📜

ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ

ཨབྷིདྷམྨཔིཊཀེ

དྷཱཏུཀཐཱཔཱལི༹

ཨུདྡེསོ

༡. ནཡམཱཏིཀཱ

༡. (༡) སངྒཧོ ¶ ¶ ¶ ¶ ཨསངྒཧོ (༢) སངྒཧིཏེན ཨསངྒཧིཏཾ (༣) ཨསངྒཧིཏེན སངྒཧིཏཾ (༤) སངྒཧིཏེན སངྒཧིཏཾ (༥) ཨསངྒཧིཏེན ཨསངྒཧིཏཾ (༦) སམྤཡོགོ ཝིཔྤཡོགོ (༧)སམྤཡུཏྟེན ཝིཔྤཡུཏྟཾ (༨) ཝིཔྤཡུཏྟེན སམྤཡུཏྟཾ (༩) སམྤཡུཏྟེན སམྤཡུཏྟཾ (༡༠)ཝིཔྤཡུཏྟེན ཝིཔྤཡུཏྟཾ (༡༡) སངྒཧིཏེན སམྤཡུཏྟཾ ཝིཔྤཡུཏྟཾ (༡༢) སམྤཡུཏྟེན སངྒཧིཏཾ ཨསངྒཧིཏཾ (༡༣) ཨསངྒཧིཏེན སམྤཡུཏྟཾ ཝིཔྤཡུཏྟཾ (༡༤) ཝིཔྤཡུཏྟེན སངྒཧིཏཾ ཨསངྒཧིཏཾ.

༢. ཨབྦྷནྟརམཱཏིཀཱ

༢. (༡) པཉྩཀྑནྡྷཱ ¶ (༢) དྭཱདསཱཡཏནཱནི (༣) ཨཊྛཱརས དྷཱཏུཡོ (༤) ཙཏྟཱརི སཙྩཱནི (༥) བཱཝཱིསཏིནྡྲིཡཱནི (༦) པཊིཙྩསམུཔྤཱདོ (༧) ཙཏྟཱརོ སཏིཔཊྛཱནཱ (༨)ཙཏྟཱརོ སམྨཔྤདྷཱནཱ (༩) ཙཏྟཱརོ ཨིདྡྷིཔཱདཱ (༡༠) ཙཏྟཱརི ཛྷཱནཱནི (༡༡) ཙཏསྶོ ཨཔྤམཉྙཱཡོ (༡༢) པཉྩིནྡྲིཡཱནི (༡༣) པཉྩ བལཱནི (༡༤) སཏྟ བོཛ྄ཛྷངྒཱ (༡༥)ཨརིཡོ ཨཊྛངྒིཀོ མགྒོ (༡༦) ཕསྶོ ཝེདནཱ སཉྙཱ ཙེཏནཱ ཙིཏྟཾ ཨདྷིམོཀྑོ མནསིཀཱརོ.

༣. ནཡམུཁམཱཏིཀཱ

༣. ཏཱིཧི ¶ སངྒཧོ, ཏཱིཧི ཨསངྒཧོ, ཙཏཱུཧི སམྤཡོགོ, ཙཏཱུཧི ཝིཔྤཡོགོ.

༤. ལཀྑཎམཱཏིཀཱ

༤. སབྷཱགོ, ཝིསབྷཱགོ.

༥. བཱཧིརམཱཏིཀཱ

༥. སབྦཱཔི དྷམྨསངྒཎཱི དྷཱཏུཀཐཱཡ མཱཏིཀཱཏི.

༡. པཋམནཡོ

༡. སངྒཧཱསངྒཧཔདནིདྡེསོ

༡. ཁནྡྷོ

༦. རཱུཔཀྑནྡྷོ ¶ ¶ ¶ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏོ? རཱུཔཀྑནྡྷོ ¶ ཨེཀེན ཁནྡྷེན ཨེཀཱདསཧཱཡཏནེཧི ཨེཀཱདསཧི དྷཱཏཱུཧི སངྒཧིཏོ. ཀཏིཧི ཨསངྒཧིཏོ? ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏོ.

༧. ཝེདནཱཀྑནྡྷོ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏོ? ཝེདནཱཀྑནྡྷོ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏོ. ཀཏིཧི ཨསངྒཧིཏོ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏོ.

༨. སཉྙཱཀྑནྡྷོ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏོ? སཉྙཱཀྑནྡྷོ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏོ. ཀཏིཧི ཨསངྒཧིཏོ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏོ.

༩. སངྑཱརཀྑནྡྷོ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏོ? སངྑཱརཀྑནྡྷོ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏོ. ཀཏིཧི ཨསངྒཧིཏོ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏོ.

༡༠. ཝིཉྙཱཎཀྑནྡྷོ ¶ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏོ? ཝིཉྙཱཎཀྑནྡྷོ ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི སངྒཧིཏོ. ཀཏིཧི ཨསངྒཧིཏོ? ཙཏཱུཧི ཁནྡྷེཧི ཨེཀཱདསཧཱཡཏནེཧི ¶ ཨེཀཱདསཧི དྷཱཏཱུཧི ཨསངྒཧིཏོ.

(ཨེཀམཱུལཀཾ.)

༡༡. རཱུཔཀྑནྡྷོ ཙ ཝེདནཱཀྑནྡྷོ ཙ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? རཱུཔཀྑནྡྷོ ཙ ཝེདནཱཀྑནྡྷོ ཙ དྭཱིཧི ཁནྡྷེཧི ཨེཀཱདསཧཱཡཏནེཧི ¶ ཨེཀཱདསཧི དྷཱཏཱུཧི སངྒཧིཏཱ. ཀཏིཧི ¶ ཨསངྒཧིཏཱ? ཏཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ.

༡༢. རཱུཔཀྑནྡྷོ ཙ སཉྙཱཀྑནྡྷོ ཙ…པེ… དྭཱིཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཏཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ.

༡༣. རཱུཔཀྑནྡྷོ ཙ སངྑཱརཀྑནྡྷོ ཙ…པེ… དྭཱིཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཏཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ.

༡༤. རཱུཔཀྑནྡྷོ ཙ ཝིཉྙཱཎཀྑནྡྷོ ཙ…པེ… དྭཱིཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཏཱིཧི ཁནྡྷེཧི, ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

(དུཀམཱུལཀཾ.)

༡༥. རཱུཔཀྑནྡྷོ ཙ ཝེདནཱཀྑནྡྷོ ཙ སཉྙཱཀྑནྡྷོ ཙ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? རཱུཔཀྑནྡྷོ ཙ ཝེདནཱཀྑནྡྷོ ཙ སཉྙཱཀྑནྡྷོ ཙ ཏཱིཧི ¶ ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? དྭཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ.

༡༦. རཱུཔཀྑནྡྷོ ཙ ཝེདནཱཀྑནྡྷོ ཙ སངྑཱརཀྑནྡྷོ ཙ…པེ… ཏཱིཧི ¶ ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? དྭཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ.

༡༧. རཱུཔཀྑནྡྷོ ཙ ཝེདནཱཀྑནྡྷོ ཙ ཝིཉྙཱཎཀྑནྡྷོ ཙ…པེ… ཏཱིཧི ¶ ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? དྭཱིཧི ཁནྡྷེཧི, ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

(ཏིཀམཱུལཀཾ.)

༡༨. རཱུཔཀྑནྡྷོ ¶ ཙ ཝེདནཱཀྑནྡྷོ ཙ སཉྙཱཀྑནྡྷོ ཙ སངྑཱརཀྑནྡྷོ ཙ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? རཱུཔཀྑནྡྷོ ཙ ཝེདནཱཀྑནྡྷོ ཙ སཉྙཱཀྑནྡྷོ ཙ སངྑཱརཀྑནྡྷོ ཙ ཙཏཱུཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ.

༡༩. རཱུཔཀྑནྡྷོ ཙ ཝེདནཱཀྑནྡྷོ ཙ སཉྙཱཀྑནྡྷོ ཙ ཝིཉྙཱཎཀྑནྡྷོ ཙ…པེ… ཙཏཱུཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན, ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

(ཙཏུཀྐམཱུལཀཾ.)

༢༠. རཱུཔཀྑནྡྷོ ཙ ཝེདནཱཀྑནྡྷོ ཙ སཉྙཱཀྑནྡྷོ ཙ སངྑཱརཀྑནྡྷོ ཙ ཝིཉྙཱཎཀྑནྡྷོ ཙ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? རཱུཔཀྑནྡྷོ ཙ ཝེདནཱཀྑནྡྷོ ཙ སཉྙཱཀྑནྡྷོ ཙ སངྑཱརཀྑནྡྷོ ཙ ཝིཉྙཱཎཀྑནྡྷོ ཙ པཉྩཧི ཁནྡྷེཧི དྭཱདསཱཡཏནེཧི ¶ ¶ ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༢༡. པཉྩཀྑནྡྷཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? པཉྩཀྑནྡྷཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

(པཉྩཀཾ.)

༢. ཨཱཡཏནཾ

༢༢. ཙཀྑཱཡཏནཾ ¶ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཾ? ཙཀྑཱཡཏནཾ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཾ. ཀཏིཧི ཨསངྒཧིཏཾ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཾ.

༢༣. སོཏཱཡཏནཾ ¶ … གྷཱནཱཡཏནཾ… ཛིཝ྄ཧཱཡཏནཾ… ཀཱཡཱཡཏནཾ… རཱུཔཱཡཏནཾ… སདྡཱཡཏནཾ… གནྡྷཱཡཏནཾ… རསཱཡཏནཾ… ཕོཊྛབྦཱཡཏནཾ…པེ… ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཾ. ཀཏིཧི ཨསངྒཧིཏཾ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཾ.

༢༤. མནཱཡཏནཾ ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི སངྒཧིཏཾ. ཀཏིཧི ཨསངྒཧིཏཾ? ཙཏཱུཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི ཨསངྒཧིཏཾ.

༢༥. དྷམྨཱཡཏནཾ ཨསངྑཏཾ ཁནྡྷཏོ ཋཔེཏྭཱ ཙཏཱུཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཾ. ཀཏིཧི ཨསངྒཧིཏཾ? ཨེཀེན ཁནྡྷེན ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཾ.

(ཨེཀམཱུལཀཾ.)

༢༦. ཙཀྑཱཡཏནཉྩ ¶ ¶ སོཏཱཡཏནཉྩ ཨེཀེན ཁནྡྷེན དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ཁནྡྷེཧི དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༢༧. ཙཀྑཱཡཏནཉྩ ¶ གྷཱནཱཡཏནཉྩ… ཙཀྑཱཡཏནཉྩ ཛིཝ྄ཧཱཡཏནཉྩ… ཙཀྑཱཡཏནཉྩ ཀཱཡཱཡཏནཉྩ… ཙཀྑཱཡཏནཉྩ རཱུཔཱཡཏནཉྩ… ཙཀྑཱཡཏནཉྩ སདྡཱཡཏནཉྩ… ཙཀྑཱཡཏནཉྩ གནྡྷཱཡཏནཉྩ… ཙཀྑཱཡཏནཉྩ རསཱཡཏནཉྩ… ཙཀྑཱཡཏནཉྩ ཕོཊྛབྦཱཡཏནཉྩ ཨེཀེན ཁནྡྷེན དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ཁནྡྷེཧི དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༢༨. ཙཀྑཱཡཏནཉྩ མནཱཡཏནཉྩ དྭཱིཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཏཱིཧི ཁནྡྷེཧི དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༢༩. ཙཀྑཱཡཏནཉྩ དྷམྨཱཡཏནཉྩ ཨསངྑཏཾ ཁནྡྷཏོ ཋཔེཏྭཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

(དུཀམཱུལཀཾ.)

༣༠. དྭཱདསཱཡཏནཱནི ¶ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? དྭཱདསཱཡཏནཱནི ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

(དྭཱདསཀཾ.)

༣. དྷཱཏུ

༣༡. ཙཀྑུདྷཱཏུ ¶ ¶ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? ཙཀྑུདྷཱཏུ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ¶ ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༣༢. སོཏདྷཱཏུ… གྷཱནདྷཱཏུ… ཛིཝ྄ཧཱདྷཱཏུ… ཀཱཡདྷཱཏུ… རཱུཔདྷཱཏུ… སདྡདྷཱཏུ… གནྡྷདྷཱཏུ… རསདྷཱཏུ… ཕོཊྛབྦདྷཱཏུ… ཙཀྑུཝིཉྙཱཎདྷཱཏུ… སོཏཝིཉྙཱཎདྷཱཏུ… གྷཱནཝིཉྙཱཎདྷཱཏུ… ཛིཝ྄ཧཱཝིཉྙཱཎདྷཱཏུ… ཀཱཡཝིཉྙཱཎདྷཱཏུ… མནོདྷཱཏུ… མནོཝིཉྙཱཎདྷཱཏུ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༣༣. དྷམྨདྷཱཏུ ཨསངྑཏཾ ཁནྡྷཏོ ཋཔེཏྭཱ ཙཏཱུཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

(ཨེཀམཱུལཀཾ.)

༣༤. ཙཀྑུདྷཱཏུ ཙ སོཏདྷཱཏུ ཙ ཨེཀེན ཁནྡྷེན དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ཁནྡྷེཧི དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༣༥. ཙཀྑུདྷཱཏུ ཙ གྷཱནདྷཱཏུ ཙ… ཙཀྑུདྷཱཏུ ཙ ཛིཝ྄ཧཱདྷཱཏུ ཙ… ཙཀྑུདྷཱཏུ ཙ ཀཱཡདྷཱཏུ ཙ… ཙཀྑུདྷཱཏུ ཙ རཱུཔདྷཱཏུ ཙ… ཙཀྑུདྷཱཏུ ཙ སདྡདྷཱཏུ ཙ… ཙཀྑུདྷཱཏུ ¶ ཙ གནྡྷདྷཱཏུ ཙ… ཙཀྑུདྷཱཏུ ཙ རསདྷཱཏུ ཙ… ཙཀྑུདྷཱཏུ ཙ ཕོཊྛབྦདྷཱཏུ ཙ ཨེཀེན ¶ ཁནྡྷེན དྭཱིཧཱཡཏནེཧི དྭཱིཧི ¶ དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ཁནྡྷེཧི དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༣༦. ཙཀྑུདྷཱཏུ ¶ ཙ ཙཀྑུཝིཉྙཱཎདྷཱཏུ ཙ དྭཱིཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཏཱིཧི ཁནྡྷེཧི དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༣༧. ཙཀྑུདྷཱཏུ ཙ སོཏཝིཉྙཱཎདྷཱཏུ ཙ… ཙཀྑུདྷཱཏུ ཙ གྷཱནཝིཉྙཱཎདྷཱཏུ ཙ… ཙཀྑུདྷཱཏུ ཙ ཛིཝ྄ཧཱཝིཉྙཱཎདྷཱཏུ ཙ… ཙཀྑུདྷཱཏུ ཙ ཀཱཡཝིཉྙཱཎདྷཱཏུ ཙ… ཙཀྑུདྷཱཏུ ཙ མནོདྷཱཏུ ཙ… ཙཀྑུདྷཱཏུ ཙ མནོཝིཉྙཱཎདྷཱཏུ ཙ དྭཱིཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཏཱིཧི ཁནྡྷེཧི དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༣༨. ཙཀྑུདྷཱཏུ ཙ དྷམྨདྷཱཏུ ཙ ཨསངྑཏཾ ཁནྡྷཏོ ཋཔེཏྭཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

(དུཀམཱུལཀཾ.)

༣༩. ཨཊྛཱརས དྷཱཏུཡོ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? ཨཊྛཱརས དྷཱཏུཡོ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

(ཨཊྛཱརསཀཾ.)

༤. སཙྩཾ

༤༠. དུཀྑསཙྩཾ ¶ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཾ? དུཀྑསཙྩཾ ¶ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཾ. ཀཏིཧི ཨསངྒཧིཏཾ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཾ.

༤༡. སམུདཡསཙྩཾ ¶ … ¶ མགྒསཙྩཾ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཾ. ཀཏིཧི ཨསངྒཧིཏཾ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཾ.

༤༢. ནིརོདྷསཙྩཾ ན ཀེཧིཙི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཾ. ཀཏིཧི ཨསངྒཧིཏཾ? པཉྩཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཾ.

(ཨེཀམཱུལཀཾ.)

༤༣. དུཀྑསཙྩཉྩ སམུདཡསཙྩཉྩ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༤༤. དུཀྑསཙྩཉྩ མགྒསཙྩཉྩ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༤༥. དུཀྑསཙྩཉྩ ནིརོདྷསཙྩཉྩ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

(དུཀམཱུལཀཾ.)

༤༦. དུཀྑསཙྩཉྩ ¶ སམུདཡསཙྩཉྩ མགྒསཙྩཉྩ པཉྩཧི ¶ ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༤༧. དུཀྑསཙྩཉྩ སམུདཡསཙྩཉྩ ནིརོདྷསཙྩཉྩ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི ¶ དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

(ཏིཀམཱུལཀཾ.)

༤༨. དུཀྑསཙྩཉྩ ¶ སམུདཡསཙྩཉྩ མགྒསཙྩཉྩ ནིརོདྷསཙྩཉྩ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༤༩. ཙཏྟཱརི སཙྩཱནི ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱནི? ཙཏྟཱརི སཙྩཱནི ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱནི. ཀཏིཧི ཨསངྒཧིཏཱནི? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱནི.

(ཙཏུཀྐཾ.)

༥. ཨིནྡྲིཡཾ

༥༠. ཙཀྑུནྡྲིཡཾ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཾ? ཙཀྑུནྡྲིཡཾ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཾ. ཀཏིཧི ཨསངྒཧིཏཾ? ཙཏཱུཧི ཁནྡྷེཧི ཨེཀཱདསཧཱཡཏནེཧི ¶ སཏྟརསཧི དྷཱཏཱུཧི ཨསངྒཧིཏཾ.

༥༡. སོཏིནྡྲིཡཾ… གྷཱནིནྡྲིཡཾ… ཛིཝ྄ཧིནྡྲིཡཾ… ཀཱཡིནྡྲིཡཾ… ཨིཏྠིནྡྲིཡཾ ¶ … པུརིསིནྡྲིཡཾ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཾ. ཀཏིཧི ཨསངྒཧིཏཾ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཾ.

༥༢. མནིནྡྲིཡཾ ¶ ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི སངྒཧིཏཾ. ཀཏིཧི ཨསངྒཧིཏཾ? ཙཏཱུཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི ཨསངྒཧིཏཾ.

༥༣. ཛཱིཝིཏིནྡྲིཡཾ དྭཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཾ. ཀཏིཧི ཨསངྒཧིཏཾ? ཏཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཾ.

༥༤. སུཁིནྡྲིཡཾ ¶ … དུཀྑིནྡྲིཡཾ… སོམནསྶིནྡྲིཡཾ… དོམནསྶིནྡྲིཡཾ… ཨུཔེཀྑིནྡྲིཡཾ… སདྡྷིནྡྲིཡཾ… ཝཱིརིཡིནྡྲིཡཾ… སཏིནྡྲིཡཾ… སམཱདྷིནྡྲིཡཾ… པཉྙིནྡྲིཡཾ… ཨནཉྙཱཏཉྙསྶཱམཱིཏིནྡྲིཡཾ… ཨཉྙིནྡྲིཡཾ… ཨཉྙཱཏཱཝིནྡྲིཡཾ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཾ. ཀཏིཧི ཨསངྒཧིཏཾ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཾ.

(ཨེཀམཱུལཀཾ.)

༥༥. ཙཀྑུནྡྲིཡཉྩ སོཏིནྡྲིཡཉྩ ཨེཀེན ¶ ཁནྡྷེན དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ཁནྡྷེཧི དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༥༦. ཙཀྑུནྡྲིཡཉྩ ¶ གྷཱནིནྡྲིཡཉྩ… ཙཀྑུནྡྲིཡཉྩ ཛིཝ྄ཧིནྡྲིཡཉྩ… ཙཀྑུནྡྲིཡཉྩ ཀཱཡིནྡྲིཡཉྩ… ཙཀྑུནྡྲིཡཉྩ ཨིཏྠིནྡྲིཡཉྩ… ཙཀྑུནྡྲིཡཉྩ པུརིསིནྡྲིཡཉྩ ཨེཀེན ཁནྡྷེན དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ཁནྡྷེཧི དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༥༧. ཙཀྑུནྡྲིཡཉྩ མནིནྡྲིཡཉྩ དྭཱིཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཏཱིཧི ཁནྡྷེཧི དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༥༨. ཙཀྑུནྡྲིཡཉྩ ཛཱིཝིཏིནྡྲིཡཉྩ དྭཱིཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཏཱིཧི ཁནྡྷེཧི དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༥༩. ཙཀྑུནྡྲིཡཉྩ ¶ སུཁིནྡྲིཡཉྩ… ཙཀྑུནྡྲིཡཉྩ དུཀྑིནྡྲིཡཉྩ… ཙཀྑུནྡྲིཡཉྩ སོམནསྶིནྡྲིཡཉྩ… ཙཀྑུནྡྲིཡཉྩ དོམནསྶིནྡྲིཡཉྩ… ཙཀྑུནྡྲིཡཉྩ ཨུཔེཀྑིནྡྲིཡཉྩ… ཙཀྑུནྡྲིཡཉྩ ¶ སདྡྷིནྡྲིཡཉྩ… ཙཀྑུནྡྲིཡཉྩ ཝཱིརིཡིནྡྲིཡཉྩ… ཙཀྑུནྡྲིཡཉྩ སཏིནྡྲིཡཉྩ… ཙཀྑུནྡྲིཡཉྩ སམཱདྷིནྡྲིཡཉྩ… ཙཀྑུནྡྲིཡཉྩ པཉྙིནྡྲིཡཉྩ… ཙཀྑུནྡྲིཡཉྩ ཨནཉྙཱཏཉྙསྶཱམཱིཏིནྡྲིཡཉྩ… ཙཀྑུནྡྲིཡཉྩ ཨཉྙིནྡྲིཡཉྩ… ཙཀྑུནྡྲིཡཉྩ ཨཉྙཱཏཱཝིནྡྲིཡཉྩ དྭཱིཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཏཱིཧི ཁནྡྷེཧི དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

(དུཀམཱུལཀཾ.)

༦༠. བཱཝཱིསཏིནྡྲིཡཱནི ¶ ¶ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱནི? བཱཝཱིསཏིནྡྲིཡཱནི ཙཏཱུཧི ཁནྡྷེཧི སཏྟཧཱཡཏནེཧི ཏེརསཧི དྷཱཏཱུཧི སངྒཧིཏཱནི. ཀཏིཧི ཨསངྒཧིཏཱནི? ཨེཀེན ཁནྡྷེན པཉྩཧཱཡཏནེཧི པཉྩཧི དྷཱཏཱུཧི ཨསངྒཧིཏཱནི.

༦. པཊིཙྩསམུཔྤཱདཱདི

༦༡. ཨཝིཛྫཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༦༢. ཨཝིཛྫཱཔཙྩཡཱ སངྑཱརཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༦༣. སངྑཱརཔཙྩཡཱ ཝིཉྙཱཎཾ ཨེཀེན ¶ ཁནྡྷེན ཨེཀེནཱཡཏནེན སཏྟཧི དྷཱཏཱུཧི སངྒཧིཏཾ. ཀཏིཧི ཨསངྒཧིཏཾ? ཙཏཱུཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི ཨསངྒཧིཏཾ.

༦༤. ཝིཉྙཱཎཔཙྩཡཱ ནཱམརཱུཔཾ ཙཏཱུཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི སངྒཧིཏཾ. ཀཏིཧི ཨསངྒཧིཏཾ? ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཾ.

༦༥. ནཱམརཱུཔཔཙྩཡཱ ¶ སལཱ༹ཡཏནཾ དྭཱིཧི ཁནྡྷེཧི ཚཧཱཡཏནེཧི དྭཱདསཧི དྷཱཏཱུཧི སངྒཧིཏཾ. ཀཏིཧི ཨསངྒཧིཏཾ? ཏཱིཧི ཁནྡྷེཧི ཚཧཱཡཏནེཧི ཚཧི དྷཱཏཱུཧི ཨསངྒཧིཏཾ.

༦༦. སལཱ༹ཡཏནཔཙྩཡཱ ཕསྶོ… ཕསྶཔཙྩཡཱ ཝེདནཱ… ཝེདནཱཔཙྩཡཱ ཏཎྷཱ… ཏཎྷཱཔཙྩཡཱ ཨུཔཱདཱནཾ… ཀམྨབྷཝོ ¶ [ཨུཔཱདཱནཔཙྩཡཱ ཀམྨབྷཝོ (སཱི. སྱཱ.)] ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏོ. ཀཏིཧི ཨསངྒཧིཏོ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏོ.

༦༧. ཨུཔཔཏྟིབྷཝོ ¶ … ཀཱམབྷཝོ… སཉྙཱབྷཝོ… པཉྩཝོཀཱརབྷཝོ པཉྩཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི སངྒཧིཏོ. ཀཏིཧི ཨསངྒཧིཏོ? ན ཀེཧིཙི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ ཨསངྒཧིཏོ.

༦༨. རཱུཔབྷཝོ པཉྩཧི ཁནྡྷེཧི པཉྩཧཱཡཏནེཧི ཨཊྛཧི དྷཱཏཱུཧི སངྒཧིཏོ. ཀཏིཧི ¶ ཨསངྒཧིཏོ? ན ཀེཧིཙི ཁནྡྷེཧི སཏྟཧཱཡཏནེཧི དསཧི དྷཱཏཱུཧི ཨསངྒཧིཏོ.

༦༩. ཨརཱུཔབྷཝོ… ནེཝསཉྙཱནཱསཉྙཱབྷཝོ… ཙཏུཝོཀཱརབྷཝོ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏོ. ཀཏིཧི ཨསངྒཧིཏོ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏོ.

༧༠. ཨསཉྙཱབྷཝོ… ཨེཀཝོཀཱརབྷཝོ ཨེཀེན ཁནྡྷེན དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏོ. ཀཏིཧི ཨསངྒཧིཏོ? ཙཏཱུཧི ཁནྡྷེཧི དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏོ.

༧༡. ཛཱཏི དྭཱིཧི ཁནྡྷེཧི… ཛརཱ དྭཱིཧི ཁནྡྷེཧི… མརཎཾ དྭཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཾ. ཀཏིཧི ཨསངྒཧིཏཾ? ཏཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཾ.

༧༢. སོཀོ… པརིདེཝོ… དུཀྑཾ… དོམནསྶཾ… ཨུཔཱཡཱསོ… སཏིཔཊྛཱནཾ… སམྨཔྤདྷཱནཾ ¶ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཾ. ཀཏིཧི ཨསངྒཧིཏཾ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཾ.

༧༣. ཨིདྡྷིཔཱདོ ¶ དྭཱིཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏོ. ཀཏིཧི ཨསངྒཧིཏོ? ཏཱིཧི ཁནྡྷེཧི དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏོ.

༧༤. ཛྷཱནཾ ¶ དྭཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཾ. ཀཏིཧི ཨསངྒཧིཏཾ? ཏཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཾ.

༧༥. ཨཔྤམཉྙཱ ¶ … པཉྩིནྡྲིཡཱནི… པཉྩ བལཱནི… སཏྟ བོཛ྄ཛྷངྒཱ… ཨརིཡོ ཨཊྛངྒིཀོ མགྒོ… ཕསྶོ… ཝེདནཱ… སཉྙཱ… ཙེཏནཱ… ཨདྷིམོཀྑོ… མནསིཀཱརོ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏོ. ཀཏིཧི ཨསངྒཧིཏོ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏོ.

༧༦. ཙིཏྟཾ ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི སངྒཧིཏཾ. ཀཏིཧི ཨསངྒཧིཏཾ? ཙཏཱུཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི ཨསངྒཧིཏཾ.

