩠ᨳᩴ ᨽᩩᨬ᩠ᨩᩥ ᨿᩣᩅᨴᨲ᩠ᨳᩴ ᩈᩩᨸᩥ ᨿᩣᩅᨴᨲ᩠ᨳᩴ ᨶ᩠ᩉᩣᨿᩥ. ᨿᩣᩅᨴᨲ᩠ᨳᩴ ᨽᩩᨬ᩠ᨩᩥᨲ᩠ᩅᩣ ᨿᩣᩅᨴᨲ᩠ᨳᩴ ᩈᩩᨸᩥᨲ᩠ᩅᩣ ᨿᩣᩅᨴᨲ᩠ᨳᩴ ᨶ᩠ᩉᩣᨿᩥᨲ᩠ᩅᩣ ᨿᨴᩣ ᩋᨶᨽᩥᩁᨲᩥ ᩏᨸ᩠ᨸᨩ᩠ᨩᨲᩥ ᩁᩣᨣᩮᩣ ᨧᩥᨲ᩠ᨲᩴ ¶ ᩋᨶᩩᨴ᩠ᨵᩴᩈᩮᨲᩥ ᨲᨴᩣ ᩉᨲ᩠ᨳᩮᨶ ᩏᨸᨠ᩠ᨠᨾᩥᨲ᩠ᩅᩣ ᩋᩈᩩᨧᩥᩴ ᨾᩮᩣᨧᩮᩈᩥ ¶ . ᩋᨳ ᨡᩮᩣ ᩌᨿᩈ᩠ᨾᩣ ᩈᩮᨿ᩠ᨿᩈᨠᩮᩣ ᩋᨸᩁᩮᨶ ᩈᨾᨿᩮᨶ ᩅᨱ᩠ᨱᩅᩣ ᩋᩉᩮᩣᩈᩥ ᨸᩦᨱᩥᨶ᩠ᨴᩕᩥᨿᩮᩣ ᨸᩈᨶ᩠ᨶᨾᩩᨡᩅᨱ᩠ᨱᩮᩣ ᩅᩥᨸ᩠ᨸᩈᨶ᩠ᨶᨨᩅᩥᩅᨱ᩠ᨱᩮᩣ. ᩋᨳ ᨡᩮᩣ ᩌᨿᩈ᩠ᨾᨲᩮᩣ ᩈᩮᨿ᩠ᨿᩈᨠᩔ ᩈᩉᩣᨿᨠᩣ ᨽᩥᨠ᩠ᨡᩪ ᩌᨿᩈ᩠ᨾᨶ᩠ᨲᩴ ᩈᩮᨿ᩠ᨿᩈᨠᩴ ᩑᨲᨴᩅᩮᩣᨧᩩᩴ – ‘‘ᨸᩩᨻ᩠ᨻᩮ ᨡᩮᩣ ᨲ᩠ᩅᩴ, ᩌᩅᩩᩈᩮᩣ ᩈᩮᨿ᩠ᨿᩈᨠ, ᨠᩥᩈᩮᩣ ᩋᩉᩮᩣᩈᩥ ᩃᩪᨡᩮᩣ ᨴᩩᨻ᩠ᨻᨱ᩠ᨱᩮᩣ ᩏᨸ᩠ᨸᨱ᩠ᨯᩩᨸ᩠ᨸᨱ᩠ᨯᩩᨠᨩᩣᨲᩮᩣ ᨵᨾᨶᩥᩈᨶ᩠ᨳᨲᨣᨲ᩠ᨲᩮᩣ. ᩈᩮᩣ ᨴᩣᨶᩥ ᨲ᩠ᩅᩴ ᩑᨲᩁᩉᩥ ᩅᨱ᩠ᨱᩅᩣ ᨸᩦᨱᩥᨶ᩠ᨴᩕᩥᨿᩮᩣ ᨸᩈᨶ᩠ᨶᨾᩩᨡᩅᨱ᩠ᨱᩮᩣ ¶ ᩅᩥᨸ᩠ᨸᩈᨶ᩠ᨶᨨᩅᩥᩅᨱ᩠ᨱᩮᩣ. ᨠᩥᩴ ᨶᩩ ᨡᩮᩣ ᨲ᩠ᩅᩴ, ᩌᩅᩩᩈᩮᩣ ᩈᩮᨿ᩠ᨿᩈᨠ, ᨽᩮᩈᨩ᩠ᨩᩴ ᨠᩁᩮᩣᩈᩦ’’ᨲᩥ? ‘‘ᨶ ᨡᩮᩣ ᩋᩉᩴ, ᩌᩅᩩᩈᩮᩣ, ᨽᩮᩈᨩ᩠ᨩᩴ ᨠᩁᩮᩣᨾᩥ ¶ . ᩋᨸᩥᨧᩣᩉᩴ ᨿᩣᩅᨴᨲ᩠ᨳᩴ ᨽᩩᨬ᩠ᨩᩣᨾᩥ ᨿᩣᩅᨴᨲ᩠ᨳᩴ ᩈᩩᨸᩣᨾᩥ ᨿᩣᩅᨴᨲ᩠ᨳᩴ ᨶ᩠ᩉᩣᨿᩣᨾᩥ. ᨿᩣᩅᨴᨲ᩠ᨳᩴ ᨽᩩᨬ᩠ᨩᩥᨲ᩠ᩅᩣ ᨿᩣᩅᨴᨲ᩠ᨳᩴ ᩈᩩᨸᩥᨲ᩠ᩅᩣ ᨿᩣᩅᨴᨲ᩠ᨳᩴ ᨶ᩠ᩉᩣᨿᩥᨲ᩠ᩅᩣ ᨿᨴᩣ ᨾᩮ ᩋᨶᨽᩥᩁᨲᩥ ᩏᨸ᩠ᨸᨩ᩠ᨩᨲᩥ ᩁᩣᨣᩮᩣ ᨧᩥᨲ᩠ᨲᩴ ᩋᨶᩩᨴ᩠ᨵᩴᩈᩮᨲᩥ ᨲᨴᩣ ᩉᨲ᩠ᨳᩮᨶ ᩏᨸᨠ᩠ᨠᨾᩥᨲ᩠ᩅᩣ ᩋᩈᩩᨧᩥᩴ ᨾᩮᩣᨧᩮᨾᩦ’’ᨲᩥ. ‘‘ᨠᩥᩴ ᨸᨶ ᨲ᩠ᩅᩴ, ᩌᩅᩩᩈᩮᩣ ᩈᩮᨿ᩠ᨿᩈᨠ, ᨿᩮᨶᩮᩅ ᩉᨲ᩠ᨳᩮᨶ ᩈᨴ᩠ᨵᩣᨴᩮᨿ᩠ᨿᩴ ᨽᩩᨬ᩠ᨩᩈᩥ ᨲᩮᨶᩮᩅ ᩉᨲ᩠ᨳᩮᨶ ᩏᨸᨠ᩠ᨠᨾᩥᨲ᩠ᩅᩣ ᩋᩈᩩᨧᩥᩴ ᨾᩮᩣᨧᩮᩈᩦ’’ᨲᩥ? ‘‘ᩑᩅᨾᩣᩅᩩᩈᩮᩣ’’ᨲᩥ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩌᨿᩈ᩠ᨾᩣ ᩈᩮᨿ᩠ᨿᩈᨠᩮᩣ ᩉᨲ᩠ᨳᩮᨶ ᩏᨸᨠ᩠ᨠᨾᩥᨲ᩠ᩅᩣ ᩋᩈᩩᨧᩥᩴ ᨾᩮᩣᨧᩮᩔᨲᩦ’’ᨲᩥ!

ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᩌᨿᩈ᩠ᨾᨶ᩠ᨲᩴ ᩈᩮᨿ᩠ᨿᩈᨠᩴ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ᩋᨳ ᨡᩮᩣ ᨽᨣᩅᩣ ᩑᨲᩈ᩠ᨾᩥᩴ ᨶᩥᨴᩣᨶᩮ ᩑᨲᩈ᩠ᨾᩥᩴ ᨸᨠᩁᨱᩮ ᨽᩥᨠ᩠ᨡᩩᩈᨦ᩠ᨥᩴ ᩈᨶ᩠ᨶᩥᨸᩣᨲᩣᨸᩮᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᩈᩮᨿ᩠ᨿᩈᨠᩴ ᨸᨭᩥᨸᩩᨧ᩠ᨨᩥ – ‘‘ᩈᨧ᩠ᨧᩴ ᨠᩥᩁ ᨲ᩠ᩅᩴ, ᩈᩮᨿ᩠ᨿᩈᨠ, ᩉᨲ᩠ᨳᩮᨶ ᩏᨸᨠ᩠ᨠᨾᩥᨲ᩠ᩅᩣ ᩋᩈᩩᨧᩥᩴ ᨾᩮᩣᨧᩮᩈᩦ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ ¶ . ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ – ‘‘ᩋᨶᨶᩩᨧ᩠ᨨᩅᩥᨠᩴ, ᨾᩮᩣᨥᨸᩩᩁᩥᩈ, ᩋᨶᨶᩩᩃᩮᩣᨾᩥᨠᩴ ᩋᨸ᩠ᨸᨲᩥᩁᩪᨸᩴ ᩋᩔᩣᨾᨱᨠᩴ ᩋᨠᨸ᩠ᨸᩥᨿᩴ ᩋᨠᩁᨱᩦᨿᩴ. ᨠᨳᨬ᩠ᩉᩥ ᨶᩣᨾ ᨲ᩠ᩅᩴ, ᨾᩮᩣᨥᨸᩩᩁᩥᩈ, ᩉᨲ᩠ᨳᩮᨶ ᩏᨸᨠ᩠ᨠᨾᩥᨲ᩠ᩅᩣ ᩋᩈᩩᨧᩥᩴ ᨾᩮᩣᨧᩮᩔᩈᩥ! ᨶᨶᩩ ᨾᨿᩣ, ᨾᩮᩣᨥᨸᩩᩁᩥᩈ, ᩋᨶᩮᨠᨸᩁᩥᨿᩣᨿᩮᨶ ᩅᩥᩁᩣᨣᩣᨿ ᨵᨾ᩠ᨾᩮᩣ ᨴᩮᩈᩥᨲᩮᩣ ᨶᩮᩣ ᩈᩁᩣᨣᩣᨿ, ᩅᩥᩈᨬ᩠ᨬᩮᩣᨣᩣᨿ ᨵᨾ᩠ᨾᩮᩣ ᨴᩮᩈᩥᨲᩮᩣ ᨶᩮᩣ ᩈᨬ᩠ᨬᩮᩣᨣᩣᨿ, ᩋᨶᩩᨸᩣᨴᩣᨶᩣᨿ ᨵᨾ᩠ᨾᩮᩣ ᨴᩮᩈᩥᨲᩮᩣ ᨶᩮᩣ ᩈᩏᨸᩣᨴᩣᨶᩣᨿ! ᨲᨲ᩠ᨳ ᨶᩣᨾ ᨲ᩠ᩅᩴ, ᨾᩮᩣᨥᨸᩩᩁᩥᩈ, ᨾᨿᩣ ᩅᩥᩁᩣᨣᩣᨿ ᨵᨾ᩠ᨾᩮ ᨴᩮᩈᩥᨲᩮ ᩈᩁᩣᨣᩣᨿ ᨧᩮᨲᩮᩔᩈᩥ, ᩅᩥᩈᨬ᩠ᨬᩮᩣᨣᩣᨿ ᨵᨾ᩠ᨾᩮ ᨴᩮᩈᩥᨲᩮ ᩈᨬ᩠ᨬᩮᩣᨣᩣᨿ ᨧᩮᨲᩮᩔᩈᩥ, ᩋᨶᩩᨸᩣᨴᩣᨶᩣᨿ ᨵᨾ᩠ᨾᩮ ᨴᩮᩈᩥᨲᩮ ᩈᩏᨸᩣᨴᩣᨶᩣᨿ ᨧᩮᨲᩮᩔᩈᩥ! ᨶᨶᩩ ᨾᨿᩣ, ᨾᩮᩣᨥᨸᩩᩁᩥᩈ, ᩋᨶᩮᨠᨸᩁᩥᨿᩣᨿᩮᨶ ᩁᩣᨣᩅᩥᩁᩣᨣᩣᨿ ᨵᨾ᩠ᨾᩮᩣ ᨴᩮᩈᩥᨲᩮᩣ, ᨾᨴᨶᩥᨾ᩠ᨾᨴᨶᩣᨿ ᨸᩥᨸᩣᩈᩅᩥᨶᨿᩣᨿ ᩌᩃᨿᩈᨾᩩᨣ᩠ᨥᩣᨲᩣᨿ ᩅᨭ᩠ᨭᩩᨸᨧ᩠ᨨᩮᨴᩣᨿ ᨲᨱ᩠ᩉᨠ᩠ᨡᨿᩣᨿ ᩅᩥᩁᩣᨣᩣᨿ ᨶᩥᩁᩮᩣᨵᩣᨿ ᨶᩥᨻ᩠ᨻᩣᨶᩣᨿ ᨵᨾ᩠ᨾᩮᩣ ᨴᩮᩈᩥᨲᩮᩣ? ᨶᨶᩩ ᨾᨿᩣ, ᨾᩮᩣᨥᨸᩩᩁᩥᩈ, ᩋᨶᩮᨠᨸᩁᩥᨿᩣᨿᩮᨶ ᨠᩣᨾᩣᨶᩴ ᨸᩉᩣᨶᩴ ᩋᨠ᩠ᨡᩣᨲᩴ, ᨠᩣᨾᩈᨬ᩠ᨬᩣᨶᩴ ᨸᩁᩥᨬ᩠ᨬᩣ ᩋᨠ᩠ᨡᩣᨲᩣ, ᨠᩣᨾᨸᩥᨸᩣᩈᩣᨶᩴ ᨸᨭᩥᩅᩥᨶᨿᩮᩣ ᩋᨠ᩠ᨡᩣᨲᩮᩣ, ᨠᩣᨾᩅᩥᨲᨠ᩠ᨠᩣᨶᩴ ᩈᨾᩩᨣ᩠ᨥᩣᨲᩮᩣ ᩋᨠ᩠ᨡᩣᨲᩮᩣ, ᨠᩣᨾᨸᩁᩥᩊᩣᩉᩣᨶᩴ ᩅᩪᨸᩈᨾᩮᩣ ᩋᨠ᩠ᨡᩣᨲᩮᩣ? ᨶᩮᨲᩴ, ᨾᩮᩣᨥᨸᩩᩁᩥᩈ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ, ᨸᩈᨶ᩠ᨶᩣᨶᩴ ᩅᩣ ᨽᩥᨿ᩠ᨿᩮᩣᨽᩣᩅᩣᨿ. ᩋᨳ ᨡ᩠ᩅᩮᨲᩴ, ᨾᩮᩣᨥᨸᩩᩁᩥᩈ, ᩋᨸ᩠ᨸᩈᨶ᩠ᨶᩣᨶᨬ᩠ᨧᩮᩅ ᩋᨸ᩠ᨸᩈᩣᨴᩣᨿ, ᨸᩈᨶ᩠ᨶᩣᨶᨬ᩠ᨧ ᩑᨠᨧ᩠ᨧᩣᨶᩴ ᩋᨬ᩠ᨬᨳᨲ᩠ᨲᩣᨿᩣ’’ᨲᩥ. ᩋᨳ ᨡᩮᩣ ᨽᨣᩅᩣ ᩌᨿᩈ᩠ᨾᨶ᩠ᨲᩴ ᩈᩮᨿ᩠ᨿᩈᨠᩴ ¶ ᩋᨶᩮᨠᨸᩁᩥᨿᩣᨿᩮᨶ ¶ ᩅᩥᨣᩁᩉᩥᨲ᩠ᩅᩣ ᨴᩩᨻ᩠ᨽᩁᨲᩣᨿ…ᨸᩮ… ‘‘ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

‘‘ᩈᨬ᩠ᨧᩮᨲᨶᩥᨠᩣ ᩈᩩᨠ᩠ᨠᩅᩥᩔᨭ᩠ᨮᩥ [ᩅᩥᩈᨭ᩠ᨮᩥ (ᩈᩦ. ᩈ᩠ᨿᩣ.)] ᩈᨦ᩠ᨥᩣᨴᩥᩈᩮᩈᩮᩣ’’ᨲᩥ.

ᩑᩅᨬ᩠ᨧᩥᨴᩴ ᨽᨣᩅᨲᩣ ᨽᩥᨠ᩠ᨡᩪᨶᩴ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ ᩉᩮᩣᨲᩥ.

᪒᪓᪕. ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᨽᩥᨠ᩠ᨡᩪ ᨸᨱᩦᨲᨽᩮᩣᨩᨶᩣᨶᩥ ᨽᩩᨬ᩠ᨩᩥᨲ᩠ᩅᩣ ᨾᩩᨭ᩠ᨮᩔᨲᩦ ᩋᩈᨾ᩠ᨸᨩᩣᨶᩣ ᨶᩥᨴ᩠ᨴᩴ ᩒᨠ᩠ᨠᨾᨶ᩠ᨲᩥ. ᨲᩮᩈᩴ ᨾᩩᨭ᩠ᨮᩔᨲᩦᨶᩴ ᩋᩈᨾ᩠ᨸᨩᩣᨶᩣᨶᩴ ᨶᩥᨴ᩠ᨴᩴ ᩒᨠ᩠ᨠᨾᨶ᩠ᨲᩣᨶᩴ ᩈᩩᨸᩥᨶᨶ᩠ᨲᩮᨶ ᩋᩈᩩᨧᩥ ᨾᩩᨧ᩠ᨧᨲᩥ. ᨲᩮᩈᩴ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ – ‘‘ᨽᨣᩅᨲᩣ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ – ‘ᩈᨬ᩠ᨧᩮᨲᨶᩥᨠᩣ ᩈᩩᨠ᩠ᨠᩅᩥᩔᨭ᩠ᨮᩥ ᩈᨦ᩠ᨥᩣᨴᩥᩈᩮᩈᩮᩣ’ᨲᩥ. ᩋᨾ᩠ᩉᩣᨠᨬ᩠ᨧ ᩈᩩᨸᩥᨶᨶ᩠ᨲᩮᨶ ᩋᩈᩩᨧᩥ ᨾᩩᨧ᩠ᨧᨲᩥ. ᩋᨲ᩠ᨳᩥ ᨧᩮᨲ᩠ᨳ ᨧᩮᨲᨶᩣ ᩃᨻ᩠ᨽᨲᩥ. ᨠᨧ᩠ᨧᩥ ᨶᩩ ᨡᩮᩣ ᨾᨿᩴ ᩈᨦ᩠ᨥᩣᨴᩥᩈᩮᩈᩴ ᩌᨸᨲ᩠ᨲᩥᩴ ᩌᨸᨶ᩠ᨶᩣ’’ᨲᩥ? ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ‘‘ᩋᨲ᩠ᨳᩮᩈᩣ, ᨽᩥᨠ᩠ᨡᩅᩮ, ᨧᩮᨲᨶᩣ; ᩈᩣ ᨧ ᨡᩮᩣ ᩋᨻ᩠ᨻᩮᩣᩉᩣᩁᩥᨠᩣᨲᩥ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪒᪓᪖. ‘‘ᩈᨬ᩠ᨧᩮᨲᨶᩥᨠᩣ ᩈᩩᨠ᩠ᨠᩅᩥᩔᨭ᩠ᨮᩥ ᩋᨬ᩠ᨬᨲᩕ ᩈᩩᨸᩥᨶᨶ᩠ᨲᩣ ᩈᨦ᩠ᨥᩣᨴᩥᩈᩮᩈᩮᩣ’’ᨲᩥ.

᪒᪓᪗. ᩈᨬ᩠ᨧᩮᨲᨶᩥᨠᩣᨲᩥ ᨩᩣᨶᨶ᩠ᨲᩮᩣ ᩈᨬ᩠ᨩᩣᨶᨶ᩠ᨲᩮᩣ ᨧᩮᨧ᩠ᨧ ᩋᨽᩥᩅᩥᨲᩁᩥᨲ᩠ᩅᩣ ᩅᩦᨲᩥᨠ᩠ᨠᨾᩮᩣ.

ᩈᩩᨠ᩠ᨠᨶ᩠ᨲᩥ ᨴᩈ ᩈᩩᨠ᩠ᨠᩣᨶᩥ – ᨶᩦᩃᩴ ᨸᩦᨲᨠᩴ ᩃᩮᩣᩉᩥᨲᨠᩴ ᩒᨴᩣᨲᩴ ᨲᨠ᩠ᨠᩅᨱ᩠ᨱᩴ ᨴᨠᩅᨱ᩠ᨱᩴ ᨲᩮᩃᩅᨱ᩠ᨱᩴ ᨡᩦᩁᩅᨱ᩠ᨱᩴ ᨴᨵᩥᩅᨱ᩠ᨱᩴ ᩈᨸ᩠ᨸᩥᩅᨱ᩠ᨱᩴ.

ᩅᩥᩔᨭ᩠ᨮᩦᨲᩥ ᨮᩣᨶᨲᩮᩣ ᨧᩣᩅᨶᩣ ᩅᩩᨧ᩠ᨧᨲᩥ ᩅᩥᩔᨭ᩠ᨮᩦᨲᩥ.

ᩋᨬ᩠ᨬᨲᩕ ᩈᩩᨸᩥᨶᨶ᩠ᨲᩣᨲᩥ ᨮᨸᩮᨲ᩠ᩅᩣ ᩈᩩᨸᩥᨶᨶ᩠ᨲᩴ.

ᩈᨦ᩠ᨥᩣᨴᩥᩈᩮᩈᩮᩣᨲᩥ ᩈᨦ᩠ᨥᩮᩣᩅ ᨲᩔᩣ ᩌᨸᨲ᩠ᨲᩥᨿᩣ ᨸᩁᩥᩅᩣᩈᩴ ᨴᩮᨲᩥ, ᨾᩪᩃᩣᨿ ᨸᨭᩥᨠᩔᨲᩥ, ᨾᩣᨶᨲ᩠ᨲᩴ ᨴᩮᨲᩥ ¶ , ᩋᨻ᩠ᨽᩮᨲᩥ; ᨶ ᩈᨾ᩠ᨻᩉᩩᩃᩣ, ᨶ ᩑᨠᨸᩩᨣ᩠ᨣᩃᩮᩣ. ᨲᩮᨶ ᩅᩩᨧ᩠ᨧᨲᩥ – ‘‘ᩈᨦ᩠ᨥᩣᨴᩥᩈᩮᩈᩮᩣ’’ᨲᩥ. ᨲᩔᩮᩅ ᩌᨸᨲ᩠ᨲᩥᨶᩥᨠᩣᨿᩔ ᨶᩣᨾᨠᨾ᩠ᨾᩴ ᩋᨵᩥᩅᨧᨶᩴ. ᨲᩮᨶᨸᩥ ᩅᩩᨧ᩠ᨧᨲᩥ – ‘‘ᩈᨦ᩠ᨥᩣᨴᩥᩈᩮᩈᩮᩣ’’ᨲᩥ.

ᩋᨩ᩠ᨫᨲ᩠ᨲᩁᩪᨸᩮ ¶ ᨾᩮᩣᨧᩮᨲᩥ, ᨻᩉᩥᨴ᩠ᨵᩣᩁᩪᨸᩮ ᨾᩮᩣᨧᩮᨲᩥ, ᩋᨩ᩠ᨫᨲ᩠ᨲᨻᩉᩥᨴ᩠ᨵᩣᩁᩪᨸᩮ ᨾᩮᩣᨧᩮᨲᩥ, ᩌᨠᩣᩈᩮ ᨠᨭᩥᩴ ᨠᨾ᩠ᨸᩮᨶ᩠ᨲᩮᩣ ᨾᩮᩣᨧᩮᨲᩥ; ᩁᩣᨣᩪᨸᨲ᩠ᨳᨾ᩠ᨽᩮ ᨾᩮᩣᨧᩮᨲᩥ, ᩅᨧ᩠ᨧᩪᨸᨲ᩠ᨳᨾ᩠ᨽᩮ ᨾᩮᩣᨧᩮᨲᩥ, ᨸᩔᩣᩅᩪᨸᨲ᩠ᨳᨾ᩠ᨽᩮ ᨾᩮᩣᨧᩮᨲᩥ, ᩅᩣᨲᩪᨸᨲ᩠ᨳᨾ᩠ᨽᩮ ᨾᩮᩣᨧᩮᨲᩥ ¶ , ᩏᨧ᩠ᨧᩣᩃᩥᨦ᩠ᨣᨸᩣᨱᨠᨴᨭ᩠ᨮᩪᨸᨲ᩠ᨳᨾ᩠ᨽᩮ ᨾᩮᩣᨧᩮᨲᩥ; ᩌᩁᩮᩣᨣ᩠ᨿᨲ᩠ᨳᩣᨿ ᨾᩮᩣᨧᩮᨲᩥ, ᩈᩩᨡᨲ᩠ᨳᩣᨿ ᨾᩮᩣᨧᩮᨲᩥ, ᨽᩮᩈᨩ᩠ᨩᨲ᩠ᨳᩣᨿ ᨾᩮᩣᨧᩮᨲᩥ, ᨴᩣᨶᨲ᩠ᨳᩣᨿ ᨾᩮᩣᨧᩮᨲᩥ, ᨸᩩᨬ᩠ᨬᨲ᩠ᨳᩣᨿ ¶ ᨾᩮᩣᨧᩮᨲᩥ, ᨿᨬ᩠ᨬᨲ᩠ᨳᩣᨿ ᨾᩮᩣᨧᩮᨲᩥ, ᩈᨣ᩠ᨣᨲ᩠ᨳᩣᨿ ᨾᩮᩣᨧᩮᨲᩥ, ᨻᩦᨩᨲ᩠ᨳᩣᨿ ᨾᩮᩣᨧᩮᨲᩥ, ᩅᩦᨾᩴᩈᨲ᩠ᨳᩣᨿ ᨾᩮᩣᨧᩮᨲᩥ, ᨴᩅᨲ᩠ᨳᩣᨿ ᨾᩮᩣᨧᩮᨲᩥ; ᨶᩦᩃᩴ ᨾᩮᩣᨧᩮᨲᩥ, ᨸᩦᨲᨠᩴ ᨾᩮᩣᨧᩮᨲᩥ, ᩃᩮᩣᩉᩥᨲᨠᩴ ᨾᩮᩣᨧᩮᨲᩥ, ᩒᨴᩣᨲᩴ ᨾᩮᩣᨧᩮᨲᩥ, ᨲᨠ᩠ᨠᩅᨱ᩠ᨱᩴ ᨾᩮᩣᨧᩮᨲᩥ, ᨴᨠᩅᨱ᩠ᨱᩴ ᨾᩮᩣᨧᩮᨲᩥ, ᨲᩮᩃᩅᨱ᩠ᨱᩴ ᨾᩮᩣᨧᩮᨲᩥ, ᨡᩦᩁᩅᨱ᩠ᨱᩴ ᨾᩮᩣᨧᩮᨲᩥ, ᨴᨵᩥᩅᨱ᩠ᨱᩴ ᨾᩮᩣᨧᩮᨲᩥ, ᩈᨸ᩠ᨸᩥᩅᨱ᩠ᨱᩴ ᨾᩮᩣᨧᩮᨲᩥ.

᪒᪓᪘. ᩋᨩ᩠ᨫᨲ᩠ᨲᩁᩪᨸᩮᨲᩥ ᩋᨩ᩠ᨫᨲ᩠ᨲᩴ ᩏᨸᩣᨴᩥᨶ᩠ᨶᩮ [ᩏᨸᩣᨴᩥᨱ᩠ᨱᩮ (ᩈᩦ. ᨠ.)] ᩁᩪᨸᩮ.

ᨻᩉᩥᨴ᩠ᨵᩣᩁᩪᨸᩮᨲᩥ ᨻᩉᩥᨴ᩠ᨵᩣ ᩏᨸᩣᨴᩥᨶ᩠ᨶᩮ ᩅᩣ ᩋᨶᩩᨸᩣᨴᩥᨶ᩠ᨶᩮ ᩅᩣ.

ᩋᨩ᩠ᨫᨲ᩠ᨲᨻᩉᩥᨴ᩠ᨵᩣᩁᩪᨸᩮᨲᩥ ᨲᨴᩩᨽᨿᩮ.

ᩌᨠᩣᩈᩮ ᨠᨭᩥᩴ ᨠᨾ᩠ᨸᩮᨶ᩠ᨲᩮᩣᨲᩥ ᩌᨠᩣᩈᩮ ᩅᩣᨿᨾᨶ᩠ᨲᩔ ᩋᨦ᩠ᨣᨩᩣᨲᩴ ᨠᨾ᩠ᨾᨶᩥᨿᩴ ᩉᩮᩣᨲᩥ.

ᩁᩣᨣᩪᨸᨲ᩠ᨳᨾ᩠ᨽᩮᨲᩥ ᩁᩣᨣᩮᨶ ᨸᩦᩊᩥᨲᩔ ᩋᨦ᩠ᨣᨩᩣᨲᩴ ᨠᨾ᩠ᨾᨶᩥᨿᩴ ᩉᩮᩣᨲᩥ.

ᩅᨧ᩠ᨧᩪᨸᨲ᩠ᨳᨾ᩠ᨽᩮᨲᩥ ᩅᨧ᩠ᨧᩮᨶ ᨸᩦᩊᩥᨲᩔ ᩋᨦ᩠ᨣᨩᩣᨲᩴ ᨠᨾ᩠ᨾᨶᩥᨿᩴ ᩉᩮᩣᨲᩥ.

ᨸᩔᩣᩅᩪᨸᨲ᩠ᨳᨾ᩠ᨽᩮᨲᩥ ᨸᩔᩣᩅᩮᨶ ᨸᩦᩊᩥᨲᩔ ᩋᨦ᩠ᨣᨩᩣᨲᩴ ᨠᨾ᩠ᨾᨶᩥᨿᩴ ᩉᩮᩣᨲᩥ.

ᩅᩣᨲᩪᨸᨲ᩠ᨳᨾ᩠ᨽᩮᨲᩥ ᩅᩣᨲᩮᨶ ᨸᩦᩊᩥᨲᩔ ᩋᨦ᩠ᨣᨩᩣᨲᩴ ᨠᨾ᩠ᨾᨶᩥᨿᩴ ᩉᩮᩣᨲᩥ.

ᩏᨧ᩠ᨧᩣᩃᩥᨦ᩠ᨣᨸᩣᨱᨠᨴᨭ᩠ᨮᩪᨸᨲ᩠ᨳᨾ᩠ᨽᩮᨲᩥ ᩏᨧ᩠ᨧᩣᩃᩥᨦ᩠ᨣᨸᩣᨱᨠᨴᨭ᩠ᨮᩮᨶ ᩋᨦ᩠ᨣᨩᩣᨲᩴ ᨠᨾ᩠ᨾᨶᩥᨿᩴ ᩉᩮᩣᨲᩥ.

᪒᪓᪙. ᩌᩁᩮᩣᨣ᩠ᨿᨲ᩠ᨳᩣᨿᩣᨲᩥ ¶ ᩋᩁᩮᩣᨣᩮᩣ ᨽᩅᩥᩔᩣᨾᩥ.

ᩈᩩᨡᨲ᩠ᨳᩣᨿᩣᨲᩥ ᩈᩩᨡᩴ ᩅᩮᨴᨶᩴ ᩏᨸ᩠ᨸᩣᨴᩮᩔᩣᨾᩥ.

ᨽᩮᩈᨩ᩠ᨩᨲ᩠ᨳᩣᨿᩣᨲᩥ ᨽᩮᩈᨩ᩠ᨩᩴ ᨽᩅᩥᩔᨲᩥ.

ᨴᩣᨶᨲ᩠ᨳᩣᨿᩣᨲᩥ ¶ ᨴᩣᨶᩴ ᨴᩔᩣᨾᩥ.

ᨸᩩᨬ᩠ᨬᨲ᩠ᨳᩣᨿᩣᨲᩥ ᨸᩩᨬ᩠ᨬᩴ ᨽᩅᩥᩔᨲᩥ.

ᨿᨬ᩠ᨬᨲ᩠ᨳᩣᨿᩣᨲᩥ ᨿᨬ᩠ᨬᩴ ᨿᨩᩥᩔᩣᨾᩥ.

ᩈᨣ᩠ᨣᨲ᩠ᨳᩣᨿᩣᨲᩥ ᩈᨣ᩠ᨣᩴ ᨣᨾᩥᩔᩣᨾᩥ.

ᨻᩦᨩᨲ᩠ᨳᩣᨿᩣᨲᩥ ᨻᩦᨩᩴ ᨽᩅᩥᩔᨲᩥ.

ᩅᩦᨾᩴᩈᨲ᩠ᨳᩣᨿᩣᨲᩥ ¶ ᨶᩦᩃᩴ ᨽᩅᩥᩔᨲᩥ, ᨸᩦᨲᨠᩴ ᨽᩅᩥᩔᨲᩥ, ᩃᩮᩣᩉᩥᨲᨠᩴ ᨽᩅᩥᩔᨲᩥ, ᩒᨴᩣᨲᩴ ᨽᩅᩥᩔᨲᩥ, ᨲᨠ᩠ᨠᩅᨱ᩠ᨱᩴ ᨽᩅᩥᩔᨲᩥ, ᨴᨠᩅᨱ᩠ᨱᩴ ᨽᩅᩥᩔᨲᩥ, ᨲᩮᩃᩅᨱ᩠ᨱᩴ ᨽᩅᩥᩔᨲᩥ, ᨡᩦᩁᩅᨱ᩠ᨱᩴ ᨽᩅᩥᩔᨲᩥ, ᨴᨵᩥᩅᨱ᩠ᨱᩴ ᨽᩅᩥᩔᨲᩥ, ᩈᨸ᩠ᨸᩥᩅᨱ᩠ᨱᩴ ᨽᩅᩥᩔᨲᩦᨲᩥ.

ᨴᩅᨲ᩠ᨳᩣᨿᩣᨲᩥ ᨡᩥᨯ᩠ᨯᩣᨵᩥᨸ᩠ᨸᩣᨿᩮᩣ.

᪒᪔᪐. ᩋᨩ᩠ᨫᨲ᩠ᨲᩁᩪᨸᩮ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨻᩉᩥᨴ᩠ᨵᩣᩁᩪᨸᩮ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩋᨩ᩠ᨫᨲ᩠ᨲᨻᩉᩥᨴ᩠ᨵᩣᩁᩪᨸᩮ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩌᨠᩣᩈᩮ ᨠᨭᩥᩴ ᨠᨾ᩠ᨸᩮᨶ᩠ᨲᩮᩣ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩁᩣᨣᩪᨸᨲ᩠ᨳᨾ᩠ᨽᩮ ¶ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩅᨧ᩠ᨧᩪᨸᨲ᩠ᨳᨾ᩠ᨽᩮ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩔᩣᩅᩪᨸᨲ᩠ᨳᨾ᩠ᨽᩮ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩅᩣᨲᩪᨸᨲ᩠ᨳᨾ᩠ᨽᩮ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩏᨧ᩠ᨧᩣᩃᩥᨦ᩠ᨣᨸᩣᨱᨠᨴᨭ᩠ᨮᩪᨸᨲ᩠ᨳᨾ᩠ᨽᩮ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩌᩁᩮᩣᨣ᩠ᨿᨲ᩠ᨳᩣᨿ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩈᩩᨡᨲ᩠ᨳᩣᨿ…ᨸᩮ… ᨽᩮᩈᨩ᩠ᨩᨲ᩠ᨳᩣᨿ… ᨴᩣᨶᨲ᩠ᨳᩣᨿ… ᨸᩩᨬ᩠ᨬᨲ᩠ᨳᩣᨿ… ᨿᨬ᩠ᨬᨲ᩠ᨳᩣᨿ… ᩈᨣ᩠ᨣᨲ᩠ᨳᩣᨿ… ᨻᩦᨩᨲ᩠ᨳᩣᨿ… ᩅᩦᨾᩴᩈᨲ᩠ᨳᩣᨿ… ᨴᩅᨲ᩠ᨳᩣᨿ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨶᩦᩃᩴ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ ¶ .

ᨸᩦᨲᨠᩴ… ᩃᩮᩣᩉᩥᨲᨠᩴ… ᩒᨴᩣᨲᩴ… ᨲᨠ᩠ᨠᩅᨱ᩠ᨱᩴ… ᨴᨠᩅᨱ᩠ᨱᩴ… ᨲᩮᩃᩅᨱ᩠ᨱᩴ… ᨡᩦᩁᩅᨱ᩠ᨱᩴ… ᨴᨵᩥᩅᨱ᩠ᨱᩴ… ᩈᨸ᩠ᨸᩥᩅᨱ᩠ᨱᩴ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩈᩩᨴ᩠ᨵᩥᨠᩴ ᨶᩥᨭ᩠ᨮᩥᨲᩴ.

ᩌᩁᩮᩣᨣ᩠ᨿᨲ᩠ᨳᨬ᩠ᨧ ¶ ¶ ᩈᩩᨡᨲ᩠ᨳᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩌᩁᩮᩣᨣ᩠ᨿᨲ᩠ᨳᨬ᩠ᨧ ᨽᩮᩈᨩ᩠ᨩᨲ᩠ᨳᨬ᩠ᨧ…ᨸᩮ… ᩌᩁᩮᩣᨣ᩠ᨿᨲ᩠ᨳᨬ᩠ᨧ ᨴᩣᨶᨲ᩠ᨳᨬ᩠ᨧ… ᩌᩁᩮᩣᨣ᩠ᨿᨲ᩠ᨳᨬ᩠ᨧ ᨸᩩᨬ᩠ᨬᨲ᩠ᨳᨬ᩠ᨧ… ᩌᩁᩮᩣᨣ᩠ᨿᨲ᩠ᨳᨬ᩠ᨧ ᨿᨬ᩠ᨬᨲ᩠ᨳᨬ᩠ᨧ… ᩌᩁᩮᩣᨣ᩠ᨿᨲ᩠ᨳᨬ᩠ᨧ ᩈᨣ᩠ᨣᨲ᩠ᨳᨬ᩠ᨧ… ᩌᩁᩮᩣᨣ᩠ᨿᨲ᩠ᨳᨬ᩠ᨧ ᨻᩦᨩᨲ᩠ᨳᨬ᩠ᨧ… ᩌᩁᩮᩣᨣ᩠ᨿᨲ᩠ᨳᨬ᩠ᨧ ᩅᩦᨾᩴᩈᨲ᩠ᨳᨬ᩠ᨧ… ᩌᩁᩮᩣᨣ᩠ᨿᨲ᩠ᨳᨬ᩠ᨧ ᨴᩅᨲ᩠ᨳᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩑᨠᨾᩪᩃᨠᩔ ᨡᨱ᩠ᨯᨧᨠ᩠ᨠᩴ ᨶᩥᨭ᩠ᨮᩥᨲᩴ.

᪒᪔᪑. ᩈᩩᨡᨲ᩠ᨳᨬ᩠ᨧ ¶ ᨽᩮᩈᨩ᩠ᨩᨲ᩠ᨳᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩈᩩᨡᨲ᩠ᨳᨬ᩠ᨧ ᨴᩣᨶᨲ᩠ᨳᨬ᩠ᨧ…ᨸᩮ… ᩈᩩᨡᨲ᩠ᨳᨬ᩠ᨧ ᨸᩩᨬ᩠ᨬᨲ᩠ᨳᨬ᩠ᨧ… ᩈᩩᨡᨲ᩠ᨳᨬ᩠ᨧ ᨿᨬ᩠ᨬᨲ᩠ᨳᨬ᩠ᨧ… ᩈᩩᨡᨲ᩠ᨳᨬ᩠ᨧ ᩈᨣ᩠ᨣᨲ᩠ᨳᨬ᩠ᨧ… ᩈᩩᨡᨲ᩠ᨳᨬ᩠ᨧ ᨻᩦᨩᨲ᩠ᨳᨬ᩠ᨧ… ᩈᩩᨡᨲ᩠ᨳᨬ᩠ᨧ ᩅᩦᨾᩴᩈᨲ᩠ᨳᨬ᩠ᨧ… ᩈᩩᨡᨲ᩠ᨳᨬ᩠ᨧ ᨴᩅᨲ᩠ᨳᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩈᩩᨡᨲ᩠ᨳᨬ᩠ᨧ ᩌᩁᩮᩣᨣ᩠ᨿᨲ᩠ᨳᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

᪒᪔᪒. ᨽᩮᩈᨩ᩠ᨩᨲ᩠ᨳᨬ᩠ᨧ ¶ ᨴᩣᨶᨲ᩠ᨳᨬ᩠ᨧ…ᨸᩮ… ᨽᩮᩈᨩ᩠ᨩᨲ᩠ᨳᨬ᩠ᨧ ᨸᩩᨬ᩠ᨬᨲ᩠ᨳᨬ᩠ᨧ… ᨽᩮᩈᨩ᩠ᨩᨲ᩠ᨳᨬ᩠ᨧ ᨿᨬ᩠ᨬᨲ᩠ᨳᨬ᩠ᨧ… ᨽᩮᩈᨩ᩠ᨩᨲ᩠ᨳᨬ᩠ᨧ ᩈᨣ᩠ᨣᨲ᩠ᨳᨬ᩠ᨧ… ᨽᩮᩈᨩ᩠ᨩᨲ᩠ᨳᨬ᩠ᨧ ᨻᩦᨩᨲ᩠ᨳᨬ᩠ᨧ… ᨽᩮᩈᨩ᩠ᨩᨲ᩠ᨳᨬ᩠ᨧ ᩅᩦᨾᩴᩈᨲ᩠ᨳᨬ᩠ᨧ… ᨽᩮᩈᨩ᩠ᨩᨲ᩠ᨳᨬ᩠ᨧ ᨴᩅᨲ᩠ᨳᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨽᩮᩈᨩ᩠ᨩᨲ᩠ᨳᨬ᩠ᨧ ᩌᩁᩮᩣᨣ᩠ᨿᨲ᩠ᨳᨬ᩠ᨧ…ᨸᩮ… ᨽᩮᩈᨩ᩠ᨩᨲ᩠ᨳᨬ᩠ᨧ ᩈᩩᨡᨲ᩠ᨳᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨴᩣᨶᨲ᩠ᨳᨬ᩠ᨧ ᨸᩩᨬ᩠ᨬᨲ᩠ᨳᨬ᩠ᨧ…ᨸᩮ… ᨴᩣᨶᨲ᩠ᨳᨬ᩠ᨧ ᨿᨬ᩠ᨬᨲ᩠ᨳᨬ᩠ᨧ… ᨴᩣᨶᨲ᩠ᨳᨬ᩠ᨧ ᩈᨣ᩠ᨣᨲ᩠ᨳᨬ᩠ᨧ… ᨴᩣᨶᨲ᩠ᨳᨬ᩠ᨧ ᨻᩦᨩᨲ᩠ᨳᨬ᩠ᨧ… ᨴᩣᨶᨲ᩠ᨳᨬ᩠ᨧ ᩅᩦᨾᩴᩈᨲ᩠ᨳᨬ᩠ᨧ… ᨴᩣᨶᨲ᩠ᨳᨬ᩠ᨧ ᨴᩅᨲ᩠ᨳᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨴᩣᨶᨲ᩠ᨳᨬ᩠ᨧ ᩌᩁᩮᩣᨣ᩠ᨿᨲ᩠ᨳᨬ᩠ᨧ…ᨸᩮ… ᨴᩣᨶᨲ᩠ᨳᨬ᩠ᨧ ᩈᩩᨡᨲ᩠ᨳᨬ᩠ᨧ… ᨴᩣᨶᨲ᩠ᨳᨬ᩠ᨧ ᨽᩮᩈᨩ᩠ᨩᨲ᩠ᨳᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩩᨬ᩠ᨬᨲ᩠ᨳᨬ᩠ᨧ ᨿᨬ᩠ᨬᨲ᩠ᨳᨬ᩠ᨧ…ᨸᩮ… ᨸᩩᨬ᩠ᨬᨲ᩠ᨳᨬ᩠ᨧ ᩈᨣ᩠ᨣᨲ᩠ᨳᨬ᩠ᨧ… ᨸᩩᨬ᩠ᨬᨲ᩠ᨳᨬ᩠ᨧ ᨻᩦᨩᨲ᩠ᨳᨬ᩠ᨧ… ᨸᩩᨬ᩠ᨬᨲ᩠ᨳᨬ᩠ᨧ ᩅᩦᨾᩴᩈᨲ᩠ᨳᨬ᩠ᨧ… ᨸᩩᨬ᩠ᨬᨲ᩠ᨳᨬ᩠ᨧ ᨴᩅᨲ᩠ᨳᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩩᨬ᩠ᨬᨲ᩠ᨳᨬ᩠ᨧ ¶ ᩌᩁᩮᩣᨣ᩠ᨿᨲ᩠ᨳᨬ᩠ᨧ…ᨸᩮ… ᨸᩩᨬ᩠ᨬᨲ᩠ᨳᨬ᩠ᨧ ᩈᩩᨡᨲ᩠ᨳᨬ᩠ᨧ… ᨸᩩᨬ᩠ᨬᨲ᩠ᨳᨬ᩠ᨧ ᨽᩮᩈᨩ᩠ᨩᨲ᩠ᨳᨬ᩠ᨧ… ᨸᩩᨬ᩠ᨬᨲ᩠ᨳᨬ᩠ᨧ ᨴᩣᨶᨲ᩠ᨳᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨿᨬ᩠ᨬᨲ᩠ᨳᨬ᩠ᨧ ¶ ᩈᨣ᩠ᨣᨲ᩠ᨳᨬ᩠ᨧ…ᨸᩮ… ᨿᨬ᩠ᨬᨲ᩠ᨳᨬ᩠ᨧ ᨻᩦᨩᨲ᩠ᨳᨬ᩠ᨧ… ᨿᨬ᩠ᨬᨲ᩠ᨳᨬ᩠ᨧ ᩅᩦᨾᩴᩈᨲ᩠ᨳᨬ᩠ᨧ ¶ … ᨿᨬ᩠ᨬᨲ᩠ᨳᨬ᩠ᨧ ᨴᩅᨲ᩠ᨳᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨿᨬ᩠ᨬᨲ᩠ᨳᨬ᩠ᨧ ᩌᩁᩮᩣᨣ᩠ᨿᨲ᩠ᨳᨬ᩠ᨧ…ᨸᩮ… ᨿᨬ᩠ᨬᨲ᩠ᨳᨬ᩠ᨧ ᩈᩩᨡᨲ᩠ᨳᨬ᩠ᨧ… ᨿᨬ᩠ᨬᨲ᩠ᨳᨬ᩠ᨧ ᨽᩮᩈᨩ᩠ᨩᨲ᩠ᨳᨬ᩠ᨧ… ᨿᨬ᩠ᨬᨲ᩠ᨳᨬ᩠ᨧ ᨴᩣᨶᨲ᩠ᨳᨬ᩠ᨧ… ᨿᨬ᩠ᨬᨲ᩠ᨳᨬ᩠ᨧ ᨸᩩᨬ᩠ᨬᨲ᩠ᨳᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩈᨣ᩠ᨣᨲ᩠ᨳᨬ᩠ᨧ ᨻᩦᨩᨲ᩠ᨳᨬ᩠ᨧ…ᨸᩮ… ᩈᨣ᩠ᨣᨲ᩠ᨳᨬ᩠ᨧ ᩅᩦᨾᩴᩈᨲ᩠ᨳᨬ᩠ᨧ… ᩈᨣ᩠ᨣᨲ᩠ᨳᨬ᩠ᨧ ᨴᩅᨲ᩠ᨳᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩈᨣ᩠ᨣᨲ᩠ᨳᨬ᩠ᨧ ᩌᩁᩮᩣᨣ᩠ᨿᨲ᩠ᨳᨬ᩠ᨧ…ᨸᩮ… ᩈᨣ᩠ᨣᨲ᩠ᨳᨬ᩠ᨧ ᩈᩩᨡᨲ᩠ᨳᨬ᩠ᨧ… ᩈᨣ᩠ᨣᨲ᩠ᨳᨬ᩠ᨧ ᨽᩮᩈᨩ᩠ᨩᨲ᩠ᨳᨬ᩠ᨧ… ᩈᨣ᩠ᨣᨲ᩠ᨳᨬ᩠ᨧ ᨴᩣᨶᨲ᩠ᨳᨬ᩠ᨧ… ᩈᨣ᩠ᨣᨲ᩠ᨳᨬ᩠ᨧ ᨸᩩᨬ᩠ᨬᨲ᩠ᨳᨬ᩠ᨧ… ᩈᨣ᩠ᨣᨲ᩠ᨳᨬ᩠ᨧ ᨿᨬ᩠ᨬᨲ᩠ᨳᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨻᩦᨩᨲ᩠ᨳᨬ᩠ᨧ ᩅᩦᨾᩴᩈᨲ᩠ᨳᨬ᩠ᨧ…ᨸᩮ… ᨻᩦᨩᨲ᩠ᨳᨬ᩠ᨧ ᨴᩅᨲ᩠ᨳᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨻᩦᨩᨲ᩠ᨳᨬ᩠ᨧ ᩌᩁᩮᩣᨣ᩠ᨿᨲ᩠ᨳᨬ᩠ᨧ…ᨸᩮ… ᨻᩦᨩᨲ᩠ᨳᨬ᩠ᨧ ᩈᩩᨡᨲ᩠ᨳᨬ᩠ᨧ… ᨻᩦᨩᨲ᩠ᨳᨬ᩠ᨧ ᨽᩮᩈᨩ᩠ᨩᨲ᩠ᨳᨬ᩠ᨧ… ᨻᩦᨩᨲ᩠ᨳᨬ᩠ᨧ ᨴᩣᨶᨲ᩠ᨳᨬ᩠ᨧ… ᨻᩦᨩᨲ᩠ᨳᨬ᩠ᨧ ᨸᩩᨬ᩠ᨬᨲ᩠ᨳᨬ᩠ᨧ… ᨻᩦᨩᨲ᩠ᨳᨬ᩠ᨧ ᨿᨬ᩠ᨬᨲ᩠ᨳᨬ᩠ᨧ… ᨻᩦᨩᨲ᩠ᨳᨬ᩠ᨧ ᩈᨣ᩠ᨣᨲ᩠ᨳᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩅᩦᨾᩴᩈᨲ᩠ᨳᨬ᩠ᨧ ᨴᩅᨲ᩠ᨳᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩅᩦᨾᩴᩈᨲ᩠ᨳᨬ᩠ᨧ ᩌᩁᩮᩣᨣ᩠ᨿᨲ᩠ᨳᨬ᩠ᨧ…ᨸᩮ… ᩅᩦᨾᩴᩈᨲ᩠ᨳᨬ᩠ᨧ ᩈᩩᨡᨲ᩠ᨳᨬ᩠ᨧ… ᩅᩦᨾᩴᩈᨲ᩠ᨳᨬ᩠ᨧ ᨽᩮᩈᨩ᩠ᨩᨲ᩠ᨳᨬ᩠ᨧ… ᩅᩦᨾᩴᩈᨲ᩠ᨳᨬ᩠ᨧ ᨴᩣᨶᨲ᩠ᨳᨬ᩠ᨧ… ᩅᩦᨾᩴᩈᨲ᩠ᨳᨬ᩠ᨧ ᨸᩩᨬ᩠ᨬᨲ᩠ᨳᨬ᩠ᨧ… ᩅᩦᨾᩴᩈᨲ᩠ᨳᨬ᩠ᨧ ᨿᨬ᩠ᨬᨲ᩠ᨳᨬ᩠ᨧ… ᩅᩦᨾᩴᩈᨲ᩠ᨳᨬ᩠ᨧ ᩈᨣ᩠ᨣᨲ᩠ᨳᨬ᩠ᨧ… ᩅᩦᨾᩴᩈᨲ᩠ᨳᨬ᩠ᨧ ᨻᩦᨩᨲ᩠ᨳᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨴᩅᨲ᩠ᨳᨬ᩠ᨧ ᩌᩁᩮᩣᨣ᩠ᨿᨲ᩠ᨳᨬ᩠ᨧ…ᨸᩮ… ¶ ᨴᩅᨲ᩠ᨳᨬ᩠ᨧ ᩈᩩᨡᨲ᩠ᨳᨬ᩠ᨧ… ᨴᩅᨲ᩠ᨳᨬ᩠ᨧ ᨽᩮᩈᨩ᩠ᨩᨲ᩠ᨳᨬ᩠ᨧ… ᨴᩅᨲ᩠ᨳᨬ᩠ᨧ ᨴᩣᨶᨲ᩠ᨳᨬ᩠ᨧ… ᨴᩅᨲ᩠ᨳᨬ᩠ᨧ ᨸᩩᨬ᩠ᨬᨲ᩠ᨳᨬ᩠ᨧ… ᨴᩅᨲ᩠ᨳᨬ᩠ᨧ ᨿᨬ᩠ᨬᨲ᩠ᨳᨬ᩠ᨧ… ᨴᩅᨲ᩠ᨳᨬ᩠ᨧ ᩈᨣ᩠ᨣᨲ᩠ᨳᨬ᩠ᨧ… ᨴᩅᨲ᩠ᨳᨬ᩠ᨧ ᨻᩦᨩᨲ᩠ᨳᨬ᩠ᨧ… ᨴᩅᨲ᩠ᨳᨬ᩠ᨧ ᩅᩦᨾᩴᩈᨲ᩠ᨳᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩑᨠᨾᩪᩃᨠᩔ ᨻᨴ᩠ᨵᨧᨠ᩠ᨠᩴ ᨶᩥᨭ᩠ᨮᩥᨲᩴ.

ᩌᩁᩮᩣᨣ᩠ᨿᨲ᩠ᨳᨬ᩠ᨧ ¶ ¶ ᩈᩩᨡᨲ᩠ᨳᨬ᩠ᨧ ᨽᩮᩈᨩ᩠ᨩᨲ᩠ᨳᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ…ᨸᩮ… ᩌᩁᩮᩣᨣ᩠ᨿᨲ᩠ᨳᨬ᩠ᨧ ᩈᩩᨡᨲ᩠ᨳᨬ᩠ᨧ ᨴᩅᨲ᩠ᨳᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨴᩩᨾᩪᩃᨠᩔ ᨡᨱ᩠ᨯᨧᨠ᩠ᨠᩴ.

ᩈᩩᨡᨲ᩠ᨳᨬ᩠ᨧ ᨽᩮᩈᨩ᩠ᨩᨲ᩠ᨳᨬ᩠ᨧ ᨴᩣᨶᨲ᩠ᨳᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ…ᨸᩮ… ᩈᩩᨡᨲ᩠ᨳᨬ᩠ᨧ ᨽᩮᩈᨩ᩠ᨩᨲ᩠ᨳᨬ᩠ᨧ ᨴᩅᨲ᩠ᨳᨬ᩠ᨧ…ᨸᩮ… ᩈᩩᨡᨲ᩠ᨳᨬ᩠ᨧ ᨽᩮᩈᨩ᩠ᨩᨲ᩠ᨳᨬ᩠ᨧ ᩌᩁᩮᩣᨣ᩠ᨿᨲ᩠ᨳᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨴᩩᨾᩪᩃᨠᩔ ᨻᨴ᩠ᨵᨧᨠ᩠ᨠᩴ ᩈᩴᨡᩥᨲ᩠ᨲᩴ.

ᩅᩦᨾᩴᩈᨲ᩠ᨳᨬ᩠ᨧ ᨴᩅᨲ᩠ᨳᨬ᩠ᨧ ᩌᩁᩮᩣᨣ᩠ᨿᨲ᩠ᨳᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ. ᩅᩦᨾᩴᩈᨲ᩠ᨳᨬ᩠ᨧ ᨴᩅᨲ᩠ᨳᨬ᩠ᨧ ᨻᩦᨩᨲ᩠ᨳᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨴᩩᨾᩪᩃᨠᩴ ᨶᩥᨭ᩠ᨮᩥᨲᩴ.

ᨲᩥᨾᩪᩃᨠᨾ᩠ᨸᩥ ¶ ᨧᨲᩩᨾᩪᩃᨠᨾ᩠ᨸᩥ ᨸᨬ᩠ᨧᨾᩪᩃᨠᨾ᩠ᨸᩥ ᨨᨾᩪᩃᨠᨾ᩠ᨸᩥ ᩈᨲ᩠ᨲᨾᩪᩃᨠᨾ᩠ᨸᩥ ᩋᨭ᩠ᨮᨾᩪᩃᨠᨾ᩠ᨸᩥ ᨶᩅᨾᩪᩃᨠᨾ᩠ᨸᩥ ᩑᩅᨾᩮᩅ ᩅᩥᨲ᩠ᨳᩣᩁᩮᨲᨻ᩠ᨻᩴ.

ᩍᨴᩴ ᩈᨻ᩠ᨻᨾᩪᩃᨠᩴ.

᪒᪔᪓. ᩌᩁᩮᩣᨣ᩠ᨿᨲ᩠ᨳᨬ᩠ᨧ ᩈᩩᨡᨲ᩠ᨳᨬ᩠ᨧ ᨽᩮᩈᨩ᩠ᨩᨲ᩠ᨳᨬ᩠ᨧ ᨴᩣᨶᨲ᩠ᨳᨬ᩠ᨧ ᨸᩩᨬ᩠ᨬᨲ᩠ᨳᨬ᩠ᨧ ᨿᨬ᩠ᨬᨲ᩠ᨳᨬ᩠ᨧ ᩈᨣ᩠ᨣᨲ᩠ᨳᨬ᩠ᨧ ᨻᩦᨩᨲ᩠ᨳᨬ᩠ᨧ ᩅᩦᨾᩴᩈᨲ᩠ᨳᨬ᩠ᨧ ᨴᩅᨲ᩠ᨳᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩈᨻ᩠ᨻᨾᩪᩃᨠᩴ ᨶᩥᨭ᩠ᨮᩥᨲᩴ.

᪒᪔᪔. ᨶᩦᩃᨬ᩠ᨧ ¶ ᨸᩦᨲᨠᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨶᩦᩃᨬ᩠ᨧ ᩃᩮᩣᩉᩥᨲᨠᨬ᩠ᨧ…ᨸᩮ… ᨶᩦᩃᨬ᩠ᨧ ᩒᨴᩣᨲᨬ᩠ᨧ… ᨶᩦᩃᨬ᩠ᨧ ᨲᨠ᩠ᨠᩅᨱ᩠ᨱᨬ᩠ᨧ… ᨶᩦᩃᨬ᩠ᨧ ᨴᨠᩅᨱ᩠ᨱᨬ᩠ᨧ… ᨶᩦᩃᨬ᩠ᨧ ᨲᩮᩃᩅᨱ᩠ᨱᨬ᩠ᨧ… ᨶᩦᩃᨬ᩠ᨧ ᨡᩦᩁᩅᨱ᩠ᨱᨬ᩠ᨧ… ᨶᩦᩃᨬ᩠ᨧ ᨴᨵᩥᩅᨱ᩠ᨱᨬ᩠ᨧ… ᨶᩦᩃᨬ᩠ᨧ ᩈᨸ᩠ᨸᩥᩅᨱ᩠ᨱᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲ᩠ᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩑᨠᨾᩪᩃᨠᩔ ᨡᨱ᩠ᨯᨧᨠ᩠ᨠᩴ ᨶᩥᨭ᩠ᨮᩥᨲᩴ.

᪒᪔᪕. ᨸᩦᨲᨠᨬ᩠ᨧ ¶ ᩃᩮᩣᩉᩥᨲᨠᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩦᨲᨠᨬ᩠ᨧ ᩒᨴᩣᨲᨬ᩠ᨧ…ᨸᩮ… ᨸᩦᨲᨠᨬ᩠ᨧ ᨲᨠ᩠ᨠᩅᨱ᩠ᨱᨬ᩠ᨧ… ᨸᩦᨲᨠᨬ᩠ᨧ ᨴᨠᩅᨱ᩠ᨱᨬ᩠ᨧ… ᨸᩦᨲᨠᨬ᩠ᨧ ᨲᩮᩃᩅᨱ᩠ᨱᨬ᩠ᨧ… ᨸᩦᨲᨠᨬ᩠ᨧ ᨡᩦᩁᩅᨱ᩠ᨱᨬ᩠ᨧ… ᨸᩦᨲᨠᨬ᩠ᨧ ᨴᨵᩥᩅᨱ᩠ᨱᨬ᩠ᨧ… ᨸᩦᨲᨠᨬ᩠ᨧ ᩈᨸ᩠ᨸᩥᩅᨱ᩠ᨱᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩦᨲᨠᨬ᩠ᨧ ᨶᩦᩃᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ¶ ᩈᨦ᩠ᨥᩣᨴᩥᩈᩮᩈᩔ.

ᩑᨠᨾᩪᩃᨠᩔ ᨻᨴ᩠ᨵᨧᨠ᩠ᨠᩴ.

᪒᪔᪖. ᩃᩮᩣᩉᩥᨲᨠᨬ᩠ᨧ ᩒᨴᩣᨲᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩃᩮᩣᩉᩥᨲᨠᨬ᩠ᨧ ᨲᨠ᩠ᨠᩅᨱ᩠ᨱᨬ᩠ᨧ…ᨸᩮ… ᩃᩮᩣᩉᩥᨲᨠᨬ᩠ᨧ ᨴᨠᩅᨱ᩠ᨱᨬ᩠ᨧ… ᩃᩮᩣᩉᩥᨲᨠᨬ᩠ᨧ ᨲᩮᩃᩅᨱ᩠ᨱᨬ᩠ᨧ… ᩃᩮᩣᩉᩥᨲᨠᨬ᩠ᨧ ᨡᩦᩁᩅᨱ᩠ᨱᨬ᩠ᨧ… ᩃᩮᩣᩉᩥᨲᨠᨬ᩠ᨧ ᨴᨵᩥᩅᨱ᩠ᨱᨬ᩠ᨧ… ᩃᩮᩣᩉᩥᨲᨠᨬ᩠ᨧ ᩈᨸ᩠ᨸᩥᩅᨱ᩠ᨱᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩃᩮᩣᩉᩥᨲᨠᨬ᩠ᨧ ᨶᩦᩃᨬ᩠ᨧ…ᨸᩮ… ᩃᩮᩣᩉᩥᨲᨠᨬ᩠ᨧ ᨸᩦᨲᨠᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩒᨴᩣᨲᨬ᩠ᨧ ¶ ᨲᨠ᩠ᨠᩅᨱ᩠ᨱᨬ᩠ᨧ…ᨸᩮ… ᩒᨴᩣᨲᨬ᩠ᨧ ᨴᨠᩅᨱ᩠ᨱᨬ᩠ᨧ… ᩒᨴᩣᨲᨬ᩠ᨧ ᨲᩮᩃᩅᨱ᩠ᨱᨬ᩠ᨧ… ᩒᨴᩣᨲᨬ᩠ᨧ ᨡᩦᩁᩅᨱ᩠ᨱᨬ᩠ᨧ… ᩒᨴᩣᨲᨬ᩠ᨧ ᨴᨵᩥᩅᨱ᩠ᨱᨬ᩠ᨧ… ᩒᨴᩣᨲᨬ᩠ᨧ ᩈᨸ᩠ᨸᩥᩅᨱ᩠ᨱᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩒᨴᩣᨲᨬ᩠ᨧ ᨶᩦᩃᨬ᩠ᨧ…ᨸᩮ… ᩒᨴᩣᨲᨬ᩠ᨧ ᨸᩦᨲᨠᨬ᩠ᨧ… ᩒᨴᩣᨲᨬ᩠ᨧ ᩃᩮᩣᩉᩥᨲᨠᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨲᨠ᩠ᨠᩅᨱ᩠ᨱᨬ᩠ᨧ ᨴᨠᩅᨱ᩠ᨱᨬ᩠ᨧ…ᨸᩮ… ᨲᨠ᩠ᨠᩅᨱ᩠ᨱᨬ᩠ᨧ ᨲᩮᩃᩅᨱ᩠ᨱᨬ᩠ᨧ… ᨲᨠ᩠ᨠᩅᨱ᩠ᨱᨬ᩠ᨧ ᨡᩦᩁᩅᨱ᩠ᨱᨬ᩠ᨧ… ᨲᨠ᩠ᨠᩅᨱ᩠ᨱᨬ᩠ᨧ ᨴᨵᩥᩅᨱ᩠ᨱᨬ᩠ᨧ… ᨲᨠ᩠ᨠᩅᨱ᩠ᨱᨬ᩠ᨧ ᩈᨸ᩠ᨸᩥᩅᨱ᩠ᨱᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨲᨠ᩠ᨠᩅᨱ᩠ᨱᨬ᩠ᨧ ᨶᩦᩃᨬ᩠ᨧ…ᨸᩮ… ᨲᨠ᩠ᨠᩅᨱ᩠ᨱᨬ᩠ᨧ ᨸᩦᨲᨠᨬ᩠ᨧ… ᨲᨠ᩠ᨠᩅᨱ᩠ᨱᨬ᩠ᨧ ᩃᩮᩣᩉᩥᨲᨠᨬ᩠ᨧ… ᨲᨠ᩠ᨠᩅᨱ᩠ᨱᨬ᩠ᨧ ᩒᨴᩣᨲᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨴᨠᩅᨱ᩠ᨱᨬ᩠ᨧ ¶ ᨲᩮᩃᩅᨱ᩠ᨱᨬ᩠ᨧ…ᨸᩮ… ᨴᨠᩅᨱ᩠ᨱᨬ᩠ᨧ ᨡᩦᩁᩅᨱ᩠ᨱᨬ᩠ᨧ… ᨴᨠᩅᨱ᩠ᨱᨬ᩠ᨧ ᨴᨵᩥᩅᨱ᩠ᨱᨬ᩠ᨧ… ᨴᨠᩅᨱ᩠ᨱᨬ᩠ᨧ ᩈᨸ᩠ᨸᩥᩅᨱ᩠ᨱᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨴᨠᩅᨱ᩠ᨱᨬ᩠ᨧ ᨶᩦᩃᨬ᩠ᨧ…ᨸᩮ… ᨴᨠᩅᨱ᩠ᨱᨬ᩠ᨧ ᨸᩦᨲᨠᨬ᩠ᨧ… ᨴᨠᩅᨱ᩠ᨱᨬ᩠ᨧ ᩃᩮᩣᩉᩥᨲᨠᨬ᩠ᨧ… ᨴᨠᩅᨱ᩠ᨱᨬ᩠ᨧ ᩒᨴᩣᨲᨬ᩠ᨧ… ᨴᨠᩅᨱ᩠ᨱᨬ᩠ᨧ ᨲᨠ᩠ᨠᩅᨱ᩠ᨱᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ ¶ , ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨲᩮᩃᩅᨱ᩠ᨱᨬ᩠ᨧ ᨡᩦᩁᩅᨱ᩠ᨱᨬ᩠ᨧ…ᨸᩮ… ᨲᩮᩃᩅᨱ᩠ᨱᨬ᩠ᨧ ᨴᨵᩥᩅᨱ᩠ᨱᨬ᩠ᨧ… ᨲᩮᩃᩅᨱ᩠ᨱᨬ᩠ᨧ ᩈᨸ᩠ᨸᩥᩅᨱ᩠ᨱᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨲᩮᩃᩅᨱ᩠ᨱᨬ᩠ᨧ ᨶᩦᩃᨬ᩠ᨧ…ᨸᩮ… ᨲᩮᩃᩅᨱ᩠ᨱᨬ᩠ᨧ ᨸᩦᨲᨠᨬ᩠ᨧ… ᨲᩮᩃᩅᨱ᩠ᨱᨬ᩠ᨧ ᩃᩮᩣᩉᩥᨲᨠᨬ᩠ᨧ… ᨲᩮᩃᩅᨱ᩠ᨱᨬ᩠ᨧ ᩒᨴᩣᨲᨬ᩠ᨧ… ᨲᩮᩃᩅᨱ᩠ᨱᨬ᩠ᨧ ᨲᨠ᩠ᨠᩅᨱ᩠ᨱᨬ᩠ᨧ… ᨲᩮᩃᩅᨱ᩠ᨱᨬ᩠ᨧ ᨴᨠᩅᨱ᩠ᨱᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨡᩦᩁᩅᨱ᩠ᨱᨬ᩠ᨧ ¶ ᨴᨵᩥᩅᨱ᩠ᨱᨬ᩠ᨧ…ᨸᩮ… ᨡᩦᩁᩅᨱ᩠ᨱᨬ᩠ᨧ ᩈᨸ᩠ᨸᩥᩅᨱ᩠ᨱᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨡᩦᩁᩅᨱ᩠ᨱᨬ᩠ᨧ ᨶᩦᩃᨬ᩠ᨧ…ᨸᩮ… ᨡᩦᩁᩅᨱ᩠ᨱᨬ᩠ᨧ ᨸᩦᨲᨠᨬ᩠ᨧ… ᨡᩦᩁᩅᨱ᩠ᨱᨬ᩠ᨧ ᩃᩮᩣᩉᩥᨲᨠᨬ᩠ᨧ… ᨡᩦᩁᩅᨱ᩠ᨱᨬ᩠ᨧ ᩒᨴᩣᨲᨬ᩠ᨧ… ᨡᩦᩁᩅᨱ᩠ᨱᨬ᩠ᨧ ᨲᨠ᩠ᨠᩅᨱ᩠ᨱᨬ᩠ᨧ… ᨡᩦᩁᩅᨱ᩠ᨱᨬ᩠ᨧ ᨴᨠᩅᨱ᩠ᨱᨬ᩠ᨧ… ᨡᩦᩁᩅᨱ᩠ᨱᨬ᩠ᨧ ᨲᩮᩃᩅᨱ᩠ᨱᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨴᨵᩥᩅᨱ᩠ᨱᨬ᩠ᨧ ᩈᨸ᩠ᨸᩥᩅᨱ᩠ᨱᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨴᨵᩥᩅᨱ᩠ᨱᨬ᩠ᨧ ᨶᩦᩃᨬ᩠ᨧ…ᨸᩮ… ᨴᨵᩥᩅᨱ᩠ᨱᨬ᩠ᨧ ᨸᩦᨲᨠᨬ᩠ᨧ… ᨴᨵᩥᩅᨱ᩠ᨱᨬ᩠ᨧ ᩃᩮᩣᩉᩥᨲᨠᨬ᩠ᨧ… ᨴᨵᩥᩅᨱ᩠ᨱᨬ᩠ᨧ ᩒᨴᩣᨲᨬ᩠ᨧ… ᨴᨵᩥᩅᨱ᩠ᨱᨬ᩠ᨧ ᨲᨠ᩠ᨠᩅᨱ᩠ᨱᨬ᩠ᨧ… ᨴᨵᩥᩅᨱ᩠ᨱᨬ᩠ᨧ ᨴᨠᩅᨱ᩠ᨱᨬ᩠ᨧ… ᨴᨵᩥᩅᨱ᩠ᨱᨬ᩠ᨧ ᨲᩮᩃᩅᨱ᩠ᨱᨬ᩠ᨧ… ᨴᨵᩥᩅᨱ᩠ᨱᨬ᩠ᨧ ᨡᩦᩁᩅᨱ᩠ᨱᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩈᨸ᩠ᨸᩥᩅᨱ᩠ᨱᨬ᩠ᨧ ᨶᩦᩃᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩈᨸ᩠ᨸᩥᩅᨱ᩠ᨱᨬ᩠ᨧ ᨸᩦᨲᨠᨬ᩠ᨧ…ᨸᩮ… ᩈᨸ᩠ᨸᩥᩅᨱ᩠ᨱᨬ᩠ᨧ ᩃᩮᩣᩉᩥᨲᨠᨬ᩠ᨧ… ᩈᨸ᩠ᨸᩥᩅᨱ᩠ᨱᨬ᩠ᨧ ᩒᨴᩣᨲᨬ᩠ᨧ… ᩈᨸ᩠ᨸᩥᩅᨱ᩠ᨱᨬ᩠ᨧ ᨲᨠ᩠ᨠᩅᨱ᩠ᨱᨬ᩠ᨧ… ᩈᨸ᩠ᨸᩥᩅᨱ᩠ᨱᨬ᩠ᨧ ᨴᨠᩅᨱ᩠ᨱᨬ᩠ᨧ… ᩈᨸ᩠ᨸᩥᩅᨱ᩠ᨱᨬ᩠ᨧ ᨲᩮᩃᩅᨱ᩠ᨱᨬ᩠ᨧ… ᩈᨸ᩠ᨸᩥᩅᨱ᩠ᨱᨬ᩠ᨧ ᨡᩦᩁᩅᨱ᩠ᨱᨬ᩠ᨧ ¶ … ᩈᨸ᩠ᨸᩥᩅᨱ᩠ᨱᨬ᩠ᨧ ᨴᨵᩥᩅᨱ᩠ᨱᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩑᨠᨾᩪᩃᨠᩔ ᨻᨴ᩠ᨵᨧᨠ᩠ᨠᩴ ᨶᩥᨭ᩠ᨮᩥᨲᩴ.

ᨶᩦᩃᨬ᩠ᨧ ¶ ᨸᩦᨲᨠᨬ᩠ᨧ ᩃᩮᩣᩉᩥᨲᨠᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ…ᨸᩮ… ᨶᩦᩃᨬ᩠ᨧ ᨸᩦᨲᨠᨬ᩠ᨧ ᩈᨸ᩠ᨸᩥᩅᨱ᩠ᨱᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨴᩩᨾᩪᩃᨠᩔ ᨡᨱ᩠ᨯᨧᨠ᩠ᨠᩴ.

ᨸᩦᨲᨠᨬ᩠ᨧ ¶ ᩃᩮᩣᩉᩥᨲᨠᨬ᩠ᨧ ᩒᨴᩣᨲᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ…ᨸᩮ… ᨸᩦᨲᨠᨬ᩠ᨧ ᩃᩮᩣᩉᩥᨲᨠᨬ᩠ᨧ ᩈᨸ᩠ᨸᩥᩅᨱ᩠ᨱᨬ᩠ᨧ…ᨸᩮ… ᨸᩦᨲᨠᨬ᩠ᨧ ᩃᩮᩣᩉᩥᨲᨠᨬ᩠ᨧ ᨶᩦᩃᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨴᩩᨾᩪᩃᨠᩔ ᨻᨴ᩠ᨵᨧᨠ᩠ᨠᩴ ᩈᩴᨡᩥᨲ᩠ᨲᩴ.

ᨴᨵᩥᩅᨱ᩠ᨱᨬ᩠ᨧ ᩈᨸ᩠ᨸᩥᩅᨱ᩠ᨱᨬ᩠ᨧ ᨶᩦᩃᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ…ᨸᩮ… ᨴᨵᩥᩅᨱ᩠ᨱᨬ᩠ᨧ ᩈᨸ᩠ᨸᩥᩅᨱ᩠ᨱᨬ᩠ᨧ ᨡᩦᩁᩅᨱ᩠ᨱᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨴᩩᨾᩪᩃᨠᩴ ᨶᩥᨭ᩠ᨮᩥᨲᩴ.

ᨲᩥᨾᩪᩃᨠᨾ᩠ᨸᩥ ᨧᨲᩩᨾᩪᩃᨠᨾ᩠ᨸᩥ ᨸᨬ᩠ᨧᨾᩪᩃᨠᨾ᩠ᨸᩥ ᨨᨾᩪᩃᨠᨾ᩠ᨸᩥ ᩈᨲ᩠ᨲᨾᩪᩃᨠᨾ᩠ᨸᩥ ᩋᨭ᩠ᨮᨾᩪᩃᨠᨾ᩠ᨸᩥ ᨶᩅᨾᩪᩃᨠᨾ᩠ᨸᩥ ᩑᩅᨾᩮᩅ ᩅᩥᨲ᩠ᨳᩣᩁᩮᨲᨻ᩠ᨻᩴ.

ᩍᨴᩴ ᩈᨻ᩠ᨻᨾᩪᩃᨠᩴ.

᪒᪔᪗. ᨶᩦᩃᨬ᩠ᨧ ¶ ᨸᩦᨲᨠᨬ᩠ᨧ ᩃᩮᩣᩉᩥᨲᨠᨬ᩠ᨧ ᩒᨴᩣᨲᨬ᩠ᨧ ᨲᨠ᩠ᨠᩅᨱ᩠ᨱᨬ᩠ᨧ ᨴᨠᩅᨱ᩠ᨱᨬ᩠ᨧ ᨲᩮᩃᩅᨱ᩠ᨱᨬ᩠ᨧ ᨡᩦᩁᩅᨱ᩠ᨱᨬ᩠ᨧ ᨴᨵᩥᩅᨱ᩠ᨱᨬ᩠ᨧ ᩈᨸ᩠ᨸᩥᩅᨱ᩠ᨱᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩈᨻ᩠ᨻᨾᩪᩃᨠᩴ ᨶᩥᨭ᩠ᨮᩥᨲᩴ.

᪒᪔᪘. ᩌᩁᩮᩣᨣ᩠ᨿᨲ᩠ᨳᨬ᩠ᨧ ᨶᩦᩃᨬ᩠ᨧ [ᩌᩁᩮᩣᨣ᩠ᨿᨲ᩠ᨳᩴ ᨶᩦᩃᩴ (?)] ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩌᩁᩮᩣᨣ᩠ᨿᨲ᩠ᨳᨬ᩠ᨧ ᩈᩩᨡᨲ᩠ᨳᨬ᩠ᨧ ᨶᩦᩃᨬ᩠ᨧ ᨸᩦᨲᨠᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩌᩁᩮᩣᨣ᩠ᨿᨲ᩠ᨳᨬ᩠ᨧ ¶ ᩈᩩᨡᨲ᩠ᨳᨬ᩠ᨧ ᨽᩮᩈᨩ᩠ᨩᨲ᩠ᨳᨬ᩠ᨧ ᨶᩦᩃᨬ᩠ᨧ ᨸᩦᨲᨠᨬ᩠ᨧ ᩃᩮᩣᩉᩥᨲᨠᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩏᨽᨲᩮᩣ ¶ ᩅᨯ᩠ᨰᨠᩴ ᩑᩅᨾᩮᩅ ᩅᨯ᩠ᨰᩮᨲᨻ᩠ᨻᩴ.

ᩌᩁᩮᩣᨣ᩠ᨿᨲ᩠ᨳᨬ᩠ᨧ ¶ ᩈᩩᨡᨲ᩠ᨳᨬ᩠ᨧ ᨽᩮᩈᨩ᩠ᨩᨲ᩠ᨳᨬ᩠ᨧ ᨴᩣᨶᨲ᩠ᨳᨬ᩠ᨧ ᨸᩩᨬ᩠ᨬᨲ᩠ᨳᨬ᩠ᨧ ᨿᨬ᩠ᨬᨲ᩠ᨳᨬ᩠ᨧ ᩈᨣ᩠ᨣᨲ᩠ᨳᨬ᩠ᨧ ᨻᩦᨩᨲ᩠ᨳᨬ᩠ᨧ ᩅᩦᨾᩴᩈᨲ᩠ᨳᨬ᩠ᨧ ᨴᩅᨲ᩠ᨳᨬ᩠ᨧ ᨶᩦᩃᨬ᩠ᨧ ᨸᩦᨲᨠᨬ᩠ᨧ ᩃᩮᩣᩉᩥᨲᨠᨬ᩠ᨧ ᩒᨴᩣᨲᨬ᩠ᨧ ᨲᨠ᩠ᨠᩅᨱ᩠ᨱᨬ᩠ᨧ ᨴᨠᩅᨱ᩠ᨱᨬ᩠ᨧ ᨲᩮᩃᩅᨱ᩠ᨱᨬ᩠ᨧ ¶ ᨡᩦᩁᩅᨱ᩠ᨱᨬ᩠ᨧ ᨴᨵᩥᩅᨱ᩠ᨱᨬ᩠ᨧ ᩈᨸ᩠ᨸᩥᩅᨱ᩠ᨱᨬ᩠ᨧ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨾᩥᩔᨠᨧᨠ᩠ᨠᩴ ᨶᩥᨭ᩠ᨮᩥᨲᩴ.

᪒᪔᪙. ᨶᩦᩃᩴ ᨾᩮᩣᨧᩮᩔᩣᨾᩦᨲᩥ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨸᩦᨲᨠᩴ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨶᩦᩃᩴ ᨾᩮᩣᨧᩮᩔᩣᨾᩦᨲᩥ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᩃᩮᩣᩉᩥᨲᨠᩴ…ᨸᩮ… ᩒᨴᩣᨲᩴ ¶ … ᨲᨠ᩠ᨠᩅᨱ᩠ᨱᩴ… ᨴᨠᩅᨱ᩠ᨱᩴ… ᨲᩮᩃᩅᨱ᩠ᨱᩴ… ᨡᩦᩁᩅᨱ᩠ᨱᩴ… ᨴᨵᩥᩅᨱ᩠ᨱᩴ… ᩈᨸ᩠ᨸᩥᩅᨱ᩠ᨱᩴ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨡᨱ᩠ᨯᨧᨠ᩠ᨠᩴ ᨶᩥᨭ᩠ᨮᩥᨲᩴ.

᪒᪕᪐. ᨸᩦᨲᨠᩴ ᨾᩮᩣᨧᩮᩔᩣᨾᩦᨲᩥ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᩃᩮᩣᩉᩥᨲᨠᩴ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩦᨲᨠᩴ ᨾᩮᩣᨧᩮᩔᩣᨾᩦᨲᩥ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᩒᨴᩣᨲᩴ…ᨸᩮ… ᨲᨠ᩠ᨠᩅᨱ᩠ᨱᩴ… ᨴᨠᩅᨱ᩠ᨱᩴ… ᨲᩮᩃᩅᨱ᩠ᨱᩴ… ᨡᩦᩁᩅᨱ᩠ᨱᩴ… ᨴᨵᩥᩅᨱ᩠ᨱᩴ… ᩈᨸ᩠ᨸᩥᩅᨱ᩠ᨱᩴ… ᨶᩦᩃᩴ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨻᨴ᩠ᨵᨧᨠ᩠ᨠᨾᩪᩃᩴ ᩈᩴᨡᩥᨲ᩠ᨲᩴ.

᪒᪕᪑. ᩈᨸ᩠ᨸᩥᩅᨱ᩠ᨱᩴ ᨾᩮᩣᨧᩮᩔᩣᨾᩦᨲᩥ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨶᩦᩃᩴ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩈᨸ᩠ᨸᩥᩅᨱ᩠ᨱᩴ ¶ ᨾᩮᩣᨧᩮᩔᩣᨾᩦᨲᩥ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨸᩦᨲᨠᩴ…ᨸᩮ… ᩃᩮᩣᩉᩥᨲᨠᩴ… ᩒᨴᩣᨲᩴ ¶ … ᨲᨠ᩠ᨠᩅᨱ᩠ᨱᩴ… ᨴᨠᩅᨱ᩠ᨱᩴ… ᨲᩮᩃᩅᨱ᩠ᨱᩴ… ᨡᩦᩁᩅᨱ᩠ᨱᩴ… ᨴᨵᩥᩅᨱ᩠ᨱᩴ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨠᩩᨧ᩠ᨨᩥᨧᨠ᩠ᨠᩴ ᨶᩥᨭ᩠ᨮᩥᨲᩴ.

᪒᪕᪒. ᨸᩦᨲᨠᩴ ¶ ᨾᩮᩣᨧᩮᩔᩣᨾᩦᨲᩥ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨶᩦᩃᩴ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩃᩮᩣᩉᩥᨲᨠᩴ…ᨸᩮ… ᩒᨴᩣᨲᩴ… ᨲᨠ᩠ᨠᩅᨱ᩠ᨱᩴ… ᨴᨠᩅᨱ᩠ᨱᩴ… ᨲᩮᩃᩅᨱ᩠ᨱᩴ… ᨡᩦᩁᩅᨱ᩠ᨱᩴ… ᨴᨵᩥᩅᨱ᩠ᨱᩴ… ᩈᨸ᩠ᨸᩥᩅᨱ᩠ᨱᩴ ᨾᩮᩣᨧᩮᩔᩣᨾᩦᨲᩥ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨶᩦᩃᩴ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩥᨭ᩠ᨮᩥᨧᨠ᩠ᨠᩔ ᨸᨮᨾᩴ ᨣᨾᨶᩴ ᨶᩥᨭ᩠ᨮᩥᨲᩴ.

᪒᪕᪓. ᩃᩮᩣᩉᩥᨲᨠᩴ ᨾᩮᩣᨧᩮᩔᩣᨾᩦᨲᩥ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨸᩦᨲᨠᩴ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩒᨴᩣᨲᩴ…ᨸᩮ… ᨲᨠ᩠ᨠᩅᨱ᩠ᨱᩴ… ᨴᨠᩅᨱ᩠ᨱᩴ… ᨲᩮᩃᩅᨱ᩠ᨱᩴ… ᨡᩦᩁᩅᨱ᩠ᨱᩴ

¶ … ᨴᨵᩥᩅᨱ᩠ᨱᩴ… ᩈᨸ᩠ᨸᩥᩅᨱ᩠ᨱᩴ… ᨶᩦᩃᩴ ᨾᩮᩣᨧᩮᩔᩣᨾᩦᨲᩥ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨸᩦᨲᨠᩴ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩥᨭ᩠ᨮᩥᨧᨠ᩠ᨠᩔ ᨴᩩᨲᩥᨿᩴ ᨣᨾᨶᩴ ᨶᩥᨭ᩠ᨮᩥᨲᩴ.

᪒᪕᪔. ᩒᨴᩣᨲᩴ ᨾᩮᩣᨧᩮᩔᩣᨾᩦᨲᩥ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᩃᩮᩣᩉᩥᨲᨠᩴ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨲᨠ᩠ᨠᩅᨱ᩠ᨱᩴ…ᨸᩮ… ᨴᨠᩅᨱ᩠ᨱᩴ… ᨲᩮᩃᩅᨱ᩠ᨱᩴ… ᨡᩦᩁᩅᨱ᩠ᨱᩴ… ᨴᨵᩥᩅᨱ᩠ᨱᩴ…

ᩈᨸ᩠ᨸᩥᩅᨱ᩠ᨱᩴ… ᨶᩦᩃᩴ ¶ … ᨸᩦᨲᨠᩴ ᨾᩮᩣᨧᩮᩔᩣᨾᩦᨲᩥ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᩃᩮᩣᩉᩥᨲᨠᩴ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩥᨭ᩠ᨮᩥᨧᨠ᩠ᨠᩔ ᨲᨲᩥᨿᩴ ᨣᨾᨶᩴ ᨶᩥᨭ᩠ᨮᩥᨲᩴ.

᪒᪕᪕. ᨲᨠ᩠ᨠᩅᨱ᩠ᨱᩴ ᨾᩮᩣᨧᩮᩔᩣᨾᩦᨲᩥ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᩒᨴᩣᨲᩴ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨴᨠᩅᨱ᩠ᨱᩴ…ᨸᩮ… ᨲᩮᩃᩅᨱ᩠ᨱᩴ… ᨡᩦᩁᩅᨱ᩠ᨱᩴ… ᨴᨵᩥᩅᨱ᩠ᨱᩴ… ᩈᨸ᩠ᨸᩥᩅᨱ᩠ᨱᩴ… ᨶᩦᩃᩴ… ᨸᩦᨲᨠᩴ… ᩃᩮᩣᩉᩥᨲᨠᩴ ᨾᩮᩣᨧᩮᩔᩣᨾᩦᨲᩥ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᩒᨴᩣᨲᩴ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩥᨭ᩠ᨮᩥᨧᨠ᩠ᨠᩔ ᨧᨲᩩᨲ᩠ᨳᩴ ᨣᨾᨶᩴ ᨶᩥᨭ᩠ᨮᩥᨲᩴ.

᪒᪕᪖. ᨴᨠᩅᨱ᩠ᨱᩴ ᨾᩮᩣᨧᩮᩔᩣᨾᩦᨲᩥ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨲᨠ᩠ᨠᩅᨱ᩠ᨱᩴ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨲᩮᩃᩅᨱ᩠ᨱᩴ ¶ …ᨸᩮ… ᨡᩦᩁᩅᨱ᩠ᨱᩴ… ᨴᨵᩥᩅᨱ᩠ᨱᩴ… ᩈᨸ᩠ᨸᩥᩅᨱ᩠ᨱᩴ… ᨶᩦᩃ…

ᨸᩦᨲᨠᩴ… ᩃᩮᩣᩉᩥᨲᨠᩴ… ᩒᨴᩣᨲᩴ ᨾᩮᩣᨧᩮᩔᩣᨾᩦᨲᩥ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨲᨠ᩠ᨠᩅᨱ᩠ᨱᩴ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩥᨭ᩠ᨮᩥᨧᨠ᩠ᨠᩔ ᨸᨬ᩠ᨧᨾᩴ ᨣᨾᨶᩴ ᨶᩥᨭ᩠ᨮᩥᨲᩴ.

᪒᪕᪗. ᨲᩮᩃᩅᨱ᩠ᨱᩴ ᨾᩮᩣᨧᩮᩔᩣᨾᩦᨲᩥ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨴᨠᩅᨱ᩠ᨱᩴ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨡᩦᩁᩅᨱ᩠ᨱᩴ…ᨸᩮ… ᨴᨵᩥᩅᨱ᩠ᨱᩴ… ᩈᨸ᩠ᨸᩥᩅᨱ᩠ᨱᩴ… ᨶᩦᩃᩴ ¶ … ᨸᩦᨲᨠᩴ… ᩃᩮᩣᩉᩥᨲᨠᩴ…

ᩒᨴᩣᨲᩴ… ᨲᨠ᩠ᨠᩅᨱ᩠ᨱᩴ ᨾᩮᩣᨧᩮᩔᩣᨾᩦᨲᩥ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨴᨠᩅᨱ᩠ᨱᩴ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩥᨭ᩠ᨮᩥᨧᨠ᩠ᨠᩔ ᨨᨭ᩠ᨮᩴ ᨣᨾᨶᩴ ᨶᩥᨭ᩠ᨮᩥᨲᩴ.

᪒᪕᪘. ᨡᩦᩁᩅᨱ᩠ᨱᩴ ¶ ᨾᩮᩣᨧᩮᩔᩣᨾᩦᨲᩥ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨲᩮᩃᩅᨱ᩠ᨱᩴ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨴᨵᩥᩅᨱ᩠ᨱᩴ…ᨸᩮ… ᩈᨸ᩠ᨸᩥᩅᨱ᩠ᨱᩴ… ᨶᩦᩃᩴ… ᨸᩦᨲᨠᩴ… ᩃᩮᩣᩉᩥᨲᨠᩴ… ᩒᨴᩣᨲᩴ… ᨲᨠ᩠ᨠᩅᨱ᩠ᨱᩴ… ᨴᨠᩅᨱ᩠ᨱᩴ ᨾᩮᩣᨧᩮᩔᩣᨾᩦᨲᩥ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨲᩮᩃᩅᨱ᩠ᨱᩴ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩥᨭ᩠ᨮᩥᨧᨠ᩠ᨠᩔ ᩈᨲ᩠ᨲᨾᩴ ᨣᨾᨶᩴ ᨶᩥᨭ᩠ᨮᩥᨲᩴ.

᪒᪕᪙. ᨴᨵᩥᩅᨱ᩠ᨱᩴ ᨾᩮᩣᨧᩮᩔᩣᨾᩦᨲᩥ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨡᩦᩁᩅᨱ᩠ᨱᩴ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩈᨸ᩠ᨸᩥᩅᨱ᩠ᨱᩴ…ᨸᩮ… ᨶᩦᩃᩴ… ᨸᩦᨲᨠᩴ… ᩃᩮᩣᩉᩥᨲᨠᩴ… ᩒᨴᩣᨲᩴ… ᨲᨠ᩠ᨠᩅᨱ᩠ᨱᩴ… ᨴᨠᩅᨱ᩠ᨱᩴ… ᨲᩮᩃᩅᨱ᩠ᨱᩴ ᨾᩮᩣᨧᩮᩔᩣᨾᩦᨲᩥ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨡᩦᩁᩅᨱ᩠ᨱᩴ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩥᨭ᩠ᨮᩥᨧᨠ᩠ᨠᩔ ᩋᨭ᩠ᨮᨾᩴ ᨣᨾᨶᩴ ᨶᩥᨭ᩠ᨮᩥᨲᩴ.

᪒᪖᪐. ᩈᨸ᩠ᨸᩥᩅᨱ᩠ᨱᩴ ᨾᩮᩣᨧᩮᩔᩣᨾᩦᨲᩥ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨴᨵᩥᩅᨱ᩠ᨱᩴ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨶᩦᩃᩴ…ᨸᩮ… ᨸᩦᨲᨠᩴ… ᩃᩮᩣᩉᩥᨲᨠᩴ… ᩒᨴᩣᨲᩴ… ᨲᨠ᩠ᨠᩅᨱ᩠ᨱᩴ… ᨴᨠᩅᨱ᩠ᨱᩴ… ᨲᩮᩃᩅᨱ᩠ᨱᩴ… ᨡᩦᩁᩅᨱ᩠ᨱᩴ ᨾᩮᩣᨧᩮᩔᩣᨾᩦᨲᩥ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨴᨵᩥᩅᨱ᩠ᨱᩴ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩥᨭ᩠ᨮᩥᨧᨠ᩠ᨠᩔ ᨶᩅᨾᩴ ᨣᨾᨶᩴ ᨶᩥᨭ᩠ᨮᩥᨲᩴ.

᪒᪖᪑. ᨶᩦᩃᩴ ¶ ᨾᩮᩣᨧᩮᩔᩣᨾᩦᨲᩥ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᩈᨸ᩠ᨸᩥᩅᨱ᩠ᨱᩴ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩦᨲᨠᩴ ¶ …ᨸᩮ… ᩃᩮᩣᩉᩥᨲᨠᩴ… ᩒᨴᩣᨲᩴ… ᨲᨠ᩠ᨠᩅᨱ᩠ᨱᩴ… ᨴᨠᩅᨱ᩠ᨱᩴ ¶ … ᨲᩮᩃᩅᨱ᩠ᨱᩴ… ᨡᩦᩁᩅᨱ᩠ᨱᩴ… ᨴᨵᩥᩅᨱ᩠ᨱᩴ ᨾᩮᩣᨧᩮᩔᩣᨾᩦᨲᩥ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᩈᨸ᩠ᨸᩥᩅᨱ᩠ᨱᩴ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩥᨭ᩠ᨮᩥᨧᨠ᩠ᨠᩔ ᨴᩈᨾᩴ ᨣᨾᨶᩴ ᨶᩥᨭ᩠ᨮᩥᨲᩴ.

ᨸᩥᨭ᩠ᨮᩥᨧᨠ᩠ᨠᩴ ᨶᩥᨭ᩠ᨮᩥᨲᩴ.

᪒᪖᪒. ᨧᩮᨲᩮᨲᩥ ¶ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨶ ᨾᩩᨧ᩠ᨧᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ.

ᨧᩮᨲᩮᨲᩥ ᨶ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩋᨶᩣᨸᨲ᩠ᨲᩥ.

ᨧᩮᨲᩮᨲᩥ ᨶ ᩏᨸᨠ᩠ᨠᨾᨲᩥ ᨶ ᨾᩩᨧ᩠ᨧᨲᩥ, ᩋᨶᩣᨸᨲ᩠ᨲᩥ.

ᨶ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩋᨶᩣᨸᨲ᩠ᨲᩥ.

ᨶ ᨧᩮᨲᩮᨲᩥ ᩏᨸᨠ᩠ᨠᨾᨲᩥ ᨶ ᨾᩩᨧ᩠ᨧᨲᩥ, ᩋᨶᩣᨸᨲ᩠ᨲᩥ.

ᨶ ᨧᩮᨲᩮᨲᩥ ᨶ ᩏᨸᨠ᩠ᨠᨾᨲᩥ ᨾᩩᨧ᩠ᨧᨲᩥ, ᩋᨶᩣᨸᨲ᩠ᨲᩥ.

ᨶ ᨧᩮᨲᩮᨲᩥ ᨶ ᩏᨸᨠ᩠ᨠᨾᨲᩥ ᨶ ᨾᩩᨧ᩠ᨧᨲᩥ, ᩋᨶᩣᨸᨲ᩠ᨲᩥ.

ᩋᨶᩣᨸᨲ᩠ᨲᩥ ᩈᩩᨸᩥᨶᨶ᩠ᨲᩮᨶ, ᨶᨾᩮᩣᨧᨶᩣᨵᩥᨸ᩠ᨸᩣᨿᩔ, ᩏᨾ᩠ᨾᨲ᩠ᨲᨠᩔ, ᨡᩥᨲ᩠ᨲᨧᩥᨲ᩠ᨲᩔ, ᩅᩮᨴᨶᩣᨭ᩠ᨭᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᩅᩥᨶᩦᨲᩅᨲ᩠ᨳᩩᩏᨴ᩠ᨴᩣᨶᨣᩣᨳᩣ

ᩈᩩᨸᩥᨶᩮᩣᨧ᩠ᨧᩣᩁᨸᩔᩣᩅᩮᩣ ¶ , ᩅᩥᨲᨠ᩠ᨠᩩᨱ᩠ᩉᩮᩣᨴᨠᩮᨶ ᨧ;

ᨽᩮᩈᨩ᩠ᨩᩴ ᨠᨱ᩠ᨯᩩᩅᩴ ᨾᨣ᩠ᨣᩮᩣ, ᩅᨲ᩠ᨳᩥ ᨩᨶ᩠ᨲᩣᨥᩁᩩᨸᨠ᩠ᨠᨾᩮᩣ [ᨩᨶ᩠ᨲᨣ᩠ᨣᩩᨸᨠ᩠ᨠᨾᩮᩣ (ᩈᩦ.), ᨩᨶ᩠ᨲᩣᨥᩁᩴ ᩐᩁᩩ (ᩈ᩠ᨿᩣ.)].

ᩈᩣᨾᨱᩮᩁᩮᩣ ᨧ ᩈᩩᨲ᩠ᨲᩮᩣ ᨧ, ᩐᩁᩩ ᨾᩩᨭ᩠ᨮᩥᨶᩣ ᨸᩦᩊᨿᩥ;

ᩌᨠᩣᩈᩮ ᨳᨾ᩠ᨽᩴ ᨶᩥᨩ᩠ᨫᩣᨿᩥ, ᨨᩥᨴ᩠ᨴᩴ ᨠᨭ᩠ᨮᩮᨶ ᨥᨭ᩠ᨭᨿᩥ.

ᩈᩮᩣᨲᩮᩣ ¶ ᩏᨴᨬ᩠ᨩᩃᩴ ᨵᩣᩅᩴ, ᨸᩩᨸ᩠ᨹᩣᩅᩃᩥᨿᩴ ᨸᩮᩣᨠ᩠ᨡᩁᩴ;

ᩅᩣᩃᩥᨠᩣ ᨠᨴ᩠ᨴᨾᩩᩔᩮᨠᩮᩣ [ᨠᨴ᩠ᨴᨾᩮᩣᩈᩮᨠᩮᩣ (?)], ᩈᨿᨶᨦ᩠ᨣᩩᨭ᩠ᨮᨠᩮᨶ ᨧᩣᨲᩥ.

ᩅᩥᨶᩦᨲᩅᨲ᩠ᨳᩩ

᪒᪖᪓. ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᩈᩩᨸᩥᨶᨶ᩠ᨲᩮᨶ ᩋᩈᩩᨧᩥ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ – ‘‘ᨽᨣᩅᨲᩣ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ, ᨠᨧ᩠ᨧᩥ ᨶᩩ ᨡᩮᩣ ᩋᩉᩴ ᩈᨦ᩠ᨥᩣᨴᩥᩈᩮᩈᩴ ᩌᨸᨲ᩠ᨲᩥᩴ ᩌᨸᨶ᩠ᨶᩮᩣ’’ᨲᩥ? ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᩩᨸᩥᨶᨶ᩠ᨲᩮᨶᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᩏᨧ᩠ᨧᩣᩁᩴ ᨠᩁᩮᩣᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᨠᩥᩴᨧᩥᨲ᩠ᨲᩮᩣ ᨲ᩠ᩅᩴ, ᨽᩥᨠ᩠ᨡᩪ’’ᨲᩥ? ‘‘ᨶᩣᩉᩴ, ᨽᨣᩅᩣ, ᨾᩮᩣᨧᨶᩣᨵᩥᨸ᩠ᨸᩣᨿᩮᩣ’’ᨲᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨶᨾᩮᩣᨧᨶᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨸᩔᩣᩅᩴ ᨠᩁᩮᩣᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨶᨾᩮᩣᨧᨶᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨠᩣᨾᩅᩥᨲᨠ᩠ᨠᩴ ᩅᩥᨲᨠ᩠ᨠᩮᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩅᩥᨲᨠ᩠ᨠᩮᨶ᩠ᨲᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᩏᨱ᩠ᩉᩮᩣᨴᨠᩮᨶ ᨶ᩠ᩉᩣᨿᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ. ᨲᩔ ¶ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᨠᩥᩴᨧᩥᨲ᩠ᨲᩮᩣ ¶ ᨲ᩠ᩅᩴ, ᨽᩥᨠ᩠ᨡᩪ’’ᨲᩥ? ‘‘ᨶᩣᩉᩴ, ᨽᨣᩅᩣ, ᨾᩮᩣᨧᨶᩣᨵᩥᨸ᩠ᨸᩣᨿᩮᩣ’’ᨲᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨶᨾᩮᩣᨧᨶᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨾᩮᩣᨧᨶᩣᨵᩥᨸ᩠ᨸᩣᨿᩔ ᩏᨱ᩠ᩉᩮᩣᨴᨠᩮᨶ ᨶ᩠ᩉᩣᨿᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ¶ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᩈᨦ᩠ᨥᩣᨴᩥᩈᩮᩈ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨾᩮᩣᨧᨶᩣᨵᩥᨸ᩠ᨸᩣᨿᩔ ᩏᨱ᩠ᩉᩮᩣᨴᨠᩮᨶ ᨶ᩠ᩉᩣᨿᨶ᩠ᨲᩔ ᩋᩈᩩᨧᩥ ᨶ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᩋᨦ᩠ᨣᨩᩣᨲᩮ ᩅᨱᩮᩣ ᩉᩮᩣᨲᩥ. ᨽᩮᩈᨩ᩠ᨩᩮᨶ [ᨲᩔ ᨽᩮᩈᨩ᩠ᨩᩮᨶ (?)] ᩌᩃᩥᨾ᩠ᨸᩮᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨶᨾᩮᩣᨧᨶᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᩋᨦ᩠ᨣᨩᩣᨲᩮ ᩅᨱᩮᩣ ᩉᩮᩣᨲᩥ. ᨾᩮᩣᨧᨶᩣᨵᩥᨸ᩠ᨸᩣᨿᩔ [ᨲᩔ ᨾᩮᩣᨧᨶᩣᨾᩥᨸ᩠ᨸᩣᨿᩔ (ᩈ᩠ᨿᩣ.)] ᨽᩮᩈᨩ᩠ᨩᩮᨶ ᩌᩃᩥᨾ᩠ᨸᩮᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ…ᨸᩮ… ᩋᩈᩩᨧᩥ ᨶ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᩋᨱ᩠ᨯᩴ ᨠᨱ᩠ᨯᩩᩅᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ ¶ , ᨽᩥᨠ᩠ᨡᩩ, ᨶᨾᩮᩣᨧᨶᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨾᩮᩣᨧᨶᩣᨵᩥᨸ᩠ᨸᩣᨿᩔ ᩋᨱ᩠ᨯᩴ ᨠᨱ᩠ᨯᩩᩅᨶ᩠ᨲᩔ [ᨠᨱ᩠ᨯᩪᩅᨶ᩠ᨲᩔ (ᩈᩦ.)] ᩋᩈᩩᨧᩥ ᨾᩩᨧ᩠ᨧᩥ…ᨸᩮ… ᩋᩈᩩᨧᩥ ᨶ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

᪒᪖᪔. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨾᨣ᩠ᨣᩴ ᨣᨧ᩠ᨨᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨶᨾᩮᩣᨧᨶᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨾᩮᩣᨧᨶᩣᨵᩥᨸ᩠ᨸᩣᨿᩔ ᨾᨣ᩠ᨣᩴ ᨣᨧ᩠ᨨᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ…ᨸᩮ… ᩋᩈᩩᨧᩥ ᨶ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᩅᨲ᩠ᨳᩥᩴ ᨣᩉᩮᨲ᩠ᩅᩣ ᨸᩔᩣᩅᩴ ᨠᩁᩮᩣᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨶᨾᩮᩣᨧᨶᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨾᩮᩣᨧᨶᩣᨵᩥᨸ᩠ᨸᩣᨿᩔ ᩅᨲ᩠ᨳᩥᩴ ᨣᩉᩮᨲ᩠ᩅᩣ ᨸᩔᩣᩅᩴ ᨠᩁᩮᩣᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ…ᨸᩮ… ᩋᩈᩩᨧᩥ ᨶ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨩᨶ᩠ᨲᩣᨥᩁᩮ ᩏᨴᩁᩅᨭ᩠ᨭᩥᩴ ᨲᩣᨸᩮᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨶᨾᩮᩣᨧᨶᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ¶ ᨡᩮᩣ ᨸᨶ ¶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨾᩮᩣᨧᨶᩣᨵᩥᨸ᩠ᨸᩣᨿᩔ ᨩᨶ᩠ᨲᩣᨥᩁᩮ ᩏᨴᩁᩅᨭ᩠ᨭᩥᩴ ᨲᩣᨸᩮᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ…ᨸᩮ… ᩋᩈᩩᨧᩥ ᨶ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨩᨶ᩠ᨲᩣᨥᩁᩮ ᩏᨸᨩ᩠ᨫᩣᨿᩔ ᨸᩥᨭ᩠ᨮᩥᨸᩁᩥᨠᨾ᩠ᨾᩴ ᨠᩁᩮᩣᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨶᨾᩮᩣᨧᨶᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨾᩮᩣᨧᨶᩣᨵᩥᨸ᩠ᨸᩣᨿᩔ ᨩᨶ᩠ᨲᩣᨥᩁᩮ ᩏᨸᨩ᩠ᨫᩣᨿᩔ ᨸᩥᨭ᩠ᨮᩥᨸᩁᩥᨠᨾ᩠ᨾᩴ ᨠᩁᩮᩣᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ…ᨸᩮ… ᩋᩈᩩᨧᩥ ᨶ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

᪒᪖᪕. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᩐᩁᩩᩴ ᨥᨭ᩠ᨭᩣᨸᩮᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨶᨾᩮᩣᨧᨶᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨾᩮᩣᨧᨶᩣᨵᩥᨸ᩠ᨸᩣᨿᩔ ᩐᩁᩩᩴ ᨥᨭ᩠ᨭᩣᨸᩮᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ…ᨸᩮ… ᩋᩈᩩᨧᩥ ᨶ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨾᩮᩣᨧᨶᩣᨵᩥᨸ᩠ᨸᩣᨿᩮᩣ ᩋᨬ᩠ᨬᨲᩁᩴ ᩈᩣᨾᨱᩮᩁᩴ ᩑᨲᨴᩅᩮᩣᨧ – ‘‘ᩑᩉᩥ ᨾᩮ ᨲ᩠ᩅᩴ, ᩌᩅᩩᩈᩮᩣ ᩈᩣᨾᨱᩮᩁ, ᩋᨦ᩠ᨣᨩᩣᨲᩴ ᨣᨱ᩠ᩉᩣᩉᩦ’’ᨲᩥ. ᩈᩮᩣ ᨲᩔ ᩋᨦ᩠ᨣᨩᩣᨲᩴ ᩋᨣ᩠ᨣᩉᩮᩈᩥ. ᨲᩔᩮᩅ ᩋᩈᩩᨧᩥ ¶ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᩈᨦ᩠ᨥᩣᨴᩥᩈᩮᩈ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᩩᨲ᩠ᨲᩔ ᩈᩣᨾᨱᩮᩁᩔ ᩋᨦ᩠ᨣᨩᩣᨲᩴ ᩋᨣ᩠ᨣᩉᩮᩈᩥ. ᨲᩔᩮᩅ ᩋᩈᩩᨧᩥ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ ¶ …ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

᪒᪖᪖. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨾᩮᩣᨧᨶᩣᨵᩥᨸ᩠ᨸᩣᨿᩔ ᩐᩁᩪᩉᩥ ᩋᨦ᩠ᨣᨩᩣᨲᩴ ᨸᩦᩊᩮᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ…ᨸᩮ… ᩋᩈᩩᨧᩥ ᨶ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨾᩮᩣᨧᨶᩣᨵᩥᨸ᩠ᨸᩣᨿᩔ ᨾᩩᨭ᩠ᨮᩥᨶᩣ ᩋᨦ᩠ᨣᨩᩣᨲᩴ ᨸᩦᩊᩮᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ…ᨸᩮ… ᩋᩈᩩᨧᩥ ᨶ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨾᩮᩣᨧᨶᩣᨵᩥᨸ᩠ᨸᩣᨿᩔ ᩌᨠᩣᩈᩮ ᨠᨭᩥᩴ ᨠᨾ᩠ᨸᩮᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ…ᨸᩮ… ᩋᩈᩩᨧᩥ ᨶ ¶ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨠᩣᨿᩴ ᨳᨾ᩠ᨽᩮᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨶᨾᩮᩣᨧᨶᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨾᩮᩣᨧᨶᩣᨵᩥᨸ᩠ᨸᩣᨿᩔ ᨠᩣᨿᩴ ᨳᨾ᩠ᨽᩮᨶ᩠ᨲᩔ ᩋᩈᩩᨧᩥ ¶ ᨾᩩᨧ᩠ᨧᩥ…ᨸᩮ… ᩋᩈᩩᨧᩥ ᨶ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᩣᩁᨲ᩠ᨲᩮᩣ ᨾᩣᨲᩩᨣᩣᨾᩔ ᩋᨦ᩠ᨣᨩᩣᨲᩴ ᩏᨸᨶᩥᨩ᩠ᨫᩣᨿᩥ. ᨲᩔ ᩋᩈᩩᨧᩥ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ. ᨶ ᨧ, ᨽᩥᨠ᩠ᨡᩅᩮ, ᩈᩣᩁᨲ᩠ᨲᩮᨶ ᨾᩣᨲᩩᨣᩣᨾᩔ ᩋᨦ᩠ᨣᨩᩣᨲᩴ ᩏᨸᨶᩥᨩ᩠ᨫᩣᨿᩥᨲᨻ᩠ᨻᩴ. ᨿᩮᩣ ᩏᨸᨶᩥᨩ᩠ᨫᩣᨿᩮᨿ᩠ᨿ, ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

᪒᪖᪗. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨾᩮᩣᨧᨶᩣᨵᩥᨸ᩠ᨸᩣᨿᩔ ᨲᩣᩊᨧ᩠ᨨᩥᨴ᩠ᨴᩴ ᩋᨦ᩠ᨣᨩᩣᨲᩴ ᨸᩅᩮᩈᩮᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ…ᨸᩮ… ᩋᩈᩩᨧᩥ ᨶ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨾᩮᩣᨧᨶᩣᨵᩥᨸ᩠ᨸᩣᨿᩔ ᨠᨭ᩠ᨮᩮᨶ ᩋᨦ᩠ᨣᨩᩣᨲᩴ ᨥᨭ᩠ᨭᩮᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ…ᨸᩮ… ᩋᩈᩩᨧᩥ ᨶ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ ¶ ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨸᨭᩥᩈᩮᩣᨲᩮ ᨶ᩠ᩉᩣᨿᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨶᨾᩮᩣᨧᨶᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨾᩮᩣᨧᨶᩣᨵᩥᨸ᩠ᨸᩣᨿᩔ ᨸᨭᩥᩈᩮᩣᨲᩮ ᨶ᩠ᩉᩣᨿᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ…ᨸᩮ… ᩋᩈᩩᨧᩥ ᨶ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᩏᨴᨬ᩠ᨩᩃᩴ ᨠᩦᩊᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨶᨾᩮᩣᨧᨶᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨾᩮᩣᨧᨶᩣᨵᩥᨸ᩠ᨸᩣᨿᩔ ᩏᨴᨬ᩠ᨩᩃᩴ ᨠᩦᩊᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ…ᨸᩮ… ᩋᩈᩩᨧᩥ ᨶ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᩏᨴᨠᩮ ᨵᩣᩅᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨶᨾᩮᩣᨧᨶᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨾᩮᩣᨧᨶᩣᨵᩥᨸ᩠ᨸᩣᨿᩔ ᩏᨴᨠᩮ ᨵᩣᩅᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ…ᨸᩮ… ᩋᩈᩩᨧᩥ ᨶ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨸᩩᨸ᩠ᨹᩣᩅᩃᩥᨿᩴ [ᨸᩩᨸ᩠ᨹᩣᩅᩊᩥᨿᩴ (ᩈ᩠ᨿᩣ. ᨠ.)] ᨠᩦᩊᨶ᩠ᨲᩔ ¶ ᩋᩈᩩᨧᩥ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨶᨾᩮᩣᨧᨶᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨾᩮᩣᨧᨶᩣᨵᩥᨸ᩠ᨸᩣᨿᩔ ᨸᩩᨸ᩠ᨹᩣᩅᩃᩥᨿᩴ ᨠᩦᩊᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ…ᨸᩮ… ᩋᩈᩩᨧᩥ ᨶ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

᪒᪖᪘. ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨸᩮᩣᨠ᩠ᨡᩁᩅᨶᩮ ᨵᩣᩅᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨶᨾᩮᩣᨧᨶᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨾᩮᩣᨧᨶᩣᨵᩥᨸ᩠ᨸᩣᨿᩔ ᨸᩮᩣᨠ᩠ᨡᩁᩅᨶᩮ ᨵᩣᩅᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ…ᨸᩮ… ᩋᩈᩩᨧᩥ ᨶ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨾᩮᩣᨧᨶᩣᨵᩥᨸ᩠ᨸᩣᨿᩔ ᩅᩣᩃᩥᨠᩴ ᩋᨦ᩠ᨣᨩᩣᨲᩴ ᨸᩅᩮᩈᩮᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ…ᨸᩮ… ᩋᩈᩩᨧᩥ ᨶ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨾᩮᩣᨧᨶᩣᨵᩥᨸ᩠ᨸᩣᨿᩔ ᨠᨴ᩠ᨴᨾᩴ ᩋᨦ᩠ᨣᨩᩣᨲᩴ ᨸᩅᩮᩈᩮᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ…ᨸᩮ… ᩋᩈᩩᨧᩥ ᨶ ᨾᩩᨧ᩠ᨧᩥ ¶ . ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᩏᨴᨠᩮᨶ ᩋᨦ᩠ᨣᨩᩣᨲᩴ ¶ ᩒᩈᩥᨬ᩠ᨧᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨶᨾᩮᩣᨧᨶᩣᨵᩥᨸ᩠ᨸᩣᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨾᩮᩣᨧᨶᩣᨵᩥᨸ᩠ᨸᩣᨿᩔ ᩏᨴᨠᩮᨶ ᩋᨦ᩠ᨣᨩᩣᨲᩴ ᩒᩈᩥᨬ᩠ᨧᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ…ᨸᩮ… ᩋᩈᩩᨧᩥ ᨶ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨾᩮᩣᨧᨶᩣᨵᩥᨸ᩠ᨸᩣᨿᩔ ᩈᨿᨶᩮ ᩋᨦ᩠ᨣᨩᩣᨲᩴ ᨥᨭ᩠ᨭᩮᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ…ᨸᩮ… ᩋᩈᩩᨧᩥ ᨶ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨾᩮᩣᨧᨶᩣᨵᩥᨸ᩠ᨸᩣᨿᩔ ᩋᨦ᩠ᨣᩩᨭ᩠ᨮᩮᨶ ᩋᨦ᩠ᨣᨩᩣᨲᩴ ᨥᨭ᩠ᨭᩮᨶ᩠ᨲᩔ ᩋᩈᩩᨧᩥ ᨾᩩᨧ᩠ᨧᩥ…ᨸᩮ… ᩋᩈᩩᨧᩥ ᨶ ᨾᩩᨧ᩠ᨧᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ ¶ – ‘‘ᨽᨣᩅᨲᩣ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ, ᨠᨧ᩠ᨧᩥ ᨶᩩ ᨡᩮᩣ ᩋᩉᩴ ᩈᨦ᩠ᨥᩣᨴᩥᩈᩮᩈᩴ ᩌᨸᨲ᩠ᨲᩥᩴ ᩌᨸᨶ᩠ᨶᩮᩣ’’ᨲᩥ? ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᩈᩩᨠ᩠ᨠᩅᩥᩔᨭ᩠ᨮᩥᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨸᨮᨾᩴ.

᪒. ᨠᩣᨿᩈᩴᩈᨣ᩠ᨣᩈᩥᨠ᩠ᨡᩣᨸᨴᩴ

᪒᪖᪙. ᨲᩮᨶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ ᨩᩮᨲᩅᨶᩮ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᨿᩈ᩠ᨾᩣ ᩏᨴᩣᨿᩦ ᩋᩁᨬ᩠ᨬᩮ ᩅᩥᩉᩁᨲᩥ. ᨲᩔᩣᨿᩈ᩠ᨾᨲᩮᩣ ᩅᩥᩉᩣᩁᩮᩣ ᩋᨽᩥᩁᩪᨸᩮᩣ ᩉᩮᩣᨲᩥ ᨴᩔᨶᩦᨿᩮᩣ ᨸᩣᩈᩣᨴᩥᨠᩮᩣ, ᨾᨩ᩠ᨫᩮᨣᨻ᩠ᨽᩮᩣ, ᩈᨾᨶ᩠ᨲᩣᨸᩁᩥᨿᩣᨣᩣᩁᩮᩣ, ᩈᩩᨸᨬ᩠ᨬᨲ᩠ᨲᩴ ᨾᨬ᩠ᨧᨸᩦᨮᩴ ᨽᩥᩈᩥᨻᩥᨾ᩠ᨻᩮᩣᩉᨶᩴ, ᨸᩣᨶᩦᨿᩴ ᨸᩁᩥᨽᩮᩣᨩᨶᩦᨿᩴ ᩈᩩᨸᨭ᩠ᨮᩥᨲᩴ, ᨸᩁᩥᩅᩮᨱᩴ ᩈᩩᩈᨾ᩠ᨾᨭ᩠ᨮᩴ. ᨻᩉᩪ ᨾᨶᩩᩔᩣ ᩌᨿᩈ᩠ᨾᨲᩮᩣ ᩏᨴᩣᨿᩥᩔ ᩅᩥᩉᩣᩁᨸᩮᨠ᩠ᨡᨠᩣ ᩌᨣᨧ᩠ᨨᨶ᩠ᨲᩥ. ᩋᨬ᩠ᨬᨲᩁᩮᩣᨸᩥ ᨻᩕᩣᩉ᩠ᨾᨱᩮᩣ ᩈᨸᨩᩣᨸᨲᩥᨠᩮᩣ ᨿᩮᨶᩣᨿᩈ᩠ᨾᩣ ᩏᨴᩣᨿᩦ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᩏᨴᩣᨿᩥᩴ ᩑᨲᨴᩅᩮᩣᨧ – ‘‘ᩍᨧ᩠ᨨᩣᨾ ᨾᨿᩴ ᨽᩮᩣᨲᩮᩣ ᩏᨴᩣᨿᩥᩔ ¶ ᩅᩥᩉᩣᩁᩴ ᨸᩮᨠ᩠ᨡᩥᨲᩩ’’ᨶ᩠ᨲᩥ. ‘‘ᨲᩮᨶ ᩉᩥ, ᨻᩕᩣᩉ᩠ᨾᨱ, ᨸᩮᨠ᩠ᨡᩔᩪ’’ᨲᩥ, ᩋᩅᩣᨸᩩᩁᨱᩴ [ᩋᨸᩣᨸᩩᩁᨱᩴ (ᩈ᩠ᨿᩣ.)] ᩌᨴᩣᨿ ᨥᨭᩥᨠᩴ ᩏᨣ᩠ᨥᩣᨭᩮᨲ᩠ᩅᩣ ᨠᩅᩣᨭᩴ ᨸᨱᩣᨾᩮᨲ᩠ᩅᩣ ᩅᩥᩉᩣᩁᩴ ᨸᩣᩅᩥᩈᩥ. ᩈᩮᩣᨸᩥ ᨡᩮᩣ ᨻᩕᩣᩉ᩠ᨾᨱᩮᩣ ᩌᨿᩈ᩠ᨾᨲᩮᩣ ᩏᨴᩣᨿᩥᩔ ᨸᩥᨭ᩠ᨮᩥᨲᩮᩣ ᨸᩣᩅᩥᩈᩥ. ᩈᩣᨸᩥ ᨡᩮᩣ ᨻᩕᩣᩉ᩠ᨾᨱᩦ ᨲᩔ ᨻᩕᩣᩉ᩠ᨾᨱᩔ ᨸᩥᨭ᩠ᨮᩥᨲᩮᩣ ᨸᩣᩅᩥᩈᩥ. ᩋᨳ ᨡᩮᩣ ᩌᨿᩈ᩠ᨾᩣ ᩏᨴᩣᨿᩦ ᩑᨠᨧ᩠ᨧᩮ ᩅᩣᨲᨸᩣᨶᩮ ᩅᩥᩅᩁᨶ᩠ᨲᩮᩣ ᩑᨠᨧ᩠ᨧᩮ ᩅᩣᨲᨸᩣᨶᩮ ᨳᨠᩮᨶ᩠ᨲᩮᩣ ᨣᨻ᩠ᨽᩴ ᩋᨶᩩᨸᩁᩥᨣᨶ᩠ᨲ᩠ᩅᩣ ᨸᩥᨭ᩠ᨮᩥᨲᩮᩣ ᩌᨣᨶ᩠ᨲ᩠ᩅᩣ ᨲᩔᩣ ᨻᩕᩣᩉ᩠ᨾᨱᩥᨿᩣ ᩋᨦ᩠ᨣᨾᨦ᩠ᨣᩣᨶᩥ ᨸᩁᩣᨾᩈᩥ. ᩋᨳ ᨡᩮᩣ ᩈᩮᩣ ᨻᩕᩣᩉ᩠ᨾᨱᩮᩣ ᩌᨿᩈ᩠ᨾᨲᩣ ᩏᨴᩣᨿᩥᨶᩣ ᩈᨴ᩠ᨵᩥᩴ ᨸᨭᩥᩈᨾ᩠ᨾᩮᩣᨴᩥᨲ᩠ᩅᩣ ᩋᨣᨾᩣᩈᩥ. ᩋᨳ ᨡᩮᩣ ᩈᩮᩣ ᨻᩕᩣᩉ᩠ᨾᨱᩮᩣ ᩋᨲ᩠ᨲᨾᨶᩮᩣ ᩋᨲ᩠ᨲᨾᨶᩅᩣᨧᩴ ᨶᩥᨧ᩠ᨨᩣᩁᩮᩈᩥ – ‘‘ᩏᩊᩣᩁᩣ ᩍᨾᩮ ᩈᨾᨱᩣ ᩈᨠ᩠ᨿᨸᩩᨲ᩠ᨲᩥᨿᩣ ᨿᩮ ᩍᨾᩮ ¶ ᩑᩅᩁᩪᨸᩮ ᩋᩁᨬ᩠ᨬᩮ ᩅᩥᩉᩁᨶ᩠ᨲᩥ. ᨽᩅᨾ᩠ᨸᩥ ᩏᨴᩣᨿᩦ ᩏᩊᩣᩁᩮᩣ ᨿᩮᩣ ᩑᩅᩁᩪᨸᩮ ᩋᩁᨬ᩠ᨬᩮ ᩅᩥᩉᩁᨲᩦ’’ᨲᩥ.

ᩑᩅᩴ ᩅᩩᨲ᩠ᨲᩮ ᩈᩣ ᨻᩕᩣᩉ᩠ᨾᨱᩦ ᨲᩴ ᨻᩕᩣᩉ᩠ᨾᨱᩴ ᩑᨲᨴᩅᩮᩣᨧ ¶ – ‘‘ᨠᩩᨲᩮᩣ ᨲᩔ ᩏᩊᩣᩁᨲ᩠ᨲᨲᩣ! ᨿᨳᩮᩅ ᨾᩮ ᨲ᩠ᩅᩴ ᩋᨦ᩠ᨣᨾᨦ᩠ᨣᩣᨶᩥ ᨸᩁᩣᨾᩈᩥ ᩑᩅᨾᩮᩅ ᨾᩮ ᩈᨾᨱᩮᩣ ᩏᨴᩣᨿᩦ ᩋᨦ᩠ᨣᨾᨦ᩠ᨣᩣᨶᩥ ᨸᩁᩣᨾᩈᩦ’’ᨲᩥ. ᩋᨳ ᨡᩮᩣ ᩈᩮᩣ ᨻᩕᩣᩉ᩠ᨾᨱᩮᩣ ᩏᨩ᩠ᨫᩣᨿᨲᩥ ᨡᩥᨿ᩠ᨿᨲᩥ ᩅᩥᨸᩣᨧᩮᨲᩥ – ‘‘ᩋᩃᨩ᩠ᨩᩥᨶᩮᩣ ᩍᨾᩮ ᩈᨾᨱᩣ ᩈᨠ᩠ᨿᨸᩩᨲ᩠ᨲᩥᨿᩣ ᨴᩩᩔᩦᩃᩣ ᨾᩩᩈᩣᩅᩣᨴᩥᨶᩮᩣ. ᩍᨾᩮ ᩉᩥ ᨶᩣᨾ ᨵᨾ᩠ᨾᨧᩣᩁᩥᨶᩮᩣ ᩈᨾᨧᩣᩁᩥᨶᩮᩣ ᨻᩕᩉ᩠ᨾᨧᩣᩁᩥᨶᩮᩣ ᩈᨧ᩠ᨧᩅᩣᨴᩥᨶᩮᩣ ¶ ᩈᩦᩃᩅᨶ᩠ᨲᩮᩣ ᨠᩃ᩠ᨿᩣᨱᨵᨾ᩠ᨾᩣ ᨸᨭᩥᨩᩣᨶᩥᩔᨶ᩠ᨲᩥ! ᨶᨲ᩠ᨳᩥ ᩍᨾᩮᩈᩴ ᩈᩣᨾᨬ᩠ᨬᩴ ᨶᨲ᩠ᨳᩥ ᩍᨾᩮᩈᩴ ᨻᩕᩉ᩠ᨾᨬ᩠ᨬᩴ, ᨶᨭ᩠ᨮᩴ ᩍᨾᩮᩈᩴ ᩈᩣᨾᨬ᩠ᨬᩴ ᨶᨭ᩠ᨮᩴ ᩍᨾᩮᩈᩴ ᨻᩕᩉ᩠ᨾᨬ᩠ᨬᩴ, ᨠᩩᨲᩮᩣ ᩍᨾᩮᩈᩴ ᩈᩣᨾᨬ᩠ᨬᩴ ᨠᩩᨲᩮᩣ ᩍᨾᩮᩈᩴ ᨻᩕᩉ᩠ᨾᨬ᩠ᨬᩴ, ᩋᨸᨣᨲᩣ ᩍᨾᩮ ᩈᩣᨾᨬ᩠ᨬᩣ ᩋᨸᨣᨲᩣ ᩍᨾᩮ ᨻᩕᩉ᩠ᨾᨬ᩠ᨬᩣ. ᨠᨳᨬ᩠ᩉᩥ ᨶᩣᨾ ᩈᨾᨱᩮᩣ ᩏᨴᩣᨿᩦ ᨾᨾ ᨽᩁᩥᨿᩣᨿ ᩋᨦ᩠ᨣᨾᨦ᩠ᨣᩣᨶᩥ ᨸᩁᩣᨾᩈᩥᩔᨲᩥ! ᨶ ᩉᩥ ᩈᨠ᩠ᨠᩣ ᨠᩩᩃᩥᨲ᩠ᨳᩦᩉᩥ ᨠᩩᩃᨵᩦᨲᩣᩉᩥ ᨠᩩᩃᨠᩩᨾᩣᩁᩦᩉᩥ ᨠᩩᩃᩈᩩᨱ᩠ᩉᩣᩉᩥ ᨠᩩᩃᨴᩣᩈᩦᩉᩥ ᩌᩁᩣᨾᩴ ᩅᩣ ᩅᩥᩉᩣᩁᩴ ᩅᩣ ᨣᨶ᩠ᨲᩩᩴ. ᩈᨧᩮ [ᩈᨧᩮ ᩉᩥ (ᩈ᩠ᨿᩣ.)] ᨠᩩᩃᩥᨲ᩠ᨳᩥᨿᩮᩣ ᨠᩩᩃᨵᩦᨲᩁᩮᩣ [ᨠᩩᩃᨵᩦᨲᩣᨿᩮᩣ (ᩈᩦ. ᩈ᩠ᨿᩣ.)] ᨠᩩᩃᨠᩩᨾᩣᩁᩥᨿᩮᩣ ᨠᩩᩃᩈᩩᨱ᩠ᩉᩣᨿᩮᩣ ᨠᩩᩃᨴᩣᩈᩥᨿᩮᩣ ᩌᩁᩣᨾᩴ ᩅᩣ ᩅᩥᩉᩣᩁᩴ ᩅᩣ ᨣᨧ᩠ᨨᩮᨿ᩠ᨿᩩᩴ, ᨲᩣᨸᩥ ᩈᨾᨱᩣ ᩈᨠ᩠ᨿᨸᩩᨲ᩠ᨲᩥᨿᩣ ᨴᩪᩈᩮᨿ᩠ᨿᩩ’’ᨶ᩠ᨲᩥ!

ᩋᩔᩮᩣᩈᩩᩴ ᨡᩮᩣ ᨽᩥᨠ᩠ᨡᩩ ᨲᩔ ᨻᩕᩣᩉ᩠ᨾᨱᩔ ᩏᨩ᩠ᨫᩣᨿᨶ᩠ᨲᩔ ᨡᩥᨿ᩠ᨿᨶ᩠ᨲᩔ ᩅᩥᨸᩣᨧᩮᨶ᩠ᨲᩔ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩌᨿᩈ᩠ᨾᩣ ᩏᨴᩣᨿᩦ ᨾᩣᨲᩩᨣᩣᨾᩮᨶ ᩈᨴ᩠ᨵᩥᩴ ᨠᩣᨿᩈᩴᩈᨣ᩠ᨣᩴ ᩈᨾᩣᨸᨩ᩠ᨩᩥᩔᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᩌᨿᩈ᩠ᨾᨶ᩠ᨲᩴ ᩏᨴᩣᨿᩥᩴ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ᩋᨳ ᨡᩮᩣ ᨽᨣᩅᩣ ᩑᨲᩈ᩠ᨾᩥᩴ ᨶᩥᨴᩣᨶᩮ ᩑᨲᩈ᩠ᨾᩥᩴ ¶ ᨸᨠᩁᨱᩮ ᨽᩥᨠ᩠ᨡᩩᩈᨦ᩠ᨥᩴ ᩈᨶ᩠ᨶᩥᨸᩣᨲᩣᨸᩮᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᩏᨴᩣᨿᩥᩴ ᨸᨭᩥᨸᩩᨧ᩠ᨨᩥ – ‘‘ᩈᨧ᩠ᨧᩴ ᨠᩥᩁ ᨲ᩠ᩅᩴ, ᩏᨴᩣᨿᩥ, ᨾᩣᨲᩩᨣᩣᨾᩮᨶ ᩈᨴ᩠ᨵᩥᩴ ᨠᩣᨿᩈᩴᩈᨣ᩠ᨣᩴ ᩈᨾᩣᨸᨩ᩠ᨩᩈᩦ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ – ‘‘ᩋᨶᨶᩩᨧ᩠ᨨᩅᩥᨠᩴ, ᨾᩮᩣᨥᨸᩩᩁᩥᩈ, ᩋᨶᨶᩩᩃᩮᩣᨾᩥᨠᩴ ᩋᨸ᩠ᨸᨲᩥᩁᩪᨸᩴ ᩋᩔᩣᨾᨱᨠᩴ ᩋᨠᨸ᩠ᨸᩥᨿᩴ ᩋᨠᩁᨱᩦᨿᩴ. ᨠᨳᨬ᩠ᩉᩥ ᨶᩣᨾ ᨲ᩠ᩅᩴ, ᨾᩮᩣᨥᨸᩩᩁᩥᩈ, ᨾᩣᨲᩩᨣᩣᨾᩮᨶ ᩈᨴ᩠ᨵᩥᩴ ¶ ᨠᩣᨿᩈᩴᩈᨣ᩠ᨣᩴ ᩈᨾᩣᨸᨩ᩠ᨩᩥᩔᩈᩥ! ᨶᨶᩩ ᨾᨿᩣ, ᨾᩮᩣᨥᨸᩩᩁᩥᩈ, ᩋᨶᩮᨠᨸᩁᩥᨿᩣᨿᩮᨶ ᩅᩥᩁᩣᨣᩣᨿ ᨵᨾ᩠ᨾᩮᩣ ᨴᩮᩈᩥᨲᩮᩣ ᨶᩮᩣ ᩈᩁᩣᨣᩣᨿ…ᨸᩮ… ᨠᩣᨾᨸᩁᩥᩊᩣᩉᩣᨶᩴ ᩅᩪᨸᩈᨾᩮᩣ ᩋᨠ᩠ᨡᩣᨲᩮᩣ. ᨶᩮᨲᩴ, ᨾᩮᩣᨥᨸᩩᩁᩥᩈ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪒᪗᪐. ‘‘ᨿᩮᩣ ᨸᨶ ᨽᩥᨠ᩠ᨡᩩ ᩒᨲᩥᨱ᩠ᨱᩮᩣ ᩅᩥᨸᩁᩥᨱᨲᩮᨶ ᨧᩥᨲ᩠ᨲᩮᨶ ᨾᩣᨲᩩᨣᩣᨾᩮᨶ ᩈᨴ᩠ᨵᩥᩴ ᨠᩣᨿᩈᩴᩈᨣ᩠ᨣᩴ ᩈᨾᩣᨸᨩ᩠ᨩᩮᨿ᩠ᨿ ᩉᨲ᩠ᨳᨣ᩠ᨣᩣᩉᩴ ᩅᩣ ᩅᩮᨱᩥᨣ᩠ᨣᩣᩉᩴ ᩅᩣ ᩋᨬ᩠ᨬᨲᩁᩔ ᩅᩣ ᩋᨬ᩠ᨬᨲᩁᩔ ᩅᩣ ᩋᨦ᩠ᨣᩔ ᨸᩁᩣᨾᩈᨶᩴ, ᩈᨦ᩠ᨥᩣᨴᩥᩈᩮᩈᩮᩣ’’ᨲᩥ.

᪒᪗᪑. ᨿᩮᩣ ᨸᨶᩣᨲᩥ ᨿᩮᩣ ᨿᩣᨴᩥᩈᩮᩣ…ᨸᩮ… ᨽᩥᨠ᩠ᨡᩪᨲᩥ…ᨸᩮ… ᩋᨿᩴ ᩍᨾᩈ᩠ᨾᩥᩴ ᩋᨲ᩠ᨳᩮ ᩋᨵᩥᨸ᩠ᨸᩮᨲᩮᩣ ᨽᩥᨠ᩠ᨡᩪᨲᩥ.

ᩒᨲᩥᨱ᩠ᨱᩮᩣ ¶ ¶ ᨶᩣᨾ ᩈᩣᩁᨲ᩠ᨲᩮᩣ ᩋᨸᩮᨠ᩠ᨡᩅᩣ ᨸᨭᩥᨻᨴ᩠ᨵᨧᩥᨲ᩠ᨲᩮᩣ.

ᩅᩥᨸᩁᩥᨱᨲᨶ᩠ᨲᩥ ᩁᨲ᩠ᨲᨾ᩠ᨸᩥ ᨧᩥᨲ᩠ᨲᩴ ᩅᩥᨸᩁᩥᨱᨲᩴ. ᨴᩩᨭ᩠ᨮᨾ᩠ᨸᩥ ᨧᩥᨲ᩠ᨲᩴ ᩅᩥᨸᩁᩥᨱᨲᩴ. ᨾᩪᩊ᩠ᩉᨾ᩠ᨸᩥ ᨧᩥᨲ᩠ᨲᩴ ᩅᩥᨸᩁᩥᨱᨲᩴ. ᩋᨸᩥᨧ, ᩁᨲ᩠ᨲᩴ ᨧᩥᨲ᩠ᨲᩴ ᩍᨾᩈ᩠ᨾᩥᩴ ᩋᨲ᩠ᨳᩮ ᩋᨵᩥᨸ᩠ᨸᩮᨲᩴ ᩅᩥᨸᩁᩥᨱᨲᨶ᩠ᨲᩥ.

ᨾᩣᨲᩩᨣᩣᨾᩮᩣ ᨶᩣᨾ ᨾᨶᩩᩔᩥᨲ᩠ᨳᩦ, ᨶ ᨿᨠ᩠ᨡᩦ ᨶ ᨸᩮᨲᩦ, ᨶ ᨲᩥᩁᨧ᩠ᨨᩣᨶᨣᨲᩣ. ᩋᨶ᩠ᨲᨾᩈᩮᩣ ᨲᨴᩉᩩᨩᩣᨲᩣᨸᩥ ᨴᩣᩁᩥᨠᩣ, ᨸᨣᩮᩅ ᨾᩉᨲ᩠ᨲᩁᩦ.

ᩈᨴ᩠ᨵᩥᨶ᩠ᨲᩥ ᩑᨠᨲᩮᩣ.

ᨠᩣᨿᩈᩴᩈᨣ᩠ᨣᩴ ¶ ᩈᨾᩣᨸᨩ᩠ᨩᩮᨿ᩠ᨿᩣᨲᩥ ᩋᨩ᩠ᨫᩣᨧᩣᩁᩮᩣ ᩅᩩᨧ᩠ᨧᨲᩥ.

ᩉᨲ᩠ᨳᩮᩣ ᨶᩣᨾ ᨠᨸ᩠ᨸᩁᩴ ᩏᨸᩣᨴᩣᨿᩴ ᨿᩣᩅ ᩋᨣ᩠ᨣᨶᨡᩣ.

ᩅᩮᨱᩦ ᨶᩣᨾ ᩈᩩᨴ᩠ᨵᨠᩮᩈᩣ ᩅᩣ, ᩈᩩᨲ᩠ᨲᨾᩥᩔᩣ ᩅᩣ, ᨾᩣᩃᩣᨾᩥᩔᩣ ᩅᩣ, ᩉᩥᩁᨬ᩠ᨬᨾᩥᩔᩣ ᩅᩣ, ᩈᩩᩅᨱ᩠ᨱᨾᩥᩔᩣ ᩅᩣ, ᨾᩩᨲ᩠ᨲᩣᨾᩥᩔᩣ ᩅᩣ, ᨾᨱᩥᨾᩥᩔᩣ ᩅᩣ.

ᩋᨦ᩠ᨣᩴ ᨶᩣᨾ ᩉᨲ᩠ᨳᨬ᩠ᨧ ᩅᩮᨱᩥᨬ᩠ᨧ ᨮᨸᩮᨲ᩠ᩅᩣ ᩋᩅᩈᩮᩈᩴ ᩋᨦ᩠ᨣᩴ ᨶᩣᨾ.

᪒᪗᪒. ᩌᨾᩈᨶᩣ ¶ , ᨸᩁᩣᨾᩈᨶᩣ, ᩒᨾᩈᨶᩣ, ᩏᨾ᩠ᨾᩈᨶᩣ, ᩒᩃᨦ᩠ᨥᨶᩣ, ᩏᩃ᩠ᩃᨦ᩠ᨥᨶᩣ, ᩌᨠᨯ᩠ᨰᨶᩣ, ᨸᨲᩥᨠᨯ᩠ᨰᨶᩣ, ᩋᨽᩥᨶᩥᨣ᩠ᨣᨱ᩠ᩉᨶᩣ, ᩋᨽᩥᨶᩥᨸ᩠ᨸᩦᩊᨶᩣ, ᨣᩉᨱᩴ, ᨨᩩᨸᨶᩴ.

ᩌᨾᩈᨶᩣ ᨶᩣᨾ ᩌᨾᨭ᩠ᨮᨾᨲ᩠ᨲᩣ.

ᨸᩁᩣᨾᩈᨶᩣ ᨶᩣᨾ ᩍᨲᩮᩣᨧᩥᨲᩮᩣ ᨧ ᩈᩴᨧᩮᩣᨸᨶᩣ.

ᩒᨾᩈᨶᩣ ᨶᩣᨾ ᩉᩮᨭ᩠ᨮᩣ ᩒᩁᩮᩣᨸᨶᩣ.

ᩏᨾ᩠ᨾᩈᨶᩣ ᨶᩣᨾ ᩏᨴ᩠ᨵᩴ ᩏᨧ᩠ᨧᩣᩁᨱᩣ.

ᩒᩃᨦ᩠ᨥᨶᩣ ᨶᩣᨾ ᩉᩮᨭ᩠ᨮᩣ ᩒᨶᨾᨶᩣ.

ᩏᩃ᩠ᩃᨦ᩠ᨥᨶᩣ ᨶᩣᨾ ᩏᨴ᩠ᨵᩴ ᩏᨧ᩠ᨧᩣᩁᨱᩣ.

ᩌᨠᨯ᩠ᨰᨶᩣ ᨶᩣᨾ ᩌᩅᩥᨬ᩠ᨨᨶᩣ [ᩌᩅᩥᨬ᩠ᨩᨶᩣ (ᩈᩦ. ᩈ᩠ᨿᩣ.)].

ᨸᨲᩥᨠᨯ᩠ᨰᨶᩣ ᨶᩣᨾ ᨸᨲᩥᨸ᩠ᨸᨱᩣᨾᨶᩣ.

ᩋᨽᩥᨶᩥᨣ᩠ᨣᨱ᩠ᩉᨶᩣ ᨶᩣᨾ ᩋᨦ᩠ᨣᩴ ᨣᩉᩮᨲ᩠ᩅᩣ ᨶᩥᨸ᩠ᨸᩦᩊᨶᩣ.

ᩋᨽᩥᨶᩥᨸ᩠ᨸᩦᩊᨶᩣ ᨶᩣᨾ ᨠᩮᨶᨧᩥ ᩈᩉ ᨶᩥᨸ᩠ᨸᩦᩊᨶᩣ.

ᨣᩉᨱᩴ ᨶᩣᨾ ᨣᩉᩥᨲᨾᨲ᩠ᨲᩴ.

ᨨᩩᨸᨶᩴ ᨶᩣᨾ ᨹᩩᨭ᩠ᨮᨾᨲ᩠ᨲᩴ.

ᩈᨦ᩠ᨥᩣᨴᩥᩈᩮᩈᩮᩣᨲᩥ…ᨸᩮ… ᨲᩮᨶᨸᩥ ᩅᩩᨧ᩠ᨧᨲᩥ ᩈᨦ᩠ᨥᩣᨴᩥᩈᩮᩈᩮᩣᨲᩥ.

᪒᪗᪓. ᩍᨲ᩠ᨳᩦ ¶ ¶ ᨧ ᩉᩮᩣᨲᩥ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ ᨽᩥᨠ᩠ᨡᩩ ᨧ. ᨶᩴ ᩍᨲ᩠ᨳᩥᨿᩣ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ ᩒᨾᩈᨲᩥ ᩏᨾ᩠ᨾᩈᨲᩥ ᩒᩃᨦ᩠ᨥᩮᨲᩥ ᩏᩃ᩠ᩃᨦ᩠ᨥᩮᨲᩥ ¶ ᩌᨠᨯ᩠ᨰᨲᩥ ᨸᨲᩥᨠᨯ᩠ᨰᨲᩥ ᩋᨽᩥᨶᩥᨣ᩠ᨣᨱ᩠ᩉᩣᨲᩥ ᩋᨽᩥᨶᩥᨸ᩠ᨸᩦᩊᩮᨲᩥ ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩍᨲ᩠ᨳᩦ ᨧ ᩉᩮᩣᨲᩥ ᩅᩮᨾᨲᩥᨠᩮᩣ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩍᨲ᩠ᨳᩥᨿᩣ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ.

ᩍᨲ᩠ᨳᩦ ᨧ ᩉᩮᩣᨲᩥ ᨸᨱ᩠ᨯᨠᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩍᨲ᩠ᨳᩥᨿᩣ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ.

ᩍᨲ᩠ᨳᩦ ᨧ ᩉᩮᩣᨲᩥ ᨸᩩᩁᩥᩈᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩍᨲ᩠ᨳᩥᨿᩣ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ.

ᩍᨲ᩠ᨳᩦ ᨧ ᩉᩮᩣᨲᩥ ᨲᩥᩁᨧ᩠ᨨᩣᨶᨣᨲᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩍᨲ᩠ᨳᩥᨿᩣ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ.

ᨸᨱ᩠ᨯᨠᩮᩣ ᨧ ᩉᩮᩣᨲᩥ ᨸᨱ᩠ᨯᨠᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᨸᨱ᩠ᨯᨠᩔ ¶ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ.

ᨸᨱ᩠ᨯᨠᩮᩣ ᨧ ᩉᩮᩣᨲᩥ ᩅᩮᨾᨲᩥᨠᩮᩣ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᨸᨱ᩠ᨯᨠᩔ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᨸᨱ᩠ᨯᨠᩮᩣ ᨧ ᩉᩮᩣᨲᩥ ᨸᩩᩁᩥᩈᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᨸᨱ᩠ᨯᨠᩔ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᨸᨱ᩠ᨯᨠᩮᩣ ᨧ ᩉᩮᩣᨲᩥ ᨲᩥᩁᨧ᩠ᨨᩣᨶᨣᨲᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᨸᨱ᩠ᨯᨠᩔ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ ¶ , ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᨸᨱ᩠ᨯᨠᩮᩣ ¶ ¶ ᨧ ᩉᩮᩣᨲᩥ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᨸᨱ᩠ᨯᨠᩔ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᨸᩩᩁᩥᩈᩮᩣ ᨧ ᩉᩮᩣᨲᩥ ᨸᩩᩁᩥᩈᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᨸᩩᩁᩥᩈᩔ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᨸᩩᩁᩥᩈᩮᩣ ᨧ ᩉᩮᩣᨲᩥ ᩅᩮᨾᨲᩥᨠᩮᩣ…ᨸᩮ… ᨸᩩᩁᩥᩈᩮᩣ ᨧ ᩉᩮᩣᨲᩥ ᨲᩥᩁᨧ᩠ᨨᩣᨶᨣᨲᩈᨬ᩠ᨬᩦ… ᨸᩩᩁᩥᩈᩮᩣ ᨧ ᩉᩮᩣᨲᩥ ᩍᨲ᩠ᨳᩥᩈᨬ᩠ᨬᩦ… ᨸᩩᩁᩥᩈᩮᩣ ᨧ ᩉᩮᩣᨲᩥ ᨸᨱ᩠ᨯᨠᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᨸᩩᩁᩥᩈᩔ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᨲᩥᩁᨧ᩠ᨨᩣᨶᨣᨲᩮᩣ ᨧ ᩉᩮᩣᨲᩥ ᨲᩥᩁᨧ᩠ᨨᩣᨶᨣᨲᩈᨬ᩠ᨬᩦ ᩈᩣᩁᨲ᩠ᨲᩮᩣ ¶ ᨧ. ᨽᩥᨠ᩠ᨡᩩ ᨧ ᨶᩴ ᨲᩥᩁᨧ᩠ᨨᩣᨶᨣᨲᩔ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᨲᩥᩁᨧ᩠ᨨᩣᨶᨣᨲᩮᩣ ᨧ ᩉᩮᩣᨲᩥ ᩅᩮᨾᨲᩥᨠᩮᩣ…ᨸᩮ… ᨲᩥᩁᨧ᩠ᨨᩣᨶᨣᨲᩮᩣ ᨧ ᩉᩮᩣᨲᩥ ᩍᨲ᩠ᨳᩥᩈᨬ᩠ᨬᩦ… ᨲᩥᩁᨧ᩠ᨨᩣᨶᨣᨲᩮᩣ ᨧ ᩉᩮᩣᨲᩥ ᨸᨱ᩠ᨯᨠᩈᨬ᩠ᨬᩦ… ᨲᩥᩁᨧ᩠ᨨᩣᨶᨣᨲᩮᩣ ᨧ ᩉᩮᩣᨲᩥ. ᨸᩩᩁᩥᩈᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᨲᩥᩁᨧ᩠ᨨᩣᨶᨣᨲᩔ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᩑᨠᨾᩪᩃᨠᩴ ᨶᩥᨭ᩠ᨮᩥᨲᩴ.

᪒᪗᪔. ᨴ᩠ᩅᩮ ᩍᨲ᩠ᨳᩥᨿᩮᩣ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᩈᨦ᩠ᨥᩣᨴᩥᩈᩮᩈᩣᨶᩴ.

ᨴ᩠ᩅᩮ ᩍᨲ᩠ᨳᩥᨿᩮᩣ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᩅᩮᨾᨲᩥᨠᩮᩣ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨳᩩᩃ᩠ᩃᨧ᩠ᨧᨿᩣᨶᩴ.

ᨴ᩠ᩅᩮ ᩍᨲ᩠ᨳᩥᨿᩮᩣ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᨸᨱ᩠ᨯᨠᩈᨬ᩠ᨬᩦ…ᨸᩮ… ᨸᩩᩁᩥᩈᩈᨬ᩠ᨬᩦ… ᨲᩥᩁᨧ᩠ᨨᩣᨶᨣᨲᩈᨬ᩠ᨬᩦ ᩈᩣᩁᨲ᩠ᨲᩮᩣ ¶ ᨧ. ᨽᩥᨠ᩠ᨡᩩ ᨧ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ¶ ᨨᩩᨸᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨳᩩᩃ᩠ᩃᨧ᩠ᨧᨿᩣᨶᩴ.

ᨴ᩠ᩅᩮ ¶ ᨸᨱ᩠ᨯᨠᩣ ᨴ᩠ᩅᩥᨶ᩠ᨶᩴ ᨸᨱ᩠ᨯᨠᩣᨶᩴ ᨸᨱ᩠ᨯᨠᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ ᨽᩥᨠ᩠ᨡᩩ ᨧ ᨶᩴ ᨴ᩠ᩅᩥᨶ᩠ᨶᩴ ᨸᨱ᩠ᨯᨠᩣᨶᩴ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨳᩩᩃ᩠ᩃᨧ᩠ᨧᨿᩣᨶᩴ.

ᨴ᩠ᩅᩮ ᨸᨱ᩠ᨯᨠᩣ ᨴ᩠ᩅᩥᨶ᩠ᨶᩴ ᨸᨱ᩠ᨯᨠᩣᨶᩴ ᩅᩮᨾᨲᩥᨠᩮᩣ…ᨸᩮ… ᨸᩩᩁᩥᩈᩈᨬ᩠ᨬᩦ… ᨲᩥᩁᨧ᩠ᨨᩣᨶᨣᨲᩈᨬ᩠ᨬᩦ… ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᨴ᩠ᩅᩥᨶ᩠ᨶᩴ ᨸᨱ᩠ᨯᨠᩣᨶᩴ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ.

ᨴ᩠ᩅᩮ ᨸᩩᩁᩥᩈᩣ ᨴ᩠ᩅᩥᨶ᩠ᨶᩴ ᨸᩩᩁᩥᩈᩣᨶᩴ ᨸᩩᩁᩥᩈᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ ᨽᩥᨠ᩠ᨡᩩ ᨧ ᨶᩴ ᨴ᩠ᩅᩥᨶ᩠ᨶᩴ ᨸᩩᩁᩥᩈᩣᨶᩴ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ.

ᨴ᩠ᩅᩮ ᨸᩩᩁᩥᩈᩣ ᨴ᩠ᩅᩥᨶ᩠ᨶᩴ ᨸᩩᩁᩥᩈᩣᨶᩴ ᩅᩮᨾᨲᩥᨠᩮᩣ…ᨸᩮ… ᨲᩥᩁᨧ᩠ᨨᩣᨶᨣᨲᩈᨬ᩠ᨬᩦ… ᩍᨲ᩠ᨳᩥᩈᨬ᩠ᨬᩦ… ᨸᨱ᩠ᨯᨠᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᨴ᩠ᩅᩥᨶ᩠ᨶᩴ ᨸᩩᩁᩥᩈᩣᨶᩴ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ.

ᨴ᩠ᩅᩮ ᨲᩥᩁᨧ᩠ᨨᩣᨶᨣᨲᩣ ᨴ᩠ᩅᩥᨶ᩠ᨶᩴ ᨲᩥᩁᨧ᩠ᨨᩣᨶᨣᨲᩣᨶᩴ ᨲᩥᩁᨧ᩠ᨨᩣᨶᨣᨲᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᨴ᩠ᩅᩥᨶ᩠ᨶᩴ ᨲᩥᩁᨧ᩠ᨨᩣᨶᨣᨲᩣᨶᩴ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ.

ᨴ᩠ᩅᩮ ᨲᩥᩁᨧ᩠ᨨᩣᨶᨣᨲᩣ ᨴ᩠ᩅᩥᨶ᩠ᨶᩴ ᨲᩥᩁᨧ᩠ᨨᩣᨶᨣᨲᩣᨶᩴ ᩅᩮᨾᨲᩥᨠᩮᩣ…ᨸᩮ… ᩍᨲ᩠ᨳᩥᩈᨬ᩠ᨬᩦ… ᨸᨱ᩠ᨯᨠᩈᨬ᩠ᨬᩦ ¶ … ᨸᩩᩁᩥᩈᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᨴ᩠ᩅᩥᨶ᩠ᨶᩴ ᨲᩥᩁᨧ᩠ᨨᩣᨶᨣᨲᩣᨶᩴ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ.

᪒᪗᪕. ᩍᨲ᩠ᨳᩦ ᨧ ᨸᨱ᩠ᨯᨠᩮᩣ ᨧ ᩏᨽᩥᨶ᩠ᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ¶ ᨧ ᨶᩴ ᩏᨽᩥᨶ᩠ᨶᩴ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ.

ᩍᨲ᩠ᨳᩦ ¶ ᨧ ᨸᨱ᩠ᨯᨠᩮᩣ ᨧ ᩏᨽᩥᨶ᩠ᨶᩴ ᩅᩮᨾᨲᩥᨠᩮᩣ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩏᨽᩥᨶ᩠ᨶᩴ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩮᨶ ᨴᩩᨠ᩠ᨠᨭᩔ.

ᩍᨲ᩠ᨳᩦ ᨧ ᨸᨱ᩠ᨯᨠᩮᩣ ᨧ ᩏᨽᩥᨶ᩠ᨶᩴ ᨸᨱ᩠ᨯᨠᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩏᨽᩥᨶ᩠ᨶᩴ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨳᩩᩃ᩠ᩃᨧ᩠ᨧᨿᩣᨶᩴ.

ᩍᨲ᩠ᨳᩦ ¶ ᨧ ᨸᨱ᩠ᨯᨠᩮᩣ ᨧ ᩏᨽᩥᨶ᩠ᨶᩴ ᨸᩩᩁᩥᩈᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩏᨽᩥᨶ᩠ᨶᩴ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩮᨶ ᨴᩩᨠ᩠ᨠᨭᩔ.

ᩍᨲ᩠ᨳᩦ ᨧ ᨸᨱ᩠ᨯᨠᩮᩣ ᨧ ᩏᨽᩥᨶ᩠ᨶᩴ ᨲᩥᩁᨧ᩠ᨨᩣᨶᨣᨲᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩏᨽᩥᨶ᩠ᨶᩴ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩮᨶ ᨴᩩᨠ᩠ᨠᨭᩔ.

ᩍᨲ᩠ᨳᩦ ᨧ ᨸᩩᩁᩥᩈᩮᩣ ᨧ ᩏᨽᩥᨶ᩠ᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩏᨽᩥᨶ᩠ᨶᩴ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ.

ᩍᨲ᩠ᨳᩦ ¶ ᨧ ᨸᩩᩁᩥᩈᩮᩣ ᨧ ᩏᨽᩥᨶ᩠ᨶᩴ ᩅᩮᨾᨲᩥᨠᩮᩣ…ᨸᩮ… ᨸᨱ᩠ᨯᨠᩈᨬ᩠ᨬᩦ… ᨸᩩᩁᩥᩈᩈᨬ᩠ᨬᩦ… ᨲᩥᩁᨧ᩠ᨨᩣᨶᨣᨲᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩏᨽᩥᨶ᩠ᨶᩴ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩮᨶ ᨴᩩᨠ᩠ᨠᨭᩔ.

ᩍᨲ᩠ᨳᩦ ᨧ ᨲᩥᩁᨧ᩠ᨨᩣᨶᨣᨲᩮᩣ ᨧ ᩏᨽᩥᨶ᩠ᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩏᨽᩥᨶ᩠ᨶᩴ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ.

ᩍᨲ᩠ᨳᩦ ᨧ ᨲᩥᩁᨧ᩠ᨨᩣᨶᨣᨲᩮᩣ ᨧ ᩏᨽᩥᨶ᩠ᨶᩴ ᩅᩮᨾᨲᩥᨠᩮᩣ…ᨸᩮ… ᨸᨱ᩠ᨯᨠᩈᨬ᩠ᨬᩦ… ᨸᩩᩁᩥᩈᩈᨬ᩠ᨬᩦ ¶ … ᨲᩥᩁᨧ᩠ᨨᩣᨶᨣᨲᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩏᨽᩥᨶ᩠ᨶᩴ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩮᨶ ᨴᩩᨠ᩠ᨠᨭᩔ.

ᨸᨱ᩠ᨯᨠᩮᩣ ¶ ᨧ ᨸᩩᩁᩥᩈᩮᩣ ᨧ ᩏᨽᩥᨶ᩠ᨶᩴ ᨸᨱ᩠ᨯᨠᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩏᨽᩥᨶ᩠ᨶᩴ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩮᨶ ᨴᩩᨠ᩠ᨠᨭᩔ.

ᨸᨱ᩠ᨯᨠᩮᩣ ᨧ ᨸᩩᩁᩥᩈᩮᩣ ᨧ ᩏᨽᩥᨶ᩠ᨶᩴ ᩅᩮᨾᨲᩥᨠᩮᩣ…ᨸᩮ… ᨸᩩᩁᩥᩈᩈᨬ᩠ᨬᩦ… ᨲᩥᩁᨧ᩠ᨨᩣᨶᨣᨲᩈᨬ᩠ᨬᩦ… ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩏᨽᩥᨶ᩠ᨶᩴ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ.

ᨸᨱ᩠ᨯᨠᩮᩣ ᨧ ᨲᩥᩁᨧ᩠ᨨᩣᨶᨣᨲᩮᩣ ᨧ ᩏᨽᩥᨶ᩠ᨶᩴ ᨸᨱ᩠ᨯᨠᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩏᨽᩥᨶ᩠ᨶᩴ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩮᨶ ᨴᩩᨠ᩠ᨠᨭᩔ.

ᨸᨱ᩠ᨯᨠᩮᩣ ¶ ᨧ ᨲᩥᩁᨧ᩠ᨨᩣᨶᨣᨲᩮᩣ ᨧ ᩏᨽᩥᨶ᩠ᨶᩴ ᩅᩮᨾᨲᩥᨠᩮᩣ…ᨸᩮ… ᨸᩩᩁᩥᩈᩈᨬ᩠ᨬᩦ… ᨲᩥᩁᨧ᩠ᨨᩣᨶᨣᨲᩈᨬ᩠ᨬᩦ… ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩏᨽᩥᨶ᩠ᨶᩴ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ¶ ᨨᩩᨸᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ.

ᨸᩩᩁᩥᩈᩮᩣ ᨧ ᨲᩥᩁᨧ᩠ᨨᩣᨶᨣᨲᩮᩣ ᨧ ᩏᨽᩥᨶ᩠ᨶᩴ ᨸᩩᩁᩥᩈᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩏᨽᩥᨶ᩠ᨶᩴ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ.

ᨸᩩᩁᩥᩈᩮᩣ ᨧ ᨲᩥᩁᨧ᩠ᨨᩣᨶᨣᨲᩮᩣ ᨧ ᩏᨽᩥᨶ᩠ᨶᩴ ᩅᩮᨾᨲᩥᨠᩮᩣ…ᨸᩮ… ᨲᩥᩁᨧ᩠ᨨᩣᨶᨣᨲᩈᨬ᩠ᨬᩦ… ᩍᨲ᩠ᨳᩥᩈᨬ᩠ᨬᩦ… ᨸᨱ᩠ᨯᨠᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩏᨽᩥᨶ᩠ᨶᩴ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ.

ᨴᩩᨾᩪᩃᨠᩴ ᨶᩥᨭ᩠ᨮᩥᨲᩴ.

᪒᪗᪖. ᩍᨲ᩠ᨳᩦ ᨧ ᩉᩮᩣᨲᩥ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩍᨲ᩠ᨳᩥᨿᩣ ᨠᩣᨿᩮᨶ ᨠᩣᨿᨸᨭᩥᨻᨴ᩠ᨵᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ…ᨸᩮ….

ᨴ᩠ᩅᩮ ᩍᨲ᩠ᨳᩥᨿᩮᩣ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᨠᩣᨿᩮᨶ ᨠᩣᨿᨸᨭᩥᨻᨴ᩠ᨵᩴ ¶ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨳᩩᩃ᩠ᩃᨧ᩠ᨧᨿᩣᨶᩴ ¶ …ᨸᩮ….

ᩍᨲ᩠ᨳᩦ ᨧ ᨸᨱ᩠ᨯᨠᩮᩣ ᨧ ᩏᨽᩥᨶ᩠ᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩏᨽᩥᨶ᩠ᨶᩴ ᨠᩣᨿᩮᨶ ᨠᩣᨿᨸᨭᩥᨻᨴ᩠ᨵᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ¶ ᨳᩩᩃ᩠ᩃᨧ᩠ᨧᨿᩮᨶ ᨴᩩᨠ᩠ᨠᨭᩔ…ᨸᩮ….

ᩍᨲ᩠ᨳᩦ ᨧ ᩉᩮᩣᨲᩥ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩍᨲ᩠ᨳᩥᨿᩣ ᨠᩣᨿᨸᨭᩥᨻᨴ᩠ᨵᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ…ᨸᩮ….

ᨴ᩠ᩅᩮ ᩍᨲ᩠ᨳᩥᨿᩮᩣ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᨠᩣᨿᨸᨭᩥᨻᨴ᩠ᨵᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨳᩩᩃ᩠ᩃᨧ᩠ᨧᨿᩣᨶᩴ…ᨸᩮ….

ᩍᨲ᩠ᨳᩦ ᨧ ᨸᨱ᩠ᨯᨠᩮᩣ ᨧ ᩏᨽᩥᨶ᩠ᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩏᨽᩥᨶ᩠ᨶᩴ ᨠᩣᨿᨸᨭᩥᨻᨴ᩠ᨵᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩮᨶ ᨴᩩᨠ᩠ᨠᨭᩔ…ᨸᩮ….

ᩍᨲ᩠ᨳᩦ ¶ ᨧ ᩉᩮᩣᨲᩥ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩍᨲ᩠ᨳᩥᨿᩣ ᨠᩣᨿᨸᨭᩥᨻᨴ᩠ᨵᩮᨶ ᨠᩣᨿᨸᨭᩥᨻᨴ᩠ᨵᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ….

ᨴ᩠ᩅᩮ ᩍᨲ᩠ᨳᩥᨿᩮᩣ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᨠᩣᨿᨸᨭᩥᨻᨴ᩠ᨵᩮᨶ ᨠᩣᨿᨸᨭᩥᨻᨴ᩠ᨵᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ….

ᩍᨲ᩠ᨳᩦ ᨧ ᨸᨱ᩠ᨯᨠᩮᩣ ᨧ ᩏᨽᩥᨶ᩠ᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩏᨽᩥᨶ᩠ᨶᩴ ᨠᩣᨿᨸᨭᩥᨻᨴ᩠ᨵᩮᨶ ᨠᩣᨿᨸᨭᩥᨻᨴ᩠ᨵᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ….

ᩍᨲ᩠ᨳᩦ ¶ ᨧ ᩉᩮᩣᨲᩥ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩍᨲ᩠ᨳᩥᨿᩣ ᨶᩥᩔᨣ᩠ᨣᩥᨿᩮᨶ ᨠᩣᨿᩴ ᩌᨾᩈᨲᩥ ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ….

ᨴ᩠ᩅᩮ ᩍᨲ᩠ᨳᩥᨿᩮᩣ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᨶᩥᩔᨣ᩠ᨣᩥᨿᩮᨶ ᨠᩣᨿᩴ ᩌᨾᩈᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ¶ ᨴᩩᨠ᩠ᨠᨭᩣᨶᩴ…ᨸᩮ….

ᩍᨲ᩠ᨳᩦ ᨧ ᨸᨱ᩠ᨯᨠᩮᩣ ᨧ ᩏᨽᩥᨶ᩠ᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩏᨽᩥᨶ᩠ᨶᩴ ᨶᩥᩔᨣ᩠ᨣᩥᨿᩮᨶ ᨠᩣᨿᩴ ᩌᨾᩈᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ….

ᩍᨲ᩠ᨳᩦ ᨧ ᩉᩮᩣᨲᩥ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩍᨲ᩠ᨳᩥᨿᩣ ᨶᩥᩔᨣ᩠ᨣᩥᨿᩮᨶ ᨠᩣᨿᨸᨭᩥᨻᨴ᩠ᨵᩴ ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ….

ᨴ᩠ᩅᩮ ᩍᨲ᩠ᨳᩥᨿᩮᩣ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᨶᩥᩔᨣ᩠ᨣᩥᨿᩮᨶ ᨠᩣᨿᨸᨭᩥᨻᨴ᩠ᨵᩴ ᩌᨾᩈᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ….

ᩍᨲ᩠ᨳᩦ ᨧ ᨸᨱ᩠ᨯᨠᩮᩣ ᨧ ᩏᨽᩥᨶ᩠ᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩏᨽᩥᨶ᩠ᨶᩴ ᨶᩥᩔᨣ᩠ᨣᩥᨿᩮᨶ ᨠᩣᨿᨸᨭᩥᨻᨴ᩠ᨵᩴ ᩌᨾᩈᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ….

ᩍᨲ᩠ᨳᩦ ᨧ ᩉᩮᩣᨲᩥ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩍᨲ᩠ᨳᩥᨿᩣ ᨶᩥᩔᨣ᩠ᨣᩥᨿᩮᨶ ᨶᩥᩔᨣ᩠ᨣᩥᨿᩴ ᩌᨾᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ….

ᨴ᩠ᩅᩮ ᩍᨲ᩠ᨳᩥᨿᩮᩣ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᨶᩥᩔᨣ᩠ᨣᩥᨿᩮᨶ ᨶᩥᩔᨣ᩠ᨣᩥᨿᩴ ᩌᨾᩈᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ….

ᩍᨲ᩠ᨳᩦ ᨧ ᨸᨱ᩠ᨯᨠᩮᩣ ᨧ ᩏᨽᩥᨶ᩠ᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩏᨽᩥᨶ᩠ᨶᩴ ᨶᩥᩔᨣ᩠ᨣᩥᨿᩮᨶ ᨶᩥᩔᨣ᩠ᨣᩥᨿᩴ ᩌᨾᩈᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ….

ᨽᩥᨠ᩠ᨡᩩᨸᩮᨿ᩠ᨿᩣᩃᩮᩣ ᨶᩥᨭ᩠ᨮᩥᨲᩮᩣ.

᪒᪗᪗. ᩍᨲ᩠ᨳᩦ ¶ ¶ ᨧ ᩉᩮᩣᨲᩥ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᩍᨲ᩠ᨳᩦ ᨧ ᨶᩴ ᨽᩥᨠ᩠ᨡᩩᩔ ᨠᩣᨿᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ ᩒᨾᩈᨲᩥ ᩏᨾ᩠ᨾᩈᨲᩥ ᩒᩃᨦ᩠ᨥᩮᨲᩥ ᩏᩃ᩠ᩃᨦ᩠ᨥᩮᨲᩥ ᩌᨠᨯ᩠ᨰᨲᩥ ᨸᨲᩥᨠᨯ᩠ᨰᨲᩥ ᩋᨽᩥᨶᩥᨣ᩠ᨣᨱ᩠ᩉᩣᨲᩥ ᩋᨽᩥᨶᩥᨸ᩠ᨸᩦᩊᩮᨲᩥ ¶ ᨣᨱ᩠ᩉᩣᨲᩥ ᨨᩩᨸᨲᩥ, ᩈᩮᩅᨶᩣᨵᩥᨸ᩠ᨸᩣᨿᩮᩣ ᨠᩣᨿᩮᨶ ᩅᩣᨿᨾᨲᩥ ᨹᩔᩴ ᨸᨭᩥᩅᩥᨩᩣᨶᩣᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ…ᨸᩮ….

ᨴ᩠ᩅᩮ ᩍᨲ᩠ᨳᩥᨿᩮᩣ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᩍᨲ᩠ᨳᩥᨿᩮᩣ ᨧ ᨶᩴ ᨽᩥᨠ᩠ᨡᩩᩔ ᨠᩣᨿᩮᨶ ᨠᩣᨿᩴ ᩌᨾᩈᨶ᩠ᨲᩥ ᨸᩁᩣᨾᩈᨶ᩠ᨲᩥ ᩒᨾᩈᨶ᩠ᨲᩥ ᩏᨾ᩠ᨾᩈᨶ᩠ᨲᩥ ᩒᩃᨦ᩠ᨥᩮᨶ᩠ᨲᩥ ᩏᩃ᩠ᩃᨦ᩠ᨥᩮᨶ᩠ᨲᩥ ᩌᨠᨯ᩠ᨰᨶ᩠ᨲᩥ ᨸᨲᩥᨠᨯ᩠ᨰᨶ᩠ᨲᩥ ᩋᨽᩥᨶᩥᨣ᩠ᨣᨱ᩠ᩉᨶ᩠ᨲᩥ ᩋᨽᩥᨶᩥᨸ᩠ᨸᩦᩊᩮᨶ᩠ᨲᩥ ᨣᨱ᩠ᩉᨶ᩠ᨲᩥ ᨨᩩᨸᨶ᩠ᨲᩥ, ᩈᩮᩅᨶᩣᨵᩥᨸ᩠ᨸᩣᨿᩮᩣ ᨠᩣᨿᩮᨶ ᩅᩣᨿᨾᨲᩥ ᨹᩔᩴ ᨸᨭᩥᩅᩥᨩᩣᨶᩣᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᩈᨦ᩠ᨥᩣᨴᩥᩈᩮᩈᩣᨶᩴ…ᨸᩮ….

ᩍᨲ᩠ᨳᩦ ¶ ᨧ ᨸᨱ᩠ᨯᨠᩮᩣ ᨧ ᩏᨽᩥᨶ᩠ᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᩏᨽᩮᩣ ᨧ ᨶᩴ ᨽᩥᨠ᩠ᨡᩩᩔ ᨠᩣᨿᩮᨶ ᨠᩣᨿᩴ ᩌᨾᩈᨶ᩠ᨲᩥ ᨸᩁᩣᨾᩈᨶ᩠ᨲᩥ…ᨸᩮ… ᨣᨱ᩠ᩉᨶ᩠ᨲᩥ ᨨᩩᨸᨶ᩠ᨲᩥ, ᩈᩮᩅᨶᩣᨵᩥᨸ᩠ᨸᩣᨿᩮᩣ ᨠᩣᨿᩮᨶ ᩅᩣᨿᨾᨲᩥ ᨹᩔᩴ ᨸᨭᩥᩅᩥᨩᩣᨶᩣᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ…ᨸᩮ….

ᩍᨲ᩠ᨳᩦ ᨧ ᩉᩮᩣᨲᩥ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᩍᨲ᩠ᨳᩦ ᨧ ᨶᩴ ᨽᩥᨠ᩠ᨡᩩᩔ ᨠᩣᨿᩮᨶ ᨠᩣᨿᨸᨭᩥᨻᨴ᩠ᨵᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩈᩮᩅᨶᩣᨵᩥᨸ᩠ᨸᩣᨿᩮᩣ ᨠᩣᨿᩮᨶ ᩅᩣᨿᨾᨲᩥ ᨹᩔᩴ ᨸᨭᩥᩅᩥᨩᩣᨶᩣᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ…ᨸᩮ….

ᨴ᩠ᩅᩮ ᩍᨲ᩠ᨳᩥᨿᩮᩣ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᩍᨲ᩠ᨳᩥᨿᩮᩣ ᨧ ᨶᩴ ᨽᩥᨠ᩠ᨡᩩᩔ ᨠᩣᨿᩮᨶ ᨠᩣᨿᨸᨭᩥᨻᨴ᩠ᨵᩴ ᩌᨾᩈᨶ᩠ᨲᩥ ᨸᩁᩣᨾᩈᨶ᩠ᨲᩥ…ᨸᩮ… ᨣᨱ᩠ᩉᨶ᩠ᨲᩥ ᨨᩩᨸᨶ᩠ᨲᩥ, ᩈᩮᩅᨶᩣᨵᩥᨸ᩠ᨸᩣᨿᩮᩣ ᨠᩣᨿᩮᨶ ᩅᩣᨿᨾᨲᩥ ᨹᩔᩴ ᨸᨭᩥᩅᩥᨩᩣᨶᩣᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨳᩩᩃ᩠ᩃᨧ᩠ᨧᨿᩣᨶᩴ…ᨸᩮ….

ᩍᨲ᩠ᨳᩦ ᨧ ᨸᨱ᩠ᨯᨠᩮᩣ ᨧ ᩏᨽᩥᨶ᩠ᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᩏᨽᩮᩣ ᨧ ᨶᩴ ᨽᩥᨠ᩠ᨡᩩᩔ ᨠᩣᨿᩮᨶ ᨠᩣᨿᨸᨭᩥᨻᨴ᩠ᨵᩴ ᩌᨾᩈᨶ᩠ᨲᩥ ᨸᩁᩣᨾᩈᨶ᩠ᨲᩥ…ᨸᩮ… ᨣᨱ᩠ᩉᨶ᩠ᨲᩥ ᨨᩩᨸᨶ᩠ᨲᩥ, ᩈᩮᩅᨶᩣᨵᩥᨸ᩠ᨸᩣᨿᩮᩣ ᨠᩣᨿᩮᨶ ᩅᩣᨿᨾᨲᩥ ᨹᩔᩴ ᨸᨭᩥᩅᩥᨩᩣᨶᩣᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩮᨶ ᨴᩩᨠ᩠ᨠᨭᩔ…ᨸᩮ….

ᩍᨲ᩠ᨳᩦ ¶ ᨧ ᩉᩮᩣᨲᩥ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᩍᨲ᩠ᨳᩦ ᨧ ᨶᩴ ᨽᩥᨠ᩠ᨡᩩᩔ ᨠᩣᨿᨸᨭᩥᨻᨴ᩠ᨵᩮᨶ ᨠᩣᨿᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ ᩈᩮᩅᨶᩣᨵᩥᨸ᩠ᨸᩣᨿᩮᩣ ᨠᩣᨿᩮᨶ ᩅᩣᨿᨾᨲᩥ ᨹᩔᩴ ᨸᨭᩥᩅᩥᨩᩣᨶᩣᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ…ᨸᩮ….

ᨴ᩠ᩅᩮ ¶ ¶ ᩍᨲ᩠ᨳᩥᨿᩮᩣ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᩍᨲ᩠ᨳᩥᨿᩮᩣ ᨧ ᨶᩴ ᨽᩥᨠ᩠ᨡᩩᩔ ᨠᩣᨿᨸᨭᩥᨻᨴ᩠ᨵᩮᨶ ᨠᩣᨿᩴ ᩌᨾᩈᨶ᩠ᨲᩥ ᨸᩁᩣᨾᩈᨶ᩠ᨲᩥ…ᨸᩮ… ᨣᨱ᩠ᩉᨶ᩠ᨲᩥ ᨨᩩᨸᨶ᩠ᨲᩥ, ᩈᩮᩅᨶᩣᨵᩥᨸ᩠ᨸᩣᨿᩮᩣ ᨠᩣᨿᩮᨶ ᩅᩣᨿᨾᨲᩥ ᨹᩔᩴ ᨸᨭᩥᩅᩥᨩᩣᨶᩣᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨳᩩᩃ᩠ᩃᨧ᩠ᨧᨿᩣᨶᩴ…ᨸᩮ….

ᩍᨲ᩠ᨳᩦ ᨧ ᨸᨱ᩠ᨯᨠᩮᩣ ᨧ ᩏᨽᩥᨶ᩠ᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᩏᨽᩮᩣ ᨧ ᨶᩴ ᨽᩥᨠ᩠ᨡᩩᩔ ᨠᩣᨿᨸᨭᩥᨻᨴ᩠ᨵᩮᨶ ᨠᩣᨿᩴ ᩌᨾᩈᨶ᩠ᨲᩥ ᨸᩁᩣᨾᩈᨶ᩠ᨲᩥ…ᨸᩮ… ᨣᨱ᩠ᩉᨶ᩠ᨲᩥ ᨨᩩᨸᨶ᩠ᨲᩥ, ᩈᩮᩅᨶᩣᨵᩥᨸ᩠ᨸᩣᨿᩮᩣ ᨠᩣᨿᩮᨶ ᩅᩣᨿᨾᨲᩥ ᨹᩔᩴ ᨸᨭᩥᩅᩥᨩᩣᨶᩣᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩮᨶ ᨴᩩᨠ᩠ᨠᨭᩔ…ᨸᩮ….

᪒᪗᪘. ᩍᨲ᩠ᨳᩦ ᨧ ᩉᩮᩣᨲᩥ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᩍᨲ᩠ᨳᩦ ᨧ ᨶᩴ ᨽᩥᨠ᩠ᨡᩩᩔ ᨠᩣᨿᨸᨭᩥᨻᨴ᩠ᨵᩮᨶ ᨠᩣᨿᨸᨭᩥᨻᨴ᩠ᨵᩴ ᩌᨾᩈᨲᩥ ᨸᩁᩣᨾᩈᨲᩥ…ᨸᩮ… ᨣᨱ᩠ᩉᩣᨲᩥ ᨨᩩᨸᨲᩥ, ᩈᩮᩅᨶᩣᨵᩥᨸ᩠ᨸᩣᨿᩮᩣ ᨠᩣᨿᩮᨶ ᩅᩣᨿᨾᨲᩥ ᨹᩔᩴ ᨸᨭᩥᩅᩥᨩᩣᨶᩣᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ….

ᨴ᩠ᩅᩮ ᩍᨲ᩠ᨳᩥᨿᩮᩣ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᩍᨲ᩠ᨳᩥᨿᩮᩣ ᨧ ᨶᩴ ᨽᩥᨠ᩠ᨡᩩᩔ ᨠᩣᨿᨸᨭᩥᨻᨴ᩠ᨵᩮᨶ ᨠᩣᨿᨸᨭᩥᨻᨴ᩠ᨵᩴ ᩌᨾᩈᨶ᩠ᨲᩥ ᨸᩁᩣᨾᩈᨶ᩠ᨲᩥ…ᨸᩮ… ᨣᨱ᩠ᩉᨶ᩠ᨲᩥ ᨨᩩᨸᨶ᩠ᨲᩥ, ᩈᩮᩅᨶᩣᨵᩥᨸ᩠ᨸᩣᨿᩮᩣ ᨠᩣᨿᩮᨶ ᩅᩣᨿᨾᨲᩥ ᨹᩔᩴ ᨸᨭᩥᩅᩥᨩᩣᨶᩣᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ….

ᩍᨲ᩠ᨳᩦ ᨧ ᨸᨱ᩠ᨯᨠᩮᩣ ᨧ ᩏᨽᩥᨶ᩠ᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᩏᨽᩮᩣ ᨧ ᨶᩴ ᨽᩥᨠ᩠ᨡᩩᩔ ᨠᩣᨿᨸᨭᩥᨻᨴ᩠ᨵᩮᨶ ᨠᩣᨿᨸᨭᩥᨻᨴ᩠ᨵᩴ ᩌᨾᩈᨶ᩠ᨲᩥ ᨸᩁᩣᨾᩈᨶ᩠ᨲᩥ…ᨸᩮ… ᨣᨱ᩠ᩉᨶ᩠ᨲᩥ ᨨᩩᨸᨶ᩠ᨲᩥ, ᩈᩮᩅᨶᩣᨵᩥᨸ᩠ᨸᩣᨿᩮᩣ ᨠᩣᨿᩮᨶ ᩅᩣᨿᨾᨲᩥ ᨹᩔᩴ ᨸᨭᩥᩅᩥᨩᩣᨶᩣᨲᩥ, ᩌᨸᨲ᩠ᨲᩥ ¶ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ….

ᩍᨲ᩠ᨳᩦ ᨧ ᩉᩮᩣᨲᩥ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᩍᨲ᩠ᨳᩦ ᨧ ᨶᩴ ᨽᩥᨠ᩠ᨡᩩᩔ ᨶᩥᩔᨣ᩠ᨣᩥᨿᩮᨶ ᨠᩣᨿᩴ ᩌᨾᩈᨲᩥ. ᩈᩮᩅᨶᩣᨵᩥᨸ᩠ᨸᩣᨿᩮᩣ ᨠᩣᨿᩮᨶ ᩅᩣᨿᨾᨲᩥ ᨹᩔᩴ ᨸᨭᩥᩅᩥᨩᩣᨶᩣᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ….

ᨴ᩠ᩅᩮ ᩍᨲ᩠ᨳᩥᨿᩮᩣ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᩍᨲ᩠ᨳᩥᨿᩮᩣ ᨧ ᨶᩴ ᨽᩥᨠ᩠ᨡᩩᩔ ᨶᩥᩔᨣ᩠ᨣᩥᨿᩮᨶ ᨠᩣᨿᩴ ᩌᨾᩈᨶ᩠ᨲᩥ. ᩈᩮᩅᨶᩣᨵᩥᨸ᩠ᨸᩣᨿᩮᩣ ᨠᩣᨿᩮᨶ ᩅᩣᨿᨾᨲᩥ ᨹᩔᩴ ᨸᨭᩥᩅᩥᨩᩣᨶᩣᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ….

ᩍᨲ᩠ᨳᩦ ᨧ ᨸᨱ᩠ᨯᨠᩮᩣ ᨧ ᩏᨽᩥᨶ᩠ᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᩏᨽᩮᩣ ᨧ ᨶᩴ ᨽᩥᨠ᩠ᨡᩩᩔ ᨶᩥᩔᨣ᩠ᨣᩥᨿᩮᨶ ¶ ᨠᩣᨿᩴ ᩌᨾᩈᨶ᩠ᨲᩥ. ᩈᩮᩅᨶᩣᨵᩥᨸ᩠ᨸᩣᨿᩮᩣ ᨠᩣᨿᩮᨶ ᩅᩣᨿᨾᨲᩥ ᨹᩔᩴ ᨸᨭᩥᩅᩥᨩᩣᨶᩣᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ….

ᩍᨲ᩠ᨳᩦ ¶ ᨧ ᩉᩮᩣᨲᩥ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᩍᨲ᩠ᨳᩦ ᨧ ᨶᩴ ᨽᩥᨠ᩠ᨡᩩᩔ ᨶᩥᩔᨣ᩠ᨣᩥᨿᩮᨶ ᨠᩣᨿᨸᨭᩥᨻᨴ᩠ᨵᩴ ᩌᨾᩈᨲᩥ. ᩈᩮᩅᨶᩣᨵᩥᨸ᩠ᨸᩣᨿᩮᩣ ᨠᩣᨿᩮᨶ ᩅᩣᨿᨾᨲᩥ ᨹᩔᩴ ᨸᨭᩥᩅᩥᨩᩣᨶᩣᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ….

ᨴ᩠ᩅᩮ ᩍᨲ᩠ᨳᩥᨿᩮᩣ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᩍᨲ᩠ᨳᩥᨿᩮᩣ ᨧ ᨶᩴ ᨽᩥᨠ᩠ᨡᩩᩔ ᨶᩥᩔᨣ᩠ᨣᩥᨿᩮᨶ ᨠᩣᨿᨸᨭᩥᨻᨴ᩠ᨵᩴ ᩌᨾᩈᨶ᩠ᨲᩥ. ᩈᩮᩅᨶᩣᨵᩥᨸ᩠ᨸᩣᨿᩮᩣ ᨠᩣᨿᩮᨶ ᩅᩣᨿᨾᨲᩥ ᨹᩔᩴ ᨸᨭᩥᩅᩥᨩᩣᨶᩣᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ….

ᩍᨲ᩠ᨳᩦ ᨧ ᨸᨱ᩠ᨯᨠᩮᩣ ᨧ ᩏᨽᩥᨶ᩠ᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᩏᨽᩮᩣ ᨧ ᨶᩴ ᨽᩥᨠ᩠ᨡᩩᩔ ᨶᩥᩔᨣ᩠ᨣᩥᨿᩮᨶ ᨠᩣᨿᨸᨭᩥᨻᨴ᩠ᨵᩴ ᩌᨾᩈᨶ᩠ᨲᩥ. ᩈᩮᩅᨶᩣᨵᩥᨸ᩠ᨸᩣᨿᩮᩣ ᨠᩣᨿᩮᨶ ᩅᩣᨿᨾᨲᩥ ᨹᩔᩴ ᨸᨭᩥᩅᩥᨩᩣᨶᩣᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ….

ᩍᨲ᩠ᨳᩦ ᨧ ᩉᩮᩣᨲᩥ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᩍᨲ᩠ᨳᩦ ᨧ ᨶᩴ ᨽᩥᨠ᩠ᨡᩩᩔ ᨶᩥᩔᨣ᩠ᨣᩥᨿᩮᨶ ᨶᩥᩔᨣ᩠ᨣᩥᨿᩴ ᩌᨾᩈᨲᩥ. ᩈᩮᩅᨶᩣᨵᩥᨸ᩠ᨸᩣᨿᩮᩣ ¶ ᨠᩣᨿᩮᨶ ᩅᩣᨿᨾᨲᩥ, ᨶ ᨧ ᨹᩔᩴ ᨸᨭᩥᩅᩥᨩᩣᨶᩣᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ….

ᨴ᩠ᩅᩮ ᩍᨲ᩠ᨳᩥᨿᩮᩣ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᩍᨲ᩠ᨳᩥᨿᩮᩣ ᨧ ᨶᩴ ᨽᩥᨠ᩠ᨡᩩᩔ ᨶᩥᩔᨣ᩠ᨣᩥᨿᩮᨶ ᨶᩥᩔᨣ᩠ᨣᩥᨿᩴ ᩌᨾᩈᨶ᩠ᨲᩥ. ᩈᩮᩅᨶᩣᨵᩥᨸ᩠ᨸᩣᨿᩮᩣ ᨠᩣᨿᩮᨶ ᩅᩣᨿᨾᨲᩥ, ᨶ ᨧ ᨹᩔᩴ ᨸᨭᩥᩅᩥᨩᩣᨶᩣᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ….

ᩍᨲ᩠ᨳᩦ ᨧ ᨸᨱ᩠ᨯᨠᩮᩣ ᨧ ᩏᨽᩥᨶ᩠ᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᩏᨽᩮᩣ ᨧ ᨶᩴ ᨽᩥᨠ᩠ᨡᩩᩔ ᨶᩥᩔᨣ᩠ᨣᩥᨿᩮᨶ ᨶᩥᩔᨣ᩠ᨣᩥᨿᩴ ᩌᨾᩈᨶ᩠ᨲᩥ. ᩈᩮᩅᨶᩣᨵᩥᨸ᩠ᨸᩣᨿᩮᩣ ᨠᩣᨿᩮᨶ ᩅᩣᨿᨾᨲᩥ, ᨶ ᨧ ᨹᩔᩴ ᨸᨭᩥᩅᩥᨩᩣᨶᩣᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ….

᪒᪗᪙. ᩈᩮᩅᨶᩣᨵᩥᨸ᩠ᨸᩣᨿᩮᩣ ᨠᩣᨿᩮᨶ ᩅᩣᨿᨾᨲᩥ ᨹᩔᩴ ᨸᨭᩥᩅᩥᨩᩣᨶᩣᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩈᩮᩅᨶᩣᨵᩥᨸ᩠ᨸᩣᨿᩮᩣ ¶ ᨠᩣᨿᩮᨶ ᩅᩣᨿᨾᨲᩥ, ᨶ ᨧ ᨹᩔᩴ ᨸᨭᩥᩅᩥᨩᩣᨶᩣᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᩈᩮᩅᨶᩣᨵᩥᨸ᩠ᨸᩣᨿᩮᩣ ᨶ ᨧ ᨠᩣᨿᩮᨶ ᩅᩣᨿᨾᨲᩥ, ᨹᩔᩴ ᨸᨭᩥᩅᩥᨩᩣᨶᩣᨲᩥ, ᩋᨶᩣᨸᨲ᩠ᨲᩥ.

ᩈᩮᩅᨶᩣᨵᩥᨸ᩠ᨸᩣᨿᩮᩣ ᨶ ᨧ ᨠᩣᨿᩮᨶ ᩅᩣᨿᨾᨲᩥ, ᨶ ᨧ ᨹᩔᩴ ᨸᨭᩥᩅᩥᨩᩣᨶᩣᨲᩥ, ᩋᨶᩣᨸᨲ᩠ᨲᩥ.

ᨾᩮᩣᨠ᩠ᨡᩣᨵᩥᨸ᩠ᨸᩣᨿᩮᩣ ᨠᩣᨿᩮᨶ ᩅᩣᨿᨾᨲᩥ, ᨹᩔᩴ ᨸᨭᩥᩅᩥᨩᩣᨶᩣᨲᩥ, ᩋᨶᩣᨸᨲ᩠ᨲᩥ.

ᨾᩮᩣᨠ᩠ᨡᩣᨵᩥᨸ᩠ᨸᩣᨿᩮᩣ ¶ ᨠᩣᨿᩮᨶ ᩅᩣᨿᨾᨲᩥ, ᨶ ᨧ ᨹᩔᩴ ᨸᨭᩥᩅᩥᨩᩣᨶᩣᨲᩥ ¶ , ᩋᨶᩣᨸᨲ᩠ᨲᩥ.

ᨾᩮᩣᨠ᩠ᨡᩣᨵᩥᨸ᩠ᨸᩣᨿᩮᩣ ᨶ ᨧ ᨠᩣᨿᩮᨶ ᩅᩣᨿᨾᨲᩥ, ᨹᩔᩴ ᨸᨭᩥᩅᩥᨩᩣᨶᩣᨲᩥ, ᩋᨶᩣᨸᨲ᩠ᨲᩥ.

ᨾᩮᩣᨠ᩠ᨡᩣᨵᩥᨸ᩠ᨸᩣᨿᩮᩣ ᨶ ᨧ ᨠᩣᨿᩮᨶ ᩅᩣᨿᨾᨲᩥ, ᨶ ᨧ ᨹᩔᩴ ᨸᨭᩥᩅᩥᨩᩣᨶᩣᨲᩥ, ᩋᨶᩣᨸᨲ᩠ᨲᩥ.

᪒᪘᪐. ᩋᨶᩣᨸᨲ᩠ᨲᩥ ᩋᩈᨬ᩠ᨧᩥᨧ᩠ᨧ, ᩋᩈᨲᩥᨿᩣ, ᩋᨩᩣᨶᨶ᩠ᨲᩔ, ᩋᩈᩣᨴᩥᨿᨶ᩠ᨲᩔ, ᩏᨾ᩠ᨾᨲ᩠ᨲᨠᩔ, ᨡᩥᨲ᩠ᨲᨧᩥᨲ᩠ᨲᩔ, ᩅᩮᨴᨶᩣᨭ᩠ᨭᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᩅᩥᨶᩦᨲᩅᨲ᩠ᨳᩩᩏᨴ᩠ᨴᩣᨶᨣᩣᨳᩣ

ᨾᩣᨲᩣ ¶ ᨵᩦᨲᩣ ᨽᨣᩥᨶᩦ ᨧ, ᨩᩣᨿᩣ ᨿᨠ᩠ᨡᩦ ᨧ ᨸᨱ᩠ᨯᨠᩮᩣ;

ᩈᩩᨲ᩠ᨲᩣ ᨾᨲᩣ ᨲᩥᩁᨧ᩠ᨨᩣᨶᩣ, ᨴᩣᩁᩩᨵᩥᨲᩃᩥᨠᩣᨿ ᨧ.

ᩈᨾ᩠ᨸᩦᩊᩮ ᩈᨦ᩠ᨠᨾᩮᩣ ᨾᨣ᩠ᨣᩮᩣ, ᩁᩩᨠ᩠ᨡᩮᩣ ᨶᩣᩅᩣ ᨧ ᩁᨩ᩠ᨩᩩ ᨧ;

ᨴᨱ᩠ᨯᩮᩣ ᨸᨲ᩠ᨲᩴ ᨸᨱᩣᨾᩮᩈᩥ, ᩅᨶ᩠ᨴᩮ ᩅᩣᨿᨾᩥ ᨶᨧ᩠ᨨᩩᨸᩮᨲᩥ.

ᩅᩥᨶᩦᨲᩅᨲ᩠ᨳᩩ

᪒᪘᪑. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨾᩣᨲᩩᨿᩣ ᨾᩣᨲᩩᨸᩮᨾᩮᨶ ᩌᨾᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ – ‘‘ᨽᨣᩅᨲᩣ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ, ᨠᨧ᩠ᨧᩥ ᨶᩩ ᨡᩮᩣ ᩋᩉᩴ ᩈᨦ᩠ᨥᩣᨴᩥᩈᩮᩈᩴ ᩌᨸᨲ᩠ᨲᩥᩴ ¶ ᩌᨸᨶ᩠ᨶᩮᩣ’’ᨲᩥ? ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨵᩦᨲᩩᨿᩣ ᨵᩦᨲᩩᨸᩮᨾᩮᨶ ᩌᨾᩈᩥ…ᨸᩮ… ᨽᨣᩥᨶᩥᨿᩣ ᨽᨣᩥᨶᩥᨸᩮᨾᩮᨶ ᩌᨾᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨸᩩᩁᩣᨱᨴᩩᨲᩥᨿᩥᨠᩣᨿ ᨠᩣᨿᩈᩴᩈᨣ᩠ᨣᩴ ᩈᨾᩣᨸᨩ᩠ᨩᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᩈᨦ᩠ᨥᩣᨴᩥᩈᩮᩈ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨿᨠ᩠ᨡᩥᨶᩥᨿᩣ ᨠᩣᨿᩈᩴᩈᨣ᩠ᨣᩴ ᩈᨾᩣᨸᨩ᩠ᨩᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨸᨱ᩠ᨯᨠᩔ ᨠᩣᨿᩈᩴᩈᨣ᩠ᨣᩴ ᩈᨾᩣᨸᨩ᩠ᨩᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ ¶ , ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᩩᨲ᩠ᨲᩥᨲ᩠ᨳᩥᨿᩣ ᨠᩣᨿᩈᩴᩈᨣ᩠ᨣᩴ ᩈᨾᩣᨸᨩ᩠ᨩᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᩈᨦ᩠ᨥᩣᨴᩥᩈᩮᩈ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨾᨲᩥᨲ᩠ᨳᩥᨿᩣ ᨠᩣᨿᩈᩴᩈᨣ᩠ᨣᩴ ᩈᨾᩣᨸᨩ᩠ᨩᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨲᩥᩁᨧ᩠ᨨᩣᨶᨣᨲᩥᨲ᩠ᨳᩥᨿᩣ ᨠᩣᨿᩈᩴᩈᨣ᩠ᨣᩴ ᩈᨾᩣᨸᨩ᩠ᨩᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨴᩣᩁᩩᨵᩦᨲᩃᩥᨠᩣᨿ ᨠᩣᨿᩈᩴᩈᨣ᩠ᨣᩴ ᩈᨾᩣᨸᨩ᩠ᨩᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

᪒᪘᪒. ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩈᨾ᩠ᨻᩉᩩᩃᩣ ᩍᨲ᩠ᨳᩥᨿᩮᩣ ᩋᨬ᩠ᨬᨲᩁᩴ ᨽᩥᨠ᩠ᨡᩩᩴ ᩈᨾ᩠ᨸᩦᩊᩮᨲ᩠ᩅᩣ ᨻᩣᩉᩣᨸᩁᨾ᩠ᨸᩁᩣᨿ ᩌᨶᩮᩈᩩᩴ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩈᩣᨴᩥᨿᩥ ᨲ᩠ᩅᩴ, ᨽᩥᨠ᩠ᨡᩪ’’ᨲᩥ? ‘‘ᨶᩣᩉᩴ, ᨽᨣᩅᩣ, ᩈᩣᨴᩥᨿᩥ’’ᨶ᩠ᨲᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩪ, ᩋᩈᩣᨴᩥᨿᨶ᩠ᨲᩔᩣ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩍᨲ᩠ᨳᩥᨿᩣ ᩋᨽᩥᩁᩪᩊ᩠ᩉᩴ ᩈᨦ᩠ᨠᨾᩴ ᩈᩣᩁᨲ᩠ᨲᩮᩣ ᩈᨬ᩠ᨧᩣᩃᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩍᨲ᩠ᨳᩥᩴ ᨸᨭᩥᨸᨳᩮ ᨸᩔᩥᨲ᩠ᩅᩣ ¶ ᩈᩣᩁᨲ᩠ᨲᩮᩣ ᩋᩴᩈᨠᩪᨭᩮᨶ ᨸᩉᩣᩁᩴ ᩋᨴᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᩈᨦ᩠ᨥᩣᨴᩥᩈᩮᩈ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩍᨲ᩠ᨳᩥᨿᩣ ᩋᨽᩥᩁᩪᩊ᩠ᩉᩴ ᩁᩩᨠ᩠ᨡᩴ ᩈᩣᩁᨲ᩠ᨲᩮᩣ ᩈᨬ᩠ᨧᩣᩃᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩍᨲ᩠ᨳᩥᨿᩣ ᩋᨽᩥᩁᩪᩊ᩠ᩉᩴ ᨶᩣᩅᩴ ᩈᩣᩁᨲ᩠ᨲᩮᩣ ᩈᨬ᩠ᨧᩣᩃᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩍᨲ᩠ᨳᩥᨿᩣ ᨣᩉᩥᨲᩴ ᩁᨩ᩠ᨩᩩᩴ ᩈᩣᩁᨲ᩠ᨲᩮᩣ ᩌᩅᩥᨬ᩠ᨨᩥ [ᩌᩅᩥᨬ᩠ᨩᩥ (ᩈᩦ. ᩈ᩠ᨿᩣ.)]. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩍᨲ᩠ᨳᩥᨿᩣ ᨣᩉᩥᨲᩴ ᨴᨱ᩠ᨯᩴ ᩈᩣᩁᨲ᩠ᨲᩮᩣ ᩌᩅᩥᨬ᩠ᨨᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᩣᩁᨲ᩠ᨲᩮᩣ ᩍᨲ᩠ᨳᩥᩴ ᨸᨲ᩠ᨲᩮᨶ ᨸᨱᩣᨾᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩍᨲ᩠ᨳᩥᨿᩣ ᩅᨶ᩠ᨴᨶ᩠ᨲᩥᨿᩣ ᩈᩣᩁᨲ᩠ᨲᩮᩣ ᨸᩣᨴᩴ ᩏᨧ᩠ᨧᩣᩁᩮᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᩈᨦ᩠ᨥᩣᨴᩥᩈᩮᩈ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ¶ ᩍᨲ᩠ᨳᩥᩴ ᨣᩉᩮᩔᩣᨾᩦᨲᩥ ᩅᩣᨿᨾᩥᨲ᩠ᩅᩣ ᨶ ᨨᩩᨸᩥ.

ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨠᩣᨿᩈᩴᩈᨣ᩠ᨣᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨴᩩᨲᩥᨿᩴ.

᪓. ᨴᩩᨭ᩠ᨮᩩᩃ᩠ᩃᩅᩣᨧᩣᩈᩥᨠ᩠ᨡᩣᨸᨴᩴ

᪒᪘᪓. ᨲᩮᨶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ ᨩᩮᨲᩅᨶᩮ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᨿᩈ᩠ᨾᩣ ᩏᨴᩣᨿᩦ ᩋᩁᨬ᩠ᨬᩮ ᩅᩥᩉᩁᨲᩥ. ᨲᩔᩣᨿᩈ᩠ᨾᨲᩮᩣ ᩅᩥᩉᩣᩁᩮᩣ ᩋᨽᩥᩁᩪᨸᩮᩣ ᩉᩮᩣᨲᩥ ᨴᩔᨶᩦᨿᩮᩣ ᨸᩣᩈᩣᨴᩥᨠᩮᩣ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩈᨾ᩠ᨻᩉᩩᩃᩣ ᩍᨲ᩠ᨳᩥᨿᩮᩣ ᩌᩁᩣᨾᩴ ᩌᨣᨾᩴᩈᩩ ᩅᩥᩉᩣᩁᨸᩮᨠ᩠ᨡᩥᨠᩣᨿᩮᩣ. ᩋᨳ ᨡᩮᩣ ᨲᩣ ᩍᨲ᩠ᨳᩥᨿᩮᩣ ¶ ᨿᩮᨶᩣᨿᩈ᩠ᨾᩣ ᩏᨴᩣᨿᩦ ᨲᩮᨶᩩᨸᩈᨦ᩠ᨠᨾᩥᩴᩈᩩ; ᩏᨸᩈᨦ᩠ᨠᨾᩥᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᩏᨴᩣᨿᩥᩴ ᩑᨲᨴᩅᩮᩣᨧᩩᩴ – ‘‘ᩍᨧ᩠ᨨᩣᨾ ᨾᨿᩴ, ᨽᨶ᩠ᨲᩮ, ᩋᨿ᩠ᨿᩔ ᩅᩥᩉᩣᩁᩴ ᨸᩮᨠ᩠ᨡᩥᨲᩩ’’ᨶ᩠ᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᩏᨴᩣᨿᩦ ᨲᩣ ᩍᨲ᩠ᨳᩥᨿᩮᩣ ᩅᩥᩉᩣᩁᩴ ᨸᩮᨠ᩠ᨡᩣᨸᩮᨲ᩠ᩅᩣ ᨲᩣᩈᩴ ᩍᨲ᩠ᨳᩦᨶᩴ ᩅᨧ᩠ᨧᨾᨣ᩠ᨣᩴ ᨸᩔᩣᩅᨾᨣ᩠ᨣᩴ ᩌᨴᩥᩔ ᩅᨱ᩠ᨱᨾ᩠ᨸᩥ ᨽᨱᨲᩥ ᩋᩅᨱ᩠ᨱᨾ᩠ᨸᩥ ᨽᨱᨲᩥ ᨿᩣᨧᨲᩥᨸᩥ ᩌᨿᩣᨧᨲᩥᨸᩥ ᨸᩩᨧ᩠ᨨᨲᩥᨸᩥ ᨸᨭᩥᨸᩩᨧ᩠ᨨᨲᩥᨸᩥ ᩌᨧᩥᨠ᩠ᨡᨲᩥᨸᩥ ᩋᨶᩩᩈᩣᩈᨲᩥᨸᩥ ᩋᨠ᩠ᨠᩮᩣᩈᨲᩥᨸᩥ. ᨿᩣ ᨲᩣ ᩍᨲ᩠ᨳᩥᨿᩮᩣ ¶ ᨨᩥᨶ᩠ᨶᩥᨠᩣ ᨵᩩᨲ᩠ᨲᩥᨠᩣ ᩋᩉᩥᩁᩥᨠᩣᨿᩮᩣ ᨲᩣ ᩌᨿᩈ᩠ᨾᨲᩣ ᩏᨴᩣᨿᩥᨶᩣ ᩈᨴ᩠ᨵᩥᩴ ᩏᩉᩈᨶ᩠ᨲᩥᨸᩥ ᩏᩃ᩠ᩃᨸᨶ᩠ᨲᩥᨸᩥ ᩏᨩ᩠ᨩᨣ᩠ᨥᨶ᩠ᨲᩥᨸᩥ ᩏᨸ᩠ᨸᨱ᩠ᨯᩮᨶ᩠ᨲᩥᨸᩥ. ᨿᩣ ᨸᨶ ᨲᩣ ᩍᨲ᩠ᨳᩥᨿᩮᩣ ᩉᩥᩁᩥᨾᨶᩣ ᨲᩣ ᨶᩥᨠ᩠ᨡᨾᩥᨲ᩠ᩅᩣ ᨽᩥᨠ᩠ᨡᩪ ᩏᨩ᩠ᨫᩣᨸᩮᨶ᩠ᨲᩥ – ‘‘ᩍᨴᩴ, ᨽᨶ᩠ᨲᩮ, ᨶᨧ᩠ᨨᨶ᩠ᨶᩴ ᨶᨸ᩠ᨸᨲᩥᩁᩪᨸᩴ. ᩈᩣᨾᩥᨠᩮᨶᨸᩥ ᨾᨿᩴ ᩑᩅᩴ ᩅᩩᨲ᩠ᨲᩣ ᨶ ᩍᨧ᩠ᨨᩮᨿ᩠ᨿᩣᨾ, ᨠᩥᩴ ᨸᨶᩣᨿ᩠ᨿᩮᨶ ᩏᨴᩣᨿᩥᨶᩣ’’ᨲᩥ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ¶ ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩌᨿᩈ᩠ᨾᩣ ᩏᨴᩣᨿᩦ ᨾᩣᨲᩩᨣᩣᨾᩴ ᨴᩩᨭ᩠ᨮᩩᩃ᩠ᩃᩣᩉᩥ ᩅᩣᨧᩣᩉᩥ ᩒᨽᩣᩈᩥᩔᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᩌᨿᩈ᩠ᨾᨶ᩠ᨲᩴ ᩏᨴᩣᨿᩥᩴ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ᩋᨳ ᨡᩮᩣ ᨽᨣᩅᩣ ᩑᨲᩈ᩠ᨾᩥᩴ ᨶᩥᨴᩣᨶᩮ ᩑᨲᩈ᩠ᨾᩥᩴ ᨸᨠᩁᨱᩮ ᨽᩥᨠ᩠ᨡᩩᩈᨦ᩠ᨥᩴ ᩈᨶ᩠ᨶᩥᨸᩣᨲᩣᨸᩮᨲ᩠ᩅᩣ ¶ ᩌᨿᩈ᩠ᨾᨶ᩠ᨲᩴ ᩏᨴᩣᨿᩥᩴ ᨸᨭᩥᨸᩩᨧ᩠ᨨᩥ – ‘‘ᩈᨧ᩠ᨧᩴ ᨠᩥᩁ ᨲ᩠ᩅᩴ, ᩏᨴᩣᨿᩥ, ᨾᩣᨲᩩᨣᩣᨾᩴ ᨴᩩᨭ᩠ᨮᩩᩃ᩠ᩃᩣᩉᩥ ᩅᩣᨧᩣᩉᩥ ᩒᨽᩣᩈᩈᩦ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ – ‘‘ᩋᨶᨶᩩᨧ᩠ᨨᩅᩥᨠᩴ, ᨾᩮᩣᨥᨸᩩᩁᩥᩈ, ᩋᨶᨶᩩᩃᩮᩣᨾᩥᨠᩴ ᩋᨸ᩠ᨸᨲᩥᩁᩪᨸᩴ ᩋᩔᩣᨾᨱᨠᩴ ᩋᨠᨸ᩠ᨸᩥᨿᩴ ᩋᨠᩁᨱᩦᨿᩴ. ᨠᨳᨬ᩠ᩉᩥ ᨶᩣᨾ ᨲ᩠ᩅᩴ, ᨾᩮᩣᨥᨸᩩᩁᩥᩈ, ᨾᩣᨲᩩᨣᩣᨾᩴ ᨴᩩᨭ᩠ᨮᩩᩃ᩠ᩃᩣᩉᩥ ᩅᩣᨧᩣᩉᩥ ᩒᨽᩣᩈᩥᩔᩈᩥ! ᨶᨶᩩ ᨾᨿᩣ, ᨾᩮᩣᨥᨸᩩᩁᩥᩈ, ᩋᨶᩮᨠᨸᩁᩥᨿᩣᨿᩮᨶ ᩅᩥᩁᩣᨣᩣᨿ ᨵᨾ᩠ᨾᩮᩣ ᨴᩮᩈᩥᨲᩮᩣ ᨶᩮᩣ ᩈᩁᩣᨣᩣᨿ…ᨸᩮ… ᨠᩣᨾᨸᩁᩥᩊᩣᩉᩣᨶᩴ ᩅᩪᨸᩈᨾᩮᩣ ᩋᨠ᩠ᨡᩣᨲᩮᩣ. ᨶᩮᨲᩴ, ᨾᩮᩣᨥᨸᩩᩁᩥᩈ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪒᪘᪔. ‘‘ᨿᩮᩣ ᨸᨶ ᨽᩥᨠ᩠ᨡᩩ ᩒᨲᩥᨱ᩠ᨱᩮᩣ ᩅᩥᨸᩁᩥᨱᨲᩮᨶ ᨧᩥᨲ᩠ᨲᩮᨶ ᨾᩣᨲᩩᨣᩣᨾᩴ ᨴᩩᨭ᩠ᨮᩩᩃ᩠ᩃᩣᩉᩥ ᩅᩣᨧᩣᩉᩥ ᩒᨽᩣᩈᩮᨿ᩠ᨿ ᨿᨳᩣ ᨲᩴ ᨿᩩᩅᩣ ᨿᩩᩅᨲᩥᩴ ᨾᩮᨳᩩᨶᩩᨸᩈᩴᩉᩥᨲᩣᩉᩥ, ᩈᨦ᩠ᨥᩣᨴᩥᩈᩮᩈᩮᩣ’’ᨲᩥ.

᪒᪘᪕. ᨿᩮᩣ ᨸᨶᩣᨲᩥ ᨿᩮᩣ ᨿᩣᨴᩥᩈᩮᩣ…ᨸᩮ… ᨽᩥᨠ᩠ᨡᩪᨲᩥ…ᨸᩮ… ᩋᨿᩴ ᩍᨾᩈ᩠ᨾᩥᩴ ᩋᨲ᩠ᨳᩮ ᩋᨵᩥᨸ᩠ᨸᩮᨲᩮᩣ ᨽᩥᨠ᩠ᨡᩪᨲᩥ.

ᩒᨲᩥᨱ᩠ᨱᩮᩣ ᨶᩣᨾ ᩈᩣᩁᨲ᩠ᨲᩮᩣ ᩋᨸᩮᨠ᩠ᨡᩅᩣ ᨸᨭᩥᨻᨴ᩠ᨵᨧᩥᨲ᩠ᨲᩮᩣ.

ᩅᩥᨸᩁᩥᨱᨲᨶ᩠ᨲᩥ ¶ ᩁᨲ᩠ᨲᨾ᩠ᨸᩥ ᨧᩥᨲ᩠ᨲᩴ ᩅᩥᨸᩁᩥᨱᨲᩴ, ᨴᩩᨭ᩠ᨮᨾ᩠ᨸᩥ ᨧᩥᨲ᩠ᨲᩴ ᩅᩥᨸᩁᩥᨱᨲᩴ ᨾᩪᩊ᩠ᩉᨾ᩠ᨸᩥ ᨧᩥᨲ᩠ᨲᩴ ᩅᩥᨸᩁᩥᨱᨲᩴ. ᩋᨸᩥᨧ, ᩁᨲ᩠ᨲᩴ ᨧᩥᨲ᩠ᨲᩴ ᩍᨾᩈ᩠ᨾᩥᩴ ᩋᨲ᩠ᨳᩮ ᩋᨵᩥᨸ᩠ᨸᩮᨲᩴ ᩅᩥᨸᩁᩥᨱᨲᨶ᩠ᨲᩥ.

ᨾᩣᨲᩩᨣᩣᨾᩮᩣ ᨶᩣᨾ ᨾᨶᩩᩔᩥᨲ᩠ᨳᩦ, ᨶ ᨿᨠ᩠ᨡᩦ, ᨶ ᨸᩮᨲᩦ, ᨶ ᨲᩥᩁᨧ᩠ᨨᩣᨶᨣᨲᩣ. ᩅᩥᨬ᩠ᨬᩪ ᨸᨭᩥᨻᩃᩣ ᩈᩩᨽᩣᩈᩥᨲᨴᩩᨻ᩠ᨽᩣᩈᩥᨲᩴ ᨴᩩᨭ᩠ᨮᩩᩃ᩠ᩃᩣᨴᩩᨭ᩠ᨮᩩᩃ᩠ᩃᩴ ¶ ᩌᨩᩣᨶᩥᨲᩩᩴ.

ᨴᩩᨭ᩠ᨮᩩᩃ᩠ᩃᩣ ᨶᩣᨾ ᩅᩣᨧᩣ ᩅᨧ᩠ᨧᨾᨣ᩠ᨣᨸᩔᩣᩅᨾᨣ᩠ᨣᨾᩮᨳᩩᨶᨵᨾ᩠ᨾᨸ᩠ᨸᨭᩥᩈᩴᨿᩩᨲ᩠ᨲᩣ ᩅᩣᨧᩣ.

ᩒᨽᩣᩈᩮᨿ᩠ᨿᩣᨲᩥ ᩋᨩ᩠ᨫᩣᨧᩣᩁᩮᩣ ᩅᩩᨧ᩠ᨧᨲᩥ.

ᨿᨳᩣ ᨲᩴ ᨿᩩᩅᩣ ᨿᩩᩅᨲᩥᨶ᩠ᨲᩥ ᨴᩉᩁᩮᩣ ᨴᩉᩁᩥᩴ, ᨲᩁᩩᨱᩮᩣ ᨲᩁᩩᨱᩥᩴ, ᨠᩣᨾᨽᩮᩣᨣᩦ ᨠᩣᨾᨽᩮᩣᨣᩥᨶᩥᩴ.

ᨾᩮᨳᩩᨶᩩᨸᩈᩴᩉᩥᨲᩣᩉᩦᨲᩥ ¶ ᨾᩮᨳᩩᨶᨵᨾ᩠ᨾᨸ᩠ᨸᨭᩥᩈᩴᨿᩩᨲ᩠ᨲᩣᩉᩥ.

ᩈᨦ᩠ᨥᩣᨴᩥᩈᩮᩈᩮᩣᨲᩥ ¶ …ᨸᩮ… ᨲᩮᨶᨸᩥ ᩅᩩᨧ᩠ᨧᨲᩥ ᩈᨦ᩠ᨥᩣᨴᩥᩈᩮᩈᩮᩣᨲᩥ.

ᨴ᩠ᩅᩮ ᨾᨣ᩠ᨣᩮ ᩌᨴᩥᩔ ᩅᨱ᩠ᨱᨾ᩠ᨸᩥ ᨽᨱᨲᩥ, ᩋᩅᨱ᩠ᨱᨾ᩠ᨸᩥ ᨽᨱᨲᩥ, ᨿᩣᨧᨲᩥᨸᩥ, ᩌᨿᩣᨧᨲᩥᨸᩥ, ᨸᩩᨧ᩠ᨨᨲᩥᨸᩥ, ᨸᨭᩥᨸᩩᨧ᩠ᨨᨲᩥᨸᩥ, ᩌᨧᩥᨠ᩠ᨡᨲᩥᨸᩥ, ᩋᨶᩩᩈᩣᩈᨲᩥᨸᩥ, ᩋᨠ᩠ᨠᩮᩣᩈᨲᩥᨸᩥ.

ᩅᨱ᩠ᨱᩴ ᨽᨱᨲᩥ ᨶᩣᨾ ᨴ᩠ᩅᩮ ᨾᨣ᩠ᨣᩮ ᨳᩮᩣᨾᩮᨲᩥ ᩅᨱ᩠ᨱᩮᨲᩥ ᨸᩈᩴᩈᨲᩥ.

ᩋᩅᨱ᩠ᨱᩴ ᨽᨱᨲᩥ ᨶᩣᨾ ᨴ᩠ᩅᩮ ᨾᨣ᩠ᨣᩮ ᨡᩩᩴᩈᩮᨲᩥ ᩅᨾ᩠ᨽᩮᨲᩥ ᨣᩁᩉᨲᩥ.

ᨿᩣᨧᨲᩥ ᨶᩣᨾ ᨴᩮᩉᩥ ᨾᩮ, ᩋᩁᩉᩈᩥ ᨾᩮ ᨴᩣᨲᩩᨶ᩠ᨲᩥ.

ᩌᨿᩣᨧᨲᩥ ᨶᩣᨾ ᨠᨴᩣ ᨲᩮ ᨾᩣᨲᩣ ᨸᩈᩦᨴᩥᩔᨲᩥ, ᨠᨴᩣ ᨲᩮ ᨸᩥᨲᩣ ᨸᩈᩦᨴᩥᩔᨲᩥ, ᨠᨴᩣ ᨲᩮ ᨴᩮᩅᨲᩣᨿᩮᩣ ᨸᩈᩦᨴᩥᩔᨶ᩠ᨲᩥ, ᨠᨴᩣ [ᨠᨴᩣ ᨲᩮ (ᩈ᩠ᨿᩣ.)] ᩈᩩᨡᨱᩮᩣ ᩈᩩᩃᨿᩮᩣ ᩈᩩᨾᩩᩉᩩᨲ᩠ᨲᩮᩣ ᨽᩅᩥᩔᨲᩥ, ᨠᨴᩣ ᨲᩮ ᨾᩮᨳᩩᨶᩴ ᨵᨾ᩠ᨾᩴ ᩃᨽᩥᩔᩣᨾᩦᨲᩥ.

ᨸᩩᨧ᩠ᨨᨲᩥ ᨶᩣᨾ ᨠᨳᩴ ᨲ᩠ᩅᩴ ᩈᩣᨾᩥᨠᩔ ᨴᩮᩈᩥ, ᨠᨳᩴ ᨩᩣᩁᩔ ᨴᩮᩈᩦᨲᩥ?

ᨸᨭᩥᨸᩩᨧ᩠ᨨᨲᩥ ᨶᩣᨾ ᩑᩅᩴ ᨠᩥᩁ ᨲ᩠ᩅᩴ ᩈᩣᨾᩥᨠᩔ ᨴᩮᩈᩥ, ᩑᩅᩴ ᨩᩣᩁᩔ ᨴᩮᩈᩦᨲᩥ.

ᩌᨧᩥᨠ᩠ᨡᨲᩥ ᨶᩣᨾ ᨸᩩᨭ᩠ᨮᩮᩣ ᨽᨱᨲᩥ – ‘‘ᩑᩅᩴ ᨴᩮᩉᩥ. ᩑᩅᩴ ᨴᩮᨶ᩠ᨲᩣ ᩈᩣᨾᩥᨠᩔ ᨸᩥᨿᩣ ᨽᩅᩥᩔᩈᩥ ᨾᨶᩣᨸᩣ ᨧᩣ’’ᨲᩥ.

ᩋᨶᩩᩈᩣᩈᨲᩥ ᨶᩣᨾ ᩋᨸᩩᨭ᩠ᨮᩮᩣ ᨽᨱᨲᩥ – ‘‘ᩑᩅᩴ ᨴᩮᩉᩥ. ᩑᩅᩴ ᨴᩮᨶ᩠ᨲᩣ ᩈᩣᨾᩥᨠᩔ ᨸᩥᨿᩣ ᨽᩅᩥᩔᨲᩥ ᨾᨶᩣᨸᩣ ᨧᩣ’’ᨲᩥ.

ᩋᨠ᩠ᨠᩮᩣᩈᨲᩥ ¶ ᨶᩣᨾ ᩋᨶᩥᨾᩥᨲ᩠ᨲᩣᩈᩥ, ᨶᩥᨾᩥᨲ᩠ᨲᨾᨲ᩠ᨲᩣᩈᩥ, ᩋᩃᩮᩣᩉᩥᨲᩣᩈᩥ, ᨵᩩᩅᩃᩮᩣᩉᩥᨲᩣᩈᩥ ¶ , ᨵᩩᩅᨧᩮᩣᩊᩣᩈᩥ, ᨸᨣ᩠ᨥᩁᨶ᩠ᨲᩦᩈᩥ, ᩈᩥᨡᩁᨱᩦᩈᩥ, ᩍᨲ᩠ᨳᩥᨸᨱ᩠ᨯᨠᩣᩈᩥ, ᩅᩮᨸᩩᩁᩥᩈᩥᨠᩣᩈᩥ, ᩈᨾ᩠ᨽᩥᨶ᩠ᨶᩣᩈᩥ, ᩏᨽᨲᩮᩣᨻ᩠ᨿᨬ᩠ᨩᨶᩣᩈᩦᨲᩥ.

᪒᪘᪖. ᩍᨲ᩠ᨳᩦ ¶ ᨧ ᩉᩮᩣᨲᩥ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩍᨲ᩠ᨳᩥᨿᩣ ᩅᨧ᩠ᨧᨾᨣ᩠ᨣᩴ ᨸᩔᩣᩅᨾᨣ᩠ᨣᩴ ᩌᨴᩥᩔ ᩅᨱ᩠ᨱᨾ᩠ᨸᩥ ᨽᨱᨲᩥ ᩋᩅᨱ᩠ᨱᨾ᩠ᨸᩥ ᨽᨱᨲᩥ ᨿᩣᨧᨲᩥᨸᩥ ᩌᨿᩣᨧᨲᩥᨸᩥ ᨸᩩᨧ᩠ᨨᨲᩥᨸᩥ ᨸᨭᩥᨸᩩᨧ᩠ᨨᨲᩥᨸᩥ ᩌᨧᩥᨠ᩠ᨡᨲᩥᨸᩥ ᩋᨶᩩᩈᩣᩈᨲᩥᨸᩥ ᩋᨠ᩠ᨠᩮᩣᩈᨲᩥᨸᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ…ᨸᩮ… ¶ .

ᨴ᩠ᩅᩮ ᩍᨲ᩠ᨳᩥᨿᩮᩣ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᩅᨧ᩠ᨧᨾᨣ᩠ᨣᩴ ᨸᩔᩣᩅᨾᨣ᩠ᨣᩴ ᩌᨴᩥᩔ ᩅᨱ᩠ᨱᨾ᩠ᨸᩥ ᨽᨱᨲᩥ ᩋᩅᨱ᩠ᨱᩴᨸᩥ ᨽᨱᨲᩥ…ᨸᩮ… ᩋᨠ᩠ᨠᩮᩣᩈᨲᩥᨸᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᩈᨦ᩠ᨥᩣᨴᩥᩈᩮᩈᩣᨶᩴ…ᨸᩮ… ¶ .

ᩍᨲ᩠ᨳᩦ ᨧ ᨸᨱ᩠ᨯᨠᩮᩣ ᨧ ᩏᨽᩥᨶ᩠ᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩏᨽᩥᨶ᩠ᨶᩴ ᩅᨧ᩠ᨧᨾᨣ᩠ᨣᩴ ᨸᩔᩣᩅᨾᨣ᩠ᨣᩴ ᩌᨴᩥᩔ ᩅᨱ᩠ᨱᨾ᩠ᨸᩥ ᨽᨱᨲᩥ ᩋᩅᨱ᩠ᨱᨾ᩠ᨸᩥ ᨽᨱᨲᩥ…ᨸᩮ… ᩋᨠ᩠ᨠᩮᩣᩈᨲᩥᨸᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ…ᨸᩮ… ¶ .

ᩍᨲ᩠ᨳᩦ ᨧ ᩉᩮᩣᨲᩥ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩍᨲ᩠ᨳᩥᨿᩣ ᩅᨧ᩠ᨧᨾᨣ᩠ᨣᩴ ᨸᩔᩣᩅᨾᨣ᩠ᨣᩴ ᨮᨸᩮᨲ᩠ᩅᩣ ᩋᨵᨠ᩠ᨡᨠᩴ ᩏᨻ᩠ᨽᨩᩣᨱᩩᨾᨱ᩠ᨯᩃᩴ ᩌᨴᩥᩔ ᩅᨱ᩠ᨱᨾ᩠ᨸᩥ ᨽᨱᨲᩥ ᩋᩅᨱ᩠ᨱᨾ᩠ᨸᩥ ᨽᨱᨲᩥ…ᨸᩮ… ᩋᨠ᩠ᨠᩮᩣᩈᨲᩥᨸᩥ ¶ , ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ…ᨸᩮ….

ᨴ᩠ᩅᩮ ᩍᨲ᩠ᨳᩥᨿᩮᩣ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᩅᨧ᩠ᨧᨾᨣ᩠ᨣᩴ ᨸᩔᩣᩅᨾᨣ᩠ᨣᩴ ᨮᨸᩮᨲ᩠ᩅᩣ ᩋᨵᨠ᩠ᨡᨠᩴ ᩏᨻ᩠ᨽᨩᩣᨱᩩᨾᨱ᩠ᨯᩃᩴ ᩌᨴᩥᩔ ᩅᨱ᩠ᨱᨾ᩠ᨸᩥ ᨽᨱᨲᩥ ᩋᩅᨱ᩠ᨱᨾ᩠ᨸᩥ ᨽᨱᨲᩥ…ᨸᩮ… ᩋᨠ᩠ᨠᩮᩣᩈᨲᩥᨸᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨳᩩᩃ᩠ᩃᨧ᩠ᨧᨿᩣᨶᩴ…ᨸᩮ….

ᩍᨲ᩠ᨳᩦ ᨧ ᨸᨱ᩠ᨯᨠᩮᩣ ᨧ ᩏᨽᩥᨶ᩠ᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩏᨽᩥᨶ᩠ᨶᩴ ᩅᨧ᩠ᨧᨾᨣ᩠ᨣᩴ ᨸᩔᩣᩅᨾᨣ᩠ᨣᩴ ᨮᨸᩮᨲ᩠ᩅᩣ ᩋᨵᨠ᩠ᨡᨠᩴ ᩏᨻ᩠ᨽᨩᩣᨱᩩᨾᨱ᩠ᨯᩃᩴ ᩌᨴᩥᩔ ᩅᨱ᩠ᨱᨾ᩠ᨸᩥ ᨽᨱᨲᩥ ᩋᩅᨱ᩠ᨱᨾ᩠ᨸᩥ ᨽᨱᨲᩥ…ᨸᩮ… ᩋᨠ᩠ᨠᩮᩣᩈᨲᩥᨸᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩮᨶ ᨴᩩᨠ᩠ᨠᨭᩔ…ᨸᩮ….

ᩍᨲ᩠ᨳᩦ ᨧ ᩉᩮᩣᨲᩥ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ¶ ᩍᨲ᩠ᨳᩥᨿᩣ ᩏᨻ᩠ᨽᨠ᩠ᨡᨠᩴ ᩋᨵᩮᩣᨩᩣᨱᩩᨾᨱ᩠ᨯᩃᩴ ᩌᨴᩥᩔ ᩅᨱ᩠ᨱᨾ᩠ᨸᩥ ᨽᨱᨲᩥ ᩋᩅᨱ᩠ᨱᨾ᩠ᨸᩥ ᨽᨱᨲᩥ…ᨸᩮ… ᩋᨠ᩠ᨠᩮᩣᩈᨲᩥᨸᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ….

ᨴ᩠ᩅᩮ ¶ ᩍᨲ᩠ᨳᩥᨿᩮᩣ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᩏᨻ᩠ᨽᨠ᩠ᨡᨠᩴ ᩋᨵᩮᩣᨩᩣᨱᩩᨾᨱ᩠ᨯᩃᩴ ᩌᨴᩥᩔ ᩅᨱ᩠ᨱᨾ᩠ᨸᩥ ᨽᨱᨲᩥ ᩋᩅᨱ᩠ᨱᨾ᩠ᨸᩥ ᨽᨱᨲᩥ…ᨸᩮ… ᩋᨠ᩠ᨠᩮᩣᩈᨲᩥᨸᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ….

ᩍᨲ᩠ᨳᩦ ¶ ᨧ ᨸᨱ᩠ᨯᨠᩮᩣ ᨧ ᩏᨽᩥᨶ᩠ᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩏᨽᩥᨶ᩠ᨶᩴ ᩏᨻ᩠ᨽᨠ᩠ᨡᨠᩴ ᩋᨵᩮᩣᨩᩣᨱᩩᨾᨱ᩠ᨯᩃᩴ ᩌᨴᩥᩔ ᩅᨱ᩠ᨱᨾ᩠ᨸᩥ ᨽᨱᨲᩥ ᩋᩅᨱ᩠ᨱᨾ᩠ᨸᩥ ᨽᨱᨲᩥ…ᨸᩮ… ᩋᨠ᩠ᨠᩮᩣᩈᨲᩥᨸᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ….

ᩍᨲ᩠ᨳᩦ ᨧ ᩉᩮᩣᨲᩥ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩍᨲ᩠ᨳᩥᨿᩣ ᨠᩣᨿᨸᨭᩥᨻᨴ᩠ᨵᩴ ᩌᨴᩥᩔ ᩅᨱ᩠ᨱᨾ᩠ᨸᩥ ᨽᨱᨲᩥ ᩋᩅᨱ᩠ᨱᨾ᩠ᨸᩥ ᨽᨱᨲᩥ…ᨸᩮ… ᩋᨠ᩠ᨠᩮᩣᩈᨲᩥᨸᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ….

ᨴ᩠ᩅᩮ ᩍᨲ᩠ᨳᩥᨿᩮᩣ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᨠᩣᨿᨸᨭᩥᨻᨴ᩠ᨵᩴ ᩌᨴᩥᩔ ᩅᨱ᩠ᨱᨾ᩠ᨸᩥ ᨽᨱᨲᩥ ᩋᩅᨱ᩠ᨱᨾ᩠ᨸᩥ ᨽᨱᨲᩥ…ᨸᩮ… ᩋᨠ᩠ᨠᩮᩣᩈᨲᩥᨸᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ….

ᩍᨲ᩠ᨳᩦ ᨧ ᨸᨱ᩠ᨯᨠᩮᩣ ᨧ ᩏᨽᩥᨶ᩠ᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩏᨽᩥᨶ᩠ᨶᩴ ᨠᩣᨿᨸᨭᩥᨻᨴ᩠ᨵᩴ ᩌᨴᩥᩔ ᩅᨱ᩠ᨱᨾ᩠ᨸᩥ ᨽᨱᨲᩥ ᩋᩅᨱ᩠ᨱᨾ᩠ᨸᩥ ᨽᨱᨲᩥ…ᨸᩮ… ᩋᨠ᩠ᨠᩮᩣᩈᨲᩥᨸᩥ, ᩌᨸᨲ᩠ᨲᩥ ¶ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ….

᪒᪘᪗. ᩋᨶᩣᨸᨲ᩠ᨲᩥ ᩋᨲ᩠ᨳᨸᩩᩁᩮᨠ᩠ᨡᩣᩁᩔ, ᨵᨾ᩠ᨾᨸᩩᩁᩮᨠ᩠ᨡᩣᩁᩔ, ᩋᨶᩩᩈᩣᩈᨶᩥᨸᩩᩁᩮᨠ᩠ᨡᩣᩁᩔ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᩅᩥᨶᩦᨲᩅᨲ᩠ᨳᩩᩏᨴ᩠ᨴᩣᨶᨣᩣᨳᩣ

ᩃᩮᩣᩉᩥᨲᩴ ᨠᨠ᩠ᨠᩈᩣᨠᩥᨱ᩠ᨱᩴ, ᨡᩁᩴ ᨴᩦᨥᨬ᩠ᨧ ᩅᩣᨸᩥᨲᩴ;

ᨠᨧ᩠ᨧᩥ ᩈᩴᩈᩦᨴᨲᩥ ᨾᨣ᩠ᨣᩮᩣ, ᩈᨴ᩠ᨵᩣ ᨴᩣᨶᩮᨶ ᨠᨾ᩠ᨾᩩᨶᩣᨲᩥ.

ᩅᩥᨶᩦᨲᩅᨲ᩠ᨳᩩ

᪒᪘᪘. ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩣ ᩍᨲ᩠ᨳᩦ ᨶᩅᩁᨲ᩠ᨲᩴ ᨠᨾ᩠ᨻᩃᩴ ᨸᩣᩁᩩᨲᩣ ᩉᩮᩣᨲᩥ. ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᩣᩁᨲ᩠ᨲᩮᩣ ᨲᩴ ᩍᨲ᩠ᨳᩥᩴ ᩑᨲᨴᩅᩮᩣᨧ – ‘‘ᩃᩮᩣᩉᩥᨲᩴ ᨡᩮᩣ ᨲᩮ, ᨽᨣᩥᨶᩦ’’ᨲᩥ. ᩈᩣ ᨶ ᨸᨭᩥᩅᩥᨩᩣᨶᩥ. ‘‘ᩌᨾᩣᨿ᩠ᨿ, ᨶᩅᩁᨲ᩠ᨲᩮᩣ ᨠᨾ᩠ᨻᩃᩮᩣ’’ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ ‘‘ᨽᨣᩅᨲᩣ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ, ᨠᨧ᩠ᨧᩥ ᨶᩩ ᨡᩮᩣ ᩋᩉᩴ ᩈᨦ᩠ᨥᩣᨴᩥᩈᩮᩈᩴ ᩌᨸᨲ᩠ᨲᩥᩴ ᩌᨸᨶ᩠ᨶᩮᩣ’’ᨲᩥ? ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩣ ᩍᨲ᩠ᨳᩦ ᨡᩁᨠᨾ᩠ᨻᩃᩴ ᨸᩣᩁᩩᨲᩣ ᩉᩮᩣᨲᩥ. ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᩣᩁᨲ᩠ᨲᩮᩣ ᨲᩴ ᩍᨲ᩠ᨳᩥᩴ ᩑᨲᨴᩅᩮᩣᨧ – ‘‘ᨠᨠ᩠ᨠᩈᩃᩮᩣᨾᩴ ᨡᩮᩣ ᨲᩮ, ᨽᨣᩥᨶᩦ’’ᨲᩥ. ᩈᩣ ᨶ ᨸᨭᩥᩅᩥᨩᩣᨶᩥ. ‘‘ᩌᨾᩣᨿ᩠ᨿ, ᨡᩁᨠᨾ᩠ᨻᩃᨠᩮᩣ’’ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ¶ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩣ ᩍᨲ᩠ᨳᩦ ᨶᩅᩣᩅᩩᨲᩴ ᨠᨾ᩠ᨻᩃᩴ ᨸᩣᩁᩩᨲᩣ ᩉᩮᩣᨲᩥ. ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᩣᩁᨲ᩠ᨲᩮᩣ ᨲᩴ ᩍᨲ᩠ᨳᩥᩴ ᩑᨲᨴᩅᩮᩣᨧ – ‘‘ᩌᨠᩥᨱ᩠ᨱᩃᩮᩣᨾᩴ ᨡᩮᩣ ᨲᩮ, ᨽᨣᩥᨶᩦ’’ᨲᩥ. ᩈᩣ ᨶ ᨸᨭᩥᩅᩥᨩᩣᨶᩥ. ‘‘ᩌᨾᩣᨿ᩠ᨿ, ᨶᩅᩣᩅᩩᨲᩮᩣ ᨠᨾ᩠ᨻᩃᩮᩣ’’ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ¶ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩣ ᩍᨲ᩠ᨳᩦ ᨡᩁᨠᨾ᩠ᨻᩃᩴ ᨸᩣᩁᩩᨲᩣ ᩉᩮᩣᨲᩥ. ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᩣᩁᨲ᩠ᨲᩮᩣ ᨲᩴ ᩍᨲ᩠ᨳᩥᩴ ᩑᨲᨴᩅᩮᩣᨧ – ‘‘ᨡᩁᩃᩮᩣᨾᩴ ᨡᩮᩣ ᨲᩮ, ᨽᨣᩥᨶᩦ’’ᨲᩥ. ᩈᩣ ᨶ ᨸᨭᩥᩅᩥᨩᩣᨶᩥ. ‘‘ᩌᨾᩣᨿ᩠ᨿ, ᨡᩁᨠᨾ᩠ᨻᩃᨠᩮᩣ’’ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩣ ᩍᨲ᩠ᨳᩦ ᨸᩣᩅᩣᩁᩴ [ᨴᩦᨥᨸᩣᩅᩣᩁᩴ (ᩈ᩠ᨿᩣ.)] ᨸᩣᩁᩩᨲᩣ ᩉᩮᩣᨲᩥ. ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᩣᩁᨲ᩠ᨲᩮᩣ ᨲᩴ ᩍᨲ᩠ᨳᩥᩴ ᩑᨲᨴᩅᩮᩣᨧ – ‘‘ᨴᩦᨥᩃᩮᩣᨾᩴ ᨡᩮᩣ ᨲᩮ, ᨽᨣᩥᨶᩦ’’ᨲᩥ. ᩈᩣ ᨶ ᨸᨭᩥᩅᩥᨩᩣᨶᩥ. ‘‘ᩌᨾᩣᨿ᩠ᨿ, ᨸᩣᩅᩣᩁᩮᩣ’’ [ᨴᩦᨥᨸᩣᩅᩣᩁᩮᩣ (ᩈ᩠ᨿᩣ.)] ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

᪒᪘᪙. ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩣ ᩍᨲ᩠ᨳᩦ ᨡᩮᨲ᩠ᨲᩴ ᩅᨸᩣᨸᩮᨲ᩠ᩅᩣ ᩌᨣᨧ᩠ᨨᨲᩥ. ᩋᨬ᩠ᨬᨲᩁᩮᩣ ¶ ᨽᩥᨠ᩠ᨡᩩ ᩈᩣᩁᨲ᩠ᨲᩮᩣ ᨲᩴ ᩍᨲ᩠ᨳᩥᩴ ᩑᨲᨴᩅᩮᩣᨧ – ‘‘ᩅᩣᨸᩥᨲᩴ ᨡᩮᩣ ᨲᩮ, ᨽᨣᩥᨶᩦ’’ᨲᩥ? ᩈᩣ ᨶ ᨸᨭᩥᩅᩥᨩᩣᨶᩥ. ‘‘ᩌᨾᩣᨿ᩠ᨿ, ᨶᩮᩣ ᨧ ᨡᩮᩣ ᨸᨭᩥᩅᩩᨲ᩠ᨲ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨸᩁᩥᨻ᩠ᨻᩣᨩᩥᨠᩴ ᨸᨭᩥᨸᨳᩮ ᨸᩔᩥᨲ᩠ᩅᩣ ᩈᩣᩁᨲ᩠ᨲᩮᩣ ᨲᩴ ᨸᩁᩥᨻ᩠ᨻᩣᨩᩥᨠᩴ ᩑᨲᨴᩅᩮᩣᨧ – ‘‘ᨠᨧ᩠ᨧᩥ, ᨽᨣᩥᨶᩥ, ᨾᨣ᩠ᨣᩮᩣ ᩈᩴᩈᩦᨴᨲᩦ’’ᨲᩥ? ᩈᩣ ᨶ ᨸᨭᩥᩅᩥᨩᩣᨶᩥ. ‘‘ᩌᨾ ᨽᩥᨠ᩠ᨡᩩ, ᨸᨭᩥᨸᨩ᩠ᨩᩥᩔᩈᩦ’’ᨲᩥ ¶ . ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᩣᩁᨲ᩠ᨲᩮᩣ ᩋᨬ᩠ᨬᨲᩁᩴ ᩍᨲ᩠ᨳᩥᩴ ᩑᨲᨴᩅᩮᩣᨧ – ‘‘ᩈᨴ᩠ᨵᩣᩈᩥ ᨲ᩠ᩅᩴ, ᨽᨣᩥᨶᩥ. ᩋᨸᩥᨧ, ᨿᩴ ᩈᩣᨾᩥᨠᩔ ᨴᩮᩈᩥ ᨲᩴ ᨶᩣᨾ᩠ᩉᩣᨠᩴ ᨴᩮᩈᩦ’’ᨲᩥ ¶ . ‘‘ᨠᩥᩴ, ᨽᨶ᩠ᨲᩮ’’ᨲᩥ? ‘‘ᨾᩮᨳᩩᨶᨵᨾ᩠ᨾ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᩈᨦ᩠ᨥᩣᨴᩥᩈᩮᩈ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᩣᩁᨲ᩠ᨲᩮᩣ ᩋᨬ᩠ᨬᨲᩁᩴ ᩍᨲ᩠ᨳᩥᩴ ᩑᨲᨴᩅᩮᩣᨧ – ‘‘ᩈᨴ᩠ᨵᩣᩈᩥ ᨲ᩠ᩅᩴ, ᨽᨣᩥᨶᩥ. ᩋᨸᩥᨧ, ᨿᩴ ᩋᨣ᩠ᨣᨴᩣᨶᩴ ᨲᩴ ᨶᩣᨾ᩠ᩉᩣᨠᩴ ᨴᩮᩈᩦ’’ᨲᩥ. ‘‘ᨠᩥᩴ, ᨽᨶ᩠ᨲᩮ, ᩋᨣ᩠ᨣᨴᩣᨶ’’ᨶ᩠ᨲᩥ? ‘‘ᨾᩮᨳᩩᨶᨵᨾ᩠ᨾ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᩈᨦ᩠ᨥᩣᨴᩥᩈᩮᩈ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩣ ᩍᨲ᩠ᨳᩦ ᨠᨾ᩠ᨾᩴ ᨠᩁᩮᩣᨲᩥ. ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩈᩣᩁᨲ᩠ᨲᩮᩣ ¶ ᨲᩴ ᩍᨲ᩠ᨳᩥᩴ ᩑᨲᨴᩅᩮᩣᨧ – ‘‘ᨲᩥᨭ᩠ᨮ, ᨽᨣᩥᨶᩥ, ᩋᩉᩴ ᨠᩁᩥᩔᩣᨾᩦᨲᩥ…ᨸᩮ… ᨶᩥᩈᩦᨴ, ᨽᨣᩥᨶᩥ, ᩋᩉᩴ ᨠᩁᩥᩔᩣᨾᩦᨲᩥ…ᨸᩮ… ᨶᩥᨸᨩ᩠ᨩ, ᨽᨣᩥᨶᩥ, ᩋᩉᩴ ᨠᩁᩥᩔᩣᨾᩦ’’ᨲᩥ. ᩈᩣ ᨶ ᨸᨭᩥᩅᩥᨩᩣᨶᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨴᩩᨭ᩠ᨮᩩᩃ᩠ᩃᩅᩣᨧᩣᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨲᨲᩥᨿᩴ.

