📜

ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ

ཨབྷིདྷམྨཔིཊཀེ

ཀཐཱཝཏྠུཔཱལི༹

༡. པུགྒལཀཐཱ

༡. སུདྡྷསཙྩིཀཊྛོ

༡. ཨནུལོམཔཙྩནཱིཀཾ

༡. [ཨིམིནཱ ལཀྑཎེན སཀཝཱདཱིཔུཙྪཱ དསྶིཏཱ] པུགྒལོ ¶ ¶ ¶ ¶ ཨུཔལབྦྷཏི སཙྩིཀཊྛཔརམཏྠེནཱཏི [སཙྩིཀཊྛཔརམཊྛེནཱཏི (སྱཱ. པཱི. ཀ. སཱི.)]? ཨཱམནྟཱ. ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ན ཧེཝཾ ཝཏྟབྦེ.

ཨཱཛཱནཱཧི ¶ ནིགྒཧཾ. ཧཉྩི པུགྒལོ ཨུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ – ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི མིཙྪཱ.

ནོ ཙེ པན ཝཏྟབྦེ – ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ [ནོ ཝཏ རེ (སྱཱ. པཱི.)] ཝཏྟབྦེ – ‘‘པུགྒལོ ¶ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི མིཙྪཱ.

ཨནུལོམཔཉྩཀཾ.

༢. [ཨིམིནཱ ལཀྑཎེན པརཝཱདཱིཔུཙྪཱ དསྶིཏཱ] པུགྒལོ ¶ ནུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཡོ ¶ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱཏི? ན ཧེཝཾ ཝཏྟབྦེ.

ཨཱཛཱནཱཧི པཊིཀམྨཾ. ཧཉྩི པུགྒལོ ནུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ – ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ནུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི མིཙྪཱ.

ནོ ཙེ པན ཝཏྟབྦེ – ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ ཝཏྟབྦེ – ‘‘པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ནུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི མིཙྪཱ.

པཊིཀམྨཙཏུཀྐཾ.

༣. ཏྭཾ ཙེ པན མཉྙསི – ‘‘ཝཏྟབྦེ ཁོ – ‘པུགྒལོ ནུཔལབྦྷཏི སཙྩིཀཊྛཔརམཏྠེན,’ ¶ ནོ ཙ ཝཏྟབྦེ – ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’ཏི, ཏེན ཏཝ [ཏྭཾ (སྱཱ.) ཊཱིཀཱ ཨོལོཀེཏབྦཱ] ཏཏྠ ཧེཏཱཡ པཊིཉྙཱཡ ཧེཝཾ པཊིཛཱནནྟཾ [ཊཱིཀཱ ཨོལོཀེཏབྦཱ] ཧེཝཾ ནིགྒཧེཏབྦེ. ཨཐ ཏཾ ནིགྒཎྷཱམ. སུནིགྒཧིཏོ ཙ [སུནིགྒཧིཏོཝ (སྱཱ.)] ཧོསི.

ཧཉྩི ¶ པུགྒལོ ནུཔལབྦྷཏི སཙྩིཀཊྛཔརམཏྠེན ¶ , ཏེན ཝཏ རེ ཝཏྟབྦེ – ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ནུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི མིཙྪཱ.

ནོ ¶ ཙེ པན ཝཏྟབྦེ – ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ ཝཏྟབྦེ – ‘‘པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ནུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི ཨིདཾ ཏེ མིཙྪཱ.

ནིགྒཧཙཏུཀྐཾ.

༤. ཨེསེ ཙེ དུནྣིགྒཧིཏེ ཧེཝམེཝཾ [ཧེཝམེཝ (སྱཱ.)] ཏཏྠ དཀྑ. ཝཏྟབྦེ ཁོ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེན,’’ ནོ ཙ ཝཏྟབྦེ – ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ནོ ཙ མཡཾ ཏཡཱ ཏཏྠ ཧེཏཱཡ པཊིཉྙཱཡ ཧེཝཾ པཊིཛཱནནྟཱ ཧེཝཾ ནིགྒཧེཏབྦཱ. ཨཐ མཾ ནིགྒཎྷཱསི. དུནྣིགྒཧིཏཱ ཙ [དུནྣིགྒཧིཏཱཝ (སྱཱ.)] ཧོམ.

ཧཉྩི པུགྒལོ ཨུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ – ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི མིཙྪཱ.

ནོ ཙེ པན ཝཏྟབྦེ – ‘‘ཡོ སཙྩིཀཊྛོ པརམཏྠོ ¶ , ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ ཝཏྟབྦེ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི ¶ . ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཡོ སཙྩིཀཊྛོ ¶ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི ཨིདཾ ཏེ མིཙྪཱ.

ཨུཔནཡནཙཏུཀྐཾ.

༥. ན ¶ ཧེཝཾ ནིགྒཧེཏབྦེ. ཏེན ཧི ཡཾ ནིགྒཎྷཱསི – ‘‘ཧཉྩི པུགྒལོ ཨུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ – ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན, ནོ ཙ ཝཏྟབྦེ – ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི མིཙྪཱ.

ནོ ཙེ པན ཝཏྟབྦེ – ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ ཝཏྟབྦེ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི ཨིདཾ ཏེ མིཙྪཱ. ཏེན ཧི ཡེ ཀཏེ ནིགྒཧེ སེ ནིགྒཧེ ¶ དུཀྐཊེ. སུཀཏེ པཊིཀམྨེ. སུཀཏཱ པཊིཔཱདནཱཏི.

ནིགྒམནཙཏུཀྐཾ.

པཋམོ ནིགྒཧོ.

༡. སུདྡྷསཙྩིཀཊྛོ

༢. པཙྩནཱིཀཱནུལོམཾ

༦. པུགྒལོ ནུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱཏི? ན ཧེཝཾ ཝཏྟབྦེ.

ཨཱཛཱནཱཧི ¶ ནིགྒཧཾ. ཧཉྩི པུགྒལོ ནུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ – ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ¶ ནུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཡོ སཙྩིཀཊྛོ ¶ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི མིཙྪཱ.

ནོ ཙེ པན ཝཏྟབྦེ – ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ ཝཏྟབྦེ – ‘‘པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ནུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི མིཙྪཱ.

པཙྩནཱིཀཔཉྩཀཾ.

༧. པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི ¶ ? ན ཧེཝཾ ཝཏྟབྦེ.

ཨཱཛཱནཱཧི པཊིཀམྨཾ. ཧཉྩི པུགྒལོ ཨུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ – ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི མིཙྪཱ.

ནོ ཙེ པན ཝཏྟབྦེ – ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ ཝཏྟབྦེ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི མིཙྪཱ.

པཊིཀམྨཙཏུཀྐཾ.

༨. ཏྭཾ ¶ ཙེ པན མཉྙསི – ‘‘ཝཏྟབྦེ ཁོ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན’ ¶ , ནོ ཙ ཝཏྟབྦེ – ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ¶ ཨུཔལབྦྷཏི སཙྩིཀཊྛཔརམཏྠེནཱ’’’ཏི, ཏེན ཏཝ ཏཏྠ ཧེཏཱཡ པཊིཉྙཱཡ ཧེཝཾ པཊིཛཱནནྟཾ ཧེཝཾ ནིགྒཧེཏབྦེ. ཨཐ ཏཾ ནིགྒཎྷཱམ. སུནིགྒཧིཏོ ཙ ཧོསི.

ཧཉྩི པུགྒལོ ཨུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ – ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ¶ ཝདེསི – ‘‘ཝཏྟབྦེ ཁོ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི མིཙྪཱ.

ནོ ཙེ པན ཝཏྟབྦེ – ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ ཝཏྟབྦེ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི ཨིདཾ ཏེ མིཙྪཱ.

༩. ཨེསེ ཙེ དུནྣིགྒཧིཏེ ཧེཝམེཝཾ ཏཏྠ དཀྑ. ཝཏྟབྦེ ཁོ – ‘‘པུགྒལོ ནུཔལབྦྷཏི སཙྩིཀཊྛཔརམཏྠེན,’’ ནོ ཙ ཝཏྟབྦེ – ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ནོ ཙ མཡཾ ཏཡཱ ཏཏྠ ཧེཏཱཡ པཊིཉྙཱཡ ཧེཝཾ པཊིཛཱནནྟཱ ཧེཝཾ ནིགྒཧེཏབྦཱ. ཨཐ མཾ ནིགྒཎྷཱསི. དུནྣིགྒཧིཏཱ ཙ ཧོམ.

ཧཉྩི པུགྒལོ ནུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ – ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ནུཔལབྦྷཏི ¶ སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི མིཙྪཱ.

ནོ ཙེ པན ཝཏྟབྦེ – ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ ¶ རེ ཝཏྟབྦེ – ‘‘པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ནུཔལབྦྷཏི སཙྩིཀཊྛཔརམཏྠེན,’ ¶ ནོ ཙ ཝཏྟབྦེ – ‘ཡོ སཙྩིཀཊྛོ ¶ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི ཨིདཾ ཏེ མིཙྪཱ.

ཨུཔནཡནཙཏུཀྐཾ.

༡༠. ན ཧེཝཾ ནིགྒཧེཏབྦེ. ཏེན ཧི ཡཾ ནིགྒཎྷཱསི – ‘‘ཧཉྩི པུགྒལོ ནུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ – ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’ཏི. ཡཾ ཏཏྠ ཝདེསི – ‘ཝཏྟབྦེ ཁོ – པུགྒལོ ནུཔལབྦྷཏི སཙྩིཀཊྛཔརམཏྠེན, ནོ ཙ ཝཏྟབྦེ – ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི མིཙྪཱ.

ནོ ཙེ པན ཝཏྟབྦེ – ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ ཝཏྟབྦེ – ‘‘པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ནུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི ཨིདཾ ཏེ མིཙྪཱ. ཏེན ཧི ཡེ ཀཏེ ནིགྒཧེ སེ ནིགྒཧེ དུཀྐཊེ. སུཀཏེ པཊིཀམྨེ. སུཀཏཱ པཊིཔཱདནཱཏི.

ནིགྒམནཙཏུཀྐཾ.

དུཏིཡོ ནིགྒཧོ.

༢. (ཀ) ཨོཀཱསསཙྩིཀཊྛོ

༡. ཨནུལོམཔཙྩནཱིཀཾ

༡༡. པུགྒལོ ¶ ¶ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. སབྦཏྠ པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ན ཧེཝཾ ཝཏྟབྦེ.

ཨཱཛཱནཱཧི ¶ ནིགྒཧཾ. ཧཉྩི པུགྒལོ ཨུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ – ‘‘སབྦཏྠ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘སབྦཏྠ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི མིཙྪཱ.

ནོ ¶ ཙེ པན ཝཏྟབྦེ – ‘‘སབྦཏྠ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ ཝཏྟབྦེ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘སབྦཏྠ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི མིཙྪཱ…པེ….

ཏཏིཡོ ནིགྒཧོ.

༣. (ཀ) ཀཱལསཙྩིཀཊྛོ

༡. ཨནུལོམཔཙྩནཱིཀཾ

༡༢. པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. སབྦདཱ པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ན ཧེཝཾ ཝཏྟབྦེ.

ཨཱཛཱནཱཧི ནིགྒཧཾ. ཧཉྩི པུགྒལོ ཨུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ – ‘‘སབྦདཱ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘སབྦདཱ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི མིཙྪཱ.

ནོ ཙེ པན ཝཏྟབྦེ – ‘‘སབྦདཱ ¶ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ ཝཏྟབྦེ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ ¶ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘སབྦདཱ ¶ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི མིཙྪཱ…པེ….

ཙཏུཏྠོ ནིགྒཧོ.

༤. (ཀ) ཨཝཡཝསཙྩིཀཊྛོ

༡. ཨནུལོམཔཙྩནཱིཀཾ

༡༣. པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. སབྦེསུ པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ན ཧེཝཾ ཝཏྟབྦེ.

ཨཱཛཱནཱཧི ¶ ནིགྒཧཾ. ཧཉྩི པུགྒལོ ཨུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ – ‘‘སབྦེསུ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘སབྦེསུ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི མིཙྪཱ.

ནོ ཙེ པན ཝཏྟབྦེ – ‘‘སབྦེསུ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ ཝཏྟབྦེ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘སབྦེསུ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི མིཙྪཱ…པེ….

པཉྩམོ ནིགྒཧོ.

༢. (ཁ) ཨོཀཱསསཙྩིཀཊྛོ

༢. པཙྩནཱིཀཱནུལོམཾ

༡༤. པུགྒལོ ¶ ནུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. སབྦཏྠ པུགྒལོ ནུཔལབྦྷཏི སཙྩིཀཊྛཔརམཏྠེནཱཏི? ན ཧེཝཾ ཝཏྟབྦེ.

ཨཱཛཱནཱཧི ནིགྒཧཾ. ཧཉྩི པུགྒལོ ནུཔལབྦྷཏི སཙྩིཀཊྛཔརམཏྠེན ¶ , ཏེན ཝཏ རེ ཝཏྟབྦེ – ‘‘སབྦཏྠ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ནུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘སབྦཏྠ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི མིཙྪཱ.

ནོ ¶ ཙེ པན ཝཏྟབྦེ – ‘‘སབྦཏྠ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ ཝཏྟབྦེ – ‘‘པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ནུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘སབྦཏྠ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི མིཙྪཱ…པེ….

ཚཊྛོ ནིགྒཧོ.

༣. (ཁ) ཀཱལསཙྩིཀཊྛོ

༢. པཙྩནཱིཀཱནུལོམཾ

༡༥. པུགྒལོ ¶ ནུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. སབྦདཱ པུགྒལོ ནུཔལབྦྷཏི སཙྩིཀཊྛཔརམཏྠེནཱཏི? ན ཧེཝཾ ཝཏྟབྦེ.

ཨཱཛཱནཱཧི ¶ ནིགྒཧཾ. ཧཉྩི པུགྒལོ ནུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ – ‘‘སབྦདཱ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ནུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘སབྦདཱ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི མིཙྪཱ.

ནོ ཙེ པན ཝཏྟབྦེ – ‘‘སབྦདཱ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ ཝཏྟབྦེ – ‘‘པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ནུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘སབྦདཱ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི མིཙྪཱ…པེ….

སཏྟམོ ནིགྒཧོ.

༤. (ཁ) ཨཝཡཝསཙྩིཀཊྛོ

༢. པཙྩནཱིཀཱནུལོམཾ

༡༦. པུགྒལོ ¶ ནུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. སབྦེསུ པུགྒལོ ནུཔལབྦྷཏི སཙྩིཀཊྛཔརམཏྠེནཱཏི? ན ཧེཝཾ ཝཏྟབྦེ.

ཨཱཛཱནཱཧི ¶ ནིགྒཧཾ. ཧཉྩི པུགྒལོ ནུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ – ‘‘སབྦེསུ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ནུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘སབྦེསུ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི མིཙྪཱ.

ནོ ཙེ པན ཝཏྟབྦེ – ‘‘སབྦེསུ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ ཝཏྟབྦེ – ‘‘པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ ¶ – ‘པུགྒལོ ནུཔལབྦྷཏི སཙྩིཀཊྛཔརམཏྠེན’ ¶ , ནོ ཙ ཝཏྟབྦེ – ‘སབྦེསུ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི མིཙྪཱ…པེ….

ཨཊྛཀནིགྒཧོ.

༥. སུདྡྷིཀསཾསནྡནཾ

༡༧. པུགྒལོ ཨུཔལབྦྷཏི སཙྩིཀཊྛཔརམཏྠེན, རཱུཔཉྩ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཨཉྙཾ རཱུཔཾ ཨཉྙོ པུགྒལོཏི? ན ཧེཝཾ ཝཏྟབྦེ.

ཨཱཛཱནཱཧི ནིགྒཧཾ. ཧཉྩི པུགྒལོ ཨུཔལབྦྷཏི སཙྩིཀཊྛཔརམཏྠེན, རཱུཔཉྩ ཨུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ – ‘‘ཨཉྙཾ རཱུཔཾ ཨཉྙོ པུགྒལོ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན, རཱུཔཉྩ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཨཉྙཾ རཱུཔཾ ཨཉྙོ པུགྒལོ’’’ཏི ¶ མིཙྪཱ.

ནོ ཙེ པན ཝཏྟབྦེ – ‘‘ཨཉྙཾ རཱུཔཾ ཨཉྙོ པུགྒལོ’’ཏི, ནོ ཙ ཝཏ རེ ཝཏྟབྦེ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེན, རཱུཔཉྩ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན, རཱུཔཉྩ ཨུཔལབྦྷཏི སཙྩིཀཊྛཔརམཏྠེན’ ¶ , ནོ ཙ ཝཏྟབྦེ – ‘ཨཉྙཾ རཱུཔཾ ཨཉྙོ པུགྒལོ’’’ཏི མིཙྪཱ…པེ….

༡༨. པུགྒལོ ཨུཔལབྦྷཏི སཙྩིཀཊྛཔརམཏྠེན, ཝེདནཱ ཙ ཨུཔལབྦྷཏི སཙྩིཀཊྛཔརམཏྠེན…པེ… སཉྙཱ ཙ ཨུཔལབྦྷཏི…པེ… སངྑཱརཱ ཙ ཨུཔལབྦྷནྟི…པེ… ཝིཉྙཱཎཉྩ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཨཉྙཾ ཝིཉྙཱཎཾ ཨཉྙོ པུགྒལོཏི? ན ཧེཝཾ ཝཏྟབྦེ.

ཨཱཛཱནཱཧི ནིགྒཧཾ. ཧཉྩི པུགྒལོ ཨུཔལབྦྷཏི སཙྩིཀཊྛཔརམཏྠེན, ཝིཉྙཱཎཉྩ ཨུཔལབྦྷཏི ¶ སཙྩིཀཊྛཔརམཏྠེན, ཏེན ཝཏ རེ ཝཏྟབྦེ – ‘‘ཨཉྙཾ ཝིཉྙཱཎཾ ཨཉྙོ པུགྒལོ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན, ཝིཉྙཱཎཉྩ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཨཉྙཾ ཝིཉྙཱཎཾ ཨཉྙོ པུགྒལོ’’’ཏི མིཙྪཱ.

ནོ ¶ ཙེ པན ཝཏྟབྦེ – ‘‘ཨཉྙཾ ཝིཉྙཱཎཾ ཨཉྙོ པུགྒལོ’’ཏི, ནོ ཙ ཝཏ རེ ཝཏྟབྦེ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེན, ཝིཉྙཱཎཉྩ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན, ཝིཉྙཱཎཉྩ ཨུཔལབྦྷཏི སཙྩིཀཊྛཔརམཏྠེན,’ ནོ ¶ ཙ ཝཏྟབྦེ – ‘ཨཉྙཾ ཝིཉྙཱཎཾ ཨཉྙོ པུགྒལོ’’’ཏི མིཙྪཱ…པེ….

༡༩. པུགྒལོ ཨུཔལབྦྷཏི སཙྩིཀཊྛཔརམཏྠེན, ཙཀྑཱཡཏནཉྩ ཨུཔལབྦྷཏི སཙྩིཀཊྛཔརམཏྠེན…པེ… སོཏཱཡཏནཉྩ ཨུཔལབྦྷཏི… གྷཱནཱཡཏནཉྩ ཨུཔལབྦྷཏི… ཛིཝ྄ཧཱཡཏནཉྩ ཨུཔལབྦྷཏི… ཀཱཡཱཡཏནཉྩ ཨུཔལབྦྷཏི… རཱུཔཱཡཏནཉྩ ཨུཔལབྦྷཏི… སདྡཱཡཏནཉྩ ཨུཔལབྦྷཏི… གནྡྷཱཡཏནཉྩ ཨུཔལབྦྷཏི… རསཱཡཏནཉྩ ཨུཔལབྦྷཏི… ཕོཊྛབྦཱཡཏནཉྩ ཨུཔལབྦྷཏི… མནཱཡཏནཉྩ ཨུཔལབྦྷཏི… དྷམྨཱཡཏནཉྩ ཨུཔལབྦྷཏི སཙྩིཀཊྛཔརམཏྠེན…པེ….

༢༠. ཙཀྑུདྷཱཏུ ཙ ཨུཔལབྦྷཏི སཙྩིཀཊྛཔརམཏྠེན…པེ… སོཏདྷཱཏུ ཙ ཨུཔལབྦྷཏི… གྷཱནདྷཱཏུ ཙ ཨུཔལབྦྷཏི… ཛིཝ྄ཧཱདྷཱཏུ ཙ ཨུཔལབྦྷཏི… ཀཱཡདྷཱཏུ ཙ ཨུཔལབྦྷཏི… རཱུཔདྷཱཏུ ཙ ཨུཔལབྦྷཏི… སདྡདྷཱཏུ ཙ ཨུཔལབྦྷཏི… གནྡྷདྷཱཏུ ཙ ཨུཔལབྦྷཏི… རསདྷཱཏུ ཙ ཨུཔལབྦྷཏི… ཕོཊྛབྦདྷཱཏུ ཙ ཨུཔལབྦྷཏི… ཙཀྑུཝིཉྙཱཎདྷཱཏུ ཙ ཨུཔལབྦྷཏི… སོཏཝིཉྙཱཎདྷཱཏུ ཙ ཨུཔལབྦྷཏི… གྷཱནཝིཉྙཱཎདྷཱཏུ ཙ ཨུཔལབྦྷཏི… ཛིཝ྄ཧཱཝིཉྙཱཎདྷཱཏུ ཙ ཨུཔལབྦྷཏི… ཀཱཡཝིཉྙཱཎདྷཱཏུ ཙ ཨུཔལབྦྷཏི… མནོདྷཱཏུ ཙ ཨུཔལབྦྷཏི… མནོཝིཉྙཱཎདྷཱཏུ ཙ ཨུཔལབྦྷཏི… དྷམྨདྷཱཏུ ཙ ཨུཔལབྦྷཏི སཙྩིཀཊྛཔརམཏྠེན…པེ….

༢༡. ཙཀྑུནྡྲིཡཉྩ ¶ ¶ ཨུཔལབྦྷཏི སཙྩིཀཊྛཔརམཏྠེན…པེ… སོཏིནྡྲིཡཉྩ ཨུཔལབྦྷཏི… གྷཱནིནྡྲིཡཉྩ ཨུཔལབྦྷཏི… ཛིཝ྄ཧིནྡྲིཡཉྩ ཨུཔལབྦྷཏི… ཀཱཡིནྡྲིཡཉྩ ཨུཔལབྦྷཏི ¶ … མནིནྡྲིཡཉྩ ཨུཔལབྦྷཏི… ཛཱིཝིཏིནྡྲིཡཉྩ ཨུཔལབྦྷཏི… ཨིཏྠིནྡྲིཡཉྩ ཨུཔལབྦྷཏི… པུརིསིནྡྲིཡཉྩ ཨུཔལབྦྷཏི… སུཁིནྡྲིཡཉྩ ཨུཔལབྦྷཏི… དུཀྑིནྡྲིཡཉྩ ཨུཔལབྦྷཏི… སོམནསྶིནྡྲིཡཉྩ ཨུཔལབྦྷཏི… དོམནསྶིནྡྲིཡཉྩ ཨུཔལབྦྷཏི… ཨུཔེཀྑིནྡྲིཡཉྩ ཨུཔལབྦྷཏི… སདྡྷིནྡྲིཡཉྩ ཨུཔལབྦྷཏི… ཝཱིརིཡིནྡྲིཡཉྩ ཨུཔལབྦྷཏི… སཏིནྡྲིཡཉྩ ཨུཔལབྦྷཏི… སམཱདྷིནྡྲིཡཉྩ ཨུཔལབྦྷཏི… པཉྙིནྡྲིཡཉྩ ཨུཔལབྦྷཏི… ཨནཉྙཱཏཉྙསྶཱམཱིཏིནྡྲིཡཉྩ ཨུཔལབྦྷཏི… ཨཉྙིནྡྲིཡཉྩ ཨུཔལབྦྷཏི… ཨཉྙཱཏཱཝིནྡྲིཡཉྩ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཨཉྙཾ ཨཉྙཱཏཱཝིནྡྲིཡཾ ཨཉྙོ པུགྒལོཏི? ན ཧེཝཾ ཝཏྟབྦེ.

ཨཱཛཱནཱཧི ¶ ནིགྒཧཾ. ཧཉྩི པུགྒལོ ཨུཔལབྦྷཏི སཙྩིཀཊྛཔརམཏྠེན, ཨཉྙཱཏཱཝིནྡྲིཡཉྩ ཨུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ – ‘‘ཨཉྙཾ ཨཉྙཱཏཱཝིནྡྲིཡཾ ཨཉྙོ པུགྒལོ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན, ཨཉྙཱཏཱཝིནྡྲིཡཉྩ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཨཉྙཾ ཨཉྙཱཏཱཝིནྡྲིཡཾ ཨཉྙོ པུགྒལོ’’’ཏི མིཙྪཱ.

ནོ ཙེ པན ཝཏྟབྦེ – ‘‘ཨཉྙཾ ཨཉྙཱཏཱཝིནྡྲིཡཾ ¶ ཨཉྙོ པུགྒལོ’’ཏི, ནོ ཙ ཝཏ རེ ཝཏྟབྦེ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེན, ཨཉྙཱཏཱཝིནྡྲིཡཉྩ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན, ཨཉྙཱཏཱཝིནྡྲིཡཉྩ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཨཉྙཾ ཨཉྙཱཏཱཝིནྡྲིཡཾ ཨཉྙོ པུགྒལོ’’’ཏི མིཙྪཱ…པེ….

༢༢. [པུ. པ. མཱཏིཀཱ ༤.༢༤; ཨ. ནི. ༤.༩༥-༩༦] པུགྒལོ ནུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཝུཏྟཾ བྷགཝཏཱ – ‘‘ཨཏྠི པུགྒལོ ཨཏྟཧིཏཱཡ པཊིཔནྣོ,’’ རཱུཔཉྩ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཨཉྙཾ རཱུཔཾ ཨཉྙོ པུགྒལོཏི? ན ཧེཝཾ ཝཏྟབྦེ.

ཨཱཛཱནཱཧི པཊིཀམྨཾ. ཧཉྩི ཝུཏྟཾ བྷགཝཏཱ – ‘‘ཨཏྠི པུགྒལོ ཨཏྟཧིཏཱཡ པཊིཔནྣོ,’’ རཱུཔཉྩ ཨུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ – ‘‘ཨཉྙཾ རཱུཔཾ ཨཉྙོ པུགྒལོ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘ཝུཏྟཾ བྷགཝཏཱ – ཨཏྠི པུགྒལོ ཨཏྟཧིཏཱཡ ¶ པཊིཔནྣོ, རཱུཔཉྩ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཨཉྙཾ རཱུཔཾ ཨཉྙོ པུགྒལོ’’’ཏི མིཙྪཱ.

ནོ ¶ ཙེ པན ཝཏྟབྦེ – ‘‘ཨཉྙཾ རཱུཔཾ ཨཉྙོ པུགྒལོ’’ཏི, ནོ ཙ ཝཏ རེ ཝཏྟབྦེ – ‘‘ཝུཏྟཾ བྷགཝཏཱ – ‘ཨཏྠི པུགྒལོ ཨཏྟཧིཏཱཡ པཊིཔནྣོ,’ རཱུཔཉྩ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘ཝུཏྟཾ བྷགཝཏཱ – ཨཏྠི པུགྒལོ ཨཏྟཧིཏཱཡ པཊིཔནྣོ, རཱུཔཉྩ ཨུཔལབྦྷཏི ¶ སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཨཉྙཾ རཱུཔཾ ཨཉྙོ པུགྒལོ’’’ཏི མིཙྪཱ…པེ….

༢༣. པུགྒལོ ¶ ནུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཝུཏྟཾ བྷགཝཏཱ – ‘‘ཨཏྠི པུགྒལོ ཨཏྟཧིཏཱཡ པཊིཔནྣོ,’’ ཝེདནཱ ཙ ཨུཔལབྦྷཏི…པེ… སཉྙཱ ཙ ཨུཔལབྦྷཏི…པེ… སངྑཱརཱ ཙ ཨུཔལབྦྷནྟི…པེ… ཝིཉྙཱཎཉྩ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཨཉྙཾ ཝིཉྙཱཎཾ ཨཉྙོ པུགྒལོཏི? ན ཧེཝཾ ཝཏྟབྦེ.

ཨཱཛཱནཱཧི པཊིཀམྨཾ. ཧཉྩི ཝུཏྟཾ བྷགཝཏཱ – ‘‘ཨཏྠི པུགྒལོ ཨཏྟཧིཏཱཡ པཊིཔནྣོ,’’ ཝིཉྙཱཎཉྩ ཨུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ – ‘‘ཨཉྙཾ ཝིཉྙཱཎཾ ཨཉྙོ པུགྒལོ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘ཝུཏྟཾ བྷགཝཏཱ – ཨཏྠི པུགྒལོ ཨཏྟཧིཏཱཡ པཊིཔནྣོ, ཝིཉྙཱཎཉྩ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཨཉྙཾ ཝིཉྙཱཎཾ ཨཉྙོ པུགྒལོ’’’ཏི མིཙྪཱ.

ནོ ཙེ པན ཝཏྟབྦེ – ‘‘ཨཉྙཾ ཝིཉྙཱཎཾ ཨཉྙོ པུགྒལོ’’ཏི, ནོ ཙ ཝཏ རེ ཝཏྟབྦེ – ‘‘ཝུཏྟཾ བྷགཝཏཱ – ‘ཨཏྠི པུགྒལོ ཨཏྟཧིཏཱཡ པཊིཔནྣོ,’ ཝིཉྙཱཎཉྩ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘ཝུཏྟཾ བྷགཝཏཱ – ཨཏྠི པུགྒལོ ཨཏྟཧིཏཱཡ པཊིཔནྣོ,’ ཝིཉྙཱཎཉྩ ཨུཔལབྦྷཏི སཙྩིཀཊྛཔརམཏྠེན, ནོ ཙ ཝཏྟབྦེ – ‘ཨཉྙཾ ཝིཉྙཱཎཾ ཨཉྙོ པུགྒལོ’’’ཏི མིཙྪཱ…པེ….

༢༤. པུགྒལོ ནུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཝུཏྟཾ བྷགཝཏཱ – ‘‘ཨཏྠི པུགྒལོ ¶ ཨཏྟཧིཏཱཡ པཊིཔནྣོ,’’ ཙཀྑཱཡཏནཉྩ ཨུཔལབྦྷཏི ¶ སཙྩིཀཊྛཔརམཏྠེན…པེ… སོཏཱཡཏནཉྩ ཨུཔལབྦྷཏི…པེ… དྷམྨཱཡཏནཉྩ ཨུཔལབྦྷཏི སཙྩིཀཊྛཔརམཏྠེན…པེ….

༢༥. ཙཀྑུདྷཱཏུ ཙ ཨུཔལབྦྷཏི སཙྩིཀཊྛཔརམཏྠེན…པེ… ཀཱཡདྷཱཏུ ཙ ཨུཔལབྦྷཏི…པེ… རཱུཔདྷཱཏུ ཙ ཨུཔལབྦྷཏི…པེ… ཕོཊྛབྦདྷཱཏུ ཙ ཨུཔལབྦྷཏི…པེ… ཙཀྑུཝིཉྙཱཎདྷཱཏུ ཙ ཨུཔལབྦྷཏི…པེ… མནོཝིཉྙཱཎདྷཱཏུ ཙ ཨུཔལབྦྷཏི…པེ… དྷམྨདྷཱཏུ ཙ ཨུཔལབྦྷཏི སཙྩིཀཊྛཔརམཏྠེན…པེ….

༢༦. ཙཀྑུནྡྲིཡཉྩ ཨུཔལབྦྷཏི སཙྩིཀཊྛཔརམཏྠེན…པེ… སོཏིནྡྲིཡཉྩ ཨུཔལབྦྷཏི སཙྩིཀཊྛཔརམཏྠེན…པེ… ཨཉྙིནྡྲིཡཉྩ [ཨཉྙཱཏཱཝིནྡྲིཡཉྩ (བཧཱུསུ)] ཨུཔལབྦྷཏི སཙྩིཀཊྛཔརམཏྠེན…པེ….

༢༧. པུགྒལོ ¶ ནུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཝུཏྟཾ བྷགཝཏཱ – ‘‘ཨཏྠི པུགྒལོ ཨཏྟཧིཏཱཡ པཊིཔནྣོ,’’ ཨཉྙཱཏཱཝིནྡྲིཡཉྩ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཨཉྙཾ ཨཉྙཱཏཱཝིནྡྲིཡཾ ཨཉྙོ པུགྒལོཏི? ན ཧེཝཾ ཝཏྟབྦེ.

ཨཱཛཱནཱཧི པཊིཀམྨཾ. ཧཉྩི ཝུཏྟཾ བྷགཝཏཱ – ‘‘ཨཏྠི པུགྒལོ ཨཏྟཧིཏཱཡ པཊིཔནྣོ,’’ ཨཉྙཱཏཱཝིནྡྲིཡཉྩ ཨུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ – ‘‘ཨཉྙཾ ཨཉྙཱཏཱཝིནྡྲིཡཾ ཨཉྙོ པུགྒལོ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘ཝུཏྟཾ བྷགཝཏཱ – ཨཏྠི པུགྒལོ ཨཏྟཧིཏཱཡ པཊིཔནྣོ, ཨཉྙཱཏཱཝིནྡྲིཡཉྩ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཨཉྙཾ ཨཉྙཱཏཱཝིནྡྲིཡཾ ཨཉྙོ པུགྒལོ’’’ཏི མིཙྪཱ.

ནོ ཙེ པན ཝཏྟབྦེ – ‘‘ཨཉྙཾ ཨཉྙཱཏཱཝིནྡྲིཡཾ ཨཉྙོ ¶ པུགྒལོ’’ཏི, ནོ ཙ ཝཏ རེ ཝཏྟབྦེ – ‘‘ཝུཏྟཾ བྷགཝཏཱ – ‘ཨཏྠི པུགྒལོ ཨཏྟཧིཏཱཡ པཊིཔནྣོ,’ ཨཉྙཱཏཱཝིནྡྲིཡཉྩ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘ཝུཏྟཾ བྷགཝཏཱ – ཨཏྠི པུགྒལོ ཨཏྟཧིཏཱཡ པཊིཔནྣོ, ཨཉྙཱཏཱཝིནྡྲིཡཉྩ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཨཉྙཾ ཨཉྙཱཏཱཝིནྡྲིཡཾ ཨཉྙོ པུགྒལོ’’’ཏི མིཙྪཱ…པེ….

སུདྡྷིཀསཾསནྡནཱ.

༦. ཨོཔམྨསཾསནྡནཾ

༢༨. རཱུཔཾ ¶ ཨུཔལབྦྷཏི སཙྩིཀཊྛཔརམཏྠེན, ཝེདནཱ ཙ ཨུཔལབྦྷཏི སཙྩིཀཊྛཔརམཏྠེན, ཨཉྙཾ རཱུཔཾ ཨཉྙཱ ཝེདནཱཏི? ཨཱམནྟཱ. པུགྒལོ ཨུཔལབྦྷཏི སཙྩིཀཊྛཔརམཏྠེན, རཱུཔཉྩ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཨཉྙཾ རཱུཔཾ ཨཉྙོ པུགྒལོཏི? ན ཧེཝཾ ཝཏྟབྦེ.

ཨཱཛཱནཱཧི ནིགྒཧཾ. ཧཉྩི རཱུཔཾ ཨུཔལབྦྷཏི སཙྩིཀཊྛཔརམཏྠེན, ཝེདནཱ ཙ ཨུཔལབྦྷཏི སཙྩིཀཊྛཔརམཏྠེན, ཨཉྙཾ རཱུཔཾ ཨཉྙཱ ཝེདནཱ, པུགྒལོ ཨུཔལབྦྷཏི སཙྩིཀཊྛཔརམཏྠེན, རཱུཔཉྩ ཨུཔལབྦྷཏི སཙྩིཀཊྛཔརམཏྠེན; ཏེན ཝཏ རེ ཝཏྟབྦེ – ‘‘ཨཉྙཾ རཱུཔཾ ཨཉྙོ པུགྒལོ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘རཱུཔཾ ཨུཔལབྦྷཏི སཙྩིཀཊྛཔརམཏྠེན, ཝེདནཱ ཙ ཨུཔལབྦྷཏི སཙྩིཀཊྛཔརམཏྠེན, ཨཉྙཾ རཱུཔཾ ཨཉྙཱ ཝེདནཱ, པུགྒལོ ཨུཔལབྦྷཏི སཙྩིཀཊྛཔརམཏྠེན, རཱུཔཉྩ ¶ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཨཉྙཾ རཱུཔཾ ཨཉྙོ པུགྒལོ’’’ཏི མིཙྪཱ.

ནོ ¶ ཙེ པན ཝཏྟབྦེ ¶ – ‘‘ཨཉྙཾ རཱུཔཾ ཨཉྙོ པུགྒལོ’’ཏི, ནོ ཙ ཝཏ རེ ཝཏྟབྦེ – ‘‘རཱུཔཾ ཨུཔལབྦྷཏི སཙྩིཀཊྛཔརམཏྠེན, ཝེདནཱ ཙ ཨུཔལབྦྷཏི སཙྩིཀཊྛཔརམཏྠེན, ཨཉྙཾ རཱུཔཾ ཨཉྙཱ ཝེདནཱ, པུགྒལོ ཨུཔལབྦྷཏི སཙྩིཀཊྛཔརམཏྠེན, རཱུཔཉྩ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘རཱུཔཾ ཨུཔལབྦྷཏི སཙྩིཀཊྛཔརམཏྠེན, ཝེདནཱ ཙ ཨུཔལབྦྷཏི སཙྩིཀཊྛཔརམཏྠེན, ཨཉྙཾ རཱུཔཾ ཨཉྙཱ ཝེདནཱ, པུགྒལོ ཨུཔལབྦྷཏི སཙྩིཀཊྛཔརམཏྠེན, རཱུཔཉྩ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཨཉྙཾ རཱུཔཾ ཨཉྙོ པུགྒལོ’’’ཏི མིཙྪཱ…པེ….

༢༩. རཱུཔཾ ཨུཔལབྦྷཏི སཙྩིཀཊྛཔརམཏྠེན, སཉྙཱ ཙ ཨུཔལབྦྷཏི…པེ… སངྑཱརཱ ཙ ཨུཔལབྦྷནྟི…པེ… ཝིཉྙཱཎཉྩ ཨུཔལབྦྷཏི སཙྩིཀཊྛཔརམཏྠེན, ཨཉྙཾ རཱུཔཾ ཨཉྙཾ ཝིཉྙཱཎནྟི? ཨཱམནྟཱ. པུགྒལོ ཨུཔལབྦྷཏི སཙྩིཀཊྛཔརམཏྠེན, རཱུཔཉྩ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཨཉྙཾ རཱུཔཾ ཨཉྙོ པུགྒལོཏི? ན ཧེཝཾ ཝཏྟབྦེ.

ཨཱཛཱནཱཧི ¶ ནིགྒཧཾ. ཧཉྩི རཱུཔཾ ཨུཔལབྦྷཏི སཙྩིཀཊྛཔརམཏྠེན, ཝིཉྙཱཎཉྩ ཨུཔལབྦྷཏི སཙྩིཀཊྛཔརམཏྠེན, ཨཉྙཾ རཱུཔཾ ཨཉྙཾ ཝིཉྙཱཎཾ, པུགྒལོ ཨུཔལབྦྷཏི སཙྩིཀཊྛཔརམཏྠེན, རཱུཔཉྩ ཨུཔལབྦྷཏི སཙྩིཀཊྛཔརམཏྠེན; ཏེན ཝཏ རེ ཝཏྟབྦེ – ‘‘ཨཉྙཾ རཱུཔཾ ཨཉྙོ པུགྒལོ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘རཱུཔཾ ཨུཔལབྦྷཏི སཙྩིཀཊྛཔརམཏྠེན, ཝིཉྙཱཎཉྩ ཨུཔལབྦྷཏི སཙྩིཀཊྛཔརམཏྠེན ¶ , ཨཉྙཾ རཱུཔཾ ཨཉྙཾ ཝིཉྙཱཎཾ, པུགྒལོ ཨུཔལབྦྷཏི སཙྩིཀཊྛཔརམཏྠེན, རཱུཔཉྩ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཨཉྙཾ རཱུཔཾ ཨཉྙོ པུགྒལོ’’’ཏི མིཙྪཱ.

ནོ ཙེ པན ཝཏྟབྦེ – ‘‘ཨཉྙཾ རཱུཔཾ ཨཉྙོ པུགྒལོ’’ཏི, ནོ ཙ ཝཏ རེ ཝཏྟབྦེ – ‘‘རཱུཔཾ ཨུཔལབྦྷཏི སཙྩིཀཊྛཔརམཏྠེན, ཝིཉྙཱཎཉྩ ཨུཔལབྦྷཏི སཙྩིཀཊྛཔརམཏྠེན, ཨཉྙཾ རཱུཔཾ ཨཉྙཾ ཝིཉྙཱཎཾ, པུགྒལོ ཨུཔལབྦྷཏི སཙྩིཀཊྛཔརམཏྠེན, རཱུཔཉྩ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘རཱུཔཾ ཨུཔལབྦྷཏི སཙྩིཀཊྛཔརམཏྠེན, ཝིཉྙཱཎཉྩ ཨུཔལབྦྷཏི སཙྩིཀཊྛཔརམཏྠེན, ཨཉྙཾ རཱུཔཾ ཨཉྙཾ ཝིཉྙཱཎཾ, པུགྒལོ ཨུཔལབྦྷཏི སཙྩིཀཊྛཔརམཏྠེན, རཱུཔཉྩ ཨུཔལབྦྷཏི ¶ སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཨཉྙཾ རཱུཔཾ ཨཉྙོ པུགྒལོ’’’ཏི མིཙྪཱ…པེ….

༣༠. ཝེདནཱ ཨུཔལབྦྷཏི སཙྩིཀཊྛཔརམཏྠེན, སཉྙཱ ཙ ཨུཔལབྦྷཏི…པེ… སངྑཱརཱ ཙ ཨུཔལབྦྷནྟི…པེ… ཝིཉྙཱཎཉྩ ཨུཔལབྦྷཏི…པེ… རཱུཔཉྩ ཨུཔལབྦྷཏི སཙྩིཀཊྛཔརམཏྠེན…པེ….

༣༡. སཉྙཱ ཨུཔལབྦྷཏི སཙྩིཀཊྛཔརམཏྠེན, སངྑཱརཱ ཙ ཨུཔལབྦྷནྟི…པེ… ཝིཉྙཱཎཉྩ ཨུཔལབྦྷཏི…པེ… རཱུཔཉྩ ཨུཔལབྦྷཏི…པེ… ཝེདནཱ ཙ ཨུཔལབྦྷཏི སཙྩིཀཊྛཔརམཏྠེན…པེ….

༣༢. སངྑཱརཱ ཨུཔལབྦྷནྟི སཙྩིཀཊྛཔརམཏྠེན, ཝིཉྙཱཎཉྩ ཨུཔལབྦྷཏི…པེ… རཱུཔཉྩ ཨུཔལབྦྷཏི…པེ… ཝེདནཱ ཙ ཨུཔལབྦྷཏི…པེ… སཉྙཱ ¶ ཙ ཨུཔལབྦྷཏི སཙྩིཀཊྛཔརམཏྠེན…པེ….

༣༣. ཝིཉྙཱཎཾ ¶ ཨུཔལབྦྷཏི སཙྩིཀཊྛཔརམཏྠེན, རཱུཔཉྩ ཨུཔལབྦྷཏི…པེ… ཝེདནཱ ཙ ཨུཔལབྦྷཏི…པེ… སཉྙཱ ཙ ཨུཔལབྦྷཏི…པེ… སངྑཱརཱ ཙ ཨུཔལབྦྷནྟི སཙྩིཀཊྛཔརམཏྠེན, ཨཉྙཾ ཝིཉྙཱཎཾ ཨཉྙེ སངྑཱརཱཏི? ཨཱམནྟཱ. པུགྒལོ ཨུཔལབྦྷཏི སཙྩིཀཊྛཔརམཏྠེན, ཝིཉྙཱཎཉྩ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཨཉྙཾ ཝིཉྙཱཎཾ ཨཉྙོ པུགྒལོཏི? ན ཧེཝཾ ཝཏྟབྦེ.

ཨཱཛཱནཱཧི ¶ ནིགྒཧཾ. ཧཉྩི ཝིཉྙཱཎཾ ཨུཔལབྦྷཏི སཙྩིཀཊྛཔརམཏྠེན, སངྑཱརཱ ཙ ཨུཔལབྦྷནྟི སཙྩིཀཊྛཔརམཏྠེན, ཨཉྙཾ ཝིཉྙཱཎཾ ཨཉྙེ སངྑཱརཱ, པུགྒལོ ཨུཔལབྦྷཏི སཙྩིཀཊྛཔརམཏྠེན, ཝིཉྙཱཎཉྩ ཨུཔལབྦྷཏི སཙྩིཀཊྛཔརམཏྠེན; ཏེན ཝཏ རེ ཝཏྟབྦེ – ‘‘ཨཉྙཾ ཝིཉྙཱཎཾ ཨཉྙོ པུགྒལོ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘ཝིཉྙཱཎཾ ཨུཔལབྦྷཏི སཙྩིཀཊྛཔརམཏྠེན, སངྑཱརཱ ཙ ཨུཔལབྦྷནྟི སཙྩིཀཊྛཔརམཏྠེན, ཨཉྙཾ ཝིཉྙཱཎཾ ཨཉྙེ སངྑཱརཱ, པུགྒལོ ཨུཔལབྦྷཏི སཙྩིཀཊྛཔརམཏྠེན, ཝིཉྙཱཎཉྩ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཨཉྙཾ ཝིཉྙཱཎཾ ཨཉྙོ པུགྒལོ’’’ཏི མིཙྪཱ.

ནོ ཙེ པན ཝཏྟབྦེ – ‘‘ཨཉྙཾ ཝིཉྙཱཎཾ ཨཉྙོ པུགྒལོ’’ཏི, ནོ ཙ ཝཏ རེ ཝཏྟབྦེ – ‘‘ཝིཉྙཱཎཾ ཨུཔལབྦྷཏི སཙྩིཀཊྛཔརམཏྠེན, སངྑཱརཱ ཙ ཨུཔལབྦྷནྟི སཙྩིཀཊྛཔརམཏྠེན, ཨཉྙཾ ཝིཉྙཱཎཾ ཨཉྙེ སངྑཱརཱ, པུགྒལོ ཨུཔལབྦྷཏི སཙྩིཀཊྛཔརམཏྠེན, ཝིཉྙཱཎཉྩ ¶ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི ¶ – ‘‘ཝཏྟབྦེ ཁོ – ‘ཝིཉྙཱཎཾ ཨུཔལབྦྷཏི སཙྩིཀཊྛཔརམཏྠེན, སངྑཱརཱ ཙ ཨུཔལབྦྷནྟི སཙྩིཀཊྛཔརམཏྠེན, ཨཉྙཾ ཝིཉྙཱཎཾ ཨཉྙེ སངྑཱརཱ, པུགྒལོ ཨུཔལབྦྷཏི སཙྩིཀཊྛཔརམཏྠེན, ཝིཉྙཱཎཉྩ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཨཉྙཾ ཝིཉྙཱཎཾ ཨཉྙོ པུགྒལོ’’’ཏི མིཙྪཱ…པེ….

༣༤. ཙཀྑཱཡཏནཾ ཨུཔལབྦྷཏི སཙྩིཀཊྛཔརམཏྠེན, སོཏཱཡཏནཉྩ ཨུཔལབྦྷཏི…པེ… དྷམྨཱཡཏནཉྩ ཨུཔལབྦྷཏི སཙྩིཀཊྛཔརམཏྠེན…པེ… སོཏཱཡཏནཾ ཨུཔལབྦྷཏི…པེ… དྷམྨཱཡཏནཾ ཨུཔལབྦྷཏི སཙྩིཀཊྛཔརམཏྠེན, ཙཀྑཱཡཏནཉྩ ཨུཔལབྦྷཏི…པེ… མནཱཡཏནཉྩ ཨུཔལབྦྷཏི སཙྩིཀཊྛཔརམཏྠེན…པེ….

༣༥. ཙཀྑུདྷཱཏུ ¶ ཨུཔལབྦྷཏི སཙྩིཀཊྛཔརམཏྠེན, སོཏདྷཱཏུ ཙ ཨུཔལབྦྷཏི…པེ… དྷམྨདྷཱཏུ ཙ ཨུཔལབྦྷཏི སཙྩིཀཊྛཔརམཏྠེན…པེ… སོཏདྷཱཏུ ཨུཔལབྦྷཏི…པེ… དྷམྨདྷཱཏུ ཨུཔལབྦྷཏི སཙྩིཀཊྛཔརམཏྠེན, ཙཀྑུདྷཱཏུ ཙ ཨུཔལབྦྷཏི…པེ… མནོཝིཉྙཱཎདྷཱཏུ ཙ ཨུཔལབྦྷཏི སཙྩིཀཊྛཔརམཏྠེན…པེ….

༣༦. ཙཀྑུནྡྲིཡཾ ¶ ཨུཔལབྦྷཏི སཙྩིཀཊྛཔརམཏྠེན, སོཏིནྡྲིཡཉྩ ཨུཔལབྦྷཏི…པེ… ཨཉྙཱཏཱཝིནྡྲིཡཉྩ ཨུཔལབྦྷཏི སཙྩིཀཊྛཔརམཏྠེན…པེ… སོཏིནྡྲིཡཾ ¶ ཨུཔལབྦྷཏི…པེ… ཨཉྙཱཏཱཝིནྡྲིཡཾ ཨུཔལབྦྷཏི སཙྩིཀཊྛཔརམཏྠེན…པེ… ཙཀྑུནྡྲིཡཉྩ ཨུཔལབྦྷཏི…པེ… ཨཉྙིནྡྲིཡཉྩ ཨུཔལབྦྷཏི སཙྩིཀཊྛཔརམཏྠེན, ཨཉྙཾ ཨཉྙཱཏཱཝིནྡྲིཡཾ ཨཉྙཾ ཨཉྙིནྡྲིཡནྟི? ཨཱམནྟཱ. པུགྒལོ ཨུཔལབྦྷཏི སཙྩིཀཊྛཔརམཏྠེན, ཨཉྙཱཏཱཝིནྡྲིཡཉྩ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཨཉྙཾ ཨཉྙཱཏཱཝིནྡྲིཡཾ ཨཉྙོ པུགྒལོཏི? ན ཧེཝཾ ཝཏྟབྦེ.

ཨཱཛཱནཱཧི ནིགྒཧཾ. ཧཉྩི ཨཉྙཱཏཱཝིནྡྲིཡཾ ཨུཔལབྦྷཏི སཙྩིཀཊྛཔརམཏྠེན, ཨཉྙིནྡྲིཡཉྩ ཨུཔལབྦྷཏི སཙྩིཀཊྛཔརམཏྠེན, ཨཉྙཾ ཨཉྙཱཏཱཝིནྡྲིཡཾ ཨཉྙཾ ཨཉྙིནྡྲིཡཾ, པུགྒལོ ཨུཔལབྦྷཏི སཙྩིཀཊྛཔརམཏྠེན, ཨཉྙཱཏཱཝིནྡྲིཡཉྩ ཨུཔལབྦྷཏི སཙྩིཀཊྛཔརམཏྠེན; ཏེན ཝཏ རེ ཝཏྟབྦེ – ‘‘ཨཉྙཾ ཨཉྙཱཏཱཝིནྡྲིཡཾ ཨཉྙོ པུགྒལོ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘ཨཉྙཱཏཱཝིནྡྲིཡཾ ཨུཔལབྦྷཏི སཙྩིཀཊྛཔརམཏྠེན, ཨཉྙིནྡྲིཡཉྩ ཨུཔལབྦྷཏི སཙྩིཀཊྛཔརམཏྠེན, ཨཉྙཾ ཨཉྙཱཏཱཝིནྡྲིཡཾ ཨཉྙཾ ཨཉྙིནྡྲིཡཾ, པུགྒལོ ཨུཔལབྦྷཏི སཙྩིཀཊྛཔརམཏྠེན, ཨཉྙཱཏཱཝིནྡྲིཡཉྩ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཨཉྙཾ ཨཉྙཱཏཱཝིནྡྲིཡཾ ཨཉྙོ པུགྒལོ’’’ཏི མིཙྪཱ.

ནོ ¶ ཙེ པན ཝཏྟབྦེ – ‘‘ཨཉྙཾ ཨཉྙཱཏཱཝིནྡྲིཡཾ ཨཉྙོ པུགྒལོ’’ཏི, ནོ ཙ ཝཏ རེ ཝཏྟབྦེ – ‘‘ཨཉྙཱཏཱཝིནྡྲིཡཾ ཨུཔལབྦྷཏི སཙྩིཀཊྛཔརམཏྠེན, ཨཉྙིནྡྲིཡཉྩ ཨུཔལབྦྷཏི སཙྩིཀཊྛཔརམཏྠེན, ཨཉྙཾ ཨཉྙཱཏཱཝིནྡྲིཡཾ ཨཉྙཾ ཨཉྙིནྡྲིཡཾ, པུགྒལོ ཨུཔལབྦྷཏི སཙྩིཀཊྛཔརམཏྠེན, ཨཉྙཱཏཱཝིནྡྲིཡཉྩ ¶ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘ཨཉྙཱཏཱཝིནྡྲིཡཾ ཨུཔལབྦྷཏི སཙྩིཀཊྛཔརམཏྠེན, ཨཉྙིནྡྲིཡཉྩ ཨུཔལབྦྷཏི སཙྩིཀཊྛཔརམཏྠེན, ཨཉྙཾ ཨཉྙཱཏཱཝིནྡྲིཡཾ ཨཉྙཾ ཨཉྙིནྡྲིཡཾ, པུགྒལོ ཨུཔལབྦྷཏི ¶ སཙྩིཀཊྛཔརམཏྠེན, ཨཉྙཱཏཱཝིནྡྲིཡཉྩ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཨཉྙཾ ཨཉྙཱཏཱཝིནྡྲིཡཾ ཨཉྙོ པུགྒལོ’’’ཏི མིཙྪཱ…པེ….

༣༧. རཱུཔཾ ཨུཔལབྦྷཏི སཙྩིཀཊྛཔརམཏྠེན, ཝེདནཱ ཙ ཨུཔལབྦྷཏི སཙྩིཀཊྛཔརམཏྠེན, ཨཉྙཾ རཱུཔཾ ཨཉྙཱ ཝེདནཱཏི? ཨཱམནྟཱ. ཝུཏྟཾ ¶ བྷགཝཏཱ – ‘‘ཨཏྠི པུགྒལོ ཨཏྟཧིཏཱཡ པཊིཔནྣོ,’’ རཱུཔཉྩ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཨཉྙཾ རཱུཔཾ ཨཉྙོ པུགྒལོཏི? ན ཧེཝཾ ཝཏྟབྦེ.

ཨཱཛཱནཱཧི པཊིཀམྨཾ. ཧཉྩི རཱུཔཾ ཨུཔལབྦྷཏི སཙྩིཀཊྛཔརམཏྠེན, ཝེདནཱ ཙ ཨུཔལབྦྷཏི སཙྩིཀཊྛཔརམཏྠེན, ཨཉྙཾ རཱུཔཾ ཨཉྙཱ ཝེདནཱ, ཝུཏྟཾ བྷགཝཏཱ – ‘‘ཨཏྠི པུགྒལོ ཨཏྟཧིཏཱཡ པཊིཔནྣོ,’’ རཱུཔཉྩ ཨུཔལབྦྷཏི སཙྩིཀཊྛཔརམཏྠེན; ཏེན ཝཏ རེ ཝཏྟབྦེ – ཨཉྙཾ རཱུཔཾ ཨཉྙོ པུགྒལོཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘རཱུཔཾ ཨུཔལབྦྷཏི སཙྩིཀཊྛཔརམཏྠེན, ཝེདནཱ ཙ ཨུཔལབྦྷཏི སཙྩིཀཊྛཔརམཏྠེན, ཨཉྙཾ རཱུཔཾ ཨཉྙཱ ཝེདནཱ, ཝུཏྟཾ བྷགཝཏཱ – ཨཏྠི པུགྒལོ ཨཏྟཧིཏཱཡ པཊིཔནྣོ, རཱུཔཉྩ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཨཉྙཾ རཱུཔཾ ཨཉྙོ པུགྒལོ’’’ཏི མིཙྪཱ.

ནོ ཙེ པན ཝཏྟབྦེ – ‘‘ཨཉྙཾ རཱུཔཾ ཨཉྙོ པུགྒལོ’’ཏི, ནོ ཙ ཝཏ རེ ཝཏྟབྦེ ¶ – ‘‘རཱུཔཾ ཨུཔལབྦྷཏི སཙྩིཀཊྛཔརམཏྠེན, ཝེདནཱ ཙ ཨུཔལབྦྷཏི སཙྩིཀཊྛཔརམཏྠེན, ཨཉྙཾ རཱུཔཾ ཨཉྙཱ ཝེདནཱ, ཝུཏྟཾ བྷགཝཏཱ – ‘ཨཏྠི པུགྒལོ ཨཏྟཧིཏཱཡ པཊིཔནྣོ,’ རཱུཔཉྩ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘རཱུཔཾ ཨུཔལབྦྷཏི སཙྩིཀཊྛཔརམཏྠེན, ཝེདནཱ ཙ ཨུཔལབྦྷཏི སཙྩིཀཊྛཔརམཏྠེན, ཨཉྙཾ རཱུཔཾ ཨཉྙཱ ཝེདནཱ, ཝུཏྟཾ བྷགཝཏཱ – ཨཏྠི པུགྒལོ ཨཏྟཧིཏཱཡ པཊིཔནྣོ, རཱུཔཉྩ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཨཉྙཾ རཱུཔཾ ཨཉྙོ པུགྒལོ’’’ཏི མིཙྪཱ…པེ….

༣༨. རཱུཔཾ ¶ ཨུཔལབྦྷཏི སཙྩིཀཊྛཔརམཏྠེན, སཉྙཱ ཙ ཨུཔལབྦྷཏི… སངྑཱརཱ ཙ ཨུཔལབྦྷནྟི… ཝིཉྙཱཎཉྩ ཨུཔལབྦྷཏི སཙྩིཀཊྛཔརམཏྠེན…པེ….

༣༩. ཝེདནཱ ¶ ཨུཔལབྦྷཏི སཙྩིཀཊྛཔརམཏྠེན, སཉྙཱ ཙ ཨུཔལབྦྷཏི… སངྑཱརཱ ཙ ཨུཔལབྦྷནྟི… ཝིཉྙཱཎཉྩ ཨུཔལབྦྷཏི… རཱུཔཉྩ ཨུཔལབྦྷཏི སཙྩིཀཊྛཔརམཏྠེན…པེ….

༤༠. སཉྙཱ ཨུཔལབྦྷཏི སཙྩིཀཊྛཔརམཏྠེན, སངྑཱརཱ ཙ ¶ ཨུཔལབྦྷནྟི… ཝིཉྙཱཎཉྩ ཨུཔལབྦྷཏི… རཱུཔཉྩ ཨུཔལབྦྷཏི… ཝེདནཱ ཙ ཨུཔལབྦྷཏི སཙྩིཀཊྛཔརམཏྠེན…པེ….

༤༡. སངྑཱརཱ ཨུཔལབྦྷནྟི སཙྩིཀཊྛཔརམཏྠེན, ཝིཉྙཱཎཉྩ ཨུཔལབྦྷཏི… རཱུཔཉྩ ཨུཔལབྦྷཏི… ཝེདནཱ ཙ ཨུཔལབྦྷཏི… སཉྙཱ ཙ ཨུཔལབྦྷཏི སཙྩིཀཊྛཔརམཏྠེན…པེ….

༤༢. ཝིཉྙཱཎཾ ¶ ཨུཔལབྦྷཏི སཙྩིཀཊྛཔརམཏྠེན, རཱུཔཉྩ ཨུཔལབྦྷཏི… ཝེདནཱ ཙ ཨུཔལབྦྷཏི… སཉྙཱ ཙ ཨུཔལབྦྷཏི… སངྑཱརཱ ཙ ཨུཔལབྦྷནྟི སཙྩིཀཊྛཔརམཏྠེན…པེ….

༤༣. ཙཀྑཱཡཏནཾ ཨུཔལབྦྷཏི སཙྩིཀཊྛཔརམཏྠེན, སོཏཱཡཏནཉྩ ཨུཔལབྦྷཏི…པེ… དྷམྨཱཡཏནཉྩ ཨུཔལབྦྷཏི སཙྩིཀཊྛཔརམཏྠེན…པེ… སོཏཱཡཏནཾ ཨུཔལབྦྷཏི…པེ… དྷམྨཱཡཏནཾ ཨུཔལབྦྷཏི སཙྩིཀཊྛཔརམཏྠེན ཙཀྑཱཡཏནཉྩ ཨུཔལབྦྷཏི…པེ… མནཱཡཏནཉྩ ཨུཔལབྦྷཏི སཙྩིཀཊྛཔརམཏྠེན…པེ….

༤༤. ཙཀྑུདྷཱཏུ ཨུཔལབྦྷཏི སཙྩིཀཊྛཔརམཏྠེན, སོཏདྷཱཏུ ཙ ཨུཔལབྦྷཏི…པེ… དྷམྨདྷཱཏུ ཙ ཨུཔལབྦྷཏི སཙྩིཀཊྛཔརམཏྠེན…པེ… སོཏདྷཱཏུ ཨུཔལབྦྷཏི སཙྩིཀཊྛཔརམཏྠེན…པེ… དྷམྨདྷཱཏུ ཨུཔལབྦྷཏི སཙྩིཀཊྛཔརམཏྠེན, ཙཀྑུདྷཱཏུ ཙ ཨུཔལབྦྷཏི…པེ… མནོཝིཉྙཱཎདྷཱཏུ ཙ ཨུཔལབྦྷཏི སཙྩིཀཊྛཔརམཏྠེན…པེ….

༤༥. ཙཀྑུནྡྲིཡཾ ཨུཔལབྦྷཏི སཙྩིཀཊྛཔརམཏྠེན, སོཏིནྡྲིཡཉྩ ཨུཔལབྦྷཏི…པེ… ཨཉྙཱཏཱཝིནྡྲིཡཉྩ ཨུཔལབྦྷཏི སཙྩིཀཊྛཔརམཏྠེན…པེ… སོཏིནྡྲིཡཾ ཨུཔལབྦྷཏི…པེ… ཨཉྙཱཏཱཝིནྡྲིཡཾ ཨུཔལབྦྷཏི སཙྩིཀཊྛཔརམཏྠེན, ཙཀྑུནྡྲིཡཉྩ ཨུཔལབྦྷཏི…པེ… ཨཉྙིནྡྲིཡཉྩ ཨུཔལབྦྷཏི སཙྩིཀཊྛཔརམཏྠེན; ཨཉྙཾ ¶ ཨཉྙཱཏཱཝིནྡྲིཡཾ ¶ ཨཉྙཾ ཨཉྙིནྡྲིཡནྟི? ཨཱམནྟཱ. ཝུཏྟཾ བྷགཝཏཱ – ‘‘ཨཏྠི པུགྒལོ ཨཏྟཧིཏཱཡ པཊིཔནྣོ,’’ ཨཉྙཱཏཱཝིནྡྲིཡཉྩ ¶ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཨཉྙཾ ཨཉྙཱཏཱཝིནྡྲིཡཾ ཨཉྙོ པུགྒལོཏི? ན ཧེཝཾ ཝཏྟབྦེ.

ཨཱཛཱནཱཧི ¶ པཊིཀམྨཾ. ཧཉྩི ཨཉྙཱཏཱཝིནྡྲིཡཾ ཨུཔལབྦྷཏི སཙྩིཀཊྛཔརམཏྠེན, ཨཉྙིནྡྲིཡཉྩ ཨུཔལབྦྷཏི སཙྩིཀཊྛཔརམཏྠེན, ཨཉྙཾ ཨཉྙཱཏཱཝིནྡྲིཡཾ ཨཉྙཾ ཨཉྙིནྡྲིཡཾ, ཝུཏྟཾ བྷགཝཏཱ – ‘‘ཨཏྠི པུགྒལོ ཨཏྟཧིཏཱཡ པཊིཔནྣོ,’’ ཨཉྙཱཏཱཝིནྡྲིཡཉྩ ཨུཔལབྦྷཏི སཙྩིཀཊྛཔརམཏྠེན; ཏེན ཝཏ རེ ཝཏྟབྦེ – ‘‘ཨཉྙཾ ཨཉྙཱཏཱཝིནྡྲིཡཾ ཨཉྙོ པུགྒལོ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘ཨཉྙཱཏཱཝིནྡྲིཡཾ ཨུཔལབྦྷཏི སཙྩིཀཊྛཔརམཏྠེན, ཨཉྙིནྡྲིཡཉྩ ཨུཔལབྦྷཏི སཙྩིཀཊྛཔརམཏྠེན, ཨཉྙཾ ཨཉྙཱཏཱཝིནྡྲིཡཾ ཨཉྙཾ ཨཉྙིནྡྲིཡཾ, ཝུཏྟཾ བྷགཝཏཱ – ཨཏྠི པུགྒལོ ཨཏྟཧིཏཱཡ པཊིཔནྣོ, ཨཉྙཱཏཱཝིནྡྲིཡཉྩ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཨཉྙཾ ཨཉྙཱཏཱཝིནྡྲིཡཾ ཨཉྙོ པུགྒལོ’’’ཏི མིཙྪཱ.

ནོ ཙེ པན ཝཏྟབྦེ – ‘‘ཨཉྙཾ ཨཉྙཱཏཱཝིནྡྲིཡཾ ཨཉྙོ པུགྒལོ’’ཏི, ནོ ཙ ཝཏ རེ ཝཏྟབྦེ – ‘‘ཨཉྙཱཏཱཝིནྡྲིཡཾ ཨུཔལབྦྷཏི སཙྩིཀཊྛཔརམཏྠེན, ཨཉྙིནྡྲིཡཉྩ ཨུཔལབྦྷཏི སཙྩིཀཊྛཔརམཏྠེན, ཨཉྙཾ ཨཉྙཱཏཱཝིནྡྲིཡཾ ཨཉྙཾ ཨཉྙིནྡྲིཡཾ, ཝུཏྟཾ བྷགཝཏཱ – ‘ཨཏྠི པུགྒལོ ཨཏྟཧིཏཱཡ པཊིཔནྣོ,’ ཨཉྙཱཏཱཝིནྡྲིཡཉྩ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘ཨཉྙཱཏཱཝིནྡྲིཡཾ ཨུཔལབྦྷཏི སཙྩིཀཊྛཔརམཏྠེན, ཨཉྙིནྡྲིཡཉྩ ཨུཔལབྦྷཏི ¶ སཙྩིཀཊྛཔརམཏྠེན, ཨཉྙཾ ཨཉྙཱཏཱཝིནྡྲིཡཾ ཨཉྙཾ ཨཉྙིནྡྲིཡཾ, ཝུཏྟཾ བྷགཝཏཱ – ཨཏྠི པུགྒལོ ཨཏྟཧིཏཱཡ པཊིཔནྣོ, ཨཉྙཱཏཱཝིནྡྲིཡཉྩ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘ཨཉྙཾ ཨཉྙཱཏཱཝིནྡྲིཡཾ ཨཉྙོ པུགྒལོ’’’ཏི མིཙྪཱ…པེ….

ཨོཔམྨསཾསནྡནཾ.

༧. ཙཏུཀྐནཡསཾསནྡནཾ

༤༦. པུགྒལོ ¶ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. རཱུཔཾ པུགྒལོཏི? ན ཧེཝཾ ཝཏྟབྦེ.

ཨཱཛཱནཱཧི ¶ ནིགྒཧཾ. ཧཉྩི པུགྒལོ ཨུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ – ‘‘རཱུཔཾ པུགྒལོ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘རཱུཔཾ པུགྒལོ’’’ཏི མིཙྪཱ.

ནོ ཙེ པན ཝཏྟབྦེ – ‘‘རཱུཔཾ པུགྒལོ’’ཏི, ནོ ཙ ཝཏ རེ ཝཏྟབྦེ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘རཱུཔཾ པུགྒལོ’’’ཏི མིཙྪཱ…པེ….

༤༧. པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. རཱུཔསྨིཾ པུགྒལོ…པེ… ཨཉྙཏྲ རཱུཔཱ པུགྒལོ…པེ… པུགྒལསྨིཾ རཱུཔནྟི? ན ¶ ཧེཝཾ ཝཏྟབྦེ.

ཨཱཛཱནཱཧི ནིགྒཧཾ. ཧཉྩི པུགྒལོ ཨུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ – ‘‘པུགྒལསྨིཾ རཱུཔ’’ནྟི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན ¶ ,’ ནོ ཙ ཝཏྟབྦེ – ‘པུགྒལསྨིཾ རཱུཔ’’’ནྟི མིཙྪཱ.

ནོ ཙེ པན ཝཏྟབྦེ – ‘‘པུགྒལསྨིཾ རཱུཔ’’ནྟི, ནོ ཙ ཝཏ རེ ཝཏྟབྦེ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘པུགྒལསྨིཾ རཱུཔ’’’ནྟི མིཙྪཱ…པེ….

༤༨. པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཝེདནཱ པུགྒལོ…པེ… ཝེདནཱཡ པུགྒལོ…པེ… ཨཉྙཏྲ ཝེདནཱཡ པུགྒལོ…པེ… པུགྒལསྨིཾ ཝེདནཱ…པེ….

སཉྙཱ ¶ པུགྒལོ…པེ… སཉྙཱཡ པུགྒལོ…པེ… ཨཉྙཏྲ སཉྙཱཡ པུགྒལོ…པེ… པུགྒལསྨིཾ སཉྙཱ…པེ….

སངྑཱརཱ པུགྒལོ…པེ… སངྑཱརེསུ པུགྒལོ…པེ… ཨཉྙཏྲ སངྑཱརེཧི པུགྒལོ…པེ… པུགྒལསྨིཾ སངྑཱརཱ…པེ….

ཝིཉྙཱཎཾ པུགྒལོ…པེ… ཝིཉྙཱཎསྨིཾ པུགྒལོ…པེ… ཨཉྙཏྲ ཝིཉྙཱཎཱ པུགྒལོ…པེ… པུགྒལསྨིཾ ཝིཉྙཱཎནྟི? ན ཧེཝཾ ཝཏྟབྦེ.

ཨཱཛཱནཱཧི ནིགྒཧཾ. ཧཉྩི པུགྒལོ ཨུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ – ‘‘པུགྒལསྨིཾ ཝིཉྙཱཎ’’ནྟི. ཡཾ ཏཏྠ ཝདེསི – ‘‘ཝཏྟབྦེ ཁོ ¶ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘པུགྒལསྨིཾ ཝིཉྙཱཎ’’’ནྟི མིཙྪཱ.

ནོ ཙེ པན ཝཏྟབྦེ – ‘‘པུགྒལསྨིཾ ཝིཉྙཱཎ’’ནྟི, ནོ ཙ ཝཏ རེ ཝཏྟབྦེ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘པུགྒལསྨིཾ ¶ ཝིཉྙཱཎ’’’ནྟི མིཙྪཱ…པེ….

༤༩. པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཙཀྑཱཡཏནཾ པུགྒལོ…པེ… ཙཀྑཱཡཏནསྨིཾ པུགྒལོ…པེ… ཨཉྙཏྲ ཙཀྑཱཡཏནཱ པུགྒལོ…པེ… པུགྒལསྨིཾ ཙཀྑཱཡཏནཾ…པེ… དྷམྨཱཡཏནཾ པུགྒལོ…པེ… དྷམྨཱཡཏནསྨིཾ པུགྒལོ…པེ… ཨཉྙཏྲ དྷམྨཱཡཏནཱ པུགྒལོ…པེ… པུགྒལསྨིཾ དྷམྨཱཡཏནཾ…པེ….

ཙཀྑུདྷཱཏུ པུགྒལོ…པེ… ཙཀྑུདྷཱཏུཡཱ པུགྒལོ…པེ… ཨཉྙཏྲ ཙཀྑུདྷཱཏུཡཱ པུགྒལོ…པེ… པུགྒལསྨིཾ ཙཀྑུདྷཱཏུ…པེ… དྷམྨདྷཱཏུ པུགྒལོ…པེ… དྷམྨདྷཱཏུཡཱ པུགྒལོ…པེ… ཨཉྙཏྲ དྷམྨདྷཱཏུཡཱ པུགྒལོ…པེ… པུགྒལསྨིཾ དྷམྨདྷཱཏུ…པེ….

ཙཀྑུནྡྲིཡཾ པུགྒལོ…པེ… ཙཀྑུནྡྲིཡསྨིཾ པུགྒལོ…པེ… ཨཉྙཏྲ ཙཀྑུནྡྲིཡཱ པུགྒལོ ¶ …པེ… པུགྒལསྨིཾ ཙཀྑུནྡྲིཡཾ…པེ… ཨཉྙཱཏཱཝིནྡྲིཡཾ ¶ པུགྒལོ…པེ… ཨཉྙཱཏཱཝིནྡྲིཡསྨིཾ པུགྒལོ…པེ… ཨཉྙཏྲ ཨཉྙཱཏཱཝིནྡྲིཡཱ པུགྒལོ…པེ… པུགྒལསྨིཾ ཨཉྙཱཏཱཝིནྡྲིཡནྟི? ན ཧེཝཾ ཝཏྟབྦེ.

ཨཱཛཱནཱཧི ནིགྒཧཾ. ཧཉྩི པུགྒལོ ཨུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ – ‘‘པུགྒལསྨིཾ ཨཉྙཱཏཱཝིནྡྲིཡ’’ནྟི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘པུགྒལསྨིཾ ཨཉྙཱཏཱཝིནྡྲིཡ’’’ནྟི མིཙྪཱ.

ནོ ཙེ པན ཝཏྟབྦེ – ‘‘པུགྒལསྨིཾ ཨཉྙཱཏཱཝིནྡྲིཡ’’ནྟི, ནོ ཙ ཝཏ རེ ཝཏྟབྦེ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི ¶ . ཡཾ ཏཏྠ ཝདེསི – ‘‘ཝཏྟབྦེ ཁོ – ‘པུགྒལོ ཨུཔལབྦྷཏི སཙྩིཀཊྛཔརམཏྠེན,’ ནོ ཙ ཝཏྟབྦེ – ‘པུགྒལསྨིཾ ཨཉྙཱཏཱཝིནྡྲིཡ’’’ནྟི མིཙྪཱ…པེ….

༥༠. པུགྒལོ ནུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཝུཏྟཾ བྷགཝཏཱ – ‘‘ཨཏྠི པུགྒལོ ཨཏྟཧིཏཱཡ པཊིཔནྣོ’’ཏི? ཨཱམནྟཱ. རཱུཔཾ པུགྒལོཏི? ན ཧེཝཾ ཝཏྟབྦེ.

ཨཱཛཱནཱཧི ¶ པཊིཀམྨཾ. ཧཉྩི ཝུཏྟཾ བྷགཝཏཱ – ‘‘ཨཏྠི པུགྒལོ ཨཏྟཧིཏཱཡ པཊིཔནྣོ,’’ ཏེན ཝཏ རེ ཝཏྟབྦེ – ‘‘རཱུཔཾ པུགྒལོ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘ཝུཏྟཾ བྷགཝཏཱ – ཨཏྠི པུགྒལོ ཨཏྟཧིཏཱཡ པཊིཔནྣོ,’ ནོ ཙ ཝཏྟབྦེ – ‘རཱུཔཾ པུགྒལོཏི’’’ མིཙྪཱ.

ནོ ཙེ པན ཝཏྟབྦེ – ‘‘རཱུཔཾ པུགྒལོ’’ཏི, ནོ ཙ ཝཏ རེ ཝཏྟབྦེ – ‘‘ཝུཏྟཾ བྷགཝཏཱ – ‘ཨཏྠི པུགྒལོ ཨཏྟཧིཏཱཡ པཊིཔནྣོ’’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘ཝུཏྟཾ བྷགཝཏཱ – ཨཏྠི པུགྒལོ ཨཏྟཧིཏཱཡ པཊིཔནྣོ,’ ནོ ཙ ཝཏྟབྦེ – ‘རཱུཔཾ པུགྒལོ’’’ཏི མིཙྪཱ…པེ….

༥༡. པུགྒལོ ནུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཝུཏྟཾ བྷགཝཏཱ – ‘‘ཨཏྠི པུགྒལོ ཨཏྟཧིཏཱཡ པཊིཔནྣོ’’ཏི? ཨཱམནྟཱ. རཱུཔསྨིཾ པུགྒལོ…པེ… ཨཉྙཏྲ རཱུཔཱ པུགྒལོ…པེ… པུགྒལསྨིཾ རཱུཔཾ…པེ….

ཝེདནཱ ¶ པུགྒལོ…པེ… ཝེདནཱཡ པུགྒལོ…པེ… ཨཉྙཏྲ ཝེདནཱཡ པུགྒལོ…པེ… པུགྒལསྨིཾ ཝེདནཱ…པེ….

སཉྙཱ པུགྒལོ…པེ… སཉྙཱཡ པུགྒལོ…པེ… ཨཉྙཏྲ སཉྙཱཡ པུགྒལོ…པེ… པུགྒལསྨིཾ ¶ སཉྙཱ…པེ….

སངྑཱརཱ པུགྒལོ…པེ… སངྑཱརེསུ པུགྒལོ…པེ… ཨཉྙཏྲ སངྑཱརེཧི པུགྒལོ…པེ… པུགྒལསྨིཾ སངྑཱརཱ…པེ….

ཝིཉྙཱཎཾ པུགྒལོ…པེ… ཝིཉྙཱཎསྨིཾ པུགྒལོ…པེ… ཨཉྙཏྲ ཝིཉྙཱཎཱ པུགྒལོ…པེ… པུགྒལསྨིཾ ཝིཉྙཱཎནྟི? ན ཧེཝཾ ཝཏྟབྦེ.

ཨཱཛཱནཱཧི པཊིཀམྨཾ. ཧཉྩི ཝུཏྟཾ བྷགཝཏཱ – ‘‘ཨཏྠི པུགྒལོ ཨཏྟཧིཏཱཡ པཊིཔནྣོ,’’ ཏེན ཝཏ རེ ཝཏྟབྦེ – ‘‘པུགྒལསྨིཾ ཝིཉྙཱཎ’’ནྟི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘ཝུཏྟཾ བྷགཝཏཱ – ཨཏྠི པུགྒལོ ཨཏྟཧིཏཱཡ པཊིཔནྣོ,’ ནོ ཙ ཝཏྟབྦེ – ‘པུགྒལསྨིཾ ཝིཉྙཱཎ’’’ནྟི མིཙྪཱ.

ནོ ¶ ཙེ པན ཝཏྟབྦེ – ‘‘པུགྒལསྨིཾ ཝིཉྙཱཎ’’ནྟི, ནོ ཙ ཝཏ རེ ཝཏྟབྦེ – ‘‘ཝུཏྟཾ བྷགཝཏཱ – ‘ཨཏྠི པུགྒལོ ཨཏྟཧིཏཱཡ པཊིཔནྣོ’’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘ཝུཏྟཾ བྷགཝཏཱ – ཨཏྠི པུགྒལོ ཨཏྟཧིཏཱཡ པཊིཔནྣོ,’ ནོ ཙ ཝཏྟབྦེ – ‘པུགྒལསྨིཾ ཝིཉྙཱཎ’’’ནྟི མིཙྪཱ…པེ….

༥༢. པུགྒལོ ¶ ནུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཝུཏྟཾ བྷགཝཏཱ – ‘‘ཨཏྠི པུགྒལོ ཨཏྟཧིཏཱཡ པཊིཔནྣོ’’ཏི? ཨཱམནྟཱ. ཙཀྑཱཡཏནཾ པུགྒལོ…པེ… ཙཀྑཱཡཏནསྨིཾ པུགྒལོ…པེ… ཨཉྙཏྲ ཙཀྑཱཡཏནཱ པུགྒལོ…པེ… པུགྒལསྨིཾ ཙཀྑཱཡཏནཾ…པེ… དྷམྨཱཡཏནཾ པུགྒལོ…པེ… དྷམྨཱཡཏནསྨིཾ པུགྒལོ…པེ… ཨཉྙཏྲ དྷམྨཱཡཏནཱ པུགྒལོ…པེ… པུགྒལསྨིཾ དྷམྨཱཡཏནཾ…པེ….

ཙཀྑུདྷཱཏུ ¶ པུགྒལོ…པེ… ཙཀྑུདྷཱཏུཡཱ པུགྒལོ…པེ… ཨཉྙཏྲ ¶ ཙཀྑུདྷཱཏུཡཱ པུགྒལོ…པེ… པུགྒལསྨིཾ ཙཀྑུདྷཱཏུ…པེ… དྷམྨདྷཱཏུ པུགྒལོ…པེ… དྷམྨདྷཱཏུཡཱ པུགྒལོ…པེ… ཨཉྙཏྲ དྷམྨདྷཱཏུཡཱ པུགྒལོ…པེ… པུགྒལསྨིཾ དྷམྨདྷཱཏུ…པེ….

ཙཀྑུནྡྲིཡཾ པུགྒལོ…པེ… ཙཀྑུནྡྲིཡསྨིཾ པུགྒལོ…པེ… ཨཉྙཏྲ ཙཀྑུནྡྲིཡཱ པུགྒལོ…པེ… པུགྒལསྨིཾ ཙཀྑུནྡྲིཡཾ…པེ… ཨཉྙཱཏཱཝིནྡྲིཡཾ པུགྒལོ…པེ… ཨཉྙཱཏཱཝིནྡྲིཡསྨིཾ པུགྒལོ…པེ… ཨཉྙཏྲ ཨཉྙཱཏཱཝིནྡྲིཡཱ པུགྒལོ…པེ… པུགྒལསྨིཾ ཨཉྙཱཏཱཝིནྡྲིཡནྟི? ན ཧེཝཾ ཝཏྟབྦེ.

ཨཱཛཱནཱཧི པཊིཀམྨཾ. ཧཉྩི ཝུཏྟཾ བྷགཝཏཱ – ‘‘ཨཏྠི པུགྒལོ ཨཏྟཧིཏཱཡ པཊིཔནྣོ,’’ ཏེན ཝཏ རེ ཝཏྟབྦེ – ‘‘པུགྒལསྨིཾ ¶ ཨཉྙཱཏཱཝིནྡྲིཡ’’ནྟི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘ཝུཏྟཾ བྷགཝཏཱ – ཨཏྠི པུགྒལོ ཨཏྟཧིཏཱཡ པཊིཔནྣོ,’ ནོ ཙ ཝཏྟབྦེ – ‘པུགྒལསྨིཾ ཨཉྙཱཏཱཝིནྡྲིཡ’’’ནྟི མིཙྪཱ.

ནོ ཙེ པན ཝཏྟབྦེ – ‘‘པུགྒལསྨིཾ ཨཉྙཱཏཱཝིནྡྲིཡ’’ནྟི, ནོ ཙ ཝཏ རེ ཝཏྟབྦེ – ‘‘ཝུཏྟཾ བྷགཝཏཱ – ‘ཨཏྠི པུགྒལོ ཨཏྟཧིཏཱཡ པཊིཔནྣོ’’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘ཝུཏྟཾ བྷགཝཏཱ – ཨཏྠི པུགྒལོ ཨཏྟཧིཏཱཡ པཊིཔནྣོ,’ ནོ ཙ ཝཏྟབྦེ – ‘པུགྒལསྨིཾ ཨཉྙཱཏཱཝིནྡྲིཡ’’’ནྟི མིཙྪཱ…པེ….

ཙཏུཀྐནཡསཾསནྡནཾ.

༨. ལཀྑཎཡུཏྟིཀཐཱ

༥༣. པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. པུགྒལོ སཔྤཙྩཡོ…པེ… པུགྒལོ ཨཔྤཙྩཡོ… པུགྒལོ སངྑཏོ ¶ … པུགྒལོ ཨསངྑཏོ… པུགྒལོ སསྶཏོ ¶ … པུགྒལོ ཨསསྶཏོ… པུགྒལོ སནིམིཏྟོ… པུགྒལོ ཨནིམིཏྟོཏི? ན ཧེཝཾ ཝཏྟབྦེ. (སཾཁིཏྟཾ)

༥༤. པུགྒལོ ¶ ནུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཝུཏྟཾ བྷགཝཏཱ – ‘‘ཨཏྠི པུགྒལོ ཨཏྟཧིཏཱཡ པཊིཔནྣོ’’ཏི? ཨཱམནྟཱ. པུགྒལོ སཔྤཙྩཡོ…པེ… པུགྒལོ ཨཔྤཙྩཡོ… པུགྒལོ སངྑཏོ… པུགྒལོ ཨསངྑཏོ… པུགྒལོ སསྶཏོ… པུགྒལོ ཨསསྶཏོ… པུགྒལོ སནིམིཏྟོ… པུགྒལོ ཨནིམིཏྟོཏི? ན ཧེཝཾ ཝཏྟབྦེ. (སཾཁིཏྟཾ)

ལཀྑཎཡུཏྟིཀཐཱ.

༩. ཝཙནསོདྷནཾ

༥༥. པུགྒལོ ཨུཔལབྦྷཏི, ཨུཔལབྦྷཏི པུགྒལོཏི? པུགྒལོ ཨུཔལབྦྷཏི, ཨུཔལབྦྷཏི ཀེཧིཙི པུགྒལོ ཀེཧིཙི ན པུགྒལོཏི. པུགྒལོ ཀེཧིཙི ཨུཔལབྦྷཏི ཀེཧིཙི ན ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༥༦. པུགྒལོ སཙྩིཀཊྛོ, སཙྩིཀཊྛོ པུགྒལོཏི? པུགྒལོ སཙྩིཀཊྛོ, སཙྩིཀཊྛོ ཀེཧིཙི པུགྒལོ ཀེཧིཙི ན པུགྒལོཏི. པུགྒལོ ¶ ཀེཧིཙི སཙྩིཀཊྛོ ཀེཧིཙི ན སཙྩིཀཊྛོཏི? ན ཧེཝཾ ཝཏྟབྦེ…པེ….

༥༧. པུགྒལོ ཝིཛྫམཱནོ, ཝིཛྫམཱནོ པུགྒལོཏི? པུགྒལོ ཝིཛྫམཱནོ, ཝིཛྫམཱནོ ཀེཧིཙི པུགྒལོ ཀེཧིཙི ན པུགྒལོཏི. པུགྒལོ ཀེཧིཙི ཝིཛྫམཱནོ ཀེཧིཙི ན ཝིཛྫམཱནོཏི? ན ཧེཝཾ ཝཏྟབྦེ…པེ….

༥༨. པུགྒལོ ¶ སཾཝིཛྫམཱནོ, སཾཝིཛྫམཱནོ པུགྒལོཏི? པུགྒལོ སཾཝིཛྫམཱནོ, སཾཝིཛྫམཱནོ ¶ ཀེཧིཙི པུགྒལོ ཀེཧིཙི ན པུགྒལོཏི. པུགྒལོ ཀེཧིཙི སཾཝིཛྫམཱནོ ཀེཧིཙི ན སཾཝིཛྫམཱནོཏི? ན ཧེཝཾ ཝཏྟབྦེ…པེ….

༥༩. པུགྒལོ ཨཏྠི, ཨཏྠི པུགྒལོཏི? པུགྒལོ ཨཏྠི, ཨཏྠི ཀེཧིཙི པུགྒལོ ཀེཧིཙི ན པུགྒལོཏི. པུགྒལོ ཀེཧིཙི ཨཏྠི ཀེཧིཙི ནཏྠཱིཏི? ན ཧེཝཾ ཝཏྟབྦེ…པེ….

༦༠. པུགྒལོ ཨཏྠི, ཨཏྠི ན སབྦོ པུགྒལོཏི? ཨཱམནྟཱ…པེ… པུགྒལོ ནཏྠི, ནཏྠི ན སབྦོ པུགྒལོཏི? ན ཧེཝཾ ཝཏྟབྦེ. (སཾཁིཏྟཾ)

ཝཙནསོདྷནཾ.

༡༠. པཉྙཏྟཱནུཡོགོ

༦༡. རཱུཔདྷཱཏུཡཱ ¶ རཱུཔཱི པུགྒལོཏི? ཨཱམནྟཱ. ཀཱམདྷཱཏུཡཱ ཀཱམཱི པུགྒལོཏི? ན ཧེཝཾ ཝཏྟབྦེ…པེ….

༦༢. རཱུཔདྷཱཏུཡཱ རཱུཔིནོ སཏྟཱཏི? ཨཱམནྟཱ. ཀཱམདྷཱཏུཡཱ ཀཱམིནོ སཏྟཱཏི? ན ཧེཝཾ ཝཏྟབྦེ…པེ….

༦༣. ཨརཱུཔདྷཱཏུཡཱ ཨརཱུཔཱི པུགྒལོཏི? ཨཱམནྟཱ. ཀཱམདྷཱཏུཡཱ ¶ ཀཱམཱི པུགྒལོཏི? ན ཧེཝཾ ཝཏྟབྦེ…པེ….

༦༤. ཨརཱུཔདྷཱཏུཡཱ ཨརཱུཔིནོ སཏྟཱཏི? ཨཱམནྟཱ. ཀཱམདྷཱཏུཡཱ ཀཱམིནོ སཏྟཱཏི? ན ཧེཝཾ ཝཏྟབྦེ…པེ….

༦༥. རཱུཔདྷཱཏུཡཱ རཱུཔཱི པུགྒལོ ཨརཱུཔདྷཱཏུཡཱ ཨརཱུཔཱི པུགྒལོ, ཨཏྠི ¶ ཙ ཀོཙི རཱུཔདྷཱཏུཡཱ ¶ ཙུཏོ ཨརཱུཔདྷཱཏུཾ ཨུཔཔཛྫཏཱིཏི? ཨཱམནྟཱ. རཱུཔཱི པུགྒལོ ཨུཔཙྪིནྣོ, ཨརཱུཔཱི པུགྒལོ ཛཱཏོཏི? ན ཧེཝཾ ཝཏྟབྦེ…པེ….

༦༦. རཱུཔདྷཱཏུཡཱ རཱུཔིནོ སཏྟཱ ཨརཱུཔདྷཱཏུཡཱ ཨརཱུཔིནོ སཏྟཱ, ཨཏྠི ཙ ཀོཙི རཱུཔདྷཱཏུཡཱ ཙུཏོ ཨརཱུཔདྷཱཏུཾ ཨུཔཔཛྫཏཱིཏི? ཨཱམནྟཱ. རཱུཔཱི སཏྟོ ཨུཔཙྪིནྣོ, ཨརཱུཔཱི སཏྟོ ཛཱཏོཏི? ན ཧེཝཾ ཝཏྟབྦེ…པེ….

༦༧. ཀཱཡོཏི ཝཱ སརཱིརནྟི ཝཱ, སརཱིརནྟི ཝཱ ཀཱཡོཏི ཝཱ, ཀཱཡཾ ཨཔྤིཡཾ ཀརིཏྭཱ ཨེསེསེ ཨེཀཊྛེ སམེ སམབྷཱགེ ཏཛྫཱཏེཏི? ཨཱམནྟཱ. པུགྒལོཏི ཝཱ ཛཱིཝོཏི ཝཱ, ཛཱིཝོཏི ཝཱ པུགྒལོཏི ཝཱ, པུགྒལཾ ཨཔྤིཡཾ ཀརིཏྭཱ ཨེསེསེ ཨེཀཊྛེ སམེ སམབྷཱགེ ཏཛྫཱཏེཏི? ཨཱམནྟཱ. ཨཉྙོ ཀཱཡོ, ཨཉྙོ པུགྒལོཏི? ཨཱམནྟཱ. ཨཉྙཾ ཛཱིཝཾ, ཨཉྙཾ སརཱིརནྟི? ན ཧེཝཾ ཝཏྟབྦེ.

ཨཱཛཱནཱཧི ནིགྒཧཾ. ཧཉྩི ཀཱཡོཏི ཝཱ སརཱིརནྟི ཝཱ, སརཱིརནྟི ཝཱ ཀཱཡོཏི ཝཱ, ཀཱཡཾ ཨཔྤིཡཾ ཀརིཏྭཱ ཨེསེསེ ཨེཀཊྛེ སམེ སམབྷཱགེ ཏཛྫཱཏེ, པུགྒལོཏི ཝཱ ཛཱིཝོཏི ཝཱ, ཛཱིཝོཏི ཝཱ པུགྒལོཏི ཝཱ, པུགྒལཾ ཨཔྤིཡཾ ཀརིཏྭཱ ཨེསེསེ ཨེཀཊྛེ ¶ སམེ སམབྷཱགེ ཏཛྫཱཏེ, ཨཉྙོ ཀཱཡོ ཨཉྙོ པུགྒལོ; ཏེན ཝཏ རེ ཝཏྟབྦེ – ‘‘ཨཉྙཾ ཛཱིཝཾ ཨཉྙཾ སརཱིར’’ནྟི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘ཀཱཡོཏི ¶ ཝཱ སརཱིརནྟི ཝཱ, སརཱིརནྟི ཝཱ ཀཱཡོཏི ཝཱ, ཀཱཡཾ ཨཔྤིཡཾ ཀརིཏྭཱ ཨེསེསེ ¶ ཨེཀཊྛེ སམེ སམབྷཱགེ ཏཛྫཱཏེ, པུགྒལོཏི ཝཱ ཛཱིཝོཏི ཝཱ, ཛཱིཝོཏི ཝཱ པུགྒལོཏི ཝཱ, པུགྒལཾ ཨཔྤིཡཾ ཀརིཏྭཱ ཨེསེསེ ཨེཀཊྛེ སམེ སམབྷཱགེ ཏཛྫཱཏེ, ཨཉྙོ ཀཱཡོ ཨཉྙོ པུགྒལོ,’ ནོ ཙ ཝཏྟབྦེ – ‘ཨཉྙཾ ཛཱིཝཾ ཨཉྙཾ སརཱིར’’’ནྟི མིཙྪཱ.

ནོ ཙེ པན ཝཏྟབྦེ – ‘‘ཨཉྙཾ ཛཱིཝཾ ཨཉྙཾ སརཱིར’’ནྟི, ནོ ཙ ཝཏ རེ ཝཏྟབྦེ – ‘‘ཀཱཡོཏི ཝཱ སརཱིརནྟི ཝཱ, སརཱིརནྟི ཝཱ ཀཱཡོཏི ཝཱ, ཀཱཡཾ ཨཔྤིཡཾ ཀརིཏྭཱ ཨེསེསེ ཨེཀཊྛེ སམེ སམབྷཱགེ ཏཛྫཱཏེ, པུགྒལོཏི ཝཱ ཛཱིཝོཏི ཝཱ, ཛཱིཝོཏི ཝཱ པུགྒལོཏི ཝཱ, པུགྒལཾ ཨཔྤིཡཾ ཀརིཏྭཱ ཨེསེསེ ཨེཀཊྛེ སམེ སམབྷཱགེ ཏཛྫཱཏེ, ཨཉྙོ ཀཱཡོ ཨཉྙོ པུགྒལོ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘ཀཱཡོཏི ¶ ཝཱ སརཱིརནྟི ཝཱ, སརཱིརནྟི ཝཱ ཀཱཡོཏི ཝཱ, ཀཱཡཾ ཨཔྤིཡཾ ཀརིཏྭཱ ཨེསེསེ ཨེཀཊྛེ སམེ སམབྷཱགེ ཏཛྫཱཏེ, པུགྒལོཏི ཝཱ ཛཱིཝོཏི ཝཱ, ཛཱིཝོཏི ཝཱ པུགྒལོཏི ཝཱ, པུགྒལཾ ཨཔྤིཡཾ ཀརིཏྭཱ ཨེསེསེ ཨེཀཊྛེ སམེ སམབྷཱགེ ཏཛྫཱཏེ, ཨཉྙོ ཀཱཡོ ཨཉྙོ པུགྒལོ’, ནོ ཙ ཝཏྟབྦེ – ‘ཨཉྙཾ ཛཱིཝཾ ཨཉྙཾ སརཱིར’’’ནྟི མིཙྪཱ…པེ….

༦༨. ཀཱཡོཏི ཝཱ སརཱིརནྟི ཝཱ, སརཱིརནྟི ཝཱ ཀཱཡོཏི ཝཱ, ཀཱཡཾ ཨཔྤིཡཾ ཀརིཏྭཱ ཨེསེསེ ཨེཀཊྛེ སམེ སམབྷཱགེ ཏཛྫཱཏེཏི? ཨཱམནྟཱ. ཝུཏྟཾ བྷགཝཏཱ – ‘‘ཨཏྠི པུགྒལོ ཨཏྟཧིཏཱཡ པཊིཔནྣོ’’ཏི? ཨཱམནྟཱ. ཨཉྙོ ཀཱཡོ ཨཉྙོ པུགྒལོཏི? ན ཧེཝཾ ཝཏྟབྦེ.

ཨཱཛཱནཱཧི པཊིཀམྨཾ. ཧཉྩི ཀཱཡོཏི ཝཱ སརཱིརནྟི ¶ ཝཱ, སརཱིརནྟི ཝཱ ཀཱཡོཏི ཝཱ, ཀཱཡཾ ཨཔྤིཡཾ ཀརིཏྭཱ ཨེསེསེ ཨེཀཊྛེ སམེ སམབྷཱགེ ཏཛྫཱཏེ, ཝུཏྟཾ བྷགཝཏཱ – ‘‘ཨཏྠི པུགྒལོ ཨཏྟཧིཏཱཡ པཊིཔནྣོ,’’ ཏེན ཝཏ རེ ཝཏྟབྦེ – ‘‘ཨཉྙོ ཀཱཡོ ཨཉྙོ པུགྒལོ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘ཀཱཡོཏི ཝཱ སརཱིརནྟི ཝཱ, སརཱིརནྟི ཝཱ ཀཱཡོཏི ཝཱ, ཀཱཡཾ ཨཔྤིཡཾ ཀརིཏྭཱ ཨེསེསེ ཨེཀཊྛེ སམེ སམབྷཱགེ ཏཛྫཱཏེ, ཝུཏྟཾ བྷགཝཏཱ – ཨཏྠི ¶ པུགྒལོ ཨཏྟཧིཏཱཡ པཊིཔནྣོ,’ ནོ ཙ ཝཏྟབྦེ – ‘ཨཉྙོ ཀཱཡོ ཨཉྙོ པུགྒལོ’’’ཏི མིཙྪཱ.

ནོ ¶ ཙེ པན ཝཏྟབྦེ – ‘‘ཨཉྙོ ཀཱཡོ ཨཉྙོ པུགྒལོ’’ཏི, ནོ ཙ ཝཏ རེ ཝཏྟབྦེ – ‘‘ཀཱཡོཏི ཝཱ སརཱིརནྟི ཝཱ, སརཱིརནྟི ཝཱ ཀཱཡོཏི ཝཱ, ཀཱཡཾ ཨཔྤིཡཾ ཀརིཏྭཱ ཨེསེསེ ཨེཀཊྛེ སམེ སམབྷཱགེ ཏཛྫཱཏེ, ཝུཏྟཾ བྷགཝཏཱ – ‘ཨཏྠི པུགྒལོ ཨཏྟཧིཏཱཡ པཊིཔནྣོ’’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘ཀཱཡོཏི ཝཱ སརཱིརནྟི ཝཱ, སརཱིརནྟི ཝཱ ཀཱཡོཏི ཝཱ, ཀཱཡཾ ཨཔྤིཡཾ ཀརིཏྭཱ ཨེསེསེ ཨེཀཊྛེ སམེ སམབྷཱགེ ཏཛྫཱཏེ, ཝུཏྟཾ བྷགཝཏཱ – ཨཏྠི པུགྒལོ ཨཏྟཧིཏཱཡ པཊིཔནྣོ,’ ནོ ཙ ཝཏྟབྦེ – ‘ཨཉྙོ ཀཱཡོ ཨཉྙོ པུགྒལོ’’’ཏི མིཙྪཱ. (སཾཁིཏྟཾ)

པཉྙཏྟཱནུཡོགོ.

༡༡. གཏིཨནུཡོགོ

༦༩. པུགྒལོ ¶ སནྡྷཱཝཏི ཨསྨཱ ལོཀཱ པརཾ ལོཀཾ, པརསྨཱ ལོཀཱ ཨིམཾ ལོཀནྟི? ཨཱམནྟཱ. སོ པུགྒལོ སནྡྷཱཝཏི ཨསྨཱ ལོཀཱ པརཾ ལོཀཾ, པརསྨཱ ལོཀཱ ཨིམཾ ལོཀནྟི? ན ཧེཝཾ ཝཏྟབྦེ ¶ …པེ….

༧༠. པུགྒལོ སནྡྷཱཝཏི ཨསྨཱ ལོཀཱ པརཾ ལོཀཾ, པརསྨཱ ལོཀཱ ཨིམཾ ལོཀནྟི? ཨཱམནྟཱ. ཨཉྙོ པུགྒལོ སནྡྷཱཝཏི ཨསྨཱ ལོཀཱ པརཾ ལོཀཾ, པརསྨཱ ལོཀཱ ཨིམཾ ལོཀནྟི? ན ཧེཝཾ ཝཏྟབྦེ…པེ….

༧༡. པུགྒལོ སནྡྷཱཝཏི ཨསྨཱ ལོཀཱ པརཾ ལོཀཾ, པརསྨཱ ལོཀཱ ཨིམཾ ལོཀནྟི? ཨཱམནྟཱ. སོ ཙ ཨཉྙོ ཙ སནྡྷཱཝཏི ཨསྨཱ ལོཀཱ པརཾ ལོཀཾ, པརསྨཱ ལོཀཱ ཨིམཾ ལོཀནྟི? ན ཧེཝཾ ཝཏྟབྦེ…པེ….

༧༢. པུགྒལོ སནྡྷཱཝཏི ཨསྨཱ ལོཀཱ པརཾ ལོཀཾ, པརསྨཱ ལོཀཱ ཨིམཾ ལོཀནྟི? ཨཱམནྟཱ. ནེཝ སོ སནྡྷཱཝཏི, ན ཨཉྙོ སནྡྷཱཝཏི ཨསྨཱ ལོཀཱ པརཾ ལོཀཾ, པརསྨཱ ལོཀཱ ཨིམཾ ལོཀནྟི? ན ¶ ཧེཝཾ ཝཏྟབྦེ…པེ….

༧༣. པུགྒལོ ¶ སནྡྷཱཝཏི ཨསྨཱ ལོཀཱ པརཾ ལོཀཾ, པརསྨཱ ལོཀཱ ཨིམཾ ལོཀནྟི? ཨཱམནྟཱ. སོ པུགྒལོ སནྡྷཱཝཏི, ཨཉྙོ པུགྒལོ སནྡྷཱཝཏི, སོ ཙ ཨཉྙོ ཙ སནྡྷཱཝཏི, ནེཝ སོ སནྡྷཱཝཏི ན ཨཉྙོ སནྡྷཱཝཏི ཨསྨཱ ལོཀཱ པརཾ ལོཀཾ, པརསྨཱ ལོཀཱ ཨིམཾ ལོཀནྟི? ན ཧེཝཾ ཝཏྟབྦེ…པེ….

༧༤. ན ཝཏྟབྦཾ – ‘‘པུགྒལོ སནྡྷཱཝཏི ཨསྨཱ ལོཀཱ པརཾ ལོཀཾ, པརསྨཱ ལོཀཱ ཨིམཾ ལོཀ’’ནྟི? ཨཱམནྟཱ. ནནུ ཝུཏྟཾ ¶ བྷགཝཏཱ –

‘‘ས སཏྟཀྑཏྟུཔརམཾ, སནྡྷཱཝིཏྭཱན པུགྒལོ;

དུཀྑསྶནྟཀརོ ཧོཏི, སབྦསཾཡོཛནཀྑཡཱ’’ཏི [སཾ. ནི. ༢.༡༣༣; ཨིཏིཝུ. ༢༤ ཨིཏིཝུཏྟཀེཔི].

ཨཏྠེཝ ¶ སུཏྟནྟོཏི? ཨཱམནྟཱ. ཏེན ཧི པུགྒལོ སནྡྷཱཝཏི ཨསྨཱ ལོཀཱ པརཾ ལོཀཾ, པརསྨཱ ལོཀཱ ཨིམཾ ལོཀནྟི.

༧༥. ན ཝཏྟབྦཾ – ‘‘པུགྒལོ སནྡྷཱཝཏི ཨསྨཱ ལོཀཱ པརཾ ལོཀཾ, པརསྨཱ ལོཀཱ ཨིམཾ ལོཀ’’ནྟི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཨནམཏགྒོཡཾ [ཨནམཏགྒཱཡཾ (ཀ.)], བྷིཀྑཝེ, སཾསཱརོ. པུབྦཀོཊི ན པཉྙཱཡཏི, ཨཝིཛྫཱནཱིཝརཎཱནཾ སཏྟཱནཾ ཏཎྷཱསཾཡོཛནཱནཾ སནྡྷཱཝཏཾ སཾསརཏ’’ནྟི [སཾ. ནི. ༢.༡༢༤]! ཨཏྠེཝ སུཏྟནྟོཏི? ཨཱམནྟཱ. ཏེན ཧི པུགྒལོ སནྡྷཱཝཏི ཨསྨཱ ལོཀཱ པརཾ ལོཀཾ, པརསྨཱ ལོཀཱ ཨིམཾ ལོཀནྟི.

༧༦. པུགྒལོ སནྡྷཱཝཏི ཨསྨཱ ལོཀཱ པརཾ ལོཀཾ, པརསྨཱ ལོཀཱ ཨིམཾ ལོཀནྟི? ཨཱམནྟཱ. སྭེཝ པུགྒལོ སནྡྷཱཝཏི ཨསྨཱ ལོཀཱ པརཾ ལོཀཾ, པརསྨཱ ལོཀཱ ཨིམཾ ལོཀནྟི? ན ཧེཝཾ ཝཏྟབྦེ…པེ….

༧༧. སྭེཝ པུགྒལོ སནྡྷཱཝཏི ཨསྨཱ ལོཀཱ པརཾ ལོཀཾ, པརསྨཱ ལོཀཱ ཨིམཾ ལོཀནྟི? ཨཱམནྟཱ. ཨཏྠི ཀོཙི མནུསྶོ ཧུཏྭཱ དེཝོ ཧོཏཱིཏི? ཨཱམནྟཱ. སྭེཝ མནུསྶོ སོ དེཝོཏི? ན ¶ ཧེཝཾ ཝཏྟབྦེ…པེ….

༧༨. སྭེཝ མནུསྶོ སོ དེཝོཏི? ཨཱམནྟཱ. མནུསྶོ ཧུཏྭཱ དེཝོ ཧོཏི, དེཝོ ཧུཏྭཱ མནུསྶོ ¶ ཧོཏི, མནུསྶབྷཱུཏོ ཨཉྙོ, དེཝོ ཨཉྙོ, མནུསྶབྷཱུཏོ སྭེཝཱཡཾ སནྡྷཱཝཏཱིཏི མིཙྪཱ…པེ….

སཙེ ¶ ཧི སནྡྷཱཝཏི སྭེཝ པུགྒལོ ཨིཏོ ཙུཏོ པརཾ ལོཀཾ ཨནཉྙོ, ཧེཝཾ མརཎཾ ན ཧེཧིཏི, པཱཎཱཏིཔཱཏོཔི ནུཔལབྦྷཏི. ཀམྨཾ ཨཏྠི, ཀམྨཝིཔཱཀོ ཨཏྠི, ཀཏཱནཾ ཀམྨཱནཾ ཝིཔཱཀོ ཨཏྠི, ཀུསལཱཀུསལེ ཝིཔཙྩམཱནེ སྭེཝཱཡཾ སནྡྷཱཝཏཱིཏི མིཙྪཱ.

༧༩. སྭེཝ པུགྒལོ སནྡྷཱཝཏི ཨསྨཱ ལོཀཱ པརཾ ལོཀཾ, པརསྨཱ ལོཀཱ ཨིམཾ ལོཀནྟི? ཨཱམནྟཱ. ཨཏྠི ཀོཙི མནུསྶོ ཧུཏྭཱ ཡཀྑོ ཧོཏི, པེཏོ ཧོཏི, ནེརཡིཀོ ཧོཏི ¶ , ཏིརཙྪཱནགཏོ ཧོཏི, ཨོཊྛོ ཧོཏི, གོཎོ ཧོཏི, གདྲབྷོ ཧོཏི, སཱུཀརོ ཧོཏི, མཧིཾསོ [མཧིསོ (སཱི. སྱཱ. ཀཾ. པཱི.)] ཧོཏཱིཏི? ཨཱམནྟཱ. སྭེཝ མནུསྶོ སོ མཧིཾསོཏི? ན ཧེཝཾ ཝཏྟབྦེ…པེ….

༨༠. སྭེཝ མནུསྶོ སོ མཧིཾསོཏི? ཨཱམནྟཱ. མནུསྶོ ཧུཏྭཱ མཧིཾསོ ཧོཏི, མཧིཾསོ ཧུཏྭཱ མནུསྶོ ཧོཏི, མནུསྶབྷཱུཏོ ཨཉྙོ, མཧིཾསོ ཨཉྙོ, མནུསྶབྷཱུཏོ སྭེཝཱཡཾ སནྡྷཱཝཏཱིཏི མིཙྪཱ…པེ….

སཙེ ཧི སནྡྷཱཝཏི སྭེཝ པུགྒལོ ཨིཏོ ཙུཏོ པརཾ ལོཀཾ ཨནཉྙོ, ཧེཝཾ མརཎཾ ན ཧེཧིཏི, པཱཎཱཏིཔཱཏོཔི ནུཔལབྦྷཏི. ཀམྨཾ ཨཏྠི, ཀམྨཝིཔཱཀོ ཨཏྠི, ཀཏཱནཾ ཀམྨཱནཾ ཝིཔཱཀོ ཨཏྠི, ཀུསལཱཀུསལེ ཝིཔཙྩམཱནེ སྭེཝཱཡཾ སནྡྷཱཝཏཱིཏི མིཙྪཱ.

༨༡. སྭེཝ པུགྒལོ སནྡྷཱཝཏི ཨསྨཱ ལོཀཱ པརཾ ལོཀཾ, པརསྨཱ ལོཀཱ ཨིམཾ ལོཀནྟི? ཨཱམནྟཱ ¶ . ཨཏྠི ཀོཙི ཁཏྟིཡོ ཧུཏྭཱ བྲཱཧྨཎོ ཧོཏཱིཏི? ཨཱམནྟཱ. སྭེཝ ཁཏྟིཡོ སོ བྲཱཧྨཎོཏི ¶ ? ན ཧེཝཾ ཝཏྟབྦེ…པེ….

༨༢. ཨཏྠི ཀོཙི ཁཏྟིཡོ ཧུཏྭཱ ཝེསྶོ ཧོཏི, སུདྡོ ཧོཏཱིཏི? ཨཱམནྟཱ. སྭེཝ ཁཏྟིཡོ སོ སུདྡོཏི? ན ཧེཝཾ ཝཏྟབྦེ…པེ….

༨༣. ཨཏྠི ཀོཙི བྲཱཧྨཎོ ཧུཏྭཱ ཝེསྶོ ཧོཏི, སུདྡོ ཧོཏི, ཁཏྟིཡོ ཧོཏཱིཏི? ཨཱམནྟཱ. སྭེཝ བྲཱཧྨཎོ སོ ཁཏྟིཡོཏི? ན ཧེཝཾ ཝཏྟབྦེ…པེ….

༨༤. ཨཏྠི ¶ ཀོཙི ཝེསྶོ ཧུཏྭཱ སུདྡོ ཧོཏི, ཁཏྟིཡོ ཧོཏི, བྲཱཧྨཎོ ཧོཏཱིཏི? ཨཱམནྟཱ. སྭེཝ ཝེསྶོ སོ བྲཱཧྨཎོཏི? ན ཧེཝཾ ཝཏྟབྦེ…པེ….

༨༥. ཨཏྠི ཀོཙི སུདྡོ ཧུཏྭཱ ཁཏྟིཡོ ཧོཏི, བྲཱཧྨཎོ ཧོཏི, ཝེསྶོ ཧོཏཱིཏི? ཨཱམནྟཱ. སྭེཝ སུདྡོ སོ ཝེསྶོཏི? ན ཧེཝཾ ཝཏྟབྦེ…པེ….

༨༦. སྭེཝ པུགྒལོ སནྡྷཱཝཏི ཨསྨཱ ལོཀཱ པརཾ ལོཀཾ, པརསྨཱ ལོཀཱ ཨིམཾ ལོཀནྟི ¶ ? ཨཱམནྟཱ. ཧཏྠཙྪིནྣོ ཧཏྠཙྪིནྣོཝ ཧོཏི, པཱདཙྪིནྣོ པཱདཙྪིནྣོཝ ཧོཏི, ཧཏྠཔཱདཙྪིནྣོ ཧཏྠཔཱདཙྪིནྣོཝ ཧོཏི, ཀཎྞཙྪིནྣོ… ནཱསཙྪིནྣོ… ཀཎྞནཱསཙྪིནྣོ… ཨངྒུལིཙྪིནྣོ… ཨལ༹ཙྪིནྣོ… ཀཎྜརཙྪིནྣོ… ཀུཎིཧཏྠཀོ… ཕཎཧཏྠཀོ… ཀུཊྛིཡོ… གཎྜིཡོ… ཀིལཱསིཡོ… སོསིཡོ… ཨཔམཱརིཡོ… ཨོཊྛོ… གོཎོ… གདྲབྷོ… སཱུཀརོ… མཧིཾསོ མཧིཾསོཝ ཧོཏཱིཏི? ན ཧེཝཾ ཝཏྟབྦེ…པེ….

༨༧. ན ཝཏྟབྦཾ – ‘‘སྭེཝ པུགྒལོ སནྡྷཱཝཏི ཨསྨཱ ལོཀཱ པརཾ ལོཀཾ, པརསྨཱ ལོཀཱ ཨིམཾ ལོཀ’’ནྟི? ཨཱམནྟཱ. ནནུ ¶ སོཏཱཔནྣོ པུགྒལོ མནུསྶལོཀཱ ཙུཏོ དེཝལོཀཾ ཨུཔཔནྣོ ཏཏྠཔི སོཏཱཔནྣོཝ ¶ ཧོཏཱིཏི? ཨཱམནྟཱ.

ཧཉྩི སོཏཱཔནྣོ པུགྒལོ མནུསྶལོཀཱ ཙུཏོ དེཝལོཀཾ ཨུཔཔནྣོ ཏཏྠཔི སོཏཱཔནྣོཝ ཧོཏི, ཏེན ཝཏ རེ ཝཏྟབྦེ – ‘‘སྭེཝ པུགྒལོ སནྡྷཱཝཏི ཨསྨཱ ལོཀཱ པརཾ ལོཀཾ, པརསྨཱ ལོཀཱ ཨིམཾ ལོཀ’’ནྟི.

༨༨. སོཏཱཔནྣོ པུགྒལོ མནུསྶལོཀཱ ཙུཏོ དེཝལོཀཾ ཨུཔཔནྣོ ཏཏྠཔི སོཏཱཔནྣོཝ ཧོཏཱིཏི ཀཏྭཱ ཏེན ཙ ཀཱརཎེན སྭེཝ པུགྒལོ སནྡྷཱཝཏི ཨསྨཱ ལོཀཱ པརཾ ལོཀཾ, པརསྨཱ ལོཀཱ ཨིམཾ ལོཀནྟི? ཨཱམནྟཱ. སོཏཱཔནྣོ པུགྒལོ མནུསྶལོཀཱ ཙུཏོ དེཝལོཀཾ ཨུཔཔནྣོ ཏཏྠཔི མནུསྶོ ཧོཏཱིཏི ཀཏྭཱ? ན ཧེཝཾ ཝཏྟབྦེ…པེ….

༨༩. སྭེཝ ¶ པུགྒལོ སནྡྷཱཝཏི ཨསྨཱ ལོཀཱ པརཾ ལོཀཾ, པརསྨཱ ལོཀཱ ཨིམཾ ལོཀནྟི? ཨཱམནྟཱ. ཨནཉྙོ ཨཝིགཏོ སནྡྷཱཝཏཱིཏི? ན ཧེཝཾ ཝཏྟབྦེ…པེ….

༩༠. ཨནཉྙོ ཨཝིགཏོ སནྡྷཱཝཏཱིཏི? ཨཱམནྟཱ. ཧཏྠཙྪིནྣོ ཧཏྠཙྪིནྣོཝ ཧོཏི, པཱདཙྪིནྣོ པཱདཙྪིནྣོཝ ཧོཏི, ཧཏྠཔཱདཙྪིནྣོ ཧཏྠཔཱདཙྪིནྣོཝ ཧོཏི, ཀཎྞཙྪིནྣོ… ནཱསཙྪིནྣོ… ཀཎྞནཱསཙྪིནྣོ… ཨངྒུལིཙྪིནྣོ… ཨལ༹ཙྪིནྣོ… ཀཎྜརཙྪིནྣོ… ཀུཎིཧཏྠཀོ… ཕཎཧཏྠཀོ… ཀུཊྛིཡོ… གཎྜིཡོ… ཀིལཱསིཡོ… སོསིཡོ… ཨཔམཱརིཡོ… ཨོཊྛོ… གོཎོ… གདྲབྷོ… སཱུཀརོ… མཧིཾསོ མཧིཾསོཝ ཧོཏཱིཏི? ན ཧེཝཾ ཝཏྟབྦེ…པེ….

༩༡. སྭེཝ ¶ པུགྒལོ སནྡྷཱཝཏི ཨསྨཱ ལོཀཱ པརཾ ལོཀཾ, པརསྨཱ ¶ ལོཀཱ ཨིམཾ ལོཀནྟི? ཨཱམནྟཱ. སརཱུཔོ སནྡྷཱཝཏཱིཏི? ན ཧེཝཾ ཝཏྟབྦེ…པེ… སརཱུཔོ སནྡྷཱཝཏཱིཏི? ཨཱམནྟཱ. ཏཾ ཛཱིཝཾ ཏཾ སརཱིརནྟི? ན ཧེཝཾ ཝཏྟབྦེ…པེ….

སཝེདནོ…པེ… སསཉྙོ…པེ… སསངྑཱརོ…པེ… སཝིཉྙཱཎོ སནྡྷཱཝཏཱིཏི? ན ཧེཝཾ ཝཏྟབྦེ…པེ… སཝིཉྙཱཎོ སནྡྷཱཝཏཱིཏི? ཨཱམནྟཱ ¶ . ཏཾ ཛཱིཝཾ ཏཾ སརཱིརནྟི? ན ཧེཝཾ ཝཏྟབྦེ…པེ….

༩༢. སྭེཝ པུགྒལོ སནྡྷཱཝཏི ཨསྨཱ ལོཀཱ པརཾ ལོཀཾ, པརསྨཱ ལོཀཱ ཨིམཾ ལོཀནྟི? ཨཱམནྟཱ. ཨརཱུཔོ སནྡྷཱཝཏཱིཏི? ན ཧེཝཾ ཝཏྟབྦེ…པེ… ཨརཱུཔོ སནྡྷཱཝཏཱིཏི? ཨཱམནྟཱ. ཨཉྙཾ ཛཱིཝཾ ཨཉྙཾ སརཱིརནྟི? ན ཧེཝཾ ཝཏྟབྦེ…པེ….

ཨཝེདནོ…པེ… ཨསཉྙོ…པེ… ཨསངྑཱརོ…པེ… ཨཝིཉྙཱཎོ སནྡྷཱཝཏཱིཏི? ན ཧེཝཾ ཝཏྟབྦེ…པེ… ཨཝིཉྙཱཎོ སནྡྷཱཝཏཱིཏི? ཨཱམནྟཱ. ཨཉྙཾ ཛཱིཝཾ ཨཉྙཾ སརཱིརནྟི? ན ཧེཝཾ ཝཏྟབྦེ…པེ….

༩༣. སྭེཝ པུགྒལོ སནྡྷཱཝཏི ཨསྨཱ ལོཀཱ པརཾ ལོཀཾ, པརསྨཱ ལོཀཱ ཨིམཾ ལོཀནྟི? ཨཱམནྟཱ. རཱུཔཾ སནྡྷཱཝཏཱིཏི? ན ཧེཝཾ ཝཏྟབྦེ…པེ… རཱུཔཾ སནྡྷཱཝཏཱིཏི? ཨཱམནྟཱ. ཏཾ ཛཱིཝཾ ཏཾ སརཱིརནྟི? ན ཧེཝཾ ཝཏྟབྦེ…པེ….

ཝེདནཱ ¶ …པེ… སཉྙཱ…པེ… སངྑཱརཱ…པེ… ཝིཉྙཱཎཾ སནྡྷཱཝཏཱིཏི? ན ཧེཝཾ ཝཏྟབྦེ…པེ… ཝིཉྙཱཎཾ སནྡྷཱཝཏཱིཏི? ཨཱམནྟཱ. ཏཾ ཛཱིཝཾ ཏཾ སརཱིརནྟི? ན ཧེཝཾ ཝཏྟབྦེ…པེ….

༩༤. སྭེཝ ¶ པུགྒལོ སནྡྷཱཝཏི ཨསྨཱ ལོཀཱ པརཾ ལོཀཾ, པརསྨཱ ལོཀཱ ཨིམཾ ལོཀནྟི? ཨཱམནྟཱ. རཱུཔཾ ན སནྡྷཱཝཏཱིཏི? ན ཧེཝཾ ཝཏྟབྦེ…པེ… རཱུཔཾ ན སནྡྷཱཝཏཱིཏི? ཨཱམནྟཱ. ཨཉྙཾ ¶ ཛཱིཝཾ ཨཉྙཾ སརཱིརནྟི? ན ཧེཝཾ ཝཏྟབྦེ…པེ….

ཝེདནཱ ¶ …པེ… སཉྙཱ…པེ… སངྑཱརཱ…པེ… ཝིཉྙཱཎཾ ན སནྡྷཱཝཏཱིཏི? ན ཧེཝཾ ཝཏྟབྦེ…པེ… ཝིཉྙཱཎཾ ན སནྡྷཱཝཏཱིཏི? ཨཱམནྟཱ. ཨཉྙཾ ཛཱིཝཾ ཨཉྙཾ སརཱིརནྟི? ན ཧེཝཾ ཝཏྟབྦེ. (སཾཁིཏྟཾ).

ཁནྡྷེསུ བྷིཛྫམཱནེསུ, སོ ཙེ བྷིཛྫཏི པུགྒལོ;

ཨུཙྪེདཱ བྷཝཏི དིཊྛི, ཡཱ བུདྡྷེན ཝིཝཛྫིཏཱ.

ཁནྡྷེསུ བྷིཛྫམཱནེསུ, ནོ ཙེ བྷིཛྫཏི པུགྒལོ;

པུགྒལོ སསྶཏོ ཧོཏི, ནིབྦཱནེན སམསམོཏི.

གཏིཨནུཡོགོ.

༡༢. ཨུཔཱདཱཔཉྙཏྟཱནུཡོགོ

༩༥. རཱུཔཾ ཨུཔཱདཱཡ པུགྒལསྶ པཉྙཏྟཱིཏི? ཨཱམནྟཱ. རཱུཔཾ ཨནིཙྩཾ སངྑཏཾ པཊིཙྩསམུཔྤནྣཾ ཁཡདྷམྨཾ ཝཡདྷམྨཾ ཝིརཱགདྷམྨཾ ནིརོདྷདྷམྨཾ ཝིཔརིཎཱམདྷམྨནྟི? ཨཱམནྟཱ? པུགྒལོཔི ཨནིཙྩོ སངྑཏོ པཊིཙྩསམུཔྤནྣོ ཁཡདྷམྨོ ཝཡདྷམྨོ ཝིརཱགདྷམྨོ ནིརོདྷདྷམྨོ ཝིཔརིཎཱམདྷམྨོཏི? ན ཧེཝཾ ཝཏྟབྦེ…པེ….

༩༦. ཝེདནཾ ཨུཔཱདཱཡ… སཉྙཾ ཨུཔཱདཱཡ… སངྑཱརེ ཨུཔཱདཱཡ… ཝིཉྙཱཎཾ ཨུཔཱདཱཡ པུགྒལསྶ པཉྙཏྟཱིཏི? ཨཱམནྟཱ. ཝིཉྙཱཎཾ ¶ ཨནིཙྩཾ སངྑཏཾ པཊིཙྩསམུཔྤནྣཾ ཁཡདྷམྨཾ ཝཡདྷམྨཾ ཝིརཱགདྷམྨཾ ནིརོདྷདྷམྨཾ ཝིཔརིཎཱམདྷམྨནྟི? ཨཱམནྟཱ. པུགྒལོཔི ཨནིཙྩོ སངྑཏོ པཊིཙྩསམུཔྤནྣོ ཁཡདྷམྨོ ཝཡདྷམྨོ ཝིརཱགདྷམྨོ ནིརོདྷདྷམྨོ ཝིཔརིཎཱམདྷམྨོཏི? ན ཧེཝཾ ཝཏྟབྦེ…པེ….

༩༧. རཱུཔཾ ཨུཔཱདཱཡ པུགྒལསྶ པཉྙཏྟཱིཏི? ཨཱམནྟཱ. ནཱིལཾ རཱུཔཾ ཨུཔཱདཱཡ ནཱིལཀསྶ ¶ པུགྒལསྶ པཉྙཏྟཱིཏི? ན ཧེཝཾ ཝཏྟབྦེ…པེ… པཱིཏཾ ¶ རཱུཔཾ ཨུཔཱདཱཡ… ལོཧིཏཾ ¶ རཱུཔཾ ཨུཔཱདཱཡ… ཨོདཱཏཾ རཱུཔཾ ཨུཔཱདཱཡ… སནིདསྶནཾ རཱུཔཾ ཨུཔཱདཱཡ… ཨནིདསྶནཾ རཱུཔཾ ཨུཔཱདཱཡ… སཔྤཊིགྷཾ རཱུཔཾ ཨུཔཱདཱཡ… ཨཔྤཊིགྷཾ རཱུཔཾ ཨུཔཱདཱཡ ཨཔྤཊིགྷསྶ པུགྒལསྶ པཉྙཏྟཱིཏི? ན ཧེཝཾ ཝཏྟབྦེ…པེ….

༩༨. ཝེདནཾ ཨུཔཱདཱཡ པུགྒལསྶ པཉྙཏྟཱིཏི? ཨཱམནྟཱ. ཀུསལཾ ཝེདནཾ ཨུཔཱདཱཡ ཀུསལསྶ པུགྒལསྶ པཉྙཏྟཱིཏི? ན ཧེཝཾ ཝཏྟབྦེ…པེ… ཀུསལཾ ཝེདནཾ ཨུཔཱདཱཡ ཀུསལསྶ པུགྒལསྶ པཉྙཏྟཱིཏི? ཨཱམནྟཱ. ཀུསལཱ ཝེདནཱ སཕལཱ སཝིཔཱཀཱ ཨིཊྛཕལཱ ཀནྟཕལཱ མནུཉྙཕལཱ ཨསེཙནཀཕལཱ སུཁུདྲཡཱ སུཁཝིཔཱཀཱཏི? ཨཱམནྟཱ. ཀུསལོཔི པུགྒལོ སཕལོ སཝིཔཱཀོ ཨིཊྛཕལོ ཀནྟཕལོ མནུཉྙཕལོ ཨསེཙནཀཕལོ སུཁུདྲཡོ སུཁཝིཔཱཀོཏི? ན ཧེཝཾ ཝཏྟབྦེ…པེ….

༩༩. ཝེདནཾ ཨུཔཱདཱཡ པུགྒལསྶ པཉྙཏྟཱིཏི? ཨཱམནྟཱ. ཨཀུསལཾ ¶ ཝེདནཾ ཨུཔཱདཱཡ ཨཀུསལསྶ པུགྒལསྶ པཉྙཏྟཱིཏི? ན ཧེཝཾ ཝཏྟབྦེ…པེ… ཨཀུསལཾ ཝེདནཾ ཨུཔཱདཱཡ ཨཀུསལསྶ པུགྒལསྶ པཉྙཏྟཱིཏི? ཨཱམནྟཱ. ཨཀུསལཱ ཝེདནཱ སཕལཱ སཝིཔཱཀཱ ཨནིཊྛཕལཱ ཨཀནྟཕལཱ ¶ ཨམནུཉྙཕལཱ སེཙནཀཕལཱ དུཀྑུདྲཡཱ དུཀྑཝིཔཱཀཱཏི? ཨཱམནྟཱ. ཨཀུསལོཔི པུགྒལོ སཕལོ སཝིཔཱཀོ ཨནིཊྛཕལོ ཨཀནྟཕལོ ཨམནུཉྙཕལོ སེཙནཀཕལོ དུཀྑུདྲཡོ དུཀྑཝིཔཱཀོཏི? ན ཧེཝཾ ཝཏྟབྦེ…པེ….

༡༠༠. ཝེདནཾ ཨུཔཱདཱཡ པུགྒལསྶ པཉྙཏྟཱིཏི? ཨཱམནྟཱ. ཨབྱཱཀཏཾ ཝེདནཾ ཨུཔཱདཱཡ ཨབྱཱཀཏསྶ པུགྒལསྶ པཉྙཏྟཱིཏི? ན ཧེཝཾ ཝཏྟབྦེ…པེ… ཨབྱཱཀཏཾ ཝེདནཾ ཨུཔཱདཱཡ ཨབྱཱཀཏསྶ པུགྒལསྶ པཉྙཏྟཱིཏི? ཨཱམནྟཱ. ཨབྱཱཀཏཱ ཝེདནཱ ཨནིཙྩཱ སངྑཏཱ པཊིཙྩསམུཔྤནྣཱ ཁཡདྷམྨཱ ཝཡདྷམྨཱ ཝིརཱགདྷམྨཱ ནིརོདྷདྷམྨཱ ཝིཔརིཎཱམདྷམྨཱཏི? ཨཱམནྟཱ. ཨབྱཱཀཏོཔི པུགྒལོ ཨནིཙྩོ སངྑཏོ པཊིཙྩསམུཔྤནྣོ ཁཡདྷམྨོ ཝཡདྷམྨོ ཝིརཱགདྷམྨོ ནིརོདྷདྷམྨོ ཝིཔརིཎཱམདྷམྨོཏི? ན ཧེཝཾ ཝཏྟབྦེ…པེ….

༡༠༡. སཉྙཾ ཨུཔཱདཱཡ… སངྑཱརེ ཨུཔཱདཱཡ… ཝིཉྙཱཎཾ ཨུཔཱདཱཡ པུགྒལསྶ པཉྙཏྟཱིཏི? ཨཱམནྟཱ. ཀུསལཾ ཝིཉྙཱཎཾ ཨུཔཱདཱཡ ཀུསལསྶ པུགྒལསྶ པཉྙཏྟཱིཏི? ན ཧེཝཾ ¶ ཝཏྟབྦེ…པེ… ཀུསལཾ ཝིཉྙཱཎཾ ཨུཔཱདཱཡ ཀུསལསྶ པུགྒལསྶ པཉྙཏྟཱིཏི? ཨཱམནྟཱ. ཀུསལཾ ཝིཉྙཱཎཾ སཕལཾ སཝིཔཱཀཾ ཨིཊྛཕལཾ ཀནྟཕལཾ མནུཉྙཕལཾ ཨསེཙནཀཕལཾ ¶ སུཁུདྲཡཾ སུཁཝིཔཱཀནྟི ¶ ? ཨཱམནྟཱ. ཀུསལོཔི པུགྒལོ སཕལོ སཝིཔཱཀོ ཨིཊྛཕལོ ཀནྟཕལོ མནུཉྙཕལོ ཨསེཙནཀཕལོ སུཁུདྲཡོ སུཁཝིཔཱཀོཏི? ན ཧེཝཾ ཝཏྟབྦེ…པེ….

༡༠༢. ཝིཉྙཱཎཾ ཨུཔཱདཱཡ པུགྒལསྶ པཉྙཏྟཱིཏི? ཨཱམནྟཱ. ཨཀུསལཾ ¶ ཝིཉྙཱཎཾ ཨུཔཱདཱཡ ཨཀུསལསྶ པུགྒལསྶ པཉྙཏྟཱིཏི? ན ཧེཝཾ ཝཏྟབྦེ…པེ… ཨཀུསལཾ ཝིཉྙཱཎཾ ཨུཔཱདཱཡ ཨཀུསལསྶ པུགྒལསྶ པཉྙཏྟཱིཏི? ཨཱམནྟཱ. ཨཀུསལཾ ཝིཉྙཱཎཾ སཕལཾ སཝིཔཱཀཾ ཨནིཊྛཕལཾ ཨཀནྟཕལཾ ཨམནུཉྙཕལཾ སེཙནཀཕལཾ དུཀྑུདྲཡཾ དུཀྑཝིཔཱཀནྟི? ཨཱམནྟཱ. ཨཀུསལོཔི པུགྒལོ སཕལོ སཝིཔཱཀོ ཨནིཊྛཕལོ ཨཀནྟཕལོ ཨམནུཉྙཕལོ སེཙནཀཕལོ དུཀྑུདྲཡོ དུཀྑཝིཔཱཀོཏི? ན ཧེཝཾ ཝཏྟབྦེ…པེ….

༡༠༣. ཝིཉྙཱཎཾ ཨུཔཱདཱཡ པུགྒལསྶ པཉྙཏྟཱིཏི? ཨཱམནྟཱ. ཨབྱཱཀཏཾ ཝིཉྙཱཎཾ ཨུཔཱདཱཡ ཨབྱཱཀཏསྶ པུགྒལསྶ པཉྙཏྟཱིཏི? ན ཧེཝཾ ཝཏྟབྦེ…པེ… ཨབྱཱཀཏཾ ཝིཉྙཱཎཾ ཨུཔཱདཱཡ ཨབྱཱཀཏསྶ པུགྒལསྶ པཉྙཏྟཱིཏི? ཨཱམནྟཱ. ཨབྱཱཀཏཾ ཝིཉྙཱཎཾ ཨནིཙྩཾ སངྑཏཾ པཊིཙྩསམུཔྤནྣཾ ཁཡདྷམྨཾ ཝཡདྷམྨཾ ཝིརཱགདྷམྨཾ ནིརོདྷདྷམྨཾ ཝིཔརིཎཱམདྷམྨནྟི? ཨཱམནྟཱ. ཨབྱཱཀཏོཔི པུགྒལོ ཨནིཙྩོ སངྑཏོ པཊིཙྩསམུཔྤནྣོ ཁཡདྷམྨོ ཝཡདྷམྨོ ཝིརཱགདྷམྨོ ནིརོདྷདྷམྨོ ཝིཔརིཎཱམདྷམྨོཏི? ན ཧེཝཾ ཝཏྟབྦེ…པེ….

༡༠༤. ཙཀྑུཾ ཨུཔཱདཱཡ ‘‘ཙཀྑུམཱ པུགྒལོ’’ཏི ཝཏྟབྦོཏི? ཨཱམནྟཱ ¶ . ཙཀྑུམྷི ནིརུདྡྷེ ‘‘ཙཀྑུམཱ པུགྒལོ ནིརུདྡྷོ’’ཏི ཝཏྟབྦོཏི? ན ཧེཝཾ ཝཏྟབྦེ…པེ… སོཏཾ ཨུཔཱདཱཡ… གྷཱནཾ ཨུཔཱདཱཡ… ཛིཝ྄ཧཾ ཨུཔཱདཱཡ… ཀཱཡཾ ¶ ཨུཔཱདཱཡ… མནཾ ཨུཔཱདཱཡ ‘‘མནཝཱ པུགྒལོ’’ཏི ཝཏྟབྦོཏི? ཨཱམནྟཱ. མནམྷི ནིརུདྡྷེ ‘‘མནཝཱ པུགྒལོ ནིརུདྡྷོ’’ཏི ཝཏྟབྦོཏི? ན ཧེཝཾ ཝཏྟབྦེ.

༡༠༥. མིཙྪཱདིཊྛིཾ ཨུཔཱདཱཡ ‘‘མིཙྪཱདིཊྛིཡོ པུགྒལོ’’ཏི ཝཏྟབྦོཏི? ཨཱམནྟཱ. མིཙྪཱདིཊྛིཡཱ ནིརུདྡྷཱཡ ‘‘མིཙྪཱདིཊྛིཡོ པུགྒལོ ནིརུདྡྷོ’’ཏི ཝཏྟབྦོཏི? ན ཧེཝཾ ཝཏྟབྦེ. མིཙྪཱསངྐཔྤཾ ཨུཔཱདཱཡ… མིཙྪཱཝཱཙཾ ཨུཔཱདཱཡ… མིཙྪཱཀམྨནྟཾ ཨུཔཱདཱཡ… མིཙྪཱཨཱཛཱིཝཾ ཨུཔཱདཱཡ ¶ … མིཙྪཱཝཱཡཱམཾ ཨུཔཱདཱཡ… མིཙྪཱསཏིཾ ཨུཔཱདཱཡ… མིཙྪཱསམཱདྷིཾ ཨུཔཱདཱཡ ‘‘མིཙྪཱསམཱདྷིཡོ པུགྒལོ’’ཏི ཝཏྟབྦོཏི? ཨཱམནྟཱ. མིཙྪཱསམཱདྷིམྷི ནིརུདྡྷེ ‘‘མིཙྪཱསམཱདྷིཡོ པུགྒལོ ནིརུདྡྷོ’’ཏི ཝཏྟབྦོཏི? ན ཧེཝཾ ཝཏྟབྦེ.

༡༠༦. སམྨཱདིཊྛིཾ ¶ ཨུཔཱདཱཡ ‘‘སམྨཱདིཊྛིཡོ པུགྒལོ’’ཏི ཝཏྟབྦོཏི? ཨཱམནྟཱ. སམྨཱདིཊྛིཡཱ ནིརུདྡྷཱཡ ‘‘སམྨཱདིཊྛིཡོ པུགྒལོ ནིརུདྡྷོ’’ཏི ཝཏྟབྦོཏི? ན ཧེཝཾ ཝཏྟབྦེ…པེ… སམྨཱསངྐཔྤཾ ཨུཔཱདཱཡ… སམྨཱཝཱཙཾ ཨུཔཱདཱཡ… སམྨཱཀམྨནྟཾ ཨུཔཱདཱཡ… སམྨཱཨཱཛཱིཝཾ ཨུཔཱདཱཡ… སམྨཱཝཱཡཱམཾ ཨུཔཱདཱཡ… སམྨཱསཏིཾ ཨུཔཱདཱཡ… སམྨཱསམཱདྷིཾ ¶ ཨུཔཱདཱཡ ‘‘སམྨཱསམཱདྷིཡོ པུགྒལོ’’ཏི ཝཏྟབྦོཏི? ཨཱམནྟཱ. སམྨཱསམཱདྷིམྷི ¶ ནིརུདྡྷེ ‘‘སམྨཱསམཱདྷིཡོ པུགྒལོ ནིརུདྡྷོ’’ཏི ཝཏྟབྦོཏི? ན ཧེཝཾ ཝཏྟབྦེ…པེ….

༡༠༧. རཱུཔཾ ཨུཔཱདཱཡ, ཝེདནཾ ཨུཔཱདཱཡ པུགྒལསྶ པཉྙཏྟཱིཏི? ཨཱམནྟཱ. དྭིནྣཾ ཁནྡྷཱནཾ ཨུཔཱདཱཡ དྭིནྣཾ པུགྒལཱནཾ པཉྙཏྟཱིཏི? ན ཧེཝཾ ཝཏྟབྦེ…པེ… རཱུཔཾ ཨུཔཱདཱཡ, ཝེདནཾ ཨུཔཱདཱཡ, སཉྙཾ ཨུཔཱདཱཡ, སངྑཱརེ ཨུཔཱདཱཡ, ཝིཉྙཱཎཾ ཨུཔཱདཱཡ པུགྒལསྶ པཉྙཏྟཱིཏི? ཨཱམནྟཱ. པཉྩནྣཾ ཁནྡྷཱནཾ ཨུཔཱདཱཡ པཉྩནྣཾ པུགྒལཱནཾ པཉྙཏྟཱིཏི? ན ཧེཝཾ ཝཏྟབྦེ…པེ….

༡༠༨. ཙཀྑཱཡཏནཾ ཨུཔཱདཱཡ, སོཏཱཡཏནཾ ཨུཔཱདཱཡ པུགྒལསྶ པཉྙཏྟཱིཏི? ཨཱམནྟཱ. དྭིནྣཾ ཨཱཡཏནཱནཾ ཨུཔཱདཱཡ དྭིནྣཾ པུགྒལཱནཾ པཉྙཏྟཱིཏི? ན ཧེཝཾ ཝཏྟབྦེ…པེ… ཙཀྑཱཡཏནཾ ཨུཔཱདཱཡ, སོཏཱཡཏནཾ ཨུཔཱདཱཡ…པེ… དྷམྨཱཡཏནཾ ཨུཔཱདཱཡ པུགྒལསྶ པཉྙཏྟཱིཏི? ཨཱམནྟཱ. དྭཱདསནྣཾ ཨཱཡཏནཱནཾ ཨུཔཱདཱཡ དྭཱདསནྣཾ པུགྒལཱནཾ པཉྙཏྟཱིཏི? ན ཧེཝཾ ཝཏྟབྦེ…པེ….

༡༠༩. ཙཀྑུདྷཱཏུཾ ཨུཔཱདཱཡ, སོཏདྷཱཏུཾ ཨུཔཱདཱཡ པུགྒལསྶ པཉྙཏྟཱིཏི? ཨཱམནྟཱ. དྭིནྣཾ དྷཱཏཱུནཾ ཨུཔཱདཱཡ དྭིནྣཾ པུགྒལཱནཾ པཉྙཏྟཱིཏི? ན ཧེཝཾ ཝཏྟབྦེ…པེ… ཙཀྑུདྷཱཏུཾ ཨུཔཱདཱཡ, སོཏདྷཱཏུཾ ཨུཔཱདཱཡ…པེ… དྷམྨདྷཱཏུཾ ཨུཔཱདཱཡ ¶ པུགྒལསྶ པཉྙཏྟཱིཏི? ཨཱམནྟཱ ¶ . ཨཊྛཱརསནྣཾ དྷཱཏཱུནཾ ཨུཔཱདཱཡ ཨཊྛཱརསནྣཾ པུགྒལཱནཾ པཉྙཏྟཱིཏི? ན ཧེཝཾ ཝཏྟབྦེ…པེ….

༡༡༠. ཙཀྑུནྡྲིཡཾ ¶ ཨུཔཱདཱཡ, སོཏིནྡྲིཡཾ ཨུཔཱདཱཡ པུགྒལསྶ པཉྙཏྟཱིཏི? ཨཱམནྟཱ. དྭིནྣཾ ཨིནྡྲིཡཱནཾ ཨུཔཱདཱཡ དྭིནྣཾ པུགྒལཱནཾ པཉྙཏྟཱིཏི? ན ཧེཝཾ ཝཏྟབྦེ…པེ… ཙཀྑུནྡྲིཡཾ ཨུཔཱདཱཡ, སོཏིནྡྲིཡཾ ཨུཔཱདཱཡ…པེ… ཨཉྙཱཏཱཝིནྡྲིཡཾ ཨུཔཱདཱཡ པུགྒལསྶ པཉྙཏྟཱིཏི? ཨཱམནྟཱ. བཱཝཱིསཏཱིནཾ [བཱཝཱིསཏིཡཱ (?)] ཨིནྡྲིཡཱནཾ ཨུཔཱདཱཡ བཱཝཱིསཏཱིནཾ པུགྒལཱནཾ པཉྙཏྟཱིཏི? ན ཧེཝཾ ཝཏྟབྦེ…པེ….

༡༡༡. ཨེཀཝོཀཱརབྷཝཾ ¶ ཨུཔཱདཱཡ ཨེཀསྶ པུགྒལསྶ པཉྙཏྟཱིཏི? ཨཱམནྟཱ. ཙཏུཝོཀཱརབྷཝཾ ཨུཔཱདཱཡ ཙཏུནྣཾ པུགྒལཱནཾ པཉྙཏྟཱིཏི? ན ཧེཝཾ ཝཏྟབྦེ…པེ… ཨེཀཝོཀཱརབྷཝཾ ཨུཔཱདཱཡ ཨེཀསྶ པུགྒལསྶ པཉྙཏྟཱིཏི? ཨཱམནྟཱ. པཉྩཝོཀཱརབྷཝཾ ཨུཔཱདཱཡ པཉྩནྣཾ པུགྒལཱནཾ པཉྙཏྟཱིཏི? ན ཧེཝཾ ཝཏྟབྦེ…པེ… ཨེཀཝོཀཱརབྷཝེ ཨེཀོཝ པུགྒལོཏི? ཨཱམནྟཱ. ཙཏུཝོཀཱརབྷཝེ ཙཏྟཱརོཝ [ཙཏྟཱརོ (?)] པུགྒལཱཏི? ན ཧེཝཾ ཝཏྟབྦེ…པེ… ཨེཀཝོཀཱརབྷཝེ ཨེཀོཝ པུགྒལོཏི? ཨཱམནྟཱ. པཉྩཝོཀཱརབྷཝེ པཉྩེཝ པུགྒལཱཏི? ན ཧེཝཾ ཝཏྟབྦེ…པེ….

༡༡༢. ཡཐཱ ¶ རུཀྑཾ ཨུཔཱདཱཡ ཚཱཡཱཡ པཉྙཏྟི, ཨེཝམེཝཾ རཱུཔཾ ¶ ཨུཔཱདཱཡ པུགྒལསྶ པཉྙཏྟཱིཏི? ( ) [(ཨཱམནྟཱ) (?) ཨེཝཾ ཨནནྟརཝཱརཏྟཡེཔི] ཡཐཱ རུཀྑཾ ཨུཔཱདཱཡ ཚཱཡཱཡ པཉྙཏྟི, རུཀྑོཔི ཨནིཙྩོ ཚཱཡཱཔི ཨནིཙྩཱ, ཨེཝམེཝཾ རཱུཔཾ ཨུཔཱདཱཡ པུགྒལསྶ པཉྙཏྟི, རཱུཔམྤི ཨནིཙྩཾ པུགྒལོཔི ཨནིཙྩོཏི? ན ཧེཝཾ ཝཏྟབྦེ…པེ… ཡཐཱ རུཀྑཾ ཨུཔཱདཱཡ ཚཱཡཱཡ པཉྙཏྟི, ཨཉྙོ རུཀྑོ ཨཉྙཱ ཚཱཡཱ, ཨེཝམེཝཾ རཱུཔཾ ཨུཔཱདཱཡ པུགྒལསྶ པཉྙཏྟི, ཨཉྙཾ རཱུཔཾ ཨཉྙོ པུགྒལོཏི? ན ཧེཝཾ ཝཏྟབྦེ…པེ….

༡༡༣. ཡཐཱ གཱམཾ ཨུཔཱདཱཡ གཱམིཀསྶ པཉྙཏྟི, ཨེཝམེཝཾ རཱུཔཾ ཨུཔཱདཱཡ པུགྒལསྶ པཉྙཏྟཱིཏི? ཡཐཱ གཱམཾ ཨུཔཱདཱཡ གཱམིཀསྶ པཉྙཏྟི, ཨཉྙོ གཱམོ ཨཉྙོ གཱམིཀོ, ཨེཝམེཝཾ རཱུཔཾ ཨུཔཱདཱཡ པུགྒལསྶ པཉྙཏྟི, ཨཉྙཾ རཱུཔཾ ཨཉྙོ པུགྒལོཏི? ན ཧེཝཾ ཝཏྟབྦེ…པེ….

༡༡༤. ཡཐཱ རཊྛཾ ཨུཔཱདཱཡ རཉྙོ པཉྙཏྟི, ཨེཝམེཝཾ རཱུཔཾ ཨུཔཱདཱཡ པུགྒལསྶ པཉྙཏྟཱིཏི ¶ ? ཡཐཱ རཊྛཾ ཨུཔཱདཱཡ རཉྙོ པཉྙཏྟི, ཨཉྙཾ རཊྛཾ ཨཉྙོ རཱཛཱ, ཨེཝམེཝཾ རཱུཔཾ ཨུཔཱདཱཡ པུགྒལསྶ པཉྙཏྟི, ཨཉྙཾ རཱུཔཾ ཨཉྙོ པུགྒལོཏི? ན ཧེཝཾ ཝཏྟབྦེ…པེ….

༡༡༥. ཡཐཱ ན ནིགལོ༹ ནེགལི༹ཀོ, ཡསྶ ནིགལོ༹ སོ ནེགལི༹ཀོ, ཨེཝམེཝཾ ན རཱུཔཾ རཱུཔཝཱ, ཡསྶ རཱུཔཾ སོ རཱུཔཝཱཏི? ཡཐཱ ན ནིགལོ༹ ནེགལི༹ཀོ, ཡསྶ ནིགལོ༹ སོ ནེགལི༹ཀོ, ཨཉྙོ ནིགལོ༹ ཨཉྙོ ནེགལི༹ཀོ, ཨེཝམེཝཾ ན རཱུཔཾ རཱུཔཝཱ, ཡསྶ རཱུཔཾ སོ རཱུཔཝཱ, ཨཉྙཾ རཱུཔཾ ཨཉྙོ རཱུཔཝཱཏི? ན ཧེཝཾ ཝཏྟབྦེ…པེ….

༡༡༦. ཙིཏྟེ ¶ ཙིཏྟེ པུགྒལསྶ པཉྙཏྟཱིཏི? ཨཱམནྟཱ. ཙིཏྟེ ¶ ཙིཏྟེ པུགྒལོ ཛཱཡཏི ཛཱིཡཏི མཱིཡཏི ཙཝཏི ཨུཔཔཛྫཏཱིཏི? ན ཧེཝཾ ཝཏྟབྦེ…པེ… དུཏིཡེ ཙིཏྟེ ཨུཔྤནྣེ ན ཝཏྟབྦཾ སོཏི ཝཱ ཨཉྙོཏི ཝཱཏི? ཨཱམནྟཱ ¶ . དུཏིཡེ ཙིཏྟེ ཨུཔྤནྣེ ན ཝཏྟབྦཾ ཀུམཱརཀོཏི ཝཱ ཀུམཱརིཀཱཏི ཝཱཏི? ཝཏྟབྦཾ.

ཨཱཛཱནཱཧི ནིགྒཧཾ. ཧཉྩི དུཏིཡེ ཙིཏྟེ ཨུཔྤནྣེ ན ཝཏྟབྦཾ – ‘‘སོཏི ཝཱ ཨཉྙོཏི ཝཱ,’’ ཏེན ཝཏ རེ ཝཏྟབྦེ – ‘‘དུཏིཡེ ཙིཏྟེ ཨུཔྤནྣེ ན ཝཏྟབྦཾ – ‘ཀུམཱརཀོཏི ཝཱ ཀུམཱརིཀཱཏི ཝཱ’’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘དུཏིཡེ ཙིཏྟེ ཨུཔྤནྣེ ན ཝཏྟབྦཾ – སོཏི ཝཱ ཨཉྙོཏི ཝཱ, དུཏིཡེ ཙིཏྟེ ཨུཔྤནྣེ ཝཏྟབྦཾ – ཀུམཱརཀོཏི ཝཱ ཀུམཱརིཀཱཏི ཝཱ’’’ཏི མིཙྪཱ.

ཧཉྩི ཝཱ པན དུཏིཡེ ཙིཏྟེ ཨུཔྤནྣེ ཝཏྟབྦཾ – ‘‘ཀུམཱརཀོཏི ཝཱ ཀུམཱརིཀཱ’’ཏི ཝཱ, ཏེན ཝཏ རེ ཝཏྟབྦེ – ‘‘དུཏིཡེ ཙིཏྟེ ཨུཔྤནྣེ ཝཏྟབྦཾ – ‘སོཏི ཝཱ ཨཉྙོཏི ཝཱ’’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘དུཏིཡེ ཙིཏྟེ ཨུཔྤནྣེ ན ཝཏྟབྦཾ – སོཏི ཝཱ ཨཉྙོཏི ཝཱ, དུཏིཡེ ཙིཏྟེ ཨུཔྤནྣེ ཝཏྟབྦཾ – ཀུམཱརཀོཏི ཝཱ ཀུམཱརིཀཱཏི ཝཱ’’’ཏི མིཙྪཱ.

༡༡༧. དུཏིཡེ ཙིཏྟེ ཨུཔྤནྣེ ན ཝཏྟབྦཾ – ‘‘སོཏི ཝཱ ཨཉྙོཏི ཝཱ’’ཏི? ཨཱམནྟཱ. དུཏིཡེ ཙིཏྟེ ཨུཔྤནྣེ ན ཝཏྟབྦཾ – ‘‘ཨིཏྠཱིཏི ཝཱ པུརིསོཏི ཝཱ གཧཊྛོཏི ཝཱ པབྦཛིཏོཏི ཝཱ དེཝོཏི ཝཱ མནུསྶོཏི ཝཱ’’ཏི? ཝཏྟབྦཾ.

ཨཱཛཱནཱཧི ¶ ནིགྒཧཾ. ཧཉྩི དུཏིཡེ ཙིཏྟེ ཨུཔྤནྣེ ན ཝཏྟབྦཾ – ‘‘སོཏི ཝཱ ཨཉྙོཏི ཝཱ,’’ ཏེན ཝཏ རེ ཝཏྟབྦེ – ‘‘དུཏིཡེ ཙིཏྟེ ¶ ཨུཔྤནྣེ ན ཝཏྟབྦཾ – ‘དེཝོཏི ཝཱ མནུསྶོཏི ཝཱ’’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘དུཏིཡེ ཙིཏྟེ ཨུཔྤནྣེ ན ཝཏྟབྦཾ – སོཏི ཝཱ ཨཉྙོཏི ཝཱ, དུཏིཡེ ཙིཏྟེ ཨུཔྤནྣེ ཝཏྟབྦཾ – དེཝོཏི ཝཱ མནུསྶོཏི ཝཱ’’’ཏི མིཙྪཱ.

ཧཉྩི ཝཱ པན དུཏིཡེ ཙིཏྟེ ཨུཔྤནྣེ ཝཏྟབྦཾ – ‘‘དེཝོཏི ཝཱ མནུསྶོཏི ཝཱ,’’ ཏེན ཝཏ རེ ཝཏྟབྦེ – ‘‘དུཏིཡེ ཙིཏྟེ ཨུཔྤནྣེ ཝཏྟབྦཾ – ‘སོཏི ཝཱ ཨཉྙོཏི ཝཱ’’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘དུཏིཡེ ཙིཏྟེ ཨུཔྤནྣེ ན ཝཏྟབྦཾ – སོཏི ཝཱ ཨཉྙོཏི ཝཱ, དུཏིཡེ ཙིཏྟེ ཨུཔྤནྣེ ཝཏྟབྦཾ – དེཝོཏི ཝཱ མནུསྶོཏི ཝཱ’’’ཏི མིཙྪཱ…པེ….

༡༡༨. ན ¶ ཝཏྟབྦཾ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི? ཨཱམནྟཱ. ནནུ ¶ ཡོ པསྶཏི ཡཾ པསྶཏི ཡེན པསྶཏི, སོ པསྶཏི ཏཾ པསྶཏི ཏེན པསྶཏཱིཏི? ཨཱམནྟཱ. ཧཉྩི ཡོ པསྶཏི ཡཾ པསྶཏི ཡེན པསྶཏི, སོ པསྶཏི ཏཾ པསྶཏི ཏེན པསྶཏི; ཏེན ཝཏ རེ ཝཏྟབྦེ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི.