༧. ཏིཀཾ

༧༧. ཀུསལཱ དྷམྨཱ… ཨཀུསལཱ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? ཀུསལཱ དྷམྨཱ… ཨཀུསལཱ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ¶ ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༧༨. ཨབྱཱཀཏཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༧༩. སུཁཱཡ ཝེདནཱཡ སམྤཡུཏྟཱ དྷམྨཱ… དུཀྑཱཡ ཝེདནཱཡ སམྤཡུཏྟཱ དྷམྨཱ ཏཱིཧི ཁནྡྷེཧི དྭཱིཧཱཡཏནེཧི ཏཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? དྭཱིཧི ¶ ཁནྡྷེཧི དསཧཱཡཏནེཧི པནྣརསཧི དྷཱཏཱུཧི ཨསངྒཧིཏཱ.

༨༠. ཨདུཀྑམསུཁཱཡ ¶ ཝེདནཱཡ སམྤཡུཏྟཱ དྷམྨཱ ཏཱིཧི ཁནྡྷེཧི དྭཱིཧཱཡཏནེཧི སཏྟཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? དྭཱིཧི ཁནྡྷེཧི དསཧཱཡཏནེཧི ཨེཀཱདསཧི དྷཱཏཱུཧི ཨསངྒཧིཏཱ.

༨༡. ཝིཔཱཀཱ ¶ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༨༢. ཝིཔཱཀདྷམྨདྷམྨཱ… སཾཀིལིཊྛསཾཀིལེསིཀཱ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༨༣. ནེཝཝིཔཱཀནཝིཔཱཀདྷམྨདྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཏེརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ ¶ ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི པཉྩཧི དྷཱཏཱུཧི ཨསངྒཧིཏཱ.

༨༤. ཨུཔཱདིནྣུཔཱདཱནིཡཱ དྷམྨཱ པཉྩཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ ཨསངྒཧིཏཱ.

༨༥. ཨནུཔཱདིནྣུཔཱདཱནིཡཱ དྷམྨཱ པཉྩཧི ཁནྡྷེཧི སཏྟཧཱཡཏནེཧི ཨཊྛཧི དྷཱཏཱུཧི སངྒཧིཏཱ. ཀཏིཧི ¶ ཨསངྒཧིཏཱ? ན ཀེཧིཙི ཁནྡྷེཧི པཉྩཧཱཡཏནེཧི དསཧི དྷཱཏཱུཧི ཨསངྒཧིཏཱ.

༨༦. ཨནུཔཱདིནྣཨནུཔཱདཱནིཡཱ དྷམྨཱ… ཨསཾཀིལིཊྛཨསཾཀིལེསིཀཱ དྷམྨཱ ཨསངྑཏཾ ཁནྡྷཏོ ཋཔེཏྭཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༨༧. ཨསཾཀིལིཊྛསཾཀིལེསིཀཱ དྷམྨཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི ¶ སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༨༨. སཝིཏཀྐསཝིཙཱརཱ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཏཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི པནྣརསཧི དྷཱཏཱུཧི ཨསངྒཧིཏཱ.

༨༩. ཨཝིཏཀྐཝིཙཱརམཏྟཱ ¶ དྷམྨཱ… པཱིཏིསཧགཏཱ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ¶ ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༩༠. ཨཝིཏཀྐཨཝིཙཱརཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི སཏྟརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཨེཀཱཡ དྷཱཏུཡཱ ཨསངྒཧིཏཱ.

༩༡. སུཁསཧགཏཱ དྷམྨཱ ཏཱིཧི ཁནྡྷེཧི དྭཱིཧཱཡཏནེཧི ཏཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? དྭཱིཧི ཁནྡྷེཧི དསཧཱཡཏནེཧི པནྣརསཧི དྷཱཏཱུཧི ཨསངྒཧིཏཱ.

༩༢. ཨུཔེཀྑཱསཧགཏཱ ¶ དྷམྨཱ ཏཱིཧི ཁནྡྷེཧི དྭཱིཧཱཡཏནེཧི སཏྟཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? དྭཱིཧི ཁནྡྷེཧི དསཧཱཡཏནེཧི ཨེཀཱདསཧི དྷཱཏཱུཧི ཨསངྒཧིཏཱ.

༩༣. དསྶནེན པཧཱཏབྦཱ དྷམྨཱ… བྷཱཝནཱཡ པཧཱཏབྦཱ དྷམྨཱ… དསྶནེན པཧཱཏབྦཧེཏུཀཱ དྷམྨཱ… བྷཱཝནཱཡ པཧཱཏབྦཧེཏུཀཱ དྷམྨཱ… ཨཱཙཡགཱམིནོ དྷམྨཱ… ཨཔཙཡགཱམིནོ དྷམྨཱ… སེཀྑཱ དྷམྨཱ… ཨསེཀྑཱ དྷམྨཱ… མཧགྒཏཱ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༩༤. ནེཝ དསྶནེན ན བྷཱཝནཱཡ པཧཱཏབྦཱ དྷམྨཱ… ནེཝ དསྶནེན ན བྷཱཝནཱཡ པཧཱཏབྦཧེཏུཀཱ དྷམྨཱ… ནེཝཱཙཡགཱམིནཱཔཙཡགཱམིནོ དྷམྨཱ… ནེཝསེཀྑནཱསེཀྑཱ དྷམྨཱ ཨསངྑཏཾ ¶ ཁནྡྷཏོ ཋཔེཏྭཱ པཉྩཧི ཁནྡྷེཧི ¶ དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༩༥. པརིཏྟཱ དྷམྨཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༩༦. ཨཔྤམཱཎཱ ¶ དྷམྨཱ… པཎཱིཏཱ དྷམྨཱ ཨསངྑཏཾ ཁནྡྷཏོ ཋཔེཏྭཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ¶ ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༩༧. པརིཏྟཱརམྨཎཱ [པརིཏྟཱརམཎཱ (?)] དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༩༨. མཧགྒཏཱརམྨཎཱ དྷམྨཱ… ཨཔྤམཱཎཱརམྨཎཱ དྷམྨཱ… ཧཱིནཱ དྷམྨཱ… མིཙྪཏྟནིཡཏཱ དྷམྨཱ… སམྨཏྟནིཡཏཱ དྷམྨཱ… མགྒཱརམྨཎཱ དྷམྨཱ… མགྒཧེཏུཀཱ དྷམྨཱ… མགྒཱདྷིཔཏིནོ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༩༩. མཛ྄ཛྷིམཱ དྷམྨཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི ¶ དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༡༠༠. ཨནིཡཏཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༡༠༡. ཨུཔྤནྣཱ ¶ དྷམྨཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༡༠༢. ཨནུཔྤནྣཱ ¶ དྷམྨཱ པཉྩཧི ཁནྡྷེཧི སཏྟཧཱཡཏནེཧི ཨཊྛཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི པཉྩཧཱཡཏནེཧི དསཧི དྷཱཏཱུཧི ཨསངྒཧིཏཱ.

༡༠༣. ཨུཔྤཱདིནོ ¶ དྷམྨཱ པཉྩཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ ཨསངྒཧིཏཱ.

༡༠༤. ཨཏཱིཏཱ དྷམྨཱ… ཨནཱགཏཱ དྷམྨཱ… པཙྩུཔྤནྣཱ དྷམྨཱ… ཨཛ྄ཛྷཏྟཱ དྷམྨཱ… ཨཛ྄ཛྷཏྟབཧིདྡྷཱ དྷམྨཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༡༠༥. བཧིདྡྷཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི ¶ དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༡༠༦. ཨཏཱིཏཱརམྨཎཱ དྷམྨཱ… ཨནཱགཏཱརམྨཎཱ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༡༠༧. པཙྩུཔྤནྣཱརམྨཎཱ དྷམྨཱ… ཨཛ྄ཛྷཏྟཱརམྨཎཱ དྷམྨཱ… བཧིདྡྷཱརམྨཎཱ དྷམྨཱ… ཨཛ྄ཛྷཏྟབཧིདྡྷཱརམྨཎཱ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ¶ ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༡༠༨. སནིདསྶནསཔྤཊིགྷཱ དྷམྨཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ ¶ . ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༡༠༩. ཨནིདསྶནསཔྤཊིགྷཱ དྷམྨཱ ཨེཀེན ཁནྡྷེན ནཝཧཱཡཏནེཧི ནཝཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཏཱིཧཱཡཏནེཧི ནཝཧི དྷཱཏཱུཧི ཨསངྒཧིཏཱ.

༡༡༠. ཨནིདསྶནཨཔྤཊིགྷཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི, དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༨. དུཀཾ

༡༡༡. ཧེཏཱུ ¶ ¶ དྷམྨཱ… ཧེཏཱུ ཙེཝ སཧེཏུཀཱ ཙ དྷམྨཱ… ཧེཏཱུ ཙེཝ ཧེཏུསམྤཡུཏྟཱ ཙ དྷམྨཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༡༡༢. ན ཧེཏཱུ དྷམྨཱ… ཨཧེཏུཀཱ དྷམྨཱ… ཧེཏུཝིཔྤཡུཏྟཱ དྷམྨཱ… ན ཧེཏཱུ ཨཧེཏུཀཱ [ན ཧེཏཱུ ཨཧེཏུཀཱ (སྱཱ. ཀ.) ཝིབྷ. དུཀཔཉྷཱཔུཙྪཀེཔི] དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༡༡༣. སཧེཏུཀཱ དྷམྨཱ… ཧེཏུསམྤཡུཏྟཱ དྷམྨཱ… སཧེཏུཀཱ ཙེཝ ན ཙ ཧེཏཱུ དྷམྨཱ… ཧེཏུསམྤཡུཏྟཱ ཙེཝ ན ཙ ཧེཏཱུ དྷམྨཱ… ན ཧེཏཱུ སཧེཏུཀཱ དྷམྨཱ ཙཏཱུཧི ¶ ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༡༡༤. སཔྤཙྩཡཱ དྷམྨཱ… སངྑཏཱ དྷམྨཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི ¶ སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༡༡༥. ཨཔྤཙྩཡཱ དྷམྨཱ… ཨསངྑཏཱ དྷམྨཱ ན ཀེཧིཙི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ. ཀཏིཧི ཨསངྒཧིཏཱ? པཉྩཧི ¶ ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༡༡༦. སནིདསྶནཱ དྷམྨཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༡༡༧. ཨནིདསྶནཱ ¶ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི, ཨེཀེནཱཡཏནེན ཨེཀཱཡ དྷཱཏུཡཱ ཨསངྒཧིཏཱ.

༡༡༨. སཔྤཊིགྷཱ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི ཨསངྒཧིཏཱ.

༡༡༩. ཨཔྤཊིགྷཱ དྷམྨཱ ཨསངྑཏཾ ¶ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི, དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༡༢༠. རཱུཔིནོ དྷམྨཱ ཨེཀེན ཁནྡྷེན ཨེཀཱདསཧཱཡཏནེཧི ཨེཀཱདསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ.

༡༢༡. ཨརཱུཔིནོ དྷམྨཱ ཨསངྑཏཾ ཁནྡྷཏོ ཋཔེཏྭཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༡༢༢. ལོཀིཡཱ ¶ ¶ དྷམྨཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༡༢༣. ལོཀུཏྟརཱ དྷམྨཱ ཨསངྑཏཾ ཁནྡྷཏོ ཋཔེཏྭཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༡༢༤. ཀེནཙི ཝིཉྙེཡྻཱ དྷམྨཱ… ཀེནཙི ན ཝིཉྙེཡྻཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༡༢༥. ཨཱསཝཱ ¶ དྷམྨཱ… ཨཱསཝཱ ཙེཝ སཱསཝཱ ཙ དྷམྨཱ… ཨཱསཝཱ ཙེཝ ཨཱསཝསམྤཡུཏྟཱ ཙ དྷམྨཱ ཨེཀེན ¶ ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༡༢༦. ནོ ཨཱསཝཱ དྷམྨཱ… ཨཱསཝཝིཔྤཡུཏྟཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༡༢༧. སཱསཝཱ དྷམྨཱ… སཱསཝཱ ཙེཝ ནོ ཙ ཨཱསཝཱ དྷམྨཱ… ཨཱསཝཝིཔྤཡུཏྟཱ སཱསཝཱ དྷམྨཱ པཉྩཧི ཁནྡྷེཧི དྭཱདསཧཱཡཏནེཧི ¶ ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༡༢༨. ཨནཱསཝཱ དྷམྨཱ… ཨཱསཝཝིཔྤཡུཏྟཱ ཨནཱསཝཱ དྷམྨཱ ཨསངྑཏཾ ཁནྡྷཏོ ཋཔེཏྭཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༡༢༩. ཨཱསཝསམྤཡུཏྟཱ ¶ དྷམྨཱ… ཨཱསཝསམྤཡུཏྟཱ ཙེཝ ནོ ཙ ཨཱསཝཱ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༡༣༠. སཾཡོཛནཱ དྷམྨཱ… གནྠཱ དྷམྨཱ… ཨོགྷཱ དྷམྨཱ… ཡོགཱ དྷམྨཱ… ནཱིཝརཎཱ དྷམྨཱ… པརཱམཱསཱ དྷམྨཱ… པརཱམཱསཱ ཙེཝ པརཱམཊྛཱ ཙ དྷམྨཱ ཨེཀེན ¶ ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༡༣༡. ནོ པརཱམཱསཱ དྷམྨཱ… པརཱམཱསཝིཔྤཡུཏྟཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ ¶ . ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༡༣༢. པརཱམཊྛཱ དྷམྨཱ… པརཱམཊྛཱ ཙེཝ ནོ ཙ པརཱམཱསཱ དྷམྨཱ… པརཱམཱསཝིཔྤཡུཏྟཱ པརཱམཊྛཱ དྷམྨཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༡༣༣. ཨཔརཱམཊྛཱ དྷམྨཱ… པརཱམཱསཝིཔྤཡུཏྟཱ ཨཔརཱམཊྛཱ དྷམྨཱ ཨསངྑཏཾ ཁནྡྷཏོ ཋཔེཏྭཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༡༣༤. པརཱམཱསསམྤཡུཏྟཱ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༡༣༥. སཱརམྨཎཱ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༡༣༦. ཨནཱརམྨཎཱ ¶ དྷམྨཱ ཨསངྑཏཾ ཁནྡྷཏོ ཋཔེཏྭཱ ཨེཀེན ཁནྡྷེན ཨེཀཱདསཧཱཡཏནེཧི ཨེཀཱདསཧི ¶ དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ.

༡༣༧. ཙིཏྟཱ དྷམྨཱ ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི ཨསངྒཧིཏཱ.

༡༣༨. ནོ ཙིཏྟཱ དྷམྨཱ ཨསངྑཏཾ ཁནྡྷཏོ ཋཔེཏྭཱ ཙཏཱུཧི ཁནྡྷེཧི ¶ ཨེཀཱདསཧཱཡཏནེཧི ཨེཀཱདསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ.

༡༣༩. ཙེཏསིཀཱ ¶ དྷམྨཱ… ཙིཏྟསམྤཡུཏྟཱ དྷམྨཱ… ཙིཏྟསཾསཊྛཱ དྷམྨཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ. ཀཏིཧི ཨསངྒཧིཏཱ? དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༡༤༠. ཨཙེཏསིཀཱ དྷམྨཱ ཨསངྑཏཾ ཁནྡྷཏོ ཋཔེཏྭཱ དྭཱིཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཏཱིཧི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༡༤༡. ཙིཏྟཝིཔྤཡུཏྟཱ དྷམྨཱ… ཙིཏྟཝིསཾསཊྛཱ དྷམྨཱ ཨསངྑཏཾ ཁནྡྷཏོ ཋཔེཏྭཱ ཨེཀེན ཁནྡྷེན ཨེཀཱདསཧཱཡཏནེཧི ཨེཀཱདསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ.

༡༤༢. ཙིཏྟསམུཊྛཱནཱ ¶ དྷམྨཱ ཙཏཱུཧི ཁནྡྷེཧི ཚཧཱཡཏནེཧི ཚཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན ཚཧཱཡཏནེཧི དྭཱདསཧི དྷཱཏཱུཧི ཨསངྒཧིཏཱ.

༡༤༣. ནོ ཙིཏྟསམུཊྛཱནཱ དྷམྨཱ… ནོ ཙིཏྟསཧབྷུནོ དྷམྨཱ… ནོ ཙིཏྟཱནུཔརིཝཏྟིནོ དྷམྨཱ ཨསངྑཏཾ ཁནྡྷཏོ ཋཔེཏྭཱ དྭཱིཧི ཁནྡྷེཧི ¶ དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཏཱིཧི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༡༤༤. ཙིཏྟསཧབྷུནོ ¶ དྷམྨཱ… ཙིཏྟཱནུཔརིཝཏྟིནོ དྷམྨཱ ཙཏཱུཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༡༤༥. ཙིཏྟསཾསཊྛསམུཊྛཱནཱ དྷམྨཱ… ཙིཏྟསཾསཊྛསམུཊྛཱནསཧབྷུནོ དྷམྨཱ… ཙིཏྟསཾསཊྛསམུཊྛཱནཱནུཔརིཝཏྟིནོ དྷམྨཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ. ཀཏིཧི ཨསངྒཧིཏཱ? དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༡༤༦. ནོ ¶ ཙིཏྟསཾསཊྛསམུཊྛཱནཱ དྷམྨཱ… ནོ ཙིཏྟསཾསཊྛསམུཊྛཱནསཧབྷུནོ དྷམྨཱ… ནོ ཙིཏྟསཾསཊྛསམུཊྛཱནཱནུཔརིཝཏྟིནོ དྷམྨཱ ཨསངྑཏཾ ཁནྡྷཏོ ཋཔེཏྭཱ དྭཱིཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཏཱིཧི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༡༤༧. ཨཛ྄ཛྷཏྟིཀཱ དྷམྨཱ དྭཱིཧི ¶ ཁནྡྷེཧི ཚཧཱཡཏནེཧི དྭཱདསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཏཱིཧི ཁནྡྷེཧི ཚཧཱཡཏནེཧི ཚཧི དྷཱཏཱུཧི ཨསངྒཧིཏཱ.

༡༤༨. བཱཧིརཱ དྷམྨཱ ཨསངྑཏཾ ཁནྡྷཏོ ཋཔེཏྭཱ ཙཏཱུཧི ཁནྡྷེཧི ཚཧཱཡཏནེཧི ཚཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན ¶ ཚཧཱཡཏནེཧི དྭཱདསཧི དྷཱཏཱུཧི ཨསངྒཧིཏཱ.

༡༤༩. ཨུཔཱདཱ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི ཨསངྒཧིཏཱ.

༡༥༠. ནོ ཨུཔཱདཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི ཏཱིཧཱཡཏནེཧི ནཝཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ནཝཧཱཡཏནེཧི ནཝཧི དྷཱཏཱུཧི ཨསངྒཧིཏཱ.

༡༥༡. ཨུཔཱདིནྣཱ དྷམྨཱ པཉྩཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི སངྒཧིཏཱ ¶ . ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ ཨསངྒཧིཏཱ.

༡༥༢. ཨནུཔཱདིནྣཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི སཏྟཧཱཡཏནེཧི ཨཊྛཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི པཉྩཧཱཡཏནེཧི དསཧི དྷཱཏཱུཧི ཨསངྒཧིཏཱ.

༡༥༣. ཨུཔཱདཱནཱ དྷམྨཱ… ཀིལེསཱ དྷམྨཱ… ཀིལེསཱ ཙེཝ སཾཀིལེསིཀཱ ཙ དྷམྨཱ… ཀིལེསཱ ཙེཝ སཾཀིལིཊྛཱ ཙ དྷམྨཱ… ཀིལེསཱ ཙེཝ ཀིལེསསམྤཡུཏྟཱ ཙ དྷམྨཱ ཨེཀེན ¶ ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ¶ སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༡༥༤. ནོ ཀིལེསཱ དྷམྨཱ… ཨསཾཀིལིཊྛཱ དྷམྨཱ… ཀིལེསཝིཔྤཡུཏྟཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི ¶ དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༡༥༥. སཾཀིལེསིཀཱ དྷམྨཱ… སཾཀིལེསིཀཱ ཙེཝ ནོ ཙ ཀིལེསཱ དྷམྨཱ… ཀིལེསཝིཔྤཡུཏྟཱ སཾཀིལེསིཀཱ དྷམྨཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༡༥༦. ཨསཾཀིལེསིཀཱ དྷམྨཱ… ཀིལེསཝིཔྤཡུཏྟཱ ཨསཾཀིལེསིཀཱ དྷམྨཱ ཨསངྑཏཾ ཁནྡྷཏོ ཋཔེཏྭཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༡༥༧. སཾཀིལིཊྛཱ དྷམྨཱ… ཀིལེསསམྤཡུཏྟཱ དྷམྨཱ… སཾཀིལིཊྛཱ ཙེཝ ནོ ཙ ཀིལེསཱ དྷམྨཱ… ཀིལེསསམྤཡུཏྟཱ ཙེཝ ནོ ཙ ཀིལེསཱ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི ¶ སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༡༥༨. དསྶནེན པཧཱཏབྦཱ དྷམྨཱ… བྷཱཝནཱཡ པཧཱཏབྦཱ དྷམྨཱ… དསྶནེན པཧཱཏབྦཧེཏུཀཱ དྷམྨཱ… བྷཱཝནཱཡ པཧཱཏབྦཧེཏུཀཱ དྷམྨཱ ཙཏཱུཧི ¶ ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༡༥༩. ན དསྶནེན པཧཱཏབྦཱ དྷམྨཱ… ན བྷཱཝནཱཡ པཧཱཏབྦཱ དྷམྨཱ ¶ … ན དསྶནེན པཧཱཏབྦཧེཏུཀཱ དྷམྨཱ… ན བྷཱཝནཱཡ པཧཱཏབྦཧེཏུཀཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི ¶ དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༡༦༠. སཝིཏཀྐཱ དྷམྨཱ… སཝིཙཱརཱ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཏཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི པནྣརསཧི དྷཱཏཱུཧི ཨསངྒཧིཏཱ.

༡༦༡. ཨཝིཏཀྐཱ དྷམྨཱ… ཨཝིཙཱརཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི སཏྟརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཨེཀཱཡ དྷཱཏུཡཱ ཨསངྒཧིཏཱ.

༡༦༢. སཔྤཱིཏིཀཱ དྷམྨཱ… པཱིཏིསཧགཏཱ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༡༦༣. ཨཔྤཱིཏིཀཱ དྷམྨཱ… ན པཱིཏིསཧགཏཱ དྷམྨཱ… ན སུཁསཧགཏཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ¶ ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༡༦༤. སུཁསཧགཏཱ ¶ དྷམྨཱ ཏཱིཧི ཁནྡྷེཧི དྭཱིཧཱཡཏནེཧི ཏཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? དྭཱིཧི ཁནྡྷེཧི དསཧཱཡཏནེཧི པནྣརསཧི ¶ དྷཱཏཱུཧི ཨསངྒཧིཏཱ.

༡༦༥. ཨུཔེཀྑཱསཧགཏཱ དྷམྨཱ ཏཱིཧི ཁནྡྷེཧི དྭཱིཧཱཡཏནེཧི སཏྟཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? དྭཱིཧི ཁནྡྷེཧི དསཧཱཡཏནེཧི ཨེཀཱདསཧི དྷཱཏཱུཧི ཨསངྒཧིཏཱ.

༡༦༦. ན ཨུཔེཀྑཱསཧགཏཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཏེརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི པཉྩཧི དྷཱཏཱུཧི ཨསངྒཧིཏཱ.

༡༦༧. ཀཱམཱཝཙརཱ ¶ དྷམྨཱ… པརིཡཱཔནྣཱ དྷམྨཱ… སཨུཏྟརཱ དྷམྨཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༡༦༨. ན ཀཱམཱཝཙརཱ དྷམྨཱ… ཨཔརིཡཱཔནྣཱ དྷམྨཱ… ཨནུཏྟརཱ དྷམྨཱ ཨསངྑཏཾ ཁནྡྷཏོ ཋཔེཏྭཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༡༦༩. རཱུཔཱཝཙརཱ དྷམྨཱ… ཨརཱུཔཱཝཙརཱ དྷམྨཱ… ནིཡྻཱནིཀཱ དྷམྨཱ… ནིཡཏཱ དྷམྨཱ… སརཎཱ དྷམྨཱ ཙཏཱུཧི ¶ ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༡༧༠. ན ¶ རཱུཔཱཝཙརཱ དྷམྨཱ… ན ཨརཱུཔཱཝཙརཱ དྷམྨཱ… ཨནིཡྻཱནིཀཱ དྷམྨཱ… ཨནིཡཏཱ དྷམྨཱ… ཨརཎཱ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? ཨརཎཱ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

སངྒཧཱསངྒཧཔདནིདྡེསོ པཋམོ.

༢. དུཏིཡནཡོ

༢. སངྒཧིཏེནཨསངྒཧིཏཔདནིདྡེསོ

༡༧༡. ཙཀྑཱཡཏནེན ¶ ¶ ¶ ཡེ དྷམྨཱ… ཕོཊྛབྦཱཡཏནེན ཡེ དྷམྨཱ… ཙཀྑུདྷཱཏུཡཱ ཡེ དྷམྨཱ… ཕོཊྛབྦདྷཱཏུཡཱ ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི ཨསངྒཧིཏཱ? ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི ཨསངྒཧིཏཱ.

༡༧༢. ཙཀྑུཝིཉྙཱཎདྷཱཏུཡཱ ཡེ དྷམྨཱ… སོཏཝིཉྙཱཎདྷཱཏུཡཱ ཡེ དྷམྨཱ… གྷཱནཝིཉྙཱཎདྷཱཏུཡཱ ཡེ དྷམྨཱ… ཛིཝ྄ཧཱཝིཉྙཱཎདྷཱཏུཡཱ ཡེ དྷམྨཱ… ཀཱཡཝིཉྙཱཎདྷཱཏུཡཱ ཡེ དྷམྨཱ… མནོདྷཱཏུཡཱ ཡེ དྷམྨཱ… མནོཝིཉྙཱཎདྷཱཏུཡཱ ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན ¶ ཨསངྒཧིཏཱ དྷཱཏུསངྒཧེན ཨསངྒཧིཏཱ…པེ… ཏེ དྷམྨཱ ཙཏཱུཧི ཁནྡྷེཧི ཨེཀཱདསཧཱཡཏནེཧི དྭཱདསཧི དྷཱཏཱུཧི ཨསངྒཧིཏཱ.

༡༧༣. ཙཀྑུནྡྲིཡེན ཡེ དྷམྨཱ… སོཏིནྡྲིཡེན ཡེ དྷམྨཱ… གྷཱནིནྡྲིཡེན ཡེ དྷམྨཱ… ཛིཝ྄ཧིནྡྲིཡེན ཡེ དྷམྨཱ… ཀཱཡིནྡྲིཡེན ཡེ དྷམྨཱ… ཨིཏྠིནྡྲིཡེན ཡེ དྷམྨཱ… པུརིསིནྡྲིཡེན ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ…པེ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི ཨསངྒཧིཏཱ.

༡༧༤. ཨསཉྙཱབྷཝེན ཡེ དྷམྨཱ… ཨེཀཝོཀཱརབྷཝེན ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ…པེ… ཏེ དྷམྨཱ ཙཏཱུཧི ¶ ཁནྡྷེཧི ཏཱིཧཱཡཏནེཧི ནཝཧི དྷཱཏཱུཧི ཨསངྒཧིཏཱ.

༡༧༥. པརིདེཝེན ཡེ དྷམྨཱ… སནིདསྶནསཔྤཊིགྷེཧི དྷམྨེཧི ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ…པེ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི ཨསངྒཧིཏཱ.