᪔. ᩋᨲ᩠ᨲᨠᩣᨾᨸᩣᩁᩥᨧᩁᩥᨿᩈᩥᨠ᩠ᨡᩣᨸᨴᩴ

᪒᪙᪐. ᨲᩮᨶ ¶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ ᨩᩮᨲᩅᨶᩮ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᨿᩈ᩠ᨾᩣ ᩏᨴᩣᨿᩦ ᩈᩣᩅᨲ᩠ᨳᩥᨿᩴ ᨠᩩᩃᩪᨸᨠᩮᩣ ᩉᩮᩣᨲᩥ, ᨻᩉᩩᨠᩣᨶᩥ ᨠᩩᩃᩣᨶᩥ ᩏᨸᩈᨦ᩠ᨠᨾᨲᩥ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩣ ᩍᨲ᩠ᨳᩦ ᨾᨲᨸᨲᩥᨠᩣ ᩋᨽᩥᩁᩪᨸᩣ ᩉᩮᩣᨲᩥ ᨴᩔᨶᩦᨿᩣ ᨸᩣᩈᩣᨴᩥᨠᩣ. ᩋᨳ ᨡᩮᩣ ᩌᨿᩈ᩠ᨾᩣ ᩏᨴᩣᨿᩦ ᨸᩩᨻ᩠ᨻᨱ᩠ᩉᩈᨾᨿᩴ ᨶᩥᩅᩣᩈᩮᨲ᩠ᩅᩣ ᨸᨲ᩠ᨲᨧᩦᩅᩁᨾᩣᨴᩣᨿ ᨿᩮᨶ ᨲᩔᩣ ᩍᨲ᩠ᨳᩥᨿᩣ ᨶᩥᩅᩮᩈᨶᩴ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ¶ ᨸᨬ᩠ᨬᨲ᩠ᨲᩮ ᩌᩈᨶᩮ ᨶᩥᩈᩦᨴᩥ. ᩋᨳ ᨡᩮᩣ ᩈᩣ ᩍᨲ᩠ᨳᩦ ᨿᩮᨶᩣᨿᩈ᩠ᨾᩣ ᩏᨴᩣᨿᩦ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᩏᨴᩣᨿᩥᩴ ᩋᨽᩥᩅᩣᨴᩮᨲ᩠ᩅᩣ ᩑᨠᨾᨶ᩠ᨲᩴ ᨶᩥᩈᩦᨴᩥ. ᩑᨠᨾᨶ᩠ᨲᩴ ᨶᩥᩈᩥᨶ᩠ᨶᩴ ᨡᩮᩣ ᨲᩴ ᩍᨲ᩠ᨳᩥᩴ ᩌᨿᩈ᩠ᨾᩣ ᩏᨴᩣᨿᩦ ᨵᨾ᩠ᨾᩥᨿᩣ ᨠᨳᩣᨿ ᩈᨶ᩠ᨴᩔᩮᩈᩥ ᩈᨾᩣᨴᨸᩮᩈᩥ ᩈᨾᩩᨲ᩠ᨲᩮᨩᩮᩈᩥ ᩈᨾ᩠ᨸᩉᩴᩈᩮᩈᩥ. ᩋᨳ ᨡᩮᩣ ᩈᩣ ᩍᨲ᩠ᨳᩦ ᩌᨿᩈ᩠ᨾᨲᩣ ᩏᨴᩣᨿᩥᨶᩣ ᨵᨾ᩠ᨾᩥᨿᩣ ᨠᨳᩣᨿ ᩈᨶ᩠ᨴᩔᩥᨲᩣ ᩈᨾᩣᨴᨸᩥᨲᩣ ᩈᨾᩩᨲ᩠ᨲᩮᨩᩥᨲᩣ ᩈᨾ᩠ᨸᩉᩴᩈᩥᨲᩣ ᩌᨿᩈ᩠ᨾᨶ᩠ᨲᩴ ᩏᨴᩣᨿᩥᩴ ᩑᨲᨴᩅᩮᩣᨧ – ‘‘ᩅᨴᩮᨿ᩠ᨿᩣᨳ, ᨽᨶ᩠ᨲᩮ, ᨿᩮᨶ ᩋᨲ᩠ᨳᩮᩣ. ᨸᨭᩥᨻᩃᩣ ᨾᨿᩴ ᩋᨿ᩠ᨿᩔ ᨴᩣᨲᩩᩴ ᨿᨴᩥᨴᩴ ᨧᩦᩅᩁᨸᩥᨱ᩠ᨯᨸᩣᨲᩈᩮᨶᩣᩈᨶᨣᩥᩃᩣᨶᨸ᩠ᨸᨧ᩠ᨧᨿᨽᩮᩈᨩ᩠ᨩᨸᩁᩥᨠ᩠ᨡᩣᩁ’’ᨶ᩠ᨲᩥ.

‘‘ᨶ ¶ ᨡᩮᩣ ᨲᩮ, ᨽᨣᩥᨶᩥ, ᩋᨾ᩠ᩉᩣᨠᩴ ᨴᩩᩃ᩠ᩃᨽᩣ ᨿᨴᩥᨴᩴ ᨧᩦᩅᩁᨸᩥᨱ᩠ᨯᨸᩣᨲᩈᩮᨶᩣᩈᨶᨣᩥᩃᩣᨶᨸ᩠ᨸᨧ᩠ᨧᨿᨽᩮᩈᨩ᩠ᨩᨸᩁᩥᨠ᩠ᨡᩣᩁᩣ. ᩋᨸᩥᨧ, ᨿᩮᩣ ᩋᨾ᩠ᩉᩣᨠᩴ ᨴᩩᩃ᩠ᩃᨽᩮᩣ ᨲᩴ ᨴᩮᩉᩦ’’ᨲᩥ. ‘‘ᨠᩥᩴ, ᨽᨶ᩠ᨲᩮ’’ᨲᩥ? ‘‘ᨾᩮᨳᩩᨶᨵᨾ᩠ᨾ’’ᨶ᩠ᨲᩥ. ‘‘ᩋᨲ᩠ᨳᩮᩣ ¶ , ᨽᨶ᩠ᨲᩮ’’ᨲᩥ? ‘‘ᩋᨲ᩠ᨳᩮᩣ, ᨽᨣᩥᨶᩦ’’ᨲᩥ. ‘‘ᩑᩉᩥ, ᨽᨶ᩠ᨲᩮ’’ᨲᩥ, ᩒᩅᩁᨠᩴ ᨸᩅᩥᩈᩥᨲ᩠ᩅᩣ ᩈᩣᨭᨠᩴ ᨶᩥᨠ᩠ᨡᩥᨸᩥᨲ᩠ᩅᩣ ᨾᨬ᩠ᨧᨠᩮ ᩏᨲ᩠ᨲᩣᨶᩣ ᨶᩥᨸᨩ᩠ᨩᩥ. ᩋᨳ ᨡᩮᩣ ᩌᨿᩈ᩠ᨾᩣ ᩏᨴᩣᨿᩦ ᨿᩮᨶ ᩈᩣ ᩍᨲ᩠ᨳᩦ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ – ‘‘ᨠᩮᩣ ᩍᨾᩴ ᩅᩈᩃᩴ ᨴᩩᨣ᩠ᨣᨶ᩠ᨵᩴ ᩌᨾᩈᩥᩔᨲᩦ’’ᨲᩥ, ᨶᩥᨭ᩠ᨮᩩᩉᩥᨲ᩠ᩅᩣ ᨸᨠ᩠ᨠᩣᨾᩥ. ᩋᨳ ᨡᩮᩣ ᩈᩣ ᩍᨲ᩠ᨳᩦ ᩏᨩ᩠ᨫᩣᨿᨲᩥ ᨡᩥᨿ᩠ᨿᨲᩥ ᩅᩥᨸᩣᨧᩮᨲᩥ – ‘‘ᩋᩃᨩ᩠ᨩᩥᨶᩮᩣ ᩍᨾᩮ ᩈᨾᨱᩣ ᩈᨠ᩠ᨿᨸᩩᨲ᩠ᨲᩥᨿᩣ ᨴᩩᩔᩦᩃᩣ ᨾᩩᩈᩣᩅᩣᨴᩥᨶᩮᩣ. ᩍᨾᩮ ᩉᩥ ᨶᩣᨾ ᨵᨾ᩠ᨾᨧᩣᩁᩥᨶᩮᩣ ᩈᨾᨧᩣᩁᩥᨶᩮᩣ ᨻᩕᩉ᩠ᨾᨧᩣᩁᩥᨶᩮᩣ ᩈᨧ᩠ᨧᩅᩣᨴᩥᨶᩮᩣ ᩈᩦᩃᩅᨶ᩠ᨲᩮᩣ ᨠᩃ᩠ᨿᩣᨱᨵᨾ᩠ᨾᩣ ᨸᨭᩥᨩᩣᨶᩥᩔᨶ᩠ᨲᩥ! ᨶᨲ᩠ᨳᩥ ᩍᨾᩮᩈᩴ ᩈᩣᨾᨬ᩠ᨬᩴ ᨶᨲ᩠ᨳᩥ ᩍᨾᩮᩈᩴ ᨻᩕᩉ᩠ᨾᨬ᩠ᨬᩴ, ᨶᨭ᩠ᨮᩴ ᩍᨾᩮᩈᩴ ᩈᩣᨾᨬ᩠ᨬᩴ ᨶᨭ᩠ᨮᩴ ᩍᨾᩮᩈᩴ ᨻᩕᩉ᩠ᨾᨬ᩠ᨬᩴ, ᨠᩩᨲᩮᩣ ᩍᨾᩮᩈᩴ ᩈᩣᨾᨬ᩠ᨬᩴ ᨠᩩᨲᩮᩣ ᩍᨾᩮᩈᩴ ᨻᩕᩉ᩠ᨾᨬ᩠ᨬᩴ, ᩋᨸᨣᨲᩣ ᩍᨾᩮ ᩈᩣᨾᨬ᩠ᨬᩣ ᩋᨸᨣᨲᩣ ᩍᨾᩮ ᨻᩕᩉ᩠ᨾᨬ᩠ᨬᩣ. ᨠᨳᨬ᩠ᩉᩥ ᨶᩣᨾ ᩈᨾᨱᩮᩣ ᩏᨴᩣᨿᩦ ᨾᩴ ᩈᩣᨾᩴ ᨾᩮᨳᩩᨶᨵᨾ᩠ᨾᩴ ᨿᩣᨧᩥᨲ᩠ᩅᩣ, ‘ᨠᩮᩣ ᩍᨾᩴ ᩅᩈᩃᩴ ᨴᩩᨣ᩠ᨣᨶ᩠ᨵᩴ ᩌᨾᩈᩥᩔᨲᩦ’’ᨲᩥ ᨶᩥᨭ᩠ᨮᩩᩉᩥᨲ᩠ᩅᩣ ᨸᨠ᩠ᨠᨾᩥᩔᨲᩥ! ᨠᩥᩴ ᨾᩮ ᨸᩣᨸᨠᩴ ᨠᩥᩴ ᨾᩮ ᨴᩩᨣ᩠ᨣᨶ᩠ᨵᩴ, ᨠᩔᩣᩉᩴ ᨠᩮᨶ ᩉᩣᨿᩣᨾᩦ’’ᨲᩥ? ᩋᨬ᩠ᨬᩣᨸᩥ ᩍᨲ᩠ᨳᩥᨿᩮᩣ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᩋᩃᨩ᩠ᨩᩥᨶᩮᩣ ᩍᨾᩮ ᩈᨾᨱᩣ ¶ ᩈᨠ᩠ᨿᨸᩩᨲ᩠ᨲᩥᨿᩣ ᨴᩩᩔᩦᩃᩣ ᨾᩩᩈᩣᩅᩣᨴᩥᨶᩮᩣ…ᨸᩮ… ᨠᨳᨬ᩠ᩉᩥ ᨶᩣᨾ ᩈᨾᨱᩮᩣ ᩏᨴᩣᨿᩦ ᩍᨾᩥᩔᩣ ᩈᩣᨾᩴ ᨾᩮᨳᩩᨶᨵᨾ᩠ᨾᩴ ¶ ᨿᩣᨧᩥᨲ᩠ᩅᩣ, ‘ᨠᩮᩣ ᩍᨾᩴ ᩅᩈᩃᩴ ᨴᩩᨣ᩠ᨣᨶ᩠ᨵᩴ ᩌᨾᩈᩥᩔᨲᩦ’ᨲᩥ ᨶᩥᨭ᩠ᨮᩩᩉᩥᨲ᩠ᩅᩣ ᨸᨠ᩠ᨠᨾᩥᩔᨲᩥ! ᨠᩥᩴ ᩍᨾᩥᩔᩣ ᨸᩣᨸᨠᩴ ᨠᩥᩴ ᩍᨾᩥᩔᩣ ᨴᩩᨣ᩠ᨣᨶ᩠ᨵᩴ, ᨠᩔᩣᨿᩴ ᨠᩮᨶ ᩉᩣᨿᨲᩦ’’ᨲᩥ? ᩋᩔᩮᩣᩈᩩᩴ ᨡᩮᩣ ᨽᩥᨠ᩠ᨡᩪ ᨲᩣᩈᩴ ᩍᨲ᩠ᨳᩦᨶᩴ ᩏᨩ᩠ᨫᩣᨿᨶ᩠ᨲᩦᨶᩴ ᨡᩥᨿ᩠ᨿᨶ᩠ᨲᩦᨶᩴ ᩅᩥᨸᩣᨧᩮᨶ᩠ᨲᩦᨶᩴ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩌᨿᩈ᩠ᨾᩣ ᩏᨴᩣᨿᩦ ᨾᩣᨲᩩᨣᩣᨾᩔ ᩈᨶ᩠ᨲᩥᨠᩮ ᩋᨲ᩠ᨲᨠᩣᨾᨸᩣᩁᩥᨧᩁᩥᨿᩣᨿ ᩅᨱ᩠ᨱᩴ ᨽᩣᩈᩥᩔᨲᩦ’’ᨲᩥ!

ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᩌᨿᩈ᩠ᨾᨶ᩠ᨲᩴ ᩏᨴᩣᨿᩥᩴ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ᩋᨳ ᨡᩮᩣ ᨽᨣᩅᩣ ᩑᨲᩈ᩠ᨾᩥᩴ ᨶᩥᨴᩣᨶᩮ ᩑᨲᩈ᩠ᨾᩥᩴ ᨸᨠᩁᨱᩮ ᨽᩥᨠ᩠ᨡᩩᩈᨦ᩠ᨥᩴ ᩈᨶ᩠ᨶᩥᨸᩣᨲᩣᨸᩮᨲ᩠ᩅᩣ ¶ ᩌᨿᩈ᩠ᨾᨶ᩠ᨲᩴ ᩏᨴᩣᨿᩥᩴ ᨸᨭᩥᨸᩩᨧ᩠ᨨᩥ – ‘‘ᩈᨧ᩠ᨧᩴ ᨠᩥᩁ ᨲ᩠ᩅᩴ, ᩏᨴᩣᨿᩥ, ᨾᩣᨲᩩᨣᩣᨾᩔ ᩈᨶ᩠ᨲᩥᨠᩮ ᩋᨲ᩠ᨲᨠᩣᨾᨸᩣᩁᩥᨧᩁᩥᨿᩣᨿ ᩅᨱ᩠ᨱᩴ ᨽᩣᩈᩈᩦ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ – ‘‘ᩋᨶᨶᩩᨧ᩠ᨨᩅᩥᨠᩴ, ᨾᩮᩣᨥᨸᩩᩁᩥᩈ, ᩋᨶᨶᩩᩃᩮᩣᨾᩥᨠᩴ ᩋᨸ᩠ᨸᨲᩥᩁᩪᨸᩴ ᩋᩔᩣᨾᨱᨠᩴ ᩋᨠᨸ᩠ᨸᩥᨿᩴ ᩋᨠᩁᨱᩦᨿᩴ. ᨠᨳᨬ᩠ᩉᩥ ᨶᩣᨾ ᨲ᩠ᩅᩴ, ᨾᩮᩣᨥᨸᩩᩁᩥᩈ, ᨾᩣᨲᩩᨣᩣᨾᩔ ᩈᨶ᩠ᨲᩥᨠᩮ ᩋᨲ᩠ᨲᨠᩣᨾᨸᩣᩁᩥᨧᩁᩥᨿᩣᨿ ᩅᨱ᩠ᨱᩴ ᨽᩣᩈᩥᩔᩈᩥ! ᨶᨶᩩ ᨾᨿᩣ ¶ , ᨾᩮᩣᨥᨸᩩᩁᩥᩈ, ᩋᨶᩮᨠᨸᩁᩥᨿᩣᨿᩮᨶ ᩅᩥᩁᩣᨣᩣᨿ ᨵᨾ᩠ᨾᩮᩣ ᨴᩮᩈᩥᨲᩮᩣ ᨶᩮᩣ ᩈᩁᩣᨣᩣᨿ…ᨸᩮ… ᨠᩣᨾᨸᩁᩥᩊᩣᩉᩣᨶᩴ ᩅᩪᨸᩈᨾᩮᩣ ᩋᨠ᩠ᨡᩣᨲᩮᩣ? ᨶᩮᨲᩴ, ᨾᩮᩣᨥᨸᩩᩁᩥᩈ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪒᪙᪑. ‘‘ᨿᩮᩣ ᨸᨶ ᨽᩥᨠ᩠ᨡᩩ ᩒᨲᩥᨱ᩠ᨱᩮᩣ ᩅᩥᨸᩁᩥᨱᨲᩮᨶ ᨧᩥᨲ᩠ᨲᩮᨶ ᨾᩣᨲᩩᨣᩣᨾᩔ ᩈᨶ᩠ᨲᩥᨠᩮ ᩋᨲ᩠ᨲᨠᩣᨾᨸᩣᩁᩥᨧᩁᩥᨿᩣᨿ ᩅᨱ᩠ᨱᩴ ᨽᩣᩈᩮᨿ᩠ᨿ – ‘ᩑᨲᨴᨣ᩠ᨣᩴ, ᨽᨣᩥᨶᩥ, ᨸᩣᩁᩥᨧᩁᩥᨿᩣᨶᩴ ᨿᩣ ᨾᩣᨴᩥᩈᩴ ᩈᩦᩃᩅᨶ᩠ᨲᩴ ᨠᩃ᩠ᨿᩣᨱᨵᨾ᩠ᨾᩴ ᨻᩕᩉ᩠ᨾᨧᩣᩁᩥᩴ ᩑᨲᩮᨶ ᨵᨾ᩠ᨾᩮᨶ ᨸᩁᩥᨧᩁᩮᨿ᩠ᨿᩣᨲᩥ ᨾᩮᨳᩩᨶᩩᨸᩈᩴᩉᩥᨲᩮᨶ’, ᩈᨦ᩠ᨥᩣᨴᩥᩈᩮᩈᩮᩣ’’ᨲᩥ.

᪒᪙᪒. ᨿᩮᩣ ¶ ᨸᨶᩣᨲᩥ ᨿᩮᩣ ᨿᩣᨴᩥᩈᩮᩣ…ᨸᩮ… ᨽᩥᨠ᩠ᨡᩪᨲᩥ…ᨸᩮ… ᩋᨿᩴ ᩍᨾᩈ᩠ᨾᩥᩴ ᩋᨲ᩠ᨳᩮ ᩋᨵᩥᨸ᩠ᨸᩮᨲᩮᩣ ᨽᩥᨠ᩠ᨡᩪᨲᩥ.

ᩒᨲᩥᨱ᩠ᨱᩮᩣ ᨶᩣᨾ ᩈᩣᩁᨲ᩠ᨲᩮᩣ ᩋᨸᩮᨠ᩠ᨡᩅᩣ ᨸᨭᩥᨻᨴ᩠ᨵᨧᩥᨲ᩠ᨲᩮᩣ.

ᩅᩥᨸᩁᩥᨱᨲᨶ᩠ᨲᩥ ᩁᨲ᩠ᨲᨾ᩠ᨸᩥ ᨧᩥᨲ᩠ᨲᩴ ᩅᩥᨸᩁᩥᨱᨲ᩠ᨲᩴ, ᨴᩩᨭ᩠ᨮᨾ᩠ᨸᩥ ᨧᩥᨲ᩠ᨲᩴ ᩅᩥᨸᩁᩥᨱᨲᩴ, ᨾᩪᩊ᩠ᩉᨾ᩠ᨸᩥ ᨧᩥᨲ᩠ᨲᩴ ᩅᩥᨸᩁᩥᨱᨲᩴ. ᩋᨸᩥᨧ, ᩁᨲ᩠ᨲᩴ ᨧᩥᨲ᩠ᨲᩴ ᩍᨾᩈ᩠ᨾᩥᩴ ᩋᨲ᩠ᨳᩮ ᩋᨵᩥᨸ᩠ᨸᩮᨲᩴ ᩅᩥᨸᩁᩥᨱᨲᨶ᩠ᨲᩥ.

ᨾᩣᨲᩩᨣᩣᨾᩮᩣ ¶ ᨶᩣᨾ ᨾᨶᩩᩔᩥᨲ᩠ᨳᩦ, ᨶ ᨿᨠ᩠ᨡᩦ, ᨶ ᨸᩮᨲᩦ, ᨶ ᨲᩥᩁᨧ᩠ᨨᩣᨶᨣᨲᩣ. ᩅᩥᨬ᩠ᨬᩪ ᨸᨭᩥᨻᩃᩣ ᩈᩩᨽᩣᩈᩥᨲᨴᩩᨻ᩠ᨽᩣᩈᩥᨲᩴ ᨴᩩᨭ᩠ᨮᩃ᩠ᩃᩣᨴᩩᨭ᩠ᨮᩩᩃ᩠ᩃᩴ ᩌᨩᩣᨶᩥᨲᩩᩴ.

ᨾᩣᨲᩩᨣᩣᨾᩔ ᩈᨶ᩠ᨲᩥᨠᩮᨲᩥ ᨾᩣᨲᩩᨣᩣᨾᩔ ᩈᩣᨾᨶ᩠ᨲᩣ, ᨾᩣᨲᩩᨣᩣᨾᩔ ᩋᩅᩥᨴᩪᩁᩮ.

ᩋᨲ᩠ᨲᨠᩣᨾᨶ᩠ᨲᩥ ᩋᨲ᩠ᨲᨶᩮᩣ ᨠᩣᨾᩴ ᩋᨲ᩠ᨲᨶᩮᩣ ᩉᩮᨲᩩᩴ ᩋᨲ᩠ᨲᨶᩮᩣ ᩋᨵᩥᨸ᩠ᨸᩣᨿᩴ ᩋᨲ᩠ᨲᨶᩮᩣ ᨸᩣᩁᩥᨧᩁᩥᨿᩴ.

ᩑᨲᨴᨣ᩠ᨣᨶ᩠ᨲᩥ ᩑᨲᩴ ᩋᨣ᩠ᨣᩴ ᩑᨲᩴ ᩈᩮᨭ᩠ᨮᩴ ᩑᨲᩴ ᨾᩮᩣᨠ᩠ᨡᩴ ᩑᨲᩴ ᩏᨲ᩠ᨲᨾᩴ ᩑᨲᩴ ᨸᩅᩁᩴ.

ᨿᩣᨲᩥ ᨡᨲ᩠ᨲᩥᨿᩦ [ᨡᨲ᩠ᨲᩥᨿᩣ (ᩈ᩠ᨿᩣ.)] ᩅᩣ ᨻᩕᩣᩉ᩠ᨾᨱᩦ ᩅᩣ ᩅᩮᩔᩦ ᩅᩣ ᩈᩩᨴ᩠ᨴᩦ ᩅᩣ.

ᨾᩣᨴᩥᩈᨶ᩠ᨲᩥ ᨡᨲ᩠ᨲᩥᨿᩴ ᩅᩣ ᨻᩕᩣᩉ᩠ᨾᨱᩴ ᩅᩣ ᩅᩮᩔᩴ ᩅᩣ ᩈᩩᨴ᩠ᨴᩴ ᩅᩣ.

ᩈᩦᩃᩅᨶ᩠ᨲᨶ᩠ᨲᩥ ᨸᩣᨱᩣᨲᩥᨸᩣᨲᩣ ᨸᨭᩥᩅᩥᩁᨲᩴ, ᩋᨴᩥᨶ᩠ᨶᩣᨴᩣᨶᩣ ᨸᨭᩥᩅᩥᩁᨲᩴ, ᨾᩩᩈᩣᩅᩣᨴᩣ ᨸᨭᩥᩅᩥᩁᨲᩴ.

ᨻᩕᩉ᩠ᨾᨧᩣᩁᩥᨶ᩠ᨲᩥ ᨾᩮᨳᩩᨶᨵᨾ᩠ᨾᩣ ᨸᨭᩥᩅᩥᩁᨲᩴ.

ᨠᩃ᩠ᨿᩣᨱᨵᨾ᩠ᨾᩮᩣ ᨶᩣᨾ ᨲᩮᨶ ᨧ ᩈᩦᩃᩮᨶ ᨲᩮᨶ ᨧ ᨻᩕᩉ᩠ᨾᨧᩁᩥᨿᩮᨶ ᨠᩃ᩠ᨿᩣᨱᨵᨾ᩠ᨾᩮᩣ ᩉᩮᩣᨲᩥ.

ᩑᨲᩮᨶ ¶ ᨵᨾ᩠ᨾᩮᨶᩣᨲᩥ ᨾᩮᨳᩩᨶᨵᨾ᩠ᨾᩮᨶ.

ᨸᩁᩥᨧᩁᩮᨿ᩠ᨿᩣᨲᩥ ᩋᨽᩥᩁᨾᩮᨿ᩠ᨿ.

ᨾᩮᨳᩩᨶᩩᨸᩈᩴᩉᩥᨲᩮᨶᩣᨲᩥ ᨾᩮᨳᩩᨶᨵᨾ᩠ᨾᨸ᩠ᨸᨭᩥᩈᩴᨿᩩᨲ᩠ᨲᩮᨶ.

ᩈᨦ᩠ᨥᩣᨴᩥᩈᩮᩈᩮᩣᨲᩥ…ᨸᩮ… ᨲᩮᨶᨸᩥ ᩅᩩᨧ᩠ᨧᨲᩥ ᩈᨦ᩠ᨥᩣᨴᩥᩈᩮᩈᩮᩣᨲᩥ.

᪒᪙᪓. ᩍᨲ᩠ᨳᩦ ¶ ᨧ ᩉᩮᩣᨲᩥ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩍᨲ᩠ᨳᩥᨿᩣ ᩈᨶ᩠ᨲᩥᨠᩮ ᩋᨲ᩠ᨲᨠᩣᨾᨸᩣᩁᩥᨧᩁᩥᨿᩣᨿ ᩅᨱ᩠ᨱᩴ ᨽᩣᩈᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ ¶ .

ᩍᨲ᩠ᨳᩦ ¶ ᨧ ᩉᩮᩣᨲᩥ ᩅᩮᨾᨲᩥᨠᩮᩣ…ᨸᩮ… ᨸᨱ᩠ᨯᨠᩈᨬ᩠ᨬᩦ… ᨸᩩᩁᩥᩈᩈᨬ᩠ᨬᩦ… ᨲᩥᩁᨧ᩠ᨨᩣᨶᨣᨲᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩍᨲ᩠ᨳᩥᨿᩣ ᩈᨶ᩠ᨲᩥᨠᩮ ᩋᨲ᩠ᨲᨠᩣᨾᨸᩣᩁᩥᨧᩁᩥᨿᩣᨿ ᩅᨱ᩠ᨱᩴ ᨽᩣᩈᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ.

ᨸᨱ᩠ᨯᨠᩮᩣ ᨧ ᩉᩮᩣᨲᩥ ᨸᨱ᩠ᨯᨠᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᨸᨱ᩠ᨯᨠᩔ ᩈᨶ᩠ᨲᩥᨠᩮ ᩋᨲ᩠ᨲᨠᩣᨾᨸᩣᩁᩥᨧᩁᩥᨿᩣᨿ ᩅᨱ᩠ᨱᩴ ᨽᩣᩈᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ.

ᨸᨱ᩠ᨯᨠᩮᩣ ᨧ ᩉᩮᩣᨲᩥ ᩅᩮᨾᨲᩥᨠᩮᩣ…ᨸᩮ… ᨸᩩᩁᩥᩈᩈᨬ᩠ᨬᩦ… ᨲᩥᩁᨧ᩠ᨨᩣᨶᨣᨲᩈᨬ᩠ᨬᩦ… ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᨸᨱ᩠ᨯᨠᩔ ᩈᨶ᩠ᨲᩥᨠᩮ ᩋᨲ᩠ᨲᨠᩣᨾᨸᩣᩁᩥᨧᩁᩥᨿᩣᨿ ᩅᨱ᩠ᨱᩴ ᨽᩣᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᨸᩩᩁᩥᩈᩮᩣ ᨧ ᩉᩮᩣᨲᩥ…ᨸᩮ… ᨲᩥᩁᨧ᩠ᨨᩣᨶᨣᨲᩮᩣ ᨧ ᩉᩮᩣᨲᩥ ᨲᩥᩁᨧ᩠ᨨᩣᨶᨣᨲᩈᨬ᩠ᨬᩦ…ᨸᩮ… ᩅᩮᨾᨲᩥᨠᩮᩣ ᩍᨲ᩠ᨳᩥᩈᨬ᩠ᨬᩦ… ᨸᨱ᩠ᨯᨠᩈᨬ᩠ᨬᩦ… ᨸᩩᩁᩥᩈᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᨲᩥᩁᨧ᩠ᨨᩣᨶᨣᨲᩔ ᩈᨶ᩠ᨲᩥᨠᩮ ᩋᨲ᩠ᨲᨠᩣᨾᨸᩣᩁᩥᨧᩁᩥᨿᩣᨿ ᩅᨱ᩠ᨱᩴ ᨽᩣᩈᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᨴ᩠ᩅᩮ ᩍᨲ᩠ᨳᩥᨿᩮᩣ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᨴ᩠ᩅᩥᨶ᩠ᨶᩴ ᩍᨲ᩠ᨳᩦᨶᩴ ᩈᨶ᩠ᨲᩥᨠᩮ ᩋᨲ᩠ᨲᨠᩣᨾᨸᩣᩁᩥᨧᩁᩥᨿᩣᨿ ᩅᨱ᩠ᨱᩴ ᨽᩣᩈᨲᩥ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᩈᨦ᩠ᨥᩣᨴᩥᩈᩮᩈᩣᨶᩴ…ᨸᩮ… ¶ .

ᩍᨲ᩠ᨳᩦ ᨧ ᨸᨱ᩠ᨯᨠᩮᩣ ᨧ ᩏᨽᩥᨶ᩠ᨶᩴ ᩍᨲ᩠ᨳᩥᩈᨬ᩠ᨬᩦ ᩈᩣᩁᨲ᩠ᨲᩮᩣ ᨧ. ᨽᩥᨠ᩠ᨡᩩ ᨧ ᨶᩴ ᩏᨽᩥᨶ᩠ᨶᩴ ᩈᨶ᩠ᨲᩥᨠᩮ ᩋᨲ᩠ᨲᨠᩣᨾᨸᩣᩁᩥᨧᩁᩥᨿᩣᨿ ᩅᨱ᩠ᨱᩴ ᨽᩣᩈᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ…ᨸᩮ… ¶ .

᪒᪙᪔. ᩋᨶᩣᨸᨲ᩠ᨲᩥ ‘‘ᨧᩦᩅᩁᨸᩥᨱ᩠ᨯᨸᩣᨲᩈᩮᨶᩣᩈᨶᨣᩥᩃᩣᨶᨸ᩠ᨸᨧ᩠ᨧᨿᨽᩮᩈᨩ᩠ᨩᨸᩁᩥᨠ᩠ᨡᩣᩁᩮᨶ ᩏᨸᨭ᩠ᨮᩉᩣ’’ᨲᩥ ᨽᨱᨲᩥ, ᩏᨾ᩠ᨾᨲ᩠ᨲᨠᩔ ᩌᨴᩥᨠᨾ᩠ᨾᩥᨠᩔᩣᨲᩥ.

ᩅᩥᨶᩦᨲᩅᨲ᩠ᨳᩩᩏᨴ᩠ᨴᩣᨶᨣᩣᨳᩣ

ᨠᨳᩴ ¶ ᩅᨬ᩠ᨫᩣ ᩃᨽᩮ ᨸᩩᨲ᩠ᨲᩴ, ᨸᩥᨿᩣ ᨧ ᩈᩩᨽᨣᩣ ᩈᩥᨿᩴ;

ᨠᩥᩴ ᨴᨩ᩠ᨩᩴ ᨠᩮᨶᩩᨸᨭ᩠ᨮᩮᨿ᩠ᨿᩴ, ᨠᨳᩴ ᨣᨧ᩠ᨨᩮᨿ᩠ᨿᩴ ᩈᩩᨣ᩠ᨣᨲᩥᨶ᩠ᨲᩥ.

ᩅᩥᨶᩦᨲᩅᨲ᩠ᨳᩩ

᪒᪙᪕. ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩣ ᩅᨬ᩠ᨫᩣ ᩍᨲ᩠ᨳᩦ ᨠᩩᩃᩪᨸᨠᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᨠᨳᩣᩉᩴ, ᨽᨶ᩠ᨲᩮ, ᩅᩥᨩᩣᨿᩮᨿ᩠ᨿ’’ᨶ᩠ᨲᩥ? ‘‘ᨲᩮᨶ ᩉᩥ, ᨽᨣᩥᨶᩥ, ᩋᨣ᩠ᨣᨴᩣᨶᩴ ᨴᩮᩉᩦ’’ᨲᩥ. ‘‘ᨠᩥᩴ, ᨽᨶ᩠ᨲᩮ, ᩋᨣ᩠ᨣᨴᩣᨶ’’ᨶ᩠ᨲᩥ? ‘‘ᨾᩮᨳᩩᨶᨵᨾ᩠ᨾ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᩈᨦ᩠ᨥᩣᨴᩥᩈᩮᩈ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩣ ᩅᩥᨩᩣᨿᩥᨶᩦ ᩍᨲ᩠ᨳᩦ ᨠᩩᩃᩪᨸᨠᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᨠᨳᩣᩉᩴ, ᨽᨶ᩠ᨲᩮ, ᨸᩩᨲ᩠ᨲᩴ ᩃᨽᩮᨿ᩠ᨿ’’ᨶ᩠ᨲᩥ? ‘‘ᨲᩮᨶ ᩉᩥ, ᨽᨣᩥᨶᩥ, ᩋᨣ᩠ᨣᨴᩣᨶᩴ ᨴᩮᩉᩦ’’ᨲᩥ. ‘‘ᨠᩥᩴ, ᨽᨶ᩠ᨲᩮ, ᩋᨣ᩠ᨣᨴᩣᨶ’’ᨶ᩠ᨲᩥ? ‘‘ᨾᩮᨳᩩᨶᨵᨾ᩠ᨾ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᩈᨦ᩠ᨥᩣᨴᩥᩈᩮᩈ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩣ ᩍᨲ᩠ᨳᩦ ᨠᩩᩃᩪᨸᨠᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᨠᨳᩣᩉᩴ, ᨽᨶ᩠ᨲᩮ, ᩈᩣᨾᩥᨠᩔ ᨸᩥᨿᩣ ᩋᩔ’’ᨶ᩠ᨲᩥ? ‘‘ᨲᩮᨶ ᩉᩥ, ᨽᨣᩥᨶᩥ, ᩋᨣ᩠ᨣᨴᩣᨶᩴ ᨴᩮᩉᩦ’’ᨲᩥ. ‘‘ᨠᩥᩴ, ᨽᨶ᩠ᨲᩮ, ᩋᨣ᩠ᨣᨴᩣᨶ’’ᨶ᩠ᨲᩥ? ‘‘ᨾᩮᨳᩩᨶᨵᨾ᩠ᨾ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᩈᨦ᩠ᨥᩣᨴᩥᩈᩮᩈ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩣ ᩍᨲ᩠ᨳᩦ ᨠᩩᩃᩪᨸᨠᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᨠᨳᩣᩉᩴ, ᨽᨶ᩠ᨲᩮ, ᩈᩩᨽᨣᩣ ᩋᩔ’’ᨶ᩠ᨲᩥ? ‘‘ᨲᩮᨶ ᩉᩥ ¶ , ᨽᨣᩥᨶᩥ, ᩋᨣ᩠ᨣᨴᩣᨶᩴ ᨴᩮᩉᩦ’’ᨲᩥ. ‘‘ᨠᩥᩴ, ᨽᨶ᩠ᨲᩮ, ᩋᨣ᩠ᨣᨴᩣᨶ’’ᨶ᩠ᨲᩥ? ‘‘ᨾᩮᨳᩩᨶᨵᨾ᩠ᨾ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᩈᨦ᩠ᨥᩣᨴᩥᩈᩮᩈ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩣ ᩍᨲ᩠ᨳᩦ ᨠᩩᩃᩪᨸᨠᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᨠ᩠ᨿᩣᩉᩴ, ᨽᨶ᩠ᨲᩮ, ᩋᨿ᩠ᨿᩔ ᨴᨩ᩠ᨩᩣᨾᩦ’’ᨲᩥ? ‘‘ᩋᨣ᩠ᨣᨴᩣᨶᩴ, ᨽᨣᩥᨶᩦ’’ᨲᩥ. ‘‘ᨠᩥᩴ, ᨽᨶ᩠ᨲᩮ, ᩋᨣ᩠ᨣᨴᩣᨶ’’ᨶ᩠ᨲᩥ? ‘‘ᨾᩮᨳᩩᨶᨵᨾ᩠ᨾ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᩈᨦ᩠ᨥᩣᨴᩥᩈᩮᩈ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩣ ᩍᨲ᩠ᨳᩦ ᨠᩩᩃᩪᨸᨠᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᨠᩮᨶᩣᩉᩴ, ᨽᨶ᩠ᨲᩮ, ᩋᨿ᩠ᨿᩴ ᩏᨸᨭ᩠ᨮᩮᨾᩦ’’ᨲᩥ? ‘‘ᩋᨣ᩠ᨣᨴᩣᨶᩮᨶ, ᨽᨣᩥᨶᩦ’’ᨲᩥ. ‘‘ᨠᩥᩴ, ᨽᨶ᩠ᨲᩮ, ᩋᨣ᩠ᨣᨴᩣᨶ’’ᨶ᩠ᨲᩥ? ‘‘ᨾᩮᨳᩩᨶᨵᨾ᩠ᨾ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᩈᨦ᩠ᨥᩣᨴᩥᩈᩮᩈ’’ᨶ᩠ᨲᩥ.

ᨲᩮᨶ ¶ ¶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩣ ᩍᨲ᩠ᨳᩦ ᨠᩩᩃᩪᨸᨠᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᨠᨳᩣᩉᩴ,

ᨽᨶ᩠ᨲᩮ, ᩈᩩᨣᨲᩥᩴ ᨣᨧ᩠ᨨᩮᨿ᩠ᨿ’’ᨶ᩠ᨲᩥ? ‘‘ᨲᩮᨶ ᩉᩥ, ᨽᨣᩥᨶᩥ, ᩋᨣ᩠ᨣᨴᩣᨶᩴ ᨴᩮᩉᩦ’’ᨲᩥ. ‘‘ᨠᩥᩴ, ᨽᨶ᩠ᨲᩮ, ᩋᨣ᩠ᨣᨴᩣᨶ’’ᨶ᩠ᨲᩥ? ‘‘ᨾᩮᨳᩩᨶᨵᨾ᩠ᨾ’’ᨶ᩠ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩌᨸᨲ᩠ᨲᩥᩴ ᨲ᩠ᩅᩴ, ᨽᩥᨠ᩠ᨡᩩ, ᩌᨸᨶ᩠ᨶᩮᩣ ᩈᨦ᩠ᨥᩣᨴᩥᩈᩮᩈ’’ᨶ᩠ᨲᩥ.

ᩋᨲ᩠ᨲᨠᩣᨾᨸᩣᩁᩥᨧᩁᩥᨿᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨧᨲᩩᨲ᩠ᨳᩴ.

᪕. ᩈᨬ᩠ᨧᩁᩥᨲ᩠ᨲᩈᩥᨠ᩠ᨡᩣᨸᨴᩴ

᪒᪙᪖. ᨲᩮᨶ ¶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ ᨩᩮᨲᩅᨶᩮ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᨿᩈ᩠ᨾᩣ ᩏᨴᩣᨿᩦ ᩈᩣᩅᨲ᩠ᨳᩥᨿᩴ ᨠᩩᩃᩪᨸᨠᩮᩣ ᩉᩮᩣᨲᩥ. ᨻᩉᩩᨠᩣᨶᩥ ᨠᩩᩃᩣᨶᩥ ᩏᨸᩈᨦ᩠ᨠᨾᨲᩥ. ᨿᨲ᩠ᨳ ᨸᩔᨲᩥ ᨠᩩᨾᩣᩁᨠᩴ ᩅᩣ ᩋᨸᨩᩣᨸᨲᩥᨠᩴ, ᨠᩩᨾᩣᩁᩥᨠᩴ ᩅᩣ ᩋᨸᨲᩥᨠᩴ, ᨠᩩᨾᩣᩁᨠᩔ ᨾᩣᨲᩣᨸᩥᨲᩪᨶᩴ ᩈᨶ᩠ᨲᩥᨠᩮ ᨠᩩᨾᩣᩁᩥᨠᩣᨿ ᩅᨱ᩠ᨱᩴ ᨽᨱᨲᩥ – ‘‘ᩋᨾᩩᨠᩔ ᨠᩩᩃᩔ ᨠᩩᨾᩣᩁᩥᨠᩣ ᩋᨽᩥᩁᩪᨸᩣ ᨴᩔᨶᩦᨿᩣ ᨸᩣᩈᩣᨴᩥᨠᩣ ᨸᨱ᩠ᨯᩥᨲᩣ ᨻ᩠ᨿᨲ᩠ᨲᩣ ᨾᩮᨵᩣᩅᩥᨶᩦ ᨴᨠ᩠ᨡᩣ ᩋᨶᩃᩈᩣ. ᨨᨶ᩠ᨶᩣ ᩈᩣ ᨠᩩᨾᩣᩁᩥᨠᩣ ᩍᨾᩔ ᨠᩩᨾᩣᩁᨠᩔᩣ’’ᨲᩥ. ᨲᩮ ᩑᩅᩴ ᩅᨴᨶ᩠ᨲᩥ – ‘‘ᩑᨲᩮ ᨡᩮᩣ, ᨽᨶ᩠ᨲᩮ, ᩋᨾ᩠ᩉᩮ ᨶ ᨩᩣᨶᨶ᩠ᨲᩥ – ‘ᨠᩮ ᩅᩣ ᩍᨾᩮ ᨠᩔ ᩅᩣ’ᨲᩥ. ᩈᨧᩮ, ᨽᨶ᩠ᨲᩮ, ᩋᨿ᩠ᨿᩮᩣ ᨴᩣᨸᩮᨿ᩠ᨿ ᩌᨶᩮᨿ᩠ᨿᩣᨾ ᨾᨿᩴ ᨲᩴ ᨠᩩᨾᩣᩁᩥᨠᩴ ᩍᨾᩔ ᨠᩩᨾᩣᩁᨠᩔᩣ’’ᨲᩥ. ᨠᩩᨾᩣᩁᩥᨠᩣᨿ ᨾᩣᨲᩣᨸᩥᨲᩪᨶᩴ ᩈᨶ᩠ᨲᩥᨠᩮ ᨠᩩᨾᩣᩁᨠᩔ ᩅᨱ᩠ᨱᩴ ᨽᨱᨲᩥ – ‘‘ᩋᨾᩩᨠᩔ ᨠᩩᩃᩔ ᨠᩩᨾᩣᩁᨠᩮᩣ ᩋᨽᩥᩁᩪᨸᩮᩣ ᨴᩔᨶᩦᨿᩮᩣ ᨸᩣᩈᩣᨴᩥᨠᩮᩣ ᨸᨱ᩠ᨯᩥᨲᩮᩣ ᨻ᩠ᨿᨲ᩠ᨲᩮᩣ ᨾᩮᨵᩣᩅᩦ ᨴᨠ᩠ᨡᩮᩣ ᩋᨶᩃᩈᩮᩣ. ᨨᨶ᩠ᨶᩣᨿᩴ ᨠᩩᨾᩣᩁᩥᨠᩣ ᨲᩔ ᨠᩩᨾᩣᩁᨠᩔᩣ’’ᨲᩥ [ᨨᨶ᩠ᨶᩮᩣ ᩈᩮᩣ ᨠᩩᨾᩣᩁᨠᩮᩣ ᩍᨾᩥᩔᩣ ᨠᩩᨾᩣᩁᩥᨠᩣᨿᩣᨲᩥ (ᩈ᩠ᨿᩣ.)]. ᨲᩮ ᩑᩅᩴ ᩅᨴᨶ᩠ᨲᩥ – ‘‘ᩑᨲᩮ ᨡᩮᩣ, ᨽᨶ᩠ᨲᩮ, ᩋᨾ᩠ᩉᩮ ᨶ ᨩᩣᨶᨶ᩠ᨲᩥ – ‘ᨠᩮ ᩅᩣ ᩍᨾᩮ ᨠᩔ ᩅᩣ’ᨲᩥ, ᨠᩥᩈ᩠ᨾᩥᩴ ᩅᩥᨿ ᨠᩩᨾᩣᩁᩥᨠᩣᨿ ᩅᨲ᩠ᨲᩩᩴ. ᩈᨧᩮ, ᨽᨶ᩠ᨲᩮ, ᩋᨿ᩠ᨿᩮᩣ ᨿᩣᨧᩣᨸᩮᨿ᩠ᨿ ᨴᨩ᩠ᨩᩮᨿ᩠ᨿᩣᨾ ᨾᨿᩴ ᩍᨾᩴ ᨠᩩᨾᩣᩁᩥᨠᩴ ᨲᩔ ᨠᩩᨾᩣᩁᨠᩔᩣ’’ᨲᩥ. ᩑᨲᩮᨶᩮᩅ ᩏᨸᩣᨿᩮᨶ ᩌᩅᩣᩉᩣᨶᩥᨸᩥ ᨠᩣᩁᩣᨸᩮᨲᩥ ¶ , ᩅᩥᩅᩣᩉᩣᨶᩥᨸᩥ ᨠᩣᩁᩣᨸᩮᨲᩥ, ᩅᩣᩁᩮᨿ᩠ᨿᩣᨶᩥᨸᩥ ᨠᩣᩁᩣᨸᩮᨲᩥ.

᪒᪙᪗. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩥᩔᩣ ᨸᩩᩁᩣᨱᨣᨱᨠᩥᨿᩣ ᨵᩦᨲᩣ ᩋᨽᩥᩁᩪᨸᩣ ᩉᩮᩣᨲᩥ ᨴᩔᨶᩦᨿᩣ ᨸᩣᩈᩣᨴᩥᨠᩣ. ᨲᩥᩁᩮᩣᨣᩣᨾᨠᩣ ᩌᨩᩦᩅᨠᩈᩣᩅᨠᩣ ᩌᨣᨶ᩠ᨲ᩠ᩅᩣ ᨲᩴ ᨣᨱᨠᩥᩴ ᩑᨲᨴᩅᩮᩣᨧᩩᩴ – ‘‘ᨴᩮᩉᩣᨿ᩠ᨿᩮ, ᩍᨾᩴ ᨠᩩᨾᩣᩁᩥᨠᩴ ᩋᨾ᩠ᩉᩣᨠᩴ ᨠᩩᨾᩣᩁᨠᩔᩣ’’ᨲᩥ. ᩈᩣ ᩑᩅᨾᩣᩉ – ‘‘ᩋᩉᩴ ᨡ᩠ᩅᨿ᩠ᨿᩮᩣ [ᨡ᩠ᩅᨿ᩠ᨿᩣ (ᩈ᩠ᨿᩣ.), ᨡ᩠ᩅᩣᨿ᩠ᨿᩮᩣ (ᨠ.)] ᨲᩩᨾ᩠ᩉᩮ ¶ ᨶ ᨩᩣᨶᩣᨾᩥ – ‘ᨠᩮ ᩅᩣ ᩍᨾᩮ ᨠᩔ ᩅᩣ’ᨲᩥ. ᩋᨿᨬ᩠ᨧ ᨾᩮ ᩑᨠᨵᩦᨲᩥᨠᩣ, ᨲᩥᩁᩮᩣᨣᩣᨾᩮᩣ ᨧ ᨣᨶ᩠ᨲᨻ᩠ᨻᩮᩣ, ᨶᩣᩉᩴ ᨴᩔᩣᨾᩦ’’ᨲᩥ. ᨾᨶᩩᩔᩣ ᨲᩮ ᩌᨩᩦᩅᨠᩈᩣᩅᨠᩮ ᩑᨲᨴᩅᩮᩣᨧᩩᩴ – ‘‘ᨠᩥᩔ ᨲᩩᨾ᩠ᩉᩮ, ᩋᨿ᩠ᨿᩮᩣ ¶ , ᩌᨣᨲᨲ᩠ᨳᩣ’’ᨲᩥ? ‘‘ᩍᨵ ᨾᨿᩴ, ᩋᨿ᩠ᨿᩮᩣ, ᩋᨾᩩᨠᩴ ᨶᩣᨾ ᨣᨱᨠᩥᩴ ᨵᩦᨲᩁᩴ ᨿᩣᨧᩥᨾ᩠ᩉᩣ ᩋᨾ᩠ᩉᩣᨠᩴ ᨠᩩᨾᩣᩁᨠᩔ. ᩈᩣ ᩑᩅᨾᩣᩉ – ‘ᩋᩉᩴ, ᨡ᩠ᩅᨿ᩠ᨿᩮᩣ ᨲᩩᨾ᩠ᩉᩮ ᨶ ᨩᩣᨶᩣᨾᩥ – ᨠᩮ ᩅᩣ ᩍᨾᩮ ᨠᩔ ᩅᩣ’ᨲᩥ. ᩋᨿᨬ᩠ᨧ ᨾᩮ ᩑᨠᨵᩦᨲᩥᨠᩣ, ᨲᩥᩁᩮᩣᨣᩣᨾᩮᩣ ᨧ ᨣᨶ᩠ᨲᨻ᩠ᨻᩮᩣ, ᨶᩣᩉᩴ ᨴᩔᩣᨾᩦ’’ᨲᩥ. ‘‘ᨠᩥᩔ ᨲᩩᨾ᩠ᩉᩮ, ᩋᨿ᩠ᨿᩮᩣ, ᨲᩴ ᨣᨱᨠᩥᩴ ᨵᩦᨲᩁᩴ ᨿᩣᨧᩥᨲ᩠ᨳ? ᨶᨶᩩ ᩋᨿ᩠ᨿᩮᩣ ᩏᨴᩣᨿᩦ ᩅᨲ᩠ᨲᨻ᩠ᨻᩮᩣ. ᩋᨿ᩠ᨿᩮᩣ ᩏᨴᩣᨿᩦ ᨴᩣᨸᩮᩔᨲᩦ’’ᨲᩥ.

ᩋᨳ ᨡᩮᩣ ᨲᩮ ᩌᨩᩦᩅᨠᩈᩣᩅᨠᩣ ¶ ᨿᩮᨶᩣᨿᩈ᩠ᨾᩣ ᩏᨴᩣᨿᩦ ᨲᩮᨶᩩᨸᩈᨦ᩠ᨠᨾᩥᩴᩈᩩ; ᩏᨸᩈᨦ᩠ᨠᨾᩥᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᩏᨴᩣᨿᩥᩴ ᩑᨲᨴᩅᩮᩣᨧᩩᩴ – ‘‘ᩍᨵ ᨾᨿᩴ, ᨽᨶ᩠ᨲᩮ, ᩋᨾᩩᨠᩴ ᨶᩣᨾ ᨣᨱᨠᩥᩴ ᨵᩦᨲᩁᩴ ᨿᩣᨧᩥᨾ᩠ᩉᩣ ᩋᨾ᩠ᩉᩣᨠᩴ ᨠᩩᨾᩣᩁᨠᩔ. ᩈᩣ ᩑᩅᨾᩣᩉ – ‘ᩋᩉᩴ ᨡ᩠ᩅᨿ᩠ᨿᩮᩣ ᨲᩩᨾ᩠ᩉᩮ ᨶ ᨩᩣᨶᩣᨾᩥ – ᨠᩮ ᩅᩣ ᩍᨾᩮ ᨠᩔ ᩅᩣᨲᩥ. ᩋᨿᨬ᩠ᨧ ᨾᩮ ᩑᨠᨵᩦᨲᩥᨠᩣ, ᨲᩥᩁᩮᩣᨣᩣᨾᩮᩣ ᨧ ᨣᨶ᩠ᨲᨻ᩠ᨻᩮᩣ, ᨶᩣᩉᩴ ᨴᩔᩣᨾᩦ’ᨲᩥ. ᩈᩣᨵᩩ, ᨽᨶ᩠ᨲᩮ, ᩋᨿ᩠ᨿᩮᩣ ᨲᩴ ᨣᨱᨠᩥᩴ ᨵᩦᨲᩁᩴ ᨴᩣᨸᩮᨲᩩ ᩋᨾ᩠ᩉᩣᨠᩴ ᨠᩩᨾᩣᩁᨠᩔᩣ’’ᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᩏᨴᩣᨿᩦ ᨿᩮᨶ ᩈᩣ ᨣᨱᨠᩦ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨲᩴ ᨣᨱᨠᩥᩴ ᩑᨲᨴᩅᩮᩣᨧ – ‘‘ᨠᩥᩔᩥᨾᩮᩈᩴ ᨵᩦᨲᩁᩴ ᨶ ¶ ᨴᩮᩈᩦ’’ᨲᩥ? ‘‘ᩋᩉᩴ ᨡ᩠ᩅᨿ᩠ᨿ, ᩍᨾᩮ ᨶ ᨩᩣᨶᩣᨾᩥ – ‘ᨠᩮ ᩅᩣ ᩍᨾᩮ ᨠᩔ ᩅᩣ’ᨲᩥ. ᩋᨿᨬ᩠ᨧ ᨾᩮ ᩑᨠᨵᩦᨲᩥᨠᩣ, ᨲᩥᩁᩮᩣᨣᩣᨾᩮᩣ ᨧ ᨣᨶ᩠ᨲᨻ᩠ᨻᩮᩣ, ᨶᩣᩉᩴ ᨴᩔᩣᨾᩦ’’ᨲᩥ. ‘‘ᨴᩮᩉᩥᨾᩮᩈᩴ. ᩋᩉᩴ ᩍᨾᩮ ᨩᩣᨶᩣᨾᩦ’’ᨲᩥ. ‘‘ᩈᨧᩮ, ᨽᨶ᩠ᨲᩮ, ᩋᨿ᩠ᨿᩮᩣ ᨩᩣᨶᩣᨲᩥ, ᨴᩔᩣᨾᩦ’’ᨲᩥ. ᩋᨳ ᨡᩮᩣ ᩈᩣ ᨣᨱᨠᩦ ᨲᩮᩈᩴ ᩌᨩᩦᩅᨠᩈᩣᩅᨠᩣᨶᩴ ᨵᩦᨲᩁᩴ ᩋᨴᩣᩈᩥ. ᩋᨳ ᨡᩮᩣ ᨲᩮ ᩌᨩᩦᩅᨠᩈᩣᩅᨠᩣ ᨲᩴ ᨠᩩᨾᩣᩁᩥᨠᩴ ᨶᩮᨲ᩠ᩅᩣ ᨾᩣᩈᩴᨿᩮᩅ ᩈᩩᨱᩥᩈᨽᩮᩣᨣᩮᨶ ᨽᩩᨬ᩠ᨩᩥᩴᩈᩩ. ᨲᨲᩮᩣ ᩋᨸᩁᩮᨶ ᨴᩣᩈᩥᨽᩮᩣᨣᩮᨶ ᨽᩩᨬ᩠ᨩᨶ᩠ᨲᩥ.

ᩋᨳ ᨡᩮᩣ ᩈᩣ ᨠᩩᨾᩣᩁᩥᨠᩣ ᨾᩣᨲᩩᨿᩣ ᩈᨶ᩠ᨲᩥᨠᩮ ᨴᩪᨲᩴ ᨸᩣᩉᩮᩈᩥ – ‘‘ᩋᩉᨾ᩠ᩉᩥ ᨴᩩᨣ᩠ᨣᨲᩣ ᨴᩩᨠ᩠ᨡᩥᨲᩣ, ᨶ ᩈᩩᨡᩴ ᩃᨽᩣᨾᩥ. ᨾᩣᩈᩴᨿᩮᩅ ᨾᩴ ᩈᩩᨱᩥᩈᨽᩮᩣᨣᩮᨶ ᨽᩩᨬ᩠ᨩᩥᩴᩈᩩ. ᨲᨲᩮᩣ ᩋᨸᩁᩮᨶ ᨴᩣᩈᩥᨽᩮᩣᨣᩮᨶ ᨽᩩᨬ᩠ᨩᨶ᩠ᨲᩥ. ᩌᨣᨧ᩠ᨨᨲᩩ ᨾᩮ ᨾᩣᨲᩣ, ᨾᩴ ᨶᩮᩔᨲᩪ’’ᨲᩥ. ᩋᨳ ᨡᩮᩣ ᩈᩣ ᨣᨱᨠᩦ ᨿᩮᨶ ᨲᩮ ᩌᨩᩦᩅᨠᩈᩣᩅᨠᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨲᩮ ᩌᨩᩦᩅᨠᩈᩣᩅᨠᩮ ᩑᨲᨴᩅᩮᩣᨧ – ‘‘ᨾᩣᨿ᩠ᨿᩮᩣ, ᩍᨾᩴ ᨠᩩᨾᩣᩁᩥᨠᩴ ᨴᩣᩈᩥᨽᩮᩣᨣᩮᨶ ᨽᩩᨬ᩠ᨩᩥᨲ᩠ᨳ. ᩈᩩᨱᩥᩈᨽᩮᩣᨣᩮᨶ ᩍᨾᩴ ᨠᩩᨾᩣᩁᩥᨠᩴ ᨽᩩᨬ᩠ᨩᨳᩣ’’ᨲᩥ. ᨲᩮ ᩑᩅᨾᩣᩉᩴᩈᩩ – ‘‘ᨶᨲ᩠ᨳᨾ᩠ᩉᩣᨠᩴ ᨲᨿᩣ ᩈᨴ᩠ᨵᩥᩴ ᩌᩉᩣᩁᩪᨸᩉᩣᩁᩮᩣ, ᩈᨾᨱᩮᨶ ᩈᨴ᩠ᨵᩥᩴ ᩋᨾ᩠ᩉᩣᨠᩴ ᩌᩉᩣᩁᩪᨸᩉᩣᩁᩮᩣ ¶ . ᨣᨧ᩠ᨨ ᨲ᩠ᩅᩴ. ᨶ ᨾᨿᩴ ᨲᩴ ᨩᩣᨶᩣᨾᩣ’’ᨲᩥ. ᩋᨳ ᨡᩮᩣ ᩈᩣ ᨣᨱᨠᩦ ᨲᩮᩉᩥ ᩌᨩᩦᩅᨠᩈᩣᩅᨠᩮᩉᩥ ᩋᨸᩈᩣᨴᩥᨲᩣ ᨸᩩᨶᨴᩮᩅ ᩈᩣᩅᨲ᩠ᨳᩥᩴ ᨸᨧ᩠ᨧᩣᨣᨬ᩠ᨨᩥ. ᨴᩩᨲᩥᨿᨾ᩠ᨸᩥ ᨡᩮᩣ ᩈᩣ ᨠᩩᨾᩣᩁᩥᨠᩣ ᨾᩣᨲᩩᨿᩣ ᩈᨶ᩠ᨲᩥᨠᩮ ᨴᩪᨲᩴ ᨸᩣᩉᩮᩈᩥ – ‘‘ᩋᩉᨾ᩠ᩉᩥ ᨴᩩᨣ᩠ᨣᨲᩣ ᨴᩩᨠ᩠ᨡᩥᨲᩣ, ᨶ ᩈᩩᨡᩴ ᩃᨽᩣᨾᩥ. ᨾᩣᩈᩴᨿᩮᩅ ᨾᩴ ᩈᩩᨱᩥᩈᨽᩮᩣᨣᩮᨶ ᨽᩩᨬ᩠ᨩᩥᩴᩈᩩ. ᨲᨲᩮᩣ ᩋᨸᩁᩮᨶ ᨴᩣᩈᩥᨽᩮᩣᨣᩮᨶ ᨽᩩᨬ᩠ᨩᨶ᩠ᨲᩥ. ᩌᨣᨧ᩠ᨨᨲᩩ ᨾᩮ ᨾᩣᨲᩣ, ᨾᩴ ᨶᩮᩔᨲᩪ’’ᨲᩥ. ᩋᨳ ᨡᩮᩣ ᩈᩣ ᨣᨱᨠᩦ ᨿᩮᨶᩣᨿᩈ᩠ᨾᩣ ¶ ᩏᨴᩣᨿᩦ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᩏᨴᩣᨿᩥᩴ ¶ ᩑᨲᨴᩅᩮᩣᨧ – ‘‘ᩈᩣ ᨠᩥᩁ, ᨽᨶ᩠ᨲᩮ, ᨠᩩᨾᩣᩁᩥᨠᩣ ᨴᩩᨣ᩠ᨣᨲᩣ ᨴᩩᨠ᩠ᨡᩥᨲᩣ, ᨶ ᩈᩩᨡᩴ ᩃᨽᨲᩥ. ᨾᩣᩈᩴᨿᩮᩅ ᨶᩴ ᩈᩩᨱᩥᩈᨽᩮᩣᨣᩮᨶ ᨽᩩᨬ᩠ᨩᩥᩴᩈᩩ. ᨲᨲᩮᩣ ᩋᨸᩁᩮᨶ ᨴᩣᩈᩥᨽᩮᩣᨣᩮᨶ ᨽᩩᨬ᩠ᨩᨶ᩠ᨲᩥ. ᩅᨴᩮᨿ᩠ᨿᩣᨳ, ᨽᨶ᩠ᨲᩮ – ‘ᨾᩣᨿ᩠ᨿᩮᩣ, ᩍᨾᩴ ᨠᩩᨾᩣᩁᩥᨠᩴ ᨴᩣᩈᩥᨽᩮᩣᨣᩮᨶ ᨽᩩᨬ᩠ᨩᩥᨲ᩠ᨳ. ᩈᩩᨱᩥᩈᨽᩮᩣᨣᩮᨶ ᩍᨾᩴ ᨠᩩᨾᩣᩁᩥᨠᩴ ᨽᩩᨬ᩠ᨩᩥᨳᩣ’’’ᨲᩥ.

ᩋᨳ ᨡᩮᩣ ᩌᨿᩈ᩠ᨾᩣ ᩏᨴᩣᨿᩦ ᨿᩮᨶ ᨲᩮ ᩌᨩᩦᩅᨠᩈᩣᩅᨠᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨲᩮ ᩌᨩᩦᩅᨠᩈᩣᩅᨠᩮ ᩑᨲᨴᩅᩮᩣᨧ – ‘‘ᨾᩣᨿ᩠ᨿᩮᩣ, ᩍᨾᩴ ᨠᩩᨾᩣᩁᩥᨠᩴ ᨴᩣᩈᩥᨽᩮᩣᨣᩮᨶ ᨽᩩᨩ᩠ᨩᩥᨲ᩠ᨳ. ᩈᩩᨱᩥᩈᨽᩮᩣᨣᩮᨶ ᩍᨾᩴ ᨠᩩᨾᩣᩁᩥᨠᩴ ᨽᩩᨬ᩠ᨩᨳᩣ’’ᨲᩥ. ᨲᩮ ᩑᩅᨾᩣᩉᩴᩈᩩ – ‘‘ᨶᨲ᩠ᨳᨾ᩠ᩉᩣᨠᩴ ᨲᨿᩣ ᩈᨴ᩠ᨵᩥᩴ ᩌᩉᩣᩁᩪᨸᩉᩣᩁᩮᩣ, ᨣᨱᨠᩥᨿᩣ ᩈᨴ᩠ᨵᩥᩴ ᩋᨾ᩠ᩉᩣᨠᩴ ᩌᩉᩣᩁᩪᨸᩉᩣᩁᩮᩣ. ᩈᨾᨱᩮᨶ ᨽᩅᩥᨲᨻ᩠ᨻᩴ ᩋᨻ᩠ᨿᩣᩅᨭᩮᨶ. ᩈᨾᨱᩮᩣ ¶ ᩋᩔ ᩈᩩᩈᨾᨱᩮᩣ, ᨣᨧ᩠ᨨ ᨲ᩠ᩅᩴ, ᨶ ᨾᨿᩴ ᨲᩴ ᨩᩣᨶᩣᨾᩣ’’ᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᩏᨴᩣᨿᩦ ᨲᩮᩉᩥ ᩌᨩᩦᩅᨠᩈᩣᩅᨠᩮᩉᩥ ᩋᨸᩈᩣᨴᩥᨲᩮᩣ ᨸᩩᨶᨴᩮᩅ ᩈᩣᩅᨲ᩠ᨳᩥᩴ ᨸᨧ᩠ᨧᩣᨣᨬ᩠ᨨᩥ. ᨲᨲᩥᨿᨾ᩠ᨸᩥ ᨡᩮᩣ ᩈᩣ ᨠᩩᨾᩣᩁᩥᨠᩣ ᨾᩣᨲᩩᨿᩣ ᩈᨶ᩠ᨲᩥᨠᩮ ᨴᩪᨲᩴ ᨸᩣᩉᩮᩈᩥ – ‘‘ᩋᩉᨾ᩠ᩉᩥ ᨴᩩᨣ᩠ᨣᨲᩣ ᨴᩩᨠ᩠ᨡᩥᨲᩣ, ᨶ ᩈᩩᨡᩴ ᩃᨽᩣᨾᩥ. ᨾᩣᩈᩴᨿᩮᩅ ᨾᩴ ᩈᩩᨱᩥᩈᨽᩮᩣᨣᩮᨶ ᨽᩩᨬ᩠ᨩᩥᩴᩈᩩ. ᨲᨲᩮᩣ ᩋᨸᩁᩮᨶ ᨴᩣᩈᩥᨽᩮᩣᨣᩮᨶ ᨽᩩᨬ᩠ᨩᨶ᩠ᨲᩥ. ᩌᨣᨧ᩠ᨨᨲᩩ ᨾᩮ ᨾᩣᨲᩣ, ᨾᩴ ᨶᩮᩔᨲᩪ’’ᨲᩥ. ᨴᩩᨲᩥᨿᨾ᩠ᨸᩥ ᨡᩮᩣ ᩈᩣ ᨣᨱᨠᩦ ᨿᩮᨶᩣᨿᩈ᩠ᨾᩣ ᩏᨴᩣᨿᩦ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᩏᨴᩣᨿᩥᩴ ᩑᨲᨴᩅᩮᩣᨧ – ‘‘ᩈᩣ ᨠᩥᩁ, ᨽᨶ᩠ᨲᩮ, ᨠᩩᨾᩣᩁᩥᨠᩣ ᨴᩩᨣ᩠ᨣᨲᩣ ᨴᩩᨠ᩠ᨡᩥᨲᩣ, ᨶ ᩈᩩᨡᩴ ᩃᨽᨲᩥ. ᨾᩣᩈᩴᨿᩮᩅ ᨶᩴ ᩈᩩᨱᩥᩈᨽᩮᩣᨣᩮᨶ ᨽᩩᨬ᩠ᨩᩥᩴᩈᩩ. ᨲᨲᩮᩣ ᩋᨸᩁᩮᨶ ᨴᩣᩈᩥᨽᩮᩣᨣᩮᨶ ᨽᩩᨬ᩠ᨩᨶ᩠ᨲᩥ. ᩅᨴᩮᨿ᩠ᨿᩣᨳ, ᨽᨶ᩠ᨲᩮ – ‘ᨾᩣᨿ᩠ᨿᩮᩣ, ᩍᨾᩴ ᨠᩩᨾᩣᩁᩥᨠᩴ ᨴᩣᩈᩥᨽᩮᩣᨣᩮᨶ ᨽᩩᨬ᩠ᨩᩥᨲ᩠ᨳ, ᩈᩩᨱᩥᩈᨽᩮᩣᨣᩮᨶ ᩍᨾᩴ ¶ ᨠᩩᨾᩣᩁᩥᨠᩴ ᨽᩩᨬ᩠ᨩᨳᩣ’’’ᨲᩥ. ‘‘ᨸᨮᨾᩴᨸᩣᩉᩴ ᨲᩮᩉᩥ ᩌᨩᩦᩅᨠᩈᩣᩅᨠᩮᩉᩥ ᩋᨸᩈᩣᨴᩥᨲᩮᩣ. ᨣᨧ᩠ᨨ ᨲ᩠ᩅᩴ. ᨶᩣᩉᩴ ᨣᨾᩥᩔᩣᨾᩦ’’ᨲᩥ.

᪒᪙᪘. ᩋᨳ ᨡᩮᩣ ᩈᩣ ᨣᨱᨠᩦ ᩏᨩ᩠ᨫᩣᨿᨲᩥ ᨡᩥᨿ᩠ᨿᨲᩥ ᩅᩥᨸᩣᨧᩮᨲᩥ – ‘‘ᩑᩅᩴ ᨴᩩᨣ᩠ᨣᨲᩮᩣ ᩉᩮᩣᨲᩩ ᩋᨿ᩠ᨿᩮᩣ ᩏᨴᩣᨿᩦ, ᩑᩅᩴ ᨴᩩᨠ᩠ᨡᩥᨲᩮᩣ ᩉᩮᩣᨲᩩ ᩋᨿ᩠ᨿᩮᩣ ᩏᨴᩣᨿᩦ, ᩑᩅᩴ ¶ ᨾᩣ ᩈᩩᨡᩴ ᩃᨽᨲᩩ ᩋᨿ᩠ᨿᩮᩣ ᩏᨴᩣᨿᩦ, ᨿᨳᩣ ᨾᩮ ᨠᩩᨾᩣᩁᩥᨠᩣ ᨴᩩᨣ᩠ᨣᨲᩣ ᨴᩩᨠ᩠ᨡᩥᨲᩣ ᨶ ᩈᩩᨡᩴ ᩃᨽᨲᩥ ᨸᩣᨸᩥᨠᩣᨿ ᩈᩔᩩᨿᩣ ᨸᩣᨸᨠᩮᨶ ᩈᩈᩩᩁᩮᨶ ᨸᩣᨸᨠᩮᨶ ᩈᩣᨾᩥᨠᩮᨶᩣ’’ᨲᩥ. ᩈᩣᨸᩥ ᨡᩮᩣ ᨠᩩᨾᩣᩁᩥᨠᩣ ᩏᨩ᩠ᨫᩣᨿᨲᩥ ᨡᩥᨿ᩠ᨿᨲᩥ ᩅᩥᨸᩣᨧᩮᨲᩥ – ‘‘ᩑᩅᩴ ᨴᩩᨣ᩠ᨣᨲᩮᩣ ᩉᩮᩣᨲᩩ ᩋᨿ᩠ᨿᩮᩣ ᩏᨴᩣᨿᩦ, ᩑᩅᩴ ᨴᩩᨠ᩠ᨡᩥᨲᩮᩣ ᩉᩮᩣᨲᩩ ᩋᨿ᩠ᨿᩮᩣ ᩏᨴᩣᨿᩦ, ᩑᩅᩴ ᨾᩣ ᩈᩩᨡᩴ ᩃᨽᨲᩩ ᩋᨿ᩠ᨿᩮᩣ ᩏᨴᩣᨿᩦ, ᨿᨳᩣᩉᩴ ᨴᩩᨣ᩠ᨣᨲᩣ ᨴᩩᨠ᩠ᨡᩥᨲᩣ ᨶ ᩈᩩᨡᩴ ᩃᨽᩣᨾᩥ ᨸᩣᨸᩥᨠᩣᨿ ᩈᩔᩩᨿᩣ ᨸᩣᨸᨠᩮᨶ ᩈᩈᩩᩁᩮᨶ ᨸᩣᨸᨠᩮᨶ ᩈᩣᨾᩥᨠᩮᨶᩣ’’ᨲᩥ. ᩋᨬ᩠ᨬᩣᨸᩥ ᩍᨲ᩠ᨳᩥᨿᩮᩣ ᩋᩈᨶ᩠ᨲᩩᨭ᩠ᨮᩣ ᩈᩔᩪᩉᩥ ᩅᩣ ᩈᩈᩩᩁᩮᩉᩥ ᩅᩣ ᩈᩣᨾᩥᨠᩮᩉᩥ ᩅᩣ, ᨲᩣ ᩑᩅᩴ ᩒᨿᩣᨧᨶ᩠ᨲᩥ – ‘‘ᩑᩅᩴ ᨴᩩᨣ᩠ᨣᨲᩮᩣ ᩉᩮᩣᨲᩩ ᩋᨿ᩠ᨿᩮᩣ ᩏᨴᩣᨿᩦ, ᩑᩅᩴ ᨴᩩᨠ᩠ᨡᩥᨲᩮᩣ ᩉᩮᩣᨲᩩ ᩋᨿ᩠ᨿᩮᩣ ᩏᨴᩣᨿᩦ, ᩑᩅᩴ ᨾᩣ ᩈᩩᨡᩴ ᩃᨽᨲᩩ ᩋᨿ᩠ᨿᩮᩣ ᩏᨴᩣᨿᩦ, ᨿᨳᩣ ᨾᨿᩴ ᨴᩩᨣ᩠ᨣᨲᩣ ᨴᩩᨠ᩠ᨡᩥᨲᩣ ᨶ ¶ ᩈᩩᨡᩴ ᩃᨽᩣᨾ ᨸᩣᨸᩥᨠᩣᩉᩥ ᩈᩔᩪᩉᩥ ᨸᩣᨸᨠᩮᩉᩥ ᩈᩈᩩᩁᩮᩉᩥ ᨸᩣᨸᨠᩮᩉᩥ ᩈᩣᨾᩥᨠᩮᩉᩦ’’ᨲᩥ. ᨿᩣ ᨸᨶ ᨲᩣ ᩍᨲ᩠ᨳᩥᨿᩮᩣ ᩈᨶ᩠ᨲᩩᨭ᩠ᨮᩣ ᩈᩔᩪᩉᩥ ᩅᩣ ᩈᩈᩩᩁᩮᩉᩥ ᩅᩣ ᩈᩣᨾᩥᨠᩮᩉᩥ ᩅᩣ ᨲᩣ ᩑᩅᩴ ᩌᨿᩣᨧᨶ᩠ᨲᩥ – ‘‘ᩑᩅᩴ ᩈᩩᨡᩥᨲᩮᩣ ᩉᩮᩣᨲᩩ ᩋᨿ᩠ᨿᩮᩣ ᩏᨴᩣᨿᩦ, ᩑᩅᩴ ᩈᨩ᩠ᨩᩥᨲᩮᩣ ᩉᩮᩣᨲᩩ ᩋᨿ᩠ᨿᩮᩣ ᩏᨴᩣᨿᩦ, ᩑᩅᩴ ᩈᩩᨡᨾᩮᨵᩮᩣ [ᩈᩩᨡᨾᩮᨵᩥᨲᩮᩣ (ᩈᩦ. ᨠ.)] ᩉᩮᩣᨲᩩ ᩋᨿ᩠ᨿᩮᩣ ᩏᨴᩣᨿᩦ, ᨿᨳᩣ ᨾᨿᩴ ᩈᩩᨡᩥᨲᩣ ᩈᨩ᩠ᨩᩥᨲᩣ ᩈᩩᨡᨾᩮᨵᩣ ᨽᨴ᩠ᨴᩥᨠᩣᩉᩥ ᩈᩔᩪᩉᩥ ᨽᨴ᩠ᨴᨠᩮᩉᩥ ᩈᩈᩩᩁᩮᩉᩥ ᨽᨴ᩠ᨴᨠᩮᩉᩥ ᩈᩣᨾᩥᨠᩮᩉᩦ’’ᨲᩥ.

ᩋᩔᩮᩣᩈᩩᩴ ¶ ᨡᩮᩣ ᨽᩥᨠ᩠ᨡᩪ ᩑᨠᨧ᩠ᨧᩣᨶᩴ ᩍᨲ᩠ᨳᩦᨶᩴ ᩒᨿᩣᨧᨶ᩠ᨲᩦᨶᩴ ᩑᨠᨧ᩠ᨧᩣᨶᩴ ᩍᨲ᩠ᨳᩦᨶᩴ ᩌᨿᩣᨧᨶ᩠ᨲᩦᨶᩴ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩌᨿᩈ᩠ᨾᩣ ᩏᨴᩣᨿᩦ ᩈᨬ᩠ᨧᩁᩥᨲ᩠ᨲᩴ ᩈᨾᩣᨸᨩ᩠ᨩᩥᩔᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᩌᨿᩈ᩠ᨾᨶ᩠ᨲᩴ ᩏᨴᩣᨿᩥᩴ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ᩋᨳ ᨡᩮᩣ ᨽᨣᩅᩣ ᩑᨲᩈ᩠ᨾᩥᩴ ᨶᩥᨴᩣᨶᩮ ᩑᨲᩈ᩠ᨾᩥᩴ ᨸᨠᩁᨱᩮ ᨽᩥᨠ᩠ᨡᩩᩈᨦ᩠ᨥᩴ ᩈᨶ᩠ᨶᩥᨸᩣᨲᩣᨸᩮᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᩏᨴᩣᨿᩥᩴ ᨸᨭᩥᨸᩩᨧ᩠ᨨᩥ – ‘‘ᩈᨧ᩠ᨧᩴ ᨠᩥᩁ ᨲ᩠ᩅᩴ, ᩏᨴᩣᨿᩥ, ᩈᨬ᩠ᨧᩁᩥᨲ᩠ᨲᩴ ᩈᨾᩣᨸᨩ᩠ᨩᩈᩦ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ᨠᨳᨬ᩠ᩉᩥ ᨶᩣᨾ ᨲ᩠ᩅᩴ, ᨾᩮᩣᨥᨸᩩᩁᩥᩈ, ᩈᨬ᩠ᨧᩁᩥᨲ᩠ᨲᩴ ᩈᨾᩣᨸᨩ᩠ᨩᩈᩥ! ᨶᩮᨲᩴ, ᨾᩮᩣᨥᨸᩩᩁᩥᩈ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪒᪙᪙. ‘‘ᨿᩮᩣ ¶ ᨸᨶ ᨽᩥᨠ᩠ᨡᩩ ᩈᨬ᩠ᨧᩁᩥᨲ᩠ᨲᩴ ᩈᨾᩣᨸᨩ᩠ᨩᩮᨿ᩠ᨿ, ᩍᨲ᩠ᨳᩥᨿᩣ ᩅᩣ ᨸᩩᩁᩥᩈᨾᨲᩥᩴ ᨸᩩᩁᩥᩈᩔ ᩅᩣ ᩍᨲ᩠ᨳᩥᨾᨲᩥᩴ, ᨩᩣᨿᨲ᩠ᨲᨶᩮ ᩅᩣ ᨩᩣᩁᨲ᩠ᨲᨶᩮ ᩅᩣ, ᩈᨦ᩠ᨥᩣᨴᩥᩈᩮᩈᩮᩣ’’ᨲᩥ.

ᩑᩅᨬ᩠ᨧᩥᨴᩴ ¶ ᨽᨣᩅᨲᩣ ᨽᩥᨠ᩠ᨡᩪᨶᩴ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ ᩉᩮᩣᨲᩥ.

᪓᪐᪐. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩈᨾ᩠ᨻᩉᩩᩃᩣ ᨵᩩᨲ᩠ᨲᩣ ᩏᨿ᩠ᨿᩣᨶᩮ ᨸᩁᩥᨧᩣᩁᩮᨶ᩠ᨲᩣ ᩋᨬ᩠ᨬᨲᩁᩥᩔᩣ ᩅᩮᩈᩥᨿᩣ ᩈᨶ᩠ᨲᩥᨠᩮ ᨴᩪᨲᩴ ᨸᩣᩉᩮᩈᩩᩴ – ‘‘ᩌᨣᨧ᩠ᨨᨲᩩ ᩏᨿ᩠ᨿᩣᨶᩮ, ᨸᩁᩥᨧᩣᩁᩮᩔᩣᨾᩣ’’ᨲᩥ. ᩈᩣ ᩑᩅᨾᩣᩉ – ‘‘ᩋᩉᩴ ᨡ᩠ᩅᨿ᩠ᨿᩮᩣ ᨲᩩᨾ᩠ᩉᩮ ᨶ ᨩᩣᨶᩣᨾᩥ – ‘ᨠᩮ ᩅᩣ ᩍᨾᩮ ᨠᩔ ᩅᩣ’ᨲᩥ. ᩋᩉᨬ᩠ᨧᨾ᩠ᩉᩥ ᨻᩉᩩᨽᨱ᩠ᨯᩣ ᨻᩉᩩᨸᩁᩥᨠ᩠ᨡᩣᩁᩣ, ᨻᩉᩥᨶᨣᩁᨬ᩠ᨧ ᨣᨶ᩠ᨲᨻ᩠ᨻᩴ. ᨶᩣᩉᩴ ᨣᨾᩥᩔᩣᨾᩦ’’ᨲᩥ. ᩋᨳ ᨡᩮᩣ ᩈᩮᩣ ᨴᩪᨲᩮᩣ ᨲᩮᩈᩴ ᨵᩩᨲ᩠ᨲᩣᨶᩴ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ᩑᩅᩴ ᩅᩩᨲ᩠ᨲᩮ, ᩋᨬ᩠ᨬᨲᩁᩮᩣ ᨸᩩᩁᩥᩈᩮᩣ ¶ ᨲᩮ ᨵᩩᨲ᩠ᨲᩮ ᩑᨲᨴᩅᩮᩣᨧ – ‘‘ᨠᩥᩔ ᨲᩩᨾ᩠ᩉᩮ ᩋᨿ᩠ᨿᩮᩣ ᩑᨲᩴ ᩅᩮᩈᩥᩴ ᨿᩣᨧᩥᨲ᩠ᨳ? ᨶᨶᩩ ᩋᨿ᩠ᨿᩮᩣ ᩏᨴᩣᨿᩦ ᩅᨲ᩠ᨲᨻ᩠ᨻᩮᩣ! ᩋᨿ᩠ᨿᩮᩣ ᩏᨴᩣᨿᩦ ᩏᨿ᩠ᨿᩮᩣᨩᩮᩔᨲᩦ’’ᨲᩥ. ᩑᩅᩴ ᩅᩩᨲ᩠ᨲᩮ, ᩋᨬ᩠ᨬᨲᩁᩮᩣ ᩏᨸᩣᩈᨠᩮᩣ ᨲᩴ ᨸᩩᩁᩥᩈᩴ ᩑᨲᨴᩅᩮᩣᨧ – ‘‘ᨾᩣᨿ᩠ᨿᩮᩣ ᩑᩅᩴ ᩋᩅᨧ. ᨶ ᨠᨸ᩠ᨸᨲᩥ ᩈᨾᨱᩣᨶᩴ ᩈᨠ᩠ᨿᨸᩩᨲ᩠ᨲᩥᨿᩣᨶᩴ ᩑᩅᩁᩪᨸᩴ ᨠᩣᨲᩩᩴ. ᨶᩣᨿ᩠ᨿᩮᩣ ᩏᨴᩣᨿᩦ ᩑᩅᩴ ᨠᩁᩥᩔᨲᩦ’’ᨲᩥ. ᩑᩅᩴ ᩅᩩᨲ᩠ᨲᩮ, ‘‘ᨠᩁᩥᩔᨲᩥ ᨶ ᨠᩁᩥᩔᨲᩦ’’ᨲᩥ ᩋᨻ᩠ᨽᩩᨲᨾᨠᩴᩈᩩ. ᩋᨳ ᨡᩮᩣ ᨲᩮ ᨵᩩᨲ᩠ᨲᩣ ᨿᩮᨶᩣᨿᩈ᩠ᨾᩣ ¶ ᩏᨴᩣᨿᩦ ᨲᩮᨶᩩᨸᩈᨦ᩠ᨠᨾᩥᩴᩈᩩ; ᩏᨸᩈᨦ᩠ᨠᨾᩥᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᩏᨴᩣᨿᩥᩴ ᩑᨲᨴᩅᩮᩣᨧᩩᩴ – ‘‘ᩍᨵ ᨾᨿᩴ, ᨽᨶ᩠ᨲᩮ, ᩏᨿ᩠ᨿᩣᨶᩮ ᨸᩁᩥᨧᩣᩁᩮᨶ᩠ᨲᩣ ᩋᩈᩩᨠᩣᨿ ᨶᩣᨾ ᩅᩮᩈᩥᨿᩣ ᩈᨶ᩠ᨲᩥᨠᩮ ᨴᩪᨲᩴ ᨸᩉᩥᨱᩥᨾ᩠ᩉᩣ – ‘ᩌᨣᨧ᩠ᨨᨲᩩ ᩏᨿ᩠ᨿᩣᨶᩮ, ᨸᩁᩥᨧᩣᩁᩮᩔᩣᨾᩣ’ᨲᩥ. ᩈᩣ ᩑᩅᨾᩣᩉ – ‘ᩋᩉᩴ ᨡ᩠ᩅᨿ᩠ᨿᩮᩣ ᨲᩩᨾ᩠ᩉᩮ ᨶ ᨩᩣᨶᩣᨾᩥ – ᨠᩮ ᩅᩣ ᩍᨾᩮ ᨠᩔ ᩅᩣᨲᩥ, ᩋᩉᨬ᩠ᨧᨾ᩠ᩉᩥ ᨻᩉᩩᨽᨱ᩠ᨯᩣ ᨻᩉᩩᨸᩁᩥᨠ᩠ᨡᩣᩁᩣ, ᨻᩉᩥᨶᨣᩁᨬ᩠ᨧ ᨣᨶ᩠ᨲᨻ᩠ᨻᩴ. ᨶᩣᩉᩴ ᨣᨾᩥᩔᩣᨾᩦ’ᨲᩥ. ᩈᩣᨵᩩ, ᨽᨶ᩠ᨲᩮ, ᩋᨿ᩠ᨿᩮᩣ ᨲᩴ ᩅᩈᩥᩴ ᩏᨿ᩠ᨿᩮᩣᨩᩮᨲᩪ’’ᨲᩥ.

ᩋᨳ ᨡᩮᩣ ᩌᨿᩈ᩠ᨾᩣ ᩏᨴᩣᨿᩦ ᨿᩮᨶ ᩈᩣ ᩅᩮᩈᩦ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨲᩴ ᩅᩮᩈᩥᩴ ᩑᨲᨴᩅᩮᩣᨧ – ‘‘ᨠᩥᩔᩥᨾᩮᩈᩴ ᨶ ᨣᨧ᩠ᨨᩈᩦ’’ᨲᩥ? ‘‘ᩋᩉᩴ ᨡ᩠ᩅᨿ᩠ᨿ ᩍᨾᩮ ᨶ ᨩᩣᨶᩣᨾᩥ – ‘ᨠᩮ ᩅᩣ ᩍᨾᩮ ᨠᩔ ᩅᩣ’ᨲᩥ. ᩋᩉᨬ᩠ᨧᨾ᩠ᩉᩥ ᨻᩉᩩᨽᨱ᩠ᨯᩣ ᨻᩉᩩᨸᩁᩥᨠ᩠ᨡᩣᩁᩣ, ᨻᩉᩥᨶᨣᩁᨬ᩠ᨧ ᨣᨶ᩠ᨲᨻ᩠ᨻᩴ. ᨶᩣᩉᩴ ᨣᨾᩥᩔᩣᨾᩦ’’ᨲᩥ. ‘‘ᨣᨧ᩠ᨨᩥᨾᩮᩈᩴ. ᩋᩉᩴ ᩍᨾᩮ ᨩᩣᨶᩣᨾᩦ’’ᨲᩥ. ‘‘ᩈᨧᩮ, ᨽᨶ᩠ᨲᩮ, ᩋᨿ᩠ᨿᩮᩣ ᨩᩣᨶᩣᨲᩥ ᩋᩉᩴ ᨣᨾᩥᩔᩣᨾᩦ’’ᨲᩥ. ᩋᨳ ᨡᩮᩣ ᨲᩮ ᨵᩩᨲ᩠ᨲᩣ ᨲᩴ ᩅᩮᩈᩥᩴ ᩌᨴᩣᨿ ᩏᨿ᩠ᨿᩣᨶᩴ ᩋᨣᨾᩴᩈᩩ. ᩋᨳ ᨡᩮᩣ ᩈᩮᩣ ᩏᨸᩣᩈᨠᩮᩣ ᩏᨩ᩠ᨫᩣᨿᨲᩥ ᨡᩥᨿ᩠ᨿᨲᩥ ᩅᩥᨸᩣᨧᩮᨲᩥ – ‘‘ᨠᨳᨬ᩠ᩉᩥ ᨶᩣᨾ ᩋᨿ᩠ᨿᩮᩣ ᩏᨴᩣᨿᩦ ᨲᨦ᩠ᨡᨱᩥᨠᩴ ᩈᨬ᩠ᨧᩁᩥᨲ᩠ᨲᩴ ᩈᨾᩣᨸᨩ᩠ᨩᩥᩔᨲᩦ’’ᨲᩥ. ᩋᩔᩮᩣᩈᩩᩴ ᨡᩮᩣ ᨽᩥᨠ᩠ᨡᩪ ᨲᩔ ᩏᨸᩣᩈᨠᩔ ᩏᨩ᩠ᨫᩣᨿᨶ᩠ᨲᩔ ᨡᩥᨿ᩠ᨿᨶ᩠ᨲᩔ ¶ ᩅᩥᨸᩣᨧᩮᨶ᩠ᨲᩔ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩌᨿᩈ᩠ᨾᩣ ᩏᨴᩣᨿᩦ ᨲᨦ᩠ᨡᨱᩥᨠᩴ ᩈᨬ᩠ᨧᩁᩥᨲ᩠ᨲᩴ ᩈᨾᩣᨸᨩ᩠ᨩᩥᩔᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᩌᨿᩈ᩠ᨾᨶ᩠ᨲᩴ ¶ ᩏᨴᩣᨿᩥᩴ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ¶ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩈᨧ᩠ᨧᩴ ᨠᩥᩁ ᨲ᩠ᩅᩴ, ᩏᨴᩣᨿᩥ, ᨲᨦ᩠ᨡᨱᩥᨠᩴ ᩈᨬ᩠ᨧᩁᩥᨲ᩠ᨲᩴ ᩈᨾᩣᨸᨩ᩠ᨩᩈᩦ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ‘‘ᨠᨳᨬ᩠ᩉᩥ ᨶᩣᨾ ᨲ᩠ᩅᩴ, ᨾᩮᩣᨥᨸᩩᩁᩥᩈ, ᨲᨦ᩠ᨡᨱᩥᨠᩴ ᩈᨬ᩠ᨧᩁᩥᨲ᩠ᨲᩴ ᩈᨾᩣᨸᨩ᩠ᨩᩥᩔᩈᩥ? ᨶᩮᨲᩴ, ᨾᩮᩣᨥᨸᩩᩁᩥᩈ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪓᪐᪑. ‘‘ᨿᩮᩣ ᨸᨶ ᨽᩥᨠ᩠ᨡᩩ ᩈᨬ᩠ᨧᩁᩥᨲ᩠ᨲᩴ ᩈᨾᩣᨸᨩ᩠ᨩᩮᨿ᩠ᨿ, ᩍᨲ᩠ᨳᩥᨿᩣ ᩅᩣ ᨸᩩᩁᩥᩈᨾᨲᩥᩴ ᨸᩩᩁᩥᩈᩔ ᩅᩣ ᩍᨲ᩠ᨳᩥᨾᨲᩥᩴ, ᨩᩣᨿᨲ᩠ᨲᨶᩮ ᩅᩣ ᨩᩣᩁᨲ᩠ᨲᨶᩮ ᩅᩣ, ᩋᨶ᩠ᨲᨾᩈᩮᩣ ᨲᨦ᩠ᨡᨱᩥᨠᩣᨿᨸᩥ, ᩈᨦ᩠ᨥᩣᨴᩥᩈᩮᩈᩮᩣ’’ᨲᩥ.

᪓᪐᪒. ᨿᩮᩣ ᨸᨶᩣᨲᩥ ᨿᩮᩣ ᨿᩣᨴᩥᩈᩮᩣ…ᨸᩮ… ᨽᩥᨠ᩠ᨡᩪᨲᩥ…ᨸᩮ… ᩋᨿᩴ ᩍᨾᩈ᩠ᨾᩥᩴ ᩋᨲ᩠ᨳᩮ ᩋᨵᩥᨸ᩠ᨸᩮᨲᩮᩣ ᨽᩥᨠ᩠ᨡᩪᨲᩥ.

ᩈᨬ᩠ᨧᩁᩥᨲ᩠ᨲᩴ ᩈᨾᩣᨸᨩ᩠ᨩᩮᨿ᩠ᨿᩣᨲᩥ ᩍᨲ᩠ᨳᩥᨿᩣ ᩅᩣ ᨸᩉᩥᨲᩮᩣ ᨸᩩᩁᩥᩈᩔ ᩈᨶ᩠ᨲᩥᨠᩮ ᨣᨧ᩠ᨨᨲᩥ, ᨸᩩᩁᩥᩈᩮᨶ ᩅᩣ ᨸᩉᩥᨲᩮᩣ ᩍᨲ᩠ᨳᩥᨿᩣ ᩈᨶ᩠ᨲᩥᨠᩮ ᨣᨧ᩠ᨨᨲᩥ.

ᩍᨲ᩠ᨳᩥᨿᩣ ¶ ᩅᩣ ᨸᩩᩁᩥᩈᨾᨲᩥᨶ᩠ᨲᩥ ᨸᩩᩁᩥᩈᩔ ᨾᨲᩥᩴ ᩍᨲ᩠ᨳᩥᨿᩣ ᩌᩁᩮᩣᨧᩮᨲᩥ.

ᨸᩩᩁᩥᩈᩔ ᩅᩣ ᩍᨲ᩠ᨳᩥᨾᨲᩥᨶ᩠ᨲᩥ ᩍᨲ᩠ᨳᩥᨿᩣ ᨾᨲᩥᩴ ᨸᩩᩁᩥᩈᩔ ᩌᩁᩮᩣᨧᩮᨲᩥ.

ᨩᩣᨿᨲ᩠ᨲᨶᩮ ᩅᩣᨲᩥ ᨩᩣᨿᩣ ᨽᩅᩥᩔᩈᩥ.

ᨩᩣᩁᨲ᩠ᨲᨶᩮ ᩅᩣᨲᩥ ᨩᩣᩁᩦ ᨽᩅᩥᩔᩈᩥ.

ᩋᨶ᩠ᨲᨾᩈᩮᩣ ᨲᨦ᩠ᨡᨱᩥᨠᩣᨿᨸᩦᨲᩥ ᨾᩩᩉᩩᨲ᩠ᨲᩥᨠᩣ ᨽᩅᩥᩔᩈᩥ ¶ .

ᩈᨦ᩠ᨥᩣᨴᩥᩈᩮᩈᩮᩣᨲᩥ…ᨸᩮ… ᨲᩮᨶᨸᩥ ᩅᩩᨧ᩠ᨧᨲᩥ ᩈᨦ᩠ᨥᩣᨴᩥᩈᩮᩈᩮᩣᨲᩥ.

᪓᪐᪓. ᨴᩈ ᩍᨲ᩠ᨳᩥᨿᩮᩣ – ᨾᩣᨲᩩᩁᨠ᩠ᨡᩥᨲᩣ ᨸᩥᨲᩩᩁᨠ᩠ᨡᩥᨲᩣ ᨾᩣᨲᩣᨸᩥᨲᩩᩁᨠ᩠ᨡᩥᨲᩣ ᨽᩣᨲᩩᩁᨠ᩠ᨡᩥᨲᩣ ᨽᨣᩥᨶᩥᩁᨠ᩠ᨡᩥᨲᩣ ᨬᩣᨲᩥᩁᨠ᩠ᨡᩥᨲᩣ ᨣᩮᩣᨲ᩠ᨲᩁᨠ᩠ᨡᩥᨲᩣ ᨵᨾ᩠ᨾᩁᨠ᩠ᨡᩥᨲᩣ ᩈᩣᩁᨠ᩠ᨡᩣ ᩈᨸᩁᩥᨴᨱ᩠ᨯᩣ.

ᨴᩈ ᨽᩁᩥᨿᩣᨿᩮᩣ – ᨵᨶᨠ᩠ᨠᩦᨲᩣ ᨨᨶ᩠ᨴᩅᩣᩈᩥᨶᩦ ᨽᩮᩣᨣᩅᩣᩈᩥᨶᩦ ᨸᨭᩅᩣᩈᩥᨶᩦ ᩒᨴᨸᨲ᩠ᨲᨠᩥᨶᩦ ᩒᨽᨭᨧᩩᨾ᩠ᨻᨭᩣ ᨴᩣᩈᩦ ᨧ ᨽᩁᩥᨿᩣ ᨧ ᨠᨾ᩠ᨾᨠᩣᩁᩦ ᨧ ᨽᩁᩥᨿᩣ ᨧ ᨵᨩᩣᩉᨭᩣ ᨾᩩᩉᩩᨲ᩠ᨲᩥᨠᩣ.

᪓᪐᪔. ᨾᩣᨲᩩᩁᨠ᩠ᨡᩥᨲᩣ ᨶᩣᨾ ᨾᩣᨲᩣ ᩁᨠ᩠ᨡᨲᩥ ᨣᩮᩣᨸᩮᨲᩥ ᩍᩔᩁᩥᨿᩴ ᨠᩣᩁᩮᨲᩥ ᩅᩈᩴ ᩅᨲ᩠ᨲᩮᨲᩥ.

ᨸᩥᨲᩩᩁᨠ᩠ᨡᩥᨲᩣ ¶ ᨶᩣᨾ ᨸᩥᨲᩣ ᩁᨠ᩠ᨡᨲᩥ ᨣᩮᩣᨸᩮᨲᩥ ᩍᩔᩁᩥᨿᩴ ᨠᩣᩁᩮᨲᩥ ᩅᩈᩴ ᩅᨲ᩠ᨲᩮᨲᩥ.

ᨾᩣᨲᩣᨸᩥᨲᩩᩁᨠ᩠ᨡᩥᨲᩣ ᨶᩣᨾ ᨾᩣᨲᩣᨸᩥᨲᩁᩮᩣ ᩁᨠ᩠ᨡᨶ᩠ᨲᩥ ᨣᩮᩣᨸᩮᨶ᩠ᨲᩥ ᩍᩔᩁᩥᨿᩴ ᨠᩣᩁᩮᨶ᩠ᨲᩥ ᩅᩈᩴ ᩅᨲ᩠ᨲᩮᨶ᩠ᨲᩥ.

ᨽᩣᨲᩩᩁᨠ᩠ᨡᩥᨲᩣ ᨶᩣᨾ ᨽᩣᨲᩣ ᩁᨠ᩠ᨡᨲᩥ ᨣᩮᩣᨸᩮᨲᩥ ᩍᩔᩁᩥᨿᩴ ᨠᩣᩁᩮᨲᩥ ᩅᩈᩴ ᩅᨲ᩠ᨲᩮᨲᩥ.

ᨽᨣᩥᨶᩥᩁᨠ᩠ᨡᩥᨲᩣ ᨶᩣᨾ ᨽᨣᩥᨶᩦ ᩁᨠ᩠ᨡᨲᩥ ᨣᩮᩣᨸᩮᨲᩥ ᩍᩔᩁᩥᨿᩴ ᨠᩣᩁᩮᨲᩥ ᩅᩈᩴ ᩅᨲ᩠ᨲᩮᨲᩥ.

ᨬᩣᨲᩥᩁᨠ᩠ᨡᩥᨲᩣ ¶ ᨶᩣᨾ ᨬᩣᨲᨠᩣ ᩁᨠ᩠ᨡᨶ᩠ᨲᩥ ᨣᩮᩣᨸᩮᨶ᩠ᨲᩥ ᩍᩔᩁᩥᨿᩴ ᨠᩣᩁᩮᨶ᩠ᨲᩥ ᩅᩈᩴ ᩅᨲ᩠ᨲᩮᨶ᩠ᨲᩥ.

ᨣᩮᩣᨲ᩠ᨲᩁᨠ᩠ᨡᩥᨲᩣ ᨶᩣᨾ ᩈᨣᩮᩣᨲ᩠ᨲᩣ ᩁᨠ᩠ᨡᨶ᩠ᨲᩥ ᨣᩮᩣᨸᩮᨶ᩠ᨲᩥ ᩍᩔᩁᩥᨿᩴ ᨠᩣᩁᩮᨶ᩠ᨲᩥ ᩅᩈᩴ ᩅᨲ᩠ᨲᩮᨶ᩠ᨲᩥ.

ᨵᨾ᩠ᨾᩁᨠ᩠ᨡᩥᨲᩣ ᨶᩣᨾ ᩈᩉᨵᨾ᩠ᨾᩥᨠᩣ ᩁᨠ᩠ᨡᨶ᩠ᨲᩥ ᨣᩮᩣᨸᩮᨶ᩠ᨲᩥ ᩍᩔᩁᩥᨿᩴ ᨠᩣᩁᩮᨶ᩠ᨲᩥ ᩅᩈᩴ ᩅᨲ᩠ᨲᩮᨶ᩠ᨲᩥ.

ᩈᩣᩁᨠ᩠ᨡᩣ ᨶᩣᨾ ᨣᨻ᩠ᨽᩮᨸᩥ ᨸᩁᩥᨣ᩠ᨣᩉᩥᨲᩣ ᩉᩮᩣᨲᩥ – ᨾᨿ᩠ᩉᩴ ᩑᩈᩣᨲᩥ. ᩋᨶ᩠ᨲᨾᩈᩮᩣ ᨾᩣᩃᩣᨣᩩᩊᨸᩁᩥᨠ᩠ᨡᩥᨲ᩠ᨲᩣᨸᩥ.

ᩈᨸᩁᩥᨴᨱ᩠ᨯᩣ ᨶᩣᨾ ᨠᩮᩉᩥᨧᩥ ᨴᨱ᩠ᨯᩮᩣ ᨮᨸᩥᨲᩮᩣ ᩉᩮᩣᨲᩥ – ᨿᩮᩣ ᩍᨲ᩠ᨳᨶ᩠ᨶᩣᨾᩴ ᩍᨲ᩠ᨳᩥᩴ ᨣᨧ᩠ᨨᨲᩥ ᩑᨲ᩠ᨲᨠᩮᩣ ᨴᨱ᩠ᨯᩮᩣᨲᩥ.

ᨵᨶᨠ᩠ᨠᩦᨲᩣ ¶ ¶ ᨶᩣᨾ ᨵᨶᩮᨶ ᨠᩥᨱᩥᨲ᩠ᩅᩣ ᩅᩣᩈᩮᨲᩥ.

ᨨᨶ᩠ᨴᩅᩣᩈᩥᨶᩦ ᨶᩣᨾ ᨸᩥᨿᩮᩣ ᨸᩥᨿᩴ ᩅᩣᩈᩮᨲᩥ.

ᨽᩮᩣᨣᩅᩣᩈᩥᨶᩦ ᨶᩣᨾ ᨽᩮᩣᨣᩴ ᨴᨲ᩠ᩅᩣ ᩅᩣᩈᩮᨲᩥ.

ᨸᨭᩅᩣᩈᩥᨶᩦ ᨶᩣᨾ ᨸᨭᩴ ᨴᨲ᩠ᩅᩣ ᩅᩣᩈᩮᨲᩥ.

ᩒᨴᨸᨲ᩠ᨲᨠᩥᨶᩦ ᨶᩣᨾ ᩏᨴᨠᨸᨲ᩠ᨲᩴ ᩌᨾᩈᩥᨲ᩠ᩅᩣ ᩅᩣᩈᩮᨲᩥ.

ᩒᨽᨭᨧᩩᨾ᩠ᨻᨭᩣ ᨶᩣᨾ ᨧᩩᨾ᩠ᨻᨭᩴ ᩒᩁᩮᩣᨸᩮᨲ᩠ᩅᩣ ᩅᩣᩈᩮᨲᩥ.

ᨴᩣᩈᩦ ᨶᩣᨾ ᨴᩣᩈᩦ ᨧᩮᩅ ᩉᩮᩣᨲᩥ ᨽᩁᩥᨿᩣ ᨧ.

ᨠᨾ᩠ᨾᨠᩣᩁᩦ ᨶᩣᨾ ᨠᨾ᩠ᨾᨠᩣᩁᩦ ᨧᩮᩅ ᩉᩮᩣᨲᩥ ᨽᩁᩥᨿᩣ ᨧ.

ᨵᨩᩣᩉᨭᩣ ᨶᩣᨾ ᨠᩁᨾᩁᩣᨶᩦᨲᩣ ᩅᩩᨧ᩠ᨧᨲᩥ.

ᨾᩩᩉᩩᨲ᩠ᨲᩥᨠᩣ ¶ ᨶᩣᨾ ᨲᨦ᩠ᨡᨱᩥᨠᩣ ᩅᩩᨧ᩠ᨧᨲᩥ.

᪓᪐᪕. ᨸᩩᩁᩥᩈᩮᩣ ¶ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨾᩣᨲᩩᩁᨠ᩠ᨡᩥᨲᩴ ᨻᩕᩪᩉᩥ – ‘ᩉᩮᩣᩉᩥ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨵᨶᨠ᩠ᨠᩦᨲᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩩᩁᩥᩈᩮᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨸᩥᨲᩩᩁᨠ᩠ᨡᩥᨲᩴ ᨻᩕᩪᩉᩥ…ᨸᩮ… ᨾᩣᨲᩣᨸᩥᨲᩩᩁᨠ᩠ᨡᩥᨲᩴ ᨻᩕᩪᩉᩥ… ᨽᩣᨲᩩᩁᨠ᩠ᨡᩥᨲᩴ ᨻᩕᩪᩉᩥ… ᨽᨣᩥᨶᩥᩁᨠ᩠ᨡᩥᨲᩴ ᨻᩕᩪᩉᩥ… ᨬᩣᨲᩥᩁᨠ᩠ᨡᩥᨲᩴ ᨻᩕᩪᩉᩥ… ᨣᩮᩣᨲ᩠ᨲᩁᨠ᩠ᨡᩥᨲᩴ ᨻᩕᩪᩉᩥ… ᨵᨾ᩠ᨾᩁᨠ᩠ᨡᩥᨲᩴ ᨻᩕᩪᩉᩥ… ᩈᩣᩁᨠ᩠ᨡᩴ ᨻᩕᩪᩉᩥ… ᩈᨸᩁᩥᨴᨱ᩠ᨯᩴ ᨻᩕᩪᩉᩥ – ‘ᩉᩮᩣᩉᩥ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨵᨶᨠ᩠ᨠᩦᨲᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨶᩥᨠ᩠ᨡᩮᨸᨸᨴᩣᨶᩥ.

᪓᪐᪖. ᨸᩩᩁᩥᩈᩮᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨾᩣᨲᩩᩁᨠ᩠ᨡᩥᨲᨬ᩠ᨧ ᨸᩥᨲᩩᩁᨠ᩠ᨡᩥᨲᨬ᩠ᨧ ᨻᩕᩪᩉᩥ – ‘ᩉᩮᩣᨳ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣᨿᩮᩣ ¶ ᨵᨶᨠ᩠ᨠᩦᨲᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩩᩁᩥᩈᩮᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨾᩣᨲᩩᩁᨠ᩠ᨡᩥᨲᨬ᩠ᨧ ᨾᩣᨲᩣᨸᩥᨲᩩᩁᩋᨡᨲᨬ᩠ᨧ…ᨸᩮ…

ᨾᩣᨲᩩᩁᨠ᩠ᨡᩥᨲᨬ᩠ᨧ ᨽᩣᨲᩩᩁᨠ᩠ᨡᩥᨲᨬ᩠ᨧ… ᨾᩣᨲᩩᩁᨠ᩠ᨡᩥᨲᨬ᩠ᨧ ᨽᨣᩥᨶᩥᩁᨠ᩠ᨡᩥᨲᨬ᩠ᨧ… ᨾᩣᨲᩩᩁᨠ᩠ᨡᩥᨲᨬ᩠ᨧ ᨬᩣᨲᩥᩁᨠ᩠ᨡᩥᨲᨬ᩠ᨧ… ᨾᩣᨲᩩᩁᨠ᩠ᨡᩥᨲᨬ᩠ᨧ ᨣᩮᩣᨲ᩠ᨲᩁᨠ᩠ᨡᩥᨲᨬ᩠ᨧ… ᨾᩣᨲᩩᩁᨠ᩠ᨡᩥᨲᨬ᩠ᨧ ᨵᨾ᩠ᨾᩁᨠ᩠ᨡᩥᨲᨬ᩠ᨧ… ᨾᩣᨲᩩᩁᨠ᩠ᨡᩥᨲᨬ᩠ᨧ ᩈᩣᩁᨠ᩠ᨡᨬ᩠ᨧ… ᨾᩣᨲᩩᩁᨠ᩠ᨡᩥᨲᨬ᩠ᨧ ᩈᨸᩁᩥᨴᨱ᩠ᨯᨬ᩠ᨧ ᨻᩕᩪᩉᩥ – ‘ᩉᩮᩣᨳ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣᨿᩮᩣ ᨵᨶᨠ᩠ᨠᩦᨲᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨡᨱ᩠ᨯᨧᨠ᩠ᨠᩴ.

᪓᪐᪗. ᨸᩩᩁᩥᩈᩮᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨸᩥᨲᩩᩁᨠ᩠ᨡᩥᨲᨬ᩠ᨧ ᨾᩣᨲᩣᨸᩥᨲᩩᩁᨠ᩠ᨡᩥᨲᨬ᩠ᨧ ᨻᩕᩪᩉᩥ – ‘ᩉᩮᩣᨳ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣᨿᩮᩣ ᨵᨶᨠ᩠ᨠᩦᨲᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩩᩁᩥᩈᩮᩣ ¶ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨸᩥᨲᩩᩁᨠ᩠ᨡᩥᨲᨬ᩠ᨧ ᨽᩣᨲᩩᩁᨠ᩠ᨡᩥᨲᨬ᩠ᨧ…ᨸᩮ… ᨸᩥᨲᩩᩁᨠ᩠ᨡᩥᨲᨬ᩠ᨧ ᨽᨣᩥᨶᩥᩁᨠ᩠ᨡᩥᨲᨬ᩠ᨧ… ᨸᩥᨲᩩᩁᨠ᩠ᨡᩥᨲᨬ᩠ᨧ ᨬᩣᨲᩥᩁᨠ᩠ᨡᩥᨲᨬ᩠ᨧ… ᨸᩥᨲᩩᩁᨠ᩠ᨡᩥᨲᨬ᩠ᨧ ᨣᩮᩣᨲ᩠ᨲᩁᨠ᩠ᨡᩥᨲᨬ᩠ᨧ… ᨸᩥᨲᩩᩁᨠ᩠ᨡᩥᨲᨬ᩠ᨧ ᨵᨾ᩠ᨾᩁᨠ᩠ᨡᩥᨲᨬ᩠ᨧ… ᨸᩥᨲᩩᩁᨠ᩠ᨡᩥᨲᨬ᩠ᨧ ᩈᩣᩁᨠ᩠ᨡᨬ᩠ᨧ… ᨸᩥᨲᩩᩁᨠ᩠ᨡᩥᨲᨬ᩠ᨧ ᩈᨸᩁᩥᨴᨱ᩠ᨯᨬ᩠ᨧ ᨻᩕᩪᩉᩥ – ‘ᩉᩮᩣᨳ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣᨿᩮᩣ ᨵᨶᨠ᩠ᨠᩦᨲᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩩᩁᩥᩈᩮᩣ ¶ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨸᩥᨲᩩᩁᨠ᩠ᨡᩥᨲᨬ᩠ᨧ ᨾᩣᨲᩩᩁᨠ᩠ᨡᩥᨲᨬ᩠ᨧ ᨻᩕᩪᩉᩥ – ‘ᩉᩮᩣᨳ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣᨿᩮᩣ ¶ ᨵᨶᨠ᩠ᨠᩦᨲᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨻᨴ᩠ᨵᨧᨠ᩠ᨠᩴ ᨾᩪᩃᩴ ᩈᩴᨡᩥᨲ᩠ᨲᩴ.

᪓᪐᪘. ᨸᩩᩁᩥᩈᩮᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᩈᨸᩁᩥᨴᨱ᩠ᨯᨬ᩠ᨧ ᨾᩣᨲᩩᩁᨠ᩠ᨡᩥᨲᨬ᩠ᨧ ᨻᩕᩪᩉᩥ – ‘ᩉᩮᩣᨳ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣᨿᩮᩣ ᨵᨶᨠ᩠ᨠᩦᨲᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩩᩁᩥᩈᩮᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᩈᨸᩁᩥᨴᨱ᩠ᨯᨬ᩠ᨧ ᨸᩥᨲᩩᩁᩋᨡᨲᨬ᩠ᨧ…ᨸᩮ…

ᩈᨸᩁᩥᨴᨱ᩠ᨯᨬ᩠ᨧ ᨾᩣᨲᩣᨸᩥᨲᩩᩁᨠ᩠ᨡᩥᨲᨬ᩠ᨧ… ᩈᨸᩁᩥᨴᨱ᩠ᨯᨬ᩠ᨧ ᨽᩣᨲᩩᩁᨠ᩠ᨡᩥᨲᨬ᩠ᨧ… ᩈᨸᩁᩥᨴᨱ᩠ᨯᨬ᩠ᨧ ᨽᨣᩥᨶᩥᩁᨠ᩠ᨡᩥᨲᨬ᩠ᨧ… ᩈᨸᩁᩥᨴᨱ᩠ᨯᨬ᩠ᨧ ᨬᩣᨲᩥᩁᨠ᩠ᨡᩥᨲᨬ᩠ᨧ… ᩈᨸᩁᩥᨴᨱ᩠ᨯᨬ᩠ᨧ ᨣᩮᩣᨲ᩠ᨲᩁᨠ᩠ᨡᩥᨲᨬ᩠ᨧ… ᩈᨸᩁᩥᨴᨱ᩠ᨯᨬ᩠ᨧ ᨵᨾ᩠ᨾᩁᨠ᩠ᨡᩥᨲᨬ᩠ᨧ… ᩈᨸᩁᩥᨴᨱ᩠ᨯᨬ᩠ᨧ ᩈᩣᩁᨠ᩠ᨡᨬ᩠ᨧ ᨻᩕᩪᩉᩥ – ‘ᩉᩮᩣᨳ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣᨿᩮᩣ ᨵᨶᨠ᩠ᨠᩦᨲᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩑᨠᨾᩪᩃᨠᩴ ᨶᩥᨭ᩠ᨮᩥᨲᩴ.

ᩑᩅᩴ ᨴᩩᨾᩪᩃᨠᨾ᩠ᨸᩥ ¶ ᨲᩥᨾᩪᩃᨠᨾ᩠ᨸᩥ ¶ ᨿᩣᩅ ᨶᩅᨾᩪᩃᨠᩴ ᨠᩣᨲᨻ᩠ᨻᩴ.

ᩍᨴᩴ ᨴᩈᨾᩪᩃᨠᩴ

᪓᪐᪙. ᨸᩩᩁᩥᩈᩮᩣ ¶ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨾᩣᨲᩩᩁᨠ᩠ᨡᩥᨲᨬ᩠ᨧ ᨸᩥᨲᩩᩁᨠ᩠ᨡᩥᨲᨬ᩠ᨧ ¶ ᨾᩣᨲᩣᨸᩥᨲᩩᩁᨠ᩠ᨡᩥᨲᨬ᩠ᨧ ᨽᩣᨲᩩᩁᨠ᩠ᨡᩥᨲᨬ᩠ᨧ ᨽᨣᩥᨶᩥᩁᨠ᩠ᨡᩥᨲᨬ᩠ᨧ ᨬᩣᨲᩥᩁᨠ᩠ᨡᩥᨲᨬ᩠ᨧ ᨣᩮᩣᨲ᩠ᨲᩁᨠ᩠ᨡᩥᨲᨬ᩠ᨧ ᨵᨾ᩠ᨾᩁᨠ᩠ᨡᩥᨲᨬ᩠ᨧ ᩈᩣᩁᨠ᩠ᨡᨬ᩠ᨧ ᩈᨸᩁᩥᨴᨱ᩠ᨯᨬ᩠ᨧ ᨻᩕᩪᩉᩥ – ‘ᩉᩮᩣᨳ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣᨿᩮᩣ ᨵᨶᨠ᩠ᨠᩦᨲᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨵᨶᨠ᩠ᨠᩦᨲᩣᨧᨠ᩠ᨠᩴ ᨶᩥᨭ᩠ᨮᩥᨲᩴ.

᪓᪑᪐. ᨸᩩᩁᩥᩈᩮᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨾᩣᨲᩩᩁᨠ᩠ᨡᩥᨲᩴ ᨻᩕᩪᩉᩥ – ‘ᩉᩮᩣᩉᩥ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨨᨶ᩠ᨴᩅᩣᩈᩥᨶᩦ…ᨸᩮ… ᨽᩮᩣᨣᩅᩣᩈᩥᨶᩦ… ᨸᨭᩅᩣᩈᩥᨶᩦ… ᩒᨴᨸᨲ᩠ᨲᨠᩥᨶᩦ… ᩒᨽᨭᨧᩩᨾ᩠ᨻᨭᩣ… ᨴᩣᩈᩦ ᨧ ᨽᩁᩥᨿᩣ ᨧ… ᨠᨾ᩠ᨾᨠᩣᩁᩦ ᨧ ᨽᩁᩥᨿᩣ ᨧ… ᨵᨩᩣᩉᨭᩣ… ᨾᩩᩉᩩᨲ᩠ᨲᩥᨠᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩩᩁᩥᩈᩮᩣ ¶ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨸᩥᨲᩩᩁᨠ᩠ᨡᩥᨲᩴ ᨻᩕᩪᩉᩥ…ᨸᩮ… ᨾᩣᨲᩣᨸᩥᨲᩩᩁᨠ᩠ᨡᩥᨲᩴ ᨻᩕᩪᩉᩥ… ᨽᩣᨲᩩᩁᨠ᩠ᨡᩥᨲᩴ ᨻᩕᩪᩉᩥ… ᨽᨣᩥᨶᩥᩁᨠ᩠ᨡᩥᨲᩴ ᨻᩕᩪᩉᩥ… ᨬᩣᨲᩥᩁᨠ᩠ᨡᩥᨲᩴ ᨻᩕᩪᩉᩥ… ᨣᩮᩣᨲ᩠ᨲᩁᨠ᩠ᨡᩥᨲᩴ ᨻᩕᩪᩉᩥ… ᨵᨾ᩠ᨾᩁᨠ᩠ᨡᩥᨲᩴ ᨻᩕᩪᩉᩥ… ᩈᩣᩁᨠ᩠ᨡᩴ ᨻᩕᩪᩉᩥ… ᩈᨸᩁᩥᨴᨱ᩠ᨯᩴ ᨻᩕᩪᩉᩥ – ‘ᩉᩮᩣᩉᩥ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨾᩩᩉᩩᨲ᩠ᨲᩥᨠᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨶᩥᨠ᩠ᨡᩮᨸᨸᨴᩣᨶᩥ.

᪓᪑᪑. ᨸᩩᩁᩥᩈᩮᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨾᩣᨲᩩᩁᨠ᩠ᨡᩥᨲᨬ᩠ᨧ ᨸᩥᨲᩩᩁᨠ᩠ᨡᩥᨲᨬ᩠ᨧ ᨻᩕᩪᩉᩥ – ‘ᩉᩮᩣᨳ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣᨿᩮᩣ ᨾᩩᩉᩩᨲ᩠ᨲᩥᨠᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩩᩁᩥᩈᩮᩣ ᨽᩥᨠ᩠ᨡᩩᩴ ¶ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨾᩣᨲᩩᩁᨠ᩠ᨡᩥᨲᨬ᩠ᨧ ᨾᩣᨲᩣᨸᩥᨲᩩᩁᨠ᩠ᨡᩥᨲᨬ᩠ᨧ…ᨸᩮ… ᨾᩣᨲᩩᩁᨠ᩠ᨡᩥᨲᨬ᩠ᨧ ᩈᨸᩁᩥᨴᨱ᩠ᨯᨬ᩠ᨧ ᨻᩕᩪᩉᩥ – ‘ᩉᩮᩣᨳ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣᨿᩮᩣ ᨾᩩᩉᩩᨲ᩠ᨲᩥᨠᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨡᨱ᩠ᨯᨧᨠ᩠ᨠᩴ.

᪓᪑᪒. ᨸᩩᩁᩥᩈᩮᩣ ¶ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨸᩥᨲᩩᩁᨠ᩠ᨡᩥᨲᨬ᩠ᨧ ᨾᩣᨲᩣᨸᩥᨲᩩᩁᨠ᩠ᨡᩥᨲᨬ᩠ᨧ ᨻᩕᩪᩉᩥ – ‘ᩉᩮᩣᨳ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣᨿᩮᩣ ᨾᩩᩉᩩᨲ᩠ᨲᩥᨠᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩩᩁᩥᩈᩮᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨸᩥᨲᩩᩁᨠ᩠ᨡᩥᨲᨬ᩠ᨧ ᨽᩣᨲᩩᩁᨠ᩠ᨡᩥᨲᨬ᩠ᨧ…ᨸᩮ… ᨸᩥᨲᩩᩁᨠ᩠ᨡᩥᨲᨬ᩠ᨧ ᩈᨸᩁᩥᨴᨱ᩠ᨯᨬ᩠ᨧ ᨻᩕᩪᩉᩥ – ‘ᩉᩮᩣᨳ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣᨿᩮᩣ ᨾᩩᩉᩩᨲ᩠ᨲᩥᨠᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩩᩁᩥᩈᩮᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨸᩥᨲᩩᩁᨠ᩠ᨡᩥᨲᨬ᩠ᨧ ᨾᩣᨲᩩᩁᨠ᩠ᨡᩥᨲᨬ᩠ᨧ ᨻᩕᩪᩉᩥ – ‘ᩉᩮᩣᨳ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣᨿᩮᩣ ᨾᩩᩉᩩᨲ᩠ᨲᩥᨠᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨻᨴ᩠ᨵᨧᨠ᩠ᨠᩴ ᨾᩪᩃᩴ ᩈᩴᨡᩥᨲ᩠ᨲᩴ.

᪓᪑᪓. ᨸᩩᩁᩥᩈᩮᩣ ¶ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᩈᨸᩁᩥᨴᨱ᩠ᨯᨬ᩠ᨧ ᨾᩣᨲᩩᩁᨠ᩠ᨡᩥᨲᨬ᩠ᨧ ᨻᩕᩪᩉᩥ – ‘ᩉᩮᩣᨳ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣᨿᩮᩣ ᨾᩩᩉᩩᨲ᩠ᨲᩥᨠᩣ’’’ᨲᩥ ¶ . ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩩᩁᩥᩈᩮᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᩈᨸᩁᩥᨴᨱ᩠ᨯᨬ᩠ᨧ ᨸᩥᨲᩩᩁᨠ᩠ᨡᩥᨲᨬ᩠ᨧ…ᨸᩮ… ᩈᨸᩁᩥᨴᨱ᩠ᨯᨬ᩠ᨧ ᩈᩣᩁᨠ᩠ᨡᨬ᩠ᨧ ᨻᩕᩪᩉᩥ – ‘ᩉᩮᩣᨳ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣᨿᩮᩣ ᨾᩩᩉᩩᨲ᩠ᨲᩥᨠᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩑᨠᨾᩪᩃᨠᩴ ᨶᩥᨭ᩠ᨮᩥᨲᩴ.

ᨴᩩᨾᩪᩃᨠᩣᨴᩦᨶᩥᨸᩥ ᩑᩅᨾᩮᩅ ᨠᩣᨲᨻ᩠ᨻᩣᨶᩥ.

ᩍᨴᩴ ᨴᩈᨾᩪᩃᨠᩴ

᪓᪑᪔. ᨸᩩᩁᩥᩈᩮᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨾᩣᨲᩩᩁᨠ᩠ᨡᩥᨲᨬ᩠ᨧ ¶ ᨸᩥᨲᩩᩁᨠ᩠ᨡᩥᨲᨬ᩠ᨧ ᨾᩣᨲᩣᨸᩥᨲᩩᩁᨠ᩠ᨡᩥᨲᨬ᩠ᨧ ᨽᩣᨲᩩᩁᨠ᩠ᨡᩥᨲᨬ᩠ᨧ ᨽᨣᩥᨶᩥᩁᨠ᩠ᨡᩥᨲᨬ᩠ᨧ ᨬᩣᨲᩥᩁᨠ᩠ᨡᩥᨲᨬ᩠ᨧ ᨣᩮᩣᨲ᩠ᨲᩁᨠ᩠ᨡᩥᨲᨬ᩠ᨧ ¶ ᨵᨾ᩠ᨾᩁᨠ᩠ᨡᩥᨲᨬ᩠ᨧ ᩈᩣᩁᨠ᩠ᨡᨬ᩠ᨧ ᩈᨸᩁᩥᨴᨱ᩠ᨯᨬ᩠ᨧ ᨻᩕᩪᩉᩥ – ‘ᩉᩮᩣᨳ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣᨿᩮᩣ ᨾᩩᩉᩩᨲ᩠ᨲᩥᨠᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨾᩩᩉᩩᨲ᩠ᨲᩥᨠᩣᨧᨠ᩠ᨠᩴ ᨶᩥᨭ᩠ᨮᩥᨲᩴ.

᪓᪑᪕. ᨸᩩᩁᩥᩈᩮᩣ ¶ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨾᩣᨲᩩᩁᨠ᩠ᨡᩥᨲᩴ ᨻᩕᩪᩉᩥ – ‘ᩉᩮᩣᩉᩥ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨵᨶᨠ᩠ᨠᩦᨲᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩩᩁᩥᩈᩮᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨾᩣᨲᩩᩁᨠ᩠ᨡᩥᨲᩴ ᨻᩕᩪᩉᩥ – ‘ᩉᩮᩣᩉᩥ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨨᨶ᩠ᨴᩅᩣᩈᩥᨶᩦ…ᨸᩮ… ᨽᩮᩣᨣᩅᩣᩈᩥᨶᩦ… ᨸᨭᩅᩣᩈᩥᨶᩦ… ᩒᨴᨸᨲ᩠ᨲᨠᩥᨶᩦ… ᩒᨽᨭᨧᩩᨾ᩠ᨻᨭᩣ… ᨴᩣᩈᩦ ᨧ ᨽᩁᩥᨿᩣ ᨧ… ᨠᨾ᩠ᨾᨠᩣᩁᩦ ᨧ ᨽᩁᩥᨿᩣ ᨧ… ᨵᨩᩣᩉᨭᩣ… ᨾᩩᩉᩩᨲ᩠ᨲᩥᨠᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨶᩥᨠ᩠ᨡᩮᨸᨸᨴᩣᨶᩥ.

᪓᪑᪖. ᨸᩩᩁᩥᩈᩮᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨾᩣᨲᩩᩁᨠ᩠ᨡᩥᨲᩴ ᨻᩕᩪᩉᩥ – ‘ᩉᩮᩣᩉᩥ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨵᨶᨠ᩠ᨠᩦᨲᩣ ᨧ ᨨᨶ᩠ᨴᩅᩣᩈᩥᨶᩦ ᨧᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩩᩁᩥᩈᩮᩣ ¶ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨾᩣᨲᩩᩁᨠ᩠ᨡᩥᨲᩴ ᨻᩕᩪᩉᩥ – ‘ᩉᩮᩣᩉᩥ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨵᨶᨠ᩠ᨠᩦᨲᩣ ᨧ ᨽᩮᩣᨣᩅᩣᩈᩥᨶᩦ ᨧ…ᨸᩮ… ᨵᨶᨠ᩠ᨠᩦᨲᩣ ᨧ ᨸᨭᩅᩣᩈᩥᨶᩦ ᨧ… ᨵᨶᨠ᩠ᨠᩦᨲᩣ ᨧ ᩒᨴᨸᨲ᩠ᨲᨠᩥᨶᩦ ᨧ… ᨵᨶᨠ᩠ᨠᩦᨲᩣ ᨧ ᩒᨽᨭᨧᩩᨾ᩠ᨻᨭᩣ ᨧ… ᨵᨶᨠ᩠ᨠᩦᨲᩣ ᨧ ᨴᩣᩈᩦ ᨧ ᨽᩁᩥᨿᩣ ᨧ… ᨵᨶᨠ᩠ᨠᩦᨲᩣ ᨧ ᨠᨾ᩠ᨾᨠᩣᩁᩦ ᨧ ᨽᩁᩥᨿᩣ ᨧ… ᨵᨶᨠ᩠ᨠᩦᨲᩣ ᨧ ᨵᨩᩣᩉᨭᩣ ᨧ… ᨵᨶᨠ᩠ᨠᩦᨲᩣ ᨧ ᨾᩩᩉᩩᨲ᩠ᨲᩥᨠᩣ ᨧᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨡᨱ᩠ᨯᨧᨠ᩠ᨠᩴ.

᪓᪑᪗. ᨸᩩᩁᩥᩈᩮᩣ ¶ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨾᩣᨲᩩᩁᨠ᩠ᨡᩥᨲᩴ ᨻᩕᩪᩉᩥ – ‘ᩉᩮᩣᩉᩥ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨨᨶ᩠ᨴᩅᩣᩈᩥᨶᩦ ᨧ ᨽᩮᩣᨣᩅᩣᩈᩥᨶᩦ ᨧ…ᨸᩮ… ᨨᨶ᩠ᨴᩅᩣᩈᩥᨶᩦ ¶ ᨧ ᨾᩩᩉᩩᨲ᩠ᨲᩥᨠᩣ ᨧ… ᨨᨶ᩠ᨴᩅᩣᩈᩥᨶᩦ ᨧ ᨵᨶᨠ᩠ᨠᩦᨲᩣ ᨧᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨻᨴ᩠ᨵᨧᨠ᩠ᨠᩴ ᨾᩪᩃᩴ ᩈᩴᨡᩥᨲ᩠ᨲᩴ.

᪓᪑᪘. ᨸᩩᩁᩥᩈᩮᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨾᩣᨲᩩᩁᨠ᩠ᨡᩥᨲᩴ ᨻᩕᩪᩉᩥ – ‘ᩉᩮᩣᩉᩥ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨾᩩᩉᩩᨲ᩠ᨲᩥᨠᩣ ᨧ ᨵᨶᨠ᩠ᨠᩦᨲᩣ ᨧ…ᨸᩮ… ᨾᩩᩉᩩᨲ᩠ᨲᩥᨠᩣ ᨧ ᨨᨶ᩠ᨴᩅᩣᩈᩥᨶᩦ ᨧ…ᨸᩮ… ᨾᩩᩉᩩᨲ᩠ᨲᩥᨠᩣ ᨧ ᨵᨩᩣᩉᨭᩣ ᨧᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩑᨠᨾᩪᩃᨠᩴ ᨶᩥᨭ᩠ᨮᩥᨲᩴ.

ᨴᩩᨾᩪᩃᨠᩣᨴᩦᨶᩥᨸᩥ ᩑᩅᨾᩮᩅ ᨠᩣᨲᨻ᩠ᨻᩣᨶᩥ.

ᩍᨴᩴ ᨴᩈᨾᩪᩃᨠᩴ

᪓᪑᪙. ᨸᩩᩁᩥᩈᩮᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨾᩣᨲᩩᩁᨠ᩠ᨡᩥᨲᩴ ᨻᩕᩪᩉᩥ – ‘ᩉᩮᩣᩉᩥ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨵᨶᨠ᩠ᨠᩦᨲᩣ ᨧ ᨨᨶ᩠ᨴᩅᩣᩈᩥᨶᩦ ᨧ ᨽᩮᩣᨣᩅᩣᩈᩥᨶᩦ ᨧ ᨸᨭᩅᩣᩈᩥᨶᩦ ᨧ ᩒᨴᨸᨲ᩠ᨲᨠᩥᨶᩦ ᨧ ᩒᨽᨭᨧᩩᨾ᩠ᨻᨭᩣ ᨧ ᨴᩣᩈᩦ ᨧ ᨽᩁᩥᨿᩣ ᨧ ᨠᨾ᩠ᨾᨠᩣᩁᩦ ᨧ ᨽᩁᩥᨿᩣ ᨧ ᨵᨩᩣᩉᨭᩣ ᨧ ᨾᩩᩉᩩᨲ᩠ᨲᩥᨠᩣ ᨧᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨾᩣᨲᩩᩁᨠ᩠ᨡᩥᨲᩣᨧᨠ᩠ᨠᩴ ᨶᩥᨭ᩠ᨮᩥᨲᩴ.

ᨸᩩᩁᩥᩈᩮᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨸᩥᨲᩩᩁᨠ᩠ᨡᩥᨲᩴ…ᨸᩮ… ᨾᩣᨲᩣᨸᩥᨲᩩᩁᨠ᩠ᨡᩥᨲᩴ… ᨽᩣᨲᩩᩁᨠ᩠ᨡᩥᨲᩴ… ᨽᨣᩥᨶᩥᩁᨠ᩠ᨡᩥᨲᩴ ¶ … ᨬᩣᨲᩥᩁᨠ᩠ᨡᩥᨲᩴ… ᨣᩮᩣᨲ᩠ᨲᩁᨠ᩠ᨡᩥᨲᩴ… ᨵᨾ᩠ᨾᩁᨠ᩠ᨡᩥᨲᩴ ¶ ¶ … ᩈᩣᩁᨠ᩠ᨡᩴ… ᩈᨸᩁᩥᨴᨱ᩠ᨯᩴ ᨻᩕᩪᩉᩥ – ‘ᩉᩮᩣᩉᩥ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨵᨶᨠ᩠ᨠᩦᨲᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩩᩁᩥᩈᩮᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᩈᨸᩁᩥᨴᨱ᩠ᨯᩴ ᨻᩕᩪᩉᩥ – ‘ᩉᩮᩣᩉᩥ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨨᨶ᩠ᨴᩅᩣᩈᩥᨶᩦ…ᨸᩮ… ᨽᩮᩣᨣᩅᩣᩈᩥᨶᩦ, ᨸᨭᩅᩣᩈᩥᨶᩦ, ᩒᨴᨸᨲ᩠ᨲᨠᩥᨶᩦ, ᩒᨽᨭᨧᩩᨾ᩠ᨻᨭᩣ, ᨴᩣᩈᩦ ᨧ ᨽᩁᩥᨿᩣ ᨧ, ᨠᨾ᩠ᨾᨠᩣᩁᩦ ᨧ ᨽᩁᩥᨿᩣ ᨧ, ᨵᨩᩣᩉᨭᩣ, ᨾᩩᩉᩩᨲ᩠ᨲᩥᨠᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨶᩥᨠ᩠ᨡᩮᨸᨸᨴᩣᨶᩥ.

᪓᪒᪐. ᨸᩩᩁᩥᩈᩮᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᩈᨸᩁᩥᨴᨱ᩠ᨯᩴ ᨻᩕᩪᩉᩥ – ‘ᩉᩮᩣᩉᩥ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨵᨶᨠ᩠ᨠᩦᨲᩣ ᨧ ᨨᨶ᩠ᨴᩅᩣᩈᩥᨶᩦ ᨧᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩩᩁᩥᩈᩮᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᩈᨸᩁᩥᨴᨱ᩠ᨯᩴ ᨻᩕᩪᩉᩥ – ‘ᩉᩮᩣᩉᩥ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨵᨶᨠ᩠ᨠᩦᨲᩣ ᨧ ᨽᩮᩣᨣᩅᩣᩈᩥᨶᩦ ᨧ…ᨸᩮ… ᨵᨶᨠ᩠ᨠᩦᨲᩣ ᨧ ᨾᩩᩉᩩᨲ᩠ᨲᩥᨠᩣ ᨧᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨡᨱ᩠ᨯᨧᨠ᩠ᨠᩴ.

ᨸᩩᩁᩥᩈᩮᩣ ¶ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᩈᨸᩁᩥᨴᨱ᩠ᨯᩴ ᨻᩕᩪᩉᩥ – ‘ᩉᩮᩣᩉᩥ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨨᨶ᩠ᨴᩅᩣᩈᩥᨶᩦ ᨧ ᨽᩮᩣᨣᩅᩣᩈᩥᨶᩦ ᨧ…ᨸᩮ… ᨨᨶ᩠ᨴᩅᩣᩈᩥᨶᩦ ᨧ ᨾᩩᩉᩩᨲ᩠ᨲᩥᨠᩣ ᨧ, ᨨᨶ᩠ᨴᩅᩣᩈᩥᨶᩦ ᨧ ᨵᨶᨠ᩠ᨠᩦᨲᩣ ᨧᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨻᨴ᩠ᨵᨧᨠ᩠ᨠᩴ ᨾᩪᩃᩴ ᩈᩴᨡᩥᨲ᩠ᨲᩴ.

ᨸᩩᩁᩥᩈᩮᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᩈᨸᩁᩥᨴᨱ᩠ᨯᩴ ᨻᩕᩪᩉᩥ – ‘ᩉᩮᩣᩉᩥ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨾᩩᩉᩩᨲ᩠ᨲᩥᨠᩣ ᨧ ᨵᨶᨠ᩠ᨠᩦᨲᩣ ᨧ…ᨸᩮ… ᨾᩩᩉᩩᨲ᩠ᨲᩥᨠᩣ ᨧ ᨨᨶ᩠ᨴᩅᩣᩈᩥᨶᩦ ᨧ, ᨾᩩᩉᩩᨲ᩠ᨲᩥᨠᩣ ¶ ᨧ ᨵᨩᩣᩉᨭᩣ ᨧᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩑᨠᨾᩪᩃᨠᩴ ᨶᩥᨭ᩠ᨮᩥᨲᩴ.

ᨴᩩᨾᩪᩃᨠᨾ᩠ᨸᩥ ᨲᩥᨾᩪᩃᨠᨾ᩠ᨸᩥ ᨿᩣᩅ ᨶᩅᨾᩪᩃᨠᩴ ᩑᩅᨾᩮᩅ ᨠᩣᨲᨻ᩠ᨻᩴ.

ᩍᨴᩴ ᨴᩈᨾᩪᩃᨠᩴ.

᪓᪒᪑. ᨸᩩᩁᩥᩈᩮᩣ ¶ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᩈᨸᩁᩥᨴᨱ᩠ᨯᩴ ᨻᩕᩪᩉᩥ – ‘ᩉᩮᩣᩉᩥ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨵᨶᨠ᩠ᨠᩦᨲᩣ ᨧ ᨨᨶ᩠ᨴᩅᩣᩈᩥᨶᩦ ᨧ ᨽᩮᩣᨣᩅᩣᩈᩥᨶᩦ ᨧ ᨸᨭᩅᩣᩈᩥᨶᩦ ᨧ ᩒᨴᨸᨲ᩠ᨲᨠᩥᨶᩦ ᨧ ᩒᨽᨭᨧᩩᨾ᩠ᨻᨭᩣ ᨧ ᨴᩣᩈᩦ ᨧ ᨽᩁᩥᨿᩣ ᨧ ᨠᨾ᩠ᨾᨠᩣᩁᩦ ᨧ ᨽᩁᩥᨿᩣ ᨧ ᨵᨩᩣᩉᨭᩣ ᨧ ᨾᩩᩉᩩᨲ᩠ᨲᩥᨠᩣ ᨧᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩈᨸᩁᩥᨴᨱ᩠ᨯᩣᨧᨠ᩠ᨠᩴ ᨶᩥᨭ᩠ᨮᩥᨲᩴ.

ᨸᩩᩁᩥᩈᩮᩣ ¶ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨾᩣᨲᩩᩁᨠ᩠ᨡᩥᨲᩴ ᨻᩕᩪᩉᩥ – ‘ᩉᩮᩣᩉᩥ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨵᨶᨠ᩠ᨠᩦᨲᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩩᩁᩥᩈᩮᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨾᩣᨲᩩᩁᨠ᩠ᨡᩥᨲᨬ᩠ᨧ ᨸᩥᨲᩩᩁᨠ᩠ᨡᩥᨲᨬ᩠ᨧ ᨻᩕᩪᩉᩥ – ‘ᩉᩮᩣᨳ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣᨿᩮᩣ ᨵᨶᨠ᩠ᨠᩦᨲᩣ ᨧ ᨨᨶ᩠ᨴᩅᩣᩈᩥᨶᩦ ᨧᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩩᩁᩥᩈᩮᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨾᩣᨲᩩᩁᨠ᩠ᨡᩥᨲᨬ᩠ᨧ ᨸᩥᨲᩩᩁᨠ᩠ᨡᩥᨲᨬ᩠ᨧ ᨾᩣᨲᩣᨸᩥᨲᩩᩁᨠ᩠ᨡᩥᨲᨬ᩠ᨧ ᨻᩕᩪᩉᩥ – ‘ᩉᩮᩣᨳ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣᨿᩮᩣ ᨵᨶᨠ᩠ᨠᩦᨲᩣ ᨧ ᨨᨶ᩠ᨴᩅᩣᩈᩥᨶᩦ ᨧ ᨽᩮᩣᨣᩅᩣᩈᩥᨶᩦ ᨧᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩑᩅᩴ ᩏᨽᨲᩮᩣᩅᨯ᩠ᨰᨠᩴ ᨠᩣᨲᨻ᩠ᨻᩴ.

ᨸᩩᩁᩥᩈᩮᩣ ¶ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨾᩣᨲᩩᩁᨠ᩠ᨡᩥᨲᨬ᩠ᨧ ᨸᩥᨲᩩᩁᨠ᩠ᨡᩥᨲᨬ᩠ᨧ ᨾᩣᨲᩣᨸᩥᨲᩩᩁᨠ᩠ᨡᩥᨲᨬ᩠ᨧ ᨽᩣᨲᩩᩁᨠ᩠ᨡᩥᨲᨬ᩠ᨧ ᨽᨣᩥᨶᩥᩁᨠ᩠ᨡᩥᨲᨬ᩠ᨧ ᨬᩣᨲᩥᩁᨠ᩠ᨡᩥᨲᨬ᩠ᨧ ᨣᩮᩣᨲ᩠ᨲᩁᨠ᩠ᨡᩥᨲᨬ᩠ᨧ ᨵᨾ᩠ᨾᩁᨠ᩠ᨡᩥᨲᨬ᩠ᨧ ᩈᩣᩁᨠ᩠ᨡᨬ᩠ᨧ ᩈᨸᩁᩥᨴᨱ᩠ᨯᨬ᩠ᨧ ᨻᩕᩪᩉᩥ – ‘ᩉᩮᩣᨳ ᨠᩥᩁ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣᨿᩮᩣ ᨵᨶᨠ᩠ᨠᩦᨲᩣ ᨧ ᨨᨶ᩠ᨴᩅᩣᩈᩥᨶᩦ ᨧ ᨽᩮᩣᨣᩅᩣᩈᩥᨶᩦ ᨧ ᨸᨭᩅᩣᩈᩥᨶᩦ ᨧ ᩒᨴᨸᨲ᩠ᨲᨠᩥᨶᩦ ᨧ ᩒᨽᨭᨧᩩᨾ᩠ᨻᨭᩣ ᨧ ᨴᩣᩈᩦ ᨧ ᨽᩁᩥᨿᩣ ᨧ ᨠᨾ᩠ᨾᨠᩣᩁᩦ ᨧ ᨽᩁᩥᨿᩣ ᨧ ᨵᨩᩣᩉᨭᩣ ᨧ ᨾᩩᩉᩩᨲ᩠ᨲᩥᨠᩣ ᨧᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩏᨽᨲᩮᩣᩅᨯ᩠ᨰᨠᩴ ᨶᩥᨭ᩠ᨮᩥᨲᩴ.

ᨸᩩᩁᩥᩈᩔ ¶ ᨾᩣᨲᩣ ᨽᩥᨠ᩠ᨡᩩᩴ ᨸᩉᩥᨱᨲᩥ…ᨸᩮ… ᨸᩩᩁᩥᩈᩔ ᨸᩥᨲᩣ ᨽᩥᨠ᩠ᨡᩩᩴ ᨸᩉᩥᨱᨲᩥ…ᨸᩮ… ᨸᩩᩁᩥᩈᩔ ᨾᩣᨲᩣᨸᩥᨲᩁᩮᩣ ᨽᩥᨠ᩠ᨡᩩᩴ ᨸᩉᩥᨱᨶ᩠ᨲᩥ…ᨸᩮ… ᨸᩩᩁᩥᩈᩔ ᨽᩣᨲᩣ ᨽᩥᨠ᩠ᨡᩩᩴ ᨸᩉᩥᨱᨲᩥ…ᨸᩮ… ᨸᩩᩁᩥᩈᩔ ᨽᨣᩥᨶᩦ ᨽᩥᨠ᩠ᨡᩩᩴ ᨸᩉᩥᨱᨲᩥ…ᨸᩮ… ᨸᩩᩁᩥᩈᩔ ᨬᩣᨲᨠᩣ ¶ ᨽᩥᨠ᩠ᨡᩩᩴ ᨸᩉᩥᨱᨶ᩠ᨲᩥ…ᨸᩮ… ᨸᩩᩁᩥᩈᩔ ᨣᩮᩣᨲ᩠ᨲᩣ ᨽᩥᨠ᩠ᨡᩩᩴ ¶ ᨸᩉᩥᨱᨶ᩠ᨲᩥ…ᨸᩮ… ᨸᩩᩁᩥᩈᩔ ᩈᩉᨵᨾ᩠ᨾᩥᨠᩣ ᨽᩥᨠ᩠ᨡᩩᩴ ᨸᩉᩥᨱᨶ᩠ᨲᩥ…ᨸᩮ….

ᨸᩩᩁᩥᩈᩔ ᨸᩮᨿ᩠ᨿᩣᩃᩮᩣ ᩅᩥᨲ᩠ᨳᩣᩁᩮᨲᨻ᩠ᨻᩮᩣ.

ᩏᨽᨲᩮᩣᩅᨯ᩠ᨰᨠᩴ ᨿᨳᩣ ᨸᩩᩁᩥᨾᨶᨿᩮᩣ ᨲᨳᩮᩅ ᩅᩥᨲ᩠ᨳᩣᩁᩮᨲᨻ᩠ᨻᩴ.

᪓᪒᪒. ᨾᩣᨲᩩᩁᨠ᩠ᨡᩥᨲᩣᨿ ᨾᩣᨲᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨻᩕᩪᩉᩥ – ‘ᩉᩮᩣᨲᩩ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨵᨶᨠ᩠ᨠᩦᨲᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨾᩣᨲᩩᩁᨠ᩠ᨡᩥᨲᩣᨿ ᨾᩣᨲᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨻᩕᩪᩉᩥ – ‘ᩉᩮᩣᨲᩩ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨨᨶ᩠ᨴᩅᩣᩈᩥᨶᩦ…ᨸᩮ… ᨽᩮᩣᨣᩅᩣᩈᩥᨶᩦ, ᨸᨭᩅᩣᩈᩥᨶᩦ, ᩒᨴᨸᨲ᩠ᨲᨠᩥᨶᩦ, ᩒᨽᨭᨧᩩᨾ᩠ᨻᨭᩣ, ᨴᩣᩈᩦ ᨧ ᨽᩁᩥᨿᩣ ᨧ, ᨠᨾ᩠ᨾᨠᩣᩁᩦ ᨧ ᨽᩁᩥᨿᩣ ᨧ, ᨵᨩᩣᩉᨭᩣ, ᨾᩩᩉᩩᨲ᩠ᨲᩥᨠᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨶᩥᨠ᩠ᨡᩮᨸᨸᨴᩣᨶᩥ.

᪓᪒᪓. ᨾᩣᨲᩩᩁᨠ᩠ᨡᩥᨲᩣᨿ ¶ ᨾᩣᨲᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨻᩕᩪᩉᩥ – ‘ᩉᩮᩣᨲᩩ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨵᨶᨠ᩠ᨠᩦᨲᩣ ᨧ ᨨᨶ᩠ᨴᩅᩣᩈᩥᨶᩦ ᨧ…ᨸᩮ… ᨵᨶᨠ᩠ᨠᩦᨲᩣ ᨧ ᨽᩮᩣᨣᩅᩣᩈᩥᨶᩦ ᨧ, ᨵᨶᨠ᩠ᨠᩦᨲᩣ ᨧ ¶ ᨾᩩᩉᩩᨲ᩠ᨲᩥᨠᩣ ᨧᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨡᨱ᩠ᨯᨧᨠ᩠ᨠᩴ.

᪓᪒᪔. ᨾᩣᨲᩩᩁᨠ᩠ᨡᩥᨲᩣᨿ ᨾᩣᨲᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨻᩕᩪᩉᩥ – ‘ᩉᩮᩣᨲᩩ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨨᨶ᩠ᨴᩅᩣᩈᩥᨶᩦ ᨧ ᨽᩮᩣᨣᩅᩣᩈᩥᨶᩦ ᨧ…ᨸᩮ… ᨨᨶ᩠ᨴᩅᩣᩈᩥᨶᩦ ᨧ ᨾᩩᩉᩩᨲ᩠ᨲᩥᨠᩣ ᨧ, ᨨᨶ᩠ᨴᩅᩣᩈᩥᨶᩦ ᨧ ᨵᨶᨠ᩠ᨠᩦᨲᩣ ᨧᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨻᨴ᩠ᨵᨧᨠ᩠ᨠᩴ ᨾᩪᩃᩴ ᩈᩴᨡᩥᨲ᩠ᨲᩴ.

᪓᪒᪕. ᨾᩣᨲᩩᩁᨠ᩠ᨡᩥᨲᩣᨿ ᨾᩣᨲᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨻᩕᩪᩉᩥ – ‘ᩉᩮᩣᨲᩩ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨾᩩᩉᩩᨲ᩠ᨲᩥᨠᩣ ᨧ ᨵᨶᨠ᩠ᨠᩦᨲᩣ ᨧ…ᨸᩮ… ᨾᩩᩉᩩᨲ᩠ᨲᩥᨠᩣ ᨧ ᨨᨶ᩠ᨴᩅᩣᩈᩥᨶᩦ ᨧ…ᨸᩮ… ᨾᩩᩉᩩᨲ᩠ᨲᩥᨠᩣ ᨧ ᨵᨩᩣᩉᨭᩣ ᨧᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩑᨠᨾᩪᩃᨠᩴ ᨶᩥᨭ᩠ᨮᩥᨲᩴ.

ᨴᩩᨾᩪᩃᨠᨾ᩠ᨸᩥ ᨲᩥᨾᩪᩃᨠᨾ᩠ᨸᩥ ᨿᩣᩅ ᨶᩅᨾᩪᩃᨠᩴ ᩑᩅᨾᩮᩅ ᨠᩣᨲᨻ᩠ᨻᩴ.

ᩍᨴᩴ ᨴᩈᨾᩪᩃᨠᩴ

᪓᪒᪖. ᨾᩣᨲᩩᩁᨠ᩠ᨡᩥᨲᩣᨿ ¶ ¶ ᨾᩣᨲᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨻᩕᩪᩉᩥ – ‘ᩉᩮᩣᨲᩩ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨵᨶᨠ᩠ᨠᩦᨲᩣ ᨧ ᨨᨶ᩠ᨴᩅᩣᩈᩥᨶᩦ ᨧ ᨽᩮᩣᨣᩅᩣᩈᩥᨶᩦ ᨧ ᨸᨭᩅᩣᩈᩥᨶᩦ ᨧ ᩒᨴᨸᨲ᩠ᨲᨠᩥᨶᩦ ᨧ ᩒᨽᨭᨧᩩᨾ᩠ᨻᨭᩣ ᨧ ᨴᩣᩈᩦ ᨧ ᨽᩁᩥᨿᩣ ᨧ ᨠᨾ᩠ᨾᨠᩣᩁᩦ ᨧ ᨽᩁᩥᨿᩣ ᨧ ᨵᨩᩣᩉᨭᩣ ᨧ ᨾᩩᩉᩩᨲ᩠ᨲᩥᨠᩣ ᨧᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨾᩣᨲᩩᨧᨠ᩠ᨠᩴ ᨶᩥᨭ᩠ᨮᩥᨲᩴ.

ᨸᩥᨲᩩᩁᨠ᩠ᨡᩥᨲᩣᨿ ¶ ᨸᩥᨲᩣ ᨽᩥᨠ᩠ᨡᩩᩴ ᨸᩉᩥᨱᨲᩥ…ᨸᩮ… ᨾᩣᨲᩣᨸᩥᨲᩩᩁᨠ᩠ᨡᩥᨲᩣᨿ ᨾᩣᨲᩣᨸᩥᨲᩁᩮᩣ ᨽᩥᨠ᩠ᨡᩩᩴ ᨸᩉᩥᨱᨶ᩠ᨲᩥ… ᨽᩣᨲᩩᩁᨠ᩠ᨡᩥᨲᩣᨿ ᨽᩣᨲᩣ ᨽᩥᨠ᩠ᨡᩩᩴ ᨸᩉᩥᨱᨲᩥ… ᨽᨣᩥᨶᩥᩁᨠ᩠ᨡᩥᨲᩣᨿ ᨽᨣᩥᨶᩦ ᨽᩥᨠ᩠ᨡᩩᩴ ᨸᩉᩥᨱᨲᩥ… ᨬᩣᨲᩥᩁᨠ᩠ᨡᩥᨲᩣᨿ ᨬᩣᨲᨠᩣ ᨽᩥᨠ᩠ᨡᩩᩴ ᨸᩉᩥᨱᨶ᩠ᨲᩥ… ᨣᩮᩣᨲ᩠ᨲᩁᨠ᩠ᨡᩥᨲᩣᨿ ᨣᩮᩣᨲ᩠ᨲᩣ [ᩈᨣᩮᩣᨲ᩠ᨲᩣ (?)] ᨽᩥᨠ᩠ᨡᩩᩴ ᨸᩉᩥᨱᨶ᩠ᨲᩥ… ᨵᨾ᩠ᨾᩁᨠ᩠ᨡᩥᨲᩣᨿ ᩈᩉᨵᨾ᩠ᨾᩥᨠᩣ ᨽᩥᨠ᩠ᨡᩩᩴ ᨸᩉᩥᨱᨶ᩠ᨲᩥ… ᩈᩣᩁᨠ᩠ᨡᩣᨿ ᨿᩮᨶ ᨸᩁᩥᨣ᩠ᨣᩉᩥᨲᩣ ᩉᩮᩣᨲᩥ ᩈᩮᩣ ᨽᩥᨠ᩠ᨡᩩᩴ ᨸᩉᩥᨱᨲᩥ… ᩈᨸᩁᩥᨴᨱ᩠ᨯᩣᨿ ᨿᩮᨶ ᨴᨱ᩠ᨯᩮᩣ ᨮᨸᩥᨲᩮᩣ ᩉᩮᩣᨲᩥ ᩈᩮᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨻᩕᩪᩉᩥ – ‘ᩉᩮᩣᨲᩩ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨵᨶᨠ᩠ᨠᩦᨲᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩈᨸᩁᩥᨴᨱ᩠ᨯᩣᨿ ᨿᩮᨶ ᨴᨱ᩠ᨯᩮᩣ ᨮᨸᩥᨲᩮᩣ ᩉᩮᩣᨲᩥ ᩈᩮᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨻᩕᩪᩉᩥ – ‘ᩉᩮᩣᨲᩩ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨨᨶ᩠ᨴᩅᩣᩈᩥᨶᩦ…ᨸᩮ… ᨽᩮᩣᨣᩅᩣᩈᩥᨶᩦ… ᨸᨭᩅᩣᩈᩥᨶᩦ… ᩒᨴᨸᨲ᩠ᨲᨠᩥᨶᩦ… ᩒᨽᨭᨧᩩᨾ᩠ᨻᨭᩣ… ᨴᩣᩈᩦ ᨧ ᨽᩁᩥᨿᩣ ᨧ… ᨠᨾ᩠ᨾᨠᩣᩁᩦ ᨧ ᨽᩁᩥᨿᩣ ᨧ… ᨵᨩᩣᩉᨭᩣ… ᨾᩩᩉᩩᨲ᩠ᨲᩥᨠᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨶᩥᨠ᩠ᨡᩮᨸᨸᨴᩣᨶᩥ.

᪓᪒᪗. ᩈᨸᩁᩥᨴᨱ᩠ᨯᩣᨿ ¶ ᨿᩮᨶ ᨴᨱ᩠ᨯᩮᩣ ᨮᨸᩥᨲᩮᩣ ᩉᩮᩣᨲᩥ ᩈᩮᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨻᩕᩪᩉᩥ – ‘ᩉᩮᩣᨲᩩ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨵᨶᨠ᩠ᨠᩦᨲᩣ ᨧ ᨨᨶ᩠ᨴᩅᩣᩈᩥᨶᩦ ᨧ…ᨸᩮ… ᨵᨶᨠ᩠ᨠᩦᨲᩣ ᨧ ᨽᩮᩣᨣᩅᩣᩈᩥᨶᩦ ᨧ… ᨵᨶᨠ᩠ᨠᩦᨲᩣ ᨧ ᨾᩩᩉᩩᨲ᩠ᨲᩥᨠᩣ ᨧᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨡᨱ᩠ᨯᨧᨠ᩠ᨠᩴ.

᪓᪒᪘. ᩈᨸᩁᩥᨴᨱ᩠ᨯᩣᨿ ¶ ᨿᩮᨶ ᨴᨱ᩠ᨯᩮᩣ ᨮᨸᩥᨲᩮᩣ ᩉᩮᩣᨲᩥ ᩈᩮᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨻᩕᩪᩉᩥ – ‘ᩉᩮᩣᨲᩩ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨨᨶ᩠ᨴᩅᩣᩈᩥᨶᩦ ᨧ ᨽᩮᩣᨣᩅᩣᩈᩥᨶᩦ ᨧ…ᨸᩮ… ᨨᨶ᩠ᨴᩅᩣᩈᩥᨶᩦ ᨧ ᨾᩩᩉᩩᨲ᩠ᨲᩥᨠᩣ ᨧ… ᨨᨶ᩠ᨴᩅᩣᩈᩥᨶᩦ ᨧ ᨵᨶᨠ᩠ᨠᩦᨲᩣ ᨧᩣ’’’ ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨻᨴ᩠ᨵᨧᨠ᩠ᨠᩴ ᨾᩪᩃᩴ ᩈᩴᨡᩥᨲ᩠ᨲᩴ.

᪓᪒᪙. ᩈᨸᩁᩥᨴᨱ᩠ᨯᩣᨿ ¶ ᨿᩮᨶ ᨴᨱ᩠ᨯᩮᩣ, ᨮᨸᩥᨲᩮᩣ ᩉᩮᩣᨲᩥ ᩈᩮᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨻᩕᩪᩉᩥ – ‘ᩉᩮᩣᨲᩩ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨾᩩᩉᩩᨲ᩠ᨲᩥᨠᩣ ᨧ ᨵᨶᨠ᩠ᨠᩦᨲᩣ ᨧ…ᨸᩮ… ᨾᩩᩉᩩᨲ᩠ᨲᩥᨠᩣ ᨧ ᨨᨶ᩠ᨴᩅᩣᩈᩥᨶᩦ ᨧ…ᨸᩮ… ᨾᩩᩉᩩᨲ᩠ᨲᩥᨠᩣ ᨧ ᨵᨩᩣᩉᨭᩣ ᨧᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩑᨠᨾᩪᩃᨠᩴ ᨶᩥᨭ᩠ᨮᩥᨲᩴ.

ᨴᩩᨾᩪᩃᨠᨾ᩠ᨸᩥ ᨲᩥᨾᩪᩃᨠᨾ᩠ᨸᩥ ᨿᩣᩅ ᨶᩅᨾᩪᩃᨠᩴ ᩑᩅᨾᩮᩅ ᨠᩣᨲᨻ᩠ᨻᩴ.

ᩍᨴᩴ ᨴᩈᨾᩪᩃᨠᩴ

᪓᪓᪐. ᩈᨸᩁᩥᨴᨱ᩠ᨯᩣᨿ ¶ ᨿᩮᨶ ᨴᨱ᩠ᨯᩮᩣ ᨮᨸᩥᨲᩮᩣ ᩉᩮᩣᨲᩥ ᩈᩮᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨻᩕᩪᩉᩥ – ‘ᩉᩮᩣᨲᩩ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨵᨶᨠ᩠ᨠᩦᨲᩣ ᨧ ᨨᨶ᩠ᨴᩅᩣᩈᩥᨶᩦ ᨧ ᨽᩮᩣᨣᩅᩣᩈᩥᨶᩦ ᨧ ᨸᨭᩅᩣᩈᩥᨶᩦ ᨧ ᩒᨴᨸᨲ᩠ᨲᨠᩥᨶᩦ ᨧ ᩒᨽᨭᨧᩩᨾ᩠ᨻᨭᩣ ᨧ ᨴᩣᩈᩦ ᨧ ᨽᩁᩥᨿᩣ ᨧ ᨠᨾ᩠ᨾᨠᩣᩁᩦ ᨧ ᨽᩁᩥᨿᩣ ᨧ ᨵᨩᩣᩉᨭᩣ ᨧ ᨾᩩᩉᩩᨲ᩠ᨲᩥᨠᩣ ᨧᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨴᨱ᩠ᨯᨮᨸᩥᨲᨧᨠ᩠ᨠᩴ ᨶᩥᨭ᩠ᨮᩥᨲᩴ.

ᨾᩣᨲᩩᩁᨠ᩠ᨡᩥᨲᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨻᩕᩪᩉᩥ – ‘ᩉᩮᩣᨾᩥ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨵᨶᨠ᩠ᨠᩦᨲᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨾᩣᨲᩩᩁᨠ᩠ᨡᩥᨲᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨻᩕᩪᩉᩥ – ‘ᩉᩮᩣᨾᩥ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨨᨶ᩠ᨴᩅᩣᩈᩥᨶᩦ…ᨸᩮ… ᨽᩮᩣᨣᩅᩣᩈᩥᨶᩦ… ᨸᨭᩅᩣᩈᩥᨶᩦ… ᩒᨴᨸᨲ᩠ᨲᨠᩥᨶᩦ… ᩒᨽᨭᨧᩩᨾ᩠ᨻᨭᩣ… ᨴᩣᩈᩦ ᨧ ᨽᩁᩥᨿᩣ ᨧ… ᨠᨾ᩠ᨾᨠᩣᩁᩦ ᨧ ᨽᩁᩥᨿᩣ ᨧ… ᨵᨩᩣᩉᨭᩣ… ᨾᩩᩉᩩᨲ᩠ᨲᩥᨠᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨶᩥᨠ᩠ᨡᩮᨸᨸᨴᩣᨶᩥ.

᪓᪓᪑. ᨾᩣᨲᩩᩁᨠ᩠ᨡᩥᨲᩣ ¶ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨻᩕᩪᩉᩥ – ‘ᩉᩮᩣᨾᩥ ᩍᨲ᩠ᨳᨶ᩠ᨶᩣᨾᩔ ¶ ᨽᩁᩥᨿᩣ ᨵᨶᨠ᩠ᨠᩦᨲᩣ ᨧ ᨨᨶ᩠ᨴᩅᩣᩈᩥᨶᩦ ᨧᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨾᩣᨲᩩᩁᨠ᩠ᨡᩥᨲᩣ ¶ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨻᩕᩪᩉᩥ – ‘ᩉᩮᩣᨾᩥ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨵᨶᨠ᩠ᨠᩦᨲᩣ ᨧ ᨽᩮᩣᨣᩅᩣᩈᩥᨶᩦ ᨧ…ᨸᩮ… ᨵᨶᨠ᩠ᨠᩦᨲᩣ ᨧ ᨸᨭᩅᩣᩈᩥᨶᩦ ᨧ…ᨸᩮ… ᨵᨶᨠ᩠ᨠᩦᨲᩣ ᨧ ᨾᩩᩉᩩᨲ᩠ᨲᩥᨠᩣ ᨧᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨡᨱ᩠ᨯᨧᨠ᩠ᨠᩴ.

᪓᪓᪒. ᨾᩣᨲᩩᩁᨠ᩠ᨡᩥᨲᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨻᩕᩪᩉᩥ – ‘ᩉᩮᩣᨾᩥ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨨᨶ᩠ᨴᩅᩣᩈᩥᨶᩦ ᨧ ᨽᩮᩣᨣᩅᩣᩈᩥᨶᩦ ᨧ…ᨸᩮ… ᨨᨶ᩠ᨴᩅᩣᩈᩥᨶᩦ ᨧ ᨾᩩᩉᩩᨲ᩠ᨲᩥᨠᩣ ᨧ… ᨨᨶ᩠ᨴᩅᩣᩈᩥᨶᩦ ᨧ ᨵᨶᨠ᩠ᨠᩦᨲᩣ ᨧᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨻᨴ᩠ᨵᨧᨠ᩠ᨠᩴ ᨾᩪᩃᩴ ᩈᩴᨡᩥᨲ᩠ᨲᩴ.

ᨾᩣᨲᩩᩁᨠ᩠ᨡᩥᨲᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨻᩕᩪᩉᩥ – ‘ᩉᩮᩣᨾᩥ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨾᩩᩉᩩᨲ᩠ᨲᩥᨠᩣ ᨧ ᨵᨶᨠ᩠ᨠᩦᨲᩣ ᨧ…ᨸᩮ… ᨾᩩᩉᩩᨲ᩠ᨲᩥᨠᩣ ᨧ ᨨᨶ᩠ᨴᩅᩣᩈᩥᨶᩦ ᨧ…ᨸᩮ… ᨾᩩᩉᩩᨲ᩠ᨲᩥᨠᩣ ᨧ ᨵᨩᩣᩉᨭᩣ ᨧᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩑᨠᨾᩪᩃᨠᩴ ᨶᩥᨭ᩠ᨮᩥᨲᩴ.

ᨴᩩᨾᩪᩃᨠᩣᨴᩦᨶᩥᨸᩥ ᩑᩅᨾᩮᩅ ᨠᩣᨲᨻ᩠ᨻᩣᨶᩥ.

ᩍᨴᩴ ᨴᩈᨾᩪᩃᨠᩴ

᪓᪓᪓. ᨾᩣᨲᩩᩁᨠ᩠ᨡᩥᨲᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨻᩕᩪᩉᩥ – ‘ᩉᩮᩣᨾᩥ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨵᨶᨠ᩠ᨠᩦᨲᩣ ᨧ ᨨᨶ᩠ᨴᩅᩣᩈᩥᨶᩦ ᨧ ᨽᩮᩣᨣᩅᩣᩈᩥᨶᩦ ᨧ ᨸᨭᩅᩣᩈᩥᨶᩦ ᨧ ᩒᨴᨸᨲ᩠ᨲᨠᩥᨶᩦ ᨧ ᩒᨽᨭᨧᩩᨾ᩠ᨻᨭᩣ ᨧ ᨴᩣᩈᩦ ᨧ ᨽᩁᩥᨿᩣ ᨧ ᨠᨾ᩠ᨾᨠᩣᩁᩦ ᨧ ᨽᩁᩥᨿᩣ ᨧ ᨵᨩᩣᩉᨭᩣ ᨧ ᨾᩩᩉᩩᨲ᩠ᨲᩥᨠᩣ ᨧᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩋᨸᩁᩴ ᨾᩣᨲᩩᩁᨠ᩠ᨡᩥᨲᩣᨧᨠ᩠ᨠᩴ ᨶᩥᨭ᩠ᨮᩥᨲᩴ.

ᨸᩥᨲᩩᩁᨠ᩠ᨡᩥᨲᩣ ¶ ᨽᩥᨠ᩠ᨡᩩᩴ ᨸᩉᩥᨱᨲᩥ…ᨸᩮ… ᨾᩣᨲᩣᨸᩥᨲᩩᩁᨠ᩠ᨡᩥᨲᩣ ᨽᩥᨠ᩠ᨡᩩᩴ ᨸᩉᩥᨱᨲᩥ… ᨽᩣᨲᩩᩁᨠ᩠ᨡᩥᨲᩣ ᨽᩥᨠ᩠ᨡᩩᩴ ᨸᩉᩥᨱᨲᩥ… ᨽᨣᩥᨶᩥᩁᨠ᩠ᨡᩥᨲᩣ ᨽᩥᨠ᩠ᨡᩩᩴ ᨸᩉᩥᨱᨲᩥ… ᨬᩣᨲᩥᩁᨠ᩠ᨡᩥᨲᩣ ¶ ¶ ᨽᩥᨠ᩠ᨡᩩᩴ ᨸᩉᩥᨱᨲᩥ… ᨣᩮᩣᨲ᩠ᨲᩁᨠ᩠ᨡᩥᨲᩣ ᨽᩥᨠ᩠ᨡᩩᩴ ᨸᩉᩥᨱᨲᩥ… ᨵᨾ᩠ᨾᩁᨠ᩠ᨡᩥᨲᩣ ᨽᩥᨠ᩠ᨡᩩᩴ ᨸᩉᩥᨱᨲᩥ… ᩈᩣᩁᨠ᩠ᨡᩣ ᨽᩥᨠ᩠ᨡᩩᩴ ᨸᩉᩥᨱᨲᩥ… ᩈᨸᩁᩥᨴᨱ᩠ᨯᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨻᩕᩪᩉᩥ – ‘ᩉᩮᩣᨾᩥ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨵᨶᨠ᩠ᨠᩦᨲᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩈᨸᩁᩥᨴᨱ᩠ᨯᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨻᩕᩪᩉᩥ – ‘ᩉᩮᩣᨾᩥ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨨᨶ᩠ᨴᩅᩣᩈᩥᨶᩦ…ᨸᩮ… ᨽᩮᩣᨣᩅᩣᩈᩥᨶᩦ… ᨸᨭᩅᩣᩈᩥᨶᩦ… ᩒᨴᨸᨲ᩠ᨲᨠᩥᨶᩦ… ᩒᨽᨭᨧᩩᨾ᩠ᨻᨭᩣ… ᨴᩣᩈᩦ ᨧ ᨽᩁᩥᨿᩣ ᨧ… ᨠᨾ᩠ᨾᨠᩣᩁᩦ ᨧ ᨽᩁᩥᨿᩣ ᨧ… ᨵᨩᩣᩉᨭᩣ… ᨾᩩᩉᩩᨲ᩠ᨲᩥᨠᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨶᩥᨠ᩠ᨡᩮᨸᨸᨴᩣᨶᩥ.

᪓᪓᪔. ᩈᨸᩁᩥᨴᨱ᩠ᨯᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨻᩕᩪᩉᩥ – ‘ᩉᩮᩣᨾᩥ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨵᨶᨠ᩠ᨠᩦᨲᩣ ᨧ ᨨᨶ᩠ᨴᩅᩣᩈᩥᨶᩦ ᨧ…ᨸᩮ… ᨵᨶᨠ᩠ᨠᩦᨲᩣ ᨧ ᨾᩩᩉᩩᨲ᩠ᨲᩥᨠᩣ ᨧᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨡᨱ᩠ᨯᨧᨠ᩠ᨠᩴ.

᪓᪓᪕. ᩈᨸᩁᩥᨴᨱ᩠ᨯᩣ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨻᩕᩪᩉᩥ – ‘ᩉᩮᩣᨾᩥ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨨᨶ᩠ᨴᩅᩣᩈᩥᨶᩦ ᨧ ᨽᩮᩣᨣᩅᩣᩈᩥᨶᩦ ᨧ…ᨸᩮ… ᨨᨶ᩠ᨴᩅᩣᩈᩥᨶᩦ ᨧ ᨾᩩᩉᩩᨲ᩠ᨲᩥᨠᩣ ᨧ… ᨨᨶ᩠ᨴᩅᩣᩈᩥᨶᩦ ᨧ ᨵᨶᨠ᩠ᨠᩦᨲᩣ ᨧᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨻᨴ᩠ᨵᨧᨠ᩠ᨠᩴ ᨾᩪᩃᩴ ᩈᩴᨡᩥᨲ᩠ᨲᩴ.

᪓᪓᪖. ᩈᨸᩁᩥᨴᨱ᩠ᨯᩣ ¶ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨻᩕᩪᩉᩥ – ‘ᩉᩮᩣᨾᩥ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨾᩩᩉᩩᨲ᩠ᨲᩥᨠᩣ ᨧ ᨵᨶᨠ᩠ᨠᩦᨲᩣ ¶ ᨧ…ᨸᩮ… ᨾᩩᩉᩩᨲ᩠ᨲᩥᨠᩣ ᨧ ᨨᨶ᩠ᨴᩅᩣᩈᩥᨶᩦ ᨧ…ᨸᩮ… ᨾᩩᩉᩩᨲ᩠ᨲᩥᨠᩣ ᨧ ᨵᨩᩣᩉᨭᩣ ᨧᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩑᨠᨾᩪᩃᨠᩴ ᨶᩥᨭ᩠ᨮᩥᨲᩴ.

ᨴᩩᨾᩪᩃᨠᩣᨴᩦᨶᩥᨸᩥ ᩑᩅᨾᩮᩅ ᨠᩣᨲᨻ᩠ᨻᩣᨶᩥ.

ᩍᨴᩴ ᨴᩈᨾᩪᩃᨠᩴ

᪓᪓᪗. ᩈᨸᩁᩥᨴᨱ᩠ᨯᩣ ¶ ᨽᩥᨠ᩠ᨡᩩᩴ ᨸᩉᩥᨱᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᨻᩕᩪᩉᩥ – ‘ᩉᩮᩣᨾᩥ ᩍᨲ᩠ᨳᨶ᩠ᨶᩣᨾᩔ ᨽᩁᩥᨿᩣ ᨵᨶᨠ᩠ᨠᩦᨲᩣ ᨧ ᨨᨶ᩠ᨴᩅᩣᩈᩥᨶᩦ ᨧ ᨽᩮᩣᨣᩅᩣᩈᩥᨶᩦ ᨧ ᨸᨭᩅᩣᩈᩥᨶᩦ ᨧ ᩒᨴᨸᨲ᩠ᨲᨠᩥᨶᩦ ᨧ ᩒᨽᨭᨧᩩᨾ᩠ᨻᨭᩣ ᨧ ᨴᩣᩈᩦ ᨧ ᨽᩁᩥᨿᩣ ᨧ ᨠᨾ᩠ᨾᨠᩣᩁᩦ ᨧ ᨽᩁᩥᨿᩣ ᨧ ᨵᨩᩣᩉᨭᩣ ᨧ ᨾᩩᩉᩩᨲ᩠ᨲᩥᨠᩣ ᨧᩣ’’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩋᨸᩁᩴ ᩈᨸᩁᩥᨴᨱ᩠ᨯᩣᨧᨠ᩠ᨠᩴ ᨶᩥᨭ᩠ᨮᩥᨲᩴ.

ᩈᨻ᩠ᨻᩴ ᨧᨠ᩠ᨠᨸᩮᨿ᩠ᨿᩣᩃᩴ ᨶᩥᨭ᩠ᨮᩥᨲᩴ.

᪓᪓᪘. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ. ᨸᨭᩥᨣ᩠ᨣᨱ᩠ᩉᩣᨲᩥ ¶ ᩅᩦᨾᩴᩈᨲᩥ ᨶ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨸᨭᩥᨣ᩠ᨣᨱ᩠ᩉᩣᨲᩥ ᨶ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨸᨭᩥᨣ᩠ᨣᨱ᩠ᩉᩣᨲᩥ ᨶ ᩅᩦᨾᩴᩈᨲᩥ ᨶ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨶ ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨶ ¶ ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨶ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨶ ᨸᨭᩥᨣ᩠ᨣᨱ᩠ᩉᩣᨲᩥ ᨶ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨶ ᨸᨭᩥᨣ᩠ᨣᨱ᩠ᩉᩣᨲᩥ ᨶ ᩅᩦᨾᩴᩈᨲᩥ ᨶ ᨸᨧ᩠ᨧᩣᩉᩁᨲᩥ, ᩋᨶᩣᨸᨲ᩠ᨲᩥ.

ᨸᩩᩁᩥᩈᩮᩣ ᩈᨾ᩠ᨻᩉᩩᩃᩮ ᨽᩥᨠ᩠ᨡᩪ ᩌᨱᩣᨸᩮᨲᩥ – ‘‘ᨣᨧ᩠ᨨᨳ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᩍᨲ᩠ᨳᩥᩴ ᩅᩦᨾᩴᩈᨳᩣ’’ᨲᩥ. ᩈᨻ᩠ᨻᩮ ᨸᨭᩥᨣ᩠ᨣᨱ᩠ᩉᨶ᩠ᨲᩥ ᩈᨻ᩠ᨻᩮ ᩅᩦᨾᩴᩈᨶ᩠ᨲᩥ ᩈᨻ᩠ᨻᩮ ᨸᨧ᩠ᨧᩣᩉᩁᨶ᩠ᨲᩥ, ᩌᨸᨲ᩠ᨲᩥ ᩈᨻ᩠ᨻᩮᩈᩴ ᩈᨦ᩠ᨥᩣᨴᩥᩈᩮᩈᩔ.

ᨸᩩᩁᩥᩈᩮᩣ ᩈᨾ᩠ᨻᩉᩩᩃᩮ ᨽᩥᨠ᩠ᨡᩪ ᩌᨱᩣᨸᩮᨲᩥ – ‘‘ᨣᨧ᩠ᨨᨳ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᩍᨲ᩠ᨳᩥᩴ ᩅᩦᨾᩴᩈᨳᩣ’’ᨲᩥ. ᩈᨻ᩠ᨻᩮ ᨸᨭᩥᨣ᩠ᨣᨱ᩠ᩉᨶ᩠ᨲᩥ ᩈᨻ᩠ᨻᩮ ᩅᩦᨾᩴᩈᨶ᩠ᨲᩥ ᩑᨠᩴ ᨸᨧ᩠ᨧᩣᩉᩁᩣᨸᩮᨶ᩠ᨲᩥ, ᩌᨸᨲ᩠ᨲᩥ ᩈᨻ᩠ᨻᩮᩈᩴ ᩈᨦ᩠ᨥᩣᨴᩥᩈᩮᩈᩔ.

ᨸᩩᩁᩥᩈᩮᩣ ¶ ᩈᨾ᩠ᨻᩉᩩᩃᩮ ᨽᩥᨠ᩠ᨡᩪ ᩌᨱᩣᨸᩮᨲᩥ – ‘‘ᨣᨧ᩠ᨨᨳ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᩍᨲ᩠ᨳᩥᩴ ᩅᩦᨾᩴᩈᨳᩣ’’ᨲᩥ. ᩈᨻ᩠ᨻᩮ ᨸᨭᩥᨣ᩠ᨣᨱ᩠ᩉᨶ᩠ᨲᩥ, ᩑᨠᩴ ᩅᩦᨾᩴᩈᩣᨸᩮᨲ᩠ᩅᩣ ᩈᨻ᩠ᨻᩮ ᨸᨧ᩠ᨧᩣᩉᩁᨶ᩠ᨲᩥ, ᩌᨸᨲ᩠ᨲᩥ ᩈᨻ᩠ᨻᩮᩈᩴ ᩈᨦ᩠ᨥᩣᨴᩥᩈᩮᩈᩔ.

ᨸᩩᩁᩥᩈᩮᩣ ᩈᨾ᩠ᨻᩉᩩᩃᩮ ᨽᩥᨠ᩠ᨡᩪ ᩌᨱᩣᨸᩮᨲᩥ – ‘‘ᨣᨧ᩠ᨨᨳ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᩍᨲ᩠ᨳᩥᩴ ᩅᩦᨾᩴᩈᨳᩣ’’ᨲᩥ. ᩈᨻ᩠ᨻᩮ ᨸᨭᩥᨣ᩠ᨣᨱ᩠ᩉᨶ᩠ᨲᩥ, ᩑᨠᩴ ᩅᩦᨾᩴᩈᩣᨸᩮᨲ᩠ᩅᩣ ᩑᨠᩴ ᨸᨧ᩠ᨧᩣᩉᩁᩣᨸᩮᨶ᩠ᨲᩥ, ᩌᨸᨲ᩠ᨲᩥ ᩈᨻ᩠ᨻᩮᩈᩴ ᩈᨦ᩠ᨥᩣᨴᩥᩈᩮᩈᩔ.

ᨸᩩᩁᩥᩈᩮᩣ ¶ ᨽᩥᨠ᩠ᨡᩩᩴ ᩌᨱᩣᨸᩮᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᩍᨲ᩠ᨳᩥᩴ ᩅᩦᨾᩴᩈᩣ’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩩᩁᩥᩈᩮᩣ ᨽᩥᨠ᩠ᨡᩩᩴ ᩌᨱᩣᨸᩮᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᩍᨲ᩠ᨳᩥᩴ ᩅᩦᨾᩴᩈᩣ’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩅᩦᨾᩴᩈᨲᩥ ᩋᨶ᩠ᨲᩮᩅᩣᩈᩥᩴ ᨸᨧ᩠ᨧᩣᩉᩁᩣᨸᩮᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩩᩁᩥᩈᩮᩣ ᨽᩥᨠ᩠ᨡᩩᩴ ᩌᨱᩣᨸᩮᨲᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᩍᨲ᩠ᨳᩥᩴ ᩅᩦᨾᩴᩈᩣ’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩋᨶ᩠ᨲᩮᩅᩣᩈᩥᩴ ᩅᩦᨾᩴᩈᩣᨸᩮᨲ᩠ᩅᩣ ᩋᨲ᩠ᨲᨶᩣ ᨸᨧ᩠ᨧᩣᩉᩁᨲᩥ ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩩᩁᩥᩈᩮᩣ ᨽᩥᨠ᩠ᨡᩩᩴ ᩌᨱᩣᨸᩮᨲᩥ ¶ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᩍᨲ᩠ᨳᩥ ᩅᩥᨾᩴᩈᩣ’’ᨲᩥ. ᨸᨭᩥᨣ᩠ᨣᨱ᩠ᩉᩣᨲᩥ ᩋᨶ᩠ᨲᩮᩅᩣᩈᩥᩴ ᩅᩦᨾᩴᩈᩣᨸᩮᨲᩥ ᩋᨶ᩠ᨲᩮᩅᩣᩈᩦ ᩅᩦᨾᩴᩈᩥᨲ᩠ᩅᩣ ᨻᩉᩥᨴ᩠ᨵᩣ ᨸᨧ᩠ᨧᩣᩉᩁᨲᩥ, ᩌᨸᨲ᩠ᨲᩥ ᩏᨽᩥᨶ᩠ᨶᩴ ᨳᩩᩃ᩠ᩃᨧ᩠ᨧᨿᩔ.

᪓᪓᪙. ᨣᨧ᩠ᨨᨶ᩠ᨲᩮᩣ ᩈᨾ᩠ᨸᩣᨴᩮᨲᩥ, ᩌᨣᨧ᩠ᨨᨶ᩠ᨲᩮᩣ ᩅᩥᩈᩴᩅᩣᨴᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ.

ᨣᨧ᩠ᨨᨶ᩠ᨲᩮᩣ ᩅᩥᩈᩴᩅᩣᨴᩮᨲᩥ, ᩌᨣᨧ᩠ᨨᨶ᩠ᨲᩮᩣ ᩈᨾ᩠ᨸᩣᨴᩮᨲᩥ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ.

ᨣᨧ᩠ᨨᨶ᩠ᨲᩮᩣ ᩈᨾ᩠ᨸᩣᨴᩮᨲᩥ, ᩌᨣᨧ᩠ᨨᨶ᩠ᨲᩮᩣ ᩈᨾ᩠ᨸᩣᨴᩮᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨣᨧ᩠ᨨᨶ᩠ᨲᩮᩣ ᩅᩥᩈᩴᩅᩣᨴᩮᨲᩥ, ᩌᨣᨧ᩠ᨨᨶ᩠ᨲᩮᩣ ᩅᩥᩈᩴᩅᩣᨴᩮᨲᩥ, ᩋᨶᩣᨸᨲ᩠ᨲᩥ.

᪓᪔᪐. ᩋᨶᩣᨸᨲ᩠ᨲᩥ ᩈᨦ᩠ᨥᩔ ᩅᩣ ᨧᩮᨲᩥᨿᩔ ᩅᩣ ᨣᩥᩃᩣᨶᩔ ᩅᩣ ᨠᩁᨱᩦᨿᩮᨶ ᨣᨧ᩠ᨨᨲᩥ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᩅᩥᨶᩦᨲᩅᨲ᩠ᨳᩩᩏᨴ᩠ᨴᩣᨶᨣᩣᨳᩣ

ᩈᩩᨲ᩠ᨲᩣ ¶ ᨾᨲᩣ ᨧ ᨶᩥᨠ᩠ᨡᨶ᩠ᨲᩣ, ᩋᨶᩥᨲ᩠ᨳᩦ ᩍᨲ᩠ᨳᩥᨸᨱ᩠ᨯᨠᩣ;

ᨠᩃᩉᩴ ᨠᨲ᩠ᩅᩣᨶ ᩈᨾ᩠ᨾᩮᩣᨴᩥ, ᩈᨬ᩠ᨧᩁᩥᨲ᩠ᨲᨬ᩠ᨧ ᨸᨱ᩠ᨯᨠᩮᨲᩥ.

ᩅᩥᨶᩦᨲᩅᨲ᩠ᨳᩩ

᪓᪔᪑. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨸᩩᩁᩥᩈᩮᩣ ᩋᨬ᩠ᨬᨲᩁᩴ ᨽᩥᨠ᩠ᨡᩩᩴ ¶ ᩌᨱᩣᨸᩮᩈᩥ – [ᩌᨱᩣᨸᩮᨲᩥ (ᩈ᩠ᨿᩣ. ᨠ.)] ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᩍᨲ᩠ᨳᩥᩴ ᩅᩦᨾᩴᩈᩣ’’ᨲᩥ. ᩈᩮᩣ ᨣᨶ᩠ᨲ᩠ᩅᩣ ᨾᨶᩩᩔᩮ ᨸᩩᨧ᩠ᨨᩥ – ‘‘ᨠᩉᩴ ᩍᨲ᩠ᨳᨶ᩠ᨶᩣᨾᩣ’’ᨲᩥ? ‘‘ᩈᩩᨲ᩠ᨲᩣ, ᨽᨶ᩠ᨲᩮ’’ᨲᩥ. ᨲᩔ ¶ ᨠᩩᨠ᩠ᨠᩩᨧ᩠ᨧᩴ ¶ ᩋᩉᩮᩣᩈᩥ – ‘‘ᨽᨣᩅᨲᩣ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ, ᨠᨧ᩠ᨧᩥ ᨶᩩ ᨡᩮᩣ ᩋᩉᩴ ᩈᨦ᩠ᨥᩣᨴᩥᩈᩮᩈᩴ ᩌᨸᨲ᩠ᨲᩥᩴ ᩌᨸᨶ᩠ᨶᩮᩣ’’ᨲᩥ? ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨸᩩᩁᩥᩈᩮᩣ ᩋᨬ᩠ᨬᨲᩁᩴ ᨽᩥᨠ᩠ᨡᩩᩴ ᩌᨱᩣᨸᩮᩈᩥ – ‘‘ᨣᨧ᩠ᨨ, ᨽᨶ᩠ᨲᩮ, ᩍᨲ᩠ᨳᨶ᩠ᨶᩣᨾᩴ ᩍᨲ᩠ᨳᩥᩴ ᩅᩦᨾᩴᩈᩣ’’ᨲᩥ. ᩈᩮᩣ ᨣᨶ᩠ᨲ᩠ᩅᩣ ᨾᨶᩩᩔᩮ ᨸᩩᨧ᩠ᨨᩥ – ‘‘ᨠᩉᩴ ᩍᨲ᩠ᨳᨶ᩠ᨶᩣᨾᩣ’’ᨲᩥ? ‘‘ᨾᨲᩣ, ᨽᨶ᩠ᨲᩮ’’ᨲᩥ…ᨸᩮ… ‘‘ᨶᩥᨠ᩠ᨡᨶ᩠ᨲᩣ, ᨽᨶ᩠ᨲᩮ’’ᨲᩥ… ‘‘ᩋᨶᩥᨲ᩠ᨳᩦ, ᨽᨶ᩠ᨲᩮ’’ᨲᩥ… ‘‘ᩍᨲ᩠ᨳᩥᨸᨱ᩠ᨯᨠᩣ, ᨽᨶ᩠ᨲᩮ’’ᨲᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩣ ᩍᨲ᩠ᨳᩦ ᩈᩣᨾᩥᨠᩮᨶ ᩈᩉ ᨽᨱ᩠ᨯᩥᨲ᩠ᩅᩣ ᨾᩣᨲᩩᨥᩁᩴ ᩋᨣᨾᩣᩈᩥ. ᨠᩩᩃᩪᨸᨠᩮᩣ ᨽᩥᨠ᩠ᨡᩩ ᩈᨾ᩠ᨾᩮᩣᨴᨶᩦᨿᩴ ᩋᨠᩣᩈᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᩃᩴᩅᨧᨶᩦᨿᩣ, ᨽᩥᨠ᩠ᨡᩪ’’ᨲᩥ? ‘‘ᨶᩣᩃᩴᩅᨧᨶᩦᨿᩣ, ᨽᨣᩅᩣ’’ᨲᩥ. ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᨶᩣᩃᩴᩅᨧᨶᩦᨿᩣᨿᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨸᨱ᩠ᨯᨠᩮ ᩈᨬ᩠ᨧᩁᩥᨲ᩠ᨲᩴ ᩈᨾᩣᨸᨩ᩠ᨩᩥ. ᨲᩔ ᨠᩩᨠ᩠ᨠᩩᨧ᩠ᨧᩴ ᩋᩉᩮᩣᩈᩥ…ᨸᩮ… ‘‘ᩋᨶᩣᨸᨲ᩠ᨲᩥ, ᨽᩥᨠ᩠ᨡᩩ, ᩈᨦ᩠ᨥᩣᨴᩥᩈᩮᩈᩔ; ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔᩣ’’ᨲᩥ.

ᩈᨬ᩠ᨧᩁᩥᨲ᩠ᨲᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨸᨬ᩠ᨧᨾᩴ.

᪖. ᨠᩩᨭᩥᨠᩣᩁᩈᩥᨠ᩠ᨡᩣᨸᨴᩴ

᪓᪔᪒. ᨲᩮᨶ ¶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩁᩣᨩᨣᩉᩮ ᩅᩥᩉᩁᨲᩥ ᩅᩮᩊᩩᩅᨶᩮ ᨠᩃᨶ᩠ᨴᨠᨶᩥᩅᩣᨸᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᩊᩅᨠᩣ ᨽᩥᨠ᩠ᨡᩪ ᩈᨬ᩠ᨬᩣᨧᩥᨠᩣᨿᩮᩣ ᨠᩩᨭᩥᨿᩮᩣ ᨠᩣᩁᩣᨸᩮᨶ᩠ᨲᩥ ᩋᩔᩣᨾᩥᨠᩣᨿᩮᩣ ᩋᨲ᩠ᨲᩩᨴ᩠ᨴᩮᩈᩥᨠᩣᨿᩮᩣ ᩋᨸ᩠ᨸᨾᩣᨱᩥᨠᩣᨿᩮᩣ. ᨲᩣᨿᩮᩣ ᨶ ᨶᩥᨭ᩠ᨮᩣᨶᩴ ᨣᨧ᩠ᨨᨶ᩠ᨲᩥ. ᨲᩮ ᨿᩣᨧᨶᨻᩉᩩᩃᩣ ᩅᩥᨬ᩠ᨬᨲ᩠ᨲᩥᨻᩉᩩᩃᩣ ᩅᩥᩉᩁᨶ᩠ᨲᩥ – ‘‘ᨸᩩᩁᩥᩈᩴ ᨴᩮᨳ, ᨸᩩᩁᩥᩈᨲ᩠ᨳᨠᩁᩴ ᨴᩮᨳ, ᨣᩮᩣᨱᩴ ᨴᩮᨳ, ᩈᨠᨭᩴ ᨴᩮᨳ, ᩅᩣᩈᩥᩴ ᨴᩮᨳ, ᨸᩁᩈᩩᩴ ᨴᩮᨳ, ᨠᩩᨮᩣᩁᩥᩴ ᨴᩮᨳ, ᨠᩩᨴᩣᩃᩴ ᨴᩮᨳ, ᨶᩥᨡᩣᨴᨶᩴ ᨴᩮᨳ, ᩅᩃ᩠ᩃᩥᩴ ᨴᩮᨳ, ᩅᩮᩊᩩᩴ ᨴᩮᨳ, ᨾᩩᨬ᩠ᨩᩴ ᨴᩮᨳ, ᨸᨻ᩠ᨻᨩᩴ ᨴᩮᨳ, ᨲᩥᨱᩴ ᨴᩮᨳ, ᨾᨲ᩠ᨲᩥᨠᩴ ᨴᩮᨳᩣ’’ᨲᩥ. ᨾᨶᩩᩔᩣ ᩏᨸᨴ᩠ᨴᩩᨲᩣ ᨿᩣᨧᨶᩣᨿ ᩏᨸᨴ᩠ᨴᩩᨲᩣ ᩅᩥᨬ᩠ᨬᨲ᩠ᨲᩥᨿᩣ ᨽᩥᨠ᩠ᨡᩪ ᨴᩥᩈ᩠ᩅᩣ ᩏᨻ᩠ᨻᩥᨩ᩠ᨩᨶ᩠ᨲᩥᨸᩥ ᩏᨲ᩠ᨲᩈᨶ᩠ᨲᩥᨸᩥ ᨸᩃᩣᨿᨶ᩠ᨲᩥᨸᩥ ᩋᨬ᩠ᨬᩮᨶᨸᩥ ᨣᨧ᩠ᨨᨶ᩠ᨲᩥ ᩋᨬ᩠ᨬᩮᨶᨸᩥ ᨾᩩᨡᩴ ᨠᩁᩮᩣᨶ᩠ᨲᩥ ᨴ᩠ᩅᩣᩁᨾ᩠ᨸᩥ ᨳᨠᩮᨶ᩠ᨲᩥ, ᨣᩣᩅᩥᨾ᩠ᨸᩥ ᨴᩥᩈ᩠ᩅᩣ ᨸᩃᩣᨿᨶ᩠ᨲᩥ ᨽᩥᨠ᩠ᨡᩪᨲᩥ ¶ ᨾᨬ᩠ᨬᨾᩣᨶᩣ.

ᩋᨳ ¶ ᨡᩮᩣ ᩌᨿᩈ᩠ᨾᩣ ᨾᩉᩣᨠᩔᨸᩮᩣ ᩁᩣᨩᨣᩉᩮ ᩅᩔᩴᩅᩩᨭ᩠ᨮᩮᩣ ᨿᩮᨶ ᩌᩊᩅᩦ ᨲᩮᨶ ᨸᨠ᩠ᨠᩣᨾᩥ. ᩋᨶᩩᨸᩩᨻ᩠ᨻᩮᨶ ᨿᩮᨶ ᩌᩊᩅᩦ ᨲᨴᩅᩈᩁᩥ. ᨲᨲᩕ ᩈᩩᨴᩴ ᩌᨿᩈ᩠ᨾᩣ ᨾᩉᩣᨠᩔᨸᩮᩣ ᩌᩊᩅᩥᨿᩴ ᩅᩥᩉᩁᨲᩥ ᩋᨣ᩠ᨣᩣᩊᩅᩮ ᨧᩮᨲᩥᨿᩮ. ᩋᨳ ᨡᩮᩣ ᩌᨿᩈ᩠ᨾᩣ ᨾᩉᩣᨠᩔᨸᩮᩣ ᨸᩩᨻ᩠ᨻᨱ᩠ᩉᩈᨾᨿᩴ ᨶᩥᩅᩣᩈᩮᨲ᩠ᩅᩣ ᨸᨲ᩠ᨲᨧᩦᩅᩁᨾᩣᨴᩣᨿ ᩌᩊᩅᩥᩴ ᨸᩥᨱ᩠ᨯᩣᨿ ᨸᩣᩅᩥᩈᩥ. ᨾᨶᩩᩔᩣ ¶ ᩌᨿᩈ᩠ᨾᨶ᩠ᨲᩴ ᨾᩉᩣᨠᩔᨸᩴ ᨸᩔᩥᨲ᩠ᩅᩣ ᩏᨻ᩠ᨻᩥᨩ᩠ᨩᨶ᩠ᨲᩥᨸᩥ ᩏᨲ᩠ᨲᩈᨶ᩠ᨲᩥᨸᩥ ᨸᩃᩣᨿᨶ᩠ᨲᩥᨸᩥ ᩋᨬ᩠ᨬᩮᨶᨸᩥ ᨣᨧ᩠ᨨᨶ᩠ᨲᩥ ᩋᨬ᩠ᨬᩮᨶᨸᩥ ᨾᩩᨡᩴ ᨠᩁᩮᩣᨶ᩠ᨲᩥ ᨴ᩠ᩅᩣᩁᨾ᩠ᨸᩥ ᨳᨠᩮᨶ᩠ᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᨾᩉᩣᨠᩔᨸᩮᩣ ᩌᩊᩅᩥᨿᩴ ᨸᩥᨱ᩠ᨯᩣᨿ ᨧᩁᩥᨲ᩠ᩅᩣ ᨸᨧ᩠ᨨᩣᨽᨲ᩠ᨲᩴ ᨸᩥᨱ᩠ᨯᨸᩣᨲᨸ᩠ᨸᨭᩥᨠ᩠ᨠᨶ᩠ᨲᩮᩣ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ – ‘‘ᨸᩩᨻ᩠ᨻᩣᨿᩴ, ᩌᩅᩩᩈᩮᩣ, ᩌᩊᩅᩦ ᩈᩩᨽᩥᨠ᩠ᨡᩣ ᩋᩉᩮᩣᩈᩥ ᩈᩩᩃᨽᨸᩥᨱ᩠ᨯᩣ ᩈᩩᨠᩁᩣ ᩏᨬ᩠ᨨᩮᨶ ᨸᨣ᩠ᨣᩉᩮᨶ ᨿᩣᨸᩮᨲᩩᩴ; ᩑᨲᩁᩉᩥ ᨸᨶᩣᨿᩴ ᩌᩊᩅᩦ ᨴᩩᨻ᩠ᨽᩥᨠ᩠ᨡᩣ ᨴᩩᩃ᩠ᩃᨽᨸᩥᨱ᩠ᨯᩣ, ᨶ ᩈᩩᨠᩁᩣ ᩏᨬ᩠ᨨᩮᨶ ᨸᨣ᩠ᨣᩉᩮᨶ ᨿᩣᨸᩮᨲᩩᩴ. ᨠᩮᩣ ᨶᩩ ᨡᩮᩣ, ᩌᩅᩩᩈᩮᩣ, ᩉᩮᨲᩩ ᨠᩮᩣ ᨸᨧ᩠ᨧᨿᩮᩣ, ᨿᩮᨶᩣᨿᩴ ᩌᩊᩅᩦ ᨴᩩᨻ᩠ᨽᩥᨠ᩠ᨡᩣ ᨴᩩᩃ᩠ᩃᨽᨸᩥᨱ᩠ᨯᩣ, ᨶ ᩈᩩᨠᩁᩣ ᩏᨬ᩠ᨨᩮᨶ ᨸᨣ᩠ᨣᩉᩮᨶ ᨿᩣᨸᩮᨲᩩ’’ᨶ᩠ᨲᩥ? ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᩌᨿᩈ᩠ᨾᨲᩮᩣ ᨾᩉᩣᨠᩔᨸᩔ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ.

᪓᪔᪓. ᩋᨳ ᨡᩮᩣ ᨽᨣᩅᩣ ᩁᩣᨩᨣᩉᩮ ᨿᨳᩣᨽᩥᩁᨶ᩠ᨲᩴ ᩅᩥᩉᩁᩥᨲ᩠ᩅᩣ ᨿᩮᨶ ᩌᩊᩅᩦ ᨲᩮᨶ ᨧᩣᩁᩥᨠᩴ ᨸᨠ᩠ᨠᩣᨾᩥ. ᩋᨶᩩᨸᩩᨻ᩠ᨻᩮᨶ ᨧᩣᩁᩥᨠᩴ ᨧᩁᨾᩣᨶᩮᩣ ᨿᩮᨶ ᩌᩊᩅᩦ ᨲᨴᩅᩈᩁᩥ. ᨲᨲᩕ ᩈᩩᨴᩴ ᨽᨣᩅᩣ ᩌᩊᩅᩥᨿᩴ ᩅᩥᩉᩁᨲᩥ ᩋᨣ᩠ᨣᩣᩊᩅᩮ ᨧᩮᨲᩥᨿᩮ. ᩋᨳ ᨡᩮᩣ ᩌᨿᩈ᩠ᨾᩣ ᨾᩉᩣᨠᩔᨸᩮᩣ ᨿᩮᨶ ᨽᨣᩅᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨽᨣᩅᨶ᩠ᨲᩴ ᩋᨽᩥᩅᩣᨴᩮᨲ᩠ᩅᩣ ᩑᨠᨾᨶ᩠ᨲᩴ ᨶᩥᩈᩦᨴᩥ. ᩑᨠᨾᨶ᩠ᨲᩴ ᨶᩥᩈᩥᨶ᩠ᨶᩮᩣ ᨡᩮᩣ ᩌᨿᩈ᩠ᨾᩣ ᨾᩉᩣᨠᩔᨸᩮᩣ ¶ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ᩋᨳ ᨡᩮᩣ ᨽᨣᩅᩣ ᩑᨲᩈ᩠ᨾᩥᩴ ᨶᩥᨴᩣᨶᩮ ᩑᨲᩈ᩠ᨾᩥᩴ ᨸᨠᩁᨱᩮ ᨽᩥᨠ᩠ᨡᩩᩈᨦ᩠ᨥᩴ ᩈᨶ᩠ᨶᩥᨸᩣᨲᩣᨸᩮᨲ᩠ᩅᩣ ᩌᩊᩅᨠᩮ ᨽᩥᨠ᩠ᨡᩪ ᨸᨭᩥᨸᩩᨧ᩠ᨨᩥ – ‘‘ᩈᨧ᩠ᨧᩴ ᨠᩥᩁ ᨲᩩᨾ᩠ᩉᩮ, ᨽᩥᨠ᩠ᨡᩅᩮ, ᩈᨬ᩠ᨬᩣᨧᩥᨠᩣᨿᩮᩣ ᨠᩩᨭᩥᨿᩮᩣ ᨠᩣᩁᩣᨸᩮᨳ ᩋᩔᩣᨾᩥᨠᩣᨿᩮᩣ ᩋᨲ᩠ᨲᩩᨴ᩠ᨴᩮᩈᩥᨠᩣᨿᩮᩣ ᩋᨸ᩠ᨸᨾᩣᨱᩥᨠᩣᨿᩮᩣ ¶ . ᨲᩣᨿᩮᩣ ᨶ ᨶᩥᨭ᩠ᨮᩣᨶᩴ ᨣᨧ᩠ᨨᨶ᩠ᨲᩥ. ᨲᩮ ᨲᩩᨾ᩠ᩉᩮ ᨿᩣᨧᨶᨻᩉᩩᩃᩣ ᩅᩥᨬ᩠ᨬᨲ᩠ᨲᩥᨻᩉᩩᩃᩣ ᩅᩥᩉᩁᨳ – ‘ᨸᩩᩁᩥᩈᩴ ᨴᩮᨳ ᨸᩩᩁᩥᩈᨲ᩠ᨳᨠᩁᩴ ᨴᩮᨳ…ᨸᩮ… ᨲᩥᨱᩴ ᨴᩮᨳ ᨾᨲ᩠ᨲᩥᨠᩴ ᨴᩮᨳᩣ’ᨲᩥ. ᨾᨶᩩᩔᩣ ᩏᨸᨴ᩠ᨴᩩᨲᩣ ᨿᩣᨧᨶᩣᨿ ᩏᨸᨴ᩠ᨴᩩᨲᩣ ᩅᩥᨬ᩠ᨬᨲ᩠ᨲᩥᨿᩣ ᨽᩥᨠ᩠ᨡᩪ ᨴᩥᩈ᩠ᩅᩣ ᩏᨻ᩠ᨻᩥᨩ᩠ᨩᨶ᩠ᨲᩥᨸᩥ ᩏᨲ᩠ᨲᩈᨶ᩠ᨲᩥᨸᩥ ᨸᩃᩣᨿᨶ᩠ᨲᩥᨸᩥ ᩋᨬ᩠ᨬᩮᨶᨸᩥ ᨣᨧ᩠ᨨᨶ᩠ᨲᩥ ᩋᨬ᩠ᨬᩮᨶᨸᩥ ᨾᩩᨡᩴ ᨠᩁᩮᩣᨶ᩠ᨲᩥ ᨴ᩠ᩅᩣᩁᨾ᩠ᨸᩥ ᨳᨠᩮᨶ᩠ᨲᩥ, ᨣᩣᩅᩥᨾ᩠ᨸᩥ ᨴᩥᩈ᩠ᩅᩣ ᨸᩃᩣᨿᨶ᩠ᨲᩥ ᨽᩥᨠ᩠ᨡᩪᨲᩥ ᨾᨬ᩠ᨬᨾᩣᨶᩣ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ‘‘ᨠᨳᨬ᩠ᩉᩥ ᨶᩣᨾ ᨲᩩᨾ᩠ᩉᩮ, ᨾᩮᩣᨥᨸᩩᩁᩥᩈᩣ, ᩈᩴᨿᩣᨧᩥᨠᩣᨿᩮᩣ ᨠᩩᨭᩥᨿᩮᩣ ᨠᩣᩁᩣᨸᩮᩔᨳ ᩋᩔᩣᨾᩥᨠᩣᨿᩮᩣ ᩋᨲ᩠ᨲᩩᨴ᩠ᨴᩮᩈᩥᨠᩣᨿᩮᩣ ᩋᨸ᩠ᨸᨾᩣᨱᩥᨠᩣᨿᩮᩣ! ᨲᩣᨿᩮᩣ ᨶ ¶ ᨶᩥᨭ᩠ᨮᩣᨶᩴ ᨣᨧ᩠ᨨᨶ᩠ᨲᩥ. ᨲᩮ ᨲᩩᨾ᩠ᩉᩮ ᨿᩣᨧᨶᨻᩉᩩᩃᩣ ᩅᩥᨬ᩠ᨬᨲ᩠ᨲᩥᨻᩉᩩᩃᩣ ᩅᩥᩉᩁᩥᩔᨳ – ‘ᨸᩩᩁᩥᩈᩴ ᨴᩮᨳ ᨸᩩᩁᩥᩈᨲ᩠ᨳᨠᩁᩴ ᨴᩮᨳ…ᨸᩮ… ᨲᩥᨱᩴ ᨴᩮᨳ ᨾᨲ᩠ᨲᩥᨠᩴ ᨴᩮᨳᩣ’ᨲᩥ! ᨶᩮᨲᩴ ᨾᩮᩣᨥᨸᩩᩁᩥᩈᩣ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ…’’ ᩅᩥᨣᩁᩉᩥᨲ᩠ᩅᩣ ᨵᨾ᩠ᨾᩥᩴ ᨠᨳᩴ ᨠᨲ᩠ᩅᩣ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ –

᪓᪔᪔. ‘‘ᨽᩪᨲᨸᩩᨻ᩠ᨻᩴ ¶ , ᨽᩥᨠ᩠ᨡᩅᩮ, ᨴ᩠ᩅᩮ ᨽᩣᨲᩁᩮᩣ ᩍᩈᨿᩮᩣ ᨣᨦ᩠ᨣᩴ ᨶᨴᩥᩴ ᩏᨸᨶᩥᩔᩣᨿ ᩅᩥᩉᩁᩥᩴᩈᩩ. ᩋᨳ ᨡᩮᩣ, ᨽᩥᨠ᩠ᨡᩅᩮ, ᨾᨱᩥᨠᨱ᩠ᨮᩮᩣ ¶ ᨶᩣᨣᩁᩣᨩᩣ ᨣᨦ᩠ᨣᩴ ᨶᨴᩥᩴ ᩏᨲ᩠ᨲᩁᩥᨲ᩠ᩅᩣ ᨿᩮᨶ ᨠᨶᩥᨭ᩠ᨮᩮᩣ ᩍᩈᩥ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨠᨶᩥᨭ᩠ᨮᩴ ᩍᩈᩥᩴ ᩈᨲ᩠ᨲᨠ᩠ᨡᨲ᩠ᨲᩩᩴ ᨽᩮᩣᨣᩮᩉᩥ ᨸᩁᩥᨠ᩠ᨡᩥᨸᩥᨲ᩠ᩅᩣ ᩏᨸᩁᩥᨾᩩᨴ᩠ᨵᨶᩥ ᨾᩉᨶ᩠ᨲᩴ ᨹᨱᩴ ᨠᩁᩥᨲ᩠ᩅᩣ ᩋᨭ᩠ᨮᩣᩈᩥ. ᩋᨳ ᨡᩮᩣ, ᨽᩥᨠ᩠ᨡᩅᩮ, ᨠᨶᩥᨭ᩠ᨮᩮᩣ ᩍᩈᩥ ᨲᩔ ᨶᩣᨣᩔ ᨽᨿᩣ ᨠᩥᩈᩮᩣ ᩋᩉᩮᩣᩈᩥ ᩃᩪᨡᩮᩣ ᨴᩩᨻ᩠ᨻᨱ᩠ᨱᩮᩣ ᩏᨸ᩠ᨸᨱ᩠ᨯᩩᨸ᩠ᨸᨱ᩠ᨯᩩᨠᨩᩣᨲᩮᩣ ᨵᨾᨶᩥᩈᨶ᩠ᨳᨲᨣᨲ᩠ᨲᩮᩣ. ᩋᨴ᩠ᨴᩈ ᨡᩮᩣ, ᨽᩥᨠ᩠ᨡᩅᩮ, ᨩᩮᨭ᩠ᨮᩮᩣ ᩍᩈᩥ ᨠᨶᩥᨭ᩠ᨮᩴ ᩍᩈᩥᩴ ᨠᩥᩈᩴ ᩃᩪᨡᩴ ᨴᩩᨻ᩠ᨻᨱ᩠ᨱᩴ ᩏᨸ᩠ᨸᨱ᩠ᨯᩩᨸ᩠ᨸᨱ᩠ᨯᩩᨠᨩᩣᨲᩴ ᨵᨾᨶᩥᩈᨶ᩠ᨳᨲᨣᨲ᩠ᨲᩴ. ᨴᩥᩈ᩠ᩅᩣᨶ ᨠᨶᩥᨭ᩠ᨮᩴ ᩍᩈᩥᩴ ᩑᨲᨴᩅᩮᩣᨧ – ‘‘ᨠᩥᩔ ᨲ᩠ᩅᩴ, ᨽᩮᩣ, ᨠᩥᩈᩮᩣ ᩃᩪᨡᩮᩣ ᨴᩩᨻ᩠ᨻᨱ᩠ᨱᩮᩣ ᩏᨸ᩠ᨸᨱ᩠ᨯᩩᨸ᩠ᨸᨱ᩠ᨯᩩᨠᨩᩣᨲᩮᩣ ᨵᨾᨶᩥᩈᨶ᩠ᨳᨲᨣᨲ᩠ᨲᩮᩣ’’ᨲᩥ? ‘‘ᩍᨵ, ᨽᩮᩣ, ᨾᨱᩥᨠᨱ᩠ᨮᩮᩣ ᨶᩣᨣᩁᩣᨩᩣ ᨣᨦ᩠ᨣᩴ ᨶᨴᩥᩴ ᩏᨲ᩠ᨲᩁᩥᨲ᩠ᩅᩣ ᨿᩮᨶᩣᩉᩴ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨾᩴ ᩈᨲ᩠ᨲᨠ᩠ᨡᨲ᩠ᨲᩩᩴ ᨽᩮᩣᨣᩮᩉᩥ ᨸᩁᩥᨠ᩠ᨡᩥᨸᩥᨲ᩠ᩅᩣ ᩏᨸᩁᩥᨾᩩᨴ᩠ᨵᨶᩥ ᨾᩉᨶ᩠ᨲᩴ ᨹᨱᩴ ᨠᩁᩥᨲ᩠ᩅᩣ ᩋᨭ᩠ᨮᩣᩈᩥ. ᨲᩔᩣᩉᩴ, ᨽᩮᩣ, ᨶᩣᨣᩔ ᨽᨿᩣ [ᨽᨿᩣᨾ᩠ᩉᩥ (ᩈᩦ.)] ᨠᩥᩈᩮᩣ ᩃᩪᨡᩮᩣ ᨴᩩᨻ᩠ᨻᨱ᩠ᨱᩮᩣ ᩏᨸ᩠ᨸᨱ᩠ᨯᩩᨸ᩠ᨸᨱ᩠ᨯᩩᨠᨩᩣᨲᩮᩣ ᨵᨾᨶᩥᩈᨶ᩠ᨳᨲᨣᨲ᩠ᨲᩮᩣ’’ᨲᩥ. ‘‘ᩍᨧ᩠ᨨᩈᩥ ᨸᨶ ᨲ᩠ᩅᩴ, ᨽᩮᩣ, ᨲᩔ ᨶᩣᨣᩔ ᩋᨶᩣᨣᨾᨶ’’ᨶ᩠ᨲᩥ? ‘‘ᩍᨧ᩠ᨨᩣᨾᩉᩴ, ᨽᩮᩣ, ᨲᩔ ᨶᩣᨣᩔ ᩋᨶᩣᨣᨾᨶ’’ᨶ᩠ᨲᩥ. ‘‘ᩋᨸᩥ ᨸᨶ ᨲ᩠ᩅᩴ, ᨽᩮᩣ, ᨲᩔ ᨶᩣᨣᩔ ᨠᩥᨬ᩠ᨧᩥ ᨸᩔᩈᩦ’’ᨲᩥ? ‘‘ᨸᩔᩣᨾᩉᩴ, ᨽᩮᩣ, ᨾᨱᩥᨾᩔ [ᨾᨱᩥᩔ (ᩈᩦ. ᨠ.)] ᨠᨱ᩠ᨮᩮ ᨸᩥᩃᨶ᩠ᨵᨶ’’ᨶ᩠ᨲᩥ. ‘‘ᨲᩮᨶ ᩉᩥ ᨲ᩠ᩅᩴ, ᨽᩮᩣ, ᨲᩴ ᨶᩣᨣᩴ ᨾᨱᩥᩴ ᨿᩣᨧ – ‘ᨾᨱᩥᩴ ᨾᩮ, ᨽᩮᩣ, ᨴᩮᩉᩥ; ᨾᨱᩥᨶᩣ ᨾᩮ ᩋᨲ᩠ᨳᩮᩣ’’’ᨲᩥ.

ᩋᨳ ᨡᩮᩣ, ᨽᩥᨠ᩠ᨡᩅᩮ, ᨾᨱᩥᨠᨱ᩠ᨮᩮᩣ ᨶᩣᨣᩁᩣᨩᩣ ᨣᨦ᩠ᨣᩴ ᨶᨴᩥᩴ ᩏᨲ᩠ᨲᩁᩥᨲ᩠ᩅᩣ ᨿᩮᨶ ᨠᨶᩥᨭ᩠ᨮᩮᩣ ᩍᩈᩥ ᨲᩮᨶᩩᨸᩈᨦ᩠ᨠᨾᩥ ¶ ; ᩏᨸᩈᨦ᩠ᨠᨾᩥᨲ᩠ᩅᩣ ᩑᨠᨾᨶ᩠ᨲᩴ ¶ ᩋᨭ᩠ᨮᩣᩈᩥ. ᩑᨠᨾᨶ᩠ᨲᩴ ᨮᩥᨲᩴ ᨡᩮᩣ, ᨽᩥᨠ᩠ᨡᩅᩮ, ᨾᨱᩥᨠᨱ᩠ᨮᩴ ᨶᩣᨣᩁᩣᨩᩣᨶᩴ ᨠᨶᩥᨭ᩠ᨮᩮᩣ ᩍᩈᩥ ᩑᨲᨴᩅᩮᩣᨧ – ‘‘ᨾᨱᩥᩴ ᨾᩮ, ᨽᩮᩣ, ᨴᩮᩉᩥ; ᨾᨱᩥᨶᩣ ᨾᩮ ᩋᨲ᩠ᨳᩮᩣ’’ᨲᩥ. ᩋᨳ ᨡᩮᩣ, ᨽᩥᨠ᩠ᨡᩅᩮ, ᨾᨱᩥᨠᨱ᩠ᨮᩮᩣ ᨶᩣᨣᩁᩣᨩᩣ – ‘ᨽᩥᨠ᩠ᨡᩩ ᨾᨱᩥᩴ ᨿᩣᨧᨲᩥ, ᨽᩥᨠ᩠ᨡᩩᩔ ᨾᨱᩥᨶᩣ ᩋᨲ᩠ᨳᩮᩣ’ᨲᩥ ᨡᩥᨸ᩠ᨸᨬ᩠ᨬᩮᩅ ᩋᨣᨾᩣᩈᩥ. ᨴᩩᨲᩥᨿᨾ᩠ᨸᩥ ᨡᩮᩣ, ᨽᩥᨠ᩠ᨡᩅᩮ, ᨾᨱᩥᨠᨱ᩠ᨮᩮᩣ ᨶᩣᨣᩁᩣᨩᩣ ᨣᨦ᩠ᨣᩴ ᨶᨴᩥᩴ ᩏᨲ᩠ᨲᩁᩥᨲ᩠ᩅᩣ ᨿᩮᨶ ᨠᨶᩥᨭ᩠ᨮᩮᩣ ᩍᩈᩥ ᨲᩮᨶᩩᨸᩈᨦ᩠ᨠᨾᩥ. ᩋᨴ᩠ᨴᩈ ¶ ᨡᩮᩣ, ᨽᩥᨠ᩠ᨡᩅᩮ, ᨠᨶᩥᨭ᩠ᨮᩮᩣ ᩍᩈᩥ ᨾᨱᩥᨠᨱ᩠ᨮᩴ ᨶᩣᨣᩁᩣᨩᩣᨶᩴ ᨴᩪᩁᨲᩮᩣᩅ ᩌᨣᨧ᩠ᨨᨶ᩠ᨲᩴ. ᨴᩥᩈ᩠ᩅᩣᨶ ᨾᨱᩥᨠᨱ᩠ᨮᩴ ᨶᩣᨣᩁᩣᨩᩣᨶᩴ ᩑᨲᨴᩅᩮᩣᨧ – ‘‘ᨾᨱᩥᩴ ᨾᩮ, ᨽᩮᩣ, ᨴᩮᩉᩥ; ᨾᨱᩥᨶᩣ ᨾᩮ ᩋᨲ᩠ᨳᩮᩣ’’ᨲᩥ. ᩋᨳ ᨡᩮᩣ, ᨽᩥᨠ᩠ᨡᩅᩮ, ᨾᨱᩥᨠᨱ᩠ᨮᩮᩣ ᨶᩣᨣᩁᩣᨩᩣ – ‘‘ᨽᩥᨠ᩠ᨡᩩ ᨾᨱᩥᩴ ᨿᩣᨧᨲᩥ, ᨽᩥᨠ᩠ᨡᩩᩔ ᨾᨱᩥᨶᩣ ᩋᨲ᩠ᨳᩮᩣ’’ᨲᩥ ᨲᨲᩮᩣᩅ ᨸᨭᩥᨶᩥᩅᨲ᩠ᨲᩥ. ᨲᨲᩥᨿᨾ᩠ᨸᩥ ᨡᩮᩣ, ᨽᩥᨠ᩠ᨡᩅᩮ, ᨾᨱᩥᨠᨱ᩠ᨮᩮᩣ ᨶᩣᨣᩁᩣᨩᩣ ᨣᨦ᩠ᨣᩴ ᨶᨴᩥᩴ ᩏᨲ᩠ᨲᩁᨲᩥ. ᩋᨴ᩠ᨴᩈ ᨡᩮᩣ, ᨽᩥᨠ᩠ᨡᩅᩮ, ᨠᨶᩥᨭ᩠ᨮᩮᩣ ᩍᩈᩥ ᨾᨱᩥᨠᨱ᩠ᨮᩴ ᨶᩣᨣᩁᩣᨩᩣᨶᩴ ᨣᨦ᩠ᨣᩴ ᨶᨴᩥᩴ ᩏᨲ᩠ᨲᩁᨶ᩠ᨲᩴ. ᨴᩥᩈ᩠ᩅᩣᨶ ᨾᨱᩥᨠᨱ᩠ᨮᩴ ᨶᩣᨣᩁᩣᨩᩣᨶᩴ ᩑᨲᨴᩅᩮᩣᨧ – ‘‘ᨾᨱᩥᩴ ᨾᩮ, ᨽᩮᩣ, ᨴᩮᩉᩥ; ᨾᨱᩥᨶᩣ ᨾᩮ ᩋᨲ᩠ᨳᩮᩣ’’ᨲᩥ. ᩋᨳ ᨡᩮᩣ, ᨽᩥᨠ᩠ᨡᩅᩮ, ᨾᨱᩥᨠᨱ᩠ᨮᩮᩣ ᨶᩣᨣᩁᩣᨩᩣ ᨠᨶᩥᨭ᩠ᨮᩴ ᩍᩈᩥᩴ ᨣᩣᨳᩣᩉᩥ ᩋᨩ᩠ᨫᨽᩣᩈᩥ –

[ᨩᩣ. ᪑.᪓.᪗ ᨾᨱᩥᨠᨱ᩠ᨮᨩᩣᨲᨠᩮᨸᩥ] ‘‘ᨾᨾᨶ᩠ᨶᨸᩣᨶᩴ ¶ ᩅᩥᨸᩩᩃᩴ ᩏᩊᩣᩁᩴ,

ᩏᨸ᩠ᨸᨩ᩠ᨩᨲᩦᨾᩔ ᨾᨱᩥᩔ ᩉᩮᨲᩩ;

ᨲᩴ ᨲᩮ ᨶ ᨴᩔᩴ ᩋᨲᩥᨿᩣᨧᨠᩮᩣᩈᩥ;

ᨶ ᨧᩣᨸᩥ ᨲᩮ ᩋᩔᨾᨾᩣᨣᨾᩥᩔᩴ.

[ᨩᩣ. ᪑.᪓.᪘ ᨾᨱᩥᨠᨱ᩠ᨮᨩᩣᨲᨠᩮᨸᩥ] ‘‘ᩈᩩᩈᩪ ᨿᨳᩣ ᩈᨠ᩠ᨡᩁᨵᩮᩣᨲᨸᩣᨱᩦ;

ᨲᩣᩈᩮᩈᩥ ¶ ᨾᩴ ᩈᩮᩃᨾᩣᨿᩣᨧᨾᩣᨶᩮᩣ;

ᨲᩴ ᨲᩮ ᨶ ᨴᩔᩴ ᩋᨲᩥᨿᩣᨧᨠᩮᩣᩈᩥ;

ᨶ ᨧᩣᨸᩥ ᨲᩮ ᩋᩔᨾᨾᩣᨣᨾᩥᩔ’’ᨶ᩠ᨲᩥ.

ᩋᨳ ᨡᩮᩣ, ᨽᩥᨠ᩠ᨡᩅᩮ, ᨾᨱᩥᨠᨱ᩠ᨮᩮᩣ ᨶᩣᨣᩁᩣᨩᩣ – ‘‘ᨽᩥᨠ᩠ᨡᩩ ᨾᨱᩥᩴ ᨿᩣᨧᨲᩥ, ᨽᩥᨠ᩠ᨡᩩᩔ ᨾᨱᩥᨶᩣ ᩋᨲ᩠ᨳᩮᩣ’’ᨲᩥ ᨸᨠ᩠ᨠᩣᨾᩥ. ᨲᨳᩣ ᨸᨠ᩠ᨠᨶ᩠ᨲᩮᩣᩅ [ᨲᨴᩣᨸᨠ᩠ᨠᨶ᩠ᨲᩮᩣᩅ (ᨠ.)] ᩋᩉᩮᩣᩈᩥ, ᨶ ᨸᩩᨶ ᨸᨧ᩠ᨧᩣᨣᨬ᩠ᨨᩥ. ᩋᨳ ᨡᩮᩣ, ᨽᩥᨠ᩠ᨡᩅᩮ, ᨠᨶᩥᨭ᩠ᨮᩮᩣ ᩍᩈᩥ ᨲᩔ ᨶᩣᨣᩔ ᨴᩔᨶᩦᨿᩔ ᩋᨴᩔᨶᩮᨶ ᨽᩥᨿ᩠ᨿᩮᩣᩈᩮᩣᨾᨲ᩠ᨲᩣᨿ ᨠᩥᩈᩮᩣ ᩋᩉᩮᩣᩈᩥ ᩃᩪᨡᩮᩣ ᨴᩩᨻ᩠ᨻᨱ᩠ᨱᩮᩣ, ᩏᨸ᩠ᨸᨱ᩠ᨯᩩᨸ᩠ᨸᨱ᩠ᨯᩩᨠᨩᩣᨲᩮᩣ ᨵᨾᨶᩥᩈᨶ᩠ᨳᨲᨣᨲ᩠ᨲᩮᩣ. ᩋᨴ᩠ᨴᩈ ᨡᩮᩣ, ᨽᩥᨠ᩠ᨡᩅᩮ, ᨩᩮᨭ᩠ᨮᩮᩣ ᩍᩈᩥ ᨠᨶᩥᨭ᩠ᨮᩴ ᩍᩈᩥᩴ ᨽᩥᨿ᩠ᨿᩮᩣᩈᩮᩣᨾᨲ᩠ᨲᩣᨿ ᨠᩥᩈᩴ ᩃᩪᨡᩴ ᨴᩩᨻ᩠ᨻᨱ᩠ᨱᩴ ᩏᨸ᩠ᨸᨱ᩠ᨯᩩᨸ᩠ᨸᨱ᩠ᨯᩩᨠᨩᩣᨲᩴ ᨵᨾᨶᩥᩈᨶ᩠ᨳᨲᨣᨲ᩠ᨲᩴ. ᨴᩥᩈ᩠ᩅᩣᨶ ᨠᨶᩥᨭ᩠ᨮᩴ ᩍᩈᩥᩴ ᩑᨲᨴᩅᩮᩣᨧ – ‘‘ᨠᩥᩔ ᨲ᩠ᩅᩴ, ᨽᩮᩣ, ᨽᩥᨿ᩠ᨿᩮᩣᩈᩮᩣᨾᨲ᩠ᨲᩣᨿ ᨠᩥᩈᩮᩣ ᩃᩪᨡᩮᩣ ᨴᩩᨻ᩠ᨻᨱ᩠ᨱᩮᩣ ¶ ᩏᨸ᩠ᨸᨱ᩠ᨯᩩᨸ᩠ᨸᨱ᩠ᨯᩩᨠᨩᩣᨲᩮᩣ ᨵᨾᨶᩥᩈᨶ᩠ᨳᨲᨣᨲ᩠ᨲᩮᩣ’’ᨲᩥ? ‘‘ᨲᩔᩣᩉᩴ, ᨽᩮᩣ, ᨶᩣᨣᩔ ᨴᩔᨶᩦᨿᩔ ᩋᨴᩔᨶᩮᨶ ᨽᩥᨿ᩠ᨿᩮᩣᩈᩮᩣᨾᨲ᩠ᨲᩣᨿ ᨠᩥᩈᩮᩣ ᩃᩪᨡᩮᩣ ᨴᩩᨻ᩠ᨻᨱ᩠ᨱᩮᩣ ᩏᨸ᩠ᨸᨱ᩠ᨯᩩᨸ᩠ᨸᨱ᩠ᨯᩩᨠᨩᩣᨲᩮᩣ ᨵᨾᨶᩥᩈᨶ᩠ᨳᨲᨣᨲ᩠ᨲᩮᩣ’’ᨲᩥ. ᩋᨳ ᨡᩮᩣ, ᨽᩥᨠ᩠ᨡᩅᩮ, ᨩᩮᨭ᩠ᨮᩮᩣ ᩍᩈᩥ ᨠᨶᩥᨭ᩠ᨮᩴ ᩍᩈᩥᩴ ᨣᩣᨳᩣᨿ ᩋᨩ᩠ᨫᨽᩣᩈᩥ –

[ᨩᩣ. ᪑.᪓.᪙ ᨾᨱᩥᨠᨱ᩠ᨮᨩᩣᨲᨠᩮᨸᩥ] ‘‘ᨶ ¶ ᨲᩴ ᨿᩣᨧᩮ ᨿᩔ ᨸᩥᨿᩴ ᨩᩥᨣᩦᩈᩮ,

ᩅᩥᨴᩮᩔᩮᩣ [ᨴᩮᩔᩮᩣ (ᩈᩦ.), ᨴᩮᩔᩮᩣ ᨧ (ᩈ᩠ᨿᩣ.)] ᩉᩮᩣᨲᩥ ᩋᨲᩥᨿᩣᨧᨶᩣᨿ;

ᨶᩣᨣᩮᩣ ¶ ᨾᨱᩥᩴ ᨿᩣᨧᩥᨲᩮᩣ ᨻᩕᩣᩉ᩠ᨾᨱᩮᨶ;

ᩋᨴᩔᨶᨬ᩠ᨬᩮᩅ ᨲᨴᨩ᩠ᨫᨣᨾᩣ’’ᨲᩥ.

ᨲᩮᩈᨬ᩠ᩉᩥ ᨶᩣᨾ, ᨽᩥᨠ᩠ᨡᩅᩮ, ᨲᩥᩁᨧ᩠ᨨᩣᨶᨣᨲᩣᨶᩴ ᨸᩣᨱᩣᨶᩴ ᩋᨾᨶᩣᨸᩣ ᨽᩅᩥᩔᨲᩥ ᨿᩣᨧᨶᩣ ᩋᨾᨶᩣᨸᩣ ᩅᩥᨬ᩠ᨬᨲ᩠ᨲᩥ. ᨠᩥᨾᨦ᩠ᨣᩴ [ᨠᩥᨾᨦ᩠ᨣ (ᩈᩦ.)] ᨸᨶ ᨾᨶᩩᩔᨽᩪᨲᩣᨶᩴ!

᪓᪔᪕. ‘‘ᨽᩪᨲᨸᩩᨻ᩠ᨻᩴ, ᨽᩥᨠ᩠ᨡᩅᩮ, ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᩉᩥᨾᩅᨶ᩠ᨲᨸᩔᩮ ᩅᩥᩉᩁᨲᩥ ᩋᨬ᩠ᨬᨲᩁᩈ᩠ᨾᩥᩴ ᩅᨶᩈᨱ᩠ᨯᩮ. ᨲᩔ ᨡᩮᩣ, ᨽᩥᨠ᩠ᨡᩅᩮ, ᩅᨶᩈᨱ᩠ᨯᩔ ᩋᩅᩥᨴᩪᩁᩮ ᨾᩉᨶ᩠ᨲᩴ ᨶᩥᨶ᩠ᨶᩴ ᨸᩃ᩠ᩃᩃᩴ. ᩋᨳ ᨡᩮᩣ,

ᩅᩣᩈᩣᨿ ᩏᨸᨣᨧ᩠ᨨᨲᩥ. ᩋᨳ ᨡᩮᩣ, ᨽᩥᨠ᩠ᨡᩅᩮ, ᩈᩮᩣ ᨽᩥᨠ᩠ᨡᩩ ᨲᩔ ᩈᨠᩩᨱᩈᨦ᩠ᨥᩔ ᩈᨴ᩠ᨴᩮᨶ ᩏᨻ᩠ᨻᩣᩊ᩠ᩉᩮᩣ ᨿᩮᨶᩣᩉᩴ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨾᩴ ᩋᨽᩥᩅᩣᨴᩮᨲ᩠ᩅᩣ ᩑᨠᨾᨶ᩠ᨲᩴ ᨶᩥᩈᩦᨴᩥ. ᩑᨠᨾᨶ᩠ᨲᩴ ᨶᩥᩈᩥᨶ᩠ᨶᩴ ᨡᩮᩣ ᩋᩉᩴ, ᨽᩥᨠ᩠ᨡᩅᩮ, ᨲᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ ¶ – ‘ᨠᨧ᩠ᨧᩥ, ᨽᩥᨠ᩠ᨡᩩ, ᨡᨾᨶᩦᨿᩴ ᨠᨧ᩠ᨧᩥ ᨿᩣᨸᨶᩦᨿᩴ ᨠᨧ᩠ᨧᩥᩈᩥ ᩋᨸ᩠ᨸᨠᩥᩃᨾᨳᩮᨶ ᩋᨴ᩠ᨵᩣᨶᩴ ᩌᨣᨲᩮᩣ? ᨠᩩᨲᩮᩣ ᨧ ᨲ᩠ᩅᩴ, ᨽᩥᨠ᩠ᨡᩩ, ᩌᨣᨧ᩠ᨨᩈᩦ’ᨲᩥ? ‘ᨡᨾᨶᩦᨿᩴ, ᨽᨣᩅᩣ, ᨿᩣᨸᨶᩦᨿᩴ, ᨽᨣᩅᩣ. ᩋᨸ᩠ᨸᨠᩥᩃᨾᨳᩮᨶ ᨧᩣᩉᩴ, ᨽᨶ᩠ᨲᩮ, ᩋᨴ᩠ᨵᩣᨶᩴ ᩌᨣᨲᩮᩣ. ᩋᨲ᩠ᨳᩥ, ᨽᨶ᩠ᨲᩮ, ᩉᩥᨾᩅᨶ᩠ᨲᨸᩔᩮ ᨾᩉᩣᩅᨶᩈᨱ᩠ᨯᩮᩣ. ᨲᩔ ᨡᩮᩣ ᨸᨶ, ᨽᨶ᩠ᨲᩮ, ᩅᨶᩈᨱ᩠ᨯᩔ ᩋᩅᩥᨴᩪᩁᩮ ᨾᩉᨶ᩠ᨲᩴ ᨶᩥᨶ᩠ᨶᩴ ᨸᩃ᩠ᩃᩃᩴ. ᩋᨳ ᨡᩮᩣ, ᨽᨶ᩠ᨲᩮ, ᨾᩉᩣᩈᨠᩩᨱᩈᨦ᩠ᨥᩮᩣ ᨲᩈ᩠ᨾᩥᩴ ᨸᩃ᩠ᩃᩃᩮ ᨴᩥᩅᩈᩴ ᨣᩮᩣᨧᩁᩴ ᨧᩁᩥᨲ᩠ᩅᩣ ᩈᩣᨿᩴ ᨲᩴ ᩅᨶᩈᨱ᩠ᨯᩴ ᩅᩣᩈᩣᨿ ᩏᨸᨣᨧ᩠ᨨᨲᩥ. ᨲᨲᩮᩣ ᩋᩉᩴ, ᨽᨣᩅᩣ, ᩌᨣᨧ᩠ᨨᩣᨾᩥ – ᨲᩔ ᩈᨠᩩᨱᩈᨦ᩠ᨥᩔ ᩈᨴ᩠ᨴᩮᨶ ᩏᨻ᩠ᨻᩣᩊ᩠ᩉᩮᩣ’ᨲᩥ. ‘ᩍᨧ᩠ᨨᩈᩥ ᨸᨶ ᨲ᩠ᩅᩴ, ᨽᩥᨠ᩠ᨡᩩ, ᨲᩔ ᩈᨠᩩᨱᩈᨦ᩠ᨥᩔ ᩋᨶᩣᨣᨾᨶ’ᨶ᩠ᨲᩥ ¶ ? ‘ᩍᨧ᩠ᨨᩣᨾᩉᩴ, ᨽᨣᩅᩣ, ᨲᩔ ᩈᨠᩩᨱᩈᨦ᩠ᨥᩔ ᩋᨶᩣᨣᨾᨶ’ᨶ᩠ᨲᩥ. ‘ᨲᩮᨶ ᩉᩥ ᨲ᩠ᩅᩴ, ᨽᩥᨠ᩠ᨡᩩ, ᨲᨲ᩠ᨳ ᨣᨶ᩠ᨲ᩠ᩅᩣ ᨲᩴ ᩅᨶᩈᨱ᩠ᨯᩴ ᩋᨩ᩠ᨫᩮᩣᨣᩣᩉᩮᨲ᩠ᩅᩣ ᩁᨲ᩠ᨲᩥᨿᩣ ᨸᨮᨾᩴ ᨿᩣᨾᩴ ᨲᩥᨠ᩠ᨡᨲ᩠ᨲᩩᩴ ᩈᨴ᩠ᨴᨾᨶᩩᩔᩣᩅᩮᩉᩥ – ᩈᩩᨱᨶ᩠ᨲᩩ ᨾᩮ, ᨽᩮᩣᨶ᩠ᨲᩮᩣ ᩈᨠᩩᨱᩣ, ᨿᩣᩅᨲᩥᨠᩣ ᩍᨾᩈ᩠ᨾᩥᩴ ᩅᨶᩈᨱ᩠ᨯᩮ ᩅᩣᩈᩴ ᩏᨸᨣᨲᩣ, ᨸᨲ᩠ᨲᩮᨶ ᨾᩮ ᩋᨲ᩠ᨳᩮᩣ. ᩑᨠᩮᨠᩴ ᨾᩮ, ᨽᩮᩣᨶ᩠ᨲᩮᩣ, ᨸᨲ᩠ᨲᩴ ᨴᨴᨶ᩠ᨲᩪ’ᨲᩥ. ᩁᨲ᩠ᨲᩥᨿᩣ ᨾᨩ᩠ᨫᩥᨾᩴ ᨿᩣᨾᩴ… ᩁᨲ᩠ᨲᩥᨿᩣ ᨸᨧ᩠ᨨᩥᨾᩴ ᨿᩣᨾᩴ ᨲᩥᨠ᩠ᨡᨲ᩠ᨲᩩᩴ ᩈᨴ᩠ᨴᨾᨶᩩᩔᩣᩅᩮᩉᩥ – ‘ᩈᩩᨱᨶ᩠ᨲᩩ ¶ ᨾᩮ, ᨽᩮᩣᨶ᩠ᨲᩮᩣ ᩈᨠᩩᨱᩣ, ᨿᩣᩅᨲᩥᨠᩣ ᩍᨾᩈ᩠ᨾᩥᩴ ᩅᨶᩈᨱ᩠ᨯᩮ ᩅᩣᩈᩴ ᩏᨸᨣᨲᩣ, ᨸᨲ᩠ᨲᩮᨶ ᨾᩮ ᩋᨲ᩠ᨳᩮᩣ. ᩑᨠᩮᨠᩴ ᨾᩮ, ᨽᩮᩣᨶ᩠ᨲᩮᩣ, ᨸᨲ᩠ᨲᩴ ᨴᨴᨶ᩠ᨲᩪ’ᨲᩥ.