༡༡༩. ན ཝཏྟབྦཾ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི? ཨཱམནྟཱ. ནནུ ཡོ སུཎཱཏི…པེ… ཡོ གྷཱཡཏི… ཡོ སཱཡཏི… ཡོ ཕུསཏི… ཡོ ཝིཛཱནཱཏི ཡཾ ཝིཛཱནཱཏི ཡེན ཝིཛཱནཱཏི, སོ ཝིཛཱནཱཏི ཏཾ ཝིཛཱནཱཏི ཏེན ཝིཛཱནཱཏཱིཏི? ཨཱམནྟཱ. ཧཉྩི ཡོ ཝིཛཱནཱཏི ཡཾ ཝིཛཱནཱཏི ཡེན ཝིཛཱནཱཏི, སོ ཝིཛཱནཱཏི ཏཾ ཝིཛཱནཱཏི ཏེན ཝིཛཱནཱཏི; ཏེན ཝཏ རེ ཝཏྟབྦེ – ‘‘པུགྒལོ ཨུཔལབྦྷཏི ¶ སཙྩིཀཊྛཔརམཏྠེནཱ’’ཏི.

༡༢༠. པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ནནུ ཡོ ན པསྶཏི ཡཾ ན པསྶཏི ཡེན ན པསྶཏི, སོ ན པསྶཏི ཏཾ ན པསྶཏི ཏེན ན པསྶཏཱིཏི? ཨཱམནྟཱ. ཧཉྩི ཡོ ན པསྶཏི ཡཾ ན པསྶཏི ཡེན ན པསྶཏི, སོ ན པསྶཏི ཏཾ ན པསྶཏི ཏེན ན པསྶཏི; ནོ ཙ ཝཏ རེ ཝཏྟབྦེ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི.

པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ནནུ ཡོ ན སུཎཱཏི…པེ… ཡོ ¶ ན གྷཱཡཏི… ཡོ ན སཱཡཏི… ཡོ ན ཕུསཏི… ཡོ ན ཝིཛཱནཱཏི ཡཾ ན ཝིཛཱནཱཏི ཡེན ན ཝིཛཱནཱཏི, སོ ན ཝིཛཱནཱཏི ཏཾ ན ཝིཛཱནཱཏི ཏེན ན ཝིཛཱནཱཏཱིཏི? ཨཱམནྟཱ. ཧཉྩི ཡོ ན ཝིཛཱནཱཏི ཡཾ ན ཝིཛཱནཱཏི ཡེན ན ཝིཛཱནཱཏི, སོ ན ཝིཛཱནཱཏི ཏཾ ན ཝིཛཱནཱཏི ཏེན ན ཝིཛཱནཱཏི; ནོ ཙ ཝཏ རེ ¶ ཝཏྟབྦེ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི.

༡༢༡. ན ཝཏྟབྦཾ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘པསྶཱམཧཾ, བྷིཀྑཝེ, དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན སཏྟེ ཙཝམཱནེ ཨུཔཔཛྫམཱནེ ཧཱིནེ པཎཱིཏེ སུཝཎྞེ དུབྦཎྞེ, སུགཏེ དུགྒཏེ ཡཐཱཀམྨཱུཔགེ སཏྟེ པཛཱནཱམཱི’’ཏི [མ. ནི. ༡.༢༡༣ ཐོཀཾ ཝིསདིསཾ]! ཨཏྠེཝ སུཏྟནྟོཏི? ཨཱམནྟཱ. ཏེན ཧི པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི.

༡༢༢. ཝུཏྟཾ ¶ བྷགཝཏཱ – ‘‘པསྶཱམཧཾ, བྷིཀྑཝེ, དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན སཏྟེ ཙཝམཱནེ ཨུཔཔཛྫམཱནེ ¶ ཧཱིནེ པཎཱིཏེ སུཝཎྞེ དུབྦཎྞེ, སུགཏེ དུགྒཏེ ཡཐཱཀམྨཱུཔགེ སཏྟེ པཛཱནཱམཱི’’ཏི ཀཏྭཱ ཏེནེཝ ཀཱརཎེན པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. བྷགཝཱ དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན རཱུཔཾ པསྶཏི པུགྒལཾ པསྶཏཱིཏི? རཱུཔཾ པསྶཏི. རཱུཔཾ པུགྒལོ, རཱུཔཾ ཙཝཏི, རཱུཔཾ ཨུཔཔཛྫཏི, རཱུཔཾ ཡཐཱཀམྨཱུཔགནྟི? ན ཧེཝཾ ཝཏྟབྦེ.

བྷགཝཱ དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན རཱུཔཾ པསྶཏི པུགྒལཾ པསྶཏཱིཏི? པུགྒལཾ པསྶཏི. པུགྒལོ རཱུཔཾ རཱུཔཱཡཏནཾ རཱུཔདྷཱཏུ ནཱིལཾ པཱིཏཀཾ ལོཧིཏཀཾ ཨོདཱཏཾ ཙཀྑུཝིཉྙེཡྻཾ ཙཀྑུསྨིཾ པཊིཧཉྙཏི, ཙཀྑུསྶ ཨཱཔཱཐཾ ཨཱགཙྪཏཱིཏི? ན ཧེཝཾ ཝཏྟབྦེ.

བྷགཝཱ དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན རཱུཔཾ པསྶཏི པུགྒལཾ པསྶཏཱིཏི? ཨུབྷོ པསྶཏི. ཨུབྷོ རཱུཔཾ རཱུཔཱཡཏནཾ རཱུཔདྷཱཏུ, ཨུབྷོ ནཱིལཱ, ཨུབྷོ པཱིཏཀཱ, ཨུབྷོ ལོཧིཏཀཱ, ཨུབྷོ ཨོདཱཏཱ, ཨུབྷོ ཙཀྑུཝིཉྙེཡྻཱ, ཨུབྷོ ¶ ཙཀྑུསྨིཾ པཊིཧཉྙནྟི, ཨུབྷོ ¶ ཙཀྑུསྶ ཨཱཔཱཐཾ ཨཱགཙྪནྟི, ཨུབྷོ ཙཝནྟི, ཨུབྷོ ཨུཔཔཛྫནྟི, ཨུབྷོ ཡཐཱཀམྨཱུཔགཱཏི? ན ཧེཝཾ ཝཏྟབྦེ.

ཨུཔཱདཱཔཉྙཏྟཱནུཡོགོ.

༡༣. པུརིསཀཱརཱནུཡོགོ

༡༢༣. ཀལྱཱཎཔཱཔཀཱནི ཀམྨཱནི ཨུཔལབྦྷནྟཱིཏི? ཨཱམནྟཱ. ཀལྱཱཎཔཱཔཀཱནཾ ཀམྨཱནཾ ཀཏྟཱ ཀཱརེཏཱ ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༢༤. ཀལྱཱཎཔཱཔཀཱནི ཀམྨཱནི ཨུཔལབྦྷནྟཱིཏི, ཀལྱཱཎཔཱཔཀཱནཾ ¶ ཀམྨཱནཾ ཀཏྟཱ ཀཱརེཏཱ ཨུཔལབྦྷཏཱིཏི? ཨཱམནྟཱ. ཏསྶ ཀཏྟཱ ཀཱརེཏཱ ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༢༥. ཏསྶ ཀཏྟཱ ཀཱརེཏཱ ཨུཔལབྦྷཏཱིཏི? ཨཱམནྟཱ. ཏསྶ ཏསྶེཝ ནཏྠི དུཀྑསྶ ཨནྟཀིརིཡཱ, ནཏྠི ཝཊྚུཔཙྪེདོ, ནཏྠི ཨནུཔཱདཱཔརིནིབྦཱནནྟི? ན ཧེཝཾ ཝཏྟབྦེ…པེ….

༡༢༦. ཀལྱཱཎཔཱཔཀཱནི ¶ ཀམྨཱནི ཨུཔལབྦྷནྟཱིཏི, ཀལྱཱཎཔཱཔཀཱནཾ ཀམྨཱནཾ ཀཏྟཱ ཀཱརེཏཱ ཨུཔལབྦྷཏཱིཏི? ཨཱམནྟཱ. པུགྒལོ ཨུཔལབྦྷཏཱིཏི, པུགྒལསྶ ཀཏྟཱ ཀཱརེཏཱ ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༢༧. ཀལྱཱཎཔཱཔཀཱནི ཀམྨཱནི ཨུཔལབྦྷནྟཱིཏི, ཀལྱཱཎཔཱཔཀཱནཾ ཀམྨཱནཾ ཀཏྟཱ ཀཱརེཏཱ ཨུཔལབྦྷཏཱིཏི? ཨཱམནྟཱ. ནིབྦཱནཾ ཨུཔལབྦྷཏཱིཏི, ནིབྦཱནསྶ ཀཏྟཱ ཀཱརེཏཱ ཨུཔལབྦྷཏཱིཏི? ན ¶ ཧེཝཾ ཝཏྟབྦེ…པེ….

༡༢༨. ཀལྱཱཎཔཱཔཀཱནི ཀམྨཱནི ཨུཔལབྦྷནྟཱིཏི, ཀལྱཱཎཔཱཔཀཱནཾ ཀམྨཱནཾ ཀཏྟཱ ཀཱརེཏཱ ¶ ཨུཔལབྦྷཏཱིཏི? ཨཱམནྟཱ. མཧཱཔཐཝཱི ཨུཔལབྦྷཏཱིཏི, མཧཱཔཐཝིཡཱ ཀཏྟཱ ཀཱརེཏཱ ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༢༩. ཀལྱཱཎཔཱཔཀཱནི ཀམྨཱནི ཨུཔལབྦྷནྟཱིཏི, ཀལྱཱཎཔཱཔཀཱནཾ ཀམྨཱནཾ ཀཏྟཱ ཀཱརེཏཱ ཨུཔལབྦྷཏཱིཏི? ཨཱམནྟཱ. མཧཱསམུདྡོ ཨུཔལབྦྷཏཱིཏི, མཧཱསམུདྡསྶ ཀཏྟཱ ཀཱརེཏཱ ཨུཔལབྦྷཏཱིཏི? ན ¶ ཧེཝཾ ཝཏྟབྦེ…པེ….

༡༣༠. ཀལྱཱཎཔཱཔཀཱནི ཀམྨཱནི ཨུཔལབྦྷནྟཱིཏི, ཀལྱཱཎཔཱཔཀཱནཾ ཀམྨཱནཾ ཀཏྟཱ ཀཱརེཏཱ ཨུཔལབྦྷཏཱིཏི? ཨཱམནྟཱ. སིནེརུཔབྦཏརཱཛཱ ཨུཔལབྦྷཏཱིཏི, སིནེརུསྶ པབྦཏརཱཛསྶ ཀཏྟཱ ཀཱརེཏཱ ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༣༡. ཀལྱཱཎཔཱཔཀཱནི ཀམྨཱནི ཨུཔལབྦྷནྟཱིཏི, ཀལྱཱཎཔཱཔཀཱནཾ ཀམྨཱནཾ ཀཏྟཱ ཀཱརེཏཱ ཨུཔལབྦྷཏཱིཏི? ཨཱམནྟཱ. ཨཱཔོ ཨུཔལབྦྷཏཱིཏི, ཨཱཔསྶ ཀཏྟཱ ཀཱརེཏཱ ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༣༢. ཀལྱཱཎཔཱཔཀཱནི ཀམྨཱནི ཨུཔལབྦྷནྟཱིཏི, ཀལྱཱཎཔཱཔཀཱནཾ ཀམྨཱནཾ ཀཏྟཱ ཀཱརེཏཱ ཨུཔལབྦྷཏཱིཏི? ཨཱམནྟཱ. ཏེཛོ ཨུཔལབྦྷཏཱིཏི, ཏེཛསྶ ཀཏྟཱ ཀཱརེཏཱ ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༣༣. ཀལྱཱཎཔཱཔཀཱནི ཀམྨཱནི ཨུཔལབྦྷནྟཱིཏི, ཀལྱཱཎཔཱཔཀཱནཾ ཀམྨཱནཾ ཀཏྟཱ ཀཱརེཏཱ ཨུཔལབྦྷཏཱིཏི? ཨཱམནྟཱ. ཝཱཡོ ཨུཔལབྦྷཏཱིཏི, ཝཱཡསྶ ཀཏྟཱ ཀཱརེཏཱ ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༣༤. ཀལྱཱཎཔཱཔཀཱནི ཀམྨཱནི ཨུཔལབྦྷནྟཱིཏི, ཀལྱཱཎཔཱཔཀཱནཾ ཀམྨཱནཾ ཀཏྟཱ ཀཱརེཏཱ ཨུཔལབྦྷཏཱིཏི? ཨཱམནྟཱ. ཏིཎཀཊྛཝནཔྤཏཡོ ཨུཔལབྦྷནྟཱིཏི ¶ , ཏིཎཀཊྛཝནཔྤཏཱིནཾ ཀཏྟཱ ཀཱརེཏཱ ¶ ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༣༥. ཀལྱཱཎཔཱཔཀཱནི ཀམྨཱནི ཨུཔལབྦྷནྟཱིཏི, ཀལྱཱཎཔཱཔཀཱནཾ ཀམྨཱནཾ ཀཏྟཱ ཀཱརེཏཱ ¶ ཨུཔལབྦྷཏཱིཏི? ཨཱམནྟཱ. ཨཉྙཱནི ཀལྱཱཎཔཱཔཀཱནི ཀམྨཱནི ཨཉྙོ ཀལྱཱཎཔཱཔཀཱནཾ ཀམྨཱནཾ ཀཏྟཱ ཀཱརེཏཱཏི? ན ཧེཝཾ ཝཏྟབྦེ…པེ….

༡༣༦. ཀལྱཱཎཔཱཔཀཱནཾ ¶ ཀམྨཱནཾ ཝིཔཱཀོ ཨུཔལབྦྷཏཱིཏི? ཨཱམནྟཱ. ཀལྱཱཎཔཱཔཀཱནཾ ཀམྨཱནཾ ཝིཔཱཀཔཊིསཾཝེདཱི ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༣༧. ཀལྱཱཎཔཱཔཀཱནཾ ཀམྨཱནཾ ཝིཔཱཀོ ཨུཔལབྦྷཏཱིཏི, ཀལྱཱཎཔཱཔཀཱནཾ ཀམྨཱནཾ ཝིཔཱཀཔཊིསཾཝེདཱི ཨུཔལབྦྷཏཱིཏི? ཨཱམནྟཱ. ཏསྶ པཊིསཾཝེདཱི ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༣༨. ཏསྶ པཊིསཾཝེདཱི ཨུཔལབྦྷཏཱིཏི? ཨཱམནྟཱ. ཏསྶ ཏསྶེཝ ནཏྠི དུཀྑསྶ ཨནྟཀིརིཡཱ, ནཏྠི ཝཊྚུཔཙྪེདོ, ནཏྠི ཨནུཔཱདཱཔརིནིབྦཱནནྟི? ན ཧེཝཾ ཝཏྟབྦེ…པེ….

༡༣༩. ཀལྱཱཎཔཱཔཀཱནཾ ཀམྨཱནཾ ཝིཔཱཀོ ཨུཔལབྦྷཏཱིཏི, ཀལྱཱཎཔཱཔཀཱནཾ ཀམྨཱནཾ ཝིཔཱཀཔཊིསཾཝེདཱི ཨུཔལབྦྷཏཱིཏི? ཨཱམནྟཱ. པུགྒལོ ཨུཔལབྦྷཏཱིཏི, པུགྒལསྶ པཊིསཾཝེདཱི ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༤༠. ཀལྱཱཎཔཱཔཀཱནཾ ཀམྨཱནཾ ཝིཔཱཀོ ཨུཔལབྦྷཏཱིཏི, ཀལྱཱཎཔཱཔཀཱནཾ ཀམྨཱནཾ ཝིཔཱཀཔཊིསཾཝེདཱི ཨུཔལབྦྷཏཱིཏི? ཨཱམནྟཱ. ནིབྦཱནཾ ཨུཔལབྦྷཏཱིཏི, ནིབྦཱནསྶ པཊིསཾཝེདཱི ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༤༡. ཀལྱཱཎཔཱཔཀཱནཾ ཀམྨཱནཾ ཝིཔཱཀོ ཨུཔལབྦྷཏཱིཏི, ཀལྱཱཎཔཱཔཀཱནཾ ཀམྨཱནཾ ཝིཔཱཀཔཊིསཾཝེདཱི ¶ ཨུཔལབྦྷཏཱིཏི? ཨཱམནྟཱ. མཧཱཔཐཝཱི ཨུཔལབྦྷཏཱིཏི…པེ… མཧཱསམུདྡོ ཨུཔལབྦྷཏཱིཏི… སིནེརུཔབྦཏརཱཛཱ ཨུཔལབྦྷཏཱིཏི… ཨཱཔོ ཨུཔལབྦྷཏཱིཏི… ཏེཛོ ¶ ཨུཔལབྦྷཏཱིཏི… ཝཱཡོ ཨུཔལབྦྷཏཱིཏི…པེ… ཏིཎཀཊྛཝནཔྤཏཡོ ཨུཔལབྦྷནྟཱིཏི, ཏིཎཀཊྛཝནཔྤཏཱིནཾ པཊིསཾཝེདཱི ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༤༢. ཀལྱཱཎཔཱཔཀཱནཾ ¶ ཀམྨཱནཾ ཝིཔཱཀོ ཨུཔལབྦྷཏཱིཏི, ཀལྱཱཎཔཱཔཀཱནཾ ཀམྨཱནཾ ཝིཔཱཀཔཊིསཾཝེདཱི ¶ ཨུཔལབྦྷཏཱིཏི? ཨཱམནྟཱ. ཨཉྙོ ཀལྱཱཎཔཱཔཀཱནཾ ཀམྨཱནཾ ཝིཔཱཀོ, ཨཉྙོ ཀལྱཱཎཔཱཔཀཱནཾ ཀམྨཱནཾ ཝིཔཱཀཔཊིསཾཝེདཱིཏི? ན ཧེཝཾ ཝཏྟབྦེ…པེ….

༡༤༣. དིབྦཾ སུཁཾ ཨུཔལབྦྷཏཱིཏི? ཨཱམནྟཱ. དིབྦསྶ སུཁསྶ པཊིསཾཝེདཱི ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༤༤. དིབྦཾ སུཁཾ ཨུཔལབྦྷཏཱིཏི, དིབྦསྶ སུཁསྶ པཊིསཾཝེདཱི ཨུཔལབྦྷཏཱིཏི? ཨཱམནྟཱ. ཏསྶ པཊིསཾཝེདཱི ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༤༥. ཏསྶ པཊིསཾཝེདཱི ཨུཔལབྦྷཏཱིཏི? ཨཱམནྟཱ. ཏསྶ ཏསྶེཝ ནཏྠི དུཀྑསྶ ཨནྟཀིརིཡཱ, ནཏྠི ཝཊྚུཔཙྪེདོ, ནཏྠི ཨནུཔཱདཱཔརིནིབྦཱནནྟི? ན ཧེཝཾ ཝཏྟབྦེ…པེ….

༡༤༦. དིབྦཾ སུཁཾ ཨུཔལབྦྷཏཱིཏི, དིབྦསྶ སུཁསྶ པཊིསཾཝེདཱི ཨུཔལབྦྷཏཱིཏི ¶ ? ཨཱམནྟཱ. པུགྒལོ ཨུཔལབྦྷཏཱིཏི, པུགྒལསྶ པཊིསཾཝེདཱི ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༤༧. དིབྦཾ སུཁཾ ཨུཔལབྦྷཏཱིཏི, དིབྦསྶ སུཁསྶ པཊིསཾཝེདཱི ཨུཔལབྦྷཏཱིཏི? ཨཱམནྟཱ. ནིབྦཱནཾ ཨུཔལབྦྷཏཱིཏི, ནིབྦཱནསྶ པཊིསཾཝེདཱི ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༤༨. དིབྦཾ སུཁཾ ཨུཔལབྦྷཏཱིཏི, དིབྦསྶ སུཁསྶ པཊིསཾཝེདཱི ཨུཔལབྦྷཏཱིཏི? ཨཱམནྟཱ ¶ . མཧཱཔཐཝཱི ཨུཔལབྦྷཏཱིཏི… མཧཱསམུདྡོ ཨུཔལབྦྷཏཱིཏི… སིནེརུཔབྦཏརཱཛཱ ཨུཔལབྦྷཏཱིཏི… ཨཱཔོ ཨུཔལབྦྷཏཱིཏི… ཏེཛོ ཨུཔལབྦྷཏཱིཏི… ཝཱཡོ ཨུཔལབྦྷཏཱིཏི…པེ… ཏིཎཀཊྛཝནཔྤཏཡོ ཨུཔལབྦྷནྟཱིཏི, ཏིཎཀཊྛཝནཔྤཏཱིནཾ པཊིསཾཝེདཱི ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༤༩. དིབྦཾ སུཁཾ ཨུཔལབྦྷཏཱིཏི, དིབྦསྶ སུཁསྶ པཊིསཾཝེདཱི ཨུཔལབྦྷཏཱིཏི? ཨཱམནྟཱ ¶ . ཨཉྙཾ དིབྦཾ སུཁཾ, ཨཉྙོ དིབྦསྶ སུཁསྶ པཊིསཾཝེདཱིཏི? ན ཧེཝཾ ཝཏྟབྦེ…པེ….

༡༥༠. མཱནུསཀཾ སུཁཾ ཨུཔལབྦྷཏཱིཏི? ཨཱམནྟཱ. མཱནུསཀསྶ སུཁསྶ པཊིསཾཝེདཱི ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༥༡. མཱནུསཀཾ ¶ སུཁཾ ཨུཔལབྦྷཏཱིཏི, མཱནུསཀསྶ སུཁསྶ པཊིསཾཝེདཱི ཨུཔལབྦྷཏཱིཏི? ཨཱམནྟཱ. ཏསྶ པཊིསཾཝེདཱི ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༥༢. ཏསྶ པཊིསཾཝེདཱི ཨུཔལབྦྷཏཱིཏི? ཨཱམནྟཱ. ཏསྶ ཏསྶེཝ ནཏྠི དུཀྑསྶ ཨནྟཀིརིཡཱ, ནཏྠི ཝཊྚུཔཙྪེདོ, ནཏྠི ཨནུཔཱདཱཔརིནིབྦཱནནྟི? ན ཧེཝཾ ཝཏྟབྦེ…པེ….

༡༥༣. མཱནུསཀཾ སུཁཾ ཨུཔལབྦྷཏཱིཏི, མཱནུསཀསྶ སུཁསྶ པཊིསཾཝེདཱི ཨུཔལབྦྷཏཱིཏི? ཨཱམནྟཱ. པུགྒལོ ཨུཔལབྦྷཏཱིཏི, པུགྒལསྶ ¶ པཊིསཾཝེདཱི ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༥༤. མཱནུསཀཾ སུཁཾ ཨུཔལབྦྷཏཱིཏི, མཱནུསཀསྶ སུཁསྶ པཊིསཾཝེདཱི ཨུཔལབྦྷཏཱིཏི? ཨཱམནྟཱ. ནིབྦཱནཾ ཨུཔལབྦྷཏཱིཏི, ནིབྦཱནསྶ པཊིསཾཝེདཱི ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༥༥. མཱནུསཀཾ ¶ སུཁཾ ཨུཔལབྦྷཏཱིཏི, མཱནུསཀསྶ སུཁསྶ པཊིསཾཝེདཱི ཨུཔལབྦྷཏཱིཏི? ཨཱམནྟཱ. མཧཱཔཐཝཱི ཨུཔལབྦྷཏཱིཏི…པེ… མཧཱསམུདྡོ ཨུཔལབྦྷཏཱིཏི… སིནེརུཔབྦཏརཱཛཱ ཨུཔལབྦྷཏཱིཏི… ཨཱཔོ ཨུཔལབྦྷཏཱིཏི… ཏེཛོ ཨུཔལབྦྷཏཱིཏི… ཝཱཡོ ཨུཔལབྦྷཏཱིཏི… ཏིཎཀཊྛཝནཔྤཏཡོ ཨུཔལབྦྷནྟཱིཏི, ཏིཎཀཊྛཝནཔྤཏཱིནཾ པཊིསཾཝེདཱི ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༥༦. མཱནུསཀཾ སུཁཾ ཨུཔལབྦྷཏཱིཏི, མཱནུསཀསྶ སུཁསྶ པཊིསཾཝེདཱི ཨུཔལབྦྷཏཱིཏི ¶ ? ཨཱམནྟཱ. ཨཉྙཾ མཱནུསཀཾ སུཁཾ ཨཉྙོ མཱནུསཀསྶ སུཁསྶ པཊིསཾཝེདཱིཏི? ན ཧེཝཾ ཝཏྟབྦེ…པེ….

༡༥༧. ཨཱཔཱཡིཀཾ དུཀྑཾ ཨུཔལབྦྷཏཱིཏི? ཨཱམནྟཱ. ཨཱཔཱཡིཀསྶ དུཀྑསྶ པཊིསཾཝེདཱི ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༥༨. ཨཱཔཱཡིཀཾ དུཀྑཾ ཨུཔལབྦྷཏཱིཏི, ཨཱཔཱཡིཀསྶ དུཀྑསྶ པཊིསཾཝེདཱི ཨུཔལབྦྷཏཱིཏི? ཨཱམནྟཱ. ཏསྶ པཊིསཾཝེདཱི ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༥༩. ཏསྶ པཊིསཾཝེདཱི ཨུཔལབྦྷཏཱིཏི? ཨཱམནྟཱ. ཏསྶ ཏསྶེཝ ནཏྠི དུཀྑསྶ ཨནྟཀིརིཡཱ, ནཏྠི ཝཊྚུཔཙྪེདོ, ནཏྠི ཨནུཔཱདཱཔརིནིབྦཱནནྟི? ན ཧེཝཾ ཝཏྟབྦེ…པེ….

༡༦༠. ཨཱཔཱཡིཀཾ ¶ ¶ དུཀྑཾ ཨུཔལབྦྷཏཱིཏི, ཨཱཔཱཡིཀསྶ དུཀྑསྶ པཊིསཾཝེདཱི ཨུཔལབྦྷཏཱིཏི? ཨཱམནྟཱ. པུགྒལོ ཨུཔལབྦྷཏཱིཏི, པུགྒལསྶ པཊིསཾཝེདཱི ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༦༡. ཨཱཔཱཡིཀཾ དུཀྑཾ ཨུཔལབྦྷཏཱིཏི, ཨཱཔཱཡིཀསྶ དུཀྑསྶ པཊིསཾཝེདཱི ཨུཔལབྦྷཏཱིཏི? ཨཱམནྟཱ. ནིབྦཱནཾ ཨུཔལབྦྷཏཱིཏི, ནིབྦཱནསྶ པཊིསཾཝེདཱི ཨུཔལབྦྷཏཱིཏི? ན ¶ ཧེཝཾ ཝཏྟབྦེ…པེ….

༡༦༢. ཨཱཔཱཡིཀཾ དུཀྑཾ ཨུཔལབྦྷཏཱིཏི, ཨཱཔཱཡིཀསྶ དུཀྑསྶ པཊིསཾཝེདཱི ཨུཔལབྦྷཏཱིཏི? ཨཱམནྟཱ. མཧཱཔཐཝཱི ཨུཔལབྦྷཏཱིཏི…པེ… མཧཱསམུདྡོ ཨུཔལབྦྷཏཱིཏི… སིནེརུཔབྦཏརཱཛཱ ཨུཔལབྦྷཏཱིཏི… ཨཱཔོ ཨུཔལབྦྷཏཱིཏི… ཏེཛོ ཨུཔལབྦྷཏཱིཏི… ཝཱཡོ ཨུཔལབྦྷཏཱིཏི… ཏིཎཀཊྛཝནཔྤཏཡོ ཨུཔལབྦྷནྟཱིཏི, ཏིཎཀཊྛཝནཔྤཏཱིནཾ པཊིསཾཝེདཱི ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༦༣. ཨཱཔཱཡིཀཾ དུཀྑཾ ཨུཔལབྦྷཏཱིཏི, ཨཱཔཱཡིཀསྶ དུཀྑསྶ པཊིསཾཝེདཱི ཨུཔལབྦྷཏཱིཏི ¶ ? ཨཱམནྟཱ. ཨཉྙཾ ཨཱཔཱཡིཀཾ དུཀྑཾ, ཨཉྙོ ཨཱཔཱཡིཀསྶ དུཀྑསྶ པཊིསཾཝེདཱིཏི? ན ཧེཝཾ ཝཏྟབྦེ…པེ….

༡༦༤. ནེརཡིཀཾ དུཀྑཾ ཨུཔལབྦྷཏཱིཏི? ཨཱམནྟཱ. ནེརཡིཀསྶ དུཀྑསྶ པཊིསཾཝེདཱི ཨུཔལབྦྷཏཱིཏི? ན ཧེཝཾ ཝཏྟབྦེ.

ནེརཡིཀཾ དུཀྑཾ ཨུཔལབྦྷཏཱིཏི, ནེརཡིཀསྶ དུཀྑསྶ པཊིསཾཝེདཱི ཨུཔལབྦྷཏཱིཏི? ཨཱམནྟཱ. ཏསྶ པཊིསཾཝེདཱི ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༦༥. ཏསྶ པཊིསཾཝེདཱི ཨུཔལབྦྷཏཱིཏི? ཨཱམནྟཱ. ཏསྶ ¶ ཏསྶེཝ ནཏྠི དུཀྑསྶ ཨནྟཀིརིཡཱ, ནཏྠི ཝཊྚུཔཙྪེདོ, ནཏྠི ཨནུཔཱདཱཔརིནིབྦཱནནྟི? ན ཧེཝཾ ཝཏྟབྦེ…པེ….

༡༦༦. ནེརཡིཀཾ དུཀྑཾ ཨུཔལབྦྷཏཱིཏི, ནེརཡིཀསྶ དུཀྑསྶ པཊིསཾཝེདཱི ཨུཔལབྦྷཏཱིཏི? ཨཱམནྟཱ. པུགྒལོ ཨུཔལབྦྷཏཱིཏི, པུགྒལསྶ པཊིསཾཝེདཱི ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༦༧. ནེརཡིཀཾ དུཀྑཾ ཨུཔལབྦྷཏཱིཏི, ནེརཡིཀསྶ དུཀྑསྶ པཊིསཾཝེདཱི ཨུཔལབྦྷཏཱིཏི? ཨཱམནྟཱ. ནིབྦཱནཾ ¶ ཨུཔལབྦྷཏཱིཏི, ནིབྦཱནསྶ པཊིསཾཝེདཱི ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༦༨. ནེརཡིཀཾ ¶ དུཀྑཾ ཨུཔལབྦྷཏཱིཏི, ནེརཡིཀསྶ དུཀྑསྶ པཊིསཾཝེདཱི ཨུཔལབྦྷཏཱིཏི? ཨཱམནྟཱ. མཧཱཔཐཝཱི ཨུཔལབྦྷཏཱིཏི…པེ… མཧཱསམུདྡོ ཨུཔལབྦྷཏཱིཏི… སིནེརུཔབྦཏརཱཛཱ ཨུཔལབྦྷཏཱིཏི… ཨཱཔོ ཨུཔལབྦྷཏཱིཏི… ཏེཛོ ཨུཔལབྦྷཏཱིཏི… ཝཱཡོ ཨུཔལབྦྷཏཱིཏི… ཏིཎཀཊྛཝནཔྤཏཡོ ཨུཔལབྦྷནྟཱིཏི, ཏིཎཀཊྛཝནཔྤཏཱིནཾ པཊིསཾཝེདཱི ཨུཔལབྦྷཏཱིཏི? ན ཧེཝཾ ཝཏྟབྦེ…པེ….

༡༦༩. ནེརཡིཀཾ དུཀྑཾ ཨུཔལབྦྷཏཱིཏི, ནེརཡིཀསྶ དུཀྑསྶ པཊིསཾཝེདཱི ཨུཔལབྦྷཏཱིཏི ¶ ? ཨཱམནྟཱ. ཨཉྙཾ ནེརཡིཀཾ དུཀྑཾ, ཨཉྙོ ནེརཡིཀསྶ དུཀྑསྶ པཊིསཾཝེདཱིཏི? ན ཧེཝཾ ཝཏྟབྦེ…པེ….

༡༧༠. ཀལྱཱཎཔཱཔཀཱནི ཀམྨཱནི ཨུཔལབྦྷནྟཱིཏི, ཀལྱཱཎཔཱཔཀཱནཾ ཀམྨཱནཾ ཀཏྟཱ ཀཱརེཏཱ ཝིཔཱཀཔཊིསཾཝེདཱི ཨུཔལབྦྷཏཱིཏི? ཨཱམནྟཱ. སོ ཀརོཏི སོ པཊིསཾཝེདེཏཱིཏི? ན ཧེཝཾ ཝཏྟབྦེ…པེ….

༡༧༡. སོ ¶ ཀརོཏི སོ པཊིསཾཝེདེཏཱིཏི? ཨཱམནྟཱ. སཡངྐཏཾ སུཁདུཀྑནྟི? ན ཧེཝཾ ཝཏྟབྦེ…པེ….

༡༧༢. ཀལྱཱཎཔཱཔཀཱནི ཀམྨཱནི ཨུཔལབྦྷནྟཱིཏི, ཀལྱཱཎཔཱཔཀཱནཾ ཀམྨཱནཾ ཀཏྟཱ ཀཱརེཏཱ ཝིཔཱཀཔཊིསཾཝེདཱི ཨུཔལབྦྷཏཱིཏི? ཨཱམནྟཱ. ཨཉྙོ ཀརོཏི ཨཉྙོ པཊིསཾཝེདེཏཱིཏི? ན ཧེཝཾ ཝཏྟབྦེ…པེ….

༡༧༣. ཨཉྙོ ཀརོཏི ཨཉྙོ པཊིསཾཝེདེཏཱིཏི? ཨཱམནྟཱ. པརངྐཏཾ སུཁདུཀྑནྟི? ན ཧེཝཾ ཝཏྟབྦེ…པེ….

༡༧༤. ཀལྱཱཎཔཱཔཀཱནི ཀམྨཱནི ཨུཔལབྦྷནྟཱིཏི, ཀལྱཱཎཔཱཔཀཱནཾ ཀམྨཱནཾ ཀཏྟཱ ཀཱརེཏཱ ཝིཔཱཀཔཊིསཾཝེདཱི ཨུཔལབྦྷཏཱིཏི? ཨཱམནྟཱ ¶ . སོ ཙ ཨཉྙོ ཙ ཀརོནྟི སོ ཙ ཨཉྙོ ཙ པཊིསཾཝེདེནྟཱིཏི? ན ཧེཝཾ ཝཏྟབྦེ…པེ….

༡༧༥. སོ ཙ ཨཉྙོ ཙ ཀརོནྟི, སོ ཙ ཨཉྙོ ཙ པཊིསཾཝེདེནྟཱིཏི? ཨཱམནྟཱ. སཡངྐཏཉྩ པརངྐཏཉྩ སུཁདུཀྑནྟི? ན ཧེཝཾ ཝཏྟབྦེ…པེ….

༡༧༦. ཀལྱཱཎཔཱཔཀཱནི ཀམྨཱནི ཨུཔལབྦྷནྟཱིཏི, ཀལྱཱཎཔཱཔཀཱནཾ ཀམྨཱནཾ ཀཏྟཱ ཀཱརེཏཱ ཝིཔཱཀཔཊིསཾཝེདཱི ཨུཔལབྦྷཏཱིཏི? ཨཱམནྟཱ. ནེཝ སོ ¶ ཀརོཏི ན སོ པཊིསཾཝེདེཏི, ན ཨཉྙོ ཀརོཏི ན ཨཉྙོ པཊིསཾཝེདེཏཱིཏི? ན ཧེཝཾ ཝཏྟབྦེ…པེ….

༡༧༧. ནེཝ ¶ སོ ཀརོཏི ན སོ པཊིསཾཝེདེཏི, ན ཨཉྙོ ཀརོཏི ན ཨཉྙོ པཊིསཾཝེདེཏཱིཏི? ཨཱམནྟཱ. ཨསཡངྐཱརཾ ཨཔརངྐཱརཾ ཨདྷིཙྩསམུཔྤནྣཾ སུཁདུཀྑནྟི? ན ཧེཝཾ ཝཏྟབྦེ…པེ….

༡༧༨. ཀལྱཱཎཔཱཔཀཱནི ¶ ཀམྨཱནི ཨུཔལབྦྷནྟཱིཏི, ཀལྱཱཎཔཱཔཀཱནཾ ཀམྨཱནཾ ཀཏྟཱ ཀཱརེཏཱ ཝིཔཱཀཔཊིསཾཝེདཱི ཨུཔལབྦྷཏཱིཏི? ཨཱམནྟཱ. སོ ཀརོཏི སོ པཊིསཾཝེདེཏི, ཨཉྙོ ཀརོཏི ཨཉྙོ པཊིསཾཝེདེཏི, སོ ཙ ཨཉྙོ ཙ ཀརོནྟི སོ ཙ ཨཉྙོ ཙ པཊིསཾཝེདེནྟི, ནེཝ སོ ཀརོཏི ན སོ པཊིསཾཝེདེཏི, ན ཨཉྙོ ཀརོཏི ན ཨཉྙོ པཊིསཾཝེདེཏཱིཏི? ན ཧེཝཾ ཝཏྟབྦེ…པེ….

༡༧༩. སོ ཀརོཏི སོ པཊིསཾཝེདེཏི, ཨཉྙོ ཀརོཏི ཨཉྙོ པཊིསཾཝེདེཏི, སོ ཙ ཨཉྙོ ཙ ཀརོནྟི སོ ཙ ཨཉྙོ ཙ པཊིསཾཝེདེནྟི, ནེཝ སོ ཀརོཏི ན སོ པཊིསཾཝེདེཏི, ན ཨཉྙོ ཀརོཏི ན ཨཉྙོ པཊིསཾཝེདེཏཱིཏི? ཨཱམནྟཱ. སཡངྐཏཾ སུཁདུཀྑཾ, པརངྐཏཾ སུཁདུཀྑཾ, སཡངྐཏཉྩ པརངྐཏཉྩ སུཁདུཀྑཾ, ཨསཡངྐཱརཾ ཨཔརངྐཱརཾ ཨདྷིཙྩསམུཔྤནྣཾ སུཁདུཀྑནྟི? ན ཧེཝཾ ཝཏྟབྦེ…པེ….

༡༨༠. ཀམྨཾ ཨཏྠཱིཏི? ཨཱམནྟཱ ¶ . ཀམྨཀཱརཀོ ཨཏྠཱིཏི? ན ཧེཝཾ ཝཏྟབྦེ…པེ….

༡༨༡. ཀམྨཾ ཨཏྠཱིཏི, ཀམྨཀཱརཀོ ཨཏྠཱིཏི? ཨཱམནྟཱ. ཏསྶ ཀཱརཀོ ཨཏྠཱིཏི? ན ཧེཝཾ ཝཏྟབྦེ…པེ….

༡༨༢. ཏསྶ ཀཱརཀོ ཨཏྠཱིཏི? ཨཱམནྟཱ. ཏསྶ ཏསྶེཝ ནཏྠི དུཀྑསྶ ཨནྟཀིརིཡཱ, ནཏྠི ཝཊྚུཔཙྪེདོ, ནཏྠི ཨནུཔཱདཱཔརིནིབྦཱནནྟི? ན ཧེཝཾ ཝཏྟབྦེ…པེ….

༡༨༣. ཀམྨཾ ཨཏྠཱིཏི, ཀམྨཀཱརཀོ ཨཏྠཱིཏི? ཨཱམནྟཱ. པུགྒལོ ཨཏྠཱིཏི, པུགྒལསྶ ཀཱརཀོ ཨཏྠཱིཏི? ན ཧེཝཾ ཝཏྟབྦེ…པེ….

༡༨༤. ཀམྨཾ ¶ ¶ ཨཏྠཱིཏི, ཀམྨཀཱརཀོ ཨཏྠཱིཏི? ཨཱམནྟཱ. ནིབྦཱནཾ ¶ ཨཏྠཱིཏི, ནིབྦཱནསྶ ཀཱརཀོ ཨཏྠཱིཏི? ན ཧེཝཾ ཝཏྟབྦེ…པེ….

༡༨༥. ཀམྨཾ ཨཏྠཱིཏི, ཀམྨཀཱརཀོ ཨཏྠཱིཏི? ཨཱམནྟཱ. མཧཱཔཐཝཱི ཨཏྠཱིཏི…པེ… མཧཱསམུདྡོ ཨཏྠཱིཏི… སིནེརུཔབྦཏརཱཛཱ ཨཏྠཱིཏི… ཨཱཔོ ཨཏྠཱིཏི… ཏེཛོ ཨཏྠཱིཏི… ཝཱཡོ ཨཏྠཱིཏི… ཏིཎཀཊྛཝནཔྤཏཡོ ཨཏྠཱིཏི, ཏིཎཀཊྛཝནཔྤཏཱིནཾ ཀཱརཀོ ཨཏྠཱིཏི? ན ཧེཝཾ ཝཏྟབྦེ…པེ….

༡༨༦. ཀམྨཾ ཨཏྠཱིཏི, ཀམྨཀཱརཀོ ཨཏྠཱིཏི? ཨཱམནྟཱ. ཨཉྙཾ ཀམྨཾ, ཨཉྙོ ཀམྨཀཱརཀོཏི? ན ཧེཝཾ ཝཏྟབྦེ…པེ….

༡༨༧. ཝིཔཱཀོ ཨཏྠཱིཏི? ཨཱམནྟཱ. ཝིཔཱཀཔཊིསཾཝེདཱི ཨཏྠཱིཏི? ན ཧེཝཾ ཝཏྟབྦེ…པེ….

༡༨༨. ཝིཔཱཀོ ཨཏྠཱིཏི, ཝིཔཱཀཔཊིསཾཝེདཱི ཨཏྠཱིཏི? ཨཱམནྟཱ. ཏསྶ པཊིསཾཝེདཱི ཨཏྠཱིཏི? ན ¶ ཧེཝཾ ཝཏྟབྦེ…པེ….

༡༨༩. ཏསྶ པཊིསཾཝེདཱི ཨཏྠཱིཏི? ཨཱམནྟཱ. ཏསྶ ཏསྶེཝ ནཏྠི དུཀྑསྶ ཨནྟཀིརིཡཱ, ནཏྠི ཝཊྚུཔཙྪེདོ, ནཏྠི ཨནུཔཱདཱཔརིནིབྦཱནནྟི? ན ཧེཝཾ ཝཏྟབྦེ…པེ… ཝིཔཱཀོ ཨཏྠཱིཏི, ཝིཔཱཀཔཊིསཾཝེདཱི ཨཏྠཱིཏི? ཨཱམནྟཱ. པུགྒལོ ཨཏྠཱིཏི, པུགྒལསྶ པཊིསཾཝེདཱི ཨཏྠཱིཏི? ན ཧེཝཾ ཝཏྟབྦེ…པེ….

༡༩༠. ཝིཔཱཀོ ཨཏྠཱིཏི, ཝིཔཱཀཔཊིསཾཝེདཱི ཨཏྠཱིཏི? ཨཱམནྟཱ. ནིབྦཱནཾ ཨཏྠཱིཏི, ནིབྦཱནསྶ པཊིསཾཝེདཱི ཨཏྠཱིཏི? ན ཧེཝཾ ཝཏྟབྦེ…པེ….

༡༩༡. ཝིཔཱཀོ ཨཏྠཱིཏི, ཝིཔཱཀཔཊིསཾཝེདཱི ཨཏྠཱིཏི? ཨཱམནྟཱ. མཧཱཔཐཝཱི ཨཏྠཱིཏི…པེ… མཧཱསམུདྡོ ཨཏྠཱིཏི… སིནེརུཔབྦཏརཱཛཱ ཨཏྠཱིཏི… ཨཱཔོ ཨཏྠཱིཏི… ཏེཛོ ¶ ཨཏྠཱིཏི… ཝཱཡོ ཨཏྠཱིཏི… ཏིཎཀཊྛཝནཔྤཏཡོ ¶ ཨཏྠཱིཏི, ཏིཎཀཊྛཝནཔྤཏཱིནཾ པཊིསཾཝེདཱི ཨཏྠཱིཏི? ན ཧེཝཾ ཝཏྟབྦེ…པེ….

༡༩༢. ཝིཔཱཀོ ཨཏྠཱིཏི, ཝིཔཱཀཔཊིསཾཝེདཱི ཨཏྠཱིཏི? ཨཱམནྟཱ. ཨཉྙོ ཝིཔཱཀོ, ཨཉྙོ ཝིཔཱཀཔཊིསཾཝེདཱིཏི? ན ཧེཝཾ ཝཏྟབྦེ. (སཾཁིཏྟཾ)

པུརིསཀཱརཱནུཡོགོ.

ཀལྱཱཎཝགྒོ པཋམོ.

༡༤. ཨབྷིཉྙཱནུཡོགོ

༡༩༣. ན ¶ ཝཏྟབྦཾ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི? ཨཱམནྟཱ. ནནུ ཨཏྠི ཀོཙི ཨིདྡྷིཾ ཝིཀུབྦཏཱིཏི? ཨཱམནྟཱ. ཧཉྩི ཨཏྠི ཀོཙི ཨིདྡྷིཾ ཝིཀུབྦཏི, ཏེན ཝཏ རེ ཝཏྟབྦེ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི.

༡༩༤. ན ¶ ཝཏྟབྦཾ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི? ཨཱམནྟཱ. ནནུ ཨཏྠི ཀོཙི དིབྦཱཡ སོཏདྷཱཏུཡཱ སདྡཾ སུཎཱཏི…པེ… པརཙིཏྟཾ ཝིཛཱནཱཏི… པུབྦེནིཝཱསཾ ཨནུསྶརཏི… དིབྦེན ཙཀྑུནཱ རཱུཔཾ པསྶཏི… ཨཱསཝཱནཾ ཁཡཾ སཙྪིཀརོཏཱིཏི? ཨཱམནྟཱ. ཧཉྩི ཨཏྠི ཀོཙི ཨཱསཝཱནཾ ཁཡཾ སཙྪིཀརོཏི, ཏེན ཝཏ རེ ཝཏྟབྦེ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི.

༡༩༥. ཨཏྠི ཀོཙི ཨིདྡྷིཾ ཝིཀུབྦཏཱིཏི ཀཏྭཱ ཏེན ཙ ཀཱརཎེན པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཡོ ཨིདྡྷིཾ ཝིཀུབྦཏི, སྭེཝ པུགྒལོ? ཡོ ཨིདྡྷིཾ ན ཝིཀུབྦཏི, ན སོ པུགྒལོཏི? ན ཧེཝཾ ཝཏྟབྦེ…པེ….

༡༩༦. ཡོ དིབྦཱཡ སོཏདྷཱཏུཡཱ སདྡཾ སུཎཱཏི…པེ… ཡོ པརཙིཏྟཾ ཝིཛཱནཱཏི… ཡོ ¶ པུབྦེནིཝཱསཾ ཨནུསྶརཏི… ཡོ དིབྦེན ཙཀྑུནཱ རཱུཔཾ པསྶཏི… ཡོ ཨཱསཝཱནཾ ¶ ཁཡཾ སཙྪིཀརོཏི, སྭེཝ པུགྒལོ? ཡོ ཨཱསཝཱནཾ ཁཡཾ ན སཙྪིཀརོཏི, ན སོ པུགྒལོཏི? ན ཧེཝཾ ཝཏྟབྦེ…པེ….

ཨབྷིཉྙཱནུཡོགོ.

༡༥-༡༨. ཉཱཏཀཱནུཡོགཱདི

༡༩༧. ན ཝཏྟབྦཾ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི? ཨཱམནྟཱ. ནནུ མཱཏཱ ཨཏྠཱིཏི? ཨཱམནྟཱ. ཧཉྩི མཱཏཱ ཨཏྠི, ཏེན ཝཏ རེ ཝཏྟབྦེ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི.

༡༩༨. ན ཝཏྟབྦཾ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི? ཨཱམནྟཱ. ནནུ ¶ པིཏཱ ཨཏྠི…པེ… བྷཱཏཱ ཨཏྠི… བྷགིནཱི ཨཏྠི… ཁཏྟིཡོ ཨཏྠི ¶ … བྲཱཧྨཎོ ཨཏྠི… ཝེསྶོ ཨཏྠི… སུདྡོ ཨཏྠི… གཧཊྛོ ཨཏྠི… པབྦཛིཏོ ཨཏྠི… དེཝོ ཨཏྠི… མནུསྶོ ཨཏྠཱིཏི? ཨཱམནྟཱ. ཧཉྩི མནུསྶོ ཨཏྠི, ཏེན ཝཏ རེ ཝཏྟབྦེ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི.

༡༩༩. མཱཏཱ ཨཏྠཱིཏི ཀཏྭཱ ཏེན ཙ ཀཱརཎེན པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཨཏྠི ཀོཙི ན མཱཏཱ ཧུཏྭཱ མཱཏཱ ཧོཏཱིཏི? ཨཱམནྟཱ. ཨཏྠི ཀོཙི ན པུགྒལོ ཧུཏྭཱ པུགྒལོ ཧོཏཱིཏི? ན ཧེཝཾ ཝཏྟབྦེ…པེ… ཨཏྠི ཀོཙི ན པིཏཱ ཧུཏྭཱ…པེ… ན བྷཱཏཱ ཧུཏྭཱ… ན བྷགིནཱི ཧུཏྭཱ… ན ཁཏྟིཡོ ཧུཏྭཱ… ན བྲཱཧྨཎོ ཧུཏྭཱ… ན ཝེསྶོ ཧུཏྭཱ… ན སུདྡོ ཧུཏྭཱ… ན གཧཊྛོ ཧུཏྭཱ… ན པབྦཛིཏོ ཧུཏྭཱ… ན དེཝོ ཧུཏྭཱ… ན མནུསྶོ ཧུཏྭཱ མནུསྶོ ཧོཏཱིཏི? ཨཱམནྟཱ. ཨཏྠི ¶ ཀོཙི ན པུགྒལོ ཧུཏྭཱ པུགྒལོ ཧོཏཱིཏི? ན ཧེཝཾ ཝཏྟབྦེ…པེ….

༢༠༠. མཱཏཱ ཨཏྠཱིཏི ཀཏྭཱ ཏེན ཙ ཀཱརཎེན པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི ¶ ? ཨཱམནྟཱ. ཨཏྠི ཀོཙི མཱཏཱ ཧུཏྭཱ ན མཱཏཱ ཧོཏཱིཏི? ཨཱམནྟཱ. ཨཏྠི ཀོཙི པུགྒལོ ཧུཏྭཱ ན པུགྒལོ ཧོཏཱིཏི? ན ཧེཝཾ ཝཏྟབྦེ…པེ….

ཨཏྠི ཀོཙི པིཏཱ ཧུཏྭཱ… བྷཱཏཱ ཧུཏྭཱ… བྷགིནཱི ཧུཏྭཱ… ཁཏྟིཡོ ཧུཏྭཱ… བྲཱཧྨཎོ ཧུཏྭཱ… ཝེསྶོ ཧུཏྭཱ… སུདྡོ ཧུཏྭཱ… གཧཊྛོ ཧུཏྭཱ… པབྦཛིཏོ ཧུཏྭཱ… དེཝོ ཧུཏྭཱ… མནུསྶོ ཧུཏྭཱ ན མནུསྶོ ཧོཏཱིཏི? ཨཱམནྟཱ. ཨཏྠི ཀོཙི པུགྒལོ ཧུཏྭཱ ན པུགྒལོ ཧོཏཱིཏི? ན ཧེཝཾ ཝཏྟབྦེ…པེ….

༡༩. པཊིཝེདྷཱནུཡོགོ

༢༠༡. ན ¶ ཝཏྟབྦཾ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི? ཨཱམནྟཱ. ནནུ སོཏཱཔནྣོ ཨཏྠཱིཏི? ཨཱམནྟཱ. ཧཉྩི སོཏཱཔནྣོ ཨཏྠི, ཏེན ཝཏ རེ ཝཏྟབྦེ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི.

༢༠༢. ན ཝཏྟབྦཾ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི? ཨཱམནྟཱ. ནནུ སཀདཱགཱམཱི ཨཏྠི…པེ… ཨནཱགཱམཱི ཨཏྠི… ཨརཧཱ ཨཏྠི… ཨུབྷཏོབྷཱགཝིམུཏྟོ ཨཏྠི… པཉྙཱཝིམུཏྟོ ཨཏྠི… ཀཱཡསཀྑི [ཀཱཡསཀྑཱི (སྱཱ.)] ཨཏྠི… དིཊྛིཔྤཏྟོ ¶ ཨཏྠི… སདྡྷཱཝིམུཏྟོ ཨཏྠི… དྷམྨཱནུསཱརཱི ཨཏྠི… སདྡྷཱནུསཱརཱི ཨཏྠཱིཏི? ཨཱམནྟཱ.

ཧཉྩི སདྡྷཱནུསཱརཱི ཨཏྠི, ཏེན ཝཏ རེ ཝཏྟབྦེ ¶ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི.

༢༠༣. སོཏཱཔནྣོ ཨཏྠཱིཏི ཀཏྭཱ ཏེན ཙ ཀཱརཎེན པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཨཏྠི ཀོཙི ན སོཏཱཔནྣོ ཧུཏྭཱ སོཏཱཔནྣོ ཧོཏཱིཏི? ཨཱམནྟཱ. ཨཏྠི ཀོཙི ན པུགྒལོ ཧུཏྭཱ པུགྒལོ ཧོཏཱིཏི? ན ཧེཝཾ ཝཏྟབྦེ…པེ….

༢༠༤. ཨཏྠི ཀོཙི ན སཀདཱགཱམཱི ཧུཏྭཱ… ན ཨནཱགཱམཱི ཧུཏྭཱ… ན ཨརཧཱ ཧུཏྭཱ… ན ཨུབྷཏོབྷཱགཝིམུཏྟོ ཧུཏྭཱ… ན པཉྙཱཝིམུཏྟོ ཧུཏྭཱ… ན ཀཱཡསཀྑི ཧུཏྭཱ… ན ¶ དིཊྛིཔྤཏྟོ ཧུཏྭཱ… ན སདྡྷཱཝིམུཏྟོ ཧུཏྭཱ… ན དྷམྨཱནུསཱརཱི ཧུཏྭཱ… ན སདྡྷཱནུསཱརཱི ཧུཏྭཱ སདྡྷཱནུསཱརཱི ཧོཏཱིཏི? ཨཱམནྟཱ. ཨཏྠི ཀོཙི ན པུགྒལོ ཧུཏྭཱ པུགྒལོ ཧོཏཱིཏི? ན ཧེཝཾ ཝཏྟབྦེ…པེ….

༢༠༥. སོཏཱཔནྣོ ཨཏྠཱིཏི ཀཏྭཱ ཏེན ཙ ཀཱརཎེན པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཨཏྠི ཀོཙི སོཏཱཔནྣོ ཧུཏྭཱ ན སོཏཱཔནྣོ ཧོཏཱིཏི? ཨཱམནྟཱ. ཨཏྠི ཀོཙི པུགྒལོ ཧུཏྭཱ ན པུགྒལོ ཧོཏཱིཏི? ན ¶ ཧེཝཾ ཝཏྟབྦེ…པེ….

ཨཏྠི ཀོཙི སཀདཱགཱམཱི ཧུཏྭཱ… ཨནཱགཱམཱི ཧུཏྭཱ ན ཨནཱགཱམཱི ཧོཏཱིཏི? ཨཱམནྟཱ. ཨཏྠི ཀོཙི པུགྒལོ ཧུཏྭཱ ན པུགྒལོ ཧོཏཱིཏི? ན ཧེཝཾ ཝཏྟབྦེ…པེ….

པཊིཝེདྷཱནུཡོགོ.

༢༠. སངྒྷཱནུཡོགོ

༢༠༦. ན ཝཏྟབྦཾ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི? ཨཱམནྟཱ. ནནུ ཙཏྟཱརོ པུརིསཡུགཱ ཨཊྛ པུརིསཔུགྒལཱ ཨཏྠཱིཏི? ཨཱམནྟཱ ¶ . ཧཉྩི ཙཏྟཱརོ པུརིསཡུགཱ ཨཊྛ པུརིསཔུགྒལཱ ཨཏྠི, ཏེན ཝཏ རེ ཝཏྟབྦེ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི.

༢༠༧. ཙཏྟཱརོ པུརིསཡུགཱ ཨཊྛ པུརིསཔུགྒལཱ ཨཏྠཱིཏི ཀཏྭཱ ཏེན ཙ ཀཱརཎེན པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཙཏྟཱརོ ¶ པུརིསཡུགཱ ཨཊྛ པུརིསཔུགྒལཱ བུདྡྷཔཱཏུབྷཱཝཱ པཱཏུབྷཝནྟཱིཏི? ཨཱམནྟཱ. པུགྒལོ བུདྡྷཔཱཏུབྷཱཝཱ པཱཏུབྷཝཏཱིཏི? ན ཧེཝཾ ཝཏྟབྦེ…པེ….

པུགྒལོ བུདྡྷཔཱཏུབྷཱཝཱ པཱཏུབྷཝཏཱིཏི? ཨཱམནྟཱ. བུདྡྷསྶ བྷགཝཏོ པརིནིབྦུཏེ ཨུཙྪིནྣོ པུགྒལོ, ནཏྠི པུགྒལོཏི? ན ཧེཝཾ ཝཏྟབྦེ…པེ….

སངྒྷཱནུཡོགོ.

༢༡. སཙྩིཀཊྛསབྷཱགཱནུཡོགོ

༢༠༨. པུགྒལོ ¶ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. པུགྒལོ སངྑཏོཏི? ན ཧེཝཾ ཝཏྟབྦེ…པེ… པུགྒལོ ཨསངྑཏོཏི? ན ཧེཝཾ ཝཏྟབྦེ…པེ… པུགྒལོ ནེཝ སངྑཏོ ནཱསངྑཏོཏི? ན ཧེཝཾ ཝཏྟབྦེ.

༢༠༩. པུགྒལོ ནེཝ སངྑཏོ ནཱསངྑཏོཏི? ཨཱམནྟཱ ¶ . སངྑཏཉྩ ཨསངྑཏཉྩ ཋཔེཏྭཱ ཨཏྠཉྙཱ ཏཏིཡཱ ཀོཊཱིཏི? ན ཧེཝཾ ཝཏྟབྦེ…པེ….

༢༡༠. སངྑཏཉྩ ཨསངྑཏཉྩ ཋཔེཏྭཱ ཨཏྠཉྙཱ ཏཏིཡཱ ཀོཊཱིཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘དྭེམཱ, བྷིཀྑཝེ, དྷཱཏུཡོ. ཀཏམཱ དྭེ? སངྑཏཱ ཙ དྷཱཏུ ཨསངྑཏཱ ཙ དྷཱཏུ. ཨིམཱ ཁོ, བྷིཀྑཝེ, དྭེ དྷཱཏུཡོ’’ཏི [མ. ནི. ༡.༡༢༥, ཨཱལཔནམཏྟམེཝ ནཱནཾ]! ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘སངྑཏཉྩ ཨསངྑཏཉྩ ཋཔེཏྭཱ ཨཏྠཉྙཱ ཏཏིཡཱ ཀོཊཱི’’ཏི.

༢༡༡. པུགྒལོ ནེཝ སངྑཏོ ནཱསངྑཏོཏི? ཨཱམནྟཱ. ཨཉྙཾ ¶ སངྑཏཾ, ཨཉྙཾ ཨསངྑཏཾ, ཨཉྙོ པུགྒལོཏི? ན ཧེཝཾ ཝཏྟབྦེ…པེ….

༢༡༢. ཁནྡྷཱ སངྑཏཱ, ནིབྦཱནཾ ཨསངྑཏཾ, པུགྒལོ ནེཝ སངྑཏོ ནཱསངྑཏོཏི? ཨཱམནྟཱ. ཨཉྙེ ཁནྡྷཱ, ཨཉྙཾ ནིབྦཱནཾ, ཨཉྙོ པུགྒལོཏི? ན ཧེཝཾ ཝཏྟབྦེ…པེ….

༢༡༣. རཱུཔཾ སངྑཏཾ, ནིབྦཱནཾ ཨསངྑཏཾ, པུགྒལོ ནེཝ སངྑཏོ ནཱསངྑཏོཏི? ཨཱམནྟཱ. ཨཉྙཾ རཱུཔཾ, ཨཉྙཾ ནིབྦཱནཾ, ཨཉྙོ པུགྒལོཏི? ན ཧེཝཾ ཝཏྟབྦེ. ཝེདནཱ… སཉྙཱ… སངྑཱརཱ… ཝིཉྙཱཎཾ སངྑཏཾ, ནིབྦཱནཾ ཨསངྑཏཾ, པུགྒལོ ནེཝ སངྑཏོ ནཱསངྑཏོཏི? ཨཱམནྟཱ. ཨཉྙཾ ཝིཉྙཱཎཾ, ཨཉྙཾ ནིབྦཱནཾ, ཨཉྙོ པུགྒལོཏི? ན ཧེཝཾ ཝཏྟབྦེ…པེ….

༢༡༤. པུགྒལསྶ ¶ ཨུཔྤཱདོ པཉྙཱཡཏི, ཝཡོ པཉྙཱཡཏི, ཋིཏསྶ ཨཉྙཐཏྟཾ པཉྙཱཡཏཱིཏི? ཨཱམནྟཱ. པུགྒལོ སངྑཏོཏི? ན ¶ ཧེཝཾ ཝཏྟབྦེ…པེ… ཝུཏྟཾ བྷགཝཏཱ – ‘‘ཏཱིཎིམཱནི, བྷིཀྑཝེ, སངྑཏསྶ སངྑཏལཀྑཎཱནི. སངྑཏཱནཾ, བྷིཀྑཝེ, དྷམྨཱནཾ [ཀཏམཱནི ཏཱིཎི (ཨ. ནི. ༣.༤༧)] ཨུཔྤཱདོ པཉྙཱཡཏི ¶ , ཝཡོ པཉྙཱཡཏི, ཋིཏཱནཾ ཨཉྙཐཏྟཾ པཉྙཱཡཏཱི’’ཏི [ཨ. ནི. ༣.༤༧]. པུགྒལསྶ ཨུཔྤཱདོ པཉྙཱཡཏི, ཝཡོ པཉྙཱཡཏི, ཋིཏསྶ ཨཉྙཐཏྟཾ པཉྙཱཡཏི; ཏེན ཧི པུགྒལོ སངྑཏོཏི.

༢༡༥. པུགྒལསྶ ན ཨུཔྤཱདོ པཉྙཱཡཏི, ན ཝཡོ པཉྙཱཡཏི, ན ཋིཏསྶ ཨཉྙཐཏྟཾ པཉྙཱཡཏཱིཏི? ཨཱམནྟཱ. པུགྒལོ ཨསངྑཏོཏི? ན ཧེཝཾ ཝཏྟབྦེ…པེ… ཝུཏྟཾ ¶ བྷགཝཏཱ – ‘‘ཏཱིཎིམཱནི, བྷིཀྑཝེ, ཨསངྑཏསྶ ཨསངྑཏལཀྑཎཱནི. ཨསངྑཏཱནཾ, བྷིཀྑཝེ, དྷམྨཱནཾ ན ཨུཔྤཱདོ པཉྙཱཡཏི, ན ཝཡོ པཉྙཱཡཏི, ན ཋིཏཱནཾ ཨཉྙཐཏྟཾ པཉྙཱཡཏཱི’’ཏི [ཨ. ནི. ༣.༤༨]. པུགྒལསྶ ན ཨུཔྤཱདོ པཉྙཱཡཏི, ན ཝཡོ པཉྙཱཡཏི, ན ཋིཏསྶ ཨཉྙཐཏྟཾ པཉྙཱཡཏི; ཏེན ཧི པུགྒལོ ཨསངྑཏོཏི.

༢༡༦. པརིནིབྦུཏོ པུགྒལོ ཨཏྠཏྠམྷི, ནཏྠཏྠམྷཱིཏི? ཨཏྠཏྠམྷཱིཏི. པརིནིབྦུཏོ པུགྒལོ སསྶཏོཏི? ན ཧེཝཾ ཝཏྟབྦེ…པེ… ནཏྠཏྠམྷཱིཏི. པརིནིབྦུཏོ པུགྒལོ ཨུཙྪིནྣོཏི? ན ཧེཝཾ ཝཏྟབྦེ…པེ….

༢༡༧. པུགྒལོ ཀིཾ ནིསྶཱཡ ཏིཊྛཏཱིཏི? བྷཝཾ ནིསྶཱཡ ཏིཊྛཏཱིཏི. བྷཝོ ཨནིཙྩོ སངྑཏོ པཊིཙྩསམུཔྤནྣོ ཁཡདྷམྨོ ཝཡདྷམྨོ ཝིརཱགདྷམྨོ ནིརོདྷདྷམྨོ ཝིཔརིཎཱམདྷམྨོཏི? ཨཱམནྟཱ. པུགྒལོཔི ཨནིཙྩོ སངྑཏོ པཊིཙྩསམུཔྤནྣོ ཁཡདྷམྨོ ཝཡདྷམྨོ ཝིརཱགདྷམྨོ ནིརོདྷདྷམྨོ ཝིཔརིཎཱམདྷམྨོཏི? ན ཧེཝཾ ཝཏྟབྦེ…པེ….

༢༡༨. ན ཝཏྟབྦཾ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི? ཨཱམནྟཱ. ནནུ ཨཏྠི ཀོཙི སུཁཾ ཝེདནཾ ཝེདིཡམཱནོ ‘‘སུཁཾ ཝེདནཾ ཝེདིཡཱམཱི’’ཏི པཛཱནཱཏཱིཏི? ཨཱམནྟཱ ¶ . ཧཉྩི ཨཏྠི ཀོཙི སུཁཾ ཝེདནཾ ཝེདིཡམཱནོ ‘‘སུཁཾ ཝེདནཾ ཝེདིཡཱམཱི’’ཏི པཛཱནཱཏི, ཏེན ཝཏ རེ ཝཏྟབྦེ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི.

༢༡༩. ན ¶ ཝཏྟབྦཾ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི? ཨཱམནྟཱ. ནནུ ཨཏྠི ཀོཙི དུཀྑཾ ¶ ཝེདནཾ ཝེདིཡམཱནོ…པེ… ཨདུཀྑམསུཁཾ ཝེདནཾ ཝེདིཡམཱནོ ‘‘ཨདུཀྑམསུཁཾ ཝེདནཾ ཝེདིཡཱམཱི’’ཏི པཛཱནཱཏཱིཏི? ཨཱམནྟཱ. ཧཉྩི ཨཏྠི ཀོཙི ཨདུཀྑམསུཁཾ ¶ ཝེདནཾ ཝེདིཡམཱནོ ‘‘ཨདུཀྑམསུཁཾ ཝེདནཾ ཝེདིཡཱམཱི’’ཏི པཛཱནཱཏི, ཏེན ཝཏ རེ ཝཏྟབྦེ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི.

༢༢༠. ཨཏྠི ཀོཙི སུཁཾ ཝེདནཾ ཝེདིཡམཱནོ ‘‘སུཁཾ ཝེདནཾ ཝེདིཡཱམཱི’’ཏི པཛཱནཱཏཱིཏི ཀཏྭཱ ཏེན ཙ ཀཱརཎེན པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཡོ སུཁཾ ཝེདནཾ ཝེདིཡམཱནོ ‘‘སུཁཾ ཝེདནཾ ཝེདིཡཱམཱི’’ཏི པཛཱནཱཏི, སྭེཝ པུགྒལོ; ཡོ སུཁཾ ཝེདནཾ ཝེདིཡམཱནོ ‘‘སུཁཾ ཝེདནཾ ཝེདིཡཱམཱི’’ཏི ན པཛཱནཱཏི, ན སོ པུགྒལོཏི? ན ཧེཝཾ ཝཏྟབྦེ…པེ….

ཡོ དུཀྑཾ ཝེདནཾ ཝེདིཡམཱནོ…པེ… ཡོ ཨདུཀྑམསུཁཾ ཝེདནཾ ཝེདིཡམཱནོ ‘‘ཨདུཀྑམསུཁཾ ཝེདནཾ ཝེདིཡཱམཱི’’ཏི པཛཱནཱཏི, སྭེཝ པུགྒལོ; ཡོ ཨདུཀྑམསུཁཾ ཝེདནཾ ཝེདིཡམཱནོ ‘‘ཨདུཀྑམསུཁཾ ཝེདནཾ ཝེདིཡཱམཱི’’ཏི ན པཛཱནཱཏི, ན སོ པུགྒལོཏི? ན ཧེཝཾ ཝཏྟབྦེ…པེ….

༢༢༡. ཨཏྠི ཀོཙི སུཁཾ ཝེདནཾ ཝེདིཡམཱནོ ‘‘སུཁཾ ཝེདནཾ ཝེདིཡཱམཱི’’ཏི པཛཱནཱཏཱིཏི ཀཏྭཱ ཏེན ཙ ཀཱརཎེན པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཨཉྙཱ སུཁཱ ཝེདནཱ, ཨཉྙོ སུཁཾ ཝེདནཾ ཝེདིཡམཱནོ ‘‘སུཁཾ ཝེདནཾ ཝེདིཡཱམཱི’’ཏི པཛཱནཱཏཱིཏི? ན ཧེཝཾ ཝཏྟབྦེ…པེ… ཨཉྙཱ ¶ དུཀྑཱ ཝེདནཱ…པེ… ཨཉྙཱ ཨདུཀྑམསུཁཱ ཝེདནཱ, ཨཉྙོ ཨདུཀྑམསུཁཾ ཝེདནཾ ཝེདིཡམཱནོ ‘‘ཨདུཀྑམསུཁཾ ཝེདནཾ ཝེདིཡཱམཱི’’ཏི པཛཱནཱཏཱིཏི? ན ཧེཝཾ ཝཏྟབྦེ ¶ …པེ….

༢༢༢. ན ཝཏྟབྦཾ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི? ཨཱམནྟཱ. ནནུ ཨཏྠི ཀོཙི ཀཱཡེ ཀཱཡཱནུཔསྶཱི ཝིཧརཏཱིཏི? ཨཱམནྟཱ. ཧཉྩི ཨཏྠི ཀོཙི ཀཱཡེ ཀཱཡཱནུཔསྶཱི ཝིཧརཏི, ཏེན ཝཏ རེ ཝཏྟབྦེ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི.

༢༢༣. ན ཝཏྟབྦཾ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི? ཨཱམནྟཱ. ནནུ ཨཏྠི ཀོཙི ཝེདནཱསུ…པེ… ཙིཏྟེ… དྷམྨེསུ དྷམྨཱནུཔསྶཱི ཝིཧརཏཱིཏི ¶ ? ཨཱམནྟཱ. ཧཉྩི ཨཏྠི ¶ ཀོཙི དྷམྨེསུ དྷམྨཱནུཔསྶཱི ཝིཧརཏི, ཏེན ཝཏ རེ ཝཏྟབྦེ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི.

༢༢༤. ཨཏྠི ཀོཙི ཀཱཡེ ཀཱཡཱནུཔསྶཱི ཝིཧརཏཱིཏི ཀཏྭཱ ཏེན ཙ ཀཱརཎེན པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཡོ ཀཱཡེ ཀཱཡཱནུཔསྶཱི ཝིཧརཏི, སྭེཝ པུགྒལོ; ཡོ ན ཀཱཡེ ཀཱཡཱནུཔསྶཱི ཝིཧརཏི, ན སོ པུགྒལོཏི? ན ཧེཝཾ ཝཏྟབྦེ…པེ….

ཡོ ཝེདནཱསུ…པེ… ཙིཏྟེ… དྷམྨེསུ དྷམྨཱནུཔསྶཱི ཝིཧརཏི, སྭེཝ པུགྒལོ; ཡོ ན དྷམྨེསུ དྷམྨཱནུཔསྶཱི ཝིཧརཏི, ན སོ པུགྒལོཏི? ན ཧེཝཾ ཝཏྟབྦེ…པེ….

༢༢༥. ཨཏྠི ཀོཙི ཀཱཡེ ཀཱཡཱནུཔསྶཱི ཝིཧརཏཱིཏི ཀཏྭཱ ཏེན ཙ ཀཱརཎེན པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཨཉྙོ ཀཱཡོ, ཨཉྙོ ཀཱཡེ ཀཱཡཱནུཔསྶཱི ཝིཧརཏཱིཏི? ན ཧེཝཾ ཝཏྟབྦེ…པེ… ཨཉྙཱ ¶ ཝེདནཱ… ཨཉྙཾ ཙིཏྟཾ… ཨཉྙེ དྷམྨཱ, ཨཉྙོ དྷམྨེསུ དྷམྨཱནུཔསྶཱི ཝིཧརཏཱིཏི? ན ¶ ཧེཝཾ ཝཏྟབྦེ…པེ….

༢༢༦. པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ནནུ ཝུཏྟཾ བྷགཝཏཱ –

‘‘སུཉྙཏོ ལོཀཾ ཨཝེཀྑསྶུ, མོགྷརཱཛ སདཱ སཏོ;

ཨཏྟཱནུདིཊྛིཾ ཨཱུཧཙྩ [ཨོཧཙྩ (སྱཱ.), ཨུཧཙྩ (ཀ.)], ཨེཝཾ མཙྩུཏརོ སིཡཱ;

ཨེཝཾ ལོཀཾ ཨཝེཀྑནྟཾ, མཙྩུརཱཛཱ ན པསྶཏཱི’’ཏི [སུ. ནི. ༡༡༢༥; ཙཱུལ༹ནི. ༨༨ མོགྷརཱཛམཱཎཝཔུཙྪཱནིདྡེས].

ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི.

༢༢༧. པུགྒལོ ཨཝེཀྑཏཱིཏི? ཨཱམནྟཱ. སཧ རཱུཔེན ཨཝེཀྑཏི, ཝིནཱ རཱུཔེན ཨཝེཀྑཏཱིཏི? སཧ རཱུཔེན ཨཝེཀྑཏཱིཏི. ཏཾ ཛཱིཝཾ ཏཾ སརཱིརནྟི? ན ཧེཝཾ ཝཏྟབྦེ…པེ… ཝིནཱ རཱུཔེན ཨཝེཀྑཏཱིཏི, ཨཉྙཾ ཛཱིཝཾ ཨཉྙཾ སརཱིརནྟི? ན ཧེཝཾ ཝཏྟབྦེ…པེ….

༢༢༨. པུགྒལོ ¶ ¶ ཨཝེཀྑཏཱིཏི? ཨཱམནྟཱ. ཨབྦྷནྟརགཏོ ཨཝེཀྑཏི, བཧིདྡྷཱ ནིཀྑམིཏྭཱ ཨཝེཀྑཏཱིཏི? ཨབྦྷནྟརགཏོ ཨཝེཀྑཏཱིཏི. ཏཾ ཛཱིཝཾ ཏཾ སརཱིརནྟི? ན ཧེཝཾ ཝཏྟབྦེ…པེ… བཧིདྡྷཱ ནིཀྑམིཏྭཱ ཨཝེཀྑཏཱིཏི, ཨཉྙཾ ཛཱིཝཾ ཨཉྙཾ སརཱིརནྟི? ན ཧེཝཾ ཝཏྟབྦེ…པེ….

༢༢༩. ན ¶ ཝཏྟབྦཾ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི? ཨཱམནྟཱ. ནནུ བྷགཝཱ སཙྩཝཱདཱི ཀཱལཝཱདཱི བྷཱུཏཝཱདཱི ཏཐཝཱདཱི ཨཝིཏཐཝཱདཱི ཨནཉྙཐཝཱདཱིཏི? ཨཱམནྟཱ. ཝུཏྟཾ བྷགཝཏཱ – ‘‘ཨཏྠི པུགྒལོ ¶ ཨཏྟཧིཏཱཡ པཊིཔནྣོ’’ཏི. ཨཏྠེཝ སུཏྟནྟོཏི? ཨཱམནྟཱ. ཏེན ཧི པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི.

༢༣༠. ན ཝཏྟབྦཾ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི? ཨཱམནྟཱ. ནནུ བྷགཝཱ སཙྩཝཱདཱི ཀཱལཝཱདཱི བྷཱུཏཝཱདཱི ཏཐཝཱདཱི ཨཝིཏཐཝཱདཱི ཨནཉྙཐཝཱདཱིཏི? ཨཱམནྟཱ. ཝུཏྟཾ བྷགཝཏཱ – ‘‘ཨེཀཔུགྒལོ, བྷིཀྑཝེ, ལོཀེ ཨུཔྤཛྫམཱནོ ཨུཔྤཛྫཏི བཧུཛནཧིཏཱཡ བཧུཛནསུཁཱཡ ལོཀཱནུཀམྤཱཡ ཨཏྠཱཡ ཧིཏཱཡ སུཁཱཡ དེཝམནུསྶཱན’’ནྟི [ཨ. ནི. ༡.༡༦༢-༡༦༩]. ཨཏྠེཝ སུཏྟནྟོཏི? ཨཱམནྟཱ. ཏེན ཧི པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི.

༢༣༡. པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ནནུ བྷགཝཱ སཙྩཝཱདཱི ཀཱལཝཱདཱི བྷཱུཏཝཱདཱི ཏཐཝཱདཱི ཨཝིཏཐཝཱདཱི ཨནཉྙཐཝཱདཱིཏི? ཨཱམནྟཱ. ཝུཏྟཾ བྷགཝཏཱ – ‘‘སབྦེ དྷམྨཱ ཨནཏྟཱ’’ཏི [མ. ནི. ༡.༣༥༦; དྷ. པ. ༢༧༩ དྷམྨཔདེ]. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི.

༢༣༢. པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ནནུ ¶ བྷགཝཱ སཙྩཝཱདཱི ཀཱལཝཱདཱི བྷཱུཏཝཱདཱི ཏཐཝཱདཱི ཨཝིཏཐཝཱདཱི ཨནཉྙཐཝཱདཱིཏི? ཨཱམནྟཱ. ཝུཏྟཾ བྷགཝཏཱ – ‘‘དུཀྑམེཝ ཨུཔྤཛྫམཱནཾ ཨུཔྤཛྫཏི, དུཀྑམེཝ [དུཀྑཾ (སཾ. ནི. ༢.༡༥)] ནིརུཛ྄ཛྷམཱནཾ ནིརུཛ྄ཛྷཏཱིཏི ན ཀངྑཏི ན ཝིཙིཀིཙྪཏི, ཨཔརཔྤཙྩཡཉྙཱཎམེཝསྶ ཨེཏྠ ཧོཏི. ཨེཏྟཱཝཏཱ ཁོ, ཀཙྩཱན, སམྨཱདིཊྛི ཧོཏཱི’’ཏི [སཾ. ནི. ༢.༡༥]. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ ¶ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི.

༢༣༣. པུགྒལོ ¶ ¶ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ནནུ ཝཛིརཱ བྷིཀྑུནཱི མཱརཾ པཱཔིམནྟཾ ཨེཏདཝོཙ –

‘‘ཀིནྣུ སཏྟོཏི པཙྩེསི, མཱར དིཊྛིགཏཾ ནུ ཏེ;

སུདྡྷསངྑཱརཔུཉྫོཡཾ, ནཡིདྷ སཏྟུཔལབྦྷཏི.

‘‘ཡཐཱ ཧི [ཡཐཱཔི (བཧཱུསུ)] ཨངྒསམྦྷཱརཱ, ཧོཏི སདྡོ རཐོ ཨིཏི;

ཨེཝཾ ཁནྡྷེསུ སནྟེསུ, ཧོཏི སཏྟོཏི སམྨུཏི [སམྨཏི (སྱཱ. ཀཾ.)].

‘‘དུཀྑམེཝ ཧི སམྦྷོཏི, དུཀྑཾ ཏིཊྛཏི ཝེཏི ཙ;

ནཱཉྙཏྲ དུཀྑཱ སམྦྷོཏི, ནཱཉྙཾ དུཀྑཱ ནིརུཛ྄ཛྷཏཱི’’ཏི [སཾ. ནི. ༡.༡༧༡].

ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི.

༢༣༤. པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ནནུ ཨཱཡསྨཱ ཨཱནནྡོ བྷགཝནྟཾ ཨེཏདཝོཙ – ‘‘‘སུཉྙོ ¶ ལོཀོ སུཉྙོ ལོཀོ’ཏི, བྷནྟེ, ཝུཙྩཏི. ཀིཏྟཱཝཏཱ ནུ ཁོ, བྷནྟེ, ‘སུཉྙོ ལོཀོ’ཏི ཝུཙྩཏཱི’’ཏི? ‘‘ཡསྨཱ ཁོ, ཨཱནནྡ, སུཉྙཾ ཨཏྟེན ཝཱ ཨཏྟནིཡེན ཝཱ, ཏསྨཱ ‘སུཉྙོ ལོཀོ’ཏི ཝུཙྩཏི. ཀིཉྩཱནནྡ, སུཉྙཾ ཨཏྟེན ཝཱ ཨཏྟནིཡེན ཝཱ? ཙཀྑུཾ ཁོ, ཨཱནནྡ, སུཉྙཾ ཨཏྟེན ཝཱ ཨཏྟནིཡེན ཝཱ, རཱུཔཱ སུཉྙཱ…པེ… ཙཀྑུཝིཉྙཱཎཾ སུཉྙཾ… ཙཀྑུསམྥསྶོ སུཉྙོ… ཡམྤིདཾ ཙཀྑུསམྥསྶཔཙྩཡཱ ཨུཔྤཛྫཏི ཝེདཡིཏཾ ¶ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ, ཏམྤི སུཉྙཾ ཨཏྟེན ཝཱ ཨཏྟནིཡེན ཝཱ, སོཏཾ སུཉྙཾ…པེ… སདྡཱ སུཉྙཱ… གྷཱནཾ སུཉྙཾ… གནྡྷཱ སུཉྙཱ… ཛིཝ྄ཧཱ སུཉྙཱ… རསཱ སུཉྙཱ… ཀཱཡོ སུཉྙོ… ཕོཊྛབྦཱ སུཉྙཱ… མནོ སུཉྙོ… དྷམྨཱ སུཉྙཱ… མནོཝིཉྙཱཎཾ སུཉྙཾ… མནོསམྥསྶོ སུཉྙོ… ཡམྤིདཾ མནོསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ, ཏམྤི སུཉྙཾ ཨཏྟེན ཝཱ ཨཏྟནིཡེན ཝཱ. ཡསྨཱ ཁོ, ཨཱནནྡ, སུཉྙཾ ཨཏྟེན ཝཱ ཨཏྟནིཡེན ཝཱ, ཏསྨཱ ¶ ‘སུཉྙོ ལོཀོ’ཏི ཝུཙྩཏཱི’’ཏི [སཾ. ནི. ༤.༨༥]. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི.

༢༣༥. པུགྒལོ ¶ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ནནུ བྷགཝཱ སཙྩཝཱདཱི ཀཱལཝཱདཱི བྷཱུཏཝཱདཱི ཏཐཝཱདཱི ཨཝིཏཐཝཱདཱི ཨནཉྙཐཝཱདཱིཏི? ཨཱམནྟཱ. ཝུཏྟཾ བྷགཝཏཱ – ‘‘ཨཏྟནི ཝཱ, བྷིཀྑཝེ, སཏི ‘ཨཏྟནིཡཾ མེ’ཏི ཨསྶཱ’’ཏི? ‘‘ཨེཝཾ, བྷནྟེ’’. ‘‘ཨཏྟནིཡེ ཝཱ, བྷིཀྑཝེ, སཏི ‘ཨཏྟཱ མེ’ཏི ཨསྶཱ’’ཏི? ‘‘ཨེཝཾ, བྷནྟེ’’. ‘‘ཨཏྟནི ཙ, བྷིཀྑཝེ, ཨཏྟནིཡེ ཙ སཙྩཏོ ཐེཏཏོ ཨནུཔལབྦྷིཡམཱནེ [ཨནུཔལབྦྷམཱནེ (མ. ནི. ༡.༢༤༤)] ཡམྤིདཾ [ཡམིདཾ (སྱཱ.) ཡམྤིཏཾ (མ. ནི. ༡.༢༤༤)] དིཊྛིཊྛཱནཾ སོ ལོཀོ སོ ཨཏྟཱ སོ པེཙྩ བྷཝིསྶཱམི ནིཙྩོ དྷུཝོ སསྶཏོ ཨཝིཔརིཎཱམདྷམྨོ, སསྶཏིསམཾ ཏཐེཝ ཋསྶཱམཱིཏི – ‘ནནྭཱཡཾ, བྷིཀྑཝེ, ཀེཝལོ པརིཔཱུརོ བཱལདྷམྨོ’’’ཏི? ‘‘ཀིཉྷི ནོ སིཡཱ, བྷནྟེ, ཀེཝལོ ཧི, བྷནྟེ, པརིཔཱུརོ བཱལདྷམྨོ’’ཏི ¶ [མ. ནི. ༡.༢༤༤]. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི.

༢༣༦. པུགྒལོ ¶ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ནནུ བྷགཝཱ སཙྩཝཱདཱི ཀཱལཝཱདཱི བྷཱུཏཝཱདཱི ཏཐཝཱདཱི ཨཝིཏཐཝཱདཱི ཨནཉྙཐཝཱདཱིཏི? ཨཱམནྟཱ. ཝུཏྟཾ བྷགཝཏཱ – ‘‘ཏཡོ མེ, སེནིཡ, སཏྠཱརོ སནྟོ སཾཝིཛྫམཱནཱ ལོཀསྨིཾ. ཀཏམེ ཏཡོ? ཨིདྷ, སེནིཡ, ཨེཀཙྩོ སཏྠཱ དིཊྛེཝ དྷམྨེ ཨཏྟཱནཾ སཙྩཏོ ཐེཏཏོ པཉྙཱཔེཏི, ཨབྷིསམྤརཱཡཉྩ ཨཏྟཱནཾ སཙྩཏོ ཐེཏཏོ པཉྙཱཔེཏི.

‘‘ཨིདྷ པན, སེནིཡ, ཨེཀཙྩོ སཏྠཱ དིཊྛེཝ ཧི ཁོ དྷམྨེ ཨཏྟཱནཾ སཙྩཏོ ཐེཏཏོ པཉྙཱཔེཏི, ནོ ཙ ཁོ ཨབྷིསམྤརཱཡཾ ཨཏྟཱནཾ སཙྩཏོ ཐེཏཏོ པཉྙཱཔེཏི.

‘‘ཨིདྷ པན, སེནིཡ, ཨེཀཙྩོ སཏྠཱ དིཊྛེ ཙེཝ དྷམྨེ ཨཏྟཱནཾ སཙྩཏོ ཐེཏཏོ ན པཉྙཱཔེཏི, ཨབྷིསམྤརཱཡཉྩ ཨཏྟཱནཾ སཙྩཏོ ཐེཏཏོ ན པཉྙཱཔེཏི.

‘‘ཏཏྲ, སེནིཡ, ཡྭཱཡཾ སཏྠཱ དིཊྛེ ཙེཝ དྷམྨེ ཨཏྟཱནཾ སཙྩཏོ ཐེཏཏོ པཉྙཱཔེཏི, ཨབྷིསམྤརཱཡཉྩ ཨཏྟཱནཾ སཙྩཏོ ཐེཏཏོ པཉྙཱཔེཏི – ཨཡཾ ཝུཙྩཏི, སེནིཡ, སཏྠཱ སསྶཏཝཱདོ.

‘‘ཏཏྲ ¶ ¶ , སེནིཡ, ཡྭཱཡཾ སཏྠཱ དིཊྛེཝ ཧི ཁོ དྷམྨེ ཨཏྟཱནཾ སཙྩཏོ ཐེཏཏོ པཉྙཱཔེཏི, ནོ ཙ ཁོ ཨབྷིསམྤརཱཡཾ ཨཏྟཱནཾ སཙྩཏོ ཐེཏཏོ པཉྙཱཔེཏི – ཨཡཾ ཝུཙྩཏི, སེནིཡ, སཏྠཱ ཨུཙྪེདཝཱདོ.

‘‘ཏཏྲ, སེནིཡ, ཡྭཱཡཾ སཏྠཱ དིཊྛེ ཙེཝ དྷམྨེ ཨཏྟཱནཾ སཙྩཏོ ཐེཏཏོ ¶ ན པཉྙཱཔེཏི, ཨབྷིསམྤརཱཡཉྩ ཨཏྟཱནཾ སཙྩཏོ ཐེཏཏོ ན པཉྙཱཔེཏི – ཨཡཾ ཝུཙྩཏི, སེནིཡ, སཏྠཱ སམྨཱསམྦུདྡྷོ. ཨིམེ ཁོ, སེནིཡ, ཏཡོ སཏྠཱརོ སནྟོ སཾཝིཛྫམཱནཱ ལོཀསྨི’’ནྟི [པུ. པ. ༡༣༡ པུགྒལཔཉྙཏྟིཡཾ, ཨཏྠཏོ ཨེཀཾ]. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི.

༢༣༧. པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ནནུ བྷགཝཱ སཙྩཝཱདཱི ཀཱལཝཱདཱི བྷཱུཏཝཱདཱི ཏཐཝཱདཱི ཨཝིཏཐཝཱདཱི ཨནཉྙཐཝཱདཱིཏི? ཨཱམནྟཱ. ཝུཏྟཾ བྷགཝཏཱ – ‘‘སཔྤིཀུམྦྷོ’’ཏི? ཨཱམནྟཱ ¶ . ཨཏྠི ཀོཙི སཔྤིསྶ ཀུམྦྷཾ ཀརོཏཱིཏི? ན ཧེཝཾ ཝཏྟབྦེ…པེ… ཏེན ཧི ན ཝཏྟབྦཾ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི.

༢༣༨. པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ནནུ བྷགཝཱ སཙྩཝཱདཱི ཀཱལཝཱདཱི བྷཱུཏཝཱདཱི ཏཐཝཱདཱི ཨཝིཏཐཝཱདཱི ཨནཉྙཐཝཱདཱིཏི? ཨཱམནྟཱ. ཝུཏྟཾ བྷགཝཏཱ – ‘‘ཏེལཀུམྦྷོ… མདྷུཀུམྦྷོ… ཕཱཎིཏཀུམྦྷོ… ཁཱིརཀུམྦྷོ… ཨུདཀཀུམྦྷོ… པཱནཱིཡཐཱལཀཾ… པཱནཱིཡཀོསཀཾ… པཱནཱིཡསརཱཝཀཾ… ནིཙྩབྷཏྟཾ… དྷུཝཡཱགཱུ’’ཏི? ཨཱམནྟཱ. ཨཏྠི ཀཱཙི ཡཱགུ ནིཙྩཱ དྷུཝཱ སསྶཏཱ ཨཝིཔརིཎཱམདྷམྨཱཏི? ན ཧེཝཾ ཝཏྟབྦེ.…པེ…. ཏེན ཧི ན ཝཏྟབྦཾ – ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. (སཾཁིཏྟཾ)

ཨཊྛཀནིགྒཧཔེཡྻཱལཱ, སནྡྷཱཝནིཡཱ ཨུཔཱདཱཡ;

ཙིཏྟེན པཉྩམཾ ཀལྱཱཎཾ, ཨིདྡྷིསུཏྟཱཧརཎེན ཨཊྛམཾ.

སཙྩིཀཊྛསབྷཱགཱནུཡོགོ.

པུགྒལཀཐཱ ནིཊྛིཏཱ.

༢. པརིཧཱནིཀཐཱ

༡. ཝཱདཡུཏྟིཔརིཧཱནི

༢༣༩. པརིཧཱཡཏི ¶ ¶ ¶ ཨརཧཱ ཨརཧཏྟཱཏི? ཨཱམནྟཱ. སབྦཏྠ ཨརཧཱ ཨརཧཏྟཱ པརིཧཱཡཏཱིཏི? ན ཧེཝཾ ཝཏྟབྦེ…པེ… སབྦཏྠ ཨརཧཱ ཨརཧཏྟཱ པརིཧཱཡཏཱིཏི? ཨཱམནྟཱ. སབྦཏྠ ཨརཧཏོ པརིཧཱནཱིཏི? ན ཧེཝཾ ཝཏྟབྦེ…པེ….

པརིཧཱཡཏི ཨརཧཱ ཨརཧཏྟཱཏི? ཨཱམནྟཱ ¶ . སབྦདཱ ཨརཧཱ ཨརཧཏྟཱ པརིཧཱཡཏཱིཏི? ན ཧེཝཾ ཝཏྟབྦེ…པེ… སབྦདཱ ཨརཧཱ ཨརཧཏྟཱ པརིཧཱཡཏཱིཏི? ཨཱམནྟཱ. སབྦདཱ ཨརཧཏོ པརིཧཱནཱིཏི? ན ཧེཝཾ ཝཏྟབྦེ…པེ….

པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. སབྦེཝ ཨརཧནྟོ ཨརཧཏྟཱ པརིཧཱཡནྟཱིཏི? ན ཧེཝཾ ཝཏྟབྦེ…པེ… སབྦེཝ ཨརཧནྟོ ཨརཧཏྟཱ པརིཧཱཡནྟཱིཏི? ཨཱམནྟཱ. སབྦེསཾཡེཝ ཨརཧནྟཱནཾ པརིཧཱནཱིཏི? ན ཧེཝཾ ཝཏྟབྦེ…པེ….

པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. ཨརཧཱ ཨརཧཏྟཱ པརིཧཱཡམཱནོ ཙཏཱུཧི ཕལེཧི པརིཧཱཡཏཱིཏི? ན ཧེཝཾ ཝཏྟབྦེ…པེ….

ཙཏཱུཧི སཏསཧསྶེཧི སེཊྛཱི སེཊྛིཏྟཾ ཀཱརེནྟོ སཏསཧསྶེ པརིཧཱིནེ སེཊྛིཏྟཱ པརིཧཱིནོ ཧོཏཱིཏི? ཨཱམནྟཱ. སབྦསཱཔཏེཡྻཱ པརིཧཱིནོ ཧོཏཱིཏི? ན ཧེཝཾ ཝཏྟབྦེ…པེ….

ཙཏཱུཧི ¶ སཏསཧསྶེཧི སེཊྛཱི སེཊྛིཏྟཾ ཀཱརེནྟོ སཏསཧསྶེ པརིཧཱིནེ བྷབྦོ སབྦསཱཔཏེཡྻཱ པརིཧཱཡིཏུནྟི? ཨཱམནྟཱ. ཨརཧཱ ཨརཧཏྟཱ པརིཧཱཡམཱནོ ¶ བྷབྦོ ཙཏཱུཧི ཕལེཧི པརིཧཱཡིཏུནྟི? ན ཧེཝཾ ཝཏྟབྦེ…པེ….

༢. ཨརིཡཔུགྒལསཾསནྡནཔརིཧཱནི

༢༤༠. པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. པརིཧཱཡཏི སོཏཱཔནྣོ སོཏཱཔཏྟིཕལཱཏི? ན ¶ ཧེཝཾ ཝཏྟབྦེ…པེ….

པརིཧཱཡཏི ¶ ཨརཧཱ ཨརཧཏྟཱཏི? ཨཱམནྟཱ. པརིཧཱཡཏི སཀདཱགཱམཱི སཀདཱགཱམིཕལཱཏི? ན ཧེཝཾ ཝཏྟབྦེ…པེ….

པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. པརིཧཱཡཏི ཨནཱགཱམཱི ཨནཱགཱམིཕལཱཏི? ན ཧེཝཾ ཝཏྟབྦེ…པེ….

པརིཧཱཡཏི ཨནཱགཱམཱི ཨནཱགཱམིཕལཱཏི? ཨཱམནྟཱ. པརིཧཱཡཏི སོཏཱཔནྣོ སོཏཱཔཏྟིཕལཱཏི? ན ཧེཝཾ ཝཏྟབྦེ…པེ….

པརིཧཱཡཏི ཨནཱགཱམཱི ཨནཱགཱམིཕལཱཏི? ཨཱམནྟཱ. པརིཧཱཡཏི སཀདཱགཱམཱི སཀདཱགཱམིཕལཱཏི? ན ཧེཝཾ ཝཏྟབྦེ…པེ….

པརིཧཱཡཏི སཀདཱགཱམཱི སཀདཱགཱམིཕལཱཏི? ཨཱམནྟཱ. པརིཧཱཡཏི སོཏཱཔནྣོ སོཏཱཔཏྟིཕལཱཏི? ན ཧེཝཾ ཝཏྟབྦེ…པེ….

ན ¶ པརིཧཱཡཏི སོཏཱཔནྣོ སོཏཱཔཏྟིཕལཱཏི? ཨཱམནྟཱ. ན པརིཧཱཡཏི ཨརཧཱ ཨརཧཏྟཱཏི? ན ཧེཝཾ ཝཏྟབྦེ…པེ….

ན ¶ པརིཧཱཡཏི སཀདཱགཱམཱི སཀདཱགཱམིཕལཱཏི? ཨཱམནྟཱ. ན པརིཧཱཡཏི ཨརཧཱ ཨརཧཏྟཱཏི? ན ཧེཝཾ ཝཏྟབྦེ…པེ….

ན པརིཧཱཡཏི ཨནཱགཱམཱི ཨནཱགཱམིཕལཱཏི? ཨཱམནྟཱ. ན པརིཧཱཡཏི ཨརཧཱ ཨརཧཏྟཱཏི? ན ཧེཝཾ ཝཏྟབྦེ…པེ….

ན པརིཧཱཡཏི སོཏཱཔནྣོ སོཏཱཔཏྟིཕལཱཏི? ཨཱམནྟཱ. ན པརིཧཱཡཏི ཨནཱགཱམཱི ཨནཱགཱམིཕལཱཏི? ན ཧེཝཾ ཝཏྟབྦེ…པེ….

ན པརིཧཱཡཏི སཀདཱགཱམཱི སཀདཱགཱམིཕལཱཏི? ཨཱམནྟཱ ¶ . ན པརིཧཱཡཏི ཨནཱགཱམཱི ཨནཱགཱམིཕལཱཏི? ན ཧེཝཾ ཝཏྟབྦེ…པེ….

ན པརིཧཱཡཏི སོཏཱཔནྣོ སོཏཱཔཏྟིཕལཱཏི? ཨཱམནྟཱ. ན པརིཧཱཡཏི སཀདཱགཱམཱི སཀདཱགཱམིཕལཱཏི? ན ཧེཝཾ ཝཏྟབྦེ…པེ….

༢༤༡. པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. ཨརཧཱ ཨརཧཏྟཱ པརིཧཱཡམཱནོ ཀཏྠ སཎྛཱཏཱིཏི? ཨནཱགཱམིཕལེཏི. ཨནཱགཱམཱི ཨནཱགཱམིཕལཱ པརིཧཱཡམཱནོ ཀཏྠ སཎྛཱཏཱིཏི? སཀདཱགཱམིཕལེཏི. སཀདཱགཱམཱི སཀདཱགཱམིཕལཱ པརིཧཱཡམཱནོ ཀཏྠ སཎྛཱཏཱིཏི? སོཏཱཔཏྟིཕལེཏི. སོཏཱཔནྣོ སོཏཱཔཏྟིཕལཱ པརིཧཱཡམཱནོ པུཐུཛྫནབྷཱུམིཡཾ སཎྛཱཏཱིཏི? ན ཧེཝཾ ཝཏྟབྦེ.

ཨཱཛཱནཱཧི ¶ ནིགྒཧཾ. ཧཉྩི ཨརཧཱ ཨརཧཏྟཱ པརིཧཱཡམཱནོ ཨནཱགཱམིཕལེ སཎྛཱཏི, ཨནཱགཱམཱི ཨནཱགཱམིཕལཱ པརིཧཱཡམཱནོ སཀདཱགཱམིཕལེ སཎྛཱཏི, སཀདཱགཱམཱི སཀདཱགཱམིཕལཱ པརིཧཱཡམཱནོ སོཏཱཔཏྟིཕལེ སཎྛཱཏི; ཏེན ཝཏ རེ ཝཏྟབྦེ – ‘‘སོཏཱཔནྣོ སོཏཱཔཏྟིཕལཱ པརིཧཱཡམཱནོ པུཐུཛྫནབྷཱུམིཡཾ སཎྛཱཏཱི’’ཏི.

ཨརཧཱ ཨརཧཏྟཱ པརིཧཱཡམཱནོ སོཏཱཔཏྟིཕལེ སཎྛཱཏཱིཏི? ཨཱམནྟཱ. སོཏཱཔཏྟིཕལསྶ ཨནནྟརཱ ཨརཧཏྟཾཡེཝ སཙྪིཀརོཏཱིཏི? ན ཧེཝཾ ཝཏྟབྦེ…པེ….

༢༤༢. པརིཧཱཡཏི ¶ ཨརཧཱ ཨརཧཏྟཱཏི? ཨཱམནྟཱ. པརིཧཱཡཏི ¶ སོཏཱཔནྣོ སོཏཱཔཏྟིཕལཱཏི? ན ཧེཝཾ ཝཏྟབྦེ…པེ… ཀསྶ ¶ བཧུཏརཱ ཀིལེསཱ པཧཱིནཱ ཨརཧཏོ ཝཱ སོཏཱཔནྣསྶ ཝཱཏི? ཨརཧཏོ. ཧཉྩི ཨརཧཏོ བཧུཏརཱ ཀིལེསཱ པཧཱིནཱ, པརིཧཱཡཏི ཨརཧཱ ཨརཧཏྟཱ; ཏེན ཝཏ རེ ཝཏྟབྦེ – ‘‘པརིཧཱཡཏི སོཏཱཔནྣོ སོཏཱཔཏྟིཕལཱ’’ཏི.

པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. པརིཧཱཡཏི སཀདཱགཱམཱི སཀདཱགཱམིཕལཱཏི? ན ཧེཝཾ ཝཏྟབྦེ…པེ… ཀསྶ བཧུཏརཱ ཀིལེསཱ པཧཱིནཱ ཨརཧཏོ ཝཱ སཀདཱགཱམིསྶ ཝཱཏི? ཨརཧཏོ. ཧཉྩི ཨརཧཏོ བཧུཏརཱ ཀིལེསཱ པཧཱིནཱ, པརིཧཱཡཏི ཨརཧཱ ཨརཧཏྟཱ; ཏེན ཝཏ རེ ཝཏྟབྦེ – ‘‘པརིཧཱཡཏི སཀདཱགཱམཱི སཀདཱགཱམིཕལཱ’’ཏི.

པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. པརིཧཱཡཏི ཨནཱགཱམཱི ཨནཱགཱམིཕལཱཏི? ན ཧེཝཾ ཝཏྟབྦེ…པེ… ཀསྶ བཧུཏརཱ ཀིལེསཱ པཧཱིནཱ ཨརཧཏོ ཝཱ ཨནཱགཱམིསྶ ཝཱཏི? ཨརཧཏོ. ཧཉྩི ཨརཧཏོ བཧུཏརཱ ཀིལེསཱ པཧཱིནཱ, པརིཧཱཡཏི ཨརཧཱ ཨརཧཏྟཱ; ཏེན ཝཏ རེ ཝཏྟབྦེ – ‘‘པརིཧཱཡཏི ཨནཱགཱམཱི ཨནཱགཱམིཕལཱ’’ཏི.

པརིཧཱཡཏི ཨནཱགཱམཱི ཨནཱགཱམིཕལཱཏི? ཨཱམནྟཱ. པརིཧཱཡཏི སོཏཱཔནྣོ སོཏཱཔཏྟིཕལཱཏི? ན ཧེཝཾ ཝཏྟབྦེ…པེ… ཀསྶ བཧུཏརཱ ཀིལེསཱ པཧཱིནཱ ཨནཱགཱམིསྶ ཝཱ སོཏཱཔནྣསྶ ཝཱཏི? ཨནཱགཱམིསྶ. ཧཉྩི ཨནཱགཱམིསྶ བཧུཏརཱ ཀིལེསཱ པཧཱིནཱ, པརིཧཱཡཏི ཨནཱགཱམཱི ཨནཱགཱམིཕལཱ; ཏེན ཝཏ རེ ཝཏྟབྦེ – ‘‘པརིཧཱཡཏི སོཏཱཔནྣོ སོཏཱཔཏྟིཕལཱ’’ཏི.

༢༤༣. པརིཧཱཡཏི ¶ ¶ ཨནཱགཱམཱི ཨནཱགཱམིཕལཱཏི? ཨཱམནྟཱ. པརིཧཱཡཏི ¶ སཀདཱགཱམཱི སཀདཱགཱམིཕལཱཏི? ན ཧེཝཾ ཝཏྟབྦེ…པེ… ཀསྶ བཧུཏརཱ ཀིལེསཱ པཧཱིནཱ ཨནཱགཱམིསྶ ཝཱ སཀདཱགཱམིསྶ ཝཱཏི? ཨནཱགཱམིསྶ. ཧཉྩི ཨནཱགཱམིསྶ བཧུཏརཱ ཀིལེསཱ པཧཱིནཱ, པརིཧཱཡཏི ཨནཱགཱམཱི ཨནཱགཱམིཕལཱ; ཏེན ཝཏ རེ ཝཏྟབྦེ – ‘‘པརིཧཱཡཏི སཀདཱགཱམཱི སཀདཱགཱམིཕལཱ’’ཏི.

པརིཧཱཡཏི སཀདཱགཱམཱི སཀདཱགཱམིཕལཱཏི? ཨཱམནྟཱ. པརིཧཱཡཏི སོཏཱཔནྣོ སོཏཱཔཏྟིཕལཱཏི ¶ ? ན ཧེཝཾ ཝཏྟབྦེ…པེ… ཀསྶ བཧུཏརཱ ཀིལེསཱ པཧཱིནཱ སཀདཱགཱམིསྶ ཝཱ སོཏཱཔནྣསྶ ཝཱཏི? སཀདཱགཱམིསྶ. ཧཉྩི སཀདཱགཱམིསྶ བཧུཏརཱ ཀིལེསཱ པཧཱིནཱ, པརིཧཱཡཏི སཀདཱགཱམཱི སཀདཱགཱམིཕལཱ; ཏེན ཝཏ རེ ཝཏྟབྦེ – ‘‘པརིཧཱཡཏི སོཏཱཔནྣོ སོཏཱཔཏྟིཕལཱ’’ཏི.

༢༤༤. པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. པརིཧཱཡཏི སོཏཱཔནྣོ སོཏཱཔཏྟིཕལཱཏི? ན ཧེཝཾ ཝཏྟབྦེ…པེ… ཀསྶ ཨདྷིམཏྟཱ མགྒབྷཱཝནཱ ཨརཧཏོ ཝཱ སོཏཱཔནྣསྶ ཝཱཏི? ཨརཧཏོ. ཧཉྩི ཨརཧཏོ ཨདྷིམཏྟཱ མགྒབྷཱཝནཱ, པརིཧཱཡཏི ཨརཧཱ ཨརཧཏྟཱ; ཏེན ཝཏ རེ ཝཏྟབྦེ – ‘‘པརིཧཱཡཏི སོཏཱཔནྣོ སོཏཱཔཏྟིཕལཱ’’ཏི.

པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. པརིཧཱཡཏི སོཏཱཔནྣོ སོཏཱཔཏྟིཕལཱཏི? ན ཧེཝཾ ཝཏྟབྦེ…པེ… ཀསྶ ཨདྷིམཏྟཱ སཏིཔཊྛཱནབྷཱཝནཱ…པེ… སམྨཔྤདྷཱནབྷཱཝནཱ… ཨིདྡྷིཔཱདབྷཱཝནཱ… ཨིནྡྲིཡབྷཱཝནཱ ¶ … བལབྷཱཝནཱ… བོཛ྄ཛྷངྒབྷཱཝནཱ ཨརཧཏོ ཝཱ སོཏཱཔནྣསྶ ཝཱཏི? ཨརཧཏོ. ཧཉྩི ཨརཧཏོ ཨདྷིམཏྟཱ བོཛ྄ཛྷངྒབྷཱཝནཱ, པརིཧཱཡཏི ཨརཧཱ ཨརཧཏྟཱ; ཏེན ཝཏ རེ ཝཏྟབྦེ – ‘‘པརིཧཱཡཏི སོཏཱཔནྣོ སོཏཱཔཏྟིཕལཱ’’ཏི.

པརིཧཱཡཏི ¶ ཨརཧཱ ཨརཧཏྟཱཏི? ཨཱམནྟཱ. པརིཧཱཡཏི སཀདཱགཱམཱི སཀདཱགཱམིཕལཱཏི? ན ཧེཝཾ ཝཏྟབྦེ…པེ… ཀསྶ ཨདྷིམཏྟཱ མགྒབྷཱཝནཱ…པེ… བོཛ྄ཛྷངྒབྷཱཝནཱ ཨརཧཏོ ཝཱ སཀདཱགཱམིསྶ ཝཱཏི? ཨརཧཏོ. ཧཉྩི ཨརཧཏོ ཨདྷིམཏྟཱ བོཛ྄ཛྷངྒབྷཱཝནཱ, པརིཧཱཡཏི ཨརཧཱ ཨརཧཏྟཱ; ཏེན ཝཏ རེ ཝཏྟབྦེ – ‘‘པརིཧཱཡཏི སཀདཱགཱམཱི སཀདཱགཱམིཕལཱ’’ཏི.

པརིཧཱཡཏི ¶ ཨརཧཱ ཨརཧཏྟཱཏི? ཨཱམནྟཱ. པརིཧཱཡཏི ཨནཱགཱམཱི ཨནཱགཱམིཕལཱཏི? ན ཧེཝཾ ཝཏྟབྦེ…པེ… ཀསྶ ཨདྷིམཏྟཱ མགྒབྷཱཝནཱ…པེ… བོཛ྄ཛྷངྒབྷཱཝནཱ ཨརཧཏོ ཝཱ ཨནཱགཱམིསྶ ཝཱཏི? ཨརཧཏོ. ཧཉྩི ཨརཧཏོ ཨདྷིམཏྟཱ བོཛ྄ཛྷངྒབྷཱཝནཱ, པརིཧཱཡཏི ཨརཧཱ ཨརཧཏྟཱ; ཏེན ཝཏ རེ ཝཏྟབྦེ – ‘‘པརིཧཱཡཏི ཨནཱགཱམཱི ཨནཱགཱམིཕལཱ’’ཏི.

༢༤༥. པརིཧཱཡཏི ¶ ཨནཱགཱམཱི ཨནཱགཱམིཕལཱཏི? ཨཱམནྟཱ. པརིཧཱཡཏི སོཏཱཔནྣོ སོཏཱཔཏྟིཕལཱཏི? ན ཧེཝཾ ཝཏྟབྦེ…པེ… ཀསྶ ཨདྷིམཏྟཱ མགྒབྷཱཝནཱ…པེ… བོཛ྄ཛྷངྒབྷཱཝནཱ ཨནཱགཱམིསྶ ཝཱ སོཏཱཔནྣསྶ ཝཱཏི? ཨནཱགཱམིསྶ. ཧཉྩི ཨནཱགཱམིསྶ ཨདྷིམཏྟཱ ¶ བོཛ྄ཛྷངྒབྷཱཝནཱ, པརིཧཱཡཏི ཨནཱགཱམཱི ཨནཱགཱམིཕལཱ; ཏེན ཝཏ རེ ཝཏྟབྦེ – ‘‘པརིཧཱཡཏི སོཏཱཔནྣོ སོཏཱཔཏྟིཕལཱ’’ཏི.

པརིཧཱཡཏི ཨནཱགཱམཱི ཨནཱགཱམིཕལཱཏི? ཨཱམནྟཱ. པརིཧཱཡཏི སཀདཱགཱམཱི སཀདཱགཱམིཕལཱཏི? ན ཧེཝཾ ཝཏྟབྦེ…པེ… ཀསྶ ཨདྷིམཏྟཱ མགྒབྷཱཝནཱ…པེ… བོཛ྄ཛྷངྒབྷཱཝནཱ ཨནཱགཱམིསྶ ཝཱ སཀདཱགཱམིསྶ ཝཱཏི? ཨནཱགཱམིསྶ. ཧཉྩི ཨནཱགཱམིསྶ ཨདྷིམཏྟཱ བོཛ྄ཛྷངྒབྷཱཝནཱ, པརིཧཱཡཏི ¶ ཨནཱགཱམཱི ཨནཱགཱམིཕལཱ; ཏེན ཝཏ རེ ཝཏྟབྦེ – ‘‘པརིཧཱཡཏི སཀདཱགཱམཱི སཀདཱགཱམིཕལཱ’’ཏི.

༢༤༦. པརིཧཱཡཏི སཀདཱགཱམཱི སཀདཱགཱམིཕལཱཏི? ཨཱམནྟཱ. པརིཧཱཡཏི སོཏཱཔནྣོ སོཏཱཔཏྟིཕལཱཏི? ན ཧེཝཾ ཝཏྟབྦེ…པེ… ཀསྶ ཨདྷིམཏྟཱ མགྒབྷཱཝནཱ…པེ… བོཛ྄ཛྷངྒབྷཱཝནཱ སཀདཱགཱམིསྶ ཝཱ སོཏཱཔནྣསྶ ཝཱཏི? སཀདཱགཱམིསྶ. ཧཉྩི སཀདཱགཱམིསྶ ཨདྷིམཏྟཱ བོཛ྄ཛྷངྒབྷཱཝནཱ, པརིཧཱཡཏི སཀདཱགཱམཱི སཀདཱགཱམིཕལཱ; ཏེན ཝཏ རེ ཝཏྟབྦེ – ‘‘པརིཧཱཡཏི སོཏཱཔནྣོ སོཏཱཔཏྟིཕལཱ’’ཏི…པེ….

༢༤༧. ཨརཧཏཱ དུཀྑཾ དིཊྛཾ, པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. སོཏཱཔནྣེན དུཀྑཾ དིཊྛཾ, པརིཧཱཡཏི སོཏཱཔནྣོ སོཏཱཔཏྟིཕལཱཏི? ན ཧེཝཾ ཝཏྟབྦེ…པེ….

ཨརཧཏཱ སམུདཡོ དིཊྛོ, པརིཧཱཡཏི ཨརཧཱ ཨརཧཏྟཱཏི ¶ ? ཨཱམནྟཱ. སོཏཱཔནྣེན སམུདཡོ དིཊྛོ, པརིཧཱཡཏི སོཏཱཔནྣོ སོཏཱཔཏྟིཕལཱཏི? ན ཧེཝཾ ཝཏྟབྦེ…པེ….

ཨརཧཏཱ ¶ ནིརོདྷོ དིཊྛོ, པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. སོཏཱཔནྣེན ནིརོདྷོ དིཊྛོ, པརིཧཱཡཏི སོཏཱཔནྣོ སོཏཱཔཏྟིཕལཱཏི? ན ཧེཝཾ ཝཏྟབྦེ…པེ….

ཨརཧཏཱ ¶ མགྒོ དིཊྛོ, པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. སོཏཱཔནྣེན མགྒོ དིཊྛོ, པརིཧཱཡཏི སོཏཱཔནྣོ སོཏཱཔཏྟིཕལཱཏི? ན ཧེཝཾ ཝཏྟབྦེ…པེ….

ཨརཧཏཱ ཙཏྟཱརི སཙྩཱནི དིཊྛཱནི, པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. སོཏཱཔནྣེན ཙཏྟཱརི སཙྩཱནི དིཊྛཱནི, པརིཧཱཡཏི སོཏཱཔནྣོ སོཏཱཔཏྟིཕལཱཏི? ན ¶ ཧེཝཾ ཝཏྟབྦེ…པེ….

ཨརཧཏཱ དུཀྑཾ དིཊྛཾ, པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. སཀདཱགཱམིནཱ དུཀྑཾ དིཊྛཾ, པརིཧཱཡཏི སཀདཱགཱམཱི སཀདཱགཱམིཕལཱཏི? ན ཧེཝཾ ཝཏྟབྦེ…པེ….

ཨརཧཏཱ སམུདཡོ དིཊྛོ…པེ… ནིརོདྷོ དིཊྛོ…པེ… མགྒོ དིཊྛོ…པེ… ཙཏྟཱརི སཙྩཱནི དིཊྛཱནི, པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. སཀདཱགཱམིནཱ ཙཏྟཱརི སཙྩཱནི དིཊྛཱནི, པརིཧཱཡཏི སཀདཱགཱམཱི སཀདཱགཱམིཕལཱཏི? ན ཧེཝཾ ཝཏྟབྦེ…པེ….

ཨརཧཏཱ དུཀྑཾ དིཊྛཾ, པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. ཨནཱགཱམིནཱ དུཀྑཾ དིཊྛཾ, པརིཧཱཡཏི ཨནཱགཱམཱི ཨནཱགཱམིཕལཱཏི? ན ཧེཝཾ ཝཏྟབྦེ…པེ….

ཨརཧཏཱ སམུདཡོ དིཊྛོ…པེ… ནིརོདྷོ དིཊྛོ…པེ… མགྒོ དིཊྛོ…པེ… ཙཏྟཱརི སཙྩཱནི དིཊྛཱནི, པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. ཨནཱགཱམིནཱ ཙཏྟཱརི སཙྩཱནི ¶ དིཊྛཱནི, པརིཧཱཡཏི ཨནཱགཱམཱི ཨནཱགཱམིཕལཱཏི? ན ཧེཝཾ ཝཏྟབྦེ…པེ….

༢༤༨. ཨནཱགཱམིནཱ དུཀྑཾ དིཊྛཾ, པརིཧཱཡཏི ཨནཱགཱམཱི ཨནཱགཱམིཕལཱཏི? ཨཱམནྟཱ. སོཏཱཔནྣེན དུཀྑཾ དིཊྛཾ, པརིཧཱཡཏི སོཏཱཔནྣོ སོཏཱཔཏྟིཕལཱཏི? ན ཧེཝཾ ཝཏྟབྦེ…པེ….

ཨནཱགཱམིནཱ སམུདཡོ དིཊྛོ…པེ… ནིརོདྷོ དིཊྛོ…པེ… མགྒོ དིཊྛོ…པེ… ཙཏྟཱརི སཙྩཱནི དིཊྛཱནི, པརིཧཱཡཏི ཨནཱགཱམཱི ཨནཱགཱམིཕལཱཏི? ཨཱམནྟཱ ¶ . སོཏཱཔནྣེན ¶ ཙཏྟཱརི སཙྩཱནི དིཊྛཱནི, པརིཧཱཡཏི སོཏཱཔནྣོ སོཏཱཔཏྟིཕལཱཏི? ན ཧེཝཾ ཝཏྟབྦེ…པེ….

ཨནཱགཱམིནཱ ¶ དུཀྑཾ དིཊྛཾ, པརིཧཱཡཏི ཨནཱགཱམཱི ཨནཱགཱམིཕལཱཏི? ཨཱམནྟཱ. སཀདཱགཱམིནཱ དུཀྑཾ དིཊྛཾ, པརིཧཱཡཏི སཀདཱགཱམཱི སཀདཱགཱམིཕལཱཏི? ན ཧེཝཾ ཝཏྟབྦེ…པེ….

ཨནཱགཱམིནཱ སམུདཡོ དིཊྛོ…པེ… ནིརོདྷོ དིཊྛོ…པེ… མགྒོ དིཊྛོ…པེ… ཙཏྟཱརི སཙྩཱནི དིཊྛཱནི, པརིཧཱཡཏི ཨནཱགཱམཱི ཨནཱགཱམིཕལཱཏི? ཨཱམནྟཱ. སཀདཱགཱམིནཱ ཙཏྟཱརི སཙྩཱནི དིཊྛཱནི, པརིཧཱཡཏི སཀདཱགཱམཱི སཀདཱགཱམིཕལཱཏི? ན ཧེཝཾ ཝཏྟབྦེ…པེ….

༢༤༩. སཀདཱགཱམིནཱ དུཀྑཾ དིཊྛཾ, པརིཧཱཡཏི སཀདཱགཱམཱི སཀདཱགཱམིཕལཱཏི? ཨཱམནྟཱ. སོཏཱཔནྣེན དུཀྑཾ དིཊྛཾ, པརིཧཱཡཏི སོཏཱཔནྣོ སོཏཱཔཏྟིཕལཱཏི? ན ཧེཝཾ ཝཏྟབྦེ…པེ….

སཀདཱགཱམིནཱ སམུདཡོ དིཊྛོ…པེ… ནིརོདྷོ དིཊྛོ…པེ… མགྒོ དིཊྛོ…པེ… ཙཏྟཱརི ¶ སཙྩཱནི དིཊྛཱནི, པརིཧཱཡཏི སཀདཱགཱམཱི སཀདཱགཱམིཕལཱཏི? ཨཱམནྟཱ. སོཏཱཔནྣེན ཙཏྟཱརི སཙྩཱནི དིཊྛཱནི, པརིཧཱཡཏི སོཏཱཔནྣོ སོཏཱཔཏྟིཕལཱཏི? ན ཧེཝཾ ཝཏྟབྦེ…པེ….

༢༥༠. སོཏཱཔནྣེན དུཀྑཾ དིཊྛཾ, ན པརིཧཱཡཏི སོཏཱཔནྣོ སོཏཱཔཏྟིཕལཱཏི? ཨཱམནྟཱ. ཨརཧཏཱ དུཀྑཾ དིཊྛཾ, ན པརིཧཱཡཏི ཨརཧཱ ཨརཧཏྟཱཏི? ན ཧེཝཾ ཝཏྟབྦེ…པེ….

སོཏཱཔནྣེན སམུདཡོ དིཊྛོ…པེ… ནིརོདྷོ དིཊྛོ…པེ… མགྒོ དིཊྛོ…པེ… ཙཏྟཱརི སཙྩཱནི དིཊྛཱནི, ན པརིཧཱཡཏི སོཏཱཔནྣོ སོཏཱཔཏྟིཕལཱཏི? ཨཱམནྟཱ. ཨརཧཏཱ ཙཏྟཱརི སཙྩཱནི དིཊྛཱནི, ན པརིཧཱཡཏི ཨརཧཱ ཨརཧཏྟཱཏི? ན ¶ ཧེཝཾ ཝཏྟབྦེ…པེ….

སཀདཱགཱམིནཱ ¶ དུཀྑཾ དིཊྛཾ…པེ… ཙཏྟཱརི སཙྩཱནི དིཊྛཱནི, ན པརིཧཱཡཏི སཀདཱགཱམཱི སཀདཱགཱམིཕལཱཏི? ཨཱམནྟཱ. ཨརཧཏཱ ཙཏྟཱརི སཙྩཱནི དིཊྛཱནི, ན པརིཧཱཡཏི ཨརཧཱ ཨརཧཏྟཱཏི? ན ཧེཝཾ ཝཏྟབྦེ…པེ….

ཨནཱགཱམིནཱ དུཀྑཾ དིཊྛཾ…པེ… ཙཏྟཱརི སཙྩཱནི དིཊྛཱནི, ན པརིཧཱཡཏི ཨནཱགཱམཱི ཨནཱགཱམིཕལཱཏི? ཨཱམནྟཱ. ཨརཧཏཱ ཙཏྟཱརི སཙྩཱནི དིཊྛཱནི, ན པརིཧཱཡཏི ཨརཧཱ ཨརཧཏྟཱཏི? ན ཧེཝཾ ཝཏྟབྦེ…པེ….

སོཏཱཔནྣེན ¶ དུཀྑཾ དིཊྛཾ…པེ… ཙཏྟཱརི སཙྩཱནི དིཊྛཱནི, ན པརིཧཱཡཏི སོཏཱཔནྣོ སོཏཱཔཏྟིཕལཱཏི? ཨཱམནྟཱ.

ཨནཱགཱམིནཱ དུཀྑཾ ¶ དིཊྛཾ…པེ… ཙཏྟཱརི སཙྩཱནི དིཊྛཱནི, ན པརིཧཱཡཏི ཨནཱགཱམཱི ཨནཱགཱམིཕལཱཏི? ན ཧེཝཾ ཝཏྟབྦེ…པེ….

སཀདཱགཱམིནཱ དུཀྑཾ དིཊྛཾ…པེ… ཙཏྟཱརི སཙྩཱནི དིཊྛཱནི, ན པརིཧཱཡཏི སཀདཱགཱམཱི སཀདཱགཱམིཕལཱཏི? ཨཱམནྟཱ. ཨནཱགཱམིནཱ དུཀྑཾ དིཊྛཾ…པེ… ཙཏྟཱརི སཙྩཱནི དིཊྛཱནི, ན པརིཧཱཡཏི ཨནཱགཱམཱི ཨནཱགཱམིཕལཱཏི? ན ཧེཝཾ ཝཏྟབྦེ…པེ….

སོཏཱཔནྣེན དུཀྑཾ དིཊྛཾ…པེ… ཙཏྟཱརི སཙྩཱནི དིཊྛཱནི, ན པརིཧཱཡཏི སོཏཱཔནྣོ སོཏཱཔཏྟིཕལཱཏི? ཨཱམནྟཱ. སཀདཱགཱམིནཱ དུཀྑཾ དིཊྛཾ…པེ… ཙཏྟཱརི སཙྩཱནི དིཊྛཱནི, ན པརིཧཱཡཏི སཀདཱགཱམཱི སཀདཱགཱམིཕལཱཏི? ན ཧེཝཾ ཝཏྟབྦེ…པེ….

༢༥༡. ཨརཧཏོ རཱགོ པཧཱིནོ, པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. སོཏཱཔནྣསྶ སཀྐཱཡདིཊྛི པཧཱིནཱ, པརིཧཱཡཏི སོཏཱཔནྣོ སོཏཱཔཏྟིཕལཱཏི? ན ཧེཝཾ ཝཏྟབྦེ…པེ….

ཨརཧཏོ ¶ རཱགོ པཧཱིནོ, པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. སོཏཱཔནྣསྶ ཝིཙིཀིཙྪཱ པཧཱིནཱ…པེ… སཱིལབྦཏཔརཱམཱསོ པཧཱིནོ…པེ… ཨཔཱཡགམནཱིཡོ རཱགོ པཧཱིནོ ¶ …པེ… ཨཔཱཡགམནཱིཡོ དོསོ པཧཱིནོ…པེ… ཨཔཱཡགམནཱིཡོ མོཧོ པཧཱིནོ, པརིཧཱཡཏི སོཏཱཔནྣོ སོཏཱཔཏྟིཕལཱཏི? ན ཧེཝཾ ཝཏྟབྦེ…པེ….

ཨརཧཏོ དོསོ པཧཱིནོ…པེ… མོཧོ པཧཱིནོ… མཱནོ པཧཱིནོ… དིཊྛི པཧཱིནཱ… ཝིཙིཀིཙྪཱ པཧཱིནཱ… ཐིནཾ [ཐཱིནཾ (སཱི. སྱཱ. ཀཾ. པཱི.)] པཧཱིནཾ… ཨུདྡྷཙྩཾ པཧཱིནཾ… ཨཧིརིཀཾ པཧཱིནཾ…པེ… ཨནོཏྟཔྤཾ པཧཱིནཾ, པརིཧཱཡཏི ཨརཧཱ ཨརཧཏྟཱཏི ¶ ? ཨཱམནྟཱ. སོཏཱཔནྣསྶ སཀྐཱཡདིཊྛི པཧཱིནཱ, པརིཧཱཡཏི སོཏཱཔནྣོ སོཏཱཔཏྟིཕལཱཏི? ན ཧེཝཾ ཝཏྟབྦེ…པེ….

ཨརཧཏོ ཨནོཏྟཔྤཾ པཧཱིནཾ, པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. སོཏཱཔནྣསྶ ཝིཙིཀིཙྪཱ པཧཱིནཱ…པེ… སཱིལབྦཏཔརཱམཱསོ པཧཱིནོ…པེ… ཨཔཱཡགམནཱིཡོ རཱགོ པཧཱིནོ…པེ… ཨཔཱཡགམནཱིཡོ དོསོ ¶ པཧཱིནོ…པེ… ཨཔཱཡགམནཱིཡོ མོཧོ པཧཱིནོ, པརིཧཱཡཏི སོཏཱཔནྣོ སོཏཱཔཏྟིཕལཱཏི? ན ཧེཝཾ ཝཏྟབྦེ…པེ….

ཨརཧཏོ རཱགོ པཧཱིནོ, པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. སཀདཱགཱམིསྶ སཀྐཱཡདིཊྛི པཧཱིནཱ, པརིཧཱཡཏི སཀདཱགཱམཱི སཀདཱགཱམིཕལཱཏི? ན ཧེཝཾ ཝཏྟབྦེ.

ཨརཧཏོ རཱགོ པཧཱིནོ, པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. སཀདཱགཱམིསྶ ཝིཙིཀིཙྪཱ པཧཱིནཱ…པེ… སཱིལབྦཏཔརཱམཱསོ པཧཱིནོ…པེ… ཨོལཱ༹རིཀོ ཀཱམརཱགོ པཧཱིནོ… ཨོལཱ༹རིཀོ བྱཱཔཱདོ པཧཱིནོ, པརིཧཱཡཏི སཀདཱགཱམཱི སཀདཱགཱམིཕལཱཏི? ན ཧེཝཾ ཝཏྟབྦེ…པེ….

ཨརཧཏོ ¶ དོསོ པཧཱིནོ…པེ… ཨནོཏྟཔྤཾ པཧཱིནཾ, པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. སཀདཱགཱམིསྶ སཀྐཱཡདིཊྛི པཧཱིནཱ…པེ… ཨོལཱ༹རིཀོ བྱཱཔཱདོ པཧཱིནོ, པརིཧཱཡཏི སཀདཱགཱམཱི སཀདཱགཱམིཕལཱཏི? ན ཧེཝཾ ཝཏྟབྦེ.

ཨརཧཏོ རཱགོ པཧཱིནོ, པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. ཨནཱགཱམིསྶ སཀྐཱཡདིཊྛི པཧཱིནཱ, པརིཧཱཡཏི ཨནཱགཱམཱི ཨནཱགཱམིཕལཱཏི? ན ཧེཝཾ ཝཏྟབྦེ…པེ….

ཨརཧཏོ ¶ རཱགོ པཧཱིནོ, པརིཧཱཡཏི ¶ ཨརཧཱ ཨརཧཏྟཱཏི? ཨཱམནྟཱ. ཨནཱགཱམིསྶ ཝིཙིཀིཙྪཱ པཧཱིནཱ…པེ… སཱིལབྦཏཔརཱམཱསོ པཧཱིནོ… ཨཎུསཧགཏོ ཀཱམརཱགོ པཧཱིནོ… ཨཎུསཧགཏོ བྱཱཔཱདོ པཧཱིནོ, པརིཧཱཡཏི ཨནཱགཱམཱི ཨནཱགཱམིཕལཱཏི? ན ཧེཝཾ ཝཏྟབྦེ.

ཨརཧཏོ དོསོ པཧཱིནོ…པེ… ཨནོཏྟཔྤཾ པཧཱིནཾ, པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. ཨནཱགཱམིསྶ སཀྐཱཡདིཊྛི པཧཱིནཱ…པེ… ཨཎུསཧགཏོ བྱཱཔཱདོ པཧཱིནོ, པརིཧཱཡཏི ཨནཱགཱམཱི ཨནཱགཱམིཕལཱཏི? ན ཧེཝཾ ཝཏྟབྦེ.

༢༥༢. ཨནཱགཱམིསྶ སཀྐཱཡདིཊྛི པཧཱིནཱ, པརིཧཱཡཏི ཨནཱགཱམཱི ཨནཱགཱམིཕལཱཏི? ཨཱམནྟཱ. སོཏཱཔནྣསྶ སཀྐཱཡདིཊྛི པཧཱིནཱ, པརིཧཱཡཏི སོཏཱཔནྣོ སོཏཱཔཏྟིཕལཱཏི? ན ཧེཝཾ ཝཏྟབྦེ.

ཨནཱགཱམིསྶ ¶ སཀྐཱཡདིཊྛི པཧཱིནཱ, པརིཧཱཡཏི ཨནཱགཱམཱི ཨནཱགཱམིཕལཱཏི? ཨཱམནྟཱ. སོཏཱཔནྣསྶ ཝིཙིཀིཙྪཱ པཧཱིནཱ…པེ… ཨཔཱཡགམནཱིཡོ མོཧོ པཧཱིནོ, པརིཧཱཡཏི སོཏཱཔནྣོ སོཏཱཔཏྟིཕལཱཏི? ན ཧེཝཾ ཝཏྟབྦེ.

ཨནཱགཱམིསྶ ཝིཙིཀིཙྪཱ པཧཱིནཱ…པེ… ཨཎུསཧགཏོ བྱཱཔཱདོ པཧཱིནོ, པརིཧཱཡཏི ཨནཱགཱམཱི ཨནཱགཱམིཕལཱཏི? ཨཱམནྟཱ ¶ . སོཏཱཔནྣསྶ སཀྐཱཡདིཊྛི པཧཱིནཱ…པེ… ཨཔཱཡགམནཱིཡོ མོཧོ པཧཱིནོ, པརིཧཱཡཏི སོཏཱཔནྣོ སོཏཱཔཏྟིཕལཱཏི? ན ཧེཝཾ ཝཏྟབྦེ.

ཨནཱགཱམིསྶ སཀྐཱཡདིཊྛི པཧཱིནཱ, པརིཧཱཡཏི ཨནཱགཱམཱི ཨནཱགཱམིཕལཱཏི? ཨཱམནྟཱ. སཀདཱགཱམིསྶ སཀྐཱཡདིཊྛི པཧཱིནཱ, པརིཧཱཡཏི ¶ སཀདཱགཱམཱི སཀདཱགཱམིཕལཱཏི? ན ཧེཝཾ ཝཏྟབྦེ.

ཨནཱགཱམིསྶ སཀྐཱཡདིཊྛི པཧཱིནཱ, པརིཧཱཡཏི ཨནཱགཱམཱི ཨནཱགཱམིཕལཱཏི? ཨཱམནྟཱ. སཀདཱགཱམིསྶ ཝིཙིཀིཙྪཱ པཧཱིནཱ…པེ… སཱིལབྦཏཔརཱམཱསོ པཧཱིནོ… ཨོལཱ༹རིཀོ ཀཱམརཱགོ པཧཱིནོ… ཨོལཱ༹རིཀོ བྱཱཔཱདོ པཧཱིནོ, པརིཧཱཡཏི སཀདཱགཱམཱི སཀདཱགཱམིཕལཱཏི? ན ཧེཝཾ ཝཏྟབྦེ.

ཨནཱགཱམིསྶ ¶ ཝིཙིཀིཙྪཱ པཧཱིནཱ…པེ… ཨཎུསཧགཏོ བྱཱཔཱདོ པཧཱིནོ, པརིཧཱཡཏི ཨནཱགཱམཱི ཨནཱགཱམིཕལཱཏི? ཨཱམནྟཱ. སཀདཱགཱམིསྶ སཀྐཱཡདིཊྛི པཧཱིནཱ…པེ… ཨོལཱ༹རིཀོ བྱཱཔཱདོ པཧཱིནོ, པརིཧཱཡཏི སཀདཱགཱམཱི སཀདཱགཱམིཕལཱཏི? ན ཧེཝཾ ཝཏྟབྦེ.

༢༥༣. སཀདཱགཱམིསྶ སཀྐཱཡདིཊྛི པཧཱིནཱ, པརིཧཱཡཏི སཀདཱགཱམཱི སཀདཱགཱམིཕལཱཏི? ཨཱམནྟཱ. སོཏཱཔནྣསྶ སཀྐཱཡདིཊྛི པཧཱིནཱ, པརིཧཱཡཏི སོཏཱཔནྣོ སོཏཱཔཏྟིཕལཱཏི? ན ཧེཝཾ ཝཏྟབྦེ.

སཀདཱགཱམིསྶ སཀྐཱཡདིཊྛི པཧཱིནཱ, པརིཧཱཡཏི སཀདཱགཱམཱི སཀདཱགཱམིཕལཱཏི? ཨཱམནྟཱ. སོཏཱཔནྣསྶ ཝིཙིཀིཙྪཱ པཧཱིནཱ…པེ… ཨཔཱཡགམནཱིཡོ མོཧོ པཧཱིནོ, པརིཧཱཡཏི སོཏཱཔནྣོ སོཏཱཔཏྟིཕལཱཏི? ན ཧེཝཾ ཝཏྟབྦེ.

སཀདཱགཱམིསྶ ཝིཙིཀིཙྪཱ པཧཱིནཱ…པེ… ཨོལཱ༹རིཀོ ཀཱམརཱགོ པཧཱིནོ… ཨོལཱ༹རིཀོ བྱཱཔཱདོ པཧཱིནོ, པརིཧཱཡཏི སཀདཱགཱམཱི སཀདཱགཱམིཕལཱཏི ¶ ? ཨཱམནྟཱ ¶ . སོཏཱཔནྣསྶ སཀྐཱཡདིཊྛི པཧཱིནཱ…པེ… ཨཔཱཡགམནཱིཡོ མོཧོ པཧཱིནོ, པརིཧཱཡཏི སོཏཱཔནྣོ སོཏཱཔཏྟིཕལཱཏི? ན ཧེཝཾ ཝཏྟབྦེ.

༢༥༤. སོཏཱཔནྣསྶ ¶ སཀྐཱཡདིཊྛི པཧཱིནཱ, ན པརིཧཱཡཏི སོཏཱཔནྣོ སོཏཱཔཏྟིཕལཱཏི? ཨཱམནྟཱ. ཨརཧཏོ རཱགོ པཧཱིནོ, ན པརིཧཱཡཏི ཨརཧཱ ཨརཧཏྟཱཏི? ན ཧེཝཾ ཝཏྟབྦེ.

སོཏཱཔནྣསྶ སཀྐཱཡདིཊྛི པཧཱིནཱ, ན པརིཧཱཡཏི སོཏཱཔནྣོ སོཏཱཔཏྟིཕལཱཏི? ཨཱམནྟཱ. ཨརཧཏོ དོསོ པཧཱིནོ…པེ… ཨནོཏྟཔྤཾ པཧཱིནཾ, ན པརིཧཱཡཏི ཨརཧཱ ཨརཧཏྟཱཏི? ན ཧེཝཾ ཝཏྟབྦེ.

སོཏཱཔནྣསྶ ཝིཙིཀིཙྪཱ པཧཱིནཱ…པེ… ཨཔཱཡགམནཱིཡོ མོཧོ པཧཱིནོ, ན པརིཧཱཡཏི སོཏཱཔནྣོ སོཏཱཔཏྟིཕལཱཏི? ཨཱམནྟཱ. ཨརཧཏོ རཱགོ པཧཱིནོ…པེ… ཨནོཏྟཔྤཾ པཧཱིནཾ, ན པརིཧཱཡཏི ཨརཧཱ ཨརཧཏྟཱཏི? ན ཧེཝཾ ཝཏྟབྦེ.

༢༥༥. སཀདཱགཱམིསྶ ¶ སཀྐཱཡདིཊྛི པཧཱིནཱ, ན པརིཧཱཡཏི སཀདཱགཱམཱི སཀདཱགཱམིཕལཱཏི? ཨཱམནྟཱ. ཨརཧཏོ རཱགོ པཧཱིནོ…པེ… ཨནོཏྟཔྤཾ པཧཱིནཾ, ན པརིཧཱཡཏི ཨརཧཱ ཨརཧཏྟཱཏི? ན ཧེཝཾ ཝཏྟབྦེ.

སཀདཱགཱམིསྶ ཝིཙིཀིཙྪཱ པཧཱིནཱ…པེ… ཨོལཱ༹རིཀོ བྱཱཔཱདོ པཧཱིནོ, ན པརིཧཱཡཏི སཀདཱགཱམཱི སཀདཱགཱམིཕལཱཏི? ཨཱམནྟཱ. ཨརཧཏོ རཱགོ པཧཱིནོ…པེ… ཨནོཏྟཔྤཾ པཧཱིནཾ, ན པརིཧཱཡཏི ཨརཧཱ ཨརཧཏྟཱཏི? ན ཧེཝཾ ཝཏྟབྦེ.

༢༥༦. ཨནཱགཱམིསྶ སཀྐཱཡདིཊྛི པཧཱིནཱ, ན པརིཧཱཡཏི ཨནཱགཱམཱི ཨནཱགཱམིཕལཱཏི? ཨཱམནྟཱ. ཨརཧཏོ རཱགོ པཧཱིནོ…པེ… ཨནོཏྟཔྤཾ པཧཱིནཾ, ན པརིཧཱཡཏི ཨརཧཱ ཨརཧཏྟཱཏི? ན ¶ ཧེཝཾ ཝཏྟབྦེ ¶ .

ཨནཱགཱམིསྶ ཝིཙིཀིཙྪཱ པཧཱིནཱ…པེ… ཨཎུསཧགཏོ བྱཱཔཱདོ པཧཱིནོ, ན པརིཧཱཡཏི ཨནཱགཱམཱི ཨནཱགཱམིཕལཱཏི? ཨཱམནྟཱ. ཨརཧཏོ རཱགོ པཧཱིནོ…པེ… ཨནོཏྟཔྤཾ པཧཱིནཾ, ན པརིཧཱཡཏི ཨརཧཱ ཨརཧཏྟཱཏི? ན ཧེཝཾ ཝཏྟབྦེ.

༢༥༧. སོཏཱཔནྣསྶ ¶ སཀྐཱཡདིཊྛི པཧཱིནཱ, ན པརིཧཱཡཏི སོཏཱཔནྣོ སོཏཱཔཏྟིཕལཱཏི? ཨཱམནྟཱ. ཨནཱགཱམིསྶ སཀྐཱཡདིཊྛི པཧཱིནཱ… ཨཎུསཧགཏོ བྱཱཔཱདོ པཧཱིནོ, ན པརིཧཱཡཏི ཨནཱགཱམཱི ཨནཱགཱམིཕལཱཏི? ན ཧེཝཾ ཝཏྟབྦེ.

སོཏཱཔནྣསྶ ཝིཙིཀིཙྪཱ པཧཱིནཱ…པེ… ཨཔཱཡགམནཱིཡོ མོཧོ པཧཱིནོ, ན པརིཧཱཡཏི སོཏཱཔནྣོ སོཏཱཔཏྟིཕལཱཏི? ཨཱམནྟཱ. ཨནཱགཱམིསྶ སཀྐཱཡདིཊྛི པཧཱིནཱ…པེ… ཨཎུསཧགཏོ བྱཱཔཱདོ པཧཱིནོ, ན པརིཧཱཡཏི ཨནཱགཱམཱི ཨནཱགཱམིཕལཱཏི? ན ཧེཝཾ ཝཏྟབྦེ.

༢༥༨. སཀདཱགཱམིསྶ སཀྐཱཡདིཊྛི པཧཱིནཱ, ན པརིཧཱཡཏི སཀདཱགཱམཱི སཀདཱགཱམིཕལཱཏི? ཨཱམནྟཱ. ཨནཱགཱམིསྶ སཀྐཱཡདིཊྛི པཧཱིནཱ…པེ… ཨཎུསཧགཏོ བྱཱཔཱདོ པཧཱིནོ, ན པརིཧཱཡཏི ཨནཱགཱམཱི ཨནཱགཱམིཕལཱཏི? ན ཧེཝཾ ཝཏྟབྦེ.

སཀདཱགཱམིསྶ ¶ ཝིཙིཀིཙྪཱ པཧཱིནཱ…པེ… ཨོལཱ༹རིཀོ བྱཱཔཱདོ པཧཱིནོ, ན པརིཧཱཡཏི སཀདཱགཱམཱི སཀདཱགཱམིཕལཱཏི? ཨཱམནྟཱ. ཨནཱགཱམིསྶ སཀྐཱཡདིཊྛི པཧཱིནཱ…པེ… ཨཎུསཧགཏོ བྱཱཔཱདོ པཧཱིནོ, ན པརིཧཱཡཏི ཨནཱགཱམཱི ཨནཱགཱམིཕལཱཏི? ན ཧེཝཾ ཝཏྟབྦེ.

༢༥༩. སོཏཱཔནྣསྶ ¶ སཀྐཱཡདིཊྛི པཧཱིནཱ, ན པརིཧཱཡཏི སོཏཱཔནྣོ སོཏཱཔཏྟིཕལཱཏི? ཨཱམནྟཱ. སཀདཱགཱམིསྶ སཀྐཱཡདིཊྛི པཧཱིནཱ…པེ… ཨོལཱ༹རིཀོ བྱཱཔཱདོ པཧཱིནོ, ན པརིཧཱཡཏི སཀདཱགཱམཱི སཀདཱགཱམིཕལཱཏི? ན ཧེཝཾ ཝཏྟབྦེ.

སོཏཱཔནྣསྶ ཝིཙིཀིཙྪཱ པཧཱིནཱ…པེ… ཨཔཱཡགམནཱིཡོ མོཧོ ¶ པཧཱིནོ, ན པརིཧཱཡཏི སོཏཱཔནྣོ སོཏཱཔཏྟིཕལཱཏི? ཨཱམནྟཱ. སཀདཱགཱམིསྶ སཀྐཱཡདིཊྛི པཧཱིནཱ…པེ… ཨོལཱ༹རིཀོ བྱཱཔཱདོ པཧཱིནོ, ན པརིཧཱཡཏི སཀདཱགཱམཱི སཀདཱགཱམིཕལཱཏི? ན ཧེཝཾ ཝཏྟབྦེ.

༢༦༠. པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. ནནུ ཨརཧཏོ རཱགོ པཧཱིནོ ཨུཙྪིནྣམཱུལོ ཏཱལཱཝཏྠུཀཏོ ཨནབྷཱཝངྐཏོ [ཨནབྷཱཝཀཏོ (སཱི.)] ཨཱཡཏིཾ ཨནུཔྤཱདདྷམྨོཏི? ཨཱམནྟཱ. ཧཉྩི ཨརཧཏོ རཱགོ པཧཱིནོ ཨུཙྪིནྣམཱུལོ ¶ ཏཱལཱཝཏྠུཀཏོ ཨནབྷཱཝངྐཏོ ཨཱཡཏིཾ ཨནུཔྤཱདདྷམྨོ, ནོ ཙ ཝཏ རེ [ནོ ཝཏ རེ (སྱཱ. པཱི.) ཨེཝམུཔརིཔི] ཝཏྟབྦེ – ‘‘པརིཧཱཡཏི ཨརཧཱ ཨརཧཏྟཱ’’ཏི.

པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. ནནུ ཨརཧཏོ དོསོ པཧཱིནོ…པེ… མོཧོ པཧཱིནོ… མཱནོ པཧཱིནོ… དིཊྛི པཧཱིནཱ… ཝིཙིཀིཙྪཱ པཧཱིནཱ… ཐིནཾ པཧཱིནཾ… ཨུདྡྷཙྩཾ པཧཱིནཾ… ཨཧིརིཀཾ པཧཱིནཾ… ཨནོཏྟཔྤཾ པཧཱིནཾ ཨུཙྪིནྣམཱུལཾ ཏཱལཱཝཏྠུཀཏཾ ཨནབྷཱཝངྐཏཾ ཨཱཡཏིཾ ཨནུཔྤཱདདྷམྨནྟི? ཨཱམནྟཱ. ཧཉྩི ཨརཧཏོ ཨནོཏྟཔྤཾ པཧཱིནཾ ཨུཙྪིནྣམཱུལཾ ཏཱལཱཝཏྠུཀཏཾ ཨནབྷཱཝངྐཏཾ ཨཱཡཏིཾ ཨནུཔྤཱདདྷམྨཾ, ནོ ཙ ཝཏ རེ ཝཏྟབྦེ – ‘‘པརིཧཱཡཏི ཨརཧཱ ཨརཧཏྟཱ’’ཏི.

པརིཧཱཡཏི ¶ ཨརཧཱ ཨརཧཏྟཱཏི? ཨཱམནྟཱ. ནནུ ཨརཧཏོ རཱགཔྤཧཱནཱཡ མགྒོ བྷཱཝིཏོཏི ¶ ? ཨཱམནྟཱ. ཧཉྩི ཨརཧཏོ རཱགཔྤཧཱནཱཡ མགྒོ བྷཱཝིཏོ, ནོ ཙ ཝཏ རེ ཝཏྟབྦེ – ‘‘པརིཧཱཡཏི ཨརཧཱ ཨརཧཏྟཱ’’ཏི.

པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. ནནུ ཨརཧཏོ རཱགཔྤཧཱནཱཡ སཏིཔཊྛཱནཱ བྷཱཝིཏཱ…པེ… སམྨཔྤདྷཱནཱ བྷཱཝིཏཱ… ཨིདྡྷིཔཱདཱ བྷཱཝིཏཱ… ཨིནྡྲིཡཱ བྷཱཝིཏཱ… བལཱ བྷཱཝིཏཱ… བོཛ྄ཛྷངྒཱ བྷཱཝིཏཱཏི? ཨཱམནྟཱ. ཧཉྩི ¶ ཨརཧཏོ རཱགཔྤཧཱནཱཡ བོཛ྄ཛྷངྒཱ བྷཱཝིཏཱ, ནོ ཙ ཝཏ རེ ཝཏྟབྦེ – ‘‘པརིཧཱཡཏི ཨརཧཱ ཨརཧཏྟཱ’’ཏི.

པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. ནནུ ཨརཧཏོ དོསཔྤཧཱནཱཡ…པེ… ཨནོཏྟཔྤཔཧཱནཱཡ མགྒོ བྷཱཝིཏོ…པེ… བོཛ྄ཛྷངྒཱ བྷཱཝིཏཱཏི? ཨཱམནྟཱ. ཧཉྩི ཨརཧཏོ ཨནོཏྟཔྤཔཧཱནཱཡ བོཛ྄ཛྷངྒཱ བྷཱཝིཏཱ, ནོ ཙ ཝཏ རེ ཝཏྟབྦེ – ‘‘པརིཧཱཡཏི ཨརཧཱ ཨརཧཏྟཱ’’ཏི.

༢༦༡. པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. ནནུ ཨརཧཱ ཝཱིཏརཱགོ ཝཱིཏདོསོ ཝཱིཏམོཧོ ཀཏཀརཎཱིཡོ ཨོཧིཏབྷཱརོ ཨནུཔྤཏྟསདཏྠོ པརིཀྑཱིཎབྷཝསཾཡོཛནོ སམྨདཉྙཱཝིམུཏྟོ ཨུཀྑིཏྟཔལིགྷོ སངྐིཎྞཔརིཁོ ཨབྦཱུལ༹ྷེསིཀོ ནིརགྒལོ༹ ཨརིཡོ པནྣདྡྷཛོ པནྣབྷཱརོ ཝིསཉྙུཏྟོ སུཝིཛིཏཝིཛཡོ; དུཀྑཾ ཏསྶ པརིཉྙཱཏཾ, སམུདཡོ པཧཱིནོ, ནིརོདྷོ སཙྪིཀཏོ, མགྒོ བྷཱཝིཏོ, ཨབྷིཉྙེཡྻཾ ¶ ཨབྷིཉྙཱཏཾ ¶ , པརིཉྙེཡྻཾ པརིཉྙཱཏཾ, པཧཱཏབྦཾ པཧཱིནཾ, བྷཱཝེཏབྦཾ བྷཱཝིཏཾ, སཙྪིཀཱཏབྦཾ སཙྪིཀཏནྟི? ཨཱམནྟཱ. ཧཉྩི ཨརཧཱ ཝཱིཏརཱགོ ཝཱིཏདོསོ ཝཱིཏམོཧོ…པེ… སཙྪིཀཱཏབྦཾ སཙྪིཀཏཾ, ནོ ཙ ཝཏ རེ ཝཏྟབྦེ – ‘‘པརིཧཱཡཏི ཨརཧཱ ཨརཧཏྟཱ’’ཏི.

༢༦༢. པརིཧཱཡཏི ཨརཧཱ ཨརཧཏྟཱཏི? ( ) [(ཨཱམནྟཱ) (ཀ.)] སམཡཝིམུཏྟོ ཨརཧཱ ཨརཧཏྟཱ པརིཧཱཡཏི, ཨསམཡཝིམུཏྟོ ཨརཧཱ ཨརཧཏྟཱ ན པརིཧཱཡཏཱིཏི. སམཡཝིམུཏྟོ ཨརཧཱ ཨརཧཏྟཱ པརིཧཱཡཏཱིཏི? ཨཱམནྟཱ. ཨསམཡཝིམུཏྟོ ཨརཧཱ ཨརཧཏྟཱ པརིཧཱཡཏཱིཏི [ན པརིཧཱཡཏཱིཏི (ཀ.)]? ན ཧེཝཾ ཝཏྟབྦེ.

ཨསམཡཝིམུཏྟོ ཨརཧཱ ཨརཧཏྟཱ ན པརིཧཱཡཏཱིཏི? ཨཱམནྟཱ. སམཡཝིམུཏྟོ ཨརཧཱ ཨརཧཏྟཱ ན པརིཧཱཡཏཱིཏི? ན ཧེཝཾ ཝཏྟབྦེ.

སམཡཝིམུཏྟསྶ ¶ ¶ ཨརཧཏོ རཱགོ པཧཱིནོ, པརིཧཱཡཏི སམཡཝིམུཏྟོ ཨརཧཱ ཨརཧཏྟཱཏི? ཨཱམནྟཱ. ཨསམཡཝིམུཏྟསྶ ཨརཧཏོ རཱགོ པཧཱིནོ, པརིཧཱཡཏི ཨསམཡཝིམུཏྟོ ཨརཧཱ ཨརཧཏྟཱཏི? ན ཧེཝཾ ཝཏྟབྦེ.

སམཡཝིམུཏྟསྶ ཨརཧཏོ དོསོ པཧཱིནོ…པེ… ཨནོཏྟཔྤཾ པཧཱིནཾ, པརིཧཱཡཏི སམཡཝིམུཏྟོ ཨརཧཱ ཨརཧཏྟཱཏི? ཨཱམནྟཱ. ཨསམཡཝིམུཏྟསྶ ཨརཧཏོ ཨནོཏྟཔྤཾ པཧཱིནཾ, པརིཧཱཡཏི ཨསམཡཝིམུཏྟོ ཨརཧཱ ཨརཧཏྟཱཏི? ན ཧེཝཾ ཝཏྟབྦེ.

སམཡཝིམུཏྟསྶ ཨརཧཏོ རཱགཔྤཧཱནཱཡ མགྒོ བྷཱཝིཏོ, པརིཧཱཡཏི སམཡཝིམུཏྟོ ཨརཧཱ ཨརཧཏྟཱཏི? ཨཱམནྟཱ. ཨསམཡཝིམུཏྟསྶ ཨརཧཏོ རཱགཔྤཧཱནཱཡ མགྒོ བྷཱཝིཏོ, པརིཧཱཡཏི ཨསམཡཝིམུཏྟོ ཨརཧཱ ¶ ཨརཧཏྟཱཏི? ན ཧེཝཾ ཝཏྟབྦེ.

སམཡཝིམུཏྟསྶ ཨརཧཏོ རཱགཔྤཧཱནཱཡ སཏིཔཊྛཱནཱ བྷཱཝིཏཱ…པེ… སམྨཔྤདྷཱནཱ བྷཱཝིཏཱ… ཨིདྡྷིཔཱདཱ བྷཱཝིཏཱ… ཨིནྡྲིཡཱ བྷཱཝིཏཱ… བལཱ བྷཱཝིཏཱ… བོཛ྄ཛྷངྒཱ བྷཱཝིཏཱ, པརིཧཱཡཏི སམཡཝིམུཏྟོ ཨརཧཱ ཨརཧཏྟཱཏི? ཨཱམནྟཱ. ཨསམཡཝིམུཏྟསྶ ཨརཧཏོ རཱགཔྤཧཱནཱཡ སཏིཔཊྛཱནཱ ¶ བྷཱཝིཏཱ…པེ… བོཛ྄ཛྷངྒཱ བྷཱཝིཏཱ, པརིཧཱཡཏི ཨསམཡཝིམུཏྟོ ཨརཧཱ ཨརཧཏྟཱཏི? ན ཧེཝཾ ཝཏྟབྦེ.

སམཡཝིམུཏྟསྶ ཨརཧཏོ དོསཔྤཧཱནཱཡ…པེ… ཨནོཏྟཔྤཔཧཱནཱཡ མགྒོ བྷཱཝིཏོ…པེ… བོཛ྄ཛྷངྒཱ བྷཱཝིཏཱ, པརིཧཱཡཏི སམཡཝིམུཏྟོ ཨརཧཱ ཨརཧཏྟཱཏི? ཨཱམནྟཱ. ཨསམཡཝིམུཏྟསྶ ཨརཧཏོ ཨནོཏྟཔྤཔཧཱནཱཡ མགྒོ བྷཱཝིཏོ…པེ… བོཛ྄ཛྷངྒཱ བྷཱཝིཏཱ, པརིཧཱཡཏི ཨསམཡཝིམུཏྟོ ཨརཧཱ ཨརཧཏྟཱཏི? ན ཧེཝཾ ཝཏྟབྦེ…པེ….