༡༧༦. ཨནིདསྶནསཔྤཊིགྷེཧི ¶ དྷམྨེཧི ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ…པེ… ཏེ དྷམྨཱ ཙཏཱུཧི ཁནྡྷེཧི དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༡༧༧. སནིདསྶནེཧི དྷམྨེཧི ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན ¶ ཨསངྒཧིཏཱ དྷཱཏུསངྒཧེན ཨསངྒཧིཏཱ…པེ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི ཨསངྒཧིཏཱ.

༡༧༨. སཔྤཊིགྷེཧི དྷམྨེཧི ཡེ དྷམྨཱ… ཨུཔཱདཱདྷམྨེཧི ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི ཨསངྒཧིཏཱ? ཏེ དྷམྨཱ ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

དསཱཡཏནཱ སཏྟརས དྷཱཏུཡོ,

སཏྟིནྡྲིཡཱ ཨསཉྙཱབྷཝོ ཨེཀཝོཀཱརབྷཝོ;

པརིདེཝོ སནིདསྶནསཔྤཊིགྷཾ,

ཨནིདསྶནཾ པུནདེཝ [པུནརེཝ (པཱི.)] སཔྤཊིགྷཾ ཨུཔཱདཱཏི.

སངྒཧིཏེནཨསངྒཧིཏཔདནིདྡེསོ དུཏིཡོ.

༣. ཏཏིཡནཡོ

༣. ཨསངྒཧིཏེནསངྒཧིཏཔདནིདྡེསོ

༡༧༩. ཝེདནཱཀྑནྡྷེན ¶ ¶ ¶ ཡེ དྷམྨཱ… སཉྙཱཀྑནྡྷེན ཡེ དྷམྨཱ… སངྑཱརཀྑནྡྷེན ཡེ དྷམྨཱ… སམུདཡསཙྩེན ཡེ དྷམྨཱ… མགྒསཙྩེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ.

༡༨༠. ནིརོདྷསཙྩེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ¶ སངྒཧིཏཱ དྷཱཏུསངྒཧེན སངྒཧིཏཱ…པེ… ཏེ དྷམྨཱ ཙཏཱུཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ.

༡༨༡. ཛཱིཝིཏིནྡྲིཡེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ…པེ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ དྭཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ.

༡༨༢. ཨིཏྠིནྡྲིཡེན ཡེ དྷམྨཱ… པུརིསིནྡྲིཡེན ཡེ དྷམྨཱ… སུཁིནྡྲིཡེན ཡེ དྷམྨཱ… དུཀྑིནྡྲིཡེན ཡེ དྷམྨཱ… སོམནསྶིནྡྲིཡེན ཡེ དྷམྨཱ… དོམནསྶིནྡྲིཡེན ཡེ དྷམྨཱ… ཨུཔེཀྑིནྡྲིཡེན ཡེ དྷམྨཱ… སདྡྷིནྡྲིཡེན ཡེ དྷམྨཱ… ཝཱིརིཡིནྡྲིཡེན ཡེ དྷམྨཱ… སཏིནྡྲིཡེན ཡེ དྷམྨཱ… སམཱདྷིནྡྲིཡེན ཡེ དྷམྨཱ… པཉྙིནྡྲིཡེན ཡེ དྷམྨཱ… ཨནཉྙཱཏཉྙསྶཱམཱིཏིནྡྲིཡེན ཡེ དྷམྨཱ… ཨཉྙིནྡྲིཡེན ཡེ དྷམྨཱ… ཨཉྙཱཏཱཝིནྡྲིཡེན ཡེ དྷམྨཱ… ཨཝིཛྫཱཡ ཡེ དྷམྨཱ… ཨཝིཛྫཱཔཙྩཡཱ ¶ སངྑཱརེན ཡེ དྷམྨཱ… སལཱ༹ཡཏནཔཙྩཡཱ ཕསྶེན ཡེ དྷམྨཱ… ཕསྶཔཙྩཡཱ ཝེདནཱཡ ཡེ དྷམྨཱ… ཝེདནཱཔཙྩཡཱ ¶ ཏཎྷཱཡ ཡེ དྷམྨཱ… ཏཎྷཱཔཙྩཡཱ ཨུཔཱདཱནེན ཡེ དྷམྨཱ… ཀམྨབྷཝེན [ཨུཔཱདཱནཔཙྩཡཱ ཀམྨབྷཝེན (སྱཱ.)] ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ…པེ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ.

༡༨༣. ཛཱཏིཡཱ ¶ ¶ ཡེ དྷམྨཱ… ཛརཱཡ ཡེ དྷམྨཱ… མརཎེན ཡེ དྷམྨཱ… ཛྷཱནེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ…པེ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ དྭཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ.

༡༨༤. སོཀེན ཡེ དྷམྨཱ… དུཀྑེན ཡེ དྷམྨཱ… དོམནསྶེན ཡེ དྷམྨཱ… ཨུཔཱཡཱསེན ཡེ དྷམྨཱ… སཏིཔཊྛཱནེན ཡེ དྷམྨཱ… སམྨཔྤདྷཱནེན ཡེ དྷམྨཱ… ཨཔྤམཉྙཱཡ ཡེ དྷམྨཱ… པཉྩཧི ཨིནྡྲིཡེཧི ཡེ དྷམྨཱ… པཉྩཧི བལེཧི ཡེ དྷམྨཱ… སཏྟཧི བོཛ྄ཛྷངྒེཧི ཡེ དྷམྨཱ… ཨརིཡེན ཨཊྛངྒིཀེན མགྒེན ཡེ དྷམྨཱ… ཕསྶེན ཡེ དྷམྨཱ… ཝེདནཱཡ ཡེ དྷམྨཱ… སཉྙཱཡ ཡེ དྷམྨཱ… ཙེཏནཱཡ ཡེ དྷམྨཱ… ཨདྷིམོཀྑེན ཡེ དྷམྨཱ… མནསིཀཱརེན ཡེ དྷམྨཱ… ཧེཏཱུཧི དྷམྨེཧི ཡེ དྷམྨཱ… ཧེཏཱུཧི ཙེཝ སཧེཏུཀེཧི ཙ དྷམྨེཧི ཡེ དྷམྨཱ… ཧེཏཱུཧི ཙེཝ ཧེཏུསམྤཡུཏྟེཧི ཙ དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ…པེ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ.

༡༨༥. ཨཔྤཙྩཡེཧི དྷམྨེཧི ཡེ དྷམྨཱ… ཨསངྑཏེཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ…པེ… ཏེ དྷམྨཱ ཙཏཱུཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ ¶ སངྒཧིཏཱ.

༡༨༦. ཨཱསཝེཧི དྷམྨེཧི ཡེ དྷམྨཱ… ཨཱསཝེཧི ཙེཝ སཱསཝེཧི ཙ དྷམྨེཧི ཡེ དྷམྨཱ… ཨཱསཝེཧི ཙེཝ ཨཱསཝསམྤཡུཏྟེཧི ཙ དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ… ཏེ དྷམྨཱ ཨསངྑཏཾ ¶ ཁནྡྷཏོ ཋཔེཏྭཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ.

༡༨༧. སཾཡོཛནེཧི ¶ … གནྠེཧི… ཨོགྷེཧི… ཡོགེཧི… ནཱིཝརཎེཧི… པརཱམཱསེཧི དྷམྨེཧི ཡེ དྷམྨཱ… པརཱམཱསེཧི ཙེཝ པརཱམཊྛེཧི ཙ དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ.

༡༨༨. ཙེཏསིཀེཧི ¶ དྷམྨེཧི ཡེ དྷམྨཱ… ཙིཏྟསམྤཡུཏྟེཧི དྷམྨེཧི ཡེ དྷམྨཱ… ཙིཏྟསཾསཊྛེཧི དྷམྨེཧི ཡེ དྷམྨཱ… ཙིཏྟསཾསཊྛསམུཊྛཱནེཧི དྷམྨེཧི ཡེ དྷམྨཱ… ཙིཏྟསཾསཊྛསམུཊྛཱནསཧབྷཱུཧི དྷམྨེཧི ཡེ དྷམྨཱ… ཙིཏྟསཾསཊྛསམུཊྛཱནཱནུཔརིཝཏྟཱིཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ…པེ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ.

༡༨༩. ཙིཏྟསཧབྷཱུམི ¶ དྷམྨེཧི ཡེ དྷམྨཱ… ཙིཏྟཱནུཔརིཝཏྟཱིཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ…པེ… ཏེ དྷམྨཱ ན ཀེཧིཙི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ.

༡༩༠. ཨུཔཱདཱནེཧི དྷམྨེཧི ཡེ དྷམྨཱ… ཀིལེསེཧི དྷམྨེཧི ཡེ དྷམྨཱ… ཀིལེསེཧི ཙེཝ སཾཀིལེསིཀེཧི ཙ དྷམྨེཧི ཡེ དྷམྨཱ… ཀིལེསེཧི ཙེཝ སཾཀིལིཊྛེཧི ཙ དྷམྨེཧི ཡེ དྷམྨཱ… ཀིལེསེཧི ཙེཝ ཀིལེསསམྤཡུཏྟེཧི ཙ དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ.

ཏཡོ ཁནྡྷཱ ཏཐཱ སཙྩཱ, ཨིནྡྲིཡཱནི ཙ སོལ༹ས;

པདཱནི པཙྩཡཱཀཱརེ, ཙུདྡསཱུཔརི ཙུདྡས.

སམཏིཾས པདཱ ཧོནྟི, གོཙྪཀེསུ དསསྭཐ;

དུཝེ ཙཱུལ༹ནྟརདུཀཱ [ཙུལླནྟརདུཀཱ (སཱི.)], ཨཊྛ ཧོནྟི མཧནྟརཱཏི.

ཨསངྒཧིཏེནསངྒཧིཏཔདནིདྡེསོ ཏཏིཡོ.

༤. ཙཏུཏྠནཡོ

༤. སངྒཧིཏེནསངྒཧིཏཔདནིདྡེསོ

༡༩༡. སམུདཡསཙྩེན ¶ ¶ ¶ ཡེ དྷམྨཱ… མགྒསཙྩེན ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ, ཏེཧི དྷམྨེཧི ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ, ཏེ དྷམྨཱ ཀཏིཧི ཁནྡྷེཧི ¶ ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? ཏེ དྷམྨཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ.

༡༩༢. ཨིཏྠིནྡྲིཡེན ཡེ དྷམྨཱ… པུརིསིནྡྲིཡེན ཡེ དྷམྨཱ… སུཁིནྡྲིཡེན ཡེ དྷམྨཱ… དུཀྑིནྡྲིཡེན ཡེ དྷམྨཱ… སོམནསྶིནྡྲིཡེན ཡེ དྷམྨཱ… དོམནསྶིནྡྲིཡེན ཡེ དྷམྨཱ… ཨུཔེཀྑིནྡྲིཡེན ཡེ དྷམྨཱ… སདྡྷིནྡྲིཡེན ཡེ དྷམྨཱ… ཝཱིརིཡིནྡྲིཡེན ཡེ དྷམྨཱ… སཏིནྡྲིཡེན ཡེ དྷམྨཱ… སམཱདྷིནྡྲིཡེན ཡེ དྷམྨཱ… པཉྙིནྡྲིཡེན ཡེ དྷམྨཱ… ཨནཉྙཱཏཉྙསྶཱམཱིཏིནྡྲིཡེན ཡེ དྷམྨཱ… ཨཉྙིནྡྲིཡེན ཡེ དྷམྨཱ… ཨཉྙཱཏཱཝིནྡྲིཡེན ཡེ དྷམྨཱ….

ཨཝིཛྫཱཡ ཡེ དྷམྨཱ… ཨཝིཛྫཱཔཙྩཡཱ སངྑཱརེན ཡེ དྷམྨཱ… སལཱ༹ཡཏནཔཙྩཡཱ ཕསྶེན ཡེ དྷམྨཱ… ཝེདནཱཔཙྩཡཱ ཏཎྷཱཡ ཡེ དྷམྨཱ… ཏཎྷཱཔཙྩཡཱ ཨུཔཱདཱནེན ཡེ དྷམྨཱ… ཀམྨབྷཝེན ཡེ དྷམྨཱ… སོཀེན ཡེ དྷམྨཱ… པརིདེཝེན ཡེ དྷམྨཱ… དུཀྑེན ཡེ དྷམྨཱ… དོམནསྶེན ཡེ དྷམྨཱ… ཨུཔཱཡཱསེན ཡེ དྷམྨཱ….

སཏིཔཊྛཱནེན ཡེ དྷམྨཱ… སམྨཔྤདྷཱནེན ཡེ དྷམྨཱ… ཨཔྤམཉྙཱཡ ཡེ དྷམྨཱ… པཉྩཧི ཨིནྡྲིཡེཧི ཡེ དྷམྨཱ… པཉྩཧི བལེཧི ཡེ དྷམྨཱ… སཏྟཧི བོཛ྄ཛྷངྒེཧི ཡེ དྷམྨཱ… ཨརིཡེན ཨཊྛངྒིཀེན ¶ མགྒེན ཡེ དྷམྨཱ… ཕསྶེན ཡེ དྷམྨཱ… ཙེཏནཱཡ ཡེ དྷམྨཱ… ཨདྷིམོཀྑེན ཡེ དྷམྨཱ… མནསིཀཱརེན ཡེ དྷམྨཱ ¶ ….

ཧེཏཱུཧི དྷམྨེཧི ཡེ དྷམྨཱ… ཧེཏཱུཧི ཙེཝ སཧེཏུཀེཧི ཙ དྷམྨེཧི ཡེ དྷམྨཱ… ཧེཏཱུཧི ཙེཝ ཧེཏུསམྤཡུཏྟེཧི ཙ དྷམྨེཧི ¶ ཡེ དྷམྨཱ… ཨཱསཝེཧི… སཾཡོཛནེཧི… གནྠེཧི… ཨོགྷེཧི… ཡོགེཧི… ནཱིཝརཎེཧི… པརཱམཱསེཧི… ཨུཔཱདཱནེཧི… ཀིལེསེཧི དྷམྨེཧི ཡེ དྷམྨཱ… ཀིལེསེཧི ཙེཝ ¶ སཾཀིལེསིཀེཧི ཙ དྷམྨེཧི ཡེ དྷམྨཱ… ཀིལེསེཧི ཙེཝ སཾཀིལིཊྛེཧི ཙ དྷམྨེཧི ཡེ དྷམྨཱ… ཀིལེསེཧི ཙེཝ ཀིལེསསམྤཡུཏྟེཧི ཙ དྷམྨེཧི ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ, ཏེཧི དྷམྨེཧི ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? ཏེ དྷམྨཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ.

དྭེ སཙྩཱ པནྣརསིནྡྲིཡཱ, ཨེཀཱདས པཊིཙྩཔདཱ;

ཨུདྡྷཾ པུན ཨེཀཱདས, གོཙྪཀཔདམེཏྠ ཏིཾསཝིདྷཱཏི [ཏིཾསཝིདྷནྟི (པཱི.)].

སངྒཧིཏེནསངྒཧིཏཔདནིདྡེསོ ཙཏུཏྠོ.

༥. པཉྩམནཡོ

༥. ཨསངྒཧིཏེནཨསངྒཧིཏཔདནིདྡེསོ

༡༩༣. རཱུཔཀྑནྡྷེན ¶ ¶ ¶ ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི ¶ དྷཱཏཱུཧི ཨསངྒཧིཏཱ? ཏེ དྷམྨཱ ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ.

༡༩༤. ཝེདནཱཀྑནྡྷེན ཡེ དྷམྨཱ… སཉྙཱཀྑནྡྷེན ཡེ དྷམྨཱ… སངྑཱརཀྑནྡྷེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༡༩༥. ཝིཉྙཱཎཀྑནྡྷེན ཡེ དྷམྨཱ… མནཱཡཏནེན ཡེ དྷམྨཱ… ཙཀྑུཝིཉྙཱཎདྷཱཏུཡཱ ཡེ དྷམྨཱ…པེ… མནོདྷཱཏུཡཱ ཡེ དྷམྨཱ… མནོཝིཉྙཱཎདྷཱཏུཡཱ ཡེ དྷམྨཱ… མནིནྡྲིཡེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ ཙཏཱུཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི ཨསངྒཧིཏཱ.

༡༩༦. ཙཀྑཱཡཏནེན ཡེ དྷམྨཱ…པེ… ཕོཊྛབྦཱཡཏནེན ཡེ དྷམྨཱ… ཙཀྑུདྷཱཏུཡཱ ཡེ དྷམྨཱ…པེ… ཕོཊྛབྦདྷཱཏུཡཱ ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ ཙཏཱུཧི ¶ ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི ཨསངྒཧིཏཱ.

༡༩༧. དྷམྨཱཡཏནེན ¶ ཡེ དྷམྨཱ… དྷམྨདྷཱཏུཡཱ ཡེ དྷམྨཱ… ཨིཏྠིནྡྲིཡེན ཡེ དྷམྨཱ… པུརིསིནྡྲིཡེན ཡེ དྷམྨཱ… ཛཱིཝིཏིནྡྲིཡེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ¶ ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ.

༡༩༨. སམུདཡསཙྩེན ¶ ཡེ དྷམྨཱ… མགྒསཙྩེན ཡེ དྷམྨཱ… ནིརོདྷསཙྩེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༡༩༩. ཙཀྑུནྡྲིཡེན ཡེ དྷམྨཱ…པེ… ཀཱཡིནྡྲིཡེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི ཨསངྒཧིཏཱ.

༢༠༠. སུཁིནྡྲིཡེན ཡེ དྷམྨཱ… དུཀྑིནྡྲིཡེན ཡེ དྷམྨཱ… སོམནསྶིནྡྲིཡེན ཡེ དྷམྨཱ… དོམནསྶིནྡྲིཡེན ཡེ དྷམྨཱ… ཨུཔེཀྑིནྡྲིཡེན ཡེ དྷམྨཱ… སདྡྷིནྡྲིཡེན ཡེ དྷམྨཱ… ཝཱིརིཡིནྡྲིཡེན ཡེ དྷམྨཱ… སཏིནྡྲིཡེན ཡེ དྷམྨཱ… སམཱདྷིནྡྲིཡེན ཡེ དྷམྨཱ… པཉྙིནྡྲིཡེན ཡེ དྷམྨཱ… ཨནཉྙཱཏཉྙསྶཱམཱིཏིནྡྲིཡེན ཡེ དྷམྨཱ… ཨཉྙིནྡྲིཡེན ཡེ དྷམྨཱ… ཨཉྙཱཏཱཝིནྡྲིཡེན ཡེ དྷམྨཱ… ཨཝིཛྫཱཡ ཡེ དྷམྨཱ… ཨཝིཛྫཱཔཙྩཡཱ སངྑཱརེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ¶ ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ¶ ཨསངྒཧིཏཱ.

༢༠༡. སངྑཱརཔཙྩཡཱ ཝིཉྙཱཎེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ ཙཏཱུཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི ཨསངྒཧིཏཱ.

༢༠༢. ཝིཉྙཱཎཔཙྩཡཱ ནཱམརཱུཔེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ.

༢༠༣. ནཱམརཱུཔཔཙྩཡཱ ¶ སལཱ༹ཡཏནེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ ཨསངྒཧིཏཱ.

༢༠༤. སལཱ༹ཡཏནཔཙྩཡཱ ¶ ཕསྶེན ཡེ དྷམྨཱ… ཕསྶཔཙྩཡཱ ཝེདནཱཡ ཡེ དྷམྨཱ… ཝེདནཱཔཙྩཡཱ ཏཎྷཱཡ ཡེ དྷམྨཱ… ཏཎྷཱཔཙྩཡཱ ཨུཔཱདཱནེན ཡེ དྷམྨཱ… ཀམྨབྷཝེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༢༠༥. ཨརཱུཔབྷཝེན ཡེ དྷམྨཱ… ནེཝསཉྙཱནཱསཉྙཱབྷཝེན ཡེ དྷམྨཱ ¶ … ཙཏུཝོཀཱརབྷཝེན ཡེ དྷམྨཱ… ཨིདྡྷིཔཱདེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༢༠༦. ཨསཉྙཱབྷཝེན ཡེ དྷམྨཱ… ཨེཀཝོཀཱརབྷཝེན ཡེ དྷམྨཱ… ཛཱཏིཡཱ ཡེ དྷམྨཱ… ཛརཱཡ ཡེ དྷམྨཱ… མརཎེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ ¶ , ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ.

༢༠༧. པརིདེཝེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི ཨསངྒཧིཏཱ.

༢༠༨. སོཀེན ཡེ དྷམྨཱ… དུཀྑེན ཡེ དྷམྨཱ… དོམནསྶེན ཡེ དྷམྨཱ… ཨུཔཱཡཱསེན ཡེ དྷམྨཱ… སཏིཔཊྛཱནེན ཡེ དྷམྨཱ… སམྨཔྤདྷཱནེན ཡེ དྷམྨཱ… ཛྷཱནེན ཡེ དྷམྨཱ… ཨཔྤམཉྙཱཡ ཡེ དྷམྨཱ… པཉྩཧི ཨིནྡྲིཡེཧི ཡེ དྷམྨཱ… པཉྩཧི བལེཧི ཡེ དྷམྨཱ… སཏྟཧི བོཛ྄ཛྷངྒེཧི ཡེ དྷམྨཱ… ཨརིཡེན ཨཊྛངྒིཀེན མགྒེན ཡེ དྷམྨཱ… ཕསྶེན ཡེ དྷམྨཱ… ཝེདནཱཡ ཡེ དྷམྨཱ… སཉྙཱཡ ཡེ དྷམྨཱ… ཙེཏནཱཡ ཡེ དྷམྨཱ… ཨདྷིམོཀྑེན ཡེ དྷམྨཱ ¶ … མནསིཀཱརེན ཡེ ¶ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༢༠༩. ཙིཏྟེན ¶ ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ ཙཏཱུཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི ཨསངྒཧིཏཱ.

༡. ཏིཀཾ

༢༡༠. ཀུསལེཧི དྷམྨེཧི ཡེ དྷམྨཱ… ཨཀུསལེཧི དྷམྨེཧི ཡེ དྷམྨཱ… སུཁཱཡ ཝེདནཱཡ སམྤཡུཏྟེཧི དྷམྨེཧི ཡེ དྷམྨཱ… དུཀྑཱཡ ཝེདནཱཡ སམྤཡུཏྟེཧི དྷམྨེཧི ཡེ དྷམྨཱ… ཨདུཀྑམསུཁཱཡ ཝེདནཱཡ སམྤཡུཏྟེཧི དྷམྨེཧི ཡེ དྷམྨཱ… ཝིཔཱཀེཧི དྷམྨེཧི ཡེ དྷམྨཱ… ཝིཔཱཀདྷམྨདྷམྨེཧི ཡེ དྷམྨཱ… ཨནུཔཱདིནྣཨནུཔཱདཱནིཡེཧི དྷམྨེཧི ཡེ དྷམྨཱ… སཾཀིལིཊྛསཾཀིལེསིཀེཧི དྷམྨེཧི ཡེ དྷམྨཱ… ཨསཾཀིལིཊྛཨསཾཀིལེསིཀེཧི ¶ དྷམྨེཧི ཡེ དྷམྨཱ… སཝིཏཀྐསཝིཙཱརེཧི དྷམྨེཧི ཡེ དྷམྨཱ… ཨཝིཏཀྐཝིཙཱརམཏྟེཧི དྷམྨེཧི ཡེ དྷམྨཱ… པཱིཏིསཧགཏེཧི དྷམྨེཧི ཡེ དྷམྨཱ… སུཁསཧགཏེཧི དྷམྨེཧི ཡེ དྷམྨཱ… ཨུཔེཀྑཱསཧགཏེཧི དྷམྨེཧི ཡེ དྷམྨཱ… དསྶནེན པཧཱཏབྦེཧི དྷམྨེཧི ཡེ དྷམྨཱ… བྷཱཝནཱཡ པཧཱཏབྦེཧི དྷམྨེཧི ཡེ དྷམྨཱ… དསྶནེན པཧཱཏབྦཧེཏུཀེཧི དྷམྨེཧི ཡེ དྷམྨཱ… བྷཱཝནཱཡ པཧཱཏབྦཧེཏུཀེཧི དྷམྨེཧི ཡེ ¶ དྷམྨཱ… ཨཱཙཡགཱམཱིཧི དྷམྨེཧི ཡེ དྷམྨཱ… ཨཔཙཡགཱམཱིཧི དྷམྨེཧི ཡེ དྷམྨཱ… སེཀྑེཧི དྷམྨེཧི ཡེ དྷམྨཱ… ཨསེཀྑེཧི དྷམྨེཧི ཡེ དྷམྨཱ… མཧགྒཏེཧི དྷམྨེཧི ཡེ དྷམྨཱ… ཨཔྤམཱཎེཧི དྷམྨེཧི ཡེ དྷམྨཱ… པརིཏྟཱརམྨཎེཧི དྷམྨེཧི ཡེ དྷམྨཱ… མཧགྒཏཱརམྨཎེཧི དྷམྨེཧི ཡེ དྷམྨཱ… ཨཔྤམཱཎཱརམྨཎེཧི དྷམྨེཧི ཡེ དྷམྨཱ… ཧཱིནེཧི དྷམྨེཧི ཡེ དྷམྨཱ… པཎཱིཏེཧི དྷམྨེཧི ཡེ དྷམྨཱ… མིཙྪཏྟནིཡཏེཧི དྷམྨེཧི ཡེ དྷམྨཱ… སམྨཏྟནིཡཏེཧི དྷམྨེཧི ཡེ དྷམྨཱ… མགྒཱརམྨཎེཧི དྷམྨེཧི ཡེ དྷམྨཱ… མགྒཧེཏུཀེཧི དྷམྨེཧི ཡེ དྷམྨཱ… མགྒཱདྷིཔཏཱིཧི དྷམྨེཧི ཡེ དྷམྨཱ… ཨཏཱིཏཱརམྨཎེཧི དྷམྨེཧི ཡེ དྷམྨཱ… ཨནཱགཏཱརམྨཎེཧི དྷམྨེཧི ཡེ དྷམྨཱ… པཙྩུཔནྣཱརམྨཎེཧི དྷམྨེཧི ཡེ དྷམྨཱ… ཨཛ྄ཛྷཏྟཱརམྨཎེཧི དྷམྨེཧི ཡེ དྷམྨཱ… བཧིདྡྷཱརམྨཎེཧི དྷམྨེཧི ཡེ དྷམྨཱ… ཨཛ྄ཛྷཏྟབཧིདྡྷཱརམྨཎེཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ¶ ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༢༡༡. སནིདསྶནསཔྤཊིགྷེཧི ¶ དྷམྨེཧི ཡེ དྷམྨཱ… ཨནིདསྶནསཔྤཊིགྷེཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི ཨསངྒཧིཏཱ ¶ .

༢. དུཀཾ

༢༡༢. ཧེཏཱུཧི དྷམྨེཧི ཡེ དྷམྨཱ… ཧེཏཱུཧི ཙེཝ སཧེཏུཀེཧི ཙ དྷམྨེཧི ¶ ཡེ དྷམྨཱ… ཧེཏཱུཧི ཙེཝ ཧེཏུསམྤཡུཏྟེཧི ཙ དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༢༡༣. སཧེཏུཀེཧི དྷམྨེཧི ཡེ དྷམྨཱ… ཧེཏུསམྤཡུཏྟེཧི དྷམྨེཧི ཡེ དྷམྨཱ… སཧེཏུཀེཧི ཙེཝ ན ཙ ཧེཏཱུཧི དྷམྨེཧི ཡེ དྷམྨཱ… ཧེཏུསམྤཡུཏྟེཧི ཙེཝ ན ཙ ཧེཏཱུཧི དྷམྨེཧི ཡེ དྷམྨཱ… ན ཧེཏུསཧེཏུཀེཧི [ན ཧེཏཱུ སཧེཏུཀེཧི (སཱི.), ན ཧེཏཱུཧི སཧེཏུཀེཧི (སྱཱ. ཀ.)] དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༢༡༤. ཨཔྤཙྩཡེཧི དྷམྨེཧི ཡེ དྷམྨཱ… ཨསངྑཏེཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༢༡༥. སནིདསྶནེཧི དྷམྨེཧི ཡེ དྷམྨཱ… སཔྤཊིགྷེཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ ཙཏཱུཧི ¶ ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི ཨསངྒཧིཏཱ.