‘‘ᩋᨳ ¶ ᨡᩮᩣ, ᨽᩥᨠ᩠ᨡᩅᩮ, ᩈᩮᩣ ᨽᩥᨠ᩠ᨡᩩ ᨲᨲ᩠ᨳ ᨣᨶ᩠ᨲ᩠ᩅᩣ ᨲᩴ ᩅᨶᩈᨱ᩠ᨯᩴ ᩋᨩ᩠ᨫᩮᩣᨣᩣᩉᩮᨲ᩠ᩅᩣ ᩁᨲ᩠ᨲᩥᨿᩣ ᨸᨮᨾᩴ ᨿᩣᨾᩴ ᨲᩥᨠ᩠ᨡᨲ᩠ᨲᩩᩴ ᩈᨴ᩠ᨴᨾᨶᩩᩔᩣᩅᩮᩈᩥ – ‘ᩈᩩᨱᨶ᩠ᨲᩩ ᨾᩮ, ᨽᩮᩣᨶ᩠ᨲᩮᩣ ᩈᨠᩩᨱᩣ, ᨿᩣᩅᨲᩥᨠᩣ ᩍᨾᩈ᩠ᨾᩥᩴ ᩅᨶᩈᨱ᩠ᨯᩮ ᩅᩣᩈᩴ ᩏᨸᨣᨲᩣ, ᨸᨲ᩠ᨲᩮᨶ ᨾᩮ ᩋᨲ᩠ᨳᩮᩣ. ᩑᨠᩮᨠᩴ ᨾᩮ, ᨽᩮᩣᨶ᩠ᨲᩮᩣ, ᨸᨲ᩠ᨲᩴ ᨴᨴᨶ᩠ᨲᩪ’ᨲᩥ. ᩁᨲ᩠ᨲᩥᨿᩣ ᨾᨩ᩠ᨫᩥᨾ ᨿᩣᨾᩴ… ᩁᨲ᩠ᨲᩥᨿᩣ ᨸᨧ᩠ᨨᩥᨾᩴ ᨿᩣᨾᩴ ᨲᩥᨠ᩠ᨡᨲ᩠ᨲᩩᩴ ᩈᨴ᩠ᨴᨾᨶᩩᩔᩣᩅᩮᩈᩥ – ‘ᩈᩩᨱᨶ᩠ᨲᩩ ᨾᩮ, ᨽᩮᩣᨶ᩠ᨲᩮᩣ ᩈᨠᩩᨱᩣ, ᨿᩣᩅᨲᩥᨠᩣ ᩍᨾᩈ᩠ᨾᩥᩴ ᩅᨶᩈᨱ᩠ᨯᩮ ᩅᩣᩈᩴ ᩏᨸᨣᨲᩣ, ᨸᨲ᩠ᨲᩮᨶ ᨾᩮ ᩋᨲ᩠ᨳᩮᩣ. ᩑᨠᩮᨠᩴ ᨾᩮ, ᨽᩮᩣᨶ᩠ᨲᩮᩣ, ᨸᨲ᩠ᨲᩴ ᨴᨴᨶ᩠ᨲᩪ’ᨲᩥ. ᩋᨳ ᨡᩮᩣ, ᨽᩥᨠ᩠ᨡᩅᩮ, ᩈᩮᩣ ᩈᨠᩩᨱᩈᨦ᩠ᨥᩮᩣ – ‘ᨽᩥᨠ᩠ᨡᩩ ᨸᨲ᩠ᨲᩴ ᨿᩣᨧᨲᩥ ᨽᩥᨠ᩠ᨡᩩᩔ ᨸᨲ᩠ᨲᩮᨶ ᩋᨲ᩠ᨳᩮᩣ’ᨲᩥ ᨲᨾ᩠ᩉᩣ ᩅᨶᩈᨱ᩠ᨯᩣ ᨸᨠ᩠ᨠᩣᨾᩥ. ᨲᨳᩣ ᨸᨠ᩠ᨠᨶ᩠ᨲᩮᩣᩅ ᩋᩉᩮᩣᩈᩥ ᨶ ᨸᩩᨶ ᨸᨧ᩠ᨧᩣᨣᨬ᩠ᨨᩥ. ᨲᩮᩈᨬ᩠ᩉᩥ ᨶᩣᨾ, ᨽᩥᨠ᩠ᨡᩅᩮ, ᨲᩥᩁᨧ᩠ᨨᩣᨶᨣᨲᩣᨶᩴ ᨸᩣᨱᩣᨶᩴ ᩋᨾᨶᩣᨸᩣ ᨽᩅᩥᩔᨲᩥ ᨿᩣᨧᨶᩣ ᩋᨾᨶᩣᨸᩣ ᩅᩥᨬ᩠ᨬᨲ᩠ᨲᩥ. ᨠᩥᨾᨦ᩠ᨣᩴ ᨸᨶ ᨾᨶᩩᩔᨽᩪᨲᩣᨶᩴ’’!

᪓᪔᪖. ‘‘ᨽᩪᨲᨸᩩᨻ᩠ᨻᩴ, ᨽᩥᨠ᩠ᨡᩅᩮ, ᩁᨭ᩠ᨮᨸᩣᩃᩔ ᨠᩩᩃᨸᩩᨲ᩠ᨲᩔ ᨸᩥᨲᩣ ᩁᨭ᩠ᨮᨸᩣᩃᩴ ᨠᩩᩃᨸᩩᨲ᩠ᨲᩴ ¶ ᨣᩣᨳᩣᨿ ᩋᨩ᩠ᨫᨽᩣᩈᩥ –

‘ᩋᨸᩣᩉᩴ ᨲᩮ ᨶ ᨩᩣᨶᩣᨾᩥ, ᩁᨭ᩠ᨮᨸᩣᩃ ᨻᩉᩪ ᨩᨶᩣ;

[ᨩᩣ. ᪑.᪗.᪕᪔] ᨲᩮ ᨾᩴ ᩈᨦ᩠ᨣᨾ᩠ᨾ ᨿᩣᨧᨶ᩠ᨲᩥ, ᨠᩈ᩠ᨾᩣ ᨾᩴ ᨲ᩠ᩅᩴ ᨶ ᨿᩣᨧᩈᩦ’ᨲᩥ.

[ᨩᩣ. ᪑.᪗.᪕᪕] ‘ᨿᩣᨧᨠᩮᩣ ᩋᨸ᩠ᨸᩥᨿᩮᩣ ᩉᩮᩣᨲᩥ, ᨿᩣᨧᩴ ᩋᨴᨴᨾᨸ᩠ᨸᩥᨿᩮᩣ;

ᨲᩈ᩠ᨾᩣᩉᩴ ᨲᩴ ᨶ ᨿᩣᨧᩣᨾᩥ, ᨾᩣ ᨾᩮ ᩅᩥᨴᩮᩔᨶᩣ ᩋᩉᩪ’ᨲᩥ.

‘‘ᩈᩮᩣ ᩉᩥ ᨶᩣᨾ, ᨽᩥᨠ᩠ᨡᩅᩮ, ᩁᨭ᩠ᨮᨸᩣᩃᩮᩣ ᨠᩩᩃᨸᩩᨲ᩠ᨲᩮᩣ ᩈᨠᩴ ᨸᩥᨲᩁᩴ ᩑᩅᩴ ᩅᨠ᩠ᨡᨲᩥ. ᨠᩥᨾᨦ᩠ᨣᩴ ᨸᨶ ᨩᨶᩮᩣ ᨩᨶᩴ!

᪓᪔᪗. ‘‘ᨣᩥᩉᩦᨶᩴ, ᨽᩥᨠ᩠ᨡᩅᩮ, ᨴᩩᩔᩴᩉᩁᩣᨶᩥ ᨽᩮᩣᨣᩣᨶᩥ ᩈᨾ᩠ᨽᨲᩣᨶᩥᨸᩥ ᨴᩩᩁᨠ᩠ᨡᩥᨿᩣᨶᩥ ¶ . ᨲᨲ᩠ᨳ ᨶᩣᨾ ᨲᩩᨾ᩠ᩉᩮ, ᨾᩮᩣᨥᨸᩩᩁᩥᩈᩣ, ᩑᩅᩴ ᨴᩩᩔᩴᩉᩁᩮᩈᩩ ᨽᩮᩣᨣᩮᩈᩩ ᩈᨾ᩠ᨽᨲᩮᩈᩩᨸᩥ ᨴᩩᩁᨠ᩠ᨡᩥᨿᩮᩈᩩ ᨿᩣᨧᨶᨻᩉᩩᩃᩣ ᩅᩥᨬ᩠ᨬᨲ᩠ᨲᩥᨻᩉᩩᩃᩣ ᩅᩥᩉᩁᩥᩔᨳ – ‘ᨸᩩᩁᩥᩈᩴ ᨴᩮᨳ, ᨸᩩᩁᩥᩈᨲ᩠ᨳᨠᩁᩴ ᨴᩮᨳ, ᨣᩮᩣᨱᩴ ᨴᩮᨳ, ᩈᨠᨭᩴ ᨴᩮᨳ, ᩅᩣᩈᩥᩴ ᨴᩮᨳ, ᨸᩁᩈᩩᩴ ᨴᩮᨳ, ᨠᩩᨮᩣᩁᩥᩴ ᨴᩮᨳ, ᨠᩩᨴᩣᩃᩴ ᨴᩮᨳ, ᨶᩥᨡᩣᨴᨶᩴ ᨴᩮᨳ, ᩅᩃ᩠ᩃᩥᩴ ᨴᩮᨳ, ᩅᩮᩊᩩᩴ ᨴᩮᨳ, ᨾᩩᨬ᩠ᨩᩴ ᨴᩮᨳ ¶ , ᨸᨻ᩠ᨻᨩᩴ ᨴᩮᨳ, ᨲᩥᨱᩴ ᨴᩮᨳ, ᨾᨲ᩠ᨲᩥᨠᩴ ᨴᩮᨳᩣ’’ᨲᩥ! ᨶᩮᨲᩴ, ᨾᩮᩣᨥᨸᩩᩁᩥᩈᩣ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪓᪔᪘. ‘‘ᩈᨬ᩠ᨬᩣᨧᩥᨠᩣᨿ ᨸᨶ ᨽᩥᨠ᩠ᨡᩩᨶᩣ ᨠᩩᨭᩥᩴ ᨠᩣᩁᨿᨾᩣᨶᩮᨶ ᩋᩔᩣᨾᩥᨠᩴ ᩋᨲ᩠ᨲᩩᨴ᩠ᨴᩮᩈᩴ ᨸᨾᩣᨱᩥᨠᩣ ᨠᩣᩁᩮᨲᨻ᩠ᨻᩣ. ᨲᨲᩕᩥᨴᩴ ᨸᨾᩣᨱᩴ – ᨴᩦᨥᩈᩮᩣ ᨴ᩠ᩅᩣᨴᩈ ¶ ᩅᩥᨴᨲ᩠ᨳᩥᨿᩮᩣ, ᩈᩩᨣᨲᩅᩥᨴᨲ᩠ᨳᩥᨿᩣ; ᨲᩥᩁᩥᨿᩴ ᩈᨲ᩠ᨲᨶ᩠ᨲᩁᩣ. ᨽᩥᨠ᩠ᨡᩪ ᩋᨽᩥᨶᩮᨲᨻ᩠ᨻᩣ ᩅᨲ᩠ᨳᩩᨴᩮᩈᨶᩣᨿ. ᨲᩮᩉᩥ ᨽᩥᨠ᩠ᨡᩪᩉᩥ ᩅᨲ᩠ᨳᩩ ᨴᩮᩈᩮᨲᨻ᩠ᨻᩴ ¶ – ᩋᨶᩣᩁᨾ᩠ᨽᩴ [ᩋᨶᩣᩁᨻ᩠ᨽᩴ (ᨠ.)] ᩈᨸᩁᩥᨠ᩠ᨠᨾᨶᩴ. ᩈᩣᩁᨾ᩠ᨽᩮ [ᩈᩣᩁᨻ᩠ᨽᩮ (ᨠ.)] ᨧᩮ ᨽᩥᨠ᩠ᨡᩩ ᩅᨲ᩠ᨳᩩᩈ᩠ᨾᩥᩴ ᩋᨸᩁᩥᨠ᩠ᨠᨾᨶᩮ ᩈᨬ᩠ᨬᩣᨧᩥᨠᩣᨿ ᨠᩩᨭᩥᩴ ᨠᩣᩁᩮᨿ᩠ᨿ, ᨽᩥᨠ᩠ᨡᩪ ᩅᩣ ᩋᨶᨽᩥᨶᩮᨿ᩠ᨿ ᩅᨲ᩠ᨳᩩᨴᩮᩈᨶᩣᨿ, ᨸᨾᩣᨱᩴ ᩅᩣ ᩋᨲᩥᨠ᩠ᨠᩣᨾᩮᨿ᩠ᨿ, ᩈᨦ᩠ᨥᩣᨴᩥᩈᩮᩈᩮᩣ’’ᨲᩥ.

᪓᪔᪙. ᩈᨬ᩠ᨬᩣᨧᩥᨠᩣ ᨶᩣᨾ ᩈᨿᩴ ᨿᩣᨧᩥᨲ᩠ᩅᩣ ᨸᩩᩁᩥᩈᨾ᩠ᨸᩥ ᨸᩩᩁᩥᩈᨲ᩠ᨳᨠᩁᨾ᩠ᨸᩥ ᨣᩮᩣᨱᨾ᩠ᨸᩥ ᩈᨠᨭᨾ᩠ᨸᩥ ᩅᩣᩈᩥᨾ᩠ᨸᩥ ᨸᩁᩈᩩᨾ᩠ᨸᩥ ᨠᩩᨮᩣᩁᩥᨾ᩠ᨸᩥ ᨠᩩᨴᩣᩃᨾ᩠ᨸᩥ ᨶᩥᨡᩣᨴᨶᨾ᩠ᨸᩥ ᩅᩃ᩠ᩃᩥᨾ᩠ᨸᩥ ᩅᩮᩊᩩᨾ᩠ᨸᩥ ᨾᩩᨬ᩠ᨩᨾ᩠ᨸᩥ ᨸᨻ᩠ᨻᨩᨾ᩠ᨸᩥ ᨲᩥᨱᨾ᩠ᨸᩥ ᨾᨲ᩠ᨲᩥᨠᨾ᩠ᨸᩥ.

ᨠᩩᨭᩥ ᨶᩣᨾ ᩏᩃ᩠ᩃᩥᨲ᩠ᨲᩣ ᩅᩣ ᩉᩮᩣᨲᩥ ᩋᩅᩃᩥᨲ᩠ᨲᩣ ᩅᩣ ᩏᩃ᩠ᩃᩥᨲ᩠ᨲᩣᩅᩃᩥᨲ᩠ᨲᩣ ᩅᩣ.

ᨠᩣᩁᨿᨾᩣᨶᩮᨶᩣᨲᩥ ᨠᩁᩮᩣᨶ᩠ᨲᩮᩣ ᩅᩣ ᨠᩣᩁᩣᨸᩮᨶ᩠ᨲᩮᩣ ᩅᩣ.

ᩋᩔᩣᨾᩥᨠᨶ᩠ᨲᩥ ᨶ ᩋᨬ᩠ᨬᩮᩣ ᨠᩮᩣᨧᩥ ᩈᩣᨾᩥᨠᩮᩣ ᩉᩮᩣᨲᩥ, ᩍᨲ᩠ᨳᩦ ᩅᩣ ᨸᩩᩁᩥᩈᩮᩣ ᩅᩣ ᨣᩉᨭ᩠ᨮᩮᩣ ᩅᩣ ᨸᨻ᩠ᨻᨩᩥᨲᩮᩣ ᩅᩣ.

ᩋᨲ᩠ᨲᩩᨴ᩠ᨴᩮᩈᨶ᩠ᨲᩥ ᩋᨲ᩠ᨲᨶᩮᩣ ᩋᨲ᩠ᨳᩣᨿ.

ᨸᨾᩣᨱᩥᨠᩣ ᨠᩣᩁᩮᨲᨻ᩠ᨻᩣ. ᨲᨲᩕᩥᨴᩴ ᨸᨾᩣᨱᩴ – ᨴᩦᨥᩈᩮᩣ ᨴ᩠ᩅᩣᨴᩈ ᩅᩥᨴᨲ᩠ᨳᩥᨿᩮᩣ, ᩈᩩᨣᨲᩅᩥᨴᨲ᩠ᨳᩥᨿᩣᨲᩥ ᨻᩣᩉᩥᩁᩥᨾᩮᨶ ᨾᩣᨶᩮᨶ.

ᨲᩥᩁᩥᨿᩴ ᩈᨲ᩠ᨲᨶ᩠ᨲᩁᩣᨲᩥ ᩋᨻ᩠ᨽᨶ᩠ᨲᩁᩥᨾᩮᨶ ᨾᩣᨶᩮᨶ.

ᨽᩥᨠ᩠ᨡᩪ ᩋᨽᩥᨶᩮᨲᨻ᩠ᨻᩣ ᩅᨲ᩠ᨳᩩᨴᩮᩈᨶᩣᨿᩣᨲᩥ ᨲᩮᨶ ᨠᩩᨭᩥᨠᩣᩁᨠᩮᨶ ᨽᩥᨠ᩠ᨡᩩᨶᩣ ᨠᩩᨭᩥᩅᨲ᩠ᨳᩩᩴ ᩈᩮᩣᨵᩮᨲ᩠ᩅᩣ ᩈᨦ᩠ᨥᩴ ᩏᨸᩈᨦ᩠ᨠᨾᩥᨲ᩠ᩅᩣ ᩑᨠᩴᩈᩴ ᩏᨲ᩠ᨲᩁᩣᩈᨦ᩠ᨣᩴ ᨠᩁᩥᨲ᩠ᩅᩣ ᩅᩩᨯ᩠ᨰᩣᨶᩴ ᨽᩥᨠ᩠ᨡᩪᨶᩴ ᨸᩣᨴᩮ ᩅᨶ᩠ᨴᩥᨲ᩠ᩅᩣ ᩏᨠ᩠ᨠᩩᨭᩥᨠᩴ ᨶᩥᩈᩦᨴᩥᨲ᩠ᩅᩣ ¶ ᩋᨬ᩠ᨩᩃᩥᩴ ᨸᨣ᩠ᨣᩉᩮᨲ᩠ᩅᩣ ᩑᩅᨾᩔ ᩅᨧᨶᩦᨿᩮᩣ – ‘‘ᩋᩉᩴ, ᨽᨶ᩠ᨲᩮ, ᩈᨬ᩠ᨬᩣᨧᩥᨠᩣᨿ ᨠᩩᨭᩥᩴ ᨠᨲ᩠ᨲᩩᨠᩣᨾᩮᩣ ᩋᩔᩣᨾᩥᨠᩴ ᩋᨲ᩠ᨲᩩᨴ᩠ᨴᩮᩈᩴ. ᩈᩮᩣᩉᩴ, ᨽᨶ᩠ᨲᩮ, ᩈᨦ᩠ᨥᩴ ᨠᩩᨭᩥᩅᨲ᩠ᨳᩩᩒᩃᩮᩣᨠᨶᩴ ᨿᩣᨧᩣᨾᩦ’’ᨲᩥ. ᨴᩩᨲᩥᨿᨾ᩠ᨸᩥ ᨿᩣᨧᩥᨲᨻ᩠ᨻᩣ. ᨲᨲᩥᨿᨾ᩠ᨸᩥ ¶ ᨿᩣᨧᩥᨲᨻ᩠ᨻᩣ. ᩈᨧᩮ ¶ ᩈᨻ᩠ᨻᩮᩣ ᩈᨦ᩠ᨥᩮᩣ ᩏᩔᩉᨲᩥ ᨠᩩᨭᩥᩅᨲ᩠ᨳᩩᩴ ᩒᩃᩮᩣᨠᩮᨲᩩᩴ, ᩈᨻ᩠ᨻᩮᨶ ᩈᨦ᩠ᨥᩮᨶ ᩒᩃᩮᩣᨠᩮᨲᨻ᩠ᨻᩴ. ᨶᩮᩣ ᨧᩮ ᩈᨻ᩠ᨻᩮᩣ ᩈᨦ᩠ᨥᩮᩣ ᩏᩔᩉᨲᩥ ᨠᩩᨭᩥᩅᨲ᩠ᨳᩩᩴ ᩒᩃᩮᩣᨠᩮᨲᩩᩴ, ᨿᩮ ᨲᨲ᩠ᨳ ᩉᩮᩣᨶ᩠ᨲᩥ ᨽᩥᨠ᩠ᨡᩪ ᨻ᩠ᨿᨲ᩠ᨲᩣ ᨸᨭᩥᨻᩃᩣ ᩈᩣᩁᨾ᩠ᨽᩴ ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ ᩋᨸᩁᩥᨠ᩠ᨠᨾᨶᩴ ᨩᩣᨶᩥᨲᩩᩴ ᨲᩮ ᨿᩣᨧᩥᨲ᩠ᩅᩣ ᩈᨾ᩠ᨾᨶ᩠ᨶᩥᨲᨻ᩠ᨻᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩈᨾ᩠ᨾᨶ᩠ᨶᩥᨲᨻ᩠ᨻᩣ. ᨻ᩠ᨿᨲ᩠ᨲᩮᨶ ᨽᩥᨠ᩠ᨡᩩᨶᩣ ᨸᨭᩥᨻᩃᩮᨶ ᩈᨦ᩠ᨥᩮᩣ ᨬᩣᨸᩮᨲᨻ᩠ᨻᩮᩣ –

᪓᪕᪐. ‘‘ᩈᩩᨱᩣᨲᩩ ¶ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᩋᨿᩴ ᩍᨲ᩠ᨳᨶ᩠ᨶᩣᨾᩮᩣ ᨽᩥᨠ᩠ᨡᩩ ᩈᨬ᩠ᨬᩣᨧᩥᨠᩣᨿ ᨠᩩᨭᩥᩴ ᨠᨲ᩠ᨲᩩᨠᩣᨾᩮᩣ ᩋᩔᩣᨾᩥᨠᩴ ᩋᨲ᩠ᨲᩩᨴ᩠ᨴᩮᩈᩴ. ᩈᩮᩣ ᩈᨦ᩠ᨥᩴ ᨠᩩᨭᩥᩅᨲ᩠ᨳᩩᩒᩃᩮᩣᨠᨶᩴ ᨿᩣᨧᨲᩥ. ᨿᨴᩥ ᩈᨦ᩠ᨥᩔ ᨸᨲ᩠ᨲᨠᩃ᩠ᩃᩴ, ᩈᨦ᩠ᨥᩮᩣ ᩍᨲ᩠ᨳᨶ᩠ᨶᩣᨾᨬ᩠ᨧ ᩍᨲ᩠ᨳᨶ᩠ᨶᩣᨾᨬ᩠ᨧ ᨽᩥᨠ᩠ᨡᩪ ᩈᨾ᩠ᨾᨶ᩠ᨶᩮᨿ᩠ᨿ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᨠᩩᨭᩥᩅᨲ᩠ᨳᩩᩴ ᩒᩃᩮᩣᨠᩮᨲᩩᩴ. ᩑᩈᩣ ᨬᨲ᩠ᨲᩥ.

‘‘ᩈᩩᨱᩣᨲᩩ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᩋᨿᩴ ᩍᨲ᩠ᨳᨶ᩠ᨶᩣᨾᩮᩣ ᨽᩥᨠ᩠ᨡᩩ ᩈᨬ᩠ᨬᩣᨧᩥᨠᩣᨿ ᨠᩩᨭᩥᩴ ᨠᨲ᩠ᨲᩩᨠᩣᨾᩮᩣ ᩋᩔᩣᨾᩥᨠᩴ ᩋᨲ᩠ᨲᩩᨴ᩠ᨴᩮᩈᩴ. ᩈᩮᩣ ᩈᨦ᩠ᨥᩴ ᨠᩩᨭᩥᩅᨲ᩠ᨳᩩᩒᩃᩮᩣᨠᨶᩴ ᨿᩣᨧᨲᩥ. ᩈᨦ᩠ᨥᩮᩣ ᩍᨲ᩠ᨳᨶ᩠ᨶᩣᨾᨬ᩠ᨧ ᩍᨲ᩠ᨳᨶ᩠ᨶᩣᨾᨬ᩠ᨧ ᨽᩥᨠ᩠ᨡᩪ ᩈᨾ᩠ᨾᨶ᩠ᨶᨲᩥ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᨠᩩᨭᩥᩅᨲ᩠ᨳᩩᩴ ᩒᩃᩮᩣᨠᩮᨲᩩᩴ. ᨿᩔᩣᨿᩈ᩠ᨾᨲᩮᩣ ᨡᨾᨲᩥ ᩍᨲ᩠ᨳᨶ᩠ᨶᩣᨾᩔ ᨧ ᩍᨲ᩠ᨳᨶ᩠ᨶᩣᨾᩔ ᨧ ᨽᩥᨠ᩠ᨡᩪᨶᩴ ᩈᨾ᩠ᨾᩩᨲᩥ [ᩈᨾ᩠ᨾᨲᩥ (ᩈ᩠ᨿᩣ.)] ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᨠᩩᨭᩥᩅᨲ᩠ᨳᩩᩴ ᩒᩃᩮᩣᨠᩮᨲᩩᩴ, ᩈᩮᩣ ᨲᩩᨱ᩠ᩉᩔ; ᨿᩔ ᨶᨠ᩠ᨡᨾᨲᩥ, ᩈᩮᩣ ᨽᩣᩈᩮᨿ᩠ᨿ.

‘‘ᩈᨾ᩠ᨾᨲᩣ ᩈᨦ᩠ᨥᩮᨶ ᩍᨲ᩠ᨳᨶ᩠ᨶᩣᨾᩮᩣ ᨧ ᩍᨲ᩠ᨳᨶ᩠ᨶᩣᨾᩮᩣ ᨧ ᨽᩥᨠ᩠ᨡᩪ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᨠᩩᨭᩥᩅᨲ᩠ᨳᩩᩴ ᩒᩃᩮᩣᨠᩮᨲᩩᩴ. ᨡᨾᨲᩥ ᩈᨦ᩠ᨥᩔ, ᨲᩈ᩠ᨾᩣ ᨲᩩᨱ᩠ᩉᩦ, ᩑᩅᨾᩮᨲᩴ ᨵᩣᩁᨿᩣᨾᩦ’’ᨲᩥ.

᪓᪕᪑. ᨲᩮᩉᩥ ᩈᨾ᩠ᨾᨲᩮᩉᩥ ᨽᩥᨠ᩠ᨡᩪᩉᩥ ᨲᨲ᩠ᨳ ᨣᨶ᩠ᨲ᩠ᩅᩣ ᨠᩩᨭᩥᩅᨲ᩠ᨳᩩ ᩒᩃᩮᩣᨠᩮᨲᨻ᩠ᨻᩴ, ᩈᩣᩁᨾ᩠ᨽᩴ ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ ᩋᨸᩁᩥᨠ᩠ᨠᨾᨶᩴ ᨩᩣᨶᩥᨲᨻ᩠ᨻᩴ. ᩈᨧᩮ ᩈᩣᩁᨾ᩠ᨽᩴ ᩉᩮᩣᨲᩥ ¶ ᩋᨸᩁᩥᨠ᩠ᨠᨾᨶᩴ, ‘ᨾᩣ ᩍᨵ ᨠᩁᩦ’ᨲᩥ ᩅᨲ᩠ᨲᨻ᩠ᨻᩮᩣ. ᩈᨧᩮ ᩋᨶᩣᩁᨾ᩠ᨽᩴ ᩉᩮᩣᨲᩥ ᩈᨸᩁᩥᨠ᩠ᨠᨾᨶᩴ, ᩈᨦ᩠ᨥᩔ ᩌᩁᩮᩣᨧᩮᨲᨻ᩠ᨻᩴ – ‘ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶ’ᨶ᩠ᨲᩥ. ᨲᩮᨶ ᨠᩩᨭᩥᨠᩣᩁᨠᩮᨶ ᨽᩥᨠ᩠ᨡᩩᨶᩣ ᩈᨦ᩠ᨥᩴ ᩏᨸᩈᨦ᩠ᨠᨾᩥᨲ᩠ᩅᩣ ᩑᨠᩴᩈᩴ ᩏᨲ᩠ᨲᩁᩣᩈᨦ᩠ᨣᩴ ᨠᩁᩥᨲ᩠ᩅᩣ ᩅᩩᨯ᩠ᨰᩣᨶᩴ ᨽᩥᨠ᩠ᨡᩪᨶᩴ ᨸᩣᨴᩮ ᩅᨶ᩠ᨴᩥᨲ᩠ᩅᩣ ᩏᨠ᩠ᨠᩩᨭᩥᨠᩴ ᨶᩥᩈᩦᨴᩥᨲ᩠ᩅᩣ ᩋᨬ᩠ᨩᩃᩥᩴ ᨸᨣ᩠ᨣᩉᩮᨲ᩠ᩅᩣ ᩑᩅᨾᩔ ᩅᨧᨶᩦᨿᩮᩣ – ‘‘ᩋᩉᩴ, ᨽᨶ᩠ᨲᩮ, ᩈᨬ᩠ᨬᩣᨧᩥᨠᩣᨿ ᨠᩩᨭᩥᩴ ᨠᨲ᩠ᨲᩩᨠᩣᨾᩮᩣ ᩋᩔᩣᨾᩥᨠᩴ ᩋᨲ᩠ᨲᩩᨴ᩠ᨴᩮᩈᩴ ¶ . ᩈᩮᩣᩉᩴ, ᨽᨶ᩠ᨲᩮ, ᩈᨦ᩠ᨥᩴ ᨠᩩᨭᩥᩅᨲ᩠ᨳᩩᨴᩮᩈᨶᩴ ᨿᩣᨧᩣᨾᩦ’’ᨲᩥ. ᨴᩩᨲᩥᨿᨾ᩠ᨸᩥ ᨿᩣᨧᩥᨲᨻ᩠ᨻᩣ. ᨲᨲᩥᨿᨾ᩠ᨸᩥ ᨿᩣᨧᩥᨲᨻ᩠ᨻᩣ. ᨻ᩠ᨿᨲ᩠ᨲᩮᨶ ᨽᩥᨠ᩠ᨡᩩᨶᩣ ᨸᨭᩥᨻᩃᩮᨶ ᩈᨦ᩠ᨥᩮᩣ ᨬᩣᨸᩮᨲᨻ᩠ᨻᩮᩣ –

᪓᪕᪒. ‘‘ᩈᩩᨱᩣᨲᩩ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᩋᨿᩴ ᩍᨲ᩠ᨳᨶ᩠ᨶᩣᨾᩮᩣ ᨽᩥᨠ᩠ᨡᩩ ᩈᨬ᩠ᨬᩣᨧᩥᨠᩣᨿ ᨠᩩᨭᩥᩴ ᨠᨲ᩠ᨲᩩᨠᩣᨾᩮᩣ ᩋᩔᩣᨾᩥᨠᩴ ᩋᨲ᩠ᨲᩩᨴ᩠ᨴᩮᩈᩴ. ᩈᩮᩣ ᩈᨦ᩠ᨥᩴ ᨠᩩᨭᩥᩅᨲ᩠ᨳᩩᨴᩮᩈᨶᩴ ᨿᩣᨧᨲᩥ. ᨿᨴᩥ ᩈᨦ᩠ᨥᩔ ᨸᨲ᩠ᨲᨠᩃ᩠ᩃᩴ, ᩈᨦ᩠ᨥᩮᩣ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᨠᩩᨭᩥᩅᨲ᩠ᨳᩩᩴ ᨴᩮᩈᩮᨿ᩠ᨿ. ᩑᩈᩣ ᨬᨲ᩠ᨲᩥ.

‘‘ᩈᩩᨱᩣᨲᩩ ¶ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᩋᨿᩴ ᩍᨲ᩠ᨳᨶ᩠ᨶᩣᨾᩮᩣ ᨽᩥᨠ᩠ᨡᩩ ᩈᨬ᩠ᨬᩣᨧᩥᨠᩣᨿ ᨠᩩᨭᩥᩴ ᨠᨲ᩠ᨲᩩᨠᩣᨾᩮᩣ ᩋᩔᩣᨾᩥᨠᩴ ᩋᨲ᩠ᨲᩩᨴ᩠ᨴᩮᩈᩴ. ᩈᩮᩣ ᩈᨦ᩠ᨥᩴ ᨠᩩᨭᩥᩅᨲ᩠ᨳᩩᨴᩮᩈᨶᩴ ᨿᩣᨧᨲᩥ. ᩈᨦ᩠ᨥᩮᩣ ¶ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᨠᩩᨭᩥᩅᨲ᩠ᨳᩩᩴ ᨴᩮᩈᩮᨲᩥ. ᨿᩔᩣᨿᩈ᩠ᨾᨲᩮᩣ ᨡᨾᨲᩥ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᨠᩩᨭᩥᩅᨲ᩠ᨳᩩᩔ ᨴᩮᩈᨶᩣ, ᩈᩮᩣ ᨲᩩᨱ᩠ᩉᩔ; ᨿᩔ ᨶᨠ᩠ᨡᨾᨲᩥ, ᩈᩮᩣ ᨽᩣᩈᩮᨿ᩠ᨿ.

‘‘ᨴᩮᩈᩥᨲᩴ ᩈᨦ᩠ᨥᩮᨶ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᨠᩩᨭᩥᩅᨲ᩠ᨳᩩ. ᨡᨾᨲᩥ ᩈᨦ᩠ᨥᩔ, ᨲᩈ᩠ᨾᩣ ᨲᩩᨱ᩠ᩉᩦ, ᩑᩅᨾᩮᨲᩴ ᨵᩣᩁᨿᩣᨾᩦ’’ᨲᩥ.

᪓᪕᪓. ᩈᩣᩁᨾ᩠ᨽᩴ ᨶᩣᨾ ᨠᩥᨸᩥᩃ᩠ᩃᩥᨠᩣᨶᩴ ᩅᩣ ᩌᩈᨿᩮᩣ ᩉᩮᩣᨲᩥ, ᩏᨸᨧᩥᨠᩣᨶᩴ ᩅᩣ ᩌᩈᨿᩮᩣ ᩉᩮᩣᨲᩥ, ᩏᨶ᩠ᨴᩩᩁᩣᨶᩴ ᩅᩣ ᩌᩈᨿᩮᩣ ᩉᩮᩣᨲᩥ, ᩋᩉᩦᨶᩴ ᩅᩣ ᩌᩈᨿᩮᩣ ᩉᩮᩣᨲᩥ, ᩅᩥᨧ᩠ᨨᩥᨠᩣᨶᩴ ᩅᩣ ᩌᩈᨿᩮᩣ ᩉᩮᩣᨲᩥ, ᩈᨲᨸᨴᩦᨶᩴ ᩅᩣ ᩌᩈᨿᩮᩣ ᩉᩮᩣᨲᩥ, ᩉᨲ᩠ᨳᩦᨶᩴ ¶ ᩅᩣ ᩌᩈᨿᩮᩣ ᩉᩮᩣᨲᩥ, ᩋᩔᩣᨶᩴ ᩅᩣ ᩌᩈᨿᩮᩣ ᩉᩮᩣᨲᩥ, ᩈᩦᩉᩣᨶᩴ ᩅᩣ ᩌᩈᨿᩮᩣ ᩉᩮᩣᨲᩥ, ᨻ᩠ᨿᨣ᩠ᨥᩣᨶᩴ ᩅᩣ ᩌᩈᨿᩮᩣ ᩉᩮᩣᨲᩥ, ᨴᩦᨸᩦᨶᩴ ᩅᩣ ᩌᩈᨿᩮᩣ ᩉᩮᩣᨲᩥ, ᩋᨧ᩠ᨨᩣᨶᩴ ᩅᩣ ᩌᩈᨿᩮᩣ ᩉᩮᩣᨲᩥ, ᨲᩁᨧ᩠ᨨᩣᨶᩴ ᩅᩣ ᩌᩈᨿᩮᩣ ᩉᩮᩣᨲᩥ, ᨿᩮᩈᩴ ᨠᩮᩈᨬ᩠ᨧᩥ ᨲᩥᩁᨧ᩠ᨨᩣᨶᨣᨲᩣᨶᩴ ᨸᩣᨱᩣᨶᩴ ᩌᩈᨿᩮᩣ ᩉᩮᩣᨲᩥ, ᨸᩩᨻ᩠ᨻᨱ᩠ᨱᨶᩥᩔᩥᨲᩴ ᩅᩣ ᩉᩮᩣᨲᩥ, ᩋᨸᩁᨱ᩠ᨱᨶᩥᩔᩥᨲᩴ ᩅᩣ ᩉᩮᩣᨲᩥ, ᩋᨻ᩠ᨽᩣᨥᩣᨲᨶᩥᩔᩥᨲᩴ ᩅᩣ ᩉᩮᩣᨲᩥ, ᩌᨥᩣᨲᨶᨶᩥᩔᩥᨲᩴ ᩅᩣ ᩉᩮᩣᨲᩥ, ᩈᩩᩈᩣᨶᨶᩥᩔᩥᨲᩴ ᩅᩣ ᩉᩮᩣᨲᩥ, ᩏᨿ᩠ᨿᩣᨶᨶᩥᩔᩥᨲᩴ ᩅᩣ ᩉᩮᩣᨲᩥ, ᩁᩣᨩᩅᨲ᩠ᨳᩩᨶᩥᩔᩥᨲᩴ ᩅᩣ ᩉᩮᩣᨲᩥ, ᩉᨲ᩠ᨳᩥᩈᩣᩃᩣᨶᩥᩔᩥᨲᩴ ᩅᩣ ᩉᩮᩣᨲᩥ, ᩋᩔᩈᩣᩃᩣᨶᩥᩔᩥᨲᩴ ᩅᩣ ᩉᩮᩣᨲᩥ, ᨻᨶ᩠ᨵᨶᩣᨣᩣᩁᨶᩥᩔᩥᨲᩴ ᩅᩣ ᩉᩮᩣᨲᩥ, ᨸᩣᨶᩣᨣᩣᩁᨶᩥᩔᩥᨲᩴ ᩅᩣ ᩉᩮᩣᨲᩥ, ᩈᩪᨶᨶᩥᩔᩥᨲᩴ ᩅᩣ ᩉᩮᩣᨲᩥ, ᩁᨧ᩠ᨨᩣᨶᩥᩔᩥᨲᩴ ᩅᩣ ᩉᩮᩣᨲᩥ, ᨧᨧ᩠ᨧᩁᨶᩥᩔᩥᨲᩴ ᩅᩣ ᩉᩮᩣᨲᩥ, ᩈᨽᩣᨶᩥᩔᩥᨲᩴ ᩅᩣ ᩉᩮᩣᨲᩥ, ᩈᩴᩈᩁᨱᨶᩥᩔᩥᨲᩴ ᩅᩣ [ᩈᨬ᩠ᨧᩁᨱᨶᩥᩔᩥᨲᩴ ᩅᩣ (ᨠ.)] ᩉᩮᩣᨲᩥ. ᩑᨲᩴ ᩈᩣᩁᨾ᩠ᨽᩴ ᨶᩣᨾ.

ᩋᨸᩁᩥᨠ᩠ᨠᨾᨶᩴ ᨶᩣᨾ ᨶ ᩈᨠ᩠ᨠᩣ ᩉᩮᩣᨲᩥ ᨿᨳᩣᨿᩩᨲ᩠ᨲᩮᨶ ᩈᨠᨭᩮᨶ ᩋᨶᩩᨸᩁᩥᨣᨶ᩠ᨲᩩᩴ ᩈᨾᨶ᩠ᨲᩣ ᨶᩥᩔᩮᨱᩥᨿᩣ ᩋᨶᩩᨸᩁᩥᨣᨶ᩠ᨲᩩᩴ. ᩑᨲᩴ ᩋᨸᩁᩥᨠ᩠ᨠᨾᨶᩴ ᨶᩣᨾ.

ᩋᨶᩣᩁᨾ᩠ᨽᩴ ¶ ᨶᩣᨾ ᨶ ᨠᩥᨸᩥᩃ᩠ᩃᩥᨠᩣᨶᩴ ᩅᩣ ᩌᩈᨿᩮᩣ ᩉᩮᩣᨲᩥ, ᨶ ᩏᨸᨧᩥᨠᩣᨶᩴ ᩅᩣ ᩌᩈᨿᩮᩣ ᩉᩮᩣᨲᩥ, ᨶ ᩏᨶ᩠ᨴᩩᩁᩣᨶᩴ ᩅᩣ ᩌᩈᨿᩮᩣ ᩉᩮᩣᨲᩥ, ᨶ ᩋᩉᩦᨶᩴ ᩅᩣ ᩌᩈᨿᩮᩣ ᩉᩮᩣᨲᩥ, ᨶ ᩅᩥᨧ᩠ᨨᩥᨠᩣᨶᩴ ᩅᩣ ᩌᩈᨿᩮᩣ ᩉᩮᩣᨲᩥ, ᨶ ᩈᨲᨸᨴᩦᨶᩴ ᩅᩣ ᩌᩈᨿᩮᩣ ᩉᩮᩣᨲᩥ…ᨸᩮ… ᨶ ᩈᩴᩈᩁᨱᨶᩥᩔᩥᨲᩴ ᩅᩣ ᩉᩮᩣᨲᩥ. ᩑᨲᩴ ᩋᨶᩣᩁᨾ᩠ᨽᩴ ᨶᩣᨾ.

ᩈᨸᩁᩥᨠ᩠ᨠᨾᨶᩴ ¶ ᨶᩣᨾ ᩈᨠ᩠ᨠᩣ ᩉᩮᩣᨲᩥ ᨿᨳᩣᨿᩩᨲ᩠ᨲᩮᨶ ᩈᨠᨭᩮᨶ ᩋᨶᩩᨸᩁᩥᨣᨶ᩠ᨲᩩᩴ, ᩈᨾᨶ᩠ᨲᩣ ᨶᩥᩔᩮᨱᩥᨿᩣ ᩋᨶᩩᨸᩁᩥᨣᨶ᩠ᨲᩩᩴ. ᩑᨲᩴ ᩈᨸᩁᩥᨠ᩠ᨠᨾᨶᩴ ᨶᩣᨾ.

ᩈᨬ᩠ᨬᩣᨧᩥᨠᩣ ᨶᩣᨾ ᩈᨿᩴ ᨿᩣᨧᩥᨲ᩠ᩅᩣ ᨸᩩᩁᩥᩈᨾ᩠ᨸᩥ ᨸᩩᩁᩥᩈᨲ᩠ᨳᨠᩁᨾ᩠ᨸᩥ…ᨸᩮ… ᨾᨲ᩠ᨲᩥᨠᨾ᩠ᨸᩥ ¶ .

ᨠᩩᨭᩥ ᨶᩣᨾ ᩏᩃ᩠ᩃᩥᨲ᩠ᨲᩣ ᩅᩣ ᩉᩮᩣᨲᩥ ᩅᩣ ᩋᩅᩃᩥᨲ᩠ᨲᩣ ᩅᩣ ᩏᩃ᩠ᩃᩥᨲ᩠ᨲᩣᩅᩃᩥᨲ᩠ᨲᩣ ᩅᩣ.

ᨠᩣᩁᩮᨿ᩠ᨿᩣᨲᩥ ᨠᩁᩮᩣᨲᩥ ᩅᩣ ᨠᩣᩁᩣᨸᩮᨲᩥ ᩅᩣ.

ᨽᩥᨠ᩠ᨡᩪ ᩅᩣ ᩋᨶᨽᩥᨶᩮᨿ᩠ᨿ, ᩅᨲ᩠ᨳᩩᨴᩮᩈᨶᩣᨿ ᨸᨾᩣᨱᩴ ᩅᩣ ᩋᨲᩥᨠ᩠ᨠᩣᨾᩮᨿ᩠ᨿᩣᨲᩥ ᨬᨲ᩠ᨲᩥᨴᩩᨲᩥᨿᩮᨶ ᨠᨾ᩠ᨾᩮᨶ ᨠᩩᨭᩥᩅᨲ᩠ᨳᩩᩴ ᨶ ᨴᩮᩈᩣᨸᩮᨲ᩠ᩅᩣ, ᩌᨿᩣᨾᨲᩮᩣ ᩅᩣ ᩅᩥᨲ᩠ᨳᩣᩁᨲᩮᩣ ᩅᩣ ᩋᨶ᩠ᨲᨾᩈᩮᩣ ᨠᩮᩈᨣ᩠ᨣᨾᨲ᩠ᨲᨾ᩠ᨸᩥ ᩋᨲᩥᨠ᩠ᨠᩣᨾᩮᨲ᩠ᩅᩣ ᨠᩁᩮᩣᨲᩥ ᩅᩣ ᨠᩣᩁᩣᨸᩮᨲᩥ ᩅᩣ, ᨸᨿᩮᩣᨣᩮ ᨸᨿᩮᩣᨣᩮ ᨴᩩᨠ᩠ᨠᨭᩴ. ᩑᨠᩴ ᨸᩥᨱ᩠ᨯᩴ ᩋᨶᩣᨣᨲᩮ ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ. ᨲᩈ᩠ᨾᩥᩴ ᨸᩥᨱ᩠ᨯᩮ ᩌᨣᨲᩮ ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩈᨦ᩠ᨥᩣᨴᩥᩈᩮᩈᩮᩣᨲᩥ…ᨸᩮ… ᨲᩮᨶᨸᩥ ᩅᩩᨧ᩠ᨧᨲᩥ ᩈᨦ᩠ᨥᩣᨴᩥᩈᩮᩈᩮᩣᨲᩥ.

᪓᪕᪔. ᨽᩥᨠ᩠ᨡᩩ ¶ ᨠᩩᨭᩥᩴ ᨠᩁᩮᩣᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ. ᨽᩥᨠ᩠ᨡᩩ ᨠᩩᨭᩥᩴ ᨠᩁᩮᩣᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ. ᨽᩥᨠ᩠ᨡᩩ ᨠᩩᨭᩥᩴ ᨠᩁᩮᩣᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ. ᨽᩥᨠ᩠ᨡᩩ ᨠᩩᨭᩥᩴ ᨠᩁᩮᩣᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

᪓᪕᪕. ᨽᩥᨠ᩠ᨡᩩ ᨠᩩᨭᩥᩴ ᨠᩁᩮᩣᨲᩥ ᨴᩮᩈᩥᨲᩅᨲ᩠ᨳᩩᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ. ᨽᩥᨠ᩠ᨡᩩ ᨠᩩᨭᩥᩴ ᨠᩁᩮᩣᨲᩥ ᨴᩮᩈᩥᨲᩅᨲ᩠ᨳᩩᨠᩴ ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨽᩥᨠ᩠ᨡᩩ ¶ ᨠᩩᨭᩥᩴ ᨠᩁᩮᩣᨲᩥ ᨴᩮᩈᩥᨲᩅᨲ᩠ᨳᩩᨠᩴ ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨽᩥᨠ᩠ᨡᩩ ᨠᩩᨭᩥᩴ ᨠᩁᩮᩣᨲᩥ ᨴᩮᩈᩥᨲᩅᨲ᩠ᨳᩩᨠᩴ ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩋᨶᩣᨸᨲ᩠ᨲᩥ.

ᨽᩥᨠ᩠ᨡᩩ ¶ ᨠᩩᨭᩥᩴ ᨠᩁᩮᩣᨲᩥ ᨸᨾᩣᨱᩣᨲᩥᨠ᩠ᨠᨶ᩠ᨲᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ. ᨽᩥᨠ᩠ᨡᩩ ᨠᩩᨭᩥᩴ ᨠᩁᩮᩣᨲᩥ ᨸᨾᩣᨱᩣᨲᩥᨠ᩠ᨠᨶ᩠ᨲᩴ ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ. ᨽᩥᨠ᩠ᨡᩩ ᨠᩩᨭᩥᩴ ᨠᩁᩮᩣᨲᩥ ᨸᨾᩣᨱᩣᨲᩥᨠ᩠ᨠᨶ᩠ᨲᩴ ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ. ᨽᩥᨠ᩠ᨡᩩ ᨠᩩᨭᩥᩴ ᨠᩁᩮᩣᨲᩥ ᨸᨾᩣᨱᩣᨲᩥᨠ᩠ᨠᨶ᩠ᨲᩴ ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨽᩥᨠ᩠ᨡᩩ ¶ ᨠᩩᨭᩥᩴ ᨠᩁᩮᩣᨲᩥ ᨸᨾᩣᨱᩥᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ. ᨽᩥᨠ᩠ᨡᩩ ᨠᩩᨭᩥᩴ ᨠᩁᩮᩣᨲᩥ ᨸᨾᩣᨱᩥᨠᩴ ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨽᩥᨠ᩠ᨡᩩ ᨠᩩᨭᩥᩴ ᨠᩁᩮᩣᨲᩥ ᨸᨾᩣᨱᩥᨠᩴ ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨽᩥᨠ᩠ᨡᩩ ᨠᩩᨭᩥᩴ ᨠᩁᩮᩣᨲᩥ ᨸᨾᩣᨱᩥᨠᩴ ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩋᨶᩣᨸᨲ᩠ᨲᩥ.

ᨽᩥᨠ᩠ᨡᩩ ᨠᩩᨭᩥᩴ ᨠᩁᩮᩣᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᨸᨾᩣᨱᩣᨲᩥᨠ᩠ᨠᨶ᩠ᨲᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᩈᨦ᩠ᨥᩣᨴᩥᩈᩮᩈᩮᨶ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ. ᨽᩥᨠ᩠ᨡᩩ ᨠᩩᨭᩥᩴ ᨠᩁᩮᩣᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᨸᨾᩣᨱᩣᨲᩥᨠ᩠ᨠᨶ᩠ᨲᩴ ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ. ᨽᩥᨠ᩠ᨡᩩ ᨠᩩᨭᩥᩴ ᨠᩁᩮᩣᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᨸᨾᩣᨱᩣᨲᩥᨠ᩠ᨠᨶ᩠ᨲᩴ ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ. ᨽᩥᨠ᩠ᨡᩩ ᨠᩩᨭᩥᩴ ᨠᩁᩮᩣᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᨸᨾᩣᨱᩣᨲᩥᨠ᩠ᨠᨶ᩠ᨲᩴ ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᩈᨦ᩠ᨥᩣᨴᩥᩈᩮᩈᩣᨶᩴ.

ᨽᩥᨠ᩠ᨡᩩ ¶ ¶ ᨠᩩᨭᩥᩴ ᨠᩁᩮᩣᨲᩥ ᨴᩮᩈᩥᨲᩅᨲ᩠ᨳᩩᨠᩴ ᨸᨾᩣᨱᩥᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ. ᨽᩥᨠ᩠ᨡᩩ ᨠᩩᨭᩥᩴ ᨠᩁᩮᩣᨲᩥ ᨴᩮᩈᩥᨲᩅᨲ᩠ᨳᩩᨠᩴ ᨸᨾᩣᨱᩥᨠᩴ ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨽᩥᨠ᩠ᨡᩩ ᨠᩩᨭᩥᩴ ᨠᩁᩮᩣᨲᩥ ᨴᩮᩈᩥᨲᩅᨲ᩠ᨳᩩᨠᩴ ᨸᨾᩣᨱᩥᨠᩴ ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨽᩥᨠ᩠ᨡᩩ ᨠᩩᨭᩥᩴ ᨠᩁᩮᩣᨲᩥ ᨴᩮᩈᩥᨲᩅᨲ᩠ᨳᩩᨠᩴ ᨸᨾᩣᨱᩥᨠᩴ ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩋᨶᩣᨸᨲ᩠ᨲᩥ.

᪓᪕᪖. ᨽᩥᨠ᩠ᨡᩩ ᩈᨾᩣᨴᩥᩈᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ ¶ , ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨽᩥᨠ᩠ᨡᩩ ᩈᨾᩣᨴᩥᩈᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᨴᩮᩈᩥᨲᩅᨲ᩠ᨳᩩᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩋᨶᩣᨸᨲ᩠ᨲᩥ.

ᨽᩥᨠ᩠ᨡᩩ ᩈᨾᩣᨴᩥᩈᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᨸᨾᩣᨱᩣᨲᩥᨠ᩠ᨠᨶ᩠ᨲᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ¶ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨽᩥᨠ᩠ᨡᩩ ¶ ᩈᨾᩣᨴᩥᩈᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᨸᨾᩣᨱᩥᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩋᨶᩣᨸᨲ᩠ᨲᩥ.

ᨽᩥᨠ᩠ᨡᩩ ᩈᨾᩣᨴᩥᩈᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᨸᨾᩣᨱᩣᨲᩥᨠ᩠ᨠᨶ᩠ᨲᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᩈᨦ᩠ᨥᩣᨴᩥᩈᩮᩈᩮᨶ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᩈᨦ᩠ᨥᩣᨴᩥᩈᩮᩈᩣᨶᩴ.

ᨽᩥᨠ᩠ᨡᩩ ᩈᨾᩣᨴᩥᩈᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᨴᩮᩈᩥᨲᩅᨲ᩠ᨳᩩᨠᩴ ᨸᨾᩣᨱᩥᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩋᨶᩣᨸᨲ᩠ᨲᩥ.

᪓᪕᪗. ᨽᩥᨠ᩠ᨡᩩ ¶ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᨶ ᨧ ᩈᨾᩣᨴᩥᩈᨲᩥ – ‘‘ᨴᩮᩈᩥᨲᩅᨲ᩠ᨳᩩᨠᩣ ᨧ ᩉᩮᩣᨲᩩ ᩋᨶᩣᩁᨾ᩠ᨽᩣ ᨧ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ¶ ᩈᨦ᩠ᨥᩣᨴᩥᩈᩮᩈᩔ.

ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᨶ ᨧ ᩈᨾᩣᨴᩥᩈᨲᩥ – ‘‘ᨴᩮᩈᩥᨲᩅᨲ᩠ᨳᩩᨠᩣ ᨧ ᩉᩮᩣᨲᩩ ᩋᨶᩣᩁᨾ᩠ᨽᩣ ᨧ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᨴᩮᩈᩥᨲᩅᨲ᩠ᨳᩩᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩋᨶᩣᨸᨲ᩠ᨲᩥ.

ᨽᩥᨠ᩠ᨡᩩ ¶ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᨶ ᨧ ᩈᨾᩣᨴᩥᩈᨲᩥ – ‘‘ᨸᨾᩣᨱᩥᨠᩣ ᨧ ᩉᩮᩣᨲᩩ ᩋᨶᩣᩁᨾ᩠ᨽᩣ ᨧ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᨸᨾᩣᨱᩣᨲᩥᨠ᩠ᨠᨶ᩠ᨲᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᨶ ᨧ ᩈᨾᩣᨴᩥᩈᨲᩥ – ‘‘ᨸᨾᩣᨱᩥᨠᩣ ᨧ ᩉᩮᩣᨲᩩ ᩋᨶᩣᩁᨾ᩠ᨽᩣ ᨧ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᨸᨾᩣᨱᩥᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩋᨶᩣᨸᨲ᩠ᨲᩥ.

ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᨶ ᨧ ᩈᨾᩣᨴᩥᩈᨲᩥ – ‘‘ᨴᩮᩈᩥᨲᩅᨲ᩠ᨳᩩᨠᩣ ᨧ ᩉᩮᩣᨲᩩ ᨸᨾᩣᨱᩥᨠᩣ ᨧ ᩋᨶᩣᩁᨾ᩠ᨽᩣ ᨧ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᨸᨾᩣᨱᩣᨲᩥᨠ᩠ᨠᨶ᩠ᨲᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ ¶ , ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᩈᨦ᩠ᨥᩣᨴᩥᩈᩮᩈᩮᨶ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ ¶ …ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᩈᨦ᩠ᨥᩣᨴᩥᩈᩮᩈᩣᨶᩴ.

ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᨶ ᨧ ᩈᨾᩣᨴᩥᩈᨲᩥ – ‘‘ᨴᩮᩈᩥᨲᩅᨲ᩠ᨳᩩᨠᩣ ᨧ ᩉᩮᩣᨲᩩ ᨸᨾᩣᨱᩥᨠᩣ ᨧ ᩋᨶᩣᩁᨾ᩠ᨽᩣ ᨧ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᨴᩮᩈᩥᨲᩅᨲ᩠ᨳᩩᨠᩴ ᨸᨾᩣᨱᩥᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩋᨶᩣᨸᨲ᩠ᨲᩥ.

᪓᪕᪘. ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᩈᨾᩣᨴᩥᩈᨲᩥ ᨧ – ‘‘ᨴᩮᩈᩥᨲᩅᨲ᩠ᨳᩩᨠᩣ ᨧ ᩉᩮᩣᨲᩩ ᩋᨶᩣᩁᨾ᩠ᨽᩣ ᨧ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ. ᩈᩮᩣ ᩈᩩᨱᩣᨲᩥ – ‘‘ᨠᩩᨭᩥ ᨠᩥᩁ ᨾᩮ ᨠᨿᩥᩁᨲᩥ ᩋᨴᩮᩈᩥᨲᩅᨲ᩠ᨳᩩᨠᩣ ᩈᩣᩁᨾ᩠ᨽᩣ ᩋᨸᩁᩥᨠ᩠ᨠᨾᨶᩣ’’ᨲᩥ. ᨲᩮᨶ ᨽᩥᨠ᩠ᨡᩩᨶᩣ ᩈᩣᨾᩴ ᩅᩣ ᨣᨶ᩠ᨲᨻ᩠ᨻᩴ ᨴᩪᨲᩮᩣ ᩅᩣ ᨸᩣᩉᩮᨲᨻ᩠ᨻᩮᩣ – ‘‘ᨴᩮᩈᩥᨲᩅᨲ᩠ᨳᩩᨠᩣ ᨧ ᩉᩮᩣᨲᩩ ¶ ᩋᨶᩣᩁᨾ᩠ᨽᩣ ᨧ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ. ᨶᩮᩣ ᨧᩮ ᩈᩣᨾᩴ ᩅᩣ ᨣᨧ᩠ᨨᩮᨿ᩠ᨿ ᨴᩪᨲᩴ ᩅᩣ ᨸᩉᩥᨱᩮᨿ᩠ᨿ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᨽᩥᨠ᩠ᨡᩩ ¶ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᩈᨾᩣᨴᩥᩈᨲᩥ ᨧ – ‘‘ᨴᩮᩈᩥᨲᩅᨲ᩠ᨳᩩᨠᩣ ᨧ ᩉᩮᩣᨲᩩ ᩋᨶᩣᩁᨾ᩠ᨽᩣ ᨧ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ. ᩈᩮᩣ ᩈᩩᨱᩣᨲᩥ – ‘‘ᨠᩩᨭᩥ ¶ ᨠᩥᩁ ᨾᩮ ᨠᨿᩥᩁᨲᩥ ᩋᨴᩮᩈᩥᨲᩅᨲ᩠ᨳᩩᨠᩣ ᩈᩣᩁᨾ᩠ᨽᩣ ᩈᨸᩁᩥᨠ᩠ᨠᨾᨶᩣ’’ᨲᩥ. ᨲᩮᨶ ᨽᩥᨠ᩠ᨡᩩᨶᩣ ᩈᩣᨾᩴ ᩅᩣ ᨣᨶ᩠ᨲᨻ᩠ᨻᩴ ᨴᩪᨲᩮᩣ ᩅᩣ ᨸᩣᩉᩮᨲᨻ᩠ᨻᩮᩣ – ‘‘ᨴᩮᩈᩥᨲᩅᨲ᩠ᨳᩩᨠᩣ ᨧ ᩉᩮᩣᨲᩩ ᩋᨶᩣᩁᨾ᩠ᨽᩣ ᨧᩣ’’ᨲᩥ. ᨶᩮᩣ ᨧᩮ ᩈᩣᨾᩴ ᩅᩣ ᨣᨧ᩠ᨨᩮᨿ᩠ᨿ ᨴᩪᨲᩴ ᩅᩣ ᨸᩉᩥᨱᩮᨿ᩠ᨿ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᩈᨾᩣᨴᩥᩈᨲᩥ ᨧ – ‘‘ᨴᩮᩈᩥᨲᩅᨲ᩠ᨳᩩᨠᩣ ᨧ ᩉᩮᩣᨲᩩ ᩋᨶᩣᩁᨾ᩠ᨽᩣ ᨧ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ. ᩈᩮᩣ ᩈᩩᨱᩣᨲᩥ – ‘‘ᨠᩩᨭᩥ ᨠᩥᩁ ᨾᩮ ᨠᨿᩥᩁᨲᩥ ᩋᨴᩮᩈᩥᨲᩅᨲ᩠ᨳᩩᨠᩣ ᩋᨶᩣᩁᨾ᩠ᨽᩣ ᩋᨸᩁᩥᨠ᩠ᨠᨾᨶᩣ’’ᨲᩥ. ᨲᩮᨶ ᨽᩥᨠ᩠ᨡᩩᨶᩣ ᩈᩣᨾᩴ ᩅᩣ ᨣᨶ᩠ᨲᨻ᩠ᨻᩴ ᨴᩪᨲᩮᩣ ᩅᩣ ᨸᩣᩉᩮᨲᨻ᩠ᨻᩮᩣ – ‘‘ᨴᩮᩈᩥᨲᩅᨲ᩠ᨳᩩᨠᩣ ᨧ ᩉᩮᩣᨲᩩ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ. ᨶᩮᩣ ᨧᩮ ᩈᩣᨾᩴ ᩅᩣ ᨣᨧ᩠ᨨᩮᨿ᩠ᨿ ᨴᩪᨲᩴ ᩅᩣ ᨸᩉᩥᨱᩮᨿ᩠ᨿ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᨽᩥᨠ᩠ᨡᩩ ¶ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᩈᨾᩣᨴᩥᩈᨲᩥ ᨧ – ‘‘ᨴᩮᩈᩥᨲᩅᨲ᩠ᨳᩩᨠᩣ ᨧ ᩉᩮᩣᨲᩩ ᩋᨶᩣᩁᨾ᩠ᨽᩣ ᨧ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ. ᩈᩮᩣ ᩈᩩᨱᩣᨲᩥ – ‘‘ᨠᩩᨭᩥ ᨠᩥᩁ ᨾᩮ ᨠᨿᩥᩁᨲᩥ ᩋᨴᩮᩈᩥᨲᩅᨲ᩠ᨳᩩᨠᩣ ᩋᨶᩣᩁᨾ᩠ᨽᩣ ᩈᨸᩁᩥᨠ᩠ᨠᨾᨶᩣ’’ᨲᩥ. ᨲᩮᨶ ᨽᩥᨠ᩠ᨡᩩᨶᩣ ᩈᩣᨾᩴ ᩅᩣ ᨣᨶ᩠ᨲᨻ᩠ᨻᩴ ᨴᩪᨲᩮᩣ ᩅᩣ ᨸᩣᩉᩮᨲᨻ᩠ᨻᩮᩣ – ‘‘ᨴᩮᩈᩥᨲᩅᨲ᩠ᨳᩩᨠᩣ ᩉᩮᩣᨲᩪ’’ᨲᩥ. ᨶᩮᩣ ᨧᩮ ᩈᩣᨾᩴ ᩅᩣ ᨣᨧ᩠ᨨᩮᨿ᩠ᨿ ᨴᩪᨲᩴ ᩅᩣ ᨸᩉᩥᨱᩮᨿ᩠ᨿ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᩈᨾᩣᨴᩥᩈᨲᩥ ᨧ – ‘‘ᨴᩮᩈᩥᨲᩅᨲ᩠ᨳᩩᨠᩣ ᨧ ᩉᩮᩣᨲᩩ ᩋᨶᩣᩁᨾ᩠ᨽᩣ ᨧ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᨴᩮᩈᩥᨲᩅᨲ᩠ᨳᩩᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ. ᩈᩮᩣ ᩈᩩᨱᩣᨲᩥ – ‘‘ᨠᩩᨭᩥ ᨠᩥᩁ ᨾᩮ ᨠᨿᩥᩁᨲᩥ ᨴᩮᩈᩥᨲᩅᨲ᩠ᨳᩩᨠᩣ ¶ ᩈᩣᩁᨾ᩠ᨽᩣ ᩋᨸᩁᩥᨠ᩠ᨠᨾᨶᩣ’’ᨲᩥ. ᨲᩮᨶ ᨽᩥᨠ᩠ᨡᩩᨶᩣ ᩈᩣᨾᩴ ᩅᩣ ᨣᨶ᩠ᨲᨻ᩠ᨻᩴ ᨴᩪᨲᩮᩣ ᩅᩣ ᨸᩣᩉᩮᨲᨻ᩠ᨻᩮᩣ – ‘‘ᩋᨶᩣᩁᨾ᩠ᨽᩣ ᨧ ᩉᩮᩣᨲᩩ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ. ᨶᩮᩣ ᨧᩮ ᩈᩣᨾᩴ ᩅᩣ ᨣᨧ᩠ᨨᩮᨿ᩠ᨿ ᨴᩪᨲᩴ ᩅᩣ ᨸᩉᩥᨱᩮᨿ᩠ᨿ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᩈᨾᩣᨴᩥᩈᨲᩥ ᨧ – ‘‘ᨴᩮᩈᩥᨲᩅᨲ᩠ᨳᩩᨠᩣ ᨧ ᩉᩮᩣᨲᩩ ᩋᨶᩣᩁᨾ᩠ᨽᩣ ᨧ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᨴᩮᩈᩥᨲᩅᨲ᩠ᨳᩩᨠᩴ ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ. ᩈᩮᩣ ᩈᩩᨱᩣᨲᩥ – ‘‘ᨠᩩᨭᩥ ¶ ᨠᩥᩁ ᨾᩮ ᨠᨿᩥᩁᨲᩥ ᨴᩮᩈᩥᨲᩅᨲ᩠ᨳᩩᨠᩣ ᩈᩣᩁᨾ᩠ᨽᩣ ᩈᨸᩁᩥᨠ᩠ᨠᨾᨶᩣ’’ᨲᩥ. ᨲᩮᨶ ᨽᩥᨠ᩠ᨡᩩᨶᩣ ᩈᩣᨾᩴ ᩅᩣ ᨣᨶ᩠ᨲᨻ᩠ᨻᩴ ᨴᩪᨲᩮᩣ ᩅᩣ ᨸᩣᩉᩮᨲᨻ᩠ᨻᩮᩣ – ‘‘ᩋᨶᩣᩁᨾ᩠ᨽᩣ ᩉᩮᩣᨲᩪ’’ᨲᩥ. ᨶᩮᩣ ᨧᩮ ᩈᩣᨾᩴ ᩅᩣ ᨣᨧ᩠ᨨᩮᨿ᩠ᨿ ᨴᩪᨲᩴ ᩅᩣ ᨸᩉᩥᨱᩮᨿ᩠ᨿ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᩈᨾᩣᨴᩥᩈᨲᩥ ᨧ – ‘‘ᨴᩮᩈᩥᨲᩅᨲ᩠ᨳᩩᨠᩣ ᨧ ᩉᩮᩣᨲᩩ ᩋᨶᩣᩁᨾ᩠ᨽᩣ ᨧ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᨴᩮᩈᩥᨲᩅᨲ᩠ᨳᩩᨠᩴ ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ. ᩈᩮᩣ ᩈᩩᨱᩣᨲᩥ – ‘‘ᨠᩩᨭᩥ ᨠᩥᩁ ᨾᩮ ᨠᨿᩥᩁᨲᩥ ᨴᩮᩈᩥᨲᩅᨲ᩠ᨳᩩᨠᩣ ᩋᨶᩣᩁᨾ᩠ᨽᩣ ᩋᨸᩁᩥᨠ᩠ᨠᨾᨶᩣ’’ᨲᩥ. ᨲᩮᨶ ᨽᩥᨠ᩠ᨡᩩᨶᩣ ᩈᩣᨾᩴ ᩅᩣ ᨣᨶ᩠ᨲᨻ᩠ᨻᩴ ᨴᩪᨲᩮᩣ ᩅᩣ ᨸᩣᩉᩮᨲᨻ᩠ᨻᩮᩣ – ‘‘ᩈᨸᩁᩥᨠ᩠ᨠᨾᨶᩣ ᩉᩮᩣᨲᩪ’’ᨲᩥ. ᨶᩮᩣ ᨧᩮ ᩈᩣᨾᩴ ᩅᩣ ᨣᨧ᩠ᨨᩮᨿ᩠ᨿ ᨴᩪᨲᩴ ᩅᩣ ᨸᩉᩥᨱᩮᨿ᩠ᨿ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᩈᨾᩣᨴᩥᩈᨲᩥ ᨧ – ‘‘ᨴᩮᩈᩥᨲᩅᨲ᩠ᨳᩩᨠᩣ ¶ ᨧ ᩉᩮᩣᨲᩩ ᩋᨶᩣᩁᨾ᩠ᨽᩣ ᨧ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᨴᩮᩈᩥᨲᩅᨲ᩠ᨳᩩᨠᩴ ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩋᨶᩣᨸᨲ᩠ᨲᩥ.

᪓᪕᪙. ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᩈᨾᩣᨴᩥᩈᨲᩥ ᨧ ¶ – ‘‘ᨸᨾᩣᨱᩥᨠᩣ ᨧ ᩉᩮᩣᨲᩩ ᩋᨶᩣᩁᨾ᩠ᨽᩣ ᨧ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᨸᨾᩣᨱᩣᨲᩥᨠ᩠ᨠᨶ᩠ᨲᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ. ᩈᩮᩣ ᩈᩩᨱᩣᨲᩥ – ‘‘ᨠᩩᨭᩥ ᨠᩥᩁ ᨾᩮ ᨠᨿᩥᩁᨲᩥ ᨸᨾᩣᨱᩣᨲᩥᨠ᩠ᨠᨶ᩠ᨲᩣ ᩈᩣᩁᨾ᩠ᨽᩣ ᩋᨸᩁᩥᨠ᩠ᨠᨾᨶᩣ’’ᨲᩥ. ᨲᩮᨶ ᨽᩥᨠ᩠ᨡᩩᨶᩣ ᩈᩣᨾᩴ ᩅᩣ ᨣᨶ᩠ᨲᨻ᩠ᨻᩴ ᨴᩪᨲᩮᩣ ᩅᩣ ᨸᩣᩉᩮᨲᨻ᩠ᨻᩮᩣ – ‘‘ᨸᨾᩣᨱᩥᨠᩣ ᨧ ᩉᩮᩣᨲᩩ ᩋᨶᩣᩁᨾ᩠ᨽᩣ ᨧ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ…ᨸᩮ… ‘‘ᨸᨾᩣᨱᩥᨠᩣ ᨧ ᩉᩮᩣᨲᩩ ᩋᨶᩣᩁᨾ᩠ᨽᩣ ᨧᩣ’’ᨲᩥ…ᨸᩮ… ‘‘ᨸᨾᩣᨱᩥᨠᩣ ᨧ ᩉᩮᩣᨲᩩ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ…ᨸᩮ… ‘‘ᨸᨾᩣᨱᩥᨠᩣ ᩉᩮᩣᨲᩪ’’ᨲᩥ. ᨶᩮᩣ ᨧᩮ ᩈᩣᨾᩴ ᩅᩣ ᨣᨧ᩠ᨨᩮᨿ᩠ᨿ ᨴᩪᨲᩴ ᩅᩣ ᨸᩉᩥᨱᩮᨿ᩠ᨿ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᩈᨾᩣᨴᩥᩈᨲᩥ ᨧ – ‘‘ᨸᨾᩣᨱᩥᨠᩣ ᨧ ᩉᩮᩣᨲᩩ ᩋᨶᩣᩁᨾ᩠ᨽᩣ ᨧ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᨸᨾᩣᨱᩥᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ. ᩈᩮᩣ ᩈᩩᨱᩣᨲᩥ – ‘‘ᨠᩩᨭᩥ ᨠᩥᩁ ᨾᩮ ᨠᨿᩥᩁᨲᩥ ᨸᨾᩣᨱᩥᨠᩣ ᩈᩣᩁᨾ᩠ᨽᩣ ᩋᨸᩁᩥᨠ᩠ᨠᨾᨶᩣ’’ᨲᩥ. ᨲᩮᨶ ᨽᩥᨠ᩠ᨡᩩᨶᩣ ᩈᩣᨾᩴ ᩅᩣ ᨣᨶ᩠ᨲᨻ᩠ᨻᩴ ᨴᩪᨲᩮᩣ ᩅᩣ ᨸᩣᩉᩮᨲᨻ᩠ᨻᩮᩣ – ‘‘ᩋᨶᩣᩁᨾ᩠ᨽᩣ ᨧ ᩉᩮᩣᨲᩩ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ…ᨸᩮ… ‘‘ᩋᨶᩣᩁᨾ᩠ᨽᩣ ᩉᩮᩣᨲᩪ’’ᨲᩥ…ᨸᩮ… ‘‘ᩈᨸᩁᩥᨠ᩠ᨠᨾᨶᩣ ᩉᩮᩣᨲᩪ’’ᨲᩥ…ᨸᩮ… ᩋᨶᩣᨸᨲ᩠ᨲᩥ.

᪓᪖᪐. ᨽᩥᨠ᩠ᨡᩩ ¶ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᩈᨾᩣᨴᩥᩈᨲᩥ ᨧ – ‘‘ᨴᩮᩈᩥᨲᩅᨲ᩠ᨳᩩᨠᩣ ᨧ ᩉᩮᩣᨲᩩ ᨸᨾᩣᨱᩥᨠᩣ ᨧ ᩋᨶᩣᩁᨾ᩠ᨽᩣ ᨧ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᨸᨾᩣᨱᩣᨲᩥᨠ᩠ᨠᨶ᩠ᨲᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ. ᩈᩮᩣ ᩈᩩᨱᩣᨲᩥ – ‘‘ᨠᩩᨭᩥ ᨠᩥᩁ ᨾᩮ ᨠᨿᩥᩁᨲᩥ ᩋᨴᩮᩈᩥᨲᩅᨲ᩠ᨳᩩᨠᩣ ᨸᨾᩣᨱᩣᨲᩥᨠ᩠ᨠᨶ᩠ᨲᩣ ᩈᩣᩁᨾ᩠ᨽᩣ ᩋᨸᩁᩥᨠ᩠ᨠᨾᨶᩣ’’ᨲᩥ. ᨲᩮᨶ ᨽᩥᨠ᩠ᨡᩩᨶᩣ ᩈᩣᨾᩴ ᩅᩣ ᨣᨶ᩠ᨲᨻ᩠ᨻᩴ ᨴᩪᨲᩮᩣ ᩅᩣ ᨸᩣᩉᩮᨲᨻ᩠ᨻᩮᩣ – ‘‘ᨴᩮᩈᩥᨲᩅᨲ᩠ᨳᩩᨠᩣ ᨧ ᩉᩮᩣᨲᩩ ᨸᨾᩣᨱᩥᨠᩣ ᨧ ᩋᨶᩣᩁᨾ᩠ᨽᩣ ᨧ ¶ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ…ᨸᩮ… ‘‘ᨴᩮᩈᩥᨲᩅᨲ᩠ᨳᩩᨠᩣ ᨧ ᩉᩮᩣᨲᩩ ᨸᨾᩣᨱᩥᨠᩣ ᨧ ᩋᨶᩣᩁᨾ᩠ᨽᩣ ᨧᩣ’’ᨲᩥ…ᨸᩮ… ‘‘ᨴᩮᩈᩥᨲᩅᨲ᩠ᨳᩩᨠᩣ ᨧ ᩉᩮᩣᨲᩩ ᨸᨾᩣᨱᩥᨠᩣ ᨧ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ…ᨸᩮ… ‘‘ᨴᩮᩈᩥᨲᩅᨲ᩠ᨳᩩᨠᩣ ᨧ ᩉᩮᩣᨲᩩ ᨸᨾᩣᨱᩥᨠᩣ ᨧᩣ’’ᨲᩥ. ᨶᩮᩣ ᨧᩮ ᩈᩣᨾᩴ ᩅᩣ ᨣᨧ᩠ᨨᩮᨿ᩠ᨿ ᨴᩪᨲᩴ ᩅᩣ ᨸᩉᩥᨱᩮᨿ᩠ᨿ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᩈᨾᩣᨴᩥᩈᨲᩥ ᨧ – ‘‘ᨴᩮᩈᩥᨲᩅᨲ᩠ᨳᩩᨠᩣ ¶ ᨧ ᩉᩮᩣᨲᩩ ᨸᨾᩣᨱᩥᨠᩣ ᨧ ᩋᨶᩣᩁᨾ᩠ᨽᩣ ᨧ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᨴᩮᩈᩥᨲᩅᨲ᩠ᨳᩩᨠᩴ ᨸᨾᩣᨱᩥᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ. ᩈᩮᩣ ᩈᩩᨱᩣᨲᩥ – ‘‘ᨠᩩᨭᩥ ᨠᩥᩁ ᨾᩮ ᨠᨿᩥᩁᨲᩥ ᨴᩮᩈᩥᨲᩅᨲ᩠ᨳᩩᨠᩣ ᨸᨾᩣᨱᩥᨠᩣ ᩈᩣᩁᨾ᩠ᨽᩣ ᩋᨸᩁᩥᨠ᩠ᨠᨾᨶᩣ’’ᨲᩥ. ᨲᩮᨶ ᨽᩥᨠ᩠ᨡᩩᨶᩣ ᩈᩣᨾᩴ ᩅᩣ ᨣᨶ᩠ᨲᨻ᩠ᨻᩴ ᨴᩪᨲᩮᩣ ᩅᩣ ᨸᩣᩉᩮᨲᨻ᩠ᨻᩮᩣ – ‘‘ᩋᨶᩣᩁᨾ᩠ᨽᩣ ᨧ ᩉᩮᩣᨲᩩ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ…ᨸᩮ… ‘‘ᩋᨶᩣᩁᨾ᩠ᨽᩣ ᩉᩮᩣᨲᩪ’’ᨲᩥ…ᨸᩮ… ‘‘ᩈᨸᩁᩥᨠ᩠ᨠᨾᨶᩣ ᩉᩮᩣᨲᩪ’’ᨲᩥ…ᨸᩮ… ᩋᨶᩣᨸᨲ᩠ᨲᩥ.

ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᩈᨾᩣᨴᩥᩈᨲᩥ ᨧ – ‘‘ᨴᩮᩈᩥᨲᩅᨲ᩠ᨳᩩᨠᩣ ᨧ ᩉᩮᩣᨲᩩ ᩋᨶᩣᩁᨾ᩠ᨽᩣ ᨧ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨠᩣᩁᩩᨠᩣᨶᩴ ᨲᩥᨱ᩠ᨱᩴ ᨴᩩᨠ᩠ᨠᨭᩣᨶᩴ…ᨸᩮ… ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨠᩣᩁᩩᨠᩣᨶᩴ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨠᩣᩁᩩᨠᩣᨶᩴ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨠᩣᩁᩩᨠᩣᨶᩴ ᨴᩩᨠ᩠ᨠᨭᩔ.

ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᩈᨾᩣᨴᩥᩈᨲᩥ ᨧ – ‘‘ᨴᩮᩈᩥᨲᩅᨲ᩠ᨳᩩᨠᩣ ᨧ ᩉᩮᩣᨲᩩ ᩋᨶᩣᩁᨾ᩠ᨽᩣ ᨧ ᩈᨸᩁᩥᨠ᩠ᨠᨾᨶᩣ ¶ ᨧᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᨴᩮᩈᩥᨲᩅᨲ᩠ᨳᩩᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨠᩣᩁᩩᨠᩣᨶᩴ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᩣᨭᨶᩴ…ᨸᩮ… ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨠᩣᩁᩩᨠᩣᨶᩴ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨠᩣᩁᩩᨠᩣᨶᩴ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩋᨶᩣᨸᨲ᩠ᨲᩥ.

ᨽᩥᨠ᩠ᨡᩩ ¶ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᩈᨾᩣᨴᩥᩈᨲᩥ ᨧ – ‘‘ᨸᨾᩣᨱᩥᨠᩣ ᨧ ᩉᩮᩣᨲᩩ ᩋᨶᩣᩁᨾ᩠ᨽᩣ ᨧ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᨸᨾᩣᨱᩣᨲᩥᨠ᩠ᨠᨶ᩠ᨲᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨠᩣᩁᩩᨠᩣᨶᩴ ᨲᩥᨱ᩠ᨱᩴ ᨴᩩᨠ᩠ᨠᨭᩣᨶᩴ…ᨸᩮ… ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨠᩣᩁᩩᨠᩣᨶᩴ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨠᩣᩁᩩᨠᩣᨶᩴ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ ᩌᨸᨲ᩠ᨲᩥ ᨠᩣᩁᩩᨠᩣᨶᩴ ᨴᩩᨠ᩠ᨠᨭᩔ.

ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᩈᨾᩣᨴᩥᩈᨲᩥ ᨧ – ‘‘ᨸᨾᩣᨱᩥᨠᩣ ᨧ ᩉᩮᩣᨲᩩ ᩋᨶᩣᩁᨾ᩠ᨽᩣ ᨧ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᨸᨾᩣᨱᩥᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨠᩣᩁᩩᨠᩣᨶᩴ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ¶ ᨠᩣᩁᩩᨠᩣᨶᩴ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨠᩣᩁᩩᨠᩣᨶᩴ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩋᨶᩣᨸᨲ᩠ᨲᩥ.

ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᩈᨾᩣᨴᩥᩈᨲᩥ ᨧ – ‘‘ᨴᩮᩈᩥᨲᩅᨲ᩠ᨳᩩᨠᩣ ᨧ ᩉᩮᩣᨲᩩ ᨸᨾᩣᨱᩥᨠᩣ ᨧ ᩋᨶᩣᩁᨾ᩠ᨽᩣ ᨧ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᨸᨾᩣᨱᩣᨲᩥᨠ᩠ᨠᨶ᩠ᨲᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨠᩣᩁᩩᨠᩣᨶᩴ ᨧᨲᩩᨶ᩠ᨶᩴ ¶ ᨴᩩᨠ᩠ᨠᨭᩣᨶᩴ…ᨸᩮ… ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨠᩣᩁᩩᨠᩣᨶᩴ ᨲᩥᨱ᩠ᨱᩴ ᨴᩩᨠ᩠ᨠᨭᩣᨶᩴ…ᨸᩮ… ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨠᩣᩁᩩᨠᩣᨶᩴ ᨲᩥᨱ᩠ᨱᩴ ᨴᩩᨠ᩠ᨠᨭᩣᨶᩴ…ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨠᩣᩁᩩᨠᩣᨶᩴ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ.

ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᩈᨾᩣᨴᩥᩈᨲᩥ ᨧ – ‘‘ᨴᩮᩈᩥᨲᩅᨲ᩠ᨳᩩᨠᩣ ᨧ ᩉᩮᩣᨲᩩ ᨸᨾᩣᨱᩥᨠᩣ ᨧ ᩋᨶᩣᩁᨾ᩠ᨽᩣ ᨧ ᩈᨸᩁᩥᨠ᩠ᨠᨾᨶᩣ ᨧᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᨴᩮᩈᩥᨲᩅᨲ᩠ᨳᩩᨠᩴ ᨸᨾᩣᨱᩥᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨠᩣᩁᩩᨠᩣᨶᩴ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨠᩣᩁᩩᨠᩣᨶᩴ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ¶ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨠᩣᩁᩩᨠᩣᨶᩴ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩋᨶᩣᨸᨲ᩠ᨲᩥ.

᪓᪖᪑. ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ. ᩈᩮᩣ ᨧᩮ ᩅᩥᨸ᩠ᨸᨠᨲᩮ ᩌᨣᨧ᩠ᨨᨲᩥ, ᨲᩮᨶ ᨽᩥᨠ᩠ᨡᩩᨶᩣ ᩈᩣ ᨠᩩᨭᩥ ᩋᨬ᩠ᨬᩔ ᩅᩣ ᨴᩣᨲᨻ᩠ᨻᩣ ᨽᩥᨶ᩠ᨴᩥᨲ᩠ᩅᩣ ᩅᩣ ᨸᩩᨶ ᨠᩣᨲᨻ᩠ᨻᩣ. ᨶᩮᩣ ᨧᩮ ᩋᨬ᩠ᨬᩔ ᩅᩣ ᨴᨴᩮᨿ᩠ᨿ ᨽᩥᨶ᩠ᨴᩥᨲ᩠ᩅᩣ ᩅᩣ ᨸᩩᨶ ᨠᩣᩁᩮᨿ᩠ᨿ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ.

ᨽᩥᨠ᩠ᨡᩩ ¶ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ. ᩈᩮᩣ ᨧᩮ ᩅᩥᨸ᩠ᨸᨠᨲᩮ ᩌᨣᨧ᩠ᨨᨲᩥ, ᨲᩮᨶ ᨽᩥᨠ᩠ᨡᩩᨶᩣ ᩈᩣ ᨠᩩᨭᩥ ᩋᨬ᩠ᨬᩔ ᩅᩣ ᨴᩣᨲᨻ᩠ᨻᩣ ᨽᩥᨶ᩠ᨴᩥᨲ᩠ᩅᩣ ᩅᩣ ᨸᩩᨶ ᨠᩣᨲᨻ᩠ᨻᩣ. ᨶᩮᩣ ᨧᩮ ᩋᨬ᩠ᨬᩔ ᩅᩣ ᨴᨴᩮᨿ᩠ᨿ ᨽᩥᨶ᩠ᨴᩥᨲ᩠ᩅᩣ ᩅᩣ ᨸᩩᨶ ᨠᩣᩁᩮᨿ᩠ᨿ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ¶ ᩋᨸᩁᩥᨠ᩠ᨠᨾᨶᩴ…ᨸᩮ… ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ…ᨸᩮ… ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᨴᩮᩈᩥᨲᩅᨲ᩠ᨳᩩᨠᩴ ¶ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ. ᩈᩮᩣ ᨧᩮ ᩅᩥᨸ᩠ᨸᨠᨲᩮ ᩌᨣᨧ᩠ᨨᨲᩥ, ᨲᩮᨶ ᨽᩥᨠ᩠ᨡᩩᨶᩣ ᩈᩣ ᨠᩩᨭᩥ ᩋᨬ᩠ᨬᩔ ᩅᩣ ᨴᩣᨲᨻ᩠ᨻᩣ ᨽᩥᨶ᩠ᨴᩥᨲ᩠ᩅᩣ ᩅᩣ ᨸᩩᨶ ᨠᩣᨲᨻ᩠ᨻᩣ. ᨶᩮᩣ ᨧᩮ ᩋᨬ᩠ᨬᩔ ᩅᩣ ᨴᨴᩮᨿ᩠ᨿ ᨽᩥᨶ᩠ᨴᩥᨲ᩠ᩅᩣ ᩅᩣ ᨸᩩᨶ ᨠᩣᩁᩮᨿ᩠ᨿ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩋᨶᩣᨸᨲ᩠ᨲᩥ.

᪓᪖᪒. ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᨸᨾᩣᨱᩣᨲᩥᨠ᩠ᨠᨶ᩠ᨲᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ. ᩈᩮᩣ ᨧᩮ ᩅᩥᨸ᩠ᨸᨠᨲᩮ ᩌᨣᨧ᩠ᨨᨲᩥ, ᨲᩮᨶ ᨽᩥᨠ᩠ᨡᩩᨶᩣ ᩈᩣ ᨠᩩᨭᩥ ᩋᨬ᩠ᨬᩔ ᩅᩣ ᨴᩣᨲᨻ᩠ᨻᩣ ᨽᩥᨶ᩠ᨴᩥᨲ᩠ᩅᩣ ᩅᩣ ᨸᩩᨶ ᨠᩣᨲᨻ᩠ᨻᩣ. ᨶᩮᩣ ᨧᩮ ᩋᨬ᩠ᨬᩔ ᩅᩣ ᨴᨴᩮᨿ᩠ᨿ ᨽᩥᨶ᩠ᨴᩥᨲ᩠ᩅᩣ ᩅᩣ ᨸᩩᨶ ᨠᩣᩁᩮᨿ᩠ᨿ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᨸᨾᩣᨱᩥᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ. ᩈᩮᩣ ᨧᩮ ᩅᩥᨸ᩠ᨸᨠᨲᩮ ᩌᨣᨧ᩠ᨨᨲᩥ, ᨲᩮᨶ ᨽᩥᨠ᩠ᨡᩩᨶᩣ ᩈᩣ ᨠᩩᨭᩥ ᩋᨬ᩠ᨬᩔ ᩅᩣ ᨴᩣᨲᨻ᩠ᨻᩣ ᨽᩥᨶ᩠ᨴᩥᨲ᩠ᩅᩣ ᩅᩣ ᨸᩩᨶ ᨠᩣᨲᨻ᩠ᨻᩣ ¶ . ᨶᩮᩣ ᨧᩮ ᩋᨬ᩠ᨬᩔ ᩅᩣ ᨴᨴᩮᨿ᩠ᨿ ᨽᩥᨶ᩠ᨴᩥᨲ᩠ᩅᩣ ᩅᩣ ᨸᩩᨶ ᨠᩣᩁᩮᨿ᩠ᨿ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩋᨶᩣᨸᨲ᩠ᨲᩥ.

ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᨸᨾᩣᨱᩣᨲᩥᨠ᩠ᨠᨶ᩠ᨲᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ. ᩈᩮᩣ ᨧᩮ ¶ ᩅᩥᨸ᩠ᨸᨠᨲᩮ ᩌᨣᨧ᩠ᨨᨲᩥ, ᨲᩮᨶ ᨽᩥᨠ᩠ᨡᩩᨶᩣ ᩈᩣ ᨠᩩᨭᩥ ᩋᨬ᩠ᨬᩔ ᩅᩣ ᨴᩣᨲᨻ᩠ᨻᩣ ᨽᩥᨶ᩠ᨴᩥᨲ᩠ᩅᩣ ᩅᩣ ᨸᩩᨶ ᨠᩣᨲᨻ᩠ᨻᩣ. ᨶᩮᩣ ᨧᩮ ᩋᨬ᩠ᨬᩔ ᩅᩣ ᨴᨴᩮᨿ᩠ᨿ ᨽᩥᨶ᩠ᨴᩥᨲ᩠ᩅᩣ ᩅᩣ ᨸᩩᨶ ᨠᩣᩁᩮᨿ᩠ᨿ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᩈᨦ᩠ᨥᩣᨴᩥᩈᩮᩈᩮᨶ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᩈᨦ᩠ᨥᩣᨴᩥᩈᩮᩈᩣᨶᩴ.

ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᨴᩮᩈᩥᨲᩅᨲ᩠ᨳᩩᨠᩴ ¶ ᨸᨾᩣᨱᩥᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ. ᩈᩮᩣ ᨧᩮ ᩅᩥᨸ᩠ᨸᨠᨲᩮ ᩌᨣᨧ᩠ᨨᨲᩥ, ᨲᩮᨶ ᨽᩥᨠ᩠ᨡᩩᨶᩣ ᩈᩣ ᨠᩩᨭᩥ ᩋᨬ᩠ᨬᩔ ᩅᩣ ᨴᩣᨲᨻ᩠ᨻᩣ ᨽᩥᨶ᩠ᨴᩥᨲ᩠ᩅᩣ ᩅᩣ ᨸᩩᨶ ᨠᩣᨲᨻ᩠ᨻᩣ. ᨶᩮᩣ ᨧᩮ ᩋᨬ᩠ᨬᩔ ᩅᩣ ᨴᨴᩮᨿ᩠ᨿ ᨽᩥᨶ᩠ᨴᩥᨲ᩠ᩅᩣ ᩅᩣ ᨸᩩᨶ ᨠᩣᩁᩮᨿ᩠ᨿ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᩣᨭᩣᨶᩴ…ᨸᩮ… ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᨠᩩᨭᩥᩴ ᨾᩮ ᨠᩁᩮᩣᨳᩣ’’ᨲᩥ. ᨲᩔ ᨠᩩᨭᩥᩴ ᨠᩁᩮᩣᨶ᩠ᨲᩥ ᨴᩮᩈᩥᨲᩅᨲ᩠ᨳᩩᨠᩴ ᨸᨾᩣᨱᩥᨠᩴ ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩋᨶᩣᨸᨲ᩠ᨲᩥ.

᪓᪖᪓. ᩋᨲ᩠ᨲᨶᩣ ¶ ᩅᩥᨸ᩠ᨸᨠᨲᩴ ᩋᨲ᩠ᨲᨶᩣ ᨸᩁᩥᨿᩮᩣᩈᩣᨸᩮᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩋᨲ᩠ᨲᨶᩣ ᩅᩥᨸ᩠ᨸᨠᨲᩴ ᨸᩁᩮᩉᩥ ᨸᩁᩥᨿᩮᩣᩈᩣᨸᩮᨲᩥ [ᨸᩁᩥᨿᩮᩣᩈᩣᩅᩣᨸᩮᨲᩥ (ᨠ.)], ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩁᩮᩉᩥ ᩅᩥᨸ᩠ᨸᨠᨲᩴ ᩋᨲ᩠ᨲᨶᩣ ᨸᩁᩥᨿᩮᩣᩈᩣᨸᩮᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩁᩮᩉᩥ ᩅᩥᨸ᩠ᨸᨠᨲᩴ ᨸᩁᩮᩉᩥ ᨸᩁᩥᨿᩮᩣᩈᩣᨸᩮᨲᩥ [ᨸᩁᩥᨿᩮᩣᩈᩣᩅᩣᨸᩮᨲᩥ (ᨠ.)], ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

᪓᪖᪔. ᩋᨶᩣᨸᨲ᩠ᨲᩥ ᩃᩮᨱᩮ ᨣᩩᩉᩣᨿ ᨲᩥᨱᨠᩩᨭᩥᨠᩣᨿ ᩋᨬ᩠ᨬᩔᨲ᩠ᨳᩣᨿ ᩅᩣᩈᩣᨣᩣᩁᩴ ᨮᨸᩮᨲ᩠ᩅᩣ ᩈᨻ᩠ᨻᨲ᩠ᨳ, ᩋᨶᩣᨸᨲ᩠ᨲᩥ ᩏᨾ᩠ᨾᨲ᩠ᨲᨠᩔ ᩌᨴᩥᨠᨾ᩠ᨾᩥᨠᩔᩣᨲᩥ.

ᨠᩩᨭᩥᨠᩣᩁᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨨᨭ᩠ᨮᩴ.

᪗. ᩅᩥᩉᩣᩁᨠᩣᩁᩈᩥᨠ᩠ᨡᩣᨸᨴᩴ

᪓᪖᪕. ᨲᩮᨶ ¶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᨠᩮᩣᩈᨾ᩠ᨻᩥᨿᩴ ᩅᩥᩉᩁᨲᩥ ᨥᩮᩣᩈᩥᨲᩣᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᨿᩈ᩠ᨾᨲᩮᩣ ᨨᨶ᩠ᨶᩔ ᩏᨸᨭ᩠ᨮᩣᨠᩮᩣ ᨣᩉᨸᨲᩥ ᩌᨿᩈ᩠ᨾᨶ᩠ᨲᩴ ᨨᨶ᩠ᨶᩴ ᩑᨲᨴᩅᩮᩣᨧ – ‘‘ᩅᩥᩉᩣᩁᩅᨲ᩠ᨳᩩᩴ, ᨽᨶ᩠ᨲᩮ, ᨩᩣᨶᩣᩉᩥ ᩋᨿ᩠ᨿᩔ ᩅᩥᩉᩣᩁᩴ ᨠᩣᩁᩣᨸᩮᩔᩣᨾᩦ’’ᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᨨᨶ᩠ᨶᩮᩣ ᩅᩥᩉᩣᩁᩅᨲ᩠ᨳᩩᩴ ᩈᩮᩣᨵᩮᨶ᩠ᨲᩮᩣ ᩋᨬ᩠ᨬᨲᩁᩴ ᨧᩮᨲᩥᨿᩁᩩᨠ᩠ᨡᩴ ᨨᩮᨴᩣᨸᩮᩈᩥ ᨣᩣᨾᨸᩪᨩᩥᨲᩴ ᨶᩥᨣᨾᨸᩪᨩᩥᨲᩴ ᨶᨣᩁᨸᩪᨩᩥᨲᩴ ᨩᨶᨸᨴᨸᩪᨩᩥᨲᩴ ᩁᨭ᩠ᨮᨸᩪᨩᩥᨲᩴ. ᨾᨶᩩᩔᩣ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩈᨾᨱᩣ ᩈᨠ᩠ᨿᨸᩩᨲ᩠ᨲᩥᨿᩣ ᨧᩮᨲᩥᨿᩁᩩᨠ᩠ᨡᩴ ¶ ᨨᩮᨴᩣᨸᩮᩔᨶ᩠ᨲᩥ ᨣᩣᨾᨸᩪᨩᩥᨲᩴ ¶ ᨶᩥᨣᨾᨸᩪᨩᩥᨲᩴ ᨶᨣᩁᨸᩪᨩᩥᨲᩴ ᨩᨶᨸᨴᨸᩪᨩᩥᨲᩴ ᩁᨭ᩠ᨮᨸᩪᨩᩥᨲᩴ! ᩑᨠᩥᨶ᩠ᨴᩕᩥᨿᩴ ᩈᨾᨱᩣ ᩈᨠ᩠ᨿᨸᩩᨲ᩠ᨲᩥᨿᩣ ᨩᩦᩅᩴ ᩅᩥᩉᩮᨮᩮᨶ᩠ᨲᩦ’’ [ᩅᩥᩉᩮᨮᩮᩔᨶ᩠ᨲᩥ (ᨠᨲ᩠ᨳᨧᩥ)] ᨲᩥ. ᩋᩔᩮᩣᩈᩩᩴ ᨡᩮᩣ ᨽᩥᨠ᩠ᨡᩪ ᨲᩮᩈᩴ ᨾᨶᩩᩔᩣᨶᩴ ᩏᨩ᩠ᨫᩣᨿᨶ᩠ᨲᩣᨶᩴ ᨡᩥᨿ᩠ᨿᨶ᩠ᨲᩣᨶᩴ ᩅᩥᨸᩣᨧᩮᨶ᩠ᨲᩣᨶᩴ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩌᨿᩈ᩠ᨾᩣ ᨨᨶ᩠ᨶᩮᩣ ᨧᩮᨲᩥᨿᩁᩩᨠ᩠ᨡᩴ ᨨᩮᨴᩣᨸᩮᩔᨲᩥ ᨣᩣᨾᨸᩪᨩᩥᨲᩴ…ᨸᩮ… ᩁᨭ᩠ᨮᨸᩪᨩᩥᨲ’’ᨶ᩠ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᩌᨿᩈ᩠ᨾᨶ᩠ᨲᩴ ᨨᨶ᩠ᨶᩴ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩈᨧ᩠ᨧᩴ ᨠᩥᩁ ᨲ᩠ᩅᩴ, ᨨᨶ᩠ᨶ, ᨧᩮᨲᩥᨿᩁᩩᨠ᩠ᨡᩴ ᨨᩮᨴᩣᨸᩮᩈᩥ ᨣᩣᨾᨸᩪᨩᩥᨲᩴ…ᨸᩮ… ᩁᨭ᩠ᨮᨸᩪᨩᩥᨲ’’ᨶ᩠ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ‘‘ᨠᨳᨬ᩠ᩉᩥ ᨶᩣᨾ ᨲ᩠ᩅᩴ, ᨾᩮᩣᨥᨸᩩᩁᩥᩈ, ᨧᩮᨲᩥᨿᩁᩩᨠ᩠ᨡᩴ ᨨᩮᨴᩣᨸᩮᩔᩈᩥ ᨣᩣᨾᨸᩪᨩᩥᨲᩴ ᨶᩥᨣᨾᨸᩪᨩᩥᨲᩴ ᨶᨣᩁᨸᩪᨩᩥᨲᩴ ᨩᨶᨸᨴᨸᩪᨩᩥᨲᩴ ᩁᨭ᩠ᨮᨸᩪᨩᩥᨲᩴ! ᨩᩦᩅᩈᨬ᩠ᨬᩥᨶᩮᩣ ᩉᩥ, ᨾᩮᩣᨥᨸᩩᩁᩥᩈ, ᨾᨶᩩᩔᩣ ᩁᩩᨠ᩠ᨡᩈ᩠ᨾᩥᩴ. ᨶᩮᨲᩴ, ᨾᩮᩣᨥᨸᩩᩁᩥᩈ ¶ , ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪓᪖᪖. ‘‘ᨾᩉᩃ᩠ᩃᨠᩴ ᨸᨶ ᨽᩥᨠ᩠ᨡᩩᨶᩣ ᩅᩥᩉᩣᩁᩴ ᨠᩣᩁᨿᨾᩣᨶᩮᨶ ᩈᩔᩣᨾᩥᨠᩴ ᩋᨲ᩠ᨲᩩᨴ᩠ᨴᩮᩈᩴ ᨽᩥᨠ᩠ᨡᩪ ᩋᨽᩥᨶᩮᨲᨻ᩠ᨻᩣ ᩅᨲ᩠ᨳᩩᨴᩮᩈᨶᩣᨿ. ᨲᩮᩉᩥ ᨽᩥᨠ᩠ᨡᩪᩉᩥ ᩅᨲ᩠ᨳᩩ ᨴᩮᩈᩮᨲᨻ᩠ᨻᩴ ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ. ᩈᩣᩁᨾ᩠ᨽᩮ ᨧᩮ ᨽᩥᨠ᩠ᨡᩩ ᩅᨲ᩠ᨳᩩᩈ᩠ᨾᩥᩴ ᩋᨸᩁᩥᨠ᩠ᨠᨾᨶᩮ ᨾᩉᩃ᩠ᩃᨠᩴ ᩅᩥᩉᩣᩁᩴ ᨠᩣᩁᩮᨿ᩠ᨿ ᨽᩥᨠ᩠ᨡᩪ ᩅᩣ ᩋᨶᨽᩥᨶᩮᨿ᩠ᨿ ᩅᨲ᩠ᨳᩩᨴᩮᩈᨶᩣᨿ, ᩈᨦ᩠ᨥᩣᨴᩥᩈᩮᩈᩮᩣ’’ᨲᩥ.

᪓᪖᪗. ᨾᩉᩃ᩠ᩃᨠᩮᩣ ᨶᩣᨾ ᩅᩥᩉᩣᩁᩮᩣ ᩈᩔᩣᨾᩥᨠᩮᩣ ᩅᩩᨧ᩠ᨧᨲᩥ.

ᩅᩥᩉᩣᩁᩮᩣ ᨶᩣᨾ ᩏᩃ᩠ᩃᩥᨲ᩠ᨲᩮᩣ ᩅᩣ ᩉᩮᩣᨲᩥ ᩋᩅᩃᩥᨲ᩠ᨲᩮᩣ ᩅᩣ ᩏᩃ᩠ᩃᩥᨲ᩠ᨲᩣᩅᩃᩥᨲ᩠ᨲᩮᩣ ᩅᩣ.

ᨠᩣᩁᨿᨾᩣᨶᩮᨶᩣᨲᩥ ¶ ᨠᩁᩮᩣᨶ᩠ᨲᩮᩣ ᩅᩣ ᨠᩣᩁᩣᨸᩮᨶ᩠ᨲᩮᩣ ᩅᩣ.

ᩈᩔᩣᨾᩥᨠᨶ᩠ᨲᩥ ᩋᨬ᩠ᨬᩮᩣ ᨠᩮᩣᨧᩥ ᩈᩣᨾᩥᨠᩮᩣ ᩉᩮᩣᨲᩥ ᩍᨲ᩠ᨳᩦ ᩅᩣ ᨸᩩᩁᩥᩈᩮᩣ ᩅᩣ ᨣᩉᨭ᩠ᨮᩮᩣ ᩅᩣ ᨸᨻ᩠ᨻᨩᩥᨲᩮᩣ ᩅᩣ.

ᩋᨲ᩠ᨲᩩᨴ᩠ᨴᩮᩈᨶ᩠ᨲᩥ ᩋᨲ᩠ᨲᨶᩮᩣ ᩋᨲ᩠ᨳᩣᨿ.

ᨽᩥᨠ᩠ᨡᩪ ᩋᨽᩥᨶᩮᨲᨻ᩠ᨻᩣ ᩅᨲ᩠ᨳᩩᨴᩮᩈᨶᩣᨿᩣᨲᩥ ᨲᩮᨶ ᩅᩥᩉᩣᩁᨠᩣᩁᨠᩮᨶ ᨽᩥᨠ᩠ᨡᩩᨶᩣ ᩅᩥᩉᩣᩁᩅᨲ᩠ᨳᩩᩴ ᩈᩮᩣᨵᩮᨲ᩠ᩅᩣ ᩈᨦ᩠ᨥᩴ ¶ ᩏᨸᩈᨦ᩠ᨠᨾᩥᨲ᩠ᩅᩣ ᩑᨠᩴᩈᩴ ᩏᨲ᩠ᨲᩁᩣᩈᨦ᩠ᨣᩴ ᨠᩁᩥᨲ᩠ᩅᩣ ᩅᩩᨯ᩠ᨰᩣᨶᩴ ᨽᩥᨠ᩠ᨡᩪᨶᩴ ᨸᩣᨴᩮ ᩅᨶ᩠ᨴᩥᨲ᩠ᩅᩣ ᩏᨠ᩠ᨠᩩᨭᩥᨠᩴ ᨶᩥᩈᩦᨴᩥᨲ᩠ᩅᩣ ᩋᨬ᩠ᨩᩃᩥᩴ ᨸᨣ᩠ᨣᩉᩮᨲ᩠ᩅᩣ ᩑᩅᨾᩔ ᩅᨧᨶᩦᨿᩮᩣ – ‘‘ᩋᩉᩴ, ᨽᨶ᩠ᨲᩮ, ᨾᩉᩃ᩠ᩃᨠᩴ ᩅᩥᩉᩣᩁᩴ ᨠᨲ᩠ᨲᩩᨠᩣᨾᩮᩣ ᩈᩔᩣᨾᩥᨠᩴ ᩋᨲ᩠ᨲᩩᨴ᩠ᨴᩮᩈᩴ. ᩈᩮᩣᩉᩴ, ᨽᨶ᩠ᨲᩮ, ᩈᨦ᩠ᨥᩴ ᩅᩥᩉᩣᩁᩅᨲ᩠ᨳᩩᩒᩃᩮᩣᨠᨶᩴ ᨿᩣᨧᩣᨾᩦ’’ᨲᩥ. ᨴᩩᨲᩥᨿᨾ᩠ᨸᩥ ᨿᩣᨧᩥᨲᨻ᩠ᨻᩣ. ᨲᨲᩥᨿᨾ᩠ᨸᩥ ᨿᩣᨧᩥᨲᨻ᩠ᨻᩣ. ᩈᨧᩮ ᩈᨻ᩠ᨻᩮᩣ ᩈᨦ᩠ᨥᩮᩣ ᩏᩔᩉᨲᩥ ᩅᩥᩉᩣᩁᩅᨲ᩠ᨳᩩᩴ ᩒᩃᩮᩣᨠᩮᨲᩩᩴ ᩈᨻ᩠ᨻᩮᨶ ᩈᨦ᩠ᨥᩮᨶ ᩒᩃᩮᩣᨠᩮᨲᨻ᩠ᨻᩴ. ᨶᩮᩣ ᨧᩮ ᩈᨻ᩠ᨻᩮᩣ ᩈᨦ᩠ᨥᩮᩣ ᩏᩔᩉᨲᩥ ᩅᩥᩉᩣᩁᩅᨲ᩠ᨳᩩᩴ ᩒᩃᩮᩣᨠᩮᨲᩩᩴ, ᨿᩮ ᨲᨲ᩠ᨳ ᩉᩮᩣᨶ᩠ᨲᩥ ᨽᩥᨠ᩠ᨡᩪ ᨻ᩠ᨿᨲ᩠ᨲᩣ ᨸᨭᩥᨻᩃᩣ ᩈᩣᩁᨾ᩠ᨽᩴ ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ ¶ ᩋᨸᩁᩥᨠ᩠ᨠᨾᨶᩴ ᨩᩣᨶᩥᨲᩩᩴ ᨲᩮ ᨿᩣᨧᩥᨲ᩠ᩅᩣ ᩈᨾ᩠ᨾᨶ᩠ᨶᩥᨲᨻ᩠ᨻᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩈᨾ᩠ᨾᨶ᩠ᨶᩥᨲᨻ᩠ᨻᩣ. ᨻ᩠ᨿᨲ᩠ᨲᩮᨶ ᨽᩥᨠ᩠ᨡᩩᨶᩣ ᨸᨭᩥᨻᩃᩮᨶ ᩈᨦ᩠ᨥᩮᩣ ᨬᩣᨸᩮᨲᨻ᩠ᨻᩮᩣ –

᪓᪖᪘. ‘‘ᩈᩩᨱᩣᨲᩩ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᩋᨿᩴ ᩍᨲ᩠ᨳᨶ᩠ᨶᩣᨾᩮᩣ ᨽᩥᨠ᩠ᨡᩩ ᨾᩉᩃ᩠ᩃᨠᩴ ᩅᩥᩉᩣᩁᩴ ᨠᨲ᩠ᨲᩩᨠᩣᨾᩮᩣ ᩈᩔᩣᨾᩥᨠᩴ ᩋᨲ᩠ᨲᩩᨴ᩠ᨴᩮᩈᩴ. ᩈᩮᩣ ᩈᨦ᩠ᨥᩴ ᩅᩥᩉᩣᩁᩅᨲ᩠ᨳᩩᩒᩃᩮᩣᨠᨶᩴ ᨿᩣᨧᨲᩥ. ᨿᨴᩥ ᩈᨦ᩠ᨥᩔ ᨸᨲ᩠ᨲᨠᩃ᩠ᩃᩴ, ᩈᨦ᩠ᨥᩮᩣ ᩍᨲ᩠ᨳᨶ᩠ᨶᩣᨾᨬ᩠ᨧ ᩍᨲ᩠ᨳᨶ᩠ᨶᩣᨾᨬ᩠ᨧ ᨽᩥᨠ᩠ᨡᩩ ᩈᨾ᩠ᨾᨶ᩠ᨶᩮᨿ᩠ᨿ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᩅᩥᩉᩣᩁᩅᨲ᩠ᨳᩩᩴ ᩒᩃᩮᩣᨠᩮᨲᩩᩴ. ᩑᩈᩣ ᨬᨲ᩠ᨲᩥ.

‘‘ᩈᩩᨱᩣᨲᩩ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᩋᨿᩴ ᩍᨲ᩠ᨳᨶ᩠ᨶᩣᨾᩮᩣ ᨽᩥᨠ᩠ᨡᩩ ᨾᩉᩃ᩠ᩃᨠᩴ ᩅᩥᩉᩣᩁᩴ ᨠᨲ᩠ᨲᩩᨠᩣᨾᩮᩣ ᩈᩔᩣᨾᩥᨠᩴ ᩋᨲ᩠ᨲᩩᨴ᩠ᨴᩮᩈᩴ. ᩈᩮᩣ ᩈᨦ᩠ᨥᩴ ᩅᩥᩉᩣᩁᩅᨲ᩠ᨳᩩᩒᩃᩮᩣᨠᨶᩴ ᨿᩣᨧᨲᩥ. ᩈᨦ᩠ᨥᩮᩣ ᩍᨲ᩠ᨳᨶ᩠ᨶᩣᨾᨬ᩠ᨧ ᩍᨲ᩠ᨳᨶ᩠ᨶᩣᨾᨬ᩠ᨧ ᨽᩥᨠ᩠ᨡᩪ ᩈᨾ᩠ᨾᨶ᩠ᨶᨲᩥ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᩅᩥᩉᩣᩁᩅᨲ᩠ᨳᩩᩴ ᩒᩃᩮᩣᨠᩮᨲᩩᩴ. ᨿᩔᩣᨿᩈ᩠ᨾᨲᩮᩣ ᨡᨾᨲᩥ ᩍᨲ᩠ᨳᨶ᩠ᨶᩣᨾᩔ ᨧ ᩍᨲ᩠ᨳᨶ᩠ᨶᩣᨾᩔ ᨧ ᨽᩥᨠ᩠ᨡᩪᨶᩴ ᩈᨾ᩠ᨾᩩᨲᩥ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᩅᩥᩉᩣᩁᩅᨲ᩠ᨳᩩᩴ ᩒᩃᩮᩣᨠᩮᨲᩩᩴ, ᩈᩮᩣ ᨲᩩᨱ᩠ᩉᩔ; ᨿᩔ ᨶᨠ᩠ᨡᨾᨲᩥ, ᩈᩮᩣ ᨽᩣᩈᩮᨿ᩠ᨿ.

‘‘ᩈᨾ᩠ᨾᨲᩣ ᩈᨦ᩠ᨥᩮᨶ ᩍᨲ᩠ᨳᨶ᩠ᨶᩣᨾᩮᩣ ᨧ ᩍᨲ᩠ᨳᨶ᩠ᨶᩣᨾᩮᩣ ᨧ ᨽᩥᨠ᩠ᨡᩪ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᩅᩥᩉᩣᩁᩅᨲ᩠ᨳᩩᩴ ᩒᩃᩮᩣᨠᩮᨲᩩᩴ. ᨡᨾᨲᩥ ᩈᨦ᩠ᨥᩔ, ᨲᩈ᩠ᨾᩣ ᨲᩩᨱ᩠ᩉᩦ, ᩑᩅᨾᩮᨲᩴ ᨵᩣᩁᨿᩣᨾᩦ’’ᨲᩥ.

᪓᪖᪙. ᨲᩮᩉᩥ ¶ ᩈᨾ᩠ᨾᨲᩮᩉᩥ ᨽᩥᨠ᩠ᨡᩪᩉᩥ ᨲᨲ᩠ᨳ ᨣᨶ᩠ᨲ᩠ᩅᩣ ᩅᩥᩉᩣᩁᩅᨲ᩠ᨳᩩ ᩒᩃᩮᩣᨠᩮᨲᨻ᩠ᨻᩴ; ᩈᩣᩁᨾ᩠ᨽᩴ ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ ᩋᨸᩁᩥᨠ᩠ᨠᨾᨶᩴ ᨩᩣᨶᩥᨲᨻ᩠ᨻᩴ. ᩈᨧᩮ ᩈᩣᩁᨾ᩠ᨽᩴ ᩉᩮᩣᨲᩥ ᩋᨸᩁᩥᨠ᩠ᨠᨾᨶᩴ, ‘ᨾᩣᨿᩥᨵ ᨠᩁᩦ’ᨲᩥ ᩅᨲ᩠ᨲᨻ᩠ᨻᩮᩣ. ᩈᨧᩮ ᩋᨶᩣᩁᨾ᩠ᨽᩴ ᩉᩮᩣᨲᩥ ᩈᨸᩁᩥᨠ᩠ᨠᨾᨶᩴ, ᩈᨦ᩠ᨥᩔ ᩌᩁᩮᩣᨧᩮᨲᨻ᩠ᨻᩴ – ‘ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶ’ᨶ᩠ᨲᩥ ¶ . ᨲᩮᨶ ᩅᩥᩉᩣᩁᨠᩣᩁᨠᩮᨶ ᨽᩥᨠ᩠ᨡᩩᨶᩣ ᩈᨦ᩠ᨥᩴ ᩏᨸᩈᨦ᩠ᨠᨾᩥᨲ᩠ᩅᩣ ᩑᨠᩴᩈᩴ ᩏᨲ᩠ᨲᩁᩣᩈᨦ᩠ᨣᩴ ᨠᩁᩥᨲ᩠ᩅᩣ ᩅᩩᨯ᩠ᨰᩣᨶᩴ ᨽᩥᨠ᩠ᨡᩪᨶᩴ ᨸᩣᨴᩮ ᩅᨶ᩠ᨴᩥᨲ᩠ᩅᩣ ᩏᨠ᩠ᨠᩩᨭᩥᨠᩴ ᨶᩥᩈᩦᨴᩥᨲ᩠ᩅᩣ ᩋᨬ᩠ᨩᩃᩥᩴ ᨸᨣ᩠ᨣᩉᩮᨲ᩠ᩅᩣ ᩑᩅᨾᩔ ᩅᨧᨶᩦᨿᩮᩣ – ‘‘ᩋᩉᩴ, ᨽᨶ᩠ᨲᩮ, ᨾᩉᩃ᩠ᩃᨠᩴ ᩅᩥᩉᩣᩁᩴ ᨠᨲ᩠ᨲᩩᨠᩣᨾᩮᩣ ᩈᩔᩣᨾᩥᨠᩴ ᩋᨲ᩠ᨲᩩᨴ᩠ᨴᩮᩈᩴ ¶ . ᩈᩮᩣᩉᩴ, ᨽᨶ᩠ᨲᩮ, ᩈᨦ᩠ᨥᩴ ᩅᩥᩉᩣᩁᩅᨲ᩠ᨳᩩᨴᩮᩈᨶᩴ ᨿᩣᨧᩣᨾᩦ’’ᨲᩥ. ᨴᩩᨲᩥᨿᨾ᩠ᨸᩥ ᨿᩣᨧᩥᨲᨻ᩠ᨻᩣ. ᨲᨲᩥᨿᨾ᩠ᨸᩥ ᨿᩣᨧᩥᨲᨻ᩠ᨻᩣ. ᨻ᩠ᨿᨲ᩠ᨲᩮᨶ ᨽᩥᨠ᩠ᨡᩩᨶᩣ ᨸᨭᩥᨻᩃᩮᨶ ᩈᨦ᩠ᨥᩮᩣ ᨬᩣᨸᩮᨲᨻ᩠ᨻᩮᩣ –

᪓᪗᪐. ‘‘ᩈᩩᨱᩣᨲᩩ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᩋᨿᩴ ᩍᨲ᩠ᨳᨶ᩠ᨶᩣᨾᩮᩣ ᨽᩥᨠ᩠ᨡᩩ ᨾᩉᩃ᩠ᩃᨠᩴ ᩅᩥᩉᩣᩁᩴ ᨠᨲ᩠ᨲᩩᨠᩣᨾᩮᩣ ᩈᩔᩣᨾᩥᨠᩴ ᩋᨲ᩠ᨲᩩᨴ᩠ᨴᩮᩈᩴ. ᩈᩮᩣ ᩈᨦ᩠ᨥᩴ ᩅᩥᩉᩣᩁᩅᨲ᩠ᨳᩩᨴᩮᩈᨶᩴ ᨿᩣᨧᨲᩥ. ᨿᨴᩥ ᩈᨦ᩠ᨥᩔ ᨸᨲ᩠ᨲᨠᩃ᩠ᩃᩴ, ᩈᨦ᩠ᨥᩮᩣ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᩅᩥᩉᩣᩁᩅᨲ᩠ᨳᩩᩴ ᨴᩮᩈᩮᨿ᩠ᨿ. ᩑᩈᩣ ᨬᨲ᩠ᨲᩥ.

‘‘ᩈᩩᨱᩣᨲᩩ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᩋᨿᩴ ᩍᨲ᩠ᨳᨶ᩠ᨶᩣᨾᩮᩣ ᨽᩥᨠ᩠ᨡᩩ ᨾᩉᩃ᩠ᩃᨠᩴ ᩅᩥᩉᩣᩁᩴ ᨠᨲ᩠ᨲᩩᨠᩣᨾᩮᩣ ᩈᩔᩣᨾᩥᨠᩴ ᩋᨲ᩠ᨲᩩᨴ᩠ᨴᩮᩈᩴ. ᩈᩮᩣ ᩈᨦ᩠ᨥᩴ ᩅᩥᩉᩣᩁᩅᨲ᩠ᨳᩩᨴᩮᩈᨶᩴ ᨿᩣᨧᨲᩥ. ᩈᨦ᩠ᨥᩮᩣ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᩅᩥᩉᩣᩁᩅᨲ᩠ᨳᩩᩴ ᨴᩮᩈᩮᨲᩥ. ᨿᩔᩣᨿᩈ᩠ᨾᨲᩮᩣ ᨡᨾᨲᩥ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᩅᩥᩉᩣᩁᩅᨲ᩠ᨳᩩᩔ ᨴᩮᩈᨶᩣ, ᩈᩮᩣ ᨲᩩᨱ᩠ᩉᩔ; ᨿᩔ ᨶᨠ᩠ᨡᨾᨲᩥ, ᩈᩮᩣ ᨽᩣᩈᩮᨿ᩠ᨿ.

‘‘ᨴᩮᩈᩥᨲᩴ ᩈᨦ᩠ᨥᩮᨶ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᩅᩥᩉᩣᩁᩅᨲ᩠ᨳᩩᩴ. ᨡᨾᨲᩥ ᩈᨦ᩠ᨥᩔ, ᨲᩈ᩠ᨾᩣ ᨲᩩᨱ᩠ᩉᩦ, ᩑᩅᨾᩮᨲᩴ ᨵᩣᩁᨿᩣᨾᩦ’’ᨲᩥ.

᪓᪗᪑. ᩈᩣᩁᨾ᩠ᨽᩴ ᨶᩣᨾ ᨠᩥᨸᩥᩃ᩠ᩃᩥᨠᩣᨶᩴ ᩅᩣ ᩌᩈᨿᩮᩣ ᩉᩮᩣᨲᩥ, ᩏᨸᨧᩥᨠᩣᨶᩴ ᩅᩣ ᩌᩈᨿᩮᩣ ᩉᩮᩣᨲᩥ, ᩏᨶ᩠ᨴᩪᩁᩣᨶᩴ ᩅᩣ…ᨸᩮ… ᩋᩉᩦᨶᩴ ᩅᩣ ᩅᩥᨧ᩠ᨨᩥᨠᩣᨶᩴ ᩅᩣ ᩈᨲᨸᨴᩦᨶᩴ ᩅᩣ ᩉᨲ᩠ᨳᩦᨶᩴ ᩅᩣ ᩋᩔᩣᨶᩴ ᩅᩣ ᩈᩦᩉᩣᨶᩴ ᩅᩣ ᨻ᩠ᨿᨣ᩠ᨥᩣᨶᩴ ᩅᩣ ᨴᩦᨸᩦᨶᩴ ¶ ᩅᩣ ᩋᨧ᩠ᨨᩣᨶᩴ ᩅᩣ ᨲᩁᨧ᩠ᨨᩣᨶᩴ ᩅᩣ ᩌᩈᨿᩮᩣ ᩉᩮᩣᨲᩥ, ᨿᩮᩈᩴ ᨠᩮᩈᨬ᩠ᨧᩥ ᨲᩥᩁᨧ᩠ᨨᩣᨶᨣᨲᩣᨶᩴ ᨸᩣᨱᩣᨶᩴ ᩌᩈᨿᩮᩣ ᩉᩮᩣᨲᩥ, ᨸᩩᨻ᩠ᨻᨱ᩠ᨱᨶᩥᩔᩥᨲᩴ ᩅᩣ ᩉᩮᩣᨲᩥ, ᩋᨸᩁᨱ᩠ᨱᨶᩥᩔᩥᨲᩴ ᩅᩣ ᩉᩮᩣᨲᩥ, ᩋᨻ᩠ᨽᩣᨥᩣᨲᨶᩥᩔᩥᨲᩴ ᩅᩣ ᩉᩮᩣᨲᩥ, ᩌᨥᩣᨲᨶᨶᩥᩔᩥᨲᩴ ᩅᩣ ᩉᩮᩣᨲᩥ, ᩈᩩᩈᩣᨶᨶᩥᩔᩥᨲᩴ ᩅᩣ ᩉᩮᩣᨲᩥ, ᩏᨿ᩠ᨿᩣᨶᨶᩥᩔᩥᨲᩴ ᩅᩣ ᩉᩮᩣᨲᩥ, ᩁᩣᨩᩅᨲ᩠ᨳᩩᨶᩥᩔᩥᨲᩴ ᩅᩣ ᩉᩮᩣᨲᩥ, ᩉᨲ᩠ᨳᩥᩈᩣᩃᩣᨶᩥᩔᩥᨲᩴ ᩅᩣ ᩉᩮᩣᨲᩥ, ᩋᩔᩈᩣᩃᩣᨶᩥᩔᩥᨲᩴ ᩅᩣ ᩉᩮᩣᨲᩥ, ᨻᨶ᩠ᨵᨶᩣᨣᩣᩁᨶᩥᩔᩥᨲᩴ ᩅᩣ ᩉᩮᩣᨲᩥ, ᨸᩣᨶᩣᨣᩣᩁᨶᩥᩔᩥᨲᩴ ¶ ᩅᩣ ᩉᩮᩣᨲᩥ, ᩈᩪᨶᨶᩥᩔᩥᨲᩴ ᩅᩣ ᩉᩮᩣᨲᩥ, ᩁᨧ᩠ᨨᩣᨶᩥᩔᩥᨲᩴ ᩅᩣ ᩉᩮᩣᨲᩥ, ᨧᨧ᩠ᨧᩁᨶᩥᩔᩥᨲᩴ ᩅᩣ ᩉᩮᩣᨲᩥ, ᩈᨽᩣᨶᩥᩔᩥᨲᩴ ᩅᩣ ᩉᩮᩣᨲᩥ, ᩈᩴᩈᩁᨱᨶᩥᩔᩥᨲᩴ ᩅᩣ ᩉᩮᩣᨲᩥ. ᩑᨲᩴ ᩈᩣᩁᨾ᩠ᨽᩴ ᨶᩣᨾ.

ᩋᨸᩁᩥᨠ᩠ᨠᨾᨶᩴ ᨶᩣᨾ ᨶ ᩈᨠ᩠ᨠᩣ ᩉᩮᩣᨲᩥ ᨿᨳᩣᨿᩩᨲ᩠ᨲᩮᨶ ᩈᨠᨭᩮᨶ ᩋᨶᩩᨸᩁᩥᨣᨶ᩠ᨲᩩᩴ, ᩈᨾᨶ᩠ᨲᩣ ᨶᩥᩔᩮᨱᩥᨿᩣ ᩋᨶᩩᨸᩁᩥᨣᨶ᩠ᨲᩩᩴ. ᩑᨲᩴ ᩋᨸᩁᩥᨠ᩠ᨠᨾᨶᩴ ᨶᩣᨾ.

ᩋᨶᩣᩁᨾ᩠ᨽᩴ ¶ ᨶᩣᨾ ᨶ ᨠᩥᨸᩥᩃ᩠ᩃᩥᨠᩣᨶᩴ ᩅᩣ ᩌᩈᨿᩮᩣ ᩉᩮᩣᨲᩥ…ᨸᩮ… ᨶ ᩈᩴᩈᩁᨱᨶᩥᩔᩥᨲᩴ ᩅᩣ ᩉᩮᩣᨲᩥ. ᩑᨲᩴ ᩋᨶᩣᩁᨾ᩠ᨽᩴ ᨶᩣᨾ.

ᩈᨸᩁᩥᨠ᩠ᨠᨾᨶᩴ ᨶᩣᨾ ᩈᨠ᩠ᨠᩣ ᩉᩮᩣᨲᩥ ᨿᨳᩣᨿᩩᨲ᩠ᨲᩮᨶ ᩈᨠᨭᩮᨶ ᩋᨶᩩᨸᩁᩥᨣᨶ᩠ᨲᩩᩴ, ᩈᨾᨶ᩠ᨲᩣ ᨶᩥᩔᩮᨱᩥᨿᩣ ᩋᨶᩩᨸᩁᩥᨣᨶ᩠ᨲᩩᩴ. ᩑᨲᩴ ᩈᨸᩁᩥᨠ᩠ᨠᨾᨶᩴ ᨶᩣᨾ.

ᨾᩉᩃ᩠ᩃᨠᩮᩣ ᨶᩣᨾ ᩅᩥᩉᩣᩁᩮᩣ ᩈᩔᩣᨾᩥᨠᩮᩣ ᩅᩩᨧ᩠ᨧᨲᩥ.

ᩅᩥᩉᩣᩁᩮᩣ ᨶᩣᨾ ᩏᩃ᩠ᩃᩥᨲ᩠ᨲᩮᩣ ᩅᩣ ᩉᩮᩣᨲᩥ ᩋᩅᩃᩥᨲ᩠ᨲᩮᩣ ᩅᩣ ᩏᩃ᩠ᩃᩥᨲ᩠ᨲᩣᩅᩃᩥᨲ᩠ᨲᩮᩣ ᩅᩣ.

ᨠᩣᩁᩮᨿ᩠ᨿᩣᨲᩥ ᨠᩁᩮᩣᨲᩥ ᩅᩣ ᨠᩣᩁᩣᨸᩮᨲᩥ ᩅᩣ.

ᨽᩥᨠ᩠ᨡᩪ ᩅᩣ ᩋᨶᨽᩥᨶᩮᨿ᩠ᨿ ᩅᨲ᩠ᨳᩩᨴᩮᩈᨶᩣᨿᩣᨲᩥ ᨬᨲ᩠ᨲᩥᨴᩩᨲᩥᨿᩮᨶ ᨠᨾ᩠ᨾᩮᨶ ᩅᩥᩉᩣᩁᩅᨲ᩠ᨳᩩᩴ ᨶ ᨴᩮᩈᩣᨸᩮᨲ᩠ᩅᩣ ᨠᩁᩮᩣᨲᩥ ᩅᩣ ᨠᩣᩁᩣᨸᩮᨲᩥ ᩅᩣ, ᨸᨿᩮᩣᨣᩮ ¶ ᨴᩩᨠ᩠ᨠᨭᩴ. ᩑᨠᩴ ᨸᩥᨱ᩠ᨯᩴ ᩋᨶᩣᨣᨲᩮ, ᩌᨸᨲ᩠ᨲᩥ ᨳᩩᩃ᩠ᩃᨧ᩠ᨧᨿᩔ ¶ . ᨲᩈ᩠ᨾᩥᩴ ᨸᩥᨱ᩠ᨯᩮ ᩌᨣᨲᩮ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩈᨦ᩠ᨥᩣᨴᩥᩈᩮᩈᩮᩣᨲᩥ…ᨸᩮ… ᨲᩮᨶᨸᩥ ᩅᩩᨧ᩠ᨧᨲᩥ – ‘ᩈᨦ᩠ᨥᩣᨴᩥᩈᩮᩈᩮᩣ’ᨲᩥ.

᪓᪗᪒. ᨽᩥᨠ᩠ᨡᩩ ᩅᩥᩉᩣᩁᩴ ᨠᩁᩮᩣᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ. ᨽᩥᨠ᩠ᨡᩩ ᩅᩥᩉᩣᩁᩴ ᨠᩁᩮᩣᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ. ᨽᩥᨠ᩠ᨡᩩ ᩅᩥᩉᩣᩁᩴ ᨠᩁᩮᩣᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ. ᨽᩥᨠ᩠ᨡᩩ ᩅᩥᩉᩣᩁᩴ ᨠᩁᩮᩣᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨽᩥᨠ᩠ᨡᩩ ᩅᩥᩉᩣᩁᩴ ᨠᩁᩮᩣᨲᩥ ᨴᩮᩈᩥᨲᩅᨲ᩠ᨳᩩᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ. ᨽᩥᨠ᩠ᨡᩩ ᩅᩥᩉᩣᩁᩴ ᨠᩁᩮᩣᨲᩥ ᨴᩮᩈᩥᨲᩅᨲ᩠ᨳᩩᨠᩴ ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨽᩥᨠ᩠ᨡᩩ ᩅᩥᩉᩣᩁᩴ ᨠᩁᩮᩣᨲᩥ ᨴᩮᩈᩥᨲᩅᨲ᩠ᨳᩩᨠᩴ ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨽᩥᨠ᩠ᨡᩩ ᩅᩥᩉᩣᩁᩴ ᨠᩁᩮᩣᨲᩥ ᨴᩮᩈᩥᨲᩅᨲ᩠ᨳᩩᨠᩴ ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩋᨶᩣᨸᨲ᩠ᨲᩥ.

᪓᪗᪓. ᨽᩥᨠ᩠ᨡᩩ ¶ ¶ ᩈᨾᩣᨴᩥᩈᨲᩥ – ‘‘ᩅᩥᩉᩣᩁᩴ ᨾᩮ ᨠᩁᩮᩣᨳᩣ’’ᨲᩥ. ᨲᩔ ᩅᩥᩉᩣᩁᩴ ᨠᩁᩮᩣᨶ᩠ᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨽᩥᨠ᩠ᨡᩩ ᩈᨾᩣᨴᩥᩈᨲᩥ – ‘‘ᩅᩥᩉᩣᩁᩴ ᨾᩮ ᨠᩁᩮᩣᨳᩣ’’ᨲᩥ. ᨲᩔ ᩅᩥᩉᩣᩁᩴ ᨠᩁᩮᩣᨶ᩠ᨲᩥ ᨴᩮᩈᩥᨲᩅᨲ᩠ᨳᩩᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩈᩣᩁᨾ᩠ᨽᩴ ¶ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩋᨶᩣᨸᨲ᩠ᨲᩥ.

᪓᪗᪔. ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᩅᩥᩉᩣᩁᩴ ᨾᩮ ᨠᩁᩮᩣᨳᩣ’’ᨲᩥ. ᨶ ᨧ ᩈᨾᩣᨴᩥᩈᨲᩥ – ‘‘ᨴᩮᩈᩥᨲᩅᨲ᩠ᨳᩩᨠᩮᩣ ᨧ ᩉᩮᩣᨲᩩ ᩋᨶᩣᩁᨾ᩠ᨽᩮᩣ ᨧ ᩈᨸᩁᩥᨠ᩠ᨠᨾᨶᩮᩣ ᨧᩣ’’ᨲᩥ. ᨲᩔ ᩅᩥᩉᩣᩁᩴ ᨠᩁᩮᩣᨶ᩠ᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᩅᩥᩉᩣᩁᩴ ᨾᩮ ᨠᩁᩮᩣᨳᩣ’’ᨲᩥ. ᨶ ᨧ ᩈᨾᩣᨴᩥᩈᨲᩥ – ‘‘ᨴᩮᩈᩥᨲᩅᨲ᩠ᨳᩩᨠᩮᩣ ᨧ ᩉᩮᩣᨲᩩ ᩋᨶᩣᩁᨾ᩠ᨽᩮᩣ ᨧ ᩈᨸᩁᩥᨠ᩠ᨠᨾᨶᩮᩣ ᨧᩣ’’ᨲᩥ. ᨲᩔ ᩅᩥᩉᩣᩁᩴ ᨠᩁᩮᩣᨶ᩠ᨲᩥ ᨴᩮᩈᩥᨲᩅᨲ᩠ᨳᩩᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩋᨶᩣᨸᨲ᩠ᨲᩥ.

᪓᪗᪕. ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᩅᩥᩉᩣᩁᩴ ᨾᩮ ᨠᩁᩮᩣᨳᩣ’’ᨲᩥ. ᩈᨾᩣᨴᩥᩈᨲᩥ ᨧ – ‘‘ᨴᩮᩈᩥᨲᩅᨲ᩠ᨳᩩᨠᩮᩣ ᨧ ᩉᩮᩣᨲᩩ ᩋᨶᩣᩁᨾ᩠ᨽᩮᩣ ᨧ ᩈᨸᩁᩥᨠ᩠ᨠᨾᨶᩮᩣ ᨧᩣ’’ᨲᩥ. ᨲᩔ ᩅᩥᩉᩣᩁᩴ ᨠᩁᩮᩣᨶ᩠ᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ. ᩈᩮᩣ ᩈᩩᨱᩣᨲᩥ – ‘‘ᩅᩥᩉᩣᩁᩮᩣ ᨠᩥᩁ ᨾᩮ ᨠᨿᩥᩁᨲᩥ ᩋᨴᩮᩈᩥᨲᩅᨲ᩠ᨳᩩᨠᩮᩣ ᩈᩣᩁᨾ᩠ᨽᩮᩣ ᩋᨸᩁᩥᨠ᩠ᨠᨾᨶᩮᩣ’’ᨲᩥ. ᨲᩮᨶ ᨽᩥᨠ᩠ᨡᩩᨶᩣ ᩈᩣᨾᩴ ᩅᩣ ᨣᨶ᩠ᨲᨻ᩠ᨻᩴ ᨴᩪᨲᩮᩣ ᩅᩣ ᨸᩣᩉᩮᨲᨻ᩠ᨻᩮᩣ – ‘‘ᨴᩮᩈᩥᨲᩅᨲ᩠ᨳᩩᨠᩮᩣ ᨧ ᩉᩮᩣᨲᩩ ᩋᨶᩣᩁᨾ᩠ᨽᩮᩣ ᨧ ᩈᨸᩁᩥᨠ᩠ᨠᨾᨶᩮᩣ ᨧᩣ’’ᨲᩥ ¶ …ᨸᩮ… ‘‘ᨴᩮᩈᩥᨲᩅᨲ᩠ᨳᩩᨠᩮᩣ ᨧ ᩉᩮᩣᨲᩩ ᩋᨶᩣᩁᨾ᩠ᨽᩮᩣ ᨧᩣ’’ᨲᩥ…ᨸᩮ… ‘‘ᨴᩮᩈᩥᨲᩅᨲ᩠ᨳᩩᨠᩮᩣ ᨧ ᩉᩮᩣᨲᩩ ᩈᨸᩁᩥᨠ᩠ᨠᨾᨶᩮᩣ ᨧᩣ’’ᨲᩥ ¶ ¶ …ᨸᩮ… ‘‘ᨴᩮᩈᩥᨲᩅᨲ᩠ᨳᩩᨠᩮᩣ ᩉᩮᩣᨲᩪ’’ᨲᩥ. ᨶᩮᩣ ᨧᩮ ᩈᩣᨾᩴ ᩅᩣ ᨣᨧ᩠ᨨᩮᨿ᩠ᨿ ᨴᩪᨲᩴ ᩅᩣ ᨸᩉᩥᨱᩮᨿ᩠ᨿ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᩅᩥᩉᩣᩁᩴ ᨾᩮ ᨠᩁᩮᩣᨳᩣ’’ᨲᩥ. ᩈᨾᩣᨴᩥᩈᨲᩥ ᨧ – ‘‘ᨴᩮᩈᩥᨲᩅᨲ᩠ᨳᩩᨠᩮᩣ ᨧ ᩉᩮᩣᨲᩩ ᩋᨶᩣᩁᨾ᩠ᨽᩮᩣ ᨧ ᩈᨸᩁᩥᨠ᩠ᨠᨾᨶᩮᩣ ᨧᩣ’’ᨲᩥ. ᨲᩔ ᩅᩥᩉᩣᩁᩴ ᨠᩁᩮᩣᨶ᩠ᨲᩥ ᨴᩮᩈᩥᨲᩅᨲ᩠ᨳᩩᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ. ᩈᩮᩣ ᩈᩩᨱᩣᨲᩥ – ‘‘ᩅᩥᩉᩣᩁᩮᩣ ᨠᩥᩁ ᨾᩮ ᨠᨿᩥᩁᨲᩥ ᨴᩮᩈᩥᨲᩅᨲ᩠ᨳᩩᨠᩮᩣ ᩈᩣᩁᨾ᩠ᨽᩮᩣ ᩋᨸᩁᩥᨠ᩠ᨠᨾᨶᩮᩣ’’ᨲᩥ. ᨲᩮᨶ ᨽᩥᨠ᩠ᨡᩩᨶᩣ ᩈᩣᨾᩴ ᩅᩣ ᨣᨶ᩠ᨲᨻ᩠ᨻᩴ ᨴᩪᨲᩮᩣ ᩅᩣ ᨸᩣᩉᩮᨲᨻ᩠ᨻᩮᩣ – ‘‘ᩋᨶᩣᩁᨾ᩠ᨽᩮᩣ ᨧ ᩉᩮᩣᨲᩩ ᩈᨸᩁᩥᨠ᩠ᨠᨾᨶᩮᩣ ᨧᩣ’’ᨲᩥ…ᨸᩮ… ‘‘ᩋᨶᩣᩁᨾ᩠ᨽᩮᩣ ᩉᩮᩣᨲᩪ’’ᨲᩥ ‘‘ᩈᨸᩁᩥᨠ᩠ᨠᨾᨶᩮᩣ ᩉᩮᩣᨲᩪ’’ᨲᩥ, ᩋᨶᩣᨸᨲ᩠ᨲᩥ.

᪓᪗᪖. ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᩅᩥᩉᩣᩁᩴ ᨾᩮ ᨠᩁᩮᩣᨳᩣ’’ᨲᩥ. ᩈᨾᩣᨴᩥᩈᨲᩥ ᨧ – ‘‘ᨴᩮᩈᩥᨲᩅᨲ᩠ᨳᩩᨠᩮᩣ ᨧ ᩉᩮᩣᨲᩩ ᩋᨶᩣᩁᨾ᩠ᨽᩮᩣ ᨧ ᩈᨸᩁᩥᨠ᩠ᨠᨾᨶᩮᩣ ᨧᩣ’’ᨲᩥ. ᨲᩔ ᩅᩥᩉᩣᩁᩴ ᨠᩁᩮᩣᨶ᩠ᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨠᩣᩁᩩᨠᩣᨶᩴ ᨲᩥᨱ᩠ᨱᩴ ᨴᩩᨠ᩠ᨠᨭᩣᨶᩴ…ᨸᩮ… ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨠᩣᩁᩩᨠᩣᨶᩴ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨠᩣᩁᩩᨠᩣᨶᩴ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨠᩣᩁᩩᨠᩣᨶᩴ ᨴᩩᨠ᩠ᨠᨭᩔ.

ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᩅᩥᩉᩣᩁᩴ ᨾᩮ ᨠᩁᩮᩣᨳᩣ’’ᨲᩥ. ᩈᨾᩣᨴᩥᩈᨲᩥ ᨧ – ‘‘ᨴᩮᩈᩥᨲᩅᨲ᩠ᨳᩩᨠᩮᩣ ᨧ ᩉᩮᩣᨲᩩ ᩋᨶᩣᩁᨾ᩠ᨽᩮᩣ ᨧ ᩈᨸᩁᩥᨠ᩠ᨠᨾᨶᩮᩣ ᨧᩣ’’ᨲᩥ. ᨲᩔ ᩅᩥᩉᩣᩁᩴ ᨠᩁᩮᩣᨶ᩠ᨲᩥ ᨴᩮᩈᩥᨲᩅᨲ᩠ᨳᩩᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ ¶ , ᩌᨸᨲ᩠ᨲᩥ ᨠᩣᩁᩩᨠᩣᨶᩴ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨠᩣᩁᩩᨠᩣᨶᩴ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨠᩣᩁᩩᨠᩣᨶᩴ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩋᨶᩣᨸᨲ᩠ᨲᩥ.

᪓᪗᪗. ᨽᩥᨠ᩠ᨡᩩ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᩅᩥᩉᩣᩁᩴ ᨾᩮ ᨠᩁᩮᩣᨳᩣ’’ᨲᩥ. ᨲᩔ ᩅᩥᩉᩣᩁᩴ ᨠᩁᩮᩣᨶ᩠ᨲᩥ ᩋᨴᩮᩈᩥᨲᩅᨲ᩠ᨳᩩᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ. ᩈᩮᩣ ᨧᩮ ᩅᩥᨸ᩠ᨸᨠᨲᩮ ᩌᨣᨧ᩠ᨨᨲᩥ, ᨲᩮᨶ ᨽᩥᨠ᩠ᨡᩩᨶᩣ ᩈᩮᩣ ᩅᩥᩉᩣᩁᩮᩣ ᩋᨬ᩠ᨬᩔ ᩅᩣ ᨴᩣᨲᨻ᩠ᨻᩮᩣ ᨽᩥᨶ᩠ᨴᩥᨲ᩠ᩅᩣ ᩅᩣ ᨸᩩᨶ ᨠᩣᨲᨻ᩠ᨻᩮᩣ. ᨶᩮᩣ ᨧᩮ ᩋᨬ᩠ᨬᩔ ᩅᩣ ᨴᨴᩮᨿ᩠ᨿ ᨽᩥᨶ᩠ᨴᩥᨲ᩠ᩅᩣ ᩅᩣ ᨸᩩᨶ ᨠᩣᩁᩮᨿ᩠ᨿ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨽᩥᨠ᩠ᨡᩩ ¶ ¶ ᩈᨾᩣᨴᩥᩈᩥᨲ᩠ᩅᩣ ᨸᨠ᩠ᨠᨾᨲᩥ – ‘‘ᩅᩥᩉᩣᩁᩴ ᨾᩮ ᨠᩁᩮᩣᨳᩣ’’ᨲᩥ. ᨲᩔ ᩅᩥᩉᩣᩁᩴ ᨠᩁᩮᩣᨶ᩠ᨲᩥ ᨴᩮᩈᩥᨲᩅᨲ᩠ᨳᩩᨠᩴ ᩈᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ. ᩈᩮᩣ ᨧᩮ ᩅᩥᨸ᩠ᨸᨠᨲᩮ ᩌᨣᨧ᩠ᨨᨲᩥ, ᨲᩮᨶ ᨽᩥᨠ᩠ᨡᩩᨶᩣ ᩈᩮᩣ ᩅᩥᩉᩣᩁᩮᩣ ᩋᨬ᩠ᨬᩔ ᩅᩣ ᨴᩣᨲᨻ᩠ᨻᩮᩣ ᨽᩥᨶ᩠ᨴᩥᨲ᩠ᩅᩣ ᩅᩣ ᨸᩩᨶ ᨠᩣᨲᨻ᩠ᨻᩮᩣ. ᨶᩮᩣ ᨧᩮ ᩋᨬ᩠ᨬᩔ ᩅᩣ ᨴᨴᩮᨿ᩠ᨿ ᨽᩥᨶ᩠ᨴᩥᨲ᩠ᩅᩣ ᩅᩣ ᨸᩩᨶ ᨠᩣᩁᩮᨿ᩠ᨿ, ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ…ᨸᩮ… ᩈᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩋᨸᩁᩥᨠ᩠ᨠᨾᨶᩴ, ᩌᨸᨲ᩠ᨲᩥ ᨴᩩᨠ᩠ᨠᨭᩔ…ᨸᩮ… ᩋᨶᩣᩁᨾ᩠ᨽᩴ ᩈᨸᩁᩥᨠ᩠ᨠᨾᨶᩴ, ᩋᨶᩣᨸᨲ᩠ᨲᩥ.

᪓᪗᪘. ᩋᨲ᩠ᨲᨶᩣ ᩅᩥᨸ᩠ᨸᨠᨲᩴ ᩋᨲ᩠ᨲᨶᩣ ᨸᩁᩥᨿᩮᩣᩈᩣᨸᩮᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ ¶ .

ᩋᨲ᩠ᨲᨶᩣ ᩅᩥᨸ᩠ᨸᨠᨲᩴ ᨸᩁᩮᩉᩥ ᨸᩁᩥᨿᩮᩣᩈᩣᨸᩮᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩁᩮᩉᩥ ᩅᩥᨸ᩠ᨸᨠᨲᩴ ᩋᨲ᩠ᨲᨶᩣ ᨸᩁᩥᨿᩮᩣᩈᩣᨸᩮᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨸᩁᩮᩉᩥ ᩅᩥᨸ᩠ᨸᨠᨲᩴ ᨸᩁᩮᩉᩥ ᨸᩁᩥᨿᩮᩣᩈᩣᨸᩮᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

᪓᪗᪙. ᩋᨶᩣᨸᨲ᩠ᨲᩥ ᩃᩮᨱᩮ ᨣᩩᩉᩣᨿ ᨲᩥᨱᨠᩩᨭᩥᨠᩣᨿ ᩋᨬ᩠ᨬᩔᨲ᩠ᨳᩣᨿ ᩅᩣᩈᩣᨣᩣᩁᩴ ᨮᨸᩮᨲ᩠ᩅᩣ ᩈᨻ᩠ᨻᨲ᩠ᨳ. ᩋᨶᩣᨸᨲ᩠ᨲᩥ ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᩅᩥᩉᩣᩁᨠᩣᩁᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᩈᨲ᩠ᨲᨾᩴ.

᪘. ᨴᩩᨭ᩠ᨮᨴᩮᩣᩈᩈᩥᨠ᩠ᨡᩣᨸᨴᩴ

᪓᪘᪐. [ᩍᨴᩴ ᩅᨲ᩠ᨳᩩ ᨧᩪᩊᩅ. ᪑᪘᪙] ᨲᩮᨶ ¶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩁᩣᨩᨣᩉᩮ ᩅᩥᩉᩁᨲᩥ ᩅᩮᩊᩩᩅᨶᩮ ᨠᩃᨶ᩠ᨴᨠᨶᩥᩅᩣᨸᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᨿᩈ᩠ᨾᨲᩣ ᨴᨻ᩠ᨻᩮᨶ ᨾᩃ᩠ᩃᨸᩩᨲ᩠ᨲᩮᨶ ᨩᩣᨲᩥᨿᩣ ᩈᨲ᩠ᨲᩅᩔᩮᨶ ᩋᩁᩉᨲ᩠ᨲᩴ ᩈᨧ᩠ᨨᩥᨠᨲᩴ ᩉᩮᩣᨲᩥ. ᨿᩴ ᨠᩥᨬ᩠ᨧᩥ [ᨿᨬ᩠ᨧ ᨠᩥᨬ᩠ᨧᩥ (ᩈᩦ. ᨠ.)] ᩈᩣᩅᨠᩮᨶ ᨸᨲ᩠ᨲᨻ᩠ᨻᩴ ᩈᨻ᩠ᨻᩴ ᨲᩮᨶ ᩋᨶᩩᨸ᩠ᨸᨲ᩠ᨲᩴ ᩉᩮᩣᨲᩥ. ᨶᨲ᩠ᨳᩥ ᨧᩔ ᨠᩥᨬ᩠ᨧᩥ ᩏᨲ᩠ᨲᩁᩥ ᨠᩁᨱᩦᨿᩴ, ᨠᨲᩔ ᩅᩣ ᨸᨲᩥᨧᨿᩮᩣ. ᩋᨳ ᨡᩮᩣ ᩌᨿᩈ᩠ᨾᨲᩮᩣ ᨴᨻ᩠ᨻᩔ ᨾᩃ᩠ᩃᨸᩩᨲ᩠ᨲᩔ ᩁᩉᩮᩣᨣᨲᩔ ᨸᨭᩥᩈᩃ᩠ᩃᩦᨶᩔ ᩑᩅᩴ ᨧᩮᨲᩈᩮᩣ ᨸᩁᩥᩅᩥᨲᨠ᩠ᨠᩮᩣ ᩏᨴᨸᩣᨴᩥ – ‘‘ᨾᨿᩣ ᨡᩮᩣ ᨩᩣᨲᩥᨿᩣ ᩈᨲ᩠ᨲᩅᩔᩮᨶ ᩋᩁᩉᨲ᩠ᨲᩴ ᩈᨧ᩠ᨨᩥᨠᨲᩴ. ᨿᩴ ᨠᩥᨬ᩠ᨧᩥ ᩈᩣᩅᨠᩮᨶ ᨸᨲ᩠ᨲᨻ᩠ᨻᩴ ᩈᨻ᩠ᨻᩴ ᨾᨿᩣ ᩋᨶᩩᨸ᩠ᨸᨲ᩠ᨲᩴ. ᨶᨲ᩠ᨳᩥ ᨧ ᨾᩮ ᨠᩥᨬ᩠ᨧᩥ ¶ ᩏᨲ᩠ᨲᩁᩥ ᨠᩁᨱᩦᨿᩴ, ᨠᨲᩔ ᩅᩣ ᨸᨲᩥᨧᨿᩮᩣ. ᨠᩥᨶ᩠ᨶᩩ ᨡᩮᩣ ᩋᩉᩴ ᩈᨦ᩠ᨥᩔ ᩅᩮᨿ᩠ᨿᩣᩅᨧ᩠ᨧᩴ ᨠᩁᩮᨿ᩠ᨿ’’ᨶ᩠ᨲᩥ?

ᩋᨳ ᨡᩮᩣ ᩌᨿᩈ᩠ᨾᨲᩮᩣ ᨴᨻ᩠ᨻᩔ ᨾᩃ᩠ᩃᨸᩩᨲ᩠ᨲᩔ ᩑᨲᨴᩉᩮᩣᩈᩥ – ‘‘ᨿᩴᨶᩪᨶᩣᩉᩴ ᩈᨦ᩠ᨥᩔ ᩈᩮᨶᩣᩈᨶᨬ᩠ᨧ ᨸᨬ᩠ᨬᨸᩮᨿ᩠ᨿᩴ ᨽᨲ᩠ᨲᩣᨶᩥ ᨧ ᩏᨴ᩠ᨴᩥᩈᩮᨿ᩠ᨿ’’ᨶ᩠ᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ¶ ᨴᨻ᩠ᨻᩮᩣ ᨾᩃ᩠ᩃᨸᩩᨲ᩠ᨲᩮᩣ ᩈᩣᨿᨶ᩠ᩉᩈᨾᨿᩴ ᨸᨭᩥᩈᩃ᩠ᩃᩣᨶᩣ ᩅᩩᨭ᩠ᨮᩥᨲᩮᩣ ᨿᩮᨶ ᨽᨣᩅᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨽᨣᩅᨶ᩠ᨲᩴ ᩋᨽᩥᩅᩣᨴᩮᨲ᩠ᩅᩣ ᩑᨠᨾᨶ᩠ᨲᩴ ᨶᩥᩈᩦᨴᩥ. ᩑᨠᨾᨶ᩠ᨲᩴ ᨶᩥᩈᩥᨶ᩠ᨶᩮᩣ ᨡᩮᩣ ᩌᨿᩈ᩠ᨾᩣ ᨴᨻ᩠ᨻᩮᩣ ᨾᩃ᩠ᩃᨸᩩᨲ᩠ᨲᩮᩣ ᨽᨣᩅᨶ᩠ᨲᩴ ᩑᨲᨴᩅᩮᩣᨧ – ‘‘ᩍᨵ ᨾᨿ᩠ᩉᩴ, ᨽᨶ᩠ᨲᩮ, ᩁᩉᩮᩣᨣᨲᩔ ᨸᨭᩥᩈᩃ᩠ᩃᩦᨶᩔ ᩑᩅᩴ ᨧᩮᨲᩈᩮᩣ ᨸᩁᩥᩅᩥᨲᨠ᩠ᨠᩮᩣ ᩏᨴᨸᩣᨴᩥ ᨾᨿᩣ ᨡᩮᩣ ᨩᩣᨲᩥᨿᩣ ᩈᨲ᩠ᨲᩅᩔᩮᨶ ᩋᩁᩉᨲ᩠ᨲᩴ ᩈᨧ᩠ᨨᩥᨠᨲᩴ, ᨿᩴ ᨠᩥᨬ᩠ᨧᩥ ᩈᩣᩅᨠᩮᨶ ᨸᨲ᩠ᨲᨻ᩠ᨻᩴ, ᩈᨻ᩠ᨻᩴ ᨾᨿᩣ ᩋᨶᩩᨸᨲ᩠ᨲᩴ, ᨶᨲ᩠ᨳᩥ ¶ ᨧ ᨾᩮ ᨠᩥᨬ᩠ᨧᩥ ᩏᨲ᩠ᨲᩁᩥ ᨠᩁᨱᩦᨿᩴ, ᨠᨲᩔ ᩅᩣ ᨸᨲᩥᨧᨿᩮᩣ, ᨠᩥᩴ ᨶᩩ ᨡᩮᩣ ᩋᩉᩴ ᩈᨦ᩠ᨥᩔ ᩅᩮᨿ᩠ᨿᩣᩅᨧ᩠ᨧᩴ ᨠᩁᩮᨿ᩠ᨿ’’ᨶ᩠ᨲᩥ. ᨲᩔ ᨾᨿ᩠ᩉᩴ ᨽᨶ᩠ᨲᩮ, ᩑᨲᨴᩉᩮᩣᩈᩥ ᨿᩴᨶᩪᨶᩣᩉᩴ ‘‘ᩈᨦ᩠ᨥᩔ ᩈᩮᨶᩣᩈᨶᨬ᩠ᨧ ᨸᨬ᩠ᨬᨸᩮᨿ᩠ᨿᩴ ᨽᨲ᩠ᨲᩣᨶᩥ ᨧ ᩏᨴ᩠ᨴᩥᩈᩮᨿ᩠ᨿᨶ᩠ᨲᩥ. ᩍᨧ᩠ᨨᩣᨾᩉᩴ, ᨽᨶ᩠ᨲᩮ, ᩈᨦ᩠ᨥᩔ ᩈᩮᨶᩣᩈᨶᨬ᩠ᨧ ᨸᨬ᩠ᨬᨸᩮᨲᩩᩴ ᨽᨲ᩠ᨲᩣᨶᩥ ᨧ ᩏᨴ᩠ᨴᩥᩈᩥᨲᩩ’’ᨶ᩠ᨲᩥ. ‘‘ᩈᩣᨵᩩ ᩈᩣᨵᩩ, ᨴᨻ᩠ᨻ. ᨲᩮᨶ ᩉᩥ ᨲ᩠ᩅᩴ, ᨴᨻ᩠ᨻ, ᩈᨦ᩠ᨥᩔ ᩈᩮᨶᩣᩈᨶᨬ᩠ᨧ ᨸᨬ᩠ᨬᨸᩮᩉᩥ ᨽᨲ᩠ᨲᩣᨶᩥ ᨧ ᩏᨴ᩠ᨴᩥᩈᩣ’’ᨲᩥ. ‘‘ᩑᩅᩴ, ᨽᨶ᩠ᨲᩮ’’ᨲᩥ ᨡᩮᩣ ᩌᨿᩈ᩠ᨾᩣ ᨴᨻ᩠ᨻᩮᩣ ᨾᩃ᩠ᩃᨸᩩᨲ᩠ᨲᩮᩣ ᨽᨣᩅᨲᩮᩣ ᨸᨧ᩠ᨧᩔᩮᩣᩈᩥ. ᩋᨳ ᨡᩮᩣ ᨽᨣᩅᩣ ᩑᨲᩈ᩠ᨾᩥᩴ ᨶᩥᨴᩣᨶᩮ ᩑᨲᩈ᩠ᨾᩥᩴ ᨸᨠᩁᨱᩮ ᨵᨾ᩠ᨾᩥᩴ ᨠᨳᩴ ᨠᨲ᩠ᩅᩣ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ – ‘‘ᨲᩮᨶ ᩉᩥ, ᨽᩥᨠ᩠ᨡᩅᩮ, ᩈᨦ᩠ᨥᩮᩣ ᨴᨻ᩠ᨻᩴ ᨾᩃ᩠ᩃᨸᩩᨲ᩠ᨲᩴ ᩈᩮᨶᩣᩈᨶᨸᨬ᩠ᨬᩣᨸᨠᨬ᩠ᨧ ᨽᨲ᩠ᨲᩩᨴ᩠ᨴᩮᩈᨠᨬ᩠ᨧ ᩈᨾ᩠ᨾᨶ᩠ᨶᨲᩩ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩈᨾ᩠ᨾᨶ᩠ᨶᩥᨲᨻ᩠ᨻᩮᩣ. ᨸᨮᨾᩴ ᨴᨻ᩠ᨻᩮᩣ ᨾᩃ᩠ᩃᨸᩩᨲ᩠ᨲᩮᩣ ᨿᩣᨧᩥᨲᨻ᩠ᨻᩮᩣ. ᨿᩣᨧᩥᨲ᩠ᩅᩣ ᨻ᩠ᨿᨲ᩠ᨲᩮᨶ ᨽᩥᨠ᩠ᨡᩩᨶᩣ ᨸᨭᩥᨻᩃᩮᨶ ᩈᨦ᩠ᨥᩮᩣ ᨬᩣᨸᩮᨲᨻ᩠ᨻᩮᩣ –

᪓᪘᪑. ‘‘ᩈᩩᨱᩣᨲᩩ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᨿᨴᩥ ᩈᨦ᩠ᨥᩔ ᨸᨲ᩠ᨲᨠᩃ᩠ᩃᩴ ᩈᨦ᩠ᨥᩮᩣ ᩌᨿᩈ᩠ᨾᨶ᩠ᨲᩴ ᨴᨻ᩠ᨻᩴ ᨾᩃ᩠ᩃᨸᩩᨲ᩠ᨲᩴ ᩈᩮᨶᩣᩈᨶᨸᨬ᩠ᨬᩣᨸᨠᨬ᩠ᨧ ᨽᨲ᩠ᨲᩩᨴ᩠ᨴᩮᩈᨠᨬ᩠ᨧ ¶ ᩈᨾ᩠ᨾᨶ᩠ᨶᩮᨿ᩠ᨿ. ᩑᩈᩣ ᨬᨲ᩠ᨲᩥ.

‘‘ᩈᩩᨱᩣᨲᩩ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᩈᨦ᩠ᨥᩮᩣ ᩌᨿᩈ᩠ᨾᨶ᩠ᨲᩴ ᨴᨻ᩠ᨻᩴ ᨾᩃ᩠ᩃᨸᩩᨲ᩠ᨲᩴ ᩈᩮᨶᩣᩈᨶᨸᨬ᩠ᨬᩣᨸᨠᨬ᩠ᨧ ᨽᨲ᩠ᨲᩩᨴ᩠ᨴᩮᩈᨠᨬ᩠ᨧ ᩈᨾ᩠ᨾᨶ᩠ᨶᨲᩥ. ᨿᩔᩣᨿᩈ᩠ᨾᨲᩮᩣ ᨡᨾᨲᩥ ᩌᨿᩈ᩠ᨾᨲᩮᩣ ᨴᨻ᩠ᨻᩔ ᨾᩃ᩠ᩃᨸᩩᨲ᩠ᨲᩔ ᩈᩮᨶᩣᩈᨶᨸᨬ᩠ᨬᩣᨸᨠᩔ ᨧ ᨽᨲ᩠ᨲᩩᨴ᩠ᨴᩮᩈᨠᩔ ᨧ ᩈᨾ᩠ᨾᩩᨲᩥ, ᩈᩮᩣ ᨲᩩᨱ᩠ᩉᩔ; ᨿᩔ ᨶᨠ᩠ᨡᨾᨲᩥ, ᩈᩮᩣ ᨽᩣᩈᩮᨿ᩠ᨿ.

‘‘ᩈᨾ᩠ᨾᨲᩮᩣ ᩈᨦ᩠ᨥᩮᨶ ᩌᨿᩈ᩠ᨾᩣ ᨴᨻ᩠ᨻᩮᩣ ᨾᩃ᩠ᩃᨸᩩᨲ᩠ᨲᩮᩣ ᩈᩮᨶᩣᩈᨶᨸᨬ᩠ᨬᩣᨸᨠᩮᩣ ᨧ ᨽᨲ᩠ᨲᩩᨴ᩠ᨴᩮᩈᨠᩮᩣ ᨧ. ᨡᨾᨲᩥ ᩈᨦ᩠ᨥᩔ, ᨲᩈ᩠ᨾᩣ ᨲᩩᨱ᩠ᩉᩦ ¶ , ᩑᩅᨾᩮᨲᩴ ᨵᩣᩁᨿᩣᨾᩦ’’ᨲᩥ.

᪓᪘᪒. ᩈᨾ᩠ᨾᨲᩮᩣ ¶ ᨧ ᨸᨶᩣᨿᩈ᩠ᨾᩣ ᨴᨻ᩠ᨻᩮᩣ ᨾᩃ᩠ᩃᨸᩩᨲ᩠ᨲᩮᩣ ᩈᨽᩣᨣᩣᨶᩴ ᨽᩥᨠ᩠ᨡᩪᨶᩴ ᩑᨠᨩ᩠ᨫᩴ ᩈᩮᨶᩣᩈᨶᩴ ᨸᨬ᩠ᨬᨸᩮᨲᩥ. ᨿᩮ ᨲᩮ ᨽᩥᨠ᩠ᨡᩪ ᩈᩩᨲ᩠ᨲᨶ᩠ᨲᩥᨠᩣ ᨲᩮᩈᩴ ᩑᨠᨩ᩠ᨫᩴ ᩈᩮᨶᩣᩈᨶᩴ ¶ ᨸᨬ᩠ᨬᨸᩮᨲᩥ – ‘‘ᨲᩮ ᩋᨬ᩠ᨬᨾᨬ᩠ᨬᩴ ᩈᩩᨲ᩠ᨲᨶ᩠ᨲᩴ ᩈᨦ᩠ᨣᩣᨿᩥᩔᨶ᩠ᨲᩦ’’ᨲᩥ. ᨿᩮ ᨲᩮ ᨽᩥᨠ᩠ᨡᩪ ᩅᩥᨶᨿᨵᩁᩣ ᨲᩮᩈᩴ ᩑᨠᨩ᩠ᨫᩴ ᩈᩮᨶᩣᩈᨶᩴ ᨸᨬ᩠ᨬᨸᩮᨲᩥ – ‘‘ᨲᩮ ᩋᨬ᩠ᨬᨾᨬ᩠ᨬᩴ ᩅᩥᨶᨿᩴ ᩅᩥᨶᩥᨧ᩠ᨨᩥᨶᩥᩔᨶ᩠ᨲᩦ’’ᨲᩥ [ᩅᩥᨶᩥᨧ᩠ᨨᩥᩔᨶ᩠ᨲᩦᨲᩥ (ᨠ.)]. ᨿᩮ ᨲᩮ ᨽᩥᨠ᩠ᨡᩪ ᨵᨾ᩠ᨾᨠᨳᩥᨠᩣ ᨲᩮᩈᩴ ᩑᨠᨩ᩠ᨫᩴ ᩈᩮᨶᩣᩈᨶᩴ ᨸᨬ᩠ᨬᨸᩮᨲᩥ – ‘‘ᨲᩮ ᩋᨬ᩠ᨬᨾᨬ᩠ᨬᩴ ᨵᨾ᩠ᨾᩴ ᩈᩣᨠᨧ᩠ᨨᩥᩔᨶ᩠ᨲᩦ’’ᨲᩥ. ᨿᩮ ᨲᩮ ᨽᩥᨠ᩠ᨡᩪ ᨫᩣᨿᩥᨶᩮᩣ ᨲᩮᩈᩴ ᩑᨠᨩ᩠ᨫᩴ ᩈᩮᨶᩣᩈᨶᩴ ᨸᨬ᩠ᨬᨸᩮᨲᩥ – ‘‘ᨲᩮ ᩋᨬ᩠ᨬᨾᨬ᩠ᨬᩴ ᨶ ᨻ᩠ᨿᩣᨻᩣᨵᩥᩔᨶ᩠ᨲᩦ’’ᨲᩥ [ᨶ ᨻ᩠ᨿᩣᨻᩣᩉᩥᩔᨶ᩠ᨲᩦᨲᩥ (ᨠ.)]. ᨿᩮ ᨲᩮ ᨽᩥᨠ᩠ᨡᩪ ᨲᩥᩁᨧ᩠ᨨᩣᨶᨠᨳᩥᨠᩣ ᨠᩣᨿᨴᩊ᩠ᩉᩥᨻᩉᩩᩃᩣ [ᨠᩣᨿᨴᨯ᩠ᨰᩥᨻᩉᩩᩃᩣ (ᩈᩦ.)] ᩅᩥᩉᩁᨶ᩠ᨲᩥ ᨲᩮᩈᨾ᩠ᨸᩥ ᩑᨠᨩ᩠ᨫᩴ ᩈᩮᨶᩣᩈᨶᩴ ᨸᨬ᩠ᨬᨸᩮᨲᩥ – ‘‘ᩍᨾᩣᨿᨸᩥᨾᩮ ᩌᨿᩈ᩠ᨾᨶ᩠ᨲᩮᩣ ᩁᨲᩥᨿᩣ ᩋᨧ᩠ᨨᩥᩔᨶ᩠ᨲᩦ’’ᨲᩥ. ᨿᩮᨸᩥ ᨲᩮ ᨽᩥᨠ᩠ᨡᩪ ᩅᩥᨠᩣᩃᩮ ᩌᨣᨧ᩠ᨨᨶ᩠ᨲᩥ ᨲᩮᩈᨾ᩠ᨸᩥ ᨲᩮᨩᩮᩣᨵᩣᨲᩩᩴ ᩈᨾᩣᨸᨩ᩠ᨩᩥᨲ᩠ᩅᩣ ᨲᩮᨶᩮᩅ ᩌᩃᩮᩣᨠᩮᨶ ᩈᩮᨶᩣᩈᨶᩴ ᨸᨬ᩠ᨬᨸᩮᨲᩥ. ᩋᨸᩥᩈᩩ ᨽᩥᨠ᩠ᨡᩪ ᩈᨬ᩠ᨧᩥᨧ᩠ᨧ ᩅᩥᨠᩣᩃᩮ ᩌᨣᨧ᩠ᨨᨶ᩠ᨲᩥ – ‘‘ᨾᨿᩴ ᩌᨿᩈ᩠ᨾᨲᩮᩣ ᨴᨻ᩠ᨻᩔ ᨾᩃ᩠ᩃᨸᩩᨲ᩠ᨲᩔ ᩍᨴ᩠ᨵᩥᨸᩣᨭᩥᩉᩣᩁᩥᨿᩴ ᨸᩔᩥᩔᩣᨾᩣ’’ᨲᩥ.

ᨲᩮ ᩌᨿᩈ᩠ᨾᨶ᩠ᨲᩴ ᨴᨻ᩠ᨻᩴ ᨾᩃ᩠ᩃᨸᩩᨲ᩠ᨲᩴ ᩏᨸᩈᨦ᩠ᨠᨾᩥᨲ᩠ᩅᩣ ᩑᩅᩴ ᩅᨴᨶ᩠ᨲᩥ – ‘‘ᩋᨾ᩠ᩉᩣᨠᩴ, ᩌᩅᩩᩈᩮᩣ ᨴᨻ᩠ᨻ, ᩈᩮᨶᩣᩈᨶᩴ ᨸᨬ᩠ᨬᨸᩮᩉᩦ’’ᨲᩥ. ᨲᩮ ᩌᨿᩈ᩠ᨾᩣ ᨴᨻ᩠ᨻᩮᩣ ᨾᩃ᩠ᩃᨸᩩᨲ᩠ᨲᩮᩣ ᩑᩅᩴ ᩅᨴᩮᨲᩥ – ‘‘ᨠᨲ᩠ᨳᩣᨿᩈ᩠ᨾᨶ᩠ᨲᩣ ¶ ᩍᨧ᩠ᨨᨶ᩠ᨲᩥ, ᨠᨲ᩠ᨳ ᨸᨬ᩠ᨬᨸᩮᨾᩦ’’ᨲᩥ? ᨲᩮ ᩈᨬ᩠ᨧᩥᨧ᩠ᨧ ᨴᩪᩁᩮ ᩋᨸᨴᩥᩈᨶ᩠ᨲᩥ – ‘‘ᩋᨾ᩠ᩉᩣᨠᩴ, ᩌᩅᩩᩈᩮᩣ ᨴᨻ᩠ᨻ, ᨣᩥᨩ᩠ᨫᨠᩪᨭᩮ ᨸᨻ᩠ᨻᨲᩮ ᩈᩮᨶᩣᩈᨶᩴ ᨸᨬ᩠ᨬᨸᩮᩉᩥ. ᩋᨾ᩠ᩉᩣᨠᩴ, ᩌᩅᩩᩈᩮᩣ, ᨧᩮᩣᩁᨸᨸᩣᨲᩮ ᩈᩮᨶᩣᩈᨶᩴ ᨸᨬ᩠ᨬᨸᩮᩉᩥ. ᩋᨾ᩠ᩉᩣᨠᩴ, ᩌᩅᩩᩈᩮᩣ, ᩍᩈᩥᨣᩥᩃᩥᨸᩔᩮ ᨠᩣᩊᩈᩥᩃᩣᨿᩴ ᩈᩮᨶᩣᩈᨶᩴ ᨸᨬ᩠ᨬᨸᩮᩉᩥ. ᩋᨾ᩠ᩉᩣᨠᩴ, ᩌᩅᩩᩈᩮᩣ, ᩅᩮᨽᩣᩁᨸᩔᩮ ᩈᨲ᩠ᨲᨸᨱ᩠ᨱᩥᨣᩩᩉᩣᨿᩴ ᩈᩮᨶᩣᩈᨶᩴ ᨸᨬ᩠ᨬᨸᩮᩉᩥ. ᩋᨾ᩠ᩉᩣᨠᩴ, ᩌᩅᩩᩈᩮᩣ, ᩈᩦᨲᩅᨶᩮ ᩈᨸ᩠ᨸᩈᩮᩣᨱ᩠ᨯᩥᨠᨸᨻ᩠ᨽᩣᩁᩮ ᩈᩮᨶᩣᩈᨶᩴ ᨸᨬ᩠ᨬᨸᩮᩉᩥ. ᩋᨾ᩠ᩉᩣᨠᩴ, ᩌᩅᩩᩈᩮᩣ, ᨣᩮᩣᨲᨾᨠᨠᨶ᩠ᨴᩁᩣᨿᩴ ᩈᩮᨶᩣᩈᨶᩴ ᨸᨬ᩠ᨬᨸᩮᩉᩥ. ᩋᨾ᩠ᩉᩣᨠᩴ, ᩌᩅᩩᩈᩮᩣ, ᨲᩥᨶ᩠ᨴᩩᨠᨠᨶ᩠ᨴᩁᩣᨿᩴ ᩈᩮᨶᩣᩈᨶᩴ ᨸᨬ᩠ᨬᨸᩮᩉᩥ. ᩋᨾ᩠ᩉᩣᨠᩴ, ᩌᩅᩩᩈᩮᩣ, ᨲᨸᩮᩣᨴᨠᨶ᩠ᨴᩁᩣᨿᩴ ᩈᩮᨶᩣᩈᨶᩴ ᨸᨬ᩠ᨬᨸᩮᩉᩥ. ᩋᨾ᩠ᩉᩣᨠᩴ, ᩌᩅᩩᩈᩮᩣ, ᨲᨸᩮᩣᨴᩣᩁᩣᨾᩮ ᩈᩮᨶᩣᩈᨶᩴ ᨸᨬ᩠ᨬᨸᩮᩉᩥ. ᩋᨾ᩠ᩉᩣᨠᩴ, ᩌᩅᩩᩈᩮᩣ, ᨩᩦᩅᨠᨾ᩠ᨻᩅᨶᩮ ¶ ᩈᩮᨶᩣᩈᨶᩴ ᨸᨬ᩠ᨬᨸᩮᩉᩥ. ᩋᨾ᩠ᩉᩣᨠᩴ, ᩌᩅᩩᩈᩮᩣ, ᨾᨴ᩠ᨴᨠᩩᨧ᩠ᨨᩥᩈ᩠ᨾᩥᩴ ᨾᩥᨣᨴᩣᨿᩮ ᩈᩮᨶᩣᩈᨶᩴ ᨸᨬ᩠ᨬᨸᩮᩉᩦ’’ᨲᩥ.

ᨲᩮᩈᩴ ᩌᨿᩈ᩠ᨾᩣ ᨴᨻ᩠ᨻᩮᩣ ᨾᩃ᩠ᩃᨸᩩᨲ᩠ᨲᩮᩣ ᨲᩮᨩᩮᩣᨵᩣᨲᩩᩴ ᩈᨾᩣᨸᨩ᩠ᨩᩥᨲ᩠ᩅᩣ ᩋᨦ᩠ᨣᩩᩃᩥᨿᩣ ᨩᩃᨾᩣᨶᩣᨿ ᨸᩩᩁᨲᩮᩣ ᨸᩩᩁᨲᩮᩣ ᨣᨧ᩠ᨨᨲᩥ. ᨲᩮᨸᩥ ᨲᩮᨶᩮᩅ ᩌᩃᩮᩣᨠᩮᨶ ᩌᨿᩈ᩠ᨾᨲᩮᩣ ᨴᨻ᩠ᨻᩔ ᨾᩃ᩠ᩃᨸᩩᨲ᩠ᨲᩔ ᨸᩥᨭ᩠ᨮᩥᨲᩮᩣ ᨸᩥᨭ᩠ᨮᩥᨲᩮᩣ ᨣᨧ᩠ᨨᨶ᩠ᨲᩥ. ᨲᩮᩈᩴ ᩌᨿᩈ᩠ᨾᩣ ᨴᨻ᩠ᨻᩮᩣ ᨾᩃ᩠ᩃᨸᩩᨲ᩠ᨲᩮᩣ ᩑᩅᩴ ᩈᩮᨶᩣᩈᨶᩴ ᨸᨬ᩠ᨬᨸᩮᨲᩥ – ‘‘ᩋᨿᩴ ᨾᨬ᩠ᨧᩮᩣ, ᩍᨴᩴ ᨸᩦᨮᩴ, ᩋᨿᩴ ᨽᩥᩈᩥ, ᩍᨴᩴ ᨻᩥᨾ᩠ᨻᩮᩣᩉᨶᩴ, ᩍᨴᩴ ᩅᨧ᩠ᨧᨭ᩠ᨮᩣᨶᩴ, ᩍᨴᩴ ᨸᩔᩣᩅᨭ᩠ᨮᩣᨶᩴ ¶ , ᩍᨴᩴ ᨸᩣᨶᩦᨿᩴ, ᩍᨴᩴ ᨸᩁᩥᨽᩮᩣᨩᨶᩦᨿᩴ, ᩋᨿᩴ ¶ ᨠᨲ᩠ᨲᩁᨴᨱ᩠ᨯᩮᩣ, ᩍᨴᩴ ᩈᨦ᩠ᨥᩔ ᨠᨲᩥᨠᩈᨱ᩠ᨮᩣᨶᩴ, ᩍᨾᩴ ᨠᩣᩃᩴ ᨸᩅᩥᩈᩥᨲᨻ᩠ᨻᩴ, ᩍᨾᩴ ᨠᩣᩃᩴ ¶ ᨶᩥᨠ᩠ᨡᨾᩥᨲᨻ᩠ᨻ’’ᨶ᩠ᨲᩥ. ᨲᩮᩈᩴ ᩌᨿᩈ᩠ᨾᩣ ᨴᨻ᩠ᨻᩮᩣ ᨾᩃ᩠ᩃᨸᩩᨲ᩠ᨲᩮᩣ ᩑᩅᩴ ᩈᩮᨶᩣᩈᨶᩴ ᨸᨬ᩠ᨬᨸᩮᨲ᩠ᩅᩣ ᨸᩩᨶᨴᩮᩅ ᩅᩮᩊᩩᩅᨶᩴ ᨸᨧ᩠ᨧᩣᨣᨧ᩠ᨨᨲᩥ.

᪓᪘᪓. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨾᩮᨲ᩠ᨲᩥᨿᨽᩪᨾᨩᨠᩣ [ᨽᩩᨾ᩠ᨾᨩᨠᩣ (ᩈᩦ. ᩈ᩠ᨿᩣ.)] ᨽᩥᨠ᩠ᨡᩪ ᨶᩅᨠᩣ ᨧᩮᩅ ᩉᩮᩣᨶ᩠ᨲᩥ ᩋᨸ᩠ᨸᨸᩩᨬ᩠ᨬᩣ ᨧ. ᨿᩣᨶᩥ ᩈᨦ᩠ᨥᩔ ᩃᩣᨾᨠᩣᨶᩥ ᩈᩮᨶᩣᩈᨶᩣᨶᩥ ᨲᩣᨶᩥ ᨲᩮᩈᩴ ᨸᩣᨸᩩᨱᨶ᩠ᨲᩥ ᩃᩣᨾᨠᩣᨶᩥ ᨧ ᨽᨲ᩠ᨲᩣᨶᩥ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩁᩣᨩᨣᩉᩮ ᨾᨶᩩᩔᩣ ᩍᨧ᩠ᨨᨶ᩠ᨲᩥ ᨳᩮᩁᩣᨶᩴ ᨽᩥᨠ᩠ᨡᩪᨶᩴ ᩋᨽᩥᩈᨦ᩠ᨡᩣᩁᩥᨠᩴ ᨸᩥᨱ᩠ᨯᨸᩣᨲᩴ ᨴᩣᨲᩩᩴ ᩈᨸ᩠ᨸᩥᨾ᩠ᨸᩥ ᨲᩮᩃᨾ᩠ᨸᩥ ᩏᨲ᩠ᨲᩁᩥᨽᨦ᩠ᨣᨾ᩠ᨸᩥ. ᨾᩮᨲ᩠ᨲᩥᨿᨽᩪᨾᨩᨠᩣᨶᩴ ᨸᨶ ᨽᩥᨠ᩠ᨡᩪᨶᩴ ᨸᩣᨠᨲᩥᨠᩴ ᨴᩮᨶ᩠ᨲᩥ ᨿᨳᩣᩁᨶ᩠ᨵᩴ ᨠᨱᩣᨩᨠᩴ ᨻᩥᩃᨦ᩠ᨣᨴᩩᨲᩥᨿᩴ. ᨲᩮ ᨸᨧ᩠ᨨᩣᨽᨲ᩠ᨲᩴ ᨸᩥᨱ᩠ᨯᨸᩣᨲᨸ᩠ᨸᨭᩥᨠ᩠ᨠᨶ᩠ᨲᩣ ᨳᩮᩁᩮ ᨽᩥᨠ᩠ᨡᩪ ᨸᩩᨧ᩠ᨨᨶ᩠ᨲᩥ – ‘‘ᨲᩩᨾ᩠ᩉᩣᨠᩴ, ᩌᩅᩩᩈᩮᩣ, ᨽᨲ᩠ᨲᨣ᩠ᨣᩮ ᨠᩥᩴ ᩋᩉᩮᩣᩈᩥ? ᨲᩩᨾ᩠ᩉᩣᨠᩴ, ᩌᩅᩩᩈᩮᩣ, ᨽᨲ᩠ᨲᨣ᩠ᨣᩮ ᨠᩥᩴ ᩋᩉᩮᩣᩈᩦ’’ᨲᩥ? ᩑᨠᨧ᩠ᨧᩮ ᨳᩮᩁᩣ ᩑᩅᩴ ᩅᨴᨶ᩠ᨲᩥ – ‘‘ᩋᨾ᩠ᩉᩣᨠᩴ, ᩌᩅᩩᩈᩮᩣ, ᩈᨸ᩠ᨸᩥ ᩋᩉᩮᩣᩈᩥ ᨲᩮᩃᩴ ᩋᩉᩮᩣᩈᩥ ᩏᨲ᩠ᨲᩁᩥᨽᨦ᩠ᨣᩴ ᩋᩉᩮᩣᩈᩦ’’ᨲᩥ. ᨾᩮᨲ᩠ᨲᩥᨿᨽᩪᨾᨩᨠᩣ ᨸᨶ ᨽᩥᨠ᩠ᨡᩪ ᩑᩅᩴ ᩅᨴᨶ᩠ᨲᩥ – ‘‘ᩋᨾ᩠ᩉᩣᨠᩴ, ᩌᩅᩩᩈᩮᩣ, ᨶ ᨠᩥᨬ᩠ᨧᩥ ᩋᩉᩮᩣᩈᩥ, ᨸᩣᨠᨲᩥᨠᩴ ᨿᨳᩣᩁᨶ᩠ᨵᩴ ᨠᨱᩣᨩᨠᩴ ᨻᩥᩃᨦ᩠ᨣᨴᩩᨲᩥᨿ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨠᩃ᩠ᨿᩣᨱᨽᨲ᩠ᨲᩥᨠᩮᩣ ᨣᩉᨸᨲᩥ ᩈᨦ᩠ᨥᩔ ᨧᨲᩩᨠ᩠ᨠᨽᨲ᩠ᨲᩴ ᨴᩮᨲᩥ ᨶᩥᨧ᩠ᨧᨽᨲ᩠ᨲᩴ. ᩈᩮᩣ ᨽᨲ᩠ᨲᨣ᩠ᨣᩮ ᩈᨸᩩᨲ᩠ᨲᨴᩣᩁᩮᩣ ᩏᨸᨲᩥᨭ᩠ᨮᩥᨲ᩠ᩅᩣ ᨸᩁᩥᩅᩥᩈᨲᩥ ¶ . ᩋᨬ᩠ᨬᩮ ᩒᨴᨶᩮᨶ ᨸᩩᨧ᩠ᨨᨶ᩠ᨲᩥ, ᩋᨬ᩠ᨬᩮ ᩈᩪᨸᩮᨶ ᨸᩩᨧ᩠ᨨᨶ᩠ᨲᩥ, ᩋᨬ᩠ᨬᩮ ᨲᩮᩃᩮᨶ ᨸᩩᨧ᩠ᨨᨶ᩠ᨲᩥ, ᩋᨬ᩠ᨬᩮ ᩏᨲ᩠ᨲᩁᩥᨽᨦ᩠ᨣᩮᨶ ᨸᩩᨧ᩠ᨨᨶ᩠ᨲᩥ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨠᩃ᩠ᨿᩣᨱᨽᨲ᩠ᨲᩥᨠᩔ ᨣᩉᨸᨲᩥᨶᩮᩣ ᨽᨲ᩠ᨲᩴ ᩈ᩠ᩅᩣᨲᨶᩣᨿ ᨾᩮᨲ᩠ᨲᩥᨿᨽᩪᨾᨩᨠᩣᨶᩴ ᨽᩥᨠ᩠ᨡᩪᨶᩴ ᩏᨴ᩠ᨴᩥᨭ᩠ᨮᩴ ᩉᩮᩣᨲᩥ. ᩋᨳ ᨡᩮᩣ ᨠᩃ᩠ᨿᩣᨱᨽᨲ᩠ᨲᩥᨠᩮᩣ ᨣᩉᨸᨲᩥ ᩌᩁᩣᨾᩴ ᩋᨣᨾᩣᩈᩥ ᨠᩮᨶᨧᩥᨴᩮᩅ ᨠᩁᨱᩦᨿᩮᨶ. ᩈᩮᩣ ᨿᩮᨶᩣᨿᩈ᩠ᨾᩣ ᨴᨻ᩠ᨻᩮᩣ ᨾᩃ᩠ᩃᨸᩩᨲ᩠ᨲᩮᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᨴᨻ᩠ᨻᩴ ᨾᩃ᩠ᩃᨸᩩᨲ᩠ᨲᩴ ᩋᨽᩥᩅᩣᨴᩮᨲ᩠ᩅᩣ ᩑᨠᨾᨶ᩠ᨲᩴ ᨶᩥᩈᩦᨴᩥ. ᩑᨠᨾᨶ᩠ᨲᩴ ᨶᩥᩈᩥᨶ᩠ᨶᩴ ᨡᩮᩣ ᨠᩃ᩠ᨿᩣᨱᨽᨲ᩠ᨲᩥᨠᩴ ᨣᩉᨸᨲᩥᩴ ¶ ᩌᨿᩈ᩠ᨾᩣ ᨴᨻ᩠ᨻᩮᩣ ᨾᩃ᩠ᩃᨸᩩᨲ᩠ᨲᩮᩣ ᨵᨾ᩠ᨾᩥᨿᩣ ᨠᨳᩣᨿ ᩈᨶ᩠ᨴᩔᩮᩈᩥ ᩈᨾᩣᨴᨸᩮᩈᩥ ᩈᨾᩩᨲ᩠ᨲᩮᨩᩮᩈᩥ ᩈᨾ᩠ᨸᩉᩴᩈᩮᩈᩥ. ᩋᨳ ᨡᩮᩣ ᨠᩃ᩠ᨿᩣᨱᨽᨲ᩠ᨲᩥᨠᩮᩣ ᨣᩉᨸᨲᩥ ᩌᨿᩈ᩠ᨾᨲᩣ ᨴᨻ᩠ᨻᩮᨶ ᨾᩃ᩠ᩃᨸᩩᨲ᩠ᨲᩮᨶ ᨵᨾ᩠ᨾᩥᨿᩣ ᨠᨳᩣᨿ ᩈᨶ᩠ᨴᩔᩥᨲᩮᩣ ᩈᨾᩣᨴᨸᩥᨲᩮᩣ ᩈᨾᩩᨲ᩠ᨲᩮᨩᩥᨲᩮᩣ ᩈᨾ᩠ᨸᩉᩴᩈᩥᨲᩮᩣ ᩌᨿᩈ᩠ᨾᨶ᩠ᨲᩴ ᨴᨻ᩠ᨻᩴ ᨾᩃ᩠ᩃᨸᩩᨲ᩠ᨲᩴ ᩑᨲᨴᩅᩮᩣᨧ – ‘‘ᨠᩔ, ᨽᨶ᩠ᨲᩮ, ᩋᨾ᩠ᩉᩣᨠᩴ ᨥᩁᩮ ᩈ᩠ᩅᩣᨲᨶᩣᨿ ᨽᨲ᩠ᨲᩴ ᩏᨴ᩠ᨴᩥᨭ᩠ᨮ’’ᨶ᩠ᨲᩥ? ‘‘ᨾᩮᨲ᩠ᨲᩥᨿᨽᩪᨾᨩᨠᩣᨶᩴ ᨡᩮᩣ, ᨣᩉᨸᨲᩥ, ᨽᩥᨠ᩠ᨡᩪᨶᩴ ᨲᩩᨾ᩠ᩉᩣᨠᩴ ¶ ᨥᩁᩮ ᩈ᩠ᩅᩣᨲᨶᩣᨿ ᨽᨲ᩠ᨲᩴ ᩏᨴ᩠ᨴᩥᨭ᩠ᨮ’’ᨶ᩠ᨲᩥ. ᩋᨳ ᨡᩮᩣ ᨠᩃ᩠ᨿᩣᨱᨽᨲ᩠ᨲᩥᨠᩮᩣ ᨣᩉᨸᨲᩥ ᩋᨶᨲ᩠ᨲᨾᨶᩮᩣ ᩋᩉᩮᩣᩈᩥ – ‘‘ᨠᨳᨬ᩠ᩉᩥ ᨶᩣᨾ ᨸᩣᨸᨽᩥᨠ᩠ᨡᩪ ᩋᨾ᩠ᩉᩣᨠᩴ ᨥᩁᩮ ᨽᩩᨬ᩠ᨩᩥᩔᨶ᩠ᨲᩦ’’ᨲᩥ! ᨥᩁᩴ ᨣᨶ᩠ᨲ᩠ᩅᩣ ᨴᩣᩈᩥᩴ ᩌᨱᩣᨸᩮᩈᩥ – ‘‘ᨿᩮ, ᨩᩮ, ᩈ᩠ᩅᩮ ᨽᨲ᩠ᨲᩥᨠᩣ ᩌᨣᨧ᩠ᨨᨶ᩠ᨲᩥ ᨲᩮ ᨠᩮᩣᨭ᩠ᨮᨠᩮ ᩌᩈᨶᩴ ᨸᨬ᩠ᨬᨸᩮᨲ᩠ᩅᩣ ᨠᨱᩣᨩᨠᩮᨶ ᨻᩥᩃᨦ᩠ᨣᨴᩩᨲᩥᨿᩮᨶ ᨸᩁᩥᩅᩥᩈᩣ’’ᨲᩥ. ‘‘ᩑᩅᩴ ᩋᨿ᩠ᨿᩣ’’ᨲᩥ ᨡᩮᩣ ᩈᩣ ᨴᩣᩈᩦ ᨠᩃ᩠ᨿᩣᨱᨽᨲ᩠ᨲᩥᨠᩔ ᨣᩉᨸᨲᩥᨶᩮᩣ ᨸᨧ᩠ᨧᩔᩮᩣᩈᩥ.

ᩋᨳ ¶ ᨡᩮᩣ ᨾᩮᨲ᩠ᨲᩥᨿᨽᩪᨾᨩᨠᩣ ᨽᩥᨠ᩠ᨡᩪ – ‘‘ᩉᩥᨿ᩠ᨿᩮᩣ ᨡᩮᩣ, ᩌᩅᩩᩈᩮᩣ, ᩋᨾ᩠ᩉᩣᨠᩴ ᨠᩃ᩠ᨿᩣᨱᨽᨲ᩠ᨲᩥᨠᩔ ᨣᩉᨸᨲᩥᨶᩮᩣ ᨥᩁᩮ ¶ ᨽᨲ᩠ᨲᩴ ᩏᨴ᩠ᨴᩥᨭ᩠ᨮᩴ, ᩈ᩠ᩅᩮ ᩋᨾ᩠ᩉᩮ ᨠᩃ᩠ᨿᩣᨱᨽᨲ᩠ᨲᩥᨠᩮᩣ ᨣᩉᨸᨲᩥ ᩈᨸᩩᨲ᩠ᨲᨴᩣᩁᩮᩣ ᩏᨸᨲᩥᨭ᩠ᨮᩥᨲ᩠ᩅᩣ ᨸᩁᩥᩅᩥᩈᩥᩔᨲᩥ; ᩋᨬ᩠ᨬᩮ ᩒᨴᨶᩮᨶ ᨸᩩᨧ᩠ᨨᩥᩔᨶ᩠ᨲᩥ, ᩋᨬ᩠ᨬᩮ ᩈᩪᨸᩮᨶ ᨸᩩᨧ᩠ᨨᩥᩔᨶ᩠ᨲᩥ, ᩋᨬ᩠ᨬᩮ ᨲᩮᩃᩮᨶ ᨸᩩᨧ᩠ᨨᩥᩔᨶ᩠ᨲᩥ, ᩋᨬ᩠ᨬᩮ ᩏᨲ᩠ᨲᩁᩥᨽᨦ᩠ᨣᩮᨶ ᨸᩩᨧ᩠ᨨᩥᩔᨶ᩠ᨲᩦ’’ᨲᩥ. ᨲᩮ ᨲᩮᨶᩮᩅ ᩈᩮᩣᨾᨶᩔᩮᨶ ᨶ ᨧᩥᨲ᩠ᨲᩁᩪᨸᩴ ᩁᨲ᩠ᨲᩥᨿᩣ ᩈᩩᨸᩥᩴᩈᩩ. ᩋᨳ ᨡᩮᩣ ᨾᩮᨲ᩠ᨲᩥᨿᨽᩪᨾᨩᨠᩣ ᨽᩥᨠ᩠ᨡᩪ ᨸᩩᨻ᩠ᨻᨱ᩠ᩉᩈᨾᨿᩴ ᨶᩥᩅᩣᩈᩮᨲ᩠ᩅᩣ ᨸᨲ᩠ᨲᨧᩦᩅᩁᩴ ᩌᨴᩣᨿ ᨿᩮᨶ ᨠᩃ᩠ᨿᩣᨱᨽᨲ᩠ᨲᩥᨠᩔ ᨣᩉᨸᨲᩥᨶᩮᩣ ᨶᩥᩅᩮᩈᨶᩴ ᨲᩮᨶᩩᨸᩈᨦ᩠ᨠᨾᩥᩴᩈᩩ. ᩋᨴ᩠ᨴᩈᩣ ᨡᩮᩣ ᩈᩣ ᨴᩣᩈᩦ ᨾᩮᨲ᩠ᨲᩥᨿᨽᩪᨾᨩᨠᩮ ᨽᩥᨠ᩠ᨡᩪ ᨴᩪᩁᨲᩮᩣᩅ ᩌᨣᨧ᩠ᨨᨶ᩠ᨲᩮ. ᨴᩥᩈ᩠ᩅᩣᨶ ᨠᩮᩣᨭ᩠ᨮᨠᩮ ᩌᩈᨶᩴ ᨸᨬ᩠ᨬᨸᩮᨲ᩠ᩅᩣ ᨾᩮᨲ᩠ᨲᩥᨿᨽᩪᨾᨩᨠᩮ ᨽᩥᨠ᩠ᨡᩪ ᩑᨲᨴᩅᩮᩣᨧ – ‘‘ᨶᩥᩈᩦᨴᨳ, ᨽᨶ᩠ᨲᩮ’’ᨲᩥ. ᩋᨳ ᨡᩮᩣ ᨾᩮᨲ᩠ᨲᩥᨿᨽᩪᨾᨩᨠᩣᨶᩴ ᨽᩥᨠ᩠ᨡᩪᨶᩴ ᩑᨲᨴᩉᩮᩣᩈᩥ – ‘‘ᨶᩥᩔᩴᩈᨿᩴ ᨡᩮᩣ ᨶ ᨲᩣᩅ ᨽᨲ᩠ᨲᩴ ᩈᩥᨴ᩠ᨵᩴ ᨽᩅᩥᩔᨲᩥ! ᨿᨳᩣ [ᨿᩣᩅ (ᩈᩦ.)] ᨾᨿᩴ ᨠᩮᩣᨭ᩠ᨮᨠᩮ ᨶᩥᩈᩦᨴᩮᨿ᩠ᨿᩣᨾᩣ’’ᨲᩥ [ᨶᩥᩈᩦᨴᩣᨸᩦᨿᩮᨿ᩠ᨿᩣᨾᩣᨲᩥ (ᩈᩦ.), ᨶᩥᩈᩦᨴᩣᨸᩦᨿᩣᨾᩣᨲᩥ (ᩈ᩠ᨿᩣ.)]. ᩋᨳ ᨡᩮᩣ ᩈᩣ ᨴᩣᩈᩦ ᨠᨱᩣᨩᨠᩮᨶ ᨻᩥᩃᨦ᩠ᨣᨴᩩᨲᩥᨿᩮᨶ ᩏᨸᨣᨧ᩠ᨨᩥ – ‘‘ᨽᩩᨬ᩠ᨩᨳ, ᨽᨶ᩠ᨲᩮ’’ᨲᩥ. ‘‘ᨾᨿᩴ ᨡᩮᩣ, ᨽᨣᩥᨶᩥ, ᨶᩥᨧ᩠ᨧᨽᨲ᩠ᨲᩥᨠᩣ’’ᨲᩥ. ‘‘ᨩᩣᨶᩣᨾᩥ ᩋᨿ᩠ᨿᩣ ᨶᩥᨧ᩠ᨧᨽᨲ᩠ᨲᩥᨠᩣᨲ᩠ᨳ. ᩋᨸᩥᨧᩣᩉᩴ ᩉᩥᨿ᩠ᨿᩮᩣᩅ ᨣᩉᨸᨲᩥᨶᩣ ᩌᨱᨲ᩠ᨲᩣ – ‘ᨿᩮ, ᨩᩮ, ᩈ᩠ᩅᩮ ᨽᨲ᩠ᨲᩥᨠᩣ ᩌᨣᨧ᩠ᨨᨶ᩠ᨲᩥ ᨲᩮ ᨠᩮᩣᨭ᩠ᨮᨠᩮ ᩌᩈᨶᩴ ᨸᨬ᩠ᨬᨸᩮᨲ᩠ᩅᩣ ᨠᨱᩣᨩᨠᩮᨶ ᨻᩥᩃᨦ᩠ᨣᨴᩩᨲᩥᨿᩮᨶ ᨸᩁᩥᩅᩥᩈᩣ’ᨲᩥ. ᨽᩩᨬ᩠ᨩᨳ, ᨽᨶ᩠ᨲᩮ’’ᨲᩥ. ᩋᨳ ᨡᩮᩣ ᨾᩮᨲ᩠ᨲᩥᨿᨽᩪᨾᨩᨠᩣ ᨽᩥᨠ᩠ᨡᩪ – ‘‘ᩉᩥᨿ᩠ᨿᩮᩣ ᨡᩮᩣ, ᩌᩅᩩᩈᩮᩣ, ᨠᩃ᩠ᨿᩣᨱᨽᨲ᩠ᨲᩥᨠᩮᩣ ᨣᩉᨸᨲᩥ ᩌᩁᩣᨾᩴ ᩋᨣᨾᩣᩈᩥ ᨴᨻ᩠ᨻᩔ ᨾᩃ᩠ᩃᨸᩩᨲ᩠ᨲᩔ ᩈᨶ᩠ᨲᩥᨠᩮ. ᨶᩥᩔᩴᩈᨿᩴ ᨡᩮᩣ ᨾᨿᩴ ᨴᨻ᩠ᨻᩮᨶ ᨾᩃ᩠ᩃᨸᩩᨲ᩠ᨲᩮᨶ ᨣᩉᨸᨲᩥᨶᩮᩣ ᩋᨶ᩠ᨲᩁᩮ [ᩈᨶ᩠ᨲᩥᨠᩮ (ᩈ᩠ᨿᩣ. ᨠᩴ. ᨠ.)] ᨸᩁᩥᨽᩥᨶ᩠ᨶᩣ’’ᨲᩥ. ᨲᩮ ᨲᩮᨶᩮᩅ ᨴᩮᩣᨾᨶᩔᩮᨶ ¶ ᨶ ᨧᩥᨲ᩠ᨲᩁᩪᨸᩴ ᨽᩩᨬ᩠ᨩᩥᩴᩈᩩ. ᩋᨳ ᨡᩮᩣ ᨾᩮᨲ᩠ᨲᩥᨿᨽᩪᨾᨩᨠᩣ ᨽᩥᨠ᩠ᨡᩪ ᨸᨧ᩠ᨨᩣᨽᨲ᩠ᨲᩴ ¶ ᨸᩥᨱ᩠ᨯᨸᩣᨲᨸ᩠ᨸᨭᩥᨠ᩠ᨠᨶ᩠ᨲᩣ ᩌᩁᩣᨾᩴ ᨣᨶ᩠ᨲ᩠ᩅᩣ ᨸᨲ᩠ᨲᨧᩦᩅᩁᩴ ᨸᨭᩥᩈᩣᨾᩮᨲ᩠ᩅᩣ ᨻᩉᩣᩁᩣᨾᨠᩮᩣᨭ᩠ᨮᨠᩮ ᩈᨦ᩠ᨥᩣᨭᩥᨸᩃ᩠ᩃᨲ᩠ᨳᩥᨠᩣᨿ ᨶᩥᩈᩦᨴᩥᩴᩈᩩ ᨲᩩᨱ᩠ᩉᩦᨽᩪᨲᩣ ᨾᨦ᩠ᨠᩩᨽᩪᨲᩣ ᨸᨲ᩠ᨲᨠ᩠ᨡᨶ᩠ᨵᩣ ᩋᨵᩮᩣᨾᩩᨡᩣ ᨸᨩ᩠ᨫᩣᨿᨶ᩠ᨲᩣ ᩋᨸ᩠ᨸᨭᩥᨽᩣᨶᩣ.

ᩋᨳ ¶ ᨡᩮᩣ ᨾᩮᨲ᩠ᨲᩥᨿᩣ ᨽᩥᨠ᩠ᨡᩩᨶᩦ ᨿᩮᨶ ᨾᩮᨲ᩠ᨲᩥᨿᨽᩪᨾᨩᨠᩣ ᨽᩥᨠ᩠ᨡᩪ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨾᩮᨲ᩠ᨲᩥᨿᨽᩪᨾᨩᨠᩮ ᨽᩥᨠ᩠ᨡᩪ ᩑᨲᨴᩅᩮᩣᨧ – ‘‘ᩅᨶ᩠ᨴᩣᨾᩥ, ᩋᨿ᩠ᨿᩣ’’ᨲᩥ. ᩑᩅᩴ ᩅᩩᨲ᩠ᨲᩮ ᨾᩮᨲ᩠ᨲᩥᨿᨽᩪᨾᨩᨠᩣ ᨽᩥᨠ᩠ᨡᩪ ᨶᩣᩃᨸᩥᩴᩈᩩ. ᨴᩩᨲᩥᨿᨾ᩠ᨸᩥ ᨡᩮᩣ…ᨸᩮ… ᨲᨲᩥᨿᨾ᩠ᨸᩥ ᨡᩮᩣ ᨾᩮᨲ᩠ᨲᩥᨿᩣ ᨽᩥᨠ᩠ᨡᩩᨶᩦ ᨾᩮᨲ᩠ᨲᩥᨿᨽᩪᨾᨩᨠᩮ ᨽᩥᨠ᩠ᨡᩪ ᩑᨲᨴᩅᩮᩣᨧ – ‘‘ᩅᨶ᩠ᨴᩣᨾᩥ, ᩋᨿ᩠ᨿᩣ’’ᨲᩥ. ᨲᨲᩥᨿᨾ᩠ᨸᩥ ᨡᩮᩣ ᨾᩮᨲ᩠ᨲᩥᨿᨽᩪᨾᨩᨠᩣ ᨽᩥᨠ᩠ᨡᩪ ᨶᩣᩃᨸᩥᩴᩈᩩ. ‘‘ᨠ᩠ᨿᩣᩉᩴ ᩋᨿ᩠ᨿᩣᨶᩴ ᩋᨸᩁᨩ᩠ᨫᩣᨾᩥ? ᨠᩥᩔ ᨾᩴ ᩋᨿ᩠ᨿᩣ ᨶᩣᩃᨸᨶ᩠ᨲᩦ’’ᨲᩥ? ‘‘ᨲᨳᩣ ᩉᩥ ᨸᨶ ᨲ᩠ᩅᩴ, ᨽᨣᩥᨶᩥ, ᩋᨾ᩠ᩉᩮ ᨴᨻ᩠ᨻᩮᨶ ᨾᩃ᩠ᩃᨸᩩᨲ᩠ᨲᩮᨶ ᩅᩥᩉᩮᨮᩦᨿᨾᩣᨶᩮ ᩋᨩ᩠ᨫᩩᨸᩮᨠ᩠ᨡᩈᩦ’’ᨲᩥ? ‘‘ᨠ᩠ᨿᩣᩉᩴ, ᩋᨿ᩠ᨿᩣ, ᨠᩁᩮᩣᨾᩦ’’ᨲᩥ? ‘‘ᩈᨧᩮ ᨡᩮᩣ ᨲ᩠ᩅᩴ, ᨽᨣᩥᨶᩥ, ᩍᨧ᩠ᨨᩮᨿ᩠ᨿᩣᩈᩥ ᩋᨩ᩠ᨩᩮᩅ ᨽᨣᩅᩣ ᨴᨻ᩠ᨻᩴ ᨾᩃ᩠ᩃᨸᩩᨲ᩠ᨲᩴ ᨶᩣᩈᩣᨸᩮᨿ᩠ᨿᩣ’’ᨲᩥ. ‘‘ᨠ᩠ᨿᩣᩉᩴ, ᩋᨿ᩠ᨿᩣ, ᨠᩁᩮᩣᨾᩥ, ᨠᩥᩴ ᨾᨿᩣ ᩈᨠ᩠ᨠᩣ ᨠᩣᨲᩩ’’ᨶ᩠ᨲᩥ? ‘‘ᩑᩉᩥ ᨲ᩠ᩅᩴ, ᨽᨣᩥᨶᩥ, ᨿᩮᨶ ᨽᨣᩅᩣ ᨲᩮᨶᩩᨸᩈᨦ᩠ᨠᨾ; ᩏᨸᩈᨦ᩠ᨠᨾᩥᨲ᩠ᩅᩣ ᨽᨣᩅᨶ᩠ᨲᩴ ᩑᩅᩴ ᩅᨴᩮᩉᩥ – ‘ᩍᨴᩴ, ᨽᨶ᩠ᨲᩮ, ᨶᨧ᩠ᨨᨶ᩠ᨶᩴ ᨶᨸ᩠ᨸᨲᩥᩁᩪᨸᩴ. ¶ ᨿᩣᨿᩴ, ᨽᨶ᩠ᨲᩮ, ᨴᩥᩈᩣ ᩋᨽᨿᩣ ᩋᨶᩦᨲᩥᨠᩣ ᩋᨶᩩᨸᨴ᩠ᨴᩅᩣ ᩈᩣᨿᩴ ᨴᩥᩈᩣ ᩈᨽᨿᩣ ᩈᩎᨲᩥᨠᩣ ᩈᩏᨸᨴ᩠ᨴᩅᩣ. ᨿᨲᩮᩣ ᨶᩥᩅᩣᨲᩴ ᨲᨲᩮᩣ ᩈᩅᩣᨲᩴ [ᨸᩅᩣᨲᩴ (ᩈᩦ. ᩈ᩠ᨿᩣ.)]. ᩏᨴᨠᩴ ᨾᨬ᩠ᨬᩮ ᩌᨴᩥᨲ᩠ᨲᩴ. ᩋᨿ᩠ᨿᩮᨶᨾ᩠ᩉᩥ ᨴᨻ᩠ᨻᩮᨶ ᨾᩃ᩠ᩃᨸᩩᨲ᩠ᨲᩮᨶ ᨴᩪᩈᩥᨲᩣ’’’ᨲᩥ. ‘‘ᩑᩅᩴ, ᩋᨿ᩠ᨿᩣ’’ᨲᩥ ᨡᩮᩣ ᨾᩮᨲ᩠ᨲᩥᨿᩣ ᨽᩥᨠ᩠ᨡᩩᨶᩦ ᨾᩮᨲ᩠ᨲᩥᨿᨽᩪᨾᨩᨠᩣᨶᩴ ᨽᩥᨠ᩠ᨡᩪᨶᩴ ᨸᨭᩥᩔᩩᨲ᩠ᩅᩣ ᨿᩮᨶ ᨽᨣᩅᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨽᨣᩅᨶ᩠ᨲᩴ ᩋᨽᩥᩅᩣᨴᩮᨲ᩠ᩅᩣ ¶ ᩑᨠᨾᨶ᩠ᨲᩴ ᩋᨭ᩠ᨮᩣᩈᩥ. ᩑᨠᨾᨶ᩠ᨲᩴ ᨮᩥᨲᩣ ᨡᩮᩣ ᨾᩮᨲ᩠ᨲᩥᨿᩣ ᨽᩥᨠ᩠ᨡᩩᨶᩦ ᨽᨣᩅᨶ᩠ᨲᩴ ᩑᨲᨴᩅᩮᩣᨧ – ‘‘ᩍᨴᩴ, ᨽᨶ᩠ᨲᩮ, ᨶᨧ᩠ᨨᨶ᩠ᨶᩴ ᨶᨸ᩠ᨸᨲᩥᩁᩪᨸᩴ. ᨿᩣᨿᩴ, ᨽᨶ᩠ᨲᩮ, ᨴᩥᩈᩣ ᩋᨽᨿᩣ ᩋᨶᩦᨲᩥᨠᩣ ᩋᨶᩩᨸᨴ᩠ᨴᩅᩣ ᩈᩣᨿᩴ ᨴᩥᩈᩣ ᩈᨽᨿᩣ ᩈᩎᨲᩥᨠᩣ ᩈᩏᨸᨴ᩠ᨴᩅᩣ. ᨿᨲᩮᩣ ᨶᩥᩅᩣᨲᩴ ᨲᨲᩮᩣ ᩈᩅᩣᨲᩴ. ᩏᨴᨠᩴ ᨾᨬ᩠ᨬᩮ ᩌᨴᩥᨲ᩠ᨲᩴ! ᩋᨿ᩠ᨿᩮᨶᨾ᩠ᩉᩥ ᨴᨻ᩠ᨻᩮᨶ ᨾᩃ᩠ᩃᨸᩩᨲ᩠ᨲᩮᨶ ᨴᩪᩈᩥᨲᩣ’’ᨲᩥ.

᪓᪘᪔. ᩋᨳ ᨡᩮᩣ ᨽᨣᩅᩣ ᩑᨲᩈ᩠ᨾᩥᩴ ᨶᩥᨴᩣᨶᩮ ᩑᨲᩈ᩠ᨾᩥᩴ ᨸᨠᩁᨱᩮ ᨽᩥᨠ᩠ᨡᩩᩈᨦ᩠ᨥᩴ ᩈᨶ᩠ᨶᩥᨸᩣᨲᩣᨸᩮᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᨴᨻ᩠ᨻᩴ ᨾᩃ᩠ᩃᨸᩩᨲ᩠ᨲᩴ ᨸᨭᩥᨸᩩᨧ᩠ᨨᩥ – ‘‘ᩈᩁᩈᩥ ᨲ᩠ᩅᩴ, ᨴᨻ᩠ᨻ, ᩑᩅᩁᩪᨸᩴ ᨠᨲ᩠ᨲᩣ ᨿᨳᩣᨿᩴ ᨽᩥᨠ᩠ᨡᩩᨶᩦ ᩌᩉᩣ’’ᨲᩥ? ‘‘ᨿᨳᩣ ᨾᩴ, ᨽᨶ᩠ᨲᩮ, ᨽᨣᩅᩣ ᨩᩣᨶᩣᨲᩦ’’ᨲᩥ. ᨴᩩᨲᩥᨿᨾ᩠ᨸᩥ ᨡᩮᩣ ᨽᨣᩅᩣ…ᨸᩮ… ᨲᨲᩥᨿᨾ᩠ᨸᩥ ᨡᩮᩣ ᨽᨣᩅᩣ ᩌᨿᩈ᩠ᨾᨶ᩠ᨲᩴ ᨴᨻ᩠ᨻᩴ ᨾᩃ᩠ᩃᨸᩩᨲ᩠ᨲᩴ ᩑᨲᨴᩅᩮᩣᨧ – ‘‘ᩈᩁᩈᩥ ᨲ᩠ᩅᩴ, ᨴᨻ᩠ᨻ, ᩑᩅᩁᩪᨸᩴ ᨠᨲ᩠ᨲᩣ ᨿᨳᩣᨿᩴ ᨽᩥᨠ᩠ᨡᩩᨶᩦ ᩌᩉᩣ’’ᨲᩥ? ‘‘ᨿᨳᩣ ᨾᩴ, ᨽᨶ᩠ᨲᩮ, ᨽᨣᩅᩣ ᨩᩣᨶᩣᨲᩦ’’ᨲᩥ. ‘‘ᨶ ᨡᩮᩣ, ᨴᨻ᩠ᨻ, ᨴᨻ᩠ᨻᩣ ᩑᩅᩴ ᨶᩥᨻ᩠ᨻᩮᨮᩮᨶ᩠ᨲᩥ. ᩈᨧᩮ ᨲᨿᩣ ᨠᨲᩴ ᨠᨲᨶ᩠ᨲᩥ ᩅᨴᩮᩉᩥ, ᩈᨧᩮ ᨲᨿᩣ ᩋᨠᨲᩴ ᩋᨠᨲᨶ᩠ᨲᩥ ᩅᨴᩮᩉᩦ’’ᨲᩥ. ‘‘ᨿᨲᩮᩣ ᩋᩉᩴ, ᨽᨶ᩠ᨲᩮ, ᨩᩣᨲᩮᩣ ᨶᩣᨽᩥᨩᩣᨶᩣᨾᩥ ᩈᩩᨸᩥᨶᨶ᩠ᨲᩮᨶᨸᩥ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩥᨲᩣ, ᨸᨣᩮᩅ ᨩᩣᨣᩁᩮᩣ’’ᨲᩥ! ᩋᨳ ¶ ᨡᩮᩣ ᨽᨣᩅᩣ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ – ‘‘ᨲᩮᨶ ᩉᩥ, ᨽᩥᨠ᩠ᨡᩅᩮ, ᨾᩮᨲ᩠ᨲᩥᨿᩴ ᨽᩥᨠ᩠ᨡᩩᨶᩥᩴ ᨶᩣᩈᩮᨳ ¶ . ᩍᨾᩮ ᨧ ᨽᩥᨠ᩠ᨡᩪ ᩋᨶᩩᨿᩩᨬ᩠ᨩᨳᩣ’’ᨲᩥ. ᩍᨴᩴ ᩅᨲ᩠ᩅᩣ ᨽᨣᩅᩣ ᩏᨭ᩠ᨮᩣᨿᩣᩈᨶᩣ ᩅᩥᩉᩣᩁᩴ ᨸᩣᩅᩥᩈᩥ.

ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨾᩮᨲ᩠ᨲᩥᨿᩴ ᨽᩥᨠ᩠ᨡᩩᨶᩥᩴ ᨶᩣᩈᩮᩈᩩᩴ. ᩋᨳ ᨡᩮᩣ ᨾᩮᨲ᩠ᨲᩥᨿᨽᩪᨾᨩᨠᩣ ᨽᩥᨠ᩠ᨡᩪ ᨲᩮ ᨽᩥᨠ᩠ᨡᩪ ᩑᨲᨴᩅᩮᩣᨧᩩᩴ – ‘‘ᨾᩣᩅᩩᩈᩮᩣ, ᨾᩮᨲ᩠ᨲᩥᨿᩴ ᨽᩥᨠ᩠ᨡᩩᨶᩥᩴ ᨶᩣᩈᩮᨳ. ᨶ ᩈᩣ ᨠᩥᨬ᩠ᨧᩥ ᩋᨸᩁᨩ᩠ᨫᨲᩥ. ᩋᨾ᩠ᩉᩮᩉᩥ ᩈᩣ ᩏᩔᩣᩉᩥᨲᩣ ᨠᩩᨸᩥᨲᩮᩉᩥ ᩋᨶᨲ᩠ᨲᨾᨶᩮᩉᩥ ᨧᩣᩅᨶᩣᨵᩥᨸ᩠ᨸᩣᨿᩮᩉᩦ’’ᨲᩥ. ‘‘ᨠᩥᩴ ¶ ᨸᨶ ᨲᩩᨾ᩠ᩉᩮ, ᩌᩅᩩᩈᩮᩣ, ᩌᨿᩈ᩠ᨾᨶ᩠ᨲᩴ ᨴᨻ᩠ᨻᩴ ᨾᩃ᩠ᩃᨸᩩᨲ᩠ᨲᩴ ᩋᨾᩪᩃᨠᩮᨶ ᨸᩣᩁᩣᨩᩥᨠᩮᨶ ᨵᨾ᩠ᨾᩮᨶ ᩋᨶᩩᨴ᩠ᨵᩴᩈᩮᨳᩣ’’ᨲᩥ? ‘‘ᩑᩅᨾᩣᩅᩩᩈᩮᩣ’’ᨲᩥ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᨾᩮᨲ᩠ᨲᩥᨿᨽᩪᨾᨩᨠᩣ ᨽᩥᨠ᩠ᨡᩪ ᩌᨿᩈ᩠ᨾᨶ᩠ᨲᩴ ᨴᨻ᩠ᨻᩴ ᨾᩃ᩠ᩃᨸᩩᨲ᩠ᨲᩴ ᩋᨾᩪᩃᨠᩮᨶ ᨸᩣᩁᩣᨩᩥᨠᩮᨶ ᨵᨾ᩠ᨾᩮᨶ ᩋᨶᩩᨴ᩠ᨵᩴᩈᩮᩔᨶ᩠ᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨾᩮᨲ᩠ᨲᩥᨿᨽᩪᨾᨩᨠᩮ ᨽᩥᨠ᩠ᨡᩪ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩈᨧ᩠ᨧᩴ ᨠᩥᩁ ᨲᩩᨾ᩠ᩉᩮ, ᨽᩥᨠ᩠ᨡᩅᩮ, ᨴᨻ᩠ᨻᩴ ᨾᩃ᩠ᩃᨸᩩᨲ᩠ᨲᩴ ᩋᨾᩪᩃᨠᩮᨶ ᨸᩣᩁᩣᨩᩥᨠᩮᨶ ᨵᨾ᩠ᨾᩮᨶ ᩋᨶᩩᨴ᩠ᨵᩴᩈᩮᨳᩣ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ¶ ᨽᨣᩅᩣ…ᨸᩮ… ‘‘ᨠᨳᨬ᩠ᩉᩥ ᨶᩣᨾ ᨲᩩᨾ᩠ᩉᩮ, ᨾᩮᩣᨥᨸᩩᩁᩥᩈᩣ, ᨴᨻ᩠ᨻᩴ ᨾᩃ᩠ᩃᨸᩩᨲ᩠ᨲᩴ ᩋᨾᩪᩃᨠᩮᨶ ᨸᩣᩁᩣᨩᩥᨠᩮᨶ ᨵᨾ᩠ᨾᩮᨶ ᩋᨶᩩᨴ᩠ᨵᩴᩈᩮᩔᨳ! ᨶᩮᨲᩴ, ᨾᩮᩣᨥᨸᩩᩁᩥᩈᩣ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪓᪘᪕. ᨿᩮᩣ ᨸᨶ ᨽᩥᨠ᩠ᨡᩩ ᨽᩥᨠ᩠ᨡᩩᩴ ᨴᩩᨭ᩠ᨮᩮᩣ ᨴᩮᩣᩈᩮᩣ ᩋᨸ᩠ᨸᨲᩦᨲᩮᩣ ᩋᨾᩪᩃᨠᩮᨶ ᨸᩣᩁᩣᨩᩥᨠᩮᨶ ᨵᨾ᩠ᨾᩮᨶ ᩋᨶᩩᨴ᩠ᨵᩴᩈᩮᨿ᩠ᨿ – ‘ᩋᨸ᩠ᨸᩮᩅ ᨶᩣᨾ ᨶᩴ ᩍᨾᨾ᩠ᩉᩣ ᨻᩕᩉ᩠ᨾᨧᩁᩥᨿᩣ ᨧᩣᩅᩮᨿ᩠ᨿ’ᨶ᩠ᨲᩥ, ᨲᨲᩮᩣ ᩋᨸᩁᩮᨶ ᩈᨾᨿᩮᨶ ᩈᨾᨶᩩᨣ᩠ᨣᩣᩉᩦᨿᨾᩣᨶᩮᩣ ᩅᩣ ᩋᩈᨾᨶᩩᨣ᩠ᨣᩣᩉᩦᨿᨾᩣᨶᩮᩣ ᩅᩣ ᩋᨾᩪᩃᨠᨬ᩠ᨧᩮᩅ ᨲᩴ ᩋᨵᩥᨠᩁᨱᩴ ᩉᩮᩣᨲᩥ ᨽᩥᨠ᩠ᨡᩩ ᨧ ᨴᩮᩣᩈᩴ ᨸᨲᩥᨭ᩠ᨮᩣᨲᩥ, ᩈᨦ᩠ᨥᩣᨴᩥᩈᩮᩈᩮᩣ’’ᨲᩥ.

᪓᪘᪖. ᨿᩮᩣ ᨸᨶᩣᨲᩥ ᨿᩮᩣ ᨿᩣᨴᩥᩈᩮᩣ…ᨸᩮ… ᨽᩥᨠ᩠ᨡᩪᨲᩥ…ᨸᩮ… ᩋᨿᩴ ᩍᨾᩈ᩠ᨾᩥᩴ ᩋᨲ᩠ᨳᩮ ᩋᨵᩥᨸ᩠ᨸᩮᨲᩮᩣ ᨽᩥᨠ᩠ᨡᩪᨲᩥ.

ᨽᩥᨠ᩠ᨡᩩᨶ᩠ᨲᩥ ᩋᨬ᩠ᨬᩴ ᨽᩥᨠ᩠ᨡᩩᩴ.

ᨴᩩᨭ᩠ᨮᩮᩣ ᨴᩮᩣᩈᩮᩣᨲᩥ ᨠᩩᨸᩥᨲᩮᩣ ᩋᨶᨲ᩠ᨲᨾᨶᩮᩣ ᩋᨶᨽᩥᩁᨴ᩠ᨵᩮᩣ ᩌᩉᨲᨧᩥᨲ᩠ᨲᩮᩣ ᨡᩥᩃᨩᩣᨲᩮᩣ.

ᩋᨸ᩠ᨸᨲᩦᨲᩮᩣᨲᩥ ¶ ᨲᩮᨶ ᨧ ᨠᩮᩣᨸᩮᨶ ᨲᩮᨶ ᨧ ᨴᩮᩣᩈᩮᨶ ᨲᩣᨿ ᨧ ᩋᨶᨲ᩠ᨲᨾᨶᨲᩣᨿ ᨲᩣᨿ ᨧ ᩋᨶᨽᩥᩁᨴ᩠ᨵᩥᨿᩣ ᩋᨸ᩠ᨸᨲᩦᨲᩮᩣ ᩉᩮᩣᨲᩥ.

ᩋᨾᩪᩃᨠᩴ ¶ ᨶᩣᨾ ᩋᨴᩥᨭ᩠ᨮᩴ ᩋᩈᩩᨲᩴ ᩋᨸᩁᩥᩈᨦ᩠ᨠᩥᨲᩴ.

ᨸᩣᩁᩣᨩᩥᨠᩮᨶ ᨵᨾ᩠ᨾᩮᨶᩣᨲᩥ ᨧᨲᩩᨶ᩠ᨶᩴ ᩋᨬ᩠ᨬᨲᩁᩮᨶ.

ᩋᨶᩩᨴ᩠ᨵᩴᩈᩮᨿ᩠ᨿᩣᨲᩥ ᨧᩮᩣᨴᩮᨲᩥ ᩅᩣ ᨧᩮᩣᨴᩣᨸᩮᨲᩥ ᩅᩣ.

ᩋᨸ᩠ᨸᩮᩅ ᨶᩣᨾ ᨶᩴ ᩍᨾᨾ᩠ᩉᩣ ᨻᩕᩉ᩠ᨾᨧᩁᩥᨿᩣ ᨧᩣᩅᩮᨿ᩠ᨿᨶ᩠ᨲᩥ ᨽᩥᨠ᩠ᨡᩩᨽᩣᩅᩣ ¶ ᨧᩣᩅᩮᨿ᩠ᨿᩴ, ᩈᨾᨱᨵᨾ᩠ᨾᩣ ᨧᩣᩅᩮᨿ᩠ᨿᩴ, ᩈᩦᩃᨠ᩠ᨡᨶ᩠ᨵᩣ ᨧᩣᩅᩮᨿ᩠ᨿᩴ, ᨲᨸᩮᩣᨣᩩᨱᩣ ᨧᩣᩅᩮᨿ᩠ᨿᩴ.

ᨲᨲᩮᩣ ¶ ᩋᨸᩁᩮᨶ ᩈᨾᨿᩮᨶᩣᨲᩥ ᨿᩈ᩠ᨾᩥᩴ ᨡᨱᩮ ᩋᨶᩩᨴ᩠ᨵᩴᩈᩥᨲᩮᩣ ᩉᩮᩣᨲᩥ ᨲᩴ ᨡᨱᩴ ᨲᩴ ᩃᨿᩴ ᨲᩴ ᨾᩩᩉᩩᨲ᩠ᨲᩴ ᩅᩦᨲᩥᩅᨲ᩠ᨲᩮ.

ᩈᨾᨶᩩᨣ᩠ᨣᩣᩉᩦᨿᨾᩣᨶᩮᩣᨲᩥ ᨿᩮᨶ ᩅᨲ᩠ᨳᩩᨶᩣ ᩋᨶᩩᨴ᩠ᨵᩴᩈᩥᨲᩮᩣ ᩉᩮᩣᨲᩥ ᨲᩈ᩠ᨾᩥᩴ ᩅᨲ᩠ᨳᩩᩈ᩠ᨾᩥᩴ ᩈᨾᨶᩩᨣ᩠ᨣᩣᩉᩦᨿᨾᩣᨶᩮᩣ.

ᩋᩈᨾᨶᩩᨣ᩠ᨣᩣᩉᩦᨿᨾᩣᨶᩮᩣᨲᩥ ᨶ ᨠᩮᨶᨧᩥ ᩅᩩᨧ᩠ᨧᨾᩣᨶᩮᩣ.

ᩋᨵᩥᨠᩁᨱᩴ ᨶᩣᨾ ᨧᨲ᩠ᨲᩣᩁᩥ ᩋᨵᩥᨠᩁᨱᩣᨶᩥ – ᩅᩥᩅᩣᨴᩣᨵᩥᨠᩁᨱᩴ, ᩋᨶᩩᩅᩣᨴᩣᨵᩥᨠᩁᨱᩴ, ᩌᨸᨲ᩠ᨲᩣᨵᩥᨠᩁᨱᩴ, ᨠᩥᨧ᩠ᨧᩣᨵᩥᨠᩁᨱᩴ.

ᨽᩥᨠ᩠ᨡᩩ ᨧ ᨴᩮᩣᩈᩴ ᨸᨲᩥᨭ᩠ᨮᩣᨲᩦᨲᩥ ᨲᩩᨧ᩠ᨨᨠᩴ ᨾᨿᩣ ᨽᨱᩥᨲᩴ, ᨾᩩᩈᩣ ᨾᨿᩣ ᨽᨱᩥᨲᩴ, ᩋᨽᩪᨲᩴ ᨾᨿᩣ ᨽᨱᩥᨲᩴ, ᩋᨩᩣᨶᨶ᩠ᨲᩮᨶ ᨾᨿᩣ ᨽᨱᩥᨲᩴ.

ᩈᨦ᩠ᨥᩣᨴᩥᩈᩮᩈᩮᩣᨲᩥ…ᨸᩮ… ᨲᩮᨶᨸᩥ ᩅᩩᨧ᩠ᨧᨲᩥ ᩈᨦ᩠ᨥᩣᨴᩥᩈᩮᩈᩮᩣᨲᩥ.

᪓᪘᪗. ᩋᨴᩥᨭ᩠ᨮᩔ ᩉᩮᩣᨲᩥ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ. ᨲᨬ᩠ᨧᩮ ᨧᩮᩣᨴᩮᨲᩥ – ‘‘ᨴᩥᨭ᩠ᨮᩮᩣ ᨾᨿᩣ, ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ, ᩋᩔᨾᨱᩮᩣᩈᩥ, ᩋᩈᨠ᩠ᨿᨸᩩᨲ᩠ᨲᩥᨿᩮᩣᩈᩥ, ᨶᨲ᩠ᨳᩥ ᨲᨿᩣ ᩈᨴ᩠ᨵᩥᩴ ᩏᨸᩮᩣᩈᨳᩮᩣ ᩅᩣ ᨸᩅᩣᩁᨱᩣ ᩅᩣ ᩈᨦ᩠ᨥᨠᨾ᩠ᨾᩴ ᩅᩣ’’ᨲᩥ, ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

ᩋᩈᩩᨲᩔ ᩉᩮᩣᨲᩥ – ‘‘ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣ’’ᨲᩥ. ᨲᨬ᩠ᨧᩮ ᨧᩮᩣᨴᩮᨲᩥ – ‘‘ᩈᩩᨲᩮᩣ ᨾᨿᩣ, ᨸᩣᩁᩣᨩᩥᨠᩴ ¶ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ, ᩋᩔᨾᨱᩮᩣᩈᩥ, ᩋᩈᨠ᩠ᨿᨸᩩᨲ᩠ᨲᩥᨿᩮᩣᩈᩥ, ᨶᨲ᩠ᨳᩥ ᨲᨿᩣ ᩈᨴ᩠ᨵᩥᩴ ᩏᨸᩮᩣᩈᨳᩮᩣ ᩅᩣ ᨸᩅᩣᩁᨱᩣ ᩅᩣ ᩈᨦ᩠ᨥᨠᨾ᩠ᨾᩴ ᩅᩣ’’ᨲᩥ, ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

ᩋᨸᩁᩥᩈᨦ᩠ᨠᩥᨲᩔ ᩉᩮᩣᨲᩥ – ‘‘ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣ’’ᨲᩥ. ᨲᨬ᩠ᨧᩮ ᨧᩮᩣᨴᩮᨲᩥ – ‘‘ᨸᩁᩥᩈᨦ᩠ᨠᩥᨲᩮᩣ ᨾᨿᩣ, ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ, ᩋᩔᨾᨱᩮᩣᩈᩥ, ᩋᩈᨠ᩠ᨿᨸᩩᨲ᩠ᨲᩥᨿᩮᩣᩈᩥ, ᨶᨲ᩠ᨳᩥ ᨲᨿᩣ ᩈᨴ᩠ᨵᩥᩴ ᩏᨸᩮᩣᩈᨳᩮᩣ ᩅᩣ ᨸᩅᩣᩁᨱᩣ ᩅᩣ ᩈᨦ᩠ᨥᨠᨾ᩠ᨾᩴ ᩅᩣ’’ᨲᩥ, ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

ᩋᨴᩥᨭ᩠ᨮᩔ ¶ ¶ ᩉᩮᩣᨲᩥ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ. ᨲᨬ᩠ᨧᩮ ᨧᩮᩣᨴᩮᨲᩥ – ‘‘ᨴᩥᨭ᩠ᨮᩮᩣ ᨾᨿᩣ ᩈᩩᨲᩮᩣ ᨧ, ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ, ᩋᩔᨾᨱᩮᩣᩈᩥ’’…ᨸᩮ… ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

ᩋᨴᩥᨭ᩠ᨮᩔ ᩉᩮᩣᨲᩥ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ. ᨲᨬ᩠ᨧᩮ ᨧᩮᩣᨴᩮᨲᩥ – ‘‘ᨴᩥᨭ᩠ᨮᩮᩣ ᨾᨿᩣ ᨸᩁᩥᩈᨦ᩠ᨠᩥᨲᩮᩣ ᨧ, ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ, ᩋᩔᨾᨱᩮᩣᩈᩥ’’…ᨸᩮ… ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

ᩋᨴᩥᨭ᩠ᨮᩔ ᩉᩮᩣᨲᩥ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ. ᨲᨬ᩠ᨧᩮ ᨧᩮᩣᨴᩮᨲᩥ – ‘‘ᨴᩥᨭ᩠ᨮᩮᩣ ᨾᨿᩣ ᩈᩩᨲᩮᩣ ᨧ ᨸᩁᩥᩈᨦ᩠ᨠᩥᨲᩮᩣ ᨧ, ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ, ᩋᩔᨾᨱᩮᩣᩈᩥ’’…ᨸᩮ… ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

ᩋᩈᩩᨲᩔ ᩉᩮᩣᨲᩥ – ‘‘ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣ’’ᨲᩥ. ᨲᨬ᩠ᨧᩮ ᨧᩮᩣᨴᩮᨲᩥ – ‘‘ᩈᩩᨲᩮᩣ ᨾᨿᩣ ᨸᩁᩥᩈᨦ᩠ᨠᩥᨲᩮᩣ ᨧ…ᨸᩮ… ᩈᩩᨲᩮᩣ ᨾᨿᩣ ᨴᩥᨭ᩠ᨮᩮᩣ ᨧ…ᨸᩮ… ¶ ᩈᩩᨲᩮᩣ ᨾᨿᩣ ᨸᩁᩥᩈᨦ᩠ᨠᩥᨲᩮᩣ ᨧ ᨴᩥᨭ᩠ᨮᩮᩣ ᨧ, ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ, ᩋᩔᨾᨱᩮᩣᩈᩥ’’…ᨸᩮ… ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

ᩋᨸᩁᩥᩈᨦ᩠ᨠᩥᨲᩔ ᩉᩮᩣᨲᩥ – ‘‘ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣ’’ᨲᩥ. ᨲᨬ᩠ᨧᩮ ᨧᩮᩣᨴᩮᨲᩥ – ‘‘ᨸᩁᩥᩈᨦ᩠ᨠᩥᨲᩮᩣ ᨾᨿᩣ ᨴᩥᨭ᩠ᨮᩮᩣ ᨧ…ᨸᩮ… ᨸᩁᩥᩈᨦ᩠ᨠᩥᨲᩮᩣ ᨾᨿᩣ ᩈᩩᨲᩮᩣ ᨧ…ᨸᩮ… ᨸᩁᩥᩈᨦ᩠ᨠᩥᨲᩮᩣ ᨾᨿᩣ ᨴᩥᨭ᩠ᨮᩮᩣ ᨧ ᩈᩩᨲᩮᩣ ᨧ, ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ, ᩋᩔᨾᨱᩮᩣᩈᩥ’’…ᨸᩮ… ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

ᨴᩥᨭ᩠ᨮᩔ ¶ ᩉᩮᩣᨲᩥ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ. ᨲᨬ᩠ᨧᩮ ᨧᩮᩣᨴᩮᨲᩥ – ‘‘ᩈᩩᨲᩮᩣ ᨾᨿᩣ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ, ᩋᩔᨾᨱᩮᩣᩈᩥ’’…ᨸᩮ… ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

ᨴᩥᨭ᩠ᨮᩔ ᩉᩮᩣᨲᩥ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ. ᨲᨬ᩠ᨧᩮ ᨧᩮᩣᨴᩮᨲᩥ – ‘‘ᨸᩁᩥᩈᨦ᩠ᨠᩥᨲᩮᩣ ᨾᨿᩣ, ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ’’…ᨸᩮ… ‘‘ᩈᩩᨲᩮᩣ ᨾᨿᩣ ᨸᩁᩥᩈᨦ᩠ᨠᩥᨲᩮᩣ ᨧ, ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ, ᩋᩔᨾᨱᩮᩣᩈᩥ’’…ᨸᩮ… ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

ᩈᩩᨲᩔ ¶ ᩉᩮᩣᨲᩥ – ‘‘ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣ’’ᨲᩥ. ᨲᨬ᩠ᨧᩮ ᨧᩮᩣᨴᩮᨲᩥ – ‘‘ᨸᩁᩥᩈᨦ᩠ᨠᩥᨲᩮᩣ ᨾᨿᩣ, ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ…ᨸᩮ… ¶ ᨴᩥᨭ᩠ᨮᩮᩣ ᨾᨿᩣ, ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ…ᨸᩮ… ᨸᩁᩥᩈᨦ᩠ᨠᩥᨲᩮᩣ ᨾᨿᩣ ᨴᩥᨭ᩠ᨮᩮᩣ ᨧ, ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ, ᩋᩔᨾᨱᩮᩣᩈᩥ’’…ᨸᩮ… ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

ᨸᩁᩥᩈᨦ᩠ᨠᩥᨲᩔ ¶ ᩉᩮᩣᨲᩥ – ‘‘ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣ’’ᨲᩥ. ᨲᨬ᩠ᨧᩮ ᨧᩮᩣᨴᩮᨲᩥ – ‘‘ᨴᩥᨭ᩠ᨮᩮᩣ ᨾᨿᩣ, ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ…ᨸᩮ… ᩈᩩᨲᩮᩣ ᨾᨿᩣ, ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ…ᨸᩮ… ᨴᩥᨭ᩠ᨮᩮᩣ ᨾᨿᩣ ᩈᩩᨲᩮᩣ ᨧ, ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ, ᩋᩔᨾᨱᩮᩣᩈᩥ, ᩋᩈᨠ᩠ᨿᨸᩩᨲ᩠ᨲᩥᨿᩮᩣᩈᩥ’’…ᨸᩮ… ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

ᨴᩥᨭ᩠ᨮᩔ ᩉᩮᩣᨲᩥ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ. ᨴᩥᨭ᩠ᨮᩮ ᩅᩮᨾᨲᩥᨠᩮᩣ ᨴᩥᨭ᩠ᨮᩴ ᨶᩮᩣ ᨠᨸ᩠ᨸᩮᨲᩥ ᨴᩥᨭ᩠ᨮᩴ ᨶᩔᩁᨲᩥ ᨴᩥᨭ᩠ᨮᩴ ᨸᨾᩩᨭ᩠ᨮᩮᩣ ᩉᩮᩣᨲᩥ…ᨸᩮ… ᩈᩩᨲᩮ ᩅᩮᨾᨲᩥᨠᩮᩣ ᩈᩩᨲᩴ ᨶᩮᩣ ᨠᨸ᩠ᨸᩮᨲᩥ ᩈᩩᨲᩴ ᨶᩔᩁᨲᩥ ᩈᩩᨲᩴ ᨸᨾᩩᨭ᩠ᨮᩮᩣ ᩉᩮᩣᨲᩥ…ᨸᩮ… ᨸᩁᩥᩈᨦ᩠ᨠᩥᨲᩮ ᩅᩮᨾᨲᩥᨠᩮᩣ ᨸᩁᩥᩈᨦ᩠ᨠᩥᨲᩴ ᨶᩮᩣ ¶ ᨠᨸ᩠ᨸᩮᨲᩥ ᨸᩁᩥᩈᨦ᩠ᨠᩥᨲᩴ ᨶᩔᩁᨲᩥ ᨸᩁᩥᩈᨦ᩠ᨠᩥᨲᩴ ᨸᨾᩩᨭ᩠ᨮᩮᩣ ᩉᩮᩣᨲᩥ. ᨲᨬ᩠ᨧᩮ ᨧᩮᩣᨴᩮᨲᩥ – ‘‘ᨸᩁᩥᩈᨦ᩠ᨠᩥᨲᩮᩣ ᨾᨿᩣ ᨴᩥᨭ᩠ᨮᩮᩣ ᨧ…ᨸᩮ… ᨸᩁᩥᩈᨦ᩠ᨠᩥᨲᩮᩣ ᨾᨿᩣ ᩈᩩᨲᩮᩣ ᨧ…ᨸᩮ… ᨸᩁᩥᩈᨦ᩠ᨠᩥᨲᩮᩣ ᨾᨿᩣ ᨴᩥᨭ᩠ᨮᩮᩣ ᨧ ᩈᩩᨲᩮᩣ ᨧ, ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ, ᩋᩔᨾᨱᩮᩣᩈᩥ, ᩋᩈᨠ᩠ᨿᨸᩩᨲ᩠ᨲᩥᨿᩮᩣᩈᩥ, ᨶᨲ᩠ᨳᩥ ᨲᨿᩣ ᩈᨴ᩠ᨵᩥᩴ ᩏᨸᩮᩣᩈᨳᩮᩣ ᩅᩣ ᨸᩅᩣᩁᨱᩣ ᩅᩣ ᩈᨦ᩠ᨥᨠᨾ᩠ᨾᩴ ᩅᩣ’’ᨲᩥ, ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

᪓᪘᪘. ᩋᨴᩥᨭ᩠ᨮᩔ ᩉᩮᩣᨲᩥ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ. ᨲᨬ᩠ᨧᩮ ᨧᩮᩣᨴᩣᨸᩮᨲᩥ – ‘‘ᨴᩥᨭ᩠ᨮᩮᩣᩈᩥ, ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ, ᩋᩔᨾᨱᩮᩣᩈᩥ, ᩋᩈᨠ᩠ᨿᨸᩩᨲ᩠ᨲᩥᨿᩮᩣᩈᩥ, ᨶᨲ᩠ᨳᩥ ᨲᨿᩣ ᩈᨴ᩠ᨵᩥᩴ ᩏᨸᩮᩣᩈᨳᩮᩣ ᩅᩣ ᨸᩅᩣᩁᨱᩣ ᩅᩣ ᩈᨦ᩠ᨥᨠᨾ᩠ᨾᩴ ᩅᩣ’’ᨲᩥ, ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

ᩋᩈᩩᨲᩔ ᩉᩮᩣᨲᩥ – ‘‘ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣ’’ᨲᩥ…ᨸᩮ… ᩋᨸᩁᩥᩈᨦ᩠ᨠᩥᨲᩔ ᩉᩮᩣᨲᩥ – ‘‘ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣ’’ᨲᩥ. ᨲᨬ᩠ᨧᩮ ᨧᩮᩣᨴᩣᨸᩮᨲᩥ – ‘‘ᨸᩁᩥᩈᨦ᩠ᨠᩥᨲᩮᩣᩈᩥ, ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ’’…ᨸᩮ… ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

ᩋᨴᩥᨭ᩠ᨮᩔ ᩉᩮᩣᨲᩥ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ. ᨲᨬ᩠ᨧᩮ ᨧᩮᩣᨴᩣᨸᩮᨲᩥ – ‘‘ᨴᩥᨭ᩠ᨮᩮᩣᩈᩥ ᩈᩩᨲᩮᩣᩈᩥ…ᨸᩮ… ¶ ᨴᩥᨭ᩠ᨮᩮᩣᩈᩥ ᨸᩁᩥᩈᨦ᩠ᨠᩥᨲᩮᩣᩈᩥ…ᨸᩮ… ᨴᩥᨭ᩠ᨮᩮᩣᩈᩥ ᩈᩩᨲᩮᩣᩈᩥ ᨸᩁᩥᩈᨦ᩠ᨠᩥᨲᩮᩣᩈᩥ, ᨸᩣᩁᩣᨩᩥᨠᩴ ᨵᨾ᩠ᨾᩴ ¶ ᩋᨩ᩠ᨫᩣᨸᨶ᩠ᨶᩮᩣᩈᩥ’’…ᨸᩮ… ᩋᩈᩩᨲᩔ ᩉᩮᩣᨲᩥ – ‘‘ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣ’’ᨲᩥ…ᨸᩮ… ᩋᨸᩁᩥᩈᨦ᩠ᨠᩥᨲᩔ ᩉᩮᩣᨲᩥ – ‘‘ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣ’’ᨲᩥ. ᨲᨬ᩠ᨧᩮ ᨧᩮᩣᨴᩣᨸᩮᨲᩥ – ‘‘ᨸᩁᩥᩈᨦ᩠ᨠᩥᨲᩮᩣᩈᩥ, ᨴᩥᨭ᩠ᨮᩮᩣᩈᩥ…ᨸᩮ… ᨸᩁᩥᩈᨦ᩠ᨠᩥᨲᩮᩣᩈᩥ, ᩈᩩᨲᩮᩣᩈᩥ…ᨸᩮ… ᨸᩁᩥᩈᨦ᩠ᨠᩥᨲᩮᩣᩈᩥ, ᨴᩥᨭ᩠ᨮᩮᩣᩈᩥ, ᩈᩩᨲᩮᩣᩈᩥ, ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ, ᩋᩔᨾᨱᩮᩣᩈᩥ’’…ᨸᩮ… ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

ᨴᩥᨭ᩠ᨮᩔ ¶ ᩉᩮᩣᨲᩥ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ. ᨲᨬ᩠ᨧᩮ ᨧᩮᩣᨴᩣᨸᩮᨲᩥ – ‘‘ᩈᩩᨲᩮᩣᩈᩥ’’…ᨸᩮ… ᨲᨬ᩠ᨧᩮ ᨧᩮᩣᨴᩣᨸᩮᨲᩥ – ‘‘ᨸᩁᩥᩈᨦ᩠ᨠᩥᨲᩮᩣᩈᩥ’’…ᨸᩮ… ᨲᨬ᩠ᨧᩮ ᨧᩮᩣᨴᩣᨸᩮᨲᩥ – ‘‘ᩈᩩᨲᩮᩣᩈᩥ, ᨸᩁᩥᩈᨦ᩠ᨠᩥᨲᩮᩣᩈᩥ, ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ, ᩋᩔᨾᨱᩮᩣᩈᩥ’’…ᨸᩮ… ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

ᩈᩩᨲᩔ ᩉᩮᩣᨲᩥ – ‘‘ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣ’’ᨲᩥ…ᨸᩮ… ᨸᩁᩥᩈᨦ᩠ᨠᩥᨲᩔ ᩉᩮᩣᨲᩥ – ‘‘ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣ’’ᨲᩥ. ᨲᨬ᩠ᨧᩮ ‘‘ᨴᩥᨭ᩠ᨮᩮᩣᩈᩥ’’…ᨸᩮ… ᨲᨬ᩠ᨧᩮ ᨧᩮᩣᨴᩣᨸᩮᨲᩥ – ‘‘ᩈᩩᨲᩮᩣᩈᩥ’’…ᨸᩮ… ᨲᨬ᩠ᨧᩮ ᨧᩮᩣᨴᩣᨸᩮᨲᩥ – ‘‘ᨴᩥᨭ᩠ᨮᩮᩣᩈᩥ, ᩈᩩᨲᩮᩣᩈᩥ, ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ, ᩋᩔᨾᨱᩮᩣᩈᩥ’’…ᨸᩮ… ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

ᨴᩥᨭ᩠ᨮᩔ ᩉᩮᩣᨲᩥ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ. ᨴᩥᨭ᩠ᨮᩮ ᩅᩮᨾᨲᩥᨠᩮᩣ ᨴᩥᨭ᩠ᨮᩴ ᨶᩮᩣ ᨠᨸ᩠ᨸᩮᨲᩥ ᨴᩥᨭ᩠ᨮᩴ ᨶᩔᩁᨲᩥ ᨴᩥᨭ᩠ᨮᩴ ᨸᨾᩩᨭ᩠ᨮᩮᩣ ᩉᩮᩣᨲᩥ…ᨸᩮ… ᩈᩩᨲᩮ ¶ ᩅᩮᨾᨲᩥᨠᩮᩣ ᩈᩩᨲᩴ ᨶᩮᩣ ᨠᨸ᩠ᨸᩮᨲᩥ ᩈᩩᨲᩴ ᨶᩔᩁᨲᩥ ᩈᩩᨲᩴ ᨸᨾᩩᨭ᩠ᨮᩮᩣ ᩉᩮᩣᨲᩥ…ᨸᩮ… ᨸᩁᩥᩈᨦ᩠ᨠᩥᨲᩮ ᩅᩮᨾᨲᩥᨠᩮᩣ ᨸᩁᩥᩈᨦ᩠ᨠᩥᨲᩴ ᨶᩮᩣ ᨠᨸ᩠ᨸᩮᨲᩥ ᨸᩁᩥᩈᨦ᩠ᨠᩥᨲᩴ ᨶᩔᩁᨲᩥ ᨸᩁᩥᩈᨦ᩠ᨠᩥᨲᩴ ᨸᨾᩩᨭ᩠ᨮᩮᩣ ᩉᩮᩣᨲᩥ. ᨲᨬ᩠ᨧᩮ ᨧᩮᩣᨴᩣᨸᩮᨲᩥ – ‘‘ᨸᩁᩥᩈᨦ᩠ᨠᩥᨲᩮᩣᩈᩥ, ᨴᩥᨭ᩠ᨮᩮᩣᩈᩥ’’…ᨸᩮ… ᨸᩁᩥᩈᨦ᩠ᨠᩥᨲᩴ ᨸᨾᩩᨭ᩠ᨮᩮᩣ ᩉᩮᩣᨲᩥ, ᨲᨬ᩠ᨧᩮ ᨧᩮᩣᨴᩣᨸᩮᨲᩥ – ‘‘ᨸᩁᩥᩈᨦ᩠ᨠᩥᨲᩮᩣᩈᩥ ᩈᩩᨲᩮᩣᩈᩥ’’…ᨸᩮ… ᨸᩁᩥᩈᨦ᩠ᨠᩥᨲᩴ ᨸᨾᩩᨭ᩠ᨮᩮᩣ ᩉᩮᩣᨲᩥ, ᨲᨬ᩠ᨧᩮ ᨧᩮᩣᨴᩣᨸᩮᨲᩥ – ‘‘ᨸᩁᩥᩈᨦ᩠ᨠᩥᨲᩮᩣᩈᩥ, ᨴᩥᨭ᩠ᨮᩮᩣᩈᩥ, ᩈᩩᨲᩮᩣᩈᩥ, ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ, ᩋᩔᨾᨱᩮᩣᩈᩥ, ᩋᩈᨠ᩠ᨿᨸᩩᨲ᩠ᨲᩥᨿᩮᩣᩈᩥ, ᨶᨲ᩠ᨳᩥ ᨲᨿᩣ ᩈᨴ᩠ᨵᩥᩴ ᩏᨸᩮᩣᩈᨳᩮᩣ ᩅᩣ ᨸᩅᩣᩁᨱᩣ ᩅᩣ ᩈᨦ᩠ᨥᨠᨾ᩠ᨾᩴ ᩅᩣ’’ᨲᩥ, ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

᪓᪘᪙. ᩋᩈᩩᨴ᩠ᨵᩮ ¶ ᩈᩩᨴ᩠ᨵᨴᩥᨭ᩠ᨮᩥ, ᩈᩩᨴ᩠ᨵᩮ ᩋᩈᩩᨴ᩠ᨵᨴᩥᨭ᩠ᨮᩥ, ᩋᩈᩩᨴ᩠ᨵᩮ ᩋᩈᩩᨴ᩠ᨵᨴᩥᨭ᩠ᨮᩥ, ᩈᩩᨴ᩠ᨵᩮ ᩈᩩᨴ᩠ᨵᨴᩥᨭ᩠ᨮᩥ.