སམཡཝིམུཏྟོ ཨརཧཱ ཝཱིཏརཱགོ ཝཱིཏདོསོ ཝཱིཏམོཧོ ཀཏཀརཎཱིཡོ ཨོཧིཏབྷཱརོ ཨནུཔྤཏྟསདཏྠོ པརིཀྑཱིཎབྷཝསཾཡོཛནོ ¶ སམྨདཉྙཱཝིམུཏྟོ ཨུཀྑིཏྟཔལིགྷོ སངྐིཎྞཔརིཁོ ཨབྦཱུལ༹ྷེསིཀོ ནིརགྒལོ༹ ཨརིཡོ པནྣདྡྷཛོ པནྣབྷཱརོ ཝིསཉྙུཏྟོ སུཝིཛིཏཝིཛཡོ, དུཀྑཾ ཏསྶ པརིཉྙཱཏཾ, སམུདཡོ པཧཱིནོ, ནིརོདྷོ སཙྪིཀཏོ, མགྒོ བྷཱཝིཏོ, ཨབྷིཉྙེཡྻཾ ཨབྷིཉྙཱཏཾ, པརིཉྙེཡྻཾ པརིཉྙཱཏཾ, པཧཱཏབྦཾ པཧཱིནཾ, བྷཱཝེཏབྦཾ བྷཱཝིཏཾ, སཙྪིཀཱཏབྦཾ སཙྪིཀཏཾ ¶ , པརིཧཱཡཏི སམཡཝིམུཏྟོ ཨརཧཱ ཨརཧཏྟཱཏི? ཨཱམནྟཱ. ཨསམཡཝིམུཏྟོ ཨརཧཱ ཝཱིཏརཱགོ ཝཱིཏདོསོ ¶ ཝཱིཏམོཧོ…པེ… སཙྪིཀཱཏབྦཾ སཙྪིཀཏཾ, པརིཧཱཡཏི ཨསམཡཝིམུཏྟོ ཨརཧཱ ཨརཧཏྟཱཏི? ན ཧེཝཾ ཝཏྟབྦེ.

༢༦༣. ཨསམཡཝིམུཏྟསྶ ཨརཧཏོ རཱགོ པཧཱིནོ, ན པརིཧཱཡཏི ཨསམཡཝིམུཏྟོ ཨརཧཱ ཨརཧཏྟཱཏི? ཨཱམནྟཱ. སམཡཝིམུཏྟསྶ ཨརཧཏོ རཱགོ པཧཱིནོ, ན པརིཧཱཡཏི སམཡཝིམུཏྟོ ཨརཧཱ ཨརཧཏྟཱཏི? ན ཧེཝཾ ཝཏྟབྦེ.

ཨསམཡཝིམུཏྟསྶ ཨརཧཏོ དོསོ པཧཱིནོ…པེ… ཨནོཏྟཔྤཾ པཧཱིནཾ, ན པརིཧཱཡཏི ཨསམཡཝིམུཏྟོ ཨརཧཱ ཨརཧཏྟཱཏི? ཨཱམནྟཱ. སམཡཝིམུཏྟསྶ ཨརཧཏོ ཨནོཏྟཔྤཾ པཧཱིནཾ, ན པརིཧཱཡཏི སམཡཝིམུཏྟོ ཨརཧཱ ཨརཧཏྟཱཏི? ན ཧེཝཾ ཝཏྟབྦེ.

ཨསམཡཝིམུཏྟསྶ ཨརཧཏོ རཱགཔྤཧཱནཱཡ མགྒོ བྷཱཝིཏོ…པེ… བོཛ྄ཛྷངྒཱ བྷཱཝིཏཱ, ན པརིཧཱཡཏི ཨསམཡཝིམུཏྟོ ཨརཧཱ ཨརཧཏྟཱཏི? ཨཱམནྟཱ. སམཡཝིམུཏྟསྶ ཨརཧཏོ རཱགཔྤཧཱནཱཡ མགྒོ ¶ བྷཱཝིཏོ…པེ… བོཛ྄ཛྷངྒཱ བྷཱཝིཏཱ, ན པརིཧཱཡཏི སམཡཝིམུཏྟོ ཨརཧཱ ཨརཧཏྟཱཏི? ན ཧེཝཾ ཝཏྟབྦེ.

ཨསམཡཝིམུཏྟསྶ ཨརཧཏོ དོསཔྤཧཱནཱཡ…པེ… ཨནོཏྟཔྤཔཧཱནཱཡ མགྒོ བྷཱཝིཏོ…པེ… བོཛ྄ཛྷངྒཱ བྷཱཝིཏཱ, ན པརིཧཱཡཏི ཨསམཡཝིམུཏྟོ ཨརཧཱ ཨརཧཏྟཱཏི? ཨཱམནྟཱ. སམཡཝིམུཏྟསྶ ¶ ཨརཧཏོ ཨནོཏྟཔྤཔཧཱནཱཡ མགྒོ བྷཱཝིཏོ…པེ… བོཛ྄ཛྷངྒཱ བྷཱཝིཏཱ, ན པརིཧཱཡཏི སམཡཝིམུཏྟོ ཨརཧཱ ཨརཧཏྟཱཏི? ན ཧེཝཾ ཝཏྟབྦེ.

ཨསམཡཝིམུཏྟོ ཨརཧཱ ཝཱིཏརཱགོ ཝཱིཏདོསོ ཝཱིཏམོཧོ…པེ… སཙྪིཀཱཏབྦཾ སཙྪིཀཏཾ, ན པརིཧཱཡཏི ཨསམཡཝིམུཏྟོ ¶ ཨརཧཱ ཨརཧཏྟཱཏི? ཨཱམནྟཱ. སམཡཝིམུཏྟོ ཨརཧཱ ཝཱིཏརཱགོ ཝཱིཏདོསོ ཝཱིཏམོཧོ…པེ… སཙྪིཀཱཏབྦཾ སཙྪིཀཏཾ, ན པརིཧཱཡཏི སམཡཝིམུཏྟོ ཨརཧཱ ཨརཧཏྟཱཏི? ན ཧེཝཾ ཝཏྟབྦེ…པེ….

༢༦༤. པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. སཱརིཔུཏྟོ ཐེརོ པརིཧཱཡིཏྠ ཨརཧཏྟཱཏི ¶ ? ན ཧེཝཾ ཝཏྟབྦེ. མཧཱམོགྒལླཱནོ [མཧཱམོགྒལཱནོ (ཀ.)] ཐེརོ… མཧཱཀསྶཔོ ཐེརོ… མཧཱཀཙྩཱཡནོ [མཧཱཀཙྩཱནོ (མ. ནི. ༡.༢༠༢ ཨཱདཡོ)] ཐེརོ… མཧཱཀོཊྛིཀོ [མཧཱཀོཊྛིཏོ (སཱི. སྱཱ. ཀཾ. པཱི.)] ཐེརོ… མཧཱཔནྠཀོ ཐེརོ པརིཧཱཡིཏྠ ཨརཧཏྟཱཏི? ན ཧེཝཾ ཝཏྟབྦེ.

སཱརིཔུཏྟོ ཐེརོ ན པརིཧཱཡིཏྠ ཨརཧཏྟཱཏི? ཨཱམནྟཱ. ཧཉྩི སཱརིཔུཏྟོ ཐེརོ ན པརིཧཱཡིཏྠ ཨརཧཏྟཱ, ནོ ཙ ཝཏ རེ ཝཏྟབྦེ – ‘‘པརིཧཱཡཏི ཨརཧཱ ཨརཧཏྟཱ’’ཏི.

མཧཱམོགྒལླཱནོ ཐེརོ… མཧཱཀསྶཔོ ཐེརོ… མཧཱཀཙྩཱཡནོ ཐེརོ… མཧཱཀོཊྛིཀོ ཐེརོ… མཧཱཔནྠཀོ ཐེརོ ན པརིཧཱཡིཏྠ ཨརཧཏྟཱཏི? ཨཱམནྟཱ. ཧཉྩི མཧཱཔནྠཀོ ཐེརོ ན པརིཧཱཡིཏྠ ཨརཧཏྟཱ, ནོ ཙ ཝཏ རེ ཝཏྟབྦེ – ‘‘པརིཧཱཡཏི ཨརཧཱ ཨརཧཏྟཱ’’ཏི.

ཨརིཡཔུགྒལསཾསནྡནཾ.

༣. སུཏྟསཱདྷནཔརིཧཱནི

༢༦༥. པརིཧཱཡཏི ¶ ཨརཧཱ ཨརཧཏྟཱཏི? ཨཱམནྟཱ. ནནུ ཝུཏྟཾ བྷགཝཏཱ –

‘‘ཨུཙྩཱཝཙཱ ཧི པཊིཔདཱ [པཊིཔཱདཱ (ཨཊྛ.)], སམཎེན པཀཱསིཏཱ;

ན པཱརཾ དིགུཎཾ ཡནྟི, ནཡིདཾ ཨེཀགུཎཾ མུཏ’’ནྟི [སུ. ནི. ༧༡༩ སུཏྟནིཔཱཏེ].

ཨཏྠེཝ ¶ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘པརིཧཱཡཏི ཨརཧཱ ¶ ཨརཧཏྟཱ’’ཏི.

པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. ཨཏྠི ཚིནྣསྶ ཚེདིཡནྟི? ན ཧེཝཾ ཝཏྟབྦེ.

ཨཏྠི ཚིནྣསྶ ཚེདིཡནྟི? ཨཱམནྟཱ. ནནུ ཝུཏྟཾ བྷགཝཏཱ –

‘‘ཝཱིཏཏཎྷོ ¶ ཨནཱདཱནོ, ཀིཙྩཾ ཡསྶ ན ཝིཛྫཏི;

ཚིནྣསྶ ཚེདིཡཾ ནཏྠི, ཨོགྷཔཱསོ སམཱུཧཏོ’’ཏི.

ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཨཏྠི ཚིནྣསྶ ཚེདིཡ’’ནྟི.

༢༦༦. པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. ཨཏྠི ཀཏསྶ པཏིཙཡོཏི? ན ཧེཝཾ ཝཏྟབྦེ.

ཨཏྠི ཀཏསྶ པཏིཙཡོཏི? ཨཱམནྟཱ. ནནུ ཝུཏྟཾ བྷགཝཏཱ –

‘‘ཏསྶ སམྨཱ ཝིམུཏྟསྶ, སནྟཙིཏྟསྶ བྷིཀྑུནོ;

ཀཏསྶ པཏིཙཡོ ནཏྠི, ཀརཎཱིཡཾ ན ཝིཛྫཏི.

‘‘སེལོ ཡཐཱ ཨེཀགྒྷནོ, ཝཱཏེན ན སམཱིརཏི;

ཨེཝཾ རཱུཔཱ རསཱ སདྡཱ, གནྡྷཱ ཕསྶཱ ཙ ཀེཝལཱ.

‘‘ཨིཊྛཱ དྷམྨཱ ཨནིཊྛཱ ཙ, ནཔྤཝེདྷེནྟི ཏཱདིནོ;

ཋིཏཾ ཙིཏྟཾ ཝིཔྤམུཏྟཾ, ཝཡཾ ཙསྶཱནུཔསྶཏཱི’’ཏི [མཧཱཝ. ༢༤༤; ཨ. ནི. ༦.༥༥].

ཨཏྠེཝ སུཏྟནྟོཏི? ཨཱམནྟཱ. ཏེན ¶ ཧི ན ཝཏྟབྦཾ – ‘‘ཨཏྠི ཀཏསྶ པཏིཙཡོ’’ཏི.

༢༦༧. ན ¶ ¶ ཝཏྟབྦཾ – ‘‘པརིཧཱཡཏི ཨརཧཱ ཨརཧཏྟཱ’’ཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘པཉྩིམེ, བྷིཀྑཝེ, དྷམྨཱ སམཡཝིམུཏྟསྶ བྷིཀྑུནོ པརིཧཱནཱཡ སཾཝཏྟནྟི. ཀཏམེ པཉྩ? ཀམྨཱརཱམཏཱ, བྷསྶཱརཱམཏཱ, ནིདྡཱརཱམཏཱ, སངྒཎིཀཱརཱམཏཱ, ཡཐཱཝིམུཏྟཾ ཙིཏྟཾ ན པཙྩཝེཀྑཏི. ཨིམེ ཁོ, བྷིཀྑཝེ, པཉྩ དྷམྨཱ སམཡཝིམུཏྟསྶ བྷིཀྑུནོ པརིཧཱནཱཡ སཾཝཏྟནྟཱི’’ཏི [ཨ. ནི. ༥.༡༤༩]. ཨཏྠེཝ སུཏྟནྟོཏི? ཨཱམནྟཱ. ཏེན ཧི པརིཧཱཡཏི ཨརཧཱ ཨརཧཏྟཱཏི.

ཨཏྠི ཨརཧཏོ ཀམྨཱརཱམཏཱཏི? ན ཧེཝཾ ཝཏྟབྦེ.

ཨཏྠི ¶ ཨརཧཏོ ཀམྨཱརཱམཏཱཏི? ཨཱམནྟཱ. ཨཏྠི ཨརཧཏོ རཱགོ ཀཱམརཱགོ ཀཱམརཱགཔརིཡུཊྛཱནཾ ཀཱམརཱགསཾཡོཛནཾ ཀཱམོགྷོ ཀཱམཡོགོ ཀཱམཙྪནྡནཱིཝརཎནྟི? ན ཧེཝཾ ཝཏྟབྦེ.

ཨཏྠི ཨརཧཏོ བྷསྶཱརཱམཏཱ, ཨཏྠི ཨརཧཏོ ནིདྡཱརཱམཏཱ, ཨཏྠི ཨརཧཏོ སངྒཎིཀཱརཱམཏཱཏི? ན ཧེཝཾ ཝཏྟབྦེ.

ཨཏྠི ཨརཧཏོ སངྒཎིཀཱརཱམཏཱཏི? ཨཱམནྟཱ. ཨཏྠི ཨརཧཏོ རཱགོ ཀཱམརཱགོ ཀཱམརཱགཔརིཡུཊྛཱནཾ ཀཱམརཱགསཾཡོཛནཾ ཀཱམོགྷོ ཀཱམཡོགོ ཀཱམཙྪནྡནཱིཝརཎནྟི? ན ཧེཝཾ ཝཏྟབྦེ.

༢༦༨. པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. ཨརཧཱ ཨརཧཏྟཱ པརིཧཱཡམཱནོ ཀིཾ པརིཡུཊྛིཏོ པརིཧཱཡཏཱིཏི? རཱགཔརིཡུཊྛིཏོ པརིཧཱཡཏཱིཏི. པརིཡུཊྛཱནཾ ཀིཾ པཊིཙྩ ཨུཔྤཛྫཏཱིཏི? ཨནུསཡཾ པཊིཙྩ ཨུཔྤཛྫཏཱིཏི. ཨཏྠི ཨརཧཏོ ཨནུསཡཱཏི? ན ཧེཝཾ ཝཏྟབྦེ.

ཨཏྠི ¶ ¶ ཨརཧཏོ ཨནུསཡཱཏི? ཨཱམནྟཱ. ཨཏྠི ཨརཧཏོ ཀཱམརཱགཱནུསཡོ པཊིགྷཱནུསཡོ མཱནཱནུསཡོ དིཊྛཱནུསཡོ ཝིཙིཀིཙྪཱནུསཡོ བྷཝརཱགཱནུསཡོ ཨཝིཛྫཱནུསཡོཏི? ན ཧེཝཾ ཝཏྟབྦེ.

དོསཔརིཡུཊྛིཏོ པརིཧཱཡཏཱིཏི…པེ… མོཧཔརིཡུཊྛིཏོ པརིཧཱཡཏཱིཏི…. པརིཡུཊྛཱནཾ ཀིཾ པཊིཙྩ ཨུཔྤཛྫཏཱིཏི? ཨནུསཡཾ པཊིཙྩ ཨུཔྤཛྫཏཱིཏི. ཨཏྠི ཨརཧཏོ ཨནུསཡཱཏི? ན ཧེཝཾ ཝཏྟབྦེ…པེ….

ཨཏྠི ཨརཧཏོ ཨནུསཡཱཏི? ཨཱམནྟཱ. ཨཏྠི ཨརཧཏོ ཀཱམརཱགཱནུསཡོ…པེ… ཨཝིཛྫཱནུསཡོཏི? ན ཧེཝཾ ཝཏྟབྦེ.

པརིཧཱཡཏི ¶ ཨརཧཱ ཨརཧཏྟཱཏི? ཨཱམནྟཱ. ཨརཧཏོ ཨརཧཏྟཱ པརིཧཱཡམཱནསྶ ཀིཾ ཨུཔཙཡཾ ¶ གཙྪཏཱིཏི? རཱགོ ཨུཔཙཡཾ གཙྪཏཱིཏི. སཀྐཱཡདིཊྛི ཨུཔཙཡཾ གཙྪཏཱིཏི, ཝིཙིཀིཙྪཱ ཨུཔཙཡཾ གཙྪཏཱིཏི, སཱིལབྦཏཔརཱམཱསོ ཨུཔཙཡཾ གཙྪཏཱིཏི? ན ཧེཝཾ ཝཏྟབྦེ. དོསོ ཨུཔཙཡཾ གཙྪཏཱིཏི…པེ… མོཧོ ཨུཔཙཡཾ གཙྪཏཱིཏི, སཀྐཱཡདིཊྛི ཨུཔཙཡཾ གཙྪཏཱིཏི, ཝིཙིཀིཙྪཱ ཨུཔཙཡཾ གཙྪཏཱིཏི, སཱིལབྦཏཔརཱམཱསོ ཨུཔཙཡཾ གཙྪཏཱིཏི? ན ཧེཝཾ ཝཏྟབྦེ.

པརིཧཱཡཏི ཨརཧཱ ཨརཧཏྟཱཏི? ཨཱམནྟཱ. ཨརཧཱ ཨཱཙིནཏཱིཏི? ན ཧེཝཾ ཝཏྟབྦེ. ཨརཧཱ ཨཔཙིནཏཱིཏི? ན ཧེཝཾ ཝཏྟབྦེ. ཨརཧཱ པཛཧཏཱིཏི? ན ཧེཝཾ ཝཏྟབྦེ. ཨརཧཱ ཨུཔཱདིཡཏཱིཏི? ན ¶ ཧེཝཾ ཝཏྟབྦེ. ཨརཧཱ ཝིསིནེཏཱིཏི? ན ཧེཝཾ ཝཏྟབྦེ. ཨརཧཱ ཨུསྶིནེཏཱིཏི? ན ཧེཝཾ ཝཏྟབྦེ. ཨརཧཱ ¶ ཝིདྷཱུཔེཏཱིཏི? ན ཧེཝཾ ཝཏྟབྦེ. ཨརཧཱ སནྡྷཱུཔེཏཱིཏི? ན ཧེཝཾ ཝཏྟབྦེ.

ནནུ ཨརཧཱ ནེཝཱཙིནཏི ན ཨཔཙིནཏི ཨཔཙིནིཏྭཱ ཋིཏོཏི? ཨཱམནྟཱ. ཧཉྩི ཨརཧཱ ནེཝཱཙིནཏི ན ཨཔཙིནཏི ཨཔཙིནིཏྭཱ ཋིཏོ, ནོ ཙ ཝཏ རེ ཝཏྟབྦེ – ‘‘པརིཧཱཡཏི ཨརཧཱ ཨརཧཏྟཱ’’ཏི.

ནནུ ཨརཧཱ ནེཝ པཛཧཏི ན ཨུཔཱདིཡཏི པཛཧིཏྭཱ ཋིཏོཏི? ཨཱམནྟཱ. ཧཉྩི ཨརཧཱ ནེཝ པཛཧཏི ན ཨུཔཱདིཡཏི པཛཧིཏྭཱ ཋིཏོ, ནོ ཙ ཝཏ རེ ཝཏྟབྦེ – ‘‘པརིཧཱཡཏི ཨརཧཱ ཨརཧཏྟཱ’’ཏི.

ནནུ ཨརཧཱ ནེཝ ཝིསིནེཏི ན ཨུསྶིནེཏི ཝིསིནིཏྭཱ ཋིཏོཏི? ཨཱམནྟཱ. ཧཉྩི ཨརཧཱ ནེཝ ཝིསིནེཏི ན ཨུསྶིནེཏི ཝིསིནིཏྭཱ ཋིཏོ, ནོ ཙ ཝཏ རེ ཝཏྟབྦེ – ‘‘པརིཧཱཡཏི ཨརཧཱ ཨརཧཏྟཱ’’ཏི.

ནནུ ཨརཧཱ ནེཝ ཝིདྷཱུཔེཏི ན སནྡྷཱུཔེཏི ཝིདྷཱུཔེཏྭཱ ཋིཏོཏི? ཨཱམནྟཱ. ཧཉྩི ཨརཧཱ ནེཝ ཝིདྷཱུཔེཏི ན སནྡྷཱུཔེཏི ཝིདྷཱུཔེཏྭཱ ཋིཏོ, ནོ ཙ ཝཏ རེ ཝཏྟབྦེ – ‘‘པརིཧཱཡཏི ཨརཧཱ ཨརཧཏྟཱ’’ཏི.

པརིཧཱནིཀཐཱ ནིཊྛིཏཱ.

༣. བྲཧྨཙརིཡཀཐཱ

༡. སུདྡྷབྲཧྨཙརིཡཀཐཱ

༢༦༩. ནཏྠི ¶ ¶ དེཝེསུ བྲཧྨཙརིཡཝཱསོཏི? ཨཱམནྟཱ. སབྦེ ¶ དེཝཱ ཛལཱ༹ ཨེལམཱུགཱ [ཨེལ༹མཱུགཱ (སྱཱ.)] ཨཝིཉྙཱུ ཧཏྠསཾཝཱཙིཀཱ ནཔྤཊིབལཱ སུབྷཱསིཏདུབྦྷཱསིཏཱནཾ ཨཏྠམཉྙཱཏུཾ, སབྦེ དེཝཱ ན བུདྡྷེ པསནྣཱ ན དྷམྨེ ¶ པསནྣཱ ན སངྒྷེ པསནྣཱ, ན བུདྡྷཾ བྷགཝནྟཾ པཡིརུཔཱསནྟི, ན བུདྡྷཾ བྷགཝནྟཾ པཉྷཾ པུཙྪནྟི, ན བུདྡྷེན བྷགཝཏཱ པཉྷེ ཝིསྶཛྫིཏེ ཨཏྟམནཱ, སབྦེ དེཝཱ ཀམྨཱཝརཎེན སམནྣཱགཏཱ ཀིལེསཱཝརཎེན སམནྣཱགཏཱ ཝིཔཱཀཱཝརཎེན སམནྣཱགཏཱ ཨསྶདྡྷཱ ཨཙྪནྡིཀཱ དུཔྤཉྙཱ ཨབྷབྦཱ ནིཡཱམཾ ཨོཀྐམིཏུཾ ཀུསལེསུ དྷམྨེསུ སམྨཏྟཾ, སབྦེ དེཝཱ མཱཏུགྷཱཏཀཱ པིཏུགྷཱཏཀཱ ཨརཧནྟགྷཱཏཀཱ རུཧིརུཔྤཱདཀཱ སངྒྷབྷེདཀཱ, སབྦེ དེཝཱ པཱཎཱཏིཔཱཏིནོ ཨདིནྣཱདཱཡིནོ ཀཱམེསུམིཙྪཱཙཱརིནོ མུསཱཝཱདིནོ པིསུཎཝཱཙཱ ཕརུསཱཝཱཙཱ སམྥཔྤལཱཔིནོ ཨབྷིཛ྄ཛྷཱལུནོ བྱཱཔནྣཙིཏྟཱ མིཙྪཱདིཊྛིཀཱཏི? ན ཧེཝཾ ཝཏྟབྦེ…པེ….

ནནུ ཨཏྠི དེཝཱ ཨཛལཱ༹ ཨནེལམཱུགཱ ཝིཉྙཱུ ན ཧཏྠསཾཝཱཙིཀཱ པཊིབལཱ སུབྷཱསིཏདུབྦྷཱསིཏཱནཾ ཨཏྠམཉྙཱཏུཾ, ཨཏྠི དེཝཱ བུདྡྷེ པསནྣཱ དྷམྨེ པསནྣཱ སངྒྷེ པསནྣཱ, བུདྡྷཾ བྷགཝནྟཾ པཡིརུཔཱསནྟི, བུདྡྷཾ བྷགཝནྟཾ པཉྷཾ པུཙྪནྟི, བུདྡྷེན བྷགཝཏཱ པཉྷེ ཝིསྶཛྫིཏེ ཨཏྟམནཱ ཧོནྟི, ཨཏྠི དེཝཱ ན ཀམྨཱཝརཎེན སམནྣཱགཏཱ ན ཀིལེསཱཝརཎེན སམནྣཱགཏཱ ན ཝིཔཱཀཱཝརཎེན སམནྣཱགཏཱ སདྡྷཱ ཚནྡིཀཱ པཉྙཝནྟོ བྷབྦཱ ནིཡཱམཾ ཨོཀྐམིཏུཾ ཀུསལེསུ དྷམྨེསུ སམྨཏྟཾ, ཨཏྠི དེཝཱ ན མཱཏུགྷཱཏཀཱ ན པིཏུགྷཱཏཀཱ ན ཨརཧནྟགྷཱཏཀཱ ན རུཧིརུཔྤཱདཀཱ ན སངྒྷབྷེདཀཱ, ཨཏྠི དེཝཱ ན པཱཎཱཏིཔཱཏིནོ ན ཨདིནྣཱདཱཡིནོ ན ཀཱམེསུམིཙྪཱཙཱརིནོ ¶ ན མུསཱཝཱདིནོ ན པིསུཎཱཝཱཙཱ ན ཕརུསཱཝཱཙཱ ན སམྥཔྤལཱཔིནོ ན ཨབྷིཛ྄ཛྷཱལུནོ ¶ ཨབྱཱཔནྣཙིཏྟཱ སམྨཱདིཊྛིཀཱཏི? ཨཱམནྟཱ.

ཧཉྩི ཨཏྠི དེཝཱ ཨཛལཱ༹ ཨནེལམཱུགཱ ཝིཉྙཱུ ན ཧཏྠསཾཝཱཙིཀཱ ¶ པཊིབལཱ སུབྷཱསིཏདུབྦྷཱསིཏཱནཾ ཨཏྠམཉྙཱཏུཾ…པེ… ཨཏྠི དེཝཱ བུདྡྷེ པསནྣཱ…པེ… སམྨཱདིཊྛིཀཱ, ནོ ཙ ཝཏ རེ ཝཏྟབྦེ – ‘‘ནཏྠི དེཝེསུ བྲཧྨཙརིཡཝཱསོ’’ཏི.

༢༧༠. ཨཏྠི ¶ དེཝེསུ བྲཧྨཙརིཡཝཱསོཏི? ཨཱམནྟཱ. ཨཏྠི ཏཏྠ པབྦཛྫཱ མུཎྜིཡཾ ཀཱསཱཝདྷཱརཎཱ པཏྟདྷཱརཎཱ, དེཝེསུ སམྨཱསམྦུདྡྷཱ ཨུཔྤཛྫནྟི, པཙྩེཀསམྦུདྡྷཱ ཨུཔྤཛྫནྟི, སཱཝཀཡུགཾ ཨུཔྤཛྫཏཱིཏི? ན ཧེཝཾ ཝཏྟབྦེ…པེ….

དེཝེསུ པབྦཛྫཱ ནཏྠཱིཏི, ནཏྠི དེཝེསུ བྲཧྨཙརིཡཝཱསོཏི? ཨཱམནྟཱ. ཡཏྠ ཨཏྠི པབྦཛྫཱ ཏཏྠེཝ བྲཧྨཙརིཡཝཱསོ, ཡཏྠ ནཏྠི པབྦཛྫཱ ནཏྠི ཏཏྠ བྲཧྨཙརིཡཝཱསོཏི? ན ཧེཝཾ ཝཏྟབྦེ…པེ… ཡཏྠ ཨཏྠི པབྦཛྫཱ ཏཏྠེཝ བྲཧྨཙརིཡཝཱསོ, ཡཏྠ ནཏྠི པབྦཛྫཱ ནཏྠི ཏཏྠ བྲཧྨཙརིཡཝཱསོཏི? ཨཱམནྟཱ. ཡོ པབྦཛཏི ཏསྶེཝ བྲཧྨཙརིཡཝཱསོ, ཡོ ན པབྦཛཏི ནཏྠི ཏསྶ བྲཧྨཙརིཡཝཱསོཏི? ན ཧེཝཾ ཝཏྟབྦེ…པེ….

དེཝེསུ མུཎྜིཡཾ ནཏྠཱིཏི, ནཏྠི དེཝེསུ བྲཧྨཙརིཡཝཱསོཏི? ཨཱམནྟཱ. ཡཏྠ ཨཏྠི མུཎྜིཡཾ ཏཏྠེཝ བྲཧྨཙརིཡཝཱསོ, ཡཏྠ ནཏྠི མུཎྜིཡཾ ནཏྠི ཏཏྠ བྲཧྨཙརིཡཝཱསོཏི? ན ཧེཝཾ ཝཏྟབྦེ…པེ… ཡཏྠ ཨཏྠི མུཎྜིཡཾ ཏཏྠེཝ བྲཧྨཙརིཡཝཱསོ, ཡཏྠ ¶ ནཏྠི མུཎྜིཡཾ ནཏྠི ཏཏྠ བྲཧྨཙརིཡཝཱསོཏི? ཨཱམནྟཱ. ཡོ མུཎྜོ ཧོཏི ཏསྶེཝ བྲཧྨཙརིཡཝཱསོ, ཡོ མུཎྜོ ན ཧོཏི ནཏྠི ཏསྶ བྲཧྨཙརིཡཝཱསོཏི? ན ¶ ཧེཝཾ ཝཏྟབྦེ…པེ….

དེཝེསུ ཀཱསཱཝདྷཱརཎཱ ནཏྠཱིཏི, ནཏྠི དེཝེསུ བྲཧྨཙརིཡཝཱསོཏི? ཨཱམནྟཱ. ཡཏྠ ཨཏྠི ཀཱསཱཝདྷཱརཎཱ ཏཏྠེཝ བྲཧྨཙརིཡཝཱསོ, ཡཏྠ ནཏྠི ཀཱསཱཝདྷཱརཎཱ ནཏྠི ཏཏྠ བྲཧྨཙརིཡཝཱསོཏི? ན ཧེཝཾ ཝཏྟབྦེ…པེ… ཡཏྠ ཨཏྠི ཀཱསཱཝདྷཱརཎཱ ཏཏྠེཝ བྲཧྨཙརིཡཝཱསོ, ཡཏྠ ནཏྠི ཀཱསཱཝདྷཱརཎཱ ནཏྠི ཏཏྠ བྲཧྨཙརིཡཝཱསོཏི? ཨཱམནྟཱ. ཡོ ཀཱསཱཝཾ ¶ དྷཱརེཏི ཏསྶེཝ བྲཧྨཙརིཡཝཱསོ, ཡོ ཀཱསཱཝཾ ན དྷཱརེཏི ནཏྠི ཏསྶ བྲཧྨཙརིཡཝཱསོཏི? ན ཧེཝཾ ཝཏྟབྦེ…པེ….

དེཝེསུ པཏྟདྷཱརཎཱ ནཏྠཱིཏི, ནཏྠི དེཝེསུ བྲཧྨཙརིཡཝཱསོཏི? ཨཱམནྟཱ. ཡཏྠ ཨཏྠི པཏྟདྷཱརཎཱ ཏཏྠེཝ བྲཧྨཙརིཡཝཱསོ, ཡཏྠ ནཏྠི པཏྟདྷཱརཎཱ ནཏྠི ཏཏྠ བྲཧྨཙརིཡཝཱསོཏི? ན ཧེཝཾ ཝཏྟབྦེ…པེ… ཡཏྠ ཨཏྠི པཏྟདྷཱརཎཱ ཏཏྠེཝ བྲཧྨཙརིཡཝཱསོ, ཡཏྠ ནཏྠི པཏྟདྷཱརཎཱ ནཏྠི ཏཏྠ བྲཧྨཙརིཡཝཱསོཏི? ཨཱམནྟཱ? ཡོ པཏྟཾ དྷཱརེཏི ཏསྶེཝ བྲཧྨཙརིཡཝཱསོ, ཡོ པཏྟཾ ན དྷཱརེཏི ནཏྠི ཏསྶ བྲཧྨཙརིཡཝཱསོཏི? ན ཧེཝཾ ཝཏྟབྦེ…པེ….

དེཝེསུ ¶ སམྨཱསམྦུདྡྷཱ ནུཔྤཛྫནྟཱིཏི, ནཏྠི དེཝེསུ བྲཧྨཙརིཡཝཱསོཏི ¶ ? ཨཱམནྟཱ. ཡཏྠ སམྨཱསམྦུདྡྷཱ ཨུཔྤཛྫནྟི ཏཏྠེཝ བྲཧྨཙརིཡཝཱསོ, ཡཏྠ སམྨཱསམྦུདྡྷཱ ནུཔྤཛྫནྟི ནཏྠི ཏཏྠ བྲཧྨཙརིཡཝཱསོཏི? ན ཧེཝཾ ཝཏྟབྦེ…པེ… ཡཏྠ སམྨཱསམྦུདྡྷཱ ཨུཔྤཛྫནྟི ཏཏྠེཝ བྲཧྨཙརིཡཝཱསོ, ཡཏྠ སམྨཱསམྦུདྡྷཱ ནུཔྤཛྫནྟི ནཏྠི ཏཏྠ བྲཧྨཙརིཡཝཱསོཏི? ཨཱམནྟཱ ¶ . ལུམྦིནིཡཱ བྷགཝཱ ཛཱཏོ, བོདྷིཡཱ མཱུལེ ཨབྷིསམྦུདྡྷོ, བཱརཱཎསིཡཾ བྷགཝཏཱ དྷམྨཙཀྐཾ པཝཏྟིཏཾ; ཏཏྠེཝ བྲཧྨཙརིཡཝཱསོ, ནཏྠཉྙཏྲ བྲཧྨཙརིཡཝཱསོཏི? ན ཧེཝཾ ཝཏྟབྦེ…པེ….

དེཝེསུ པཙྩེཀསམྦུདྡྷཱ ནུཔྤཛྫནྟཱིཏི, ནཏྠི དེཝེསུ བྲཧྨཙརིཡཝཱསོཏི? ཨཱམནྟཱ. ཡཏྠ པཙྩེཀསམྦུདྡྷཱ ཨུཔྤཛྫནྟི ཏཏྠེཝ བྲཧྨཙརིཡཝཱསོ, ཡཏྠ པཙྩེཀསམྦུདྡྷཱ ནུཔྤཛྫནྟི ནཏྠི ཏཏྠ བྲཧྨཙརིཡཝཱསོཏི? ན ཧེཝཾ ཝཏྟབྦེ…པེ… ཡཏྠ པཙྩེཀསམྦུདྡྷཱ ཨུཔྤཛྫནྟི ཏཏྠེཝ བྲཧྨཙརིཡཝཱསོ, ཡཏྠ པཙྩེཀསམྦུདྡྷཱ ནུཔྤཛྫནྟི ནཏྠི ཏཏྠ བྲཧྨཙརིཡཝཱསོཏི? ཨཱམནྟཱ. མཛ྄ཛྷིམེསུ ཛནཔདེསུ པཙྩེཀསམྦུདྡྷཱ ཨུཔྤཛྫནྟི, ཏཏྠེཝ བྲཧྨཙརིཡཝཱསོ, ནཏྠཉྙཏྲ བྲཧྨཙརིཡཝཱསོཏི? ན ཧེཝཾ ཝཏྟབྦེ…པེ….

དེཝེསུ སཱཝཀཡུགཾ ནུཔྤཛྫཏཱིཏི, ནཏྠི དེཝེསུ བྲཧྨཙརིཡཝཱསོཏི? ཨཱམནྟཱ. ཡཏྠ སཱཝཀཡུགཾ ཨུཔྤཛྫཏི ཏཏྠེཝ བྲཧྨཙརིཡཝཱསོ, ཡཏྠ སཱཝཀཡུགཾ ནུཔྤཛྫཏི ནཏྠི ཏཏྠ བྲཧྨཙརིཡཝཱསོཏི? ན ཧེཝཾ ཝཏྟབྦེ…པེ… ཡཏྠ སཱཝཀཡུགཾ ཨུཔྤཛྫཏི ཏཏྠེཝ ¶ བྲཧྨཙརིཡཝཱསོ, ཡཏྠ སཱཝཀཡུགཾ ནུཔྤཛྫཏི ནཏྠི ཏཏྠ བྲཧྨཙརིཡཝཱསོཏི? ཨཱམནྟཱ. མགདྷེསུ ¶ སཱཝཀཡུགཾ ཨུཔྤནྣཾ, ཏཏྠེཝ བྲཧྨཙརིཡཝཱསོ, ནཏྠཉྙཏྲ བྲཧྨཙརིཡཝཱསོཏི? ན ཧེཝཾ ཝཏྟབྦེ…པེ….

༢༧༡. ཨཏྠི དེཝེསུ བྲཧྨཙརིཡཝཱསོཏི? ཨཱམནྟཱ ¶ . སབྦདེཝེསུ ཨཏྠི བྲཧྨཙརིཡཝཱསོཏི? ན ཧེཝཾ ཝཏྟབྦེ…པེ….

ཨཏྠི མནུསྶེསུ བྲཧྨཙརིཡཝཱསོཏི? ཨཱམནྟཱ. སབྦམནུསྶེསུ ཨཏྠི བྲཧྨཙརིཡཝཱསོཏི? ན ཧེཝཾ ཝཏྟབྦེ…པེ….

ཨཏྠི དེཝེསུ བྲཧྨཙརིཡཝཱསོཏི? ཨཱམནྟཱ. ཨསཉྙསཏྟེསུ དེཝེསུ ཨཏྠི བྲཧྨཙརིཡཝཱསོཏི? ན ཧེཝཾ ཝཏྟབྦེ…པེ….

ཨཏྠི ¶ མནུསྶེསུ བྲཧྨཙརིཡཝཱསོཏི? ཨཱམནྟཱ. པཙྩནྟིམེསུ ཛནཔདེསུ ཨཏྠི བྲཧྨཙརིཡཝཱསོ མིལཀྑེསུ [མིལཀྑཱུསུ (སྱཱ. ཀ.)] ཨཝིཉྙཱཏཱརེསུ ཡཏྠ ནཏྠི གཏི བྷིཀྑཱུནཾ བྷིཀྑུནཱིནཾ ཨུཔཱསཀཱནཾ ཨུཔཱསིཀཱནནྟི? ན ཧེཝཾ ཝཏྟབྦེ.

ཨཏྠི དེཝེསུ བྲཧྨཙརིཡཝཱསོཏི? ཨཏྠི ཡཏྠ ཨཏྠི, ཨཏྠི ཡཏྠ ནཏྠཱིཏི. ཨསཉྙསཏྟེསུ དེཝེསུ ཨཏྠི ཡཏྠ ཨཏྠི, ཨཏྠི ཡཏྠ ནཏྠི བྲཧྨཙརིཡཝཱསོ, སཉྙསཏྟེསུ [ཨསཉྙསཏྟེསུ (ཀ.)] དེཝེསུ ཨཏྠི ཡཏྠ ཨཏྠི, ཨཏྠི ཡཏྠ ནཏྠི བྲཧྨཙརིཡཝཱསོཏི? ན ཧེཝཾ ཝཏྟབྦེ.

དེཝེསུ ཨཏྠི ཡཏྠ ཨཏྠི, ཨཏྠི ཡཏྠ ནཏྠི བྲཧྨཙརིཡཝཱསོཏི? ཨཱམནྟཱ. ཀཏྠ ཨཏྠི, ཀཏྠ ནཏྠཱིཏི? ཨསཉྙསཏྟེསུ ¶ དེཝེསུ ནཏྠི བྲཧྨཙརིཡཝཱསོ, སཉྙསཏྟེསུ [ཨསཉྙསཏྟེསུ (ཀ.)] དེཝེསུ ཨཏྠི བྲཧྨཙརིཡཝཱསོཏི. ཨསཉྙསཏྟེསུ དེཝེསུ ནཏྠི བྲཧྨཙརིཡཝཱསོཏི? ཨཱམནྟཱ. སཉྙསཏྟེསུ [ཨསཉྙསཏྟེསུ (ཀ.)] དེཝེསུ ནཏྠི བྲཧྨཙརིཡཝཱསོཏི? ན ཧེཝཾ ཝཏྟབྦེ.

སཉྙསཏྟེསུ དེཝེསུ ཨཏྠི བྲཧྨཙརིཡཝཱསོཏི? ཨཱམནྟཱ. ཨསཉྙསཏྟེསུ ¶ དེཝེསུ ཨཏྠི བྲཧྨཙརིཡཝཱསོཏི? ན ཧེཝཾ ཝཏྟབྦེ.

ཨཏྠི ¶ མནུསྶེསུ བྲཧྨཙརིཡཝཱསོཏི? ཨཏྠི ཡཏྠ ཨཏྠི, ཨཏྠི ཡཏྠ ནཏྠཱིཏི. པཙྩནྟིམེསུ ཛནཔདེསུ ཨཏྠི ཡཏྠ ཨཏྠི, ཨཏྠི ཡཏྠ ནཏྠི བྲཧྨཙརིཡཝཱསོ མིལཀྑེསུ ཨཝིཉྙཱཏཱརེསུ ཡཏྠ ནཏྠི གཏི བྷིཀྑཱུནཾ བྷིཀྑུནཱིནཾ ཨུཔཱསཀཱནཾ ཨུཔཱསིཀཱནཾ, མཛ྄ཛྷིམེསུ ཛནཔདེསུ ཨཏྠི ཡཏྠ ཨཏྠི, ཨཏྠི ཡཏྠ ནཏྠི བྲཧྨཙརིཡཝཱསོཏི? ན ཧེཝཾ ཝཏྟབྦེ.

མནུསྶེསུ ཨཏྠི ཡཏྠ ཨཏྠི, ཨཏྠི ཡཏྠ ནཏྠི བྲཧྨཙརིཡཝཱསོཏི? ཨཱམནྟཱ. ཀཏྠ ཨཏྠི, ཀཏྠ ནཏྠཱིཏི? པཙྩནྟིམེསུ ཛནཔདེསུ ནཏྠི བྲཧྨཙརིཡཝཱསོ མིལཀྑེསུ ཨཝིཉྙཱཏཱརེསུ ཡཏྠ ནཏྠི གཏི བྷིཀྑཱུནཾ བྷིཀྑུནཱིནཾ ཨུཔཱསཀཱནཾ ཨུཔཱསིཀཱནཾ, མཛ྄ཛྷིམེསུ ཛནཔདེསུ ཨཏྠི བྲཧྨཙརིཡཝཱསོཏི. པཙྩནྟིམེསུ ཛནཔདེསུ ནཏྠི བྲཧྨཙརིཡཝཱསོ མིལཀྑེསུ ཨཝིཉྙཱཏཱརེསུ ཡཏྠ ནཏྠི གཏི བྷིཀྑཱུནཾ བྷིཀྑུནཱིནཾ ཨུཔཱསཀཱནཾ ཨུཔཱསིཀཱནནྟི? ཨཱམནྟཱ. མཛ྄ཛྷིམེསུ ཛནཔདེསུ ནཏྠི བྲཧྨཙརིཡཝཱསོཏི? ན ཧེཝཾ ཝཏྟབྦེ.

མཛ྄ཛྷིམེསུ ¶ ཛནཔདེསུ ¶ ཨཏྠི བྲཧྨཙརིཡཝཱསོཏི? ཨཱམནྟཱ. པཙྩནྟིམེསུ ཛནཔདེསུ ཨཏྠི བྲཧྨཙརིཡཝཱསོ མིལཀྑེསུ ཨཝིཉྙཱཏཱརེསུ ཡཏྠ ནཏྠི གཏི བྷིཀྑཱུནཾ བྷིཀྑུནཱིནཾ ཨུཔཱསཀཱནཾ ཨུཔཱསིཀཱནནྟི? ན ཧེཝཾ ཝཏྟབྦེ.

ཨཏྠི དེཝེསུ བྲཧྨཙརིཡཝཱསོཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཏཱིཧི, བྷིཀྑཝེ, ཋཱནེཧི ཛམྦུདཱིཔཀཱ མནུསྶཱ ཨུཏྟརཀུརུཀེ ཙ མནུསྶེ ཨདྷིགྒཎྷནྟི དེཝེ ཙ ཏཱཝཏིཾསེ! ཀཏམེཧི ཏཱིཧི? སཱུརཱ, སཏིམནྟོ, ཨིདྷ བྲཧྨཙརིཡཝཱསོ’’ཏི [ཨ. ནི. ༩.༢༡]. ཨཏྠེཝ སུཏྟནྟོཏི? ཨཱམནྟཱ. ཏེན ¶ ཧི ནཏྠི དེཝེསུ བྲཧྨཙརིཡཝཱསོཏི.

སཱཝཏྠིཡཾ ཝུཏྟཾ བྷགཝཏཱ – ‘‘ཨིདྷ བྲཧྨཙརིཡཝཱསོ’’ཏི? ཨཱམནྟཱ. སཱཝཏྠིཡཾཡེཝ བྲཧྨཙརིཡཝཱསོ, ནཏྠི ཨཉྙཏྲ བྲཧྨཙརིཡཝཱསོཏི? ན ཧེཝཾ ཝཏྟབྦེ.

༢༧༢. ཨནཱགཱམིསྶ པུགྒལསྶ པཉྩོརམྦྷཱགིཡཱནི སཾཡོཛནཱནི པཧཱིནཱནི, པཉྩུདྡྷམྦྷཱགིཡཱནི སཾཡོཛནཱནི ཨཔྤཧཱིནཱནི, ཨིཏོ ཙུཏསྶ ཏཏྠ ཨུཔཔནྣསྶ ཀུཧིཾ ཕལུཔྤཏྟཱིཏི? ཏཏྠེཝ. ཧཉྩི ཨནཱགཱམིསྶ པུགྒལསྶ པཉྩོརམྦྷཱགིཡཱནི སཾཡོཛནཱནི པཧཱིནཱནི ¶ , པཉྩུདྡྷམྦྷཱགིཡཱནི སཾཡོཛནཱནི ཨཔྤཧཱིནཱནི, ཨིཏོ ཙུཏསྶ ཏཏྠ ཨུཔཔནྣསྶ ཏཧིཾ ཕལུཔྤཏྟི; ནོ ཙ ཝཏ རེ ཝཏྟབྦེ – ‘‘ནཏྠི དེཝེསུ བྲཧྨཙརིཡཝཱསོ’’ཏི.

ཨནཱགཱམིསྶ པུགྒལསྶ པཉྩོརམྦྷཱགིཡཱནི སཾཡོཛནཱནི པཧཱིནཱནི, པཉྩུདྡྷམྦྷཱགིཡཱནི སཾཡོཛནཱནི ཨཔྤཧཱིནཱནི ¶ , ཨིཏོ ཙུཏསྶ ཏཏྠ ཨུཔཔནྣསྶ ཀུཧིཾ བྷཱརོཧརཎཾ, ཀུཧིཾ དུཀྑཔརིཉྙཱཏཾ, ཀུཧིཾ ཀིལེསཔྤཧཱནཾ, ཀུཧིཾ ནིརོདྷསཙྪིཀིརིཡཱ, ཀུཧིཾ ཨཀུཔྤཔཊིཝེདྷོཏི? ཏཏྠེཝ. ཧཉྩི ཨནཱགཱམིསྶ པུགྒལསྶ པཉྩོརམྦྷཱགིཡཱནི སཾཡོཛནཱནི པཧཱིནཱནི, པཉྩུདྡྷམྦྷཱགིཡཱནི སཾཡོཛནཱནི ཨཔྤཧཱིནཱནི, ཨིཏོ ཙུཏསྶ ཏཏྠ ཨུཔཔནྣསྶ ཏཧིཾ ཨཀུཔྤཔཊིཝེདྷོ; ནོ ཙ ཝཏ རེ ཝཏྟབྦེ – ‘‘ནཏྠི དེཝེསུ བྲཧྨཙརིཡཝཱསོ’’ཏི.

ཨནཱགཱམིསྶ པུགྒལསྶ པཉྩོརམྦྷཱགིཡཱནི སཾཡོཛནཱནི པཧཱིནཱནི, པཉྩུདྡྷམྦྷཱགིཡཱནི སཾཡོཛནཱནི ཨཔྤཧཱིནཱནི, ཨིཏོ ཙུཏསྶ ཏཏྠ ཨུཔཔནྣསྶ ཏཧིཾ ¶ ཕལུཔྤཏྟི, ཏཧིཾ བྷཱརོཧརཎཾ, ཏཧིཾ དུཀྑཔརིཉྙཱཏཾ, ཏཧིཾ ཀིལེསཔྤཧཱནཾ, ཏཧིཾ ནིརོདྷསཙྪིཀིརིཡཱ, ཏཧིཾ ཨཀུཔྤཔཊིཝེདྷོ; ཀེནཊྛེན ཝདེསི – ‘‘ནཏྠི དེཝེསུ བྲཧྨཙརིཡཝཱསོ’’ཏི? ཧནྡ ཧི ཨནཱགཱམཱི པུགྒལོ ཨིདྷ བྷཱཝིཏེན མགྒེན ཏཏྠ ཕལཾ སཙྪིཀརོཏཱིཏི [སཙྪིཀརོཏི (བཧཱུསུ)].

༢. སཾསནྡནབྲཧྨཙརིཡཀཐཱ

༢༧༣. ཨནཱགཱམཱི ¶ པུགྒལོ ཨིདྷ བྷཱཝིཏེན མགྒེན ཏཏྠ ཕལཾ སཙྪིཀརོཏཱིཏི? ཨཱམནྟཱ. སོཏཱཔནྣོ པུགྒལོ ཏཏྠ བྷཱཝིཏེན མགྒེན ཨིདྷ ཕལཾ སཙྪིཀརོཏཱིཏི? ན ཧེཝཾ ཝཏྟབྦེ.

ཨནཱགཱམཱི པུགྒལོ ཨིདྷ བྷཱཝིཏེན མགྒེན ཏཏྠ ཕལཾ སཙྪིཀརོཏཱིཏི? ཨཱམནྟཱ. སཀདཱགཱམཱི པུགྒལོ ཨིདྷ པརིནིབྦཱཡིཔུགྒལོ [ཨིདྷཔརིནིབྦཱཡཱི (?)] ཏཏྠ བྷཱཝིཏེན མགྒེན ཨིདྷ ཕལཾ སཙྪིཀརོཏཱིཏི? ན ཧེཝཾ ཝཏྟབྦེ.

སོཏཱཔནྣོ པུགྒལོ ཨིདྷ བྷཱཝིཏེན མགྒེན ཨིདྷ ཕལཾ སཙྪིཀརོཏཱིཏི? ཨཱམནྟཱ. ཨནཱགཱམཱི པུགྒལོ ཏཏྠ བྷཱཝིཏེན མགྒེན ཏཏྠ ཕལཾ སཙྪིཀརོཏཱིཏི? ན ¶ ཧེཝཾ ཝཏྟབྦེ.

སཀདཱགཱམཱི ¶ པུགྒལོ ཨིདྷ པརིནིབྦཱཡིཔུགྒལོ ཨིདྷ བྷཱཝིཏེན མགྒེན ཨིདྷ ཕལཾ སཙྪིཀརོཏཱིཏི? ཨཱམནྟཱ. ཨནཱགཱམཱི པུགྒལོ ཏཏྠ བྷཱཝིཏེན མགྒེན ཏཏྠ ཕལཾ སཙྪིཀརོཏཱིཏི? ན ཧེཝཾ ཝཏྟབྦེ…པེ….

ཨིདྷ ཝིཧཱཡ ནིཊྛསྶ པུགྒལསྶ མགྒོ ཙ བྷཱཝཱིཡཏི, ན ཙ ཀིལེསཱ པཧཱིཡནྟཱིཏི? ཨཱམནྟཱ. སོཏཱཔཏྟིཕལསཙྪིཀིརིཡཱཡ པཊིཔནྣསྶ པུགྒལསྶ མགྒོ ཙ བྷཱཝཱིཡཏི, ན ཙ ཀིལེསཱ པཧཱིཡནྟཱིཏི? ན ཧེཝཾ ཝཏྟབྦེ…པེ….

ཨིདྷ ཝིཧཱཡ ནིཊྛསྶ པུགྒལསྶ མགྒོ ཙ བྷཱཝཱིཡཏི, ན ཙ ཀིལེསཱ པཧཱིཡནྟཱིཏི? ཨཱམནྟཱ. སཀདཱགཱམིཕལསཙྪིཀིརིཡཱཡ པཊིཔནྣསྶ པུགྒལསྶ…པེ… ཨརཧཏྟསཙྪིཀིརིཡཱཡ པཊིཔནྣསྶ པུགྒལསྶ མགྒོ ཙ བྷཱཝཱིཡཏི, ན ཙ ཀིལེསཱ པཧཱིཡནྟཱིཏི? ན ¶ ཧེཝཾ ཝཏྟབྦེ…པེ….

སོཏཱཔཏྟིཕལསཙྪིཀིརིཡཱཡ པཊིཔནྣསྶ པུགྒལསྶ ཨཔུབྦཾ ཨཙརིམཾ མགྒོ ཙ བྷཱཝཱིཡཏི, ཀིལེསཱ ཙ པཧཱིཡནྟཱིཏི? ཨཱམནྟཱ. ཨིདྷ ཝིཧཱཡ ནིཊྛསྶ ¶ པུགྒལསྶ ཨཔུབྦཾ ཨཙརིམཾ མགྒོ ཙ བྷཱཝཱིཡཏི, ཀིལེསཱ ཙ པཧཱིཡནྟཱིཏི? ན ཧེཝཾ ཝཏྟབྦེ.

སཀདཱགཱམིཕལསཙྪིཀིརིཡཱཡ པཊིཔནྣསྶ པུགྒལསྶ…པེ… ཨརཧཏྟསཙྪིཀིརིཡཱཡ པཊིཔནྣསྶ པུགྒལསྶ ཨཔུབྦཾ ཨཙརིམཾ མགྒོ ཙ བྷཱཝཱིཡཏི, ཀིལེསཱ ཙ པཧཱིཡནྟཱིཏི? ཨཱམནྟཱ. ཨིདྷ ཝིཧཱཡ ནིཊྛསྶ པུགྒལསྶ ཨཔུབྦཾ ཨཙརིམཾ མགྒོ ཙ བྷཱཝཱིཡཏི, ཀིལེསཱ ཙ པཧཱིཡནྟཱིཏི? ན ཧེཝཾ ཝཏྟབྦེ ¶ .

ཨནཱགཱམཱི པུགྒལོ ཀཏཀརཎཱིཡོ བྷཱཝིཏབྷཱཝནོ ཏཏྠ ཨུཔཔཛྫཏཱིཏི? ཨཱམནྟཱ. ཨརཧཱ ཨུཔཔཛྫཏཱིཏི? ན ཧེཝཾ ཝཏྟབྦེ.

ཨརཧཱ ཨུཔཔཛྫཏཱིཏི? ཨཱམནྟཱ. ཨཏྠི ཨརཧཏོ པུནབྦྷཝོཏི? ན ཧེཝཾ ཝཏྟབྦེ.

ཨཏྠི ¶ ཨརཧཏོ པུནབྦྷཝོཏི? ཨཱམནྟཱ. ཨརཧཱ བྷཝེན བྷཝཾ གཙྪཏི, གཏིཡཱ གཏིཾ གཙྪཏི, སཾསཱརེན སཾསཱརཾ གཙྪཏི, ཨུཔཔཏྟིཡཱ ཨུཔཔཏྟིཾ གཙྪཏཱིཏི? ན ཧེཝཾ ཝཏྟབྦེ.

ཨནཱགཱམཱི པུགྒལོ ཀཏཀརཎཱིཡོ བྷཱཝིཏབྷཱཝནོ ཨནོཧཊབྷཱརོ ཏཏྠ ཨུཔཔཛྫཏཱིཏི? ཨཱམནྟཱ. བྷཱརོཧརཎཱཡ པུན མགྒཾ བྷཱཝེཏཱིཏི? ན ཧེཝཾ ཝཏྟབྦེ.

ཨནཱགཱམཱི ¶ པུགྒལོ ཀཏཀརཎཱིཡོ བྷཱཝིཏབྷཱཝནོ ཨཔརིཉྙཱཏདུཀྑོ ཨཔྤཧཱིནཀིལེསོ ཨསཙྪིཀཏནིརོདྷོ ཨཔྤཊིཝིདྡྷཱཀུཔྤོ ཏཏྠ ཨུཔཔཛྫཏཱིཏི? ཨཱམནྟཱ. ཨཀུཔྤཔཊིཝེདྷཱཡ པུན མགྒཾ བྷཱཝེཏཱིཏི? ན ཧེཝཾ ཝཏྟབྦེ.

ཨནཱགཱམཱི པུགྒལོ ཀཏཀརཎཱིཡོ བྷཱཝིཏབྷཱཝནོ ཨནོཧཊབྷཱརོ ཏཏྠ ཨུཔཔཛྫཏི, ན ཙ བྷཱརོཧརཎཱཡ པུན མགྒཾ བྷཱཝེཏཱིཏི? ཨཱམནྟཱ. ཨནོཧཊབྷཱརོ ཙ ཏཏྠ པརིནིབྦཱཡཏཱིཏི? ན ཧེཝཾ ཝཏྟབྦེ.

ཨནཱགཱམཱི པུགྒལོ ཀཏཀརཎཱིཡོ བྷཱཝིཏབྷཱཝནོ ཨཔརིཉྙཱཏདུཀྑོ ཨཔྤཧཱིནཀིལེསོ ཨསཙྪིཀཏནིརོདྷོ ཨཔྤཊིཝིདྡྷཱཀུཔྤོ ཏཏྠ ཨུཔཔཛྫཏི, ན ཙ ཨཀུཔྤཔཊིཝེདྷཱཡ པུན མགྒཾ བྷཱཝེཏཱིཏི ¶ ? ཨཱམནྟཱ. ཨཔྤཊིཝིདྡྷཱཀུཔྤོ ཙ ཏཏྠ པརིནིབྦཱཡཏཱིཏི? ན ཧེཝཾ ཝཏྟབྦེ. ཡཐཱ མིགོ སལླེན ཝིདྡྷོ དཱུརམྤི གནྟྭཱ ཀཱལཾ ཀརོཏི, ཨེཝམེཝཾ ཨནཱགཱམཱི པུགྒལོ ཨིདྷ བྷཱཝིཏེན མགྒེན ཏཏྠ ཕལཾ སཙྪིཀརོཏཱིཏི.

ཡཐཱ ¶ མིགོ སལླེན ཝིདྡྷོ དཱུརམྤི གནྟྭཱ སསལློཝ ཀཱལཾ ཀརོཏི, ཨེཝམེཝཾ ཨནཱགཱམཱི པུགྒལོ ཨིདྷ བྷཱཝིཏེན མགྒེན ཏཏྠ སསལློཝ པརིནིབྦཱཡཏཱིཏི? ན ཧེཝཾ ཝཏྟབྦེ…པེ….

བྲཧྨཙརིཡཀཐཱ ནིཊྛིཏཱ.

༣. ཨོདྷིསོཀཐཱ

༢༧༤. ཨོདྷིསོདྷིསོ ¶ ཀིལེསེ ཛཧཏཱིཏི? ཨཱམནྟཱ. སོཏཱཔཏྟིཕལསཙྪིཀིརིཡཱཡ པཊིཔནྣོ པུགྒལོ དུཀྑདསྶནེན ཀིཾ ཛཧཏཱིཏི? སཀྐཱཡདིཊྛིཾ ¶ ཝིཙིཀིཙྪཾ སཱིལབྦཏཔརཱམཱསཾ ཏདེཀཊྛེ ཙ ཀིལེསེ ཨེཀདེསེ ཛཧཏཱིཏི. ཨེཀདེསཾ སོཏཱཔནྣོ, ཨེཀདེསཾ ན སོཏཱཔནྣོ, ཨེཀདེསཾ སོཏཱཔཏྟིཕལཔྤཏྟོ [སོཏཱཔཏྟིཕལཾ པཏྟོ (?)] པཊིལདྡྷོ ཨདྷིགཏོ སཙྪིཀཏོ ཨུཔསམྤཛྫ ཝིཧརཏི, ཀཱཡེན ཕུསིཏྭཱ ཝིཧརཏི, ཨེཀདེསཾ ན ཀཱཡེན ཕུསིཏྭཱ ཝིཧརཏི, ཨེཀདེསཾ སཏྟཀྑཏྟུཔརམོ, ཀོལངྐོལོ, ཨེཀབཱིཛཱི, བུདྡྷེ ཨཝེཙྩཔྤསཱདེན སམནྣཱགཏོ, དྷམྨེ…པེ… སངྒྷེ…པེ… ཨརིཡཀནྟེཧི སཱིལེཧི སམནྣཱགཏོ ཨེཀདེསཾ ཨརིཡཀནྟེཧི སཱིལེཧི ན སམནྣཱགཏོཏི? ན ཧེཝཾ ¶ ཝཏྟབྦེ…པེ….

སམུདཡདསྶནེན ཀིཾ ཛཧཏཱིཏི? སཀྐཱཡདིཊྛིཾ ཛཧཏི, ཝིཙིཀིཙྪཾ སཱིལབྦཏཔརཱམཱསཾ ཏདེཀཊྛེ ཙ ཀིལེསེ ཨེཀདེསེ ཛཧཏཱིཏི. ཨེཀདེསཾ སོཏཱཔནྣོ, ཨེཀདེསཾ ན སོཏཱཔནྣོ…པེ… ཨེཀདེསཾ ཨརིཡཀནྟེཧི སཱིལེཧི སམནྣཱགཏོ, ཨེཀདེསཾ ཨརིཡཀནྟེཧི སཱིལེཧི ན སམནྣཱགཏོཏི? ན ཧེཝཾ ཝཏྟབྦེ…པེ….

ནིརོདྷདསྶནེན ཀིཾ ཛཧཏཱིཏི? ཝིཙིཀིཙྪཾ སཱིལབྦཏཔརཱམཱསཾ ཏདེཀཊྛེ ཙ ཀིལེསེ ཨེཀདེསེ ཛཧཏཱིཏི. ཨེཀདེསཾ སོཏཱཔནྣོ, ཨེཀདེསཾ ན སོཏཱཔནྣོ…པེ… ཨེཀདེསཾ ཨརིཡཀནྟེཧི སཱིལེཧི སམནྣཱགཏོ, ཨེཀདེསཾ ཨརིཡཀནྟེཧི སཱིལེཧི ན སམནྣཱགཏོཏི? ན ཧེཝཾ ཝཏྟབྦེ…པེ….

མགྒདསྶནེན ཀིཾ ཛཧཏཱིཏི? སཱིལབྦཏཔརཱམཱསཾ ཏདེཀཊྛེ ཙ ཀིལེསེ ཛཧཏཱིཏི. ཨེཀདེསཾ སོཏཱཔནྣོ, ཨེཀདེསཾ ན སོཏཱཔནྣོ, ཨེཀདེསཾ ¶ སོཏཱཔཏྟིཕལཔྤཏྟོ པཊིལདྡྷོ ཨདྷིགཏོ སཙྪིཀཏོ ཨུཔསམྤཛྫ ཝིཧརཏི, ཀཱཡེན ཕུསིཏྭཱ ཝིཧརཏི, ཨེཀདེསཾ ན ཀཱཡེན ཕུསིཏྭཱ ཝིཧརཏི, ཨེཀདེསཾ སཏྟཀྑཏྟུཔརམོ, ཀོལངྐོལོ, ཨེཀབཱིཛཱི, བུདྡྷེ ཨཝེཙྩཔྤསཱདེན སམནྣཱགཏོ, དྷམྨེ…པེ… སངྒྷེ…པེ… ཨརིཡཀནྟེཧི སཱིལེཧི སམནྣཱགཏོ, ཨེཀདེསཾ ཨརིཡཀནྟེཧི སཱིལེཧི ན སམནྣཱགཏོཏི? ན ཧེཝཾ ཝཏྟབྦེ…པེ….

༢༧༥. སཀདཱགཱམིཕལསཙྪིཀིརིཡཱཡ ¶ པཊིཔནྣོ པུགྒལོ དུཀྑདསྶནེན ཀིཾ ཛཧཏཱིཏི? ཨོལཱ༹རིཀཾ ཀཱམརཱགཾ ཛཧཏི, ཨོལཱ༹རིཀཾ བྱཱཔཱདཾ ཏདེཀཊྛེ ཙ ཀིལེསེ ཨེཀདེསེ ཛཧཏཱིཏི. ཨེཀདེསཾ སཀདཱགཱམཱི, ཨེཀདེསཾ ན སཀདཱགཱམཱི, ཨེཀདེསཾ ¶ སཀདཱགཱམིཕལཔྤཏྟོ [སཀདཱགཱམིཕལཾ པཏྟོ (?)] པཊིལདྡྷོ ཨདྷིགཏོ སཙྪིཀཏོ ཨུཔསམྤཛྫ ཝིཧརཏི, ཀཱཡེན ཕུསིཏྭཱ ཝིཧརཏི, ཨེཀདེསཾ ན ཀཱཡེན ཕུསིཏྭཱ ཝིཧརཏཱིཏི? ན ¶ ཧེཝཾ ཝཏྟབྦེ…པེ….

སམུདཡདསྶནེན ཀིཾ ཛཧཏཱིཏི? ཨོལཱ༹རིཀཾ ཀཱམརཱགཾ ཛཧཏི, ཨོལཱ༹རིཀཾ བྱཱཔཱདཾ ཏདེཀཊྛེ ཙ ཀིལེསེ ཨེཀདེསེ ཛཧཏཱིཏི. ཨེཀདེསཾ སཀདཱགཱམཱི, ཨེཀདེསཾ ན སཀདཱགཱམཱི, ཨེཀདེསཾ སཀདཱགཱམིཕལཔྤཏྟོ པཊིལདྡྷོ ཨདྷིགཏོ སཙྪིཀཏོ ཨུཔསམྤཛྫ ཝིཧརཏི, ཀཱཡེན ཕུསིཏྭཱ ཝིཧརཏི, ཨེཀདེསཾ ན ཀཱཡེན ཕུསིཏྭཱ ཝིཧརཏཱིཏི? ན ཧེཝཾ ཝཏྟབྦེ…པེ….

ནིརོདྷདསྶནེན ཀིཾ ཛཧཏཱིཏི? ཨོལཱ༹རིཀཾ བྱཱཔཱདཾ ཛཧཏི, ཏདེཀཊྛེ ཙ ཀིལེསེ ཨེཀདེསེ ཛཧཏཱིཏི. ཨེཀདེསཾ སཀདཱགཱམཱི, ཨེཀདེསཾ ན སཀདཱགཱམཱི, ཨེཀདེསཾ སཀདཱགཱམིཕལཔྤཏྟོ པཊིལདྡྷོ ཨདྷིགཏོ སཙྪིཀཏོ ཨུཔསམྤཛྫ ཝིཧརཏི, ཀཱཡེན ཕུསིཏྭཱ ཝིཧརཏི, ཨེཀདེསཾ ན ཀཱཡེན ཕུསིཏྭཱ ཝིཧརཏཱིཏི? ན ཧེཝཾ ཝཏྟབྦེ…པེ….

མགྒདསྶནེན ཀིཾ ཛཧཏཱིཏི? ཨོལཱ༹རིཀཾ བྱཱཔཱདཾ ཛཧཏི, ཏདེཀཊྛེ ཙ ཀིལེསེ ཛཧཏཱིཏི. ཨེཀདེསཾ སཀདཱགཱམཱི, ཨེཀདེསཾ ན སཀདཱགཱམཱི, ཨེཀདེསཾ སཀདཱགཱམིཕལཔྤཏྟོ པཊིལདྡྷོ ཨདྷིགཏོ སཙྪིཀཏོ ཨུཔསམྤཛྫ ཝིཧརཏི, ཀཱཡེན ཕུསིཏྭཱ ཝིཧརཏི, ཨེཀདེསཾ ན ཀཱཡེན ཕུསིཏྭཱ ཝིཧརཏཱིཏི? ན ཧེཝཾ ཝཏྟབྦེ…པེ….

༢༧༦. ཨནཱགཱམིཕལསཙྪིཀིརིཡཱཡ ¶ པཊིཔནྣོ པུགྒལོ དུཀྑདསྶནེན ཀིཾ ཛཧཏཱིཏི? ཨཎུསཧགཏཾ ཀཱམརཱགཾ ཛཧཏི, ཨཎུསཧགཏཾ བྱཱཔཱདཾ ཏདེཀཊྛེ ཙ ཀིལེསེ ཨེཀདེསེ ཛཧཏཱིཏི. ཨེཀདེསཾ ཨནཱགཱམཱི, ཨེཀདེསཾ ན ཨནཱགཱམཱི ¶ , ཨེཀདེསཾ ཨནཱགཱམིཕལཔྤཏྟོ [ཨནཱགཱམིཕལཾ པཏྟོ (?)] པཊིལདྡྷོ ཨདྷིགཏོ སཙྪིཀཏོ ཨུཔསམྤཛྫ ཝིཧརཏི, ཀཱཡེན ཕུསིཏྭཱ ཝིཧརཏི, ཨེཀདེསཾ ན ཀཱཡེན ཕུསིཏྭཱ ཝིཧརཏི, ཨེཀདེསཾ ཨནྟརཱཔརིནིབྦཱཡཱི, ཨུཔཧཙྩཔརིནིབྦཱཡཱི, ཨསངྑཱརཔརིནིབྦཱཡཱི, སསངྑཱརཔརིནིབྦཱཡཱི, ཨུདྡྷཾསོཏོ ཨཀནིཊྛགཱམཱི, ཨེཀདེསཾ ན ཨུདྡྷཾསོཏོ ཨཀནིཊྛགཱམཱིཏི? ན ཧེཝཾ ཝཏྟབྦེ…པེ….

སམུདཡདསྶནེན ¶ ཀིཾ ཛཧཏཱིཏི? ཨཎུསཧགཏཾ ¶ ཀཱམརཱགཾ ཛཧཏི, ཨཎུསཧགཏཾ བྱཱཔཱདཾ ཏདེཀཊྛེ ཙ ཀིལེསེ ཨེཀདེསེ ཛཧཏཱིཏི. ཨེཀདེསཾ ཨནཱགཱམཱི, ཨེཀདེསཾ ན ཨནཱགཱམཱི…པེ… ཨེཀདེསཾ ཨུདྡྷཾསོཏོ ཨཀནིཊྛགཱམཱི, ཨེཀདེསཾ ན ཨུདྡྷཾསོཏོ ཨཀནིཊྛགཱམཱིཏི? ན ཧེཝཾ ཝཏྟབྦེ…པེ….

ནིརོདྷདསྶནེན ཀིཾ ཛཧཏཱིཏི? ཨཎུསཧགཏཾ བྱཱཔཱདཾ ཛཧཏི, ཏདེཀཊྛེ ཙ ཀིལེསེ ཨེཀདེསེ ཛཧཏཱིཏི. ཨེཀདེསཾ ཨནཱགཱམཱི, ཨེཀདེསཾ ན ཨནཱགཱམཱི…པེ… ཨེཀདེསཾ ཨུདྡྷཾསོཏོ ཨཀནིཊྛགཱམཱི, ཨེཀདེསཾ ན ཨུདྡྷཾསོཏོ ཨཀནིཊྛགཱམཱིཏི? ན ཧེཝཾ ཝཏྟབྦེ…པེ….

མགྒདསྶནེན ཀིཾ ཛཧཏཱིཏི? ཏདེཀཊྛེ ཙ ཀིལེསེ ཛཧཏཱིཏི. ཨེཀདེསཾ ཨནཱགཱམཱི, ཨེཀདེསཾ ན ཨནཱགཱམཱི, ཨེཀདེསཾ ཨནཱགཱམིཕལཔྤཏྟོ པཊིལདྡྷོ ཨདྷིགཏོ སཙྪིཀཏོ ཨུཔསམྤཛྫ ཝིཧརཏི, ཀཱཡེན ཕུསིཏྭཱ ཝིཧརཏི, ཨེཀདེསཾ ན ཀཱཡེན ཕུསིཏྭཱ ཝིཧརཏི, ཨེཀདེསཾ ཨནྟརཱཔརིནིབྦཱཡཱི, ཨུཔཧཙྩཔརིནིབྦཱཡཱི, ཨསངྑཱརཔརིནིབྦཱཡཱི, སསངྑཱརཔརིནིབྦཱཡཱི, ཨུདྡྷཾསོཏོ ཨཀནིཊྛགཱམཱི, ཨེཀདེསཾ ན ཨུདྡྷཾསོཏོ ཨཀནིཊྛགཱམཱིཏི? ན ཧེཝཾ ཝཏྟབྦེ…པེ….

༢༧༧. ཨརཧཏྟསཙྪིཀིརིཡཱཡ ¶ པཊིཔནྣོ པུགྒལོ དུཀྑདསྶནེན ཀིཾ ཛཧཏཱིཏི? རཱུཔརཱགཾ ཨརཱུཔརཱགཾ མཱནཾ ཨུདྡྷཙྩཾ ཨཝིཛྫཾ ཏདེཀཊྛེ ཙ ཀིལེསེ ཨེཀདེསེ ཛཧཏཱིཏི. ཨེཀདེསཾ ཨརཧཱ, ཨེཀདེསཾ ན ཨརཧཱ, ཨེཀདེསཾ ཨརཧཏྟཔྤཏྟོ ¶ [ཨརཧཏྟཾ པཏྟོ (?)] པཊིལདྡྷོ ཨདྷིགཏོ སཙྪིཀཏོ ཨུཔསམྤཛྫ ཝིཧརཏི, ཀཱཡེན ཕུསིཏྭཱ ཝིཧརཏི, ཨེཀདེསཾ ན ཀཱཡེན ཕུསིཏྭཱ ¶ ཝིཧརཏི, ཨེཀདེསཾ ཝཱིཏརཱགོ ཝཱིཏདོསོ ཝཱིཏམོཧོ ཀཏཀརཎཱིཡོ ཨོཧིཏབྷཱརོ ཨནུཔྤཏྟསདཏྠོ པརིཀྑཱིཎབྷཝསཾཡོཛནོ སམྨདཉྙཱཝིམུཏྟོ ཨུཀྑིཏྟཔལིགྷོ སངྐིཎྞཔརིཁོ ཨབྦཱུལ༹ྷེསིཀོ ནིརགྒལོ༹ ཨརིཡོ པནྣདྡྷཛོ པནྣབྷཱརོ ཝིསཉྙུཏྟོ སུཝིཛིཏཝིཛཡོ, དུཀྑཾ ཏསྶ པརིཉྙཱཏཾ, སམུདཡོ པཧཱིནོ, ནིརོདྷོ སཙྪིཀཏོ, མགྒོ བྷཱཝིཏོ, ཨབྷིཉྙེཡྻཾ ཨབྷིཉྙཱཏཾ, པརིཉྙེཡྻཾ པརིཉྙཱཏཾ, པཧཱཏབྦཾ པཧཱིནཾ, བྷཱཝེཏབྦཾ བྷཱཝིཏཾ, སཙྪིཀཱཏབྦཾ སཙྪིཀཏཾ, (ཨེཀདེསཾ སཙྪིཀཱཏབྦཾ སཙྪིཀཏཾ,) [( ) (?)] ཨེཀདེསཾ སཙྪིཀཱཏབྦཾ ན སཙྪིཀཏནྟི? ན ཧེཝཾ ཝཏྟབྦེ…པེ….

སམུདཡདསྶནེན ¶ ཀིཾ ཛཧཏཱིཏི? རཱུཔརཱགཾ ཨརཱུཔརཱགཾ ཛཧཏི, མཱནཾ ཨུདྡྷཙྩཾ ཨཝིཛྫཾ ཏདེཀཊྛེ ཙ ཀིལེསེ ཨེཀདེསེ ཛཧཏཱིཏི. ཨེཀདེསཾ ཨརཧཱ, ཨེཀདེསཾ ན ཨརཧཱ…པེ… ཨེཀདེསཾ སཙྪིཀཱཏབྦཾ སཙྪིཀཏཾ, ཨེཀདེསཾ སཙྪིཀཱཏབྦཾ ན སཙྪིཀཏནྟི? ན ཧེཝཾ ཝཏྟབྦེ…པེ….

ནིརོདྷདསྶནེན ཀིཾ ཛཧཏཱིཏི? མཱནཾ ཛཧཏི, ཨུདྡྷཙྩཾ ཨཝིཛྫཾ ཏདེཀཊྛེ ཙ ཀིལེསེ ཨེཀདེསེ ཛཧཏཱིཏི. ཨེཀདེསཾ ཨརཧཱ, ཨེཀདེསཾ ན ཨརཧཱ ¶ …པེ… ཨེཀདེསཾ སཙྪིཀཱཏབྦཾ སཙྪིཀཏཾ, ཨེཀདེསཾ སཙྪིཀཱཏབྦཾ ན སཙྪིཀཏནྟི? ན ¶ ཧེཝཾ ཝཏྟབྦེ…པེ….

མགྒདསྶནེན ཀིཾ ཛཧཏཱིཏི? ཨུདྡྷཙྩཾ ཨཝིཛྫཾ ཏདེཀཊྛེ ཙ ཀིལེསེ ཛཧཏཱིཏི. ཨེཀདེསཾ ཨརཧཱ, ཨེཀདེསཾ ན ཨརཧཱ, ཨེཀདེསཾ ཨརཧཏྟཔྤཏྟོ པཊིལདྡྷོ ཨདྷིགཏོ སཙྪིཀཏོ ཨུཔསམྤཛྫ ཝིཧརཏི, ཀཱཡེན ཕུསིཏྭཱ ཝིཧརཏི, ཨེཀདེསཾ ན ཀཱཡེན ཕུསིཏྭཱ ཝིཧརཏི, ཨེཀདེསཾ ཝཱིཏརཱགོ ཝཱིཏདོསོ ཝཱིཏམོཧོ ཀཏཀརཎཱིཡོ ཨོཧིཏབྷཱརོ ཨནུཔྤཏྟསདཏྠོ པརིཀྑཱིཎབྷཝསཾཡོཛནོ སམྨདཉྙཱཝིམུཏྟོ ཨུཀྑིཏྟཔལིགྷོ སངྐིཎྞཔརིཁོ ཨབྦཱུལ༹ྷེསིཀོ ནིརགྒལོ༹ ཨརིཡོ པནྣདྡྷཛོ པནྣབྷཱརོ ཝིསཉྙུཏྟོ སུཝིཛིཏཝིཛཡོ, དུཀྑཾ ཏསྶ པརིཉྙཱཏཾ, སམུདཡོ པཧཱིནོ, ནིརོདྷོ སཙྪིཀཏོ, མགྒོ བྷཱཝིཏོ, ཨབྷིཉྙེཡྻཾ ཨབྷིཉྙཱཏཾ, པརིཉྙེཡྻཾ པརིཉྙཱཏཾ, པཧཱཏབྦཾ པཧཱིནཾ, བྷཱཝེཏབྦཾ བྷཱཝིཏཾ ¶ , སཙྪིཀཱཏབྦཾ སཙྪིཀཏཾ, ཨེཀདེསཾ སཙྪིཀཱཏབྦཾ སཙྪིཀཏཾ, ཨེཀདེསཾ སཙྪིཀཱཏབྦཾ ན སཙྪིཀཏནྟི? ན ཧེཝཾ ཝཏྟབྦེ…པེ….

༢༧༨. ན ཝཏྟབྦཾ – ‘‘ཨོདྷིསོདྷིསོ ཀིལེསེ ཛཧཏཱི’’ཏི? ཨཱམནྟཱ. ནནུ ཝུཏྟཾ བྷགཝཏཱ –

‘‘ཨནུཔུབྦེན མེདྷཱཝཱི, ཐོཀཾ ཐོཀཾ ཁཎེ ཁཎེ;

ཀམྨཱརོ རཛཏསྶེཝ, ནིདྡྷམེ མལམཏྟནོ’’ཏི [དྷ. པ. ༢༣༩ དྷམྨཔདེ].

ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཨོདྷིསོདྷིསོ ཀིལེསེ ཛཧཏཱི’’ཏི.

ཨོདྷིསོདྷིསོ ¶ ¶ ¶ ཀིལེསེ ཛཧཏཱིཏི? ཨཱམནྟཱ. ནནུ ཝུཏྟཾ བྷགཝཏཱ –

‘‘སཧཱཝསྶ དསྶནསམྤདཱཡ,

ཏཡསྶུ དྷམྨཱ ཛཧིཏཱ བྷཝནྟི;

སཀྐཱཡདིཊྛཱི ཝིཙིཀིཙྪིཏཉྩ,

སཱིལབྦཏཾ ཝཱཔི ཡདཏྠི ཀིཉྩི;

ཙཏཱུཧཔཱཡེཧི ཙ ཝིཔྤམུཏྟོ,

ཚཙྩཱབྷིཋཱནཱནི ཨབྷབྦ [ཨབྷབྦོ (སཱི. སྱཱ.)] ཀཱཏུ’’ནྟི [ཁུ. པཱ. ༦.༡༠; སུ. ནི. ༢༣༣].

ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཨོདྷིསོདྷིསོ ཀིལེསེ ཛཧཏཱི’’ཏི.

ཨོདྷིསོདྷིསོ ཀིལེསེ ཛཧཏཱིཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཡསྨིཾ, བྷིཀྑཝེ, སམཡེ ཨརིཡསཱཝཀསྶ ཝིརཛཾ ཝཱིཏམལཾ དྷམྨཙཀྑུཾ ཨུདཔཱདི – ‘ཡཾ ཀིཉྩི སམུདཡདྷམྨཾ, སབྦཾ ཏཾ ནིརོདྷདྷམྨ’ནྟི, སཧ དསྶནུཔྤཱདཱ, བྷིཀྑཝེ, ཨརིཡསཱཝཀསྶ ཏཱིཎི སཾཡོཛནཱནི པཧཱིཡནྟི – སཀྐཱཡདིཊྛི ཝིཙིཀིཙྪཱ སཱིལབྦཏཔརཱམཱསོ’’ཏི [ཨངྒུཏྟརནིཀཱཡེ]. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཨོདྷིསོདྷིསོ ཀིལེསེ ཛཧཏཱི’’ཏི.

ཨོདྷིསོཀཐཱ ནིཊྛིཏཱ.

༤. ཛཧཏིཀཐཱ

༡. ནསུཏྟཱཧརཎཀཐཱ

༢༧༩. ཛཧཏི ¶ ¶ པུཐུཛྫནོ ཀཱམརཱགབྱཱཔཱདནྟི? ཨཱམནྟཱ. ཨཙྩནྟཾ ཛཧཏི, ཨནཝསེསཾ ཛཧཏི, ཨཔྤཊིསནྡྷིཡཾ ཛཧཏི, སམཱུལཾ ཛཧཏི, སཏཎྷཾ ཛཧཏི, སཱནུསཡཾ ཛཧཏི, ཨརིཡེན ¶ ཉཱཎེན ཛཧཏི, ཨརིཡེན མགྒེན ཛཧཏི, ཨཀུཔྤཾ ¶ པཊིཝིཛ྄ཛྷནྟོ ཛཧཏི, ཨནཱགཱམིཕལཾ སཙྪིཀརོནྟོ ཛཧཏཱིཏི? ན ཧེཝཾ ཝཏྟབྦེ…པེ….

ཝིཀྑམྦྷེཏི པུཐུཛྫནོ ཀཱམརཱགབྱཱཔཱདནྟི? ཨཱམནྟཱ. ཨཙྩནྟཾ ཝིཀྑམྦྷེཏི, ཨནཝསེསཾ ཝིཀྑམྦྷེཏི, ཨཔྤཊིསནྡྷིཡཾ ཝིཀྑམྦྷེཏི, སམཱུལཾ ཝིཀྑམྦྷེཏི, སཏཎྷཾ ཝིཀྑམྦྷེཏི, སཱནུསཡཾ ཝིཀྑམྦྷེཏི, ཨརིཡེན ཉཱཎེན ཝིཀྑམྦྷེཏི, ཨརིཡེན མགྒེན ཝིཀྑམྦྷེཏི, ཨཀུཔྤཾ པཊིཝིཛ྄ཛྷནྟོ ཝིཀྑམྦྷེཏི, ཨནཱགཱམིཕལཾ སཙྪིཀརོནྟོ ཝིཀྑམྦྷེཏཱིཏི? ན ཧེཝཾ ཝཏྟབྦེ…པེ….

ཛཧཏི ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ ཀཱམརཱགབྱཱཔཱདཾ, སོ ཙ ཨཙྩནྟཾ ཛཧཏི, ཨནཝསེསཾ ཛཧཏི…པེ… ཨནཱགཱམིཕལཾ སཙྪིཀརོནྟོ ཛཧཏཱིཏི? ཨཱམནྟཱ. ཛཧཏི པུཐུཛྫནོ ཀཱམརཱགབྱཱཔཱདཾ, སོ ཙ ཨཙྩནྟཾ ཛཧཏི, ཨནཝསེསཾ ཛཧཏི…པེ… ཨནཱགཱམིཕལཾ སཙྪིཀརོནྟོ ཛཧཏཱིཏི? ན ཧེཝཾ ཝཏྟབྦེ…པེ….

ཝིཀྑམྦྷེཏི ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ ཀཱམརཱགབྱཱཔཱདཾ, སོ ཙ ཨཙྩནྟཾ ཝིཀྑམྦྷེཏི, ཨནཝསེསཾ ཝིཀྑམྦྷེཏི…པེ… ཨནཱགཱམིཕལཾ སཙྪིཀརོནྟོ ཝིཀྑམྦྷེཏཱིཏི? ཨཱམནྟཱ. ཝིཀྑམྦྷེཏི ¶ པུཐུཛྫནོ ཀཱམརཱགབྱཱཔཱདཾ, སོ ཙ ཨཙྩནྟཾ ¶ ཝིཀྑམྦྷེཏི, ཨནཝསེསཾ ཝིཀྑམྦྷེཏི ¶ …པེ… ཨནཱགཱམིཕལཾ སཙྪིཀརོནྟོ ཝིཀྑམྦྷེཏཱིཏི? ན ཧེཝཾ ཝཏྟབྦེ…པེ….

ཛཧཏི པུཐུཛྫནོ ཀཱམརཱགབྱཱཔཱདཾ, སོ ཙ ན ཨཙྩནྟཾ ཛཧཏི, ན ཨནཝསེསཾ ཛཧཏི…པེ… ན ཨནཱགཱམིཕལཾ སཙྪིཀརོནྟོ ཛཧཏཱིཏི? ཨཱམནྟཱ. ཛཧཏི ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ ཀཱམརཱགབྱཱཔཱདཾ, སོ ཙ ན ཨཙྩནྟཾ ཛཧཏི…པེ… ན ཨནཱགཱམིཕལཾ སཙྪིཀརོནྟོ ཛཧཏཱིཏི? ན ཧེཝཾ ཝཏྟབྦེ…པེ….

ཝིཀྑམྦྷེཏི ¶ པུཐུཛྫནོ ཀཱམརཱགབྱཱཔཱདཾ, སོ ཙ ན ཨཙྩནྟཾ ཝིཀྑམྦྷེཏི, ན ཨནཝསེསཾ ཝིཀྑམྦྷེཏི…པེ… ན ཨནཱགཱམིཕལཾ སཙྪིཀརོནྟོ ཝིཀྑམྦྷེཏཱིཏི? ཨཱམནྟཱ. ཝིཀྑམྦྷེཏི ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ ཀཱམརཱགབྱཱཔཱདཾ, སོ ཙ ན ཨཙྩནྟཾ ཝིཀྑམྦྷེཏི, ན ཨནཝསེསཾ ཝིཀྑམྦྷེཏི…པེ… ན ཨནཱགཱམིཕལཾ སཙྪིཀརོནྟོ ཝིཀྑམྦྷེཏཱིཏི? ན ཧེཝཾ ཝཏྟབྦེ…པེ….

ཛཧཏི པུཐུཛྫནོ ཀཱམརཱགབྱཱཔཱདནྟི? ཨཱམནྟཱ. ཀཏམེན མགྒེནཱཏི? རཱུཔཱཝཙརེན མགྒེནཱཏི. རཱུཔཱཝཙརོ མགྒོ ནིཡྻཱནིཀོ ཁཡགཱམཱི བོདྷགཱམཱི ཨཔཙཡགཱམཱི ཨནཱསཝོ ཨསཾཡོཛནིཡོ ཨགནྠནིཡོ ¶ ཨནོགྷནིཡོ ཨཡོགནིཡོ ཨནཱིཝརཎིཡོ ཨཔརཱམཊྛོ ཨནུཔཱདཱནིཡོ ཨསཾཀིལེསིཡོཏི? ན ཧེཝཾ ཝཏྟབྦེ. ནནུ རཱུཔཱཝཙརོ མགྒོ ཨནིཡྻཱནིཀོ ན ཁཡགཱམཱི ན བོདྷགཱམཱི ན ཨཔཙཡགཱམཱི སཱསཝོ སཾཡོཛནིཡོ…པེ… སཾཀིལེསིཡོཏི? ཨཱམནྟཱ. ཧཉྩི རཱུཔཱཝཙརོ མགྒོ ཨནིཡྻཱནིཀོ ན ཁཡགཱམཱི…པེ… སཾཀིལེསིཡོ, ནོ ཙ ཝཏ རེ ཝཏྟབྦེ – ‘‘ཛཧཏི པུཐུཛྫནོ རཱུཔཱཝཙརེན མགྒེན ཀཱམརཱགབྱཱཔཱད’’ནྟི.

ཛཧཏི ¶ ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ ཨནཱགཱམིམགྒེན ཀཱམརཱགབྱཱཔཱདཾ, སོ ཙ མགྒོ ནིཡྻཱནིཀོ ཁཡགཱམཱི བོདྷགཱམཱི ཨཔཙཡགཱམཱི ཨནཱསཝོ…པེ… ཨསཾཀིལེསིཡོཏི? ཨཱམནྟཱ. ཛཧཏི པུཐུཛྫནོ རཱུཔཱཝཙརེན མགྒེན ཀཱམརཱགབྱཱཔཱདཾ, སོ ཙ མགྒོ ནིཡྻཱནིཀོ ཁཡགཱམཱི བོདྷགཱམཱི ཨཔཙཡགཱམཱི ཨནཱསཝོ…པེ… ཨསཾཀིལེསིཡོཏི? ན ཧེཝཾ ཝཏྟབྦེ…པེ….

ཛཧཏི པུཐུཛྫནོ རཱུཔཱཝཙརེན མགྒེན ཀཱམརཱགབྱཱཔཱདཾ, སོ ཙ མགྒོ ཨནིཡྻཱནིཀོ ན ཁཡགཱམཱི ན བོདྷགཱམཱི ན ཨཔཙཡགཱམཱི སཱསཝོ…པེ… སཾཀིལེསིཡོཏི? ཨཱམནྟཱ. ཛཧཏི ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ ཨནཱགཱམིམགྒེན ཀཱམརཱགབྱཱཔཱདཾ, སོ ཙ མགྒོ ཨནིཡྻཱནིཀོ ན ཁཡགཱམཱི ན བོདྷགཱམཱི ན ཨཔཙཡགཱམཱི སཱསཝོ…པེ… སཾཀིལེསིཡོཏི? ན ཧེཝཾ ཝཏྟབྦེ…པེ….

༢༨༠. པུཐུཛྫནོ ¶ ཀཱམེསུ ཝཱིཏརཱགོ སཧ དྷམྨཱབྷིསམཡཱ ཨནཱགཱམིཕལེ སཎྛཱཏཱིཏི? ཨཱམནྟཱ. ཨརཧཏྟེ སཎྛཱཏཱིཏི? ན ཧེཝཾ ཝཏྟབྦེ…པེ….

པུཐུཛྫནོ ¶ ཀཱམེསུ ཝཱིཏརཱགོ སཧ དྷམྨཱབྷིསམཡཱ ཨནཱགཱམིཕལེ སཎྛཱཏཱིཏི? ཨཱམནྟཱ. ཨཔུབྦཾ ཨཙརིམཾ ཏཡོ མགྒེ བྷཱཝེཏཱིཏི? ན ཧེཝཾ ཝཏྟབྦེ…པེ….

ཨཔུབྦཾ ¶ ཨཙརིམཾ ཏཡོ མགྒེ བྷཱཝེཏཱིཏི? ཨཱམནྟཱ. ཨཔུབྦཾ ཨཙརིམཾ ཏཱིཎི སཱམཉྙཕལཱནི སཙྪིཀརོཏཱིཏི? ན ཧེཝཾ ཝཏྟབྦེ…པེ….

ཨཔུབྦཾ ཨཙརིམཾ ཏཱིཎི སཱམཉྙཕལཱནི སཙྪིཀརོཏཱིཏི? ཨཱམནྟཱ. ཏིཎྞཾ ཕསྶཱནཾ ཏིསྶནྣཾ ཝེདནཱནཾ ཏིསྶནྣཾ སཉྙཱནཾ ཏིསྶནྣཾ ཙེཏནཱནཾ ཏིཎྞཾ ཙིཏྟཱནཾ ཏིསྶནྣཾ སདྡྷཱནཾ ¶ ཏིཎྞཾ ཝཱིརིཡཱནཾ ཏིསྶནྣཾ སཏཱིནཾ ཏིཎྞཾ སམཱདྷཱིནཾ ཏིསྶནྣཾ པཉྙཱནཾ སམོདྷཱནཾ ཧོཏཱིཏི? ན ཧེཝཾ ཝཏྟབྦེ…པེ….

པུཐུཛྫནོ ཀཱམེསུ ཝཱིཏརཱགོ སཧ དྷམྨཱབྷིསམཡཱ ཨནཱགཱམིཕལེ སཎྛཱཏཱིཏི? ཨཱམནྟཱ. སོཏཱཔཏྟིམགྒེནཱཏི? ན ཧེཝཾ ཝཏྟབྦེ…པེ….

སཀདཱགཱམིམགྒེནཱཏི? ན ཧེཝཾ ཝཏྟབྦེ. ཀཏམེན མགྒེནཱཏི? ཨནཱགཱམིམགྒེནཱཏི. ཨནཱགཱམིམགྒེན སཀྐཱཡདིཊྛིཾ ཝིཙིཀིཙྪཾ སཱིལབྦཏཔརཱམཱསཾ ཛཧཏཱིཏི? ན ཧེཝཾ ཝཏྟབྦེ…པེ….

༢. སུཏྟཱཧརཎཀཐཱ

༢༨༡. ཨནཱགཱམིམགྒེན སཀྐཱཡདིཊྛིཾ ཝིཙིཀིཙྪཾ སཱིལབྦཏཔརཱམཱསཾ ཛཧཏཱིཏི? ཨཱམནྟཱ. ནནུ ཏིཎྞཾ སཾཡོཛནཱནཾ པཧཱནཱ སོཏཱཔཏྟིཕལཾ ¶ ཝུཏྟཾ བྷགཝཏཱཏི? ཨཱམནྟཱ. ཧཉྩི ཏིཎྞཾ སཾཡོཛནཱནཾ པཧཱནཱ སོཏཱཔཏྟིཕལཾ ཝུཏྟཾ བྷགཝཏཱ, ནོ ཙ ཝཏ རེ ཝཏྟབྦེ – ‘‘ཨནཱགཱམིམགྒེན སཀྐཱཡདིཊྛིཾ ཝིཙིཀིཙྪཾ སཱིལབྦཏཔརཱམཱསཾ ཛཧཏཱི’’ཏི. ཨནཱགཱམིམགྒེན ཨོལཱ༹རིཀཾ ཀཱམརཱགཾ ཨོལཱ༹རིཀཾ བྱཱཔཱདཾ ཛཧཏཱིཏི? ན ཧེཝཾ ཝཏྟབྦེ…པེ….

ཨནཱགཱམིམགྒེན ཨོལཱ༹རིཀཾ ཀཱམརཱགཾ ཨོལཱ༹རིཀཾ བྱཱཔཱདཾ ཛཧཏཱིཏི? ཨཱམནྟཱ. ནནུ ཀཱམརཱགབྱཱཔཱདཱནཾ ཏནུབྷཱཝཱ སཀདཱགཱམིཕལཾ ཝུཏྟཾ བྷགཝཏཱཏི? ཨཱམནྟཱ. ཧཉྩི ཀཱམརཱགབྱཱཔཱདཱནཾ ཏནུབྷཱཝཱ སཀདཱགཱམིཕལཾ ཝུཏྟཾ བྷགཝཏཱ, ནོ ཙ ཝཏ རེ ཝཏྟབྦེ – ‘‘ཨནཱགཱམིམགྒེན ¶ ཨོལཱ༹རིཀཾ ཀཱམརཱགཾ ཨོལཱ༹རིཀཾ བྱཱཔཱདཾ ཛཧཏཱི’’ཏི.

པུཐུཛྫནོ ¶ ཀཱམེསུ ཝཱིཏརཱགོ སཧ དྷམྨཱབྷིསམཡཱ ཨནཱགཱམིཕལེ སཎྛཱཏཱིཏི? ཨཱམནྟཱ. ཡེ ཀེཙི དྷམྨཾ ཨབྷིསམེནྟི, སབྦེ ཏེ སཧ དྷམྨཱབྷིསམཡཱ ཨནཱགཱམིཕལེ སཎྛཧནྟཱིཏི? ན ཧེཝཾ ཝཏྟབྦེ…པེ….

ན ¶ ཝཏྟབྦཾ – ‘‘ཛཧཏི པུཐུཛྫནོ ཀཱམརཱགབྱཱཔཱད’’ནྟི? ཨཱམནྟཱ. ནནུ ཝུཏྟཾ བྷགཝཏཱ –

‘‘ཨཧེསུཾ ཏེ [ཨཧིཾསཀཱ (ཨ. ནི. ༦.༥༤)] ཨཏཱིཏཾསེ, ཚ སཏྠཱརོ ཡསསྶིནོ;

ནིརཱམགནྡྷཱ ཀརུཎེདྷིམུཏྟཱ [ཀརུཎཱདྷིམུཏྟཱ (སཱི. ཀ.)], ཀཱམསཾཡོཛནཱཏིགཱ.

‘‘ཀཱམརཱགཾ ཝིརཱཛེཏྭཱ, བྲཧྨལོཀཱུཔགཱ ཨཧུ;

ཨཧེསུཾ སཱཝཀཱ ཏེསཾ, ཨནེཀཱནི སཏཱནིཔི.

‘‘ནིརཱམགནྡྷཱ ཀརུཎེདྷིམུཏྟཱ, ཀཱམསཾཡོཛནཱཏིགཱ;

ཀཱམརཱགཾ ཝིརཱཛེཏྭཱ, བྲཧྨལོཀཱུཔགཱ ཨཧཱུ’’ཏི [ཨ. ནི. ༦.༥༤].

ཨཏྠེཝ ¶ སུཏྟནྟོཏི? ཨཱམནྟཱ. ཏེན ཧི ཛཧཏི པུཐུཛྫནོ ཀཱམརཱགབྱཱཔཱདནྟི.

ཛཧཏི པུཐུཛྫནོ ཀཱམརཱགབྱཱཔཱདནྟི? ཨཱམནྟཱ. ནནུ ¶ ཝུཏྟཾ བྷགཝཏཱ – ‘‘སོ ཧི ནཱམ, བྷིཀྑཝེ, སུནེཏྟོ སཏྠཱ ཨེཝཾ དཱིགྷཱཡུཀོ སམཱནོ ཨེཝཾ ཙིརཊྛིཏིཀོ ཨཔརིམུཏྟོ ཨཧོསི ཛཱཏིཡཱ ཛརཱཡ མརཎེན སོཀེཧི པརིདེཝེཧི དུཀྑེཧི དོམནསྶེཧི ཨུཔཱཡཱསེཧི ཨཔརིམུཏྟོ དུཀྑསྨཱཏི ཝདཱམི. ཏཾ ཀིསྶ ཧེཏུ? ཙཏུནྣཾ དྷམྨཱནཾ ཨནནུབོདྷཱ ཨཔྤཊིཝེདྷཱ. ཀཏམེསཾ ཙཏུནྣཾ? ཨརིཡསྶ སཱིལསྶ ཨནནུབོདྷཱ ཨཔྤཊིཝེདྷཱ, ཨརིཡསྶ སམཱདྷིསྶ, ཨརིཡཱཡ པཉྙཱཡ, ཨརིཡཱཡ ཝིམུཏྟིཡཱ ཨནནུབོདྷཱ ཨཔྤཊིཝེདྷཱ. ཏཡིདཾ, བྷིཀྑཝེ, ཨརིཡཾ སཱིལཾ ཨནུབུདྡྷཾ པཊིཝིདྡྷཾ, ཨརིཡོ སམཱདྷི ཨནུབུདྡྷོ པཊིཝིདྡྷོ, ཨརིཡཱ པཉྙཱ ཨནུབུདྡྷཱ པཊིཝིདྡྷཱ, ཨརིཡཱ ཝིམུཏྟི ཨནུབུདྡྷཱ པཊིཝིདྡྷཱ, ཨུཙྪིནྣཱ བྷཝཏཎྷཱ, ཁཱིཎཱ བྷཝནེཏྟི, ནཏྠི དཱནི པུནབྦྷཝོཏི.

‘‘སཱིལཾ ¶ སམཱདྷི པཉྙཱ ཙ, ཝིམུཏྟི ཙ ཨནུཏྟརཱ;

ཨནུབུདྡྷཱ ཨིམེ དྷམྨཱ, གོཏམེན ཡསསྶིནཱ.

‘‘ཨིཏི བུདྡྷོ ཨབྷིཉྙཱཡ, དྷམྨམཀྑཱསི བྷིཀྑུནཾ;

དུཀྑསྶནྟཀརོ སཏྠཱ, ཙཀྑུམཱ པརིནིབྦུཏོ’’ཏི [ཨ. ནི. ༧.༦༦].

ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཛཧཏི པུཐུཛྫནོ ཀཱམརཱགབྱཱཔཱད’’ནྟི.

ཛཧཏིཀཐཱ ནིཊྛིཏཱ.

༥. སབྦམཏྠཱིཏིཀཐཱ

༡. ཝཱདཡུཏྟི

༢༨༢. སབྦམཏྠཱིཏི ¶ ¶ ? ཨཱམནྟཱ. སབྦཏྠ སབྦམཏྠཱིཏི? ན ཧེཝཾ ཝཏྟབྦེ. སབྦམཏྠཱིཏི? ཨཱམནྟཱ. སབྦདཱ སབྦམཏྠཱིཏི? ན ¶ ཧེཝཾ ཝཏྟབྦེ. སབྦམཏྠཱིཏི? ཨཱམནྟཱ. སབྦེན སབྦཾ སབྦམཏྠཱིཏི? ན ཧེཝཾ ཝཏྟབྦེ. སབྦམཏྠཱིཏི? ཨཱམནྟཱ. སབྦེསུ སབྦམཏྠཱིཏི? ན ཧེཝཾ ཝཏྟབྦེ. སབྦམཏྠཱིཏི? ཨཱམནྟཱ. ཨཡོགནྟི ཀཏྭཱ སབྦམཏྠཱིཏི? ན ཧེཝཾ ཝཏྟབྦེ. སབྦམཏྠཱིཏི? ཨཱམནྟཱ. ཡམྤི ནཏྠི, ཏམྤཏྠཱིཏི? ན ཧེཝཾ ཝཏྟབྦེ. སབྦམཏྠཱིཏི? ཨཱམནྟཱ. སབྦམཏྠཱིཏི ཡཱ དིཊྛི སཱ དིཊྛི མིཙྪཱདིཊྛཱིཏི, ཡཱ དིཊྛི སཱ དིཊྛི སམྨཱདིཊྛཱིཏི, ཧེཝམཏྠཱིཏི? ན ཧེཝཾ ཝཏྟབྦེ. (སཾཁིཏྟཾ). ཝཱདཡུཏྟི.

༢. ཀཱལསཾསནྡནཱ

༢༨༣. ཨཏཱིཏཾ ཨཏྠཱིཏི? ཨཱམནྟཱ. ནནུ ཨཏཱིཏཾ ནིརུདྡྷཾ ཝིགཏཾ ཝིཔརིཎཏཾ ཨཏྠངྒཏཾ ཨབྦྷཏྠངྒཏནྟི? ཨཱམནྟཱ. ཧཉྩི ཨཏཱིཏཾ ནིརུདྡྷཾ ཝིགཏཾ ཝིཔརིཎཏཾ ཨཏྠངྒཏཾ ཨབྦྷཏྠངྒཏཾ, ནོ ཙ ཝཏ རེ ཝཏྟབྦེ – ‘‘ཨཏཱིཏཾ ཨཏྠཱི’’ཏི.

ཨནཱགཏཾ ¶ ཨཏྠཱིཏི? ཨཱམནྟཱ. ནནུ ཨནཱགཏཾ ཨཛཱཏཾ ཨབྷཱུཏཾ ཨསཉྫཱཏཾ ཨནིབྦཏྟཾ ¶ ཨནབྷིནིབྦཏྟཾ ཨཔཱཏུབྷཱུཏནྟི? ཨཱམནྟཱ. ཧཉྩི ཨནཱགཏཾ ཨཛཱཏཾ ཨབྷཱུཏཾ ཨསཉྫཱཏཾ ཨནིབྦཏྟཾ ཨནབྷིནིབྦཏྟཾ ཨཔཱཏུབྷཱུཏཾ, ནོ ཙ ཝཏ རེ ཝཏྟབྦེ – ‘‘ཨནཱགཏཾ ཨཏྠཱི’’ཏི.

པཙྩུཔྤནྣཾ ཨཏྠི པཙྩུཔྤནྣཾ ཨནིརུདྡྷཾ ཨཝིགཏཾ ཨཝིཔརིཎཏཾ ན ཨཏྠངྒཏཾ ན ཨབྦྷཏྠངྒཏནྟི? ཨཱམནྟཱ. ཨཏཱིཏཾ ཨཏྠི ཨཏཱིཏཾ ཨནིརུདྡྷཾ ¶ ཨཝིགཏཾ ཨཝིཔརིཎཏཾ ན ཨཏྠངྒཏཾ ན ཨབྦྷཏྠངྒཏནྟི? ན ཧེཝཾ ཝཏྟབྦེ…པེ… པཙྩུཔྤནྣཾ ཨཏྠི པཙྩུཔྤནྣཾ ཛཱཏཾ བྷཱུཏཾ སཉྫཱཏཾ ནིབྦཏྟཾ ཨབྷིནིབྦཏྟཾ པཱཏུབྷཱུཏནྟི? ཨཱམནྟཱ. ཨནཱགཏཾ ཨཏྠི ཨནཱགཏཾ ཛཱཏཾ བྷཱུཏཾ སཉྫཱཏཾ ནིབྦཏྟཾ ཨབྷིནིབྦཏྟཾ པཱཏུབྷཱུཏནྟི? ན ཧེཝཾ ཝཏྟབྦེ…པེ….

ཨཏཱིཏཾ ཨཏྠི ཨཏཱིཏཾ ནིརུདྡྷཾ ཝིགཏཾ ཝིཔརིཎཏཾ ཨཏྠངྒཏཾ ཨབྦྷཏྠངྒཏནྟི? ཨཱམནྟཱ. པཙྩུཔྤནྣཾ ཨཏྠི པཙྩུཔྤནྣཾ ནིརུདྡྷཾ ཝིགཏཾ ཝིཔརིཎཏཾ ཨཏྠངྒཏཾ ཨབྦྷཏྠངྒཏནྟི? ན ཧེཝཾ ཝཏྟབྦེ…པེ… ཨནཱགཏཾ ཨཏྠི ཨནཱགཏཾ ཨཛཱཏཾ ཨབྷཱུཏཾ ¶ ཨསཉྫཱཏཾ ཨནིབྦཏྟཾ ཨནབྷིནིབྦཏྟཾ ཨཔཱཏུབྷཱུཏནྟི? ཨཱམནྟཱ. པཙྩུཔྤནྣཾ ཨཏྠི པཙྩུཔྤནྣཾ ཨཛཱཏཾ ཨབྷཱུཏཾ ཨསཉྫཱཏཾ ཨནིབྦཏྟཾ ཨནབྷིནིབྦཏྟཾ ཨཔཱཏུབྷཱུཏནྟི? ན ཧེཝཾ ཝཏྟབྦེ.

༢༨༤. ཨཏཱིཏཾ རཱུཔཾ ཨཏྠཱིཏི? ཨཱམནྟཱ. ནནུ ཨཏཱིཏཾ རཱུཔཾ ནིརུདྡྷཾ ཝིགཏཾ ཝིཔརིཎཏཾ ཨཏྠངྒཏཾ ཨབྦྷཏྠངྒཏནྟི? ཨཱམནྟཱ. ཧཉྩི ཨཏཱིཏཾ རཱུཔཾ ནིརུདྡྷཾ…པེ… ཨབྦྷཏྠངྒཏཾ, ནོ ཙ ཝཏ རེ ཝཏྟབྦེ – ‘‘ཨཏཱིཏཾ རཱུཔཾ ཨཏྠཱི’’ཏི.

ཨནཱགཏཾ རཱུཔཾ ཨཏྠཱིཏི? ཨཱམནྟཱ. ནནུ ¶ ཨནཱགཏཾ རཱུཔཾ ཨཛཱཏཾ ཨབྷཱུཏཾ ཨསཉྫཱཏཾ ཨནིབྦཏྟཾ ཨནབྷིནིབྦཏྟཾ ཨཔཱཏུབྷཱུཏནྟི? ཨཱམནྟཱ. ཧཉྩི ཨནཱགཏཾ རཱུཔཾ ཨཛཱཏཾ…པེ… ཨཔཱཏུབྷཱུཏཾ, ནོ ཙ ཝཏ ¶ རེ ཝཏྟབྦེ – ‘‘ཨནཱགཏཾ རཱུཔཾ ཨཏྠཱི’’ཏི.

པཙྩུཔྤནྣཾ རཱུཔཾ ཨཏྠི པཙྩུཔྤནྣཾ རཱུཔཾ ཨནིརུདྡྷཾ ཨཝིགཏཾ ཨཝིཔརིཎཏཾ ན ཨཏྠངྒཏཾ ན ཨབྦྷཏྠངྒཏནྟི? ཨཱམནྟཱ. ཨཏཱིཏཾ རཱུཔཾ ཨཏྠི ཨཏཱིཏཾ རཱུཔཾ ཨནིརུདྡྷཾ ཨཝིགཏཾ ཨཝིཔརིཎཏཾ ན ཨཏྠངྒཏཾ ན ཨབྦྷཏྠངྒཏནྟི? ན ཧེཝཾ ཝཏྟབྦེ.

པཙྩུཔྤནྣཾ ¶ རཱུཔཾ ཨཏྠི པཙྩུཔྤནྣཾ རཱུཔཾ ཛཱཏཾ བྷཱུཏཾ སཉྫཱཏཾ ནིབྦཏྟཾ ཨབྷིནིབྦཏྟཾ པཱཏུབྷཱུཏནྟི? ཨཱམནྟཱ. ཨནཱགཏཾ རཱུཔཾ ཨཏྠི ཨནཱགཏཾ རཱུཔཾ ཛཱཏཾ བྷཱུཏཾ སཉྫཱཏཾ ནིབྦཏྟཾ ཨབྷིནིབྦཏྟཾ པཱཏུབྷཱུཏནྟི? ན ཧེཝཾ ཝཏྟབྦེ.

ཨཏཱིཏཾ རཱུཔཾ ཨཏྠི ཨཏཱིཏཾ རཱུཔཾ ནིརུདྡྷཾ ཝིགཏཾ ཝིཔརིཎཏཾ ཨཏྠངྒཏཾ ཨབྦྷཏྠངྒཏནྟི? ཨཱམནྟཱ. པཙྩུཔྤནྣཾ རཱུཔཾ ཨཏྠི པཙྩུཔྤནྣཾ རཱུཔཾ ནིརུདྡྷཾ ཝིགཏཾ ཝིཔརིཎཏཾ ཨཏྠངྒཏཾ ཨབྦྷཏྠངྒཏནྟི? ན ཧེཝཾ ཝཏྟབྦེ.

ཨནཱགཏཾ རཱུཔཾ ཨཏྠི ཨནཱགཏཾ རཱུཔཾ ཨཛཱཏཾ ཨབྷཱུཏཾ ཨསཉྫཱཏཾ ཨནིབྦཏྟཾ ཨནབྷིནིབྦཏྟཾ ཨཔཱཏུབྷཱུཏནྟི? ཨཱམནྟཱ. པཙྩུཔྤནྣཾ རཱུཔཾ ཨཏྠི པཙྩུཔྤནྣཾ རཱུཔཾ ཨཛཱཏཾ ཨབྷཱུཏཾ ཨསཉྫཱཏཾ ཨནིབྦཏྟཾ ཨནབྷིནིབྦཏྟཾ ཨཔཱཏུབྷཱུཏནྟི? ན ཧེཝཾ ཝཏྟབྦེ.

ཨཏཱིཏཱ ཝེདནཱ ཨཏྠི…པེ… སཉྙཱ ཨཏྠི, སངྑཱརཱ ཨཏྠི, ཝིཉྙཱཎཾ ཨཏྠཱིཏི? ཨཱམནྟཱ. ནནུ ཨཏཱིཏཾ ཝིཉྙཱཎཾ ནིརུདྡྷཾ ཝིགཏཾ ཝིཔརིཎཏཾ ཨཏྠངྒཏཾ ཨབྦྷཏྠངྒཏནྟི? ཨཱམནྟཱ ¶ . ཧཉྩི ¶ ཨཏཱིཏཾ ཝིཉྙཱཎཾ ནིརུདྡྷཾ…པེ… ཨབྦྷཏྠངྒཏཾ, ནོ ཙ ཝཏ རེ ཝཏྟབྦེ – ‘‘ཨཏཱིཏཾ ཝིཉྙཱཎཾ ཨཏྠཱི’’ཏི.

ཨནཱགཏཾ ¶ ཝིཉྙཱཎཾ ཨཏྠཱིཏི? ཨཱམནྟཱ. ནནུ ཨནཱགཏཾ ཝིཉྙཱཎཾ ཨཛཱཏཾ ཨབྷཱུཏཾ ཨསཉྫཱཏཾ ཨནིབྦཏྟཾ ཨནབྷིནིབྦཏྟཾ ཨཔཱཏུབྷཱུཏནྟི? ཨཱམནྟཱ. ཧཉྩི ཨནཱགཏཾ ཝིཉྙཱཎཾ ཨཛཱཏཾ…པེ… ཨཔཱཏུབྷཱུཏཾ, ནོ ཙ ཝཏ རེ ཝཏྟབྦེ – ‘‘ཨནཱགཏཾ ཝིཉྙཱཎཾ ཨཏྠཱི’’ཏི.

པཙྩུཔྤནྣཾ ཝིཉྙཱཎཾ ཨཏྠི པཙྩུཔྤནྣཾ ཝིཉྙཱཎཾ ཨནིརུདྡྷཾ…པེ… ན ཨབྦྷཏྠངྒཏནྟི? ཨཱམནྟཱ. ཨཏཱིཏཾ ཝིཉྙཱཎཾ ཨཏྠི ཨཏཱིཏཾ ཝིཉྙཱཎཾ ཨནིརུདྡྷཾ…པེ… ན ཨབྦྷཏྠངྒཏནྟི? ན ཧེཝཾ ཝཏྟབྦེ.

པཙྩུཔྤནྣཾ ཝིཉྙཱཎཾ ཨཏྠི པཙྩུཔྤནྣཾ ཝིཉྙཱཎཾ ཛཱཏཾ…པེ… པཱཏུབྷཱུཏནྟི? ཨཱམནྟཱ. ཨནཱགཏཾ ཝིཉྙཱཎཾ ཨཏྠི ཨནཱགཏཾ ཝིཉྙཱཎཾ ཛཱཏཾ…པེ… པཱཏུབྷཱུཏནྟི? ན ཧེཝཾ ཝཏྟབྦེ.

ཨཏཱིཏཾ ¶ ཝིཉྙཱཎཾ ཨཏྠི ཨཏཱིཏཾ ཝིཉྙཱཎཾ ནིརུདྡྷཾ…པེ… ཨབྦྷཏྠངྒཏནྟི? ཨཱམནྟཱ. པཙྩུཔྤནྣཾ ཝིཉྙཱཎཾ ཨཏྠི པཙྩུཔྤནྣཾ ཝིཉྙཱཎཾ ནིརུདྡྷཾ…པེ… ཨབྦྷཏྠངྒཏནྟི? ན ཧེཝཾ ཝཏྟབྦེ. ཨནཱགཏཾ ཝིཉྙཱཎཾ ཨཏྠི ཨནཱགཏཾ ཝིཉྙཱཎཾ ཨཛཱཏཾ…པེ… ཨཔཱཏུབྷཱུཏནྟི? ཨཱམནྟཱ.

པཙྩུཔྤནྣཾ ཝིཉྙཱཎཾ ཨཏྠི པཙྩུཔྤནྣཾ ¶ ཝིཉྙཱཎཾ ཨཛཱཏཾ…པེ… ཨཔཱཏུབྷཱུཏནྟི? ན ཧེཝཾ ཝཏྟབྦེ.

༢༨༥. ‘‘པཙྩུཔྤནྣནྟི ཝཱ རཱུཔ’’ནྟི ཝཱ, ‘‘རཱུཔནྟི ཝཱ པཙྩུཔྤནྣ’’ནྟི ཝཱ པཙྩུཔྤནྣཾ རཱུཔཾ ཨཔྤིཡཾ ཀརིཏྭཱ ཨེསེསེ ཨེཀཊྛེ སམེ སམབྷཱགེ ཏཛྫཱཏེཏི? ཨཱམནྟཱ. པཙྩུཔྤནྣཾ ¶ རཱུཔཾ ནིརུཛ྄ཛྷམཱནཾ པཙྩུཔྤནྣབྷཱཝཾ ཛཧཏཱིཏི? ཨཱམནྟཱ. རཱུཔབྷཱཝཾ ཛཧཏཱིཏི? ན ཧེཝཾ ཝཏྟབྦེ…པེ….

‘‘པཙྩུཔྤནྣནྟི ཝཱ རཱུཔ’’ནྟི ཝཱ, ‘‘རཱུཔནྟི ཝཱ པཙྩུཔྤནྣ’’ནྟི ཝཱ པཙྩུཔྤནྣཾ རཱུཔཾ ཨཔྤིཡཾ ཀརིཏྭཱ ཨེསེསེ ཨེཀཊྛེ སམེ སམབྷཱགེ ཏཛྫཱཏེཏི? ཨཱམནྟཱ. པཙྩུཔྤནྣཾ རཱུཔཾ ནིརུཛ྄ཛྷམཱནཾ རཱུཔབྷཱཝཾ ན ཛཧཏཱིཏི? ཨཱམནྟཱ. པཙྩུཔྤནྣབྷཱཝཾ ན ཛཧཏཱིཏི? ན ཧེཝཾ ཝཏྟབྦེ…པེ….

‘‘ཨོདཱཏནྟི ཝཱ ཝཏྠ’’ནྟི ཝཱ, ‘‘ཝཏྠནྟི ཝཱ ཨོདཱཏ’’ནྟི ཝཱ ཨོདཱཏཾ ཝཏྠཾ ཨཔྤིཡཾ ཀརིཏྭཱ ཨེསེསེ ཨེཀཊྛེ སམེ སམབྷཱགེ ཏཛྫཱཏེཏི? ཨཱམནྟཱ. ཨོདཱཏཾ ཝཏྠཾ རཛྫམཱནཾ ཨོདཱཏབྷཱཝཾ ཛཧཏཱིཏི? ཨཱམནྟཱ. ཝཏྠབྷཱཝཾ ཛཧཏཱིཏི? ན ཧེཝཾ ཝཏྟབྦེ.

‘‘ཨོདཱཏནྟི ¶ ཝཱ ཝཏྠ’’ནྟི ཝཱ, ‘‘ཝཏྠནྟི ཝཱ ཨོདཱཏ’’ནྟི ཝཱ ཨོདཱཏཾ ཝཏྠཾ ཨཔྤིཡཾ ཀརིཏྭཱ ཨེསེསེ ཨེཀཊྛེ སམེ སམབྷཱགེ ཏཛྫཱཏེཏི? ཨཱམནྟཱ. ཨོདཱཏཾ ཝཏྠཾ རཛྫམཱནཾ ཝཏྠབྷཱཝཾ ན ཛཧཏཱིཏི? ཨཱམནྟཱ. ཨོདཱཏབྷཱཝཾ ན ཛཧཏཱིཏི? ན ཧེཝཾ ཝཏྟབྦེ.…པེ….

༢༨༦. རཱུཔཾ རཱུཔབྷཱཝཾ ན ཛཧཏཱིཏི? ཨཱམནྟཱ. རཱུཔཾ ནིཙྩཾ དྷུཝཾ སསྶཏཾ ¶ ཨཝིཔརིཎཱམདྷམྨནྟི ¶ ? ན ཧེཝཾ ཝཏྟབྦེ. ནནུ རཱུཔཾ རཱུཔབྷཱཝཾ ན ཛཧཏཱིཏི རཱུཔཾ ཨནིཙྩཾ ཨདྷུཝཾ ཨསསྶཏཾ ཝིཔརིཎཱམདྷམྨནྟི? ཨཱམནྟཱ. ཧཉྩི ¶ རཱུཔཾ ཨནིཙྩཾ ཨདྷུཝཾ ཨསསྶཏཾ ཝིཔརིཎཱམདྷམྨཾ, ནོ ཙ ཝཏ རེ ཝཏྟབྦེ – ‘‘རཱུཔཾ རཱུཔབྷཱཝཾ ན ཛཧཏཱི’’ཏི.

ནིབྦཱནཾ ནིབྦཱནབྷཱཝཾ ན ཛཧཏཱིཏི ནིབྦཱནཾ ནིཙྩཾ དྷུཝཾ སསྶཏཾ ཨཝིཔརིཎཱམདྷམྨནྟི? ཨཱམནྟཱ. རཱུཔཾ རཱུཔབྷཱཝཾ ན ཛཧཏཱིཏི [ན ཛཧཏི (སཱི. ཀ.)] རཱུཔཾ ནིཙྩཾ དྷུཝཾ སསྶཏཾ ཨཝིཔརིཎཱམདྷམྨནྟི? ན ཧེཝཾ ཝཏྟབྦེ…པེ… རཱུཔཾ རཱུཔབྷཱཝཾ ན ཛཧཏི རཱུཔཾ ཨནིཙྩཾ ཨདྷུཝཾ ཨསསྶཏཾ ཝིཔརིཎཱམདྷམྨནྟི? ཨཱམནྟཱ. ནིབྦཱནཾ ནིབྦཱནབྷཱཝཾ ན ཛཧཏི ནིབྦཱནཾ ཨནིཙྩཾ ཨདྷུཝཾ ཨསསྶཏཾ ཝིཔརིཎཱམདྷམྨནྟི? ན ཧེཝཾ ཝཏྟབྦེ…པེ….

ཨཏཱིཏཾ ཨཏྠི ཨཏཱིཏཾ ཨཏཱིཏབྷཱཝཾ ན ཛཧཏཱིཏི? ཨཱམནྟཱ. ཨནཱགཏཾ ཨཏྠི ཨནཱགཏཾ ཨནཱགཏབྷཱཝཾ ན ཛཧཏཱིཏི? ན ཧེཝཾ ཝཏྟབྦེ. ཨཏཱིཏཾ ཨཏྠི ཨཏཱིཏཾ ཨཏཱིཏབྷཱཝཾ ན ཛཧཏཱིཏི? ཨཱམནྟཱ. པཙྩུཔྤནྣཾ ཨཏྠི པཙྩུཔྤནྣཾ པཙྩུཔྤནྣབྷཱཝཾ ན ཛཧཏཱིཏི? ན ཧེཝཾ ཝཏྟབྦེ…པེ….

ཨནཱགཏཾ ཨཏྠི ཨནཱགཏཾ ཨནཱགཏབྷཱཝཾ ཛཧཏཱིཏི [ན ཛཧཏཱིཏི (བཧཱུསུ) ཨཊྛཀཐཱ ཨོལོཀེཏབྦཱ]? ཨཱམནྟཱ. ཨཏཱིཏཾ ཨཏྠི ཨཏཱིཏཾ ཨཏཱིཏབྷཱཝཾ ཛཧཏཱིཏི [ན ཛཧཏཱིཏི (བཧཱུསུ) ཨཊྛཀཐཱ ཨོལོཀེཏབྦཱ]? ན ཧེཝཾ ཝཏྟབྦེ…པེ….

པཙྩུཔྤནྣཾ ཨཏྠི པཙྩུཔྤནྣཾ པཙྩུཔྤནྣབྷཱཝཾ ཛཧཏཱིཏི [ན ཛཧཏཱིཏི (བཧཱུསུ) ཨཊྛཀཐཱ ཨོལོཀེཏབྦཱ]? ཨཱམནྟཱ. ཨཏཱིཏཾ ཨཏྠི ཨཏཱིཏཾ ཨཏཱིཏབྷཱཝཾ ཛཧཏཱིཏི [ན ཛཧཏཱིཏི (བཧཱུསུ) ཨཊྛཀཐཱ ཨོལོཀེཏབྦཱ]? ན ཧེཝཾ ¶ ཝཏྟབྦེ.

ཨཏཱིཏཾ ཨཏྠི ཨཏཱིཏཾ ཨཏཱིཏབྷཱཝཾ ན ཛཧཏཱིཏི? ཨཱམནྟཱ. ཨཏཱིཏཾ ནིཙྩཾ དྷུཝཾ སསྶཏཾ ཨཝིཔརིཎཱམདྷམྨནྟི? ན ཧེཝཾ ཝཏྟབྦེ…པེ… ནནུ ¶ ཨཏཱིཏཾ ཨནིཙྩཾ ཨདྷུཝཾ ཨསསྶཏཾ ཝིཔརིཎཱམདྷམྨནྟི? ཨཱམནྟཱ. ཧཉྩི ཨཏཱིཏཾ ཨནིཙྩཾ ཨདྷུཝཾ ཨསསྶཏཾ ཝིཔརིཎཱམདྷམྨཾ, ནོ ཙ ཝཏ རེ ཝཏྟབྦེ – ‘‘ཨཏཱིཏཾ ཨཏྠི ཨཏཱིཏཾ ཨཏཱིཏབྷཱཝཾ ན ཛཧཏཱི’’ཏི.

ནིབྦཱནཾ ¶ ཨཏྠི ནིབྦཱནཾ ནིབྦཱནབྷཱཝཾ ན ཛཧཏཱིཏི ནིབྦཱནཾ ནིཙྩཾ དྷུཝཾ སསྶཏཾ ཨཝིཔརིཎཱམདྷམྨནྟི ¶ ? ཨཱམནྟཱ. ཨཏཱིཏཾ ཨཏྠི ཨཏཱིཏཾ ཨཏཱིཏབྷཱཝཾ ན ཛཧཏཱིཏི ཨཏཱིཏཾ ནིཙྩཾ དྷུཝཾ སསྶཏཾ ཨཝིཔརིཎཱམདྷམྨནྟི? ན ཧེཝཾ ཝཏྟབྦེ…པེ….

ཨཏཱིཏཾ ཨཏྠི ཨཏཱིཏཾ ཨཏཱིཏབྷཱཝཾ ན ཛཧཏི ཨཏཱིཏཾ ཨནིཙྩཾ ཨདྷུཝཾ ཨསསྶཏཾ ཝིཔརིཎཱམདྷམྨནྟི? ཨཱམནྟཱ. ནིབྦཱནཾ ཨཏྠི ནིབྦཱནཾ ནིབྦཱནབྷཱཝཾ ན ཛཧཏི ནིབྦཱནཾ ཨནིཙྩཾ ཨདྷུཝཾ ཨསསྶཏཾ ཝིཔརིཎཱམདྷམྨནྟི? ན ཧེཝཾ ཝཏྟབྦེ…པེ….

༢༨༧. ཨཏཱིཏཾ རཱུཔཾ ཨཏྠི ཨཏཱིཏཾ རཱུཔཾ ཨཏཱིཏབྷཱཝཾ ན ཛཧཏཱིཏི? ཨཱམནྟཱ. ཨནཱགཏཾ རཱུཔཾ ཨཏྠི ཨནཱགཏཾ རཱུཔཾ ཨནཱགཏབྷཱཝཾ ན ཛཧཏཱིཏི? ན ཧེཝཾ ཝཏྟབྦེ…པེ… ཨཏཱིཏཾ རཱུཔཾ ཨཏྠི ཨཏཱིཏཾ རཱུཔཾ ཨཏཱིཏབྷཱཝཾ ན ཛཧཏཱིཏི? ཨཱམནྟཱ. པཙྩུཔྤནྣཾ རཱུཔཾ ཨཏྠི པཙྩུཔྤནྣཾ རཱུཔཾ པཙྩུཔྤནྣབྷཱཝཾ ན ཛཧཏཱིཏི? ན ཧེཝཾ ཝཏྟབྦེ…པེ….

ཨནཱགཏཾ རཱུཔཾ ཨཏྠི ཨནཱགཏཾ རཱུཔཾ ཨནཱགཏབྷཱཝཾ ཛཧཏཱིཏི [ན ཛཧཏཱིཏི (བཧཱུསུ) ཨནུལོམཔཉྷོཡེཝ] ¶ ? ཨཱམནྟཱ. ཨཏཱིཏཾ རཱུཔཾ ཨཏྠི ཨཏཱིཏཾ རཱུཔཾ ཨཏཱིཏབྷཱཝཾ ཛཧཏཱིཏི [ན ཛཧཏཱིཏི (བཧཱུསུ) ཨནུལོམཔཉྷོཡེཝ]? ན ཧེཝཾ ཝཏྟབྦེ…པེ….

པཙྩུཔྤནྣཾ ¶ རཱུཔཾ ཨཏྠི པཙྩུཔྤནྣཾ རཱུཔཾ པཙྩུཔྤནྣབྷཱཝཾ ཛཧཏཱིཏི [ན ཛཧཏཱིཏི (བཧཱུསུ) ཨནུལོམཔཉྷོཡེཝ]? ཨཱམནྟཱ. ཨཏཱིཏཾ རཱུཔཾ ཨཏྠི ཨཏཱིཏཾ རཱུཔཾ ཨཏཱིཏབྷཱཝཾ ཛཧཏཱིཏི [ན ཛཧཏཱིཏི (བཧཱུསུ) ཨནུལོམཔཉྷོཡེཝ]? ན ཧེཝཾ ཝཏྟབྦེ…པེ….

ཨཏཱིཏཾ རཱུཔཾ ཨཏྠི ཨཏཱིཏཾ རཱུཔཾ ཨཏཱིཏབྷཱཝཾ ན ཛཧཏཱིཏི? ཨཱམནྟཱ. ཨཏཱིཏཾ རཱུཔཾ ནིཙྩཾ དྷུཝཾ སསྶཏཾ ཨཝིཔརིཎཱམདྷམྨནྟི? ན ཧེཝཾ ཝཏྟབྦེ…པེ… ནནུ ཨཏཱིཏཾ རཱུཔཾ ཨནིཙྩཾ ཨདྷུཝཾ ཨསསྶཏཾ ཝིཔརིཎཱམདྷམྨནྟི? ཨཱམནྟཱ. ཧཉྩི ཨཏཱིཏཾ རཱུཔཾ ཨནིཙྩཾ…པེ… ཝིཔརིཎཱམདྷམྨཾ, ནོ ཙ ཝཏ རེ ཝཏྟབྦེ – ‘‘ཨཏཱིཏཾ རཱུཔཾ ཨཏྠི ཨཏཱིཏཾ རཱུཔཾ ཨཏཱིཏབྷཱཝཾ ན ཛཧཏཱི’’ཏི.

ནིབྦཱནཾ ཨཏྠི ནིབྦཱནཾ ནིབྦཱནབྷཱཝཾ ན ཛཧཏི [ན ཛཧཏཱིཏི (?) པུརིམཔཉྷེཧི སཾསནྡེཏབྦཾ] ནིབྦཱནཾ ནིཙྩཾ དྷུཝཾ སསྶཏཾ ཨཝིཔརིཎཱམདྷམྨནྟི? ཨཱམནྟཱ. ཨཏཱིཏཾ རཱུཔཾ ཨཏྠི ཨཏཱིཏཾ རཱུཔཾ ཨཏཱིཏབྷཱཝཾ ན ཛཧཏི [ན ཛཧཏཱིཏི (?) པུརིམཉྷེཧི སཾསནྡེཏབྦཾ] ཨཏཱིཏཾ རཱུཔཾ ནིཙྩཾ དྷུཝཾ སསྶཏཾ ཨཝིཔརིཎཱམདྷམྨནྟི? ན ཧེཝཾ ཝཏྟབྦེ…པེ….

ཨཏཱིཏཾ ¶ ¶ རཱུཔཾ ཨཏྠི ཨཏཱིཏཾ རཱུཔཾ ཨཏཱིཏབྷཱཝཾ ན ཛཧཏི ཨཏཱིཏཾ རཱུཔཾ ཨནིཙྩཾ ཨདྷུཝཾ ཨསསྶཏཾ ཝིཔརིཎཱམདྷམྨནྟི? ཨཱམནྟཱ. ནིབྦཱནཾ ཨཏྠི ནིབྦཱནཾ ནིབྦཱནབྷཱཝཾ ན ཛཧཏི ནིབྦཱནཾ ཨནིཙྩཾ ཨདྷུཝཾ ཨསསྶཏཾ ཝིཔརིཎཱམདྷམྨནྟི? ན ཧེཝཾ ཝཏྟབྦེ…པེ….

ཨཏཱིཏཱ ཝེདནཱ ཨཏྠི… ཨཏཱིཏཱ སཉྙཱ ཨཏྠི… ཨཏཱིཏཱ ¶ སངྑཱརཱ ཨཏྠི… ཨཏཱིཏཾ ཝིཉྙཱཎཾ ཨཏྠི ཨཏཱིཏཾ ཝིཉྙཱཎཾ ཨཏཱིཏབྷཱཝཾ ན ཛཧཏཱིཏི? ཨཱམནྟཱ. ཨནཱགཏཾ ¶ ཝིཉྙཱཎཾ ཨཏྠི ཨནཱགཏཾ ཝིཉྙཱཎཾ ཨནཱགཏབྷཱཝཾ ན ཛཧཏཱིཏི? ན ཧེཝཾ ཝཏྟབྦེ…པེ… ཨཏཱིཏཾ ཝིཉྙཱཎཾ ཨཏྠི ཨཏཱིཏཾ ཝིཉྙཱཎཾ ཨཏཱིཏབྷཱཝཾ ན ཛཧཏཱིཏི? ཨཱམནྟཱ. པཙྩུཔྤནྣཾ ཝིཉྙཱཎཾ ཨཏྠི པཙྩུཔྤནྣཾ ཝིཉྙཱཎཾ པཙྩུཔྤནྣབྷཱཝཾ ན ཛཧཏཱིཏི? ན ཧེཝཾ ཝཏྟབྦེ…པེ….

ཨནཱགཏཾ ཝིཉྙཱཎཾ ཨཏྠི ཨནཱགཏཾ ཝིཉྙཱཎཾ ཨནཱགཏབྷཱཝཾ ཛཧཏཱིཏི? ཨཱམནྟཱ. ཨཏཱིཏཾ ཝིཉྙཱཎཾ ཨཏྠི ཨཏཱིཏཾ ཝིཉྙཱཎཾ ཨཏཱིཏབྷཱཝཾ ཛཧཏཱིཏི? ན ཧེཝཾ ཝཏྟབྦེ…པེ….

པཙྩུཔྤནྣཾ ཝིཉྙཱཎཾ ཨཏྠི པཙྩུཔྤནྣཾ ཝིཉྙཱཎཾ པཙྩུཔྤནྣབྷཱཝཾ ཛཧཏཱིཏི [ན ཛཧཏཱིཏི (བཧཱུསུ) ཨནུལོམཔཉྷོཡེཝ]? ཨཱམནྟཱ. ཨཏཱིཏཾ ཝིཉྙཱཎཾ ཨཏྠི ཨཏཱིཏཾ ཝིཉྙཱཎཾ ཨཏཱིཏབྷཱཝཾ ཛཧཏཱིཏི [ན ཛཧཏཱིཏི (བཧཱུསུ) ཨནུལོམཔཉྷོཡེཝ]? ན ཧེཝཾ ཝཏྟབྦེ…པེ….

ཨཏཱིཏཾ ཝིཉྙཱཎཾ ཨཏྠི ཨཏཱིཏཾ ཝིཉྙཱཎཾ ཨཏཱིཏབྷཱཝཾ ན ཛཧཏཱིཏི? ཨཱམནྟཱ. ཨཏཱིཏཾ ཝིཉྙཱཎཾ ནིཙྩཾ དྷུཝཾ སསྶཏཾ ཨཝིཔརིཎཱམདྷམྨནྟི? ན ཧེཝཾ ཝཏྟབྦེ…པེ… ནནུ ཨཏཱིཏཾ ཝིཉྙཱཎཾ ཨནིཙྩཾ ཨདྷུཝཾ ཨསསྶཏཾ ཝིཔརིཎཱམདྷམྨནྟི? ཨཱམནྟཱ. ཧཉྩི ཨཏཱིཏཾ ཝིཉྙཱཎཾ ཨནིཙྩཾ ཨདྷུཝཾ ཨསསྶཏཾ ཝིཔརིཎཱམདྷམྨཾ, ནོ ཙ ཝཏ རེ ཝཏྟབྦེ – ‘‘ཨཏཱིཏཾ ཝིཉྙཱཎཾ ཨཏྠི ཨཏཱིཏཾ ཝིཉྙཱཎཾ ཨཏཱིཏབྷཱཝཾ ན ཛཧཏཱི’’ཏི.

ནིབྦཱནཾ ¶ ཨཏྠི ནིབྦཱནཾ ནིབྦཱནབྷཱཝཾ ན ཛཧཏི [ན ཛཧཏཱིཏི (?) པུརིམཔཉྷེཧི སཾསནྡེཏབྦཾ] ནིབྦཱནཾ ནིཙྩཾ དྷུཝཾ སསྶཏཾ ཨཝིཔརིཎཱམདྷམྨནྟི? ཨཱམནྟཱ. ཨཏཱིཏཾ ཝིཉྙཱཎཾ ཨཏྠི ཨཏཱིཏཾ ཝིཉྙཱཎཾ ཨཏཱིཏབྷཱཝཾ ¶ ན ཛཧཏི [ན ཛཧཏཱིཏི (?) པུརིམཔཉྷེཧི སཾསནྡེཏབྦཾ] ཨཏཱིཏཾ ཝིཉྙཱཎཾ ནིཙྩཾ དྷུཝཾ སསྶཏཾ ཨཝིཔརིཎཱམདྷམྨནྟི? ན ཧེཝཾ ཝཏྟབྦེ…པེ….

ཨཏཱིཏཾ ཝིཉྙཱཎཾ ཨཏྠི ཨཏཱིཏཾ ཝིཉྙཱཎཾ ཨཏཱིཏབྷཱཝཾ ན ཛཧཏི ཨཏཱིཏཾ ཝིཉྙཱཎཾ ཨནིཙྩཾ ¶ ཨདྷུཝཾ ཨསསྶཏཾ ཝིཔརིཎཱམདྷམྨནྟི? ཨཱམནྟཱ. ནིབྦཱནཾ ཨཏྠི ནིབྦཱནཾ ¶ ནིབྦཱནབྷཱཝཾ ན ཛཧཏི ནིབྦཱནཾ ཨནིཙྩཾ ཨདྷུཝཾ ཨསསྶཏཾ ཝིཔརིཎཱམདྷམྨནྟི? ན ཧེཝཾ ཝཏྟབྦེ…པེ….

ཝཙནསོདྷནཱ

༢༨༨. ཨཏཱིཏཾ ནྭཏྠཱིཏི? ཨཱམནྟཱ. ཧཉྩི ཨཏཱིཏཾ ནྭཏྠི, ཨཏཱིཏཾ ཨཏྠཱིཏི མིཙྪཱ. ཧཉྩི ཝཱ པན ཨཏྠི ནྭཱཏཱིཏཾ, ཨཏྠི ཨཏཱིཏནྟི མིཙྪཱ. ཨནཱགཏཾ ནྭཏྠཱིཏི? ཨཱམནྟཱ. ཧཉྩི ཨནཱགཏཾ ནྭཏྠི, ཨནཱགཏཾ ཨཏྠཱིཏི མིཙྪཱ. ཧཉྩི ཝཱ པན ཨཏྠི ནྭཱནཱགཏཾ, ཨཏྠི ཨནཱགཏནྟི མིཙྪཱ.

ཨནཱགཏཾ ཧུཏྭཱ པཙྩུཔྤནྣཾ ཧོཏཱིཏི? ཨཱམནྟཱ. ཏཉྙེཝ ཨནཱགཏཾ ཏཾ པཙྩུཔྤནྣནྟི? ན ཧེཝཾ ཝཏྟབྦེ…པེ… ཏཉྙེཝ ཨནཱགཏཾ ཏཾ པཙྩུཔྤནྣནྟི? ཨཱམནྟཱ. ཧུཏྭཱ ཧོཏི ཧུཏྭཱ ཧོཏཱིཏི? ན ཧེཝཾ ཝཏྟབྦེ…པེ… ཧུཏྭཱ ཧོཏི ཧུཏྭཱ ཧོཏཱིཏི? ཨཱམནྟཱ. ན ཧུཏྭཱ ན ཧོཏི ན ཧུཏྭཱ ན ཧོཏཱིཏི? ན ཧེཝཾ ¶ ཝཏྟབྦེ…པེ….

པཙྩུཔྤནྣཾ ཧུཏྭཱ ཨཏཱིཏཾ ཧོཏཱིཏི? ཨཱམནྟཱ. ཏཉྙེཝ པཙྩུཔྤནྣཾ ཏཾ ཨཏཱིཏནྟི? ན ཧེཝཾ ཝཏྟབྦེ…པེ… ཏཉྙེཝ པཙྩུཔྤནྣཾ ཏཾ ཨཏཱིཏནྟི? ཨཱམནྟཱ ¶ . ཧུཏྭཱ ཧོཏི ཧུཏྭཱ ཧོཏཱིཏི? ན ཧེཝཾ ཝཏྟབྦེ…པེ… ཧུཏྭཱ ཧོཏི ཧུཏྭཱ ཧོཏཱིཏི? ཨཱམནྟཱ. ན ཧུཏྭཱ ན ཧོཏི ན ཧུཏྭཱ ན ཧོཏཱིཏི? ན ཧེཝཾ ཝཏྟབྦེ…པེ….

ཨནཱགཏཾ ཧུཏྭཱ པཙྩུཔྤནྣཾ ཧོཏི, པཙྩུཔྤནྣཾ ཧུཏྭཱ ཨཏཱིཏཾ ཧོཏཱིཏི? ཨཱམནྟཱ. ཏཉྙེཝ ཨནཱགཏཾ ཏཾ པཙྩུཔྤནྣཾ ཏཾ ཨཏཱིཏནྟི? ན ཧེཝཾ ཝཏྟབྦེ…པེ… ཏཉྙེཝ ཨནཱགཏཾ ཏཾ པཙྩུཔྤནྣཾ ཏཾ ཨཏཱིཏནྟི? ཨཱམནྟཱ. ཧུཏྭཱ ཧོཏི ཧུཏྭཱ ཧོཏཱིཏི? ན ཧེཝཾ ཝཏྟབྦེ…པེ… ཧུཏྭཱ ཧོཏི ཧུཏྭཱ ཧོཏཱིཏི? ཨཱམནྟཱ. ན ཧུཏྭཱ ན ཧོཏི ན ཧུཏྭཱ ན ཧོཏཱིཏི? ན ཧེཝཾ ཝཏྟབྦེ.

ཨཏཱིཏཙཀྑུརཱུཔཱདིཀཐཱ

༢༨༩. ཨཏཱིཏཾ ¶ ཙཀྑུཾ ཨཏྠི རཱུཔཱ ཨཏྠི ཙཀྑུཝིཉྙཱཎཾ ཨཏྠི ཨཱལོཀོ ཨཏྠི མནསིཀཱརོ ཨཏྠཱིཏི? ཨཱམནྟཱ. ཨཏཱིཏེན ཙཀྑུནཱ ཨཏཱིཏཾ རཱུཔཾ པསྶཏཱིཏི? ན ཧེཝཾ ཝཏྟབྦེ…པེ… ཨཏཱིཏཾ སོཏཾ ཨཏྠི སདྡཱ ཨཏྠི སོཏཝིཉྙཱཎཾ ཨཏྠི ཨཱཀཱསོ ཨཏྠི མནསིཀཱརོ ཨཏྠཱིཏི? ཨཱམནྟཱ. ཨཏཱིཏེན ¶ སོཏེན ཨཏཱིཏཾ སདྡཾ སུཎཱཏཱིཏི? ན ཧེཝཾ ཝཏྟབྦེ…པེ… ཨཏཱིཏཾ གྷཱནཾ ཨཏྠི གནྡྷཱ ཨཏྠི གྷཱནཝིཉྙཱཎཾ ¶ ཨཏྠི ཝཱཡོ ཨཏྠི མནསིཀཱརོ ཨཏྠཱིཏི? ཨཱམནྟཱ. ཨཏཱིཏེན གྷཱནེན ཨཏཱིཏཾ གནྡྷཾ གྷཱཡཏཱིཏི? ན ཧེཝཾ ཝཏྟབྦེ…པེ… ཨཏཱིཏཱ ཛིཝ྄ཧཱ ཨཏྠི རསཱ ཨཏྠི ཛིཝ྄ཧཱཝིཉྙཱཎཾ ཨཏྠི ཨཱཔོ ཨཏྠི མནསིཀཱརོ ཨཏྠཱིཏི? ཨཱམནྟཱ ¶ . ཨཏཱིཏཱཡ ཛིཝ྄ཧཱཡ ཨཏཱིཏཾ རསཾ སཱཡཏཱིཏི? ན ཧེཝཾ ཝཏྟབྦེ…པེ… ཨཏཱིཏོ ཀཱཡོ ཨཏྠི ཕོཊྛབྦཱ ཨཏྠི ཀཱཡཝིཉྙཱཎཾ ཨཏྠི པཐཝཱི ཨཏྠི མནསིཀཱརོ ཨཏྠཱིཏི? ཨཱམནྟཱ. ཨཏཱིཏེན ཀཱཡེན ཨཏཱིཏཾ ཕོཊྛབྦཾ ཕུསཏཱིཏི? ན ཧེཝཾ ཝཏྟབྦེ…པེ… ཨཏཱིཏོ མནོ ཨཏྠི དྷམྨཱ ཨཏྠི མནོཝིཉྙཱཎཾ ཨཏྠི ཝཏྠུཾ ཨཏྠི མནསིཀཱརོ ཨཏྠཱིཏི? ཨཱམནྟཱ. ཨཏཱིཏེན མནེན ཨཏཱིཏཾ དྷམྨཾ ཝིཛཱནཱཏཱིཏི? ན ཧེཝཾ ཝཏྟབྦེ…པེ….

ཨནཱགཏཾ ཙཀྑུཾ ཨཏྠི རཱུཔཱ ཨཏྠི ཙཀྑུཝིཉྙཱཎཾ ཨཏྠི ཨཱལོཀོ ཨཏྠི མནསིཀཱརོ ཨཏྠཱིཏི? ཨཱམནྟཱ. ཨནཱགཏེན ཙཀྑུནཱ ཨནཱགཏཾ རཱུཔཾ པསྶཏཱིཏི? ན ཧེཝཾ ཝཏྟབྦེ…པེ… ཨནཱགཏཾ སོཏཾ ཨཏྠི… གྷཱནཾ ཨཏྠི… ཛིཝ྄ཧཱ ཨཏྠི… ཀཱཡོ ཨཏྠི ¶ … མནོ ཨཏྠི དྷམྨཱ ཨཏྠི མནོཝིཉྙཱཎཾ ཨཏྠི ཝཏྠུཾ ཨཏྠི མནསིཀཱརོ ཨཏྠཱིཏི? ཨཱམནྟཱ. ཨནཱགཏེན མནེན ཨནཱགཏཾ དྷམྨཾ ཝིཛཱནཱཏཱིཏི? ན ཧེཝཾ ཝཏྟབྦེ…པེ….

པཙྩུཔྤནྣཾ ཙཀྑུཾ ཨཏྠི རཱུཔཱ ཨཏྠི ཙཀྑུཝིཉྙཱཎཾ ཨཏྠི ཨཱལོཀོ ཨཏྠི མནསིཀཱརོ ཨཏྠི, པཙྩུཔྤནྣེན ཙཀྑུནཱ པཙྩུཔྤནྣཾ རཱུཔཾ པསྶཏཱིཏི? ཨཱམནྟཱ. ཨཏཱིཏཾ ཙཀྑུཾ ཨཏྠི རཱུཔཱ ¶ ཨཏྠི ཙཀྑུཝིཉྙཱཎཾ ཨཏྠི ཨཱལོཀོ ཨཏྠི མནསིཀཱརོ ཨཏྠི, ཨཏཱིཏེན ཙཀྑུནཱ ཨཏཱིཏཾ རཱུཔཾ པསྶཏཱིཏི? ན ཧེཝཾ ཝཏྟབྦེ…པེ…. པཙྩུཔྤནྣཾ སོཏཾ ཨཏྠི… གྷཱནཾ ཨཏྠི… ཛིཝ྄ཧཱ ཨཏྠི… ཀཱཡོ ཨཏྠི… མནོ ཨཏྠི དྷམྨཱ ཨཏྠི མནོཝིཉྙཱཎཾ ཨཏྠི ཝཏྠུཾ ཨཏྠི མནསིཀཱརོ ཨཏྠི, པཙྩུཔྤནྣེན མནེན པཙྩུཔྤནྣཾ དྷམྨཾ ཝིཛཱནཱཏཱིཏི? ཨཱམནྟཱ. ཨཏཱིཏོ མནོ ¶ ཨཏྠི དྷམྨཱ ཨཏྠི མནོཝིཉྙཱཎཾ ཨཏྠི ཝཏྠུཾ ཨཏྠི མནསིཀཱརོ ཨཏྠི, ཨཏཱིཏེན མནེན ཨཏཱིཏཾ དྷམྨཾ ཝིཛཱནཱཏཱིཏི? ན ཧེཝཾ ཝཏྟབྦེ…པེ….

པཙྩུཔྤནྣཾ ཙཀྑུཾ ཨཏྠི རཱུཔཱ ཨཏྠི ཙཀྑུཝིཉྙཱཎཾ ཨཏྠི ཨཱལོཀོ ཨཏྠི མནསིཀཱརོ ཨཏྠི, པཙྩུཔྤནྣེན ཙཀྑུནཱ པཙྩུཔྤནྣཾ རཱུཔཾ པསྶཏཱིཏི? ཨཱམནྟཱ. ཨནཱགཏཾ ཙཀྑུཾ ཨཏྠི རཱུཔཱ ཨཏྠི ཙཀྑུཝིཉྙཱཎཾ ཨཏྠི ཨཱལོཀོ ཨཏྠི མནསིཀཱརོ ¶ ཨཏྠི, ཨནཱགཏེན ཙཀྑུནཱ ཨནཱགཏཾ རཱུཔཾ པསྶཏཱིཏི? ན ཧེཝཾ ཝཏྟབྦེ…པེ… པཙྩུཔྤནྣཾ སོཏཾ ཨཏྠི… གྷཱནཾ ཨཏྠི… ཛིཝ྄ཧཱ ཨཏྠི… ཀཱཡོ ཨཏྠི… མནོ ཨཏྠི དྷམྨཱ ཨཏྠི མནོཝིཉྙཱཎཾ ཨཏྠི ཝཏྠུཾ ཨཏྠི མནསིཀཱརོ ཨཏྠི, པཙྩུཔྤནྣེན མནེན པཙྩུཔྤནྣཾ དྷམྨཾ ཝིཛཱནཱཏཱིཏི? ཨཱམནྟཱ. ཨནཱགཏོ མནོ ཨཏྠི དྷམྨཱ ཨཏྠི མནོཝིཉྙཱཎཾ ཨཏྠི ཝཏྠུཾ ཨཏྠི མནསིཀཱརོ ཨཏྠི, ཨནཱགཏེན མནེན ཨནཱགཏཾ དྷམྨཾ ཝིཛཱནཱཏཱིཏི? ན ¶ ཧེཝཾ ཝཏྟབྦེ…པེ….

ཨཏཱིཏཾ ¶ ཙཀྑུཾ ཨཏྠི རཱུཔཱ ཨཏྠི ཙཀྑུཝིཉྙཱཎཾ ཨཏྠི ཨཱལོཀོ ཨཏྠི མནསིཀཱརོ ཨཏྠི, ན ཙ ཨཏཱིཏེན ཙཀྑུནཱ ཨཏཱིཏཾ རཱུཔཾ པསྶཏཱིཏི? ཨཱམནྟཱ. པཙྩུཔྤནྣཾ ཙཀྑུཾ ཨཏྠི རཱུཔཱ ཨཏྠི ཙཀྑུཝིཉྙཱཎཾ ཨཏྠི ཨཱལོཀོ ཨཏྠི མནསིཀཱརོ ཨཏྠི, ན ཙ པཙྩུཔྤནྣེན ཙཀྑུནཱ པཙྩུཔྤནྣཾ རཱུཔཾ པསྶཏཱིཏི? ན ཧེཝཾ ཝཏྟབྦེ…པེ… ཨཏཱིཏཾ སོཏཾ ཨཏྠི… གྷཱནཾ ཨཏྠི… ཛིཝ྄ཧཱ ཨཏྠི… ཀཱཡོ ཨཏྠི… མནོ ཨཏྠི དྷམྨཱ ཨཏྠི མནོཝིཉྙཱཎཾ ཨཏྠི ཝཏྠུཾ ཨཏྠི མནསིཀཱརོ ཨཏྠི, ན ཙ ཨཏཱིཏེན མནེན ཨཏཱིཏཾ དྷམྨཾ ཝིཛཱནཱཏཱིཏི? ཨཱམནྟཱ. པཙྩུཔྤནྣོ མནོ ཨཏྠི དྷམྨཱ ཨཏྠི མནོཝིཉྙཱཎཾ ཨཏྠི ཝཏྠུཾ ཨཏྠི མནསིཀཱརོ ཨཏྠི, ན ཙ པཙྩུཔྤནྣེན མནེན པཙྩུཔྤནྣཾ དྷམྨཾ ཝིཛཱནཱཏཱིཏི? ན ཧེཝཾ ཝཏྟབྦེ…པེ….

ཨནཱགཏཾ ཙཀྑུཾ ཨཏྠི རཱུཔཱ ཨཏྠི ཙཀྑུཝིཉྙཱཎཾ ཨཏྠི ཨཱལོཀོ ཨཏྠི མནསིཀཱརོ ཨཏྠི, ན ཙ ཨནཱགཏེན ཙཀྑུནཱ ཨནཱགཏཾ རཱུཔཾ པསྶཏཱིཏི? ཨཱམནྟཱ. པཙྩུཔྤནྣཾ ཙཀྑུཾ ཨཏྠི རཱུཔཱ ཨཏྠི ཙཀྑུཝིཉྙཱཎཾ ཨཏྠི ཨཱལོཀོ ཨཏྠི མནསིཀཱརོ ཨཏྠི, ན ཙ པཙྩུཔྤནྣེན ཙཀྑུནཱ པཙྩུཔྤནྣཾ རཱུཔཾ པསྶཏཱིཏི? ན ཧེཝཾ ཝཏྟབྦེ…པེ… ཨནཱགཏཾ སོཏཾ ཨཏྠི… གྷཱནཾ ཨཏྠི… ཛིཝ྄ཧཱ ཨཏྠི… ཀཱཡོ ཨཏྠི… མནོ ཨཏྠི དྷམྨཱ ཨཏྠི མནོཝིཉྙཱཎཾ ཨཏྠི ཝཏྠུཾ ཨཏྠི མནསིཀཱརོ ཨཏྠི, ན ¶ ཙ ཨནཱགཏེན མནེན ཨནཱགཏཾ དྷམྨཾ ཝིཛཱནཱཏཱིཏི ¶ ? ཨཱམནྟཱ. པཙྩུཔྤནྣོ མནོ ཨཏྠི དྷམྨཱ ཨཏྠི མནོཝིཉྙཱཎཾ ཨཏྠི ཝཏྠུཾ ཨཏྠི མནསིཀཱརོ ཨཏྠི, ན ཙ པཙྩུཔྤནྣེན མནེན པཙྩུཔྤནྣཾ དྷམྨཾ ཝིཛཱནཱཏཱིཏི? ན ཧེཝཾ ཝཏྟབྦེ…པེ….