༢༡༦. རཱུཔཱིཧི ¶ དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ ¶ དྷམྨཱ…པེ… ཏེ དྷམྨཱ ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ.

༢༡༧. ཨརཱུཔཱིཧི དྷམྨེཧི ཡེ དྷམྨཱ… ལོཀུཏྟརེཧི དྷམྨེཧི ¶ ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༢༡༨. ཨཱསཝེཧི དྷམྨེཧི ཡེ དྷམྨཱ… ཨཱསཝེཧི ཙེཝ སཱསཝེཧི ཙ དྷམྨེཧི ཡེ དྷམྨཱ… ཨཱསཝེཧི ཙེཝ ཨཱསཝསམྤཡུཏྟེཧི ཙ དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༢༡༩. ཨནཱསཝེཧི དྷམྨེཧི ཡེ དྷམྨཱ… ཨཱསཝསམྤཡུཏྟེཧི དྷམྨེཧི ཡེ དྷམྨཱ… ཨཱསཝསམྤཡུཏྟེཧི ཙེཝ ནོ ཙ ཨཱསཝེཧི དྷམྨེཧི ཡེ དྷམྨཱ… ཨཱསཝཝིཔྤཡུཏྟེཧི ཨནཱསཝེཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༢༢༠. སཾཡོཛནེཧི ¶ དྷམྨེཧི ཡེ དྷམྨཱ… གནྠེཧི དྷམྨེཧི ཡེ དྷམྨཱ… ཨོགྷེཧི དྷམྨེཧི ཡེ དྷམྨཱ… ཡོགེཧི དྷམྨེཧི ཡེ དྷམྨཱ… ནཱིཝརཎེཧི དྷམྨེཧི ཡེ དྷམྨཱ… པརཱམཱསེཧི དྷམྨེཧི ཡེ དྷམྨཱ… པརཱམཱསེཧི ཙེཝ པརཱམཊྛེཧི ཙ དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༢༢༡. ཨཔརཱམཊྛེཧི དྷམྨེཧི ཡེ དྷམྨཱ… པརཱམཱསསམྤཡུཏྟེཧི དྷམྨེཧི ཡེ དྷམྨཱ… པརཱམཱསཝིཔྤཡུཏྟེཧི ཨཔརཱམཊྛེཧི དྷམྨེཧི ཡེ དྷམྨཱ… སཱརམྨཎེཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ¶ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ ¶ , ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༢༢༢. ཨནཱརམྨཎེཧི ¶ དྷམྨེཧི ཡེ དྷམྨཱ… ནོ ཙིཏྟེཧི དྷམྨེཧི ཡེ དྷམྨཱ… ཙིཏྟཝིཔྤཡུཏྟེཧི དྷམྨེཧི ཡེ དྷམྨཱ… ཙིཏྟཝིསཾསཊྛེཧི དྷམྨེཧི ཡེ དྷམྨཱ… ཙིཏྟསམུཊྛཱནེཧི དྷམྨེཧི ཡེ དྷམྨཱ… ཙིཏྟསཧབྷཱུཧི དྷམྨེཧི ཡེ དྷམྨཱ… ཙིཏྟཱནུཔརིཝཏྟཱིཧི དྷམྨེཧི ཡེ དྷམྨཱ… བཱཧིརེཧི དྷམྨེཧི ཡེ དྷམྨཱ… ཨུཔཱདཱདྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ ཨེཀེན ཁནྡྷེན ཨེཀེནཱཡཏནེན སཏྟཧི ¶ དྷཱཏཱུཧི ཨསངྒཧིཏཱ.

༢༢༣. ཙིཏྟེཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ ཙཏཱུཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི ཨསངྒཧིཏཱ.

༢༢༤. ཙེཏསིཀེཧི དྷམྨེཧི ཡེ དྷམྨཱ… ཙིཏྟསམྤཡུཏྟེཧི དྷམྨེཧི ཡེ དྷམྨཱ… ཙིཏྟསཾསཊྛེཧི དྷམྨེཧི ཡེ དྷམྨཱ… ཙིཏྟསཾསཊྛསམུཊྛཱནེཧི དྷམྨེཧི ཡེ དྷམྨཱ… ཙིཏྟསཾསཊྛསམུཊྛཱནསཧབྷཱུཧི དྷམྨེཧི ཡེ དྷམྨཱ… ཙིཏྟསཾསཊྛསམུཊྛཱནཱནུཔརིཝཏྟཱིཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༢༢༥. ཨཛ྄ཛྷཏྟིཀེཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ ཨསངྒཧིཏཱ.

༢༢༦. ཨུཔཱདཱནེཧི ¶ དྷམྨེཧི ཡེ དྷམྨཱ… ཀིལེསེཧི དྷམྨེཧི ཡེ དྷམྨཱ… ཀིལེསེཧི ཙེཝ སཾཀིལེསིཀེཧི ཙ དྷམྨེཧི ཡེ དྷམྨཱ… ཀིལེསེཧི ཙེཝ སཾཀིལིཊྛེཧི ཙ དྷམྨེཧི ཡེ དྷམྨཱ… ཀིལེསེཧི ཙེཝ ཀིལེསསམྤཡུཏྟེཧི ཙ དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ¶ ¶ ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ…པེ… ཏེ དྷམྨཱ དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༢༢༧. ཨསཾཀིལེསིཀེཧི ¶ དྷམྨེཧི ཡེ དྷམྨཱ… སཾཀིལིཊྛེཧི དྷམྨེཧི ཡེ དྷམྨཱ… ཀིལེསསམྤཡུཏྟེཧི དྷམྨེཧི ཡེ དྷམྨཱ… སཾཀིལིཊྛེཧི ཙེཝ ནོ ཙ ཀིལེསེཧི དྷམྨེཧི ཡེ དྷམྨཱ… ཀིལེསསམྤཡུཏྟེཧི ཙེཝ ནོ ཙ ཀིལེསེཧི དྷམྨེཧི ཡེ དྷམྨཱ… ཀིལེསཝིཔྤཡུཏྟེཧི ཨསཾཀིལེསིཀེཧི དྷམྨེཧི ཡེ དྷམྨཱ… དསྶནེན པཧཱཏབྦེཧི དྷམྨེཧི ཡེ དྷམྨཱ… བྷཱཝནཱཡ པཧཱཏབྦེཧི དྷམྨེཧི ཡེ དྷམྨཱ… དསྶནེན པཧཱཏབྦཧེཏུཀེཧི དྷམྨེཧི ཡེ དྷམྨཱ… བྷཱཝནཱཡ པཧཱཏབྦཧེཏུཀེཧི དྷམྨེཧི ཡེ དྷམྨཱ… སཝིཏཀྐེཧི དྷམྨེཧི ཡེ དྷམྨཱ… སཝིཙཱརེཧི དྷམྨེཧི ཡེ དྷམྨཱ… སཔྤཱིཏིཀེཧི དྷམྨེཧི ཡེ དྷམྨཱ… པཱིཏིསཧགཏེཧི དྷམྨེཧི ཡེ དྷམྨཱ… སུཁསཧགཏེཧི དྷམྨེཧི ཡེ དྷམྨཱ… ཨུཔེཀྑཱསཧགཏེཧི དྷམྨེཧི ཡེ དྷམྨཱ… ན ཀཱམཱཝཙརེཧི དྷམྨེཧི ཡེ དྷམྨཱ… རཱུཔཱཝཙརེཧི དྷམྨེཧི ཡེ དྷམྨཱ… ཨརཱུཔཱཝཙརེཧི དྷམྨེཧི ཡེ དྷམྨཱ… ཨཔརིཡཱཔནྣེཧི དྷམྨེཧི ཡེ དྷམྨཱ… ནིཡྻཱནིཀེཧི དྷམྨེཧི ཡེ དྷམྨཱ… ནིཡཏེཧི དྷམྨེཧི ཡེ དྷམྨཱ… ཨནུཏྟརེཧི དྷམྨེཧི ཡེ དྷམྨཱ… སརཎེཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ¶ ཨསངྒཧིཏཱ, ཏེ དྷམྨཱ ¶ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི ཨསངྒཧིཏཱ? ཏེ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

རཱུཔཉྩ དྷམྨཱཡཏནཾ དྷམྨདྷཱཏུ, ཨིཏྠིཔུམཾ ཛཱིཝིཏཾ ནཱམརཱུཔཾ;

དྭེ བྷཝཱ ཛཱཏི ཛརཱ མཙྩུརཱུཔཾ, ཨནཱརམྨཎཾ ནོ ཙིཏྟཾ ཙིཏྟེན ཝིཔྤཡུཏྟཾ.

ཝིསཾསཊྛཾ སམུཊྛཱན-སཧབྷུ ཨནུཔརིཝཏྟི;

བཱཧིརཾ ཨུཔཱདཱ དྭེ, ཝིསཡོ [དྭེཝཱིསཏི (སྱཱ.)] ཨེསནཡོ སུབུདྡྷོ.

ཨསངྒཧིཏེནཨསངྒཧིཏཔདནིདྡེསོ པཉྩམོ.

༦. ཚཊྛནཡོ

༦. སམྤཡོགཝིཔྤཡོགཔདནིདྡེསོ

༡. ཁནྡྷོ

༢༢༨. རཱུཔཀྑནྡྷོ ¶ ¶ ¶ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སམྤཡུཏྟོཏི? ནཏྠི. ཀཏིཧི ཝིཔྤཡུཏྟོ? ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟོ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟོ.

༢༢༩. ཝེདནཱཀྑནྡྷོ… སཉྙཱཀྑནྡྷོ… སངྑཱརཀྑནྡྷོ ཏཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི སམྤཡུཏྟོ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟོ. ཀཏིཧི ཝིཔྤཡུཏྟོ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟོ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟོ.

༢༣༠. ཝིཉྙཱཎཀྑནྡྷོ ¶ ཏཱིཧི ཁནྡྷེཧི སམྤཡུཏྟོ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟོ. ཀཏིཧི ཝིཔྤཡུཏྟོ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟོ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟོ.

༢. ཨཱཡཏནཾ

༢༣༡. ཙཀྑཱཡཏནཾ…པེ… ཕོཊྛབྦཱཡཏནཾ…པེ… སམྤཡུཏྟནྟི? ནཏྠི. ཀཏིཧི ཝིཔྤཡུཏྟཾ ¶ ? ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཾ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཾ.

༢༣༢. མནཱཡཏནཾ ཏཱིཧི ཁནྡྷེཧི སམྤཡུཏྟཾ; ཨེཀེནཱཡཏནེན ¶ ཨེཀཱཡ དྷཱཏུཡཱ ཀེཧིཙི སམྤཡུཏྟཾ. ཀཏིཧི ཝིཔྤཡུཏྟཾ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཾ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཾ.

༣. དྷཱཏུ

༢༣༣. ཙཀྑུདྷཱཏུ ¶ …པེ… ཕོཊྛབྦདྷཱཏུ…པེ… སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ? ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༣༤. ཙཀྑུཝིཉྙཱཎདྷཱཏུ…པེ… མནོདྷཱཏུ… མནོཝིཉྙཱཎདྷཱཏུ ཏཱིཧི ཁནྡྷེཧི སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༤. སཙྩཱདི

༢༣༥. སམུདཡསཙྩཾ… མགྒསཙྩཾ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ ¶ དྷཱཏུཡཱ སམྤཡུཏྟཾ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཾ. ཀཏིཧི ཝིཔྤཡུཏྟཾ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཾ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཾ.

༢༣༦. ནིརོདྷསཙྩཾ… ཙཀྑུནྡྲིཡཾ…པེ… ཀཱཡིནྡྲིཡཾ… ཨིཏྠིནྡྲིཡཾ… པུརིསིནྡྲིཡཾ…པེ… སམྤཡུཏྟནྟི? ནཏྠི. ཀཏིཧི ཝིཔྤཡུཏྟཾ? ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཾ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཾ.

༢༣༧. མནིནྡྲིཡཾ ¶ ཏཱིཧི ཁནྡྷེཧི སམྤཡུཏྟཾ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཾ. ཀཏིཧི ཝིཔྤཡུཏྟཾ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཾ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཾ.

༢༣༨. སུཁིནྡྲིཡཾ… དུཀྑིནྡྲིཡཾ… སོམནསྶིནྡྲིཡཾ… དོམནསྶིནྡྲིཡཾ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སམྤཡུཏྟཾ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཾ. ཀཏིཧི ཝིཔྤཡུཏྟཾ? ཨེཀེན ¶ ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཾ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཾ.

༢༣༩. ཨུཔེཀྑིནྡྲིཡཾ ¶ ཏཱིཧི ཁནྡྷེཧི ཨེཀེནཱཡཏནེན ཚཧི དྷཱཏཱུཧི སམྤཡུཏྟཾ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཾ. ཀཏིཧི ཝིཔྤཡུཏྟཾ? ཨེཀེན ཁནྡྷེན དསཧཱཡཏནེཧི ཨེཀཱདསཧི དྷཱཏཱུཧི ཝིཔྤཡུཏྟཾ ¶ ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཾ.

༢༤༠. སདྡྷིནྡྲིཡཾ… ཝཱིརིཡིནྡྲིཡཾ… སཏིནྡྲིཡཾ… སམཱདྷིནྡྲིཡཾ… པཉྙིནྡྲིཡཾ… ཨནཉྙཱཏཉྙསྶཱམཱིཏིནྡྲིཡཾ… ཨཉྙིནྡྲིཡཾ… ཨཉྙཱཏཱཝིནྡྲིཡཾ… ཨཝིཛྫཱ… ཨཝིཛྫཱཔཙྩཡཱ སངྑཱརཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སམྤཡུཏྟཱ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༤༡. སངྑཱརཔཙྩཡཱ ཝིཉྙཱཎཾ ཏཱིཧི ཁནྡྷེཧི སམྤཡུཏྟཾ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཾ. ཀཏིཧི ཝིཔྤཡུཏྟཾ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཾ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཾ.

༢༤༢. སལཱ༹ཡཏནཔཙྩཡཱ ཕསྶོ ཏཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི སམྤཡུཏྟོ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟོ. ཀཏིཧི ཝིཔྤཡུཏྟོ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟོ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟོ.

༢༤༣. ཕསྶཔཙྩཡཱ ¶ ཝེདནཱ ཏཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ ¶ ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༤༤. ཝེདནཱཔཙྩཡཱ ཏཎྷཱ… ཏཎྷཱཔཙྩཡཱ ཨུཔཱདཱནཾ… ཀམྨབྷཝོ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སམྤཡུཏྟོ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟོ. ཀཏིཧི ཝིཔྤཡུཏྟོ ¶ ? ཨེཀེན ¶ ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟོ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟོ.

༢༤༥. རཱུཔབྷཝོ…པེ… སམྤཡུཏྟོཏི? ནཏྠི. ཀཏིཧི ཝིཔྤཡུཏྟོ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཏཱིཧི དྷཱཏཱུཧི ཝིཔྤཡུཏྟོ.

༢༤༦. ཨརཱུཔབྷཝོ… ནེཝསཉྙཱནཱསཉྙཱབྷཝོ… ཙཏུཝོཀཱརབྷཝོ…པེ… སམྤཡུཏྟོཏི? ནཏྠི. ཀཏིཧི ཝིཔྤཡུཏྟོ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟོ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟོ.

༢༤༧. ཨསཉྙཱབྷཝོ… ཨེཀཝོཀཱརབྷཝོ… པརིདེཝོ…པེ… སམྤཡུཏྟོཏི? ནཏྠི. ཀཏིཧི ཝིཔྤཡུཏྟོ? ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟོ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟོ.

༢༤༨. སོཀོ… དུཀྑཾ… དོམནསྶཾ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སམྤཡུཏྟཾ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཾ. ཀཏིཧི ཝིཔྤཡུཏྟཾ? ཨེཀེན ཁནྡྷེན དསཧཱཡཏནེཧི སོལ༹སཧི ¶ དྷཱཏཱུཧི ཝིཔྤཡུཏྟཾ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཾ.

༢༤༩. ཨུཔཱཡཱསོ… སཏིཔཊྛཱནཾ… སམྨཔྤདྷཱནཾ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སམྤཡུཏྟཾ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཾ. ཀཏིཧི ཝིཔྤཡུཏྟཾ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཾ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཾ.

༢༥༠. ཨིདྡྷིཔཱདོ ¶ དྭཱིཧི ཁནྡྷེཧི སམྤཡུཏྟོ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟོ. ཀཏིཧི ཝིཔྤཡུཏྟོ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟོ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟོ.

༢༥༡. ཛྷཱནཾ ¶ དྭཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སམྤཡུཏྟཾ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཾ. ཀཏིཧི ཝིཔྤཡུཏྟཾ? ཨེཀེན ཁནྡྷེན དསཧཱཡཏནེཧི ¶ སོལ༹སཧི དྷཱཏཱུཧི ཝིཔྤཡུཏྟཾ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཾ.

༢༥༢. ཨཔྤམཉྙཱ… པཉྩིནྡྲིཡཱནི… པཉྩ བལཱནི… སཏྟ བོཛ྄ཛྷངྒཱ… ཨརིཡོ ཨཊྛངྒིཀོ མགྒོ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སམྤཡུཏྟོ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟོ. ཀཏིཧི ཝིཔྤཡུཏྟོ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟོ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟོ.

༢༥༣. ཕསྶོ ¶ … ཙེཏནཱ… མནསིཀཱརོ ཏཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི སམྤཡུཏྟོ; ཨེཀེན ཁནྡྷེན ཨེཀེནཱཡཏནེན ¶ ཨེཀཱཡ དྷཱཏུཡཱ ཀེཧིཙི སམྤཡུཏྟོ. ཀཏིཧི ཝིཔྤཡུཏྟོ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟོ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟོ.

༢༥༤. ཝེདནཱ… སཉྙཱ ཏཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༥༥. ཙིཏྟཾ ཏཱིཧི ཁནྡྷེཧི སམྤཡུཏྟཾ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཾ. ཀཏིཧི ཝིཔྤཡུཏྟཾ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཾ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཾ.

༢༥༦. ཨདྷིམོཀྑོ ཏཱིཧི ཁནྡྷེཧི ཨེཀེནཱཡཏནེན དྭཱིཧི དྷཱཏཱུཧི སམྤཡུཏྟོ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟོ. ཀཏིཧི ཝིཔྤཡུཏྟོ? ཨེཀེན ཁནྡྷེན དསཧཱཡཏནེཧི པནྣརསཧི དྷཱཏཱུཧི ཝིཔྤཡུཏྟོ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟོ.

༥. ཏིཀཾ

༢༥༧. ཀུསལཱ ¶ དྷམྨཱ… ཨཀུསལཱ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ ¶ ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༥༨. སུཁཱཡ ཝེདནཱཡ སམྤཡུཏྟཱ དྷམྨཱ… དུཀྑཱཡ ཝེདནཱཡ སམྤཡུཏྟཱ དྷམྨཱ ཨེཀེན ཁནྡྷེན སམྤཡུཏྟཱ ¶ ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི པནྣརསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༥༩. ཨདུཀྑམསུཁཱཡ ཝེདནཱཡ སམྤཡུཏྟཱ དྷམྨཱ ཨེཀེན ཁནྡྷེན སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི ཨེཀཱདསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༦༠. ཝིཔཱཀཱ དྷམྨཱ…པེ… སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༦༡. ཝིཔཱཀདྷམྨདྷམྨཱ… སཾཀིལིཊྛསཾཀིལེསིཀཱ དྷམྨཱ…པེ… སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༦༢. ནེཝཝིཔཱཀནཝིཔཱཀདྷམྨདྷམྨཱ… ཨནུཔཱདིནྣུཔཱདཱནིཡཱ དྷམྨཱ…པེ… སམྤཡུཏྟཱཏི ¶ ? ནཏྠི. ཀཏིཧི ཝིཔྤཡུཏྟཱ? ན ཀེཧིཙི ཁནྡྷེཧི ན ¶ ཀེཧིཙི ཨཱཡཏནེཧི པཉྩཧི དྷཱཏཱུཧི ཝིཔྤཡུཏྟཱ.

༢༦༣. ཨནུཔཱདིནྣཨནུཔཱདཱནིཡཱ དྷམྨཱ… ཨསཾཀིལིཊྛཨསཾཀིལེསིཀཱ དྷམྨཱ…པེ… སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཚཧི དྷཱཏཱུཧི ཝིཔྤཡུཏྟཱ.

༢༦༤. སཝིཏཀྐསཝིཙཱརཱ ¶ དྷམྨཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི པནྣརསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༦༥. ཨཝིཏཀྐཝིཙཱརམཏྟཱ དྷམྨཱ… པཱིཏིསཧགཏཱ དྷམྨཱ ¶ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༦༦. ཨཝིཏཀྐཨཝིཙཱརཱ དྷམྨཱ…པེ… སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཨེཀཱཡ དྷཱཏུཡཱ ཝིཔྤཡུཏྟཱ.

༢༦༧. སུཁསཧགཏཱ དྷམྨཱ ཨེཀེན ཁནྡྷེན སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི པནྣརསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༦༨. ཨུཔེཀྑཱསཧགཏཱ དྷམྨཱ ཨེཀེན ཁནྡྷེན སམྤཡུཏྟཱ; ཨེཀེནཱཡཏནེན ¶ ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི ཨེཀཱདསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༦༩. དསྶནེན པཧཱཏབྦཱ དྷམྨཱ བྷཱཝནཱཡ པཧཱཏབྦཱ དྷམྨཱ… དསྶནེན པཧཱཏབྦཧེཏུཀཱ དྷམྨཱ… བྷཱཝནཱཡ པཧཱཏབྦཧེཏུཀཱ དྷམྨཱ… ཨཱཙཡགཱམིནོ དྷམྨཱ… ཨཔཙཡགཱམིནོ ¶ དྷམྨཱ… སེཀྑཱ དྷམྨཱ… ཨསེཀྑཱ དྷམྨཱ… མཧགྒཏཱ དྷམྨཱ…པེ… སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༧༠. ཨཔྤམཱཎཱ དྷམྨཱ… པཎཱིཏཱ དྷམྨཱ…པེ… སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཚཧི དྷཱཏཱུཧི ཝིཔྤཡུཏྟཱ.

༢༧༡. པརིཏྟཱརམྨཎཱ ¶ དྷམྨཱ…པེ… སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༧༢. མཧགྒཏཱརམྨཎཱ དྷམྨཱ… ཨཔྤམཱཎཱརམྨཎཱ དྷམྨཱ… ཧཱིནཱ དྷམྨཱ… མིཙྪཏྟནིཡཏཱ དྷམྨཱ… སམྨཏྟནིཡཏཱ དྷམྨཱ… མགྒཱརམྨཎཱ དྷམྨཱ… མགྒཧེཏུཀཱ ¶ དྷམྨཱ… མགྒཱདྷིཔཏིནོ དྷམྨཱ…པེ… སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ¶ ཀེཧིཙི ཝིཔྤཡུཏྟཱ.

༢༧༣. ཨནུཔྤནྣཱ དྷམྨཱ…པེ… སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི པཉྩཧི དྷཱཏཱུཧི ཝིཔྤཡུཏྟཱ.

༢༧༤. ཨཏཱིཏཱརམྨཎཱ དྷམྨཱ…པེ… ཨནཱགཏཱརམྨཎཱ དྷམྨཱ…པེ… སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༧༥. པཙྩུཔྤནྣཱརམྨཎཱ དྷམྨཱ… ཨཛ྄ཛྷཏྟཱརམྨཎཱ དྷམྨཱ… བཧིདྡྷཱརམྨཎཱ དྷམྨཱ… ཨཛ྄ཛྷཏྟབཧིདྡྷཱརམྨཎཱ དྷམྨཱ…པེ… སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༧༦. སནིདསྶནསཔྤཊིགྷཱ དྷམྨཱ… ཨནིདསྶནསཔྤཊིགྷཱ དྷམྨཱ…པེ… སམྤཡུཏྟཱཏི ¶ ? ནཏྠི. ཀཏིཧི ཝིཔྤཡུཏྟཱ? ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༦. དུཀཾ

༢༧༧. ཧེཏཱུ དྷམྨཱ… ཧེཏཱུ ཙེཝ སཧེཏུཀཱ ཙ དྷམྨཱ… ཧེཏཱུ ཙེཝ ཧེཏུསམྤཡུཏྟཱ ཙ དྷམྨཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སམྤཡུཏྟཱ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ¶ སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི སོལ༹སཧི ¶ དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༧༨. སཧེཏུཀཱ དྷམྨཱ… ཧེཏུསམྤཡུཏྟཱ དྷམྨཱ…པེ… སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༧༩. སཧེཏུཀཱ ཙེཝ ན ཙ ཧེཏཱུ དྷམྨཱ… ཧེཏུསམྤཡུཏྟཱ ཙེཝ ན ཙ ཧེཏཱུ དྷམྨཱ… ན ཧེཏུསཧེཏུཀཱ དྷམྨཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ¶ ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༨༠. ཨཔྤཙྩཡཱ དྷམྨཱ… ཨསངྑཏཱ དྷམྨཱ… སནིདསྶནཱ དྷམྨཱ… སཔྤཊིགྷཱ དྷམྨཱ… རཱུཔིནོ དྷམྨཱ…པེ… སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ? ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༨༡. ལོཀུཏྟརཱ དྷམྨཱ…པེ… སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཚཧི དྷཱཏཱུཧི ཝིཔྤཡུཏྟཱ.

༢༨༢. ཨཱསཝཱ ¶ དྷམྨཱ… ཨཱསཝཱ ཙེཝ སཱསཝཱ ཙ དྷམྨཱ… ཨཱསཝཱ ཙེཝ ཨཱསཝསམྤཡུཏྟཱ ཙ དྷམྨཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སམྤཡུཏྟཱ; ཨེཀེན ཁནྡྷེན ཨེཀེནཱཡཏནེན ¶ ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༨༣. ཨནཱསཝཱ དྷམྨཱ… ཨཱསཝཝིཔྤཡུཏྟཱ ཨནཱསཝཱ དྷམྨཱ…པེ… སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཚཧི དྷཱཏཱུཧི ཝིཔྤཡུཏྟཱ.

༢༨༤. ཨཱསཝསམྤཡུཏྟཱ ¶ དྷམྨཱ…པེ… སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༨༥. ཨཱསཝསམྤཡུཏྟཱ ཙེཝ ནོ ཙ ཨཱསཝཱ དྷམྨཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༨༦. སཾཡོཛནཱ དྷམྨཱ… གནྠཱ དྷམྨཱ… ཨོགྷཱ དྷམྨཱ… ཡོགཱ དྷམྨཱ… ནཱིཝརཎཱ དྷམྨཱ… པརཱམཱསཱ དྷམྨཱ… པརཱམཱསཱ ཙེཝ པརཱམཊྛཱ ཙ དྷམྨཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སམྤཡུཏྟཱ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ¶ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ¶ ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༨༧. ཨཔརཱམཊྛཱ དྷམྨཱ… པརཱམཱསཝིཔྤཡུཏྟཱ ཨཔརཱམཊྛཱ དྷམྨཱ སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཚཧི དྷཱཏཱུཧི ཝིཔྤཡུཏྟཱ.

༢༨༨. པརཱམཱསསམྤཡུཏྟཱ དྷམྨཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༨༩. སཱརམྨཎཱ ¶ དྷམྨཱ…པེ… སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༩༠. ཨནཱརམྨཎཱ དྷམྨཱ… ཙིཏྟཝིཔྤཡུཏྟཱ དྷམྨཱ… ཙིཏྟཝིསཾསཊྛཱ དྷམྨཱ… ཨུཔཱདཱ དྷམྨཱ…པེ… སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ? ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༩༡. ཙིཏྟཱ ¶ དྷམྨཱ ཏཱིཧི ཁནྡྷེཧི སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ ¶ དྷཱཏུཡཱ ཀེཧིཙི ཝིཔྤཡུཏྟཱ.