ᩋᩈᩩᨴ᩠ᨵᩮᩣ ᩉᩮᩣᨲᩥ ᨸᩩᨣ᩠ᨣᩃᩮᩣ ᩋᨬ᩠ᨬᨲᩁᩴ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣ. ᨲᨬ᩠ᨧᩮ ᩈᩩᨴ᩠ᨵᨴᩥᨭ᩠ᨮᩥ ᩈᨾᩣᨶᩮᩣ ᩋᨶᩮᩣᨠᩣᩈᩴ ᨠᩣᩁᩣᨸᩮᨲ᩠ᩅᩣ ᨧᩣᩅᨶᩣᨵᩥᨸ᩠ᨸᩣᨿᩮᩣ ᩅᨴᩮᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ.

ᩋᩈᩩᨴ᩠ᨵᩮᩣ ¶ ᩉᩮᩣᨲᩥ ᨸᩩᨣ᩠ᨣᩃᩮᩣ ᩋᨬ᩠ᨬᨲᩁᩴ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣ. ᨲᨬ᩠ᨧᩮ ᩈᩩᨴ᩠ᨵᨴᩥᨭ᩠ᨮᩥ ᩈᨾᩣᨶᩮᩣ ᩒᨠᩣᩈᩴ ᨠᩣᩁᩣᨸᩮᨲ᩠ᩅᩣ ᨧᩣᩅᨶᩣᨵᩥᨸ᩠ᨸᩣᨿᩮᩣ ᩅᨴᩮᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩋᩈᩩᨴ᩠ᨵᩮᩣ ¶ ᩉᩮᩣᨲᩥ ᨸᩩᨣ᩠ᨣᩃᩮᩣ ᩋᨬ᩠ᨬᨲᩁᩴ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣ. ᨲᨬ᩠ᨧᩮ ᩈᩩᨴ᩠ᨵᨴᩥᨭ᩠ᨮᩥ ᩈᨾᩣᨶᩮᩣ ᩋᨶᩮᩣᨠᩣᩈᩴ ᨠᩣᩁᩣᨸᩮᨲ᩠ᩅᩣ ᩋᨠ᩠ᨠᩮᩣᩈᩣᨵᩥᨸ᩠ᨸᩣᨿᩮᩣ ᩅᨴᩮᨲᩥ, ᩌᨸᨲ᩠ᨲᩥ ᩒᨾᩈᩅᩣᨴᩮᨶ ᨴᩩᨠ᩠ᨠᨭᩔ.

ᩋᩈᩩᨴ᩠ᨵᩮᩣ ᩉᩮᩣᨲᩥ ᨸᩩᨣ᩠ᨣᩃᩮᩣ ᩋᨬ᩠ᨬᨲᩁᩴ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣ. ᨲᨬ᩠ᨧᩮ ᩈᩩᨴ᩠ᨵᨴᩥᨭ᩠ᨮᩥ ᩈᨾᩣᨶᩮᩣ ᩒᨠᩣᩈᩴ ᨠᩣᩁᩣᨸᩮᨲ᩠ᩅᩣ ᩋᨠ᩠ᨠᩮᩣᩈᩣᨵᩥᨸ᩠ᨸᩣᨿᩮᩣ ᩅᨴᩮᨲᩥ, ᩌᨸᨲ᩠ᨲᩥ ᩒᨾᩈᩅᩣᨴᩔ.

ᩈᩩᨴ᩠ᨵᩮᩣ ¶ ᩉᩮᩣᨲᩥ ᨸᩩᨣ᩠ᨣᩃᩮᩣ ᩋᨬ᩠ᨬᨲᩁᩴ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨶᨩ᩠ᨫᩣᨸᨶ᩠ᨶᩮᩣ. ᨲᨬ᩠ᨧᩮ ᩋᩈᩩᨴ᩠ᨵᨴᩥᨭ᩠ᨮᩥ ᩈᨾᩣᨶᩮᩣ ᩋᨶᩮᩣᨠᩣᩈᩴ ᨠᩣᩁᩣᨸᩮᨲ᩠ᩅᩣ ᨧᩣᩅᨶᩣᨵᩥᨸ᩠ᨸᩣᨿᩮᩣ ᩅᨴᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᩈᩩᨴ᩠ᨵᩮᩣ ᩉᩮᩣᨲᩥ ᨸᩩᨣ᩠ᨣᩃᩮᩣ ᩋᨬ᩠ᨬᨲᩁᩴ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨶᨩ᩠ᨫᩣᨸᨶ᩠ᨶᩮᩣ. ᨲᨬ᩠ᨧᩮ ᩋᩈᩩᨴ᩠ᨵᨴᩥᨭ᩠ᨮᩥ ᩈᨾᩣᨶᩮᩣ ᩒᨠᩣᩈᩴ ᨠᩣᩁᩣᨸᩮᨲ᩠ᩅᩣ ᨧᩣᩅᨶᩣᨵᩥᨸ᩠ᨸᩣᨿᩮᩣ ᩅᨴᩮᨲᩥ, ᩋᨶᩣᨸᨲ᩠ᨲᩥ.

ᩈᩩᨴ᩠ᨵᩮᩣ ᩉᩮᩣᨲᩥ ᨸᩩᨣ᩠ᨣᩃᩮᩣ ᩋᨬ᩠ᨬᨲᩁᩴ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨶᨩ᩠ᨫᩣᨸᨶ᩠ᨶᩮᩣ. ᨲᨬ᩠ᨧᩮ ᩋᩈᩩᨴ᩠ᨵᨴᩥᨭ᩠ᨮᩥ ᩈᨾᩣᨶᩮᩣ ᩋᨶᩮᩣᨠᩣᩈᩴ ᨠᩣᩁᩣᨸᩮᨲ᩠ᩅᩣ ᩋᨠ᩠ᨠᩮᩣᩈᩣᨵᩥᨸ᩠ᨸᩣᨿᩮᩣ ᩅᨴᩮᨲᩥ, ᩌᨸᨲ᩠ᨲᩥ ᩒᨾᩈᩅᩣᨴᩮᨶ ᨴᩩᨠ᩠ᨠᨭᩔ.

ᩈᩩᨴ᩠ᨵᩮᩣ ᩉᩮᩣᨲᩥ ᨸᩩᨣ᩠ᨣᩃᩮᩣ ᩋᨬ᩠ᨬᨲᩁᩴ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨶᨩ᩠ᨫᩣᨸᨶ᩠ᨶᩮᩣ. ᨲᨬ᩠ᨧᩮ ᩋᩈᩩᨴ᩠ᨵᨴᩥᨭ᩠ᨮᩥ ᩈᨾᩣᨶᩮᩣ ᩒᨠᩣᩈᩴ ᨠᩣᩁᩣᨸᩮᨲ᩠ᩅᩣ ᩋᨠ᩠ᨠᩮᩣᩈᩣᨵᩥᨸ᩠ᨸᩣᨿᩮᩣ ᩅᨴᩮᨲᩥ, ᩌᨸᨲ᩠ᨲᩥ ᩒᨾᩈᩅᩣᨴᩔ.

ᩋᩈᩩᨴ᩠ᨵᩮᩣ ᩉᩮᩣᨲᩥ ᨸᩩᨣ᩠ᨣᩃᩮᩣ ᩋᨬ᩠ᨬᨲᩁᩴ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣ. ᨲᨬ᩠ᨧᩮ ᩋᩈᩩᨴ᩠ᨵᨴᩥᨭ᩠ᨮᩥ ᩈᨾᩣᨶᩮᩣ ᩋᨶᩮᩣᨠᩣᩈᩴ ᨠᩣᩁᩣᨸᩮᨲ᩠ᩅᩣ ᨧᩣᩅᨶᩣᨵᩥᨸ᩠ᨸᩣᨿᩮᩣ ᩅᨴᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᩋᩈᩩᨴ᩠ᨵᩮᩣ ᩉᩮᩣᨲᩥ ᨸᩩᨣ᩠ᨣᩃᩮᩣ ᩋᨬ᩠ᨬᨲᩁᩴ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣ. ᨲᨬ᩠ᨧᩮ ᩋᩈᩩᨴ᩠ᨵᨴᩥᨭ᩠ᨮᩥ ᩈᨾᩣᨶᩮᩣ ᩒᨠᩣᩈᩴ ᨠᩣᩁᩣᨸᩮᨲ᩠ᩅᩣ ᨧᩣᩅᨶᩣᨵᩥᨸ᩠ᨸᩣᨿᩮᩣ ᩅᨴᩮᨲᩥ, ᩋᨶᩣᨸᨲ᩠ᨲᩥ.

ᩋᩈᩩᨴ᩠ᨵᩮᩣ ᩉᩮᩣᨲᩥ ᨸᩩᨣ᩠ᨣᩃᩮᩣ ᩋᨬ᩠ᨬᨲᩁᩴ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣ. ᨲᨬ᩠ᨧᩮ ᩋᩈᩩᨴ᩠ᨵᨴᩥᨭ᩠ᨮᩥ ᩈᨾᩣᨶᩮᩣ ᩋᨶᩮᩣᨠᩣᩈᩴ ᨠᩣᩁᩣᨸᩮᨲ᩠ᩅᩣ ᩋᨠ᩠ᨠᩮᩣᩈᩣᨵᩥᨸ᩠ᨸᩣᨿᩮᩣ ᩅᨴᩮᨲᩥ, ᩌᨸᨲ᩠ᨲᩥ ᩒᨾᩈᩅᩣᨴᩮᨶ ᨴᩩᨠ᩠ᨠᨭᩔ.

ᩋᩈᩩᨴ᩠ᨵᩮᩣ ¶ ᩉᩮᩣᨲᩥ ᨸᩩᨣ᩠ᨣᩃᩮᩣ ᩋᨬ᩠ᨬᨲᩁᩴ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣ. ᨲᨬ᩠ᨧᩮ ᩋᩈᩩᨴ᩠ᨵᨴᩥᨭ᩠ᨮᩥ ᩈᨾᩣᨶᩮᩣ ᩒᨠᩣᩈᩴ ᨠᩣᩁᩣᨸᩮᨲ᩠ᩅᩣ ¶ ᩋᨠ᩠ᨠᩮᩣᩈᩣᨵᩥᨸ᩠ᨸᩣᨿᩮᩣ ᩅᨴᩮᨲᩥ, ᩌᨸᨲ᩠ᨲᩥ ᩒᨾᩈᩅᩣᨴᩔ.

ᩈᩩᨴ᩠ᨵᩮᩣ ¶ ᩉᩮᩣᨲᩥ ᨸᩩᨣ᩠ᨣᩃᩮᩣ ᩋᨬ᩠ᨬᨲᩁᩴ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨶᨩ᩠ᨫᩣᨸᨶ᩠ᨶᩮᩣ. ᨲᨬ᩠ᨧᩮ ᩈᩩᨴ᩠ᨵᨴᩥᨭ᩠ᨮᩥ ᩈᨾᩣᨶᩮᩣ ᩋᨶᩮᩣᨠᩣᩈᩴ ᨠᩣᩁᩣᨸᩮᨲ᩠ᩅᩣ ᨧᩣᩅᨶᩣᨵᩥᨸ᩠ᨸᩣᨿᩮᩣ ᩅᨴᩮᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩮᨶ ᨴᩩᨠ᩠ᨠᨭᩔ.

ᩈᩩᨴ᩠ᨵᩮᩣ ᩉᩮᩣᨲᩥ ᨸᩩᨣ᩠ᨣᩃᩮᩣ ᩋᨬ᩠ᨬᨲᩁᩴ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨶᨩ᩠ᨫᩣᨸᨶ᩠ᨶᩮᩣ. ᨲᨬ᩠ᨧᩮ ᩈᩩᨴ᩠ᨵᨴᩥᨭ᩠ᨮᩥ ᩈᨾᩣᨶᩮᩣ ᩒᨠᩣᩈᩴ ᨠᩣᩁᩣᨸᩮᨲ᩠ᩅᩣ ᨧᩣᩅᨶᩣᨵᩥᨸ᩠ᨸᩣᨿᩮᩣ ᩅᨴᩮᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩈᩩᨴ᩠ᨵᩮᩣ ᩉᩮᩣᨲᩥ ᨸᩩᨣ᩠ᨣᩃᩮᩣ ᩋᨬ᩠ᨬᨲᩁᩴ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨶᨩ᩠ᨫᩣᨸᨶ᩠ᨶᩮᩣ. ᨲᨬ᩠ᨧᩮ ᩈᩩᨴ᩠ᨵᨴᩥᨭ᩠ᨮᩥ ᩈᨾᩣᨶᩮᩣ ᩋᨶᩮᩣᨠᩣᩈᩴ ᨠᩣᩁᩣᨸᩮᨲ᩠ᩅᩣ ᩋᨠ᩠ᨠᩮᩣᩈᩣᨵᩥᨸ᩠ᨸᩣᨿᩮᩣ ᩅᨴᩮᨲᩥ, ᩌᨸᨲ᩠ᨲᩥ ᩒᨾᩈᩅᩣᨴᩮᨶ ᨴᩩᨠ᩠ᨠᨭᩔ.

ᩈᩩᨴ᩠ᨵᩮᩣ ᩉᩮᩣᨲᩥ ᨸᩩᨣ᩠ᨣᩃᩮᩣ ᩋᨬ᩠ᨬᨲᩁᩴ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨶᨩ᩠ᨫᩣᨸᨶ᩠ᨶᩮᩣ ᨲᨬ᩠ᨧᩮ ᩈᩩᨴ᩠ᨵᨴᩥᨭ᩠ᨮᩥ ᩈᨾᩣᨶᩮᩣ ᩒᨠᩣᩈᩴ ᨠᩣᩁᩣᨸᩮᨲ᩠ᩅᩣ ᩋᨠ᩠ᨠᩮᩣᩈᩣᨵᩥᨸ᩠ᨸᩣᨿᩮᩣ ᩅᨴᩮᨲᩥ, ᩌᨸᨲ᩠ᨲᩥ ᩒᨾᩈᩅᩣᨴᩔ.

᪓᪙᪐. ᩋᨶᩣᨸᨲ᩠ᨲᩥ ᩈᩩᨴ᩠ᨵᩮ ᩋᩈᩩᨴ᩠ᨵᨴᩥᨭ᩠ᨮᩥᩔ, ᩋᩈᩩᨴ᩠ᨵᩮ ᩋᩈᩩᨴ᩠ᨵᨴᩥᨭ᩠ᨮᩥᩔ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᨴᩩᨭ᩠ᨮᨴᩮᩣᩈᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᩋᨭ᩠ᨮᨾᩴ.

᪙. ᨴᩩᨲᩥᨿᨴᩩᨭ᩠ᨮᨴᩮᩣᩈᩈᩥᨠ᩠ᨡᩣᨸᨴᩴ

᪓᪙᪑. ᨲᩮᨶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩁᩣᨩᨣᩉᩮ ᩅᩥᩉᩁᨲᩥ ᩅᩮᩊᩩᩅᨶᩮ ᨠᩃᨶ᩠ᨴᨠᨶᩥᩅᩣᨸᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨾᩮᨲ᩠ᨲᩥᨿᨽᩪᨾᨩᨠᩣ ᨽᩥᨠ᩠ᨡᩪ ᨣᩥᨩ᩠ᨫᨠᩪᨭᩣ ᨸᨻ᩠ᨻᨲᩣ ᩒᩁᩮᩣᩉᨶ᩠ᨲᩣ ᩋᨴ᩠ᨴᩈᩴᩈᩩ ᨨᨣᩃᨠᩴ [ᨨᨠᩃᨠᩴ (ᩈ᩠ᨿᩣ.)] ᩋᨩᩥᨠᩣᨿ ᩅᩥᨸ᩠ᨸᨭᩥᨸᨩ᩠ᨩᨶ᩠ᨲᩴ. ᨴᩥᩈ᩠ᩅᩣᨶ ¶ ᩑᩅᨾᩣᩉᩴᩈᩩ – ‘‘ᩉᨶ᩠ᨴ ᨾᨿᩴ, ᩌᩅᩩᩈᩮᩣ, ᩍᨾᩴ ᨨᨣᩃᨠᩴ ᨴᨻ᩠ᨻᩴ ᨾᩃ᩠ᩃᨸᩩᨲ᩠ᨲᩴ ᨶᩣᨾ ᨠᩁᩮᩣᨾ. ᩍᨾᩴ ᩋᨩᩥᨠᩴ ᨾᩮᨲ᩠ᨲᩥᨿᩴ ᨶᩣᨾ ᨽᩥᨠ᩠ᨡᩩᨶᩥᩴ ᨠᩁᩮᩣᨾ. ᩑᩅᩴ ᨾᨿᩴ ᩅᩮᩣᩉᩁᩥᩔᩣᨾ. ᨸᩩᨻ᩠ᨻᩮ ᨾᨿᩴ, ᩌᩅᩩᩈᩮᩣ, ᨴᨻ᩠ᨻᩴ ᨾᩃ᩠ᩃᨸᩩᨲ᩠ᨲᩴ ᩈᩩᨲᩮᨶ ᩋᩅᩮᩣᨧᩩᨾ᩠ᩉᩣ. ᩍᨴᩣᨶᩥ ᨸᨶ ᩋᨾ᩠ᩉᩮᩉᩥ ᩈᩣᨾᩴ ᨴᩥᨭ᩠ᨮᩮᩣ ᨾᩮᨲ᩠ᨲᩥᨿᩣᨿ ᨽᩥᨠ᩠ᨡᩩᨶᩥᨿᩣ ᩅᩥᨸ᩠ᨸᨭᩥᨸᨩ᩠ᨩᨶ᩠ᨲᩮᩣ’’ᨲᩥ. ᨲᩮ ᨲᩴ ᨨᨣᩃᨠᩴ ᨴᨻ᩠ᨻᩴ ᨾᩃ᩠ᩃᨸᩩᨲ᩠ᨲᩴ ᨶᩣᨾ ¶ ᩋᨠᩴᩈᩩ. ᨲᩴ ᩋᨩᩥᨠᩴ ᨾᩮᨲ᩠ᨲᩥᨿᩴ ᨶᩣᨾ ᨽᩥᨠ᩠ᨡᩩᨶᩥᩴ ᩋᨠᩴᩈᩩ. ᨲᩮ ᨽᩥᨠ᩠ᨡᩪᨶᩴ ᩌᩁᩮᩣᨧᩮᩈᩩᩴ – ‘‘ᨸᩩᨻ᩠ᨻᩮ ᨾᨿᩴ, ᩌᩅᩩᩈᩮᩣ, ᨴᨻ᩠ᨻᩴ ᨾᩃ᩠ᩃᨸᩩᨲ᩠ᨲᩴ ᩈᩩᨲᩮᨶ ᩋᩅᩮᩣᨧᩩᨾ᩠ᩉᩣ. ᩍᨴᩣᨶᩥ ᨸᨶ ᩋᨾ᩠ᩉᩮᩉᩥ ᩈᩣᨾᩴ ᨴᩥᨭ᩠ᨮᩮᩣ ᨾᩮᨲ᩠ᨲᩥᨿᩣᨿ ᨽᩥᨠ᩠ᨡᩩᨶᩥᨿᩣ ᩅᩥᨸ᩠ᨸᨭᩥᨸᨩ᩠ᨩᨶ᩠ᨲᩮᩣ’’ᨲᩥ. ᨽᩥᨠ᩠ᨡᩪ ᩑᩅᨾᩣᩉᩴᩈᩩ – ‘‘ᨾᩣᩅᩩᩈᩮᩣ, ᩑᩅᩴ ᩋᩅᨧᩩᨲ᩠ᨳ. ᨶᩣᨿᩈ᩠ᨾᩣ ᨴᨻ᩠ᨻᩮᩣ ᨾᩃ᩠ᩃᨸᩩᨲ᩠ᨲᩮᩣ ᩑᩅᩴ ᨠᩁᩥᩔᨲᩦ’’ᨲᩥ.

ᩋᨳ ¶ ᨡᩮᩣ ᨲᩮ ᨽᩥᨠ᩠ᨡᩪ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ᩋᨳ ᨡᩮᩣ ᨽᨣᩅᩣ ᩑᨲᩈ᩠ᨾᩥᩴ ᨶᩥᨴᩣᨶᩮ ᩑᨲᩈ᩠ᨾᩥᩴ ᨸᨠᩁᨱᩮ ᨽᩥᨠ᩠ᨡᩩᩈᨦ᩠ᨥᩴ ᩈᨶ᩠ᨶᩥᨸᩣᨲᩣᨸᩮᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᨴᨻ᩠ᨻᩴ ᨾᩃ᩠ᩃᨸᩩᨲ᩠ᨲᩴ ᨸᨭᩥᨸᩩᨧ᩠ᨨᩥ – ‘‘ᩈᩁᩈᩥ ᨲ᩠ᩅᩴ, ᨴᨻ᩠ᨻ, ᩑᩅᩁᩪᨸᩴ ᨠᨲ᩠ᨲᩣ ᨿᨳᨿᩥᨾᩮ ᨽᩥᨠ᩠ᨡᩪ ᩌᩉᩴᩈᩪ’’ᨲᩥ? ‘‘ᨿᨳᩣ ᨾᩴ, ᨽᨶ᩠ᨲᩮ, ᨽᨣᩅᩣ ᨩᩣᨶᩣᨲᩦ’’ᨲᩥ. ᨴᩩᨲᩥᨿᨾ᩠ᨸᩥ ᨡᩮᩣ ᨽᨣᩅᩣ…ᨸᩮ… ᨲᨲᩥᨿᨾ᩠ᨸᩥ ᨡᩮᩣ ᨽᨣᩅᩣ ᩌᨿᩈ᩠ᨾᨶ᩠ᨲᩴ ᨴᨻ᩠ᨻᩴ ᨾᩃ᩠ᩃᨸᩩᨲ᩠ᨲᩴ ¶ ᩑᨲᨴᩅᩮᩣᨧ – ‘‘ᩈᩁᩈᩥ ᨲ᩠ᩅᩴ, ᨴᨻ᩠ᨻ, ᩑᩅᩁᩪᨸᩴ ᨠᨲ᩠ᨲᩣ ᨿᨳᨿᩥᨾᩮ ᨽᩥᨠ᩠ᨡᩪ ᩌᩉᩴᩈᩪ’’ᨲᩥ? ‘‘ᨿᨳᩣ ᨾᩴ, ᨽᨶ᩠ᨲᩮ, ᨽᨣᩅᩣ ᨩᩣᨶᩣᨲᩦ’’ᨲᩥ. ‘‘ᨶ ᨡᩮᩣ, ᨴᨻ᩠ᨻ, ᨴᨻ᩠ᨻᩣ ᩑᩅᩴ ᨶᩥᨻ᩠ᨻᩮᨮᩮᨶ᩠ᨲᩥ. ᩈᨧᩮ ᨲᨿᩣ ᨠᨲᩴ ᨠᨲᨶ᩠ᨲᩥ ᩅᨴᩮᩉᩥ, ᩈᨧᩮ ᨲᨿᩣ ᩋᨠᨲᩴ ᩋᨠᨲᨶ᩠ᨲᩥ ᩅᨴᩮᩉᩦ’’ᨲᩥ. ‘‘ᨿᨲᩮᩣ ᩋᩉᩴ, ᨽᨶ᩠ᨲᩮ, ᨩᩣᨲᩮᩣ ᨶᩣᨽᩥᨩᩣᨶᩣᨾᩥ ᩈᩩᨸᩥᨶᨶ᩠ᨲᩮᨶᨸᩥ ᨾᩮᨳᩩᨶᨵᨾ᩠ᨾᩴ ᨸᨭᩥᩈᩮᩅᩥᨲᩣ, ᨸᨣᩮᩅ ᨩᩣᨣᩁᩮᩣ’’ᨲᩥ! ᩋᨳ ᨡᩮᩣ ᨽᨣᩅᩣ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ – ‘‘ᨲᩮᨶ ᩉᩥ, ᨽᩥᨠ᩠ᨡᩩᩅᩮ, ᩍᨾᩮ ᨽᩥᨠ᩠ᨡᩪ ᩋᨶᩩᨿᩩᨬ᩠ᨩᨳᩣ’’ᨲᩥ. ᩍᨴᩴ ᩅᨲ᩠ᩅᩣ ᨽᨣᩅᩣ ᩏᨭ᩠ᨮᩣᨿᩣᩈᨶᩣ ᩅᩥᩉᩣᩁᩴ ᨸᩣᩅᩥᩈᩥ.

ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨾᩮᨲ᩠ᨲᩥᨿᨽᩪᨾᨩᨠᩮ ᨽᩥᨠ᩠ᨡᩪ ᩋᨶᩩᨿᩩᨬ᩠ᨩᩥᩴᩈᩩ. ᨲᩮ ᨽᩥᨠ᩠ᨡᩪᩉᩥ ᩋᨶᩩᨿᩩᨬ᩠ᨩᩦᨿᨾᩣᨶᩣ ᨽᩥᨠ᩠ᨡᩪᨶᩴ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ – ‘‘ᨠᩥᩴ ᨸᨶ ᨲᩩᨾ᩠ᩉᩮ, ᩌᩅᩩᩈᩮᩣ, ᩌᨿᩈ᩠ᨾᨶ᩠ᨲᩴ ᨴᨻ᩠ᨻᩴ ᨾᩃ᩠ᩃᨸᩩᨲ᩠ᨲᩴ ᩋᨬ᩠ᨬᨽᩣᨣᩥᨿᩔ ᩋᨵᩥᨠᩁᨱᩔ ᨠᩥᨬ᩠ᨧᩥᨴᩮᩈᩴ ᩃᩮᩈᨾᨲ᩠ᨲᩴ ᩏᨸᩣᨴᩣᨿ ᨸᩣᩁᩣᨩᩥᨠᩮᨶ ᨵᨾ᩠ᨾᩮᨶ ᩋᨶᩩᨴ᩠ᨵᩴᩈᩮᨳᩣ’’ᨲᩥ? ‘‘ᩑᩅᨾᩣᩅᩩᩈᩮᩣ’’ᨲᩥ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᨾᩮᨲ᩠ᨲᩥᨿᨽᩪᨾᨩᨠᩣ ᨽᩥᨠ᩠ᨡᩪ ᩌᨿᩈ᩠ᨾᨶ᩠ᨲᩴ ᨴᨻ᩠ᨻᩴ ᨾᩃ᩠ᩃᨸᩩᨲ᩠ᨲᩴ ᩋᨬ᩠ᨬᨽᩣᨣᩥᨿᩔ ᩋᨵᩥᨠᩁᨱᩔ ᨠᩥᨬ᩠ᨧᩥ ᨴᩮᩈᩴ ᩃᩮᩈᨾᨲ᩠ᨲᩴ ᩏᨸᩣᨴᩣᨿ ᨸᩣᩁᩣᨩᩥᨠᩮᨶ ᨵᨾ᩠ᨾᩮᨶ ᩋᨶᩩᨴ᩠ᨵᩴᩈᩮᩔᨶ᩠ᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨾᩮᨲ᩠ᨲᩥᨿᨽᩪᨾᨩᨠᩮ ᨽᩥᨠ᩠ᨡᩪ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩈᨧ᩠ᨧᩴ ᨠᩥᩁ ᨲᩩᨾ᩠ᩉᩮ, ᨽᩥᨠ᩠ᨡᩅᩮ, ᨴᨻ᩠ᨻᩴ ᨾᩃ᩠ᩃᨸᩩᨲ᩠ᨲᩴ ᩋᨬ᩠ᨬᨽᩣᨣᩥᨿᩔ ᩋᨵᩥᨠᩁᨱᩔ ᨠᩥᨬ᩠ᨧᩥ ᨴᩮᩈᩴ ᩃᩮᩈᨾᨲ᩠ᨲᩴ ᩏᨸᩣᨴᩣᨿ ᨸᩣᩁᩣᨩᩥᨠᩮᨶ ᨵᨾ᩠ᨾᩮᨶ ᩋᨶᩩᨴ᩠ᨵᩴᩈᩮᨳᩣ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ‘‘ᨠᨳᨬ᩠ᩉᩥ ᨶᩣᨾ ᨲᩩᨾ᩠ᩉᩮ, ᨾᩮᩣᨥᨸᩩᩁᩥᩈᩣ, ᨴᨻ᩠ᨻᩴ ᨾᩃ᩠ᩃᨸᩩᨲ᩠ᨲᩴ ᩋᨬ᩠ᨬᨽᩣᨣᩥᨿᩔ ᩋᨵᩥᨠᩁᨱᩔ ᨠᩥᨬ᩠ᨧᩥ ᨴᩮᩈᩴ ¶ ᩃᩮᩈᨾᨲ᩠ᨲᩴ ᩏᨸᩣᨴᩣᨿ ᨸᩣᩁᩣᨩᩥᨠᩮᨶ ᨵᨾ᩠ᨾᩮᨶ ᩋᨶᩩᨴ᩠ᨵᩴᩈᩮᩔᨳ! ᨶᩮᨲᩴ, ᨾᩮᩣᨥᨸᩩᩁᩥᩈᩣ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪓᪙᪒. ‘‘ᨿᩮᩣ ¶ ᨸᨶ ᨽᩥᨠ᩠ᨡᩩ ᨽᩥᨠ᩠ᨡᩩᩴ ᨴᩩᨭ᩠ᨮᩮᩣ ᨴᩮᩣᩈᩮᩣ ᩋᨸ᩠ᨸᨲᩦᨲᩮᩣ ᩋᨬ᩠ᨬᨽᩣᨣᩥᨿᩔ ¶ ᩋᨵᩥᨠᩁᨱᩔ ᨠᩥᨬ᩠ᨧᩥᨴᩮᩈᩴ ᩃᩮᩈᨾᨲ᩠ᨲᩴ ᩏᨸᩣᨴᩣᨿ ᨸᩣᩁᩣᨩᩥᨠᩮᨶ ᨵᨾ᩠ᨾᩮᨶ ᩋᨶᩩᨴ᩠ᨵᩴᩈᩮᨿ᩠ᨿ – ‘ᩋᨸ᩠ᨸᩮᩅ ᨶᩣᨾ ᨶᩴ ᩍᨾᨾ᩠ᩉᩣ ᨻᩕᩉ᩠ᨾᨧᩁᩥᨿᩣ ᨧᩣᩅᩮᨿ᩠ᨿ’ᨶ᩠ᨲᩥ. ᨲᨲᩮᩣ ¶ ᩋᨸᩁᩮᨶ ᩈᨾᨿᩮᨶ ᩈᨾᨶᩩᨣ᩠ᨣᩣᩉᩦᨿᨾᩣᨶᩮᩣ ᩅᩣ ᩋᩈᨾᨶᩩᨣ᩠ᨣᩣᩉᩦᨿᨾᩣᨶᩮᩣ ᩅᩣ ᩋᨬ᩠ᨬᨽᩣᨣᩥᨿᨬ᩠ᨧᩮᩅ ᨲᩴ ᩋᨵᩥᨠᩁᨱᩴ ᩉᩮᩣᨲᩥ ᨠᩮᩣᨧᩥᨴᩮᩈᩮᩣ ᩃᩮᩈᨾᨲ᩠ᨲᩮᩣ ᩏᨸᩣᨴᩥᨶ᩠ᨶᩮᩣ, ᨽᩥᨠ᩠ᨡᩩ ᨧ ᨴᩮᩣᩈᩴ ᨸᨲᩥᨭ᩠ᨮᩣᨲᩥ, ᩈᨦ᩠ᨥᩣᨴᩥᩈᩮᩈᩮᩣ’’ᨲᩥ.

᪓᪙᪓. ᨿᩮᩣ ᨸᨶᩣᨲᩥ ᨿᩮᩣ ᨿᩣᨴᩥᩈᩮᩣ…ᨸᩮ… ᨽᩥᨠ᩠ᨡᩪᨲᩥ…ᨸᩮ… ᩋᨿᩴ ᩍᨾᩈ᩠ᨾᩥᩴ ᩋᨲ᩠ᨳᩮ ᩋᨵᩥᨸ᩠ᨸᩮᨲᩮᩣ ᨽᩥᨠ᩠ᨡᩪᨲᩥ.

ᨽᩥᨠ᩠ᨡᩩᨶ᩠ᨲᩥ ᩋᨬ᩠ᨬᩴ ᨽᩥᨠ᩠ᨡᩩᩴ.

ᨴᩩᨭ᩠ᨮᩮᩣ ᨴᩮᩣᩈᩮᩣᨲᩥ ᨠᩩᨸᩥᨲᩮᩣ ᩋᨶᨲ᩠ᨲᨾᨶᩮᩣ ᩋᨶᨽᩥᩁᨴ᩠ᨵᩮᩣ ᩌᩉᨲᨧᩥᨲ᩠ᨲᩮᩣ ᨡᩥᩃᨩᩣᨲᩮᩣ.

ᩋᨸ᩠ᨸᨲᩦᨲᩮᩣᨲᩥ ᨲᩮᨶ ᨧ ᨠᩮᩣᨸᩮᨶ, ᨲᩮᨶ ᨧ ᨴᩮᩣᩈᩮᨶ, ᨲᩣᨿ ᨧ ᩋᨶᨲ᩠ᨲᨾᨶᨲᩣᨿ, ᨲᩣᨿ ᨧ ᩋᨶᨽᩥᩁᨴ᩠ᨵᩥᨿᩣ ᩋᨸ᩠ᨸᨲᩦᨲᩮᩣ ᩉᩮᩣᨲᩥ.

ᩋᨬ᩠ᨬᨽᩣᨣᩥᨿᩔ ᩋᨵᩥᨠᩁᨱᩔᩣᨲᩥ ᩌᨸᨲ᩠ᨲᨬ᩠ᨬᨽᩣᨣᩥᨿᩴ ᩅᩣ ᩉᩮᩣᨲᩥ ᩋᨵᩥᨠᩁᨱᨬ᩠ᨬᨽᩣᨣᩥᨿᩴ ᩅᩣ. ᨠᨳᩴ ᩋᨵᩥᨠᩁᨱᩴ ᩋᨵᩥᨠᩁᨱᩔ ᩋᨬ᩠ᨬᨽᩣᨣᩥᨿᩴ? ᩅᩥᩅᩣᨴᩣᨵᩥᨠᩁᨱᩴ ᩋᨶᩩᩅᩣᨴᩣᨵᩥᨠᩁᨱᩔ ᩌᨸᨲ᩠ᨲᩣᨵᩥᨠᩁᨱᩔ ᨠᩥᨧ᩠ᨧᩣᨵᩥᨠᩁᨱᩔ ᩋᨬ᩠ᨬᨽᩣᨣᩥᨿᩴ. ᩋᨶᩩᩅᩣᨴᩣᨵᩥᨠᩁᨱᩴ ᩌᨸᨲ᩠ᨲᩣᨵᩥᨠᩁᨱᩔ ᨠᩥᨧ᩠ᨧᩣᨵᩥᨠᩁᨱᩔ ᩅᩥᩅᩣᨴᩣᨵᩥᨠᩁᨱᩔ ᩋᨬ᩠ᨬᨽᩣᨣᩥᨿᩴ. ᩌᨸᨲ᩠ᨲᩣᨵᩥᨠᩁᨱᩴ ᨠᩥᨧ᩠ᨧᩣᨵᩥᨠᩁᨱᩔ ᩅᩥᩅᩣᨴᩣᨵᩥᨠᩁᨱᩔ ᩋᨶᩩᩅᩣᨴᩣᨵᩥᨠᩁᨱᩔ ᩋᨬ᩠ᨬᨽᩣᨣᩥᨿᩴ. ᨠᩥᨧ᩠ᨧᩣᨵᩥᨠᩁᨱᩴ ᩅᩥᩅᩣᨴᩣᨵᩥᨠᩁᨱᩔ ᩋᨶᩩᩅᩣᨴᩣᨵᩥᨠᩁᨱᩔ ¶ ᩌᨸᨲ᩠ᨲᩣᨵᩥᨠᩁᨱᩔ ᩋᨬ᩠ᨬᨽᩣᨣᩥᨿᩴ. ᩑᩅᩴ ᩋᨵᩥᨠᩁᨱᩴ ᩋᨵᩥᨠᩁᨱᩔ ᩋᨬ᩠ᨬᨽᩣᨣᩥᨿᩴ.

ᨠᨳᩴ ᩋᨵᩥᨠᩁᨱᩴ ᩋᨵᩥᨠᩁᨱᩔ ᨲᨻ᩠ᨽᩣᨣᩥᨿᩴ? ᩅᩥᩅᩣᨴᩣᨵᩥᨠᩁᨱᩴ ᩅᩥᩅᩣᨴᩣᨵᩥᨠᩁᨱᩔ ᨲᨻ᩠ᨽᩣᨣᩥᨿᩴ. ᩋᨶᩩᩅᩣᨴᩣᨵᩥᨠᩁᨱᩴ ᩋᨶᩩᩅᩣᨴᩣᨵᩥᨠᩁᨱᩔ ᨲᨻ᩠ᨽᩣᨣᩥᨿᩴ. ᩌᨸᨲ᩠ᨲᩣᨵᩥᨠᩁᨱᩴ ᩌᨸᨲ᩠ᨲᩣᨵᩥᨠᩁᨱᩔ ᩈᩥᨿᩣ ᨲᨻ᩠ᨽᩣᨣᩥᨿᩴ ᩈᩥᨿᩣ ᩋᨬ᩠ᨬᨽᩣᨣᩥᨿᩴ.

ᨠᨳᩴ ᩌᨸᨲ᩠ᨲᩣᨵᩥᨠᩁᨱᩴ ᩌᨸᨲ᩠ᨲᩣᨵᩥᨠᩁᨱᩔ ᩋᨬ᩠ᨬᨽᩣᨣᩥᨿᩴ? ᨾᩮᨳᩩᨶᨵᨾ᩠ᨾᨸᩣᩁᩣᨩᩥᨠᩣᨸᨲ᩠ᨲᩥ ᩋᨴᩥᨶ᩠ᨶᩣᨴᩣᨶᨸᩣᩁᩣᨩᩥᨠᩣᨸᨲ᩠ᨲᩥᨿᩣ ¶ ᨾᨶᩩᩔᩅᩥᨣ᩠ᨣᩉᨸᩣᩁᩣᨩᩥᨠᩣᨸᨲ᩠ᨲᩥᨿᩣ ᩏᨲ᩠ᨲᩁᩥᨾᨶᩩᩔᨵᨾ᩠ᨾᨸᩣᩁᩣᨩᩥᨠᩣᨸᨲ᩠ᨲᩥᨿᩣ ᩋᨬ᩠ᨬᨽᩣᨣᩥᨿᩣ. ᩋᨴᩥᨶ᩠ᨶᩣᨴᩣᨶᨸᩣᩁᩣᨩᩥᨠᩣᨸᨲ᩠ᨲᩥ ᨾᨶᩩᩔᩅᩥᨣ᩠ᨣᩉᨸᩣᩁᩣᨩᩥᨠᩣᨸᨲ᩠ᨲᩥᨿᩣ ᩏᨲ᩠ᨲᩁᩥᨾᨶᩩᩔᨵᨾ᩠ᨾᨸᩣᩁᩣᨩᩥᨠᩣᨸᨲ᩠ᨲᩥᨿᩣ ᨾᩮᨳᩩᨶᨵᨾ᩠ᨾᨸᩣᩁᩣᨩᩥᨠᩣᨸᨲ᩠ᨲᩥᨿᩣ ᩋᨬ᩠ᨬᨽᩣᨣᩥᨿᩣ. ᨾᨶᩩᩔᩅᩥᨣ᩠ᨣᩉᨸᩣᩁᩣᨩᩥᨠᩣᨸᨲ᩠ᨲᩥ ᩏᨲ᩠ᨲᩁᩥᨾᨶᩩᩔᨵᨾ᩠ᨾᨸᩣᩁᩣᨩᩥᨠᩣᨸᨲ᩠ᨲᩥᨿᩣ ᨾᩮᨳᩩᨶᨵᨾ᩠ᨾᨸᩣᩁᩣᨩᩥᨠᩣᨸᨲ᩠ᨲᩥᨿᩣ ᩋᨴᩥᨶ᩠ᨶᩣᨴᩣᨶᨸᩣᩁᩣᨩᩥᨠᩣᨸᨲ᩠ᨲᩥᨿᩣ ¶ ᩋᨬ᩠ᨬᨽᩣᨣᩥᨿᩣ. ᩏᨲ᩠ᨲᩁᩥᨾᨶᩩᩔᨵᨾ᩠ᨾᨸᩣᩁᩣᨩᩥᨠᩣᨸᨲ᩠ᨲᩥ ᨾᩮᨳᩩᨶᨵᨾ᩠ᨾᨸᩣᩁᩣᨩᩥᨠᩣᨸᨲ᩠ᨲᩥᨿᩣ ᩋᨴᩥᨶ᩠ᨶᩣᨴᩣᨶᨸᩣᩁᩣᨩᩥᨠᩣᨸᨲ᩠ᨲᩥᨿᩣ ᨾᨶᩩᩔᩅᩥᨣ᩠ᨣᩉᨸᩣᩁᩣᨩᩥᨠᩣᨸᨲ᩠ᨲᩥᨿᩣ ᩋᨬ᩠ᨬᨽᩣᨣᩥᨿᩣ. ᩑᩅᩴ ᩌᨸᨲ᩠ᨲᩣᨵᩥᨠᩁᨱᩴ ᩌᨸᨲ᩠ᨲᩣᨵᩥᨠᩁᨱᩔ ᩋᨬ᩠ᨬᨽᩣᨣᩥᨿᩴ.

ᨠᨳᩴ ᩌᨸᨲ᩠ᨲᩣᨵᩥᨠᩁᨱᩴ ᩌᨸᨲ᩠ᨲᩣᨵᩥᨠᩁᨱᩔ ᨲᨻ᩠ᨽᩣᨣᩥᨿᩴ? ᨾᩮᨳᩩᨶᨵᨾ᩠ᨾᨸᩣᩁᩣᨩᩥᨠᩣᨸᨲ᩠ᨲᩥ ᨾᩮᨳᩩᨶᨵᨾ᩠ᨾᨸᩣᩁᩣᨩᩥᨠᩣᨸᨲ᩠ᨲᩥᨿᩣ ᨲᨻ᩠ᨽᩣᨣᩥᨿᩣ. ᩋᨴᩥᨶ᩠ᨶᩣᨴᩣᨶᨸᩣᩁᩣᨩᩥᨠᩣᨸᨲ᩠ᨲᩥ ᩋᨴᩥᨶ᩠ᨶᩣᨴᩣᨶᨸᩣᩁᩣᨩᩥᨠᩣᨸᨲ᩠ᨲᩥᨿᩣ ᨲᨻ᩠ᨽᩣᨣᩥᨿᩣ. ᨾᨶᩩᩔᩅᩥᨣ᩠ᨣᩉᨸᩣᩁᩣᨩᩥᨠᩣᨸᨲ᩠ᨲᩥ ᨾᨶᩩᩔᩅᩥᨣ᩠ᨣᩉᨸᩣᩁᩣᨩᩥᨠᩣᨸᨲ᩠ᨲᩥᨿᩣ ᨲᨻ᩠ᨽᩣᨣᩥᨿᩣ. ᩏᨲ᩠ᨲᩁᩥᨾᨶᩩᩔᨵᨾ᩠ᨾᨸᩣᩁᩣᨩᩥᨠᩣᨸᨲ᩠ᨲᩥ ᩏᨲ᩠ᨲᩁᩥᨾᨶᩩᩔᨵᨾ᩠ᨾᨸᩣᩁᩣᨩᩥᨠᩣᨸᨲ᩠ᨲᩥᨿᩣ ¶ ᨲᨻ᩠ᨽᩣᨣᩥᨿᩣ. ᩑᩅᩴ ᩌᨸᨲ᩠ᨲᩣᨵᩥᨠᩁᨱᩴ ᩌᨸᨲ᩠ᨲᩣᨵᩥᨠᩁᨱᩔ ᨲᨻ᩠ᨽᩣᨣᩥᨿᩴ.

ᨠᩥᨧ᩠ᨧᩣᨵᩥᨠᩁᨱᩴ ᨠᩥᨧ᩠ᨧᩣᨵᩥᨠᩁᨱᩔ ᨲᨻ᩠ᨽᩣᨣᩥᨿᩴ. ᩑᩅᩴ ᩋᨵᩥᨠᩁᨱᩴ ᩋᨵᩥᨠᩁᨱᩔ ᨲᨻ᩠ᨽᩣᨣᩥᨿᩴ.

᪓᪙᪔. ᨠᩥᨬ᩠ᨧᩥ ᨴᩮᩈᩴ ᩃᩮᩈᨾᨲ᩠ᨲᩴ ᩏᨸᩣᨴᩣᨿᩣᨲᩥ ᩃᩮᩈᩮᩣ ᨶᩣᨾ ᨴᩈ ᩃᩮᩈᩣ – ᨩᩣᨲᩥᩃᩮᩈᩮᩣ ¶ , ᨶᩣᨾᩃᩮᩈᩮᩣ, ᨣᩮᩣᨲ᩠ᨲᩃᩮᩈᩮᩣ, ᩃᩥᨦ᩠ᨣᩃᩮᩈᩮᩣ, ᩌᨸᨲ᩠ᨲᩥᩃᩮᩈᩮᩣ, ᨸᨲ᩠ᨲᩃᩮᩈᩮᩣ, ᨧᩦᩅᩁᩃᩮᩈᩮᩣ, ᩏᨸᨩ᩠ᨫᩣᨿᩃᩮᩈᩮᩣ, ᩌᨧᩁᩥᨿᩃᩮᩈᩮᩣ, ᩈᩮᨶᩣᩈᨶᩃᩮᩈᩮᩣ.

᪓᪙᪕. ᨩᩣᨲᩥᩃᩮᩈᩮᩣ ᨶᩣᨾ ᨡᨲ᩠ᨲᩥᨿᩮᩣ ᨴᩥᨭ᩠ᨮᩮᩣ ᩉᩮᩣᨲᩥ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ. ᩋᨬ᩠ᨬᩴ ᨡᨲ᩠ᨲᩥᨿᩴ ᨸᩔᩥᨲ᩠ᩅᩣ ᨧᩮᩣᨴᩮᨲᩥ – ‘‘ᨡᨲ᩠ᨲᩥᨿᩮᩣ ᨾᨿᩣ ᨴᩥᨭ᩠ᨮᩮᩣ [ᩑᨲ᩠ᨳ ‘‘ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ’’ᨲᩥ ᨸᩣᨮᩮᩣ ᩐᨶᩮᩣ ᨾᨬ᩠ᨬᩮ, ᩋᨭ᩠ᨮᨠᨳᩣᨿᩴ ᩉᩥ ‘‘ᨡᨲ᩠ᨲᩥᨿᩮᩣ ᨾᨿᩣ ᨴᩥᨭ᩠ᨮᩮᩣ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ’’ᨲᩥ ᨴᩥᩔᨲᩥ]. ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ, ᩋᩔᨾᨱᩮᩣᩈᩥ, ᩋᩈᨠ᩠ᨿᨸᩩᨲ᩠ᨲᩥᨿᩮᩣᩈᩥ, ᨶᨲ᩠ᨳᩥ ᨲᨿᩣ ᩈᨴ᩠ᨵᩥᩴ ᩏᨸᩮᩣᩈᨳᩮᩣ ᩅᩣ ᨸᩅᩣᩁᨱᩣ ᩅᩣ ᩈᨦ᩠ᨥᨠᨾ᩠ᨾᩴ ᩅᩣ’’ᨲᩥ, ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

ᨻᩕᩣᩉ᩠ᨾᨱᩮᩣ ᨴᩥᨭ᩠ᨮᩮᩣ ᩉᩮᩣᨲᩥ…ᨸᩮ… ᩅᩮᩔᩮᩣ ᨴᩥᨭ᩠ᨮᩮᩣ ᩉᩮᩣᨲᩥ…ᨸᩮ… ᩈᩩᨴ᩠ᨴᩮᩣ ᨴᩥᨭ᩠ᨮᩮᩣ ᩉᩮᩣᨲᩥ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ. ᩋᨬ᩠ᨬᩴ ᩈᩩᨴ᩠ᨴᩴ ᨸᩔᩥᨲ᩠ᩅᩣ ᨧᩮᩣᨴᩮᨲᩥ – ‘‘ᩈᩩᨴ᩠ᨴᩮᩣ ᨾᨿᩣ ᨴᩥᨭ᩠ᨮᩮᩣ. ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ ¶ , ᩋᩔᨾᨱᩮᩣᩈᩥ, ᩋᩈᨠ᩠ᨿᨸᩩᨲ᩠ᨲᩥᨿᩮᩣᩈᩥ’’…ᨸᩮ… ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

᪓᪙᪖. ᨶᩣᨾᩃᩮᩈᩮᩣ ᨶᩣᨾ ᨻᩩᨴ᩠ᨵᩁᨠ᩠ᨡᩥᨲᩮᩣ ᨴᩥᨭ᩠ᨮᩮᩣ ᩉᩮᩣᨲᩥ…ᨸᩮ… ᨵᨾ᩠ᨾᩁᨠ᩠ᨡᩥᨲᩮᩣ ᨴᩥᨭ᩠ᨮᩮᩣ ᩉᩮᩣᨲᩥ…ᨸᩮ… ᩈᨦ᩠ᨥᩁᨠ᩠ᨡᩥᨲᩮᩣ ᨴᩥᨭ᩠ᨮᩮᩣ ᩉᩮᩣᨲᩥ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ ¶ . ᩋᨬ᩠ᨬᩴ ᩈᨦ᩠ᨥᩁᨠ᩠ᨡᩥᨲᩴ ᨸᩔᩥᨲ᩠ᩅᩣ ᨧᩮᩣᨴᩮᨲᩥ – ‘‘ᩈᨦ᩠ᨥᩁᨠ᩠ᨡᩥᨲᩮᩣ ᨾᨿᩣ ᨴᩥᨭ᩠ᨮᩮᩣ. ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ, ᩋᩔᨾᨱᩮᩣᩈᩥ, ᩋᩈᨠ᩠ᨿᨸᩩᨲ᩠ᨲᩥᨿᩮᩣᩈᩥ’’…ᨸᩮ… ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

᪓᪙᪗. ᨣᩮᩣᨲ᩠ᨲᩃᩮᩈᩮᩣ ᨶᩣᨾ ᨣᩮᩣᨲᨾᩮᩣ ᨴᩥᨭ᩠ᨮᩮᩣ ᩉᩮᩣᨲᩥ…ᨸᩮ… ᨾᩮᩣᨣ᩠ᨣᩃ᩠ᩃᩣᨶᩮᩣ ᨴᩥᨭ᩠ᨮᩮᩣ ᩉᩮᩣᨲᩥ…ᨸᩮ… ᨠᨧ᩠ᨧᩣᨿᨶᩮᩣ ᨴᩥᨭ᩠ᨮᩮᩣ ᩉᩮᩣᨲᩥ…ᨸᩮ… ᩅᩣᩈᩥᨭ᩠ᨮᩮᩣ ᨴᩥᨭ᩠ᨮᩮᩣ ᩉᩮᩣᨲᩥ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ. ᩋᨬ᩠ᨬᩴ ᩅᩣᩈᩥᨭ᩠ᨮᩴ ᨸᩔᩥᨲ᩠ᩅᩣ ᨧᩮᩣᨴᩮᨲᩥ – ‘‘ᩅᩣᩈᩥᨭ᩠ᨮᩮᩣ ᨾᨿᩣ ᨴᩥᨭ᩠ᨮᩮᩣ. ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ, ᩋᩔᨾᨱᩮᩣᩈᩥ, ᩋᩈᨠ᩠ᨿᨸᩩᨲ᩠ᨲᩥᨿᩮᩣᩈᩥ’’…ᨸᩮ… ᩌᨸᨲ᩠ᨲᩥ ¶ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

᪓᪙᪘. ᩃᩥᨦ᩠ᨣᩃᩮᩈᩮᩣ ᨶᩣᨾ ᨴᩦᨥᩮᩣ ᨴᩥᨭ᩠ᨮᩮᩣ ᩉᩮᩣᨲᩥ…ᨸᩮ… ᩁᩔᩮᩣ ᨴᩥᨭ᩠ᨮᩮᩣ ᩉᩮᩣᨲᩥ…ᨸᩮ… ᨠᨱ᩠ᩉᩮᩣ ᨴᩥᨭ᩠ᨮᩮᩣ ᩉᩮᩣᨲᩥ…ᨸᩮ… ᩒᨴᩣᨲᩮᩣ ᨴᩥᨭ᩠ᨮᩮᩣ ᩉᩮᩣᨲᩥ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ. ᩋᨬ᩠ᨬᩴ ᩒᨴᩣᨲᩴ ᨸᩔᩥᨲ᩠ᩅᩣ ᨧᩮᩣᨴᩮᨲᩥ – ‘‘ᩒᨴᩣᨲᩮᩣ ᨾᨿᩣ ᨴᩥᨭ᩠ᨮᩮᩣ. ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ, ᩋᩔᨾᨱᩮᩣᩈᩥ, ᩋᩈᨠ᩠ᨿᨸᩩᨲ᩠ᨲᩥᨿᩮᩣᩈᩥ’’…ᨸᩮ… ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

᪓᪙᪙. ᩌᨸᨲ᩠ᨲᩥᩃᩮᩈᩮᩣ ᨶᩣᨾ ᩃᩉᩩᨠᩴ ᩌᨸᨲ᩠ᨲᩥᩴ ᩌᨸᨩ᩠ᨩᨶ᩠ᨲᩮᩣ ᨴᩥᨭ᩠ᨮᩮᩣ ᩉᩮᩣᨲᩥ. ᨲᨬ᩠ᨧᩮ ᨸᩣᩁᩣᨩᩥᨠᩮᨶ ᨧᩮᩣᨴᩮᨲᩥ – ‘‘ᩋᩔᨾᨱᩮᩣᩈᩥ, ᩋᩈᨠ᩠ᨿᨸᩩᨲ᩠ᨲᩥᨿᩮᩣᩈᩥ…ᨸᩮ… ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

᪔᪐᪐. ᨸᨲ᩠ᨲᩃᩮᩈᩮᩣ ᨶᩣᨾ ᩃᩮᩣᩉᨸᨲ᩠ᨲᨵᩁᩮᩣ ᨴᩥᨭ᩠ᨮᩮᩣ ᩉᩮᩣᨲᩥ…ᨸᩮ… ᩈᩣᨭᨠᨸᨲ᩠ᨲᨵᩁᩮᩣ ᨴᩥᨭ᩠ᨮᩮᩣ ᩉᩮᩣᨲᩥ…ᨸᩮ… ᩈᩩᨾ᩠ᨽᨠᨸᨲ᩠ᨲᨵᩁᩮᩣ ¶ ᨴᩥᨭ᩠ᨮᩮᩣ ᩉᩮᩣᨲᩥ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ. ᩋᨬ᩠ᨬᩴ ᩈᩩᨾ᩠ᨽᨠᨸᨲ᩠ᨲᨵᩁᩴ ᨸᩔᩥᨲ᩠ᩅᩣ ᨧᩮᩣᨴᩮᨲᩥ – ‘‘ᩈᩩᨾ᩠ᨽᨠᨸᨲ᩠ᨲᨵᩁᩮᩣ ᨾᨿᩣ ᨴᩥᨭ᩠ᨮᩮᩣ. ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ, ᩋᩔᨾᨱᩮᩣᩈᩥ, ᩋᩈᨠ᩠ᨿᨸᩩᨲ᩠ᨲᩥᨿᩮᩣᩈᩥ’’…ᨸᩮ… ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

᪔᪐᪑. ᨧᩦᩅᩁᩃᩮᩈᩮᩣ ᨶᩣᨾ ᨸᩴᩈᩩᨠᩪᩃᩥᨠᩮᩣ ᨴᩥᨭ᩠ᨮᩮᩣ ᩉᩮᩣᨲᩥ…ᨸᩮ… ᨣᩉᨸᨲᩥᨧᩦᩅᩁᨵᩁᩮᩣ ᨴᩥᨭ᩠ᨮᩮᩣ ᩉᩮᩣᨲᩥ ¶ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ. ᩋᨬ᩠ᨬᩴ ᨣᩉᨸᨲᩥᨧᩦᩅᩁᨵᩁᩴ ᨸᩔᩥᨲ᩠ᩅᩣ ᨧᩮᩣᨴᩮᨲᩥ – ‘‘ᨣᩉᨸᨲᩥᨧᩦᩅᩁᨵᩁᩮᩣ ᨾᨿᩣ ᨴᩥᨭ᩠ᨮᩮᩣ. ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ, ᩋᩔᨾᨱᩮᩣᩈᩥ, ᩋᩈᨠ᩠ᨿᨸᩩᨲ᩠ᨲᩥᨿᩮᩣᩈᩥ’’…ᨸᩮ… ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

᪔᪐᪒. ᩏᨸᨩ᩠ᨫᩣᨿᩃᩮᩈᩮᩣ ¶ ᨶᩣᨾ ᩍᨲ᩠ᨳᨶ᩠ᨶᩣᨾᩔ ᩈᨴ᩠ᨵᩥᩅᩥᩉᩣᩁᩥᨠᩮᩣ ᨴᩥᨭ᩠ᨮᩮᩣ ᩉᩮᩣᨲᩥ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ. ᩋᨬ᩠ᨬᩴ ᩍᨲ᩠ᨳᨶ᩠ᨶᩣᨾᩔ ᩈᨴ᩠ᨵᩥᩅᩥᩉᩣᩁᩥᨠᩴ ᨸᩔᩥᨲ᩠ᩅᩣ ᨧᩮᩣᨴᩮᨲᩥ – ‘‘ᩍᨲ᩠ᨳᨶ᩠ᨶᩣᨾᩔ ᩈᨴ᩠ᨵᩥᩅᩥᩉᩣᩁᩥᨠᩮᩣ ᨾᨿᩣ ᨴᩥᨭ᩠ᨮᩮᩣ. ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ, ᩋᩔᨾᨱᩮᩣᩈᩥ, ᩋᩈᨠ᩠ᨿᨸᩩᨲ᩠ᨲᩥᨿᩮᩣᩈᩥ’’…ᨸᩮ… ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

᪔᪐᪓. ᩌᨧᩁᩥᨿᩃᩮᩈᩮᩣ ᨶᩣᨾ ᩍᨲ᩠ᨳᨶ᩠ᨶᩣᨾᩔ ᩋᨶ᩠ᨲᩮᩅᩣᩈᩥᨠᩮᩣ ᨴᩥᨭ᩠ᨮᩮᩣ ᩉᩮᩣᨲᩥ ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ. ᩋᨬ᩠ᨬᩴ ᩍᨲ᩠ᨳᨶ᩠ᨶᩣᨾᩔ ᩋᨶ᩠ᨲᩮᩅᩣᩈᩥᨠᩴ ᨸᩔᩥᨲ᩠ᩅᩣ ᨧᩮᩣᨴᩮᨲᩥ – ‘‘ᩍᨲ᩠ᨳᨶ᩠ᨶᩣᨾᩔ ᩋᨶ᩠ᨲᩮᩅᩣᩈᩥᨠᩮᩣ ᨾᨿᩣ ᨴᩥᨭ᩠ᨮᩮᩣ. ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ, ᩋᩔᨾᨱᩮᩣᩈᩥ, ᩋᩈᨠ᩠ᨿᨸᩩᨲ᩠ᨲᩥᨿᩮᩣᩈᩥ’’…ᨸᩮ… ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

᪔᪐᪔. ᩈᩮᨶᩣᩈᨶᩃᩮᩈᩮᩣ ᨶᩣᨾ ᩍᨲ᩠ᨳᨶ᩠ᨶᩣᨾᩈᩮᨶᩣᩈᨶᩅᩣᩈᩥᨠᩮᩣ ᨴᩥᨭ᩠ᨮᩮᩣ ᩉᩮᩣᨲᩥ ¶ ᨸᩣᩁᩣᨩᩥᨠᩴ ¶ ᨵᨾ᩠ᨾᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ. ᩋᨬ᩠ᨬᩴ ᩍᨲ᩠ᨳᨶ᩠ᨶᩣᨾᩈᩮᨶᩣᩈᨶᩅᩣᩈᩥᨠᩴ ᨸᩔᩥᨲ᩠ᩅᩣ ᨧᩮᩣᨴᩮᨲᩥ – ‘‘ᩍᨲ᩠ᨳᨶ᩠ᨶᩣᨾᩈᩮᨶᩣᩈᨶᩅᩣᩈᩥᨠᩮᩣ ᨾᨿᩣ ᨴᩥᨭ᩠ᨮᩮᩣ. ᨸᩣᩁᩣᨩᩥᨠᩴ ᨵᨾ᩠ᨾᩴ ᩋᨩ᩠ᨫᩣᨸᨶ᩠ᨶᩮᩣᩈᩥ, ᩋᩔᨾᨱᩮᩣᩈᩥ, ᩋᩈᨠ᩠ᨿᨸᩩᨲ᩠ᨲᩥᨿᩮᩣᩈᩥ, ᨶᨲ᩠ᨳᩥ ᨲᨿᩣ ᩈᨴ᩠ᨵᩥᩴ ᩏᨸᩮᩣᩈᨳᩮᩣ ᩅᩣ ᨸᩅᩣᩁᨱᩣ ᩅᩣ ᩈᨦ᩠ᨥᨠᨾ᩠ᨾᩴ ᩅᩣ’’ᨲᩥ, ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

᪔᪐᪕. ᨸᩣᩁᩣᨩᩥᨠᩮᨶ ᨵᨾ᩠ᨾᩮᨶᩣᨲᩥ ᨧᨲᩩᨶ᩠ᨶᩴ ᩋᨬ᩠ᨬᨲᩁᩮᨶ.

ᩋᨶᩩᨴ᩠ᨵᩴᩈᩮᨿ᩠ᨿᩣᨲᩥ ᨧᩮᩣᨴᩮᨲᩥ ᩅᩣ ᨧᩮᩣᨴᩣᨸᩮᨲᩥ ᩅᩣ.

ᩋᨸ᩠ᨸᩮᩅ ᨶᩣᨾ ᨶᩴ ᩍᨾᨾ᩠ᩉᩣ ᨻᩕᩉ᩠ᨾᨧᩁᩥᨿᩣᨧᩣᩅᩮᨿ᩠ᨿᨶ᩠ᨲᩥ ᨽᩥᨠ᩠ᨡᩩᨽᩣᩅᩣ ᨧᩣᩅᩮᨿ᩠ᨿᩴ, ᩈᨾᨱᨵᨾ᩠ᨾᩣ ᨧᩣᩅᩮᨿ᩠ᨿᩴ, ᩈᩦᩃᨠ᩠ᨡᨶ᩠ᨵᩣ ᨧᩣᩅᩮᨿ᩠ᨿᩴ, ᨲᨸᩮᩣᨣᩩᨱᩣ ᨧᩣᩅᩮᨿ᩠ᨿᩴ.

ᨲᨲᩮᩣ ᩋᨸᩁᩮᨶ ᩈᨾᨿᩮᨶᩣᨲᩥ ᨿᩈ᩠ᨾᩥᩴ ᨡᨱᩮ ᩋᨶᩩᨴ᩠ᨵᩴᩈᩥᨲᩮᩣ ᩉᩮᩣᨲᩥ, ᨲᩴ ᨡᨱᩴ ᨲᩴ ᩃᨿᩴ ᨲᩴ ᨾᩩᩉᩩᨲ᩠ᨲᩴ ᩅᩦᨲᩥᩅᨲ᩠ᨲᩮ.

ᩈᨾᨶᩩᨣ᩠ᨣᩣᩉᩦᨿᨾᩣᨶᩮᩣᨲᩥ ¶ ᨿᩮᨶ ᩅᨲ᩠ᨳᩩᨶᩣ ᩋᨶᩩᨴ᩠ᨵᩴᩈᩥᨲᩮᩣ ᩉᩮᩣᨲᩥ ᨲᩈ᩠ᨾᩥᩴ ᩅᨲ᩠ᨳᩩᩈ᩠ᨾᩥᩴ ᩈᨾᨶᩩᨣ᩠ᨣᩣᩉᩦᨿᨾᩣᨶᩮᩣ.

ᩋᩈᨾᨶᩩᨣ᩠ᨣᩣᩉᩦᨿᨾᩣᨶᩮᩣᨲᩥ ᨶ ᨠᩮᨶᨧᩥ ᩅᩩᨧ᩠ᨧᨾᩣᨶᩮᩣ.

ᩋᨵᩥᨠᩁᨱᩴ ᨶᩣᨾ ᨧᨲ᩠ᨲᩣᩁᩥ ᩋᨵᩥᨠᩁᨱᩣᨶᩥ – ᩅᩥᩅᩣᨴᩣᨵᩥᨠᩁᨱᩴ, ᩋᨶᩩᩅᩣᨴᩣᨵᩥᨠᩁᨱᩴ, ᩌᨸᨲ᩠ᨲᩣᨵᩥᨠᩁᨱᩴ, ᨠᩥᨧ᩠ᨧᩣᨵᩥᨠᩁᨱᩴ.

ᨠᩮᩣᨧᩥ ¶ ᨴᩮᩈᩮᩣ ᩃᩮᩈᨾᨲ᩠ᨲᩮᩣ ᩏᨸᩣᨴᩥᨶ᩠ᨶᩮᩣᨲᩥ ᨲᩮᩈᩴ ᨴᩈᨶ᩠ᨶᩴ ᩃᩮᩈᩣᨶᩴ ᩋᨬ᩠ᨬᨲᩁᩮᩣ ᩃᩮᩈᩮᩣ ᩏᨸᩣᨴᩥᨶ᩠ᨶᩮᩣ ᩉᩮᩣᨲᩥ.

ᨽᩥᨠ᩠ᨡᩩ ᨧ ᨴᩮᩣᩈᩴ ᨸᨲᩥᨭ᩠ᨮᩣᨲᩦᨲᩥ ᨲᩩᨧ᩠ᨨᨠᩴ ᨾᨿᩣ ᨽᨱᩥᨲᩴ, ᨾᩩᩈᩣ ᨾᨿᩣ ᨽᨱᩥᨲᩴ, ᩋᨽᩪᨲᩴ ᨾᨿᩣ ᨽᨱᩥᨲᩴ, ᩋᨩᩣᨶᨶ᩠ᨲᩮᨶ ᨾᨿᩣ ᨽᨱᩥᨲᩴ.

ᩈᨦ᩠ᨥᩣᨴᩥᩈᩮᩈᩮᩣᨲᩥ ¶ …ᨸᩮ… ᨲᩮᨶᨸᩥ ᩅᩩᨧ᩠ᨧᨲᩥ ᩈᨦ᩠ᨥᩣᨴᩥᩈᩮᩈᩮᩣᨲᩥ.

᪔᪐᪖. ᨽᩥᨠ᩠ᨡᩩ ᩈᨦ᩠ᨥᩣᨴᩥᩈᩮᩈᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ ᨴᩥᨭ᩠ᨮᩮᩣ ᩉᩮᩣᨲᩥ, ᩈᨦ᩠ᨥᩣᨴᩥᩈᩮᩈᩮ ᩈᨦ᩠ᨥᩣᨴᩥᩈᩮᩈᨴᩥᨭ᩠ᨮᩥ ᩉᩮᩣᨲᩥ. ᨲᨬ᩠ᨧᩮ ᨸᩣᩁᩣᨩᩥᨠᩮᨶ ᨧᩮᩣᨴᩮᨲᩥ – ‘‘ᩋᩔᨾᨱᩮᩣᩈᩥ, ᩋᩈᨠ᩠ᨿᨸᩩᨲ᩠ᨲᩥᨿᩮᩣᩈᩥ, ᨶᨲ᩠ᨳᩥ ᨲᨿᩣ ᩈᨴ᩠ᨵᩥᩴ ᩏᨸᩮᩣᩈᨳᩮᩣ ᩅᩣ ᨸᩅᩣᩁᨱᩣ ᩅᩣ ᩈᨦ᩠ᨥᨠᨾ᩠ᨾᩴ ᩅᩣ’’ᨲᩥ, ᩑᩅᨾ᩠ᨸᩥ ᩌᨸᨲ᩠ᨲᨬ᩠ᨬᨽᩣᨣᩥᨿᩴ ᩉᩮᩣᨲᩥ ᩃᩮᩈᩮᩣ ᨧ ᩏᨸᩣᨴᩥᨶ᩠ᨶᩮᩣ, ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

ᨽᩥᨠ᩠ᨡᩩ ᩈᨦ᩠ᨥᩣᨴᩥᩈᩮᩈᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ ᨴᩥᨭ᩠ᨮᩮᩣ ᩉᩮᩣᨲᩥ, ᩈᨦ᩠ᨥᩣᨴᩥᩈᩮᩈᩮ ᨳᩩᩃ᩠ᩃᨧ᩠ᨧᨿᨴᩥᨭ᩠ᨮᩥ ᩉᩮᩣᨲᩥ…ᨸᩮ… ᨸᩣᨧᩥᨲ᩠ᨲᩥᨿᨴᩥᨭ᩠ᨮᩥ ᩉᩮᩣᨲᩥ… ᨸᩣᨭᩥᨴᩮᩈᨶᩦᨿᨴᩥᨭ᩠ᨮᩥ ᩉᩮᩣᨲᩥ… ᨴᩩᨠ᩠ᨠᨭᨴᩥᨭ᩠ᨮᩥ ᩉᩮᩣᨲᩥ… ᨴᩩᨻ᩠ᨽᩣᩈᩥᨲᨴᩥᨭ᩠ᨮᩥ ᩉᩮᩣᨲᩥ. ᨲᨬ᩠ᨧᩮ ᨸᩣᩁᩣᨩᩥᨠᩮᨶ ᨧᩮᩣᨴᩮᨲᩥ – ‘‘ᩋᩔᨾᨱᩮᩣᩈᩥ’’…ᨸᩮ… ᩑᩅᨾ᩠ᨸᩥ ᩌᨸᨲ᩠ᨲᨬ᩠ᨬᨽᩣᨣᩥᨿᩴ ᩉᩮᩣᨲᩥ ᩃᩮᩈᩮᩣ ᨧ ᩏᨸᩣᨴᩥᨶ᩠ᨶᩮᩣ, ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

ᨽᩥᨠ᩠ᨡᩩ ᨳᩩᩃ᩠ᩃᨧ᩠ᨧᨿᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ ᨴᩥᨭ᩠ᨮᩮᩣ ᩉᩮᩣᨲᩥ ᨳᩩᩃ᩠ᩃᨧ᩠ᨧᨿᩮ ᨳᩩᩃ᩠ᩃᨧ᩠ᨧᨿᨴᩥᨭ᩠ᨮᩥ ᩉᩮᩣᨲᩥ…ᨸᩮ… ᨳᩩᩃ᩠ᩃᨧ᩠ᨧᨿᩮ ᨸᩣᨧᩥᨲ᩠ᨲᩥᨿᨴᩥᨭ᩠ᨮᩥ ᩉᩮᩣᨲᩥ… ᨸᩣᨭᩥᨴᩮᩈᨶᩦᨿᨴᩥᨭ᩠ᨮᩥ ¶ ᩉᩮᩣᨲᩥ… ᨴᩩᨠ᩠ᨠᨭᨴᩥᨭ᩠ᨮᩥ ᩉᩮᩣᨲᩥ… ᨴᩩᨻ᩠ᨽᩣᩈᩥᨲᨴᩥᨭ᩠ᨮᩥ ᩉᩮᩣᨲᩥ… ᩈᨦ᩠ᨥᩣᨴᩥᩈᩮᩈᨴᩥᨭ᩠ᨮᩥ ᩉᩮᩣᨲᩥ. ᨲᨬ᩠ᨧᩮ ᨸᩣᩁᩣᨩᩥᨠᩮᨶ ᨧᩮᩣᨴᩮᨲᩥ – ‘‘ᩋᩔᨾᨱᩮᩣᩈᩥ’’ ¶ …ᨸᩮ… ᩑᩅᨾ᩠ᨸᩥ ᩌᨸᨲ᩠ᨲᨬ᩠ᨬᨽᩣᨣᩥᨿᩴ ᩉᩮᩣᨲᩥ ᩃᩮᩈᩮᩣ ᨧ ᩏᨸᩣᨴᩥᨶ᩠ᨶᩮᩣ, ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

ᨽᩥᨠ᩠ᨡᩩ ᨸᩣᨧᩥᨲ᩠ᨲᩥᨿᩴ…ᨸᩮ… ᨸᩣᨭᩥᨴᩮᩈᨶᩦᨿᩴ… ᨴᩩᨠ᩠ᨠᨭᩴ… ᨴᩩᨻ᩠ᨽᩣᩈᩥᨲᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ ᨴᩥᨭ᩠ᨮᩮᩣ ᩉᩮᩣᨲᩥ, ᨴᩩᨻ᩠ᨽᩣᩈᩥᨲᩮ ᨴᩩᨻ᩠ᨽᩣᩈᩥᨲᨴᩥᨭ᩠ᨮᩥ ᩉᩮᩣᨲᩥ…ᨸᩮ… ᨴᩩᨻ᩠ᨽᩣᩈᩥᨲᩮ ᩈᨦ᩠ᨥᩣᨴᩥᩈᩮᩈᨴᩥᨭ᩠ᨮᩥ ᩉᩮᩣᨲᩥ… ᨳᩩᩃ᩠ᩃᨧ᩠ᨧᨿᨴᩥᨭ᩠ᨮᩥ ᩉᩮᩣᨲᩥ… ᨸᩣᨧᩥᨲ᩠ᨲᩥᨿᨴᩥᨭ᩠ᨮᩥ ᩉᩮᩣᨲᩥ… ᨸᩣᨭᩥᨴᩮᩈᨶᩦᨿᨴᩥᨭ᩠ᨮᩥ ᩉᩮᩣᨲᩥ… ᨴᩩᨠ᩠ᨠᨭᨴᩥᨭ᩠ᨮᩥ ᩉᩮᩣᨲᩥ. ᨲᨬ᩠ᨧᩮ ᨸᩣᩁᩣᨩᩥᨠᩮᨶ ᨧᩮᩣᨴᩮᨲᩥ – ‘‘ᩋᩔᨾᨱᩮᩣᩈᩥ, ᩋᩈᨠ᩠ᨿᨸᩩᨲ᩠ᨲᩥᨿᩮᩣᩈᩥ, ᨶᨲ᩠ᨳᩥ ᨲᨿᩣ ᩈᨴ᩠ᨵᩥᩴ ᩏᨸᩮᩣᩈᨳᩮᩣ ᩅᩣ ᨸᩅᩣᩁᨱᩣ ᩅᩣ ᩈᨦ᩠ᨥᨠᨾ᩠ᨾᩴ ᩅᩣ’’ᨲᩥ, ᩑᩅᨾ᩠ᨸᩥ ᩌᨸᨲ᩠ᨲᨬ᩠ᨬᨽᩣᨣᩥᨿᩴ ᩉᩮᩣᨲᩥ ᩃᩮᩈᩮᩣ ᨧ ᩏᨸᩣᨴᩥᨶ᩠ᨶᩮᩣ, ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

ᩑᨠᩮᨠᩴ ᨾᩪᩃᩴ ᨠᩣᨲᩩᨶ ᨧᨠ᩠ᨠᩴ ᨻᨶ᩠ᨵᩥᨲᨻ᩠ᨻᩴ.

᪔᪐᪗. ᨽᩥᨠ᩠ᨡᩩ ¶ ᩈᨦ᩠ᨥᩣᨴᩥᩈᩮᩈᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ ᨴᩥᨭ᩠ᨮᩮᩣ ᩉᩮᩣᨲᩥ ᩈᨦ᩠ᨥᩣᨴᩥᩈᩮᩈᩮ ᩈᨦ᩠ᨥᩣᨴᩥᩈᩮᩈᨴᩥᨭ᩠ᨮᩥ ᩉᩮᩣᨲᩥ. ᨲᨬ᩠ᨧᩮ ᨸᩣᩁᩣᨩᩥᨠᩮᨶ ᨧᩮᩣᨴᩣᨸᩮᨲᩥ – ‘‘ᩋᩔᨾᨱᩮᩣᩈᩥ’’…ᨸᩮ… ᩑᩅᨾ᩠ᨸᩥ ᩌᨸᨲ᩠ᨲᨬ᩠ᨬᨽᩣᨣᩥᨿᩴ ᩉᩮᩣᨲᩥ ᩃᩮᩈᩮᩣ ᨧ ᩏᨸᩣᨴᩥᨶ᩠ᨶᩮᩣ, ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

ᨽᩥᨠ᩠ᨡᩩ ᩈᨦ᩠ᨥᩣᨴᩥᩈᩮᩈᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ ᨴᩥᨭ᩠ᨮᩮᩣ ᩉᩮᩣᨲᩥ, ᩈᨦ᩠ᨥᩣᨴᩥᩈᩮᩈᩮ ᨳᩩᩃ᩠ᩃᨧ᩠ᨧᨿᨴᩥᨭ᩠ᨮᩥ ¶ ᩉᩮᩣᨲᩥ…ᨸᩮ… ᨸᩣᨧᩥᨲ᩠ᨲᩥᨿᨴᩥᨭ᩠ᨮᩥ ᩉᩮᩣᨲᩥ… ᨸᩣᨭᩥᨴᩮᩈᨶᩦᨿᨴᩥᨭ᩠ᨮᩥ ᩉᩮᩣᨲᩥ… ᨴᩩᨠ᩠ᨠᨭᨴᩥᨭ᩠ᨮᩥ ᩉᩮᩣᨲᩥ… ᨴᩩᨻ᩠ᨽᩣᩈᩥᨲᨴᩥᨭ᩠ᨮᩥ ᩉᩮᩣᨲᩥ. ᨲᨬ᩠ᨧᩮ ᨸᩣᩁᩣᨩᩥᨠᩮᨶ ᨧᩮᩣᨴᩣᨸᩮᨲᩥ – ‘‘ᩋᩔᨾᨱᩮᩣᩈᩥ’’…ᨸᩮ… ᩑᩅᨾ᩠ᨸᩥ ᩌᨸᨲ᩠ᨲᨬ᩠ᨬᨽᩣᨣᩥᨿᩴ ᩉᩮᩣᨲᩥ ᩃᩮᩈᩮᩣ ᨧ ᩏᨸᩣᨴᩥᨶ᩠ᨶᩮᩣ, ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

ᨽᩥᨠ᩠ᨡᩩ ᨳᩩᩃ᩠ᩃᨧ᩠ᨧᨿᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ ᨴᩥᨭ᩠ᨮᩮᩣ ᩉᩮᩣᨲᩥ ᨳᩩᩃ᩠ᩃᨧ᩠ᨧᨿᩮ ᨳᩩᩃ᩠ᩃᨧ᩠ᨧᨿᨴᩥᨭ᩠ᨮᩥ ᩉᩮᩣᨲᩥ…ᨸᩮ… ᨳᩩᩃ᩠ᩃᨧ᩠ᨧᨿᩮ ᨸᩣᨧᩥᨲ᩠ᨲᩥᨿᨴᩥᨭ᩠ᨮᩥ ᩉᩮᩣᨲᩥ… ᨸᩣᨭᩥᨴᩮᩈᨶᩦᨿᨴᩥᨭ᩠ᨮᩥ ᩉᩮᩣᨲᩥ… ᨴᩩᨠ᩠ᨠᨭᨴᩥᨭ᩠ᨮᩥ ᩉᩮᩣᨲᩥ… ᨴᩩᨻ᩠ᨽᩣᩈᩥᨲᨴᩥᨭ᩠ᨮᩥ ᩉᩮᩣᨲᩥ… ᩈᨦ᩠ᨥᩣᨴᩥᩈᩮᩈᨴᩥᨭ᩠ᨮᩥ ᩉᩮᩣᨲᩥ. ᨲᨬ᩠ᨧᩮ ᨸᩣᩁᩣᨩᩥᨠᩮᨶ ᨧᩮᩣᨴᩣᨸᩮᨲᩥ – ‘‘ᩋᩔᨾᨱᩮᩣᩈᩥ’’…ᨸᩮ… ᩑᩅᨾ᩠ᨸᩥ ᩌᨸᨲ᩠ᨲᨬ᩠ᨬᨽᩣᨣᩥᨿᩴ ᩉᩮᩣᨲᩥ ᩃᩮᩈᩮᩣ ᨧ ᩏᨸᩣᨴᩥᨶ᩠ᨶᩮᩣ, ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

ᨽᩥᨠ᩠ᨡᩩ ᨸᩣᨧᩥᨲ᩠ᨲᩥᨿᩴ…ᨸᩮ… ᨸᩣᨭᩥᨴᩮᩈᨶᩦᨿᩴ… ᨴᩩᨠ᩠ᨠᨭᩴ… ᨴᩩᨻ᩠ᨽᩣᩈᩥᨲᩴ ᩋᨩ᩠ᨫᩣᨸᨩ᩠ᨩᨶ᩠ᨲᩮᩣ ᨴᩥᨭ᩠ᨮᩮᩣ ᩉᩮᩣᨲᩥ ᨴᩩᨻ᩠ᨽᩣᩈᩥᨲᩮ ᨴᩩᨻ᩠ᨽᩣᩈᩥᨲᨴᩥᨭ᩠ᨮᩥ ᩉᩮᩣᨲᩥ…ᨸᩮ… ᨴᩩᨻ᩠ᨽᩣᩈᩥᨲᩮ ᩈᨦ᩠ᨥᩣᨴᩥᩈᩮᩈᨴᩥᨭ᩠ᨮᩥ ᩉᩮᩣᨲᩥ… ᨳᩩᩃ᩠ᩃᨧ᩠ᨧᨿᨴᩥᨭ᩠ᨮᩥ ¶ ᩉᩮᩣᨲᩥ… ᨸᩣᨧᩥᨲ᩠ᨲᩥᨿᨴᩥᨭ᩠ᨮᩥ ᩉᩮᩣᨲᩥ… ᨸᩣᨭᩥᨴᩮᩈᨶᩦᨿᨴᩥᨭ᩠ᨮᩥ ᩉᩮᩣᨲᩥ… ᨴᩩᨠ᩠ᨠᨭᨴᩥᨭ᩠ᨮᩥ ᩉᩮᩣᨲᩥ. ᨲᨬ᩠ᨧᩮ ᨸᩣᩁᩣᨩᩥᨠᩮᨶ ᨧᩮᩣᨴᩣᨸᩮᨲᩥ – ‘‘ᩋᩔᨾᨱᩮᩣᩈᩥ ¶ , ᩋᩈᨠ᩠ᨿᨸᩩᨲ᩠ᨲᩥᨿᩮᩣᩈᩥ, ᨶᨲ᩠ᨳᩥ ᨲᨿᩣ ᩈᨴ᩠ᨵᩥᩴ ᩏᨸᩮᩣᩈᨳᩮᩣ ᩅᩣ ᨸᩅᩣᩁᨱᩣ ᩅᩣ ᩈᨦ᩠ᨥᨠᨾ᩠ᨾᩴ ᩅᩣ’’ᨲᩥ, ᩑᩅᨾ᩠ᨸᩥ ᩌᨸᨲ᩠ᨲᨬ᩠ᨬᨽᩣᨣᩥᨿᩴ ᩉᩮᩣᨲᩥ ᩃᩮᩈᩮᩣ ᨧ ᩏᨸᩣᨴᩥᨶ᩠ᨶᩮᩣ, ᩌᨸᨲ᩠ᨲᩥ ᩅᩣᨧᩣᨿ, ᩅᩣᨧᩣᨿ ᩈᨦ᩠ᨥᩣᨴᩥᩈᩮᩈᩔ.

᪔᪐᪘. ᩋᨶᩣᨸᨲ᩠ᨲᩥ ᨲᨳᩣᩈᨬ᩠ᨬᩦ ᨧᩮᩣᨴᩮᨲᩥ ᩅᩣ ᨧᩮᩣᨴᩣᨸᩮᨲᩥ ᩅᩣ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᨴᩩᨲᩥᨿᨴᩩᨭ᩠ᨮᨴᩮᩣᩈᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨶᩅᨾᩴ.

᪑᪐. ᩈᨦ᩠ᨥᨽᩮᨴᩈᩥᨠ᩠ᨡᩣᨸᨴᩴ

᪔᪐᪙. [ᩍᨴᩴ ᩅᨲ᩠ᨳᩩ ᨧᩪᩊᩅ. ᪓᪔᪓] ᨲᩮᨶ ¶ ¶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩁᩣᨩᨣᩉᩮ ᩅᩥᩉᩁᨲᩥ ᩅᩮᩊᩩᩅᨶᩮ ᨠᩃᨶ᩠ᨴᨠᨶᩥᩅᩣᨸᩮ. ᩋᨳ ᨡᩮᩣ ᨴᩮᩅᨴᨲ᩠ᨲᩮᩣ ᨿᩮᨶ ᨠᩮᩣᨠᩣᩃᩥᨠᩮᩣ ᨠᨭᨾᩮᩣᨴᨠᨲᩥᩔᨠᩮᩣ [ᨠᨭᨾᩮᩣᩁᨠᨲᩥᩔᨠᩮᩣ (ᩈᩦ. ᩈ᩠ᨿᩣ.)] ᨡᨱ᩠ᨯᨴᩮᩅᩥᨿᩣ ᨸᩩᨲ᩠ᨲᩮᩣ ᩈᨾᩩᨴ᩠ᨴᨴᨲ᩠ᨲᩮᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨠᩮᩣᨠᩣᩃᩥᨠᩴ ᨠᨭᨾᩮᩣᨴᨠᨲᩥᩔᨠᩴ ᨡᨱ᩠ᨯᨴᩮᩅᩥᨿᩣ ᨸᩩᨲ᩠ᨲᩴ ᩈᨾᩩᨴ᩠ᨴᨴᨲ᩠ᨲᩴ ᩑᨲᨴᩅᩮᩣᨧ – ‘‘ᩑᨳ ᨾᨿᩴ, ᩌᩅᩩᩈᩮᩣ, ᩈᨾᨱᩔ ᨣᩮᩣᨲᨾᩔ ᩈᨦ᩠ᨥᨽᩮᨴᩴ ᨠᩁᩥᩔᩣᨾ ᨧᨠ᩠ᨠᨽᩮᨴ’’ᨶ᩠ᨲᩥ. ᩑᩅᩴ ᩅᩩᨲ᩠ᨲᩮ ᨠᩮᩣᨠᩣᩃᩥᨠᩮᩣ ᨴᩮᩅᨴᨲ᩠ᨲᩴ ᩑᨲᨴᩅᩮᩣᨧ – ‘‘ᩈᨾᨱᩮᩣ ᨡᩮᩣ, ᩌᩅᩩᩈᩮᩣ, ᨣᩮᩣᨲᨾᩮᩣ ᨾᩉᩥᨴ᩠ᨵᩥᨠᩮᩣ ᨾᩉᩣᨶᩩᨽᩣᩅᩮᩣ. ᨠᨳᩴ ᨾᨿᩴ ᩈᨾᨱᩔ ᨣᩮᩣᨲᨾᩔ ᩈᨦ᩠ᨥᨽᩮᨴᩴ ᨠᩁᩥᩔᩣᨾ ᨧᨠ᩠ᨠᨽᩮᨴ’’ᨶ᩠ᨲᩥ? ‘‘ᩑᨳ ᨾᨿᩴ, ᩌᩅᩩᩈᩮᩣ, ᩈᨾᨱᩴ ᨣᩮᩣᨲᨾᩴ ᩏᨸᩈᨦ᩠ᨠᨾᩥᨲ᩠ᩅᩣ ᨸᨬ᩠ᨧ ᩅᨲ᩠ᨳᩪᨶᩥ ᨿᩣᨧᩥᩔᩣᨾ – ‘ᨽᨣᩅᩣ, ᨽᨶ᩠ᨲᩮ, ᩋᨶᩮᨠᨸᩁᩥᨿᩣᨿᩮᨶ ᩋᨸ᩠ᨸᩥᨧ᩠ᨨᩔ ᩈᨶ᩠ᨲᩩᨭ᩠ᨮᩔ ᩈᩃ᩠ᩃᩮᨡᩔ ᨵᩩᨲᩔ ᨸᩣᩈᩣᨴᩥᨠᩔ ᩋᨸᨧᨿᩔ ᩅᩦᩁᩥᨿᩣᩁᨾ᩠ᨽᩔ [ᩅᩦᩁᩥᨿᩣᩁᨻ᩠ᨽᩔ (ᨠ.)] ᩅᨱ᩠ᨱᩅᩣᨴᩦ. ᩍᨾᩣᨶᩥ, ᨽᨶ᩠ᨲᩮ, ᨸᨬ᩠ᨧ ᩅᨲ᩠ᨳᩪᨶᩥ ᩋᨶᩮᨠᨸᩁᩥᨿᩣᨿᩮᨶ ᩋᨸ᩠ᨸᩥᨧ᩠ᨨᨲᩣᨿ ᩈᨶ᩠ᨲᩩᨭ᩠ᨮᩥᨿᩣ ᩈᩃ᩠ᩃᩮᨡᩣᨿ ᨵᩩᨲᨲᩣᨿ ᨸᩣᩈᩣᨴᩥᨠᨲᩣᨿ ᩋᨸᨧᨿᩣᨿ ᩅᩦᩁᩥᨿᩣᩁᨾ᩠ᨽᩣᨿ ᩈᩴᩅᨲ᩠ᨲᨶ᩠ᨲᩥ. ᩈᩣᨵᩩ, ᨽᨶ᩠ᨲᩮ, ᨽᩥᨠ᩠ᨡᩪ ᨿᩣᩅᨩᩦᩅᩴ ᩌᩁᨬ᩠ᨬᩥᨠᩣ ᩋᩔᩩ; ᨿᩮᩣ ᨣᩣᨾᨶ᩠ᨲᩴ ᩒᩈᩁᩮᨿ᩠ᨿ, ᩅᨩ᩠ᨩᩴ ᨶᩴ ᨹᩩᩈᩮᨿ᩠ᨿ. ᨿᩣᩅᨩᩦᩅᩴ ᨸᩥᨱ᩠ᨯᨸᩣᨲᩥᨠᩣ ᩋᩔᩩ; ᨿᩮᩣ ᨶᩥᨾᨶ᩠ᨲᨶᩴ ᩈᩣᨴᩥᨿᩮᨿ᩠ᨿ, ᩅᨩ᩠ᨩᩴ ᨶᩴ ᨹᩩᩈᩮᨿ᩠ᨿ. ᨿᩣᩅᨩᩦᩅᩴ ᨸᩴᩈᩩᨠᩪᩃᩥᨠᩣ ᩋᩔᩩ; ᨿᩮᩣ ᨣᩉᨸᨲᩥᨧᩦᩅᩁᩴ ᩈᩣᨴᩥᨿᩮᨿ᩠ᨿ, ᩅᨩ᩠ᨩᩴ ᨶᩴ ᨹᩩᩈᩮᨿ᩠ᨿ. ᨿᩣᩅᨩᩦᩅᩴ ᩁᩩᨠ᩠ᨡᨾᩪᩃᩥᨠᩣ ᩋᩔᩩ; ᨿᩮᩣ ᨨᨶ᩠ᨶᩴ ᩏᨸᨣᨧ᩠ᨨᩮᨿ᩠ᨿ, ᩅᨩ᩠ᨩᩴ ᨶᩴ ᨹᩩᩈᩮᨿ᩠ᨿ. ᨿᩣᩅᨩᩦᩅᩴ ᨾᨧ᩠ᨨᨾᩴᩈᩴ ¶ ᨶ ᨡᩣᨴᩮᨿ᩠ᨿᩩᩴ; ᨿᩮᩣ ᨾᨧ᩠ᨨᨾᩴᩈᩴ ᨡᩣᨴᩮᨿ᩠ᨿ, ᩅᨩ᩠ᨩᩴ ᨶᩴ ᨹᩩᩈᩮᨿ᩠ᨿᩣ’ᨲᩥ. ᩍᨾᩣᨶᩥ ᩈᨾᨱᩮᩣ ᨣᩮᩣᨲᨾᩮᩣ ᨶᩣᨶᩩᨩᩣᨶᩥᩔᨲᩥ. ᨲᩮ ᨾᨿᩴ ᩍᨾᩮᩉᩥ ᨸᨬ᩠ᨧᩉᩥ ¶ ᩅᨲ᩠ᨳᩪᩉᩥ ᨩᨶᩴ ᩈᨬ᩠ᨬᩣᨸᩮᩔᩣᨾᩣᨲᩥ. ᩈᨠ᩠ᨠᩣ ᨡᩮᩣ, ᩌᩅᩩᩈᩮᩣ, ᩍᨾᩮᩉᩥ ᨸᨬ᩠ᨧᩉᩥ ᩅᨲ᩠ᨳᩪᩉᩥ ᩈᨾᨱᩔ ᨣᩮᩣᨲᨾᩔ ᩈᨦ᩠ᨥᨽᩮᨴᩮᩣ ᨠᩣᨲᩩᩴ ᨧᨠ᩠ᨠᨽᩮᨴᩮᩣ. ᩃᩪᨡᨸᩈᨶ᩠ᨶᩣ ᩉᩥ, ᩌᩅᩩᩈᩮᩣ, ᨾᨶᩩᩔᩣ’’ᨲᩥ.

ᩋᨳ ᨡᩮᩣ ᨴᩮᩅᨴᨲ᩠ᨲᩮᩣ ᩈᨸᩁᩥᩈᩮᩣ ᨿᩮᨶ ᨽᨣᩅᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨽᨣᩅᨶ᩠ᨲᩴ ᩋᨽᩥᩅᩣᨴᩮᨲ᩠ᩅᩣ ᩑᨠᨾᨶ᩠ᨲᩴ ᨶᩥᩈᩦᨴᩥ. ᩑᨠᨾᨶ᩠ᨲᩴ ᨶᩥᩈᩥᨶ᩠ᨶᩮᩣ ᨡᩮᩣ ᨴᩮᩅᨴᨲ᩠ᨲᩮᩣ ᨽᨣᩅᨶ᩠ᨲᩴ ᩑᨲᨴᩅᩮᩣᨧ – ‘‘ᨽᨣᩅᩣ, ᨽᨶ᩠ᨲᩮ, ᩋᨶᩮᨠᨸᩁᩥᨿᩣᨿᩮᨶ ᩋᨸ᩠ᨸᩥᨧ᩠ᨨᩔ…ᨸᩮ… ᩅᩦᩁᩥᨿᩣᩁᨾ᩠ᨽᩔ ᩅᨱ᩠ᨱᩅᩣᨴᩦ. ᩍᨾᩣᨶᩥ, ᨽᨶ᩠ᨲᩮ, ᨸᨬ᩠ᨧ ᩅᨲ᩠ᨳᩪᨶᩥ ᩋᨶᩮᨠᨸᩁᩥᨿᩣᨿᩮᨶ ᩋᨸ᩠ᨸᩥᨧ᩠ᨨᨲᩣᨿ…ᨸᩮ… ᩅᩦᩁᩥᨿᩣᩁᨾ᩠ᨽᩣᨿ ᩈᩴᩅᨲ᩠ᨲᨶ᩠ᨲᩥ. ᩈᩣᨵᩩ, ᨽᨶ᩠ᨲᩮ, ᨽᩥᨠ᩠ᨡᩪ ¶ ᨿᩣᩅᨩᩦᩅᩴ ᩌᩁᨬ᩠ᨬᩥᨠᩣ ᩋᩔᩩ; ᨿᩮᩣ ᨣᩣᨾᨶ᩠ᨲᩴ ᩒᩈᩁᩮᨿ᩠ᨿ ᩅᨩ᩠ᨩᩴ ᨶᩴ ᨹᩩᩈᩮᨿ᩠ᨿ…ᨸᩮ… ᨿᩣᩅᨩᩦᩅᩴ ᨾᨧ᩠ᨨᨾᩴᩈᩴ ᨶ ᨡᩣᨴᩮᨿ᩠ᨿᩩᩴ, ᨿᩮᩣ ᨾᨧ᩠ᨨᨾᩴᩈᩴ ᨡᩣᨴᩮᨿ᩠ᨿ ᩅᨩ᩠ᨩᩴ ᨶᩴ ᨹᩩᩈᩮᨿ᩠ᨿᩣ’’ᨲᩥ. ‘‘ᩋᩃᩴ, ᨴᩮᩅᨴᨲ᩠ᨲ, ᨿᩮᩣ ᩍᨧ᩠ᨨᨲᩥ ᩌᩁᨬ᩠ᨬᩥᨠᩮᩣ ᩉᩮᩣᨲᩩ, ᨿᩮᩣ ᩍᨧ᩠ᨨᨲᩥ ᨣᩣᨾᨶ᩠ᨲᩮ ᩅᩥᩉᩁᨲᩩ; ᨿᩮᩣ ᩍᨧ᩠ᨨᨲᩥ ᨸᩥᨱ᩠ᨯᨸᩣᨲᩥᨠᩮᩣ ¶ ᩉᩮᩣᨲᩩ, ᨿᩮᩣ ¶ ᩍᨧ᩠ᨨᨲᩥ ᨶᩥᨾᨶ᩠ᨲᨶᩴ ᩈᩣᨴᩥᨿᨲᩩ; ᨿᩮᩣ ᩍᨧ᩠ᨨᨲᩥ ᨸᩴᩈᩩᨠᩪᩃᩥᨠᩮᩣ ᩉᩮᩣᨲᩩ, ᨿᩮᩣ ᩍᨧ᩠ᨨᨲᩥ ᨣᩉᨸᨲᩥᨧᩦᩅᩁᩴ ᩈᩣᨴᩥᨿᨲᩩ. ᩋᨭ᩠ᨮᨾᩣᩈᩮ ᨡᩮᩣ ᨾᨿᩣ, ᨴᩮᩅᨴᨲ᩠ᨲ, ᩁᩩᨠ᩠ᨡᨾᩪᩃᩈᩮᨶᩣᩈᨶᩴ ᩋᨶᩩᨬ᩠ᨬᩣᨲᩴ, ᨲᩥᨠᩮᩣᨭᩥᨸᩁᩥᩈᩩᨴ᩠ᨵᩴ ᨾᨧ᩠ᨨᨾᩴᩈᩴ – ᩋᨴᩥᨭ᩠ᨮᩴ ᩋᩈᩩᨲᩴ ᩋᨸᩁᩥᩈᨦ᩠ᨠᩥᨲ’’ᨶ᩠ᨲᩥ. ᩋᨳ ᨡᩮᩣ ᨴᩮᩅᨴᨲ᩠ᨲᩮᩣ – ‘‘ᨶ ᨽᨣᩅᩣ ᩍᨾᩣᨶᩥ ᨸᨬ᩠ᨧ ᩅᨲ᩠ᨳᩪᨶᩥ ᩋᨶᩩᨩᩣᨶᩣᨲᩦ’’ᨲᩥ ᩉᨭ᩠ᨮᩮᩣ ᩏᨴᨣ᩠ᨣᩮᩣ ᩈᨸᩁᩥᩈᩮᩣ ᩏᨭ᩠ᨮᩣᨿᩣᩈᨶᩣ ᨽᨣᩅᨶ᩠ᨲᩴ ᩋᨽᩥᩅᩣᨴᩮᨲ᩠ᩅᩣ ᨸᨴᨠ᩠ᨡᩥᨱᩴ ᨠᨲ᩠ᩅᩣ ᨸᨠ᩠ᨠᩣᨾᩥ.

᪔᪑᪐. ᩋᨳ ᨡᩮᩣ ᨴᩮᩅᨴᨲ᩠ᨲᩮᩣ ᩈᨸᩁᩥᩈᩮᩣ ᩁᩣᨩᨣᩉᩴ ᨸᩅᩥᩈᩥᨲ᩠ᩅᩣ ᨸᨬ᩠ᨧᩉᩥ ᩅᨲ᩠ᨳᩪᩉᩥ ᨩᨶᩴ ᩈᨬ᩠ᨬᩣᨸᩮᩈᩥ – ‘‘ᨾᨿᩴ, ᩌᩅᩩᩈᩮᩣ, ᩈᨾᨱᩴ ᨣᩮᩣᨲᨾᩴ ᩏᨸᩈᨦ᩠ᨠᨾᩥᨲ᩠ᩅᩣ ᨸᨬ᩠ᨧ ᩅᨲ᩠ᨳᩪᨶᩥ ᨿᩣᨧᩥᨾ᩠ᩉᩣ – ‘ᨽᨣᩅᩣ, ᨽᨶ᩠ᨲᩮ, ᩋᨶᩮᨠᨸᩁᩥᨿᩣᨿᩮᨶ ᩋᨸ᩠ᨸᩥᨧ᩠ᨨᩔ ᩈᨶ᩠ᨲᩩᨭ᩠ᨮᩔ ᩈᩃ᩠ᩃᩮᨡᩔ ᨵᩩᨲᩔ ᨸᩣᩈᩣᨴᩥᨠᩔ ᩋᨸᨧᨿᩔ ᩅᩦᩁᩥᨿᩣᩁᨾ᩠ᨽᩔ ᩅᨱ᩠ᨱᩅᩣᨴᩦ. ᩍᨾᩣᨶᩥ, ᨽᨶ᩠ᨲᩮ, ᨸᨬ᩠ᨧ ᩅᨲ᩠ᨳᩪᨶᩥ ᩋᨶᩮᨠᨸᩁᩥᨿᩣᨿᩮᨶ ᩋᨸ᩠ᨸᩥᨧ᩠ᨨᨲᩣᨿ ᩈᨶ᩠ᨲᩩᨭ᩠ᨮᩥᨿᩣ ᩈᩃ᩠ᩃᩮᨡᩣᨿ ᨵᩩᨲᨲᩣᨿ ᨸᩣᩈᩣᨴᩥᨠᨲᩣᨿ ᩋᨸᨧᨿᩣᨿ ᩅᩦᩁᩥᨿᩣᩁᨾ᩠ᨽᩣᨿ ᩈᩴᩅᨲ᩠ᨲᨶ᩠ᨲᩥ. ᩈᩣᨵᩩ, ᨽᨶ᩠ᨲᩮ, ᨽᩥᨠ᩠ᨡᩪ ᨿᩣᩅᨩᩦᩅᩴ ᩌᩁᨬ᩠ᨬᩥᨠᩣ ᩋᩔᩩ; ᨿᩮᩣ ᨣᩣᨾᨶ᩠ᨲᩴ ᩒᩈᩁᩮᨿ᩠ᨿ, ᩅᨩ᩠ᨩᩴ ᨶᩴ ᨹᩩᩈᩮᨿ᩠ᨿ. ᨿᩣᩅᨩᩦᩅᩴ ᨸᩥᨱ᩠ᨯᨸᩣᨲᩥᨠᩣ ᩋᩔᩩ; ᨿᩮᩣ ᨶᩥᨾᨶ᩠ᨲᨶᩴ ᩈᩣᨴᩥᨿᩮᨿ᩠ᨿ, ᩅᨩ᩠ᨩᩴ ᨶᩴ ᨹᩩᩈᩮᨿ᩠ᨿ. ᨿᩣᩅᨩᩦᩅᩴ ᨸᩴᩈᩩᨠᩪᩃᩥᨠᩣ ᩋᩔᩩ; ᨿᩮᩣ ᨣᩉᨸᨲᩥᨧᩦᩅᩁᩴ ᩈᩣᨴᩥᨿᩮᨿ᩠ᨿ, ᩅᨩ᩠ᨩᩴ ᨶᩴ ᨹᩩᩈᩮᨿ᩠ᨿ. ᨿᩣᩅᨩᩦᩅᩴ ᩁᩩᨠ᩠ᨡᨾᩪᩃᩥᨠᩣ ᩋᩔᩩ; ᨿᩮᩣ ᨨᨶ᩠ᨶᩴ ᩏᨸᨣᨧ᩠ᨨᩮᨿ᩠ᨿ, ᩅᨩ᩠ᨩᩴ ᨶᩴ ᨹᩩᩈᩮᨿ᩠ᨿ. ᨿᩣᩅᨩᩦᩅᩴ ᨾᨧ᩠ᨨᨾᩴᩈᩴ ᨶ ᨡᩣᨴᩮᨿ᩠ᨿᩩᩴ; ᨿᩮᩣ ᨾᨧ᩠ᨨᨾᩴᩈᩴ ᨡᩣᨴᩮᨿ᩠ᨿ, ᩅᨩ᩠ᨩᩴ ᨶᩴ ᨹᩩᩈᩮᨿ᩠ᨿᩣ’ᨲᩥ. ᩍᨾᩣᨶᩥ ᩈᨾᨱᩮᩣ ᨣᩮᩣᨲᨾᩮᩣ ᨶᩣᨶᩩᨩᩣᨶᩣᨲᩥ ¶ . ᨲᩮ ᨾᨿᩴ ᩍᨾᩮᩉᩥ ᨸᨬ᩠ᨧᩉᩥ ᩅᨲ᩠ᨳᩪᩉᩥ ᩈᨾᩣᨴᩣᨿ ᩅᨲ᩠ᨲᩣᨾᩣ’’ᨲᩥ. ᨲᨲ᩠ᨳ ᨿᩮ ᨲᩮ ᨾᨶᩩᩔᩣ ᩋᩔᨴ᩠ᨵᩣ ᩋᨸ᩠ᨸᩈᨶ᩠ᨶᩣ ᨴᩩᨻ᩠ᨻᩩᨴ᩠ᨵᩥᨶᩮᩣ ᨲᩮ ᩑᩅᨾᩣᩉᩴᩈᩩ – ‘‘ᩍᨾᩮ ᨡᩮᩣ ᩈᨾᨱᩣ ᩈᨠ᩠ᨿᨸᩩᨲ᩠ᨲᩥᨿᩣ ᨵᩩᨲᩣ ᩈᩃ᩠ᩃᩮᨡᩅᩩᨲ᩠ᨲᩥᨶᩮᩣ, ᩈᨾᨱᩮᩣ ᨸᨶ ᨣᩮᩣᨲᨾᩮᩣ ᨻᩣᩉᩩᩃ᩠ᩃᩥᨠᩮᩣ ᨻᩣᩉᩩᩃ᩠ᩃᩣᨿ ᨧᩮᨲᩮᨲᩦ’’ᨲᩥ. ᨿᩮ ¶ ᨸᨶ ᨲᩮ ᨾᨶᩩᩔᩣ ᩈᨴ᩠ᨵᩣ ᨸᩈᨶ᩠ᨶᩣ ᨸᨱ᩠ᨯᩥᨲᩣ ᨻ᩠ᨿᨲ᩠ᨲᩣ ᨻᩩᨴ᩠ᨵᩥᨾᨶ᩠ᨲᩮᩣ ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᨴᩮᩅᨴᨲ᩠ᨲᩮᩣ ᨽᨣᩅᨲᩮᩣ ᩈᨦ᩠ᨥᨽᩮᨴᩣᨿ ᨸᩁᨠ᩠ᨠᨾᩥᩔᨲᩥ ᨧᨠ᩠ᨠᨽᩮᨴᩣᨿᩣ’’ᨲᩥ! ᩋᩔᩮᩣᩈᩩᩴ ᨡᩮᩣ ᨽᩥᨠ᩠ᨡᩪ ᨲᩮᩈᩴ ᨾᨶᩩᩔᩣᨶᩴ ᩏᨩ᩠ᨫᩣᨿᨶ᩠ᨲᩣᨶᩴ ᨡᩥᨿ᩠ᨿᨶ᩠ᨲᩣᨶᩴ ᩅᩥᨸᩣᨧᩮᨶ᩠ᨲᩣᨶᩴ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ ¶ – ‘‘ᨠᨳᨬ᩠ᩉᩥ ᨶᩣᨾ ᨴᩮᩅᨴᨲ᩠ᨲᩮᩣ ᩈᨦ᩠ᨥᨽᩮᨴᩣᨿ ᨸᩁᨠ᩠ᨠᨾᩥᩔᨲᩥ ᨧᨠ᩠ᨠᨽᩮᨴᩣᨿᩣ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨴᩮᩅᨴᨲ᩠ᨲᩴ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩈᨧ᩠ᨧᩴ ᨠᩥᩁ ᨲ᩠ᩅᩴ, ᨴᩮᩅᨴᨲ᩠ᨲ, ᩈᨦ᩠ᨥᨽᩮᨴᩣᨿ ᨸᩁᨠ᩠ᨠᨾᩈᩥ ᨧᨠ᩠ᨠᨽᩮᨴᩣᨿᩣ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ‘‘ᨠᨳᨬ᩠ᩉᩥ ᨶᩣᨾ ᨲ᩠ᩅᩴ, ᨾᩮᩣᨥᨸᩩᩁᩥᩈ, ᩈᨦ᩠ᨥᨽᩮᨴᩣᨿ ᨸᩁᨠ᩠ᨠᨾᩥᩔᩈᩥ ᨧᨠ᩠ᨠᨽᩮᨴᩣᨿ! ᨶᩮᨲᩴ, ᨾᩮᩣᨥᨸᩩᩁᩥᩈ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪔᪑᪑. ‘‘ᨿᩮᩣ ᨸᨶ ᨽᩥᨠ᩠ᨡᩩ ᩈᨾᨣ᩠ᨣᩔ ᩈᨦ᩠ᨥᩔ ᨽᩮᨴᩣᨿ ᨸᩁᨠ᩠ᨠᨾᩮᨿ᩠ᨿ, ᨽᩮᨴᨶᩈᩴᩅᨲ᩠ᨲᨶᩥᨠᩴ ᩅᩣ ᩋᨵᩥᨠᩁᨱᩴ ᩈᨾᩣᨴᩣᨿ ᨸᨣ᩠ᨣᨿ᩠ᩉ ᨲᩥᨭ᩠ᨮᩮᨿ᩠ᨿ, ᩈᩮᩣ ᨽᩥᨠ᩠ᨡᩩ ᨽᩥᨠ᩠ᨡᩪᩉᩥ ᩑᩅᨾᩔ ᩅᨧᨶᩦᨿᩮᩣ – ‘ᨾᩣᨿᩈ᩠ᨾᩣ ᩈᨾᨣ᩠ᨣᩔ ᩈᨦ᩠ᨥᩔ ᨽᩮᨴᩣᨿ ᨸᩁᨠ᩠ᨠᨾᩥ, ᨽᩮᨴᨶᩈᩴᩅᨲ᩠ᨲᨶᩥᨠᩴ ᩅᩣ ¶ ᩋᨵᩥᨠᩁᨱᩴ ᩈᨾᩣᨴᩣᨿ ᨸᨣ᩠ᨣᨿ᩠ᩉ ᩋᨭ᩠ᨮᩣᩈᩥ. ᩈᨾᩮᨲᩣᨿᩈ᩠ᨾᩣ ᩈᨦ᩠ᨥᩮᨶ. ᩈᨾᨣ᩠ᨣᩮᩣ ᩉᩥ ᩈᨦ᩠ᨥᩮᩣ ᩈᨾ᩠ᨾᩮᩣᨴᨾᩣᨶᩮᩣ ᩋᩅᩥᩅᨴᨾᩣᨶᩮᩣ ᩑᨠᩩᨴ᩠ᨴᩮᩈᩮᩣ ᨹᩣᩈᩩ ᩅᩥᩉᩁᨲᩦ’ᨲᩥ. ᩑᩅᨬ᩠ᨧ ᩈᩮᩣ ᨽᩥᨠ᩠ᨡᩩ ᨽᩥᨠ᩠ᨡᩪᩉᩥ ᩅᩩᨧ᩠ᨧᨾᩣᨶᩮᩣ ᨲᨳᩮᩅ ᨸᨣ᩠ᨣᨱ᩠ᩉᩮᨿ᩠ᨿ ¶ , ᩈᩮᩣ ᨽᩥᨠ᩠ᨡᩩ ᨽᩥᨠ᩠ᨡᩪᩉᩥ ᨿᩣᩅᨲᨲᩥᨿᩴ ᩈᨾᨶᩩᨽᩣᩈᩥᨲᨻ᩠ᨻᩮᩣ ᨲᩔ ᨸᨭᩥᨶᩥᩔᨣ᩠ᨣᩣᨿ. ᨿᩣᩅᨲᨲᩥᨿᨬ᩠ᨧᩮ ᩈᨾᨶᩩᨽᩣᩈᩥᨿᨾᩣᨶᩮᩣ ᨲᩴ ᨸᨭᩥᨶᩥᩔᨩ᩠ᨩᩮᨿ᩠ᨿ, ᩍᨧ᩠ᨧᩮᨲᩴ ᨠᩩᩈᩃᩴ; ᨶᩮᩣ ᨧᩮ ᨸᨭᩥᨶᩥᩔᨩ᩠ᨩᩮᨿ᩠ᨿ, ᩈᨦ᩠ᨥᩣᨴᩥᩈᩮᩈᩮᩣ’’ᨲᩥ.

᪔᪑᪒. ᨿᩮᩣ ᨸᨶᩣᨲᩥ ᨿᩮᩣ ᨿᩣᨴᩥᩈᩮᩣ…ᨸᩮ… ᨽᩥᨠ᩠ᨡᩪᨲᩥ…ᨸᩮ… ᩋᨿᩴ ᩍᨾᩈ᩠ᨾᩥᩴ ᩋᨲ᩠ᨳᩮ ᩋᨵᩥᨸ᩠ᨸᩮᨲᩮᩣ ᨽᩥᨠ᩠ᨡᩪᨲᩥ.

ᩈᨾᨣ᩠ᨣᩮᩣ ᨶᩣᨾ ᩈᨦ᩠ᨥᩮᩣ ᩈᨾᩣᨶᩈᩴᩅᩣᩈᨠᩮᩣ ᩈᨾᩣᨶᩈᩦᨾᩣᨿᩴ ᨮᩥᨲᩮᩣ.

ᨽᩮᨴᩣᨿ ᨸᩁᨠ᩠ᨠᨾᩮᨿ᩠ᨿᩣᨲᩥ – ‘‘ᨠᨳᩴ ᩍᨾᩮ ᨶᩣᨶᩣ ᩋᩔᩩ, ᩅᩥᨶᩣ ᩋᩔᩩ, ᩅᨣ᩠ᨣᩣ ᩋᩔᩪ’’ᨲᩥ ᨸᨠ᩠ᨡᩴ ᨸᩁᩥᨿᩮᩈᨲᩥ, ᨣᨱᩴ ᨻᨶ᩠ᨵᨲᩥ.

ᨽᩮᨴᨶᩈᩴᩅᨲ᩠ᨲᨶᩥᨠᩴ ᩅᩣ ᩋᨵᩥᨠᩁᨱᨶ᩠ᨲᩥ ᩋᨭ᩠ᨮᩣᩁᩈᨽᩮᨴᨠᩁᩅᨲ᩠ᨳᩪᨶᩥ.

ᩈᨾᩣᨴᩣᨿᩣᨲᩥ ¶ ᩌᨴᩣᨿ.

ᨸᨣ᩠ᨣᨿ᩠ᩉᩣᨲᩥ ᨴᩦᨸᩮᨿ᩠ᨿ.

ᨲᩥᨭ᩠ᨮᩮᨿ᩠ᨿᩣᨲᩥ ᨶ ᨸᨭᩥᨶᩥᩔᨩ᩠ᨩᩮᨿ᩠ᨿ.

ᩈᩮᩣ ᨽᩥᨠ᩠ᨡᩪᨲᩥ ᨿᩮᩣ ᩈᩮᩣ ᩈᨦ᩠ᨥᨽᩮᨴᨠᩮᩣ ᨽᩥᨠ᩠ᨡᩩ.

ᨽᩥᨠ᩠ᨡᩪᩉᩦᨲᩥ ᩋᨬ᩠ᨬᩮᩉᩥ ᨽᩥᨠ᩠ᨡᩪᩉᩥ.

ᨿᩮ ¶ ᨸᩔᨶ᩠ᨲᩥ, ᨿᩮ ᩈᩩᨱᨶ᩠ᨲᩥ, ᨲᩮᩉᩥ ᩅᨲ᩠ᨲᨻ᩠ᨻᩮᩣ – ‘‘ᨾᩣᨿᩈ᩠ᨾᩣ ᩈᨾᨣ᩠ᨣᩔ ᩈᨦ᩠ᨥᩔ ᨽᩮᨴᩣᨿ ᨸᩁᨠ᩠ᨠᨾᩥ, ᨽᩮᨴᨶᩈᩴᩅᨲ᩠ᨲᨶᩥᨠᩴ ᩅᩣ ᩋᨵᩥᨠᩁᨱᩴ ᩈᨾᩣᨴᩣᨿ ᨸᨣ᩠ᨣᨿ᩠ᩉ ᩋᨭ᩠ᨮᩣᩈᩥ. ᩈᨾᩮᨲᩣᨿᩈ᩠ᨾᩣ ᩈᨦ᩠ᨥᩮᨶ. ᩈᨾᨣ᩠ᨣᩮᩣ ᩉᩥ ᩈᨦ᩠ᨥᩮᩣ ᩈᨾ᩠ᨾᩮᩣᨴᨾᩣᨶᩮᩣ ᩋᩅᩥᩅᨴᨾᩣᨶᩮᩣ ᩑᨠᩩᨴ᩠ᨴᩮᩈᩮᩣ ᨹᩣᩈᩩ ᩅᩥᩉᩁᨲᩦ’’ᨲᩥ. ᨴᩩᨲᩥᨿᨾ᩠ᨸᩥ ᩅᨲ᩠ᨲᨻ᩠ᨻᩮᩣ. ᨲᨲᩥᨿᨾ᩠ᨸᩥ ᩅᨲ᩠ᨲᨻ᩠ᨻᩮᩣ. ᩈᨧᩮ ᨸᨭᩥᨶᩥᩔᨩ᩠ᨩᨲᩥ, ᩍᨧ᩠ᨧᩮᨲᩴ ᨠᩩᩈᩃᩴ; ᨶᩮᩣ ᨧᩮ ᨸᨭᩥᨶᩥᩔᨩ᩠ᨩᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩩᨲ᩠ᩅᩣ ᨶ ᩅᨴᨶ᩠ᨲᩥ ¶ , ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩮᩣ ᨽᩥᨠ᩠ᨡᩩ ᩈᨦ᩠ᨥᨾᨩ᩠ᨫᨾ᩠ᨸᩥ ᩌᨠᨯ᩠ᨰᩥᨲ᩠ᩅᩣ ᩅᨲ᩠ᨲᨻ᩠ᨻᩮᩣ – ‘‘ᨾᩣᨿᩈ᩠ᨾᩣ ᩈᨾᨣ᩠ᨣᩔ ᩈᨦ᩠ᨥᩔ ᨽᩮᨴᩣᨿ ᨸᩁᨠ᩠ᨠᨾᩥ, ᨽᩮᨴᨶᩈᩴᩅᨲ᩠ᨲᨶᩥᨠᩴ ᩅᩣ ᩋᨵᩥᨠᩁᨱᩴ ᩈᨾᩣᨴᩣᨿ ᨸᨣ᩠ᨣᨿ᩠ᩉ ᩋᨭ᩠ᨮᩣᩈᩥ. ᩈᨾᩮᨲᩣᨿᩈ᩠ᨾᩣ ᩈᨦ᩠ᨥᩮᨶ. ᩈᨾᨣ᩠ᨣᩮᩣ ᩉᩥ ᩈᨦ᩠ᨥᩮᩣ ᩈᨾ᩠ᨾᩮᩣᨴᨾᩣᨶᩮᩣ ᩋᩅᩥᩅᨴᨾᩣᨶᩮᩣ ᩑᨠᩩᨴ᩠ᨴᩮᩈᩮᩣ ᨹᩣᩈᩩ ᩅᩥᩉᩁᨲᩦ’’ᨲᩥ. ᨴᩩᨲᩥᨿᨾ᩠ᨸᩥ ᩅᨲ᩠ᨲᨻ᩠ᨻᩮᩣ. ᨲᨲᩥᨿᨾ᩠ᨸᩥ ᩅᨲ᩠ᨲᨻ᩠ᨻᩮᩣ. ᩈᨧᩮ ᨸᨭᩥᨶᩥᩔᨩ᩠ᨩᨲᩥ, ᩍᨧ᩠ᨧᩮᨲᩴ ᨠᩩᩈᩃᩴ; ᨶᩮᩣ ᨧᩮ ᨸᨭᩥᨶᩥᩔᨩ᩠ᨩᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩮᩣ ᨽᩥᨠ᩠ᨡᩩ ᩈᨾᨶᩩᨽᩣᩈᩥᨲᨻ᩠ᨻᩮᩣ – ‘‘ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩈᨾᨶᩩᨽᩣᩈᩥᨲᨻ᩠ᨻᩮᩣ. ᨻ᩠ᨿᨲ᩠ᨲᩮᨶ ᨽᩥᨠ᩠ᨡᩩᨶᩣ ᨸᨭᩥᨻᩃᩮᨶ ᩈᨦ᩠ᨥᩮᩣ ᨬᩣᨸᩮᨲᨻ᩠ᨻᩮᩣ –

᪔᪑᪓. ‘‘ᩈᩩᨱᩣᨲᩩ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᩋᨿᩴ ᩍᨲ᩠ᨳᨶ᩠ᨶᩣᨾᩮᩣ ᨽᩥᨠ᩠ᨡᩩ ᩈᨾᨣ᩠ᨣᩔ ᩈᨦ᩠ᨥᩔ ᨽᩮᨴᩣᨿ ᨸᩁᨠ᩠ᨠᨾᨲᩥ. ᩈᩮᩣ ᨲᩴ ᩅᨲ᩠ᨳᩩᩴ ᨶ ᨸᨭᩥᨶᩥᩔᨩ᩠ᨩᨲᩥ. ᨿᨴᩥ ᩈᨦ᩠ᨥᩔ ᨸᨲ᩠ᨲᨠᩃ᩠ᩃᩴ, ᩈᨦ᩠ᨥᩮᩣ ᩍᨲ᩠ᨳᨶ᩠ᨶᩣᨾᩴ ᨽᩥᨠ᩠ᨡᩩᩴ ᩈᨾᨶᩩᨽᩣᩈᩮᨿ᩠ᨿ ᨲᩔ ᩅᨲ᩠ᨳᩩᩔ ᨸᨭᩥᨶᩥᩔᨣ᩠ᨣᩣᨿ. ᩑᩈᩣ ᨬᨲ᩠ᨲᩥ.

‘‘ᩈᩩᨱᩣᨲᩩ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᩋᨿᩴ ᩍᨲ᩠ᨳᨶ᩠ᨶᩣᨾᩮᩣ ᨽᩥᨠ᩠ᨡᩩ ᩈᨾᨣ᩠ᨣᩔ ᩈᨦ᩠ᨥᩔ ᨽᩮᨴᩣᨿ ᨸᩁᨠ᩠ᨠᨾᨲᩥ. ᩈᩮᩣ ᨲᩴ ᩅᨲ᩠ᨳᩩᩴ ᨶ ᨸᨭᩥᨶᩥᩔᨩ᩠ᨩᨲᩥ. ᩈᨦ᩠ᨥᩮᩣ ᩍᨲ᩠ᨳᨶ᩠ᨶᩣᨾᩴ ¶ ᨽᩥᨠ᩠ᨡᩩᩴ ᩈᨾᨶᩩᨽᩣᩈᨲᩥ ᨲᩔ ᩅᨲ᩠ᨳᩩᩔ ¶ ᨸᨭᩥᨶᩥᩔᨣ᩠ᨣᩣᨿ. ᨿᩔᩣᨿᩈ᩠ᨾᨲᩮᩣ ᨡᨾᨲᩥ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᩈᨾᨶᩩᨽᩣᩈᨶᩣ ᨲᩔ ᩅᨲ᩠ᨳᩩᩔ ᨸᨭᩥᨶᩥᩔᨣ᩠ᨣᩣᨿ, ᩈᩮᩣ ᨲᩩᨱ᩠ᩉᩔ; ᨿᩔ ᨶᨠ᩠ᨡᨾᨲᩥ, ᩈᩮᩣ ᨽᩣᩈᩮᨿ᩠ᨿ.

‘‘ᨴᩩᨲᩥᨿᨾ᩠ᨸᩥ ᩑᨲᨾᨲ᩠ᨳᩴ ᩅᨴᩣᨾᩥ…ᨸᩮ… ᨲᨲᩥᨿᨾ᩠ᨸᩥ ᩑᨲᨾᨲ᩠ᨳᩴ ᩅᨴᩣᨾᩥ – ᩈᩩᨱᩣᨲᩩ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᩋᨿᩴ ᩍᨲ᩠ᨳᨶ᩠ᨶᩣᨾᩮᩣ ᨽᩥᨠ᩠ᨡᩩ ᩈᨾᨣ᩠ᨣᩔ ᩈᨦ᩠ᨥᩔ ᨽᩮᨴᩣᨿ ᨸᩁᨠ᩠ᨠᨾᨲᩥ. ᩈᩮᩣ ᨲᩴ ᩅᨲ᩠ᨳᩩᩴ ᨶ ᨸᨭᩥᨶᩥᩔᨩ᩠ᨩᨲᩥ. ᩈᨦ᩠ᨥᩮᩣ ᩍᨲ᩠ᨳᨶ᩠ᨶᩣᨾᩴ ᨽᩥᨠ᩠ᨡᩩᩴ ᩈᨾᨶᩩᨽᩣᩈᨲᩥ ᨲᩔ ᩅᨲ᩠ᨳᩩᩔ ᨸᨭᩥᨶᩥᩔᨣ᩠ᨣᩣᨿ. ᨿᩔᩣᨿᩈ᩠ᨾᨲᩮᩣ ¶ ᨡᨾᨲᩥ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᩈᨾᨶᩩᨽᩣᩈᨶᩣ ᨲᩔ ᩅᨲ᩠ᨳᩩᩔ ᨸᨭᩥᨶᩥᩔᨣ᩠ᨣᩣᨿ, ᩈᩮᩣ ᨲᩩᨱ᩠ᩉᩔ; ᨿᩔ ᨶᨠ᩠ᨡᨾᨲᩥ, ᩈᩮᩣ ᨽᩣᩈᩮᨿ᩠ᨿ.

‘‘ᩈᨾᨶᩩᨽᨭ᩠ᨮᩮᩣ ᩈᨦ᩠ᨥᩮᨶ ᩍᨲ᩠ᨳᨶ᩠ᨶᩣᨾᩮᩣ ᨽᩥᨠ᩠ᨡᩩ ᨲᩔ ᩅᨲ᩠ᨳᩩᩔ ᨸᨭᩥᨶᩥᩔᨣ᩠ᨣᩣᨿ. ᨡᨾᨲᩥ ᩈᨦ᩠ᨥᩔ, ᨲᩈ᩠ᨾᩣ ᨲᩩᨱ᩠ᩉᩦ, ᩑᩅᨾᩮᨲᩴ ᨵᩣᩁᨿᩣᨾᩦ’’ᨲᩥ.

᪔᪑᪔. ᨬᨲ᩠ᨲᩥᨿᩣ ¶ ᨴᩩᨠ᩠ᨠᨭᩴ, ᨴ᩠ᩅᩦᩉᩥ ᨠᨾ᩠ᨾᩅᩣᨧᩣᩉᩥ ᨳᩩᩃ᩠ᩃᨧ᩠ᨧᨿᩣ, ᨠᨾ᩠ᨾᩅᩣᨧᩣᨸᩁᩥᨿᩮᩣᩈᩣᨶᩮ ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ. ᩈᨦ᩠ᨥᩣᨴᩥᩈᩮᩈᩴ ᩋᨩ᩠ᨫᩣᨸᨩ᩠ᨩᨶ᩠ᨲᩔ ᨬᨲ᩠ᨲᩥᨿᩣ ᨴᩩᨠ᩠ᨠᨭᩴ, ᨴ᩠ᩅᩦᩉᩥ ᨠᨾ᩠ᨾᩅᩣᨧᩣᩉᩥ ᨳᩩᩃ᩠ᩃᨧ᩠ᨧᨿᩣ ᨸᨭᩥᨸ᩠ᨸᩔᨾ᩠ᨽᨶ᩠ᨲᩥ.

ᩈᨦ᩠ᨥᩣᨴᩥᩈᩮᩈᩮᩣᨲᩥ…ᨸᩮ… ᨲᩮᨶᨸᩥ ᩅᩩᨧ᩠ᨧᨲᩥ ᩈᨦ᩠ᨥᩣᨴᩥᩈᩮᩈᩮᩣᨲᩥ.

᪔᪑᪕. ᨵᨾ᩠ᨾᨠᨾ᩠ᨾᩮ ᨵᨾ᩠ᨾᨠᨾ᩠ᨾᩈᨬ᩠ᨬᩦ ᨶ ᨸᨭᩥᨶᩥᩔᨩ᩠ᨩᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨵᨾ᩠ᨾᨠᨾ᩠ᨾᩮ ᩅᩮᨾᨲᩥᨠᩮᩣ ᨶ ᨸᨭᩥᨶᩥᩔᨩ᩠ᨩᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨵᨾ᩠ᨾᨠᨾ᩠ᨾᩮ ᩋᨵᨾ᩠ᨾᨠᨾ᩠ᨾᩈᨬ᩠ᨬᩦ ᨶ ᨸᨭᩥᨶᩥᩔᨩ᩠ᨩᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩋᨵᨾ᩠ᨾᨠᨾ᩠ᨾᩮ ᨵᨾ᩠ᨾᨠᨾ᩠ᨾᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᩋᨵᨾ᩠ᨾᨠᨾ᩠ᨾᩮ ᩅᩮᨾᨲᩥᨠᩮᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᩋᨵᨾ᩠ᨾᨠᨾ᩠ᨾᩮ ᩋᨵᨾ᩠ᨾᨠᨾ᩠ᨾᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

᪔᪑᪖. ᩋᨶᩣᨸᨲ᩠ᨲᩥ ¶ ᩋᩈᨾᨶᩩᨽᩣᩈᨶ᩠ᨲᩔ, ᨸᨭᩥᨶᩥᩔᨩ᩠ᨩᨶ᩠ᨲᩔ, ᩏᨾ᩠ᨾᨲ᩠ᨲᨠᩔ, ᨡᩥᨲ᩠ᨲᨧᩥᨲ᩠ᨲᩔ, ᩅᩮᨴᨶᩣᨭ᩠ᨭᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᩈᨦ᩠ᨥᨽᩮᨴᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨴᩈᨾᩴ.

᪑᪑. ᨽᩮᨴᩣᨶᩩᩅᨲ᩠ᨲᨠᩈᩥᨠ᩠ᨡᩣᨸᨴᩴ

᪔᪑᪗. ᨲᩮᨶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩁᩣᨩᨣᩉᩮ ᩅᩥᩉᩁᨲᩥ ᩅᩮᩊᩩᩅᨶᩮ ᨠᩃᨶ᩠ᨴᨠᨶᩥᩅᩣᨸᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨴᩮᩅᨴᨲ᩠ᨲᩮᩣ ᩈᨦ᩠ᨥᨽᩮᨴᩣᨿ ᨸᩁᨠ᩠ᨠᨾᨲᩥ ᨧᨠ᩠ᨠᨽᩮᨴᩣᨿ. ᨽᩥᨠ᩠ᨡᩪ ᩑᩅᨾᩣᩉᩴᩈᩩ – ‘‘ᩋᨵᨾ᩠ᨾᩅᩣᨴᩦ ᨴᩮᩅᨴᨲ᩠ᨲᩮᩣ, ᩋᩅᩥᨶᨿᩅᩣᨴᩦ ᨴᩮᩅᨴᨲ᩠ᨲᩮᩣ. ᨠᨳᨬ᩠ᩉᩥ ᨶᩣᨾ ᨴᩮᩅᨴᨲ᩠ᨲᩮᩣ ᩈᨦ᩠ᨥᨽᩮᨴᩣᨿ ᨸᩁᨠ᩠ᨠᨾᩥᩔᨲᩥ ᨧᨠ᩠ᨠᨽᩮᨴᩣᨿᩣ’’ᨲᩥ! ᩑᩅᩴ ᩅᩩᨲ᩠ᨲᩮ ᨠᩮᩣᨠᩣᩃᩥᨠᩮᩣ ᨠᨭᨾᩮᩣᨴᨠᨲᩥᩔᨠᩮᩣ ᨡᨱ᩠ᨯᨴᩮᩅᩥᨿᩣ ᨸᩩᨲ᩠ᨲᩮᩣ ᩈᨾᩩᨴ᩠ᨴᨴᨲ᩠ᨲᩮᩣ ᨲᩮ ᨽᩥᨠ᩠ᨡᩪ ᩑᨲᨴᩅᩮᩣᨧᩩᩴ – ‘‘ᨾᩣᨿᩈ᩠ᨾᨶ᩠ᨲᩮᩣ ᩑᩅᩴ ᩋᩅᨧᩩᨲ᩠ᨳ. ᨵᨾ᩠ᨾᩅᩣᨴᩦ ¶ ᨴᩮᩅᨴᨲ᩠ᨲᩮᩣ, ᩅᩥᨶᨿᩅᩣᨴᩦ ᨴᩮᩅᨴᨲ᩠ᨲᩮᩣ. ᩋᨾ᩠ᩉᩣᨠᨬ᩠ᨧ ᨴᩮᩅᨴᨲ᩠ᨲᩮᩣ ᨨᨶ᩠ᨴᨬ᩠ᨧ ᩁᩩᨧᩥᨬ᩠ᨧ ᩌᨴᩣᨿ ᩅᩮᩣᩉᩁᨲᩥ ᨩᩣᨶᩣᨲᩥ ᨶᩮᩣ ᨽᩣᩈᨲᩥ ᩋᨾ᩠ᩉᩣᨠᩴᨸᩮᨲᩴ ᨡᨾᨲᩦ’’ᨲᩥ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᨽᩥᨠ᩠ᨡᩪ ᨴᩮᩅᨴᨲ᩠ᨲᩔ ¶ ᩈᨦ᩠ᨥᨽᩮᨴᩣᨿ ᨸᩁᨠ᩠ᨠᨾᨶ᩠ᨲᩔ ᩋᨶᩩᩅᨲ᩠ᨲᨠᩣ ᨽᩅᩥᩔᨶ᩠ᨲᩥ ᩅᨣ᩠ᨣᩅᩣᨴᨠᩣ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨲᩮ ᩋᨶᩩᩅᨲ᩠ᨲᨠᩮ ᨽᩥᨠ᩠ᨡᩪ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩈᨧ᩠ᨧᩴ ᨠᩥᩁ, ᨽᩥᨠ᩠ᨡᩅᩮ, ᨽᩥᨠ᩠ᨡᩪ ᨴᩮᩅᨴᨲ᩠ᨲᩔ ᩈᨦ᩠ᨥᨽᩮᨴᩣᨿ ᨸᩁᨠ᩠ᨠᨾᨶ᩠ᨲᩔ ᩋᨶᩩᩅᨲ᩠ᨲᨠᩣ ᩉᩮᩣᨶ᩠ᨲᩥ ᩅᨣ᩠ᨣᩅᩣᨴᨠᩣ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ‘‘ᨠᨳᨬ᩠ᩉᩥ ᨶᩣᨾ ᨲᩮ, ᨽᩥᨠ᩠ᨡᩅᩮ, ᨾᩮᩣᨥᨸᩩᩁᩥᩈᩣ ᨴᩮᩅᨴᨲ᩠ᨲᩔ ᩈᨦ᩠ᨥᨽᩮᨴᩣᨿ ᨸᩁᨠ᩠ᨠᨾᨶ᩠ᨲᩔ ᩋᨶᩩᩅᨲ᩠ᨲᨠᩣ ᨽᩅᩥᩔᨶ᩠ᨲᩥ ᩅᨣ᩠ᨣᩅᩣᨴᨠᩣ ¶ ! ᨶᩮᨲᩴ, ᨽᩥᨠ᩠ᨡᩅᩮ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪔᪑᪘. ‘‘ᨲᩔᩮᩅ ᨡᩮᩣ ᨸᨶ ᨽᩥᨠ᩠ᨡᩩᩔ ᨽᩥᨠ᩠ᨡᩪ ᩉᩮᩣᨶ᩠ᨲᩥ ᩋᨶᩩᩅᨲ᩠ᨲᨠᩣ ᩅᨣ᩠ᨣᩅᩣᨴᨠᩣ ᩑᨠᩮᩣ ᩅᩣ ᨴ᩠ᩅᩮ ᩅᩣ ᨲᨿᩮᩣ ᩅᩣ. ᨲᩮ ᩑᩅᩴ ᩅᨴᩮᨿ᩠ᨿᩩᩴ – ‘ᨾᩣᨿᩈ᩠ᨾᨶ᩠ᨲᩮᩣ ᩑᨲᩴ ᨽᩥᨠ᩠ᨡᩩᩴ ᨠᩥᨬ᩠ᨧᩥ ᩋᩅᨧᩩᨲ᩠ᨳ. ᨵᨾ᩠ᨾᩅᩣᨴᩦ ᨧᩮᩈᩮᩣ ᨽᩥᨠ᩠ᨡᩩ, ᩅᩥᨶᨿᩅᩣᨴᩦ ᨧᩮᩈᩮᩣ ᨽᩥᨠ᩠ᨡᩩ. ᩋᨾ᩠ᩉᩣᨠᨬ᩠ᨧᩮᩈᩮᩣ ᨽᩥᨠ᩠ᨡᩩ ᨨᨶ᩠ᨴᨬ᩠ᨧ ᩁᩩᨧᩥᨬ᩠ᨧ ᩌᨴᩣᨿ ᩅᩮᩣᩉᩁᨲᩥ ᨩᩣᨶᩣᨲᩥ ᨶᩮᩣ ᨽᩣᩈᨲᩥ ᩋᨾ᩠ᩉᩣᨠᨾ᩠ᨸᩮᨲᩴ ᨡᨾᨲᩦ’ᨲᩥ, ᨲᩮ ᨽᩥᨠ᩠ᨡᩪ ᨽᩥᨠ᩠ᨡᩪᩉᩥ ᩑᩅᨾᩔᩩ ᩅᨧᨶᩦᨿᩣ – ‘ᨾᩣᨿᩈ᩠ᨾᨶ᩠ᨲᩮᩣ ᩑᩅᩴ ᩋᩅᨧᩩᨲ᩠ᨳ, ᨶ ᨧᩮᩈᩮᩣ ᨽᩥᨠ᩠ᨡᩩ ᨵᨾ᩠ᨾᩅᩣᨴᩦ, ᨶ ᨧᩮᩈᩮᩣ ᨽᩥᨠ᩠ᨡᩩ ᩅᩥᨶᨿᩅᩣᨴᩦ, ᨾᩣᨿᩈ᩠ᨾᨶ᩠ᨲᩣᨶᨾ᩠ᨸᩥ ᩈᨦ᩠ᨥᨽᩮᨴᩮᩣ ᩁᩩᨧ᩠ᨧᩥᨲ᩠ᨳ, ᩈᨾᩮᨲᩣᨿᩈ᩠ᨾᨶ᩠ᨲᩣᨶᩴ ᩈᨦ᩠ᨥᩮᨶ, ᩈᨾᨣ᩠ᨣᩮᩣ ᩉᩥ ᩈᨦ᩠ᨥᩮᩣ ᩈᨾ᩠ᨾᩮᩣᨴᨾᩣᨶᩮᩣ ¶ ᩋᩅᩥᩅᨴᨾᩣᨶᩮᩣ ᩑᨠᩩᨴ᩠ᨴᩮᩈᩮᩣ ᨹᩣᩈᩩ ᩅᩥᩉᩁᨲᩦ’ᨲᩥ. ᩑᩅᨬ᩠ᨧ ᨲᩮ ᨽᩥᨠ᩠ᨡᩪ ᨽᩥᨠ᩠ᨡᩪᩉᩥ ᩅᩩᨧ᩠ᨧᨾᩣᨶᩣ ᨲᨳᩮᩅ ᨸᨣ᩠ᨣᨱ᩠ᩉᩮᨿ᩠ᨿᩩᩴ, ᨲᩮ ᨽᩥᨠ᩠ᨡᩪ ᨽᩥᨠ᩠ᨡᩪᩉᩥ ᨿᩣᩅᨲᨲᩥᨿᩴ ᩈᨾᨶᩩᨽᩣᩈᩥᨲᨻ᩠ᨻᩣ ᨲᩔ ᨸᨭᩥᨶᩥᩔᨣ᩠ᨣᩣᨿ. ᨿᩣᩅᨲᨲᩥᨿᨬ᩠ᨧᩮ ᩈᨾᨶᩩᨽᩣᩈᩥᨿᨾᩣᨶᩣ ᨲᩴ ᨸᨭᩥᨶᩥᩔᨩ᩠ᨩᩮᨿ᩠ᨿᩩᩴ, ᩍᨧ᩠ᨧᩮᨲᩴ ᨠᩩᩈᩃᩴ, ᨶᩮᩣ ᨧᩮ ᨸᨭᩥᨶᩥᩔᨩ᩠ᨩᩮᨿ᩠ᨿᩩᩴ, ᩈᨦ᩠ᨥᩣᨴᩥᩈᩮᩈᩮᩣ’’ᨲᩥ.

᪔᪑᪙. ᨲᩔᩮᩅ ᨡᩮᩣ ᨸᨶᩣᨲᩥ ᨲᩔ ᩈᨦ᩠ᨥᨽᩮᨴᨠᩔ ᨽᩥᨠ᩠ᨡᩩᨶᩮᩣ.

ᨽᩥᨠ᩠ᨡᩪ ᩉᩮᩣᨶ᩠ᨲᩦᨲᩥ ᩋᨬ᩠ᨬᩮ ᨽᩥᨠ᩠ᨡᩪ ᩉᩮᩣᨶ᩠ᨲᩥ.

ᩋᨶᩩᩅᨲ᩠ᨲᨠᩣᨲᩥ ᨿᩴᨴᩥᨭ᩠ᨮᩥᨠᩮᩣ ᩈᩮᩣ ᩉᩮᩣᨲᩥ ᨿᩴᨡᨶ᩠ᨲᩥᨠᩮᩣ ᨿᩴᩁᩩᨧᩥᨠᩮᩣ ᨲᩮᨸᩥ ᨲᩴᨴᩥᨭ᩠ᨮᩥᨠᩣ ᩉᩮᩣᨶ᩠ᨲᩥ ᨲᩴᨡᨶ᩠ᨲᩥᨠᩣ ᨲᩴᩁᩩᨧᩥᨠᩣ.

ᩅᨣ᩠ᨣᩅᩣᨴᨠᩣᨲᩥ ᨲᩔ ᩅᨱ᩠ᨱᩣᨿ ᨸᨠ᩠ᨡᩣᨿ ᨮᩥᨲᩣ ᩉᩮᩣᨶ᩠ᨲᩥ.

ᩑᨠᩮᩣ ᩅᩣ ᨴ᩠ᩅᩮ ᩅᩣ ᨲᨿᩮᩣ ᩅᩣᨲᩥ ᩑᨠᩮᩣ ᩅᩣ ᩉᩮᩣᨲᩥ ᨴ᩠ᩅᩮ ᩅᩣ ᨲᨿᩮᩣ ᩅᩣ. ᨲᩮ ᩑᩅᩴ ᩅᨴᩮᨿ᩠ᨿᩩᩴ – ‘‘ᨾᩣᨿᩈ᩠ᨾᨶ᩠ᨲᩮᩣ ᩑᨲᩴ ᨽᩥᨠ᩠ᨡᩩᩴ ᨠᩥᨬ᩠ᨧᩥ ᩋᩅᨧᩩᨲ᩠ᨳ, ᨵᨾ᩠ᨾᩅᩣᨴᩦ ᨧᩮᩈᩮᩣ ¶ ¶ ᨽᩥᨠ᩠ᨡᩩ, ᩅᩥᨶᨿᩅᩣᨴᩦ ᨧᩮᩈᩮᩣ ᨽᩥᨠ᩠ᨡᩩ, ᩋᨾ᩠ᩉᩣᨠᨬ᩠ᨧᩮᩈᩮᩣ ᨽᩥᨠ᩠ᨡᩩ ᨨᨶ᩠ᨴᨬ᩠ᨧ ᩁᩩᨧᩥᨬ᩠ᨧ ᩌᨴᩣᨿ ᩅᩮᩣᩉᩁᨲᩥ ¶ ᨩᩣᨶᩣᨲᩥ ᨶᩮᩣ ᨽᩣᩈᨲᩥ ᩋᨾ᩠ᩉᩣᨠᩴᨸᩮᨲᩴ ᨡᨾᨲᩦ’ᨲᩥ.

ᨲᩮ ᨽᩥᨠ᩠ᨡᩪᨲᩥ ᨿᩮ ᨲᩮ ᩋᨶᩩᩅᨲ᩠ᨲᨠᩣ ᨽᩥᨠ᩠ᨡᩪ.

ᨽᩥᨠ᩠ᨡᩪᩉᩦᨲᩥ ᩋᨬ᩠ᨬᩮᩉᩥ ᨽᩥᨠ᩠ᨡᩪᩉᩥ.

ᨿᩮ ᨸᩔᨶ᩠ᨲᩥ ᨿᩮ ᩈᩩᨱᨶ᩠ᨲᩥ ᨲᩮᩉᩥ ᩅᨲ᩠ᨲᨻ᩠ᨻᩣ – ‘‘ᨾᩣᨿᩈ᩠ᨾᨶ᩠ᨲᩮᩣ ᩑᩅᩴ ᩋᩅᨧᩩᨲ᩠ᨳ. ᨶ ᨧᩮᩈᩮᩣ ᨽᩥᨠ᩠ᨡᩩ ᨵᨾ᩠ᨾᩅᩣᨴᩦ, ᨶ ᨧᩮᩈᩮᩣ ᨽᩥᨠ᩠ᨡᩩ ᩅᩥᨶᨿᩅᩣᨴᩦ. ᨾᩣᨿᩈ᩠ᨾᨶ᩠ᨲᩣᨶᨾ᩠ᨸᩥ ᩈᨦ᩠ᨥᨽᩮᨴᩮᩣ ᩁᩩᨧ᩠ᨧᩥᨲ᩠ᨳ. ᩈᨾᩮᨲᩣᨿᩈ᩠ᨾᨶ᩠ᨲᩣᨶᩴ ᩈᨦ᩠ᨥᩮᨶ. ᩈᨾᨣ᩠ᨣᩮᩣ ᩉᩥ ᩈᨦ᩠ᨥᩮᩣ ᩈᨾ᩠ᨾᩮᩣᨴᨾᩣᨶᩮᩣ ᩋᩅᩥᩅᨴᨾᩣᨶᩮᩣ ᩑᨠᩩᨴ᩠ᨴᩮᩈᩮᩣ ᨹᩣᩈᩩ ᩅᩥᩉᩁᨲᩦ’’ᨲᩥ. ᨴᩩᨲᩥᨿᨾ᩠ᨸᩥ ᩅᨲ᩠ᨲᨻ᩠ᨻᩣ. ᨲᨲᩥᨿᨾ᩠ᨸᩥ ᩅᨲ᩠ᨲᨻ᩠ᨻᩣ. ᩈᨧᩮ ᨸᨭᩥᨶᩥᩔᨩ᩠ᨩᨶ᩠ᨲᩥ, ᩍᨧ᩠ᨧᩮᨲᩴ ᨠᩩᩈᩃᩴ; ᨶᩮᩣ ᨧᩮ ᨸᨭᩥᨶᩥᩔᨩ᩠ᨩᨶ᩠ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩩᨲ᩠ᩅᩣ ᨶ ᩅᨴᨶ᩠ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨲᩮ ᨽᩥᨠ᩠ᨡᩪ ᩈᨦ᩠ᨥᨾᨩ᩠ᨫᨾ᩠ᨸᩥ ᩌᨠᨯ᩠ᨰᩥᨲ᩠ᩅᩣ ᩅᨲ᩠ᨲᨻ᩠ᨻᩣ – ‘‘ᨾᩣᨿᩈ᩠ᨾᨶ᩠ᨲᩮᩣ ᩑᩅᩴ ᩋᩅᨧᩩᨲ᩠ᨳ. ᨶ ᨧᩮᩈᩮᩣ ¶ ᨽᩥᨠ᩠ᨡᩩ ᨵᨾ᩠ᨾᩅᩣᨴᩦ, ᨶ ᨧᩮᩈᩮᩣ ᨽᩥᨠ᩠ᨡᩩ ᩅᩥᨶᨿᩅᩣᨴᩦ. ᨾᩣᨿᩈ᩠ᨾᨶ᩠ᨲᩣᨶᨾ᩠ᨸᩥ ᩈᨦ᩠ᨥᨽᩮᨴᩮᩣ ᩁᩩᨧ᩠ᨧᩥᨲ᩠ᨳ. ᩈᨾᩮᨲᩣᨿᩈ᩠ᨾᨶ᩠ᨲᩣᨶᩴ ᩈᨦ᩠ᨥᩮᨶ. ᩈᨾᨣ᩠ᨣᩮᩣ ᩉᩥ ᩈᨦ᩠ᨥᩮᩣ ᩈᨾ᩠ᨾᩮᩣᨴᨾᩣᨶᩮᩣ ᩋᩅᩥᩅᨴᨾᩣᨶᩮᩣ ᩑᨠᩩᨴ᩠ᨴᩮᩈᩮᩣ ᨹᩣᩈᩩ ᩅᩥᩉᩁᨲᩦ’’ᨲᩥ. ᨴᩩᨲᩥᨿᨾ᩠ᨸᩥ ᩅᨲ᩠ᨲᨻ᩠ᨻᩣ. ᨲᨲᩥᨿᨾ᩠ᨸᩥ ᩅᨲ᩠ᨲᨻ᩠ᨻᩣ. ᩈᨧᩮ ᨸᨭᩥᨶᩥᩔᨩ᩠ᨩᨶ᩠ᨲᩥ, ᩍᨧ᩠ᨧᩮᨲᩴ ᨠᩩᩈᩃᩴ; ᨶᩮᩣ ᨧᩮ ᨸᨭᩥᨶᩥᩔᨩ᩠ᨩᨶ᩠ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨲᩮ ᨽᩥᨠ᩠ᨡᩪ ᩈᨾᨶᩩᨽᩣᩈᩥᨲᨻ᩠ᨻᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩈᨾᨶᩩᨽᩣᩈᩥᨲᨻ᩠ᨻᩣ. ᨻ᩠ᨿᨲ᩠ᨲᩮᨶ ᨽᩥᨠ᩠ᨡᩩᨶᩣ ᨸᨭᩥᨻᩃᩮᨶ ᩈᨦ᩠ᨥᩮᩣ ᨬᩣᨸᩮᨲᨻ᩠ᨻᩮᩣ –

᪔᪒᪐. ‘‘ᩈᩩᨱᩣᨲᩩ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᩍᨲ᩠ᨳᨶ᩠ᨶᩣᨾᩮᩣ ᨧ ᩍᨲ᩠ᨳᨶᩣᨾᩮᩣ ᨧ ᨽᩥᨠ᩠ᨡᩪ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᩈᨦ᩠ᨥᨽᩮᨴᩣᨿ ᨸᩁᨠ᩠ᨠᨾᨶ᩠ᨲᩔ ᩋᨶᩩᩅᨲ᩠ᨲᨠᩣ ᩅᨣ᩠ᨣᩅᩣᨴᨠᩣ ¶ . ᨲᩮ ᨲᩴ ᩅᨲ᩠ᨳᩩᩴ ᨶ ᨸᨭᩥᨶᩥᩔᨩ᩠ᨩᨶ᩠ᨲᩥ. ᨿᨴᩥ ᩈᨦ᩠ᨥᩔ ᨸᨲ᩠ᨲᨠᩃ᩠ᩃᩴ, ᩈᨦ᩠ᨥᩮᩣ ᩍᨲ᩠ᨳᨶ᩠ᨶᩣᨾᨬ᩠ᨧ ᩍᨲ᩠ᨳᨶ᩠ᨶᩣᨾᨬ᩠ᨧ ᨽᩥᨠ᩠ᨡᩪ ᩈᨾᨶᩩᨽᩣᩈᩮᨿ᩠ᨿ ᨲᩔ ᩅᨲ᩠ᨳᩩᩔ ᨸᨭᩥᨶᩥᩔᨣ᩠ᨣᩣᨿ. ᩑᩈᩣ ᨬᨲ᩠ᨲᩥ.

‘‘ᩈᩩᨱᩣᨲᩩ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᩍᨲ᩠ᨳᨶ᩠ᨶᩣᨾᩮᩣ ᨧ ᩍᨲ᩠ᨳᨶ᩠ᨶᩣᨾᩮᩣ ᨧ ᨽᩥᨠ᩠ᨡᩪ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᩈᨦ᩠ᨥᨽᩮᨴᩣᨿ ᨸᩁᨠ᩠ᨠᨾᨶ᩠ᨲᩔ ᩋᨶᩩᩅᨲ᩠ᨲᨠᩣ ᩅᨣ᩠ᨣᩅᩣᨴᨠᩣ. ᨲᩮ ᨲᩴ ᩅᨲ᩠ᨳᩩᩴ ᨶ ᨸᨭᩥᨶᩥᩔᨩ᩠ᨩᨶ᩠ᨲᩥ. ᩈᨦ᩠ᨥᩮᩣ ᩍᨲ᩠ᨳᨶ᩠ᨶᩣᨾᨬ᩠ᨧ ᩍᨲ᩠ᨳᨶ᩠ᨶᩣᨾᨬ᩠ᨧ ᨽᩥᨠ᩠ᨡᩪ ᩈᨾᨶᩩᨽᩣᩈᨲᩥ ᨲᩔ ᩅᨲ᩠ᨳᩩᩔ ᨸᨭᩥᨶᩥᩔᨣ᩠ᨣᩣᨿ. ᨿᩔᩣᨿᩈ᩠ᨾᨲᩮᩣ ᨡᨾᨲᩥ ᩍᨲ᩠ᨳᨶ᩠ᨶᩣᨾᩔ ᨧ ᩍᨲ᩠ᨳᨶ᩠ᨶᩣᨾᩔ ᨧ ᨽᩥᨠ᩠ᨡᩪᨶᩴ ᩈᨾᨶᩩᨽᩣᩈᨶᩣ ᨲᩔ ᩅᨲ᩠ᨳᩩᩔ ¶ ᨸᨭᩥᨶᩥᩔᨣ᩠ᨣᩣᨿ, ᩈᩮᩣ ᨲᩩᨱ᩠ᩉᩔ; ᨿᩔ ᨶᨠ᩠ᨡᨾᨲᩥ, ᩈᩮᩣ ᨽᩣᩈᩮᨿ᩠ᨿ.

‘‘ᨴᩩᨲᩥᨿᨾ᩠ᨸᩥ ᩑᨲᨾᨲ᩠ᨳᩴ ᩅᨴᩣᨾᩥ…ᨸᩮ… ᨲᨲᩥᨿᨾ᩠ᨸᩥ ᩑᨲᨾᨲ᩠ᨳᩴ ᩅᨴᩣᨾᩥ – ᩈᩩᨱᩣᨲᩩ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᩍᨲ᩠ᨳᨶ᩠ᨶᩣᨾᩮᩣ ᨧ ᩍᨲ᩠ᨳᨶ᩠ᨶᩣᨾᩮᩣ ᨧ ᨽᩥᨠ᩠ᨡᩪ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᩈᨦ᩠ᨥᨽᩮᨴᩣᨿ ᨸᩁᨠ᩠ᨠᨾᨶ᩠ᨲᩔ ᩋᨶᩩᩅᨲ᩠ᨲᨠᩣ ᩅᨣ᩠ᨣᩅᩣᨴᨠᩣ. ᨲᩮ ᨲᩴ ᩅᨲ᩠ᨳᩩᩴ ᨶ ᨸᨭᩥᨶᩥᩔᨩ᩠ᨩᨶ᩠ᨲᩥ. ᩈᨦ᩠ᨥᩮᩣ ᩍᨲ᩠ᨳᨶ᩠ᨶᩣᨾᨬ᩠ᨧ ᩍᨲ᩠ᨳᨶ᩠ᨶᩣᨾᨬ᩠ᨧ ᨽᩥᨠ᩠ᨡᩪ ᩈᨾᨶᩩᨽᩣᩈᨲᩥ ᨲᩔ ᩅᨲ᩠ᨳᩩᩔ ᨸᨭᩥᨶᩥᩔᨣ᩠ᨣᩣᨿ. ᨿᩔᩣᨿᩈ᩠ᨾᨲᩮᩣ ᨡᨾᨲᩥ ᩍᨲ᩠ᨳᨶ᩠ᨶᩣᨾᩔ ᨧ ᩍᨲ᩠ᨳᨶ᩠ᨶᩣᨾᩔ ᨧ ᨽᩥᨠ᩠ᨡᩪᨶᩴ ᩈᨾᨶᩩᨽᩣᩈᨶᩣ ᨲᩔ ᩅᨲ᩠ᨳᩩᩔ ᨸᨭᩥᨶᩥᩔᨣ᩠ᨣᩣᨿ, ᩈᩮᩣ ᨲᩩᨱ᩠ᩉᩔ; ᨿᩔ ᨶᨠ᩠ᨡᨾᨲᩥ, ᩈᩮᩣ ᨽᩣᩈᩮᨿ᩠ᨿ.

‘‘ᩈᨾᨶᩩᨽᨭ᩠ᨮᩣ ᩈᨦ᩠ᨥᩮᨶ ᩍᨲ᩠ᨳᨶ᩠ᨶᩣᨾᩮᩣ ᨧ ᩍᨲ᩠ᨳᨶ᩠ᨶᩣᨾᩮᩣ ᨧ ᨽᩥᨠ᩠ᨡᩪ ᨲᩔ ᩅᨲ᩠ᨳᩩᩔ ᨸᨭᩥᨶᩥᩔᨣ᩠ᨣᩣᨿ. ᨡᨾᨲᩥ ᩈᨦ᩠ᨥᩔ, ᨲᩈ᩠ᨾᩣ ᨲᩩᨱ᩠ᩉᩦ, ᩑᩅᨾᩮᨲᩴ ᨵᩣᩁᨿᩣᨾᩦ’’ᨲᩥ.

᪔᪒᪑. ᨬᨲ᩠ᨲᩥᨿᩣ ᨴᩩᨠ᩠ᨠᨭᩴ, ᨴ᩠ᩅᩦᩉᩥ ᨠᨾ᩠ᨾᩅᩣᨧᩣᩉᩥ ᨳᩩᩃ᩠ᩃᨧ᩠ᨧᨿᩣ, ᨠᨾ᩠ᨾᩅᩣᨧᩣᨸᩁᩥᨿᩮᩣᩈᩣᨶᩮ ¶ ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ. ᩈᨦ᩠ᨥᩣᨴᩥᩈᩮᩈᩴ ᩋᨩ᩠ᨫᩣᨸᨩ᩠ᨩᨶ᩠ᨲᩣᨶᩴ ᨬᨲ᩠ᨲᩥᨿᩣ ᨴᩩᨠ᩠ᨠᨭᩴ, ᨴ᩠ᩅᩦᩉᩥ ᨠᨾ᩠ᨾᩅᩣᨧᩣᩉᩥ ᨳᩩᩃ᩠ᩃᨧ᩠ᨧᨿᩣ ¶ ᨸᨭᩥᨸ᩠ᨸᩔᨾ᩠ᨽᨶ᩠ᨲᩥ. ᨴ᩠ᩅᩮ ᨲᨿᩮᩣ ᩑᨠᨲᩮᩣ ᩈᨾᨶᩩᨽᩣᩈᩥᨲᨻ᩠ᨻᩣ, ᨲᨴᩩᨲ᩠ᨲᩁᩥ ᨶ ᩈᨾᨶᩩᨽᩣᩈᩥᨲᨻ᩠ᨻᩣ.

ᩈᨦ᩠ᨥᩣᨴᩥᩈᩮᩈᩮᩣᨲᩥ…ᨸᩮ… ᨲᩮᨶᨸᩥ ᩅᩩᨧ᩠ᨧᨲᩥ ‘‘ᩈᨦ᩠ᨥᩣᨴᩥᩈᩮᩈᩮᩣ’’ᨲᩥ.

᪔᪒᪒. ᨵᨾ᩠ᨾᨠᨾ᩠ᨾᩮ ¶ ᨵᨾ᩠ᨾᨠᨾ᩠ᨾᩈᨬ᩠ᨬᩦ ᨶ ᨸᨭᩥᨶᩥᩔᨩ᩠ᨩᨶ᩠ᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨵᨾ᩠ᨾᨠᨾ᩠ᨾᩮ ᩅᩮᨾᨲᩥᨠᩣ ᨶ ᨸᨭᩥᨶᩥᩔᨩ᩠ᨩᨶ᩠ᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨵᨾ᩠ᨾᨠᨾ᩠ᨾᩮ ᩋᨵᨾ᩠ᨾᨠᨾ᩠ᨾᩈᨬ᩠ᨬᩦ ᨶ ᨸᨭᩥᨶᩥᩔᨩ᩠ᨩᨶ᩠ᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩋᨵᨾ᩠ᨾᨠᨾ᩠ᨾᩮ ᨵᨾ᩠ᨾᨠᨾ᩠ᨾᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᩋᨵᨾ᩠ᨾᨠᨾ᩠ᨾᩮ ᩅᩮᨾᨲᩥᨠᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᩋᨵᨾ᩠ᨾᨠᨾ᩠ᨾᩮ ᩋᨵᨾ᩠ᨾᨠᨾ᩠ᨾᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

᪔᪒᪓. ᩋᨶᩣᨸᨲ᩠ᨲᩥ ᩋᩈᨾᨶᩩᨽᩣᩈᨶ᩠ᨲᩣᨶᩴ, ᨸᨭᩥᨶᩥᩔᨩ᩠ᨩᨶ᩠ᨲᩣᨶᩴ, ᩏᨾ᩠ᨾᨲ᩠ᨲᨠᩣᨶᩴ, ᨡᩥᨲ᩠ᨲᨧᩥᨲ᩠ᨲᩣᨶᩴ, ᩅᩮᨴᨶᩣᨭ᩠ᨭᩣᨶᩴ, ᩌᨴᩥᨠᨾ᩠ᨾᩥᨠᩣᨶᨶ᩠ᨲᩥ.

ᨽᩮᨴᩣᨶᩩᩅᨲ᩠ᨲᨠᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᩑᨠᩣᨴᩈᨾᩴ.

᪑᪒. ᨴᩩᨻ᩠ᨻᨧᩈᩥᨠ᩠ᨡᩣᨸᨴᩴ

᪔᪒᪔. ᨲᩮᨶ ¶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᨠᩮᩣᩈᨾ᩠ᨻᩥᨿᩴ ᩅᩥᩉᩁᨲᩥ ᨥᩮᩣᩈᩥᨲᩣᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᨿᩈ᩠ᨾᩣ ᨨᨶ᩠ᨶᩮᩣ ᩋᨶᩣᨧᩁᩴ ᩌᨧᩁᨲᩥ. ᨽᩥᨠ᩠ᨡᩪ ᩑᩅᨾᩣᩉᩴᩈᩩ – ‘‘ᨾᩣᩅᩩᩈᩮᩣ, ᨨᨶ᩠ᨶ, ᩑᩅᩁᩪᨸᩴ ᩋᨠᩣᩈᩥ. ᨶᩮᨲᩴ ᨠᨸ᩠ᨸᨲᩦ’’ᨲᩥ. ᩈᩮᩣ ᩑᩅᩴ ᩅᨴᩮᨲᩥ – ‘‘ᨠᩥᩴ ᨶᩩ ᨡᩮᩣ ᨶᩣᨾ ᨲᩩᨾ᩠ᩉᩮ, ᩌᩅᩩᩈᩮᩣ, ᨾᩴ ᩅᨲ᩠ᨲᨻ᩠ᨻᩴ ᨾᨬ᩠ᨬᨳ? ᩋᩉᩴ ᨡᩮᩣ ᨶᩣᨾ ᨲᩩᨾ᩠ᩉᩮ ᩅᨴᩮᨿ᩠ᨿᩴ. ᩋᨾ᩠ᩉᩣᨠᩴ ᨻᩩᨴ᩠ᨵᩮᩣ ᩋᨾ᩠ᩉᩣᨠᩴ ᨵᨾ᩠ᨾᩮᩣ ᩋᨾ᩠ᩉᩣᨠᩴ ᩋᨿ᩠ᨿᨸᩩᨲ᩠ᨲᩮᨶ ¶ ᨵᨾ᩠ᨾᩮᩣ ᩋᨽᩥᩈᨾᩥᨲᩮᩣ. ᩈᩮᨿ᩠ᨿᨳᩣᨸᩥ ᨶᩣᨾ ᨾᩉᩣᩅᩣᨲᩮᩣ ᩅᩣᨿᨶ᩠ᨲᩮᩣ ᨲᩥᨱᨠᨭ᩠ᨮᨸᨱ᩠ᨱᩈᨭᩴ [ᨲᩥᨱᨠᨭ᩠ᨮᨸᨱ᩠ᨱᨠᩈᨭᩴ (ᨠ.)] ᩑᨠᨲᩮᩣ ᩏᩔᩣᩁᩮᨿ᩠ᨿ, ᩈᩮᨿ᩠ᨿᨳᩣ ᩅᩣ ᨸᨶ ᨶᨴᩦ ᨸᨻ᩠ᨻᨲᩮᨿ᩠ᨿᩣ ᩈᨦ᩠ᨡᩈᩮᩅᩣᩃᨸᨱᨠᩴ ᩑᨠᨲᩮᩣ ᩏᩔᩣᩁᩮᨿ᩠ᨿ, ᩑᩅᨾᩮᩅ ᨲᩩᨾ᩠ᩉᩮ ᨶᩣᨶᩣᨶᩣᨾᩣ ᨶᩣᨶᩣᨣᩮᩣᨲ᩠ᨲᩣ ᨶᩣᨶᩣᨩᨧ᩠ᨧᩣ ᨶᩣᨶᩣᨠᩩᩃᩣ ᨸᨻ᩠ᨻᨩᩥᨲᩣ ᩑᨠᨲᩮᩣ ᩏᩔᩁᩥᨲᩣ. ᨠᩥᩴ ᨶᩩ ᨡᩮᩣ ᨶᩣᨾ ᨲᩩᨾ᩠ᩉᩮ, ᩌᩅᩩᩈᩮᩣ, ᨾᩴ ᩅᨲ᩠ᨲᨻ᩠ᨻᩴ ᨾᨬ᩠ᨬᨳ? ᩋᩉᩴ ᨡᩮᩣ ᨶᩣᨾ ᨲᩩᨾ᩠ᩉᩮ ᩅᨴᩮᨿ᩠ᨿᩴ! ᩋᨾ᩠ᩉᩣᨠᩴ ᨻᩩᨴ᩠ᨵᩮᩣ ᩋᨾ᩠ᩉᩣᨠᩴ ᨵᨾ᩠ᨾᩮᩣ ᩋᨾ᩠ᩉᩣᨠᩴ ᩋᨿ᩠ᨿᨸᩩᨲ᩠ᨲᩮᨶ ᨵᨾ᩠ᨾᩮᩣ ᩋᨽᩥᩈᨾᩥᨲᩮᩣ’’ᨲᩥ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩌᨿᩈ᩠ᨾᩣ ᨨᨶ᩠ᨶᩮᩣ ᨽᩥᨠ᩠ᨡᩪᩉᩥ ᩈᩉᨵᨾ᩠ᨾᩥᨠᩴ ᩅᩩᨧ᩠ᨧᨾᩣᨶᩮᩣ ᩋᨲ᩠ᨲᩣᨶᩴ ᩋᩅᨧᨶᩦᨿᩴ ᨠᩁᩥᩔᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᩌᨿᩈ᩠ᨾᨶ᩠ᨲᩴ ᨨᨶ᩠ᨶᩴ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ¶ ‘‘ᩈᨧ᩠ᨧᩴ ᨠᩥᩁ ᨲ᩠ᩅᩴ, ᨨᨶ᩠ᨶ, ᨽᩥᨠ᩠ᨡᩪᩉᩥ ᩈᩉᨵᨾ᩠ᨾᩥᨠᩴ ᩅᩩᨧ᩠ᨧᨾᩣᨶᩮᩣ ᩋᨲ᩠ᨲᩣᨶᩴ ᩋᩅᨧᨶᩦᨿᩴ ᨠᩁᩮᩣᩈᩦ’’ᨲᩥ? ‘‘ᩈᨧ᩠ᨧᩴ ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ‘‘ᨠᨳᨬ᩠ᩉᩥ ᨶᩣᨾ ᨲ᩠ᩅᩴ, ᨾᩮᩣᨥᨸᩩᩁᩥᩈ, ᨽᩥᨠ᩠ᨡᩪᩉᩥ ᩈᩉᨵᨾ᩠ᨾᩥᨠᩴ ᩅᩩᨧ᩠ᨧᨾᩣᨶᩮᩣ ᩋᨲ᩠ᨲᩣᨶᩴ ᩋᩅᨧᨶᩦᨿᩴ ᨠᩁᩥᩔᩈᩥ! ᨶᩮᨲᩴ, ᨾᩮᩣᨥᨸᩩᩁᩥᩈ ¶ , ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪔᪒᪕. ‘‘ᨽᩥᨠ᩠ᨡᩩ ᨸᨶᩮᩅ ᨴᩩᨻ᩠ᨻᨧᨩᩣᨲᩥᨠᩮᩣ ᩉᩮᩣᨲᩥ ᩏᨴ᩠ᨴᩮᩈᨸᩁᩥᨿᩣᨸᨶ᩠ᨶᩮᩈᩩ ᩈᩥᨠ᩠ᨡᩣᨸᨴᩮᩈᩩ ᨽᩥᨠ᩠ᨡᩪᩉᩥ ᩈᩉᨵᨾ᩠ᨾᩥᨠᩴ ᩅᩩᨧ᩠ᨧᨾᩣᨶᩮᩣ ᩋᨲ᩠ᨲᩣᨶᩴ ᩋᩅᨧᨶᩦᨿᩴ ᨠᩁᩮᩣᨲᩥ – ‘ᨾᩣ ᨾᩴ ᩌᨿᩈ᩠ᨾᨶ᩠ᨲᩮᩣ ᨠᩥᨬ᩠ᨧᩥ ᩋᩅᨧᩩᨲ᩠ᨳ ᨠᩃ᩠ᨿᩣᨱᩴ ᩅᩣ ᨸᩣᨸᨠᩴ ᩅᩣ, ᩋᩉᩴᨸᩣᨿᩈ᩠ᨾᨶ᩠ᨲᩮ ᨶ ᨠᩥᨬ᩠ᨧᩥ ᩅᨠ᩠ᨡᩣᨾᩥ ᨠᩃ᩠ᨿᩣᨱᩴ ᩅᩣ ᨸᩣᨸᨠᩴ ᩅᩣ, ᩅᩥᩁᨾᨳᩣᨿᩈ᩠ᨾᨶ᩠ᨲᩮᩣ ᨾᨾ ᩅᨧᨶᩣᨿᩣ’ᨲᩥ, ᩈᩮᩣ ᨽᩥᨠ᩠ᨡᩩ ᨽᩥᨠ᩠ᨡᩪᩉᩥ ᩑᩅᨾᩔ ᩅᨧᨶᩦᨿᩮᩣ – ‘ᨾᩣᨿᩈ᩠ᨾᩣ ᩋᨲ᩠ᨲᩣᨶᩴ ᩋᩅᨧᨶᩦᨿᩴ ᩋᨠᩣᩈᩥ, ᩅᨧᨶᩦᨿᨾᩮᩅᩣᨿᩈ᩠ᨾᩣ ᩋᨲ᩠ᨲᩣᨶᩴ ᨠᩁᩮᩣᨲᩩ, ᩌᨿᩈ᩠ᨾᩣᨸᩥ ᨽᩥᨠ᩠ᨡᩪ ᩅᨴᩮᨲᩩ ᩈᩉᨵᨾ᩠ᨾᩮᨶ, ᨽᩥᨠ᩠ᨡᩪᨸᩥ ᩌᨿᩈ᩠ᨾᨶ᩠ᨲᩴ ᩅᨠ᩠ᨡᨶ᩠ᨲᩥ ᩈᩉᨵᨾ᩠ᨾᩮᨶ. ᩑᩅᩴ ᩈᩴᩅᨴ᩠ᨵᩣ ᩉᩥ ᨲᩔ ᨽᨣᩅᨲᩮᩣ ᨸᩁᩥᩈᩣ ᨿᨴᩥᨴᩴ ᩋᨬ᩠ᨬᨾᨬ᩠ᨬᩅᨧᨶᩮᨶ ¶ ᩋᨬ᩠ᨬᨾᨬ᩠ᨬᩅᩩᨭ᩠ᨮᩣᨸᨶᩮᨶᩣᨲᩥ. ᩑᩅᨬ᩠ᨧ ᩈᩮᩣ ᨽᩥᨠ᩠ᨡᩩᩴ ᨽᩥᨠ᩠ᨡᩪᩉᩥ ᩅᩩᨧ᩠ᨧᨾᩣᨶᩮᩣ ᨲᨳᩮᩅ ᨸᨣ᩠ᨣᨱ᩠ᩉᩮᨿ᩠ᨿ, ᩈᩮᩣ ᨽᩥᨠ᩠ᨡᩩ ᨽᩥᨠ᩠ᨡᩪᩉᩥ ᨿᩣᩅᨲᨲᩥᨿᩴ ᩈᨾᨶᩩᨽᩣᩈᩥᨲᨻ᩠ᨻᩮᩣ ᨲᩔ ᨸᨭᩥᨶᩥᩔᨣ᩠ᨣᩣᨿ. ᨿᩣᩅᨲᨲᩥᨿᨬ᩠ᨧᩮ ᩈᨾᨶᩩᨽᩣᩈᩦᨿᨾᩣᨶᩮᩣ ᨲᩴ ᨸᨭᩥᨶᩥᩔᨩ᩠ᨩᩮᨿ᩠ᨿ, ᩍᨧ᩠ᨧᩮᨲᩴ ᨠᩩᩈᩃᩴ; ᨶᩮᩣ ᨧᩮ ᨸᨭᩥᨶᩥᩔᨩ᩠ᨩᩮᨿ᩠ᨿ, ᩈᨦ᩠ᨥᩣᨴᩥᩈᩮᩈᩮᩣ’’ᨲᩥ.

᪔᪒᪖. ᨽᩥᨠ᩠ᨡᩪ ᨸᨶᩮᩅ ᨴᩩᨻ᩠ᨻᨧᨩᩣᨲᩥᨠᩮᩣ ᩉᩮᩣᨲᩦᨲᩥ ᨴᩩᨻ᩠ᨻᨧᩮᩣ ᩉᩮᩣᨲᩥ ᨴᩮᩣᩅᨧᩔᨠᩁᨱᩮᩉᩥ ¶ ᨵᨾ᩠ᨾᩮᩉᩥ ᩈᨾᨶ᩠ᨶᩣᨣᨲᩮᩣ ᩋᨠ᩠ᨡᨾᩮᩣ ᩋᨸ᩠ᨸᨴᨠ᩠ᨡᩥᨱᨣ᩠ᨣᩣᩉᩦ ᩋᨶᩩᩈᩣᩈᨶᩥᩴ.

ᩏᨴ᩠ᨴᩮᩈᨸᩁᩥᨿᩣᨸᨶ᩠ᨶᩮᩈᩩ ᩈᩥᨠ᩠ᨡᩣᨸᨴᩮᩈᩪᨲᩥ ᨸᩣᨲᩥᨾᩮᩣᨠ᩠ᨡᨸᩁᩥᨿᩣᨸᨶ᩠ᨶᩮᩈᩩ ᩈᩥᨠ᩠ᨡᩣᨸᨴᩮᩈᩩ.

ᨽᩥᨠ᩠ᨡᩪᩉᩦᨲᩥ ¶ ᩋᨬ᩠ᨬᩮᩉᩥ ᨽᩥᨠ᩠ᨡᩪᩉᩥ.

ᩈᩉᨵᨾ᩠ᨾᩥᨠᩴ ᨶᩣᨾ ᨿᩴ ᨽᨣᩅᨲᩣ ᨸᨬ᩠ᨬᨲ᩠ᨲᩴ ᩈᩥᨠ᩠ᨡᩣᨸᨴᩴ, ᩑᨲᩴ ᩈᩉᨵᨾ᩠ᨾᩥᨠᩴ ᨶᩣᨾ.

ᨲᩮᨶ ᩅᩩᨧ᩠ᨧᨾᩣᨶᩮᩣ ᩋᨲ᩠ᨲᩣᨶᩴ ᩋᩅᨧᨶᩦᨿᩴ ᨠᩁᩮᩣᨲᩥ – ‘‘ᨾᩣ ᨾᩴ ᩌᨿᩈ᩠ᨾᨶ᩠ᨲᩮᩣ ᨠᩥᨬ᩠ᨧᩥ ᩋᩅᨧᩩᨲ᩠ᨳ ᨠᩃ᩠ᨿᩣᨱᩴ ᩅᩣ ᨸᩣᨸᨠᩴ ᩅᩣ, ᩋᩉᩴᨸᩣᨿᩈ᩠ᨾᨶ᩠ᨲᩮ ᨶ ᨠᩥᨬ᩠ᨧᩥ ᩅᨠ᩠ᨡᩣᨾᩥ ᨠᩃ᩠ᨿᩣᨱᩴ ᩅᩣ ᨸᩣᨸᨠᩴ ᩅᩣ. ᩅᩥᩁᨾᨳᩣᨿᩈ᩠ᨾᨶ᩠ᨲᩮᩣ ᨾᨾ ᩅᨧᨶᩣᨿᩣ’’ᨲᩥ.

ᩈᩮᩣ ᨽᩥᨠ᩠ᨡᩪᨲᩥ ᨿᩮᩣ ᩈᩮᩣ ᨴᩩᨻ᩠ᨻᨧᨩᩣᨲᩥᨠᩮᩣ ᨽᩥᨠ᩠ᨡᩩ.

ᨽᩥᨠ᩠ᨡᩪᩉᩦᨲᩥ ᩋᨬ᩠ᨬᩮᩉᩥ ᨽᩥᨠ᩠ᨡᩪᩉᩥ. ᨿᩮ ᨸᩔᨶ᩠ᨲᩥ ᨿᩮ ᩈᩩᨱᨶ᩠ᨲᩥ ᨲᩮᩉᩥ ᩅᨲ᩠ᨲᨻ᩠ᨻᩮᩣ – ‘‘ᨾᩣᨿᩈ᩠ᨾᩣ ᩋᨲ᩠ᨲᩣᨶᩴ ᩋᩅᨧᨶᩦᨿᩴ ᩋᨠᩣᩈᩥ. ᩅᨧᨶᩦᨿᨾᩮᩅ ᩌᨿᩈ᩠ᨾᩣ ᩋᨲ᩠ᨲᩣᨶᩴ ᨠᩁᩮᩣᨲᩩ. ᩌᨿᩈ᩠ᨾᩣᨸᩥ ᨽᩥᨠ᩠ᨡᩪ ᩅᨴᩮᨲᩩ ᩈᩉᨵᨾ᩠ᨾᩮᨶ, ᨽᩥᨠ᩠ᨡᩪᨸᩥ ᩌᨿᩈ᩠ᨾᨶ᩠ᨲᩴ ᩅᨠ᩠ᨡᨶ᩠ᨲᩥ ᩈᩉᨵᨾ᩠ᨾᩮᨶ. ᩑᩅᩴ ᩈᩴᩅᨴ᩠ᨵᩣ ᩉᩥ ᨲᩔ ᨽᨣᩅᨲᩮᩣ ᨸᩁᩥᩈᩣ ᨿᨴᩥᨴᩴ ᩋᨬ᩠ᨬᨾᨬ᩠ᨬᩅᨧᨶᩮᨶ ᩋᨬ᩠ᨬᨾᨬ᩠ᨬᩅᩩᨭ᩠ᨮᩣᨸᨶᩮᨶᩣ’’ᨲᩥ. ᨴᩩᨲᩥᨿᨾ᩠ᨸᩥ ᩅᨲ᩠ᨲᨻ᩠ᨻᩮᩣ. ᨲᨲᩥᨿᨾ᩠ᨸᩥ ᩅᨲ᩠ᨲᨻ᩠ᨻᩮᩣ. ᩈᨧᩮ ᨸᨭᩥᨶᩥᩔᨩ᩠ᨩᨲᩥ ¶ , ᩍᨧ᩠ᨧᩮᨲᩴ ᨠᩩᩈᩃᩴ; ᨶᩮᩣ ᨧᩮ ᨸᨭᩥᨶᩥᩔᨩ᩠ᨩᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩩᨲ᩠ᩅᩣ ᨶ ᩅᨴᨶ᩠ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩮᩣ ᨽᩥᨠ᩠ᨡᩩ ᩈᨦ᩠ᨥᨾᨩ᩠ᨫᨾ᩠ᨸᩥ ᩌᨠᨯ᩠ᨰᩥᨲ᩠ᩅᩣ ᩅᨲ᩠ᨲᨻ᩠ᨻᩮᩣ – ‘‘ᨾᩣᨿᩈ᩠ᨾᩣ ᩋᨲ᩠ᨲᩣᨶᩴ ᩋᩅᨧᨶᩦᨿᩴ ᩋᨠᩣᩈᩥ…ᨸᩮ… ¶ ᩋᨬ᩠ᨬᨾᨬ᩠ᨬᩅᩩᨭ᩠ᨮᩣᨸᨶᩮᨶᩣ’’ᨲᩥ. ᨴᩩᨲᩥᨿᨾ᩠ᨸᩥ ᩅᨲ᩠ᨲᨻ᩠ᨻᩮᩣ. ᨲᨲᩥᨿᨾ᩠ᨸᩥ ᩅᨲ᩠ᨲᨻ᩠ᨻᩮᩣ. ᩈᨧᩮ ᨸᨭᩥᨶᩥᩔᨩ᩠ᨩᨲᩥ, ᩍᨧ᩠ᨧᩮᨲᩴ ᨠᩩᩈᩃᩴ; ᨶᩮᩣ ᨧᩮ ᨸᨭᩥᨶᩥᩔᨩ᩠ᨩᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩮᩣ ᨽᩥᨠ᩠ᨡᩩ ᩈᨾᨶᩩᨽᩣᩈᩥᨲᨻ᩠ᨻᩮᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩈᨾᨶᩩᨽᩣᩈᩥᨲᨻ᩠ᨻᩮᩣ. ᨻ᩠ᨿᨲ᩠ᨲᩮᨶ ᨽᩥᨠ᩠ᨡᩩᨶᩣ ᨸᨭᩥᨻᩃᩮᨶ ᩈᨦ᩠ᨥᩮᩣ ᨬᩣᨸᩮᨲᨻ᩠ᨻᩮᩣ –

᪔᪒᪗. ‘‘ᩈᩩᨱᩣᨲᩩ ¶ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᩋᨿᩴ ᩍᨲ᩠ᨳᨶ᩠ᨶᩣᨾᩮᩣ ᨽᩥᨠ᩠ᨡᩩ ᨽᩥᨠ᩠ᨡᩪᩉᩥ ᩈᩉᨵᨾ᩠ᨾᩥᨠᩴ ᩅᩩᨧ᩠ᨧᨾᩣᨶᩮᩣ ᩋᨲ᩠ᨲᩣᨶᩴ ᩋᩅᨧᨶᩦᨿᩴ ᨠᩁᩮᩣᨲᩥ. ᩈᩮᩣ ᨲᩴ ᩅᨲ᩠ᨳᩩᩴ ᨶ ᨸᨭᩥᨶᩥᩔᨩ᩠ᨩᨲᩥ. ᨿᨴᩥ ᩈᨦ᩠ᨥᩔ ᨸᨲ᩠ᨲᨠᩃ᩠ᩃᩴ, ᩈᨦ᩠ᨥᩮᩣ ᩍᨲ᩠ᨳᨶ᩠ᨶᩣᨾᩴ ᨽᩥᨠ᩠ᨡᩩᩴ ᩈᨾᨶᩩᨽᩣᩈᩮᨿ᩠ᨿ ᨲᩔ ᩅᨲ᩠ᨳᩩᩔ ᨸᨭᩥᨶᩥᩔᨣ᩠ᨣᩣᨿ. ᩑᩈᩣ ᨬᨲ᩠ᨲᩥ.

‘‘ᩈᩩᨱᩣᨲᩩ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᩋᨿᩴ ᩍᨲ᩠ᨳᨶ᩠ᨶᩣᨾᩮᩣ ᨽᩥᨠ᩠ᨡᩩ ᨽᩥᨠ᩠ᨡᩪᩉᩥ ᩈᩉᨵᨾ᩠ᨾᩥᨠᩴ ᩅᩩᨧ᩠ᨧᨾᩣᨶᩮᩣ ᩋᨲ᩠ᨲᩣᨶᩴ ᩋᩅᨧᨶᩦᨿᩴ ᨠᩁᩮᩣᨲᩥ. ᩈᩮᩣ ᨲᩴ ᩅᨲ᩠ᨳᩩᩴ ᨶ ᨸᨭᩥᨶᩥᩔᨩ᩠ᨩᨲᩥ. ᩈᨦ᩠ᨥᩮᩣ ᩍᨲ᩠ᨳᨶ᩠ᨶᩣᨾᩴ ᨽᩥᨠ᩠ᨡᩩᩴ ᩈᨾᨶᩩᨽᩣᩈᨲᩥ ¶ ᨲᩔ ᩅᨲ᩠ᨳᩩᩔ ᨸᨭᩥᨶᩥᩔᨣ᩠ᨣᩣᨿ. ᨿᩔᩣᨿᩈ᩠ᨾᨲᩮᩣ ᨡᨾᨲᩥ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᩈᨾᨶᩩᨽᩣᩈᨶᩣ ᨲᩔ ᩅᨲ᩠ᨳᩩᩔ ᨸᨭᩥᨶᩥᩔᨣ᩠ᨣᩣᨿ, ᩈᩮᩣ ᨲᩩᨱ᩠ᩉᩔ; ᨿᩔ ᨶᨠ᩠ᨡᨾᨲᩥ, ᩈᩮᩣ ᨽᩣᩈᩮᨿ᩠ᨿ.

‘‘ᨴᩩᨲᩥᨿᨾ᩠ᨸᩥ ᩑᨲᨾᨲ᩠ᨳᩴ ᩅᨴᩣᨾᩥ…ᨸᩮ… ᨲᨲᩥᨿᨾ᩠ᨸᩥ ᩑᨲᨾᨲ᩠ᨳᩴ ᩅᨴᩣᨾᩥ – ‘‘ᩈᩩᨱᩣᨲᩩ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᩋᨿᩴ ᩍᨲ᩠ᨳᨶ᩠ᨶᩣᨾᩮᩣ ᨽᩥᨠ᩠ᨡᩩ ᨽᩥᨠ᩠ᨡᩪᩉᩥ ᩈᩉᨵᨾ᩠ᨾᩥᨠᩴ ᩅᩩᨧ᩠ᨧᨾᩣᨶᩮᩣ ᩋᨲ᩠ᨲᩣᨶᩴ ᩋᩅᨧᨶᩦᨿᩴ ᨠᩁᩮᩣᨲᩥ. ᩈᩮᩣ ᨲᩴ ᩅᨲ᩠ᨳᩩᩴ ᨶ ᨸᨭᩥᨶᩥᩔᨩ᩠ᨩᨲᩥ. ᩈᨦ᩠ᨥᩮᩣ ᩍᨲ᩠ᨳᨶ᩠ᨶᩣᨾᩴ ᨽᩥᨠ᩠ᨡᩩᩴ ᩈᨾᨶᩩᨽᩣᩈᨲᩥ ᨲᩔ ᩅᨲ᩠ᨳᩩᩔ ᨸᨭᩥᨶᩥᩔᨣ᩠ᨣᩣᨿ. ᨿᩔᩣᨿᩈ᩠ᨾᨲᩮᩣ ᨡᨾᨲᩥ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᩈᨾᨶᩩᨽᩣᩈᨶᩣ ᨲᩔ ᩅᨲ᩠ᨳᩩᩔ ᨸᨭᩥᨶᩥᩔᨣ᩠ᨣᩣᨿ, ᩈᩮᩣ ¶ ᨲᩩᨱ᩠ᩉᩔ; ᨿᩔ ᨶᨠ᩠ᨡᨾᨲᩥ, ᩈᩮᩣ ᨽᩣᩈᩮᨿ᩠ᨿ.

‘‘ᩈᨾᨶᩩᨽᨭ᩠ᨮᩮᩣ ᩈᨦ᩠ᨥᩮᨶ ᩍᨲ᩠ᨳᨶ᩠ᨶᩣᨾᩮᩣ ᨽᩥᨠ᩠ᨡᩩ ᨲᩔ ᩅᨲ᩠ᨳᩩᩔ ᨸᨭᩥᨶᩥᩔᨣ᩠ᨣᩣᨿ. ᨡᨾᨲᩥ ᩈᨦ᩠ᨥᩔ, ᨲᩈ᩠ᨾᩣ ᨲᩩᨱ᩠ᩉᩦ, ᩑᩅᨾᩮᨲᩴ ᨵᩣᩁᨿᩣᨾᩦ’’ᨲᩥ.

᪔᪒᪘. ᨬᨲ᩠ᨲᩥᨿᩣ ᨴᩩᨠ᩠ᨠᨭᩴ, ᨴ᩠ᩅᩦᩉᩥ ᨠᨾ᩠ᨾᩅᩣᨧᩣᩉᩥ ᨳᩩᩃ᩠ᩃᨧ᩠ᨧᨿᩣ, ᨠᨾ᩠ᨾᩅᩣᨧᩣᨸᩁᩥᨿᩮᩣᩈᩣᨶᩮ ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ. ᩈᨦ᩠ᨥᩣᨴᩥᩈᩮᩈᩴ ᩋᨩ᩠ᨫᩣᨸᨩ᩠ᨩᨶ᩠ᨲᩔ ᨬᨲ᩠ᨲᩥᨿᩣ ᨴᩩᨠ᩠ᨠᨭᩴ, ᨴ᩠ᩅᩦᩉᩥ ᨠᨾ᩠ᨾᩅᩣᨧᩣᩉᩥ ᨳᩩᩃ᩠ᩃᨧ᩠ᨧᨿᩣ ᨸᨭᩥᨸ᩠ᨸᩔᨾ᩠ᨽᨶ᩠ᨲᩥ.

ᩈᨦ᩠ᨥᩣᨴᩥᩈᩮᩈᩮᩣᨲᩥ…ᨸᩮ… ᨲᩮᨶᨸᩥ ᩅᩩᨧ᩠ᨧᨲᩥ ᩈᨦ᩠ᨥᩣᨴᩥᩈᩮᩈᩮᩣᨲᩥ.

᪔᪒᪙. ᨵᨾ᩠ᨾᨠᨾ᩠ᨾᩮ ᨵᨾ᩠ᨾᨠᨾ᩠ᨾᩈᨬ᩠ᨬᩦ ᨶ ᨸᨭᩥᨶᩥᩔᨩ᩠ᨩᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨵᨾ᩠ᨾᨠᨾ᩠ᨾᩮ ᩅᩮᨾᨲᩥᨠᩮᩣ ᨶ ᨸᨭᩥᨶᩥᩔᨩ᩠ᨩᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨵᨾ᩠ᨾᨠᨾ᩠ᨾᩮ ᩋᨵᨾ᩠ᨾᨠᨾ᩠ᨾᩈᨬ᩠ᨬᩦ ᨶ ᨸᨭᩥᨶᩥᩔᨩ᩠ᨩᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩋᨵᨾ᩠ᨾᨠᨾ᩠ᨾᩮ ᨵᨾ᩠ᨾᨠᨾ᩠ᨾᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᩋᨵᨾ᩠ᨾᨠᨾ᩠ᨾᩮ ᩅᩮᨾᨲᩥᨠᩮᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᩋᨵᨾ᩠ᨾᨠᨾ᩠ᨾᩮ ᩋᨵᨾ᩠ᨾᨠᨾ᩠ᨾᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

᪔᪓᪐. ᩋᨶᩣᨸᨲ᩠ᨲᩥ ¶ ¶ ᩋᩈᨾᨶᩩᨽᩣᩈᨶ᩠ᨲᩔ, ᨸᨭᩥᨶᩥᩔᨩ᩠ᨩᨶ᩠ᨲᩔ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᨴᩩᨻ᩠ᨻᨧᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨴ᩠ᩅᩣᨴᩈᨾᩴ.

᪑᪓. ᨠᩩᩃᨴᩪᩈᨠᩈᩥᨠ᩠ᨡᩣᨸᨴᩴ

᪔᪓᪑. [ᩍᨴᩴ ᩅᨲ᩠ᨳᩩ ᨧᩪᩊᩅ. ᪒᪑] ᨲᩮᨶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ ᨩᩮᨲᩅᨶᩮ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᩔᨩᩥᨸᩩᨶᨻ᩠ᨻᩈᩩᨠᩣ ᨶᩣᨾ [ᨶᩣᨾ ᨽᩥᨠ᩠ᨡᩪ (ᨠ.)] ᨠᩦᨭᩣᨣᩥᩁᩥᩈ᩠ᨾᩥᩴ ᩌᩅᩣᩈᩥᨠᩣ ᩉᩮᩣᨶ᩠ᨲᩥ ᩋᩃᨩ᩠ᨩᩥᨶᩮᩣ ᨸᩣᨸᨽᩥᨠ᩠ᨡᩪ. ᨲᩮ [ᨧᩪᩊᩅ. ᪒᪙᪓] ᩑᩅᩁᩪᨸᩴ ᩋᨶᩣᨧᩣᩁᩴ ᩌᨧᩁᨶ᩠ᨲᩥ – ᨾᩣᩃᩣᩅᨧ᩠ᨨᩴ ᩁᩮᩣᨸᩮᨶ᩠ᨲᩥᨸᩥ ᩁᩮᩣᨸᩣᨸᩮᨶ᩠ᨲᩥᨸᩥ, ᩈᩥᨬ᩠ᨧᨶ᩠ᨲᩥᨸᩥ ¶ ᩈᩥᨬ᩠ᨧᩣᨸᩮᨶ᩠ᨲᩥᨸᩥ, ᩒᨧᩥᨶᨶ᩠ᨲᩥᨸᩥ ᩒᨧᩥᨶᩣᨸᩮᨶ᩠ᨲᩥᨸᩥ, ᨣᨶ᩠ᨳᩮᨶ᩠ᨲᩥᨸᩥ ᨣᨶ᩠ᨳᩣᨸᩮᨶ᩠ᨲᩥᨸᩥ, ᩑᨠᨲᩮᩣᩅᨱ᩠ᨭᩥᨠᨾᩣᩃᩴ ᨠᩁᩮᩣᨶ᩠ᨲᩥᨸᩥ ᨠᩣᩁᩣᨸᩮᨶ᩠ᨲᩥᨸᩥ, ᩏᨽᨲᩮᩣᩅᨱ᩠ᨭᩥᨠᨾᩣᩃᩴ ᨠᩁᩮᩣᨶ᩠ᨲᩥᨸᩥ ᨠᩣᩁᩣᨸᩮᨶ᩠ᨲᩥᨸᩥ, ᨾᨬ᩠ᨩᩁᩥᨠᩴ ᨠᩁᩮᩣᨶ᩠ᨲᩥᨸᩥ ᨠᩣᩁᩣᨸᩮᨶ᩠ᨲᩥᨸᩥ, ᩅᩥᨵᩪᨲᩥᨠᩴ ᨠᩁᩮᩣᨶ᩠ᨲᩥᨸᩥ ᨠᩣᩁᩣᨸᩮᨶ᩠ᨲᩥᨸᩥ, ᩅᨭᩴᩈᨠᩴ ᨠᩁᩮᩣᨶ᩠ᨲᩥᨸᩥ ᨠᩣᩁᩣᨸᩮᨶ᩠ᨲᩥᨸᩥ, ᩌᩅᩮᩊᩴ ᨠᩁᩮᩣᨶ᩠ᨲᩥᨸᩥ ᨠᩣᩁᩣᨸᩮᨶ᩠ᨲᩥᨸᩥ, ᩏᩁᨧ᩠ᨨᨴᩴ ᨠᩁᩮᩣᨶ᩠ᨲᩥᨸᩥ ᨠᩣᩁᩣᨸᩮᨶ᩠ᨲᩥᨸᩥ. ᨲᩮ ᨠᩩᩃᩥᨲ᩠ᨳᩦᨶᩴ ᨠᩩᩃᨵᩦᨲᩣᨶᩴ ᨠᩩᩃᨠᩩᨾᩣᩁᩦᨶᩴ ᨠᩩᩃᩈᩩᨱ᩠ᩉᩣᨶᩴ ᨠᩩᩃᨴᩣᩈᩦᨶᩴ ᩑᨠᨲᩮᩣᩅᨱ᩠ᨭᩥᨠᨾᩣᩃᩴ ᩉᩁᨶ᩠ᨲᩥᨸᩥ ᩉᩁᩣᨸᩮᨶ᩠ᨲᩥᨸᩥ, ᩏᨽᨲᩮᩣᩅᨱ᩠ᨭᩥᨠᨾᩣᩃᩴ ᩉᩁᨶ᩠ᨲᩥᨸᩥ ᩉᩁᩣᨸᩮᨶ᩠ᨲᩥᨸᩥ, ᨾᨬ᩠ᨩᩁᩥᨠᩴ ᩉᩁᨶ᩠ᨲᩥᨸᩥ ᩉᩁᩣᨸᩮᨶ᩠ᨲᩥᨸᩥ, ᩅᩥᨵᩪᨲᩥᨠᩴ ᩉᩁᨶ᩠ᨲᩥᨸᩥ ᩉᩁᩣᨸᩮᨶ᩠ᨲᩥᨸᩥ, ᩅᨭᩴᩈᨠᩴ ᩉᩁᨶ᩠ᨲᩥᨸᩥ ᩉᩁᩣᨸᩮᨶ᩠ᨲᩥᨸᩥ, ᩌᩅᩮᩊᩴ ᩉᩁᨶ᩠ᨲᩥᨸᩥ ᩉᩁᩣᨸᩮᨶ᩠ᨲᩥᨸᩥ, ᩏᩁᨧ᩠ᨨᨴᩴ ᩉᩁᨶ᩠ᨲᩥᨸᩥ ᩉᩁᩣᨸᩮᨶ᩠ᨲᩥᨸᩥ. ᨲᩮ ᨠᩩᩃᩥᨲ᩠ᨳᩦᩉᩥ ᨠᩩᩃᨵᩦᨲᩣᩉᩥ ᨠᩩᩃᨠᩩᨾᩣᩁᩦᩉᩥ ᨠᩩᩃᩈᩩᨱ᩠ᩉᩣᩉᩥ ᨠᩩᩃᨴᩣᩈᩦᩉᩥ ᩈᨴ᩠ᨵᩥᩴ ᩑᨠᨽᩣᨩᨶᩮᨸᩥ ᨽᩩᨬ᩠ᨩᨶ᩠ᨲᩥ, ᩑᨠᨳᩣᩃᨠᩮᨸᩥ ᨸᩥᩅᨶ᩠ᨲᩥ, ᩑᨠᩣᩈᨶᩮᨸᩥ ᨶᩥᩈᩦᨴᨶ᩠ᨲᩥ, ᩑᨠᨾᨬ᩠ᨧᩮᨸᩥ ᨲᩩᩅᨭ᩠ᨭᩮᨶ᩠ᨲᩥ, ᩑᨠᨲ᩠ᨳᩁᨱᩣᨸᩥ ᨲᩩᩅᨭ᩠ᨭᩮᨶ᩠ᨲᩥ, ᩑᨠᨸᩣᩅᩩᩁᨱᩣᨸᩥ ᨲᩩᩅᨭ᩠ᨭᩮᨶ᩠ᨲᩥ, ᩑᨠᨲ᩠ᨳᩁᨱᨸᩣᩅᩩᩁᨱᩣᨸᩥ ᨲᩩᩅᨭ᩠ᨭᩮᨶ᩠ᨲᩥ, ᩅᩥᨠᩣᩃᩮᨸᩥ ᨽᩩᨬ᩠ᨩᨶ᩠ᨲᩥ, ᨾᨩ᩠ᨩᨾ᩠ᨸᩥ ᨸᩥᩅᨶ᩠ᨲᩥ, ᨾᩣᩃᩣᨣᨶ᩠ᨵᩅᩥᩃᩮᨸᨶᨾ᩠ᨸᩥ ᨵᩣᩁᩮᨶ᩠ᨲᩥ, ᨶᨧ᩠ᨧᨶ᩠ᨲᩥᨸᩥ ᨣᩣᨿᨶ᩠ᨲᩥᨸᩥ ᩅᩣᨴᩮᨶ᩠ᨲᩥᨸᩥ ¶ ᩃᩣᩈᩮᨶ᩠ᨲᩥᨸᩥ, ᨶᨧ᩠ᨧᨶ᩠ᨲᩥᨿᩣᨸᩥ ᨶᨧ᩠ᨧᨶ᩠ᨲᩥ, ᨶᨧ᩠ᨧᨶ᩠ᨲᩥᨿᩣᨸᩥ ᨣᩣᨿᨶ᩠ᨲᩥ, ᨶᨧ᩠ᨧᨶ᩠ᨲᩥᨿᩣᨸᩥ ᩅᩣᨴᩮᨶ᩠ᨲᩥ, ᨶᨧ᩠ᨧᨶ᩠ᨲᩥᨿᩣᨸᩥ ᩃᩣᩈᩮᨶ᩠ᨲᩥ, ᨣᩣᨿᨶ᩠ᨲᩥᨿᩣᨸᩥ ᨶᨧ᩠ᨧᨶ᩠ᨲᩥ, ᨣᩣᨿᨶ᩠ᨲᩥᨿᩣᨸᩥ ᨣᩣᨿᨶ᩠ᨲᩥ, ᨣᩣᨿᨶ᩠ᨲᩥᨿᩣᨸᩥ ᩅᩣᨴᩮᨶ᩠ᨲᩥ, ᨣᩣᨿᨶ᩠ᨲᩥᨿᩣᨸᩥ ᩃᩣᩈᩮᨶ᩠ᨲᩥ, ᩅᩣᨴᩮᨶ᩠ᨲᩥᨿᩣᨸᩥ ᨶᨧ᩠ᨧᨶ᩠ᨲᩥ, ᩅᩣᨴᩮᨶ᩠ᨲᩥᨿᩣᨸᩥ ᨣᩣᨿᨶ᩠ᨲᩥ, ᩅᩣᨴᩮᨶ᩠ᨲᩥᨿᩣᨸᩥ ᩅᩣᨴᩮᨶ᩠ᨲᩥ, ᩅᩣᨴᩮᨶ᩠ᨲᩥᨿᩣᨸᩥ ᩃᩣᩈᩮᨶ᩠ᨲᩥ, ᩃᩣᩈᩮᨶ᩠ᨲᩥᨿᩣᨸᩥ ᨶᨧ᩠ᨧᨶ᩠ᨲᩥ, ᩃᩣᩈᩮᨶ᩠ᨲᩥᨿᩣᨸᩥ ᨣᩣᨿᨶ᩠ᨲᩥ, ᩃᩣᩈᩮᨶ᩠ᨲᩥᨿᩣᨸᩥ ᩅᩣᨴᩮᨶ᩠ᨲᩥ, ᩃᩣᩈᩮᨶ᩠ᨲᩥᨿᩣᨸᩥ ¶ ᩃᩣᩈᩮᨶ᩠ᨲᩥ. ᩋᨭ᩠ᨮᨸᨴᩮᨸᩥ ᨠᩦᩊᨶ᩠ᨲᩥ, ᨴᩈᨸᨴᩮᨸᩥ ᨠᩦᩊᨶ᩠ᨲᩥ, ᩌᨠᩣᩈᩮᨸᩥ ᨠᩦᩊᨶ᩠ᨲᩥ, ᨸᩁᩥᩉᩣᩁᨸᨳᩮᨸᩥ ᨠᩦᩊᨶ᩠ᨲᩥ, ᩈᨶ᩠ᨲᩥᨠᩣᨿᨸᩥ ᨠᩦᩊᨶ᩠ᨲᩥ, ᨡᩃᩥᨠᩣᨿᨸᩥ ᨠᩦᩊᨶ᩠ᨲᩥ, ᨥᨭᩥᨠᩣᨿᨸᩥ ¶ ᨠᩦᩊᨶ᩠ᨲᩥ, ᩈᩃᩣᨠᩉᨲ᩠ᨳᩮᨶᨸᩥ ᨠᩦᩊᨶ᩠ᨲᩥ, ᩋᨠ᩠ᨡᩮᨶᨸᩥ ᨠᩦᩊᨶ᩠ᨲᩥ, ᨸᨦ᩠ᨣᨧᩦᩁᩮᨶᨸᩥ ᨠᩦᩊᨶ᩠ᨲᩥ, ᩅᨦ᩠ᨠᨠᩮᨶᨸᩥ ᨠᩦᩊᨶ᩠ᨲᩥ, ᨾᩮᩣᨠ᩠ᨡᨧᩥᨠᩣᨿᨸᩥ ᨠᩦᩊᨶ᩠ᨲᩥ, ᨧᩥᨦ᩠ᨣᩩᩃᨠᩮᨶᨸᩥ ᨠᩦᩊᨶ᩠ᨲᩥ, ᨸᨲ᩠ᨲᩣᩊ᩠ᩉᨠᩮᨶᨸᩥ ᨠᩦᩊᨶ᩠ᨲᩥ, ᩁᨳᨠᩮᨶᨸᩥ ᨠᩦᩊᨶ᩠ᨲᩥ, ᨵᨶᩩᨠᩮᨶᨸᩥ ᨠᩦᩊᨶ᩠ᨲᩥ, ᩋᨠ᩠ᨡᩁᩥᨠᩣᨿᨸᩥ ᨠᩦᩊᨶ᩠ᨲᩥ, ᨾᨶᩮᩈᩥᨠᩣᨿᨸᩥ ᨠᩦᩊᨶ᩠ᨲᩥ, ᨿᨳᩣᩅᨩ᩠ᨩᩮᨶᨸᩥ ᨠᩦᩊᨶ᩠ᨲᩥ. ᩉᨲ᩠ᨳᩥᩈ᩠ᨾᩥᨾ᩠ᨸᩥ ᩈᩥᨠ᩠ᨡᨶ᩠ᨲᩥ, ᩋᩔᩈ᩠ᨾᩥᨾ᩠ᨸᩥ ᩈᩥᨠ᩠ᨡᨶ᩠ᨲᩥ, ᩁᨳᩈ᩠ᨾᩥᨾ᩠ᨸᩥ ᩈᩥᨠ᩠ᨡᨶ᩠ᨲᩥ, ᨵᨶᩩᩈ᩠ᨾᩥᨾ᩠ᨸᩥ ᩈᩥᨠ᩠ᨡᨶ᩠ᨲᩥ, ᨳᩁᩩᩈ᩠ᨾᩥᨾ᩠ᨸᩥ ᩈᩥᨠ᩠ᨡᨶ᩠ᨲᩥ, ᩉᨲ᩠ᨳᩥᩔᨸᩥ ᨸᩩᩁᨲᩮᩣ ᨵᩣᩅᨶ᩠ᨲᩥ, ᩋᩔᩔᨸᩥ ᨸᩩᩁᨲᩮᩣ ᨵᩣᩅᨶ᩠ᨲᩥ, ᩁᨳᩔᨸᩥ ᨸᩩᩁᨲᩮᩣ [ᨸᩩᩁᨲᩮᩣ ᨵᩣᩅᨶ᩠ᨲᩥ (ᩈ᩠ᨿᩣ.)] ᨵᩣᩅᨶ᩠ᨲᩥᨸᩥ ᩌᨵᩣᩅᨶ᩠ᨲᩥᨸᩥ, ᩏᩔᩮᩊᩮᨶ᩠ᨲᩥᨸᩥ, ᩋᨸ᩠ᨹᩮᩣᨭᩮᨶ᩠ᨲᩥᨸᩥ, ᨶᩥᨻ᩠ᨻᩩᨩ᩠ᨫᨶ᩠ᨲᩥᨸᩥ, ᨾᩩᨭ᩠ᨮᩦᩉᩥᨸᩥ ᨿᩩᨩ᩠ᨫᨶ᩠ᨲᩥ, ᩁᨦ᩠ᨣᨾᨩ᩠ᨫᩮᨸᩥ ᩈᨦ᩠ᨥᩣᨭᩥᩴ ᨸᨲ᩠ᨳᩁᩥᨲ᩠ᩅᩣ ᨶᨧ᩠ᨧᨠᩥᩴ [ᨶᨧ᩠ᨧᨶ᩠ᨲᩥᩴ (ᩈᩦ. ᩈ᩠ᨿᩣ.)] ᩑᩅᩴ ᩅᨴᨶ᩠ᨲᩥ – ᩍᨵ, ᨽᨣᩥᨶᩥ, ᨶᨧ᩠ᨧᩔᩪᨲᩥ, ᨶᩃᩣᨭᩥᨠᨾ᩠ᨸᩥ ᨴᩮᨶ᩠ᨲᩥ, ᩅᩥᩅᩥᨵᨾ᩠ᨸᩥ ᩋᨶᩣᨧᩣᩁᩴ ᩌᨧᩁᨶ᩠ᨲᩥ.

᪔᪓᪒. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨠᩣᩈᩦᩈᩩ ᩅᩔᩴᩅᩩᨭ᩠ᨮᩮᩣ ᩈᩣᩅᨲ᩠ᨳᩥᩴ ¶ ᨣᨧ᩠ᨨᨶ᩠ᨲᩮᩣ ᨽᨣᩅᨶ᩠ᨲᩴ ᨴᩔᨶᩣᨿ, ᨿᩮᨶ ᨠᩦᨭᩣᨣᩥᩁᩥ ¶ ᨲᨴᩅᩈᩁᩥ. ᩋᨳ ᨡᩮᩣ ᩈᩮᩣ ᨽᩥᨠ᩠ᨡᩩ ᨸᩩᨻ᩠ᨻᨱ᩠ᩉᩈᨾᨿᩴ ᨶᩥᩅᩣᩈᩮᨲ᩠ᩅᩣ ᨸᨲ᩠ᨲᨧᩦᩅᩁᨾᩣᨴᩣᨿ ᨠᩦᨭᩣᨣᩥᩁᩥᩴ ᨸᩥᨱ᩠ᨯᩣᨿ ᨸᩣᩅᩥᩈᩥ ᨸᩣᩈᩣᨴᩥᨠᩮᨶ ᩋᨽᩥᨠ᩠ᨠᨶ᩠ᨲᩮᨶ ᨸᨭᩥᨠ᩠ᨠᨶ᩠ᨲᩮᨶ ᩌᩃᩮᩣᨠᩥᨲᩮᨶ ᩅᩥᩃᩮᩣᨠᩥᨲᩮᨶ ᩈᨾᩥᨬ᩠ᨩᩥᨲᩮᨶ ᨸᩈᩣᩁᩥᨲᩮᨶ ᩒᨠ᩠ᨡᩥᨲ᩠ᨲᨧᨠ᩠ᨡᩩ ᩍᩁᩥᨿᩣᨸᨳᩈᨾ᩠ᨸᨶ᩠ᨶᩮᩣ. ᨾᨶᩩᩔᩣ ᨲᩴ ᨽᩥᨠ᩠ᨡᩩᩴ ᨸᩔᩥᨲ᩠ᩅᩣ ᩑᩅᨾᩣᩉᩴᩈᩩ – ‘‘ᨠ᩠ᩅᩣᨿᩴ ᩋᨻᩃᨻᩃᩮᩣ ᩅᩥᨿ ᨾᨶ᩠ᨴᨾᨶ᩠ᨴᩮᩣ ᩅᩥᨿ ᨽᩣᨠᩩᨭᩥᨠᨽᩣᨠᩩᨭᩥᨠᩮᩣ ᩅᩥᨿ? ᨠᩮᩣ ᩍᨾᩔ ᩏᨸᨣᨲᩔ ᨸᩥᨱ᩠ᨯᨠᩴ ᨴᩔᨲᩥ? ᩋᨾ᩠ᩉᩣᨠᩴ ᨸᨶ ᩋᨿ᩠ᨿᩣ ᩋᩔᨩᩥᨸᩩᨶᨻ᩠ᨻᩈᩩᨠᩣ ᩈᨱ᩠ᩉᩣ ᩈᨡᩥᩃᩣ ᩈᩩᨡᩈᨾ᩠ᨽᩣᩈᩣ ᨾᩥᩉᩥᨲᨸᩩᨻ᩠ᨻᨦ᩠ᨣᨾᩣ ᩑᩉᩥᩈ᩠ᩅᩣᨣᨲᩅᩣᨴᩥᨶᩮᩣ ᩋᨻ᩠ᨽᩣᨠᩩᨭᩥᨠᩣ ᩏᨲ᩠ᨲᩣᨶᨾᩩᨡᩣ ᨸᩩᨻ᩠ᨻᨽᩣᩈᩥᨶᩮᩣ. ᨲᩮᩈᩴ ᨡᩮᩣ ᨶᩣᨾ ᨸᩥᨱ᩠ᨯᩮᩣ ᨴᩣᨲᨻ᩠ᨻᩮᩣ’’ᨲᩥ.

ᩋᨴ᩠ᨴᩈᩣ ᨡᩮᩣ ᩋᨬ᩠ᨬᨲᩁᩮᩣ ᩏᨸᩣᩈᨠᩮᩣ ᨲᩴ ᨽᩥᨠ᩠ᨡᩩᩴ ᨠᩦᨭᩣᨣᩥᩁᩥᩈ᩠ᨾᩥᩴ ᨸᩥᨱ᩠ᨯᩣᨿ ᨧᩁᨶ᩠ᨲᩴ. ᨴᩥᩈ᩠ᩅᩣᨶ ᨿᩮᨶ ᩈᩮᩣ ᨽᩥᨠ᩠ᨡᩩ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨲᩴ ᨽᩥᨠ᩠ᨡᩩᩴ ᩋᨽᩥᩅᩣᨴᩮᨲ᩠ᩅᩣ ᩑᨲᨴᩅᩮᩣᨧ – ‘‘ᩋᨸᩥ, ᨽᨶ᩠ᨲᩮ, ᨸᩥᨱ᩠ᨯᩮᩣ ᩃᨻ᩠ᨽᨲᩦ’’ᨲᩥ? ‘‘ᨶ ᨡᩮᩣ, ᩌᩅᩩᩈᩮᩣ, ᨸᩥᨱ᩠ᨯᩮᩣ ᩃᨻ᩠ᨽᨲᩦ’’ᨲᩥ. ‘‘ᩑᩉᩥ, ᨽᨶ᩠ᨲᩮ, ᨥᩁᩴ ᨣᨾᩥᩔᩣᨾᩣ’’ᨲᩥ. ᩋᨳ ᨡᩮᩣ ᩈᩮᩣ ᩏᨸᩣᩈᨠᩮᩣ ᨲᩴ ᨽᩥᨠ᩠ᨡᩩᩴ ᨥᩁᩴ ᨶᩮᨲ᩠ᩅᩣ ᨽᩮᩣᨩᩮᨲ᩠ᩅᩣ ᩑᨲᨴᩅᩮᩣᨧ – ‘‘ᨠᩉᩴ, ᨽᨶ᩠ᨲᩮ, ᩋᨿ᩠ᨿᩮᩣ ᨣᨾᩥᩔᨲᩦ’’ᨲᩥ? ‘‘ᩈᩣᩅᨲ᩠ᨳᩥᩴ ᨡᩮᩣ ᩋᩉᩴ, ᩌᩅᩩᩈᩮᩣ, ᨣᨾᩥᩔᩣᨾᩥ ᨽᨣᩅᨶ᩠ᨲᩴ ᨴᩔᨶᩣᨿᩣ’’ᨲᩥ. ‘‘ᨲᩮᨶ ᩉᩥ, ᨽᨶ᩠ᨲᩮ, ᨾᨾ ᩅᨧᨶᩮᨶ ᨽᨣᩅᨲᩮᩣ ¶ ᨸᩣᨴᩮ ᩈᩥᩁᩈᩣ ᩅᨶ᩠ᨴ, ᩑᩅᨬ᩠ᨧ ᩅᨴᩮᩉᩥ – ‘ᨴᩩᨭ᩠ᨮᩮᩣ, ᨽᨶ᩠ᨲᩮ, ᨠᩦᨭᩣᨣᩥᩁᩥᩈ᩠ᨾᩥᩴ ᩌᩅᩣᩈᩮᩣ. ᩋᩔᨩᩥᨸᩩᨶᨻ᩠ᨻᩈᩩᨠᩣ ᨶᩣᨾ ᨠᩦᨭᩣᨣᩥᩁᩥᩈ᩠ᨾᩥᩴ ᩌᩅᩣᩈᩥᨠᩣ ᩋᩃᨩ᩠ᨩᩥᨶᩮᩣ ᨸᩣᨸᨽᩥᨠ᩠ᨡᩪ. ᨲᩮ ᩑᩅᩁᩪᨸᩴ ᩋᨶᩣᨧᩣᩁᩴ ᩌᨧᩁᨶ᩠ᨲᩥ – ᨾᩣᩃᩣᩅᨧ᩠ᨨᩴ ᩁᩮᩣᨸᩮᨶ᩠ᨲᩥᨸᩥ ᩁᩮᩣᨸᩣᨸᩮᨶ᩠ᨲᩥᨸᩥ, ᩈᩥᨬ᩠ᨧᨶ᩠ᨲᩥᨸᩥ ᩈᩥᨬ᩠ᨧᩣᨸᩮᨶ᩠ᨲᩥᨸᩥ…ᨸᩮ… ¶ ᩅᩥᩅᩥᨵᨾ᩠ᨸᩥ ᩋᨶᩣᨧᩣᩁᩴ ᩌᨧᩁᨶ᩠ᨲᩥ. ᨿᩮᨸᩥ ¶ ᨲᩮ, ᨽᨶ᩠ᨲᩮ, ᨾᨶᩩᩔᩣ ᨸᩩᨻ᩠ᨻᩮ ᩈᨴ᩠ᨵᩣ ᩋᩉᩮᩈᩩᩴ ᨸᩈᨶ᩠ᨶᩣ ᨲᩮᨸᩥ ᩑᨲᩁᩉᩥ ᩋᩔᨴ᩠ᨵᩣ ᩋᨸ᩠ᨸᩈᨶ᩠ᨶᩣ. ᨿᩣᨶᩥᨸᩥ ᨲᩣᨶᩥ ᩈᨦ᩠ᨥᩔ ᨸᩩᨻ᩠ᨻᩮ ᨴᩣᨶᨸᨳᩣᨶᩥ ᨲᩣᨶᩥᨸᩥ ᩑᨲᩁᩉᩥ ᩏᨸᨧ᩠ᨨᩥᨶ᩠ᨶᩣᨶᩥ. ᩁᩥᨬ᩠ᨧᨶ᩠ᨲᩥ ᨸᩮᩈᩃᩣ ᨽᩥᨠ᩠ᨡᩪ, ᨶᩥᩅᩈᨶ᩠ᨲᩥ ᨸᩣᨸᨽᩥᨠ᩠ᨡᩪ. ᩈᩣᨵᩩ, ᨽᨶ᩠ᨲᩮ, ᨽᨣᩅᩣ ᨠᩦᨭᩣᨣᩥᩁᩥᩴ ᨽᩥᨠ᩠ᨡᩪ ᨸᩉᩥᨱᩮᨿ᩠ᨿ ᨿᨳᩣᨿᩴ ᨠᩦᨭᩣᨣᩥᩁᩥᩈ᩠ᨾᩥᩴ ᩌᩅᩣᩈᩮᩣ ᩈᨱ᩠ᨮᩉᩮᨿ᩠ᨿᩣ’’’ᨲᩥ.

ᩑᩅᨾᩣᩅᩩᩈᩮᩣᨲᩥ ᨡᩮᩣ ᩈᩮᩣ ᨽᩥᨠ᩠ᨡᩩ ᨲᩔ ᩏᨸᩣᩈᨠᩔ ᨸᨭᩥᩔᩩᨲ᩠ᩅᩣ ᨿᩮᨶ ᩈᩣᩅᨲ᩠ᨳᩥ ᨲᩮᨶ ᨸᨠ᩠ᨠᩣᨾᩥ. ᩋᨶᩩᨸᩩᨻ᩠ᨻᩮᨶ ᨿᩮᨶ ᩈᩣᩅᨲ᩠ᨳᩥ ᨩᩮᨲᩅᨶᩴ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮᩣ ᨿᩮᨶ ᨽᨣᩅᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨽᨣᩅᨶ᩠ᨲᩴ ᩋᨽᩥᩅᩣᨴᩮᨲ᩠ᩅᩣ ᩑᨠᨾᨶ᩠ᨲᩴ ᨶᩥᩈᩦᨴᩥ. ᩌᨧᩥᨱ᩠ᨱᩴ ᨡᩮᩣ ᨸᨶᩮᨲᩴ ᨻᩩᨴ᩠ᨵᩣᨶᩴ ᨽᨣᩅᨶ᩠ᨲᩣᨶᩴ ᩌᨣᨶ᩠ᨲᩩᨠᩮᩉᩥ ᨽᩥᨠ᩠ᨡᩪᩉᩥ ᩈᨴ᩠ᨵᩥᩴ ᨸᨭᩥᩈᨾ᩠ᨾᩮᩣᨴᩥᨲᩩᩴ. ᩋᨳ ᨡᩮᩣ ᨽᨣᩅᩣ ᨲᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᨠᨧ᩠ᨧᩥ, ᨽᩥᨠ᩠ᨡᩩ, ᨡᨾᨶᩦᨿᩴ ᨠᨧ᩠ᨧᩥ ᨿᩣᨸᨶᩦᨿᩴ, ᨠᨧ᩠ᨧᩥᩈᩥ ᩋᨸ᩠ᨸᨠᩥᩃᨾᨳᩮᨶ ᩋᨴ᩠ᨵᩣᨶᩴ ᩌᨣᨲᩮᩣ, ᨠᩩᨲᩮᩣ ᨧ ᨲ᩠ᩅᩴ ᨽᩥᨠ᩠ᨡᩩ ᩌᨣᨧ᩠ᨨᩈᩦ’’ᨲᩥ? ‘‘ᨡᨾᨶᩦᨿᩴ, ᨽᨣᩅᩣ, ᨿᩣᨸᨶᩦᨿᩴ, ᨽᨣᩅᩣ. ᩋᨸ᩠ᨸᨠᩥᩃᨾᨳᩮᨶ ᨧᩣᩉᩴ, ᨽᨶ᩠ᨲᩮ, ᩋᨴ᩠ᨵᩣᨶᩴ ¶ ᩌᨣᨲᩮᩣ. ᩍᨵᩣᩉᩴ, ᨽᨶ᩠ᨲᩮ, ᨠᩣᩈᩦᩈᩩ ᩅᩔᩴᩅᩩᨭ᩠ᨮᩮᩣ ᩈᩣᩅᨲ᩠ᨳᩥᩴ ᩌᨣᨧ᩠ᨨᨶ᩠ᨲᩮᩣ ᨽᨣᩅᨶ᩠ᨲᩴ ᨴᩔᨶᩣᨿ ᨿᩮᨶ ᨠᩦᨭᩣᨣᩥᩁᩥ ᨲᨴᩅᩈᩁᩥᩴ. ᩋᨳ ᨡ᩠ᩅᩣᩉᩴ, ᨽᨶ᩠ᨲᩮ, ᨸᩩᨻ᩠ᨻᨱ᩠ᩉᩈᨾᨿᩴ ᨶᩥᩅᩣᩈᩮᨲ᩠ᩅᩣ ᨸᨲ᩠ᨲᨧᩦᩅᩁᨾᩣᨴᩣᨿ ᨠᩦᨭᩣᨣᩥᩁᩥᩴ ᨸᩥᨱ᩠ᨯᩣᨿ ᨸᩣᩅᩥᩈᩥᩴ. ᩋᨴ᩠ᨴᩈᩣ ᨡᩮᩣ ᨾᩴ, ᨽᨶ᩠ᨲᩮ, ᩋᨬ᩠ᨬᨲᩁᩮᩣ ¶ ᩏᨸᩣᩈᨠᩮᩣ ᨠᩦᨭᩣᨣᩥᩁᩥᩈ᩠ᨾᩥᩴ ᨸᩥᨱ᩠ᨯᩣᨿ ᨧᩁᨶ᩠ᨲᩴ. ᨴᩥᩈ᩠ᩅᩣᨶ ᨿᩮᨶᩣᩉᩴ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨾᩴ ᩋᨽᩥᩅᩣᨴᩮᨲ᩠ᩅᩣ ᩑᨲᨴᩅᩮᩣᨧ – ‘ᩋᨸᩥ, ᨽᨶ᩠ᨲᩮ, ᨸᩥᨱ᩠ᨯᩮᩣ ᩃᨻ᩠ᨽᨲᩦ’ᨲᩥ? ‘ᨶ ᨡᩮᩣ, ᩌᩅᩩᩈᩮᩣ, ᨸᩥᨱ᩠ᨯᩮᩣ ᩃᨻ᩠ᨽᨲᩦ’ᨲᩥ. ‘ᩑᩉᩥ, ᨽᨶ᩠ᨲᩮ, ᨥᩁᩴ ᨣᨾᩥᩔᩣᨾᩣ’ᨲᩥ. ᩋᨳ ᨡᩮᩣ, ᨽᨶ᩠ᨲᩮ, ᩈᩮᩣ ᩏᨸᩣᩈᨠᩮᩣ ᨾᩴ ᨥᩁᩴ ᨶᩮᨲ᩠ᩅᩣ ᨽᩮᩣᨩᩮᨲ᩠ᩅᩣ ᩑᨲᨴᩅᩮᩣᨧ – ‘ᨠᩉᩴ, ᨽᨶ᩠ᨲᩮ, ᩋᨿ᩠ᨿᩮᩣ ᨣᨾᩥᩔᩈᩦ’ᨲᩥ? ‘ᩈᩣᩅᨲ᩠ᨳᩥᩴ ᨡᩮᩣ ᩋᩉᩴ, ᩌᩅᩩᩈᩮᩣ, ᨣᨾᩥᩔᩣᨾᩥ ᨽᨣᩅᨶ᩠ᨲᩴ ᨴᩔᨶᩣᨿᩣ’ᨲᩥ. ᨲᩮᨶ ᩉᩥ, ᨽᨶ᩠ᨲᩮ, ᨾᨾ ᩅᨧᨶᩮᨶ ᨽᨣᩅᨲᩮᩣ ᨸᩣᨴᩮ ᩈᩥᩁᩈᩣ ᩅᨶ᩠ᨴ, ᩑᩅᨬ᩠ᨧ ᩅᨴᩮᩉᩥ – ‘ᨴᩩᨭ᩠ᨮᩮᩣ, ᨽᨶ᩠ᨲᩮ, ᨠᩦᨭᩣᨣᩥᩁᩥᩈ᩠ᨾᩥᩴ ᩌᩅᩣᩈᩮᩣ, ᩋᩔᨩᩥᨸᩩᨶᨻ᩠ᨻᩈᩩᨠᩣ ᨶᩣᨾ ᨠᩦᨭᩣᨣᩥᩁᩥᩈ᩠ᨾᩥᩴ ᩌᩅᩣᩈᩥᨠᩣ ᩋᩃᨩ᩠ᨩᩥᨶᩮᩣ ᨸᩣᨸᨽᩥᨠ᩠ᨡᩪ. ᨲᩮ ᩑᩅᩁᩪᨸᩴ ᩋᨶᩣᨧᩣᩁᩴ ᩌᨧᩁᨶ᩠ᨲᩥ – ᨾᩣᩃᩣᩅᨧ᩠ᨨᩴ ᩁᩮᩣᨸᩮᨶ᩠ᨲᩥᨸᩥ ᩁᩮᩣᨸᩣᨸᩮᨶ᩠ᨲᩥᨸᩥ, ᩈᩥᨬ᩠ᨧᨶ᩠ᨲᩥᨸᩥ ᩈᩥᨬ᩠ᨧᩣᨸᩮᨶ᩠ᨲᩥᨸᩥ…ᨸᩮ… ᩅᩥᩅᩥᨵᨾ᩠ᨸᩥ ᩋᨶᩣᨧᩣᩁᩴ ᩌᨧᩁᨶ᩠ᨲᩥ. ᨿᩮᨸᩥ ᨲᩮ, ᨽᨶ᩠ᨲᩮ, ᨾᨶᩩᩔᩣ ᨸᩩᨻ᩠ᨻᩮ ᩈᨴ᩠ᨵᩣ ᩋᩉᩮᩈᩩᩴ ¶ ᨸᩈᨶ᩠ᨶᩣ ᨲᩮᨸᩥ ᩑᨲᩁᩉᩥ ᩋᩔᨴ᩠ᨵᩣ ᩋᨸ᩠ᨸᩈᨶ᩠ᨶᩣ, ᨿᩣᨶᩥᨸᩥ ᨲᩣᨶᩥ ᩈᨦ᩠ᨥᩔ ᨸᩩᨻ᩠ᨻᩮ ᨴᩣᨶᨸᨳᩣᨶᩥ ᨲᩣᨶᩥᨸᩥ ᩑᨲᩁᩉᩥ ᩏᨸᨧ᩠ᨨᩥᨶ᩠ᨶᩣᨶᩥ, ᩁᩥᨬ᩠ᨧᨶ᩠ᨲᩥ ᨸᩮᩈᩃᩣ ᨽᩥᨠ᩠ᨡᩪ ᨶᩥᩅᩈᨶ᩠ᨲᩥ ᨸᩣᨸᨽᩥᨠ᩠ᨡᩪ. ᩈᩣᨵᩩ, ᨽᨶ᩠ᨲᩮ, ᨽᨣᩅᩣ ᨠᩦᨭᩣᨣᩥᩁᩥᩴ ᨽᩥᨠ᩠ᨡᩪ ᨸᩉᩥᨱᩮᨿ᩠ᨿ ᨿᨳᩣᨿᩴ ᨠᩦᨭᩣᨣᩥᩁᩥᩈ᩠ᨾᩥᩴ ᩌᩅᩣᩈᩮᩣ ᩈᨱ᩠ᨮᩉᩮᨿ᩠ᨿᩣ’ᨲᩥ. ᨲᨲᩮᩣ ᩋᩉᩴ, ᨽᨣᩅᩣ, ᩌᨣᨧ᩠ᨨᩣᨾᩦ’’ᨲᩥ.