ཨཏཱིཏཉཱཎཱདིཀཐཱ

༢༩༠. ཨཏཱིཏཾ ཉཱཎཾ ཨཏྠཱིཏི? ཨཱམནྟཱ. ཏེན ཉཱཎེན ཉཱཎཀརཎཱིཡཾ ཀརོཏཱིཏི? ན ¶ ཧེཝཾ ཝཏྟབྦེ…པེ… ཏེན ཉཱཎེན ཉཱཎཀརཎཱིཡཾ ཀརོཏཱིཏི ¶ ? ཨཱམནྟཱ. ཏེན ཉཱཎེན དུཀྑཾ པརིཛཱནཱཏི, སམུདཡཾ པཛཧཏི, ནིརོདྷཾ སཙྪིཀརོཏི, མགྒཾ བྷཱཝེཏཱིཏི? ན ཧེཝཾ ཝཏྟབྦེ…པེ….

ཨནཱགཏཾ ཉཱཎཾ ཨཏྠཱིཏི? ཨཱམནྟཱ. ཏེན ཉཱཎེན ཉཱཎཀརཎཱིཡཾ ཀརོཏཱིཏི? ན ཧེཝཾ ཝཏྟབྦེ…པེ… ཏེན ཉཱཎེན ཉཱཎཀརཎཱིཡཾ ཀརོཏཱིཏི? ཨཱམནྟཱ. ཏེན ཉཱཎེན དུཀྑཾ པརིཛཱནཱཏི, སམུདཡཾ པཛཧཏི, ནིརོདྷཾ སཙྪིཀརོཏི ¶ , མགྒཾ བྷཱཝེཏཱིཏི? ན ཧེཝཾ ཝཏྟབྦེ…པེ….

པཙྩུཔྤནྣཾ ཉཱཎཾ ཨཏྠི, ཏེན ཉཱཎེན ཉཱཎཀརཎཱིཡཾ ཀརོཏཱིཏི? ཨཱམནྟཱ. ཨཏཱིཏཾ ཉཱཎཾ ཨཏྠི, ཏེན ཉཱཎེན ཉཱཎཀརཎཱིཡཾ ཀརོཏཱིཏི? ན ཧེཝཾ ཝཏྟབྦེ…པེ… པཙྩུཔྤནྣཾ ཉཱཎཾ ཨཏྠི, ཏེན ཉཱཎེན དུཀྑཾ པརིཛཱནཱཏི, སམུདཡཾ པཛཧཏི, ནིརོདྷཾ སཙྪིཀརོཏི, མགྒཾ བྷཱཝེཏཱིཏི? ཨཱམནྟཱ. ཨཏཱིཏཾ ཉཱཎཾ ཨཏྠི, ཏེན ཉཱཎེན དུཀྑཾ པརིཛཱནཱཏི, སམུདཡཾ པཛཧཏི, ནིརོདྷཾ སཙྪིཀརོཏི, མགྒཾ བྷཱཝེཏཱིཏི? ན ཧེཝཾ ཝཏྟབྦེ…པེ… པཙྩུཔྤནྣཾ ཉཱཎཾ ཨཏྠི, ཏེན ཉཱཎེན ཉཱཎཀརཎཱིཡཾ ཀརོཏཱིཏི? ཨཱམནྟཱ. ཨནཱགཏཾ ཉཱཎཾ ཨཏྠི, ཏེན ཉཱཎེན ཉཱཎཀརཎཱིཡཾ ཀརོཏཱིཏི? ན ཧེཝཾ ཝཏྟབྦེ…པེ… པཙྩུཔྤནྣཾ ཉཱཎཾ ཨཏྠི, ཏེན ཉཱཎེན དུཀྑཾ པརིཛཱནཱཏི, སམུདཡཾ པཛཧཏི, ནིརོདྷཾ སཙྪིཀརོཏི, མགྒཾ བྷཱཝེཏཱིཏི? ཨཱམནྟཱ ¶ . ཨནཱགཏཾ ཉཱཎཾ ཨཏྠི, ཏེན ཉཱཎེན དུཀྑཾ པརིཛཱནཱཏི, སམུདཡཾ པཛཧཏི, ནིརོདྷཾ སཙྪིཀརོཏི, མགྒཾ བྷཱཝེཏཱིཏི? ན ཧེཝཾ ཝཏྟབྦེ…པེ….

ཨཏཱིཏཾ ཉཱཎཾ ཨཏྠི, ན ཙ ཏེན ཉཱཎེན ཉཱཎཀརཎཱིཡཾ ཀརོཏཱིཏི? ཨཱམནྟཱ. པཙྩུཔྤནྣཾ ཉཱཎཾ ཨཏྠི, ན ཙ ཏེན ཉཱཎེན ཉཱཎཀརཎཱིཡཾ ཀརོཏཱིཏི? ན ཧེཝཾ ཝཏྟབྦེ…པེ… ཨཏཱིཏཾ ཉཱཎཾ ཨཏྠི, ན ཙ ཏེན ཉཱཎེན དུཀྑཾ པརིཛཱནཱཏི, སམུདཡཾ པཛཧཏི, ནིརོདྷཾ སཙྪིཀརོཏི, མགྒཾ བྷཱཝེཏཱིཏི? ཨཱམནྟཱ. པཙྩུཔྤནྣཾ ཉཱཎཾ ཨཏྠི, ན ཙ ཏེན ཉཱཎེན དུཀྑཾ པརིཛཱནཱཏི, སམུདཡཾ པཛཧཏི, ནིརོདྷཾ སཙྪིཀརོཏི, མགྒཾ བྷཱཝེཏཱིཏི? ན ཧེཝཾ ཝཏྟབྦེ…པེ….

ཨནཱགཏཾ ཉཱཎཾ ཨཏྠི, ན ཙ ཏེན ཉཱཎེན ཉཱཎཀརཎཱིཡཾ ཀརོཏཱིཏི? ཨཱམནྟཱ. པཙྩུཔྤནྣཾ ¶ ཉཱཎཾ ཨཏྠི, ན ཙ ཏེན ཉཱཎེན ཉཱཎཀརཎཱིཡཾ ཀརོཏཱིཏི? ན ཧེཝཾ ཝཏྟབྦེ…པེ…. ཨནཱགཏཾ ཉཱཎཾ ཨཏྠི, ན ཙ ཏེན ཉཱཎེན དུཀྑཾ པརིཛཱནཱཏི, སམུདཡཾ པཛཧཏི ¶ , ནིརོདྷཾ སཙྪིཀརོཏི, མགྒཾ བྷཱཝེཏཱིཏི? ཨཱམནྟཱ ¶ . པཙྩུཔྤནྣཾ ཉཱཎཾ ཨཏྠི, ན ཙ ཏེན ཉཱཎེན དུཀྑཾ པརིཛཱནཱཏི, སམུདཡཾ པཛཧཏི, ནིརོདྷཾ སཙྪིཀརོཏི, མགྒཾ བྷཱཝེཏཱིཏི? ན ཧེཝཾ ཝཏྟབྦེ…པེ….

ཨརཧནྟཱདིཀཐཱ

༢༩༡. ཨརཧཏོ ཨཏཱིཏོ རཱགོ ཨཏྠཱིཏི? ཨཱམནྟཱ. ཨརཧཱ ཏེན རཱགེན སརཱགོཏི? ན ཧེཝཾ ཝཏྟབྦེ…པེ… ཨརཧཏོ ཨཏཱིཏོ དོསོ ཨཏྠཱིཏི? ཨཱམནྟཱ ¶ . ཨརཧཱ ཏེན དོསེན སདོསོཏི? ན ཧེཝཾ ཝཏྟབྦེ…པེ… ཨརཧཏོ ཨཏཱིཏོ མོཧོ ཨཏྠཱིཏི? ཨཱམནྟཱ. ཨརཧཱ ཏེན མོཧེན སམོཧོཏི? ན ཧེཝཾ ཝཏྟབྦེ…པེ… ཨརཧཏོ ཨཏཱིཏོ མཱནོ ཨཏྠཱིཏི? ཨཱམནྟཱ. ཨརཧཱ ཏེན མཱནེན སམཱནོཏི? ན ཧེཝཾ ཝཏྟབྦེ…པེ… ཨརཧཏོ ཨཏཱིཏཱ དིཊྛི ཨཏྠཱིཏི? ཨཱམནྟཱ. ཨརཧཱ ཏཱཡ དིཊྛིཡཱ སདིཊྛིཀོཏི? ན ཧེཝཾ ཝཏྟབྦེ…པེ… ཨརཧཏོ ཨཏཱིཏཱ ཝིཙིཀིཙྪཱ ཨཏྠཱིཏི? ཨཱམནྟཱ. ཨརཧཱ ཏཱཡ ཝིཙིཀིཙྪཱཡ སཝིཙིཀིཙྪོཏི? ན ཧེཝཾ ཝཏྟབྦེ…པེ… ཨརཧཏོ ཨཏཱིཏཾ ཐིནཾ ཨཏྠཱིཏི? ཨཱམནྟཱ. ཨརཧཱ ཏེན ཐིནེན སཐིནོཏི? ན ཧེཝཾ ཝཏྟབྦེ…པེ… ཨརཧཏོ ཨཏཱིཏཾ ཨུདྡྷཙྩཾ ཨཏྠཱིཏི? ཨཱམནྟཱ. ཨརཧཱ ཏེན ཨུདྡྷཙྩེན སཨུདྡྷཙྩོཏི? ན ཧེཝཾ ཝཏྟབྦེ…པེ… ཨརཧཏོ ཨཏཱིཏཾ ཨཧིརིཀཾ ཨཏྠཱིཏི? ཨཱམནྟཱ. ཨརཧཱ ཏེན ཨཧིརིཀེན སཨཧིརིཀོཏི? ན ཧེཝཾ ཝཏྟབྦེ…པེ… ཨརཧཏོ ཨཏཱིཏཾ ཨནོཏྟཔྤཾ ཨཏྠཱིཏི? ཨཱམནྟཱ. ཨརཧཱ ཏེན ཨནོཏྟཔྤེན ¶ སཨནོཏྟཔྤཱིཏི? ན ཧེཝཾ ཝཏྟབྦེ…པེ….

ཨནཱགཱམིསྶ ¶ ཨཏཱིཏཱ སཀྐཱཡདིཊྛི ཨཏྠཱིཏི? ཨཱམནྟཱ ¶ . ཨནཱགཱམཱི ཏཱཡ དིཊྛིཡཱ སདིཊྛིཀོཏི? ན ཧེཝཾ ཝཏྟབྦེ…པེ… ཨནཱགཱམིསྶ ཨཏཱིཏཱ ཝིཙིཀིཙྪཱ ཨཏྠི… ཨཏཱིཏོ སཱིལབྦཏཔརཱམཱསོ ཨཏྠི… ཨཏཱིཏོ ཨཎུསཧགཏོ ཀཱམརཱགོ ཨཏྠི… ཨཏཱིཏོ ཨཎུསཧགཏོ བྱཱཔཱདོ ཨཏྠཱིཏི? ཨཱམནྟཱ. ཨནཱགཱམཱི ཏེན བྱཱཔཱདེན བྱཱཔནྣཙིཏྟོཏི? ན ཧེཝཾ ཝཏྟབྦེ…པེ….

སཀདཱགཱམིསྶ ཨཏཱིཏཱ སཀྐཱཡདིཊྛི ཨཏྠཱིཏི? ཨཱམནྟཱ. སཀདཱགཱམཱི ཏཱཡ དིཊྛིཡཱ སདིཊྛིཀོཏི? ན ཧེཝཾ ཝཏྟབྦེ…པེ… སཀདཱགཱམིསྶ ཨཏཱིཏཱ ཝིཙིཀིཙྪཱ ཨཏྠི… ཨཏཱིཏོ སཱིལབྦཏཔརཱམཱསོ ཨཏྠི… ཨཏཱིཏོ ¶ ཨོལཱ༹རིཀོ ཀཱམརཱགོ ཨཏྠི… ཨཏཱིཏོ ཨོལཱ༹རིཀོ བྱཱཔཱདོ ཨཏྠཱིཏི? ཨཱམནྟཱ. སཀདཱགཱམཱི ཏེན བྱཱཔཱདེན བྱཱཔནྣཙིཏྟོཏི? ན ཧེཝཾ ཝཏྟབྦེ…པེ….

སོཏཱཔནྣསྶ ཨཏཱིཏཱ སཀྐཱཡདིཊྛི ཨཏྠཱིཏི? ཨཱམནྟཱ. སོཏཱཔནྣོ ཏཱཡ དིཊྛིཡཱ སདིཊྛིཀོཏི? ན ཧེཝཾ ཝཏྟབྦེ…པེ… སོཏཱཔནྣསྶ ཨཏཱིཏཱ ཝིཙིཀིཙྪཱ ཨཏྠི… ཨཏཱིཏོ སཱིལབྦཏཔརཱམཱསོ ཨཏྠི… ཨཏཱིཏོ ཨཔཱཡགམནཱིཡོ རཱགོ ཨཏྠི… ཨཏཱིཏོ ཨཔཱཡགམནཱིཡོ དོསོ ཨཏྠི… ཨཏཱིཏོ ཨཔཱཡགམནཱིཡོ མོཧོ ཨཏྠཱིཏི? ཨཱམནྟཱ. སོཏཱཔནྣོ ཏེན མོཧེན སམོཧོཏི? ན ཧེཝཾ ཝཏྟབྦེ…པེ….

༢༩༢. པུཐུཛྫནསྶ ¶ ཨཏཱིཏོ རཱགོ ཨཏྠི, པུཐུཛྫནོ ཏེན རཱགེན སརཱགོཏི? ཨཱམནྟཱ. ཨརཧཏོ ཨཏཱིཏོ རཱགོ ཨཏྠི, ཨརཧཱ ཏེན རཱགེན སརཱགོཏི? ན ཧེཝཾ ཝཏྟབྦེ…པེ… པུཐུཛྫནསྶ ཨཏཱིཏོ དོསོ ཨཏྠི…པེ… ཨཏཱིཏཾ ཨནོཏྟཔྤཾ ཨཏྠི པུཐུཛྫནོ ཏེན ཨནོཏྟཔྤེན ཨནོཏྟཔྤཱིཏི? ཨཱམནྟཱ. ཨརཧཏོ ཨཏཱིཏཾ ཨནོཏྟཔྤཾ ཨཏྠི, ཨརཧཱ ཏེན ཨནོཏྟཔྤེན ཨནོཏྟཔྤཱིཏི? ན ¶ ཧེཝཾ ཝཏྟབྦེ…པེ….

པུཐུཛྫནསྶ ཨཏཱིཏཱ སཀྐཱཡདིཊྛི ཨཏྠི, པུཐུཛྫནོ ཏཱཡ དིཊྛིཡཱ སདིཊྛིཀོཏི? ཨཱམནྟཱ. ཨནཱགཱམིསྶ ཨཏཱིཏཱ སཀྐཱཡདིཊྛི ཨཏྠི, ཨནཱགཱམཱི ཏཱཡ དིཊྛིཡཱ སདིཊྛིཀོཏི? ན ཧེཝཾ ཝཏྟབྦེ…པེ… པུཐུཛྫནསྶ ཨཏཱིཏཱ ཝིཙིཀིཙྪཱ ཨཏྠི…པེ… ཨཏཱིཏོ ཨཎུསཧགཏོ བྱཱཔཱདོ ཨཏྠི, པུཐུཛྫནོ ཏེན བྱཱཔཱདེན བྱཱཔནྣཙིཏྟོཏི? ཨཱམནྟཱ. ཨནཱགཱམིསྶ ¶ ཨཏཱིཏོ ཨཎུསཧགཏོ བྱཱཔཱདོ ཨཏྠི, ཨནཱགཱམཱི ཏེན བྱཱཔཱདེན བྱཱཔནྣཙིཏྟོཏི? ན ཧེཝཾ ཝཏྟབྦེ…པེ….

པུཐུཛྫནསྶ ཨཏཱིཏཱ སཀྐཱཡདིཊྛི ཨཏྠི, པུཐུཛྫནོ ཏཱཡ དིཊྛིཡཱ སདིཊྛིཀོཏི? ཨཱམནྟཱ. སཀདཱགཱམིསྶ ཨཏཱིཏཱ སཀྐཱཡདིཊྛི ཨཏྠི, སཀདཱགཱམཱི ཏཱཡ དིཊྛིཡཱ སདིཊྛིཀོཏི? ན ཧེཝཾ ཝཏྟབྦེ…པེ… པུཐུཛྫནསྶ ཨཏཱིཏཱ ཝིཙིཀིཙྪཱ ཨཏྠི… ཨཏཱིཏོ ཨོལཱ༹རིཀོ བྱཱཔཱདོ ཨཏྠི, པུཐུཛྫནོ ཏེན བྱཱཔཱདེན བྱཱཔནྣཙིཏྟོཏི ¶ ? ཨཱམནྟཱ. སཀདཱགཱམིསྶ ཨཏཱིཏོ ཨོལཱ༹རིཀོ བྱཱཔཱདོ ཨཏྠི, སཀདཱགཱམཱི ཏེན བྱཱཔཱདེན བྱཱཔནྣཙིཏྟོཏི? ན ཧེཝཾ ཝཏྟབྦེ…པེ….

པུཐུཛྫནསྶ ¶ ཨཏཱིཏཱ སཀྐཱཡདིཊྛི ཨཏྠི, པུཐུཛྫནོ ཏཱཡ དིཊྛིཡཱ སདིཊྛིཀོཏི? ཨཱམནྟཱ. སོཏཱཔནྣསྶ ཨཏཱིཏཱ སཀྐཱཡདིཊྛི ཨཏྠི, སོཏཱཔནྣོ ཏཱཡ དིཊྛིཡཱ སདིཊྛིཀོཏི? ན ཧེཝཾ ཝཏྟབྦེ…པེ… པུཐུཛྫནསྶ ཨཏཱིཏཱ ཝིཙིཀིཙྪཱ ཨཏྠི…པེ… ཨཏཱིཏོ ཨཔཱཡགམནཱིཡོ མོཧོ ཨཏྠི, པུཐུཛྫནོ ཏེན མོཧེན སམོཧོཏི? ཨཱམནྟཱ. སོཏཱཔནྣསྶ ཨཏཱིཏོ ཨཔཱཡགམནཱིཡོ མོཧོ ཨཏྠི, སོཏཱཔནྣོ ཏེན མོཧེན སམོཧོཏི? ན ¶ ཧེཝཾ ཝཏྟབྦེ…པེ….

ཨརཧཏོ ཨཏཱིཏོ རཱགོ ཨཏྠི, ན ཙ ཨརཧཱ ཏེན རཱགེན སརཱགོཏི? ཨཱམནྟཱ. པུཐུཛྫནསྶ ཨཏཱིཏོ རཱགོ ཨཏྠི, ན ཙ པུཐུཛྫནོ ཏེན རཱགེན སརཱགོཏི? ན ཧེཝཾ ཝཏྟབྦེ…པེ… ཨརཧཏོ ཨཏཱིཏོ དོསོ ཨཏྠི…པེ… ཨཏཱིཏཾ ཨནོཏྟཔྤཾ ཨཏྠི, ན ཙ ཨརཧཱ ཏེན ཨནོཏྟཔྤེན ཨནོཏྟཔྤཱིཏི? ཨཱམནྟཱ. པུཐུཛྫནསྶ ཨཏཱིཏཾ ཨནོཏྟཔྤཾ ཨཏྠི, ན ཙ པུཐུཛྫནོ ཏེན ཨནོཏྟཔྤེན ཨནོཏྟཔྤཱིཏི? ན ཧེཝཾ ཝཏྟབྦེ…པེ….

ཨནཱགཱམིསྶ ཨཏཱིཏཱ སཀྐཱཡདིཊྛི ཨཏྠི, ན ཙ ཨནཱགཱམཱི ཏཱཡ དིཊྛིཡཱ སདིཊྛིཀོཏི? ཨཱམནྟཱ. པུཐུཛྫནསྶ ཨཏཱིཏཱ སཀྐཱཡདིཊྛི ¶ ཨཏྠི, ན ཙ པུཐུཛྫནོ ཏཱཡ དིཊྛིཡཱ སདིཊྛིཀོཏི? ན ཧེཝཾ ཝཏྟབྦེ…པེ… ཨནཱགཱམིསྶ ཨཏཱིཏཱ ཝིཙིཀིཙྪཱ ཨཏྠི…པེ… ཨཏཱིཏོ ཨཎུསཧགཏོ བྱཱཔཱདོ ཨཏྠི, ན ཙ ཨནཱགཱམཱི ཏེན བྱཱཔཱདེན བྱཱཔནྣཙིཏྟོཏི ¶ ? ཨཱམནྟཱ. པུཐུཛྫནསྶ ཨཏཱིཏོ ཨཎུསཧགཏོ བྱཱཔཱདོ ཨཏྠི, ན ཙ པུཐུཛྫནོ ཏེན བྱཱཔཱདེན བྱཱཔནྣཙིཏྟོཏི? ན ཧེཝཾ ཝཏྟབྦེ…པེ….

སཀདཱགཱམིསྶ ཨཏཱིཏཱ སཀྐཱཡདིཊྛི ཨཏྠི, ན ཙ སཀདཱགཱམཱི ཏཱཡ དིཊྛིཡཱ སདིཊྛིཀོཏི? ཨཱམནྟཱ. པུཐུཛྫནསྶ ཨཏཱིཏཱ སཀྐཱཡདིཊྛི ཨཏྠི, ན ཙ པུཐུཛྫནོ ཏཱཡ དིཊྛིཡཱ སདིཊྛིཀོཏི? ན ཧེཝཾ ཝཏྟབྦེ…པེ… སཀདཱགཱམིསྶ ཨཏཱིཏཱ ཝིཙིཀིཙྪཱ ཨཏྠི…པེ… ཨཏཱིཏོ ཨོལཱ༹རིཀོ བྱཱཔཱདོ ཨཏྠི, ན ཙ སཀདཱགཱམཱི ཏེན བྱཱཔཱདེན བྱཱཔནྣཙིཏྟོཏི? ཨཱམནྟཱ. པུཐུཛྫནསྶ ཨཏཱིཏོ ཨོལཱ༹རིཀོ བྱཱཔཱདོ ཨཏྠི, ན ཙ པུཐུཛྫནོ ཏེན བྱཱཔཱདེན བྱཱཔནྣཙིཏྟོཏི? ན ¶ ཧེཝཾ ཝཏྟབྦེ…པེ….

སོཏཱཔནྣསྶ ཨཏཱིཏཱ སཀྐཱཡདིཊྛི ཨཏྠི, ན ཙ སོཏཱཔནྣོ ཏཱཡ དིཊྛིཡཱ སདིཊྛིཀོཏི? ཨཱམནྟཱ. པུཐུཛྫནསྶ ཨཏཱིཏཱ སཀྐཱཡདིཊྛི ¶ ཨཏྠི, ན ཙ པུཐུཛྫནོ ཏཱཡ དིཊྛིཡཱ སདིཊྛིཀོཏི? ན ཧེཝཾ ཝཏྟབྦེ…པེ… སོཏཱཔནྣསྶ ཨཏཱིཏཱ ཝིཙིཀིཙྪཱ ཨཏྠི…པེ… ཨཏཱིཏོ ཨཔཱཡགམནཱིཡོ མོཧོ ཨཏྠི, ན ཙ སོཏཱཔནྣོ ཏེན མོཧེན སམོཧོཏི? ཨཱམནྟཱ. པུཐུཛྫནསྶ ཨཏཱིཏོ ཨཔཱཡགམནཱིཡོ ¶ མོཧོ ཨཏྠི, ན ཙ པུཐུཛྫནོ ཏེན མོཧེན སམོཧོཏི? ན ཧེཝཾ ཝཏྟབྦེ…པེ….

ཨཏཱིཏཧཏྠཱདིཀཐཱ

༢༩༣. ཨཏཱིཏཱ ཧཏྠཱ ཨཏྠཱིཏི? ཨཱམནྟཱ. ཨཏཱིཏེསུ ཧཏྠེསུ སཏི ཨཱདཱནནིཀྑེཔནཾ པཉྙཱཡཏཱིཏི? ན ཧེཝཾ ཝཏྟབྦེ…པེ… ཨཏཱིཏཱ པཱདཱ ཨཏྠཱིཏི? ཨཱམནྟཱ. ཨཏཱིཏེསུ པཱདེསུ སཏི ཨབྷིཀྐམཔཊིཀྐམོ པཉྙཱཡཏཱིཏི? ན ཧེཝཾ ཝཏྟབྦེ…པེ… ཨཏཱིཏཱ པབྦཱ ཨཏྠཱིཏི? ཨཱམནྟཱ. ཨཏཱིཏེསུ པབྦེསུ སཏི སམིཉྫནཔསཱརཎཾ པཉྙཱཡཏཱིཏི? ན ཧེཝཾ ཝཏྟབྦེ…པེ… ཨཏཱིཏོ ཀུཙྪི ཨཏྠཱིཏི? ཨཱམནྟཱ. ཨཏཱིཏསྨིཾ ཀུཙྪིསྨིཾ སཏི ཛིགྷཙྪཱ པིཔཱསཱ པཉྙཱཡཏཱིཏི? ན ཧེཝཾ ཝཏྟབྦེ…པེ….

ཨཏཱིཏོ ཀཱཡོ ཨཏྠཱིཏི? ཨཱམནྟཱ. ཨཏཱིཏོ ཀཱཡོ པགྒཧནིགྒཧུཔགོ ཚེདནབྷེདནུཔགོ ཀཱཀེཧི གིཛ྄ཛྷེཧི ཀུལལེཧི སཱདྷཱརཎོཏི? ན ཧེཝཾ ཝཏྟབྦེ…པེ… ཨཏཱིཏེ ¶ ཀཱཡེ ཝིསཾ ཀམེཡྻ ¶ , སཏྠཾ ཀམེཡྻ, ཨགྒི ཀམེཡྻཱཏི? ན ཧེཝཾ ཝཏྟབྦེ…པེ… ལབྦྷཱ ཨཏཱིཏོ ཀཱཡོ ཨདྡུབནྡྷནེན བནྡྷིཏུཾ, རཛྫུབནྡྷནེན བནྡྷིཏུཾ, སངྑལིཀབནྡྷནེན བནྡྷིཏུཾ, གཱམབནྡྷནེན བནྡྷིཏུཾ, ནིགམབནྡྷནེན བནྡྷིཏུཾ, ནགརབནྡྷནེན བནྡྷིཏུཾ, ཛནཔདབནྡྷནེན བནྡྷིཏུཾ, ཀཎྛཔཉྩམེཧི བནྡྷནེཧི བནྡྷིཏུནྟི? ན ཧེཝཾ ཝཏྟབྦེ…པེ….

ཨཏཱིཏོ ཨཱཔོ ཨཏྠཱིཏི? ཨཱམནྟཱ. ཏེན ཨཱཔེན ཨཱཔཀརཎཱིཡཾ ཀརོཏཱིཏི? ན ཧེཝཾ ཝཏྟབྦེ…པེ… ཨཏཱིཏོ ཏེཛོ ཨཏྠཱིཏི? ཨཱམནྟཱ. ཏེན ཏེཛེན ཏེཛཀརཎཱིཡཾ ཀརོཏཱིཏི? ན ¶ ཧེཝཾ ཝཏྟབྦེ…པེ… ཨཏཱིཏོ ཝཱཡོ ཨཏྠཱིཏི? ཨཱམནྟཱ. ཏེན ཝཱཡེན ཝཱཡཀརཎཱིཡཾ ཀརོཏཱིཏི? ན ཧེཝཾ ཝཏྟབྦེ…པེ….

ཨཏཱིཏཀྑནྡྷཱདིསམོདྷཱནཀཐཱ

༢༩༤. ཨཏཱིཏོ རཱུཔཀྑནྡྷོ ཨཏྠི, ཨནཱགཏོ རཱུཔཀྑནྡྷོ ཨཏྠི, པཙྩུཔྤནྣོ རཱུཔཀྑནྡྷོ ཨཏྠཱིཏི? ཨཱམནྟཱ. ཏཡོ རཱུཔཀྑནྡྷཱཏི? ན ཧེཝཾ ཝཏྟབྦེ ¶ …པེ… ཨཏཱིཏཱ པཉྩཀྑནྡྷཱ ཨཏྠི, ཨནཱགཏཱ པཉྩཀྑནྡྷཱ ཨཏྠི, པཙྩུཔྤནྣཱ པཉྩཀྑནྡྷཱ ཨཏྠཱིཏི? ཨཱམནྟཱ. པནྣརསཀྑནྡྷཱཏི? ན ཧེཝཾ ཝཏྟབྦེ…པེ….

ཨཏཱིཏཾ ཙཀྑཱཡཏནཾ ཨཏྠི, ཨནཱགཏཾ ཙཀྑཱཡཏནཾ ཨཏྠི, པཙྩུཔྤནྣཾ ཙཀྑཱཡཏནཾ ཨཏྠཱིཏི? ཨཱམནྟཱ. ཏཱིཎི ཙཀྑཱཡཏནཱནཱིཏི? ན ཧེཝཾ ཝཏྟབྦེ…པེ… ཨཏཱིཏཱནི ¶ དྭཱདསཱཡཏནཱནི ཨཏྠི, ཨནཱགཏཱནི དྭཱདསཱཡཏནཱནི ཨཏྠི, པཙྩུཔྤནྣཱནི དྭཱདསཱཡཏནཱནི ཨཏྠཱིཏི? ཨཱམནྟཱ. ཚཏྟིཾསཱཡཏནཱནཱིཏི? ན ཧེཝཾ ཝཏྟབྦེ…པེ….

ཨཏཱིཏཱ ཙཀྑུདྷཱཏུ ཨཏྠི, ཨནཱགཏཱ ཙཀྑུདྷཱཏུ ཨཏྠི, པཙྩུཔྤནྣཱ ཙཀྑུདྷཱཏུ ཨཏྠཱིཏི? ཨཱམནྟཱ. ཏིསྶོ ཙཀྑུདྷཱཏུཡོཏི? ན ཧེཝཾ ཝཏྟབྦེ…པེ… ཨཏཱིཏཱ ཨཊྛཱརས དྷཱཏུཡོ ཨཏྠི, ཨནཱགཏཱ ཨཊྛཱརས དྷཱཏུཡོ ཨཏྠི, པཙྩུཔྤནྣཱ ཨཊྛཱརས དྷཱཏུཡོ ཨཏྠཱིཏི? ཨཱམནྟཱ. ཙཏུཔཉྙཱས དྷཱཏུཡོཏི? ན ཧེཝཾ ཝཏྟབྦེ…པེ….

ཨཏཱིཏཾ ཙཀྑུནྡྲིཡཾ ཨཏྠི, ཨནཱགཏཾ ཙཀྑུནྡྲིཡཾ ཨཏྠི, པཙྩུཔྤནྣཾ ཙཀྑུནྡྲིཡཾ ཨཏྠཱིཏི ¶ ? ཨཱམནྟཱ. ཏཱིཎི ཙཀྑུནྡྲིཡཱནཱིཏི? ན ཧེཝཾ ཝཏྟབྦེ…པེ… ཨཏཱིཏཱནི བཱཝཱིསཏིནྡྲིཡཱནི ཨཏྠི, ཨནཱགཏཱནི བཱཝཱིསཏིནྡྲིཡཱནི ¶ ཨཏྠི, པཙྩུཔྤནྣཱནི བཱཝཱིསཏིནྡྲིཡཱནི ཨཏྠཱིཏི? ཨཱམནྟཱ. ཚསཊྛིནྡྲིཡཱནཱིཏི? ན ཧེཝཾ ཝཏྟབྦེ…པེ….

ཨཏཱིཏོ རཱཛཱ ཙཀྐཝཏྟཱི ཨཏྠི, ཨནཱགཏོ རཱཛཱ ཙཀྐཝཏྟཱི ཨཏྠི, པཙྩུཔྤནྣོ རཱཛཱ ཙཀྐཝཏྟཱི ཨཏྠཱིཏི? ཨཱམནྟཱ. ཏིཎྞནྣཾ རཱཛཱུནཾ ཙཀྐཝཏྟཱིནཾ སམྨུཁཱིབྷཱཝོ ཧོཏཱིཏི? ན ཧེཝཾ ཝཏྟབྦེ…པེ….

ཨཏཱིཏོ སམྨཱསམྨུདྡྷོ ཨཏྠི, ཨནཱགཏོ སམྨཱསམྦུདྡྷོ ཨཏྠི, པཙྩུཔྤནྣོ སམྨཱསམྦུདྡྷོ ཨཏྠཱིཏི? ཨཱམནྟཱ. ཏིཎྞནྣཾ སམྨཱསམྦུདྡྷཱནཾ སམྨུཁཱིབྷཱཝོ ཧོཏཱིཏི? ན ཧེཝཾ ཝཏྟབྦེ…པེ….

པདསོདྷནཀཐཱ

༢༩༥. ཨཏཱིཏཾ ཨཏྠཱིཏི? ཨཱམནྟཱ ¶ . ཨཏྠི ཨཏཱིཏནྟི? ཨཏྠི སིཡཱ ཨཏཱིཏཾ, སིཡཱ ནྭཱཏཱིཏནྟི.

ཨཱཛཱནཱཧི ནིགྒཧཾ. ཧཉྩི ཨཏཱིཏཾ ཨཏྠི, ཨཏྠི སིཡཱ ཨཏཱིཏཾ, སིཡཱ ནྭཱཏཱིཏཾ, ཏེནཱཏཱིཏཾ ནྭཱཏཱིཏཾ, ནྭཱཏཱིཏཾ ཨཏཱིཏནྟི. ཡཾ ཏཏྠ ཝདེསི ¶ – ‘‘ཝཏྟབྦེ ཁོ – ‘ཨཏཱིཏཾ ཨཏྠི ཨཏྠི སིཡཱ ཨཏཱིཏཾ, སིཡཱ ནྭཱཏཱིཏཾ, ཏེནཱཏཱིཏཾ ནྭཱཏཱིཏཾ, ནྭཱཏཱིཏཾ ཨཏཱིཏ’’’ནྟི མིཙྪཱ.

ནོ ཙེ པན ཨཏཱིཏཾ ནྭཱཏཱིཏཾ ནྭཱཏཱིཏཾ ཨཏཱིཏནྟི, ནོ ཙ ཝཏ རེ ཝཏྟབྦེ – ‘‘ཨཏཱིཏཾ ཨཏྠི ཨཏྠི སིཡཱ ཨཏཱིཏཾ, སིཡཱ ནྭཱཏཱིཏ’’ནྟི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘ཨཏཱིཏཾ ཨཏྠི ཨཏྠི སིཡཱ ཨཏཱིཏཾ, སིཡཱ ནྭཱཏཱིཏཾ, ཏེནཱཏཱིཏཾ ནྭཱཏཱིཏཾ, ནྭཱཏཱིཏཾ ཨཏཱིཏ’’’ནྟི མིཙྪཱ.

ཨནཱགཏཾ ཨཏྠཱིཏི? ཨཱམནྟཱ. ཨཏྠི ཨནཱགཏནྟི? ཨཏྠི སིཡཱ ཨནཱགཏཾ, སིཡཱ ནྭཱནཱགཏནྟི.

ཨཱཛཱནཱཧི ¶ ནིགྒཧཾ. ཧཉྩི ཨནཱགཏཾ ཨཏྠི ཨཏྠི སིཡཱ ཨནཱགཏཾ སིཡཱ ནྭཱནཱགཏཾ, ཏེནཱནཱགཏཾ ¶ ནྭཱནཱགཏཾ, ནྭཱནཱགཏཾ ཨནཱགཏནྟི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘ཨནཱགཏཾ ཨཏྠི ཨཏྠི སིཡཱ ཨནཱགཏཾ, སིཡཱ ནྭཱནཱགཏཾ, ཏེནཱནཱགཏཾ ནྭཱནཱགཏཾ, ནྭཱནཱགཏཾ ཨནཱགཏ’’’ནྟི མིཙྪཱ.

ནོ ཙེ པནཱནཱགཏཾ ནྭཱནཱགཏཾ ནྭཱནཱགཏཾ ཨནཱགཏནྟི, ནོ ཙ ཝཏ རེ ཝཏྟབྦེ – ‘‘ཨནཱགཏཾ ཨཏྠི ཨཏྠི སིཡཱ ཨནཱགཏཾ, སིཡཱ ནྭཱནཱགཏ’’ནྟི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘ཨནཱགཏཾ ཨཏྠི ཨཏྠི སིཡཱ ཨནཱགཏཾ, སིཡཱ ནྭཱནཱགཏཾ, ཏེནཱནཱགཏཾ ནྭཱནཱགཏཾ, ནྭཱནཱགཏཾ ཨནཱགཏ’’’ནྟི མིཙྪཱ.

པཙྩུཔྤནྣཾ ཨཏྠཱིཏི, ཨཱམནྟཱ. ཨཏྠི པཙྩུཔྤནྣནྟི? ཨཏྠི སིཡཱ པཙྩུཔྤནྣཾ, སིཡཱ ནོ པཙྩུཔྤནྣནྟི.

ཨཱཛཱནཱཧི ནིགྒཧཾ. ཧཉྩི པཙྩུཔྤནྣཾ ཨཏྠི ཨཏྠི སིཡཱ པཙྩུཔྤནྣཾ, སིཡཱ ནོ པཙྩུཔྤནྣཾ, ཏེན པཙྩུཔྤནྣཾ, ནོ པཙྩུཔྤནྣཾ, ནོ པཙྩུཔྤནྣཾ པཙྩུཔྤནྣནྟི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པཙྩུཔྤནྣཾ ཨཏྠི ཨཏྠི སིཡཱ པཙྩུཔྤནྣཾ, སིཡཱ ནོ པཙྩུཔྤནྣཾ, ཏེན པཙྩུཔྤནྣཾ ནོ པཙྩུཔྤནྣཾ, ནོ པཙྩུཔྤནྣཾ པཙྩུཔྤནྣ’’’ནྟི མིཙྪཱ.

ནོ ཙེ པན པཙྩུཔྤནྣཾ ¶ ནོ པཙྩུཔྤནྣཾ, ནོ པཙྩུཔྤནྣཾ པཙྩུཔྤནྣནྟི, ནོ ཙ ཝཏ རེ ཝཏྟབྦེ – ‘‘པཙྩུཔྤནྣཾ ཨཏྠི ཨཏྠི སིཡཱ པཙྩུཔྤནྣཾ, སིཡཱ ནོ པཙྩུཔྤནྣ’’ནྟི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘པཙྩུཔྤནྣཾ ཨཏྠི ཨཏྠི སིཡཱ ¶ པཙྩུཔྤནྣཾ, སིཡཱ ནོ པཙྩུཔྤནྣཾ, ཏེན པཙྩུཔྤནྣཾ ནོ པཙྩུཔྤནྣཾ, ནོ པཙྩུཔྤནྣཾ པཙྩུཔྤནྣ’’’ནྟི མིཙྪཱ.

ནིབྦཱནཾ ཨཏྠཱིཏི? ཨཱམནྟཱ. ཨཏྠི ནིབྦཱནནྟི? ཨཏྠི ¶ སིཡཱ ནིབྦཱནཾ སིཡཱ ནོ ནིབྦཱནནྟི.

ཨཱཛཱནཱཧི ནིགྒཧཾ. ཧཉྩི ནིབྦཱནཾ ཨཏྠི ཨཏྠི སིཡཱ ནིབྦཱནཾ, སིཡཱ ནོ ནིབྦཱནཾ, ཏེན ནིབྦཱནཾ ནོ ནིབྦཱནཾ, ནོ ནིབྦཱནཾ ནིབྦཱནནྟི. ཡཾ ཏཏྠ ཝདེསི – ‘‘ཝཏྟབྦེ ཁོ ¶ – ‘ནིབྦཱནཾ ཨཏྠི ཨཏྠི སིཡཱ ནིབྦཱནཾ, སིཡཱ ནོ ནིབྦཱནཾ, ཏེན ནིབྦཱནཾ ནོ ནིབྦཱནཾ, ནོ ནིབྦཱནཾ ནིབྦཱན’’’ནྟི མིཙྪཱ.

ནོ ཙེ པན ནིབྦཱནཾ ནོ ནིབྦཱནཾ, ནོ ནིབྦཱནཾ ནིབྦཱནནྟི, ནོ ཙ ཝཏ རེ ཝཏྟབྦེ – ‘‘ནིབྦཱནཾ ཨཏྠི ཨཏྠི སིཡཱ ནིབྦཱནཾ, སིཡཱ ནོ ནིབྦཱན’’ནྟི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘ནིབྦཱནཾ ཨཏྠི ཨཏྠི སིཡཱ ནིབྦཱནཾ, སིཡཱ ནོ ནིབྦཱནཾ, ཏེན ནིབྦཱནཾ ནོ ནིབྦཱནཾ, ནོ ནིབྦཱནཾ ནིབྦཱན’’’ནྟི མིཙྪཱ.

སུཏྟསཱདྷནཾ

༢༩༦. ན ཝཏྟབྦཾ – ‘‘ཨཏཱིཏཾ ཨཏྠི, ཨནཱགཏཾ ཨཏྠཱི’’ཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཡཾ ཀིཉྩི, བྷིཀྑཝེ, རཱུཔཾ ཨཏཱིཏཱནཱགཏཔཙྩུཔྤནྣཾ ཨཛ྄ཛྷཏྟཾ ཝཱ བཧིདྡྷཱ ཝཱ ཨོལཱ༹རིཀཾ ཝཱ སུཁུམཾ ཝཱ ཧཱིནཾ ཝཱ པཎཱིཏཾ ཝཱ ཡཾ དཱུརེ སནྟིཀེ ཝཱ – ཨཡཾ ཝུཙྩཏི རཱུཔཀྑནྡྷོ. ཡཱ ཀཱཙི ཝེདནཱ… ཡཱ ཀཱཙི སཉྙཱ… ཡེ ཀེཙི སངྑཱརཱ… ཡཾ ཀིཉྩི ཝིཉྙཱཎཾ ཨཏཱིཏཱནཱགཏཔཙྩུཔྤནྣཾ ཨཛ྄ཛྷཏྟཾ ཝཱ བཧིདྡྷཱ ཝཱ ཨོལཱ༹རིཀཾ ཝཱ སུཁུམཾ ཝཱ ཧཱིནཾ ཝཱ པཎཱིཏཾ ཝཱ ཡཾ དཱུརེ སནྟིཀེ ཝཱ – ཨཡཾ ཝུཙྩཏི ཝིཉྙཱཎཀྑནྡྷོ’’ཏི [སཾ. ནི. ༣.༤༨]. ཨཏྠེཝ སུཏྟནྟོཏི? ཨཱམནྟཱ. ཏེན ཧི ཨཏཱིཏཾ ཨཏྠི, ཨནཱགཏཾ ཨཏྠཱིཏི.

ཨཏཱིཏཾ ཨཏྠི, ཨནཱགཏཾ ཨཏྠཱིཏི? ཨཱམནྟཱ. ནནུ ཝུཏྟཾ བྷགཝཏཱ ¶ – ‘‘ཏཡོམེ, བྷིཀྑཝེ, ནིརུཏྟིཔཐཱ ¶ ཨདྷིཝཙནཔཐཱ པཉྙཏྟིཔཐཱ ཨསངྐིཎྞཱ ཨསངྐིཎྞཔུབྦཱ ན སངྐིཡནྟི ན སངྐིཡིསྶནྟི ཨཔྤཊིཀུཊྛཱ སམཎེཧི བྲཱཧྨཎེཧི ཝིཉྙཱུཧི. ཀཏམེ ཏཡོ? ཡཾ, བྷིཀྑཝེ, རཱུཔཾ ཨཏཱིཏཾ ནིརུདྡྷཾ ཝིགཏཾ ཝིཔརིཎཏཾ ‘ཨཧོསཱི’ཏི ཏསྶ སངྑཱ, ‘ཨཧོསཱི’ཏི ཏསྶ སམཉྙཱ, ‘ཨཧོསཱི’ཏི ཏསྶ པཉྙཏྟི; ན ཏསྶ སངྑཱ ‘ཨཏྠཱི’ཏི, ན ཏསྶ སངྑཱ ‘བྷཝིསྶཏཱི’ཏི. ཡཱ ཝེདནཱ…པེ… ཡཱ སཉྙཱ… ཡེ སངྑཱརཱ… ཡཾ ཝིཉྙཱཎཾ ¶ ཨཏཱིཏཾ ནིརུདྡྷཾ ཝིགཏཾ ཝིཔརིཎཏཾ ‘ཨཧོསཱི’ཏི ཏསྶ སངྑཱ, ‘ཨཧོསཱི’ཏི ཏསྶ སམཉྙཱ, ‘ཨཧོསཱི’ཏི ཏསྶ པཉྙཏྟི; ན ཏསྶ སངྑཱ ‘ཨཏྠཱི’ཏི, ན ཏསྶ སངྑཱ ‘བྷཝིསྶཏཱི’ཏི.

‘‘ཡཾ, བྷིཀྑཝེ, རཱུཔཾ ཨཛཱཏཾ ཨཔཱཏུབྷཱུཏཾ ‘བྷཝིསྶཏཱི’ཏི ཏསྶ སངྑཱ, ‘བྷཝིསྶཏཱི’ཏི ཏསྶ ¶ སམཉྙཱ, ‘བྷཝིསྶཏཱི’ཏི ཏསྶ པཉྙཏྟི; ན ཏསྶ སངྑཱ ‘ཨཏྠཱི’ཏི, ན ཏསྶ སངྑཱ ‘ཨཧོསཱི’ཏི. ཡཱ ཝེདནཱ…པེ… ཡཱ སཉྙཱ… ཡེ སངྑཱརཱ… ཡཾ ཝིཉྙཱཎཾ ཨཛཱཏཾ ཨཔཱཏུབྷཱུཏཾ ‘བྷཝིསྶཏཱི’ཏི ཏསྶ སངྑཱ, ‘བྷཝིསྶཏཱི’ཏི ཏསྶ སམཉྙཱ, ‘བྷཝིསྶཏཱི’ཏི ཏསྶ པཉྙཏྟི; ན ཏསྶ སངྑཱ ‘ཨཏྠཱི’ཏི, ན ཏསྶ སངྑཱ ‘ཨཧོསཱི’ཏི.

‘‘ཡཾ, བྷིཀྑཝེ, རཱུཔཾ ཛཱཏཾ པཱཏུབྷཱུཏཾ ‘ཨཏྠཱི’ཏི ཏསྶ སངྑཱ, ‘ཨཏྠཱི’ཏི ཏསྶ སམཉྙཱ, ‘ཨཏྠཱི’ཏི ཏསྶ པཉྙཏྟི; ན ཏསྶ སངྑཱ ‘ཨཧོསཱི’ཏི, ན ཏསྶ སངྑཱ ‘བྷཝིསྶཏཱི’ཏི. ཡཱ ཝེདནཱ…པེ… ཡཱ སཉྙཱ… ཡེ སངྑཱརཱ… ཡཾ ཝིཉྙཱཎཾ ཛཱཏཾ པཱཏུབྷཱུཏཾ ‘ཨཏྠཱི’ཏི ཏསྶ སངྑཱ, ‘ཨཏྠཱི’ཏི ཏསྶ སམཉྙཱ, ‘ཨཏྠཱི’ཏི ཏསྶ པཉྙཏྟི; ན ཏསྶ སངྑཱ ‘ཨཧོསཱི’ཏི, ན ¶ ཏསྶ སངྑཱ ‘བྷཝིསྶཏཱི’ཏི. ཨིམེ ཁོ, བྷིཀྑཝེ, ཏཡོ ནིརུཏྟིཔཐཱ ཨདྷིཝཙནཔཐཱ པཉྙཏྟིཔཐཱ ཨསངྐིཎྞཱ ཨསངྐིཎྞཔུབྦཱ ན སངྐིཡནྟི ན སངྐིཡིསྶནྟི ཨཔྤཊིཀུཊྛཱ སམཎེཧི བྲཱཧྨཎེཧི ཝིཉྙཱུཧི.

‘‘ཡེཔི ཏེ, བྷིཀྑཝེ, ཨཧེསུཾ ཨུཀྐལཱ ཝསྶབྷཉྙཱ ཨཧེཏུཀཝཱདཱ ཨཀིརིཡཝཱདཱ ནཏྠིཀཝཱདཱ, ཏེཔིམེ ཏཡོ ནིརུཏྟིཔཐེ ཨདྷིཝཙནཔཐེ པཉྙཏྟིཔཐེ ན གརཧིཏབྦཾ ན པཊིཀྐོསིཏབྦཾ ཨམཉྙིཾསུ. ཏཾ ཀིསྶ ཧེཏུ? ནིནྡཱབྱཱརོསཨུཔཱརམྦྷབྷཡཱ’’ཏི [སཾཡུཏྟནིཀཱཡེ]. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཨཏཱིཏཾ ཨཏྠི, ཨནཱགཏཾ ཨཏྠཱི’’ཏི.

ཨཏཱིཏཾ ¶ ཨཏྠཱིཏི? ཨཱམནྟཱ. ནནུ ཨཱཡསྨཱ ཕགྒུནོ བྷགཝནྟཾ ཨེཏདཝོཙ – ‘‘ཨཏྠི ནུ ཁོ ཏཾ, བྷནྟེ, ཙཀྑུཾ ཡེན ཙཀྑུནཱ ཨཏཱིཏེ བུདྡྷེ པརིནིབྦུཏེ ཚིནྣཔཔཉྩེ ཚིནྣཝཊུམེ པརིཡཱདིནྣཝཊྚེ སབྦདུཀྑཝཱིཏིཝཏྟེ པཉྙཱཔཡམཱནོ པཉྙཱཔེཡྻཱཏི. ཨཏྠི ནུ ཁོ སཱ, བྷནྟེ, ཛིཝ྄ཧཱ…པེ… ཨཏྠི ནུ ཁོ སོ, བྷནྟེ, མནོ ཡེན མནེན ཨཏཱིཏེ བུདྡྷེ པརིནིབྦུཏེ ཚིནྣཔཔཉྩེ ཚིནྣཝཊུམེ པརིཡཱདིནྣཝཊྚེ སབྦདུཀྑཝཱིཏིཝཏྟེ པཉྙཱཔཡམཱནོ པཉྙཱཔེཡྻཱ’’ཏི.

‘‘ནཏྠི ¶ ཁོ ཏཾ, ཕགྒུན, ཙཀྑུཾ ཡེན ཙཀྑུནཱ ཨཏཱིཏེ བུདྡྷེ པརིནིབྦུཏེ ཚིནྣཔཔཉྩེ ཚིནྣཝཊུམེ པརིཡཱདིནྣཝཊྚེ སབྦདུཀྑཝཱིཏིཝཏྟེ པཉྙཱཔཡམཱནོ པཉྙཱཔེཡྻ. ནཏྠི ཁོ སཱ, ཕགྒུན, ཛིཝ྄ཧཱ…པེ… ནཏྠི ནུ ཁོ སོ, ཕགྒུན, མནོ ཡེན མནེན ཨཏཱིཏེ བུདྡྷེ པརིནིབྦུཏེ ཚིནྣཔཔཉྩེ ཚིནྣཝཊུམེ ¶ པརིཡཱདིནྣཝཊྚེ སབྦདུཀྑཝཱིཏིཝཏྟེ པཉྙཱཔཡམཱནོ པཉྙཱཔེཡྻཱ’’ཏི ¶ [སཾ. ནི. ༤.༨༣]. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཨཏཱིཏཾ ཨཏྠཱི’’ཏི.

ཨཏཱིཏཾ ཨཏྠཱིཏི? ཨཱམནྟཱ. ནནུ ཨཱཡསྨཱ ནནྡཀོ ཨེཏདཝོཙ – ‘‘ཨཧུ པུབྦེ ལོབྷོ ཏདཧུ ཨཀུསལཾ, སོ ཨེཏརཧི ནཏྠི, ཨིཙྩེཏཾ ཀུསལཾ. ཨཧུ པུབྦེ དོསོ… ཨཧུ པུབྦེ མོཧོ, ཏདཧུ ཨཀུསལཾ, སོ ཨེཏརཧི ནཏྠི, ཨིཙྩེཏཾ ཀུསལ’’ནྟི [ཨངྒུཏྟརནིཀཱཡེ]. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཨཏཱིཏཾ ཨཏྠཱི’’ཏི.

ན ཝཏྟབྦཾ – ‘‘ཨནཱགཏཾ ཨཏྠཱི’’ཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཀབལཱི༹ཀཱརེ ཙེ, བྷིཀྑཝེ, ཨཱཧཱརེ ཨཏྠི རཱགོ, ཨཏྠི ནནྡཱི, ཨཏྠི ཏཎྷཱ; པཏིཊྛིཏཾ ཏཏྠ ཝིཉྙཱཎཾ ཝིརཱུལ༹ྷཾ. ཡཏྠ པཏིཊྛིཏཾ ཝིཉྙཱཎཾ ཝིརཱུལ༹ྷཾ, ཨཏྠི ཏཏྠ ནཱམརཱུཔསྶ ཨཝཀྐནྟི. ཡཏྠ ཨཏྠི ནཱམརཱུཔསྶ ¶ ཨཝཀྐནྟི, ཨཏྠི ཏཏྠ སངྑཱརཱནཾ ཝུདྡྷི. ཡཏྠ ཨཏྠི སངྑཱརཱནཾ ཝུདྡྷི, ཨཏྠི ཏཏྠ ཨཱཡཏིཾ པུནབྦྷཝཱབྷིནིབྦཏྟི. ཡཏྠ ཨཏྠི ཨཱཡཏིཾ པུནབྦྷཝཱབྷིནིབྦཏྟི, ཨཏྠི ཏཏྠ ཨཱཡཏིཾ ཛཱཏིཛརཱམརཎཾ. ཡཏྠ ཨཏྠི ཨཱཡཏིཾ ཛཱཏིཛརཱམརཎཾ, སསོཀཾ ཏཾ, བྷིཀྑཝེ, སརཛཾ [སདརཾ (སཾ. ནི. ༢.༦༤) ཏདེཝ ཡུཏྟཏརཾ] སཨུཔཱཡཱསནྟི ཝདཱམི.

‘‘ཕསྶེ ཙེ, བྷིཀྑཝེ, ཨཱཧཱརེ… མནོསཉྩེཏནཱཡ ཙེ, བྷིཀྑཝེ, ཨཱཧཱརེ… ཝིཉྙཱཎེ ཙེ, བྷིཀྑཝེ, ཨཱཧཱརེ ཨཏྠི རཱགོ, ཨཏྠི ནནྡཱི…པེ… སརཛཾ སཨུཔཱཡཱསནྟི ཝདཱམཱི’’ཏི [སཾ. ནི. ༢.༦༤]. ཨཏྠེཝ སུཏྟནྟོཏི? ཨཱམནྟཱ ¶ . ཏེན ཧི ཨནཱགཏཾ ཨཏྠཱིཏི.

ཨནཱགཏཾ ཨཏྠཱིཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཀབལཱི༹ཀཱརེ ཙེ, བྷིཀྑཝེ, ཨཱཧཱརེ ནཏྠི རཱགོ, ནཏྠི ནནྡཱི, ནཏྠི ཏཎྷཱ; ཨཔྤཏིཊྛིཏཾ ཏཏྠ ཝིཉྙཱཎཾ ཨཝིརཱུལ༹ྷཾ. ཡཏྠ ཝིཉྙཱཎཾ ཨཔྤཏིཊྛིཏཾ ཨཝིརཱུལ༹ྷཾ, ནཏྠི ཏཏྠ ནཱམརཱུཔསྶ ཨཝཀྐནྟི. ཡཏྠ ནཏྠི ནཱམརཱུཔསྶ ཨཝཀྐནྟི, ནཏྠི ཏཏྠ སངྑཱརཱནཾ ཝུདྡྷི. ཡཏྠ ནཏྠི སངྑཱརཱནཾ ཝུདྡྷི, ནཏྠི ཏཏྠ ཨཱཡཏིཾ པུནབྦྷཝཱབྷིནིབྦཏྟི. ཡཏྠ ¶ ནཏྠི ཨཱཡཏིཾ པུནབྦྷཝཱབྷིནིབྦཏྟི, ནཏྠི ཏཏྠ ཨཱཡཏིཾ ཛཱཏིཛརཱམརཎཾ. ཡཏྠ ནཏྠི ཨཱཡཏིཾ ཛཱཏིཛརཱམརཎཾ, ཨསོཀཾ ཏཾ, བྷིཀྑཝེ, ཨརཛཾ ཨནུཔཱཡཱསནྟི ཝདཱམི.

‘‘ཕསྶེ ¶ ཙེ, བྷིཀྑཝེ, ཨཱཧཱརེ… མནོསཉྩེཏནཱཡ ཙེ, བྷིཀྑཝེ, ཨཱཧཱརེ… ཝིཉྙཱཎེ ཙེ, བྷིཀྑཝེ, ཨཱཧཱརེ ནཏྠི རཱགོ, ནཏྠི ནནྡཱི…པེ… ཨརཛཾ ཨནུཔཱཡཱསནྟི ཝདཱམཱི’’ཏི [སཾ. ནི. ༢.༦༤]. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཨནཱགཏཾ ཨཏྠཱི’’ཏི.

སབྦམཏྠཱིཏིཀཐཱ ནིཊྛིཏཱ.

༦. ཨཏཱིཏཀྑནྡྷཱདིཀཐཱ

༡. ནསུཏྟསཱདྷནཾ

༢༩༧. ཨཏཱིཏཾ ཁནྡྷཱཏི? ཨཱམནྟཱ. ཨཏཱིཏཾ ཨཏྠཱིཏི? ན ཧེཝཾ ཝཏྟབྦེ…པེ… ཨཏཱིཏཾ ¶ ཨཱཡཏནནྟི? ཨཱམནྟཱ. ཨཏཱིཏཾ ཨཏྠཱིཏི? ན ཧེཝཾ ཝཏྟབྦེ…པེ… ཨཏཱིཏཾ དྷཱཏཱུཏི? ཨཱམནྟཱ. ཨཏཱིཏཾ ཨཏྠཱིཏི ¶ ? ན ཧེཝཾ ཝཏྟབྦེ…པེ… ཨཏཱིཏཾ ཁནྡྷཱ དྷཱཏུ ཨཱཡཏནནྟི [ཁནྡྷདྷཱཏུཨཱཡཏནནྟི (སྱཱ.)]? ཨཱམནྟཱ. ཨཏཱིཏཾ ཨཏྠཱིཏི? ན ཧེཝཾ ཝཏྟབྦེ…པེ….

ཨནཱགཏཾ ཁནྡྷཱཏི? ཨཱམནྟཱ. ཨནཱགཏཾ ཨཏྠཱིཏི? ན ཧེཝཾ ཝཏྟབྦེ…པེ… ཨནཱགཏཾ ཨཱཡཏནནྟི? ཨཱམནྟཱ. ཨནཱགཏཾ ཨཏྠཱིཏི? ན ཧེཝཾ ཝཏྟབྦེ…པེ… ཨནཱགཏཾ དྷཱཏཱུཏི? ཨཱམནྟཱ. ཨནཱགཏཾ ཨཏྠཱིཏི? ན ཧེཝཾ ཝཏྟབྦེ…པེ… ཨནཱགཏཾ ཁནྡྷཱ དྷཱཏུ ཨཱཡཏནནྟི? ཨཱམནྟཱ. ཨནཱགཏཾ ཨཏྠཱིཏི? ན ཧེཝཾ ཝཏྟབྦེ…པེ….

པཙྩུཔྤནྣཾ ཁནྡྷཱ པཙྩུཔྤནྣཾ ཨཏྠཱིཏི? ཨཱམནྟཱ. ཨཏཱིཏཾ ཁནྡྷཱ ཨཏཱིཏཾ ཨཏྠཱིཏི? ན ཧེཝཾ ཝཏྟབྦེ…པེ… པཙྩུཔྤནྣཾ ཨཱཡཏནཾ པཙྩུཔྤནྣཾ ཨཏྠཱིཏི? ཨཱམནྟཱ. ཨཏཱིཏཾ ཨཱཡཏནཾ ཨཏཱིཏཾ ཨཏྠཱིཏི? ན ཧེཝཾ ཝཏྟབྦེ…པེ… པཙྩུཔྤནྣཾ དྷཱཏུ པཙྩུཔྤནྣཾ ཨཏྠཱིཏི? ཨཱམནྟཱ. ཨཏཱིཏཾ ¶ དྷཱཏུ ཨཏཱིཏཾ ཨཏྠཱིཏི? ན ཧེཝཾ ཝཏྟབྦེ…པེ… པཙྩུཔྤནྣཾ ཁནྡྷཱ དྷཱཏུ ཨཱཡཏནཾ པཙྩུཔྤནྣཾ ཨཏྠཱིཏི? ཨཱམནྟཱ. ཨཏཱིཏཾ ཁནྡྷཱ དྷཱཏུ ཨཱཡཏནཾ ཨཏཱིཏཾ ཨཏྠཱིཏི? ན ཧེཝཾ ཝཏྟབྦེ…པེ….

པཙྩུཔྤནྣཾ ¶ ¶ ཁནྡྷཱ པཙྩུཔྤནྣཾ ཨཏྠཱིཏི? ཨཱམནྟཱ. ཨནཱགཏཾ ཁནྡྷཱ ཨནཱགཏཾ ཨཏྠཱིཏི? ན ཧེཝཾ ཝཏྟབྦེ…པེ… པཙྩུཔྤནྣཾ ཨཱཡཏནཾ པཙྩུཔྤནྣཾ ཨཏྠཱིཏི? ཨཱམནྟཱ. ཨནཱགཏཾ ཨཱཡཏནཾ ཨནཱགཏཾ ཨཏྠཱིཏི? ན ཧེཝཾ ཝཏྟབྦེ…པེ… པཙྩུཔྤནྣཾ དྷཱཏུ པཙྩུཔྤནྣཾ ཨཏྠཱིཏི? ཨཱམནྟཱ. ཨནཱགཏཾ དྷཱཏུ ཨནཱགཏཾ ཨཏྠཱིཏི ¶ ? ན ཧེཝཾ ཝཏྟབྦེ…པེ… པཙྩུཔྤནྣཾ ཁནྡྷཱ དྷཱཏུ ཨཱཡཏནཾ པཙྩུཔྤནྣཾ ཨཏྠཱིཏི? ཨཱམནྟཱ. ཨནཱགཏཾ ཁནྡྷཱ དྷཱཏུ ཨཱཡཏནཾ ཨནཱགཏཾ ཨཏྠཱིཏི? ན ཧེཝཾ ཝཏྟབྦེ…པེ….

ཨཏཱིཏཾ ཁནྡྷཱ ཨཏཱིཏཾ ནཏྠཱིཏི? ཨཱམནྟཱ. པཙྩུཔྤནྣཾ ཁནྡྷཱ པཙྩུཔྤནྣཾ ནཏྠཱིཏི? ན ཧེཝཾ ཝཏྟབྦེ…པེ… ཨཏཱིཏཾ ཨཱཡཏནཾ ཨཏཱིཏཾ ནཏྠཱིཏི? ཨཱམནྟཱ. པཙྩུཔྤནྣཾ ཨཱཡཏནཾ པཙྩུཔྤནྣཾ ནཏྠཱིཏི? ན ཧེཝཾ ཝཏྟབྦེ…པེ… ཨཏཱིཏཾ དྷཱཏུ ཨཏཱིཏཾ ནཏྠཱིཏི? ཨཱམནྟཱ. པཙྩུཔྤནྣཾ དྷཱཏུ པཙྩུཔྤནྣཾ ནཏྠཱིཏི? ན ཧེཝཾ ཝཏྟབྦེ…པེ… ཨཏཱིཏཾ ཁནྡྷཱ དྷཱཏུ ཨཱཡཏནཾ ཨཏཱིཏཾ ནཏྠཱིཏི? ཨཱམནྟཱ. པཙྩུཔྤནྣཾ ¶ ཁནྡྷཱ དྷཱཏུ ཨཱཡཏནཾ པཙྩུཔྤནྣཾ ནཏྠཱིཏི? ན ཧེཝཾ ཝཏྟབྦེ…པེ….

ཨནཱགཏཾ ཁནྡྷཱ ཨནཱགཏཾ ནཏྠཱིཏི? ཨཱམནྟཱ. པཙྩུཔྤནྣཾ ཁནྡྷཱ པཙྩུཔྤནྣཾ ནཏྠཱིཏི? ན ཧེཝཾ ཝཏྟབྦེ…པེ… ཨནཱགཏཾ ཨཱཡཏནཾ…པེ… ཨནཱགཏཾ དྷཱཏུ…པེ… ཨནཱགཏཾ ཁནྡྷཱ དྷཱཏུ ཨཱཡཏནཾ ཨནཱགཏཾ ནཏྠཱིཏི? ཨཱམནྟཱ. པཙྩུཔྤནྣཾ ཁནྡྷཱ དྷཱཏུ ཨཱཡཏནཾ པཙྩུཔྤནྣཾ ནཏྠཱིཏི? ན ཧེཝཾ ཝཏྟབྦེ…པེ….

ཨཏཱིཏཾ རཱུཔཾ ཁནྡྷོཏི? ཨཱམནྟཱ. ཨཏཱིཏཾ རཱུཔཾ ཨཏྠཱིཏི? ན ཧེཝཾ ཝཏྟབྦེ…པེ… ཨཏཱིཏཾ རཱུཔཾ ཨཱཡཏནནྟི? ཨཱམནྟཱ. ཨཏཱིཏཾ རཱུཔཾ ཨཏྠཱིཏི? ན ཧེཝཾ ཝཏྟབྦེ…པེ… ཨཏཱིཏཾ རཱུཔཾ དྷཱཏཱུཏི? ཨཱམནྟཱ. ཨཏཱིཏཾ རཱུཔཾ ཨཏྠཱིཏི? ན ཧེཝཾ ཝཏྟབྦེ…པེ… ཨཏཱིཏཾ རཱུཔཾ ཁནྡྷཱ དྷཱཏུ ཨཱཡཏནནྟི ¶ ? ཨཱམནྟཱ. ཨཏཱིཏཾ རཱུཔཾ ཨཏྠཱིཏི? ན ཧེཝཾ ཝཏྟབྦེ…པེ….

ཨནཱགཏཾ རཱུཔཾ ཁནྡྷོཏི? ཨཱམནྟཱ. ཨནཱགཏཾ ¶ རཱུཔཾ ཨཏྠཱིཏི? ན ཧེཝཾ ཝཏྟབྦེ…པེ… ཨནཱགཏཾ རཱུཔཾ ཨཱཡཏནཾ…པེ… ཨནཱགཏཾ རཱུཔཾ དྷཱཏུ…པེ… ཨནཱགཏཾ རཱུཔཾ ཁནྡྷཱ དྷཱཏུ ཨཱཡཏནནྟི? ཨཱམནྟཱ. ཨནཱགཏཾ རཱུཔཾ ཨཏྠཱིཏི? ན ཧེཝཾ ཝཏྟབྦེ…པེ….

པཙྩུཔྤནྣཾ ¶ རཱུཔཾ ཁནྡྷོ པཙྩུཔྤནྣཾ རཱུཔཾ ཨཏྠཱིཏི? ཨཱམནྟཱ. ཨཏཱིཏཾ རཱུཔཾ ཁནྡྷོ ཨཏཱིཏཾ རཱུཔཾ ཨཏྠཱིཏི? ན ཧེཝཾ ཝཏྟབྦེ…པེ… པཙྩུཔྤནྣཾ རཱུཔཾ ཨཱཡཏནཾ…པེ… པཙྩུཔྤནྣཾ རཱུཔཾ དྷཱཏུ…པེ… པཙྩུཔྤནྣཾ རཱུཔཾ ཁནྡྷཱ དྷཱཏུ ཨཱཡཏནཾ པཙྩུཔྤནྣཾ རཱུཔཾ ཨཏྠཱིཏི? ཨཱམནྟཱ. ཨཏཱིཏཾ རཱུཔཾ ཁནྡྷཱ དྷཱཏུ ཨཱཡཏནཾ ཨཏཱིཏཾ རཱུཔཾ ཨཏྠཱིཏི? ན ཧེཝཾ ཝཏྟབྦེ…པེ….

པཙྩུཔྤནྣཾ ¶ རཱུཔཾ ཁནྡྷོ པཙྩུཔྤནྣཾ རཱུཔཾ ཨཏྠཱིཏི? ཨཱམནྟཱ. ཨནཱགཏཾ རཱུཔཾ ཁནྡྷོ ཨནཱགཏཾ རཱུཔཾ ཨཏྠཱིཏི? ན ཧེཝཾ ཝཏྟབྦེ…པེ… པཙྩུཔྤནྣཾ རཱུཔཾ ཨཱཡཏནཾ…པེ… པཙྩུཔྤནྣཾ རཱུཔཾ དྷཱཏུ…པེ… པཙྩུཔྤནྣཾ རཱུཔཾ ཁནྡྷཱ དྷཱཏུ ཨཱཡཏནཾ པཙྩུཔྤནྣཾ རཱུཔཾ ཨཏྠཱིཏི? ཨཱམནྟཱ. ཨནཱགཏཾ རཱུཔཾ ཁནྡྷཱ དྷཱཏུ ཨཱཡཏནཾ ཨནཱགཏཾ རཱུཔཾ ཨཏྠཱིཏི? ན ཧེཝཾ ཝཏྟབྦེ…པེ….

ཨཏཱིཏཾ ¶ རཱུཔཾ ཁནྡྷོ ཨཏཱིཏཾ རཱུཔཾ ནཏྠཱིཏི? ཨཱམནྟཱ. པཙྩུཔྤནྣཾ རཱུཔཾ ཁནྡྷོ པཙྩུཔྤནྣཾ རཱུཔཾ ནཏྠཱིཏི? ན ཧེཝཾ ཝཏྟབྦེ…པེ… ཨཏཱིཏཾ ¶ རཱུཔཾ ཨཱཡཏནཾ…པེ… ཨཏཱིཏཾ རཱུཔཾ དྷཱཏུ…པེ… ཨཏཱིཏཾ རཱུཔཾ ཁནྡྷཱ དྷཱཏུ ཨཱཡཏནཾ ཨཏཱིཏཾ རཱུཔཾ ནཏྠཱིཏི? ཨཱམནྟཱ. པཙྩུཔྤནྣཾ རཱུཔཾ ཁནྡྷཱ དྷཱཏུ ཨཱཡཏནཾ པཙྩུཔྤནྣཾ རཱུཔཾ ནཏྠཱིཏི? ན ཧེཝཾ ཝཏྟབྦེ…པེ….

ཨནཱགཏཾ རཱུཔཾ ཁནྡྷོ ཨནཱགཏཾ རཱུཔཾ ནཏྠཱིཏི? ཨཱམནྟཱ. པཙྩུཔྤནྣཾ རཱུཔཾ ཁནྡྷོ པཙྩུཔྤནྣཾ རཱུཔཾ ནཏྠཱིཏི? ན ཧེཝཾ ཝཏྟབྦེ…པེ… ཨནཱགཏཾ རཱུཔཾ ཨཱཡཏནཾ…པེ… ཨནཱགཏཾ རཱུཔཾ དྷཱཏུ…པེ… ཨནཱགཏཾ རཱུཔཾ ཁནྡྷཱ དྷཱཏུ ཨཱཡཏནཾ ཨནཱགཏཾ རཱུཔཾ ནཏྠཱིཏི? ཨཱམནྟཱ. པཙྩུཔྤནྣཾ རཱུཔཾ ཁནྡྷཱ དྷཱཏུ ཨཱཡཏནཾ པཙྩུཔྤནྣཾ རཱུཔཾ ནཏྠཱིཏི? ན ཧེཝཾ ཝཏྟབྦེ…པེ….

ཨཏཱིཏཱ ཝེདནཱ… ཨཏཱིཏཱ སཉྙཱ… ཨཏཱིཏཱ སངྑཱརཱ… ཨཏཱིཏཾ ཝིཉྙཱཎཾ ཁནྡྷོཏི? ཨཱམནྟཱ. ཨཏཱིཏཾ ཝིཉྙཱཎཾ ཨཏྠཱིཏི? ན ཧེཝཾ ཝཏྟབྦེ…པེ… ཨཏཱིཏཾ ཝིཉྙཱཎཾ ཨཱཡཏནཾ ¶ …པེ… ཨཏཱིཏཾ ཝིཉྙཱཎཾ དྷཱཏུ…པེ… ཨཏཱིཏཾ ཝིཉྙཱཎཾ ཁནྡྷཱ དྷཱཏུ ཨཱཡཏནནྟི? ཨཱམནྟཱ. ཨཏཱིཏཾ ཝིཉྙཱཎཾ ཨཏྠཱིཏི? ན ཧེཝཾ ཝཏྟབྦེ…པེ….

ཨནཱགཏཾ ཝིཉྙཱཎཾ ཁནྡྷོཏི? ཨཱམནྟཱ. ཨནཱགཏཾ ¶ ཝིཉྙཱཎཾ ཨཏྠཱིཏི? ན ཧེཝཾ ཝཏྟབྦེ…པེ… ཨནཱགཏཾ ཝིཉྙཱཎཾ ཨཱཡཏནཾ…པེ… ཨནཱགཏཾ ཝིཉྙཱཎཾ དྷཱཏུ…པེ… ཨནཱགཏཾ ཝིཉྙཱཎཾ ཁནྡྷཱ དྷཱཏུ ཨཱཡཏནནྟི? ཨཱམནྟཱ. ཨནཱགཏཾ ཝིཉྙཱཎཾ ཨཏྠཱིཏི? ན ཧེཝཾ ཝཏྟབྦེ…པེ….

པཙྩུཔྤནྣཾ ¶ ཝིཉྙཱཎཾ ཁནྡྷོ པཙྩུཔྤནྣཾ ཝིཉྙཱཎཾ ཨཏྠཱིཏི? ཨཱམནྟཱ. ཨཏཱིཏཾ ཝིཉྙཱཎཾ ཁནྡྷོ ཨཏཱིཏཾ ཝིཉྙཱཎཾ ཨཏྠཱིཏི? ན ཧེཝཾ ཝཏྟབྦེ…པེ… པཙྩུཔྤནྣཾ ཝིཉྙཱཎཾ ཨཱཡཏནཾ…པེ… པཙྩུཔྤནྣཾ ཝིཉྙཱཎཾ དྷཱཏུ…པེ… པཙྩུཔྤནྣཾ ཝིཉྙཱཎཾ ཁནྡྷཱ དྷཱཏུ ཨཱཡཏནཾ པཙྩུཔྤནྣཾ ཝིཉྙཱཎཾ ཨཏྠཱིཏི? ཨཱམནྟཱ. ཨཏཱིཏཾ ཝིཉྙཱཎཾ ཁནྡྷཱ དྷཱཏུ ཨཱཡཏནཾ ཨཏཱིཏཾ ཝིཉྙཱཎཾ ཨཏྠཱིཏི? ན ཧེཝཾ ཝཏྟབྦེ…པེ….

པཙྩུཔྤནྣཾ ¶ ཝིཉྙཱཎཾ ཁནྡྷོ པཙྩུཔྤནྣཾ ཝིཉྙཱཎཾ ཨཏྠཱིཏི? ཨཱམནྟཱ. ཨནཱགཏཾ ཝིཉྙཱཎཾ ཁནྡྷོ ཨནཱགཏཾ ཝིཉྙཱཎཾ ཨཏྠཱིཏི? ན ཧེཝཾ ཝཏྟབྦེ…པེ… པཙྩུཔྤནྣཾ ཝིཉྙཱཎཾ ཨཱཡཏནཾ…པེ… པཙྩུཔྤནྣཾ ཝིཉྙཱཎཾ དྷཱཏུ…པེ… པཙྩུཔྤནྣཾ ཝིཉྙཱཎཾ ཁནྡྷཱ དྷཱཏུ ཨཱཡཏནཾ པཙྩུཔྤནྣཾ ཝིཉྙཱཎཾ ཨཏྠཱིཏི? ཨཱམནྟཱ. ཨནཱགཏཾ ཝིཉྙཱཎཾ ཁནྡྷཱ དྷཱཏུ ཨཱཡཏནཾ ཨནཱགཏཾ ཝིཉྙཱཎཾ ཨཏྠཱིཏི? ན ཧེཝཾ ཝཏྟབྦེ…པེ….

ཨཏཱིཏཾ ཝིཉྙཱཎཾ ཁནྡྷོ ཨཏཱིཏཾ ཝིཉྙཱཎཾ ནཏྠཱིཏི? ཨཱམནྟཱ. པཙྩུཔྤནྣཾ ཝིཉྙཱཎཾ ཁནྡྷོ པཙྩུཔྤནྣཾ ཝིཉྙཱཎཾ ནཏྠཱིཏི? ན ¶ ཧེཝཾ ཝཏྟབྦེ…པེ… ཨཏཱིཏཾ ཝིཉྙཱཎཾ ཨཱཡཏནཾ…པེ… ཨཏཱིཏཾ ཝིཉྙཱཎཾ དྷཱཏུ…པེ… ཨཏཱིཏཾ ཝིཉྙཱཎཾ ཁནྡྷཱ དྷཱཏུ ཨཱཡཏནཾ ཨཏཱིཏཾ ཝིཉྙཱཎཾ ནཏྠཱིཏི? ཨཱམནྟཱ. པཙྩུཔྤནྣཾ ཝིཉྙཱཎཾ ཁནྡྷཱ དྷཱཏུ ཨཱཡཏནཾ པཙྩུཔྤནྣཾ ཝིཉྙཱཎཾ ནཏྠཱིཏི? ན ཧེཝཾ ཝཏྟབྦེ…པེ… ཨནཱགཏཾ ¶ ཝིཉྙཱཎཾ ཁནྡྷོ ཨནཱགཏཾ ཝིཉྙཱཎཾ ནཏྠཱིཏི? ཨཱམནྟཱ. པཙྩུཔྤནྣཾ ཝིཉྙཱཎཾ ཁནྡྷོ པཙྩུཔྤནྣཾ ཝིཉྙཱཎཾ ནཏྠཱིཏི? ན ཧེཝཾ ཝཏྟབྦེ…པེ… ཨནཱགཏཾ ཝིཉྙཱཎཾ ཨཱཡཏནཾ…པེ… ཨནཱགཏཾ ཝིཉྙཱཎཾ དྷཱཏུ…པེ… ཨནཱགཏཾ ཝིཉྙཱཎཾ ཁནྡྷཱ དྷཱཏུ ཨཱཡཏནཾ ཨནཱགཏཾ ཝིཉྙཱཎཾ ནཏྠཱིཏི? ཨཱམནྟཱ. པཙྩུཔྤནྣཾ ཝིཉྙཱཎཾ ཁནྡྷཱ དྷཱཏུ ཨཱཡཏནཾ པཙྩུཔྤནྣཾ ཝིཉྙཱཎཾ ནཏྠཱིཏི? ན ཧེཝཾ ཝཏྟབྦེ…པེ….

༢. སུཏྟསཱདྷནཾ

༢༩༨. ན ཝཏྟབྦཾ – ‘‘ཨཏཱིཏཱནཱགཏཱ ཁནྡྷཱ དྷཱཏུ ཨཱཡཏནཾ ནཏྠི ཙེཏེ’’ཏི? ཨཱམནྟཱ ¶ . ནནུ ཝུཏྟཾ བྷགཝཏཱ – ‘‘ཏཡོམེ, བྷིཀྑཝེ, ནིརུཏྟིཔཐཱ ཨདྷིཝཙནཔཐཱ པཉྙཏྟི…པེ… ཝིཉྙཱུཧཱིཏི…པེ…’’. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཨཏཱིཏཱནཱགཏཱ ཁནྡྷཱ དྷཱཏུ ཨཱཡཏནཾ ནཏྠི ཙེཏེ’’ཏི.

ཨཏཱིཏཱནཱགཏཱ ཁནྡྷཱ དྷཱཏུ ཨཱཡཏནཾ ནཏྠི ཙེཏེཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཡཾ ཀིཉྩི, བྷིཀྑཝེ, རཱུཔཾ ཨཏཱིཏཱནཱགཏཔཙྩུཔྤནྣཾ ཨཛ྄ཛྷཏྟཾ ཝཱ བཧིདྡྷཱ ¶ ཝཱ ཨོལཱ༹རིཀཾ ཝཱ སུཁུམཾ ཝཱ ཧཱིནཾ ཝཱ པཎཱིཏཾ ཝཱ ཡཾ དཱུརེ སནྟིཀེ ཝཱ, ཨཡཾ ཝུཙྩཏི རཱུཔཀྑནྡྷོ. ཡཱ ཀཱཙི ཝེདནཱ… ཡཱ ཀཱཙི སཉྙཱ… ཡེ ཀེཙི སངྑཱརཱ… ཡཾ ཀིཉྩི ཝིཉྙཱཎཾ ཨཏཱིཏཱནཱགཏཔཙྩུཔྤནྣཾ…པེ… ཨཡཾ ཝུཙྩཏི ཝིཉྙཱཎཀྑནྡྷོ’’ཏི. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཨཏཱིཏཱནཱགཏཱ ཁནྡྷཱ དྷཱཏུ ཨཱཡཏནཾ ནཏྠི ཙེཏེ’’ཏི.

ཨཏཱིཏཀྑནྡྷཱདིཀཐཱ ནིཊྛིཏཱ.

༧. ཨེཀཙྩཾ ཨཏྠཱིཏིཀཐཱ

༡. ཨཏཱིཏཱདིཨེཀཙྩཀཐཱ

༢༩༩. ཨཏཱིཏཾ ¶ ¶ ཨཏྠཱིཏི? ཨེཀཙྩཾ ཨཏྠི, ཨེཀཙྩཾ ནཏྠཱིཏི. ཨེཀཙྩཾ ནིརུདྡྷཾ, ཨེཀཙྩཾ ན ནིརུདྡྷཾ; ཨེཀཙྩཾ ཝིགཏཾ, ཨེཀཙྩཾ ཨཝིགཏཾ; ཨེཀཙྩཾ ཨཏྠངྒཏཾ, ཨེཀཙྩཾ ན ཨཏྠངྒཏཾ; ཨེཀཙྩཾ ཨབྦྷཏྠངྒཏཾ, ཨེཀཙྩཾ ན ཨབྦྷཏྠངྒཏནྟི? ན ཧེཝཾ ཝཏྟབྦེ…པེ….

ཨཏཱིཏཾ ཨེཀཙྩཾ ཨཏྠི, ཨེཀཙྩཾ ནཏྠཱིཏི? ཨཱམནྟཱ. ཨཏཱིཏཱ ཨཝིཔཀྐཝིཔཱཀཱ དྷམྨཱ ཨེཀཙྩེ ཨཏྠི, ཨེཀཙྩེ ནཏྠཱིཏི? ན ཧེཝཾ ཝཏྟབྦེ…པེ… ཨཏཱིཏཾ ཨེཀཙྩཾ ཨཏྠི, ཨེཀཙྩཾ ནཏྠཱིཏི? ཨཱམནྟཱ. ཨཏཱིཏཱ ཝིཔཀྐཝིཔཱཀཱ དྷམྨཱ ཨེཀཙྩེ ཨཏྠི, ཨེཀཙྩེ ནཏྠཱིཏི? ན ཧེཝཾ ཝཏྟབྦེ…པེ… ཨཏཱིཏཾ ཨེཀཙྩཾ ཨཏྠི, ཨེཀཙྩཾ ནཏྠཱིཏི? ཨཱམནྟཱ. ཨཏཱིཏཱ ཨཝིཔཱཀཱ དྷམྨཱ ཨེཀཙྩེ ཨཏྠི ཨེཀཙྩེ ནཏྠཱིཏི? ན ཧེཝཾ ཝཏྟབྦེ…པེ….

ཨཏཱིཏཾ ¶ ཨེཀཙྩཾ ཨཏྠི ཨེཀཙྩཾ ནཏྠཱིཏི? ཨཱམནྟཱ. ཀིཾ ཨཏྠི ཀིཾ ནཏྠཱིཏི? ཨཏཱིཏཱ ཨཝིཔཀྐཝིཔཱཀཱ དྷམྨཱ – ཏེ ཨཏྠི; ཨཏཱིཏཱ ཝིཔཀྐཝིཔཱཀཱ དྷམྨཱ – ཏེ ནཏྠཱིཏི. ཨཏཱིཏཱ ཨཝིཔཀྐཝིཔཱཀཱ དྷམྨཱ – ཏེ ཨཏྠཱིཏི? ཨཱམནྟཱ ¶ . ཨཏཱིཏཱ ཝིཔཀྐཝིཔཱཀཱ དྷམྨཱ – ཏེ ཨཏྠཱིཏི? ན ཧེཝཾ ཝཏྟབྦེ…པེ… ཨཏཱིཏཱ ཨཝིཔཀྐཝིཔཱཀཱ དྷམྨཱ – ཏེ ཨཏྠཱིཏི? ཨཱམནྟཱ. ཨཏཱིཏཱ ཨཝིཔཱཀཱ དྷམྨཱ – ཏེ ཨཏྠཱིཏི [ཨཏཱིཏཱ ཨཝིཔཀྐཝིཔཱཀཱ དྷམྨཱ ཏེ ནཏྠཱིཏི (ཀ.)]? ན ཧེཝཾ ཝཏྟབྦེ…པེ….

ཨཏཱིཏཱ ཝིཔཀྐཝིཔཱཀཱ དྷམྨཱ – ཏེ ནཏྠཱིཏི? ཨཱམནྟཱ. ཨཏཱིཏཱ ཨཝིཔཀྐཝིཔཱཀཱ དྷམྨཱ – ཏེ ནཏྠཱིཏི? ན ཧེཝཾ ཝཏྟབྦེ ¶ …པེ….

ཨཏཱིཏཱ ཨཝིཔཱཀཱ [ཝིཔཀྐཝིཔཱཀཱ (སྱཱ.), ཨཝིཔཀྐཝིཔཱཀཱ (ཀ.)] དྷམྨཱ – ཏེ ནཏྠཱིཏི? ཨཱམནྟཱ. ཨཏཱིཏཱ ཨཝིཔཀྐཝིཔཱཀཱ [ཨཝིཔཱཀཱ (སྱཱ.)] དྷམྨཱ – ཏེ ནཏྠཱིཏི? ན ཧེཝཾ ཝཏྟབྦེ…པེ….

ཨཏཱིཏཱ ཨཝིཔཀྐཝིཔཱཀཱ དྷམྨཱ – ཏེ ཨཏྠཱིཏི? ཨཱམནྟཱ. ནནུ ཨཏཱིཏཱ ཨཝིཔཀྐཝིཔཱཀཱ དྷམྨཱ ནིརུདྡྷཱཏི? ཨཱམནྟཱ. ཧཉྩི ཨཏཱིཏཱ ཨཝིཔཀྐཝིཔཱཀཱ དྷམྨཱ ནིརུདྡྷཱ, ནོ ཙ ཝཏ རེ ཝཏྟབྦེ – ‘‘ཨཏཱིཏཱ ཨཝིཔཀྐཝིཔཱཀཱ དྷམྨཱ – ཏེ [དྷམྨཱ ནིརུདྡྷཱ ཏེ (སྱཱ. ཀ.)] ཨཏྠཱི’’ཏི.

ཨཏཱིཏཱ ¶ ཨཝིཔཀྐཝིཔཱཀཱ དྷམྨཱ ནིརུདྡྷཱ – ཏེ ཨཏྠཱིཏི? ཨཱམནྟཱ. ཨཏཱིཏཱ ཝིཔཀྐཝིཔཱཀཱ དྷམྨཱ ནིརུདྡྷཱ – ཏེ ཨཏྠཱིཏི? ན ཧེཝཾ ཝཏྟབྦེ…པེ… ཨཏཱིཏཱ ཨཝིཔཀྐཝིཔཱཀཱ དྷམྨཱ ནིརུདྡྷཱ – ཏེ ཨཏྠཱིཏི? ཨཱམནྟཱ. ཨཏཱིཏཱ ཨཝིཔཱཀཱ [ཨཝིཔཀྐཝིཔཱཀཱ (སཱི. ཀ.)] དྷམྨཱ ནིརུདྡྷཱ – ཏེ ཨཏྠཱིཏི? ན ཧེཝཾ ཝཏྟབྦེ…པེ….

ཨཏཱིཏཱ ཝིཔཀྐཝིཔཱཀཱ དྷམྨཱ ནིརུདྡྷཱ – ཏེ ནཏྠཱིཏི? ཨཱམནྟཱ. ཨཏཱིཏཱ ཨཝིཔཀྐཝིཔཱཀཱ དྷམྨཱ ནིརུདྡྷཱ – ཏེ ནཏྠཱིཏི? ན ཧེཝཾ ཝཏྟབྦེ…པེ….

ཨཏཱིཏཱ ཨཝིཔཱཀཱ [ཝིཔཀྐཝིཔཱཀཱ (སྱཱ.), ཨཝིཔཀྐཝིཔཱཀཱ (ཀ.)] དྷམྨཱ ནིརུདྡྷཱ – ཏེ ནཏྠཱིཏི? ཨཱམནྟཱ. ཨཏཱིཏཱ ཨཝིཔཀྐཝིཔཱཀཱ ¶ [ཨཝིཔཱཀཱ (སྱཱ.)] དྷམྨཱ ནིརུདྡྷཱ – ཏེ ནཏྠཱིཏི? ན ཧེཝཾ ཝཏྟབྦེ…པེ….

ཨཏཱིཏཱ ཨཝིཔཀྐཝིཔཱཀཱ དྷམྨཱ ནིརུདྡྷཱ – ཏེ ཨཏྠཱིཏི? ཨཱམནྟཱ ¶ . ཨཏཱིཏཱ ཝིཔཀྐཝིཔཱཀཱ ¶ དྷམྨཱ ནིརུདྡྷཱ – ཏེ ནཏྠཱིཏི? ཨཱམནྟཱ. ཨཏཱིཏཱ ཨེཀདེསཾ ཝིཔཀྐཝིཔཱཀཱ དྷམྨཱ ཨེཀདེསཾ ཨཝིཔཀྐཝིཔཱཀཱ དྷམྨཱ ནིརུདྡྷཱ – ཏེ ཨེཀཙྩེ ཨཏྠི ཨེཀཙྩེ ནཏྠཱིཏི? ན ཧེཝཾ ཝཏྟབྦེ…པེ….

ན ཝཏྟབྦཾ – ‘‘ཨཏཱིཏཱ ཨཝིཔཀྐཝིཔཱཀཱ དྷམྨཱ – ཏེ ཨཏྠཱི’’ཏི? ཨཱམནྟཱ. ནནུ ཨཏཱིཏཱ ཨཝིཔཀྐཝིཔཱཀཱ དྷམྨཱ ཝིཔཙྩིསྶནྟཱིཏི? ཨཱམནྟཱ. ཧཉྩི ཨཏཱིཏཱ ཨཝིཔཀྐཝིཔཱཀཱ དྷམྨཱ ཝིཔཙྩིསྶནྟི, ཏེན ཝཏ རེ ཝཏྟབྦེ – ‘‘ཨཏཱིཏཱ ཨཝིཔཀྐཝིཔཱཀཱ དྷམྨཱ – ཏེ ཨཏྠཱི’’ཏི.

ཨཏཱིཏཱ ཨཝིཔཀྐཝིཔཱཀཱ དྷམྨཱ ཝིཔཙྩིསྶནྟཱིཏི ཀཏྭཱ ཏེ ཨཏྠཱིཏི? ཨཱམནྟཱ. ཝིཔཙྩིསྶནྟཱིཏི ཀཏྭཱ པཙྩུཔྤནྣཱཏི? ན ཧེཝཾ ཝཏྟབྦེ…པེ… ཝིཔཙྩིསྶནྟཱིཏི ཀཏྭཱ པཙྩུཔྤནྣཱཏི? ཨཱམནྟཱ. པཙྩུཔྤནྣཱ དྷམྨཱ ནིརུཛ྄ཛྷིསྶནྟཱིཏི ཀཏྭཱ ཏེ ནཏྠཱིཏི? ན ཧེཝཾ ཝཏྟབྦེ…པེ….

༢. ཨནཱགཏཱདིཨེཀཙྩཀཐཱ

༣༠༠. ཨནཱགཏཾ ཨཏྠཱིཏི? ཨེཀཙྩཾ ཨཏྠི, ཨེཀཙྩཾ ནཏྠཱིཏི. ཨེཀཙྩཾ ཛཱཏཾ, ཨེཀཙྩཾ ཨཛཱཏཾ; ཨེཀཙྩཾ སཉྫཱཏཾ, ཨེཀཙྩཾ ཨསཉྫཱཏཾ; ཨེཀཙྩཾ ནིབྦཏྟཾ, ཨེཀཙྩཾ ཨནིབྦཏྟཾ; ཨེཀཙྩཾ པཱཏུབྷཱུཏཾ, ཨེཀཙྩཾ ཨཔཱཏུབྷཱུཏནྟི? ན ཧེཝཾ ཝཏྟབྦེ…པེ….

ཨནཱགཏཾ ཨེཀཙྩཾ ཨཏྠི, ཨེཀཙྩཾ ནཏྠཱིཏི? ཨཱམནྟཱ. ཨནཱགཏཱ ¶ ཨུཔྤཱདིནོ དྷམྨཱ ཨེཀཙྩེ ཨཏྠི, ཨེཀཙྩེ ནཏྠཱིཏི? ན ཧེཝཾ ཝཏྟབྦེ…པེ… ཨནཱགཏཾ ¶ ཨེཀཙྩཾ ཨཏྠི, ཨེཀཙྩཾ ནཏྠཱིཏི? ཨཱམནྟཱ. ཨནཱགཏཱ ཨནུཔྤཱདིནོ དྷམྨཱ ཨེཀཙྩེ ཨཏྠི, ཨེཀཙྩེ ནཏྠཱིཏི? ན ¶ ཧེཝཾ ཝཏྟབྦེ…པེ….

ཨནཱགཏཾ ཨེཀཙྩཾ ཨཏྠི, ཨེཀཙྩཾ ནཏྠཱིཏི? ཨཱམནྟཱ. ཀིཾ ཨཏྠི, ཀིཾ ནཏྠཱིཏི? ཨནཱགཏཱ ཨུཔྤཱདིནོ དྷམྨཱ – ཏེ ཨཏྠི; ཨནཱགཏཱ ཨནུཔྤཱདིནོ དྷམྨཱ – ཏེ ནཏྠཱིཏི. ཨནཱགཏཱ ཨུཔྤཱདིནོ དྷམྨཱ – ཏེ ཨཏྠཱིཏི? ཨཱམནྟཱ. ཨནཱགཏཱ ཨནུཔྤཱདིནོ དྷམྨཱ – ཏེ ཨཏྠཱིཏི ¶ ? ན ཧེཝཾ ཝཏྟབྦེ…པེ… ཨནཱགཏཱ ཨནུཔྤཱདིནོ དྷམྨཱ – ཏེ ནཏྠཱིཏི? ཨཱམནྟཱ. ཨནཱགཏཱ ཨུཔྤཱདིནོ དྷམྨཱ – ཏེ ནཏྠཱིཏི? ན ཧེཝཾ ཝཏྟབྦེ…པེ….

ཨནཱགཏཱ ཨུཔྤཱདིནོ དྷམྨཱ – ཏེ ཨཏྠཱིཏི? ཨཱམནྟཱ. ནནུ ཨནཱགཏཱ ཨུཔྤཱདིནོ དྷམྨཱ ཨཛཱཏཱཏི? ཨཱམནྟཱ. ཧཉྩི ཨནཱགཏཱ ཨུཔྤཱདིནོ དྷམྨཱ ཨཛཱཏཱ, ནོ ཙ ཝཏ རེ ཝཏྟབྦེ – ‘‘ཨནཱགཏཱ ཨུཔྤཱདིནོ དྷམྨཱ – ཏེ ཨཏྠཱི’’ཏི.

ཨནཱགཏཱ ཨུཔྤཱདིནོ དྷམྨཱ ཨཛཱཏཱ – ཏེ ཨཏྠཱིཏི? ཨཱམནྟཱ. ཨནཱགཏཱ ཨནུཔྤཱདིནོ དྷམྨཱ ཨཛཱཏཱ – ཏེ ཨཏྠཱིཏི? ན ཧེཝཾ ཝཏྟབྦེ…པེ… ཨནཱགཏཱ ཨནུཔྤཱདིནོ དྷམྨཱ ཨཛཱཏཱ – ཏེ ནཏྠཱིཏི? ཨཱམནྟཱ. ཨནཱགཏཱ ཨུཔྤཱདིནོ དྷམྨཱ ཨཛཱཏཱ – ཏེ ནཏྠཱིཏི? ན ཧེཝཾ ཝཏྟབྦེ…པེ….

ན ཝཏྟབྦཾ – ‘‘ཨནཱགཏཱ ཨུཔྤཱདིནོ དྷམྨཱ – ཏེ ཨཏྠཱི’’ཏི? ཨཱམནྟཱ. ནནུ ཨནཱགཏཱ ཨུཔྤཱདིནོ དྷམྨཱ ཨུཔྤཛྫིསྶནྟཱིཏི? ཨཱམནྟཱ ¶ . ཧཉྩི ཨནཱགཏཱ ཨུཔྤཱདིནོ དྷམྨཱ ཨུཔྤཛྫིསྶནྟི, ཏེན ཝཏ རེ ཝཏྟབྦེ – ‘‘ཨནཱགཏཱ ཨུཔྤཱདིནོ དྷམྨཱ – ཏེ ཨཏྠཱི’’ཏི.

ཨནཱགཏཱ ཨུཔྤཱདིནོ དྷམྨཱ ཨུཔྤཛྫིསྶནྟཱིཏི ཀཏྭཱ ཏེ ཨཏྠཱིཏི? ཨཱམནྟཱ. ཨུཔྤཛྫིསྶནྟཱིཏི ¶ ཀཏྭཱ པཙྩུཔྤནྣཱཏི? ན ཧེཝཾ ཝཏྟབྦེ…པེ… ཨུཔྤཛྫིསྶནྟཱིཏི ཀཏྭཱ པཙྩུཔྤནྣཱཏི? ཨཱམནྟཱ. པཙྩུཔྤནྣཱ དྷམྨཱ ནིརུཛ྄ཛྷིསྶནྟཱིཏི ཀཏྭཱ ཏེ ནཏྠཱིཏི? ན ཧེཝཾ ཝཏྟབྦེ…པེ….

ཨེཀཙྩཾ ཨཏྠཱིཏིཀཐཱ ནིཊྛིཏཱ.

༨. སཏིཔཊྛཱནཀཐཱ

༣༠༡. སབྦེ དྷམྨཱ སཏིཔཊྛཱནཱཏི? ཨཱམནྟཱ. སབྦེ དྷམྨཱ སཏི སཏིནྡྲིཡཾ སཏིབལཾ སམྨཱསཏི སཏིསམྦོཛ྄ཛྷངྒོ ཨེཀཱཡནམགྒོ ཁཡགཱམཱི བོདྷགཱམཱི ¶ ཨཔཙཡགཱམཱི ཨནཱསཝཱ ཨསཾཡོཛནིཡཱ ¶ ཨགནྠནིཡཱ ཨནོགྷནིཡཱ ཨཡོགནིཡཱ ཨནཱིཝརཎིཡཱ ཨཔརཱམཊྛཱ ཨནུཔཱདཱནིཡཱ ཨསཾཀིལེསིཀཱ, སབྦེ དྷམྨཱ བུདྡྷཱནུསྶཏི དྷམྨཱནུསྶཏི སངྒྷཱནུསྶཏི སཱིལཱནུསྶཏི ཙཱགཱནུསྶཏི དེཝཏཱནུསྶཏི ཨཱནཱཔཱནསྶཏི མརཎཱནུསྶཏི ཀཱཡགཏཱསཏི ཨུཔསམཱནུསྶཏཱིཏི? ན ཧེཝཾ ཝཏྟབྦེ…པེ….

སབྦེ དྷམྨཱ སཏིཔཊྛཱནཱཏི? ཨཱམནྟཱ. ཙཀྑཱཡཏནཾ སཏིཔཊྛཱནནྟི? ན ཧེཝཾ ཝཏྟབྦེ…པེ… ཙཀྑཱཡཏནཾ སཏིཔཊྛཱནནྟི ¶ ? ཨཱམནྟཱ. ཙཀྑཱཡཏནཾ སཏི སཏིནྡྲིཡཾ སཏིབལཾ སམྨཱསཏི སཏིསམྦོཛ྄ཛྷངྒོ ཨེཀཱཡནམགྒོ ཁཡགཱམཱི བོདྷགཱམཱི ཨཔཙཡགཱམཱི ཨནཱསཝཾ ཨསཾཡོཛནིཡཾ…པེ… ཨསཾཀིལེསིཀཾ, ཙཀྑཱཡཏནཾ བུདྡྷཱནུསྶཏི དྷམྨཱནུསྶཏི སངྒྷཱནུསྶཏི སཱིལཱནུསྶཏི ཙཱགཱནུསྶཏི དེཝཏཱནུསྶཏི ཨཱནཱཔཱནསྶཏི མརཎཱནུསྶཏི ཀཱཡགཏཱསཏི ཨུཔསམཱནུསྶཏཱིཏི? ན ¶ ཧེཝཾ ཝཏྟབྦེ…པེ… སོཏཱཡཏནཾ… གྷཱནཱཡཏནཾ… ཛིཝ྄ཧཱཡཏནཾ… ཀཱཡཱཡཏནཾ… རཱུཔཱཡཏནཾ… སདྡཱཡཏནཾ… གནྡྷཱཡཏནཾ… རསཱཡཏནཾ… ཕོཊྛབྦཱཡཏནཾ… རཱགོ… དོསོ… མོཧོ… མཱནོ… དིཊྛི… ཝིཙིཀིཙྪཱ… ཐིནཾ… ཨུདྡྷཙྩཾ… ཨཧིརིཀཾ… ཨནོཏྟཔྤཾ སཏིཔཊྛཱནནྟི? ན ཧེཝཾ ཝཏྟབྦེ…པེ… ཨནོཏྟཔྤཾ སཏིཔཊྛཱནནྟི? ཨཱམནྟཱ. ཨནོཏྟཔྤཾ སཏི སཏིནྡྲིཡཾ སཏིབལཾ སམྨཱསཏི…པེ… ཀཱཡགཏཱསཏི ཨུཔསམཱནུསྶཏཱིཏི? ན ཧེཝཾ ཝཏྟབྦེ…པེ….

སཏི སཏིཔཊྛཱནཱ, སཱ ཙ སཏཱིཏི? ཨཱམནྟཱ. ཙཀྑཱཡཏནཾ སཏིཔཊྛཱནཾ, ཏཉྩ སཏཱིཏི? ན ཧེཝཾ ཝཏྟབྦེ…པེ… སཏི སཏིཔཊྛཱནཱ, སཱ ཙ སཏཱིཏི? ཨཱམནྟཱ. སོཏཱཡཏནཾ…པེ… ཀཱཡཱཡཏནཾ… རཱུཔཱཡཏནཾ…པེ… ཕོཊྛབྦཱཡཏནཾ… རཱགོ… དོསོ… མོཧོ…པེ… ཨནོཏྟཔྤཾ སཏིཔཊྛཱནཾ, ཏཉྩ སཏཱིཏི? ན ཧེཝཾ ཝཏྟབྦེ…པེ….

ཙཀྑཱཡཏནཾ སཏིཔཊྛཱནཾ, ཏཉྩ ན སཏཱིཏི? ཨཱམནྟཱ. སཏི སཏིཔཊྛཱནཱ, སཱ ཙ ན སཏཱིཏི? ན ཧེཝཾ ཝཏྟབྦེ…པེ… སོཏཱཡཏནཾ…པེ… ཀཱཡཱཡཏནཾ… རཱུཔཱཡཏནཾ…པེ… ཕོཊྛབྦཱཡཏནཾ… རཱགོ ¶ … དོསོ… མོཧོ…པེ… ཨནོཏྟཔྤཾ སཏིཔཊྛཱནཾ, ཏཉྩ ན སཏཱིཏི? ཨཱམནྟཱ ¶ . སཏི སཏིཔཊྛཱནཱ, སཱ ཙ ན སཏཱིཏི? ན ཧེཝཾ ཝཏྟབྦེ…པེ….

༣༠༢. ན ¶ ཝཏྟབྦཾ – ‘‘སབྦེ དྷམྨཱ སཏིཔཊྛཱནཱ’’ཏི? ཨཱམནྟཱ. ནནུ སབྦེ དྷམྨེ ཨཱརབྦྷ ¶ སཏི སནྟིཊྛཏཱིཏི? ཨཱམནྟཱ. ཧཉྩི སབྦེ དྷམྨེ ཨཱརབྦྷ སཏི སནྟིཊྛཏཱིཏི, ཏེན ཝཏ རེ ཝཏྟབྦེ – ‘‘སབྦེ དྷམྨཱ སཏིཔཊྛཱནཱ’’ཏི.

སབྦཾ དྷམྨཾ ཨཱརབྦྷ སཏི སནྟིཊྛཏཱིཏི སབྦེ དྷམྨཱ སཏིཔཊྛཱནཱཏི? ཨཱམནྟཱ. སབྦཾ དྷམྨཾ ཨཱརབྦྷ ཕསྶོ སནྟིཊྛཏཱིཏི སབྦེ དྷམྨཱ ཕསྶཔཊྛཱནཱཏི? ན ཧེཝཾ ཝཏྟབྦེ…པེ….

སབྦཾ དྷམྨཾ ཨཱརབྦྷ སཏི སནྟིཊྛཏཱིཏི སབྦེ དྷམྨཱ སཏིཔཊྛཱནཱཏི? ཨཱམནྟཱ. སབྦཾ དྷམྨཾ ཨཱརབྦྷ ཝེདནཱ སནྟིཊྛཏི… སཉྙཱ སནྟིཊྛཏི… ཙེཏནཱ སནྟིཊྛཏི… ཙིཏྟཾ སནྟིཊྛཏཱིཏི སབྦེ དྷམྨཱ ཙིཏྟཔཊྛཱནཱཏི? ན ཧེཝཾ ཝཏྟབྦེ…པེ….

སབྦེ དྷམྨཱ སཏིཔཊྛཱནཱཏི? ཨཱམནྟཱ. སབྦེ སཏྟཱ ཨུཔཊྛིཏསཏིནོ སཏིཡཱ སམནྣཱགཏཱ སཏིཡཱ སམོཧིཏཱ; སབྦེསཾ སཏྟཱནཾ སཏི པཙྩུཔཊྛིཏཱཏི? ན ཧེཝཾ ཝཏྟབྦེ…པེ….

༣༠༣. སབྦེ དྷམྨཱ སཏིཔཊྛཱནཱཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཨམཏཾ ཏེ, བྷིཀྑཝེ, ན པརིབྷུཉྫནྟི ཡེ ཀཱཡགཏཱསཏིཾ ན པརིབྷུཉྫནྟི. ཨམཏཾ ཏེ, བྷིཀྑཝེ, པརིབྷུཉྫནྟི ཡེ ཀཱཡགཏཱསཏིཾ པརིབྷུཉྫནྟཱི’’ཏི ¶ [ཨ. ནི. ༡.༦༠༠]. ཨཏྠེཝ སུཏྟནྟོཏི? ཨཱམནྟཱ. སབྦེ སཏྟཱ ཀཱཡགཏཱསཏིཾ པརིབྷུཉྫནྟི པཊིལབྷནྟི ཨཱསེཝནྟི བྷཱཝེནྟི བཧུལཱིཀརོནྟཱིཏི? ན ¶ ཧེཝཾ ཝཏྟབྦེ…པེ….

སབྦེ དྷམྨཱ སཏིཔཊྛཱནཱཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཨེཀཱཡནོ ཨཡཾ, བྷིཀྑཝེ, མགྒོ སཏྟཱནཾ ཝིསུདྡྷིཡཱ སོཀཔརིདེཝཱནཾ སམཏིཀྐམཱཡ དུཀྑདོམནསྶཱནཾ ཨཏྠངྒམཱཡ ཉཱཡསྶ ཨདྷིགམཱཡ ནིབྦཱནསྶ སཙྪིཀིརིཡཱཡ ཡདིདཾ ཙཏྟཱརོ སཏིཔཊྛཱནཱ’’ཏི [དཱི. ནི. ༢.༣༧༣; མ. ནི. ༡.༡༠༦; སཾ. ནི. ༥.༣༦༧]! ཨཏྠེཝ སུཏྟནྟོཏི? ཨཱམནྟཱ? སབྦེ དྷམྨཱ ཨེཀཱཡནམགྒོཏི? ན ཧེཝཾ ཝཏྟབྦེ…པེ….

སབྦེ དྷམྨཱ སཏིཔཊྛཱནཱཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘རཉྙོ, བྷིཀྑཝེ, ཙཀྐཝཏྟིསྶ པཱཏུབྷཱཝཱ སཏྟནྣཾ རཏནཱནཾ པཱཏུབྷཱཝོ ཧོཏི. ཀཏམེསཾ སཏྟནྣཾ? ཙཀྐརཏནསྶ པཱཏུབྷཱཝོ ཧོཏི, ཧཏྠིརཏནསྶ པཱཏུབྷཱཝོ ཧོཏི, ཨསྶརཏནསྶ… མཎིརཏནསྶ… ཨིཏྠིརཏནསྶ ¶ … གཧཔཏིརཏནསྶ… པརིཎཱཡཀརཏནསྶ པཱཏུབྷཱཝོ ཧོཏི ¶ . རཉྙོ, བྷིཀྑཝེ, ཙཀྐཝཏྟིསྶ པཱཏུབྷཱཝཱ ཨིམེསཾ སཏྟནྣཾ རཏནཱནཾ པཱཏུབྷཱཝོ ཧོཏི.

‘‘ཏཐཱགཏསྶ, བྷིཀྑཝེ, པཱཏུབྷཱཝཱ ཨརཧཏོ སམྨཱསམྦུདྡྷསྶ སཏྟནྣཾ བོཛ྄ཛྷངྒརཏནཱནཾ པཱཏུབྷཱཝོ ཧོཏི. ཀཏམེསཾ སཏྟནྣཾ? སཏིསམྦོཛ྄ཛྷངྒརཏནསྶ པཱཏུབྷཱཝོ ཧོཏི, དྷམྨཝིཙཡསམྦོཛ྄ཛྷངྒརཏནསྶ ¶ པཱཏུབྷཱཝོ ཧོཏི, ཝཱིརིཡསམྦོཛ྄ཛྷངྒརཏནསྶ པཱཏུབྷཱཝོ ཧོཏི, པཱིཏིསམྦོཛ྄ཛྷངྒརཏནསྶ པཱཏུབྷཱཝོ ཧོཏི, པསྶདྡྷིསམྦོཛ྄ཛྷངྒརཏནསྶ པཱཏུབྷཱཝོ ཧོཏི, སམཱདྷིསམྦོཛ྄ཛྷངྒརཏནསྶ པཱཏུབྷཱཝོ ཧོཏི, ཨུཔེཀྑཱསམྦོཛ྄ཛྷངྒརཏནསྶ པཱཏུབྷཱཝོ ཧོཏི. ཏཐཱགཏསྶ, བྷིཀྑཝེ, པཱཏུབྷཱཝཱ ཨརཧཏོ སམྨཱསམྦུདྡྷསྶ ཨིམེསཾ སཏྟནྣཾ བོཛ྄ཛྷངྒརཏནཱནཾ པཱཏུབྷཱཝོ ཧོཏཱི’’ཏི [སཾ. ནི. ༥.༢༢༣]. ཨཏྠེཝ སུཏྟནྟོཏི? ཨཱམནྟཱ. ཏཐཱགཏསྶ པཱཏུབྷཱཝཱ ཨརཧཏོ སམྨཱསམྦུདྡྷསྶ སབྦེ དྷམྨཱ སཏིསམྦོཛ྄ཛྷངྒརཏནཱཝ ཧོནྟཱིཏི? ན ཧེཝཾ ཝཏྟབྦེ…པེ… སབྦེ ¶ དྷམྨཱ སཏིཔཊྛཱནཱཏི? ཨཱམནྟཱ. སབྦེ དྷམྨཱ སམྨཔྤདྷཱནཱ… ཨིདྡྷིཔཱདཱ… ཨིནྡྲིཡཱ… བལཱ… བོཛ྄ཛྷངྒཱཏི? ན ཧེཝཾ ཝཏྟབྦེ…པེ….

སཏིཔཊྛཱནཀཐཱ ནིཊྛིཏཱ.

༩. ཧེཝཏྠིཀཐཱ

༣༠༤. ཨཏཱིཏཾ ཨཏྠཱིཏི? ཧེཝཏྠི, ཧེཝ ནཏྠཱིཏི. སེཝཏྠི, སེཝ ནཏྠཱིཏི? ན ཧེཝཾ ཝཏྟབྦེ…པེ… སེཝཏྠི, སེཝ ནཏྠཱིཏི? ཨཱམནྟཱ. ཨཏྠཊྛོ ནཏྠཊྛོ, ནཏྠཊྛོ ཨཏྠཊྛོ, ཨཏྠིབྷཱཝོ ནཏྠིབྷཱཝོ, ནཏྠིབྷཱཝོ ཨཏྠིབྷཱཝོ, ཨཏྠཱིཏི ཝཱ ནཏྠཱིཏི ཝཱ, ནཏྠཱིཏི ཝཱ ¶ ཨཏྠཱིཏི ཝཱ ཨེསེསེ ཨེཀཊྛེ སམེ སམབྷཱགེ ཏཛྫཱཏེཏི? ན ཧེཝཾ ཝཏྟབྦེ…པེ….

ཨནཱགཏཾ ཨཏྠཱིཏི? ཧེཝཏྠི, ཧེཝ ནཏྠཱིཏི. སེཝཏྠི, སེཝ ནཏྠཱིཏི? ན ཧེཝཾ ཝཏྟབྦེ…པེ… སེཝཏྠི, སེཝ ནཏྠཱིཏི? ཨཱམནྟཱ. ཨཏྠཊྛོ ནཏྠཊྛོ, ནཏྠཊྛོ ཨཏྠཊྛོ, ཨཏྠིབྷཱཝོ ¶ ནཏྠིབྷཱཝོ, ནཏྠིབྷཱཝོ ཨཏྠིབྷཱཝོ, ཨཏྠཱིཏི ཝཱ ནཏྠཱིཏི ཝཱ, ནཏྠཱིཏི ཝཱ ཨཏྠཱིཏི ཝཱ ཨེསེསེ ཨེཀཊྛེ སམེ སམབྷཱགེ ཏཛྫཱཏེཏི? ན ཧེཝཾ ཝཏྟབྦེ…པེ….

པཙྩུཔྤནྣཾ ¶ ཨཏྠཱིཏི? ཧེཝཏྠི, ཧེཝ ནཏྠཱིཏི. སེཝཏྠི, སེཝ ནཏྠཱིཏི? ན ཧེཝཾ ཝཏྟབྦེ…པེ… སེཝཏྠི, སེཝ ནཏྠཱིཏི? ཨཱམནྟཱ ¶ . ཨཏྠཊྛོ ནཏྠཊྛོ…པེ… སམེ སམབྷཱགེ ཏཛྫཱཏེཏི? ན ཧེཝཾ ཝཏྟབྦེ…པེ….

༣༠༥. ཨཏཱིཏཾ ཧེཝཏྠི, ཧེཝ ནཏྠཱིཏི? ཨཱམནྟཱ. ཀིནྟཏྠི, ཀིནྟི ནཏྠཱིཏི? ཨཏཱིཏཾ ཨཏཱིཏནྟི ཧེཝཏྠི, ཨཏཱིཏཾ ཨནཱགཏནྟི ཧེཝ ནཏྠི, ཨཏཱིཏཾ པཙྩུཔྤནྣནྟི ཧེཝ ནཏྠཱིཏི. སེཝཏྠི, སེཝ ནཏྠཱིཏི? ན ཧེཝཾ ཝཏྟབྦེ…པེ… སེཝཏྠི, སེཝ ནཏྠཱིཏི? ཨཱམནྟཱ. ཨཏྠཊྛོ ནཏྠཊྛོ, ནཏྠཊྛོ ཨཏྠཊྛོ, ཨཏྠིབྷཱཝོ ནཏྠིབྷཱཝོ, ནཏྠིབྷཱཝོ ཨཏྠིབྷཱཝོ, ཨཏྠཱིཏི ཝཱ ནཏྠཱིཏི ཝཱ, ནཏྠཱིཏི ཝཱ ཨཏྠཱིཏི ཝཱ ཨེསེསེ ཨེཀཊྛེ སམེ སམབྷཱགེ ཏཛྫཱཏེཏི? ན ཧེཝཾ ཝཏྟབྦེ…པེ….

ཨནཱགཏཾ ¶ ཧེཝཏྠི, ཧེཝ ནཏྠཱིཏི? ཨཱམནྟཱ. ཀིནྟཏྠི, ཀིནྟི ནཏྠཱིཏི? ཨནཱགཏཾ ཨནཱགཏནྟི ཧེཝཏྠི, ཨནཱགཏཾ ཨཏཱིཏནྟི ཧེཝ ནཏྠི, ཨནཱགཏཾ པཙྩུཔྤནྣནྟི ཧེཝ ནཏྠཱིཏི. སེཝཏྠི, སེཝ ནཏྠཱིཏི? ན ཧེཝཾ ཝཏྟབྦེ…པེ… སེཝཏྠི, སེཝ ནཏྠཱིཏི? ཨཱམནྟཱ. ཨཏྠཊྛོ ནཏྠཊྛོ, ནཏྠཊྛོ ཨཏྠཊྛོ…པེ… སམེ སམབྷཱགེ ཏཛྫཱཏེཏི? ན ཧེཝཾ ཝཏྟབྦེ…པེ….

པཙྩུཔྤནྣཾ ཧེཝཏྠི, ཧེཝ ནཏྠཱིཏི? ཨཱམནྟཱ. ཀིནྟཏྠི, ཀིནྟི ནཏྠཱིཏི? པཙྩུཔྤནྣཾ པཙྩུཔྤནྣནྟི ཧེཝཏྠི, པཙྩུཔྤནྣཾ ¶ ཨཏཱིཏནྟི ཧེཝ ནཏྠི, པཙྩུཔྤནྣཾ ཨནཱགཏནྟི ཧེཝ ནཏྠཱིཏི. སེཝཏྠི, སེཝ ནཏྠཱིཏི? ན ཧེཝཾ ཝཏྟབྦེ…པེ… སེཝཏྠི, སེཝ ནཏྠཱིཏི? ཨཱམནྟཱ. ཨཏྠཊྛོ ནཏྠཊྛོ…པེ… སམེ སམབྷཱགེ ཏཛྫཱཏེཏི? ན ཧེཝཾ ཝཏྟབྦེ…པེ….

ན ཝཏྟབྦཾ – ‘‘ཨཏཱིཏཾ ཧེཝཏྠི, ཧེཝ ནཏྠི; ཨནཱགཏཾ ཧེཝཏྠི, ཧེཝ ནཏྠི; པཙྩུཔྤནྣཾ ཧེཝཏྠི, ཧེཝ ནཏྠཱི’’ཏི? ཨཱམནྟཱ. ཨཏཱིཏཾ ཨནཱགཏནྟི ཧེཝཏྠི, ཨཏཱིཏཾ པཙྩུཔྤནྣནྟི ཧེཝཏྠི, ཨནཱགཏཾ ཨཏཱིཏནྟི ཧེཝཏྠི, ཨནཱགཏཾ པཙྩུཔྤནྣནྟི ཧེཝཏྠི, པཙྩུཔྤནྣཾ ཨཏཱིཏནྟི ཧེཝཏྠི ¶ , པཙྩུཔྤནྣཾ ཨནཱགཏནྟི ཧེཝཏྠཱིཏི? ན ཧེཝཾ ཝཏྟབྦེ.…པེ…. ཏེན ཧི ཨཏཱིཏཾ ཧེཝཏྠི ཧེཝ ནཏྠི, ཨནཱགཏཾ ཧེཝཏྠི ཧེཝ ནཏྠི, པཙྩུཔྤནྣཾ ཧེཝཏྠི, ཧེཝ ནཏྠཱིཏི.

༣༠༦. རཱུཔཾ ཨཏྠཱིཏི? ཧེཝཏྠི, ཧེཝ ནཏྠཱིཏི. སེཝཏྠི, སེཝ ནཏྠཱིཏི ¶ ? ན ཧེཝཾ ཝཏྟབྦེ…པེ… སེཝཏྠི, སེཝ ནཏྠཱིཏི? ཨཱམནྟཱ. ཨཏྠཊྛོ ནཏྠཊྛོ, ནཏྠཊྛོ ¶ ཨཏྠཊྛོ, ཨཏྠིབྷཱཝོ ནཏྠིབྷཱཝོ, ནཏྠིབྷཱཝོ ཨཏྠིབྷཱཝོ, ཨཏྠཱིཏི ཝཱ ནཏྠཱིཏི ཝཱ, ནཏྠཱིཏི ཝཱ ཨཏྠཱིཏི ཝཱ ཨེསེསེ ཨེཀཊྛེ སམེ སམབྷཱགེ ཏཛྫཱཏེཏི? ན ཧེཝཾ ཝཏྟབྦེ…པེ….

ཝེདནཱ… སཉྙཱ… སངྑཱརཱ… ཝིཉྙཱཎཾ ཨཏྠཱིཏི? ཧེཝཏྠི, ཧེཝ ནཏྠཱིཏི. སེཝཏྠི ¶ , སེཝ ནཏྠཱིཏི? ན ཧེཝཾ ཝཏྟབྦེ…པེ… སེཝཏྠི, སེཝ ནཏྠཱིཏི? ཨཱམནྟཱ. ཨཏྠཊྛོ ནཏྠཊྛོ…པེ… སམེ སམབྷཱགེ ཏཛྫཱཏེཏི? ན ཧེཝཾ ཝཏྟབྦེ…པེ….

རཱུཔཾ ཧེཝཏྠི, ཧེཝ ནཏྠཱིཏི? ཨཱམནྟཱ. ཀིནྟཏྠི, ཀིནྟི ནཏྠཱིཏི? རཱུཔཾ རཱུཔནྟི ཧེཝཏྠི, རཱུཔཾ ཝེདནཱཏི ཧེཝཾ ནཏྠི…པེ… རཱུཔཾ སཉྙཱཏི ཧེཝ ནཏྠི…པེ… རཱུཔཾ སངྑཱརཱཏི ཧེཝ ནཏྠི…པེ… རཱུཔཾ ཝིཉྙཱཎནྟི ཧེཝ ནཏྠཱིཏི. སེཝཏྠི, སེཝ ནཏྠཱིཏི? ན ཧེཝཾ ཝཏྟབྦེ…པེ… སེཝཏྠི, སེཝ ནཏྠཱིཏི? ཨཱམནྟཱ. ཨཏྠཊྛོ ནཏྠཊྛོ…པེ… སམེ སམབྷཱགེ ཏཛྫཱཏེཏི? ན ཧེཝཾ ཝཏྟབྦེ…པེ….

ཝེདནཱ… སཉྙཱ… སངྑཱརཱ… ཝིཉྙཱཎཾ ཧེཝཏྠི, ཧེཝ ནཏྠཱིཏི? ཨཱམནྟཱ. ཀིནྟཏྠི, ཀིནྟི ནཏྠཱིཏི? ཝིཉྙཱཎཾ ཝིཉྙཱཎནྟི ཧེཝཏྠི. ཝིཉྙཱཎཾ རཱུཔནྟི ཧེཝ ནཏྠི…པེ… ཝིཉྙཱཎཾ ཝེདནཱཏི ཧེཝ ནཏྠི…པེ… ཝིཉྙཱཎཾ སཉྙཱཏི ཧེཝ ནཏྠི…པེ… ཝིཉྙཱཎཾ སངྑཱརཱཏི ཧེཝ ནཏྠཱིཏི. སེཝཏྠི, སེཝ ནཏྠཱིཏི? ན ཧེཝཾ ཝཏྟབྦེ…པེ… སེཝཏྠི ¶ , སེཝ ནཏྠཱིཏི? ཨཱམནྟཱ. ཨཏྠཊྛོ ནཏྠཊྛོ…པེ… སམེ སམབྷཱགེ ཏཛྫཱཏེཏི? ན ¶ ཧེཝཾ ཝཏྟབྦེ…པེ….

ན ཝཏྟབྦཾ – ‘‘རཱུཔཾ ཧེཝཏྠི, ཧེཝ ནཏྠཱིཏི; ཝེདནཱ… སཉྙཱ… སངྑཱརཱ… ཝིཉྙཱཎཾ ཧེཝཏྠི, ཧེཝ ནཏྠཱིཏི? ཨཱམནྟཱ. རཱུཔཾ ཝེདནཱཏི ཧེཝཏྠི…པེ… རཱུཔཾ སཉྙཱཏི ཧེཝཏྠི…པེ… རཱུཔཾ སངྑཱརཱཏི ཧེཝཏྠི…པེ… རཱུཔཾ ཝིཉྙཱཎནྟི ཧེཝཏྠི… ཝེདནཱ… སཉྙཱ ¶ … སངྑཱརཱ… ཝིཉྙཱཎཾ རཱུཔནྟི ཧེཝཏྠི… ཝིཉྙཱཎཾ ཝེདནཱཏི ཧེཝཏྠི… ཝིཉྙཱཎཾ སཉྙཱཏི ཧེཝཏྠི… ཝིཉྙཱཎཾ སངྑཱརཱཏི ཧེཝཏྠཱིཏི? ན ཧེཝཾ ཝཏྟབྦེ…པེ… ཏེན ཧི རཱུཔཾ ཧེཝཏྠི, ཧེཝ ནཏྠི; ཝེདནཱ… སཉྙཱ… སངྑཱརཱ… ཝིཉྙཱཎཾ ཧེཝཏྠི, ཧེཝ ནཏྠཱིཏི.

ཧེཝཏྠིཀཐཱ ནིཊྛིཏཱ.

ཏསྶུདྡཱནཾ –

ཨུཔལབྦྷོ ¶ པརིཧཱནི, བྲཧྨཙརིཡཝཱསོ ཨོདྷིསོ;

པརིཉྙཱ ཀཱམརཱགཔྤཧཱནཾ, སབྦཏྠིཝཱདོ ཨཱཡཏནཾ;

ཨཏཱིཏཱནཱགཏོ སུབྷངྒོ [ཨཏཱིཏཱནཱགཏེསུ བྷཱགོ (སྱཱ.)], སབྦེ དྷམྨཱ སཏིཔཊྛཱནཱ.

ཧེཝཏྠི ཧེཝ ནཏྠཱིཏི.

པཋམཝགྒོ

མཧཱཝགྒོ.

༢. དུཏིཡཝགྒོ

(༡༠) ༡. པརཱུཔཧཱརཀཐཱ

༣༠༧. ཨཏྠི ¶ ཨརཧཏོ ཨསུཙི སུཀྐཝིསྶཊྛཱིཏི? ཨཱམནྟཱ. ཨཏྠི ¶ ཨརཧཏོ རཱགོ ཀཱམརཱགོ ཀཱམརཱགཔརིཡུཊྛཱནཾ ཀཱམརཱགསཾཡོཛནཾ ཀཱམོགྷོ ཀཱམཡོགོ ཀཱམཙྪནྡནཱིཝརཎནྟི? ན ཧེཝཾ ཝཏྟབྦེ…པེ….

ནཏྠི ¶ ཨརཧཏོ རཱགོ ཀཱམརཱགོ ཀཱམརཱགཔརིཡུཊྛཱནཾ ཀཱམརཱགསཾཡོཛནཾ ཀཱམོགྷོ ཀཱམཡོགོ ཀཱམཙྪནྡནཱིཝརཎནྟི? ཨཱམནྟཱ. ཧཉྩི ནཏྠི ཨརཧཏོ རཱགོ ཀཱམརཱགོ ཀཱམརཱགཔརིཡུཊྛཱནཾ ཀཱམརཱགསཾཡོཛནཾ ཀཱམོགྷོ ཀཱམཡོགོ ཀཱམཙྪནྡནཱིཝརཎཾ, ནོ ཙ ཝཏ རེ ཝཏྟབྦེ – ‘‘ཨཏྠི ཨརཧཏོ ཨསུཙི སུཀྐཝིསྶཊྛཱི’’ཏི.

ཨཏྠི པུཐུཛྫནསྶ ཨསུཙི སུཀྐཝིསྶཊྛི, ཨཏྠི ཏསྶ རཱགོ ཀཱམརཱགོ ཀཱམརཱགཔརིཡུཊྛཱནཾ ཀཱམརཱགསཾཡོཛནཾ ཀཱམོགྷོ ཀཱམཡོགོ ཀཱམཙྪནྡནཱིཝརཎནྟི? ཨཱམནྟཱ. ཨཏྠི ཨརཧཏོ ཨསུཙི སུཀྐཝིསྶཊྛི, ཨཏྠི ཏསྶ རཱགོ ཀཱམརཱགོ ཀཱམརཱགཔརིཡུཊྛཱནཾ…པེ… ཀཱམཙྪནྡནཱིཝརཎནྟི? ན ཧེཝཾ ཝཏྟབྦེ…པེ….

ཨཏྠི ཨརཧཏོ ཨསུཙི སུཀྐཝིསྶཊྛི, ནཏྠི ཏསྶ རཱགོ ཀཱམརཱགོ ཀཱམརཱགཔརིཡུཊྛཱནཾ…པེ… ཀཱམཙྪནྡནཱིཝརཎནྟི? ཨཱམནྟཱ. ཨཏྠི པུཐུཛྫནསྶ ཨསུཙི སུཀྐཝིསྶཊྛི, ནཏྠི ཏསྶ རཱགོ ཀཱམརཱགོ ཀཱམརཱགཔརིཡུཊྛཱནཾ…པེ… ཀཱམཙྪནྡནཱིཝརཎནྟི? ན ཧེཝཾ ཝཏྟབྦེ…པེ….

ཨཏྠི ¶ ¶ ཨརཧཏོ ཨསུཙི སུཀྐཝིསྶཊྛཱིཏི? ཨཱམནྟཱ. ཀེནཊྛེནཱཏི? ཧནྡ ཧི མཱརཀཱཡིཀཱ དེཝཏཱ ཨརཧཏོ ཨསུཙིཾ སུཀྐཝིསྶཊྛིཾ ཨུཔསཾཧརནྟཱིཏི.

མཱརཀཱཡིཀཱ དེཝཏཱ ཨརཧཏོ ཨསུཙིཾ སུཀྐཝིསྶཊྛིཾ ཨུཔསཾཧརནྟཱིཏི? ཨཱམནྟཱ. ཨཏྠི མཱརཀཱཡིཀཱནཾ དེཝཏཱནཾ ཨསུཙི སུཀྐཝིསྶཊྛཱིཏི? ན ¶ ཧེཝཾ ཝཏྟབྦེ…པེ….

ནཏྠི མཱརཀཱཡིཀཱནཾ དེཝཏཱནཾ ཨསུཙི སུཀྐཝིསྶཊྛཱིཏི? ཨཱམནྟཱ. ཧཉྩི ནཏྠི མཱརཀཱཡིཀཱནཾ དེཝཏཱནཾ ཨསུཙི སུཀྐཝིསྶཊྛི, ནོ ཙ ཝཏ རེ ཝཏྟབྦེ – ‘‘མཱརཀཱཡིཀཱ དེཝཏཱ ཨརཧཏོ ཨསུཙིཾ སུཀྐཝིསྶཊྛིཾ ཨུཔསཾཧརནྟཱི’’ཏི.

མཱརཀཱཡིཀཱ དེཝཏཱ ཨརཧཏོ ཨསུཙིཾ སུཀྐཝིསྶཊྛིཾ ཨུཔསཾཧརནྟཱིཏི? ཨཱམནྟཱ. མཱརཀཱཡིཀཱ དེཝཏཱ ཨཏྟནོ ཨསུཙིཾ སུཀྐཝིསྶཊྛིཾ ཨུཔསཾཧརནྟི, ཨཉྙེསཾ ཨསུཙིཾ སུཀྐཝིསྶཊྛིཾ ¶ ཨུཔསཾཧརནྟི, ཏསྶ ཨསུཙིཾ སུཀྐཝིསྶཊྛིཾ ཨུཔསཾཧརནྟཱིཏི? ན ཧེཝཾ ཝཏྟབྦེ…པེ….

མཱརཀཱཡིཀཱ དེཝཏཱ ནེཝ ཨཏྟནོ ན ཨཉྙེསཾ ན ཏསྶ ཨསུཙིཾ སུཀྐཝིསྶཊྛིཾ ཨུཔསཾཧརནྟཱིཏི? ཨཱམནྟཱ. ཧཉྩི མཱརཀཱཡིཀཱ དེཝཏཱ ནེཝ ཨཏྟནོ ན ཨཉྙེསཾ ན ཏསྶ ཨསུཙིཾ སུཀྐཝིསྶཊྛིཾ ཨུཔསཾཧརནྟི, ནོ ཙ ཝཏ རེ ཝཏྟབྦེ – ‘‘མཱརཀཱཡིཀཱ དེཝཏཱ ཨརཧཏོ ཨསུཙིཾ སུཀྐཝིསྶཊྛིཾ ཨུཔསཾཧརནྟཱི’’ཏི.

མཱརཀཱཡིཀཱ དེཝཏཱ ཨརཧཏོ ཨསུཙིཾ སུཀྐཝིསྶཊྛིཾ ཨུཔསཾཧརནྟཱིཏི ¶ ? ཨཱམནྟཱ. ལོམཀཱུཔེཧི ཨུཔསཾཧརནྟཱིཏི? ན ཧེཝཾ ཝཏྟབྦེ…པེ….

༣༠༨. མཱརཀཱཡིཀཱ དེཝཏཱ ཨརཧཏོ ཨསུཙིཾ སུཀྐཝིསྶཊྛིཾ ཨུཔསཾཧརནྟཱིཏི? ཨཱམནྟཱ. ཀིཾ ཀཱརཎཱཏི? ཧནྡ ཧི ཝིམཏིཾ གཱཧཡིསྶཱམཱཏི. ཨཏྠི ཨརཧཏོ ཝིམཏཱིཏི? ན ཧེཝཾ ཝཏྟབྦེ…པེ….

ཨཏྠི ཨརཧཏོ ཝིམཏཱིཏི? ཨཱམནྟཱ. ཨཏྠི ཨརཧཏོ སཏྠརི ཝིམཏི, དྷམྨེ ཝིམཏི, སངྒྷེ ཝིམཏི, སིཀྑཱཡ ཝིམཏི, པུབྦནྟེ ཝིམཏི, ཨཔརནྟེ ཝིམཏི, པུབྦནྟཱཔརནྟེ ཝིམཏི, ཨིདཔྤཙྩཡཏཱཔཊིཙྩསམུཔྤནྣེསུ དྷམྨེསུ ཝིམཏཱིཏི? ན ཧེཝཾ ཝཏྟབྦེ…པེ….

ནཏྠི ¶ ཨརཧཏོ སཏྠརི ཝིམཏི, དྷམྨེ ཝིམཏི, སངྒྷེ ཝིམཏི, སིཀྑཱཡ ཝིམཏི, པུབྦནྟེ ཝིམཏི, ཨཔརནྟེ ཝིམཏི ¶ , པུབྦནྟཱཔརནྟེ ཝིམཏི, ཨིདཔྤཙྩཡཏཱཔཊིཙྩསམུཔྤནྣེསུ དྷམྨེསུ ཝིམཏཱིཏི? ཨཱམནྟཱ. ཧཉྩི ནཏྠི ཨརཧཏོ སཏྠརི ཝིམཏི…པེ… ཨིདཔྤཙྩཡཏཱཔཊིཙྩསམུཔྤནྣེསུ དྷམྨེསུ ཝིམཏི, ནོ ཙ ཝཏ རེ ཝཏྟབྦེ – ‘‘ཨཏྠི ཨརཧཏོ ཝིམཏཱི’’ཏི.

ཨཏྠི པུཐུཛྫནསྶ ཝིམཏི, ཨཏྠི ཏསྶ སཏྠརི ཝིམཏི…པེ… ཨིདཔྤཙྩཡཏཱཔཊིཙྩསམུཔྤནྣེསུ དྷམྨེསུ ཝིམཏཱིཏི? ཨཱམནྟཱ. ཨཏྠི ཨརཧཏོ ཝིམཏི, ཨཏྠི ཏསྶ ¶ སཏྠརི ཝིམཏི…པེ… ཨིདཔྤཙྩཡཏཱཔཊིཙྩསམུཔྤནྣེསུ དྷམྨེསུ ཝིམཏཱིཏི? ན ཧེཝཾ ཝཏྟབྦེ…པེ….

ཨཏྠི ཨརཧཏོ ཝིམཏི, ནཏྠི ཏསྶ སཏྠརི ཝིམཏི…པེ… ཨིདཔྤཙྩཡཏཱཔཊིཙྩསམུཔྤནྣེསུ ¶ དྷམྨེསུ ཝིམཏཱིཏི? ཨཱམནྟཱ. ཨཏྠི པུཐུཛྫནསྶ ཝིམཏི, ནཏྠི ཏསྶ སཏྠརི ཝིམཏི…པེ… ཨིདཔྤཙྩཡཏཱཔཊིཙྩསམུཔྤནྣེསུ དྷམྨེསུ ཝིམཏཱིཏི? ན ཧེཝཾ ཝཏྟབྦེ…པེ….

ཨཏྠི ཨརཧཏོ ཨསུཙི སུཀྐཝིསྶཊྛཱིཏི? ཨཱམནྟཱ. ཨརཧཏོ ཨསུཙི སུཀྐཝིསྶཊྛི ཀིསྶ ནིསྶནྡོཏི? ཨསིཏཔཱིཏཁཱཡིཏསཱཡིཏསྶ ནིསྶནྡོཏི. ཨརཧཏོ ཨསུཙི སུཀྐཝིསྶཊྛི ཨསིཏཔཱིཏཁཱཡིཏསཱཡིཏསྶ ནིསྶནྡོཏི? ཨཱམནྟཱ. ཡེ ཀེཙི ཨསནྟི པིཝནྟི ཁཱདནྟི སཱཡནྟི, སབྦེསཾཡེཝ ཨཏྠི ཨསུཙི སུཀྐཝིསྶཊྛཱིཏི? ན ¶ ཧེཝཾ ཝཏྟབྦེ…པེ….

ཡེ ཀེཙི ཨསནྟི པིཝནྟི ཁཱདནྟི སཱཡནྟི, སབྦེསཾཡེཝ ཨཏྠི ཨསུཙི སུཀྐཝིསྶཊྛཱིཏི? ཨཱམནྟཱ. དཱརཀཱ ཨསནྟི པིཝནྟི ཁཱདནྟི སཱཡནྟི, ཨཏྠི དཱརཀཱནཾ ཨསུཙི སུཀྐཝིསྶཊྛཱིཏི? ན ཧེཝཾ ཝཏྟབྦེ.

པཎྜཀཱ ཨསནྟི པིཝནྟི ཁཱདནྟི སཱཡནྟི, ཨཏྠི པཎྜཀཱནཾ ཨསུཙི སུཀྐཝིསྶཊྛཱིཏི? ན ཧེཝཾ ཝཏྟབྦེ…པེ….

དེཝཱ ཨསནྟི པིཝནྟི ཁཱདནྟི སཱཡནྟི, ཨཏྠི དེཝཏཱནཾ ཨསུཙི སུཀྐཝིསྶཊྛཱིཏི? ན ཧེཝཾ ཝཏྟབྦེ…པེ….

༣༠༩. ཨརཧཏོ ཨསུཙི སུཀྐཝིསྶཊྛི ཨསིཏཔཱིཏཁཱཡིཏསཱཡིཏསྶ ནིསྶནྡོཏི? ཨཱམནྟཱ. ཨཏྠི ཏསྶ ཨཱསཡོཏི? ན ཧེཝཾ ཝཏྟབྦེ…པེ….

ཨརཧཏོ ¶ ཨུཙྩཱརཔསྶཱཝོ ཨསིཏཔཱིཏཁཱཡིཏསཱཡིཏསྶ ནིསྶནྡོ, ཨཏྠི ཏསྶ ཨཱསཡོཏི ¶ ? ཨཱམནྟཱ. ཨརཧཏོ ཨསུཙི སུཀྐཝིསྶཊྛི ཨསིཏཔཱིཏཁཱཡིཏསཱཡིཏསྶ ¶ ནིསྶནྡོ, ཨཏྠི ཏསྶ ཨཱསཡོཏི? ན ཧེཝཾ ཝཏྟབྦེ…པེ….

ཨརཧཏོ ཨསུཙི སུཀྐཝིསྶཊྛི ཨསིཏཔཱིཏཁཱཡིཏསཱཡིཏསྶ ནིསྶནྡོ, ནཏྠི ཏསྶ ཨཱསཡོཏི? ཨཱམནྟཱ. ཨརཧཏོ ཨུཙྩཱརཔསྶཱཝོ ཨསིཏཔཱིཏཁཱཡིཏསཱཡིཏསྶ ནིསྶནྡོ, ནཏྠི ཏསྶ ཨཱསཡོཏི? ན ཧེཝཾ ཝཏྟབྦེ…པེ….

༣༡༠. ཨཏྠི ཨརཧཏོ ཨསུཙི སུཀྐཝིསྶཊྛཱིཏི? ཨཱམནྟཱ. ཨརཧཱ མེཐུནཾ དྷམྨཾ པཊིསེཝེཡྻ, མེཐུནཾ ཨུཔྤཱདེཡྻ [མེཐུནཾ དྷམྨཾ ཨུཔྤཱདེཡྻ (སཱི. སྱཱ.)], པུཏྟསམྦཱདྷསཡནཾ ཨཛ྄ཛྷཱཝསེཡྻ, ཀཱསིཀཙནྡནཾ པཙྩནུབྷཝེཡྻ, མཱལཱགནྡྷཝིལེཔནཾ དྷཱརེཡྻ, ཛཱཏརཱུཔརཛཏཾ སཱདིཡེཡྻཱཏི? ན ¶ ཧེཝཾ ཝཏྟབྦེ.

ཨཏྠི པུཐུཛྫནསྶ ཨསུཙི སུཀྐཝིསྶཊྛི, པུཐུཛྫནོ མེཐུནཾ དྷམྨཾ པཊིསེཝེཡྻ, མེཐུནཾ ཨུཔྤཱདེཡྻ, པུཏྟསམྦཱདྷསཡནཾ ཨཛ྄ཛྷཱཝསེཡྻ, ཀཱསིཀཙནྡནཾ པཙྩནུབྷཝེཡྻ, མཱལཱགནྡྷཝིལེཔནཾ དྷཱརེཡྻ, ཛཱཏརཱུཔརཛཏཾ སཱདིཡེཡྻཱཏི? ཨཱམནྟཱ. ཨཏྠི ཨརཧཏོ ཨསུཙི སུཀྐཝིསྶཊྛི, ཨརཧཱ མེཐུནཾ དྷམྨཾ པཊིསེཝེཡྻ, མེཐུནཾ ཨུཔྤཱདེཡྻ, པུཏྟསམྦཱདྷསཡནཾ ཨཛ྄ཛྷཱཝསེཡྻ, ཀཱསིཀཙནྡནཾ པཙྩནུབྷཝེཡྻ, མཱལཱགནྡྷཝིལེཔནཾ དྷཱརེཡྻ, ཛཱཏརཱུཔརཛཏཾ སཱདིཡེཡྻཱཏི? ན ཧེཝཾ ཝཏྟབྦེ…པེ….

ཨཏྠི ཨརཧཏོ ཨསུཙི སུཀྐཝིསྶཊྛི, ན ཙ ཨརཧཱ མེཐུནཾ དྷམྨཾ པཊིསེཝེཡྻ, མེཐུནཾ ཨུཔྤཱདེཡྻ, པུཏྟསམྦཱདྷསཡནཾ ཨཛ྄ཛྷཱཝསེཡྻ, ཀཱསིཀཙནྡནཾ པཙྩནུབྷཝེཡྻ, མཱལཱགནྡྷཝིལེཔནཾ དྷཱརེཡྻ, ཛཱཏརཱུཔརཛཏཾ སཱདིཡེཡྻཱཏི? ཨཱམནྟཱ. ཨཏྠི པུཐུཛྫནསྶ ཨསུཙི སུཀྐཝིསྶཊྛི, ན ཙ པུཐུཛྫནོ མེཐུནཾ དྷམྨཾ པཊིསེཝེཡྻ, མེཐུནཾ ཨུཔྤཱདེཡྻ ¶ , པུཏྟསམྦཱདྷསཡནཾ ཨཛ྄ཛྷཱཝསེཡྻ, ཀཱསིཀཙནྡནཾ པཙྩནུབྷཝེཡྻ, མཱལཱགནྡྷཝིལེཔནཾ དྷཱརེཡྻ, ཛཱཏརཱུཔརཛཏཾ སཱདིཡེཡྻཱཏི? ན ཧེཝཾ ཝཏྟབྦེ.

ཨཏྠི ཨརཧཏོ ཨསུཙི སུཀྐཝིསྶཊྛཱིཏི? ཨཱམནྟཱ. ནནུ ཨརཧཏོ རཱགོ པཧཱིནོ ཨུཙྪིནྣམཱུལོ ཏཱལཱཝཏྠུཀཏོ ཨནབྷཱཝངྐཏོ ཨཱཡཏིཾ ¶ ཨནུཔྤཱདདྷམྨོཏི? ཨཱམནྟཱ. ཧཉྩི ཨརཧཏོ ¶ རཱགོ པཧཱིནོ ཨུཙྪིནྣམཱུལོ ཏཱལཱཝཏྠུཀཏོ ཨནབྷཱཝངྐཏོ ཨཱཡཏིཾ ཨནུཔྤཱདདྷམྨོ, ནོ ཙ ཝཏ རེ ཝཏྟབྦེ – ‘‘ཨཏྠི ཨརཧཏོ ཨསུཙི སུཀྐཝིསྶཊྛཱི’’ཏི.

ཨཏྠི ཨརཧཏོ ཨསུཙི སུཀྐཝིསྶཊྛཱིཏི? ཨཱམནྟཱ. ནནུ ཨརཧཏོ དོསོ པཧཱིནོ…པེ… མོཧོ པཧཱིནོ… མཱནོ པཧཱིནོ… དིཊྛི པཧཱིནཱ… ཝིཙིཀིཙྪཱ པཧཱིནཱ… ཐིནཾ པཧཱིནཾ… ཨུདྡྷཙྩཾ པཧཱིནཾ… ཨཧིརིཀཾ པཧཱིནཾ…པེ… ཨནོཏྟཔྤཾ པཧཱིནཾ ཨུཙྪིནྣམཱུལཾ ཏཱལཱཝཏྠུཀཏཾ ཨནབྷཱཝངྐཏཾ ཨཱཡཏིཾ ཨནུཔྤཱདདྷམྨནྟི? ཨཱམནྟཱ. ཧཉྩི ཨརཧཏོ ཨནོཏྟཔྤཾ པཧཱིནཾ ཨུཙྪིནྣམཱུལཾ ཏཱལཱཝཏྠུཀཏཾ ཨནབྷཱཝངྐཏཾ ཨཱཡཏིཾ ཨནུཔྤཱདདྷམྨཾ, ནོ ཙ ཝཏ རེ ཝཏྟབྦེ – ‘‘ཨཏྠི ཨརཧཏོ ཨསུཙི སུཀྐཝིསྶཊྛཱི’’ཏི.

༣༡༡. ཨཏྠི ¶ ཨརཧཏོ ཨསུཙི སུཀྐཝིསྶཊྛཱིཏི? ཨཱམནྟཱ. ནནུ ཨརཧཏོ རཱགཔྤཧཱནཱཡ མགྒོ བྷཱཝིཏོཏི? ཨཱམནྟཱ. ཧཉྩི ཨརཧཏོ རཱགཔྤཧཱནཱཡ མགྒོ བྷཱཝིཏོ, ནོ ཙ ཝཏ རེ ཝཏྟབྦེ – ‘‘ཨཏྠི ཨརཧཏོ ཨསུཙི སུཀྐཝིསྶཊྛཱི’’ཏི.

ཨཏྠི ¶ ཨརཧཏོ ཨསུཙི སུཀྐཝིསྶཊྛཱིཏི? ཨཱམནྟཱ. ནནུ ཨརཧཏོ རཱགཔྤཧཱནཱཡ སཏིཔཊྛཱནཱ བྷཱཝིཏཱ…པེ… སམྨཔྤདྷཱནཱ བྷཱཝིཏཱ… ཨིདྡྷིཔཱདཱ བྷཱཝིཏཱ… ཨིནྡྲིཡཱ བྷཱཝིཏཱ… བལཱ བྷཱཝིཏཱ…པེ… བོཛ྄ཛྷངྒཱ བྷཱཝིཏཱཏི? ཨཱམནྟཱ. ཧཉྩི ཨརཧཏོ རཱགཔྤཧཱནཱཡ བོཛ྄ཛྷངྒཱ བྷཱཝིཏཱ, ནོ ཙ ཝཏ རེ ཝཏྟབྦེ – ‘‘ཨཏྠི ཨརཧཏོ ཨསུཙི སུཀྐཝིསྶཊྛཱི’’ཏི.

ཨཏྠི ཨརཧཏོ ཨསུཙི སུཀྐཝིསྶཊྛཱིཏི? ཨཱམནྟཱ. ནནུ ཨརཧཏོ དོསཔྤཧཱནཱཡ…པེ… མོཧཔྤཧཱནཱཡ…པེ… ཨནོཏྟཔྤཔཧཱནཱཡ མགྒོ བྷཱཝིཏོ…པེ… བོཛ྄ཛྷངྒཱ བྷཱཝིཏཱཏི? ཨཱམནྟཱ. ཧཉྩི ཨརཧཏོ ཨནོཏྟཔྤཔཧཱནཱཡ བོཛ྄ཛྷངྒཱ བྷཱཝིཏཱ, ནོ ཙ ཝཏ རེ ཝཏྟབྦེ – ‘‘ཨཏྠི ཨརཧཏོ ཨསུཙི སུཀྐཝིསྶཊྛཱི’’ཏི.

ཨཏྠི ཨརཧཏོ ཨསུཙི སུཀྐཝིསྶཊྛཱིཏི? ཨཱམནྟཱ. ནནུ ཨརཧཱ ཝཱིཏརཱགོ ཝཱིཏདོསོ ཝཱིཏམོཧོ ཀཏཀརཎཱིཡོ ཨོཧིཏབྷཱརོ ཨནུཔྤཏྟསདཏྠོ པརིཀྑཱིཎབྷཝསཾཡོཛནོ སམྨདཉྙཱཝིམུཏྟོ ཨུཀྑིཏྟཔལིགྷོ སངྐིཎྞཔརིཁོ ཨབྦཱུལ༹ྷེསིཀོ ནིརགྒལོ༹ ཨརིཡོ པནྣདྡྷཛོ ¶ ¶ པནྣབྷཱརོ ཝིསཉྙུཏྟོ སུཝིཛིཏཝིཛཡོ, དུཀྑཾ ཏསྶ པརིཉྙཱཏཾ, སམུདཡོ པཧཱིནོ, ནིརོདྷོ སཙྪིཀཏོ, མགྒོ བྷཱཝིཏོ, ཨབྷིཉྙེཡྻཾ ཨབྷིཉྙཱཏཾ, པརིཉྙེཡྻཾ པརིཉྙཱཏཾ, པཧཱཏབྦཾ ¶ པཧཱིནཾ, བྷཱཝེཏབྦཾ བྷཱཝིཏཾ, སཙྪིཀཱཏབྦཾ སཙྪིཀཏནྟི? ཨཱམནྟཱ. ཧཉྩི ཨརཧཱ ཝཱིཏརཱགོ ཝཱིཏདོསོ ཝཱིཏམོཧོ ཀཏཀརཎཱིཡོ…པེ… སཙྪིཀཱཏབྦཾ སཙྪིཀཏཾ ¶ , ནོ ཙ ཝཏ རེ ཝཏྟབྦེ – ‘‘ཨཏྠི ཨརཧཏོ ཨསུཙི སུཀྐཝིསྶཊྛཱི’’ཏི.

༣༡༢. ཨཏྠི ཨརཧཏོ ཨསུཙི སུཀྐཝིསྶཊྛཱིཏི? སདྷམྨཀུསལསྶ ཨརཧཏོ ཨཏྠི ཨསུཙི སུཀྐཝིསྶཊྛི, པརདྷམྨཀུསལསྶ ཨརཧཏོ ནཏྠི ཨསུཙི སུཀྐཝིསྶཊྛཱིཏི. སདྷམྨཀུསལསྶ ཨརཧཏོ ཨཏྠི ཨསུཙི སུཀྐཝིསྶཊྛཱིཏི? ཨཱམནྟཱ. པརདྷམྨཀུསལསྶ ཨརཧཏོ ཨཏྠི ཨསུཙི སུཀྐཝིསྶཊྛཱིཏི? ན ཧེཝཾ ཝཏྟབྦེ…པེ….

པརདྷམྨཀུསལསྶ ཨརཧཏོ ནཏྠི ཨསུཙི སུཀྐཝིསྶཊྛཱིཏི? ཨཱམནྟཱ. སདྷམྨཀུསལསྶ ཨརཧཏོ ནཏྠི ཨསུཙི སུཀྐཝིསྶཊྛཱིཏི? ན ཧེཝཾ ཝཏྟབྦེ…པེ….

སདྷམྨཀུསལསྶ ཨརཧཏོ རཱགོ པཧཱིནོ, ཨཏྠི ཏསྶ ཨསུཙི སུཀྐཝིསྶཊྛཱིཏི? ཨཱམནྟཱ. པརདྷམྨཀུསལསྶ ཨརཧཏོ རཱགོ པཧཱིནོ, ཨཏྠི ཏསྶ ཨསུཙི སུཀྐཝིསྶཊྛཱིཏི? ན ཧེཝཾ ཝཏྟབྦེ…པེ….

སདྷམྨཀུསལསྶ ཨརཧཏོ དོསོ པཧཱིནོ…པེ… མོཧོ པཧཱིནོ…པེ… ཨནོཏྟཔྤཾ པཧཱིནཾ, ཨཏྠི ཏསྶ ཨསུཙི སུཀྐཝིསྶཊྛཱིཏི? ཨཱམནྟཱ. པརདྷམྨཀུསལསྶ ཨརཧཏོ ཨནོཏྟཔྤཾ པཧཱིནཾ, ཨཏྠི ཏསྶ ཨསུཙི སུཀྐཝིསྶཊྛཱིཏི? ན ཧེཝཾ ཝཏྟབྦེ…པེ….

སདྷམྨཀུསལསྶ ཨརཧཏོ རཱགཔྤཧཱནཱཡ མགྒོ བྷཱཝིཏོ…པེ… བོཛ྄ཛྷངྒཱ བྷཱཝིཏཱ…པེ… དོསཔྤཧཱནཱཡ…པེ… མོཧཔྤཧཱནཱཡ…པེ… ཨནོཏྟཔྤཔཧཱནཱཡ མགྒོ བྷཱཝིཏོ…པེ… བོཛ྄ཛྷངྒཱ བྷཱཝིཏཱ, ཨཏྠི ཏསྶ ཨསུཙི སུཀྐཝིསྶཊྛཱིཏི? ཨཱམནྟཱ ¶ . པརདྷམྨཀུསལསྶ ¶ ཨརཧཏོ ཨནོཏྟཔྤཔཧཱནཱཡ བོཛ྄ཛྷངྒཱ བྷཱཝིཏཱ, ཨཏྠི ཏསྶ ཨསུཙི སུཀྐཝིསྶཊྛཱིཏི? ན ཧེཝཾ ཝཏྟབྦེ…པེ….