༢༩༢. ཙེཏསིཀཱ དྷམྨཱ… ཙིཏྟསམྤཡུཏྟཱ དྷམྨཱ… ཙིཏྟསཾསཊྛཱ དྷམྨཱ… ཙིཏྟསཾསཊྛསམུཊྛཱནཱ དྷམྨཱ… ཙིཏྟསཾསཊྛསམུཊྛཱནསཧབྷུནོ དྷམྨཱ… ཙིཏྟསཾསཊྛསམུཊྛཱནཱནུཔརིཝཏྟིནོ དྷམྨཱ ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༩༣. ཨནུཔཱདིནྣཱ དྷམྨཱ…པེ… སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི པཉྩཧི དྷཱཏཱུཧི ཝིཔྤཡུཏྟཱ.

༢༩༤. ཨུཔཱདཱནཱ ¶ དྷམྨཱ… ཀིལེསཱ དྷམྨཱ… ཀིལེསཱ ཙེཝ སཾཀིལེསིཀཱ ཙ དྷམྨཱ… ཀིལེསཱ ཙེཝ སཾཀིལིཊྛཱ ཙ དྷམྨཱ… ཀིལེསཱ ཙེཝ ཀིལེསསམྤཡུཏྟཱ ཙ དྷམྨཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སམྤཡུཏྟཱ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༩༥. ཨསཾཀིལེསིཀཱ དྷམྨཱ… ཀིལེསཝིཔྤཡུཏྟཱ ཨསཾཀིལེསིཀཱ དྷམྨཱ…པེ… སམྤཡུཏྟཱཏི ¶ ? ནཏྠི. ཀཏིཧི ཝིཔྤཡུཏྟཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཚཧི དྷཱཏཱུཧི ཝིཔྤཡུཏྟཱ.

༢༩༦. སཾཀིལིཊྛཱ ¶ དྷམྨཱ… ཀིལེསསམྤཡུཏྟཱ དྷམྨཱ…པེ… སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༩༧. སཾཀིལིཊྛཱ ཙེཝ ནོ ཙ ཀིལེསཱ དྷམྨཱ… ཀིལེསསམྤཡུཏྟཱ ཙེཝ ནོ ཙ ཀིལེསཱ དྷམྨཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ¶ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༩༨. དསྶནེན པཧཱཏབྦཱ དྷམྨཱ… བྷཱཝནཱཡ པཧཱཏབྦཱ དྷམྨཱ… དསྶནེན པཧཱཏབྦཧེཏུཀཱ དྷམྨཱ… བྷཱཝནཱཡ པཧཱཏབྦཧེཏུཀཱ དྷམྨཱ… སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢༩༩. སཝིཏཀྐཱ དྷམྨཱ… སཝིཙཱརཱ དྷམྨཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི པནྣརསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༠༠. ཨཝིཏཀྐཱ དྷམྨཱ… ཨཝིཙཱརཱ དྷམྨཱ…པེ… སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཨེཀཱཡ ¶ དྷཱཏུཡཱ ཝིཔྤཡུཏྟཱ.

༣༠༡. སཔྤཱིཏིཀཱ ¶ དྷམྨཱ… པཱིཏིསཧགཏཱ དྷམྨཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༠༢. སུཁསཧགཏཱ ¶ དྷམྨཱ ཨེཀེན ཁནྡྷེན སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི པནྣརསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༠༣. ཨུཔེཀྑཱསཧགཏཱ དྷམྨཱ ཨེཀེན ཁནྡྷེན སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི ཨེཀཱདསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༠༤. ན ¶ ཀཱམཱཝཙརཱ དྷམྨཱ… ཨཔརིཡཱཔནྣཱ དྷམྨཱ… ཨནུཏྟརཱ དྷམྨཱ…པེ… སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཚཧི དྷཱཏཱུཧི ཝིཔྤཡུཏྟཱ.

༣༠༥. རཱུཔཱཝཙརཱ དྷམྨཱ… ཨརཱུཔཱཝཙརཱ དྷམྨཱ… ནིཡྻཱནིཀཱ དྷམྨཱ… ནིཡཏཱ དྷམྨཱ… སརཎཱ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ ¶ དྷཱཏུཡཱ ཀེཧིཙི ཝིཔྤཡུཏྟཱ.

དྷམྨཱཡཏནཾ དྷམྨདྷཱཏུ, དུཀྑསཙྩཉྩ ཛཱིཝིཏཾ;

སལཱ༹ཡཏནཾ ནཱམརཱུཔཾ, ཙཏྟཱརོ ཙ མཧཱབྷཝཱ.

ཛཱཏི ཛརཱ ཙ མརཎཾ, ཏིཀེསྭེཀཱུནཝཱིསཏི;

གོཙྪཀེསུ ཙ པཉྙཱས, ཨཊྛ ཙཱུལ༹ནྟརེ པདཱ.

མཧནྟརེ པནྣརས, ཨཊྛཱརས ཏཏོ པརེ;

ཏེཝཱིས པདསཏཾ ཨེཏཾ, སམྤཡོགེ ན ལབྦྷཏཱིཏི.

སམྤཡོགཝིཔྤཡོགཔདནིདྡེསོ ཚཊྛོ.

༧. སཏྟམནཡོ

༧. སམྤཡུཏྟེནཝིཔྤཡུཏྟཔདནིདྡེསོ

༣༠༦. ཝེདནཱཀྑནྡྷེན ¶ ¶ ¶ ཡེ དྷམྨཱ… སཉྙཱཀྑནྡྷེན ཡེ དྷམྨཱ… སངྑཱརཀྑནྡྷེན ཡེ དྷམྨཱ… ཝིཉྙཱཎཀྑནྡྷེན ཡེ དྷམྨཱ… མནཱཡཏནེན ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི ཝིཔྤཡུཏྟཱ? ཏེ དྷམྨཱ ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༠༧. ཙཀྑུཝིཉྙཱཎདྷཱཏུཡཱ ཡེ དྷམྨཱ…པེ… མནོདྷཱཏུཡཱ ཡེ དྷམྨཱ… མནོཝིཉྙཱཎདྷཱཏུཡཱ ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཨེཀཱཡ དྷཱཏུཡཱ ཝིཔྤཡུཏྟཱ.

༣༠༨. མནིནྡྲིཡེན ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༠༩. ཨུཔེཀྑིནྡྲིཡེན ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ ¶ དྷམྨཱ ཝིཔྤཡུཏྟཱ… ཏེ དྷམྨཱ ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི པཉྩཧི དྷཱཏཱུཧི ཝིཔྤཡུཏྟཱ.

༣༡༠. སངྑཱརཔཙྩཡཱ ཝིཉྙཱཎེན ཡེ དྷམྨཱ… སལཱ༹ཡཏནཔཙྩཡཱ ཕསྶེན ཡེ དྷམྨཱ… ཕསྶཔཙྩཡཱ ¶ ཝེདནཱཡ ཡེ དྷམྨཱ… ཕསྶེན ཡེ དྷམྨཱ… ཝེདནཱཡ ཡེ དྷམྨཱ… སཉྙཱཡ ཡེ དྷམྨཱ… ཙེཏནཱཡ ཡེ དྷམྨཱ… ཙིཏྟེན ཡེ དྷམྨཱ… མནསིཀཱརེན ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ¶ ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༡༡. ཨདྷིམོཀྑེན ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཨེཀཱཡ དྷཱཏུཡཱ ཝིཔྤཡུཏྟཱ.

༣༡༢. ཨདུཀྑམསུཁཱཡ ¶ ཝེདནཱཡ སམྤཡུཏྟེཧི དྷམྨེཧི ཡེ དྷམྨཱ… ཨུཔེཀྑཱསཧགཏེཧི དྷམྨེཧི ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི པཉྩཧི དྷཱཏཱུཧི ཝིཔྤཡུཏྟཱ.

༣༡༣. སཝིཏཀྐསཝིཙཱརེཧི དྷམྨེཧི ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཨེཀཱཡ དྷཱཏུཡཱ ཝིཔྤཡུཏྟཱ.

༣༡༤. ཙིཏྟེཧི དྷམྨེཧི ཡེ དྷམྨཱ… ཙེཏསིཀེཧི དྷམྨེཧི ཡེ དྷམྨཱ… ཙིཏྟསམྤཡུཏྟེཧི དྷམྨེཧི ཡེ དྷམྨཱ ¶ … ཙིཏྟསཾསཊྛེཧི དྷམྨེཧི ཡེ དྷམྨཱ… ཙིཏྟསཾསཊྛསམུཊྛཱནེཧི དྷམྨེཧི ཡེ དྷམྨཱ… ཙིཏྟསཾསཊྛསམུཊྛཱནསཧབྷཱུཧི དྷམྨེཧི ཡེ དྷམྨཱ… ཙིཏྟསཾསཊྛསམུཊྛཱནཱནུཔརིཝཏྟཱིཧི དྷམྨེཧི ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༡༥. སཝིཏཀྐེཧི དྷམྨེཧི ཡེ དྷམྨཱ… སཝིཙཱརེཧི དྷམྨེཧི ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཨེཀཱཡ དྷཱཏུཡཱ ཝིཔྤཡུཏྟཱ.

༣༡༦. ཨུཔེཀྑཱསཧགཏེཧི དྷམྨེཧི ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི ཝིཔྤཡུཏྟཱ? ཏེ དྷམྨཱ ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི པཉྩཧི དྷཱཏཱུཧི ཝིཔྤཡུཏྟཱ.

ཁནྡྷཱ ¶ ¶ ཙཏུརོ ཨཱཡཏནཉྩ མེཀཾ;

དྷཱཏཱུསུ སཏྟ དྭེཔི ཙ ཨིནྡྲིཡཏོ.

ཏཡོ པཊིཙྩ ཏཐརིཝ ཕསྶཔཉྩམཱ;

ཨདྷིམུཙྩནཱ མནསི ཏིཀེསུ ཏཱིཎི.

སཏྟནྟརཱ དྭེ ཙ མནེན ཡུཏྟཱ;

ཝིཏཀྐཝིཙཱརཎཱ ཨུཔེཀྑཀཱཡ ཙཱཏི.

སམྤཡུཏྟེནཝིཔྤཡུཏྟཔདནིདྡེསོ སཏྟམོ.

༨. ཨཊྛམནཡོ

༨. ཝིཔྤཡུཏྟེནསམྤཡུཏྟཔདནིདྡེསོ

༣༡༧. རཱུཔཀྑནྡྷེན ¶ ¶ ¶ ¶ ཡེ དྷམྨཱ ཝིཔྤཡུཏྟཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སམྤཡུཏྟཱཏི? ནཏྠི.

༣༡༨. ཝེདནཱཀྑནྡྷེན ཡེ དྷམྨཱ… སཉྙཱཀྑནྡྷེན ཡེ དྷམྨཱ… སངྑཱརཀྑནྡྷེན ཡེ དྷམྨཱ… ཝིཉྙཱཎཀྑནྡྷེན ཡེ དྷམྨཱ…པེ… སརཎེཧི དྷམྨེཧི ཡེ དྷམྨཱ… ཨརཎེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སམྤཡུཏྟཱཏི? ནཏྠི.

དྷམྨཱཡཏནཾ དྷམྨདྷཱཏུ, ཨཐ ཛཱིཝིཏཾ ནཱམརཱུཔཾ;

སལཱ༹ཡཏནཾ ཛཱཏིཛརཱམཏཾ, དྭེ ཙ ཏིཀེ ན ལབྦྷརེ.

པཋམནྟརེ སཏྟ ཙ, གོཙྪཀེ དས ཨཔརནྟེ;

ཙུདྡས ཚ ཙ མཏྠཀེ, ཨིཙྩེཏེ སཏྟཙཏྟཱལཱིས དྷམྨཱ;

སམུཙྪེདེ ན ལབྦྷནྟི, མོགྷཔུཙྪཀེན ཙཱཏི.

ཝིཔྤཡུཏྟེནསམྤཡུཏྟཔདནིདྡེསོ ཨཊྛམོ.

༩. ནཝམནཡོ

༩. སམྤཡུཏྟེནསམྤཡུཏྟཔདནིདྡེསོ

༣༡༩. ཝེདནཱཀྑནྡྷེན ¶ ¶ ¶ ཡེ དྷམྨཱ… སཉྙཱཀྑནྡྷེན ཡེ དྷམྨཱ… སངྑཱརཀྑནྡྷེན ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སམྤཡུཏྟཱ? ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༢༠. ཝིཉྙཱཎཀྑནྡྷེན ཡེ དྷམྨཱ… མནཱཡཏནེན ཡེ དྷམྨཱ… ཙཀྑུཝིཉྙཱཎདྷཱཏུཡཱ ཡེ དྷམྨཱ…པེ… མནོདྷཱཏུཡཱ ཡེ དྷམྨཱ… མནོཝིཉྙཱཎདྷཱཏུཡཱ ¶ ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ…པེ… ཏེ དྷམྨཱ ཏཱིཧི ཁནྡྷེཧི སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༢༡. སམུདཡསཙྩེན ཡེ དྷམྨཱ… མགྒསཙྩེན ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སམྤཡུཏྟཱ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༢༢. མནིནྡྲིཡེན ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཏཱིཧི ཁནྡྷེཧི སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༢༣. སུཁིནྡྲིཡེན ཡེ དྷམྨཱ… དུཀྑིནྡྲིཡེན ཡེ དྷམྨཱ… སོམནསྶིནྡྲིཡེན ཡེ དྷམྨཱ ¶ … དོམནསྶིནྡྲིཡེན ¶ ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༢༤. ཨུཔེཀྑིནྡྲིཡེན ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན ཚཧི དྷཱཏཱུཧི སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༢༥. སདྡྷིནྡྲིཡེན ¶ ཡེ དྷམྨཱ… ཝཱིརིཡིནྡྲིཡེན ཡེ དྷམྨཱ… སཏིནྡྲིཡེན ¶ ཡེ དྷམྨཱ… སམཱདྷིནྡྲིཡེན ཡེ དྷམྨཱ… པཉྙིནྡྲིཡེན ཡེ དྷམྨཱ… ཨནཉྙཱཏཉྙསྶཱམཱིཏིནྡྲིཡེན ཡེ དྷམྨཱ… ཨཉྙིནྡྲིཡེན ཡེ དྷམྨཱ… ཨཉྙཱཏཱཝིནྡྲིཡེན ཡེ དྷམྨཱ… ཨཝིཛྫཱཡ ཡེ དྷམྨཱ… ཨཝིཛྫཱཔཙྩཡཱ སངྑཱརེཧི ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སམྤཡུཏྟཱ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༢༦. སངྑཱརཔཙྩཡཱ ཝིཉྙཱཎེན ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཏཱིཧི ཁནྡྷེཧི སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༢༧. སལཱ༹ཡཏནཔཙྩཡཱ ཕསྶེན ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི སམྤཡུཏྟཱ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༢༨. ཕསྶཔཙྩཡཱ ཝེདནཱཡ ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༢༩. ཝེདནཱཔཙྩཡཱ ཏཎྷཱཡ ཡེ དྷམྨཱ… ཏཎྷཱཔཙྩཡཱ ཨུཔཱདཱནེན ཡེ དྷམྨཱ… ཀམྨབྷཝེན ¶ ཡེ དྷམྨཱ སམྤཡུཏྟཱ, ཏེཧི དྷམྨེཧི ¶ ཡེ དྷམྨཱ སམྤཡུཏྟཱ… ཏེ དྷམྨཱ ཏཱིཧི ¶ ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སམྤཡུཏྟཱ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༣༠. སོཀེན ཡེ དྷམྨཱ… དུཀྑེན ཡེ དྷམྨཱ… དོམནསྶེན ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༣༡. ཨུཔཱཡཱསེན ¶ ཡེ དྷམྨཱ… སཏིཔཊྛཱནེན ཡེ དྷམྨཱ… སམྨཔྤདྷཱནེན ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སམྤཡུཏྟཱ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༣༢. ཨིདྡྷིཔཱདེན ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ དྭཱིཧི ཁནྡྷེཧི སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༣༣. ཛྷཱནེན ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ དྭཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སམྤཡུཏྟཱ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༣༤. ཨཔྤམཉྙཱཡ ཡེ དྷམྨཱ… པཉྩཧི ཨིནྡྲིཡེཧི ཡེ དྷམྨཱ ¶ … པཉྩཧི བལེཧི ཡེ དྷམྨཱ… སཏྟཧི བོཛ྄ཛྷངྒེཧི ཡེ དྷམྨཱ… ཨརིཡེན ཨཊྛངྒིཀེན མགྒེན ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སམྤཡུཏྟཱ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༣༥. ཕསྶེན ཡེ དྷམྨཱ… ཙེཏནཱཡ ཡེ དྷམྨཱ… མནསིཀཱརེན ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི སམྤཡུཏྟཱ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༣༦. ཝེདནཱཡ ¶ ཡེ དྷམྨཱ… སཉྙཱཡ ཡེ དྷམྨཱ སམྤཡུཏྟཱ ¶ , ཏེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༣༧. ཙིཏྟེན ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཏཱིཧི ཁནྡྷེཧི སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༣༨. ཨདྷིམོཀྑེན ¶ ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན དྭཱིཧི དྷཱཏཱུཧི སམྤཡུཏྟཱ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༣༩. སུཁཱཡ ¶ ཝེདནཱཡ སམྤཡུཏྟེཧི དྷམྨེཧི ཡེ དྷམྨཱ… དུཀྑཱཡ ཝེདནཱཡ སམྤཡུཏྟེཧི དྷམྨེཧི ཡེ དྷམྨཱ… ཨདུཀྑམསུཁཱཡ ཝེདནཱཡ སམྤཡུཏྟེཧི དྷམྨེཧི ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཨེཀེན ཁནྡྷེན སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༤༠. སཝིཏཀྐསཝིཙཱརེཧི དྷམྨེཧི ཡེ དྷམྨཱ… ཨཝིཏཀྐཝིཙཱརམཏྟེཧི དྷམྨེཧི ཡེ དྷམྨཱ… པཱིཏིསཧགཏེཧི དྷམྨེཧི ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༤༡. སུཁསཧགཏེཧི དྷམྨེཧི ཡེ དྷམྨཱ… ཨུཔེཀྑཱསཧགཏེཧི དྷམྨེཧི ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཨེཀེན ཁནྡྷེན སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༤༢. ཧེཏཱུཧི དྷམྨེཧི ཡེ དྷམྨཱ… ཧེཏཱུཧི ཙེཝ སཧེཏུཀེཧི ཙ དྷམྨེཧི ཡེ དྷམྨཱ… ཧེཏཱུཧི ཙེཝ ཧེཏུསམྤཡུཏྟེཧི ཙ དྷམྨེཧི ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སམྤཡུཏྟཱ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༤༣. སཧེཏུཀེཧི ¶ ¶ ཙེཝ ན ཙ ཧེཏཱུཧི དྷམྨེཧི ཡེ དྷམྨཱ… ཧེཏུསམྤཡུཏྟེཧི ཙེཝ ན ཙ ཧེཏཱུཧི དྷམྨེཧི ཡེ དྷམྨཱ… ན ཧེཏུསཧེཏུཀེཧི ¶ དྷམྨེཧི ཡེ དྷམྨཱ སམྤཡུཏྟཱ, ཏེཧི དྷམྨེཧི [ན ཧེཏཱུཧི སཧེཏུཀེཧི (བཧཱུསུ)] ཡེ དྷམྨཱ སམྤཡུཏྟཱ… ཏེ དྷམྨཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༤༤. ཨཱསཝེཧི ¶ དྷམྨེཧི ཡེ དྷམྨཱ… ཨཱསཝེཧི ཙེཝ སཱསཝེཧི ཙ དྷམྨེཧི ཡེ དྷམྨཱ… ཨཱསཝེཧི ཙེཝ ཨཱསཝསམྤཡུཏྟེཧི ཙ དྷམྨེཧི ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སམྤཡུཏྟཱ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༤༥. ཨཱསཝསམྤཡུཏྟེཧི ཙེཝ ནོ ཙ ཨཱསཝེཧི དྷམྨེཧི ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༤༦. སཾཡོཛནེཧི… གནྠེཧི… ཨོགྷེཧི… ཡོགེཧི… ནཱིཝརཎེཧི… པརཱམཱསེཧི དྷམྨེཧི ཡེ དྷམྨཱ… པརཱམཱསེཧི ཙེཝ པརཱམཊྛེཧི ཙ དྷམྨེཧི ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སམྤཡུཏྟཱ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༤༧. པརཱམཱསསམྤཡུཏྟེཧི དྷམྨེཧི ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༤༨. ཙིཏྟེཧི དྷམྨེཧི ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ ¶ དྷམྨཱ སམྤཡུཏྟཱ… ཏེ དྷམྨཱ ཏཱིཧི ཁནྡྷེཧི སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༤༩. ཙེཏསིཀེཧི ¶ དྷམྨེཧི ཡེ དྷམྨཱ… ཙིཏྟསམྤཡུཏྟེཧི དྷམྨེཧི ཡེ དྷམྨཱ… ཙིཏྟསཾསཊྛེཧི དྷམྨེཧི ཡེ དྷམྨཱ… ཙིཏྟསཾསཊྛསམུཊྛཱནེཧི དྷམྨེཧི ཡེ དྷམྨཱ… ཙིཏྟསཾསཊྛསམུཊྛཱནསཧབྷཱུཧི དྷམྨེཧི ཡེ དྷམྨཱ… ཙིཏྟསཾསཊྛསམུཊྛཱནཱནུཔརིཝཏྟཱིཧི དྷམྨེཧི ཡེ དྷམྨཱ སམྤཡུཏྟཱ ¶ , ཏེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི སམྤཡུཏྟཱ.

༣༥༠. ཨུཔཱདཱནེཧི དྷམྨེཧི ཡེ དྷམྨཱ… ཀིལེསེཧི དྷམྨེཧི ཡེ དྷམྨཱ… ཀིལེསེཧི ཙེཝ སཾཀིལེསིཀེཧི ཙ དྷམྨེཧི ཡེ དྷམྨཱ… ཀིལེསེཧི ཙེཝ སཾཀིལིཊྛེཧི ཙ དྷམྨེཧི ཡེ དྷམྨཱ… ཀིལེསེཧི ཙེཝ ཀིལེསསམྤཡུཏྟེཧི ¶ ཙ དྷམྨེཧི ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སམྤཡུཏྟཱ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༥༡. སཾཀིལིཊྛེཧི ཙེཝ ནོ ཙ ཀིལེསེཧི དྷམྨེཧི ཡེ དྷམྨཱ… ཀིལེསསམྤཡུཏྟེཧི ཙེཝ ནོ ཙ ཀིལེསེཧི དྷམྨེཧི ཡེ དྷམྨཱ… སཝིཏཀྐེཧི དྷམྨེཧི ཡེ དྷམྨཱ… སཝིཙཱརེཧི དྷམྨེཧི ཡེ དྷམྨཱ… སཔྤཱིཏིཀེཧི དྷམྨེཧི ཡེ དྷམྨཱ… པཱིཏིསཧགཏེཧི དྷམྨེཧི ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཨེཀེན ཁནྡྷེན ཨེཀེནཱཡཏནེན ¶ ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

༣༥༢. སུཁསཧགཏེཧི དྷམྨེཧི ཡེ དྷམྨཱ… ཨུཔེཀྑཱསཧགཏེཧི དྷམྨེཧི ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སམྤཡུཏྟཱ? ཏེ དྷམྨཱ ཨེཀེན ཁནྡྷེན སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ.

ཨརཱུཔཀྑནྡྷཱ ཙཏྟཱརོ, མནཱཡཏནམེཝ ཙ;

ཝིཉྙཱཎདྷཱཏུཡོ སཏྟ, དྭེ སཙྩཱ ཙུདྡསིནྡྲིཡཱ.

པཙྩཡེ དྭཱདས པདཱ, ཏཏོ ཨུཔརི སོལ༹ས;

ཏིཀེསུ ཨཊྛ གོཙྪཀེ, ཏེཙཏྟཱལཱིསམེཝ ཙ.

མཧནྟརདུཀེ སཏྟ, པདཱ པིཊྛི དུཀེསུ ཚ;

ནཝམསྶ པདསྶེཏེ, ནིདྡེསེ སངྒཧཾ གཏཱཏི.

སམྤཡུཏྟེནསམྤཡུཏྟཔདནིདྡེསོ ནཝམོ.

༡༠. དསམནཡོ

༡༠. ཝིཔྤཡུཏྟེནཝིཔྤཡུཏྟཔདནིདྡེསོ

༣༥༣. རཱུཔཀྑནྡྷེན ¶ ¶ ¶ ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི ཝིཔྤཡུཏྟཱ? ཏེ དྷམྨཱ ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༥༤. ཝེདནཱཀྑནྡྷེན ཡེ དྷམྨཱ… སཉྙཱཀྑནྡྷེན ཡེ དྷམྨཱ… སངྑཱརཀྑནྡྷེན ཡེ དྷམྨཱ… ཝིཉྙཱཎཀྑནྡྷེན ཡེ དྷམྨཱ… མནཱཡཏནེན ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ…པེ… ཏེ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༥༥. ཙཀྑཱཡཏནེན ¶ ཡེ དྷམྨཱ…པེ… ཕོཊྛབྦཱཡཏནེན ཡེ དྷམྨཱ… ཙཀྑུདྷཱཏུཡཱ ཡེ དྷམྨཱ…པེ… ཕོཊྛབྦདྷཱཏུཡཱ ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༥༦. ཙཀྑུཝིཉྙཱཎདྷཱཏུཡཱ ཡེ དྷམྨཱ…པེ… མནོཝིཉྙཱཎདྷཱཏུཡཱ ཡེ དྷམྨཱ… སམུདཡསཙྩེན ཡེ དྷམྨཱ… མགྒསཙྩེན ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༥༧. ནིརོདྷསཙྩེན ¶ ཡེ དྷམྨཱ… ཙཀྑུནྡྲིཡེན ཡེ དྷམྨཱ…པེ… ཀཱཡིནྡྲིཡེན ཡེ དྷམྨཱ.. ཨིཏྠིནྡྲིཡེན ¶ ཡེ དྷམྨཱ… པུརིསིནྡྲིཡེན ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༥༨. མནིནྡྲིཡེན ¶ ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༥༩. སུཁིནྡྲིཡེན ཡེ དྷམྨཱ… དུཀྑིནྡྲིཡེན ཡེ དྷམྨཱ… སོམནསྶིནྡྲིཡེན ཡེ དྷམྨཱ… དོམནསྶིནྡྲིཡེན ཡེ དྷམྨཱ ཝིཔྤཡུཏྟཱ, ཏེཧི ¶ དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༦༠. ཨུཔེཀྑིནྡྲིཡེན ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི ཨེཀཱདསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༦༡. སདྡྷིནྡྲིཡེན ཡེ དྷམྨཱ… ཝཱིརིཡིནྡྲིཡེན ཡེ དྷམྨཱ… སཏིནྡྲིཡེན ཡེ དྷམྨཱ… སམཱདྷིནྡྲིཡེན ཡེ དྷམྨཱ… པཉྙིནྡྲིཡེན ཡེ དྷམྨཱ… ཨནཉྙཱཏཉྙསྶཱམཱིཏིནྡྲིཡེན ཡེ དྷམྨཱ… ཨཉྙིནྡྲིཡེན ཡེ དྷམྨཱ… ཨཉྙཱཏཱཝིནྡྲིཡེན ཡེ དྷམྨཱ… ཨཝིཛྫཱཡ ཡེ དྷམྨཱ… ཨཝིཛྫཱཔཙྩཡཱ སངྑཱརེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༦༢. སངྑཱརཔཙྩཡཱ ཝིཉྙཱཎེན ཡེ དྷམྨཱ… སལཱ༹ཡཏནཔཙྩཡཱ ཕསྶེན ཡེ དྷམྨཱ… ཕསྶཔཙྩཡཱ ཝེདནཱཡ ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ¶ ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༦༣. ཝེདནཱཔཙྩཡཱ ཏཎྷཱཡ ཡེ དྷམྨཱ… ཏཎྷཱཔཙྩཡཱ ཨུཔཱདཱནེན ¶ ཡེ དྷམྨཱ… ཀམྨབྷཝེན ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ¶ ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༦༤. རཱུཔབྷཝེན ¶ ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཏཱིཧི དྷཱཏཱུཧི ཝིཔྤཡུཏྟཱ.