᪔᪓᪓. ᩋᨳ ᨡᩮᩣ ᨽᨣᩅᩣ ᩑᨲᩈ᩠ᨾᩥᩴ ᨶᩥᨴᩣᨶᩮ ᩑᨲᩈ᩠ᨾᩥᩴ ᨸᨠᩁᨱᩮ ᨽᩥᨠ᩠ᨡᩩᩈᨦ᩠ᨥᩴ ᩈᨶ᩠ᨶᩥᨸᩣᨲᩣᨸᩮᨲ᩠ᩅᩣ ᨽᩥᨠ᩠ᨡᩪ ¶ ᨸᨭᩥᨸᩩᨧ᩠ᨨᩥ – ‘‘ᩈᨧ᩠ᨧᩴ ᨠᩥᩁ, ᨽᩥᨠ᩠ᨡᩅᩮ, ᩋᩔᨩᩥᨸᩩᨶᨻ᩠ᨻᩈᩩᨠᩣ ᨶᩣᨾ ᨠᩦᨭᩣᨣᩥᩁᩥᩈ᩠ᨾᩥᩴ ᩌᩅᩣᩈᩥᨠᩣ ᩋᩃᨩ᩠ᨩᩥᨶᩮᩣ ᨸᩣᨸᨽᩥᨠ᩠ᨡᩪ ᨲᩮ ᩑᩅᩁᩪᨸᩴ ᩋᨶᩣᨧᩣᩁᩴ ᩌᨧᩁᨶ᩠ᨲᩥ – ᨾᩣᩃᩣᩅᨧ᩠ᨨᩴ ᩁᩮᩣᨸᩮᨶ᩠ᨲᩥᨸᩥ ᩁᩮᩣᨸᩣᨸᩮᨶ᩠ᨲᩥᨸᩥ, ᩈᩥᨬ᩠ᨧᨶ᩠ᨲᩥᨸᩥ ᩈᩥᨬ᩠ᨧᩣᨸᩮᨶ᩠ᨲᩥᨸᩥ ¶ …ᨸᩮ… ᩅᩥᩅᩥᨵᨾ᩠ᨸᩥ ᩋᨶᩣᨧᩣᩁᩴ ᩌᨧᩁᨶ᩠ᨲᩥ, ᨿᩮᨸᩥ ᨲᩮ, ᨽᩥᨠ᩠ᨡᩅᩮ, ᨾᨶᩩᩔᩣ ᨸᩩᨻ᩠ᨻᩮ ᩈᨴ᩠ᨵᩣ ᩋᩉᩮᩈᩩᩴ ᨸᩈᨶ᩠ᨶᩣ ᨲᩮᨸᩥ ᩑᨲᩁᩉᩥ ᩋᩔᨴ᩠ᨵᩣ ᩋᨸ᩠ᨸᩈᨶ᩠ᨶᩣ; ᨿᩣᨶᩥᨸᩥ ᨲᩣᨶᩥ ᩈᨦ᩠ᨥᩔ ᨸᩩᨻ᩠ᨻᩮ ᨴᩣᨶᨸᨳᩣᨶᩥ ᨲᩣᨶᩥᨸᩥ ᩑᨲᩁᩉᩥ ᩏᨸᨧ᩠ᨨᩥᨶ᩠ᨶᩣᨶᩥ; ᩁᩥᨬ᩠ᨧᨶ᩠ᨲᩥ ᨸᩮᩈᩃᩣ ᨽᩥᨠ᩠ᨡᩪ ᨶᩥᩅᩈᨶ᩠ᨲᩥ ᨸᩣᨸᨽᩥᨠ᩠ᨡᩪ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ‘‘ᨠᨳᨬ᩠ᩉᩥ ᨶᩣᨾ ᨲᩮ, ᨽᩥᨠ᩠ᨡᩅᩮ, ᨾᩮᩣᨥᨸᩩᩁᩥᩈᩣ ᩑᩅᩁᩪᨸᩴ ᩋᨶᩣᨧᩣᩁᩴ ᩌᨧᩁᩥᩔᨶ᩠ᨲᩥ – ᨾᩣᩃᩣᩅᨧ᩠ᨨᩴ ᩁᩮᩣᨸᩮᩔᨶ᩠ᨲᩥᨸᩥ ᩁᩮᩣᨸᩣᨸᩮᩔᨶ᩠ᨲᩥᨸᩥ, ᩈᨬ᩠ᨧᩥᩔᨶ᩠ᨲᩥᨸᩥ ᩈᩥᨬ᩠ᨧᩣᨸᩮᩔᨶ᩠ᨲᩥᨸᩥ, ᩒᨧᩥᨶᩥᩔᨶ᩠ᨲᩥᨸᩥ ᩒᨧᩥᨶᩣᨸᩮᩔᨶ᩠ᨲᩥᨸᩥ, ᨣᨶ᩠ᨳᩥᩔᨶ᩠ᨲᩥᨸᩥ ᨣᨶ᩠ᨳᩣᨸᩮᩔᨶ᩠ᨲᩥᨸᩥ, ᩑᨠᨲᩮᩣᩅᨱ᩠ᨭᩥᨠᨾᩣᩃᩴ ᨠᩁᩥᩔᨶ᩠ᨲᩥᨸᩥ ᨠᩣᩁᩣᨸᩮᩔᨶ᩠ᨲᩥᨸᩥ, ᩏᨽᨲᩮᩣᩅᨱ᩠ᨭᩥᨠᨾᩣᩃᩴ ᨠᩁᩥᩔᨶ᩠ᨲᩥᨸᩥ ᨠᩣᩁᩣᨸᩮᩔᨶ᩠ᨲᩥᨸᩥ, ᨾᨬ᩠ᨩᩁᩥᨠᩴ ᨠᩁᩥᩔᨶ᩠ᨲᩥᨸᩥ ᨠᩣᩁᩣᨸᩮᩔᨶ᩠ᨲᩥᨸᩥ, ᩅᩥᨵᩪᨲᩥᨠᩴ ᨠᩁᩥᩔᨶ᩠ᨲᩥᨸᩥ ᨠᩣᩁᩣᨸᩮᩔᨶ᩠ᨲᩥᨸᩥ, ᩅᨭᩴᩈᨠᩴ ᨠᩁᩥᩔᨶ᩠ᨲᩥᨸᩥ ᨠᩣᩁᩣᨸᩮᩔᨶ᩠ᨲᩥᨸᩥ, ᩌᩅᩮᩊᩴ ᨠᩁᩥᩔᨶ᩠ᨲᩥᨸᩥ ᨠᩣᩁᩣᨸᩮᩔᨶ᩠ᨲᩥᨸᩥ, ᩏᩁᨧ᩠ᨨᨴᩴ ᨠᩁᩥᩔᨶ᩠ᨲᩥᨸᩥ ᨠᩣᩁᩣᨸᩮᩔᨶ᩠ᨲᩥᨸᩥ. ᨲᩮ ᨠᩩᩃᩥᨲ᩠ᨳᩦᨶᩴ ᨠᩩᩃᨵᩦᨲᩣᨶᩴ ᨠᩩᩃᨠᩩᨾᩣᩁᩦᨶᩴ ᨠᩩᩃᩈᩩᨱ᩠ᩉᩣᨶᩴ ᨠᩩᩃᨴᩣᩈᩦᨶᩴ ᩑᨠᨲᩮᩣᩅᨱ᩠ᨭᩥᨠᨾᩣᩃᩴ ᩉᩁᩥᩔᨶ᩠ᨲᩥᨸᩥ ᩉᩣᩁᩣᨸᩮᩔᨶ᩠ᨲᩥᨸᩥ, ᩏᨽᨲᩮᩣᩅᨱ᩠ᨭᩥᨠᨾᩣᩃᩴ ᩉᩁᩥᩔᨶ᩠ᨲᩥᨸᩥ ᩉᩣᩁᩣᨸᩮᩔᨶ᩠ᨲᩥᨸᩥ, ᨾᨬ᩠ᨩᩁᩥᨠᩴ ᩉᩁᩥᩔᨶ᩠ᨲᩥᨸᩥ ᩉᩣᩁᩣᨸᩮᩔᨶ᩠ᨲᩥᨸᩥ ¶ , ᩅᩥᨵᩪᨲᩥᨠᩴ ᩉᩁᩥᩔᨶ᩠ᨲᩥᨸᩥ ᩉᩣᩁᩣᨸᩮᩔᨶ᩠ᨲᩥᨸᩥ, ᩅᨭᩴᩈᨠᩴ ᩉᩁᩥᩔᨶ᩠ᨲᩥᨸᩥ ᩉᩣᩁᩣᨸᩮᩔᨶ᩠ᨲᩥᨸᩥ, ᩌᩅᩮᩊᩴ ᩉᩁᩥᩔᨶ᩠ᨲᩥᨸᩥ ᩉᩣᩁᩣᨸᩮᩔᨶ᩠ᨲᩥᨸᩥ, ᩏᩁᨧ᩠ᨨᨴᩴ ᩉᩁᩥᩔᨶ᩠ᨲᩥᨸᩥ ᩉᩣᩁᩣᨸᩮᩔᨶ᩠ᨲᩥᨸᩥ. ᨲᩮ ᨠᩩᩃᩥᨲ᩠ᨳᩦᩉᩥ ᨠᩩᩃᨵᩦᨲᩣᩉᩥ ᨠᩩᩃᨠᩩᨾᩣᩁᩦᩉᩥ ᨠᩩᩃᩈᩩᨱ᩠ᩉᩣᩉᩥ ᨠᩩᩃᨴᩣᩈᩦᩉᩥ ᩈᨴ᩠ᨵᩥᩴ ᩑᨠᨽᩣᨩᨶᩮᨸᩥ ᨽᩩᨬ᩠ᨩᩥᩔᨶ᩠ᨲᩥ, ᩑᨠᨳᩣᩃᨠᩮᨸᩥ ᨸᩥᩅᩥᩔᨶ᩠ᨲᩥ, ᩑᨠᩣᩈᨶᩮᨸᩥ ᨶᩥᩈᩦᨴᩥᩔᨶ᩠ᨲᩥ, ᩑᨠᨾᨬ᩠ᨧᩮᨸᩥ ᨲᩩᩅᨭ᩠ᨭᩥᩔᨶ᩠ᨲᩥ, ᩑᨠᨲ᩠ᨳᩁᨱᩣᨸᩥ ᨲᩩᩅᨭ᩠ᨭᩥᩔᨶ᩠ᨲᩥ, ᩑᨠᨸᩣᩅᩩᩁᨱᩣᨸᩥ ᨲᩩᩅᨭ᩠ᨭᩥᩔᨶ᩠ᨲᩥ, ᩑᨠᨲ᩠ᨳᩁᨱᨸᩣᩅᩩᩁᨱᩣᨸᩥ ᨲᩩᩅᨭ᩠ᨭᩥᩔᨶ᩠ᨲᩥ, ᩅᩥᨠᩣᩃᩮᨸᩥ ᨽᩩᨬ᩠ᨩᩥᩔᨶ᩠ᨲᩥ, ᨾᨩ᩠ᨩᨾ᩠ᨸᩥ ᨸᩥᩅᩥᩔᨶ᩠ᨲᩥ, ᨾᩣᩃᩣᨣᨶ᩠ᨵᩅᩥᩃᩮᨸᨶᨾ᩠ᨸᩥ ᨵᩣᩁᩥᩔᨶ᩠ᨲᩥ, ᨶᨧ᩠ᨧᩥᩔᨶ᩠ᨲᩥᨸᩥ ᨣᩣᨿᩥᩔᨶ᩠ᨲᩥᨸᩥ ¶ ᩅᩣᨴᩮᩔᨶ᩠ᨲᩥᨸᩥ ᩃᩣᩈᩮᩔᨶ᩠ᨲᩥᨸᩥ, ᨶᨧ᩠ᨧᨶ᩠ᨲᩥᨿᩣᨸᩥ ᨶᨧ᩠ᨧᩥᩔᨶ᩠ᨲᩥ ᨶᨧ᩠ᨧᨶ᩠ᨲᩥᨿᩣᨸᩥ ᨣᩣᨿᩥᩔᨶ᩠ᨲᩥ ᨶᨧ᩠ᨧᨶ᩠ᨲᩥᨿᩣᨸᩥ ᩅᩣᨴᩮᩔᨶ᩠ᨲᩥ ᨶᨧ᩠ᨧᨶ᩠ᨲᩥᨿᩣᨸᩥ ᩃᩣᩈᩮᩔᨶ᩠ᨲᩥ, ᨣᩣᨿᨶ᩠ᨲᩥᨿᩣᨸᩥ ᨶᨧ᩠ᨧᩥᩔᨶ᩠ᨲᩥ ᨣᩣᨿᨶ᩠ᨲᩥᨿᩣᨸᩥ ᨣᩣᨿᩥᩔᨶ᩠ᨲᩥ ᨣᩣᨿᨶ᩠ᨲᩥᨿᩣᨸᩥ ᩅᩣᨴᩮᩔᨶ᩠ᨲᩥ ᨣᩣᨿᨶ᩠ᨲᩥᨿᩣᨸᩥ ᩃᩣᩈᩮᩔᨶ᩠ᨲᩥ, ᩅᩣᨴᩮᨶ᩠ᨲᩥᨿᩣᨸᩥ ᨶᨧ᩠ᨧᩥᩔᨶ᩠ᨲᩥ ᩅᩣᨴᩮᨶ᩠ᨲᩥᨿᩣᨸᩥ ᨣᩣᨿᩥᩔᨶ᩠ᨲᩥ ᩅᩣᨴᩮᨶ᩠ᨲᩥᨿᩣᨸᩥ ᩅᩣᨴᩮᩔᨶ᩠ᨲᩥ ᩅᩣᨴᩮᨶ᩠ᨲᩥᨿᩣᨸᩥ ᩃᩣᩈᩮᩔᨶ᩠ᨲᩥ, ᩃᩣᩈᩮᨶ᩠ᨲᩥᨿᩣᨸᩥ ᨶᨧ᩠ᨧᩥᩔᨶ᩠ᨲᩥ ᩃᩣᩈᩮᨶ᩠ᨲᩥᨿᩣᨸᩥ ᨣᩣᨿᩥᩔᨶ᩠ᨲᩥ ᩃᩣᩈᩮᨶ᩠ᨲᩥᨿᩣᨸᩥ ᩅᩣᨴᩮᩔᨶ᩠ᨲᩥ ᩃᩣᩈᩮᨶ᩠ᨲᩥᨿᩣᨸᩥ ᩃᩣᩈᩮᩔᨶ᩠ᨲᩥ, ᩋᨭ᩠ᨮᨸᨴᩮᨸᩥ ᨠᩦᩊᩥᩔᨶ᩠ᨲᩥ ᨴᩈᨸᨴᩮᨸᩥ ᨠᩦᩊᩥᩔᨶ᩠ᨲᩥ, ᩋᨠᩣᩈᩮᨸᩥ ᨠᩦᩊᩥᩔᨶ᩠ᨲᩥ, ᨸᩁᩥᩉᩣᩁᨸᨳᩮᨸᩥ ᨠᩦᩊᩥᩔᨶ᩠ᨲᩥ, ᩈᨶ᩠ᨲᩥᨠᩣᨿᨸᩥ ᨠᩦᩊᩥᩔᨶ᩠ᨲᩥ, ᨡᩃᩥᨠᩣᨿᨸᩥ ᨠᩦᩊᩥᩔᨶ᩠ᨲᩥ, ᨥᨭᩥᨠᩣᨿᨸᩥ ᨠᩦᩊᩥᩔᨶ᩠ᨲᩥ, ᩈᩃᩣᨠᩉᨲ᩠ᨳᩮᨶᨸᩥ ᨠᩦᩊᩥᩔᨶ᩠ᨲᩥ, ᩋᨠ᩠ᨡᩮᨶᨸᩥ ᨠᩦᩊᩥᩔᨶ᩠ᨲᩥ, ᨸᨦ᩠ᨣᨧᩦᩁᩮᨶᨸᩥ ᨠᩦᩊᩥᩔᨶ᩠ᨲᩥ, ᩅᨦ᩠ᨠᨠᩮᨶᨸᩥ ᨠᩦᩊᩥᩔᨶ᩠ᨲᩥ, ᨾᩮᩣᨠ᩠ᨡᨧᩥᨠᩣᨿᨸᩥ ¶ ᨠᩦᩊᩥᩔᨶ᩠ᨲᩥ, ᨧᩥᨦ᩠ᨣᩩᩃᨠᩮᨶᨸᩥ ᨠᩦᩊᩥᩔᨶ᩠ᨲᩥ, ᨸᨲ᩠ᨲᩣᩊ᩠ᩉᨠᩮᨶᨸᩥ ᨠᩦᩊᩥᩔᨶ᩠ᨲᩥ, ᩁᨳᨠᩮᨶᨸᩥ ᨠᩦᩊᩥᩔᨶ᩠ᨲᩥ, ᨵᨶᩩᨠᩮᨶᨸᩥ ᨠᩦᩊᩥᩔᨶ᩠ᨲᩥ, ᩋᨠ᩠ᨡᩁᩥᨠᩣᨿᨸᩥ ᨠᩦᩊᩥᩔᨶ᩠ᨲᩥ ¶ , ᨾᨶᩮᩈᩥᨠᩣᨿᨸᩥ ᨠᩦᩊᩥᩔᨶ᩠ᨲᩥ, ᨿᨳᩣᩅᨩ᩠ᨩᩮᨶᨸᩥ ᨠᩦᩊᩥᩔᨶ᩠ᨲᩥ, ᩉᨲ᩠ᨳᩥᩈ᩠ᨾᩥᨾ᩠ᨸᩥ ᩈᩥᨠ᩠ᨡᩥᩔᨶ᩠ᨲᩥ, ᩋᩔᩈ᩠ᨾᩥᨾ᩠ᨸᩥ ᩈᩥᨠ᩠ᨡᩥᩔᨶ᩠ᨲᩥ, ᩁᨳᩈ᩠ᨾᩥᨾ᩠ᨸᩥ ᩈᩥᨠ᩠ᨡᩥᩔᨶ᩠ᨲᩥ, ᨵᨶᩩᩈ᩠ᨾᩥᨾ᩠ᨸᩥ ᩈᩥᨠ᩠ᨡᩥᩔᨶ᩠ᨲᩥ, ᨳᩁᩩᩈ᩠ᨾᩥᨾ᩠ᨸᩥ ᩈᩥᨠ᩠ᨡᩥᩔᨶ᩠ᨲᩥ, ᩉᨲ᩠ᨳᩥᩔᨸᩥ ᨸᩩᩁᨲᩮᩣ ᨵᩣᩅᩥᩔᨶ᩠ᨲᩥ, ᩋᩔᩔᨸᩥ ᨸᩩᩁᨲᩮᩣ ᨵᩣᩅᩥᩔᨶ᩠ᨲᩥ, ᩁᨳᩔᨸᩥ ᨸᩩᩁᨲᩮᩣ [ᨸᩩᩁᨲᩮᩣ ᨵᩣᩅᩥᩔᨶ᩠ᨲᩥ (ᩈ᩠ᨿᩣ.)] ᨵᩣᩅᩥᩔᨶ᩠ᨲᩥᨸᩥ ᩌᨵᩣᩅᩥᩔᨶ᩠ᨲᩥᨸᩥ, ᩏᩔᩮᩊᩮᩔᨶ᩠ᨲᩥᨸᩥ, ᩋᨸ᩠ᨹᩮᩣᨭᩮᩔᨶ᩠ᨲᩥᨸᩥ, ᨶᩥᨻ᩠ᨻᩩᨩ᩠ᨫᩥᩔᨶ᩠ᨲᩥᨸᩥ, ᨾᩩᨭ᩠ᨮᩦᩉᩥᨸᩥ ᨿᩩᨩ᩠ᨫᩥᩔᨶ᩠ᨲᩥ, ᩁᨦ᩠ᨣᨾᨩ᩠ᨫᩮᨸᩥ ᩈᨦ᩠ᨥᩣᨭᩥᩴ ᨸᨲ᩠ᨳᩁᩥᨲ᩠ᩅᩣ ᨶᨧ᩠ᨧᨠᩥᩴ ᩑᩅᩴ ᩅᨠ᩠ᨡᨶ᩠ᨲᩥ ‘‘ᩍᨵ ᨽᨣᩥᨶᩥ ᨶᨧ᩠ᨧᩔᩪ’’ᨲᩥ ᨶᩃᩣᨭᩥᨠᨾ᩠ᨸᩥ ᨴᩔᨶ᩠ᨲᩥ, ᩅᩥᩅᩥᨵᨾ᩠ᨸᩥ ᩋᨶᩣᨧᩣᩁᩴ ᩌᨧᩁᩥᩔᨶ᩠ᨲᩥ! ᨶᩮᨲᩴ, ᨽᩥᨠ᩠ᨡᩅᩮ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩅᩥᨣᩁᩉᩥᨲ᩠ᩅᩣ ᨵᨾ᩠ᨾᩥᩴ ᨠᨳᩴ ᨠᨲ᩠ᩅᩣ ᩈᩣᩁᩥᨸᩩᨲ᩠ᨲᨾᩮᩣᨣ᩠ᨣᩃ᩠ᩃᩣᨶᩮ ᩌᨾᨶ᩠ᨲᩮᩈᩥ – ‘‘ᨣᨧ᩠ᨨᨳ ᨲᩩᨾ᩠ᩉᩮ, ᩈᩣᩁᩥᨸᩩᨲ᩠ᨲᩣ, ᨠᩦᨭᩣᨣᩥᩁᩥᩴ ᨣᨶ᩠ᨲ᩠ᩅᩣ ᩋᩔᨩᩥᨸᩩᨶᨻ᩠ᨻᩈᩩᨠᩣᨶᩴ ᨽᩥᨠ᩠ᨡᩪᨶᩴ ᨠᩦᨭᩣᨣᩥᩁᩥᩈ᩠ᨾᩣ ᨸᨻ᩠ᨻᩣᨩᨶᩦᨿᨠᨾ᩠ᨾᩴ ᨠᩁᩮᩣᨳ. ᨲᩩᨾ᩠ᩉᩣᨠᩴ ᩑᨲᩮ ᩈᨴ᩠ᨵᩥᩅᩥᩉᩣᩁᩥᨠᩣ’’ᨲᩥ.

‘‘ᨠᨳᩴ ᨾᨿᩴ, ᨽᨶ᩠ᨲᩮ, ᩋᩔᨩᩥᨸᩩᨶᨻ᩠ᨻᩈᩩᨠᩣᨶᩴ ᨽᩥᨠ᩠ᨡᩪᨶᩴ ¶ ᨠᩦᨭᩣᨣᩥᩁᩥᩈ᩠ᨾᩣ ᨸᨻ᩠ᨻᩣᨩᨶᩦᨿᨠᨾ᩠ᨾᩴ ᨠᩁᩮᩣᨾ? ᨧᨱ᩠ᨯᩣ ᨲᩮ ᨽᩥᨠ᩠ᨡᩪ ᨹᩁᩩᩈᩣ’’ᨲᩥ. ‘‘ᨲᩮᨶ ᩉᩥ ᨲᩩᨾ᩠ᩉᩮ, ᩈᩣᩁᩥᨸᩩᨲ᩠ᨲᩣ, ᨻᩉᩩᨠᩮᩉᩥ ᨽᩥᨠ᩠ᨡᩪᩉᩥ ᩈᨴ᩠ᨵᩥᩴ ᨣᨧ᩠ᨨᨳᩣ’’ᨲᩥ. ‘‘ᩑᩅᩴ, ᨽᨶ᩠ᨲᩮ’’ᨲᩥ ᨡᩮᩣ ᩈᩣᩁᩥᨸᩩᨲ᩠ᨲᨾᩮᩣᨣ᩠ᨣᩃ᩠ᩃᩣᨶᩣ ᨽᨣᩅᨲᩮᩣ ᨸᨧ᩠ᨧᩔᩮᩣᩈᩩᩴ. ‘‘ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᨠᩣᨲᨻ᩠ᨻᩴ. ᨸᨮᨾᩴ ᩋᩔᨩᩥᨸᩩᨶᨻ᩠ᨻᩈᩩᨠᩣ ᨽᩥᨠ᩠ᨡᩪ ᨧᩮᩣᨴᩮᨲᨻ᩠ᨻᩣ. ᨧᩮᩣᨴᩮᨲ᩠ᩅᩣ ᩈᩣᩁᩮᨲᨻ᩠ᨻᩣ. ᩈᩣᩁᩮᨲ᩠ᩅᩣ ᩌᨸᨲ᩠ᨲᩥᩴ ᩁᩮᩣᨸᩮᨲᨻ᩠ᨻᩣ ¶ . ᩌᨸᨲ᩠ᨲᩥᩴ ᩁᩮᩣᨸᩮᨲ᩠ᩅᩣ ᨻ᩠ᨿᨲ᩠ᨲᩮᨶ ᨽᩥᨠ᩠ᨡᩩᨶᩣ ᨸᨭᩥᨻᩃᩮᨶ ᩈᨦ᩠ᨥᩮᩣ ᨬᩣᨸᩮᨲᨻ᩠ᨻᩮᩣ –

᪔᪓᪔. ‘‘ᩈᩩᨱᩣᨲᩩ ¶ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᩍᨾᩮ ᩋᩔᨩᩥᨸᩩᨶᨻ᩠ᨻᩈᩩᨠᩣ ᨽᩥᨠ᩠ᨡᩪ ᨠᩩᩃᨴᩪᩈᨠᩣ ᨸᩣᨸᩈᨾᩣᨧᩣᩁᩣ. ᩍᨾᩮᩈᩴ ᨸᩣᨸᨠᩣ ᩈᨾᩣᨧᩣᩁᩣ ᨴᩥᩔᨶ᩠ᨲᩥ ᨧᩮᩅ ᩈᩩᨿ᩠ᨿᨶ᩠ᨲᩥ ᨧ. ᨠᩩᩃᩣᨶᩥ ᨧ ᩍᨾᩮᩉᩥ ᨴᩩᨭ᩠ᨮᩣᨶᩥ ᨴᩥᩔᨶ᩠ᨲᩥ ᨧᩮᩅ ᩈᩩᨿ᩠ᨿᨶ᩠ᨲᩥ ᨧ. ᨿᨴᩥ ᩈᨦ᩠ᨥᩔ ᨸᨲ᩠ᨲᨠᩃ᩠ᩃᩴ, ᩈᨦ᩠ᨥᩮᩣ ᩋᩔᨩᩥᨸᩩᨶᨻ᩠ᨻᩈᩩᨠᩣᨶᩴ ᨽᩥᨠ᩠ᨡᩪᨶᩴ ᨠᩦᨭᩣᨣᩥᩁᩥᩈ᩠ᨾᩣ ᨸᨻ᩠ᨻᩣᨩᨶᩦᨿᨠᨾ᩠ᨾᩴ ᨠᩁᩮᨿ᩠ᨿ – ‘ᨶ ᩋᩔᨩᩥᨸᩩᨶᨻ᩠ᨻᩈᩩᨠᩮᩉᩥ ᨽᩥᨠ᩠ᨡᩪᩉᩥ ᨠᩦᨭᩣᨣᩥᩁᩥᩈ᩠ᨾᩥᩴ ᩅᨲ᩠ᨳᨻ᩠ᨻ’ᨶ᩠ᨲᩥ. ᩑᩈᩣ ᨬᨲ᩠ᨲᩥ.

‘‘ᩈᩩᨱᩣᨲᩩ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᩍᨾᩮ ᩋᩔᨩᩥᨸᩩᨶᨻ᩠ᨻᩈᩩᨠᩣ ᨽᩥᨠ᩠ᨡᩪ ᨠᩩᩃᨴᩪᩈᨠᩣ ᨸᩣᨸᩈᨾᩣᨧᩣᩁᩣ. ᩍᨾᩮᩈᩴ ᨸᩣᨸᨠᩣ ᩈᨾᩣᨧᩣᩁᩣ ᨴᩥᩔᨶ᩠ᨲᩥ ᨧᩮᩅ ᩈᩩᨿ᩠ᨿᨶ᩠ᨲᩥ ᨧ. ᨠᩩᩃᩣᨶᩥ ᨧ ᩍᨾᩮᩉᩥ ᨴᩩᨭ᩠ᨮᩣᨶᩥ ᨴᩥᩔᨶ᩠ᨲᩥ ᨧᩮᩅ ᩈᩩᨿ᩠ᨿᨶ᩠ᨲᩥ ᨧ. ᩈᨦ᩠ᨥᩮᩣ ᩋᩔᨩᩥᨸᩩᨶᨻ᩠ᨻᩈᩩᨠᩣᨶᩴ ᨽᩥᨠ᩠ᨡᩪᨶᩴ ᨠᩦᨭᩣᨣᩥᩁᩥᩈ᩠ᨾᩣ ᨸᨻ᩠ᨻᩣᨩᨶᩦᨿᨠᨾ᩠ᨾᩴ ᨠᩁᩮᩣᨲᩥ – ‘ᨶ ᩋᩔᨩᩥᨸᩩᨶᨻ᩠ᨻᩈᩩᨠᩮᩉᩥ ᨽᩥᨠ᩠ᨡᩪᩉᩥ ᨠᩦᨭᩣᨣᩥᩁᩥᩈ᩠ᨾᩥᩴ ᩅᨲ᩠ᨳᨻ᩠ᨻ’ᨶ᩠ᨲᩥ. ᨿᩔᩣᨿᩈ᩠ᨾᨲᩮᩣ ¶ ᨡᨾᨲᩥ ᩋᩔᨩᩥᨸᩩᨶᨻ᩠ᨻᩈᩩᨠᩣᨶᩴ ᨽᩥᨠ᩠ᨡᩪᨶᩴ ᨠᩦᨭᩣᨣᩥᩁᩥᩈ᩠ᨾᩣ ᨸᨻ᩠ᨻᩣᨩᨶᩦᨿᨠᨾ᩠ᨾᩔ ᨠᩁᨱᩴ – ‘ᨶ ᩋᩔᨩᩥᨸᩩᨶᨻ᩠ᨻᩈᩩᨠᩮᩉᩥ ᨽᩥᨠ᩠ᨡᩪᩉᩥ ᨠᩦᨭᩣᨣᩥᩁᩥᩈ᩠ᨾᩥᩴ ᩅᨲ᩠ᨳᨻ᩠ᨻ’ᨶ᩠ᨲᩥ, ᩈᩮᩣ ᨲᩩᨱ᩠ᩉᩔ; ᨿᩔ ᨶᨠ᩠ᨡᨾᨲᩥ, ᩈᩮᩣ ᨽᩣᩈᩮᨿ᩠ᨿ.

‘‘ᨴᩩᨲᩥᨿᨾ᩠ᨸᩥ ᩑᨲᨾᨲ᩠ᨳᩴ ᩅᨴᩣᨾᩥ…ᨸᩮ… ᨲᨲᩥᨿᨾ᩠ᨸᩥ ᩑᨲᨾᨲ᩠ᨳᩴ ᩅᨴᩣᨾᩥ – ᩈᩩᨱᩣᨲᩩ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ…ᨸᩮ… ᩈᩮᩣ ᨽᩣᩈᩮᨿ᩠ᨿ.

‘‘ᨠᨲᩴ ᩈᨦ᩠ᨥᩮᨶ ᩋᩔᨩᩥᨸᩩᨶᨻ᩠ᨻᩈᩩᨠᩣᨶᩴ ᨽᩥᨠ᩠ᨡᩪᨶᩴ ᨠᩦᨭᩣᨣᩥᩁᩥᩈ᩠ᨾᩣ ᨸᨻ᩠ᨻᩣᨩᨶᩦᨿᨠᨾ᩠ᨾᩴ – ‘ᨶ ᩋᩔᨩᩥᨸᩩᨶᨻ᩠ᨻᩈᩩᨠᩮᩉᩥ ᨽᩥᨠ᩠ᨡᩪᩉᩥ ᨠᩦᨭᩣᨣᩥᩁᩥᩈ᩠ᨾᩥᩴ ᩅᨲ᩠ᨳᨻ᩠ᨻ’ᨶ᩠ᨲᩥ. ᨡᨾᨲᩥ ᩈᨦ᩠ᨥᩔ, ᨲᩈ᩠ᨾᩣ ᨲᩩᨱ᩠ᩉᩦ, ᩑᩅᨾᩮᨲᩴ ᨵᩣᩁᨿᩣᨾᩦ’’ᨲᩥ.

᪔᪓᪕. ᩋᨳ ¶ ᨡᩮᩣ ᩈᩣᩁᩥᨸᩩᨲ᩠ᨲᨾᩮᩣᨣ᩠ᨣᩃ᩠ᩃᩣᨶᨸ᩠ᨸᨾᩩᨡᩮᩣ ᨽᩥᨠ᩠ᨡᩩᩈᨦ᩠ᨥᩮᩣ ᨠᩦᨭᩣᨣᩥᩁᩥᩴ ᨣᨶ᩠ᨲ᩠ᩅᩣ ᩋᩔᨩᩥᨸᩩᨶᨻ᩠ᨻᩈᩩᨠᩣᨶᩴ ᨽᩥᨠ᩠ᨡᩪᨶᩴ ᨠᩦᨭᩣᨣᩥᩁᩥᩈ᩠ᨾᩣ ᨸᨻ᩠ᨻᩣᨩᨶᩦᨿᨠᨾ᩠ᨾᩴ ᩋᨠᩣᩈᩥ – ‘ᨶ ᩋᩔᨩᩥᨸᩩᨶᨻ᩠ᨻᩈᩩᨠᩮᩉᩥ ᨽᩥᨠ᩠ᨡᩪᩉᩥ ᨠᩦᨭᩣᨣᩥᩁᩥᩈ᩠ᨾᩥᩴ ᩅᨲ᩠ᨳᨻ᩠ᨻ’ᨶ᩠ᨲᩥ. ᨲᩮ ᩈᨦ᩠ᨥᩮᨶ ᨸᨻ᩠ᨻᩣᨩᨶᩦᨿᨠᨾ᩠ᨾᨠᨲᩣ ᨶ ᩈᨾ᩠ᨾᩣ ᩅᨲ᩠ᨲᨶ᩠ᨲᩥ, ᨶ ᩃᩮᩣᨾᩴ ᨸᩣᨲᩮᨶ᩠ᨲᩥ, ᨶ ᨶᩮᨲ᩠ᨳᩣᩁᩴ ᩅᨲ᩠ᨲᨶ᩠ᨲᩥ, ᨶ ᨽᩥᨠ᩠ᨡᩪ ᨡᨾᩣᨸᩮᨶ᩠ᨲᩥ, ᩋᨠ᩠ᨠᩮᩣᩈᨶ᩠ᨲᩥ ᨸᩁᩥᨽᩣᩈᨶ᩠ᨲᩥ ᨨᨶ᩠ᨴᨣᩣᨾᩥᨲᩣ ᨴᩮᩣᩈᨣᩣᨾᩥᨲᩣ ᨾᩮᩣᩉᨣᩣᨾᩥᨲᩣ ᨽᨿᨣᩣᨾᩥᨲᩣ ᨸᩣᨸᩮᨶ᩠ᨲᩥ, ᨸᨠ᩠ᨠᨾᨶ᩠ᨲᩥᨸᩥ, ᩅᩥᨻ᩠ᨽᨾᨶ᩠ᨲᩥᨸᩥ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩋᩔᨩᩥᨸᩩᨶᨻ᩠ᨻᩈᩩᨠᩣ ᨽᩥᨠ᩠ᨡᩪ ᩈᨦ᩠ᨥᩮᨶ ᨸᨻ᩠ᨻᩣᨩᨶᩦᨿᨠᨾ᩠ᨾᨠᨲᩣ ᨶ ᩈᨾ᩠ᨾᩣ ᩅᨲ᩠ᨲᩥᩔᨶ᩠ᨲᩥ, ᨶ ᩃᩮᩣᨾᩴ ᨸᩣᨲᩮᩔᨶ᩠ᨲᩥ, ᨶ ᨶᩮᨲ᩠ᨳᩣᩁᩴ ᩅᨲ᩠ᨲᩥᩔᨶ᩠ᨲᩥ, ᨶ ᨽᩥᨠ᩠ᨡᩪ ᨡᨾᩣᨸᩮᩔᨶ᩠ᨲᩥ ¶ , ᩋᨠ᩠ᨠᩮᩣᩈᩥᩔᨶ᩠ᨲᩥ ᨸᩁᩥᨽᩣᩈᩥᩔᨶ᩠ᨲᩥ, ᨨᨶ᩠ᨴᨣᩣᨾᩥᨲᩣ ᨴᩮᩣᩈᨣᩣᨾᩥᨲᩣ ᨾᩮᩣᩉᨣᩣᨾᩥᨲᩣ ᨽᨿᨣᩣᨾᩥᨲᩣ ᨸᩣᨸᩮᩔᨶ᩠ᨲᩥ ᨸᨠ᩠ᨠᨾᩥᩔᨶ᩠ᨲᩥᨸᩥ ᩅᩥᨻ᩠ᨽᨾᩥᩔᨶ᩠ᨲᩥᨸᩦ’’ᨲᩥ ¶ ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᩋᩔᨩᩥᨸᩩᨶᨻ᩠ᨻᩈᩩᨠᩮ ᨽᩥᨠ᩠ᨡᩪ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩈᨧ᩠ᨧᩴ ᨠᩥᩁ, ᨽᩥᨠ᩠ᨡᩅᩮ, ᩋᩔᨩᩥᨸᩩᨶᨻ᩠ᨻᩈᩩᨠᩣ ᨽᩥᨠ᩠ᨡᩪ ᩈᨦ᩠ᨥᩮᨶ ᨸᨻ᩠ᨻᩣᨩᨶᩦᨿᨠᨾ᩠ᨾᨠᨲᩣ ᨶ ᩈᨾ᩠ᨾᩣ ᩅᨲ᩠ᨲᨶ᩠ᨲᩥ…ᨸᩮ… ᩅᩥᨻ᩠ᨽᨾᨶ᩠ᨲᩥᨸᩦ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ᩑᩅᨬ᩠ᨧ ¶ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪔᪓᪖. ‘‘ᨽᩥᨠ᩠ᨡᩩ ᨸᨶᩮᩅ ᩋᨬ᩠ᨬᨲᩁᩴ ᨣᩣᨾᩴ ᩅᩣ ᨶᩥᨣᨾᩴ ᩅᩣ ᩏᨸᨶᩥᩔᩣᨿ ᩅᩥᩉᩁᨲᩥ ᨠᩩᩃᨴᩪᩈᨠᩮᩣ ᨸᩣᨸᩈᨾᩣᨧᩣᩁᩮᩣ. ᨲᩔ ᨡᩮᩣ ᨸᩣᨸᨠᩣ ᩈᨾᩣᨧᩣᩁᩣ ᨴᩥᩔᨶ᩠ᨲᩥ ᨧᩮᩅ ᩈᩩᨿ᩠ᨿᨶ᩠ᨲᩥ ᨧ, ᨠᩩᩃᩣᨶᩥ ᨧ ᨲᩮᨶ ᨴᩩᨭ᩠ᨮᩣᨶᩥ ᨴᩥᩔᨶ᩠ᨲᩥ ᨧᩮᩅ ᩈᩩᨿ᩠ᨿᨶ᩠ᨲᩥ ᨧ. ᩈᩮᩣ ᨽᩥᨠ᩠ᨡᩩ ᨽᩥᨠ᩠ᨡᩪᩉᩥ ᩑᩅᨾᩔ ᩅᨧᨶᩦᨿᩮᩣ – ‘ᩌᨿᩈ᩠ᨾᩣ ᨡᩮᩣ ᨠᩩᩃᨴᩪᩈᨠᩮᩣ ¶ ᨸᩣᨸᩈᨾᩣᨧᩣᩁᩮᩣ, ᩌᨿᩈ᩠ᨾᨲᩮᩣ ᨡᩮᩣ ᨸᩣᨸᨠᩣ ᩈᨾᩣᨧᩣᩁᩣ ᨴᩥᩔᨶ᩠ᨲᩥ ᨧᩮᩅ ᩈᩩᨿ᩠ᨿᨶ᩠ᨲᩥ ᨧ, ᨠᩩᩃᩣᨶᩥ ᨧᩣᨿᩈ᩠ᨾᨲᩣ ᨴᩩᨭ᩠ᨮᩣᨶᩥ ᨴᩥᩔᨶ᩠ᨲᩥ ᨧᩮᩅ ᩈᩩᨿ᩠ᨿᨶ᩠ᨲᩥ ᨧ. ᨸᨠ᩠ᨠᨾᨲᩣᨿᩈ᩠ᨾᩣ ᩍᨾᨾ᩠ᩉᩣ ᩌᩅᩣᩈᩣ. ᩋᩃᩴ ᨲᩮ ᩍᨵ ᩅᩣᩈᩮᨶᩣ’ᨲᩥ. ᩑᩅᨬ᩠ᨧ ᩈᩮᩣ ᨽᩥᨠ᩠ᨡᩩ ᨽᩥᨠ᩠ᨡᩪᩉᩥ ᩅᩩᨧ᩠ᨧᨾᩣᨶᩮᩣ ᨲᩮ ᨽᩥᨠ᩠ᨡᩪ ᩑᩅᩴ ᩅᨴᩮᨿ᩠ᨿ – ‘ᨨᨶ᩠ᨴᨣᩣᨾᩥᨶᩮᩣ ᨧ ᨽᩥᨠ᩠ᨡᩪ ᨴᩮᩣᩈᨣᩣᨾᩥᨶᩮᩣ ᨧ ᨽᩥᨠ᩠ᨡᩪ ᨾᩮᩣᩉᨣᩣᨾᩥᨶᩮᩣ ᨧ ᨽᩥᨠ᩠ᨡᩪ ᨽᨿᨣᩣᨾᩥᨶᩮᩣ ᨧ ᨽᩥᨠ᩠ᨡᩪ ᨲᩣᨴᩥᩈᩥᨠᩣᨿ ᩌᨸᨲ᩠ᨲᩥᨿᩣ ᩑᨠᨧ᩠ᨧᩴ ᨸᨻ᩠ᨻᩣᨩᩮᨶ᩠ᨲᩥ ᩑᨠᨧ᩠ᨧᩴ ᨶ ᨸᨻ᩠ᨻᩣᨩᩮᨶ᩠ᨲᩦ’ᨲᩥ, ᩈᩮᩣ ᨽᩥᨠ᩠ᨡᩩ ᨽᩥᨠ᩠ᨡᩪᩉᩥ ᩑᩅᨾᩔ ᩅᨧᨶᩦᨿᩮᩣ – ‘ᨾᩣᨿᩈ᩠ᨾᩣ ᩑᩅᩴ ᩋᩅᨧ. ᨶ ᨧ ᨽᩥᨠ᩠ᨡᩪ ᨨᨶ᩠ᨴᨣᩣᨾᩥᨶᩮᩣ. ᨶ ᨧ ᨽᩥᨠ᩠ᨡᩪ ᨴᩮᩣᩈᨣᩣᨾᩥᨶᩮᩣ. ᨶ ᨧ ᨽᩥᨠ᩠ᨡᩪ ᨾᩮᩣᩉᨣᩣᨾᩥᨶᩮᩣ. ᨶ ᨧ ᨽᩥᨠ᩠ᨡᩪ ᨽᨿᨣᩣᨾᩥᨶᩮᩣ. ᩌᨿᩈ᩠ᨾᩣ ᨡᩮᩣ ᨠᩩᩃᨴᩪᩈᨠᩮᩣ ᨸᩣᨸᩈᨾᩣᨧᩣᩁᩮᩣ. ᩌᨿᩈ᩠ᨾᨲᩮᩣ ᨡᩮᩣ ᨸᩣᨸᨠᩣ ᩈᨾᩣᨧᩣᩁᩣ ᨴᩥᩔᨶ᩠ᨲᩥ ᨧᩮᩅ ᩈᩩᨿ᩠ᨿᨶ᩠ᨲᩥ ᨧ. ᨠᩩᩃᩣᨶᩥ ᨧᩣᨿᩈ᩠ᨾᨲᩣ ᨴᩩᨭ᩠ᨮᩣᨶᩥ ᨴᩥᩔᨶ᩠ᨲᩥ ᨧᩮᩅ ᩈᩩᨿ᩠ᨿᨶ᩠ᨲᩥ ᨧ. ᨸᨠ᩠ᨠᨾᨲᩣᨿᩈ᩠ᨾᩣ ᩍᨾᨾ᩠ᩉᩣ ᩌᩅᩣᩈᩣ. ᩋᩃᩴ ᨲᩮ ᩍᨵ ᩅᩣᩈᩮᨶᩣ’ᨲᩥ. ᩑᩅᨬ᩠ᨧ ᩈᩮᩣ ᨽᩥᨠ᩠ᨡᩩ ᨽᩥᨠ᩠ᨡᩪᩉᩥ ᩅᩩᨧ᩠ᨧᨾᩣᨶᩮᩣ ᨲᨳᩮᩅ ᨸᨣ᩠ᨣᨱ᩠ᩉᩮᨿ᩠ᨿ, ᩈᩮᩣ ᨽᩥᨠ᩠ᨡᩩ ᨽᩥᨠ᩠ᨡᩪᩉᩥ ᨿᩣᩅᨲᨲᩥᨿᩴ ᩈᨾᨶᩩᨽᩣᩈᩥᨲᨻ᩠ᨻᩮᩣ ᨲᩔ ᨸᨭᩥᨶᩥᩔᨣ᩠ᨣᩣᨿ. ᨿᩣᩅᨲᨲᩥᨿᨬ᩠ᨧᩮ ᩈᨾᨶᩩᨽᩣᩈᩦᨿᨾᩣᨶᩮᩣ ᨲᩴ ᨸᨭᩥᨶᩥᩔᨩ᩠ᨩᩮᨿ᩠ᨿ ¶ , ᩍᨧ᩠ᨧᩮᨲᩴ ᨠᩩᩈᩃᩴ; ᨶᩮᩣ ᨧᩮ ᨸᨭᩥᨶᩥᩔᨩ᩠ᨩᩮᨿ᩠ᨿ, ᩈᨦ᩠ᨥᩣᨴᩥᩈᩮᩈᩮᩣ’’ᨲᩥ.

᪔᪓᪗. ᨽᩥᨠ᩠ᨡᩩ ᨸᨶᩮᩅ ᩋᨬ᩠ᨬᨲᩁᩴ ᨣᩣᨾᩴ ᩅᩣ ᨶᩥᨣᨾᩴ ᩅᩣᨲᩥ ᨣᩣᨾᩮᩣᨸᩥ ᨶᩥᨣᨾᩮᩣᨸᩥ ᨶᨣᩁᨾ᩠ᨸᩥ ᨣᩣᨾᩮᩣ ᨧᩮᩅ ᨶᩥᨣᨾᩮᩣ ᨧ.

ᩏᨸᨶᩥᩔᩣᨿ ᩅᩥᩉᩁᨲᩦᨲᩥ ᨲᨲ᩠ᨳ ᨸᨭᩥᨻᨴ᩠ᨵᩣ ᩉᩮᩣᨶ᩠ᨲᩥ ᨧᩦᩅᩁᨸᩥᨱ᩠ᨯᨸᩣᨲᩈᩮᨶᩣᩈᨶᨣᩥᩃᩣᨶᨸ᩠ᨸᨧ᩠ᨧᨿᨽᩮᩈᨩ᩠ᨩᨸᩁᩥᨠ᩠ᨡᩣᩁᩣ.

ᨠᩩᩃᩴ ¶ ᨶᩣᨾ ᨧᨲ᩠ᨲᩣᩁᩥ ᨠᩩᩃᩣᨶᩥ – ᨡᨲ᩠ᨲᩥᨿᨠᩩᩃᩴ, ᨻᩕᩣᩉ᩠ᨾᨱᨠᩩᩃᩴ, ¶ ᩅᩮᩔᨠᩩᩃᩴ, ᩈᩩᨴ᩠ᨴᨠᩩᩃᩴ.

ᨠᩩᩃᨴᩪᩈᨠᩮᩣᨲᩥ ᨠᩩᩃᩣᨶᩥ ᨴᩪᩈᩮᨲᩥ ᨸᩩᨸ᩠ᨹᩮᨶ ᩅᩣ ᨹᩃᩮᨶ ᩅᩣ ᨧᩩᨱ᩠ᨱᩮᨶ ᩅᩣ ᨾᨲ᩠ᨲᩥᨠᩣᨿ ᩅᩣ ᨴᨶ᩠ᨲᨠᨭ᩠ᨮᩮᨶ ᩅᩣ ᩅᩮᩊᩩᨿᩣ ᩅᩣ [ᩅᩮᩊᩩᨶᩣ ᩅᩣ (ᩈ᩠ᨿᩣ.)] ᩅᩮᨩ᩠ᨩᩥᨠᩣᨿ ᩅᩣ ᨩᨦ᩠ᨥᨸᩮᩈᨶᩥᨠᩮᨶ ᩅᩣ.

ᨸᩣᨸᩈᨾᩣᨧᩣᩁᩮᩣᨲᩥ ᨾᩣᩃᩣᩅᨧ᩠ᨨᩴ ᩁᩮᩣᨸᩮᨲᩥᨸᩥ ᩁᩮᩣᨸᩣᨸᩮᨲᩥᨸᩥ, ᩈᩥᨬ᩠ᨧᨲᩥᨸᩥ ᩈᩥᨬ᩠ᨧᩣᨸᩮᨲᩥᨸᩥ, ᩒᨧᩥᨶᩣᨲᩥᨸᩥ ᩒᨧᩥᨶᩣᨸᩮᨲᩥᨸᩥ, ᨣᨶ᩠ᨳᩮᨲᩥᨸᩥ ᨣᨶ᩠ᨳᩣᨸᩮᨲᩥᨸᩥ.

ᨴᩥᩔᨶ᩠ᨲᩥ ᨧᩮᩅ ᩈᩩᨿ᩠ᨿᨶ᩠ᨲᩥ ᨧᩣᨲᩥ ᨿᩮ ᩈᩴᨾᩩᨡᩣ ᨲᩮ ᨸᩔᨶ᩠ᨲᩥ, ᨿᩮ ᨲᩥᩁᩮᩣᨠ᩠ᨡᩣ ᨲᩮ ᩈᩩᨱᨶ᩠ᨲᩥ.

ᨠᩩᩃᩣᨶᩥ ¶ ᨧ ᨲᩮᨶ ᨴᩩᨭ᩠ᨮᩣᨶᩦᨲᩥ ᨸᩩᨻ᩠ᨻᩮ ᩈᨴ᩠ᨵᩣ ᩉᩩᨲ᩠ᩅᩣ ᨲᩴ ᩌᨣᨾ᩠ᨾ ᩋᩔᨴ᩠ᨵᩣ ᩉᩮᩣᨶ᩠ᨲᩥ, ᨸᩈᨶ᩠ᨶᩣ ᩉᩩᨲ᩠ᩅᩣ ᩋᨸ᩠ᨸᩈᨶ᩠ᨶᩣ ᩉᩮᩣᨶ᩠ᨲᩥ.

ᨴᩥᩔᨶ᩠ᨲᩥ ᨧᩮᩅ ᩈᩩᨿ᩠ᨿᨶ᩠ᨲᩥ ᨧᩣᨲᩥ ᨿᩮ ᩈᩴᨾᩩᨡᩣ ᨲᩮ ᨸᩔᨶ᩠ᨲᩥ, ᨿᩮ ᨲᩥᩁᩮᩣᨠ᩠ᨡᩣ ᨲᩮ ᩈᩩᨱᨶ᩠ᨲᩥ.

ᩈᩮᩣ ᨽᩥᨠ᩠ᨡᩪᨲᩥ ᨿᩮᩣ ᩈᩮᩣ ᨠᩩᩃᨴᩪᩈᨠᩮᩣ ᨽᩥᨠ᩠ᨡᩩ.

ᨽᩥᨠ᩠ᨡᩪᩉᩦᨲᩥ ᩋᨬ᩠ᨬᩮᩉᩥ ᨽᩥᨠ᩠ᨡᩪᩉᩥ. ᨿᩮ ᨸᩔᨶ᩠ᨲᩥ ᨿᩮ ᩈᩩᨱᨶ᩠ᨲᩥ. ᨲᩮᩉᩥ ᩅᨲ᩠ᨲᨻ᩠ᨻᩮᩣ – ‘‘ᩌᨿᩈ᩠ᨾᩣ ᨡᩮᩣ ᨠᩩᩃᨴᩪᩈᨠᩮᩣ ᨸᩣᨸᩈᨾᩣᨧᩣᩁᩮᩣ. ᩌᨿᩈ᩠ᨾᨲᩮᩣ ᨡᩮᩣ ᨸᩣᨸᨠᩣ ᩈᨾᩣᨧᩣᩁᩣ ᨴᩥᩔᨶ᩠ᨲᩥ ᨧᩮᩅ ᩈᩩᨿ᩠ᨿᨶ᩠ᨲᩥ ᨧ. ᨠᩩᩃᩣᨶᩥ ᨧᩣᨿᩈ᩠ᨾᨲᩣ ᨴᩩᨭ᩠ᨮᩣᨶᩥ ᨴᩥᩔᨶ᩠ᨲᩥ ¶ ᨧᩮᩅ ᩈᩩᨿ᩠ᨿᨶ᩠ᨲᩥ ᨧ. ᨸᨠ᩠ᨠᨾᨲᩣᨿᩈ᩠ᨾᩣ ᩍᨾᨾ᩠ᩉᩣ ᩌᩅᩣᩈᩣ. ᩋᩃᩴ ᨲᩮ ᩍᨵ ᩅᩣᩈᩮᨶᩣ’’ᨲᩥ.

ᩑᩅᨬ᩠ᨧ ᩈᩮᩣ ᨽᩥᨠ᩠ᨡᩩ ᨽᩥᨠ᩠ᨡᩪᩉᩥ ᩅᩩᨧ᩠ᨧᨾᩣᨶᩮᩣ ᨲᩮ ᨽᩥᨠ᩠ᨡᩪ ᩑᩅᩴ ᩅᨴᩮᨿ᩠ᨿ – ‘‘ᨨᨶ᩠ᨴᨣᩣᨾᩥᨶᩮᩣ ᨧ ᨽᩥᨠ᩠ᨡᩪ, ᨴᩮᩣᩈᨣᩣᨾᩥᨶᩮᩣ ᨧ ᨽᩥᨠ᩠ᨡᩪ, ᨾᩮᩣᩉᨣᩣᨾᩥᨶᩮᩣ ᨧ ᨽᩥᨠ᩠ᨡᩪ, ᨽᨿᨣᩣᨾᩥᨶᩮᩣ ᨧ ᨽᩥᨠ᩠ᨡᩪ. ᨲᩣᨴᩥᩈᩥᨠᩣᨿ ᩌᨸᨲ᩠ᨲᩥᨿᩣ ᩑᨠᨧ᩠ᨧᩴ ᨸᨻ᩠ᨻᩣᨩᩮᨶ᩠ᨲᩥ ᩑᨠᨧ᩠ᨧᩴ ᨶ ᨸᨻ᩠ᨻᩣᨩᩮᨶ᩠ᨲᩦ’’ᨲᩥ.

ᩈᩮᩣ ᨽᩥᨠ᩠ᨡᩪᨲᩥ ᨿᩮᩣ ᩈᩮᩣ ᨠᨾ᩠ᨾᨠᨲᩮᩣ ᨽᩥᨠ᩠ᨡᩩ.

ᨽᩥᨠ᩠ᨡᩪᩉᩦᨲᩥ ᩋᨬ᩠ᨬᩮᩉᩥ ᨽᩥᨠ᩠ᨡᩪᩉᩥ. ᨿᩮ ᨸᩔᨶ᩠ᨲᩥ ᨿᩮ ᩈᩩᨱᨶ᩠ᨲᩥ ᨲᩮᩉᩥ ᩅᨲ᩠ᨲᨻ᩠ᨻᩮᩣ – ‘‘ᨾᩣᨿᩈ᩠ᨾᩣ ᩑᩅᩴ ᩋᩅᨧ. ᨶ ᨧ ᨽᩥᨠ᩠ᨡᩪ ᨨᨶ᩠ᨴᨣᩣᨾᩥᨶᩮᩣ, ᨶ ᨧ ᨽᩥᨠ᩠ᨡᩪ ᨴᩮᩣᩈᨣᩣᨾᩥᨶᩮᩣ, ᨶ ᨧ ᨽᩥᨠ᩠ᨡᩪ ᨾᩮᩣᩉᨣᩣᨾᩥᨶᩮᩣ, ᨶ ᨧ ᨽᩥᨠ᩠ᨡᩪ ᨽᨿᨣᩣᨾᩥᨶᩮᩣ. ᩌᨿᩈ᩠ᨾᩣ ¶ ᨡᩮᩣ ᨠᩩᩃᨴᩪᩈᨠᩮᩣ ᨸᩣᨸᩈᨾᩣᨧᩣᩁᩮᩣ. ᩌᨿᩈ᩠ᨾᨲᩮᩣ ᨡᩮᩣ ᨸᩣᨸᨠᩣ ᩈᨾᩣᨧᩣᩁᩣ ᨴᩥᩔᨶ᩠ᨲᩥ ᨧᩮᩅ ᩈᩩᨿ᩠ᨿᨶ᩠ᨲᩥ ᨧ. ᨠᩩᩃᩣᨶᩥ ᨧᩣᨿᩈ᩠ᨾᨲᩣ ᨴᩩᨭ᩠ᨮᩣᨶᩥ ᨴᩥᩔᨶ᩠ᨲᩥ ᨧᩮᩅ ᩈᩩᨿ᩠ᨿᨶ᩠ᨲᩥ ᨧ. ᨸᨠ᩠ᨠᨾᨲᩣᨿᩈ᩠ᨾᩣ ᩍᨾᨾ᩠ᩉᩣ ᩌᩅᩣᩈᩣ. ᩋᩃᩴ ᨲᩮ ᩍᨵ ᩅᩣᩈᩮᨶᩣ’’ᨲᩥ. ᨴᩩᨲᩥᨿᨾ᩠ᨸᩥ ᩅᨲ᩠ᨲᨻ᩠ᨻᩮᩣ. ᨲᨲᩥᨿᨾ᩠ᨸᩥ ᩅᨲ᩠ᨲᨻ᩠ᨻᩮᩣ.

ᩈᨧᩮ ᨸᨭᩥᨶᩥᩔᨩ᩠ᨩᨲᩥ, ᩍᨧ᩠ᨧᩮᨲᩴ ᨠᩩᩈᩃᩴ. ᨶᩮᩣ ᨧᩮ ᨸᨭᩥᨶᩥᩔᨩ᩠ᨩᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩩᨲ᩠ᩅᩣ ᨶ ᩅᨴᨶ᩠ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩮᩣ ᨽᩥᨠ᩠ᨡᩩ ᩈᨦ᩠ᨥᨾᨩ᩠ᨫᨾ᩠ᨸᩥ ᩌᨠᨯ᩠ᨰᩥᨲ᩠ᩅᩣ ᩅᨲ᩠ᨲᨻ᩠ᨻᩮᩣ – ‘‘ᨾᩣᨿᩈ᩠ᨾᩣ ᩑᩅᩴ ᩋᩅᨧ. ᨶ ᨧ ᨽᩥᨠ᩠ᨡᩪ ᨨᨶ᩠ᨴᨣᩣᨾᩥᨶᩮᩣ, ᨶ ᨧ ᨽᩥᨠ᩠ᨡᩪ ᨴᩮᩣᩈᨣᩣᨾᩥᨶᩮᩣ, ᨶ ᨧ ᨽᩥᨠ᩠ᨡᩪ ᨾᩮᩣᩉᨣᩣᨾᩥᨶᩮᩣ, ᨶ ᨧ ᨽᩥᨠ᩠ᨡᩪ ᨽᨿᨣᩣᨾᩥᨶᩮᩣ. ᩌᨿᩈ᩠ᨾᩣ ᨡᩮᩣ ᨠᩩᩃᨴᩪᩈᨠᩮᩣ ᨸᩣᨸᩈᨾᩣᨧᩣᩁᩮᩣ. ᩌᨿᩈ᩠ᨾᨲᩮᩣ ¶ ᨡᩮᩣ ᨸᩣᨸᨠᩣ ᩈᨾᩣᨧᩣᩁᩣ ᨴᩥᩔᨶ᩠ᨲᩥ ᨧᩮᩅ ᩈᩩᨿ᩠ᨿᨶ᩠ᨲᩥ ᨧ. ᨠᩩᩃᩣᨶᩥ ᨧᩣᨿᩈ᩠ᨾᨲᩣ ᨴᩩᨭ᩠ᨮᩣᨶᩥ ᨴᩥᩔᨶ᩠ᨲᩥ ᨧᩮᩅ ᩈᩩᨿ᩠ᨿᨶ᩠ᨲᩥ ᨧ. ᨸᨠ᩠ᨠᨾᨲᩣᨿᩈ᩠ᨾᩣ ¶ ᩍᨾᨾ᩠ᩉᩣ ᩌᩅᩣᩈᩣ. ᩋᩃᩴ ᨲᩮ ᩍᨵ ᩅᩣᩈᩮᨶᩣ’’ᨲᩥ. ᨴᩩᨲᩥᨿᨾ᩠ᨸᩥ ᩅᨲ᩠ᨲᨻ᩠ᨻᩮᩣ. ᨲᨲᩥᨿᨾ᩠ᨸᩥ ᩅᨲ᩠ᨲᨻ᩠ᨻᩮᩣ. ᩈᨧᩮ ᨸᨭᩥᨶᩥᩔᨩ᩠ᨩᨲᩥ, ᩍᨧ᩠ᨧᩮᨲᩴ ᨠᩩᩈᩃᩴ. ᨶᩮᩣ ᨧᩮ ᨸᨭᩥᨶᩥᩔᨩ᩠ᨩᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᩮᩣ ᨽᩥᨠ᩠ᨡᩩ ᩈᨾᨶᩩᨽᩣᩈᩥᨲᨻ᩠ᨻᩮᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩈᨾᨶᩩᨽᩣᩈᩥᨲᨻ᩠ᨻᩮᩣ. ᨻ᩠ᨿᨲ᩠ᨲᩮᨶ ᨽᩥᨠ᩠ᨡᩩᨶᩣ ᨸᨭᩥᨻᩃᩮᨶ ᩈᨦ᩠ᨥᩮᩣ ᨬᩣᨸᩮᨲᨻ᩠ᨻᩮᩣ –

᪔᪓᪘. ‘‘ᩈᩩᨱᩣᨲᩩ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᩋᨿᩴ ᩍᨲ᩠ᨳᨶ᩠ᨶᩣᨾᩮᩣ ᨽᩥᨠ᩠ᨡᩩ ᩈᨦ᩠ᨥᩮᨶ ᨸᨻ᩠ᨻᩣᨩᨶᩦᨿᨠᨾ᩠ᨾᨠᨲᩮᩣ ᨽᩥᨠ᩠ᨡᩪ ᨨᨶ᩠ᨴᨣᩣᨾᩥᨲᩣ ᨴᩮᩣᩈᨣᩣᨾᩥᨲᩣ ᨾᩮᩣᩉᨣᩣᨾᩥᨲᩣ ᨽᨿᨣᩣᨾᩥᨲᩣ ᨸᩣᨸᩮᨲᩥ. ᩈᩮᩣ ᨲᩴ ᩅᨲ᩠ᨳᩩᩴ ᨶ ᨸᨭᩥᨶᩥᩔᨩ᩠ᨩᨲᩥ. ᨿᨴᩥ ᩈᨦ᩠ᨥᩔ ᨸᨲ᩠ᨲᨠᩃ᩠ᩃᩴ, ᩈᨦ᩠ᨥᩮᩣ ᩍᨲ᩠ᨳᨶ᩠ᨶᩣᨾᩴ ᨽᩥᨠ᩠ᨡᩩᩴ ᩈᨾᨶᩩᨽᩣᩈᩮᨿ᩠ᨿ ᨲᩔ ᩅᨲ᩠ᨳᩩᩔ ᨸᨭᩥᨶᩥᩔᨣ᩠ᨣᩣᨿ. ᩑᩈᩣ ᨬᨲ᩠ᨲᩥ.

‘‘ᩈᩩᨱᩣᨲᩩ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᩋᨿᩴ ᩍᨲ᩠ᨳᨶ᩠ᨶᩣᨾᩮᩣ ᨽᩥᨠ᩠ᨡᩩ ᩈᨦ᩠ᨥᩮᨶ ᨸᨻ᩠ᨻᩣᨩᨶᩦᨿᨠᨾ᩠ᨾᨠᨲᩮᩣ ᨽᩥᨠ᩠ᨡᩪ ᨨᨶ᩠ᨴᨣᩣᨾᩥᨲᩣ ᨴᩮᩣᩈᨣᩣᨾᩥᨲᩣ ᨾᩮᩣᩉᨣᩣᨾᩥᨲᩣ ᨽᨿᨣᩣᨾᩥᨲᩣ ᨸᩣᨸᩮᨲᩥ. ᩈᩮᩣ ᨲᩴ ᩅᨲ᩠ᨳᩩᩴ ᨶ ᨸᨭᩥᨶᩥᩔᨩ᩠ᨩᨲᩥ. ᩈᨦ᩠ᨥᩮᩣ ᩍᨲ᩠ᨳᨶ᩠ᨶᩣᨾᩴ ᨽᩥᨠ᩠ᨡᩩᩴ ᩈᨾᨶᩩᨽᩣᩈᨲᩥ ᨲᩔ ᩅᨲ᩠ᨳᩩᩔ ᨸᨭᩥᨶᩥᩔᨣ᩠ᨣᩣᨿ. ᨿᩔᩣᨿᩈ᩠ᨾᨲᩮᩣ ᨡᨾᨲᩥ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᩈᨾᨶᩩᨽᩣᩈᨶᩣ ᨲᩔ ᩅᨲ᩠ᨳᩩᩔ ᨸᨭᩥᨶᩥᩔᨣ᩠ᨣᩣᨿ, ᩈᩮᩣ ᨲᩩᨱ᩠ᩉᩔ; ᨿᩔ ᨶᨠ᩠ᨡᨾᨲᩥ, ᩈᩮᩣ ᨽᩣᩈᩮᨿ᩠ᨿ.

‘‘ᨴᩩᨲᩥᨿᨾ᩠ᨸᩥ ᩑᨲᨾᨲ᩠ᨳᩴ ᩅᨴᩣᨾᩥ…ᨸᩮ… ᨲᨲᩥᨿᨾ᩠ᨸᩥ ᩑᨲᨾᨲ᩠ᨳᩴ ᩅᨴᩣᨾᩥ…ᨸᩮ….

‘‘ᩈᨾᨶᩩᨽᨭ᩠ᨮᩮᩣ ᩈᨦ᩠ᨥᩮᨶ ᩍᨲ᩠ᨳᨶ᩠ᨶᩣᨾᩮᩣ ᨽᩥᨠ᩠ᨡᩩ ᨲᩔ ᩅᨲ᩠ᨳᩩᩔ ᨸᨭᩥᨶᩥᩔᨣ᩠ᨣᩣᨿ. ᨡᨾᨲᩥ ᩈᨦ᩠ᨥᩔ, ᨲᩈ᩠ᨾᩣ ᨲᩩᨱ᩠ᩉᩦ, ᩑᩅᨾᩮᨲᩴ ᨵᩣᩁᨿᩣᨾᩦ’’ᨲᩥ.

᪔᪓᪙. ᨬᨲ᩠ᨲᩥᨿᩣ ¶ ᨴᩩᨠ᩠ᨠᨭᩴ, ᨴ᩠ᩅᩦᩉᩥ ᨠᨾ᩠ᨾᩅᩣᨧᩣᩉᩥ ᨳᩩᩃ᩠ᩃᨧ᩠ᨧᨿᩣ, ᨠᨾ᩠ᨾᩅᩣᨧᩣᨸᩁᩥᨿᩮᩣᩈᩣᨶᩮ ¶ ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ. ᩈᨦ᩠ᨥᩣᨴᩥᩈᩮᩈᩴ ᩋᨩ᩠ᨫᩣᨸᨩ᩠ᨩᨶ᩠ᨲᩔ ᨬᨲ᩠ᨲᩥᨿᩣ ᨴᩩᨠ᩠ᨠᨭᩴ, ᨴ᩠ᩅᩦᩉᩥ ᨠᨾ᩠ᨾᩅᩣᨧᩣᩉᩥ ᨳᩩᩃ᩠ᩃᨧ᩠ᨧᨿᩣ ᨸᨭᩥᨸ᩠ᨸᩔᨾ᩠ᨽᨶ᩠ᨲᩥ.

ᩈᨦ᩠ᨥᩣᨴᩥᩈᩮᩈᩮᩣᨲᩥ ᩈᨦ᩠ᨥᩮᩣᩅ ᨲᩔᩣ ᩌᨸᨲ᩠ᨲᩥᨿᩣ ᨸᩁᩥᩅᩣᩈᩴ ᨴᩮᨲᩥ, ᨾᩪᩃᩣᨿ ᨸᨭᩥᨠᩔᨲᩥ, ᨾᩣᨶᨲ᩠ᨲᩴ ᨴᩮᨲᩥ, ᩋᨻ᩠ᨽᩮᨲᩥ; ᨶ ᩈᨾ᩠ᨻᩉᩩᩃᩣ, ᨶ ᩑᨠᨸᩩᨣ᩠ᨣᩃᩮᩣ ¶ . ᨲᩮᨶ ᩅᩩᨧ᩠ᨧᨲᩥ – ‘ᩈᨦ᩠ᨥᩣᨴᩥᩈᩮᩈᩮᩣ’ᨲᩥ, ᨲᩔᩮᩅ ᩌᨸᨲ᩠ᨲᩥᨶᩥᨠᩣᨿᩔ ᨶᩣᨾᨠᨾ᩠ᨾᩴ ᩋᨵᩥᩅᨧᨶᩴ. ᨲᩮᨶᨸᩥ ᩅᩩᨧ᩠ᨧᨲᩥ ᩈᨦ᩠ᨥᩣᨴᩥᩈᩮᩈᩮᩣᨲᩥ.

᪔᪔᪐. ᨵᨾ᩠ᨾᨠᨾ᩠ᨾᩮ ¶ ᨵᨾ᩠ᨾᨠᨾ᩠ᨾᩈᨬ᩠ᨬᩦ ᨶ ᨸᨭᩥᨶᩥᩔᨩ᩠ᨩᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨵᨾ᩠ᨾᨠᨾ᩠ᨾᩮ ᩅᩮᨾᨲᩥᨠᩮᩣ ᨶ ᨸᨭᩥᨶᩥᩔᨩ᩠ᨩᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᨵᨾ᩠ᨾᨠᨾ᩠ᨾᩮ ᩋᨵᨾ᩠ᨾᨠᨾ᩠ᨾᩈᨬ᩠ᨬᩦ ᨶ ᨸᨭᩥᨶᩥᩔᨩ᩠ᨩᨲᩥ, ᩌᨸᨲ᩠ᨲᩥ ᩈᨦ᩠ᨥᩣᨴᩥᩈᩮᩈᩔ.

ᩋᨵᨾ᩠ᨾᨠᨾ᩠ᨾᩮ ᨵᨾ᩠ᨾᨠᨾ᩠ᨾᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᩋᨵᨾ᩠ᨾᨠᨾ᩠ᨾᩮ ᩅᩮᨾᨲᩥᨠᩮᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᩋᨵᨾ᩠ᨾᨠᨾ᩠ᨾᩮ ᩋᨵᨾ᩠ᨾᨠᨾ᩠ᨾᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

᪔᪔᪑. ᩋᨶᩣᨸᨲ᩠ᨲᩥ ᩋᩈᨾᨶᩩᨽᩣᩈᨶ᩠ᨲᩔ, ᨸᨭᩥᨶᩥᩔᨩ᩠ᨩᨶ᩠ᨲᩔ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᨠᩩᩃᨴᩪᩈᨠᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨲᩮᩁᩈᨾᩴ.

᪔᪔᪒. ᩏᨴ᩠ᨴᩥᨭ᩠ᨮᩣ ᨡᩮᩣ, ᩌᨿᩈ᩠ᨾᨶ᩠ᨲᩮᩣ, ᨲᩮᩁᩈ ᩈᨦ᩠ᨥᩣᨴᩥᩈᩮᩈᩣ ᨵᨾ᩠ᨾᩣ, ᨶᩅ ᨸᨮᨾᩣᨸᨲ᩠ᨲᩥᨠᩣ, ᨧᨲ᩠ᨲᩣᩁᩮᩣ ᨿᩣᩅᨲᨲᩥᨿᨠᩣ. ᨿᩮᩈᩴ ᨽᩥᨠ᩠ᨡᩩ ᩋᨬ᩠ᨬᨲᩁᩴ ᩅᩣ ᩋᨬ᩠ᨬᨲᩁᩴ ᩅᩣ ᩌᨸᨩ᩠ᨩᩥᨲ᩠ᩅᩣ ᨿᩣᩅᨲᩦᩉᩴ ᨩᩣᨶᩴ ᨸᨭᩥᨧ᩠ᨨᩣᨴᩮᨲᩥ ᨲᩣᩅᨲᩦᩉᩴ ᨲᩮᨶ ᨽᩥᨠ᩠ᨡᩩᨶᩣ ¶ ᩋᨠᩣᨾᩣ ᨸᩁᩥᩅᨲ᩠ᨳᨻ᩠ᨻᩴ. ᨸᩁᩥᩅᩩᨲ᩠ᨳᨸᩁᩥᩅᩣᩈᩮᨶ ᨽᩥᨠ᩠ᨡᩩᨶᩣ ᩏᨲ᩠ᨲᩁᩥ ᨨᩣᩁᨲ᩠ᨲᩴ ᨽᩥᨠ᩠ᨡᩩᨾᩣᨶᨲ᩠ᨲᩣᨿ ᨸᨭᩥᨸᨩ᩠ᨩᩥᨲᨻ᩠ᨻᩴ. ᨧᩥᨱ᩠ᨱᨾᩣᨶᨲ᩠ᨲᩮᩣ ᨽᩥᨠ᩠ᨡᩩ ᨿᨲ᩠ᨳ ᩈᩥᨿᩣ ᩅᩦᩈᨲᩥᨣᨱᩮᩣ ᨽᩥᨠ᩠ᨡᩩᩈᨦ᩠ᨥᩮᩣ ᨲᨲ᩠ᨳ ᩈᩮᩣ ᨽᩥᨠ᩠ᨡᩩ ᩋᨻ᩠ᨽᩮᨲᨻ᩠ᨻᩮᩣ. ᩑᨠᩮᨶᨸᩥ ᨧᩮ ᩐᨶᩮᩣ ᩅᩦᩈᨲᩥᨣᨱᩮᩣ ᨽᩥᨠ᩠ᨡᩩᩈᨦ᩠ᨥᩮᩣ ᨲᩴ ᨽᩥᨠ᩠ᨡᩩᩴ ᩋᨻ᩠ᨽᩮᨿ᩠ᨿ, ᩈᩮᩣ ᨧ ᨽᩥᨠ᩠ᨡᩩ ᩋᨶᨻ᩠ᨽᩥᨲᩮᩣ, ᨲᩮ ᨧ ᨽᩥᨠ᩠ᨡᩪ ᨣᩣᩁᨿ᩠ᩉᩣ, ᩋᨿᩴ ᨲᨲ᩠ᨳ ᩈᩣᨾᩦᨧᩥ. ᨲᨲ᩠ᨳᩣᨿᩈ᩠ᨾᨶ᩠ᨲᩮ ᨸᩩᨧ᩠ᨨᩣᨾᩥ – ‘ᨠᨧ᩠ᨧᩥᨲ᩠ᨳ ᨸᩁᩥᩈᩩᨴ᩠ᨵᩣ’? ᨴᩩᨲᩥᨿᨾ᩠ᨸᩥ ᨸᩩᨧ᩠ᨨᩣᨾᩥ – ‘ᨠᨧ᩠ᨧᩥᨲ᩠ᨳ ᨸᩁᩥᩈᩩᨴ᩠ᨵᩣ’? ᨲᨲᩥᨿᨾ᩠ᨸᩥ ᨸᩩᨧ᩠ᨨᩣᨾᩥ – ‘ᨠᨧ᩠ᨧᩥᨲ᩠ᨳ ᨸᩁᩥᩈᩩᨴ᩠ᨵᩣ’? ᨸᩁᩥᩈᩩᨴ᩠ᨵᩮᨲ᩠ᨳᩣᨿᩈ᩠ᨾᨶ᩠ᨲᩮᩣ. ᨲᩈ᩠ᨾᩣ ᨲᩩᨱ᩠ᩉᩦ, ᩑᩅᨾᩮᨲᩴ ᨵᩣᩁᨿᩣᨾᩦᨲᩥ.

ᨲᩮᩁᩈᨠᩴ ᨶᩥᨭ᩠ᨮᩥᨲᩴ.

ᨲᩔᩩᨴ᩠ᨴᩣᨶᩴ ¶ –

ᩅᩥᩔᨭ᩠ᨮᩥ ¶ ᨠᩣᨿᩈᩴᩈᨣ᩠ᨣᩴ, ᨴᩩᨭ᩠ᨮᩩᩃ᩠ᩃᩴ ᩋᨲ᩠ᨲᨠᩣᨾᨬ᩠ᨧ;

ᩈᨬ᩠ᨧᩁᩥᨲ᩠ᨲᩴ ᨠᩩᨭᩦ ᨧᩮᩅ, ᩅᩥᩉᩣᩁᩮᩣ ᨧ ᩋᨾᩪᩃᨠᩴ.

ᨠᩥᨬ᩠ᨧᩥᩃᩮᩈᨬ᩠ᨧ ᨽᩮᨴᩮᩣ ᨧ, ᨲᩔᩮᩅ ᩋᨶᩩᩅᨲ᩠ᨲᨠᩣ;

ᨴᩩᨻ᩠ᨻᨧᩴ ᨠᩩᩃᨴᩪᩈᨬ᩠ᨧ, ᩈᨦ᩠ᨥᩣᨴᩥᩈᩮᩈᩣ ᨲᩮᩁᩈᩣᨲᩥ.

ᩈᨦ᩠ᨥᩣᨴᩥᩈᩮᩈᨠᨱ᩠ᨯᩴ ᨶᩥᨭ᩠ᨮᩥᨲᩴ.

᪓. ᩋᨶᩥᨿᨲᨠᨱ᩠ᨯᩴ

᪑. ᨸᨮᨾᩋᨶᩥᨿᨲᩈᩥᨠ᩠ᨡᩣᨸᨴᩴ

ᩍᨾᩮ ¶ ¶ ᨡᩮᩣ ᨸᨶᩣᨿᩈ᩠ᨾᨶ᩠ᨲᩮᩣ ᨴ᩠ᩅᩮ ᩋᨶᩥᨿᨲᩣ ᨵᨾ᩠ᨾᩣ

ᩏᨴ᩠ᨴᩮᩈᩴ ᩌᨣᨧ᩠ᨨᨶ᩠ᨲᩥ.

᪔᪔᪓. ᨲᩮᨶ ¶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ ᨩᩮᨲᩅᨶᩮ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᨿᩈ᩠ᨾᩣ ᩏᨴᩣᨿᩦ ᩈᩣᩅᨲ᩠ᨳᩥᨿᩴ ᨠᩩᩃᩪᨸᨠᩮᩣ ᩉᩮᩣᨲᩥ, ᨻᩉᩩᨠᩣᨶᩥ ᨠᩩᩃᩣᨶᩥ ᩏᨸᩈᨦ᩠ᨠᨾᨲᩥ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᨿᩈ᩠ᨾᨲᩮᩣ ᩏᨴᩣᨿᩥᩔ ᩏᨸᨭ᩠ᨮᩣᨠᨠᩩᩃᩔ ᨠᩩᨾᩣᩁᩥᨠᩣ ᩋᨬ᩠ᨬᨲᩁᩔ ᨠᩩᩃᩔ ᨠᩩᨾᩣᩁᨠᩔ ᨴᩥᨶ᩠ᨶᩣ ᩉᩮᩣᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᩏᨴᩣᨿᩦ ᨸᩩᨻ᩠ᨻᨱ᩠ᩉᩈᨾᨿᩴ ᨶᩥᩅᩣᩈᩮᨲ᩠ᩅᩣ ᨸᨲ᩠ᨲᨧᩦᩅᩁᨾᩣᨴᩣᨿ ᨿᩮᨶ ᨲᩴ ᨠᩩᩃᩴ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨾᨶᩩᩔᩮ ᨸᩩᨧ᩠ᨨᩥ – ‘‘ᨠᩉᩴ ᩍᨲ᩠ᨳᨶ᩠ᨶᩣᨾᩣ’’ᨲᩥ? ᨲᩮ ᩑᩅᨾᩣᩉᩴᩈᩩ – ‘‘ᨴᩥᨶ᩠ᨶᩣ, ᨽᨶ᩠ᨲᩮ, ᩋᨾᩩᨠᩔ ᨠᩩᩃᩔ ᨠᩩᨾᩣᩁᨠᩔᩣ’’ᨲᩥ. ᨲᨾ᩠ᨸᩥ ᨡᩮᩣ ᨠᩩᩃᩴ ᩌᨿᩈ᩠ᨾᨲᩮᩣ ᩏᨴᩣᨿᩥᩔ ᩏᨸᨭ᩠ᨮᩣᨠᩴ ᩉᩮᩣᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᩏᨴᩣᨿᩦ ᨿᩮᨶ ᨲᩴ ᨠᩩᩃᩴ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨾᨶᩩᩔᩮ ᨸᩩᨧ᩠ᨨᩥ – ‘‘ᨠᩉᩴ ᩍᨲ᩠ᨳᨶ᩠ᨶᩣᨾᩣ’’ᨲᩥ? ᨲᩮ ᩑᩅᨾᩣᩉᩴᩈᩩ – ‘‘ᩑᩈᩣᨿ᩠ᨿ, ᩒᩅᩁᨠᩮ ᨶᩥᩈᩥᨶ᩠ᨶᩣ’’ᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᩏᨴᩣᨿᩦ ᨿᩮᨶ ᩈᩣ ᨠᩩᨾᩣᩁᩥᨠᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨲᩔᩣ ᨠᩩᨾᩣᩁᩥᨠᩣᨿ ᩈᨴ᩠ᨵᩥᩴ ᩑᨠᩮᩣ ᩑᨠᩣᨿ ᩁᩉᩮᩣ ᨸᨭᩥᨧ᩠ᨨᨶ᩠ᨶᩮ ᩌᩈᨶᩮ ᩋᩃᩴᨠᨾ᩠ᨾᨶᩥᨿᩮ ᨶᩥᩈᨩ᩠ᨩᩴ ᨠᨸ᩠ᨸᩮᩈᩥ ᨠᩣᩃᨿᩩᨲ᩠ᨲᩴ ᩈᨾᩩᩃ᩠ᩃᨸᨶ᩠ᨲᩮᩣ ᨠᩣᩃᨿᩩᨲ᩠ᨲᩴ ᨵᨾ᩠ᨾᩴ ᨽᨱᨶ᩠ᨲᩮᩣ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩅᩥᩈᩣᨡᩣ ᨾᩥᨣᩣᩁᨾᩣᨲᩣ ᨻᩉᩩᨸᩩᨲ᩠ᨲᩣ ᩉᩮᩣᨲᩥ ᨻᩉᩩᨶᨲ᩠ᨲᩣ ᩋᩁᩮᩣᨣᨸᩩᨲ᩠ᨲᩣ ᩋᩁᩮᩣᨣᨶᨲ᩠ᨲᩣ ᩋᨽᩥᨾᨦ᩠ᨣᩃᩈᨾ᩠ᨾᨲᩣ. ᨾᨶᩩᩔᩣ ¶ ᨿᨬ᩠ᨬᩮᩈᩩ ᨨᨱᩮᩈᩩ ᩏᩔᩅᩮᩈᩩ ᩅᩥᩈᩣᨡᩴ ᨾᩥᨣᩣᩁᨾᩣᨲᩁᩴ ᨸᨮᨾᩴ ¶ ᨽᩮᩣᨩᩮᨶ᩠ᨲᩥ. ᩋᨳ ᨡᩮᩣ ᩅᩥᩈᩣᨡᩣ ᨾᩥᨣᩣᩁᨾᩣᨲᩣ ᨶᩥᨾᨶ᩠ᨲᩥᨲᩣ ᨲᩴ ᨠᩩᩃᩴ ᩋᨣᨾᩣᩈᩥ. ᩋᨴ᩠ᨴᩈᩣ ᨡᩮᩣ ᩅᩥᩈᩣᨡᩣ ᨾᩥᨣᩣᩁᨾᩣᨲᩣ ᩌᨿᩈ᩠ᨾᨶ᩠ᨲᩴ ᩏᨴᩣᨿᩥᩴ ᨲᩔᩣ ᨠᩩᨾᩣᩁᩥᨠᩣᨿ ᩈᨴ᩠ᨵᩥᩴ ᩑᨠᩴ ᩑᨠᩣᨿ ᩁᩉᩮᩣ ᨸᨭᩥᨧ᩠ᨨᨶ᩠ᨶᩮ ᩌᩈᨶᩮ ᩋᩃᩴᨠᨾ᩠ᨾᨶᩥᨿᩮ ᨶᩥᩈᩥᨶ᩠ᨶᩴ. ᨴᩥᩈ᩠ᩅᩣᨶ ᩌᨿᩈ᩠ᨾᨶ᩠ᨲᩴ ᩏᨴᩣᨿᩥᩴ ᩑᨲᨴᩅᩮᩣᨧ – ‘‘ᩍᨴᩴ, ᨽᨶ᩠ᨲᩮ, ᨶᨧ᩠ᨨᨶ᩠ᨶᩴ ᨶᨸ᩠ᨸᨲᩥᩁᩪᨸᩴ ᨿᩴ ᩋᨿ᩠ᨿᩮᩣ ᨾᩣᨲᩩᨣᩣᨾᩮᨶ ᩈᨴ᩠ᨵᩥᩴ ᩑᨠᩮᩣ ᩑᨠᩣᨿ ᩁᩉᩮᩣ ᨸᨭᩥᨧ᩠ᨨᨶ᩠ᨶᩮ ᩌᩈᨶᩮ ¶ ᩋᩃᩴᨠᨾ᩠ᨾᨶᩥᨿᩮ ᨶᩥᩈᨩ᩠ᨩᩴ ¶ ᨠᨸ᩠ᨸᩮᨲᩥ. ᨠᩥᨬ᩠ᨧᩣᨸᩥ, ᨽᨶ᩠ᨲᩮ, ᩋᨿ᩠ᨿᩮᩣ ᩋᨶᨲ᩠ᨳᩥᨠᩮᩣ ᨲᩮᨶ ᨵᨾ᩠ᨾᩮᨶ, ᩋᨸᩥᨧ ᨴᩩᩔᨴ᩠ᨵᩣᨸᨿᩣ ᩋᨸ᩠ᨸᩈᨶ᩠ᨶᩣ ᨾᨶᩩᩔᩣ’’ᨲᩥ. ᩑᩅᨾ᩠ᨸᩥ ᨡᩮᩣ ᩌᨿᩈ᩠ᨾᩣ ᩏᨴᩣᨿᩦ ᩅᩥᩈᩣᨡᩣᨿ ᨾᩥᨣᩣᩁᨾᩣᨲᩩᨿᩣ ᩅᩩᨧ᩠ᨧᨾᩣᨶᩮᩣ ᨶᩣᨴᩥᨿᩥ. ᩋᨳ ᨡᩮᩣ ᩅᩥᩈᩣᨡᩣ ᨾᩥᨣᩣᩁᨾᩣᨲᩣ ᨶᩥᨠ᩠ᨡᨾᩥᨲ᩠ᩅᩣ ᨽᩥᨠ᩠ᨡᩪᨶᩴ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩌᨿᩈ᩠ᨾᩣ ᩏᨴᩣᨿᩦ ᨾᩣᨲᩩᨣᩣᨾᩮᨶ ᩈᨴ᩠ᨵᩥᩴ ᩑᨠᩮᩣ ᩑᨠᩣᨿ ᩁᩉᩮᩣ ᨸᨭᩥᨧ᩠ᨨᨶ᩠ᨶᩮ ᩌᩈᨶᩮ ᩋᩃᩴᨠᨾ᩠ᨾᨶᩥᨿᩮ ᨶᩥᩈᨩ᩠ᨩᩴ ᨠᨸ᩠ᨸᩮᩔᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᩌᨿᩈ᩠ᨾᨶ᩠ᨲᩴ ᩏᨴᩣᨿᩥᩴ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩈᨧ᩠ᨧᩴ ᨠᩥᩁ ᨲ᩠ᩅᩴ, ᩏᨴᩣᨿᩥ, ᨾᩣᨲᩩᨣᩣᨾᩮᨶ ᩈᨴ᩠ᨵᩥᩴ ᩑᨠᩮᩣ ᩑᨠᩣᨿ ᩁᩉᩮᩣ ᨸᨭᩥᨧ᩠ᨨᨶ᩠ᨶᩮ ᩌᩈᨶᩮ ᩋᩃᩴᨠᨾ᩠ᨾᨶᩥᨿᩮ ᨶᩥᩈᨩ᩠ᨩᩴ ᨠᨸ᩠ᨸᩮᩈᩦ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ᨠᨳᨬ᩠ᩉᩥ ᨶᩣᨾ ᨲ᩠ᩅᩴ, ᨾᩮᩣᨥᨸᩩᩁᩥᩈ, ᨾᩣᨲᩩᨣᩣᨾᩮᨶ ᩈᨴ᩠ᨵᩥᩴ ᩑᨠᩮᩣ ᩑᨠᩣᨿ ᩁᩉᩮᩣ ᨸᨭᩥᨧ᩠ᨨᨶ᩠ᨶᩮ ᩌᩈᨶᩮ ᩋᩃᩴᨠᨾ᩠ᨾᨶᩥᨿᩮ ᨶᩥᩈᨩ᩠ᨩᩴ ᨠᨸ᩠ᨸᩮᩔᩈᩥ! ᨶᩮᨲᩴ, ᨾᩮᩣᨥᨸᩩᩁᩥᩈ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ ¶ , ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪔᪔᪔. ‘‘ᨿᩮᩣ ᨸᨶ ᨽᩥᨠ᩠ᨡᩩ ᨾᩣᨲᩩᨣᩣᨾᩮᨶ ᩈᨴ᩠ᨵᩥᩴ ᩑᨠᩮᩣ ᩑᨠᩣᨿ ᩁᩉᩮᩣ ᨸᨭᩥᨧ᩠ᨨᨶ᩠ᨶᩮ ᩌᩈᨶᩮ ᩋᩃᩴᨠᨾ᩠ᨾᨶᩥᨿᩮ ᨶᩥᩈᨩ᩠ᨩᩴ ᨠᨸ᩠ᨸᩮᨿ᩠ᨿ, ᨲᨾᩮᨶᩴ ᩈᨴ᩠ᨵᩮᨿ᩠ᨿᩅᨧᩈᩣ ᩏᨸᩣᩈᩥᨠᩣ ᨴᩥᩈ᩠ᩅᩣ ᨲᩥᨱ᩠ᨱᩴ ᨵᨾ᩠ᨾᩣᨶᩴ ᩋᨬ᩠ᨬᨲᩁᩮᨶ ᩅᨴᩮᨿ᩠ᨿ – ᨸᩣᩁᩣᨩᩥᨠᩮᨶ ᩅᩣ ᩈᨦ᩠ᨥᩣᨴᩥᩈᩮᩈᩮᨶ ᩅᩣ ᨸᩣᨧᩥᨲ᩠ᨲᩥᨿᩮᨶ ᩅᩣ, ᨶᩥᩈᨩ᩠ᨩᩴ ᨽᩥᨠ᩠ᨡᩩ ᨸᨭᩥᨩᩣᨶᨾᩣᨶᩮᩣ ᨲᩥᨱ᩠ᨱᩴ ᨵᨾ᩠ᨾᩣᨶᩴ ᩋᨬ᩠ᨬᨲᩁᩮᨶ ᨠᩣᩁᩮᨲᨻ᩠ᨻᩮᩣ – ᨸᩣᩁᩣᨩᩥᨠᩮᨶ ᩅᩣ ᩈᨦ᩠ᨥᩣᨴᩥᩈᩮᩈᩮᨶ ᩅᩣ ᨸᩣᨧᩥᨲ᩠ᨲᩥᨿᩮᨶ ᩅᩣ ᨿᩮᨶ ᩅᩣ ᩈᩣ ᩈᨴ᩠ᨵᩮᨿ᩠ᨿᩅᨧᩈᩣ ᩏᨸᩣᩈᩥᨠᩣ ᩅᨴᩮᨿ᩠ᨿ, ᨲᩮᨶ ᩈᩮᩣ ᨽᩥᨠ᩠ᨡᩩ ᨠᩣᩁᩮᨲᨻ᩠ᨻᩮᩣ. ᩋᨿᩴ ᨵᨾ᩠ᨾᩮᩣ ᩋᨶᩥᨿᨲᩮᩣ’’ᨲᩥ.

᪔᪔᪕. ᨿᩮᩣ ᨸᨶᩣᨲᩥ ᨿᩮᩣ ᨿᩣᨴᩥᩈᩮᩣ…ᨸᩮ… ᨽᩥᨠ᩠ᨡᩪᨲᩥ…ᨸᩮ… ᩋᨿᩴ ᩍᨾᩈ᩠ᨾᩥᩴ ᩋᨲ᩠ᨳᩮ ᩋᨵᩥᨸ᩠ᨸᩮᨲᩮᩣ ᨽᩥᨠ᩠ᨡᩪᨲᩥ.

ᨾᩣᨲᩩᨣᩣᨾᩮᩣ ᨶᩣᨾ ᨾᨶᩩᩔᩥᨲ᩠ᨳᩦ, ᨶ ᨿᨠ᩠ᨡᩦ ᨶ ᨸᩮᨲᩦ ᨶ ᨲᩥᩁᨧ᩠ᨨᩣᨶᨣᨲᩣ. ᩋᨶ᩠ᨲᨾᩈᩮᩣ ᨲᨴᩉᩩᨩᩣᨲᩣᨸᩥ ᨴᩣᩁᩥᨠᩣ, ᨸᨣᩮᩅ ᨾᩉᨲ᩠ᨲᩁᩦ.

ᩈᨴ᩠ᨵᩥᨶ᩠ᨲᩥ ¶ ᩑᨠᨲᩮᩣ.

ᩑᨠᩮᩣ ᩑᨠᩣᨿᩣᨲᩥ ᨽᩥᨠ᩠ᨡᩩ ᨧᩮᩅ ᩉᩮᩣᨲᩥ ᨾᩣᨲᩩᨣᩣᨾᩮᩣ ᨧ.

ᩁᩉᩮᩣ ¶ ᨶᩣᨾ ᨧᨠ᩠ᨡᩩᩔ ᩁᩉᩮᩣ, ᩈᩮᩣᨲᩔ ᩁᩉᩮᩣ. ᨧᨠ᩠ᨡᩩᩔ ᩁᩉᩮᩣᨶᩣᨾ ᨶ ᩈᨠ᩠ᨠᩣ ᩉᩮᩣᨲᩥ ᩋᨠ᩠ᨡᩥᩴ ᩅᩣ ᨶᩥᨡᨱᩦᨿᨾᩣᨶᩮ ᨽᨾᩩᨠᩴ ᩅᩣ ᩏᨠ᩠ᨡᩥᨸᩦᨿᨾᩣᨶᩮ ᩈᩦᩈᩴ ᩅᩣ ᩏᨠ᩠ᨡᩥᨸᩦᨿᨾᩣᨶᩮ ᨸᩔᩥᨲᩩᩴ. ᩈᩮᩣᨲᩔ ᩁᩉᩮᩣᨶᩣᨾ ᨶ ᩈᨠ᩠ᨠᩣ ᩉᩮᩣᨲᩥ ᨸᨠᨲᩥᨠᨳᩣ ᩈᩮᩣᨲᩩᩴ.

ᨸᨭᩥᨧ᩠ᨨᨶ᩠ᨶᩴ ᨶᩣᨾ ᩌᩈᨶᩴ ᨠᩩᨭ᩠ᨭᩮᨶ ᩅᩣ [ᨠᩩᨯ᩠ᨯᩮᨶ ᩅᩣ (ᩈᩦ. ᩈ᩠ᨿᩣ.)] ᨠᩅᩣᨭᩮᨶ ᩅᩣ ᨠᩥᩃᨬ᩠ᨩᩮᨶ ¶ ᩅᩣ ᩈᩣᨱᩥᨸᩣᨠᩣᩁᩮᨶ ᩅᩣ ᩁᩩᨠ᩠ᨡᩮᨶ ᩅᩣ ᨳᨾ᩠ᨽᩮᨶ ᩅᩣ ᨠᩮᩣᨲ᩠ᨳᩊᩥᨿᩣ ᩅᩣ ᨿᩮᨶ ᨠᩮᨶᨧᩥ ᨸᨭᩥᨧ᩠ᨨᨶ᩠ᨶᩴ ᩉᩮᩣᨲᩥ.

ᩋᩃᩴᨠᨾ᩠ᨾᨶᩥᨿᩮᨲᩥ ᩈᨠ᩠ᨠᩣ ᩉᩮᩣᨲᩥ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩥᨲᩩᩴ.

ᨶᩥᩈᨩ᩠ᨩᩴ ¶ ᨠᨸ᩠ᨸᩮᨿ᩠ᨿᩣᨲᩥ ᨾᩣᨲᩩᨣᩣᨾᩮ ᨶᩥᩈᩥᨶ᩠ᨶᩮ ᨽᩥᨠ᩠ᨡᩩ ᩏᨸᨶᩥᩈᩥᨶ᩠ᨶᩮᩣ ᩅᩣ ᩉᩮᩣᨲᩥ ᩏᨸᨶᩥᨸᨶ᩠ᨶᩮᩣ ᩅᩣ. ᨽᩥᨠ᩠ᨡᩩ ᨶᩥᩈᩥᨶ᩠ᨶᩮ ᨾᩣᨲᩩᨣᩣᨾᩮᩣ ᩏᨸᨶᩥᩈᩥᨶ᩠ᨶᩮᩣ ᩅᩣ ᩉᩮᩣᨲᩥ ᩏᨸᨶᩥᨸᨶ᩠ᨶᩮᩣ ᩅᩣ. ᩏᨽᩮᩣ ᩅᩣ ᨶᩥᩈᩥᨶ᩠ᨶᩣ ᩉᩮᩣᨶ᩠ᨲᩥ ᩏᨽᩮᩣ ᩅᩣ ᨶᩥᨸᨶ᩠ᨶᩣ.

ᩈᨴ᩠ᨵᩮᨿ᩠ᨿᩅᨧᩈᩣ ᨶᩣᨾ ᩌᨣᨲᨹᩃᩣ ᩋᨽᩥᩈᨾᩮᨲᩣᩅᩥᨶᩦ ᩅᩥᨬ᩠ᨬᩣᨲᩈᩣᩈᨶᩣ.

ᩏᨸᩣᩈᩥᨠᩣ ᨶᩣᨾ ᨻᩩᨴ᩠ᨵᩴ ᩈᩁᨱᩴ ᨣᨲᩣ, ᨵᨾ᩠ᨾᩴ ᩈᩁᨱᩴ ᨣᨲᩣ, ᩈᨦ᩠ᨥᩴ ᩈᩁᨱᩴ ᨣᨲᩣ.

ᨴᩥᩈ᩠ᩅᩣᨲᩥ ᨸᩔᩥᨲ᩠ᩅᩣ.

ᨲᩥᨱ᩠ᨱᩴ ᨵᨾ᩠ᨾᩣᨶᩴ ᩋᨬ᩠ᨬᨲᩁᩮᨶ ᩅᨴᩮᨿ᩠ᨿ – ᨸᩣᩁᩣᨩᩥᨠᩮᨶ ᩅᩣ ᩈᨦ᩠ᨥᩣᨴᩥᩈᩮᩈᩮᨶ ᩅᩣ ᨸᩣᨧᩥᨲ᩠ᨲᩥᨿᩮᨶ ᩅᩣ. ᨶᩥᩈᨩ᩠ᨩᩴ ᨽᩥᨠ᩠ᨡᩩ ᨸᨭᩥᨩᩣᨶᨾᩣᨶᩮᩣ ᨲᩥᨱ᩠ᨱᩴ ᨵᨾ᩠ᨾᩣᨶᩴ ᩋᨬ᩠ᨬᨲᩁᩮᨶ ᨠᩣᩁᩮᨲᨻ᩠ᨻᩮᩣ – ᨸᩣᩁᩣᨩᩥᨠᩮᨶ ᩅᩣ ᩈᨦ᩠ᨥᩣᨴᩥᩈᩮᩈᩮᨶ ᩅᩣ ᨸᩣᨧᩥᨲ᩠ᨲᩥᨿᩮᨶ ᩅᩣ. ᨿᩮᨶ ᩅᩣ ᩈᩣ ᩈᨴ᩠ᨵᩮᨿ᩠ᨿᩅᨧᩈᩣ ᩏᨸᩣᩈᩥᨠᩣ ᩅᨴᩮᨿ᩠ᨿ ᨲᩮᨶ ᩈᩮᩣ ᨽᩥᨠ᩠ᨡᩩ ᨠᩣᩁᩮᨲᨻ᩠ᨻᩮᩣ.

᪔᪔᪖. ᩈᩣ ¶ ᨧᩮ ᩑᩅᩴ ᩅᨴᩮᨿ᩠ᨿ – ‘‘ᩋᨿ᩠ᨿᩮᩣ ᨾᨿᩣ ᨴᩥᨭ᩠ᨮᩮᩣ ᨶᩥᩈᩥᨶ᩠ᨶᩮᩣ ᨾᩣᨲᩩᨣᩣᨾᩔ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᨶ᩠ᨲᩮᩣ’’ᨲᩥ, ᩈᩮᩣ ᨧ ᨲᩴ ᨸᨭᩥᨩᩣᨶᩣᨲᩥ, ᩌᨸᨲ᩠ᨲᩥᨿᩣ ᨠᩣᩁᩮᨲᨻ᩠ᨻᩮᩣ. ᩈᩣ ᨧᩮ ᩑᩅᩴ ᩅᨴᩮᨿ᩠ᨿ – ‘‘ᩋᨿ᩠ᨿᩮᩣ ᨾᨿᩣ ᨴᩥᨭ᩠ᨮᩮᩣ ᨶᩥᩈᩥᨶ᩠ᨶᩮᩣ ᨾᩣᨲᩩᨣᩣᨾᩔ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᨶ᩠ᨲᩮᩣ’’ᨲᩥ, ᩈᩮᩣ ᨧᩮ ᩑᩅᩴ ᩅᨴᩮᨿ᩠ᨿ – ‘‘ᩈᨧ᩠ᨧᩣᩉᩴ ᨶᩥᩈᩥᨶ᩠ᨶᩮᩣ, ᨶᩮᩣ ᨧ ᨡᩮᩣ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩥ’’ᨶ᩠ᨲᩥ, ᨶᩥᩈᨩ᩠ᨩᩣᨿ ᨠᩣᩁᩮᨲᨻ᩠ᨻᩮᩣ. ᩈᩣ ᨧᩮ ᩑᩅᩴ ᩅᨴᩮᨿ᩠ᨿ – ‘‘ᩋᨿ᩠ᨿᩮᩣ ᨾᨿᩣ ᨴᩥᨭ᩠ᨮᩮᩣ ᨶᩥᩈᩥᨶ᩠ᨶᩮᩣ ¶ ᨾᩣᨲᩩᨣᩣᨾᩔ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᨶ᩠ᨲᩮᩣ’’ᨲᩥ, ᩈᩮᩣ ᨧᩮ ᩑᩅᩴ ᩅᨴᩮᨿ᩠ᨿ – ‘‘ᨶᩣᩉᩴ ᨶᩥᩈᩥᨶ᩠ᨶᩮᩣ, ᩋᨸᩥᨧ ᨡᩮᩣ ᨶᩥᨸᨶ᩠ᨶᩮᩣ’’ᨲᩥ, ᨶᩥᨸᨩ᩠ᨩᩣᨿ ᨠᩣᩁᩮᨲᨻ᩠ᨻᩮᩣ ¶ . ᩈᩣ ᨧᩮ ᩑᩅᩴ ᩅᨴᩮᨿ᩠ᨿ – ‘‘ᩋᨿ᩠ᨿᩮᩣ ᨾᨿᩣ ᨴᩥᨭ᩠ᨮᩮᩣ ᨶᩥᩈᩥᨶ᩠ᨶᩮᩣ ᨾᩣᨲᩩᨣᩣᨾᩔ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᨶ᩠ᨲᩮᩣ’’ᨲᩥ, ᩈᩮᩣ ᨧᩮ ᩑᩅᩴ ᩅᨴᩮᨿ᩠ᨿ – ‘‘ᨶᩣᩉᩴ ᨶᩥᩈᩥᨶ᩠ᨶᩮᩣ ᩋᨸᩥᨧ ᨡᩮᩣ ᨮᩥᨲᩮᩣ’’ᨲᩥ, ᨶ ᨠᩣᩁᩮᨲᨻ᩠ᨻᩮᩣ.

᪔᪔᪗. ᩈᩣ ᨧᩮ ᩑᩅᩴ ᩅᨴᩮᨿ᩠ᨿ – ‘‘ᩋᨿ᩠ᨿᩮᩣ ᨾᨿᩣ ᨴᩥᨭ᩠ᨮᩮᩣ ᨶᩥᨸᨶ᩠ᨶᩮᩣ ᨾᩣᨲᩩᨣᩣᨾᩔ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᨶ᩠ᨲᩮᩣ’’ᨲᩥ, ᩈᩮᩣ ᨧ ᨲᩴ ᨸᨭᩥᨩᩣᨶᩣᨲᩥ, ᩌᨸᨲ᩠ᨲᩥᨿᩣ ᨠᩣᩁᩮᨲᨻ᩠ᨻᩮᩣ. ᩈᩣ ᨧᩮ ᩑᩅᩴ ᩅᨴᩮᨿ᩠ᨿ – ‘‘ᩋᨿ᩠ᨿᩮᩣ ᨾᨿᩣ ᨴᩥᨭ᩠ᨮᩮᩣ ᨶᩥᨸᨶ᩠ᨶᩮᩣ ᨾᩣᨲᩩᨣᩣᨾᩔ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᨶ᩠ᨲᩮᩣ’’ᨲᩥ, ᩈᩮᩣ ᨧᩮ ᩑᩅᩴ ᩅᨴᩮᨿ᩠ᨿ – ‘‘ᩈᨧ᩠ᨧᩣᩉᩴ ᨶᩥᨸᨶ᩠ᨶᩮᩣ, ᨶᩮᩣ ᨧ ᨡᩮᩣ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩥ’’ᨶ᩠ᨲᩥ, ᨶᩥᨸᨩ᩠ᨩᩣᨿ ᨠᩣᩁᩮᨲᨻ᩠ᨻᩮᩣ. ᩈᩣ ᨧᩮ ᩑᩅᩴ ᩅᨴᩮᨿ᩠ᨿ – ‘‘ᩋᨿ᩠ᨿᩮᩣ ᨾᨿᩣ ᨴᩥᨭ᩠ᨮᩮᩣ ᨶᩥᨸᨶ᩠ᨶᩮᩣ ᨾᩣᨲᩩᨣᩣᨾᩔ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᨶ᩠ᨲᩮᩣ’’ᨲᩥ, ᩈᩮᩣ ᨧᩮ ᩑᩅᩴ ᩅᨴᩮᨿ᩠ᨿ – ‘‘ᨶᩣᩉᩴ ᨶᩥᨸᨶ᩠ᨶᩮᩣ, ᩋᨸᩥᨧ ᨡᩮᩣ ᨶᩥᩈᩥᨶ᩠ᨶᩮᩣ’’ᨲᩥ, ᨶᩥᩈᨩ᩠ᨩᩣᨿ ᨠᩣᩁᩮᨲᨻ᩠ᨻᩮᩣ. ᩈᩣ ᨧᩮ ᩑᩅᩴ ᩅᨴᩮᨿ᩠ᨿ – ‘‘ᩋᨿ᩠ᨿᩮᩣ ᨾᨿᩣ ᨴᩥᨭ᩠ᨮᩮᩣ ᨶᩥᨸᨶ᩠ᨶᩮᩣ ᨾᩣᨲᩩᨣᩣᨾᩔ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᨶ᩠ᨲᩮᩣ’’ᨲᩥ ¶ , ᩈᩮᩣ ᨧᩮ ᩑᩅᩴ ᩅᨴᩮᨿ᩠ᨿ – ‘‘ᨶᩣᩉᩴ ᨶᩥᨸᨶ᩠ᨶᩮᩣ ᩋᨸᩥᨧ ᨡᩮᩣ ᨮᩥᨲᩮᩣ’’ᨲᩥ, ᨶ ᨠᩣᩁᩮᨲᨻ᩠ᨻᩮᩣ.

᪔᪔᪘. ᩈᩣ ᨧᩮ ᩑᩅᩴ ᩅᨴᩮᨿ᩠ᨿ – ‘‘ᩋᨿ᩠ᨿᩮᩣ ᨾᨿᩣ ᨴᩥᨭ᩠ᨮᩮᩣ ᨶᩥᩈᩥᨶ᩠ᨶᩮᩣ ᨾᩣᨲᩩᨣᩣᨾᩮᨶ ᩈᨴ᩠ᨵᩥᩴ ᨠᩣᨿᩈᩴᩈᨣ᩠ᨣᩴ ᩈᨾᩣᨸᨩ᩠ᨩᨶ᩠ᨲᩮᩣ’’ᨲᩥ, ᩈᩮᩣ ᨧ ᨲᩴ ᨸᨭᩥᨩᩣᨶᩣᨲᩥ, ᩌᨸᨲ᩠ᨲᩥᨿᩣ ᨠᩣᩁᩮᨲᨻ᩠ᨻᩮᩣ…ᨸᩮ… ᩈᨧ᩠ᨧᩣᩉᩴ ᨶᩥᩈᩥᨶ᩠ᨶᩮᩣ ᨶᩮᩣ ᨧ ᨡᩮᩣ ᨠᩣᨿᩈᩴᩈᨣ᩠ᨣᩴ ᩈᨾᩣᨸᨩ᩠ᨩᩥᨶ᩠ᨲᩥ, ᨶᩥᩈᨩ᩠ᨩᩣᨿ ᨠᩣᩁᩮᨲᨻ᩠ᨻᩮᩣ…ᨸᩮ… ᨶᩣᩉᩴ ᨶᩥᩈᩥᨶ᩠ᨶᩮᩣ ᩋᨸᩥᨧ ᨡᩮᩣ ᨶᩥᨸᨶ᩠ᨶᩮᩣᨲᩥ, ᨶᩥᨸᨩ᩠ᨩᩣᨿ ¶ ᨠᩣᩁᩮᨲᨻ᩠ᨻᩮᩣ…ᨸᩮ… ᨶᩣᩉᩴ ᨶᩥᩈᩥᨶ᩠ᨶᩮᩣ ᩋᨸᩥᨧ ᨡᩮᩣ ᨮᩥᨲᩮᩣᨲᩥ, ᨶ ᨠᩣᩁᩮᨲᨻ᩠ᨻᩮᩣ.

ᩈᩣ ᨧᩮ ᩑᩅᩴ ᩅᨴᩮᨿ᩠ᨿ – ‘‘ᩋᨿ᩠ᨿᩮᩣ ᨾᨿᩣ ᨴᩥᨭ᩠ᨮᩮᩣ ᨶᩥᨸᨶ᩠ᨶᩮᩣ ᨾᩣᨲᩩᨣᩣᨾᩮᨶ ᩈᨴ᩠ᨵᩥᩴ ᨠᩣᨿᩈᩴᩈᨣ᩠ᨣᩴ ᩈᨾᩣᨸᨩ᩠ᨩᨶ᩠ᨲᩮᩣ’’ᨲᩥ, ᩈᩮᩣ ᨧ ᨲᩴ ᨸᨭᩥᨩᩣᨶᩣᨲᩥ, ᩌᨸᨲ᩠ᨲᩥᨿᩣ ᨠᩣᩁᩮᨲᨻ᩠ᨻᩮᩣ…ᨸᩮ… ᩈᨧ᩠ᨧᩣᩉᩴ ᨶᩥᨸᨶ᩠ᨶᩮᩣ, ᨶᩮᩣ ᨧ ᨡᩮᩣ ᨠᩣᨿᩈᩴᩈᨣ᩠ᨣᩴ ᩈᨾᩣᨸᨩ᩠ᨩᩥᨶ᩠ᨲᩥ, ᨶᩥᨸᨩ᩠ᨩᩣᨿ ᨠᩣᩁᩮᨲᨻ᩠ᨻᩮᩣ…ᨸᩮ… ᨶᩣᩉᩴ ᨶᩥᨸᨶ᩠ᨶᩮᩣ, ᩋᨸᩥᨧ ᨡᩮᩣ ¶ ᨶᩥᩈᩥᨶ᩠ᨶᩮᩣᨲᩥ, ᨶᩥᩈᨩ᩠ᨩᩣᨿ ᨠᩣᩁᩮᨲᨻ᩠ᨻᩮᩣ…ᨸᩮ… ᨶᩣᩉᩴ ᨶᩥᨸᨶ᩠ᨶᩮᩣ, ᩋᨸᩥᨧ ᨡᩮᩣ ᨮᩥᨲᩮᩣᨲᩥ, ᨶ ᨠᩣᩁᩮᨲᨻ᩠ᨻᩮᩣ.

᪔᪔᪙. ᩈᩣ ᨧᩮ ᩑᩅᩴ ᩅᨴᩮᨿ᩠ᨿ – ‘‘ᩋᨿ᩠ᨿᩮᩣ ᨾᨿᩣ ᨴᩥᨭ᩠ᨮᩮᩣ ᨾᩣᨲᩩᨣᩣᨾᩮᨶ ᩈᨴ᩠ᨵᩥᩴ ᩑᨠᩮᩣ ᩑᨠᩣᨿ ᩁᩉᩮᩣ ᨸᨭᩥᨧ᩠ᨨᨶ᩠ᨶᩮ ᩌᩈᨶᩮ ᩋᩃᩴᨠᨾ᩠ᨾᨶᩥᨿᩮ ᨶᩥᩈᩥᨶ᩠ᨶᩮᩣ’’ᨲᩥ ¶ , ᩈᩮᩣ ᨧ ᨲᩴ ᨸᨭᩥᨩᩣᨶᩣᨲᩥ, ᨶᩥᩈᨩ᩠ᨩᩣᨿ ᨠᩣᩁᩮᨲᨻ᩠ᨻᩮᩣ…ᨸᩮ… ᨶᩣᩉᩴ ᨶᩥᩈᩥᨶ᩠ᨶᩮᩣ ᩋᨸᩥᨧ ᨡᩮᩣ ᨶᩥᨸᨶ᩠ᨶᩮᩣᨲᩥ, ᨶᩥᨸᨩ᩠ᨩᩣᨿ ᨠᩣᩁᩮᨲᨻ᩠ᨻᩮᩣ…ᨸᩮ… ᨶᩣᩉᩴ ᨶᩥᩈᩥᨶ᩠ᨶᩮᩣ, ᩋᨸᩥᨧ ᨡᩮᩣ ᨮᩥᨲᩮᩣᨲᩥ, ᨶ ᨠᩣᩁᩮᨲᨻ᩠ᨻᩮᩣ.

᪔᪕᪐. ᩈᩣ ᨧᩮ ᩑᩅᩴ ᩅᨴᩮᨿ᩠ᨿ – ‘‘ᩋᨿ᩠ᨿᩮᩣ ᨾᨿᩣ ᨴᩥᨭ᩠ᨮᩮᩣ ᨾᩣᨲᩩᨣᩣᨾᩮᨶ ᩈᨴ᩠ᨵᩥᩴ ᩑᨠᩮᩣ ᩑᨠᩣᨿ ᩁᩉᩮᩣ ᨸᨭᩥᨧ᩠ᨨᨶ᩠ᨶᩮ ᩌᩈᨶᩮ ᩋᩃᩴᨠᨾ᩠ᨾᨶᩥᨿᩮ ᨶᩥᨸᨶ᩠ᨶᩮᩣ’’ᨲᩥ, ᩈᩮᩣ ᨧ ᨲᩴ ᨸᨭᩥᨩᩣᨶᩣᨲᩥ, ᨶᩥᨸᨩ᩠ᨩᩣᨿ ᨠᩣᩁᩮᨲᨻ᩠ᨻᩮᩣ…ᨸᩮ… ᨶᩣᩉᩴ ᨶᩥᨸᨶ᩠ᨶᩮᩣ, ᩋᨸᩥᨧ ᨡᩮᩣ ᨶᩥᩈᩥᨶ᩠ᨶᩮᩣᨲᩥ, ᨶᩥᩈᨩ᩠ᨩᩣᨿ ᨠᩣᩁᩮᨲᨻ᩠ᨻᩮᩣ…ᨸᩮ… ᨶᩣᩉᩴ ᨶᩥᨸᨶ᩠ᨶᩮᩣ, ᩋᨸᩥᨧ ᨡᩮᩣ ᨮᩥᨲᩮᩣᨲᩥ, ᨶ ᨠᩣᩁᩮᨲᨻ᩠ᨻᩮᩣ.

ᩋᨶᩥᨿᨲᩮᩣᨲᩥ ¶ ᨶ ᨶᩥᨿᨲᩮᩣ, ᨸᩣᩁᩣᨩᩥᨠᩴ ᩅᩣ ᩈᨦ᩠ᨥᩣᨴᩥᩈᩮᩈᩮᩣ ᩅᩣ ᨸᩣᨧᩥᨲ᩠ᨲᩥᨿᩴ ᩅᩣ.

᪔᪕᪑. ᨣᨾᨶᩴ ᨸᨭᩥᨩᩣᨶᩣᨲᩥ, ᨶᩥᩈᨩ᩠ᨩᩴ ᨸᨭᩥᨩᩣᨶᩣᨲᩥ, ᩌᨸᨲ᩠ᨲᩥᩴ ᨸᨭᩥᨩᩣᨶᩣᨲᩥ, ᩌᨸᨲ᩠ᨲᩥᨿᩣ ᨠᩣᩁᩮᨲᨻ᩠ᨻᩮᩣ. ᨣᨾᨶᩴ ᨸᨭᩥᨩᩣᨶᩣᨲᩥ, ᨶᩥᩈᨩ᩠ᨩᩴ ᨶ ᨸᨭᩥᨩᩣᨶᩣᨲᩥ, ᩌᨸᨲ᩠ᨲᩥᩴ ᨸᨭᩥᨩᩣᨶᩣᨲᩥ, ᩌᨸᨲ᩠ᨲᩥᨿᩣ ᨠᩣᩁᩮᨲᨻ᩠ᨻᩮᩣ. ᨣᨾᨶᩴ ᨸᨭᩥᨩᩣᨶᩣᨲᩥ, ᨶᩥᩈᨩ᩠ᨩᩴ ᨸᨭᩥᨩᩣᨶᩣᨲᩥ, ᩌᨸᨲ᩠ᨲᩥᩴ ᨶ ᨸᨭᩥᨩᩣᨶᩣᨲᩥ, ᨶᩥᩈᨩ᩠ᨩᩣᨿ ᨠᩣᩁᩮᨲᨻ᩠ᨻᩮᩣ. ᨣᨾᨶᩴ ᨸᨭᩥᨩᩣᨶᩣᨲᩥ, ᨶᩥᩈᨩ᩠ᨩᩴ ᨶ ᨸᨭᩥᨩᩣᨶᩣᨲᩥ, ᩌᨸᨲ᩠ᨲᩥᩴ ᨶ ᨸᨭᩥᨩᩣᨶᩣᨲᩥ, ᨶ ᨠᩣᩁᩮᨲᨻ᩠ᨻᩮᩣ.

ᨣᨾᨶᩴ ᨶ ᨸᨭᩥᨩᩣᨶᩣᨲᩥ, ᨶᩥᩈᨩ᩠ᨩᩴ ᨸᨭᩥᨩᩣᨶᩣᨲᩥ, ᩌᨸᨲ᩠ᨲᩥᩴ ᨸᨭᩥᨩᩣᨶᩣᨲᩥ, ᩌᨸᨲ᩠ᨲᩥᨿᩣ

ᨠᩣᩁᩮᨲᨻ᩠ᨻᩮᩣ. ᨣᨾᨶᩴ ᨶ ᨸᨭᩥᨩᩣᨶᩣᨲᩥ, ᨶᩥᩈᨩ᩠ᨩᩴ ᨶ ᨸᨭᩥᨩᩣᨶᩣᨲᩥ, ᩌᨸᨲ᩠ᨲᩥᩴ ¶ ᨸᨭᩥᨩᩣᨶᩣᨲᩥ, ᩌᨸᨲ᩠ᨲᩥᨿᩣ ᨠᩣᩁᩮᨲᨻ᩠ᨻᩮᩣ. ᨣᨾᨶᩴ ᨶ ᨸᨭᩥᨩᩣᨶᩣᨲᩥ, ᨶᩥᩈᨩ᩠ᨩᩴ ᨸᨭᩥᨩᩣᨶᩣᨲᩥ, ᩌᨸᨲ᩠ᨲᩥᩴ ᨶ ᨸᨭᩥᨩᩣᨶᩣᨲᩥ, ᨶᩥᩈᨩ᩠ᨩᩣᨿ ᨠᩣᩁᩮᨲᨻ᩠ᨻᩮᩣ. ᨣᨾᨶᩴ ᨶ ᨸᨭᩥᨩᩣᨶᩣᨲᩥ, ᨶᩥᩈᨩ᩠ᨩᩴ ᨶ ᨸᨭᩥᨩᩣᨶᩣᨲᩥ, ᩌᨸᨲ᩠ᨲᩥᩴ ᨶ ᨸᨭᩥᨩᩣᨶᩣᨲᩥ, ᨶ ᨠᩣᩁᩮᨲᨻ᩠ᨻᩮᩣᨲᩥ.

ᨸᨮᨾᩮᩣ ᩋᨶᩥᨿᨲᩮᩣ ᨶᩥᨭ᩠ᨮᩥᨲᩮᩣ.

᪒. ᨴᩩᨲᩥᨿᩋᨶᩥᨿᨲᩈᩥᨠ᩠ᨡᩣᨸᨴᩴ

᪔᪕᪒. ᨲᩮᨶ ¶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ ᨩᩮᨲᩅᨶᩮ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᨿᩈ᩠ᨾᩣ ᩏᨴᩣᨿᩦ – ‘‘ᨽᨣᩅᨲᩣ ᨸᨭᩥᨠ᩠ᨡᩥᨲ᩠ᨲᩴ ᨾᩣᨲᩩᨣᩣᨾᩮᨶ ᩈᨴ᩠ᨵᩥᩴ ᩑᨠᩮᩣ ᩑᨠᩣᨿ ᩁᩉᩮᩣ ᨸᨭᩥᨧ᩠ᨨᨶ᩠ᨶᩮ ᩌᩈᨶᩮ ᩋᩃᩴᨠᨾ᩠ᨾᨶᩥᨿᩮ ᨶᩥᩈᨩ᩠ᨩᩴ ᨠᨸ᩠ᨸᩮᨲᩩ’’ᨶ᩠ᨲᩥ ᨲᩔᩣᨿᩮᩅ ᨠᩩᨾᩣᩁᩥᨠᩣᨿ ¶ ᩈᨴ᩠ᨵᩥᩴ ᩑᨠᩮᩣ ᩑᨠᩣᨿ ᩁᩉᩮᩣ ᨶᩥᩈᨩ᩠ᨩᩴ ᨠᨸ᩠ᨸᩮᩈᩥ ᨠᩣᩃᨿᩩᨲ᩠ᨲᩴ ᩈᨾᩩᩃ᩠ᩃᨸᨶ᩠ᨲᩮᩣ ᨠᩣᩃᨿᩩᨲ᩠ᨲᩴ ᨵᨾ᩠ᨾᩴ ᨽᨱᨶ᩠ᨲᩮᩣ. ᨴᩩᨲᩥᨿᨾ᩠ᨸᩥ ᨡᩮᩣ ᩅᩥᩈᩣᨡᩣ ᨾᩥᨣᩣᩁᨾᩣᨲᩣ ᨶᩥᨾᨶ᩠ᨲᩥᨲᩣ ᨲᩴ ᨠᩩᩃᩴ ᩋᨣᨾᩣᩈᩥ. ᩋᨴ᩠ᨴᩈᩣ ᨡᩮᩣ ᩅᩥᩈᩣᨡᩣ ᨾᩥᨣᩣᩁᨾᩣᨲᩣ ᩌᨿᩈ᩠ᨾᨶ᩠ᨲᩴ ᩏᨴᩣᨿᩥᩴ ᨲᩔᩣᨿᩮᩅ ᨠᩩᨾᩣᩁᩥᨠᩣᨿ ᩈᨴ᩠ᨵᩥᩴ ᩑᨠᩴ ᩑᨠᩣᨿ ᩁᩉᩮᩣ ᨶᩥᩈᩥᨶ᩠ᨶᩴ. ᨴᩥᩈ᩠ᩅᩣᨶ ᩌᨿᩈ᩠ᨾᨶ᩠ᨲᩴ ᩏᨴᩣᨿᩥᩴ ᩑᨲᨴᩅᩮᩣᨧ – ‘‘ᩍᨴᩴ, ᨽᨶ᩠ᨲᩮ, ᨶᨧ᩠ᨨᨶ᩠ᨶᩴ ᨶᨸ᩠ᨸᨲᩥᩁᩪᨸᩴ ᨿᩴ ᩋᨿ᩠ᨿᩮᩣ ᨾᩣᨲᩩᨣᩣᨾᩮᨶ ᩈᨴ᩠ᨵᩥᩴ ᩑᨠᩮᩣ ᩑᨠᩣᨿ ᩁᩉᩮᩣ ᨶᩥᩈᨩ᩠ᨩᩴ ᨠᨸ᩠ᨸᩮᨲᩥ. ᨠᩥᨬ᩠ᨧᩣᨸᩥ, ᨽᨶ᩠ᨲᩮ, ᩋᨿ᩠ᨿᩮᩣ ᩋᨶᨲ᩠ᨳᩥᨠᩮᩣ ᨲᩮᨶ ᨵᨾ᩠ᨾᩮᨶ, ᩋᨸᩥᨧ ᨴᩩᩔᨴ᩠ᨵᩣᨸᨿᩣ ᩋᨸ᩠ᨸᩈᨶ᩠ᨶᩣ ᨾᨶᩩᩔᩣ’’ᨲᩥ. ᩑᩅᨾ᩠ᨸᩥ ᨡᩮᩣ ᩌᨿᩈ᩠ᨾᩣ ᩏᨴᩣᨿᩦ ᩅᩥᩈᩣᨡᩣᨿ ᨾᩥᨣᩣᩁᨾᩣᨲᩩᨿᩣ ᩅᩩᨧ᩠ᨧᨾᩣᨶᩮᩣ ᨶᩣᨴᩥᨿᩥ. ᩋᨳ ᨡᩮᩣ ᩅᩥᩈᩣᨡᩣ ᨾᩥᨣᩣᩁᨾᩣᨲᩣ ᨶᩥᨠ᩠ᨡᨾᩥᨲ᩠ᩅᩣ ᨽᩥᨠ᩠ᨡᩪᨶᩴ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩌᨿᩈ᩠ᨾᩣ ᩏᨴᩣᨿᩦ ᨾᩣᨲᩩᨣᩣᨾᩮᨶ ᩈᨴ᩠ᨵᩥᩴ ᩑᨠᩮᩣ ᩑᨠᩣᨿ ᩁᩉᩮᩣ ᨶᩥᩈᨩ᩠ᨩᩴ ᨠᨸ᩠ᨸᩮᩔᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᩌᨿᩈ᩠ᨾᨶ᩠ᨲᩴ ᩏᨴᩣᨿᩥᩴ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ ¶ …ᨸᩮ… ‘‘ᩈᨧ᩠ᨧᩴ ᨠᩥᩁ ᨲ᩠ᩅᩴ, ᩏᨴᩣᨿᩥ, ᨾᩣᨲᩩᨣᩣᨾᩮᨶ ᩈᨴ᩠ᨵᩥᩴ ᩑᨠᩮᩣ ᩑᨠᩣᨿ ᩁᩉᩮᩣ ᨶᩥᩈᨩ᩠ᨩᩴ ᨠᨸ᩠ᨸᩮᩈᩦ’’ᨲᩥ? ‘‘ᩈᨧ᩠ᨧᩴ ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ᨠᨳᨬ᩠ᩉᩥ ᨶᩣᨾ ᨲ᩠ᩅᩴ, ᨾᩮᩣᨥᨸᩩᩁᩥᩈ, ᨾᩣᨲᩩᨣᩣᨾᩮᨶ ᩈᨴ᩠ᨵᩥᩴ ᩑᨠᩮᩣ ᩑᨠᩣᨿ ᩁᩉᩮᩣ ᨶᩥᩈᨩ᩠ᨩᩴ ᨠᨸ᩠ᨸᩮᩔᩈᩥ! ᨶᩮᨲᩴ, ᨾᩮᩣᨥᨸᩩᩁᩥᩈ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪔᪕᪓. ‘‘ᨶ ᩉᩮᩅ ᨡᩮᩣ ᨸᨶ ᨸᨭᩥᨧ᩠ᨨᨶ᩠ᨶᩴ ᩌᩈᨶᩴ ᩉᩮᩣᨲᩥ ᨶᩣᩃᩴ ᨠᨾ᩠ᨾᨶᩥᨿᩴ, ᩋᩃᨬ᩠ᨧ ᨡᩮᩣ ᩉᩮᩣᨲᩥ ᨾᩣᨲᩩᨣᩣᨾᩴ ᨴᩩᨭ᩠ᨮᩩᩃ᩠ᩃᩣᩉᩥ ᩅᩣᨧᩣᩉᩥ ᩒᨽᩣᩈᩥᨲᩩᩴ. ᨿᩮᩣ ᨸᨶ ᨽᩥᨠ᩠ᨡᩩ ᨲᨳᩣᩁᩪᨸᩮ ᩌᩈᨶᩮ ᨾᩣᨲᩩᨣᩣᨾᩮᨶ ᩈᨴ᩠ᨵᩥᩴ ᩑᨠᩮᩣ ᩑᨠᩣᨿ ᩁᩉᩮᩣ ᨶᩥᩈᨩ᩠ᨩᩴ ᨠᨸ᩠ᨸᩮᨿ᩠ᨿ, ᨲᨾᩮᨶᩴ ᩈᨴ᩠ᨵᩮᨿ᩠ᨿᩅᨧᩈᩣ ᩏᨸᩣᩈᩥᨠᩣ ᨴᩥᩈ᩠ᩅᩣ ᨴ᩠ᩅᩥᨶ᩠ᨶᩴ ᨵᨾ᩠ᨾᩣᨶᩴ ᩋᨬ᩠ᨬᨲᩁᩮᨶ ᩅᨴᩮᨿ᩠ᨿ – ᩈᨦ᩠ᨥᩣᨴᩥᩈᩮᩈᩮᨶ ᩅᩣ ᨸᩣᨧᩥᨲ᩠ᨲᩥᨿᩮᨶ ᩅᩣ. ᨶᩥᩈᨩ᩠ᨩᩴ ᨽᩥᨠ᩠ᨡᩩ ᨸᨭᩥᨩᩣᨶᨾᩣᨶᩮᩣ ᨴ᩠ᩅᩥᨶ᩠ᨶᩴ ᨵᨾ᩠ᨾᩣᨶᩴ ᩋᨬ᩠ᨬᨲᩁᩮᨶ ᨠᩣᩁᩮᨲᨻ᩠ᨻᩮᩣ – ᩈᨦ᩠ᨥᩣᨴᩥᩈᩮᩈᩮᨶ ᩅᩣ ᨸᩣᨧᩥᨲ᩠ᨲᩥᨿᩮᨶ ᩅᩣ. ᨿᩮᨶ ᩅᩣ ᩈᩣ ¶ ᩈᨴ᩠ᨵᩮᨿ᩠ᨿᩅᨧᩈᩣ ᩏᨸᩣᩈᩥᨠᩣ ᩅᨴᩮᨿ᩠ᨿ ᨲᩮᨶ ᩈᩮᩣ ᨽᩥᨠ᩠ᨡᩩ ᨠᩣᩁᩮᨲᨻ᩠ᨻᩮᩣ. ᩋᨿᨾ᩠ᨸᩥ ᨵᨾ᩠ᨾᩮᩣ ᩋᨶᩥᨿᨲᩮᩣ’’ᨲᩥ.

᪔᪕᪔. ᨶ ᩉᩮᩅ ¶ ᨡᩮᩣ ᨸᨶ ᨸᨭᩥᨧ᩠ᨨᨶ᩠ᨶᩴ ᩌᩈᨶᩴ ᩉᩮᩣᨲᩦᨲᩥ ᩋᨸ᩠ᨸᨭᩥᨧ᩠ᨨᨶ᩠ᨶᩴ ᩉᩮᩣᨲᩥ ᨠᩩᨭ᩠ᨭᩮᨶ ᩅᩣ ᨠᩅᩣᨭᩮᨶ ᩅᩣ ᨠᩥᩃᨬ᩠ᨩᩮᨶ ᩅᩣ ᩈᩣᨱᩥᨸᩣᨠᩣᩁᩮᨶ ᩅᩣ ᩁᩩᨠ᩠ᨡᩮᨶ ᩅᩣ ᨳᨾ᩠ᨽᩮᨶ ᩅᩣ ᨠᩮᩣᨲ᩠ᨳᩊᩥᨿᩣ ᩅᩣ ᨿᩮᨶ ᨠᩮᨶᨧᩥ ᩋᨸ᩠ᨸᨭᩥᨧ᩠ᨨᨶ᩠ᨶᩴ ᩉᩮᩣᨲᩥ.

ᨶᩣᩃᩴ ¶ ᨠᨾ᩠ᨾᨶᩥᨿᨶ᩠ᨲᩥ ᨶ ᩈᨠ᩠ᨠᩣ ᩉᩮᩣᨲᩥ ᨾᩮᨳᩩᨶᩴ ᨵᨾ᩠ᨾᩴ ᨸᨭᩥᩈᩮᩅᩥᨲᩩᩴ.

ᩋᩃᨬ᩠ᨧ ᨡᩮᩣ ᩉᩮᩣᨲᩥ ᨾᩣᨲᩩᨣᩣᨾᩴ ᨴᩩᨭ᩠ᨮᩩᩃ᩠ᩃᩣᩉᩥ ᩅᩣᨧᩣᩉᩥ ᩒᨽᩣᩈᩥᨲᩩᨶ᩠ᨲᩥ ᩈᨠ᩠ᨠᩣ ᩉᩮᩣᨲᩥ ᨾᩣᨲᩩᨣᩣᨾᩴ ᨴᩩᨭ᩠ᨮᩩᩃ᩠ᩃᩣᩉᩥ ᩅᩣᨧᩣᩉᩥ ᩒᨽᩣᩈᩥᨲᩩᩴ.

ᨿᩮᩣ ¶ ᨸᨶᩣᨲᩥ ᨿᩮᩣ ᨿᩣᨴᩥᩈᩮᩣ…ᨸᩮ… ᨽᩥᨠ᩠ᨡᩪᨲᩥ…ᨸᩮ… ᩋᨿᩴ ᩍᨾᩈ᩠ᨾᩥᩴ ᩋᨲ᩠ᨳᩮ ᩋᨵᩥᨸ᩠ᨸᩮᨲᩮᩣ ᨽᩥᨠ᩠ᨡᩪᨲᩥ.

ᨲᨳᩣᩁᩪᨸᩮ ᩌᩈᨶᩮᨲᩥ ᩑᩅᩁᩪᨸᩮ ᩌᩈᨶᩮ.

ᨾᩣᨲᩩᨣᩣᨾᩮᩣ ᨶᩣᨾ ᨾᨶᩩᩔᩥᨲ᩠ᨳᩦ, ᨶ ᨿᨠ᩠ᨡᩦ ᨶ ᨸᩮᨲᩦ ᨶ ᨲᩥᩁᨧ᩠ᨨᩣᨶᨣᨲᩣ, ᩅᩥᨬ᩠ᨬᩪ ᨸᨭᩥᨻᩃᩣ ᩈᩩᨽᩣᩈᩥᨲᨴᩩᨻ᩠ᨽᩣᩈᩥᨲᩴ ᨴᩩᨭ᩠ᨮᩩᩃ᩠ᩃᩣᨴᩩᨭ᩠ᨮᩩᩃ᩠ᩃᩴ ᩌᨩᩣᨶᩥᨲᩩᩴ.

ᩈᨴ᩠ᨵᩥᨶ᩠ᨲᩥ ᩑᨠᨲᩮᩣ.

ᩑᨠᩮᩣ ᩑᨠᩣᨿᩣᨲᩥ ᨽᩥᨠ᩠ᨡᩩ ᨧᩮᩅ ᩉᩮᩣᨲᩥ ᨾᩣᨲᩩᨣᩣᨾᩮᩣ ᨧ.

ᩁᩉᩮᩣ ᨶᩣᨾ ᨧᨠ᩠ᨡᩩᩔ ᩁᩉᩮᩣ, ᩈᩮᩣᨲᩔ ᩁᩉᩮᩣ. ᨧᨠ᩠ᨡᩩᩔ ᩁᩉᩮᩣ ᨶᩣᨾ ᨶ ᩈᨠ᩠ᨠᩣ ᩉᩮᩣᨲᩥ ᩋᨠ᩠ᨡᩥᩴ ᩅᩣ ᨶᩥᨡᨱᩦᨿᨾᩣᨶᩮ ᨽᨾᩩᨠᩴ ᩅᩣ ᩏᨠ᩠ᨡᩥᨸᩦᨿᨾᩣᨶᩮ ᩈᩦᩈᩴ ᩅᩣ ᩏᨠ᩠ᨡᩥᨸᩦᨿᨾᩣᨶᩮ ᨸᩔᩥᨲᩩᩴ. ᩈᩮᩣᨲᩔ ᩁᩉᩮᩣ ᨶᩣᨾ ᨶ ᩈᨠ᩠ᨠᩣ ᩉᩮᩣᨲᩥ ᨸᨠᨲᩥᨠᨳᩣ ᩈᩮᩣᨲᩩᩴ.

ᨶᩥᩈᨩ᩠ᨩᩴ ᨠᨸ᩠ᨸᩮᨿ᩠ᨿᩣᨲᩥ ᨾᩣᨲᩩᨣᩣᨾᩮ ᨶᩥᩈᩥᨶ᩠ᨶᩮ ᨽᩥᨠ᩠ᨡᩩ ᩏᨸᨶᩥᩈᩥᨶ᩠ᨶᩮᩣ ᩅᩣ ᩉᩮᩣᨲᩥ ᩏᨸᨶᩥᨸᨶ᩠ᨶᩮᩣ ᩅᩣ. ᨽᩥᨠ᩠ᨡᩩ ᨶᩥᩈᩥᨶ᩠ᨶᩮ ᨾᩣᨲᩩᨣᩣᨾᩮᩣ ᩏᨸᨶᩥᩈᩥᨶ᩠ᨶᩮᩣ ᩅᩣ ᩉᩮᩣᨲᩥ ᩏᨸᨶᩥᨸᨶ᩠ᨶᩮᩣ ᩅᩣ. ᩏᨽᩮᩣ ᩅᩣ ᨶᩥᩈᩥᨶ᩠ᨶᩣ ᩉᩮᩣᨶ᩠ᨲᩥ ᩏᨽᩮᩣ ᩅᩣ ᨶᩥᨸᨶ᩠ᨶᩣ.

ᩈᨴ᩠ᨵᩮᨿ᩠ᨿᩅᨧᩈᩣ ¶ ᨶᩣᨾ ᩌᨣᨲᨹᩃᩣ ᩋᨽᩥᩈᨾᩮᨲᩣᩅᩥᨶᩦ ᩅᩥᨬ᩠ᨬᩣᨲᩈᩣᩈᨶᩣ.

ᩏᨸᩣᩈᩥᨠᩣ ᨶᩣᨾ ᨻᩩᨴ᩠ᨵᩴ ᩈᩁᨱᩴ ᨣᨲᩣ, ᨵᨾ᩠ᨾᩴ ᩈᩁᨱᩴ ᨣᨲᩣ, ᩈᨦ᩠ᨥᩴ ᩈᩁᨱᩴ ᨣᨲᩣ.

ᨴᩥᩈ᩠ᩅᩣᨲᩥ ᨸᩔᩥᨲ᩠ᩅᩣ.

ᨴ᩠ᩅᩥᨶ᩠ᨶᩴ ᨵᨾ᩠ᨾᩣᨶᩴ ᩋᨬ᩠ᨬᨲᩁᩮᨶ ᩅᨴᩮᨿ᩠ᨿ ᩈᨦ᩠ᨥᩣᨴᩥᩈᩮᩈᩮᨶ ᩅᩣ ᨸᩣᨧᩥᨲ᩠ᨲᩥᨿᩮᨶ ᩅᩣ. ᨶᩥᩈᨩ᩠ᨩᩴ ᨽᩥᨠ᩠ᨡᩩ ᨸᨭᩥᨩᩣᨶᨾᩣᨶᩮᩣ ᨴ᩠ᩅᩥᨶ᩠ᨶᩴ ᨵᨾ᩠ᨾᩣᨶᩴ ᩋᨬ᩠ᨬᨲᩁᩮᨶ ᨠᩣᩁᩮᨲᨻ᩠ᨻᩮᩣ – ᩈᨦ᩠ᨥᩣᨴᩥᩈᩮᩈᩮᨶ ᩅᩣ ᨸᩣᨧᩥᨲ᩠ᨲᩥᨿᩮᨶ ᩅᩣ. ᨿᩮᨶ ᩅᩣ ᩈᩣ ᩈᨴ᩠ᨵᩮᨿ᩠ᨿᩅᨧᩈᩣ ᩏᨸᩣᩈᩥᨠᩣ ᩅᨴᩮᨿ᩠ᨿ, ᨲᩮᨶ ᩈᩮᩣ ᨽᩥᨠ᩠ᨡᩩ ᨠᩣᩁᩮᨲᨻ᩠ᨻᩮᩣ.

᪔᪕᪕. ᩈᩣ ¶ ᨧᩮ ᩑᩅᩴ ᩅᨴᩮᨿ᩠ᨿ – ‘‘ᩋᨿ᩠ᨿᩮᩣ ᨾᨿᩣ ᨴᩥᨭ᩠ᨮᩮᩣ ᨶᩥᩈᩥᨶ᩠ᨶᩮᩣ ᨾᩣᨲᩩᨣᩣᨾᩮᨶ ᩈᨴ᩠ᨵᩥᩴ ᨠᩣᨿᩈᩴᩈᨣ᩠ᨣᩴ ᩈᨾᩣᨸᨩ᩠ᨩᨶ᩠ᨲᩮᩣ’’ᨲᩥ, ᩈᩮᩣ ᨧ ᨲᩴ ᨸᨭᩥᨩᩣᨶᩣᨲᩥ, ᩌᨸᨲ᩠ᨲᩥᨿᩣ ᨠᩣᩁᩮᨲᨻ᩠ᨻᩮᩣ. ᩈᩣ ᨧᩮ ᩑᩅᩴ ᩅᨴᩮᨿ᩠ᨿ – ‘‘ᩋᨿ᩠ᨿᩮᩣ ᨾᨿᩣ ¶ ᨴᩥᨭ᩠ᨮᩮᩣ ᨶᩥᩈᩥᨶ᩠ᨶᩮᩣ ᨾᩣᨲᩩᨣᩣᨾᩮᨶ ᩈᨴ᩠ᨵᩥᩴ ᨠᩣᨿᩈᩴᩈᨣ᩠ᨣᩴ ᩈᨾᩣᨸᨩ᩠ᨩᨶ᩠ᨲᩮᩣ’’ᨲᩥ, ᩈᩮᩣ ᨧᩮ ᩑᩅᩴ ᩅᨴᩮᨿ᩠ᨿ – ‘‘ᩈᨧ᩠ᨧᩣᩉᩴ ᨶᩥᩈᩥᨶ᩠ᨶᩮᩣ, ᨶᩮᩣ ᨧ ᨡᩮᩣ ᨠᩣᨿᩈᩴᩈᨣ᩠ᨣᩴ ᩈᨾᩣᨸᨩ᩠ᨩᩥ’’ᨶ᩠ᨲᩥ, ᨶᩥᩈᨩ᩠ᨩᩣᨿ ᨠᩣᩁᩮᨲᨻ᩠ᨻᩮᩣ…ᨸᩮ… ᨶᩣᩉᩴ ᨶᩥᩈᩥᨶ᩠ᨶᩮᩣ, ᩋᨸᩥᨧ ᨡᩮᩣ ᨶᩥᨸᨶ᩠ᨶᩮᩣᨲᩥ, ᨶᩥᨸᨩ᩠ᨩᩣᨿ ᨠᩣᩁᩮᨲᨻ᩠ᨻᩮᩣ…ᨸᩮ… ᨶᩣᩉᩴ ᨶᩥᩈᩥᨶ᩠ᨶᩮᩣ, ᩋᨸᩥᨧ ᨡᩮᩣ ᨮᩥᨲᩮᩣᨲᩥ, ᨶ ᨠᩣᩁᩮᨲᨻ᩠ᨻᩮᩣ.

ᩈᩣ ᨧᩮ ᩑᩅᩴ ᩅᨴᩮᨿ᩠ᨿ – ‘‘ᩋᨿ᩠ᨿᩮᩣ ᨾᨿᩣ ᨴᩥᨭ᩠ᨮᩮᩣ ᨶᩥᨸᨶ᩠ᨶᩮᩣ ᨾᩣᨲᩩᨣᩣᨾᩮᨶ ᩈᨴ᩠ᨵᩥᩴ ᨠᩣᨿᩈᩴᩈᨣ᩠ᨣᩴ ᩈᨾᩣᨸᨩ᩠ᨩᨶ᩠ᨲᩮᩣ’’ᨲᩥ, ᩈᩮᩣ ᨧ ᨲᩴ ᨸᨭᩥᨩᩣᨶᩣᨲᩥ, ᩌᨸᨲ᩠ᨲᩥᨿᩣ ᨠᩣᩁᩮᨲᨻ᩠ᨻᩮᩣ…ᨸᩮ… ᩈᨧ᩠ᨧᩣᩉᩴ ᨶᩥᨸᨶ᩠ᨶᩮᩣ, ᨶᩮᩣ ᨧ ᨡᩮᩣ ᨠᩣᨿᩈᩴᩈᨣ᩠ᨣᩴ ᩈᨾᩣᨸᨩ᩠ᨩᩥᨶ᩠ᨲᩥ, ᨶᩥᨸᨩ᩠ᨩᩣᨿ ᨠᩣᩁᩮᨲᨻ᩠ᨻᩮᩣ…ᨸᩮ… ᨶᩣᩉᩴ ᨶᩥᨸᨶ᩠ᨶᩮᩣ, ᩋᨸᩥᨧ ᨡᩮᩣ ᨶᩥᩈᩥᨶ᩠ᨶᩮᩣᨲᩥ, ᨶᩥᩈᨩ᩠ᨩᩣᨿ ᨠᩣᩁᩮᨲᨻ᩠ᨻᩮᩣ ¶ …ᨸᩮ… ᨶᩣᩉᩴ ᨶᩥᨸᨶ᩠ᨶᩮᩣ, ᩋᨸᩥᨧ ᨡᩮᩣ ᨮᩥᨲᩮᩣᨲᩥ, ᨶ ᨠᩣᩁᩮᨲᨻ᩠ᨻᩮᩣ.

ᩈᩣ ¶ ᨧᩮ ᩑᩅᩴ ᩅᨴᩮᨿ᩠ᨿ – ‘‘ᩋᨿ᩠ᨿᩔ ᨾᨿᩣ ᩈᩩᨲᩴ ᨶᩥᩈᩥᨶ᩠ᨶᩔ ᨾᩣᨲᩩᨣᩣᨾᩴ ᨴᩩᨭ᩠ᨮᩩᩃ᩠ᩃᩣᩉᩥ ᩅᩣᨧᩣᩉᩥ ᩒᨽᩣᩈᨶ᩠ᨲᩔᩣ’’ᨲᩥ, ᩈᩮᩣ ᨧ ᨲᩴ ᨸᨭᩥᨩᩣᨶᩣᨲᩥ, ᩌᨸᨲ᩠ᨲᩥᨿᩣ ¶ ᨠᩣᩁᩮᨲᨻ᩠ᨻᩮᩣ. ᩈᩣ ᨧᩮ ᩑᩅᩴ ᩅᨴᩮᨿ᩠ᨿ – ‘‘ᩋᨿ᩠ᨿᩔ ᨾᨿᩣ ᩈᩩᨲᩴ ᨶᩥᩈᩥᨶ᩠ᨶᩔ ᨾᩣᨲᩩᨣᩣᨾᩴ ᨴᩩᨭ᩠ᨮᩩᩃ᩠ᩃᩣᩉᩥ ᩅᩣᨧᩣᩉᩥ ᩒᨽᩣᩈᨶ᩠ᨲᩔᩣ’’ᨲᩥ, ᩈᩮᩣ ᨧᩮ ᩑᩅᩴ ᩅᨴᩮᨿ᩠ᨿ – ‘‘ᩈᨧ᩠ᨧᩣᩉᩴ ᨶᩥᩈᩥᨶ᩠ᨶᩮᩣ, ᨶᩮᩣ ᨧ ᨡᩮᩣ ᨴᩩᨭ᩠ᨮᩩᩃ᩠ᩃᩣᩉᩥ ᩅᩣᨧᩣᩉᩥ ᩒᨽᩣᩈᩥ’’ᨶ᩠ᨲᩥ, ᨶᩥᩈᨩ᩠ᨩᩣᨿ ᨠᩣᩁᩮᨲᨻ᩠ᨻᩮᩣ…ᨸᩮ… ᨶᩣᩉᩴ ᨶᩥᩈᩥᨶ᩠ᨶᩮᩣ, ᩋᨸᩥᨧ ᨡᩮᩣ ᨶᩥᨸᨶ᩠ᨶᩮᩣᨲᩥ, ᨶᩥᨸᨩ᩠ᨩᩣᨿ ᨠᩣᩁᩮᨲᨻ᩠ᨻᩮᩣ…ᨸᩮ… ᨶᩣᩉᩴ ᨶᩥᩈᩥᨶ᩠ᨶᩮᩣ, ᩋᨸᩥᨧ ᨡᩮᩣ ᨮᩥᨲᩮᩣᨲᩥ, ᨶ ᨠᩣᩁᩮᨲᨻ᩠ᨻᩮᩣ.

ᩈᩣ ᨧᩮ ᩑᩅᩴ ᩅᨴᩮᨿ᩠ᨿ – ‘‘ᩋᨿ᩠ᨿᩔ ᨾᨿᩣ ᩈᩩᨲᩴ ᨶᩥᨸᨶ᩠ᨶᩔ ᨾᩣᨲᩩᨣᩣᨾᩴ ᨴᩩᨭ᩠ᨮᩩᩃ᩠ᩃᩣᩉᩥ ᩅᩣᨧᩣᩉᩥ ᩒᨽᩣᩈᨶ᩠ᨲᩔᩣ’’ᨲᩥ, ᩈᩮᩣ ᨧ ᨲᩴ ᨸᨭᩥᨩᩣᨶᩣᨲᩥ, ᩌᨸᨲ᩠ᨲᩥᨿᩣ ᨠᩣᩁᩮᨲᨻ᩠ᨻᩮᩣ…ᨸᩮ… ᩈᨧ᩠ᨧᩣᩉᩴ ᨶᩥᨸᨶ᩠ᨶᩮᩣ ᨶᩮᩣ ᨧ ᨡᩮᩣ ᨴᩩᨭ᩠ᨮᩩᩃ᩠ᩃᩣᩉᩥ ᩅᩣᨧᩣᩉᩥ ᩒᨽᩣᩈᩥᨶ᩠ᨲᩥ, ᨶᩥᨸᨩ᩠ᨩᩣᨿ ᨠᩣᩁᩮᨲᨻ᩠ᨻᩮᩣ…ᨸᩮ… ᨶᩣᩉᩴ ᨶᩥᨸᨶ᩠ᨶᩮᩣ, ᩋᨸᩥᨧ ᨡᩮᩣ ᨶᩥᩈᩥᨶ᩠ᨶᩮᩣᨲᩥ, ᨶᩥᩈᨩ᩠ᨩᩣᨿ ᨠᩣᩁᩮᨲᨻ᩠ᨻᩮᩣ…ᨸᩮ… ᨶᩣᩉᩴ ᨶᩥᨸᨶ᩠ᨶᩮᩣ, ᩋᨸᩥᨧ ᨡᩮᩣ ᨮᩥᨲᩮᩣᨲᩥ, ᨶ ᨠᩣᩁᩮᨲᨻ᩠ᨻᩮᩣ.

᪔᪕᪖. ᩈᩣ ᨧᩮ ᩑᩅᩴ ᩅᨴᩮᨿ᩠ᨿ – ‘‘ᩋᨿ᩠ᨿᩮᩣ ᨾᨿᩣ ᨴᩥᨭ᩠ᨮᩮᩣ ᨾᩣᨲᩩᨣᩣᨾᩮᨶ ᩈᨴ᩠ᨵᩥᩴ ᩑᨠᩮᩣ ᩑᨠᩣᨿ ᩁᩉᩮᩣ ᨶᩥᩈᩥᨶ᩠ᨶᩮᩣ’’ᨲᩥ, ᩈᩮᩣ ᨧ ᨲᩴ ᨸᨭᩥᨩᩣᨶᩣᨲᩥ, ᨶᩥᩈᨩ᩠ᨩᩣᨿ ᨠᩣᩁᩮᨲᨻ᩠ᨻᩮᩣ…ᨸᩮ… ᨶᩣᩉᩴ ᨶᩥᩈᩥᨶ᩠ᨶᩮᩣ, ᩋᨸᩥᨧ ᨡᩮᩣ ᨶᩥᨸᨶ᩠ᨶᩮᩣᨲᩥ, ᨶᩥᨸᨩ᩠ᨩᩣᨿ ᨠᩣᩁᩮᨲᨻ᩠ᨻᩮᩣ…ᨸᩮ… ᨶᩣᩉᩴ ᨶᩥᩈᩥᨶ᩠ᨶᩮᩣ, ᩋᨸᩥᨧ ᨡᩮᩣ ᨮᩥᨲᩮᩣᨲᩥ, ᨶ ᨠᩣᩁᩮᨲᨻ᩠ᨻᩮᩣ.

ᩈᩣ ¶ ᨧᩮ ᩑᩅᩴ ᩅᨴᩮᨿ᩠ᨿ – ‘‘ᩋᨿ᩠ᨿᩮᩣ ᨾᨿᩣ ᨴᩥᨭ᩠ᨮᩮᩣ ᨾᩣᨲᩩᨣᩣᨾᩮᨶ ᩈᨴ᩠ᨵᩥᩴ ᩑᨠᩮᩣ ᩑᨠᩣᨿ ᩁᩉᩮᩣ ᨶᩥᨸᨶ᩠ᨶᩮᩣ’’ᨲᩥ, ᩈᩮᩣ ᨧ ᨲᩴ ᨸᨭᩥᨩᩣᨶᩣᨲᩥ, ᨶᩥᨸᨩ᩠ᨩᩣᨿ ᨠᩣᩁᩮᨲᨻ᩠ᨻᩮᩣ…ᨸᩮ… ᨶᩣᩉᩴ ᨶᩥᨸᨶ᩠ᨶᩮᩣ, ᩋᨸᩥᨧ ᨡᩮᩣ ᨶᩥᩈᩥᨶ᩠ᨶᩮᩣᨲᩥ, ᨶᩥᩈᨩ᩠ᨩᩣᨿ ¶ ᨠᩣᩁᩮᨲᨻ᩠ᨻᩮᩣ…ᨸᩮ… ᨶᩣᩉᩴ ᨶᩥᨸᨶ᩠ᨶᩮᩣ, ᩋᨸᩥᨧ ᨡᩮᩣ ᨮᩥᨲᩮᩣᨲᩥ, ᨶ ᨠᩣᩁᩮᨲᨻ᩠ᨻᩮᩣ.

ᩋᨿᨾ᩠ᨸᩦᨲᩥ ᨸᩩᩁᩥᨾᩴ ᩏᨸᩣᨴᩣᨿ ᩅᩩᨧ᩠ᨧᨲᩥ.

ᩋᨶᩥᨿᨲᩮᩣᨲᩥ ᨶ ᨶᩥᨿᨲᩮᩣ, ᩈᨦ᩠ᨥᩣᨴᩥᩈᩮᩈᩮᩣ ᩅᩣ ᨸᩣᨧᩥᨲ᩠ᨲᩥᨿᩴ ᩅᩣ.

᪔᪕᪗. ᨣᨾᨶᩴ ᨸᨭᩥᨩᩣᨶᩣᨲᩥ ᨶᩥᩈᨩ᩠ᨩᩴ ᨸᨭᩥᨩᩣᨶᩣᨲᩥ ᩌᨸᨲ᩠ᨲᩥᩴ ᨸᨭᩥᨩᩣᨶᩣᨲᩥ, ᩌᨸᨲ᩠ᨲᩥᨿᩣ ᨠᩣᩁᩮᨲᨻ᩠ᨻᩮᩣ. ᨣᨾᨶᩴ ᨸᨭᩥᨩᩣᨶᩣᨲᩥ ᨶᩥᩈᨩ᩠ᨩᩴ ᨶ ᨸᨭᩥᨩᩣᨶᩣᨲᩥ ᩌᨸᨲ᩠ᨲᩥᩴ ᨸᨭᩥᨩᩣᨶᩣᨲᩥ, ᩌᨸᨲ᩠ᨲᩥᨿᩣ ᨠᩣᩁᩮᨲᨻ᩠ᨻᩮᩣ. ᨣᨾᨶᩴ ᨸᨭᩥᨩᩣᨶᩣᨲᩥ ᨶᩥᩈᨩ᩠ᨩᩴ ᨸᨭᩥᨩᩣᨶᩣᨲᩥ ᩌᨸᨲ᩠ᨲᩥᩴ ᨶ ᨸᨭᩥᨩᩣᨶᩣᨲᩥ, ᨶᩥᩈᨩ᩠ᨩᩣᨿ ᨠᩣᩁᩮᨲᨻ᩠ᨻᩮᩣ. ᨣᨾᨶᩴ ᨸᨭᩥᨩᩣᨶᩣᨲᩥ ᨶᩥᩈᨩ᩠ᨩᩴ ᨶ ᨸᨭᩥᨩᩣᨶᩣᨲᩥ ᩌᨸᨲ᩠ᨲᩥᩴ ᨶ ᨸᨭᩥᨩᩣᨶᩣᨲᩥ, ᨶ ᨠᩣᩁᩮᨲᨻ᩠ᨻᩮᩣ.

ᨣᨾᨶᩴ ᨶ ᨸᨭᩥᨩᩣᨶᩣᨲᩥ ᨶᩥᩈᨩ᩠ᨩᩴ ᨸᨭᩥᨩᩣᨶᩣᨲᩥ ᩌᨸᨲ᩠ᨲᩥᩴ ᨸᨭᩥᨩᩣᨶᩣᨲᩥ, ᩌᨸᨲ᩠ᨲᩥᨿᩣ ᨠᩣᩁᩮᨲᨻ᩠ᨻᩮᩣ. ᨣᨾᨶᩴ ᨶ ᨸᨭᩥᨩᩣᨶᩣᨲᩥ ᨶᩥᩈᨩ᩠ᨩᩴ ᨶ ᨸᨭᩥᨩᩣᨶᩣᨲᩥ ᩌᨸᨲ᩠ᨲᩥᩴ ᨸᨭᩥᨩᩣᨶᩣᨲᩥ, ᩌᨸᨲ᩠ᨲᩥᨿᩣ ᨠᩣᩁᩮᨲᨻ᩠ᨻᩮᩣ. ᨣᨾᨶᩴ ᨶ ᨸᨭᩥᨩᩣᨶᩣᨲᩥ ᨶᩥᩈᨩ᩠ᨩᩴ ᨸᨭᩥᨩᩣᨶᩣᨲᩥ ᩌᨸᨲ᩠ᨲᩥᩴ ᨶ ᨸᨭᩥᨩᩣᨶᩣᨲᩥ ¶ , ᨶᩥᩈᨩ᩠ᨩᩣᨿ ᨠᩣᩁᩮᨲᨻ᩠ᨻᩮᩣ. ᨣᨾᨶᩴ ᨶ ᨸᨭᩥᨩᩣᨶᩣᨲᩥ ᨶᩥᩈᨩ᩠ᨩᩴ ᨶ ᨸᨭᩥᨩᩣᨶᩣᨲᩥ ᩌᨸᨲ᩠ᨲᩥᩴ ᨶ ᨸᨭᩥᨩᩣᨶᩣᨲᩥ, ᨶ ᨠᩣᩁᩮᨲᨻ᩠ᨻᩮᩣᨲᩥ.

ᨴᩩᨲᩥᨿᩮᩣ ᩋᨶᩥᨿᨲᩮᩣ ᨶᩥᨭ᩠ᨮᩥᨲᩮᩣ.

᪔᪕᪘. ᩏᨴ᩠ᨴᩥᨭ᩠ᨮᩣ ¶ ¶ ᨡᩮᩣ ᩌᨿᩈ᩠ᨾᨶ᩠ᨲᩮᩣ ᨴ᩠ᩅᩮ ᩋᨶᩥᨿᨲᩣ ᨵᨾ᩠ᨾᩣ. ᨲᨲ᩠ᨳᩣᨿᩈ᩠ᨾᨶ᩠ᨲᩮ ᨸᩩᨧ᩠ᨨᩣᨾᩥ – ‘‘ᨠᨧ᩠ᨧᩥᨲ᩠ᨳ ᨸᩁᩥᩈᩩᨴ᩠ᨵᩣ’’? ᨴᩩᨲᩥᨿᨾ᩠ᨸᩥ ᨸᩩᨧ᩠ᨨᩣᨾᩥ – ‘‘ᨠᨧ᩠ᨧᩥᨲ᩠ᨳ ᨸᩁᩥᩈᩩᨴ᩠ᨵᩣ’’? ᨲᨲᩥᨿᨾ᩠ᨸᩥ ᨸᩩᨧ᩠ᨨᩣᨾᩥ – ‘‘ᨠᨧ᩠ᨧᩥᨲ᩠ᨳ ᨸᩁᩥᩈᩩᨴ᩠ᨵᩣ’’? ᨸᩁᩥᩈᩩᨴ᩠ᨵᩮᨲ᩠ᨳᩣᨿᩈ᩠ᨾᨶ᩠ᨲᩮᩣ; ᨲᩈ᩠ᨾᩣ ᨲᩩᨱ᩠ᩉᩦ, ᩑᩅᨾᩮᨲᩴ ᨵᩣᩁᨿᩣᨾᩦᨲᩥ.

ᨲᩔᩩᨴ᩠ᨴᩣᨶᩴ –

ᩋᩃᩴ ᨠᨾ᩠ᨾᨶᩥᨿᨬ᩠ᨧᩮᩅ, ᨲᨳᩮᩅ ᨧ ᨶᩉᩮᩅ ᨡᩮᩣ;

ᩋᨶᩥᨿᨲᩣ ᩈᩩᨸᨬ᩠ᨬᨲ᩠ᨲᩣ, ᨻᩩᨴ᩠ᨵᩈᩮᨭ᩠ᨮᩮᨶ ᨲᩣᨴᩥᨶᩣᨲᩥ.

ᩋᨶᩥᨿᨲᨠᨱ᩠ᨯᩴ ᨶᩥᨭ᩠ᨮᩥᨲᩴ.

᪔. ᨶᩥᩔᨣ᩠ᨣᩥᨿᨠᨱ᩠ᨯᩴ

᪑. ᨧᩦᩅᩁᩅᨣ᩠ᨣᩮᩣ

᪑. ᨸᨮᨾᨠᨳᩥᨶᩈᩥᨠ᩠ᨡᩣᨸᨴᩴ

ᩍᨾᩮ ¶ ¶ ᨡᩮᩣ ᨸᨶᩣᨿᩈ᩠ᨾᨶ᩠ᨲᩮᩣ ᨲᩥᩴᩈ ᨶᩥᩔᨣ᩠ᨣᩥᨿᩣ ᨸᩣᨧᩥᨲ᩠ᨲᩥᨿᩣ

ᨵᨾ᩠ᨾᩣ ᩏᨴ᩠ᨴᩮᩈᩴ ᩌᨣᨧ᩠ᨨᨶ᩠ᨲᩥ.

᪔᪕᪙. ᨲᩮᨶᩮ ¶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩅᩮᩈᩣᩃᩥᨿᩴ ᩅᩥᩉᩁᨲᩥ ᨣᩮᩣᨲᨾᨠᩮ ᨧᩮᨲᩥᨿᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨽᨣᩅᨲᩣ ᨽᩥᨠ᩠ᨡᩪᨶᩴ ᨲᩥᨧᩦᩅᩁᩴ ᩋᨶᩩᨬ᩠ᨬᩣᨲᩴ ᩉᩮᩣᨲᩥ. ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ – ‘‘ᨽᨣᩅᨲᩣ ᨲᩥᨧᩦᩅᩁᩴ ᩋᨶᩩᨬ᩠ᨬᩣᨲ’’ᨶ᩠ᨲᩥ ᩋᨬ᩠ᨬᩮᨶᩮᩅ ᨲᩥᨧᩦᩅᩁᩮᨶ ᨣᩣᨾᩴ ᨸᩅᩥᩈᨶ᩠ᨲᩥ, ᩋᨬ᩠ᨬᩮᨶ ᨲᩥᨧᩦᩅᩁᩮᨶ ᩌᩁᩣᨾᩮ ᩋᨧ᩠ᨨᨶ᩠ᨲᩥ, ᩋᨬ᩠ᨬᩮᨶ ᨲᩥᨧᩦᩅᩁᩮᨶ ᨶᩉᩣᨶᩴ ᩒᨲᩁᨶ᩠ᨲᩥ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᩋᨲᩥᩁᩮᨠᨧᩦᩅᩁᩴ ᨵᩣᩁᩮᩔᨶ᩠ᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨨᨻ᩠ᨻᨣ᩠ᨣᩥᨿᩮ ᨽᩥᨠ᩠ᨡᩪ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩈᨧ᩠ᨧᩴ ᨠᩥᩁ ᨲᩩᨾ᩠ᩉᩮ, ᨽᩥᨠ᩠ᨡᩅᩮ, ᩋᨲᩥᩁᩮᨠᨧᩦᩅᩁᩴ ᨵᩣᩁᩮᨳᩣ’’ᨲᩥ ¶ ? ‘‘ᩈᨧ᩠ᨧᩴ ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ᨠᨳᨬ᩠ᩉᩥ ᨶᩣᨾ ᨲᩩᨾ᩠ᩉᩮ, ᨾᩮᩣᨥᨸᩩᩁᩥᩈᩣ, ᩋᨲᩥᩁᩮᨠᨧᩦᩅᩁᩴ ᨵᩣᩁᩮᩔᨳ! ᨶᩮᨲᩴ, ᨾᩮᩣᨥᨸᩩᩁᩥᩈᩣ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪔᪖᪐. ‘‘ᨿᩮᩣ ᨸᨶ ᨽᩥᨠ᩠ᨡᩩ ᩋᨲᩥᩁᩮᨠᨧᩦᩅᩁᩴ ᨵᩣᩁᩮᨿ᩠ᨿ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

ᩑᩅᨬ᩠ᨧᩥᨴᩴ ¶ ᨽᨣᩅᨲᩣ ᨽᩥᨠ᩠ᨡᩪᨶᩴ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ ᩉᩮᩣᨲᩥ.

᪔᪖᪑. [ᨾᩉᩣᩅ. ᪓᪔᪗] ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᨿᩈ᩠ᨾᨲᩮᩣ ᩌᨶᨶ᩠ᨴᩔ ᩋᨲᩥᩁᩮᨠᨧᩦᩅᩁᩴ ᩏᨸ᩠ᨸᨶ᩠ᨶᩴ ᩉᩮᩣᨲᩥ. ᩌᨿᩈ᩠ᨾᩣ ᨧ ᩌᨶᨶ᩠ᨴᩮᩣ ᨲᩴ ᨧᩦᩅᩁᩴ ᩌᨿᩈ᩠ᨾᨲᩮᩣ ᩈᩣᩁᩥᨸᩩᨲ᩠ᨲᩔ ᨴᩣᨲᩩᨠᩣᨾᩮᩣ ᩉᩮᩣᨲᩥ. ᩌᨿᩈ᩠ᨾᩣ ᨧ ᩈᩣᩁᩥᨸᩩᨲ᩠ᨲᩮᩣ ᩈᩣᨠᩮᨲᩮ ᩅᩥᩉᩁᨲᩥ. ᩋᨳ ᨡᩮᩣ ᩌᨿᩈ᩠ᨾᨲᩮᩣ ᩌᨶᨶ᩠ᨴᩔ ᩑᨲᨴᩉᩮᩣᩈᩥ – ‘‘ᨽᨣᩅᨲᩣ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ – ‘ᨶ ᩋᨲᩥᩁᩮᨠᨧᩦᩅᩁᩴ ᨵᩣᩁᩮᨲᨻ᩠ᨻ’ᨶ᩠ᨲᩥ. ᩍᨴᨬ᩠ᨧ ᨾᩮ ᩋᨲᩥᩁᩮᨠᨧᩦᩅᩁᩴ ᩏᨸ᩠ᨸᨶ᩠ᨶᩴ. ᩋᩉᨬ᩠ᨧᩥᨾᩴ ᨧᩦᩅᩁᩴ ᩌᨿᩈ᩠ᨾᨲᩮᩣ ᩈᩣᩁᩥᨸᩩᨲ᩠ᨲᩔ ᨴᩣᨲᩩᨠᩣᨾᩮᩣ. ᩌᨿᩈ᩠ᨾᩣ ᨧ ¶ ᩈᩣᩁᩥᨸᩩᨲ᩠ᨲᩮᩣ ᩈᩣᨠᩮᨲᩮ ᩅᩥᩉᩁᨲᩥ. ᨠᨳᩴ ᨶᩩ ᨡᩮᩣ ᨾᨿᩣ ᨸᨭᩥᨸᨩ᩠ᨩᩥᨲᨻ᩠ᨻ’’ᨶ᩠ᨲᩥ? ᩋᨳ ᨡᩮᩣ ᩌᨿᩈ᩠ᨾᩣ ᩌᨶᨶ᩠ᨴᩮᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ¶ ᩌᩁᩮᩣᨧᩮᩈᩥ. ‘‘ᨠᩦᩅᨧᩥᩁᩴ ᨸᨶᩣᨶᨶ᩠ᨴ, ᩈᩣᩁᩥᨸᩩᨲ᩠ᨲᩮᩣ ᩌᨣᨧ᩠ᨨᩥᩔᨲᩦ’’ᨲᩥ? ‘‘ᨶᩅᨾᩴ ᩅᩣ, ᨽᨣᩅᩣ, ᨴᩥᩅᩈᩴ ᨴᩈᨾᩴ ᩅᩣ’’ᨲᩥ. ᩋᨳ ᨡᩮᩣ ᨽᨣᩅᩣ ᩑᨲᩈ᩠ᨾᩥᩴ ᨶᩥᨴᩣᨶᩮ ᩑᨲᩈ᩠ᨾᩥᩴ ᨸᨠᩁᨱᩮ ᨵᨾ᩠ᨾᩥᩴ ᨠᨳᩴ ᨠᨲ᩠ᩅᩣ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ – ‘‘ᩋᨶᩩᨩᩣᨶᩣᨾᩥ, ᨽᩥᨠ᩠ᨡᩅᩮ, ᨴᩈᩣᩉᨸᩁᨾᩴ ᩋᨲᩥᩁᩮᨠᨧᩦᩅᩁᩴ ᨵᩣᩁᩮᨲᩩᩴ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪔᪖᪒. ‘‘ᨶᩥᨭ᩠ᨮᩥᨲᨧᩦᩅᩁᩈ᩠ᨾᩥᩴ ᨽᩥᨠ᩠ᨡᩩᨶᩣ ᩏᨻ᩠ᨽᨲᩈ᩠ᨾᩥᩴ ¶ ᨠᨳᩥᨶᩮ ᨴᩈᩣᩉᨸᩁᨾᩴ ᩋᨲᩥᩁᩮᨠᨧᩦᩅᩁᩴ ᨵᩣᩁᩮᨲᨻ᩠ᨻᩴ. ᨲᩴ ᩋᨲᩥᨠ᩠ᨠᩣᨾᨿᨲᩮᩣ ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

᪔᪖᪓. ᨶᩥᨭ᩠ᨮᩥᨲᨧᩦᩅᩁᩈ᩠ᨾᩥᨶ᩠ᨲᩥ ᨽᩥᨠ᩠ᨡᩩᨶᩮᩣ ᨧᩦᩅᩁᩴ ᨠᨲᩴ ᩅᩣ ᩉᩮᩣᨲᩥ ᨶᨭ᩠ᨮᩴ ᩅᩣ ᩅᩥᨶᨭ᩠ᨮᩴ ᩅᩣ ᨴᨯ᩠ᨰᩴ ᩅᩣ ᨧᩦᩅᩁᩣᩈᩣ ᩅᩣ ᩏᨸᨧ᩠ᨨᩥᨶ᩠ᨶᩣ.

ᩏᨻ᩠ᨽᨲᩈ᩠ᨾᩥᩴ ᨠᨳᩥᨶᩮᨲᩥ ᩋᨭ᩠ᨮᨶ᩠ᨶᩴ ᨾᩣᨲᩥᨠᩣᨶᩴ ᩋᨬ᩠ᨬᨲᩁᩣᨿ ᨾᩣᨲᩥᨠᩣᨿ ᩏᨻ᩠ᨽᨲᩴ ᩉᩮᩣᨲᩥ, ᩈᨦ᩠ᨥᩮᨶ ᩅᩣ ᩋᨶ᩠ᨲᩁᩣ ᩏᨻ᩠ᨽᨲᩴ ᩉᩮᩣᨲᩥ.

ᨴᩈᩣᩉᨸᩁᨾᨶ᩠ᨲᩥ ᨴᩈᩣᩉᨸᩁᨾᨲᩣ ᨵᩣᩁᩮᨲᨻ᩠ᨻᩴ.

ᩋᨲᩥᩁᩮᨠᨧᩦᩅᩁᩴ ᨶᩣᨾ ᩋᨶᨵᩥᨭ᩠ᨮᩥᨲᩴ ᩋᩅᩥᨠᨸ᩠ᨸᩥᨲᩴ.

ᨧᩦᩅᩁᩴ ᨶᩣᨾ ᨨᨶ᩠ᨶᩴ ᨧᩦᩅᩁᩣᨶᩴ ᩋᨬ᩠ᨬᨲᩁᩴ ᨧᩦᩅᩁᩴ, ᩅᩥᨠᨸ᩠ᨸᨶᩩᨸᨣᩴ ᨸᨧ᩠ᨨᩥᨾᩴ.

ᨲᩴ ᩋᨲᩥᨠ᩠ᨠᩣᨾᨿᨲᩮᩣ ᨶᩥᩔᨣ᩠ᨣᩥᨿᩴ ᩉᩮᩣᨲᩦ [ᩉᩮᩣᨲᩦᨲᩥ ᩍᨴᩴ ᨸᨴᩴ ᩈᨻ᩠ᨻᨸᩮᩣᨲ᩠ᨳᨠᩮᩈᩩ ᩋᨲ᩠ᨳᩥ, ᩈᩥᨠ᩠ᨡᩣᨸᨴᩮ ᨸᨶ ᨶᨲ᩠ᨳᩥ, ᩑᩅᨾᩩᨸᩁᩥᨸᩥ] ᨲᩥ ᩑᨠᩣᨴᩈᩮ ᩋᩁᩩᨱᩩᨣ᩠ᨣᨾᨶᩮ ᨶᩥᩔᨣ᩠ᨣᩥᨿᩴ ᩉᩮᩣᨲᩥ. ᨶᩥᩔᨩ᩠ᨩᩥᨲᨻ᩠ᨻᩴ ¶ ᩈᨦ᩠ᨥᩔ ᩅᩣ ᨣᨱᩔ ᩅᩣ ᨸᩩᨣ᩠ᨣᩃᩔ ᩅᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᨶᩥᩔᨩ᩠ᨩᩥᨲᨻ᩠ᨻᩴ. ᨲᩮᨶ ᨽᩥᨠ᩠ᨡᩩᨶᩣ ᩈᨦ᩠ᨥᩴ ᩏᨸᩈᨦ᩠ᨠᨾᩥᨲ᩠ᩅᩣ ᩑᨠᩴᩈᩴ ᩏᨲ᩠ᨲᩁᩣᩈᨦ᩠ᨣᩴ ᨠᩁᩥᨲ᩠ᩅᩣ ᩅᩩᨯ᩠ᨰᩣᨶᩴ ᨽᩥᨠ᩠ᨡᩪᨶᩴ ᨸᩣᨴᩮ ᩅᨶ᩠ᨴᩥᨲ᩠ᩅᩣ ᩏᨠ᩠ᨠᩩᨭᩥᨠᩴ ᨶᩥᩈᩦᨴᩥᨲ᩠ᩅᩣ ᩋᨬ᩠ᨩᩃᩥᩴ ᨸᨣ᩠ᨣᩉᩮᨲ᩠ᩅᩣ ᩑᩅᨾᩔ ᩅᨧᨶᩦᨿᩮᩣ – ‘‘ᩍᨴᩴ ᨾᩮ, ᨽᨶ᩠ᨲᩮ, ᨧᩦᩅᩁᩴ ᨴᩈᩣᩉᩣᨲᩥᨠ᩠ᨠᨶ᩠ᨲᩴ ᨶᩥᩔᨣ᩠ᨣᩥᨿᩴ, ᩍᨾᩣᩉᩴ ᩈᨦ᩠ᨥᩔ ᨶᩥᩔᨩ᩠ᨩᩣᨾᩦ’’ᨲᩥ. ᨶᩥᩔᨩ᩠ᨩᩥᨲ᩠ᩅᩣ ᩌᨸᨲ᩠ᨲᩥ ᨴᩮᩈᩮᨲᨻ᩠ᨻᩣ. ᨻ᩠ᨿᨲ᩠ᨲᩮᨶ ᨽᩥᨠ᩠ᨡᩩᨶᩣ ᨸᨭᩥᨻᩃᩮᨶ ᩌᨸᨲ᩠ᨲᩥ ¶ ᨸᨭᩥᨣ᩠ᨣᩉᩮᨲᨻ᩠ᨻᩣ. ᨶᩥᩔᨭ᩠ᨮᨧᩦᩅᩁᩴ ᨴᩣᨲᨻ᩠ᨻᩴ.

᪔᪖᪔. ‘‘ᩈᩩᨱᩣᨲᩩ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᩍᨴᩴ ᨧᩦᩅᩁᩴ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᨶᩥᩔᨣ᩠ᨣᩥᨿᩴ ᩈᨦ᩠ᨥᩔ ᨶᩥᩔᨭ᩠ᨮᩴ. ᨿᨴᩥ ᩈᨦ᩠ᨥᩔ ᨸᨲ᩠ᨲᨠᩃ᩠ᩃᩴ, ᩈᨦ᩠ᨥᩮᩣ ᩍᨾᩴ ᨧᩦᩅᩁᩴ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᨴᨴᩮᨿ᩠ᨿᩣ’’ᨲᩥ.

᪔᪖᪕. ᨲᩮᨶ ¶ ᨽᩥᨠ᩠ᨡᩩᨶᩣ ᩈᨾ᩠ᨻᩉᩩᩃᩮ ᨽᩥᨠ᩠ᨡᩪ ᩏᨸᩈᨦ᩠ᨠᨾᩥᨲ᩠ᩅᩣ ᩑᨠᩴᩈᩴ ᩏᨲ᩠ᨲᩁᩣᩈᨦ᩠ᨣᩴ ᨠᩁᩥᨲ᩠ᩅᩣ ᩅᩩᨯ᩠ᨰᩣᨶᩴ ᨽᩥᨠ᩠ᨡᩪᨶᩴ ᨸᩣᨴᩮ ᩅᨶ᩠ᨴᩥᨲ᩠ᩅᩣ ᩏᨠ᩠ᨠᩩᨭᩥᨠᩴ ᨶᩥᩈᩦᨴᩥᨲ᩠ᩅᩣ ᩋᨬ᩠ᨩᩃᩥᩴ ᨸᨣ᩠ᨣᩉᩮᨲ᩠ᩅᩣ ᩑᩅᨾᩔᩩ ᩅᨧᨶᩦᨿᩣ – ‘‘ᩍᨴᩴ ᨾᩮ, ᨽᨶ᩠ᨲᩮ, ᨧᩦᩅᩁᩴ ᨴᩈᩣᩉᩣᨲᩥᨠ᩠ᨠᨶ᩠ᨲᩴ ¶ ᨶᩥᩔᨣ᩠ᨣᩥᨿᩴ. ᩍᨾᩣᩉᩴ ᩌᨿᩈ᩠ᨾᨶ᩠ᨲᩣᨶᩴ ᨶᩥᩔᨩ᩠ᨩᩣᨾᩦ’’ᨲᩥ. ᨶᩥᩔᨩ᩠ᨩᩥᨲ᩠ᩅᩣ ᩌᨸᨲ᩠ᨲᩥ ᨴᩮᩈᩮᨲᨻ᩠ᨻᩣ. ᨻ᩠ᨿᨲ᩠ᨲᩮᨶ ᨽᩥᨠ᩠ᨡᩩᨶᩣ ᨸᨭᩥᨻᩃᩮᨶ ᩌᨸᨲ᩠ᨲᩥ ᨸᨭᩥᨣ᩠ᨣᩉᩮᨲᨻ᩠ᨻᩣ. ᨶᩥᩔᨭ᩠ᨮᨧᩦᩅᩁᩴ ᨴᩣᨲᨻ᩠ᨻᩴ.

᪔᪖᪖. ‘‘ᩈᩩᨱᨶ᩠ᨲᩩ ᨾᩮ ᩌᨿᩈ᩠ᨾᨶ᩠ᨲᩣ. ᩍᨴᩴ ᨧᩦᩅᩁᩴ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᨶᩥᩔᨣ᩠ᨣᩥᨿᩴ ᩌᨿᩈ᩠ᨾᨶ᩠ᨲᩣᨶᩴ ᨶᩥᩔᨭ᩠ᨮᩴ. ᨿᨴᩣᨿᩈ᩠ᨾᨶ᩠ᨲᩣᨶᩴ ᨸᨲ᩠ᨲᨠᩃ᩠ᩃᩴ, ᩌᨿᩈ᩠ᨾᨶ᩠ᨲᩣ ᩍᨾᩴ ᨧᩦᩅᩁᩴ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᨴᨴᩮᨿ᩠ᨿᩩ’’ᨶ᩠ᨲᩥ.

᪔᪖᪗. ᨲᩮᨶ ᨽᩥᨠ᩠ᨡᩩᨶᩣ ᩑᨠᩴ ᨽᩥᨠ᩠ᨡᩩᩴ ᩏᨸᩈᨦ᩠ᨠᨾᩥᨲ᩠ᩅᩣ ᩑᨠᩴᩈᩴ ᩏᨲ᩠ᨲᩁᩣᩈᨦ᩠ᨣᩴ ᨠᩁᩥᨲ᩠ᩅᩣ ᩏᨠ᩠ᨠᩩᨭᩥᨠᩴ ᨶᩥᩈᩦᨴᩥᨲ᩠ᩅᩣ ᩋᨬ᩠ᨩᩃᩥᩴ ᨸᨣ᩠ᨣᩉᩮᨲ᩠ᩅᩣ ᩑᩅᨾᩔ ᩅᨧᨶᩦᨿᩮᩣ – ‘‘ᩍᨴᩴ ᨾᩮ, ᩌᩅᩩᩈᩮᩣ, ᨧᩦᩅᩁᩴ ᨴᩈᩣᩉᩣᨲᩥᨠ᩠ᨠᨶ᩠ᨲᩴ ᨶᩥᩔᨣ᩠ᨣᩥᨿᩴ. ᩍᨾᩣᩉᩴ ᩌᨿᩈ᩠ᨾᨲᩮᩣ ᨶᩥᩔᨩ᩠ᨩᩣᨾᩦ’’ᨲᩥ. ᨶᩥᩔᨩ᩠ᨩᩥᨲ᩠ᩅᩣ ᩌᨸᨲ᩠ᨲᩥ ᨴᩮᩈᩮᨲᨻ᩠ᨻᩣ. ᨲᩮᨶ ᨽᩥᨠ᩠ᨡᩩᨶᩣ ᩌᨸᨲ᩠ᨲᩥ ᨸᨭᩥᨣ᩠ᨣᩉᩮᨲᨻ᩠ᨻᩣ. ᨶᩥᩔᨭ᩠ᨮᨧᩦᩅᩁᩴ ᨴᩣᨲᨻ᩠ᨻᩴ – ‘‘ᩍᨾᩴ ᨧᩦᩅᩁᩴ ᩌᨿᩈ᩠ᨾᨲᩮᩣ ᨴᨾ᩠ᨾᩦ’’ᨲᩥ.

᪔᪖᪘. ᨴᩈᩣᩉᩣᨲᩥᨠ᩠ᨠᨶ᩠ᨲᩮ ᩋᨲᩥᨠ᩠ᨠᨶ᩠ᨲᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᨴᩈᩣᩉᩣᨲᩥᨠ᩠ᨠᨶ᩠ᨲᩮ ¶ ᩅᩮᨾᨲᩥᨠᩮᩣ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᨴᩈᩣᩉᩣᨲᩥᨠ᩠ᨠᨶ᩠ᨲᩮ ᩋᨶᨲᩥᨠ᩠ᨠᨶ᩠ᨲᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ ¶ . ᩋᨶᨵᩥᨭ᩠ᨮᩥᨲᩮ ᩋᨵᩥᨭ᩠ᨮᩥᨲᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᩅᩥᨠᨸ᩠ᨸᩥᨲᩮ ᩅᩥᨠᨸ᩠ᨸᩥᨲᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᩅᩥᩔᨩ᩠ᨩᩥᨲᩮ ᩅᩥᩔᨩ᩠ᨩᩥᨲᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨶᨭ᩠ᨮᩮ ᨶᨭ᩠ᨮᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᩅᩥᨶᨭ᩠ᨮᩮ ᩅᩥᨶᨭ᩠ᨮᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨴᨯ᩠ᨰᩮ ᨴᨯ᩠ᨰᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᩅᩥᩃᩩᨲ᩠ᨲᩮ ᩅᩥᩃᩩᨲ᩠ᨲᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᨶᩥᩔᨣ᩠ᨣᩥᨿᩴ ᨧᩦᩅᩁᩴ ᩋᨶᩥᩔᨩ᩠ᨩᩥᨲ᩠ᩅᩣ ᨸᩁᩥᨽᩩᨬ᩠ᨩᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨴᩈᩣᩉᩣᨶᨲᩥᨠ᩠ᨠᨶ᩠ᨲᩮ ᩋᨲᩥᨠ᩠ᨠᨶ᩠ᨲᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨴᩈᩣᩉᩣᨶᨲᩥᨠ᩠ᨠᨶ᩠ᨲᩮ ᩅᩮᨾᨲᩥᨠᩮᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨴᩈᩣᩉᩣᨶᨲᩥᨠ᩠ᨠᨶ᩠ᨲᩮ ᩋᨶᨲᩥᨠ᩠ᨠᨶ᩠ᨲᩈᨬ᩠ᨬᩦ, ᩋᨶᩣᨸᨲ᩠ᨲᩥ.

᪔᪖᪙. ᩋᨶᩣᨸᨲ᩠ᨲᩥ ᩋᨶ᩠ᨲᩮᩣᨴᩈᩣᩉᩴ ᩋᨵᩥᨭ᩠ᨮᩮᨲᩥ, ᩅᩥᨠᨸ᩠ᨸᩮᨲᩥ, ᩅᩥᩔᨩ᩠ᨩᩮᨲᩥ, ᨶᩔᨲᩥ, ᩅᩥᨶᩔᨲᩥ, ᨯᨿ᩠ᩉᨲᩥ, ᩋᨧ᩠ᨨᩥᨶ᩠ᨴᩥᨲ᩠ᩅᩣ ᨣᨱ᩠ᩉᨶ᩠ᨲᩥ, ᩅᩥᩔᩣᩈᩴ ᨣᨱ᩠ᩉᨶ᩠ᨲᩥ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

᪔᪗᪐. ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᨶᩥᩔᨭ᩠ᨮᨧᩦᩅᩁᩴ ᨶ ᨴᩮᨶ᩠ᨲᩥ. ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ‘‘ᨶ ¶ , ᨽᩥᨠ᩠ᨡᩅᩮ, ᨶᩥᩔᨭ᩠ᨮᨧᩦᩅᩁᩴ ᨶ ᨴᩣᨲᨻ᩠ᨻᩴ. ᨿᩮᩣ ᨶ ᨴᨴᩮᨿ᩠ᨿ, ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨠᨳᩥᨶᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨸᨮᨾᩴ.

᪒. ᩏᨴᩮᩣᩈᩥᨲᩈᩥᨠ᩠ᨡᩣᨸᨴᩴ

᪔᪗᪑. ᨲᩮᨶ ¶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ ᨩᩮᨲᩅᨶᩮ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨽᩥᨠ᩠ᨡᩪ ᨽᩥᨠ᩠ᨡᩪᨶᩴ ᩉᨲ᩠ᨳᩮ ᨧᩦᩅᩁᩴ ᨶᩥᨠ᩠ᨡᩥᨸᩥᨲ᩠ᩅᩣ ᩈᨶ᩠ᨲᩁᩩᨲ᩠ᨲᩁᩮᨶ ᨩᨶᨸᨴᨧᩣᩁᩥᨠᩴ ᨸᨠ᩠ᨠᨾᨶ᩠ᨲᩥ. ᨲᩣᨶᩥ ᨧᩦᩅᩁᩣᨶᩥ ᨧᩥᩁᩴ ᨶᩥᨠ᩠ᨡᩥᨲ᩠ᨲᩣᨶᩥ ᨠᨱ᩠ᨱᨠᩥᨲᩣᨶᩥ ᩉᩮᩣᨶ᩠ᨲᩥ. ᨲᩣᨶᩥ ᨽᩥᨠ᩠ᨡᩪ ᩒᨲᩣᨸᩮᨶ᩠ᨲᩥ. ᩋᨴ᩠ᨴᩈᩣ ᨡᩮᩣ ᩌᨿᩈ᩠ᨾᩣ ᩌᨶᨶ᩠ᨴᩮᩣ ᩈᩮᨶᩣᩈᨶᨧᩣᩁᩥᨠᩴ ᩌᩉᩥᨱ᩠ᨯᨶ᩠ᨲᩮᩣ ᨲᩮ ᨽᩥᨠ᩠ᨡᩪ ᨲᩣᨶᩥ ᨧᩦᩅᩁᩣᨶᩥ ᩒᨲᩣᨸᩮᨶ᩠ᨲᩮ. ᨴᩥᩈ᩠ᩅᩣᨶ ᨿᩮᨶ ᨲᩮ ᨽᩥᨠ᩠ᨡᩪ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨲᩮ ᨽᩥᨠ᩠ᨡᩪ ᩑᨲᨴᩅᩮᩣᨧ – ‘‘ᨠᩔᩥᨾᩣᨶᩥ, ᩌᩅᩩᩈᩮᩣ, ᨧᩦᩅᩁᩣᨶᩥ ᨠᨱ᩠ᨱᨠᩥᨲᩣᨶᩦ’’ᨲᩥ? ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᩌᨿᩈ᩠ᨾᨲᩮᩣ ¶ ᩌᨶᨶ᩠ᨴᩔ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ᩌᨿᩈ᩠ᨾᩣ ᩌᨶᨶ᩠ᨴᩮᩣ ᩏᨩ᩠ᨫᩣᨿᨲᩥ ᨡᩥᨿ᩠ᨿᨲᩥ ᩅᩥᨸᩣᨧᩮᨲᩥ – ‘‘ᨠᨳᨬ᩠ᩉᩥ ᨶᩣᨾ ᨽᩥᨠ᩠ᨡᩪ ᨽᩥᨠ᩠ᨡᩪᨶᩴ ᩉᨲ᩠ᨳᩮ ᨧᩦᩅᩁᩴ ᨶᩥᨠ᩠ᨡᩥᨸᩥᨲ᩠ᩅᩣ ᩈᨶ᩠ᨲᩁᩩᨲ᩠ᨲᩁᩮᨶ ᨩᨶᨸᨴᨧᩣᩁᩥᨠᩴ ᨸᨠ᩠ᨠᨾᩥᩔᨶ᩠ᨲᩦ’’ᨲᩥ! ᩋᨳ ᨡᩮᩣ ᩌᨿᩈ᩠ᨾᩣ ᩌᨶᨶ᩠ᨴᩮᩣ ᨲᩮ ᨽᩥᨠ᩠ᨡᩪ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ…ᨸᩮ… ‘‘ᩈᨧ᩠ᨧᩴ ᨠᩥᩁ, ᨽᩥᨠ᩠ᨡᩅᩮ, ᨽᩥᨠ᩠ᨡᩪ ᨽᩥᨠ᩠ᨡᩪᨶᩴ ᩉᨲ᩠ᨳᩮ ᨧᩦᩅᩁᩴ ᨶᩥᨠ᩠ᨡᩥᨸᩥᨲ᩠ᩅᩣ ᩈᨶ᩠ᨲᩁᩩᨲ᩠ᨲᩁᩮᨶ ᨩᨶᨸᨴᨧᩣᩁᩥᨠᩴ ᨸᨠ᩠ᨠᨾᨶ᩠ᨲᩦ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ᨠᨳᨬ᩠ᩉᩥ ᨶᩣᨾ ᨲᩮ, ᨽᩥᨠ᩠ᨡᩅᩮ, ᨾᩮᩣᨥᨸᩩᩁᩥᩈᩣ ᨽᩥᨠ᩠ᨡᩪᨶᩴ ᩉᨲ᩠ᨳᩮ ᨧᩦᩅᩁᩴ ᨶᩥᨠ᩠ᨡᩥᨸᩥᨲ᩠ᩅᩣ ᩈᨶ᩠ᨲᩁᩩᨲ᩠ᨲᩁᩮᨶ ᨩᨶᨸᨴᨧᩣᩁᩥᨠᩴ ᨸᨠ᩠ᨠᨾᩥᩔᨶ᩠ᨲᩥ ¶ ! ᨶᩮᨲᩴ, ᨽᩥᨠ᩠ᨡᩅᩮ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪔᪗᪒. ‘‘ᨶᩥᨭ᩠ᨮᩥᨲᨧᩦᩅᩁᩈ᩠ᨾᩥᩴ ᨽᩥᨠ᩠ᨡᩩᨶᩣ ᩏᨻ᩠ᨽᨲᩈ᩠ᨾᩥᩴ ᨠᨳᩥᨶᩮ ᩑᨠᩁᨲ᩠ᨲᨾ᩠ᨸᩥ ᨧᩮ ᨽᩥᨠ᩠ᨡᩩ ᨲᩥᨧᩦᩅᩁᩮᨶ ᩅᩥᨸ᩠ᨸᩅᩈᩮᨿ᩠ᨿ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

ᩑᩅᨬ᩠ᨧᩥᨴᩴ ᨽᨣᩅᨲᩣ ᨽᩥᨠ᩠ᨡᩪᨶᩴ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ ᩉᩮᩣᨲᩥ.

᪔᪗᪓. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨠᩮᩣᩈᨾ᩠ᨻᩥᨿᩴ ᨣᩥᩃᩣᨶᩮᩣ ᩉᩮᩣᨲᩥ. ᨬᩣᨲᨠᩣ ᨲᩔ ᨽᩥᨠ᩠ᨡᩩᨶᩮᩣ ᩈᨶ᩠ᨲᩥᨠᩮ ᨴᩪᨲᩴ ᨸᩣᩉᩮᩈᩩᩴ – ‘‘ᩌᨣᨧ᩠ᨨᨲᩩ ᨽᨴᨶ᩠ᨲᩮᩣ, ᨾᨿᩴ, ᩏᨸᨭ᩠ᨮᩉᩥᩔᩣᨾᩣ’’ᨲᩥ. ᨽᩥᨠ᩠ᨡᩪᨸᩥ ᩑᩅᨾᩣᩉᩴᩈᩩ – ‘‘ᨣᨧ᩠ᨨᩣᩅᩩᩈᩮᩣ ¶ , ᨬᩣᨲᨠᩣ ᨲᩴ ᩏᨸᨭ᩠ᨮᩉᩥᩔᨶ᩠ᨲᩦ’’ᨲᩥ. ᩈᩮᩣ ᩑᩅᨾᩣᩉ – ‘‘ᨽᨣᩅᨲᩣᩅᩩᩈᩮᩣ, ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ – ‘ᨶ ᨲᩥᨧᩦᩅᩁᩮᨶ ᩅᩥᨸ᩠ᨸᩅᩈᩥᨲᨻ᩠ᨻ’ᨶ᩠ᨲᩥ. ᩋᩉᨬ᩠ᨧᨾ᩠ᩉᩥ ᨣᩥᩃᩣᨶᩮᩣ. ᨶ ᩈᨠ᩠ᨠᩮᩣᨾᩥ ᨲᩥᨧᩦᩅᩁᩴ ᩌᨴᩣᨿ ᨸᨠ᩠ᨠᨾᩥᨲᩩᩴ. ᨶᩣᩉᩴ ᨣᨾᩥᩔᩣᨾᩦ’’ᨲᩥ ¶ . ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ᩋᨳ ᨡᩮᩣ ᨽᨣᩅᩣ ᩑᨲᩈ᩠ᨾᩥᩴ ᨶᩥᨴᩣᨶᩮ ᩑᨲᩈ᩠ᨾᩥᩴ ᨸᨠᩁᨱᩮ ᨵᨾ᩠ᨾᩥᩴ ᨠᨳᩴ ᨠᨲ᩠ᩅᩣ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ – ‘‘ᩋᨶᩩᨩᩣᨶᩣᨾᩥ, ᨽᩥᨠ᩠ᨡᩅᩮ, ᨣᩥᩃᩣᨶᩔ ᨽᩥᨠ᩠ᨡᩩᨶᩮᩣ ᨲᩥᨧᩦᩅᩁᩮᨶ ᩋᩅᩥᨸ᩠ᨸᩅᩣᩈᩈᨾ᩠ᨾᩩᨲᩥᩴ ᨴᩣᨲᩩᩴ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᨴᩣᨲᨻ᩠ᨻᩣ. ᨲᩮᨶ ᨣᩥᩃᩣᨶᩮᨶ ᨽᩥᨠ᩠ᨡᩩᨶᩣ ᩈᨦ᩠ᨥᩴ ᩏᨸᩈᨦ᩠ᨠᨾᩥᨲ᩠ᩅᩣ ᩑᨠᩴᩈᩴ ᩏᨲ᩠ᨲᩁᩣᩈᨦ᩠ᨣᩴ ᨠᩁᩥᨲ᩠ᩅᩣ ᩅᩩᨯ᩠ᨰᩣᨶᩴ ᨽᩥᨠ᩠ᨡᩪᨶᩴ ᨸᩣᨴᩮ ᩅᨶ᩠ᨴᩥᨲ᩠ᩅᩣ ᩏᨠ᩠ᨠᩩᨭᩥᨠᩴ ᨶᩥᩈᩦᨴᩥᨲ᩠ᩅᩣ ᩋᨬ᩠ᨩᩃᩥᩴ ᨸᨣ᩠ᨣᩉᩮᨲ᩠ᩅᩣ ᩑᩅᨾᩔ ᩅᨧᨶᩦᨿᩮᩣ – ‘ᩋᩉᩴ, ᨽᨶ᩠ᨲᩮ, ᨣᩥᩃᩣᨶᩮᩣ. ᨶ ᩈᨠ᩠ᨠᩮᩣᨾᩥ ᨲᩥᨧᩦᩅᩁᩴ ᩌᨴᩣᨿ ᨸᨠ᩠ᨠᨾᩥᨲᩩᩴ. ᩈᩮᩣᩉᩴ, ᨽᨶ᩠ᨲᩮ, ᩈᨦ᩠ᨥᩴ ᨲᩥᨧᩦᩅᩁᩮᨶ ᩋᩅᩥᨸ᩠ᨸᩅᩣᩈᩈᨾ᩠ᨾᩩᨲᩥᩴ ᨿᩣᨧᩣᨾᩦ’ᨲᩥ. ᨴᩩᨲᩥᨿᨾ᩠ᨸᩥ ᨿᩣᨧᩥᨲᨻ᩠ᨻᩣ. ᨲᨲᩥᨿᨾ᩠ᨸᩥ ᨿᩣᨧᩥᨲᨻ᩠ᨻᩣ. ᨻ᩠ᨿᨲ᩠ᨲᩮᨶ ᨽᩥᨠ᩠ᨡᩩᨶᩣ ᨸᨭᩥᨻᩃᩮᨶ ᩈᨦ᩠ᨥᩮᩣ ¶ ᨬᩣᨸᩮᨲᨻ᩠ᨻᩮᩣ –

᪔᪗᪔. ‘‘ᩈᩩᨱᩣᨲᩩ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᩋᨿᩴ ᩍᨲ᩠ᨳᨶ᩠ᨶᩣᨾᩮᩣ ᨽᩥᨠ᩠ᨡᩩ ᨣᩥᩃᩣᨶᩮᩣ. ᨶ ᩈᨠ᩠ᨠᩮᩣᨲᩥ ᨲᩥᨧᩦᩅᩁᩴ ¶ ᩌᨴᩣᨿ ᨸᨠ᩠ᨠᨾᩥᨲᩩᩴ. ᩈᩮᩣ ᩈᨦ᩠ᨥᩴ ᨲᩥᨧᩦᩅᩁᩮᨶ ᩋᩅᩥᨸ᩠ᨸᩅᩣᩈᩈᨾ᩠ᨾᩩᨲᩥᩴ ᨿᩣᨧᨲᩥ. ᨿᨴᩥ ᩈᨦ᩠ᨥᩔ ᨸᨲ᩠ᨲᨠᩃ᩠ᩃᩴ, ᩈᨦ᩠ᨥᩮᩣ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᨲᩥᨧᩦᩅᩁᩮᨶ ᩋᩅᩥᨸ᩠ᨸᩅᩣᩈᩈᨾ᩠ᨾᩩᨲᩥᩴ ᨴᨴᩮᨿ᩠ᨿ. ᩑᩈᩣ ᨬᨲ᩠ᨲᩥ.

‘‘ᩈᩩᨱᩣᨲᩩ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᩋᨿᩴ ᩍᨲ᩠ᨳᨶ᩠ᨶᩣᨾᩮᩣ ᨽᩥᨠ᩠ᨡᩩ ᨣᩥᩃᩣᨶᩮᩣ. ᨶ ᩈᨠ᩠ᨠᩮᩣᨲᩥ ᨲᩥᨧᩦᩅᩁᩴ ᩌᨴᩣᨿ ᨸᨠ᩠ᨠᨾᩥᨲᩩᩴ. ᩈᩮᩣ ᩈᨦ᩠ᨥᩴ ᨲᩥᨧᩦᩅᩁᩮᨶ ᩋᩅᩥᨸ᩠ᨸᩅᩣᩈᩈᨾ᩠ᨾᩩᨲᩥᩴ ᨿᩣᨧᨲᩥ. ᩈᨦ᩠ᨥᩮᩣ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᨲᩥᨧᩦᩅᩁᩮᨶ ᩋᩅᩥᨸ᩠ᨸᩅᩣᩈᩈᨾ᩠ᨾᩩᨲᩥᩴ ᨴᩮᨲᩥ. ᨿᩔᩣᨿᩈ᩠ᨾᨲᩮᩣ ᨡᨾᨲᩥ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᨲᩥᨧᩦᩅᩁᩮᨶ ᩋᩅᩥᨸ᩠ᨸᩅᩣᩈᩈᨾ᩠ᨾᩩᨲᩥᨿᩣ ᨴᩣᨶᩴ, ᩈᩮᩣ ᨲᩩᨱ᩠ᩉᩔ; ᨿᩔ ᨶᨠ᩠ᨡᨾᨲᩥ, ᩈᩮᩣ ᨽᩣᩈᩮᨿ᩠ᨿ.

‘‘ᨴᩥᨶ᩠ᨶᩣ ᩈᨦ᩠ᨥᩮᨶ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᨲᩥᨧᩦᩅᩁᩮᨶ ᩋᩅᩥᨸ᩠ᨸᩅᩣᩈᩈᨾ᩠ᨾᩩᨲᩥ. ᨡᨾᨲᩥ ᩈᨦ᩠ᨥᩔ, ᨲᩈ᩠ᨾᩣ ᨲᩩᨱ᩠ᩉᩦ, ᩑᩅᨾᩮᨲᩴ ᨵᩣᩁᨿᩣᨾᩦ’’ᨲᩥ.

ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪔᪗᪕. ‘‘ᨶᩥᨭ᩠ᨮᩥᨲᨧᩦᩅᩁᩈ᩠ᨾᩥᩴ ᨽᩥᨠ᩠ᨡᩩᨶᩣ ᩏᨻ᩠ᨽᨲᩈ᩠ᨾᩥᩴ ᨠᨳᩥᨶᩮ ᩑᨠᩁᨲ᩠ᨲᨾ᩠ᨸᩥ ᨧᩮ ᨽᩥᨠ᩠ᨡᩩ ᨲᩥᨧᩦᩅᩁᩮᨶ ᩅᩥᨸ᩠ᨸᩅᩈᩮᨿ᩠ᨿ, ᩋᨬ᩠ᨬᨲᩕ ᨽᩥᨠ᩠ᨡᩩᩈᨾ᩠ᨾᩩᨲᩥᨿᩣ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

᪔᪗᪖. ‘‘ᨶᩥᨭ᩠ᨮᩥᨲᨧᩦᩅᩁᩈ᩠ᨾᩥᨶ᩠ᨲᩥ ᨽᩥᨠ᩠ᨡᩩᨶᩮᩣ ᨧᩦᩅᩁᩴ ᨠᨲᩴ ᩅᩣ ᩉᩮᩣᨲᩥ ᨶᨭ᩠ᨮᩴ ᩅᩣ ᩅᩥᨶᨭ᩠ᨮᩴ ᩅᩣ ᨴᨯ᩠ᨰᩴ ᩅᩣ ᨧᩦᩅᩁᩣᩈᩣ ᩅᩣ ᩏᨸᨧ᩠ᨨᩥᨶ᩠ᨶᩣ.

ᩏᨻ᩠ᨽᨲᩈ᩠ᨾᩥᩴ ¶ ᨠᨳᩥᨶᩮᨲᩥ ᩋᨭ᩠ᨮᨶ᩠ᨶᩴ ᨾᩣᨲᩥᨠᩣᨶᩴ ᩋᨬ᩠ᨬᨲᩁᩣᨿ ᨾᩣᨲᩥᨠᩣᨿ ᩏᨻ᩠ᨽᨲᩴ ᩉᩮᩣᨲᩥ, ᩈᨦ᩠ᨥᩮᨶ ᩅᩣ ᩋᨶ᩠ᨲᩁᩣ ᩏᨻ᩠ᨽᨲᩴ ᩉᩮᩣᨲᩥ.

ᩑᨠᩁᨲ᩠ᨲᨾ᩠ᨸᩥ ᨧᩮ ᨽᩥᨠ᩠ᨡᩩ ᨲᩥᨧᩦᩅᩁᩮᨶ ᩅᩥᨸ᩠ᨸᩅᩈᩮᨿ᩠ᨿᩣᨲᩥ ᩈᨦ᩠ᨥᩣᨭᩥᨿᩣ ᩅᩣ ᩏᨲ᩠ᨲᩁᩣᩈᨦ᩠ᨣᩮᨶ ᩅᩣ ᩋᨶ᩠ᨲᩁᩅᩣᩈᨠᩮᨶ ¶ ᩅᩣ.

ᩋᨬ᩠ᨬᨲᩕ ᨽᩥᨠ᩠ᨡᩩᩈᨾ᩠ᨾᩩᨲᩥᨿᩣᨲᩥ ᨮᨸᩮᨲ᩠ᩅᩣ ᨽᩥᨠ᩠ᨡᩩᩈᨾ᩠ᨾᩩᨲᩥᩴ.

ᨶᩥᩔᨣ᩠ᨣᩥᨿᩴ ᩉᩮᩣᨲᩦᨲᩥ ᩈᩉ ᩋᩁᩩᨱᩩᨣ᩠ᨣᨾᨶᩣ [ᩋᩁᩩᨱᩩᨣ᩠ᨣᨾᨶᩮᨶ (ᩈᩦ. ᩈ᩠ᨿᩣ.)] ᨶᩥᩔᨣ᩠ᨣᩥᨿᩴ ᩉᩮᩣᨲᩥ. ᨶᩥᩔᨩ᩠ᨩᩥᨲᨻ᩠ᨻᩴ ᩈᨦ᩠ᨥᩔ ᩅᩣ ᨣᨱᩔ ¶ ᩅᩣ ᨸᩩᨣ᩠ᨣᩃᩔ ᩅᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᨶᩥᩔᨩ᩠ᨩᩥᨲᨻ᩠ᨻᩴ…ᨸᩮ… ᩍᨴᩴ ᨾᩮ, ᨽᨶ᩠ᨲᩮ ¶ , ᨧᩦᩅᩁᩴ ᩁᨲ᩠ᨲᩥᩅᩥᨸ᩠ᨸᩅᩩᨲ᩠ᨳᩴ [ᩁᨲ᩠ᨲᩥᩴ ᩅᩥᨸ᩠ᨸᩅᩩᨲ᩠ᨳᩴ (ᩈᩦ.)] ᩋᨬ᩠ᨬᨲᩕ ᨽᩥᨠ᩠ᨡᩩᩈᨾ᩠ᨾᩩᨲᩥᨿᩣ ᨶᩥᩔᨣ᩠ᨣᩥᨿᩴ, ᩍᨾᩣᩉᩴ ᩈᨦ᩠ᨥᩔ ᨶᩥᩔᨩ᩠ᨩᩣᨾᩦᨲᩥ…ᨸᩮ… ᨴᨴᩮᨿ᩠ᨿᩣᨲᩥ…ᨸᩮ… ᨴᨴᩮᨿ᩠ᨿᩩᨶ᩠ᨲᩥ…ᨸᩮ… ᩌᨿᩈ᩠ᨾᨲᩮᩣ ᨴᨾ᩠ᨾᩦᨲᩥ.

᪔᪗᪗. ᨣᩣᨾᩮᩣ ᩑᨠᩪᨸᨧᩣᩁᩮᩣ ᨶᩣᨶᩪᨸᨧᩣᩁᩮᩣ. ᨶᩥᩅᩮᩈᨶᩴ ᩑᨠᩪᨸᨧᩣᩁᩴ ᨶᩣᨶᩪᨸᨧᩣᩁᩴ. ᩏᨴᩮᩣᩈᩥᨲᩮᩣ ᩑᨠᩪᨸᨧᩣᩁᩮᩣ ᨶᩣᨶᩪᨸᨧᩣᩁᩮᩣ. ᩋᨭ᩠ᨭᩮᩣ ᩑᨠᩪᨸᨧᩣᩁᩮᩣ ᨶᩣᨶᩪᨸᨧᩣᩁᩮᩣ. ᨾᩣᩊᩮᩣ ᩑᨠᩪᨸᨧᩣᩁᩮᩣ ᨶᩣᨶᩪᨸᨧᩣᩁᩮᩣ. ᨸᩣᩈᩣᨴᩮᩣ ᩑᨠᩪᨸᨧᩣᩁᩮᩣ ᨶᩣᨶᩪᨸᨧᩣᩁᩮᩣ. ᩉᨾ᩠ᨾᩥᨿᩴ ᩑᨠᩪᨸᨧᩣᩁᩴ ᨶᩣᨶᩪᨸᨧᩣᩁᩴ. ᨶᩣᩅᩣ ᩑᨠᩪᨸᨧᩣᩁᩣ ᨶᩣᨶᩪᨸᨧᩣᩁᩣ. ᩈᨲ᩠ᨳᩮᩣ ᩑᨠᩪᨸᨧᩣᩁᩮᩣ ᨶᩣᨶᩪᨸᨧᩣᩁᩮᩣ. ᨡᩮᨲ᩠ᨲᩴ ᩑᨠᩪᨸᨧᩣᩁᩴ ᨶᩣᨶᩪᨸᨧᩣᩁᩴ. ᨵᨬ᩠ᨬᨠᩁᨱᩴ ᩑᨠᩪᨸᨧᩣᩁᩴ ᨶᩣᨶᩪᨸᨧᩣᩁᩴ. ᩌᩁᩣᨾᩮᩣ ᩑᨠᩪᨸᨧᩣᩁᩮᩣ ᨶᩣᨶᩪᨸᨧᩣᩁᩮᩣ. ᩅᩥᩉᩣᩁᩮᩣ ᩑᨠᩪᨸᨧᩣᩁᩮᩣ ᨶᩣᨶᩪᨸᨧᩣᩁᩮᩣ. ᩁᩩᨠ᩠ᨡᨾᩪᩃᩴ ᩑᨠᩪᨸᨧᩣᩁᩴ ᨶᩣᨶᩪᨸᨧᩣᩁᩴ. ᩋᨩ᩠ᨫᩮᩣᨠᩣᩈᩮᩣ ᩑᨠᩪᨸᨧᩣᩁᩮᩣ ᨶᩣᨶᩪᨸᨧᩣᩁᩮᩣ.

᪔᪗᪘. ᨣᩣᨾᩮᩣ ᩑᨠᩪᨸᨧᩣᩁᩮᩣ ᨶᩣᨾ ᩑᨠᨠᩩᩃᩔ ᨣᩣᨾᩮᩣ ᩉᩮᩣᨲᩥ ᨸᩁᩥᨠ᩠ᨡᩥᨲ᩠ᨲᩮᩣ ᨧ ¶ . ᩋᨶ᩠ᨲᩮᩣᨣᩣᨾᩮ ᨧᩦᩅᩁᩴ ᨶᩥᨠ᩠ᨡᩥᨸᩥᨲ᩠ᩅᩣ ᩋᨶ᩠ᨲᩮᩣᨣᩣᨾᩮ ᩅᨲ᩠ᨳᨻ᩠ᨻᩴ. ᩋᨸᩁᩥᨠ᩠ᨡᩥᨲ᩠ᨲᩮᩣ ᩉᩮᩣᨲᩥ, ᨿᩈ᩠ᨾᩥᩴ ᨥᩁᩮ ᨧᩦᩅᩁᩴ ᨶᩥᨠ᩠ᨡᩥᨲ᩠ᨲᩴ ᩉᩮᩣᨲᩥ ᨲᩈ᩠ᨾᩥᩴ ᨥᩁᩮ ᩅᨲ᩠ᨳᨻ᩠ᨻᩴ, ᩉᨲ᩠ᨳᨸᩣᩈᩣ ᩅᩣ ᨶ ᩅᩥᨩᩉᩥᨲᨻ᩠ᨻᩴ.

᪔᪗᪙. ᨶᩣᨶᩣᨠᩩᩃᩔ ᨣᩣᨾᩮᩣ ᩉᩮᩣᨲᩥ ᨸᩁᩥᨠ᩠ᨡᩥᨲ᩠ᨲᩮᩣ ᨧ. ᨿᩈ᩠ᨾᩥᩴ ᨥᩁᩮ ᨧᩦᩅᩁᩴ ᨶᩥᨠ᩠ᨡᩥᨲ᩠ᨲᩴ ᩉᩮᩣᨲᩥ ᨲᩈ᩠ᨾᩥᩴ ᨥᩁᩮ ᩅᨲ᩠ᨳᨻ᩠ᨻᩴ ᩈᨽᩣᨿᩮ ᩅᩣ ᨴ᩠ᩅᩣᩁᨾᩪᩃᩮ ᩅᩣ, ᩉᨲ᩠ᨳᨸᩣᩈᩣ ᩅᩣ ᨶ ᩅᩥᨩᩉᩥᨲᨻ᩠ᨻᩴ. ᩈᨽᩣᨿᩴ ᨣᨧ᩠ᨨᨶ᩠ᨲᩮᨶ ᩉᨲ᩠ᨳᨸᩣᩈᩮ ᨧᩦᩅᩁᩴ ᨶᩥᨠ᩠ᨡᩥᨸᩥᨲ᩠ᩅᩣ ᩈᨽᩣᨿᩮ ᩅᩣ ᩅᨲ᩠ᨳᨻ᩠ᨻᩴ ᨴ᩠ᩅᩣᩁᨾᩪᩃᩮ ᩅᩣ, ᩉᨲ᩠ᨳᨸᩣᩈᩣ ᩅᩣ ᨶ ᩅᩥᨩᩉᩥᨲᨻ᩠ᨻᩴ. ᩈᨽᩣᨿᩮ ᨧᩦᩅᩁᩴ ᨶᩥᨠ᩠ᨡᩥᨸᩥᨲ᩠ᩅᩣ ᩈᨽᩣᨿᩮ ᩅᩣ ᩅᨲ᩠ᨳᨻ᩠ᨻᩴ ᨴ᩠ᩅᩣᩁᨾᩪᩃᩮ ᩅᩣ, ᩉᨲ᩠ᨳᨸᩣᩈᩣ ᩅᩣ ᨶ ᩅᩥᨩᩉᩥᨲᨻ᩠ᨻᩴ. ᩋᨸᩁᩥᨠ᩠ᨡᩥᨲ᩠ᨲᩮᩣ ᩉᩮᩣᨲᩥ, ᨿᩈ᩠ᨾᩥᩴ ᨥᩁᩮ ᨧᩦᩅᩁᩴ ᨶᩥᨠ᩠ᨡᩥᨲ᩠ᨲᩴ ᩉᩮᩣᨲᩥ ᨲᩈ᩠ᨾᩥᩴ ᨥᩁᩮ ᩅᨲ᩠ᨳᨻ᩠ᨻᩴ, ᩉᨲ᩠ᨳᨸᩣᩈᩣ ᩅᩣ ᨶ ᩅᩥᨩᩉᩥᨲᨻ᩠ᨻᩴ.

᪔᪘᪐. ᩑᨠᨠᩩᩃᩔ ¶ ᨶᩥᩅᩮᩈᨶᩴ ᩉᩮᩣᨲᩥ ᨸᩁᩥᨠ᩠ᨡᩥᨲ᩠ᨲᨬ᩠ᨧ, ᨶᩣᨶᩣᨣᨻ᩠ᨽᩣ ᨶᩣᨶᩣᩒᩅᩁᨠᩣ. ᩋᨶ᩠ᨲᩮᩣᨶᩥᩅᩮᩈᨶᩮ ᨧᩦᩅᩁᩴ ᨶᩥᨠ᩠ᨡᩥᨸᩥᨲ᩠ᩅᩣ ᩋᨶ᩠ᨲᩮᩣᨶᩥᩅᩮᩈᨶᩮ ᩅᨲ᩠ᨳᨻ᩠ᨻᩴ. ᩋᨸᩁᩥᨠ᩠ᨡᩥᨲ᩠ᨲᩴ ᩉᩮᩣᨲᩥ, ᨿᩈ᩠ᨾᩥᩴ ᨣᨻ᩠ᨽᩮ ᨧᩦᩅᩁᩴ ᨶᩥᨠ᩠ᨡᩥᨲ᩠ᨲᩴ ᩉᩮᩣᨲᩥ ᨲᩈ᩠ᨾᩥᩴ ᨣᨻ᩠ᨽᩮ ᩅᨲ᩠ᨳᨻ᩠ᨻᩴ, ᩉᨲ᩠ᨳᨸᩣᩈᩣ ᩅᩣ ᨶ ᩅᩥᨩᩉᩥᨲᨻ᩠ᨻᩴ.

᪔᪘᪑. ᨶᩣᨶᩣᨠᩩᩃᩔ ᨶᩥᩅᩮᩈᨶᩴ ᩉᩮᩣᨲᩥ ᨸᩁᩥᨠ᩠ᨡᩥᨲ᩠ᨲᨬ᩠ᨧ, ᨶᩣᨶᩣᨣᨻ᩠ᨽᩣ ᨶᩣᨶᩣᩒᩅᩁᨠᩣ. ᨿᩈ᩠ᨾᩥᩴ ᨣᨻ᩠ᨽᩮ ᨧᩦᩅᩁᩴ ᨶᩥᨠ᩠ᨡᩥᨲ᩠ᨲᩴ ᩉᩮᩣᨲᩥ ᨲᩈ᩠ᨾᩥᩴ ᨣᨻ᩠ᨽᩮ ᩅᨲ᩠ᨳᨻ᩠ᨻᩴ ᨴ᩠ᩅᩣᩁᨾᩪᩃᩮ ᩅᩣ, ᩉᨲ᩠ᨳᨸᩣᩈᩣ ᩅᩣ ᨶ ᩅᩥᨩᩉᩥᨲᨻ᩠ᨻᩴ ¶ . ᩋᨸᩁᩥᨠ᩠ᨡᩥᨲ᩠ᨲᩴ ᩉᩮᩣᨲᩥ, ᨿᩈ᩠ᨾᩥᩴ ᨣᨻ᩠ᨽᩮ ᨧᩦᩅᩁᩴ ᨶᩥᨠ᩠ᨡᩥᨲ᩠ᨲᩴ ᩉᩮᩣᨲᩥ ᨲᩈ᩠ᨾᩥᩴ ᨣᨻ᩠ᨽᩮ ᩅᨲ᩠ᨳᨻ᩠ᨻᩴ, ᩉᨲ᩠ᨳᨸᩣᩈᩣ ᩅᩣ ¶ ᨶ ᩅᩥᨩᩉᩥᨲᨻ᩠ᨻᩴ.

᪔᪘᪒. ᩑᨠᨠᩩᩃᩔ ᩏᨴᩮᩣᩈᩥᨲᩮᩣ ᩉᩮᩣᨲᩥ ᨸᩁᩥᨠ᩠ᨡᩥᨲ᩠ᨲᩮᩣ ᨧ, ᨶᩣᨶᩣᨣᨻ᩠ᨽᩣ ᨶᩣᨶᩣᩒᩅᩁᨠᩣ ¶ . ᩋᨶ᩠ᨲᩮᩣᩏᨴᩮᩣᩈᩥᨲᩮ ᨧᩦᩅᩁᩴ ᨶᩥᨠ᩠ᨡᩥᨸᩥᨲ᩠ᩅᩣ ᩋᨶ᩠ᨲᩮᩣᩏᨴᩮᩣᩈᩥᨲᩮ ᩅᨲ᩠ᨳᨻ᩠ᨻᩴ. ᩋᨸᩁᩥᨠ᩠ᨡᩥᨲ᩠ᨲᩮᩣ ᩉᩮᩣᨲᩥ, ᨿᩈ᩠ᨾᩥᩴ ᨣᨻ᩠ᨽᩮ ᨧᩦᩅᩁᩴ ᨶᩥᨠ᩠ᨡᩥᨲ᩠ᨲᩴ ᩉᩮᩣᨲᩥ ᨲᩈ᩠ᨾᩥᩴ ᨣᨻ᩠ᨽᩮ ᩅᨲ᩠ᨳᨻ᩠ᨻᩴ, ᩉᨲ᩠ᨳᨸᩣᩈᩣ ᩅᩣ ᨶ ᩅᩥᨩᩉᩥᨲᨻ᩠ᨻᩴ.

᪔᪘᪓. ᨶᩣᨶᩣᨠᩩᩃᩔ ᩏᨴᩮᩣᩈᩥᨲᩮᩣ ᩉᩮᩣᨲᩥ ᨸᩁᩥᨠ᩠ᨡᩥᨲ᩠ᨲᩮᩣ ᨧ, ᨶᩣᨶᩣᨣᨻ᩠ᨽᩣ ᨶᩣᨶᩣᩒᩅᩁᨠᩣ. ᨿᩈ᩠ᨾᩥᩴ ᨣᨻ᩠ᨽᩮ ᨧᩦᩅᩁᩴ ᨶᩥᨠ᩠ᨡᩥᨲ᩠ᨲᩴ ᩉᩮᩣᨲᩥ ᨲᩈ᩠ᨾᩥᩴ ᨣᨻ᩠ᨽᩮ ᩅᨲ᩠ᨳᨻ᩠ᨻᩴ ᨴ᩠ᩅᩣᩁᨾᩪᩃᩮ ᩅᩣ, ᩉᨲ᩠ᨳᨸᩣᩈᩣ ᩅᩣ ᨶ ᩅᩥᨩᩉᩥᨲᨻ᩠ᨻᩴ. ᩋᨸᩁᩥᨠ᩠ᨡᩥᨲ᩠ᨲᩮᩣ ᩉᩮᩣᨲᩥ, ᨿᩈ᩠ᨾᩥᩴ ᨣᨻ᩠ᨽᩮ ᨧᩦᩅᩁᩴ ᨶᩥᨠ᩠ᨡᩥᨲ᩠ᨲᩴ ᩉᩮᩣᨲᩥ ᨲᩈ᩠ᨾᩥᩴ ᨣᨻ᩠ᨽᩮ ᩅᨲ᩠ᨳᨻ᩠ᨻᩴ, ᩉᨲ᩠ᨳᨸᩣᩈᩣ ᩅᩣ ᨶ ᩅᩥᨩᩉᩥᨲᨻ᩠ᨻᩴ.

᪔᪘᪔. ᩑᨠᨠᩩᩃᩔ ᩋᨭ᩠ᨭᩮᩣ ᩉᩮᩣᨲᩥ, ᩋᨶ᩠ᨲᩮᩣᩋᨭ᩠ᨭᩮ ᨧᩦᩅᩁᩴ ᨶᩥᨠ᩠ᨡᩥᨸᩥᨲ᩠ᩅᩣ ᩋᨶ᩠ᨲᩮᩣᩋᨭ᩠ᨭᩮ ᩅᨲ᩠ᨳᨻ᩠ᨻᩴ. ᨶᩣᨶᩣᨠᩩᩃᩔ ᩋᨭ᩠ᨭᩮᩣ ᩉᩮᩣᨲᩥ, ᨶᩣᨶᩣᨣᨻ᩠ᨽᩣ ᨶᩣᨶᩣᩒᩅᩁᨠᩣ. ᨿᩈ᩠ᨾᩥᩴ ᨣᨻ᩠ᨽᩮ ᨧᩦᩅᩁᩴ ᨶᩥᨠ᩠ᨡᩥᨲ᩠ᨲᩴ ᩉᩮᩣᨲᩥ ᨲᩈ᩠ᨾᩥᩴ ᨣᨻ᩠ᨽᩮ ᩅᨲ᩠ᨳᨻ᩠ᨻᩴ ᨴ᩠ᩅᩣᩁᨾᩪᩃᩮ ᩅᩣ, ᩉᨲ᩠ᨳᨸᩣᩈᩣ ᩅᩣ ᨶ ᩅᩥᨩᩉᩥᨲᨻ᩠ᨻᩴ.

᪔᪘᪕. ᩑᨠᨠᩩᩃᩔ ᨾᩣᩊᩮᩣ ᩉᩮᩣᨲᩥ, ᩋᨶ᩠ᨲᩮᩣᨾᩣᩊᩮ ᨧᩦᩅᩁᩴ ᨶᩥᨠ᩠ᨡᩥᨸᩥᨲ᩠ᩅᩣ ᩋᨶ᩠ᨲᩮᩣᨾᩣᩊᩮ ᩅᨲ᩠ᨳᨻ᩠ᨻᩴ. ᨶᩣᨶᩣᨠᩩᩃᩔ ᨾᩣᩊᩮᩣ ᩉᩮᩣᨲᩥ ᨶᩣᨶᩣᨣᨻ᩠ᨽᩣ ᨶᩣᨶᩣᩒᩅᩁᨠᩣ, ᨿᩈ᩠ᨾᩥᩴ ᨣᨻ᩠ᨽᩮ ᨧᩦᩅᩁᩴ ᨶᩥᨠ᩠ᨡᩥᨲ᩠ᨲᩴ ᩉᩮᩣᨲᩥ ᨲᩈ᩠ᨾᩥᩴ ᨣᨻ᩠ᨽᩮ ᩅᨲ᩠ᨳᨻ᩠ᨻᩴ ᨴ᩠ᩅᩣᩁᨾᩪᩃᩮ ᩅᩣ, ᩉᨲ᩠ᨳᨸᩣᩈᩣ ᩅᩣ ᨶ ᩅᩥᨩᩉᩥᨲᨻ᩠ᨻᩴ.

᪔᪘᪖. ᩑᨠᨠᩩᩃᩔ ᨸᩣᩈᩣᨴᩮᩣ ᩉᩮᩣᨲᩥ, ᩋᨶ᩠ᨲᩮᩣᨸᩣᩈᩣᨴᩮ ᨧᩦᩅᩁᩴ ᨶᩥᨠ᩠ᨡᩥᨸᩥᨲ᩠ᩅᩣ ᩋᨶ᩠ᨲᩮᩣᨸᩣᩈᩣᨴᩮ ᩅᨲ᩠ᨳᨻ᩠ᨻᩴ. ᨶᩣᨶᩣᨠᩩᩃᩔ ᨸᩣᩈᩣᨴᩮᩣ ᩉᩮᩣᨲᩥ, ᨶᩣᨶᩣᨣᨻ᩠ᨽᩣ ¶ ¶ ᨶᩣᨶᩣᩒᩅᩁᨠᩣ. ᨿᩈ᩠ᨾᩥᩴ ᨣᨻ᩠ᨽᩮ ᨧᩦᩅᩁᩴ ᨶᩥᨠ᩠ᨡᩥᨲ᩠ᨲᩴ ᩉᩮᩣᨲᩥ ᨲᩈ᩠ᨾᩥᩴ ᨣᨻ᩠ᨽᩮ ᩅᨲ᩠ᨳᨻ᩠ᨻᩴ ᨴ᩠ᩅᩣᩁᨾᩪᩃᩮ ᩅᩣ, ᩉᨲ᩠ᨳᨸᩣᩈᩣ ᩅᩣ ᨶ ᩅᩥᨩᩉᩥᨲᨻ᩠ᨻᩴ.

᪔᪘᪗. ᩑᨠᨠᩩᩃᩔ ᩉᨾ᩠ᨾᩥᨿᩴ ᩉᩮᩣᨲᩥ. ᩋᨶ᩠ᨲᩮᩣᩉᨾ᩠ᨾᩥᨿᩮ ᨧᩦᩅᩁᩴ ᨶᩥᨠ᩠ᨡᩥᨸᩥᨲ᩠ᩅᩣ ᩋᨶ᩠ᨲᩮᩣᩉᨾ᩠ᨾᩥᨿᩮ ᩅᨲ᩠ᨳᨻ᩠ᨻᩴ. ᨶᩣᨶᩣᨠᩩᩃᩔ ᩉᨾ᩠ᨾᩥᨿᩴ ᩉᩮᩣᨲᩥ, ᨶᩣᨶᩣᨣᨻ᩠ᨽᩣ ᨶᩣᨶᩣᩒᩅᩁᨠᩣ. ᨿᩈ᩠ᨾᩥᩴ ᨣᨻ᩠ᨽᩮ ᨧᩦᩅᩁᩴ ᨶᩥᨠ᩠ᨡᩥᨲ᩠ᨲᩴ ᩉᩮᩣᨲᩥ ᨲᩈ᩠ᨾᩥᩴ ᨣᨻ᩠ᨽᩮ ᩅᨲ᩠ᨳᨻ᩠ᨻᩴ ᨴ᩠ᩅᩣᩁᨾᩪᩃᩮ ᩅᩣ, ᩉᨲ᩠ᨳᨸᩣᩈᩣ ᩅᩣ ᨶ ᩅᩥᨩᩉᩥᨲᨻ᩠ᨻᩴ.

᪔᪘᪘. ᩑᨠᨠᩩᩃᩔ ᨶᩣᩅᩣ ᩉᩮᩣᨲᩥ. ᩋᨶ᩠ᨲᩮᩣᨶᩣᩅᩣᨿ ᨧᩦᩅᩁᩴ ᨶᩥᨠ᩠ᨡᩥᨸᩥᨲ᩠ᩅᩣ ᩋᨶ᩠ᨲᩮᩣᨶᩣᩅᩣᨿ ᩅᨲ᩠ᨳᨻ᩠ᨻᩴ ¶ . ᨶᩣᨶᩣᨠᩩᩃᩔ ᨶᩣᩅᩣ ᩉᩮᩣᨲᩥ ᨶᩣᨶᩣᨣᨻ᩠ᨽᩣ ᨶᩣᨶᩣᩒᩅᩁᨠᩣ. ᨿᩈ᩠ᨾᩥᩴ ᩒᩅᩁᨠᩮ ᨧᩦᩅᩁᩴ ᨶᩥᨠ᩠ᨡᩥᨲ᩠ᨲᩴ ᩉᩮᩣᨲᩥ ᨲᩈ᩠ᨾᩥᩴ ᩒᩅᩁᨠᩮ ᩅᨲ᩠ᨳᨻ᩠ᨻᩴ, ᩉᨲ᩠ᨳᨸᩣᩈᩣ ᩅᩣ ᨶ ᩅᩥᨩᩉᩥᨲᨻ᩠ᨻᩴ.

᪔᪘᪙. ᩑᨠᨠᩩᩃᩔ ᩈᨲ᩠ᨳᩮᩣ ᩉᩮᩣᨲᩥ. ᩈᨲ᩠ᨳᩮ ᨧᩦᩅᩁᩴ ᨶᩥᨠ᩠ᨡᩥᨸᩥᨲ᩠ᩅᩣ ᨸᩩᩁᨲᩮᩣ ᩅᩣ ᨸᨧ᩠ᨨᨲᩮᩣ ᩅᩣ ᩈᨲ᩠ᨲᨻ᩠ᨽᨶ᩠ᨲᩁᩣ ᨶ ᩅᩥᨩᩉᩥᨲᨻ᩠ᨻᩣ, ᨸᩔᨲᩮᩣ ᩋᨻ᩠ᨽᨶ᩠ᨲᩁᩴ ᨶ ᩅᩥᨩᩉᩥᨲᨻ᩠ᨻᩴ. ᨶᩣᨶᩣᨠᩩᩃᩔ ᩈᨲ᩠ᨳᩮᩣ ᩉᩮᩣᨲᩥ, ᩈᨲ᩠ᨳᩮ ᨧᩦᩅᩁᩴ ᨶᩥᨠ᩠ᨡᩥᨸᩥᨲ᩠ᩅᩣ ᩉᨲ᩠ᨳᨸᩣᩈᩣ ᨶ ᩅᩥᨩᩉᩥᨲᨻ᩠ᨻᩴ.

᪔᪙᪐. ᩑᨠᨠᩩᩃᩔ ᨡᩮᨲ᩠ᨲᩴ ᩉᩮᩣᨲᩥ ᨸᩁᩥᨠ᩠ᨡᩥᨲ᩠ᨲᨬ᩠ᨧ. ᩋᨶ᩠ᨲᩮᩣᨡᩮᨲ᩠ᨲᩮ ᨧᩦᩅᩁᩴ ᨶᩥᨠ᩠ᨡᩥᨸᩥᨲ᩠ᩅᩣ ᩋᨶ᩠ᨲᩮᩣᨡᩮᨲ᩠ᨲᩮ ᩅᨲ᩠ᨳᨻ᩠ᨻᩴ. ᩋᨸᩁᩥᨠ᩠ᨡᩥᨲ᩠ᨲᩴ ᩉᩮᩣᨲᩥ, ᩉᨲ᩠ᨳᨸᩣᩈᩣ ᨶ ᩅᩥᨩᩉᩥᨲᨻ᩠ᨻᩴ. ᨶᩣᨶᩣᨠᩩᩃᩔ ᨡᩮᨲ᩠ᨲᩴ ᩉᩮᩣᨲᩥ ᨸᩁᩥᨠ᩠ᨡᩥᨲ᩠ᨲᨬ᩠ᨧ. ᩋᨶ᩠ᨲᩮᩣᨡᩮᨲ᩠ᨲᩮ ᨧᩦᩅᩁᩴ ᨶᩥᨠ᩠ᨡᩥᨸᩥᨲ᩠ᩅᩣ ᨴ᩠ᩅᩣᩁᨾᩪᩃᩮ ᩅᩣ ᩅᨲ᩠ᨳᨻ᩠ᨻᩴ, ᩉᨲ᩠ᨳᨸᩣᩈᩣ ¶ ᩅᩣ ᨶ ᩅᩥᨩᩉᩥᨲᨻ᩠ᨻᩴ. ᩋᨸᩁᩥᨠ᩠ᨡᩥᨲ᩠ᨲᩴ ᩉᩮᩣᨲᩥ, ᩉᨲ᩠ᨳᨸᩣᩈᩣ ᨶ ᩅᩥᨩᩉᩥᨲᨻ᩠ᨻᩴ.

᪔᪙᪑. ᩑᨠᨠᩩᩃᩔ ᨵᨬ᩠ᨬᨠᩁᨱᩴ ᩉᩮᩣᨲᩥ ᨸᩁᩥᨠ᩠ᨡᩥᨲ᩠ᨲᨬ᩠ᨧ. ᩋᨶ᩠ᨲᩮᩣᨵᨬ᩠ᨬᨠᩁᨱᩮ ᨧᩦᩅᩁᩴ ᨶᩥᨠ᩠ᨡᩥᨸᩥᨲ᩠ᩅᩣ ᩋᨶ᩠ᨲᩮᩣᨵᨬ᩠ᨬᨠᩁᨱᩮ ᩅᨲ᩠ᨳᨻ᩠ᨻᩴ. ᩋᨸᩁᩥᨠ᩠ᨡᩥᨲ᩠ᨲᩴ ᩉᩮᩣᨲᩥ, ᩉᨲ᩠ᨳᨸᩣᩈᩣ ᨶ ᩅᩥᨩᩉᩥᨲᨻ᩠ᨻᩴ. ᨶᩣᨶᩣᨠᩩᩃᩔ ᨵᨬ᩠ᨬᨠᩁᨱᩴ ᩉᩮᩣᨲᩥ ᨸᩁᩥᨠ᩠ᨡᩥᨲ᩠ᨲᨬ᩠ᨧ. ᩋᨶ᩠ᨲᩮᩣᨵᨬ᩠ᨬᨠᩁᨱᩮ ᨧᩦᩅᩁᩴ ᨶᩥᨠ᩠ᨡᩥᨸᩥᨲ᩠ᩅᩣ ᨴ᩠ᩅᩣᩁᨾᩪᩃᩮ ᩅᩣ ᩅᨲ᩠ᨳᨻ᩠ᨻᩴ, ᩉᨲ᩠ᨳᨸᩣᩈᩣ ᩅᩣ ᨶ ᩅᩥᨩᩉᩥᨲᨻ᩠ᨻᩴ. ᩋᨸᩁᩥᨠ᩠ᨡᩥᨲ᩠ᨲᩴ ᩉᩮᩣᨲᩥ, ᩉᨲ᩠ᨳᨸᩣᩈᩣ ᨶ ᩅᩥᨩᩉᩥᨲᨻ᩠ᨻᩴ.

᪔᪙᪒. ᩑᨠᨠᩩᩃᩔ ᩌᩁᩣᨾᩮᩣ ᩉᩮᩣᨲᩥ ᨸᩁᩥᨠ᩠ᨡᩥᨲ᩠ᨲᩮᩣ ᨧ. ᩋᨶ᩠ᨲᩮᩣᩌᩁᩣᨾᩮ ᨧᩦᩅᩁᩴ ᨶᩥᨠ᩠ᨡᩥᨸᩥᨲ᩠ᩅᩣ ᩋᨶ᩠ᨲᩮᩣᩌᩁᩣᨾᩮ ᩅᨲ᩠ᨳᨻ᩠ᨻᩴ. ᩋᨸᩁᩥᨠ᩠ᨡᩥᨲ᩠ᨲᩮᩣ ᩉᩮᩣᨲᩥ, ᩉᨲ᩠ᨳᨸᩣᩈᩣ ᨶ ᩅᩥᨩᩉᩥᨲᨻ᩠ᨻᩴ. ᨶᩣᨶᩣᨠᩩᩃᩔ ᩌᩁᩣᨾᩮᩣ ᩉᩮᩣᨲᩥ ᨸᩁᩥᨠ᩠ᨡᩥᨲ᩠ᨲᩮᩣ ᨧ. ᩋᨶ᩠ᨲᩮᩣᩌᩁᩣᨾᩮ ᨧᩦᩅᩁᩴ ᨶᩥᨠ᩠ᨡᩥᨸᩥᨲ᩠ᩅᩣ ᨴ᩠ᩅᩣᩁᨾᩪᩃᩮ ᩅᩣ ᩅᨲ᩠ᨳᨻ᩠ᨻᩴ, ᩉᨲ᩠ᨳᨸᩣᩈᩣ ᩅᩣ ᨶ ᩅᩥᨩᩉᩥᨲᨻ᩠ᨻᩴ. ᩋᨸᩁᩥᨠ᩠ᨡᩥᨲ᩠ᨲᩮᩣ ᩉᩮᩣᨲᩥ, ᩉᨲ᩠ᨳᨸᩣᩈᩣ ᨶ ᩅᩥᨩᩉᩥᨲᨻ᩠ᨻᩴ.