སདྷམྨཀུསལོ ¶ ཨརཧཱ ཝཱིཏརཱགོ ཝཱིཏདོསོ ཝཱིཏམོཧོ…པེ… སཙྪིཀཱཏབྦཾ སཙྪིཀཏཾ, ཨཏྠི ཏསྶ ཨསུཙི སུཀྐཝིསྶཊྛཱིཏི? ཨཱམནྟཱ. པརདྷམྨཀུསལོ ¶ ཨརཧཱ ཝཱིཏརཱགོ ཝཱིཏདོསོ ཝཱིཏམོཧོ…པེ… སཙྪིཀཱཏབྦཾ སཙྪིཀཏཾ, ཨཏྠི ཏསྶ ཨསུཙི སུཀྐཝིསྶཊྛཱིཏི? ན ཧེཝཾ ཝཏྟབྦེ…པེ….

པརདྷམྨཀུསལསྶ ཨརཧཏོ རཱགོ པཧཱིནོ, ནཏྠི ཏསྶ ཨསུཙི སུཀྐཝིསྶཊྛཱིཏི? ཨཱམནྟཱ. སདྷམྨཀུསལསྶ ཨརཧཏོ རཱགོ པཧཱིནོ, ནཏྠི ཏསྶ ཨསུཙི སུཀྐཝིསྶཊྛཱིཏི? ན ཧེཝཾ ཝཏྟབྦེ…པེ….

པརདྷམྨཀུསལསྶ ཨརཧཏོ དོསོ པཧཱིནོ…པེ… མོཧོ པཧཱིནོ…པེ… ཨནོཏྟཔྤཾ པཧཱིནཾ, ནཏྠི ཏསྶ ཨསུཙི སུཀྐཝིསྶཊྛཱིཏི? ཨཱམནྟཱ. སདྷམྨཀུསལསྶ ཨརཧཏོ ཨནོཏྟཔྤཾ པཧཱིནཾ, ནཏྠི ཏསྶ ཨསུཙི སུཀྐཝིསྶཊྛཱིཏི? ན ཧེཝཾ ཝཏྟབྦེ…པེ….

པརདྷམྨཀུསལསྶ ཨརཧཏོ རཱགཔྤཧཱནཱཡ མགྒོ བྷཱཝིཏོ…པེ… བོཛ྄ཛྷངྒཱ བྷཱཝིཏཱ…པེ… དོསཔྤཧཱནཱཡ…པེ… མོཧཔྤཧཱནཱཡ…པེ… ཨནོཏྟཔྤཔཧཱནཱཡ མགྒོ བྷཱཝིཏོ…པེ… བོཛ྄ཛྷངྒཱ བྷཱཝིཏཱ, ནཏྠི ཏསྶ ཨསུཙི སུཀྐཝིསྶཊྛཱིཏི? ཨཱམནྟཱ. སདྷམྨཀུསལསྶ ཨརཧཏོ ཨནོཏྟཔྤཔཧཱནཱཡ བོཛ྄ཛྷངྒཱ བྷཱཝིཏཱ, ནཏྠི ཏསྶ ཨསུཙི སུཀྐཝིསྶཊྛཱིཏི? ན ཧེཝཾ ཝཏྟབྦེ…པེ….

པརདྷམྨཀུསལོ ཨརཧཱ ཝཱིཏརཱགོ ཝཱིཏདོསོ ཝཱིཏམོཧོ…པེ… སཙྪིཀཱཏབྦཾ ¶ སཙྪིཀཏཾ, ནཏྠི ཏསྶ ཨསུཙི སུཀྐཝིསྶཊྛཱིཏི? ཨཱམནྟཱ. སདྷམྨཀུསལོ ¶ ཨརཧཱ ཝཱིཏརཱགོ ཝཱིཏདོསོ ཝཱིཏམོཧོ…པེ… སཙྪིཀཱཏབྦཾ སཙྪིཀཏཾ, ནཏྠི ཏསྶ ཨསུཙི སུཀྐཝིསྶཊྛཱིཏི? ན ཧེཝཾ ཝཏྟབྦེ…པེ….

༣༡༣. ཨཏྠི ཨརཧཏོ ཨསུཙི སུཀྐཝིསྶཊྛཱིཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཡེ ཏེ [ཡེ ཀེཙི (སཱི.)], བྷིཀྑཝེ, བྷིཀྑཱུ པུཐུཛྫནཱ སཱིལསམྤནྣཱ སཏཱ སམྤཛཱནཱ ནིདྡཾ ཨོཀྐམནྟི, ཏེསཾ ཨསུཙི ན མུཙྩཏི. ཡེཔི ཏེ, བྷིཀྑཝེ, བཱཧིརཀཱ ཨིསཡོ ཀཱམེསུ ཝཱིཏརཱགཱ, ཏེསམྤི ཨསུཙི ན མུཙྩཏི. ཨཊྛཱནམེཏཾ, བྷིཀྑཝེ, ཨནཝཀཱསོ ཡཾ ཨརཧཏོ ཨསུཙི མུཙྩེཡྻཱ’’ཏི [མཧཱཝ. ༣༥༣ ཨཏྠཏོ སམཱནཾ; ཨ. ནི. ༥.༢༡༠ པསྶིཏབྦཾ]. ཨཏྠེཝ ¶ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཨཏྠི ཨརཧཏོ ཨསུཙི སུཀྐཝིསྶཊྛཱི’’ཏི.

ན ¶ ཝཏྟབྦཾ – ‘‘ཨཏྠི ཨརཧཏོ པརཱུཔཧཱརོ’’ཏི? ཨཱམནྟཱ. ནནུ ཨརཧཏོ ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཾ པརེ ཨུཔསཾཧརེཡྻུནྟི? ཨཱམནྟཱ. ཧཉྩི ཨརཧཏོ ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཾ པརེ ཨུཔསཾཧརེཡྻུཾ, ཏེན ཝཏ རེ ཝཏྟབྦེ – ‘‘ཨཏྠི ཨརཧཏོ པརཱུཔཧཱརོ’’ཏི.

ཨརཧཏོ ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཾ པརེ ཨུཔསཾཧརེཡྻུནྟི, ཨཏྠི ཨརཧཏོ པརཱུཔཧཱརོཏི? ཨཱམནྟཱ. ཨརཧཏོ སོཏཱཔཏྟིཕལཾ ཝཱ སཀདཱགཱམིཕལཾ ཝཱ ཨནཱགཱམིཕལཾ ཝཱ ཨརཧཏྟཾ ཝཱ པརེ ཨུཔསཾཧརེཡྻུནྟི? ན ཧེཝཾ ཝཏྟབྦེ…པེ….

པརཱུཔཧཱརཀཐཱ ནིཊྛིཏཱ.

༢. དུཏིཡཝགྒོ

(༡༡) ༢. ཨཉྙཱཎཀཐཱ

༣༡༤. ཨཏྠི ¶ ¶ ཨརཧཏོ ཨཉྙཱཎནྟི? ཨཱམནྟཱ. ཨཏྠི ཨརཧཏོ ཨཝིཛྫཱ ཨཝིཛྫོགྷོ ཨཝིཛྫཱཡོགོ ཨཝིཛྫཱནུསཡོ ཨཝིཛྫཱཔརིཡུཊྛཱནཾ ཨཝིཛྫཱསཾཡོཛནཾ ཨཝིཛྫཱནཱིཝརཎནྟི? ན ཧེཝཾ ཝཏྟབྦེ. ནཏྠི ཨརཧཏོ ཨཝིཛྫཱ ཨཝིཛྫོགྷོ ཨཝིཛྫཱཡོགོ ཨཝིཛྫཱནུསཡོ ཨཝིཛྫཱཔརིཡུཊྛཱནཾ ཨཝིཛྫཱསཾཡོཛནཾ ཨཝིཛྫཱནཱིཝརཎནྟི? ཨཱམནྟཱ. ཧཉྩི ནཏྠི ཨརཧཏོ ཨཝིཛྫཱ ཨཝིཛྫོགྷོ ཨཝིཛྫཱཡོགོ ཨཝིཛྫཱནུསཡོ ཨཝིཛྫཱཔརིཡུཊྛཱནཾ ཨཝིཛྫཱསཾཡོཛནཾ ཨཝིཛྫཱནཱིཝརཎཾ, ནོ ཙ ཝཏ རེ ཝཏྟབྦེ – ‘‘ཨཏྠི ཨརཧཏོ ཨཉྙཱཎ’’ནྟི.

ཨཏྠི ¶ པུཐུཛྫནསྶ ཨཉྙཱཎཾ, ཨཏྠི ཏསྶ ཨཝིཛྫཱ ཨཝིཛྫོགྷོ ཨཝིཛྫཱཡོགོ ཨཝིཛྫཱནུསཡོ ཨཝིཛྫཱཔརིཡུཊྛཱནཾ ཨཝིཛྫཱསཾཡོཛནཾ ཨཝིཛྫཱནཱིཝརཎནྟི? ཨཱམནྟཱ. ཨཏྠི ཨརཧཏོ ཨཉྙཱཎཾ, ཨཏྠི ཏསྶ ཨཝིཛྫཱ ཨཝིཛྫོགྷོ ཨཝིཛྫཱཡོགོ ཨཝིཛྫཱནུསཡོ ཨཝིཛྫཱཔརིཡུཊྛཱནཾ ཨཝིཛྫཱསཾཡོཛནཾ ཨཝིཛྫཱནཱིཝརཎནྟི? ན ཧེཝཾ ཝཏྟབྦེ.

ཨཏྠི ཨརཧཏོ ཨཉྙཱཎཾ, ནཏྠི ཏསྶ ཨཝིཛྫཱ ཨཝིཛྫོགྷོ ཨཝིཛྫཱཡོགོ ཨཝིཛྫཱནུསཡོ ཨཝིཛྫཱཔརིཡུཊྛཱནཾ ཨཝིཛྫཱསཾཡོཛནཾ ཨཝིཛྫཱནཱིཝརཎནྟི ¶ ? ཨཱམནྟཱ. ཨཏྠི པུཐུཛྫནསྶ ཨཉྙཱཎཾ ¶ , ནཏྠི ཏསྶ ཨཝིཛྫཱ ཨཝིཛྫོགྷོ ཨཝིཛྫཱཡོགོ ཨཝིཛྫཱནུསཡོ ཨཝིཛྫཱཔརིཡུཊྛཱནཾ ཨཝིཛྫཱསཾཡོཛནཾ ཨཝིཛྫཱནཱིཝརཎནྟི? ན ཧེཝཾ ཝཏྟབྦེ.

ཨཏྠི ཨརཧཏོ ཨཉྙཱཎནྟི? ཨཱམནྟཱ. ཨརཧཱ ཨཉྙཱཎཔཀཏོ པཱཎཾ ཧནེཡྻ, ཨདིནྣཾ ཨཱདིཡེཡྻ, མུསཱ བྷཎེཡྻ, པིསུཎཾ བྷཎེཡྻ, ཕརུསཾ བྷཎེཡྻ, སམྥཾ པལཔེཡྻ, སནྡྷིཾ ཚིནྡེཡྻ, ནིལློཔཾ ཧརེཡྻ, ཨེཀཱགཱརིཡཾ ཀརེཡྻ, པརིཔནྠེ ཏིཊྛེཡྻ, པརདཱརཾ གཙྪེཡྻ, གཱམགྷཱཏཾ ཀརེཡྻ, ནིགམགྷཱཏཾ ཀརེཡྻཱཏི? ན ཧེཝཾ ཝཏྟབྦེ.

ཨཏྠི པུཐུཛྫནསྶ ཨཉྙཱཎཾ, པུཐུཛྫནོ ཨཉྙཱཎཔཀཏོ པཱཎཾ ¶ ཧནེཡྻ, ཨདིནྣཾ ཨཱདིཡེཡྻ, མུསཱ བྷཎེཡྻ…པེ… གཱམགྷཱཏཾ ཀརེཡྻ, ནིགམགྷཱཏཾ ཀརེཡྻཱཏི? ཨཱམནྟཱ. ཨཏྠི ཨརཧཏོ ཨཉྙཱཎཾ, ཨརཧཱ ཨཉྙཱཎཔཀཏོ པཱཎཾ ཧནེཡྻ, ཨདིནྣཾ ཨཱདིཡེཡྻ…པེ… གཱམགྷཱཏཾ ཀརེཡྻ, ནིགམགྷཱཏཾ ཀརེཡྻཱཏི? ན ཧེཝཾ ཝཏྟབྦེ.

ཨཏྠི ཨརཧཏོ ཨཉྙཱཎཾ, ན ཙ ཨརཧཱ ཨཉྙཱཎཔཀཏོ པཱཎཾ ཧནེཡྻ, ཨདིནྣཾ ཨཱདིཡེཡྻ…པེ… གཱམགྷཱཏཾ ཀརེཡྻ, ནིགམགྷཱཏཾ ཀརེཡྻཱཏི? ཨཱམནྟཱ. ཨཏྠི པུཐུཛྫནསྶ ཨཉྙཱཎཾ, ན ཙ པུཐུཛྫནོ ཨཉྙཱཎཔཀཏོ པཱཎཾ ཧནེཡྻ, ཨདིནྣཾ ཨཱདིཡེཡྻ…པེ… གཱམགྷཱཏཾ ཀརེཡྻ, ནིགམགྷཱཏཾ ཀརེཡྻཱཏི? ན ཧེཝཾ ཝཏྟབྦེ.

ཨཏྠི ¶ ཨརཧཏོ ཨཉྙཱཎནྟི? ཨཱམནྟཱ. ཨཏྠི ཨརཧཏོ སཏྠརི ཨཉྙཱཎཾ, དྷམྨེ ཨཉྙཱཎཾ, སངྒྷེ ཨཉྙཱཎཾ, སིཀྑཱཡ ཨཉྙཱཎཾ, པུབྦནྟེ ཨཉྙཱཎཾ, ཨཔརནྟེ ཨཉྙཱཎཾ, པུབྦནྟཱཔརནྟེ ཨཉྙཱཎཾ, ཨིདཔྤཙྩཡཏཱཔཊིཙྩསམུཔྤནྣེསུ དྷམྨེསུ ཨཉྙཱཎནྟི? ན ཧེཝཾ ཝཏྟབྦེ.

ནཏྠི ¶ ཨརཧཏོ སཏྠརི ཨཉྙཱཎཾ, དྷམྨེ ཨཉྙཱཎཾ, སངྒྷེ ཨཉྙཱཎཾ, སིཀྑཱཡ ཨཉྙཱཎཾ, པུབྦནྟེ ཨཉྙཱཎཾ, ཨཔརནྟེ ཨཉྙཱཎཾ, པུབྦནྟཱཔརནྟེ ཨཉྙཱཎཾ, ཨིདཔྤཙྩཡཏཱཔཊིཙྩསམུཔྤནྣེསུ དྷམྨེསུ ཨཉྙཱཎནྟི? ཨཱམནྟཱ. ཧཉྩི ནཏྠི ཨརཧཏོ སཏྠརི ཨཉྙཱཎཾ, དྷམྨེ ཨཉྙཱཎཾ, སངྒྷེ ཨཉྙཱཎཾ…པེ… ཨིདཔྤཙྩཡཏཱཔཊིཙྩསམུཔྤནྣེསུ དྷམྨེསུ ཨཉྙཱཎཾ, ནོ ཙ ཝཏ རེ ཝཏྟབྦེ – ‘‘ཨཏྠི ཨརཧཏོ ཨཉྙཱཎ’’ནྟི.

ཨཏྠི པུཐུཛྫནསྶ ཨཉྙཱཎཾ, ཨཏྠི ཏསྶ སཏྠརི ཨཉྙཱཎཾ, དྷམྨེ ཨཉྙཱཎཾ, སངྒྷེ ཨཉྙཱཎཾ…པེ… ཨིདཔྤཙྩཡཏཱཔཊིཙྩསམུཔྤནྣེསུ དྷམྨེསུ ཨཉྙཱཎནྟི ¶ ? ཨཱམནྟཱ. ཨཏྠི ཨརཧཏོ ཨཉྙཱཎཾ, ཨཏྠི ཏསྶ སཏྠརི ཨཉྙཱཎཾ, དྷམྨེ ཨཉྙཱཎཾ, སངྒྷེ ཨཉྙཱཎཾ…པེ… ཨིདཔྤཙྩཡཏཱཔཊིཙྩསམུཔྤནྣེསུ དྷམྨེསུ ཨཉྙཱཎནྟི? ན ¶ ཧེཝཾ ཝཏྟབྦེ.

ཨཏྠི ཨརཧཏོ ཨཉྙཱཎཾ, ནཏྠི ཏསྶ སཏྠརི ཨཉྙཱཎཾ, དྷམྨེ ཨཉྙཱཎཾ, སངྒྷེ ཨཉྙཱཎཾ…པེ… ཨིདཔྤཙྩཡཏཱཔཊིཙྩསམུཔྤནྣེསུ ¶ དྷམྨེསུ ཨཉྙཱཎནྟི? ཨཱམནྟཱ. ཨཏྠི པུཐུཛྫནསྶ ཨཉྙཱཎཾ, ནཏྠི ཏསྶ སཏྠརི ཨཉྙཱཎཾ, དྷམྨེ ཨཉྙཱཎཾ, སངྒྷེ ཨཉྙཱཎཾ…པེ… ཨིདཔྤཙྩཡཏཱཔཊིཙྩསམུཔྤནྣེསུ དྷམྨེསུ ཨཉྙཱཎནྟི? ན ཧེཝཾ ཝཏྟབྦེ.

༣༡༥. ཨཏྠི ཨརཧཏོ ཨཉྙཱཎནྟི? ཨཱམནྟཱ. ནནུ ཨརཧཏོ རཱགོ པཧཱིནོ ཨུཙྪིནྣམཱུལོ ཏཱལཱཝཏྠུཀཏོ ཨནབྷཱཝངྐཏོ ཨཱཡཏིཾ ཨནུཔྤཱདདྷམྨོཏི? ཨཱམནྟཱ. ཧཉྩི ཨརཧཏོ རཱགོ པཧཱིནོ ཨུཙྪིནྣམཱུལོ ཏཱལཱཝཏྠུཀཏོ ཨནབྷཱཝངྐཏོ ཨཱཡཏིཾ ཨནུཔྤཱདདྷམྨོ, ནོ ཙ ཝཏ རེ ཝཏྟབྦེ – ‘‘ཨཏྠི ཨརཧཏོ ཨཉྙཱཎ’’ནྟི.

ཨཏྠི ཨརཧཏོ ཨཉྙཱཎནྟི? ཨཱམནྟཱ. ནནུ ཨརཧཏོ དོསོ པཧཱིནོ…པེ… མོཧོ པཧཱིནོ…པེ… ཨནོཏྟཔྤཾ པཧཱིནཾ ཨུཙྪིནྣམཱུལཾ ཏཱལཱཝཏྠུཀཏཾ ཨནབྷཱཝངྐཏཾ ཨཱཡཏིཾ ཨནུཔྤཱདདྷམྨནྟི? ཨཱམནྟཱ. ཧཉྩི ཨརཧཏོ ཨནོཏྟཔྤཾ པཧཱིནཾ ཨུཙྪིནྣམཱུལཾ ཏཱལཱཝཏྠུཀཏཾ ཨནབྷཱཝངྐཏཾ ཨཱཡཏིཾ ཨནུཔྤཱདདྷམྨཾ, ནོ ཙ ཝཏ རེ ཝཏྟབྦེ – ‘‘ཨཏྠི ཨརཧཏོ ཨཉྙཱཎ’’ནྟི.

ཨཏྠི ཨརཧཏོ ཨཉྙཱཎནྟི? ཨཱམནྟཱ. ནནུ ཨརཧཏོ རཱགཔྤཧཱནཱཡ མགྒོ བྷཱཝིཏོ…པེ… བོཛ྄ཛྷངྒཱ བྷཱཝིཏཱཏི? ཨཱམནྟཱ. ཧཉྩི ཨརཧཏོ རཱགཔྤཧཱནཱཡ བོཛ྄ཛྷངྒཱ བྷཱཝིཏཱ, ནོ ཙ ཝཏ རེ ཝཏྟབྦེ – ‘‘ཨཏྠི ཨརཧཏོ ཨཉྙཱཎ’’ནྟི.

ཨཏྠི ཨརཧཏོ ཨཉྙཱཎནྟི? ཨཱམནྟཱ. ནནུ ཨརཧཏོ དོསཔྤཧཱནཱཡ…པེ… མོཧཔྤཧཱནཱཡ…པེ… ཨནོཏྟཔྤཔཧཱནཱཡ མགྒོ བྷཱཝིཏོ ¶ …པེ… བོཛ྄ཛྷངྒཱ ¶ བྷཱཝིཏཱཏི? ཨཱམནྟཱ ¶ . ཧཉྩི ཨརཧཏོ ཨནོཏྟཔྤཔཧཱནཱཡ བོཛ྄ཛྷངྒཱ བྷཱཝིཏཱ, ནོ ཙ ཝཏ རེ ཝཏྟབྦེ – ‘‘ཨཏྠི ཨརཧཏོ ཨཉྙཱཎ’’ནྟི.

ཨཏྠི ¶ ཨརཧཏོ ཨཉྙཱཎནྟི? ཨཱམནྟཱ. ནནུ ཨརཧཱ ཝཱིཏརཱགོ ཝཱིཏདོསོ ཝཱིཏམོཧོ…པེ… སཙྪིཀཱཏབྦཾ སཙྪིཀཏནྟི? ཨཱམནྟཱ. ཧཉྩི ཨརཧཱ ཝཱིཏརཱགོ…པེ… སཙྪིཀཱཏབྦཾ སཙྪིཀཏཾ, ནོ ཙ ཝཏ རེ ཝཏྟབྦེ – ‘‘ཨཏྠི ཨརཧཏོ ཨཉྙཱཎ’’ནྟི.

༣༡༦. ཨཏྠི ཨརཧཏོ ཨཉྙཱཎནྟི? སདྷམྨཀུསལསྶ ཨརཧཏོ ཨཏྠི ཨཉྙཱཎཾ, པརདྷམྨཀུསལསྶ ཨརཧཏོ ནཏྠི ཨཉྙཱཎནྟི. སདྷམྨཀུསལསྶ ཨརཧཏོ ཨཏྠི ཨཉྙཱཎནྟི? ཨཱམནྟཱ. པརདྷམྨཀུསལསྶ ཨརཧཏོ ཨཏྠི ཨཉྙཱཎནྟི? ན ཧེཝཾ ཝཏྟབྦེ…པེ….

པརདྷམྨཀུསལསྶ ཨརཧཏོ ནཏྠི ཨཉྙཱཎནྟི? ཨཱམནྟཱ. སདྷམྨཀུསལསྶ ཨརཧཏོ ནཏྠི ཨཉྙཱཎནྟི? ན ཧེཝཾ ཝཏྟབྦེ…པེ….

སདྷམྨཀུསལསྶ ཨརཧཏོ རཱགོ པཧཱིནོ, ཨཏྠི ཏསྶ ཨཉྙཱཎནྟི? ཨཱམནྟཱ. པརདྷམྨཀུསལསྶ ཨརཧཏོ རཱགོ པཧཱིནོ, ཨཏྠི ཏསྶ ཨཉྙཱཎནྟི? ན ཧེཝཾ ཝཏྟབྦེ…པེ….

སདྷམྨཀུསལསྶ ཨརཧཏོ དོསོ པཧཱིནོ…པེ… མོཧོ པཧཱིནོ…པེ… ཨནོཏྟཔྤཾ པཧཱིནཾ, ཨཏྠི ཏསྶ ཨཉྙཱཎནྟི? ཨཱམནྟཱ. པརདྷམྨཀུསལསྶ ཨརཧཏོ ཨནོཏྟཔྤཾ པཧཱིནཾ, ཨཏྠི ཏསྶ ཨཉྙཱཎནྟི? ན ཧེཝཾ ཝཏྟབྦེ…པེ….

སདྷམྨཀུསལསྶ ¶ ཨརཧཏོ རཱགཔྤཧཱནཱཡ མགྒོ བྷཱཝིཏོ…པེ… བོཛ྄ཛྷངྒཱ བྷཱཝིཏཱ, ཨཏྠི ¶ ཏསྶ ཨཉྙཱཎནྟི? ཨཱམནྟཱ. པརདྷམྨཀུསལསྶ ཨརཧཏོ རཱགཔྤཧཱནཱཡ བོཛ྄ཛྷངྒཱ བྷཱཝིཏཱ, ཨཏྠི ཏསྶ ཨཉྙཱཎནྟི? ན ¶ ཧེཝཾ ཝཏྟབྦེ…པེ….

སདྷམྨཀུསལསྶ ཨརཧཏོ དོསཔྤཧཱནཱཡ…པེ… མོཧཔྤཧཱནཱཡ…པེ… ཨནོཏྟཔྤཔཧཱནཱཡ མགྒོ བྷཱཝིཏོ…པེ… བོཛ྄ཛྷངྒཱ བྷཱཝིཏཱ, ཨཏྠི ཏསྶ ཨཉྙཱཎནྟི? ཨཱམནྟཱ. པརདྷམྨཀུསལསྶ ཨརཧཏོ ཨནོཏྟཔྤཔཧཱནཱཡ བོཛ྄ཛྷངྒཱ བྷཱཝིཏཱ, ཨཏྠི ཏསྶ ཨཉྙཱཎནྟི? ན ཧེཝཾ ཝཏྟབྦེ…པེ….

སདྷམྨཀུསལོ ཨརཧཱ ཝཱིཏརཱགོ ཝཱིཏདོསོ ཝཱིཏམོཧོ…པེ… སཙྪིཀཱཏབྦཾ སཙྪིཀཏཾ, ཨཏྠི ཏསྶ ཨཉྙཱཎནྟི? ཨཱམནྟཱ. པརདྷམྨཀུསལོ ཨརཧཱ ཝཱིཏརཱགོ ཝཱིཏདོསོ ཝཱིཏམོཧོ…པེ… སཙྪིཀཱཏབྦཾ སཙྪིཀཏཾ, ཨཏྠི ཏསྶ ཨཉྙཱཎནྟི? ན ཧེཝཾ ཝཏྟབྦེ…པེ….

པརདྷམྨཀུསལསྶ ¶ ཨརཧཏོ རཱགོ པཧཱིནོ, ནཏྠི ཏསྶ ཨཉྙཱཎནྟི? ཨཱམནྟཱ. སདྷམྨཀུསལསྶ ཨརཧཏོ རཱགོ པཧཱིནོ, ནཏྠི ཏསྶ ཨཉྙཱཎནྟི? ན ཧེཝཾ ཝཏྟབྦེ…པེ….

པརདྷམྨཀུསལསྶ ཨརཧཏོ དོསོ པཧཱིནོ…པེ… མོཧོ པཧཱིནོ…པེ… ཨནོཏྟཔྤཾ པཧཱིནཾ, ནཏྠི ཏསྶ ཨཉྙཱཎནྟི? ཨཱམནྟཱ. སདྷམྨཀུསལསྶ ཨརཧཏོ ཨནོཏྟཔྤཾ པཧཱིནཾ, ནཏྠི ཏསྶ ཨཉྙཱཎནྟི? ན ཧེཝཾ ཝཏྟབྦེ…པེ….

པརདྷམྨཀུསལསྶ ཨརཧཏོ རཱགཔྤཧཱནཱཡ མགྒོ བྷཱཝིཏོ…པེ… བོཛ྄ཛྷངྒཱ ¶ བྷཱཝིཏཱ…པེ… དོསཔྤཧཱནཱཡ མོཧཔྤཧཱནཱཡ…པེ… ཨནོཏྟཔྤཔཧཱནཱཡ མགྒོ བྷཱཝིཏོ…པེ… བོཛ྄ཛྷངྒཱ བྷཱཝིཏཱ, ནཏྠི ཏསྶ ཨཉྙཱཎནྟི? ཨཱམནྟཱ. སདྷམྨཀུསལསྶ ཨརཧཏོ ཨནོཏྟཔྤཔཧཱནཱཡ བོཛ྄ཛྷངྒཱ བྷཱཝིཏཱ, ནཏྠི ཏསྶ ཨཉྙཱཎནྟི? ན ཧེཝཾ ཝཏྟབྦེ…པེ….

པརདྷམྨཀུསལོ ཨརཧཱ ཝཱིཏརཱགོ ཝཱིཏདོསོ ཝཱིཏམོཧོ…པེ… སཙྪིཀཱཏབྦཾ སཙྪིཀཏཾ, ནཏྠི ཏསྶ ཨཉྙཱཎནྟི? ཨཱམནྟཱ ¶ . སདྷམྨཀུསལོ ཨརཧཱ ཝཱིཏརཱགོ ཝཱིཏདོསོ ཝཱིཏམོཧོ ¶ …པེ… སཙྪིཀཱཏབྦཾ སཙྪིཀཏཾ, ནཏྠི ཏསྶ ཨཉྙཱཎནྟི? ན ཧེཝཾ ཝཏྟབྦེ…པེ….

༣༡༧. ཨཏྠི ཨརཧཏོ ཨཉྙཱཎནྟི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཛཱནཏོཧཾ [ཛཱནཏཱཧཾ (སཱི.), ཛཱནཏྭཱཧཾ (སྱཱ. པཱི. ཀ.)], བྷིཀྑཝེ, པསྶཏོ ཨཱསཝཱནཾ ཁཡཾ ཝདཱམི, ནོ ཨཛཱནཏོ ནོ ཨཔསྶཏོ. ཀིཉྩ, བྷིཀྑཝེ, ཛཱནཏོ ཀིཾ པསྶཏོ ཨཱསཝཱནཾ ཁཡོ ཧོཏི? ‘ཨིཏི རཱུཔཾ, ཨིཏི རཱུཔསྶ སམུདཡོ, ཨིཏི རཱུཔསྶ ཨཏྠངྒམོ, ཨིཏི ཝེདནཱ…པེ… ཨིཏི སཉྙཱ… ཨིཏི སངྑཱརཱ… ཨིཏི ཝིཉྙཱཎཾ, ཨིཏི ཝིཉྙཱཎསྶ སམུདཡོ, ཨིཏི ཝིཉྙཱཎསྶ ཨཏྠངྒམོ’ཏི – ཨེཝཾ ཁོ, བྷིཀྑཝེ, ཛཱནཏོ ཨེཝཾ པསྶཏོ ཨཱསཝཱནཾ ཁཡོ ཧོཏཱི’’ཏི [སཾ. ནི. ༣.༡༠༡; ཨིཏིཝུ. ༡༠༢; སཾ. ནི. ༥.༡༠༩༥]. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཨཏྠི ཨརཧཏོ ཨཉྙཱཎ’’ནྟི.

ཨཏྠི ཨརཧཏོ ཨཉྙཱཎནྟི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཛཱནཏོཧཾ, བྷིཀྑཝེ, པསྶཏོ ཨཱསཝཱནཾ ཁཡཾ ཝདཱམི, ནོ ཨཛཱནཏོ ¶ ནོ ཨཔསྶཏོ. ཀིཉྩ, བྷིཀྑཝེ, ཛཱནཏོ ཀིཾ པསྶཏོ ཨཱསཝཱནཾ ཁཡོ ¶ ཧོཏི? ‘ཨིདཾ དུཀྑ’ནྟི – བྷིཀྑཝེ, ཛཱནཏོ པསྶཏོ ཨཱསཝཱནཾ ཁཡོ ཧོཏི, ‘ཨཡཾ དུཀྑསམུདཡོ’ཏི – ཛཱནཏོ པསྶཏོ ཨཱསཝཱནཾ ཁཡོ ཧོཏི, ‘ཨཡཾ དུཀྑནིརོདྷོ’ཏི – ཛཱནཏོ པསྶཏོ ཨཱསཝཱནཾ ཁཡོ ཧོཏི, ‘ཨཡཾ དུཀྑནིརོདྷགཱམིནཱི པཊིཔདཱ’ཏི – ཛཱནཏོ པསྶཏོ ཨཱསཝཱནཾ ཁཡོ ཧོཏི. ཨེཝཾ ཁོ, བྷིཀྑཝེ, ཛཱནཏོ ཨེཝཾ པསྶཏོ ཨཱསཝཱནཾ ཁཡོ ཧོཏཱི’’ཏི [སཾ. ནི. ༥.༡༠༩༥]. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཨཏྠི ཨརཧཏོ ཨཉྙཱཎ’’ནྟི.

ཨཏྠི ཨརཧཏོ ཨཉྙཱཎནྟི? ཨཱམནྟཱ. ནནུ ཝུཏྟཾ བྷགཝཏཱ – ‘‘སབྦཾ, བྷིཀྑཝེ, ཨནབྷིཛཱནཾ ཨཔརིཛཱནཾ ཨཝིརཱཛཡཾ ཨཔྤཛཧཾ ཨབྷབྦོ དུཀྑཀྑཡཱཡ, སབྦཉྩ ཁོ, བྷིཀྑཝེ, ཨབྷིཛཱནཾ པརིཛཱནཾ ¶ ཝིརཱཛཡཾ པཛཧཾ བྷབྦོ དུཀྑཀྑཡཱཡཱ’’ཏི [སཾ. ནི. ༤.༢༦; ཨིཏིཝུ. ༧ ཨིཏིཝུཏྟཀེཔི]! ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཨཏྠི ཨརཧཏོ ཨཉྙཱཎ’’ནྟི.

ཨཏྠི ཨརཧཏོ ཨཉྙཱཎནྟི? ཨཱམནྟཱ. ནནུ ཝུཏྟཾ བྷགཝཏཱ –

‘‘སཧཱཝསྶ ¶ དསྶནསམྤདཱཡ,

ཏཡསྶུ དྷམྨཱ ཛཧིཏཱ བྷཝནྟི;

སཀྐཱཡདིཊྛཱི ཝིཙིཀིཙྪིཏཉྩ,

སཱིལབྦཏཾ ཝཱཔི ཡདཏྠི ཀིཉྩི;

ཙཏཱུཧཔཱཡེཧི ཙ ཝིཔྤམུཏྟོ,

ཚཙྩཱབྷིཋཱནཱནི ཨབྷབྦ ཀཱཏུ’’ནྟི.

ཨཏྠེཝ ¶ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཨཏྠི ཨརཧཏོ ཨཉྙཱཎ’’ནྟི.

ཨཏྠི ཨརཧཏོ ཨཉྙཱཎནྟི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཡསྨིཾ, བྷིཀྑཝེ, སམཡེ ཨརིཡསཱཝཀསྶ ཝིརཛཾ ཝཱིཏམལཾ དྷམྨཙཀྑུཾ ཨུདཔཱདི – ‘ཡཾ ཀིཉྩི སམུདཡདྷམྨཾ སབྦཾ ཏཾ ནིརོདྷདྷམྨ’ནྟི, སཧ དསྶནུཔྤཱདཱ, བྷིཀྑཝེ, ཨརིཡསཱཝཀསྶ ཏཱིཎི སཾཡོཛནཱནི པཧཱིཡནྟི – སཀྐཱཡདིཊྛི, ཝིཙིཀིཙྪཱ, སཱིལབྦཏཔརཱམཱསོ’’ཏི. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཨཏྠི ཨརཧཏོ ཨཉྙཱཎ’’ནྟི.

ན ¶ ཝཏྟབྦཾ – ‘‘ཨཏྠི ཨརཧཏོ ཨཉྙཱཎ’’ནྟི? ཨཱམནྟཱ. ནནུ ཨརཧཱ ཨིཏྠིཔུརིསཱནཾ ནཱམགོཏྟཾ ན ཛཱནེཡྻ, མགྒཱམགྒཾ ན ཛཱནེཡྻ, ཏིཎཀཊྛཝནཔྤཏཱིནཾ ནཱམཾ ན ཛཱནེཡྻཱཏི? ཨཱམནྟཱ. ཧཉྩི ཨརཧཱ ཨིཏྠིཔུརིསཱནཾ ནཱམགོཏྟཾ ན ཛཱནེཡྻ, མགྒཱམགྒཾ ¶ ན ཛཱནེཡྻ, ཏིཎཀཊྛཝནཔྤཏཱིནཾ ནཱམཾ ན ཛཱནེཡྻ, ཏེན ཝཏ རེ ཝཏྟབྦེ – ‘‘ཨཏྠི ཨརཧཏོ ཨཉྙཱཎ’’ནྟི.

ཨརཧཱ ཨིཏྠིཔུརིསཱནཾ ནཱམགོཏྟཾ ན ཛཱནེཡྻ, མགྒཱམགྒཾ ན ཛཱནེཡྻ, ཏིཎཀཊྛཝནཔྤཏཱིནཾ ནཱམཾ ན ཛཱནེཡྻཱཏི, ཨཏྠི ཨརཧཏོ ཨཉྙཱཎནྟི? ཨཱམནྟཱ. ཨརཧཱ སོཏཱཔཏྟིཕལཾ ཝཱ སཀདཱགཱམིཕལཾ ཝཱ ཨནཱགཱམིཕལཾ ཝཱ ཨརཧཏྟཾ ཝཱ ན ཛཱནེཡྻཱཏི? ན ཧེཝཾ ཝཏྟབྦེ…པེ….

ཨཉྙཱཎཀཐཱ ནིཊྛིཏཱ.

༢. དུཏིཡཝགྒོ

(༡༢) ༣. ཀངྑཱཀཐཱ

༣༡༨. ཨཏྠི ¶ ¶ ཨརཧཏོ ཀངྑཱཏི? ཨཱམནྟཱ. ཨཏྠི ཨརཧཏོ ཝིཙིཀིཙྪཱ ཝིཙིཀིཙྪཱཔརིཡུཊྛཱནཾ ཝིཙིཀིཙྪཱསཾཡོཛནཾ ཝིཙིཀིཙྪཱནཱིཝརཎནྟི? ན ཧེཝཾ ཝཏྟབྦེ…པེ….

ནཏྠི ཨརཧཏོ ཝིཙིཀིཙྪཱ ཝིཙིཀིཙྪཱཔརིཡུཊྛཱནཾ ཝིཙིཀིཙྪཱསཾཡོཛནཾ ཝིཙིཀིཙྪཱནཱིཝརཎནྟི? ཨཱམནྟཱ. ཧཉྩི ནཏྠི ཨརཧཏོ ཝིཙིཀིཙྪཱ ཝིཙིཀིཙྪཱཔརིཡུཊྛཱནཾ ཝིཙིཀིཙྪཱསཾཡོཛནཾ ཝིཙིཀིཙྪཱནཱིཝརཎཾ, ནོ ཙ ཝཏ རེ ཝཏྟབྦེ – ‘‘ཨཏྠི ཨརཧཏོ ཀངྑཱ’’ཏི.

ཨཏྠི པུཐུཛྫནསྶ ཀངྑཱ, ཨཏྠི ཏསྶ ཝིཙིཀིཙྪཱ ཝིཙིཀིཙྪཱཔརིཡུཊྛཱནཾ ཝིཙིཀིཙྪཱསཾཡོཛནཾ ཝིཙིཀིཙྪཱནཱིཝརཎནྟི? ཨཱམནྟཱ. ཨཏྠི ཨརཧཏོ ཀངྑཱ, ཨཏྠི ཏསྶ ཝིཙིཀིཙྪཱ ཝིཙིཀིཙྪཱཔརིཡུཊྛཱནཾ ཝིཙིཀིཙྪཱསཾཡོཛནཾ ཝིཙིཀིཙྪཱནཱིཝརཎནྟི? ན ཧེཝཾ ཝཏྟབྦེ…པེ….

ཨཏྠི ཨརཧཏོ ཀངྑཱ, ནཏྠི ཏསྶ ཝིཙིཀིཙྪཱ ཝིཙིཀིཙྪཱཔརིཡུཊྛཱནཾ ཝིཙིཀིཙྪཱསཾཡོཛནཾ ཝིཙིཀིཙྪཱནཱིཝརཎནྟི? ཨཱམནྟཱ ¶ . ཨཏྠི པུཐུཛྫནསྶ ཀངྑཱ, ནཏྠི ¶ ཏསྶ ཝིཙིཀིཙྪཱ ཝིཙིཀིཙྪཱཔརིཡུཊྛཱནཾ ཝིཙིཀིཙྪཱསཾཡོཛནཾ ཝིཙིཀིཙྪཱནཱིཝརཎནྟི? ན ཧེཝཾ ཝཏྟབྦེ…པེ….

ཨཏྠི ཨརཧཏོ ཀངྑཱཏི? ཨཱམནྟཱ. ཨཏྠི ཨརཧཏོ སཏྠརི ཀངྑཱ, དྷམྨེ ཀངྑཱ, སངྒྷེ ཀངྑཱ, སིཀྑཱཡ ཀངྑཱ, པུབྦནྟེ ཀངྑཱ, ཨཔརནྟེ ཀངྑཱ, པུབྦནྟཱཔརནྟེ ཀངྑཱ, ཨིདཔྤཙྩཡཏཱཔཊིཙྩསམུཔྤནྣེསུ དྷམྨེསུ ཀངྑཱཏི? ན ཧེཝཾ ཝཏྟབྦེ.

ནཏྠི ¶ ཨརཧཏོ སཏྠརི ཀངྑཱ, དྷམྨེ ཀངྑཱ…པེ… ཨིདཔྤཙྩཡཏཱཔཊིཙྩསམུཔྤནྣེསུ དྷམྨེསུ ཀངྑཱཏི ¶ ? ཨཱམནྟཱ. ཧཉྩི ནཏྠི ཨརཧཏོ སཏྠརི ཀངྑཱ, དྷམྨེ ཀངྑཱ…པེ… ཨིདཔྤཙྩཡཏཱཔཊིཙྩསམུཔྤནྣེསུ དྷམྨེསུ ཀངྑཱ, ནོ ཙ ཝཏ རེ ཝཏྟབྦེ – ‘‘ཨཏྠི ཨརཧཏོ ཀངྑཱ’’ཏི.

ཨཏྠི པུཐུཛྫནསྶ ཀངྑཱ, ཨཏྠི ཏསྶ སཏྠརི ཀངྑཱ, དྷམྨེ ཀངྑཱ…པེ… ཨིདཔྤཙྩཡཏཱཔཊིཙྩསམུཔྤནྣེསུ དྷམྨེསུ ཀངྑཱཏི? ཨཱམནྟཱ. ཨཏྠི ཨརཧཏོ ཀངྑཱ, ཨཏྠི ཏསྶ སཏྠརི ཀངྑཱ, དྷམྨེ ཀངྑཱ…པེ… ཨིདཔྤཙྩཡཏཱཔཊིཙྩསམུཔྤནྣེསུ དྷམྨེསུ ཀངྑཱཏི? ན ཧེཝཾ ཝཏྟབྦེ.

ཨཏྠི ཨརཧཏོ ཀངྑཱ, ནཏྠི ཏསྶ སཏྠརི ཀངྑཱ, དྷམྨེ ཀངྑཱ…པེ… ཨིདཔྤཙྩཡཏཱཔཊིཙྩསམུཔྤནྣེསུ དྷམྨེསུ ཀངྑཱཏི? ཨཱམནྟཱ. ཨཏྠི པུཐུཛྫནསྶ ཀངྑཱ, ནཏྠི ཏསྶ སཏྠརི ཀངྑཱ, དྷམྨེ ཀངྑཱ…པེ… ཨིདཔྤཙྩཡཏཱཔཊིཙྩསམུཔྤནྣེསུ དྷམྨེསུ ཀངྑཱཏི? ན ཧེཝཾ ཝཏྟབྦེ.

༣༡༩. ཨཏྠི ཨརཧཏོ ཀངྑཱཏི? ཨཱམནྟཱ ¶ . ནནུ ཨརཧཏོ རཱགོ པཧཱིནོ ཨུཙྪིནྣམཱུལོ ཏཱལཱཝཏྠུཀཏོ ཨནབྷཱཝངྐཏོ ཨཱཡཏིཾ ཨནུཔྤཱདདྷམྨོཏི? ཨཱམནྟཱ. ཧཉྩི ཨརཧཏོ རཱགོ པཧཱིནོ ཨུཙྪིནྣམཱུལོ ཏཱལཱཝཏྠུཀཏོ ཨནབྷཱཝངྐཏོ ཨཱཡཏིཾ ཨནུཔྤཱདདྷམྨོ, ནོ ཙ ཝཏ རེ ཝཏྟབྦེ – ‘‘ཨཏྠི ཨརཧཏོ ཀངྑཱ’’ཏི.

ཨཏྠི ¶ ཨརཧཏོ ཀངྑཱཏི? ཨཱམནྟཱ. ནནུ ཨརཧཏོ དོསོ པཧཱིནོ…པེ… མོཧོ པཧཱིནོ…པེ… ཨནོཏྟཔྤཾ པཧཱིནཾ…པེ… རཱགཔྤཧཱནཱཡ མགྒོ བྷཱཝིཏོ…པེ… བོཛ྄ཛྷངྒཱ བྷཱཝིཏཱ…པེ… དོསཔྤཧཱནཱཡ…པེ… ཨནོཏྟཔྤཔཧཱནཱཡ མགྒོ བྷཱཝིཏོ…པེ… བོཛ྄ཛྷངྒཱ བྷཱཝིཏཱ; ནནུ ཨརཧཱ ཝཱིཏརཱགོ ཝཱིཏདོསོ ཝཱིཏམོཧོ…པེ… སཙྪིཀཱཏབྦཾ སཙྪིཀཏནྟི? ཨཱམནྟཱ. ཧཉྩི ཨརཧཱ ཝཱིཏརཱགོ ཝཱིཏདོསོ ཝཱིཏམོཧོ…པེ… སཙྪིཀཱཏབྦཾ སཙྪིཀཏཾ, ནོ ཙ ཝཏ རེ ཝཏྟབྦེ – ‘‘ཨཏྠི ཨརཧཏོ ཀངྑཱ’’ཏི.

༣༢༠. ཨཏྠི ¶ ཨརཧཏོ ཀངྑཱཏི? སདྷམྨཀུསལསྶ ཨརཧཏོ ¶ ཨཏྠི ཀངྑཱ, པརདྷམྨཀུསལསྶ ¶ ཨརཧཏོ ནཏྠི ཀངྑཱཏི. སདྷམྨཀུསལསྶ ཨརཧཏོ ཨཏྠི ཀངྑཱཏི? ཨཱམནྟཱ. པརདྷམྨཀུསལསྶ ཨརཧཏོ ཨཏྠི ཀངྑཱཏི? ན ཧེཝཾ ཝཏྟབྦེ…པེ….

པརདྷམྨཀུསལསྶ ཨརཧཏོ ནཏྠི ཀངྑཱཏི? ཨཱམནྟཱ. སདྷམྨཀུསལསྶ ཨརཧཏོ ནཏྠི ཀངྑཱཏི? ན ཧེཝཾ ཝཏྟབྦེ…པེ….

སདྷམྨཀུསལསྶ ཨརཧཏོ རཱགོ པཧཱིནོ, ཨཏྠི ཏསྶ ཀངྑཱཏི? ཨཱམནྟཱ. པརདྷམྨཀུསལསྶ ཨརཧཏོ རཱགོ པཧཱིནོ, ཨཏྠི ཏསྶ ཀངྑཱཏི? ན ཧེཝཾ ཝཏྟབྦེ…པེ….

སདྷམྨཀུསལསྶ ཨརཧཏོ དོསོ པཧཱིནོ…པེ… མོཧོ པཧཱིནོ…པེ… ཨནོཏྟཔྤཾ པཧཱིནཾ…པེ… རཱགཔྤཧཱནཱཡ མགྒོ བྷཱཝིཏོ…པེ… བོཛ྄ཛྷངྒཱ བྷཱཝིཏཱ…པེ… དོསཔྤཧཱནཱཡ…པེ… མོཧཔྤཧཱནཱཡ…པེ… ཨནོཏྟཔྤཔཧཱནཱཡ ¶ མགྒོ བྷཱཝིཏོ…པེ… བོཛ྄ཛྷངྒཱ བྷཱཝིཏཱ…པེ… སདྷམྨཀུསལོ ཨརཧཱ ཝཱིཏརཱགོ ཝཱིཏདོསོ ཝཱིཏམོཧོ ¶ …པེ… སཙྪིཀཱཏབྦཾ སཙྪིཀཏཾ, ཨཏྠི ཏསྶ ཀངྑཱཏི? ཨཱམནྟཱ. པརདྷམྨཀུསལོ ཨརཧཱ ཝཱིཏརཱགོ ཝཱིཏདོསོ ཝཱིཏམོཧོ…པེ… སཙྪིཀཱཏབྦཾ སཙྪིཀཏཾ, ཨཏྠི ཏསྶ ཀངྑཱཏི? ན ཧེཝཾ ཝཏྟབྦེ…པེ… པརདྷམྨཀུསལསྶ ཨརཧཏོ རཱགོ པཧཱིནོ, ནཏྠི ཏསྶ ཀངྑཱཏི? ཨཱམནྟཱ. སདྷམྨཀུསལསྶ ཨརཧཏོ རཱགོ པཧཱིནོ, ནཏྠི ཏསྶ ཀངྑཱཏི? ན ཧེཝཾ ཝཏྟབྦེ…པེ….

པརདྷམྨཀུསལསྶ ཨརཧཏོ དོསོ པཧཱིནོ…པེ… མོཧོ པཧཱིནོ…པེ… ཨནོཏྟཔྤཾ པཧཱིནཾ…པེ… རཱགཔྤཧཱནཱཡ མགྒོ བྷཱཝིཏོ…པེ… བོཛ྄ཛྷངྒཱ བྷཱཝིཏཱ…པེ… དོསཔྤཧཱནཱཡ…པེ… མོཧཔྤཧཱནཱཡ…པེ… ཨནོཏྟཔྤཔཧཱནཱཡ མགྒོ བྷཱཝིཏོ…པེ… བོཛ྄ཛྷངྒཱ བྷཱཝིཏཱ…པེ… པརདྷམྨཀུསལོ ཨརཧཱ ཝཱིཏརཱགོ ཝཱིཏདོསོ ཝཱིཏམོཧོ…པེ… སཙྪིཀཱཏབྦཾ སཙྪིཀཏཾ, ནཏྠི ཏསྶ ཀངྑཱཏི? ཨཱམནྟཱ. སདྷམྨཀུསལོ ཨརཧཱ ཝཱིཏརཱགོ ཝཱིཏདོསོ ཝཱིཏམོཧོ…པེ… སཙྪིཀཱཏབྦཾ སཙྪིཀཏཾ, ནཏྠི ཏསྶ ཀངྑཱཏི? ན ཧེཝཾ ཝཏྟབྦེ…པེ….

༣༢༡. ཨཏྠི ཨརཧཏོ ཀངྑཱཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཛཱནཏོཧཾ, བྷིཀྑཝེ, པསྶཏོ ཨཱསཝཱནཾ ཁཡཾ ཝདཱམི, ནོ ཨཛཱནཏོ ནོ ¶ ཨཔསྶཏོ! ཀིཉྩ, བྷིཀྑཝེ ¶ , ཛཱནཏོ ཀིཾ པསྶཏོ ཨཱསཝཱནཾ ཁཡོ ཧོཏི ¶ ? ‘ཨིཏི རཱུཔཾ’…པེ… ‘ཨིཏི ཝིཉྙཱཎསྶ ཨཏྠངྒམོ’ཏི – ཨེཝཾ ཁོ, བྷིཀྑཝེ, ཛཱནཏོ ཨེཝཾ པསྶཏོ ཨཱསཝཱནཾ ཁཡོ ཧོཏཱི’’ཏི. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཨཏྠི ཨརཧཏོ ཀངྑཱ’’ཏི.

ཨཏྠི ཨརཧཏོ ཀངྑཱཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཛཱནཏོཧཾ, བྷིཀྑཝེ, པསྶཏོ ཨཱསཝཱནཾ ཁཡཾ ཝདཱམི, ནོ ཨཛཱནཏོ ནོ ཨཔསྶཏོ! ཀིཉྩ, བྷིཀྑཝེ, ཛཱནཏོ ཀིཾ པསྶཏོ ཨཱསཝཱནཾ ཁཡོ ཧོཏི? ‘ཨིདཾ དུཀྑ’ནྟི, བྷིཀྑཝེ…པེ… ‘ཨཡཾ དུཀྑནིརོདྷགཱམིནཱི པཊིཔདཱ’ཏི ཛཱནཏོ པསྶཏོ ཨཱསཝཱནཾ ཁཡོ ཧོཏི. ཨེཝཾ ཁོ ¶ , བྷིཀྑཝེ, ཛཱནཏོ ཨེཝཾ པསྶཏོ ཨཱསཝཱནཾ ཁཡོ ཧོཏཱི’’ཏི. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཨཏྠི ཨརཧཏོ ཀངྑཱ’’ཏི.

ཨཏྠི ཨརཧཏོ ཀངྑཱཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘སབྦཾ, བྷིཀྑཝེ, ཨནབྷིཛཱནཾ ཨཔརིཛཱནཾ ཨཝིརཱཛཡཾ ཨཔྤཛཧཾ ཨབྷབྦོ དུཀྑཀྑཡཱཡ; སབྦཉྩ ཁོ, བྷིཀྑཝེ, ཨབྷིཛཱནཾ པརིཛཱནཾ ཝིརཱཛཡཾ པཛཧཾ བྷབྦོ དུཀྑཀྑཡཱཡཱ’’ཏི! ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཨཏྠི ཨརཧཏོ ཀངྑཱ’’ཏི.

ཨཏྠི ཨརཧཏོ ཀངྑཱཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘སཧཱཝསྶ དསྶནསམྤདཱཡ ¶ …པེ… ཚཙྩཱབྷིཋཱནཱནི ཨབྷབྦ ཀཱཏུ’’ནྟི. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཨཏྠི ཨརཧཏོ ཀངྑཱ’’ཏི.

ཨཏྠི ཨརཧཏོ ཀངྑཱཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཡསྨིཾ, བྷིཀྑཝེ, སམཡེ ཨརིཡསཱཝཀསྶ ཝིརཛཾ ཝཱིཏམལཾ དྷམྨཙཀྑུཾ ཨུདཔཱདི ¶ – ‘ཡཾ ཀིཉྩི སམུདཡདྷམྨཾ སབྦཾ ཏཾ ནིརོདྷདྷམྨ’ནྟི, སཧ དསྶནུཔྤཱདཱ, བྷིཀྑཝེ, ཨརིཡསཱཝཀསྶ ཏཱིཎི སཾཡོཛནཱནི པཧཱིཡནྟི – སཀྐཱཡདིཊྛི, ཝིཙིཀིཙྪཱ, སཱིལབྦཏཔརཱམཱསོ’’ཏི! ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཨཏྠི ཨརཧཏོ ཀངྑཱ’’ཏི.

ཨཏྠི ཨརཧཏོ ཀངྑཱཏི? ཨཱམནྟཱ. ནནུ ཝུཏྟཾ བྷགཝཏཱ –

‘‘ཡདཱ ¶ ཧཝེ པཱཏུབྷཝནྟི དྷམྨཱ,

ཨཱཏཱཔིནོ ཛྷཱཡཏོ བྲཱཧྨཎསྶ;

ཨཐསྶ ཀངྑཱ ཝཔཡནྟི སབྦཱ,

ཡཏོ པཛཱནཱཏི སཧེཏུདྷམྨནྟི.

‘‘ཡདཱ ¶ ཧཝེ པཱཏུབྷཝནྟི དྷམྨཱ,

ཨཱཏཱཔིནོ ཛྷཱཡཏོ བྲཱཧྨཎསྶ;

ཨཐསྶ ཀངྑཱ ཝཔཡནྟི སབྦཱ,

ཡཏོ ཁཡཾ པཙྩཡཱནཾ ཨཝེདཱིཏི.

‘‘ཡདཱ ཧཝེ པཱཏུབྷཝནྟི དྷམྨཱ,

ཨཱཏཱཔིནོ ཛྷཱཡཏོ བྲཱཧྨཎསྶ;

ཝིདྷཱུཔཡཾ ཏིཊྛཏི མཱརསེནཾ,

སཱུརིཡོཝ [སུརིཡོཝ (སཱི. སྱཱ. ཀཾ. པཱི.)] ཨོབྷཱསཡམནྟལིཀྑནྟི [མཧཱཝ. ༣; ཨུདཱ. ༣].

‘‘ཡཱ ཀཱཙི ཀངྑཱ ཨིདྷ ཝཱ ཧུརཾ ཝཱ,

སཀཝེདིཡཱ ཝཱ པརཝེདིཡཱ ཝཱ;

ཛྷཱཡིནོ ¶ [ཡེ ཛྷཱཡིནོ (ཨུདཱནེ)] ཏཱ པཛཧནྟི སབྦཱ,

ཨཱཏཱཔིནོ ¶ བྲཧྨཙརིཡཾ ཙརནྟཱཏི [ཨུདཱ. ༤༧ ཨུདཱནེཔི].

‘‘ཡེ ཀངྑཱསམཏིཀྐནྟཱ, ཀངྑཱབྷཱུཏེསུ པཱཎིསུ;

ཨསཾསཡཱ ཝིསཾཡུཏྟཱ, ཏེསུ དིནྣཾ མཧཔྥལནྟི.

‘‘ཨེཏཱདིསཱི དྷམྨཔཀཱསནེཏྠ,

ན ཏཏྠ ཀིཾ ཀངྑཏི ཀོཙི སཱཝཀོ;

ནིཏྠིཎྞཨོགྷཾ [ནིཏིཎྞཨོགྷཾ (སཱི. ཀ.), ནིཏྟིཎྞཨོགྷཾ (སྱཱ. ཀཾ.)] ཝིཙིཀིཙྪཚིནྣཾ,

བུདྡྷཾ ནམསྶཱམ ཛིནཾ ཛནིནྡཱ’’ཏི [དཱི. ནི. ༢.༣༥༤].

ཨཏྠེཝ ¶ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཨཏྠི ཨརཧཏོ ཀངྑཱ’’ཏི.

ན ཝཏྟབྦཾ – ‘‘ཨཏྠི ཨརཧཏོ ཀངྑཱ’’ཏི? ཨཱམནྟཱ. ནནུ ཨརཧཱ ཨིཏྠིཔུརིསཱནཾ ནཱམགོཏྟེ ཀངྑེཡྻ, མགྒཱམགྒེ ཀངྑེཡྻ, ཏིཎཀཊྛཝནཔྤཏཱིནཾ ནཱམེ ཀངྑེཡྻཱ’’ཏི? ཨཱམནྟཱ. ཧཉྩི ཨརཧཱ ཨིཏྠིཔུརིསཱནཾ ནཱམགོཏྟེ ཀངྑེཡྻ, མགྒཱམགྒེ ཀངྑེཡྻ, ཏིཎཀཊྛཝནཔྤཏཱིནཾ ནཱམེ ཀངྑེཡྻ; ཏེན ཝཏ རེ ཝཏྟབྦེ – ‘‘ཨཏྠི ཨརཧཏོ ཀངྑཱ’’ཏི.

ཨརཧཱ ¶ ཨིཏྠིཔུརིསཱནཾ ནཱམགོཏྟེ ཀངྑེཡྻ, མགྒཱམགྒེ ཀངྑེཡྻ, ཏིཎཀཊྛཝནཔྤཏཱིནཾ ནཱམེ ཀངྑེཡྻཱཏི, ཨཏྠི ཨརཧཏོ ཀངྑཱཏི? ཨཱམནྟཱ. ཨརཧཱ སོཏཱཔཏྟིཕལེ ཝཱ སཀདཱགཱམིཕལེ ཝཱ ཨནཱགཱམིཕལེ ཝཱ ཨརཧཏྟེ ཝཱ ཀངྑེཡྻཱཏི? ན ཧེཝཾ ཝཏྟབྦེ…པེ….

ཀངྑཱཀཐཱ ནིཊྛིཏཱ.

༢. དུཏིཡཝགྒོ

(༡༣) ༤. པརཝིཏཱརཎཀཐཱ

༣༢༢. ཨཏྠི ¶ ཨརཧཏོ པརཝིཏཱརཎཱཏི? ཨཱམནྟཱ ¶ . ཨརཧཱ པརནེཡྻོ པརཔཏྟིཡོ པརཔཙྩཡོ པརཔཊིབདྡྷབྷཱུ, ན ཛཱནཱཏི ན པསྶཏི སམྨཱུལ༹ྷོ ཨསམྤཛཱནོཏི? ན ཧེཝཾ ཝཏྟབྦེ…པེ….

ནནུ ཨརཧཱ ན པརནེཡྻོ ན པརཔཏྟིཡོ ན པརཔཙྩཡོ ན པརཔཊིབདྡྷབྷཱུ ཛཱནཱཏི པསྶཏི ཨསམྨཱུལ༹ྷོ སམྤཛཱནོཏི? ཨཱམནྟཱ. ཧཉྩི ཨརཧཱ ན པརནེཡྻོ ན པརཔཏྟིཡོ ན པརཔཙྩཡོ ན པརཔཊིབདྡྷབྷཱུ, ཛཱནཱཏི པསྶཏི ཨསམྨཱུལ༹ྷོ སམྤཛཱནོ, ནོ ཙ ཝཏ རེ ཝཏྟབྦེ – ‘‘ཨཏྠི ཨརཧཏོ པརཝིཏཱརཎཱ’’ཏི.

ཨཏྠི ¶ པུཐུཛྫནསྶ པརཝིཏཱརཎཱ, སོ ཙ པརནེཡྻོ པརཔཏྟིཡོ པརཔཙྩཡོ པརཔཊིབདྡྷབྷཱུ, ན ཛཱནཱཏི ན པསྶཏི སམྨཱུལ༹ྷོ ཨསམྤཛཱནོཏི? ཨཱམནྟཱ. ཨཏྠི ཨརཧཏོ པརཝིཏཱརཎཱ, སོ ཙ པརནེཡྻོ པརཔཏྟིཡོ པརཔཙྩཡོ པརཔཊིབདྡྷབྷཱུ, ན ཛཱནཱཏི ན པསྶཏི སམྨཱུལ༹ྷོ ཨསམྤཛཱནོཏི? ན ཧེཝཾ ཝཏྟབྦེ…པེ….

ཨཏྠི ཨརཧཏོ པརཝིཏཱརཎཱ, སོ ཙ ན པརནེཡྻོ ན པརཔཏྟིཡོ ན པརཔཙྩཡོ ན པརཔཊིབདྡྷབྷཱུ, ཛཱནཱཏི པསྶཏི ཨསམྨཱུལ༹ྷོ སམྤཛཱནོཏི? ཨཱམནྟཱ. ཨཏྠི པུཐུཛྫནསྶ པརཝིཏཱརཎཱ, སོ ཙ ན པརནེཡྻོ ན པརཔཏྟིཡོ ན པརཔཙྩཡོ ན པརཔཊིབདྡྷབྷཱུ, ཛཱནཱཏི པསྶཏི ཨསམྨཱུལ༹ྷོ སམྤཛཱནོཏི? ན ཧེཝཾ ཝཏྟབྦེ…པེ….

ཨཏྠི ¶ ཨརཧཏོ པརཝིཏཱརཎཱཏི? ཨཱམནྟཱ. ཨཏྠི ཨརཧཏོ སཏྠརི པརཝིཏཱརཎཱ, དྷམྨེ པརཝིཏཱརཎཱ, སངྒྷེ པརཝིཏཱརཎཱ, སིཀྑཱཡ ¶ པརཝིཏཱརཎཱ, པུབྦནྟེ པརཝིཏཱརཎཱ, ཨཔརནྟེ པརཝིཏཱརཎཱ, པུབྦནྟཱཔརནྟེ པརཝིཏཱརཎཱ, ཨིདཔྤཙྩཡཏཱཔཊིཙྩསམུཔྤནྣེསུ དྷམྨེསུ པརཝིཏཱརཎཱཏི? ན ¶ ཧེཝཾ ཝཏྟབྦེ…པེ….

ནཏྠི ཨརཧཏོ སཏྠརི པརཝིཏཱརཎཱ, དྷམྨེ པརཝིཏཱརཎཱ…པེ… ཨིདཔཙྩཡཏཱཔཊིཙྩསམུཔྤནྣེསུ དྷམྨེསུ པརཝིཏཱརཎཱཏི? ཨཱམནྟཱ. ཧཉྩི ནཏྠི ཨརཧཏོ སཏྠརི པརཝིཏཱརཎཱ, དྷམྨེ པརཝིཏཱརཎཱ…པེ… ཨིདཔྤཙྩཡཏཱཔཊིཙྩསམུཔྤནྣེསུ དྷམྨེསུ པརཝིཏཱརཎཱ, ནོ ཙ ཝཏ རེ ཝཏྟབྦེ – ‘‘ཨཏྠི ཨརཧཏོ པརཝིཏཱརཎཱ’’ཏི.

ཨཏྠི པུཐུཛྫནསྶ པརཝིཏཱརཎཱ, ཨཏྠི ཏསྶ སཏྠརི པརཝིཏཱརཎཱ, དྷམྨེ པརཝིཏཱརཎཱ…པེ… ཨིདཔྤཙྩཡཏཱཔཊིཙྩསམུཔྤནྣེསུ དྷམྨེསུ པརཝིཏཱརཎཱཏི? ཨཱམནྟཱ. ཨཏྠི ཨརཧཏོ པརཝིཏཱརཎཱ, ཨཏྠི ཏསྶ སཏྠརི པརཝིཏཱརཎཱ, དྷམྨེ པརཝིཏཱརཎཱ…པེ… ཨིདཔྤཙྩཡཏཱཔཊིཙྩསམུཔྤནྣེསུ དྷམྨེསུ པརཝིཏཱརཎཱཏི? ན ཧེཝཾ ཝཏྟབྦེ…པེ….

ཨཏྠི ཨརཧཏོ པརཝིཏཱརཎཱ, ནཏྠི ཏསྶ སཏྠརི པརཝིཏཱརཎཱ, དྷམྨེ པརཝིཏཱརཎཱ…པེ… ཨིདཔྤཙྩཡཏཱཔཊིཙྩསམུཔྤནྣེསུ དྷམྨེསུ པརཝིཏཱརཎཱཏི? ཨཱམནྟཱ. ཨཏྠི པུཐུཛྫནསྶ ¶ པརཝིཏཱརཎཱ, ནཏྠི ཏསྶ སཏྠརི པརཝིཏཱརཎཱ, དྷམྨེ པརཝིཏཱརཎཱ…པེ… ཨིདཔྤཙྩཡཏཱཔཊིཙྩསམུཔྤནྣེསུ ¶ དྷམྨེསུ པརཝིཏཱརཎཱཏི? ན ཧེཝཾ ཝཏྟབྦེ…པེ….

༣༢༣. ཨཏྠི ཨརཧཏོ པརཝིཏཱརཎཱཏི? ཨཱམནྟཱ. ནནུ ཨརཧཏོ རཱགོ པཧཱིནོ ཨུཙྪིནྣམཱུལོ ཏཱལཱཝཏྠུཀཏོ ཨནབྷཱཝངྐཏོ ཨཱཡཏིཾ ཨནུཔྤཱདདྷམྨོཏི? ཨཱམནྟཱ. ཧཉྩི ཨརཧཏོ རཱགོ པཧཱིནོ ཨུཙྪིནྣམཱུལོ ཏཱལཱཝཏྠུཀཏོ ཨནབྷཱཝངྐཏོ ཨཱཡཏིཾ ཨནུཔྤཱདདྷམྨོ, ནོ ཙ ཝཏ རེ ཝཏྟབྦེ – ‘‘ཨཏྠི ཨརཧཏོ པརཝིཏཱརཎཱ’’ཏི.

ཨཏྠི ཨརཧཏོ པརཝིཏཱརཎཱཏི? ཨཱམནྟཱ. ནནུ ¶ ཨརཧཏོ དོསོ པཧཱིནོ…པེ… མོཧོ པཧཱིནོ…པེ… ཨནོཏྟཔྤཾ པཧཱིནཾ ཨུཙྪིནྣམཱུལཾ ཏཱལཱཝཏྠུཀཏཾ ཨནབྷཱཝངྐཏཾ ཨཱཡཏིཾ ཨནུཔྤཱདདྷམྨཾ…པེ… རཱགཔྤཧཱནཱཡ མགྒོ བྷཱཝིཏོ…པེ… བོཛ྄ཛྷངྒཱ བྷཱཝིཏཱ…པེ… དོསཔྤཧཱནཱཡ…པེ… ཨནོཏྟཔྤཔཧཱནཱཡ མགྒོ བྷཱཝིཏོ…པེ… བོཛ྄ཛྷངྒཱ བྷཱཝིཏཱ…པེ… ནནུ ¶ ཨརཧཱ ཝཱིཏརཱགོ ཝཱིཏདོསོ ཝཱིཏམོཧོ…པེ… སཙྪིཀཱཏབྦཾ སཙྪིཀཏནྟི? ཨཱམནྟཱ. ཧཉྩི ཨརཧཱ ཝཱིཏརཱགོ ཝཱིཏདོསོ ཝཱིཏམོཧོ སཙྪིཀཱཏབྦཾ སཙྪིཀཏཾ, ནོ ཙ ཝཏ རེ ཝཏྟབྦེ – ‘‘ཨཏྠི ཨརཧཏོ པརཝིཏཱརཎཱ’’ཏི.

༣༢༤. ཨཏྠི ཨརཧཏོ པརཝིཏཱརཎཱཏི? སདྷམྨཀུསལསྶ ཨརཧཏོ ཨཏྠི པརཝིཏཱརཎཱ, པརདྷམྨཀུསལསྶ ཨརཧཏོ ནཏྠི པརཝིཏཱརཎཱཏི. སདྷམྨཀུསལསྶ ཨརཧཏོ ཨཏྠི པརཝིཏཱརཎཱཏི? ཨཱམནྟཱ. པརདྷམྨཀུསལསྶ ཨརཧཏོ ཨཏྠི པརཝིཏཱརཎཱཏི? ན ཧེཝཾ ཝཏྟབྦེ…པེ….

པརདྷམྨཀུསལསྶ ཨརཧཏོ ནཏྠི པརཝིཏཱརཎཱཏི? ཨཱམནྟཱ ¶ . སདྷམྨཀུསལསྶ ཨརཧཏོ ནཏྠི པརཝིཏཱརཎཱཏི? ན ཧེཝཾ ¶ ཝཏྟབྦེ…པེ….

སདྷམྨཀུསལསྶ ཨརཧཏོ རཱགོ པཧཱིནོ, ཨཏྠི ཏསྶ པརཝིཏཱརཎཱཏི? ཨཱམནྟཱ. པརདྷམྨཀུསལསྶ ཨརཧཏོ རཱགོ པཧཱིནོ, ཨཏྠི ཏསྶ པརཝིཏཱརཎཱཏི? ན ཧེཝཾ ཝཏྟབྦེ.

སདྷམྨཀུསལསྶ ཨརཧཏོ དོསོ པཧཱིནོ…པེ… མོཧོ པཧཱིནོ…པེ… ཨནོཏྟཔྤཾ པཧཱིནཾ ¶ …པེ… རཱགཔྤཧཱནཱཡ མགྒོ བྷཱཝིཏོ…པེ… བོཛ྄ཛྷངྒཱ བྷཱཝིཏཱ…པེ… དོསཔྤཧཱནཱཡ…པེ… ཨནོཏྟཔྤཔཧཱནཱཡ མགྒོ བྷཱཝིཏོ…པེ… བོཛ྄ཛྷངྒཱ བྷཱཝིཏཱ…པེ… སདྷམྨཀུསལོ ཨརཧཱ ཝཱིཏརཱགོ ཝཱིཏདོསོ ཝཱིཏམོཧོ…པེ… སཙྪིཀཱཏབྦཾ སཙྪིཀཏཾ, ཨཏྠི ཏསྶ པརཝིཏཱརཎཱཏི? ཨཱམནྟཱ. པརདྷམྨཀུསལོ ཨརཧཱ ཝཱིཏརཱགོ ཝཱིཏདོསོ ཝཱིཏམོཧོ…པེ… སཙྪིཀཱཏབྦཾ སཙྪིཀཏཾ, ཨཏྠི ཏསྶ པརཝིཏཱརཎཱཏི? ན ཧེཝཾ ཝཏྟབྦེ…པེ….

པརདྷམྨཀུསལསྶ ¶ ཨརཧཏོ རཱགོ པཧཱིནོ, ནཏྠི ཏསྶ པརཝིཏཱརཎཱཏི? ཨཱམནྟཱ. སདྷམྨཀུསལསྶ ཨརཧཏོ རཱགོ པཧཱིནོ, ནཏྠི ཏསྶ པརཝིཏཱརཎཱཏི? ན ཧེཝཾ ཝཏྟབྦེ.

པརདྷམྨཀུསལསྶ ཨརཧཏོ དོསོ པཧཱིནོ, མོཧོ པཧཱིནོ…པེ… ཨནོཏྟཔྤཾ པཧཱིནཾ…པེ… རཱགཔྤཧཱནཱཡ མགྒོ བྷཱཝིཏོ…པེ… བོཛ྄ཛྷངྒཱ བྷཱཝིཏཱ…པེ… དོསཔྤཧཱནཱཡ…པེ… ཨནོཏྟཔྤཔཧཱནཱཡ ¶ མགྒོ བྷཱཝིཏོ…པེ… བོཛ྄ཛྷངྒཱ བྷཱཝིཏཱ…པེ… པརདྷམྨཀུསལོ ཨརཧཱ ཝཱིཏརཱགོ ¶ ཝཱིཏདོསོ ཝཱིཏམོཧོ…པེ… སཙྪིཀཱཏབྦཾ སཙྪིཀཏཾ, ནཏྠི ཏསྶ པརཝིཏཱརཎཱཏི? ཨཱམནྟཱ. སདྷམྨཀུསལོ ཨརཧཱ ཝཱིཏརཱགོ ཝཱིཏདོསོ ཝཱིཏམོཧོ…པེ… སཙྪིཀཱཏབྦཾ སཙྪིཀཏཾ, ནཏྠི ཏསྶ པརཝིཏཱརཎཱཏི? ན ཧེཝཾ ཝཏྟབྦེ…པེ….

༣༢༥. ཨཏྠི ཨརཧཏོ པརཝིཏཱརཎཱཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཛཱནཏོཧཾ, བྷིཀྑཝེ, པསྶཏོ ཨཱསཝཱནཾ ཁཡཾ ཝདཱམི, ནོ ཨཛཱནཏོ ནོ ཨཔསྶཏོ! ཀིཉྩ, བྷིཀྑཝེ, ཛཱནཏོ ཀིཾ པསྶཏོ ཨཱསཝཱནཾ ཁཡོ ཧོཏི? ‘ཨིཏི རཱུཔཾ’…པེ… ‘ཨིཏི ཝིཉྙཱཎསྶ ཨཏྠངྒམོ’ཏི – ཨེཝཾ ཁོ, བྷིཀྑཝེ, ཛཱནཏོ ཨེཝཾ པསྶཏོ ཨཱསཝཱནཾ ཁཡོ ཧོཏཱི’’ཏི. ཨཏྠེཝ སུཏྟནྟོཏི? ཨཱམནྟཱ ¶ . ཏེན ཧི ན ཝཏྟབྦཾ – ‘‘ཨཏྠི ཨརཧཏོ པརཝིཏཱརཎཱ’’ཏི.

ཨཏྠི ཨརཧཏོ པརཝིཏཱརཎཱཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཛཱནཏོཧཾ, བྷིཀྑཝེ, པསྶཏོ ཨཱསཝཱནཾ ཁཡཾ ཝདཱམི, ནོ ཨཛཱནཏོ ནོ ཨཔསྶཏོ! ཀིཉྩ, བྷིཀྑཝེ, ཛཱནཏོ ཀིཾ པསྶཏོ ཨཱསཝཱནཾ ཁཡོ ཧོཏི? ‘ཨིདཾ དུཀྑ’ནྟི – བྷིཀྑཝེ, ཛཱནཏོ པསྶཏོ ཨཱསཝཱནཾ ཁཡོ ¶ ཧོཏི, ‘ཨཡཾ དུཀྑསམུདཡོ’ཏི…པེ… ‘ཨཡཾ དུཀྑནིརོདྷོ’ཏི…པེ… ‘ཨཡཾ དུཀྑནིརོདྷགཱམིནཱི པཊིཔདཱ’ཏི – ཛཱནཏོ པསྶཏོ ཨཱསཝཱནཾ ཁཡོ ཧོཏི. ཨེཝཾ ཁོ, བྷིཀྑཝེ, ཛཱནཏོ ཨེཝཾ པསྶཏོ ཨཱསཝཱནཾ ཁཡོ ཧོཏཱི’’ཏི. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ ¶ – ‘‘ཨཏྠི ཨརཧཏོ པརཝིཏཱརཎཱ’’ཏི.

ཨཏྠི ཨརཧཏོ པརཝིཏཱརཎཱཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘སབྦཾ, བྷིཀྑཝེ, ཨནབྷིཛཱནཾ ཨཔརིཛཱནཾ ཨཝིརཱཛཡཾ ཨཔྤཛཧཾ ཨབྷབྦོ དུཀྑཀྑཡཱཡ; སབྦཉྩ ཁོ, བྷིཀྑཝེ, ཨབྷིཛཱནཾ པརིཛཱནཾ ཝིརཱཛཡཾ པཛཧཾ བྷབྦོ དུཀྑཀྑཡཱཡཱ’’ཏི! ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཨཏྠི ཨརཧཏོ པརཝིཏཱརཎཱ’’ཏི.

ཨཏྠི ཨརཧཏོ པརཝིཏཱརཎཱཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘སཧཱཝསྶ དསྶནསམྤདཱཡ…པེ… ཚཙྩཱབྷིཋཱནཱནི ཨབྷབྦ ཀཱཏུ’’ནྟི. ཨཏྠེཝ སུཏྟནྟོཏི? ཨཱམནྟཱ. ཏེན ¶ ཧི ན ཝཏྟབྦཾ – ‘‘ཨཏྠི ཨརཧཏོ པརཝིཏཱརཎཱ’’ཏི.

ཨཏྠི ¶ ཨརཧཏོ པརཝིཏཱརཎཱཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཡསྨིཾ, བྷིཀྑཝེ, སམཡེ ཨརིཡསཱཝཀསྶ ཝིརཛཾ ཝཱིཏམལཾ དྷམྨཙཀྑུཾ ཨུདཔཱདི – ‘ཡཾ ཀིཉྩི སམུདཡདྷམྨཾ, སབྦཾ ཏཾ ནིརོདྷདྷམྨ’ནྟི, སཧ དསྶནུཔྤཱདཱ, བྷིཀྑཝེ, ཨརིཡསཱཝཀསྶ ཏཱིཎི སཾཡོཛནཱནི པཧཱིཡནྟི – སཀྐཱཡདིཊྛི, ཝིཙིཀིཙྪཱ, སཱིལབྦཏཔརཱམཱསོ’’ཏི! ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཨཏྠི ཨརཧཏོ པརཝིཏཱརཎཱ’’ཏི.

ཨཏྠི ཨརཧཏོ པརཝིཏཱརཎཱཏི? ཨཱམནྟཱ. ནནུ ཝུཏྟཾ བྷགཝཏཱ –

‘‘ནཱཧཾ སཧིསྶཱམི [གམིསྶཱམི (སཱི. སྱཱ. ཀ.), སམཱིཧཱམི (པཱི.)] པམོཙནཱཡ,

ཀཐངྐཐིཾ དྷོཏཀ ཀཉྩི [ཀིཉྩི (ཀ.)] ལོཀེ;

དྷམྨཉྩ ¶ སེཊྛཾ ཨབྷིཛཱནམཱནོ,

ཨེཝཾ ཏུཝཾ ཨོགྷམིམཾ ཏརེསཱི’’ཏི [སུ. ནི. ༡༠༧༠ སུཏྟནིཔཱཏེ; ཙཱུལ༹ནི. ༣༣ དྷོཏཀམཱཎཝཔུཙྪཱནིདྡེས].

ཨཏྠེཝ ¶ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཨཏྠི ཨརཧཏོ པརཝིཏཱརཎཱ’’ཏི.

ན ཝཏྟབྦཾ – ‘‘ཨཏྠི ཨརཧཏོ པརཝིཏཱརཎཱ’’ཏི? ཨཱམནྟཱ. ནནུ ཨརཧཏོ ཨིཏྠིཔུརིསཱནཾ ནཱམགོཏྟཾ པརེ ཝིཏཱརེཡྻུཾ, མགྒཱམགྒཾ པརེ ཝིཏཱརེཡྻུཾ, ཏིཎཀཊྛཝནཔྤཏཱིནཾ ནཱམཾ པརེ ཝིཏཱརེཡྻུནྟི? ཨཱམནྟཱ. ཧཉྩི ཨརཧཏོ ཨིཏྠིཔུརིསཱནཾ ནཱམགོཏྟཾ པརེ ཝིཏཱརེཡྻུཾ, མགྒཱམགྒཾ པརེ ཝིཏཱརེཡྻུཾ, ཏིཎཀཊྛཝནཔྤཏཱིནཾ ¶ ནཱམཾ པརེ ཝིཏཱརེཡྻུཾ, ཏེན ཝཏ རེ ཝཏྟབྦེ – ‘‘ཨཏྠི ཨརཧཏོ པརཝིཏཱརཎཱ’’ཏི.

ཨརཧཏོ ཨིཏྠིཔུརིསཱནཾ ནཱམགོཏྟཾ པརེ ཝིཏཱརེཡྻུཾ, མགྒཱམགྒཾ པརེ ཝིཏཱརེཡྻུཾ, ཏིཎཀཊྛཝནཔྤཏཱིནཾ ནཱམཾ པརེ ཝིཏཱརེཡྻུནྟི, ཨཏྠི ཨརཧཏོ པརཝིཏཱརཎཱཏི? ཨཱམནྟཱ. ཨརཧཏོ སོཏཱཔཏྟིཕལཾ ཝཱ སཀདཱགཱམིཕལཾ ཝཱ ཨནཱགཱམིཕལཾ ཝཱ ཨརཧཏྟཾ ཝཱ པརེ ཝིཏཱརེཡྻུནྟི? ན ཧེཝཾ ཝཏྟབྦེ…པེ….

པརཝིཏཱརཎཀཐཱ ནིཊྛིཏཱ.

༢. དུཏིཡཝགྒོ

(༡༤) ༥. ཝཙཱིབྷེདཀཐཱ

༣༢༦. སམཱཔནྣསྶ ¶ ¶ ཨཏྠི ཝཙཱིབྷེདོཏི? ཨཱམནྟཱ. སབྦཏྠ སམཱཔནྣཱནཾ ཨཏྠི ཝཙཱིབྷེདོཏི? ན ཧེཝཾ ཝཏྟབྦེ…པེ….

སམཱཔནྣསྶ ཨཏྠི ཝཙཱིབྷེདོཏི? ཨཱམནྟཱ. སབྦདཱ སམཱཔནྣཱནཾ ཨཏྠི ཝཙཱིབྷེདོཏི? ན ཧེཝཾ ཝཏྟབྦེ…པེ….

སམཱཔནྣསྶ ¶ ཨཏྠི ཝཙཱིབྷེདོཏི? ཨཱམནྟཱ. སབྦེསཾ སམཱཔནྣཱནཾ ཨཏྠི ཝཙཱིབྷེདོཏི? ན ཧེཝཾ ཝཏྟབྦེ…པེ….

སམཱཔནྣསྶ ཨཏྠི ཝཙཱིབྷེདོཏི? ཨཱམནྟཱ. སབྦསམཱཔཏྟཱིསུ ཨཏྠི ཝཙཱིབྷེདོཏི? ན ཧེཝཾ ཝཏྟབྦེ…པེ….

སམཱཔནྣསྶ ཨཏྠི ཝཙཱིབྷེདོཏི? ཨཱམནྟཱ. སམཱཔནྣསྶ ཨཏྠི ཀཱཡབྷེདོཏི? ན ཧེཝཾ ཝཏྟབྦེ…པེ….

སམཱཔནྣསྶ ¶ ནཏྠི ཀཱཡབྷེདོཏི? ཨཱམནྟཱ. སམཱཔནྣསྶ ནཏྠི ཝཙཱིབྷེདོཏི? ན ཧེཝཾ ཝཏྟབྦེ…པེ….

སམཱཔནྣསྶ ཨཏྠི ཝཱཙཱ, ཨཏྠི ཝཙཱིབྷེདོཏི? ཨཱམནྟཱ. སམཱཔནྣསྶ ཨཏྠི ཀཱཡོ, ཨཏྠི ཀཱཡབྷེདོཏི? ན ཧེཝཾ ཝཏྟབྦེ…པེ….

སམཱཔནྣསྶ ཨཏྠི ཀཱཡོ, ནཏྠི ཀཱཡབྷེདོཏི? ཨཱམནྟཱ. སམཱཔནྣསྶ ཨཏྠི ཝཱཙཱ, ནཏྠི ཝཙཱིབྷེདོཏི? ན ཧེཝཾ ཝཏྟབྦེ…པེ….

༣༢༧. དུཀྑནྟི ¶ ཛཱནནྟོ དུཀྑནྟི ཝཱཙཾ བྷཱསཏཱིཏི? ཨཱམནྟཱ. སམུདཡོཏི ཛཱནནྟོ སམུདཡོཏི ཝཱཙཾ བྷཱསཏཱིཏི? ན ཧེཝཾ ཝཏྟབྦེ…པེ….

དུཀྑནྟི ཛཱནནྟོ དུཀྑནྟི ཝཱཙཾ བྷཱསཏཱིཏི? ཨཱམནྟཱ. ནིརོདྷོཏི ཛཱནནྟོ ནིརོདྷོཏི ཝཱཙཾ བྷཱསཏཱིཏི? ན ཧེཝཾ ཝཏྟབྦེ…པེ….

དུཀྑནྟི ཛཱནནྟོ དུཀྑནྟི ཝཱཙཾ བྷཱསཏཱིཏི? ཨཱམནྟཱ. མགྒོཏི ཛཱནནྟོ མགྒོཏི ཝཱཙཾ བྷཱསཏཱིཏི? ན ཧེཝཾ ཝཏྟབྦེ…པེ….

སམུདཡོཏི ¶ ¶ ཛཱནནྟོ ན ཙ སམུདཡོཏི ཝཱཙཾ བྷཱསཏཱིཏི? ཨཱམནྟཱ. དུཀྑནྟི ཛཱནནྟོ ན ཙ དུཀྑནྟི ཝཱཙཾ བྷཱསཏཱིཏི? ན ཧེཝཾ ཝཏྟབྦེ…པེ….

ནིརོདྷོཏི ཛཱནནྟོ ན ཙ ནིརོདྷོཏི ཝཱཙཾ བྷཱསཏཱིཏི? ཨཱམནྟཱ. དུཀྑནྟི ཛཱནནྟོ ན ཙ དུཀྑནྟི ཝཱཙཾ བྷཱསཏཱིཏི? ན ཧེཝཾ ཝཏྟབྦེ…པེ….

མགྒོཏི ཛཱནནྟོ ན ཙ མགྒོཏི ཝཱཙཾ བྷཱསཏཱིཏི? ཨཱམནྟཱ. དུཀྑནྟི ཛཱནནྟོ ན ཙ དུཀྑནྟི ཝཱཙཾ བྷཱསཏཱིཏི? ན ཧེཝཾ ཝཏྟབྦེ…པེ….

༣༢༨. སམཱཔནྣསྶ ཨཏྠི ཝཙཱིབྷེདོཏི? ཨཱམནྟཱ ¶ . ཉཱཎཾ ཀིཾགོཙརནྟི? ཉཱཎཾ སཙྩགོཙརནྟི. སོཏཾ སཙྩགོཙརནྟི? ན ཧེཝཾ ཝཏྟབྦེ…པེ….

སམཱཔནྣསྶ ཨཏྠི ཝཙཱིབྷེདོཏི? ཨཱམནྟཱ. སོཏཾ ཀིཾ གོཙརནྟི? སོཏཾ སདྡགོཙརནྟི. ཉཱཎཾ སདྡགོཙརནྟི? ན ཧེཝཾ ¶ ཝཏྟབྦེ.

སམཱཔནྣསྶ ཨཏྠི ཝཙཱིབྷེདོ ཉཱཎཾ སཙྩགོཙརཾ, སོཏཾ སདྡགོཙརནྟི? ཨཱམནྟཱ. ཧཉྩི ཉཱཎཾ སཙྩགོཙརཾ, སོཏཾ སདྡགོཙརཾ, ནོ ཙ ཝཏ རེ ཝཏྟབྦེ – ‘‘སམཱཔནྣསྶ ཨཏྠི ཝཙཱིབྷེདོ’’ཏི.

སམཱཔནྣསྶ ཨཏྠི ཝཙཱིབྷེདོ ཉཱཎཾ སཙྩགོཙརཾ, སོཏཾ སདྡགོཙརནྟི? ཨཱམནྟཱ. དྭིནྣཾ ཕསྶཱནཾ, དྭིནྣཾ ཝེདནཱནཾ, དྭིནྣཾ སཉྙཱནཾ, དྭིནྣཾ ཙེཏནཱནཾ, དྭིནྣཾ ཙིཏྟཱནཾ སམོདྷཱནཾ ཧོཏཱིཏི? ན ཧེཝཾ ཝཏྟབྦེ.

༣༢༩. སམཱཔནྣསྶ ཨཏྠི ཝཙཱིབྷེདོཏི? ཨཱམནྟཱ. པཐཝཱིཀསིཎཾ སམཱཔཏྟིཾ སམཱཔནྣསྶ ཨཏྠི ཝཙཱིབྷེདོཏི? ན ཧེཝཾ ཝཏྟབྦེ.

སམཱཔནྣསྶ ཨཏྠི ཝཙཱིབྷེདོཏི? ཨཱམནྟཱ. ཨཱཔོཀསིཎཾ…པེ… ཏེཛོཀསིཎཾ… ཝཱཡོཀསིཎཾ… ནཱིལཀསིཎཾ… པཱིཏཀསིཎཾ… ལོཧིཏཀསིཎཾ… ཨོདཱཏཀསིཎཾ… ཨཱཀཱསཱནཉྩཱཡཏནཾ ¶ … ཝིཉྙཱཎཉྩཱཡཏནཾ… ཨཱཀིཉྩཉྙཱཡཏནཾ…པེ… ནེཝསཉྙཱནཱསཉྙཱཡཏནཾ སམཱཔནྣསྶ ཨཏྠི ཝཙཱིབྷེདོཏི? ན ཧེཝཾ ཝཏྟབྦེ…པེ….

པཐཝཱིཀསིཎཾ ¶ སམཱཔཏྟིཾ སམཱཔནྣསྶ ནཏྠི ཝཙཱིབྷེདོཏི? ཨཱམནྟཱ. ཧཉྩི པཐཝཱིཀསིཎཾ སམཱཔཏྟིཾ སམཱཔནྣསྶ ནཏྠི ཝཙཱིབྷེདོ, ནོ ཙ ཝཏ རེ ཝཏྟབྦེ – ‘‘སམཱཔནྣསྶ ཨཏྠི ཝཙཱིབྷེདོ’’ཏི.

ཨཱཔོཀསིཎཾ ¶ … ཏེཛོཀསིཎཾ… ཝཱཡོཀསིཎཾ… ནཱིལཀསིཎཾ… པཱིཏཀསིཎཾ… ལོཧིཏཀསིཎཾ… ཨོདཱཏཀསིཎཾ… ཨཱཀཱསཱནཉྩཱཡཏནཾ ¶ … ཝིཉྙཱཎཉྩཱཡཏནཾ… ཨཱཀིཉྩཉྙཱཡཏནཾ… ནེཝསཉྙཱནཱསཉྙཱཡཏནཾ སམཱཔནྣསྶ ནཏྠི ཝཙཱིབྷེདོཏི? ཨཱམནྟཱ. ཧཉྩི ནེཝསཉྙཱནཱསཉྙཱཡཏནཾ སམཱཔནྣསྶ ནཏྠི ཝཙཱིབྷེདོ, ནོ ཙ ཝཏ རེ ཝཏྟབྦེ – ‘‘སམཱཔནྣསྶ ཨཏྠི ཝཙཱིབྷེདོ’’ཏི.

སམཱཔནྣསྶ ཨཏྠི ཝཙཱིབྷེདོཏི? ཨཱམནྟཱ. ལོཀིཡསམཱཔཏྟིཾ སམཱཔནྣསྶ ཨཏྠི ཝཙཱིབྷེདོཏི? ན ཧེཝཾ ཝཏྟབྦེ…པེ….

སམཱཔནྣསྶ ཨཏྠི ཝཙཱིབྷེདོཏི? ཨཱམནྟཱ. ལོཀིཡཾ པཋམཾ ཛྷཱནཾ སམཱཔནྣསྶ ཨཏྠི ཝཙཱིབྷེདོཏི? ན ཧེཝཾ ཝཏྟབྦེ…པེ…. སམཱཔནྣསྶ ཨཏྠི ཝཙཱིབྷེདོཏི? ཨཱམནྟཱ. ལོཀིཡཾ དུཏིཡཾ ཛྷཱནཾ… ཏཏིཡཾ ཛྷཱནཾ… ཙཏུཏྠཾ ཛྷཱནཾ སམཱཔནྣསྶ ཨཏྠི ཝཙཱིབྷེདོཏི? ན ཧེཝཾ ཝཏྟབྦེ…པེ….

ལོཀིཡཾ སམཱཔཏྟིཾ སམཱཔནྣསྶ ནཏྠི ཝཙཱིབྷེདོཏི? ཨཱམནྟཱ. ཧཉྩི ལོཀིཡཾ སམཱཔཏྟིཾ སམཱཔནྣསྶ ནཏྠི ཝཙཱིབྷེདོ, ནོ ཙ ཝཏ རེ ཝཏྟབྦེ – ‘‘སམཱཔནྣསྶ ཨཏྠི ཝཙཱིབྷེདོ’’ཏི.

ལོཀིཡཾ པཋམཾ ཛྷཱནཾ སམཱཔནྣསྶ ནཏྠི ཝཙཱིབྷེདོཏི? ཨཱམནྟཱ ¶ . ཧཉྩི ལོཀིཡཾ པཋམཾ ཛྷཱནཾ སམཱཔནྣསྶ ནཏྠི ཝཙཱིབྷེདོ, ནོ ཙ ཝཏ རེ ཝཏྟབྦེ – ‘‘སམཱཔནྣསྶ ཨཏྠི ཝཙཱིབྷེདོ’’ཏི.

ལོཀིཡཾ ¶ དུཏིཡཾ ཛྷཱནཾ… ཏཏིཡཾ ཛྷཱནཾ… ཙཏུཏྠཾ ཛྷཱནཾ སམཱཔནྣསྶ ནཏྠི ཝཙཱིབྷེདོཏི? ཨཱམནྟཱ. ཧཉྩི ལོཀིཡཾ ཙཏུཏྠཾ ཛྷཱནཾ སམཱཔནྣསྶ ནཏྠི ཝཙཱིབྷེདོ, ནོ ཙ ཝཏ རེ ཝཏྟབྦེ – ‘‘སམཱཔནྣསྶ ¶ ཨཏྠི ཝཙཱིབྷེདོ’’ཏི.

༣༣༠. ལོཀུཏྟརཾ པཋམཾ ཛྷཱནཾ སམཱཔནྣསྶ ཨཏྠི ཝཙཱིབྷེདོཏི? ཨཱམནྟཱ. ལོཀིཡཾ པཋམཾ ཛྷཱནཾ སམཱཔནྣསྶ ཨཏྠི ཝཙཱིབྷེདོཏི? ན ཧེཝཾ ཝཏྟབྦེ…པེ….

ལོཀུཏྟརཾ པཋམཾ ཛྷཱནཾ སམཱཔནྣསྶ ཨཏྠི ཝཙཱིབྷེདོཏི? ཨཱམནྟཱ. ལོཀིཡཾ དུཏིཡཾ ཛྷཱནཾ… ཏཏིཡཾ ཛྷཱནཾ… ཙཏུཏྠཾ ཛྷཱནཾ སམཱཔནྣསྶ ཨཏྠི ཝཙཱིབྷེདོཏི? ན ཧེཝཾ ཝཏྟབྦེ…པེ….

ལོཀིཡཾ ¶ པཋམཾ ཛྷཱནཾ སམཱཔནྣསྶ ནཏྠི ཝཙཱིབྷེདོཏི? ཨཱམནྟཱ. ལོཀུཏྟརཾ པཋམཾ ཛྷཱནཾ སམཱཔནྣསྶ ནཏྠི ཝཙཱིབྷེདོཏི? ན ཧེཝཾ ཝཏྟབྦེ…པེ….

ལོཀིཡཾ དུཏིཡཾ ཛྷཱནཾ… ཏཏིཡཾ ཛྷཱནཾ… ཙཏུཏྠཾ ཛྷཱནཾ སམཱཔནྣསྶ ནཏྠི ཝཙཱིབྷེདོཏི? ཨཱམནྟཱ. ལོཀུཏྟརཾ པཋམཾ ཛྷཱནཾ སམཱཔནྣསྶ ནཏྠི ཝཙཱིབྷེདོཏི? ན ཧེཝཾ ཝཏྟབྦེ…པེ….

༣༣༡. ལོཀུཏྟརཾ པཋམཾ ཛྷཱནཾ སམཱཔནྣསྶ ཨཏྠི ཝཙཱིབྷེདོཏི? ཨཱམནྟཱ. ལོཀུཏྟརཾ དུཏིཡཾ ཛྷཱནཾ སམཱཔནྣསྶ ཨཏྠི ཝཙཱིབྷེདོཏི? ན ¶ ཧེཝཾ ཝཏྟབྦེ…པེ….

ལོཀུཏྟརཾ པཋམཾ ཛྷཱནཾ སམཱཔནྣསྶ ཨཏྠི ཝཙཱིབྷེདོཏི? ཨཱམནྟཱ. ལོཀུཏྟརཾ ཏཏིཡཾ ཛྷཱནཾ… ཙཏུཏྠཾ ཛྷཱནཾ སམཱཔནྣསྶ ཨཏྠི ཝཙཱིབྷེདོཏི? ན ཧེཝཾ ཝཏྟབྦེ…པེ….

ལོཀུཏྟརཾ དུཏིཡཾ ཛྷཱནཾ སམཱཔནྣསྶ ནཏྠི ཝཙཱིབྷེདོཏི? ཨཱམནྟཱ ¶ . ལོཀུཏྟརཾ པཋམཾ ཛྷཱནཾ སམཱཔནྣསྶ ནཏྠི ཝཙཱིབྷེདོཏི? ན ཧེཝཾ ཝཏྟབྦེ…པེ….

ལོཀུཏྟརཾ དུཏིཡཾ ཛྷཱནཾ… ཏཏིཡཾ ཛྷཱནཾ… ཙཏུཏྠཾ ཛྷཱནཾ སམཱཔནྣསྶ ནཏྠི ཝཙཱིབྷེདོཏི ¶ ? ཨཱམནྟཱ. ལོཀུཏྟརཾ པཋམཾ ཛྷཱནཾ སམཱཔནྣསྶ ནཏྠི ཝཙཱིབྷེདོཏི? ན ཧེཝཾ ཝཏྟབྦེ…པེ….

༣༣༢. ན ཝཏྟབྦཾ – ‘‘སམཱཔནྣསྶ ཨཏྠི ཝཙཱིབྷེདོ’’ཏི? ཨཱམནྟཱ. ནནུ ཝིཏཀྐཝིཙཱརཱ ཝཙཱིསངྑཱརཱ ཝུཏྟཱ བྷགཝཏཱ – ‘‘པཋམཾ ཛྷཱནཾ སམཱཔནྣསྶ ཨཏྠི ཝིཏཀྐཝིཙཱརཱ’’ཏི? ཨཱམནྟཱ. ཧཉྩི ཝིཏཀྐཝིཙཱརཱ ཝཙཱིསངྑཱརཱ ཝུཏྟཱ བྷགཝཏཱ – ‘‘པཋམཾ ཛྷཱནཾ སམཱཔནྣསྶ ཨཏྠི ཝིཏཀྐཝིཙཱརཱ,’’ ཏེན ཝཏ རེ ཝཏྟབྦེ – ‘‘སམཱཔནྣསྶ ཨཏྠི ཝཙཱིབྷེདོ’’ཏི.

ཝིཏཀྐཝིཙཱརཱ ཝཙཱིསངྑཱརཱ ཝུཏྟཱ བྷགཝཏཱ – ‘‘པཋམཾ ཛྷཱནཾ སམཱཔནྣསྶ ཨཏྠི ཝིཏཀྐཝིཙཱརཱ’’ཏི [ཨཏྠི ཝིཏཀྐཝིཙཱརཱ (སྱཱ.) ཨེཝམུཔརིཔི], ཨཏྠི ཏསྶ ཝཙཱིབྷེདོཏི? ཨཱམནྟཱ. པཐཝཱིཀསིཎཾ པཋམཾ ཛྷཱནཾ སམཱཔནྣསྶ ཨཏྠི ཝིཏཀྐཝིཙཱརཱ, ཨཏྠི ཏསྶ ཝཙཱིབྷེདོཏི? ན ཧེཝཾ ཝཏྟབྦེ…པེ….

ཝིཏཀྐཝིཙཱརཱ ¶ ཝཙཱིསངྑཱརཱ ཝུཏྟཱ བྷགཝཏཱ – ‘‘པཋམཾ ཛྷཱནཾ སམཱཔནྣསྶ ཨཏྠི ཝིཏཀྐཝིཙཱརཱ’’ཏི, ཨཏྠི ཏསྶ ཝཙཱིབྷེདོཏི? ཨཱམནྟཱ ¶ . ཨཱཔོཀསིཎཾ… ཏེཛོཀསིཎཾ… ཝཱཡོཀསིཎཾ… ནཱིལཀསིཎཾ… པཱིཏཀསིཎཾ… ལོཧིཏཀསིཎཾ… ཨོདཱཏཀསིཎཾ པཋམཾ ཛྷཱནཾ སམཱཔནྣསྶ ཨཏྠི ཝིཏཀྐཝིཙཱརཱ, ཨཏྠི ཏསྶ ཝཙཱིབྷེདོཏི? ན ཧེཝཾ ཝཏྟབྦེ…པེ….

ན ¶ ཝཏྟབྦཾ – ‘‘སམཱཔནྣསྶ ཨཏྠི ཝཙཱིབྷེདོ’’ཏི? ཨཱམནྟཱ. ནནུ ཝིཏཀྐསམུཊྛཱནཱ ཝཱཙཱ ཝུཏྟཱ བྷགཝཏཱ – ‘‘པཋམཾ ཛྷཱནཾ སམཱཔནྣསྶ ཨཏྠི ཝིཏཀྐཝིཙཱརཱ’’ཏི? ཨཱམནྟཱ. ཧཉྩི ཝིཏཀྐསམུཊྛཱནཱ ཝཱཙཱ ཝུཏྟཱ བྷགཝཏཱ – ‘‘པཋམཾ ཛྷཱནཾ སམཱཔནྣསྶ ཨཏྠི ཝིཏཀྐཝིཙཱརཱ,’’ ཏེན ཝཏ རེ ཝཏྟབྦེ – ‘‘སམཱཔནྣསྶ ཨཏྠི ཝཙཱིབྷེདོ’’ཏི.

ཝིཏཀྐསམུཊྛཱནཱ ཝཱཙཱ ཝུཏྟཱ བྷགཝཏཱ – ‘‘པཋམཾ ཛྷཱནཾ སམཱཔནྣསྶ ཨཏྠི ཝིཏཀྐཝིཙཱརཱ’’ཏི, ཨཏྠི ཏསྶ ཝཙཱིབྷེདོཏི? ཨཱམནྟཱ. སཉྙཱསམུཊྛཱནཱ ཝཱཙཱ ཝུཏྟཱ བྷགཝཏཱ – ‘‘དུཏིཡཾ ཛྷཱནཾ སམཱཔནྣསྶ ཨཏྠི སཉྙཱ, ཨཏྠི ཏསྶ ཝིཏཀྐཝིཙཱརཱ’’ཏི? ན ཧེཝཾ ཝཏྟབྦེ…པེ….

ཝིཏཀྐསམུཊྛཱནཱ ¶ ཝཱཙཱ ཝུཏྟཱ བྷགཝཏཱ – ‘‘པཋམཾ ཛྷཱནཾ སམཱཔནྣསྶ ཨཏྠི ཝིཏཀྐཝིཙཱརཱ’’ཏི, ཨཏྠི ཏསྶ ཝཙཱིབྷེདོཏི? ཨཱམནྟཱ. སཉྙཱསམུཊྛཱནཱ ཝཱཙཱ ཝུཏྟཱ བྷགཝཏཱ – ཏཏིཡཾ ཛྷཱནཾ…པེ… ཙཏུཏྠཾ ཛྷཱནཾ… ཨཱཀཱསཱནཉྩཱཡཏནཾ… ཝིཉྙཱཎཉྩཱཡཏནཾ… ཨཱཀིཉྩཉྙཱཡཏནཾ སམཱཔནྣསྶ ཨཏྠི སཉྙཱ, ཨཏྠི ཏསྶ ཝིཏཀྐཝིཙཱརཱཏི? ན ཧེཝཾ ཝཏྟབྦེ…པེ….

༣༣༣. སམཱཔནྣསྶ ཨཏྠི ཝཙཱིབྷེདོཏི? ཨཱམནྟཱ. ནནུ ‘‘པཋམཾ ཛྷཱནཾ སམཱཔནྣསྶ ཝཱཙཱ ནིརུདྡྷཱ ཧོཏཱི’’ཏི [སཾ. ནི. ༤.༢༥༩, ༢༦༣]! ཨཏྠེཝ སུཏྟནྟོཏི? ཨཱམནྟཱ ¶ . ཧཉྩི ‘‘པཋམཾ ཛྷཱནཾ སམཱཔནྣསྶ ཝཱཙཱ ནིརུདྡྷཱ ཧོཏཱི’’ཏི, ཨཏྠེཝ ¶ སུཏྟནྟོཏི, ནོ ཙ ཝཏ རེ ཝཏྟབྦེ – ‘‘སམཱཔནྣསྶ ཨཏྠི ཝཙཱིབྷེདོ’’ཏི.

‘‘པཋམཾ ཛྷཱནཾ སམཱཔནྣསྶ ཝཱཙཱ ནིརུདྡྷཱ ཧོཏཱི’’ཏི [སཾ. ནི. ༤.༢༥༩, ༢༦༣], ཨཏྠེཝ སུཏྟནྟོཏི, ཨཏྠི ཏསྶ ཝཙཱིབྷེདོཏི? ཨཱམནྟཱ. ‘‘དུཏིཡཾ ཛྷཱནཾ སམཱཔནྣསྶ ཝིཏཀྐཝིཙཱརཱ ནིརུདྡྷཱ ཧོནྟཱི’’ཏི [སཾ. ནི. ༤.༢༥༩, ༢༦༣], ཨཏྠེཝ སུཏྟནྟོཏི, ཨཏྠི ཏསྶ ཝིཏཀྐཝིཙཱརཱཏི? ན ཧེཝཾ ཝཏྟབྦེ…པེ….

‘‘པཋམཾ ཛྷཱནཾ སམཱཔནྣསྶ ཝཱཙཱ ནིརུདྡྷཱ ཧོཏཱི’’ཏི [སཾ. ནི. ༤.༢༥༩, ༢༦༣], ཨཏྠེཝ སུཏྟནྟོཏི, ཨཏྠི ཏསྶ ཝཙཱིབྷེདོཏི? ཨཱམནྟཱ. ‘‘ཏཏིཡཾ ཛྷཱནཾ སམཱཔནྣསྶ ¶ པཱིཏི ནིརུདྡྷཱ ཧོཏི, ཙཏུཏྠཾ ཛྷཱནཾ སམཱཔནྣསྶ ཨསྶཱསཔསྶཱསཱ ནིརུདྡྷཱ ཧོནྟི, ཨཱཀཱསཱནཉྩཱཡཏནཾ སམཱཔནྣསྶ རཱུཔསཉྙཱ ནིརུདྡྷཱ ཧོཏི, ཝིཉྙཱཎཉྩཱཡཏནཾ སམཱཔནྣསྶ ཨཱཀཱསཱནཉྩཱཡཏནསཉྙཱ ནིརུདྡྷཱ ཧོཏི, ཨཱཀིཉྩཉྙཱཡཏནཾ སམཱཔནྣསྶ ཝིཉྙཱཎཉྩཱཡཏནསཉྙཱ ནིརུདྡྷཱ ཧོཏི, ནེཝསཉྙཱནཱསཉྙཱཡཏནཾ སམཱཔནྣསྶ ཨཱཀིཉྩཉྙཱཡཏནསཉྙཱ ནིརུདྡྷཱ ཧོཏི, སཉྙཱཝེདཡིཏནིརོདྷཾ སམཱཔནྣསྶ སཉྙཱ ཙ ཝེདནཱ ཙ ནིརུདྡྷཱ ཧོནྟཱི’’ཏི [སཾ. ནི. ༤.༢༥༩, ༢༦༣; ཨ. ནི. ༩.༣༡; དཱི. ནི. ༣.༣༤༤], ཨཏྠེཝ སུཏྟནྟོཏི, ཨཏྠི ཏསྶ སཉྙཱ ཙ ཝེདནཱ ཙཱཏི? ན ཧེཝཾ ཝཏྟབྦེ…པེ….

ན ཝཏྟབྦཾ – ‘‘སམཱཔནྣསྶ ཨཏྠི ཝཙཱིབྷེདོ’’ཏི? ཨཱམནྟཱ. ནནུ པཋམསྶ ཛྷཱནསྶ སདྡོ ཀཎྜཀོ [ཀཎྚཀོ (སྱཱ.) ཨ. ནི. ༡༠.༧༢] ཝུཏྟོ བྷགཝཏཱཏི [ཨ. ནི. ༡༠.༧༢ ཀཎྚཀསུཏྟཾ ནིསྶཱཡ པུཙྪཏི]? ཨཱམནྟཱ. ཧཉྩི ¶ པཋམསྶ ཛྷཱནསྶ སདྡོ ཀཎྚཀོ ཝུཏྟོ བྷགཝཏཱ, ཏེན ཝཏ རེ ཝཏྟབྦེ – ‘‘སམཱཔནྣསྶ ཨཏྠི ཝཙཱིབྷེདོ’’ཏི.

པཋམསྶ ¶ ཛྷཱནསྶ སདྡོ ཀཎྚཀོ ཝུཏྟོ བྷགཝཏཱཏི, སམཱཔནྣསྶ ཨཏྠི ཝཙཱིབྷེདོཏི? ཨཱམནྟཱ. དུཏིཡསྶ ¶ ཛྷཱནསྶ ཝིཏཀྐཝིཙཱརཱ ཀཎྚཀོ ཝུཏྟོ བྷགཝཏཱ… ཏཏིཡསྶ ཛྷཱནསྶ པཱིཏི ཀཎྚཀོ ཝུཏྟོ བྷགཝཏཱ… ཙཏུཏྠསྶ ཛྷཱནསྶ ཨསྶཱསཔསྶཱསཱ ཀཎྚཀོ ཝུཏྟོ བྷགཝཏཱ [ཨ. ནི. ༡༠.༧༢] … ཨཱཀཱསཱནཉྩཱཡཏནཾ སམཱཔནྣསྶ རཱུཔསཉྙཱ ཀཎྚཀོ ཝུཏྟོ བྷགཝཏཱ… ཝིཉྙཱཎཉྩཱཡཏནཾ སམཱཔནྣསྶ ཨཱཀཱསཱནཉྩཱཡཏནསཉྙཱ ཀཎྚཀོ ཝུཏྟོ བྷགཝཏཱ… ཨཱཀིཉྩཉྙཱཡཏནཾ སམཱཔནྣསྶ ཝིཉྙཱཎཉྩཱཡཏནསཉྙཱ ཀཎྚཀོ ཝུཏྟོ བྷགཝཏཱ… ནེཝསཉྙཱནཱསཉྙཱཡཏནཾ སམཱཔནྣསྶ ཨཱཀིཉྩཉྙཱཡཏནསཉྙཱ ཀཎྚཀོ ཝུཏྟོ བྷགཝཏཱ… སཉྙཱཝེདཡིཏནིརོདྷཾ སམཱཔནྣསྶ སཉྙཱ ཙ ཝེདནཱ ཙ ཀཎྚཀོ ཝུཏྟོ བྷགཝཏཱ [ཨ. ནི. ༡༠.༧༢], ཨཏྠི ཏསྶ སཉྙཱ ཙ ཝེདནཱ ཙཱཏི? ན ཧེཝཾ ཝཏྟབྦེ…པེ….

ན ཝཏྟབྦཾ – ‘‘སམཱཔནྣསྶ ཨཏྠི ཝཙཱིབྷེདོ’’ཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘སིཁིསྶ, ཨཱནནྡ, བྷགཝཏོ ཨརཧཏོ སམྨཱསམྦུདྡྷསྶ ཨབྷིབྷཱུ ནཱམ སཱཝཀོ བྲཧྨལོཀེ ཋིཏོ དསསཧསྶིལོཀདྷཱཏུཾ སརེན ཝིཉྙཱཔེསི –

‘ཨཱརབྦྷཐ ¶ ནིཀྐམཐ, ཡུཉྫཐ བུདྡྷསཱསནེ;

དྷུནཱཐ མཙྩུནོ སེནཾ, ནལཱ༹གཱརཾཝ ཀུཉྫརོ.

‘ཡོ ¶ ཨིམསྨིཾ དྷམྨཝིནཡེ, ཨཔྤམཏྟོ ཝིཧསྶཏི [ཝིཧེསྶཏི (སཱི. སྱཱ. ཀཾ.) ཝིཧརིསྶཏི (ཀ.)];

པཧཱཡ ཛཱཏིསཾསཱརཾ, དུཀྑསྶནྟཾ ཀརིསྶཏཱི’’’ཏི [ཨ. ནི. ༡ ཏིཀནིཔཱཏེ; སཾ. ནི. ༡.༢༨༥].

ཨཏྠེཝ སུཏྟནྟོཏི? ཨཱམནྟཱ. ཏེན ཧི སམཱཔནྣསྶ ཨཏྠི ཝཙཱིབྷེདོཏི.

ཝཙཱིབྷེདཀཐཱ ནིཊྛིཏཱ.

༢. དུཏིཡཝགྒོ

(༡༥) ༦. དུཀྑཱཧཱརཀཐཱ

༣༣༤. དུཀྑཱཧཱརོ ¶ མགྒངྒཾ མགྒཔརིཡཱཔནྣནྟི? ཨཱམནྟཱ ¶ . ཡེ ཀེཙི དུཀྑནྟི ཝཱཙཾ བྷཱསནྟི, སབྦེ ཏེ མགྒཾ བྷཱཝེནྟཱིཏི? ན ཧེཝཾ ཝཏྟབྦེ.

ཡེ ཀེཙི དུཀྑནྟི ཝཱཙཾ བྷཱསནྟི, སབྦེ ཏེ མགྒཾ བྷཱཝེནྟཱིཏི? ཨཱམནྟཱ. བཱལཔུཐུཛྫནཱ དུཀྑནྟི ཝཱཙཾ བྷཱསནྟི, བཱལཔུཐུཛྫནཱ མགྒཾ བྷཱཝེནྟཱིཏི? ན ཧེཝཾ ཝཏྟབྦེ. མཱཏུགྷཱཏཀོ… པིཏུགྷཱཏཀོ… ཨརཧནྟགྷཱཏཀོ… རུཧིརུཔྤཱདཀོ [ལོཧིཏུཔྤཱདཀོ (སཱི. ཀ.) ཨཉྙཊྛཱནེསུ པན རུཧིརུཔྤཱདཀོཏྭེཝ དིསྶཏི] … སངྒྷབྷེདཀོ དུཀྑནྟི ཝཱཙཾ བྷཱསཏི, སངྒྷབྷེདཀོ མགྒཾ བྷཱཝེཏཱིཏི? ན ཧེཝཾ ཝཏྟབྦེ…པེ….

དུཀྑཱཧཱརཀཐཱ ནིཊྛིཏཱ.

༢. དུཏིཡཝགྒོ

(༡༦) ༧. ཙིཏྟཊྛིཏིཀཐཱ

༣༣༥. ཨེཀཾ ¶ ཙིཏྟཾ དིཝསཾ ཏིཊྛཏཱིཏི? ཨཱམནྟཱ. ཨུཔཌྜྷདིཝསོ ཨུཔྤཱདཀྑཎོ, ཨུཔཌྜྷདིཝསོ ཝཡཀྑཎོཏི? ན ཧེཝཾ ཝཏྟབྦེ.

ཨེཀཾ ¶ ཙིཏྟཾ དྭེ དིཝསེ ཏིཊྛཏཱིཏི? ཨཱམནྟཱ. དིཝསོ ཨུཔྤཱདཀྑཎོ, དིཝསོ ཝཡཀྑཎོཏི? ན ཧེཝཾ ཝཏྟབྦེ.

ཨེཀཾ ཙིཏྟཾ ཙཏྟཱརོ དིཝསེ ཏིཊྛཏི… ཨཊྛ དིཝསེ ཏིཊྛཏི… དས དིཝསེ ཏིཊྛཏི… ཝཱིསཏི དིཝསེ ཏིཊྛཏི… མཱསཾ ཏིཊྛཏི… དྭེ མཱསེ ཏིཊྛཏི… ཙཏྟཱརོ མཱསེ ཏིཊྛཏི… ཨཊྛ མཱསེ ¶ ཏིཊྛཏི… དས མཱསེ ཏིཊྛཏི… སཾཝཙྪརཾ ཏིཊྛཏི… དྭེ ཝསྶཱནི ཏིཊྛཏི… ཙཏྟཱརི ཝསྶཱནི ཏིཊྛཏི… ཨཊྛ ཝསྶཱནི ཏིཊྛཏི… དས ཝསྶཱནི ཏིཊྛཏི… ཝཱིསཏི ཝསྶཱནི ཏིཊྛཏི… ཏིཾས ཝསྶཱནི ཏིཊྛཏི… ཙཏྟཱརཱིས ཝསྶཱནི ཏིཊྛཏི… པཉྙཱས ཝསྶཱནི ཏིཊྛཏི… ཝསྶསཏཾ ཏིཊྛཏི… དྭེ ཝསྶསཏཱནི ¶ ཏིཊྛཏི… ཙཏྟཱརི ཝསྶསཏཱནི ཏིཊྛཏི… པཉྩ ཝསྶསཏཱནི ཏིཊྛཏི… ཝསྶསཧསྶཾ ཏིཊྛཏི… དྭེ ཝསྶསཧསྶཱནི ཏིཊྛཏི… ཙཏྟཱརི ཝསྶསཧསྶཱནི ཏིཊྛཏི… ཨཊྛ ཝསྶསཧསྶཱནི ཏིཊྛཏི… སོལ༹ས ཝསྶསཧསྶཱནི ཏིཊྛཏི… ཀཔྤཾ ཏིཊྛཏི… དྭེ ཀཔྤེ ཏིཊྛཏི… ཙཏྟཱརོ ཀཔྤེ ཏིཊྛཏི… ཨཊྛ ཀཔྤེ ཏིཊྛཏི… སོལ༹ས ཀཔྤེ ཏིཊྛཏི… བཱཏྟིཾས ཀཔྤེ ཏིཊྛཏི… ཙཏུསཊྛི ཀཔྤེ ཏིཊྛཏི… པཉྩ ཀཔྤསཏཱནི ཏིཊྛཏི… ཀཔྤསཧསྶཱནི ཏིཊྛཏི… དྭེ ཀཔྤསཧསྶཱནི ཏིཊྛཏི… ཙཏྟཱརི ཀཔྤསཧསྶཱནི ¶ ཏིཊྛཏི… ཨཊྛ ཀཔྤསཧསྶཱནི ཏིཊྛཏི… སོལ༹ས ཀཔྤསཧསྶཱནི ཏིཊྛཏི… ཝཱིསཏི ཀཔྤསཧསྶཱནི ཏིཊྛཏི… ཙཏྟཱརཱིས ཀཔྤསཧསྶཱནི ཏིཊྛཏི… སཊྛི ཀཔྤསཧསྶཱནི ཏིཊྛཏི… ཙཏུརཱསཱིཏི ཀཔྤསཧསྶཱནི ཏིཊྛཏཱིཏི? ཨཱམནྟཱ. དྭེཙཏྟཱརཱིས ཀཔྤསཧསྶཱནི ཨུཔྤཱདཀྑཎོ, དྭེཙཏྟཱརཱིས ཀཔྤསཧསྶཱནི ཝཡཀྑཎོཏི? ན ཧེཝཾ ཝཏྟབྦེ.

ཨེཀཾ ཙིཏྟཾ དིཝསཾ ཏིཊྛཏཱིཏི? ཨཱམནྟཱ. ཨཏྠཉྙེ དྷམྨཱ ཨེཀཱཧཾ བཧུམྤི ཨུཔྤཛྫིཏྭཱ ནིརུཛ྄ཛྷནྟཱིཏི? ཨཱམནྟཱ. ཏེ དྷམྨཱ ཙིཏྟེན ལཧུཔརིཝཏྟཱཏི? ན ཧེཝཾ ཝཏྟབྦེ.

ཏེ དྷམྨཱ ཙིཏྟེན ལཧུཔརིཝཏྟཱཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ནཱཧཾ, བྷིཀྑཝེ, ཨཉྙཾ ཨེཀདྷམྨམྤི སམནུཔསྶཱམི ཨེཝཾ ལཧུཔརིཝཏྟཾ ཡཐཡིདཾ ཙིཏྟཾ. ཡཱཝཉྩིདཾ, བྷིཀྑཝེ, ཨུཔམཱཔི ན སུཀརཱ ཡཱཝ ལཧུཔརིཝཏྟཾ ཙིཏྟ’’ནྟི [ཨ. ནི. ༡.༤༨]. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཏེ དྷམྨཱ ཙིཏྟེན ལཧུཔརིཝཏྟཱ’’ཏི.

ཏེ ¶ དྷམྨཱ ཙིཏྟེན ལཧུཔརིཝཏྟཱཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘སེཡྻཐཱཔི, བྷིཀྑཝེ, མཀྐཊོ ¶ ཨརཉྙེ པཝནེ ཙརམཱནོ སཱཁཾ གཎྷཏི, ཏཾ མུཉྩིཏྭཱ ཨཉྙཾ གཎྷཏི, ཏཾ མུཉྩིཏྭཱ ཨཉྙཾ གཎྷཏི; ཨེཝམེཝ ཁོ, བྷིཀྑཝེ, ཡམིདཾ [ཡདིདཾ (བཧཱུསུ)] ཝུཙྩཏི ཙིཏྟཾ ཨིཏིཔི མནོ ཨིཏིཔི ཝིཉྙཱཎཾ ཨིཏིཔི ཏཾ རཏྟིཡཱ ཙ དིཝསསྶ ཙ ཨཉྙདེཝ ཨུཔྤཛྫཏི ¶ ཨཉྙཾ ནིརུཛ྄ཛྷཏཱི’’ཏི [སཾ. ནི. ༢.༦༡]. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཏེ དྷམྨཱ ཙིཏྟེན ལཧུཔརིཝཏྟཱ’’ཏི.

༣༣༦. ཨེཀཾ ¶ ཙིཏྟཾ དིཝསཾ ཏིཊྛཏཱིཏི? ཨཱམནྟཱ. ཙཀྑུཝིཉྙཱཎཾ དིཝསཾ ཏིཊྛཏཱིཏི? ན ཧེཝཾ ཝཏྟབྦེ. སོཏཝིཉྙཱཎཾ…པེ… གྷཱནཝིཉྙཱཎཾ… ཛིཝ྄ཧཱཝིཉྙཱཎཾ… ཀཱཡཝིཉྙཱཎཾ… ཨཀུསལཾ ཙིཏྟཾ… རཱགསཧགཏཾ… དོསསཧགཏཾ… མོཧསཧགཏཾ… མཱནསཧགཏཾ… དིཊྛིསཧགཏཾ… ཝིཙིཀིཙྪཱསཧགཏཾ… ཐིནསཧགཏཾ… ཨུདྡྷཙྩསཧགཏཾ… ཨཧིརིཀསཧགཏཾ… ཨནོཏྟཔྤསཧགཏཾ ཙིཏྟཾ དིཝསཾ ཏིཊྛཏཱིཏི? ན ཧེཝཾ ཝཏྟབྦེ…པེ….

ཨེཀཾ ཙིཏྟཾ དིཝསཾ ཏིཊྛཏཱིཏི? ཨཱམནྟཱ. ཡེནེཝ ཙིཏྟེན ཙཀྑུནཱ རཱུཔཾ པསྶཏི, ཏེནེཝ ཙིཏྟེན སོཏེན སདྡཾ སུཎཱཏི…པེ… གྷཱནེན གནྡྷཾ གྷཱཡཏི… ཛིཝ྄ཧཱཡ རསཾ སཱཡཏི… ཀཱཡེན ཕོཊྛབྦཾ ཕུསཏི… མནསཱ དྷམྨཾ ཝིཛཱནཱཏི…པེ… ཡེནེཝ ཙིཏྟེན མནསཱ དྷམྨཾ ཝིཛཱནཱཏི, ཏེནེཝ ཙིཏྟེན ཙཀྑུནཱ རཱུཔཾ པསྶཏི…པེ… སོཏེན སདྡཾ སུཎཱཏི… གྷཱནེན གནྡྷཾ གྷཱཡཏི… ཛིཝ྄ཧཱཡ རསཾ སཱཡཏི…པེ… ཀཱཡེན ཕོཊྛབྦཾ ཕུསཏཱིཏི? ན ཧེཝཾ ཝཏྟབྦེ…པེ….

ཨེཀཾ ཙིཏྟཾ དིཝསཾ ཏིཊྛཏཱིཏི? ཨཱམནྟཱ. ཡེནེཝ ཙིཏྟེན ཨབྷིཀྐམཏི, ཏེནེཝ ཙིཏྟེན པཊིཀྐམཏི; ཡེནེཝ ཙིཏྟེན པཊིཀྐམཏི, ཏེནེཝ ཙིཏྟེན ཨབྷིཀྐམཏི; ཡེནེཝ ཙིཏྟེན ཨཱལོཀེཏི, ཏེནེཝ ཙིཏྟེན ཝིལོཀེཏི; ཡེནེཝ ¶ ཙིཏྟེན ཝིལོཀེཏི, ཏེནེཝ ཙིཏྟེན ཨཱལོཀེཏི; ཡེནེཝ ཙིཏྟེན སམིཉྫེཏི, ཏེནེཝ ཙིཏྟེན པསཱརེཏི ¶ ; ཡེནེཝ ཙིཏྟེན པསཱརེཏི, ཏེནེཝ ཙིཏྟེན སམིཉྫེཏཱིཏི? ན ཧེཝཾ ཝཏྟབྦེ…པེ….

༣༣༧. ཨཱཀཱསཱནཉྩཱཡཏནཱུཔགཱནཾ ¶ དེཝཱནཾ ཨེཀཾ ཙིཏྟཾ ཡཱཝཏཱཡུཀཾ ཏིཊྛཏཱིཏི? ཨཱམནྟཱ. མནུསྶཱནཾ ཨེཀཾ ཙིཏྟཾ ཡཱཝཏཱཡུཀཾ ཏིཊྛཏཱིཏི? ན ཧེཝཾ ཝཏྟབྦེ.

ཨཱཀཱསཱནཉྩཱཡཏནཱུཔགཱནཾ དེཝཱནཾ ཨེཀཾ ཙིཏྟཾ ཡཱཝཏཱཡུཀཾ ཏིཊྛཏཱིཏི? ཨཱམནྟཱ. ཙཱཏུམཧཱརཱཛིཀཱནཾ དེཝཱནཾ…པེ… ཏཱཝཏིཾསཱནཾ དེཝཱནཾ… ཡཱམཱནཾ དེཝཱནཾ… ཏུསིཏཱནཾ དེཝཱནཾ… ནིམྨཱནརཏཱིནཾ དེཝཱནཾ… པརནིམྨིཏཝསཝཏྟཱིནཾ དེཝཱནཾ… བྲཧྨཔཱརིསཛྫཱནཾ དེཝཱནཾ… བྲཧྨཔུརོཧིཏཱནཾ དེཝཱནཾ… མཧཱབྲཧྨཱནཾ དེཝཱནཾ… པརིཏྟཱབྷཱནཾ དེཝཱནཾ… ཨཔྤམཱཎཱབྷཱནཾ དེཝཱནཾ… ཨཱབྷསྶརཱནཾ དེཝཱནཾ… པརིཏྟསུབྷཱནཾ དེཝཱནཾ… ཨཔྤམཱཎསུབྷཱནཾ དེཝཱནཾ… སུབྷཀིཎྷཱནཾ དེཝཱནཾ ¶ … ཝེཧཔྥལཱནཾ དེཝཱནཾ… ཨཝིཧཱནཾ དེཝཱནཾ… ཨཏཔྤཱནཾ དེཝཱནཾ… སུདསྶཱནཾ དེཝཱནཾ… སུདསྶཱིནཾ དེཝཱནཾ… ཨཀནིཊྛཱནཾ དེཝཱནཾ ཨེཀཾ ཙིཏྟཾ ཡཱཝཏཱཡུཀཾ ཏིཊྛཏཱིཏི? ན ཧེཝཾ ཝཏྟབྦེ.

ཨཱཀཱསཱནཉྩཱཡཏནཱུཔགཱནཾ དེཝཱནཾ ཝཱིསཏི ཀཔྤསཧསྶཱནི ཨཱཡུཔྤམཱཎཾ, ཨཱཀཱསཱནཉྩཱཡཏནཱུཔགཱནཾ དེཝཱནཾ ཨེཀཾ ཙིཏྟཾ ཝཱིསཏི ཀཔྤསཧསྶཱནི ཏིཊྛཏཱིཏི? ཨཱམནྟཱ. མནུསྶཱནཾ ཝསྶསཏཾ ཨཱཡུཔྤམཱཎཾ, མནུསྶཱནཾ ཨེཀཾ ཙིཏྟཾ ཝསྶསཏཾ ཏིཊྛཏཱིཏི? ན ཧེཝཾ ཝཏྟབྦེ.

ཨཱཀཱསཱནཉྩཱཡཏནཱུཔགཱནཾ ¶ དེཝཱནཾ ཝཱིསཏི ཀཔྤསཧསྶཱནི ཨཱཡུཔྤམཱཎཾ, ཨཱཀཱསཱནཉྩཱཡཏནཱུཔགཱནཾ དེཝཱནཾ ཨེཀཾ ཙིཏྟཾ ཝཱིསཏི ཀཔྤསཧསྶཱནི ཏིཊྛཏཱིཏི? ཨཱམནྟཱ. ཙཱཏུམཧཱརཱཛིཀཱནཾ ¶ དེཝཱནཾ པཉྩ ཝསྶསཏཱནི ཨཱཡུཔྤམཱཎཾ, ཙཱཏུམཧཱརཱཛིཀཱནཾ དེཝཱནཾ ཨེཀཾ ཙིཏྟཾ པཉྩ ཝསྶསཏཱནི ཏིཊྛཏི… ཝསྶསཧསྶཾ ཏིཊྛཏི… དྭེ ཝསྶསཧསྶཱནི ཏིཊྛཏི… ཙཏྟཱརི ཝསྶསཧསྶཱནི ཏིཊྛཏི… ཨཊྛ ཝསྶསཧསྶཱནི ཏིཊྛཏི… སོལ༹ས ཝསྶསཧསྶཱནི ཏིཊྛཏི… ཀཔྤསྶ ཏཏིཡབྷཱགཾ ཏིཊྛཏི… ཨུཔཌྜྷཀཔྤཾ ཏིཊྛཏི… ཨེཀཾ ཀཔྤཾ ཏིཊྛཏི… དྭེ ཀཔྤེ ཏིཊྛཏི… ཙཏྟཱརོ ཀཔྤེ ཏིཊྛཏི… ཨཊྛ ཀཔྤེ ཏིཊྛཏི… སོལ༹ས ཀཔྤེ ཏིཊྛཏི… བཱཏྟིཾས ཀཔྤེ ཏིཊྛཏི… ཙཏུསཊྛི ཀཔྤེ ཏིཊྛཏི… པཉྩ ཀཔྤསཏཱནི ཏིཊྛཏི… ཀཔྤསཧསྶཾ ཏིཊྛཏི… དྭེ ཀཔྤསཧསྶཱནི ཏིཊྛཏི… ཙཏྟཱརི ཀཔྤསཧསྶཱནི ཏིཊྛཏི… ཨཊྛ ཀཔྤསཧསྶཱནི ཏིཊྛཏི… ཨཀནིཊྛཱནཾ དེཝཱནཾ སོལ༹ས ཀཔྤསཧསྶཱནི ཨཱཡུཔྤམཱཎཾ, ཨཀནིཊྛཱནཾ དེཝཱནཾ ཨེཀཾ ཙིཏྟཾ སོལ༹ས ཀཔྤསཧསྶཱནི ཏིཊྛཏཱིཏི? ན ཧེཝཾ ཝཏྟབྦེ.

ཨཱཀཱསཱནཉྩཱཡཏནཱུཔགཱནཾ ¶ དེཝཱནཾ ཙིཏྟཾ མུཧུཏྟཾ མུཧུཏྟཾ ཨུཔྤཛྫཏི མུཧུཏྟཾ མུཧུཏྟཾ ནིརུཛ྄ཛྷཏཱིཏི? ཨཱམནྟཱ. ཨཱཀཱསཱནཉྩཱཡཏནཱུཔགཱ དེཝཱ མུཧུཏྟཾ མུཧུཏྟཾ ཙཝནྟི མུཧུཏྟཾ མུཧུཏྟཾ ཨུཔྤཛྫནྟཱིཏི? ན ཧེཝཾ ཝཏྟབྦེ.

ཨཱཀཱསཱནཉྩཱཡཏནཱུཔགཱནཾ དེཝཱནཾ ཨེཀཾ ཙིཏྟཾ ཡཱཝཏཱཡུཀཾ ཏིཊྛཏཱིཏི ¶ ? ཨཱམནྟཱ. ཨཱཀཱསཱནཉྩཱཡཏནཱུཔགཱ དེཝཱ ཡེནེཝ ཙིཏྟེན ཨུཔྤཛྫནྟི, ཏེནེཝ ཙིཏྟེན ཙཝནྟཱིཏི? ན ཧེཝཾ ཝཏྟབྦེ…པེ….

ཙིཏྟཊྛིཏིཀཐཱ ནིཊྛིཏཱ.

༢. དུཏིཡཝགྒོ

(༡༧) ༨. ཀུཀྐུལ༹ཀཐཱ

༣༣༨. སབྦེ ¶ སངྑཱརཱ ཨནོདྷིཾ ཀཏྭཱ ཀུཀྐུལཱ༹ཏི? ཨཱམནྟཱ. ནནུ ཨཏྠི སུཁཱ ཝེདནཱ, ཀཱཡིཀཾ སུཁཾ, ཙེཏསིཀཾ སུཁཾ ¶ , དིབྦཾ སུཁཾ, མཱནུསཀཾ སུཁཾ, ལཱབྷསུཁཾ, སཀྐཱརསུཁཾ, ཡཱནསུཁཾ, སཡནསུཁཾ, ཨིསྶརིཡསུཁཾ, ཨཱདྷིཔཙྩསུཁཾ, གིཧིསུཁཾ, སཱམཉྙསུཁཾ, སཱསཝཾ སུཁཾ, ཨནཱསཝཾ སུཁཾ, ཨུཔདྷིསུཁཾ, ནིརཱུཔདྷིསུཁཾ, སཱམིསཾ སུཁཾ, ནིརཱམིསཾ སུཁཾ, སཔྤཱིཏིཀཾ སུཁཾ, ནིཔྤཱིཏིཀཾ སུཁཾ, ཛྷཱནསུཁཾ, ཝིམུཏྟིསུཁཾ, ཀཱམསུཁཾ, ནེཀྑམྨསུཁཾ, ཝིཝེཀསུཁཾ, ཨུཔསམསུཁཾ, སམྦོདྷསུཁནྟི? ཨཱམནྟཱ. ཧཉྩི ཨཏྠི སུཁཱ ཝེདནཱ…པེ… སམྦོདྷསུཁཾ, ནོ ཙ ཝཏ རེ ཝཏྟབྦེ – ‘‘སབྦེ སངྑཱརཱ ཨནོདྷིཾ ཀཏྭཱ ཀུཀྐུལཱ༹’’ཏི.

སབྦེ སངྑཱརཱ ཨནོདྷིཾ ཀཏྭཱ ཀུཀྐུལཱ༹ཏི? ཨཱམནྟཱ. སབྦེ སངྑཱརཱ དུཀྑཱ ཝེདནཱ ཀཱཡིཀཾ དུཀྑཾ ཙེཏསིཀཾ དུཀྑཾ སོཀཔརིདེཝདུཀྑདོམནསྶཨུཔཱཡཱསཱཏི? ན ཧེཝཾ ཝཏྟབྦེ.

ན ཝཏྟབྦཾ – ‘‘སབྦེ སངྑཱརཱ ཨནོདྷིཾ ཀཏྭཱ ཀུཀྐུལཱ༹’’ཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘སབྦཾ, བྷིཀྑཝེ, ཨཱདིཏྟཾ! ཀིཉྩ, བྷིཀྑཝེ, སབྦཾ ཨཱདིཏྟཾ? ཙཀྑུཾ, བྷིཀྑཝེ, ཨཱདིཏྟཾ, རཱུཔཱ ཨཱདིཏྟཱ, ཙཀྑུཝིཉྙཱཎཾ ¶ ཨཱདིཏྟཾ, ཙཀྑུསམྥསྶོ ཨཱདིཏྟོ; ཡམིདཾ [ཡམྤིདཾ (སཾ. ནི. ༤.༢༨)] ཙཀྑུསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ, ཏམྤི ཨཱདིཏྟཾ. ཀེན ཨཱདིཏྟཾ? ‘རཱགགྒིནཱ དོསགྒིནཱ མོཧགྒིནཱ ཨཱདིཏྟཾ, ཛཱཏིཡཱ ཛརཱཡ མརཎེན སོཀེཧི པརིདེཝེཧི དུཀྑེཧི ¶ དོམནསྶེཧི ཨུཔཱཡཱསེཧི ཨཱདིཏྟ’ནྟི ཝདཱམི. སོཏཾ ཨཱདིཏྟཾ, སདྡཱ ཨཱདིཏྟཱ…པེ… གྷཱནཾ ཨཱདིཏྟཾ, གནྡྷཱ ཨཱདིཏྟཱ…པེ… ཛིཝ྄ཧཱ ཨཱདིཏྟཱ, རསཱ ཨཱདིཏྟཱ…པེ… ཀཱཡོ ཨཱདིཏྟོ, ཕོཊྛབྦཱ ཨཱདིཏྟཱ…པེ… མནོ ཨཱདིཏྟོ, དྷམྨཱ ཨཱདིཏྟཱ, མནོཝིཉྙཱཎཾ ཨཱདིཏྟཾ, མནོསམྥསྶོ ཨཱདིཏྟོ; ཡམིདཾ མནོསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ, ཏམྤི ཨཱདིཏྟཾ. ཀེན ཨཱདིཏྟཾ? ‘རཱགགྒིནཱ དོསགྒིནཱ མོཧགྒིནཱ ཨཱདིཏྟཾ, ཛཱཏིཡཱ ཛརཱཡ མརཎེན སོཀེཧི པརིདེཝེཧི དུཀྑེཧི དོམནསྶེཧི ཨུཔཱཡཱསེཧི ཨཱདིཏྟ’ནྟི ཝདཱམཱི’’ཏི [མཧཱཝ. ༥༤; སཾ. ནི. ༤.༢༨]. ཨཏྠེཝ ¶ སུཏྟནྟོཏི? ཨཱམནྟཱ. ཏེན ¶ ཧི ཝཏྟབྦཾ [ཏེན ཧི (སཱི. སྱཱ.), ཏེན ཧི ན ཝཏྟབྦཾ (ཀ.)] – ‘‘སབྦེ སངྑཱརཱ ཨནོདྷིཾ ཀཏྭཱ ཀུཀྐུལཱ༹’’ཏི.

སབྦེ སངྑཱརཱ ཨནོདྷིཾ ཀཏྭཱ ཀུཀྐུལཱ༹ཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘པཉྩིམེ, བྷིཀྑཝེ, ཀཱམགུཎཱ! ཀཏམེ པཉྩ? ཙཀྑུཝིཉྙེཡྻཱ རཱུཔཱ ཨིཊྛཱ ཀནྟཱ མནཱཔཱ པིཡརཱུཔཱ ཀཱམཱུཔསཾཧིཏཱ རཛནཱིཡཱ, སོཏཝིཉྙེཡྻཱ སདྡཱ…པེ… གྷཱནཝིཉྙེཡྻཱ གནྡྷཱ… ཛིཝ྄ཧཱཝིཉྙེཡྻཱ རསཱ… ཀཱཡཝིཉྙེཡྻཱ ཕོཊྛབྦཱ ཨིཊྛཱ ཀནྟཱ ¶ མནཱཔཱ པིཡརཱུཔཱ ཀཱམཱུཔསཾཧིཏཱ རཛནཱིཡཱ. ཨིམེ ཁོ, བྷིཀྑཝེ, པཉྩ ཀཱམགུཎཱ’’ཏི [མ. ནི. ༡.༡༦༦; སཾ. ནི. ༤.༢༦༨]. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘སབྦེ སངྑཱརཱ ཨནོདྷིཾ ཀཏྭཱ ཀུཀྐུལཱ༹’’ཏི.

ན ཝཏྟབྦཾ – ‘‘སབྦེ སངྑཱརཱ ཨནོདྷིཾ ཀཏྭཱ ཀུཀྐུལཱ༹’’ཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ལཱབྷཱ ཝོ, བྷིཀྑཝེ, སུལདྡྷཾ ཝོ, བྷིཀྑཝེ, ཁཎོ ཝོ པཊིལདྡྷོ [པཊིཝིདྡྷོ (བཧཱུསུ)] བྲཧྨཙརིཡཝཱསཱཡ! དིཊྛཱ མཡཱ, བྷིཀྑཝེ, ཚ ཕསྶཱཡཏནིཀཱ ནཱམ ནིརཡཱ. ཏཏྠ ཡཾ ཀིཉྩི ཙཀྑུནཱ རཱུཔཾ པསྶཏི, ཨནིཊྛརཱུཔཉྙེཝ པསྶཏི ནོ ཨིཊྛརཱུཔཾ, ཨཀནྟརཱུཔཉྙེཝ པསྶཏི ནོ ཀནྟརཱུཔཾ, ཨམནཱཔརཱུཔཉྙེཝ པསྶཏི ནོ མནཱཔརཱུཔཾ. ཡཾ ཀིཉྩི སོཏེན སདྡཾ སུཎཱཏི…པེ… གྷཱནེན གནྡྷཾ གྷཱཡཏི… ཛིཝ྄ཧཱཡ རསཾ སཱཡཏི… ཀཱཡེན ཕོཊྛབྦཾ ཕུསཏི… མནསཱ དྷམྨཾ ཝིཛཱནཱཏི, ཨནིཊྛརཱུཔཉྙེཝ ཝིཛཱནཱཏི ནོ ཨིཊྛརཱུཔཾ, ཨཀནྟརཱུཔཉྙེཝ ཝིཛཱནཱཏི ནོ ཀནྟརཱུཔཾ, ཨམནཱཔརཱུཔཉྙེཝ ཝིཛཱནཱཏི ནོ མནཱཔརཱུཔ’’ནྟི [སཾ. ནི. ༤.༡༣༥]. ཨཏྠེཝ སུཏྟནྟོཏི? ཨཱམནྟཱ. ཏེན ཧི ཝཏྟབྦཾ [ཏེན ཧི ན ཝཏྟབྦཾ (སྱཱ. ཀ.)] – ‘‘སབྦེ སངྑཱརཱ ཨནོདྷིཾ ཀཏྭཱ ཀུཀྐུལཱ༹’’ཏི.

སབྦེ ¶ སངྑཱརཱ ཨནོདྷིཾ ཀཏྭཱ ཀུཀྐུལཱ༹ཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ལཱབྷཱ ཝོ, བྷིཀྑཝེ, སུལདྡྷཾ ཝོ, བྷིཀྑཝེ, ཁཎོ ཝོ པཊིལདྡྷོ བྲཧྨཙརིཡཝཱསཱཡ! དིཊྛཱ མཡཱ, བྷིཀྑཝེ, ཚ ཕསྶཱཡཏནིཀཱ ¶ ནཱམ སགྒཱ. ཏཏྠ ཡཾ ཀིཉྩི ཙཀྑུནཱ རཱུཔཾ པསྶཏི, ཨིཊྛརཱུཔཉྙེཝ ¶ པསྶཏི ནོ ཨནིཊྛརཱུཔཾ, ཀནྟརཱུཔཉྙེཝ པསྶཏི ནོ ཨཀནྟརཱུཔཾ, མནཱཔརཱུཔཉྙེཝ པསྶཏི ནོ ཨམནཱཔརཱུཔཾ. ཡཾ ཀིཉྩི སོཏེན སདྡཾ སུཎཱཏི…པེ… གྷཱནེན གནྡྷཾ གྷཱཡཏི… ཛིཝ྄ཧཱཡ རསཾ སཱཡཏི… ཀཱཡེན ཕོཊྛབྦཾ ཕུསཏི… མནསཱ དྷམྨཾ ཝིཛཱནཱཏི, ཨིཊྛརཱུཔཉྙེཝ ཝིཛཱནཱཏི ནོ ཨནིཊྛརཱུཔཾ, ཀནྟརཱུཔཉྙེཝ ཝིཛཱནཱཏི ¶ ནོ ཨཀནྟརཱུཔཾ, མནཱཔརཱུཔཉྙེཝ ཝིཛཱནཱཏི ནོ ཨམནཱཔརཱུཔ’’ནྟི [སཾ. ནི. ༤.༡༣༥]. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘སབྦེ སངྑཱརཱ ཨནོདྷིཾ ཀཏྭཱ ཀུཀྐུལཱ༹’’ཏི.

ན ཝཏྟབྦཾ – ‘‘སབྦེ སངྑཱརཱ ཨནོདྷིཾ ཀཏྭཱ ཀུཀྐུལཱ༹’’ཏི? ཨཱམནྟཱ. ནནུ ‘‘ཡདནིཙྩཾ ཏཾ དུཀྑཾ [སཾ. ནི. ༣.༡༥],’’ ཝུཏྟཾ བྷགཝཏཱ, ‘‘སབྦེ སངྑཱརཱ ཨནིཙྩཱ’’ཏི [དྷ. པ. ༢༧༧; མ. ནི. ༡.༣༥༦]? ཨཱམནྟཱ. ཧཉྩི ‘‘ཡདནིཙྩཾ ཏཾ དུཀྑཾ,’’ ཝུཏྟཾ བྷགཝཏཱ, ‘‘སབྦེ སངྑཱརཱ ཨནིཙྩཱ,’’ ཏེན ཝཏ རེ ཝཏྟབྦེ – ‘‘སབྦེ སངྑཱརཱ ཨནོདྷིཾ ཀཏྭཱ ཀུཀྐུལཱ༹’’ཏི.

སབྦེ སངྑཱརཱ ཨནོདྷིཾ ཀཏྭཱ ཀུཀྐུལཱ༹ཏི? ཨཱམནྟཱ. དཱནཾ ཨནིཊྛཕལཾ ཨཀནྟཕལཾ ཨམནུཉྙཕལཾ སེཙནཀཕལཾ དུཀྑུདྲཡཾ དུཀྑཝིཔཱཀནྟི? ན ཧེཝཾ ཝཏྟབྦེ.

སཱིལཾ…པེ… ཨུཔོསཐོ…པེ… བྷཱཝནཱ…པེ… བྲཧྨཙརིཡཾ ཨནིཊྛཕལཾ ཨཀནྟཕལཾ ཨམནུཉྙཕལཾ སེཙནཀཕལཾ དུཀྑུདྲཡཾ དུཀྑཝིཔཱཀནྟི? ན ཧེཝཾ ཝཏྟབྦེ.

ནནུ དཱནཾ ཨིཊྛཕལཾ ཀནྟཕལཾ མནུཉྙཕལཾ ཨསེཙནཀཕལཾ སུཁུདྲཡཾ སུཁཝིཔཱཀནྟི ¶ ? ཨཱམནྟཱ. ཧཉྩི དཱནཾ ཨིཊྛཕལཾ ཀནྟཕལཾ མནུཉྙཕལཾ ཨསེཙནཀཕལཾ སུཁུདྲཡཾ སུཁཝིཔཱཀཾ, ནོ ¶ ཙ ཝཏ རེ ཝཏྟབྦེ – ‘‘སབྦེ སངྑཱརཱ ཨནོདྷིཾ ཀཏྭཱ ཀུཀྐུལཱ༹’’ཏི.

ནནུ སཱིལཾ… ཨུཔོསཐོ… བྷཱཝནཱ… བྲཧྨཙརིཡཾ ཨིཊྛཕལཾ ཀནྟཕལཾ མནུཉྙཕལཾ ཨསེཙནཀཕལཾ སུཁུདྲཡཾ སུཁཝིཔཱཀནྟི? ཨཱམནྟཱ. ཧཉྩི བྲཧྨཙརིཡཾ ཨིཊྛཕལཾ ཀནྟཕལཾ མནུཉྙཕལཾ ཨསེཙནཀཕལཾ སུཁུདྲཡཾ སུཁཝིཔཱཀནྟི, ནོ ཙ ཝཏ རེ ཝཏྟབྦེ – ‘‘སབྦེ སངྑཱརཱ ཨནོདྷིཾ ཀཏྭཱ ཀུཀྐུལཱ༹’’ཏི.

སབྦེ ¶ སངྑཱརཱ ཨནོདྷིཾ ཀཏྭཱ ཀུཀྐུལཱ༹ཏི? ཨཱམནྟཱ. ནནུ ཝུཏྟཾ བྷགཝཏཱ –

‘‘སུཁོ ཝིཝེཀོ ཏུཊྛསྶ, སུཏདྷམྨསྶ པསྶཏོ;

ཨབྱཱཔཛྫཾ སུཁཾ ལོཀེ, པཱཎབྷཱུཏེསུ སཾཡམོ.

‘‘སུཁཱ ¶ ཝིརཱགཏཱ ལོཀེ, ཀཱམཱནཾ སམཏིཀྐམོ;

ཨསྨིམཱནསྶ ཡོ ཝིནཡོ, ཨེཏཾ ཝེ པརམཾ སུཁཾ [མཧཱཝ. ༥; ཨུདཱ. ༡༡ ཨུདཱནེ ཙ].

‘‘ཏཾ སུཁེན སུཁཾ པཏྟཾ, ཨཙྩནྟསུཁམེཝ ཏཾ;

ཏིསྶོ ཝིཛྫཱ ཨནུཔྤཏྟཱ, ཨེཏཾ ཝེ པརམཾ སུཁ’’ནྟི.

ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘སབྦེ སངྑཱརཱ ཨནོདྷིཾ ཀཏྭཱ ཀུཀྐུལཱ༹’’ཏི.

ཀུཀྐུལ༹ཀཐཱ ནིཊྛིཏཱ.

༢. དུཏིཡཝགྒོ

(༡༨) ༩. ཨནུཔུབྦཱབྷིསམཡཀཐཱ

༣༣༩. ཨནུཔུབྦཱབྷིསམཡོཏི ¶ ? ཨཱམནྟཱ. ཨནུཔུབྦེན ¶ སོཏཱཔཏྟིམགྒཾ བྷཱཝེཏཱིཏི? ན ཧེཝཾ ཝཏྟབྦེ. ཨནུཔུབྦེན སོཏཱཔཏྟིམགྒཾ བྷཱཝེཏཱིཏི? ཨཱམནྟཱ. ཨནུཔུབྦེན སོཏཱཔཏྟིཕལཾ སཙྪིཀརོཏཱིཏི? ན ཧེཝཾ ཝཏྟབྦེ.

ཨནུཔུབྦཱབྷིསམཡོཏི? ཨཱམནྟཱ. ཨནུཔུབྦེན སཀདཱགཱམིམགྒཾ བྷཱཝེཏཱིཏི? ན ཧེཝཾ ཝཏྟབྦེ. ཨནུཔུབྦེན སཀདཱགཱམིམགྒཾ བྷཱཝེཏཱིཏི? ཨཱམནྟཱ. ཨནུཔུབྦེན སཀདཱགཱམིཕལཾ སཙྪིཀརོཏཱིཏི? ན ཧེཝཾ ཝཏྟབྦེ.

ཨནུཔུབྦཱབྷིསམཡོཏི? ཨཱམནྟཱ. ཨནུཔུབྦེན ཨནཱགཱམིམགྒཾ བྷཱཝེཏཱིཏི? ན ཧེཝཾ ཝཏྟབྦེ. ཨནུཔུབྦེན ཨནཱགཱམིམགྒཾ བྷཱཝེཏཱིཏི? ཨཱམནྟཱ. ཨནུཔུབྦེན ཨནཱགཱམིཕལཾ སཙྪིཀརོཏཱིཏི? ན ཧེཝཾ ཝཏྟབྦེ.

ཨནུཔུབྦཱབྷིསམཡོཏི ¶ ? ཨཱམནྟཱ. ཨནུཔུབྦེན ཨརཧཏྟམགྒཾ བྷཱཝེཏཱིཏི? ན ཧེཝཾ ཝཏྟབྦེ. ཨནུཔུབྦེན ཨརཧཏྟམགྒཾ བྷཱཝེཏཱིཏི? ཨཱམནྟཱ. ཨནུཔུབྦེན ཨརཧཏྟཕལཾ སཙྪིཀརོཏཱིཏི? ན ཧེཝཾ ཝཏྟབྦེ.

༣༤༠. སོཏཱཔཏྟིཕལསཙྪིཀིརིཡཱཡ ¶ པཊིཔནྣོ པུགྒལོ དུཀྑདསྶནེན ཀིཾ ཛཧཏཱིཏི? སཀྐཱཡདིཊྛིཾ, ཝིཙིཀིཙྪཾ, སཱིལབྦཏཔརཱམཱསཾ, ཏདེཀཊྛེ ཙ ཀིལེསེ ¶ ཙཏུབྷཱགཾ ཛཧཏཱིཏི. ཙཏུབྷཱགཾ སོཏཱཔནྣོ, ཙཏུབྷཱགཾ ན སོཏཱཔནྣོ, ཙཏུབྷཱགཾ སོཏཱཔཏྟིཕལཔྤཏྟོ པཊིལདྡྷོ ཨདྷིགཏོ སཙྪིཀཏོ ¶ ཨུཔསམྤཛྫ ཝིཧརཏི, ཀཱཡེན ཕུསིཏྭཱ ཝིཧརཏི, ཙཏུབྷཱགཾ ན ཀཱཡེན ཕུསིཏྭཱ ཝིཧརཏི, ཙཏུབྷཱགཾ སཏྟཀྑཏྟུཔརམོ ཀོལངྐོལོ ཨེཀབཱིཛཱི བུདྡྷེ ཨཝེཙྩཔྤསཱདེན སམནྣཱགཏོ, དྷམྨེ…པེ… སངྒྷེ…པེ… ཨརིཡཀནྟེཧི སཱིལེཧི སམནྣཱགཏོ ཙཏུབྷཱགཾ ན ཨརིཡཀནྟེཧི སཱིལེཧི སམནྣཱགཏོཏི? ན ཧེཝཾ ཝཏྟབྦེ.

སམུདཡདསྶནེན…པེ… ནིརོདྷདསྶནེན…པེ… མགྒདསྶནེན ཀིཾ ཛཧཏཱིཏི? སཀྐཱཡདིཊྛིཾ, ཝིཙིཀིཙྪཾ, སཱིལབྦཏཔརཱམཱསཾ, ཏདེཀཊྛེ ཙ ཀིལེསེ ཙཏུབྷཱགཾ ཛཧཏཱིཏི. ཙཏུབྷཱགཾ སོཏཱཔནྣོ, ཙཏུབྷཱགཾ ན སོཏཱཔནྣོ, ཙཏུབྷཱགཾ སོཏཱཔཏྟིཕལཔྤཏྟོ པཊིལདྡྷོ ཨདྷིགཏོ སཙྪིཀཏོ ཨུཔསམྤཛྫ ཝིཧརཏི, ཀཱཡེན ཕུསིཏྭཱ ཝིཧརཏི, ཙཏུབྷཱགཾ ན ཀཱཡེན ཕུསིཏྭཱ ཝིཧརཏི, ཙཏུབྷཱགཾ སཏྟཀྑཏྟུཔརམོ ཀོལངྐོལོ ཨེཀབཱིཛཱི བུདྡྷེ ཨཝེཙྩཔྤསཱདེན སམནྣཱགཏོ, དྷམྨེ…པེ… སངྒྷེ…པེ… ཨརིཡཀནྟེཧི སཱིལེཧི སམནྣཱགཏོ, ཙཏུབྷཱགཾ ན ཨརིཡཀནྟེཧི སཱིལེཧི སམནྣཱགཏོཏི? ན ཧེཝཾ ཝཏྟབྦེ…པེ….