༣༦༥. ཨསཉྙཱབྷཝེན ཡེ དྷམྨཱ… ཨེཀཝོཀཱརབྷཝེན ཡེ དྷམྨཱ… པརིདེཝེན ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༦༦. ཨརཱུཔབྷཝེན ཡེ དྷམྨཱ… ནེཝསཉྙཱནཱསཉྙཱབྷཝེན ཡེ དྷམྨཱ… ཙཏུཝོཀཱརབྷཝེན ཡེ དྷམྨཱ… སོཀེན ཡེ དྷམྨཱ… དུཀྑེན ཡེ དྷམྨཱ… དོམནསྶེན ཡེ དྷམྨཱ… ཨུཔཱཡཱསེན ཡེ དྷམྨཱ… སཏིཔཊྛཱནེན ཡེ དྷམྨཱ… སམྨཔྤདྷཱནེན ཡེ དྷམྨཱ… ཨིདྡྷིཔཱདེན ཡེ དྷམྨཱ… ཛྷཱནེན ཡེ དྷམྨཱ… ཨཔྤམཉྙཱཡ ཡེ དྷམྨཱ… པཉྩཧི ཨིནྡྲིཡེཧི ཡེ དྷམྨཱ… པཉྩཧི བལེཧི ཡེ དྷམྨཱ… སཏྟཧི བོཛ྄ཛྷངྒེཧི ཡེ དྷམྨཱ… ཨརིཡེན ཨཊྛངྒིཀེན མགྒེན ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ¶ ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༦༧. ཕསྶེན ཡེ དྷམྨཱ… ཝེདནཱཡ ཡེ དྷམྨཱ… སཉྙཱཡ ཡེ དྷམྨཱ… ཙེཏནཱཡ ཡེ དྷམྨཱ… ཙིཏྟེན ཡེ དྷམྨཱ… མནསིཀཱརེན ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༦༨. ཨདྷིམོཀྑེན ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ¶ ཨེཀེན ཁནྡྷེན དསཧཱཡཏནེཧི པནྣརསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༡. ཏིཀཾ

༣༦༩. ཀུསལེཧི དྷམྨེཧི ཡེ དྷམྨཱ… ཨཀུསལེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ¶ ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༧༠. སུཁཱཡ ¶ ཝེདནཱཡ སམྤཡུཏྟེཧི དྷམྨེཧི ཡེ དྷམྨཱ… དུཀྑཱཡ ཝེདནཱཡ སམྤཡུཏྟེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི པནྣརསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༧༡. ཨདུཀྑམསུཁཱཡ ཝེདནཱཡ སམྤཡུཏྟེཧི དྷམྨེཧི ཡེ དྷམྨཱ ཝིཔྤཡུཏྟཱ ¶ , ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི ཨེཀཱདསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༧༢. ཝིཔཱཀེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༧༣. ཝིཔཱཀདྷམྨདྷམྨེཧི ཡེ དྷམྨཱ… སཾཀིལིཊྛསཾཀིལེསིཀེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༧༤. ནེཝཝིཔཱཀནཝིཔཱཀདྷམྨདྷམྨེཧི ཡེ དྷམྨཱ… ཨནུཔཱདིནྣུཔཱདཱནིཡེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི པཉྩཧི དྷཱཏཱུཧི ཝིཔྤཡུཏྟཱ.

༣༧༥. ཨནུཔཱདིནྣཨནུཔཱདཱནིཡེཧི ¶ དྷམྨེཧི ཡེ དྷམྨཱ… ཨསཾཀིལིཊྛཨསཾཀིལེསིཀེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཚཧི དྷཱཏཱུཧི ཝིཔྤཡུཏྟཱ.

༣༧༦. སཝིཏཀྐསཝིཙཱརེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ¶ ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ¶ ཁནྡྷེན དསཧཱཡཏནེཧི པནྣརསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༧༧. ཨཝིཏཀྐཝིཙཱརམཏྟེཧི ¶ དྷམྨེཧི ཡེ དྷམྨཱ… པཱིཏིསཧགཏེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༧༨. ཨཝིཏཀྐཨཝིཙཱརེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཨེཀཱཡ དྷཱཏུཡཱ ཝིཔྤཡུཏྟཱ.

༣༧༩. སུཁསཧགཏེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི པནྣརསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༨༠. ཨུཔེཀྑཱསཧགཏེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི ཨེཀཱདསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༨༡. དསྶནེན པཧཱཏབྦེཧི དྷམྨེཧི ཡེ དྷམྨཱ… བྷཱཝནཱཡ པཧཱཏབྦེཧི དྷམྨེཧི ཡེ དྷམྨཱ… དསྶནེན པཧཱཏབྦཧེཏུཀེཧི དྷམྨེཧི ¶ ཡེ དྷམྨཱ… བྷཱཝནཱཡ པཧཱཏབྦཧེཏུཀེཧི དྷམྨེཧི ཡེ དྷམྨཱ… ཨཱཙཡགཱམཱིཧི དྷམྨེཧི ཡེ དྷམྨཱ… ཨཔཙཡགཱམཱིཧི དྷམྨེཧི ཡེ དྷམྨཱ… སེཀྑེཧི དྷམྨེཧི ཡེ དྷམྨཱ… ཨསེཀྑེཧི དྷམྨེཧི ཡེ དྷམྨཱ… མཧགྒཏེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི ¶ དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༨༢. ཨཔྤམཱཎེཧི དྷམྨེཧི ཡེ དྷམྨཱ… པཎཱིཏེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ¶ ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཚཧི དྷཱཏཱུཧི ཝིཔྤཡུཏྟཱ.

༣༨༣. པརིཏྟཱརམྨཎེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི དསཧི ¶ དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༨༤. མཧགྒཏཱརམྨཎེཧི དྷམྨེཧི ཡེ དྷམྨཱ… ཨཔྤམཱཎཱརམྨཎེཧི དྷམྨེཧི ཡེ དྷམྨཱ… ཧཱིནེཧི དྷམྨེཧི ཡེ དྷམྨཱ… མིཙྪཏྟནིཡཏེཧི དྷམྨེཧི ཡེ དྷམྨཱ… སམྨཏྟནིཡཏེཧི དྷམྨེཧི ཡེ དྷམྨཱ… མགྒཱརམྨཎེཧི དྷམྨེཧི ཡེ དྷམྨཱ… མགྒཧེཏུཀེཧི དྷམྨེཧི ཡེ དྷམྨཱ… མགྒཱདྷིཔཏཱིཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༨༥. ཨནུཔྤནྣེཧི ¶ དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི པཉྩཧི དྷཱཏཱུཧི ཝིཔྤཡུཏྟཱ.

༣༨༦. ཨཏཱིཏཱརམྨཎེཧི དྷམྨེཧི ཡེ དྷམྨཱ… ཨནཱགཏཱརམྨཎེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༨༧. པཙྩུཔྤནྣཱརམྨཎེཧི དྷམྨེཧི ཡེ དྷམྨཱ… ཨཛ྄ཛྷཏྟཱརམྨཎེཧི དྷམྨེཧི ཡེ དྷམྨཱ… བཧིདྡྷཱརམྨཎེཧི དྷམྨེཧི ཡེ དྷམྨཱ… ཨཛ྄ཛྷཏྟབཧིདྡྷཱརམྨཎེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༨༨. སནིདསྶནསཔྤཊིགྷེཧི ¶ དྷམྨེཧི ཡེ དྷམྨཱ… ཨནིདསྶནསཔྤཊིགྷེཧི དྷམྨེཧི ཡེ དྷམྨཱ ཝིཔྤཡུཏྟཱ ¶ , ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༢. དུཀཾ

༣༨༩. ཧེཏཱུཧི དྷམྨེཧི ཡེ དྷམྨཱ… སཧེཏུཀེཧི དྷམྨེཧི ཡེ དྷམྨཱ… ཧེཏུསམྤཡུཏྟེཧི དྷམྨེཧི ཡེ དྷམྨཱ… ཧེཏཱུཧི ཙེཝ སཧེཏུཀེཧི ཙ དྷམྨེཧི ¶ ཡེ དྷམྨཱ… སཧེཏུཀེཧི ཙེཝ ན ཙ ཧེཏཱུཧི དྷམྨེཧི ཡེ ¶ དྷམྨཱ… ཧེཏཱུཧི ཙེཝ ཧེཏུསམྤཡུཏྟེཧི ཙ དྷམྨེཧི ཡེ དྷམྨཱ… ཧེཏུསམྤཡུཏྟེཧི ཙེཝ ན ཙ ཧེཏཱུཧི དྷམྨེཧི ཡེ དྷམྨཱ… ན ཧེཏུསཧེཏུཀེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༩༠. ཨཔྤཙྩཡེཧི དྷམྨེཧི ཡེ དྷམྨཱ… ཨསངྑཏེཧི དྷམྨེཧི ཡེ དྷམྨཱ… སནིདསྶནེཧི དྷམྨེཧི ཡེ དྷམྨཱ… སཔྤཊིགྷེཧི དྷམྨེཧི ཡེ དྷམྨཱ… རཱུཔཱིཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༩༡. ལོཀུཏྟརེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཚཧི དྷཱཏཱུཧི ཝིཔྤཡུཏྟཱ.

༣༩༢. ཨཱསཝེཧི དྷམྨེཧི ཡེ དྷམྨཱ… ཨཱསཝསམྤཡུཏྟེཧི དྷམྨེཧི ཡེ དྷམྨཱ… ཨཱསཝེཧི ཙེཝ སཱསཝེཧི ཙ དྷམྨེཧི ཡེ དྷམྨཱ… ཨཱསཝེཧི ཙེཝ ཨཱསཝསམྤཡུཏྟེཧི ཙ དྷམྨེཧི ཡེ དྷམྨཱ… ཨཱསཝསམྤཡུཏྟེཧི ཙེཝ ནོ ཙ ཨཱསཝེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༩༣. ཨནཱསཝེཧི དྷམྨེཧི ཡེ དྷམྨཱ… ཨཱསཝཝིཔྤཡུཏྟེཧི ཨནཱསཝེཧི ¶ དྷམྨེཧི ཡེ དྷམྨཱ ¶ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ¶ ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཚཧི དྷཱཏཱུཧི ཝིཔྤཡུཏྟཱ.

༣༩༤. སཾཡོཛནེཧི དྷམྨེཧི ཡེ དྷམྨཱ… གནྠེཧི དྷམྨེཧི ཡེ དྷམྨཱ… ཨོགྷེཧི དྷམྨེཧི ཡེ དྷམྨཱ… ཡོགེཧི དྷམྨེཧི ཡེ དྷམྨཱ… ནཱིཝརཎེཧི དྷམྨེཧི ཡེ དྷམྨཱ… པརཱམཱསེཧི དྷམྨེཧི ཡེ དྷམྨཱ… པརཱམཱསསམྤཡུཏྟེཧི དྷམྨེཧི ¶ ཡེ དྷམྨཱ… པརཱམཱསེཧི ཙེཝ པརཱམཊྛེཧི ཙ དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༩༥. ཨཔརཱམཊྛེཧི དྷམྨེཧི ཡེ དྷམྨཱ… པརཱམཱསཝིཔྤཡུཏྟེཧི ཨཔརཱམཊྛེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཚཧི དྷཱཏཱུཧི ཝིཔྤཡུཏྟཱ.

༣༩༦. སཱརམྨཎེཧི དྷམྨེཧི ཡེ དྷམྨཱ… ཙིཏྟེཧི དྷམྨེཧི ཡེ དྷམྨཱ… ཙེཏསིཀེཧི དྷམྨེཧི ཡེ དྷམྨཱ… ཙིཏྟསམྤཡུཏྟེཧི དྷམྨེཧི ཡེ དྷམྨཱ… ཙིཏྟསཾསཊྛེཧི དྷམྨེཧི ཡེ དྷམྨཱ… ཙིཏྟསཾསཊྛསམུཊྛཱནེཧི དྷམྨེཧི ཡེ དྷམྨཱ… ཙིཏྟསཾསཊྛསམུཊྛཱནསཧབྷཱུཧི དྷམྨེཧི ཡེ དྷམྨཱ… ཙིཏྟསཾསཊྛསམུཊྛཱནཱནུཔརིཝཏྟཱིཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི ¶ དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༩༧. ཨནཱརམྨཎེཧི [ཨནུཔཱདིཎྞེཧི (སཱི. ཀ.)] དྷམྨེཧི ཡེ དྷམྨཱ… ཙིཏྟཝིཔྤཡུཏྟེཧི དྷམྨེཧི ཡེ དྷམྨཱ… ཙིཏྟཝིསཾསཊྛེཧི དྷམྨེཧི ཡེ དྷམྨཱ… ཨུཔཱདཱདྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༣༩༨. ཨནུཔཱདིནྣེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ¶ ཀེཧིཙི ཁནྡྷེཧི ན ཀེཧིཙི ཨཱཡཏནེཧི པཉྩཧི དྷཱཏཱུཧི ཝིཔྤཡུཏྟཱ.

༣༩༩. ཨུཔཱདཱནེཧི ¶ དྷམྨེཧི ཡེ དྷམྨཱ… ཀིལེསེཧི དྷམྨེཧི ཡེ དྷམྨཱ… སཾཀིལིཊྛེཧི དྷམྨེཧི ཡེ དྷམྨཱ… ཀིལེསསམྤཡུཏྟེཧི དྷམྨེཧི ཡེ དྷམྨཱ… ཀིལེསེཧི ཙེཝ སཾཀིལེསིཀེཧི ཙ དྷམྨེཧི ཡེ དྷམྨཱ… ཀིལེསེཧི ཙེཝ སཾཀིལིཊྛེཧི ཙ དྷམྨེཧི ཡེ དྷམྨཱ… སཾཀིལིཊྛེཧི ཙེཝ ནོ ¶ ཙ ཀིལེསེཧི དྷམྨེཧི ཡེ དྷམྨཱ… ཀིལེསེཧི ཙེཝ ཀིལེསསམྤཡུཏྟེཧི ཙ དྷམྨེཧི ཡེ དྷམྨཱ… ཀིལེསསམྤཡུཏྟེཧི ཙེཝ ནོ ཙ ཀིལེསེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༤༠༠. ཨསཾཀིལེསིཀེཧི དྷམྨེཧི ཡེ དྷམྨཱ… ཀིལེསཝིཔྤཡུཏྟེཧི ཨསཾཀིལེསིཀེཧི ¶ དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཚཧི དྷཱཏཱུཧི ཝིཔྤཡུཏྟཱ.

༤༠༡. དསྶནེན པཧཱཏབྦེཧི དྷམྨེཧི ཡེ དྷམྨཱ… བྷཱཝནཱཡ པཧཱཏབྦེཧི དྷམྨེཧི ཡེ དྷམྨཱ… དསྶནེན པཧཱཏབྦཧེཏུཀེཧི དྷམྨེཧི ཡེ དྷམྨཱ… བྷཱཝནཱཡ པཧཱཏབྦཧེཏུཀེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༤༠༢. སཝིཏཀྐེཧི དྷམྨེཧི ཡེ དྷམྨཱ… སཝིཙཱརེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི པནྣརསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༤༠༣. ཨཝིཏཀྐེཧི དྷམྨེཧི ཡེ དྷམྨཱ… ཨཝིཙཱརེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཨེཀཱཡ དྷཱཏུཡཱ ཝིཔྤཡུཏྟཱ.

༤༠༤. སཔྤཱིཏིཀེཧི ¶ དྷམྨེཧི ཡེ དྷམྨཱ… པཱིཏིསཧགཏེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༤༠༥. སུཁསཧགཏེཧི ¶ ¶ དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི པནྣརསཧི དྷཱཏཱུཧི ¶ ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༤༠༦. ཨུཔེཀྑཱསཧགཏེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨེཀེན ཁནྡྷེན དསཧཱཡཏནེཧི ཨེཀཱདསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༤༠༧. ན ཀཱམཱཝཙརེཧི དྷམྨེཧི ཡེ དྷམྨཱ… ཨཔརིཡཱཔནྣེཧི དྷམྨེཧི ཡེ དྷམྨཱ… ཨནུཏྟརེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཚཧི དྷཱཏཱུཧི ཝིཔྤཡུཏྟཱ.

༤༠༨. རཱུཔཱཝཙརེཧི དྷམྨེཧི ཡེ དྷམྨཱ… ཨརཱུཔཱཝཙརེཧི དྷམྨེཧི ཡེ དྷམྨཱ… ནིཡྻཱནིཀེཧི དྷམྨེཧི ཡེ དྷམྨཱ… ནིཡཏེཧི དྷམྨེཧི ཡེ དྷམྨཱ… སརཎེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི ཝིཔྤཡུཏྟཱ? ཏེ དྷམྨཱ ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

དྷམྨཱཡཏནཾ དྷམྨདྷཱཏུ, དུཀྑསཙྩཉྩ ཛཱིཝིཏཾ;

སལཱ༹ཡཏནཾ ནཱམརཱུཔཾ, ཙཏྟཱརོ ཙ མཧཱབྷཝཱ.

ཛཱཏི ཛརཱ ཙ མརཎཾ, ཏིཀེསྭེཀཱུནཝཱིསཏི;

གོཙྪཀེསུ ཙ པཉྙཱས, ཨཊྛ ཙཱུལ༹ནྟརེ པདཱ.

མཧནྟརེ པནྣརས, ཨཊྛཱརས ཏཏོ པརེ;

ཏེཝཱིས པདསཏཾ ཨེཏཾ, སམྤཡོགེ ན ལབྦྷཏཱིཏི.

ཝིཔྤཡུཏྟེནཝིཔྤཡུཏྟཔདནིདྡེསོ དསམོ.

༡༡. ཨེཀཱདསམནཡོ

༡༡. སངྒཧིཏེནསམྤཡུཏྟཝིཔྤཡུཏྟཔདནིདྡེསོ

༤༠༩. སམུདཡསཙྩེན ¶ ¶ ¶ ¶ ཡེ དྷམྨཱ… མགྒསཙྩེན ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སམྤཡུཏྟཱ? ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི སམྤཡུཏྟཱ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༤༡༠. ཨིཏྠིནྡྲིཡེན ཡེ དྷམྨཱ… པུརིསིནྡྲིཡེན ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ? ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༤༡༡. སུཁིནྡྲིཡེན ཡེ དྷམྨཱ… དུཀྑིནྡྲིཡེན ཡེ དྷམྨཱ… སོམནསྶིནྡྲིཡེན ཡེ དྷམྨཱ… དོམནསྶིནྡྲིཡེན ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ…པེ… ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ¶ ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༤༡༢. ཨུཔེཀྑིནྡྲིཡེན ¶ ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ… ཏེ དྷམྨཱ ཏཱིཧི ¶ ཁནྡྷེཧི ཨེཀེནཱཡཏནེན དྭཱིཧི དྷཱཏཱུཧི སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི པནྣརསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༤༡༣. སདྡྷིནྡྲིཡེན ¶ ཡེ དྷམྨཱ… ཝཱིརིཡིནྡྲིཡེན ཡེ དྷམྨཱ… སཏིནྡྲིཡེན ཡེ དྷམྨཱ… སམཱདྷིནྡྲིཡེན ཡེ དྷམྨཱ… པཉྙིནྡྲིཡེན ཡེ དྷམྨཱ… ཨནཉྙཱཏཉྙསྶཱམཱིཏིནྡྲིཡེན ཡེ དྷམྨཱ… ཨཉྙིནྡྲིཡེན ཡེ དྷམྨཱ… ཨཉྙཱཏཱཝིནྡྲིཡེན ཡེ དྷམྨཱ… ཨཝིཛྫཱཡ ཡེ དྷམྨཱ… ཨཝིཛྫཱཔཙྩཡཱ སངྑཱརེཧི ཡེ དྷམྨཱ… སལཱ༹ཡཏནཔཙྩཡཱ ཕསྶེན ཡེ དྷམྨཱ… ཝེདནཱཔཙྩཡཱ ཏཎྷཱཡ ཡེ དྷམྨཱ… ཏཎྷཱཔཙྩཡཱ ཨུཔཱདཱནེན ཡེ དྷམྨཱ… ཀམྨབྷཝེན ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི སམྤཡུཏྟཱ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༤༡༤. པརིདེཝེན ¶ ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ? ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༤༡༥. སོཀེན ཡེ དྷམྨཱ… དུཀྑེན ཡེ དྷམྨཱ… དོམནསྶེན ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ… ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༤༡༦. ཨུཔཱཡཱསེན ཡེ དྷམྨཱ… སཏིཔཊྛཱནེན ཡེ དྷམྨཱ… སམྨཔྤདྷཱནེན ¶ ཡེ དྷམྨཱ… ཨཔྤམཉྙཱཡ ཡེ དྷམྨཱ… པཉྩཧི ཨིནྡྲིཡེཧི ཡེ དྷམྨཱ… པཉྩཧི བལེཧི ཡེ དྷམྨཱ… སཏྟཧི བོཛ྄ཛྷངྒེཧི ¶ ཡེ དྷམྨཱ… ཨརིཡེན ཨཊྛངྒིཀེན མགྒེན ཡེ དྷམྨཱ… ཕསྶེན ཡེ དྷམྨཱ… ཙེཏནཱཡ ཡེ དྷམྨཱ… ཨདྷིམོཀྑེན ཡེ དྷམྨཱ… མནསིཀཱརེན ཡེ དྷམྨཱ… ཧེཏཱུཧི དྷམྨེཧི ཡེ དྷམྨཱ… ཧེཏཱུཧི ཙེཝ སཧེཏུཀེཧི ཙ དྷམྨེཧི ཡེ དྷམྨཱ… ཧེཏཱུཧི ཙེཝ ཧེཏུསམྤཡུཏྟེཧི ཙ དྷམྨེཧི ཡེ དྷམྨཱ… ཨཱསཝེཧི དྷམྨེཧི ཡེ དྷམྨཱ… ཨཱསཝེཧི ཙེཝ སཱསཝེཧི ཙ དྷམྨེཧི ཡེ དྷམྨཱ… ཨཱསཝེཧི ཙེཝ ཨཱསཝསམྤཡུཏྟེཧི ¶ ཙ དྷམྨེཧི ཡེ དྷམྨཱ… སཾཡོཛནེཧི དྷམྨེཧི ཡེ དྷམྨཱ… གནྠེཧི དྷམྨེཧི ཡེ དྷམྨཱ… ཨོགྷེཧི དྷམྨེཧི ཡེ དྷམྨཱ… ཡོགེཧི དྷམྨེཧི ཡེ དྷམྨཱ… ནཱིཝརཎེཧི དྷམྨེཧི ཡེ དྷམྨཱ… པརཱམཱསེཧི དྷམྨེཧི ཡེ དྷམྨཱ… ཨུཔཱདཱནེཧི དྷམྨེཧི ཡེ དྷམྨཱ… ཀིལེསེཧི དྷམྨེཧི ཡེ དྷམྨཱ… ཀིལེསེཧི ཙེཝ སཾཀིལེསིཀེཧི ཙ དྷམྨེཧི ཡེ དྷམྨཱ… ཀིལེསེཧི ཙེཝ སཾཀིལིཊྛེཧི ཙ དྷམྨེཧི ཡེ དྷམྨཱ… ཀིལེསེཧི ཙེཝ ཀིལེསསམྤཡུཏྟེཧི ཙ དྷམྨེཧི ཡེ དྷམྨཱ ཁནྡྷསངྒཧེན སངྒཧིཏཱ ཨཱཡཏནསངྒཧེན སངྒཧིཏཱ དྷཱཏུསངྒཧེན སངྒཧིཏཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སམྤཡུཏྟཱ? ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི སམྤཡུཏྟཱ; ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

དྭེ སཙྩཱ པནྣརསིནྡྲིཡཱ, ཨེཀཱདས པཊིཙྩཔདཱ;

ཨུདྡྷཾ པུན ཨེཀཱདས, གོཙྪཀཔདམེཏྠ ཏིཾསཝིདྷཱཏི.

སངྒཧིཏེནསམྤཡུཏྟཝིཔྤཡུཏྟཔདནིདྡེསོ ཨེཀཱདསམོ.

༡༢. དྭཱདསམནཡོ

༡༢. སམྤཡུཏྟེནསངྒཧིཏཱསངྒཧིཏཔདནིདྡེསོ

༤༡༧. ཝེདནཱཀྑནྡྷེན ¶ ¶ ¶ ཡེ དྷམྨཱ… སཉྙཱཀྑནྡྷེན ཡེ དྷམྨཱ… སངྑཱརཀྑནྡྷེན ཡེ དྷམྨཱ སམྤཡུཏྟཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? ཏེ དྷམྨཱ ཏཱིཧི ཁནྡྷེཧི དྭཱིཧཱཡཏནེཧི ¶ ཨཊྛཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? དྭཱིཧི ཁནྡྷེཧི དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༤༡༨. ཝིཉྙཱཎཀྑནྡྷེན ཡེ དྷམྨཱ… མནཱཡཏནེན ཡེ དྷམྨཱ… ཙཀྑུཝིཉྙཱཎདྷཱཏུཡཱ ཡེ དྷམྨཱ…པེ… མནོདྷཱཏུཡཱ ཡེ དྷམྨཱ… མནོཝིཉྙཱཎདྷཱཏུཡཱ ཡེ དྷམྨཱ སམྤཡུཏྟཱ…པེ… ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ. ཀཏིཧི ཨསངྒཧིཏཱ? དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༤༡༩. སམུདཡསཙྩེན ཡེ དྷམྨཱ… མགྒསཙྩེན ཡེ དྷམྨཱ སམྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༤༢༠. མནིནྡྲིཡེན ཡེ དྷམྨཱ སམྤཡུཏྟཱ… ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ. ཀཏིཧི ¶ ཨསངྒཧིཏཱ? དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༤༢༡. སུཁིནྡྲིཡེན ¶ ཡེ དྷམྨཱ… དུཀྑིནྡྲིཡེན ཡེ དྷམྨཱ… སོམནསྶིནྡྲིཡེན ཡེ དྷམྨཱ… དོམནསྶིནྡྲིཡེན ཡེ དྷམྨཱ སམྤཡུཏྟཱ…, ཏེ དྷམྨཱ ཏཱིཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? དྭཱིཧི ཁནྡྷེཧི དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༤༢༢. ཨུཔེཀྑིནྡྲིཡེན ཡེ དྷམྨཱ སམྤཡུཏྟཱ… ཏེ དྷམྨཱ ཏཱིཧི ཁནྡྷེཧི ¶ དྭཱིཧཱཡཏནེཧི སཏྟཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? དྭཱིཧི ཁནྡྷེཧི དསཧཱཡཏནེཧི ཨེཀཱདསཧི དྷཱཏཱུཧི ཨསངྒཧིཏཱ.