᪔᪙᪓. ᩑᨠᨠᩩᩃᩔ ¶ ¶ ᩅᩥᩉᩣᩁᩮᩣ ᩉᩮᩣᨲᩥ ᨸᩁᩥᨠ᩠ᨡᩥᨲ᩠ᨲᩮᩣ ᨧ. ᩋᨶ᩠ᨲᩮᩣᩅᩥᩉᩣᩁᩮ ᨧᩦᩅᩁᩴ ᨶᩥᨠ᩠ᨡᩥᨸᩥᨲ᩠ᩅᩣ ᩋᨶ᩠ᨲᩮᩣᩅᩥᩉᩣᩁᩮ ᩅᨲ᩠ᨳᨻ᩠ᨻᩴ. ᩋᨸᩁᩥᨠ᩠ᨡᩥᨲ᩠ᨲᩮᩣ ᩉᩮᩣᨲᩥ, ᨿᩈ᩠ᨾᩥᩴ ᩅᩥᩉᩣᩁᩮ ᨧᩦᩅᩁᩴ ᨶᩥᨠ᩠ᨡᩥᨲ᩠ᨲᩴ ᩉᩮᩣᨲᩥ ᨲᩈ᩠ᨾᩥᩴ ᩅᩥᩉᩣᩁᩮ ᩅᨲ᩠ᨳᨻ᩠ᨻᩴ, ᩉᨲ᩠ᨳᨸᩣᩈᩣ ᩅᩣ ᨶ ᩅᩥᨩᩉᩥᨲᨻ᩠ᨻᩴ. ᨶᩣᨶᩣᨠᩩᩃᩔ ᩅᩥᩉᩣᩁᩮᩣ ᩉᩮᩣᨲᩥ ᨸᩁᩥᨠ᩠ᨡᩥᨲ᩠ᨲᩮᩣ ᨧ. ᨿᩈ᩠ᨾᩥᩴ ᩅᩥᩉᩣᩁᩮ ᨧᩦᩅᩁᩴ ᨶᩥᨠ᩠ᨡᩥᨲ᩠ᨲᩴ ᩉᩮᩣᨲᩥ ᨲᩈ᩠ᨾᩥᩴ ᩅᩥᩉᩣᩁᩮ ᩅᨲ᩠ᨳᨻ᩠ᨻᩴ ᨴ᩠ᩅᩣᩁᨾᩪᩃᩮ ᩅᩣ, ᩉᨲ᩠ᨳᨸᩣᩈᩣ ᩅᩣ ᨶ ᩅᩥᨩᩉᩥᨲᨻ᩠ᨻᩴ. ᩋᨸᩁᩥᨠ᩠ᨡᩥᨲ᩠ᨲᩮᩣ ᩉᩮᩣᨲᩥ ¶ , ᨿᩈ᩠ᨾᩥᩴ ᩅᩥᩉᩣᩁᩮ ᨧᩦᩅᩁᩴ ᨶᩥᨠ᩠ᨡᩥᨲ᩠ᨲᩴ ᩉᩮᩣᨲᩥ ᨲᩈ᩠ᨾᩥᩴ ᩅᩥᩉᩣᩁᩮ ᩅᨲ᩠ᨳᨻ᩠ᨻᩴ, ᩉᨲ᩠ᨳᨸᩣᩈᩣ ᩅᩣ ᨶ ᩅᩥᨩᩉᩥᨲᨻ᩠ᨻᩴ.

᪔᪙᪔. ᩑᨠᨠᩩᩃᩔ ¶ ᩁᩩᨠ᩠ᨡᨾᩪᩃᩴ ᩉᩮᩣᨲᩥ, ᨿᩴ ᨾᨩ᩠ᨫᨶ᩠ᩉᩥᨠᩮ ᨠᩣᩃᩮ ᩈᨾᨶ᩠ᨲᩣ ᨨᩣᨿᩣ ᨹᩁᨲᩥ, ᩋᨶ᩠ᨲᩮᩣᨨᩣᨿᩣᨿ ᨧᩦᩅᩁᩴ ᨶᩥᨠ᩠ᨡᩥᨸᩥᨲ᩠ᩅᩣ ᩋᨶ᩠ᨲᩮᩣᨨᩣᨿᩣᨿ ᩅᨲ᩠ᨳᨻ᩠ᨻᩴ. ᨶᩣᨶᩣᨠᩩᩃᩔ ᩁᩩᨠ᩠ᨡᨾᩪᩃᩴ ᩉᩮᩣᨲᩥ, ᩉᨲ᩠ᨳᨸᩣᩈᩣ ᨶ ᩅᩥᨩᩉᩥᨲᨻ᩠ᨻᩴ.

ᩋᨩ᩠ᨫᩮᩣᨠᩣᩈᩮᩣ ᩑᨠᩪᨸᨧᩣᩁᩮᩣ ᨶᩣᨾ ᩋᨣᩣᨾᨠᩮ ᩋᩁᨬ᩠ᨬᩮ ᩈᨾᨶ᩠ᨲᩣ ᩈᨲ᩠ᨲᨻ᩠ᨽᨶ᩠ᨲᩁᩣ ᩑᨠᩪᨸᨧᩣᩁᩮᩣ, ᨲᨲᩮᩣ ᨸᩁᩴ ᨶᩣᨶᩪᨸᨧᩣᩁᩮᩣ.

᪔᪙᪕. ᩅᩥᨸ᩠ᨸᩅᩩᨲ᩠ᨳᩮ ᩅᩥᨸ᩠ᨸᩅᩩᨲ᩠ᨳᩈᨬ᩠ᨬᩦ ᩋᨬ᩠ᨬᨲᩕ ᨽᩥᨠ᩠ᨡᩩᩈᨾ᩠ᨾᩩᨲᩥᨿᩣ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩅᩥᨸ᩠ᨸᩅᩩᨲ᩠ᨳᩮ ᩅᩮᨾᨲᩥᨠᩮᩣ, ᩋᨬ᩠ᨬᨲᩕ ᨽᩥᨠ᩠ᨡᩩᩈᨾ᩠ᨾᩩᨲᩥᨿᩣ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩅᩥᨸ᩠ᨸᩅᩩᨲ᩠ᨳᩮ ᩋᩅᩥᨸ᩠ᨸᩅᩩᨲ᩠ᨳᩈᨬ᩠ᨬᩦ, ᩋᨬ᩠ᨬᨲᩕ ᨽᩥᨠ᩠ᨡᩩᩈᨾ᩠ᨾᩩᨲᩥᨿᩣ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨸ᩠ᨸᨧ᩠ᨧᩩᨴ᩠ᨵᨭᩮ ᨸᨧ᩠ᨧᩩᨴ᩠ᨵᨭᩈᨬ᩠ᨬᩦ…ᨸᩮ… ᩋᩅᩥᩔᨩ᩠ᨩᩥᨲᩮ ᩅᩥᩔᨩ᩠ᨩᩥᨲᩈᨬ᩠ᨬᩦ… ᩋᨶᨭ᩠ᨮᩮ ᨶᨭ᩠ᨮᩈᨬ᩠ᨬᩦ… ᩋᩅᩥᨶᨭ᩠ᨮᩮ ᩅᩥᨶᨭ᩠ᨮᩈᨬ᩠ᨬᩦ… ᩋᨴᨯ᩠ᨰᩮ ᨴᨯ᩠ᨰᩈᨬ᩠ᨬᩦ…ᨸᩮ… ᩋᩅᩥᩃᩩᨲ᩠ᨲᩮ ᩅᩥᩃᩩᨲ᩠ᨲᩈᨬ᩠ᨬᩦ, ᩋᨬ᩠ᨬᨲᩕ ᨽᩥᨠ᩠ᨡᩩᩈᨾ᩠ᨾᩩᨲᩥᨿᩣ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᨶᩥᩔᨣ᩠ᨣᩥᨿᩴ ᨧᩦᩅᩁᩴ ᩋᨶᩥᩔᨩ᩠ᨩᩥᨲ᩠ᩅᩣ ᨸᩁᩥᨽᩩᨬ᩠ᨩᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ ¶ . ᩋᩅᩥᨸ᩠ᨸᩅᩩᨲ᩠ᨳᩮ ᩅᩥᨸ᩠ᨸᩅᩩᨲ᩠ᨳᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᩅᩥᨸ᩠ᨸᩅᩩᨲ᩠ᨳᩮ ᩅᩮᨾᨲᩥᨠᩮᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᩅᩥᨸ᩠ᨸᩅᩩᨲ᩠ᨳᩮ ᩋᩅᩥᨸ᩠ᨸᩅᩩᨲ᩠ᨳᩈᨬ᩠ᨬᩦ, ᩋᨶᩣᨸᨲ᩠ᨲᩥ.

᪔᪙᪖. ᩋᨶᩣᨸᨲ᩠ᨲᩥ ᩋᨶ᩠ᨲᩮᩣᩋᩁᩩᨱᩮ ᨸᨧ᩠ᨧᩩᨴ᩠ᨵᩁᨲᩥ, ᩅᩥᩔᨩ᩠ᨩᩮᨲᩥ, ᨶᩔᨲᩥ, ᩅᩥᨶᩔᨲᩥ, ᨯᨿ᩠ᩉᨲᩥ, ᩋᨧ᩠ᨨᩥᨶ᩠ᨴᩥᨲ᩠ᩅᩣ ᨣᨱ᩠ᩉᨶ᩠ᨲᩥ, ᩅᩥᩔᩣᩈᩴ ᨣᨱ᩠ᩉᨶ᩠ᨲᩥ, ᨽᩥᨠ᩠ᨡᩩᩈᨾ᩠ᨾᩩᨲᩥᨿᩣ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᩏᨴᩮᩣᩈᩥᨲᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨴᩩᨲᩥᨿᩴ.

᪓. ᨲᨲᩥᨿᨠᨳᩥᨶᩈᩥᨠ᩠ᨡᩣᨸᨴᩴ

᪔᪙᪗. ᨲᩮᨶ ¶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ ᨩᩮᨲᩅᨶᩮ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᩋᨠᩣᩃᨧᩦᩅᩁᩴ ᩏᨸ᩠ᨸᨶ᩠ᨶᩴ ᩉᩮᩣᨲᩥ. ᨲᩔ ᨲᩴ ¶ ᨧᩦᩅᩁᩴ ᨠᨿᩥᩁᨾᩣᨶᩴ ᨶᨸ᩠ᨸᩉᩮᩣᨲᩥ. ᩋᨳ ᨡᩮᩣ ¶ ᩈᩮᩣ ᨽᩥᨠ᩠ᨡᩩ ᨲᩴ ᨧᩦᩅᩁᩴ ᩏᩔᩣᨸᩮᨲ᩠ᩅᩣ ᨸᩩᨶᨸ᩠ᨸᩩᨶᩴ ᩅᩥᨾᨩ᩠ᨩᨲᩥ. ᩋᨴ᩠ᨴᩈᩣ ᨡᩮᩣ ᨽᨣᩅᩣ ᩈᩮᨶᩣᩈᨶᨧᩣᩁᩥᨠᩴ ᩌᩉᩥᨱ᩠ᨯᨶ᩠ᨲᩮᩣ ᨲᩴ ᨽᩥᨠ᩠ᨡᩩᩴ ᨲᩴ ᨧᩦᩅᩁᩴ ᩏᩔᩣᨸᩮᨲ᩠ᩅᩣ ᨸᩩᨶᨸ᩠ᨸᩩᨶᩴ ᩅᩥᨾᨩ᩠ᨩᨶ᩠ᨲᩴ. ᨴᩥᩈ᩠ᩅᩣᨶ ᨿᩮᨶ ᩈᩮᩣ ᨽᩥᨠ᩠ᨡᩩ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨲᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᨠᩥᩔ ᨲ᩠ᩅᩴ, ᨽᩥᨠ᩠ᨡᩩ, ᩍᨾᩴ ᨧᩦᩅᩁᩴ ᩏᩔᩣᨸᩮᨲ᩠ᩅᩣ ᨸᩩᨶᨸ᩠ᨸᩩᨶᩴ ᩅᩥᨾᨩ᩠ᨩᩈᩦ’’ᨲᩥ? ‘‘ᩍᨴᩴ ᨾᩮ, ᨽᨶ᩠ᨲᩮ, ᩋᨠᩣᩃᨧᩦᩅᩁᩴ ᩏᨸ᩠ᨸᨶ᩠ᨶᩴ. ᨠᨿᩥᩁᨾᩣᨶᩴ ᨶᨸ᩠ᨸᩉᩮᩣᨲᩥ. ᨲᩮᨶᩣᩉᩴ ᩍᨾᩴ ᨧᩦᩅᩁᩴ ᩏᩔᩣᨸᩮᨲ᩠ᩅᩣ ᨸᩩᨶᨸ᩠ᨸᩩᨶᩴ ᩅᩥᨾᨩ᩠ᨩᩣᨾᩦ’’ᨲᩥ. ‘‘ᩋᨲ᩠ᨳᩥ ᨸᨶ ᨲᩮ, ᨽᩥᨠ᩠ᨡᩩ, ᨧᩦᩅᩁᨸᨧ᩠ᨧᩣᩈᩣ’’ᨲᩥ? ‘‘ᩋᨲ᩠ᨳᩥ, ᨽᨣᩅᩣ’’ᨲᩥ. ᩋᨳ ᨡᩮᩣ ᨽᨣᩅᩣ ᩑᨲᩈ᩠ᨾᩥᩴ ᨶᩥᨴᩣᨶᩮ ᩑᨲᩈ᩠ᨾᩥᩴ ᨸᨠᩁᨱᩮ ᨵᨾ᩠ᨾᩥᩴ ᨠᨳᩴ ᨠᨲ᩠ᩅᩣ, ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ – ‘‘ᩋᨶᩩᨩᩣᨶᩣᨾᩥ, ᨽᩥᨠ᩠ᨡᩅᩮ, ᩋᨠᩣᩃᨧᩦᩅᩁᩴ ᨸᨭᩥᨣ᩠ᨣᩉᩮᨲ᩠ᩅᩣ ᨧᩦᩅᩁᨸᨧ᩠ᨧᩣᩈᩣ ᨶᩥᨠ᩠ᨡᩥᨸᩥᨲᩩ’’ᨶ᩠ᨲᩥ.

᪔᪙᪘. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨽᩥᨠ᩠ᨡᩪ – ‘‘ᨽᨣᩅᨲᩣ ᩋᨶᩩᨬ᩠ᨬᩣᨲᩴ ᩋᨠᩣᩃᨧᩦᩅᩁᩴ ᨸᨭᩥᨣ᩠ᨣᩉᩮᨲ᩠ᩅᩣ ᨧᩦᩅᩁᨸᨧ᩠ᨧᩣᩈᩣ ᨶᩥᨠ᩠ᨡᩥᨸᩥᨲᩩ’’ᨶ᩠ᨲᩥ ᩋᨠᩣᩃᨧᩦᩅᩁᩣᨶᩥ ᨸᨭᩥᨣ᩠ᨣᩉᩮᨲ᩠ᩅᩣ ¶ ᩋᨲᩥᩁᩮᨠᨾᩣᩈᩴ ᨶᩥᨠ᩠ᨡᩥᨸᨶ᩠ᨲᩥ. ᨲᩣᨶᩥ ᨧᩦᩅᩁᩣᨶᩥ ᨧᩦᩅᩁᩅᩴᩈᩮ ᨽᨱ᩠ᨯᩥᨠᩣᨻᨴ᩠ᨵᩣᨶᩥ ᨲᩥᨭ᩠ᨮᨶ᩠ᨲᩥ. ᩋᨴ᩠ᨴᩈᩣ ᨡᩮᩣ ᩌᨿᩈ᩠ᨾᩣ ᩌᨶᨶ᩠ᨴᩮᩣ ᩈᩮᨶᩣᩈᨶᨧᩣᩁᩥᨠᩴ ᩌᩉᩥᨱ᩠ᨯᨶ᩠ᨲᩮᩣ ᨲᩣᨶᩥ ᨧᩦᩅᩁᩣᨶᩥ ᨧᩦᩅᩁᩅᩴᩈᩮ ᨽᨱ᩠ᨯᩥᨠᩣᨻᨴ᩠ᨵᩣᨶᩥ ᨲᩥᨭ᩠ᨮᨶ᩠ᨲᩮ. ᨴᩥᩈ᩠ᩅᩣᨶ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ – ‘‘ᨠᩔᩥᨾᩣᨶᩥ, ᩌᩅᩩᩈᩮᩣ, ᨧᩦᩅᩁᩣᨶᩥ ᨧᩦᩅᩁᩅᩴᩈᩮ ᨽᨱ᩠ᨯᩥᨠᩣᨻᨴ᩠ᨵᩣᨶᩥ ᨲᩥᨭ᩠ᨮᨶ᩠ᨲᩦ’’ᨲᩥ? ‘‘ᩋᨾ᩠ᩉᩣᨠᩴ, ᩌᩅᩩᩈᩮᩣ, ᩋᨠᩣᩃᨧᩦᩅᩁᩣᨶᩥ ᨧᩦᩅᩁᨸᨧ᩠ᨧᩣᩈᩣ ᨶᩥᨠ᩠ᨡᩥᨲ᩠ᨲᩣᨶᩦ’’ᨲᩥ. ‘‘ᨠᩦᩅᨧᩥᩁᩴ ᨸᨶᩣᩅᩩᩈᩮᩣ, ᩍᨾᩣᨶᩥ ᨧᩦᩅᩁᩣᨶᩥ ᨶᩥᨠ᩠ᨡᩥᨲ᩠ᨲᩣᨶᩦ’’ᨲᩥ? ‘‘ᩋᨲᩥᩁᩮᨠᨾᩣᩈᩴ, ᩌᩅᩩᩈᩮᩣ’’ᨲᩥ. ᩌᨿᩈ᩠ᨾᩣ ᩌᨶᨶ᩠ᨴᩮᩣ ᩏᨩ᩠ᨫᩣᨿᨲᩥ ᨡᩥᨿ᩠ᨿᨲᩥ ᩅᩥᨸᩣᨧᩮᨲᩥ – ‘‘ᨠᨳᨬ᩠ᩉᩥ ᨶᩣᨾ ᨽᩥᨠ᩠ᨡᩪ ᩋᨠᩣᩃᨧᩦᩅᩁᩴ ᨸᨭᩥᨣ᩠ᨣᩉᩮᨲ᩠ᩅᩣ ᩋᨲᩥᩁᩮᨠᨾᩣᩈᩴ ᨶᩥᨠ᩠ᨡᩥᨸᩥᩔᨶ᩠ᨲᩦ’’ᨲᩥ! ᩋᨳ ᨡᩮᩣ ᩌᨿᩈ᩠ᨾᩣ ᩌᨶᨶ᩠ᨴᩮᩣ ᨲᩮ ᨽᩥᨠ᩠ᨡᩪ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ…ᨸᩮ… ‘‘ᩈᨧ᩠ᨧᩴ ᨠᩥᩁ, ᨽᩥᨠ᩠ᨡᩅᩮ, ᨽᩥᨠ᩠ᨡᩪ ᩋᨠᩣᩃᨧᩦᩅᩁᩴ ᨸᨭᩥᨣ᩠ᨣᩉᩮᨲ᩠ᩅᩣ ᩋᨲᩥᩁᩮᨠᨾᩣᩈᩴ ᨶᩥᨠ᩠ᨡᩥᨸᨶ᩠ᨲᩦ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ᨠᨳᨬ᩠ᩉᩥ ᨶᩣᨾ ᨲᩮ, ᨽᩥᨠ᩠ᨡᩅᩮ, ᨾᩮᩣᨥᨸᩩᩁᩥᩈᩣ ᩋᨠᩣᩃᨧᩦᩅᩁᩴ ᨸᨭᩥᨣ᩠ᨣᩉᩮᨲ᩠ᩅᩣ ᩋᨲᩥᩁᩮᨠᨾᩣᩈᩴ ᨶᩥᨠ᩠ᨡᩥᨸᩥᩔᨶ᩠ᨲᩥ! ᨶᩮᨲᩴ, ᨽᩥᨠ᩠ᨡᩅᩮ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪔᪙᪙. ‘‘ᨶᩥᨭ᩠ᨮᩥᨲᨧᩦᩅᩁᩈ᩠ᨾᩥᩴ ¶ ᨽᩥᨠ᩠ᨡᩩᨶᩣ ᩏᨻ᩠ᨽᨲᩈ᩠ᨾᩥᩴ ᨠᨳᩥᨶᩮ ᨽᩥᨠ᩠ᨡᩩᨶᩮᩣ ᨸᨶᩮᩅ ᩋᨠᩣᩃᨧᩦᩅᩁᩴ ᩏᨸ᩠ᨸᨩ᩠ᨩᩮᨿ᩠ᨿ, ᩌᨠᨦ᩠ᨡᨾᩣᨶᩮᨶ ᨽᩥᨠ᩠ᨡᩩᨶᩣ ᨸᨭᩥᨣ᩠ᨣᩉᩮᨲᨻ᩠ᨻᩴ. ᨸᨭᩥᨣ᩠ᨣᩉᩮᨲ᩠ᩅᩣ ᨡᩥᨸ᩠ᨸᨾᩮᩅ ᨠᩣᩁᩮᨲᨻ᩠ᨻᩴ. ᨶᩮᩣᨧᩔ ᨸᩣᩁᩥᨸᩪᩁᩥ, ᨾᩣᩈᨸᩁᨾᩴ ᨲᩮᨶ ᨽᩥᨠ᩠ᨡᩩᨶᩣ ¶ ᨲᩴ ᨧᩦᩅᩁᩴ ᨶᩥᨠ᩠ᨡᩥᨸᩥᨲᨻ᩠ᨻᩴ ᩐᨶᩔ ᨸᩣᩁᩥᨸᩪᩁᩥᨿᩣ ᩈᨲᩥᨿᩣ ᨸᨧ᩠ᨧᩣᩈᩣᨿ. ᨲᨲᩮᩣ ᨧᩮ ᩏᨲ᩠ᨲᩁᩥ [ᩏᨲ᩠ᨲᩁᩥᩴ (ᩈᩦ. ᩈ᩠ᨿᩣ.)] ᨶᩥᨠ᩠ᨡᩥᨸᩮᨿ᩠ᨿ, ᩈᨲᩥᨿᩣᨸᩥ ᨸᨧ᩠ᨧᩣᩈᩣᨿ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

᪕᪐᪐. ᨶᩥᨭ᩠ᨮᩥᨲᨧᩦᩅᩁᩈ᩠ᨾᩥᨶ᩠ᨲᩥ ¶ ¶ ᨽᩥᨠ᩠ᨡᩩᨶᩮᩣ ᨧᩦᩅᩁᩴ ᨠᨲᩴ ᩅᩣ ᩉᩮᩣᨲᩥ ᨶᨭ᩠ᨮᩴ ᩅᩣ ᩅᩥᨶᨭ᩠ᨮᩴ ᩅᩣ ᨴᨯ᩠ᨰᩴ ᩅᩣ ᨧᩦᩅᩁᩣᩈᩣ ᩅᩣ ᩏᨸᨧ᩠ᨨᩥᨶ᩠ᨶᩣ.

ᩏᨻ᩠ᨽᨲᩈ᩠ᨾᩥᩴ ᨠᨳᩥᨶᩮᨲᩥ ᩋᨭ᩠ᨮᨶ᩠ᨶᩴ ᨾᩣᨲᩥᨠᩣᨶᩴ ᩋᨬ᩠ᨬᨲᩁᩣᨿ ᨾᩣᨲᩥᨠᩣᨿ ᩏᨻ᩠ᨽᨲᩴ ᩉᩮᩣᨲᩥ, ᩈᨦ᩠ᨥᩮᨶ ᩅᩣ ᩋᨶ᩠ᨲᩁᩣ ᩏᨻ᩠ᨽᨲᩴ ᩉᩮᩣᨲᩥ.

ᩋᨠᩣᩃᨧᩦᩅᩁᩴ ᨶᩣᨾ ᩋᨶᨲ᩠ᨳᨲᩮ ᨠᨳᩥᨶᩮ ᩑᨠᩣᨴᩈᨾᩣᩈᩮ ᩏᨸ᩠ᨸᨶ᩠ᨶᩴ, ᩋᨲ᩠ᨳᨲᩮ ᨠᨳᩥᨶᩮ ᩈᨲ᩠ᨲᨾᩣᩈᩮ ᩏᨸ᩠ᨸᨶ᩠ᨶᩴ, ᨠᩣᩃᩮᨸᩥ ᩌᨴᩥᩔ ᨴᩥᨶ᩠ᨶᩴ, ᩑᨲᩴ ᩋᨠᩣᩃᨧᩦᩅᩁᩴ ᨶᩣᨾ.

ᩏᨸ᩠ᨸᨩ᩠ᨩᩮᨿ᩠ᨿᩣᨲᩥ ᩏᨸ᩠ᨸᨩ᩠ᨩᩮᨿ᩠ᨿ ᩈᨦ᩠ᨥᨲᩮᩣ ᩅᩣ ᨣᨱᨲᩮᩣ ᩅᩣ ᨬᩣᨲᩥᨲᩮᩣ ᩅᩣ ᨾᩥᨲ᩠ᨲᨲᩮᩣ ᩅᩣ ᨸᩴᩈᩩᨠᩪᩃᩴ ᩅᩣ ᩋᨲ᩠ᨲᨶᩮᩣ ᩅᩣ ᨵᨶᩮᨶ.

ᩌᨠᨦ᩠ᨡᨾᩣᨶᩮᨶᩣᨲᩥ ᩍᨧ᩠ᨨᨾᩣᨶᩮᨶ ᨸᨭᩥᨣ᩠ᨣᩉᩮᨲᨻ᩠ᨻᩴ.

ᨸᨭᩥᨣ᩠ᨣᩉᩮᨲ᩠ᩅᩣ ᨡᩥᨸ᩠ᨸᨾᩮᩅ ᨠᩣᩁᩮᨲᨻ᩠ᨻᨶ᩠ᨲᩥ ᨴᩈᩣᩉᩣ ᨠᩣᩁᩮᨲᨻ᩠ᨻᩴ.

ᨶᩮᩣ ᨧᩔ ᨸᩣᩁᩥᨸᩪᩁᩦᨲᩥ ᨠᨿᩥᩁᨾᩣᨶᩴ ᨶᨸ᩠ᨸᩉᩮᩣᨲᩥ.

ᨾᩣᩈᨸᩁᨾᩴ ᨲᩮᨶ ᨽᩥᨠ᩠ᨡᩩᨶᩣ ᨲᩴ ᨧᩦᩅᩁᩴ ᨶᩥᨠ᩠ᨡᩥᨸᩥᨲᨻ᩠ᨻᨶ᩠ᨲᩥ ᨾᩣᩈᨸᩁᨾᨲᩣ ᨶᩥᨠ᩠ᨡᩥᨸᩥᨲᨻ᩠ᨻᩴ.

ᩐᨶᩔ ᨸᩣᩁᩥᨸᩪᩁᩥᨿᩣᨲᩥ ᩐᨶᩔ ᨸᩣᩁᩥᨸᩪᩁᨲ᩠ᨳᩣᨿ.

ᩈᨲᩥᨿᩣ ᨸᨧ᩠ᨧᩣᩈᩣᨿᩣᨲᩥ ᨸᨧ᩠ᨧᩣᩈᩣ ᩉᩮᩣᨲᩥ ᩈᨦ᩠ᨥᨲᩮᩣ ᩅᩣ ᨣᨱᨲᩮᩣ ᩅᩣ ᨬᩣᨲᩥᨲᩮᩣ ᩅᩣ ᨾᩥᨲ᩠ᨲᨲᩮᩣ ᩅᩣ ᨸᩴᩈᩩᨠᩪᩃᩴ ᩅᩣ ᩋᨲ᩠ᨲᨶᩮᩣ ᩅᩣ ᨵᨶᩮᨶ.

ᨲᨲᩮᩣ ᨧᩮ ᩏᨲ᩠ᨲᩁᩥ ᨶᩥᨠ᩠ᨡᩥᨸᩮᨿ᩠ᨿ ᩈᨲᩥᨿᩣᨸᩥ ᨸᨧ᩠ᨧᩣᩈᩣᨿᩣᨲᩥ ᨲᨴᩉᩩᨸ᩠ᨸᨶ᩠ᨶᩮ ¶ ᨾᩪᩃᨧᩦᩅᩁᩮ ᨸᨧ᩠ᨧᩣᩈᩣᨧᩦᩅᩁᩴ ᩏᨸ᩠ᨸᨩ᩠ᨩᨲᩥ, ᨴᩈᩣᩉᩣ ᨠᩣᩁᩮᨲᨻ᩠ᨻᩴ. ᨴ᩠ᩅᩦᩉᩩᨸ᩠ᨸᨶ᩠ᨶᩮ ᨾᩪᩃᨧᩦᩅᩁᩮ ᨸᨧ᩠ᨧᩣᩈᩣᨧᩦᩅᩁᩴ ᩏᨸ᩠ᨸᨩ᩠ᨩᨲᩥ, ᨴᩈᩣᩉᩣ ᨠᩣᩁᩮᨲᨻ᩠ᨻᩴ. ᨲᩦᩉᩩᨸ᩠ᨸᨶ᩠ᨶᩮ ᨾᩪᩃᨧᩦᩅᩁᩮ…ᨸᩮ… ᨧᨲᩪᩉᩩᨸ᩠ᨸᨶ᩠ᨶᩮ… ᨸᨬ᩠ᨧᩣᩉᩩᨸ᩠ᨸᨶ᩠ᨶᩮ… ᨨᩣᩉᩩᨸ᩠ᨸᨶ᩠ᨶᩮ… ᩈᨲ᩠ᨲᩣᩉᩩᨸ᩠ᨸᨶ᩠ᨶᩮ… ᩋᨭ᩠ᨮᩣᩉᩩᨸ᩠ᨸᨶ᩠ᨶᩮ ¶ … ᨶᩅᩣᩉᩩᨸ᩠ᨸᨶ᩠ᨶᩮ… ᨴᩈᩣᩉᩩᨸ᩠ᨸᨶ᩠ᨶᩮ ᨾᩪᩃᨧᩦᩅᩁᩮ ᨸᨧ᩠ᨧᩣᩈᩣᨧᩦᩅᩁᩴ ᩏᨸ᩠ᨸᨩ᩠ᨩᨲᩥ, ᨴᩈᩣᩉᩣ ᨠᩣᩁᩮᨲᨻ᩠ᨻᩴ ¶ . ᩑᨠᩣᨴᩈᩮ ᩏᨸ᩠ᨸᨶ᩠ᨶᩮ…ᨸᩮ… ᨴ᩠ᩅᩣᨴᩈᩮ ᩏᨸ᩠ᨸᨶ᩠ᨶᩮ… ᨲᩮᩁᩈᩮ ᩏᨸ᩠ᨸᨶ᩠ᨶᩮ… ᨧᩩᨴ᩠ᨴᩈᩮ ᩏᨸ᩠ᨸᨶ᩠ᨶᩮ… ᨸᨶ᩠ᨶᩁᩈᩮ ᩏᨸ᩠ᨸᨶ᩠ᨶᩮ… ᩈᩮᩣᩊᩈᩮ ᩏᨸ᩠ᨸᨶ᩠ᨶᩮ… ᩈᨲ᩠ᨲᩁᩈᩮ ᩏᨸ᩠ᨸᨶ᩠ᨶᩮ… ᩋᨭ᩠ᨮᩣᩁᩈᩮ ᩏᨸ᩠ᨸᨶ᩠ᨶᩮ… ᩑᨠᩪᨶᩅᩦᩈᩮ ᩏᨸ᩠ᨸᨶ᩠ᨶᩮ… ᩅᩦᩈᩮ ᩏᨸ᩠ᨸᨶ᩠ᨶᩮ ᨾᩪᩃᨧᩦᩅᩁᩮ ᨸᨧ᩠ᨧᩣᩈᩣᨧᩦᩅᩁᩴ ᩏᨸ᩠ᨸᨩ᩠ᨩᨲᩥ, ᨴᩈᩣᩉᩣ ᨠᩣᩁᩮᨲᨻ᩠ᨻᩴ. ᩑᨠᩅᩦᩈᩮ ᩏᨸ᩠ᨸᨶ᩠ᨶᩮ ᨾᩪᩃᨧᩦᩅᩁᩮ ᨸᨧ᩠ᨧᩣᩈᩣᨧᩦᩅᩁᩴ ᩏᨸ᩠ᨸᨩ᩠ᨩᨲᩥ, ᨶᩅᩣᩉᩣ ᨠᩣᩁᩮᨲᨻ᩠ᨻᩴ. ᨴ᩠ᩅᩣᩅᩦᩈᩮ ᩏᨸ᩠ᨸᨶ᩠ᨶᩮ…ᨸᩮ… ᨲᩮᩅᩦᩈᩮ ᩏᨸ᩠ᨸᨶ᩠ᨶᩮ… ᨧᨲᩩᩅᩦᩈᩮ ᩏᨸ᩠ᨸᨶ᩠ᨶᩮ… ᨸᨬ᩠ᨧᩅᩦᩈᩮ ᩏᨸ᩠ᨸᨶ᩠ᨶᩮ… ᨨᨻ᩠ᨻᩦᩈᩮ ᩏᨸ᩠ᨸᨶ᩠ᨶᩮ… ᩈᨲ᩠ᨲᩅᩦᩈᩮ ᩏᨸ᩠ᨸᨶ᩠ᨶᩮ… ᩋᨭ᩠ᨮᩅᩦᩈᩮ ᩏᨸ᩠ᨸᨶ᩠ᨶᩮ… ᩑᨠᩪᨶᨲᩥᩴᩈᩮ ᩏᨸ᩠ᨸᨶ᩠ᨶᩮ ᨾᩪᩃᨧᩦᩅᩁᩮ ᨸᨧ᩠ᨧᩣᩈᩣᨧᩦᩅᩁᩴ ᩏᨸ᩠ᨸᨩ᩠ᨩᨲᩥ, ᩑᨠᩣᩉᩴ ᨠᩣᩁᩮᨲᨻ᩠ᨻᩴ… ᨲᩥᩴᩈᩮ ᩏᨸ᩠ᨸᨶ᩠ᨶᩮ ᨾᩪᩃᨧᩦᩅᩁᩮ ᨸᨧ᩠ᨧᩣᩈᩣᨧᩦᩅᩁᩴ ᩏᨸ᩠ᨸᨩ᩠ᨩᨲᩥ ¶ , ᨲᨴᩉᩮᩅ ᩋᨵᩥᨭ᩠ᨮᩣᨲᨻ᩠ᨻᩴ ᩅᩥᨠᨸ᩠ᨸᩮᨲᨻ᩠ᨻᩴ ᩅᩥᩔᨩ᩠ᨩᩮᨲᨻ᩠ᨻᩴ. ᨶᩮᩣ ᨧᩮ ᩋᨵᩥᨭ᩠ᨮᩮᨿ᩠ᨿ ᩅᩣ ᩅᩥᨠᨸ᩠ᨸᩮᨿ᩠ᨿ ᩅᩣ ᩅᩥᩔᨩ᩠ᨩᩮᨿ᩠ᨿ ᩅᩣ, ᩑᨠᨲᩥᩴᩈᩮ ᩋᩁᩩᨱᩩᨣ᩠ᨣᨾᨶᩮ ᨶᩥᩔᨣ᩠ᨣᩥᨿᩴ ᩉᩮᩣᨲᩥ. ᨶᩥᩔᨩ᩠ᨩᩥᨲᨻ᩠ᨻᩴ ¶ ᩈᨦ᩠ᨥᩔ ᩅᩣ ᨣᨱᩔ ᩅᩣ ᨸᩩᨣ᩠ᨣᩃᩔ ᩅᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᨶᩥᩔᨩ᩠ᨩᩥᨲᨻ᩠ᨻᩴ…ᨸᩮ… ᩍᨴᩴ ᨾᩮ, ᨽᨶ᩠ᨲᩮ, ᩋᨠᩣᩃᨧᩦᩅᩁᩴ ᨾᩣᩈᩣᨲᩥᨠ᩠ᨠᨶ᩠ᨲᩴ ᨶᩥᩔᨣ᩠ᨣᩥᨿᩴ, ᩍᨾᩣᩉᩴ ᩈᨦ᩠ᨥᩔ ᨶᩥᩔᨩ᩠ᨩᩣᨾᩦᨲᩥ…ᨸᩮ… ᨴᨴᩮᨿ᩠ᨿᩣᨲᩥ…ᨸᩮ… ᨴᨴᩮᨿ᩠ᨿᩩᨶ᩠ᨲᩥ…ᨸᩮ… ᩌᨿᩈ᩠ᨾᨲᩮᩣ ᨴᨾ᩠ᨾᩦᨲᩥ.

ᩅᩥᩈᨽᩣᨣᩮ ᩏᨸ᩠ᨸᨶ᩠ᨶᩮ ᨾᩪᩃᨧᩦᩅᩁᩮ ᨸᨧ᩠ᨧᩣᩈᩣᨧᩦᩅᩁᩴ ᩏᨸ᩠ᨸᨩ᩠ᨩᨲᩥ, ᩁᨲ᩠ᨲᩥᨿᩮᩣ ᨧ ᩈᩮᩈᩣ ᩉᩮᩣᨶ᩠ᨲᩥ, ᨶ ᩋᨠᩣᨾᩣ ᨠᩣᩁᩮᨲᨻ᩠ᨻᩴ.

᪕᪐᪑. ᨾᩣᩈᩣᨲᩥᨠ᩠ᨠᨶ᩠ᨲᩮ ᩋᨲᩥᨠ᩠ᨠᨶ᩠ᨲᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᨾᩣᩈᩣᨲᩥᨠ᩠ᨠᨶ᩠ᨲᩮ ᩅᩮᨾᨲᩥᨠᩮᩣ ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᨾᩣᩈᩣᨲᩥᨠ᩠ᨠᨶ᩠ᨲᩮ ᩋᨶᨲᩥᨠ᩠ᨠᨶ᩠ᨲᩈᨬ᩠ᨬᩦ ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨶᨵᩥᨭ᩠ᨮᩥᨲᩮ ᩋᨵᩥᨭ᩠ᨮᩥᨲᩈᨬ᩠ᨬᩦ…ᨸᩮ… ᩋᩅᩥᨠᨸ᩠ᨸᩥᨲᩮ ᩅᩥᨠᨸ᩠ᨸᩥᨲᩈᨬ᩠ᨬᩦ… ᩋᩅᩥᩔᨩ᩠ᨩᩥᨲᩮ ᩅᩥᩔᨩ᩠ᨩᩥᨲᩈᨬ᩠ᨬᩦ… ᩋᨶᨭ᩠ᨮᩮ ᨶᨭ᩠ᨮᩈᨬ᩠ᨬᩦ… ᩋᩅᩥᨶᨭ᩠ᨮᩮ ᩅᩥᨶᨭ᩠ᨮᩈᨬ᩠ᨬᩦ… ᩋᨴᨯ᩠ᨰᩮ ᨴᨯ᩠ᨰᩈᨬ᩠ᨬᩦ… ᩋᩅᩥᩃᩩᨲ᩠ᨲᩮ ᩅᩥᩃᩩᨲ᩠ᨲᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᨶᩥᩔᨣ᩠ᨣᩥᨿᩴ ᨧᩦᩅᩁᩴ ᩋᨶᩥᩔᨩ᩠ᨩᩥᨲ᩠ᩅᩣ ᨸᩁᩥᨽᩩᨬ᩠ᨩᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨾᩣᩈᩣᨶᨲᩥᨠ᩠ᨠᨶ᩠ᨲᩮ ᩋᨲᩥᨠ᩠ᨠᨶ᩠ᨲᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨾᩣᩈᩣᨶᨲᩥᨠ᩠ᨠᨶ᩠ᨲᩮ ᩅᩮᨾᨲᩥᨠᩮᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨾᩣᩈᩣᨶᨲᩥᨠ᩠ᨠᨶ᩠ᨲᩮ ᩋᨶᨲᩥᨠ᩠ᨠᨶ᩠ᨲᩈᨬ᩠ᨬᩦ, ᩋᨶᩣᨸᨲ᩠ᨲᩥ.

᪕᪐᪒. ᩋᨶᩣᨸᨲ᩠ᨲᩥ ᩋᨶ᩠ᨲᩮᩣᨾᩣᩈᩮ ᩋᨵᩥᨭ᩠ᨮᩮᨲᩥ, ᩅᩥᨠᨸ᩠ᨸᩮᨲᩥ, ᩅᩥᩔᨩ᩠ᨩᩮᨲᩥ, ᨶᩔᨲᩥ ¶ , ᩅᩥᨶᩔᨲᩥ, ᨯᨿ᩠ᩉᨲᩥ, ᩋᨧ᩠ᨨᩥᨶ᩠ᨴᩥᨲ᩠ᩅᩣ ᨣᨱ᩠ᩉᨶ᩠ᨲᩥ, ᩅᩥᩔᩣᩈᩴ ᨣᨱ᩠ᩉᨶ᩠ᨲᩥ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᨲᨲᩥᨿᨠᨳᩥᨶᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ.

᪔. ᨸᩩᩁᩣᨱᨧᩦᩅᩁᩈᩥᨠ᩠ᨡᩣᨸᨴᩴ

᪕᪐᪓. ᨲᩮᨶ ¶ ¶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ ᨩᩮᨲᩅᨶᩮ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᨿᩈ᩠ᨾᨲᩮᩣ ᩏᨴᩣᨿᩥᩔ ᨸᩩᩁᩣᨱᨴᩩᨲᩥᨿᩥᨠᩣ ᨽᩥᨠ᩠ᨡᩩᨶᩦᩈᩩ ᨸᨻ᩠ᨻᨩᩥᨲᩣ ᩉᩮᩣᨲᩥ. ᩈᩣ ᩌᨿᩈ᩠ᨾᨲᩮᩣ ᩏᨴᩣᨿᩥᩔ ᩈᨶ᩠ᨲᩥᨠᩮ ᩋᨽᩥᨠ᩠ᨡᨱᩴ ᩌᨣᨧ᩠ᨨᨲᩥ. ᩌᨿᩈ᩠ᨾᩣᨸᩥ ᩏᨴᩣᨿᩦ ᨲᩔᩣ ᨽᩥᨠ᩠ᨡᩩᨶᩥᨿᩣ ᩈᨶ᩠ᨲᩥᨠᩮ ᩋᨽᩥᨠ᩠ᨡᨱᩴ ᨣᨧ᩠ᨨᨲᩥ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᨿᩈ᩠ᨾᩣ ᩏᨴᩣᨿᩦ ᨲᩔᩣ ᨽᩥᨠ᩠ᨡᩩᨶᩥᨿᩣ ᩈᨶ᩠ᨲᩥᨠᩮ ᨽᨲ᩠ᨲᩅᩥᩔᨣ᩠ᨣᩴ ᨠᩁᩮᩣᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᩏᨴᩣᨿᩦ ᨸᩩᨻ᩠ᨻᨱ᩠ᩉᩈᨾᨿᩴ ᨶᩥᩅᩣᩈᩮᨲ᩠ᩅᩣ ᨸᨲ᩠ᨲᨧᩦᩅᩁᨾᩣᨴᩣᨿ ᨿᩮᨶ ᩈᩣ ᨽᩥᨠ᩠ᨡᩩᨶᩦ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨲᩔᩣ ᨽᩥᨠ᩠ᨡᩩᨶᩥᨿᩣ ᨸᩩᩁᨲᩮᩣ ᩋᨦ᩠ᨣᨩᩣᨲᩴ ᩅᩥᩅᩁᩥᨲ᩠ᩅᩣ ᩌᩈᨶᩮ ᨶᩥᩈᩦᨴᩥ. ᩈᩣᨸᩥ ᨡᩮᩣ ᨽᩥᨠ᩠ᨡᩩᨶᩦ ᩌᨿᩈ᩠ᨾᨲᩮᩣ ᩏᨴᩣᨿᩥᩔ ᨸᩩᩁᨲᩮᩣ ᩋᨦ᩠ᨣᨩᩣᨲᩴ ᩅᩥᩅᩁᩥᨲ᩠ᩅᩣ ᩌᩈᨶᩮ ᨶᩥᩈᩦᨴᩥ. ᩋᨳ ᨡᩮᩣ ᩌᨿᩈ᩠ᨾᩣ ᩏᨴᩣᨿᩦ ᩈᩣᩁᨲ᩠ᨲᩮᩣ ᨲᩔᩣ ᨽᩥᨠ᩠ᨡᩩᨶᩥᨿᩣ ᩋᨦ᩠ᨣᨩᩣᨲᩴ ᩏᨸᨶᩥᨩ᩠ᨫᩣᨿᩥ. ᨲᩔ ᩋᩈᩩᨧᩥ ᨾᩩᨧ᩠ᨧᩥ. ᩋᨳ ᨡᩮᩣ ᩌᨿᩈ᩠ᨾᩣ ᩏᨴᩣᨿᩦ ᨲᩴ ᨽᩥᨠ᩠ᨡᩩᨶᩥᩴ ᩑᨲᨴᩅᩮᩣᨧ – ‘‘ᨣᨧ᩠ᨨ, ᨽᨣᩥᨶᩥ, ᩏᨴᨠᩴ ᩌᩉᩁ, ᩋᨶ᩠ᨲᩁᩅᩣᩈᨠᩴ ᨵᩮᩣᩅᩥᩔᩣᨾᩦ’’ᨲᩥ. ‘‘ᩌᩉᩁᨿ᩠ᨿ ¶ , ᩋᩉᨾᩮᩅ ᨵᩮᩣᩅᩥᩔᩣᨾᩦ’’ᨲᩥ ᨲᩴ ᩋᩈᩩᨧᩥᩴ ᩑᨠᨴᩮᩈᩴ ᨾᩩᨡᩮᨶ ᩋᨣ᩠ᨣᩉᩮᩈᩥ ᩑᨠᨴᩮᩈᩴ ᩋᨦ᩠ᨣᨩᩣᨲᩮ ᨸᨠ᩠ᨡᩥᨸᩥ. ᩈᩣ ᨲᩮᨶ ᨣᨻ᩠ᨽᩴ ᨣᨱ᩠ᩉᩥ. ᨽᩥᨠ᩠ᨡᩩᨶᩥᨿᩮᩣ ¶ ᩑᩅᨾᩣᩉᩴᩈᩩ – ‘‘ᩋᨻᩕᩉ᩠ᨾᨧᩣᩁᩥᨶᩦ ᩋᨿᩴ ᨽᩥᨠ᩠ᨡᩩᨶᩦ, ᨣᨻ᩠ᨽᩥᨶᩦ’’ᨲᩥ. ‘‘ᨶᩣᩉᩴ, ᩋᨿ᩠ᨿᩮ, ᩋᨻᩕᩉ᩠ᨾᨧᩣᩁᩥᨶᩦ’’ᨲᩥ ᨽᩥᨠ᩠ᨡᩩᨶᩦᨶᩴ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ᨽᩥᨠ᩠ᨡᩩᨶᩥᨿᩮᩣ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩋᨿ᩠ᨿᩮᩣ ᩏᨴᩣᨿᩦ ᨽᩥᨠ᩠ᨡᩩᨶᩥᨿᩣ ᨸᩩᩁᩣᨱᨧᩦᩅᩁᩴ ᨵᩮᩣᩅᩣᨸᩮᩔᨲᩦ’’ᨲᩥ! ᩋᨳ ᨡᩮᩣ ᨲᩣ ᨽᩥᨠ᩠ᨡᩩᨶᩥᨿᩮᩣ ᨽᩥᨠ᩠ᨡᩪᨶᩴ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩌᨿᩈ᩠ᨾᩣ ᩏᨴᩣᨿᩦ ᨽᩥᨠ᩠ᨡᩩᨶᩥᨿᩣ ᨸᩩᩁᩣᨱᨧᩦᩅᩁᩴ ᨵᩮᩣᩅᩣᨸᩮᩔᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᩌᨿᩈ᩠ᨾᨶ᩠ᨲᩴ ᩏᨴᩣᨿᩥᩴ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩈᨧ᩠ᨧᩴ ᨠᩥᩁ ᨲ᩠ᩅᩴ, ᩏᨴᩣᨿᩥ, ᨽᩥᨠ᩠ᨡᩩᨶᩥᨿᩣ ᨸᩩᩁᩣᨱᨧᩦᩅᩁᩴ ᨵᩮᩣᩅᩣᨸᩮᩈᩦ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ‘‘ᨬᩣᨲᩥᨠᩣ ᨲᩮ, ᩏᨴᩣᨿᩥ, ᩋᨬ᩠ᨬᩣᨲᩥᨠᩣ’’ᨲᩥ? ‘‘ᩋᨬ᩠ᨬᩣᨲᩥᨠᩣ, ᨽᨣᩅᩣ’’ᨲᩥ. ‘‘ᩋᨬ᩠ᨬᩣᨲᨠᩮᩣ, ᨾᩮᩣᨥᨸᩩᩁᩥᩈ, ᩋᨬ᩠ᨬᩣᨲᩥᨠᩣᨿ ᨶ ᨩᩣᨶᩣᨲᩥ ᨸᨲᩥᩁᩪᨸᩴ ᩅᩣ ᩋᨸ᩠ᨸᨲᩥᩁᩪᨸᩴ ᩅᩣ ᨸᩣᩈᩣᨴᩥᨠᩴ ᩅᩣ ᩋᨸᩣᩈᩣᨴᩥᨠᩴ ᩅᩣ. ᨲᨲ᩠ᨳ ᨶᩣᨾ ᨲ᩠ᩅᩴ, ᨾᩮᩣᨥᨸᩩᩁᩥᩈ, ᩋᨬ᩠ᨬᩣᨲᩥᨠᩣᨿ ᨽᩥᨠ᩠ᨡᩩᨶᩥᨿᩣ ᨸᩩᩁᩣᨱᨧᩦᩅᩁᩴ ᨵᩮᩣᩅᩣᨸᩮᩔᩈᩥ! ᨶᩮᨲᩴ, ᨾᩮᩣᨥᨸᩩᩁᩥᩈ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪕᪐᪔. ‘‘ᨿᩮᩣ ¶ ¶ ᨸᨶ ᨽᩥᨠ᩠ᨡᩩ ᩋᨬ᩠ᨬᩣᨲᩥᨠᩣᨿ ᨽᩥᨠ᩠ᨡᩩᨶᩥᨿᩣ ᨸᩩᩁᩣᨱᨧᩦᩅᩁᩴ ᨵᩮᩣᩅᩣᨸᩮᨿ᩠ᨿ ᩅᩣ ᩁᨩᩣᨸᩮᨿ᩠ᨿ ᩅᩣ ᩌᨠᩮᩣᨭᩣᨸᩮᨿ᩠ᨿ ᩅᩣ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

᪕᪐᪕. ᨿᩮᩣ ¶ ᨸᨶᩣᨲᩥ ᨿᩮᩣ ᨿᩣᨴᩥᩈᩮᩣ…ᨸᩮ… ᨽᩥᨠ᩠ᨡᩪᨲᩥ…ᨸᩮ… ᩋᨿᩴ ᩍᨾᩈ᩠ᨾᩥᩴ ᩋᨲ᩠ᨳᩮ ᩋᨵᩥᨸ᩠ᨸᩮᨲᩮᩣ ᨽᩥᨠ᩠ᨡᩪᨲᩥ.

ᩋᨬ᩠ᨬᩣᨲᩥᨠᩣ ᨶᩣᨾ ᨾᩣᨲᩥᨲᩮᩣ ᩅᩣ ᨸᩥᨲᩥᨲᩮᩣ ᩅᩣ ᨿᩣᩅ ᩈᨲ᩠ᨲᨾᩣ ᨸᩥᨲᩣᨾᩉᨿᩩᨣᩣ ᩋᩈᨾ᩠ᨻᨴ᩠ᨵᩣ.

ᨽᩥᨠ᩠ᨡᩩᨶᩦ ᨶᩣᨾ ᩏᨽᨲᩮᩣᩈᨦ᩠ᨥᩮ ᩏᨸᩈᨾ᩠ᨸᨶ᩠ᨶᩣ.

ᨸᩩᩁᩣᨱᨧᩦᩅᩁᩴ ᨶᩣᨾ ᩈᨠᩥᩴ ᨶᩥᩅᨲ᩠ᨳᨾ᩠ᨸᩥ ᩈᨠᩥᩴ ᨸᩣᩁᩩᨲᨾ᩠ᨸᩥ.

ᨵᩮᩣᩅᩣᨲᩥ ᩌᨱᩣᨸᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨵᩮᩣᨲᩴ ᨶᩥᩔᨣ᩠ᨣᩥᨿᩴ ᩉᩮᩣᨲᩥ. ᩁᨩᩣᨲᩥ ᩌᨱᩣᨸᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩁᨲ᩠ᨲᩴ ᨶᩥᩔᨣ᩠ᨣᩥᨿᩴ ᩉᩮᩣᨲᩥ. ᩌᨠᩮᩣᨭᩮᩉᩦᨲᩥ ᩌᨱᩣᨸᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᨠᩥᩴ ᨸᩣᨱᩥᨸ᩠ᨸᩉᩣᩁᩴ ᩅᩣ ᨾᩩᨣ᩠ᨣᩁᨸ᩠ᨸᩉᩣᩁᩴ ᩅᩣ ᨴᩥᨶ᩠ᨶᩮ ᨶᩥᩔᨣ᩠ᨣᩥᨿᩴ ᩉᩮᩣᨲᩥ. ᨶᩥᩔᨩ᩠ᨩᩥᨲᨻ᩠ᨻᩴ ᩈᨦ᩠ᨥᩔ ᩅᩣ ᨣᨱᩔ ᩅᩣ ᨸᩩᨣ᩠ᨣᩃᩔ ᩅᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᨶᩥᩔᨩ᩠ᨩᩥᨲᨻ᩠ᨻᩴ…ᨸᩮ… ᩍᨴᩴ ᨾᩮ, ᨽᨶ᩠ᨲᩮ, ᨸᩩᩁᩣᨱᨧᩦᩅᩁᩴ ᩋᨬ᩠ᨬᩣᨲᩥᨠᩣᨿ ᨽᩥᨠ᩠ᨡᩩᨶᩥᨿᩣ ᨵᩮᩣᩅᩣᨸᩥᨲᩴ ᨶᩥᩔᨣ᩠ᨣᩥᨿᩴ. ᩍᨾᩣᩉᩴ ᩈᨦ᩠ᨥᩔ ᨶᩥᩔᨩ᩠ᨩᩣᨾᩦᨲᩥ…ᨸᩮ… ᨴᨴᩮᨿ᩠ᨿᩣᨲᩥ…ᨸᩮ… ᨴᨴᩮᨿ᩠ᨿᩩᨶ᩠ᨲᩥ…ᨸᩮ… ᩌᨿᩈ᩠ᨾᨲᩮᩣ ᨴᨾ᩠ᨾᩦᨲᩥ.

᪕᪐᪖. ᩋᨬ᩠ᨬᩣᨲᩥᨠᩣᨿ ¶ ᩋᨬ᩠ᨬᩣᨲᩥᨠᩈᨬ᩠ᨬᩦ ᨸᩩᩁᩣᨱᨧᩦᩅᩁᩴ ᨵᩮᩣᩅᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨬ᩠ᨬᩣᨲᩥᨠᩣᨿ ᩋᨬ᩠ᨬᩣᨲᩥᨠᩈᨬ᩠ᨬᩦ ᨸᩩᩁᩣᨱᨧᩦᩅᩁᩴ ᨵᩮᩣᩅᩣᨸᩮᨲᩥ ᩁᨩᩣᨸᩮᨲᩥ, ᨶᩥᩔᨣ᩠ᨣᩥᨿᩮᨶ ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᨬ᩠ᨬᩣᨲᩥᨠᩣᨿ ¶ ᩋᨬ᩠ᨬᩣᨲᩥᨠᩈᨬ᩠ᨬᩦ ᨸᩩᩁᩣᨱᨧᩦᩅᩁᩴ ᨵᩮᩣᩅᩣᨸᩮᨲᩥ ᩌᨠᩮᩣᨭᩣᨸᩮᨲᩥ, ᨶᩥᩔᨣ᩠ᨣᩥᨿᩮᨶ ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᨬ᩠ᨬᩣᨲᩥᨠᩣᨿ ᩋᨬ᩠ᨬᩣᨲᩥᨠᩈᨬ᩠ᨬᩦ ᨸᩩᩁᩣᨱᨧᩦᩅᩁᩴ ᨵᩮᩣᩅᩣᨸᩮᨲᩥ ᩁᨩᩣᨸᩮᨲᩥ ᩌᨠᩮᩣᨭᩣᨸᩮᨲᩥ, ᨶᩥᩔᨣ᩠ᨣᩥᨿᩮᨶ ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ.

ᩋᨬ᩠ᨬᩣᨲᩥᨠᩣᨿ ᩋᨬ᩠ᨬᩣᨲᩥᨠᩈᨬ᩠ᨬᩦ ᨸᩩᩁᩣᨱᨧᩦᩅᩁᩴ ᩁᨩᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨬ᩠ᨬᩣᨲᩥᨠᩣᨿ ᩋᨬ᩠ᨬᩣᨲᩥᨠᩈᨬ᩠ᨬᩦ ᨸᩩᩁᩣᨱᨧᩦᩅᩁᩴ ᩁᨩᩣᨸᩮᨲᩥ ᩌᨠᩮᩣᨭᩣᨸᩮᨲᩥ, ᨶᩥᩔᨣ᩠ᨣᩥᨿᩮᨶ ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᨬ᩠ᨬᩣᨲᩥᨠᩣᨿ ᩋᨬ᩠ᨬᩣᨲᩥᨠᩈᨬ᩠ᨬᩦ ᨸᩩᩁᩣᨱᨧᩦᩅᩁᩴ ᩁᨩᩣᨸᩮᨲᩥ ᨵᩮᩣᩅᩣᨸᩮᨲᩥ, ᨶᩥᩔᨣ᩠ᨣᩥᨿᩮᨶ ᩌᨸᨲ᩠ᨲᩥ ¶ ᨴᩩᨠ᩠ᨠᨭᩔ. ᩋᨬ᩠ᨬᩣᨲᩥᨠᩣᨿ ᩋᨬ᩠ᨬᩣᨲᩥᨠᩈᨬ᩠ᨬᩦ ᨸᩩᩁᩣᨱᨧᩦᩅᩁᩴ ᩁᨩᩣᨸᩮᨲᩥ ᩌᨠᩮᩣᨭᩣᨸᩮᨲᩥ ᨵᩮᩣᩅᩣᨸᩮᨲᩥ, ᨶᩥᩔᨣ᩠ᨣᩥᨿᩮᨶ ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ.

ᩋᨬ᩠ᨬᩣᨲᩥᨠᩣᨿ ¶ ᩋᨬ᩠ᨬᩣᨲᩥᨠᩈᨬ᩠ᨬᩦ ᨸᩩᩁᩣᨱᨧᩦᩅᩁᩴ ᩌᨠᩮᩣᨭᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨬ᩠ᨬᩣᨲᩥᨠᩣᨿ ᩋᨬ᩠ᨬᩣᨲᩥᨠᩈᨬ᩠ᨬᩦ ᨸᩩᩁᩣᨱᨧᩦᩅᩁᩴ ᩌᨠᩮᩣᨭᩣᨸᩮᨲᩥ ᨵᩮᩣᩅᩣᨸᩮᨲᩥ, ᨶᩥᩔᨣ᩠ᨣᩥᨿᩮᨶ ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᨬ᩠ᨬᩣᨲᩥᨠᩣᨿ ᩋᨬ᩠ᨬᩣᨲᩥᨠᩈᨬ᩠ᨬᩦ ᨸᩩᩁᩣᨱᨧᩦᩅᩁᩴ ᩌᨠᩮᩣᨭᩣᨸᩮᨲᩥ ᩁᨩᩣᨸᩮᨲᩥ, ᨶᩥᩔᨣ᩠ᨣᩥᨿᩮᨶ ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᨬ᩠ᨬᩣᨲᩥᨠᩣᨿ ᩋᨬ᩠ᨬᩣᨲᩥᨠᩈᨬ᩠ᨬᩦ ᨸᩩᩁᩣᨱᨧᩦᩅᩁᩴ ᩌᨠᩮᩣᨭᩣᨸᩮᨲᩥ ᨵᩮᩣᩅᩣᨸᩮᨲᩥ ᩁᨩᩣᨸᩮᨲᩥ, ᨶᩥᩔᨣ᩠ᨣᩥᨿᩮᨶ ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ.

ᩋᨬ᩠ᨬᩣᨲᩥᨠᩣᨿ ᩅᩮᨾᨲᩥᨠᩮᩣ…ᨸᩮ… ᩋᨬ᩠ᨬᩣᨲᩥᨠᩣᨿ ᨬᩣᨲᩥᨠᩈᨬ᩠ᨬᩦ…ᨸᩮ… ᩋᨬ᩠ᨬᩔ ᨸᩩᩁᩣᨱᨧᩦᩅᩁᩴ ᨵᩮᩣᩅᩣᨸᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨶᩥᩈᩦᨴᨶᨸᨧ᩠ᨧᨲ᩠ᨳᩁᨱᩴ ᨵᩮᩣᩅᩣᨸᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩑᨠᨲᩮᩣᩏᨸᩈᨾ᩠ᨸᨶ᩠ᨶᩣᨿ ᨵᩮᩣᩅᩣᨸᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨬᩣᨲᩥᨠᩣᨿ ᩋᨬ᩠ᨬᩣᨲᩥᨠᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ ¶ . ᨬᩣᨲᩥᨠᩣᨿ ᩅᩮᨾᨲᩥᨠᩮᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨬᩣᨲᩥᨠᩣᨿ ᨬᩣᨲᩥᨠᩈᨬ᩠ᨬᩦ, ᩋᨶᩣᨸᨲ᩠ᨲᩥ.

᪕᪐᪗. ᩋᨶᩣᨸᨲ᩠ᨲᩥ ᨬᩣᨲᩥᨠᩣᨿ ᨵᩮᩣᩅᨶ᩠ᨲᩥᨿᩣ ᩋᨬ᩠ᨬᩣᨲᩥᨠᩣ ᨴᩩᨲᩥᨿᩣ ᩉᩮᩣᨲᩥ, ᩋᩅᩩᨲ᩠ᨲᩣ ᨵᩮᩣᩅᨲᩥ, ᩋᨸᩁᩥᨽᩩᨲ᩠ᨲᩴ ᨵᩮᩣᩅᩣᨸᩮᨲᩥ, ᨧᩦᩅᩁᩴ ᨮᨸᩮᨲ᩠ᩅᩣ ᩋᨬ᩠ᨬᩴ ᨸᩁᩥᨠ᩠ᨡᩣᩁᩴ ᨵᩮᩣᩅᩣᨸᩮᨲᩥ, ᩈᩥᨠ᩠ᨡᨾᩣᨶᩣᨿ, ᩈᩣᨾᨱᩮᩁᩥᨿᩣ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᨸᩩᩁᩣᨱᨧᩦᩅᩁᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨧᨲᩩᨲ᩠ᨳᩴ.

᪕. ᨧᩦᩅᩁᨸᨭᩥᨣ᩠ᨣᩉᨱᩈᩥᨠ᩠ᨡᩣᨸᨴᩴ

᪕᪐᪘. ᨲᩮᨶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩁᩣᨩᨣᩉᩮ ᩅᩥᩉᩁᨲᩥ ᩅᩮᩊᩩᩅᨶᩮ ᨠᩃᨶ᩠ᨴᨠᨶᩥᩅᩣᨸᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩏᨸ᩠ᨸᩃᩅᨱ᩠ᨱᩣ ᨽᩥᨠ᩠ᨡᩩᨶᩦ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ. ᩋᨳ ᨡᩮᩣ ᩏᨸ᩠ᨸᩃᩅᨱ᩠ᨱᩣ ᨽᩥᨠ᩠ᨡᩩᨶᩦ ᨸᩩᨻ᩠ᨻᨱ᩠ᩉᩈᨾᨿᩴ ᨶᩥᩅᩣᩈᩮᨲ᩠ᩅᩣ ᨸᨲ᩠ᨲᨧᩦᩅᩁᨾᩣᨴᩣᨿ ¶ ᩈᩣᩅᨲ᩠ᨳᩥᩴ ᨸᩥᨱ᩠ᨯᩣᨿ ᨸᩣᩅᩥᩈᩥ. ᩈᩣᩅᨲ᩠ᨳᩥᨿᩴ ᨸᩥᨱ᩠ᨯᩣᨿ ᨧᩁᩥᨲ᩠ᩅᩣ ᨸᨧ᩠ᨨᩣᨽᨲ᩠ᨲᩴ ᨸᩥᨱ᩠ᨯᨸᩣᨲᨸ᩠ᨸᨭᩥᨠ᩠ᨠᨶ᩠ᨲᩣ ᨿᩮᨶ ᩋᨶ᩠ᨵᩅᨶᩴ ᨲᩮᨶᩩᨸᩈᨦ᩠ᨠᨾᩥ ᨴᩥᩅᩣᩅᩥᩉᩣᩁᩣᨿ. ᩋᨶ᩠ᨵᩅᨶᩴ ᩋᨩ᩠ᨫᩮᩣᨣᩣᩉᩮᨲ᩠ᩅᩣ ᩋᨬ᩠ᨬᨲᩁᩈ᩠ᨾᩥᩴ ᩁᩩᨠ᩠ᨡᨾᩪᩃᩮ ᨴᩥᩅᩣᩅᩥᩉᩣᩁᩴ ᨶᩥᩈᩦᨴᩥ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨧᩮᩣᩁᩣ ¶ ᨠᨲᨠᨾ᩠ᨾᩣ ᨣᩣᩅᩥᩴ ᩅᨵᩥᨲ᩠ᩅᩣ ᨾᩴᩈᩴ ᨣᩉᩮᨲ᩠ᩅᩣ ᩋᨶ᩠ᨵᩅᨶᩴ ᨸᩅᩥᩈᩥᩴᩈᩩ. ᩋᨴ᩠ᨴᩈᩣ ᨡᩮᩣ ᨧᩮᩣᩁᨣᩣᨾᨱᩥᨠᩮᩣ ᩏᨸ᩠ᨸᩃᩅᨱ᩠ᨱᩴ ᨽᩥᨠ᩠ᨡᩩᨶᩥᩴ ᩋᨬ᩠ᨬᨲᩁᩈ᩠ᨾᩥᩴ ᩁᩩᨠ᩠ᨡᨾᩪᩃᩮ ᨴᩥᩅᩣᩅᩥᩉᩣᩁᩴ ¶ ᨶᩥᩈᩥᨶ᩠ᨶᩴ. ᨴᩥᩈ᩠ᩅᩣᨶᩔ ᩑᨲᨴᩉᩮᩣᩈᩥ – ‘‘ᩈᨧᩮ ᨾᩮ ᨸᩩᨲ᩠ᨲᨽᩣᨲᩩᨠᩣ ᨸᩔᩥᩔᨶ᩠ᨲᩥ ᩅᩥᩉᩮᨮᩥᩔᨶ᩠ᨲᩥ ᩍᨾᩴ ᨽᩥᨠ᩠ᨡᩩᨶᩥ’’ᨶ᩠ᨲᩥ ᩋᨬ᩠ᨬᩮᨶ ᨾᨣ᩠ᨣᩮᨶ ᩋᨣᨾᩣᩈᩥ. ᩋᨳ ᨡᩮᩣ ᩈᩮᩣ ᨧᩮᩣᩁᨣᩣᨾᨱᩥᨠᩮᩣ ᨾᩴᩈᩮ ᨸᨠ᩠ᨠᩮ ᩅᩁᨾᩴᩈᩣᨶᩥ ᨣᩉᩮᨲ᩠ᩅᩣ ᨸᨱ᩠ᨱᨸᩩᨭᩴ [ᨸᨱ᩠ᨱᩮᨶ ᨸᩩᨭᩴ (ᩈ᩠ᨿᩣ.)] ᨻᨶ᩠ᨵᩥᨲ᩠ᩅᩣ ᩏᨸ᩠ᨸᩃᩅᨱ᩠ᨱᩣᨿ ᨽᩥᨠ᩠ᨡᩩᨶᩥᨿᩣ ᩋᩅᩥᨴᩪᩁᩮ ᩁᩩᨠ᩠ᨡᩮ ᩌᩃᨣ᩠ᨣᩮᨲ᩠ᩅᩣ – ‘‘ᨿᩮᩣ ᨸᩔᨲᩥ ᩈᨾᨱᩮᩣ ᩅᩣ ᨻᩕᩣᩉ᩠ᨾᨱᩮᩣ ᩅᩣ ᨴᩥᨶ᩠ᨶᩴᨿᩮᩅ ᩉᩁᨲᩪ’’ᨲᩥ, ᩅᨲ᩠ᩅᩣ ᨸᨠ᩠ᨠᩣᨾᩥ. ᩋᩔᩮᩣᩈᩥ ᨡᩮᩣ ᩏᨸ᩠ᨸᩃᩅᨱ᩠ᨱᩣ ᨽᩥᨠ᩠ᨡᩩᨶᩦ ᩈᨾᩣᨵᩥᨾ᩠ᩉᩣ ᩅᩩᨭ᩠ᨮᩉᩥᨲ᩠ᩅᩣ ᨲᩔ ᨧᩮᩣᩁᨣᩣᨾᨱᩥᨠᩔ ᩍᨾᩴ ᩅᩣᨧᩴ ᨽᩣᩈᨾᩣᨶᩔ. ᩋᨳ ᨡᩮᩣ ᩏᨸ᩠ᨸᩃᩅᨱ᩠ᨱᩣ ¶ ᨽᩥᨠ᩠ᨡᩩᨶᩦ ᨲᩴ ᨾᩴᩈᩴ ᨣᩉᩮᨲ᩠ᩅᩣ ᩏᨸᩔᨿᩴ ᩋᨣᨾᩣᩈᩥ. ᩋᨳ ᨡᩮᩣ ᩏᨸ᩠ᨸᩃᩅᨱ᩠ᨱᩣ ᨽᩥᨠ᩠ᨡᩩᨶᩦ ᨲᩔᩣ ᩁᨲ᩠ᨲᩥᨿᩣ ᩋᨧ᩠ᨧᨿᩮᨶ ᨲᩴ ᨾᩴᩈᩴ ᩈᨾ᩠ᨸᩣᨴᩮᨲ᩠ᩅᩣ ᩏᨲ᩠ᨲᩁᩣᩈᨦ᩠ᨣᩮᨶ ᨽᨱ᩠ᨯᩥᨠᩴ ᨻᨶ᩠ᨵᩥᨲ᩠ᩅᩣ ᩅᩮᩉᩣᩈᩴ ᩋᨻ᩠ᨽᩩᨣ᩠ᨣᨶ᩠ᨲ᩠ᩅᩣ ᩅᩮᩊᩩᩅᨶᩮ ᨸᨧ᩠ᨧᩩᨭ᩠ᨮᩣᩈᩥ [ᨸᨧ᩠ᨧᩩᨸᨭ᩠ᨮᩣᩈᩥ (?)].

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨽᨣᩅᩣ ᨣᩣᨾᩴ ᨸᩥᨱ᩠ᨯᩣᨿ ᨸᩅᩥᨭ᩠ᨮᩮᩣ ᩉᩮᩣᨲᩥ. ᩌᨿᩈ᩠ᨾᩣ ᩏᨴᩣᨿᩦ ᩒᩉᩥᨿ᩠ᨿᨠᩮᩣ ᩉᩮᩣᨲᩥ ᩅᩥᩉᩣᩁᨸᩣᩃᩮᩣ. ᩋᨳ ᨡᩮᩣ ᩏᨸ᩠ᨸᩃᩅᨱ᩠ᨱᩣ ᨽᩥᨠ᩠ᨡᩩᨶᩦ ᨿᩮᨶᩣᨿᩈ᩠ᨾᩣ ᩏᨴᩣᨿᩦ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᩏᨴᩣᨿᩥᩴ ᩑᨲᨴᩅᩮᩣᨧ – ‘‘ᨠᩉᩴ, ᨽᨶ᩠ᨲᩮ, ᨽᨣᩅᩣ’’ᨲᩥ? ‘‘ᨸᩅᩥᨭ᩠ᨮᩮᩣ, ᨽᨣᩥᨶᩥ, ᨽᨣᩅᩣ ᨣᩣᨾᩴ ᨸᩥᨱ᩠ᨯᩣᨿᩣ’’ᨲᩥ. ‘‘ᩍᨾᩴ, ᨽᨶ᩠ᨲᩮ, ᨾᩴᩈᩴ ᨽᨣᩅᨲᩮᩣ ᨴᩮᩉᩦ’’ᨲᩥ. ‘‘ᩈᨶ᩠ᨲᨸ᩠ᨸᩥᨲᩮᩣ ᨲᨿᩣ, ᨽᨣᩥᨶᩥ, ᨽᨣᩅᩣ ᨾᩴᩈᩮᨶ. ᩈᨧᩮ ᨾᩮ ᨲ᩠ᩅᩴ ᩋᨶ᩠ᨲᩁᩅᩣᩈᨠᩴ ᨴᨴᩮᨿ᩠ᨿᩣᩈᩥ, ᩑᩅᩴ ᩋᩉᨾ᩠ᨸᩥ ᩈᨶ᩠ᨲᨸ᩠ᨸᩥᨲᩮᩣ ᨽᩅᩮᨿ᩠ᨿᩴ ᩋᨶ᩠ᨲᩁᩅᩣᩈᨠᩮᨶᩣ’’ᨲᩥ. ‘‘ᨾᨿᩴ ᨡᩮᩣ, ᨽᨶ᩠ᨲᩮ, ᨾᩣᨲᩩᨣᩣᨾᩣ ᨶᩣᨾ ᨠᩥᨧ᩠ᨨᩃᩣᨽᩣ. ᩍᨴᨬ᩠ᨧ ᨾᩮ ᩋᨶ᩠ᨲᩥᨾᩴ ᨸᨬ᩠ᨧᨾᩴ ᨧᩦᩅᩁᩴ. ᨶᩣᩉᩴ ᨴᩔᩣᨾᩦ’’ᨲᩥ. ‘‘ᩈᩮᨿ᩠ᨿᨳᩣᨸᩥ, ᨽᨣᩥᨶᩥ, ᨸᩩᩁᩥᩈᩮᩣ ᩉᨲ᩠ᨳᩥᩴ ᨴᨲ᩠ᩅᩣ ᨠᨧ᩠ᨨᩮ ᩈᨩ᩠ᨩᩮᨿ᩠ᨿ [ᩅᩥᩔᨩ᩠ᨩᩮᨿ᩠ᨿ (ᩈ᩠ᨿᩣ.)] ᩑᩅᨾᩮᩅ ᨡᩮᩣ ᨲ᩠ᩅᩴ ᨽᨣᩥᨶᩥ ᨽᨣᩅᨲᩮᩣ ᨾᩴᩈᩴ ᨴᨲ᩠ᩅᩣ ᨾᨿᩥ ᩋᨶ᩠ᨲᩁᩅᩣᩈᨠᩮ ᩈᨩ᩠ᨩᩈᩦ’’ᨲᩥ [ᩋᨶ᩠ᨲᩁᩅᩣᩈᨠᩴ ᨶ ᩈᨩ᩠ᨩᩈᩦᨲᩥ (ᨠ.), ᨾᨿ᩠ᩉᩴ ᩋᨶ᩠ᨲᩁᩅᩣᩈᨠᩴ ᩅᩥᩔᨩ᩠ᨩᩮᩉᩦᨲᩥ (ᩈ᩠ᨿᩣ.)]. ᩋᨳ ᨡᩮᩣ ᩏᨸ᩠ᨸᩃᩅᨱ᩠ᨱᩣ ᨽᩥᨠ᩠ᨡᩩᨶᩦ ᩌᨿᩈ᩠ᨾᨲᩣ ᩏᨴᩣᨿᩥᨶᩣ ᨶᩥᨸ᩠ᨸᩦᩊᩥᨿᨾᩣᨶᩣ ᩋᨶ᩠ᨲᩁᩅᩣᩈᨠᩴ ᨴᨲ᩠ᩅᩣ ᩏᨸᩔᨿᩴ ᩋᨣᨾᩣᩈᩥ. ᨽᩥᨠ᩠ᨡᩩᨶᩥᨿᩮᩣ ᩏᨸ᩠ᨸᩃᩅᨱ᩠ᨱᩣᨿ ᨽᩥᨠ᩠ᨡᩩᨶᩥᨿᩣ ᨸᨲ᩠ᨲᨧᩦᩅᩁᩴ ¶ ᨸᨭᩥᨣ᩠ᨣᨱ᩠ᩉᨶ᩠ᨲᩥᨿᩮᩣ ᩏᨸ᩠ᨸᩃᩅᨱ᩠ᨱᩴ ᨽᩥᨠ᩠ᨡᩩᨶᩥᩴ ᩑᨲᨴᩅᩮᩣᨧᩩᩴ – ‘‘ᨠᩉᩴ ᨲᩮ, ᩋᨿ᩠ᨿᩮ, ᩋᨶ᩠ᨲᩁᩅᩣᩈᨠᩮᩣ’’ᨲᩥ? ᩏᨸ᩠ᨸᩃᩅᨱ᩠ᨱᩣ ᨽᩥᨠ᩠ᨡᩩᨶᩦ ᨽᩥᨠ᩠ᨡᩩᨶᩦᨶᩴ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ᨽᩥᨠ᩠ᨡᩩᨶᩥᨿᩮᩣ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ¶ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩋᨿ᩠ᨿᩮᩣ ᩏᨴᩣᨿᩦ ᨽᩥᨠ᩠ᨡᩩᨶᩥᨿᩣ ᨧᩦᩅᩁᩴ ᨸᨭᩥᨣ᩠ᨣᩉᩮᩔᨲᩥ ᨠᩥᨧ᩠ᨨᩃᩣᨽᩮᩣ ᨾᩣᨲᩩᨣᩣᨾᩮᩣ’’ᨲᩥ. ᩋᨳ ᨡᩮᩣ ᨲᩣ ᨽᩥᨠ᩠ᨡᩩᨶᩥᨿᩮᩣ ᨽᩥᨠ᩠ᨡᩪᨶᩴ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩌᨿᩈ᩠ᨾᩣ ᩏᨴᩣᨿᩦ ᨽᩥᨠ᩠ᨡᩩᨶᩥᨿᩣ ᨧᩦᩅᩁᩴ ᨸᨭᩥᨣ᩠ᨣᩉᩮᩔᨲᩦ’’ᨲᩥ! ᩋᨳ ¶ ᨡᩮᩣ ᨲᩮ ᨽᩥᨠ᩠ᨡᩪ ᩌᨿᩈ᩠ᨾᨶ᩠ᨲᩴ ᩏᨴᩣᨿᩥᩴ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩈᨧ᩠ᨧᩴ ᨠᩥᩁ ᨲ᩠ᩅᩴ, ᩏᨴᩣᨿᩥ, ᨽᩥᨠ᩠ᨡᩩᨶᩥᨿᩣ ᨧᩦᩅᩁᩴ ᨸᨭᩥᨣ᩠ᨣᩉᩮᩈᩦ’’ᨲᩥ? ‘‘ᩈᨧ᩠ᨧᩴ ¶ , ᨽᨣᩅᩣ’’ᨲᩥ. ‘‘ᨬᩣᨲᩥᨠᩣ ᨲᩮ, ᩏᨴᩣᨿᩥ, ᩋᨬ᩠ᨬᩣᨲᩥᨠᩣ’’ᨲᩥ? ‘‘ᩋᨬ᩠ᨬᩣᨲᩥᨠᩣ, ᨽᨣᩅᩣ’’ᨲᩥ. ‘‘ᩋᨬ᩠ᨬᩣᨲᨠᩮᩣ, ᨾᩮᩣᨥᨸᩩᩁᩥᩈ, ᩋᨬ᩠ᨬᩣᨲᩥᨠᩣᨿ ᨶ ᨩᩣᨶᩣᨲᩥ ᨸᨲᩥᩁᩪᨸᩴ ᩅᩣ ᩋᨸ᩠ᨸᨲᩥᩁᩪᨸᩴ ᩅᩣ ᩈᨶ᩠ᨲᩴ ᩅᩣ ᩋᩈᨶ᩠ᨲᩴ ᩅᩣ. ᨲᨲ᩠ᨳ ᨶᩣᨾ ᨲ᩠ᩅᩴ, ᨾᩮᩣᨥᨸᩩᩁᩥᩈ, ᩋᨬ᩠ᨬᩣᨲᩥᨠᩣᨿ ᨽᩥᨠ᩠ᨡᩩᨶᩥᨿᩣ ᩉᨲ᩠ᨳᨲᩮᩣ ᨧᩦᩅᩁᩴ ᨸᨭᩥᨣ᩠ᨣᩉᩮᩔᩈᩥ! ᨶᩮᨲᩴ ᨾᩮᩣᨥᨸᩩᩁᩥᩈ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪕᪐᪙. ‘‘ᨿᩮᩣ ᨸᨶ ᨽᩥᨠ᩠ᨡᩩ ᩋᨬ᩠ᨬᩣᨲᩥᨠᩣᨿ ᨽᩥᨠ᩠ᨡᩩᨶᩥᨿᩣ ᩉᨲ᩠ᨳᨲᩮᩣ ᨧᩦᩅᩁᩴ ᨸᨭᩥᨣ᩠ᨣᨱ᩠ᩉᩮᨿ᩠ᨿ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

ᩑᩅᨬ᩠ᨧᩥᨴᩴ ᨽᨣᩅᨲᩣ ᨽᩥᨠ᩠ᨡᩪᨶᩴ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ ᩉᩮᩣᨲᩥ.

᪕᪑᪐. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨽᩥᨠ᩠ᨡᩪ ᨠᩩᨠ᩠ᨠᩩᨧ᩠ᨧᩣᨿᨶ᩠ᨲᩣ ᨽᩥᨠ᩠ᨡᩩᨶᩦᨶᩴ ᨸᩣᩁᩥᩅᨲ᩠ᨲᨠᨧᩦᩅᩁᩴ ¶ ᨶ ᨸᨭᩥᨣ᩠ᨣᨱ᩠ᩉᨶ᩠ᨲᩥ. ᨽᩥᨠ᩠ᨡᩩᨶᩥᨿᩮᩣ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩋᨿ᩠ᨿᩣ ᩋᨾ᩠ᩉᩣᨠᩴ ᨸᩣᩁᩥᩅᨲ᩠ᨲᨠᨧᩦᩅᩁᩴ ᨶ ᨸᨭᩥᨣ᩠ᨣᩉᩮᩔᨶ᩠ᨲᩦ’’ᨲᩥ! ᩋᩔᩮᩣᩈᩩᩴ ᨡᩮᩣ ᨽᩥᨠ᩠ᨡᩪ ᨲᩣᩈᩴ ᨽᩥᨠ᩠ᨡᩩᨶᩦᨶᩴ ᩏᨩ᩠ᨫᩣᨿᨶ᩠ᨲᩦᨶᩴ ᨡᩥᨿ᩠ᨿᨶ᩠ᨲᩦᨶᩴ ᩅᩥᨸᩣᨧᩮᨶ᩠ᨲᩦᨶᩴ. ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ᩋᨳ ᨡᩮᩣ ᨽᨣᩅᩣ ᩑᨲᩈ᩠ᨾᩥᩴ ᨶᩥᨴᩣᨶᩮ ᩑᨲᩈ᩠ᨾᩥᩴ ᨸᨠᩁᨱᩮ ᨵᨾ᩠ᨾᩥᩴ ᨠᨳᩴ ᨠᨲ᩠ᩅᩣ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ – ‘‘ᩋᨶᩩᨩᩣᨶᩣᨾᩥ, ᨽᩥᨠ᩠ᨡᩅᩮ, ᨸᨬ᩠ᨧᨶ᩠ᨶᩴ ᨸᩣᩁᩥᩅᨲ᩠ᨲᨠᩴ ᨸᨭᩥᨣ᩠ᨣᩉᩮᨲᩩᩴ – ᨽᩥᨠ᩠ᨡᩩᩔ, ᨽᩥᨠ᩠ᨡᩩᨶᩥᨿᩣ, ᩈᩥᨠ᩠ᨡᨾᩣᨶᩣᨿ, ᩈᩣᨾᨱᩮᩁᩔ, ᩈᩣᨾᨱᩮᩁᩥᨿᩣ. ᩋᨶᩩᨩᩣᨶᩣᨾᩥ, ᨽᩥᨠ᩠ᨡᩅᩮ, ᩍᨾᩮᩈᩴ ᨸᨬ᩠ᨧᨶ᩠ᨶᩴ ᨸᩣᩁᩥᩅᨲ᩠ᨲᨠᩴ ᨸᨭᩥᨣ᩠ᨣᩉᩮᨲᩩᩴ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ.

᪕᪑᪑. ‘‘ᨿᩮᩣ ᨸᨶ ᨽᩥᨠ᩠ᨡᩩ ᩋᨬ᩠ᨬᩣᨲᩥᨠᩣᨿ ᨽᩥᨠ᩠ᨡᩩᨶᩥᨿᩣ ᩉᨲ᩠ᨳᨲᩮᩣ ᨧᩦᩅᩁᩴ ᨸᨭᩥᨣ᩠ᨣᨱ᩠ᩉᩮᨿ᩠ᨿ, ᩋᨬ᩠ᨬᨲᩕ ᨸᩣᩁᩥᩅᨲ᩠ᨲᨠᩣ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

᪕᪑᪒. ᨿᩮᩣ ᨸᨶᩣᨲᩥ ᨿᩮᩣ ᨿᩣᨴᩥᩈᩮᩣ…ᨸᩮ… ᨽᩥᨠ᩠ᨡᩪᨲᩥ…ᨸᩮ… ᩋᨿᩴ ᩍᨾᩈ᩠ᨾᩥᩴ ᩋᨲ᩠ᨳᩮ ᩋᨵᩥᨸ᩠ᨸᩮᨲᩮᩣ ᨽᩥᨠ᩠ᨡᩪᨲᩥ.

ᩋᨬ᩠ᨬᩣᨲᩥᨠᩣ ᨶᩣᨾ ᨾᩣᨲᩥᨲᩮᩣ ᩅᩣ ᨸᩥᨲᩥᨲᩮᩣ ᩅᩣ ᨿᩣᩅ ᩈᨲ᩠ᨲᨾᩣ ᨸᩥᨲᩣᨾᩉᨿᩩᨣᩣ ᩋᩈᨾ᩠ᨻᨴ᩠ᨵᩣ.

ᨽᩥᨠ᩠ᨡᩩᨶᩦ ᨶᩣᨾ ᩏᨽᨲᩮᩣᩈᨦ᩠ᨥᩮ ᩏᨸᩈᨾ᩠ᨸᨶ᩠ᨶᩣ.

ᨧᩦᩅᩁᩴ ¶ ¶ ¶ ᨶᩣᨾ ᨨᨶ᩠ᨶᩴ ᨧᩦᩅᩁᩣᨶᩴ ᩋᨬ᩠ᨬᨲᩁᩴ ¶ ᨧᩦᩅᩁᩴ ᩅᩥᨠᨸ᩠ᨸᨶᩩᨸᨣᩴ ᨸᨧ᩠ᨨᩥᨾᩴ.

ᩋᨬ᩠ᨬᨲᩕ ᨸᩣᩁᩥᩅᨲ᩠ᨲᨠᩣᨲᩥ ᨮᨸᩮᨲ᩠ᩅᩣ ᨸᩣᩁᩥᩅᨲ᩠ᨲᨠᩴ.

ᨸᨭᩥᨣ᩠ᨣᨱ᩠ᩉᩣᨲᩥ, ᨸᨿᩮᩣᨣᩮ ᨴᩩᨠ᩠ᨠᨭᩴ. ᨸᨭᩥᩃᩣᨽᩮᨶ ᨶᩥᩔᨣ᩠ᨣᩥᨿᩴ ᩉᩮᩣᨲᩥ. ᨶᩥᩔᨩ᩠ᨩᩥᨲᨻ᩠ᨻᩴ ᩈᨦ᩠ᨥᩔ ᩅᩣ ᨣᨱᩔ ᩅᩣ ᨸᩩᨣ᩠ᨣᩃᩔ ᩅᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᨶᩥᩔᨩ᩠ᨩᩥᨲᨻ᩠ᨻᩴ…ᨸᩮ… ᩍᨴᩴ ᨾᩮ, ᨽᨶ᩠ᨲᩮ, ᨧᩦᩅᩁᩴ ᩋᨬ᩠ᨬᩣᨲᩥᨠᩣᨿ ᨽᩥᨠ᩠ᨡᩩᨶᩥᨿᩣ ᩉᨲ᩠ᨳᨲᩮᩣ ᨸᨭᩥᨣ᩠ᨣᩉᩥᨲᩴ, ᩋᨬ᩠ᨬᨲᩕ ᨸᩣᩁᩥᩅᨲ᩠ᨲᨠᩣ, ᨶᩥᩔᨣ᩠ᨣᩥᨿᩴ. ᩍᨾᩣᩉᩴ ᩈᨦ᩠ᨥᩔ ᨶᩥᩔᨩ᩠ᨩᩣᨾᩦᨲᩥ…ᨸᩮ… ᨴᨴᩮᨿ᩠ᨿᩣᨲᩥ…ᨸᩮ… ᨴᨴᩮᨿ᩠ᨿᩩᨶ᩠ᨲᩥ…ᨸᩮ… ᩌᨿᩈ᩠ᨾᨲᩮᩣ ᨴᨾ᩠ᨾᩦᨲᩥ.

᪕᪑᪓. ᩋᨬ᩠ᨬᩣᨲᩥᨠᩣᨿ ᩋᨬ᩠ᨬᩣᨲᩥᨠᩈᨬ᩠ᨬᩦ ᨧᩦᩅᩁᩴ ᨸᨭᩥᨣ᩠ᨣᨱ᩠ᩉᩣᨲᩥ, ᩋᨬ᩠ᨬᨲᩕ ᨸᩣᩁᩥᩅᨲ᩠ᨲᨠᩣ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨬ᩠ᨬᩣᨲᩥᨠᩣᨿ ᩅᩮᨾᨲᩥᨠᩮᩣ ᨧᩦᩅᩁᩴ ᨸᨭᩥᨣ᩠ᨣᨱ᩠ᩉᩣᨲᩥ, ᩋᨬ᩠ᨬᨲᩕ ᨸᩣᩁᩥᩅᨲ᩠ᨲᨠᩣ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨬ᩠ᨬᩣᨲᩥᨠᩣᨿ ᨬᩣᨲᩥᨠᩈᨬ᩠ᨬᩦ ᨧᩦᩅᩁᩴ ᨸᨭᩥᨣ᩠ᨣᨱ᩠ᩉᩣᨲᩥ, ᩋᨬ᩠ᨬᨲᩕ ᨸᩣᩁᩥᩅᨲ᩠ᨲᨠᩣ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᩑᨠᨲᩮᩣᩏᨸᩈᨾ᩠ᨸᨶ᩠ᨶᩣᨿ ᩉᨲ᩠ᨳᨲᩮᩣ ᨧᩦᩅᩁᩴ ᨸᨭᩥᨣ᩠ᨣᨱ᩠ᩉᩣᨲᩥ, ᩋᨬ᩠ᨬᨲᩕ ᨸᩣᩁᩥᩅᨲ᩠ᨲᨠᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨬᩣᨲᩥᨠᩣᨿ ᩋᨬ᩠ᨬᩣᨲᩥᨠᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨬᩣᨲᩥᨠᩣᨿ ᩅᩮᨾᨲᩥᨠᩮᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨬᩣᨲᩥᨠᩣᨿ ᨬᩣᨲᩥᨠᩈᨬ᩠ᨬᩦ, ᩋᨶᩣᨸᨲ᩠ᨲᩥ.

᪕᪑᪔. ᩋᨶᩣᨸᨲ᩠ᨲᩥ ᨬᩣᨲᩥᨠᩣᨿ, ᨸᩣᩁᩥᩅᨲ᩠ᨲᨠᩴ ᨸᩁᩥᨲ᩠ᨲᩮᨶ ᩅᩣ ᩅᩥᨸᩩᩃᩴ, ᩅᩥᨸᩩᩃᩮᨶ ᩅᩣ ᨸᩁᩥᨲ᩠ᨲᩴ, ᨽᩥᨠ᩠ᨡᩩ ᩅᩥᩔᩣᩈᩴ ᨣᨱ᩠ᩉᩣᨲᩥ, ᨲᩣᩅᨠᩣᩃᩥᨠᩴ ᨣᨱ᩠ᩉᩣᨲᩥ ¶ , ᨧᩦᩅᩁᩴ ᨮᨸᩮᨲ᩠ᩅᩣ ᩋᨬ᩠ᨬᩴ ᨸᩁᩥᨠ᩠ᨡᩣᩁᩴ ᨣᨱ᩠ᩉᩣᨲᩥ, ᩈᩥᨠ᩠ᨡᨾᩣᨶᩣᨿ, ᩈᩣᨾᨱᩮᩁᩥᨿᩣ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᨧᩦᩅᩁᨸᨭᩥᨣ᩠ᨣᩉᨱᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨸᨬ᩠ᨧᨾᩴ.

᪖. ᩋᨬ᩠ᨬᩣᨲᨠᩅᩥᨬ᩠ᨬᨲ᩠ᨲᩥᩈᩥᨠ᩠ᨡᩣᨸᨴᩴ

᪕᪑᪕. ᨲᩮᨶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ ᨩᩮᨲᩅᨶᩮ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮ ¶ . ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨸᨭ᩠ᨭᩮᩣ [ᨸᨭ᩠ᨮᩮᩣ (ᩈ᩠ᨿᩣ. ᨠ.)] ᩉᩮᩣᨲᩥ ᨵᨾ᩠ᨾᩥᩴ ᨠᨳᩴ ᨠᩣᨲᩩᩴ. ᩋᨳ ᨡᩮᩣ ᩋᨬ᩠ᨬᨲᩁᩮᩣ ᩈᩮᨭ᩠ᨮᩥᨸᩩᨲ᩠ᨲᩮᩣ ᨿᩮᨶᩣᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨲᩮᨶᩩᨸᩈᨦ᩠ᨠᨾᩥ ¶ ; ᩏᨸᩈᨦ᩠ᨠᨾᩥᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᩏᨸᨶᨶ᩠ᨴᩴ ᩈᨠ᩠ᨿᨸᩩᨲ᩠ᨲᩴ ᩋᨽᩥᩅᩣᨴᩮᨲ᩠ᩅᩣ ᩑᨠᨾᨶ᩠ᨲᩴ ᨶᩥᩈᩦᨴᩥ. ᩑᨠᨾᨶ᩠ᨲᩴ ᨶᩥᩈᩥᨶ᩠ᨶᩴ ᨡᩮᩣ ᨲᩴ ᩈᩮᨭ᩠ᨮᩥᨸᩩᨲ᩠ᨲᩴ ᩌᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨵᨾ᩠ᨾᩥᨿᩣ ᨠᨳᩣᨿ ᩈᨶ᩠ᨴᩔᩮᩈᩥ ᩈᨾᩣᨴᨸᩮᩈᩥ ᩈᨾᩩᨲ᩠ᨲᩮᨩᩮᩈᩥ ᩈᨾ᩠ᨸᩉᩴᩈᩮᩈᩥ. ᩋᨳ ᨡᩮᩣ ᩈᩮᩣ ᩈᩮᨭ᩠ᨮᩥᨸᩩᨲ᩠ᨲᩮᩣ ᩌᨿᩈ᩠ᨾᨲᩣ ᩏᨸᨶᨶ᩠ᨴᩮᨶ ᩈᨠ᩠ᨿᨸᩩᨲ᩠ᨲᩮᨶ ᨵᨾ᩠ᨾᩥᨿᩣ ᨠᨳᩣᨿ ᩈᨶ᩠ᨴᩔᩥᨲᩮᩣ ᩈᨾᩣᨴᨸᩥᨲᩮᩣ ᩈᨾᩩᨲ᩠ᨲᩮᨩᩥᨲᩮᩣ ᩈᨾ᩠ᨸᩉᩴᩈᩥᨲᩮᩣ ᩌᨿᩈ᩠ᨾᨶ᩠ᨲᩴ ᩏᨸᨶᨶ᩠ᨴᩴ ᩈᨠ᩠ᨿᨸᩩᨲ᩠ᨲᩴ ᩑᨲᨴᩅᩮᩣᨧ – ‘‘ᩅᨴᩮᨿ᩠ᨿᩣᨳ, ᨽᨶ᩠ᨲᩮ, ᨿᩮᨶ ᩋᨲ᩠ᨳᩮᩣ. ᨸᨭᩥᨻᩃᩣ ᨾᨿᩴ ᩋᨿ᩠ᨿᩔ ¶ ᨴᩣᨲᩩᩴ ᨿᨴᩥᨴᩴ ᨧᩦᩅᩁᨸᩥᨱ᩠ᨯᨸᩣᨲᩈᩮᨶᩣᩈᨶᨣᩥᩃᩣᨶᨸ᩠ᨸᨧ᩠ᨧᨿᨽᩮᩈᨩ᩠ᨩᨸᩁᩥᨠ᩠ᨡᩣᩁ’’ᨶ᩠ᨲᩥ. ‘‘ᩈᨧᩮ ᨾᩮ ᨲ᩠ᩅᩴ, ᩌᩅᩩᩈᩮᩣ, ᨴᩣᨲᩩᨠᩣᨾᩮᩣᩈᩥ, ᩍᨲᩮᩣ ᩑᨠᩴ ᩈᩣᨭᨠᩴ ᨴᩮᩉᩦ’’ᨲᩥ. ‘‘ᩋᨾ᩠ᩉᩣᨠᩴ ᨡᩮᩣ, ᨽᨶ᩠ᨲᩮ, ᨠᩩᩃᨸᩩᨲ᩠ᨲᩣᨶᩴ ᨠᩥᩈ᩠ᨾᩥᩴ ᩅᩥᨿ ᩑᨠᩈᩣᨭᨠᩴ ᨣᨶ᩠ᨲᩩᩴ. ᩌᨣᨾᩮᩉᩥ, ᨽᨶ᩠ᨲᩮ, ᨿᩣᩅ ᨥᩁᩴ ᨣᨧ᩠ᨨᩣᨾᩥ. ᨥᩁᩴ ᨣᨲᩮᩣ ᩍᨲᩮᩣ ᩅᩣ ᩑᨠᩴ ᩈᩣᨭᨠᩴ ᨸᩉᩥᨱᩥᩔᩣᨾᩥ ¶ ᩍᨲᩮᩣ ᩅᩣ ᩈᩩᨶ᩠ᨴᩁᨲᩁ’’ᨶ᩠ᨲᩥ. ᨴᩩᨲᩥᨿᨾ᩠ᨸᩥ ᨡᩮᩣ ᩌᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨲᩴ ᩈᩮᨭ᩠ᨮᩥᨸᩩᨲ᩠ᨲᩴ ᩑᨲᨴᩅᩮᩣᨧ ‘‘ᩈᨧᩮ ᨾᩮ ᨲ᩠ᩅᩴ ᩌᩅᩩᩈᩮᩣ ᨴᩣᨲᩩᨠᩣᨾᩮᩣᩈᩥ ᩍᨲᩮᩣ ᩑᨠᩴ ᩈᩣᨭᨠᩴ ᨴᩮᩉᩦ’’ᨲᩥ. ᩋᨾ᩠ᩉᩣᨠᩴ ᨡᩮᩣ ᨽᨶ᩠ᨲᩮ ᨠᩩᩃᨸᩩᨲ᩠ᨲᩣᨶᩴ ᨠᩥᩈ᩠ᨾᩥᩴ ᩅᩥᨿ ᩑᨠᩈᩣᨭᨠᩴ ᨣᨶ᩠ᨲᩩᩴ, ᩌᨣᨾᩮᩉᩥ ᨽᨶ᩠ᨲᩮ ᨿᩣᩅ ᨥᩁᩴ ᨣᨧ᩠ᨨᩣᨾᩥ, ᨥᩁᩴ ᨣᨲᩮᩣ ᩍᨲᩮᩣ ᩅᩣ ᩑᨠᩴ ᩈᩣᨭᨠᩴ ᨸᩉᩥᨱᩥᩔᩣᨾᩥ ᩍᨲᩮᩣ ᩅᩣ ᩈᩩᨶ᩠ᨴᩁᨲᩁᨶ᩠ᨲᩥ. ᨲᨲᩥᨿᨾ᩠ᨸᩥ ᨡᩮᩣ ᩌᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨲᩴ ᩈᩮᨭ᩠ᨮᩥᨸᩩᨲ᩠ᨲᩴ ᩑᨲᨴᩅᩮᩣᨧ ‘‘ᩈᨧᩮ ᨾᩮ ᨲ᩠ᩅᩴ ᩌᩅᩩᩈᩮᩣ ᨴᩣᨲᩩᨠᩣᨾᩮᩣᩈᩥ, ᩍᨲᩮᩣ ᩑᨠᩴ ᩈᩣᨭᨠᩴ ᨴᩮᩉᩦ’’ᨲᩥ. ᩋᨾ᩠ᩉᩣᨠᩴ ᨡᩮᩣ ᨽᨶ᩠ᨲᩮ ᨠᩩᩃᨸᩩᨲ᩠ᨲᩣᨶᩴ ᨠᩥᩈ᩠ᨾᩥᩴ ᩅᩥᨿ ᩑᨠᩈᩣᨭᨠᩴ ᨣᨶ᩠ᨲᩩᩴ, ᩌᨣᨾᩮᩉᩥ ᨽᨶ᩠ᨲᩮ ᨿᩣᩅ ᨥᩁᩴ ᨣᨧ᩠ᨨᩣᨾᩥ, ᨥᩁᩴ ᨣᨲᩮᩣ ᩍᨲᩮᩣ ᩅᩣ ᩑᨠᩴ ᩈᩣᨭᨠᩴ ᨸᩉᩥᨱᩥᩔᩣᨾᩥ ᩍᨲᩮᩣ ᩅᩣ ᩈᩩᨶ᩠ᨴᩁᨲᩁᨶ᩠ᨲᩥ. ‘‘ᨠᩥᩴ ᨸᨶ ᨲᨿᩣ, ᩌᩅᩩᩈᩮᩣ, ᩋᨴᩣᨲᩩᨠᩣᨾᩮᨶ ᨸᩅᩣᩁᩥᨲᩮᨶ ᨿᩴ ᨲ᩠ᩅᩴ ᨸᩅᩣᩁᩮᨲ᩠ᩅᩣ ᨶ ᨴᩮᩈᩦ’’ᨲᩥ.

ᩋᨳ ᨡᩮᩣ ᩈᩮᩣ ᩈᩮᨭ᩠ᨮᩥᨸᩩᨲ᩠ᨲᩮᩣ ᩌᨿᩈ᩠ᨾᨲᩣ ᩏᨸᨶᨶ᩠ᨴᩮᨶ ᩈᨠ᩠ᨿᨸᩩᨲ᩠ᨲᩮᨶ ᨶᩥᨸ᩠ᨸᩦᩊᩥᨿᨾᩣᨶᩮᩣ ᩑᨠᩴ ᩈᩣᨭᨠᩴ ᨴᨲ᩠ᩅᩣ ᩋᨣᨾᩣᩈᩥ. ᨾᨶᩩᩔᩣ ᨲᩴ ᩈᩮᨭ᩠ᨮᩥᨸᩩᨲ᩠ᨲᩴ ᩑᨲᨴᩅᩮᩣᨧᩩᩴ – ‘‘ᨠᩥᩔ ᨲ᩠ᩅᩴ ᩋᨿ᩠ᨿᩮᩣ ᩑᨠᩈᩣᨭᨠᩮᩣ ᩌᨣᨧ᩠ᨨᩈᩦ’’ᨲᩥ? ᩋᨳ ᨡᩮᩣ ᩈᩮᩣ ᩈᩮᨭ᩠ᨮᩥᨸᩩᨲ᩠ᨲᩮᩣ ᨲᩮᩈᩴ ᨾᨶᩩᩔᩣᨶᩴ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ᨾᨶᩩᩔᩣ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨾᩉᩥᨧ᩠ᨨᩣ ᩍᨾᩮ ᩈᨾᨱᩣ ᩈᨠ᩠ᨿᨸᩩᨲ᩠ᨲᩥᨿᩣ ᩋᩈᨶ᩠ᨲᩩᨭ᩠ᨮᩣ. ᨶᨿᩥᨾᩮᩈᩴ ᩈᩩᨠᩁᩣ ᨵᨾ᩠ᨾᨶᩥᨾᨶ᩠ᨲᨶᩣᨸᩥ ᨠᩣᨲᩩᩴ [ᨶᨿᩥᨾᩮ ᩈᩩᨠᩁᩣ ᨵᨾ᩠ᨾᨶᩥᨾᨶ᩠ᨲᨶᩣᨿᨸᩥ ᨠᩣᨲᩩᩴ (ᩈ᩠ᨿᩣ.)]. ᨠᨳᨬ᩠ᩉᩥ ᨶᩣᨾ ᩈᩮᨭ᩠ᨮᩥᨸᩩᨲ᩠ᨲᩮᨶ ᨵᨾ᩠ᨾᨶᩥᨾᨶ᩠ᨲᨶᩣᨿ ᨠᨿᩥᩁᨾᩣᨶᩣᨿ ¶ ᩈᩣᨭᨠᩴ ᨣᩉᩮᩔᨶ᩠ᨲᩦ’’ᨲᩥ! ᩋᩔᩮᩣᩈᩩᩴ ¶ ᨡᩮᩣ ᨽᩥᨠ᩠ᨡᩪ ᨲᩮᩈᩴ ᨾᨶᩩᩔᩣᨶᩴ ᩏᨩ᩠ᨫᩣᨿᨶ᩠ᨲᩣᨶᩴ ᨡᩥᨿ᩠ᨿᨶ᩠ᨲᩣᨶᩴ ᩅᩥᨸᩣᨧᩮᨶ᩠ᨲᩣᨶᩴ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩌᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᩈᩮᨭ᩠ᨮᩥᨸᩩᨲ᩠ᨲᩴ ᨧᩦᩅᩁᩴ ᩅᩥᨬ᩠ᨬᩣᨸᩮᩔᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᩌᨿᩈ᩠ᨾᨶ᩠ᨲᩴ ᩏᨸᨶᨶ᩠ᨴᩴ ᩈᨠ᩠ᨿᨸᩩᨲ᩠ᨲᩴ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ¶ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩈᨧ᩠ᨧᩴ ᨠᩥᩁ ᨲ᩠ᩅᩴ, ᩏᨸᨶᨶ᩠ᨴ, ᩈᩮᨭ᩠ᨮᩥᨸᩩᨲ᩠ᨲᩴ ᨧᩦᩅᩁᩴ ᩅᩥᨬ᩠ᨬᩣᨸᩮᩈᩦ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ‘‘ᨬᩣᨲᨠᩮᩣ ᨲᩮ, ᩏᨸᨶᨶ᩠ᨴ, ᩋᨬ᩠ᨬᩣᨲᨠᩮᩣ’’ᨲᩥ? ‘‘ᩋᨬ᩠ᨬᩣᨲᨠᩮᩣ, ᨽᨣᩅᩣ’’ᨲᩥ. ‘‘ᩋᨬ᩠ᨬᩣᨲᨠᩮᩣ, ᨾᩮᩣᨥᨸᩩᩁᩥᩈ, ᩋᨬ᩠ᨬᩣᨲᨠᩔ ᨶ ᨩᩣᨶᩣᨲᩥ ᨸᨲᩥᩁᩪᨸᩴ ᩅᩣ ᩋᨸ᩠ᨸᨲᩥᩁᩪᨸᩴ ᩅᩣ ᩈᨶ᩠ᨲᩴ ᩅᩣ ᩋᩈᨶ᩠ᨲᩴ ᩅᩣ. ᨲᨲ᩠ᨳ ᨶᩣᨾ ᨲ᩠ᩅᩴ, ᨾᩮᩣᨥᨸᩩᩁᩥᩈ, ᩋᨬ᩠ᨬᩣᨲᨠᩴ ᩈᩮᨭ᩠ᨮᩥᨸᩩᨲ᩠ᨲᩴ ᨧᩦᩅᩁᩴ ᩅᩥᨬ᩠ᨬᩣᨸᩮᩔᩈᩥ! ᨶᩮᨲᩴ, ᨾᩮᩣᨥᨸᩩᩁᩥᩈ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪕᪑᪖. ‘‘ᨿᩮᩣ ᨸᨶ ᨽᩥᨠ᩠ᨡᩩ ᩋᨬ᩠ᨬᩣᨲᨠᩴ ᨣᩉᨸᨲᩥᩴ ᩅᩣ ᨣᩉᨸᨲᩣᨶᩥᩴ ᩅᩣ ᨧᩦᩅᩁᩴ ᩅᩥᨬ᩠ᨬᩣᨸᩮᨿ᩠ᨿ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

ᩑᩅᨬ᩠ᨧᩥᨴᩴ ᨽᨣᩅᨲᩣ ᨽᩥᨠ᩠ᨡᩪᨶᩴ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ ᩉᩮᩣᨲᩥ.

᪕᪑᪗. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩈᨾ᩠ᨻᩉᩩᩃᩣ ᨽᩥᨠ᩠ᨡᩪ ᩈᩣᨠᩮᨲᩣ ᩈᩣᩅᨲ᩠ᨳᩥᩴ ¶ ᪒ ᩋᨴ᩠ᨵᩣᨶᨾᨣ᩠ᨣᨸ᩠ᨸᨭᩥᨸᨶ᩠ᨶᩣ ᩉᩮᩣᨶ᩠ᨲᩥ. ᩋᨶ᩠ᨲᩁᩣᨾᨣ᩠ᨣᩮ ᨧᩮᩣᩁᩣ ᨶᩥᨠ᩠ᨡᨾᩥᨲ᩠ᩅᩣ ᨲᩮ ᨽᩥᨠ᩠ᨡᩪ ᩋᨧ᩠ᨨᩥᨶ᩠ᨴᩥᩴᩈᩩ. ᩋᨳ ᨡᩮᩣ ᨲᩮ ᨽᩥᨠ᩠ᨡᩪ – ‘‘ᨽᨣᩅᨲᩣ ᨸᨭᩥᨠ᩠ᨡᩥᨲ᩠ᨲᩴ ᩋᨬ᩠ᨬᩣᨲᨠᩴ ᨣᩉᨸᨲᩥᩴ ᩅᩣ ᨣᩉᨸᨲᩣᨶᩥᩴ ᩅᩣ ᨧᩦᩅᩁᩴ ᩅᩥᨬ᩠ᨬᩣᨸᩮᨲᩩ’’ᨶ᩠ᨲᩥ, ᨠᩩᨠ᩠ᨠᩩᨧ᩠ᨧᩣᨿᨶ᩠ᨲᩣ ¶ ᨶ ᩅᩥᨬ᩠ᨬᩣᨸᩮᩈᩩᩴ. ᨿᨳᩣᨶᨣ᩠ᨣᩣᩅ ᩈᩣᩅᨲ᩠ᨳᩥᩴ ᨣᨶ᩠ᨲ᩠ᩅᩣ ᨽᩥᨠ᩠ᨡᩪ ᩋᨽᩥᩅᩣᨴᩮᨶ᩠ᨲᩥ. ᨽᩥᨠ᩠ᨡᩪ ᩑᩅᨾᩣᩉᩴᩈᩩ – ‘‘ᩈᩩᨶ᩠ᨴᩁᩣ ᨡᩮᩣ ᩍᨾᩮ, ᩌᩅᩩᩈᩮᩣ, ᩌᨩᩦᩅᨠᩣ ᨿᩮ ᩍᨾᩮ ᨽᩥᨠ᩠ᨡᩪᩈᩩ ᩋᨽᩥᩅᩣᨴᩮᨶ᩠ᨲᩦ’’ᨲᩥ. ᨲᩮ ᩑᩅᨾᩣᩉᩴᩈᩩ – ‘‘ᨶ ᨾᨿᩴ, ᩌᩅᩩᩈᩮᩣ, ᩌᨩᩦᩅᨠᩣ, ᨽᩥᨠ᩠ᨡᩪ ᨾᨿ’’ᨶ᩠ᨲᩥ. ᨽᩥᨠ᩠ᨡᩪ ᩌᨿᩈ᩠ᨾᨶ᩠ᨲᩴ ᩏᨸᩣᩃᩥᩴ ᩑᨲᨴᩅᩮᩣᨧᩩᩴ – ‘‘ᩍᨦ᩠ᨥᩣᩅᩩᩈᩮᩣ ᩏᨸᩣᩃᩥ, ᩍᨾᩮ ᩋᨶᩩᨿᩩᨬ᩠ᨩᩣᩉᩦ’’ᨲᩥ. ᩋᨳ ᨡᩮᩣ ᩌᨿᩈ᩠ᨾᨲᩣ ᩏᨸᩣᩃᩥᨶᩣ ᩋᨶᩩᨿᩩᨬ᩠ᨩᩥᨿᨾᩣᨶᩣ ᨲᩮ ᨽᩥᨠ᩠ᨡᩪ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ᩋᨳ ᨡᩮᩣ ᩌᨿᩈ᩠ᨾᩣ ᩏᨸᩣᩃᩥ ᨲᩮ ᨽᩥᨠ᩠ᨡᩪ ᩋᨶᩩᨿᩩᨬ᩠ᨩᩥᨲ᩠ᩅᩣ ᨽᩥᨠ᩠ᨡᩪ ᩑᨲᨴᩅᩮᩣᨧ – ‘‘ᨽᩥᨠ᩠ᨡᩪ ᩍᨾᩮ, ᩌᩅᩩᩈᩮᩣ. ᨴᩮᨳ ᨶᩮᩈᩴ ᨧᩦᩅᩁᩣᨶᩦ’’ᨲᩥ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᨽᩥᨠ᩠ᨡᩪ ᨶᨣ᩠ᨣᩣ ᩌᨣᨧ᩠ᨨᩥᩔᨶ᩠ᨲᩥ! ᨶᨶᩩ ᨶᩣᨾ ᨲᩥᨱᩮᨶ ᩅᩣ ᨸᨱ᩠ᨱᩮᨶ ᩅᩣ ᨸᨭᩥᨧ᩠ᨨᩣᨴᩮᨲ᩠ᩅᩣ ᩌᨣᨶ᩠ᨲᨻ᩠ᨻ’’ᨶ᩠ᨲᩥ. ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨲᩮ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ᩋᨳ ᨡᩮᩣ ᨽᨣᩅᩣ ᩑᨲᩈ᩠ᨾᩥᩴ ᨶᩥᨴᩣᨶᩮ ᩑᨲᩈ᩠ᨾᩥᩴ ᨸᨠᩁᨱᩮ ᨵᨾ᩠ᨾᩥᩴ ᨠᨳᩴ ᨠᨲ᩠ᩅᩣ ᨽᩥᨠ᩠ᨡᩪ ¶ ᩌᨾᨶ᩠ᨲᩮᩈᩥ – ‘‘ᩋᨶᩩᨩᩣᨶᩣᨾᩥ, ᨽᩥᨠ᩠ᨡᩅᩮ, ᩋᨧ᩠ᨨᩥᨶ᩠ᨶᨧᩦᩅᩁᩔ ᩅᩣ ᨶᨭ᩠ᨮᨧᩦᩅᩁᩔ ᩅᩣ ᩋᨬ᩠ᨬᩣᨲᨠᩴ ᨣᩉᨸᨲᩥᩴ ᩅᩣ ᨣᩉᨸᨲᩣᨶᩥᩴ ᩅᩣ ᨧᩦᩅᩁᩴ ᩅᩥᨬ᩠ᨬᩣᨸᩮᨲᩩᩴ. ᨿᩴ ᩌᩅᩣᩈᩴ ᨸᨮᨾᩴ ᩏᨸᨣᨧ᩠ᨨᨲᩥ, ᩈᨧᩮ ᨲᨲ᩠ᨳ ᩉᩮᩣᨲᩥ ᩈᨦ᩠ᨥᩔ ᩅᩥᩉᩣᩁᨧᩦᩅᩁᩴ ᩅᩣ ᩏᨲ᩠ᨲᩁᨲ᩠ᨳᩁᨱᩴ ᩅᩣ ᨽᩪᨾᨲ᩠ᨳᩁᨱᩴ ᩅᩣ ᨽᩥᩈᩥᨧ᩠ᨨᩅᩥ ᩅᩣ, ᨲᩴ ᨣᩉᩮᨲ᩠ᩅᩣ ᨸᩣᩁᩩᨸᩥᨲᩩᩴ ᩃᨽᩥᨲ᩠ᩅᩣ ᩒᨴᩉᩥᩔᩣᨾᩦ’’ᨲᩥ ¶ . ᨶᩮᩣ ᨧᩮ ᩉᩮᩣᨲᩥ ᩈᨦ᩠ᨥᩔ ᩅᩥᩉᩣᩁᨧᩦᩅᩁᩴ ᩅᩣ ᩏᨲ᩠ᨲᩁᨲ᩠ᨳᩁᨱᩴ ᩅᩣ ᨽᩩᨾᨲ᩠ᨳᩁᨱᩴ ᩅᩣ ¶ ᨽᩥᩈᩥᨧ᩠ᨨᩅᩥ ᩅᩣ ᨲᩥᨱᩮᨶ ᩅᩣ ᨸᨱ᩠ᨱᩮᨶ ᩅᩣ ᨸᨭᩥᨧ᩠ᨨᩣᨴᩮᨲ᩠ᩅᩣ ᩌᨣᨶ᩠ᨲᨻ᩠ᨻᩴ; ᨶ ᨲ᩠ᩅᩮᩅ ᨶᨣ᩠ᨣᩮᨶ ᩌᨣᨶ᩠ᨲᨻ᩠ᨻᩴ. ᨿᩮᩣ ᩌᨣᨧ᩠ᨨᩮᨿ᩠ᨿ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪕᪑᪘. ‘‘ᨿᩮᩣ ᨸᨶ ᨽᩥᨠ᩠ᨡᩩ ᩋᨬ᩠ᨬᩣᨲᨠᩴ ᨣᩉᨸᨲᩥᩴ ᩅᩣ ᨣᩉᨸᨲᩣᨶᩥᩴ ᩅᩣ ᨧᩦᩅᩁᩴ ᩅᩥᨬ᩠ᨬᩣᨸᩮᨿ᩠ᨿ, ᩋᨬ᩠ᨬᨲᩕ ᩈᨾᨿᩣ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᨲᨲ᩠ᨳᩣᨿᩴ ᩈᨾᨿᩮᩣ – ᩋᨧ᩠ᨨᩥᨶ᩠ᨶᨧᩦᩅᩁᩮᩣ ᩅᩣ ᩉᩮᩣᨲᩥ ᨽᩥᨠ᩠ᨡᩩ ᨶᨭ᩠ᨮᨧᩦᩅᩁᩮᩣ ᩅᩣ. ᩋᨿᩴ ᨲᨲ᩠ᨳ ᩈᨾᨿᩮᩣ’’ᨲᩥ.

᪕᪑᪙. ᨿᩮᩣ ᨸᨶᩣᨲᩥ ᨿᩮᩣ ᨿᩣᨴᩥᩈᩮᩣ…ᨸᩮ… ᨽᩥᨠ᩠ᨡᩪᨲᩥ…ᨸᩮ… ᩋᨿᩴ ᩍᨾᩈ᩠ᨾᩥᩴ ᩋᨲ᩠ᨳᩮ ᩋᨵᩥᨸ᩠ᨸᩮᨲᩮᩣ ᨽᩥᨠ᩠ᨡᩪᨲᩥ.

ᩋᨬ᩠ᨬᩣᨲᨠᩮᩣ ᨶᩣᨾ ᨾᩣᨲᩥᨲᩮᩣ ᩅᩣ ᨸᩥᨲᩥᨲᩮᩣ ᩅᩣ ᨿᩣᩅ ᩈᨲ᩠ᨲᨾᩣ ᨸᩥᨲᩣᨾᩉᨿᩩᨣᩣ ᩋᩈᨾ᩠ᨻᨴ᩠ᨵᩮᩣ.

ᨣᩉᨸᨲᩥ ᨶᩣᨾ ᨿᩮᩣ ᨠᩮᩣᨧᩥ ᩋᨣᩣᩁᩴ ᩋᨩ᩠ᨫᩣᩅᩈᨲᩥ.

ᨣᩉᨸᨲᩣᨶᩦ ᨶᩣᨾ ᨿᩣ ᨠᩣᨧᩥ ᩋᨣᩣᩁᩴ ᩋᨩ᩠ᨫᩣᩅᩈᨲᩥ.

ᨧᩦᩅᩁᩴ ¶ ᨶᩣᨾ ᨨᨶ᩠ᨶᩴ ᨧᩦᩅᩁᩣᨶᩴ ᩋᨬ᩠ᨬᨲᩁᩴ ᨧᩦᩅᩁᩴ ᩅᩥᨠᨸ᩠ᨸᨶᩩᨸᨣᩴ ᨸᨧ᩠ᨨᩥᨾᩴ.

ᩋᨬ᩠ᨬᨲᩕ ᩈᨾᨿᩣᨲᩥ ᨮᨸᩮᨲ᩠ᩅᩣ ᩈᨾᨿᩴ.

ᩋᨧ᩠ᨨᩥᨶ᩠ᨶᨧᩦᩅᩁᩮᩣ ᨶᩣᨾ ᨽᩥᨠ᩠ᨡᩩᩔ ᨧᩦᩅᩁᩴ ᩋᨧ᩠ᨨᩥᨶ᩠ᨶᩴ ᩉᩮᩣᨲᩥ ᩁᩣᨩᩪᩉᩥ ᩅᩣ ᨧᩮᩣᩁᩮᩉᩥ ᩅᩣ ᨵᩩᨲ᩠ᨲᩮᩉᩥ ᩅᩣ, ᨿᩮᩉᩥ ᨠᩮᩉᩥᨧᩥ ᩅᩣ ᩋᨧ᩠ᨨᩥᨶ᩠ᨶᩴ ᩉᩮᩣᨲᩥ.

ᨶᨭ᩠ᨮᨧᩦᩅᩁᩮᩣ ᨶᩣᨾ ᨽᩥᨠ᩠ᨡᩩᩔ ᨧᩦᩅᩁᩴ ᩋᨣ᩠ᨣᩥᨶᩣ ᩅᩣ ᨴᨯ᩠ᨰᩴ ᩉᩮᩣᨲᩥ, ᩏᨴᨠᩮᨶ ᩅᩣ ᩅᩩᩊ᩠ᩉᩴ ᩉᩮᩣᨲᩥ, ᩏᨶ᩠ᨴᩪᩁᩮᩉᩥ ᩅᩣ ᩏᨸᨧᩥᨠᩣᩉᩥ ᩅᩣ ᨡᩣᨿᩥᨲᩴ ᩉᩮᩣᨲᩥ, ᨸᩁᩥᨽᩮᩣᨣᨩᩥᨱ᩠ᨱᩴ ᩅᩣ ᩉᩮᩣᨲᩥ.

ᩋᨬ᩠ᨬᨲᩕ ᩈᨾᨿᩣ ᩅᩥᨬ᩠ᨬᩣᨸᩮᨲᩥ, ᨸᨿᩮᩣᨣᩮ ᨴᩩᨠ᩠ᨠᨭᩴ. ᨸᨭᩥᩃᩣᨽᩮᨶ ᨶᩥᩔᨣ᩠ᨣᩥᨿᩴ ᩉᩮᩣᨲᩥ. ᨶᩥᩔᨩ᩠ᨩᩥᨲᨻ᩠ᨻᩴ ¶ ᩈᨦ᩠ᨥᩔ ᩅᩣ ᨣᨱᩔ ᩅᩣ ¶ ᨸᩩᨣ᩠ᨣᩃᩔ ᩅᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ ¶ , ᨶᩥᩔᨩ᩠ᨩᩥᨲᨻ᩠ᨻᩴ…ᨸᩮ… ᩍᨴᩴ ᨾᩮ, ᨽᨶ᩠ᨲᩮ, ᨧᩦᩅᩁᩴ ᩋᨬ᩠ᨬᩣᨲᨠᩴ ᨣᩉᨸᨲᩥᨠᩴ, ᩋᨬ᩠ᨬᨲᩕ ᩈᨾᨿᩣ ᩅᩥᨬ᩠ᨬᩣᨸᩥᨲᩴ, ᨶᩥᩔᨣ᩠ᨣᩥᨿᩴ. ᩍᨾᩣᩉᩴ ᩈᨦ᩠ᨥᩔ ᨶᩥᩔᨩ᩠ᨩᩣᨾᩦᨲᩥ…ᨸᩮ… ᨴᨴᩮᨿ᩠ᨿᩣᨲᩥ…ᨸᩮ… ᨴᨴᩮᨿ᩠ᨿᩩᨶ᩠ᨲᩥ…ᨸᩮ… ᩌᨿᩈ᩠ᨾᨲᩮᩣ ᨴᨾ᩠ᨾᩦᨲᩥ.

᪕᪒᪐. ᩋᨬ᩠ᨬᩣᨲᨠᩮ ᩋᨬ᩠ᨬᩣᨲᨠᩈᨬ᩠ᨬᩦ, ᩋᨬ᩠ᨬᨲᩕ ᩈᨾᨿᩣ, ᨧᩦᩅᩁᩴ ᩅᩥᨬ᩠ᨬᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨬ᩠ᨬᩣᨲᨠᩮ ᩅᩮᨾᨲᩥᨠᩮᩣ, ᩋᨬ᩠ᨬᨲᩕ ᩈᨾᨿᩣ, ᨧᩦᩅᩁᩴ ᩅᩥᨬ᩠ᨬᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨬ᩠ᨬᩣᨲᨠᩮ ᨬᩣᨲᨠᩈᨬ᩠ᨬᩦ, ᩋᨬ᩠ᨬᨲᩕ ᩈᨾᨿᩣ, ᨧᩦᩅᩁᩴ ᩅᩥᨬ᩠ᨬᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᨬᩣᨲᨠᩮ ᩋᨬ᩠ᨬᩣᨲᨠᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨬᩣᨲᨠᩮ ᩅᩮᨾᨲᩥᨠᩮᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨬᩣᨲᨠᩮ ᨬᩣᨲᨠᩈᨬ᩠ᨬᩦ, ᩋᨶᩣᨸᨲ᩠ᨲᩥ.

᪕᪒᪑. ᩋᨶᩣᨸᨲ᩠ᨲᩥ ᩈᨾᨿᩮ, ᨬᩣᨲᨠᩣᨶᩴ, ᨸᩅᩣᩁᩥᨲᩣᨶᩴ, ᩋᨬ᩠ᨬᩔᨲ᩠ᨳᩣᨿ, ᩋᨲ᩠ᨲᨶᩮᩣ ᨵᨶᩮᨶ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᩋᨬ᩠ᨬᩣᨲᨠᩅᩥᨬ᩠ᨬᨲ᩠ᨲᩥᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨨᨭ᩠ᨮᩴ.

᪗. ᨲᨲᩩᨲ᩠ᨲᩁᩥᩈᩥᨠ᩠ᨡᩣᨸᨴᩴ

᪕᪒᪒. ᨲᩮᨶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ ᨩᩮᨲᩅᨶᩮ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᩋᨧ᩠ᨨᩥᨶ᩠ᨶᨧᩦᩅᩁᨠᩮ ᨽᩥᨠ᩠ᨡᩪ ᩏᨸᩈᨦ᩠ᨠᨾᩥᨲ᩠ᩅᩣ ᩑᩅᩴ ᩅᨴᨶ᩠ᨲᩥ – ‘‘ᨽᨣᩅᨲᩣ, ᩌᩅᩩᩈᩮᩣ, ᩋᨶᩩᨬ᩠ᨬᩣᨲᩴ – ‘ᩋᨧ᩠ᨨᩥᨶ᩠ᨶᨧᩦᩅᩁᩔ ᩅᩣ ᨶᨭ᩠ᨮᨧᩦᩅᩁᩔ ᩅᩣ ᩋᨬ᩠ᨬᩣᨲᨠᩴ ᨣᩉᨸᨲᩥᩴ ᩅᩣ ᨣᩉᨸᨲᩣᨶᩥᩴ ᩅᩣ ᨧᩦᩅᩁᩴ ᩅᩥᨬ᩠ᨬᩣᨸᩮᨲᩩᩴ’; ᩅᩥᨬ᩠ᨬᩣᨸᩮᨳ, ᩌᩅᩩᩈᩮᩣ, ᨧᩦᩅᩁ’’ᨶ᩠ᨲᩥ. ‘‘ᩋᩃᩴ, ᩌᩅᩩᩈᩮᩣ, ᩃᨴ᩠ᨵᩴ ᩋᨾ᩠ᩉᩮᩉᩥ ᨧᩦᩅᩁ’’ᨶ᩠ᨲᩥ. ‘‘ᨾᨿᩴ ᩌᨿᩈ᩠ᨾᨶ᩠ᨲᩣᨶᩴ ᩅᩥᨬ᩠ᨬᩣᨸᩮᨾᩣ’’ᨲᩥ. ‘‘ᩅᩥᨬ᩠ᨬᩣᨸᩮᨳ, ᩌᩅᩩᩈᩮᩣ’’ᨲᩥ. ᩋᨳ ᨡᩮᩣ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᨣᩉᨸᨲᩥᨠᩮ ᩏᨸᩈᨦ᩠ᨠᨾᩥᨲ᩠ᩅᩣ ᩑᨲᨴᩅᩮᩣᨧᩩᩴ – ‘‘ᩋᨧ᩠ᨨᩥᨶ᩠ᨶᨧᩦᩅᩁᨠᩣ, ᩌᩅᩩᩈᩮᩣ, ᨽᩥᨠ᩠ᨡᩪ ᩌᨣᨲᩣ. ᨴᩮᨳ ᨶᩮᩈᩴ ᨧᩦᩅᩁᩣᨶᩦ’’ᨲᩥ, ᨻᩉᩩᩴ ᨧᩦᩅᩁᩴ ᩅᩥᨬ᩠ᨬᩣᨸᩮᩈᩩᩴ.

ᨲᩮᨶ ¶ ᨡᩮᩣ ᨸᨶ ¶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨸᩩᩁᩥᩈᩮᩣ ᩈᨽᩣᨿᩴ ᨶᩥᩈᩥᨶ᩠ᨶᩮᩣ ᩋᨬ᩠ᨬᨲᩁᩴ ᨸᩩᩁᩥᩈᩴ ᩑᨲᨴᩅᩮᩣᨧ – ‘‘ᩋᨧ᩠ᨨᩥᨶ᩠ᨶᨧᩦᩅᩁᨠᩣ ᩋᨿ᩠ᨿᩮᩣ ᨽᩥᨠ᩠ᨡᩪ ᩌᨣᨲᩣ. ᨲᩮᩈᩴ ᨾᨿᩣ ᨧᩦᩅᩁᩴ ᨴᩥᨶ᩠ᨶ’’ᨶ᩠ᨲᩥ. ᩈᩮᩣᨸᩥ ᩑᩅᨾᩣᩉ – ‘‘ᨾᨿᩣᨸᩥ ᨴᩥᨶ᩠ᨶ’’ᨶ᩠ᨲᩥ. ᩋᨸᩁᩮᩣᨸᩥ ᩑᩅᨾᩣᩉ – ‘‘ᨾᨿᩣᨸᩥ ᨴᩥᨶ᩠ᨶ’’ᨶ᩠ᨲᩥ. ᨲᩮ ᩏᨩ᩠ᨫᩣᨿᨶ᩠ᨲᩥ ¶ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩈᨾᨱᩣ ᩈᨠ᩠ᨿᨸᩩᨲ᩠ᨲᩥᨿᩣ ᨶ ᨾᨲ᩠ᨲᩴ ᨩᩣᨶᩥᨲ᩠ᩅᩣ ᨻᩉᩩᩴ ᨧᩦᩅᩁᩴ ᩅᩥᨬ᩠ᨬᩣᨸᩮᩔᨶ᩠ᨲᩥ, ᨴᩩᩔᩅᩣᨱᩥᨩ᩠ᨩᩴ ¶ ᩅᩣ ᩈᨾᨱᩣ ᩈᨠ᩠ᨿᨸᩩᨲ᩠ᨲᩥᨿᩣ ᨠᩁᩥᩔᨶ᩠ᨲᩥ, ᨸᨣ᩠ᨣᩣᩉᩥᨠᩈᩣᩃᩴ [ᨸᨭᨣ᩠ᨣᩣᩉᩥᨠᩈᩣᩃᩴ (?)] ᩅᩣ ᨸᩈᩣᩁᩮᩔᨶ᩠ᨲᩦ’’ᨲᩥ! ᩋᩔᩮᩣᩈᩩᩴ ᨡᩮᩣ ᨽᩥᨠ᩠ᨡᩪ ᨲᩮᩈᩴ ᨾᨶᩩᩔᩣᨶᩴ ᩏᨩ᩠ᨫᩣᨿᨶ᩠ᨲᩣᨶᩴ ᨡᩥᨿ᩠ᨿᨶ᩠ᨲᩣᨶᩴ ᩅᩥᨸᩣᨧᩮᨶ᩠ᨲᩣᨶᩴ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᨶ ᨾᨲ᩠ᨲᩴ ᨩᩣᨶᩥᨲ᩠ᩅᩣ ᨻᩉᩩᩴ ᨧᩦᩅᩁᩴ ᩅᩥᨬ᩠ᨬᩣᨸᩮᩔᨶ᩠ᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨨᨻ᩠ᨻᨣ᩠ᨣᩥᨿᩮ ᨽᩥᨠ᩠ᨡᩪ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩈᨧ᩠ᨧᩴ ᨠᩥᩁ ᨲᩩᨾ᩠ᩉᩮ, ᨽᩥᨠ᩠ᨡᩅᩮ, ᨶ ᨾᨲ᩠ᨲᩴ ᨩᩣᨶᩥᨲ᩠ᩅᩣ ᨻᩉᩩᩴ ᨧᩦᩅᩁᩴ ᩅᩥᨬ᩠ᨬᩣᨸᩮᨳᩣ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ᨠᨳᨬ᩠ᩉᩥ ᨶᩣᨾ ᨲᩩᨾ᩠ᩉᩮ, ᨾᩮᩣᨥᨸᩩᩁᩥᩈᩣ, ᨶ ᨾᨲ᩠ᨲᩴ ᨩᩣᨶᩥᨲ᩠ᩅᩣ ᨻᩉᩩᩴ ᨧᩦᩅᩁᩴ ᩅᩥᨬ᩠ᨬᩣᨸᩮᩔᨳ! ᨶᩮᨲᩴ, ᨾᩮᩣᨥᨸᩩᩁᩥᩈᩣ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪕᪒᪓. ‘‘ᨲᨬ᩠ᨧᩮ ᩋᨬ᩠ᨬᩣᨲᨠᩮᩣ ᨣᩉᨸᨲᩥ ᩅᩣ ᨣᩉᨸᨲᩣᨶᩦ ᩅᩣ ᨻᩉᩪᩉᩥ ᨧᩦᩅᩁᩮᩉᩥ ᩋᨽᩥᩉᨭ᩠ᨮᩩᩴ ᨸᩅᩣᩁᩮᨿ᩠ᨿ ᩈᨶ᩠ᨲᩁᩩᨲ᩠ᨲᩁᨸᩁᨾᩴ ᨲᩮᨶ ᨽᩥᨠ᩠ᨡᩩᨶᩣ ᨲᨲᩮᩣ ᨧᩦᩅᩁᩴ ᩈᩣᨴᩥᨲᨻ᩠ᨻᩴ. ᨲᨲᩮᩣ ᨧᩮ ᩏᨲ᩠ᨲᩁᩥ ᩈᩣᨴᩥᨿᩮᨿ᩠ᨿ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

᪕᪒᪔. ᨲᨬ᩠ᨧᩮᨲᩥ ᩋᨧ᩠ᨨᩥᨶ᩠ᨶᨧᩦᩅᩁᨠᩴ ᨽᩥᨠ᩠ᨡᩩᩴ.

ᩋᨬ᩠ᨬᩣᨲᨠᩮᩣ ᨶᩣᨾ ᨾᩣᨲᩥᨲᩮᩣ ᩅᩣ ᨸᩥᨲᩥᨲᩮᩣ ᩅᩣ ᨿᩣᩅ ᩈᨲ᩠ᨲᨾᩣ ᨸᩥᨲᩣᨾᩉᨿᩩᨣᩣ ᩋᩈᨾ᩠ᨻᨴ᩠ᨵᩮᩣ.

ᨣᩉᨸᨲᩥ ᨶᩣᨾ ᨿᩮᩣ ᨠᩮᩣᨧᩥ ᩋᨣᩣᩁᩴ ᩋᨩ᩠ᨫᩣᩅᩈᨲᩥ.

ᨣᩉᨸᨲᩣᨶᩦ ᨶᩣᨾ ᨿᩣ ᨠᩣᨧᩥ ᩋᨣᩣᩁᩴ ᩋᨩ᩠ᨫᩣᩅᩈᨲᩥ.

ᨻᩉᩪᩉᩥ ᨧᩦᩅᩁᩮᩉᩦᨲᩥ ᨻᩉᩩᨠᩮᩉᩥ ᨧᩦᩅᩁᩮᩉᩥ.

ᩋᨽᩥᩉᨭ᩠ᨮᩩᩴ ᨸᩅᩣᩁᩮᨿ᩠ᨿᩣᨲᩥ ¶ ᨿᩣᩅᨲᨠᩴ ᩍᨧ᩠ᨨᩈᩥ ᨲᩣᩅᨲᨠᩴ ᨣᨱ᩠ᩉᩣᩉᩦᨲᩥ.

ᩈᨶ᩠ᨲᩁᩩᨲ᩠ᨲᩁᨸᩁᨾᩴ ¶ ᨲᩮᨶ ᨽᩥᨠ᩠ᨡᩩᨶᩣ ᨲᨲᩮᩣ ᨧᩦᩅᩁᩴ ᩈᩣᨴᩥᨲᨻ᩠ᨻᨶ᩠ᨲᩥ ᩈᨧᩮ ᨲᩦᨱᩥ ᨶᨭ᩠ᨮᩣᨶᩥ ᩉᩮᩣᨶ᩠ᨲᩥ ᨴ᩠ᩅᩮ ᩈᩣᨴᩥᨲᨻ᩠ᨻᩣᨶᩥ, ᨴ᩠ᩅᩮ ᨶᨭ᩠ᨮᩣᨶᩥ ᩑᨠᩴ ᩈᩣᨴᩥᨲᨻ᩠ᨻᩴ, ᩑᨠᩴ ᨶᨭ᩠ᨮᩴ ᨶ ᨠᩥᨬ᩠ᨧᩥ ᩈᩣᨴᩥᨲᨻ᩠ᨻᩴ.

ᨲᨲᩮᩣ ᨧᩮ ᩏᨲ᩠ᨲᩁᩥ ᩈᩣᨴᩥᨿᩮᨿ᩠ᨿᩣᨲᩥ ᨲᨲᩩᨲ᩠ᨲᩁᩥ ᩅᩥᨬ᩠ᨬᩣᨸᩮᨲᩥ, ᨸᨿᩮᩣᨣᩮ ᨴᩩᨠ᩠ᨠᨭᩴ. ᨸᨭᩥᩃᩣᨽᩮᨶ ᨶᩥᩔᨣ᩠ᨣᩥᨿᩴ ᩉᩮᩣᨲᩥ. ᨶᩥᩔᨩ᩠ᨩᩥᨲᨻ᩠ᨻᩴ ᩈᨦ᩠ᨥᩔ ᩅᩣ ᨣᨱᩔ ᩅᩣ ᨸᩩᨣ᩠ᨣᩃᩔ ᩅᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᨶᩥᩔᨩ᩠ᨩᩥᨲᨻ᩠ᨻᩴ…ᨸᩮ… ᩍᨴᩴ ᨾᩮ, ᨽᨶ᩠ᨲᩮ, ᨧᩦᩅᩁᩴ ᩋᨬ᩠ᨬᩣᨲᨠᩴ ¶ ᨣᩉᨸᨲᩥᨠᩴ ᩏᨸᩈᨦ᩠ᨠᨾᩥᨲ᩠ᩅᩣ ᨲᨲᩩᨲ᩠ᨲᩁᩥ ᩅᩥᨬ᩠ᨬᩣᨸᩥᨲᩴ ¶ ᨶᩥᩔᨣ᩠ᨣᩥᨿᩴ. ᩍᨾᩣᩉᩴ ᩈᨦ᩠ᨥᩔ ᨶᩥᩔᨩ᩠ᨩᩣᨾᩦᨲᩥ…ᨸᩮ… ᨴᨴᩮᨿ᩠ᨿᩣᨲᩥ…ᨸᩮ… ᨴᨴᩮᨿ᩠ᨿᩩᨶ᩠ᨲᩥ…ᨸᩮ… ᩌᨿᩈ᩠ᨾᨲᩮᩣ ᨴᨾ᩠ᨾᩦᨲᩥ.

᪕᪒᪕. ᩋᨬ᩠ᨬᩣᨲᨠᩮ ᩋᨬ᩠ᨬᩣᨲᨠᩈᨬ᩠ᨬᩦ ᨲᨲᩩᨲ᩠ᨲᩁᩥ ᨧᩦᩅᩁᩴ ᩅᩥᨬ᩠ᨬᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨬ᩠ᨬᩣᨲᨠᩮ ᩅᩮᨾᨲᩥᨠᩮᩣ ᨲᨲᩩᨲ᩠ᨲᩁᩥ ᨧᩦᩅᩁᩴ ᩅᩥᨬ᩠ᨬᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨬ᩠ᨬᩣᨲᨠᩮ ᨬᩣᨲᨠᩈᨬ᩠ᨬᩦ ᨲᨲᩩᨲ᩠ᨲᩁᩥ ᨧᩦᩅᩁᩴ ᩅᩥᨬ᩠ᨬᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᨬᩣᨲᨠᩮ ᩋᨬ᩠ᨬᩣᨲᨠᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨬᩣᨲᨠᩮ ᩅᩮᨾᨲᩥᨠᩮᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨬᩣᨲᨠᩮ ᨬᩣᨲᨠᩈᨬ᩠ᨬᩦ, ᩋᨶᩣᨸᨲ᩠ᨲᩥ.

᪕᪒᪖. ᩋᨶᩣᨸᨲ᩠ᨲᩥ – ‘‘ᩈᩮᩈᨠᩴ ᩌᩉᩁᩥᩔᩣᨾᩦ’’ᨲᩥ ᩉᩁᨶ᩠ᨲᩮᩣ ᨣᨧ᩠ᨨᨲᩥ, ‘‘ᩈᩮᩈᨠᩴ ᨲᩩᨿ᩠ᩉᩮᩅ ᩉᩮᩣᨲᩪ’’ᨲᩥ ᨴᩮᨶ᩠ᨲᩥ, ᨶ ᩋᨧ᩠ᨨᩥᨶ᩠ᨶᨠᩣᩁᨱᩣ ᨴᩮᨶ᩠ᨲᩥ, ᨶ ᨶᨭ᩠ᨮᨠᩣᩁᨱᩣ ¶ ᨴᩮᨶ᩠ᨲᩥ, ᨬᩣᨲᨠᩣᨶᩴ, ᨸᩅᩣᩁᩥᨲᩣᨶᩴ, ᩋᨲ᩠ᨲᨶᩮᩣ ᨵᨶᩮᨶ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᨲᨲᩩᨲ᩠ᨲᩁᩥᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᩈᨲ᩠ᨲᨾᩴ.

᪘. ᩏᨸᨠ᩠ᨡᨭᩈᩥᨠ᩠ᨡᩣᨸᨴᩴ

᪕᪒᪗. ᨲᩮᨶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ ᨩᩮᨲᩅᨶᩮ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨸᩩᩁᩥᩈᩮᩣ ᨸᨩᩣᨸᨲᩥᩴ ᩑᨲᨴᩅᩮᩣᨧ – ‘‘ᩋᨿ᩠ᨿᩴ ᩏᨸᨶᨶ᩠ᨴᩴ ᨧᩦᩅᩁᩮᨶ ᩋᨧ᩠ᨨᩣᨴᩮᩔᩣᨾᩦ’’ᨲᩥ. ᩋᩔᩮᩣᩈᩥ ᨡᩮᩣ ᩋᨬ᩠ᨬᨲᩁᩮᩣ ᨸᩥᨱ᩠ᨯᨧᩣᩁᩥᨠᩮᩣ ᨽᩥᨠ᩠ᨡᩩ ᨲᩔ ᨸᩩᩁᩥᩈᩔ ᩍᨾᩴ ᩅᩣᨧᩴ ᨽᩣᩈᨾᩣᨶᩔ. ᩋᨳ ᨡᩮᩣ ᩈᩮᩣ ᨽᩥᨠ᩠ᨡᩩ ᨿᩮᨶᩣᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ¶ ᩌᨿᩈ᩠ᨾᨶ᩠ᨲᩴ ᩏᨸᨶᨶ᩠ᨴᩴ ᩈᨠ᩠ᨿᨸᩩᨲ᩠ᨲᩴ ᩑᨲᨴᩅᩮᩣᨧ – ‘‘ᨾᩉᩣᨸᩩᨬ᩠ᨬᩮᩣᩈᩥ ᨲ᩠ᩅᩴ, ᩌᩅᩩᩈᩮᩣ ᩏᨸᨶᨶ᩠ᨴ, ᩋᨾᩩᨠᩈ᩠ᨾᩥᩴ ᩒᨠᩣᩈᩮ ᩋᨬ᩠ᨬᨲᩁᩮᩣ ᨸᩩᩁᩥᩈᩮᩣ ᨸᨩᩣᨸᨲᩥᩴ ᩑᨲᨴᩅᩮᩣᨧ – ‘‘ᩋᨿ᩠ᨿᩴ ᩏᨸᨶᨶ᩠ᨴᩴ ᨧᩦᩅᩁᩮᨶ ᩋᨧ᩠ᨨᩣᨴᩮᩔᩣᨾᩦ’’’ᨲᩥ. ‘‘ᩋᨲ᩠ᨳᩣᩅᩩᩈᩮᩣ, ᨾᩴ ᩈᩮᩣ ᩏᨸᨭ᩠ᨮᩣᨠᩮᩣ’’ᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨿᩮᨶ ᩈᩮᩣ ᨸᩩᩁᩥᩈᩮᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨲᩴ ᨸᩩᩁᩥᩈᩴ ᩑᨲᨴᩅᩮᩣᨧ – ‘‘ᩈᨧ᩠ᨧᩴ ᨠᩥᩁ ᨾᩴ ᨲ᩠ᩅᩴ, ᩌᩅᩩᩈᩮᩣ, ᨧᩦᩅᩁᩮᨶ ᩋᨧ᩠ᨨᩣᨴᩮᨲᩩᨠᩣᨾᩮᩣᩈᩦ’’ᨲᩥ? ‘‘ᩋᨸᩥ ᨾᩮᨿ᩠ᨿ, ᩑᩅᩴ ᩉᩮᩣᨲᩥ – ‘ᩋᨿ᩠ᨿᩴ ᩏᨸᨶᨶ᩠ᨴᩴ ᨧᩦᩅᩁᩮᨶ ᩋᨧ᩠ᨨᩣᨴᩮᩔᩣᨾᩦ’’’ᨲᩥ. ‘‘ᩈᨧᩮ ᨡᩮᩣ ᨾᩴ ᨲ᩠ᩅᩴ, ᩌᩅᩩᩈᩮᩣ, ᨧᩦᩅᩁᩮᨶ ᩋᨧ᩠ᨨᩣᨴᩮᨲᩩᨠᩣᨾᩮᩣᩈᩥ, ᩑᩅᩁᩪᨸᩮᨶ ᨧᩦᩅᩁᩮᨶ ᩋᨧ᩠ᨨᩣᨴᩮᩉᩥ. ᨠ᩠ᨿᩣᩉᩴ ᨲᩮᨶ ᩋᨧ᩠ᨨᨶ᩠ᨶᩮᩣᨸᩥ ᨠᩁᩥᩔᩣᨾᩥ ᨿᩣᩉᩴ ᨶ ᨸᩁᩥᨽᩩᨬ᩠ᨩᩥᩔᩣᨾᩦ’’ᨲᩥ.

ᩋᨳ ¶ ᨡᩮᩣ ᩈᩮᩣ ᨸᩩᩁᩥᩈᩮᩣ ᩏᨩ᩠ᨫᩣᨿᨲᩥ ᨡᩥᨿ᩠ᨿᨲᩥ ᩅᩥᨸᩣᨧᩮᨲᩥ – ‘‘ᨾᩉᩥᨧ᩠ᨨᩣ ᩍᨾᩮ ᩈᨾᨱᩣ ᩈᨠ᩠ᨿᨸᩩᨲ᩠ᨲᩥᨿᩣ ᩋᩈᨶ᩠ᨲᩩᨭ᩠ᨮᩣ. ᨶᨿᩥᨾᩮ ᩈᩩᨠᩁᩣ ᨧᩦᩅᩁᩮᨶ ᩋᨧ᩠ᨨᩣᨴᩮᨲᩩᩴ. ᨠᨳᨬ᩠ᩉᩥ ¶ ᨶᩣᨾ ᩋᨿ᩠ᨿᩮᩣ ᩏᨸᨶᨶ᩠ᨴᩮᩣ ᨾᨿᩣ ᨸᩩᨻ᩠ᨻᩮ ᩋᨸ᩠ᨸᩅᩣᩁᩥᨲᩮᩣ ᨾᩴ ᩏᨸᩈᨦ᩠ᨠᨾᩥᨲ᩠ᩅᩣ ᨧᩦᩅᩁᩮ ᩅᩥᨠᨸ᩠ᨸᩴ ᩌᨸᨩ᩠ᨩᩥᩔᨲᩦ’’ᨲᩥ! ᩋᩔᩮᩣᩈᩩᩴ ᨡᩮᩣ ᨽᩥᨠ᩠ᨡᩪ ᨲᩔ ᨸᩩᩁᩥᩈᩔ ᩏᨩ᩠ᨫᩣᨿᨶ᩠ᨲᩔ ᨡᩥᨿ᩠ᨿᨶ᩠ᨲᩔ ᩅᩥᨸᩣᨧᩮᨶ᩠ᨲᩔ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿ᩠ᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩌᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨸᩩᨻ᩠ᨻᩮ ᩋᨸ᩠ᨸᩅᩣᩁᩥᨲᩮᩣ ᨣᩉᨸᨲᩥᨠᩴ ᩏᨸᩈᨦ᩠ᨠᨾᩥᨲ᩠ᩅᩣ ᨧᩦᩅᩁᩮ ᩅᩥᨠᨸ᩠ᨸᩴ ᩌᨸᨩ᩠ᨩᩥᩔᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᩌᨿᩈ᩠ᨾᨶ᩠ᨲᩴ ᩏᨸᨶᨶ᩠ᨴᩴ ᩈᨠ᩠ᨿᨸᩩᨲ᩠ᨲᩴ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ ¶ …ᨸᩮ… ‘‘ᩈᨧ᩠ᨧᩴ ᨠᩥᩁ ᨲ᩠ᩅᩴ, ᩏᨸᨶᨶ᩠ᨴ, ᨸᩩᨻ᩠ᨻᩮ ᩋᨸ᩠ᨸᩅᩣᩁᩥᨲᩮᩣ ᨣᩉᨸᨲᩥᨠᩴ ᩏᨸᩈᨦ᩠ᨠᨾᩥᨲ᩠ᩅᩣ ᨧᩦᩅᩁᩮ ᩅᩥᨠᨸ᩠ᨸᩴ ᩌᨸᨩ᩠ᨩᩈᩦ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ‘‘ᨬᩣᨲᨠᩮᩣ ᨲᩮ, ᩏᨸᨶᨶ᩠ᨴ, ᩋᨬ᩠ᨬᩣᨲᨠᩮᩣ’’ᨲᩥ? ‘‘ᩋᨬ᩠ᨬᩣᨲᨠᩮᩣ, ᨽᨣᩅᩣ’’ᨲᩥ. ‘‘ᩋᨬ᩠ᨬᩣᨲᨠᩮᩣ, ᨾᩮᩣᨥᨸᩩᩁᩥᩈ, ᩋᨬ᩠ᨬᩣᨲᨠᩔ ᨶ ᨩᩣᨶᩣᨲᩥ ᨸᨲᩥᩁᩪᨸᩴ ᩅᩣ ᩋᨸ᩠ᨸᨲᩥᩁᩪᨸᩴ ᩅᩣ ᩈᨶ᩠ᨲᩴ ᩅᩣ ᩋᩈᨶ᩠ᨲᩴ ᩅᩣ. ᨲᨲ᩠ᨳ ᨶᩣᨾ ᨲ᩠ᩅᩴ, ᨾᩮᩣᨥᨸᩩᩁᩥᩈ, ᨸᩩᨻ᩠ᨻᩮ ᩋᨸ᩠ᨸᩅᩣᩁᩥᨲᩮᩣ ᩋᨬ᩠ᨬᩣᨲᨠᩴ ᨣᩉᨸᨲᩥᨠᩴ ᩏᨸᩈᨦ᩠ᨠᨾᩥᨲ᩠ᩅᩣ ᨧᩦᩅᩁᩮ ᩅᩥᨠᨸ᩠ᨸᩴ ᩌᨸᨩ᩠ᨩᩥᩔᩈᩥ! ᨶᩮᨲᩴ, ᨾᩮᩣᨥᨸᩩᩁᩥᩈ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪕᪒᪘. ‘‘ᨽᩥᨠ᩠ᨡᩩᩴ ᨸᨶᩮᩅ ᩏᨴ᩠ᨴᩥᩔ ᩋᨬ᩠ᨬᩣᨲᨠᩔ ᨣᩉᨸᨲᩥᩔ ᩅᩣ ᨣᩉᨸᨲᩣᨶᩥᨿᩣ ᩅᩣ ᨧᩦᩅᩁᨧᩮᨲᩣᨸᨶ᩠ᨶᩴ [ᨧᩦᩅᩁᨧᩮᨲᩣᨸᨶᩴ (ᩈ᩠ᨿᩣ.)] ᩏᨸᨠ᩠ᨡᨭᩴ ᩉᩮᩣᨲᩥ – ‘ᩍᨾᩥᨶᩣ ¶ ᨧᩦᩅᩁᨧᩮᨲᩣᨸᨶ᩠ᨶᩮᨶ ᨧᩦᩅᩁᩴ ᨧᩮᨲᩣᨸᩮᨲ᩠ᩅᩣ ᩍᨲ᩠ᨳᨶ᩠ᨶᩣᨾᩴ ᨽᩥᨠ᩠ᨡᩩᩴ ᨧᩦᩅᩁᩮᨶ ᩋᨧ᩠ᨨᩣᨴᩮᩔᩣᨾᩦ’ᨲᩥ; ᨲᨲᩕ ᨧᩮ ᩈᩮᩣ ᨽᩥᨠ᩠ᨡᩩ ᨸᩩᨻ᩠ᨻᩮ ᩋᨸ᩠ᨸᩅᩣᩁᩥᨲᩮᩣ ᩏᨸᩈᨦ᩠ᨠᨾᩥᨲ᩠ᩅᩣ ᨧᩦᩅᩁᩮ ᩅᩥᨠᨸ᩠ᨸᩴ ᩌᨸᨩ᩠ᨩᩮᨿ᩠ᨿ – ‘ᩈᩣᨵᩩ ᩅᨲ ᨾᩴ ᩌᨿᩈ᩠ᨾᩣ ᩍᨾᩥᨶᩣ ᨧᩦᩅᩁᨧᩮᨲᩣᨸᨶ᩠ᨶᩮᨶ ᩑᩅᩁᩪᨸᩴ ᩅᩣ ᩑᩅᩁᩪᨸᩴ ᩅᩣ ᨧᩦᩅᩁᩴ ᨧᩮᨲᩣᨸᩮᨲ᩠ᩅᩣ ᩋᨧ᩠ᨨᩣᨴᩮᩉᩦ’ᨲᩥ, ᨠᩃ᩠ᨿᩣᨱᨠᨾ᩠ᨿᨲᩴ ᩏᨸᩣᨴᩣᨿ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

᪕᪒᪙. ᨽᩥᨠ᩠ᨡᩩᩴ ¶ ᨸᨶᩮᩅ ᩏᨴ᩠ᨴᩥᩔᩣᨲᩥ ᨽᩥᨠ᩠ᨡᩩᩔᨲ᩠ᨳᩣᨿ, ᨽᩥᨠ᩠ᨡᩩᩴ ᩌᩁᨾ᩠ᨾᨱᩴ ᨠᩁᩥᨲ᩠ᩅᩣ, ᨽᩥᨠ᩠ᨡᩩᩴ ᩋᨧ᩠ᨨᩣᨴᩮᨲᩩᨠᩣᨾᩮᩣ.

ᩋᨬ᩠ᨬᩣᨲᨠᩮᩣ ᨶᩣᨾ ᨾᩣᨲᩥᨲᩮᩣ ᩅᩣ ᨸᩥᨲᩥᨲᩮᩣ ᩅᩣ ᨿᩣᩅ ᩈᨲ᩠ᨲᨾᩣ ᨸᩥᨲᩣᨾᩉᨿᩩᨣᩣ ᩋᩈᨾ᩠ᨻᨴ᩠ᨵᩮᩣ.

ᨣᩉᨸᨲᩥ ¶ ᨶᩣᨾ ᨿᩮᩣ ᨠᩮᩣᨧᩥ ᩋᨣᩣᩁᩴ ᩋᨩ᩠ᨫᩣᩅᩈᨲᩥ.

ᨣᩉᨸᨲᩣᨶᩦ ᨶᩣᨾ ᨿᩣ ᨠᩣᨧᩥ ᩋᨣᩣᩁᩴ ᩋᨩ᩠ᨫᩣᩅᩈᨲᩥ.

ᨧᩦᩅᩁᨧᩮᨲᩣᨸᨶ᩠ᨶᩴ ᨶᩣᨾ ᩉᩥᩁᨬ᩠ᨬᩴ ᩅᩣ ᩈᩩᩅᨱ᩠ᨱᩴ ᩅᩣ ᨾᩩᨲ᩠ᨲᩣ ᩅᩣ ᨾᨱᩥ ᩅᩣ ᨸᩅᩣᩊᩮᩣ ᩅᩣ ᨹᩃᩥᨠᩮᩣ ᩅᩣ ᨸᨭᨠᩮᩣ ᩅᩣ ᩈᩩᨲ᩠ᨲᩴ ᩅᩣ ᨠᨸ᩠ᨸᩣᩈᩮᩣ ᩅᩣ.

ᩍᨾᩥᨶᩣ ᨧᩦᩅᩁᨧᩮᨲᩣᨸᨶ᩠ᨶᩮᨶᩣᨲᩥ ᨸᨧ᩠ᨧᩩᨸᨭ᩠ᨮᩥᨲᩮᨶ.

ᨧᩮᨲᩣᨸᩮᨲ᩠ᩅᩣᨲᩥ ᨸᩁᩥᩅᨲ᩠ᨲᩮᨲ᩠ᩅᩣ.

ᩋᨧ᩠ᨨᩣᨴᩮᩔᩣᨾᩦᨲᩥ ᨴᩔᩣᨾᩥ.

ᨲᨲᩕ ᨧᩮ ᩈᩮᩣ ᨽᩥᨠ᩠ᨡᩪᨲᩥ ᨿᩴ ᨽᩥᨠ᩠ᨡᩩᩴ ᩏᨴ᩠ᨴᩥᩔ ᨧᩦᩅᩁᨧᩮᨲᩣᨸᨶ᩠ᨶᩴ ᩏᨸᨠ᩠ᨡᨭᩴ ᩉᩮᩣᨲᩥ ᩈᩮᩣ ᨽᩥᨠ᩠ᨡᩩ.

ᨸᩩᨻ᩠ᨻᩮ ᩋᨸ᩠ᨸᩅᩣᩁᩥᨲᩮᩣᨲᩥ ᨸᩩᨻ᩠ᨻᩮ ᩋᩅᩩᨲ᩠ᨲᩮᩣ ᩉᩮᩣᨲᩥ – ‘‘ᨠᩦᨴᩥᩈᩮᨶ ᨲᩮ, ᨽᨶ᩠ᨲᩮ, ᨧᩦᩅᩁᩮᨶ ᩋᨲ᩠ᨳᩮᩣ, ᨠᩦᨴᩥᩈᩴ ᨲᩮ ᨧᩦᩅᩁᩴ ᨧᩮᨲᩣᨸᩮᨾᩦ’’ᨲᩥ?

ᩏᨸᩈᨦ᩠ᨠᨾᩥᨲ᩠ᩅᩣᨲᩥ ᨥᩁᩴ ᨣᨶ᩠ᨲ᩠ᩅᩣ ᨿᨲ᩠ᨳ ᨠᨲ᩠ᨳᨧᩥ ᩏᨸᩈᨦ᩠ᨠᨾᩥᨲ᩠ᩅᩣ ¶ .

ᨧᩦᩅᩁᩮ ᩅᩥᨠᨸ᩠ᨸᩴ ᩌᨸᨩ᩠ᨩᩮᨿ᩠ᨿᩣᨲᩥ ᩌᨿᨲᩴ ᩅᩣ ᩉᩮᩣᨲᩩ ᩅᩥᨲ᩠ᨳᨲᩴ ᩅᩣ ᩋᨸ᩠ᨸᩥᨲᩴ ᩅᩣ ᩈᨱ᩠ᩉᩴ ᩅᩣ.

ᩍᨾᩥᨶᩣ ¶ ᨧᩦᩅᩁᨧᩮᨲᩣᨸᨶ᩠ᨶᩮᨶᩣᨲᩥ ᨸᨧ᩠ᨧᩩᨸᨭ᩠ᨮᩥᨲᩮᨶ.

ᩑᩅᩁᩪᨸᩴ ¶ ᩅᩣ ᩑᩅᩁᩪᨸᩴ ᩅᩣᨲᩥ. ᩌᨿᨲᩴ ᩅᩣ ᩅᩥᨲ᩠ᨳᨲᩴ ᩅᩣ ᩋᨸ᩠ᨸᩥᨲᩴ ᩅᩣ ᩈᨱ᩠ᩉᩴ ᩅᩣ.

ᨧᩮᨲᩣᨸᩮᨲ᩠ᩅᩣᨲᩥ ᨸᩁᩥᩅᨲ᩠ᨲᩮᨲ᩠ᩅᩣ.

ᩋᨧ᩠ᨨᩣᨴᩮᩉᩦᨲᩥ ᨴᨩ᩠ᨩᩮᩉᩥ.

ᨠᩃ᩠ᨿᩣᨱᨠᨾ᩠ᨿᨲᩴ ᩏᨸᩣᨴᩣᨿᩣᨲᩥ ᩈᩣᨵᨲ᩠ᨳᩥᨠᩮᩣ [ᩈᩣᨵᩩᨲ᩠ᨳᩥᨠᩮᩣ (ᩈ᩠ᨿᩣ.)] ᨾᩉᨣ᩠ᨥᨲ᩠ᨳᩥᨠᩮᩣ. ᨲᩔ ᩅᨧᨶᩮᨶ ᩌᨿᨲᩴ ᩅᩣ ᩅᩥᨲ᩠ᨳᨲᩴ ᩅᩣ ᩋᨸ᩠ᨸᩥᨲᩴ ᩅᩣ ᩈᨱ᩠ᩉᩴ ᩅᩣ ᨧᩮᨲᩣᨸᩮᨲᩥ, ᨸᨿᩮᩣᨣᩮ ᨴᩩᨠ᩠ᨠᨭᩴ. ᨸᨭᩥᩃᩣᨽᩮᨶ ᨶᩥᩔᨣ᩠ᨣᩥᨿᩴ ᩉᩮᩣᨲᩥ. ᨶᩥᩔᨩ᩠ᨩᩥᨲᨻ᩠ᨻᩴ ᩈᨦ᩠ᨥᩔ ᩅᩣ ᨣᨱᩔ ᩅᩣ ᨸᩩᨣ᩠ᨣᩃᩔ ᩅᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᨶᩥᩔᨩ᩠ᨩᩥᨲᨻ᩠ᨻᩴ…ᨸᩮ… ᩍᨴᩴ ᨾᩮ, ᨽᨶ᩠ᨲᩮ, ᨧᩦᩅᩁᩴ ᨸᩩᨻ᩠ᨻᩮ ᩋᨸ᩠ᨸᩅᩣᩁᩥᨲᩮᩣ ᩋᨬ᩠ᨬᩣᨲᨠᩴ ᨣᩉᨸᨲᩥᨠᩴ ᩏᨸᩈᨦ᩠ᨠᨾᩥᨲ᩠ᩅᩣ ᨧᩦᩅᩁᩮ ᩅᩥᨠᨸ᩠ᨸᩴ ᩌᨸᨶ᩠ᨶᩴ ᨶᩥᩔᨣ᩠ᨣᩥᨿᩴ, ᩍᨾᩣᩉᩴ ᩈᨦ᩠ᨥᩔ ᨶᩥᩔᨩ᩠ᨩᩣᨾᩦᨲᩥ…ᨸᩮ… ᨴᨴᩮᨿ᩠ᨿᩣᨲᩥ…ᨸᩮ… ᨴᨴᩮᨿ᩠ᨿᩩᨶ᩠ᨲᩥ…ᨸᩮ… ᩌᨿᩈ᩠ᨾᨲᩮᩣ ᨴᨾ᩠ᨾᩦᨲᩥ.

᪕᪓᪐. ᩋᨬ᩠ᨬᩣᨲᨠᩮ ¶ ᩋᨬ᩠ᨬᩣᨲᨠᩈᨬ᩠ᨬᩦ ᨸᩩᨻ᩠ᨻᩮ ᩋᨸ᩠ᨸᩅᩣᩁᩥᨲᩮᩣ ᨣᩉᨸᨲᩥᨠᩴ ᩏᨸᩈᨦ᩠ᨠᨾᩥᨲ᩠ᩅᩣ ᨧᩦᩅᩁᩮ ᩅᩥᨠᨸ᩠ᨸᩴ ᩌᨸᨩ᩠ᨩᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨬ᩠ᨬᩣᨲᨠᩮ ᩅᩮᨾᨲᩥᨠᩮᩣ ᨸᩩᨻ᩠ᨻᩮ ᩋᨸ᩠ᨸᩅᩣᩁᩥᨲᩮᩣ ᨣᩉᨸᨲᩥᨠᩴ ᩏᨸᩈᨦ᩠ᨠᨾᩥᨲ᩠ᩅᩣ ᨧᩦᩅᩁᩮ ᩅᩥᨠᨸ᩠ᨸᩴ ᩌᨸᨩ᩠ᨩᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨬ᩠ᨬᩣᨲᨠᩮ ᨬᩣᨲᨠᩈᨬ᩠ᨬᩦ ᨸᩩᨻ᩠ᨻᩮ ᩋᨸ᩠ᨸᩅᩣᩁᩥᨲᩮᩣ ᨣᩉᨸᨲᩥᨠᩴ ᩏᨸᩈᨦ᩠ᨠᨾᩥᨲ᩠ᩅᩣ ᨧᩦᩅᩁᩮ ᩅᩥᨠᨸ᩠ᨸᩴ ᩌᨸᨩ᩠ᨩᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᨬᩣᨲᨠᩮ ᩋᨬ᩠ᨬᩣᨲᨠᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨬᩣᨲᨠᩮ ᩅᩮᨾᨲᩥᨠᩮᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨬᩣᨲᨠᩮ ᨬᩣᨲᨠᩈᨬ᩠ᨬᩦ, ᩋᨶᩣᨸᨲ᩠ᨲᩥ.

᪕᪓᪑. ᩋᨶᩣᨸᨲ᩠ᨲᩥ ¶ ᨬᩣᨲᨠᩣᨶᩴ, ᨸᩅᩣᩁᩥᨲᩣᨶᩴ, ᩋᨬ᩠ᨬᩔᨲ᩠ᨳᩣᨿ, ᩋᨲ᩠ᨲᨶᩮᩣ ᨵᨶᩮᨶ, ᨾᩉᨣ᩠ᨥᩴ ᨧᩮᨲᩣᨸᩮᨲᩩᨠᩣᨾᩔ ᩋᨸ᩠ᨸᨣ᩠ᨥᩴ ᨧᩮᨲᩣᨸᩮᨲᩥ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᩏᨸᨠ᩠ᨡᨭᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᩋᨭ᩠ᨮᨾᩴ.

᪙. ᨴᩩᨲᩥᨿᩏᨸᨠ᩠ᨡᨭᩈᩥᨠ᩠ᨡᩣᨸᨴᩴ

᪕᪓᪒. ᨲᩮᨶ ¶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ ᨩᩮᨲᩅᨶᩮ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨸᩩᩁᩥᩈᩮᩣ ᩋᨬ᩠ᨬᨲᩁᩴ ᨸᩩᩁᩥᩈᩴ ᩑᨲᨴᩅᩮᩣᨧ – ‘‘ᩋᨿ᩠ᨿᩴ ᩏᨸᨶᨶ᩠ᨴᩴ ᨧᩦᩅᩁᩮᨶ ᩋᨧ᩠ᨨᩣᨴᩮᩔᩣᨾᩦ’’ᨲᩥ. ᩈᩮᩣᨸᩥ ᩑᩅᨾᩣᩉ – ‘‘ᩋᩉᨾ᩠ᨸᩥ ᩋᨿ᩠ᨿᩴ ᩏᨸᨶᨶ᩠ᨴᩴ ᨧᩦᩅᩁᩮᨶ ᩋᨧ᩠ᨨᩣᨴᩮᩔᩣᨾᩦ’’ᨲᩥ. ᩋᩔᩮᩣᩈᩥ ᨡᩮᩣ ᩋᨬ᩠ᨬᨲᩁᩮᩣ ᨸᩥᨱ᩠ᨯᨧᩣᩁᩥᨠᩮᩣ ᨽᩥᨠ᩠ᨡᩩ ᨲᩮᩈᩴ ᨸᩩᩁᩥᩈᩣᨶᩴ ᩍᨾᩴ ᨠᨳᩣᩈᩃ᩠ᩃᩣᨸᩴ. ᩋᨳ ᨡᩮᩣ ᩈᩮᩣ ᨽᩥᨠ᩠ᨡᩩ ᨿᩮᨶᩣᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᩏᨸᨶᨶ᩠ᨴᩴ ᩈᨠ᩠ᨿᨸᩩᨲ᩠ᨲᩴ ᩑᨲᨴᩅᩮᩣᨧ – ‘‘ᨾᩉᩣᨸᩩᨬ᩠ᨬᩮᩣᩈᩥ ᨲ᩠ᩅᩴ, ᩌᩅᩩᩈᩮᩣ ᩏᨸᨶᨶ᩠ᨴ. ᩋᨾᩩᨠᩈ᩠ᨾᩥᩴ ᩒᨠᩣᩈᩮ ¶ ᩋᨬ᩠ᨬᨲᩁᩮᩣ ᨸᩩᩁᩥᩈᩮᩣ ᩋᨬ᩠ᨬᨲᩁᩴ ᨸᩩᩁᩥᩈᩴ ᩑᨲᨴᩅᩮᩣᨧ – ‘ᩋᨿ᩠ᨿᩴ ᩏᨸᨶᨶ᩠ᨴᩴ ᨧᩦᩅᩁᩮᨶ ᩋᨧ᩠ᨨᩣᨴᩮᩔᩣᨾᩦ’ᨲᩥ. ᩈᩮᩣᨸᩥ ᩑᩅᨾᩣᩉ – ‘ᩋᩉᨾ᩠ᨸᩥ ᩋᨿ᩠ᨿᩴ ᩏᨸᨶᨶ᩠ᨴᩴ ᨧᩦᩅᩁᩮᨶ ᩋᨧ᩠ᨨᩣᨴᩮᩔᩣᨾᩦ’’’ᨲᩥ. ‘‘ᩋᨲ᩠ᨳᩣᩅᩩᩈᩮᩣ, ᨾᩴ ᨲᩮ ᩏᨸᨭ᩠ᨮᩣᨠᩣ’’ᨲᩥ.

ᩋᨳ ᨡᩮᩣ ᩌᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨿᩮᨶ ᨲᩮ ᨸᩩᩁᩥᩈᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨲᩮ ᨸᩩᩁᩥᩈᩮ ᩑᨲᨴᩅᩮᩣᨧ – ‘‘ᩈᨧ᩠ᨧᩴ ᨠᩥᩁ ᨾᩴ ᨲᩩᨾ᩠ᩉᩮ, ᩌᩅᩩᩈᩮᩣ, ᨧᩦᩅᩁᩮᩉᩥ ᩋᨧ᩠ᨨᩣᨴᩮᨲᩩᨠᩣᨾᩣᨲ᩠ᨳᩣ’’ᨲᩥ? ‘‘ᩋᨸᩥ ᨶᨿ᩠ᨿ, ᩑᩅᩴ ᩉᩮᩣᨲᩥ – ‘ᩋᨿ᩠ᨿᩴ ᩏᨸᨶᨶ᩠ᨴᩴ ᨧᩦᩅᩁᩮᩉᩥ ᩋᨧ᩠ᨨᩣᨴᩮᩔᩣᨾᩣ’’’ᨲᩥ. ‘‘ᩈᨧᩮ ᨡᩮᩣ ᨾᩴ ᨲᩩᨾ᩠ᩉᩮ ¶ , ᩌᩅᩩᩈᩮᩣ, ᨧᩦᩅᩁᩮᩉᩥ ᩋᨧ᩠ᨨᩣᨴᩮᨲᩩᨠᩣᨾᩣᨲ᩠ᨳ, ᩑᩅᩁᩪᨸᩮᨶ ᨧᩦᩅᩁᩮᨶ ᩋᨧ᩠ᨨᩣᨴᩮᨳ, ᨠ᩠ᨿᩣᩉᩴ ᨲᩮᩉᩥ ᩋᨧ᩠ᨨᨶ᩠ᨶᩮᩣᨸᩥ ᨠᩁᩥᩔᩣᨾᩥ, ᨿᩣᨶᩣᩉᩴ ᨶ ᨸᩁᩥᨽᩩᨬ᩠ᨩᩥᩔᩣᨾᩦ’’ᨲᩥ ¶ . ᩋᨳ ᨡᩮᩣ ᨲᩮ ᨸᩩᩁᩥᩈᩣ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨾᩉᩥᨧ᩠ᨨᩣ ᩍᨾᩮ ᩈᨾᨱᩣ ᩈᨠ᩠ᨿᨸᩩᨲ᩠ᨲᩥᨿᩣ ᩋᩈᨶ᩠ᨲᩩᨭ᩠ᨮᩣ. ᨶᨿᩥᨾᩮ ᩈᩩᨠᩁᩣ ᨧᩦᩅᩁᩮᩉᩥ ᩋᨧ᩠ᨨᩣᨴᩮᨲᩩᩴ. ᨠᨳᨬ᩠ᩉᩥ ᨶᩣᨾ ᩋᨿ᩠ᨿᩮᩣ ᩏᨸᨶᨶ᩠ᨴᩮᩣ ᩋᨾ᩠ᩉᩮᩉᩥ ᨸᩩᨻ᩠ᨻᩮ ᩋᨸ᩠ᨸᩅᩣᩁᩥᨲᩮᩣ ᩏᨸᩈᨦ᩠ᨠᨾᩥᨲ᩠ᩅᩣ ᨧᩦᩅᩁᩮ ᩅᩥᨠᨸ᩠ᨸᩴ ᩌᨸᨩ᩠ᨩᩥᩔᨲᩦ’’ᨲᩥ!

ᩋᩔᩮᩣᩈᩩᩴ ᨡᩮᩣ ᨽᩥᨠ᩠ᨡᩪ ᨲᩮᩈᩴ ᨸᩩᩁᩥᩈᩣᨶᩴ ᩏᨩ᩠ᨫᩣᨿᨶ᩠ᨲᩣᨶᩴ ᨡᩥᨿ᩠ᨿᨶ᩠ᨲᩣᨶᩴ ᩅᩥᨸᩣᨧᩮᨶ᩠ᨲᩣᨶᩴ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩌᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨸᩩᨻ᩠ᨻᩮ ᩋᨸ᩠ᨸᩅᩣᩁᩥᨲᩮᩣ ᨣᩉᨸᨲᩥᨠᩮ ᩏᨸᩈᨦ᩠ᨠᨾᩥᨲ᩠ᩅᩣ ᨧᩦᩅᩁᩮ ᩅᩥᨠᨸ᩠ᨸᩴ ᩌᨸᨩ᩠ᨩᩥᩔᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᩌᨿᩈ᩠ᨾᨶ᩠ᨲᩴ ᩏᨸᨶᨶ᩠ᨴᩴ ᩈᨠ᩠ᨿᨸᩩᨲ᩠ᨲᩴ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩈᨧ᩠ᨧᩴ ᨠᩥᩁ ᨲ᩠ᩅᩴ, ᩏᨸᨶᨶ᩠ᨴ, ᨸᩩᨻ᩠ᨻᩮ ᩋᨸ᩠ᨸᩅᩣᩁᩥᨲᩮᩣ ᨣᩉᨸᨲᩥᨠᩮ ᩏᨸᩈᨦ᩠ᨠᨾᩥᨲ᩠ᩅᩣ ᨧᩦᩅᩁᩮ ᩅᩥᨠᨸ᩠ᨸᩴ ᩌᨸᨩ᩠ᨩᩈᩦ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ‘‘ᨬᩣᨲᨠᩣ ¶ ᨲᩮ, ᩏᨸᨶᨶ᩠ᨴ, ᩋᨬ᩠ᨬᩣᨲᨠᩣ’’ᨲᩥ? ‘‘ᩋᨬ᩠ᨬᩣᨲᨠᩣ, ᨽᨣᩅᩣ’’ᨲᩥ. ‘‘ᩋᨬ᩠ᨬᩣᨲᨠᩮᩣ, ᨾᩮᩣᨥᨸᩩᩁᩥᩈ, ᩋᨬ᩠ᨬᩣᨲᨠᩣᨶᩴ ᨶ ᨩᩣᨶᩣᨲᩥ ᨸᨲᩥᩁᩪᨸᩴ ᩅᩣ ᩋᨸ᩠ᨸᨲᩥᩁᩪᨸᩴ ᩅᩣ ᩈᨶ᩠ᨲᩴ ᩅᩣ ᩋᩈᨶ᩠ᨲᩴ ᩅᩣ. ᨲᨲ᩠ᨳ ᨶᩣᨾ ᨲ᩠ᩅᩴ, ᨾᩮᩣᨥᨸᩩᩁᩥᩈ, ᨸᩩᨻ᩠ᨻᩮ ᩋᨸ᩠ᨸᩅᩣᩁᩥᨲᩮᩣ ᩋᨬ᩠ᨬᩣᨲᨠᩮ ᨣᩉᨸᨲᩥᨠᩮ ᩏᨸᩈᨦ᩠ᨠᨾᩥᨲ᩠ᩅᩣ ᨧᩦᩅᩁᩮ ᩅᩥᨠᨸ᩠ᨸᩴ ᩌᨸᨩ᩠ᨩᩥᩔᩈᩥ! ᨶᩮᨲᩴ, ᨾᩮᩣᨥᨸᩩᩁᩥᩈ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪕᪓᪓. ‘‘ᨽᩥᨠ᩠ᨡᩩᩴ ᨸᨶᩮᩅ ᩏᨴ᩠ᨴᩥᩔ ᩏᨽᩥᨶ᩠ᨶᩴ ᩋᨬ᩠ᨬᩣᨲᨠᩣᨶᩴ ᨣᩉᨸᨲᩦᨶᩴ ᩅᩣ ᨣᩉᨸᨲᩣᨶᩦᨶᩴ ᩅᩣ ᨸᨧ᩠ᨧᩮᨠᨧᩦᩅᩁᨧᩮᨲᩣᨸᨶ᩠ᨶᩣᨶᩥ ᩏᨸᨠ᩠ᨡᨭᩣᨶᩥ ᩉᩮᩣᨶ᩠ᨲᩥ – ‘ᩍᨾᩮᩉᩥ ᨾᨿᩴ ᨸᨧ᩠ᨧᩮᨠᨧᩦᩅᩁᨧᩮᨲᩣᨸᨶ᩠ᨶᩮᩉᩥ ᨸᨧ᩠ᨧᩮᨠᨧᩦᩅᩁᩣᨶᩥ ᨧᩮᨲᩣᨸᩮᨲ᩠ᩅᩣ ᩍᨲ᩠ᨳᨶ᩠ᨶᩣᨾᩴ ᨽᩥᨠ᩠ᨡᩩᩴ ᨧᩦᩅᩁᩮᩉᩥ ᩋᨧ᩠ᨨᩣᨴᩮᩔᩣᨾᩣ’ᨲᩥ ¶ ; ᨲᨲᩕ ᨧᩮ ᩈᩮᩣ ᨽᩥᨠ᩠ᨡᩩ ᨸᩩᨻ᩠ᨻᩮ ᩋᨸ᩠ᨸᩅᩣᩁᩥᨲᩮᩣ ᩏᨸᩈᨦ᩠ᨠᨾᩥᨲ᩠ᩅᩣ ᨧᩦᩅᩁᩮ ᩅᩥᨠᨸ᩠ᨸᩴ ᩌᨸᨩ᩠ᨩᩮᨿ᩠ᨿ – ‘ᩈᩣᨵᩩ ᩅᨲ ᨾᩴ ᩌᨿᩈ᩠ᨾᨶ᩠ᨲᩮᩣ ᩍᨾᩮᩉᩥ ᨸᨧ᩠ᨧᩮᨠᨧᩦᩅᩁᨧᩮᨲᩣᨸᨶ᩠ᨶᩮᩉᩥ ᩑᩅᩁᩪᨸᩴ ᩅᩣ ᩑᩅᩁᩪᨸᩴ ᩅᩣ ᨧᩦᩅᩁᩴ ᨧᩮᨲᩣᨸᩮᨲ᩠ᩅᩣ ᩋᨧ᩠ᨨᩣᨴᩮᨳ, ᩏᨽᩮᩣᩅ ᩈᨶ᩠ᨲᩣ ᩑᨠᩮᨶᩣ’ᨲᩥ, ᨠᩃ᩠ᨿᩣᨱᨠᨾ᩠ᨿᨲᩴ ᩏᨸᩣᨴᩣᨿ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

᪕᪓᪔. ᨽᩥᨠ᩠ᨡᩩᩴ ¶ ᨸᨶᩮᩅ ᩏᨴ᩠ᨴᩥᩔᩣᨲᩥ ᨽᩥᨠ᩠ᨡᩩᩔᨲ᩠ᨳᩣᨿ, ᨽᩥᨠ᩠ᨡᩩᩴ ᩌᩁᨾ᩠ᨾᨱᩴ ᨠᩁᩥᨲ᩠ᩅᩣ, ᨽᩥᨠ᩠ᨡᩩᩴ ᩋᨧ᩠ᨨᩣᨴᩮᨲᩩᨠᩣᨾᩣ.

ᩏᨽᩥᨶ᩠ᨶᨶ᩠ᨲᩥ ¶ ᨴ᩠ᩅᩥᨶ᩠ᨶᩴ.

ᩋᨬ᩠ᨬᩣᨲᨠᩣ ᨶᩣᨾ ᨾᩣᨲᩥᨲᩮᩣ ᩅᩣ ᨸᩥᨲᩥᨲᩮᩣ ᩅᩣ ᨿᩣᩅ ᩈᨲ᩠ᨲᨾᩣ ᨸᩥᨲᩣᨾᩉᨿᩩᨣᩣ ᩋᩈᨾ᩠ᨻᨴ᩠ᨵᩣ.

ᨣᩉᨸᨲᩦ ᨶᩣᨾ ᨿᩮ ᨠᩮᨧᩥ ᩋᨣᩣᩁ ᩋᨩ᩠ᨫᩣᩅᩈᨶ᩠ᨲᩥ.

ᨣᩉᨸᨲᩣᨶᩥᨿᩮᩣ ᨶᩣᨾ ᨿᩣ ᨠᩣᨧᩥ ᩋᨣᩣᩁᩴ ᩋᨩ᩠ᨫᩣᩅᩈᨶ᩠ᨲᩥ.

ᨧᩦᩅᩁᨧᩮᨲᩣᨸᨶ᩠ᨶᩣᨶᩥ ᨶᩣᨾ ᩉᩥᩁᨬ᩠ᨬᩣ ᩅᩣ ᩈᩩᩅᨱ᩠ᨱᩣ ᩅᩣ ᨾᩩᨲ᩠ᨲᩣ ᩅᩣ ᨾᨱᩦ ᩅᩣ ᨸᩅᩣᩊᩣ ᩅᩣ ᨹᩃᩥᨠᩣ ᩅᩣ ᨸᨭᨠᩣ ᩅᩣ ᩈᩩᨲ᩠ᨲᩣ ᩅᩣ ᨠᨸ᩠ᨸᩣᩈᩣ ᩅᩣ.

ᩍᨾᩮᩉᩥ ᨸᨧ᩠ᨧᩮᨠᨧᩦᩅᩁᨧᩮᨲᩣᨸᨶ᩠ᨶᩮᩉᩥᨲᩥ ᨸᨧ᩠ᨧᩩᨸᨭ᩠ᨮᩥᨲᩮᩉᩥ.

ᨧᩮᨲᩣᨸᩮᨲ᩠ᩅᩣᨲᩥ ¶ ᨸᩁᩥᩅᨲ᩠ᨲᩮᨲ᩠ᩅᩣ.

ᩋᨧ᩠ᨨᩣᨴᩮᩔᩣᨾᩣᨲᩥ ᨴᩔᩣᨾ.

ᨲᨲᩕ ᨧᩮ ᩈᩮᩣ ᨽᩥᨠ᩠ᨡᩪᨲᩥ ᨿᩴ ᨽᩥᨠ᩠ᨡᩩᩴ ᩏᨴ᩠ᨴᩥᩔ ᨧᩦᩅᩁᨧᩮᨲᩣᨸᨶ᩠ᨶᩣᨶᩥ ᩏᨸᨠ᩠ᨡᨭᩣᨶᩥ ᩉᩮᩣᨶ᩠ᨲᩥ ᩈᩮᩣ ᨽᩥᨠ᩠ᨡᩩ.

ᨸᩩᨻ᩠ᨻᩮ ᩋᨸ᩠ᨸᩅᩣᩁᩥᨲᩮᩣᨲᩥ ᨸᩩᨻ᩠ᨻᩮ ᩋᩅᩩᨲ᩠ᨲᩮᩣ ᩉᩮᩣᨲᩥ – ‘‘ᨠᩦᨴᩥᩈᩮᨶ ᨲᩮ, ᨽᨶ᩠ᨲᩮ, ᨧᩦᩅᩁᩮᨶ ᩋᨲ᩠ᨳᩮᩣ, ᨠᩦᨴᩥᩈᩴ ᨲᩮ ¶ ᨧᩦᩅᩁᩴ ᨧᩮᨲᩣᨸᩮᨾᩣ’’ᨲᩥ.

ᩏᨸᩈᨦ᩠ᨠᨾᩥᨲ᩠ᩅᩣᨲᩥ ᨥᩁᩴ ᨣᨶ᩠ᨲ᩠ᩅᩣ ᨿᨲ᩠ᨳ ᨠᨲ᩠ᨳᨧᩥ ᩏᨸᩈᨦ᩠ᨠᨾᩥᨲ᩠ᩅᩣ.

ᨧᩦᩅᩁᩮ ᩅᩥᨠᨸ᩠ᨸᩴ ᩌᨸᨩ᩠ᨩᩮᨿ᩠ᨿᩣᨲᩥ ᩌᨿᨲᩴ ᩅᩣ ᩉᩮᩣᨲᩩ ᩅᩥᨲ᩠ᨳᨲᩴ ᩅᩣ ᩋᨸ᩠ᨸᩥᨲᩴ ᩅᩣ ᩈᨱ᩠ᩉᩴ ᩅᩣ.

ᩍᨾᩮᩉᩥ ᨸᨧ᩠ᨧᩮᨠᨧᩦᩅᩁᨧᩮᨲᩣᨸᨶ᩠ᨶᩮᩉᩦᨲᩥ ᨸᨧ᩠ᨧᩩᨸᨭ᩠ᨮᩥᨲᩮᩉᩥ.

ᩑᩅᩁᩪᨸᩴ ᩅᩣ ᩑᩅᩁᩪᨸᩴ ᩅᩣᨲᩥ ᩌᨿᨲᩴ ᩅᩣ ᩅᩥᨲ᩠ᨳᨲᩴ ᩅᩣ ᩋᨸ᩠ᨸᩥᨲᩴ ᩅᩣ ᩈᨱ᩠ᩉᩴ ᩅᩣ.

ᨧᩮᨲᩣᨸᩮᨲ᩠ᩅᩣᨲᩥ ᨸᩁᩥᩅᨲ᩠ᨲᩮᨲ᩠ᩅᩣ.

ᩋᨧ᩠ᨨᩣᨴᩮᨳᩣᨲᩥ ᨴᨩ᩠ᨩᩮᨳ.

ᩏᨽᩮᩣᩅ ᩈᨶ᩠ᨲᩣ ᩑᨠᩮᨶᩣᨲᩥ ᨴ᩠ᩅᩮᨸᩥ ᨩᨶᩣ ᩑᨠᩮᨶ.

ᨠᩃ᩠ᨿᩣᨱᨠᨾ᩠ᨿᨲᩴ ᩏᨸᩣᨴᩣᨿᩣᨲᩥ ᩈᩣᨵᨲ᩠ᨳᩥᨠᩮᩣ ᨾᩉᨣ᩠ᨥᨲ᩠ᨳᩥᨠᩮᩣ.

ᨲᩔ ᩅᨧᨶᩮᨶ ᩌᨿᨲᩴ ᩅᩣ ᩅᩥᨲ᩠ᨳᨲᩴ ᩅᩣ ᩋᨸ᩠ᨸᩥᨲᩴ ᩅᩣ ᩈᨱ᩠ᩉᩴ ᩅᩣ ᨧᩮᨲᩣᨸᩮᨶ᩠ᨲᩥ, ᨸᨿᩮᩣᨣᩮ ᨴᩩᨠ᩠ᨠᨭᩴ. ᨸᨭᩥᩃᩣᨽᩮᨶ ᨶᩥᩔᨣ᩠ᨣᩥᨿᩴ ᩉᩮᩣᨲᩥ. ᨶᩥᩔᨩ᩠ᨩᩥᨲᨻ᩠ᨻᩴ ᩈᨦ᩠ᨥᩔ ᩅᩣ ᨣᨱᩔ ᩅᩣ ᨸᩩᨣ᩠ᨣᩃᩔ ᩅᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᨶᩥᩔᨩ᩠ᨩᩥᨲᨻ᩠ᨻᩴ…ᨸᩮ… ᩍᨴᩴ ᨾᩮ, ᨽᨶ᩠ᨲᩮ, ᨧᩦᩅᩁᩴ ᨸᩩᨻ᩠ᨻᩮ ᩋᨸ᩠ᨸᩅᩣᩁᩥᨲᩮᩣ ¶ ᩋᨬ᩠ᨬᩣᨲᨠᩮ ᨣᩉᨸᨲᩥᨠᩮ ᩏᨸᩈᨦ᩠ᨠᨾᩥᨲ᩠ᩅᩣ ᨧᩦᩅᩁᩮ ᩅᩥᨠᨸ᩠ᨸᩴ ᩌᨸᨶ᩠ᨶᩴ ᨶᩥᩔᨣ᩠ᨣᩥᨿᩴ. ᩍᨾᩣᩉᩴ ᩈᨦ᩠ᨥᩔ ¶ ᨶᩥᩔᨩ᩠ᨩᩣᨾᩦᨲᩥ…ᨸᩮ… ᨴᨴᩮᨿ᩠ᨿᩣᨲᩥ…ᨸᩮ… ᨴᨴᩮᨿ᩠ᨿᩩᨶ᩠ᨲᩥ…ᨸᩮ… ᩌᨿᩈ᩠ᨾᨲᩮᩣ ᨴᨾ᩠ᨾᩦᨲᩥ.

᪕᪓᪕. ᩋᨬ᩠ᨬᩣᨲᨠᩮ ᩋᨬ᩠ᨬᩣᨲᨠᩈᨬ᩠ᨬᩦ ᨸᩩᨻ᩠ᨻᩮ ᩋᨸ᩠ᨸᩅᩣᩁᩥᨲᩮᩣ ᨣᩉᨸᨲᩥᨠᩮ ᩏᨸᩈᨦ᩠ᨠᨾᩥᨲ᩠ᩅᩣ ᨧᩦᩅᩁᩮ ᩅᩥᨠᨸ᩠ᨸᩴ ᩌᨸᨩ᩠ᨩᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨬ᩠ᨬᩣᨲᨠᩮ ᩅᩮᨾᨲᩥᨠᩮᩣ ᨸᩩᨻ᩠ᨻᩮ ᩋᨸ᩠ᨸᩅᩣᩁᩥᨲᩮᩣ ᨣᩉᨸᨲᩥᨠᩮ ᩏᨸᩈᨦ᩠ᨠᨾᩥᨲ᩠ᩅᩣ ᨧᩦᩅᩁᩮ ᩅᩥᨠᨸ᩠ᨸᩴ ᩌᨸᨩ᩠ᨩᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨬ᩠ᨬᩣᨲᨠᩮ ᨬᩣᨲᨠᩈᨬ᩠ᨬᩦ ᨸᩩᨻ᩠ᨻᩮ ᩋᨸ᩠ᨸᩅᩣᩁᩥᨲᩮᩣ ᨣᩉᨸᨲᩥᨠᩮ ᩏᨸᩈᨦ᩠ᨠᨾᩥᨲ᩠ᩅᩣ ᨧᩦᩅᩁᩮ ᩅᩥᨠᨸ᩠ᨸᩴ ¶ ᩌᨸᨩ᩠ᨩᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᨬᩣᨲᨠᩮ ᩋᨬ᩠ᨬᩣᨲᨠᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨬᩣᨲᨠᩮ ᩅᩮᨾᨲᩥᨠᩮᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨬᩣᨲᨠᩮ ᨬᩣᨲᨠᩈᨬ᩠ᨬᩦ, ᩋᨶᩣᨸᨲ᩠ᨲᩥ.

᪕᪓᪖. ᩋᨶᩣᨸᨲ᩠ᨲᩥ – ᨬᩣᨲᨠᩣᨶᩴ, ᨸᩅᩣᩁᩥᨲᩣᨶᩴ, ᩋᨬ᩠ᨬᩔᨲ᩠ᨳᩣᨿ, ᩋᨲ᩠ᨲᨶᩮᩣ ᨵᨶᩮᨶ, ᨾᩉᨣ᩠ᨥᩴ ᨧᩮᨲᩣᨸᩮᨲᩩᨠᩣᨾᩣᨶᩴ ᩋᨸ᩠ᨸᨣ᩠ᨥᩴ ᨧᩮᨲᩣᨸᩮᨲᩥ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᨴᩩᨲᩥᨿᩏᨸᨠ᩠ᨡᨭᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨶᩅᨾᩴ.

᪑᪐. ᩁᩣᨩᩈᩥᨠ᩠ᨡᩣᨸᨴᩴ

᪕᪓᪗. ᨲᩮᨶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ ᨩᩮᨲᩅᨶᩮ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᨿᩈ᩠ᨾᨲᩮᩣ ᩏᨸᨶᨶ᩠ᨴᩔ ᩈᨠ᩠ᨿᨸᩩᨲ᩠ᨲᩔ ᩏᨸᨭ᩠ᨮᩣᨠᩮᩣ ᨾᩉᩣᨾᨲ᩠ᨲᩮᩣ ᩌᨿᩈ᩠ᨾᨲᩮᩣ ᩏᨸᨶᨶ᩠ᨴᩔ ᩈᨠ᩠ᨿᨸᩩᨲ᩠ᨲᩔ ᨴᩪᨲᩮᨶ ᨧᩦᩅᩁᨧᩮᨲᩣᨸᨶ᩠ᨶᩴ ᨸᩣᩉᩮᩈᩥ – ‘‘ᩍᨾᩥᨶᩣ ᨧᩦᩅᩁᨧᩮᨲᩣᨸᨶ᩠ᨶᩮᨶ ᨧᩦᩅᩁᩴ ᨧᩮᨲᩣᨸᩮᨲ᩠ᩅᩣ ᩋᨿ᩠ᨿᩴ ᩏᨸᨶᨶ᩠ᨴᩴ ᨧᩦᩅᩁᩮᨶ ᩋᨧ᩠ᨨᩣᨴᩮᩉᩦ’’ᨲᩥ. ᩋᨳ ᨡᩮᩣ ᩈᩮᩣ ᨴᩪᨲᩮᩣ ᨿᩮᨶᩣᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᩏᨸᨶᨶ᩠ᨴᩴ ᩈᨠ᩠ᨿᨸᩩᨲ᩠ᨲᩴ ᩑᨲᨴᩅᩮᩣᨧ – ‘‘ᩍᨴᩴ ᨡᩮᩣ, ᨽᨶ᩠ᨲᩮ, ᩌᨿᩈ᩠ᨾᨶ᩠ᨲᩴ ᩏᨴ᩠ᨴᩥᩔ ᨧᩦᩅᩁᨧᩮᨲᩣᨸᨶ᩠ᨶᩴ ᩌᨽᨲᩴ. ᨸᨭᩥᨣ᩠ᨣᨱ᩠ᩉᩣᨲᩩ ᩌᨿᩈ᩠ᨾᩣ ᨧᩦᩅᩁᨧᩮᨲᩣᨸᨶ᩠ᨶ’’ᨶ᩠ᨲᩥ. ᩑᩅᩴ ᩅᩩᨲ᩠ᨲᩮ ¶ ᩌᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨲᩴ ᨴᩪᨲᩴ ᩑᨲᨴᩅᩮᩣᨧ – ‘‘ᨶ ᨡᩮᩣ ᨾᨿᩴ, ᩌᩅᩩᩈᩮᩣ, ᨧᩦᩅᩁᨧᩮᨲᩣᨸᨶ᩠ᨶᩴ ᨸᨭᩥᨣ᩠ᨣᨱ᩠ᩉᩣᨾ, ᨧᩦᩅᩁᨬ᩠ᨧ ᨡᩮᩣ ᨾᨿᩴ ᨸᨭᩥᨣ᩠ᨣᨱ᩠ᩉᩣᨾ ᨠᩣᩃᩮᨶ ᨠᨸ᩠ᨸᩥᨿ’’ᨶ᩠ᨲᩥ. ᩑᩅᩴ ᩅᩩᨲ᩠ᨲᩮ ᩈᩮᩣ ᨴᩪᨲᩮᩣ ᩌᨿᩈ᩠ᨾᨶ᩠ᨲᩴ ᩏᨸᨶᨶ᩠ᨴᩴ ᩈᨠ᩠ᨿᨸᩩᨲ᩠ᨲᩴ ᩑᨲᨴᩅᩮᩣᨧ – ‘‘ᩋᨲ᩠ᨳᩥ ᨸᨶᩣᨿᩈ᩠ᨾᨲᩮᩣ ¶ ᨠᩮᩣᨧᩥ ᩅᩮᨿ᩠ᨿᩣᩅᨧ᩠ᨧᨠᩁᩮᩣ’’ᨲᩥ ¶ ? ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᩏᨸᩣᩈᨠᩮᩣ ᩌᩁᩣᨾᩴ ᩋᨣᨾᩣᩈᩥ ᨠᩮᨶᨧᩥᨴᩮᩅ ᨠᩁᨱᩦᨿᩮᨶ. ᩋᨳ ᨡᩮᩣ ᩌᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨲᩴ ᨴᩪᨲᩴ ᩑᨲᨴᩅᩮᩣᨧ – ‘‘ᩑᩈᩮᩣ ᨡᩮᩣ, ᩌᩅᩩᩈᩮᩣ, ᩏᨸᩣᩈᨠᩮᩣ ᨽᩥᨠ᩠ᨡᩪᨶᩴ ᩅᩮᨿ᩠ᨿᩣᩅᨧ᩠ᨧᨠᩁᩮᩣ’’ᨲᩥ. ᩋᨳ ᨡᩮᩣ ᩈᩮᩣ ᨴᩪᨲᩮᩣ ᨲᩴ ᩏᨸᩣᩈᨠᩴ ᩈᨬ᩠ᨬᩣᨸᩮᨲ᩠ᩅᩣ ᨿᩮᨶᩣᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨲᩮᨶᩩᨸᩈᨦ᩠ᨠᨾᩥ ¶ ; ᩏᨸᩈᨦ᩠ᨠᨾᩥᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᩏᨸᨶᨶ᩠ᨴᩴ ᩈᨠ᩠ᨿᨸᩩᨲ᩠ᨲᩴ ᩑᨲᨴᩅᩮᩣᨧ – ‘‘ᨿᩴ ᨡᩮᩣ, ᨽᨶ᩠ᨲᩮ, ᩌᨿᩈ᩠ᨾᩣ ᩅᩮᨿ᩠ᨿᩣᩅᨧ᩠ᨧᨠᩁᩴ ᨶᩥᨴ᩠ᨴᩥᩈᩥ ᩈᨬ᩠ᨬᨲ᩠ᨲᩮᩣ ᩈᩮᩣ ᨾᨿᩣ. ᩏᨸᩈᨦ᩠ᨠᨾᨲᩩ ᩌᨿᩈ᩠ᨾᩣ ᨠᩣᩃᩮᨶ, ᨧᩦᩅᩁᩮᨶ ᨲᩴ ᩋᨧ᩠ᨨᩣᨴᩮᩔᨲᩦ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩈᩮᩣ ᨾᩉᩣᨾᨲ᩠ᨲᩮᩣ ᩌᨿᩈ᩠ᨾᨲᩮᩣ ᩏᨸᨶᨶ᩠ᨴᩔ ᩈᨠ᩠ᨿᨸᩩᨲ᩠ᨲᩔ ᩈᨶ᩠ᨲᩥᨠᩮ ᨴᩪᨲᩴ ᨸᩣᩉᩮᩈᩥ – ‘‘ᨸᩁᩥᨽᩩᨬ᩠ᨩᨲᩩ ᩋᨿ᩠ᨿᩮᩣ ᨲᩴ ᨧᩦᩅᩁᩴ, ᩍᨧ᩠ᨨᩣᨾ ᨾᨿᩴ ᩋᨿ᩠ᨿᩮᨶ ᨲᩴ ᨧᩦᩅᩁᩴ ᨸᩁᩥᨽᩩᨲ᩠ᨲ’’ᨶ᩠ᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨲᩴ ᩏᨸᩣᩈᨠᩴ ᨶ ᨠᩥᨬ᩠ᨧᩥ ᩋᩅᨧᩣᩈᩥ. ᨴᩩᨲᩥᨿᨾ᩠ᨸᩥ ᨡᩮᩣ ᩈᩮᩣ ᨾᩉᩣᨾᨲ᩠ᨲᩮᩣ ᩌᨿᩈ᩠ᨾᨲᩮᩣ ᩏᨸᨶᨶ᩠ᨴᩔ ᩈᨠ᩠ᨿᨸᩩᨲ᩠ᨲᩔ ᩈᨶ᩠ᨲᩥᨠᩮ ᨴᩪᨲᩴ ᨸᩣᩉᩮᩈᩥ – ‘‘ᨸᩁᩥᨽᩩᨬ᩠ᨩᨲᩩ ᩋᨿ᩠ᨿᩮᩣ ᨲᩴ ᨧᩦᩅᩁᩴ, ᩍᨧ᩠ᨨᩣᨾ ᨾᨿᩴ ᩋᨿ᩠ᨿᩮᨶ ᨲᩴ ᨧᩦᩅᩁᩴ ᨸᩁᩥᨽᩩᨲ᩠ᨲ’’ᨶ᩠ᨲᩥ. ᨴᩩᨲᩥᨿᨾ᩠ᨸᩥ ᨡᩮᩣ ᩌᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨲᩴ ᩏᨸᩣᩈᨠᩴ ᨶ ᨠᩥᨬ᩠ᨧᩥ ᩋᩅᨧᩣᩈᩥ. ᨲᨲᩥᨿᨾ᩠ᨸᩥ ᨡᩮᩣ ᩈᩮᩣ ᨾᩉᩣᨾᨲ᩠ᨲᩮᩣ ᩌᨿᩈ᩠ᨾᨲᩮᩣ ᩏᨸᨶᨶ᩠ᨴᩔ ᩈᨠ᩠ᨿᨸᩩᨲ᩠ᨲᩔ ᩈᨶ᩠ᨲᩥᨠᩮ ᨴᩪᨲᩴ ᨸᩣᩉᩮᩈᩥ – ‘‘ᨸᩁᩥᨽᩩᨬ᩠ᨩᨲᩩ ᩋᨿ᩠ᨿᩮᩣ ᨲᩴ ᨧᩦᩅᩁᩴ, ᩍᨧ᩠ᨨᩣᨾ ᨾᨿᩴ ᩋᨿ᩠ᨿᩮᨶ ᨲᩴ ᨧᩦᩅᩁᩴ ᨸᩁᩥᨽᩩᨲ᩠ᨲ’’ᨶ᩠ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨶᩮᨣᨾᩔ ᩈᨾᨿᩮᩣ ᩉᩮᩣᨲᩥ. ᨶᩮᨣᨾᩮᨶ ᨧ ᨠᨲᩥᨠᩣ ᨠᨲᩣ ᩉᩮᩣᨲᩥ – ‘‘ᨿᩮᩣ ᨸᨧ᩠ᨨᩣ ᩌᨣᨧ᩠ᨨᨲᩥ ᨸᨬ᩠ᨬᩣᩈᩴ ᨻᨴ᩠ᨵᩮᩣ’’ᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨿᩮᨶ ᩈᩮᩣ ᩏᨸᩣᩈᨠᩮᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨲᩴ ᩏᨸᩣᩈᨠᩴ ᩑᨲᨴᩅᩮᩣᨧ – ‘‘ᩋᨲ᩠ᨳᩮᩣ ᨾᩮ, ᩌᩅᩩᩈᩮᩣ, ᨧᩦᩅᩁᩮᨶᩣ’’ᨲᩥ. ‘‘ᩋᨩ᩠ᨩᨱ᩠ᩉᩮᩣ, ᨽᨶ᩠ᨲᩮ ¶ , ᩌᨣᨾᩮᩉᩥ, ᩋᨩ᩠ᨩ ᨶᩮᨣᨾᩔ ᩈᨾᨿᩮᩣ. ᨶᩮᨣᨾᩮᨶ ᨧ ᨠᨲᩥᨠᩣ ᨠᨲᩣ ᩉᩮᩣᨲᩥ – ‘ᨿᩮᩣ ᨸᨧ᩠ᨨᩣ ᩌᨣᨧ᩠ᨨᨲᩥ ᨸᨬ᩠ᨬᩣᩈᩴ ᨻᨴ᩠ᨵᩮᩣ’’’ᨲᩥ. ‘‘ᩋᨩ᩠ᨩᩮᩅ ᨾᩮ, ᩌᩅᩩᩈᩮᩣ, ᨧᩦᩅᩁᩴ ᨴᩮᩉᩦ’’ᨲᩥ ᩒᩅᨭ᩠ᨭᩥᨠᩣᨿ ᨸᩁᩣᨾᩈᩥ. ᩋᨳ ᨡᩮᩣ ᩈᩮᩣ ᩏᨸᩣᩈᨠᩮᩣ ᩌᨿᩈ᩠ᨾᨲᩣ ᩏᨸᨶᨶ᩠ᨴᩮᨶ ᩈᨠ᩠ᨿᨸᩩᨲ᩠ᨲᩮᨶ ᨶᩥᨸ᩠ᨸᩦᩊᩥᨿᨾᩣᨶᩮᩣ ᩌᨿᩈ᩠ᨾᨲᩮᩣ ᩏᨸᨶᨶ᩠ᨴᩔ ᩈᨠ᩠ᨿᨸᩩᨲ᩠ᨲᩔ ᨧᩦᩅᩁᩴ ᨧᩮᨲᩣᨸᩮᨲ᩠ᩅᩣ ᨸᨧ᩠ᨨᩣ ᩋᨣᨾᩣᩈᩥ. ᨾᨶᩩᩔᩣ ᨲᩴ ᩏᨸᩣᩈᨠᩴ ᩑᨲᨴᩅᩮᩣᨧᩩᩴ – ‘‘ᨠᩥᩔ ᨲ᩠ᩅᩴ, ᩋᨿ᩠ᨿᩮᩣ, ᨸᨧ᩠ᨨᩣ ᩌᨣᨲᩮᩣ, ᨸᨬ᩠ᨬᩣᩈᩴ ᨩᩦᨶᩮᩣᩈᩦ’’ᨲᩥ.

ᩋᨳ ᨡᩮᩣ ᩈᩮᩣ ᩏᨸᩣᩈᨠᩮᩣ ᨲᩮᩈᩴ ᨾᨶᩩᩔᩣᨶᩴ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ᨾᨶᩩᩔᩣ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨾᩉᩥᨧ᩠ᨨᩣ ᩍᨾᩮ ᩈᨾᨱᩣ ᩈᨠ᩠ᨿᨸᩩᨲ᩠ᨲᩥᨿᩣ ᩋᩈᨶ᩠ᨲᩩᨭ᩠ᨮᩣ ¶ . ᨶᨿᩥᨾᩮᩈᩴ ¶ ᩈᩩᨠᩁᩴ ᩅᩮᨿ᩠ᨿᩣᩅᨧ᩠ᨧᨾ᩠ᨸᩥ ᨠᩣᨲᩩᩴ. ᨠᨳᨬ᩠ᩉᩥ ᨶᩣᨾ ᩌᨿᩈ᩠ᨾᩣ ᩏᨸᨶᨶ᩠ᨴᩮᩣ ᩏᨸᩣᩈᨠᩮᨶ – ‘ᩋᨩ᩠ᨩᨱ᩠ᩉᩮᩣ, ᨽᨶ᩠ᨲᩮ, ᩌᨣᨾᩮᩉᩦ’ᨲᩥ ¶ ᩅᩩᨧ᩠ᨧᨾᩣᨶᩮᩣ ᨶᩣᨣᨾᩮᩔᨲᩦ’’ᨲᩥ! ᩋᩔᩮᩣᩈᩩᩴ ᨡᩮᩣ ᨽᩥᨠ᩠ᨡᩪ ᨲᩮᩈᩴ ᨾᨶᩩᩔᩣᨶᩴ ᩏᨩ᩠ᨫᩣᨿᨶ᩠ᨲᩣᨶᩴ ᨡᩥᨿ᩠ᨿᨶ᩠ᨲᩣᨶᩴ ᩅᩥᨸᩣᨧᩮᨶ᩠ᨲᩣᨶᩴ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩌᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᩏᨸᩣᩈᨠᩮᨶ – ‘ᩋᨩ᩠ᨩᨱ᩠ᩉᩮᩣ, ᨽᨶ᩠ᨲᩮ, ᩌᨣᨾᩮᩉᩦ’ᨲᩥ ᩅᩩᨧ᩠ᨧᨾᩣᨶᩮᩣ ᨶᩣᨣᨾᩮᩔᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᩌᨿᩈ᩠ᨾᨶ᩠ᨲᩴ ᩏᨸᨶᨶ᩠ᨴᩴ ᩈᨠ᩠ᨿᨸᩩᨲ᩠ᨲᩴ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩈᨧ᩠ᨧᩴ ᨠᩥᩁ ᨲ᩠ᩅᩴ, ᩏᨸᨶᨶ᩠ᨴ, ᩏᨸᩣᩈᨠᩮᨶ – ‘ᩋᨩ᩠ᨩᨱ᩠ᩉᩮᩣ, ᨽᨶ᩠ᨲᩮ, ᩌᨣᨾᩮᩉᩦ’ᨲᩥ ᩅᩩᨧ᩠ᨧᨾᩣᨶᩮᩣ ᨶᩣᨣᨾᩮᩈᩦ’’ᨲᩥ ¶ ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ᨠᨳᨬ᩠ᩉᩥ ᨶᩣᨾ ᨲ᩠ᩅᩴ, ᨾᩮᩣᨥᨸᩩᩁᩥᩈ, ᩏᨸᩣᩈᨠᩮᨶ – ‘ᩋᨩ᩠ᨩᨱ᩠ᩉᩮᩣ, ᨽᨶ᩠ᨲᩮ, ᩌᨣᨾᩮᩉᩦ’ᨲᩥ ᩅᩩᨧ᩠ᨧᨾᩣᨶᩮᩣ ᨶᩣᨣᨾᩮᩔᩈᩥ! ᨶᩮᨲᩴ, ᨾᩮᩣᨥᨸᩩᩁᩥᩈ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪕᪓᪘. ‘‘ᨽᩥᨠ᩠ᨡᩩᩴ ᨸᨶᩮᩅ ᩏᨴ᩠ᨴᩥᩔ ᩁᩣᨩᩣ ᩅᩣ ᩁᩣᨩᨽᩮᩣᨣ᩠ᨣᩮᩣ ᩅᩣ ᨻᩕᩣᩉ᩠ᨾᨱᩮᩣ ᩅᩣ ᨣᩉᨸᨲᩥᨠᩮᩣ ᩅᩣ ᨴᩪᨲᩮᨶ ᨧᩦᩅᩁᨧᩮᨲᩣᨸᨶ᩠ᨶᩴ ᨸᩉᩥᨱᩮᨿ᩠ᨿ – ‘ᩍᨾᩥᨶᩣ ᨧᩦᩅᩁᨧᩮᨲᩣᨸᨶ᩠ᨶᩮᨶ ᨧᩦᩅᩁᩴ ᨧᩮᨲᩣᨸᩮᨲ᩠ᩅᩣ ᩍᨲ᩠ᨳᨶ᩠ᨶᩣᨾᩴ ᨽᩥᨠ᩠ᨡᩩᩴ ᨧᩦᩅᩁᩮᨶ ᩋᨧ᩠ᨨᩣᨴᩮᩉᩦ’ᨲᩥ. ᩈᩮᩣ ᨧᩮ ᨴᩪᨲᩮᩣ ᨲᩴ ᨽᩥᨠ᩠ᨡᩩᩴ ᩏᨸᩈᨦ᩠ᨠᨾᩥᨲ᩠ᩅᩣ ᩑᩅᩴ ᩅᨴᩮᨿ᩠ᨿ – ‘ᩍᨴᩴ ᨡᩮᩣ, ᨽᨶ᩠ᨲᩮ, ᩌᨿᩈ᩠ᨾᨶ᩠ᨲᩴ ᩏᨴ᩠ᨴᩥᩔ ᨧᩦᩅᩁᨧᩮᨲᩣᨸᨶ᩠ᨶᩴ ᩌᨽᨲᩴ, ᨸᨭᩥᨣ᩠ᨣᨱ᩠ᩉᩣᨲᩩ ᩌᨿᩈ᩠ᨾᩣ ᨧᩦᩅᩁᨧᩮᨲᩣᨸᨶ᩠ᨶ’ᨶ᩠ᨲᩥ, ᨲᩮᨶ ᨽᩥᨠ᩠ᨡᩩᨶᩣ ᩈᩮᩣ ᨴᩪᨲᩮᩣ ᩑᩅᨾᩔ ᩅᨧᨶᩦᨿᩮᩣ – ‘ᨶ ᨡᩮᩣ ᨾᨿᩴ, ᩌᩅᩩᩈᩮᩣ, ᨧᩦᩅᩁᨧᩮᨲᩣᨸᨶ᩠ᨶᩴ ᨸᨭᩥᨣ᩠ᨣᨱ᩠ᩉᩣᨾ. ᨧᩦᩅᩁᨬ᩠ᨧ ᨡᩮᩣ ᨾᨿᩴ ᨸᨭᩥᨣ᩠ᨣᨱ᩠ᩉᩣᨾ, ᨠᩣᩃᩮᨶ ᨠᨸ᩠ᨸᩥᨿ’ᨶ᩠ᨲᩥ. ᩈᩮᩣ ᨧᩮ ᨴᩪᨲᩮᩣ ᨲᩴ ᨽᩥᨠ᩠ᨡᩩᩴ ᩑᩅᩴ ᩅᨴᩮᨿ᩠ᨿ – ‘ᩋᨲ᩠ᨳᩥ ᨸᨶᩣᨿᩈ᩠ᨾᨲᩮᩣ ᨠᩮᩣᨧᩥ ᩅᩮᨿ᩠ᨿᩣᩅᨧ᩠ᨧᨠᩁᩮᩣ’ᨲᩥ, ᨧᩦᩅᩁᨲ᩠ᨳᩥᨠᩮᨶ, ᨽᩥᨠ᩠ᨡᩅᩮ, ᨽᩥᨠ᩠ᨡᩩᨶᩣ ᩅᩮᨿ᩠ᨿᩣᩅᨧ᩠ᨧᨠᩁᩮᩣ ᨶᩥᨴ᩠ᨴᩥᩈᩥᨲᨻ᩠ᨻᩮᩣ ᩌᩁᩣᨾᩥᨠᩮᩣ ᩅᩣ ᩏᨸᩣᩈᨠᩮᩣ ᩅᩣ – ‘ᩑᩈᩮᩣ ᨡᩮᩣ, ᩌᩅᩩᩈᩮᩣ, ᨽᩥᨠ᩠ᨡᩪᨶᩴ ᩅᩮᨿ᩠ᨿᩣᩅᨧ᩠ᨧᨠᩁᩮᩣ’ᨲᩥ. ᩈᩮᩣ ᨧᩮ ᨴᩪᨲᩮᩣ ᨲᩴ ᩅᩮᨿ᩠ᨿᩣᩅᨧ᩠ᨧᨠᩁᩴ ᩈᨬ᩠ᨬᩣᨸᩮᨲ᩠ᩅᩣ ᨲᩴ ᨽᩥᨠ᩠ᨡᩩᩴ ᩏᨸᩈᨦ᩠ᨠᨾᩥᨲ᩠ᩅᩣ ᩑᩅᩴ ᩅᨴᩮᨿ᩠ᨿ – ‘ᨿᩴ ᨡᩮᩣ, ᨽᨶ᩠ᨲᩮ, ᩌᨿᩈ᩠ᨾᩣ ᩅᩮᨿ᩠ᨿᩣᩅᨧ᩠ᨧᨠᩁᩴ ᨶᩥᨴ᩠ᨴᩥᩈᩥ ᩈᨬ᩠ᨬᨲ᩠ᨲᩮᩣ ᩈᩮᩣ ᨾᨿᩣ, ᩏᨸᩈᨦ᩠ᨠᨾᨲᩩ ᩌᨿᩈ᩠ᨾᩣ ᨠᩣᩃᩮᨶ, ᨧᩦᩅᩁᩮᨶ ᨲᩴ ᩋᨧ᩠ᨨᩣᨴᩮᩔᨲᩦ’ᨲᩥ, ᨧᩦᩅᩁᨲ᩠ᨳᩥᨠᩮᨶ, ᨽᩥᨠ᩠ᨡᩅᩮ, ᨽᩥᨠ᩠ᨡᩩᨶᩣ ᩅᩮᨿ᩠ᨿᩣᩅᨧ᩠ᨧᨠᩁᩮᩣ ᩏᨸᩈᨦ᩠ᨠᨾᩥᨲ᩠ᩅᩣ ᨴ᩠ᩅᨲ᩠ᨲᩥᨠ᩠ᨡᨲ᩠ᨲᩩᩴ ᨧᩮᩣᨴᩮᨲᨻ᩠ᨻᩮᩣ ¶ ᩈᩣᩁᩮᨲᨻ᩠ᨻᩮᩣ – ‘ᩋᨲ᩠ᨳᩮᩣ ᨾᩮ, ᩌᩅᩩᩈᩮᩣ, ᨧᩦᩅᩁᩮᨶᩣ’ᨲᩥ. ᨴ᩠ᩅᨲ᩠ᨲᩥᨠ᩠ᨡᨲ᩠ᨲᩩᩴ ᨧᩮᩣᨴᨿᨾᩣᨶᩮᩣ ᩈᩣᩁᨿᨾᩣᨶᩮᩣ ᨲᩴ ᨧᩦᩅᩁᩴ ᩋᨽᩥᨶᩥᨸ᩠ᨹᩣᨴᩮᨿ᩠ᨿ, ᩍᨧ᩠ᨧᩮᨲᩴ ᨠᩩᩈᩃᩴ; ᨶᩮᩣ ᨧᩮ ᩋᨽᩥᨶᩥᨸ᩠ᨹᩣᨴᩮᨿ᩠ᨿ, ᨧᨲᩩᨠ᩠ᨡᨲ᩠ᨲᩩᩴ ¶ ᨸᨬ᩠ᨧᨠ᩠ᨡᨲ᩠ᨲᩩᩴ ᨨᨠ᩠ᨡᨲ᩠ᨲᩩᨸᩁᨾᩴ ᨲᩩᨱ᩠ᩉᩦᨽᩪᨲᩮᨶ ᩏᨴ᩠ᨴᩥᩔ ᨮᩣᨲᨻ᩠ᨻᩴ. ᨧᨲᩩᨠ᩠ᨡᨲ᩠ᨲᩩᩴ ᨸᨬ᩠ᨧᨠ᩠ᨡᨲ᩠ᨲᩩᩴ ᨨᨠ᩠ᨡᨲ᩠ᨲᩩᨸᩁᨾᩴ ᨲᩩᨱ᩠ᩉᩦᨽᩪᨲᩮᩣ ᩏᨴ᩠ᨴᩥᩔ ᨲᩥᨭ᩠ᨮᨾᩣᨶᩮᩣ ¶ ᨲᩴ ᨧᩦᩅᩁᩴ ᩋᨽᩥᨶᩥᨸ᩠ᨹᩣᨴᩮᨿ᩠ᨿ, ᩍᨧ᩠ᨧᩮᨲᩴ ᨠᩩᩈᩃᩴ; ᨲᨲᩮᩣ ᨧᩮ ᩏᨲ᩠ᨲᩁᩥ ᩅᩣᨿᨾᨾᩣᨶᩮᩣ ᨲᩴ ᨧᩦᩅᩁ ᩋᨽᩥᨶᩥᨸ᩠ᨹᩣᨴᩮᨿ᩠ᨿ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᨶᩮᩣ ᨧᩮ ᩋᨽᩥᨶᩥᨸ᩠ᨹᩣᨴᩮᨿ᩠ᨿ, ᨿᨲᩔ ᨧᩦᩅᩁᨧᩮᨲᩣᨸᨶ᩠ᨶᩴ ᩌᨽᨲᩴ, ᨲᨲ᩠ᨳ ᩈᩣᨾᩴ ᩅᩣ ᨣᨶ᩠ᨲᨻ᩠ᨻᩴ ᨴᩪᨲᩮᩣ ᩅᩣ ᨸᩣᩉᩮᨲᨻ᩠ᨻᩮᩣ – ‘ᨿᩴ ᨡᩮᩣ ᨲᩩᨾ᩠ᩉᩮ ᩌᨿᩈ᩠ᨾᨶ᩠ᨲᩮᩣ ᨽᩥᨠ᩠ᨡᩩᩴ ¶ ᩏᨴ᩠ᨴᩥᩔ ᨧᩦᩅᩁᨧᩮᨲᩣᨸᨶ᩠ᨶᩴ ᨸᩉᩥᨱᩥᨲ᩠ᨳ, ᨶ ᨲᩴ ᨲᩔ ᨽᩥᨠ᩠ᨡᩩᨶᩮᩣ ᨠᩥᨬ᩠ᨧᩥ ᩋᨲ᩠ᨳᩴ ᩋᨶᩩᨽᩮᩣᨲᩥ, ᨿᩩᨬ᩠ᨩᨶ᩠ᨲᩣᨿᩈ᩠ᨾᨶ᩠ᨲᩮᩣ ᩈᨠᩴ, ᨾᩣ ᩅᩮᩣ ᩈᨠᩴ ᩅᩥᨶᩔᩣ’ᨲᩥ, ᩋᨿᩴ ᨲᨲ᩠ᨳ ᩈᩣᨾᩦᨧᩦ’’ᨲᩥ.

᪕᪓᪙. ᨽᩥᨠ᩠ᨡᩩᩴ ᨸᨶᩮᩅ ᩏᨴ᩠ᨴᩥᩔᩣᨲᩥ ᨽᩥᨠ᩠ᨡᩩᩔᨲ᩠ᨳᩣᨿ, ᨽᩥᨠ᩠ᨡᩩᩴ ᩌᩁᨾ᩠ᨾᨱᩴ ᨠᩁᩥᨲ᩠ᩅᩣ ¶ , ᨽᩥᨠ᩠ᨡᩩᩴ ᩋᨧ᩠ᨨᩣᨴᩮᨲᩩᨠᩣᨾᩮᩣ.

ᩁᩣᨩᩣ ᨶᩣᨾ ᨿᩮᩣ ᨠᩮᩣᨧᩥ ᩁᨩ᩠ᨩᩴ ᨠᩣᩁᩮᨲᩥ.

ᩁᩣᨩᨽᩮᩣᨣ᩠ᨣᩮᩣ ᨶᩣᨾ ᨿᩮᩣ ᨠᩮᩣᨧᩥ ᩁᨬ᩠ᨬᩮᩣ ᨽᨲ᩠ᨲᩅᩮᨲᨶᩣᩉᩣᩁᩮᩣ.

ᨻᩕᩣᩉ᩠ᨾᨱᩮᩣ ᨶᩣᨾ ᨩᩣᨲᩥᨿᩣ ᨻᩕᩣᩉ᩠ᨾᨱᩮᩣ.

ᨣᩉᨸᨲᩥᨠᩮᩣ ᨶᩣᨾ ᨮᨸᩮᨲ᩠ᩅᩣ ᩁᩣᨩᩴ ᩁᩣᨩᨽᩮᩣᨣ᩠ᨣᩴ ᨻᩕᩣᩉ᩠ᨾᨱᩴ ᩋᩅᩈᩮᩈᩮᩣ ᨣᩉᨸᨲᩥᨠᩮᩣ ᨶᩣᨾ.

ᨧᩦᩅᩁᨧᩮᨲᩣᨸᨶ᩠ᨶᩴ ᨶᩣᨾ ᩉᩥᩁᨬ᩠ᨬᩴ ᩅᩣ ᩈᩩᩅᨱ᩠ᨱᩴ ᩅᩣ ᨾᩩᨲ᩠ᨲᩣ ᩅᩣ ᨾᨱᩥ ᩅᩣ.

ᩍᨾᩥᨶᩣ ᨧᩦᩅᩁᨧᩮᨲᩣᨸᨶ᩠ᨶᩮᨶᩣᨲᩥ ᨸᨧ᩠ᨧᩩᨸᨭ᩠ᨮᩥᨲᩮᨶ.

ᨧᩮᨲᩣᨸᩮᨲ᩠ᩅᩣᨲᩥ ᨸᩁᩥᩅᨲ᩠ᨲᩮᨲ᩠ᩅᩣ.

ᩋᨧ᩠ᨨᩣᨴᩮᩉᩦᨲᩥ ᨴᨩ᩠ᨩᩮᩉᩥ.

ᩈᩮᩣ ᨧᩮ ᨴᩪᨲᩮᩣ ᨲᩴ ᨽᩥᨠ᩠ᨡᩩᩴ ᩏᨸᩈᨦ᩠ᨠᨾᩥᨲ᩠ᩅᩣ ᩑᩅᩴ ᩅᨴᩮᨿ᩠ᨿ – ‘‘ᩍᨴᩴ ᨡᩮᩣ, ᨽᨶ᩠ᨲᩮ, ᩌᨿᩈ᩠ᨾᨶ᩠ᨲᩴ ᩏᨴ᩠ᨴᩥᩔ ᨧᩦᩅᩁᨧᩮᨲᩣᨸᨶ᩠ᨶᩴ ᩌᨽᨲᩴ. ᨸᨭᩥᨣ᩠ᨣᨱ᩠ᩉᩣᨲᩩ ᩌᨿᩈ᩠ᨾᩣ ᨧᩦᩅᩁᨧᩮᨲᩣᨸᨶ᩠ᨶ’’ᨶ᩠ᨲᩥ, ᨲᩮᨶ ᨽᩥᨠ᩠ᨡᩩᨶᩣ ᩈᩮᩣ ᨴᩪᨲᩮᩣ ᩑᩅᨾᩔ ᩅᨧᨶᩦᨿᩮᩣ – ‘‘ᨶ ᨡᩮᩣ ᨾᨿᩴ, ᩌᩅᩩᩈᩮᩣ, ᨧᩦᩅᩁᨧᩮᨲᩣᨸᨶ᩠ᨶᩴ ᨸᨭᩥᨣ᩠ᨣᨱ᩠ᩉᩣᨾ. ᨧᩦᩅᩁᨬ᩠ᨧ ᨡᩮᩣ ᨾᨿᩴ ᨸᨭᩥᨣ᩠ᨣᨱ᩠ᩉᩣᨾ, ᨠᩣᩃᩮᨶ ᨠᨸ᩠ᨸᩥᨿ’’ᨶ᩠ᨲᩥ. ᩈᩮᩣ ᨧᩮ ᨴᩪᨲᩮᩣ ᨲᩴ ᨽᩥᨠ᩠ᨡᩩᩴ ᩑᩅᩴ ᩅᨴᩮᨿ᩠ᨿ – ‘‘ᩋᨲ᩠ᨳᩥ ᨸᨶᩣᨿᩈ᩠ᨾᨲᩮᩣ ᨠᩮᩣᨧᩥ ᩅᩮᨿ᩠ᨿᩣᩅᨧ᩠ᨧᨠᩁᩮᩣ’’ᨲᩥ? ᨧᩦᩅᩁᨲ᩠ᨳᩥᨠᩮᨶ, ᨽᩥᨠ᩠ᨡᩅᩮ, ᨽᩥᨠ᩠ᨡᩩᨶᩣ ᩅᩮᨿ᩠ᨿᩣᩅᨧ᩠ᨧᨠᩁᩮᩣ ᨶᩥᨴ᩠ᨴᩥᩈᩥᨲᨻ᩠ᨻᩮᩣ ᩌᩁᩣᨾᩥᨠᩮᩣ ᩅᩣ ᩏᨸᩣᩈᨠᩮᩣ ᩅᩣ – ‘‘ᩑᩈᩮᩣ ᨡᩮᩣ, ᩌᩅᩩᩈᩮᩣ ¶ , ᨽᩥᨠ᩠ᨡᩪᨶᩴ ᩅᩮᨿ᩠ᨿᩣᩅᨧ᩠ᨧᨠᩁᩮᩣ’’ᨲᩥ. ᨶ ᩅᨲ᩠ᨲᨻ᩠ᨻᩮᩣ – ‘‘ᨲᩔ ᨴᩮᩉᩦᨲᩥ ᩅᩣ, ᩈᩮᩣ ᩅᩣ ᨶᩥᨠ᩠ᨡᩥᨸᩥᩔᨲᩥ, ᩈᩮᩣ ᩅᩣ ᨸᩁᩥᩅᨲ᩠ᨲᩮᩔᨲᩥ, ᩈᩮᩣ ᩅᩣ ᨧᩮᨲᩣᨸᩮᩔᨲᩦ’’ᨲᩥ.

ᩈᩮᩣ ¶ ᨧᩮ ᨴᩪᨲᩮᩣ ᨲᩴ ᩅᩮᨿ᩠ᨿᩣᩅᨧ᩠ᨧᨠᩁᩴ ¶ ᩈᨬ᩠ᨬᩣᨸᩮᨲ᩠ᩅᩣ ᨲᩴ ᨽᩥᨠ᩠ᨡᩩᩴ ᩏᨸᩈᨦ᩠ᨠᨾᩥᨲ᩠ᩅᩣ ᩑᩅᩴ ᩅᨴᩮᨿ᩠ᨿ – ‘‘ᨿᩴ ᨡᩮᩣ, ᨽᨶ᩠ᨲᩮ, ᩌᨿᩈ᩠ᨾᩣ ᩅᩮᨿ᩠ᨿᩣᩅᨧ᩠ᨧᨠᩁᩴ ᨶᩥᨴ᩠ᨴᩥᩈᩥ ᩈᨬ᩠ᨬᨲ᩠ᨲᩮᩣ ᩈᩮᩣ ᨾᨿᩣ. ᩏᨸᩈᨦ᩠ᨠᨾᨲᩩ ᩌᨿᩈ᩠ᨾᩣ ᨠᩣᩃᩮᨶ, ᨧᩦᩅᩁᩮᨶ ᨲᩴ ᩋᨧ᩠ᨨᩣᨴᩮᩔᨲᩦ’’ᨲᩥ, ᨧᩦᩅᩁᨲ᩠ᨳᩥᨠᩮᨶ, ᨽᩥᨠ᩠ᨡᩅᩮ, ᨽᩥᨠ᩠ᨡᩩᨶᩣ ᩅᩮᨿ᩠ᨿᩣᩅᨧ᩠ᨧᨠᩁᩮᩣ ᩏᨸᩈᨦ᩠ᨠᨾᩥᨲ᩠ᩅᩣ ᨴ᩠ᩅᨲ᩠ᨲᩥᨠ᩠ᨡᨲ᩠ᨲᩩᩴ ᨧᩮᩣᨴᩮᨲᨻ᩠ᨻᩮᩣ ᩈᩣᩁᩮᨲᨻ᩠ᨻᩮᩣ – ‘‘ᩋᨲ᩠ᨳᩮᩣ ᨾᩮ, ᩌᩅᩩᩈᩮᩣ, ᨧᩦᩅᩁᩮᨶᩣ’’ᨲᩥ. ᨶ ᩅᨲ᩠ᨲᨻ᩠ᨻᩮᩣ – ‘‘ᨴᩮᩉᩥ ᨾᩮ ᨧᩦᩅᩁᩴ, ᩌᩉᩁ ᨾᩮ ᨧᩦᩅᩁᩴ, ᨸᩁᩥᩅᨲ᩠ᨲᩮᩉᩥ ᨾᩮ ᨧᩦᩅᩁᩴ, ᨧᩮᨲᩣᨸᩮᩉᩥ ᨾᩮ ᨧᩦᩅᩁ’’ᨶ᩠ᨲᩥ. ᨴᩩᨲᩥᨿᨾ᩠ᨸᩥ ᩅᨲ᩠ᨲᨻ᩠ᨻᩮᩣ. ᨲᨲᩥᨿᨾ᩠ᨸᩥ ᩅᨲ᩠ᨲᨻ᩠ᨻᩮᩣ. ᩈᨧᩮ ᩋᨽᩥᨶᩥᨸ᩠ᨹᩣᨴᩮᨲᩥ, ᩍᨧ᩠ᨧᩮᨲᩴ ᨠᩩᩈᩃᩴ; ᨶᩮᩣ ᨧᩮ ᩋᨽᩥᨶᩥᨸ᩠ᨹᩣᨴᩮᨲᩥ, ᨲᨲ᩠ᨳ ᨣᨶ᩠ᨲ᩠ᩅᩣ ᨲᩩᨱ᩠ᩉᩦᨽᩪᨲᩮᨶ ᩏᨴ᩠ᨴᩥᩔ ᨮᩣᨲᨻ᩠ᨻᩴ. ᨶ ᩌᩈᨶᩮ ᨶᩥᩈᩦᨴᩥᨲᨻ᩠ᨻᩴ. ᨶ ᩌᨾᩥᩈᩴ ᨸᨭᩥᨣ᩠ᨣᩉᩮᨲᨻ᩠ᨻᩴ. ᨶ ᨵᨾ᩠ᨾᩮᩣ ᨽᩣᩈᩥᨲᨻ᩠ᨻᩮᩣ. ‘‘ᨠᩥᩴ ᨠᩣᩁᨱᩣ ᩌᨣᨲᩮᩣᩈᩦ’’ᨲᩥ ᨸᩩᨧ᩠ᨨᩥᨿᨾᩣᨶᩮᩣ ‘‘ᨩᩣᨶᩣᩉᩥ, ᩌᩅᩩᩈᩮᩣ’’ᨲᩥ ᩅᨲ᩠ᨲᨻ᩠ᨻᩮᩣ. ᩈᨧᩮ ᩌᩈᨶᩮ ᩅᩣ ᨶᩥᩈᩦᨴᨲᩥ ¶ , ᩌᨾᩥᩈᩴ ᩅᩣ ᨸᨭᩥᨣ᩠ᨣᨱ᩠ᩉᩣᨲᩥ, ᨵᨾ᩠ᨾᩴ ᩅᩣ ᨽᩣᩈᨲᩥ, ᨮᩣᨶᩴ ᨽᨬ᩠ᨩᨲᩥ. ᨴᩩᨲᩥᨿᨾ᩠ᨸᩥ ᨮᩣᨲᨻ᩠ᨻᩴ. ᨲᨲᩥᨿᨾ᩠ᨸᩥ ᨮᩣᨲᨻ᩠ᨻᩴ. ᨧᨲᩩᨠ᩠ᨡᨲ᩠ᨲᩩᩴ ᨧᩮᩣᨴᩮᨲ᩠ᩅᩣ ᨧᨲᩩᨠ᩠ᨡᨲ᩠ᨲᩩᩴ ᨮᩣᨲᨻ᩠ᨻᩴ. ᨸᨬ᩠ᨧᨠ᩠ᨡᨲᩩᩴ ᨧᩮᩣᨴᩮᨲ᩠ᩅᩣ ᨴ᩠ᩅᩥᨠ᩠ᨡᨲ᩠ᨲᩩᩴ ᨮᩣᨲᨻ᩠ᨻᩴ. ᨨᨠ᩠ᨡᨲ᩠ᨲᩩᩴ ᨧᩮᩣᨴᩮᨲ᩠ᩅᩣ ᨶ ᨮᩣᨲᨻ᩠ᨻᩴ. ᨲᨲᩮᩣ ᨧᩮ ᩏᨲ᩠ᨲᩁᩥ ᩅᩣᨿᨾᨾᩣᨶᩮᩣ ᨲᩴ ᨧᩦᩅᩁᩴ ᩋᨽᩥᨶᩥᨸ᩠ᨹᩣᨴᩮᨲᩥ, ᨸᨿᩮᩣᨣᩮ ᨴᩩᨠ᩠ᨠᨭᩴ. ᨸᨭᩥᩃᩣᨽᩮᨶ ᨶᩥᩔᨣ᩠ᨣᩥᨿᩴ ᩉᩮᩣᨲᩥ. ᨶᩥᩔᨩ᩠ᨩᩥᨲᨻ᩠ᨻᩴ ᩈᨦ᩠ᨥᩔ ᩅᩣ ᨣᨱᩔ ᩅᩣ ᨸᩩᨣ᩠ᨣᩃᩔ ᩅᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᨶᩥᩔᨩ᩠ᨩᩥᨲᨻ᩠ᨻᩴ…ᨸᩮ… ᩍᨴᩴ ᨾᩮ ¶ , ᨽᨶ᩠ᨲᩮ, ᨧᩦᩅᩁᩴ ᩋᨲᩥᩁᩮᨠᨲᩥᨠ᩠ᨡᨲ᩠ᨲᩩᩴ ᨧᩮᩣᨴᨶᩣᨿ ᩋᨲᩥᩁᩮᨠᨨᨠ᩠ᨡᨲ᩠ᨲᩩᩴ ᨮᩣᨶᩮᨶ ᩋᨽᩥᨶᩥᨸ᩠ᨹᩣᨴᩥᨲᩴ ᨶᩥᩔᨣ᩠ᨣᩥᨿᩴ. ᩍᨾᩣᩉᩴ ᩈᨦ᩠ᨥᩔ ᨶᩥᩔᨩ᩠ᨩᩣᨾᩦᨲᩥ…ᨸᩮ… ᨴᨴᩮᨿ᩠ᨿᩣᨲᩥ…ᨸᩮ… ᨴᨴᩮᨿ᩠ᨿᩩᨶ᩠ᨲᩥ…ᨸᩮ… ᩌᨿᩈ᩠ᨾᨲᩮᩣ ᨴᨾ᩠ᨾᩦᨲᩥ.