༣༤༡. སཀདཱགཱམིཕལསཙྪིཀིརིཡཱཡ པཊིཔནྣོ པུགྒལོ དུཀྑདསྶནེན ཀིཾ ཛཧཏཱིཏི? ཨོལཱ༹རིཀཾ ཀཱམརཱགཾ, ཨོལཱ༹རིཀཾ བྱཱཔཱདཾ, ཏདེཀཊྛེ ཙ ཀིལེསེ ཙཏུབྷཱགཾ ཛཧཏཱིཏི. ཙཏུབྷཱགཾ སཀདཱགཱམཱི, ཙཏུབྷཱགཾ ན སཀདཱགཱམཱི, ཙཏུབྷཱགཾ སཀདཱགཱམིཕལཔྤཏྟོ པཊིལདྡྷོ ཨདྷིགཏོ སཙྪིཀཏོ ཨུཔསམྤཛྫ ཝིཧརཏི, ཀཱཡེན ཕུསིཏྭཱ ཝིཧརཏི, ཙཏུབྷཱགཾ ན ཀཱཡེན ¶ ཕུསིཏྭཱ ཝིཧརཏཱིཏི? ན ཧེཝཾ ཝཏྟབྦེ…པེ… སམུདཡདསྶནེན…པེ… ནིརོདྷདསྶནེན…པེ… མགྒདསྶནེན ཀིཾ ཛཧཏཱིཏི? ཨོལཱ༹རིཀཾ ཀཱམརཱགཾ, ཨོལཱ༹རིཀཾ བྱཱཔཱདཾ, ཏདེཀཊྛེ ཙ ཀིལེསེ ཙཏུབྷཱགཾ ཛཧཏཱིཏི. ཙཏུབྷཱགཾ སཀདཱགཱམཱི, ཙཏུབྷཱགཾ ན སཀདཱགཱམཱི, ཙཏུབྷཱགཾ སཀདཱགཱམིཕལཔྤཏྟོ པཊིལདྡྷོ ཨདྷིགཏོ སཙྪིཀཏོ ¶ ཨུཔསམྤཛྫ ཝིཧརཏི ¶ , ཀཱཡེན ཕུསིཏྭཱ ཝིཧརཏི, ཙཏུབྷཱགཾ ན ཀཱཡེན ཕུསིཏྭཱ ཝིཧརཏཱིཏི? ན ཧེཝཾ ཝཏྟབྦེ…པེ….

༣༤༢. ཨནཱགཱམིཕལསཙྪིཀིརིཡཱཡ ¶ པཊིཔནྣོ པུགྒལོ དུཀྑདསྶནེན ཀིཾ ཛཧཏཱིཏི? ཨཎུསཧགཏཾ ཀཱམརཱགཾ, ཨཎུསཧགཏཾ བྱཱཔཱདཾ, ཏདེཀཊྛེ ཙ ཀིལེསེ ཙཏུབྷཱགཾ ཛཧཏཱིཏི. ཙཏུབྷཱགཾ ཨནཱགཱམཱི, ཙཏུབྷཱགཾ ན ཨནཱགཱམཱི, ཙཏུབྷཱགཾ ཨནཱགཱམིཕལཔྤཏྟོ པཊིལདྡྷོ ཨདྷིགཏོ སཙྪིཀཏོ ཨུཔསམྤཛྫ ཝིཧརཏི, ཀཱཡེན ཕུསིཏྭཱ ཝིཧརཏི, ཙཏུབྷཱགཾ ན ཀཱཡེན ཕུསིཏྭཱ ཝིཧརཏི, ཙཏུབྷཱགཾ ཨནྟརཱཔརིནིབྦཱཡཱི…པེ… ཨུཔཧཙྩཔརིནིབྦཱཡཱི… ཨསངྑཱརཔརིནིབྦཱཡཱི… སསངྑཱརཔརིནིབྦཱཡཱི… ཨུདྡྷཾསོཏོ ཨཀནིཊྛགཱམཱི, ཙཏུབྷཱགཾ ན ཨུདྡྷཾསོཏོ ན ཨཀནིཊྛགཱམཱིཏི? ན ཧེཝཾ ཝཏྟབྦེ…པེ….

སམུདཡདསྶནེན…པེ… ནིརོདྷདསྶནེན…པེ… མགྒདསྶནེན ཀིཾ ཛཧཏཱིཏི? ཨཎུསཧགཏཾ ཀཱམརཱགཾ, ཨཎུསཧགཏཾ བྱཱཔཱདཾ, ཏདེཀཊྛེ ཙ ཀིལེསེ ཙཏུབྷཱགཾ ཛཧཏཱིཏི. ཙཏུབྷཱགཾ ཨནཱགཱམཱི, ཙཏུབྷཱགཾ ན ཨནཱགཱམཱི, ཙཏུབྷཱགཾ ཨནཱགཱམིཕལཔྤཏྟོ པཊིལདྡྷོ ཨདྷིགཏོ སཙྪིཀཏོ ཨུཔསམྤཛྫ ཝིཧརཏི, ཀཱཡེན ¶ ཕུསིཏྭཱ ཝིཧརཏི, ཙཏུབྷཱགཾ ན ཀཱཡེན ཕུསིཏྭཱ ཝིཧརཏི, ཙཏུབྷཱགཾ ཨནྟརཱཔརིནིབྦཱཡཱི…པེ… ཨུཔཧཙྩཔརིནིབྦཱཡཱི… ཨསངྑཱརཔརིནིབྦཱཡཱི… སསངྑཱརཔརིནིབྦཱཡཱི… ཨུདྡྷཾསོཏོ ཨཀནིཊྛགཱམཱི, ཙཏུབྷཱགཾ ན ཨུདྡྷཾསོཏོ ཨཀནིཊྛགཱམཱིཏི? ན ཧེཝཾ ཝཏྟབྦེ…པེ….

༣༤༣. ཨརཧཏྟསཙྪིཀིརིཡཱཡ པཊིཔནྣོ པུགྒལོ དུཀྑདསྶནེན ཀིཾ ཛཧཏཱིཏི? རཱུཔརཱགཾ, ཨརཱུཔརཱགཾ, མཱནཾ, ཨུདྡྷཙྩཾ, ཨཝིཛྫཾ, ཏདེཀཊྛེ ཙ ཀིལེསེ ཙཏུབྷཱགཾ ཛཧཏཱིཏི. ཙཏུབྷཱགཾ ཨརཧཱ, ཙཏུབྷཱགཾ ན ཨརཧཱ, ཙཏུབྷཱགཾ ཨརཧཏྟཔྤཏྟོ པཊིལདྡྷོ ཨདྷིགཏོ སཙྪིཀཏོ ཨུཔསམྤཛྫ ཝིཧརཏི, ཀཱཡེན ཕུསིཏྭཱ ཝིཧརཏི, ཙཏུབྷཱགཾ ན ཀཱཡེན ¶ ཕུསིཏྭཱ ཝིཧརཏི, ཙཏུབྷཱགཾ ཝཱིཏརཱགོ…པེ… ཝཱིཏདོསོ… ཝཱིཏམོཧོ…པེ… ཀཏཀརཎཱིཡོ ཨོཧིཏབྷཱརོ ཨནུཔྤཏྟསདཏྠོ པརིཀྑཱིཎབྷཝསཾཡོཛནོ སམྨདཉྙཱཝིམུཏྟོ ཨུཀྑིཏྟཔལིགྷོ སངྐིཎྞཔརིཁོ ཨབྦཱུལ༹ྷེསིཀོ ནིརགྒལོ༹ ཨརིཡོ པནྣདྡྷཛོ པནྣབྷཱརོ ཝིསཉྙུཏྟོ སུཝིཛིཏཝིཛཡོ, དུཀྑཾ ཏསྶ པརིཉྙཱཏཾ, སམུདཡོ པཧཱིནོ, ནིརོདྷོ སཙྪིཀཏོ, མགྒོ བྷཱཝིཏོ, ཨབྷིཉྙེཡྻཾ ཨབྷིཉྙཱཏཾ, པརིཉྙེཡྻཾ པརིཉྙཱཏཾ, པཧཱཏབྦཾ པཧཱིནཾ, བྷཱཝེཏབྦཾ བྷཱཝིཏཾ…པེ… སཙྪིཀཱཏབྦཾ ¶ སཙྪིཀཏཾ, ཙཏུབྷཱགཾ སཙྪིཀཱཏབྦཾ ན སཙྪིཀཏནྟི? ན ཧེཝཾ ཝཏྟབྦེ…པེ….

སམུདཡདསྶནེན ¶ … ནིརོདྷདསྶནེན… མགྒདསྶནེན ཀིཾ ཛཧཏཱིཏི? རཱུཔརཱགཾ, ཨརཱུཔརཱགཾ, མཱནཾ, ཨུདྡྷཙྩཾ, ཨཝིཛྫཾ, ཏདེཀཊྛེ ཙ ཀིལེསེ ཙཏུབྷཱགཾ ཛཧཏཱིཏི. ཙཏུབྷཱགཾ ཨརཧཱ, ཙཏུབྷཱགཾ ན ཨརཧཱ, ཙཏུབྷཱགཾ ཨརཧཏྟཔྤཏྟོ ¶ པཊིལདྡྷོ ཨདྷིགཏོ སཙྪིཀཏོ ཨུཔསམྤཛྫ ཝིཧརཏི, ཀཱཡེན ཕུསིཏྭཱ ཝིཧརཏི, ཙཏུབྷཱགཾ ན ཀཱཡེན ཕུསིཏྭཱ ཝིཧརཏི, ཙཏུབྷཱགཾ ཝཱིཏརཱགོ… ཝཱིཏདོསོ… ཝཱིཏམོཧོ… ཀཏཀརཎཱིཡོ ཨོཧིཏབྷཱརོ ཨནུཔྤཏྟསདཏྠོ པརིཀྑཱིཎབྷཝསཾཡོཛནོ སམྨདཉྙཱཝིམུཏྟོ ཨུཀྑིཏྟཔལིགྷོ སངྐིཎྞཔརིཁོ ཨབྦཱུལ༹ྷེསིཀོ ནིརགྒལོ༹ ཨརིཡོ པནྣདྡྷཛོ པནྣབྷཱརོ ཝིསཉྙུཏྟོ སུཝིཛིཏཝིཛཡོ, དུཀྑཾ ཏསྶ པརིཉྙཱཏཾ, སམུདཡོ པཧཱིནོ, ནིརོདྷོ སཙྪིཀཏོ, མགྒོ བྷཱཝིཏོ, ཨབྷིཉྙེཡྻཾ ཨབྷིཉྙཱཏཾ, པརིཉྙེཡྻཾ པརིཉྙཱཏཾ, པཧཱཏབྦཾ པཧཱིནཾ, བྷཱཝེཏབྦཾ བྷཱཝིཏཾ…པེ… སཙྪིཀཱཏབྦཾ སཙྪིཀཏཾ, ཙཏུབྷཱགཾ སཙྪིཀཱཏབྦཾ ན སཙྪིཀཏནྟི? ན ཧེཝཾ ཝཏྟབྦེ…པེ….

༣༤༤. སོཏཱཔཏྟིཕལསཙྪིཀིརིཡཱཡ པཊིཔནྣོ པུགྒལོ དུཀྑཾ དཀྑནྟོ པཊིཔནྣཀོཏི ཝཏྟབྦོཏི? ཨཱམནྟཱ. དུཀྑེ དིཊྛེ ཕལེ ཋིཏོཏི ཝཏྟབྦོཏི? ན ཧེཝཾ ཝཏྟབྦེ. སམུདཡཾ དཀྑནྟོ…པེ… ནིརོདྷཾ དཀྑནྟོ པཊིཔནྣཀོཏི ཝཏྟབྦོཏི? ཨཱམནྟཱ ¶ . ནིརོདྷེ དིཊྛེ ཕལེ ཋིཏོཏི ཝཏྟབྦོཏི? ན ཧེཝཾ ཝཏྟབྦེ.

སོཏཱཔཏྟིཕལསཙྪིཀིརིཡཱཡ པཊིཔནྣོ པུགྒལོ མགྒཾ དཀྑནྟོ པཊིཔནྣཀོཏི ཝཏྟབྦོ, མགྒེ དིཊྛེ ཕལེ ཋིཏོཏི ཝཏྟབྦོཏི? ཨཱམནྟཱ. དུཀྑཾ དཀྑནྟོ པཊིཔནྣཀོཏི ཝཏྟབྦོ, དུཀྑེ དིཊྛེ ཕལེ ཋིཏོཏི ཝཏྟབྦོཏི? ན ཧེཝཾ ཝཏྟབྦེ…པེ… མགྒཾ ¶ དཀྑནྟོ པཊིཔནྣཀོཏི ཝཏྟབྦོ, མགྒེ དིཊྛེ ཕལེ ཋིཏོཏི ཝཏྟབྦོཏི? ཨཱམནྟཱ. སམུདཡཾ དཀྑནྟོ…པེ… ནིརོདྷཾ དཀྑནྟོ པཊིཔནྣཀོཏི ཝཏྟབྦོ, ནིརོདྷེ དིཊྛེ ཕལེ ཋིཏོཏི ཝཏྟབྦོཏི? ན ཧེཝཾ ཝཏྟབྦེ…པེ….

སོཏཱཔཏྟིཕལསཙྪིཀིརིཡཱཡ པཊིཔནྣོ པུགྒལོ དུཀྑཾ དཀྑནྟོ པཊིཔནྣཀོཏི ཝཏྟབྦོ, དུཀྑེ དིཊྛེ ན ཝཏྟབྦཾ – ‘‘ཕལེ ཋིཏོཏི ཝཏྟབྦོ’’ཏི? ཨཱམནྟཱ. མགྒཾ དཀྑནྟོ པཊིཔནྣཀོཏི ཝཏྟབྦོ, མགྒེ དིཊྛེ ན ཝཏྟབྦཾ – ‘‘ཕལེ ཋིཏོཏི ཝཏྟབྦོ’’ཏི? ན ཧེཝཾ ཝཏྟབྦེ…པེ… སམུདཡཾ དཀྑནྟོ… ནིརོདྷཾ དཀྑནྟོ པཊིཔནྣཀོཏི ¶ ཝཏྟབྦོ, ནིརོདྷེ དིཊྛེ ན ཝཏྟབྦཾ – ‘‘ཕལེ ཋིཏོཏི ཝཏྟབྦོ’’ཏི? ཨཱམནྟཱ. མགྒཾ དཀྑནྟོ ‘‘པཊིཔནྣཀོ’’ཏི ¶ ཝཏྟབྦོ, མགྒེ དིཊྛེ ན ཝཏྟབྦཾ – ‘‘ཕལེ ཋིཏོཏི ཝཏྟབྦོ’’ཏི? ན ཧེཝཾ ཝཏྟབྦེ…པེ….

[སཀཝཱདཱིཔུཙྪཱལཀྑཎཾ] སོཏཱཔཏྟིཕལསཙྪིཀིརིཡཱཡ པཊིཔནྣོ པུགྒལོ དུཀྑཾ དཀྑནྟོ པཊིཔནྣཀོཏི ཝཏྟབྦོ, དུཀྑེ དིཊྛེ ན ཝཏྟབྦཾ – ‘‘ཕལེ ཋིཏོཏི ཝཏྟབྦོ’’ཏི? ཨཱམནྟཱ. ནིརཏྠིཡཾ དུཀྑདསྶནནྟི? ན ¶ ཧེཝཾ ཝཏྟབྦེ…པེ… སམུདཡཾ དཀྑནྟོ…པེ… ནིརོདྷཾ དཀྑནྟོ པཊིཔནྣཀོཏི ཝཏྟབྦོ, ནིརོདྷེ དིཊྛེ ན ཝཏྟབྦཾ – ‘‘ཕལེ ཋིཏོཏི ཝཏྟབྦོ’’ཏི? ཨཱམནྟཱ. ནིརཏྠིཡཾ ནིརོདྷདསྶནནྟི? ན ཧེཝཾ ཝཏྟབྦེ…པེ….

༣༤༥. [པརཝཱདཱིཔུཙྪཱལཀྑཎཾ] དུཀྑེ ¶ དིཊྛེ ཙཏྟཱརི སཙྩཱནི དིཊྛཱནི ཧོནྟཱིཏི? ཨཱམནྟཱ. དུཀྑསཙྩཾ ཙཏྟཱརི སཙྩཱནཱིཏི? ན ཧེཝཾ ཝཏྟབྦེ…པེ….

[སཀཝཱདཱིཔུཙྪཱལཀྑཎཾ] རཱུཔཀྑནྡྷེ ཨནིཙྩཏོ དིཊྛེ པཉྩཀྑནྡྷཱ ཨནིཙྩཏོ དིཊྛཱ ཧོནྟཱིཏི? ཨཱམནྟཱ. རཱུཔཀྑནྡྷོ པཉྩཀྑནྡྷཱཏི? ན ཧེཝཾ ཝཏྟབྦེ…པེ….

[སཀཝཱདཱིཔུཙྪཱལཀྑཎཾ] ཙཀྑཱཡཏནེ ཨནིཙྩཏོ དིཊྛེ དྭཱདསཱཡཏནཱནི ཨནིཙྩཏོ དིཊྛཱནི ཧོནྟཱིཏི? ཨཱམནྟཱ. ཙཀྑཱཡཏནཾ དྭཱདསཱཡཏནཱནཱིཏི? ན ཧེཝཾ ཝཏྟབྦེ…པེ….

[སཀཝཱདཱིཔུཙྪཱལཀྑཎཾ] ཙཀྑུདྷཱཏུཡཱ ཨནིཙྩཏོ དིཊྛཱཡ ཨཊྛཱརས དྷཱཏུཡོ ཨནིཙྩཏོ དིཊྛཱ ཧོནྟཱིཏི? ཨཱམནྟཱ. ཙཀྑུདྷཱཏུ ཨཊྛཱརས དྷཱཏུཡོཏི? ན ཧེཝཾ ཝཏྟབྦེ…པེ….

[སཀཝཱདཱིཔུཙྪཱལཀྑཎཾ] ཙཀྑུནྡྲིཡེ ཨནིཙྩཏོ དིཊྛེ བཱཝཱིསཏིནྡྲིཡཱནི ཨནིཙྩཏོ དིཊྛཱནི ཧོནྟཱིཏི? ཨཱམནྟཱ. ཙཀྑུནྡྲིཡཾ བཱཝཱིསཏིནྡྲིཡཱནཱིཏི? ན ཧེཝཾ ཝཏྟབྦེ…པེ….

[སཀཝཱདཱིཔུཙྪཱལཀྑཎཾ] ཙཏཱུཧི ཉཱཎེཧི སོཏཱཔཏྟིཕལཾ སཙྪིཀརོཏཱིཏི? ཨཱམནྟཱ. ཙཏྟཱརི སོཏཱཔཏྟིཕལཱནཱིཏི? ན ཧེཝཾ ཝཏྟབྦེ…པེ… ཨཊྛཧི ཉཱཎེཧི སོཏཱཔཏྟིཕལཾ སཙྪིཀརོཏཱིཏི? ཨཱམནྟཱ ¶ ¶ . ཨཊྛ སོཏཱཔཏྟིཕལཱནཱིཏི? ན ཧེཝཾ ཝཏྟབྦེ…པེ… དྭཱདསཧི ཉཱཎེཧི སོཏཱཔཏྟིཕལཾ སཙྪིཀརོཏཱིཏི? ཨཱམནྟཱ. དྭཱདས སོཏཱཔཏྟིཕལཱནཱིཏི? ན ཧེཝཾ ཝཏྟབྦེ…པེ… ཙཏུཙཏྟཱརཱིསཱཡ ཉཱཎེཧི སོཏཱཔཏྟིཕལཾ སཙྪིཀརོཏཱིཏི ¶ ? ཨཱམནྟཱ. ཙཏུཙཏྟཱརཱིསཾ སོཏཱཔཏྟིཕལཱནཱིཏི? ན ཧེཝཾ ཝཏྟབྦེ…པེ… སཏྟསཏྟཏིཡཱ ཉཱཎེཧི སོཏཱཔཏྟིཕལཾ སཙྪིཀརོཏཱིཏི? ཨཱམནྟཱ. སཏྟསཏྟཏི སོཏཱཔཏྟིཕལཱནཱིཏི? ན ཧེཝཾ ཝཏྟབྦེ…པེ….

༣༤༦. ན ¶ ཝཏྟབྦཾ – ‘‘ཨནུཔུབྦཱབྷིསམཡོ’’ཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘སེཡྻཐཱཔི, བྷིཀྑཝེ, མཧཱསམུདྡོ ཨནུཔུབྦནིནྣོ ཨནུཔུབྦཔོཎོ ཨནུཔུབྦཔབྦྷཱརོ, ན ཨཱཡཏཀེནེཝ པཔཱཏོ; ཨེཝམེཝ ཁོ, བྷིཀྑཝེ, ཨིམསྨིཾ དྷམྨཝིནཡེ ཨནུཔུབྦསིཀྑཱ ཨནུཔུབྦཀིརིཡཱ ཨནུཔུབྦཔཊིཔདཱ, ན ཨཱཡཏཀེནེཝ ཨཉྙཱཔཊིཝེདྷོ’’ཏི [ཙཱུལ༹ཝ. ༣༨༥; ཨ. ནི. ༨.༢༠; ཨུདཱ. ༤༥ ཨུདཱནེ ཙ]. ཨཏྠེཝ སུཏྟནྟོཏི? ཨཱམནྟཱ. ཏེན ཧི ཨནུཔུབྦཱབྷིསམཡོཏི.

ན ཝཏྟབྦཾ – ‘‘ཨནུཔུབྦཱབྷིསམཡོ’’ཏི? ཨཱམནྟཱ. ནནུ ཝུཏྟཾ བྷགཝཏཱ –

‘‘ཨནུཔུབྦེན མེདྷཱཝཱི, ཐོཀཾ ཐོཀཾ ཁཎེ ཁཎེ;

ཀམྨཱརོ རཛཏསྶེཝ, ནིདྡྷམེ མལམཏྟནོ’’ཏི [དྷ. པ. ༢༣༩ དྷམྨཔདེ].

ཨཏྠེཝ སུཏྟནྟོཏི? ཨཱམནྟཱ. ཏེན ཧི ཨནུཔུབྦཱབྷིསམཡོཏི.

ཨནུཔུབྦཱབྷིསམཡོཏི ¶ ? ཨཱམནྟཱ. ནནྭཱཡསྨཱ གཝམྤཏི ཐེརོ བྷིཀྑཱུ ཨེཏདཝོཙ – ‘‘སམྨུཁཱ མེཏཾ, ཨཱཝུསོ, བྷགཝཏོ སུཏཾ སམྨུཁཱ པཊིགྒཧིཏཾ – ‘ཡོ, བྷིཀྑཝེ, དུཀྑཾ པསྶཏི དུཀྑསམུདཡམྤི སོ པསྶཏི, དུཀྑནིརོདྷམྤི པསྶཏི, དུཀྑནིརོདྷགཱམིནིཾ ¶ པཊིཔདམྤི པསྶཏི; ཡོ དུཀྑསམུདཡཾ པསྶཏི དུཀྑམྤི སོ པསྶཏི, དུཀྑནིརོདྷམྤི པསྶཏི, དུཀྑནིརོདྷགཱམིནིཾ པཊིཔདམྤི པསྶཏི; ཡོ དུཀྑནིརོདྷཾ པསྶཏི དུཀྑམྤི སོ པསྶཏི, དུཀྑསམུདཡམྤི པསྶཏི, དུཀྑནིརོདྷགཱམིནིཾ པཊིཔདམྤི པསྶཏི; ཡོ དུཀྑནིརོདྷགཱམིནིཾ པཊིཔདཾ པསྶཏི དུཀྑམྤི སོ པསྶཏི, དུཀྑསམུདཡམྤི པསྶཏི, དུཀྑནིརོདྷམྤི པསྶཏཱི’’’ཏི [སཾ. ནི. ༥.༡༡༠༠]! ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཨནུཔུབྦཱབྷིསམཡོ’’ཏི.

ཨནུཔུབྦཱབྷིསམཡོཏི ¶ ? ཨཱམནྟཱ. ནནུ ཝུཏྟཾ བྷགཝཏཱ –

‘‘སཧཱཝསྶ དསྶནསམྤདཱཡ,

ཏཡསྶུ དྷམྨཱ ཛཧིཏཱ བྷཝནྟི;

སཀྐཱཡདིཊྛཱི ཝིཙིཀིཙྪིཏཉྩ,

སཱིལབྦཏཾ ཝཱཔི ཡདཏྠི ཀིཉྩི;

ཙཏཱུཧཔཱཡེཧི ཙ ཝིཔྤམུཏྟོ,

ཚཙྩཱབྷིཋཱནཱནི ཨབྷབྦ ཀཱཏུ’’ནྟི.

ཨཏྠེཝ ¶ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཨནུཔུབྦཱབྷིསམཡོ’’ཏི.

ཨནུཔུབྦཱབྷིསམཡོཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཡསྨིཾ, བྷིཀྑཝེ, སམཡེ ཨརིཡསཱཝཀསྶ ཝིརཛཾ ཝཱིཏམལཾ དྷམྨཙཀྑུཾ ཨུདཔཱདི – ‘ཡཾ ཀིཉྩི སམུདཡདྷམྨཾ སབྦཾ ཏཾ ནིརོདྷདྷམྨ’ནྟི, སཧ དསྶནུཔྤཱདཱ, བྷིཀྑཝེ, ཨརིཡསཱཝཀསྶ ཏཱིཎི སཾཡོཛནཱནི པཧཱིཡནྟི – སཀྐཱཡདིཊྛི, ཝིཙིཀིཙྪཱ, སཱིལབྦཏཔརཱམཱསོ’’ཏི! ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཨནུཔུབྦཱབྷིསམཡོ’’ཏི.

ཨནུཔུབྦཱབྷིསམཡཀཐཱ ནིཊྛིཏཱ.

༢. དུཏིཡཝགྒོ

(༡༩) ༡༠. ཝོཧཱརཀཐཱ

༣༤༧. བུདྡྷསྶ ¶ ¶ བྷགཝཏོ ཝོཧཱརོ ལོཀུཏྟརོཏི? ཨཱམནྟཱ. ལོཀུཏྟརེ སོཏེ པཊིཧཉྙཏི ནོ ལོཀིཡེ, ལོཀུཏྟརེན ཝིཉྙཱཎེན པཊིཝིཛཱནནྟི ནོ ལོཀིཡེན, སཱཝཀཱ པཊིཝིཛཱནནྟི ནོ པུཐུཛྫནཱཏི? ན ཧེཝཾ ཝཏྟབྦེ…པེ….

ནནུ ¶ བུདྡྷསྶ བྷགཝཏོ ཝོཧཱརོ ལོཀིཡེ སོཏེ པཊིཧཉྙཏཱིཏི? ཨཱམནྟཱ. ཧཉྩི བུདྡྷསྶ བྷགཝཏོ ཝོཧཱརོ ལོཀིཡེ སོཏེ པཊིཧཉྙཏི, ནོ ཙ ཝཏ རེ ཝཏྟབྦེ – ‘‘བུདྡྷསྶ བྷགཝཏོ ཝོཧཱརོ ལོཀུཏྟརོ’’ཏི.

ནནུ བུདྡྷསྶ བྷགཝཏོ ཝོཧཱརཾ ལོཀིཡེན ཝིཉྙཱཎེན པཊིཝིཛཱནནྟཱིཏི? ཨཱམནྟཱ. ཧཉྩི བུདྡྷསྶ བྷགཝཏོ ཝོཧཱརཾ ལོཀིཡེན ཝིཉྙཱཎེན པཊིཝིཛཱནནྟི, ནོ ཙ ཝཏ རེ ཝཏྟབྦེ – ‘‘བུདྡྷསྶ བྷགཝཏོ ཝོཧཱརོ ལོཀུཏྟརོ’’ཏི.

ནནུ བུདྡྷསྶ བྷགཝཏོ ཝོཧཱརཾ པུཐུཛྫནཱ པཊིཝིཛཱནནྟཱིཏི? ཨཱམནྟཱ. ཧཉྩི བུདྡྷསྶ བྷགཝཏོ ཝོཧཱརཾ པུཐུཛྫནཱ པཊིཝིཛཱནནྟི, ནོ ཙ ཝཏ རེ ཝཏྟབྦེ – ‘‘བུདྡྷསྶ བྷགཝཏོ ཝོཧཱརོ ལོཀུཏྟརོ’’ཏི.

༣༤༨. བུདྡྷསྶ ¶ བྷགཝཏོ ཝོཧཱརོ ལོཀུཏྟརོཏི? ཨཱམནྟཱ. མགྒོ ཕལཾ ནིབྦཱནཾ, སོཏཱཔཏྟིམགྒོ སོཏཱཔཏྟིཕལཾ, སཀདཱགཱམིམགྒོ སཀདཱགཱམིཕལཾ, ཨནཱགཱམིམགྒོ ཨནཱགཱམིཕལཾ, ཨརཧཏྟམགྒོ ཨརཧཏྟཕལཾ, སཏིཔཊྛཱནཾ ¶ སམྨཔྤདྷཱནཾ ཨིདྡྷིཔཱདོ ཨིནྡྲིཡཾ བལཾ བོཛ྄ཛྷངྒོཏི? ན ཧེཝཾ ཝཏྟབྦེ…པེ….

བུདྡྷསྶ བྷགཝཏོ ཝོཧཱརོ ལོཀུཏྟརོཏི? ཨཱམནྟཱ. ཨཏྠི ཀེཙི བུདྡྷསྶ བྷགཝཏོ ཝོཧཱརཾ སུཎནྟཱིཏི? ཨཱམནྟཱ. ལོཀུཏྟརོ ¶ དྷམྨོ སོཏཝིཉྙེཡྻོ, སོཏསྨིཾ པཊིཧཉྙཏི, སོཏསྶ ཨཱཔཱཐཾ ཨཱགཙྪཏཱིཏི? ན ཧེཝཾ ཝཏྟབྦེ…པེ….

ནནུ ལོཀུཏྟརོ དྷམྨོ ན སོཏཝིཉྙེཡྻོ, ན སོཏསྨིཾ པཊིཧཉྙཏི, ན སོཏསྶ ཨཱཔཱཐཾ ཨཱགཙྪཏཱིཏི? ཨཱམནྟཱ. ཧཉྩི ལོཀུཏྟརོ དྷམྨོ ན སོཏཝིཉྙེཡྻོ, ན སོཏསྨིཾ པཊིཧཉྙཏི, ན སོཏསྶ ཨཱཔཱཐཾ ཨཱགཙྪཏི, ནོ ཙ ཝཏ རེ ཝཏྟབྦེ – ‘‘བུདྡྷསྶ བྷགཝཏོ ཝོཧཱརོ ལོཀུཏྟརོ’’ཏི.

༣༤༩. བུདྡྷསྶ བྷགཝཏོ ཝོཧཱརོ ལོཀུཏྟརོཏི? ཨཱམནྟཱ. ཨཏྠི ཀེཙི བུདྡྷསྶ བྷགཝཏོ ¶ ཝོཧཱརེ རཛྫེཡྻུནྟི? ཨཱམནྟཱ. ལོཀུཏྟརོ དྷམྨོ རཱགཊྛཱནིཡོ རཛནཱིཡོ ཀམནཱིཡོ མདནཱིཡོ བནྡྷནཱིཡོ མུཙྪནཱིཡོཏི? ན ཧེཝཾ ཝཏྟབྦེ…པེ….

ནནུ ལོཀུཏྟརོ དྷམྨོ ན རཱགཊྛཱནིཡོ ན རཛནཱིཡོ ན ཀམནཱིཡོ ན མདནཱིཡོ ན བནྡྷནཱིཡོ ན མུཙྪནཱིཡོཏི? ཨཱམནྟཱ. ཧཉྩི ལོཀུཏྟརོ དྷམྨོ ན རཱགཊྛཱནིཡོ ན རཛནཱིཡོ ན ཀམནཱིཡོ ན མདནཱིཡོ ན བནྡྷནཱིཡོ ན མུཙྪནཱིཡོ, ནོ ཙ ཝཏ རེ ཝཏྟབྦེ – ‘‘བུདྡྷསྶ བྷགཝཏོ ཝོཧཱརོ ལོཀུཏྟརོ’’ཏི.

བུདྡྷསྶ ¶ བྷགཝཏོ ཝོཧཱརོ ལོཀུཏྟརོཏི? ཨཱམནྟཱ. ཨཏྠི ཀེཙི བུདྡྷསྶ བྷགཝཏོ ཝོཧཱརེ དུསྶེཡྻུནྟི? ཨཱམནྟཱ. ལོཀུཏྟརོ དྷམྨོ དོསཊྛཱནིཡོ ཀོཔཊྛཱནིཡོ པཊིགྷཊྛཱནིཡོཏི? ན ཧེཝཾ ཝཏྟབྦེ…པེ….

ནནུ ལོཀུཏྟརོ དྷམྨོ ན དོསཊྛཱནིཡོ ན ཀོཔཊྛཱནིཡོ ན པཊིགྷཊྛཱནིཡོཏི? ཨཱམནྟཱ. ཧཉྩི ལོཀུཏྟརོ དྷམྨོ ན དོསཊྛཱནིཡོ ན ¶ ཀོཔཊྛཱནིཡོ ¶ ན པཊིགྷཊྛཱནིཡོ, ནོ ཙ ཝཏ རེ ཝཏྟབྦེ – ‘‘བུདྡྷསྶ བྷགཝཏོ ཝོཧཱརོ ལོཀུཏྟརོ’’ཏི.

བུདྡྷསྶ བྷགཝཏོ ཝོཧཱརོ ལོཀུཏྟརོཏི? ཨཱམནྟཱ. ཨཏྠི ཀེཙི བུདྡྷསྶ བྷགཝཏོ ཝོཧཱརེ མུཡ྄ཧེཡྻུནྟི? ཨཱམནྟཱ. ལོཀུཏྟརོ དྷམྨོ མོཧཊྛཱནིཡོ ཨཉྙཱཎཀརཎོ ཨཙཀྑུཀརཎོ པཉྙཱནིརོདྷིཀོ ཝིགྷཱཏཔཀྑིཀོ ཨནིབྦཱནསཾཝཏྟནིཀོཏི? ན ཧེཝཾ ཝཏྟབྦེ…པེ….

ནནུ ལོཀུཏྟརོ དྷམྨོ ན མོཧཊྛཱནིཡོ ན ཨཉྙཱཎཀརཎོ ན ཨཙཀྑུཀརཎོ པཉྙཱཝུདྡྷིཀོ ཨཝིགྷཱཏཔཀྑིཀོ ནིབྦཱནསཾཝཏྟནིཀོཏི? ཨཱམནྟཱ. ཧཉྩི ལོཀུཏྟརོ དྷམྨོ ན མོཧཊྛཱནིཡོ ན ཨཉྙཱཎཀརཎོ ན ཨཙཀྑུཀརཎོ པཉྙཱཝུདྡྷིཀོ ཨཝིགྷཱཏཔཀྑིཀོ ནིབྦཱནསཾཝཏྟནིཀོ, ནོ ཙ ཝཏ རེ ཝཏྟབྦེ – ‘‘བུདྡྷསྶ བྷགཝཏོ ཝོཧཱརོ ལོཀུཏྟརོ’’ཏི.

༣༥༠. བུདྡྷསྶ བྷགཝཏོ ཝོཧཱརོ ལོཀུཏྟརོཏི? ཨཱམནྟཱ. ཡེ ¶ ཀེཙི བུདྡྷསྶ བྷགཝཏོ ཝོཧཱརཾ སུཎནྟི, སབྦེ ཏེ མགྒཾ བྷཱཝེནྟཱིཏི? ན ཧེཝཾ ཝཏྟབྦེ…པེ….

ཡེ ¶ ཀེཙི བུདྡྷསྶ བྷགཝཏོ ཝོཧཱརཾ སུཎནྟི, སབྦེ ཏེ མགྒཾ བྷཱཝེནྟཱིཏི? ཨཱམནྟཱ. བཱལཔུཐུཛྫནཱ བུདྡྷསྶ བྷགཝཏོ ཝོཧཱརཾ སུཎནྟི, བཱལཔུཐུཛྫནཱ མགྒཾ བྷཱཝེནྟཱིཏི? ན ཧེཝཾ ཝཏྟབྦེ…པེ… མཱཏུགྷཱཏཀོ མགྒཾ བྷཱཝེཏི…པེ… པིཏུགྷཱཏཀོ… ཨརཧནྟགྷཱཏཀོ… རུཧིརུཔྤཱདཀོ… སངྒྷབྷེདཀོ བུདྡྷསྶ བྷགཝཏོ ཝོཧཱརཾ སུཎཱཏི, སངྒྷབྷེདཀོ མགྒཾ བྷཱཝེཏཱིཏི? ན ཧེཝཾ ཝཏྟབྦེ…པེ….

༣༥༡. ལབྦྷཱ ¶ སོཝཎྞམཡཱཡ ལཊྛིཡཱ དྷཉྙཔུཉྫོཔི སུཝཎྞཔུཉྫོཔི ཨཱཙིཀྑིཏུནྟི? ཨཱམནྟཱ. ཨེཝམེཝཾ བྷགཝཱ ལོཀུཏྟརེན ཝོཧཱརེན ལོཀིཡམྤི ལོཀུཏྟརམྤི དྷམྨཾ ཝོཧརཏཱིཏི.

ལབྦྷཱ ཨེལཎྜིཡཱཡ ལཊྛིཡཱ དྷཉྙཔུཉྫོཔི སུཝཎྞཔུཉྫོཔི ཨཱཙིཀྑིཏུནྟི? ཨཱམནྟཱ. ཨེཝམེཝཾ བྷགཝཱ ལོཀིཡེན ཝོཧཱརེན ལོཀིཡམྤི ལོཀུཏྟརམྤི དྷམྨཾ ཝོཧརཏཱིཏི.

༣༥༢. བུདྡྷསྶ ¶ བྷགཝཏོ ཝོཧཱརོ ལོཀིཡཾ ཝོཧརནྟསྶ ལོཀིཡོ ཧོཏི, ལོཀུཏྟརཾ ཝོཧརནྟསྶ ལོཀུཏྟརོ ཧོཏཱིཏི? ཨཱམནྟཱ. ལོཀིཡཾ ཝོཧརནྟསྶ ལོཀིཡེ སོཏེ པཊིཧཉྙཏི, ལོཀུཏྟརཾ ཝོཧརནྟསྶ ལོཀུཏྟརེ སོཏེ པཊིཧཉྙཏི; ལོཀིཡཾ ཝོཧརནྟསྶ ལོཀིཡེན ཝིཉྙཱཎེན པཊིཝིཛཱནནྟི, ལོཀུཏྟརཾ ཝོཧརནྟསྶ ལོཀུཏྟརེན ཝིཉྙཱཎེན པཊིཝིཛཱནནྟི; ལོཀིཡཾ ཝོཧརནྟསྶ པུཐུཛྫནཱ པཊིཝིཛཱནནྟི ¶ , ལོཀུཏྟརཾ ཝོཧརནྟསྶ སཱཝཀཱ པཊིཝིཛཱནནྟཱིཏི? ན ཧེཝཾ ཝཏྟབྦེ…པེ….

ན ཝཏྟབྦཾ – ‘‘བུདྡྷསྶ བྷགཝཏོ ཝོཧཱརོ ལོཀིཡཾ ཝོཧརནྟསྶ ལོཀིཡོ ཧོཏི, ལོཀུཏྟརཾ ཝོཧརནྟསྶ ལོཀུཏྟརོ ཧོཏཱིཏི? ཨཱམནྟཱ. ནནུ བྷགཝཱ ལོཀིཡམྤི ལོཀུཏྟརམྤི དྷམྨཾ ཝོཧརཏཱིཏི? ཨཱམནྟཱ. ཧཉྩི བྷགཝཱ ལོཀིཡམྤི ལོཀུཏྟརམྤི དྷམྨཾ ཝོཧརཏི, ཏེན ཝཏ རེ ཝཏྟབྦེ – ‘‘བུདྡྷསྶ བྷགཝཏོ ཝོཧཱརོ ལོཀིཡཾ ཝོཧརནྟསྶ ལོཀིཡོ ཧོཏི, ལོཀུཏྟརཾ ཝོཧརནྟསྶ ལོཀུཏྟརོ ཧོཏཱི’’ཏི.

བུདྡྷསྶ བྷགཝཏོ ཝོཧཱརོ ལོཀིཡཾ ཝོཧརནྟསྶ ལོཀིཡོ ཧོཏི, ལོཀུཏྟརཾ ཝོཧརནྟསྶ ལོཀུཏྟརོ ཧོཏཱིཏི? ཨཱམནྟཱ. མགྒཾ ཝོཧརནྟསྶ མགྒོ ཧོཏི, ཨམགྒཾ ཝོཧརནྟསྶ ¶ ཨམགྒོ ¶ ཧོཏི, ཕལཾ ཝོཧརནྟསྶ ཕལཾ ཧོཏི, ཨཕལཾ ཝོཧརནྟསྶ ཨཕལཾ ཧོཏི, ནིབྦཱནཾ ཝོཧརནྟསྶ ནིབྦཱནཾ ཧོཏི, ཨནིབྦཱནཾ ཝོཧརནྟསྶ ཨནིབྦཱནཾ ཧོཏི, སངྑཏཾ ཝོཧརནྟསྶ སངྑཏཾ ཧོཏི, ཨསངྑཏཾ ཝོཧརནྟསྶ ཨསངྑཏཾ ཧོཏི, རཱུཔཾ ཝོཧརནྟསྶ རཱུཔཾ ཧོཏི, ཨརཱུཔཾ ཝོཧརནྟསྶ ཨརཱུཔཾ ཧོཏི, ཝེདནཾ ཝོཧརནྟསྶ ཝེདནཱ ཧོཏི, ཨཝེདནཾ ཝོཧརནྟསྶ ཨཝེདནཱ ཧོཏི, སཉྙཾ ཝོཧརནྟསྶ སཉྙཱ ཧོཏི, ཨསཉྙཾ ཝོཧརནྟསྶ ཨསཉྙཱ ཧོཏི, སངྑཱརེ ཝོཧརནྟསྶ སངྑཱརཱ ཧོནྟི, ཨསངྑཱརེ ཝོཧརནྟསྶ ཨསངྑཱརཱ ཧོནྟི, ཝིཉྙཱཎཾ ཝོཧརནྟསྶ ཝིཉྙཱཎཾ ཧོཏི, ཨཝིཉྙཱཎཾ ཝོཧརནྟསྶ ཨཝིཉྙཱཎཾ ཧོཏཱིཏི ¶ ? ན ཧེཝཾ ཝཏྟབྦེ…པེ….

ཝོཧཱརཀཐཱ ནིཊྛིཏཱ.

༢. དུཏིཡཝགྒོ

(༢༠) ༡༡. ནིརོདྷཀཐཱ

༣༥༣. དྭེ ¶ ནིརོདྷཱཏི? ཨཱམནྟཱ. དྭེ དུཀྑནིརོདྷཱཏི? ན ཧེཝཾ ཝཏྟབྦེ…པེ… དྭེ དུཀྑནིརོདྷཱཏི? ཨཱམནྟཱ. དྭེ ནིརོདྷསཙྩཱནཱིཏི? ན ཧེཝཾ ཝཏྟབྦེ…པེ… དྭེ ནིརོདྷསཙྩཱནཱིཏི? ཨཱམནྟཱ. དྭེ དུཀྑསཙྩཱནཱིཏི? ན ཧེཝཾ ཝཏྟབྦེ…པེ… དྭེ ནིརོདྷསཙྩཱནཱིཏི? ཨཱམནྟཱ. དྭེ སམུདཡསཙྩཱནཱིཏི? ན ཧེཝཾ ཝཏྟབྦེ…པེ… དྭེ ནིརོདྷསཙྩཱནཱིཏི? ཨཱམནྟཱ. དྭེ ¶ མགྒསཙྩཱནཱིཏི? ན ཧེཝཾ ཝཏྟབྦེ…པེ….

དྭེ ནིརོདྷསཙྩཱནཱིཏི? ཨཱམནྟཱ. དྭེ ཏཱཎཱནི…པེ… དྭེ ལེཎཱནི… དྭེ སརཎཱནི… དྭེ པརཱཡཎཱནི… དྭེ ཨཙྩུཏཱནི… དྭེ ཨམཏཱནི… དྭེ ནིབྦཱནཱནཱིཏི? ན ཧེཝཾ ཝཏྟབྦེ…པེ….

དྭེ ནིབྦཱནཱནཱིཏི? ཨཱམནྟཱ. ཨཏྠི དྭིནྣཾ ནིབྦཱནཱནཾ ཨུཙྩནཱིཙཏཱ ཧཱིནཔཎཱིཏཏཱ ཨུཀྐཾསཱཝཀཾསོ སཱིམཱ ཝཱ བྷེདོ ཝཱ རཱཛི ཝཱ ཨནྟརིཀཱ ཝཱཏི? ན ཧེཝཾ ཝཏྟབྦེ…པེ….

དྭེ ནིརོདྷཱཏི? ཨཱམནྟཱ. ནནུ ཨཔྤཊིསངྑཱནིརུདྡྷེ སངྑཱརེ པཊིསངྑཱ ནིརོདྷེནྟཱིཏི? ཨཱམནྟཱ. ཧཉྩི ཨཔྤཊིསངྑཱནིརུདྡྷེ སངྑཱརེ ¶ པཊིསངྑཱ ནིརོདྷེནྟི, ནོ ཙ ཝཏ རེ ཝཏྟབྦེ – ‘‘དྭེ ནིརོདྷཱ’’ཏི.

ན ཝཏྟབྦཾ – ‘‘དྭེ ནིརོདྷཱ’’ཏི? ཨཱམནྟཱ. ནནུ ཨཔྤཊིསངྑཱནིརུདྡྷཱཔི སངྑཱརཱ ཨཙྩནྟབྷགྒཱ, པཊིསངྑཱནིརུདྡྷཱཔི སངྑཱརཱ ཨཙྩནྟབྷགྒཱཏི? ཨཱམནྟཱ. ཧཉྩི ཨཔྤཊིསངྑཱནིརུདྡྷཱཔི སངྑཱརཱ ཨཙྩནྟབྷགྒཱ, པཊིསངྑཱནིརུདྡྷཱཔི སངྑཱརཱ ཨཙྩནྟབྷགྒཱ, ཏེན ཝཏ རེ ཝཏྟབྦེ – ‘‘དྭེ ནིརོདྷཱ’’ཏི.

དྭེ ¶ ནིརོདྷཱཏི? ཨཱམནྟཱ. པཊིསངྑཱནིརུདྡྷཱཔི [པཊིསངྑཱནིརུདྡྷཱ (?)] སངྑཱརཱ ཨརིཡམགྒཾ ཨཱགམྨ ནིརུདྡྷཱཏི? ཨཱམནྟཱ. ཨཔྤཊིསངྑཱནིརུདྡྷཱ ¶ སངྑཱརཱ ཨརིཡམགྒཾ ཨཱགམྨ ནིརུདྡྷཱཏི? ན ཧེཝཾ ཝཏྟབྦེ…པེ….

དྭེ ¶ ནིརོདྷཱཏི? ཨཱམནྟཱ. པཊིསངྑཱནིརུདྡྷཱ སངྑཱརཱ ན པུན ཨུཔྤཛྫནྟཱིཏི? ཨཱམནྟཱ. ཨཔྤཊིསངྑཱནིརུདྡྷཱ སངྑཱརཱ ན པུན ཨུཔྤཛྫནྟཱིཏི? ན ཧེཝཾ ཝཏྟབྦེ…པེ… ཏེན ཧི ན ཝཏྟབྦཾ – ‘‘དྭེ ནིརོདྷཱ’’ཏི.

ནིརོདྷཀཐཱ ནིཊྛིཏཱ.

དུཏིཡཝགྒོ.

ཏསྶུདྡཱནཾ –

པརཱུཔཧཱརོ ཨཉྙཱཎཾ, ཀངྑཱ པརཝིཏཱརཎཱ;

ཝཙཱིབྷེདོ དུཀྑཱཧཱརོ, ཙིཏྟཊྛིཏི ཙ ཀུཀྐུལཱ༹;

ཨནུཔུབྦཱབྷིསམཡོ, ཝོཧཱརོ ཙ ནིརོདྷཀོཏི.

༣. ཏཏིཡཝགྒོ

(༢༡) ༡. བལཀཐཱ

༣༥༤. ཏཐཱགཏབལཾ ¶ ¶ ¶ སཱཝཀསཱདྷཱརཎནྟི? ཨཱམནྟཱ. ཏཐཱགཏབལཾ སཱཝཀབལཾ, སཱཝཀབལཾ ཏཐཱགཏབལནྟི? ན ཧེཝཾ ཝཏྟབྦེ…པེ….

ཏཐཱགཏབལཾ སཱཝཀསཱདྷཱརཎནྟི? ཨཱམནྟཱ. ཏཉྙེཝ ཏཐཱགཏབལཾ ཏཾ སཱཝཀབལཾ, ཏཉྙེཝ སཱཝཀབལཾ ཏཾ ཏཐཱགཏབལནྟི? ན ཧེཝཾ ཝཏྟབྦེ…པེ….

ཏཐཱགཏབལཾ སཱཝཀསཱདྷཱརཎནྟི? ཨཱམནྟཱ. ཡཱདིསཾ ཏཐཱགཏབལཾ ཏཱདིསཾ སཱཝཀབལཾ, ཡཱདིསཾ སཱཝཀབལཾ ཏཱདིསཾ ཏཐཱགཏབལནྟི? ན ཧེཝཾ ཝཏྟབྦེ…པེ….

ཏཐཱགཏབལཾ སཱཝཀསཱདྷཱརཎནྟི? ཨཱམནྟཱ. ཡཱདིསོ ཏཐཱགཏསྶ པུབྦཡོགོ པུབྦཙརིཡཱ དྷམྨཀྑཱནཾ དྷམྨདེསནཱ ཏཱདིསོ སཱཝཀསྶ པུབྦཡོགོ པུབྦཙརིཡཱ དྷམྨཀྑཱནཾ དྷམྨདེསནཱཏི? ན ཧེཝཾ ཝཏྟབྦེ…པེ….

ཏཐཱགཏབལཾ སཱཝཀསཱདྷཱརཎནྟི? ཨཱམནྟཱ. ཏཐཱགཏོ ཛིནོ སཏྠཱ སམྨཱསམྦུདྡྷོ སབྦཉྙཱུ སབྦདསྶཱཝཱི དྷམྨསྶཱམཱི དྷམྨཔྤཊིསརཎོཏི? ཨཱམནྟཱ ¶ . སཱཝཀོ ཛིནོ སཏྠཱ སམྨཱསམྦུདྡྷོ སབྦཉྙཱུ སབྦདསྶཱཝཱི དྷམྨསྶཱམཱི དྷམྨཔྤཊིསརཎོཏི? ན ཧེཝཾ ཝཏྟབྦེ…པེ….

ཏཐཱགཏབལཾ སཱཝཀསཱདྷཱརཎནྟི? ཨཱམནྟཱ. ཏཐཱགཏོ ཨནུཔྤནྣསྶ ¶ མགྒསྶ ཨུཔྤཱདེཏཱ ཨསཉྫཱཏསྶ མགྒསྶ ¶ སཉྫནེཏཱ ཨནཀྑཱཏསྶ མགྒསྶ ཨཀྑཱཏཱ མགྒཉྙཱུ མགྒཝིདཱུ མགྒཀོཝིདོཏི? ཨཱམནྟཱ. སཱཝཀོ ཨནུཔྤནྣསྶ མགྒསྶ ཨུཔྤཱདེཏཱ ཨསཉྫཱཏསྶ མགྒསྶ སཉྫནེཏཱ ཨནཀྑཱཏསྶ མགྒསྶ ཨཀྑཱཏཱ མགྒཉྙཱུ མགྒཝིདཱུ མགྒཀོཝིདོཏི? ན ཧེཝཾ ཝཏྟབྦེ…པེ….

ཨིནྡྲིཡཔརོཔརིཡཏྟཾ ¶ ཡཐཱབྷཱུཏཾ ཉཱཎཾ ཏཐཱགཏབལཾ སཱཝཀསཱདྷཱརཎནྟི? ཨཱམནྟཱ. སཱཝཀོ སབྦཉྙཱུ སབྦདསྶཱཝཱིཏི? ན ཧེཝཾ ཝཏྟབྦེ…པེ….

༣༥༥. སཱཝཀོ ཋཱནཱཋཱནཾ ཛཱནཱཏཱིཏི? ཨཱམནྟཱ. ཧཉྩི སཱཝཀོ ཋཱནཱཋཱནཾ ཛཱནཱཏི, ཏེན ཝཏ རེ ཝཏྟབྦེ – ‘‘ཋཱནཱཋཱནཾ ཡཐཱབྷཱུཏཾ ཉཱཎཾ ཏཐཱགཏབལཾ སཱཝཀསཱདྷཱརཎ’’ནྟི.

སཱཝཀོ ཨཏཱིཏཱནཱགཏཔཙྩུཔྤནྣཱནཾ ཀམྨསམཱདཱནཱནཾ ཋཱནསོ ཧེཏུསོ ཝིཔཱཀཾ ཛཱནཱཏཱིཏི? ཨཱམནྟཱ. ཧཉྩི སཱཝཀོ ཨཏཱིཏཱནཱགཏཔཙྩུཔྤནྣཱནཾ ཀམྨསམཱདཱནཱནཾ ཋཱནསོ ཧེཏུསོ ཝིཔཱཀཾ ཛཱནཱཏི, ཏེན ཝཏ རེ ཝཏྟབྦེ – ‘‘ཨཏཱིཏཱནཱགཏཔཙྩུཔྤནྣཱནཾ ཀམྨསམཱདཱནཱནཾ ཋཱནསོ ཧེཏུསོ ཝིཔཱཀཾ ཡཐཱབྷཱུཏཾ ཉཱཎཾ ཏཐཱགཏབལཾ སཱཝཀསཱདྷཱརཎ’’ནྟི.

སཱཝཀོ སབྦཏྠགཱམིནིཾ པཊིཔདཾ ཛཱནཱཏཱིཏི? ཨཱམནྟཱ. ཧཉྩི སཱཝཀོ སབྦཏྠགཱམིནིཾ པཊིཔདཾ ཛཱནཱཏི, ཏེན ཝཏ རེ ཝཏྟབྦེ – ‘‘སབྦཏྠགཱམིནིཾ པཊིཔདཾ ཡཐཱབྷཱུཏཾ ཉཱཎཾ ཏཐཱགཏབལཾ སཱཝཀསཱདྷཱརཎ’’ནྟི.

སཱཝཀོ ¶ ཨནེཀདྷཱཏུཾ ནཱནཱདྷཱཏུཾ ལོཀཾ ཛཱནཱཏཱིཏི? ཨཱམནྟཱ. ཧཉྩི སཱཝཀོ ཨནེཀདྷཱཏུཾ ནཱནཱདྷཱཏུཾ ལོཀཾ ཛཱནཱཏི, ཏེན ཝཏ རེ ཝཏྟབྦེ – ‘‘ཨནེཀདྷཱཏུཾ ནཱནཱདྷཱཏུཾ ལོཀཾ ཡཐཱབྷཱུཏཾ ཉཱཎཾ ཏཐཱགཏབལཾ སཱཝཀསཱདྷཱརཎ’’ནྟི.

སཱཝཀོ ¶ སཏྟཱནཾ ནཱནཱདྷིམུཏྟིཀཏཾ ཛཱནཱཏཱིཏི? ཨཱམནྟཱ. ཧཉྩི སཱཝཀོ སཏྟཱནཾ ནཱནཱདྷིམུཏྟིཀཏཾ ཛཱནཱཏི, ཏེན ཝཏ རེ ཝཏྟབྦེ – ‘‘སཏྟཱནཾ ¶ ནཱནཱདྷིམུཏྟིཀཏཾ ཡཐཱབྷཱུཏཾ ཉཱཎཾ ཏཐཱགཏབལཾ སཱཝཀསཱདྷཱརཎ’’ནྟི.

སཱཝཀོ ཛྷཱནཝིམོཀྑསམཱདྷིསམཱཔཏྟཱིནཾ སཾཀིལེསཾ ཝོདཱནཾ ཝུཊྛཱནཾ ཛཱནཱཏཱིཏི? ཨཱམནྟཱ. ཧཉྩི སཱཝཀོ ཛྷཱནཝིམོཀྑསམཱདྷིསམཱཔཏྟཱིནཾ སཾཀིལེསཾ ཝོདཱནཾ ཝུཊྛཱནཾ ཛཱནཱཏི, ཏེན ཝཏ རེ ཝཏྟབྦེ – ‘‘ཛྷཱནཝིམོཀྑསམཱདྷིསམཱཔཏྟཱིནཾ སཾཀིལེསཾ ཝོདཱནཾ ཝུཊྛཱནཾ ཡཐཱབྷཱུཏཾ ཉཱཎཾ ཏཐཱགཏབལཾ སཱཝཀསཱདྷཱརཎ’’ནྟི.

སཱཝཀོ ¶ པུབྦེནིཝཱསཱནུསྶཏིཾ ཛཱནཱཏཱིཏི? ཨཱམནྟཱ. ཧཉྩི སཱཝཀོ པུབྦེནིཝཱསཱནུསྶཏིཾ ཛཱནཱཏི, ཏེན ཝཏ རེ ཝཏྟབྦེ – ‘‘པུབྦེནིཝཱསཱནུསྶཏི ཡཐཱབྷཱུཏཾ ཉཱཎཾ ཏཐཱགཏབལཾ སཱཝཀསཱདྷཱརཎ’’ནྟི.

སཱཝཀོ སཏྟཱནཾ ཙུཏཱུཔཔཱཏཾ ཛཱནཱཏཱིཏི? ཨཱམནྟཱ. ཧཉྩི སཱཝཀོ སཏྟཱནཾ ཙུཏཱུཔཔཱཏཾ ཛཱནཱཏི, ཏེན ཝཏ རེ ཝཏྟབྦེ – ‘‘སཏྟཱནཾ ཙུཏཱུཔཔཱཏཾ ཡཐཱབྷཱུཏཾ ཉཱཎཾ ཏཐཱགཏབལཾ སཱཝཀསཱདྷཱརཎ’’ནྟི.

ནནུ ཏཐཱགཏསྶཱཔི ཨཱསཝཱ ཁཱིཎཱ སཱཝཀསྶཱཔི ཨཱསཝཱ ཁཱིཎཱཏི ¶ ? ཨཱམནྟཱ. ཨཏྠི ཀིཉྩི ནཱནཱཀརཎཾ ཏཐཱགཏསྶ ཝཱ སཱཝཀསྶ ཝཱ ཨཱསཝཀྑཡེན ཝཱ ཨཱསཝཀྑཡཾ ཝིམུཏྟིཡཱ ཝཱ ཝིམུཏྟཱིཏི? ནཏྠི. ཧཉྩི ནཏྠི ཀིཉྩི ནཱནཱཀརཎཾ ཏཐཱགཏསྶ ཝཱ སཱཝཀསྶ ཝཱ ཨཱསཝཀྑཡེན ཝཱ ཨཱསཝཀྑཡཾ ཝིམུཏྟིཡཱ ཝཱ ཝིམུཏྟི, ཏེན ཝཏ རེ ཝཏྟབྦེ – ‘‘ཨཱསཝཱནཾ ཁཡེ ཡཐཱབྷཱུཏཾ ཉཱཎཾ ཏཐཱགཏབལཾ སཱཝཀསཱདྷཱརཎ’’ནྟི.

༣༥༦. ཨཱསཝཱནཾ ཁཡེ ཡཐཱབྷཱུཏཾ ཉཱཎཾ ཏཐཱགཏབལཾ སཱཝཀསཱདྷཱརཎནྟི? ཨཱམནྟཱ ¶ . ཋཱནཱཋཱནེ ཡཐཱབྷཱུཏཾ ཉཱཎཾ ཏཐཱགཏབལཾ སཱཝཀསཱདྷཱརཎནྟི? ན ཧེཝཾ ཝཏྟབྦེ…པེ….

ཨཱསཝཱནཾ ཁཡེ ཡཐཱབྷཱུཏཾ ཉཱཎཾ ཏཐཱགཏབལཾ སཱཝཀསཱདྷཱརཎནྟི? ཨཱམནྟཱ. སཏྟཱནཾ ཙུཏཱུཔཔཱཏེ ཡཐཱབྷཱུཏཾ ཉཱཎཾ ཏཐཱགཏབལཾ སཱཝཀསཱདྷཱརཎནྟི? ན ཧེཝཾ ཝཏྟབྦེ…པེ….

ཋཱནཱཋཱནེ ཡཐཱབྷཱུཏཾ ཉཱཎཾ ཏཐཱགཏབལཾ སཱཝཀཨསཱདྷཱརཎནྟི? ཨཱམནྟཱ. ཨཱསཝཱནཾ ཁཡེ ཡཐཱབྷཱུཏཾ ཉཱཎཾ ཏཐཱགཏབལཾ སཱཝཀཨསཱདྷཱརཎནྟི? ན ཧེཝཾ ཝཏྟབྦེ…པེ….

སཏྟཱནཾ ¶ ཙུཏཱུཔཔཱཏེ ཡཐཱབྷཱུཏཾ ཉཱཎཾ ཏཐཱགཏབལཾ སཱཝཀཨསཱདྷཱརཎནྟི? ཨཱམནྟཱ. ཨཱསཝཱནཾ ཁཡེ ཡཐཱབྷཱུཏཾ ཉཱཎཾ ཏཐཱགཏབལཾ སཱཝཀཨསཱདྷཱརཎནྟི? ན ཧེཝཾ ཝཏྟབྦེ…པེ….

ཨིནྡྲིཡཔརོཔརིཡཏྟཾ ཡཐཱབྷཱུཏཾ ཉཱཎཾ ཏཐཱགཏབལཾ སཱཝཀཨསཱདྷཱརཎནྟི? ཨཱམནྟཱ. ཋཱནཱཋཱནེ ཡཐཱབྷཱུཏཾ ཉཱཎཾ ཏཐཱགཏབལཾ སཱཝཀཨསཱདྷཱརཎནྟི ¶ ? ན ཧེཝཾ ཝཏྟབྦེ [ཨཡམེཏྠ སཱདྷཱརཎཔཀྑཾ སནྡྷཱཡ པཊིཀྑེཔོ (ཊཱིཀཱ ཨོལོཀེཏབྦཱ)] …པེ….

ཨིནྡྲིཡཔརོཔརིཡཏྟཾ ¶ ཡཐཱབྷཱུཏཾ ཉཱཎཾ ཏཐཱགཏབལཾ སཱཝཀཨསཱདྷཱརཎནྟི? ཨཱམནྟཱ…པེ…. ཨཱསཝཱནཾ ཁཡེ ཡཐཱབྷཱུཏཾ ཉཱཎཾ ཏཐཱགཏབལཾ སཱཝཀཨསཱདྷཱརཎནྟི? ན ཧེཝཾ ཝཏྟབྦེ…པེ….

ཋཱནཱཋཱནེ ཡཐཱབྷཱུཏཾ ཉཱཎཾ ཏཐཱགཏབལཾ སཱཝཀསཱདྷཱརཎནྟི? ཨཱམནྟཱ. ཨིནྡྲིཡཔརོཔརིཡཏྟཾ ཡཐཱབྷཱུཏཾ ཉཱཎཾ ཏཐཱགཏབལཾ སཱཝཀསཱདྷཱརཎནྟི? ན ¶ ཧེཝཾ ཝཏྟབྦེ…པེ….

ཨཱསཝཱནཾ ཁཡེ ཡཐཱབྷཱུཏཾ ཉཱཎཾ ཏཐཱགཏབལཾ སཱཝཀསཱདྷཱརཎནྟི? ཨཱམནྟཱ. ཨིནྡྲིཡཔརོཔརིཡཏྟཾ ཡཐཱབྷཱུཏཾ ཉཱཎཾ ཏཐཱགཏབལཾ སཱཝཀསཱདྷཱརཎནྟི? ན ཧེཝཾ ཝཏྟབྦེ…པེ….

བལཀཐཱ ནིཊྛིཏཱ.

༣. ཏཏིཡཝགྒོ

(༢༢) ༢. ཨརིཡནྟིཀཐཱ

༣༥༧. ཋཱནཱཋཱནེ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡནྟི? ཨཱམནྟཱ. མགྒོ ཕལཾ ནིབྦཱནཾ, སོཏཱཔཏྟིམགྒོ སོཏཱཔཏྟིཕལཾ, སཀདཱགཱམིམགྒོ སཀདཱགཱམིཕལཾ, ཨནཱགཱམིམགྒོ ཨནཱགཱམིཕལཾ, ཨརཧཏྟམགྒོ ཨརཧཏྟཕལཾ, སཏིཔཊྛཱནཾ སམྨཔྤདྷཱནཾ ཨིདྡྷིཔཱདོ ཨིནྡྲིཡཾ བལཾ བོཛ྄ཛྷངྒོཏི? ན ཧེཝཾ ཝཏྟབྦེ…པེ….

ཋཱནཱཋཱནེ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡནྟི? ཨཱམནྟཱ ¶ . སུཉྙཏཱརམྨཎནྟི? ན ཧེཝཾ ཝཏྟབྦེ…པེ…. སུཉྙཏཱརམྨཎནྟི? ཨཱམནྟཱ. ཋཱནཱཋཱནཉྩ ¶ མནསི ཀརོཏི, སུཉྙཏཉྩ མནསི ཀརོཏཱིཏི? ན ཧེཝཾ ཝཏྟབྦེ…པེ….

ཋཱནཱཋཱནཉྩ ¶ མནསི ཀརོཏི, སུཉྙཏཉྩ མནསི ཀརོཏཱིཏི? ཨཱམནྟཱ. དྭིནྣཾ ཕསྶཱནཾ དྭིནྣཾ ཙིཏྟཱནཾ སམོདྷཱནཾ ཧོཏཱིཏི? ན ¶ ཧེཝཾ ཝཏྟབྦེ…པེ… ཋཱནཱཋཱནེ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡནྟི? ཨཱམནྟཱ. ཨནིམིཏྟཱརམྨཎཾ…པེ… ཨཔྤཎིཧིཏཱརམྨཎནྟི? ན ཧེཝཾ ཝཏྟབྦེ…པེ… ཨཔྤཎིཧིཏཱརམྨཎནྟི? ཨཱམནྟཱ. ཋཱནཱཋཱནཉྩ མནསི ཀརོཏི, ཨཔྤཎིཧིཏཉྩ མནསི ཀརོཏཱིཏི? ན ཧེཝཾ ཝཏྟབྦེ…པེ….

ཋཱནཱཋཱནཉྩ མནསི ཀརོཏི, ཨཔྤཎིཧིཏཉྩ མནསི ཀརོཏཱིཏི? ཨཱམནྟཱ. དྭིནྣཾ ཕསྶཱནཾ དྭིནྣཾ ཙིཏྟཱནཾ སམོདྷཱནཾ ཧོཏཱིཏི? ན ཧེཝཾ ཝཏྟབྦེ…པེ….

༣༥༨. སཏིཔཊྛཱནཱ ཨརིཡཱ སུཉྙཏཱརམྨཎཱཏི? ཨཱམནྟཱ. ཋཱནཱཋཱནེ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡཾ སུཉྙཏཱརམྨཎནྟི? ན ཧེཝཾ ཝཏྟབྦེ…པེ….

སཏིཔཊྛཱནཱ ཨརིཡཱ ཨནིམིཏྟཱརམྨཎཱ…པེ… ཨཔྤཎིཧིཏཱརམྨཎཱཏི? ཨཱམནྟཱ. ཋཱནཱཋཱནེ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡཾ ཨཔྤཎིཧིཏཱརམྨཎནྟི? ན ཧེཝཾ ཝཏྟབྦེ…པེ….

སམྨཔྤདྷཱནཱ, ཨིདྡྷིཔཱདཱ, ཨིནྡྲིཡཱ, བལཱ, བོཛ྄ཛྷངྒཱ ཨརིཡཱ སུཉྙཏཱརམྨཎཱཏི? ཨཱམནྟཱ. ཋཱནཱཋཱནེ ཡཐཱབྷཱུཏཾ ཉཱཎཾ ¶ ཏཐཱགཏབལཾ ཨརིཡཾ སུཉྙཏཱརམྨཎནྟི? ན ཧེཝཾ ཝཏྟབྦེ…པེ….

བོཛ྄ཛྷངྒཱ ཨརིཡཱ ཨནིམིཏྟཱརམྨཎཱ… ཨཔྤཎིཧིཏཱརམྨཎཱཏི? ཨཱམནྟཱ ¶ . ཋཱནཱཋཱནེ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡཾ ཨཔྤཎིཧིཏཱརམྨཎནྟི? ན ཧེཝཾ ཝཏྟབྦེ…པེ….

༣༥༩. ཋཱནཱཋཱནེ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡཾ ན ཝཏྟབྦཾ – ‘‘སུཉྙཏཱརམྨཎ’’ནྟི? ཨཱམནྟཱ. སཏིཔཊྛཱནཱ ཨརིཡཱ ན ཝཏྟབྦཱ – ‘‘སུཉྙཏཱརམྨཎཱ’’ཏི? ན ཧེཝཾ ཝཏྟབྦེ…པེ….

ཋཱནཱཋཱནེ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡཾ ན ཝཏྟབྦཾ – ཨནིམིཏྟཱརམྨཎཾ…པེ… ཨཔྤཎིཧིཏཱརམྨཎནྟི ¶ ? ཨཱམནྟཱ. སཏིཔཊྛཱནཱ ཨརིཡཱ ན ཝཏྟབྦཱ – ‘‘ཨཔྤཎིཧིཏཱརམྨཎཱ’’ཏི? ན ཧེཝཾ ཝཏྟབྦེ…པེ….

ཋཱནཱཋཱནེ ¶ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡཾ ན ཝཏྟབྦཾ – སུཉྙཏཱརམྨཎཾ…པེ… ཨནིམིཏྟཱརམྨཎཾ…པེ… ཨཔྤཎིཧིཏཱརམྨཎནྟི? ཨཱམནྟཱ. སམྨཔྤདྷཱནཾ…པེ… བོཛ྄ཛྷངྒཱ ཨརིཡཱ ན ཝཏྟབྦཱ – ‘‘ཨཔྤཎིཧིཏཱརམྨཎཱ’’ཏི? ན ཧེཝཾ ཝཏྟབྦེ…པེ….

༣༦༠. སཏྟཱནཾ ཙུཏཱུཔཔཱཏེ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡནྟི? ཨཱམནྟཱ. མགྒོ ཕལཾ ནིབྦཱནཾ, སོཏཱཔཏྟིམགྒོ སོཏཱཔཏྟིཕལཾ…པེ… བོཛ྄ཛྷངྒོཏི? ན ཧེཝཾ ཝཏྟབྦེ…པེ….

སཏྟཱནཾ ཙུཏཱུཔཔཱཏེ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡནྟི? ཨཱམནྟཱ. སུཉྙཏཱརམྨཎནྟི? ན ཧེཝཾ ཝཏྟབྦེ…པེ… སུཉྙཱཏཱརམྨཎནྟི ¶ ? ཨཱམནྟཱ. སཏྟཱནཾ ཙུཏཱུཔཔཱཏཉྩ མནསི ཀརོཏི ¶ , སུཉྙཏཉྩ མནསི ཀརོཏཱིཏི? ན ཧེཝཾ ཝཏྟབྦེ…པེ….

སཏྟཱནཾ ཙུཏཱུཔཔཱཏཉྩ མནསི ཀརོཏི, སུཉྙཏཉྩ མནསི ཀརོཏཱིཏི? ཨཱམནྟཱ. དྭིནྣཾ ཕསྶཱནཾ དྭིནྣཾ ཙིཏྟཱནཾ སམོདྷཱནཾ ཧོཏཱིཏི? ན ཧེཝཾ ཝཏྟབྦེ…པེ….

སཏྟཱནཾ ཙུཏཱུཔཔཱཏེ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡནྟི? ཨཱམནྟཱ. ཨནིམིཏྟཱརམྨཎཾ ཨཔྤཎིཧིཏཱརམྨཎནྟི? ན ཧེཝཾ ཝཏྟབྦེ…པེ… ཨཔྤཎིཧིཏཱརམྨཎནྟི? ཨཱམནྟཱ. སཏྟཱནཾ ཙུཏཱུཔཔཱཏཉྩ མནསི ཀརོཏི, ཨཔྤཎིཧིཏཉྩ མནསི ཀརོཏཱིཏི? ན ཧེཝཾ ཝཏྟབྦེ…པེ….

སཏྟཱནཾ ཙུཏཱུཔཔཱཏཉྩ མནསི ཀརོཏི, ཨཔྤཎིཧིཏཉྩ མནསི ཀརོཏཱིཏི? ཨཱམནྟཱ. དྭིནྣཾ ཕསྶཱནཾ དྭིནྣཾ ཙིཏྟཱནཾ སམོདྷཱནཾ ཧོཏཱིཏི? ན ཧེཝཾ ཝཏྟབྦེ…པེ….

༣༦༡. སཏིཔཊྛཱནཱ ཨརིཡཱ སུཉྙཏཱརམྨཎཱ…པེ… ཨནིམིཏྟཱརམྨཎཱ…པེ… ཨཔྤཎིཧིཏཱརམྨཎཱཏི? ཨཱམནྟཱ. སཏྟཱནཾ ཙུཏཱུཔཔཱཏེ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡཾ ཨཔྤཎིཧིཏཱརམྨཎནྟི? ན ཧེཝཾ ཝཏྟབྦེ…པེ….

སམྨཔྤདྷཱནཾ ¶ ¶ …པེ… བོཛ྄ཛྷངྒཱ ཨརིཡཱ སུཉྙཏཱརམྨཎཱ…པེ… ཨནིམིཏྟཱརམྨཎཱ…པེ… ཨཔྤཎིཧིཏཱརམྨཎཱཏི? ཨཱམནྟཱ. སཏྟཱནཾ ཙུཏཱུཔཔཱཏེ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡཾ ཨཔྤཎིཧིཏཱརམྨཎནྟི? ན ཧེཝཾ ཝཏྟབྦེ…པེ….

སཏྟཱནཾ ¶ ཙུཏཱུཔཔཱཏེ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡཾ ན ཝཏྟབྦཾ – སུཉྙཏཱརམྨཎཾ…པེ… ཨནིམིཏྟཱརམྨཎཾ…པེ… ཨཔྤཎིཧིཏཱརམྨཎནྟི? ཨཱམནྟཱ. སཏིཔཊྛཱནཱ ཨརིཡཱ ན ཝཏྟབྦཱ – ‘‘ཨཔྤཔཎིཧིཏཱརམྨཎཱ’’ཏི ¶ ? ན ཧེཝཾ ཝཏྟབྦེ…པེ….

༣༦༢. སཏྟཱནཾ ཙུཏཱུཔཔཱཏེ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡཾ ན ཝཏྟབྦཾ – སུཉྙཏཱརམྨཎཾ…པེ… ཨནིམིཏྟཱརམྨཎཾ…པེ… ཨཔྤཎིཧིཏཱརམྨཎནྟི? ཨཱམནྟཱ. སམྨཔྤདྷཱནཱ…པེ… བོཛ྄ཛྷངྒཱ ཨརིཡཱ ན ཝཏྟབྦཱ – ‘‘ཨཔྤཎིཧིཏཱརམྨཎཱ’’ཏི? ན ཧེཝཾ ཝཏྟབྦེ…པེ….

ཨཱསཝཱནཾ ཁཡེ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡནྟི? ཨཱམནྟཱ. ཋཱནཱཋཱནེ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡནྟི? ན ཧེཝཾ ཝཏྟབྦེ…པེ….

ཨཱསཝཱནཾ ¶ ཁཡེ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡནྟི? ཨཱམནྟཱ. སཏྟཱནཾ ཙུཏཱུཔཔཱཏེ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡནྟི? ན ཧེཝཾ ཝཏྟབྦེ…པེ….

ཋཱནཱཋཱནེ ཡཐཱབྷཱུཏཾ ཉཱཎཾ ཏཐཱགཏབལཾ ན ཝཏྟབྦཾ – ‘‘ཨརིཡ’’ནྟི? ཨཱམནྟཱ. ཨཱསཝཱནཾ ཁཡེ ཡཐཱབྷཱུཏཾ ཉཱཎཾ ཏཐཱགཏབལཾ ན ཝཏྟབྦཾ – ‘‘ཨརིཡ’’ནྟི? ན ཧེཝཾ ཝཏྟབྦེ …པེ….

སཏྟཱནཾ ཙུཏཱུཔཔཱཏེ ཡཐཱབྷཱུཏཾ ཉཱཎཾ ཏཐཱགཏབལཾ ན ཝཏྟབྦཾ – ‘‘ཨརིཡ’’ནྟི? ཨཱམནྟཱ. ཨཱསཝཱནཾ ཁཡེ ཡཐཱབྷཱུཏཾ ཉཱཎཾ ཏཐཱགཏབལཾ ན ཝཏྟབྦཾ – ‘‘ཨརིཡ’’ནྟི? ན ཧེཝཾ ཝཏྟབྦེ…པེ….

ཨཱསཝཱནཾ ¶ ཁཡེ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡཾ སུཉྙཏཱརམྨཎནྟི? ཨཱམནྟཱ. ཋཱནཱཋཱནེ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡཾ སུཉྙཏཱརམྨཎནྟི? ན ཧེཝཾ ཝཏྟབྦེ…པེ….

ཨཱསཝཱནཾ ཁཡེ ¶ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡཾ ཨནིམིཏྟཱརམྨཎཾ… ཨཔྤཎིཧིཏཱརམྨཎནྟི? ཨཱམནྟཱ. ཋཱནཱཋཱནེ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡཾ ཨཔྤཎིཧིཏཱརམྨཎནྟི? ན ཧེཝཾ ཝཏྟབྦེ…པེ….

ཨཱསཝཱནཾ ཁཡེ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡཾ སུཉྙཏཱརམྨཎཾ…པེ… ཨནིམིཏྟཱརམྨཎཾ…པེ… ཨཔྤཎིཧིཏཱརམྨཎནྟི? ཨཱམནྟཱ…པེ…. སཏྟཱནཾ ཙུཏཱུཔཔཱཏེ ¶ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡཾ ཨཔྤཎིཧིཏཱརམྨཎནྟི? ན ཧེཝཾ ཝཏྟབྦེ…པེ….

ཋཱནཱཋཱནེ ¶ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡཾ ན ཝཏྟབྦཾ – ‘‘སུཉྙཏཱརམྨཎ’’ནྟི? ཨཱམནྟཱ. ཨཱསཝཱནཾ ཁཡེ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡཾ ན ཝཏྟབྦཾ – ‘‘སུཉྙཏཱརམྨཎ’’ནྟི? ན ཧེཝཾ ཝཏྟབྦེ…པེ….

ཋཱནཱཋཱནེ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡཾ ན ཝཏྟབྦཾ – ཨནིམིཏྟཱརམྨཎཾ… ཨཔྤཎིཧིཏཱརམྨཎནྟི? ཨཱམནྟཱ. ཨཱསཝཱནཾ ཁཡེ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡཾ ན ཝཏྟབྦཾ – ‘‘ཨཔྤཎིཧིཏཱརམྨཎ’’ནྟི? ན ཧེཝཾ ཝཏྟབྦེ…པེ….

སཏྟཱནཾ ཙུཏཱུཔཔཱཏེ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡཾ ན ཝཏྟབྦཾ – སུཉྙཏཱརམྨཎཾ…པེ… ཨནིམིཏྟཱརམྨཎཾ…པེ… ཨཔྤཎིཧིཏཱརམྨཎནྟི? ཨཱམནྟཱ. ཨཱསཝཱནཾ ཁཡེ ཡཐཱབྷཱུཏཾ ཉཱཎཾ ཏཐཱགཏབལཾ ཨརིཡཾ ན ཝཏྟབྦཾ – ‘‘ཨཔྤཎིཧིཏཱརམྨཎ’’ནྟི? ན ཧེཝཾ ཝཏྟབྦེ…པེ….

ཨརིཡནྟིཀཐཱ ནིཊྛིཏཱ.

༣. ཏཏིཡཝགྒོ

(༢༣) ༣. ཝིམུཏྟིཀཐཱ

༣༦༣. སརཱགཾ ¶ ¶ ཙིཏྟཾ ཝིམུཙྩཏཱིཏི? ཨཱམནྟཱ. རཱགསཧགཏཾ རཱགསཧཛཱཏཾ རཱགསཾསཊྛཾ རཱགསམྤཡུཏྟཾ རཱགསཧབྷུ རཱགཱནུཔརིཝཏྟི ཨཀུསལཾ ལོཀིཡཾ སཱསཝཾ སཾཡོཛནིཡཾ གནྠནིཡཾ ཨོགྷནིཡཾ ཡོགནིཡཾ ནཱིཝརཎིཡཾ པརཱམཊྛཾ ཨུཔཱདཱནིཡཾ སཾཀིལེསིཡཾ ཙིཏྟཾ ཝིམུཙྩཏཱིཏི? ན ཧེཝཾ ཝཏྟབྦེ…པེ….

སཕསྶཾ ཙིཏྟཾ ཝིམུཙྩཏི, ཕསྶོ ཙ ཙིཏྟཉྩ ཨུབྷོ ཝིམུཙྩནྟཱིཏི? ཨཱམནྟཱ. སརཱགཾ ¶ ཙིཏྟཾ ཝིམུཙྩཏི, རཱགོ ཙ ཙིཏྟཉྩ ཨུབྷོ ཝིམུཙྩནྟཱིཏི? ན ཧེཝཾ ཝཏྟབྦེ…པེ….

སཝེདནཾ…པེ… སསཉྙཾ…པེ… སཙེཏནཾ…པེ… སཔཉྙཾ [སསཉྙཾ (སཱི. ཀ.)] ཙིཏྟཾ ཝིམུཙྩཏི, པཉྙཱ ཙ ཙིཏྟཉྩ ཨུབྷོ ཝིམུཙྩནྟཱིཏི? ཨཱམནྟཱ. སརཱགཾ ཙིཏྟཾ ཝིམུཙྩཏི, རཱགོ ཙ ཙིཏྟཉྩ ཨུབྷོ ཝིམུཙྩནྟཱིཏི? ན ཧེཝཾ ཝཏྟབྦེ…པེ….

སཕསྶཾ ¶ སརཱགཾ ཙིཏྟཾ ཝིམུཙྩཏི, ཕསྶོ ཙ ཙིཏྟཉྩ ཨུབྷོ ཝིམུཙྩནྟཱིཏི? ཨཱམནྟཱ. རཱགོ ཙ ཙིཏྟཉྩ ཨུབྷོ ཝིམུཙྩནྟཱིཏི? ན ཧེཝཾ ཝཏྟབྦེ…པེ….

སཝེདནཾ སརཱགཾ…པེ… སསཉྙཾ སརཱགཾ…པེ… སཙེཏནཾ སརཱགཾ…པེ… སཔཉྙཾ སརཱགཾ ཙིཏྟཾ ཝིམུཙྩཏི, པཉྙཱ ཙ ཙིཏྟཉྩ ཨུབྷོ ཝིམུཙྩནྟཱིཏི? ཨཱམནྟཱ. རཱགོ ཙ ཙིཏྟཉྩ ཨུབྷོ ཝིམུཙྩནྟཱིཏི? ན ཧེཝཾ ཝཏྟབྦེ…པེ….

༣༦༤. སདོསཾ ¶ ཙིཏྟཾ ཝིམུཙྩཏཱིཏི? ཨཱམནྟཱ. དོསསཧགཏཾ དོསསཧཛཱཏཾ དོསསཾསཊྛཾ དོསསམྤཡུཏྟཾ དོསསཧབྷུ དོསཱནུཔརིཝཏྟི ཨཀུསལཾ ལོཀིཡཾ སཱསཝཾ…པེ… སཾཀིལེསིཡཾ ཙིཏྟཾ ཝིམུཙྩཏཱིཏི? ན ཧེཝཾ ཝཏྟབྦེ…པེ….

སཕསྶཾ ¶ ཙིཏྟཾ ཝིམུཙྩཏི, ཕསྶོ ཙ ཙིཏྟཉྩ ཨུབྷོ ཝིམུཙྩནྟཱིཏི? ཨཱམནྟཱ. སདོསཾ ཙིཏྟཾ ཝིམུཙྩཏི, དོསོ ཙ ཙིཏྟཉྩ ཨུབྷོ ཝིམུཙྩནྟཱིཏི? ན ཧེཝཾ ཝཏྟབྦེ…པེ….

སཝེདནཾ…པེ… སསཉྙཾ…པེ… སཙེཏནཾ…པེ… སཔཉྙཾ ཙིཏྟཾ ཝིམུཙྩཏི, པཉྙཱ ཙ ཙིཏྟཉྩ ཨུབྷོ ཝིམུཙྩནྟཱིཏི? ཨཱམནྟཱ ¶ . སདོསཾ ཙིཏྟཾ ཝིམུཙྩཏི, དོསོ ཙ ཙིཏྟཉྩ ཨུབྷོ ཝིམུཙྩནྟཱིཏི? ན ཧེཝཾ ཝཏྟབྦེ…པེ….

སཕསྶཾ སདོསཾ ཙིཏྟཾ ཝིམུཙྩཏི, ཕསྶོ ཙ ཙིཏྟཉྩ ཨུབྷོ ཝིམུཙྩནྟཱིཏི? ཨཱམནྟཱ. སདོསཾ ཙིཏྟཾ ཝིམུཙྩཏི, དོསོ ཙ ཙིཏྟཉྩ ཨུབྷོ ཝིམུཙྩནྟཱིཏི? ན ཧེཝཾ ཝཏྟབྦེ…པེ….

སཝེདནཾ སདོསཾ… སསཉྙཾ སདོསཾ… སཙེཏནཾ སདོསཾ… སཔཉྙཾ སདོསཾ ཙིཏྟཾ ཝིམུཙྩཏི, པཉྙཱ ཙ ཙིཏྟཉྩ ཨུབྷོ ཝིམུཙྩནྟཱིཏི? ཨཱམནྟཱ. དོསོ ཙ ཙིཏྟཉྩ ཨུབྷོ ཝིམུཙྩནྟཱིཏི? ན ཧེཝཾ ཝཏྟབྦེ…པེ….

༣༦༥. སམོཧཾ ཙིཏྟཾ ཝིམུཙྩཏཱིཏི? ཨཱམནྟཱ. མོཧསཧགཏཾ མོཧསཧཛཱཏཾ མོཧསཾསཊྛཾ མོཧསམྤཡུཏྟཾ མོཧསཧབྷུ མོཧཱནུཔརིཝཏྟི ཨཀུསལཾ ¶ ལོཀིཡཾ སཱསཝཾ…པེ… སཾཀིལེསིཡཾ ཙིཏྟཾ ཝིམུཙྩཏཱིཏི? ན ཧེཝཾ ཝཏྟབྦེ…པེ….

སཕསྶཾ ཙིཏྟཾ ཝིམུཙྩཏི, ཕསྶོ ཙ ཙིཏྟཉྩ ཨུབྷོ ཝིམུཙྩནྟཱིཏི? ཨཱམནྟཱ. སམོཧཾ ཙིཏྟཾ ཝིམུཙྩཏི, མོཧོ ཙ ཙིཏྟཉྩ ཨུབྷོ ཝིམུཙྩནྟཱིཏི? ན ཧེཝཾ ཝཏྟབྦེ…པེ….

སཝེདནཾ ¶ … སསཉྙཾ… སཙེཏནཾ… སཔཉྙཾ ཙིཏྟཾ ཝིམུཙྩཏི, པཉྙཱ ཙ ཙིཏྟཉྩ ཨུབྷོ ཝིམུཙྩནྟཱིཏི? ཨཱམནྟཱ. སམོཧཾ ཙིཏྟཾ ཝིམུཙྩཏི, མོཧོ ཙ ཙིཏྟཉྩ ཨུབྷོ ཝིམུཙྩནྟཱིཏི? ན ཧེཝཾ ཝཏྟབྦེ…པེ….

སཕསྶཾ ¶ སམོཧཾ ཙིཏྟཾ ཝིམུཙྩཏི, ཕསྶོ ཙ ཙིཏྟཉྩ ཨུབྷོ ཝིམུཙྩནྟཱིཏི? ཨཱམནྟཱ ¶ . མོཧོ ཙ ཙིཏྟཉྩ ཨུབྷོ ཝིམུཙྩནྟཱིཏི? ན ཧེཝཾ ཝཏྟབྦེ…པེ….

སཝེདནཾ སམོཧཾ… སསཉྙཾ སམོཧཾ… སཙེཏནཾ སམོཧཾ…པེ… སཔཉྙཾ སམོཧཾ ཙིཏྟཾ ཝིམུཙྩཏི, པཉྙཱ ཙ ཙིཏྟཉྩ ཨུབྷོ ཝིམུཙྩནྟཱིཏི? ཨཱམནྟཱ. མོཧོ ཙ ཙིཏྟཉྩ ཨུབྷོ ཝིམུཙྩནྟཱིཏི? ན ཧེཝཾ ཝཏྟབྦེ…པེ….

སརཱགཾ སདོསཾ སམོཧཾ ཙིཏྟཾ ཝིམུཙྩཏཱིཏི? ཨཱམནྟཱ. ཝཱིཏརཱགཾ ཝཱིཏདོསཾ ཝཱིཏམོཧཾ ནིཀྐིལེསཾ ཙིཏྟཾ ཝིམུཙྩཏཱིཏི? ན ཧེཝཾ ཝཏྟབྦེ…པེ… ཏེན ཧི ན ཝཏྟབྦཾ – ‘‘སརཱགཾ སདོསཾ སམོཧཾ ཙིཏྟཾ ཝིམུཙྩཏཱི’’ཏི.

ཝིམུཏྟིཀཐཱ ནིཊྛིཏཱ.

༣. ཏཏིཡཝགྒོ

(༢༤) ༤. ཝིམུཙྩམཱནཀཐཱ

༣༦༦. ཝིམུཏྟཾ ¶ ཝིམུཙྩམཱནནྟི? ཨཱམནྟཱ. ཨེཀདེསཾ ཝིམུཏྟཾ, ཨེཀདེསཾ ཨཝིམུཏྟནྟི? ན ཧེཝཾ ཝཏྟབྦེ…པེ….

ཨེཀདེསཾ ཝིམུཏྟཾ, ཨེཀདེསཾ ཨཝིམུཏྟནྟི? ཨཱམནྟཱ. ཨེཀདེསཾ སོཏཱཔནྣོ, ཨེཀདེསཾ ན སོཏཱཔནྣོ, ཨེཀདེསཾ སོཏཱཔཏྟིཕལཔྤཏྟོ པཊིལདྡྷོ ཨདྷིགཏོ སཙྪིཀཏོ ཨུཔསམྤཛྫ ཝིཧརཏི, ཀཱཡེན ཕུསིཏྭཱ ཝིཧརཏི, ཨེཀདེསཾ ན ཀཱཡེན ཕུསིཏྭཱ ཝིཧརཏི, ཨེཀདེསཾ སཏྟཀྑཏྟུཔརམོ ཀོལངྐོལོ ཨེཀབཱིཛཱི བུདྡྷེ ཨཝེཙྩཔྤསཱདེན སམནྣཱགཏོ དྷམྨེ…པེ… སངྒྷེ…པེ… ཨརིཡཀནྟེཧི སཱིལེཧི སམནྣཱགཏོ, ཨེཀདེསཾ ཨརིཡཀནྟེཧི སཱིལེཧི ན སམནྣཱགཏོཏི? ན ཧེཝཾ ཝཏྟབྦེ…པེ….

ཨེཀདེསཾ ¶ ཝིམུཏྟཾ, ཨེཀདེསཾ ཨཝིམུཏྟནྟི? ཨཱམནྟཱ ¶ . ཨེཀདེསཾ སཀདཱགཱམཱི, ཨེཀདེསཾ ན སཀདཱགཱམཱི, ཨེཀདེསཾ སཀདཱགཱམིཕལཔྤཏྟོ པཊིལདྡྷོ ཨདྷིགཏོ སཙྪིཀཏོ ཨུཔསམྤཛྫ ཝིཧརཏི, ཀཱཡེན ཕུསིཏྭཱ ཝིཧརཏི, ཨེཀདེསཾ ན ཀཱཡེན ཕུསིཏྭཱ ཝིཧརཏཱིཏི? ན ཧེཝཾ ཝཏྟབྦེ…པེ….

ཨེཀདེསཾ ¶ ཝིམུཏྟཾ, ཨེཀདེསཾ ཨཝིམུཏྟནྟི? ཨཱམནྟཱ. ཨེཀདེསཾ ཨནཱགཱམཱི, ཨེཀདེསཾ ན ཨནཱགཱམཱི, ཨེཀདེསཾ ཨནཱགཱམིཕལཔྤཏྟོ པཊིལདྡྷོ ཨདྷིགཏོ སཙྪིཀཏོ ཨུཔསམྤཛྫ ཝིཧརཏི, ཀཱཡེན ཕུསིཏྭཱ ཝིཧརཏི, ཨེཀདེསཾ ན ཀཱཡེན ཕུསིཏྭཱ ཝིཧརཏི, ཨེཀདེསཾ ཨནྟརཱཔརིནིབྦཱཡཱི ¶ , ཨུཔཧཙྩཔརིནིབྦཱཡཱི, ཨསངྑཱརཔརིནིབྦཱཡཱི, སསངྑཱརཔརིནིབྦཱཡཱི, ཨུདྡྷཾསོཏོཨཀནིཊྛགཱམཱི, ཨེཀདེསཾ ན ཨུདྡྷཾསོཏོཨཀནིཊྛགཱམཱིཏི? ན ཧེཝཾ ཝཏྟབྦེ…པེ….

ཨེཀདེསཾ ཝིམུཏྟཾ, ཨེཀདེསཾ ཨཝིམུཏྟནྟི? ཨཱམནྟཱ. ཨེཀདེསཾ ཨརཧཱ ཨེཀདེསཾ ན ཨརཧཱ, ཨེཀདེསཾ ཨརཧཏྟཔྤཏྟོ པཊིལདྡྷོ ཨདྷིགཏོ སཙྪིཀཏོ ཨུཔསམྤཛྫ ཝིཧརཏི, ཀཱཡེན ཕུསིཏྭཱ ཝིཧརཏི, ཨེཀདེསཾ ན ཀཱཡེན ཕུསིཏྭཱ ཝིཧརཏི, ཨེཀདེསཾ ཝཱིཏརཱགོ ཝཱིཏདོསོ ཝཱིཏམོཧོ…པེ… ཨེཀདེསཾ སཙྪིཀཱཏབྦཾ སཙྪིཀཏཾ, ཨེཀདེསཾ སཙྪིཀཱཏབྦཾ ན སཙྪིཀཏནྟི? ན ཧེཝཾ ཝཏྟབྦེ…པེ….

ཝིམུཏྟཾ ཝིམུཙྩམཱནནྟི? ཨཱམནྟཱ. ཨུཔྤཱདཀྑཎེ ཝིམུཏྟཾ, བྷངྒཀྑཎེ ཝིམུཙྩམཱནནྟི? ན ཧེཝཾ ཝཏྟབྦེ…པེ….

༣༦༧. ན ཝཏྟབྦཾ – ‘‘ཝིམུཏྟཾ ཝིམུཙྩམཱན’’ནྟི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཏསྶ ཨེཝཾ ཛཱནཏོ ཨེཝཾ པསྶཏོ ཀཱམཱསཝཱཔི ཙིཏྟཾ ཝིམུཙྩཏི, བྷཝཱསཝཱཔི ཙིཏྟཾ ཝིམུཙྩཏི, ཨཝིཛྫཱསཝཱཔི ཙིཏྟཾ ཝིམུཙྩཏཱི’’ཏི [དཱི. ནི. ༡.༢༤༨ ཨཱདཡོ]! ཨཏྠེཝ སུཏྟནྟོཏི? ཨཱམནྟཱ ¶ . ཏེན ཧི ཝཏྟབྦཾ [ཏེན ཧི (སཱི. སྱཱ. ཀཾ.), ཏེན ཧི ན ཝཏྟབྦཾ (ཀ.)] – ‘‘ཝིམུཏྟཾ ཝིམུཙྩམཱན’’ནྟི.

ཝིམུཏྟཾ ཝིམུཙྩམཱནནྟི? ཨཱམནྟཱ. ནནུ ཝུཏྟཾ བྷགཝཏཱ – ‘‘སོ ཨེཝཾ སམཱཧིཏེ ཙིཏྟེ པརིསུདྡྷེ པརིཡོདཱཏེ ཨནངྒཎེ ཝིགཏཱུཔཀྐིལེསེ མུདུབྷཱུཏེ ཀམྨནིཡེ ཋིཏེ ཨཱནེཉྫཔྤཏྟེ ཨཱསཝཱནཾ ¶ ཁཡཉཱཎཱཡ ཙིཏྟཾ ཨབྷིནིནྣཱམེཏཱི’’ཏི! ཨཏྠེཝ སུཏྟནྟོཏི? ཨཱམནྟཱ. ཏེན ¶ ཧི ན ཝཏྟབྦཾ – ‘‘ཝིམུཏྟཾ ཝིམུཙྩམཱན’’ནྟི.

ཨཏྠི ཙིཏྟཾ ཝིམུཙྩམཱནནྟི? ཨཱམནྟཱ. ཨཏྠི ཙིཏྟཾ རཛྫམཱནཾ དུསྶམཱནཾ མུཡ྄ཧམཱནཾ ཀིལིསྶམཱནནྟི? ན ཧེཝཾ ཝཏྟབྦེ…པེ… ནནུ རཏྟཉྩེཝ ཨརཏྟཉྩ, དུཊྛཉྩེཝ ཨདུཊྛཉྩ, མཱུལ༹ྷཉྩེཝ ཨམཱུལ༹ྷཉྩ, ཚིནྣཉྩེཝ ཨཚིནྣཉྩ, བྷིནྣཉྩེཝ ཨབྷིནྣཉྩ, ཀཏཉྩེཝ ཨཀཏཉྩཱཏི ¶ ? ཨཱམནྟཱ. ཧཉྩི རཏྟཉྩེཝ ཨརཏྟཉྩ, དུཊྛཉྩེཝ ཨདུཊྛཉྩ, མཱུལ༹ྷཉྩེཝ ཨམཱུལ༹ྷཉྩ, ཚིནྣཉྩེཝ ཨཚིནྣཉྩ, བྷིནྣཉྩེཝ ཨབྷིནྣཉྩ, ཀཏཉྩེཝ ཨཀཏཉྩ, ནོ ཙ ཝཏ རེ ཝཏྟབྦེ – ‘‘ཨཏྠི ཙིཏྟཾ ཝིམུཙྩམཱན’’ནྟི.

ཝིམུཙྩམཱནཀཐཱ ནིཊྛིཏཱ.

༣. ཏཏིཡཝགྒོ

(༢༥) ༥. ཨཊྛམཀཀཐཱ

༣༦༨. ཨཊྛམཀསྶ པུགྒལསྶ དིཊྛིཔརིཡུཊྛཱནཾ པཧཱིནནྟི? ཨཱམནྟཱ. ཨཊྛམཀོ པུགྒལོ སོཏཱཔནྣོ སོཏཱཔཏྟིཕལཔྤཏྟོ པཊིལདྡྷོ ཨདྷིགཏོ སཙྪིཀཏོ ཨུཔསམྤཛྫ ཝིཧརཏི, ཀཱཡེན ཕུསིཏྭཱ ཝིཧརཏཱིཏི? ན ཧེཝཾ ཝཏྟབྦེ…པེ….

ཨཊྛམཀསྶ པུགྒལསྶ ཝིཙིཀིཙྪཱཔརིཡུཊྛཱནཾ པཧཱིནནྟི? ཨཱམནྟཱ. ཨཊྛམཀོ ¶ པུགྒལོ སོཏཱཔནྣོ སོཏཱཔཏྟིཕལཔྤཏྟོ…པེ… ཀཱཡེན ཕུསིཏྭཱ ཝིཧརཏཱིཏི? ན ཧེཝཾ ཝཏྟབྦེ…པེ….

ཨཊྛམཀསྶ ¶ པུགྒལསྶ དིཊྛིཔརིཡུཊྛཱནཾ པཧཱིནནྟི? ཨཱམནྟཱ. ཨཊྛམཀསྶ པུགྒལསྶ དིཊྛཱནུསཡོ པཧཱིནོཏི? ན ཧེཝཾ ཝཏྟབྦེ…པེ… ཨཊྛམཀསྶ པུགྒལསྶ དིཊྛིཔརིཡུཊྛཱནཾ པཧཱིནནྟི ¶ ? ཨཱམནྟཱ. ཨཊྛམཀསྶ པུགྒལསྶ ཝིཙིཀིཙྪཱནུསཡོ… སཱིལབྦཏཔརཱམཱསོ པཧཱིནོཏི? ན ཧེཝཾ ཝཏྟབྦེ…པེ….

ཨཊྛམཀསྶ པུགྒལསྶ ཝིཙིཀིཙྪཱཔརིཡུཊྛཱནཾ པཧཱིནནྟི? ཨཱམནྟཱ. ཨཊྛམཀསྶ པུགྒལསྶ ཝིཙིཀིཙྪཱནུསཡོ པཧཱིནོཏི? ན ཧེཝཾ ཝཏྟབྦེ…པེ… ཨཊྛམཀསྶ པུགྒལསྶ ཝིཙིཀིཙྪཱཔརིཡུཊྛཱནཾ པཧཱིནནྟི? ཨཱམནྟཱ. ཨཊྛམཀསྶ པུགྒལསྶ དིཊྛཱནུསཡོ… སཱིལབྦཏཔརཱམཱསོ པཧཱིནོཏི? ན ཧེཝཾ ཝཏྟབྦེ…པེ….

ཨཊྛམཀསྶ པུགྒལསྶ དིཊྛཱནུསཡོ ཨཔྤཧཱིནོཏི? ཨཱམནྟཱ. ཨཊྛམཀསྶ པུགྒལསྶ དིཊྛིཔརིཡུཊྛཱནཾ ཨཔྤཧཱིནནྟི? ན ཧེཝཾ ཝཏྟབྦེ…པེ… ཨཊྛམཀསྶ པུགྒལསྶ དིཊྛཱནུསཡོ ཨཔྤཧཱིནོཏི? ཨཱམནྟཱ. ཨཊྛམཀསྶ པུགྒལསྶ ཝིཙིཀིཙྪཱཔརིཡུཊྛཱནཾ ཨཔྤཧཱིནནྟི? ན ཧེཝཾ ཝཏྟབྦེ…པེ….

ཨཊྛམཀསྶ ¶ པུགྒལསྶ ཝིཙིཀིཙྪཱནུསཡོ… སཱིལབྦཏཔརཱམཱསོ ཨཔྤཧཱིནོཏི? ཨཱམནྟཱ. ཨཊྛམཀསྶ ¶ པུགྒལསྶ དིཊྛིཔརིཡུཊྛཱནཾ ཨཔྤཧཱིནནྟི? ན ཧེཝཾ ཝཏྟབྦེ…པེ… ཨཊྛམཀསྶ པུགྒལསྶ སཱིལབྦཏཔརཱམཱསོ ཨཔྤཧཱིནོཏི? ཨཱམནྟཱ. ཨཊྛམཀསྶ པུགྒལསྶ ཝིཙིཀིཙྪཱཔརིཡུཊྛཱནཾ ཨཔྤཧཱིནནྟི? ན ཧེཝཾ ཝཏྟབྦེ…པེ….

༣༦༩. ཨཊྛམཀསྶ ¶ པུགྒལསྶ དིཊྛིཔརིཡུཊྛཱནཾ པཧཱིནནྟི? ཨཱམནྟཱ. ཨཊྛམཀསྶ པུགྒལསྶ དིཊྛིཔརིཡུཊྛཱནཔཧཱནཱཡ མགྒོ བྷཱཝིཏོཏི? ན ཧེཝཾ ཝཏྟབྦེ…པེ… ཨཊྛམཀསྶ པུགྒལསྶ དིཊྛིཔརིཡུཊྛཱནཾ པཧཱིནནྟི? ཨཱམནྟཱ. ཨཊྛམཀསྶ པུགྒལསྶ དིཊྛིཔརིཡུཊྛཱནཔཧཱནཱཡ སཏིཔཊྛཱནཱ བྷཱཝིཏཱ…པེ… སམྨཔྤདྷཱནཱ…པེ… བོཛ྄ཛྷངྒཱ བྷཱཝིཏཱཏི? ན ཧེཝཾ ཝཏྟབྦེ.

ཨཊྛམཀསྶ པུགྒལསྶ ཝིཙིཀིཙྪཱཔརིཡུཊྛཱནཾ པཧཱིནནྟི? ཨཱམནྟཱ. ཨཊྛམཀསྶ པུགྒལསྶ ཝིཙིཀིཙྪཱཔརིཡུཊྛཱནཔཧཱནཱཡ མགྒོ བྷཱཝིཏོ…པེ… བོཛ྄ཛྷངྒཱ བྷཱཝིཏཱཏི? ན ཧེཝཾ ཝཏྟབྦེ…པེ….

ཨཊྛམཀསྶ ¶ པུགྒལསྶ དིཊྛིཔརིཡུཊྛཱནཔཧཱནཱཡ མགྒོ ཨབྷཱཝིཏོཏི? ཨཱམནྟཱ. ཨམགྒེན པཧཱིནཾ ལོཀིཡེན སཱསཝེན…པེ… སཾཀིལེསིཡེནཱཏི? ན ཧེཝཾ ཝཏྟབྦེ…པེ… ཨཊྛམཀསྶ པུགྒལསྶ དིཊྛིཔརིཡུཊྛཱནཔཧཱནཱཡ སཏིཔཊྛཱནཱ…པེ… བོཛ྄ཛྷངྒཱ ཨབྷཱཝིཏཱཏི? ཨཱམནྟཱ. ཨམགྒེན པཧཱིནཾ ལོཀིཡེན སཱསཝེན…པེ… སཾཀིལེསིཡེནཱཏི? ན ¶ ཧེཝཾ ཝཏྟབྦེ…པེ….

ཨཊྛམཀསྶ པུགྒལསྶ ཝིཙིཀིཙྪཱཔརིཡུཊྛཱནཔཧཱནཱཡ མགྒོ ཨབྷཱཝིཏོ…པེ… སཏིཔཊྛཱནཱ…པེ… བོཛ྄ཛྷངྒཱ ཨབྷཱཝིཏཱཏི? ཨཱམནྟཱ. ཨམགྒེན པཧཱིནཾ ལོཀིཡེན སཱསཝེན…པེ… སཾཀིལེསིཡེནཱཏི? ན ཧེཝཾ ཝཏྟབྦེ…པེ….

༣༧༠. ན ¶ ཝཏྟབྦཾ – ‘‘ཨཊྛམཀསྶ པུགྒལསྶ དིཊྛིཔརིཡུཊྛཱནཾ པཧཱིན’’ནྟི? ཨཱམནྟཱ. ཨུཔྤཛྫིསྶཏཱིཏི? ནུཔྤཛྫིསྶཏི. ཧཉྩི ནུཔྤཛྫིསྶཏི, ཏེན ཝཏ རེ ཝཏྟབྦེ – ‘‘ཨཊྛམཀསྶ པུགྒལསྶ དིཊྛིཔརིཡུཊྛཱནཾ པཧཱིན’’ནྟི.

ན ཝཏྟབྦཾ – ‘‘ཨཊྛམཀསྶ པུགྒལསྶ ཝིཙིཀིཙྪཱཔརིཡུཊྛཱནཾ པཧཱིན’’ནྟི? ཨཱམནྟཱ. ཨུཔྤཛྫིསྶཏཱིཏི? ནུཔྤཛྫིསྶཏི. ཧཉྩི ནུཔྤཛྫིསྶཏི, ཏེན ཝཏ རེ ཝཏྟབྦེ – ‘‘ཨཊྛམཀསྶ པུགྒལསྶ ཝིཙིཀིཙྪཱཔརིཡུཊྛཱནཾ པཧཱིན’’ནྟི.

ཨཊྛམཀསྶ ¶ པུགྒལསྶ དིཊྛིཔརིཡུཊྛཱནཾ ནུཔྤཛྫིསྶཏཱིཏི ཀཏྭཱ པཧཱིནནྟི? ཨཱམནྟཱ. ཨཊྛམཀསྶ པུགྒལསྶ དིཊྛཱནུསཡོ ནུཔྤཛྫིསྶཏཱིཏི ཀཏྭཱ པཧཱིནོཏི? ན ཧེཝཾ ཝཏྟབྦེ…པེ….

ཨཊྛམཀསྶ པུགྒལསྶ དིཊྛིཔརིཡུཊྛཱནཾ ནུཔྤཛྫིསྶཏཱིཏི ཀཏྭཱ པཧཱིནནྟི? ཨཱམནྟཱ. ཨཊྛམཀསྶ པུགྒལསྶ ཝིཙིཀིཙྪཱནུསཡོ… སཱིལབྦཏཔརཱམཱསོ ནུཔྤཛྫིསྶཏཱིཏི ཀཏྭཱ པཧཱིནོཏི? ན ཧེཝཾ ཝཏྟབྦེ…པེ….

ཨཊྛམཀསྶ པུགྒལསྶ ཝིཙིཀིཙྪཱཔརིཡུཊྛཱནཾ ནུཔྤཛྫིསྶཏཱིཏི ཀཏྭཱ པཧཱིནནྟི? ཨཱམནྟཱ ¶ . ཨཊྛམཀསྶ པུགྒལསྶ ཝིཙིཀིཙྪཱནུསཡོ… སཱིལབྦཏཔརཱམཱསོ ནུཔྤཛྫིསྶཏཱིཏི ཀཏྭཱ པཧཱིནོཏི? ན ¶ ཧེཝཾ ཝཏྟབྦེ…པེ….

ཨཊྛམཀསྶ པུགྒལསྶ དིཊྛིཔརིཡུཊྛཱནཾ ནུཔྤཛྫིསྶཏཱིཏི ཀཏྭཱ ¶ པཧཱིནནྟི? ཨཱམནྟཱ. གོཏྲབྷུནོ པུགྒལསྶ དིཊྛིཔརིཡུཊྛཱནཾ ནུཔྤཛྫིསྶཏཱིཏི ཀཏྭཱ པཧཱིནནྟི? ན ཧེཝཾ ཝཏྟབྦེ…པེ… ཨཊྛམཀསྶ པུགྒལསྶ ཝིཙིཀིཙྪཱཔརིཡུཊྛཱནཾ ནུཔྤཛྫིསྶཏཱིཏི ཀཏྭཱ པཧཱིནནྟི? ཨཱམནྟཱ. གོཏྲབྷུནོ པུགྒལསྶ ཝིཙིཀིཙྪཱཔརིཡུཊྛཱནཾ ནུཔྤཛྫིསྶཏཱིཏི ཀཏྭཱ པཧཱིནནྟི? ན ཧེཝཾ ཝཏྟབྦེ…པེ….

ཨཊྛམཀཀཐཱ ནིཊྛིཏཱ.

༣. ཏཏིཡཝགྒོ

(༢༦) ༦. ཨཊྛམཀསྶཨིནྡྲིཡཀཐཱ

༣༧༡. ཨཊྛམཀསྶ པུགྒལསྶ ནཏྠི སདྡྷིནྡྲིཡནྟི? ཨཱམནྟཱ. ཨཊྛམཀསྶ པུགྒལསྶ ནཏྠི སདྡྷཱཏི? ན ཧེཝཾ ཝཏྟབྦེ. ཨཊྛམཀསྶ པུགྒལསྶ ནཏྠི ཝཱིརིཡིནྡྲིཡཾ…པེ… ནཏྠི སཏིནྡྲིཡཾ…པེ… ནཏྠི སམཱདྷིནྡྲིཡཾ…པེ… ནཏྠི པཉྙིནྡྲིཡནྟི? ཨཱམནྟཱ. ཨཊྛམཀསྶ པུགྒལསྶ ནཏྠི པཉྙཱཏི? ན ཧེཝཾ ཝཏྟབྦེ…པེ….

ཨཊྛམཀསྶ པུགྒལསྶ ཨཏྠི སདྡྷཱཏི? ཨཱམནྟཱ. ཨཊྛམཀསྶ པུགྒལསྶ ཨཏྠི སདྡྷིནྡྲིཡནྟི? ན ཧེཝཾ ཝཏྟབྦེ…པེ… ཨཊྛམཀསྶ པུགྒལསྶ ཨཏྠི ཝཱིརིཡཾ…པེ… ཨཏྠི སཏི… ཨཏྠི སམཱདྷི… ཨཏྠི པཉྙཱཏི? ཨཱམནྟཱ. ཨཊྛམཀསྶ པུགྒལསྶ ¶ ཨཏྠི པཉྙིནྡྲིཡནྟི? ན ¶ ཧེཝཾ ཝཏྟབྦེ…པེ….

ཨཊྛམཀསྶ པུགྒལསྶ ཨཏྠི མནོ, ཨཏྠི མནིནྡྲིཡནྟི? ཨཱམནྟཱ. ཨཊྛམཀསྶ པུགྒལསྶ ¶ ཨཏྠི སདྡྷཱ, ཨཏྠི སདྡྷིནྡྲིཡནྟི? ན ཧེཝཾ ཝཏྟབྦེ…པེ… ཨཊྛམཀསྶ ¶ པུགྒལསྶ ཨཏྠི མནོ, ཨཏྠི མནིནྡྲིཡནྟི? ཨཱམནྟཱ. ཨཊྛམཀསྶ པུགྒལསྶ ཨཏྠི པཉྙཱ, ཨཏྠི པཉྙིནྡྲིཡནྟི? ན ཧེཝཾ ཝཏྟབྦེ…པེ….

ཨཊྛམཀསྶ པུགྒལསྶ ཨཏྠི སོམནསྶཾ, ཨཏྠི སོམནསྶིནྡྲིཡཾ, ཨཏྠི ཛཱིཝིཏཾ, ཨཏྠི ཛཱིཝིཏིནྡྲིཡནྟི? ཨཱམནྟཱ. ཨཊྛམཀསྶ པུགྒལསྶ ཨཏྠི སདྡྷཱ, ཨཏྠི སདྡྷིནྡྲིཡནྟི? ན ཧེཝཾ ཝཏྟབྦེ…པེ… ཨཊྛམཀསྶ པུགྒལསྶ ཨཏྠི ཛཱིཝིཏཾ, ཨཏྠི ཛཱིཝིཏིནྡྲིཡནྟི? ཨཱམནྟཱ. ཨཊྛམཀསྶ པུགྒལསྶ…པེ… ཨཏྠི པཉྙཱ, ཨཏྠི པཉྙིནྡྲིཡནྟི? ན ཧེཝཾ ཝཏྟབྦེ…པེ….

ཨཊྛམཀསྶ པུགྒལསྶ ཨཏྠི སདྡྷཱ, ནཏྠི སདྡྷིནྡྲིཡནྟི? ཨཱམནྟཱ. ཨཊྛམཀསྶ པུགྒལསྶ ཨཏྠི མནོ, ནཏྠི མནིནྡྲིཡནྟི? ན ཧེཝཾ ཝཏྟབྦེ…པེ….

ཨཊྛམཀསྶ པུགྒལསྶ ཨཏྠི སདྡྷཱ, ནཏྠི སདྡྷིནྡྲིཡནྟི? ཨཱམནྟཱ. ཨཊྛམཀསྶ པུགྒལསྶ ཨཏྠི སོམནསྶཾ, ནཏྠི སོམནསྶིནྡྲིཡནྟི…པེ… ཨཏྠི ཛཱིཝིཏཾ, ནཏྠི ཛཱིཝིཏིནྡྲིཡནྟི? ན ¶ ཧེཝཾ ཝཏྟབྦེ…པེ… ཨཊྛམཀསྶ ¶ པུགྒལསྶ ཨཏྠི པཉྙཱ, ནཏྠི པཉྙིནྡྲིཡནྟི? ཨཱམནྟཱ. ཨཊྛམཀསྶ པུགྒལསྶ ཨཏྠི མནོ, ནཏྠི མནིནྡྲིཡནྟི? ཨཏྠི སོམནསྶཾ, ནཏྠི སོམནསྶིནྡྲིཡནྟི? ཨཏྠི ཛཱིཝིཏཾ, ནཏྠི ཛཱིཝིཏིནྡྲིཡནྟི? ན ཧེཝཾ ཝཏྟབྦེ…པེ….

ཨཊྛམཀསྶ པུགྒལསྶ ནཏྠི སདྡྷིནྡྲིཡནྟི? ཨཱམནྟཱ. ཨཊྛམཀོ པུགྒལོ ཨསྶདྡྷོཏི? ན ཧེཝཾ ཝཏྟབྦེ…པེ… ཨཊྛམཀསྶ པུགྒལསྶ ནཏྠི ཝཱིརིཡིནྡྲིཡནྟི? ཨཱམནྟཱ. ཨཊྛམཀོ པུགྒལོ ཀུསཱིཏོ ཧཱིནཝཱིརིཡོཏི? ན ཧེཝཾ ཝཏྟབྦེ…པེ… ཨཊྛམཀསྶ པུགྒལསྶ ནཏྠི སཏིནྡྲིཡནྟི? ཨཱམནྟཱ. ཨཊྛམཀོ པུགྒལོ མུཊྛསྶཏི ཨསམྤཛཱནོཏི? ན ཧེཝཾ ཝཏྟབྦེ…པེ… ཨཊྛམཀསྶ པུགྒལསྶ ནཏྠི སམཱདྷིནྡྲིཡནྟི? ཨཱམནྟཱ. ཨཊྛམཀོ པུགྒལོ ཨསམཱཧིཏོ ཝིབྦྷནྟཙིཏྟོཏི? ན ཧེཝཾ ཝཏྟབྦེ…པེ… ཨཊྛམཀསྶ པུགྒལསྶ ནཏྠི པཉྙིནྡྲིཡནྟི? ཨཱམནྟཱ. ཨཊྛམཀོ པུགྒལོ དུཔྤཉྙོ ཨེལམཱུགོཏི? ན ཧེཝཾ ཝཏྟབྦེ…པེ….

ཨཊྛམཀསྶ ¶ པུགྒལསྶ ཨཏྠི སདྡྷཱ, སཱ ཙ སདྡྷཱ ནིཡྻཱནིཀཱཏི? ཨཱམནྟཱ. ཧཉྩི ཨཊྛམཀསྶ པུགྒལསྶ ཨཏྠི སདྡྷཱ, སཱ ཙ སདྡྷཱ ནིཡྻཱནིཀཱ, ནོ ཙ ཝཏ རེ ཝཏྟབྦེ – ‘‘ཨཊྛམཀསྶ པུགྒལསྶ ནཏྠི སདྡྷིནྡྲིཡ’’ནྟི. ཨཊྛམཀསྶ པུགྒལསྶ ཨཏྠི ཝཱིརིཡཾ, ཏཉྩ ཝཱིརིཡཾ ནིཡྻཱནིཀཾ; ཨཏྠི སཏི, སཱ ཙ སཏི ནིཡྻཱནིཀཱ; ཨཏྠི ¶ སམཱདྷི, སོ ཙ སམཱདྷི ནིཡྻཱནིཀོ; ཨཏྠི པཉྙཱ, སཱ ཙ པཉྙཱ ནིཡྻཱནིཀཱཏི? ཨཱམནྟཱ ¶ . ཧཉྩི ཨཊྛམཀསྶ པུགྒལསྶ ¶ ཨཏྠི པཉྙཱ, སཱ ཙ པཉྙཱ ནིཡྻཱནིཀཱ, ནོ ཙ ཝཏ རེ ཝཏྟབྦེ – ‘‘ཨཊྛམཀསྶ པུགྒལསྶ ནཏྠི པཉྙིནྡྲིཡ’’ནྟི.

༣༧༢. སཀདཱགཱམིཕལསཙྪིཀིརིཡཱཡ པཊིཔནྣསྶ པུགྒལསྶ ཨཏྠི སདྡྷཱ, ཨཏྠི སདྡྷིནྡྲིཡནྟི? ཨཱམནྟཱ. ཨཊྛམཀསྶ པུགྒལསྶ ཨཏྠི སདྡྷཱ, ཨཏྠི སདྡྷིནྡྲིཡནྟི? ན ཧེཝཾ ཝཏྟབྦེ…པེ… སཀདཱགཱམིཕལསཙྪིཀིརིཡཱཡ པཊིཔནྣསྶ པུགྒལསྶ ཨཏྠི པཉྙཱ, ཨཏྠི པཉྙིནྡྲིཡནྟི? ཨཱམནྟཱ. ཨཊྛམཀསྶ པུགྒལསྶ ཨཏྠི པཉྙཱ, ཨཏྠི པཉྙིནྡྲིཡནྟི? ན ཧེཝཾ ཝཏྟབྦེ…པེ….

ཨནཱགཱམིཕལསཙྪིཀིརིཡཱཡ པཊིཔནྣསྶ པུགྒལསྶ… ཨརཧཏྟསཙྪིཀིརིཡཱཡ པཊིཔནྣསྶ པུགྒལསྶ ཨཏྠི སདྡྷཱ, ཨཏྠི སདྡྷིནྡྲིཡཾ…པེ… ཨཏྠི པཉྙཱ, ཨཏྠི པཉྙིནྡྲིཡནྟི? ཨཱམནྟཱ. ཨཊྛམཀསྶ པུགྒལསྶ ཨཏྠི པཉྙཱ, ཨཏྠི པཉྙིནྡྲིཡནྟི? ན ཧེཝཾ ཝཏྟབྦེ…པེ….

ཨཊྛམཀསྶ པུགྒལསྶ ཨཏྠི སདྡྷཱ, ནཏྠི སདྡྷིནྡྲིཡནྟི? ཨཱམནྟཱ. སཀདཱགཱམིཕལསཙྪིཀིརིཡཱཡ པཊིཔནྣསྶ པུགྒལསྶ ཨཏྠི སདྡྷཱ, ནཏྠི སདྡྷིནྡྲིཡནྟི? ན ཧེཝཾ ཝཏྟབྦེ…པེ… ཨཊྛམཀསྶ པུགྒལསྶ ཨཏྠི པཉྙཱ, ནཏྠི པཉྙིནྡྲིཡནྟི? ཨཱམནྟཱ. སཀདཱགཱམིཕལསཙྪིཀིརིཡཱཡ པཊིཔནྣསྶ པུགྒལསྶ ¶ ཨཏྠི པཉྙཱ, ནཏྠི པཉྙིནྡྲིཡནྟི? ན ཧེཝཾ ཝཏྟབྦེ…པེ….

ཨཊྛམཀསྶ པུགྒལསྶ ཨཏྠི སདྡྷཱ, ནཏྠི སདྡྷིནྡྲིཡནྟི…པེ… ཨཏྠི པཉྙཱ, ནཏྠི པཉྙིནྡྲིཡནྟི? ཨཱམནྟཱ ¶ . ཨནཱགཱམིཕལསཙྪིཀིརིཡཱཡ པཊིཔནྣསྶ པུགྒལསྶ… ཨརཧཏྟསཙྪིཀིརིཡཱཡ ¶ པཊིཔནྣསྶ པུགྒལསྶ ཨཏྠི པཉྙཱ, ནཏྠི པཉྙིནྡྲིཡནྟི? ན ཧེཝཾ ཝཏྟབྦེ…པེ….

ཨཊྛམཀསྶ པུགྒལསྶ ནཏྠི པཉྩིནྡྲིཡཱནཱིཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘པཉྩིམཱནི, བྷིཀྑཝེ, ཨིནྡྲིཡཱནི! ཀཏམཱནི པཉྩ? སདྡྷིནྡྲིཡཾ, ཝཱིརིཡིནྡྲིཡཾ, སཏིནྡྲིཡཾ, སམཱདྷིནྡྲིཡཾ, པཉྙིནྡྲིཡཾ – ཨིམཱནི ཁོ, བྷིཀྑཝེ, པཉྩིནྡྲིཡཱནི. ཨིམེསཾ ཁོ, བྷིཀྑཝེ, པཉྩནྣཾ ཨིནྡྲིཡཱནཾ སམཏྟཱ པརིཔཱུརཏྟཱ ཨརཧཱ ཧོཏི. ཏཏོ མུདུཏརེཧི ཨརཧཏྟསཙྪིཀིརིཡཱཡ པཊིཔནྣོ ཧོཏི, ཏཏོ མུདུཏརེཧི ཨནཱགཱམཱི ཧོཏི, ཏཏོ མུདུཏརེཧི ཨནཱགཱམིཕལསཙྪིཀིརིཡཱཡ པཊིཔནྣོ ཧོཏི, ཏཏོ མུདུཏརེཧི སཀདཱགཱམཱི ཧོཏི, ཏཏོ མུདུཏརེཧི སཀདཱགཱམིཕལསཙྪིཀིརིཡཱཡ པཊིཔནྣོ ཧོཏི, ཏཏོ མུདུཏརེཧི སོཏཱཔནྣོ ཧོཏི, ཏཏོ མུདུཏརེཧི སོཏཱཔཏྟིཕལསཙྪིཀིརིཡཱཡ པཊིཔནྣོ ཧོཏི. ཡསྶ ཁོ, བྷིཀྑཝེ, ཨིམཱནི ¶ པཉྩིནྡྲིཡཱནི སབྦེན སབྦཾ སབྦཐཱ སབྦཾ ནཏྠི, ཏམཧཾ ‘བཱཧིརོ པུཐུཛྫནཔཀྑེ ཋིཏོ’ཏི ཝདཱམཱི’’ཏི [སཾ. ནི. ༥.༤༨༨]. ཨཏྠེཝ སུཏྟནྟོཏི? ཨཱམནྟཱ. ཨཊྛམཀོ ¶ པུགྒལོ བཱཧིརོ པུཐུཛྫནཔཀྑེ ཋིཏོཏི? ན ཧེཝཾ ཝཏྟབྦེ…པེ… ཏེན ཧི ཨཊྛམཀསྶ པུགྒལསྶ ཨཏྠི པཉྩིནྡྲིཡཱནཱིཏི.

ཨཊྛམཀསྶ ཨིནྡྲིཡཀཐཱ ནིཊྛིཏཱ.

༣. ཏཏིཡཝགྒོ

(༢༧) ༧. དིབྦཙཀྑུཀཐཱ

༣༧༣. མཾསཙཀྑུཾ དྷམྨུཔཏྠདྡྷཾ དིབྦཙཀྑུཾ ཧོཏཱིཏི? ཨཱམནྟཱ. མཾསཙཀྑུཾ དིབྦཙཀྑུཾ, དིབྦཙཀྑུཾ མཾསཙཀྑུནྟི? ན ¶ ཧེཝཾ ཝཏྟབྦེ…པེ….

མཾསཙཀྑུཾ དྷམྨུཔཏྠདྡྷཾ དིབྦཙཀྑུཾ ཧོཏཱིཏི? ཨཱམནྟཱ. ཡཱདིསཾ མཾསཙཀྑུཾ ཏཱདིསཾ དིབྦཙཀྑུཾ, ཡཱདིསཾ དིབྦཙཀྑུཾ ཏཱདིསཾ མཾསཙཀྑུནྟི? ན ཧེཝཾ ཝཏྟབྦེ…པེ….

མཾསཙཀྑུཾ ¶ དྷམྨུཔཏྠདྡྷཾ དིབྦཙཀྑུཾ ཧོཏཱིཏི? ཨཱམནྟཱ. ཏཉྙེཝ མཾསཙཀྑུཾ ཏཾ དིབྦཙཀྑུཾ, ཏཾ དིབྦཙཀྑུཾ ཏཾ མཾསཙཀྑུནྟི? ན ཧེཝཾ ཝཏྟབྦེ…པེ….

མཾསཙཀྑུཾ དྷམྨུཔཏྠདྡྷཾ དིབྦཙཀྑུཾ ཧོཏཱིཏི? ཨཱམནྟཱ. ཡཱདིསོ མཾསཙཀྑུསྶ ཝིསཡོ ཨཱནུབྷཱཝོ གོཙརོ ཏཱདིསོ དིབྦསྶ ཙཀྑུསྶ ཝིསཡོ ཨཱནུབྷཱཝོ གོཙརོཏི? ན ཧེཝཾ ཝཏྟབྦེ…པེ….

མཾསཙཀྑུཾ དྷམྨུཔཏྠདྡྷཾ དིབྦཙཀྑུཾ ཧོཏཱིཏི? ཨཱམནྟཱ. ཨུཔཱདིཎྞཾ [ཨུཔཱདིནྣཾ (སྱཱ. ཀཾ.)] ཧུཏྭཱ ཨནུཔཱདིཎྞཾ ཧོཏཱིཏི? ན ཧེཝཾ ཝཏྟབྦེ…པེ….

ཨུཔཱདིཎྞཾ ཧུཏྭཱ ཨནུཔཱདིཎྞཾ ཧོཏཱིཏི? ཨཱམནྟཱ. ཀཱམཱཝཙརཾ ¶ ཧུཏྭཱ རཱུཔཱཝཙརཾ ཧོཏཱིཏི? ན ཧེཝཾ ཝཏྟབྦེ…པེ….

ཀཱམཱཝཙརཾ ཧུཏྭཱ རཱུཔཱཝཙརཾ ཧོཏཱིཏི? ཨཱམནྟཱ. རཱུཔཱཝཙརཾ ཧུཏྭཱ ཨརཱུཔཱཝཙརཾ ཧོཏཱིཏི? ན ཧེཝཾ ཝཏྟབྦེ…པེ….

རཱུཔཱཝཙརཾ ཧུཏྭཱ ཨརཱུཔཱཝཙརཾ ཧོཏཱིཏི? ཨཱམནྟཱ. པརིཡཱཔནྣཾ ཧུཏྭཱ ཨཔརིཡཱཔནྣཾ ཧོཏཱིཏི? ན ཧེཝཾ ཝཏྟབྦེ…པེ….

༣༧༤. མཾསཙཀྑུཾ ¶ ¶ དྷམྨུཔཏྠདྡྷཾ དིབྦཙཀྑུཾ ཧོཏཱིཏི? ཨཱམནྟཱ. དིབྦཙཀྑུཾ དྷམྨུཔཏྠདྡྷཾ མཾསཙཀྑུཾ ཧོཏཱིཏི? ན ཧེཝཾ ཝཏྟབྦེ…པེ….

མཾསཙཀྑུཾ དྷམྨུཔཏྠདྡྷཾ དིབྦཙཀྑུཾ ཧོཏཱིཏི? ཨཱམནྟཱ. དིབྦཙཀྑུཾ དྷམྨུཔཏྠདྡྷཾ པཉྙཱཙཀྑུཾ ཧོཏཱིཏི? ན ཧེཝཾ ཝཏྟབྦེ…པེ….

མཾསཙཀྑུཾ དྷམྨུཔཏྠདྡྷཾ དིབྦཙཀྑུཾ ཧོཏཱིཏི? ཨཱམནྟཱ. དིབྦཙཀྑུཾ དྷམྨུཔཏྠདྡྷཾ མཾསཙཀྑུཾ ཧོཏཱིཏི? ན ཧེཝཾ ཝཏྟབྦེ…པེ….

མཾསཙཀྑུཾ ¶ དྷམྨུཔཏྠདྡྷཾ དིབྦཙཀྑུཾ ཧོཏཱིཏི? ཨཱམནྟཱ. དྭེཝ ཙཀྑཱུནཱིཏི? ན ཧེཝཾ ཝཏྟབྦེ…པེ… དྭེཝ ཙཀྑཱུནཱིཏི? ཨཱམནྟཱ. ནནུ ཏཱིཎི ཙཀྑཱུནི ཝུཏྟཱནི བྷགཝཏཱ – མཾསཙཀྑུཾ, དིབྦཙཀྑུཾ, པཉྙཱཙཀྑུནྟི? ཨཱམནྟཱ. ཧཉྩི ཏཱིཎི ཙཀྑཱུནི ཝུཏྟཱནི བྷགཝཏཱ – མཾསཙཀྑུཾ, དིབྦཙཀྑུཾ, པཉྙཱཙཀྑུཾ, ནོ ཙ ཝཏ རེ ཝཏྟབྦེ – ‘‘དྭེཝ ཙཀྑཱུནཱི’’ཏི.

དྭེཝ ཙཀྑཱུནཱིཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཏཱིཎིམཱནི, བྷིཀྑཝེ, ཙཀྑཱུནི! ཀཏམཱནི ཏཱིཎི? མཾསཙཀྑུཾ, དིབྦཙཀྑུཾ, པཉྙཱཙཀྑུནྟི – ཨིམཱནི ཁོ, བྷིཀྑཝེ, ཏཱིཎི ཙཀྑཱུནཱི’’ཏི.

‘‘མཾསཙཀྑུཾ ¶ ¶ དིབྦཙཀྑུཾ, པཉྙཱཙཀྑུཾ ཨནུཏྟརཾ;

ཨེཏཱནི ཏཱིཎི ཙཀྑཱུནི, ཨཀྑཱསི པུརིསུཏྟམོ.

‘‘མཾསཙཀྑུསྶ ཨུཔྤཱདོ, མགྒོ དིབྦསྶ ཙཀྑུནོ;

ཡདཱ ཙ ཉཱཎཾ ཨུདཔཱདི, པཉྙཱཙཀྑུཾ ཨནུཏྟརཾ;

ཏསྶ ཙཀྑུསྶ པཊིལཱབྷཱ, སབྦདུཀྑཱ པམུཙྩཏཱི’’ཏི [ཨིཏིཝུ. ༦༡ ཨིཏིཝུཏྟཀེ].

ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘དྭེཝ ཙཀྑཱུནཱི’’ཏི.

དིབྦཙཀྑུཀཐཱ ནིཊྛིཏཱ.

༣. ཏཏིཡཝགྒོ

(༢༨) ༨. དིབྦསོཏཀཐཱ

༣༧༥. མཾསསོཏཾ དྷམྨུཔཏྠདྡྷཾ དིབྦསོཏཾ ཧོཏཱིཏི? ཨཱམནྟཱ. མཾསསོཏཾ དིབྦསོཏཾ, དིབྦསོཏཾ མཾསསོཏནྟི? ན ཧེཝཾ ཝཏྟབྦེ…པེ….

མཾསསོཏཾ ¶ ¶ དྷམྨུཔཏྠདྡྷཾ དིབྦསོཏཾ ཧོཏཱིཏི? ཨཱམནྟཱ. ཡཱདིསཾ མཾསསོཏཾ ཏཱདིསཾ དིབྦསོཏཾ, ཡཱདིསཾ དིབྦསོཏཾ ཏཱདིསཾ མཾསསོཏནྟི? ན ཧེཝཾ ཝཏྟབྦེ…པེ….

མཾསསོཏཾ དྷམྨུཔཏྠདྡྷཾ དིབྦསོཏཾ ཧོཏཱིཏི? ཨཱམནྟཱ. ཏཉྙེཝ མཾསསོཏཾ ཏཾ དིབྦསོཏཾ, ཏཾ དིབྦསོཏཾ ཏཾ མཾསསོཏནྟི? ན ཧེཝཾ ཝཏྟབྦེ…པེ….

མཾསསོཏཾ ¶ དྷམྨུཔཏྠདྡྷཾ དིབྦསོཏཾ ཧོཏཱིཏི? ཨཱམནྟཱ. ཡཱདིསོ མཾསསོཏསྶ ཝིསཡོ ཨཱནུབྷཱཝོ གོཙརོ ཏཱདིསོ དིབྦསྶ སོཏསྶ ཝིསཡོ ཨཱནུབྷཱཝོ གོཙརོཏི? ན ¶ ཧེཝཾ ཝཏྟབྦེ…པེ….

མཾསསོཏཾ དྷམྨུཔཏྠདྡྷཾ དིབྦསོཏཾ ཧོཏཱིཏི? ཨཱམནྟཱ. ཨུཔཱདིཎྞཾ ཧུཏྭཱ ཨནུཔཱདིཎྞཾ ཧོཏཱིཏི? ན ཧེཝཾ ཝཏྟབྦེ…པེ….

ཨུཔཱདིཎྞཾ ཧུཏྭཱ ཨནུཔཱདིཎྞཾ ཧོཏཱིཏི? ཨཱམནྟཱ. ཀཱམཱཝཙརཾ ཧུཏྭཱ རཱུཔཱཝཙརཾ ཧོཏཱིཏི? ན ཧེཝཾ ཝཏྟབྦེ…པེ….

ཀཱམཱཝཙརཾ ཧུཏྭཱ རཱུཔཱཝཙརཾ ཧོཏཱིཏི? ཨཱམནྟཱ. རཱུཔཱཝཙརཾ ཧུཏྭཱ ཨརཱུཔཱཝཙརཾ ཧོཏཱིཏི? ན ཧེཝཾ ཝཏྟབྦེ…པེ….

རཱུཔཱཝཙརཾ ཧུཏྭཱ ཨརཱུཔཱཝཙརཾ ཧོཏཱིཏི? ཨཱམནྟཱ. པརིཡཱཔནྣཾ ཧུཏྭཱ ཨཔརིཡཱཔནྣཾ ཧོཏཱིཏི? ན ཧེཝཾ ཝཏྟབྦེ…པེ….

༣༧༦. མཾསསོཏཾ དྷམྨུཔཏྠདྡྷཾ དིབྦསོཏཾ ཧོཏཱིཏི? ཨཱམནྟཱ. དིབྦསོཏཾ དྷམྨུཔཏྠདྡྷཾ མཾསསོཏཾ ཧོཏཱིཏི? ན ཧེཝཾ ཝཏྟབྦེ…པེ….

མཾསསོཏཾ དྷམྨུཔཏྠདྡྷཾ དིབྦསོཏཾ ཧོཏཱིཏི? ཨཱམནྟཱ. ཨེཀཾཡེཝ སོཏནྟི? ན ཧེཝཾ ཝཏྟབྦེ…པེ….

ཨེཀཾཡེཝ ¶ སོཏནྟི? ཨཱམནྟཱ. ནནུ དྭེ སོཏཱནི ཝུཏྟཱནི བྷགཝཏཱ – ‘‘མཾསསོཏཾ, དིབྦསོཏ’’ནྟི? ཨཱམནྟཱ. ཧཉྩི དྭེ སོཏཱནི ཝུཏྟཱནི བྷགཝཏཱ – མཾསསོཏཾ, དིབྦསོཏཾ, ནོ ཙ ཝཏ རེ ཝཏྟབྦེ – ‘‘ཨེཀཉྙེཝ སོཏ’’ནྟི.

དིབྦསོཏཀཐཱ ནིཊྛིཏཱ.

༣. ཏཏིཡཝགྒོ

(༢༩) ༩. ཡཐཱཀམྨཱུཔགཏཉཱཎཀཐཱ

༣༧༧. ཡཐཱཀམྨཱུཔགཏཾ ¶ ¶ ¶ ཉཱཎཾ [ཡཐཱཀམྨཱུཔགཏཉཱཎཾ (སྱཱ. ཀཾ.)] དིབྦཙཀྑུནྟི? ཨཱམནྟཱ. ཡཐཱཀམྨཱུཔགཏཉྩ མནསི ཀརོཏི, དིབྦེན ཙཀྑུནཱ རཱུཔཾ པསྶཏཱིཏི? ན ཧེཝཾ ཝཏྟབྦེ…པེ….

ཡཐཱཀམྨཱུཔགཏཉྩ མནསི ཀརོཏི, དིབྦེན ཙཀྑུནཱ རཱུཔཾ པསྶཏཱིཏི? ཨཱམནྟཱ. དྭིནྣཾ ཕསྶཱནཾ དྭིནྣཾ ཙིཏྟཱནཾ སམོདྷཱནཾ ཧོཏཱིཏི? ན ཧེཝཾ ཝཏྟབྦེ…པེ….

ཡཐཱཀམྨཱུཔགཏཾ ཉཱཎཾ དིབྦཙཀྑུནྟི? ཨཱམནྟཱ. ‘‘ཨིམེ ཝཏ བྷོནྟོ སཏྟཱ’’ཏི ཙ མནསི ཀརོཏི, ‘‘ཀཱཡདུཙྩརིཏེན སམནྣཱགཏཱ’’ཏི ཙ མནསི ཀརོཏི, ‘‘ཝཙཱིདུཙྩརིཏེན སམནྣཱགཏཱ’’ཏི ཙ མནསི ཀརོཏི, ‘‘མནོདུཙྩརིཏེན སམནྣཱགཏཱ’’ཏི ཙ མནསི ཀརོཏི, ‘‘ཨརིཡཱནཾ ཨུཔཝཱདཀཱ’’ཏི ཙ མནསི ཀརོཏི, ‘‘མིཙྪཱདིཊྛིཀཱ’’ཏི ཙ མནསི ཀརོཏི, ‘‘མིཙྪཱདིཊྛིཀམྨསམཱདཱནཱ’’ཏི ཙ མནསི ཀརོཏི, ‘‘ཏེ ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔནྣཱ’’ཏི ཙ མནསི ཀརོཏི, ‘‘ཨིམེ ཝཱ པན བྷོནྟོ སཏྟཱ’’ཏི ཙ མནསི ཀརོཏི, ‘‘ཀཱཡསུཙརིཏེན སམནྣཱགཏཱ’’ཏི ཙ མནསི ཀརོཏི, ‘‘ཝཙཱིསུཙརིཏེན སམནྣཱགཏཱ’’ཏི ཙ མནསི ཀརོཏི, ‘‘མནོསུཙརིཏེན སམནྣཱགཏཱ’’ཏི ཙ མནསི ཀརོཏི, ‘‘ཨརིཡཱནཾ ཨནུཔཝཱདཀཱ’’ཏི ཙ མནསི ཀརོཏི, ‘‘སམྨཱདིཊྛིཀཱ’’ཏི ཙ མནསི ཀརོཏི, ‘‘སམྨཱདིཊྛིཀམྨསམྨཱདཱནཱ’’ཏི ཙ མནསི ཀརོཏི, ‘‘ཏེ ཀཱཡསྶ ¶ བྷེདཱ པརཾ མརཎཱ སུགཏིཾ ¶ སགྒཾ ¶ ལོཀཾ ཨུཔཔནྣཱ’’ཏི ཙ མནསི ཀརོཏི, དིབྦེན ཙཀྑུནཱ རཱུཔཾ པསྶཏཱིཏི? ན ཧེཝཾ ཝཏྟབྦེ…པེ….

‘‘ཏེ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔནྣཱ’’ཏི ཙ མནསི ཀརོཏི, དིབྦེན ཙཀྑུནཱ རཱུཔཾ པསྶཏཱིཏི? ཨཱམནྟཱ. དྭིནྣཾ ཕསྶཱནཾ དྭིནྣཾ ཙིཏྟཱནཾ སམོདྷཱནཾ ཧོཏཱིཏི? ན ཧེཝཾ ཝཏྟབྦེ…པེ….

༣༧༨. ཡཐཱཀམྨཱུཔགཏཾ ཉཱཎཾ དིབྦཙཀྑུནྟི? ཨཱམནྟཱ. ཨཏྠི ཀོཙི ཨདིབྦཙཀྑུཀོ དིབྦཙཀྑུཾ ཨཔྤཊིལདྡྷོ ཨནདྷིགཏོ ཨསཙྪིཀཏོ ཡཐཱཀམྨཱུཔགཏཾ ཛཱནཱཏཱིཏི? ཨཱམནྟཱ. ཧཉྩི ཨཏྠི ཀོཙི ཨདིབྦཙཀྑུཀོ དིབྦཙཀྑུཾ ¶ ཨཔྤཊིལདྡྷོ ཨནདྷིགཏོ ཨསཙྪིཀཏོ ཡཐཱཀམྨཱུཔགཏཾ ཛཱནཱཏི, ནོ ཙ ཝཏ རེ ཝཏྟབྦེ – ‘‘ཡཐཱཀམྨཱུཔགཏཾ ཉཱཎཾ དིབྦཙཀྑུ’’ནྟི.

ཡཐཱཀམྨཱུཔགཏཾ ཉཱཎཾ དིབྦཙཀྑུནྟི? ཨཱམནྟཱ. ཨཱཡསྨཱ སཱརིཔུཏྟོ ཡཐཱཀམྨཱུཔགཏཾ ཉཱཎཾ ཛཱནཱཏཱིཏི? ཨཱམནྟཱ. ཧཉྩི ཨཱཡསྨཱ སཱརིཔུཏྟོ ཡཐཱཀམྨཱུཔགཏཾ ཉཱཎཾ ཛཱནཱཏི, ནོ ཙ ཝཏ རེ ཝཏྟབྦེ – ‘‘ཡཐཱཀམྨཱུཔགཏཾ ཉཱཎཾ དིབྦཙཀྑུ’’ནྟི.

ཡཐཱཀམྨཱུཔགཏཾ ཉཱཎཾ དིབྦཙཀྑུནྟི? ཨཱམནྟཱ. ཨཱཡསྨཱ སཱརིཔུཏྟོ ཡཐཱཀམྨཱུཔགཏཾ ཉཱཎཾ ཛཱནཱཏཱིཏི? ཨཱམནྟཱ. ཨཏྠཱཡསྨཏོ སཱརིཔུཏྟསྶ དིབྦཙཀྑུནྟི? ན ཧེཝཾ ཝཏྟབྦེ…པེ….

ཨཏྠཱཡསྨཏོ སཱརིཔུཏྟསྶ དིབྦཙཀྑུནྟི? ཨཱམནྟཱ. ནནུ ཨཱཡསྨཱ སཱརིཔུཏྟོ ཨེཏདཝོཙ –

‘‘ནེཝ ¶ པུབྦེནིཝཱསཱཡ, ནཔི དིབྦསྶ ཙཀྑུནོ;

ཙེཏོཔརིཡཱཡ ཨིདྡྷིཡཱ, སོཏདྷཱཏུཝིསུདྡྷིཡཱ;

ཙུཏིཡཱ ཨུཔཔཏྟིཡཱ, པཎིདྷི མེ ན ཝིཛྫཏཱི’’ཏི [ཐེརགཱ. ༩༩༦ ཐེརགཱཐཱཡཾ].

ཨཏྠེཝ ¶ ¶ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཡཐཱཀམྨཱུཔགཏཾ ཉཱཎཾ དིབྦཙཀྑུ’’ནྟི.

ཡཐཱཀམྨཱུཔགཏཉཱཎཀཐཱ ནིཊྛིཏཱ.

༣. ཏཏིཡཝགྒོ

(༣༠) ༡༠. སཾཝརཀཐཱ

༣༧༩. ཨཏྠི དེཝེསུ སཾཝརོཏི? ཨཱམནྟཱ. ཨཏྠི དེཝེསུ ཨསཾཝརོཏི? ན ཧེཝཾ ཝཏྟབྦེ…པེ….

ནཏྠི དེཝེསུ ཨསཾཝརོཏི? ཨཱམནྟཱ. ནཏྠི དེཝེསུ སཾཝརོཏི? ན ཧེཝཾ ཝཏྟབྦེ…པེ….

ནནུ ¶ ཨསཾཝརཱ སཾཝརོ སཱིལཾ, ཨཏྠི དེཝེསུ སཾཝརོཏི? ཨཱམནྟཱ. ཨཏྠི དེཝེསུ ཨསཾཝརོ, ཡམྷཱ ཨསཾཝརཱ སཾཝརོ སཱིལནྟི? ན ཧེཝཾ ཝཏྟབྦེ…པེ….

ཨཱཛཱནཱཧི ནིགྒཧཾ. ཧཉྩི ཨསཾཝརཱ སཾཝརོ སཱིལཾ, ཨཏྠི དེཝེསུ སཾཝརོ, ཏེན ཝཏ རེ ཝཏྟབྦེ – ‘‘ཨཏྠི དེཝེསུ ཨསཾཝརོ, ཡམྷཱ ཨསཾཝརཱ སཾཝརོ སཱིལ’’ནྟི. ཡཾ ཏཏྠ ཝདེསི – ‘‘ཝཏྟབྦེ ཁོ – ‘ཨསཾཝརཱ སཾཝརོ སཱིལཾ, ཨཏྠི དེཝེསུ སཾཝརོ,’ ནོ ཙ ཝཏྟབྦེ – ‘ཨཏྠི དེཝེསུ ཨསཾཝརོ, ཡམྷཱ ཨསཾཝརཱ སཾཝརོ སཱིལ’’’ནྟི མིཙྪཱ.

ནོ ¶ ཙེ པན ཝཏྟབྦེ – ‘‘ཨཏྠི དེཝེསུ ཨསཾཝརོ, ཡམྷཱ ཨསཾཝརཱ སཾཝརོ སཱིལ’’ནྟི, ནོ ཙ ཝཏ རེ ཝཏྟབྦེ – ‘‘ཨསཾཝརཱ སཾཝརོ སཱིལཾ, ཨཏྠི དེཝེསུ སཾཝརོ’’ཏི. ཡཾ ཏཏྠ ཝདེསི – ‘‘ཝཏྟབྦེ ཁོ ‘ཨསཾཝརཱ སཾཝརོ སཱིལཾ, ཨཏྠི དེཝེསུ སཾཝརོ,’ ནོ ཙ ཝཏྟབྦེ – ‘ཨཏྠི དེཝེསུ ཨསཾཝརོ, ཡམྷཱ ཨསཾཝརཱ སཾཝརོ སཱིལ’’’ནྟི མིཙྪཱ.

ཨཏྠི ¶ ¶ མནུསྶེསུ སཾཝརོ, ཨཏྠི ཏཏྠ ཨསཾཝརོཏི? ཨཱམནྟཱ. ཨཏྠི དེཝེསུ སཾཝརོ, ཨཏྠི ཏཏྠ ཨསཾཝརོཏི? ན ཧེཝཾ ཝཏྟབྦེ…པེ….

ཨཏྠི དེཝེསུ སཾཝརོ, ནཏྠི ཏཏྠ ཨསཾཝརོཏི? ཨཱམནྟཱ. ཨཏྠི མནུསྶེསུ སཾཝརོ, ནཏྠི ཏཏྠ ཨསཾཝརོཏི? ན ཧེཝཾ ཝཏྟབྦེ…པེ….

༣༨༠. ཨཏྠི དེཝེསུ པཱཎཱཏིཔཱཏཱ ཝེརམཎཱིཏི? ཨཱམནྟཱ. ཨཏྠི དེཝེསུ པཱཎཱཏིཔཱཏོཏི? ན ཧེཝཾ ཝཏྟབྦེ…པེ….

ཨཏྠི དེཝེསུ སུརཱམེརཡམཛྫཔམཱདཊྛཱནཱ ཝེརམཎཱིཏི? ཨཱམནྟཱ. ཨཏྠི དེཝེསུ སུརཱམེརཡམཛྫཔམཱདཊྛཱནནྟི? ན ཧེཝཾ ཝཏྟབྦེ…པེ….

ནཏྠི དེཝེསུ པཱཎཱཏིཔཱཏོཏི? ཨཱམནྟཱ. ནཏྠི དེཝེསུ པཱཎཱཏིཔཱཏཱ ཝེརམཎཱིཏི? ན ཧེཝཾ ཝཏྟབྦེ…པེ….

ནཏྠི དེཝེསུ སུརཱམེརཡམཛྫཔམཱདཊྛཱནནྟི? ཨཱམནྟཱ. ནཏྠི དེཝེསུ སུརཱམེརཡམཛྫཔམཱདཊྛཱནཱ ཝེརམཎཱིཏི? ན ཧེཝཾ ཝཏྟབྦེ…པེ….

ཨཏྠི མནུསྶེསུ པཱཎཱཏིཔཱཏཱ ཝེརམཎི, ཨཏྠི ཏཏྠ པཱཎཱཏིཔཱཏོཏི ¶ ? ཨཱམནྟཱ. ཨཏྠི དེཝེསུ པཱཎཱཏིཔཱཏཱ ཝེརམཎི, ཨཏྠི ཏཏྠ པཱཎཱཏིཔཱཏོཏི? ན ཧེཝཾ ཝཏྟབྦེ…པེ….

ཨཏྠི ¶ མནུསྶེསུ སུརཱམེརཡམཛྫཔམཱདཊྛཱནཱ ཝེརམཎི, ཨཏྠི ཏཏྠ སུརཱམེརཡམཛྫཔམཱདཊྛཱནནྟི? ཨཱམནྟཱ. ཨཏྠི དེཝེསུ སུརཱམེརཡམཛྫཔམཱདཊྛཱནཱ ཝེརམཎི, ཨཏྠི ཏཏྠ སུརཱམེརཡམཛྫཔམཱདཊྛཱནནྟི? ན ཧེཝཾ ཝཏྟབྦེ…པེ….

ཨཏྠི ¶ དེཝེསུ པཱཎཱཏིཔཱཏཱ ཝེརམཎི, ནཏྠི ཏཏྠ པཱཎཱཏིཔཱཏོཏི? ཨཱམནྟཱ. ཨཏྠི མནུསྶེསུ པཱཎཱཏིཔཱཏཱ ཝེརམཎི, ནཏྠི ཏཏྠ པཱཎཱཏིཔཱཏོཏི? ན ཧེཝཾ ཝཏྟབྦེ…པེ….

ཨཏྠི ¶ དེཝེསུ སུརཱམེརཡམཛྫཔམཱདཊྛཱནཱ ཝེརམཎི, ནཏྠི ཏཏྠ སུརཱམེརཡམཛྫཔམཱདཊྛཱནནྟི? ཨཱམནྟཱ. ཨཏྠི མནུསྶེསུ སུརཱམེརཡམཛྫཔམཱདཊྛཱནཱ ཝེརམཎི, ནཏྠི ཏཏྠ སུརཱམེརཡམཛྫཔམཱདཊྛཱནནྟི? ན ཧེཝཾ ཝཏྟབྦེ…པེ….

ནཏྠི དེཝེསུ སཾཝརོཏི? ཨཱམནྟཱ. སབྦེ དེཝཱ པཱཎཱཏིཔཱཏིནོ ཨདིནྣཱདཱཡིནོ ཀཱམེསུམིཙྪཱཙཱརིནོ མུསཱཝཱདིནོ སུརཱམེརཡམཛྫཔམཱདཊྛཱཡིནོཏི? ན ཧེཝཾ ཝཏྟབྦེ…པེ… ཏེན ཧི ཨཏྠི དེཝེསུ སཾཝརོཏི.

སཾཝརཀཐཱ ནིཊྛིཏཱ.

༣. ཏཏིཡཝགྒོ

(༣༡) ༡༡. ཨསཉྙཀཐཱ

༣༨༡. ཨསཉྙསཏྟེསུ ¶ སཉྙཱ ཨཏྠཱིཏི? ཨཱམནྟཱ. སཉྙཱབྷཝོ སཉྙཱགཏི སཉྙཱསཏྟཱཝཱསོ སཉྙཱསཾསཱརོ སཉྙཱཡོནི སཉྙཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ….

ནནུ ཨསཉྙབྷཝོ ཨསཉྙགཏི ཨསཉྙསཏྟཱཝཱསོ ཨསཉྙསཾསཱརོ ཨསཉྙཡོནི ཨསཉྙཏྟབྷཱཝཔཊིལཱབྷོཏི? ཨཱམནྟཱ. ཧཉྩི ཨསཉྙབྷཝོ ཨསཉྙགཏི ཨསཉྙསཏྟཱཝཱསོ ཨསཉྙསཾསཱརོ ཨསཉྙཡོནི ཨསཉྙཏྟབྷཱཝཔཊིལཱབྷོ, ནོ ཙ ཝཏ རེ ཝཏྟབྦེ – ‘‘ཨསཉྙསཏྟེསུ སཉྙཱ ཨཏྠཱི’’ཏི.