༤༢༣. སདྡྷིནྡྲིཡེན ¶ ཡེ དྷམྨཱ… ཝཱིརིཡིནྡྲིཡེན ཡེ དྷམྨཱ… སཏིནྡྲིཡེན ཡེ དྷམྨཱ… སམཱདྷིནྡྲིཡེན ཡེ དྷམྨཱ… པཉྙིནྡྲིཡེན ཡེ དྷམྨཱ… ཨནཉྙཱཏཉྙསྶཱམཱིཏིནྡྲིཡེན ཡེ དྷམྨཱ… ཨཉྙིནྡྲིཡེན ཡེ དྷམྨཱ… ཨཉྙཱཏཱཝིནྡྲིཡེན ཡེ དྷམྨཱ… ཨཝིཛྫཱཡ ཡེ དྷམྨཱ… ཨཝིཛྫཱཔཙྩཡཱ སངྑཱརེཧི ཡེ དྷམྨཱ སམྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༤༢༤. སངྑཱརཔཙྩཡཱ ཝིཉྙཱཎེན ཡེ དྷམྨཱ སམྤཡུཏྟཱ… ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ. ཀཏིཧི ཨསངྒཧིཏཱ? དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༤༢༥. སལཱ༹ཡཏནཔཙྩཡཱ ¶ ཕསྶེན ཡེ དྷམྨཱ སམྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༤༢༦. ཕསྶཔཙྩཡཱ ཝེདནཱཡ ཡེ དྷམྨཱ སམྤཡུཏྟཱ… ཏེ དྷམྨཱ ཏཱིཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? དྭཱིཧི ཁནྡྷེཧི དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༤༢༧. ཝེདནཱཔཙྩཡཱ ཏཎྷཱཡ ཡེ དྷམྨཱ… ཏཎྷཱཔཙྩཡཱ ཨུཔཱདཱནེན ¶ ཡེ དྷམྨཱ… ཀམྨབྷཝེན ¶ ཡེ དྷམྨཱ སམྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༤༢༨. སོཀེན ཡེ དྷམྨཱ… དུཀྑེན ཡེ དྷམྨཱ… དོམནསྶེན ཡེ དྷམྨཱ སམྤཡུཏྟཱ… ཏེ དྷམྨཱ ཏཱིཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? དྭཱིཧི ཁནྡྷེཧི དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༤༢༩. ཨུཔཱཡཱསེན ཡེ དྷམྨཱ… སཏིཔཊྛཱནེན ཡེ དྷམྨཱ… སམྨཔྤདྷཱནེན ཡེ དྷམྨཱ སམྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི ¶ སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༤༣༠. ཨིདྡྷིཔཱདེན ཡེ དྷམྨཱ སམྤཡུཏྟཱ… ཏེ དྷམྨཱ ཏཱིཧི ¶ ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ. ཀཏིཧི ཨསངྒཧིཏཱ? དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༤༣༡. ཛྷཱནེན ཡེ དྷམྨཱ སམྤཡུཏྟཱ… ཏེ དྷམྨཱ ཏཱིཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? དྭཱིཧི ཁནྡྷེཧི དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༤༣༢. ཨཔྤམཉྙཱཡ ཡེ དྷམྨཱ… པཉྩཧི ཨིནྡྲིཡེཧི ཡེ དྷམྨཱ… པཉྩཧི བལེཧི ཡེ དྷམྨཱ… སཏྟཧི བོཛ྄ཛྷངྒེཧི ཡེ དྷམྨཱ… ཨརིཡེན ཨཊྛངྒིཀེན མགྒེན ཡེ དྷམྨཱ སམྤཡུཏྟཱ… ཏེ ¶ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༤༣༣. ཕསྶེན ཡེ དྷམྨཱ… ཙེཏནཱཡ ཡེ དྷམྨཱ… མནསིཀཱརེན ཡེ དྷམྨཱ སམྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༤༣༤. ཝེདནཱཡ ཡེ དྷམྨཱ… སཉྙཱཡ ཡེ དྷམྨཱ སམྤཡུཏྟཱ… ཏེ དྷམྨཱ ཏཱིཧི ཁནྡྷེཧི དྭཱིཧཱཡཏནེཧི ¶ ཨཊྛཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? དྭཱིཧི ཁནྡྷེཧི དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༤༣༥. ཙིཏྟེན ཡེ དྷམྨཱ སམྤཡུཏྟཱ… ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ. ཀཏིཧི ¶ ཨསངྒཧིཏཱ? དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༤༣༦. ཨདྷིམོཀྑེན ཡེ དྷམྨཱ སམྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཏཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི པནྣརསཧི དྷཱཏཱུཧི ཨསངྒཧིཏཱ.

༤༣༧. སུཁཱཡ ¶ ཝེདནཱཡ སམྤཡུཏྟེཧི དྷམྨེཧི ཡེ དྷམྨཱ… དུཀྑཱཡ ཝེདནཱཡ སམྤཡུཏྟེཧི དྷམྨེཧི ཡེ དྷམྨཱ… ཨདུཀྑམསུཁཱཡ ཝེདནཱཡ སམྤཡུཏྟེཧི དྷམྨེཧི ཡེ དྷམྨཱ… སཝིཏཀྐསཝིཙཱརེཧི དྷམྨེཧི ཡེ དྷམྨཱ… ཨཝིཏཀྐཝིཙཱརམཏྟེཧི དྷམྨེཧི ཡེ དྷམྨཱ… པཱིཏིསཧགཏེཧི དྷམྨེཧི ¶ ཡེ དྷམྨཱ… སུཁསཧགཏེཧི དྷམྨེཧི ཡེ དྷམྨཱ… ཨུཔེཀྑཱསཧགཏེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༤༣༨. ཧེཏཱུཧི དྷམྨེཧི ཡེ དྷམྨཱ… ཧེཏཱུཧི ཙེཝ སཧེཏུཀེཧི ཙ དྷམྨེཧི ཡེ དྷམྨཱ… ཧེཏཱུཧི ཙེཝ ཧེཏུསམྤཡུཏྟེཧི ཙ དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༤༣༩. སཧེཏུཀེཧི ཙེཝ ན ཙ ཧེཏཱུཧི དྷམྨེཧི ཡེ དྷམྨཱ… ཧེཏུསམྤཡུཏྟེཧི ཙེཝ ན ཙ ཧེཏཱུཧི དྷམྨེཧི ཡེ དྷམྨཱ… ན ཧེཏུསཧེཏུཀེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༤༤༠. ཨཱསཝེཧི ¶ དྷམྨེཧི ཡེ དྷམྨཱ… ཨཱསཝེཧི ཙེཝ སཱསཝེཧི ཙ དྷམྨེཧི ཡེ དྷམྨཱ… ཨཱསཝེཧི ཙེཝ ཨཱསཝསམྤཡུཏྟེཧི ཙ དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ¶ ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༤༤༡. ཨཱསཝསམྤཡུཏྟེཧི ཙེཝ ནོ ཙ ཨཱསཝེཧི དྷམྨེཧི ཡེ དྷམྨཱ ¶ སམྤཡུཏྟཱ… ཏེ དྷམྨཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༤༤༢. སཾཡོཛནེཧི དྷམྨེཧི ཡེ དྷམྨཱ… གནྠེཧི དྷམྨེཧི ཡེ དྷམྨཱ… ཨོགྷེཧི དྷམྨེཧི ཡེ དྷམྨཱ… ཡོགེཧི དྷམྨེཧི ཡེ དྷམྨཱ… ནཱིཝརཎེཧི དྷམྨེཧི ¶ ཡེ དྷམྨཱ… པརཱམཱསེཧི དྷམྨེཧི ཡེ དྷམྨཱ… པརཱམཱསེཧི ཙེཝ པརཱམཊྛེཧི ཙ དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༤༤༣. པརཱམཱསསམྤཡུཏྟེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༤༤༤. ཙིཏྟེཧི དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ. ཀཏིཧི ཨསངྒཧིཏཱ? དྭཱིཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

༤༤༥. ཙེཏསིཀེཧི དྷམྨེཧི ཡེ དྷམྨཱ… ཙིཏྟསམྤཡུཏྟེཧི དྷམྨེཧི ཡེ དྷམྨཱ… ཙིཏྟསཾསཊྛེཧི དྷམྨེཧི ཡེ དྷམྨཱ… ཙིཏྟསཾསཊྛསམུཊྛཱནེཧི དྷམྨེཧི ཡེ དྷམྨཱ… ཙིཏྟསཾསཊྛསམུཊྛཱནསཧབྷཱུཧི དྷམྨེཧི ཡེ ¶ དྷམྨཱ… ཙིཏྟསཾསཊྛསམུཊྛཱནཱནུཔརིཝཏྟཱིཧི ¶ དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི དྷཱཏཱུཧི ཨསངྒཧིཏཱ.

༤༤༦. ཨུཔཱདཱནེཧི ¶ དྷམྨེཧི ཡེ དྷམྨཱ… ཀིལེསེཧི དྷམྨེཧི ཡེ དྷམྨཱ… ཀིལེསེཧི ཙེཝ སཾཀིལེསིཀེཧི ཙ དྷམྨེཧི ཡེ དྷམྨཱ… ཀིལེསེཧི ཙེཝ སཾཀིལིཊྛེཧི ཙ དྷམྨེཧི ཡེ དྷམྨཱ… ཀིལེསེཧི ཙེཝ ཀིལེསསམྤཡུཏྟེཧི ཙ དྷམྨེཧི ཡེ དྷམྨཱ སམྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༤༤༧. སཾཀིལིཊྛེཧི ཙེཝ ནོ ཙ ཀིལེསེཧི དྷམྨེཧི ཡེ དྷམྨཱ… ཀིལེསསམྤཡུཏྟེཧི ཙེཝ ནོ ཙ ཀིལེསེཧི དྷམྨེཧི ཡེ དྷམྨཱ… སཝིཏཀྐེཧི དྷམྨེཧི ཡེ དྷམྨཱ… སཝིཙཱརེཧི དྷམྨེཧི ཡེ དྷམྨཱ… སཔྤཱིཏིཀེཧི དྷམྨེཧི ཡེ དྷམྨཱ… པཱིཏིསཧགཏེཧི དྷམྨེཧི ཡེ དྷམྨཱ… སུཁསཧགཏེཧི དྷམྨེཧི ¶ ཡེ དྷམྨཱ… ཨུཔེཀྑཱསཧགཏེཧི དྷམྨེཧི ཡེ དྷམྨཱ སམྤཡུཏྟཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? ཏེ དྷམྨཱ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱ.

རཱུཔཀྑནྡྷཱ ཙཏྟཱརོ, མནཱཡཏནམེཝ ཙ;

ཝིཉྙཱཎདྷཱཏུཡོ སཏྟ, དྭེ སཙྩཱ ཙུདྡསིནྡྲིཡཱ.

པཙྩཡེ དྭཱདས པདཱ, ཏཏོ ཨུཔརི སོལ༹ས;

ཏིཀེསུ ཨཊྛ གོཙྪཀེ, ཏེཙཏྟཱལཱིསམེཝ ཙ.

མཧནྟརདུཀེ སཏྟ, པདཱ པིཊྛིདུཀེསུ ཚ;

ནཝམསྶ པདསྶེཏེ, ནིདྡེསེ སངྒཧཾ གཏཱཏི.

སམྤཡུཏྟེནསངྒཧིཏཱསངྒཧིཏཔདནིདྡེསོ དྭཱདསམོ.

༡༣. ཏེརསམནཡོ

༡༣. ཨསངྒཧིཏེནསམྤཡུཏྟཝིཔྤཡུཏྟཔདནིདྡེསོ

༤༤༨. རཱུཔཀྑནྡྷེན ¶ ¶ ¶ ¶ ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སམྤཡུཏྟཱ? ཏེ དྷམྨཱ ཏཱིཧི ཁནྡྷེཧི སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༤༤༩. དྷམྨཱཡཏནེན ཡེ དྷམྨཱ… དྷམྨདྷཱཏུཡཱ ཡེ དྷམྨཱ… ཨིཏྠིནྡྲིཡེན ཡེ དྷམྨཱ… པུརིསིནྡྲིཡེན ཡེ དྷམྨཱ… ཛཱིཝིཏིནྡྲིཡེན ཡེ དྷམྨཱ… ཝིཉྙཱཎཔཙྩཡཱ ནཱམརཱུཔེན ཡེ དྷམྨཱ… ཨསཉྙཱབྷཝེན ཡེ དྷམྨཱ… ཨེཀཝོཀཱརབྷཝེན ཡེ དྷམྨཱ… ཛཱཏིཡཱ ཡེ དྷམྨཱ… ཛརཱཡ ཡེ དྷམྨཱ… མརཎེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ…པེ… ཏེ དྷམྨཱ ཏཱིཧི ཁནྡྷེཧི སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༤༥༠. ཨརཱུཔབྷཝེན ཡེ དྷམྨཱ… ནེཝསཉྙཱནཱསཉྙཱབྷཝེན ཡེ དྷམྨཱ… ཙཏུཝོཀཱརབྷཝེན ཡེ དྷམྨཱ… ཨིདྡྷིཔཱདེན ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ ¶ , ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སམྤཡུཏྟཱཏི ¶ ? ནཏྠི? ཀཏིཧི ཝིཔྤཡུཏྟཱ? ཙཏཱུཧི ¶ ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༤༥༡. ཀུསལེཧི དྷམྨེཧི ཡེ དྷམྨཱ… ཨཀུསལེཧི དྷམྨེཧི ཡེ དྷམྨཱ… སུཁཱཡ ཝེདནཱཡ སམྤཡུཏྟེཧི དྷམྨེཧི ཡེ དྷམྨཱ… དུཀྑཱཡ ཝེདནཱཡ སམྤཡུཏྟེཧི དྷམྨེཧི ཡེ དྷམྨཱ… ཨདུཀྑམསུཁཱཡ ཝེདནཱཡ སམྤཡུཏྟེཧི དྷམྨེཧི ཡེ དྷམྨཱ… ཝིཔཱཀེཧི དྷམྨེཧི ཡེ དྷམྨཱ… ཝིཔཱཀདྷམྨདྷམྨེཧི ཡེ དྷམྨཱ… ཨནུཔཱདིནྣཨནུཔཱདཱནིཡེཧི ¶ དྷམྨེཧི ཡེ དྷམྨཱ… སཾཀིལིཊྛསཾཀིལེསིཀེཧི དྷམྨེཧི ཡེ དྷམྨཱ… ཨསཾཀིལིཊྛཨསཾཀིལེསིཀེཧི དྷམྨེཧི ཡེ དྷམྨཱ… སཝིཏཀྐསཝིཙཱརེཧི དྷམྨེཧི ཡེ དྷམྨཱ… ཨཝིཏཀྐཝིཙཱརམཏྟེཧི དྷམྨེཧི ཡེ དྷམྨཱ… པཱིཏིསཧགཏེཧི དྷམྨེཧི ཡེ དྷམྨཱ… སུཁསཧགཏེཧི དྷམྨེཧི ཡེ དྷམྨཱ… ཨུཔེཀྑཱསཧགཏེཧི དྷམྨེཧི ཡེ དྷམྨཱ… དསྶནེན པཧཱཏབྦེཧི དྷམྨེཧི ཡེ དྷམྨཱ… བྷཱཝནཱཡ པཧཱཏབྦེཧི དྷམྨེཧི ཡེ དྷམྨཱ… དསྶནེན པཧཱཏབྦཧེཏུཀེཧི དྷམྨེཧི ཡེ དྷམྨཱ… བྷཱཝནཱཡ པཧཱཏབྦཧེཏུཀེཧི དྷམྨེཧི ཡེ དྷམྨཱ… ཨཱཙཡགཱམཱིཧི དྷམྨེཧི ཡེ དྷམྨཱ… ཨཔཙཡགཱམཱིཧི དྷམྨེཧི ཡེ དྷམྨཱ… སེཀྑེཧི དྷམྨེཧི ཡེ དྷམྨཱ… ཨསེཀྑེཧི དྷམྨེཧི ཡེ དྷམྨཱ… མཧགྒཏེཧི དྷམྨེཧི ཡེ དྷམྨཱ… ཨཔྤམཱཎེཧི དྷམྨེཧི ཡེ དྷམྨཱ… པརིཏྟཱརམྨཎེཧི དྷམྨེཧི ཡེ དྷམྨཱ… མཧགྒཏཱརམྨཎེཧི དྷམྨེཧི ཡེ ¶ དྷམྨཱ… ཨཔྤམཱཎཱརམྨཎེཧི དྷམྨེཧི ཡེ དྷམྨཱ… ཧཱིནེཧི དྷམྨེཧི ཡེ དྷམྨཱ… པཎཱིཏེཧི དྷམྨེཧི ཡེ དྷམྨཱ… མིཙྪཏྟནིཡཏེཧི དྷམྨེཧི ཡེ དྷམྨཱ… སམྨཏྟནིཡཏེཧི དྷམྨེཧི ཡེ དྷམྨཱ… མགྒཱརམྨཎེཧི དྷམྨེཧི ཡེ དྷམྨཱ… མགྒཧེཏུཀེཧི དྷམྨེཧི ཡེ དྷམྨཱ… མགྒཱདྷིཔཏཱིཧི དྷམྨེཧི ཡེ དྷམྨཱ… ཨཏཱིཏཱརམྨཎེཧི དྷམྨེཧི ཡེ དྷམྨཱ… ཨནཱགཏཱརམྨཎེཧི དྷམྨེཧི ཡེ དྷམྨཱ… པཙྩུཔྤནྣཱརམྨཎེཧི དྷམྨེཧི ཡེ དྷམྨཱ… ཨཛ྄ཛྷཏྟཱརམྨཎེཧི དྷམྨེཧི ཡེ དྷམྨཱ… བཧིདྡྷཱརམྨཎེཧི དྷམྨེཧི ཡེ དྷམྨཱ… ཨཛ྄ཛྷཏྟབཧིདྡྷཱརམྨཎེཧི དྷམྨེཧི ཡེ དྷམྨཱ… སཧེཏུཀེཧི དྷམྨེཧི ཡེ དྷམྨཱ… ཧེཏུསམྤཡུཏྟེཧི དྷམྨེཧི ཡེ དྷམྨཱ… སཧེཏུཀེཧི ཙེཝ ན ཙ ཧེཏཱུཧི དྷམྨེཧི ཡེ དྷམྨཱ… ཧེཏུསམྤཡུཏྟེཧི ཙེཝ ན ཙ ཧེཏཱུཧི དྷམྨེཧི ཡེ དྷམྨཱ… ན ཧེཏུསཧེཏུཀེཧི ¶ དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ? ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༤༥༢. རཱུཔཱིཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ¶ ཨསངྒཧིཏཱ… ཏེ དྷམྨཱ ཏཱིཧི ཁནྡྷེཧི སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ¶ ཝིཔྤཡུཏྟཱ ¶ ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༤༥༣. ཨརཱུཔཱིཧི དྷམྨེཧི ཡེ དྷམྨཱ… ལོཀུཏྟརེཧི དྷམྨེཧི ཡེ དྷམྨཱ… ཨནཱསཝེཧི དྷམྨེཧི ཡེ དྷམྨཱ… ཨཱསཝསམྤཡུཏྟེཧི དྷམྨེཧི ཡེ དྷམྨཱ… ཨཱསཝཝིཔྤཡུཏྟེཧི ཙེཝ ནོ ཙ ཨཱསཝེཧི དྷམྨེཧི ཡེ དྷམྨཱ… ཨཱསཝཝིཔྤཡུཏྟེཧི ཨནཱསཝེཧི དྷམྨེཧི ཡེ དྷམྨཱ… ཨསཾཡོཛནིཡེཧི དྷམྨེཧི ཡེ དྷམྨཱ… ཨགནྠནིཡེཧི དྷམྨེཧི ཡེ དྷམྨཱ… ཨནོགྷནིཡེཧི དྷམྨེཧི ཡེ དྷམྨཱ… ཨཡོགནིཡེཧི དྷམྨེཧི ཡེ དྷམྨཱ… ཨནཱིཝརཎིཡེཧི དྷམྨེཧི ཡེ དྷམྨཱ… ཨཔརཱམཊྛེཧི དྷམྨེཧི ཡེ དྷམྨཱ… པརཱམཱསསམྤཡུཏྟེཧི དྷམྨེཧི ཡེ དྷམྨཱ… པརཱམཱསཝིཔྤཡུཏྟེཧི ཨཔརཱམཊྛེཧི དྷམྨེཧི ཡེ དྷམྨཱ… སཱརམྨཎེཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སམྤཡུཏྟཱཏི? ནཏྠི. ཀཏིཧི ཝིཔྤཡུཏྟཱ? ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༤༥༤. ཨནཱརམྨཎེཧི དྷམྨེཧི ཡེ དྷམྨཱ… ནོ ཙིཏྟེཧི དྷམྨེཧི ཡེ དྷམྨཱ… ཙིཏྟཝིཔྤཡུཏྟེཧི དྷམྨེཧི ཡེ དྷམྨཱ ¶ … ཙིཏྟཝིསཾསཊྛེཧི དྷམྨེཧི ཡེ དྷམྨཱ… ཙིཏྟསམུཊྛཱནེཧི དྷམྨེཧི ཡེ དྷམྨཱ… ཙིཏྟསཧབྷཱུཧི དྷམྨེཧི ཡེ དྷམྨཱ… ཙིཏྟཱནུཔརིཝཏྟཱིཧི དྷམྨེཧི ཡེ དྷམྨཱ… བཱཧིརེཧི དྷམྨེཧི ཡེ དྷམྨཱ… ཨུཔཱདཱདྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒེན ཨསངྒཧིཏཱ, ཏེ དྷམྨཱ ཀཏིཧི ཁནྡྷེཧི ¶ ཀཏིཧཱཡཏནེཧི ཀཏིཧི དྷཱཏཱུཧི སམྤཡུཏྟཱ? ཏེ དྷམྨཱ ཏཱིཧི ཁནྡྷེཧི སམྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཀཏིཧི ཝིཔྤཡུཏྟཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

༤༥༥. ཨནུཔཱདཱནིཡེཧི དྷམྨེཧི ཡེ དྷམྨཱ… ཨུཔཱདཱནསམྤཡུཏྟེཧི དྷམྨེཧི ཡེ དྷམྨཱ… ཨུཔཱདཱནསམྤཡུཏྟེཧི ཙེཝ ནོ ཙ ཨུཔཱདཱནེཧི དྷམྨེཧི ཡེ དྷམྨཱ… ཨུཔཱདཱནཝིཔྤཡུཏྟེཧི ཨནུཔཱདཱནིཡེཧི དྷམྨེཧི ཡེ དྷམྨཱ… ཨསཾཀིལེསིཀེཧི དྷམྨེཧི ཡེ དྷམྨཱ… ཨསཾཀིལིཊྛེཧི དྷམྨེཧི ཡེ དྷམྨཱ… ཀིལེསསམྤཡུཏྟེཧི དྷམྨེཧི ཡེ དྷམྨཱ… སཾཀིལིཊྛེཧི ཙེཝ ནོ ཙ ཀིལེསེཧི ¶ ¶ དྷམྨེཧི ཡེ དྷམྨཱ… ཀིལེསསམྤཡུཏྟེཧི ཙེཝ ནོ ཙ ཀིལེསེཧི དྷམྨེཧི ཡེ དྷམྨཱ… ཀིལེསཝིཔྤཡུཏྟེཧི ཨསཾཀིལེསིཀེཧི དྷམྨེཧི ཡེ དྷམྨཱ… དསྶནེན པཧཱཏབྦེཧི དྷམྨེཧི ཡེ དྷམྨཱ… བྷཱཝནཱཡ པཧཱཏབྦེཧི དྷམྨེཧི ཡེ དྷམྨཱ… དསྶནེན པཧཱཏབྦཧེཏུཀེཧི དྷམྨེཧི ཡེ དྷམྨཱ… བྷཱཝནཱཡ པཧཱཏབྦཧེཏུཀེཧི དྷམྨེཧི ཡེ དྷམྨཱ… སཝིཏཀྐེཧི དྷམྨེཧི ཡེ དྷམྨཱ… སཝིཙཱརེཧི དྷམྨེཧི ཡེ དྷམྨཱ… སཔྤཱིཏིཀེཧི དྷམྨེཧི ཡེ དྷམྨཱ… པཱིཏིསཧགཏེཧི དྷམྨེཧི ཡེ དྷམྨཱ… སུཁསཧགཏེཧི དྷམྨེཧི ཡེ དྷམྨཱ… ཨུཔེཀྑཱསཧགཏེཧི དྷམྨེཧི ཡེ དྷམྨཱ… ན ཀཱམཱཝཙརེཧི དྷམྨེཧི ཡེ དྷམྨཱ… རཱུཔཱཝཙརེཧི དྷམྨེཧི ཡེ དྷམྨཱ… ཨརཱུཔཱཝཙརེཧི དྷམྨེཧི ཡེ དྷམྨཱ… ཨཔརིཡཱཔནྣེཧི དྷམྨེཧི ཡེ དྷམྨཱ… ནིཡྻཱནིཀེཧི དྷམྨེཧི ཡེ དྷམྨཱ ¶ … ནིཡཏེཧི དྷམྨེཧི ཡེ དྷམྨཱ… ཨནུཏྟརེཧི དྷམྨེཧི ཡེ དྷམྨཱ… སརཎེཧི དྷམྨེཧི ཡེ དྷམྨཱ ཁནྡྷསངྒཧེན ཨསངྒཧིཏཱ ཨཱཡཏནསངྒཧེན ཨསངྒཧིཏཱ དྷཱཏུསངྒཧེན ཨསངྒཧིཏཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སམྤཡུཏྟཱཏི? ནཏྠི. ཀཏིཧི ¶ ཝིཔྤཡུཏྟཱ? ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ; ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ.

རཱུཔཉྩ དྷམྨཱཡཏནཾ དྷམྨདྷཱཏུ, ཨིཏྠིཔུམཾ ཛཱིཝིཏཾ ནཱམརཱུཔཾ;

དྭེ བྷཝཱ ཛཱཏིཛརཱ མཙྩུརཱུཔཾ, ཨནཱརམྨཎཾ ནོ ཙིཏྟཾ ཙིཏྟེན ཝིཔྤཡུཏྟཾ.

ཝིསཾསཊྛཾ སམུཊྛཱནསཧབྷུ, ཨནུཔརིཝཏྟི བཱཧིརཾ ཨུཔཱདཱ;

དྭེ ཝིསཡོ ཨེསནཡོ སུབུདྡྷོཏི.

ཨསངྒཧིཏེནསམྤཡུཏྟཝིཔྤཡུཏྟཔདནིདྡེསོ ཏེརསམོ.

༡༤. ཙུདྡསམནཡོ

༡༤. ཝིཔྤཡུཏྟེནསངྒཧིཏཱསངྒཧིཏཔདནིདྡེསོ

༡. ཁནྡྷཱདི

༤༥༦. རཱུཔཀྑནྡྷེན ¶ ¶ ¶ ཡེ དྷམྨཱ ཝིཔྤཡུཏྟཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༤༥༧. ཝེདནཱཀྑནྡྷེན ཡེ དྷམྨཱ… སཉྙཱཀྑནྡྷེན ཡེ དྷམྨཱ… སངྑཱརཀྑནྡྷེན ཡེ དྷམྨཱ… ཝིཉྙཱཎཀྑནྡྷེན ཡེ དྷམྨཱ… མནཱཡཏནེན ཡེ དྷམྨཱ… མནིནྡྲིཡེན ཡེ དྷམྨཱ ཝིཔྤཡུཏྟཱ, ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ ཨེཀེན ཁནྡྷེན ཨེཀཱདསཧཱཡཏནེཧི ཨེཀཱདསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ.

༤༥༨. ཙཀྑཱཡཏནེན ¶ ཡེ དྷམྨཱ…པེ… ཕོཊྛབྦཱཡཏནེན ཡེ དྷམྨཱ… ཙཀྑུདྷཱཏུཡཱ ཡེ དྷམྨཱ…པེ… ཕོཊྛབྦདྷཱཏུཡཱ ཡེ དྷམྨཱ ཝིཔྤཡུཏྟཱ…པེ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༤༥༩. ཙཀྑུཝིཉྙཱཎདྷཱཏུཡཱ ཡེ དྷམྨཱ… སོཏཝིཉྙཱཎདྷཱཏུཡཱ ¶ ཡེ དྷམྨཱ… གྷཱནཝིཉྙཱཎདྷཱཏུཡཱ ¶ ཡེ དྷམྨཱ… ཛིཝ྄ཧཱཝིཉྙཱཎདྷཱཏུཡཱ ཡེ དྷམྨཱ… ཀཱཡཝིཉྙཱཎདྷཱཏུཡཱ ཡེ དྷམྨཱ… མནོདྷཱཏུཡཱ ཡེ དྷམྨཱ… མནོཝིཉྙཱཎདྷཱཏུཡཱ ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི སཏྟརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི, ཨེཀཱཡ དྷཱཏུཡཱ ཨསངྒཧིཏཱ.