ᨶᩮᩣ ᨧᩮ ᩋᨽᩥᨶᩥᨸ᩠ᨹᩣᨴᩮᨿ᩠ᨿ, ᨿᨲᩔ ᨧᩦᩅᩁᨧᩮᨲᩣᨸᨶ᩠ᨶᩴ ᩌᨽᨲᩴ ᨲᨲ᩠ᨳ ᩈᩣᨾᩴ ᩅᩣ ᨣᨶ᩠ᨲᨻ᩠ᨻᩴ ᨴᩪᨲᩮᩣ ᩅᩣ ᨸᩣᩉᩮᨲᨻ᩠ᨻᩮᩣ – ‘‘ᨿᩴ ᨡᩮᩣ ᨲᩩᨾ᩠ᩉᩮ ᩌᨿᩈ᩠ᨾᨶ᩠ᨲᩮᩣ ᨽᩥᨠ᩠ᨡᩩᩴ ᩏᨴ᩠ᨴᩥᩔ ᨧᩦᩅᩁᨧᩮᨲᩣᨸᨶ᩠ᨶᩴ ᨸᩉᩥᨱᩥᨲ᩠ᨳ ᨶ ᨲᩴ ᨲᩔ ᨽᩥᨠ᩠ᨡᩩᨶᩮᩣ ᨠᩥᨬ᩠ᨧᩥ ᩋᨲ᩠ᨳᩴ ᩋᨶᩩᨽᩮᩣᨲᩥ. ᨿᩩᨬ᩠ᨩᨶ᩠ᨲᩣᨿᩈ᩠ᨾᨶ᩠ᨲᩮᩣ ᩈᨠᩴ, ᨾᩣ ᩅᩮᩣ ᩈᨠᩴ ᩅᩥᨶᩔᩣ’’ᨲᩥ.

ᩋᨿᩴ ᨲᨲ᩠ᨳ ᩈᩣᨾᩦᨧᩦᨲᩥ ᩋᨿᩴ ᨲᨲ᩠ᨳ ᩋᨶᩩᨵᨾ᩠ᨾᨲᩣ.

᪕᪔᪐. ᩋᨲᩥᩁᩮᨠᨲᩥᨠ᩠ᨡᨲ᩠ᨲᩩᩴ ᨧᩮᩣᨴᨶᩣᨿ ᩋᨲᩥᩁᩮᨠᨨᨠ᩠ᨡᨲ᩠ᨲᩩᩴ ᨮᩣᨶᩮᨶ ᩋᨲᩥᩁᩮᨠᩈᨬ᩠ᨬᩦ ᩋᨽᩥᨶᩥᨸ᩠ᨹᩣᨴᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨲᩥᩁᩮᨠᨲᩥᨠ᩠ᨡᨲ᩠ᨲᩩᩴ ᨧᩮᩣᨴᨶᩣᨿ ᩋᨲᩥᩁᩮᨠᨨᨠ᩠ᨡᨲ᩠ᨲᩩᩴ ᨮᩣᨶᩮᨶ ᩅᩮᨾᨲᩥᨠᩮᩣ ¶ ᩋᨽᩥᨶᩥᨸ᩠ᨹᩣᨴᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨲᩥᩁᩮᨠᨲᩥᨠ᩠ᨡᨲ᩠ᨲᩩᩴ ᨧᩮᩣᨴᨶᩣᨿ ᩋᨲᩥᩁᩮᨠᨨᨠ᩠ᨡᨲ᩠ᨲᩩᩴ ᨮᩣᨶᩮᨶ ᩐᨶᨠᩈᨬ᩠ᨬᩦ ᩋᨽᩥᨶᩥᨸ᩠ᨹᩣᨴᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᩐᨶᨠᨲᩥᨠ᩠ᨡᨲ᩠ᨲᩩᩴ ¶ ᨧᩮᩣᨴᨶᩣᨿ ᩐᨶᨠᨨᨠ᩠ᨡᨲ᩠ᨲᩩᩴ ᨮᩣᨶᩮᨶ ᩋᨲᩥᩁᩮᨠᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩐᨶᨠᨲᩥᨠ᩠ᨡᨲ᩠ᨲᩩᩴ ᨧᩮᩣᨴᨶᩣᨿ ᩐᨶᨠᨨᨠ᩠ᨡᨲ᩠ᨲᩩᩴ ᨮᩣᨶᩮᨶ ᩅᩮᨾᨲᩥᨠᩮᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩐᨶᨠᨲᩥᨠ᩠ᨡᨲ᩠ᨲᩩᩴ ᨧᩮᩣᨴᨶᩣᨿ ᩐᨶᨠᨨᨠ᩠ᨡᨲ᩠ᨲᩩᩴ ᨮᩣᨶᩮᨶ ᩐᨶᨠᩈᨬ᩠ᨬᩦ ᩋᨶᩣᨸᨲ᩠ᨲᩥ.

᪕᪔᪑. ᩋᨶᩣᨸᨲ᩠ᨲᩥ – ᨲᩥᨠ᩠ᨡᨲ᩠ᨲᩩᩴ ᨧᩮᩣᨴᨶᩣᨿ, ᨨᨠ᩠ᨡᨲ᩠ᨲᩩᩴ ᨮᩣᨶᩮᨶ, ᩐᨶᨠᨲᩥᨠ᩠ᨡᨲ᩠ᨲᩩᩴ ᨧᩮᩣᨴᨶᩣᨿ, ᩐᨶᨠᨨᨠ᩠ᨡᨲ᩠ᨲᩩᩴ ᨮᩣᨶᩮᨶ, ᩋᨧᩮᩣᨴᩥᨿᨾᩣᨶᩮᩣ ᨴᩮᨲᩥ, ᩈᩣᨾᩥᨠᩣ ¶ ᨧᩮᩣᨴᩮᨲ᩠ᩅᩣ ᨴᩮᨶ᩠ᨲᩥ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᩁᩣᨩᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨴᩈᨾᩴ.

ᨠᨳᩥᨶᩅᨣ᩠ᨣᩮᩣ ᨸᨮᨾᩮᩣ.

ᨲᩔᩩᨴ᩠ᨴᩣᨶᩴ –

ᩏᨻ᩠ᨽᨲᩴ ᨠᨳᩥᨶᩴ ᨲᩦᨱᩥ, ᨵᩮᩣᩅᨶᨬ᩠ᨧ ᨸᨭᩥᨣ᩠ᨣᩉᩮᩣ;

ᩋᨬ᩠ᨬᩣᨲᨠᩣᨶᩥ ᨲᩦᨱᩮᩅ, ᩏᨽᩥᨶ᩠ᨶᩴ ᨴᩪᨲᨠᩮᨶ ᨧᩣᨲᩥ.

᪒. ᨠᩮᩣᩈᩥᨿᩅᨣ᩠ᨣᩮᩣ

᪑. ᨠᩮᩣᩈᩥᨿᩈᩥᨠ᩠ᨡᩣᨸᨴᩴ

᪕᪔᪒. ᨲᩮᨶ ¶ ¶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩌᩊᩅᩥᨿᩴ ᩅᩥᩉᩁᨲᩥ ᩋᨣ᩠ᨣᩣᩊᩅᩮ ᨧᩮᨲᩥᨿᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᨠᩮᩣᩈᩥᨿᨠᩣᩁᨠᩮ ᩏᨸᩈᨦ᩠ᨠᨾᩥᨲ᩠ᩅᩣ ᩑᩅᩴ ᩅᨴᨶ᩠ᨲᩥ – ‘‘ᨻᩉᩪ, ᩌᩅᩩᩈᩮᩣ, ᨠᩮᩣᩈᨠᩣᩁᨠᩮ ᨸᨧᨳ, ᩋᨾ᩠ᩉᩣᨠᨾ᩠ᨸᩥ ᨴᩔᨳ, ᨾᨿᨾ᩠ᨸᩥ ᩍᨧ᩠ᨨᩣᨾ ᨠᩮᩣᩈᩥᨿᨾᩥᩔᨠᩴ ᩈᨶ᩠ᨳᨲᩴ ᨠᩣᨲᩩ’’ᨶ᩠ᨲᩥ. ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩈᨾᨱᩣ ᩈᨠ᩠ᨿᨸᩩᨲ᩠ᨲᩥᨿᩣ ᩋᨾ᩠ᩉᩮ ᩏᨸᩈᨦ᩠ᨠᨾᩥᨲ᩠ᩅᩣ ᩑᩅᩴ ᩅᨠ᩠ᨡᨶ᩠ᨲᩥ – ‘ᨻᩉᩪ, ᩌᩅᩩᩈᩮᩣ, ᨠᩮᩣᩈᨠᩣᩁᨠᩮ ᨸᨧᨳ, ᩋᨾ᩠ᩉᩣᨠᨾ᩠ᨸᩥ ᨴᩔᨳ, ᨾᨿᨾ᩠ᨸᩥ ᩍᨧ᩠ᨨᩣᨾ ᨠᩮᩣᩈᩥᨿᨾᩥᩔᨠᩴ ᩈᨶ᩠ᨳᨲᩴ ᨠᩣᨲᩩ’ᨶ᩠ᨲᩥ! ᩋᨾ᩠ᩉᩣᨠᨾ᩠ᨸᩥ ᩋᩃᩣᨽᩣ, ᩋᨾ᩠ᩉᩣᨠᨾ᩠ᨸᩥ ᨴᩩᩃ᩠ᩃᨴ᩠ᨵᩴ, ᨿᩮ ᨾᨿᩴ ᩌᨩᩦᩅᩔ ᩉᩮᨲᩩ ᨸᩩᨲ᩠ᨲᨴᩣᩁᩔ ᨠᩣᩁᨱᩣ ᨻᩉᩪ ᨡᩩᨴ᩠ᨴᨠᩮ ᨸᩣᨱᩮ ᩈᨦ᩠ᨥᩣᨲᩴ ᩌᨸᩣᨴᩮᨾᩣ’’ᨲᩥ. ᩋᩔᩮᩣᩈᩩᩴ ᨡᩮᩣ ᨽᩥᨠ᩠ᨡᩪ ᨲᩮᩈᩴ ᨾᨶᩩᩔᩣᨶᩴ ᩏᨩ᩠ᨫᩣᨿᨶ᩠ᨲᩣᨶᩴ ᨡᩥᨿ᩠ᨿᨶ᩠ᨲᩣᨶᩴ ᩅᩥᨸᩣᨧᩮᨶ᩠ᨲᩣᨶᩴ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᨠᩮᩣᩈᩥᨿᨠᩣᩁᨠᩮ ᩏᨸᩈᨦ᩠ᨠᨾᩥᨲ᩠ᩅᩣ ᩑᩅᩴ ᩅᨠ᩠ᨡᨶ᩠ᨲᩥ – ‘ᨻᩉᩪ, ᩌᩅᩩᩈᩮᩣ, ᨠᩮᩣᩈᨠᩣᩁᨠᩮ ᨸᨧᨳ, ᩋᨾ᩠ᩉᩣᨠᨾ᩠ᨸᩥ ᨴᩔᨳ, ᨾᨿᨾ᩠ᨸᩥ ᩍᨧ᩠ᨨᩣᨾ ᨠᩮᩣᩈᩥᨿᨾᩥᩔᨠᩴ ¶ ᩈᨶ᩠ᨳᨲᩴ ᨠᩣᨲᩩ’’’ᨶ᩠ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨨᨻ᩠ᨻᨣ᩠ᨣᩥᨿᩮ ᨽᩥᨠ᩠ᨡᩪ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩈᨧ᩠ᨧᩴ ᨠᩥᩁ ᨲᩩᨾ᩠ᩉᩮ, ᨽᩥᨠ᩠ᨡᩅᩮ, ᨠᩮᩣᩈᩥᨿᨠᩣᩁᨠᩮ ᩏᨸᩈᨦ᩠ᨠᨾᩥᨲ᩠ᩅᩣ ᩑᩅᩴ ᩅᨴᩮᨳ – ‘ᨻᩉᩪ, ᩌᩅᩩᩈᩮᩣ, ᨠᩮᩣᩈᨠᩣᩁᨠᩮ ᨸᨧᨳ, ᩋᨾ᩠ᩉᩣᨠᨾ᩠ᨸᩥ ᨴᩔᨳ, ᨾᨿᨾ᩠ᨸᩥ ᩍᨧ᩠ᨨᩣᨾ ᨠᩮᩣᩈᩥᨿᨾᩥᩔᨠᩴ ᩈᨶ᩠ᨳᨲᩴ ¶ ᨠᩣᨲᩩ’’’ᨶ᩠ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ᨠᨳᨬ᩠ᩉᩥ ᨶᩣᨾ ᨲᩩᨾ᩠ᩉᩮ, ᨾᩮᩣᨥᨸᩩᩁᩥᩈᩣ, ᨠᩮᩣᩈᩥᨿᨠᩣᩁᨠᩮ ᩏᨸᩈᨦ᩠ᨠᨾᩥᨲ᩠ᩅᩣ ᩑᩅᩴ ᩅᨠ᩠ᨡᨳ – ᨻᩉᩪ, ᩌᩅᩩᩈᩮᩣ, ᨠᩮᩣᩈᨠᩣᩁᨠᩮ ᨸᨧᨳ, ᩋᨾ᩠ᩉᩣᨠᨾ᩠ᨸᩥ ᨴᩔᨳ, ᨾᨿᨾ᩠ᨸᩥ ᩍᨧ᩠ᨨᩣᨾ ᨠᩮᩣᩈᩥᨿᨾᩥᩔᨠᩴ ᩈᨶ᩠ᨳᨲᩴ ᨠᩣᨲᩩᨶ᩠ᨲᩥ. ᨶᩮᨲᩴ ¶ , ᨾᩮᩣᨥᨸᩩᩁᩥᩈᩣ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪕᪔᪓. ‘‘ᨿᩮᩣ ᨸᨶ ᨽᩥᨠ᩠ᨡᩩ ᨠᩮᩣᩈᩥᨿᨾᩥᩔᨠᩴ ᩈᨶ᩠ᨳᨲᩴ ᨠᩣᩁᩣᨸᩮᨿ᩠ᨿ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

᪕᪔᪔. ᨿᩮᩣ ᨸᨶᩣᨲᩥ ᨿᩮᩣ ᨿᩣᨴᩥᩈᩮᩣ…ᨸᩮ… ᨽᩥᨠ᩠ᨡᩪᨲᩥ…ᨸᩮ… ᩋᨿᩴ ᩍᨾᩈ᩠ᨾᩥᩴ ᩋᨲ᩠ᨳᩮ ᩋᨵᩥᨸ᩠ᨸᩮᨲᩮᩣ ᨽᩥᨠ᩠ᨡᩪᨲᩥ.

ᩈᨶ᩠ᨳᨲᩴ ᨶᩣᨾ ᩈᨶ᩠ᨳᩁᩥᨲ᩠ᩅᩣ ᨠᨲᩴ ᩉᩮᩣᨲᩥ ᩋᩅᩣᨿᩥᨾᩴ.

ᨠᩣᩁᩣᨸᩮᨿ᩠ᨿᩣᨲᩥ ᩑᨠᩮᨶᨸᩥ ᨠᩮᩣᩈᩥᨿᩴᩈᩩᨶᩣ ᨾᩥᩔᩥᨲ᩠ᩅᩣ ᨠᩁᩮᩣᨲᩥ ᩅᩣ ᨠᩣᩁᩣᨸᩮᨲᩥ ᩅᩣ, ᨸᨿᩮᩣᨣᩮ ᨴᩩᨠ᩠ᨠᨭᩴ. ᨸᨭᩥᩃᩣᨽᩮᨶ ᨶᩥᩔᨣ᩠ᨣᩥᨿᩴ ᩉᩮᩣᨲᩥ. ᨶᩥᩔᨩ᩠ᨩᩥᨲᨻ᩠ᨻᩴ ᩈᨦ᩠ᨥᩔ ᩅᩣ ᨣᨱᩔ ᩅᩣ ᨸᩩᨣ᩠ᨣᩃᩔ ᩅᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᨶᩥᩔᨩ᩠ᨩᩥᨲᨻ᩠ᨻ…ᨸᩮ… ᩍᨴᩴ ᨾᩮ, ᨽᨶ᩠ᨲᩮ, ᨠᩮᩣᩈᩥᨿᨾᩥᩔᨠᩴ ᩈᨶ᩠ᨳᨲᩴ ᨠᩣᩁᩣᨸᩥᨲᩴ ᨶᩥᩔᨣ᩠ᨣᩥᨿᩴ. ᩍᨾᩣᩉᩴ ᩈᨦ᩠ᨥᩔ ᨶᩥᩔᨩ᩠ᨩᩣᨾᩦᨲᩥ…ᨸᩮ… ᨴᨴᩮᨿ᩠ᨿᩣᨲᩥ…ᨸᩮ… ᨴᨴᩮᨿ᩠ᨿᩩᨶ᩠ᨲᩥ…ᨸᩮ… ᩌᨿᩈ᩠ᨾᨲᩮᩣ ᨴᨾ᩠ᨾᩦᨲᩥ.

᪕᪔᪕. ᩋᨲ᩠ᨲᨶᩣ ¶ ᩅᩥᨸ᩠ᨸᨠᨲᩴ ᩋᨲ᩠ᨲᨶᩣ ᨸᩁᩥᨿᩮᩣᩈᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨲ᩠ᨲᨶᩣ ᩅᩥᨸ᩠ᨸᨠᨲᩴ ᨸᩁᩮᩉᩥ ᨸᩁᩥᨿᩮᩣᩈᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᨸᩁᩮᩉᩥ ᩅᩥᨸ᩠ᨸᨠᨲᩴ ᩋᨲ᩠ᨲᨶᩣ ᨸᩁᩥᨿᩮᩣᩈᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᨸᩁᩮᩉᩥ ᩅᩥᨸ᩠ᨸᨠᨲᩴ ᨸᩁᩮᩉᩥ ᨸᩁᩥᨿᩮᩣᩈᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᩋᨬ᩠ᨬᩔᨲ᩠ᨳᩣᨿ ᨠᩁᩮᩣᨲᩥ ᩅᩣ ᨠᩣᩁᩣᨸᩮᨲᩥ ᩅᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ ¶ . ᩋᨬ᩠ᨬᩮᨶ ᨠᨲᩴ ᨸᨭᩥᩃᨽᩥᨲ᩠ᩅᩣ ᨸᩁᩥᨽᩩᨬ᩠ᨩᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

᪕᪔᪖. ᩋᨶᩣᨸᨲ᩠ᨲᩥ ¶ ᩅᩥᨲᩣᨶᩴ ᩅᩣ ᨽᩪᨾᨲ᩠ᨳᩁᨱᩴ ᩅᩣ ᩈᩣᨱᩥᨸᩣᨠᩣᩁᩴ ᩅᩣ ᨽᩥᩈᩥᩴ ᩅᩣ ᨻᩥᨻ᩠ᨻᩮᩣᩉᨶᩴ ᩅᩣ ᨠᩁᩮᩣᨲᩥ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᨠᩮᩣᩈᩥᨿᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨸᨮᨾᩴ.

᪒. ᩈᩩᨴ᩠ᨵᨠᩣᩊᨠᩈᩥᨠ᩠ᨡᩣᨸᨴᩴ

᪕᪔᪗. ᨲᩮᨶ ¶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩅᩮᩈᩣᩃᩥᨿᩴ ᩅᩥᩉᩁᨲᩥ ᨾᩉᩣᩅᨶᩮ ᨠᩪᨭᩣᨣᩣᩁᩈᩣᩃᩣᨿᩴ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᩈᩩᨴ᩠ᨵᨠᩣᩊᨠᩣᨶᩴ ᩑᩊᨠᩃᩮᩣᨾᩣᨶᩴ ᩈᨶ᩠ᨳᨲᩴ ᨠᩣᩁᩣᨸᩮᨶ᩠ᨲᩥ. ᨾᨶᩩᩔᩣ ᩅᩥᩉᩣᩁᨧᩣᩁᩥᨠᩴ ᩌᩉᩥᨱ᩠ᨯᨶ᩠ᨲᩣ ᨸᩔᩥᨲ᩠ᩅᩣ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩈᨾᨱᩣ ᩈᨠ᩠ᨿᨸᩩᨲ᩠ᨲᩥᨿᩣ ᩈᩩᨴ᩠ᨵᨠᩣᩊᨠᩣᨶᩴ ᩑᩊᨠᩃᩮᩣᨾᩣᨶᩴ ᩈᨶ᩠ᨳᨲᩴ ᨠᩣᩁᩣᨸᩮᩔᨶ᩠ᨲᩥ, ᩈᩮᨿ᩠ᨿᨳᩣᨸᩥ ᨣᩥᩉᩦ ᨠᩣᨾᨽᩮᩣᨣᩥᨶᩮᩣ’’ᨲᩥ! ᩋᩔᩮᩣᩈᩩᩴ ᨡᩮᩣ ᨽᩥᨠ᩠ᨡᩪ ᨲᩮᩈᩴ ᨾᨶᩩᩔᩣᨶᩴ ᩏᨩ᩠ᨫᩣᨿᨶ᩠ᨲᩣᨶᩴ ᨡᩥᨿ᩠ᨿᨶ᩠ᨲᩣᨶᩴ ᩅᩥᨸᩣᨧᩮᨶ᩠ᨲᩣᨶᩴ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᩈᩩᨴ᩠ᨵᨠᩣᩊᨠᩣᨶᩴ ᩑᩊᨠᩃᩮᩣᨾᩣᨶᩴ ᩈᨶ᩠ᨳᨲᩴ ᨠᩣᩁᩣᨸᩮᩔᨶ᩠ᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨨᨻ᩠ᨻᨣ᩠ᨣᩥᨿᩮ ᨽᩥᨠ᩠ᨡᩪ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩈᨧ᩠ᨧᩴ ᨠᩥᩁ ᨲᩩᨾ᩠ᩉᩮ, ᨽᩥᨠ᩠ᨡᩅᩮ, ᩈᩩᨴ᩠ᨵᨠᩣᩊᨠᩣᨶᩴ ᩑᩊᨠᩃᩮᩣᨾᩣᨶᩴ ᩈᨶ᩠ᨳᨲᩴ ᨠᩣᩁᩣᨸᩮᨳᩣ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ᨠᨳᨬ᩠ᩉᩥ ᨶᩣᨾ ᨲᩩᨾ᩠ᩉᩮ, ᨾᩮᩣᨥᨸᩩᩁᩥᩈᩣ, ᩈᩩᨴ᩠ᨵᨠᩣᩊᨠᩣᨶᩴ ᩑᩊᨠᩃᩮᩣᨾᩣᨶᩴ ᩈᨶ᩠ᨳᨲᩴ ᨠᩣᩁᩣᨸᩮᩔᨳ! ᨶᩮᨲᩴ, ᨾᩮᩣᨥᨸᩩᩁᩥᩈᩣ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪕᪔᪘. ‘‘ᨿᩮᩣ ᨸᨶ ᨽᩥᨠ᩠ᨡᩩ ᩈᩩᨴ᩠ᨵᨠᩣᩊᨠᩣᨶᩴ ᩑᩊᨠᩃᩮᩣᨾᩣᨶᩴ ᩈᨶ᩠ᨳᨲᩴ ᨠᩣᩁᩣᨸᩮᨿ᩠ᨿ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

᪕᪔᪙. ᨿᩮᩣ ᨸᨶᩣᨲᩥ ᨿᩮᩣ ᨿᩣᨴᩥᩈᩮᩣ…ᨸᩮ… ᨽᩥᨠ᩠ᨡᩪᨲᩥ…ᨸᩮ… ᩋᨿᩴ ᩍᨾᩈ᩠ᨾᩥᩴ ¶ ᩋᨲ᩠ᨳᩮ ᩋᨵᩥᨸ᩠ᨸᩮᨲᩮᩣ ᨽᩥᨠ᩠ᨡᩪᨲᩥ.

ᨠᩣᩊᨠᩴ ᨶᩣᨾ ᨴ᩠ᩅᩮ ᨠᩣᩊᨠᩣᨶᩥ – ᨩᩣᨲᩥᨿᩣ ᨠᩣᩊᨠᩴ ᩅᩣ ᩁᨩᨶᨠᩣᩊᨠᩴ ᩅᩣ.

ᩈᨶ᩠ᨳᨲᩴ ᨶᩣᨾ ᩈᨶ᩠ᨳᩁᩥᨲ᩠ᩅᩣ ᨠᨲᩴ ᩉᩮᩣᨲᩥ ᩋᩅᩣᨿᩥᨾᩴ.

ᨠᩣᩁᩣᨸᩮᨿ᩠ᨿᩣᨲᩥ ¶ ᨠᩁᩮᩣᨲᩥ ᩅᩣ ᨠᩣᩁᩣᨸᩮᨲᩥ ᩅᩣ, ᨸᨿᩮᩣᨣᩮ ᨴᩩᨠ᩠ᨠᨭᩴ. ᨸᨭᩥᩃᩣᨽᩮᨶ ᨶᩥᩔᨣ᩠ᨣᩥᨿᩴ ᩉᩮᩣᨲᩥ. ᨶᩥᩔᨩ᩠ᨩᩥᨲᨻ᩠ᨻᩴ ᩈᨦ᩠ᨥᩔ ᩅᩣ ᨣᨱᩔ ᩅᩣ ᨸᩩᨣ᩠ᨣᩃᩔ ¶ ᩅᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᨶᩥᩔᨩ᩠ᨩᩥᨲᨻ᩠ᨻᩴ ¶ …ᨸᩮ… ᩍᨴᩴ ᨾᩮ, ᨽᨶ᩠ᨲᩮ, ᩈᩩᨴ᩠ᨵᨠᩣᩊᨠᩣᨶᩴ ᩑᩊᨠᩃᩮᩣᨾᩣᨶᩴ ᩈᨶ᩠ᨳᨲᩴ ᨠᩣᩁᩣᨸᩥᨲᩴ ᨶᩥᩔᨣ᩠ᨣᩥᨿᩴ. ᩍᨾᩣᩉᩴ ᩈᨦ᩠ᨥᩔ ᨶᩥᩔᨩ᩠ᨩᩣᨾᩦᨲᩥ…ᨸᩮ… ᨴᨴᩮᨿ᩠ᨿᩣᨲᩥ…ᨸᩮ… ᨴᨴᩮᨿ᩠ᨿᩩᨶ᩠ᨲᩥ…ᨸᩮ… ᩌᨿᩈ᩠ᨾᨲᩮᩣ ᨴᨾ᩠ᨾᩦᨲᩥ.

᪕᪕᪐. ᩋᨲ᩠ᨲᨶᩣ ᩅᩥᨸ᩠ᨸᨠᨲᩴ ᩋᨲ᩠ᨲᨶᩣ ᨸᩁᩥᨿᩮᩣᩈᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨲ᩠ᨲᨶᩣ ᩅᩥᨸ᩠ᨸᨠᨲᩴ ᨸᩁᩮᩉᩥ ᨸᩁᩥᨿᩮᩣᩈᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᨸᩁᩮᩉᩥ ᩅᩥᨸ᩠ᨸᨠᨲᩴ ᩋᨲ᩠ᨲᨶᩣ ᨸᩁᩥᨿᩮᩣᩈᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᨸᩁᩮᩉᩥ ᩅᩥᨸ᩠ᨸᨠᨲᩴ ᨸᩁᩮᩉᩥ ᨸᩁᩥᨿᩮᩣᩈᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᩋᨬ᩠ᨬᩔᨲ᩠ᨳᩣᨿ ᨠᩁᩮᩣᨲᩥ ᩅᩣ ᨠᩣᩁᩣᨸᩮᨲᩥ ᩅᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᨬ᩠ᨬᩮᨶ ᨠᨲᩴ ᨸᨭᩥᩃᨽᩥᨲ᩠ᩅᩣ ᨸᩁᩥᨽᩩᨬ᩠ᨩᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

᪕᪕᪑. ᩋᨶᩣᨸᨲ᩠ᨲᩥ ᩅᩥᨲᩣᨶᩴ ᩅᩣ ᨽᩪᨾᨲ᩠ᨳᩁᨱᩴ ᩅᩣ ᩈᩣᨱᩥᨸᩣᨠᩣᩁᩴ ᩅᩣ ᨽᩥᩈᩥᩴ ᩅᩣ ᨻᩥᨻ᩠ᨻᩮᩣᩉᨶᩴ ᩅᩣ ᨠᩁᩮᩣᨲᩥ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᩈᩩᨴ᩠ᨵᨠᩣᩊᨠᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨴᩩᨲᩥᨿᩴ.

᪓. ᨴ᩠ᩅᩮᨽᩣᨣᩈᩥᨠ᩠ᨡᩣᨸᨴᩴ

᪕᪕᪒. ᨲᩮᨶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ ᨩᩮᨲᩅᨶᩮ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ – ‘‘ᨽᨣᩅᨲᩣ ᨸᨭᩥᨠ᩠ᨡᩥᨲ᩠ᨲᩴ ᩈᩩᨴ᩠ᨵᨠᩣᩊᨠᩣᨶᩴ ᩑᩊᨠᩃᩮᩣᨾᩣᨶᩴ ᩈᨶ᩠ᨳᨲᩴ ᨠᩣᩁᩣᨸᩮᨲᩩ’’ᨶ᩠ᨲᩥ, ᨲᩮ ᨳᩮᩣᨠᩴᨿᩮᩅ ᩒᨴᩣᨲᩴ ᩋᨶ᩠ᨲᩮ ᩌᨴᩥᨿᩥᨲ᩠ᩅᩣ ᨲᨳᩮᩅ ᩈᩩᨴ᩠ᨵᨠᩣᩊᨠᩣᨶᩴ ᩑᩊᨠᩃᩮᩣᨾᩣᨶᩴ ᩈᨶ᩠ᨳᨲᩴ ᨠᩣᩁᩣᨸᩮᨶ᩠ᨲᩥ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᨳᩮᩣᨠᩴᨿᩮᩅ ᩒᨴᩣᨲᩴ ᩋᨶ᩠ᨲᩮ ᩌᨴᩥᨿᩥᨲ᩠ᩅᩣ ᨲᨳᩮᩅ ᩈᩩᨴ᩠ᨵᨠᩣᩊᨠᩣᨶᩴ ᩑᩊᨠᩃᩮᩣᨾᩣᨶᩴ ᩈᨶ᩠ᨳᨲᩴ ᨠᩣᩁᩣᨸᩮᩔᨶ᩠ᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨨᨻ᩠ᨻᨣ᩠ᨣᩥᨿᩮ ᨽᩥᨠ᩠ᨡᩪ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩈᨧ᩠ᨧᩴ ᨠᩥᩁ ᨲᩩᨾ᩠ᩉᩮ, ᨽᩥᨠ᩠ᨡᩅᩮ, ᨳᩮᩣᨠᩴᨿᩮᩅ ᩒᨴᩣᨲᩴ ᩋᨶ᩠ᨲᩮ ᩌᨴᩥᨿᩥᨲ᩠ᩅᩣ ᨲᨳᩮᩅ ᩈᩩᨴ᩠ᨵᨠᩣᩊᨠᩣᨶᩴ ᩑᩊᨠᩃᩮᩣᨾᩣᨶᩴ ᩈᨶ᩠ᨳᨲᩴ ᨠᩣᩁᩣᨸᩮᨳᩣ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ᨠᨳᨬ᩠ᩉᩥ ¶ ᨶᩣᨾ ᨲᩩᨾ᩠ᩉᩮ, ᨾᩮᩣᨥᨸᩩᩁᩥᩈᩣ, ᨳᩮᩣᨠᩴᨿᩮᩅ ¶ ᩒᨴᩣᨲᩴ ᩋᨶ᩠ᨲᩮ ᩌᨴᩥᨿᩥᨲ᩠ᩅᩣ ᨲᨳᩮᩅ ᩈᩩᨴ᩠ᨵᨠᩣᩊᨠᩣᨶᩴ ᩑᩊᨠᩃᩮᩣᨾᩣᨶᩴ ᩈᨶ᩠ᨳᨲᩴ ᨠᩣᩁᩣᨸᩮᩔᨳ! ᨶᩮᨲᩴ, ᨾᩮᩣᨥᨸᩩᩁᩥᩈᩣ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪕᪕᪓. ‘‘ᨶᩅᩴ ᨸᨶ ᨽᩥᨠ᩠ᨡᩩᨶᩣ ᩈᨶ᩠ᨳᨲᩴ ᨠᩣᩁᨿᨾᩣᨶᩮᨶ ᨴ᩠ᩅᩮ ᨽᩣᨣᩣ ᩈᩩᨴ᩠ᨵᨠᩣᩊᨠᩣᨶᩴ ᩑᩊᨠᩃᩮᩣᨾᩣᨶᩴ ᩌᨴᩣᨲᨻ᩠ᨻᩣ ᨲᨲᩥᨿᩴ ᩒᨴᩣᨲᩣᨶᩴ ᨧᨲᩩᨲ᩠ᨳᩴ ᨣᩮᩣᨧᩁᩥᨿᩣᨶᩴ ¶ . ᩋᨶᩣᨴᩣ ᨧᩮ ᨽᩥᨠ᩠ᨡᩩ ᨴ᩠ᩅᩮ ᨽᩣᨣᩮ ᩈᩩᨴ᩠ᨵᨠᩣᩊᨠᩣᨶᩴ ᩑᩊᨠᩃᩮᩣᨾᩣᨶᩴ ᨲᨲᩥᨿᩴ ᩒᨴᩣᨲᩣᨶᩴ ᨧᨲᩩᨲ᩠ᨳᩴ ᨣᩮᩣᨧᩁᩥᨿᩣᨶᩴ ᨶᩅᩴ ᩈᨶ᩠ᨳᨲᩴ ᨠᩣᩁᩣᨸᩮᨿ᩠ᨿ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

᪕᪕᪔. ᨶᩅᩴ ᨶᩣᨾ ᨠᩁᨱᩴ ᩏᨸᩣᨴᩣᨿ ᩅᩩᨧ᩠ᨧᨲᩥ.

ᩈᨶ᩠ᨳᨲᩴ ᨶᩣᨾ ᩈᨶ᩠ᨳᩁᩥᨲ᩠ᩅᩣ ᨠᨲᩴ ᩉᩮᩣᨲᩥ ᩋᩅᩣᨿᩥᨾᩴ.

ᨠᩣᩁᨿᨾᩣᨶᩮᨶᩣᨲᩥ ᨠᩁᩮᩣᨶ᩠ᨲᩮᩣ ᩅᩣ ᨠᩣᩁᩣᨸᩮᨶ᩠ᨲᩮᩣ ᩅᩣ.

ᨴ᩠ᩅᩮ ᨽᩣᨣᩣ ᩈᩩᨴ᩠ᨵᨠᩣᩊᨠᩣᨶᩴ ᩑᩊᨠᩃᩮᩣᨾᩣᨶᩴ ᩌᨴᩣᨲᨻ᩠ᨻᩣᨲᩥ ᨵᩣᩁᨿᩥᨲ᩠ᩅᩣ ᨴ᩠ᩅᩮ ᨲᩩᩃᩣ ᩌᨴᩣᨲᨻ᩠ᨻᩣ.

ᨲᨲᩥᨿᩴ ᩒᨴᩣᨲᩣᨶᨶ᩠ᨲᩥ ᨲᩩᩃᩴ ᩒᨴᩣᨲᩣᨶᩴ.

ᨧᨲᩩᨲ᩠ᨳᩴ ᨣᩮᩣᨧᩁᩥᨿᩣᨶᨶ᩠ᨲᩥ ᨲᩩᩃᩴ ᨣᩮᩣᨧᩁᩥᨿᩣᨶᩴ.

ᩋᨶᩣᨴᩣ ¶ ᨧᩮ ᨽᩥᨠ᩠ᨡᩩ ᨴ᩠ᩅᩮ ᨽᩣᨣᩮ ᩈᩩᨴ᩠ᨵᨠᩣᩊᨠᩣᨶᩴ ᩑᩊᨠᩃᩮᩣᨾᩣᨶᩴ ᨲᨲᩥᨿᩴ ᩒᨴᩣᨲᩣᨶᩴ ᨧᨲᩩᨲ᩠ᨳᩴ ᨣᩮᩣᨧᩁᩥᨿᩣᨶᨶ᩠ᨲᩥ. ᩋᨶᩣᨴᩥᨿᩥᨲ᩠ᩅᩣ ᨴ᩠ᩅᩮ ᨲᩩᩃᩮ ᩈᩩᨴ᩠ᨵᨠᩣᩊᨠᩣᨶᩴ ᩑᩊᨠᩃᩮᩣᨾᩣᨶᩴ ᨲᩩᩃᩴ ᩒᨴᩣᨲᩣᨶᩴ ᨲᩩᩃᩴ ᨣᩮᩣᨧᩁᩥᨿᩣᨶᩴ ᨶᩅᩴ ᩈᨶ᩠ᨳᨲᩴ ᨠᩁᩮᩣᨲᩥ ᩅᩣ ᨠᩣᩁᩣᨸᩮᨲᩥ ᩅᩣ ᨸᨿᩮᩣᨣᩮ ᨴᩩᨠ᩠ᨠᨭᩴ, ᨸᨭᩥᩃᩣᨽᩮᨶ ᨶᩥᩔᨣ᩠ᨣᩥᨿᩴ ᩉᩮᩣᨲᩥ. ᨶᩥᩔᨩ᩠ᨩᩥᨲᨻ᩠ᨻᩴ ᩈᨦ᩠ᨥᩔ ᩅᩣ ᨣᨱᩔ ᩅᩣ ᨸᩩᨣ᩠ᨣᩃᩔ ᩅᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᨶᩥᩔᨩ᩠ᨩᩥᨲᨻ᩠ᨻᩴ…ᨸᩮ… ᩍᨴᩴ ᨾᩮ, ᨽᨶ᩠ᨲᩮ, ᩈᨶ᩠ᨳᨲᩴ ᩋᨶᩣᨴᩥᨿᩥᨲ᩠ᩅᩣ ᨴ᩠ᩅᩮ ᨲᩩᩃᩮ ᩈᩩᨴ᩠ᨵᨠᩣᩊᨠᩣᨶᩴ ᩑᩊᨠᩃᩮᩣᨾᩣᨶᩴ ᨲᩩᩃᩴ ᩒᨴᩣᨲᩣᨶᩴ ᨲᩩᩃᩴ ᨣᩮᩣᨧᩁᩥᨿᩣᨶᩴ ᨠᩣᩁᩣᨸᩥᨲᩴ ᨶᩥᩔᨣ᩠ᨣᩥᨿᩴ. ᩍᨾᩣᩉᩴ ᩈᨦ᩠ᨥᩔ ᨶᩥᩔᨩ᩠ᨩᩣᨾᩦᨲᩥ…ᨸᩮ… ᨴᨴᩮᨿ᩠ᨿᩣᨲᩥ…ᨸᩮ… ᨴᨴᩮᨿ᩠ᨿᩩᨶ᩠ᨲᩥ…ᨸᩮ… ᩌᨿᩈ᩠ᨾᨲᩮᩣ ᨴᨾ᩠ᨾᩦᨲᩥ.

᪕᪕᪕. ᩋᨲ᩠ᨲᨶᩣ ¶ ᩅᩥᨸ᩠ᨸᨠᨲᩴ ᩋᨲ᩠ᨲᨶᩣ ᨸᩁᩥᨿᩮᩣᩈᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨲ᩠ᨲᨶᩣ ᩅᩥᨸ᩠ᨸᨠᨲᩴ ᨸᩁᩮᩉᩥ ᨸᩁᩥᨿᩮᩣᩈᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᨸᩁᩮᩉᩥ ᩅᩥᨸ᩠ᨸᨠᨲᩴ ᩋᨲ᩠ᨲᨶᩣ ᨸᩁᩥᨿᩮᩣᩈᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ ¶ . ᨸᩁᩮᩉᩥ ᩅᩥᨸ᩠ᨸᨠᨲᩴ ᨸᩁᩮᩉᩥ ᨸᩁᩥᨿᩮᩣᩈᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᩋᨬ᩠ᨬᩔᨲ᩠ᨳᩣᨿ ¶ ᨠᩁᩮᩣᨲᩥ ᩅᩣ ᨠᩣᩁᩣᨸᩮᨲᩥ ᩅᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᨬ᩠ᨬᩮᨶ ᨠᨲᩴ ᨸᨭᩥᩃᨽᩥᨲ᩠ᩅᩣ ᨸᩁᩥᨽᩩᨬ᩠ᨩᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

᪕᪕᪖. ᩋᨶᩣᨸᨲ᩠ᨲᩥ ᨲᩩᩃᩴ ᩒᨴᩣᨲᩣᨶᩴ ᨲᩩᩃᩴ ᨣᩮᩣᨧᩁᩥᨿᩣᨶᩴ ᩌᨴᩥᨿᩥᨲ᩠ᩅᩣ ᨠᩁᩮᩣᨲᩥ, ᨻᩉᩩᨲᩁᩴ ᩒᨴᩣᨲᩣᨶᩴ ᨻᩉᩩᨲᩁᩴ ᨣᩮᩣᨧᩁᩥᨿᩣᨶᩴ ᩌᨴᩥᨿᩥᨲ᩠ᩅᩣ ᨠᩁᩮᩣᨲᩥ, ᩈᩩᨴ᩠ᨵᩴ ᩒᨴᩣᨲᩣᨶᩴ ᩈᩩᨴ᩠ᨵᩴ ᨣᩮᩣᨧᩁᩥᨿᩣᨶᩴ ᩌᨴᩥᨿᩥᨲ᩠ᩅᩣ ᨠᩁᩮᩣᨲᩥ, ᩅᩥᨲᩣᨶᩴ ᩅᩣ ᨽᩪᨾᨲ᩠ᨳᩁᨱᩴ ᩅᩣ ᩈᩣᨱᩥᨸᩣᨠᩣᩁᩴ ᩅᩣ ᨽᩥᩈᩥᩴ ᩅᩣ ᨻᩥᨻ᩠ᨻᩮᩣᩉᨶᩴ ᩅᩣ ᨠᩁᩮᩣᨲᩥ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᨴ᩠ᩅᩮᨽᩣᨣᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨲᨲᩥᨿᩴ.

᪔. ᨨᨻ᩠ᨻᩔᩈᩥᨠ᩠ᨡᩣᨸᨴᩴ

᪕᪕᪗. ᨲᩮᨶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ ᨩᩮᨲᩅᨶᩮ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨽᩥᨠ᩠ᨡᩪ ᩋᨶᩩᩅᩔᩴ ᩈᨶ᩠ᨳᨲᩴ ᨠᩣᩁᩣᨸᩮᨶ᩠ᨲᩥ. ᨲᩮ ᨿᩣᨧᨶᨻᩉᩩᩃᩣ ᩅᩥᨬ᩠ᨬᨲ᩠ᨲᩥᨻᩉᩩᩃᩣ ᩅᩥᩉᩁᨶ᩠ᨲᩥ – ‘‘ᩑᩊᨠᩃᩮᩣᨾᩣᨶᩥ ᨴᩮᨳ. ᩑᩊᨠᩃᩮᩣᨾᩮᩉᩥ ᩋᨲ᩠ᨳᩮᩣ’’ᨲᩥ. ᨾᨶᩩᩔᩣ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩈᨾᨱᩣ ᩈᨠ᩠ᨿᨸᩩᨲ᩠ᨲᩥᨿᩣ ᩋᨶᩩᩅᩔᩴ ᩈᨶ᩠ᨳᨲᩴ ᨠᩣᩁᩣᨸᩮᩔᨶ᩠ᨲᩥ, ᨿᩣᨧᨶᨻᩉᩩᩃᩣ ᩅᩥᨬ᩠ᨬᨲ᩠ᨲᩥᨻᩉᩩᩃᩣ ᩅᩥᩉᩁᩥᩔᨶ᩠ᨲᩥ – ‘ᩑᩊᨠᩃᩮᩣᨾᩣᨶᩥ ᨴᩮᨳ, ᩑᩊᨠᩃᩮᩣᨾᩮᩉᩥ ᩋᨲ᩠ᨳᩮᩣ’’’ᨲᩥ! ᩋᨾ᩠ᩉᩣᨠᩴ ᨸᨶ ᩈᨠᩥᩴ ᨠᨲᩣᨶᩥ ᩈᨶ᩠ᨳᨲᩣᨶᩥ ᨸᨬ᩠ᨧᨸᩥ ᨨᨸᩥ ᩅᩔᩣᨶᩥ ᩉᩮᩣᨶ᩠ᨲᩥ, ᨿᩮᩈᩴ ᨶᩮᩣ ᨴᩣᩁᨠᩣ ᩏᩉᨴᨶ᩠ᨲᩥᨸᩥ ᩏᨾ᩠ᨾᩥᩉᨶ᩠ᨲᩥᨸᩥ ᩏᨶ᩠ᨴᩪᩁᩮᩉᩥᨸᩥ ᨡᨩ᩠ᨩᨶ᩠ᨲᩥ. ᩍᨾᩮ ᨸᨶ ᩈᨾᨱᩣ ᩈᨠ᩠ᨿᨸᩩᨲ᩠ᨲᩥᨿᩣ ᩋᨶᩩᩅᩔᩴ ᩈᨶ᩠ᨳᨲᩴ ᨠᩣᩁᩣᨸᩮᨶ᩠ᨲᩥ, ᨿᩣᨧᨶᨻᩉᩩᩃᩣ ᩅᩥᨬ᩠ᨬᨲ᩠ᨲᩥᨻᩉᩩᩃᩣ ᩅᩥᩉᩁᨶ᩠ᨲᩥ – ‘‘ᩑᩊᨠᩃᩮᩣᨾᩣᨶᩥ ᨴᩮᨳ, ᩑᩊᨠᩃᩮᩣᨾᩮᩉᩥ ᩋᨲ᩠ᨳᩮᩣ’’ᨲᩥ!

ᩋᩔᩮᩣᩈᩩᩴ ᨡᩮᩣ ᨽᩥᨠ᩠ᨡᩪ ᨲᩮᩈᩴ ᨾᨶᩩᩔᩣᨶᩴ ᩏᨩ᩠ᨫᩣᨿᨶ᩠ᨲᩣᨶᩴ ᨡᩥᨿ᩠ᨿᨶ᩠ᨲᩣᨶᩴ ᩅᩥᨸᩣᨧᩮᨶ᩠ᨲᩣᨶᩴ. ᨿᩮ ᨲᩮ ᨽᩥᨠ᩠ᨡᩪ ¶ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᨽᩥᨠ᩠ᨡᩪ ᩋᨶᩩᩅᩔᩴ ᩈᨶ᩠ᨳᨲᩴ ᨠᩣᩁᩣᨸᩮᩔᨶ᩠ᨲᩥ, ᨿᩣᨧᨶᨻᩉᩩᩃᩣ ᩅᩥᨬ᩠ᨬᨲ᩠ᨲᩥᨻᩉᩩᩃᩣ ᩅᩥᩉᩁᩥᩔᨶ᩠ᨲᩥ – ‘ᩑᩊᨠᩃᩮᩣᨾᩣᨶᩥ ᨴᩮᨳ, ᩑᩊᨠᩃᩮᩣᨾᩮᩉᩥ ᩋᨲ᩠ᨳᩮᩣ’’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨲᩮ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ᩈᨧ᩠ᨧᩴ ¶ ᨠᩥᩁ, ᨽᩥᨠ᩠ᨡᩅᩮ, ᨽᩥᨠ᩠ᨡᩪ ᩋᨶᩩᩅᩔᩴ ᩈᨶ᩠ᨳᨲᩴ ᨠᩣᩁᩣᨸᩮᨶ᩠ᨲᩥ, ᨿᩣᨧᨶᨻᩉᩩᩃᩣ ᩅᩥᨬ᩠ᨬᨲ᩠ᨲᩥᨻᩉᩩᩃᩣ ᩅᩥᩉᩁᨶ᩠ᨲᩥ – ‘ᩑᩊᨠᩃᩮᩣᨾᩣᨶᩥ ᨴᩮᨳ, ᩑᩊᨠᩃᩮᩣᨾᩮᩉᩥ ¶ ᩋᨲ᩠ᨳᩮᩣ’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ¶ ᨽᨣᩅᩣ…ᨸᩮ… ᨠᨳᨬ᩠ᩉᩥ ᨶᩣᨾ ᨲᩮ, ᨽᩥᨠ᩠ᨡᩅᩮ, ᨾᩮᩣᨥᨸᩩᩁᩥᩈᩣ ᩋᨶᩩᩅᩔᩴ ᩈᨶ᩠ᨳᨲᩴ ᨠᩣᩁᩣᨸᩮᩔᨶ᩠ᨲᩥ, ᨿᩣᨧᨶᨻᩉᩩᩃᩣ ᩅᩥᨬ᩠ᨬᨲ᩠ᨲᩥᨻᩉᩩᩃᩣ ᩅᩥᩉᩁᩥᩔᨶ᩠ᨲᩥ – ‘ᩑᩊᨠᩃᩮᩣᨾᩣᨶᩥ ᨴᩮᨳ, ᩑᩊᨠᩃᩮᩣᨾᩮᩉᩥ ᩋᨲ᩠ᨳᩮᩣ’ᨲᩥ! ᨶᩮᨲᩴ, ᨽᩥᨠ᩠ᨡᩅᩮ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪕᪕᪘. ‘‘ᨶᩅᩴ ᨸᨶ ᨽᩥᨠ᩠ᨡᩩᨶᩣ ᩈᨶ᩠ᨳᨲᩴ ᨠᩣᩁᩣᨸᩮᨲ᩠ᩅᩣ ᨨᨻ᩠ᨻᩔᩣᨶᩥ ᨵᩣᩁᩮᨲᨻ᩠ᨻᩴ. ᩒᩁᩮᨶ ᨧᩮ ᨨᨶ᩠ᨶᩴ ᩅᩔᩣᨶᩴ ᨲᩴ ᩈᨶ᩠ᨳᨲᩴ ᩅᩥᩔᨩ᩠ᨩᩮᨲ᩠ᩅᩣ ᩅᩣ ᩋᩅᩥᩔᨩ᩠ᨩᩮᨲ᩠ᩅᩣ ᩅᩣ ᩋᨬ᩠ᨬᩴ ᨶᩅᩴ ᩈᨶ᩠ᨳᨲᩴ ᨠᩣᩁᩣᨸᩮᨿ᩠ᨿ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

ᩑᩅᨬ᩠ᨧᩥᨴᩴ ᨽᨣᩅᨲᩣ ᨽᩥᨠ᩠ᨡᩪᨶᩴ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ ᩉᩮᩣᨲᩥ.

᪕᪕᪙. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨽᩥᨠ᩠ᨡᩩ ᨠᩮᩣᩈᨾ᩠ᨻᩥᨿᩴ ᨣᩥᩃᩣᨶᩮᩣ ᩉᩮᩣᨲᩥ. ᨬᩣᨲᨠᩣ ᨲᩔ ᨽᩥᨠ᩠ᨡᩩᨶᩮᩣ ᩈᨶ᩠ᨲᩥᨠᩮ ᨴᩪᨲᩴ ᨸᩣᩉᩮᩈᩩᩴ – ‘‘ᩌᨣᨧ᩠ᨨᨲᩩ, ᨽᨴᨶ᩠ᨲᩮᩣ ᨾᨿᩴ ᩏᨸᨭ᩠ᨮᩉᩥᩔᩣᨾᩣ’’ᨲᩥ. ᨽᩥᨠ᩠ᨡᩪᨸᩥ ᩑᩅᨾᩣᩉᩴᩈᩩ – ‘‘ᨣᨧ᩠ᨨᩣᩅᩩᩈᩮᩣ, ᨬᩣᨲᨠᩣ ᨲᩴ ᩏᨸᨭ᩠ᨮᩉᩥᩔᨶ᩠ᨲᩦ’’ᨲᩥ. ᩈᩮᩣ ᩑᩅᨾᩣᩉ – ‘‘ᨽᨣᩅᨲᩣ, ᩌᩅᩩᩈᩮᩣ, ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ – ‘ᨶᩅᩴ ᨸᨶ ᨽᩥᨠ᩠ᨡᩩᨶᩣ ᩈᨶ᩠ᨳᨲᩴ ᨠᩣᩁᩣᨸᩮᨲ᩠ᩅᩣ ᨨᨻ᩠ᨻᩔᩣᨶᩥ ᨵᩣᩁᩮᨲᨻ᩠ᨻ’ᨶ᩠ᨲᩥ. ᩋᩉᨬ᩠ᨧᨾ᩠ᩉᩥ ᨣᩥᩃᩣᨶᩮᩣ, ᨶ ᩈᨠ᩠ᨠᩮᩣᨾᩥ ᩈᨶ᩠ᨳᨲᩴ ᩌᨴᩣᨿ ᨸᨠ᩠ᨠᨾᩥᨲᩩᩴ. ᨾᨿ᩠ᩉᨬ᩠ᨧ ᩅᩥᨶᩣ ᩈᨶ᩠ᨳᨲᩣ ᨶ ᨹᩣᩈᩩ ᩉᩮᩣᨲᩥ. ᨶᩣᩉᩴ ᨣᨾᩥᩔᩣᨾᩦ’’ᨲᩥ. ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ᩋᨳ ᨡᩮᩣ ᨽᨣᩅᩣ ᩑᨲᩈ᩠ᨾᩥᩴ ᨶᩥᨴᩣᨶᩮ ᩑᨲᩈ᩠ᨾᩥᩴ ᨸᨠᩁᨱᩮ ᨵᨾ᩠ᨾᩥᩴ ᨠᨳᩴ ᨠᨲ᩠ᩅᩣ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ – ‘‘ᩋᨶᩩᨩᩣᨶᩣᨾᩥ, ᨽᩥᨠ᩠ᨡᩅᩮ, ᨣᩥᩃᩣᨶᩔ ᨽᩥᨠ᩠ᨡᩩᨶᩮᩣ ᩈᨶ᩠ᨳᨲᩈᨾ᩠ᨾᩩᨲᩥᩴ ᨴᩣᨲᩩᩴ. ᩑᩅᨬ᩠ᨧ ᨸᨶ ¶ , ᨽᩥᨠ᩠ᨡᩅᩮ, ᨴᩣᨲᨻ᩠ᨻᩣ. ᨲᩮᨶ ᨣᩥᩃᩣᨶᩮᨶ ᨽᩥᨠ᩠ᨡᩩᨶᩣ ᩈᨦ᩠ᨥᩴ ᩏᨸᩈᨦ᩠ᨠᨾᩥᨲ᩠ᩅᩣ ᩑᨠᩴᩈᩴ ᩏᨲ᩠ᨲᩁᩣᩈᨦ᩠ᨣᩴ ᨠᩁᩥᨲ᩠ᩅᩣ ᩅᩩᨯ᩠ᨰᩣᨶᩴ ᨽᩥᨠ᩠ᨡᩪᨶᩴ ᨸᩣᨴᩮ ᩅᨶ᩠ᨴᩥᨲ᩠ᩅᩣ ᩏᨠ᩠ᨠᩩᨭᩥᨠᩴ ᨶᩥᩈᩦᨴᩥᨲ᩠ᩅᩣ ᩋᨬ᩠ᨩᩃᩥᩴ ᨸᨣ᩠ᨣᩉᩮᨲ᩠ᩅᩣ ᩑᩅᨾᩔ ᩅᨧᨶᩦᨿᩮᩣ – ‘ᩋᩉᩴ, ᨽᨶ᩠ᨲᩮ, ᨣᩥᩃᩣᨶᩮᩣ. ᨶ ᩈᨠ᩠ᨠᩮᩣᨾᩥ ᩈᨶ᩠ᨳᨲᩴ ᩌᨴᩣᨿ ᨸᨠ᩠ᨠᨾᩥᨲᩩᩴ. ᩈᩮᩣᩉᩴ, ᨽᨶ᩠ᨲᩮ, ᩈᨦ᩠ᨥᩴ ᩈᨶ᩠ᨳᨲᩈᨾ᩠ᨾᩩᨲᩥᩴ ᨿᩣᨧᩣᨾᩦ’ᨲᩥ. ᨴᩩᨲᩥᨿᨾ᩠ᨸᩥ ᨿᩣᨧᩥᨲᨻ᩠ᨻᩣ. ᨲᨲᩥᨿᨾ᩠ᨸᩥ ᨿᩣᨧᩥᨲᨻ᩠ᨻᩣ. ᨻ᩠ᨿᨲ᩠ᨲᩮᨶ ᨽᩥᨠ᩠ᨡᩩᨶᩣ ᨸᨭᩥᨻᩃᩮᨶ ᩈᨦ᩠ᨥᩮᩣ ᨬᩣᨸᩮᨲᨻ᩠ᨻᩮᩣ –

᪕᪖᪐. ‘‘ᩈᩩᨱᩣᨲᩩ ¶ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᩋᨿᩴ ᩍᨲ᩠ᨳᨶ᩠ᨶᩣᨾᩮᩣ ᨽᩥᨠ᩠ᨡᩩ ᨣᩥᩃᩣᨶᩮᩣ. ᨶ ᩈᨠ᩠ᨠᩮᩣᨲᩥ ᩈᨶ᩠ᨳᨲᩴ ᩌᨴᩣᨿ ᨸᨠ᩠ᨠᨾᩥᨲᩩᩴ. ᩈᩮᩣ ᩈᨦ᩠ᨥᩴ ᩈᨶ᩠ᨳᨲᩈᨾ᩠ᨾᩩᨲᩥᩴ ᨿᩣᨧᨲᩥ. ᨿᨴᩥ ᩈᨦ᩠ᨥᩔ ᨸᨲ᩠ᨲᨠᩃ᩠ᩃᩴ, ᩈᨦ᩠ᨥᩮᩣ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᩈᨶ᩠ᨳᨲᩈᨾ᩠ᨾᩩᨲᩥᩴ ᨴᨴᩮᨿ᩠ᨿ. ᩑᩈᩣ ᨬᨲ᩠ᨲᩥ.

‘‘ᩈᩩᨱᩣᨲᩩ ¶ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ ¶ . ᩋᨿᩴ ᩍᨲ᩠ᨳᨶ᩠ᨶᩣᨾᩮᩣ ᨽᩥᨠ᩠ᨡᩩ ᨣᩥᩃᩣᨶᩮᩣ. ᨶ ᩈᨠ᩠ᨠᩮᩣᨲᩥ ᩈᨶ᩠ᨳᨲᩴ ᩌᨴᩣᨿ ᨸᨠ᩠ᨠᨾᩥᨲᩩᩴ. ᩈᩮᩣ ᩈᨦ᩠ᨥᩴ ᩈᨶ᩠ᨳᨲᩈᨾ᩠ᨾᩩᨲᩥᩴ ᨿᩣᨧᨲᩥ. ᩈᨦ᩠ᨥᩮᩣ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᩈᨶ᩠ᨳᨲᩈᨾ᩠ᨾᩩᨲᩥᩴ ᨴᩮᨲᩥ. ᨿᩔᩣᨿᩈ᩠ᨾᨲᩮᩣ ᨡᨾᨲᩥ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᩈᨶ᩠ᨳᨲᩈᨾ᩠ᨾᩩᨲᩥᨿᩣ ᨴᩣᨶᩴ, ᩈᩮᩣ ᨲᩩᨱ᩠ᩉᩔ; ᨿᩔ ᨶᨠ᩠ᨡᨾᨲᩥ, ᩈᩮᩣ ᨽᩣᩈᩮᨿ᩠ᨿ.

‘‘ᨴᩥᨶ᩠ᨶᩣ ᩈᨦ᩠ᨥᩮᨶ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᩈᨶ᩠ᨳᨲᩈᨾ᩠ᨾᩩᨲᩥ. ᨡᨾᨲᩥ ᩈᨦ᩠ᨥᩔ, ᨲᩈ᩠ᨾᩣ ᨲᩩᨱ᩠ᩉᩦ, ᩑᩅᨾᩮᨲᩴ ᨵᩣᩁᨿᩣᨾᩦ’’ᨲᩥ.

ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪕᪖᪑. ‘‘ᨶᩅᩴ ᨸᨶ ᨽᩥᨠ᩠ᨡᩩᨶᩣ ᩈᨶ᩠ᨳᨲᩴ ᨠᩣᩁᩣᨸᩮᨲ᩠ᩅᩣ ᨨᨻ᩠ᨻᩔᩣᨶᩥ ᨵᩣᩁᩮᨲᨻ᩠ᨻᩴ. ᩒᩁᩮᨶ ᨧᩮ ᨨᨶ᩠ᨶᩴ ᩅᩔᩣᨶᩴ ᨲᩴ ᩈᨶ᩠ᨳᨲᩴ ᩅᩥᩔᨩ᩠ᨩᩮᨲ᩠ᩅᩣ ᩅᩣ ᩋᩅᩥᩔᨩ᩠ᨩᩮᨲ᩠ᩅᩣ ᩅᩣ ᩋᨬ᩠ᨬᩴ ᨶᩅᩴ ᩈᨶ᩠ᨳᨲᩴ ᨠᩣᩁᩣᨸᩮᨿ᩠ᨿ, ᩋᨬ᩠ᨬᨲᩕ ᨽᩥᨠ᩠ᨡᩩᩈᨾ᩠ᨾᩩᨲᩥᨿᩣ ¶ , ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

᪕᪖᪒. ᨶᩅᩴ ᨶᩣᨾ ᨠᩁᨱᩴ ᩏᨸᩣᨴᩣᨿ ᩅᩩᨧ᩠ᨧᨲᩥ.

ᩈᨶ᩠ᨳᨲᩴ ᨶᩣᨾ ᩈᨶ᩠ᨳᩁᩥᨲ᩠ᩅᩣ ᨠᨲᩴ ᩉᩮᩣᨲᩥ ᩋᩅᩣᨿᩥᨾᩴ.

ᨠᩣᩁᩣᨸᩮᨲ᩠ᩅᩣᨲᩥ ᨠᩁᩥᨲ᩠ᩅᩣ ᩅᩣ ᨠᩣᩁᩣᨸᩮᨲ᩠ᩅᩣ ᩅᩣ.

ᨨᨻ᩠ᨻᩔᩣᨶᩥ ᨵᩣᩁᩮᨲᨻ᩠ᨻᨶ᩠ᨲᩥ ᨨᨻ᩠ᨻᩔᨸᩁᨾᨲᩣ ᨵᩣᩁᩮᨲᨻ᩠ᨻᩴ.

ᩒᩁᩮᨶ ᨧᩮ ᨨᨶ᩠ᨶᩴ ᩅᩔᩣᨶᨶ᩠ᨲᩥ ᩐᨶᨠᨨᨻ᩠ᨻᩔᩣᨶᩥ.

ᨲᩴ ᩈᨶ᩠ᨳᨲᩴ ᩅᩥᩔᨩ᩠ᨩᩮᨲ᩠ᩅᩣᨲᩥ ᩋᨬ᩠ᨬᩮᩈᩴ ᨴᨲ᩠ᩅᩣ.

ᩋᩅᩥᩔᨩ᩠ᨩᩮᨲ᩠ᩅᩣᨲᩥ ¶ ᨶ ᨠᩔᨧᩥ ᨴᨲ᩠ᩅᩣ.

ᩋᨬ᩠ᨬᨲᩕ ᨽᩥᨠ᩠ᨡᩩᩈᨾ᩠ᨾᩩᨲᩥᨿᩣᨲᩥ ᨮᨸᩮᨲ᩠ᩅᩣ ᨽᩥᨠ᩠ᨡᩩᩈᨾ᩠ᨾᩩᨲᩥᩴ ᩋᨬ᩠ᨬᩴ ᨶᩅᩴ ᩈᨶ᩠ᨳᨲᩴ ᨠᩁᩮᩣᨲᩥ ᩅᩣ ᨠᩣᩁᩣᨸᩮᨲᩥ ᩅᩣ, ᨸᨿᩮᩣᨣᩮ ᨴᩩᨠ᩠ᨠᨭᩴ. ᨸᨭᩥᩃᩣᨽᩮᨶ ᨶᩥᩔᨣ᩠ᨣᩥᨿᩴ ᩉᩮᩣᨲᩥ. ᨶᩥᩔᨩ᩠ᨩᩥᨲᨻ᩠ᨻᩴ ᩈᨦ᩠ᨥᩔ ᩅᩣ ᨣᨱᩔ ᩅᩣ ᨸᩩᨣ᩠ᨣᩃᩔ ᩅᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᨶᩥᩔᨩ᩠ᨩᩥᨲᨻ᩠ᨻᩴ…ᨸᩮ… ᩍᨴᩴ ᨾᩮ, ᨽᨶ᩠ᨲᩮ, ᩈᨶ᩠ᨳᨲᩴ ᩐᨶᨠᨨᨻ᩠ᨻᩔᩣᨶᩥ ᨠᩣᩁᩣᨸᩥᨲᩴ, ᩋᨬ᩠ᨬᨲᩕ ᨽᩥᨠ᩠ᨡᩩᩈᨾ᩠ᨾᩩᨲᩥᨿᩣ, ᨶᩥᩔᨣ᩠ᨣᩥᨿᩴ. ᩍᨾᩣᩉᩴ ᩈᨦ᩠ᨥᩔ ᨶᩥᩔᨩ᩠ᨩᩣᨾᩦᨲᩥ…ᨸᩮ… ᨴᨴᩮᨿ᩠ᨿᩣᨲᩥ…ᨸᩮ… ᨴᨴᩮᨿ᩠ᨿᩩᨶ᩠ᨲᩥ…ᨸᩮ… ᩌᨿᩈ᩠ᨾᨲᩮᩣ ᨴᨾ᩠ᨾᩦᨲᩥ.

᪕᪖᪓. ᩋᨲ᩠ᨲᨶᩣ ᩅᩥᨸ᩠ᨸᨠᨲᩴ ᩋᨲ᩠ᨲᨶᩣ ᨸᩁᩥᨿᩮᩣᩈᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨲ᩠ᨲᨶᩣ ᩅᩥᨸ᩠ᨸᨠᨲᩴ ᨸᩁᩮᩉᩥ ᨸᩁᩥᨿᩮᩣᩈᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ ¶ . ᨸᩁᩮᩉᩥ ᩅᩥᨸ᩠ᨸᨠᨲᩴ ᩋᨲ᩠ᨲᨶᩣ ᨸᩁᩥᨿᩮᩣᩈᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᨸᩁᩮᩉᩥ ᩅᩥᨸ᩠ᨸᨠᨲᩴ ᨸᩁᩮᩉᩥ ᨸᩁᩥᨿᩮᩣᩈᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

᪕᪖᪔. ᩋᨶᩣᨸᨲ᩠ᨲᩥ ᨨᨻ᩠ᨻᩔᩣᨶᩥ ᨠᩁᩮᩣᨲᩥ, ᩋᨲᩥᩁᩮᨠᨨᨻ᩠ᨻᩔᩣᨶᩥ ᨠᩁᩮᩣᨲᩥ, ᩋᨬ᩠ᨬᩔᨲ᩠ᨳᩣᨿ ᨠᩁᩮᩣᨲᩥ ᩅᩣ ᨠᩣᩁᩣᨸᩮᨲᩥ ᩅᩣ, ᩋᨬ᩠ᨬᩮᨶ ᨠᨲᩴ ᨸᨭᩥᩃᨽᩥᨲ᩠ᩅᩣ ᨸᩁᩥᨽᩩᨬ᩠ᨩᨲᩥ ¶ , ᩅᩥᨲᩣᨶᩴ ᩅᩣ ᨽᩪᨾᨲ᩠ᨳᩁᨱᩴ ᩅᩣ ᩈᩣᨱᩥᨸᩣᨠᩣᩁᩴ ᩅᩣ ᨽᩥᩈᩥᩴ ᩅᩣ ᨻᩥᨻ᩠ᨻᩮᩣᩉᨶᩴ ᩅᩣ ᨠᩁᩮᩣᨲᩥ, ᨽᩥᨠ᩠ᨡᩩᩈᨾ᩠ᨾᩩᨲᩥᨿᩣ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᨨᨻ᩠ᨻᩔᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨧᨲᩩᨲ᩠ᨳᩴ.

᪕. ᨶᩥᩈᩦᨴᨶᩈᨶ᩠ᨳᨲᩈᩥᨠ᩠ᨡᩣᨸᨴᩴ

᪕᪖᪕. ᨲᩮᨶ ¶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ ᨩᩮᨲᩅᨶᩮ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮ. ᩋᨳ ᨡᩮᩣ ᨽᨣᩅᩣ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ – ‘‘ᩍᨧ᩠ᨨᩣᨾᩉᩴ, ᨽᩥᨠ᩠ᨡᩅᩮ, ᨲᩮᨾᩣᩈᩴ ᨸᨭᩥᩈᩃ᩠ᩃᩦᨿᩥᨲᩩᩴ. ᨶᨾ᩠ᩉᩥ ᨠᩮᨶᨧᩥ ᩏᨸᩈᨦ᩠ᨠᨾᩥᨲᨻ᩠ᨻᩮᩣ, ᩋᨬ᩠ᨬᨲᩕ ᩑᨠᩮᨶ ᨸᩥᨱ᩠ᨯᨸᩣᨲᨶᩦᩉᩣᩁᨠᩮᨶᩣ’’ᨲᩥ. ‘‘ᩑᩅᩴ, ᨽᨶ᩠ᨲᩮ,’’ᨲᩥ ᨡᩮᩣ ᨲᩮ ᨽᩥᨠ᩠ᨡᩪ ᨽᨣᩅᨲᩮᩣ ᨸᨭᩥᩔᩩᨱᩥᨲ᩠ᩅᩣ ᨶᩣᩔᩩᨵ ᨠᩮᩣᨧᩥ ᨽᨣᩅᨶ᩠ᨲᩴ ᩏᨸᩈᨦ᩠ᨠᨾᨲᩥ, ᩋᨬ᩠ᨬᨲᩕ ᩑᨠᩮᨶ ᨸᩥᨱ᩠ᨯᨸᩣᨲᨶᩦᩉᩣᩁᨠᩮᨶ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩈᩣᩅᨲ᩠ᨳᩥᨿᩣ ᩈᨦ᩠ᨥᩮᨶ ᨠᨲᩥᨠᩣ ᨠᨲᩣ ᩉᩮᩣᨲᩥ – ‘‘ᩍᨧ᩠ᨨᨲᩣᩅᩩᩈᩮᩣ, ᨽᨣᩅᩣ ᨲᩮᨾᩣᩈᩴ ᨸᨭᩥᩈᩃ᩠ᩃᩦᨿᩥᨲᩩᩴ. ᨶ ᨽᨣᩅᩣ ᨠᩮᨶᨧᩥ ᩏᨸᩈᨦ᩠ᨠᨾᩥᨲᨻ᩠ᨻᩮᩣ ¶ , ᩋᨬ᩠ᨬᨲᩕ ᩑᨠᩮᨶ ᨸᩥᨱ᩠ᨯᨸᩣᨲᨶᩦᩉᩣᩁᨠᩮᨶ. ᨿᩮᩣ ᨽᨣᩅᨶ᩠ᨲᩴ ᩏᨸᩈᨦ᩠ᨠᨾᨲᩥ ᩈᩮᩣ ᨸᩣᨧᩥᨲ᩠ᨲᩥᨿᩴ ᨴᩮᩈᩣᨸᩮᨲᨻ᩠ᨻᩮᩣ’’ᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᩏᨸᩈᩮᨶᩮᩣ ᩅᨦ᩠ᨣᨶ᩠ᨲᨸᩩᨲ᩠ᨲᩮᩣ, ᩈᨸᩁᩥᩈᩮᩣ ᨿᩮᨶ ᨽᨣᩅᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨽᨣᩅᨶ᩠ᨲᩴ ᩋᨽᩥᩅᩣᨴᩮᨲ᩠ᩅᩣ ᩑᨠᨾᨶ᩠ᨲᩴ ᨶᩥᩈᩦᨴᩥ. ᩌᨧᩥᨱ᩠ᨱᩴ ᨡᩮᩣ ᨸᨶᩮᨲᩴ ᨻᩩᨴ᩠ᨵᩣᨶᩴ ᨽᨣᩅᨶ᩠ᨲᩣᨶᩴ ᩌᨣᨶ᩠ᨲᩩᨠᩮᩉᩥ ᨽᩥᨠ᩠ᨡᩪᩉᩥ ᩈᨴ᩠ᨵᩥᩴ ᨸᨭᩥᩈᨾ᩠ᨾᩮᩣᨴᩥᨲᩩᩴ. ᩋᨳ ᨡᩮᩣ ᨽᨣᩅᩣ ᩌᨿᩈ᩠ᨾᨶ᩠ᨲᩴ ᩏᨸᩈᩮᨶᩴ ᩅᨦ᩠ᨣᨶ᩠ᨲᨸᩩᨲ᩠ᨲᩴ ᩑᨲᨴᩅᩮᩣᨧ – ‘‘ᨠᨧ᩠ᨧᩥ ᩅᩮᩣ, ᩏᨸᩈᩮᨶ, ᨡᨾᨶᩦᨿᩴ ᨠᨧ᩠ᨧᩥ ᨿᩣᨸᨶᩦᨿᩴ, ᨠᨧ᩠ᨧᩥᨲ᩠ᨳ ᩋᨸ᩠ᨸᨠᩥᩃᨾᨳᩮᨶ ᩋᨴ᩠ᨵᩣᨶᩴ ᩌᨣᨲᩣ’’ᨲᩥ? ‘‘ᨡᨾᨶᩦᨿᩴ ¶ , ᨽᨣᩅᩣ, ᨿᩣᨸᨶᩦᨿᩴ, ᨽᨣᩅᩣ. ᩋᨸ᩠ᨸᨠᩥᩃᨾᨳᩮᨶ ᨧ ᨾᨿᩴ, ᨽᨶ᩠ᨲᩮ, ᩋᨴ᩠ᨵᩣᨶᩴ ᩌᨣᨲᩣ’’ᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᨿᩈ᩠ᨾᨲᩮᩣ ᩏᨸᩈᩮᨶᩔ ᩅᨦ᩠ᨣᨶ᩠ᨲᨸᩩᨲ᩠ᨲᩔ ᩈᨴ᩠ᨵᩥᩅᩥᩉᩣᩁᩥᨠᩮᩣ ᨽᩥᨠ᩠ᨡᩩ ᨽᨣᩅᨲᩮᩣ ᩋᩅᩥᨴᩪᩁᩮ ᨶᩥᩈᩥᨶ᩠ᨶᩮᩣ ᩉᩮᩣᨲᩥ. ᩋᨳ ᨡᩮᩣ ᨽᨣᩅᩣ ¶ ᨲᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᨾᨶᩣᨸᩣᨶᩥ ᨲᩮ, ᨽᩥᨠ᩠ᨡᩩ, ᨸᩴᩈᩩᨠᩪᩃᩣᨶᩦ’’ᨲᩥ? ‘‘ᨶ ᨡᩮᩣ ᨾᩮ, ᨽᨶ᩠ᨲᩮ, ᨾᨶᩣᨸᩣᨶᩥ ᨸᩴᩈᩩᨠᩪᩃᩣᨶᩦ’’ᨲᩥ. ‘‘ᨠᩥᩔ ᨸᨶ ᨲ᩠ᩅᩴ, ᨽᩥᨠ᩠ᨡᩩ, ᨸᩴᩈᩩᨠᩪᩃᩥᨠᩮᩣ’’ᨲᩥ? ‘‘ᩏᨸᨩ᩠ᨫᩣᨿᩮᩣ ᨾᩮ, ᨽᨶ᩠ᨲᩮ, ᨸᩴᩈᩩᨠᩪᩃᩥᨠᩮᩣ. ᩑᩅᩴ ᩋᩉᨾ᩠ᨸᩥ ᨸᩴᩈᩩᨠᩪᩃᩥᨠᩮᩣ’’ᨲᩥ. ᩋᨳ ᨡᩮᩣ ᨽᨣᩅᩣ ᩌᨿᩈ᩠ᨾᨶ᩠ᨲᩴ ᩏᨸᩈᩮᨶᩴ ᩅᨦ᩠ᨣᨶ᩠ᨲᨸᩩᨲ᩠ᨲᩴ ᩑᨲᨴᩅᩮᩣᨧ – ‘‘ᨸᩣᩈᩣᨴᩥᨠᩣ ᨡᩮᩣ ᨲ᩠ᨿᩣᨿᩴ, ᩏᨸᩈᩮᨶ, ᨸᩁᩥᩈᩣ. ᨠᨳᩴ ᨲ᩠ᩅᩴ, ᩏᨸᩈᩮᨶ, ᨸᩁᩥᩈᩴ ᩅᩥᨶᩮᩈᩦ’’ᨲᩥ? ‘‘ᨿᩮᩣ ᨾᩴ, ᨽᨶ᩠ᨲᩮ, ᩏᨸᩈᨾ᩠ᨸᨴᩴ ᨿᩣᨧᨲᩥ ᨲᨾᩉᩴ [ᨲᩣᩉᩴ (ᨠ.)] ᩑᩅᩴ ᩅᨴᩣᨾᩥ – ‘ᩋᩉᩴ ᨡᩮᩣ, ᩌᩅᩩᩈᩮᩣ, ᩌᩁᨬ᩠ᨬᩥᨠᩮᩣ ᨸᩥᨱ᩠ᨯᨸᩣᨲᩥᨠᩮᩣ ᨸᩴᩈᩩᨠᩪᩃᩥᨠᩮᩣ. ᩈᨧᩮ ᨲ᩠ᩅᨾ᩠ᨸᩥ ᩌᩁᨬ᩠ᨬᩥᨠᩮᩣ ᨽᩅᩥᩔᩈᩥ ᨸᩥᨱ᩠ᨯᨸᩣᨲᩥᨠᩮᩣ ᨸᩴᩈᩩᨠᩪᩃᩥᨠᩮᩣ, ᩑᩅᩣᩉᩴ ᨲᩴ ᩏᨸᩈᨾ᩠ᨸᩣᨴᩮᩔᩣᨾᩦ’ᨲᩥ. ᩈᨧᩮ ᨾᩮ ᨸᨭᩥᩔᩩᨱᩣᨲᩥ ᩏᨸᩈᨾ᩠ᨸᩣᨴᩮᨾᩥ, ᨶᩮᩣ ᨧᩮ ᨾᩮ ᨸᨭᩥᩔᩩᨱᩣᨲᩥ ᨶ ᩏᨸᩈᨾ᩠ᨸᩣᨴᩮᨾᩥ. ᨿᩮᩣ ¶ ᨾᩴ ᨶᩥᩔᨿᩴ ᨿᩣᨧᨲᩥ ᨲᨾᩉᩴ [ᨲᩣᩉᩴ (ᨠ.)] ᩑᩅᩴ ᩅᨴᩣᨾᩥ – ‘ᩋᩉᩴ ᨡᩮᩣ, ᩌᩅᩩᩈᩮᩣ, ᩌᩁᨬ᩠ᨬᩥᨠᩮᩣ ᨸᩥᨱ᩠ᨯᨸᩣᨲᩥᨠᩮᩣ ᨸᩴᩈᩩᨠᩪᩃᩥᨠᩮᩣ. ᩈᨧᩮ ᨲ᩠ᩅᨾ᩠ᨸᩥ ᩌᩁᨬ᩠ᨬᩥᨠᩮᩣ ᨽᩅᩥᩔᩈᩥ ᨸᩥᨱ᩠ᨯᨸᩣᨲᩥᨠᩮᩣ ᨸᩴᩈᩩᨠᩪᩃᩥᨠᩮᩣ, ᩑᩅᩣᩉᩴ ᨲᩮ ᨶᩥᩔᨿᩴ ᨴᩔᩣᨾᩦ’ᨲᩥ. ᩈᨧᩮ ᨾᩮ ᨸᨭᩥᩔᩩᨱᩣᨲᩥ ᨶᩥᩔᨿᩴ ᨴᩮᨾᩥ, ᨶᩮᩣ ᨧᩮ ᨾᩮ ᨸᨭᩥᩔᩩᨱᩣᨲᩥ ᨶ ᨶᩥᩔᨿᩴ ᨴᩮᨾᩥ. ᩑᩅᩴ ᨡᩮᩣ ᩋᩉᩴ, ᨽᨶ᩠ᨲᩮ, ᨸᩁᩥᩈᩴ ᩅᩥᨶᩮᨾᩦ’’ᨲᩥ.

‘‘ᩈᩣᨵᩩ ᩈᩣᨵᩩ, ᩏᨸᩈᩮᨶ. ᩈᩣᨵᩩ ᨡᩮᩣ ᨲ᩠ᩅᩴ, ᩏᨸᩈᩮᨶ, ᨸᩁᩥᩈᩴ ᩅᩥᨶᩮᩈᩥ ¶ . ᨩᩣᨶᩣᩈᩥ ᨸᨶ ᨲ᩠ᩅᩴ, ᩏᨸᩈᩮᨶ, ᩈᩣᩅᨲ᩠ᨳᩥᨿᩣ ᩈᨦ᩠ᨥᩔ ᨠᨲᩥᨠ’’ᨶ᩠ᨲᩥ? ‘‘ᨶ ᨡᩮᩣ ᩋᩉᩴ, ᨽᨶ᩠ᨲᩮ, ᨩᩣᨶᩣᨾᩥ ᩈᩣᩅᨲ᩠ᨳᩥᨿᩣ ᩈᨦ᩠ᨥᩔ ᨠᨲᩥᨠ’’ᨶ᩠ᨲᩥ. ‘‘ᩈᩣᩅᨲ᩠ᨳᩥᨿᩣ ᨡᩮᩣ, ᩏᨸᩈᩮᨶ, ᩈᨦ᩠ᨥᩮᨶ ᨠᨲᩥᨠᩣ ᨠᨲᩣ – ‘ᩍᨧ᩠ᨨᨲᩣᩅᩩᩈᩮᩣ, ᨽᨣᩅᩣ ᨲᩮᨾᩣᩈᩴ ᨸᨭᩥᩈᩃ᩠ᩃᩦᨿᩥᨲᩩᩴ. ᨶ ᨽᨣᩅᩣ ᨠᩮᨶᨧᩥ ᩏᨸᩈᨦ᩠ᨠᨾᩥᨲᨻ᩠ᨻᩮᩣ, ᩋᨬ᩠ᨬᨲᩕ ᩑᨠᩮᨶ ᨸᩥᨱ᩠ᨯᨸᩣᨲᨶᩦᩉᩣᩁᨠᩮᨶ. ᨿᩮᩣ ᨽᨣᩅᨶ᩠ᨲᩴ ᩏᨸᩈᨦ᩠ᨠᨾᨲᩥ ᩈᩮᩣ ᨸᩣᨧᩥᨲ᩠ᨲᩥᨿᩴ ᨴᩮᩈᩣᨸᩮᨲᨻ᩠ᨻᩮᩣ’ᨲᩥ. ‘‘ᨸᨬ᩠ᨬᩣᨿᩥᩔᨲᩥ, ᨽᨶ᩠ᨲᩮ, ᩈᩣᩅᨲ᩠ᨳᩥᨿᩣ ᩈᨦ᩠ᨥᩮᩣ ᩈᨠᩣᨿ ᨠᨲᩥᨠᩣᨿ, ᨶ ᨾᨿᩴ ᩋᨸᨬ᩠ᨬᨲ᩠ᨲᩴ ᨸᨬ᩠ᨬᨸᩮᩔᩣᨾ ᨸᨬ᩠ᨬᨲ᩠ᨲᩴ ᩅᩣ ᨶ ᩈᨾᩩᨧ᩠ᨨᩥᨶ᩠ᨴᩥᩔᩣᨾ, ᨿᨳᩣᨸᨬ᩠ᨬᨲ᩠ᨲᩮᩈᩩ ᩈᩥᨠ᩠ᨡᩣᨸᨴᩮᩈᩩ ᩈᨾᩣᨴᩣᨿ ᩅᨲ᩠ᨲᩥᩔᩣᨾᩣ’’ᨲᩥ. ‘‘ᩈᩣᨵᩩ ¶ ᩈᩣᨵᩩ, ᩏᨸᩈᩮᨶ, ᩋᨸᨬ᩠ᨬᨲ᩠ᨲᩴ ᨶ ᨸᨬ᩠ᨬᨸᩮᨲᨻ᩠ᨻᩴ, ᨸᨬ᩠ᨬᨲ᩠ᨲᩴ ᩅᩣ ᨶ ᩈᨾᩩᨧ᩠ᨨᩥᨶ᩠ᨴᩥᨲᨻ᩠ᨻᩴ, ᨿᨳᩣᨸᨬ᩠ᨬᨲ᩠ᨲᩮᩈᩩ ᩈᩥᨠ᩠ᨡᩣᨸᨴᩮᩈᩩ ᩈᨾᩣᨴᩣᨿ ᩅᨲ᩠ᨲᩥᨲᨻ᩠ᨻᩴ. ᩋᨶᩩᨩᩣᨶᩣᨾᩥ, ᩏᨸᩈᩮᨶ, ᨿᩮ ᨲᩮ ᨽᩥᨠ᩠ᨡᩪ ᩌᩁᨬ᩠ᨬᩥᨠᩣ ᨸᩥᨱ᩠ᨯᨸᩣᨲᩥᨠᩣ ᨸᩴᩈᩩᨠᩪᩃᩥᨠᩣ ᨿᨳᩣᩈᩩᨡᩴ ᨾᩴ ᨴᩔᨶᩣᨿ ᩏᨸᩈᨦ᩠ᨠᨾᨶ᩠ᨲᩪ’’ᨲᩥ.

᪕᪖᪖. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩈᨾ᩠ᨻᩉᩩᩃᩣ ᨽᩥᨠ᩠ᨡᩪ ᨻᩉᩥᨴ᩠ᩅᩣᩁᨠᩮᩣᨭ᩠ᨮᨠᩮ ᨮᩥᨲᩣ ᩉᩮᩣᨶ᩠ᨲᩥ – ‘‘ᨾᨿᩴ ᩌᨿᩈ᩠ᨾᨶ᩠ᨲᩴ ᩏᨸᩈᩮᨶᩴ ᩅᨦ᩠ᨣᨶ᩠ᨲᨸᩩᨲ᩠ᨲᩴ ᨸᩣᨧᩥᨲ᩠ᨲᩥᨿᩴ ᨴᩮᩈᩣᨸᩮᩔᩣᨾᩣ’’ᨲᩥ ¶ . ᩋᨳ ᨡᩮᩣ ᩌᨿᩈ᩠ᨾᩣ ᩏᨸᩈᩮᨶᩮᩣ ᩅᨦ᩠ᨣᨶ᩠ᨲᨸᩩᨲ᩠ᨲᩮᩣ ᩈᨸᩁᩥᩈᩮᩣ ᩏᨭ᩠ᨮᩣᨿᩣᩈᨶᩣ ᨽᨣᩅᨶ᩠ᨲᩴ ᩋᨽᩥᩅᩣᨴᩮᨲ᩠ᩅᩣ ᨸᨴᨠ᩠ᨡᩥᨱᩴ ᨠᨲ᩠ᩅᩣ ᨸᨠ᩠ᨠᩣᨾᩥ. ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᩌᨿᩈ᩠ᨾᨶ᩠ᨲᩴ ᩏᨸᩈᩮᨶᩴ ᩅᨦ᩠ᨣᨶ᩠ᨲᨸᩩᨲ᩠ᨲᩴ ᩑᨲᨴᩅᩮᩣᨧᩩᩴ – ‘‘ᨩᩣᨶᩣᩈᩥ ᨲ᩠ᩅᩴ, ᩌᩅᩩᩈᩮᩣ ᩏᨸᩈᩮᨶ, ᩈᩣᩅᨲ᩠ᨳᩥᨿᩣ ᩈᨦ᩠ᨥᩔ ᨠᨲᩥᨠ’’ᨶ᩠ᨲᩥ. ‘‘ᨽᨣᩅᩣᨸᩥ ᨾᩴ, ᩌᩅᩩᩈᩮᩣ, ᩑᩅᨾᩣᩉ – ‘ᨩᩣᨶᩣᩈᩥ ᨸᨶ ᨲ᩠ᩅᩴ, ᩏᨸᩈᩮᨶ, ᩈᩣᩅᨲ᩠ᨳᩥᨿᩣ ᩈᨦ᩠ᨥᩔ ¶ ᨠᨲᩥᨠ’ᨶ᩠ᨲᩥ? ᨶ ᨡᩮᩣ ᩋᩉᩴ, ᨽᨶ᩠ᨲᩮ, ᨩᩣᨶᩣᨾᩥ ᩈᩣᩅᨲ᩠ᨳᩥᨿᩣ ᩈᨦ᩠ᨥᩔ ᨠᨲᩥᨠ’’ᨶ᩠ᨲᩥ. ‘‘ᩈᩣᩅᨲ᩠ᨳᩥᨿᩣ ᨡᩮᩣ, ᩏᨸᩈᩮᨶ, ᩈᨦ᩠ᨥᩮᨶ ᨠᨲᩥᨠᩣ ᨠᨲᩣ – ᩍᨧ᩠ᨨᨲᩣᩅᩩᩈᩮᩣ, ᨽᨣᩅᩣ ᨲᩮᨾᩣᩈᩴ ᨸᨭᩥᩈᩃ᩠ᩃᩦᨿᩥᨲᩩᩴ. ᨶ ᨽᨣᩅᩣ ᨠᩮᨶᨧᩥ ᩏᨸᩈᨦ᩠ᨠᨾᩥᨲᨻ᩠ᨻᩮᩣ, ᩋᨬ᩠ᨬᨲᩕ ᩑᨠᩮᨶ ᨸᩥᨱ᩠ᨯᨸᩣᨲᨶᩦᩉᩣᩁᨠᩮᨶ. ᨿᩮᩣ ᨽᨣᩅᨶ᩠ᨲᩴ ᩏᨸᩈᨦ᩠ᨠᨾᨲᩥ ᩈᩮᩣ ᨸᩣᨧᩥᨲ᩠ᨲᩥᨿᩴ ᨴᩮᩈᩣᨸᩮᨲᨻ᩠ᨻᩮᩣ’’ᨲᩥ. ‘‘ᨸᨬ᩠ᨬᩣᨿᩥᩔᨲᩥ, ᨽᨶ᩠ᨲᩮ, ᩈᩣᩅᨲ᩠ᨳᩥᨿᩣ ᩈᨦ᩠ᨥᩮᩣ ᩈᨠᩣᨿ ᨠᨲᩥᨠᩣᨿ, ᨶ ᨾᨿᩴ ᩋᨸᨬ᩠ᨬᨲ᩠ᨲᩴ ᨸᨬ᩠ᨬᨸᩮᩔᩣᨾ ᨸᨬ᩠ᨬᨲ᩠ᨲᩴ ᩅᩣ ᨶ ᩈᨾᩩᨧ᩠ᨨᩥᨶ᩠ᨴᩥᩔᩣᨾ, ᨿᨳᩣᨸᨬ᩠ᨬᨲ᩠ᨲᩮᩈᩩ ᩈᩥᨠ᩠ᨡᩣᨸᨴᩮᩈᩩ ᩈᨾᩣᨴᩣᨿ ᩅᨲ᩠ᨲᩥᩔᩣᨾᩣᨲᩥ. ᩋᨶᩩᨬ᩠ᨬᩣᨲᩣᩅᩩᩈᩮᩣ, ᨽᨣᩅᨲᩣ – ‘ᨿᩮ ᨲᩮ ᨽᩥᨠ᩠ᨡᩪ ᩌᩁᨬ᩠ᨬᩥᨠᩣ ᨸᩥᨱ᩠ᨯᨸᩣᨲᩥᨠᩣ ᨸᩴᩈᩩᨠᩪᩃᩥᨠᩣ ᨿᨳᩣᩈᩩᨡᩴ ᨾᩴ ᨴᩔᨶᩣᨿ ᩏᨸᩈᨦ᩠ᨠᨾᨶ᩠ᨲᩪ’’’ᨲᩥ.

ᩋᨳ ᨡᩮᩣ ᨲᩮ ᨽᩥᨠ᩠ᨡᩪ – ‘‘ᩈᨧ᩠ᨧᩴ ᨡᩮᩣ ᩌᨿᩈ᩠ᨾᩣ ᩏᨸᩈᩮᨶᩮᩣ ᩌᩉ – ‘ᨶ ᩋᨸᨬ᩠ᨬᨲ᩠ᨲᩴ ᨸᨬ᩠ᨬᨸᩮᨲᨻ᩠ᨻᩴ, ᨸᨬ᩠ᨬᨲ᩠ᨲᩴ ᩅᩣ ᨶ ᩈᨾᩩᨧ᩠ᨨᩥᨶ᩠ᨴᩥᨲᨻ᩠ᨻᩴ, ᨿᨳᩣᨸᨬ᩠ᨬᨲ᩠ᨲᩮᩈᩩ ᩈᩥᨠ᩠ᨡᩣᨸᨴᩮᩈᩩ ᩈᨾᩣᨴᩣᨿ ᩅᨲ᩠ᨲᩥᨲᨻ᩠ᨻ’’’ᨶ᩠ᨲᩥ. ᩋᩔᩮᩣᩈᩩᩴ ᨡᩮᩣ ᨽᩥᨠ᩠ᨡᩪ – ‘‘ᩋᨶᩩᨬ᩠ᨬᩣᨲᩣ ᨠᩥᩁ ᨽᨣᩅᨲᩣ – ‘ᨿᩮ ᨲᩮ ᨽᩥᨠ᩠ᨡᩪ ᩌᩁᨬ᩠ᨬᩥᨠᩣ ᨸᩥᨱ᩠ᨯᨸᩣᨲᩥᨠᩣ ᨸᩴᩈᩩᨠᩪᩃᩥᨠᩣ ᨿᨳᩣᩈᩩᨡᩴ ᨾᩴ ᨴᩔᨶᩣᨿ ᩏᨸᩈᨦ᩠ᨠᨾᨶ᩠ᨲᩪ’’’ᨲᩥ. ᨲᩮ ᨽᨣᩅᨶ᩠ᨲᩴ ᨴᩔᨶᩴ ᨸᩥᩉᩮᨶ᩠ᨲᩣ [ᨴᩔᨶᩣᨿ ᨸᩥᩉᨿᨾᩣᨶᩣ (ᩈ᩠ᨿᩣ.)] ᩈᨶ᩠ᨳᨲᩣᨶᩥ ᩏᨩ᩠ᨫᩥᨲ᩠ᩅᩣ ᩌᩁᨬ᩠ᨬᩥᨠᨦ᩠ᨣᩴ ᨸᩥᨱ᩠ᨯᨸᩣᨲᩥᨠᨦ᩠ᨣᩴ ¶ ᨸᩴᩈᩩᨠᩪᩃᩥᨠᨦ᩠ᨣᩴ ᩈᨾᩣᨴᩥᨿᩥᩴᩈᩩ. ᩋᨳ ᨡᩮᩣ ᨽᨣᩅᩣ ᩈᨾ᩠ᨻᩉᩩᩃᩮᩉᩥ ᨽᩥᨠ᩠ᨡᩪᩉᩥ ᩈᨴ᩠ᨵᩥᩴ ᩈᩮᨶᩣᩈᨶᨧᩣᩁᩥᨠᩴ ᩌᩉᩥᨱ᩠ᨯᨶ᩠ᨲᩮᩣ ᩋᨴ᩠ᨴᩈ ᩈᨶ᩠ᨳᨲᩣᨶᩥ ᨲᩉᩴ ᨲᩉᩴ ᩏᨩ᩠ᨫᩥᨲᩣᨶᩥ. ᨸᩔᩥᨲ᩠ᩅᩣ ᨽᩥᨠ᩠ᨡᩪ ¶ ᩌᨾᨶ᩠ᨲᩮᩈᩥ – ‘‘ᨠᩔᩥᨾᩣᨶᩥ, ᨽᩥᨠ᩠ᨡᩅᩮ, ᩈᨶ᩠ᨳᨲᩣᨶᩥ ᨲᩉᩴ ᨲᩉᩴ ᩏᨩ᩠ᨫᩥᨲᩣᨶᩦ’’ᨲᩥ? ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ᩋᨳ ᨡᩮᩣ ᨽᨣᩅᩣ ᩑᨲᩈ᩠ᨾᩥᩴ ᨶᩥᨴᩣᨶᩮ ᩑᨲᩈ᩠ᨾᩥᩴ ᨸᨠᩁᨱᩮ ᨵᨾ᩠ᨾᩥᩴ ᨠᨳᩴ ᨠᨲ᩠ᩅᩣ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ – ‘‘ᨲᩮᨶ ᩉᩥ, ᨽᩥᨠ᩠ᨡᩅᩮ, ᨽᩥᨠ᩠ᨡᩪᨶᩴ ᩈᩥᨠ᩠ᨡᩣᨸᨴᩴ ᨸᨬ᩠ᨬᨸᩮᩔᩣᨾᩥ ᨴᩈ ᩋᨲ᩠ᨳᩅᩈᩮ ᨸᨭᩥᨧ᩠ᨧ ¶ – ᩈᨦ᩠ᨥᩈᩩᨭ᩠ᨮᩩᨲᩣᨿ, ᩈᨦ᩠ᨥᨹᩣᩈᩩᨲᩣᨿ,…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪕᪖᪗. ‘‘ᨶᩥᩈᩦᨴᨶᩈᨶ᩠ᨳᨲᩴ ¶ ᨸᨶ ᨽᩥᨠ᩠ᨡᩩᨶᩣ ᨠᩣᩁᨿᨾᩣᨶᩮᨶ ᨸᩩᩁᩣᨱᩈᨶ᩠ᨳᨲᩔ ᩈᩣᨾᨶ᩠ᨲᩣ ᩈᩩᨣᨲᩅᩥᨴᨲ᩠ᨳᩥ ᩌᨴᩣᨲᨻ᩠ᨻᩣ ᨴᩩᨻ᩠ᨻᨱ᩠ᨱᨠᩁᨱᩣᨿ, ᩋᨶᩣᨴᩣ ᨧᩮ ᨽᩥᨠ᩠ᨡᩩ ᨸᩩᩁᩣᨱᩈᨶ᩠ᨳᨲᩔ ᩈᩣᨾᨶ᩠ᨲᩣ ᩈᩩᨣᨲᩅᩥᨴᨲ᩠ᨳᩥᩴ ᨶᩅᩴ ᨶᩥᩈᩦᨴᨶᩈᨶ᩠ᨳᨲᩴ ᨠᩣᩁᩣᨸᩮᨿ᩠ᨿ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

᪕᪖᪘. ᨶᩥᩈᩦᨴᨶᩴ ᨶᩣᨾ ᩈᨴᩈᩴ ᩅᩩᨧ᩠ᨧᨲᩥ.

ᩈᨶ᩠ᨳᨲᩴ ᨶᩣᨾ ᩈᨶ᩠ᨳᩁᩥᨲ᩠ᩅᩣ ᨠᨲᩴ ᩉᩮᩣᨲᩥ ᩋᩅᩣᨿᩥᨾᩴ.

ᨠᩣᩁᨿᨾᩣᨶᩮᨶᩣᨲᩥ ᨠᩁᩮᩣᨶ᩠ᨲᩮᩣ ᩅᩣ ᨠᩣᩁᩣᨸᩮᨶ᩠ᨲᩮᩣ ᩅᩣ.

ᨸᩩᩁᩣᨱᩈᨶ᩠ᨳᨲᩴ ᨶᩣᨾ ᩈᨠᩥᩴ ᨶᩥᩅᨲ᩠ᨳᨾ᩠ᨸᩥ ᩈᨠᩥᩴ ᨸᩣᩁᩩᨲᨾ᩠ᨸᩥ.

ᩈᩣᨾᨶ᩠ᨲᩣ ᩈᩩᨣᨲᩅᩥᨴᨲ᩠ᨳᩥ ᩌᨴᩣᨲᨻ᩠ᨻᩣ ᨴᩩᨻ᩠ᨻᨱ᩠ᨱᨠᩁᨱᩣᨿᩣᨲᩥ ᨳᩥᩁᨽᩣᩅᩣᨿ ᩅᨭ᩠ᨭᩴ ᩅᩣ ᨧᨲᩩᩁᩔᩴ ᩅᩣ ᨨᩥᨶ᩠ᨴᩥᨲ᩠ᩅᩣ ᩑᨠᨴᩮᩈᩮ ᩅᩣ ᩈᨶ᩠ᨳᩁᩥᨲᨻ᩠ᨻᩴ ᩅᩥᨩᨭᩮᨲ᩠ᩅᩣ ᩅᩣ ᩈᨶ᩠ᨳᩁᩥᨲᨻ᩠ᨻᩴ.

ᩋᨶᩣᨴᩣ ᨧᩮ ᨽᩥᨠ᩠ᨡᩩ ᨸᩩᩁᩣᨱᩈᨶ᩠ᨳᨲᩔ ᩈᩣᨾᨶ᩠ᨲᩣ ᩈᩩᨣᨲᩅᩥᨴᨲ᩠ᨳᩥᨶ᩠ᨲᩥ ᩋᨶᩣᨴᩥᨿᩥᨲ᩠ᩅᩣ ᨸᩩᩁᩣᨱᩈᨶ᩠ᨳᨲᩔ ᩈᩣᨾᨶ᩠ᨲᩣ ᩈᩩᨣᨲᩅᩥᨴᨲ᩠ᨳᩥᩴ ᨶᩅᩴ ¶ ᨶᩥᩈᩦᨴᨶᩈᨶ᩠ᨳᨲᩴ ᨠᩁᩮᩣᨲᩥ ᩅᩣ ᨠᩣᩁᩣᨸᩮᨲᩥ ᩅᩣ, ᨸᨿᩮᩣᨣᩮ ᨴᩩᨠ᩠ᨠᨭᩴ, ᨸᨭᩥᩃᩣᨽᩮᨶ ᨶᩥᩔᨣ᩠ᨣᩥᨿᩴ ᩉᩮᩣᨲᩥ. ᨶᩥᩔᨩ᩠ᨩᩥᨲᨻ᩠ᨻᩴ ᩈᨦ᩠ᨥᩔ ᩅᩣ ᨣᨱᩔ ᩅᩣ ᨸᩩᨣ᩠ᨣᩃᩔ ᩅᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᨶᩥᩔᨩ᩠ᨩᩥᨲᨻ᩠ᨻᩴ…ᨸᩮ… ᩍᨴᩴ ᨾᩮ, ᨽᨶ᩠ᨲᩮ, ᨶᩥᩈᩦᨴᨶᩈᨶ᩠ᨳᨲᩴ ᩋᨶᩣᨴᩥᨿᩥᨲ᩠ᩅᩣ ᨸᩩᩁᩣᨱᩈᨶ᩠ᨳᨲᩔ ᩈᩣᨾᨶ᩠ᨲᩣ ᩈᩩᨣᨲᩅᩥᨴᨲ᩠ᨳᩥᩴ ᨠᩣᩁᩣᨸᩥᨲᩴ ᨶᩥᩔᨣ᩠ᨣᩥᨿᩴ. ᩍᨾᩣᩉᩴ ᩈᨦ᩠ᨥᩔ ᨶᩥᩔᨩ᩠ᨩᩣᨾᩦᨲᩥ…ᨸᩮ… ᨴᨴᩮᨿ᩠ᨿᩣᨲᩥ…ᨸᩮ… ᩌᨿᩈ᩠ᨾᨲᩮᩣ ᨴᨾ᩠ᨾᩦᨲᩥ.

᪕᪖᪙. ᩋᨲ᩠ᨲᨶᩣ ᩅᩥᨸ᩠ᨸᨠᨲᩴ ᩋᨲ᩠ᨲᨶᩣ ᨸᩁᩥᨿᩮᩣᩈᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨲ᩠ᨲᨶᩣ ᩅᩥᨸ᩠ᨸᨠᨲᩴ ᨸᩁᩮᩉᩥ ᨸᩁᩥᨿᩮᩣᩈᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᨸᩁᩮᩉᩥ ᩅᩥᨸ᩠ᨸᨠᨲᩴ ᩋᨲ᩠ᨲᨶᩣ ᨸᩁᩥᨿᩮᩣᩈᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᨸᩁᩮᩉᩥ ᩅᩥᨸ᩠ᨸᨠᨲᩴ ᨸᩁᩮᩉᩥ ᨸᩁᩥᨿᩮᩣᩈᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᩋᨬ᩠ᨬᩔᨲ᩠ᨳᩣᨿ ¶ ᨠᩁᩮᩣᨲᩥ ᩅᩣ ᨠᩣᩁᩣᨸᩮᨲᩥ ᩅᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

᪕᪗᪐. ᩋᨶᩣᨸᨲ᩠ᨲᩥ – ᨸᩩᩁᩣᨱᩈᨶ᩠ᨳᨲᩔ ᩈᩣᨾᨶ᩠ᨲᩣ ᩈᩩᨣᨲᩅᩥᨴᨲ᩠ᨳᩥᩴ ᩌᨴᩥᨿᩥᨲ᩠ᩅᩣ ¶ ᨠᩁᩮᩣᨲᩥ, ᩋᩃᨽᨶ᩠ᨲᩮᩣ ᨳᩮᩣᨠᨲᩁᩴ ᩌᨴᩥᨿᩥᨲ᩠ᩅᩣ ᨠᩁᩮᩣᨲᩥ, ᩋᩃᨽᨶ᩠ᨲᩮᩣ ᩋᨶᩣᨴᩥᨿᩥᨲ᩠ᩅᩣ ᨠᩁᩮᩣᨲᩥ, ᩋᨬ᩠ᨬᩮᨶ ᨠᨲᩴ ᨸᨭᩥᩃᨽᩥᨲ᩠ᩅᩣ ᨸᩁᩥᨽᩩᨬ᩠ᨩᨲᩥ, ᩅᩥᨲᩣᨶᩴ ᩅᩣ ᨽᩪᨾᨲ᩠ᨳᩁᨱᩴ ᩅᩣ ᩈᩣᨱᩥᨸᩣᨠᩣᩁᩴ ᩅᩣ ᨽᩥᩈᩥᩴ ᩅᩣ ᨻᩥᨻ᩠ᨻᩮᩣᩉᨶᩴ ᩅᩣ ᨠᩁᩮᩣᨲᩥ, ᩏᨾ᩠ᨾᨲ᩠ᨲᨠᩔ ᩌᨴᩥᨠᨾ᩠ᨾᩥᨠᩔᩣᨲᩥ.

ᨶᩥᩈᩦᨴᨶᩈᨶ᩠ᨳᨲᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨸᨬ᩠ᨧᨾᩴ.

᪖. ᩑᩊᨠᩃᩮᩣᨾᩈᩥᨠ᩠ᨡᩣᨸᨴᩴ

᪕᪗᪑. ᨲᩮᨶ ¶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ ᨩᩮᨲᩅᨶᩮ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨠᩮᩣᩈᩃᩮᩈᩩ ᨩᨶᨸᨴᩮ ᩈᩣᩅᨲ᩠ᨳᩥᩴ ᨣᨧ᩠ᨨᨶ᩠ᨲᩔ ᩋᨶ᩠ᨲᩁᩣᨾᨣ᩠ᨣᩮ ᩑᩊᨠᩃᩮᩣᨾᩣᨶᩥ ᩏᨸ᩠ᨸᨩ᩠ᨩᩥᩴᩈᩩ. ᩋᨳ ᨡᩮᩣ ᩈᩮᩣ ᨽᩥᨠ᩠ᨡᩩ ᨲᩣᨶᩥ ᩑᩊᨠᩃᩮᩣᨾᩣᨶᩥ ᩏᨲ᩠ᨲᩁᩣᩈᨦ᩠ᨣᩮᨶ ᨽᨱ᩠ᨯᩥᨠᩴ ᨻᨶ᩠ᨵᩥᨲ᩠ᩅᩣ ᩋᨣᨾᩣᩈᩥ. ᨾᨶᩩᩔᩣ ᨲᩴ ᨽᩥᨠ᩠ᨡᩩᩴ ᨸᩔᩥᨲ᩠ᩅᩣ ᩏᨸ᩠ᨸᨱ᩠ᨯᩮᩈᩩᩴ – ‘‘ᨠᩥᨲ᩠ᨲᨠᩮᨶ ᨲᩮ, ᨽᨶ᩠ᨲᩮ, ᨠᩦᨲᩣᨶᩥ? ᨠᩥᨲ᩠ᨲᨠᩮᩣ ᩏᨴᨿᩮᩣ ᨽᩅᩥᩔᨲᩦ’’ᨲᩥ? ᩈᩮᩣ ᨽᩥᨠ᩠ᨡᩩ ᨲᩮᩉᩥ ᨾᨶᩩᩔᩮᩉᩥ ᩏᨸ᩠ᨸᨱ᩠ᨯᩥᨿᨾᩣᨶᩮᩣ ᨾᨦ᩠ᨠᩩ ᩋᩉᩮᩣᩈᩥ. ᩋᨳ ᨡᩮᩣ ᩈᩮᩣ ᨽᩥᨠ᩠ᨡᩩ ᩈᩣᩅᨲ᩠ᨳᩥᩴ ᨣᨶ᩠ᨲ᩠ᩅᩣ ᨲᩣᨶᩥ ᩑᩊᨠᩃᩮᩣᨾᩣᨶᩥ ᨮᩥᨲᨠᩮᩣᩅ ᩌᩈᩩᨾ᩠ᨽᩥ. ᨽᩥᨠ᩠ᨡᩪ ᨲᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧᩩᩴ – ‘‘ᨠᩥᩔ ᨲ᩠ᩅᩴ, ᩌᩅᩩᩈᩮᩣ, ᩍᨾᩣᨶᩥ ᩑᩊᨠᩃᩮᩣᨾᩣᨶᩥ ᨮᩥᨲᨠᩮᩣᩅ ᩌᩈᩩᨾ᩠ᨽᩈᩦ’’ᨲᩥ? ‘‘ᨲᨳᩣ ᩉᩥ ᨸᨶᩣᩉᩴ, ᩌᩅᩩᩈᩮᩣ, ᩍᨾᩮᩈᩴ ᩑᩊᨠᩃᩮᩣᨾᩣᨶᩴ ᨠᩣᩁᨱᩣ ᨾᨶᩩᩔᩮᩉᩥ ᩏᨸ᩠ᨸᨱ᩠ᨯᩥᨲᩮᩣ’’ᨲᩥ. ‘‘ᨠᩦᩅ ᨴᩪᩁᨲᩮᩣ ᨸᨶ ᨲ᩠ᩅᩴ, ᩌᩅᩩᩈᩮᩣ, ᩍᨾᩣᨶᩥ ᩑᩊᨠᩃᩮᩣᨾᩣᨶᩥ ᩌᩉᩁᩦ’’ᨲᩥ? ‘‘ᩋᨲᩥᩁᩮᨠᨲᩥᨿᩮᩣᨩᨶᩴ, ᩌᩅᩩᩈᩮᩣ’’ᨲᩥ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᨽᩥᨠ᩠ᨡᩩ ᩋᨲᩥᩁᩮᨠᨲᩥᨿᩮᩣᨩᨶᩴ ᩑᩊᨠᩃᩮᩣᨾᩣᨶᩥ ᩌᩉᩁᩥᩔᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨲᩴ ᨽᩥᨠ᩠ᨡᩩᩴ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ᩈᨧ᩠ᨧᩴ ᨠᩥᩁ ᨲ᩠ᩅᩴ, ᨽᩥᨠ᩠ᨡᩩ, ᩋᨲᩥᩁᩮᨠᨲᩥᨿᩮᩣᨩᨶᩴ ᩑᩊᨠᩃᩮᩣᨾᩣᨶᩥ ᩌᩉᩁᩦᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ᨠᨳᨬ᩠ᩉᩥ ᨶᩣᨾ ¶ ᨲ᩠ᩅᩴ, ᨾᩮᩣᨥᨸᩩᩁᩥᩈ, ᩋᨲᩥᩁᩮᨠᨲᩥᨿᩮᩣᨩᨶᩴ ᩑᩊᨠᩃᩮᩣᨾᩣᨶᩥ ᩌᩉᩁᩥᩔᩈᩥ! ᨶᩮᨲᩴ ᨾᩮᩣᨥᨸᩩᩁᩥᩈ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪕᪗᪒. ‘‘ᨽᩥᨠ᩠ᨡᩩᨶᩮᩣ ¶ ᨸᨶᩮᩅ ᩋᨴ᩠ᨵᩣᨶᨾᨣ᩠ᨣᨸ᩠ᨸᨭᩥᨸᨶ᩠ᨶᩔ ᩑᩊᨠᩃᩮᩣᨾᩣᨶᩥ ᩏᨸ᩠ᨸᨩ᩠ᨩᨿ᩠ᨿᩩᩴ. ᩌᨠᨦ᩠ᨡᨾᩣᨶᩮᨶ ᨽᩥᨠ᩠ᨡᩩᨶᩣ ᨸᨭᩥᨣ᩠ᨣᩉᩮᨲᨻ᩠ᨻᩣᨶᩥ. ᨸᨭᩥᨣ᩠ᨣᩉᩮᨲ᩠ᩅᩣ ᨲᩥᨿᩮᩣᨩᨶᨸᩁᨾᩴ ᩈᩉᨲ᩠ᨳᩣ ᩉᩁᩥᨲᨻ᩠ᨻᩣᨶᩥ [ᩉᩣᩁᩮᨲᨻ᩠ᨻᩣᨶᩥ (ᩈᩦ. ᩈ᩠ᨿᩣ. ᨠ.)], ᩋᩈᨶ᩠ᨲᩮ ᩉᩣᩁᨠᩮ. ᨲᨲᩮᩣ ᨧᩮ ᩏᨲ᩠ᨲᩁᩥ ᩉᩁᩮᨿ᩠ᨿ, ᩋᩈᨶ᩠ᨲᩮᨸᩥ ᩉᩣᩁᨠᩮ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

᪕᪗᪓. ᨽᩥᨠ᩠ᨡᩩᨶᩮᩣ ¶ ᨸᨶᩮᩅ ᩋᨴ᩠ᨵᩣᨶᨾᨣ᩠ᨣᨸ᩠ᨸᨭᩥᨸᨶ᩠ᨶᩔᩣᨲᩥ ᨸᨶ᩠ᨳᩴ ᨣᨧ᩠ᨨᨶ᩠ᨲᩔ.

ᩑᩊᨠᩃᩮᩣᨾᩣᨶᩥ ᩏᨸ᩠ᨸᨩ᩠ᨩᩮᨿ᩠ᨿᩩᨶ᩠ᨲᩥ ᩏᨸ᩠ᨸᨩ᩠ᨩᩮᨿ᩠ᨿᩩᩴ ᩈᨦ᩠ᨥᨲᩮᩣ ᩅᩣ ᨣᨱᨲᩮᩣ ᩅᩣ ᨬᩣᨲᩥᨲᩮᩣ ᩅᩣ ᨾᩥᨲ᩠ᨲᨲᩮᩣ ᩅᩣ ᨸᩴᩈᩩᨠᩪᩃᩴ ᩅᩣ ᩋᨲ᩠ᨲᨶᩮᩣ ᩅᩣ ᨵᨶᩮᨶ.

ᩌᨠᨦ᩠ᨡᨾᩣᨶᩮᨶᩣᨲᩥ ¶ ᩍᨧ᩠ᨨᨾᩣᨶᩮᨶ ᨸᨭᩥᨣ᩠ᨣᩉᩮᨲᨻ᩠ᨻᩣᨶᩥ.

ᨸᨭᩥᨣ᩠ᨣᩉᩮᨲ᩠ᩅᩣ ᨲᩥᨿᩮᩣᨩᨶᨸᩁᨾᩴ ᩈᩉᨲ᩠ᨳᩣ ᩉᩁᩥᨲᨻ᩠ᨻᩣᨶᩦᨲᩥ ᨲᩥᨿᩮᩣᨩᨶᨸᩁᨾᨲᩣ ᩈᩉᨲ᩠ᨳᩣ ᩉᩁᩥᨲᨻ᩠ᨻᩣᨶᩥ.

ᩋᩈᨶ᩠ᨲᩮ ᩉᩣᩁᨠᩮᨲᩥ ᨶᩣᨬ᩠ᨬᩮᩣ ᨠᩮᩣᨧᩥ ᩉᩣᩁᨠᩮᩣ ᩉᩮᩣᨲᩥ ᩍᨲ᩠ᨳᩦ ᩅᩣ ᨸᩩᩁᩥᩈᩮᩣ ᩅᩣ ᨣᩉᨭ᩠ᨮᩮᩣ ᩅᩣ ᨸᨻ᩠ᨻᨩᩥᨲᩮᩣ ᩅᩣ.

ᨲᨲᩮᩣ ᨧᩮ ᩏᨲ᩠ᨲᩁᩥ ᩉᩁᩮᨿ᩠ᨿ, ᩋᩈᨶ᩠ᨲᩮᨸᩥ ᩉᩣᩁᨠᩮᨲᩥ ᨸᨮᨾᩴ ᨸᩣᨴᩴ ᨲᩥᨿᩮᩣᨩᨶᩴ ᩋᨲᩥᨠ᩠ᨠᩣᨾᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨴᩩᨲᩥᨿᩴ ᨸᩣᨴᩴ ᩋᨲᩥᨠ᩠ᨠᩣᨾᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ [ᨶᩥᩔᨣ᩠ᨣᩥᨿᩣᨶᩥ ᩉᩮᩣᨶ᩠ᨲᩥ (ᩈ᩠ᨿᩣ.)]. ᩋᨶ᩠ᨲᩮᩣᨲᩥᨿᩮᩣᨩᨶᩮ ᨮᩥᨲᩮᩣ ᨻᩉᩥᨲᩥᨿᩮᩣᨩᨶᩴ ᨸᩣᨲᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ [ᨶᩥᩔᨣ᩠ᨣᩥᨿᩣᨶᩥ ᩉᩮᩣᨶ᩠ᨲᩥ (ᩈ᩠ᨿᩣ.)]. ᩋᨬ᩠ᨬᩔ ᨿᩣᨶᩮ ᩅᩣ ᨽᨱ᩠ᨯᩮ ᩅᩣ ᩋᨩᩣᨶᨶ᩠ᨲᩔ ᨸᨠ᩠ᨡᩥᨸᩥᨲ᩠ᩅᩣ ᨲᩥᨿᩮᩣᨩᨶᩴ ᩋᨲᩥᨠ᩠ᨠᩣᨾᩮᨲᩥ, ᨶᩥᩔᨣ᩠ᨣᩥᨿᩣᨶᩥ ᩉᩮᩣᨶ᩠ᨲᩥ. ᨶᩥᩔᨩ᩠ᨩᩥᨲᨻ᩠ᨻᩣᨶᩥ ᩈᨦ᩠ᨥᩔ ᩅᩣ ᨣᨱᩔ ¶ ᩅᩣ ᨸᩩᨣ᩠ᨣᩃᩔ ᩅᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᨶᩥᩔᨩ᩠ᨩᩥᨲᨻ᩠ᨻᩣᨶᩥ…ᨸᩮ… ᩍᨾᩣᨶᩥ ᨾᩮ, ᨽᨶ᩠ᨲᩮ, ᩑᩊᨠᩃᩮᩣᨾᩣᨶᩥ ᨲᩥᨿᩮᩣᨩᨶᩴ ᩋᨲᩥᨠ᩠ᨠᩣᨾᩥᨲᩣᨶᩥ ᨶᩥᩔᨣ᩠ᨣᩥᨿᩣᨶᩥ. ᩍᨾᩣᨶᩣᩉᩴ ᩈᨦ᩠ᨥᩔ ᨶᩥᩔᨩ᩠ᨩᩣᨾᩦᨲᩥ…ᨸᩮ… ᨴᨴᩮᨿ᩠ᨿᩣᨲᩥ…ᨸᩮ… ᨴᨴᩮᨿ᩠ᨿᩩᨶ᩠ᨲᩥ…ᨸᩮ… ᩌᨿᩈ᩠ᨾᨲᩮᩣ ᨴᨾ᩠ᨾᩦᨲᩥ.

᪕᪗᪔. ᩋᨲᩥᩁᩮᨠᨲᩥᨿᩮᩣᨩᨶᩮ ᩋᨲᩥᩁᩮᨠᩈᨬ᩠ᨬᩦ ᩋᨲᩥᨠ᩠ᨠᩣᨾᩮᨲᩥ [ᨲᩥᨿᩮᩣᨩᨶᩴ ᩋᨲᩥᨠ᩠ᨠᩣᨾᩮᨲᩥ (ᩈ᩠ᨿᩣ.)], ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨲᩥᩁᩮᨠᨲᩥᨿᩮᩣᨩᨶᩮ ᩅᩮᨾᨲᩥᨠᩮᩣ ᩋᨲᩥᨠ᩠ᨠᩣᨾᩮᨲᩥ [ᨲᩥᨿᩮᩣᨩᨶᩴ ᩋᨲᩥᨠ᩠ᨠᩣᨾᩮᨲᩥ (ᩈ᩠ᨿᩣ.)], ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨲᩥᩁᩮᨠᨲᩥᨿᩮᩣᨩᨶᩮ ᩐᨶᨠᩈᨬ᩠ᨬᩦ ᩋᨲᩥᨠ᩠ᨠᩣᨾᩮᨲᩥ [ᨲᩥᨿᩮᩣᨩᨶᩴ ᩋᨲᩥᨠ᩠ᨠᩣᨾᩮᨲᩥ (ᩈ᩠ᨿᩣ.)], ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᩐᨶᨠᨲᩥᨿᩮᩣᨩᨶᩮ ¶ ᩋᨲᩥᩁᩮᨠᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩐᨶᨠᨲᩥᨿᩮᩣᨩᨶᩮ ᩅᩮᨾᨲᩥᨠᩮᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩐᨶᨠᨲᩥᨿᩮᩣᨩᨶᩮ ᩐᨶᨠᩈᨬ᩠ᨬᩦ, ᩋᨶᩣᨸᨲ᩠ᨲᩥ.

᪕᪗᪕. ᩋᨶᩣᨸᨲ᩠ᨲᩥ ᨲᩥᨿᩮᩣᨩᨶᩴ ᩉᩁᨲᩥ, ᩐᨶᨠᨲᩥᨿᩮᩣᨩᨶᩴ ᩉᩁᨲᩥ, ᨲᩥᨿᩮᩣᨩᨶᩴ ᩉᩁᨲᩥᨸᩥ, ᨸᨧ᩠ᨧᩣᩉᩁᨲᩥᨸᩥ, ᨲᩥᨿᩮᩣᨩᨶᩴ ᩅᩣᩈᩣᨵᩥᨸ᩠ᨸᩣᨿᩮᩣ ᨣᨶ᩠ᨲ᩠ᩅᩣ ᨲᨲᩮᩣ ᨸᩁᩴ ᩉᩁᨲᩥ, ᩋᨧ᩠ᨨᩥᨶ᩠ᨶᩴ ᨸᨭᩥᩃᨽᩥᨲ᩠ᩅᩣ ᩉᩁᨲᩥ, ᨶᩥᩔᨭ᩠ᨮᩴ ᨸᨭᩥᩃᨽᩥᨲ᩠ᩅᩣ ᩉᩁᨲᩥ, ᩋᨬ᩠ᨬᩴ ᩉᩁᩣᨸᩮᨲᩥ ᨠᨲᨽᨱ᩠ᨯᩴ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᩑᩊᨠᩃᩮᩣᨾᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨨᨭ᩠ᨮᩴ.

᪗. ᩑᩊᨠᩃᩮᩣᨾᨵᩮᩣᩅᩣᨸᨶᩈᩥᨠ᩠ᨡᩣᨸᨴᩴ

᪕᪗᪖. ᨲᩮᨶ ¶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᨠ᩠ᨠᩮᩈᩩ ᩅᩥᩉᩁᨲᩥ ᨠᨸᩥᩃᩅᨲ᩠ᨳᩩᩈ᩠ᨾᩥᩴ ᨶᩥᨣᩕᩮᩣᨵᩣᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᨽᩥᨠ᩠ᨡᩩᨶᩦᩉᩥ ᩑᩊᨠᩃᩮᩣᨾᩣᨶᩥ ᨵᩮᩣᩅᩣᨸᩮᨶ᩠ᨲᩥᨸᩥ ¶ ᩁᨩᩣᨸᩮᨶ᩠ᨲᩥᨸᩥ ᩅᩥᨩᨭᩣᨸᩮᨶ᩠ᨲᩥᨸᩥ. ᨽᩥᨠ᩠ᨡᩩᨶᩥᨿᩮᩣ ᩑᩊᨠᩃᩮᩣᨾᩣᨶᩥ ᨵᩮᩣᩅᨶ᩠ᨲᩥᨿᩮᩣ ᩁᨩᨶ᩠ᨲᩥᨿᩮᩣ ᩅᩥᨩᨭᩮᨶ᩠ᨲᩥᨿᩮᩣ ᩁᩥᨬ᩠ᨧᨶ᩠ᨲᩥ ᩏᨴ᩠ᨴᩮᩈᩴ ᨸᩁᩥᨸᩩᨧ᩠ᨨᩴ ᩋᨵᩥᩈᩦᩃᩴ ᩋᨵᩥᨧᩥᨲ᩠ᨲᩴ ᩋᨵᩥᨸᨬ᩠ᨬᩴ. ᩋᨳ ᨡᩮᩣ ᨾᩉᩣᨸᨩᩣᨸᨲᩥ ᨣᩮᩣᨲᨾᩦ ᨿᩮᨶ ᨽᨣᩅᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨽᨣᩅᨶ᩠ᨲᩴ ᩋᨽᩥᩅᩣᨴᩮᨲ᩠ᩅᩣ ᩑᨠᨾᨶ᩠ᨲᩴ ᩋᨭ᩠ᨮᩣᩈᩥ. ᩑᨠᨾᨶ᩠ᨲᩴ ᨮᩥᨲᩴ ᨡᩮᩣ ᨾᩉᩣᨸᨩᩣᨸᨲᩥᩴ ᨣᩮᩣᨲᨾᩥᩴ ᨽᨣᩅᩣ ᩑᨲᨴᩅᩮᩣᨧ – ‘‘ᨠᨧ᩠ᨧᩥ, ᨣᩮᩣᨲᨾᩥ, ᨽᩥᨠ᩠ᨡᩩᨶᩥᨿᩮᩣ ᩋᨸ᩠ᨸᨾᨲ᩠ᨲᩣ ᩌᨲᩣᨸᩥᨶᩥᨿᩮᩣ ᨸᩉᩥᨲᨲ᩠ᨲᩣ ᩅᩥᩉᩁᨶ᩠ᨲᩦ’’ᨲᩥ? ‘‘ᨠᩩᨲᩮᩣ, ᨽᨶ᩠ᨲᩮ, ᨽᩥᨠ᩠ᨡᩩᨶᩦᨶᩴ ᩋᨸ᩠ᨸᨾᩣᨴᩮᩣ! ᩋᨿ᩠ᨿᩣ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩩᨶᩦᩉᩥ ᩑᩊᨠᩃᩮᩣᨾᩣᨶᩥ ᨵᩮᩣᩅᩣᨸᩮᨶ᩠ᨲᩥᨸᩥ ᩁᨩᩣᨸᩮᨶ᩠ᨲᩥᨸᩥ ᩅᩥᨩᨭᩣᨸᩮᨶ᩠ᨲᩥᨸᩥ. ᨽᩥᨠ᩠ᨡᩩᨶᩥᨿᩮᩣ ᩑᩊᨠᩃᩮᩣᨾᩣᨶᩥ ᨵᩮᩣᩅᨶ᩠ᨲᩥᨿᩮᩣ ᩁᨩᨶ᩠ᨲᩥᨿᩮᩣ ᩅᩥᨩᨭᩮᨶ᩠ᨲᩥᨿᩮᩣ ᩁᩥᨬ᩠ᨧᨶ᩠ᨲᩥ ᩏᨴ᩠ᨴᩮᩈᩴ ᨸᩁᩥᨸᩩᨧ᩠ᨨᩴ ᩋᨵᩥᩈᩦᩃᩴ ᩋᨵᩥᨧᩥᨲ᩠ᨲᩴ ᩋᨵᩥᨸᨬ᩠ᨬ’’ᨶ᩠ᨲᩥ.

ᩋᨳ ᨡᩮᩣ ᨽᨣᩅᩣ ᨾᩉᩣᨸᨩᩣᨸᨲᩥᩴ ᨣᩮᩣᨲᨾᩥᩴ ᨵᨾ᩠ᨾᩥᨿᩣ ᨠᨳᩣᨿ ᩈᨶ᩠ᨴᩔᩮᩈᩥ ᩈᨾᩣᨴᨸᩮᩈᩥ ᩈᨾᩩᨲ᩠ᨲᩮᨩᩮᩈᩥ ᩈᨾ᩠ᨸᩉᩴᩈᩮᩈᩥ. ᩋᨳ ᨡᩮᩣ ᨾᩉᩣᨸᨩᩣᨸᨲᩥ ᨣᩮᩣᨲᨾᩦ ᨽᨣᩅᨲᩣ ᨵᨾ᩠ᨾᩥᨿᩣ ᨠᨳᩣᨿ ᩈᨶ᩠ᨴᩔᩥᨲᩣ ᩈᨾᩣᨴᨸᩥᨲᩣ ᩈᨾᩩᨲ᩠ᨲᩮᨩᩥᨲᩣ ᩈᨾ᩠ᨸᩉᩴᩈᩥᨲᩣ ᨽᨣᩅᨶ᩠ᨲᩴ ᩋᨽᩥᩅᩣᨴᩮᨲ᩠ᩅᩣ ᨸᨴᨠ᩠ᨡᩥᨱᩴ ᨠᨲ᩠ᩅᩣ ᨸᨠ᩠ᨠᩣᨾᩥ. ᩋᨳ ᨡᩮᩣ ᨽᨣᩅᩣ ᩑᨲᩈ᩠ᨾᩥᩴ ¶ ᨶᩥᨴᩣᨶᩮ ᩑᨲᩈ᩠ᨾᩥᩴ ᨸᨠᩁᨱᩮ ᨽᩥᨠ᩠ᨡᩩᩈᨦ᩠ᨥᩴ ᩈᨶ᩠ᨶᩥᨸᩣᨲᩣᨸᩮᨲ᩠ᩅᩣ ᨨᨻ᩠ᨻᨣ᩠ᨣᩥᨿᩮ ᨽᩥᨠ᩠ᨡᩪ ᨸᨭᩥᨸᩩᨧ᩠ᨨᩥ – ‘‘ᩈᨧ᩠ᨧᩴ ᨠᩥᩁ ᨲᩩᨾ᩠ᩉᩮ, ᨽᩥᨠ᩠ᨡᩅᩮ, ᨽᩥᨠ᩠ᨡᩩᨶᩦᩉᩥ ᩑᩊᨠᩃᩮᩣᨾᩣᨶᩥ ᨵᩮᩣᩅᩣᨸᩮᨳᨸᩥ ᩁᨩᩣᨸᩮᨳᨸᩥ ᩅᩥᨩᨭᩣᨸᩮᨳᨸᩦ’’ᨲᩥ ¶ ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ‘‘ᨬᩣᨲᩥᨠᩣᨿᩮᩣ ᨲᩩᨾ᩠ᩉᩣᨠᩴ, ᨽᩥᨠ᩠ᨡᩅᩮ, ᩋᨬ᩠ᨬᩣᨲᩥᨠᩣᨿᩮᩣ’’ᨲᩥ? ‘‘ᩋᨬ᩠ᨬᩣᨲᩥᨠᩣᨿᩮᩣ, ᨽᨣᩅᩣ’’ᨲᩥ. ‘‘ᩋᨬ᩠ᨬᩣᨲᨠᩣ, ᨾᩮᩣᨥᨸᩩᩁᩥᩈᩣ, ᩋᨬ᩠ᨬᩣᨲᩥᨠᩣᨶᩴ ᨶ ᨩᩣᨶᨶ᩠ᨲᩥ ᨸᨲᩥᩁᩪᨸᩴ ᩅᩣ ᩋᨸ᩠ᨸᨲᩥᩁᩪᨸᩴ ᩅᩣ ᨸᩣᩈᩣᨴᩥᨠᩴ ᩅᩣ ᩋᨸᩣᩈᩣᨴᩥᨠᩴ. ᨲᨲ᩠ᨳ ᨶᩣᨾ ᨲᩩᨾ᩠ᩉᩮ, ᨾᩮᩣᨥᨸᩩᩁᩥᩈᩣ, ᩋᨬ᩠ᨬᩣᨲᩥᨠᩣᩉᩥ ᨽᩥᨠ᩠ᨡᩩᨶᩦᩉᩥ ᩑᩊᨠᩃᩮᩣᨾᩣᨶᩥ ᨵᩮᩣᩅᩣᨸᩮᩔᨳᨸᩥ ᩁᨩᩣᨸᩮᩔᨳᨸᩥ ᩅᩥᨩᨭᩣᨸᩮᩔᨳᨸᩥ! ᨶᩮᨲᩴ, ᨾᩮᩣᨥᨸᩩᩁᩥᩈᩣ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪕᪗᪗. ‘‘ᨿᩮᩣ ᨸᨶ ᨽᩥᨠ᩠ᨡᩩ ᩋᨬ᩠ᨬᩣᨲᩥᨠᩣᨿ ᨽᩥᨠ᩠ᨡᩩᨶᩥᨿᩣ ᩑᩊᨠᩃᩮᩣᨾᩣᨶᩥ ᨵᩮᩣᩅᩣᨸᩮᨿ᩠ᨿ ᩅᩣ ᩁᨩᩣᨸᩮᨿ᩠ᨿ ᩅᩣ ᩅᩥᨩᨭᩣᨸᩮᨿ᩠ᨿ ᩅᩣ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

᪕᪗᪘. ᨿᩮᩣ ¶ ᨸᨶᩣᨲᩥ ᨿᩮᩣ ᨿᩣᨴᩥᩈᩮᩣ…ᨸᩮ… ᨽᩥᨠ᩠ᨡᩪᨲᩥ…ᨸᩮ… ᩋᨿᩴ ᩍᨾᩈ᩠ᨾᩥᩴ ᩋᨲ᩠ᨳᩮ ᩋᨵᩥᨸ᩠ᨸᩮᨲᩮᩣ ᨽᩥᨠ᩠ᨡᩪᨲᩥ.

ᩋᨬ᩠ᨬᩣᨲᩥᨠᩣ ᨶᩣᨾ ᨾᩣᨲᩥᨲᩮᩣ ᩅᩣ ᨸᩥᨲᩥᨲᩮᩣ ᩅᩣ ᨿᩣᩅ ᩈᨲ᩠ᨲᨾᩣ ᨸᩥᨲᩣᨾᩉᨿᩩᨣᩣ ᩋᩈᨾ᩠ᨻᨴ᩠ᨵᩣ.

ᨽᩥᨠ᩠ᨡᩩᨶᩦ ᨶᩣᨾ ᩏᨽᨲᩮᩣᩈᨦ᩠ᨥᩮ ᩏᨸᩈᨾ᩠ᨸᨶ᩠ᨶᩣ.

ᨵᩮᩣᩅᩣᨲᩥ ᩌᨱᩣᨸᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨵᩮᩣᨲᩣᨶᩥ ᨶᩥᩔᨣ᩠ᨣᩥᨿᩣᨶᩥ ᩉᩮᩣᨶ᩠ᨲᩥ. ᩁᨩᩣᨲᩥ ᩌᨱᩣᨸᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩁᨲ᩠ᨲᩣᨶᩥ ᨶᩥᩔᨣ᩠ᨣᩥᨿᩣᨶᩥ ᩉᩮᩣᨶ᩠ᨲᩥ. ᩅᩥᨩᨭᩮᩉᩦᨲᩥ ᩌᨱᩣᨸᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩅᩥᨩᨭᩥᨲᩣᨶᩥ ᨶᩥᩔᨣ᩠ᨣᩥᨿᩣᨶᩥ ¶ ᩉᩮᩣᨶ᩠ᨲᩥ. ᨶᩥᩔᨩ᩠ᨩᩥᨲᨻ᩠ᨻᩣᨶᩥ ᩈᨦ᩠ᨥᩔ ᩅᩣ ᨣᨱᩔ ᩅᩣ ᨸᩩᨣ᩠ᨣᩃᩔ ᩅᩣ. ᩑᩅᨬ᩠ᨧ ¶ ᨸᨶ, ᨽᩥᨠ᩠ᨡᩅᩮ, ᨶᩥᩔᨩ᩠ᨩᩥᨲᨻ᩠ᨻᩣᨶᩥ…ᨸᩮ… ᩍᨾᩣᨶᩥ ᨾᩮ, ᨽᨶ᩠ᨲᩮ, ᩑᩊᨠᩃᩮᩣᨾᩣᨶᩥ ᩋᨬ᩠ᨬᩣᨲᩥᨠᩣᨿ ᨽᩥᨠ᩠ᨡᩩᨶᩥᨿᩣ ᨵᩮᩣᩅᩣᨸᩥᨲᩣᨶᩥ ᨶᩥᩔᨣ᩠ᨣᩥᨿᩣᨶᩥ. ᩍᨾᩣᨶᩣᩉᩴ ᩈᨦ᩠ᨥᩔ ᨶᩥᩔᨩ᩠ᨩᩣᨾᩦᨲᩥ…ᨸᩮ… ᨴᨴᩮᨿ᩠ᨿᩣᨲᩥ…ᨸᩮ… ᨴᨴᩮᨿ᩠ᨿᩩᨶ᩠ᨲᩥ…ᨸᩮ… ᩌᨿᩈ᩠ᨾᨲᩮᩣ ᨴᨾ᩠ᨾᩦᨲᩥ.

᪕᪗᪙. ᩋᨬ᩠ᨬᩣᨲᩥᨠᩣᨿ ᩋᨬ᩠ᨬᩣᨲᩥᨠᩈᨬ᩠ᨬᩦ ᩑᩊᨠᩃᩮᩣᨾᩣᨶᩥ ᨵᩮᩣᩅᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨬ᩠ᨬᩣᨲᩥᨠᩣᨿ ᩋᨬ᩠ᨬᩣᨲᩥᨠᩈᨬ᩠ᨬᩦ ᩑᩊᨠᩃᩮᩣᨾᩣᨶᩥ ᨵᩮᩣᩅᩣᨸᩮᨲᩥ ᩁᨩᩣᨸᩮᨲᩥ, ᨶᩥᩔᨣ᩠ᨣᩥᨿᩮᨶ ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᨬ᩠ᨬᩣᨲᩥᨠᩣᨿ ᩋᨬ᩠ᨬᩣᨲᩥᨠᩈᨬ᩠ᨬᩦ ᩑᩊᨠᩃᩮᩣᨾᩣᨶᩥ ᨵᩮᩣᩅᩣᨸᩮᨲᩥ ᩅᩥᨩᨭᩣᨸᩮᨲᩥ, ᨶᩥᩔᨣ᩠ᨣᩥᨿᩮᨶ ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᨬ᩠ᨬᩣᨲᩥᨠᩣᨿ ᩋᨬ᩠ᨬᩣᨲᩥᨠᩈᨬ᩠ᨬᩦ ᩑᩊᨠᩃᩮᩣᨾᩣᨶᩥ ᨵᩮᩣᩅᩣᨸᩮᨲᩥ ᩁᨩᩣᨸᩮᨲᩥ ᩅᩥᨩᨭᩣᨸᩮᨲᩥ, ᨶᩥᩔᨣ᩠ᨣᩥᨿᩮᨶ ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ.

ᩋᨬ᩠ᨬᩣᨲᩥᨠᩣᨿ ¶ ᩋᨬ᩠ᨬᩣᨲᩥᨠᩈᨬ᩠ᨬᩦ ᩑᩊᨠᩃᩮᩣᨾᩣᨶᩥ ᩁᨩᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨬ᩠ᨬᩣᨲᩥᨠᩣᨿ ᩋᨬ᩠ᨬᩣᨲᩥᨠᩈᨬ᩠ᨬᩦ ᩑᩊᨠᩃᩮᩣᨾᩣᨶᩥ ᩁᨩᩣᨸᩮᨲᩥ ᩅᩥᨩᨭᩣᨸᩮᨲᩥ, ᨶᩥᩔᨣ᩠ᨣᩥᨿᩮᨶ ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᨬ᩠ᨬᩣᨲᩥᨠᩣᨿ ᩋᨬ᩠ᨬᩣᨲᩥᨠᩈᨬ᩠ᨬᩦ ᩑᩊᨠᩃᩮᩣᨾᩣᨶᩥ ᩁᨩᩣᨸᩮᨲᩥ ᨵᩮᩣᩅᩣᨸᩮᨲᩥ, ᨶᩥᩔᨣ᩠ᨣᩥᨿᩮᨶ ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᨬ᩠ᨬᩣᨲᩥᨠᩣᨿ ᩋᨬ᩠ᨬᩣᨲᩥᨠᩈᨬ᩠ᨬᩦ ᩑᩊᨠᩃᩮᩣᨾᩣᨶᩥ ᩁᨩᩣᨸᩮᨲᩥ ᩅᩥᨩᨭᩣᨸᩮᨲᩥ ᨵᩮᩣᩅᩣᨸᩮᨲᩥ, ᨶᩥᩔᨣ᩠ᨣᩥᨿᩮᨶ ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ.

ᩋᨬ᩠ᨬᩣᨲᩥᨠᩣᨿ ᩋᨬ᩠ᨬᩣᨲᩥᨠᩈᨬ᩠ᨬᩦ ᩑᩊᨠᩃᩮᩣᨾᩣᨶᩥ ᩅᩥᨩᨭᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨬ᩠ᨬᩣᨲᩥᨠᩣᨿ ᩋᨬ᩠ᨬᩣᨲᩥᨠᩈᨬ᩠ᨬᩦ ᩑᩊᨠᩃᩮᩣᨾᩣᨶᩥ ᩅᩥᨩᨭᩣᨸᩮᨲᩥ ᨵᩮᩣᩅᩣᨸᩮᨲᩥ, ᨶᩥᩔᨣ᩠ᨣᩥᨿᩮᨶ ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᨬ᩠ᨬᩣᨲᩥᨠᩣᨿ ᩋᨬ᩠ᨬᩣᨲᩥᨠᩈᨬ᩠ᨬᩦ ᩑᩊᨠᩃᩮᩣᨾᩣᨶᩥ ᩅᩥᨩᨭᩣᨸᩮᨲᩥ ᩁᨩᩣᨸᩮᨲᩥ, ᨶᩥᩔᨣ᩠ᨣᩥᨿᩮᨶ ᩌᨸᨲ᩠ᨲᩥ ¶ ᨴᩩᨠ᩠ᨠᨭᩔ ¶ . ᩋᨬ᩠ᨬᩣᨲᩥᨠᩣᨿ ᩋᨬ᩠ᨬᩣᨲᩥᨠᩈᨬ᩠ᨬᩦ ᩑᩊᨠᩃᩮᩣᨾᩣᨶᩥ ᩅᩥᨩᨭᩣᨸᩮᨲᩥ ᨵᩮᩣᩅᩣᨸᩮᨲᩥ ᩁᨩᩣᨸᩮᨲᩥ, ᨶᩥᩔᨣ᩠ᨣᩥᨿᩮᨶ ᩌᨸᨲ᩠ᨲᩥ ᨴ᩠ᩅᩥᨶ᩠ᨶᩴ ᨴᩩᨠ᩠ᨠᨭᩣᨶᩴ.

᪕᪘᪐. ᩋᨬ᩠ᨬᩣᨲᩥᨠᩣᨿ ᩅᩮᨾᨲᩥᨠᩮᩣ…ᨸᩮ… ᩋᨬ᩠ᨬᩣᨲᩥᨠᩣᨿ ᨬᩣᨲᩥᨠᩈᨬ᩠ᨬᩦ…ᨸᩮ… ᩋᨬ᩠ᨬᩔ ᩑᩊᨠᩃᩮᩣᨾᩣᨶᩥ ᨵᩮᩣᩅᩣᨸᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩑᨠᨲᩮᩣ ᩏᨸᩈᨾ᩠ᨸᨶ᩠ᨶᩣᨿ ᨵᩮᩣᩅᩣᨸᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨬᩣᨲᩥᨠᩣᨿ ᩋᨬ᩠ᨬᩣᨲᩥᨠᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨬᩣᨲᩥᨠᩣᨿ ᩅᩮᨾᨲᩥᨠᩮᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨬᩣᨲᩥᨠᩣᨿ ᨬᩣᨲᩥᨠᩈᨬ᩠ᨬᩦ, ᩋᨶᩣᨸᨲ᩠ᨲᩥ.

᪕᪘᪑. ᩋᨶᩣᨸᨲ᩠ᨲᩥ ᨬᩣᨲᩥᨠᩣᨿ ᨵᩣᩅᨶ᩠ᨲᩥᨿᩣ ᩋᨬ᩠ᨬᩣᨲᩥᨠᩣ ᨴᩩᨲᩥᨿᩣ ᩉᩮᩣᨲᩥ, ᩋᩅᩩᨲ᩠ᨲᩣ ᨵᩮᩣᩅᨲᩥ, ᩋᨸᩁᩥᨽᩩᨲ᩠ᨲᩴ ᨠᨲᨽᨱ᩠ᨯᩴ ᨵᩮᩣᩅᩣᨸᩮᨲᩥ, ᩈᩥᨠ᩠ᨡᨾᩣᨶᩣᨿ ᩈᩣᨾᨱᩮᩁᩥᨿᩣ ᩏᨾ᩠ᨾᨲ᩠ᨲᨠᩔ ᩌᨴᩥᨠᨾ᩠ᨾᩥᨠᩔᩣᨲᩥ.

ᩑᩊᨠᩃᩮᩣᨾᨵᩮᩣᩅᩣᨸᨶᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᩈᨲ᩠ᨲᨾᩴ.

᪘. ᩁᩪᨸᩥᨿᩈᩥᨠ᩠ᨡᩣᨸᨴᩴ

᪕᪘᪒. ᨲᩮᨶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩁᩣᨩᨣᩉᩮ ᩅᩥᩉᩁᨲᩥ ᩅᩮᩊᩩᩅᨶᩮ ᨠᩃᨶ᩠ᨴᨠᨶᩥᩅᩣᨸᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᨿᩈ᩠ᨾᩣ ¶ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᩋᨬ᩠ᨬᨲᩁᩔ ᨠᩩᩃᩔ ᨠᩩᩃᩪᨸᨠᩮᩣ ᩉᩮᩣᨲᩥ ᨶᩥᨧ᩠ᨧᨽᨲ᩠ᨲᩥᨠᩮᩣ. ᨿᩴ ᨲᩈ᩠ᨾᩥᩴ ᨠᩩᩃᩮ ᩏᨸ᩠ᨸᨩ᩠ᨩᨲᩥ ᨡᩣᨴᨶᩦᨿᩴ ᩅᩣ ᨽᩮᩣᨩᨶᩦᨿᩴ ᩅᩣ ᨲᨲᩮᩣ ᩌᨿᩈ᩠ᨾᨲᩮᩣ ᩏᨸᨶᨶ᩠ᨴᩔ ᩈᨠ᩠ᨿᨸᩩᨲ᩠ᨲᩔ ᨸᨭᩥᩅᩥᩈᩮᩣ ᨮᨸᩥᨿ᩠ᨿᨲᩥ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩈᩣᨿᩴ ᨲᩈ᩠ᨾᩥᩴ ᨠᩩᩃᩮ ᨾᩴᩈᩴ ¶ ᩏᨸ᩠ᨸᨶ᩠ᨶᩴ ᩉᩮᩣᨲᩥ. ᨲᨲᩮᩣ ᩌᨿᩈ᩠ᨾᨲᩮᩣ ᩏᨸᨶᨶ᩠ᨴᩔ ᩈᨠ᩠ᨿᨸᩩᨲ᩠ᨲᩔ ᨸᨭᩥᩅᩥᩈᩮᩣ ᨮᨸᩥᨲᩮᩣ ᩉᩮᩣᨲᩥ. ᨲᩔ ᨠᩩᩃᩔ ᨴᩣᩁᨠᩮᩣ ᩁᨲ᩠ᨲᩥᨿᩣ ᨸᨧ᩠ᨧᩪᩈᩈᨾᨿᩴ ᨸᨧ᩠ᨧᩩᨭ᩠ᨮᩣᨿ ᩁᩮᩣᨴᨲᩥ – ‘‘ᨾᩴᩈᩴ ᨾᩮ ᨴᩮᨳᩣ’’ᨲᩥ. ᩋᨳ ᨡᩮᩣ ᩈᩮᩣ ᨸᩩᩁᩥᩈᩮᩣ ᨸᨩᩣᨸᨲᩥᩴ ᩑᨲᨴᩅᩮᩣᨧ – ‘‘ᩋᨿ᩠ᨿᩔ ᨸᨭᩥᩅᩥᩈᩴ ᨴᩣᩁᨠᩔ ᨴᩮᩉᩥ. ᩋᨬ᩠ᨬᩴ ᨧᩮᨲᩣᨸᩮᨲ᩠ᩅᩣ ᩋᨿ᩠ᨿᩔ ᨴᩔᩣᨾᩣ’’ᨲᩥ.

ᩋᨳ ᨡᩮᩣ ᩌᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨸᩩᨻ᩠ᨻᨱ᩠ᩉᩈᨾᨿᩴ ᨶᩥᩅᩣᩈᩮᨲ᩠ᩅᩣ ᨸᨲ᩠ᨲᨧᩦᩅᩁᩴ ᩌᨴᩣᨿ ᨿᩮᨶ ᨲᩴ ᨠᩩᩃᩴ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨸᨬ᩠ᨬᨲ᩠ᨲᩮ ᩌᩈᨶᩮ ᨶᩥᩈᩦᨴᩥ. ᩋᨳ ᨡᩮᩣ ᩈᩮᩣ ᨸᩩᩁᩥᩈᩮᩣ ᨿᩮᨶᩣᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᩏᨸᨶᨶ᩠ᨴᩴ ᩈᨠ᩠ᨿᨸᩩᨲ᩠ᨲᩴ ᩋᨽᩥᩅᩣᨴᩮᨲ᩠ᩅᩣ ᩑᨠᨾᨶ᩠ᨲᩴ ᨶᩥᩈᩦᨴᩥ. ᩑᨠᨾᨶ᩠ᨲᩴ ᨶᩥᩈᩥᨶ᩠ᨶᩮᩣ ᨡᩮᩣ ᩈᩮᩣ ᨸᩩᩁᩥᩈᩮᩣ ᩌᨿᩈ᩠ᨾᨶ᩠ᨲᩴ ¶ ᩏᨸᨶᨶ᩠ᨴᩴ ᩈᨠ᩠ᨿᨸᩩᨲ᩠ᨲᩴ ᩑᨲᨴᩅᩮᩣᨧ – ‘‘ᩉᩥᨿ᩠ᨿᩮᩣ ᨡᩮᩣ, ᨽᨶ᩠ᨲᩮ, ᩈᩣᨿᩴ ᨾᩴᩈᩴ ᩏᨸ᩠ᨸᨶ᩠ᨶᩴ ᩋᩉᩮᩣᩈᩥ. ᨲᨲᩮᩣ ᩋᨿ᩠ᨿᩔ ᨸᨭᩥᩅᩥᩈᩮᩣ ᨮᨸᩥᨲᩮᩣ. ᩋᨿᩴ ¶ , ᨽᨶ᩠ᨲᩮ, ᨴᩣᩁᨠᩮᩣ ᩁᨲ᩠ᨲᩥᨿᩣ ᨸᨧ᩠ᨧᩪᩈᩈᨾᨿᩴ ᨸᨧ᩠ᨧᩩᨭ᩠ᨮᩣᨿ ᩁᩮᩣᨴᨲᩥ – ‘ᨾᩴᩈᩴ ᨾᩮ ᨴᩮᨳᩣ’ᨲᩥ. ᩋᨿ᩠ᨿᩔ ᨸᨭᩥᩅᩥᩈᩮᩣ ᨴᩣᩁᨠᩔ ᨴᩥᨶ᩠ᨶᩮᩣ. ᨠᩉᩣᨸᨱᩮᨶ, ᨽᨶ᩠ᨲᩮ, ᨠᩥᩴ ᩌᩉᩁᩥᨿ᩠ᨿᨲᩪ’’ᨲᩥ? ‘‘ᨸᩁᩥᨧ᩠ᨧᨲ᩠ᨲᩮᩣ ᨾᩮ, ᩌᩅᩩᩈᩮᩣ, ᨠᩉᩣᨸᨱᩮᩣ’’ᨲᩥ? ‘‘ᩌᨾ, ᨽᨶ᩠ᨲᩮ, ᨸᩁᩥᨧ᩠ᨧᨲ᩠ᨲᩮᩣ’’ᨲᩥ. ‘‘ᨲᨬ᩠ᨬᩮᩅ ᨾᩮ, ᩌᩅᩩᩈᩮᩣ, ᨠᩉᩣᨸᨱᩴ ᨴᩮᩉᩦ’’ᨲᩥ.

ᩋᨳ ᨡᩮᩣ ᩈᩮᩣ ᨸᩩᩁᩥᩈᩮᩣ ᩌᨿᩈ᩠ᨾᨲᩮᩣ ᩏᨸᨶᨶ᩠ᨴᩔ ᩈᨠ᩠ᨿᨸᩩᨲ᩠ᨲᩔ ᨠᩉᩣᨸᨱᩴ ᨴᨲ᩠ᩅᩣ ᩏᨩ᩠ᨫᩣᨿᨲᩥ ᨡᩥᨿ᩠ᨿᨲᩥ ᩅᩥᨸᩣᨧᩮᨲᩥ – ‘‘ᨲᨳᩮᩅ ᨾᨿᩴ ᩁᩪᨸᩥᨿᩴ ᨸᨭᩥᨣ᩠ᨣᨱ᩠ᩉᩣᨾ ᩑᩅᨾᩮᩅᩥᨾᩮ ᩈᨾᨱᩣ ᩈᨠ᩠ᨿᨸᩩᨲ᩠ᨲᩥᨿᩣ ᩁᩪᨸᩥᨿᩴ ᨸᨭᩥᨣ᩠ᨣᨱ᩠ᩉᨶ᩠ᨲᩦ’’ᨲᩥ. ᩋᩔᩮᩣᩈᩩᩴ ᨡᩮᩣ ᨽᩥᨠ᩠ᨡᩪ ᨲᩔ ᨸᩩᩁᩥᩈᩔ ᩏᨩ᩠ᨫᩣᨿᨶ᩠ᨲᩔ ᨡᩥᨿ᩠ᨿᨶ᩠ᨲᩔ ᩅᩥᨸᩣᨧᩮᨶ᩠ᨲᩔ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩌᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᩁᩪᨸᩥᨿᩴ ᨸᨭᩥᨣ᩠ᨣᩉᩮᩔᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᩌᨿᩈ᩠ᨾᨶ᩠ᨲᩴ ᩏᨸᨶᨶ᩠ᨴᩴ ᩈᨠ᩠ᨿᨸᩩᨲ᩠ᨲᩴ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩈᨧ᩠ᨧᩴ ᨠᩥᩁ ᨲ᩠ᩅᩴ, ᩏᨸᨶᨶ᩠ᨴ, ᩁᩪᨸᩥᨿᩴ ᨸᨭᩥᨣ᩠ᨣᩉᩮᩈᩦ’’ᨲᩥ [ᨸᨭᩥᨣ᩠ᨣᨱ᩠ᩉᩣᩈᩦᨲᩥ (ᩈ᩠ᨿᩣ.)]? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ᨠᨳᨬ᩠ᩉᩥ ᨶᩣᨾ ᨲ᩠ᩅᩴ, ᨾᩮᩣᨥᨸᩩᩁᩥᩈ, ᩁᩪᨸᩥᨿᩴ ᨸᨭᩥᨣ᩠ᨣᩉᩮᩔᩈᩥ! ᨶᩮᨲᩴ, ᨾᩮᩣᨥᨸᩩᩁᩥᩈ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪕᪘᪓. ‘‘ᨿᩮᩣ ᨸᨶ ᨽᩥᨠ᩠ᨡᩩ ᨩᩣᨲᩁᩪᨸᩁᨩᨲᩴ ᩏᨣ᩠ᨣᨱ᩠ᩉᩮᨿ᩠ᨿ ᩅᩣ ᩏᨣ᩠ᨣᨱ᩠ᩉᩣᨸᩮᨿ᩠ᨿ ᩅᩣ ᩏᨸᨶᩥᨠ᩠ᨡᩥᨲ᩠ᨲᩴ ᩅᩣ ᩈᩣᨴᩥᨿᩮᨿ᩠ᨿ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

᪕᪘᪔. ᨿᩮᩣ ¶ ¶ ᨸᨶᩣᨲᩥ ᨿᩮᩣ ᨿᩣᨴᩥᩈᩮᩣ…ᨸᩮ… ᨽᩥᨠ᩠ᨡᩪᨲᩥ…ᨸᩮ… ᩋᨿᩴ ᩍᨾᩈ᩠ᨾᩥᩴ ᩋᨲ᩠ᨳᩮ ᩋᨵᩥᨸ᩠ᨸᩮᨲᩮᩣ ᨽᩥᨠ᩠ᨡᩪᨲᩥ.

ᨩᩣᨲᩁᩪᨸᩴ ᨶᩣᨾ ᩈᨲ᩠ᨳᩩᩅᨱ᩠ᨱᩮᩣ ᩅᩩᨧ᩠ᨧᨲᩥ ¶ .

ᩁᨩᨲᩴ ᨶᩣᨾ ᨠᩉᩣᨸᨱᩮᩣ ᩃᩮᩣᩉᨾᩣᩈᨠᩮᩣ ᨴᩣᩁᩩᨾᩣᩈᨠᩮᩣ ᨩᨲᩩᨾᩣᩈᨠᩮᩣ ᨿᩮ ᩅᩮᩣᩉᩣᩁᩴ ᨣᨧ᩠ᨨᨶ᩠ᨲᩥ.

ᩏᨣ᩠ᨣᨱ᩠ᩉᩮᨿ᩠ᨿᩣᨲᩥ ᩈᨿᩴ ᨣᨱ᩠ᩉᩣᨲᩥ ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ [ᨶᩥᩔᨣ᩠ᨣᩥᨿᩴ ᩉᩮᩣᨲᩥ (ᩈ᩠ᨿᩣ.)].

ᩏᨣ᩠ᨣᨱ᩠ᩉᩣᨸᩮᨿ᩠ᨿᩣᨲᩥ ᩋᨬ᩠ᨬᩴ ᨣᩣᩉᩣᨸᩮᨲᩥ ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ [ᨶᩥᩔᨣ᩠ᨣᩥᨿᩴ ᩉᩮᩣᨲᩥ (ᩈ᩠ᨿᩣ.)].

ᩏᨸᨶᩥᨠ᩠ᨡᩥᨲ᩠ᨲᩴ ¶ ᩅᩣ ᩈᩣᨴᩥᨿᩮᨿ᩠ᨿᩣᨲᩥ ᩍᨴᩴ ᩋᨿ᩠ᨿᩔ ᩉᩮᩣᨲᩪᨲᩥ ᩏᨸᨶᩥᨠ᩠ᨡᩥᨲ᩠ᨲᩴ ᩈᩣᨴᩥᨿᨲᩥ, ᨶᩥᩔᨣ᩠ᨣᩥᨿᩴ ᩉᩮᩣᨲᩥ. ᩈᨦ᩠ᨥᨾᨩ᩠ᨫᩮ ᨶᩥᩔᨩ᩠ᨩᩥᨲᨻ᩠ᨻᩴ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᨶᩥᩔᨩ᩠ᨩᩥᨲᨻ᩠ᨻᩴ – ᨲᩮᨶ ᨽᩥᨠ᩠ᨡᩩᨶᩣ ᩈᨦ᩠ᨥᩴ ᩏᨸᩈᨦ᩠ᨠᨾᩥᨲ᩠ᩅᩣ ᩑᨠᩴᩈᩴ ᩏᨲ᩠ᨲᩁᩣᩈᨦ᩠ᨣᩴ ᨠᩁᩥᨲ᩠ᩅᩣ ᩅᩩᨯ᩠ᨰᩣᨶᩴ ᨽᩥᨠ᩠ᨡᩪᨶᩴ ᨸᩣᨴᩮ ᩅᨶ᩠ᨴᩥᨲ᩠ᩅᩣ ᩏᨠ᩠ᨠᩩᨭᩥᨠᩴ ᨶᩥᩈᩦᨴᩥᨲ᩠ᩅᩣ ᩋᨬ᩠ᨩᩃᩥᩴ ᨸᨣ᩠ᨣᩉᩮᨲ᩠ᩅᩣ ᩑᩅᨾᩔ ᩅᨧᨶᩦᨿᩮᩣ – ‘‘ᩋᩉᩴ, ᨽᨶ᩠ᨲᩮ, ᩁᩪᨸᩥᨿᩴ ᨸᨭᩥᨣ᩠ᨣᩉᩮᩈᩥᩴ. ᩍᨴᩴ ᨾᩮ ᨶᩥᩔᨣ᩠ᨣᩥᨿᩴ. ᩍᨾᩣᩉᩴ ᩈᨦ᩠ᨥᩔ ᨶᩥᩔᨩ᩠ᨩᩣᨾᩦ’’ᨲᩥ. ᨶᩥᩔᨩ᩠ᨩᩥᨲ᩠ᩅᩣ ᩌᨸᨲ᩠ᨲᩥ ᨴᩮᩈᩮᨲᨻ᩠ᨻᩣ. ᨻ᩠ᨿᨲ᩠ᨲᩮᨶ ᨽᩥᨠ᩠ᨡᩩᨶᩣ ᨸᨭᩥᨻᩃᩮᨶ ᩌᨸᨲ᩠ᨲᩥ ᨸᨭᩥᨣ᩠ᨣᩉᩮᨲᨻ᩠ᨻᩣ. ᩈᨧᩮ ᨲᨲ᩠ᨳ ᩌᨣᨧ᩠ᨨᨲᩥ ᩌᩁᩣᨾᩥᨠᩮᩣ ᩅᩣ ᩏᨸᩣᩈᨠᩮᩣ ᩅᩣ ᩈᩮᩣ ᩅᨲ᩠ᨲᨻ᩠ᨻᩮᩣ – ‘‘ᩌᩅᩩᩈᩮᩣ, ᩍᨾᩴ ᨩᩣᨶᩣᩉᩦ’’ᨲᩥ. ᩈᨧᩮ ᩈᩮᩣ ᨽᨱᨲᩥ – ‘‘ᩍᨾᩥᨶᩣ ᨠᩥᩴ ᩌᩉᩁᩥᨿ᩠ᨿᨲᩪ’’ᨲᩥ, ᨶ ᩅᨲ᩠ᨲᨻ᩠ᨻᩮᩣ – ‘‘ᩍᨾᩴ ᩅᩣ ᩍᨾᩴ ᩅᩣ ᩌᩉᩁᩣ’’ᨲᩥ. ᨠᨸ᩠ᨸᩥᨿᩴ ᩌᨧᩥᨠ᩠ᨡᩥᨲᨻ᩠ᨻᩴ – ᩈᨸ᩠ᨸᩥ ᩅᩣ ᨲᩮᩃᩴ ᩅᩣ ᨾᨵᩩ ᩅᩣ ᨹᩣᨱᩥᨲᩴ ᩅᩣ. ᩈᨧᩮ ᩈᩮᩣ ᨲᩮᨶ ᨸᩁᩥᩅᨲ᩠ᨲᩮᨲ᩠ᩅᩣ ᨠᨸ᩠ᨸᩥᨿᩴ ᩌᩉᩁᨲᩥ ᩁᩪᨸᩥᨿᨸ᩠ᨸᨭᩥᨣ᩠ᨣᩣᩉᨠᩴ ᨮᨸᩮᨲ᩠ᩅᩣ ᩈᨻ᩠ᨻᩮᩉᩮᩅ ᨸᩁᩥᨽᩩᨬ᩠ᨩᩥᨲᨻ᩠ᨻᩴ. ᩑᩅᨬ᩠ᨧᩮᨲᩴ ᩃᨽᩮᨳ, ᩍᨧ᩠ᨧᩮᨲᩴ ᨠᩩᩈᩃᩴ; ᨶᩮᩣ ᨧᩮ ᩃᨽᩮᨳ, ᩈᩮᩣ ᩅᨲ᩠ᨲᨻ᩠ᨻᩮᩣ – ‘‘ᩌᩅᩩᩈᩮᩣ, ᩍᨾᩴ ᨨᨯ᩠ᨯᩮᩉᩦ’’ᨲᩥ. ᩈᨧᩮ ᩈᩮᩣ ᨨᨯ᩠ᨯᩮᨲᩥ, ᩍᨧ᩠ᨧᩮᨲᩴ ᨠᩩᩈᩃᩴ; ᨶᩮᩣ ᨧᩮ ᨨᨯ᩠ᨯᩮᨲᩥ, ᨸᨬ᩠ᨧᩉᨦ᩠ᨣᩮᩉᩥ ᩈᨾᨶ᩠ᨶᩣᨣᨲᩮᩣ ᨽᩥᨠ᩠ᨡᩩ ¶ ᩁᩪᨸᩥᨿᨨᨯ᩠ᨯᨠᩮᩣ ᩈᨾ᩠ᨾᨶ᩠ᨶᩥᨲᨻ᩠ᨻᩮᩣ – ᨿᩮᩣ ᨶ ᨨᨶ᩠ᨴᩣᨣᨲᩥᩴ ᨣᨧ᩠ᨨᩮᨿ᩠ᨿ, ᨶ ᨴᩮᩣᩈᩣᨣᨲᩥᩴ ᨣᨧ᩠ᨨᩮᨿ᩠ᨿ, ᨶ ᨾᩮᩣᩉᩣᨣᨲᩥᩴ ᨣᨧ᩠ᨨᩮᨿ᩠ᨿ, ᨶ ᨽᨿᩣᨣᨲᩥᩴ ᨣᨧ᩠ᨨᩮᨿ᩠ᨿ, ᨨᨯ᩠ᨯᩥᨲᩣᨨᨯ᩠ᨯᩥᨲᨬ᩠ᨧ ᨩᩣᨶᩮᨿ᩠ᨿ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩈᨾ᩠ᨾᨶ᩠ᨶᩥᨲᨻ᩠ᨻᩮᩣ. ᨸᨮᨾᩴ ᨽᩥᨠ᩠ᨡᩩ ᨿᩣᨧᩥᨲᨻ᩠ᨻᩮᩣ. ᨿᩣᨧᩥᨲ᩠ᩅᩣ ᨻ᩠ᨿᨲ᩠ᨲᩮᨶ ᨽᩥᨠ᩠ᨡᩩᨶᩣ ᨸᨭᩥᨻᩃᩮᨶ ᩈᨦ᩠ᨥᩮᩣ ᨬᩣᨸᩮᨲᨻ᩠ᨻᩮᩣ –

᪕᪘᪕. ‘‘ᩈᩩᨱᩣᨲᩩ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᨿᨴᩥ ᩈᨦ᩠ᨥᩔ ᨸᨲ᩠ᨲᨠᩃ᩠ᩃᩴ, ᩈᨦ᩠ᨥᩮᩣ ᩍᨲ᩠ᨳᨶ᩠ᨶᩣᨾᩴ ᨽᩥᨠ᩠ᨡᩩᩴ ᩁᩪᨸᩥᨿᨨᨯ᩠ᨯᨠᩴ ᩈᨾ᩠ᨾᨶ᩠ᨶᩮᨿ᩠ᨿ. ᩑᩈᩣ ᨬᨲ᩠ᨲᩥ.

‘‘ᩈᩩᨱᩣᨲᩩ ¶ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᩈᨦ᩠ᨥᩮᩣ ᩍᨲ᩠ᨳᨶ᩠ᨶᩣᨾᩴ ᨽᩥᨠ᩠ᨡᩩᩴ ᩁᩪᨸᩥᨿᨨᨯ᩠ᨯᨠᩴ ᩈᨾ᩠ᨾᨶ᩠ᨶᨲᩥ. ᨿᩔᩣᨿᩈ᩠ᨾᨲᩮᩣ ᨡᨾᨲᩥ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᩁᩪᨸᩥᨿᨨᨯ᩠ᨯᨠᩔ ᩈᨾ᩠ᨾᩩᨲᩥ, ᩈᩮᩣ ᨲᩩᨱ᩠ᩉᩔ; ᨿᩔ ᨶᨠ᩠ᨡᨾᨲᩥ, ᩈᩮᩣ ᨽᩣᩈᩮᨿ᩠ᨿ.

‘‘ᩈᨾ᩠ᨾᨲᩮᩣ ᩈᨦ᩠ᨥᩮᨶ ᩍᨲ᩠ᨳᨶ᩠ᨶᩣᨾᩮᩣ ᨽᩥᨠ᩠ᨡᩩ ᩁᩪᨸᩥᨿᨨᨯ᩠ᨯᨠᩮᩣ. ᨡᨾᨲᩥ ᩈᨦ᩠ᨥᩔ, ᨲᩈ᩠ᨾᩣ ᨲᩩᨱ᩠ᩉᩦ, ᩑᩅᨾᩮᨲᩴ ᨵᩣᩁᨿᩣᨾᩦ’’ᨲᩥ.

ᨲᩮᨶ ᩈᨾ᩠ᨾᨲᩮᨶ ᨽᩥᨠ᩠ᨡᩩᨶᩣ ᩋᨶᩥᨾᩥᨲ᩠ᨲᩴ ᨠᨲ᩠ᩅᩣ ᨸᩣᨲᩮᨲᨻ᩠ᨻᩴ. ᩈᨧᩮ ᨶᩥᨾᩥᨲ᩠ᨲᩴ ᨠᨲ᩠ᩅᩣ ᨸᩣᨲᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

᪕᪘᪖. ᩁᩪᨸᩥᨿᩮ ¶ ᩁᩪᨸᩥᨿᩈᨬ᩠ᨬᩦ ᩁᩪᨸᩥᨿᩴ ᨸᨭᩥᨣ᩠ᨣᨱ᩠ᩉᩣᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩁᩪᨸᩥᨿᩮ ᩅᩮᨾᨲᩥᨠᩮᩣ ᩁᩪᨸᩥᨿᩴ ᨸᨭᩥᨣ᩠ᨣᨱ᩠ᩉᩣᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩁᩪᨸᩥᨿᩮ ᩋᩁᩪᨸᩥᨿᩈᨬ᩠ᨬᩦ ᩁᩪᨸᩥᨿᩴ ᨸᨭᩥᨣ᩠ᨣᨱ᩠ᩉᩣᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᩋᩁᩪᨸᩥᨿᩮ ¶ ᩁᩪᨸᩥᨿᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᩁᩪᨸᩥᨿᩮ ᩅᩮᨾᨲᩥᨠᩮᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᩁᩪᨸᩥᨿᩮ ᩋᩁᩪᨸᩥᨿᩈᨬ᩠ᨬᩦ, ᩋᨶᩣᨸᨲ᩠ᨲᩥ.

ᩋᨶᩣᨸᨲ᩠ᨲᩥ ᩋᨩ᩠ᨫᩣᩁᩣᨾᩮ ᩅᩣ ᩋᨩ᩠ᨫᩣᩅᩈᨳᩮ ᩅᩣ ᩏᨣ᩠ᨣᩉᩮᨲ᩠ᩅᩣ ᩅᩣ ¶ ᩏᨣ᩠ᨣᩉᩣᨸᩮᨲ᩠ᩅᩣ ᩅᩣ ᨶᩥᨠ᩠ᨡᩥᨸᨲᩥ – ᨿᩔ ᨽᩅᩥᩔᨲᩥ ᩈᩮᩣ ᩉᩁᩥᩔᨲᩦᨲᩥ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᩁᩪᨸᩥᨿᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᩋᨭ᩠ᨮᨾᩴ.

᪙. ᩁᩪᨸᩥᨿᩈᩴᩅᩮᩣᩉᩣᩁᩈᩥᨠ᩠ᨡᩣᨸᨴᩴ

᪕᪘᪗. ᨲᩮᨶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ ᨩᩮᨲᩅᨶᩮ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᨶᩣᨶᨸ᩠ᨸᨠᩣᩁᨠᩴ ᩁᩪᨸᩥᨿᩈᩴᩅᩮᩣᩉᩣᩁᩴ ᩈᨾᩣᨸᨩ᩠ᨩᨶ᩠ᨲᩥ. ᨾᨶᩩᩔᩣ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩈᨾᨱᩣ ᩈᨠ᩠ᨿᨸᩩᨲ᩠ᨲᩥᨿᩣ ᨶᩣᨶᨸ᩠ᨸᨠᩣᩁᨠᩴ ᩁᩪᨸᩥᨿᩈᩴᩅᩮᩣᩉᩣᩁᩴ ᩈᨾᩣᨸᨩ᩠ᨩᩥᩔᨶ᩠ᨲᩥ, ᩈᩮᨿ᩠ᨿᨳᩣᨸᩥ ᨣᩥᩉᩦ ᨠᩣᨾᨽᩮᩣᨣᩥᨶᩮᩣ’’ᨲᩥ ¶ ! ᩋᩔᩮᩣᩈᩩᩴ ᨡᩮᩣ ᨽᩥᨠ᩠ᨡᩪ ᨲᩮᩈᩴ ᨾᨶᩩᩔᩣᨶᩴ ᩏᨩ᩠ᨫᩣᨿᨶ᩠ᨲᩣᨶᩴ ᨡᩥᨿ᩠ᨿᨶ᩠ᨲᩣᨶᩴ ᩅᩥᨸᩣᨧᩮᨶ᩠ᨲᩣᨶᩴ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᨶᩣᨶᨸ᩠ᨸᨠᩣᩁᨠᩴ ᩁᩪᨸᩥᨿᩈᩴᩅᩮᩣᩉᩣᩁᩴ ᩈᨾᩣᨸᨩ᩠ᨩᩥᩔᨶ᩠ᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨨᨻ᩠ᨻᨣ᩠ᨣᩥᨿᩮ ᨽᩥᨠ᩠ᨡᩪ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩈᨧ᩠ᨧᩴ ᨠᩥᩁ ᨲᩩᨾ᩠ᩉᩮ, ᨽᩥᨠ᩠ᨡᩅᩮ, ᨶᩣᨶᨸ᩠ᨸᨠᩣᩁᨠᩴ ᩁᩪᨸᩥᨿᩈᩴᩅᩮᩣᩉᩣᩁᩴ ᩈᨾᩣᨸᨩ᩠ᨩᨳᩣ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ᨠᨳᨬ᩠ᩉᩥ ᨶᩣᨾ ᨲᩩᨾ᩠ᩉᩮ, ᨾᩮᩣᨥᨸᩩᩁᩥᩈᩣ, ᨶᩣᨶᨸ᩠ᨸᨠᩣᩁᨠᩴ ᩁᩪᨸᩥᨿᩈᩴᩅᩮᩣᩉᩣᩁᩴ ᩈᨾᩣᨸᨩ᩠ᨩᩥᩔᨳ! ᨶᩮᨲᩴ, ᨾᩮᩣᨥᨸᩩᩁᩥᩈᩣ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪕᪘᪘. ‘‘ᨿᩮᩣ ᨸᨶ ᨽᩥᨠ᩠ᨡᩩ ᨶᩣᨶᨸ᩠ᨸᨠᩣᩁᨠᩴ ᩁᩪᨸᩥᨿᩈᩴᩅᩮᩣᩉᩣᩁᩴ ᩈᨾᩣᨸᨩ᩠ᨩᩮᨿ᩠ᨿ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

᪕᪘᪙. ᨿᩮᩣ ᨸᨶᩣᨲᩥ ᨿᩮᩣ ᨿᩣᨴᩥᩈᩮᩣ…ᨸᩮ… ᨽᩥᨠ᩠ᨡᩪᨲᩥ…ᨸᩮ… ᩋᨿᩴ ᩍᨾᩈ᩠ᨾᩥᩴ ᩋᨲ᩠ᨳᩮ ᩋᨵᩥᨸ᩠ᨸᩮᨲᩮᩣ ᨽᩥᨠ᩠ᨡᩪᨲᩥ.

ᨶᩣᨶᨸ᩠ᨸᨠᩣᩁᨠᩴ ¶ ᨶᩣᨾ ᨠᨲᨾ᩠ᨸᩥ ¶ ᩋᨠᨲᨾ᩠ᨸᩥ ᨠᨲᩣᨠᨲᨾ᩠ᨸᩥ. ᨠᨲᩴ ᨶᩣᨾ ᩈᩦᩈᩪᨸᨣᩴ ᨣᩦᩅᩪᨸᨣᩴ ᩉᨲ᩠ᨳᩪᨸᨣᩴ ᨸᩣᨴᩪᨸᨣᩴ ᨠᨭᩪᨸᨣᩴ. ᩋᨠᨲᩴ ᨶᩣᨾ ᨥᨶᨠᨲᩴ ᩅᩩᨧ᩠ᨧᨲᩥ. ᨠᨲᩣᨠᨲᩴ ᨶᩣᨾ ᨲᨴᩩᨽᨿᩴ.

ᩁᩪᨸᩥᨿᩴ ¶ ᨶᩣᨾ ᩈᨲ᩠ᨳᩩᩅᨱ᩠ᨱᩮᩣ ᨠᩉᩣᨸᨱᩮᩣ, ᩃᩮᩣᩉᨾᩣᩈᨠᩮᩣ, ᨴᩣᩁᩩᨾᩣᩈᨠᩮᩣ, ᨩᨲᩩᨾᩣᩈᨠᩮᩣ ᨿᩮ ᩅᩮᩣᩉᩣᩁᩴ ᨣᨧ᩠ᨨᨶ᩠ᨲᩥ.

ᩈᨾᩣᨸᨩ᩠ᨩᩮᨿ᩠ᨿᩣᨲᩥ ᨠᨲᩮᨶ ᨠᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ [ᨶᩥᩔᨣ᩠ᨣᩥᨿᩴ ᩉᩮᩣᨲᩥ (ᩈ᩠ᨿᩣ.)]. ᨠᨲᩮᨶ ᩋᨠᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᨠᨲᩮᨶ ᨠᨲᩣᨠᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨠᨲᩮᨶ ᨠᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨠᨲᩮᨶ ᩋᨠᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨠᨲᩮᨶ ᨠᨲᩣᨠᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᨠᨲᩣᨠᨲᩮᨶ ᨠᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᨠᨲᩣᨠᨲᩮᨶ ᩋᨠᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᨠᨲᩣᨠᨲᩮᨶ ᨠᨲᩣᨠᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩈᨦ᩠ᨥᨾᨩ᩠ᨫᩮ ᨶᩥᩔᨩ᩠ᨩᩥᨲᨻ᩠ᨻᩴ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᨶᩥᩔᨩ᩠ᨩᩥᨲᨻ᩠ᨻᩴ. ᨲᩮᨶ ᨽᩥᨠ᩠ᨡᩩᨶᩣ ᩈᨦ᩠ᨥᩴ ᩏᨸᩈᨦ᩠ᨠᨾᩥᨲ᩠ᩅᩣ ᩑᨠᩴᩈᩴ ᩏᨲ᩠ᨲᩁᩣᩈᨦ᩠ᨣᩴ ᨠᩁᩥᨲ᩠ᩅᩣ ᩅᩩᨯ᩠ᨰᩣᨶᩴ ᨽᩥᨠ᩠ᨡᩪᨶᩴ ᨸᩣᨴᩮ ᩅᨶ᩠ᨴᩥᨲ᩠ᩅᩣ ᩏᨠ᩠ᨠᩩᨭᩥᨠᩴ ᨶᩥᩈᩦᨴᩥᨲ᩠ᩅᩣ ᩋᨬ᩠ᨩᩃᩥᩴ ᨸᨣ᩠ᨣᩉᩮᨲ᩠ᩅᩣ ᩑᩅᨾᩔ ᩅᨧᨶᩦᨿᩮᩣ ¶ – ‘‘ᩋᩉᩴ, ᨽᨶ᩠ᨲᩮ, ᨶᩣᨶᨸ᩠ᨸᨠᩣᩁᨠᩴ ᩁᩪᨸᩥᨿᩈᩴᩅᩮᩣᩉᩣᩁᩴ ᩈᨾᩣᨸᨩ᩠ᨩᩥᩴ. ᩍᨴᩴ ᨾᩮ ᨶᩥᩔᨣ᩠ᨣᩥᨿᩴ. ᩍᨾᩣᩉᩴ ᩈᨦ᩠ᨥᩔ ᨶᩥᩔᨩ᩠ᨩᩣᨾᩦ’’ᨲᩥ. ᨶᩥᩔᨩ᩠ᨩᩥᨲ᩠ᩅᩣ ᩌᨸᨲ᩠ᨲᩥ ᨴᩮᩈᩮᨲᨻ᩠ᨻᩣ. ᨻ᩠ᨿᨲ᩠ᨲᩮᨶ ᨽᩥᨠ᩠ᨡᩩᨶᩣ ᨸᨭᩥᨻᩃᩮᨶ ᩌᨸᨲ᩠ᨲᩥ ᨸᨭᩥᨣ᩠ᨣᩉᩮᨲᨻ᩠ᨻᩣ. ᩈᨧᩮ ᨲᨲ᩠ᨳ ᩌᨣᨧ᩠ᨨᨲᩥ ᩌᩁᩣᨾᩥᨠᩮᩣ ᩅᩣ ᩏᨸᩣᩈᨠᩮᩣ ᩅᩣ ᩈᩮᩣ ᩅᨲ᩠ᨲᨻ᩠ᨻᩮᩣ – ‘‘ᩌᩅᩩᩈᩮᩣ, ᩍᨾᩴ ᨩᩣᨶᩣᩉᩦ’’ᨲᩥ. ᩈᨧᩮ ᩈᩮᩣ ᨽᨱᨲᩥ – ‘‘ᩍᨾᩥᨶᩣ ᨠᩥᩴ ᩌᩉᩁᩥᨿ᩠ᨿᨲᩪ’’ᨲᩥ, ᨶ ᩅᨲ᩠ᨲᨻ᩠ᨻᩮᩣ – ‘‘ᩍᨾᩴ ¶ ᩅᩣ ᩍᨾᩴ ᩅᩣ ᩌᩉᩁᩣ’’ᨲᩥ. ᨠᨸ᩠ᨸᩥᨿᩴ ᩌᨧᩥᨠ᩠ᨡᩥᨲᨻ᩠ᨻᩴ – ᩈᨸ᩠ᨸᩥ ᩅᩣ ᨲᩮᩃᩴ ᩅᩣ ᨾᨵᩩ ᩅᩣ ᨹᩣᨱᩥᨲᩴ ᩅᩣ. ᩈᨧᩮ ᩈᩮᩣ ᨲᩮᨶ ᨸᩁᩥᩅᨲ᩠ᨲᩮᨲ᩠ᩅᩣ ᨠᨸ᩠ᨸᩥᨿᩴ ᩌᩉᩁᨲᩥ, ᩁᩪᨸᩥᨿᨧᩮᨲᩣᨸᨠᩴ ᨮᨸᩮᨲ᩠ᩅᩣ, ᩈᨻ᩠ᨻᩮᩉᩮᩅ ᨸᩁᩥᨽᩩᨬ᩠ᨩᩥᨲᨻ᩠ᨻᩴ. ᩑᩅᨬ᩠ᨧᩮᨲᩴ ᩃᨽᩮᨳ, ᩍᨧ᩠ᨧᩮᨲᩴ ᨠᩩᩈᩃᩴ; ᨶᩮᩣ ᨧᩮ ᩃᨽᩮᨳ, ᩈᩮᩣ ᩅᨲ᩠ᨲᨻ᩠ᨻᩮᩣ – ‘‘ᩌᩅᩩᩈᩮᩣ, ᩍᨾᩴ ᨨᨯ᩠ᨯᩮᩉᩦ’’ᨲᩥ. ᩈᨧᩮ ᩈᩮᩣ ᨨᨯ᩠ᨯᩮᨲᩥ, ᩍᨧ᩠ᨧᩮᨲᩴ ᨠᩩᩈᩃᩴ; ᨶᩮᩣ ᨧᩮ ᨨᨯ᩠ᨯᩮᨲᩥ, ᨸᨬ᩠ᨧᩉᨦ᩠ᨣᩮᩉᩥ ᩈᨾᨶ᩠ᨶᩣᨣᨲᩮᩣ ᨽᩥᨠ᩠ᨡᩩ ᩁᩪᨸᩥᨿᨨᨯ᩠ᨯᨠᩮᩣ ᩈᨾ᩠ᨾᨶ᩠ᨶᩥᨲᨻ᩠ᨻᩮᩣ – ᨿᩮᩣ ᨶ ᨨᨶ᩠ᨴᩣᨣᨲᩥᩴ ᨣᨧ᩠ᨨᩮᨿ᩠ᨿ, ᨶ ᨴᩮᩣᩈᩣᨣᨲᩥᩴ ᨣᨧ᩠ᨨᩮᨿ᩠ᨿ, ᨶ ᨾᩮᩣᩉᩣᨣᨲᩥᩴ ᨣᨧ᩠ᨨᩮᨿ᩠ᨿ, ᨶ ᨽᨿᩣᨣᨲᩥᩴ ᨣᨧ᩠ᨨᩮᨿ᩠ᨿ, ᨨᨯ᩠ᨯᩥᨲᩣᨨᨯ᩠ᨯᩥᨲᨬ᩠ᨧ ᨩᩣᨶᩮᨿ᩠ᨿ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩈᨾ᩠ᨾᨶ᩠ᨶᩥᨲᨻ᩠ᨻᩮᩣ. ᨸᨮᨾᩴ ᨽᩥᨠ᩠ᨡᩩ ᨿᩣᨧᩥᨲᨻ᩠ᨻᩮᩣ. ᨿᩣᨧᩥᨲ᩠ᩅᩣ ᨻ᩠ᨿᨲ᩠ᨲᩮᨶ ᨽᩥᨠ᩠ᨡᩩᨶᩣ ᨸᨭᩥᨻᩃᩮᨶ ᩈᨦ᩠ᨥᩮᩣ ᨬᩣᨸᩮᨲᨻ᩠ᨻᩮᩣ –

᪕᪙᪐. ‘‘ᩈᩩᨱᩣᨲᩩ ¶ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᨿᨴᩥ ᩈᨦ᩠ᨥᩔ ᨸᨲ᩠ᨲᨠᩃ᩠ᩃᩴ, ᩈᨦ᩠ᨥᩮᩣ ᩍᨲ᩠ᨳᨶ᩠ᨶᩣᨾᩴ ᨽᩥᨠ᩠ᨡᩩᩴ ᩁᩪᨸᩥᨿᨨᨯ᩠ᨯᨠᩴ ᩈᨾ᩠ᨾᨶ᩠ᨶᩮᨿ᩠ᨿ. ᩑᩈᩣ ᨬᨲ᩠ᨲᩥ.

‘‘ᩈᩩᨱᩣᨲᩩ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᩈᨦ᩠ᨥᩮᩣ ᩍᨲ᩠ᨳᨶ᩠ᨶᩣᨾᩴ ᨽᩥᨠ᩠ᨡᩩᩴ ᩁᩪᨸᩥᨿᨨᨯ᩠ᨯᨠᩴ ᩈᨾ᩠ᨾᨶ᩠ᨶᨲᩥ. ᨿᩔᩣᨿᩈ᩠ᨾᨲᩮᩣ ᨡᨾᨲᩥ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᩁᩪᨸᩥᨿᨨᨯ᩠ᨯᨠᩔ ᩈᨾ᩠ᨾᩩᨲᩥ, ᩈᩮᩣ ᨲᩩᨱ᩠ᩉᩔ; ᨿᩔ ᨶᨠ᩠ᨡᨾᨲᩥ, ᩈᩮᩣ ᨽᩣᩈᩮᨿ᩠ᨿ.

‘‘ᩈᨾ᩠ᨾᨲᩮᩣ ᩈᨦ᩠ᨥᩮᨶ ᩍᨲ᩠ᨳᨶ᩠ᨶᩣᨾᩮᩣ ᨽᩥᨠ᩠ᨡᩩ ᩁᩪᨸᩥᨿᨨᨯ᩠ᨯᨠᩮᩣ. ᨡᨾᨲᩥ ᩈᨦ᩠ᨥᩔ, ᨲᩈ᩠ᨾᩣ ᨲᩩᨱ᩠ᩉᩦ, ᩑᩅᨾᩮᨲᩴ ᨵᩣᩁᨿᩣᨾᩦ’’ᨲᩥ.

ᨲᩮᨶ ᩈᨾ᩠ᨾᨲᩮᨶ ᨽᩥᨠ᩠ᨡᩩᨶᩣ ᩋᨶᩥᨾᩥᨲ᩠ᨲᩴ ᨠᨲ᩠ᩅᩣ ᨸᩣᨲᩮᨲᨻ᩠ᨻᩴ. ᩈᨧᩮ ᨶᩥᨾᩥᨲ᩠ᨲᩴ ᨠᨲ᩠ᩅᩣ ᨸᩣᨲᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

᪕᪙᪑. ᩁᩪᨸᩥᨿᩮ ᩁᩪᨸᩥᨿᩈᨬ᩠ᨬᩦ ᩁᩪᨸᩥᨿᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩁᩪᨸᩥᨿᩮ ¶ ᩅᩮᨾᨲᩥᨠᩮᩣ ᩁᩪᨸᩥᨿᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩁᩪᨸᩥᨿᩮ ᩋᩁᩪᨸᩥᨿᩈᨬ᩠ᨬᩦ ᩁᩪᨸᩥᨿᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᩁᩪᨸᩥᨿᩮ ᩁᩪᨸᩥᨿᩈᨬ᩠ᨬᩦ ᩁᩪᨸᩥᨿᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ ¶ . ᩋᩁᩪᨸᩥᨿᩮ ᩅᩮᨾᨲᩥᨠᩮᩣ ᩁᩪᨸᩥᨿᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᩁᩪᨸᩥᨿᩮ ᩋᩁᩪᨸᩥᨿᩈᨬ᩠ᨬᩦ ᩁᩪᨸᩥᨿᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᩋᩁᩪᨸᩥᨿᩮ ᩁᩪᨸᩥᨿᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᩁᩪᨸᩥᨿᩮ ᩅᩮᨾᨲᩥᨠᩮᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᩁᩪᨸᩥᨿᩮ ᩋᩁᩪᨸᩥᨿᩈᨬ᩠ᨬᩦ, ᩋᨶᩣᨸᨲ᩠ᨲᩥ.

᪕᪙᪒. ᩋᨶᩣᨸᨲ᩠ᨲᩥ ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᩁᩪᨸᩥᨿᩈᩴᩅᩮᩣᩉᩣᩁᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨶᩅᨾᩴ.

᪑᪐. ᨠᨿᩅᩥᨠ᩠ᨠᨿᩈᩥᨠ᩠ᨡᩣᨸᨴᩴ

᪕᪙᪓. ᨲᩮᨶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ ᨩᩮᨲᩅᨶᩮ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨸᨭ᩠ᨭᩮᩣ ᩉᩮᩣᨲᩥ ᨧᩦᩅᩁᨠᨾ᩠ᨾᩴ ᨠᩣᨲᩩᩴ. ᩈᩮᩣ ᨸᨭᨸᩥᩃᩮᩣᨲᩥᨠᩣᨶᩴ ᩈᨦ᩠ᨥᩣᨭᩥᩴ ᨠᩁᩥᨲ᩠ᩅᩣ ᩈᩩᩁᨲ᩠ᨲᩴ ᩈᩩᨸᩁᩥᨠᨾ᩠ᨾᨠᨲᩴ ᨠᨲ᩠ᩅᩣ ᨸᩣᩁᩩᨸᩥ. ᩋᨳ ᨡᩮᩣ ᩋᨬ᩠ᨬᨲᩁᩮᩣ ᨸᩁᩥᨻ᩠ᨻᩣᨩᨠᩮᩣ ᨾᩉᨣ᩠ᨥᩴ ᨸᨭᩴ ᨸᩣᩁᩩᨸᩥᨲ᩠ᩅᩣ ᨿᩮᨶᩣᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᩏᨸᨶᨶ᩠ᨴᩴ ᩈᨠ᩠ᨿᨸᩩᨲ᩠ᨲᩴ ¶ ᩑᨲᨴᩅᩮᩣᨧ – ‘‘ᩈᩩᨶ᩠ᨴᩁᩣ ¶ ᨡᩮᩣ ᨲ᩠ᨿᩣᨿᩴ, ᩌᩅᩩᩈᩮᩣ, ᩈᨦ᩠ᨥᩣᨭᩥ; ᨴᩮᩉᩥ ᨾᩮ ᨸᨭᩮᨶᩣ’’ᨲᩥ. ‘‘ᨩᩣᨶᩣᩉᩥ, ᩌᩅᩩᩈᩮᩣ’’ᨲᩥ. ‘‘ᩌᨾᩣᩅᩩᩈᩮᩣ, ᨩᩣᨶᩣᨾᩦ’’ᨲᩥ. ‘‘ᩉᨶ᩠ᨴᩣᩅᩩᩈᩮᩣ’’ᨲᩥ, ᩋᨴᩣᩈᩥ. ᩋᨳ ᨡᩮᩣ ᩈᩮᩣ ᨸᩁᩥᨻ᩠ᨻᩣᨩᨠᩮᩣ ᨲᩴ ᩈᨦ᩠ᨥᩣᨭᩥᩴ ᨸᩣᩁᩩᨸᩥᨲ᩠ᩅᩣ ᨸᩁᩥᨻ᩠ᨻᩣᨩᨠᩣᩁᩣᨾᩴ ᩋᨣᨾᩣᩈᩥ. ᨸᩁᩥᨻ᩠ᨻᩣᨩᨠᩣ ᨲᩴ ᨸᩁᩥᨻ᩠ᨻᩣᨩᨠᩴ ᩑᨲᨴᩅᩮᩣᨧᩩᩴ – ‘‘ᩈᩩᨶ᩠ᨴᩁᩣ ᨡᩮᩣ ᨲ᩠ᨿᩣᨿᩴ, ᩌᩅᩩᩈᩮᩣ, ᩈᨦ᩠ᨥᩣᨭᩥ; ᨠᩩᨲᩮᩣ ᨲᨿᩣ ᩃᨴ᩠ᨵᩣ’’ᨲᩥ? ‘‘ᨲᩮᨶ ᨾᩮ, ᩌᩅᩩᩈᩮᩣ, ᨸᨭᩮᨶ ᨸᩁᩥᩅᨲ᩠ᨲᩥᨲᩣ’’ᨲᩥ. ‘‘ᨠᨲᩥᩉᩥᨸᩥ ᨲ᩠ᨿᩣᨿᩴ, ᩌᩅᩩᩈᩮᩣ, ᩈᨦ᩠ᨥᩣᨭᩥ ᨽᩅᩥᩔᨲᩥ, ᩈᩮᩣᨿᩮᩅ ᨲᩮ ᨸᨭᩮᩣ ᩅᩁᩮᩣ’’ᨲᩥ.

ᩋᨳ ᨡᩮᩣ ᩈᩮᩣ ᨸᩁᩥᨻ᩠ᨻᩣᨩᨠᩮᩣ – ‘‘ᩈᨧ᩠ᨧᩴ ᨡᩮᩣ ᨸᩁᩥᨻ᩠ᨻᩣᨩᨠᩣ ᩌᩉᩴᩈᩩ – ‘ᨠᨲᩥᩉᩥᨸᩥ ᨾ᩠ᨿᩣᨿᩴ ᩈᨦ᩠ᨥᩣᨭᩥ ᨽᩅᩥᩔᨲᩥ! ᩈᩮᩣᨿᩮᩅ ᨾᩮ ᨸᨭᩮᩣ ᩅᩁᩮᩣ’’’ᨲᩥ ᨿᩮᨶᩣᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᩏᨸᨶᨶ᩠ᨴᩴ ᩈᨠ᩠ᨿᨸᩩᨲ᩠ᨲᩴ ᩑᨲᨴᩅᩮᩣᨧ – ‘‘ᩉᨶ᩠ᨴ ᨲᩮ, ᩌᩅᩩᩈᩮᩣ, ᩈᨦ᩠ᨥᩣᨭᩥ [ᩈᨦ᩠ᨥᩣᨭᩥᩴ (ᩈ᩠ᨿᩣ. ᨠ.)]; ᨴᩮᩉᩥ ᨾᩮ ᨸᨭ’’ᨶ᩠ᨲᩥ. ‘‘ᨶᨶᩩ ᨲ᩠ᩅᩴ, ᩌᩅᩩᩈᩮᩣ, ᨾᨿᩣ ᩅᩩᨲ᩠ᨲᩮᩣ – ‘ᨩᩣᨶᩣᩉᩥ, ᩌᩅᩩᩈᩮᩣ’ᨲᩥ ¶ ! ᨶᩣᩉ ᨴᩔᩣᨾᩦ’’ᨲᩥ. ᩋᨳ ᨡᩮᩣ ᩈᩮᩣ ᨸᩁᩥᨻ᩠ᨻᩣᨩᨠᩮᩣ ᩏᨩ᩠ᨫᩣᨿᨲᩥ ᨡᩥᨿ᩠ᨿᨲᩥ ᩅᩥᨸᩣᨧᩮᨲᩥ – ‘‘ᨣᩥᩉᩦᨸᩥ ᨶᩴ ᨣᩥᩉᩥᩔ ¶ ᩅᩥᨸ᩠ᨸᨭᩥᩈᩣᩁᩥᩔ ᨴᩮᨶ᩠ᨲᩥ, ᨠᩥᩴ ᨸᨶ ᨸᨻ᩠ᨻᨩᩥᨲᩮᩣ ᨸᨻ᩠ᨻᨩᩥᨲᩔ ᨶ ᨴᩔᨲᩦ’’ᨲᩥ! ᩋᩔᩮᩣᩈᩩᩴ ᨡᩮᩣ ᨽᩥᨠ᩠ᨡᩪ ᨲᩔ ᨸᩁᩥᨻ᩠ᨻᩣᨩᨠᩔ ᩏᨩ᩠ᨫᩣᨿᨶ᩠ᨲᩔ ᨡᩥᨿ᩠ᨿᨶ᩠ᨲᩔ ᩅᩥᨸᩣᨧᩮᨶ᩠ᨲᩔ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩌᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨸᩁᩥᨻ᩠ᨻᩣᨩᨠᩮᨶ ᩈᨴ᩠ᨵᩥᩴ ᨠᨿᩅᩥᨠ᩠ᨠᨿᩴ ᩈᨾᩣᨸᨩ᩠ᨩᩥᩔᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᩌᨿᩈ᩠ᨾᨶ᩠ᨲᩴ ᩏᨸᨶᨶ᩠ᨴᩴ ᩈᨠ᩠ᨿᨸᩩᨲ᩠ᨲᩴ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩈᨧ᩠ᨧᩴ ᨠᩥᩁ ᨲ᩠ᩅᩴ, ᩏᨸᨶᨶ᩠ᨴ, ᨸᩁᩥᨻ᩠ᨻᩣᨩᨠᩮᨶ ᩈᨴ᩠ᨵᩥᩴ ᨠᨿᩅᩥᨠ᩠ᨠᨿᩴ ᩈᨾᩣᨸᨩ᩠ᨩᩈᩦ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ᨠᨳᨬ᩠ᩉᩥ ᨶᩣᨾ ᨲ᩠ᩅᩴ, ᨾᩮᩣᨥᨸᩩᩁᩥᩈ, ᨸᩁᩥᨻ᩠ᨻᩣᨩᨠᩮᨶ ᩈᨴ᩠ᨵᩥᩴ ᨠᨿᩅᩥᨠ᩠ᨠᨿᩴ ᩈᨾᩣᨸᨩ᩠ᨩᩥᩔᩈᩥ! ᨶᩮᨲᩴ, ᨾᩮᩣᨥᨸᩩᩁᩥᩈ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪕᪙᪔. ‘‘ᨿᩮᩣ ᨸᨶ ᨽᩥᨠ᩠ᨡᩩ ᨶᩣᨶᨸ᩠ᨸᨠᩣᩁᨠᩴ ᨠᨿᩅᩥᨠ᩠ᨠᨿᩴ ᩈᨾᩣᨸᨩ᩠ᨩᩮᨿ᩠ᨿ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

᪕᪙᪕. ᨿᩮᩣ ᨸᨶᩣᨲᩥ ᨿᩮᩣ ᨿᩣᨴᩥᩈᩮᩣ…ᨸᩮ… ᨽᩥᨠ᩠ᨡᩪᨲᩥ…ᨸᩮ… ᩋᨿᩴ ᩍᨾᩈ᩠ᨾᩥᩴ ᩋᨲ᩠ᨳᩮ ᩋᨵᩥᨸ᩠ᨸᩮᨲᩮᩣ ᨽᩥᨠ᩠ᨡᩪᨲᩥ.

ᨶᩣᨶᨸ᩠ᨸᨠᩣᩁᨠᩴ ¶ ᨶᩣᨾ ᨧᩦᩅᩁᨸᩥᨱ᩠ᨯᨸᩣᨲᩈᩮᨶᩣᩈᨶᨣᩥᩃᩣᨶᨸ᩠ᨸᨧ᩠ᨧᨿᨽᩮᩈᨩ᩠ᨩᨸᩁᩥᨠ᩠ᨡᩣᩁᩣ, ᩋᨶ᩠ᨲᨾᩈᩮᩣ ᨧᩩᨱ᩠ᨱᨸᩥᨱ᩠ᨯᩮᩣᨸᩥ ᨴᨶ᩠ᨲᨠᨭ᩠ᨮᨾ᩠ᨸᩥ ᨴᩈᩥᨠᩈᩩᨲ᩠ᨲᨾ᩠ᨸᩥ.

ᨠᨿᩅᩥᨠ᩠ᨠᨿᩴ ᩈᨾᩣᨸᨩ᩠ᨩᩮᨿ᩠ᨿᩣᨲᩥ ᩍᨾᩥᨶᩣ ¶ ᩍᨾᩴ ᨴᩮᩉᩥ, ᩍᨾᩥᨶᩣ ᩍᨾᩴ ᩌᩉᩁ, ᩍᨾᩥᨶᩣ ᩍᨾᩴ ᨸᩁᩥᩅᨲ᩠ᨲᩮᩉᩥ, ᩍᨾᩥᨶᩣ ᩍᨾᩴ ᨧᩮᨲᩣᨸᩮᩉᩦᨲᩥ. ᩋᨩ᩠ᨫᩣᨧᩁᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨿᨲᩮᩣ ᨠᨿᩥᨲᨬ᩠ᨧ ᩉᩮᩣᨲᩥ ᩅᩥᨠ᩠ᨠᨿᩥᨲᨬ᩠ᨧ ᩋᨲ᩠ᨲᨶᩮᩣ ᨽᨱ᩠ᨯᩴ ᨸᩁᩉᨲ᩠ᨳᨣᨲᩴ ᨸᩁᨽᨱ᩠ᨯᩴ ᩋᨲ᩠ᨲᨶᩮᩣ ᩉᨲ᩠ᨳᨣᨲᩴ, ᨶᩥᩔᨣ᩠ᨣᩥᨿᩴ ᩉᩮᩣᨲᩥ. ᨶᩥᩔᨩ᩠ᨩᩥᨲᨻ᩠ᨻᩴ ᩈᨦ᩠ᨥᩔ ᩅᩣ ᨣᨱᩔ ᩅᩣ ᨸᩩᨣ᩠ᨣᩃᩔ ¶ ᩅᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᨶᩥᩔᨩ᩠ᨩᩥᨲᨻ᩠ᨻᩴ…ᨸᩮ… ᩋᩉᩴ, ᨽᨶ᩠ᨲᩮ, ᨶᩣᨶᨸ᩠ᨸᨠᩣᩁᨠᩴ ᨠᨿᩅᩥᨠ᩠ᨠᨿᩴ ᩈᨾᩣᨸᨩ᩠ᨩᩥᩴ. ᩍᨴᩴ ᨾᩮ ᨶᩥᩔᨣ᩠ᨣᩥᨿᩴ. ᩍᨾᩣᩉᩴ ᩈᨦ᩠ᨥᩔ ᨶᩥᩔᨩ᩠ᨩᩣᨾᩦᨲᩥ…ᨸᩮ… ᨴᨴᩮᨿ᩠ᨿᩣᨲᩥ…ᨸᩮ… ᨴᨴᩮᨿ᩠ᨿᩩᨶ᩠ᨲᩥ…ᨸᩮ… ᩌᨿᩈ᩠ᨾᨲᩮᩣ ᨴᨾ᩠ᨾᩦᨲᩥ.

᪕᪙᪖. ᨠᨿᩅᩥᨠ᩠ᨠᨿᩮ ᨠᨿᩅᩥᨠ᩠ᨠᨿᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᨠᨿᩅᩥᨠ᩠ᨠᨿᩮ ᩅᩮᨾᨲᩥᨠᩮᩣ ¶ , ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᨠᨿᩅᩥᨠ᩠ᨠᨿᩮ ᨶᨠᨿᩅᩥᨠ᩠ᨠᨿᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᨶᨠᨿᩅᩥᨠ᩠ᨠᨿᩮ ᨠᨿᩅᩥᨠ᩠ᨠᨿᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨶᨠᨿᩅᩥᨠ᩠ᨠᨿᩮ ᩅᩮᨾᨲᩥᨠᩮᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨶᨠᨿᩅᩥᨠ᩠ᨠᨿᩮ ᨶᨠᨿᩅᩥᨠ᩠ᨠᨿᩈᨬ᩠ᨬᩦ, ᩋᨶᩣᨸᨲ᩠ᨲᩥ.

᪕᪙᪗. ᩋᨶᩣᨸᨲ᩠ᨲᩥ – ᩋᨣ᩠ᨥᩴ ᨸᩩᨧ᩠ᨨᨲᩥ, ᨠᨸ᩠ᨸᩥᨿᨠᩣᩁᨠᩔ ᩌᨧᩥᨠ᩠ᨡᨲᩥ, ‘‘ᩍᨴᩴ ᩋᨾ᩠ᩉᩣᨠᩴ ᩋᨲ᩠ᨳᩥ, ᩋᨾ᩠ᩉᩣᨠᨬ᩠ᨧ ᩍᨾᩥᨶᩣ ᨧ ᩍᨾᩥᨶᩣ ᨧ ᩋᨲ᩠ᨳᩮᩣ’’ᨲᩥ ᨽᨱᨲᩥ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᨠᨿᩅᩥᨠ᩠ᨠᨿᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨴᩈᨾᩴ.

ᨠᩮᩣᩈᩥᨿᩅᨣ᩠ᨣᩮᩣ ᨴᩩᨲᩥᨿᩮᩣ.

ᨲᩔᩩᨴ᩠ᨴᩣᨶᩴ –

ᨠᩮᩣᩈᩥᨿᩣ ¶ ᩈᩩᨴ᩠ᨵᨴ᩠ᩅᩮᨽᩣᨣᩣ, ᨨᨻ᩠ᨻᩔᩣᨶᩥ ᨶᩥᩈᩦᨴᨶᩴ;

ᨴ᩠ᩅᩮ ᨧ ᩃᩮᩣᨾᩣᨶᩥ ᩏᨣ᩠ᨣᨱ᩠ᩉᩮ, ᩏᨽᩮᩣ ᨶᩣᨶᨸ᩠ᨸᨠᩣᩁᨠᩣᨲᩥ.

᪓. ᨸᨲ᩠ᨲᩅᨣ᩠ᨣᩮᩣ

᪑. ᨸᨲ᩠ᨲᩈᩥᨠ᩠ᨡᩣᨸᨴᩴ

᪕᪙᪘. ᨲᩮᨶ ¶ ¶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ ᨩᩮᨲᩅᨶᩮ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᨻᩉᩪ ᨸᨲ᩠ᨲᩮ ᩈᨶ᩠ᨶᩥᨧᨿᩴ ᨠᩁᩮᩣᨶ᩠ᨲᩥ. ᨾᨶᩩᩔᩣ ᩅᩥᩉᩣᩁᨧᩣᩁᩥᨠᩴ ᩌᩉᩥᨱ᩠ᨯᨶ᩠ᨲᩣ ᨸᩔᩥᨲ᩠ᩅᩣ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩈᨾᨱᩣ ᩈᨠ᩠ᨿᨸᩩᨲ᩠ᨲᩥᨿᩣ ᨻᩉᩪ ᨸᨲ᩠ᨲᩮ ᩈᨶ᩠ᨶᩥᨧᨿᩴ ᨠᩁᩥᩔᨶ᩠ᨲᩥ, ᨸᨲ᩠ᨲᩅᩣᨱᩥᨩ᩠ᨩᩴ ᩅᩣ ᩈᨾᨱᩣ ᩈᨠ᩠ᨿᨸᩩᨲ᩠ᨲᩥᨿᩣ ᨠᩁᩥᩔᨶ᩠ᨲᩥ ᩌᨾᨲ᩠ᨲᩥᨠᩣᨸᨱᩴ ᩅᩣ ᨸᩈᩣᩁᩮᩔᨶ᩠ᨲᩦ’’ᨲᩥ! ᩋᩔᩮᩣᩈᩩᩴ ᨡᩮᩣ ᨽᩥᨠ᩠ᨡᩪ ᨲᩮᩈᩴ ᨾᨶᩩᩔᩣᨶᩴ ᩏᨩ᩠ᨫᩣᨿᨶ᩠ᨲᩣᨶᩴ ᨡᩥᨿ᩠ᨿᨶ᩠ᨲᩣᨶᩴ ᩅᩥᨸᩣᨧᩮᨶ᩠ᨲᩣᨶᩴ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᩋᨲᩥᩁᩮᨠᨸᨲ᩠ᨲᩴ ᨵᩣᩁᩮᩔᨶ᩠ᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨨᨻ᩠ᨻᨣ᩠ᨣᩥᨿᩮ ᨽᩥᨠ᩠ᨡᩪ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩈᨧ᩠ᨧᩴ ᨠᩥᩁ ᨲᩩᨾ᩠ᩉᩮ, ᨽᩥᨠ᩠ᨡᩅᩮ, ᩋᨲᩥᩁᩮᨠᨸᨲ᩠ᨲᩴ ᨵᩣᩁᩮᨳᩣ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ᨠᨳᨬ᩠ᩉᩥ ᨶᩣᨾ ᨲᩩᨾ᩠ᩉᩮ, ᨾᩮᩣᨥᨸᩩᩁᩥᩈᩣ, ᩋᨲᩥᩁᩮᨠᨸᨲ᩠ᨲᩴ ᨵᩣᩁᩮᩔᨳ! ᨶᩮᨲᩴ, ᨾᩮᩣᨥᨸᩩᩁᩥᩈᩣ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ ¶ …ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪕᪙᪙. ‘‘ᨿᩮᩣ ᨸᨶ ᨽᩥᨠ᩠ᨡᩩ ᩋᨲᩥᩁᩮᨠᨸᨲ᩠ᨲᩴ ᨵᩣᩁᩮᨿ᩠ᨿ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

ᩑᩅᨬ᩠ᨧᩥᨴᩴ ᨽᨣᩅᨲᩣ ᨽᩥᨠ᩠ᨡᩪᨶᩴ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ ᩉᩮᩣᨲᩥ.

᪖᪐᪐. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᨿᩈ᩠ᨾᨲᩮᩣ ᩌᨶᨶ᩠ᨴᩔ ᩋᨲᩥᩁᩮᨠᨸᨲ᩠ᨲᩮᩣ ᩏᨸ᩠ᨸᨶ᩠ᨶᩮᩣ ¶ ᩉᩮᩣᨲᩥ. ᩌᨿᩈ᩠ᨾᩣ ¶ ᨧ ᩌᨶᨶ᩠ᨴᩮᩣ ᨲᩴ ᨸᨲ᩠ᨲᩴ ᩌᨿᩈ᩠ᨾᨲᩮᩣ ᩈᩣᩁᩥᨸᩩᨲ᩠ᨲᩔ ᨴᩣᨲᩩᨠᩣᨾᩮᩣ ᩉᩮᩣᨲᩥ. ᩌᨿᩈ᩠ᨾᩣ ᨧ ᩈᩣᩁᩥᨸᩩᨲ᩠ᨲᩮᩣ ᩈᩣᨠᩮᨲᩮ ᩅᩥᩉᩁᨲᩥ. ᩋᨳ ᨡᩮᩣ ᩌᨿᩈ᩠ᨾᨲᩮᩣ ᩌᨶᨶ᩠ᨴᩔ ᩑᨲᨴᩉᩮᩣᩈᩥ – ‘‘ᨽᨣᩅᨲᩣ ᩈᩥᨠ᩠ᨡᩣᨸᨴᩴ ᨸᨬ᩠ᨬᨲ᩠ᨲᩴ – ‘ᨶ ᩋᨲᩥᩁᩮᨠᨸᨲ᩠ᨲᩮᩣ ᨵᩣᩁᩮᨲᨻ᩠ᨻᩮᩣ’ᨲᩥ. ᩋᨿᨬ᩠ᨧ ᨾᩮ ᩋᨲᩥᩁᩮᨠᨸᨲ᩠ᨲᩮᩣ ᩏᨸ᩠ᨸᨶ᩠ᨶᩮᩣ. ᩋᩉᨬ᩠ᨧᩥᨾᩴ ᨸᨲ᩠ᨲᩴ ᩌᨿᩈ᩠ᨾᨲᩮᩣ ᩈᩣᩁᩥᨸᩩᨲ᩠ᨲᩔ ᨴᩣᨲᩩᨠᩣᨾᩮᩣ. ᩌᨿᩈ᩠ᨾᩣ ᨧ ᩈᩣᩁᩥᨸᩩᨲ᩠ᨲᩮᩣ ᩈᩣᨠᩮᨲᩮ ᩅᩥᩉᩁᨲᩥ. ᨠᨳᩴ ᨶᩩ ᨡᩮᩣ ᨾᨿᩣ ᨸᨭᩥᨸᨩ᩠ᨩᩥᨲᨻ᩠ᨻ’’ᨶ᩠ᨲᩥ? ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ‘‘ᨠᩦᩅᨧᩥᩁᩴ ᨸᨶᩣᨶᨶ᩠ᨴ, ᩈᩣᩁᩥᨸᩩᨲ᩠ᨲᩮᩣ ᩌᨣᨧ᩠ᨨᩥᩔᨲᩦ’’ᨲᩥ? ‘‘ᨶᩅᨾᩴ ᩅᩣ, ᨽᨣᩅᩣ, ᨴᩥᩅᩈᩴ ᨴᩈᨾᩴ ᩅᩣ’’ᨲᩥ. ᩋᨳ ᨡᩮᩣ ᨽᨣᩅᩣ ᩑᨲᩈ᩠ᨾᩥᩴ ᨶᩥᨴᩣᨶᩮ ᩑᨲᩈ᩠ᨾᩥᩴ ᨸᨠᩁᨱᩮ ᨵᨾ᩠ᨾᩥᩴ ᨠᨳᩴ ᨠᨲ᩠ᩅᩣ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ – ‘‘ᩋᨶᩩᨩᩣᨶᩣᨾᩥ, ᨽᩥᨠ᩠ᨡᩅᩮ ¶ , ᨴᩈᩣᩉᨸᩁᨾᩴ ᩋᨲᩥᩁᩮᨠᨸᨲ᩠ᨲᩴ ᨵᩣᩁᩮᨲᩩᩴ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪖᪐᪑. ‘‘ᨴᩈᩣᩉᨸᩁᨾᩴ ᩋᨲᩥᩁᩮᨠᨸᨲ᩠ᨲᩮᩣ ᨵᩣᩁᩮᨲᨻ᩠ᨻᩮᩣ. ᨲᩴ ᩋᨲᩥᨠ᩠ᨠᩣᨾᨿᨲᩮᩣ ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

᪖᪐᪒. ᨴᩈᩣᩉᨸᩁᨾᨶ᩠ᨲᩥ ᨴᩈᩣᩉᨸᩁᨾᨲᩣ ᨵᩣᩁᩮᨲᨻ᩠ᨻᩮᩣ.

ᩋᨲᩥᩁᩮᨠᨸᨲ᩠ᨲᩮᩣ ᨶᩣᨾ ᩋᨶᨵᩥᨭ᩠ᨮᩥᨲᩮᩣ ᩋᩅᩥᨠᨸ᩠ᨸᩥᨲᩮᩣ.

ᨸᨲ᩠ᨲᩮᩣ ᨶᩣᨾ ᨴ᩠ᩅᩮ ᨸᨲ᩠ᨲᩣ ᩋᨿᩮᩣᨸᨲ᩠ᨲᩮᩣ ᨾᨲ᩠ᨲᩥᨠᩣᨸᨲ᩠ᨲᩮᩣᨲᩥ.

ᨲᨿᩮᩣ ᨸᨲ᩠ᨲᩔ ᩅᨱ᩠ᨱᩣ ᩏᨠ᩠ᨠᨭ᩠ᨮᩮᩣ ᨸᨲ᩠ᨲᩮᩣ ᨾᨩ᩠ᨫᩥᨾᩮᩣ ᨸᨲ᩠ᨲᩮᩣ ᩒᨾᨠᩮᩣ ᨸᨲ᩠ᨲᩮᩣ. ᩏᨠ᩠ᨠᨭ᩠ᨮᩮᩣ ᨶᩣᨾ ᨸᨲ᩠ᨲᩮᩣ ᩋᨯ᩠ᨰᩣᩊ᩠ᩉᨠᩮᩣᨴᨶᩴ ᨣᨱ᩠ᩉᩣᨲᩥ ᨧᨲᩩᨽᩣᨣᩴ ᨡᩣᨴᨶᩴ ᨲᨴᩩᨸᩥᨿᩴ ᨻ᩠ᨿᨬ᩠ᨩᨶᩴ. ᨾᨩ᩠ᨫᩥᨾᩮᩣ ᨶᩣᨾ ᨸᨲ᩠ᨲᩮᩣ ᨶᩣᩊᩥᨠᩮᩣᨴᨶᩴ ᨣᨱ᩠ᩉᩣᨲᩥ ᨧᨲᩩᨽᩣᨣᩴ ᨡᩣᨴᨶᩴ ᨲᨴᩩᨸᩥᨿᩴ ¶ ᨻ᩠ᨿᨬ᩠ᨩᨶᩴ. ᩒᨾᨠᩮᩣ ᨶᩣᨾ ᨸᨲ᩠ᨲᩮᩣ ᨸᨲ᩠ᨳᩮᩣᨴᨶᩴ ᨣᨱ᩠ᩉᩣᨲᩥ ᨧᨲᩩᨽᩣᨣᩴ ᨡᩣᨴᨶᩴ ᨲᨴᩩᨸᩥᨿᩴ ᨻ᩠ᨿᨬ᩠ᨩᨶᩴ. ᨲᨲᩮᩣ ᩏᨠ᩠ᨠᨭ᩠ᨮᩮᩣ ᩋᨸᨲ᩠ᨲᩮᩣ, ᩒᨾᨠᩮᩣ ᩋᨸᨲ᩠ᨲᩮᩣ.

ᨲᩴ ᩋᨲᩥᨠ᩠ᨠᩣᨾᨿᨲᩮᩣ ᨶᩥᩔᨣ᩠ᨣᩥᨿᩮᩣ ᩉᩮᩣᨲᩦᨲᩥ ᩑᨠᩣᨴᩈᩮ ᩋᩁᩩᨱᩩᨣ᩠ᨣᨾᨶᩮ ᨶᩥᩔᨣ᩠ᨣᩥᨿᩮᩣ ᩉᩮᩣᨲᩥ. ᨶᩥᩔᨩ᩠ᨩᩥᨲᨻ᩠ᨻᩮᩣ ᩈᨦ᩠ᨥᩔ ᩅᩣ ᨣᨱᩔ ᩅᩣ ᨸᩩᨣ᩠ᨣᩃᩔ ᩅᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᨶᩥᩔᨩ᩠ᨩᩥᨲᨻ᩠ᨻᩮᩣ. ᨲᩮᨶ ᨽᩥᨠ᩠ᨡᩩᨶᩣ ᩈᨦ᩠ᨥᩴ ᩏᨸᩈᨦ᩠ᨠᨾᩥᨲ᩠ᩅᩣ ᩑᨠᩴᩈᩴ ᩏᨲ᩠ᨲᩁᩣᩈᨦ᩠ᨣᩴ ᨠᩁᩥᨲ᩠ᩅᩣ ᩅᩩᨯ᩠ᨰᩣᨶᩴ ᨽᩥᨠ᩠ᨡᩪᨶᩴ ᨸᩣᨴᩮ ᩅᨶ᩠ᨴᩥᨲ᩠ᩅᩣ ᩏᨠ᩠ᨠᩩᨭᩥᨠᩴ ᨶᩥᩈᩦᨴᩥᨲ᩠ᩅᩣ ᩋᨬ᩠ᨩᩃᩥᩴ ᨸᨣ᩠ᨣᩉᩮᨲ᩠ᩅᩣ ᩑᩅᨾᩔ ᩅᨧᨶᩦᨿᩮᩣ – ‘‘ᩋᨿᩴ ᨾᩮ, ᨽᨶ᩠ᨲᩮ, ᨸᨲ᩠ᨲᩮᩣ ᨴᩈᩣᩉᩣᨲᩥᨠ᩠ᨠᨶ᩠ᨲᩮᩣ ¶ ᨶᩥᩔᨣ᩠ᨣᩥᨿᩮᩣ. ᩍᨾᩣᩉᩴ ᩈᨦ᩠ᨥᩔ ᨶᩥᩔᨩ᩠ᨩᩣᨾᩦ’’ᨲᩥ. ᨶᩥᩔᨩ᩠ᨩᩥᨲ᩠ᩅᩣ ¶ ᩌᨸᨲ᩠ᨲᩥ ᨴᩮᩈᩮᨲᨻ᩠ᨻᩣ. ᨻ᩠ᨿᨲ᩠ᨲᩮᨶ ᨽᩥᨠ᩠ᨡᩩᨶᩣ ᨸᨭᩥᨻᩃᩮᨶ ᩌᨸᨲ᩠ᨲᩥ ᨸᨭᩥᨣ᩠ᨣᩉᩮᨲᨻ᩠ᨻᩣ, ᨶᩥᩔᨭ᩠ᨮᨸᨲ᩠ᨲᩮᩣ ᨴᩣᨲᨻ᩠ᨻᩮᩣ.

᪖᪐᪓. ‘‘ᩈᩩᨱᩣᨲᩩ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᩋᨿᩴ ᨸᨲ᩠ᨲᩮᩣ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᨶᩥᩔᨣ᩠ᨣᩥᨿᩮᩣ ᩈᨦ᩠ᨥᩔ ᨶᩥᩔᨭ᩠ᨮᩮᩣ. ᨿᨴᩥ ᩈᨦ᩠ᨥᩔ ᨸᨲ᩠ᨲᨠᩃ᩠ᩃᩴ, ᩈᨦ᩠ᨥᩮᩣ ᩍᨾᩴ ᨸᨲ᩠ᨲᩴ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᨴᨴᩮᨿ᩠ᨿᩣ’’ᨲᩥ.

᪖᪐᪔. ᨲᩮᨶ ᨽᩥᨠ᩠ᨡᩩᨶᩣ ᩈᨾ᩠ᨻᩉᩩᩃᩮ ᨽᩥᨠ᩠ᨡᩪ ᩏᨸᩈᨦ᩠ᨠᨾᩥᨲ᩠ᩅᩣ ᩑᨠᩴᩈᩴ ᩏᨲ᩠ᨲᩁᩣᩈᨦ᩠ᨣᩴ ᨠᩁᩥᨲ᩠ᩅᩣ ᩅᩩᨯ᩠ᨰᩣᨶᩴ ᨽᩥᨠ᩠ᨡᩪᨶᩴ ᨸᩣᨴᩮ ᩅᨶ᩠ᨴᩥᨲ᩠ᩅᩣ ᩏᨠ᩠ᨠᩩᨭᩥᨠᩴ ᨶᩥᩈᩦᨴᩥᨲ᩠ᩅᩣ ¶ ᩋᨬ᩠ᨩᩃᩥᩴ ᨸᨣ᩠ᨣᩉᩮᨲ᩠ᩅᩣ ᩑᩅᨾᩔᩩ ᩅᨧᨶᩦᨿᩣ – ‘‘ᩋᨿᩴ ᨾᩮ, ᨽᨶ᩠ᨲᩮ, ᨸᨲ᩠ᨲᩮᩣ ᨴᩈᩣᩉᩣᨲᩥᨠ᩠ᨠᨶ᩠ᨲᩮᩣ ᨶᩥᩔᨣ᩠ᨣᩥᨿᩮᩣ. ᩍᨾᩣᩉᩴ ᩌᨿᩈ᩠ᨾᨶ᩠ᨲᩣᨶᩴ ᨶᩥᩔᨩ᩠ᨩᩣᨾᩦ’’ᨲᩥ. ᨶᩥᩔᨩ᩠ᨩᩥᨲ᩠ᩅᩣ ¶ ᩌᨸᨲ᩠ᨲᩥ ᨴᩮᩈᩮᨲᨻ᩠ᨻᩣ. ᨻ᩠ᨿᨲ᩠ᨲᩮᨶ ᨽᩥᨠ᩠ᨡᩩᨶᩣ ᨸᨭᩥᨻᩃᩮᨶ ᩌᨸᨲ᩠ᨲᩥ ᨸᨭᩥᨣ᩠ᨣᩉᩮᨲᨻ᩠ᨻᩣ, ᨶᩥᩔᨭ᩠ᨮᨸᨲ᩠ᨲᩮᩣ ᨴᩣᨲᨻ᩠ᨻᩮᩣ.

᪖᪐᪕. ‘‘ᩈᩩᨱᨶ᩠ᨲᩩ ᨾᩮ ᩌᨿᩈ᩠ᨾᨶ᩠ᨲᩣ. ᩋᨿᩴ ᨸᨲ᩠ᨲᩮᩣ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᨶᩥᩔᨣ᩠ᨣᩥᨿᩮᩣ ᩌᨿᩈ᩠ᨾᨶ᩠ᨲᩣᨶᩴ ᨶᩥᩔᨭ᩠ᨮᩮᩣ. ᨿᨴᩣᨿᩈ᩠ᨾᨶ᩠ᨲᩣᨶᩴ ᨸᨲ᩠ᨲᨠᩃ᩠ᩃᩴ, ᩌᨿᩈ᩠ᨾᨶ᩠ᨲᩣ ᩍᨾᩴ ᨸᨲ᩠ᨲᩴ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᨴᨴᩮᨿ᩠ᨿᩩ’’ᨶ᩠ᨲᩥ.

᪖᪐᪖. ᨲᩮᨶ ᨽᩥᨠ᩠ᨡᩩᨶᩣ ᩑᨠᩴ ᨽᩥᨠ᩠ᨡᩩᩴ ᩏᨸᩈᨦ᩠ᨠᨾᩥᨲ᩠ᩅᩣ ᩑᨠᩴᩈᩴ ᩏᨲ᩠ᨲᩁᩣᩈᨦ᩠ᨣᩴ ᨠᩁᩥᨲ᩠ᩅᩣ ᩏᨠ᩠ᨠᩩᨭᩥᨠᩴ ᨶᩥᩈᩦᨴᩥᨲ᩠ᩅᩣ ᩋᨬ᩠ᨩᩃᩥᩴ ᨸᨣ᩠ᨣᩉᩮᨲ᩠ᩅᩣ ᩑᩅᨾᩔ ᩅᨧᨶᩦᨿᩮᩣ – ‘‘ᩋᨿᩴ ᨾᩮ, ᩌᩅᩩᩈᩮᩣ, ᨸᨲ᩠ᨲᩮᩣ ᨴᩈᩣᩉᩣᨲᩥᨠ᩠ᨠᨶ᩠ᨲᩮᩣ ᨶᩥᩔᨣ᩠ᨣᩥᨿᩮᩣ. ᩍᨾᩣᩉᩴ ᩌᨿᩈ᩠ᨾᨲᩮᩣ ᨶᩥᩔᨩ᩠ᨩᩣᨾᩦ’’ᨲᩥ. ᨶᩥᩔᨩ᩠ᨩᩥᨲ᩠ᩅᩣ ᩌᨸᨲ᩠ᨲᩥ ᨴᩮᩈᩮᨲᨻ᩠ᨻᩣ. ᨲᩮᨶ ᨽᩥᨠ᩠ᨡᩩᨶᩣ ᩌᨸᨲ᩠ᨲᩥ ᨸᨭᩥᨣ᩠ᨣᩉᩮᨲᨻ᩠ᨻᩣ, ᨶᩥᩔᨭ᩠ᨮᨸᨲ᩠ᨲᩮᩣ ᨴᩣᨲᨻ᩠ᨻᩮᩣ – ‘‘ᩍᨾᩴ ᨸᨲ᩠ᨲᩴ ᩌᨿᩈ᩠ᨾᨲᩮᩣ ᨴᨾ᩠ᨾᩦ’’ᨲᩥ.

᪖᪐᪗. ᨴᩈᩣᩉᩣᨲᩥᨠ᩠ᨠᨶ᩠ᨲᩮ ᩋᨲᩥᨠ᩠ᨠᨶ᩠ᨲᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᨴᩈᩣᩉᩣᨲᩥᨠ᩠ᨠᨶ᩠ᨲᩮ ᩅᩮᨾᨲᩥᨠᩮᩣ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᨴᩈᩣᩉᩣᨲᩥᨠ᩠ᨠᨶ᩠ᨲᩮ ᩋᨶᨲᩥᨠ᩠ᨠᨶ᩠ᨲᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨶᨵᩥᨭ᩠ᨮᩥᨲᩮ ᩋᨵᩥᨭ᩠ᨮᩥᨲᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᩅᩥᨠᨸ᩠ᨸᩥᨲᩮ ᩅᩥᨠᨸ᩠ᨸᩥᨲᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᩅᩥᩔᨩ᩠ᨩᩥᨲᩮ ᩅᩥᩔᨩ᩠ᨩᩥᨲᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨶᨭ᩠ᨮᩮ ᨶᨭ᩠ᨮᩈᨬ᩠ᨬᩦ ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᩅᩥᨶᨭ᩠ᨮᩮ ᩅᩥᨶᨭ᩠ᨮᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ¶ ᨸᩣᨧᩥᨲ᩠ᨲᩥᨿᩴ ¶ . ᩋᨽᩥᨶ᩠ᨶᩮ ᨽᩥᨶ᩠ᨶᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᩅᩥᩃᩩᨲ᩠ᨲᩮ ᩅᩥᩃᩩᨲ᩠ᨲᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᨶᩥᩔᨣ᩠ᨣᩥᨿᩴ ᨸᨲ᩠ᨲᩴ ᩋᨶᩥᩔᨩ᩠ᨩᩥᨲ᩠ᩅᩣ ᨸᩁᩥᨽᩩᨬ᩠ᨩᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨴᩈᩣᩉᩣᨶᨲᩥᨠ᩠ᨠᨶ᩠ᨲᩮ ᩋᨲᩥᨠ᩠ᨠᨶ᩠ᨲᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨴᩈᩣᩉᩣᨶᨲᩥᨠ᩠ᨠᨶ᩠ᨲᩮ ᩅᩮᨾᨲᩥᨠᩮᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨴᩈᩣᩉᩣᨶᨲᩥᨠ᩠ᨠᨶ᩠ᨲᩮ ᩋᨶᨲᩥᨠ᩠ᨠᨶ᩠ᨲᩈᨬ᩠ᨬᩦ, ᩋᨶᩣᨸᨲ᩠ᨲᩥ.

᪖᪐᪘. ᩋᨶᩣᨸᨲ᩠ᨲᩥ ᩋᨶ᩠ᨲᩮᩣᨴᩈᩣᩉᩴ ᩋᨵᩥᨭ᩠ᨮᩮᨲᩥ, ᩅᩥᨠᨸ᩠ᨸᩮᨲᩥ, ᩅᩥᩔᨩ᩠ᨩᩮᨲᩥ, ᨶᩔᨲᩥ, ᩅᩥᨶᩔᨲᩥ, ᨽᩥᨩ᩠ᨩᨲᩥ, ᩋᨧ᩠ᨨᩥᨶ᩠ᨴᩥᨲ᩠ᩅᩣ ᨣᨱ᩠ᩉᨶ᩠ᨲᩥ, ᩅᩥᩔᩣᩈᩴ ᨣᨱ᩠ᩉᨶ᩠ᨲᩥ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᨶᩥᩔᨭ᩠ᨮᨸᨲ᩠ᨲᩴ ᨶ ᨴᩮᨶ᩠ᨲᩥ. ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ‘‘ᨶ, ᨽᩥᨠ᩠ᨡᩅᩮ, ᨶᩥᩔᨭ᩠ᨮᨸᨲ᩠ᨲᩮᩣ ᨶ ᨴᩣᨲᨻ᩠ᨻᩮᩣ. ᨿᩮᩣ ᨶ ᨴᨴᩮᨿ᩠ᨿ, ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

ᨸᨲ᩠ᨲᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨸᨮᨾᩴ.

᪒. ᩐᨶᨸᨬ᩠ᨧᨻᨶ᩠ᨵᨶᩈᩥᨠ᩠ᨡᩣᨸᨴᩴ

᪖᪐᪙. ᨲᩮᨶ ¶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᨠ᩠ᨠᩮᩈᩩ ᩅᩥᩉᩁᨲᩥ ᨠᨸᩥᩃᩅᨲ᩠ᨳᩩᩈ᩠ᨾᩥᩴ ᨶᩥᨣᩕᩮᩣᨵᩣᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᨶ ᨠᩩᨾ᩠ᨽᨠᩣᩁᩮᨶ ᨽᩥᨠ᩠ᨡᩪ ᨸᩅᩣᩁᩥᨲᩣ ᩉᩮᩣᨶ᩠ᨲᩥ – ‘‘ᨿᩮᩈᩴ ᩋᨿ᩠ᨿᩣᨶᩴ ᨸᨲ᩠ᨲᩮᨶ ᩋᨲ᩠ᨳᩮᩣ ᩋᩉᩴ ᨸᨲ᩠ᨲᩮᨶᩣ’’ᨲᩥ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨽᩥᨠ᩠ᨡᩪ ᨶ ᨾᨲ᩠ᨲᩴ ᨩᩣᨶᩥᨲ᩠ᩅᩣ ᨻᩉᩪ ᨸᨲ᩠ᨲᩮ ᩅᩥᨬ᩠ᨬᩣᨸᩮᨶ᩠ᨲᩥ. ᨿᩮᩈᩴ ᨡᩩᨴ᩠ᨴᨠᩣ ᨸᨲ᩠ᨲᩣ ᨲᩮ ᨾᩉᨶ᩠ᨲᩮ ᨸᨲ᩠ᨲᩮ ᩅᩥᨬ᩠ᨬᩣᨸᩮᨶ᩠ᨲᩥ. ᨿᩮᩈᩴ ᨾᩉᨶ᩠ᨲᩣ ᨸᨲ᩠ᨲᩣ ᨲᩮ ᨡᩩᨴ᩠ᨴᨠᩮ ᨸᨲ᩠ᨲᩮ ᩅᩥᨬ᩠ᨬᩣᨸᩮᨶ᩠ᨲᩥ. ᩋᨳ ᨡᩮᩣ ᩈᩮᩣ ᨠᩩᨾ᩠ᨽᨠᩣᩁᩮᩣ ᨽᩥᨠ᩠ᨡᩪᨶᩴ ᨻᩉᩪ ᨸᨲ᩠ᨲᩮ ᨠᩁᩮᩣᨶ᩠ᨲᩮᩣ ᨶ ᩈᨠ᩠ᨠᩮᩣᨲᩥ ᩋᨬ᩠ᨬᩴ ᩅᩥᨠ᩠ᨠᩣᨿᩥᨠᩴ ᨽᨱ᩠ᨯᩴ ᨠᩣᨲᩩᩴ, ᩋᨲ᩠ᨲᨶᩣᨸᩥ ᨶ ᨿᩣᨸᩮᨲᩥ, ᨸᩩᨲ᩠ᨲᨴᩣᩁᩣᨸᩥᩔ ᨠᩥᩃᨾᨶ᩠ᨲᩥ. ᨾᨶᩩᩔᩣ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩈᨾᨱᩣ ᩈᨠ᩠ᨿᨸᩩᨲ᩠ᨲᩥᨿᩣ ᨶ ᨾᨲ᩠ᨲᩴ ᨩᩣᨶᩥᨲ᩠ᩅᩣ ᨻᩉᩪ ᨸᨲ᩠ᨲᩮ ᩅᩥᨬ᩠ᨬᩣᨸᩮᩔᨶ᩠ᨲᩥ! ᩋᨿᩴ ᩍᨾᩮᩈᩴ ᨻᩉᩪ ᨸᨲ᩠ᨲᩮ ᨠᩁᩮᩣᨶ᩠ᨲᩮᩣ ᨶ ¶ ᩈᨠ᩠ᨠᩮᩣᨲᩥ ᩋᨬ᩠ᨬᩴ ᩅᩥᨠ᩠ᨠᩣᨿᩥᨠᩴ ᨽᨱ᩠ᨯᩴ ᨠᩣᨲᩩᩴ, ᩋᨲ᩠ᨲᨶᩣᨸᩥ ᨶ ᨿᩣᨸᩮᨲᩥ, ᨸᩩᨲ᩠ᨲᨴᩣᩁᩣᨸᩥᩔ ᨠᩥᩃᨾᨶ᩠ᨲᩦ’’ᨲᩥ.

ᩋᩔᩮᩣᩈᩩᩴ ¶ ᨡᩮᩣ ᨽᩥᨠ᩠ᨡᩪ ᨲᩮᩈᩴ ᨾᨶᩩᩔᩣᨶᩴ ᩏᨩ᩠ᨫᩣᨿᨶ᩠ᨲᩣᨶᩴ ᨡᩥᨿ᩠ᨿᨶ᩠ᨲᩣᨶᩴ ᩅᩥᨸᩣᨧᩮᨶ᩠ᨲᩣᨶᩴ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᨽᩥᨠ᩠ᨡᩪ ᨶ ᨾᨲ᩠ᨲᩴ ᨩᩣᨶᩥᨲ᩠ᩅᩣ ᨻᩉᩪ ᨸᨲ᩠ᨲᩮ ᩅᩥᨬ᩠ᨬᩣᨸᩮᩔᨶ᩠ᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨲᩮ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ᩈᨧ᩠ᨧᩴ ᨠᩥᩁ, ᨽᩥᨠ᩠ᨡᩅᩮ, ᨽᩥᨠ᩠ᨡᩪ ᨶ ᨾᨲ᩠ᨲᩴ ᨩᩣᨶᩥᨲ᩠ᩅᩣ ᨻᩉᩪ ¶ ᨸᨲ᩠ᨲᩮ ᩅᩥᨬ᩠ᨬᩣᨸᩮᨶ᩠ᨲᩦᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ᨠᨳᨬ᩠ᩉᩥ ᨶᩣᨾ ᨲᩮ, ᨽᩥᨠ᩠ᨡᩅᩮ, ᨾᩮᩣᨥᨸᩩᩁᩥᩈᩣ ᨶ ᨾᨲ᩠ᨲᩴ ᨩᩣᨶᩥᨲ᩠ᩅᩣ ᨻᩉᩪ ᨸᨲ᩠ᨲᩮ ᩅᩥᨬ᩠ᨬᩣᨸᩮᩔᨶ᩠ᨲᩥ! ᨶᩮᨲᩴ, ᨽᩥᨠ᩠ᨡᩅᩮ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩅᩥᨣᩁᩉᩥᨲ᩠ᩅᩣ ᨵᨾ᩠ᨾᩥᩴ ᨠᨳᩴ ᨠᨲ᩠ᩅᩣ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ – ‘‘ᨶ, ᨽᩥᨠ᩠ᨡᩅᩮ, ᨸᨲ᩠ᨲᩮᩣ ᩅᩥᨬ᩠ᨬᩣᨸᩮᨲᨻ᩠ᨻᩮᩣ. ᨿᩮᩣ ᩅᩥᨬ᩠ᨬᩣᨸᩮᨿ᩠ᨿ, ᩌᨸᨲ᩠ᨲᩥ ᨴᩩᨠ᩠ᨠᨭᩔᩣ’’ᨲᩥ.