ཨསཉྙསཏྟེསུ ¶ སཉྙཱ ཨཏྠཱིཏི? ཨཱམནྟཱ ¶ . པཉྩཝོཀཱརབྷཝོ གཏི སཏྟཱཝཱསོ སཾསཱརོ ཡོནི ཨཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ….

ནནུ ཨེཀཝོཀཱརབྷཝོ གཏི སཏྟཱཝཱསོ སཾསཱརོ ཡོནི ཨཏྟབྷཱཝཔཊིལཱབྷོཏི? ཨཱམནྟཱ ¶ . ཧཉྩི ཨེཀཝོཀཱརབྷཝོ གཏི སཏྟཱཝཱསོ སཾསཱརོ ཡོནི ཨཏྟབྷཱཝཔཊིལཱབྷོ, ནོ ཙ ཝཏ རེ ཝཏྟབྦེ – ‘‘ཨསཉྙསཏྟེསུ སཉྙཱ ཨཏྠཱི’’ཏི.

ཨསཉྙསཏྟེསུ སཉྙཱ ཨཏྠཱིཏི? ཨཱམནྟཱ. ཏཱཡ སཉྙཱཡ སཉྙཱཀརཎཱིཡཾ ཀརོཏཱིཏི? ན ཧེཝཾ ཝཏྟབྦེ…པེ….

༣༨༢. མནུསྶེསུ སཉྙཱ ཨཏྠི, སོ ཙ སཉྙཱབྷཝོ སཉྙཱགཏི སཉྙཱསཏྟཱཝཱསོ ¶ སཉྙཱསཾསཱརོ སཉྙཱཡོནི སཉྙཏྟབྷཱཝཔཊིལཱབྷོཏི? ཨཱམནྟཱ. ཨསཉྙསཏྟེསུ སཉྙཱ ཨཏྠི, སོ ཙ སཉྙཱབྷཝོ སཉྙཱགཏི སཏྟཱཝཱསོ སཾསཱརོ ཡོནི ཨཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ….

མནུསྶེསུ སཉྙཱ ཨཏྠི, སོ ཙ པཉྩཝོཀཱརབྷཝོ གཏི སཏྟཱཝཱསོ སཾསཱརོ ཡོནི ཨཏྟབྷཱཝཔཊིལཱབྷོཏི? ཨཱམནྟཱ. ཨསཉྙསཏྟེསུ སཉྙཱ ཨཏྠི, སོ ཙ པཉྩཝོཀཱརབྷཝོ གཏི སཏྟཱཝཱསོ སཾསཱརོ ཡོནི ཨཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ….

མནུསྶེསུ སཉྙཱ ཨཏྠི, ཏཱཡ སཉྙཱཡ སཉྙཱཀརཎཱིཡཾ ཀརོཏཱིཏི? ཨཱམནྟཱ. ཨསཉྙསཏྟེསུ སཉྙཱ ཨཏྠི, ཏཱཡ སཉྙཱཡ སཉྙཱཀརཎཱིཡཾ ཀརོཏཱིཏི? ན ཧེཝཾ ཝཏྟབྦེ…པེ….

ཨསཉྙསཏྟེསུ སཉྙཱ ཨཏྠི, སོ ཙ ཨསཉྙབྷཝོ ཨསཉྙགཏི ཨསཉྙསཏྟཱཝཱསོ ཨསཉྙསཾསཱརོ ཨསཉྙཡོནི ཨསཉྙཏྟབྷཱཝཔཊིལཱབྷོཏི? ཨཱམནྟཱ. མནུསྶེསུ ¶ སཉྙཱ ཨཏྠི, སོ ཙ ཨསཉྙབྷཝོ ཨསཉྙགཏི…པེ… ཨསཉྙཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ….

ཨསཉྙསཏྟེསུ སཉྙཱ ཨཏྠི, སོ ཙ ཨེཀཝོཀཱརབྷཝོ གཏི སཏྟཱཝཱསོ སཾསཱརོ ཡོནི ཨཏྟབྷཱཝཔཊིལཱབྷོཏི? ཨཱམནྟཱ. མནུསྶེསུ སཉྙཱ ཨཏྠི, སོ ཙ ཨེཀཝོཀཱརབྷཝོ གཏི…པེ… ཨཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ….

ཨསཉྙསཏྟེསུ ¶ སཉྙཱ ཨཏྠི, ན ཙ ཏཱཡ སཉྙཱཡ སཉྙཱཀརཎཱིཡཾ ཀརོཏཱིཏི? ཨཱམནྟཱ. མནུསྶེསུ སཉྙཱ ཨཏྠི, ན ཙ ཏཱཡ སཉྙཱཡ སཉྙཱཀརཎཱིཡཾ ཀརོཏཱིཏི? ན ཧེཝཾ ཝཏྟབྦེ…པེ….

༣༨༣. ན ཝཏྟབྦཾ – ‘‘ཨསཉྙསཏྟེསུ སཉྙཱ ཨཏྠཱི’’ཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘སནྟི, བྷིཀྑཝེ, ཨསཉྙསཏྟཱ ནཱམ དེཝཱ; སཉྙུཔྤཱདཱ ཙ པན ཏེ དེཝཱ ཏམྷཱ ཀཱཡཱ ཙཝནྟཱི’’ཏི [དཱི. ནི. ༡.༦༨]! ཨཏྠེཝ སུཏྟནྟོཏི? ཨཱམནྟཱ. ཏེན ཧི ཨསཉྙསཏྟེསུ སཉྙཱ ཨཏྠཱིཏི.

ཨསཉྙསཏྟེསུ ¶ ¶ སཉྙཱ ཨཏྠཱིཏི? ཀིཉྩི [ཀཉྩི (སྱཱ.)] ཀཱལེ ཨཏྠི, ཀིཉྩི ཀཱལེ ནཏྠཱིཏི. ཀིཉྩི ཀཱལེ སཉྙསཏྟཱ ཀིཉྩི ཀཱལེ ཨསཉྙསཏྟཱ, ཀིཉྩི ཀཱལེ སཉྙབྷཝོ ཀིཉྩི ཀཱལེ ཨསཉྙབྷཝོ, ཀིཉྩི ཀཱལེ པཉྩཝོཀཱརབྷཝོ ཀིཉྩི ཀཱལེ ཨེཀཝོཀཱརབྷཝོཏི? ན ཧེཝཾ ཝཏྟབྦེ…པེ….

ཨསཉྙསཏྟེསུ སཉྙཱ ཀིཉྩི ཀཱལེ ཨཏྠི, ཀིཉྩི ཀཱལེ ནཏྠཱིཏི? ཨཱམནྟཱ. ཀཾ ཀཱལཾ ཨཏྠི, ཀཾ ཀཱལཾ ནཏྠཱིཏི? ཙུཏིཀཱལེ ཨུཔཔཏྟིཀཱལེ ཨཏྠི, ཋིཏིཀཱལེ ནཏྠཱིཏི. ཙུཏིཀཱལེ ཨུཔཔཏྟིཀཱལེ སཉྙསཏྟཱ, ཋིཏིཀཱལེ ཨསཉྙསཏྟཱ; ཙུཏིཀཱལེ ཨུཔཔཏྟིཀཱལེ སཉྙབྷཝོ, ཋིཏིཀཱལེ ཨསཉྙབྷཝོ; ཙུཏིཀཱལེ ཨུཔཔཏྟིཀཱལེ པཉྩཝོཀཱརབྷཝོ, ཋིཏིཀཱལེ ཨེཀཝོཀཱརབྷཝོཏི? ན ¶ ཧེཝཾ ཝཏྟབྦེ…པེ….

ཨསཉྙཀཐཱ ནིཊྛིཏཱ.

༣. ཏཏིཡཝགྒོ

(༣༢) ༡༢. ནེཝསཉྙཱནཱསཉྙཱཡཏནཀཐཱ

༣༨༤. ནེཝསཉྙཱནཱསཉྙཱཡཏནེ ¶ ན ཝཏྟབྦཾ – ‘‘སཉྙཱ ཨཏྠཱི’’ཏི? ཨཱམནྟཱ. ཨསཉྙབྷཝོ ¶ ཨསཉྙགཏི ཨསཉྙསཏྟཱཝཱསོ ཨསཉྙསཾསཱརོ ཨསཉྙཡོནི ཨསཉྙཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ….

ནནུ ¶ སཉྙཱབྷཝོ སཉྙཱགཏི སཉྙཱསཏྟཱཝཱསོ སཉྙཱསཾསཱརོ སཉྙཱཡོནི སཉྙཏྟབྷཱཝཔཊིལཱབྷོཏི? ཨཱམནྟཱ. ཧཉྩི སཉྙཱབྷཝོ སཉྙཱགཏི…པེ… སཉྙཏྟབྷཱཝཔཊིལཱབྷོ, ནོ ཙ ཝཏ རེ ཝཏྟབྦེ – ‘‘ནེཝསཉྙཱནཱསཉྙཱཡཏནེ ན ཝཏྟབྦཾ – ‘སཉྙཱ ཨཏྠཱི’’’ཏི.

ནེཝསཉྙཱནཱསཉྙཱཡཏནེ ན ཝཏྟབྦཾ – ‘‘སཉྙཱ ཨཏྠཱི’’ཏི? ཨཱམནྟཱ. ཨེཀཝོཀཱརབྷཝོ གཏི…པེ… ཨཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ….

ནནུ ཙཏུཝོཀཱརབྷཝོ གཏི…པེ… ཨཏྟབྷཱཝཔཊིལཱབྷོཏི? ཨཱམནྟཱ. ཧཉྩི ཙཏུཝོཀཱརབྷཝོ གཏི…པེ… ཨཏྟབྷཱཝཔཊིལཱབྷོ, ནོ ཙ ཝཏ རེ ཝཏྟབྦེ – ‘‘ནེཝསཉྙཱནཱསཉྙཱཡཏནེ ན ཝཏྟབྦཾ – ‘སཉྙཱ ཨཏྠཱི’’’ཏི.

༣༨༥. ཨསཉྙསཏྟེསུ ན ཝཏྟབྦཾ – ‘‘སཉྙཱ ཨཏྠི’’, སོ ཙ ཨསཉྙབྷཝོ ཨསཉྙགཏི ཨསཉྙསཏྟཱཝཱསོ ཨསཉྙསཾསཱརོ ཨསཉྙཡོནི ཨསཉྙཏྟབྷཱཝཔཊིལཱབྷོཏི? ཨཱམནྟཱ. ནེཝསཉྙཱནཱསཉྙཱཡཏནེ ན ཝཏྟབྦཾ – ‘‘སཉྙཱ ཨཏྠི,’’ སོ ཙ ཨསཉྙབྷཝོ ཨསཉྙགཏི ཨསཉྙསཏྟཱཝཱསོ ཨསཉྙསཾསཱརོ ཨསཉྙཡོནི ཨསཉྙཏྟབྷཱཝཔཊིལཱབྷོཏི ¶ ? ན ཧེཝཾ ཝཏྟབྦེ…པེ….

ཨསཉྙསཏྟེསུ ན ཝཏྟབྦཾ – ‘‘སཉྙཱ ཨཏྠི,’’ སོ ཙ ཨེཀཝོཀཱརབྷཝོ གཏི…པེ… ཨཏྟབྷཱཝཔཊིལཱབྷོཏི? ཨཱམནྟཱ. ནེཝསཉྙཱནཱསཉྙཱཡཏནེ ¶ ན ཝཏྟབྦཾ – ‘‘སཉྙཱ ཨཏྠི,’’ སོ ཙ ཨེཀཝོཀཱརབྷཝོ གཏི སཏྟཱཝཱསོ སཾསཱརོ ཡོནི ཨཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ….

ནེཝསཉྙཱནཱསཉྙཱཡཏནེ ན ཝཏྟབྦཾ – ‘‘སཉྙཱ ཨཏྠི,’’ སོ ཙ སཉྙཱབྷཝོ སཉྙཱགཏི…པེ… སཉྙཏྟབྷཱཝཔཊིལཱབྷོཏི? ཨཱམནྟཱ. ཨསཉྙསཏྟེསུ ན ཝཏྟབྦཾ – ‘‘སཉྙཱ ¶ ཨཏྠི,’’ སོ ཙ སཉྙཱབྷཝོ སཉྙཱགཏི…པེ… སཉྙཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ….

ནེཝསཉྙཱནཱསཉྙཱཡཏནེ ན ཝཏྟབྦཾ – ‘‘སཉྙཱ ཨཏྠི,’’ སོ ཙ ཙཏུཝོཀཱརབྷཝོ གཏི…པེ… ཨཏྟབྷཱཝཔཊིལཱབྷོཏི? ཨཱམནྟཱ. ཨསཉྙསཏྟེསུ ན ཝཏྟབྦཾ – ‘‘སཉྙཱ ཨཏྠི,’’ སོ ཙ ཙཏུཝོཀཱརབྷཝོ གཏི…པེ… ཨཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ….

ནེཝསཉྙཱནཱསཉྙཱཡཏནེ ¶ ན ཝཏྟབྦཾ – ‘‘སཉྙཱ ཨཏྠཱི’’ཏི? ཨཱམནྟཱ. ནནུ ནེཝསཉྙཱནཱསཉྙཱཡཏནཾ ཙཏུཝོཀཱརབྷཝོཏི? ཨཱམནྟཱ. ཧཉྩི ནེཝསཉྙཱནཱསཉྙཱཡཏནཾ ཙཏུཝོཀཱརབྷཝོ, ནོ ཙ ཝཏ རེ ཝཏྟབྦེ – ‘‘ནེཝསཉྙཱནཱསཉྙཱཡཏནེ ན ཝཏྟབྦཾ – ‘སཉྙཱ ཨཏྠཱི’’’ཏི.

༣༨༦. ནེཝསཉྙཱནཱསཉྙཱཡཏནཾ ཙཏུཝོཀཱརབྷཝོ ནེཝསཉྙཱནཱསཉྙཱཡཏནེ ¶ ན ཝཏྟབྦཾ – ‘‘སཉྙཱ ཨཏྠཱི’’ཏི? ཨཱམནྟཱ. ཨཱཀཱསཱནཉྩཱཡཏནཾ ཙཏུཝོཀཱརབྷཝོ ཨཱཀཱསཱནཉྩཱཡཏནེ ན ཝཏྟབྦཾ – ‘‘སཉྙཱ ཨཏྠཱི’’ཏི? ན ཧེཝཾ ཝཏྟབྦེ…པེ….

ནེཝསཉྙཱནཱསཉྙཱཡཏནཾ ཙཏུཝོཀཱརབྷཝོ, ནེཝསཉྙཱནཱསཉྙཱཡཏནེ ན ཝཏྟབྦཾ – ‘‘སཉྙཱ ཨཏྠཱི’’ཏི? ཨཱམནྟཱ. ཝིཉྙཱཎཉྩཱཡཏནཾ…པེ… ཨཱཀིཉྩཉྙཱཡཏནཾ ཙཏུཝོཀཱརབྷཝོ, ཨཱཀིཉྩཉྙཱཡཏནེ ན ཝཏྟབྦཾ – ‘‘སཉྙཱ ཨཏྠཱི’’ཏི? ན ཧེཝཾ ཝཏྟབྦེ…པེ….

ཨཱཀཱསཱནཉྩཱཡཏནཾ ¶ ཙཏུཝོཀཱརབྷཝོ, ཨཏྠི ཏཏྠ སཉྙཱཏི? ཨཱམནྟཱ. ནེཝསཉྙཱནཱསཉྙཱཡཏནཾ ཙཏུཝོཀཱརབྷཝོ, ཨཏྠི ཏཏྠ སཉྙཱཏི? ན ཧེཝཾ ཝཏྟབྦེ…པེ….

ཝིཉྙཱཎཉྩཱཡཏནཾ…པེ… ཨཱཀིཉྩཉྙཱཡཏནཾ ཙཏུཝོཀཱརབྷཝོ, ཨཏྠི ཏཏྠ སཉྙཱཏི? ཨཱམནྟཱ. ནེཝསཉྙཱནཱསཉྙཱཡཏནཾ ཙཏུཝོཀཱརབྷཝོ, ཨཏྠི ཏཏྠ སཉྙཱཏི? ན ཧེཝཾ ཝཏྟབྦེ…པེ….

ནེཝསཉྙཱནཱསཉྙཱཡཏནེ ¶ ན ཝཏྟབྦཾ – ‘‘སཉྙཱ ཨཏྠཱི’’ཏི ཝཱ ‘‘ནཏྠཱི’’ཏི ཝཱཏི? ཨཱམནྟཱ ¶ . ནནུ ནེཝསཉྙཱནཱསཉྙཱཡཏནཾ ཙཏུཝོཀཱརབྷཝོཏི? ཨཱམནྟཱ. ཧཉྩི ནེཝསཉྙཱནཱསཉྙཱཡཏནཾ ཙཏུཝོཀཱརབྷཝོ, ནོ ཙ ཝཏ རེ ཝཏྟབྦེ – ‘‘ནེཝསཉྙཱནཱསཉྙཱཡཏནེ ན ཝཏྟབྦཾ – ‘སཉྙཱ ཨཏྠཱི’ཏི ཝཱ ‘ནཏྠཱི’ཏི ཝཱ’’ཏི.

ནེཝསཉྙཱནཱསཉྙཱཡཏནཾ ཙཏུཝོཀཱརབྷཝོ, ནེཝསཉྙཱནཱསཉྙཱཡཏནེ ན ཝཏྟབྦཾ – ‘‘སཉྙཱ ཨཏྠཱི’’ཏི ཝཱ ‘‘ནཏྠཱི’’ཏི ཝཱཏི? ཨཱམནྟཱ. ཨཱཀཱསཱནཉྩཱཡཏནཾ…པེ… ཝིཉྙཱཎཉྩཱཡཏནཾ…པེ… ཨཱཀིཉྩཉྙཱཡཏནཾ ཙཏུཝོཀཱརབྷཝོ, ཨཱཀིཉྩཉྙཱཡཏནེ ན ཝཏྟབྦཾ – ‘‘སཉྙཱ ཨཏྠཱི’’ཏི ཝཱ ‘‘ནཏྠཱི’’ཏི ཝཱཏི? ན ཧེཝཾ ཝཏྟབྦེ…པེ….

ཨཱཀཱསཱནཉྩཱཡཏནཾ ¶ ཙཏུཝོཀཱརབྷཝོ, ཨཏྠི ཏཏྠ སཉྙཱཏི? ཨཱམནྟཱ. ནེཝསཉྙཱནཱསཉྙཱཡཏནཾ ཙཏུཝོཀཱརབྷཝོ, ཨཏྠི ཏཏྠ སཉྙཱཏི? ན ཧེཝཾ ཝཏྟབྦེ…པེ….

ཝིཉྙཱཎཉྩཱཡཏནཾ…པེ… ཨཱཀིཉྩཉྙཱཡཏནཾ ཙཏུཝོཀཱརབྷཝོ, ཨཏྠི ཏཏྠ སཉྙཱཏི? ཨཱམནྟཱ. ནེཝསཉྙཱནཱསཉྙཱཡཏནཾ ཙཏུཝོཀཱརབྷཝོ, ཨཏྠི ཏཏྠ སཉྙཱཏི? ན ¶ ཧེཝཾ ཝཏྟབྦེ…པེ….

ནེཝསཉྙཱནཱསཉྙཱཡཏནེ ན ཝཏྟབྦཾ [ནེཝསཉྙཱནཱསཉྙཱཡཏནེ ཝཏྟབྦཾ (?)] – ‘‘སཉྙཱ ཨཏྠཱི’’ཏི ཝཱ ‘‘ནཏྠཱི’’ཏི ཝཱཏི? ཨཱམནྟཱ. ནནུ ནེཝསཉྙཱནཱསཉྙཱཡཏནནྟི? ཨཱམནྟཱ. ཧཉྩི ནེཝསཉྙཱནཱསཉྙཱཡཏནཾ, ཏེན ཝཏ རེ ཝཏྟབྦེ – ‘‘ནེཝསཉྙཱནཱསཉྙཱཡཏནེ ན ཝཏྟབྦཾ – ‘སཉྙཱ ཨཏྠཱི’ཏི ཝཱ ‘ནཏྠཱི’ཏི ཝཱ’’ཏི.

ནེཝསཉྙཱནཱསཉྙཱཡཏནནྟི ཀཏྭཱ ནེཝསཉྙཱནཱསཉྙཱཡཏནེ ན ཝཏྟབྦཾ – ‘‘སཉྙཱ ཨཏྠཱི’’ཏི ཝཱ ‘‘ནཏྠཱི’’ཏི ཝཱཏི? ཨཱམནྟཱ. ཨདུཀྑམསུཁཱ ཝེདནཱཏི ཀཏྭཱ ཨདུཀྑམསུཁཱཡ ཝེདནཱཡ [ཨདུཀྑམསུཁཱ ཝེདནཱ (སཱི. ཀ.)] ན ཝཏྟབྦཾ – ‘‘ཝེདནཱ’’ཏི ཝཱ ‘‘ཨཝེདནཱ’’ཏི ཝཱཏི? ན ཧེཝཾ ཝཏྟབྦེ…པེ….

ནེཝསཉྙཱནཱསཉྙཱཡཏནཀཐཱ ནིཊྛིཏཱ.

ཏཏིཡཝགྒོ.

ཏསྶུདྡཱནཾ –

བལཾ ¶ ¶ སཱདྷཱརཎཾ ཨརིཡཾ, སརཱགཾ ཙིཏྟཾ ཝིམུཙྩཏི;

ཝིམུཏྟཾ ཝིམུཙྩམཱནཾ, ཨཏྠི ཙིཏྟཾ ཝིམུཙྩམཱནཾ.

ཨཊྛམཀསྶ པུགྒལསྶ, དིཊྛིཔརིཡུཊྛཱནཾ པཧཱིནཾ;

ཨཊྛམཀསྶ པུགྒལསྶ, ནཏྠི པཉྩིནྡྲིཡཱནི ཙཀྑུཾ.

སོཏཾ དྷམྨུཔཏྠདྡྷཾ, ཡཐཱཀམྨཱུཔགཏཾ ཉཱཎཾ;

དེཝེསུ སཾཝརོ ཨསཉྙ-སཏྟེསུ སཉྙཱ ཨེཝམེཝ བྷཝགྒནྟི.

༤. ཙཏུཏྠཝགྒོ

(༣༣) ༡. གིཧིསྶ ཨརཧཱཏིཀཐཱ

༣༨༧. གིཧིསྶ ¶ ¶ ཨརཧཱཏི? ཨཱམནྟཱ. ཨཏྠི ཨརཧཏོ གིཧིསཾཡོཛནནྟི? ན ཧེཝཾ ཝཏྟབྦེ…པེ… ནཏྠི ཨརཧཏོ གིཧིསཾཡོཛནནྟི? ཨཱམནྟཱ. ཧཉྩི ནཏྠི ཨརཧཏོ གིཧིསཾཡོཛནཾ, ནོ ཙ ཝཏ རེ ཝཏྟབྦེ – ‘‘གིཧིསྶ ཨརཧཱ’’ཏི.

གིཧིསྶ ཨརཧཱཏི? ཨཱམནྟཱ. ནནུ ཨརཧཏོ གིཧིསཾཡོཛནཾ པཧཱིནཾ ཨུཙྪིནྣམཱུལཾ ཏཱལཱཝཏྠུཀཏཾ ཨནབྷཱཝངྐཏཾ ཨཱཡཏིཾ ཨནུཔྤཱདདྷམྨནྟི? ཨཱམནྟཱ. ཧཉྩི ཨརཧཏོ གིཧིསཾཡོཛནཾ པཧཱིནཾ ཨུཙྪིནྣམཱུལཾ ཏཱལཱཝཏྠུཀཏཾ ཨནབྷཱཝངྐཏཾ ཨཱཡཏིཾ ཨནུཔྤཱདདྷམྨཾ, ནོ ཙ ཝཏ རེ ཝཏྟབྦེ – ‘‘གིཧིསྶ ཨརཧཱ’’ཏི.

གིཧིསྶ ཨརཧཱཏི? ཨཱམནྟཱ. ཨཏྠི ཀོཙི གིཧཱི གིཧིསཾཡོཛནཾ ¶ ཨཔྤཧཱཡ དིཊྛེཝ དྷམྨེ ¶ དུཀྑསྶནྟཀརོཏི [མ. ནི. ༢.༡༨༦]? ནཏྠི. ཧཉྩི ནཏྠི ཀོཙི གིཧཱི གིཧིསཾཡོཛནཾ ཨཔྤཧཱཡ དིཊྛེཝ དྷམྨེ དུཀྑསྶནྟཀརོ, ནོ ཙ ཝཏ རེ ཝཏྟབྦེ – ‘‘གིཧིསྶ ཨརཧཱ’’ཏི.

གིཧིསྶ ཨརཧཱཏི? ཨཱམནྟཱ. ནནུ ཝཙྪགོཏྟོ པརིབྦཱཛཀོ བྷགཝནྟཾ ཨེཏདཝོཙ – ‘‘ཨཏྠི ནུ ཁོ, བྷོ གོཏམ, ཀོཙི གིཧཱི གིཧིསཾཡོཛནཾ ཨཔྤཧཱཡ ཀཱཡསྶ བྷེདཱ དུཀྑསྶནྟཀརོ’’ཏི? ‘‘ནཏྠི ཁོ, ཝཙྪ, ཀོཙི གིཧཱི གིཧིསཾཡོཛནཾ ཨཔྤཧཱཡ ཀཱཡསྶ བྷེདཱ དུཀྑསྶནྟཀརོ’’ཏི. ཨཏྠེཝ སུཏྟནྟོཏི? ཨཱམནྟཱ ¶ . ཏེན ཧི ན ཝཏྟབྦཾ – ‘‘གིཧིསྶ ཨརཧཱ’’ཏི.

གིཧིསྶ ཨརཧཱཏི? ཨཱམནྟཱ. ཨརཧཱ མེཐུནཾ དྷམྨཾ པཊིསེཝེཡྻ, མེཐུནཾ ཨུཔྤཱདེཡྻ, པུཏྟསམྦཱདྷསཡནཾ ཨཛ྄ཛྷཱཝསེཡྻ, ཀཱསིཀཙནྡནཾ པཙྩནུབྷཝེཡྻ, མཱལཱགནྡྷཝིལེཔནཾ དྷཱརེཡྻ, ཛཱཏརཱུཔརཛཏཾ སཱདིཡེཡྻ, ཨཛེལ༹ཀཾ པཊིགྒཎྷེཡྻ, ཀུཀྐུཊསཱུཀརཾ པཊིགྒཎྷེཡྻ, ཧཏྠིགཝསྶཝལ༹ཝཾ པཊིགྒཎྷེཡྻ, ཏིཏྟིརཝཊྚཀམོརཀཔིཉྫརཾ [… ཀཔིཉྫལཾ (སྱཱ. ཀཾ. པཱི.)] པཊིགྒཎྷེཡྻ, ཙིཏྟཝཎྜཝཱལམོལི༹ཾ [པཱིཏཝཎྚཝཱལམོལི༹ཀཾ (སྱཱ. ཀཾ. པཱི.)] དྷཱརེཡྻ, ཨོདཱཏཱནི ཝཏྠཱནི དཱིགྷདསཱནི དྷཱརེཡྻ, ཡཱཝཛཱིཝཾ ཨགཱརིཡབྷཱུཏོ ཨསྶཱཏི? ན ཧེཝཾ ཝཏྟབྦེ…པེ….

ན ¶ ཝཏྟབྦཾ – ‘‘གིཧིསྶ ཨརཧཱ’’ཏི? ཨཱམནྟཱ. ནནུ ཡསོ ཀུལཔུཏྟོ, ཨུཏྟིཡོ གཧཔཏི, སེཏུ མཱཎཝོ, གིཧིབྱཉྫནེན ཨརཧཏྟཾ པཏྟོཏི? ཨཱམནྟཱ. ཧཉྩི ཡསོ ཀུལཔུཏྟོ, ཨུཏྟིཡོ གཧཔཏི, སེཏུ མཱཎཝོ, གིཧིབྱཉྫནེན ཨརཧཏྟཾ ¶ པཏྟོ, ཏེན ཝཏ རེ ཝཏྟབྦེ – ‘‘གིཧིསྶ ཨརཧཱ’’ཏི.

གིཧིསྶ ཨརཧཱཏིཀཐཱ ནིཊྛིཏཱ.

༤. ཙཏུཏྠཝགྒོ

(༣༤) ༢. ཨུཔཔཏྟིཀཐཱ

༣༨༨. སཧ ཨུཔཔཏྟིཡཱ ཨརཧཱཏི? ཨཱམནྟཱ. སཧ ཨུཔཔཏྟིཡཱ སོཏཱཔནྣོ ཧོཏཱིཏི? ན ཧེཝཾ ཝཏྟབྦེ…པེ….

སཧ ¶ ཨུཔཔཏྟིཡཱ ཨརཧཱཏི? ཨཱམནྟཱ ¶ . སཧ ཨུཔཔཏྟིཡཱ སཀདཱགཱམཱི ཧོཏཱིཏི? ན ཧེཝཾ ཝཏྟབྦེ…པེ….

སཧ ཨུཔཔཏྟིཡཱ ཨརཧཱཏི? ཨཱམནྟཱ. སཧ ཨུཔཔཏྟིཡཱ ཨནཱགཱམཱི ཧོཏཱིཏི? ན ཧེཝཾ ཝཏྟབྦེ…པེ….

སཧ ཨུཔཔཏྟིཡཱ སོཏཱཔནྣོ ན ཧོཏཱིཏི? ཨཱམནྟཱ. ཧཉྩི སཧ ཨུཔཔཏྟིཡཱ སོཏཱཔནྣོ ན ཧོཏི, ནོ ཙ ཝཏ རེ ཝཏྟབྦེ – ‘‘སཧ ཨུཔཔཏྟིཡཱ ཨརཧཱ’’ཏི.

སཧ ཨུཔཔཏྟིཡཱ སཀདཱགཱམཱི ན ཧོཏཱིཏི? ཨཱམནྟཱ. ཧཉྩི སཧ ཨུཔཔཏྟིཡཱ སཀདཱགཱམཱི ན ཧོཏི, ནོ ཙ ཝཏ རེ ཝཏྟབྦེ – ‘‘སཧ ཨུཔཔཏྟིཡཱ ཨརཧཱ’’ཏི.

སཧ ཨུཔཔཏྟིཡཱ ཨནཱགཱམཱི ན ཧོཏཱིཏི? ཨཱམནྟཱ. ཧཉྩི ¶ སཧ ཨུཔཔཏྟིཡཱ ཨནཱགཱམཱི ན ཧོཏི, ནོ ཙ ཝཏ རེ ཝཏྟབྦེ – ‘‘སཧ ཨུཔཔཏྟིཡཱ ཨརཧཱ’’ཏི.

༣༨༩. སཧ ཨུཔཔཏྟིཡཱ ཨརཧཱཏི? ཨཱམནྟཱ. སཱརིཔུཏྟོ ཐེརོ སཧ ཨུཔཔཏྟིཡཱ ཨརཧཱཏི? ན ཧེཝཾ ཝཏྟབྦེ. མཧཱམོགྒལླཱནོ ཐེརོ ¶ …པེ… མཧཱཀསྶཔོ ཐེརོ…པེ… མཧཱཀཙྩཱནོ ཐེརོ…པེ… མཧཱཀོཊྛིཀོ ཐེརོ…པེ… མཧཱཔནྠཀོ ཐེརོ སཧ ཨུཔཔཏྟིཡཱ ཨརཧཱཏི? ན ཧེཝཾ ཝཏྟབྦེ…པེ….

སཱརིཔུཏྟོ ཐེརོ ན སཧ ཨུཔཔཏྟིཡཱ ཨརཧཱཏི? ཨཱམནྟཱ. ཧཉྩི སཱརིཔུཏྟོ ཐེརོ ན སཧ ཨུཔཔཏྟིཡཱ ཨརཧཱ, ནོ ཙ ཝཏ རེ ཝཏྟབྦེ – ‘‘སཧ ཨུཔཔཏྟིཡཱ ཨརཧཱ’’ཏི.

མཧཱམོགྒལླཱནོ ཐེརོ…པེ… མཧཱཀསྶཔོ ཐེརོ…པེ… མཧཱཀཙྩཱནོ ཐེརོ…པེ… མཧཱཀོཊྛིཀོ ཐེརོ…པེ… མཧཱཔནྠཀོ ཐེརོ ན སཧ ཨུཔཔཏྟིཡཱ ཨརཧཱཏི? ཨཱམནྟཱ. ཧཉྩི ¶ མཧཱཔནྠཀོ ཐེརོ ན སཧ ཨུཔཔཏྟིཡཱ ཨརཧཱ, ནོ ཙ ཝཏ རེ ཝཏྟབྦེ – ‘‘སཧ ཨུཔཔཏྟིཡཱ ཨརཧཱ’’ཏི.

༣༩༠. སཧ ¶ ཨུཔཔཏྟིཡཱ ཨརཧཱཏི? ཨཱམནྟཱ. ཨུཔཔཏྟེསིཡེན ཙིཏྟེན ཨརཧཏྟཾ སཙྪིཀརོཏི ལོཀིཡེན སཱསཝེན…པེ… སཾཀིལེསིཡེནཱཏི ¶ ? ན ཧེཝཾ ཝཏྟབྦེ…པེ….

སཧ ཨུཔཔཏྟིཡཱ ཨརཧཱཏི? ཨཱམནྟཱ. ཨུཔཔཏྟེསིཡཾ ཙིཏྟཾ ནིཡྻཱནིཀཾ ཁཡགཱམཱི བོདྷགཱམཱི ཨཔཙཡགཱམཱི ཨནཱསཝཾ…པེ… ཨསཾཀིལེསིཡནྟི? ན ཧེཝཾ ཝཏྟབྦེ…པེ….

ནནུ ཨུཔཔཏྟེསིཡཾ ཙིཏྟཾ ཨནིཡྻཱནིཀཾ ན ཁཡགཱམི ན བོདྷགཱམི ན ཨཔཙཡགཱམི སཱསཝཾ…པེ… སཾཀིལེསིཡནྟི? ཨཱམནྟཱ. ཧཉྩི ཨུཔཔཏྟེསིཡཾ ཙིཏྟཾ ཨནིཡྻཱནིཀཾ ན ཁཡགཱམི ན བོདྷགཱམི ན ཨཔཙཡགཱམི སཱསཝཾ…པེ… སཾཀིལེསིཡཾ, ནོ ཙ ཝཏ རེ ཝཏྟབྦེ – ‘‘སཧ ཨུཔཔཏྟིཡཱ ཨརཧཱ’’ཏི.

སཧ ཨུཔཔཏྟིཡཱ ཨརཧཱཏི? ཨཱམནྟཱ. ཨུཔཔཏྟེསིཡེན ཙིཏྟེན རཱགཾ པཛཧཏི, དོསཾ པཛཧཏི, མོཧཾ པཛཧཏི, ཨནོཏྟཔྤཾ པཛཧཏཱིཏི? ན ཧེཝཾ ཝཏྟབྦེ…པེ….

སཧ ཨུཔཔཏྟིཡཱ ཨརཧཱཏི? ཨཱམནྟཱ. ཨུཔཔཏྟེསིཡཾ ཙིཏྟཾ མགྒོ… སཏིཔཊྛཱནཾ…པེ… སམྨཔྤདྷཱནཾ… ཨིདྡྷིཔཱདོ… ཨིནྡྲིཡཾ… བལཾ… བོཛ྄ཛྷངྒོཏི? ན ཧེཝཾ ཝཏྟབྦེ…པེ….

སཧ ཨུཔཔཏྟིཡཱ ཨརཧཱཏི? ཨཱམནྟཱ. ཨུཔཔཏྟེསིཡེན ཙིཏྟེན དུཀྑཾ པརིཛཱནཱཏི, སམུདཡཾ པཛཧཏི, ནིརོདྷཾ སཙྪིཀརོཏི, མགྒཾ བྷཱཝེཏཱིཏི? ན ¶ ཧེཝཾ ཝཏྟབྦེ …པེ… སཧ ཨུཔཔཏྟིཡཱ ཨརཧཱཏི? ཨཱམནྟཱ. ཙུཏིཙིཏྟཾ ¶ མགྒཙིཏྟཾ ཨུཔཔཏྟེསིཡཾ ཙིཏྟཾ ཕལཙིཏྟནྟི? ན ཧེཝཾ ཝཏྟབྦེ…པེ….

ཨུཔཔཏྟིཀཐཱ ནིཊྛིཏཱ.

༤. ཙཏུཏྠཝགྒོ

(༣༥) ༣. ཨནཱསཝཀཐཱ

༣༩༡. ཨརཧཏོ ¶ ¶ སབྦེ དྷམྨཱ ཨནཱསཝཱཏི? ཨཱམནྟཱ. མགྒོ ཕལཾ ནིབྦཱནཾ, སོཏཱཔཏྟིམགྒོ སོཏཱཔཏྟིཕལཾ, སཀདཱགཱམིམགྒོ སཀདཱགཱམིཕལཾ, ཨནཱགཱམིམགྒོ ཨནཱགཱམིཕལཾ, ཨརཧཏྟམགྒོ ཨརཧཏྟཕལཾ, སཏིཔཊྛཱནཾ སམྨཔྤདྷཱནཾ ཨིདྡྷིཔཱདོ ཨིནྡྲིཡཾ བལཾ བོཛ྄ཛྷངྒོཏི? ན ཧེཝཾ ཝཏྟབྦེ…པེ….

ཨརཧཏོ སབྦེ དྷམྨཱ ཨནཱསཝཱཏི? ཨཱམནྟཱ. ཨརཧཏོ ཙཀྑུཾ ཨནཱསཝནྟི? ན ཧེཝཾ ཝཏྟབྦེ…པེ…. ཨརཧཏོ ཙཀྑུཾ ཨནཱསཝནྟི? ཨཱམནྟཱ. མགྒོ ཕལཾ ནིབྦཱནཾ, སོཏཱཔཏྟིམགྒོ སོཏཱཔཏྟིཕལཾ…པེ… བོཛ྄ཛྷངྒོཏི? ན ཧེཝཾ ཝཏྟབྦེ…པེ….

ཨརཧཏོ སོཏཾ…པེ… ཨརཧཏོ གྷཱནཾ… ཨརཧཏོ ཛིཝ྄ཧཱ… ཨརཧཏོ ཀཱཡོ ཨནཱསཝོཏི? ན ཧེཝཾ ཝཏྟབྦེ …པེ… ཨརཧཏོ ཀཱཡོ ཨནཱསཝོཏི? ཨཱམནྟཱ. མགྒོ ཕལཾ ནིབྦཱནཾ, སོཏཱཔཏྟིམགྒོ སོཏཱཔཏྟིཕལཾ…པེ… བོཛ྄ཛྷངྒོཏི? ན ཧེཝཾ ཝཏྟབྦེ…པེ….

ཨརཧཏོ ཀཱཡོ ཨནཱསཝོཏི? ཨཱམནྟཱ. ཨརཧཏོ ཀཱཡོ པགྒཧནིགྒཧུཔགོ ཚེདནབྷེདནུཔགོ ཀཱཀེཧི གིཛ྄ཛྷེཧི ཀུལལེཧི སཱདྷཱརཎོཏི? ཨཱམནྟཱ. ཨནཱསཝོ ¶ དྷམྨོ པགྒཧནིགྒཧུཔགོ ཚེདནབྷེདནུཔགོ ཀཱཀེཧི གིཛ྄ཛྷེཧི ཀུལལེཧི སཱདྷཱརཎོཏི? ན ཧེཝཾ ཝཏྟབྦེ ¶ …པེ….

ཨརཧཏོ ཀཱཡེ ཝིསཾ ཀམེཡྻ, སཏྠཾ ཀམེཡྻ, ཨགྒི ཀམེཡྻཱཏི? ཨཱམནྟཱ. ཨནཱསཝེ དྷམྨེ ཝིསཾ ཀམེཡྻ, སཏྠཾ ཀམེཡྻ, ཨགྒི ཀམེཡྻཱཏི? ན ཧེཝཾ ཝཏྟབྦེ…པེ….

ལབྦྷཱ ¶ ཨརཧཏོ ཀཱཡོ ཨདྡུབནྡྷནེན བནྡྷིཏུཾ, རཛྫུབནྡྷནེན བནྡྷིཏུཾ, སངྑལིཀབནྡྷནེན བནྡྷིཏུཾ, གཱམབནྡྷནེན བནྡྷིཏུཾ, ནིགམབནྡྷནེན བནྡྷིཏུཾ, ནགརབནྡྷནེན བནྡྷིཏུཾ, ཛནཔདབནྡྷནེན བནྡྷིཏུཾ ¶ , ཀཎྛཔཉྩམེཧི བནྡྷནེཧི བནྡྷིཏུནྟི? ཨཱམནྟཱ. ལབྦྷཱ ཨནཱསཝོ དྷམྨོ ཨདྡུབནྡྷནེན བནྡྷིཏུཾ, རཛྫུབནྡྷནེན བནྡྷིཏུཾ, སངྑལིཀབནྡྷནེན བནྡྷིཏུཾ, གཱམནིགམནགརཛནཔདབནྡྷནེན བནྡྷིཏུཾ, ཀཎྛཔཉྩམེཧི བནྡྷནེཧི བནྡྷིཏུནྟི? ན ཧེཝཾ ཝཏྟབྦེ…པེ….

༣༩༢. ཡདི ཨརཧཱ པུཐུཛྫནསྶ ཙཱིཝརཾ དེཏི, ཨནཱསཝཾ ཧུཏྭཱ སཱསཝཾ ཧོཏཱིཏི? ན ཧེཝཾ ཝཏྟབྦེ…པེ… ཨནཱསཝཾ ཧུཏྭཱ སཱསཝཾ ཧོཏཱིཏི? ཨཱམནྟཱ. ཏཉྙེཝ ཨནཱསཝཾ ཏཾ སཱསཝནྟི? ན ཧེཝཾ ཝཏྟབྦེ…པེ… ཏཉྙེཝ ཨནཱསཝཾ ཏཾ སཱསཝནྟི? ཨཱམནྟཱ. མགྒོ ཨནཱསཝོ ཧུཏྭཱ སཱསཝོ ཧོཏཱིཏི? ན ཧེཝཾ ཝཏྟབྦེ…པེ… ཕལཾ… སཏིཔཊྛཱནཾ… སམྨཔྤདྷཱནཾ… ཨིདྡྷིཔཱདོ… ཨིནྡྲིཡཾ… བལཾ… བོཛ྄ཛྷངྒོ ཨནཱསཝོ ཧུཏྭཱ སཱསཝོ ཧོཏཱིཏི? ན ¶ ཧེཝཾ ཝཏྟབྦེ…པེ….

ཡདི ཨརཧཱ པུཐུཛྫནསྶ པིཎྜཔཱཏཾ དེཏི, སེནཱསནཾ དེཏི ¶ , གིལཱནཔཙྩཡབྷེསཛྫཔརིཀྑཱརཾ དེཏི, ཨནཱསཝོ ཧུཏྭཱ སཱསཝོ ཧོཏཱིཏི? ན ཧེཝཾ ཝཏྟབྦེ…པེ… ཨནཱསཝོ ཧུཏྭཱ སཱསཝོ ཧོཏཱིཏི? ཨཱམནྟཱ. ཏཉྙེཝ ཨནཱསཝཾ ཏཾ སཱསཝནྟི? ན ཧེཝཾ ཝཏྟབྦེ…པེ… ཏཉྙེཝ ཨནཱསཝཾ ཏཾ སཱསཝནྟི? ཨཱམནྟཱ. མགྒོ ཨནཱསཝོ ཧུཏྭཱ སཱསཝོ ཧོཏཱིཏི? ན ཧེཝཾ ཝཏྟབྦེ…པེ… ཕལཾ… སཏིཔཊྛཱནཾ… སམྨཔྤདྷཱནཾ… ཨིདྡྷིཔཱདོ… ཨིནྡྲིཡཾ… བལཾ… བོཛ྄ཛྷངྒོ ཨནཱསཝོ ཧུཏྭཱ སཱསཝོ ཧོཏཱིཏི? ན ཧེཝཾ ཝཏྟབྦེ…པེ….

ཡདི པུཐུཛྫནོ ཨརཧཏོ ཙཱིཝརཾ དེཏི, སཱསཝཾ ཧུཏྭཱ ཨནཱསཝཾ ཧོཏཱིཏི? ན ཧེཝཾ ཝཏྟབྦེ…པེ… སཱསཝཾ ཧུཏྭཱ ཨནཱསཝཾ ཧོཏཱིཏི? ཨཱམནྟཱ. ཏཉྙེཝ སཱསཝཾ ཏཾ ཨནཱསཝནྟི? ན ཧེཝཾ ཝཏྟབྦེ…པེ… ཏཉྙེཝ སཱསཝཾ ཏཾ ཨནཱསཝནྟི? ཨཱམནྟཱ. རཱགོ སཱསཝོ ཧུཏྭཱ ཨནཱསཝོ ཧོཏཱིཏི? ན ཧེཝཾ ཝཏྟབྦེ…པེ… དོསོ…པེ… མོཧོ…པེ… ཨནོཏྟཔྤཾ སཱསཝཾ ཧུཏྭཱ ཨནཱསཝཾ ཧོཏཱིཏི? ན ཧེཝཾ ཝཏྟབྦེ…པེ….

ཡདི པུཐུཛྫནོ ཨརཧཏོ པིཎྜཔཱཏཾ དེཏི, སེནཱསནཾ དེཏི, གིལཱནཔཙྩཡབྷེསཛྫཔརིཀྑཱརཾ དེཏི, སཱསཝོ ཧུཏྭཱ ཨནཱསཝོ ཧོཏཱིཏི? ན ཧེཝཾ ཝཏྟབྦེ…པེ… སཱསཝོ ཧུཏྭཱ ཨནཱསཝོ ཧོཏཱིཏི? ཨཱམནྟཱ. ཏཉྙེཝ ¶ སཱསཝཾ ཏཾ ཨནཱསཝནྟི? ན ཧེཝཾ ཝཏྟབྦེ…པེ… ཏཉྙེཝ སཱསཝཾ ¶ ཏཾ ཨནཱསཝནྟི? ཨཱམནྟཱ. རཱགོ སཱསཝོ ཧུཏྭཱ ཨནཱསཝོ ¶ ཧོཏཱིཏི ¶ ? ན ཧེཝཾ ཝཏྟབྦེ…པེ… དོསོ…པེ… མོཧོ…པེ… ཨནོཏྟཔྤཾ སཱསཝཾ ཧུཏྭཱ ཨནཱསཝཾ ཧོཏཱིཏི? ན ཧེཝཾ ཝཏྟབྦེ…པེ….

ན ཝཏྟབྦཾ – ‘‘ཨརཧཏོ སབྦེ དྷམྨཱ ཨནཱསཝཱ’’ཏི? ཨཱམནྟཱ. ནནུ ཨརཧཱ ཨནཱསཝོཏི? ཨཱམནྟཱ. ཧཉྩི ཨརཧཱ ཨནཱསཝོ, ཏེན ཝཏ རེ ཝཏྟབྦེ – ‘‘ཨརཧཏོ སབྦེ དྷམྨཱ ཨནཱསཝཱ’’ཏི.

ཨནཱསཝཀཐཱ ནིཊྛིཏཱ.

༤. ཙཏུཏྠཝགྒོ

(༣༦) ༤. སམནྣཱགཏཀཐཱ

༣༩༣. ཨརཧཱ ཙཏཱུཧི ཕལེཧི སམནྣཱགཏོཏི? ཨཱམནྟཱ. ཨརཧཱ ཙཏཱུཧི ཕསྶེཧི ཙཏཱུཧི ཝེདནཱཧི ཙཏཱུཧི སཉྙཱཧི ཙཏཱུཧི ཙེཏནཱཧི ཙཏཱུཧི ཙིཏྟེཧི ཙཏཱུཧི སདྡྷཱཧི ཙཏཱུཧི ཝཱིརིཡེཧི ཙཏཱུཧི སཏཱིཧི ཙཏཱུཧི སམཱདྷཱིཧི ཙཏཱུཧི པཉྙཱཧི སམནྣཱགཏོཏི? ན ཧེཝཾ ཝཏྟབྦེ…པེ….

ཨནཱགཱམཱི ཏཱིཧི ཕལེཧི སམནྣཱགཏོཏི? ཨཱམནྟཱ. ཨནཱགཱམཱི ཏཱིཧི ཕསྶེཧི…པེ… ཏཱིཧི པཉྙཱཧི སམནྣཱགཏོཏི? ན ཧེཝཾ ཝཏྟབྦེ…པེ….

སཀདཱགཱམཱི དྭཱིཧི ཕལེཧི སམནྣཱགཏོཏི? ཨཱམནྟཱ. སཀདཱགཱམཱི དྭཱིཧི ཕསྶེཧི…པེ… དྭཱིཧི པཉྙཱཧི སམནྣཱགཏོཏི? ན ཧེཝཾ ཝཏྟབྦེ…པེ….

ཨརཧཱ ¶ སོཏཱཔཏྟིཕལེན སམནྣཱགཏོཏི? ཨཱམནྟཱ. ཨརཧཱ ¶ སོཏཱཔནྣོ སཏྟཀྑཏྟུཔརམོ, ཀོལངྐོལོ, ཨེཀབཱིཛཱིཏི? ན ཧེཝཾ ཝཏྟབྦེ…པེ… ཨརཧཱ སཀདཱགཱམིཕལེན སམནྣཱགཏོཏི? ཨཱམནྟཱ. ཨརཧཱ སཀདཱགཱམཱིཏི? ན ཧེཝཾ ཝཏྟབྦེ ¶ …པེ… ཨརཧཱ ཨནཱགཱམིཕལེན སམནྣཱགཏོཏི? ཨཱམནྟཱ. ཨརཧཱ ཨནཱགཱམཱི, ཨནྟརཱཔརིནིབྦཱཡཱི, ཨུཔཧཙྩཔརིནིབྦཱཡཱི, ཨསངྑཱརཔརིནིབྦཱཡཱི, སསངྑཱརཔརིནིབྦཱཡཱི, ཨུདྡྷཾསོཏོ ཨཀནིཊྛགཱམཱིཏི? ན ཧེཝཾ ཝཏྟབྦེ…པེ….

ཨནཱགཱམཱི སོཏཱཔཏྟིཕལེན སམནྣཱགཏོཏི? ཨཱམནྟཱ. ཨནཱགཱམཱི སོཏཱཔནྣོ སཏྟཀྑཏྟུཔརམོ, ཀོལངྐོལོ, ཨེཀབཱིཛཱིཏི? ན ཧེཝཾ ཝཏྟབྦེ ¶ …པེ… ཨནཱགཱམཱི སཀདཱགཱམིཕལེན སམནྣཱགཏོཏི? ཨཱམནྟཱ. ཨནཱགཱམཱི སཀདཱགཱམཱིཏི? ན ཧེཝཾ ཝཏྟབྦེ…པེ….

སཀདཱགཱམཱི སོཏཱཔཏྟིཕལེན སམནྣཱགཏོཏི? ཨཱམནྟཱ. སཀདཱགཱམཱི སོཏཱཔནྣོ སཏྟཀྑཏྟུཔརམོ, ཀོལངྐོལོ, ཨེཀབཱིཛཱིཏི? ན ཧེཝཾ ཝཏྟབྦེ…པེ….

༣༩༤. སོཏཱཔཏྟིཕལེན སམནྣཱགཏོ ‘‘སོཏཱཔནྣོ’’ཏི ཝཏྟབྦོཏི? ཨཱམནྟཱ. ཨརཧཱ སོཏཱཔཏྟིཕལེན སམནྣཱགཏོཏི? ཨཱམནྟཱ. སྭེཝ ཨརཧཱ, སོ སོཏཱཔནྣོཏི? ན ཧེཝཾ ཝཏྟབྦེ…པེ….

སཀདཱགཱམིཕལེན སམནྣཱགཏོ ‘‘སཀདཱགཱམཱི’’ཏི ཝཏྟབྦོཏི? ཨཱམནྟཱ ¶ . ཨརཧཱ སཀདཱགཱམིཕལེན སམནྣཱགཏོཏི? ཨཱམནྟཱ. སྭེཝ ཨརཧཱ, སོ སཀདཱགཱམཱིཏི? ན ཧེཝཾ ཝཏྟབྦེ…པེ….

ཨནཱགཱམིཕལེན སམནྣཱགཏོ ‘‘ཨནཱགཱམཱི’’ཏི ཝཏྟབྦོཏི? ཨཱམནྟཱ ¶ . ཨརཧཱ ཨནཱགཱམིཕལེན སམནྣཱགཏོཏི? ཨཱམནྟཱ. སྭེཝ ཨརཧཱ, སོ ཨནཱགཱམཱིཏི? ན ཧེཝཾ ཝཏྟབྦེ…པེ….

སོཏཱཔཏྟིཕལེན སམནྣཱགཏོ ‘‘སོཏཱཔནྣོ’’ཏི ཝཏྟབྦོཏི? ཨཱམནྟཱ. ཨནཱགཱམཱི སོཏཱཔཏྟིཕལེན སམནྣཱགཏོཏི? ཨཱམནྟཱ. སྭེཝ ཨནཱགཱམཱི, སོ སོཏཱཔནྣོཏི? ན ཧེཝཾ ཝཏྟབྦེ…པེ….

སཀདཱགཱམིཕལེན ¶ སམནྣཱགཏོ ‘‘སཀདཱགཱམཱི’’ཏི ཝཏྟབྦོཏི? ཨཱམནྟཱ. ཨནཱགཱམཱི སཀདཱགཱམིཕལེན སམནྣཱགཏོཏི? ཨཱམནྟཱ. སྭེཝ ཨནཱགཱམཱི, སོ སཀདཱགཱམཱིཏི? ན ཧེཝཾ ཝཏྟབྦེ…པེ….

སོཏཱཔཏྟིཕལེན སམནྣཱགཏོ ‘‘སོཏཱཔནྣོ’’ཏི ཝཏྟབྦོཏི? ཨཱམནྟཱ. སཀདཱགཱམཱི སོཏཱཔཏྟིཕལེན སམནྣཱགཏོཏི? ཨཱམནྟཱ. སྭེཝ སཀདཱགཱམཱི, སོ སོཏཱཔནྣོཏི? ན ཧེཝཾ ཝཏྟབྦེ…པེ….

༣༩༥. ཨརཧཱ སོཏཱཔཏྟིཕལེན སམནྣཱགཏོཏི? ཨཱམནྟཱ. ནནུ ཨརཧཱ སོཏཱཔཏྟིཕལཾ ཝཱིཏིཝཏྟོཏི? ཨཱམནྟཱ. ཧཉྩི ཨརཧཱ སོཏཱཔཏྟིཕལཾ ཝཱིཏིཝཏྟོ, ནོ ཙ ཝཏ རེ ཝཏྟབྦེ – ‘‘ཨརཧཱ སོཏཱཔཏྟིཕལེན སམནྣཱགཏོ’’ཏི.

ཨརཧཱ ¶ སོཏཱཔཏྟིཕལཾ ཝཱིཏིཝཏྟོ ཏེན སམནྣཱགཏོཏི? ཨཱམནྟཱ. ཨརཧཱ ¶ སོཏཱཔཏྟིམགྒཾ ཝཱིཏིཝཏྟོ, སཀྐཱཡདིཊྛིཾ ཝིཙིཀིཙྪཾ སཱིལབྦཏཔརཱམཱསཾ, ཨཔཱཡགམནཱིཡཾ རཱགཾ, ཨཔཱཡགམནཱིཡཾ དོསཾ, ཨཔཱཡགམནཱིཡཾ མོཧཾ ཝཱིཏིཝཏྟོ ཏེན སམནྣཱགཏོཏི? ན ཧེཝཾ ཝཏྟབྦེ…པེ….

ཨརཧཱ སཀདཱགཱམིཕལེན སམནྣཱགཏོཏི? ཨཱམནྟཱ. ནནུ ¶ ཨརཧཱ སཀདཱགཱམིཕལཾ ཝཱིཏིཝཏྟོཏི? ཨཱམནྟཱ. ཧཉྩི ཨརཧཱ སཀདཱགཱམིཕལཾ ཝཱིཏིཝཏྟོ, ནོ ཙ ཝཏ རེ ཝཏྟབྦེ – ‘‘ཨརཧཱ སཀདཱགཱམིཕལེན སམནྣཱགཏོ’’ཏི.

ཨརཧཱ སཀདཱགཱམིཕལཾ ཝཱིཏིཝཏྟོ ཏེན སམནྣཱགཏོཏི? ཨཱམནྟཱ. ཨརཧཱ སཀདཱགཱམིམགྒཾ ཝཱིཏིཝཏྟོ, ཨོལཱ༹རིཀཾ ཀཱམརཱགཾ, ཨོལཱ༹རིཀཾ བྱཱཔཱདཾ ཝཱིཏིཝཏྟོ ཏེན སམནྣཱགཏོཏི? ན ཧེཝཾ ཝཏྟབྦེ…པེ….

ཨརཧཱ ཨནཱགཱམིཕལེན སམནྣཱགཏོཏི? ཨཱམནྟཱ. ནནུ ཨརཧཱ ཨནཱགཱམིཕལཾ ཝཱིཏིཝཏྟོཏི? ཨཱམནྟཱ. ཧཉྩི ཨརཧཱ ཨནཱགཱམིཕལཾ ཝཱིཏིཝཏྟོ, ནོ ཙ ཝཏ རེ ཝཏྟབྦེ – ‘‘ཨརཧཱ ཨནཱགཱམིཕལེན སམནྣཱགཏོ’’ཏི.

ཨརཧཱ ¶ ཨནཱགཱམིཕལཾ ཝཱིཏིཝཏྟོ ཏེན སམནྣཱགཏོཏི? ཨཱམནྟཱ. ཨརཧཱ ཨནཱགཱམིམགྒཾ ཝཱིཏིཝཏྟོ, ཨཎུསཧགཏཾ ཀཱམརཱགཾ, ཨཎུསཧགཏཾ བྱཱཔཱདཾ ཝཱིཏིཝཏྟོ ཏེན སམནྣཱགཏོཏི? ན ཧེཝཾ ཝཏྟབྦེ…པེ….

ཨནཱགཱམཱི སོཏཱཔཏྟིཕལེན སམནྣཱགཏོཏི? ཨཱམནྟཱ. ནནུ ཨནཱགཱམཱི སོཏཱཔཏྟིཕལཾ ཝཱིཏིཝཏྟོཏི? ཨཱམནྟཱ. ཧཉྩི ཨནཱགཱམཱི སོཏཱཔཏྟིཕལཾ ཝཱིཏིཝཏྟོ, ནོ ཙ ཝཏ རེ ཝཏྟབྦེ – ‘‘ཨནཱགཱམཱི སོཏཱཔཏྟིཕལེན སམནྣཱགཏོ’’ཏི.

ཨནཱགཱམཱི སོཏཱཔཏྟིཕལཾ ཝཱིཏིཝཏྟོ ཏེན སམནྣཱགཏོཏི? ཨཱམནྟཱ ¶ ¶ . ཨནཱགཱམཱི སོཏཱཔཏྟིམགྒཾ ཝཱིཏིཝཏྟོ, སཀྐཱཡདིཊྛིཾ…པེ… ཨཔཱཡགམནཱིཡཾ མོཧཾ ཝཱིཏིཝཏྟོ ཏེན སམནྣཱགཏོཏི? ན ཧེཝཾ ཝཏྟབྦེ…པེ….

ཨནཱགཱམཱི སཀདཱགཱམིཕལེན སམནྣཱགཏོཏི? ཨཱམནྟཱ. ནནུ ཨནཱགཱམཱི སཀདཱགཱམིཕལཾ ཝཱིཏིཝཏྟོཏི? ཨཱམནྟཱ. ཧཉྩི ཨནཱགཱམཱི སཀདཱགཱམིཕལཾ ཝཱིཏིཝཏྟོ, ནོ ཙ ཝཏ རེ ཝཏྟབྦེ – ‘‘ཨནཱགཱམཱི སཀདཱགཱམིཕལེན སམནྣཱགཏོ’’ཏི.

ཨནཱགཱམཱི ¶ སཀདཱགཱམིཕལཾ ཝཱིཏིཝཏྟོ ཏེན སམནྣཱགཏོཏི? ཨཱམནྟཱ. ཨནཱགཱམཱི སཀདཱགཱམིམགྒཾ ཝཱིཏིཝཏྟོ, ཨོལཱ༹རིཀཾ ཀཱམརཱགཾ, ཨོལཱ༹རིཀཾ བྱཱཔཱདཾ ཝཱིཏིཝཏྟོ ཏེན སམནྣཱགཏོཏི? ན ཧེཝཾ ཝཏྟབྦེ…པེ….

སཀདཱགཱམཱི སོཏཱཔཏྟིཕལེན སམནྣཱགཏོཏི? ཨཱམནྟཱ. ནནུ སཀདཱགཱམཱི སོཏཱཔཏྟིཕལཾ ཝཱིཏིཝཏྟོཏི? ཨཱམནྟཱ. ཧཉྩི སཀདཱགཱམཱི སོཏཱཔཏྟིཕལཾ ཝཱིཏིཝཏྟོ, ནོ ཙ ཝཏ རེ ཝཏྟབྦེ – ‘‘སཀདཱགཱམཱི སོཏཱཔཏྟིཕལེན སམནྣཱགཏོ’’ཏི.

སཀདཱགཱམཱི སོཏཱཔཏྟིཕལཾ ཝཱིཏིཝཏྟོ ཏེན སམནྣཱགཏོཏི? ཨཱམནྟཱ. སཀདཱགཱམཱི སོཏཱཔཏྟིམགྒཾ ཝཱིཏིཝཏྟོ, སཀྐཱཡདིཊྛིཾ…པེ… ཨཔཱཡགམནཱིཡཾ མོཧཾ ཝཱིཏིཝཏྟོ ཏེན སམནྣཱགཏོཏི? ན ཧེཝཾ ཝཏྟབྦེ…པེ….

༣༩༦. ན ¶ ཝཏྟབྦཾ – ‘‘ཨརཧཱ ཙཏཱུཧི ཕལེཧི སམནྣཱགཏོ’’ཏི? ཨཱམནྟཱ ¶ . ནནུ ཨརཧཏཱ ཙཏྟཱརི ཕལཱནི པཊིལདྡྷཱནི, ཏེཧི ཙ ཨཔརིཧཱིནོཏི? ཨཱམནྟཱ ¶ . ཧཉྩི ཨརཧཏཱ ཙཏྟཱརི ཕལཱནི པཊིལདྡྷཱནི ཏེཧི ཙ ཨཔརིཧཱིནོ, ཏེན ཝཏ རེ ཝཏྟབྦེ – ‘‘ཨརཧཱ ཙཏཱུཧི ཕལེཧི སམནྣཱགཏོ’’ཏི.

ན ཝཏྟབྦཾ – ‘‘ཨནཱགཱམཱི ཏཱིཧི ཕལེཧི སམནྣཱགཏོ’’ཏི? ཨཱམནྟཱ. ནནུ ཨནཱགཱམིནཱ ཏཱིཎི ཕལཱནི པཊིལདྡྷཱནི, ཏེཧི ཙ ཨཔརིཧཱིནོཏི? ཨཱམནྟཱ. ཧཉྩི ཨནཱགཱམིནཱ ཏཱིཎི ཕལཱནི པཊིལདྡྷཱནི ཏེཧི ཙ ཨཔརིཧཱིནོ, ཏེན ཝཏ རེ ཝཏྟབྦེ – ‘‘ཨནཱགཱམཱི ཏཱིཧི ཕལེཧི སམནྣཱགཏོ’’ཏི.

ན ཝཏྟབྦཾ – ‘‘སཀདཱགཱམཱི དྭཱིཧི ཕལེཧི སམནྣཱགཏོ’’ཏི? ཨཱམནྟཱ. ནནུ སཀདཱགཱམིནཱ དྭེ ཕལཱནི པཊིལདྡྷཱནི, ཏེཧི ཙ ཨཔརིཧཱིནོཏི? ཨཱམནྟཱ. ཧཉྩི སཀདཱགཱམིནཱ དྭེ ཕལཱནི པཊིལདྡྷཱནི ཏེཧི ཙ ཨཔརིཧཱིནོ, ཏེན ཝཏ རེ ཝཏྟབྦེ – ‘‘སཀདཱགཱམཱི དྭཱིཧི ཕལེཧི སམནྣཱགཏོ’’ཏི.

ཨརཧཏཱ ཙཏྟཱརི ཕལཱནི པཊིལདྡྷཱནི ཏེཧི ཙ ཨཔརིཧཱིནོཏི, ཨརཧཱ ཙཏཱུཧི ཕལེཧི སམནྣཱགཏོཏི? ཨཱམནྟཱ. ཨརཧཏཱ ཙཏྟཱརོ མགྒཱ པཊིལདྡྷཱ ཏེཧི ཙ ཨཔརིཧཱིནོཏི, ཨརཧཱ ཙཏཱུཧི མགྒེཧི སམནྣཱགཏོཏི? ན ཧེཝཾ ཝཏྟབྦེ…པེ….

ཨནཱགཱམིནཱ ཏཱིཎི ཕལཱནི པཊིལདྡྷཱནི ཏེཧི ཙ ཨཔརིཧཱིནོཏི, ཨནཱགཱམཱི ཏཱིཧི ཕལེཧི སམནྣཱགཏོཏི? ཨཱམནྟཱ. ཨནཱགཱམིནཱ ¶ ཏཡོ ¶ མགྒཱ པཊིལདྡྷཱ ཏེཧི ཙ ཨཔརིཧཱིནོཏི, ཨནཱགཱམཱི ཏཱིཧི མགྒེཧི སམནྣཱགཏོཏི? ན ཧེཝཾ ཝཏྟབྦེ…པེ….

སཀདཱགཱམིནཱ དྭེ ཕལཱནི པཊིལདྡྷཱནི ཏེཧི ཙ ཨཔརིཧཱིནོཏི, སཀདཱགཱམཱི དྭཱིཧི ཕལེཧི སམནྣཱགཏོཏི? ཨཱམནྟཱ. སཀདཱགཱམིནཱ ¶ དྭེ མགྒཱ པཊིལདྡྷཱ, ཏེཧི ཙ ཨཔརིཧཱིནོཏི, སཀདཱགཱམཱི དྭཱིཧི མགྒེཧི སམནྣཱགཏོཏི? ན ཧེཝཾ ཝཏྟབྦེ…པེ….

སམནྣཱགཏཀཐཱ ནིཊྛིཏཱ.

༤. ཙཏུཏྠཝགྒོ

(༣༧) ༥. ཨུཔེཀྑཱསམནྣཱགཏཀཐཱ

༣༩༧. ཨརཧཱ ¶ ཚཧི ཨུཔེཀྑཱཧི སམནྣཱགཏོཏི? ཨཱམནྟཱ. ཨརཧཱ ཚཧི ཕསྶེཧི, ཚཧི ཝེདནཱཧི, ཚཧི སཉྙཱཧི…པེ… ཚཧི པཉྙཱཧི སམནྣཱགཏོཏི? ན ཧེཝཾ ཝཏྟབྦེ…པེ….

ཨརཧཱ ཚཧི ཨུཔེཀྑཱཧི སམནྣཱགཏོཏི? ཨཱམནྟཱ. ཨརཧཱ ཙཀྑུནཱ རཱུཔཾ པསྶནྟོ སོཏེན སདྡཾ སུཎཱཏི, གྷཱནེན གནྡྷཾ གྷཱཡཏི, ཛིཝ྄ཧཱཡ རསཾ སཱཡཏི, ཀཱཡེན ཕོཊྛབྦཾ ཕུསཏི, མནསཱ དྷམྨཾ ཝིཛཱནཱཏི…པེ… མནསཱ དྷམྨཾ ཝིཛཱནནྟོ ཙཀྑུནཱ རཱུཔཾ པསྶཏི, སོཏེན སདྡཾ སུཎཱཏི, གྷཱནེན གནྡྷཾ གྷཱཡཏི, ཛིཝ྄ཧཱཡ རསཾ སཱཡཏི, ཀཱཡེན ཕོཊྛབྦཾ ཕུསཏཱིཏི? ན ཧེཝཾ ཝཏྟབྦེ…པེ….

ཨརཧཱ ཚཧི ཨུཔེཀྑཱཧི སམནྣཱགཏོཏི? ཨཱམནྟཱ. སཏཏཾ ¶ སམིཏཾ ཨབྦོཀིཎྞཾ ཚཧི ཨུཔེཀྑཱཧི སམནྣཱགཏོ སམོཧིཏོ [སམཱཧིཏོ (སྱཱ.)], ཚ ཨུཔེཀྑཱཡོ པཙྩུཔཊྛིཏཱཏི? ན ཧེཝཾ ཝཏྟབྦེ…པེ….

ན ཝཏྟབྦཾ – ‘‘ཨརཧཱ ཚཧི ཨུཔེཀྑཱཧི སམནྣཱགཏོ’’ཏི? ཨཱམནྟཱ. ནནུ ཨརཧཱ ཚལ༹ངྒུཔེཀྑོཏི? ཨཱམནྟཱ. ཧཉྩི ཨརཧཱ ཚལ༹ངྒུཔེཀྑོ, ཏེན ཝཏ རེ ཝཏྟབྦེ – ‘‘ཨརཧཱ ཚཧི ཨུཔེཀྑཱཧི སམནྣཱགཏོ’’ཏི…པེ….

ཨུཔེཀྑཱསམནྣཱགཏཀཐཱ ནིཊྛིཏཱ.

༤. ཙཏུཏྠཝགྒོ

(༣༨) ༦. བོདྷིཡཱ བུདྡྷོཏིཀཐཱ

༣༩༨. བོདྷིཡཱ ¶ ¶ བུདྡྷོཏི? ཨཱམནྟཱ. བོདྷིཡཱ ནིརུདྡྷཱཡ ཝིགཏཱཡ པཊིཔསྶདྡྷཱཡ ཨབུདྡྷོ ཧོཏཱིཏི? ན ཧེཝཾ ཝཏྟབྦེ…པེ….

བོདྷིཡཱ ¶ བུདྡྷོཏི? ཨཱམནྟཱ. ཨཏཱིཏཱཡ བོདྷིཡཱ བུདྡྷོཏི? ན ཧེཝཾ ཝཏྟབྦེ…པེ… ཨཏཱིཏཱཡ བོདྷིཡཱ བུདྡྷོཏི? ཨཱམནྟཱ. ཏཱཡ བོདྷིཡཱ བོདྷིཀརཎཱིཡཾ ཀརོཏཱིཏི? ན ཧེཝཾ ཝཏྟབྦེ…པེ….

ཏཱཡ བོདྷིཡཱ བོདྷིཀརཎཱིཡཾ ཀརོཏཱིཏི? ཨཱམནྟཱ. ཏཱཡ བོདྷིཡཱ དུཀྑཾ པརིཛཱནཱཏི, སམུདཡཾ པཛཧཏི, ནིརོདྷཾ སཙྪིཀརོཏི, མགྒཾ བྷཱཝེཏཱིཏི? ན ཧེཝཾ ཝཏྟབྦེ…པེ….

བོདྷིཡཱ བུདྡྷོཏི? ཨཱམནྟཱ. ཨནཱགཏཱཡ བོདྷིཡཱ བུདྡྷོཏི ¶ ? ན ཧེཝཾ ཝཏྟབྦེ…པེ….

ཨནཱགཏཱཡ བོདྷིཡཱ བུདྡྷོཏི? ཨཱམནྟཱ. ཏཱཡ བོདྷིཡཱ བོདྷིཀརཎཱིཡཾ ཀརོཏཱིཏི? ན ཧེཝཾ ཝཏྟབྦེ…པེ….

ཏཱཡ བོདྷིཡཱ བོདྷིཀརཎཱིཡཾ ཀརོཏཱིཏི? ཨཱམནྟཱ. ཏཱཡ བོདྷིཡཱ དུཀྑཾ པརིཛཱནཱཏི…པེ… མགྒཾ བྷཱཝེཏཱིཏི? ན ཧེཝཾ ཝཏྟབྦེ…པེ….

པཙྩུཔྤནྣཱཡ བོདྷིཡཱ བུདྡྷོ, ཏཱཡ བོདྷིཡཱ བོདྷིཀརཎཱིཡཾ ཀརོཏཱིཏི? ཨཱམནྟཱ. ཨཏཱིཏཱཡ བོདྷིཡཱ བུདྡྷོ, ཏཱཡ བོདྷིཡཱ བོདྷིཀརཎཱིཡཾ ཀརོཏཱིཏི? ན ¶ ཧེཝཾ ཝཏྟབྦེ…པེ….

པཙྩུཔྤནྣཱཡ བོདྷིཡཱ བུདྡྷོ, ཏཱཡ བོདྷིཡཱ དུཀྑཾ པརིཛཱནཱཏི, སམུདཡཾ པཛཧཏི, ནིརོདྷཾ སཙྪིཀརོཏི, མགྒཾ བྷཱཝེཏཱིཏི? ཨཱམནྟཱ. ཨཏཱིཏཱཡ བོདྷིཡཱ བུདྡྷོ, ཏཱཡ བོདྷིཡཱ དུཀྑཾ པརིཛཱནཱཏི…པེ… མགྒཾ བྷཱཝེཏཱིཏི? ན ཧེཝཾ ཝཏྟབྦེ…པེ….

པཙྩུཔྤནྣཱཡ བོདྷིཡཱ བུདྡྷོ, ཏཱཡ བོདྷིཡཱ བོདྷིཀརཎཱིཡཾ ཀརོཏཱིཏི? ཨཱམནྟཱ. ཨནཱགཏཱཡ བོདྷིཡཱ བུདྡྷོ, ཏཱཡ བོདྷིཡཱ བོདྷིཀརཎཱིཡཾ ཀརོཏཱིཏི? ན ཧེཝཾ ཝཏྟབྦེ…པེ….

པཙྩུཔྤནྣཱཡ ¶ བོདྷིཡཱ བུདྡྷོ, ཏཱཡ བོདྷིཡཱ དུཀྑཾ པརིཛཱནཱཏི…པེ… མགྒཾ བྷཱཝེཏཱིཏི ¶ ? ཨཱམནྟཱ. ཨནཱགཏཱཡ བོདྷིཡཱ བུདྡྷོ, ཏཱཡ བོདྷིཡཱ དུཀྑཾ པརིཛཱནཱཏི…པེ… མགྒཾ བྷཱཝེཏཱིཏི? ན ཧེཝཾ ཝཏྟབྦེ…པེ….

ཨཏཱིཏཱཡ ¶ བོདྷིཡཱ བུདྡྷོ, ན ཙ ཏཱཡ བོདྷིཡཱ བོདྷིཀརཎཱིཡཾ ཀརོཏཱིཏི? ཨཱམནྟཱ. པཙྩུཔྤནྣཱཡ བོདྷིཡཱ བུདྡྷོ, ན ཙ ཏཱཡ བོདྷིཡཱ བོདྷིཀརཎཱིཡཾ ཀརོཏཱིཏི? ན ཧེཝཾ ཝཏྟབྦེ…པེ….

ཨཏཱིཏཱཡ བོདྷིཡཱ བུདྡྷོ, ན ཙ ཏཱཡ བོདྷིཡཱ དུཀྑཾ པརིཛཱནཱཏི…པེ… མགྒཾ བྷཱཝེཏཱིཏི? ཨཱམནྟཱ. པཙྩུཔྤནྣཱཡ བོདྷིཡཱ བུདྡྷོ, ན ཙ ཏཱཡ བོདྷིཡཱ དུཀྑཾ པརིཛཱནཱཏི…པེ… མགྒཾ བྷཱཝེཏཱིཏི? ན ཧེཝཾ ཝཏྟབྦེ…པེ….

ཨནཱགཏཱཡ བོདྷིཡཱ བུདྡྷོ, ན ཙ ཏཱཡ བོདྷིཡཱ བོདྷིཀརཎཱིཡཾ ཀརོཏཱིཏི? ཨཱམནྟཱ. པཙྩུཔྤནྣཱཡ བོདྷིཡཱ བུདྡྷོ, ན ཙ ཏཱཡ བོདྷིཡཱ བོདྷིཀརཎཱིཡཾ ཀརོཏཱིཏི? ན ¶ ཧེཝཾ ཝཏྟབྦེ…པེ….

ཨནཱགཏཱཡ བོདྷིཡཱ བུདྡྷོ, ན ཙ ཏཱཡ བོདྷིཡཱ དུཀྑཾ པརིཛཱནཱཏི…པེ… མགྒཾ བྷཱཝེཏཱིཏི? ཨཱམནྟཱ. པཙྩུཔྤནྣཱཡ བོདྷིཡཱ བུདྡྷོ, ན ཙ ཏཱཡ བོདྷིཡཱ དུཀྑཾ པརིཛཱནཱཏི…པེ… མགྒཾ བྷཱཝེཏཱིཏི? ན ཧེཝཾ ཝཏྟབྦེ…པེ….

༣༩༩. ཨཏཱིཏཱཡ བོདྷིཡཱ བུདྡྷོ, ཨནཱགཏཱཡ བོདྷིཡཱ བུདྡྷོ, པཙྩུཔྤནྣཱཡ བོདྷིཡཱ བུདྡྷོཏི? ཨཱམནྟཱ. ཏཱིཧི བོདྷཱིཧི བུདྡྷོཏི? ན ཧེཝཾ ཝཏྟབྦེ…པེ….

ཏཱིཧི བོདྷཱིཧི བུདྡྷོཏི? ཨཱམནྟཱ. སཏཏཾ སམིཏཾ ཨབྦོཀིཎྞཾ ཏཱིཧི བོདྷཱིཧི སམནྣཱགཏོ སམོཧིཏོ, ཏིསྶོ བོདྷིཡོ པཙྩུཔཊྛིཏཱཏི? ན ཧེཝཾ ཝཏྟབྦེ…པེ….

ན ¶ ཝཏྟབྦཾ – ‘‘བོདྷིཡཱ བུདྡྷོ’’ཏི? ཨཱམནྟཱ. ནནུ བོདྷིཔཊིལཱབྷཱ བུདྡྷོཏི? ཨཱམནྟཱ. ཧཉྩི བོདྷིཔཊིལཱབྷཱ བུདྡྷོ, ཏེན ཝཏ རེ ཝཏྟབྦེ – ‘‘བོདྷིཡཱ བུདྡྷོ’’ཏི.

བོདྷིཔཊིལཱབྷཱ ¶ བུདྡྷོཏི, བོདྷིཡཱ བུདྡྷོཏི? ཨཱམནྟཱ. བོདྷིཔཊིལཱབྷཱ བོདྷཱིཏི? ན ཧེཝཾ ཝཏྟབྦེ…པེ….

བོདྷིཡཱ བུདྡྷོཏིཀཐཱ ནིཊྛིཏཱ.

༤. ཙཏུཏྠཝགྒོ

(༣༩) ༧. ལཀྑཎཀཐཱ

༤༠༠. ལཀྑཎསམནྣཱགཏོ ¶ བོདྷིསཏྟོཏི? ཨཱམནྟཱ. པདེསལཀྑཎེཧི སམནྣཱགཏོ པདེསབོདྷིསཏྟོཏི? ན ཧེཝཾ ཝཏྟབྦེ…པེ….

ལཀྑཎསམནྣཱགཏོ བོདྷིསཏྟོཏི? ཨཱམནྟཱ ¶ . ཏིབྷཱགལཀྑཎེཧི སམནྣཱགཏོ ཏིབྷཱགབོདྷིསཏྟོཏི? ན ཧེཝཾ ཝཏྟབྦེ…པེ….

ལཀྑཎསམནྣཱགཏོ བོདྷིསཏྟོཏི? ཨཱམནྟཱ. ཨུཔཌྜྷལཀྑཎེཧི སམནྣཱགཏོ ཨུཔཌྜྷབོདྷིསཏྟོཏི? ན ཧེཝཾ ཝཏྟབྦེ…པེ….

ལཀྑཎསམནྣཱགཏོ བོདྷིསཏྟོཏི? ཨཱམནྟཱ. ཙཀྐཝཏྟིསཏྟོ ལཀྑཎསམནྣཱགཏོ, ཙཀྐཝཏྟིསཏྟོ བོདྷིསཏྟོཏི? ན ཧེཝཾ ཝཏྟབྦེ…པེ….

ཙཀྐཝཏྟིསཏྟོ ལཀྑཎསམནྣཱགཏོ, ཙཀྐཝཏྟིསཏྟོ བོདྷིསཏྟོཏི? ཨཱམནྟཱ. ཡཱདིསོ བོདྷིསཏྟསྶ པུབྦཡོགོ པུབྦཙརིཡཱ དྷམྨཀྑཱནཾ ¶ དྷམྨདེསནཱ, ཏཱདིསོ ཙཀྐཝཏྟིསཏྟསྶ པུབྦཡོགོ པུབྦཙརིཡཱ དྷམྨཀྑཱནཾ དྷམྨདེསནཱཏི? ན ཧེཝཾ ཝཏྟབྦེ…པེ….

༤༠༡. ཡཐཱ བོདྷིསཏྟསྶ ཛཱཡམཱནསྶ དེཝཱ པཋམཾ པཊིགྒཎྷནྟི པཙྪཱ མནུསྶཱ [དཱི. ནི. ༢.༢༧; མ. ནི. ༣.༢༠༥ ཝུཏྟཾ དིསྶཱཡ པུཙྪཏི], ཨེཝམེཝཾ ¶ ཙཀྐཝཏྟིསཏྟསྶ ཛཱཡམཱནསྶ དེཝཱ པཋམཾ པཊིགྒཎྷནྟི པཙྪཱ མནུསྶཱཏི? ན ཧེཝཾ ཝཏྟབྦེ…པེ….

ཡཐཱ བོདྷིསཏྟསྶ ཛཱཡམཱནསྶ ཙཏྟཱརོ ནཾ དེཝཔུཏྟཱ པཊིགྒཧེཏྭཱ མཱཏུ པུརཏོ ཋཔེནྟི – ‘‘ཨཏྟམནཱ, དེཝི, ཧོཧི! མཧེསཀྑོ ཏེ པུཏྟོ ཨུཔྤནྣོ’’ཏི, ཨེཝམེཝཾ ཙཀྐཝཏྟིསཏྟསྶ ཛཱཡམཱནསྶ ཙཏྟཱརོ ནཾ དེཝཔུཏྟཱ པཊིགྒཧེཏྭཱ མཱཏུ པུརཏོ ཋཔེནྟི – ‘‘ཨཏྟམནཱ, དེཝི, ཧོཧི! མཧེསཀྑོ ཏེ པུཏྟོ ཨུཔྤནྣོ’’ཏི? ན ཧེཝཾ ཝཏྟབྦེ…པེ….

ཡཐཱ བོདྷིསཏྟསྶ ཛཱཡམཱནསྶ དྭེ ཨུདཀསྶ དྷཱརཱ ཨནྟལིཀྑཱ པཱཏུབྷཝནྟི – ཨེཀཱ སཱིཏསྶ, ཨེཀཱ ཨུཎྷསྶ – ཡེན བོདྷིསཏྟསྶ ཨུདཀཀིཙྩཾ ཀརོནྟི མཱཏུ ཙ, ཨེཝམེཝཾ ཙཀྐཝཏྟིསཏྟསྶ ¶ ཛཱཡམཱནསྶ དྭེ ཨུདཀསྶ དྷཱརཱ ཨནྟལིཀྑཱ པཱཏུབྷཝནྟི – ཨེཀཱ སཱིཏསྶ, ཨེཀཱ ཨུཎྷསྶ – ཡེན ¶ ཙཀྐཝཏྟིསཏྟསྶ ཨུདཀཀིཙྩཾ ཀརོནྟི མཱཏུ ཙཱཏི? ན ཧེཝཾ ཝཏྟབྦེ…པེ….

ཡཐཱ སམྤཏིཛཱཏོ བོདྷིསཏྟོ སམེཧི པཱདེཧི པཏིཊྛཧིཏྭཱ ཨུཏྟརེན ཨབྷིམུཁོ སཏྟཔདཝཱིཏིཧཱརེན གཙྪཏི སེཏམྷི ཚཏྟེ ཨནུདྷཱརིཡམཱནེ, སབྦཱ ཙ དིསཱ ཝིལོཀེཏི, ཨཱསབྷིཉྩ ཝཱཙཾ བྷཱསཏི – ‘‘ཨགྒོཧམསྨི ¶ ལོཀསྶ, ཛེཊྛོཧམསྨི ལོཀསྶ, སེཊྛོཧམསྨི ལོཀསྶ, ཨཡམནྟིམཱ ཛཱཏི, ནཏྠི དཱནི པུནབྦྷཝོ’’ཏི, ཨེཝམེཝཾ སམྤཏིཛཱཏོ ཙཀྐཝཏྟིསཏྟོ སམེཧི པཱདེཧི པཏིཊྛཧིཏྭཱ ཨུཏྟརེན ཨབྷིམུཁོ སཏྟཔདཝཱིཏིཧཱརེན གཙྪཏི སེཏམྷི ཚཏྟེ ཨནུདྷཱརིཡམཱནེ, སབྦཱ ཙ དིསཱ ཝིལོཀེཏི, ཨཱསབྷིཉྩ ཝཱཙཾ བྷཱསཏི – ‘‘ཨགྒོཧམསྨི ལོཀསྶ, ཛེཊྛོཧམསྨི ལོཀསྶ, སེཊྛོཧམསྨི ལོཀསྶ, ཨཡམནྟིམཱ ཛཱཏི, ནཏྠི དཱནི པུནབྦྷཝོ’’ཏི? ན ཧེཝཾ ཝཏྟབྦེ…པེ….

ཡཐཱ བོདྷིསཏྟསྶ ཛཱཡམཱནསྶ མཧཏོ ཨཱལོཀསྶ མཧཏོ ཨོབྷཱསསྶ མཧཏོ བྷཱུམིཙཱལསྶ པཱཏུབྷཱཝོ ཧོཏི, ཨེཝམེཝཾ ཙཀྐཝཏྟིསཏྟསྶ ཛཱཡམཱནསྶ མཧཏོ ཨཱལོཀསྶ མཧཏོ ཨོབྷཱསསྶ མཧཏོ བྷཱུམིཙཱལསྶ པཱཏུབྷཱཝོ ཧོཏཱིཏི? ན ཧེཝཾ ཝཏྟབྦེ…པེ….

ཡཐཱ ¶ བོདྷིསཏྟསྶ པཀཏིཀཱཡོ སམནྟཱ བྱཱམཾ ཨོབྷཱསཏི, ཨེཝམེཝཾ ཙཀྐཝཏྟིསཏྟསྶ པཀཏིཀཱཡོ སམནྟཱ བྱཱམཾ ཨོབྷཱསཏཱིཏི? ན ཧེཝཾ ཝཏྟབྦེ…པེ….

ཡཐཱ བོདྷིསཏྟོ མཧཱསུཔིནཾ པསྶཏི, ཨེཝམེཝཾ ཙཀྐཝཏྟིསཏྟོ མཧཱསུཔིནཾ པསྶཏཱིཏི? ན ཧེཝཾ ཝཏྟབྦེ…པེ….

༤༠༢. ན ཝཏྟབྦཾ – ‘‘ལཀྑཎསམནྣཱགཏོ བོདྷིསཏྟོ’’ཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘དྭཏྟིཾསིམཱནི, བྷིཀྑཝེ, མཧཱཔུརིསསྶ མཧཱཔུརིསལཀྑཎཱནི, ཡེཧི སམནྣཱགཏསྶ ¶ མཧཱཔུརིསསྶ དྭེཝ གཏིཡོ བྷཝནྟི ཨནཉྙཱ [ན ཨཉྙཱ (ཀ.)]! སཙེ ཨགཱརཾ ཨཛ྄ཛྷཱཝསཏི, རཱཛཱ ཧོཏི ཙཀྐཝཏྟཱི དྷམྨིཀོ དྷམྨརཱཛཱ ¶ ཙཱཏུརནྟོ ཝིཛིཏཱཝཱི ཛནཔདཏྠཱཝརིཡཔྤཏྟོ སཏྟརཏནསམནྣཱགཏོ. ཏསྶིམཱནི སཏྟ རཏནཱནི བྷཝནྟི, སེཡྻཐིདཾ – ཙཀྐརཏནཾ, ཧཏྠིརཏནཾ, ཨསྶརཏནཾ ¶ , མཎིརཏནཾ, ཨིཏྠིརཏནཾ, གཧཔཏིརཏནཾ, པརིཎཱཡཀརཏནམེཝ སཏྟམཾ. པརོསཧསྶཾ ཁོ པནསྶ པུཏྟཱ བྷཝནྟི སཱུརཱ ཝཱིརངྒརཱུཔཱ པརསེནཔྤམདྡནཱ. སོ ཨིམཾ པཐཝིཾ སཱགརཔརིཡནྟཾ ཨདཎྜེན ཨསཏྠེན དྷམྨེན ཨབྷིཝིཛིཡ ཨཛ྄ཛྷཱཝསཏི. སཙེ ཁོ པན ཨགཱརསྨཱ ཨནགཱརིཡཾ པབྦཛཏི, ཨརཧཾ ཧོཏི སམྨཱསམྦུདྡྷོ ལོཀེ ཝིཝཊྚཙྪདོ’’ཏི [དཱི. ནི. ༣.༢༠༠]. ཨཏྠེཝ སུཏྟནྟོཏི? ཨཱམནྟཱ. ཏེན ཧི ལཀྑཎསམནྣཱགཏོ བོདྷིསཏྟོཏི.

ལཀྑཎཀཐཱ ནིཊྛིཏཱ.

༤. ཙཏུཏྠཝགྒོ

(༤༠) ༨. ནིཡཱམོཀྐནྟིཀཐཱ

༤༠༣. བོདྷིསཏྟོ ཀསྶཔསྶ བྷགཝཏོ པཱཝཙནེ ཨོཀྐནྟནིཡཱམོ ཙརིཏབྲཧྨཙརིཡོཏི [མ. ནི. ༢.༢༨༢ གྷཊིཀཱརསུཏྟཾ ནིསྶཱཡ པུཙྪཏི]? ཨཱམནྟཱ. བོདྷིསཏྟོ ཀསྶཔསྶ བྷགཝཏོ སཱཝཀོཏི? ན ཧེཝཾ ཝཏྟབྦེ…པེ….

བོདྷིསཏྟོ ¶ ཀསྶཔསྶ བྷགཝཏོ སཱཝཀོཏི? ཨཱམནྟཱ. སཱཝཀོ ཧུཏྭཱ བུདྡྷོ ཧོཏཱིཏི? ན ཧེཝཾ ཝཏྟབྦེ…པེ….

སཱཝཀོ ཧུཏྭཱ བུདྡྷོ ཧོཏཱིཏི? ཨཱམནྟཱ. ཨནུསྶཝིཡོཏི? ན ¶ ཧེཝཾ ཝཏྟབྦེ…པེ….

ཨནུསྶཝིཡོཏི ¶ ? ཨཱམནྟཱ. ནནུ བྷགཝཱ སཡམྦྷཱུཏི? ཨཱམནྟཱ. ཧཉྩི བྷགཝཱ སཡམྦྷཱུ, ནོ ཙ ཝཏ རེ ཝཏྟབྦེ – ‘‘ཨནུསྶཝིཡོ’’ཏི.

བོདྷིསཏྟོ ཀསྶཔསྶ བྷགཝཏོ པཱཝཙནེ ཨོཀྐནྟནིཡཱམོ ཙརིཏབྲཧྨཙརིཡོཏི? ཨཱམནྟཱ. བྷགཝཏཱ བོདྷིཡཱ མཱུལེ ཏཱིཎེཝ སཱམཉྙཕལཱནི ཨབྷིསམྦུདྡྷཱནཱིཏི? ན ཧེཝཾ ཝཏྟབྦེ…པེ….

ནནུ བྷགཝཏཱ བོདྷིཡཱ མཱུལེ ཙཏྟཱརི སཱམཉྙཕལཱནི ཨབྷིསམྦུདྡྷཱནཱིཏི? ཨཱམནྟཱ. ཧཉྩི བྷགཝཏཱ བོདྷིཡཱ མཱུལེ ཙཏྟཱརི སཱམཉྙཕལཱནི ཨབྷིསམྦུདྡྷཱནི, ནོ ཙ ཝཏ རེ ཝཏྟབྦེ – ‘‘བོདྷིསཏྟོ ཀསྶཔསྶ བྷགཝཏོ པཱཝཙནེ ཨོཀྐནྟནིཡཱམོ ཙརིཏབྲཧྨཙརིཡོ’’ཏི.

༤༠༤. བོདྷིསཏྟོ ¶ ཀསྶཔསྶ བྷགཝཏོ པཱཝཙནེ ཨོཀྐནྟནིཡཱམོ ཙརིཏབྲཧྨཙརིཡོཏི? ཨཱམནྟཱ. བོདྷིསཏྟོ དུཀྐརཀཱརིཡཾ ཨཀཱསཱིཏི? ཨཱམནྟཱ. དསྶནསམྤནྣོ པུགྒལོ དུཀྐརཀཱརིཡཾ ཀརེཡྻཱཏི? ན ཧེཝཾ ཝཏྟབྦེ…པེ….

བོདྷིསཏྟོ ཨཔརནྟཔཾ [ཨམརཾ ཏཔཾ (སཾ. ནི. ༡.༡༣༧)] ཨཀཱསི, ཨཉྙཾ སཏྠཱརཾ ཨུདྡིསཱིཏི? ཨཱམནྟཱ. དསྶནསམྤནྣོ པུགྒལོ ཨཉྙཾ སཏྠཱརཾ ཨུདྡིསེཡྻཱཏི? ན ཧེཝཾ ཝཏྟབྦེ…པེ….

ཨཱཡསྨཱ ཨཱནནྡོ བྷགཝཏོ པཱཝཙནེ ཨོཀྐནྟནིཡཱམོ ཙརིཏབྲཧྨཙརིཡོ, ཨཱཡསྨཱ ཨཱནནྡོ བྷགཝཏོ སཱཝཀོཏི? ཨཱམནྟཱ. བོདྷིསཏྟོ ཀསྶཔསྶ བྷགཝཏོ པཱཝཙནེ ཨོཀྐནྟནིཡཱམོ ཙརིཏབྲཧྨཙརིཡོ ¶ , བོདྷིསཏྟོ ཀསྶཔསྶ བྷགཝཏོ སཱཝཀོཏི? ན ¶ ཧེཝཾ ཝཏྟབྦེ…པེ….

ཙིཏྟོ ¶ གཧཔཏི ཧཏྠཀོ ཨཱལ༹ཝཀོ བྷགཝཏོ པཱཝཙནེ ཨོཀྐནྟནིཡཱམོ ཙརིཏབྲཧྨཙརིཡོ, ཙིཏྟོ གཧཔཏི ཧཏྠཀོ ཨཱལ༹ཝཀོ བྷགཝཏོ སཱཝཀོཏི? ཨཱམནྟཱ. བོདྷིསཏྟོ ཀསྶཔསྶ བྷགཝཏོ པཱཝཙནེ ཨོཀྐནྟནིཡཱམོ ཙརིཏབྲཧྨཙརིཡོ, བོདྷིསཏྟོ ཀསྶཔསྶ བྷགཝཏོ སཱཝཀོཏི? ན ཧེཝཾ ཝཏྟབྦེ…པེ….

བོདྷིསཏྟོ ཀསྶཔསྶ བྷགཝཏོ པཱཝཙནེ ཨོཀྐནྟནིཡཱམོ ཙརིཏབྲཧྨཙརིཡོ, ན ཙ ཀསྶཔསྶ བྷགཝཏོ སཱཝཀོཏི? ཨཱམནྟཱ. ཨཱཡསྨཱ ཨཱནནྡོ བྷགཝཏོ པཱཝཙནེ ཨོཀྐནྟནིཡཱམོ ཙརིཏབྲཧྨཙརིཡོ, ན ཙ བྷགཝཏོ སཱཝཀོཏི? ན ཧེཝཾ ཝཏྟབྦེ…པེ….

བོདྷིསཏྟོ ཀསྶཔསྶ བྷགཝཏོ པཱཝཙནེ ཨོཀྐནྟནིཡཱམོ ཙརིཏབྲཧྨཙརིཡོ, ན ཙ ཀསྶཔསྶ བྷགཝཏོ སཱཝཀོཏི? ཨཱམནྟཱ. ཙིཏྟོ གཧཔཏི ཧཏྠཀོ ཨཱལ༹ཝཀོ བྷགཝཏོ པཱཝཙནེ ཨོཀྐནྟནིཡཱམོ ཙརིཏབྲཧྨཙརིཡོ, ན ཙ བྷགཝཏོ སཱཝཀོཏི? ན ཧེཝཾ ཝཏྟབྦེ…པེ….

བོདྷིསཏྟོ ཀསྶཔསྶ བྷགཝཏོ པཱཝཙནེ ཨོཀྐནྟནིཡཱམོ ཙརིཏབྲཧྨཙརིཡོ, ན ཙ ཀསྶཔསྶ བྷགཝཏོ སཱཝཀོཏི? ཨཱམནྟཱ. སཱཝཀོ ཛཱཏིཾ ཝཱིཏིཝཏྟོ ཨསཱཝཀོ ཧོཏཱིཏི? ན ཧེཝཾ ཝཏྟབྦེ…པེ….

༤༠༥. ན ¶ ཝཏྟབྦཾ – ‘‘བོདྷིསཏྟོ ཀསྶཔསྶ བྷགཝཏོ པཱཝཙནེ ཨོཀྐནྟནིཡཱམོ ཙརིཏབྲཧྨཙརིཡོ’’ཏི? ཨཱམནྟཱ. ནནུ ཝུཏྟཾ བྷགཝཏཱ ¶ – ‘‘ཀསྶཔེ ཨཧཾ, ཨཱནནྡ, བྷགཝཏི བྲཧྨཙརིཡཾ ཨཙརིཾ ཨཱཡཏིཾ སམྦོདྷཱཡཱ’’ཏི! ཨཏྠེཝ སུཏྟནྟོཏི? ཨཱམནྟཱ ¶ . ཏེན ཧི ན ཝཏྟབྦཾ – ‘‘བོདྷིསཏྟོ ཀསྶཔསྶ བྷགཝཏོ པཱཝཙནེ ཨོཀྐནྟནིཡཱམོ ཙརིཏབྲཧྨཙརིཡོ’’ཏི.

བོདྷིསཏྟོ ཀསྶཔསྶ བྷགཝཏོ པཱཝཙནེ ཨོཀྐནྟནིཡཱམོ ཙརིཏབྲཧྨཙརིཡོཏི? ཨཱམནྟཱ. ནནུ ཝུཏྟཾ བྷགཝཏཱ –

‘‘སབྦཱབྷིབྷཱུ སབྦཝིདཱུཧམསྨི,

སབྦེསུ དྷམྨེསུ ཨནུཔལིཏྟོ;

སབྦཉྫཧོ ¶ ཏཎྷཀྑཡེ ཝིམུཏྟོ,

སཡཾ ཨབྷིཉྙཱཡ ཀམུདྡིསེཡྻཾ.

‘‘ན མེ ཨཱཙརིཡོ ཨཏྠི, སདིསོ མེ ན ཝིཛྫཏི;

སདེཝཀསྨིཾ ལོཀསྨིཾ, ནཏྠི མེ པཊིཔུགྒལོ.

‘‘ཨཧཉྷི ཨརཧཱ ལོཀེ, ཨཧཾ སཏྠཱ ཨནུཏྟརོ;

ཨེཀོམྷི སམྨཱསམྦུདྡྷོ, སཱིཏིབྷཱུཏོསྨི ནིབྦུཏོ.

‘‘དྷམྨཙཀྐཾ པཝཏྟེཏུཾ, གཙྪཱམི ཀཱསིནཾ པུརཾ;

ཨནྡྷཱིབྷཱུཏསྨིཾ [ཨནྡྷབྷཱུཏསྨིཾ (སཱི. སྱཱ. ཀཾ. པཱི.)] ལོཀསྨིཾ, ཨཱཧཉྪཾ [ཨཱཧཉྙིཾ (ཀ.)] ཨམཏདུནྡུབྷི’’ནྟི [དུདྲབྷིནྟི (ཀ.)].

‘‘ཡཐཱ ཁོ ཏྭཾ, ཨཱཝུསོ, པཊིཛཱནཱསི, ཨརཧསི ཨནནྟཛིནོ’’ཏི?

‘‘མཱདིསཱ ཝེ ཛིནཱ ཧོནྟི, ཡེ པཏྟཱ ཨཱསཝཀྑཡཾ;

ཛིཏཱ མེ པཱཔཀཱ དྷམྨཱ, ཏསྨཱཧཾ ཨུཔཀ ཛིནོ’’ཏི [མཧཱཝ. ༡༡; མ. ནི. ༡.༢༨༥; ༢.༣༤༡].

ཨཏྠེཝ སུཏྟནྟོཏི? ཨཱམནྟཱ. ཏེན ¶ ཧི ན ཝཏྟབྦཾ – ‘‘བོདྷིསཏྟོ ཀསྶཔསྶ ¶ བྷགཝཏོ པཱཝཙནེ ཨོཀྐནྟནིཡཱམོ ཙརིཏབྲཧྨཙརིཡོ’’ཏི.

བོདྷིསཏྟོ ཀསྶཔསྶ བྷགཝཏོ པཱཝཙནེ ཨོཀྐནྟནིཡཱམོ ཙརིཏབྲཧྨཙརིཡོཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘‘ཨིདཾ དུཀྑཾ ཨརིཡསཙྩ’ནྟི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ¶ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི. ‘ཏཾ ཁོ པནིདཾ དུཀྑཾ ཨརིཡསཙྩཾ པརིཉྙེཡྻ’ནྟི མེ, བྷིཀྑཝེ…པེ… པརིཉྙཱཏནྟི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི…པེ… ཨཱལོཀོ ཨུདཔཱདི. ‘ཨིདཾ དུཀྑསམུདཡཾ ཨརིཡསཙྩ’ནྟི མེ, བྷིཀྑཝེ…པེ… ‘ཏཾ ཁོ པནིདཾ དུཀྑསམུདཡཾ [དུཀྑསམུདཡོ (སྱཱ. ཀཾ.)] ཨརིཡསཙྩཾ པཧཱཏབྦ’ནྟི མེ, བྷིཀྑཝེ…པེ… པཧཱིནནྟི མེ, བྷིཀྑཝེ…པེ… ‘ཨིདཾ དུཀྑནིརོདྷཾ [དུཀྑནིརོདྷོ (སྱཱ. ཀཾ.)] ཨརིཡསཙྩ’ནྟི མེ, བྷིཀྑཝེ…པེ… ‘ཏཾ ཁོ པནིདཾ དུཀྑནིརོདྷཾ ¶ ཨརིཡསཙྩཾ སཙྪིཀཱཏབྦ’ནྟི མེ, བྷིཀྑཝེ…པེ… སཙྪིཀཏནྟི མེ, བྷིཀྑཝེ…པེ… ‘ཨིདཾ དུཀྑནིརོདྷགཱམིནཱི པཊིཔདཱ ཨརིཡསཙྩ’ནྟི མེ, བྷིཀྑཝེ…པེ… ‘ཏཾ ཁོ པནིདཾ དུཀྑནིརོདྷགཱམིནཱི པཊིཔདཱ ཨརིཡསཙྩཾ བྷཱཝེཏབྦ’ནྟི མེ, བྷིཀྑཝེ…པེ… བྷཱཝིཏནྟི མེ, བྷིཀྑཝེ, པུབྦེ ཨནནུསྶུཏེསུ དྷམྨེསུ ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདཱི’’ཏི [མཧཱཝ. ༡༥; སཾ. ནི. ༥.༡༠༨༡; པཊི. མ. ༢.༣༠]. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘བོདྷིསཏྟོ ཀསྶཔསྶ བྷགཝཏོ པཱཝཙནེ ཨོཀྐནྟནིཡཱམོ ཙརིཏབྲཧྨཙརིཡོ’’ཏི.

ནིཡཱམོཀྐནྟིཀཐཱ ནིཊྛིཏཱ.

༤. ཙཏུཏྠཝགྒོ

(༤༡) ༩. ཨཔརཱཔི སམནྣཱགཏཀཐཱ

༤༠༦. ཨརཧཏྟསཙྪིཀིརིཡཱཡ ¶ པཊིཔནྣོ པུགྒལོ ཏཱིཧི ཕལེཧི སམནྣཱགཏོཏི? ཨཱམནྟཱ. ཨརཧཏྟསཙྪིཀིརིཡཱཡ པཊིཔནྣོ པུགྒལོ ཙཏཱུཧི ཕསྶེཧི ¶ ཙཏཱུཧི ཝེདནཱཧི ཙཏཱུཧི སཉྙཱཧི ཙཏཱུཧི ཙེཏནཱཧི ཙཏཱུཧི ཙིཏྟེཧི ཙཏཱུཧི སདྡྷཱཧི ཙཏཱུཧི ཝཱིརིཡེཧི ཙཏཱུཧི སཏཱིཧི ཙཏཱུཧི སམཱདྷཱིཧི ཙཏཱུཧི པཉྙཱཧི སམནྣཱགཏོཏི? ན ཧེཝཾ ཝཏྟབྦེ…པེ….

ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ དྭཱིཧི ཕལེཧི སམནྣཱགཏོཏི? ཨཱམནྟཱ. ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ ཏཱིཧི ཕསྶེཧི ཏཱིཧི ཝེདནཱཧི…པེ… ཏཱིཧི པཉྙཱཧི སམནྣཱགཏོཏི? ན ཧེཝཾ ཝཏྟབྦེ…པེ….

སཀདཱགཱམིཕལསཙྪིཀིརིཡཱཡ ¶ པཊིཔནྣོ པུགྒལོ སོཏཱཔཏྟིཕལེན སམནྣཱགཏོཏི? ཨཱམནྟཱ. སཀདཱགཱམིཕལསཙྪིཀིརིཡཱཡ པཊིཔནྣོ པུགྒལོ དྭཱིཧི ཕསྶེཧི དྭཱིཧི ཝེདནཱཧི…པེ… དྭཱིཧི པཉྙཱཧི སམནྣཱགཏོཏི? ན ཧེཝཾ ཝཏྟབྦེ…པེ….

ཨརཧཏྟསཙྪིཀིརིཡཱཡ ¶ པཊིཔནྣོ པུགྒལོ སོཏཱཔཏྟིཕལེན སམནྣཱགཏོཏི? ཨཱམནྟཱ. ཨརཧཏྟསཙྪིཀིརིཡཱཡ པཊིཔནྣོ པུགྒལོ སོཏཱཔནྣོ སཏྟཀྑཏྟུཔརམོ, ཀོལངྐོལོ, ཨེཀབཱིཛཱིཏི? ན ཧེཝཾ ཝཏྟབྦེ…པེ….

ཨརཧཏྟསཙྪིཀིརིཡཱཡ ¶ པཊིཔནྣོ པུགྒལོ སཀདཱགཱམིཕལེན སམནྣཱགཏོཏི? ཨཱམནྟཱ. ཨརཧཏྟསཙྪིཀིརིཡཱཡ པཊིཔནྣོ པུགྒལོ སཀདཱགཱམཱིཏི? ན ཧེཝཾ ཝཏྟབྦེ…པེ….

ཨརཧཏྟསཙྪིཀིརིཡཱཡ པཊིཔནྣོ པུགྒལོ ཨནཱགཱམིཕལེན སམནྣཱགཏོཏི? ཨཱམནྟཱ. ཨརཧཏྟསཙྪིཀིརིཡཱཡ པཊིཔནྣོ པུགྒལོ ཨནཱགཱམཱི ཨནྟརཱཔརིནིབྦཱཡཱི, ཨུཔཧཙྩཔརིནིབྦཱཡཱི, ཨསངྑཱརཔརིནིབྦཱཡཱི, སསངྑཱརཔརིནིབྦཱཡཱི, ཨུདྡྷཾསོཏོ ཨཀནིཊྛགཱམཱིཏི? ན ཧེཝཾ ཝཏྟབྦེ…པེ….

ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ སོཏཱཔཏྟིཕལེན སམནྣཱགཏོཏི? ཨཱམནྟཱ ¶ . ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ སོཏཱཔནྣོ སཏྟཀྑཏྟུཔརམོ, ཀོལངྐོལོ, ཨེཀབཱིཛཱིཏི? ན ཧེཝཾ ཝཏྟབྦེ…པེ….

ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ སཀདཱགཱམིཕལེན སམནྣཱགཏོཏི? ཨཱམནྟཱ. ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ སཀདཱགཱམཱིཏི? ན ཧེཝཾ ཝཏྟབྦེ…པེ….

སཀདཱགཱམིཕལསཙྪིཀིརིཡཱཡ པཊིཔནྣོ པུགྒལོ སོཏཱཔཏྟིཕལེན སམནྣཱགཏོཏི? ཨཱམནྟཱ. སཀདཱགཱམིཕལསཙྪིཀིརིཡཱཡ པཊིཔནྣོ པུགྒལོ སོཏཱཔནྣོ སཏྟཀྑཏྟུཔརམོ, ཀོལངྐོལོ, ཨེཀབཱིཛཱིཏི? ན ཧེཝཾ ཝཏྟབྦེ…པེ….

༤༠༧. སོཏཱཔཏྟིཕལེན སམནྣཱགཏོ སོཏཱཔནྣོཏི ཝཏྟབྦོཏི? ཨཱམནྟཱ ¶ . ཨརཧཏྟསཙྪིཀིརིཡཱཡ པཊིཔནྣོ པུགྒལོ སོཏཱཔཏྟིཕལེན ¶ སམནྣཱགཏོཏི? ཨཱམནྟཱ. སྭེཝ ཨརཧཏྟསཙྪིཀིརིཡཱཡ པཊིཔནྣོ པུགྒལོ, སོ སོཏཱཔནྣོཏི? ན ཧེཝཾ ཝཏྟབྦེ…པེ….

སཀདཱགཱམིཕལེན ¶ སམནྣཱགཏོ སཀདཱགཱམཱིཏི ཝཏྟབྦོཏི? ཨཱམནྟཱ. ཨརཧཏྟསཙྪིཀིརིཡཱཡ པཊིཔནྣོ པུགྒལོ སཀདཱགཱམིཕལེན སམནྣཱགཏོཏི? ཨཱམནྟཱ. སྭེཝ ཨརཧཏྟསཙྪིཀིརིཡཱཡ པཊིཔནྣོ པུགྒལོ, སོ སཀདཱགཱམཱིཏི? ན ཧེཝཾ ཝཏྟབྦེ…པེ….

ཨནཱགཱམིཕལེན སམནྣཱགཏོ ཨནཱགཱམཱིཏི ཝཏྟབྦོཏི? ཨཱམནྟཱ. ཨརཧཏྟསཙྪིཀིརིཡཱཡ པཊིཔནྣོ པུགྒལོ ཨནཱགཱམིཕལེན སམནྣཱགཏོཏི? ཨཱམནྟཱ ¶ . སྭེཝ ཨརཧཏྟསཙྪིཀིརིཡཱཡ པཊིཔནྣོ པུགྒལོ, སོ ཨནཱགཱམཱིཏི? ན ཧེཝཾ ཝཏྟབྦེ…པེ….

སོཏཱཔཏྟིཕལེན སམནྣཱགཏོ སོཏཱཔནྣོཏི ཝཏྟབྦོཏི? ཨཱམནྟཱ. ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ སོཏཱཔཏྟིཕལེན སམནྣཱགཏོཏི? ཨཱམནྟཱ. སྭེཝ ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ, སོ སོཏཱཔནྣོཏི? ན ཧེཝཾ ཝཏྟབྦེ…པེ….

སཀདཱགཱམིཕལེན སམནྣཱགཏོ སཀདཱགཱམཱིཏི ཝཏྟབྦོཏི? ཨཱམནྟཱ. ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ སཀདཱགཱམིཕལེན སམནྣཱགཏོཏི? ཨཱམནྟཱ. སྭེཝ ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ, སོ སཀདཱགཱམཱིཏི? ན ཧེཝཾ ཝཏྟབྦེ…པེ….

སོཏཱཔཏྟིཕལེན སམནྣཱགཏོ སོཏཱཔནྣོཏི ཝཏྟབྦོཏི? ཨཱམནྟཱ ¶ . སཀདཱགཱམིཕལསཙྪིཀིརིཡཱཡ པཊིཔནྣོ པུགྒལོ སོཏཱཔཏྟིཕལེན སམནྣཱགཏོཏི? ཨཱམནྟཱ. སྭེཝ སཀདཱགཱམིཕལསཙྪིཀིརིཡཱཡ པཊིཔནྣོ པུགྒལོ, སོ སོཏཱཔནྣོཏི? ན ཧེཝཾ ཝཏྟབྦེ…པེ….

༤༠༨. ཨརཧཏྟསཙྪིཀིརིཡཱཡ པཊིཔནྣོ པུགྒལོ སོཏཱཔཏྟིཕལེན སམནྣཱགཏོཏི? ཨཱམནྟཱ. ནནུ ཨརཧཏྟསཙྪིཀིརིཡཱཡ པཊིཔནྣོ པུགྒལོ སོཏཱཔཏྟིཕལཾ ཝཱིཏིཝཏྟོཏི? ཨཱམནྟཱ. ཧཉྩི ཨརཧཏྟསཙྪིཀིརིཡཱཡ པཊིཔནྣོ པུགྒལོ སོཏཱཔཏྟིཕལཾ ཝཱིཏིཝཏྟོ, ནོ ཙ ཝཏ རེ ཝཏྟབྦེ – ‘‘ཨརཧཏྟསཙྪིཀིརིཡཱཡ ¶ པཊིཔནྣོ པུགྒལོ སོཏཱཔཏྟིཕལེན སམནྣཱགཏོ’’ཏི.

ཨརཧཏྟསཙྪིཀིརིཡཱཡ ¶ ¶ པཊིཔནྣོ པུགྒལོ སོཏཱཔཏྟིཕལཾ ཝཱིཏིཝཏྟོ, ཏེན སམནྣཱགཏོཏི? ཨཱམནྟཱ. ཨརཧཏྟསཙྪིཀིརིཡཱཡ པཊིཔནྣོ པུགྒལོ སོཏཱཔཏྟིམགྒཾ ཝཱིཏིཝཏྟོ, སཀྐཱཡདིཊྛིཾ ཝིཙིཀིཙྪཾ སཱིལབྦཏཔརཱམཱསཾ ཨཔཱཡགམནཱིཡཾ རཱགཾ ཨཔཱཡགམནཱིཡཾ དོསཾ ཨཔཱཡགམནཱིཡཾ མོཧཾ ཝཱིཏིཝཏྟོ, ཏེན སམནྣཱགཏོཏི? ན ཧེཝཾ ཝཏྟབྦེ…པེ….

ཨརཧཏྟསཙྪིཀིརིཡཱཡ པཊིཔནྣོ པུགྒལོ སཀདཱགཱམིཕལེན སམནྣཱགཏོཏི? ཨཱམནྟཱ. ནནུ ཨརཧཏྟསཙྪིཀིརིཡཱཡ པཊིཔནྣོ པུགྒལོ སཀདཱགཱམིཕལཾ ཝཱིཏིཝཏྟོཏི? ཨཱམནྟཱ. ཧཉྩི ཨརཧཏྟསཙྪིཀིརིཡཱཡ པཊིཔནྣོ པུགྒལོ སཀདཱགཱམིཕལཾ ཝཱིཏིཝཏྟོ, ནོ ཙ ཝཏ རེ ཝཏྟབྦེ – ‘‘ཨརཧཏྟསཙྪིཀིརིཡཱཡ པཊིཔནྣོ པུགྒལོ སཀདཱགཱམིཕལེན སམནྣཱགཏོ’’ཏི.

ཨརཧཏྟསཙྪིཀིརིཡཱཡ ¶ པཊིཔནྣོ པུགྒལོ སཀདཱགཱམིཕལཾ ཝཱིཏིཝཏྟོ, ཏེན སམནྣཱགཏོཏི? ཨཱམནྟཱ. ཨརཧཏྟསཙྪིཀིརིཡཱཡ པཊིཔནྣོ པུགྒལོ སཀདཱགཱམིམགྒཾ ཝཱིཏིཝཏྟོ, ཨོལཱ༹རིཀཾ ཀཱམརཱགཾ ཨོལཱ༹རིཀཾ བྱཱཔཱདཾ ཝཱིཏིཝཏྟོ, ཏེན སམནྣཱགཏོཏི? ན ཧེཝཾ ཝཏྟབྦེ…པེ….

ཨརཧཏྟསཙྪིཀིརིཡཱཡ པཊིཔནྣོ པུགྒལོ ཨནཱགཱམིཕལེན སམནྣཱགཏོཏི? ཨཱམནྟཱ. ནནུ ཨརཧཏྟསཙྪིཀིརིཡཱཡ པཊིཔནྣོ པུགྒལོ ཨནཱགཱམིཕལཾ ཝཱིཏིཝཏྟོཏི? ཨཱམནྟཱ. ཧཉྩི ཨརཧཏྟསཙྪིཀིརིཡཱཡ པཊིཔནྣོ པུགྒལོ ཨནཱགཱམིཕལཾ ཝཱིཏིཝཏྟོ, ནོ ཙ ཝཏ རེ ཝཏྟབྦེ – ‘‘ཨརཧཏྟསཙྪིཀིརིཡཱཡ པཊིཔནྣོ པུགྒལོ ཨནཱགཱམིཕལེན སམནྣཱགཏོ’’ཏི.

ཨརཧཏྟསཙྪིཀིརིཡཱཡ ¶ པཊིཔནྣོ པུགྒལོ ཨནཱགཱམིཕལཾ ཝཱིཏིཝཏྟོ, ཏེན སམནྣཱགཏོཏི? ཨཱམནྟཱ. ཨརཧཏྟསཙྪིཀིརིཡཱཡ པཊིཔནྣོ པུགྒལོ ཨནཱགཱམིམགྒཾ ཝཱིཏིཝཏྟོ, ཨཎུསཧགཏཾ ཀཱམརཱགཾ ཨཎུསཧགཏཾ བྱཱཔཱདཾ ཝཱིཏིཝཏྟོ, ཏེན སམནྣཱགཏོཏི? ན ཧེཝཾ ཝཏྟབྦེ…པེ….

༤༠༩. ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ སོཏཱཔཏྟིཕལེན སམནྣཱགཏོཏི? ཨཱམནྟཱ. ནནུ ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ སོཏཱཔཏྟིཕལཾ ཝཱིཏིཝཏྟོཏི? ཨཱམནྟཱ. ཧཉྩི ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ སོཏཱཔཏྟིཕལཾ ¶ ཝཱིཏིཝཏྟོ, ནོ ¶ ཙ ཝཏ རེ ཝཏྟབྦེ – ‘‘ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ སོཏཱཔཏྟིཕལེན སམནྣཱགཏོ’’ཏི.

ཨནཱགཱམིཕལསཙྪིཀིརིཡཱཡ ¶ པཊིཔནྣོ པུགྒལོ སོཏཱཔཏྟིཕལཾ ཝཱིཏིཝཏྟོ, ཏེན སམནྣཱགཏོཏི? ཨཱམནྟཱ. ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ སོཏཱཔཏྟིམགྒཾ ཝཱིཏིཝཏྟོ, སཀྐཱཡདིཊྛིཾ…པེ… ཨཔཱཡགམནཱིཡཾ མོཧཾ ཝཱིཏིཝཏྟོ, ཏེན སམནྣཱགཏོཏི? ན ཧེཝཾ ཝཏྟབྦེ…པེ….

ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ སཀདཱགཱམིཕལེན སམནྣཱགཏོཏི? ཨཱམནྟཱ. ནནུ ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ སཀདཱགཱམིཕལཾ ཝཱིཏིཝཏྟོཏི? ཨཱམནྟཱ. ཧཉྩི ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ སཀདཱགཱམིཕལཾ ཝཱིཏིཝཏྟོ, ནོ ཙ ཝཏ རེ ཝཏྟབྦེ – ‘‘ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ སཀདཱགཱམིཕལེན སམནྣཱགཏོ’’ཏི.

ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ སཀདཱགཱམིཕལཾ ཝཱིཏིཝཏྟོ, ཏེན སམནྣཱགཏོཏི? ཨཱམནྟཱ ¶ . ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ སཀདཱགཱམིམགྒཾ ཝཱིཏིཝཏྟོ, ཨོལཱ༹རིཀཾ ཀཱམརཱགཾ ཨོལཱ༹རིཀཾ བྱཱཔཱདཾ ཝཱིཏིཝཏྟོ, ཏེན སམནྣཱགཏོཏི? ན ཧེཝཾ ཝཏྟབྦེ…པེ….

༤༡༠. སཀདཱགཱམིཕལསཙྪིཀིརིཡཱཡ པཊིཔནྣོ པུགྒལོ སོཏཱཔཏྟིཕལེན སམནྣཱགཏོཏི? ཨཱམནྟཱ. ནནུ སཀདཱགཱམིཕལསཙྪིཀིརིཡཱཡ ¶ པཊིཔནྣོ པུགྒལོ སོཏཱཔཏྟིཕལཾ ཝཱིཏིཝཏྟོཏི? ཨཱམནྟཱ. ཧཉྩི སཀདཱགཱམིཕལསཙྪིཀིརིཡཱཡ པཊིཔནྣོ པུགྒལོ སོཏཱཔཏྟིཕལཾ ཝཱིཏིཝཏྟོ, ནོ ཙ ཝཏ རེ ཝཏྟབྦེ – ‘‘སཀདཱགཱམིཕལསཙྪིཀིརིཡཱཡ པཊིཔནྣོ པུགྒལོ སོཏཱཔཏྟིཕལེན སམནྣཱགཏོ’’ཏི.

སཀདཱགཱམིཕལསཙྪིཀིརིཡཱཡ པཊིཔནྣོ པུགྒལོ སོཏཱཔཏྟིཕལཾ ཝཱིཏིཝཏྟོ, ཏེན སམནྣཱགཏོཏི? ཨཱམནྟཱ. སཀདཱགཱམིཕལསཙྪིཀིརིཡཱཡ པཊིཔནྣོ པུགྒལོ སོཏཱཔཏྟིམགྒཾ ཝཱིཏིཝཏྟོ ¶ , སཀྐཱཡདིཊྛིཾ…པེ… ཨཔཱཡགམནཱིཡཾ མོཧཾ ཝཱིཏིཝཏྟོ, ཏེན སམནྣཱགཏོཏི? ན ཧེཝཾ ཝཏྟབྦེ…པེ….

༤༡༡. ན ཝཏྟབྦཾ – ‘‘ཨརཧཏྟསཙྪིཀིརིཡཱཡ པཊིཔནྣོ པུགྒལོ ཏཱིཧི ཕལེཧི སམནྣཱགཏོ’’ཏི? ཨཱམནྟཱ. ནནུ ཨརཧཏྟསཙྪིཀིརིཡཱཡ པཊིཔནྣེན པུགྒལེན ཏཱིཎི ཕལཱནི པཊིལདྡྷཱནི, ཏེཧི ཙ ཨཔརིཧཱིནོཏི? ཨཱམནྟཱ. ཧཉྩི ཨརཧཏྟསཙྪིཀིརིཡཱཡ པཊིཔནྣེན པུགྒལེན ཏཱིཎི ཕལཱནི པཊིལདྡྷཱནི ཏེཧི ¶ ཙ ཨཔརིཧཱིནོ, ཏེན ཝཏ རེ ཝཏྟབྦེ – ‘‘ཨརཧཏྟསཙྪིཀིརིཡཱཡ པཊིཔནྣོ པུགྒལོ ཏཱིཧི ཕལེཧི སམནྣཱགཏོ’’ཏི.

ན ཝཏྟབྦཾ – ‘‘ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ དྭཱིཧི ཕལེཧི སམནྣཱགཏོ’’ཏི? ཨཱམནྟཱ. ནནུ ཨནཱགཱམིཕལསཙྪིཀིརིཡཱཡ པཊིཔནྣེན པུགྒལེན ¶ དྭེ ཕལཱནི པཊིལདྡྷཱནི, ཏེཧི ཙ ཨཔརིཧཱིནོཏི? ཨཱམནྟཱ. ཧཉྩི ཨནཱགཱམིཕལསཙྪིཀིརིཡཱཡ པཊིཔནྣེན པུགྒལེན དྭེ ཕལཱནི པཊིལདྡྷཱནི ཏེཧི ཙ ཨཔརིཧཱིནོ, ཏེན ཝཏ ¶ རེ ཝཏྟབྦེ – ‘‘ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ དྭཱིཧི ཕལེཧི སམནྣཱགཏོ’’ཏི.

ན ཝཏྟབྦཾ – ‘‘སཀདཱགཱམིཕལསཙྪིཀིརིཡཱཡ པཊིཔནྣོ པུགྒལོ སོཏཱཔཏྟིཕལེན སམནྣཱགཏོ’’ཏི? ཨཱམནྟཱ. ནནུ སཀདཱགཱམིཕལསཙྪིཀིརིཡཱཡ པཊིཔནྣེན པུགྒལེན སོཏཱཔཏྟིཕལཾ པཊིལདྡྷཾ, ཏེན ཙ ཨཔརིཧཱིནོཏི? ཨཱམནྟཱ. ཧཉྩི སཀདཱགཱམིཕལསཙྪིཀིརིཡཱཡ པཊིཔནྣེན པུགྒལེན སོཏཱཔཏྟིཕལཾ པཊིལདྡྷཾ ཏེན ཙ ཨཔརིཧཱིནོ, ཏེན ཝཏ རེ ཝཏྟབྦེ – ‘‘སཀདཱགཱམིཕལསཙྪིཀིརིཡཱཡ པཊིཔནྣོ པུགྒལོ སོཏཱཔཏྟིཕལེན སམནྣཱགཏོ’’ཏི.

༤༡༢. ཨརཧཏྟསཙྪིཀིརིཡཱཡ པཊིཔནྣེན པུགྒལེན ཏཱིཎི ཕལཱནི པཊིལདྡྷཱནི ཏེཧི ཙ ཨཔརིཧཱིནོཏི, ཨརཧཏྟསཙྪིཀིརིཡཱཡ པཊིཔནྣོ པུགྒལོ ཏཱིཧི ཕལེཧི སམནྣཱགཏོཏི? ཨཱམནྟཱ. ཨརཧཏྟསཙྪིཀིརིཡཱཡ པཊིཔནྣེན པུགྒལེན ཙཏྟཱརོ མགྒཱ པཊིལདྡྷཱ ཏེཧི ཙ ཨཔརིཧཱིནོཏི, ཨརཧཏྟསཙྪིཀིརིཡཱཡ པཊིཔནྣོ པུགྒལོ ཙཏཱུཧི མགྒེཧི སམནྣཱགཏོཏི? ན ཧེཝཾ ཝཏྟབྦེ…པེ….

ཨནཱགཱམིཕལསཙྪིཀིརིཡཱཡ པཊིཔནྣེན པུགྒལེན དྭེ ཕལཱནི པཊིལདྡྷཱནི ཏེཧི ཙ ཨཔརིཧཱིནོཏི ¶ , ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ དྭཱིཧི ཕལེཧི སམནྣཱགཏོཏི? ཨཱམནྟཱ. ཨནཱགཱམིཕལསཙྪིཀིརིཡཱཡ པཊིཔནྣེན པུགྒལེན ཏཡོ མགྒཱ པཊིལདྡྷཱ ཏེཧི ཙ ཨཔརིཧཱིནོཏི, ཨནཱགཱམིཕལསཙྪིཀིརིཡཱཡ པཊིཔནྣོ པུགྒལོ ཏཱིཧི ¶ མགྒེཧི སམནྣཱགཏོཏི? ན ཧེཝཾ ཝཏྟབྦེ…པེ….

སཀདཱགཱམིཕལསཙྪིཀིརིཡཱཡ པཊིཔནྣེན པུགྒལེན སོཏཱཔཏྟིཕལཾ པཊིལདྡྷཾ ཏེན ཙ ཨཔརིཧཱིནོཏི, སཀདཱགཱམིཕལསཙྪིཀིརིཡཱཡ ¶ པཊིཔནྣོ པུགྒལོ ¶ སོཏཱཔཏྟིཕལེན སམནྣཱགཏོཏི? ཨཱམནྟཱ. སཀདཱགཱམིཕལསཙྪིཀིརིཡཱཡ པཊིཔནྣེན པུགྒལེན དྭེ མགྒཱ པཊིལདྡྷཱ ཏེཧི ཙ ཨཔརིཧཱིནོཏི, སཀདཱགཱམིཕལསཙྪིཀིརིཡཱཡ པཊིཔནྣོ པུགྒལོ དྭཱིཧི མགྒེཧི སམནྣཱགཏོཏི? ན ཧེཝཾ ཝཏྟབྦེ…པེ….

ཨཔརཱཔི སམནྣཱགཏཀཐཱ ནིཊྛིཏཱ.

༤. ཙཏུཏྠཝགྒོ

(༤༢) ༡༠. སབྦསཾཡོཛནཔྤཧཱནཀཐཱ

༤༡༣. སབྦསཾཡོཛནཱནཾ པཧཱནཾ ཨརཧཏྟནྟི? ཨཱམནྟཱ. ཨརཧཏྟམགྒེན སབྦེ སཾཡོཛནཱ པཧཱིཡནྟཱིཏི? ན ཧེཝཾ ཝཏྟབྦེ…པེ….

ཨརཧཏྟམགྒེན སབྦེ སཾཡོཛནཱ པཧཱིཡནྟཱིཏི? ཨཱམནྟཱ. ཨརཧཏྟམགྒེན སཀྐཱཡདིཊྛིཾ ཝིཙིཀིཙྪཾ སཱིལབྦཏཔརཱམཱསཾ པཛཧཏཱིཏི? ན ཧེཝཾ ཝཏྟབྦེ…པེ….

ཨརཧཏྟམགྒེན སཀྐཱཡདིཊྛིཾ ཝིཙིཀིཙྪཾ སཱིལབྦཏཔརཱམཱསཾ པཛཧཏཱིཏི? ཨཱམནྟཱ. ནནུ ཏིཎྞཾ སཾཡོཛནཱནཾ པཧཱནཾ སོཏཱཔཏྟིཕལཾ ཝུཏྟཾ བྷགཝཏཱཏི? ཨཱམནྟཱ. ཧཉྩི ཏིཎྞཾ སཾཡོཛནཱནཾ པཧཱནཾ སོཏཱཔཏྟིཕལཾ ཝུཏྟཾ བྷགཝཏཱ, ནོ ཙ ཝཏ རེ ཝཏྟབྦེ – ‘‘ཨརཧཏྟམགྒེན སབྦེ སཾཡོཛནཱ པཧཱིཡནྟཱི’’ཏི.

༤༡༤. ཨརཧཏྟམགྒེན ¶ ¶ སབྦེ སཾཡོཛནཱ པཧཱིཡནྟཱིཏི? ཨཱམནྟཱ. ཨརཧཏྟམགྒེན ཨོལཱ༹རིཀཾ ཀཱམརཱགཾ ཨོལཱ༹རིཀཾ བྱཱཔཱདཾ པཛཧཏཱིཏི? ན ཧེཝཾ ཝཏྟབྦེ…པེ….

༤༡༥. ཨརཧཏྟམགྒེན ¶ ཨོལཱ༹རིཀཾ ཀཱམརཱགཾ ཨོལཱ༹རིཀཾ བྱཱཔཱདཾ པཛཧཏཱིཏི? ཨཱམནྟཱ. ནནུ ཀཱམརཱགབྱཱཔཱདཱནཾ ཏནུབྷཱཝཾ སཀདཱགཱམིཕལཾ ཝུཏྟཾ བྷགཝཏཱཏི? ཨཱམནྟཱ. ཧཉྩི ཀཱམརཱགབྱཱཔཱདཱནཾ ཏནུབྷཱཝཾ སཀདཱགཱམིཕལཾ ཝུཏྟཾ བྷགཝཏཱ, ནོ ཙ ཝཏ རེ ཝཏྟབྦེ – ‘‘ཨརཧཏྟམགྒེན སབྦེ སཾཡོཛནཱ པཧཱིཡནྟཱི’’ཏི.

ཨརཧཏྟམགྒེན ¶ སབྦེ སཾཡོཛནཱ པཧཱིཡནྟཱིཏི? ཨཱམནྟཱ. ཨརཧཏྟམགྒེན ཨཎུསཧགཏཾ ཀཱམརཱགཾ ཨཎུསཧགཏཾ བྱཱཔཱདཾ པཛཧཏཱིཏི? ན ཧེཝཾ ཝཏྟབྦེ…པེ….

༤༡༦. ཨརཧཏྟམགྒེན ཨཎུསཧགཏཾ ཀཱམརཱགཾ ཨཎུསཧགཏཾ བྱཱཔཱདཾ པཛཧཏཱིཏི? ཨཱམནྟཱ. ནནུ ཀཱམརཱགབྱཱཔཱདཱནཾ ཨནཝསེསཔྤཧཱནཾ ཨནཱགཱམིཕལཾ ཝུཏྟཾ བྷགཝཏཱཏི? ཨཱམནྟཱ. ཧཉྩི ཀཱམརཱགབྱཱཔཱདཱནཾ ཨནཝསེསཔྤཧཱནཾ ཨནཱགཱམིཕལཾ ཝུཏྟཾ བྷགཝཏཱ, ནོ ཙ ཝཏ རེ ཝཏྟབྦེ – ‘‘ཨརཧཏྟམགྒེན སབྦེ སཾཡོཛནཱ པཧཱིཡནྟཱི’’ཏི.

ཨརཧཏྟམགྒེན སབྦེ སཾཡོཛནཱ པཧཱིཡནྟཱིཏི? ཨཱམནྟཱ. ནནུ རཱུཔརཱགཨརཱུཔརཱགམཱནཨུདྡྷཙྩཨཝིཛྫཱཡ ཨནཝསེསཔྤཧཱནཾ ¶ ཨརཧཏྟཾ ཝུཏྟཾ བྷགཝཏཱཏི? ཨཱམནྟཱ. ཧཉྩི རཱུཔརཱགཨརཱུཔརཱགམཱནཨུདྡྷཙྩཨཝིཛྫཱཡ ཨནཝསེསཔྤཧཱནཾ ཨརཧཏྟཾ ཝུཏྟཾ བྷགཝཏཱ, ནོ ཙ ཝཏ རེ ཝཏྟབྦེ – ‘‘ཨརཧཏྟམགྒེན སབྦེ སཾཡོཛནཱ པཧཱིཡནྟཱི’’ཏི.

༤༡༧. ན ཝཏྟབྦཾ – ‘‘སབྦསཾཡོཛནཱནཾ པཧཱནཾ ཨརཧཏྟ’’ནྟི? ཨཱམནྟཱ. ནནུ ཨརཧཏོ སབྦེ སཾཡོཛནཱ པཧཱིནཱཏི? ཨཱམནྟཱ ¶ . ཧཉྩི ཨརཧཏོ སབྦེ སཾཡོཛནཱ པཧཱིནཱ, ཏེན ཝཏ རེ ཝཏྟབྦེ – ‘‘སབྦསཾཡོཛནཱནཾ པཧཱནཾ ཨརཧཏྟ’’ནྟི.

སབྦསཾཡོཛནཔྤཧཱནཀཐཱ ནིཊྛིཏཱ.

ཙཏུཏྠཝགྒོ.

ཏསྶུདྡཱནཾ –

གིཧིསྶ ¶ ཨརཧཱ, སཧ ཨུཔཔཏྟིཡཱ ཨརཧཱ, ཨརཧཏོ སབྦེ དྷམྨཱ ཨནཱསཝཱ, ཨརཧཱ ཙཏཱུཧི ཕལེཧི སམནྣཱགཏོ, ཨེཝམེཝཾ ཚཧི ཨུཔེཀྑཱཧི, བོདྷིཡཱ བུདྡྷོ, སལཀྑཎསམནྣཱགཏོ, བོདྷིསཏྟོ ཨོཀྐནྟནིཡཱམོ ཙརིཏབྲཧྨཙརིཡོ, པཊིཔནྣཀོ ཕལེན སམནྣཱགཏོ, སབྦསཾཡོཛནཱནཾ པཧཱནཾ ཨརཧཏྟནྟི.

༥. པཉྩམཝགྒོ

(༤༣) ༡. ཝིམུཏྟིཀཐཱ

༤༡༨. ཝིམུཏྟིཉཱཎཾ ¶ ¶ ¶ ཝིམུཏྟནྟི? ཨཱམནྟཱ. ཡཾ ཀིཉྩི ཝིམུཏྟིཉཱཎཾ སབྦཾ ཏཾ ཝིམུཏྟནྟི? ན ཧེཝཾ ཝཏྟབྦེ…པེ…. ཝིམུཏྟིཉཱཎཾ ཝིམུཏྟནྟི? ཨཱམནྟཱ. པཙྩཝེཀྑཎཉཱཎཾ ཝིམུཏྟནྟི? ན ཧེཝཾ ཝཏྟབྦེ…པེ….

ཝིམུཏྟིཉཱཎཾ ཝིམུཏྟནྟི? ཨཱམནྟཱ. གོཏྲབྷུནོ པུགྒལསྶ ཝིམུཏྟིཉཱཎཾ ཝིམུཏྟནྟི? ན ཧེཝཾ ཝཏྟབྦེ…པེ… སོཏཱཔཏྟིཕལསཙྪིཀིརིཡཱཡ པཊིཔནྣསྶ པུགྒལསྶ ཝིམུཏྟིཉཱཎཾ ཝིམུཏྟནྟི? ཨཱམནྟཱ. སོཏཱཔནྣསྶ ཉཱཎཾ, སོཏཱཔཏྟིཕལཾ པཏྟསྶ པཊིལདྡྷསྶ ཨདྷིགཏསྶ སཙྪིཀཏསྶ ཉཱཎནྟི? ན ཧེཝཾ ཝཏྟབྦེ…པེ… སཀདཱགཱམིཕལསཙྪིཀིརིཡཱཡ པཊིཔནྣསྶ པུགྒལསྶ ཝིམུཏྟིཉཱཎཾ ཝིམུཏྟནྟི? ཨཱམནྟཱ. སཀདཱགཱམིསྶ ཉཱཎཾ, སཀདཱགཱམིཕལཾ པཏྟསྶ པཊིལདྡྷསྶ ཨདྷིགཏསྶ སཙྪིཀཏསྶ ཉཱཎནྟི? ན ཧེཝཾ ཝཏྟབྦེ…པེ… ཨནཱགཱམིཕལསཙྪིཀིརིཡཱཡ པཊིཔནྣསྶ པུགྒལསྶ ཝིམུཏྟིཉཱཎཾ ཝིམུཏྟནྟི? ཨཱམནྟཱ. ཨནཱགཱམིསྶ ཉཱཎཾ, ཨནཱགཱམིཕལཾ པཏྟསྶ པཊིལདྡྷསྶ ཨདྷིགཏསྶ སཙྪིཀཏསྶ ཉཱཎནྟི? ན ཧེཝཾ ཝཏྟབྦེ…པེ… ཨརཧཏྟསཙྪིཀིརིཡཱཡ པཊིཔནྣསྶ པུགྒལསྶ ཝིམུཏྟིཉཱཎཾ ཝིམུཏྟནྟི? ཨཱམནྟཱ. ཨརཧཏོ ¶ ཉཱཎཾ, ཨརཧཏྟཾ པཏྟསྶ པཊིལདྡྷསྶ ཨདྷིགཏསྶ སཙྪིཀཏསྶ ཉཱཎནྟི? ན ཧེཝཾ ཝཏྟབྦེ…པེ….

༤༡༩. སོཏཱཔཏྟིཕལསམངྒིསྶ ¶ ¶ པུགྒལསྶ ཝིམུཏྟིཉཱཎཾ ཝིམུཏྟནྟི? ཨཱམནྟཱ. སོཏཱཔཏྟིཕལསཙྪིཀིརིཡཱཡ པཊིཔནྣསྶ པུགྒལསྶ ཝིམུཏྟིཉཱཎཾ ཝིམུཏྟནྟི? ན ཧེཝཾ ཝཏྟབྦེ…པེ… སཀདཱགཱམིཕལསམངྒིསྶ པུགྒལསྶ ཝིམུཏྟིཉཱཎཾ ཝིམུཏྟནྟི? ཨཱམནྟཱ. སཀདཱགཱམིཕལསཙྪིཀིརིཡཱཡ པཊིཔནྣསྶ པུགྒལསྶ ཝིམུཏྟིཉཱཎཾ ཝིམུཏྟནྟི? ན ཧེཝཾ ཝཏྟབྦེ…པེ… ཨནཱགཱམིཕལསམངྒིསྶ པུགྒལསྶ ཝིམུཏྟིཉཱཎཾ ཝིམུཏྟནྟི? ཨཱམནྟཱ. ཨནཱགཱམིཕལསཙྪིཀིརིཡཱཡ པཊིཔནྣསྶ པུགྒལསྶ ཝིམུཏྟིཉཱཎཾ ཝིམུཏྟནྟི? ན ཧེཝཾ ཝཏྟབྦེ…པེ… ཨརཧཏྟཕལསམངྒིསྶ པུགྒལསྶ ཝིམུཏྟིཉཱཎཾ ཝིམུཏྟནྟི? ཨཱམནྟཱ. ཨརཧཏྟསཙྪིཀིརིཡཱཡ པཊིཔནྣསྶ པུགྒལསྶ ཝིམུཏྟིཉཱཎཾ ཝིམུཏྟནྟི? ན ཧེཝཾ ཝཏྟབྦེ…པེ….

༤༢༠. སོཏཱཔཏྟིཕལསམངྒིསྶ པུགྒལསྶ ཝིམུཏྟིཉཱཎཾ ཝིམུཏྟཾ ཏཉྩ ཕལཾ པཏྟསྶ ཉཱཎནྟི? ཨཱམནྟཱ. སོཏཱཔཏྟིཕལསཙྪིཀིརིཡཱཡ པཊིཔནྣསྶ པུགྒལསྶ ¶ ཝིམུཏྟིཉཱཎཾ ཝིམུཏྟཾ ཏཉྩ ཕལཾ པཏྟསྶ ཉཱཎནྟི? ན ཧེཝཾ ཝཏྟབྦེ…པེ… སཀདཱགཱམིཕལསམངྒིསྶ པུགྒལསྶ ཝིམུཏྟིཉཱཎཾ ཝིམུཏྟཾ ཏཉྩ ཕལཾ པཏྟསྶ ཉཱཎནྟི? ཨཱམནྟཱ ¶ . སཀདཱགཱམིཕལསཙྪིཀིརིཡཱཡ པཊིཔནྣསྶ པུགྒལསྶ ཝིམུཏྟིཉཱཎཾ ཝིམུཏྟཾ ཏཉྩ ཕལཾ པཏྟསྶ ཉཱཎནྟི? ན ཧེཝཾ ཝཏྟབྦེ…པེ… ཨནཱགཱམིཕལསམངྒིསྶ པུགྒལསྶ ཝིམུཏྟིཉཱཎཾ ཝིམུཏྟཾ ཏཉྩ ཕལཾ པཏྟསྶ ཉཱཎནྟི? ཨཱམནྟཱ. ཨནཱགཱམིཕལསཙྪིཀིརིཡཱཡ པཊིཔནྣསྶ ¶ པུགྒལསྶ ཝིམུཏྟིཉཱཎཾ ཝིམུཏྟཾ ཏཉྩ ཕལཾ པཏྟསྶ ཉཱཎནྟི? ན ཧེཝཾ ཝཏྟབྦེ…པེ… ཨརཧཏྟཕལསམངྒིསྶ པུགྒལསྶ ཝིམུཏྟིཉཱཎཾ ཝིམུཏྟཾ ཏཉྩ ཕལཾ པཏྟསྶ ཉཱཎནྟི? ཨཱམནྟཱ. ཨརཧཏྟསཙྪིཀིརིཡཱཡ པཊིཔནྣསྶ པུགྒལསྶ ཝིམུཏྟིཉཱཎཾ ཝིམུཏྟཾ ཏཉྩ ཕལཾ པཏྟསྶ ཉཱཎནྟི? ན ཧེཝཾ ཝཏྟབྦེ…པེ….

ཝིམུཏྟིཀཐཱ ནིཊྛིཏཱ.

༥. པཉྩམཝགྒོ

(༤༤) ༢. ཨསེཁཉཱཎཀཐཱ

༤༢༡. སེཁསྶ ¶ ཨསེཁཾ ཉཱཎཾ ཨཏྠཱིཏི? ཨཱམནྟཱ. སེཁོ ཨསེཁཾ དྷམྨཾ ཛཱནཱཏི པསྶཏི, དིཊྛཾ ཝིདིཏཾ སཙྪིཀཏཾ ཨུཔསམྤཛྫ ཝིཧརཏི, ཀཱཡེན ཕུསིཏྭཱ ཝིཧརཏཱིཏི? ན ཧེཝཾ ཝཏྟབྦེ…པེ… ནནུ སེཁོ ཨསེཁཾ དྷམྨཾ ན ཛཱནཱཏི ན པསྶཏི, ཨདིཊྛཾ ཨཝིདིཏཾ ཨསཙྪིཀཏཾ ན ཨུཔསམྤཛྫ ཝིཧརཏི, ན ཀཱཡེན ཕུསིཏྭཱ ཝིཧརཏཱིཏི? ཨཱམནྟཱ. ཧཉྩི སེཁོ ཨསེཁཾ དྷམྨཾ ན ཛཱནཱཏི ན པསྶཏི, ཨདིཊྛཾ ཨཝིདིཏཾ ཨསཙྪིཀཏཾ ན ཨུཔསམྤཛྫ ཝིཧརཏི, ན ཀཱཡེན ཕུསིཏྭཱ ཝིཧརཏི, ནོ ཙ ཝཏ རེ ཝཏྟབྦེ – ‘‘སེཁསྶ ཨསེཁཾ ཉཱཎཾ ཨཏྠཱི’’ཏི.

ཨསེཁསྶ ¶ ཨསེཁཾ ཉཱཎཾ ཨཏྠི, ཨསེཁོ ཨསེཁཾ དྷམྨཾ ཛཱནཱཏི པསྶཏི, དིཊྛཾ ཝིདིཏཾ སཙྪིཀཏཾ ཨུཔསམྤཛྫ ཝིཧརཏི, ཀཱཡེན ཕུསིཏྭཱ ཝིཧརཏཱིཏི? ཨཱམནྟཱ. སེཁསྶ ཨསེཁཾ ཉཱཎཾ ཨཏྠི ¶ , སེཁོ ཨསེཁཾ དྷམྨཾ ཛཱནཱཏི པསྶཏི, དིཊྛཾ ཝིདིཏཾ སཙྪིཀཏཾ ཨུཔསམྤཛྫ ཝིཧརཏི, ཀཱཡེན ཕུསིཏྭཱ ཝིཧརཏཱིཏི? ན ཧེཝཾ ཝཏྟབྦེ…པེ….

༤༢༢. སེཁསྶ ¶ ཨསེཁཾ ཉཱཎཾ ཨཏྠི, སེཁོ ཨསེཁཾ དྷམྨཾ ན ཛཱནཱཏི ན པསྶཏི, ཨདིཊྛཾ ཨཝིདིཏཾ ཨསཙྪིཀཏཾ ན ཨུཔསམྤཛྫ ཝིཧརཏི, ན ཀཱཡེན ཕུསིཏྭཱ ཝིཧརཏཱིཏི? ཨཱམནྟཱ. ཨསེཁསྶ ཨསེཁཾ ཉཱཎཾ ཨཏྠི, ཨསེཁོ ཨསེཁཾ དྷམྨཾ ན ཛཱནཱཏི ན པསྶཏི, ཨདིཊྛཾ ཨཝིདིཏཾ ཨསཙྪིཀཏཾ ན ཨུཔསམྤཛྫ ཝིཧརཏི, ན ཀཱཡེན ཕུསིཏྭཱ ཝིཧརཏཱིཏི? ན ཧེཝཾ ཝཏྟབྦེ…པེ….

སེཁསྶ ཨསེཁཾ ཉཱཎཾ ཨཏྠཱིཏི? ཨཱམནྟཱ. གོཏྲབྷུནོ པུགྒལསྶ སོཏཱཔཏྟིམགྒེ ཉཱཎཾ ཨཏྠཱིཏི? ན ཧེཝཾ ཝཏྟབྦེ…པེ… སོཏཱཔཏྟིཕལསཙྪིཀིརིཡཱཡ པཊིཔནྣསྶ པུགྒལསྶ སོཏཱཔཏྟིཕལེ ཉཱཎཾ ཨཏྠཱིཏི? ན ཧེཝཾ ཝཏྟབྦེ…པེ… སཀདཱགཱམིཕལ… ཨནཱགཱམིཕལ… ཨརཧཏྟསཙྪིཀིརིཡཱཡ པཊིཔནྣསྶ པུགྒལསྶ ཨརཧཏྟེ ཉཱཎཾ ཨཏྠཱིཏི? ན ཧེཝཾ ཝཏྟབྦེ…པེ….

༤༢༣. ན ¶ ཝཏྟབྦཾ – ‘‘སེཁསྶ ཨསེཁཾ ཉཱཎཾ ཨཏྠཱི’’ཏི? ཨཱམནྟཱ. ནནུ ཨཱཡསྨཱ ཨཱནནྡོ སེཁོ – ‘‘བྷགཝཱ ཨུལཱ༹རོ’’ཏི ཛཱནཱཏི, ‘‘སཱརིཔུཏྟོ ཐེརོ, མཧཱམོགྒལླཱནོ ཐེརོ ཨུལཱ༹རོ’’ཏི ཛཱནཱཏཱིཏི? ཨཱམནྟཱ. ཧཉྩི ཨཱཡསྨཱ ཨཱནནྡོ སེཁོ – ‘‘བྷགཝཱ ཨུལཱ༹རོ’’ཏི ¶ ཛཱནཱཏི, ‘‘སཱརིཔུཏྟོ ¶ ཐེརོ, མཧཱམོགྒལླཱནོ ཐེརོ ཨུལཱ༹རོ’’ཏི ཛཱནཱཏི, ཏེན ཝཏ རེ ཝཏྟབྦེ – ‘‘སེཁསྶ ཨསེཁཾ ཉཱཎཾ ཨཏྠཱི’’ཏི.

ཨསེཁཉཱཎཀཐཱ ནིཊྛིཏཱ.

༥. པཉྩམཝགྒོ

(༤༥) ༣. ཝིཔརཱིཏཀཐཱ

༤༢༤. པཐཝཱིཀསིཎཾ སམཱཔཏྟིཾ [པཐཝཱིཀསིཎསམཱཔཏྟིཾ (སཱི. ཀ.)] སམཱཔནྣསྶ ཝིཔརཱིཏེ ཉཱཎནྟི? ཨཱམནྟཱ. ཨནིཙྩེ ནིཙྩནྟི ཝིཔརིཡེསོཏི? ན ཧེཝཾ ཝཏྟབྦེ…པེ… དུཀྑེ སུཁནྟི…པེ… ཨནཏྟནི ཨཏྟཱཏི…པེ… ཨསུབྷེ སུབྷནྟི ཝིཔརིཡེསོཏི? ན ཧེཝཾ ཝཏྟབྦེ…པེ….

པཐཝཱིཀསིཎཾ ¶ སམཱཔཏྟིཾ སམཱཔནྣསྶ ཝིཔརཱིཏེ ཉཱཎནྟི? ཨཱམནྟཱ. ཨཀུསལནྟི? ན ཧེཝཾ ཝཏྟབྦེ…པེ… ནནུ ཀུསལནྟི? ཨཱམནྟཱ. ཧཉྩི ཀུསལཾ, ནོ ཙ ཝཏ རེ ཝཏྟབྦེ – ‘‘པཐཝཱིཀསིཎཾ སམཱཔཏྟིཾ སམཱཔནྣསྶ ཝིཔརཱིཏེ ཉཱཎ’’ནྟི.

ཨནིཙྩེ ནིཙྩནྟི ཝིཔརིཡེསོ, སོ ཙ ཨཀུསལོཏི? ཨཱམནྟཱ. པཐཝཱིཀསིཎཾ སམཱཔཏྟིཾ སམཱཔནྣསྶ ཝིཔརཱིཏེ ཉཱཎཾ, ཏཉྩ ཨཀུསལནྟི? ན ཧེཝཾ ཝཏྟབྦེ…པེ… དུཀྑེ སུཁནྟི…པེ… ཨནཏྟནི ཨཏྟཱཏི…པེ… ཨསུབྷེ སུབྷནྟི ཝིཔརིཡེསོ, སོ ཙ ཨཀུསལོཏི? ཨཱམནྟཱ. པཐཝཱིཀསིཎཾ སམཱཔཏྟིཾ སམཱཔནྣསྶ ཝིཔརཱིཏེ ཉཱཎཾ, ཏཉྩ ཨཀུསལནྟི? ན ཧེཝཾ ཝཏྟབྦེ…པེ….

༤༢༥. པཐཝཱིཀསིཎཾ ¶ ¶ ¶ སམཱཔཏྟིཾ སམཱཔནྣསྶ ཝིཔརཱིཏེ ཉཱཎཾ, ཏཉྩ ཨཀུསལནྟི? ཨཱམནྟཱ. ཨནིཙྩེ ནིཙྩནྟི ཝིཔརིཡེསོ, སོ ཙ ཀུསལོཏི? ན ཧེཝཾ ཝཏྟབྦེ…པེ… པཐཝཱིཀསིཎཾ སམཱཔཏྟིཾ སམཱཔནྣསྶ ཝིཔརཱིཏེ ཉཱཎཾ, ཏཉྩ ཨཀུསལནྟི? ཨཱམནྟཱ. དུཀྑེ སུཁནྟི…པེ… ཨནཏྟནི ཨཏྟཱཏི…པེ… ཨསུབྷེ སུབྷནྟི ཝིཔརིཡེསོ, སོ ཙ ཀུསལོཏི? ན ཧེཝཾ ཝཏྟབྦེ…པེ….

༤༢༦. པཐཝཱིཀསིཎཾ སམཱཔཏྟིཾ སམཱཔནྣསྶ ཝིཔརཱིཏེ ཉཱཎནྟི? ཨཱམནྟཱ. ཨརཧཱ པཐཝཱིཀསིཎཾ སམཱཔཏྟིཾ སམཱཔཛྫེཡྻཱཏི? ཨཱམནྟཱ. ཧཉྩི ཨརཧཱ པཐཝཱིཀསིཎཾ སམཱཔཏྟིཾ སམཱཔཛྫེཡྻ, ནོ ཙ ཝཏ རེ ཝཏྟབྦེ – ‘‘པཐཝཱིཀསིཎཾ སམཱཔཏྟིཾ སམཱཔནྣསྶ ཝིཔརཱིཏེ ཉཱཎ’’ནྟི.

པཐཝཱིཀསིཎཾ སམཱཔཏྟིཾ སམཱཔནྣསྶ ཝིཔརཱིཏེ ཉཱཎཾ, ཨརཧཱ པཐཝཱིཀསིཎཾ སམཱཔཏྟིཾ སམཱཔཛྫེཡྻཱཏི? ཨཱམནྟཱ. ཨཏྠི ཨརཧཏོ ཝིཔརིཡེསོཏི? ན ཧེཝཾ ཝཏྟབྦེ…པེ….

ཨཏྠི ཨརཧཏོ ཝིཔརིཡེསོཏི? ཨཱམནྟཱ. ཨཏྠི ཨརཧཏོ སཉྙཱཝིཔརིཡེསོ ཙིཏྟཝིཔརིཡེསོ དིཊྛིཝིཔརིཡེསོཏི? ན ཧེཝཾ ཝཏྟབྦེ…པེ….

ནཏྠི ཨརཧཏོ སཉྙཱཝིཔརིཡེསོ ཙིཏྟཝིཔརིཡེསོ དིཊྛིཝིཔརིཡེསོཏི? ཨཱམནྟཱ. ཧཉྩི ནཏྠི ཨརཧཏོ སཉྙཱཝིཔརིཡེསོ ཙིཏྟཝིཔརིཡེསོ ¶ དིཊྛིཝིཔརིཡེསོ, ནོ ཙ ཝཏ རེ ཝཏྟབྦེ – ‘‘ཨཏྠི ཨརཧཏོ ཝིཔརིཡེསོ’’ཏི.