༢. སཙྩཱདི

༤༦༠. དུཀྑསཙྩེན ¶ ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༤༦༡. སམུདཡསཙྩེན ཡེ དྷམྨཱ… མགྒསཙྩེན ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༤༦༢. ནིརོདྷསཙྩེན ཡེ དྷམྨཱ… ཙཀྑུནྡྲིཡེན ཡེ དྷམྨཱ ¶ … ཀཱཡིནྡྲིཡེན ཡེ དྷམྨཱ… ཨིཏྠིནྡྲིཡེན ཡེ དྷམྨཱ… པུརིསིནྡྲིཡེན ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༤༦༣. སུཁིནྡྲིཡེན ཡེ དྷམྨཱ… དུཀྑིནྡྲིཡེན ཡེ དྷམྨཱ… སོམནསྶིནྡྲིཡེན ཡེ དྷམྨཱ… དོམནསྶིནྡྲིཡེན ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ¶ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༤༦༤. ཨུཔེཀྑིནྡྲིཡེན ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཏེརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི པཉྩཧི དྷཱཏཱུཧི ཨསངྒཧིཏཱ.

༤༦༥. སདྡྷིནྡྲིཡེན ¶ ཡེ དྷམྨཱ… ཝཱིརིཡིནྡྲིཡེན ཡེ དྷམྨཱ… སཏིནྡྲིཡེན ཡེ དྷམྨཱ… སམཱདྷིནྡྲིཡེན ཡེ དྷམྨཱ… པཉྙིནྡྲིཡེན ཡེ ¶ དྷམྨཱ… ཨནཉྙཱཏཉྙསྶཱམཱིཏིནྡྲིཡེན ཡེ དྷམྨཱ… ཨཉྙིནྡྲིཡེན ཡེ དྷམྨཱ… ཨཉྙཱཏཱཝིནྡྲིཡེན ཡེ དྷམྨཱ… ཨཝིཛྫཱཡ ཡེ དྷམྨཱ… ཨཝིཛྫཱཔཙྩཡཱ སངྑཱརེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི ¶ དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༤༦༦. སངྑཱརཔཙྩཡཱ ཝིཉྙཱཎེན ཡེ དྷམྨཱ… སལཱ༹ཡཏནཔཙྩཡཱ ཕསྶེན ཡེ དྷམྨཱ… ཕསྶཔཙྩཡཱ ཝེདནཱཡ ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ ཨེཀེན ཁནྡྷེན ཨེཀཱདསཧཱཡཏནེཧི ཨེཀཱདསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ.

༤༦༧. ཝེདནཱཔཙྩཡཱ ཏཎྷཱཡ ཡེ དྷམྨཱ… ཏཎྷཱཔཙྩཡཱ ཨུཔཱདཱནེན ཡེ དྷམྨཱ… ཀམྨབྷཝེན ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༤༦༨. ཨུཔཔཏྟིབྷཝེན ཡེ དྷམྨཱ… སཉྙཱབྷཝེན ཡེ དྷམྨཱ… པཉྩཝོཀཱརབྷཝེན ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཏཱིཧི དྷཱཏཱུཧི སངྒཧིཏཱ. ཀཏིཧི ¶ ཨསངྒཧིཏཱ? ཨེཀེན ཁནྡྷེན དསཧཱཡཏནེཧི པནྣརསཧི དྷཱཏཱུཧི ཨསངྒཧིཏཱ.

༤༦༩. ཀཱམབྷཝེན ¶ ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི པཉྩཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི ཏེརསཧི དྷཱཏཱུཧི ཨསངྒཧིཏཱ.

༤༧༠. རཱུཔབྷཝེན ཡེ དྷམྨཱ… ཨསཉྙཱབྷཝེན ཡེ དྷམྨཱ… ཨེཀཝོཀཱརབྷཝེན ཡེ དྷམྨཱ… པརིདེཝེན ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༤༧༡. ཨརཱུཔབྷཝེན ¶ ཡེ དྷམྨཱ… ནེཝསཉྙཱནཱསཉྙཱབྷཝེན ཡེ དྷམྨཱ… ཙཏུཝོཀཱརབྷཝེན ཡེ དྷམྨཱ… སོཀེན ཡེ དྷམྨཱ… དུཀྑེན ཡེ དྷམྨཱ… དོམནསྶེན ཡེ དྷམྨཱ… ཨུཔཱཡཱསེན ཡེ དྷམྨཱ… སཏིཔཊྛཱནེན ཡེ དྷམྨཱ… སམྨཔྤདྷཱནེན ཡེ དྷམྨཱ… ཨིདྡྷིཔཱདེན ཡེ དྷམྨཱ… ཛྷཱནེན ཡེ དྷམྨཱ… ཨཔྤམཉྙཱཡ ཡེ དྷམྨཱ… པཉྩཧི ཨིནྡྲིཡེཧི ཡེ དྷམྨཱ… པཉྩཧི བལེཧི ཡེ དྷམྨཱ ¶ … སཏྟཧི བོཛ྄ཛྷངྒེཧི ཡེ དྷམྨཱ… ཨརིཡེན ཨཊྛངྒིཀེན མགྒེན ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༣. ཕསྶཱདིསཏྟཀཾ

༤༧༢. ཕསྶེན ཡེ དྷམྨཱ… ཝེདནཱཡ ཡེ དྷམྨཱ… སཉྙཱཡ ཡེ དྷམྨཱ… ཙེཏནཱཡ ཡེ དྷམྨཱ… ཙིཏྟེན ཡེ དྷམྨཱ… མནསིཀཱརེན ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ ཨེཀེན ¶ ཁནྡྷེན ཨེཀཱདསཧཱཡཏནེཧི ཨེཀཱདསཧི དྷཱཏཱུཧི སངྒཧིཏཱ. ཀཏིཧི ¶ ཨསངྒཧིཏཱ? ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ.

༤༧༣. ཨདྷིམོཀྑེན ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི སཏྟརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཨེཀཱཡ དྷཱཏུཡཱ ཨསངྒཧིཏཱ.

༤. ཏིཀཾ

༤༧༤. ཀུསལེཧི དྷམྨེཧི ཡེ དྷམྨཱ… ཨཀུསལེཧི དྷམྨེཧི ཡེ དྷམྨཱ… སུཁཱཡ ཝེདནཱཡ སམྤཡུཏྟེཧི དྷམྨེཧི ཡེ དྷམྨཱ… དུཀྑཱཡ ཝེདནཱཡ སམྤཡུཏྟེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༤༧༥. ཨབྱཱཀཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ¶ དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༤༧༦. ཨདུཀྑམསུཁཱཡ ¶ ཝེདནཱཡ སམྤཡུཏྟེཧི དྷམྨེཧི ཡེ དྷམྨཱ… ཝིཔཱཀེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ¶ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཏེརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ¶ པཉྩཧི དྷཱཏཱུཧི ཨསངྒཧིཏཱ.

༤༧༧. ཝིཔཱཀདྷམྨདྷམྨེཧི ཡེ དྷམྨཱ… སཾཀིལིཊྛསཾཀིལེསིཀེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༤༧༨. ནེཝཝིཔཱཀནཝིཔཱཀདྷམྨདྷམྨེཧི ཡེ དྷམྨཱ… ཨནུཔཱདིནྣུཔཱདཱནིཡེཧི དྷམྨེཧི ཡེ དྷམྨཱ… ཨནུཔཱདིནྣཨནུཔཱདཱནིཡེཧི དྷམྨེཧི ཡེ དྷམྨཱ… ཨསཾཀིལིཊྛཨསཾཀིལེསིཀེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༤༧༩. ཨུཔཱདིནྣུཔཱདཱནིཡེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཏཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི པནྣརསཧི དྷཱཏཱུཧི ཨསངྒཧིཏཱ.

༤༨༠. ཨསཾཀིལིཊྛསཾཀིལེསིཀེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༤༨༡. སཝིཏཀྐསཝིཙཱརེཧི ¶ དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ ¶ པཉྩཧི ཁནྡྷེཧི དྭཱདསཧཱཡཏནེཧི སཏྟརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཨེཀཱཡ དྷཱཏུཡཱ ཨསངྒཧིཏཱ.

༤༨༢. ཨཝིཏཀྐཝིཙཱརམཏྟེཧི ¶ དྷམྨེཧི ཡེ དྷམྨཱ… པཱིཏིསཧགཏེཧི དྷམྨེཧི ཡེ དྷམྨཱ… སུཁསཧགཏེཧི དྷམྨེཧི ¶ ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༤༨༣. ཨཝིཏཀྐཨཝིཙཱརེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཏཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི པནྣརསཧི དྷཱཏཱུཧི ཨསངྒཧིཏཱ.

༤༨༤. ཨུཔེཀྑཱསཧགཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཏེརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི པཉྩཧི དྷཱཏཱུཧི ཨསངྒཧིཏཱ.

༤༨༥. དསྶནེན པཧཱཏབྦེཧི དྷམྨེཧི ཡེ དྷམྨཱ… བྷཱཝནཱཡ པཧཱཏབྦེཧི དྷམྨེཧི ཡེ དྷམྨཱ… དསྶནེན པཧཱཏབྦཧེཏུཀེཧི དྷམྨེཧི ཡེ དྷམྨཱ… བྷཱཝནཱཡ པཧཱཏབྦཧེཏུཀེཧི དྷམྨེཧི ཡེ དྷམྨཱ… ཨཱཙཡགཱམཱིཧི ¶ དྷམྨེཧི ཡེ དྷམྨཱ… ཨཔཙཡགཱམཱིཧི དྷམྨེཧི ཡེ དྷམྨཱ… སེཀྑེཧི དྷམྨེཧི ཡེ དྷམྨཱ… ཨསེཀྑེཧི དྷམྨེཧི ཡེ དྷམྨཱ… མཧགྒཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༤༨༦. ནེཝ དསྶནེན ན བྷཱཝནཱཡ པཧཱཏབྦེཧི དྷམྨེཧི ཡེ དྷམྨཱ… ནེཝ དསྶནེན ན བྷཱཝནཱཡ པཧཱཏབྦཧེཏུཀེཧི ¶ དྷམྨེཧི ཡེ དྷམྨཱ… ནེཝཱཙཡགཱམིནཱཔཙཡགཱམཱིཧི དྷམྨེཧི ཡེ དྷམྨཱ… ནེཝསེཀྑནཱསེཀྑེཧི དྷམྨེཧི ཡེ དྷམྨཱ… པརིཏྟེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ¶ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༤༨༧. ཨཔྤམཱཎེཧི ¶ དྷམྨེཧི ཡེ དྷམྨཱ… པཎཱིཏེཧི དྷམྨེཧི ཡེ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༤༨༨. པརིཏྟཱརམྨཎེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི དྭཱདསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ¶ ཀེཧིཙི ཨཱཡཏནེཧི ཚཧི དྷཱཏཱུཧི ཨསངྒཧིཏཱ.

༤༨༩. མཧགྒཏཱརམྨཎེཧི དྷམྨེཧི ཡེ དྷམྨཱ… ཨཔྤམཱཎཱརམྨཎེཧི དྷམྨེཧི ཡེ དྷམྨཱ… ཧཱིནེཧི དྷམྨེཧི ཡེ དྷམྨཱ… མིཙྪཏྟནིཡཏེཧི དྷམྨེཧི ཡེ དྷམྨཱ… སམྨཏྟནིཡཏེཧི དྷམྨེཧི ཡེ དྷམྨཱ… མགྒཱརམྨཎེཧི དྷམྨེཧི ཡེ དྷམྨཱ… མགྒཧེཏུཀེཧི དྷམྨེཧི ཡེ དྷམྨཱ… མགྒཱདྷིཔཏཱིཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༤༩༠. མཛ྄ཛྷིམེཧི དྷམྨེཧི ཡེ དྷམྨཱ… ཨནིཡཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ¶ ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༤༩༡. ཨུཔྤནྣེཧི དྷམྨེཧི ཡེ དྷམྨཱ… ཨནུཔྤནྣེཧི དྷམྨེཧི ཡེ དྷམྨཱ… ཨུཔྤཱདཱིཧི དྷམྨེཧི ཡེ དྷམྨཱ… ཨཏཱིཏེཧི དྷམྨེཧི ཡེ དྷམྨཱ… ཨནཱགཏེཧི དྷམྨེཧི ཡེ དྷམྨཱ… པཙྩུཔྤནྣེཧི དྷམྨེཧི ཡེ དྷམྨཱ… ཨཛ྄ཛྷཏྟེཧི དྷམྨེཧི ཡེ དྷམྨཱ… བཧིདྡྷཱཧི དྷམྨེཧི ཡེ དྷམྨཱ… སནིདསྶནསཔྤཊིགྷེཧི དྷམྨེཧི ཡེ དྷམྨཱ… ཨནིདསྶནསཔྤཊིགྷེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི ¶ དསཧི དྷཱཏཱུཧི ཨསངྒཧིཏཱ.

༤༩༢. ཨཏཱིཏཱརམྨཎེཧི ¶ དྷམྨེཧི ཡེ དྷམྨཱ… ཨནཱགཏཱརམྨཎེཧི དྷམྨེཧི ཡེ དྷམྨཱ… ཨཛ྄ཛྷཏྟཱརམྨཎེཧི དྷམྨེཧི ཡེ དྷམྨཱ… བཧིདྡྷཱརམྨཎེཧི དྷམྨེཧི ¶ ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༤༩༣. པཙྩུཔྤནྣཱརམྨཎེཧི དྷམྨེཧི ཡེ དྷམྨཱ… ཨཛ྄ཛྷཏྟབཧིདྡྷཱརམྨཎེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི དྭཱདསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཚཧི དྷཱཏཱུཧི ཨསངྒཧིཏཱ.

༥. དུཀཾ

༤༩༤. ཧེཏཱུཧི དྷམྨེཧི ཡེ དྷམྨཱ… སཧེཏུཀེཧི དྷམྨེཧི ཡེ དྷམྨཱ… ཧེཏུསམྤཡུཏྟེཧི དྷམྨེཧི ཡེ དྷམྨཱ… ཧེཏཱུཧི ཙེཝ སཧེཏུཀེཧི ཙ དྷམྨེཧི ཡེ དྷམྨཱ… སཧེཏུཀེཧི ཙེཝ ན ཙ ཧེཏཱུཧི དྷམྨེཧི ཡེ དྷམྨཱ… ཧེཏཱུཧི ཙེཝ ཧེཏུསམྤཡུཏྟེཧི ཙ དྷམྨེཧི ཡེ དྷམྨཱ… ཧེཏུསམྤཡུཏྟེཧི ¶ ཙེཝ ན ཙ ཧེཏཱུཧི དྷམྨེཧི ཡེ དྷམྨཱ… ན ཧེཏུསཧེཏུཀེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ¶ ན ཀཱཧིཙི དྷཱཏཱུཧི ཨསངྒཧིཏཱ.

༤༩༥. ཨཧེཏུཀེཧི དྷམྨེཧི ཡེ དྷམྨཱ… ཧེཏུཝིཔྤཡུཏྟེཧི དྷམྨེཧི ཡེ དྷམྨཱ… ན ཧེཏུཨཧེཏུཀེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༤༩༦. ཨཔྤཙྩཡེཧི དྷམྨེཧི ཡེ དྷམྨཱ… ཨསངྑཏེཧི དྷམྨེཧི ཡེ དྷམྨཱ… སནིདསྶནེཧི དྷམྨེཧི ཡེ དྷམྨཱ… སཔྤཊིགྷེཧི དྷམྨེཧི ཡེ དྷམྨཱ… རཱུཔཱིཧི དྷམྨེཧི ཡེ དྷམྨཱ… ལོཀུཏྟརེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ. ཀཏིཧི ¶ ཨསངྒཧིཏཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༤༩༧. ལོཀིཡེཧི ¶ དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༤༩༨. ཨཱསཝེཧི དྷམྨེཧི ཡེ དྷམྨཱ… ཨཱསཝསམྤཡུཏྟེཧི དྷམྨེཧི ཡེ དྷམྨཱ… ཨཱསཝེཧི ཙེཝ སཱསཝེཧི ཙ དྷམྨེཧི ཡེ དྷམྨཱ… ཨཱསཝེཧི ཙེཝ ཨཱསཝསམྤཡུཏྟེཧི ཙ དྷམྨེཧི ཡེ དྷམྨཱ… ཨཱསཝསམྤཡུཏྟེཧི ཙེཝ ནོ ཙ ཨཱསཝེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ¶ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ¶ ན ཀཱཧིཙི དྷཱཏཱུཧི ཨསངྒཧིཏཱ.

༤༩༩. སཱསཝེཧི དྷམྨེཧི ཡེ དྷམྨཱ… ཨཱསཝཝིཔྤཡུཏྟེཧི དྷམྨེཧི ཡེ དྷམྨཱ… སཱསཝེཧི ཙེཝ ནོ ཙ ཨཱསཝེཧི དྷམྨེཧི ཡེ དྷམྨཱ… ཨཱསཝཝིཔྤཡུཏྟེཧི སཱསཝེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༥༠༠. ཨནཱསཝེཧི དྷམྨེཧི ཡེ དྷམྨཱ… ཨཱསཝཝིཔྤཡུཏྟེཧི ཨནཱསཝེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༥༠༡. སཾཡོཛནེཧི དྷམྨེཧི ཡེ དྷམྨཱ… གནྠེཧི དྷམྨེཧི ཡེ དྷམྨཱ… ཨོགྷེཧི དྷམྨེཧི ཡེ དྷམྨཱ… ཡོགེཧི དྷམྨེཧི ཡེ དྷམྨཱ… ནཱིཝརཎེཧི དྷམྨེཧི ཡེ དྷམྨཱ… པརཱམཱསེཧི དྷམྨེཧི ཡེ དྷམྨཱ… པརཱམཱསསམྤཡུཏྟེཧི དྷམྨེཧི ཡེ དྷམྨཱ… པརཱམཱསེཧི ཙེཝ པརཱམཊྛེཧི ཙ དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ ¶ ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༥༠༢. པརཱམཊྛེཧི དྷམྨེཧི ཡེ དྷམྨཱ… པརཱམཱསཝིཔྤཡུཏྟེཧི དྷམྨེཧི ཡེ དྷམྨཱ… པརཱམཊྛེཧི ཙེཝ ནོ ཙ པརཱམཱསེཧི དྷམྨེཧི ཡེ དྷམྨཱ… པརཱམཱསཝིཔྤཡུཏྟེཧི པརཱམཊྛེཧི དྷམྨེཧི ཡེ ¶ ¶ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ¶ ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༥༠༣. ཨཔརཱམཊྛེཧི དྷམྨེཧི ཡེ དྷམྨཱ… པརཱམཱསཝིཔྤཡུཏྟེཧི ཨཔརཱམཊྛེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༥༠༤. སཱརམྨཎེཧི དྷམྨེཧི ཡེ དྷམྨཱ… ཙིཏྟེཧི དྷམྨེཧི ཡེ དྷམྨཱ… ཙེཏསིཀེཧི དྷམྨེཧི ཡེ དྷམྨཱ… ཙིཏྟསམྤཡུཏྟེཧི དྷམྨེཧི ཡེ དྷམྨཱ… ཙིཏྟསཾསཊྛེཧི དྷམྨེཧི ཡེ དྷམྨཱ… ཙིཏྟསཾསཊྛསམུཊྛཱནེཧི དྷམྨེཧི ཡེ དྷམྨཱ… ཙིཏྟསཾསཊྛསམུཊྛཱནསཧབྷཱུཧི དྷམྨེཧི ཡེ དྷམྨཱ… ཙིཏྟསཾསཊྛསམུཊྛཱནཱནུཔརིཝཏྟཱིཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ ཨེཀེན ཁནྡྷེན ཨེཀཱདསཧཱཡཏནེཧི ཨེཀཱདསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ.

༥༠༥. ཨནཱརམྨཎེཧི དྷམྨེཧི ཡེ དྷམྨཱ… ཙིཏྟཝིཔྤཡུཏྟེཧི དྷམྨེཧི ཡེ དྷམྨཱ… ཙིཏྟསཾསཊྛེཧི དྷམྨེཧི ཡེ དྷམྨཱ… ཨུཔཱདཱདྷམྨེཧི ཡེ དྷམྨཱ… ཨནུཔཱདིནྣེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ ¶ ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༥༠༦. ཨུཔཱདིནྣེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ¶ ཁནྡྷེཧི དྭཱིཧཱཡཏནེཧི ཏཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི པནྣརསཧི དྷཱཏཱུཧི ཨསངྒཧིཏཱ.

༥༠༧. ཨུཔཱདཱནེཧི ¶ དྷམྨེཧི ཡེ དྷམྨཱ… ཀིལེསེཧི དྷམྨེཧི ཡེ དྷམྨཱ… སཾཀིལིཊྛེཧི དྷམྨེཧི ཡེ དྷམྨཱ… ཀིལེསསམྤཡུཏྟེཧི དྷམྨེཧི ཡེ དྷམྨཱ… ཀིལེསེཧི ཙེཝ སཾཀིལེསིཀེཧི ཙ དྷམྨེཧི ཡེ དྷམྨཱ… ཀིལེསེཧི ཙེཝ སཾཀིལིཊྛེཧི ཙ དྷམྨེཧི ཡེ དྷམྨཱ… སཾཀིལིཊྛེཧི ཙེཝ ནོ ཙ ཀིལེསེཧི དྷམྨེཧི ཡེ དྷམྨཱ… ཀིལེསེཧི ཙེཝ ཀིལེསསམྤཡུཏྟེཧི ཙ དྷམྨེཧི ཡེ དྷམྨཱ… ཀིལེསསམྤཡུཏྟེཧི ཙེཝ ནོ ཙ ཀིལེསེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ¶ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༥༠༨. སཾཀིལེསིཀེཧི དྷམྨེཧི ཡེ དྷམྨཱ… ཨསཾཀིལིཊྛེཧི དྷམྨེཧི ཡེ དྷམྨཱ… ཀིལེསཝིཔྤཡུཏྟེཧི དྷམྨེཧི ཡེ དྷམྨཱ… སཾཀིལེསིཀེཧི ཙེཝ ནོ ཙ ཀིལེསེཧི དྷམྨེཧི ཡེ དྷམྨཱ… ཀིལེསཝིཔྤཡུཏྟེཧི སཾཀིལེསིཀེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༥༠༩. ཨསཾཀིལེསིཀེཧི ¶ དྷམྨེཧི ཡེ དྷམྨཱ… ཀིལེསཝིཔྤཡུཏྟེཧི ཨསཾཀིལེསིཀེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༥༡༠. དསྶནེན པཧཱཏབྦེཧི དྷམྨེཧི ཡེ དྷམྨཱ… བྷཱཝནཱཡ པཧཱཏབྦེཧི དྷམྨེཧི ཡེ དྷམྨཱ… དསྶནེན པཧཱཏབྦཧེཏུཀེཧི ¶ དྷམྨེཧི ཡེ དྷམྨཱ… བྷཱཝནཱཡ པཧཱཏབྦཧེཏུཀེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༥༡༡. ན དསྶནེན པཧཱཏབྦེཧི དྷམྨེཧི ཡེ དྷམྨཱ… ན བྷཱཝནཱཡ པཧཱཏབྦེཧི དྷམྨེཧི ཡེ དྷམྨཱ… ན དསྶནེན པཧཱཏབྦཧེཏུཀེཧི དྷམྨེཧི ཡེ དྷམྨཱ… ན བྷཱཝནཱཡ པཧཱཏབྦཧེཏུཀེཧི དྷམྨེཧི ཡེ དྷམྨཱ ¶ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༥༡༢. སཝིཏཀྐེཧི དྷམྨེཧི ཡེ དྷམྨཱ… སཝིཙཱརེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི སཏྟརསཧི དྷཱཏཱུཧི སངྒཧིཏཱ ¶ . ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ཨེཀཱཡ དྷཱཏུཡཱ ¶ ཨསངྒཧིཏཱ.

༥༡༣. སཔྤཱིཏིཀེཧི དྷམྨེཧི ཡེ དྷམྨཱ… པཱིཏིསཧགཏེཧི དྷམྨེཧི ཡེ དྷམྨཱ… སུཁསཧགཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༥༡༤. ཨུཔེཀྑཱསཧགཏེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧཱཡཏནེཧི ཏེརསཧི དྷཱཏཱུཧི སངྒཧིཏཱ. ཀཏིཧི ¶ ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི པཉྩཧི དྷཱཏཱུཧི ཨསངྒཧིཏཱ.

༥༡༥. ཀཱམཱཝཙརེཧི དྷམྨེཧི ཡེ དྷམྨཱ… པརིཡཱཔནྣེཧི དྷམྨེཧི ཡེ དྷམྨཱ… སཨུཏྟརེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

༥༡༦. ན ཀཱམཱཝཙརེཧི དྷམྨེཧི ཡེ དྷམྨཱ… ཨཔརིཡཱཔནྣེཧི དྷམྨེཧི ཡེ དྷམྨཱ… ཨནུཏྟརེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཨསངྒཧིཏཱ.

༥༡༧. རཱུཔཱཝཙརེཧི དྷམྨེཧི ཡེ དྷམྨཱ… ཨརཱུཔཱཝཙརེཧི དྷམྨེཧི ཡེ དྷམྨཱ… ནིཡྻཱནིཀེཧི དྷམྨེཧི ཡེ དྷམྨཱ… ནིཡཏེཧི དྷམྨེཧི ཡེ དྷམྨཱ ¶ … སརཎེཧི དྷམྨེཧི ཡེ དྷམྨཱ ཝིཔྤཡུཏྟཱ… ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ ¶ པཉྩཧི ཁནྡྷེཧི དྭཱདསཧཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ. ཀཏིཧི ཨསངྒཧིཏཱ? ན ཀེཧིཙི ཁནྡྷེཧི ན ཀེཧིཙི ཨཱཡཏནེཧི ན ཀཱཧིཙི དྷཱཏཱུཧི ཨསངྒཧིཏཱ.

༥༡༨. ན རཱུཔཱཝཙརེཧི དྷམྨེཧི ཡེ དྷམྨཱ… ན ཨརཱུཔཱཝཙརེཧི དྷམྨེཧི ཡེ དྷམྨཱ… ཨནིཡྻཱནིཀེཧི དྷམྨེཧི ཡེ དྷམྨཱ… ཨནིཡཏེཧི དྷམྨེཧི ཡེ དྷམྨཱ… ཨརཎེཧི དྷམྨེཧི ཡེ དྷམྨཱ ཝིཔྤཡུཏྟཱ ¶ , ཏེ དྷམྨཱ ཀཏིཧི ཁནྡྷེཧི ཀཏིཧཱཡཏནེཧི ཀཏིཧི དྷཱཏཱུཧི སངྒཧིཏཱ? ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཀཏིཧི ¶ ཨསངྒཧིཏཱ? ཨེཀེན ཁནྡྷེན དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ.

དྷམྨཱཡཏནཾ དྷམྨདྷཱཏུ, ཨཐ ཛཱིཝིཏཾ ནཱམརཱུཔཾ;

སལཱ༹ཡཏནཾ ཛཱཏིཛརཱམཏཾ, དྭེ ཙ ཏིཀེ ན ལབྦྷརེ.

པཋམནྟརེ སཏྟ ཙ, གོཙྪཀེ དས ཨཔརནྟེ;

ཙུདྡས ཚ ཙ མཏྠཀེ, ཨིཙྩེཏེ སཏྟཙཏྟཱལཱིས དྷམྨཱ;

སམུཙྪེདེ ན ལབྦྷནྟི, མོགྷཔུཙྪཀེན ཙཱཏི.

ཝིཔྤཡུཏྟེནསངྒཧིཏཱསངྒཧིཏཔདནིདྡེསོ ཙུདྡསམོ.

དྷཱཏུཀཐཱཔཀརཎཾ ནིཊྛིཏཾ.