᪖᪑᪐. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩔ ᨽᩥᨠ᩠ᨡᩩᨶᩮᩣ ᨸᨲ᩠ᨲᩮᩣ ᨽᩥᨶ᩠ᨶᩮᩣ ᩉᩮᩣᨲᩥ. ᩋᨳ ᨡᩮᩣ ᩈᩮᩣ ᨽᩥᨠ᩠ᨡᩩ – ‘‘ᨽᨣᩅᨲᩣ ᨸᨭᩥᨠ᩠ᨡᩥᨲ᩠ᨲᩴ ᨸᨲ᩠ᨲᩴ ᩅᩥᨬ᩠ᨬᩣᨸᩮᨲᩩ’’ᨶ᩠ᨲᩥ ᨠᩩᨠ᩠ᨠᩩᨧ᩠ᨧᩣᨿᨶ᩠ᨲᩮᩣ ᨶ ᩅᩥᨬ᩠ᨬᩣᨸᩮᨲᩥ. ᩉᨲ᩠ᨳᩮᩈᩩ ᨸᩥᨱ᩠ᨯᩣᨿ ᨧᩁᨲᩥ. ᨾᨶᩩᩔᩣ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩈᨾᨱᩣ ᩈᨠ᩠ᨿᨸᩩᨲ᩠ᨲᩥᨿᩣ ᩉᨲ᩠ᨳᩮᩈᩩ ᨸᩥᨱ᩠ᨯᩣᨿ ᨧᩁᩥᩔᨶ᩠ᨲᩥ, ᩈᩮᨿ᩠ᨿᨳᩣᨸᩥ ᨲᩥᨲ᩠ᨳᩥᨿᩣ’’ᨲᩥ! ᩋᩔᩮᩣᩈᩩᩴ ᨡᩮᩣ ᨽᩥᨠ᩠ᨡᩪ ᨲᩮᩈᩴ ᨾᨶᩩᩔᩣᨶᩴ ᩏᨩ᩠ᨫᩣᨿᨶ᩠ᨲᩣᨶᩴ ᨡᩥᨿ᩠ᨿᨶ᩠ᨲᩣᨶᩴ ᩅᩥᨸᩣᨧᩮᨶ᩠ᨲᩣᨶᩴ. ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ᩋᨳ ᨡᩮᩣ ᨽᨣᩅᩣ ᩑᨲᩈ᩠ᨾᩥᩴ ᨶᩥᨴᩣᨶᩮ ¶ ᩑᨲᩈ᩠ᨾᩥᩴ ᨸᨠᩁᨱᩮ ᨵᨾ᩠ᨾᩥᩴ ᨠᨳᩴ ᨠᨲ᩠ᩅᩣ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ – ‘‘ᩋᨶᩩᨩᩣᨶᩣᨾᩥ, ᨽᩥᨠ᩠ᨡᩅᩮ, ᨶᨭ᩠ᨮᨸᨲ᩠ᨲᩔ ᩅᩣ ᨽᩥᨶ᩠ᨶᨸᨲ᩠ᨲᩔ ᩅᩣ ᨸᨲ᩠ᨲᩴ ᩅᩥᨬ᩠ᨬᩣᨸᩮᨲᩩ’’ᨶ᩠ᨲᩥ.

᪖᪑᪑. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ – ‘‘ᨽᨣᩅᨲᩣ ᩋᨶᩩᨬ᩠ᨬᩣᨲᩴ ᨶᨭ᩠ᨮᨸᨲ᩠ᨲᩔ ᩅᩣ ᨽᩥᨶ᩠ᨶᨸᨲ᩠ᨲᩔ ᩅᩣ ᨸᨲ᩠ᨲᩴ ᩅᩥᨬ᩠ᨬᩣᨸᩮᨲᩩ’’ᨶ᩠ᨲᩥ ᩋᨸ᩠ᨸᨾᨲ᩠ᨲᨠᩮᨶᨸᩥ ᨽᩥᨶ᩠ᨶᩮᨶ ᩋᨸ᩠ᨸᨾᨲ᩠ᨲᨠᩮᨶᨸᩥ ᨡᨱ᩠ᨯᩮᨶ ᩅᩥᩃᩥᨡᩥᨲᨾᨲ᩠ᨲᩮᨶᨸᩥ ᨻᩉᩪ ᨸᨲ᩠ᨲᩮ ᩅᩥᨬ᩠ᨬᩣᨸᩮᨶ᩠ᨲᩥ ¶ . ᩋᨳ ᨡᩮᩣ ᩈᩮᩣ ᨠᩩᨾ᩠ᨽᨠᩣᩁᩮᩣ ᨽᩥᨠ᩠ᨡᩪᨶᩴ ᨲᨳᩮᩅ ᨻᩉᩪ ᨸᨲ᩠ᨲᩮ ᨠᩁᩮᩣᨶ᩠ᨲᩮᩣ ᨶ ᩈᨠ᩠ᨠᩮᩣᨲᩥ ᩋᨬ᩠ᨬᩴ ᩅᩥᨠ᩠ᨠᩣᨿᩥᨠᩴ ᨽᨱ᩠ᨯᩴ ᨠᩣᨲᩩᩴ, ᩋᨲ᩠ᨲᨶᩣᨸᩥ ᨶ ᨿᩣᨸᩮᨲᩥ, ᨸᩩᨲ᩠ᨲᨴᩣᩁᩣᨸᩥᩔ ᨠᩥᩃᨾᨶ᩠ᨲᩥ. ᨾᨶᩩᩔᩣ ᨲᨳᩮᩅ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩈᨾᨱᩣ ᩈᨠ᩠ᨿᨸᩩᨲ᩠ᨲᩥᨿᩣ ᨶ ᨾᨲ᩠ᨲᩴ ᨩᩣᨶᩥᨲ᩠ᩅᩣ ᨻᩉᩪ ᨸᨲ᩠ᨲᩮ ᩅᩥᨬ᩠ᨬᩣᨸᩮᩔᨶ᩠ᨲᩥ! ᩋᨿᩴ ᩍᨾᩮᩈᩴ ᨻᩉᩪ ᨸᨲ᩠ᨲᩮ ᨠᩁᩮᩣᨶ᩠ᨲᩮᩣ ᨶ ᩈᨠ᩠ᨠᩮᩣᨲᩥ ᩋᨬ᩠ᨬᩴ ᩅᩥᨠ᩠ᨠᩣᨿᩥᨠᩴ ᨽᨱ᩠ᨯᩴ ᨠᩣᨲᩩᩴ, ᩋᨲ᩠ᨲᨶᩣᨸᩥ ᨶ ᨿᩣᨸᩮᨲᩥ, ᨸᩩᨲ᩠ᨲᨴᩣᩁᩣᨸᩥᩔ ᨠᩥᩃᨾᨶ᩠ᨲᩦ’’ᨲᩥ.

ᩋᩔᩮᩣᩈᩩᩴ ᨡᩮᩣ ᨽᩥᨠ᩠ᨡᩪ ᨲᩮᩈᩴ ᨾᨶᩩᩔᩣᨶᩴ ᩏᨩ᩠ᨫᩣᨿᨶ᩠ᨲᩣᨶᩴ ᨡᩥᨿ᩠ᨿᨶ᩠ᨲᩣᨶᩴ ᩅᩥᨸᩣᨧᩮᨶ᩠ᨲᩣᨶᩴ. ᨿᩮ ᨲᩮ ᨽᩥᨠ᩠ᨡᩪ ¶ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᩋᨸ᩠ᨸᨾᨲ᩠ᨲᨠᩮᨶᨸᩥ ᨽᩥᨶ᩠ᨶᩮᨶ ¶ ᩋᨸ᩠ᨸᨾᨲ᩠ᨲᨠᩮᨶᨸᩥ ᨡᨱ᩠ᨯᩮᨶ ᩅᩥᩃᩥᨡᩥᨲᨾᨲ᩠ᨲᩮᨶᨸᩥ ᨻᩉᩪ ᨸᨲ᩠ᨲᩮ ᩅᩥᨬ᩠ᨬᩣᨸᩮᩔᨶ᩠ᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨨᨻ᩠ᨻᨣ᩠ᨣᩥᨿᩮ ᨽᩥᨠ᩠ᨡᩪ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩈᨧ᩠ᨧᩴ ᨠᩥᩁ ᨲᩩᨾ᩠ᩉᩮ, ᨽᩥᨠ᩠ᨡᩅᩮ, ᩋᨸ᩠ᨸᨾᨲ᩠ᨲᨠᩮᨶᨸᩥ ᨽᩥᨶ᩠ᨶᩮᨶ ᩋᨸ᩠ᨸᨾᨲ᩠ᨲᨠᩮᨶᨸᩥ ᨡᨱ᩠ᨯᩮᨶ ᩅᩥᩃᩥᨡᩥᨲᨾᨲ᩠ᨲᩮᨶᨸᩥ ᨻᩉᩪ ᨸᨲ᩠ᨲᩮ ᩅᩥᨬ᩠ᨬᩣᨸᩮᨳᩣ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ᨠᨳᨬ᩠ᩉᩥ ᨶᩣᨾ ᨲᩩᨾ᩠ᩉᩮ, ᨾᩮᩣᨥᨸᩩᩁᩥᩈᩣ, ᩋᨸ᩠ᨸᨾᨲ᩠ᨲᨠᩮᨶᨸᩥ ᨽᩥᨶ᩠ᨶᩮᨶ ᩋᨸ᩠ᨸᨾᨲ᩠ᨲᨠᩮᨶᨸᩥ ᨡᨱ᩠ᨯᩮᨶ ᩅᩥᩃᩥᨡᩥᨲᨾᨲ᩠ᨲᩮᨶᨸᩥ ᨻᩉᩪ ¶ ᨸᨲ᩠ᨲᩮ ᩅᩥᨬ᩠ᨬᩣᨸᩮᩔᨳ! ᨶᩮᨲᩴ, ᨾᩮᩣᨥᨸᩩᩁᩥᩈᩣ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪖᪑᪒. ‘‘ᨿᩮᩣ ᨸᨶ ᨽᩥᨠ᩠ᨡᩩ ᩐᨶᨸᨬ᩠ᨧᨻᨶ᩠ᨵᨶᩮᨶ ᨸᨲ᩠ᨲᩮᨶ ᩋᨬ᩠ᨬᩴ ᨶᩅᩴ ᨸᨲ᩠ᨲᩴ ᨧᩮᨲᩣᨸᩮᨿ᩠ᨿ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᨲᩮᨶ ᨽᩥᨠ᩠ᨡᩩᨶᩣ ᩈᩮᩣ ᨸᨲ᩠ᨲᩮᩣ ᨽᩥᨠ᩠ᨡᩩᨸᩁᩥᩈᩣᨿ ᨶᩥᩔᨩ᩠ᨩᩥᨲᨻ᩠ᨻᩮᩣ. ᨿᩮᩣ ᨧ ᨲᩔᩣ ᨽᩥᨠ᩠ᨡᩩᨸᩁᩥᩈᩣᨿ ᨸᨲ᩠ᨲᨸᩁᩥᨿᨶ᩠ᨲᩮᩣ ᩈᩮᩣ ᨲᩔ ᨽᩥᨠ᩠ᨡᩩᨶᩮᩣ ᨸᨴᩣᨲᨻ᩠ᨻᩮᩣ – ‘ᩋᨿᩴ ᨲᩮ, ᨽᩥᨠ᩠ᨡᩩ, ᨸᨲ᩠ᨲᩮᩣ ᨿᩣᩅ ᨽᩮᨴᨶᩣᨿ ᨵᩣᩁᩮᨲᨻ᩠ᨻᩮᩣ’ᨲᩥ. ᩋᨿᩴ ᨲᨲ᩠ᨳ ᩈᩣᨾᩦᨧᩦ’’ᨲᩥ.

᪖᪑᪓. ᨿᩮᩣ ᨸᨶᩣᨲᩥ ᨿᩮᩣ ᨿᩣᨴᩥᩈᩮᩣ…ᨸᩮ… ᨽᩥᨠ᩠ᨡᩪᨲᩥ…ᨸᩮ… ᩋᨿᩴ ᩍᨾᩈ᩠ᨾᩥᩴ ᩋᨲ᩠ᨳᩮ ᩋᨵᩥᨸ᩠ᨸᩮᨲᩮᩣ ᨽᩥᨠ᩠ᨡᩪᨲᩥ.

ᩐᨶᨸᨬ᩠ᨧᨻᨶ᩠ᨵᨶᩮᩣ ¶ ᨶᩣᨾ ᨸᨲ᩠ᨲᩮᩣ ᩋᨻᨶ᩠ᨵᨶᩮᩣ ᩅᩣ ᩑᨠᨻᨶ᩠ᨵᨶᩮᩣ ᩅᩣ ᨴ᩠ᩅᩥᨻᨶ᩠ᨵᨶᩮᩣ ᩅᩣ ᨲᩥᨻᨶ᩠ᨵᨶᩮᩣ ᩅᩣ ᨧᨲᩩᨻᨶ᩠ᨵᨶᩮᩣ ᩅᩣ. ᩋᨻᨶ᩠ᨵᨶᩮᩣᨠᩣᩈᩮᩣ ᨶᩣᨾ ᨸᨲ᩠ᨲᩮᩣ ᨿᩔ ᨴ᩠ᩅᨦ᩠ᨣᩩᩃᩣ ᩁᩣᨩᩥ ᨶ ᩉᩮᩣᨲᩥ. ᨻᨶ᩠ᨵᨶᩮᩣᨠᩣᩈᩮᩣ ᨶᩣᨾ ᨸᨲ᩠ᨲᩮᩣ ᨿᩔ ᨴ᩠ᩅᨦ᩠ᨣᩩᩃᩣ ᩁᩣᨩᩥ ᩉᩮᩣᨲᩥ. ᨶᩅᩮᩣ ᨶᩣᨾ ᨸᨲ᩠ᨲᩮᩣ ᩅᩥᨬ᩠ᨬᨲ᩠ᨲᩥᩴ ᩏᨸᩣᨴᩣᨿ ᩅᩩᨧ᩠ᨧᨲᩥ.

ᨧᩮᨲᩣᨸᩮᨿ᩠ᨿᩣᨲᩥ ᩅᩥᨬ᩠ᨬᩣᨸᩮᨲᩥ, ᨸᨿᩮᩣᨣᩮ ᨴᩩᨠ᩠ᨠᨭᩴ. ᨸᨭᩥᩃᩣᨽᩮᨶ ᨶᩥᩔᨣ᩠ᨣᩥᨿᩮᩣ ᩉᩮᩣᨲᩥ. ᩈᨦ᩠ᨥᨾᨩ᩠ᨫᩮ ᨶᩥᩔᨩ᩠ᨩᩥᨲᨻ᩠ᨻᩮᩣ. ᩈᨻ᩠ᨻᩮᩉᩮᩅ ᩋᨵᩥᨭ᩠ᨮᩥᨲᨸᨲ᩠ᨲᩴ ᨣᩉᩮᨲ᩠ᩅᩣ ᩈᨶ᩠ᨶᩥᨸᨲᩥᨲᨻ᩠ᨻᩴ. ᨶ ᩃᩣᨾᨠᩮᩣ ᨸᨲ᩠ᨲᩮᩣ ᩋᨵᩥᨭ᩠ᨮᩣᨲᨻ᩠ᨻᩮᩣ – ‘‘ᨾᩉᨣ᩠ᨥᩴ ᨸᨲ᩠ᨲᩴ ᨣᩉᩮᩔᩣᨾᩦ’’ᨲᩥ. ᩈᨧᩮ ᩃᩣᨾᨠᩴ ᨸᨲ᩠ᨲᩴ ᩋᨵᩥᨭ᩠ᨮᩮᨲᩥ – ‘‘ᨾᩉᨣ᩠ᨥᩴ ᨸᨲ᩠ᨲᩴ ᨣᩉᩮᩔᩣᨾᩦ’’ᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᨶᩥᩔᨩ᩠ᨩᩥᨲᨻ᩠ᨻᩮᩣ. ᨲᩮᨶ ¶ ᨽᩥᨠ᩠ᨡᩩᨶᩣ ᩈᨦ᩠ᨥᩴ ᩏᨸᩈᨦ᩠ᨠᨾᩥᨲ᩠ᩅᩣ ᩑᨠᩴᩈᩴ ᩏᨲ᩠ᨲᩁᩣᩈᨦ᩠ᨣᩴ ᨠᩁᩥᨲ᩠ᩅᩣ ᩅᩩᨯ᩠ᨰᩣᨶᩴ ᨽᩥᨠ᩠ᨡᩪᨶᩴ ᨸᩣᨴᩮ ᩅᨶ᩠ᨴᩥᨲ᩠ᩅᩣ ᩏᨠ᩠ᨠᩩᨭᩥᨠᩴ ᨶᩥᩈᩦᨴᩥᨲ᩠ᩅᩣ ᩋᨬ᩠ᨩᩃᩥᩴ ᨸᨣ᩠ᨣᩉᩮᨲ᩠ᩅᩣ ᩑᩅᨾᩔ ᩅᨧᨶᩦᨿᩮᩣ – ‘‘ᩋᨿᩴ ᨾᩮ, ᨽᨶ᩠ᨲᩮ, ᨸᨲ᩠ᨲᩮᩣ ᩐᨶᨸᨬ᩠ᨧᨻᨶ᩠ᨵᨶᩮᨶ ᨸᨲ᩠ᨲᩮᨶ ᨧᩮᨲᩣᨸᩥᨲᩮᩣ ᨶᩥᩔᨣ᩠ᨣᩥᨿᩮᩣ. ᩍᨾᩣᩉᩴ ᩈᨦ᩠ᨥᩔ ᨶᩥᩔᨩ᩠ᨩᩣᨾᩦ’’ᨲᩥ. ᨶᩥᩔᨩ᩠ᨩᩥᨲ᩠ᩅᩣ ¶ ᩌᨸᨲ᩠ᨲᩥ ᨴᩮᩈᩮᨲᨻ᩠ᨻᩣ. ᨻ᩠ᨿᨲ᩠ᨲᩮᨶ ᨽᩥᨠ᩠ᨡᩩᨶᩣ ᨸᨭᩥᨻᩃᩮᨶ ᩌᨸᨲ᩠ᨲᩥ ᨸᨭᩥᨣ᩠ᨣᩉᩮᨲᨻ᩠ᨻᩣ. ᨸᨬ᩠ᨧᩉᨦ᩠ᨣᩮᩉᩥ ᩈᨾᨶ᩠ᨶᩣᨣᨲᩮᩣ ᨽᩥᨠ᩠ᨡᩩ ᨸᨲ᩠ᨲᨣ᩠ᨣᩣᩉᩣᨸᨠᩮᩣ ᩈᨾ᩠ᨾᨶ᩠ᨶᩥᨲᨻ᩠ᨻᩮᩣ – ᨿᩮᩣ ᨶ ᨨᨶ᩠ᨴᩣᨣᨲᩥᩴ ᨣᨧ᩠ᨨᩮᨿ᩠ᨿ, ᨶ ᨴᩮᩣᩈᩣᨣᨲᩥᩴ ᨣᨧ᩠ᨨᩮᨿ᩠ᨿ, ᨶ ᨾᩮᩣᩉᩣᨣᨲᩥᩴ ᨣᨧ᩠ᨨᩮᨿ᩠ᨿ, ᨶ ᨽᨿᩣᨣᨲᩥᩴ ᨣᨧ᩠ᨨᩮᨿ᩠ᨿ, ᨣᩣᩉᩥᨲᩣᨣᩣᩉᩥᨲᨬ᩠ᨧ ᨩᩣᨶᩮᨿ᩠ᨿ ¶ . ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩈᨾ᩠ᨾᨶ᩠ᨶᩥᨲᨻ᩠ᨻᩮᩣ. ᨸᨮᨾᩴ ᨽᩥᨠ᩠ᨡᩩ ᨿᩣᨧᩥᨲᨻ᩠ᨻᩮᩣ. ᨿᩣᨧᩥᨲ᩠ᩅᩣ ᨻ᩠ᨿᨲ᩠ᨲᩮᨶ ᨽᩥᨠ᩠ᨡᩩᨶᩣ ᨸᨭᩥᨻᩃᩮᨶ ᩈᨦ᩠ᨥᩮᩣ ᨬᩣᨸᩮᨲᨻ᩠ᨻᩮᩣ –

᪖᪑᪔. ‘‘ᩈᩩᨱᩣᨲᩩ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᨿᨴᩥ ᩈᨦ᩠ᨥᩔ ᨸᨲ᩠ᨲᨠᩃ᩠ᩃᩴ, ᩈᨦ᩠ᨥᩮᩣ ᩍᨲ᩠ᨳᨶ᩠ᨶᩣᨾᩴ ᨽᩥᨠ᩠ᨡᩩᩴ ᨸᨲ᩠ᨲᨣ᩠ᨣᩣᩉᩣᨸᨠᩴ ᩈᨾ᩠ᨾᨶ᩠ᨶᩮᨿ᩠ᨿ. ᩑᩈᩣ ᨬᨲ᩠ᨲᩥ.

‘‘ᩈᩩᨱᩣᨲᩩ ᨾᩮ, ᨽᨶ᩠ᨲᩮ, ᩈᨦ᩠ᨥᩮᩣ. ᩈᨦ᩠ᨥᩮᩣ ᩍᨲ᩠ᨳᨶ᩠ᨶᩣᨾᩴ ᨽᩥᨠ᩠ᨡᩩᩴ ᨸᨲ᩠ᨲᨣ᩠ᨣᩣᩉᩣᨸᨠᩴ ᩈᨾ᩠ᨾᨶ᩠ᨶᨲᩥ. ᨿᩔᩣᨿᩈ᩠ᨾᨲᩮᩣ ᨡᨾᨲᩥ ᩍᨲ᩠ᨳᨶ᩠ᨶᩣᨾᩔ ᨽᩥᨠ᩠ᨡᩩᨶᩮᩣ ᨸᨲ᩠ᨲᨣ᩠ᨣᩣᩉᩣᨸᨠᩔ ᩈᨾ᩠ᨾᩩᨲᩥ, ᩈᩮᩣ ᨲᩩᨱ᩠ᩉᩔ; ᨿᩔ ᨶᨠ᩠ᨡᨾᨲᩥ, ᩈᩮᩣ ᨽᩣᩈᩮᨿ᩠ᨿ.

‘‘ᩈᨾ᩠ᨾᨲᩮᩣ ᩈᨦ᩠ᨥᩮᨶ ᩍᨲ᩠ᨳᨶ᩠ᨶᩣᨾᩮᩣ ᨽᩥᨠ᩠ᨡᩩ ᨸᨲ᩠ᨲᨣ᩠ᨣᩣᩉᩣᨸᨠᩮᩣ. ᨡᨾᨲᩥ ᩈᨦ᩠ᨥᩔ, ᨲᩈ᩠ᨾᩣ ᨲᩩᨱ᩠ᩉᩦ, ᩑᩅᨾᩮᨲᩴ ᨵᩣᩁᨿᩣᨾᩦ’’ᨲᩥ.

᪖᪑᪕. ᨲᩮᨶ ᩈᨾ᩠ᨾᨲᩮᨶ ᨽᩥᨠ᩠ᨡᩩᨶᩣ ᨸᨲ᩠ᨲᩮᩣ ᨣᩣᩉᩮᨲᨻ᩠ᨻᩮᩣ. ᨳᩮᩁᩮᩣ ᩅᨲ᩠ᨲᨻ᩠ᨻᩮᩣ – ‘‘ᨣᨱ᩠ᩉᩣᨲᩩ, ᨽᨶ᩠ᨲᩮ, ᨳᩮᩁᩮᩣ ᨸᨲ᩠ᨲ’’ᨶ᩠ᨲᩥ. ᩈᨧᩮ ᨳᩮᩁᩮᩣ ᨣᨱ᩠ᩉᩣᨲᩥ, ᨳᩮᩁᩔ ¶ ᨸᨲ᩠ᨲᩮᩣ ᨴᩩᨲᩥᨿᩔ ᨣᩣᩉᩮᨲᨻ᩠ᨻᩮᩣ. ᨶ ᨧ ᨲᩔ ᩋᨶᩩᨴ᩠ᨴᨿᨲᩣᨿ ᨶ ¶ ᨣᩉᩮᨲᨻ᩠ᨻᩮᩣ. ᨿᩮᩣ ᨶ ᨣᨱ᩠ᩉᩮᨿ᩠ᨿ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᨸᨲ᩠ᨲᨠᩔ ᨶ ᨣᩣᩉᩮᨲᨻ᩠ᨻᩮᩣ. ᩑᨲᩮᨶᩮᩅ ᩏᨸᩣᨿᩮᨶ ᨿᩣᩅ ᩈᨦ᩠ᨥᨶᩅᨠᩣ ᨣᩣᩉᩮᨲᨻ᩠ᨻᩣ. ᨿᩮᩣ ᨧ ᨲᩔᩣ ᨽᩥᨠ᩠ᨡᩩᨸᩁᩥᩈᩣᨿ ᨸᨲ᩠ᨲᨸᩁᩥᨿᨶ᩠ᨲᩮᩣ, ᩈᩮᩣ ᨲᩔ ᨽᩥᨠ᩠ᨡᩩᨶᩮᩣ ᨸᨴᩣᨲᨻ᩠ᨻᩮᩣ – ‘‘ᩋᨿᩴ ᨲᩮ, ᨽᩥᨠ᩠ᨡᩩ, ᨸᨲ᩠ᨲᩮᩣ ᨿᩣᩅ ᨽᩮᨴᨶᩣᨿ ᨵᩣᩁᩮᨲᨻ᩠ᨻᩮᩣ’’ᨲᩥ.

ᨲᩮᨶ ᨽᩥᨠ᩠ᨡᩩᨶᩣ ᩈᩮᩣ ᨸᨲ᩠ᨲᩮᩣ ᨶ ᩋᨴᩮᩈᩮ ᨶᩥᨠ᩠ᨡᩥᨸᩥᨲᨻ᩠ᨻᩮᩣ, ᨶ ᩋᨽᩮᩣᨣᩮᨶ ᨽᩩᨬ᩠ᨩᩥᨲᨻ᩠ᨻᩮᩣ, ᨶ ᩅᩥᩔᨩ᩠ᨩᩮᨲᨻ᩠ᨻᩮᩣ – ‘‘ᨠᨳᩣᨿᩴ ᨸᨲ᩠ᨲᩮᩣ ᨶᩔᩮᨿ᩠ᨿ ᩅᩣ ᩅᩥᨶᩔᩮᨿ᩠ᨿ ᩅᩣ ᨽᩥᨩ᩠ᨩᩮᨿ᩠ᨿ ᩅᩣ’’ᨲᩥ? ᩈᨧᩮ ᩋᨴᩮᩈᩮ ᩅᩣ ᨶᩥᨠ᩠ᨡᩥᨸᨲᩥ ᩋᨽᩮᩣᨣᩮᨶ ᩅᩣ ᨽᩩᨬ᩠ᨩᨲᩥ ᩅᩥᩔᨩ᩠ᨩᩮᨲᩥ ᩅᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

ᩋᨿᩴ ᨲᨲ᩠ᨳ ᩈᩣᨾᩦᨧᩦᨲᩥ ᩋᨿᩴ ᨲᨲ᩠ᨳ ᩋᨶᩩᨵᨾ᩠ᨾᨲᩣ.

᪖᪑᪖. ᩋᨻᨶ᩠ᨵᨶᩮᨶ ¶ ᨸᨲ᩠ᨲᩮᨶ ᩋᨻᨶ᩠ᨵᨶᩴ ᨸᨲ᩠ᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨻᨶ᩠ᨵᨶᩮᨶ ᨸᨲ᩠ᨲᩮᨶ ᩑᨠᨻᨶ᩠ᨵᨶᩴ ᨸᨲ᩠ᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨻᨶ᩠ᨵᨶᩮᨶ ᨸᨲ᩠ᨲᩮᨶ ᨴ᩠ᩅᩥᨻᨶ᩠ᨵᨶᩴ ᨸᨲ᩠ᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨻᨶ᩠ᨵᨶᩮᨶ ᨸᨲ᩠ᨲᩮᨶ ᨲᩥᨻᨶ᩠ᨵᨶᩴ ᨸᨲ᩠ᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨻᨶ᩠ᨵᨶᩮᨶ ᨸᨲ᩠ᨲᩮᨶ ᨧᨲᩩᨻᨶ᩠ᨵᨶᩴ ᨸᨲ᩠ᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᩑᨠᨻᨶ᩠ᨵᨶᩮᨶ ᨸᨲ᩠ᨲᩮᨶ ᩋᨻᨶ᩠ᨵᨶᩴ ᨸᨲ᩠ᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩑᨠᨻᨶ᩠ᨵᨶᩮᨶ ᨸᨲ᩠ᨲᩮᨶ ᩑᨠᨻᨶ᩠ᨵᨶᩴ ᨸᨲ᩠ᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩑᨠᨻᨶ᩠ᨵᨶᩮᨶ ᨸᨲ᩠ᨲᩮᨶ ᨴ᩠ᩅᩥᨻᨶ᩠ᨵᨶᩴ ᨸᨲ᩠ᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩑᨠᨻᨶ᩠ᨵᨶᩮᨶ ᨸᨲ᩠ᨲᩮᨶ ᨲᩥᨻᨶ᩠ᨵᨶᩴ ᨸᨲ᩠ᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩑᨠᨻᨶ᩠ᨵᨶᩮᨶ ᨸᨲ᩠ᨲᩮᨶ ᨧᨲᩩᨻᨶ᩠ᨵᨶᩴ ᨸᨲ᩠ᨲᩴ ¶ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᨴ᩠ᩅᩥᨻᨶ᩠ᨵᨶᩮᨶ ᨸᨲ᩠ᨲᩮᨶ ᩋᨻᨶ᩠ᨵᨶᩴ ᨸᨲ᩠ᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᨴ᩠ᩅᩥᨻᨶ᩠ᨵᨶᩮᨶ ᨸᨲ᩠ᨲᩮᨶ ᩑᨠᨻᨶ᩠ᨵᨶᩴ ᨸᨲ᩠ᨲᩴ…ᨸᩮ… ᨴ᩠ᩅᩥᨻᨶ᩠ᨵᨶᩴ ᨸᨲ᩠ᨲᩴ… ᨲᩥᨻᨶ᩠ᨵᨶᩴ ᨸᨲ᩠ᨲᩴ… ᨧᨲᩩᨻᨶ᩠ᨵᨶᩴ ᨸᨲ᩠ᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᨲᩥᨻᨶ᩠ᨵᨶᩮᨶ ᨸᨲ᩠ᨲᩮᨶ ᩋᨻᨶ᩠ᨵᨶᩴ ᨸᨲ᩠ᨲᩴ…ᨸᩮ… ᩑᨠᨻᨶ᩠ᨵᨶᩴ ᨸᨲ᩠ᨲᩴ…ᨸᩮ… ᨴ᩠ᩅᩥᨻᨶ᩠ᨵᨶᩴ ᨸᨲ᩠ᨲᩴ… ᨲᩥᨻᨶ᩠ᨵᨶᩴ ᨸᨲ᩠ᨲᩴ… ᨧᨲᩩᨻᨶ᩠ᨵᨶᩴ ᨸᨲ᩠ᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᨧᨲᩩᨻᨶ᩠ᨵᨶᩮᨶ ᨸᨲ᩠ᨲᩮᨶ ᩋᨻᨶ᩠ᨵᨶᩴ ᨸᨲ᩠ᨲᩴ…ᨸᩮ… ᩑᨠᨻᨶ᩠ᨵᨶᩴ ᨸᨲ᩠ᨲᩴ… ᨴ᩠ᩅᩥᨻᨶ᩠ᨵᨶᩴ ᨸᨲ᩠ᨲᩴ… ᨲᩥᨻᨶ᩠ᨵᨶᩴ ᨸᨲ᩠ᨲᩴ… ᨧᨲᩩᨻᨶ᩠ᨵᨶᩴ ᨸᨲ᩠ᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᩋᨻᨶ᩠ᨵᨶᩮᨶ ᨸᨲ᩠ᨲᩮᨶ ᩋᨻᨶ᩠ᨵᨶᩮᩣᨠᩣᩈᩴ ᨸᨲ᩠ᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨻᨶ᩠ᨵᨶᩮᨶ ᨸᨲ᩠ᨲᩮᨶ ᩑᨠᨻᨶ᩠ᨵᨶᩮᩣᨠᩣᩈᩴ ᨸᨲ᩠ᨲᩴ…ᨸᩮ… ᨴ᩠ᩅᩥᨻᨶ᩠ᨵᨶᩮᩣᨠᩣᩈᩴ ᨸᨲ᩠ᨲᩴ ¶ … ᨲᩥᨻᨶ᩠ᨵᨶᩮᩣᨠᩣᩈᩴ ᨸᨲ᩠ᨲᩴ… ᨧᨲᩩᨻᨶ᩠ᨵᨶᩮᩣᨠᩣᩈᩴ ¶ ᨸᨲ᩠ᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᩑᨠᨻᨶ᩠ᨵᨶᩮᨶ ᨸᨲ᩠ᨲᩮᨶ ᩋᨻᨶ᩠ᨵᨶᩮᩣᨠᩣᩈᩴ ᨸᨲ᩠ᨲᩴ…ᨸᩮ… ᩑᨠᨻᨶ᩠ᨵᨶᩮᩣᨠᩣᩈᩴ ᨸᨲ᩠ᨲᩴ… ᨴ᩠ᩅᩥᨻᨶ᩠ᨵᨶᩮᩣᨠᩣᩈᩴ ᨸᨲ᩠ᨲᩴ… ᨲᩥᨻᨶ᩠ᨵᨶᩮᩣᨠᩣᩈᩴ ᨸᨲ᩠ᨲᩴ… ᨧᨲᩩᨻᨶ᩠ᨵᨶᩮᩣᨠᩣᩈᩴ ᨸᨲ᩠ᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᨴ᩠ᩅᩥᨻᨶ᩠ᨵᨶᩮᨶ ᨸᨲ᩠ᨲᩮᨶ ᩋᨻᨶ᩠ᨵᨶᩮᩣᨠᩣᩈᩴ ᨸᨲ᩠ᨲᩴ…ᨸᩮ… ᨧᨲᩩᨻᨶ᩠ᨵᨶᩮᩣᨠᩣᩈᩴ ᨸᨲ᩠ᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᨲᩥᨻᨶ᩠ᨵᨶᩮᨶ ¶ ᨸᨲ᩠ᨲᩮᨶ ᩋᨻᨶ᩠ᨵᨶᩮᩣᨠᩣᩈᩴ ᨸᨲ᩠ᨲᩴ…ᨸᩮ… ᨧᨲᩩᨻᨶ᩠ᨵᨶᩮᩣᨠᩣᩈᩴ ᨸᨲ᩠ᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᨧᨲᩩᨻᨶ᩠ᨵᨶᩮᨶ ᨸᨲ᩠ᨲᩮᨶ ᩋᨻᨶ᩠ᨵᨶᩮᩣᨠᩣᩈᩴ ᨸᨲ᩠ᨲᩴ…ᨸᩮ… ᩑᨠᨻᨶ᩠ᨵᨶᩮᩣᨠᩣᩈᩴ ᨸᨲ᩠ᨲᩴ… ᨴ᩠ᩅᩥᨻᨶ᩠ᨵᨶᩮᩣᨠᩣᩈᩴ ᨸᨲ᩠ᨲᩴ… ᨲᩥᨻᨶ᩠ᨵᨶᩮᩣᨠᩣᩈᩴ ᨸᨲ᩠ᨲᩴ… ᨧᨲᩩᨻᨶ᩠ᨵᨶᩮᩣᨠᩣᩈᩴ ᨸᨲ᩠ᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᩋᨻᨶ᩠ᨵᨶᩮᩣᨠᩣᩈᩮᨶ ¶ ᨸᨲ᩠ᨲᩮᨶ ᩋᨻᨶ᩠ᨵᨶᩴ ᨸᨲ᩠ᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨻᨶ᩠ᨵᨶᩮᩣᨠᩣᩈᩮᨶ ᨸᨲ᩠ᨲᩮᨶ ᩑᨠᨻᨶ᩠ᨵᨶᩴ ᨸᨲ᩠ᨲᩴ…ᨸᩮ… ᨴ᩠ᩅᩥᨻᨶ᩠ᨵᨶᩴ ᨸᨲ᩠ᨲᩴ… ᨲᩥᨻᨶ᩠ᨵᨶᩴ ᨸᨲ᩠ᨲᩴ… ᨧᨲᩩᨻᨶ᩠ᨵᨶᩴ ᨸᨲ᩠ᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᨧᨲᩩᨻᨶ᩠ᨵᨶᩮᩣᨠᩣᩈᩮᨶ ᨸᨲ᩠ᨲᩮᨶ ᩋᨻᨶ᩠ᨵᨶᩴ ᨸᨲ᩠ᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᨧᨲᩩᨻᨶ᩠ᨵᨶᩮᩣᨠᩣᩈᩮᨶ ᨸᨲ᩠ᨲᩮᨶ ᩑᨠᨻᨶ᩠ᨵᨶᩴ ¶ ᨸᨲ᩠ᨲᩴ…ᨸᩮ… ᨴ᩠ᩅᩥᨻᨶ᩠ᨵᨶᩴ ᨸᨲ᩠ᨲᩴ… ᨲᩥᨻᨶ᩠ᨵᨶᩴ ᨸᨲ᩠ᨲᩴ… ᨧᨲᩩᨻᨶ᩠ᨵᨶᩴ ᨸᨲ᩠ᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᩋᨻᨶ᩠ᨵᨶᩮᩣᨠᩣᩈᩮᨶ ᨸᨲ᩠ᨲᩮᨶ ᩋᨻᨶ᩠ᨵᨶᩮᩣᨠᩣᩈᩴ ᨸᨲ᩠ᨲᩴ…ᨸᩮ… ᩑᨠᨻᨶ᩠ᨵᨶᩮᩣᨠᩣᩈᩴ ᨸᨲ᩠ᨲᩴ… ᨴ᩠ᩅᩥᨻᨶ᩠ᨵᨶᩮᩣᨠᩣᩈᩴ ᨸᨲ᩠ᨲᩴ… ᨲᩥᨻᨶ᩠ᨵᨶᩮᩣᨠᩣᩈᩴ ᨸᨲ᩠ᨲᩴ… ᨧᨲᩩᨻᨶ᩠ᨵᨶᩮᩣᨠᩣᩈᩴ ᨸᨲ᩠ᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᨧᨲᩩᨻᨶ᩠ᨵᨶᩮᩣᨠᩣᩈᩮᨶ ᨸᨲ᩠ᨲᩮᨶ ᩋᨻᨶ᩠ᨵᨶᩮᩣᨠᩣᩈᩴ ᨸᨲ᩠ᨲᩴ…ᨸᩮ… ᩑᨠᨻᨶ᩠ᨵᨶᩮᩣᨠᩣᩈᩴ ᨸᨲ᩠ᨲᩴ… ᨴ᩠ᩅᩥᨻᨶ᩠ᨵᨶᩮᩣᨠᩣᩈᩴ ᨸᨲ᩠ᨲᩴ… ᨲᩥᨻᨶ᩠ᨵᨶᩮᩣᨠᩣᩈᩴ ᨸᨲ᩠ᨲᩴ… ᨧᨲᩩᨻᨶ᩠ᨵᨶᩮᩣᨠᩣᩈᩴ ᨸᨲ᩠ᨲᩴ ᨧᩮᨲᩣᨸᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

᪖᪑᪗. ᩋᨶᩣᨸᨲ᩠ᨲᩥ ¶ ᨶᨭ᩠ᨮᨸᨲ᩠ᨲᩔ, ᨽᩥᨶ᩠ᨶᨸᨲ᩠ᨲᩔ, ᨬᩣᨲᨠᩣᨶᩴ ᨸᩅᩣᩁᩥᨲᩣᨶᩴ, ᩋᨬ᩠ᨬᩔᨲ᩠ᨳᩣᨿ, ᩋᨲ᩠ᨲᨶᩮᩣ ᨵᨶᩮᨶ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᩐᨶᨸᨬ᩠ᨧᨻᨶ᩠ᨵᨶᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨴᩩᨲᩥᨿᩴ.

᪓. ᨽᩮᩈᨩ᩠ᨩᩈᩥᨠ᩠ᨡᩣᨸᨴᩴ

᪖᪑᪘. [ᩍᨴᩴ ᩅᨲ᩠ᨳᩩ ᨾᩉᩣᩅ. ᪒᪗᪐] ᨲᩮᨶ ¶ ¶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ ᨩᩮᨲᩅᨶᩮ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᨿᩈ᩠ᨾᩣ ᨸᩥᩃᩥᨶ᩠ᨴᩅᨧ᩠ᨨᩮᩣ ᩁᩣᨩᨣᩉᩮ ᨸᨻ᩠ᨽᩣᩁᩴ ᩈᩮᩣᨵᩣᨸᩮᨲᩥ ᩃᩮᨱᩴ ᨠᨲ᩠ᨲᩩᨠᩣᨾᩮᩣ. ᩋᨳ ᨡᩮᩣ ᩁᩣᨩᩣ ᨾᩣᨣᨵᩮᩣ ᩈᩮᨶᩥᨿᩮᩣ ᨻᩥᨾ᩠ᨻᩥᩈᩣᩁᩮᩣ ᨿᩮᨶᩣᨿᩈ᩠ᨾᩣ ᨸᩥᩃᩥᨶ᩠ᨴᩅᨧ᩠ᨨᩮᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᨸᩥᩃᩥᨶ᩠ᨴᩅᨧ᩠ᨨᩴ ᩋᨽᩥᩅᩣᨴᩮᨲ᩠ᩅᩣ ᩑᨠᨾᨶ᩠ᨲᩴ ᨶᩥᩈᩦᨴᩥ. ᩑᨠᨾᨶ᩠ᨲᩴ ᨶᩥᩈᩥᨶ᩠ᨶᩮᩣ ᨡᩮᩣ ᩁᩣᨩᩣ ᨾᩣᨣᨵᩮᩣ ᩈᩮᨶᩥᨿᩮᩣ ᨻᩥᨾ᩠ᨻᩥᩈᩣᩁᩮᩣ ᩌᨿᩈ᩠ᨾᨶ᩠ᨲᩴ ᨸᩥᩃᩥᨶ᩠ᨴᩅᨧ᩠ᨨᩴ ᩑᨲᨴᩅᩮᩣᨧ – ‘‘ᨠᩥᩴ, ᨽᨶ᩠ᨲᩮ, ᨳᩮᩁᩮᩣ ᨠᩣᩁᩣᨸᩮᨲᩦ’’ᨲᩥ? ‘‘ᨸᨻ᩠ᨽᩣᩁᩴ ᨾᩉᩣᩁᩣᨩ, ᩈᩮᩣᨵᩣᨸᩮᨾᩥ ᩃᩮᨱᩴ ᨠᨲ᩠ᨲᩩᨠᩣᨾᩮᩣ’’ᨲᩥ. ‘‘ᩋᨲ᩠ᨳᩮᩣ, ᨽᨶ᩠ᨲᩮ, ᩋᨿ᩠ᨿᩔ ᩌᩁᩣᨾᩥᨠᩮᨶᩣ’’ᨲᩥ? ‘‘ᨶ ᨡᩮᩣ, ᨾᩉᩣᩁᩣᨩ, ᨽᨣᩅᨲᩣ ᩌᩁᩣᨾᩥᨠᩮᩣ ᩋᨶᩩᨬ᩠ᨬᩣᨲᩮᩣ’’ᨲᩥ. ‘‘ᨲᩮᨶ ᩉᩥ, ᨽᨶ᩠ᨲᩮ, ᨽᨣᩅᨶ᩠ᨲᩴ ᨸᨭᩥᨸᩩᨧ᩠ᨨᩥᨲ᩠ᩅᩣ ᨾᨾ ᩌᩁᩮᩣᨧᩮᨿ᩠ᨿᩣᨳᩣ’’ᨲᩥ. ‘‘ᩑᩅᩴ ᨾᩉᩣᩁᩣᨩᩣ’’ᨲᩥ ᨡᩮᩣ ᩌᨿᩈ᩠ᨾᩣ ᨸᩥᩃᩥᨶ᩠ᨴᩅᨧ᩠ᨨᩮᩣ ᩁᨬ᩠ᨬᩮᩣ ᨾᩣᨣᨵᩔ ᩈᩮᨶᩥᨿᩔ ᨻᩥᨾ᩠ᨻᩥᩈᩣᩁᩔ ᨸᨧ᩠ᨧᩔᩮᩣᩈᩥ. ᩋᨳ ᨡᩮᩣ ᩌᨿᩈ᩠ᨾᩣ ᨸᩥᩃᩥᨶ᩠ᨴᩅᨧ᩠ᨨᩮᩣ ᩁᩣᨩᩣᨶᩴ ᨾᩣᨣᨵᩴ ᩈᩮᨶᩥᨿᩴ ᨻᩥᨾ᩠ᨻᩥᩈᩣᩁᩴ ᨵᨾ᩠ᨾᩥᨿᩣ ᨠᨳᩣᨿ ᩈᨶ᩠ᨴᩔᩮᩈᩥ ᩈᨾᩣᨴᨸᩮᩈᩥ ᩈᨾᩩᨲ᩠ᨲᩮᨩᩮᩈᩥ ᩈᨾ᩠ᨸᩉᩴᩈᩮᩈᩥ. ᩋᨳ ᨡᩮᩣ ᩁᩣᨩᩣ ᨾᩣᨣᨵᩮᩣ ᩈᩮᨶᩥᨿᩮᩣ ᨻᩥᨾ᩠ᨻᩥᩈᩣᩁᩮᩣ ᩌᨿᩈ᩠ᨾᨲᩣ ᨸᩥᩃᩥᨶ᩠ᨴᩅᨧ᩠ᨨᩮᨶ ᨵᨾ᩠ᨾᩥᨿᩣ ᨠᨳᩣᨿ ᩈᨶ᩠ᨴᩔᩥᨲᩮᩣ ᩈᨾᩣᨴᨸᩥᨲᩮᩣ ᩈᨾᩩᨲ᩠ᨲᩮᨩᩥᨲᩮᩣ ᩈᨾ᩠ᨸᩉᩴᩈᩥᨲᩮᩣ ᩏᨭ᩠ᨮᩣᨿᩣᩈᨶᩣ ᩌᨿᩈ᩠ᨾᨶ᩠ᨲᩴ ᨸᩥᩃᩥᨶ᩠ᨴᩅᨧ᩠ᨨᩴ ᩋᨽᩥᩅᩣᨴᩮᨲ᩠ᩅᩣ ᨸᨴᨠ᩠ᨡᩥᨱᩴ ᨠᨲ᩠ᩅᩣ ᨸᨠ᩠ᨠᩣᨾᩥ.

᪖᪑᪙. ᩋᨳ ᨡᩮᩣ ᩌᨿᩈ᩠ᨾᩣ ᨸᩥᩃᩥᨶ᩠ᨴᩅᨧ᩠ᨨᩮᩣ ᨽᨣᩅᨲᩮᩣ ᩈᨶ᩠ᨲᩥᨠᩮ ᨴᩪᨲᩴ ᨸᩣᩉᩮᩈᩥ – ‘‘ᩁᩣᨩᩣ, ᨽᨶ᩠ᨲᩮ ¶ , ᨾᩣᨣᨵᩮᩣ ᩈᩮᨶᩥᨿᩮᩣ ᨻᩥᨾ᩠ᨻᩥᩈᩣᩁᩮᩣ ᩌᩁᩣᨾᩥᨠᩴ ᨴᩣᨲᩩᨠᩣᨾᩮᩣ. ᨠᨳᩴ ᨶᩩ ᨡᩮᩣ, ᨽᨶ᩠ᨲᩮ, ᨾᨿᩣ ᨸᨭᩥᨸᨩ᩠ᨩᩥᨲᨻ᩠ᨻ’’ᨶ᩠ᨲᩥ? ᩋᨳ ᨡᩮᩣ ᨽᨣᩅᩣ ᩑᨲᩈ᩠ᨾᩥᩴ ᨶᩥᨴᩣᨶᩮ ᩑᨲᩈ᩠ᨾᩥᩴ ᨸᨠᩁᨱᩮ ᨵᨾ᩠ᨾᩥᩴ ᨠᨳᩴ ᨠᨲ᩠ᩅᩣ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ – ‘‘ᩋᨶᩩᨩᩣᨶᩣᨾᩥ, ᨽᩥᨠ᩠ᨡᩅᩮ, ᩌᩁᩣᨾᩥᨠ’’ᨶ᩠ᨲᩥ. ᨴᩩᨲᩥᨿᨾ᩠ᨸᩥ ᨡᩮᩣ ᩁᩣᨩᩣ ᨾᩣᨣᨵᩮᩣ ᩈᩮᨶᩥᨿᩮᩣ ¶ ᨻᩥᨾ᩠ᨻᩥᩈᩣᩁᩮᩣ ᨿᩮᨶᩣᨿᩈ᩠ᨾᩣ ᨸᩥᩃᩥᨶ᩠ᨴᩥᩅᨧ᩠ᨨᩮᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᨸᩥᩃᩥᨶ᩠ᨴᩅᨧ᩠ᨨᩴ ᩋᨽᩥᩅᩣᨴᩮᨲ᩠ᩅᩣ ᩑᨠᨾᨶ᩠ᨲᩴ ᨶᩥᩈᩦᨴᩥ. ᩑᨠᨾᨶ᩠ᨲᩴ ᨶᩥᩈᩥᨶ᩠ᨶᩮᩣ ᨡᩮᩣ ᩁᩣᨩᩣ ᨾᩣᨣᨵᩮᩣ ᩈᩮᨶᩥᨿᩮᩣ ᨻᩥᨾ᩠ᨻᩥᩈᩣᩁᩮᩣ ᩌᨿᩈ᩠ᨾᨶ᩠ᨲᩴ ᨸᩥᩃᩥᨶ᩠ᨴᩅᨧ᩠ᨨᩴ ᩑᨲᨴᩅᩮᩣᨧ – ‘‘ᩋᨶᩩᨬ᩠ᨬᩣᨲᩮᩣ, ᨽᨶ᩠ᨲᩮ, ᨽᨣᩅᨲᩣ ᩌᩁᩣᨾᩥᨠᩮᩣ’’ᨲᩥ? ‘‘ᩑᩅᩴ, ᨾᩉᩣᩁᩣᨩᩣ’’ᨲᩥ. ‘‘ᨲᩮᨶ ᩉᩥ, ᨽᨶ᩠ᨲᩮ, ᩋᨿ᩠ᨿᩔ ᩌᩁᩣᨾᩥᨠᩴ ᨴᨾ᩠ᨾᩦ’’ᨲᩥ. ᩋᨳ ᨡᩮᩣ ᩁᩣᨩᩣ ᨾᩣᨣᨵᩮᩣ ᩈᩮᨶᩥᨿᩮᩣ ᨻᩥᨾ᩠ᨻᩥᩈᩣᩁᩮᩣ ᩌᨿᩈ᩠ᨾᨲᩮᩣ ᨸᩥᩃᩥᨶ᩠ᨴᩅᨧ᩠ᨨᩔ ᩌᩁᩣᨾᩥᨠᩴ ¶ ᨸᨭᩥᩔᩩᨱᩥᨲ᩠ᩅᩣ ᩅᩥᩔᩁᩥᨲ᩠ᩅᩣ ᨧᩥᩁᩮᨶ ᩈᨲᩥᩴ ᨸᨭᩥᩃᨽᩥᨲ᩠ᩅᩣ ᩋᨬ᩠ᨬᨲᩁᩴ ᩈᨻ᩠ᨻᨲ᩠ᨳᨠᩴ ᨾᩉᩣᨾᨲ᩠ᨲᩴ ᩌᨾᨶ᩠ᨲᩮᩈᩥ ¶ – ‘‘ᨿᩮᩣ ᨾᨿᩣ, ᨽᨱᩮ, ᩋᨿ᩠ᨿᩔ ᩌᩁᩣᨾᩥᨠᩮᩣ ᨸᨭᩥᩔᩩᨲᩮᩣ, ᨴᩥᨶ᩠ᨶᩮᩣ ᩈᩮᩣ ᩌᩁᩣᨾᩥᨠᩮᩣ’’ᨲᩥ? ‘‘ᨶ ᨡᩮᩣ, ᨴᩮᩅ, ᩋᨿ᩠ᨿᩔ ᩌᩁᩣᨾᩥᨠᩮᩣ ᨴᩥᨶ᩠ᨶᩮᩣ’’ᨲᩥ. ‘‘ᨠᩦᩅᨧᩥᩁᩴ ᨶᩩ ᨡᩮᩣ, ᨽᨱᩮ, ᩍᨲᩮᩣ ᩉᩥ ᨲᩴ ᩉᩮᩣᨲᩦ’’ᨲᩥ? ᩋᨳ ᨡᩮᩣ ᩈᩮᩣ ᨾᩉᩣᨾᨲ᩠ᨲᩮᩣ ᩁᨲ᩠ᨲᩥᨿᩮᩣ ᨣᨱᩮᨲ᩠ᩅᩣ [ᩅᩥᨣᨱᩮᨲ᩠ᩅᩣ (ᨠ.)] ᩁᩣᨩᩣᨶᩴ ᨾᩣᨣᨵᩴ ᩈᩮᨶᩥᨿᩴ ᨻᩥᨾ᩠ᨻᩥᩈᩣᩁᩴ ᩑᨲᨴᩅᩮᩣᨧ – ‘‘ᨸᨬ᩠ᨧ, ᨴᩮᩅ, ᩁᨲ᩠ᨲᩥᩈᨲᩣᨶᩦ’’ᨲᩥ. ‘‘ᨲᩮᨶ ᩉᩥ, ᨽᨱᩮ, ᩋᨿ᩠ᨿᩔ ᨸᨬ᩠ᨧ ᩌᩁᩣᨾᩥᨠᩈᨲᩣᨶᩥ ᨴᩮᩉᩦ’’ᨲᩥ. ‘‘ᩑᩅᩴ, ᨴᩮᩅᩣ’’ᨲᩥ ᨡᩮᩣ ᩈᩮᩣ ᨾᩉᩣᨾᨲ᩠ᨲᩮᩣ ᩁᨬ᩠ᨬᩮᩣ ᨾᩣᨣᨵᩔ ᩈᩮᨶᩥᨿᩔ ᨻᩥᨾ᩠ᨻᩥᩈᩣᩁᩔ ᨸᨭᩥᩔᩩᨱᩥᨲ᩠ᩅᩣ ᩌᨿᩈ᩠ᨾᨲᩮᩣ ᨸᩥᩃᩥᨶ᩠ᨴᩅᨧ᩠ᨨᩔ ᨸᨬ᩠ᨧ ᩌᩁᩣᨾᩥᨠᩈᨲᩣᨶᩥ ¶ ᨸᩣᨴᩣᩈᩥ [ᩋᨴᩣᩈᩥ (ᩈ᩠ᨿᩣ.)], ᨸᩣᨭᩥᨿᩮᨠ᩠ᨠᩮᩣ ᨣᩣᨾᩮᩣ ᨶᩥᩅᩥᩈᩥ. ᩌᩁᩣᨾᩥᨠᨣᩣᨾᨠᩮᩣᨲᩥᨸᩥ ᨶᩴ ᩌᩉᩴᩈᩩ, ᨸᩥᩃᩥᨶ᩠ᨴᨣᩣᨾᨠᩮᩣᨲᩥᨸᩥ ᨶᩴ ᩌᩉᩴᩈᩩ.

᪖᪒᪐. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᨿᩈ᩠ᨾᩣ ᨸᩥᩃᩥᨶ᩠ᨴᩅᨧ᩠ᨨᩮᩣ ᨲᩈ᩠ᨾᩥᩴ ᨣᩣᨾᨠᩮ ᨠᩩᩃᩪᨸᨠᩮᩣ ᩉᩮᩣᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᨸᩥᩃᩥᨶ᩠ᨴᩅᨧ᩠ᨨᩮᩣ ᨸᩩᨻ᩠ᨻᨱ᩠ᩉᩈᨾᨿᩴ ᨶᩥᩅᩣᩈᩮᨲ᩠ᩅᩣ ᨸᨲ᩠ᨲᨧᩦᩅᩁᩴ ᩌᨴᩣᨿ ᨸᩥᩃᩥᨶ᩠ᨴᨣᩣᨾᨠᩴ ᨸᩥᨱ᩠ᨯᩣᨿ ᨸᩣᩅᩥᩈᩥ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨲᩈ᩠ᨾᩥᩴ ᨣᩣᨾᨠᩮ ᩏᩔᩅᩮᩣ ᩉᩮᩣᨲᩥ. ᨴᩣᩁᨠᩣ ᩋᩃᨦ᩠ᨠᨲᩣ ᨾᩣᩃᩣᨠᩥᨲᩣ ᨠᩦᩊᨶ᩠ᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᨸᩥᩃᩥᨶ᩠ᨴᩅᨧ᩠ᨨᩮᩣ ᨸᩥᩃᩥᨶ᩠ᨴᨣᩣᨾᨠᩮ ᩈᨸᨴᩣᨶᩴ ᨸᩥᨱ᩠ᨯᩣᨿ ᨧᩁᨾᩣᨶᩮᩣ ᨿᩮᨶ ᩋᨬ᩠ᨬᨲᩁᩔ ᩌᩁᩣᨾᩥᨠᩔ ᨶᩥᩅᩮᩈᨶᩴ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨸᨬ᩠ᨬᨲ᩠ᨲᩮ ᩌᩈᨶᩮ ᨶᩥᩈᩦᨴᩥ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨲᩔᩣ ᩌᩁᩣᨾᩥᨠᩥᨶᩥᨿᩣ ᨵᩦᨲᩣ ᩋᨬ᩠ᨬᩮ ᨴᩣᩁᨠᩮ ᩋᩃᨦ᩠ᨠᨲᩮ ᨾᩣᩃᩣᨠᩥᨲᩮ ᨸᩔᩥᨲ᩠ᩅᩣ ᩁᩮᩣᨴᨲᩥ – ‘‘ᨾᩣᩃᩴ ᨾᩮ ᨴᩮᨳ, ᩋᩃᨦ᩠ᨠᩣᩁᩴ ᨾᩮ ᨴᩮᨳᩣ’’ᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᨸᩥᩃᩥᨶ᩠ᨴᩅᨧ᩠ᨨᩮᩣ ᨲᩴ ᩌᩁᩣᨾᩥᨠᩥᨶᩥᩴ ᩑᨲᨴᩅᩮᩣᨧ – ‘‘ᨠᩥᩔᩣᨿᩴ ᨴᩣᩁᩥᨠᩣ ᩁᩮᩣᨴᨲᩦ’’ᨲᩥ? ‘‘ᩋᨿᩴ, ᨽᨶ᩠ᨲᩮ, ᨴᩣᩁᩥᨠᩣ ᩋᨬ᩠ᨬᩮ ᨴᩣᩁᨠᩮ ᩋᩃᨦ᩠ᨠᨲᩮ ᨾᩣᩃᩣᨠᩥᨲᩮ ᨸᩔᩥᨲ᩠ᩅᩣ ᩁᩮᩣᨴᨲᩥ – ‘ᨾᩣᩃᩴ ᨾᩮ ᨴᩮᨳ, ᩋᩃᨦ᩠ᨠᩣᩁᩴ ᨾᩮ ᨴᩮᨳᩣ’ᨲᩥ. ᨠᩩᨲᩮᩣ ᩋᨾ᩠ᩉᩣᨠᩴ ᨴᩩᨣ᩠ᨣᨲᩣᨶᩴ ᨾᩣᩃᩣ ᨠᩩᨲᩮᩣ, ᩋᩃᨦ᩠ᨠᩣᩁᩮᩣ’’ᨲᩥ? ᩋᨳ ᨡᩮᩣ ᩌᨿᩈ᩠ᨾᩣ ᨸᩥᩃᩥᨶ᩠ᨴᩅᨧ᩠ᨨᩮᩣ ᩋᨬ᩠ᨬᨲᩁᩴ ᨲᩥᨱᨱ᩠ᨯᩩᨸᨠᩴ ᨣᩉᩮᨲ᩠ᩅᩣ ᨲᩴ ᩌᩁᩣᨾᩥᨠᩥᨶᩥᩴ ᩑᨲᨴᩅᩮᩣᨧ – ‘‘ᩉᨶ᩠ᨴᩥᨾᩴ ᨲᩥᨱᨱ᩠ᨯᩩᨸᨠᩴ ᨲᩔᩣ ᨴᩣᩁᩥᨠᩣᨿ ᩈᩦᩈᩮ ᨸᨭᩥᨾᩩᨬ᩠ᨧᩣ’’ᨲᩥ. ᩋᨳ ᨡᩮᩣ ᩈᩣ ¶ ᩌᩁᩣᨾᩥᨠᩥᨶᩦ ᨲᩴ ᨲᩥᨱᨱ᩠ᨯᩩᨸᨠᩴ ᨣᩉᩮᨲ᩠ᩅᩣ ᨲᩔᩣ ᨴᩣᩁᩥᨠᩣᨿ ᩈᩦᩈᩮ ᨸᨭᩥᨾᩩᨬ᩠ᨧᩥ. ᩈᩣ ᩋᩉᩮᩣᩈᩥ ᩈᩩᩅᨱ᩠ᨱᨾᩣᩃᩣ ᩋᨽᩥᩁᩪᨸᩣ ᨴᩔᨶᩦᨿᩣ ¶ ᨸᩣᩈᩣᨴᩥᨠᩣ. ᨶᨲ᩠ᨳᩥ ᨲᩣᨴᩥᩈᩣ ᩁᨬ᩠ᨬᩮᩣᨸᩥ ᩋᨶ᩠ᨲᩮᨸᩩᩁᩮ ᩈᩩᩅᨱ᩠ᨱᨾᩣᩃᩣ. ᨾᨶᩩᩔᩣ ᩁᨬ᩠ᨬᩮᩣ ᨾᩣᨣᨵᩔ ᩈᩮᨶᩥᨿᩔ ᨻᩥᨾ᩠ᨻᩥᩈᩣᩁᩔ ᩌᩁᩮᩣᨧᩮᩈᩩᩴ ¶ – ‘‘ᩋᨾᩩᨠᩔ, ᨴᩮᩅ, ᩌᩁᩣᨾᩥᨠᩔ ᨥᩁᩮ ᩈᩩᩅᨱ᩠ᨱᨾᩣᩃᩣ ᩋᨽᩥᩁᩪᨸᩣ ᨴᩔᨶᩦᨿᩣ ᨸᩣᩈᩣᨴᩥᨠᩣ. ᨶᨲ᩠ᨳᩥ ᨲᩣᨴᩥᩈᩣ ᨴᩮᩅᩔᩣᨸᩥ ᩋᨶ᩠ᨲᩮᨸᩩᩁᩮ ᩈᩩᩅᨱ᩠ᨱᨾᩣᩃᩣ. ᨠᩩᨲᩮᩣ ᨲᩔ ᨴᩩᨣ᩠ᨣᨲᩔ! ᨶᩥᩔᩴᩈᨿᩴ ᨧᩮᩣᩁᩥᨠᩣᨿ ᩌᨽᨲᩣ’’ᨲᩥ!! ᩋᨳ ᨡᩮᩣ ᩁᩣᨩᩣ ᨾᩣᨣᨵᩮᩣ ᩈᩮᨶᩥᨿᩮᩣ ᨻᩥᨾ᩠ᨻᩥᩈᩣᩁᩮᩣ ᨲᩴ ᩌᩁᩣᨾᩥᨠᨠᩩᩃᩴ ᨻᨶ᩠ᨵᩣᨸᩮᩈᩥ. ᨴᩩᨲᩥᨿᨾ᩠ᨸᩥ ᨡᩮᩣ ᩌᨿᩈ᩠ᨾᩣ ᨸᩥᩃᩥᨶ᩠ᨴᩅᨧ᩠ᨨᩮᩣ ᨸᩩᨻ᩠ᨻᨱ᩠ᩉᩈᨾᨿᩴ ᨶᩥᩅᩣᩈᩮᨲ᩠ᩅᩣ ᨸᨲ᩠ᨲᨧᩦᩅᩁᩴ ᩌᨴᩣᨿ ᨸᩥᩃᩥᨶ᩠ᨴᨣᩣᨾᨠᩴ ᨸᩥᨱ᩠ᨯᩣᨿ ᨸᩣᩅᩥᩈᩥ. ᨸᩥᩃᩥᨶ᩠ᨴᨣᩣᨾᨠᩮ ᩈᨸᨴᩣᨶᩴ ᨸᩥᨱ᩠ᨯᩣᨿ ᨧᩁᨾᩣᨶᩮᩣ ᨿᩮᨶ ᨲᩔ ᩌᩁᩣᨾᩥᨠᩔ ¶ ᨶᩥᩅᩮᩈᨶᩴ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨸᨭᩥᩅᩥᩔᨠᩮ ᨸᩩᨧ᩠ᨨᩥ – ‘‘ᨠᩉᩴ ᩍᨾᩴ ᩌᩁᩣᨾᩥᨠᨠᩩᩃᩴ ᨣᨲ’’ᨶ᩠ᨲᩥ? ‘‘ᩑᨲᩥᩔᩣ, ᨽᨶ᩠ᨲᩮ, ᩈᩩᩅᨱ᩠ᨱᨾᩣᩃᩣᨿ ᨠᩣᩁᨱᩣ ᩁᨬ᩠ᨬᩣ ᨻᨶ᩠ᨵᩣᨸᩥᨲ’’ᨶ᩠ᨲᩥ.

᪖᪒᪑. ᩋᨳ ᨡᩮᩣ ᩌᨿᩈ᩠ᨾᩣ ᨸᩥᩃᩥᨶ᩠ᨴᩅᨧ᩠ᨨᩮᩣ ᨿᩮᨶ ᩁᨬ᩠ᨬᩮᩣ ᨾᩣᨣᨵᩔ ᩈᩮᨶᩥᨿᩔ ᨻᩥᨾ᩠ᨻᩥᩈᩣᩁᩔ ᨶᩥᩅᩮᩈᨶᩴ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨸᨬ᩠ᨬᨲ᩠ᨲᩮ ᩌᩈᨶᩮ ᨶᩥᩈᩦᨴᩥ. ᩋᨳ ᨡᩮᩣ ᩁᩣᨩᩣ ᨾᩣᨣᨵᩮᩣ ᩈᩮᨶᩥᨿᩮᩣ ᨻᩥᨾ᩠ᨻᩥᩈᩣᩁᩮᩣ ᨿᩮᨶᩣᨿᩈ᩠ᨾᩣ ᨸᩥᩃᩥᨶ᩠ᨴᩅᨧ᩠ᨨᩮᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᨸᩥᩃᩥᨶ᩠ᨴᩅᨧ᩠ᨨᩴ ᩋᨽᩥᩅᩣᨴᩮᨲ᩠ᩅᩣ ᩑᨠᨾᨶ᩠ᨲᩴ ᨶᩥᩈᩦᨴᩥ. ᩑᨠᨾᨶ᩠ᨲᩴ ᨶᩥᩈᩥᨶ᩠ᨶᩴ ᨡᩮᩣ ᩁᩣᨩᩣᨶᩴ ᨾᩣᨣᨵᩴ ᩈᩮᨶᩥᨿᩴ ᨻᩥᨾ᩠ᨻᩥᩈᩣᩁᩴ ᩌᨿᩈ᩠ᨾᩣ ᨸᩥᩃᩥᨶ᩠ᨴᩅᨧ᩠ᨨᩮᩣ ᩑᨲᨴᩅᩮᩣᨧ – ‘‘ᨠᩥᩔ, ᨾᩉᩣᩁᩣᨩ, ᩌᩁᩣᨾᩥᨠᨠᩩᩃᩴ ¶ ᨻᨶ᩠ᨵᩣᨸᩥᨲ’’ᨶ᩠ᨲᩥ? ‘‘ᨲᩔ, ᨽᨶ᩠ᨲᩮ, ᩌᩁᩣᨾᩥᨠᩔ ᨥᩁᩮ ᩈᩩᩅᨱ᩠ᨱᨾᩣᩃᩣ ᩋᨽᩥᩁᩪᨸᩣ ᨴᩔᨶᩦᨿᩣ ᨸᩣᩈᩣᨴᩥᨠᩣ. ᨶᨲ᩠ᨳᩥ ᨲᩣᨴᩥᩈᩣ ᩋᨾ᩠ᩉᩣᨠᨾ᩠ᨸᩥ ᩋᨶ᩠ᨲᩮᨸᩩᩁᩮ ᩈᩩᩅᨱ᩠ᨱᨾᩣᩃᩣ. ᨠᩩᨲᩮᩣ ᨲᩔ ᨴᩩᨣ᩠ᨣᨲᩔ! ᨶᩥᩔᩴᩈᨿᩴ ᨧᩮᩣᩁᩥᨠᩣᨿ ᩌᨽᨲᩣ’’ᨲᩥ!! ᩋᨳ ᨡᩮᩣ ᩌᨿᩈ᩠ᨾᩣ ᨸᩥᩃᩥᨶ᩠ᨴᩅᨧ᩠ᨨᩮᩣ ᩁᨬ᩠ᨬᩮᩣ ᨾᩣᨣᨵᩔ ᩈᩮᨶᩥᨿᩔ ᨻᩥᨾ᩠ᨻᩥᩈᩣᩁᩔ ᨸᩣᩈᩣᨴᩴ ᩈᩩᩅᨱ᩠ᨱᨶ᩠ᨲᩥ ᩋᨵᩥᨾᩩᨧ᩠ᨧᩥ. ᩈᩮᩣ ᩋᩉᩮᩣᩈᩥ ᩈᨻ᩠ᨻᩈᩮᩣᩅᨱ᩠ᨱᨾᨿᩮᩣ. ‘‘ᩍᨴᩴ ᨸᨶ ᨲᩮ, ᨾᩉᩣᩁᩣᨩ, ᨲᩣᩅ ᨻᩉᩩᩴ ᩈᩩᩅᨱ᩠ᨱᩴ ᨠᩩᨲᩮᩣ’’ᨲᩥ? ‘‘ᩋᨬ᩠ᨬᩣᨲᩴ, ᨽᨶ᩠ᨲᩮ, ᩋᨿ᩠ᨿᩔᩮᩅᩮᩈᩮᩣ ᩍᨴ᩠ᨵᩣᨶᩩᨽᩣᩅᩮᩣ’’ᨲᩥ. ᨲᩴ ᩌᩁᩣᨾᩥᨠᨠᩩᩃᩴ ᨾᩩᨬ᩠ᨧᩣᨸᩮᩈᩥ. ᨾᨶᩩᩔᩣ – ‘‘ᩋᨿ᩠ᨿᩮᨶ ᨠᩥᩁ ᨸᩥᩃᩥᨶ᩠ᨴᩅᨧ᩠ᨨᩮᨶ ᩈᩁᩣᨩᩥᨠᩣᨿ ᨸᩁᩥᩈᩣᨿ ᩏᨲ᩠ᨲᩁᩥᨾᨶᩩᩔᨵᨾ᩠ᨾᩴ ᩍᨴ᩠ᨵᩥᨸᩣᨭᩥᩉᩣᩁᩥᨿᩴ ᨴᩔᩥᨲ’’ᨶ᩠ᨲᩥ, ᩋᨲ᩠ᨲᨾᨶᩣ ᩋᨽᩥᨸ᩠ᨸᩈᨶ᩠ᨶᩣ ᩌᨿᩈ᩠ᨾᨲᩮᩣ ᨸᩥᩃᩥᨶ᩠ᨴᩅᨧ᩠ᨨᩔ ᨸᨬ᩠ᨧ ᨽᩮᩈᨩ᩠ᨩᩣᨶᩥ ᩋᨽᩥᩉᩁᩥᩴᩈᩩ, ᩈᩮᨿ᩠ᨿᨳᩥᨴᩴ – ᩈᨸ᩠ᨸᩥ ᨶᩅᨶᩦᨲᩴ ᨲᩮᩃᩴ ᨾᨵᩩ ᨹᩣᨱᩥᨲᩴ. ᨸᨠᨲᩥᨿᩣᨸᩥ ᨧ ᩌᨿᩈ᩠ᨾᩣ ᨸᩥᩃᩥᨶ᩠ᨴᩅᨧ᩠ᨨᩮᩣ ᩃᩣᨽᩦ ᩉᩮᩣᨲᩥ ᨸᨬ᩠ᨧᨶ᩠ᨶᩴ ᨽᩮᩈᨩ᩠ᨩᩣᨶᩴ. ᩃᨴ᩠ᨵᩴ ᩃᨴ᩠ᨵᩴ ᨸᩁᩥᩈᩣᨿ ᩅᩥᩔᨩ᩠ᨩᩮᨲᩥ. ᨸᩁᩥᩈᩣ ᨧᩔ ᩉᩮᩣᨲᩥ ᨻᩣᩉᩩᩃ᩠ᩃᩥᨠᩣ. ᩃᨴ᩠ᨵᩴ ᩃᨴ᩠ᨵᩴ ᨠᩮᩣᩃᨾ᩠ᨻᩮᨸᩥ ᨥᨭᩮᨸᩥ ᨸᩪᩁᩮᨲ᩠ᩅᩣ ᨸᨭᩥᩈᩣᨾᩮᨲᩥ, ᨸᩁᩥᩔᩣᩅᨶᩣᨶᩥᨸᩥ ᨳᩅᩥᨠᩣᨿᩮᩣᨸᩥ ᨸᩪᩁᩮᨲ᩠ᩅᩣ ᩅᩣᨲᨸᩣᨶᩮᩈᩩ ᩃᨣ᩠ᨣᩮᨲᩥ. ᨲᩣᨶᩥ ᩒᩃᩦᨶᩅᩥᩃᩦᨶᩣᨶᩥ ᨲᩥᨭ᩠ᨮᨶ᩠ᨲᩥ. ᩏᨶ᩠ᨴᩪᩁᩮᩉᩥᨸᩥ ¶ ᩅᩥᩉᩣᩁᩣ ᩒᨠᩥᨱ᩠ᨱᩅᩥᨠᩥᨱ᩠ᨱᩣ ¶ ᩉᩮᩣᨶ᩠ᨲᩥ. ᨾᨶᩩᩔᩣ ᩅᩥᩉᩣᩁᨧᩣᩁᩥᨠᩴ ᩌᩉᩥᨱ᩠ᨯᨶ᩠ᨲᩣ ᨸᩔᩥᨲ᩠ᩅᩣ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᩋᨶ᩠ᨲᩮᩣᨠᩮᩣᨭ᩠ᨮᩣᨣᩣᩁᩥᨠᩣ ᩍᨾᩮ ᩈᨾᨱᩣ ᩈᨠ᩠ᨿᨸᩩᨲ᩠ᨲᩥᨿᩣ, ᩈᩮᨿ᩠ᨿᨳᩣᨸᩥ ᩁᩣᨩᩣ ᨾᩣᨣᨵᩮᩣ ᩈᩮᨶᩥᨿᩮᩣ ᨻᩥᨾ᩠ᨻᩥᩈᩣᩁᩮᩣ’’ᨲᩥ ¶ ! ᩋᩔᩮᩣᩈᩩᩴ ᨡᩮᩣ ᨽᩥᨠ᩠ᨡᩪ ᨲᩮᩈᩴ ᨾᨶᩩᩔᩣᨶᩴ ᩏᨩ᩠ᨫᩣᨿᨶ᩠ᨲᩣᨶᩴ ᨡᩥᨿ᩠ᨿᨶ᩠ᨲᩣᨶᩴ ᩅᩥᨸᩣᨧᩮᨶ᩠ᨲᩣᨶᩴ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᨽᩥᨠ᩠ᨡᩪ ᩑᩅᩁᩪᨸᩣᨿ ᨻᩣᩉᩩᩃ᩠ᩃᩣᨿ ᨧᩮᨲᩮᩔᨶ᩠ᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨲᩮ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩈᨧ᩠ᨧᩴ ᨠᩥᩁ, ᨽᩥᨠ᩠ᨡᩅᩮ, ᨽᩥᨠ᩠ᨡᩪ ᩑᩅᩁᩪᨸᩣᨿ ᨻᩣᩉᩩᩃ᩠ᩃᩣᨿ ᨧᩮᨲᩮᨶ᩠ᨲᩦ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ᨠᨳᨬ᩠ᩉᩥ ᨶᩣᨾ ᨲᩮ, ᨽᩥᨠ᩠ᨡᩅᩮ, ᨾᩮᩣᨥᨸᩩᩁᩥᩈᩣ ᩑᩅᩁᩪᨸᩣᨿ ᨻᩣᩉᩩᩃ᩠ᩃᩣᨿ ᨧᩮᨲᩮᩔᨶ᩠ᨲᩥ! ᨶᩮᨲᩴ, ᨽᩥᨠ᩠ᨡᩅᩮ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪖᪒᪒. ‘‘ᨿᩣᨶᩥ ¶ ᨡᩮᩣ ᨸᨶ ᨲᩣᨶᩥ ᨣᩥᩃᩣᨶᩣᨶᩴ ᨽᩥᨠ᩠ᨡᩪᨶᩴ ᨸᨭᩥᩈᩣᨿᨶᩦᨿᩣᨶᩥ ᨽᩮᩈᨩ᩠ᨩᩣᨶᩥ, ᩈᩮᨿ᩠ᨿᨳᩥᨴᩴ – ᩈᨸ᩠ᨸᩥ ᨶᩅᨶᩦᨲᩴ ᨲᩮᩃᩴ ᨾᨵᩩ ᨹᩣᨱᩥᨲᩴ, ᨲᩣᨶᩥ ᨸᨭᩥᨣ᩠ᨣᩉᩮᨲ᩠ᩅᩣ ᩈᨲ᩠ᨲᩣᩉᨸᩁᨾᩴ ᩈᨶ᩠ᨶᩥᨵᩥᨠᩣᩁᨠᩴ ᨸᩁᩥᨽᩩᨬ᩠ᨩᩥᨲᨻ᩠ᨻᩣᨶᩥ. ᨲᩴ ᩋᨲᩥᨠ᩠ᨠᩣᨾᨿᨲᩮᩣ ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

᪖᪒᪓. ᨿᩣᨶᩥ ᨡᩮᩣ ᨸᨶ ᨲᩣᨶᩥ ᨣᩥᩃᩣᨶᩣᨶᩴ ᨽᩥᨠ᩠ᨡᩪᨶᩴ ᨸᨭᩥᩈᩣᨿᨶᩦᨿᩣᨶᩥ ᨽᩮᩔᨩ᩠ᨩᩣᨶᩦᨲᩥ ᩈᨸ᩠ᨸᩥ ᨶᩣᨾ ᨣᩮᩣᩈᨸ᩠ᨸᩥ ᩅᩣ ᩋᨩᩥᨠᩣᩈᨸ᩠ᨸᩥ ᩅᩣ ᨾᩉᩥᩴᩈᩈᨸ᩠ᨸᩥ [ᨾᩉᩥᩈᩈᨸ᩠ᨸᩥ (ᩈᩦ. ᩈ᩠ᨿᩣ.)] ᩅᩣ ᨿᩮᩈᩴ ᨾᩴᩈᩴ ᨠᨸ᩠ᨸᨲᩥ ᨲᩮᩈᩴ ᩈᨸ᩠ᨸᩥ. ᨶᩅᨶᩦᨲᩴ ᨶᩣᨾ ᨲᩮᩈᩴ ᨿᩮᩅ ᨶᩅᨶᩦᨲᩴ. ᨲᩮᩃᩴ ᨶᩣᨾ ᨲᩥᩃᨲᩮᩃᩴ ᩈᩣᩈᨸᨲᩮᩃᩴ ᨾᨵᩩᨠᨲᩮᩃᩴ ᩑᩁᨱ᩠ᨯᨲᩮᩃᩴ ᩅᩈᩣᨲᩮᩃᩴ. ᨾᨵᩩ ᨶᩣᨾ ᨾᨠ᩠ᨡᩥᨠᩣᨾᨵᩩ. ᨹᩣᨱᩥᨲᩴ ᨶᩣᨾ ᩏᨧ᩠ᨨᩩᨾ᩠ᩉᩣ ᨶᩥᨻ᩠ᨻᨲ᩠ᨲᩴ.

ᨲᩣᨶᩥ ᨸᨭᩥᨣ᩠ᨣᩉᩮᨲ᩠ᩅᩣ ᩈᨲ᩠ᨲᩣᩉᨸᩁᨾᩴ ᩈᨶ᩠ᨶᩥᨵᩥᨠᩣᩁᨠᩴ ᨸᩁᩥᨽᩩᨬ᩠ᨩᩥᨲᨻ᩠ᨻᩣᨶᩦᨲᩥ ᩈᨲ᩠ᨲᩣᩉᨸᩁᨾᨲᩣ ᨸᩁᩥᨽᩩᨬ᩠ᨩᩥᨲᨻ᩠ᨻᩣᨶᩥ.

ᨲᩴ ᩋᨲᩥᨠ᩠ᨠᩣᨾᨿᨲᩮᩣ ᨶᩥᩔᨣ᩠ᨣᩥᨿᩴ ¶ ᩉᩮᩣᨲᩦᨲᩥ ᩋᨭ᩠ᨮᨾᩮ ᩋᩁᩩᨱᩩᨣ᩠ᨣᨾᨶᩮ ᨶᩥᩔᨣ᩠ᨣᩥᨿᩴ ᩉᩮᩣᨲᩥ. ᨶᩥᩔᨩ᩠ᨩᩥᨲᨻ᩠ᨻᩴ ᩈᨦ᩠ᨥᩔ ᩅᩣ ᨣᨱᩔ ᩅᩣ ᨸᩩᨣ᩠ᨣᩃᩔ ᩅᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᨶᩥᩔᨩ᩠ᨩᩥᨲᨻ᩠ᨻᩴ…ᨸᩮ… ᩍᨴᩴ ᨾᩮ, ᨽᨶ᩠ᨲᩮ, ᨽᩮᩈᨩ᩠ᨩᩴ ᩈᨲ᩠ᨲᩣᩉᩣᨲᩥᨠ᩠ᨠᨶ᩠ᨲᩴ ᨶᩥᩔᨣ᩠ᨣᩥᨿᩴ, ᩍᨾᩣᩉᩴ ᩈᨦ᩠ᨥᩔ ᨶᩥᩔᨩ᩠ᨩᩣᨾᩦᨲᩥ…ᨸᩮ… ᨴᨴᩮᨿ᩠ᨿᩣᨲᩥ…ᨸᩮ… ᨴᨴᩮᨿ᩠ᨿᩩᨶ᩠ᨲᩥ…ᨸᩮ… ᩌᨿᩈ᩠ᨾᨲᩮᩣ ᨴᨾ᩠ᨾᩦᨲᩥ.

᪖᪒᪔. ᩈᨲ᩠ᨲᩣᩉᩣᨲᩥᨠ᩠ᨠᨶ᩠ᨲᩮ ¶ ᩋᨲᩥᨠ᩠ᨠᨶ᩠ᨲᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩈᨲ᩠ᨲᩣᩉᩣᨲᩥᨠ᩠ᨠᨶ᩠ᨲᩮ ᩅᩮᨾᨲᩥᨠᩮᩣ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩈᨲ᩠ᨲᩣᩉᩣᨲᩥᨠ᩠ᨠᨶ᩠ᨲᩮ ᩋᨶᨲᩥᨠ᩠ᨠᨶ᩠ᨲᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨶᨵᩥᨭ᩠ᨮᩥᨲᩮ ᩋᨵᩥᨭ᩠ᨮᩥᨲᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᩅᩥᩔᨩ᩠ᨩᩥᨲᩮ ᩅᩥᩔᨩ᩠ᨩᩥᨲᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨶᨭ᩠ᨮᩮ ᨶᨭ᩠ᨮᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᩅᩥᨶᨭ᩠ᨮᩮ ᩅᩥᨶᨭ᩠ᨮᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ¶ ᨸᩣᨧᩥᨲ᩠ᨲᩥᨿᩴ. ᩋᨴᨯ᩠ᨰᩮ ᨴᨯ᩠ᨰᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᩅᩥᩃᩩᨲ᩠ᨲᩮ ᩅᩥᩃᩩᨲ᩠ᨲᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᨶᩥᩔᨭ᩠ᨮᩴ ᨸᨭᩥᩃᨽᩥᨲ᩠ᩅᩣ ᨶ ᨠᩣᨿᩥᨠᩮᨶ ᨸᩁᩥᨽᩮᩣᨣᩮᨶ ᨸᩁᩥᨽᩩᨬ᩠ᨩᩥᨲᨻ᩠ᨻᩴ, ᨶ ᩋᨩ᩠ᨫᩮᩣᩉᩁᩥᨲᨻ᩠ᨻᩴ, ᨸᨴᩦᨸᩮ ᩅᩣ ᨠᩣᩊᩅᨱ᩠ᨱᩮ ᩅᩣ ᩏᨸᨶᩮᨲᨻ᩠ᨻᩴ, ᩋᨬ᩠ᨬᩮᨶ ᨽᩥᨠ᩠ᨡᩩᨶᩣ ᨠᩣᨿᩥᨠᩮᨶ ᨸᩁᩥᨽᩮᩣᨣᩮᨶ ᨸᩁᩥᨽᩩᨬ᩠ᨩᩥᨲᨻ᩠ᨻᩴ, ᨶ ᩋᨩ᩠ᨫᩮᩣᩉᩁᩥᨲᨻ᩠ᨻᩴ.

ᩈᨲ᩠ᨲᩣᩉᩣᨶᨲᩥᨠ᩠ᨠᨶ᩠ᨲᩮ ¶ ᩋᨲᩥᨠ᩠ᨠᨶ᩠ᨲᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᨲ᩠ᨲᩣᩉᩣᨶᨲᩥᨠ᩠ᨠᨶ᩠ᨲᩮ ᩅᩮᨾᨲᩥᨠᩮᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᨲ᩠ᨲᩣᩉᩣᨶᨲᩥᨠ᩠ᨠᨶ᩠ᨲᩮ ᩋᨶᨲᩥᨠ᩠ᨠᨶ᩠ᨲᩈᨬ᩠ᨬᩦ, ᩋᨶᩣᨸᨲ᩠ᨲᩥ.

᪖᪒᪕. ᩋᨶᩣᨸᨲ᩠ᨲᩥ ¶ ᩋᨶ᩠ᨲᩮᩣᩈᨲ᩠ᨲᩣᩉᩴ ᩋᨵᩥᨭ᩠ᨮᩮᨲᩥ, ᩅᩥᩔᨩ᩠ᨩᩮᨲᩥ, ᨶᩔᨲᩥ, ᩅᩥᨶᩔᨲᩥ, ᨯᨿ᩠ᩉᨲᩥ, ᩋᨧ᩠ᨨᩥᨶ᩠ᨴᩥᨲ᩠ᩅᩣ ᨣᨱ᩠ᩉᨶ᩠ᨲᩥ, ᩅᩥᩔᩣᩈᩴ ᨣᨱ᩠ᩉᨶ᩠ᨲᩥ, ᩋᨶᩩᨸᩈᨾ᩠ᨸᨶ᩠ᨶᩔ ᨧᨲ᩠ᨲᩮᨶ ᩅᨶ᩠ᨲᩮᨶ ᨾᩩᨲ᩠ᨲᩮᨶ ᩋᨶᨸᩮᨠ᩠ᨡᩮᩣ ᨴᨲ᩠ᩅᩣ ᨸᨭᩥᩃᨽᩥᨲ᩠ᩅᩣ ᨸᩁᩥᨽᩩᨬ᩠ᨩᨲᩥ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᨽᩮᩈᨩ᩠ᨩᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨲᨲᩥᨿᩴ.

᪔. ᩅᩔᩥᨠᩈᩣᨭᩥᨠᩈᩥᨠ᩠ᨡᩣᨸᨴᩴ

᪖᪒᪖. ᨲᩮᨶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ ᨩᩮᨲᩅᨶᩮ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨽᨣᩅᨲᩣ ᨽᩥᨠ᩠ᨡᩪᨶᩴ ᩅᩔᩥᨠᩈᩣᨭᩥᨠᩣ ᩋᨶᩩᨬ᩠ᨬᩣᨲᩣ ᩉᩮᩣᨲᩥ. ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ – ‘‘ᨽᨣᩅᨲᩣ ᩅᩔᩥᨠᩈᩣᨭᩥᨠᩣ ᩋᨶᩩᨬ᩠ᨬᩣᨲᩣ’’ᨲᩥ, ᨸᨭᩥᨠᨧ᩠ᨧᩮᩅ [ᨸᨭᩥᨣᨧ᩠ᨧᩮᩅ (ᩈᩦ.)] ᩅᩔᩥᨠᩈᩣᨭᩥᨠᨧᩦᩅᩁᩴ ᨸᩁᩥᨿᩮᩈᨶ᩠ᨲᩥ, ᨸᨭᩥᨠᨧ᩠ᨧᩮᩅ ᨠᨲ᩠ᩅᩣ ᨶᩥᩅᩣᩈᩮᨶ᩠ᨲᩥ, ᨩᩥᨱ᩠ᨱᩣᨿ ᩅᩔᩥᨠᩈᩣᨭᩥᨠᩣᨿ ᨶᨣ᩠ᨣᩣ ᨠᩣᨿᩴ ᩒᩅᩔᩣᨸᩮᨶ᩠ᨲᩥ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᨸᨭᩥᨠᨧ᩠ᨧᩮᩅ ᩅᩔᩥᨠᩈᩣᨭᩥᨠᨧᩦᩅᩁᩴ ᨸᩁᩥᨿᩮᩈᩥᩔᨶ᩠ᨲᩥ, ᨸᨭᩥᨠᨧ᩠ᨧᩮᩅ ᨠᨲ᩠ᩅᩣ ᨶᩥᩅᩣᩈᩮᩔᨶ᩠ᨲᩥ, ᨩᩥᨱ᩠ᨱᩣᨿ ¶ ᩅᩔᩥᨠᩈᩣᨭᩥᨠᩣᨿ ᨶᨣ᩠ᨣᩣ ᨠᩣᨿᩴ ᩒᩅᩔᩣᨸᩮᩔᨶ᩠ᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨨᨻ᩠ᨻᨣ᩠ᨣᩥᨿᩮ ᨽᩥᨠ᩠ᨡᩪ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩈᨧ᩠ᨧᩴ ᨠᩥᩁ ᨲᩩᨾ᩠ᩉᩮ, ᨽᩥᨠ᩠ᨡᩅᩮ, ᨸᨭᩥᨠᨧ᩠ᨧᩮᩅ ᩅᩔᩥᨠᩈᩣᨭᩥᨠᨧᩦᩅᩁᩴ ᨸᩁᩥᨿᩮᩈᨳ? ᨸᨭᩥᨠᨧ᩠ᨧᩮᩅ ᨠᨲ᩠ᩅᩣ ᨶᩥᩅᩣᩈᩮᨳ? ᨩᩥᨱ᩠ᨱᩣᨿ ᩅᩔᩥᨠᩈᩣᨭᩥᨠᩣᨿ ᨶᨣ᩠ᨣᩣ ᨠᩣᨿᩴ ᩒᩅᩔᩣᨸᩮᨳᩣ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ᨠᨳᨬ᩠ᩉᩥ ᨶᩣᨾ ᨲᩩᨾ᩠ᩉᩮ ᨾᩮᩣᨥᨸᩩᩁᩥᩈᩣ, ᨸᨭᩥᨠᨧ᩠ᨧᩮᩅ ᩅᩔᩥᨠᩈᩣᨭᩥᨠᨧᩦᩅᩁᩴ ᨸᩁᩥᨿᩮᩈᩥᩔᨳ, ᨸᨭᩥᨠᨧ᩠ᨧᩮᩅ ᨠᨲ᩠ᩅᩣ ᨶᩥᩅᩣᩈᩮᩔᨳ, ᨩᩥᨱ᩠ᨱᩣᨿ ᩅᩔᩥᨠᩈᩣᨭᩥᨠᩣᨿ ᨶᨣ᩠ᨣᩣ ᨠᩣᨿᩴ ᩒᩅᩔᩣᨸᩮᩔᨳ! ᨶᩮᨲᩴ, ᨾᩮᩣᨥᨸᩩᩁᩥᩈᩣ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪖᪒᪗. ‘‘ᨾᩣᩈᩮᩣ ᩈᩮᩈᩮᩣ ᨣᩥᨾ᩠ᩉᩣᨶ’ᨶ᩠ᨲᩥ ᨽᩥᨠ᩠ᨡᩩᨶᩣ ᩅᩔᩥᨠᩈᩣᨭᩥᨠᨧᩦᩅᩁᩴ ᨸᩁᩥᨿᩮᩈᩥᨲᨻ᩠ᨻᩴ ¶ ; ‘ᩋᨴ᩠ᨵᨾᩣᩈᩮᩣ ¶ ᩈᩮᩈᩮᩣ ᨣᩥᨾ᩠ᩉᩣᨶ’ᨶ᩠ᨲᩥ ᨠᨲ᩠ᩅᩣ ᨶᩥᩅᩣᩈᩮᨲᨻ᩠ᨻᩴ ¶ . ‘ᩒᩁᩮᨶ ᨧᩮ ᨾᩣᩈᩮᩣ ᩈᩮᩈᩮᩣ ᨣᩥᨾ᩠ᩉᩣᨶ’ᨶ᩠ᨲᩥ ᩅᩔᩥᨠᩈᩣᨭᩥᨠᨧᩦᩅᩁᩴ ᨸᩁᩥᨿᩮᩈᩮᨿ᩠ᨿ, ‘ᩒᩁᩮᨶᨴ᩠ᨵᨾᩣᩈᩮᩣ ᩈᩮᩈᩮᩣ ᨣᩥᨾ᩠ᩉᩣᨶ’ᨶ᩠ᨲᩥ ᨠᨲ᩠ᩅᩣ ᨶᩥᩅᩣᩈᩮᨿ᩠ᨿ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

᪖᪒᪘. ‘ᨾᩣᩈᩮᩣ ᩈᩮᩈᩮᩣ ᨣᩥᨾ᩠ᩉᩣᨶ’ᨶ᩠ᨲᩥ ᨽᩥᨠ᩠ᨡᩩᨶᩣ ᩅᩔᩥᨠᩈᩣᨭᩥᨠᨧᩦᩅᩁᩴ ᨸᩁᩥᨿᩮᩈᩥᨲᨻ᩠ᨻᨶ᩠ᨲᩥ. ᨿᩮ ᨾᨶᩩᩔᩣ ᨸᩩᨻ᩠ᨻᩮᨸᩥ ᩅᩔᩥᨠᩈᩣᨭᩥᨠᨧᩦᩅᩁᩴ ᨴᩮᨶ᩠ᨲᩥ ᨲᩮ ᩏᨸᩈᨦ᩠ᨠᨾᩥᨲ᩠ᩅᩣ ᩑᩅᨾᩔᩩ ᩅᨧᨶᩦᨿᩣ – ‘‘ᨠᩣᩃᩮᩣ ᩅᩔᩥᨠᩈᩣᨭᩥᨠᩣᨿ, ᩈᨾᨿᩮᩣ ᩅᩔᩥᨠᩈᩣᨭᩥᨠᩣᨿ, ᩋᨬ᩠ᨬᩮᨸᩥ ᨾᨶᩩᩔᩣ ᩅᩔᩥᨠᩈᩣᨭᩥᨠᨧᩦᩅᩁᩴ ᨴᩮᨶ᩠ᨲᩦ’’ᨲᩥ. ᨶ ᩅᨲ᩠ᨲᨻ᩠ᨻᩣ – ‘‘ᨴᩮᨳ ᨾᩮ ᩅᩔᩥᨠᩈᩣᨭᩥᨠᨧᩦᩅᩁᩴ, ᩌᩉᩁᨳ ᨾᩮ ᩅᩔᩥᨠᩈᩣᨭᩥᨠᨧᩦᩅᩁᩴ, ᨸᩁᩥᩅᨲ᩠ᨲᩮᨳ ᨾᩮ ᩅᩔᩥᨠᩈᩣᨭᩥᨠᨧᩦᩅᩁᩴ, ᨧᩮᨲᩣᨸᩮᨳ ᨾᩮ ᩅᩔᩥᨠᩈᩣᨭᩥᨠᨧᩦᩅᩁ’’ᨶ᩠ᨲᩥ.

‘ᩋᨴ᩠ᨵᨾᩣᩈᩮᩣ ᩈᩮᩈᩮᩣ ᨣᩥᨾ᩠ᩉᩣᨶ’ᨶ᩠ᨲᩥ ᨠᨲ᩠ᩅᩣ ᨶᩥᩅᩣᩈᩮᨲᨻ᩠ᨻᨶ᩠ᨲᩥ. ᩋᨴ᩠ᨵᨾᩣᩈᩮ ᩈᩮᩈᩮ ᨣᩥᨾ᩠ᩉᩣᨶᩮ ᨠᨲ᩠ᩅᩣ ᨶᩥᩅᩣᩈᩮᨲᨻ᩠ᨻᩴ.

‘ᩒᩁᩮᨶ ᨧᩮ ᨾᩣᩈᩮᩣ ᩈᩮᩈᩮᩣ ᨣᩥᨾ᩠ᩉᩣᨶ’ᨶ᩠ᨲᩥ ᩋᨲᩥᩁᩮᨠᨾᩣᩈᩮ ᩈᩮᩈ ᨣᩥᨾ᩠ᩉᩣᨶᩮ ᩅᩔᩥᨠᩈᩣᨭᩥᨠᨧᩦᩅᩁᩴ ᨸᩁᩥᨿᩮᩈᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

‘ᩒᩁᩮᨶᨴ᩠ᨵᨾᩣᩈᩮᩣ ᩈᩮᩈᩮᩣ ᨣᩥᨾ᩠ᩉᩣᨶ’ᨶ᩠ᨲᩥ ᩋᨲᩥᩁᩮᨠᨴ᩠ᨵᨾᩣᩈᩮ ᩈᩮᩈᩮ ᨣᩥᨾ᩠ᩉᩣᨶᩮ ᨠᨲ᩠ᩅᩣ ᨶᩥᩅᩣᩈᩮᨲᩥ, ᨶᩥᩔᨣ᩠ᨣᩥᨿᩴ ᩉᩮᩣᨲᩥ. ᨶᩥᩔᨩ᩠ᨩᩥᨲᨻ᩠ᨻᩴ ᩈᨦ᩠ᨥᩔ ᩅᩣ ᨣᨱᩔ ᩅᩣ ᨸᩩᨣ᩠ᨣᩃᩔ ᩅᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᨶᩥᩔᨩ᩠ᨩᩥᨲᨻ᩠ᨻᩴ…ᨸᩮ… ᩍᨴᩴ ᨾᩮ, ᨽᨶ᩠ᨲᩮ ¶ , ᩅᩔᩥᨠᩈᩣᨭᩥᨠᨧᩦᩅᩁᩴ ᩋᨲᩥᩁᩮᨠᨾᩣᩈᩮ ᩈᩮᩈᩮ ᨣᩥᨾ᩠ᩉᩣᨶᩮ ᨸᩁᩥᨿᩥᨭ᩠ᨮᩴ ᩋᨲᩥᩁᩮᨠᨴ᩠ᨵᨾᩣᩈᩮ ¶ ᩈᩮᩈᩮ ᨣᩥᨾ᩠ᩉᩣᨶᩮ ᨠᨲ᩠ᩅᩣ ᨸᩁᩥᨴᩉᩥᨲᩴ ᨶᩥᩔᨣ᩠ᨣᩥᨿᩴ. ᩍᨾᩣᩉᩴ ᩈᨦ᩠ᨥᩔ ᨶᩥᩔᨩ᩠ᨩᩣᨾᩦᨲᩥ.…ᨸᩮ… ᨴᨴᩮᨿ᩠ᨿᩣᨲᩥ…ᨸᩮ… ᨴᨴᩮᨿ᩠ᨿᩩᨶ᩠ᨲᩥ…ᨸᩮ… ᩌᨿᩈ᩠ᨾᨲᩮᩣ ᨴᨾ᩠ᨾᩦᨲᩥ.

᪖᪒᪙. ᩋᨲᩥᩁᩮᨠᨾᩣᩈᩮ ᩈᩮᩈᩮ ᨣᩥᨾ᩠ᩉᩣᨶᩮ ᩋᨲᩥᩁᩮᨠᩈᨬ᩠ᨬᩦ ᩅᩔᩥᨠᩈᩣᨭᩥᨠᨧᩦᩅᩁᩴ ᨸᩁᩥᨿᩮᩈᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨲᩥᩁᩮᨠᨾᩣᩈᩮ ᩈᩮᩈᩮ ᨣᩥᨾ᩠ᩉᩣᨶᩮ ᩅᩮᨾᨲᩥᨠᩮᩣ ᩅᩔᩥᨠᩈᩣᨭᩥᨠᨧᩦᩅᩁᩴ ᨸᩁᩥᨿᩮᩈᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨲᩥᩁᩮᨠᨾᩣᩈᩮ ᩈᩮᩈᩮ ᨣᩥᨾ᩠ᩉᩣᨶᩮ ᩐᨶᨠᩈᨬ᩠ᨬᩦ ᩅᩔᩥᨠᩈᩣᨭᩥᨠᨧᩦᩅᩁᩴ ᨸᩁᩥᨿᩮᩈᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᩋᨲᩥᩁᩮᨠᨴ᩠ᨵᨾᩣᩈᩮ ᩈᩮᩈᩮ ᨣᩥᨾ᩠ᩉᩣᨶᩮ ᩋᨲᩥᩁᩮᨠᩈᨬ᩠ᨬᩦ ᨠᨲ᩠ᩅᩣ ᨶᩥᩅᩣᩈᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨲᩥᩁᩮᨠᨴ᩠ᨵᨾᩣᩈᩮ ᩈᩮᩈᩮ ᨣᩥᨾ᩠ᩉᩣᨶᩮ ᩅᩮᨾᨲᩥᨠᩮᩣ ᨠᨲ᩠ᩅᩣ ᨶᩥᩅᩣᩈᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ ¶ . ᩋᨲᩥᩁᩮᨠᨴ᩠ᨵᨾᩣᩈᩮ ᩈᩮᩈᩮ ᨣᩥᨾ᩠ᩉᩣᨶᩮ ᩐᨶᨠᩈᨬ᩠ᨬᩦ ᨠᨲ᩠ᩅᩣ ᨶᩥᩅᩣᩈᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᩈᨲᩥᨿᩣ ᩅᩔᩥᨠᩈᩣᨭᩥᨠᩣᨿ ᨶᨣ᩠ᨣᩮᩣ ᨠᩣᨿᩴ ᩒᩅᩔᩣᨸᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩐᨶᨠᨾᩣᩈᩮ ᩈᩮᩈᩮ ᨣᩥᨾ᩠ᩉᩣᨶᩮ ᩋᨲᩥᩁᩮᨠᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩐᨶᨠᨾᩣᩈᩮ ᩈᩮᩈᩮ ᨣᩥᨾ᩠ᩉᩣᨶᩮ ᩅᩮᨾᨲᩥᨠᩮᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩐᨶᨠᨾᩣᩈᩮ ᩈᩮᩈᩮ ᨣᩥᨾ᩠ᩉᩣᨶᩮ ᩐᨶᨠᩈᨬ᩠ᨬᩦ, ᩋᨶᩣᨸᨲ᩠ᨲᩥ.

ᩐᨶᨠᨴ᩠ᨵᨾᩣᩈᩮ ᩈᩮᩈᩮ ᨣᩥᨾ᩠ᩉᩣᨶᩮ ᩋᨲᩥᩁᩮᨠᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩐᨶᨠᨴ᩠ᨵᨾᩣᩈᩮ ᩈᩮᩈᩮ ᨣᩥᨾ᩠ᩉᩣᨶᩮ ᩅᩮᨾᨲᩥᨠᩮᩣ ¶ , ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩐᨶᨠᨴ᩠ᨵᨾᩣᩈᩮ ᩈᩮᩈᩮ ᨣᩥᨾ᩠ᩉᩣᨶᩮ ᩐᨶᨠᩈᨬ᩠ᨬᩦ, ᩋᨶᩣᨸᨲ᩠ᨲᩥ.

᪖᪓᪐. ᩋᨶᩣᨸᨲ᩠ᨲᩥ ‘ᨾᩣᩈᩮᩣ ᩈᩮᩈᩮᩣ ᨣᩥᨾ᩠ᩉᩣᨶ’ᨶ᩠ᨲᩥ ᩅᩔᩥᨠᩈᩣᨭᩥᨠᨧᩦᩅᩁᩴ ᨸᩁᩥᨿᩮᩈᨲᩥ ¶ , ‘ᩋᨴ᩠ᨵᨾᩣᩈᩮᩣ ᩈᩮᩈᩮᩣ ᨣᩥᨾ᩠ᩉᩣᨶ’ᨶ᩠ᨲᩥ ᨠᨲ᩠ᩅᩣ ᨶᩥᩅᩣᩈᩮᨲᩥ, ‘ᩐᨶᨠᨾᩣᩈᩮᩣ ᩈᩮᩈᩮᩣ ᨣᩥᨾ᩠ᩉᩣᨶ’ᨶ᩠ᨲᩥ ᩅᩔᩥᨠᩈᩣᨭᩥᨠᨧᩦᩅᩁᩴ ᨸᩁᩥᨿᩮᩈᨲᩥ, ‘ᩐᨶᨠᨴ᩠ᨵᨾᩣᩈᩮᩣ ᩈᩮᩈᩮᩣ ᨣᩥᨾ᩠ᩉᩣᨶ’ᨶ᩠ᨲᩥ ᨠᨲ᩠ᩅᩣ ᨶᩥᩅᩣᩈᩮᨲᩥ, ᨸᩁᩥᨿᩥᨭ᩠ᨮᩣᨿ ᩅᩔᩥᨠᩈᩣᨭᩥᨠᩣᨿ ᩅᩔᩴ ᩏᨠ᩠ᨠᨯ᩠ᨰᩥᨿ᩠ᨿᨲᩥ, ᨶᩥᩅᨲ᩠ᨳᩣᨿ ᩅᩔᩥᨠᩈᩣᨭᩥᨠᩣᨿ ᩅᩔᩴ ᩏᨠ᩠ᨠᨯ᩠ᨰᩥᨿ᩠ᨿᨲᩥ, ᨵᩮᩣᩅᩥᨲ᩠ᩅᩣ ᨶᩥᨠ᩠ᨡᩥᨸᩥᨲᨻ᩠ᨻᩴ; ᩈᨾᨿᩮ ᨶᩥᩅᩣᩈᩮᨲᨻ᩠ᨻᩴ, ᩋᨧ᩠ᨨᩥᨶ᩠ᨶᨧᩦᩅᩁᩔ, ᨶᨭ᩠ᨮᨧᩦᩅᩁᩔ, ᩌᨸᨴᩣᩈᩩ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᩅᩔᩥᨠᩈᩣᨭᩥᨠᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨧᨲᩩᨲ᩠ᨳᩴ.

᪕. ᨧᩦᩅᩁᩋᨧ᩠ᨨᩥᨶ᩠ᨴᨶᩈᩥᨠ᩠ᨡᩣᨸᨴᩴ

᪖᪓᪑. ᨲᩮᨶ ¶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ ᨩᩮᨲᩅᨶᩮ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩌᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨽᩣᨲᩩᨶᩮᩣ ᩈᨴ᩠ᨵᩥᩅᩥᩉᩣᩁᩥᨠᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᩑᩉᩣᩅᩩᩈᩮᩣ, ᨩᨶᨸᨴᨧᩣᩁᩥᨠᩴ ᨸᨠ᩠ᨠᨾᩥᩔᩣᨾᩣ’’ᨲᩥ. ‘‘ᨶᩣᩉᩴ, ᨽᨶ᩠ᨲᩮ, ᨣᨾᩥᩔᩣᨾᩥ; ᨴᩩᨻ᩠ᨻᩃᨧᩦᩅᩁᩮᩣᨾ᩠ᩉᩦ’’ᨲᩥ. ‘‘ᩑᩉᩣᩅᩩᩈᩮᩣ, ᩋᩉᩴ ᨲᩮ ᨧᩦᩅᩁᩴ ᨴᩔᩣᨾᩦ’’ᨲᩥ ᨲᩔ ᨧᩦᩅᩁᩴ ᩋᨴᩣᩈᩥ. ᩋᩔᩮᩣᩈᩥ ᨡᩮᩣ ᩈᩮᩣ ᨽᩥᨠ᩠ᨡᩩ – ‘‘ᨽᨣᩅᩣ ᨠᩥᩁ ᨩᨶᨸᨴᨧᩣᩁᩥᨠᩴ ᨸᨠ᩠ᨠᨾᩥᩔᨲᩦ’’ᨲᩥ. ᩋᨳ ᨡᩮᩣ ᨲᩔ ᨽᩥᨠ᩠ᨡᩩᨶᩮᩣ ᩑᨲᨴᩉᩮᩣᩈᩥ – ‘‘ᨶ ᨴᩣᨶᩣᩉᩴ ᩌᨿᩈ᩠ᨾᨲᩣ ᩏᨸᨶᨶ᩠ᨴᩮᨶ ᩈᨠ᩠ᨿᨸᩩᨲ᩠ᨲᩮᨶ ᩈᨴ᩠ᨵᩥᩴ ᨩᨶᨸᨴᨧᩣᩁᩥᨠᩴ ¶ ᨸᨠ᩠ᨠᨾᩥᩔᩣᨾᩥ, ᨽᨣᩅᨲᩣ ᩈᨴ᩠ᨵᩥᩴ ᨩᨶᨸᨴᨧᩣᩁᩥᨠᩴ ᨸᨠ᩠ᨠᨾᩥᩔᩣᨾᩦ’’ᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨲᩴ ᨽᩥᨠ᩠ᨡᩩᩴ ᩑᨲᨴᩅᩮᩣᨧ – ‘‘ᩑᩉᩥ ᨴᩣᨶᩥ, ᩌᩅᩩᩈᩮᩣ, ᨩᨶᨸᨴᨧᩣᩁᩥᨠᩴ ᨸᨠ᩠ᨠᨾᩥᩔᩣᨾᩣ’’ᨲᩥ. ‘‘ᨶᩣᩉᩴ, ᨽᨶ᩠ᨲᩮ, ᨲᨿᩣ ᩈᨴ᩠ᨵᩥᩴ ᨩᨶᨸᨴᨧᩣᩁᩥᨠᩴ ᨸᨠ᩠ᨠᨾᩥᩔᩣᨾᩥ, ᨽᨣᩅᨲᩣ ᩈᨴ᩠ᨵᩥᩴ ᨩᨶᨸᨴᨧᩣᩁᩥᨠᩴ ᨸᨠ᩠ᨠᨾᩥᩔᩣᨾᩦ’’ᨲᩥ. ‘‘ᨿᨾ᩠ᨸᩥ ᨲ᩠ᨿᩣᩉᩴ, ᩌᩅᩩᩈᩮᩣ, ᨧᩦᩅᩁᩴ ᩋᨴᩣᩈᩥᩴ, ᨾᨿᩣ ᩈᨴ᩠ᨵᩥᩴ ᨩᨶᨸᨴᨧᩣᩁᩥᨠᩴ ᨸᨠ᩠ᨠᨾᩥᩔᨲᩦ’’ᨲᩥ, ᨠᩩᨸᩥᨲᩮᩣ ᩋᨶᨲ᩠ᨲᨾᨶᩮᩣ ᩋᨧ᩠ᨨᩥᨶ᩠ᨴᩥ.

ᩋᨳ ᨡᩮᩣ ᩈᩮᩣ ᨽᩥᨠ᩠ᨡᩩ ᨽᩥᨠ᩠ᨡᩪᨶᩴ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩌᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨽᩥᨠ᩠ᨡᩩᩔ ᩈᩣᨾᩴ ᨧᩦᩅᩁᩴ ᨴᨲ᩠ᩅᩣ ᨠᩩᨸᩥᨲᩮᩣ ᩋᨶᨲ᩠ᨲᨾᨶᩮᩣ ᩋᨧ᩠ᨨᩥᨶ᩠ᨴᩥᩔᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᩌᨿᩈ᩠ᨾᨶ᩠ᨲᩴ ᩏᨸᨶᨶ᩠ᨴᩴ ᩈᨠ᩠ᨿᨸᩩᨲ᩠ᨲᩴ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩈᨧ᩠ᨧᩴ ¶ ᨠᩥᩁ ᨲ᩠ᩅᩴ, ᩏᨸᨶᨶ᩠ᨴ, ᨽᩥᨠ᩠ᨡᩩᩔ ᩈᩣᨾᩴ ᨧᩦᩅᩁᩴ ᨴᨲ᩠ᩅᩣ ᨠᩩᨸᩥᨲᩮᩣ ᩋᨶᨲ᩠ᨲᨾᨶᩮᩣ ᩋᨧ᩠ᨨᩥᨶ᩠ᨴᩦ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ᨠᨳᨬ᩠ᩉᩥ ᨶᩣᨾ ᨲ᩠ᩅᩴ, ᨾᩮᩣᨥᨸᩩᩁᩥᩈ ¶ , ᨽᩥᨠ᩠ᨡᩩᩔ ᩈᩣᨾᩴ ᨧᩦᩅᩁᩴ ᨴᨲ᩠ᩅᩣ ᨠᩩᨸᩥᨲᩮᩣ ᩋᨶᨲ᩠ᨲᨾᨶᩮᩣ ᩋᨧ᩠ᨨᩥᨶ᩠ᨴᩥᩔᩈᩥ! ᨶᩮᨲᩴ, ᨾᩮᩣᨥᨸᩩᩁᩥᩈ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪖᪓᪒. ‘‘ᨿᩮᩣ ᨸᨶ ᨽᩥᨠ᩠ᨡᩩ ᨽᩥᨠ᩠ᨡᩩᩔ ᩈᩣᨾᩴ ᨧᩦᩅᩁᩴ ᨴᨲ᩠ᩅᩣ ᨠᩩᨸᩥᨲᩮᩣ ᩋᨶᨲ᩠ᨲᨾᨶᩮᩣ ᩋᨧ᩠ᨨᩥᨶ᩠ᨴᩮᨿ᩠ᨿ ᩅᩣ ᩋᨧ᩠ᨨᩥᨶ᩠ᨴᩣᨸᩮᨿ᩠ᨿ ᩅᩣ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

᪖᪓᪓. ᨿᩮᩣ ᨸᨶᩣᨲᩥ ᨿᩮᩣ ᨿᩣᨴᩥᩈᩮᩣ…ᨸᩮ… ᨽᩥᨠ᩠ᨡᩪᨲᩥ…ᨸᩮ… ᩋᨿᩴ ᩍᨾᩈ᩠ᨾᩥᩴ ᩋᨲ᩠ᨳᩮ ᩋᨵᩥᨸ᩠ᨸᩮᨲᩮᩣ ᨽᩥᨠ᩠ᨡᩪᨲᩥ.

ᨽᩥᨠ᩠ᨡᩩᩔᩣᨲᩥ ¶ ᩋᨬ᩠ᨬᩔ ᨽᩥᨠ᩠ᨡᩩᩔ.

ᩈᩣᨾᨶ᩠ᨲᩥ ᩈᨿᩴ ᨴᨲ᩠ᩅᩣ.

ᨧᩦᩅᩁᩴ ᨶᩣᨾ ᨨᨶ᩠ᨶᩴ ᨧᩦᩅᩁᩣᨶᩴ ᩋᨬ᩠ᨬᨲᩁᩴ ᨧᩦᩅᩁᩴ, ᩅᩥᨠᨸ᩠ᨸᨶᩩᨸᨣᩴ ᨸᨧ᩠ᨨᩥᨾᩴ.

ᨠᩩᨸᩥᨲᩮᩣ ¶ ᩋᨶᨲ᩠ᨲᨾᨶᩮᩣᨲᩥ ᩋᨶᨽᩥᩁᨴ᩠ᨵᩮᩣ ᩌᩉᨲᨧᩥᨲ᩠ᨲᩮᩣ ᨡᩥᩃᨩᩣᨲᩮᩣ.

ᩋᨧ᩠ᨨᩥᨶ᩠ᨴᩮᨿ᩠ᨿᩣᨲᩥ ᩈᨿᩴ ᩋᨧ᩠ᨨᩥᨶ᩠ᨴᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ [ᨶᩥᩔᨣ᩠ᨣᩥᨿᩴ ᩉᩮᩣᨲᩥ (ᩈ᩠ᨿᩣ.)].

ᩋᨧ᩠ᨨᩥᨶ᩠ᨴᩣᨸᩮᨿ᩠ᨿᩣᨲᩥ ᩋᨬ᩠ᨬᩴ ᩌᨱᩣᨸᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩈᨠᩥᩴ ᩌᨱᨲ᩠ᨲᩮᩣ ᨻᩉᩩᨠᨾ᩠ᨸᩥ ᩋᨧ᩠ᨨᩥᨶ᩠ᨴᨲᩥ, ᨶᩥᩔᨣ᩠ᨣᩥᨿᩴ ᩉᩮᩣᨲᩥ. ᨶᩥᩔᨩ᩠ᨩᩥᨲᨻ᩠ᨻᩴ ᩈᨦ᩠ᨥᩔ ᩅᩣ ᨣᨱᩔ ᩅᩣ ᨸᩩᨣ᩠ᨣᩃᩔ ᩅᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᨶᩥᩔᨩ᩠ᨩᩥᨲᨻ᩠ᨻᩴ…ᨸᩮ… ᩍᨴᩴ ᨾᩮ, ᨽᨶ᩠ᨲᩮ, ᨧᩦᩅᩁᩴ ᨽᩥᨠ᩠ᨡᩩᩔ ᩈᩣᨾᩴ ᨴᨲ᩠ᩅᩣ ᩋᨧ᩠ᨨᩥᨶ᩠ᨶᩴ ᨶᩥᩔᨣ᩠ᨣᩥᨿᩴ ᩍᨾᩣᩉᩴ ᩈᨦ᩠ᨥᩔ ᨶᩥᩔᨩ᩠ᨩᩣᨾᩦᨲᩥ…ᨸᩮ… ᨴᨴᩮᨿ᩠ᨿᩣᨲᩥ ¶ …ᨸᩮ… ᨴᨴᩮᨿ᩠ᨿᩩᨶ᩠ᨲᩥ…ᨸᩮ… ᩌᨿᩈ᩠ᨾᨲᩮᩣ ᨴᨾ᩠ᨾᩦᨲᩥ.

᪖᪓᪔. ᩏᨸᩈᨾ᩠ᨸᨶ᩠ᨶᩮ ᩏᨸᩈᨾ᩠ᨸᨶ᩠ᨶᩈᨬ᩠ᨬᩦ ᨧᩦᩅᩁᩴ ᨴᨲ᩠ᩅᩣ ᨠᩩᨸᩥᨲᩮᩣ ᩋᨶᨲ᩠ᨲᨾᨶᩮᩣ ᩋᨧ᩠ᨨᩥᨶ᩠ᨴᨲᩥ ᩅᩣ ᩋᨧ᩠ᨨᩥᨶ᩠ᨴᩣᨸᩮᨲᩥ ᩅᩣ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩏᨸᩈᨾ᩠ᨸᨶ᩠ᨶᩮ ᩅᩮᨾᨲᩥᨠᩮᩣ ᨧᩦᩅᩁᩴ ᨴᨲ᩠ᩅᩣ ᨠᩩᨸᩥᨲᩮᩣ ᩋᨶᨲ᩠ᨲᨾᨶᩮᩣ ᩋᨧ᩠ᨨᩥᨶ᩠ᨴᨲᩥ ᩅᩣ ᩋᨧ᩠ᨨᩥᨶ᩠ᨴᩣᨸᩮᨲᩥ ᩅᩣ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩏᨸᩈᨾ᩠ᨸᨶ᩠ᨶᩮ ᩋᨶᩩᨸᩈᨾ᩠ᨸᨶ᩠ᨶᩈᨬ᩠ᨬᩦ ᨧᩦᩅᩁᩴ ᨴᨲ᩠ᩅᩣ ᨠᩩᨸᩥᨲᩮᩣ ᩋᨶᨲ᩠ᨲᨾᨶᩮᩣ ᩋᨧ᩠ᨨᩥᨶ᩠ᨴᨲᩥ ᩅᩣ ᩋᨧ᩠ᨨᩥᨶ᩠ᨴᩣᨸᩮᨲᩥ ᩅᩣ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᩋᨬ᩠ᨬᩴ ᨸᩁᩥᨠ᩠ᨡᩣᩁᩴ ᨴᨲ᩠ᩅᩣ ᨠᩩᨸᩥᨲᩮᩣ ᩋᨶᨲ᩠ᨲᨾᨶᩮᩣ ᩋᨧ᩠ᨨᩥᨶ᩠ᨴᨲᩥ ᩅᩣ ᩋᨧ᩠ᨨᩥᨶ᩠ᨴᩣᨸᩮᨲᩥ ᩅᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᨶᩩᨸᩈᨾ᩠ᨸᨶ᩠ᨶᩔ ᨧᩦᩅᩁᩴ ᩅᩣ ᩋᨬ᩠ᨬᩴ ᩅᩣ ᨸᩁᩥᨠ᩠ᨡᩣᩁᩴ ᨴᨲ᩠ᩅᩣ ᨠᩩᨸᩥᨲᩮᩣ ᩋᨶᨲ᩠ᨲᨾᨶᩮᩣ ᩋᨧ᩠ᨨᩥᨶ᩠ᨴᨲᩥ ᩅᩣ ᩋᨧ᩠ᨨᩥᨶ᩠ᨴᩣᨸᩮᨲᩥ ᩅᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᨶᩩᨸᩈᨾ᩠ᨸᨶ᩠ᨶᩮ ᩏᨸᩈᨾ᩠ᨸᨶ᩠ᨶᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᨶᩩᨸᩈᨾ᩠ᨸᨶ᩠ᨶᩮ ᩅᩮᨾᨲᩥᨠᩮᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᨶᩩᨸᩈᨾ᩠ᨸᨶ᩠ᨶᩮ ᩋᨶᩩᨸᩈᨾ᩠ᨸᨶ᩠ᨶᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ.

᪖᪓᪕. ᩋᨶᩣᨸᨲ᩠ᨲᩥ – ᩈᩮᩣ ᩅᩣ ᨴᩮᨲᩥ, ᨲᩔ ᩅᩣ ᩅᩥᩔᩈᨶ᩠ᨲᩮᩣ ᨣᨱ᩠ᩉᩣᨲᩥ, ᩏᨾ᩠ᨾᨲ᩠ᨲᨠᩔ ᩌᨴᩥᨠᨾ᩠ᨾᩥᨠᩔᩣᨲᩥ.

ᨧᩦᩅᩁᩋᨧ᩠ᨨᩥᨶ᩠ᨴᨶᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨸᨬ᩠ᨧᨾᩴ.

᪖. ᩈᩩᨲ᩠ᨲᩅᩥᨬ᩠ᨬᨲ᩠ᨲᩥᩈᩥᨠ᩠ᨡᩣᨸᨴᩴ

᪖᪓᪖. ᨲᩮᨶ ¶ ¶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩁᩣᨩᨣᩉᩮ ᩅᩥᩉᩁᨲᩥ ᩅᩮᩊᩩᩅᨶᩮ ᨠᩃᨶ᩠ᨴᨠᨶᩥᩅᩣᨸᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᨧᩦᩅᩁᨠᩣᩁᩈᨾᨿᩮ ¶ ᨻᩉᩩᩴ ᩈᩩᨲ᩠ᨲᩴ ᩅᩥᨬ᩠ᨬᩣᨸᩮᩈᩩᩴ. ᨠᨲᩮᨸᩥ ᨧᩦᩅᩁᩮ ᨻᩉᩩᩴ ᩈᩩᨲ᩠ᨲᩴ ᩋᩅᩈᩥᨭ᩠ᨮᩴ ᩉᩮᩣᨲᩥ. ᩋᨳ ᨡᩮᩣ ᨨᨻ᩠ᨻᨣ᩠ᨣᩥᨿᩣᨶᩴ ᨽᩥᨠ᩠ᨡᩪᨶᩴ ᩑᨲᨴᩉᩮᩣᩈᩥ – ‘‘ᩉᨶ᩠ᨴ ᨾᨿᩴ, ᩌᩅᩩᩈᩮᩣ, ᩋᨬ᩠ᨬᨾ᩠ᨸᩥ ᩈᩩᨲ᩠ᨲᩴ ᩅᩥᨬ᩠ᨬᩣᨸᩮᨲ᩠ᩅᩣ ᨲᨶ᩠ᨲᩅᩣᨿᩮᩉᩥ ᨧᩦᩅᩁᩴ ᩅᩣᨿᩣᨸᩮᨾᩣ’’ᨲᩥ. ᩋᨳ ᨡᩮᩣ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᩋᨬ᩠ᨬᨾ᩠ᨸᩥ ᩈᩩᨲ᩠ᨲᩴ ᩅᩥᨬ᩠ᨬᩣᨸᩮᨲ᩠ᩅᩣ ᨲᨶ᩠ᨲᩅᩣᨿᩮᩉᩥ ᨧᩦᩅᩁᩴ ᩅᩣᨿᩣᨸᩮᩈᩩᩴ. ᩅᩦᨲᩮᨸᩥ ᨧᩦᩅᩁᩮ ᨻᩉᩩᩴ ᩈᩩᨲ᩠ᨲᩴ ᩋᩅᩈᩥᨭ᩠ᨮᩴ ᩉᩮᩣᨲᩥ. ᨴᩩᨲᩥᨿᨾ᩠ᨸᩥ ᨡᩮᩣ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᩋᨬ᩠ᨬᨾ᩠ᨸᩥ ᩈᩩᨲ᩠ᨲᩴ ᩅᩥᨬ᩠ᨬᩣᨸᩮᨲ᩠ᩅᩣ ᨲᨶ᩠ᨲᩅᩣᨿᩮᩉᩥ ᨧᩦᩅᩁᩴ ᩅᩣᨿᩣᨸᩮᩈᩩᩴ. ᩅᩦᨲᩮᨸᩥ ᨧᩦᩅᩁᩮ ᨻᩉᩩᩴ ᩈᩩᨲ᩠ᨲᩴ ᩋᩅᩈᩥᨭ᩠ᨮᩴ ᩉᩮᩣᨲᩥ. ᨲᨲᩥᨿᨾ᩠ᨸᩥ ᨡᩮᩣ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᩋᨬ᩠ᨬᨾ᩠ᨸᩥ ᩈᩩᨲ᩠ᨲᩴ ᩅᩥᨬ᩠ᨬᩣᨸᩮᨲ᩠ᩅᩣ ᨲᨶ᩠ᨲᩅᩣᨿᩮᩉᩥ ᨧᩦᩅᩁᩴ ᩅᩣᨿᩣᨸᩮᩈᩩᩴ. ᨾᨶᩩᩔᩣ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩈᨾᨱᩣ ᩈᨠ᩠ᨿᨸᩩᨲ᩠ᨲᩥᨿᩣ ᩈᩣᨾᩴ ᩈᩩᨲ᩠ᨲᩴ ᩅᩥᨬ᩠ᨬᩣᨸᩮᨲ᩠ᩅᩣ ᨲᨶ᩠ᨲᩅᩣᨿᩮᩉᩥ ᨧᩦᩅᩁᩴ ᩅᩣᨿᩣᨸᩮᩔᨶ᩠ᨲᩦ’’ᨲᩥ!

ᩋᩔᩮᩣᩈᩩᩴ ᨡᩮᩣ ᨽᩥᨠ᩠ᨡᩪ ᨲᩮᩈᩴ ᨾᨶᩩᩔᩣᨶᩴ ᩏᨩ᩠ᨫᩣᨿᨶ᩠ᨲᩣᨶᩴ ᨡᩥᨿ᩠ᨿᨶ᩠ᨲᩣᨶᩴ ᩅᩥᨸᩣᨧᩮᨶ᩠ᨲᩣᨶᩴ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᩈᩣᨾᩴ ᩈᩩᨲ᩠ᨲᩴ ᩅᩥᨬ᩠ᨬᩣᨸᩮᨲ᩠ᩅᩣ ᨲᨶ᩠ᨲᩅᩣᨿᩮᩉᩥ ᨧᩦᩅᩁᩴ ᩅᩣᨿᩣᨸᩮᩔᨶ᩠ᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨨᨻ᩠ᨻᨣ᩠ᨣᩥᨿᩮ ᨽᩥᨠ᩠ᨡᩪ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩈᨧ᩠ᨧᩴ ᨠᩥᩁ ᨲᩩᨾ᩠ᩉᩮ, ᨽᩥᨠ᩠ᨡᩅᩮ ¶ , ᩈᩣᨾᩴ ᩈᩩᨲ᩠ᨲᩴ ᩅᩥᨬ᩠ᨬᩣᨸᩮᨲ᩠ᩅᩣ ᨲᨶ᩠ᨲᩅᩣᨿᩮᩉᩥ ᨧᩦᩅᩁᩴ ᩅᩣᨿᩣᨸᩮᨳᩣ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ᨠᨳᨬ᩠ᩉᩥ ᨶᩣᨾ ᨲᩩᨾ᩠ᩉᩮ, ᨾᩮᩣᨥᨸᩩᩁᩥᩈᩣ, ᩈᩣᨾᩴ ᩈᩩᨲ᩠ᨲᩴ ᩅᩥᨬ᩠ᨬᩣᨸᩮᨲ᩠ᩅᩣ ᨲᨶ᩠ᨲᩅᩣᨿᩮᩉᩥ ᨧᩦᩅᩁᩴ ᩅᩣᨿᩣᨸᩮᩔᨳ! ᨶᩮᨲᩴ, ᨾᩮᩣᨥᨸᩩᩁᩥᩈᩣ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪖᪓᪗. ‘‘ᨿᩮᩣ ᨸᨶ ᨽᩥᨠ᩠ᨡᩩ ᩈᩣᨾᩴ ᩈᩩᨲ᩠ᨲᩴ ᩅᩥᨬ᩠ᨬᩣᨸᩮᨲ᩠ᩅᩣ ᨲᨶ᩠ᨲᩅᩣᨿᩮᩉᩥ ᨧᩦᩅᩁᩴ ᩅᩣᨿᩣᨸᩮᨿ᩠ᨿ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

᪖᪓᪘. ᨿᩮᩣ ᨸᨶᩣᨲᩥ ᨿᩮᩣ ᨿᩣᨴᩥᩈᩮᩣ…ᨸᩮ… ᨽᩥᨠ᩠ᨡᩪᨲᩥ…ᨸᩮ… ᩋᨿᩴ ᩍᨾᩈ᩠ᨾᩥᩴ ᩋᨲ᩠ᨳᩮ ᩋᨵᩥᨸ᩠ᨸᩮᨲᩮᩣ ᨽᩥᨠ᩠ᨡᩪᨲᩥ.

ᩈᩣᨾᨶ᩠ᨲᩥ ¶ ᩈᨿᩴ ᩅᩥᨬ᩠ᨬᩣᨸᩮᨲ᩠ᩅᩣ.

ᩈᩩᨲ᩠ᨲᩴ ᨶᩣᨾ ᨨ ᩈᩩᨲ᩠ᨲᩣᨶᩥ – ᨡᩮᩣᨾᩴ ᨠᨸ᩠ᨸᩣᩈᩥᨠᩴ ᨠᩮᩣᩈᩮᨿ᩠ᨿᩴ ᨠᨾ᩠ᨻᩃᩴ ᩈᩣᨱᩴ ᨽᨦ᩠ᨣᩴ.

ᨲᨶ᩠ᨲᩅᩣᨿᩮᩉᩦᨲᩥ ¶ ᨸᩮᩈᨠᩣᩁᩮᩉᩥ ᩅᩣᨿᩣᨸᩮᨲᩥ, ᨸᨿᩮᩣᨣᩮ ᨸᨿᩮᩣᨣᩮ ᨴᩩᨠ᩠ᨠᨭᩴ [ᩅᩣᨿᩣᨸᩮᨲᩥ, ᨸᨿᩮᩣᨣᩮ ᨴᩩᨠ᩠ᨠᨭᩴ (ᩈ᩠ᨿᩣ.)]. ᨸᨭᩥᩃᩣᨽᩮᨶ ᨶᩥᩔᨣ᩠ᨣᩥᨿᩴ ᩉᩮᩣᨲᩥ. ᨶᩥᩔᨩ᩠ᨩᩥᨲᨻ᩠ᨻᩴ ᩈᨦ᩠ᨥᩔ ᩅᩣ ᨣᨱᩔ ᩅᩣ ᨸᩩᨣ᩠ᨣᩃᩔ ᩅᩣ. ᩑᩅᨬ᩠ᨧ ¶ ᨸᨶ, ᨽᩥᨠ᩠ᨡᩅᩮ, ᨶᩥᩔᨩ᩠ᨩᩥᨲᨻ᩠ᨻᩴ…ᨸᩮ… ᩍᨴᩴ ᨾᩮ, ᨽᨶ᩠ᨲᩮ, ᨧᩦᩅᩁᩴ ᩈᩣᨾᩴ ᩈᩩᨲ᩠ᨲᩴ ᩅᩥᨬ᩠ᨬᩣᨸᩮᨲ᩠ᩅᩣ ᨲᨶ᩠ᨲᩅᩣᨿᩮᩉᩥ ᩅᩣᨿᩣᨸᩥᨲᩴ ᨶᩥᩔᨣ᩠ᨣᩥᨿᩴ. ᩍᨾᩣᩉᩴ ᩈᨦ᩠ᨥᩔ ᨶᩥᩔᨩ᩠ᨩᩣᨾᩦᨲᩥ…ᨸᩮ… ᨴᨴᩮᨿ᩠ᨿᩣᨲᩥ…ᨸᩮ… ᨴᨴᩮᨿ᩠ᨿᩩᨶ᩠ᨲᩥ…ᨸᩮ… ᩌᨿᩈ᩠ᨾᨲᩮᩣ ᨴᨾ᩠ᨾᩦᨲᩥ.

᪖᪓᪙. ᩅᩣᨿᩣᨸᩥᨲᩮ ᩅᩣᨿᩣᨸᩥᨲᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩅᩣᨿᩣᨸᩥᨲᩮ ᩅᩮᨾᨲᩥᨠᩮᩣ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩅᩣᨿᩣᨸᩥᨲᩮ ᩋᩅᩣᨿᩣᨸᩥᨲᩈᨬ᩠ᨬᩦ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᩋᩅᩣᨿᩣᨸᩥᨲᩮ ᩅᩣᨿᩣᨸᩥᨲᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᩅᩣᨿᩣᨸᩥᨲᩮ ᩅᩮᨾᨲᩥᨠᩮᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᩅᩣᨿᩣᨸᩥᨲᩮ ¶ ᩋᩅᩣᨿᩣᨸᩥᨲᩈᨬ᩠ᨬᩦ, ᩋᨶᩣᨸᨲ᩠ᨲᩥ.

᪖᪔᪐. ᩋᨶᩣᨸᨲ᩠ᨲᩥ – ᨧᩦᩅᩁᩴ ᩈᩥᨻ᩠ᨻᩮᨲᩩᩴ, ᩌᨿᩮᩣᨣᩮ, ᨠᩣᨿᨻᨶ᩠ᨵᨶᩮ, ᩋᩴᩈᨻᨶ᩠ᨵᨠᩮ [ᩋᩴᩈᩅᨭ᩠ᨭᨠᩮ (ᩈᩦ.)], ᨸᨲ᩠ᨲᨲ᩠ᨳᩅᩥᨠᩣᨿ, ᨸᩁᩥᩔᩣᩅᨶᩮ, ᨬᩣᨲᨠᩣᨶᩴ, ᨸᩅᩣᩁᩥᨲᩣᨶᩴ, ᩋᨬ᩠ᨬᩔᨲ᩠ᨳᩣᨿ, ᩋᨲ᩠ᨲᨶᩮᩣ ᨵᨶᩮᨶ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᩈᩩᨲ᩠ᨲᩅᩥᨬ᩠ᨬᨲ᩠ᨲᩥᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨨᨭ᩠ᨮᩴ.

᪗. ᨾᩉᩣᨸᩮᩈᨠᩣᩁᩈᩥᨠ᩠ᨡᩣᨸᨴᩴ

᪖᪔᪑. ᨲᩮᨶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ ᨩᩮᨲᩅᨶᩮ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨸᩩᩁᩥᩈᩮᩣ ᨸᩅᩣᩈᩴ ᨣᨧ᩠ᨨᨶ᩠ᨲᩮᩣ ᨸᨩᩣᨸᨲᩥᩴ ᩑᨲᨴᩅᩮᩣᨧ – ‘‘ᩈᩩᨲ᩠ᨲᩴ ᨵᩣᩁᨿᩥᨲ᩠ᩅᩣ ᩋᨾᩩᨠᩔ ᨲᨶ᩠ᨲᩅᩣᨿᩔ ᨴᩮᩉᩥ, ᨧᩦᩅᩁᩴ ᩅᩣᨿᩣᨸᩮᨲ᩠ᩅᩣ ᨶᩥᨠ᩠ᨡᩥᨸ, ᩌᨣᨲᩮᩣ ᩋᨿ᩠ᨿᩴ ᩏᨸᨶᨶ᩠ᨴᩴ ᨧᩦᩅᩁᩮᨶ ᩋᨧ᩠ᨨᩣᨴᩮᩔᩣᨾᩦ’’ᨲᩥ. ᩋᩔᩮᩣᩈᩥ ᨡᩮᩣ ᩋᨬ᩠ᨬᨲᩁᩮᩣ ᨸᩥᨱ᩠ᨯᨧᩣᩁᩥᨠᩮᩣ ᨽᩥᨠ᩠ᨡᩩ ᨲᩔ ᨸᩩᩁᩥᩈᩔ ¶ ᩍᨾᩴ ᩅᩣᨧᩴ ᨽᩣᩈᨾᩣᨶᩔ. ᩋᨳ ᨡᩮᩣ ᩈᩮᩣ ᨽᩥᨠ᩠ᨡᩩ ᨿᩮᨶᩣᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᩏᨸᨶᨶ᩠ᨴᩴ ᩈᨠ᩠ᨿᨸᩩᨲ᩠ᨲᩴ ᩑᨲᨴᩅᩮᩣᨧ – ‘‘ᨾᩉᩣᨸᩩᨬ᩠ᨬᩮᩣᩈᩥ ᨲ᩠ᩅᩴ, ᩌᩅᩩᩈᩮᩣ ᩏᨸᨶᨶ᩠ᨴ, ᩋᨾᩩᨠᩈ᩠ᨾᩥᩴ ᩒᨠᩣᩈᩮ ᩋᨬ᩠ᨬᨲᩁᩮᩣ ᨸᩩᩁᩥᩈᩮᩣ ᨸᩅᩣᩈᩴ ᨣᨧ᩠ᨨᨶ᩠ᨲᩮᩣ ¶ ᨸᨩᩣᨸᨲᩥᩴ ᩑᨲᨴᩅᩮᩣᨧ – ‘‘ᩈᩩᨲ᩠ᨲᩴ ᨵᩣᩁᨿᩥᨲ᩠ᩅᩣ ᩋᨾᩩᨠᩔ ᨲᨶ᩠ᨲᩅᩣᨿᩔ ᨴᩮᩉᩥ, ᨧᩦᩅᩁᩴ ᩅᩣᨿᩣᨸᩮᨲ᩠ᩅᩣ ᨶᩥᨠ᩠ᨡᩥᨸ, ᩌᨣᨲᩮᩣ ᩋᨿ᩠ᨿᩴ ᩏᨸᨶᨶ᩠ᨴᩴ ᨧᩦᩅᩁᩮᨶ ᩋᨧ᩠ᨨᩣᨴᩮᩔᩣᨾᩦ’’ᨲᩥ. ‘‘ᩋᨲ᩠ᨳᩣᩅᩩᩈᩮᩣ, ᨾᩴ ᩈᩮᩣ ᩏᨸᨭ᩠ᨮᩣᨠᩮᩣ’’ᨲᩥ. ᩈᩮᩣᨸᩥ ᨡᩮᩣ ᨲᨶ᩠ᨲᩅᩣᨿᩮᩣ ᩌᨿᩈ᩠ᨾᨲᩮᩣ ᩏᨸᨶᨶ᩠ᨴᩔ ᩈᨠ᩠ᨿᨸᩩᨲ᩠ᨲᩔ ᩏᨸᨭ᩠ᨮᩣᨠᩮᩣ ᩉᩮᩣᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨿᩮᨶ ᩈᩮᩣ ᨲᨶ᩠ᨲᩅᩣᨿᩮᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨲᩴ ᨲᨶ᩠ᨲᩅᩣᨿᩴ ᩑᨲᨴᩅᩮᩣᨧ – ‘‘ᩍᨴᩴ ᨡᩮᩣ, ᩌᩅᩩᩈᩮᩣ, ᨧᩦᩅᩁᩴ ᨾᩴ ᩏᨴ᩠ᨴᩥᩔ ᩅᩥᨿ᩠ᨿᨲᩥ; ᩌᨿᨲᨬ᩠ᨧ ᨠᩁᩮᩣᩉᩥ ᩅᩥᨲ᩠ᨳᨲᨬ᩠ᨧ. ᩋᨸ᩠ᨸᩥᨲᨬ᩠ᨧ ᩈᩩᩅᩦᨲᨬ᩠ᨧ ᩈᩩᨸ᩠ᨸᩅᩣᨿᩥᨲᨬ᩠ᨧ ᩈᩩᩅᩥᩃᩮᨡᩥᨲᨬ᩠ᨧ ¶ ᩈᩩᩅᩥᨲᨧ᩠ᨨᩥᨲᨬ᩠ᨧ ᨠᩁᩮᩣᩉᩦ’’ᨲᩥ. ‘‘ᩑᨲᩮ ᨡᩮᩣ ᨾᩮ, ᨽᨶ᩠ᨲᩮ, ᩈᩩᨲ᩠ᨲᩴ ᨵᩣᩁᨿᩥᨲ᩠ᩅᩣ ᩋᨴᩴᩈᩩ; ᩍᨾᩥᨶᩣ ᩈᩩᨲ᩠ᨲᩮᨶ ᨧᩦᩅᩁᩴ ᩅᩥᨶᩣᩉᩦ’’ᨲᩥ. ‘‘ᨶ, ᨽᨶ᩠ᨲᩮ, ᩈᨠ᩠ᨠᩣ ᩌᨿᨲᩴ ᩅᩣ ᩅᩥᨲ᩠ᨳᨲᩴ ᩅᩣ ᩋᨸ᩠ᨸᩥᨲᩴ ᩅᩣ ᨠᩣᨲᩩᩴ. ᩈᨠ᩠ᨠᩣ ¶ ᨧ ᨡᩮᩣ, ᨽᨶ᩠ᨲᩮ, ᩈᩩᩅᩦᨲᨬ᩠ᨧ ᩈᩩᨸ᩠ᨸᩅᩣᨿᩥᨲᨬ᩠ᨧ ᩈᩩᩅᩥᩃᩮᨡᩥᨲᨬ᩠ᨧ ᩈᩩᩅᩥᨲᨧ᩠ᨨᩥᨲᨬ᩠ᨧ ᨠᩣᨲᩩ’’ᨶ᩠ᨲᩥ. ‘‘ᩍᨦ᩠ᨥ ᨲ᩠ᩅᩴ, ᩌᩅᩩᩈᩮᩣ, ᩌᨿᨲᨬ᩠ᨧ ᨠᩁᩮᩣᩉᩥ ᩅᩥᨲ᩠ᨳᨲᨬ᩠ᨧ ᩋᨸ᩠ᨸᩥᨲᨬ᩠ᨧ. ᨶ ᨲᩮᨶ ᩈᩩᨲ᩠ᨲᩮᨶ ᨸᨭᩥᨻᨴ᩠ᨵᩴ ᨽᩅᩥᩔᨲᩦ’’ᨲᩥ.

ᩋᨳ ᨡᩮᩣ ᩈᩮᩣ ᨲᨶ᩠ᨲᩅᩣᨿᩮᩣ ᨿᨳᩣᨽᨲᩴ ᩈᩩᨲ᩠ᨲᩴ ᨲᨶ᩠ᨲᩮ ᩏᨸᨶᩮᨲ᩠ᩅᩣ ᨿᩮᨶ ᩈᩣ ᩍᨲ᩠ᨳᩦ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨲᩴ ᩍᨲ᩠ᨳᩥᩴ ᩑᨲᨴᩅᩮᩣᨧ – ‘‘ᩈᩩᨲ᩠ᨲᩮᨶ, ᩋᨿ᩠ᨿᩮ, ᩋᨲ᩠ᨳᩮᩣ’’ᨲᩥ. ‘‘ᨶᨶᩩ ᨲ᩠ᩅᩴ ᩋᨿ᩠ᨿᩮᩣ [ᩋᨿ᩠ᨿ (ᩈ᩠ᨿᩣ.)] ᨾᨿᩣ ᩅᩩᨲ᩠ᨲᩮᩣ – ‘ᩍᨾᩥᨶᩣ ᩈᩩᨲ᩠ᨲᩮᨶ ᨧᩦᩅᩁᩴ ᩅᩥᨶᩣᩉᩦ’’’ᨲᩥ. ‘‘ᩈᨧ᩠ᨧᩣᩉᩴ, ᩋᨿ᩠ᨿᩮ, ᨲᨿᩣ ᩅᩩᨲ᩠ᨲᩮᩣ – ‘ᩍᨾᩥᨶᩣ ᩈᩩᨲ᩠ᨲᩮᨶ ᨧᩦᩅᩁᩴ ᩅᩥᨶᩣᩉᩦ’ᨲᩥ. ᩋᨸᩥᨧ, ᨾᩴ ᩋᨿ᩠ᨿᩮᩣ ᩏᨸᨶᨶ᩠ᨴᩮᩣ ᩑᩅᨾᩣᩉ – ‘ᩍᨦ᩠ᨥ ᨲ᩠ᩅᩴ, ᩌᩅᩩᩈᩮᩣ, ᩌᨿᨲᨬ᩠ᨧ ᨠᩁᩮᩣᩉᩥ ᩅᩥᨲ᩠ᨳᨲᨬ᩠ᨧ ᩋᨸ᩠ᨸᩥᨲᨬ᩠ᨧ, ᨶ ᨲᩮᨶ ᩈᩩᨲ᩠ᨲᩮᨶ ᨸᨭᩥᨻᨴ᩠ᨵᩴ ᨽᩅᩥᩔᨲᩦ’’’ᨲᩥ. ᩋᨳ ᨡᩮᩣ ᩈᩣ ᩍᨲ᩠ᨳᩦ ᨿᨲ᩠ᨲᨠᩴᨿᩮᩅ ᩈᩩᨲ᩠ᨲᩴ ᨸᨮᨾᩴ ᩋᨴᩣᩈᩥ ᨲᨲ᩠ᨲᨠᩴ ᨸᨧ᩠ᨨᩣ ᩋᨴᩣᩈᩥ. ᩋᩔᩮᩣᩈᩥ ᨡᩮᩣ ᩌᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ – ‘‘ᩈᩮᩣ ᨠᩥᩁ ᨸᩩᩁᩥᩈᩮᩣ ᨸᩅᩣᩈᨲᩮᩣ ᩌᨣᨲᩮᩣ’’ᨲᩥ. ᩋᨳ ᨡᩮᩣ ᩌᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨿᩮᨶ ᨲᩔ ᨸᩩᩁᩥᩈᩔ ᨶᩥᩅᩮᩈᨶᩴ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᨸᨬ᩠ᨬᨲ᩠ᨲᩮ ᩌᩈᨶᩮ ᨶᩥᩈᩦᨴᩥ. ᩋᨳ ᨡᩮᩣ ᩈᩮᩣ ᨸᩩᩁᩥᩈᩮᩣ ᨿᩮᨶᩣᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨲᩮᨶᩩᨸᩈᨦ᩠ᨠᨾᩥ; ᩏᨸᩈᨦ᩠ᨠᨾᩥᨲ᩠ᩅᩣ ᩌᨿᩈ᩠ᨾᨶ᩠ᨲᩴ ᩏᨸᨶᨶ᩠ᨴᩴ ᩈᨠ᩠ᨿᨸᩩᨲ᩠ᨲᩴ ᩋᨽᩥᩅᩣᨴᩮᨲ᩠ᩅᩣ ᩑᨠᨾᨶ᩠ᨲᩴ ᨶᩥᩈᩦᨴᩥ. ᩑᨠᨾᨶ᩠ᨲᩴ ᨶᩥᩈᩥᨶ᩠ᨶᩮᩣ ¶ ᨡᩮᩣ ᩈᩮᩣ ᨸᩩᩁᩥᩈᩮᩣ ᨸᨩᩣᨸᨲᩥᩴ ᩑᨲᨴᩅᩮᩣᨧ – ‘‘ᩅᩦᨲᩴ ᨲᩴ ᨧᩦᩅᩁ’’ᨶ᩠ᨲᩥ? ‘‘ᩌᨾᩣᨿ᩠ᨿ, ᩅᩦᨲᩴ ᨲᩴ ᨧᩦᩅᩁ’’ᨶ᩠ᨲᩥ. ‘‘ᩌᩉᩁ, ᩋᨿ᩠ᨿᩴ ᩏᨸᨶᨶ᩠ᨴᩴ ᨧᩦᩅᩁᩮᨶ ᩋᨧ᩠ᨨᩣᨴᩮᩔᩣᨾᩦ’’ᨲᩥ. ᩋᨳ ᨡᩮᩣ ᩈᩣ ᩍᨲ᩠ᨳᩦ ᨲᩴ ᨧᩦᩅᩁᩴ ᨶᩦᩉᩁᩥᨲ᩠ᩅᩣ ᩈᩣᨾᩥᨠᩔ ᨴᨲ᩠ᩅᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ. ᩋᨳ ᨡᩮᩣ ᩈᩮᩣ ᨸᩩᩁᩥᩈᩮᩣ ᩌᨿᩈ᩠ᨾᨲᩮᩣ ᩏᨸᨶᨶ᩠ᨴᩔ ᩈᨠ᩠ᨿᨸᩩᨲ᩠ᨲᩔ ¶ ᨧᩦᩅᩁᩴ ᨴᨲ᩠ᩅᩣ ᩏᨩ᩠ᨫᩣᨿᨲᩥ ᨡᩥᨿ᩠ᨿᨲᩥ ᩅᩥᨸᩣᨧᩮᨲᩥ – ‘‘ᨾᩉᩥᨧ᩠ᨨᩣ ᩍᨾᩮ ᩈᨾᨱᩣ ¶ ᩈᨠ᩠ᨿᨸᩩᨲ᩠ᨲᩥᨿᩣ ᩋᩈᨶ᩠ᨲᩩᨭ᩠ᨮᩣ. ᨶᨿᩥᨾᩮ ᩈᩩᨠᩁᩣ ᨧᩦᩅᩁᩮᨶ ᩋᨧ᩠ᨨᩣᨴᩮᨲᩩᩴ. ᨠᨳᨬ᩠ᩉᩥ ᨶᩣᨾ ᩋᨿ᩠ᨿᩮᩣ ᩏᨸᨶᨶ᩠ᨴᩮᩣ ᨾᨿᩣ ᨸᩩᨻ᩠ᨻᩮ ᩋᨸ᩠ᨸᩅᩣᩁᩥᨲᩮᩣ ᨲᨶ᩠ᨲᩅᩣᨿᩮ [ᨣᩉᨸᨲᩥᨠᩔ ᨲᨶ᩠ᨲᩅᩣᨿᩮ (ᨠ.)] ᩏᨸᩈᨦ᩠ᨠᨾᩥᨲ᩠ᩅᩣ ᨧᩦᩅᩁᩮ ᩅᩥᨠᨸ᩠ᨸᩴ ᩌᨸᨩ᩠ᨩᩥᩔᨲᩦ’’ᨲᩥ.

ᩋᩔᩮᩣᩈᩩᩴ ᨡᩮᩣ ᨽᩥᨠ᩠ᨡᩪ ᨲᩔ ᨸᩩᩁᩥᩈᩔ ᩏᨩ᩠ᨫᩣᨿᨶ᩠ᨲᩔ ᨡᩥᨿ᩠ᨿᨶ᩠ᨲᩔ ᩅᩥᨸᩣᨧᩮᨶ᩠ᨲᩔ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ…ᨸᩮ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᩌᨿᩈ᩠ᨾᩣ ᩏᨸᨶᨶ᩠ᨴᩮᩣ ᩈᨠ᩠ᨿᨸᩩᨲ᩠ᨲᩮᩣ ᨸᩩᨻ᩠ᨻᩮ ᩋᨸ᩠ᨸᩅᩣᩁᩥᨲᩮᩣ ᨣᩉᨸᨲᩥᨠᩔ ᨲᨶ᩠ᨲᩅᩣᨿᩮ ᩏᨸᩈᨦ᩠ᨠᨾᩥᨲ᩠ᩅᩣ ᨧᩦᩅᩁᩮ ᩅᩥᨠᨸ᩠ᨸᩴ ᩌᨸᨩ᩠ᨩᩥᩔᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᩌᨿᩈ᩠ᨾᨶ᩠ᨲᩴ ᩏᨸᨶᨶ᩠ᨴᩴ ᩈᨠ᩠ᨿᨸᩩᨲ᩠ᨲᩴ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩈᨧ᩠ᨧᩴ ᨠᩥᩁ ᨲ᩠ᩅᩴ, ᩏᨸᨶᨶ᩠ᨴ, ᨸᩩᨻ᩠ᨻᩮ ᩋᨸ᩠ᨸᩅᩣᩁᩥᨲᩮᩣ ᨣᩉᨸᨲᩥᨠᩔ ᨲᨶ᩠ᨲᩅᩣᨿᩮ ᩏᨸᩈᨦ᩠ᨠᨾᩥᨲ᩠ᩅᩣ ᨧᩦᩅᩁᩮ ᩅᩥᨠᨸ᩠ᨸᩴ ᩌᨸᨩ᩠ᨩᩦ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ‘‘ᨬᩣᨲᨠᩮᩣ ᨲᩮ, ᩏᨸᨶᨶ᩠ᨴ, ᩋᨬ᩠ᨬᩣᨲᨠᩮᩣ’’ᨲᩥ? ‘‘ᩋᨬ᩠ᨬᩣᨲᨠᩮᩣ, ᨽᨣᩅᩣ’’ᨲᩥ. ‘‘ᩋᨬ᩠ᨬᩣᨲᨠᩮᩣ, ᨾᩮᩣᨥᨸᩩᩁᩥᩈ, ᩋᨬ᩠ᨬᩣᨲᨠᩔ ᨶ ᨩᩣᨶᩣᨲᩥ ᨸᨲᩥᩁᩪᨸᩴ ᩅᩣ ᩋᨸ᩠ᨸᨲᩥᩁᩪᨸᩴ ᩅᩣ ᩈᨶ᩠ᨲᩴ ᩅᩣ ᩋᩈᨶ᩠ᨲᩴ ᩅᩣ. ᨲᨲ᩠ᨳ ᨶᩣᨾ ᨲ᩠ᩅᩴ, ᨾᩮᩣᨥᨸᩩᩁᩥᩈ, ᨸᩩᨻ᩠ᨻᩮ ᩋᨸ᩠ᨸᩅᩣᩁᩥᨲᩮᩣ ¶ ᩋᨬ᩠ᨬᩣᨲᨠᩔ ᨣᩉᨸᨲᩥᨠᩔ ¶ ᨲᨶ᩠ᨲᩅᩣᨿᩮ ᩏᨸᩈᨦ᩠ᨠᨾᩥᨲ᩠ᩅᩣ ᨧᩦᩅᩁᩮ ᩅᩥᨠᨸ᩠ᨸᩴ ᩌᨸᨩ᩠ᨩᩥᩔᩈᩥ! ᨶᩮᨲᩴ, ᨾᩮᩣᨥᨸᩩᩁᩥᩈ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪖᪔᪒. ‘‘ᨽᩥᨠ᩠ᨡᩩᩴ ᨸᨶᩮᩅ ᩏᨴ᩠ᨴᩥᩔ ᩋᨬ᩠ᨬᩣᨲᨠᩮᩣ ᨣᩉᨸᨲᩥ ᩅᩣ ᨣᩉᨸᨲᩣᨶᩦ ᩅᩣ ᨲᨶ᩠ᨲᩅᩣᨿᩮᩉᩥ ᨧᩦᩅᩁᩴ ᩅᩣᨿᩣᨸᩮᨿ᩠ᨿ, ᨲᨲᩕ ᨧᩮ ᩈᩮᩣ ᨽᩥᨠ᩠ᨡᩩ ᨸᩩᨻ᩠ᨻᩮ ᩋᨸ᩠ᨸᩅᩣᩁᩥᨲᩮᩣ ᨲᨶ᩠ᨲᩅᩣᨿᩮ ᩏᨸᩈᨦ᩠ᨠᨾᩥᨲ᩠ᩅᩣ ᨧᩦᩅᩁᩮ ᩅᩥᨠᨸ᩠ᨸᩴ ᩌᨸᨩ᩠ᨩᩮᨿ᩠ᨿ – ‘ᩍᨴᩴ ᨡᩮᩣ, ᩌᩅᩩᩈᩮᩣ, ᨧᩦᩅᩁᩴ ᨾᩴ ᩏᨴ᩠ᨴᩥᩔ ᩅᩥᨿ᩠ᨿᨲᩥ. ᩌᨿᨲᨬ᩠ᨧ ᨠᩁᩮᩣᨳ ᩅᩥᨲ᩠ᨳᨲᨬ᩠ᨧ. ᩋᨸ᩠ᨸᩥᨲᨬ᩠ᨧ ᩈᩩᩅᩦᨲᨬ᩠ᨧ ᩈᩩᨸ᩠ᨸᩅᩣᨿᩥᨲᨬ᩠ᨧ ᩈᩩᩅᩥᩃᩮᨡᩥᨲᨬ᩠ᨧ ᩈᩩᩅᩥᨲᨧ᩠ᨨᩥᨲᨬ᩠ᨧ ᨠᩁᩮᩣᨳ. ᩋᨸ᩠ᨸᩮᩅ ᨶᩣᨾ ᨾᨿᨾ᩠ᨸᩥ ᩌᨿᩈ᩠ᨾᨶ᩠ᨲᩣᨶᩴ ᨠᩥᨬ᩠ᨧᩥᨾᨲ᩠ᨲᩴ ᩋᨶᩩᨸᨴᨩ᩠ᨩᩮᨿ᩠ᨿᩣᨾᩣ’ᨲᩥ. ᩑᩅᨬ᩠ᨧ ᩈᩮᩣ ᨽᩥᨠ᩠ᨡᩩ ᩅᨲ᩠ᩅᩣ ᨠᩥᨬ᩠ᨧᩥᨾᨲ᩠ᨲᩴ ᩋᨶᩩᨸᨴᨩ᩠ᨩᩮᨿ᩠ᨿ ᩋᨶ᩠ᨲᨾᩈᩮᩣ ᨸᩥᨱ᩠ᨯᨸᩣᨲᨾᨲ᩠ᨲᨾ᩠ᨸᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

᪖᪔᪓. ᨽᩥᨠ᩠ᨡᩩᩴ ᨸᨶᩮᩅ ᩏᨴ᩠ᨴᩥᩔᩣᨲᩥ ᨽᩥᨠ᩠ᨡᩩᩔᨲ᩠ᨳᩣᨿ ᨽᩥᨠ᩠ᨡᩩᩴ ᩌᩁᨾ᩠ᨾᨱᩴ ᨠᩁᩥᨲ᩠ᩅᩣ ᨽᩥᨠ᩠ᨡᩩᩴ ᩋᨧ᩠ᨨᩣᨴᩮᨲᩩᨠᩣᨾᩮᩣ.

ᩋᨬ᩠ᨬᩣᨲᨠᩮᩣ ᨶᩣᨾ ᨾᩣᨲᩥᨲᩮᩣ ᩅᩣ ᨸᩥᨲᩥᨲᩮᩣ ᩅᩣ ᨿᩣᩅ ᩈᨲ᩠ᨲᨾᩣ ᨸᩥᨲᩣᨾᩉᨿᩩᨣᩣ ᩋᩈᨾ᩠ᨻᨴ᩠ᨵᩮᩣ.

ᨣᩉᨸᨲᩥ ¶ ¶ ᨶᩣᨾ ᨿᩮᩣ ᨠᩮᩣᨧᩥ ᩋᨣᩣᩁᩴ ᩋᨩ᩠ᨫᩣᩅᩈᨲᩥ.

ᨣᩉᨸᨲᩣᨶᩦ ᨶᩣᨾ ᨿᩣ ᨠᩣᨧᩥ ᩋᨣᩣᩁᩴ ᩋᨩ᩠ᨫᩣᩅᩈᨲᩥ.

ᨲᨶ᩠ᨲᩅᩣᨿᩮᩉᩦᨲᩥ ᨸᩮᩈᨠᩣᩁᩮᩉᩥ.

ᨧᩦᩅᩁᩴ ᨶᩣᨾ ᨨᨶ᩠ᨶᩴ ᨧᩦᩅᩁᩣᨶᩴ ᩋᨬ᩠ᨬᨲᩁᩴ ᨧᩦᩅᩁᩴ ᩅᩥᨠᨸ᩠ᨸᨶᩩᨸᨣᩴ ᨸᨧ᩠ᨨᩥᨾᩴ.

ᩅᩣᨿᩣᨸᩮᨿ᩠ᨿᩣᨲᩥ ᩅᩥᨶᩣᨸᩮᨲᩥ.

ᨲᨲᩕ ᨧᩮ ᩈᩮᩣ ᨽᩥᨠ᩠ᨡᩪᨲᩥ ᨿᩴ ᨽᩥᨠ᩠ᨡᩩᩴ ᩏᨴ᩠ᨴᩥᩔ ᨧᩦᩅᩁᩴ ᩅᩥᨿ᩠ᨿᨲᩥ ᩈᩮᩣ ¶ ᨽᩥᨠ᩠ᨡᩩ.

ᨸᩩᨻ᩠ᨻᩮ ᩋᨸ᩠ᨸᩅᩣᩁᩥᨲᩮᩣᨲᩥ ᨸᩩᨻ᩠ᨻᩮ ᩋᩅᩩᨲ᩠ᨲᩮᩣ ᩉᩮᩣᨲᩥ – ‘‘ᨠᩦᨴᩥᩈᩮᨶ ᨲᩮ, ᨽᨶ᩠ᨲᩮ, ᨧᩦᩅᩁᩮᨶ ᩋᨲ᩠ᨳᩮᩣ, ᨠᩦᨴᩥᩈᩴ ᨲᩮ ᨧᩦᩅᩁᩴ ᩅᩣᨿᩣᨸᩮᨾᩦ’’ᨲᩥ?

ᨲᨶ᩠ᨲᩅᩣᨿᩮ ᩏᨸᩈᨦ᩠ᨠᨾᩥᨲ᩠ᩅᩣᨲᩥ ᨥᩁᩴ ᨣᨶ᩠ᨲ᩠ᩅᩣ ᨿᨲ᩠ᨳ ᨠᨲ᩠ᨳᨧᩥ ᩏᨸᩈᨦ᩠ᨠᨾᩥᨲ᩠ᩅᩣ.

ᨧᩦᩅᩁᩮ ᩅᩥᨠᨸ᩠ᨸᩴ ᩌᨸᨩ᩠ᨩᩮᨿ᩠ᨿᩣᨲᩥ – ‘‘ᩍᨴᩴ ᨡᩮᩣ, ᩌᩅᩩᩈᩮᩣ, ᨧᩦᩅᩁᩴ ᨾᩴ ᩏᨴ᩠ᨴᩥᩔ ᩅᩥᨿ᩠ᨿᨲᩥ, ᩌᨿᨲᨬ᩠ᨧ ᨠᩁᩮᩣᨳ ᩅᩥᨲ᩠ᨳᨲᨬ᩠ᨧ. ᩋᨸ᩠ᨸᩥᨲᨬ᩠ᨧ ᩈᩩᩅᩦᨲᨬ᩠ᨧ ᩈᩩᨸ᩠ᨸᩅᩣᨿᩥᨲᨬ᩠ᨧ ᩈᩩᩅᩥᩃᩮᨡᩥᨲᨬ᩠ᨧ ᩈᩩᩅᩥᨲᨧ᩠ᨨᩥᨲᨬ᩠ᨧ ᨠᩁᩮᩣᨳ. ᩋᨸ᩠ᨸᩮᩅ ᨶᩣᨾ ᨾᨿᨾ᩠ᨸᩥ ᩌᨿᩈ᩠ᨾᨶ᩠ᨲᩣᨶᩴ ᨠᩥᨬ᩠ᨧᩥᨾᨲ᩠ᨲᩴ ᩋᨶᩩᨸᨴᨩ᩠ᨩᩮᨿ᩠ᨿᩣᨾᩣ’’ᨲᩥ.

ᩑᩅᨬ᩠ᨧ ᩈᩮᩣ ᨽᩥᨠ᩠ᨡᩩ ᩅᨲ᩠ᩅᩣ ᨠᩥᨬ᩠ᨧᩥᨾᨲ᩠ᨲᩴ ᩋᨶᩩᨸᨴᨩ᩠ᨩᩮᨿ᩠ᨿ ᩋᨶ᩠ᨲᨾᩈᩮᩣ ᨸᩥᨱ᩠ᨯᨸᩣᨲᨾᨲ᩠ᨲᨾ᩠ᨸᩦᨲᩥ. ᨸᩥᨱ᩠ᨯᨸᩣᨲᩮᩣ ᨶᩣᨾ ᨿᩣᨣᩩᨸᩥ ᨽᨲ᩠ᨲᨾ᩠ᨸᩥ ᨡᩣᨴᨶᩦᨿᨾ᩠ᨸᩥ ¶ ᨧᩩᨱ᩠ᨱᨸᩥᨱ᩠ᨯᩮᩣᨸᩥ ᨴᨶ᩠ᨲᨠᨭ᩠ᨮᨾ᩠ᨸᩥ ᨴᩈᩥᨠᩈᩩᨲ᩠ᨲᨾ᩠ᨸᩥ, ᩋᨶ᩠ᨲᨾᩈᩮᩣ ᨵᨾ᩠ᨾᨾ᩠ᨸᩥ ᨽᨱᨲᩥ.

ᨲᩔ ᩅᨧᨶᩮᨶ ᩌᨿᨲᩴ ᩅᩣ ᩅᩥᨲ᩠ᨳᨲᩴ ᩅᩣ ᩋᨸ᩠ᨸᩥᨲᩴ ᩅᩣ ᨠᩁᩮᩣᨲᩥ, ᨸᨿᩮᩣᨣᩮ ᨴᩩᨠ᩠ᨠᨭᩴ. ᨸᨭᩥᩃᩣᨽᩮᨶ ᨶᩥᩔᨣ᩠ᨣᩥᨿᩴ ᩉᩮᩣᨲᩥ. ᨶᩥᩔᨩ᩠ᨩᩥᨲᨻ᩠ᨻᩴ ᩈᨦ᩠ᨥᩔ ᩅᩣ ᨣᨱᩔ ᩅᩣ ᨸᩩᨣ᩠ᨣᩃᩔ ᩅᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᨶᩥᩔᨩ᩠ᨩᩥᨲᨻ᩠ᨻᩴ…ᨸᩮ… ᩍᨴᩴ ᨾᩮ, ᨽᨶ᩠ᨲᩮ, ᨧᩦᩅᩁᩴ ᨸᩩᨻ᩠ᨻᩮ ᩋᨸ᩠ᨸᩅᩣᩁᩥᨲᩮᩣ ᩋᨬ᩠ᨬᩣᨲᨠᩔ ¶ ᨣᩉᨸᨲᩥᨠᩔ ᨲᨶ᩠ᨲᩅᩣᨿᩮ ᩏᨸᩈᨦ᩠ᨠᨾᩥᨲ᩠ᩅᩣ ᨧᩦᩅᩁᩮ ᩅᩥᨠᨸ᩠ᨸᩴ ᩌᨸᨶ᩠ᨶᩴ ᨶᩥᩔᨣ᩠ᨣᩥᨿᩴ. ᩍᨾᩣᩉᩴ ᩈᨦ᩠ᨥᩔ ᨶᩥᩔᨩ᩠ᨩᩣᨾᩦᨲᩥ…ᨸᩮ… ᨴᨴᩮᨿ᩠ᨿᩣᨲᩥ…ᨸᩮ… ᨴᨴᩮᨿ᩠ᨿᩩᨶ᩠ᨲᩥ…ᨸᩮ… ᩌᨿᩈ᩠ᨾᨲᩮᩣ ᨴᨾ᩠ᨾᩦᨲᩥ.

᪖᪔᪔. ᩋᨬ᩠ᨬᩣᨲᨠᩮ ᩋᨬ᩠ᨬᩣᨲᨠᩈᨬ᩠ᨬᩦ ᨸᩩᨻ᩠ᨻᩮ ᩋᨸ᩠ᨸᩅᩣᩁᩥᨲᩮᩣ ᨣᩉᨸᨲᩥᨠᩔ ᨲᨶ᩠ᨲᩅᩣᨿᩮ ᩏᨸᩈᨦ᩠ᨠᨾᩥᨲ᩠ᩅᩣ ᨧᩦᩅᩁᩮ ᩅᩥᨠᨸ᩠ᨸᩴ ᩌᨸᨩ᩠ᨩᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨬ᩠ᨬᩣᨲᨠᩮ ᩅᩮᨾᨲᩥᨠᩮᩣ ᨸᩩᨻ᩠ᨻᩮ ᩋᨸ᩠ᨸᩅᩣᩁᩥᨲᩮᩣ ᨣᩉᨸᨲᩥᨠᩔ ᨲᨶ᩠ᨲᩅᩣᨿᩮ ¶ ᩏᨸᩈᨦ᩠ᨠᨾᩥᨲ᩠ᩅᩣ ᨧᩦᩅᩁᩮ ᩅᩥᨠᨸ᩠ᨸᩴ ᩌᨸᨩ᩠ᨩᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨬ᩠ᨬᩣᨲᨠᩮ ᨬᩣᨲᨠᩈᨬ᩠ᨬᩦ ᨸᩩᨻ᩠ᨻᩮ ᩋᨸ᩠ᨸᩅᩣᩁᩥᨲᩮᩣ ᨣᩉᨸᨲᩥᨠᩔ ᨲᨶ᩠ᨲᩅᩣᨿᩮ ᩏᨸᩈᨦ᩠ᨠᨾᩥᨲ᩠ᩅᩣ ᨧᩦᩅᩁᩮ ᩅᩥᨠᨸ᩠ᨸᩴ ᩌᨸᨩ᩠ᨩᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᨬᩣᨲᨠᩮ ¶ ᩋᨬᩣᨲᨠᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨬᩣᨲᨠᩮ ᩅᩮᨾᨲᩥᨠᩮᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨬᩣᨲᨠᩮ ᨬᩣᨲᨠᩈᨬ᩠ᨬᩦ, ᩋᨶᩣᨸᨲ᩠ᨲᩥ.

᪖᪔᪕. ᩋᨶᩣᨸᨲ᩠ᨲᩥ – ᨬᩣᨲᨠᩣᨶᩴ, ᨸᩅᩣᩁᩥᨲᩣᨶᩴ, ᩋᨬ᩠ᨬᩔᨲ᩠ᨳᩣᨿ, ᩋᨲ᩠ᨲᨶᩮᩣ ᨵᨶᩮᨶ, ᨾᩉᨣ᩠ᨥᩴ ᩅᩣᨿᩣᨸᩮᨲᩩᨠᩣᨾᩔ ᩋᨸ᩠ᨸᨣ᩠ᨥᩴ ᩅᩣᨿᩣᨸᩮᨲᩥ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᨾᩉᩣᨸᩮᩈᨠᩣᩁᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᩈᨲ᩠ᨲᨾᩴ.

᪘. ᩋᨧ᩠ᨧᩮᨠᨧᩦᩅᩁᩈᩥᨠ᩠ᨡᩣᨸᨴᩴ

᪖᪔᪖. ᨲᩮᨶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ ᨩᩮᨲᩅᨶᩮ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩋᨬ᩠ᨬᨲᩁᩮᩣ ᨾᩉᩣᨾᨲ᩠ᨲᩮᩣ ᨸᩅᩣᩈᩴ ᨣᨧ᩠ᨨᨶ᩠ᨲᩮᩣ ᨽᩥᨠ᩠ᨡᩪᨶᩴ ᩈᨶ᩠ᨲᩥᨠᩮ ᨴᩪᨲᩴ ᨸᩣᩉᩮᩈᩥ – ‘‘ᩌᨣᨧ᩠ᨨᨶ᩠ᨲᩩ ᨽᨴᨶ᩠ᨲᩣ ᩅᩔᩣᩅᩣᩈᩥᨠᩴ ᨴᩔᩣᨾᩦ’’ᨲᩥ. ᨽᩥᨠ᩠ᨡᩪ – ‘ᩅᩔᩴᩅᩩᨭ᩠ᨮᩣᨶᩴ ᨽᨣᩅᨲᩣ ᩅᩔᩣᩅᩣᩈᩥᨠᩴ ᩋᨶᩩᨬ᩠ᨬᩣᨲ’ᨶ᩠ᨲᩥ, ᨠᩩᨠ᩠ᨠᩩᨧ᩠ᨧᩣᨿᨶ᩠ᨲᩣ ᨶᩣᨣᨾᩴᩈᩩ. ᩋᨳ ᨡᩮᩣ ᩈᩮᩣ ᨾᩉᩣᨾᨲ᩠ᨲᩮᩣ ᩏᨩ᩠ᨫᩣᨿᨲᩥ ᨡᩥᨿ᩠ᨿᨲᩥ ᩅᩥᨸᩣᨧᩮᨲᩥ – ‘‘ᨠᨳᨬ᩠ᩉᩥ ᨶᩣᨾ ᨽᨴᨶ᩠ᨲᩣ ᨾᨿᩣ ᨴᩪᨲᩮ ᨸᩉᩥᨲᩮ ᨶᩣᨣᨧ᩠ᨨᩥᩔᨶ᩠ᨲᩥ! ᩋᩉᨬ᩠ᩉᩥ ᩈᩮᨶᩣᨿ ᨣᨧ᩠ᨨᩣᨾᩥ. ᨴᩩᨩ᩠ᨩᩣᨶᩴ ᨩᩦᩅᩥᨲᩴ ᨴᩩᨩ᩠ᨩᩣᨶᩴ ᨾᩁᨱ’’ᨶ᩠ᨲᩥ. ᩋᩔᩮᩣᩈᩩᩴ ᨡᩮᩣ ᨽᩥᨠ᩠ᨡᩪ ᨲᩔ ᨾᩉᩣᨾᨲ᩠ᨲᩔ ᩏᨩ᩠ᨫᩣᨿᨶ᩠ᨲᩔ ᨡᩥᨿ᩠ᨿᨶ᩠ᨲᩔ ᩅᩥᨸᩣᨧᩮᨶ᩠ᨲᩔ. ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨽᨣᩅᨲᩮᩣ ᩑᨲᨾᨲ᩠ᨳᩴ ¶ ᩌᩁᩮᩣᨧᩮᩈᩩᩴ. ᩋᨳ ᨡᩮᩣ ᨽᨣᩅᩣ ᩑᨲᩈ᩠ᨾᩥᩴ ᨶᩥᨴᩣᨶᩮ ᩑᨲᩈ᩠ᨾᩥᩴ ᨸᨠᩁᨱᩮ ᨵᨾ᩠ᨾᩥᩴ ᨠᨳᩴ ᨠᨲ᩠ᩅᩣ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ – ‘‘ᩋᨶᩩᨩᩣᨶᩣᨾᩥ, ᨽᩥᨠ᩠ᨡᩅᩮ, ᩋᨧ᩠ᨧᩮᨠᨧᩦᩅᩁᩴ ᨸᨭᩥᨣ᩠ᨣᩉᩮᨲ᩠ᩅᩣ ᨶᩥᨠ᩠ᨡᩥᨸᩥᨲᩩ’’ᨶ᩠ᨲᩥ.

᪖᪔᪗. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨽᩥᨠ᩠ᨡᩪ – ‘‘ᨽᨣᩅᨲᩣ ᩋᨶᩩᨬ᩠ᨬᩣᨲᩴ ᩋᨧ᩠ᨧᩮᨠᨧᩦᩅᩁᩴ ᨸᨭᩥᨣ᩠ᨣᩉᩮᨲ᩠ᩅᩣ ᨶᩥᨠ᩠ᨡᩥᨸᩥᨲᩩ’’ᨶ᩠ᨲᩥ ¶ , ᩋᨧ᩠ᨧᩮᨠᨧᩦᩅᩁᩣᨶᩥ ᨸᨭᩥᨣ᩠ᨣᩉᩮᨲ᩠ᩅᩣ ᨧᩦᩅᩁᨠᩣᩃᩈᨾᨿᩴ ᩋᨲᩥᨠ᩠ᨠᩣᨾᩮᨶ᩠ᨲᩥ. ᨲᩣᨶᩥ ᨧᩦᩅᩁᩣᨶᩥ ᨧᩦᩅᩁᩅᩴᩈᩮ ᨽᨱ᩠ᨯᩥᨠᩣᨻᨴ᩠ᨵᩣᨶᩥ ᨲᩥᨭ᩠ᨮᨶ᩠ᨲᩥ. ᩋᨴ᩠ᨴᩈ ᨡᩮᩣ ᩌᨿᩈ᩠ᨾᩣ ᩌᨶᨶ᩠ᨴᩮᩣ ᩈᩮᨶᩣᩈᨶᨧᩣᩁᩥᨠᩴ ᩌᩉᩥᨱ᩠ᨯᨶ᩠ᨲᩮᩣ ᨲᩣᨶᩥ ᨧᩦᩅᩁᩣᨶᩥ ᨧᩦᩅᩁᩅᩴᩈᩮ ᨽᨱ᩠ᨯᩥᨠᩣᨻᨴ᩠ᨵᩣᨶᩥ. ᨲᩥᨭ᩠ᨮᨶ᩠ᨲᩮ ᨴᩥᩈ᩠ᩅᩣ ᨽᩥᨠ᩠ᨡᩪ ᩑᨲᨴᩅᩮᩣᨧ ¶ – ‘‘ᨠᩔᩥᨾᩣᨶᩥ, ᩌᩅᩩᩈᩮᩣ, ᨧᩦᩅᩁᩣᨶᩥ ᨧᩦᩅᩁᩅᩴᩈᩮ ᨽᨱ᩠ᨯᩥᨠᩣᨻᨴ᩠ᨵᩣᨶᩥ ᨲᩥᨭ᩠ᨮᨶ᩠ᨲᩦ’’ᨲᩥ? ‘‘ᩋᨾ᩠ᩉᩣᨠᩴ, ᩌᩅᩩᩈᩮᩣ, ᩋᨧ᩠ᨧᩮᨠᨧᩦᩅᩁᩣᨶᩦ’’ᨲᩥ. ‘‘ᨠᩦᩅᨧᩥᩁᩴ ᨸᨶᩣᩅᩩᩈᩮᩣ, ᩍᨾᩣᨶᩥ ᨧᩦᩅᩁᩣᨶᩥ ᨶᩥᨠ᩠ᨡᩥᨲ᩠ᨲᩣᨶᩦ’’ᨲᩥ? ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᩌᨿᩈ᩠ᨾᨲᩮᩣ ¶ ᩌᨶᨶ᩠ᨴᩔ ᨿᨳᩣᨶᩥᨠ᩠ᨡᩥᨲ᩠ᨲᩴ ᩌᩁᩮᩣᨧᩮᩈᩩᩴ. ᩌᨿᩈ᩠ᨾᩣ ᩌᨶᨶ᩠ᨴᩮᩣ ᩏᨩ᩠ᨫᩣᨿᨲᩥ ᨡᩥᨿ᩠ᨿᨲᩥ ᩅᩥᨸᩣᨧᩮᨲᩥ – ‘‘ᨠᨳᨬ᩠ᩉᩥ ᨶᩣᨾ ᨽᩥᨠ᩠ᨡᩪ ᩋᨧ᩠ᨧᩮᨠᨧᩦᩅᩁᩴ ᨸᨭᩥᨣ᩠ᨣᩉᩮᨲ᩠ᩅᩣ ᨧᩦᩅᩁᨠᩣᩃᩈᨾᨿᩴ ᩋᨲᩥᨠ᩠ᨠᩣᨾᩮᩔᨶ᩠ᨲᩦ’’ᨲᩥ! ᩋᨳ ᨡᩮᩣ ᩌᨿᩈ᩠ᨾᩣ ᩌᨶᨶ᩠ᨴᩮᩣ ᨲᩮ ᨽᩥᨠ᩠ᨡᩪ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩥ…ᨸᩮ… – ‘‘ᩈᨧ᩠ᨧᩴ ᨠᩥᩁ, ᨽᩥᨠ᩠ᨡᩅᩮ, ᨽᩥᨠ᩠ᨡᩪ ᩋᨧ᩠ᨧᩮᨠᨧᩦᩅᩁᩴ ᨸᨭᩥᨣ᩠ᨣᩉᩮᨲ᩠ᩅᩣ ᨧᩦᩅᩁᨠᩣᩃᩈᨾᨿᩴ ᩋᨲᩥᨠ᩠ᨠᩣᨾᩮᨶ᩠ᨲᩦ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ᨠᨳᨬ᩠ᩉᩥ ᨶᩣᨾ ᨲᩮ, ᨽᩥᨠ᩠ᨡᩅᩮ, ᨾᩮᩣᨥᨸᩩᩁᩥᩈᩣ ᩋᨧ᩠ᨧᩮᨠᨧᩦᩅᩁᩴ ᨸᨭᩥᨣ᩠ᨣᩉᩮᨲ᩠ᩅᩣ ᨧᩦᩅᩁᨠᩣᩃᩈᨾᨿᩴ ᩋᨲᩥᨠ᩠ᨠᩣᨾᩮᩔᨶ᩠ᨲᩥ! ᨶᩮᨲᩴ, ᨽᩥᨠ᩠ᨡᩅᩮ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪖᪔᪘. ‘‘ᨴᩈᩣᩉᩣᨶᩣᨣᨲᩴ ᨠᨲ᩠ᨲᩥᨠᨲᩮᨾᩣᩈᩥᨠᨸᩩᨱ᩠ᨱᨾᩴ ᨽᩥᨠ᩠ᨡᩩᨶᩮᩣ ᨸᨶᩮᩅ ᩋᨧ᩠ᨧᩮᨠᨧᩦᩅᩁᩴ ᩏᨸ᩠ᨸᨩ᩠ᨩᩮᨿ᩠ᨿ, ᩋᨧ᩠ᨧᩮᨠᩴ ᨾᨬ᩠ᨬᨾᩣᨶᩮᨶ ᨽᩥᨠ᩠ᨡᩩᨶᩣ ᨸᨭᩥᨣ᩠ᨣᩉᩮᨲᨻ᩠ᨻᩴ, ᨸᨭᩥᨣ᩠ᨣᩉᩮᨲ᩠ᩅᩣ ᨿᩣᩅ ᨧᩦᩅᩁᨠᩣᩃᩈᨾᨿᩴ ᨶᩥᨠ᩠ᨡᩥᨸᩥᨲᨻ᩠ᨻᩴ. ᨲᨲᩮᩣ ᨧᩮ ᩏᨲ᩠ᨲᩁᩥ ᨶᩥᨠ᩠ᨡᩥᨸᩮᨿ᩠ᨿ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

᪖᪔᪙. ᨴᩈᩣᩉᩣᨶᩣᨣᨲᨶ᩠ᨲᩥ ᨴᩈᩣᩉᩣᨶᩣᨣᨲᩣᨿ ᨸᩅᩣᩁᨱᩣᨿ.

ᨠᨲ᩠ᨲᩥᨠᨲᩮᨾᩣᩈᩥᨠᨸᩩᨱ᩠ᨱᨾᨶ᩠ᨲᩥ ᨸᩅᩣᩁᨱᩣ ᨠᨲ᩠ᨲᩥᨠᩣ ᩅᩩᨧ᩠ᨧᨲᩥ.

ᩋᨧ᩠ᨧᩮᨠᨧᩦᩅᩁᩴ ᨶᩣᨾ ᩈᩮᨶᩣᨿ ᩅᩣ ᨣᨶ᩠ᨲᩩᨠᩣᨾᩮᩣ ᩉᩮᩣᨲᩥ, ᨸᩅᩣᩈᩴ ᩅᩣ ᨣᨶ᩠ᨲᩩᨠᩣᨾᩮᩣ ᩉᩮᩣᨲᩥ, ᨣᩥᩃᩣᨶᩮᩣ ¶ ᩅᩣ ᩉᩮᩣᨲᩥ, ᨣᨻ᩠ᨽᩥᨶᩦ ᩅᩣ ᩉᩮᩣᨲᩥ, ᩋᩔᨴ᩠ᨵᩔ ᩅᩣ ᩈᨴ᩠ᨵᩣ ᩏᨸ᩠ᨸᨶ᩠ᨶᩣ ᩉᩮᩣᨲᩥ, ᩋᨸ᩠ᨸᩈᨶ᩠ᨶᩔ ᩅᩣ ¶ ᨸᩈᩣᨴᩮᩣ ᩏᨸ᩠ᨸᨶ᩠ᨶᩮᩣ ᩉᩮᩣᨲᩥ, ᩈᩮᩣ ᨧᩮ ᨽᩥᨠ᩠ᨡᩪᨶᩴ ᩈᨶ᩠ᨲᩥᨠᩮ ᨴᩪᨲᩴ ᨸᩉᩥᨱᩮᨿ᩠ᨿ – ‘‘ᩌᨣᨧ᩠ᨨᨶ᩠ᨲᩩ ᨽᨴᨶ᩠ᨲᩣ ᩅᩔᩣᩅᩣᩈᩥᨠᩴ ᨴᩔᩣᨾᩦ’’ᨲᩥ, ᩑᨲᩴ ᩋᨧ᩠ᨧᩮᨠᨧᩦᩅᩁᩴ ᨶᩣᨾ.

ᩋᨧ᩠ᨧᩮᨠᩴ ᨾᨬ᩠ᨬᨾᩣᨶᩮᨶ ᨽᩥᨠ᩠ᨡᩩᨶᩣ ᨸᨭᩥᨣ᩠ᨣᩉᩮᨲᨻ᩠ᨻᩴ ᨸᨭᩥᨣ᩠ᨣᩉᩮᨲ᩠ᩅᩣ ᨿᩣᩅ ᨧᩦᩅᩁᨠᩣᩃᩈᨾᨿᩴ ᨶᩥᨠ᩠ᨡᩥᨸᩥᨲᨻ᩠ᨻᨶ᩠ᨲᩥ ᩈᨬ᩠ᨬᩣᨱᩴ ᨠᨲ᩠ᩅᩣ ᨶᩥᨠ᩠ᨡᩥᨸᩥᨲᨻ᩠ᨻᩴ – ‘‘ᩍᨴᩴ ᩋᨧ᩠ᨧᩮᨠᨧᩦᩅᩁ’’ᨶ᩠ᨲᩥ.

ᨧᩦᩅᩁᨠᩣᩃᩈᨾᨿᩮᩣ ᨶᩣᨾ ᩋᨶᨲ᩠ᨳᨲᩮ ᨠᨳᩥᨶᩮ ᩅᩔᩣᨶᩔ ᨸᨧ᩠ᨨᩥᨾᩮᩣ ᨾᩣᩈᩮᩣ, ᩋᨲ᩠ᨳᨲᩮ ᨠᨳᩥᨶᩮ ᨸᨬ᩠ᨧᨾᩣᩈᩣ.

ᨲᨲᩮᩣ ¶ ᨧᩮ ᩏᨲ᩠ᨲᩁᩥ ᨶᩥᨠ᩠ᨡᩥᨸᩮᨿ᩠ᨿᩣᨲᩥ ᩋᨶᨲ᩠ᨳᨲᩮ ᨠᨳᩥᨶᩮ ᩅᩔᩣᨶᩔ ᨸᨧ᩠ᨨᩥᨾᩴ ᨴᩥᩅᩈᩴ ᩋᨲᩥᨠ᩠ᨠᩣᨾᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ [ᨶᩥᩔᨣ᩠ᨣᩥᨿᩴ ᩉᩮᩣᨲᩥ (ᩈ᩠ᨿᩣ.)]. ᩋᨲ᩠ᨳᨲᩮ ᨠᨳᩥᨶᩮ ᨠᨳᩥᨶᩩᨴ᩠ᨵᩣᩁᨴᩥᩅᩈᩴ ¶ ᩋᨲᩥᨠ᩠ᨠᩣᨾᩮᨲᩥ, ᨶᩥᩔᨣ᩠ᨣᩥᨿᩴ ᩉᩮᩣᨲᩥ. ᨶᩥᩔᨩ᩠ᨩᩥᨲᨻ᩠ᨻᩴ ᩈᨦ᩠ᨥᩔ ᩅᩣ ᨣᨱᩔ ᩅᩣ ᨸᩩᨣ᩠ᨣᩃᩔ ᩅᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᨶᩥᩔᨩ᩠ᨩᩥᨲᨻ᩠ᨻᩴ…ᨸᩮ… ᩍᨴᩴ ᨾᩮ, ᨽᨶ᩠ᨲᩮ, ᩋᨧ᩠ᨧᩮᨠᨧᩦᩅᩁᩴ ᨧᩦᩅᩁᨠᩣᩃᩈᨾᨿᩴ ᩋᨲᩥᨠ᩠ᨠᩣᨾᩥᨲᩴ ᨶᩥᩔᨣ᩠ᨣᩥᨿᩴ. ᩍᨾᩣᩉᩴ ᩈᨦ᩠ᨥᩔ ᨶᩥᩔᨩ᩠ᨩᩣᨾᩦᨲᩥ…ᨸᩮ… ᨴᨴᩮᨿ᩠ᨿᩣᨲᩥ…ᨸᩮ… ᨴᨴᩮᨿ᩠ᨿᩩᨶ᩠ᨲᩥ…ᨸᩮ… ᩌᨿᩈ᩠ᨾᨲᩮᩣ ᨴᨾ᩠ᨾᩦᨲᩥ.

᪖᪕᪐. ᩋᨧ᩠ᨧᩮᨠᨧᩦᩅᩁᩮ ᩋᨧ᩠ᨧᩮᨠᨧᩦᩅᩁᩈᨬ᩠ᨬᩦ ᨧᩦᩅᩁᨠᩣᩃᩈᨾᨿᩴ ᩋᨲᩥᨠ᩠ᨠᩣᨾᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨧ᩠ᨧᩮᨠᨧᩦᩅᩁᩮ ᩅᩮᨾᨲᩥᨠᩮᩣ ᨧᩦᩅᩁᨠᩣᩃᩈᨾᨿᩴ ᩋᨲᩥᨠ᩠ᨠᩣᨾᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨧ᩠ᨧᩮᨠᨧᩦᩅᩁᩮ ᩋᨶᨧ᩠ᨧᩮᨠᨧᩦᩅᩁᩈᨬ᩠ᨬᩦ ᨧᩦᩅᩁᨠᩣᩃᩈᨾᨿᩴ ᩋᨲᩥᨠ᩠ᨠᩣᨾᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨶᨵᩥᨭ᩠ᨮᩥᨲᩮ ᩋᨵᩥᨭ᩠ᨮᩥᨲᩈᨬ᩠ᨬᩦ ¶ …ᨸᩮ… ᩋᩅᩥᨠᨸ᩠ᨸᩥᨲᩮ ᩅᩥᨠᨸ᩠ᨸᩥᨲᩈᨬ᩠ᨬᩦ… ᩋᩅᩥᩔᨩ᩠ᨩᩥᨲᩮ ᩅᩥᩔᨩ᩠ᨩᩥᨲᩈᨬ᩠ᨬᩦ… ᩋᨶᨭ᩠ᨮᩮ ᨶᨭ᩠ᨮᩈᨬ᩠ᨬᩦ… ᩋᩅᩥᨶᨭ᩠ᨮᩮ ᩅᩥᨶᨭ᩠ᨮᩈᨬ᩠ᨬᩦ… ᩋᨴᨯ᩠ᨰᩮ ᨴᨯ᩠ᨰᩈᨬ᩠ᨬᩦ… ᩋᩅᩥᩃᩩᨲ᩠ᨲᩮ ᩅᩥᩃᩩᨲ᩠ᨲᩈᨬ᩠ᨬᩦ ᨧᩦᩅᩁᨠᩣᩃᩈᨾᨿᩴ ᩋᨲᩥᨠ᩠ᨠᩣᨾᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᨶᩥᩔᨣ᩠ᨣᩥᨿᩴ ᨧᩦᩅᩁᩴ ᩋᨶᩥᩔᨩ᩠ᨩᩥᨲ᩠ᩅᩣ ᨸᩁᩥᨽᩩᨬ᩠ᨩᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᨶᨧ᩠ᨧᩮᨠᨧᩦᩅᩁᩮ ᩋᨧ᩠ᨧᩮᨠᨧᩦᩅᩁᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᨶᨧ᩠ᨧᩮᨠᨧᩦᩅᩁᩮ ᩅᩮᨾᨲᩥᨠᩮᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᨶᨧ᩠ᨧᩮᨠᨧᩦᩅᩁᩮ ᩋᨶᨧ᩠ᨧᩮᨠᨧᩦᩅᩁᩈᨬ᩠ᨬᩦ, ᩋᨶᩣᨸᨲ᩠ᨲᩥ.

᪖᪕᪑. ᩋᨶᩣᨸᨲ᩠ᨲᩥ – ᩋᨶ᩠ᨲᩮᩣᩈᨾᨿᩮ ᩋᨵᩥᨭ᩠ᨮᩮᨲᩥ, ᩅᩥᨠᨸ᩠ᨸᩮᨲᩥ, ᩅᩥᩔᨩ᩠ᨩᩮᨲᩥ, ᨶᩔᨲᩥ, ᩅᩥᨶᩔᨲᩥ, ¶ ᨯᨿ᩠ᩉᨲᩥ, ᩋᨧ᩠ᨨᩥᨶ᩠ᨴᩥᨲ᩠ᩅᩣ ᨣᨱ᩠ᩉᨶ᩠ᨲᩥ, ᩅᩥᩔᩣᩈᩴ ᨣᨱ᩠ᩉᨶ᩠ᨲᩥ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᩋᨧ᩠ᨧᩮᨠᨧᩦᩅᩁᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᩋᨭ᩠ᨮᨾᩴ.

᪙. ᩈᩣᩈᨦ᩠ᨠᩈᩥᨠ᩠ᨡᩣᨸᨴᩴ

᪖᪕᪒. ᨲᩮᨶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ ᨩᩮᨲᩅᨶᩮ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᨽᩥᨠ᩠ᨡᩪ ᩅᩩᨲ᩠ᨳᩅᩔᩣ ᩌᩁᨬ᩠ᨬᨠᩮᩈᩩ ᩈᩮᨶᩣᩈᨶᩮᩈᩩ ᩅᩥᩉᩁᨶ᩠ᨲᩥ. ᨠᨲ᩠ᨲᩥᨠᨧᩮᩣᩁᨠᩣ ᨽᩥᨠ᩠ᨡᩪ – ‘‘ᩃᨴ᩠ᨵᩃᩣᨽᩣ’’ᨲᩥ ᨸᩁᩥᨸᩣᨲᩮᨶ᩠ᨲᩥ. ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ᩋᨳ ᨡᩮᩣ ᨽᨣᩅᩣ ᩑᨲᩈ᩠ᨾᩥᩴ ᨶᩥᨴᩣᨶᩮ ᩑᨲᩈ᩠ᨾᩥᩴ ᨸᨠᩁᨱᩮ ᨵᨾ᩠ᨾᩥᩴ ᨠᨳᩴ ᨠᨲ᩠ᩅᩣ ᨽᩥᨠ᩠ᨡᩪ ᩌᨾᨶ᩠ᨲᩮᩈᩥ – ‘‘ᩋᨶᩩᨩᩣᨶᩣᨾᩥ, ᨽᩥᨠ᩠ᨡᩅᩮ, ᩌᩁᨬ᩠ᨬᨠᩮᩈᩩ ᩈᩮᨶᩣᩈᨶᩮᩈᩩ ᩅᩥᩉᩁᨶ᩠ᨲᩮᨶ ᨲᩥᨱ᩠ᨱᩴ ᨧᩦᩅᩁᩣᨶᩴ ᩋᨬ᩠ᨬᨲᩁᩴ ᨧᩦᩅᩁᩴ ᩋᨶ᩠ᨲᩁᨥᩁᩮ ᨶᩥᨠ᩠ᨡᩥᨸᩥᨲᩩ’’ᨶ᩠ᨲᩥ.

ᨲᩮᨶ ¶ ᨡᩮᩣ ᨸᨶ ᩈᨾᨿᩮᨶ ᨽᩥᨠ᩠ᨡᩪ – ‘‘ᨽᨣᩅᨲᩣ ᩋᨶᩩᨬ᩠ᨬᩣᨲᩴ ᩌᩁᨬ᩠ᨬᨠᩮᩈᩩ ᩈᩮᨶᩣᩈᨶᩮᩈᩩ ᩅᩥᩉᩁᨶ᩠ᨲᩮᨶ ᨲᩥᨱ᩠ᨱᩴ ᨧᩦᩅᩁᩣᨶᩴ ¶ ᩋᨬ᩠ᨬᨲᩁᩴ ᨧᩦᩅᩁᩴ ᩋᨶ᩠ᨲᩁᨥᩁᩮ ᨶᩥᨠ᩠ᨡᩥᨸᩥᨲᩩ’’ᨶ᩠ᨲᩥ ᨲᩥᨱ᩠ᨱᩴ ᨧᩦᩅᩁᩣᨶᩴ ᩋᨬ᩠ᨬᨲᩁᩴ ᨧᩦᩅᩁᩴ ᩋᨶ᩠ᨲᩁᨥᩁᩮ ᨶᩥᨠ᩠ᨡᩥᨸᩥᨲ᩠ᩅᩣ ᩋᨲᩥᩁᩮᨠᨨᩣᩁᨲ᩠ᨲᩴ ᩅᩥᨸ᩠ᨸᩅᩈᨶ᩠ᨲᩥ. ᨲᩣᨶᩥ ᨧᩦᩅᩁᩣᨶᩥ ᨶᩔᨶ᩠ᨲᩥᨸᩥ ᩅᩥᨶᩔᨶ᩠ᨲᩥᨸᩥ ᨯᨿ᩠ᩉᨶ᩠ᨲᩥᨸᩥ ᩏᨶ᩠ᨴᩪᩁᩮᩉᩥᨸᩥ ᨡᨩ᩠ᨩᨶ᩠ᨲᩥ. ᨽᩥᨠ᩠ᨡᩪ ᨴᩩᨧ᩠ᨧᩮᩣᩊᩣ ᩉᩮᩣᨶ᩠ᨲᩥ ᩃᩪᨡᨧᩦᩅᩁᩣ. ᨽᩥᨠ᩠ᨡᩪ ᩑᩅᨾᩣᩉᩴᩈᩩ – ‘‘ᨠᩥᩔ ᨲᩩᨾ᩠ᩉᩮ, ᩌᩅᩩᩈᩮᩣ, ᨴᩩᨧ᩠ᨧᩮᩣᩊᩣ ᩃᩪᨡᨧᩦᩅᩁᩣ’’ᨲᩥ? ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨽᩥᨠ᩠ᨡᩪᨶᩴ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᨽᩥᨠ᩠ᨡᩪ ᨲᩥᨱ᩠ᨱᩴ ᨧᩦᩅᩁᩣᨶᩴ ᩋᨬ᩠ᨬᨲᩁᩴ ᨧᩦᩅᩁᩴ ᩋᨶ᩠ᨲᩁᨥᩁᩮ ᨶᩥᨠ᩠ᨡᩥᨸᩥᨲ᩠ᩅᩣ ᩋᨲᩥᩁᩮᨠᨨᩣᩁᨲ᩠ᨲᩴ ᩅᩥᨸ᩠ᨸᩅᩈᩥᩔᨶ᩠ᨲᩦ’’ᨲᩥ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨲᩮ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ᩈᨧ᩠ᨧᩴ ᨠᩥᩁ, ᨽᩥᨠ᩠ᨡᩅᩮ ¶ , ᨽᩥᨠ᩠ᨡᩪ ᨲᩥᨱ᩠ᨱᩴ ᨧᩦᩅᩁᩣᨶᩴ ᩋᨬ᩠ᨬᨲᩁᩴ ᨧᩦᩅᩁᩴ ᩋᨶ᩠ᨲᩁᨥᩁᩮ ᨶᩥᨠ᩠ᨡᩥᨸᩥᨲ᩠ᩅᩣ ᩋᨲᩥᩁᩮᨠᨨᩣᩁᨲ᩠ᨲᩴ ᩅᩥᨸ᩠ᨸᩅᩈᨶ᩠ᨲᩦᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ᨠᨳᨬ᩠ᩉᩥ ᨶᩣᨾ ᨲᩮ, ᨽᩥᨠ᩠ᨡᩅᩮ, ᨾᩮᩣᨥᨸᩩᩁᩥᩈᩣ ᨲᩥᨱ᩠ᨱᩴ ᨧᩦᩅᩁᩣᨶᩴ ᩋᨬ᩠ᨬᨲᩁᩴ ᨧᩦᩅᩁᩴ ᩋᨶ᩠ᨲᩁᨥᩁᩮ ᨶᩥᨠ᩠ᨡᩥᨸᩥᨲ᩠ᩅᩣ ᩋᨲᩥᩁᩮᨠᨨᩣᩁᨲ᩠ᨲᩴ ᩅᩥᨸ᩠ᨸᩅᩈᩥᩔᨶ᩠ᨲᩥ! ᨶᩮᨲᩴ, ᨽᩥᨠ᩠ᨡᩅᩮ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪖᪕᪓. ‘‘ᩏᨸᩅᩔᩴ ¶ ᨡᩮᩣ ᨸᨶ ᨠᨲ᩠ᨲᩥᨠᨸᩩᨱ᩠ᨱᨾᩴ ᨿᩣᨶᩥ ᨡᩮᩣ ᨸᨶ ᨲᩣᨶᩥ ᩌᩁᨬ᩠ᨬᨠᩣᨶᩥ ᩈᩮᨶᩣᩈᨶᩣᨶᩥ ᩈᩣᩈᨦ᩠ᨠᩈᨾ᩠ᨾᨲᩣᨶᩥ ᩈᨸ᩠ᨸᨭᩥᨽᨿᩣᨶᩥ ᨲᨳᩣᩁᩪᨸᩮᩈᩩ ᨽᩥᨠ᩠ᨡᩩ ᩈᩮᨶᩣᩈᨶᩮᩈᩩ ᩅᩥᩉᩁᨶ᩠ᨲᩮᩣ ᩌᨠᨦ᩠ᨡᨾᩣᨶᩮᩣ ᨲᩥᨱ᩠ᨱᩴ ᨧᩦᩅᩁᩣᨶᩴ ᩋᨬ᩠ᨬᨲᩁᩴ ᨧᩦᩅᩁᩴ ᩋᨶ᩠ᨲᩁᨥᩁᩮ ᨶᩥᨠ᩠ᨡᩥᨸᩮᨿ᩠ᨿ, ᩈᩥᨿᩣ ᨧ ᨲᩔ ᨽᩥᨠ᩠ᨡᩩᨶᩮᩣ ᨠᩮᩣᨧᩥᨴᩮᩅ ᨸᨧ᩠ᨧᨿᩮᩣ ᨲᩮᨶ ᨧᩦᩅᩁᩮᨶ ᩅᩥᨸ᩠ᨸᩅᩣᩈᩣᨿ. ᨨᩣᩁᨲ᩠ᨲᨸᩁᨾᩴ ᨲᩮᨶ ᨽᩥᨠ᩠ᨡᩩᨶᩣ ᨲᩮᨶ ᨧᩦᩅᩁᩮᨶ ᩅᩥᨸ᩠ᨸᩅᩈᩥᨲᨻ᩠ᨻᩴ. ᨲᨲᩮᩣ ᨧᩮ ᩏᨲ᩠ᨲᩁᩥ ᩅᩥᨸ᩠ᨸᩅᩈᩮᨿ᩠ᨿ, ᩋᨬ᩠ᨬᨲᩕ ᨽᩥᨠ᩠ᨡᩩᩈᨾ᩠ᨾᩩᨲᩥᨿᩣ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

᪖᪕᪔. ᩏᨸᩅᩔᩴ ᨡᩮᩣ ᨸᨶᩣᨲᩥ ᩅᩩᨭ᩠ᨮᩅᩔᩣᨶᩴ.

ᨠᨲ᩠ᨲᩥᨠᨸᩩᨱ᩠ᨱᨾᨶ᩠ᨲᩥ ᨠᨲ᩠ᨲᩥᨠᨧᩣᨲᩩᨾᩣᩈᩥᨶᩦ ᩅᩩᨧ᩠ᨧᨲᩥ.

[ᨸᩣᨧᩥ. ᪕᪗᪓] ᨿᩣᨶᩥ ᨡᩮᩣ ᨸᨶ ᨲᩣᨶᩥ ᩌᩁᨬ᩠ᨬᨠᩣᨶᩥ ᩈᩮᨶᩣᩈᨶᩣᨶᩦᨲᩥ ᩌᩁᨬ᩠ᨬᨠᩴ ᨶᩣᨾ ᩈᩮᨶᩣᩈᨶᩴ ᨸᨬ᩠ᨧᨵᨶᩩᩈᨲᩥᨠᩴ ᨸᨧ᩠ᨨᩥᨾᩴ.

[ᨸᩣᨧᩥ. ᪕᪗᪓] ᩈᩣᩈᨦ᩠ᨠᩴ ᨶᩣᨾ ᩌᩁᩣᨾᩮ ᩌᩁᩣᨾᩪᨸᨧᩣᩁᩮ ᨧᩮᩣᩁᩣᨶᩴ ᨶᩥᩅᩥᨭ᩠ᨮᩮᩣᨠᩣᩈᩮᩣ ᨴᩥᩔᨲᩥ, ᨽᩩᨲ᩠ᨲᩮᩣᨠᩣᩈᩮᩣ ᨴᩥᩔᨲᩥ, ᨮᩥᨲᩮᩣᨠᩣᩈᩮᩣ ᨴᩥᩔᨲᩥ, ᨶᩥᩈᩥᨶ᩠ᨶᩮᩣᨠᩣᩈᩮᩣ ᨴᩥᩔᨲᩥ, ᨶᩥᨸᨶ᩠ᨶᩮᩣᨠᩣᩈᩮᩣ ᨴᩥᩔᨲᩥ.

[ᨸᩣᨧᩥ. ᪕᪗᪓] ᩈᨸ᩠ᨸᨭᩥᨽᨿᩴ ¶ ᨶᩣᨾ ᩌᩁᩣᨾᩮ ᩌᩁᩣᨾᩪᨸᨧᩣᩁᩮ ᨧᩮᩣᩁᩮᩉᩥ ᨾᨶᩩᩔᩣ ᩉᨲᩣ ᨴᩥᩔᨶ᩠ᨲᩥ, ᩅᩥᩃᩩᨲ᩠ᨲᩣ ᨴᩥᩔᨶ᩠ᨲᩥ, ᩌᨠᩮᩣᨭᩥᨲᩣ ᨴᩥᩔᨶ᩠ᨲᩥ ¶ .

[ᨸᩣᨧᩥ. ᪕᪗᪓] ᨲᨳᩣᩁᩪᨸᩮᩈᩩ ᨽᩥᨠ᩠ᨡᩩ ᩈᩮᨶᩣᩈᨶᩮᩈᩩ ᩅᩥᩉᩁᨶ᩠ᨲᩮᩣᨲᩥ ᩑᩅᩁᩪᨸᩮᩈᩩ ᨽᩥᨠ᩠ᨡᩩ ᩈᩮᨶᩣᩈᨶᩮᩈᩩ ᩅᩥᩉᩁᨶ᩠ᨲᩮᩣ.

ᩌᨠᨦ᩠ᨡᨾᩣᨶᩮᩣᨲᩥ ¶ ᩍᨧ᩠ᨨᨾᩣᨶᩮᩣ.

ᨲᩥᨱ᩠ᨱᩴ ᨧᩦᩅᩁᩣᨶᩴ ᩋᨬ᩠ᨬᨲᩁᩴ ᨧᩦᩅᩁᨶ᩠ᨲᩥ ᩈᨦ᩠ᨥᩣᨭᩥᩴ ᩅᩣ ᩏᨲ᩠ᨲᩁᩣᩈᨦ᩠ᨣᩴ ᩅᩣ ᩋᨶ᩠ᨲᩁᩅᩣᩈᨠᩴ ᩅᩣ.

ᩋᨶ᩠ᨲᩁᨥᩁᩮ ᨶᩥᨠ᩠ᨡᩥᨸᩮᨿ᩠ᨿᩣᨲᩥ ᩈᨾᨶ᩠ᨲᩣ ᨣᩮᩣᨧᩁᨣᩣᨾᩮ ᨶᩥᨠ᩠ᨡᩥᨸᩮᨿ᩠ᨿ.

ᩈᩥᨿᩣ ᨧ ᨲᩔ ᨽᩥᨠ᩠ᨡᩩᨶᩮᩣ ᨠᩮᩣᨧᩥᨴᩮᩅ ᨸᨧ᩠ᨧᨿᩮᩣ ᨲᩮᨶ ᨧᩦᩅᩁᩮᨶ ᩅᩥᨸ᩠ᨸᩅᩣᩈᩣᨿᩣᨲᩥ ᩈᩥᨿᩣ ᨸᨧ᩠ᨧᨿᩮᩣ ᩈᩥᨿᩣ ᨠᩁᨱᩦᨿᩴ.

ᨨᩣᩁᨲ᩠ᨲᨸᩁᨾᩴ ¶ ᨲᩮᨶ ᨽᩥᨠ᩠ᨡᩩᨶᩣ ᨲᩮᨶ ᨧᩦᩅᩁᩮᨶ ᩅᩥᨸ᩠ᨸᩅᩈᩥᨲᨻ᩠ᨻᨶ᩠ᨲᩥ ᨨᩣᩁᨲ᩠ᨲᨸᩁᨾᨲᩣ ᩅᩥᨸ᩠ᨸᩅᩈᩥᨲᨻ᩠ᨻᩴ.

ᩋᨬ᩠ᨬᨲᩕ ᨽᩥᨠ᩠ᨡᩩᩈᨾ᩠ᨾᩩᨲᩥᨿᩣᨲᩥ ᨮᨸᩮᨲ᩠ᩅᩣ ᨽᩥᨠ᩠ᨡᩩᩈᨾ᩠ᨾᩩᨲᩥᩴ.

ᨲᨲᩮᩣ ᨧᩮ ᩏᨲ᩠ᨲᩁᩥ ᩅᩥᨸ᩠ᨸᩅᩈᩮᨿ᩠ᨿᩣᨲᩥ ᩈᨲ᩠ᨲᨾᩮ ᩋᩁᩩᨱᩩᨣ᩠ᨣᨾᨶᩮ ᨶᩥᩔᨣ᩠ᨣᩥᨿᩴ ᩉᩮᩣᨲᩥ. ᨶᩥᩔᨩ᩠ᨩᩥᨲᨻ᩠ᨻᩴ ᩈᨦ᩠ᨥᩔ ᩅᩣ ᨣᨱᩔ ᩅᩣ ᨸᩩᨣ᩠ᨣᩃᩔ ᩅᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᨶᩥᩔᨩ᩠ᨩᩥᨲᨻ᩠ᨻᩴ. ‘‘ᩍᨴᩴ ᨾᩮ, ᨽᨶ᩠ᨲᩮ, ᨧᩦᩅᩁᩴ ᩋᨲᩥᩁᩮᨠᨨᩣᩁᨲ᩠ᨲᩴ ᩅᩥᨸ᩠ᨸᩅᩩᨭ᩠ᨮᩴ, ᩋᨬ᩠ᨬᨲᩕ ᨽᩥᨠ᩠ᨡᩩᩈᨾ᩠ᨾᩩᨲᩥᨿᩣ, ᨶᩥᩔᨣ᩠ᨣᩥᨿᩴ. ᩍᨾᩣᩉᩴ ᩈᨦ᩠ᨥᩔ ᨶᩥᩔᨩ᩠ᨩᩣᨾᩦ’’ᨲᩥ…ᨸᩮ… ᨴᨴᩮᨿ᩠ᨿᩣᨲᩥ…ᨸᩮ… ᨴᨴᩮᨿ᩠ᨿᩩᨶ᩠ᨲᩥ…ᨸᩮ… ᩌᨿᩈ᩠ᨾᨲᩮᩣ ᨴᨾ᩠ᨾᩦᨲᩥ.

᪖᪕᪕. ᩋᨲᩥᩁᩮᨠᨨᩣᩁᨲ᩠ᨲᩮ ᩋᨲᩥᩁᩮᨠᩈᨬ᩠ᨬᩦ ᩅᩥᨸ᩠ᨸᩅᩈᨲᩥ, ᩋᨬ᩠ᨬᨲᩕ ᨽᩥᨠ᩠ᨡᩩᩈᨾ᩠ᨾᩩᨲᩥᨿᩣ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨲᩥᩁᩮᨠᨨᩣᩁᨲ᩠ᨲᩮ ᩅᩮᨾᨲᩥᨠᩮᩣ ᩅᩥᨸ᩠ᨸᩅᩈᨲᩥ, ᩋᨬ᩠ᨬᨲᩕ ᨽᩥᨠ᩠ᨡᩩᩈᨾ᩠ᨾᩩᨲᩥᨿᩣ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨲᩥᩁᩮᨠᨨᩣᩁᨲ᩠ᨲᩮ ᩐᨶᨠᩈᨬ᩠ᨬᩦ ᩅᩥᨸ᩠ᨸᩅᩈᨲᩥ, ᩋᨬ᩠ᨬᨲᩕ ᨽᩥᨠ᩠ᨡᩩᩈᨾ᩠ᨾᩩᨲᩥᨿᩣ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ. ᩋᨸ᩠ᨸᨧ᩠ᨧᩩᨴ᩠ᨵᨭᩮ ᨸᨧ᩠ᨧᩩᨴ᩠ᨵᨭᩈᨬ᩠ᨬᩦ…ᨸᩮ… ᩋᩅᩥᩔᨩ᩠ᨩᩥᨲᩮ ᩅᩥᩔᨩ᩠ᨩᩥᨲᩈᨬ᩠ᨬᩦ… ᩋᨶᨭ᩠ᨮᩮ ᨶᨭ᩠ᨮᩈᨬ᩠ᨬᩦ… ᩋᩅᩥᨶᨭ᩠ᨮᩮ ᩅᩥᨶᨭ᩠ᨮᩈᨬ᩠ᨬᩦ… ᩋᨴᨯ᩠ᨰᩮ ᨴᨯ᩠ᨰᩈᨬ᩠ᨬᩦ ¶ … ᩋᩅᩥᩃᩩᨲ᩠ᨲᩮ ᩅᩥᩃᩩᨲ᩠ᨲᩈᨬ᩠ᨬᩦ ᩅᩥᨸ᩠ᨸᩅᩈᨲᩥ, ᩋᨬ᩠ᨬᨲᩕ ᨽᩥᨠ᩠ᨡᩩᩈᨾ᩠ᨾᩩᨲᩥᨿᩣ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᨶᩥᩔᨣ᩠ᨣᩥᨿᩴ ᨧᩦᩅᩁᩴ ᩋᨶᩥᩔᨩ᩠ᨩᩥᨲ᩠ᩅᩣ ᨸᩁᩥᨽᩩᨬ᩠ᨩᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩐᨶᨠᨨᩣᩁᨲ᩠ᨲᩮ ᩋᨲᩥᩁᩮᨠᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩐᨶᨠᨨᩣᩁᨲ᩠ᨲᩮ ᩅᩮᨾᨲᩥᨠᩮᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩐᨶᨠᨨᩣᩁᨲ᩠ᨲᩮ ᩐᨶᨠᩈᨬ᩠ᨬᩦ, ᩋᨶᩣᨸᨲ᩠ᨲᩥ.

᪖᪕᪖. ᩋᨶᩣᨸᨲ᩠ᨲᩥ ¶ – ᨨᩣᩁᨲ᩠ᨲᩴ ᩅᩥᨸ᩠ᨸᩅᩈᨲᩥ, ᩐᨶᨠᨨᩣᩁᨲ᩠ᨲᩴ ᩅᩥᨸ᩠ᨸᩅᩈᨲᩥ, ᨨᩣᩁᨲ᩠ᨲᩴ ᩅᩥᨸ᩠ᨸᩅᩈᩥᨲ᩠ᩅᩣ ᨸᩩᨶ ᨣᩣᨾᩈᩦᨾᩴ ᩒᨠ᩠ᨠᨾᩥᨲ᩠ᩅᩣ ᩅᩈᩥᨲ᩠ᩅᩣ ᨸᨠ᩠ᨠᨾᨲᩥ, ᩋᨶ᩠ᨲᩮᩣ ᨨᩣᩁᨲ᩠ᨲᩴ ᨸᨧ᩠ᨧᩩᨴ᩠ᨵᩁᨲᩥ, ᩅᩥᩔᨩ᩠ᨩᩮᨲᩥ, ᨶᩔᨲᩥ, ᩅᩥᨶᩔᨲᩥ, ᨯᨿ᩠ᩉᨲᩥ, ᩋᨧ᩠ᨨᩥᨶ᩠ᨴᩥᨲ᩠ᩅᩣ ᨣᨱ᩠ᩉᨶ᩠ᨲᩥ, ᩅᩥᩔᩣᩈᩴ ᨣᨱ᩠ᩉᨶ᩠ᨲᩥ, ᨽᩥᨠ᩠ᨡᩩᩈᨾ᩠ᨾᩩᨲᩥᨿᩣ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᩈᩣᩈᨦ᩠ᨠᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨶᩅᨾᩴ.

᪑᪐. ᨸᩁᩥᨱᨲᩈᩥᨠ᩠ᨡᩣᨸᨴᩴ

᪖᪕᪗. ᨲᩮᨶ ¶ ¶ ¶ ᩈᨾᨿᩮᨶ ᨻᩩᨴ᩠ᨵᩮᩣ ᨽᨣᩅᩣ ᩈᩣᩅᨲ᩠ᨳᩥᨿᩴ ᩅᩥᩉᩁᨲᩥ ᨩᩮᨲᩅᨶᩮ ᩋᨶᩣᨳᨸᩥᨱ᩠ᨯᩥᨠᩔ ᩌᩁᩣᨾᩮ. ᨲᩮᨶ ᨡᩮᩣ ᨸᨶ ᩈᨾᨿᩮᨶ ᩈᩣᩅᨲ᩠ᨳᩥᨿᩴ ᩋᨬ᩠ᨬᨲᩁᩔ ᨸᩪᨣᩔ ᩈᨦ᩠ᨥᩔ ᩈᨧᩦᩅᩁᨽᨲ᩠ᨲᩴ ᨸᨭᩥᨿᨲ᩠ᨲᩴ ᩉᩮᩣᨲᩥ – ‘‘ᨽᩮᩣᨩᩮᨲ᩠ᩅᩣ ᨧᩦᩅᩁᩮᨶ ᩋᨧ᩠ᨨᩣᨴᩮᩔᩣᨾᩣ’’ᨲᩥ. ᩋᨳ ᨡᩮᩣ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᨿᩮᨶ ᩈᩮᩣ ᨸᩪᨣᩮᩣ ᨲᩮᨶᩩᨸᩈᨦ᩠ᨠᨾᩥᩴᩈᩩ; ᩏᨸᩈᨦ᩠ᨠᨾᩥᨲ᩠ᩅᩣ ᨲᩴ ᨸᩪᨣᩴ ᩑᨲᨴᩅᩮᩣᨧᩩᩴ – ‘‘ᨴᩮᨳᩣᩅᩩᩈᩮᩣ, ᩋᨾ᩠ᩉᩣᨠᩴ ᩍᨾᩣᨶᩥ ᨧᩦᩅᩁᩣᨶᩦ’’ᨲᩥ. ‘‘ᨶ ᨾᨿᩴ, ᨽᨶ᩠ᨲᩮ, ᨴᩔᩣᨾ. ᩋᨾ᩠ᩉᩣᨠᩴ ᩈᨦ᩠ᨥᩔ ᩋᨶᩩᩅᩔᩴ ᩈᨧᩦᩅᩁᨽᩥᨠ᩠ᨡᩣ ᨸᨬ᩠ᨬᨲ᩠ᨲᩣ’’ᨲᩥ. ‘‘ᨻᩉᩪ, ᩌᩅᩩᩈᩮᩣ, ᩈᨦ᩠ᨥᩔ ᨴᩣᨿᨠᩣ, ᨻᩉᩪ ᩈᨦ᩠ᨥᩔ ᨽᨲ᩠ᨲᩣ [ᨽᨴ᩠ᨴᩣ (ᨠ.)]. ᨾᨿᩴ ᨲᩩᨾ᩠ᩉᩮ ᨶᩥᩔᩣᨿ ᨲᩩᨾ᩠ᩉᩮ ᩈᨾ᩠ᨸᩔᨶ᩠ᨲᩣ ᩍᨵ ᩅᩥᩉᩁᩣᨾ. ᨲᩩᨾ᩠ᩉᩮ ᨧᩮ ᩋᨾ᩠ᩉᩣᨠᩴ ᨶ ᨴᩔᨳ, ᩋᨳ ᨠᩮᩣ ᨧᩁᩉᩥ ᩋᨾ᩠ᩉᩣᨠᩴ ᨴᩔᨲᩥ? ᨴᩮᨳᩣᩅᩩᩈᩮᩣ, ᩋᨾ᩠ᩉᩣᨠᩴ ᩍᨾᩣᨶᩥ ᨧᩦᩅᩁᩣᨶᩦ’’ᨲᩥ. ᩋᨳ ᨡᩮᩣ ᩈᩮᩣ ᨸᩪᨣᩮᩣ ᨨᨻ᩠ᨻᨣ᩠ᨣᩥᨿᩮᩉᩥ ᨽᩥᨠ᩠ᨡᩪᩉᩥ ᨶᩥᨸ᩠ᨸᩦᩊᩥᨿᨾᩣᨶᩮᩣ ᨿᨳᩣᨸᨭᩥᨿᨲ᩠ᨲᩴ ᨧᩦᩅᩁᩴ ᨨᨻ᩠ᨻᨣ᩠ᨣᩥᨿᩣᨶᩴ ᨽᩥᨠ᩠ᨡᩪᨶᩴ ᨴᨲ᩠ᩅᩣ ᩈᨦ᩠ᨥᩴ ᨽᨲ᩠ᨲᩮᨶ ᨸᩁᩥᩅᩥᩈᩥ. ᨿᩮ ᨲᩮ ᨽᩥᨠ᩠ᨡᩪ ᨩᩣᨶᨶ᩠ᨲᩥ ᩈᨦ᩠ᨥᩔ ᩈᨧᩦᩅᩁᨽᨲ᩠ᨲᩴ ᨸᨭᩥᨿᨲ᩠ᨲᩴ, ᨶ ᨧ ᨩᩣᨶᨶ᩠ᨲᩥ ᨨᨻ᩠ᨻᨣ᩠ᨣᩥᨿᩣᨶᩴ ᨽᩥᨠ᩠ᨡᩪᨶᩴ ᨴᩥᨶ᩠ᨶᨶ᩠ᨲᩥ, ᨲᩮ ᩑᩅᨾᩣᩉᩴᩈᩩ – ‘‘ᩒᨱᩮᩣᨩᩮᨳᩣᩅᩩᩈᩮᩣ, ᩈᨦ᩠ᨥᩔ ᨧᩦᩅᩁ’’ᨶ᩠ᨲᩥ. ‘‘ᨶᨲ᩠ᨳᩥ, ᨽᨶ᩠ᨲᩮ. ᨿᨳᩣᨸᨭᩥᨿᨲ᩠ᨲᩴ ᨧᩦᩅᩁᩴ ᩋᨿ᩠ᨿᩣ ᨨᨻ᩠ᨻᨣ᩠ᨣᩥᨿᩣ ᩋᨲ᩠ᨲᨶᩮᩣ ᨸᩁᩥᨱᩣᨾᩮᩈᩩ’’ᨶ᩠ᨲᩥ. ᨿᩮ ᨲᩮ ᨽᩥᨠ᩠ᨡᩪ ᩋᨸ᩠ᨸᩥᨧ᩠ᨨᩣ… ᨲᩮ ᩏᨩ᩠ᨫᩣᨿᨶ᩠ᨲᩥ ᨡᩥᨿ᩠ᨿᨶ᩠ᨲᩥ ᩅᩥᨸᩣᨧᩮᨶ᩠ᨲᩥ – ‘‘ᨠᨳᨬ᩠ᩉᩥ ᨶᩣᨾ ᨨᨻ᩠ᨻᨣ᩠ᨣᩥᨿᩣ ᨽᩥᨠ᩠ᨡᩪ ᨩᩣᨶᩴ ᩈᨦ᩠ᨥᩥᨠᩴ ᩃᩣᨽᩴ ᨸᩁᩥᨱᨲᩴ ᩋᨲ᩠ᨲᨶᩮᩣ ᨸᩁᩥᨱᩣᨾᩮᩔᨶ᩠ᨲᩦ’’ᨲᩥ ¶ ! ᩋᨳ ᨡᩮᩣ ᨲᩮ ᨽᩥᨠ᩠ᨡᩪ ᨨᨻ᩠ᨻᨣ᩠ᨣᩥᨿᩮ ᨽᩥᨠ᩠ᨡᩪ ᩋᨶᩮᨠᨸᩁᩥᨿᩣᨿᩮᨶ ᩅᩥᨣᩁᩉᩥᨲ᩠ᩅᩣ ᨽᨣᩅᨲᩮᩣ ᩑᨲᨾᨲ᩠ᨳᩴ ᩌᩁᩮᩣᨧᩮᩈᩩᩴ…ᨸᩮ… ‘‘ᩈᨧ᩠ᨧᩴ ᨠᩥᩁ ᨲᩩᨾ᩠ᩉᩮ, ᨽᩥᨠ᩠ᨡᩅᩮ, ᨩᩣᨶᩴ ᩈᨦ᩠ᨥᩥᨠᩴ ᩃᩣᨽᩴ ᨸᩁᩥᨱᨲᩴ ᩋᨲ᩠ᨲᨶᩮᩣ ᨸᩁᩥᨱᩣᨾᩮᨳᩣ’’ᨲᩥ? ‘‘ᩈᨧ᩠ᨧᩴ, ᨽᨣᩅᩣ’’ᨲᩥ. ᩅᩥᨣᩁᩉᩥ ᨻᩩᨴ᩠ᨵᩮᩣ ᨽᨣᩅᩣ…ᨸᩮ… ᨠᨳᨬ᩠ᩉᩥ ᨶᩣᨾ ᨲᩩᨾ᩠ᩉᩮ, ᨾᩮᩣᨥᨸᩩᩁᩥᩈᩣ, ᨩᩣᨶᩴ ᩈᨦ᩠ᨥᩥᨠᩴ ᩃᩣᨽᩴ ᨸᩁᩥᨱᨲᩴ ᩋᨲ᩠ᨲᨶᩮᩣ ¶ ᨸᩁᩥᨱᩣᨾᩮᩔᨳ! ᨶᩮᨲᩴ, ᨾᩮᩣᨥᨸᩩᩁᩥᩈᩣ, ᩋᨸ᩠ᨸᩈᨶ᩠ᨶᩣᨶᩴ ᩅᩣ ᨸᩈᩣᨴᩣᨿ…ᨸᩮ… ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᩍᨾᩴ ᩈᩥᨠ᩠ᨡᩣᨸᨴᩴ ᩏᨴ᩠ᨴᩥᩈᩮᨿ᩠ᨿᩣᨳ –

᪖᪕᪘. ‘‘ᨿᩮᩣ ᨸᨶ ᨽᩥᨠ᩠ᨡᩩ ᨩᩣᨶᩴ ᩈᨦ᩠ᨥᩥᨠᩴ ᩃᩣᨽᩴ ᨸᩁᩥᨱᨲᩴ ᩋᨲ᩠ᨲᨶᩮᩣ ᨸᩁᩥᨱᩣᨾᩮᨿ᩠ᨿ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿ’’ᨶ᩠ᨲᩥ.

᪖᪕᪙. ᨿᩮᩣ ᨸᨶᩣᨲᩥ ᨿᩮᩣ ᨿᩣᨴᩥᩈᩮᩣ…ᨸᩮ… ᨽᩥᨠ᩠ᨡᩪᨲᩥ…ᨸᩮ… ᩋᨿ ᩍᨾᩈ᩠ᨾᩥᩴ ᩋᨲ᩠ᨳᩮ ᩋᨵᩥᨸ᩠ᨸᩮᨲᩮᩣ ᨽᩥᨠ᩠ᨡᩪᨲᩥ.

[ᨸᩣᨧᩥ. ᪔᪙᪑] ᨩᩣᨶᩣᨲᩥ ¶ ᨶᩣᨾ ᩈᩣᨾᩴ ᩅᩣ ᨩᩣᨶᩣᨲᩥ ᩋᨬ᩠ᨬᩮ ᩅᩣ ᨲᩔ ᩌᩁᩮᩣᨧᩮᨶ᩠ᨲᩥ ᩈᩮᩣ ᩅᩣ ᩌᩁᩮᩣᨧᩮᨲᩥ.

[ᨸᩣᨧᩥ. ᪔᪙᪑] ᩈᨦ᩠ᨥᩥᨠᩴ ¶ ᨶᩣᨾ ᩈᨦ᩠ᨥᩔ ᨴᩥᨶ᩠ᨶᩴ ᩉᩮᩣᨲᩥ ᨸᩁᩥᨧ᩠ᨧᨲ᩠ᨲᩴ.

[ᨸᩣᨧᩥ. ᪔᪙᪑] ᩃᩣᨽᩮᩣ ᨶᩣᨾ ᨧᩦᩅᩁᨸᩥᨱ᩠ᨯᨸᩣᨲᩈᩮᨶᩣᩈᨶᨣᩥᩃᩣᨶᨸ᩠ᨸᨧ᩠ᨧᨿᨽᩮᩈᨩ᩠ᨩᨸᩁᩥᨠ᩠ᨡᩣᩁᩣ. ᩋᨶ᩠ᨲᨾᩈᩮᩣ ᨧᩩᨱ᩠ᨱᨸᩥᨱ᩠ᨯᩮᩣᨸᩥ, ᨴᨶ᩠ᨲᨠᨭ᩠ᨮᨾ᩠ᨸᩥ, ᨴᩈᩥᨠᩈᩩᨲ᩠ᨲᨾ᩠ᨸᩥ.

[ᨸᩣᨧᩥ. ᪔᪙᪑] ᨸᩁᩥᨱᨲᩴ ᨶᩣᨾ ᨴᩔᩣᨾ ᨠᩁᩥᩔᩣᨾᩣᨲᩥ ᩅᩣᨧᩣ ᨽᩥᨶ᩠ᨶᩣ ᩉᩮᩣᨲᩥ.

ᩋᨲ᩠ᨲᨶᩮᩣ ᨸᩁᩥᨱᩣᨾᩮᨲᩥ, ᨸᨿᩮᩣᨣᩮ ᨴᩩᨠ᩠ᨠᨭᩴ. ᨸᨭᩥᩃᩣᨽᩮᨶ ᨶᩥᩔᨣ᩠ᨣᩥᨿᩴ ᩉᩮᩣᨲᩥ. ᨶᩥᩔᨩ᩠ᨩᩥᨲᨻ᩠ᨻᩴ ᩈᨦ᩠ᨥᩔ ᩅᩣ ᨣᨱᩔ ᩅᩣ ᨸᩩᨣ᩠ᨣᩃᩔ ᩅᩣ. ᩑᩅᨬ᩠ᨧ ᨸᨶ, ᨽᩥᨠ᩠ᨡᩅᩮ, ᨶᩥᩔᨩ᩠ᨩᩥᨲᨻ᩠ᨻᩴ…ᨸᩮ… ᩍᨴᩴ ᨾᩮ, ᨽᨶ᩠ᨲᩮ, ᨩᩣᨶᩴ ᩈᨦ᩠ᨥᩥᨠᩴ ᩃᩣᨽᩴ ᨸᩁᩥᨱᨲᩴ ᩋᨲ᩠ᨲᨶᩮᩣ ᨸᩁᩥᨱᩣᨾᩥᨲᩴ ᨶᩥᩔᨣ᩠ᨣᩥᨿᩴ. ᩍᨾᩣᩉᩴ ᩈᨦ᩠ᨥᩔ ᨶᩥᩔᨩ᩠ᨩᩣᨾᩦᨲᩥ…ᨸᩮ… ᨴᨴᩮᨿ᩠ᨿᩣᨲᩥ…ᨸᩮ… ᨴᨴᩮᨿ᩠ᨿᩩᨶ᩠ᨲᩥ…ᨸᩮ… ᩌᨿᩈ᩠ᨾᨲᩮᩣ ᨴᨾ᩠ᨾᩦᨲᩥ.

᪖᪖᪐. ᨸᩁᩥᨱᨲᩮ ¶ ᨸᩁᩥᨱᨲᩈᨬ᩠ᨬᩦ ᩋᨲ᩠ᨲᨶᩮᩣ ᨸᩁᩥᨱᩣᨾᩮᨲᩥ, ᨶᩥᩔᨣ᩠ᨣᩥᨿᩴ ᨸᩣᨧᩥᨲ᩠ᨲᩥᨿᩴ.

ᨸᩁᩥᨱᨲᩮ ᩅᩮᨾᨲᩥᨠᩮᩣ ᩋᨲ᩠ᨲᨶᩮᩣ ᨸᩁᩥᨱᩣᨾᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨸᩁᩥᨱᨲᩮ ᩋᨸᩁᩥᨱᨲᩈᨬ᩠ᨬᩦ ᩋᨲ᩠ᨲᨶᩮᩣ ᨸᩁᩥᨱᩣᨾᩮᨲᩥ, ᩋᨶᩣᨸᨲ᩠ᨲᩥ. ᩈᨦ᩠ᨥᩔ ᨸᩁᩥᨱᨲᩴ ᩋᨬ᩠ᨬᩈᨦ᩠ᨥᩔ ᩅᩣ ᨧᩮᨲᩥᨿᩔ ᩅᩣ ᨸᩁᩥᨱᩣᨾᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨧᩮᨲᩥᨿᩔ ᨸᩁᩥᨱᨲᩴ ᩋᨬ᩠ᨬᨧᩮᨲᩥᨿᩔ ᩅᩣ ᩈᨦ᩠ᨥᩔ ᩅᩣ ᨸᩩᨣ᩠ᨣᩃᩔ ᩅᩣ ᨸᩁᩥᨱᩣᨾᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᨸᩩᨣ᩠ᨣᩃᩔ ᨸᩁᩥᨱᨲᩴ ᩋᨬ᩠ᨬᨸᩩᨣ᩠ᨣᩃᩔ ᩅᩣ ᩈᨦ᩠ᨥᩔ ᩅᩣ ᨧᩮᨲᩥᨿᩔ ᩅᩣ ᨸᩁᩥᨱᩣᨾᩮᨲᩥ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᨸᩁᩥᨱᨲᩮ ᨸᩁᩥᨱᨲᩈᨬ᩠ᨬᩦ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᨸᩁᩥᨱᨲᩮ ᩅᩮᨾᨲᩥᨠᩮᩣ, ᩌᨸᨲ᩠ᨲᩥ ᨴᩩᨠ᩠ᨠᨭᩔ. ᩋᨸᩁᩥᨱᨲᩮ ᩋᨸᩁᩥᨱᨲᩈᨬ᩠ᨬᩦ, ᩋᨶᩣᨸᨲ᩠ᨲᩥ.

᪖᪖᪑. ᩋᨶᩣᨸᨲ᩠ᨲᩥ ¶ ᨠᨲ᩠ᨳ ᨴᩮᨾᩣᨲᩥ ᨸᩩᨧ᩠ᨨᩥᨿᨾᩣᨶᩮᩣ ᨿᨲ᩠ᨳ ᨲᩩᨾ᩠ᩉᩣᨠᩴ ᨴᩮᨿ᩠ᨿᨵᨾ᩠ᨾᩮᩣ ᨸᩁᩥᨽᩮᩣᨣᩴ ᩅᩣ ᩃᨽᩮᨿ᩠ᨿ ᨸᨭᩥᩈᨦ᩠ᨡᩣᩁᩴ ᩅᩣ ᩃᨽᩮᨿ᩠ᨿ ᨧᩥᩁᨭ᩠ᨮᩥᨲᩥᨠᩮᩣ ᩅᩣ ᩋᩔ ᨿᨲ᩠ᨳ ᩅᩣ ᨸᨶ ᨲᩩᨾ᩠ᩉᩣᨠᩴ ᨧᩥᨲ᩠ᨲᩴ ᨸᩈᩦᨴᨲᩥ ᨲᨲ᩠ᨳ ᨴᩮᨳᩣᨲᩥ ᨽᨱᨲᩥ, ᩏᨾ᩠ᨾᨲ᩠ᨲᨠᩔ, ᩌᨴᩥᨠᨾ᩠ᨾᩥᨠᩔᩣᨲᩥ.

ᨸᩁᩥᨱᨲᩈᩥᨠ᩠ᨡᩣᨸᨴᩴ ᨶᩥᨭ᩠ᨮᩥᨲᩴ ᨴᩈᨾᩴ.

ᨸᨲ᩠ᨲᩅᨣ᩠ᨣᩮᩣ ᨲᨲᩥᨿᩮᩣ.

ᨲᩔᩩᨴ᩠ᨴᩣᨶᩴ ¶ –

ᨴ᩠ᩅᩮ ᨧ ᨸᨲ᩠ᨲᩣᨶᩥ ᨽᩮᩈᨩ᩠ᨩᩴ, ᩅᩔᩥᨠᩣ ᨴᩣᨶᨸᨬ᩠ᨧᨾᩴ;

ᩈᩣᨾᩴ ᩅᩣᨿᩣᨸᨶᨧ᩠ᨧᩮᨠᩮᩣ, ᩈᩣᩈᨦ᩠ᨠᩴ ᩈᨦ᩠ᨥᩥᨠᩮᨶ ᨧᩣᨲᩥ.

᪖᪖᪒. ᩏᨴ᩠ᨴᩥᨭ᩠ᨮᩣ ¶ ᨡᩮᩣ, ᩌᨿᩈ᩠ᨾᨶ᩠ᨲᩮᩣ, ᨲᩥᩴᩈ ᨶᩥᩔᨣ᩠ᨣᩥᨿᩣ ᨸᩣᨧᩥᨲ᩠ᨲᩥᨿᩣ ᨵᨾ᩠ᨾᩣ. ᨲᨲ᩠ᨳᩣᨿᩈ᩠ᨾᨶ᩠ᨲᩮ ᨸᩩᨧ᩠ᨨᩣᨾᩥ – ‘ᨠᨧ᩠ᨧᩥᨲ᩠ᨳ ᨸᩁᩥᩈᩩᨴ᩠ᨵᩣ’? ᨴᩩᨲᩥᨿᨾ᩠ᨸᩥ ᨸᩩᨧ᩠ᨨᩣᨾᩥ – ‘ᨠᨧ᩠ᨧᩥᨲ᩠ᨳ ᨸᩁᩥᩈᩩᨴ᩠ᨵᩣ’? ᨲᨲᩥᨿᨾ᩠ᨸᩥ ᨸᩩᨧ᩠ᨨᩣᨾᩥ – ‘ᨠᨧ᩠ᨧᩥᨲ᩠ᨳ ᨸᩁᩥᩈᩩᨴ᩠ᨵᩣ’? ᨸᩁᩥᩈᩩᨴ᩠ᨵᩮᨲ᩠ᨳᩣᨿᩈ᩠ᨾᨶ᩠ᨲᩮᩣ, ᨲᩈ᩠ᨾᩣ ᨲᩩᨱ᩠ᩉᩦ, ᩑᩅᨾᩮᨲᩴ ᨵᩣᩁᨿᩣᨾᩦᨲᩥ.

ᨶᩥᩔᨣ᩠ᨣᩥᨿᨠᨱ᩠ᨯᩴ ᨶᩥᨭ᩠ᨮᩥᨲᩴ.

ᨸᩣᩁᩣᨩᩥᨠᨸᩣᩊᩥ ᨶᩥᨭ᩠ᨮᩥᨲᩣ.