༤༢༧. ན ¶ ཝཏྟབྦཾ – པཐཝཱིཀསིཎཾ སམཱཔཏྟིཾ སམཱཔནྣསྶ ཝིཔརཱིཏེ ཉཱཎནྟི? ཨཱམནྟཱ. པཐཝཱིཀསིཎཾ ¶ སམཱཔཏྟིཾ སམཱཔཛྫནྟསྶ སབྦེཝ པཐཝཱིཏི? ན ཧེཝཾ ཝཏྟབྦེ. ཏེན ཧི པཐཝཱིཀསིཎཾ སམཱཔཏྟིཾ སམཱཔནྣསྶ ཝིཔརཱིཏེ ཉཱཎནྟི.

པཐཝཱིཀསིཎཾ སམཱཔཏྟིཾ སམཱཔནྣསྶ ཝིཔརཱིཏེ ཉཱཎནྟི? ཨཱམནྟཱ. ནནུ པཐཝཱི ཨཏྠི, ཨཏྠི ཙ ཀོཙི པཐཝིཾ པཐཝིཏོ སམཱཔཛྫཏཱིཏི? ཨཱམནྟཱ. ཧཉྩི པཐཝཱི ཨཏྠི, ཨཏྠི ཙ ¶ ཀོཙི པཐཝིཾ པཐཝིཏོ སམཱཔཛྫཏི, ནོ ཙ ཝཏ རེ ཝཏྟབྦེ – ‘‘པཐཝཱིཀསིཎཾ སམཱཔཏྟིཾ སམཱཔནྣསྶ ཝིཔརཱིཏེ ཉཱཎ’’ནྟི.

པཐཝཱི ཨཏྠི, པཐཝིཾ པཐཝིཏོ སམཱཔཛྫནྟསྶ ཝིཔརཱིཏཾ ཧོཏཱིཏི? ཨཱམནྟཱ. ནིབྦཱནཾ ཨཏྠི, ནིབྦཱནཾ ནིབྦཱནཏོ སམཱཔཛྫནྟསྶ ཝིཔརཱིཏཾ ཧོཏཱིཏི? ན ཧེཝཾ ཝཏྟབྦེ…པེ… ཏེན ཧི ན ཝཏྟབྦཾ – ‘‘པཐཝཱིཀསིཎཾ སམཱཔཏྟིཾ སམཱཔནྣསྶ ཝིཔརཱིཏེ ཉཱཎ’’ནྟི.

ཝིཔརཱིཏཀཐཱ ནིཊྛིཏཱ.

༥. པཉྩམཝགྒོ

(༤༦) ༤. ནིཡཱམཀཐཱ

༤༢༨. ཨནིཡཏསྶ ནིཡཱམགམནཱཡ ཨཏྠི ཉཱཎནྟི? ཨཱམནྟཱ. ནིཡཏསྶ ཨནིཡཱམགམནཱཡ ཨཏྠི ཉཱཎནྟི? ན ཧེཝཾ ཝཏྟབྦེ…པེ….

ནིཡཏསྶ ཨནིཡཱམགམནཱཡ ནཏྠི ཉཱཎནྟི? ཨཱམནྟཱ. ཨནིཡཏསྶ ¶ ནིཡཱམགམནཱཡ ནཏྠི ཉཱཎནྟི? ན ཧེཝཾ ཝཏྟབྦེ…པེ….

ཨནིཡཏསྶ ནིཡཱམགམནཱཡ ཨཏྠི ཉཱཎནྟི? ཨཱམནྟཱ ¶ . ནིཡཏསྶ ནིཡཱམགམནཱཡ ཨཏྠི ཉཱཎནྟི? ན ཧེཝཾ ཝཏྟབྦེ…པེ….

ནིཡཏསྶ ནིཡཱམགམནཱཡ ནཏྠི ཉཱཎནྟི? ཨཱམནྟཱ. ཨནིཡཏསྶ ནིཡཱམགམནཱཡ ནཏྠི ཉཱཎནྟི? ན ཧེཝཾ ཝཏྟབྦེ…པེ….

ཨནིཡཏསྶ ¶ ¶ ནིཡཱམགམནཱཡ ཨཏྠི ཉཱཎནྟི? ཨཱམནྟཱ. ཨནིཡཏསྶ ཨནིཡཱམགམནཱཡ ཨཏྠི ཉཱཎནྟི? ན ཧེཝཾ ཝཏྟབྦེ…པེ….

ཨནིཡཏསྶ ཨནིཡཱམགམནཱཡ ནཏྠི ཉཱཎནྟི? ཨཱམནྟཱ. ཨནིཡཏསྶ ནིཡཱམགམནཱཡ ནཏྠི ཉཱཎནྟི? ན ཧེཝཾ ཝཏྟབྦེ…པེ….

༤༢༩. ཨནིཡཏསྶ ནིཡཱམགམནཱཡ ཨཏྠི ཉཱཎནྟི? ཨཱམནྟཱ. ཨནིཡཏསྶ ནིཡཱམགམནཱཡ ཨཏྠི ནིཡཱམོཏི? ན ཧེཝཾ ཝཏྟབྦེ…པེ….

ཨནིཡཏསྶ ནིཡཱམགམནཱཡ ཨཏྠི ཉཱཎནྟི? ཨཱམནྟཱ. ཨནིཡཏསྶ ནིཡཱམགམནཱཡ ཨཏྠི སཏིཔཊྛཱནཱ… སམྨཔྤདྷཱནཱ… ཨིདྡྷིཔཱདཱ… ཨིནྡྲིཡཱ… བལཱ… བོཛ྄ཛྷངྒཱཏི? ན ཧེཝཾ ཝཏྟབྦེ…པེ….

ཨནིཡཏསྶ ནིཡཱམགམནཱཡ ནཏྠི ནིཡཱམོཏི? ཨཱམནྟཱ. ཧཉྩི ཨནིཡཏསྶ ནིཡཱམགམནཱཡ ནཏྠི ནིཡཱམོ, ནོ ཝཏ རེ ཝཏྟབྦེ – ‘‘ཨནིཡཏསྶ ནིཡཱམགམནཱཡ ཨཏྠི ཉཱཎ’’ནྟི.

ཨནིཡཏསྶ ནིཡཱམགམནཱཡ ནཏྠི སཏིཔཊྛཱནཱ…པེ… བོཛ྄ཛྷངྒཱཏི? ཨཱམནྟཱ. ཧཉྩི ཨནིཡཏསྶ ནིཡཱམགམནཱཡ ནཏྠི བོཛ྄ཛྷངྒཱ, ནོ ཝཏ རེ ཝཏྟབྦེ – ‘‘ཨནིཡཏསྶ ནིཡཱམགམནཱཡ ཨཏྠི ¶ ཉཱཎ’’ནྟི.

༤༣༠. ཨནིཡཏསྶ ནིཡཱམགམནཱཡ ཨཏྠི ཉཱཎནྟི? ཨཱམནྟཱ. གོཏྲབྷུནོ ¶ པུགྒལསྶ སོཏཱཔཏྟིམགྒེ ཉཱཎཾ ཨཏྠཱིཏི? ན ཧེཝཾ ཝཏྟབྦེ…པེ… སོཏཱཔཏྟིཕལསཙྪིཀིརིཡཱཡ པཊིཔནྣསྶ པུགྒལསྶ སོཏཱཔཏྟིཕལེ ཉཱཎཾ ཨཏྠཱིཏི? ན ཧེཝཾ ཝཏྟབྦེ …པེ… ཨརཧཏྟསཙྪིཀིརིཡཱཡ པཊིཔནྣསྶ པུགྒལསྶ ཨརཧཏྟེ ཉཱཎཾ ཨཏྠཱིཏི? ན ཧེཝཾ ཝཏྟབྦེ…པེ….

༤༣༡. ན ཝཏྟབྦཾ – ‘‘ཨནིཡཏསྶ ནིཡཱམགམནཱཡ ཨཏྠི ཉཱཎ’’ནྟི? ཨཱམནྟཱ. ནནུ ¶ བྷགཝཱ ཛཱནཱཏི – ‘‘ཨཡཾ པུགྒལོ སམྨཏྟནིཡཱམཾ ཨོཀྐམིསྶཏི, བྷབྦོ ཨཡཾ པུགྒལོ དྷམྨཾ ཨབྷིསམེཏུ’’ནྟི? ཨཱམནྟཱ. ཧཉྩི བྷགཝཱ ཛཱནཱཏི – ‘‘ཨཡཾ པུགྒལོ སམྨཏྟནིཡཱམཾ ཨོཀྐམིསྶཏི, བྷབྦོ ཨཡཾ པུགྒལོ དྷམྨཾ ཨབྷིསམེཏུཾ,’’ ཏེན ཝཏ རེ ཝཏྟབྦེ – ‘‘ཨནིཡཏསྶ ནིཡཱམགམནཱཡ ཨཏྠི ཉཱཎ’’ནྟི.

ནིཡཱམཀཐཱ ནིཊྛིཏཱ.

༥. པཉྩམཝགྒོ

(༤༧) ༥. པཊིསམྦྷིདཱཀཐཱ

༤༣༢. སབྦཾ ¶ ཉཱཎཾ པཊིསམྦྷིདཱཏི? ཨཱམནྟཱ. སམྨུཏིཉཱཎཾ པཊིསམྦྷིདཱཏི ¶ ? ན ཧེཝཾ ཝཏྟབྦེ…པེ… སམྨུཏིཉཱཎཾ པཊིསམྦྷིདཱཏི? ཨཱམནྟཱ. ཡེ ཀེཙི སམྨུཏིཾ ཛཱནནྟི, སབྦེ ཏེ པཊིསམྦྷིདཱཔཏྟཱཏི? ན ཧེཝཾ ཝཏྟབྦེ…པེ… སབྦཾ ཉཱཎཾ པཊིསམྦྷིདཱཏི? ཨཱམནྟཱ. ཙེཏོཔརིཡཱཡེ ¶ ཉཱཎཾ པཊིསམྦྷིདཱཏི? ན ཧེཝཾ ཝཏྟབྦེ…པེ… ཙེཏོཔརིཡཱཡེ ཉཱཎཾ པཊིསམྦྷིདཱཏི? ཨཱམནྟཱ. ཡེ ཀེཙི པརཙིཏྟཾ ཛཱནནྟི, སབྦེ ཏེ པཊིསམྦྷིདཱཔཏྟཱཏི? ན ཧེཝཾ ཝཏྟབྦེ…པེ….

སབྦཾ ཉཱཎཾ པཊིསམྦྷིདཱཏི? ཨཱམནྟཱ. སབྦཱ པཉྙཱ པཊིསམྦྷིདཱཏི? ན ཧེཝཾ ཝཏྟབྦེ…པེ… སབྦཱ པཉྙཱ པཊིསམྦྷིདཱཏི? ཨཱམནྟཱ. པཐཝཱིཀསིཎཾ སམཱཔཏྟིཾ སམཱཔནྣསྶ ཨཏྠི པཉྙཱ, སཱ པཉྙཱ པཊིསམྦྷིདཱཏི? ན ཧེཝཾ ཝཏྟབྦེ…པེ… ཨཱཔོཀསིཎཾ…པེ… ཏེཛོཀསིཎཾ…པེ… ཝཱཡོཀསིཎཾ…པེ… ནཱིལཀསིཎཾ…པེ… པཱིཏཀསིཎཾ…པེ… ལོཧིཏཀསིཎཾ…པེ… ཨོདཱཏཀསིཎཾ…པེ… ཨཱཀཱསཱནཉྩཱཡཏནཾ…པེ… ཝིཉྙཱཎཉྩཱཡཏནཾ…པེ… ཨཱཀིཉྩཉྙཱཡཏནཾ…པེ… ནེཝསཉྙཱནཱསཉྙཱཡཏནཾ སམཱཔནྣསྶ…པེ… དཱནཾ དདནྟསྶ…པེ… ཙཱིཝརཾ དདནྟསྶ…པེ… པིཎྜཔཱཏཾ དདནྟསྶ…པེ… སེནཱསནཾ དདནྟསྶ…པེ… གིལཱནཔཙྩཡབྷེསཛྫཔརིཀྑཱརཾ ¶ དདནྟསྶ ཨཏྠི པཉྙཱ, སཱ པཉྙཱ པཊིསམྦྷིདཱཏི? ན ཧེཝཾ ཝཏྟབྦེ…པེ….

༤༣༣. ན ཝཏྟབྦཾ – ‘‘སབྦཾ ཉཱཎཾ པཊིསམྦྷིདཱ’’ཏི? ཨཱམནྟཱ. ཨཏྠི ¶ ལོཀུཏྟརཱ པཉྙཱ, སཱ པཉྙཱ ན པཊིསམྦྷིདཱཏི? ན ཧེཝཾ ཝཏྟབྦེ…པེ… ཏེན ཧི སབྦཾ ཉཱཎཾ པཊིསམྦྷིདཱཏི.

པཊིསམྦྷིདཱཀཐཱ ནིཊྛིཏཱ.

༥. པཉྩམཝགྒོ

(༤༨) ༦. སམྨུཏིཉཱཎཀཐཱ

༤༣༤. ན ཝཏྟབྦཾ – ‘‘སམྨུཏིཉཱཎཾ སཙྩཱརམྨཎཉྙེཝ ན ཨཉྙཱརམྨཎ’’ནྟི? ཨཱམནྟཱ. ནནུ ¶ པཐཝཱིཀསིཎཾ སམཱཔཏྟིཾ སམཱཔནྣསྶ ཨཏྠི ཉཱཎཾ, པཐཝཱིཀསིཎཉྩ ¶ སམྨུཏིསཙྩམྷཱིཏི? ཨཱམནྟཱ. ཧཉྩི པཐཝཱིཀསིཎཾ སམཱཔཏྟིཾ སམཱཔནྣསྶ ཨཏྠི ཉཱཎཾ, པཐཝཱིཀསིཎཉྩ སམྨུཏིསཙྩམྷི, ཏེན ཝཏ རེ ཝཏྟབྦེ – ‘‘སམྨུཏིཉཱཎཾ སཙྩཱརམྨཎཉྙེཝ ན ཨཉྙཱརམྨཎ’’ནྟི.

ན ཝཏྟབྦཾ – ‘‘སམྨུཏིཉཱཎཾ སཙྩཱརམྨཎཉྙེཝ ན ཨཉྙཱརམྨཎ’’ནྟི? ཨཱམནྟཱ…པེ… ནནུ ཨཱཔོཀསིཎཾ…པེ… ཏེཛོཀསིཎཾ…པེ… གིལཱནཔཙྩཡབྷེསཛྫཔརིཀྑཱརཾ དདནྟསྶ ཨཏྠི ཉཱཎཾ, གིལཱནཔཙྩཡབྷེསཛྫཔརིཀྑཱརོ ཙ སམྨུཏིསཙྩམྷཱིཏི? ཨཱམནྟཱ. ཧཉྩི གིལཱནཔཙྩཡབྷེསཛྫཔརིཀྑཱརཾ དདནྟསྶ ཨཏྠི ཉཱཎཾ, གིལཱནཔཙྩཡབྷེསཛྫཔརིཀྑཱརོ ཙ སམྨུཏིསཙྩམྷི, ཏེན ཝཏ རེ ཝཏྟབྦེ – ‘‘སམྨུཏིཉཱཎཾ སཙྩཱརམྨཎཉྙེཝ ན ཨཉྙཱརམྨཎ’’ནྟི.

༤༣༥. སམྨུཏིཉཱཎཾ ¶ སཙྩཱརམྨཎཉྙེཝ ན ཨཉྙཱརམྨཎནྟི? ཨཱམནྟཱ ¶ . ཏེན ཉཱཎེན དུཀྑཾ པརིཛཱནཱཏི, སམུདཡཾ པཛཧཏི, ནིརོདྷཾ སཙྪིཀརོཏི, མགྒཾ བྷཱཝེཏཱིཏི? ན ཧེཝཾ ཝཏྟབྦེ…པེ….

སམྨུཏིཉཱཎཀཐཱ ནིཊྛིཏཱ.

༥. པཉྩམཝགྒོ

(༤༩) ༧. ཙིཏྟཱརམྨཎཀཐཱ

༤༣༦. ཙེཏོཔརིཡཱཡེ ཉཱཎཾ ཙིཏྟཱརམྨཎཉྙེཝ ན ཨཉྙཱརམྨཎནྟི? ཨཱམནྟཱ. ནནུ ཨཏྠི ཀོཙི ‘‘སརཱགཾ ཙིཏྟཾ སརཱགཾ ཙིཏྟ’’ནྟི པཛཱནཱཏཱིཏི? ཨཱམནྟཱ. ཧཉྩི ཨཏྠི ཀོཙི ‘‘སརཱགཾ ཙིཏྟཾ སརཱགཾ ཙིཏྟ’’ནྟི པཛཱནཱཏི, ནོ ཙ ཝཏ རེ ཝཏྟབྦེ – ‘‘ཙེཏོཔརིཡཱཡེ ཉཱཎཾ ཙིཏྟཱརམྨཎཉྙེཝ ན ཨཉྙཱརམྨཎ’’ནྟི.

ནནུ ¶ ཨཏྠི ཀོཙི ཝཱིཏརཱགཾ ཙིཏྟཾ…པེ… སདོསཾ ཙིཏྟཾ… ཝཱིཏདོསཾ ཙིཏྟཾ… སམོཧཾ ཙིཏྟཾ… ཝཱིཏམོཧཾ ཙིཏྟཾ… སཾཁིཏྟཾ ཙིཏྟཾ… ཝིཀྑིཏྟཾ ཙིཏྟཾ… མཧགྒཏཾ ཙིཏྟཾ… ཨམཧགྒཏཾ ཙིཏྟཾ… སཨུཏྟརཾ ཙིཏྟཾ… ཨནུཏྟརཾ ཙིཏྟཾ… སམཱཧིཏཾ ཙིཏྟཾ… ཨསམཱཧིཏཾ ཙིཏྟཾ… ཝིམུཏྟཾ ཙིཏྟཾ…པེ… ཨཝིམུཏྟཾ ཙིཏྟཾ ‘‘ཨཝིམུཏྟཾ ཙིཏྟ’’ནྟི པཛཱནཱཏཱིཏི? ཨཱམནྟཱ. ཧཉྩི ཨཏྠི ཀོཙི ‘‘ཨཝིམུཏྟཾ ཙིཏྟཾ ཨཝིམུཏྟཾ ཙིཏྟ’’ནྟི པཛཱནཱཏི, ནོ ཙ ཝཏ རེ ཝཏྟབྦེ – ‘‘ཙེཏོཔརིཡཱཡེ ཉཱཎཾ ཙིཏྟཱརམྨཎཉྙེཝ ན ཨཉྙཱརམྨཎ’’ནྟི.

༤༣༧. ཕསྶཱརམྨཎེ ¶ ཉཱཎཾ ཝཏྟབྦཾ – ‘‘ཙེཏོཔརིཡཱཡེ ཉཱཎ’’ནྟི? ཨཱམནྟཱ ¶ . ཧཉྩི ཕསྶཱརམྨཎེ ཉཱཎཾ ཝཏྟབྦཾ ཙེཏོཔརིཡཱཡེ ཉཱཎཾ, ནོ ཙ ཝཏ རེ ཝཏྟབྦེ – ‘‘ཙེཏོཔརིཡཱཡེ ཉཱཎཾ ཙིཏྟཱརམྨཎཉྙེཝ ན ཨཉྙཱརམྨཎ’’ནྟི. ཝེདནཱརམྨཎེ ཉཱཎཾ…པེ… སཉྙཱརམྨཎེ ཉཱཎཾ… ཙེཏནཱརམྨཎེ ཉཱཎཾ… ཙིཏྟཱརམྨཎེ ཉཱཎཾ… སདྡྷཱརམྨཎེ ཉཱཎཾ… ཝཱིརིཡཱརམྨཎེ ཉཱཎཾ… སཏཱརམྨཎེ ཉཱཎཾ… སམཱདྷཱརམྨཎེ ཉཱཎཾ… པཉྙཱརམྨཎེ ཉཱཎཾ… རཱགཱརམྨཎེ ཉཱཎཾ ¶ … དོསཱརམྨཎེ ཉཱཎཾ… མོཧཱརམྨཎེ ཉཱཎཾ…པེ… ཨནོཏྟཔྤཱརམྨཎེ ཉཱཎཾ ཝཏྟབྦཾ – ‘‘ཙེཏོཔརིཡཱཡེ ཉཱཎ’’ནྟི? ཨཱམནྟཱ. ཧཉྩི ཨནོཏྟཔྤཱརམྨཎེ ཉཱཎཾ ཝཏྟབྦཾ ཙེཏོཔརིཡཱཡེ ཉཱཎཾ, ནོ ཙ ཝཏ རེ ཝཏྟབྦེ – ‘‘ཙེཏོཔརིཡཱཡེ ཉཱཎཾ ཙིཏྟཱརམྨཎཉྙེཝ ན ཨཉྙཱརམྨཎ’’ནྟི.

ཕསྶཱརམྨཎེ ཉཱཎཾ ན ཝཏྟབྦཾ – ‘‘ཙེཏོཔརིཡཱཡེ ཉཱཎ’’ནྟི? ཨཱམནྟཱ. ཕསྶཔརིཡཱཡེ ཉཱཎནྟི? ན ཧེཝཾ ཝཏྟབྦེ…པེ… ཝེདནཱརམྨཎེ ཉཱཎཾ…པེ… སཉྙཱརམྨཎེ ཉཱཎཾ…པེ… ཨནོཏྟཔྤཱརམྨཎེ ཉཱཎཾ ན ཝཏྟབྦཾ – ‘‘ཙེཏོཔརིཡཱཡེ ཉཱཎ’’ནྟི? ཨཱམནྟཱ. ཨནོཏྟཔྤཔརིཡཱཡེ ཉཱཎནྟི? ན ¶ ཧེཝཾ ཝཏྟབྦེ…པེ….

༤༣༨. ན ཝཏྟབྦཾ – ‘‘ཙེཏོཔརིཡཱཡེ ཉཱཎཾ ཙིཏྟཱརམྨཎཉྙེཝ ན ཨཉྙཱརམྨཎ’’ནྟི? ཨཱམནྟཱ. ནནུ ཙེཏོཔརིཡཱཡེ ཉཱཎནྟི? ཨཱམནྟཱ. ཧཉྩི ཙེཏོཔརིཡཱཡེ ཉཱཎཾ, ཏེན ཝཏ རེ ཝཏྟབྦེ – ‘‘ཙེཏོཔརིཡཱཡེ ¶ ཉཱཎཾ ཙིཏྟཱརམྨཎཉྙེཝ ན ཨཉྙཱརམྨཎ’’ནྟི.

ཙིཏྟཱརམྨཎཀཐཱ ནིཊྛིཏཱ.

༥. པཉྩམཝགྒོ

(༥༠) ༨. ཨནཱགཏཉཱཎཀཐཱ

༤༣༩. ཨནཱགཏེ ཉཱཎཾ ཨཏྠཱིཏི? ཨཱམནྟཱ. ཨནཱགཏཾ མཱུལཏོ ཛཱནཱཏི, ཧེཏུཏོ ཛཱནཱཏི, ནིདཱནཏོ ཛཱནཱཏི, སམྦྷཝཏོ ཛཱནཱཏི, པབྷཝཏོ ཛཱནཱཏི, སམུཊྛཱནཏོ ཛཱནཱཏི, ཨཱཧཱརཏོ ཛཱནཱཏི ¶ , ཨཱརམྨཎཏོ ཛཱནཱཏི, པཙྩཡཏོ ཛཱནཱཏི, སམུདཡཏོ ཛཱནཱཏཱིཏི? ན ཧེཝཾ ཝཏྟབྦེ…པེ….

ཨནཱགཏེ ཉཱཎཾ ཨཏྠཱིཏི? ཨཱམནྟཱ. ཨནཱགཏཾ ཧེཏུཔཙྩཡཏཾ ཛཱནཱཏི, ཨཱརམྨཎཔཙྩཡཏཾ ཛཱནཱཏི, ཨདྷིཔཏིཔཙྩཡཏཾ ¶ ཛཱནཱཏི, ཨནནྟརཔཙྩཡཏཾ ཛཱནཱཏི, སམནནྟརཔཙྩཡཏཾ ཛཱནཱཏཱིཏི? ན ཧེཝཾ ཝཏྟབྦེ…པེ….

ཨནཱགཏེ ཉཱཎཾ ཨཏྠཱིཏི? ཨཱམནྟཱ. གོཏྲབྷུནོ པུགྒལསྶ སོཏཱཔཏྟིམགྒེ ཉཱཎཾ ཨཏྠཱིཏི? ན ཧེཝཾ ཝཏྟབྦེ…པེ…. སོཏཱཔཏྟིཕལསཙྪིཀིརིཡཱཡ པཊིཔནྣསྶ པུགྒལསྶ སོཏཱཔཏྟིཕལེ ཉཱཎཾ ཨཏྠཱིཏི? ན ཧེཝཾ ཝཏྟབྦེ…པེ….

སཀདཱགཱམི…པེ… ཨནཱགཱམི ¶ …པེ… ཨརཧཏྟསཙྪིཀིརིཡཱཡ པཊིཔནྣསྶ པུགྒལསྶ ཨརཧཏྟེ ཉཱཎཾ ཨཏྠཱིཏི? ན ཧེཝཾ ཝཏྟབྦེ…པེ….

༤༤༠. ན ¶ ཝཏྟབྦཾ – ‘‘ཨནཱགཏེ ཉཱཎཾ ཨཏྠཱི’’ཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘པཱཊལིཔུཏྟསྶ ཁོ, ཨཱནནྡ, ཏཡོ ཨནྟརཱཡཱ བྷཝིསྶནྟི – ཨགྒིཏོ ཝཱ ཨུདཀཏོ ཝཱ མིཐུབྷེདཱ ཝཱ’’ཏི [མཧཱཝ. ༢༨༦; དཱི. ནི. ༢.༡༥༢; ཨུདཱ. ༧༦]! ཨཏྠེཝ སུཏྟནྟོཏི? ཨཱམནྟཱ. ཏེན ཧི ཨནཱགཏེ ཉཱཎཾ ཨཏྠཱིཏི.

ཨནཱགཏཉཱཎཀཐཱ ནིཊྛིཏཱ.

༥. པཉྩམཝགྒོ

(༥༡) ༩. པཊུཔྤནྣཀཐཱ

༤༤༡. པཊུཔྤནྣེ [པཙྩུཔྤནྣེ (སཱི. སྱཱ.)] ཉཱཎཾ ཨཏྠཱིཏི? ཨཱམནྟཱ. ཏེན ཉཱཎེན ཏཾ ཉཱཎཾ ཛཱནཱཏཱིཏི? ན ཧེཝཾ ཝཏྟབྦེ…པེ… ཏེན ཉཱཎེན ཏཾ ཉཱཎཾ ཛཱནཱཏཱིཏི? ཨཱམནྟཱ. ཏེན ཉཱཎེན ཏཾ ཉཱཎཾ ‘‘ཉཱཎ’’ནྟི ཛཱནཱཏཱིཏི? ན ཧེཝཾ ཝཏྟབྦེ…པེ… ཏེན ཉཱཎེན ཏཾ ཉཱཎཾ ‘‘ཉཱཎ’’ནྟི ཛཱནཱཏཱིཏི? ཨཱམནྟཱ. ཏཾ ཉཱཎཾ ཏསྶ ཉཱཎསྶ ཨཱརམྨཎནྟི? ན ཧེཝཾ ཝཏྟབྦེ…པེ….

ཏཾ ¶ ཉཱཎཾ ཏསྶ ཉཱཎསྶ ཨཱརམྨཎནྟི? ཨཱམནྟཱ. ཏེན ཕསྶེན ཏཾ ཕསྶཾ ཕུསཏི, ཏཱཡ ¶ ཝེདནཱཡ ཏཾ ཝེདནཾ ཝེདེཏི, ཏཱཡ སཉྙཱཡ ཏཾ སཉྙཾ སཉྫཱནཱཏི, ཏཱཡ ཙེཏནཱཡ ཏཾ ཙེཏནཾ ཙེཏེཏི, ཏེན ཙིཏྟེན ཏཾ ཙིཏྟཾ ཙིནྟེཏི, ཏེན ཝིཏཀྐེན ཏཾ ཝིཏཀྐཾ ཝིཏཀྐེཏི, ཏེན ཝིཙཱརེན ཏཾ ཝིཙཱརཾ ཝིཙཱརེཏི, ཏཱཡ པཱིཏིཡཱ ཏཾ པཱིཏིཾ པིཡཱཡཏི, ཏཱཡ སཏིཡཱ ཏཾ སཏིཾ སརཏི, ཏཱཡ པཉྙཱཡ ¶ ཏཾ པཉྙཾ པཛཱནཱཏི, ཏེན ཁགྒེན ཏཾ ཁགྒཾ ཚིནྡཏི, ཏེན ཕརསུནཱ ¶ ཏཾ ཕརསུཾ ཏཙྪཏི, ཏཱཡ ཀུདྷཱརིཡཱ ཏཾ ཀུདྷཱརིཾ ཏཙྪཏི, ཏཱཡ ཝཱསིཡཱ ཏཾ ཝཱསིཾ ཏཙྪཏི, ཏཱཡ སཱུཙིཡཱ ཏཾ སཱུཙིཾ སིབྦེཏི, ཏེན ཨངྒུལགྒེན ཏཾ ཨངྒུལགྒཾ པརཱམསཏི, ཏེན ནཱསིཀགྒེན ཏཾ ནཱསིཀགྒཾ པརཱམསཏི, ཏེན མཏྠཀེན ཏཾ མཏྠཀཾ པརཱམསཏི, ཏེན གཱུཐེན ཏཾ གཱུཐཾ དྷོཝཏི, ཏེན མུཏྟེན ཏཾ མུཏྟཾ དྷོཝཏི, ཏེན ཁེལེ༹ན ཏཾ ཁེལ༹ཾ དྷོཝཏི, ཏེན པུབྦེན ཏཾ པུབྦཾ དྷོཝཏི, ཏེན ལོཧིཏེན ཏཾ ལོཧིཏཾ དྷོཝཏཱིཏི? ན ཧེཝཾ ཝཏྟབྦེ …པེ….

༤༤༢. ན ཝཏྟབྦཾ – ‘‘པཊུཔྤནྣེ ཉཱཎཾ ཨཏྠཱི’’ཏི? ཨཱམནྟཱ. ནནུ སབྦསངྑཱརེ ཨནིཙྩཏོ དིཊྛེ ཏམྤི ཉཱཎཾ ཨནིཙྩཏོ དིཊྛཾ ཧོཏཱིཏི? ཨཱམནྟཱ. ཧཉྩི སབྦསངྑཱརེ ཨནིཙྩཏོ དིཊྛེ ཏམྤི ཉཱཎཾ ཨནིཙྩཏོ དིཊྛཾ ཧོཏི, ཏེན ཝཏ རེ ཝཏྟབྦེ – ‘‘པཊུཔྤནྣེ ཉཱཎཾ ཨཏྠཱི’’ཏི.

པཊུཔྤནྣཉཱཎཀཐཱ [པཙྩུཔྤནྣཀཐཱ (སཱི.)] ནིཊྛིཏཱ.

༥. པཉྩམཝགྒོ

(༥༢) ༡༠. ཕལཉཱཎཀཐཱ

༤༤༣. སཱཝཀསྶ ཕལེ ཉཱཎཾ ཨཏྠཱིཏི? ཨཱམནྟཱ. སཱཝཀོ ཕལསྶ ཀཏཾ པཉྙཱཔེཏཱིཏི? ན ཧེཝཾ ཝཏྟབྦ…པེ….

སཱཝཀསྶ ཕལེ ཉཱཎཾ ཨཏྠཱིཏི? ཨཱམནྟཱ. ཨཏྠི སཱཝཀསྶ ཕལཔརོཔརིཡཏྟི ཨིནྡྲིཡཔརོཔརིཡཏྟི ¶ པུགྒལཔརོཔརིཡཏྟཱིཏི? ན ཧེཝཾ ཝཏྟབྦེ…པེ….

སཱཝཀསྶ ¶ ¶ ཕལེ ཉཱཎཾ ཨཏྠཱིཏི? ཨཱམནྟཱ. ཨཏྠི སཱཝཀསྶ ཁནྡྷཔཉྙཏྟི ཨཱཡཏནཔཉྙཏྟི དྷཱཏུཔཉྙཏྟི ¶ སཙྩཔཉྙཏྟི ཨིནྡྲིཡཔཉྙཏྟི པུགྒལཔཉྙཏྟཱིཏི? ན ཧེཝཾ ཝཏྟབྦེ…པེ….

སཱཝཀསྶ ཕལེ ཉཱཎཾ ཨཏྠཱིཏི? ཨཱམནྟཱ. སཱཝཀོ ཛིནོ སཏྠཱ སམྨཱསམྦུདྡྷོ སབྦཉྙཱུ སབྦདསྶཱཝཱི དྷམྨསྶཱམཱི དྷམྨཔྤཊིསརཎོཏི? ན ཧེཝཾ ཝཏྟབྦེ…པེ….

སཱཝཀསྶ ཕལེ ཉཱཎཾ ཨཏྠཱིཏི? ཨཱམནྟཱ. སཱཝཀོ ཨནུཔྤནྣསྶ མགྒསྶ ཨུཔྤཱདེཏཱ ཨསཉྫཱཏསྶ མགྒསྶ སཉྫནེཏཱ ཨནཀྑཱཏསྶ མགྒསྶ ཨཀྑཱཏཱ མགྒཉྙཱུ མགྒཝིདཱུ མགྒཀོཝིདོཏི? ན ཧེཝཾ ཝཏྟབྦེ…པེ….

༤༤༤. ན ཝཏྟབྦཾ – ‘‘སཱཝཀསྶ ཕལེ ཉཱཎཾ ཨཏྠཱི’’ཏི? ཨཱམནྟཱ. སཱཝཀོ ཨཉྙཱཎཱིཏི? ན ཧེཝཾ ཝཏྟབྦེ…པེ… ཏེན ཧི སཱཝཀསྶ ཕལེ ཉཱཎཾ ཨཏྠཱིཏི…པེ….

ཕལཉཱཎཀཐཱ ནིཊྛིཏཱ.

པཉྩམཝགྒོ.

ཏསྶུདྡཱནཾ –

ཝིམུཏྟིཉཱཎཾ ཝིམུཏྟཾ, སེཁསྶ ཨསེཁཾ ཉཱཎཾ, ཝིཔརཱིཏེ ཉཱཎཾ, ཨནིཡཏསྶ ནིཡཱམགམནཱཡ ཨཏྠི ཉཱཎཾ, སབྦཾ ཉཱཎཾ པཊིསམྦྷིདཱཏི, སམྨུཏིཉཱཎཾ, ཙེཏོཔརིཡཱཡེ ཉཱཎཾ, ཨནཱགཏེ ཉཱཎཾ, པཊུཔྤནྣེ ¶ ཉཱཎཾ, སཱཝཀསྶ ཕལེ ཉཱཎནྟི.

མཧཱཔཎྞཱསཀོ.

ཏསྶཱཔི ཨུདྡཱནཾ –

སཏྟུཔལདྡྷིཾ, ཨུཔཧརཏོ, བལཾ, གིཧིསྶ ཨརཧཱ ཙ, ཝིམུཏྟིཔཉྩམནྟི.

༦. ཚཊྛཝགྒོ

(༥༣) ༡. ནིཡཱམཀཐཱ

༤༤༥. ནིཡཱམོ ¶ ¶ ¶ ཨསངྑཏོཏི? ཨཱམནྟཱ. ནིབྦཱནཾ ཏཱཎཾ ལེཎཾ སརཎཾ པརཱཡནཾ ཨཙྩུཏཾ ཨམཏནྟི? ན ཧེཝཾ ཝཏྟབྦེ…པེ….

ནིཡཱམོ ཨསངྑཏོ, ནིབྦཱནཾ ཨསངྑཏནྟི? ཨཱམནྟཱ. དྭེ ཨསངྑཏཱནཱིཏི? ན ཧེཝཾ ཝཏྟབྦེ…པེ….

དྭེ ཨསངྑཏཱནཱིཏི? ཨཱམནྟཱ. དྭེ ཏཱཎཱནི དྭེ ལེཎཱནི དྭེ སརཎཱནི དྭེ པརཱཡནཱནི དྭེ ཨཙྩུཏཱནི དྭེ ཨམཏཱནི དྭེ ནིབྦཱནཱནཱིཏི? ན ཧེཝཾ ཝཏྟབྦེ…པེ….

དྭེ ནིབྦཱནཱནཱིཏི? ཨཱམནྟཱ. ཨཏྠི དྭིནྣཾ ནིབྦཱནཱནཾ ཨུཙྩནཱིཙཏཱ ཧཱིནཔཎཱིཏཏཱ ཨུཀྐཾསཱཝཀཾསོ སཱིམཱ ཝཱ བྷེདོ ཝཱ རཱཛི ཝཱ ཨནྟརིཀཱ ཝཱཏི? ན ཧེཝཾ ཝཏྟབྦེ…པེ….

ནིཡཱམོ ཨསངྑཏོཏི? ཨཱམནྟཱ. ཨཏྠི ཀེཙི ནིཡཱམཾ ཨོཀྐམནྟི པཊིལབྷནྟི ཨུཔྤཱདེནྟི སམུཔྤཱདེནྟི ཨུཊྛཱཔེནྟི སམུཊྛཱཔེནྟི ནིབྦཏྟེནྟི ཨབྷིནིབྦཏྟེནྟི ཛནེནྟི སཉྫནེནྟཱིཏི? ཨཱམནྟཱ. ཨཏྠི ཀེཙི ཨསངྑཏཾ ཨོཀྐམནྟི པཊིལབྷནྟི ཨུཔྤཱདེནྟི སམུཔྤཱདེནྟི ཨུཊྛཱཔེནྟི སམུཊྛཱཔེནྟི ནིབྦཏྟེནྟི ཨབྷིནིབྦཏྟེནྟི ཛནེནྟི ¶ སཉྫནེནྟཱིཏི? ན ཧེཝཾ ཝཏྟབྦེ…པེ….

༤༤༦. ནིཡཱམོ ཨསངྑཏོཏི? ཨཱམནྟཱ. མགྒོ ཨསངྑཏོཏི? ན ¶ ཧེཝཾ ཝཏྟབྦེ…པེ….

མགྒོ སངྑཏོཏི? ཨཱམནྟཱ. ནིཡཱམོ སངྑཏོཏི? ན ཧེཝཾ ཝཏྟབྦེ…པེ….

སོཏཱཔཏྟིནིཡཱམོ ¶ ཨསངྑཏོཏི? ཨཱམནྟཱ. སོཏཱཔཏྟིམགྒོ ཨསངྑཏོཏི? ན ཧེཝཾ ཝཏྟབྦེ…པེ….

སོཏཱཔཏྟིམགྒོ སངྑཏོཏི? ཨཱམནྟཱ. སོཏཱཔཏྟིནིཡཱམོ སངྑཏོཏི? ན ཧེཝཾ ཝཏྟབྦེ…པེ….

སཀདཱགཱམིནིཡཱམོ…པེ… ཨནཱགཱམིནིཡཱམོ…པེ… ཨརཧཏྟནིཡཱམོ ཨསངྑཏོཏི? ཨཱམནྟཱ. ཨརཧཏྟམགྒོ ཨསངྑཏོཏི? ན ཧེཝཾ ཝཏྟབྦེ ¶ …པེ… ཨརཧཏྟམགྒོ སངྑཏོཏི? ཨཱམནྟཱ. ཨརཧཏྟནིཡཱམོ སངྑཏོཏི? ན ཧེཝཾ ཝཏྟབྦེ…པེ….

སོཏཱཔཏྟིནིཡཱམོ ཨསངྑཏོ…པེ… ཨརཧཏྟནིཡཱམོ ཨསངྑཏོ, ནིབྦཱནཾ ཨསངྑཏནྟི? ཨཱམནྟཱ. པཉྩ ཨསངྑཏཱནཱིཏི? ན ཧེཝཾ ཝཏྟབྦེ…པེ… པཉྩ ཨསངྑཏཱནཱིཏི? ཨཱམནྟཱ. པཉྩ ཏཱཎཱནི…པེ… ཨནྟརིཀཱ ཝཱཏི? ན ཧེཝཾ ཝཏྟབྦེ…པེ….

ནིཡཱམོ ཨསངྑཏོཏི? ཨཱམནྟཱ. མིཙྪཏྟནིཡཱམོ ཨསངྑཏོཏི? ན ཧེཝཾ ཝཏྟབྦེ…པེ… མིཙྪཏྟནིཡཱམོ སངྑཏོཏི? ཨཱམནྟཱ. སམྨཏྟནིཡཱམོ སངྑཏོཏི? ན ¶ ཧེཝཾ ཝཏྟབྦེ…པེ….

༤༤༧. ན ཝཏྟབྦཾ – ‘‘ནིཡཱམོ ཨསངྑཏོ’’ཏི? ཨཱམནྟཱ. ནིཡཱམེ ཨུཔྤཛྫ ནིརུདྡྷེ ཨནིཡཏོ ཧོཏཱིཏི? ན ཧེཝཾ ཝཏྟབྦེ…པེ…. ཏེན ¶ ཧི ནིཡཱམོ ཨསངྑཏོཏི. མིཙྪཏྟནིཡཱམེ ཨུཔྤཛྫ ནིརུདྡྷེ ཨནིཡཏོ ཧོཏཱིཏི? ན ཧེཝཾ ཝཏྟབྦེ…པེ… ཏེན ཧི མིཙྪཏྟནིཡཱམོ ཨསངྑཏོཏི.

ནིཡཱམཀཐཱ ནིཊྛིཏཱ.

༦. ཚཊྛཝགྒོ

(༥༤) ༢. པཊིཙྩསམུཔྤཱདཀཐཱ

༤༤༨. པཊིཙྩསམུཔྤཱདོ ¶ ཨསངྑཏོཏི? ཨཱམནྟཱ. ནིབྦཱནཾ ཏཱཎཾ ལེཎཾ སརཎཾ པརཱཡནཾ ཨཙྩུཏཾ ཨམཏནྟི? ན ཧེཝཾ ཝཏྟབྦེ…པེ… པཊིཙྩསམུཔྤཱདོ ཨསངྑཏོ, ནིབྦཱནཾ ཨསངྑཏནྟི? ཨཱམནྟཱ. དྭེ ཨསངྑཏཱནཱིཏི? ན ཧེཝཾ ཝཏྟབྦེ…པེ… དྭེ ཨསངྑཏཱནཱིཏི? ཨཱམནྟཱ. དྭེ ཏཱཎཱནི དྭེ ལེཎཱནི དྭེ སརཎཱནི དྭེ པརཱཡནཱནི དྭེ ཨཙྩུཏཱནི དྭེ ཨམཏཱནི དྭེ ནིབྦཱནཱནཱིཏི? ན ཧེཝཾ ཝཏྟབྦེ…པེ… དྭེ ནིབྦཱནཱནཱིཏི? ཨཱམནྟཱ. ཨཏྠི དྭིནྣཾ ནིབྦཱནཱནཾ ཨུཙྩནཱིཙཏཱ ཧཱིནཔཎཱིཏཏཱ ཨུཀྐཾསཱཝཀཾསོ སཱིམཱ ཝཱ བྷེདོ ཝཱ རཱཛི ཝཱ ཨནྟརིཀཱ ཝཱཏི? ན ཧེཝཾ ཝཏྟབྦེ…པེ….

༤༤༩. པཊིཙྩསམུཔྤཱདོ ¶ ཨསངྑཏོཏི? ཨཱམནྟཱ. ཨཝིཛྫཱ ཨསངྑཏཱཏི? ན ཧེཝཾ ཝཏྟབྦེ…པེ… ཨཝིཛྫཱ སངྑཏཱཏི? ཨཱམནྟཱ. པཊིཙྩསམུཔྤཱདོ སངྑཏོཏི ¶ ? ན ཧེཝཾ ཝཏྟབྦེ…པེ… པཊིཙྩསམུཔྤཱདོ ¶ ཨསངྑཏོཏི? ཨཱམནྟཱ. ཨཝིཛྫཱཔཙྩཡཱ སངྑཱརཱ ཨསངྑཏཱཏི? ན ཧེཝཾ ཝཏྟབྦེ…པེ… ཨཝིཛྫཱཔཙྩཡཱ སངྑཱརཱ སངྑཏཱཏི? ཨཱམནྟཱ. པཊིཙྩསམུཔྤཱདོ སངྑཏོཏི? ན ཧེཝཾ ཝཏྟབྦེ…པེ… པཊིཙྩསམུཔྤཱདོ ཨསངྑཏོཏི? ཨཱམནྟཱ. སངྑཱརཔཙྩཡཱ ཝིཉྙཱཎཾ ཨསངྑཏནྟི? ན ཧེཝཾ ཝཏྟབྦེ…པེ… སངྑཱརཔཙྩཡཱ ཝིཉྙཱཎཾ སངྑཏནྟི? ཨཱམནྟཱ. པཊིཙྩསམུཔྤཱདོ སངྑཏོཏི? ན ཧེཝཾ ཝཏྟབྦེ…པེ… པཊིཙྩསམུཔྤཱདོ ཨསངྑཏོཏི? ཨཱམནྟཱ. ཝིཉྙཱཎཔཙྩཡཱ ནཱམརཱུཔཾ ཨསངྑཏནྟི? ན ཧེཝཾ ཝཏྟབྦེ…པེ… ཝིཉྙཱཎཔཙྩཡཱ ནཱམརཱུཔཾ སངྑཏནྟི? ཨཱམནྟཱ. པཊིཙྩསམུཔྤཱདོ སངྑཏོཏི? ན ཧེཝཾ ཝཏྟབྦེ…པེ… པཊིཙྩསམུཔྤཱདོ ཨསངྑཏོཏི? ཨཱམནྟཱ. ཛཱཏིཔཙྩཡཱ ཛརཱམརཎཾ ཨསངྑཏནྟི? ན ཧེཝཾ ཝཏྟབྦེ…པེ… ཛཱཏིཔཙྩཡཱ ཛརཱམརཎཾ སངྑཏནྟི? ཨཱམནྟཱ. པཊིཙྩསམུཔྤཱདོ ¶ སངྑཏོཏི? ན ཧེཝཾ ཝཏྟབྦེ…པེ….

༤༥༠. ན ཝཏྟབྦཾ – ‘‘པཊིཙྩསམུཔྤཱདོ ཨསངྑཏོ’’ཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཛཱཏིཔཙྩཡཱ, བྷིཀྑཝེ, ཛརཱམརཎཾ. ཨུཔྤཱདཱ ཝཱ ཏཐཱགཏཱནཾ ཨནུཔྤཱདཱ ཝཱ ཏཐཱགཏཱནཾ ཋིཏཱཝ སཱ དྷཱཏུ དྷམྨཊྛིཏཏཱ དྷམྨནིཡཱམཏཱ ཨིདཔྤཙྩཡཏཱ. ཏཾ ཏཐཱགཏོ ཨབྷིསམྦུཛ྄ཛྷཏི ¶ ཨབྷིསམེཏི. ཨབྷིསམྦུཛ྄ཛྷིཏྭཱ ཨབྷིསམེཏྭཱ ཨཱཙིཀྑཏི དེསེཏི པཉྙཱཔེཏི པཊྛཔེཏི ཝིཝརཏི ཝིབྷཛཏི ཨུཏྟཱནིཾ ཀརོཏི. ‘པསྶཐཱ’ཏི ཙཱཧ – ཛཱཏིཔཙྩཡཱ, བྷིཀྑཝེ, ཛརཱམརཎཾ ¶ . བྷཝཔཙྩཡཱ, བྷིཀྑཝེ, ཛཱཏི…པེ… ཨཝིཛྫཱཔཙྩཡཱ, བྷིཀྑཝེ, སངྑཱརཱ. ཨུཔྤཱདཱ ཝཱ ཏཐཱགཏཱནཾ ཨནུཔྤཱདཱ ཝཱ ཏཐཱགཏཱནཾ ཋིཏཱཝ སཱ དྷཱཏུ…པེ… ‘པསྶཐཱ’ཏི ཙཱཧ – ཨཝིཛྫཱཔཙྩཡཱ, བྷིཀྑཝེ, སངྑཱརཱ. ཨིཏི ཁོ, བྷིཀྑཝེ, ཡཱ ཏཏྲ ཏཐཏཱ ཨཝིཏཐཏཱ ཨནཉྙཐཏཱ ཨིདཔྤཙྩཡཏཱ – ཨཡཾ ཝུཙྩཏི, བྷིཀྑཝེ, པཊིཙྩསམུཔྤཱདོ’’ཏི [སཾ. ནི. ༢.༢༠]. ཨཏྠེཝ སུཏྟནྟོཏི? ཨཱམནྟཱ. ཏེན ཧི པཊིཙྩསམུཔྤཱདོ ཨསངྑཏོཏི.

༤༥༡. ཨཝིཛྫཱཔཙྩཡཱ སངྑཱརཱཏི ཡཱ ཏཏྠ དྷམྨཊྛིཏཏཱ དྷམྨནིཡཱམཏཱ ཨསངྑཏཱ, ནིབྦཱནཾ ཨསངྑཏནྟི? ཨཱམནྟཱ. དྭེ ཨསངྑཏཱནཱིཏི? ན ཧེཝཾ ཝཏྟབྦེ…པེ… དྭེ ཨསངྑཏཱནཱིཏི? ཨཱམནྟཱ. དྭེ ཏཱཎཱནི…པེ… ཨནྟརིཀཱ ཝཱཏི? ན ཧེཝཾ ཝཏྟབྦེ…པེ….

ཨཝིཛྫཱཔཙྩཡཱ ¶ སངྑཱརཱཏི ཡཱ ཏཏྠ དྷམྨཊྛིཏཏཱ དྷམྨནིཡཱམཏཱ ཨསངྑཏཱ, སངྑཱརཔཙྩཡཱ ཝིཉྙཱཎནྟི ཡཱ ཏཏྠ དྷམྨཊྛིཏཏཱ དྷམྨནིཡཱམཏཱ ཨསངྑཏཱ, ནིབྦཱནཾ ཨསངྑཏནྟི? ཨཱམནྟཱ. ཏཱིཎི ཨསངྑཏཱནཱིཏི? ན ¶ ཧེཝཾ ཝཏྟབྦེ…པེ…. ཏཱིཎི ཨསངྑཏཱནཱིཏི? ཨཱམནྟཱ. ཏཱིཎི ཏཱཎཱནི…པེ… ཨནྟརིཀཱ ཝཱཏི? ན ཧེཝཾ ཝཏྟབྦེ…པེ….

ཨཝིཛྫཱཔཙྩཡཱ སངྑཱརཱཏི ཡཱ ཏཏྠ དྷམྨཊྛིཏཏཱ དྷམྨནིཡཱམཏཱ ཨསངྑཏཱ, སངྑཱརཔཙྩཡཱ ཝིཉྙཱཎནྟི ཡཱ ཏཏྠ དྷམྨཊྛིཏཏཱ དྷམྨནིཡཱམཏཱ ཨསངྑཏཱ…པེ… ཛཱཏིཔཙྩཡཱ ཛརཱམརཎནྟི ཡཱ ¶ ཏཏྠ དྷམྨཊྛིཏཏཱ དྷམྨནིཡཱམཏཱ ཨསངྑཏཱ, ནིབྦཱནཾ ཨསངྑཏནྟི? ཨཱམནྟཱ. དྭཱདས ཨསངྑཏཱནཱིཏི? ན ཧེཝཾ ཝཏྟབྦེ…པེ… དྭཱདས ཨསངྑཏཱནཱིཏི? ཨཱམནྟཱ. དྭཱདས ཏཱཎཱནི དྭཱདས ལེཎཱནི…པེ… ཨནྟརིཀཱ ཝཱཏི? ན ཧེཝཾ ཝཏྟབྦེ…པེ….

པཊིཙྩསམུཔྤཱདཀཐཱ ནིཊྛིཏཱ.

༦. ཚཊྛཝགྒོ

(༥༥) ༣. སཙྩཀཐཱ

༤༥༢. ཙཏྟཱརི ¶ སཙྩཱནི ཨསངྑཏཱནཱིཏི? ཨཱམནྟཱ. ཙཏྟཱརི ཏཱཎཱནི ཙཏྟཱརི ལེཎཱནི ཙཏྟཱརི སརཎཱནི ཙཏྟཱརི པརཱཡནཱནི ཙཏྟཱརི ཨཙྩུཏཱནི ཙཏྟཱརི ཨམཏཱནི ཙཏྟཱརི ནིབྦཱནཱནཱིཏི? ན ཧེཝཾ ཝཏྟབྦེ…པེ… ཙཏྟཱརི ནིབྦཱནཱནཱིཏི? ཨཱམནྟཱ. ཨཏྠི ཙཏུནྣཾ ནིབྦཱནཱནཾ ཨུཙྩནཱིཙཏཱ ཧཱིནཔཎཱིཏཏཱ ཨུཀྐཾསཱཝཀཾསོ སཱིམཱ ཝཱ བྷེདོ ཝཱ རཱཛི ཝཱ ཨནྟརིཀཱ ཝཱཏི? ན ཧེཝཾ ཝཏྟབྦེ…པེ….

དུཀྑསཙྩཾ ཨསངྑཏནྟི? ཨཱམནྟཱ ¶ . དུཀྑཾ ཨསངྑཏནྟི? ན ཧེཝཾ ཝཏྟབྦེ…པེ… དུཀྑསཙྩཾ ཨསངྑཏནྟི? ཨཱམནྟཱ. ཀཱཡིཀཾ དུཀྑཾ ཙེཏསིཀཾ དུཀྑཾ སོཀཔརིདེཝདུཀྑདོམནསྶཨུཔཱཡཱསཱ ཨསངྑཏཱཏི? ན ཧེཝཾ ཝཏྟབྦེ…པེ… སམུདཡསཙྩཾ ཨསངྑཏནྟི? ཨཱམནྟཱ. སམུདཡོ ཨསངྑཏོཏི? ན ཧེཝཾ ཝཏྟབྦེ…པེ… སམུདཡསཙྩཾ ཨསངྑཏནྟི? ཨཱམནྟཱ. ཀཱམཏཎྷཱ བྷཝཏཎྷཱ ཝིབྷཝཏཎྷཱ ¶ ཨསངྑཏཱཏི? ན ཧེཝཾ ཝཏྟབྦེ…པེ… མགྒསཙྩཾ ཨསངྑཏནྟི? ཨཱམནྟཱ. མགྒོ ཨསངྑཏོཏི? ན ཧེཝཾ ཝཏྟབྦེ…པེ… མགྒསཙྩཾ ཨསངྑཏནྟི? ཨཱམནྟཱ. སམྨཱདིཊྛི…པེ… སམྨཱསམཱདྷི ཨསངྑཏོཏི? ན ཧེཝཾ ཝཏྟབྦེ…པེ….

དུཀྑཾ ¶ སངྑཏནྟི? ཨཱམནྟཱ. དུཀྑསཙྩཾ སངྑཏནྟི? ན ཧེཝཾ ཝཏྟབྦེ…པེ… ཀཱཡིཀཾ དུཀྑཾ ཙེཏསིཀཾ དུཀྑཾ སོཀཔརིདེཝདུཀྑདོམནསྶཨུཔཱཡཱསཱ སངྑཏཱཏི? ཨཱམནྟཱ. དུཀྑསཙྩཾ སངྑཏནྟི? ན ཧེཝཾ ཝཏྟབྦེ…པེ… སམུདཡོ སངྑཏོཏི? ཨཱམནྟཱ. སམུདཡསཙྩཾ སངྑཏནྟི? ན ཧེཝཾ ཝཏྟབྦེ…པེ… ཀཱམཏཎྷཱ བྷཝཏཎྷཱ ཝིབྷཝཏཎྷཱ སངྑཏཱཏི? ཨཱམནྟཱ ¶ . སམུདཡསཙྩཾ སངྑཏནྟི? ན ཧེཝཾ ཝཏྟབྦེ…པེ… མགྒོ སངྑཏོཏི? ཨཱམནྟཱ. མགྒསཙྩཾ སངྑཏནྟི? ན ཧེཝཾ ཝཏྟབྦེ…པེ… སམྨཱདིཊྛི…པེ… སམྨཱསམཱདྷི སངྑཏོཏི? ཨཱམནྟཱ. མགྒསཙྩཾ སངྑཏནྟི? ན ཧེཝཾ ཝཏྟབྦེ…པེ….

༤༥༣. ནིརོདྷསཙྩཾ ཨསངྑཏཾ, ནིརོདྷོ ཨསངྑཏོཏི? ཨཱམནྟཱ. དུཀྑསཙྩཾ ཨསངྑཏཾ, དུཀྑཾ ¶ ཨསངྑཏནྟི? ན ཧེཝཾ ཝཏྟབྦེ…པེ… ནིརོདྷསཙྩཾ ཨསངྑཏཾ, ནིརོདྷོ ཨསངྑཏོཏི? ཨཱམནྟཱ. སམུདཡསཙྩཾ ཨསངྑཏཾ, སམུདཡོ ཨསངྑཏོཏི? ན ཧེཝཾ ཝཏྟབྦེ…པེ… ནིརོདྷསཙྩཾ ཨསངྑཏཾ, ནིརོདྷོ ཨསངྑཏོཏི? ཨཱམནྟཱ. མགྒསཙྩཾ ཨསངྑཏཾ, མགྒོ ཨསངྑཏོཏི? ན ཧེཝཾ ཝཏྟབྦེ…པེ….

དུཀྑསཙྩཾ ¶ ཨསངྑཏཾ, དུཀྑཾ སངྑཏནྟི? ཨཱམནྟཱ. ནིརོདྷསཙྩཾ ཨསངྑཏཾ, ནིརོདྷོ སངྑཏོཏི? ན ཧེཝཾ ཝཏྟབྦེ…པེ… སམུདཡསཙྩཾ ཨསངྑཏཾ, སམུདཡོ སངྑཏོཏི? ཨཱམནྟཱ. ནིརོདྷསཙྩཾ ཨསངྑཏཾ, ནིརོདྷོ སངྑཏོཏི? ན ཧེཝཾ ཝཏྟབྦེ…པེ… མགྒསཙྩཾ ཨསངྑཏཾ, མགྒོ སངྑཏོཏི? ཨཱམནྟཱ. ནིརོདྷསཙྩཾ ཨསངྑཏཾ, ནིརོདྷོ སངྑཏོཏི? ན ཧེཝཾ ཝཏྟབྦེ…པེ….

༤༥༤. ན ཝཏྟབྦཾ – ‘‘ཙཏྟཱརི སཙྩཱནི ཨསངྑཏཱནཱི’’ཏི? ཨཱམནྟཱ ¶ . ནནུ ཝུཏྟཾ བྷགཝཏཱ – ‘‘ཙཏྟཱརིམཱནི, བྷིཀྑཝེ, ཏཐཱནི ཨཝིཏཐཱནི ཨནཉྙཐཱནི! ཀཏམཱནི ཙཏྟཱརི? ‘ཨིདཾ དུཀྑ’ནྟི, བྷིཀྑཝེ, ཏཐམེཏཾ ཨཝིཏཐམེཏཾ ཨནཉྙཐམེཏཾ…པེ… ‘ཨཡཾ དུཀྑསམུདཡོ’ཏི…པེ… ‘ཨཡཾ དུཀྑནིརོདྷོ’ཏི…པེ… ‘ཨཡཾ དུཀྑནིརོདྷགཱམིནཱི པཊིཔདཱ’ཏི ཏཐམེཏཾ ཨཝིཏཐམེཏཾ ཨནཉྙཐམེཏཾ. ཨིམཱནི ཁོ, བྷིཀྑཝེ, ཙཏྟཱརི ཏཐཱནི ཨཝིཏཐཱནི ཨནཉྙཐཱནཱི’’ཏི [སཾ. ནི. ༥.༡༠༩༠]. ཨཏྠེཝ སུཏྟནྟོཏི? ཨཱམནྟཱ. ཏེན ཧི ཙཏྟཱརི སཙྩཱནི ཨསངྑཏཱནཱིཏི.

སཙྩཀཐཱ ནིཊྛིཏཱ.

༦. ཚཊྛཝགྒོ

(༥༦) ༤. ཨཱརུཔྤཀཐཱ

༤༥༥. ཨཱཀཱསཱནཉྩཱཡཏནཾ ¶ ཨསངྑཏནྟི? ཨཱམནྟཱ. ནིབྦཱནཾ ཏཱཎཾ ¶ ལེཎཾ སརཎཾ པརཱཡནཾ ཨཙྩུཏཾ ཨམཏནྟི? ན ཧེཝཾ ཝཏྟབྦེ…པེ… ཨཱཀཱསཱནཉྩཱཡཏནཾ ཨསངྑཏཾ, ནིབྦཱནཾ ¶ ཨསངྑཏནྟི? ཨཱམནྟཱ. དྭེ ཨསངྑཏཱནཱིཏི? ན ཧེཝཾ ཝཏྟབྦེ…པེ… དྭེ ཨསངྑཏཱནཱིཏི? ཨཱམནྟཱ. དྭེ ཏཱཎཱནི…པེ… ཨནྟརིཀཱ ཝཱཏི? ན ཧེཝཾ ཝཏྟབྦེ…པེ….

ཨཱཀཱསཱནཉྩཱཡཏནཾ ཨསངྑཏནྟི? ཨཱམནྟཱ. ཨཱཀཱསཱནཉྩཱཡཏནཾ བྷཝོ གཏི སཏྟཱཝཱསོ སཾསཱརོ ཡོནི ཝིཉྙཱཎཊྛིཏི ཨཏྟབྷཱཝཔཊིལཱབྷོཏི? ཨཱམནྟཱ. ཨསངྑཏཾ ¶ བྷཝོ གཏི སཏྟཱཝཱསོ སཾསཱརོ ཡོནི ཝིཉྙཱཎཊྛིཏི ཨཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ….

ཨཏྠི ཨཱཀཱསཱནཉྩཱཡཏནཱུཔགཾ ཀམྨནྟི? ཨཱམནྟཱ. ཨཏྠི ཨསངྑཏཱུཔགཾ ཀམྨནྟི? ན ཧེཝཾ ཝཏྟབྦེ…པེ… ཨཏྠི ཨཱཀཱསཱནཉྩཱཡཏནཱུཔགཱ སཏྟཱཏི? ཨཱམནྟཱ. ཨཏྠི ཨསངྑཏཱུཔགཱ སཏྟཱཏི? ན ཧེཝཾ ཝཏྟབྦེ…པེ….

ཨཱཀཱསཱནཉྩཱཡཏནེ སཏྟཱ ཛཱཡནྟི ཛཱིཡནྟི མཱིཡནྟི ཙཝནྟི ཨུཔཔཛྫནྟཱིཏི? ཨཱམནྟཱ. ཨསངྑཏེ སཏྟཱ ཛཱཡནྟི ཛཱིཡནྟི མཱིཡནྟི ཙཝནྟི ཨུཔཔཛྫནྟཱིཏི? ན ཧེཝཾ ཝཏྟབྦེ…པེ… ཨཱཀཱསཱནཉྩཱཡཏནེ ཨཏྠི ཝེདནཱ སཉྙཱ སངྑཱརཱ ཝིཉྙཱཎནྟི? ཨཱམནྟཱ. ཨསངྑཏེ ཨཏྠི ཝེདནཱ སཉྙཱ སངྑཱརཱ ཝིཉྙཱཎནྟི? ན ཧེཝཾ ཝཏྟབྦེ…པེ… ཨཱཀཱསཱནཉྩཱཡཏནཾ ཙཏུཝོཀཱརབྷཝོཏི? ཨཱམནྟཱ. ཨསངྑཏཾ ཙཏུཝོཀཱརབྷཝོཏི? ན ཧེཝཾ ཝཏྟབྦེ…པེ….

༤༥༦. ན ¶ ཝཏྟབྦཾ – ‘‘ཙཏྟཱརོ ཨཱརུཔྤཱ ཨསངྑཏཱ’’ཏི? ཨཱམནྟཱ. ནནུ ཙཏྟཱརོ ཨཱརུཔྤཱ ཨནེཛཱ ཝུཏྟཱ བྷགཝཏཱཏི? ཨཱམནྟཱ. ཧཉྩི ཙཏྟཱརོ ཨཱརུཔྤཱ ཨནེཛཱ ཝུཏྟཱ བྷགཝཏཱ, ཏེན ཝཏ རེ ཝཏྟབྦེ ‘‘ཙཏྟཱརོ ཨཱརུཔྤཱ ཨསངྑཏཱ’’ཏི.

ཨཱརུཔྤཀཐཱ ནིཊྛིཏཱ.

༦. ཚཊྛཝགྒོ

(༥༧) ༥. ནིརོདྷསམཱཔཏྟིཀཐཱ

༤༥༧. ནིརོདྷསམཱཔཏྟི ¶ ¶ ¶ ཨསངྑཏཱཏི? ཨཱམནྟཱ. ནིབྦཱནཾ ཏཱཎཾ ལེཎཾ སརཎཾ པརཱཡནཾ ཨཙྩུཏཾ ཨམཏནྟི? ན ཧེཝཾ ཝཏྟབྦེ…པེ… ནིརོདྷསམཱཔཏྟི ཨསངྑཏཱ, ནིབྦཱནཾ ཨསངྑཏནྟི? ཨཱམནྟཱ. དྭེ ཨསངྑཏཱནཱིཏི? ན ཧེཝཾ ཝཏྟབྦེ…པེ… དྭེ ཨསངྑཏཱནཱིཏི? ཨཱམནྟཱ. དྭེ ཏཱཎཱནི…པེ… ཨནྟརིཀཱ ཝཱཏི? ན ཧེཝཾ ཝཏྟབྦེ…པེ….

ནིརོདྷསམཱཔཏྟི ཨསངྑཏཱཏི? ཨཱམནྟཱ. ཨཏྠི ཀེཙི ནིརོདྷཾ སམཱཔཛྫནྟི པཊིལབྷནྟི ཨུཔྤཱདེནྟི སམུཔྤཱདེནྟི ཨུཊྛཔེནྟི སམུཊྛཔེནྟི ནིབྦཏྟེནྟི ཨབྷིནིབྦཏྟེནྟི ཛནེནྟི སཉྫནེནྟཱིཏི? ཨཱམནྟཱ. ཨཏྠི ཀེཙི ཨསངྑཏཾ སམཱཔཛྫནྟི པཊིལབྷནྟི ཨུཔྤཱདེནྟི སམུཔྤཱདེནྟི ཨུཊྛཔེནྟི སམུཊྛཔེནྟི ནིབྦཏྟེནྟི ཨབྷིནིབྦཏྟེནྟི ཛནེནྟི སཉྫནེནྟཱིཏི? ན ཧེཝཾ ཝཏྟབྦེ…པེ….

༤༥༨. ནིརོདྷཱ ཝོདཱནཾ ཝུཊྛཱནཾ པཉྙཱཡཏཱིཏི? ཨཱམནྟཱ. ཨསངྑཏཱ ཝོདཱནཾ ཝུཊྛཱནཾ པཉྙཱཡཏཱིཏི ¶ ? ན ཧེཝཾ ཝཏྟབྦེ…པེ… ནིརོདྷཾ སམཱཔཛྫནྟསྶ པཋམཾ ནིརུཛ྄ཛྷཏི ཝཙཱིསངྑཱརོ, ཏཏོ ཀཱཡསངྑཱརོ, ཏཏོ ཙིཏྟསངྑཱརོཏི? ཨཱམནྟཱ. ཨསངྑཏཾ སམཱཔཛྫནྟསྶ པཋམཾ ནིརུཛ྄ཛྷཏི ཝཙཱིསངྑཱརོ, ཏཏོ ཀཱཡསངྑཱརོ, ཏཏོ ཙིཏྟསངྑཱརོཏི? ན ཧེཝཾ ཝཏྟབྦེ…པེ… ནིརོདྷཱ ཝུཊྛཧནྟསྶ པཋམཾ ཨུཔྤཛྫཏི ཙིཏྟསངྑཱརོ, ཏཏོ ཀཱཡསངྑཱརོ, ཏཏོ ཝཙཱིསངྑཱརོཏི? ཨཱམནྟཱ ¶ . ཨསངྑཏཱ ཝུཊྛཧནྟསྶ པཋམཾ ཨུཔྤཛྫཏི ཙིཏྟསངྑཱརོ, ཏཏོ ཀཱཡསངྑཱརོ, ཏཏོ ཝཙཱིསངྑཱརོཏི? ན ཧེཝཾ ཝཏྟབྦེ…པེ….

ནིརོདྷཱ ཝུཊྛིཏཾ ཏཡོ ཕསྶཱ ཕུསནྟི – སུཉྙཏོ ཕསྶོ, ཨནིམིཏྟོ ཕསྶོ, ཨཔྤཎིཧིཏོ ཕསྶོཏི? ཨཱམནྟཱ. ཨསངྑཏཱ ཝུཊྛིཏཾ ཏཡོ ཕསྶཱ ཕུསནྟི – སུཉྙཏོ ཕསྶོ, ཨནིམིཏྟོ ཕསྶོ, ཨཔྤཎིཧིཏོ ཕསྶོཏི? ན ཧེཝཾ ཝཏྟབྦེ…པེ….

ནིརོདྷཱ ཝུཊྛིཏསྶ ཝིཝེཀནིནྣཾ ཙིཏྟཾ ཧོཏི ཝིཝེཀཔོཎཾ ཝིཝེཀཔབྦྷཱརནྟི? ཨཱམནྟཱ. ཨསངྑཏཱ ¶ ཝུཊྛིཏསྶ ཝིཝེཀནིནྣཾ ཙིཏྟཾ ཧོཏི ཝིཝེཀཔོཎཾ ཝིཝེཀཔབྦྷཱརནྟི? ན ཧེཝཾ ཝཏྟབྦེ…པེ….

༤༥༩. ན ¶ ཝཏྟབྦཾ – ‘‘ནིརོདྷསམཱཔཏྟི ཨསངྑཏཱ’’ཏི? ཨཱམནྟཱ. སངྑཏཱཏི? ན ཧེཝཾ ཝཏྟབྦེ…པེ… ཏེན ཧི ནིརོདྷསམཱཔཏྟི ཨསངྑཏཱཏི.

ནིརོདྷསམཱཔཏྟིཀཐཱ ནིཊྛིཏཱ.

༦. ཚཊྛཝགྒོ

(༥༨) ༦. ཨཱཀཱསཀཐཱ

༤༦༠. ཨཱཀཱསོ ¶ ཨསངྑཏོཏི? ཨཱམནྟཱ. ནིབྦཱནཾ ཏཱཎཾ ལེཎཾ སརཎཾ པརཱཡནཾ ཨཙྩུཏཾ ཨམཏནྟི? ན ཧེཝཾ ཝཏྟབྦེ…པེ… ཨཱཀཱསོ ཨསངྑཏོ, ནིབྦཱནཾ ཨསངྑཏནྟི? ཨཱམནྟཱ. དྭེ ཨསངྑཏཱནཱིཏི? ན ཧེཝཾ ཝཏྟབྦེ…པེ…. དྭེ ཨསངྑཏཱནཱིཏི? ཨཱམནྟཱ ¶ . དྭེ ཏཱཎཱནི…པེ… ཨནྟརིཀཱ ཝཱཏི? ན ཧེཝཾ ཝཏྟབྦེ…པེ….

ཨཱཀཱསོ ཨསངྑཏོཏི? ཨཱམནྟཱ. ཨཏྠི ཀེཙི ཨནཱཀཱསཾ ཨཱཀཱསཾ ཀརོནྟཱིཏི? ཨཱམནྟཱ. ཨཏྠི ཀེཙི སངྑཏཾ ཨསངྑཏཾ ཀརོནྟཱིཏི? ན ཧེཝཾ ཝཏྟབྦེ…པེ… ཨཏྠི ཀེཙི ཨཱཀཱསཾ ཨནཱཀཱསཾ ཀརོནྟཱིཏི? ཨཱམནྟཱ. ཨཏྠི ཀེཙི ཨསངྑཏཾ སངྑཏཾ ཀརོནྟཱིཏི? ན ཧེཝཾ ཝཏྟབྦེ…པེ….

ཨཱཀཱསེ པཀྑིནོ གཙྪནྟི, ཙནྡིམསཱུརིཡཱ གཙྪནྟི, ཏཱརཀརཱུཔཱནི གཙྪནྟི, ཨིདྡྷིཾ ཝིཀུབྦནྟི, བཱཧུཾ ཙཱལེནྟི, པཱཎིཾ ཙཱལེནྟི, ལེཌྜུཾ ཁིཔནྟི, ལགུལ༹ཾ ཁིཔནྟི, ཨིདྡྷིཾ [སཏྟིཾ (?)] ཁིཔནྟི, ཨུསུཾ ཁིཔནྟཱིཏི? ཨཱམནྟཱ. ཨསངྑཏེ པཀྑིནོ གཙྪནྟི, ཙནྡིམསཱུརིཡཱ གཙྪནྟི, ཏཱརཀརཱུཔཱནི ¶ གཙྪནྟི, ཨིདྡྷིཾ ཝིཀུབྦནྟི, བཱཧུཾ ཙཱལེནྟི, པཱཎིཾ ཙཱལེནྟི, ལེཌྜུཾ ཁིཔནྟི, ལགུལ༹ཾ ཁིཔནྟི, ཨིདྡྷིཾ ཁིཔནྟི, ཨུསུཾ ཁིཔནྟཱིཏི? ན ཧེཝཾ ཝཏྟབྦེ…པེ….

༤༦༡. ཨཱཀཱསཾ ¶ པརིཝཱརེཏྭཱ གྷརཱནི ཀརོནྟི ཀོཊྛཱནི ཀརོནྟཱིཏི? ཨཱམནྟཱ. ཨསངྑཏཾ པརིཝཱརེཏྭཱ གྷརཱནི ཀརོནྟི ཀོཊྛཱནི ཀརོནྟཱིཏི? ན ཧེཝཾ ཝཏྟབྦེ…པེ….

ཨུདཔཱནེ ¶ ཁཉྙམཱནེ ཨནཱཀཱསོ ཨཱཀཱསོ ཧོཏཱིཏི? ཨཱམནྟཱ. སངྑཏཾ ཨསངྑཏཾ ཧོཏཱིཏི? ན ཧེཝཾ ཝཏྟབྦེ…པེ….

ཏུཙྪཨུདཔཱནེ པཱུརིཡམཱནེ, ཏུཙྪཀོཊྛེ པཱུརིཡམཱནེ, ཏུཙྪཀུམྦྷིཡཱ པཱུརིཡམཱནཱཡ ཨཱཀཱསོ ཨནྟརདྷཱཡཏཱིཏི? ཨཱམནྟཱ. ཨསངྑཏཾ ¶ ཨནྟརདྷཱཡཏཱིཏི? ན ཧེཝཾ ཝཏྟབྦེ…པེ….

༤༦༢. ན ཝཏྟབྦཾ – ‘‘ཨཱཀཱསོ ཨསངྑཏོ’’ཏི? ཨཱམནྟཱ. ཨཱཀཱསོ སངྑཏོཏི? ན ཧེཝཾ ཝཏྟབྦེ…པེ… ཏེན ཧི ཨཱཀཱསོ ཨསངྑཏོཏི.

ཨཱཀཱསཀཐཱ ནིཊྛིཏཱ.

༦. ཚཊྛཝགྒོ

(༥༩) ༧. ཨཱཀཱསོ སནིདསྶནོཏིཀཐཱ

༤༦༣. ཨཱཀཱསོ སནིདསྶནོཏི? ཨཱམནྟཱ. རཱུཔཾ རཱུཔཱཡཏནཾ རཱུཔདྷཱཏུ ནཱིལཾ པཱིཏཀཾ ལོཧིཏཀཾ ཨོདཱཏཾ ཙཀྑུཝིཉྙེཡྻཾ ཙཀྑུསྨིཾ པཊིཧཉྙཏི ཙཀྑུསྶ ཨཱཔཱཐཾ ཨཱགཙྪཏཱིཏི? ན ཧེཝཾ ཝཏྟབྦེ…པེ….

ཨཱཀཱསོ ¶ སནིདསྶནོཏི? ཨཱམནྟཱ. ཙཀྑུཉྩ པཊིཙྩ ཨཱཀཱསཉྩ ཨུཔྤཛྫཏི ཙཀྑུཝིཉྙཱཎནྟི? ན ཧེཝཾ ཝཏྟབྦེ ¶ …པེ….

ཙཀྑུཉྩ པཊིཙྩ ཨཱཀཱསཉྩ ཨུཔྤཛྫཏི ཙཀྑུཝིཉྙཱཎནྟི? ཨཱམནྟཱ. ‘‘ཙཀྑུཉྩ པཊིཙྩ ཨཱཀཱསཉྩ ཨུཔྤཛྫཏི ཙཀྑུཝིཉྙཱཎ’’ནྟི – ཨཏྠེཝ [ཨཏྠི (?)] སུཏྟནྟོཏི? ནཏྠི. ‘‘ཙཀྑུཉྩ པཊིཙྩ རཱུཔེ ཙ ཨུཔྤཛྫཏི ཙཀྑུཝིཉྙཱཎ’’ནྟི [མ. ནི. ༡.༤༠༠; ༣.༤༢༡; སཾ. ནི. ༤.༦༠] – ཨཏྠེཝ སུཏྟནྟོཏི? ཨཱམནྟཱ. ཧཉྩི ‘‘ཙཀྑུཉྩ པཊིཙྩ རཱུཔེ ཙ ཨུཔྤཛྫཏི ཙཀྑུཝིཉྙཱཎ’’ནྟི – ཨཏྠེཝ སུཏྟནྟོ, ནོ ཙ ཝཏ རེ ཝཏྟབྦེ – ‘‘ཙཀྑུཉྩ ¶ པཊིཙྩ ཨཱཀཱསཉྩ ཨུཔྤཛྫཏི ཙཀྑུཝིཉྙཱཎ’’ནྟི.

༤༦༤. ན ཝཏྟབྦཾ – ‘‘ཨཱཀཱསོ སནིདསྶནོ’’ཏི? ཨཱམནྟཱ. ནནུ པསྶཏི དྭིནྣཾ རུཀྑཱནཾ ཨནྟརཾ, དྭིནྣཾ ཐམྦྷཱནཾ ཨནྟརཾ, ཏཱལ༹ཙྪིདྡཾ ཝཱཏཔཱནཙྪིདྡནྟི? ཨཱམནྟཱ ¶ . ཧཉྩི པསྶཏི དྭིནྣཾ རུཀྑཱནཾ ཨནྟརཾ, དྭིནྣཾ ཐམྦྷཱནཾ ཨནྟརཾ, ཏཱལ༹ཙྪིདྡཾ ཝཱཏཔཱནཙྪིདྡཾ, ཏེན ཝཏ རེ ཝཏྟབྦེ – ‘‘ཨཱཀཱསོ སནིདསྶནོ’’ཏི.

ཨཱཀཱསོ སནིདསྶནོཏིཀཐཱ ནིཊྛིཏཱ.

༦. ཚཊྛཝགྒོ

(༦༠) ༨. པཐཝཱིདྷཱཏུ སནིདསྶནཱཏིཨཱདིཀཐཱ

༤༦༥. པཐཝཱིདྷཱཏུ སནིདསྶནཱཏི? ཨཱམནྟཱ. རཱུཔཾ རཱུཔཱཡཏནཾ རཱུཔདྷཱཏུ ནཱིལཾ པཱིཏཀཾ ལོཧིཏཀཾ ཨོདཱཏཾ ཙཀྑུཝིཉྙེཡྻཾ ཙཀྑུསྨིཾ པཊིཧཉྙཏི ཙཀྑུསྶ ¶ ཨཱཔཱཐཾ ཨཱགཙྪཏཱིཏི? ན ཧེཝཾ ཝཏྟབྦེ…པེ….

པཐཝཱིདྷཱཏུ སནིདསྶནཱཏི? ཨཱམནྟཱ. ཙཀྑུཉྩ པཊིཙྩ པཐཝཱིདྷཱཏུཉྩ ཨུཔྤཛྫཏི ཙཀྑུཝིཉྙཱཎནྟི? ན ཧེཝཾ ཝཏྟབྦེ…པེ….

ཙཀྑུཉྩ ¶ པཊིཙྩ པཐཝཱིདྷཱཏུཉྩ ཨུཔྤཛྫཏི ཙཀྑུཝིཉྙཱཎནྟི? ཨཱམནྟཱ. ‘‘ཙཀྑུཉྩ པཊིཙྩ པཐཝཱིདྷཱཏུཉྩ ཨུཔྤཛྫཏི ཙཀྑུཝིཉྙཱཎ’’ནྟི – ཨཏྠེཝ སུཏྟནྟོཏི? ནཏྠི. ‘‘ཙཀྑུཉྩ པཊིཙྩ རཱུཔེ ཙ ཨུཔྤཛྫཏི ཙཀྑུཝིཉྙཱཎ’’ནྟི – ཨཏྠེཝ སུཏྟནྟོཏི? ཨཱམནྟཱ. ཧཉྩི ¶ ‘‘ཙཀྑུཉྩ པཊིཙྩ རཱུཔེ ཙ ཨུཔྤཛྫཏི ཙཀྑུཝིཉྙཱཎ’’ནྟི – ཨཏྠེཝ སུཏྟནྟོ, ནོ ཙ ཝཏ རེ ཝཏྟབྦེ – ‘‘ཙཀྑུཉྩ པཊིཙྩ པཐཝཱིདྷཱཏུཉྩ ཨུཔྤཛྫཏི ཙཀྑུཝིཉྙཱཎ’’ནྟི.

༤༦༦. ན ཝཏྟབྦཾ – ‘‘པཐཝཱིདྷཱཏུ སནིདསྶནཱ’’ཏི? ཨཱམནྟཱ. ནནུ པསྶཏི བྷཱུམིཾ པཱསཱཎཾ པབྦཏནྟི? ཨཱམནྟཱ. ཧཉྩི པསྶཏི [པསྶསི (སཱི. སྱཱ. ཀ.) ཨེཝམུཔརིཔི] བྷཱུམིཾ པཱསཱཎཾ པབྦཏཾ, ཏེན ཝཏ རེ ཝཏྟབྦེ – ‘‘པཐཝཱིདྷཱཏུ སནིདསྶནཱ’’ཏི…པེ….

ན ཝཏྟབྦཾ – ‘‘ཨཱཔོདྷཱཏུ སནིདསྶནཱ’’ཏི? ཨཱམནྟཱ. ནནུ པསྶཏི ཨུདཀནྟི? ཨཱམནྟཱ. ཧཉྩི པསྶཏི ཨུདཀཾ, ཏེན ཝཏ རེ ཝཏྟབྦེ – ‘‘ཨཱཔོདྷཱཏུ སནིདསྶནཱཏི…པེ….

ན ཝཏྟབྦཾ – ཏེཛོདྷཱཏུ སནིདསྶནཱཏི? ཨཱམནྟཱ. ནནུ པསྶཏི ཨགྒིཾ ཛལནྟནྟི? ཨཱམནྟཱ. ཧཉྩི པསྶཏི ཨགྒིཾ ཛལནྟཾ, ཏེན ཝཏ རེ ཝཏྟབྦེ – ‘‘ཏེཛོདྷཱཏུ སནིདསྶནཱ’’ཏི…པེ….

ན ¶ ཝཏྟབྦཾ – ‘‘ཝཱཡོདྷཱཏུ ¶ སནིདསྶནཱ’’ཏི? ཨཱམནྟཱ. ནནུ པསྶཏི ཝཱཏེན རུཀྑེ སཉྩཱལིཡམཱནེཏི? ཨཱམནྟཱ. ཧཉྩི པསྶཏི ཝཱཏེན རུཀྑེ སཉྩཱལིཡམཱནེ, ཏེན ཝཏ རེ ཝཏྟབྦེ – ‘‘ཝཱཡོདྷཱཏུ སནིདསྶནཱ’’ཏི…པེ….

པཐཝཱིདྷཱཏུ སནིདསྶནཱཏིཨཱདིཀཐཱ ནིཊྛིཏཱ.

༦. ཚཊྛཝགྒོ

(༦༡) ༩. ཙཀྑུནྡྲིཡཾ སནིདསྶནནྟིཨཱདིཀཐཱ

༤༦༧. ཙཀྑུནྡྲིཡཾ ¶ སནིདསྶནནྟི? ཨཱམནྟཱ. རཱུཔཾ རཱུཔཱཡཏནཾ རཱུཔདྷཱཏུ…པེ… ཙཀྑུསྶ ཨཱཔཱཐཾ ཨཱགཙྪཏཱིཏི? ན ཧེཝཾ ཝཏྟབྦེ…པེ….

ཙཀྑུནྡྲིཡཾ སནིདསྶནནྟི? ཨཱམནྟཱ. ཙཀྑུཉྩ པཊིཙྩ ཙཀྑུནྡྲིཡཉྩ ཨུཔྤཛྫཏི ཙཀྑུཝིཉྙཱཎནྟི? ན ¶ ཧེཝཾ ཝཏྟབྦེ…པེ….

ཙཀྑུཉྩ པཊིཙྩ ཙཀྑུནྡྲིཡཉྩ ཨུཔྤཛྫཏི ཙཀྑུཝིཉྙཱཎནྟི? ཨཱམནྟཱ. ‘‘ཙཀྑུཉྩ པཊིཙྩ ཙཀྑུནྡྲིཡཉྩ ཨུཔྤཛྫཏི ཙཀྑུཝིཉྙཱཎ’’ནྟི – ཨཏྠེཝ སུཏྟནྟོཏི? ནཏྠི. ‘‘ཙཀྑུཉྩ པཊིཙྩ རཱུཔེ ཙ ཨུཔྤཛྫཏི ཙཀྑུཝིཉྙཱཎ’’ནྟི – ཨཏྠེཝ སུཏྟནྟོཏི? ཨཱམནྟཱ. ཧཉྩི ‘‘ཙཀྑུཉྩ པཊིཙྩ རཱུཔེ ཙ ཨུཔྤཛྫཏི ཙཀྑུཝིཉྙཱཎ’’ནྟི – ཨཏྠེཝ སུཏྟནྟོ, ནོ ཙ ཝཏ རེ ཝཏྟབྦེ – ‘‘ཙཀྑུཉྩ པཊིཙྩ ཙཀྑུནྡྲིཡཉྩ ཨུཔྤཛྫཏི ཙཀྑུཝིཉྙཱཎ’’ནྟི.

༤༦༨. ན ¶ ཝཏྟབྦཾ – ‘‘པཉྩིནྡྲིཡཱནི སནིདསྶནཱནཱི’’ཏི? ཨཱམནྟཱ. ནནུ པསྶཏི ཙཀྑུཾ སོཏཾ གྷཱནཾ ཛིཝ྄ཧཾ ཀཱཡནྟི? ཨཱམནྟཱ. ཧཉྩི པསྶཏི ཙཀྑུཾ སོཏཾ གྷཱནཾ ཛིཝ྄ཧཾ ཀཱཡཾ, ཏེན ཝཏ རེ ཝཏྟབྦེ – ‘‘པཉྩིནྡྲིཡཱནི སནིདསྶནཱནཱི’’ཏི…པེ….

ཙཀྑུནྡྲིཡཾ སནིདསྶནནྟིཨཱདིཀཐཱ ནིཊྛིཏཱ.

༦. ཚཊྛཝགྒོ

(༦༢) ༡༠. ཀཱཡཀམྨཾ སནིདསྶནནྟིཀཐཱ

༤༦༩. ཀཱཡཀམྨཾ སནིདསྶནནྟི? ཨཱམནྟཱ. རཱུཔཾ རཱུཔཱཡཏནཾ རཱུཔདྷཱཏུ ནཱིལཾ པཱིཏཀཾ ལོཧིཏཀཾ ¶ ཨོདཱཏཾ ཙཀྑུཝིཉྙེཡྻཾ ཙཀྑུསྨིཾ པཊིཧཉྙཏི ཙཀྑུསྶ ཨཱཔཱཐཾ ཨཱགཙྪཏཱིཏི? ན ཧེཝཾ ཝཏྟབྦེ…པེ….

ཀཱཡཀམྨཾ ¶ སནིདསྶནནྟི? ཨཱམནྟཱ. ཙཀྑུཉྩ པཊིཙྩ ཀཱཡཀམྨཉྩ ཨུཔྤཛྫཏི ཙཀྑུཝིཉྙཱཎནྟི? ན ཧེཝཾ ཝཏྟབྦེ…པེ….

ཙཀྑུཉྩ པཊིཙྩ ཀཱཡཀམྨཉྩ ཨུཔྤཛྫཏི ཙཀྑུཝིཉྙཱཎནྟི? ཨཱམནྟཱ. ‘‘ཙཀྑུཉྩ པཊིཙྩ ཀཱཡཀམྨཉྩ ཨུཔྤཛྫཏི ཙཀྑུཝིཉྙཱཎ’’ནྟི – ཨཏྠེཝ སུཏྟནྟོཏི? ནཏྠི. ‘‘ཙཀྑུཉྩ ¶ པཊིཙྩ རཱུཔེ ཙ ཨུཔྤཛྫཏི ཙཀྑུཝིཉྙཱཎ’’ནྟི – ཨཏྠེཝ སུཏྟནྟོཏི? ཨཱམནྟཱ. ཧཉྩི ‘‘ཙཀྑུཉྩ པཊིཙྩ རཱུཔེ ཙ ཨུཔྤཛྫཏི ཙཀྑུཝིཉྙཱཎ’’ནྟི – ཨཏྠེཝ སུཏྟནྟོ, ནོ ཙ ཝཏ རེ ཝཏྟབྦེ – ‘‘ཙཀྑུཉྩ པཊིཙྩ ཀཱཡཀམྨཉྩ ཨུཔྤཛྫཏི ཙཀྑུཝིཉྙཱཎ’’ནྟི.

༤༧༠. ན ¶ ཝཏྟབྦཾ – ‘‘ཀཱཡཀམྨཾ སནིདསྶན’’ནྟི? ཨཱམནྟཱ. ནནུ པསྶཏི ཨབྷིཀྐམནྟཾ པཊིཀྐམནྟཾ ཨཱལོཀེནྟཾ ཝིལོཀེནྟཾ སམིཉྫེནྟཾ པསཱརེནྟནྟི? ཨཱམནྟཱ. ཧཉྩི པསྶཏི ཨབྷིཀྐམནྟཾ པཊིཀྐམནྟཾ ཨཱལོཀེནྟཾ ཝིལོཀེནྟཾ སམིཉྫེནྟཾ པསཱརེནྟཾ, ཏེན ཝཏ རེ ཝཏྟབྦེ – ‘‘ཀཱཡཀམྨཾ སནིདསྶན’’ནྟི.

ཀཱཡཀམྨཾ སནིདསྶནནྟིཀཐཱ ནིཊྛིཏཱ.

ཚཊྛཝགྒོ.

ཏསྶུདྡཱནཾ –

ནིཡམོ ཨསངྑཏོ, པཊིཙྩསམུཔྤཱདོ ཨསངྑཏོ, ཙཏྟཱརི སཙྩཱནི ཨསངྑཏཱནི, ཙཏྟཱརོ ཨཱརུཔྤཱ ཨསངྑཏཱ, ནིརོདྷསམཱཔཏྟི ཨསངྑཏཱ, ཨཱཀཱསོ ཨསངྑཏོ, ཨཱཀཱསོ སནིདསྶནོ, ཙཏྟཱརོ མཧཱབྷཱུཏཱ, པཉྩིནྡྲིཡཱནི, ཏཐེཝ ཀཱཡཀམྨནྟི.

༧. སཏྟམཝགྒོ

(༦༣) ༡. སངྒཧིཏཀཐཱ

༤༧༡. ནཏྠི ¶ ¶ ¶ ཀེཙི དྷམྨཱ ཀེཧིཙི དྷམྨེཧི སངྒཧིཏཱཏི [སངྒཧཱིཏཱཏི (པཱི.)]? ཨཱམནྟཱ. ནནུ ཨཏྠི ཀེཙི དྷམྨཱ ཀེཧིཙི དྷམྨེཧི གཎནཾ གཙྪནྟི ཨུདྡེསཾ གཙྪནྟི པརིཡཱཔནྣཱཏི? ཨཱམནྟཱ. ཧཉྩི ཨཏྠི ཀེཙི དྷམྨཱ ཀེཧིཙི དྷམྨེཧི གཎནཾ གཙྪནྟི ¶ ཨུདྡེསཾ གཙྪནྟི པརིཡཱཔནྣཱ, ནོ ཙ ཝཏ རེ ཝཏྟབྦེ – ‘‘ནཏྠི ཀེཙི དྷམྨཱ ཀེཧིཙི དྷམྨེཧི སངྒཧིཏཱ’’ཏི.

ཙཀྑཱཡཏནཾ ཀཏམཀྑནྡྷགཎནཾ [ཀཏམཾ ཁནྡྷགཎནཾ (སཱི. པཱི. ཀ.)] གཙྪཏཱིཏི? རཱུཔཀྑནྡྷགཎནཾ གཙྪཏཱིཏི. ཧཉྩི ཙཀྑཱཡཏནཾ རཱུཔཀྑནྡྷགཎནཾ གཙྪཏི, ཏེན ཝཏ རེ ཝཏྟབྦེ – ‘‘ཙཀྑཱཡཏནཾ རཱུཔཀྑནྡྷེན སངྒཧིཏ’’ནྟི. སོཏཱཡཏནཾ…པེ… གྷཱནཱཡཏནཾ…པེ… ཛིཝ྄ཧཱཡཏནཾ…པེ… ཀཱཡཱཡཏནཾ ཀཏམཀྑནྡྷགཎནཾ གཙྪཏཱིཏི? རཱུཔཀྑནྡྷགཎནཾ གཙྪཏཱིཏི. ཧཉྩི ཀཱཡཱཡཏནཾ རཱུཔཀྑནྡྷགཎནཾ གཙྪཏི, ཏེན ཝཏ རེ ཝཏྟབྦེ – ‘‘ཀཱཡཱཡཏནཾ རཱུཔཀྑནྡྷེན སངྒཧིཏ’’ནྟི.

རཱུཔཱཡཏནཾ…པེ… སདྡཱཡཏནཾ…པེ… གནྡྷཱཡཏནཾ…པེ… རསཱཡཏནཾ…པེ… ཕོཊྛབྦཱཡཏནཾ ཀཏམཀྑནྡྷགཎནཾ གཙྪཏཱིཏི? རཱུཔཀྑནྡྷགཎནཾ གཙྪཏཱིཏི. ཧཉྩི ཕོཊྛབྦཱཡཏནཾ རཱུཔཀྑནྡྷགཎནཾ གཙྪཏི, ཏེན ཝཏ རེ ཝཏྟབྦེ – ‘‘ཕོཊྛབྦཱཡཏནཾ རཱུཔཀྑནྡྷེན སངྒཧིཏ’’ནྟི.

སུཁཱ ¶ ཝེདནཱ ཀཏམཀྑནྡྷགཎནཾ གཙྪཏཱིཏི? ཝེདནཱཀྑནྡྷགཎནཾ གཙྪཏཱིཏི. ཧཉྩི སུཁཱ ཝེདནཱ ཝེདནཱཀྑནྡྷགཎནཾ གཙྪཏི, ཏེན ཝཏ རེ ཝཏྟབྦེ – ‘‘སུཁཱ ཝེདནཱ ཝེདནཱཀྑནྡྷེན སངྒཧིཏཱ’’ཏི. དུཀྑཱ ཝེདནཱ…པེ… ཨདུཀྑམསུཁཱ ཝེདནཱ ཀཏམཀྑནྡྷགཎནཾ གཙྪཏཱིཏི? ཝེདནཱཀྑནྡྷགཎནཾ ¶ གཙྪཏཱིཏི. ཧཉྩི ཨདུཀྑམསུཁཱ ཝེདནཱ ཝེདནཱཀྑནྡྷགཎནཾ གཙྪཏི, ཏེན ཝཏ རེ ཝཏྟབྦེ – ‘‘ཨདུཀྑམསུཁཱ ཝེདནཱ ཝེདནཱཀྑནྡྷེན སངྒཧིཏཱ’’ཏི.

ཙཀྑུསམྥསྶཛཱ སཉྙཱ ཀཏམཀྑནྡྷགཎནཾ གཙྪཏཱིཏི? སཉྙཱཀྑནྡྷགཎནཾ གཙྪཏཱིཏི. ཧཉྩི ཙཀྑུསམྥསྶཛཱ སཉྙཱ སཉྙཱཀྑནྡྷགཎནཾ གཙྪཏི, ཏེན ཝཏ རེ ཝཏྟབྦེ – ‘‘ཙཀྑུསམྥསྶཛཱ སཉྙཱ སཉྙཱཀྑནྡྷེན སངྒཧིཏཱ’’ཏི. སོཏསམྥསྶཛཱ སཉྙཱ…པེ… མནོསམྥསྶཛཱ སཉྙཱ ཀཏམཀྑནྡྷགཎནཾ གཙྪཏཱིཏི? སཉྙཱཀྑནྡྷགཎནཾ གཙྪཏཱིཏི. ཧཉྩི མནོསམྥསྶཛཱ ¶ སཉྙཱ སཉྙཱཀྑནྡྷགཎནཾ གཙྪཏི, ཏེན ཝཏ རེ ཝཏྟབྦེ – ‘‘མནོསམྥསྶཛཱ སཉྙཱ སཉྙཱཀྑནྡྷེན སངྒཧིཏཱ’’ཏི.

ཙཀྑུསམྥསྶཛཱ ཙེཏནཱ…པེ… མནོསམྥསྶཛཱ ཙེཏནཱ ཀཏམཀྑནྡྷགཎནཾ གཙྪཏཱིཏི? སངྑཱརཀྑནྡྷགཎནཾ གཙྪཏཱིཏི. ཧཉྩི མནོསམྥསྶཛཱ ཙེཏནཱ སངྑཱརཀྑནྡྷགཎནཾ གཙྪཏི, ཏེན ཝཏ རེ ཝཏྟབྦེ – ‘‘མནོསམྥསྶཛཱ ཙེཏནཱ སངྑཱརཀྑནྡྷེན སངྒཧིཏཱ’’ཏི.

ཙཀྑུཝིཉྙཱཎཾ ¶ …པེ… མནོཝིཉྙཱཎཾ ཀཏམཀྑནྡྷགཎནཾ གཙྪཏཱིཏི ¶ ? ཝིཉྙཱཎཀྑནྡྷགཎནཾ གཙྪཏཱིཏི. ཧཉྩི མནོཝིཉྙཱཎཾ ཝིཉྙཱཎཀྑནྡྷགཎནཾ གཙྪཏི, ཏེན ཝཏ རེ ཝཏྟབྦེ – ‘‘མནོཝིཉྙཱཎཾ ཝིཉྙཱཎཀྑནྡྷེན སངྒཧིཏ’’ནྟི.

༤༧༢. ཡཐཱ དཱམེན ཝཱ ཡོཏྟེན ཝཱ དྭེ བལིབདྡཱ སངྒཧིཏཱ, སིཀྐཱཡ པིཎྜཔཱཏོ སངྒཧིཏོ, སཱ གདྡུལེན སངྒཧིཏོ; ཨེཝམེཝ ཏེ དྷམྨཱ ཏེཧི དྷམྨེཧི སངྒཧིཏཱཏི [སཀཝཱདིཝཙནཾ (ཨཊྛཀཐཱ པསྶིཏབྦཱ)]? ཧཉྩི དཱམེན ཝཱ ཡོཏྟེན ཝཱ དྭེ བལཱིབདྡཱ སངྒཧིཏཱ, སིཀྐཱཡ ¶ པིཎྜཔཱཏོ སངྒཧིཏོ, སཱ གདྡུལེན སངྒཧིཏོ, ཏེན ཝཏ རེ ཝཏྟབྦེ – ‘‘ཨཏྠི ཀེཙི དྷམྨཱ ཀེཧིཙི དྷམྨེཧི སངྒཧིཏཱ’’ཏི [སཀཝཱདིཝཙནཾ (ཨཊྛཀཐཱ པསྶིཏབྦཱ)].

སངྒཧིཏཀཐཱ ནིཊྛིཏཱ.

༧. སཏྟམཝགྒོ

(༦༤) ༢. སམྤཡུཏྟཀཐཱ

༤༧༣. ནཏྠི ཀེཙི དྷམྨཱ ཀེཧིཙི དྷམྨེཧི སམྤཡུཏྟཱཏི? ཨཱམནྟཱ. ནནུ ཨཏྠི ཀེཙི དྷམྨཱ ཀེཧིཙི དྷམྨེཧི སཧགཏཱ སཧཛཱཏཱ སཾསཊྛཱ ཨེཀུཔྤཱདཱ ཨེཀནིརོདྷཱ ཨེཀཝཏྠུཀཱ ཨེཀཱརམྨཎཱཏི? ཨཱམནྟཱ. ཧཉྩི ཨཏྠི ཀེཙི དྷམྨཱ ཀེཧིཙི དྷམྨེཧི སཧགཏཱ སཧཛཱཏཱ སཾསཊྛཱ ¶ ཨེཀུཔྤཱདཱ ཨེཀནིརོདྷཱ ཨེཀཝཏྠུཀཱ ཨེཀཱརམྨཎཱ, ནོ ཙ ཝཏ རེ ཝཏྟབྦེ – ‘‘ནཏྠི ཀེཙི དྷམྨཱ ཀེཧིཙི དྷམྨེཧི སམྤཡུཏྟཱ’’ཏི.

ཝེདནཱཀྑནྡྷོ སཉྙཱཀྑནྡྷེན སཧཛཱཏོཏི? ཨཱམནྟཱ. ཧཉྩི ཝེདནཱཀྑནྡྷོ སཉྙཱཀྑནྡྷེན སཧཛཱཏོ, ཏེན ཝཏ རེ ཝཏྟབྦེ – ‘‘ཝེདནཱཀྑནྡྷོ སཉྙཱཀྑནྡྷེན སམྤཡུཏྟོ’’ཏི.

ཝེདནཱཀྑནྡྷོ སངྑཱརཀྑནྡྷེན… ཝིཉྙཱཎཀྑནྡྷེན སཧཛཱཏོཏི? ཨཱམནྟཱ. ཧཉྩི ¶ ཝེདནཱཀྑནྡྷོ ཝིཉྙཱཎཀྑནྡྷེན སཧཛཱཏོ, ཏེན ཝཏ རེ ཝཏྟབྦེ – ‘‘ཝེདནཱཀྑནྡྷོ ཝིཉྙཱཎཀྑནྡྷེན སམྤཡུཏྟོ’’ཏི.

སཉྙཱཀྑནྡྷོ ¶ … སངྑཱརཀྑནྡྷོ… ཝིཉྙཱཎཀྑནྡྷོ ཝེདནཱཁནྡྷེན… སཉྙཱཀྑནྡྷེན… སངྑཱརཀྑནྡྷེན སཧཛཱཏོཏི? ཨཱམནྟཱ. ཧཉྩི ཝིཉྙཱཎཀྑནྡྷོ སངྑཱརཀྑནྡྷེན སཧཛཱཏོ ¶ , ཏེན ཝཏ རེ ཝཏྟབྦེ – ‘‘ཝིཉྙཱཎཀྑནྡྷོ སངྑཱརཀྑནྡྷེན སམྤཡུཏྟོ’’ཏི.

༤༧༤. ཡཐཱ ཏིལམྷི ཏེལཾ ཨནུགཏཾ ཨནུཔཝིཊྛཾ, ཨུཙྪུམྷི རསོ ཨནུགཏོ ཨནུཔཝིཊྛོ; ཨེཝམེཝ ཏེ དྷམྨཱ ཏེཧི དྷམྨེཧི ཨནུགཏཱ ཨནུཔཝིཊྛཱཏི? ན ཧེཝཾ ཝཏྟབྦེ…པེ….

སམྤཡུཏྟཀཐཱ ནིཊྛིཏཱ.

༧. སཏྟམཝགྒོ

(༦༥) ༣. ཙེཏསིཀཀཐཱ

༤༧༥. ནཏྠི ཙེཏསིཀོ དྷམྨོཏི? ཨཱམནྟཱ. ནནུ ཨཏྠི ཀེཙི དྷམྨཱ ཙིཏྟེན སཧགཏཱ སཧཛཱཏཱ སཾསཊྛཱ སམྤཡུཏྟཱ ཨེཀུཔྤཱདཱ ཨེཀནིརོདྷཱ ཨེཀཝཏྠུཀཱ ཨེཀཱརམྨཎཱཏི? ཨཱམནྟཱ. ཧཉྩི ཨཏྠི ཀེཙི དྷམྨཱ ཙིཏྟེན སཧགཏཱ སཧཛཱཏཱ སཾསཊྛཱ སམྤཡུཏྟཱ ¶ ཨེཀུཔྤཱདཱ ཨེཀནིརོདྷཱ ཨེཀཝཏྠུཀཱ ཨེཀཱརམྨཎཱ, ནོ ཙ ཝཏ རེ ཝཏྟབྦེ – ‘‘ནཏྠི ཙེཏསིཀོ དྷམྨོ’’ཏི.

ཕསྶོ ¶ ཙིཏྟེན སཧཛཱཏོཏི? ཨཱམནྟཱ. ཧཉྩི ཕསྶོ ཙིཏྟེན སཧཛཱཏོ, ཏེན ཝཏ རེ ཝཏྟབྦེ – ‘‘ཕསྶོ ཙེཏསིཀོ’’ཏི. ཝེདནཱ…པེ… སཉྙཱ… ཙེཏནཱ… སདྡྷཱ… ཝཱིརིཡཾ… སཏི… སམཱདྷི… པཉྙཱ… རཱགོ… དོསོ… མོཧོ…པེ… ཨནོཏྟཔྤཾ ཙིཏྟེན སཧཛཱཏནྟི? ཨཱམནྟཱ. ཧཉྩི ཨནོཏྟཔྤཾ ཙིཏྟེན སཧཛཱཏཾ, ཏེན ཝཏ རེ ཝཏྟབྦེ – ‘‘ཨནོཏྟཔྤཾ ཙེཏསིཀ’’ནྟི.

༤༧༦. ཙིཏྟེན སཧཛཱཏཱཏི ཀཏྭཱ ཙེཏསིཀཱཏི? ཨཱམནྟཱ. ཕསྶེན སཧཛཱཏཱཏི ¶ ཀཏྭཱ ཕསྶསིཀཱཏི [ཕསྶིཀཱཏི (པཱི. ཨཊྛ.)]? ཨཱམནྟཱ. ཙིཏྟེན སཧཛཱཏཱཏི ཀཏྭཱ ཙེཏསིཀཱཏི? ཨཱམནྟཱ ¶ . ཝེདནཱཡ… སཉྙཱཡ… ཙེཏནཱཡ… སདྡྷཱཡ… ཝཱིརིཡེན… སཏིཡཱ… སམཱདྷིནཱ… པཉྙཱཡ… རཱགེན… དོསེན… མོཧེན…པེ… ཨནོཏྟཔྤེན སཧཛཱཏཱཏི ཀཏྭཱ ཨནོཏྟཔྤཱསིཀཱཏི [ཨནོཏྟཔྤིཀཱཏི (?)]? ཨཱམནྟཱ.

༤༧༧. ནཏྠི ཙེཏསིཀོ དྷམྨོཏི? ཨཱམནྟཱ. ནནུ ཝུཏྟཾ བྷགཝཏཱ –

‘‘ཙིཏྟཉྷིདཾ ཙེཏསིཀཱ ཙ དྷམྨཱ,

ཨནཏྟཏོ སཾཝིདིཏསྶ ཧོནྟི;

ཧཱིནཔྤཎཱིཏཾ ཏདུབྷཡེ ཝིདིཏྭཱ,

སམྨདྡསོ ཝེདི པལོཀདྷམྨ’’ནྟི.

ཨཏྠེཝ སུཏྟནྟོཏི? ཨཱམནྟཱ. ཏེན ཧི ཨཏྠི ཙེཏསིཀོ དྷམྨོཏི.

ནཏྠི ཙེཏསིཀོ དྷམྨོཏི? ཨཱམནྟཱ. ནནུ ཝུཏྟཾ བྷགཝཏཱ ¶ – ‘‘ཨིདྷ, ཀེཝཊྚ, བྷིཀྑུ པརསཏྟཱནཾ པརཔུགྒལཱནཾ ཙིཏྟམྤི ཨཱདིསཏི ཙེཏསིཀམྤི ཨཱདིསཏི ཝིཏཀྐིཏམྤི ཨཱདིསཏི ཝིཙཱརིཏམྤི ཨཱདིསཏི – ‘ཨེཝམྤི ཏེ མནོ, ཨིཏྠམྤི ཏེ མནོ, ཨིཏིཔི ཏེ ཙིཏྟ’’’ནྟི [དཱི. ནི. ༡.༤༨༥]. ཨཏྠེཝ སུཏྟནྟོཏི? ཨཱམནྟཱ. ཏེན ཧི ཨཏྠི ཙེཏསིཀོ དྷམྨོཏི.

ཙེཏསིཀཀཐཱ ནིཊྛིཏཱ.

༧. སཏྟམཝགྒོ

(༦༦) ༤. དཱནཀཐཱ

༤༧༨. ཙེཏསིཀོ ¶ དྷམྨོ དཱནནྟི? ཨཱམནྟཱ. ལབྦྷཱ ¶ ཙེཏསིཀོ དྷམྨོ པརེསཾ དཱཏུནྟི? ན ཧེཝཾ ཝཏྟབྦེ …པེ… ལབྦྷཱ ཙེཏསིཀོ དྷམྨོ པརེསཾ དཱཏུནྟི? ཨཱམནྟཱ. ལབྦྷཱ ཕསྶོ པརེསཾ དཱཏུནྟི? ན ཧེཝཾ ཝཏྟབྦེ …པེ… ལབྦྷཱ ཝེདནཱ…པེ… སཉྙཱ… ཙེཏནཱ… སདྡྷཱ… ཝཱིརིཡཾ… སཏི… སམཱདྷི… པཉྙཱ པརེསཾ དཱཏུནྟི? ན ཧེཝཾ ཝཏྟབྦེ…པེ….

༤༧༩. ན ¶ ཝཏྟབྦཾ – ཙེཏསིཀོ དྷམྨོ དཱནནྟི? ཨཱམནྟཱ. དཱནཾ ཨནིཊྛཕལཾ ཨཀནྟཕལཾ ཨམནུཉྙཕལཾ སེཙནཀཕལཾ དུཀྑུདྲཡཾ དུཀྑཝིཔཱཀནྟི? ན ཧེཝཾ ཝཏྟབྦེ…པེ… ནནུ དཱནཾ ཨིཊྛཕལཾ ཀནྟཕལཾ མནུཉྙཕལཾ ཨསེཙནཀཕལཾ སུཁུདྲཡཾ སུཁཝིཔཱཀནྟི? ཨཱམནྟཱ. ཧཉྩི དཱནཾ ཨིཊྛཕལཾ ཀནྟཕལཾ མནུཉྙཕལཾ ཨསེཙནཀཕལཾ སུཁུདྲཡཾ སུཁཝིཔཱཀཾ ¶ , ཏེན ཝཏ རེ ཝཏྟབྦེ – ‘‘ཙེཏསིཀོ དྷམྨོ དཱན’’ནྟི.

དཱནཾ ཨིཊྛཕལཾ ཝུཏྟཾ བྷགཝཏཱ, ཙཱིཝརཾ དཱནནྟི [ཨུཔརི ཝུཙྩམཱནཱཡ པརཝཱདཱིཔུཙྪཱཡ སདིསཱ, ཨཊྛཀཐཱ ཨོལོཀེཏབྦཱ]? ཨཱམནྟཱ. ཙཱིཝརཾ ཨིཊྛཕལཾ ཀནྟཕལཾ མནུཉྙཕལཾ ཨསེཙནཀཕལཾ སུཁུདྲཡཾ སུཁཝིཔཱཀནྟི? ན ཧེཝཾ ཝཏྟབྦེ…པེ… དཱནཾ ཨིཊྛཕལཾ ཝུཏྟཾ བྷགཝཏཱ, པིཎྜཔཱཏོ སེནཱསནཾ གིལཱནཔཙྩཡབྷེསཛྫཔརིཀྑཱརོ དཱནནྟི? ཨཱམནྟཱ. གིལཱནཔཙྩཡབྷེསཛྫཔརིཀྑཱརོ ཨིཊྛཕལོ ཀནྟཕལོ མནུཉྙཕལོ ཨསེཙནཀཕལོ སུཁུདྲཡོ སུཁཝིཔཱཀོཏི? ན ཧེཝཾ ཝཏྟབྦེ…པེ….

༤༨༠. ན ཝཏྟབྦཾ – ‘‘ཙེཏསིཀོ དྷམྨོ དཱན’’ནྟི? ཨཱམནྟཱ. ནནུ ཝུཏྟཾ བྷགཝཏཱ –

‘‘སདྡྷཱ ¶ ཧིརིཡཾ ཀུསལཉྩ དཱནཾ,

དྷམྨཱ ཨེཏེ སཔྤུརིསཱནུཡཱཏཱ;

ཨེཏཉྷི མགྒཾ དིཝིཡཾ ཝདནྟི,

ཨེཏེན ཧི གཙྪཏི དེཝལོཀ’’ནྟི [ཨ. ནི. ༨.༣༢].

ཨཏྠེཝ ¶ སུཏྟནྟོཏི? ཨཱམནྟཱ. ཏེན ཧི ཙེཏསིཀོ དྷམྨོ དཱནནྟི.

ན ཝཏྟབྦཾ – ‘‘ཙེཏསིཀོ དྷམྨོ དཱན’’ནྟི? ཨཱམནྟཱ. ནནུ ཝུཏྟཾ བྷགཝཏཱ – ‘‘པཉྩིམཱནི, བྷིཀྑཝེ, དཱནཱནི མཧཱདཱནཱནི ཨགྒཉྙཱནི རཏྟཉྙཱནི ཝཾསཉྙཱནི པོརཱཎཱནི ཨསངྐིཎྞཱནི ཨསངྐིཎྞཔུབྦཱནི, ན སངྐིཡནྟི ན སངྐིཡིསྶནྟི, ཨཔྤཊིཀུཊྛཱནི སམཎེཧི ¶ བྲཱཧྨཎེཧི ཝིཉྙཱུཧི! ཀཏམཱནི པཉྩ? ཨིདྷ, བྷིཀྑཝེ, ཨརིཡསཱཝཀོ པཱཎཱཏིཔཱཏཾ པཧཱཡ པཱཎཱཏིཔཱཏཱ པཊིཝིརཏོ ཧོཏི. པཱཎཱཏིཔཱཏཱ པཊིཝིརཏོ, བྷིཀྑཝེ, ཨརིཡསཱཝཀོ ཨཔརིམཱཎཱནཾ སཏྟཱནཾ ཨབྷཡཾ དེཏི ཨཝེརཾ དེཏི ཨབྱཱབཛ྄ཛྷཾ [ཨབྱཱཔཛ྄ཛྷཾ (སྱཱ. ཀ.)] དེཏི. ཨཔརིམཱཎཱནཾ སཏྟཱནཾ ཨབྷཡཾ དཏྭཱ ཨཝེརཾ དཏྭཱ ཨབྱཱབཛ྄ཛྷཾ དཏྭཱ ཨཔརིམཱཎསྶ ཨབྷཡསྶ ཨཝེརསྶ ཨབྱཱབཛ྄ཛྷསྶ བྷཱགཱི ཧོཏི. ཨིདཾ, བྷིཀྑཝེ ¶ , པཋམཾ དཱནཾ མཧཱདཱནཾ ཨགྒཉྙཾ རཏྟཉྙཾ ཝཾསཉྙཾ པོརཱཎཾ ཨསངྐིཎྞཾ ཨསངྐིཎྞཔུབྦཾ, ན སངྐིཡཏི ན སངྐིཡིསྶཏི, ཨཔྤཊིཀུཊྛཾ སམཎེཧི བྲཱཧྨཎེཧི ཝིཉྙཱུཧི. པུན ཙཔརཾ, བྷིཀྑཝེ, ཨརིཡསཱཝཀོ ཨདིནྣཱདཱནཾ པཧཱཡ…པེ… ཀཱམེསུམིཙྪཱཙཱརཾ པཧཱཡ…པེ… མུསཱཝཱདཾ པཧཱཡ…པེ… སུརཱམེརཡམཛྫཔམཱདཊྛཱནཾ པཧཱཡ སུརཱམེརཡམཛྫཔམཱདཊྛཱནཱ པཊིཝིརཏོ ཧོཏི. སུརཱམེརཡམཛྫཔམཱདཊྛཱནཱ པཊིཝིརཏོ, བྷིཀྑཝེ, ཨརིཡསཱཝཀོ ཨཔརིམཱཎཱནཾ སཏྟཱནཾ ཨབྷཡཾ དེཏི ཨཝེརཾ དེཏི ཨབྱཱབཛ྄ཛྷཾ དེཏི. ཨཔརིམཱཎཱནཾ སཏྟཱནཾ ཨབྷཡཾ དཏྭཱ ཨཝེརཾ དཏྭཱ ཨབྱཱབཛ྄ཛྷཾ དཏྭཱ ཨཔརིམཱཎསྶ ཨབྷཡསྶ ཨཝེརསྶ ཨབྱཱབཛ྄ཛྷསྶ བྷཱགཱི ཧོཏི. ཨིདཾ, བྷིཀྑཝེ ¶ , པཉྩམཾ དཱནཾ མཧཱདཱནཾ ཨགྒཉྙཾ རཏྟཉྙཾ ཝཾསཉྙཾ པོརཱཎཾ ཨསངྐིཎྞཾ ཨསངྐིཎྞཔུབྦཾ, ན སངྐིཡཏི ན སངྐིཡིསྶཏི, ཨཔྤཊིཀུཊྛཾ སམཎེཧི བྲཱཧྨཎེཧི ཝིཉྙཱུཧི. ཨིམཱནི ཁོ, བྷིཀྑཝེ, པཉྩ དཱནཱནི མཧཱདཱནཱནི ཨགྒཉྙཱནི རཏྟཉྙཱནི ཝཾསཉྙཱནི པོརཱཎཱནི ཨསངྐིཎྞཱནི ཨསངྐིཎྞཔུབྦཱནི, ན ¶ སངྐིཡནྟི ན སངྐིཡིསྶནྟི, ཨཔྤཊིཀུཊྛཱནི སམཎེཧི བྲཱཧྨཎེཧི ཝིཉྙཱུཧཱི’’ཏི [ཨ. ནི. ༨.༣༩]. ཨཏྠེཝ སུཏྟནྟོཏི? ཨཱམནྟཱ. ཏེན ཧི ཙེཏསིཀོ དྷམྨོ དཱནནྟི.

༤༨༡. ན ཝཏྟབྦཾ – ‘‘དེཡྻདྷམྨོ དཱན’’ནྟི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཨིདྷེཀཙྩོ ཨནྣཾ དེཏི, པཱནཾ དེཏི, ཝཏྠཾ དེཏི, ཡཱནཾ དེཏི, མཱལཾ དེཏི, གནྡྷཾ དེཏི, ཝིལེཔནཾ དེཏི, སེཡྻཾ དེཏི, ཨཱཝསཐཾ དེཏི, པདཱིཔེཡྻཾ དེཏཱི’’ཏི [སཾ. ནི. ༣.༣༦༢-༣༩༡ ཐོཀཾ ཝིསདིསཾ]! ཨཏྠེཝ སུཏྟནྟོཏི? ཨཱམནྟཱ. ཏེན ཧི དེཡྻདྷམྨོ དཱནནྟི.

༤༨༢. དེཡྻདྷམྨོ ¶ དཱནནྟི? ཨཱམནྟཱ. དེཡྻདྷམྨོ ཨིཊྛཕལོ ཀནྟཕལོ མནུཉྙཕལོ ཨསེཙནཀཕལོ སུཁུདྲཡོ སུཁཝིཔཱཀོཏི? ན ཧེཝཾ ཝཏྟབྦེ…པེ… དཱནཾ ཨིཊྛཕལཾ ཝུཏྟཾ བྷགཝཏཱ, ཙཱིཝརཾ དཱནནྟི? ཨཱམནྟཱ. ཙཱིཝརཾ ཨིཊྛཕལཾ ཀནྟཕལཾ མནུཉྙཕལཾ ཨསེཙནཀཕལཾ སུཁུདྲཡཾ སུཁཝིཔཱཀནྟི? ན ཧེཝཾ ཝཏྟབྦེ…པེ… དཱནཾ ཨིཊྛཕལཾ ཝུཏྟཾ བྷགཝཏཱ, པིཎྜཔཱཏོ དཱནཾ… སེནཱསནཾ དཱནཾ… གིལཱནཔཙྩཡབྷེསཛྫཔརིཀྑཱརོ དཱནནྟི? ཨཱམནྟཱ. གིལཱནཔཙྩཡབྷེསཛྫཔརིཀྑཱརོ ཨིཊྛཕལོ ཀནྟཕལོ མནུཉྙཕལོ ཨསེཙནཀཕལོ ¶ སུཁུདྲཡོ སུཁཝིཔཱཀོཏི? ན ¶ ཧེཝཾ ཝཏྟབྦེ…པེ… ཏེན ཧི ན ཝཏྟབྦཾ – ‘‘དེཡྻདྷམྨོ དཱན’’ནྟི.

དཱནཀཐཱ ནིཊྛིཏཱ.

༧. སཏྟམཝགྒོ

(༦༧) ༥. པརིབྷོགམཡཔུཉྙཀཐཱ

༤༨༣. པརིབྷོགམཡཾ ¶ པུཉྙཾ ཝཌྜྷཏཱིཏི? ཨཱམནྟཱ. པརིབྷོགམཡོ ཕསྶོ ཝཌྜྷཏི, ཝེདནཱ ཝཌྜྷཏི, སཉྙཱ ཝཌྜྷཏི, ཙེཏནཱ ཝཌྜྷཏི, ཙིཏྟཾ ཝཌྜྷཏི, སདྡྷཱ ཝཌྜྷཏི, ཝཱིརིཡཾ ཝཌྜྷཏི, སཏི ཝཌྜྷཏི, སམཱདྷི ཝཌྜྷཏི, པཉྙཱ ཝཌྜྷཏཱིཏི? ན ཧེཝཾ ཝཏྟབྦེ…པེ….

པརིབྷོགམཡཾ པུཉྙཾ ཝཌྜྷཏཱིཏི? ཨཱམནྟཱ. ལཏཱ ཝིཡ ཝཌྜྷཏི, མཱལུཝཱ ཝིཡ ཝཌྜྷཏི, རུཀྑོ ཝིཡ ཝཌྜྷཏི, ཏིཎཾ ཝིཡ ཝཌྜྷཏི, མུཉྫཔུཉྫོ ཝིཡ ཝཌྜྷཏཱིཏི? ན ཧེཝཾ ཝཏྟབྦེ…པེ….

༤༨༤. པརིབྷོགམཡཾ པུཉྙཾ ཝཌྜྷཏཱིཏི? ཨཱམནྟཱ. དཱཡཀོ དཱནཾ དཏྭཱ ན སམནྣཱཧརཏི, ཧོཏི པུཉྙནྟི? ཨཱམནྟཱ. ཨནཱཝཊྚེནྟསྶ [ཨནཱཝཊྚནྟསྶ (སཱི. པཱི. ཀ.), ཨནཱཝཛ྄ཛྷནྟསྶ (སྱཱ.)] ཧོཏི… ཨནཱབྷོགསྶ ཧོཏི… ཨསམནྣཱཧརནྟསྶ ཧོཏི… ཨམནསིཀརོནྟསྶ ཧོཏི… ཨཙེཏཡནྟསྶ ཧོཏི… ཨཔཏྠཡནྟསྶ ཧོཏི… ཨཔྤཎིདཧནྟསྶ ཧོཏཱིཏི? ན ཧེཝཾ ཝཏྟབྦེ…པེ… ནནུ ཨཱཝཊྚེནྟསྶ ཧོཏི… ཨཱབྷོགསྶ ¶ ཧོཏི… སམནྣཱཧརནྟསྶ ཧོཏི… མནསིཀརོནྟསྶ ཧོཏི… ཙེཏཡནྟསྶ ཧོཏི… པཏྠཡནྟསྶ ཧོཏི… པཎིདཧནྟསྶ ཧོཏཱིཏི? ཨཱམནྟཱ. ཧཉྩི ¶ ཨཱཝཊྚེནྟསྶ ཧོཏི… ཨཱབྷོགསྶ ཧོཏི… སམནྣཱཧརནྟསྶ ཧོཏི… མནསིཀརོནྟསྶ ཧོཏི… ཙེཏཡནྟསྶ ཧོཏི… པཏྠཡནྟསྶ ཧོཏི… པཎིདཧནྟསྶ ཧོཏི, ནོ ཙ ཝཏ རེ ཝཏྟབྦེ – ‘‘པརིབྷོགམཡཾ པུཉྙཾ ཝཌྜྷཏཱི’’ཏི.

༤༨༥. པརིབྷོགམཡཾ ¶ པུཉྙཾ ཝཌྜྷཏཱིཏི? ཨཱམནྟཱ. དཱཡཀོ དཱནཾ དཏྭཱ ཀཱམཝིཏཀྐཾ ཝིཏཀྐེཏི, བྱཱཔཱདཝིཏཀྐཾ ཝིཏཀྐེཏི, ཝིཧིཾསཱཝིཏཀྐཾ ཝིཏཀྐེཏི ¶ , ཧོཏི པུཉྙནྟི? ཨཱམནྟཱ. དྭིནྣཾ ཕསྶཱནཾ…པེ… དྭིནྣཾ ཙིཏྟཱནཾ སམོདྷཱནཾ ཧོཏཱིཏི? ན ཧེཝཾ ཝཏྟབྦེ…པེ… དྭིནྣཾ ཕསྶཱནཾ…པེ… དྭིནྣཾ ཙིཏྟཱནཾ སམོདྷཱནཾ ཧོཏཱིཏི? ཨཱམནྟཱ. ཀུསལཱཀུསལཱ སཱཝཛྫཱནཝཛྫཱ ཧཱིནཔཎཱིཏཱ ཀཎྷསུཀྐསཔྤཊིབྷཱགཱ དྷམྨཱ སམྨུཁཱིབྷཱཝཾ ཨཱགཙྪནྟཱིཏི? ན ཧེཝཾ ཝཏྟབྦེ…པེ… ཀུསལཱཀུསལཱ སཱཝཛྫཱནཝཛྫཱ ཧཱིནཔཎཱིཏཱ ཀཎྷསུཀྐསཔྤཊིབྷཱགཱ དྷམྨཱ སམྨུཁཱིབྷཱཝཾ ཨཱགཙྪནྟཱིཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཙཏྟཱརིམཱནི, བྷིཀྑཝེ, སུཝིདཱུརཝིདཱུརཱནི! ཀཏམཱནི ཙཏྟཱརི? ནབྷཉྩ, བྷིཀྑཝེ, པཐཝཱི ཙ – ཨིདཾ པཋམཾ སུཝིདཱུརཝིདཱུརཾ. ཨོརིམཉྩ, བྷིཀྑཝེ, ཏཱིརཾ སམུདྡསྶ པཱརིམཉྩ ཏཱིརཾ – ཨིདཾ དུཏིཡཾ སུཝིདཱུརཝིདཱུརཾ. ཡཏོ ཙ, བྷིཀྑཝེ, ཝེརོཙནོ ཨབྦྷུདེཏི ཡཏྠ ཙ ཨཏྠམེཏི – ཨིདཾ ཏཏིཡཾ སུཝིདཱུརཝིདཱུརཾ. སཏཉྩ, བྷིཀྑཝེ, དྷམྨོ ཨསཏཉྩ དྷམྨོ – ཨིདཾ ཙཏུཏྠཾ སུཝིདཱུརཝིདཱུརཾ. ཨིམཱནི ཁོ, བྷིཀྑཝེ, ཙཏྟཱརི སུཝིདཱུརཝིདཱུརཱནཱིཏི.

‘‘ནབྷཉྩ དཱུརེ པཐཝཱི ཙ དཱུརེ,

པཱརཾ སམུདྡསྶ ཏདཱཧུ དཱུརེ;

ཡཏོ ¶ ཙ ཝེརོཙནོ ཨབྦྷུདེཏི,

པབྷངྐརོ ཡཏྠ ཙ ཨཏྠམེཏི.

‘‘ཏཏོ ¶ ཧཝེ དཱུརཏརཾ ཝདནྟི,

སཏཉྩ དྷམྨཾ ཨསཏཉྩ དྷམྨཾ;

ཨབྱཱཡིཀོ ཧོཏི སཏཾ སམཱགམོ,

ཡཱཝམྤི ཏིཊྛེཡྻ ཏཐེཝ ཧོཏི.

‘‘ཁིཔྤཉྷི ¶ ཝེཏི [ཁིཔྤཾཧཝེཏི (བཧཱུསུ)] ཨསཏཾ སམཱགམོ;

ཏསྨཱ སཏཾ དྷམྨོ ཨསབྦྷི ཨཱརཀཱ’’ཏི [ཨ. ནི. ༤.༤༧].

ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཀུསལཱཀུསལཱ སཱཝཛྫཱནཝཛྫཱ ཧཱིནཔཎཱིཏཱ ཀཎྷསུཀྐསཔྤཊིབྷཱགཱ དྷམྨཱ སམྨུཁཱིབྷཱཝཾ ཨཱགཙྪནྟཱི’’ཏི.

༤༨༦. ན ཝཏྟབྦཾ – ‘‘པརིབྷོགམཡཾ པུཉྙཾ ཝཌྜྷཏཱི’’ཏི? ཨཱམནྟཱ. ནནུ ཝུཏྟཾ བྷགཝཏཱ –

‘‘ཨཱརཱམརོཔཱ ཝནརོཔཱ, ཡེ ཛནཱ སེཏུཀཱརཀཱ;

པཔཉྩ ཨུདཔཱནཉྩ, ཡེ དདནྟི ཨུཔསྶཡཾ.

‘‘ཏེསཾ ¶ དིཝཱ ཙ རཏྟོ ཙ, སདཱ པུཉྙཾ པཝཌྜྷཏི;

དྷམྨཊྛཱ སཱིལསམྤནྣཱ, ཏེ ཛནཱ སགྒགཱམིནོ’’ཏི [སཾ. ནི. ༡.༤༧].

ཨཏྠེཝ སུཏྟནྟོཏི? ཨཱམནྟཱ. ཏེན ཧི པརིབྷོགམཡཾ པུཉྙཾ ཝཌྜྷཏཱིཏི.

ན ཝཏྟབྦཾ – ‘‘པརིབྷོགམཡཾ པུཉྙཾ ཝཌྜྷཏཱི’’ཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཙཏྟཱརོམེ, བྷིཀྑཝེ, པུཉྙཱབྷིསནྡཱ ¶ ཀུསལཱབྷིསནྡཱ ¶ སུཁསྶཱཧཱརཱ སོཝགྒིཀཱ སུཁཝིཔཱཀཱ སགྒསཾཝཏྟནིཀཱ ཨིཊྛཱཡ ཀནྟཱཡ མནཱཔཱཡ ཧིཏཱཡ སུཁཱཡ སཾཝཏྟནྟི! ཀཏམེ ཙཏྟཱརོ? ཡསྶ, བྷིཀྑཝེ, བྷིཀྑུ ཙཱིཝརཾ པརིབྷུཉྫམཱནོ ཨཔྤམཱཎཾ ཙེཏོསམཱདྷིཾ ཨུཔསམྤཛྫ ཝིཧརཏི, ཨཔྤམཱཎོ ཏསྶ པུཉྙཱབྷིསནྡོ ཀུསལཱབྷིསནྡོ སུཁསྶཱཧཱརོ སོཝགྒིཀོ སུཁཝིཔཱཀོ སགྒསཾཝཏྟནིཀོ ཨིཊྛཱཡ ཀནྟཱཡ མནཱཔཱཡ ཧིཏཱཡ སུཁཱཡ སཾཝཏྟཏི. ཡསྶ, བྷིཀྑཝེ, བྷིཀྑུ པིཎྜཔཱཏཾ པརིབྷུཉྫམཱནོ…པེ… སེནཱསནཾ པརིབྷུཉྫམཱནོ…པེ… གིལཱནཔཙྩཡབྷེསཛྫཔརིཀྑཱརཾ པརིབྷུཉྫམཱནོ ཨཔྤམཱཎཾ ཙེཏོསམཱདྷིཾ ཨུཔསམྤཛྫ ཝིཧརཏི, ཨཔྤམཱཎོ ཏསྶ པུཉྙཱབྷིསནྡོ ཀུསལཱབྷིསནྡོ སུཁསྶཱཧཱརོ སོཝགྒིཀོ སུཁཝིཔཱཀོ སགྒསཾཝཏྟནིཀོ ཨིཊྛཱཡ ཀནྟཱཡ མནཱཔཱཡ ཧིཏཱཡ སུཁཱཡ སཾཝཏྟཏི. ཨིམེ ཁོ, བྷིཀྑཝེ, ཙཏྟཱརོ པུཉྙཱབྷིསནྡཱ ཀུསལཱབྷིསནྡཱ སུཁསྶཱཧཱརཱ སོཝགྒིཀཱ སུཁཝིཔཱཀཱ སགྒསཾཝཏྟནིཀཱ ཨིཊྛཱཡ ཀནྟཱཡ ¶ མནཱཔཱཡ ཧིཏཱཡ སུཁཱཡ སཾཝཏྟནྟཱི’’ཏི [ཨ. ནི. ༤.༥༡]. ཨཏྠེཝ སུཏྟནྟོཏི? ཨཱམནྟཱ. ཏེན ཧི པརིབྷོགམཡཾ པུཉྙཾ ཝཌྜྷཏཱིཏི.

༤༨༧. པརིབྷོགམཡཾ པུཉྙཾ ཝཌྜྷཏཱིཏི? ཨཱམནྟཱ. དཱཡཀོ དཱནཾ དེཏི, པཊིགྒཱཧཀོ པཊིགྒཧེཏྭཱ ན པརིབྷུཉྫཏི ཚཌྜེཏི ཝིསྶཛྫེཏི, ཧོཏི པུཉྙནྟི? ཨཱམནྟཱ. ཧཉྩི དཱཡཀོ དཱནཾ དེཏི, པཊིགྒཱཧཀོ པཊིགྒཧེཏྭཱ ན པརིབྷུཉྫཏི ཚཌྜེཏི ཝིསྶཛྫེཏི, ཧོཏི ¶ པུཉྙཾ; ནོ ཙ ཝཏ རེ ཝཏྟབྦེ – ‘‘པརིབྷོགམཡཾ པུཉྙཾ ཝཌྜྷཏཱི’’ཏི.

པརིབྷོགམཡཾ པུཉྙཾ ཝཌྜྷཏཱིཏི? ཨཱམནྟཱ. དཱཡཀོ དཱནཾ དེཏི, པཊིགྒཱཧཀེ པཊིགྒཧིཏེ རཱཛཱནོ ཝཱ ཧརནྟི, ཙོརཱ ཝཱ ཧརནྟི, ཨགྒི ཝཱ དཧཏི, ཨུདཀཾ ཝཱ ཝཧཏི, ཨཔྤིཡཱ ཝཱ དཱཡཱདཱ ཧརནྟི, ཧོཏི པུཉྙནྟི? ཨཱམནྟཱ ¶ . ཧཉྩི དཱཡཀོ དཱནཾ དེཏི, པཊིགྒཱཧཀེ པཊིགྒཧིཏེ རཱཛཱནོ ཝཱ ཧརནྟི, ཙོརཱ ཝཱ ཧརནྟི, ཨགྒི ཝཱ དཧཏི, ཨུདཀཾ ཝཱ ཝཧཏི, ཨཔྤིཡཱ ཝཱ དཱཡཱདཱ ཧརནྟི, ཧོཏི པུཉྙཾ; ནོ ཙ ཝཏ ¶ རེ ཝཏྟབྦེ – ‘‘པརིབྷོགམཡཾ པུཉྙཾ ཝཌྜྷཏཱི’’ཏི.

པརིབྷོགམཡཔུཉྙཀཐཱ ནིཊྛིཏཱ.

༧. སཏྟམཝགྒོ

(༦༨) ༦. ཨིཏོདིནྣཀཐཱ

༤༨༨. ཨིཏོ དིནྣེན ཏཏྠ ཡཱཔེནྟཱིཏི? ཨཱམནྟཱ. ཨིཏོ ཙཱིཝརཾ དེནྟི ཏཾ ཙཱིཝརཾ ཏཏྠ པརིབྷུཉྫནྟཱིཏི? ན ཧེཝཾ ཝཏྟབྦེ…པེ… ཨིཏོ པིཎྜཔཱཏཾ དེནྟི, ཨིཏོ སེནཱསནཾ དེནྟི, ཨིཏོ གིལཱནཔཙྩཡབྷེསཛྫཔརིཀྑཱརཾ དེནྟི, ཨིཏོ ཁཱདནཱིཡཾ དེནྟི, ཨིཏོ བྷོཛནཱིཡཾ དེནྟི, ཨིཏོ པཱནཱིཡཾ དེནྟི; ཏཾ པཱནཱིཡཾ ཏཏྠ པརིབྷུཉྫནྟཱིཏི? ན ཧེཝཾ ཝཏྟབྦེ…པེ….

ཨིཏོ ¶ དིནྣེན ཏཏྠ ཡཱཔེནྟཱིཏི? ཨཱམནྟཱ. ཨཉྙོ ཨཉྙསྶ ¶ ཀཱརཀོ པརཀཏཾ སུཁདུཀྑཾ ཨཉྙོ ཀརོཏི, ཨཉྙོ པཊིསཾཝེདེཏཱིཏི? ན ཧེཝཾ ཝཏྟབྦེ…པེ….

༤༨༩. ན ཝཏྟབྦཾ – ‘‘ཨིཏོ དིནྣེན ཏཏྠ ཡཱཔེནྟཱི’’ཏི? ཨཱམནྟཱ. ནནུ པེཏཱ ཨཏྟནོ ཨཏྠཱཡ དཱནཾ དེནྟཾ ཨནུམོདེནྟི, ཙིཏྟཾ པསཱདེནྟི, པཱིཏིཾ ཨུཔྤཱདེནྟི, སོམནསྶཾ པཊིལབྷནྟཱིཏི? ཨཱམནྟཱ. ཧཉྩི པེཏཱ ཨཏྟནོ ཨཏྠཱཡ དཱནཾ དེནྟཾ ཨནུམོདེནྟི, ཙིཏྟཾ པསཱདེནྟི, པཱིཏིཾ ཨུཔྤཱདེནྟི, སོམནསྶཾ པཊིལབྷནྟི; ཏེན ཝཏ རེ ཝཏྟབྦེ – ‘‘ཨིཏོ དིནྣེན ཏཏྠ ཡཱཔེནྟཱི’’ཏི.

༤༩༠. ན ཝཏྟབྦཾ – ‘‘ཨིཏོ དིནྣེན ཏཏྠ ཡཱཔེནྟཱི’’ཏི? ཨཱམནྟཱ. ནནུ ཝུཏྟཾ བྷགཝཏཱ –

‘‘ཨུནྣམེ ཨུདཀཾ ཝུཊྛཾ, ཡཐཱནིནྣཾ པཝཏྟཏི;

ཨེཝམེཝ ¶ ཨིཏོ དིནྣཾ, པེཏཱནཾ ཨུཔཀཔྤཏི.

‘‘ཡཐཱ ¶ ཝཱརིཝཧཱ པཱུརཱ, པརིཔཱུརེནྟི སཱགརཾ;

ཨེཝམེཝ ཨིཏོ དིནྣཾ, པེཏཱནཾ ཨུཔཀཔྤཏི.

‘‘ན ཧི ཏཏྠ ཀསཱི ཨཏྠི, གོརཀྑེཏྠ ན ཝིཛྫཏི;

ཝཎིཛྫཱ ཏཱདིསཱི ནཏྠི, ཧིརཉྙེན ཀཡཱཀཡཾ [ཀཡཀྐཡཾ (སཱི. པཱི.)];

ཨིཏོ དིནྣེན ཡཱཔེནྟི, པེཏཱ ཀཱལངྐཏཱ ཏཧི’’ནྟི [ཁུ. པཱ. ༧.༦; པེ. ཝ. ༡༩].

ཨཏྠེཝ སུཏྟནྟོཏི? ཨཱམནྟཱ. ཏེན ཧི ཨིཏོ དིནྣེན ཏཏྠ ཡཱཔེནྟཱིཏི.

༤༩༡. ན ¶ ཝཏྟབྦཾ – ‘‘ཨིཏོ དིནྣེན ཏཏྠ ཡཱཔེནྟཱི’’ཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘པཉྩིམཱནི, བྷིཀྑཝེ, ཋཱནཱནི སམྤསྶནྟཱ མཱཏཱཔིཏརོ པུཏྟཾ ཨིཙྪནྟི ཀུལེ ཛཱཡམཱནཾ! ཀཏམཱནི པཉྩ? བྷཊོ ཝཱ ནོ བྷརིསྶཏི, ཀིཙྩཾ ཝཱ ནོ ཀརིསྶཏི, ཀུལཝཾསོ ཙིརཾ ཋསྶཏི, དཱཡཛྫཾ པཊིཔཛྫིསྶཏི, ཨཐ ཝཱ པན པེཏཱནཾ ཀཱལངྐཏཱནཾ དཀྑིཎཾ ཨནུཔྤདསྶཏི ¶ – ཨིམཱནི ཁོ, བྷིཀྑཝེ, པཉྩ ཋཱནཱནི སམྤསྶནྟཱ མཱཏཱཔིཏརོ པུཏྟཾ ཨིཙྪནྟི ཀུལེ ཛཱཡམཱན’’ནྟི.

‘‘པཉྩ ཋཱནཱནི སམྤསྶཾ, པུཏྟཾ ཨིཙྪནྟི པཎྜིཏཱ;

བྷཊོ ཝཱ ནོ བྷརིསྶཏི, ཀིཙྩཾ ཝཱ ནོ ཀརིསྶཏི.

‘‘ཀུལཝཾསོ ཙིརཾ ཏིཊྛེ, དཱཡཛྫཾ པཊིཔཛྫཏི;

ཨཐ ¶ ཝཱ པན པེཏཱནཾ, དཀྑིཎཾ ཨནུཔྤདསྶཏི.

‘‘ཋཱནཱནེཏཱནི སམྤསྶཾ, པུཏྟཾ ཨིཙྪནྟི པཎྜིཏཱ;

ཏསྨཱ སནྟོ སཔྤུརིསཱ, ཀཏཉྙཱུ ཀཏཝེདིནོ.

‘‘བྷརནྟི མཱཏཱཔིཏརོ, པུབྦེ ཀཏམནུསྶརཾ;

ཀརོནྟི ཏེསཾ ཀིཙྩཱནི, ཡཐཱ ཏཾ པུབྦཀཱརིནཾ.

‘‘ཨོཝཱདཀཱརཱི བྷཊཔོསཱི, ཀུལཝཾསཾ ཨཧཱཔཡཾ;

སདྡྷོ སཱིལེན སམྤནྣོ, པུཏྟོ ཧོཏི པསཾསིཡོ’’ཏི [ཨ. ནི. ༥.༣༡].

ཨཏྠེཝ སུཏྟནྟོཏི? ཨཱམནྟཱ. ཏེན ཧི ཨིཏོ དིནྣེན ཏཏྠ ཡཱཔེནྟཱིཏི.

ཨིཏོ དིནྣཀཐཱ ནིཊྛིཏཱ.

༧. སཏྟམཝགྒོ

(༦༩) ༧. པཐཝཱི ཀམྨཝིཔཱཀོཏིཀཐཱ

༤༩༢. པཐཝཱི ¶ ¶ ཀམྨཝིཔཱཀོཏི? ཨཱམནྟཱ. སུཁཝེདནིཡཱ དུཀྑཝེདནིཡཱ ཨདུཀྑམསུཁཝེདནིཡཱ, སུཁཱཡ ཝེདནཱཡ སམྤཡུཏྟཱ, དུཀྑཱཡ ཝེདནཱཡ སམྤཡུཏྟཱ, ཨདུཀྑམསུཁཱཡ ¶ ཝེདནཱཡ སམྤཡུཏྟཱ, ཕསྶེན སམྤཡུཏྟཱ, ཝེདནཱཡ སམྤཡུཏྟཱ, སཉྙཱཡ སམྤཡུཏྟཱ, ཙེཏནཱཡ སམྤཡུཏྟཱ, ཙིཏྟེན སམྤཡུཏྟཱ, སཱརམྨཎཱ; ཨཏྠི ཏཱཡ ཨཱཝཊྚནཱ [ཨཱཝཛྫནཱ (སྱཱ. ཀཾ.)] ཨཱབྷོགོ སམནྣཱཧཱརོ མནསིཀཱརོ ཙེཏནཱ པཏྠནཱ པཎིདྷཱིཏི? ན ¶ ཧེཝཾ ཝཏྟབྦེ…པེ… ནནུ ན སུཁཝེདནིཡཱ ན དུཀྑཝེདནིཡཱ ན ཨདུཀྑམསུཁཝེདནིཡཱ, ན སུཁཱཡ ཝེདནཱཡ སམྤཡུཏྟཱ, ན དུཀྑཱཡ ཝེདནཱཡ སམྤཡུཏྟཱ, ན ཨདུཀྑམསུཁཱཡ ཝེདནཱཡ སམྤཡུཏྟཱ, ན ཕསྶེན སམྤཡུཏྟཱ, ན ཝེདནཱཡ སམྤཡུཏྟཱ, ན སཉྙཱཡ སམྤཡུཏྟཱ, ན ཙེཏནཱཡ སམྤཡུཏྟཱ, ན ཙིཏྟེན སམྤཡུཏྟཱ, ཨནཱརམྨཎཱ; ནཏྠི ཏཱཡ ཨཱཝཊྚནཱ ཨཱབྷོགོ སམནྣཱཧཱརོ མནསིཀཱརོ ཙེཏནཱ པཏྠནཱ པཎིདྷཱིཏི? ཨཱམནྟཱ. ཧཉྩི ན སུཁཝེདནིཡཱ ན དུཀྑཝེདནིཡཱ…པེ… ཨནཱརམྨཎཱ; ནཏྠི ཏཱཡ ཨཱཝཊྚནཱ…པེ… པཎིདྷི, ནོ ཙ ཝཏ རེ ཝཏྟབྦེ – ‘‘པཐཝཱི ཀམྨཝིཔཱཀོ’’ཏི.

ཕསྶོ ཀམྨཝིཔཱཀོ, ཕསྶོ སུཁཝེདནིཡོ དུཀྑཝེདནིཡོ ཨདུཀྑམསུཁཝེདནིཡོ སུཁཱཡ ཝེདནཱཡ སམྤཡུཏྟོ དུཀྑཱཡ…པེ… ཨདུཀྑམསུཁཱཡ ཝེདནཱཡ སམྤཡུཏྟོ ཕསྶེན སམྤཡུཏྟོ ཝེདནཱཡ སམྤཡུཏྟོ ¶ སཉྙཱཡ སམྤཡུཏྟོ ཙེཏནཱཡ སམྤཡུཏྟོ ཙིཏྟེན སམྤཡུཏྟོ སཱརམྨཎོ; ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. པཐཝཱི ཀམྨཝིཔཱཀོ, པཐཝཱི སུཁཝེདནིཡཱ དུཀྑཝེདནིཡཱ ཨདུཀྑམསུཁཝེདནིཡཱ སུཁཱཡ ཝེདནཱཡ སམྤཡུཏྟཱ དུཀྑཱཡ…པེ… ཨདུཀྑམསུཁཱཡ ཝེདནཱཡ སམྤཡུཏྟཱ ཕསྶེན སམྤཡུཏྟཱ ཝེདནཱཡ སམྤཡུཏྟཱ སཉྙཱཡ སམྤཡུཏྟཱ ཙེཏནཱཡ སམྤཡུཏྟཱ ཙིཏྟེན སམྤཡུཏྟཱ སཱརམྨཎཱ; ཨཏྠི ཏཱཡ ཨཱཝཊྚནཱ ཨཱབྷོགོ སམནྣཱཧཱརོ མནསིཀཱརོ ཙེཏནཱ པཏྠནཱ པཎིདྷཱིཏི? ན ཧེཝཾ ཝཏྟབྦེ …པེ… པཐཝཱི ཀམྨཝིཔཱཀོ, པཐཝཱི ན སུཁཝེདནིཡཱ ན དུཀྑཝེདནིཡཱ…པེ… ཨནཱརམྨཎཱ; ནཏྠི ཏཱཡ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཕསྶོ ཀམྨཝིཔཱཀོ, ཕསྶོ ན སུཁཝེདནིཡོ ན དུཀྑཝེདནིཡོ ¶ …པེ… ཨནཱརམྨཎོ; ནཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ….

པཐཝཱི ཀམྨཝིཔཱཀོཏི? ཨཱམནྟཱ. པཐཝཱི པགྒཧནིགྒཧུཔགཱ ཚེདནབྷེདནུཔགཱཏི? ཨཱམནྟཱ ¶ . ཀམྨཝིཔཱཀོ པགྒཧནིགྒཧུཔགོ ཚེདནབྷེདནུཔགོཏི? ན ཧེཝཾ ཝཏྟབྦེ…པེ….

ལབྦྷཱ ¶ པཐཝཱི ཀེཏུཾ ཝིཀྐེཏུཾ ཨཱཋཔེཏུཾ ཨོཙིནིཏུཾ ཝིཙིནིཏུནྟི? ཨཱམནྟཱ. ལབྦྷཱ ཀམྨཝིཔཱཀོ ཀེཏུཾ ཝིཀྐེཏུཾ ཨཱཋཔེཏུཾ ཨོཙིནིཏུཾ ཝིཙིནིཏུནྟི? ན ཧེཝཾ ཝཏྟབྦེ…པེ….

༤༩༣. པཐཝཱི ¶ པརེསཾ སཱདྷཱརཎཱཏི? ཨཱམནྟཱ. ཀམྨཝིཔཱཀོ པརེསཾ སཱདྷཱརཎོཏི? ན ཧེཝཾ ཝཏྟབྦེ…པེ….

ཀམྨཝིཔཱཀོ པརེསཾ སཱདྷཱརཎོཏི? ཨཱམནྟཱ. ནནུ ཝུཏྟཾ བྷགཝཏཱ –

‘‘ཨསཱདྷཱརཎམཉྙེསཾ, ཨཙོརཧརཎོ ནིདྷི;

ཀཡིརཱཐ མཙྩོ པུཉྙཱནི, སཙེ སུཙརིཏཾ ཙརེ’’ཏི [ཁུ. པཱ. ༨.༩ ཁུདྡཀཔཱཋེ, ཐོཀཾ ཝིསདིསཾ].

ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཀམྨཝིཔཱཀོ པརེསཾ སཱདྷཱརཎོ’’ཏི.

པཐཝཱི ཀམྨཝིཔཱཀོཏི? ཨཱམནྟཱ. པཋམཾ པཐཝཱི སཎྛཱཏི, པཙྪཱ སཏྟཱ ཨུཔྤཛྫནྟཱིཏི? ཨཱམནྟཱ. པཋམཾ ཝིཔཱཀོ ཨུཔྤཛྫཏི, པཙྪཱ ཝིཔཱཀཔཊིལཱབྷཱཡ ཀམྨཾ ཀརོནྟཱིཏི? ན ཧེཝཾ ཝཏྟབྦེ…པེ….

པཐཝཱི སབྦསཏྟཱནཾ ཀམྨཝིཔཱཀོཏི? ཨཱམནྟཱ ¶ . སབྦེ སཏྟཱ པཐཝིཾ པརིབྷུཉྫནྟཱིཏི? ན ཧེཝཾ ཝཏྟབྦེ…པེ… སབྦེ སཏྟཱ པཐཝིཾ པརིབྷུཉྫནྟཱིཏི? ཨཱམནྟཱ. ཨཏྠི ཀེཙི པཐཝིཾ ཨཔརིབྷུཉྫིཏྭཱ པརིནིབྦཱཡནྟཱིཏི? ཨཱམནྟཱ. ཨཏྠི ཀེཙི ཀམྨཝིཔཱཀཾ ཨཁེཔེཏྭཱ པརིནིབྦཱཡནྟཱིཏི? ན ཧེཝཾ ཝཏྟབྦེ…པེ….

པཐཝཱི ཙཀྐཝཏྟིསཏྟསྶ ཀམྨཝིཔཱཀོཏི? ཨཱམནྟཱ. ཨཉྙེ སཏྟཱ པཐཝིཾ པརིབྷུཉྫནྟཱིཏི? ཨཱམནྟཱ. ཙཀྐཝཏྟིསཏྟསྶ ཀམྨཝིཔཱཀཾ ཨཉྙེ སཏྟཱ པརིབྷུཉྫནྟཱིཏི? ན ཧེཝཾ ཝཏྟབྦེ…པེ… ཙཀྐཝཏྟིསཏྟསྶ ཀམྨཝིཔཱཀཾ ཨཉྙེ སཏྟཱ པརིབྷུཉྫནྟཱིཏི? ཨཱམནྟཱ ¶ . ཙཀྐཝཏྟིསཏྟསྶ ཕསྶཾ ཝེདནཾ སཉྙཾ ཙེཏནཾ ¶ ཙིཏྟཾ སདྡྷཾ ཝཱིརིཡཾ སཏིཾ སམཱདྷིཾ པཉྙཾ ཨཉྙེ སཏྟཱ པརིབྷུཉྫནྟཱིཏི? ན ཧེཝཾ ཝཏྟབྦེ…པེ….

༤༩༤. ན ¶ ཝཏྟབྦཾ – ‘‘པཐཝཱི ཀམྨཝིཔཱཀོ’’ཏི? ཨཱམནྟཱ. ནནུ ཨཏྠི ཨིསྶརིཡསཾཝཏྟནིཡཾ ཀམྨཾ ཨདྷིཔཙྩསཾཝཏྟནིཡཾ ཀམྨནྟི? ཨཱམནྟཱ. ཧཉྩི ཨཏྠི ཨིསྶརིཡསཾཝཏྟནིཡཾ ཀམྨཾ ཨདྷིཔཙྩསཾཝཏྟནིཡཾ ཀམྨཾ, ཏེན ཝཏ རེ ཝཏྟབྦེ – ‘‘པཐཝཱི ཀམྨཝིཔཱཀོ’’ཏི.

པཐཝཱི ཀམྨཝིཔཱཀོཏིཀཐཱ ནིཊྛིཏཱ.

༧. སཏྟམཝགྒོ

(༧༠) ༨. ཛརཱམརཎཾ ཝིཔཱཀོཏིཀཐཱ

༤༩༥. ཛརཱམརཎཾ ¶ ཝིཔཱཀོཏི? ཨཱམནྟཱ. སུཁཝེདནིཡཾ དུཀྑཝེདནིཡཾ ཨདུཀྑམསུཁཝེདནིཡཾ, སུཁཱཡ ཝེདནཱཡ སམྤཡུཏྟཾ, དུཀྑཱཡ ཝེདནཱཡ སམྤཡུཏྟཾ, ཨདུཀྑམསུཁཱཡ ཝེདནཱཡ སམྤཡུཏྟཾ, ཕསྶེན སམྤཡུཏྟཾ, ཝེདནཱཡ སམྤཡུཏྟཾ, སཉྙཱཡ སམྤཡུཏྟཾ, ཙེཏནཱཡ སམྤཡུཏྟཾ, ཙིཏྟེན སམྤཡུཏྟཾ, སཱརམྨཎཾ; ཨཏྠི ཏསྶ ཨཱཝཊྚནཱ ཨཱབྷོགོ སམནྣཱཧཱརོ མནསིཀཱརོ ཙེཏནཱ པཏྠནཱ པཎིདྷཱིཏི? ན ཧེཝཾ ཝཏྟབྦེ…པེ… ནནུ ན སུཁཝེདནིཡཾ ན དུཀྑཝེདནིཡཾ…པེ… ཨནཱརམྨཎཾ; ནཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཧཉྩི ན སུཁཝེདནིཡཾ ན དུཀྑཝེདནིཡཾ…པེ… ཨནཱརམྨཎཾ; ནཏྠི ཏསྶ ཨཱཝཊྚནཱ ¶ …པེ… པཎིདྷི, ནོ ཙ ཝཏ རེ ཝཏྟབྦེ – ‘‘ཛརཱམརཎཾ ཝིཔཱཀོ’’ཏི.

ཕསྶོ ཝིཔཱཀོ, ཕསྶོ སུཁཝེདནིཡོ དུཀྑཝེདནིཡོ…པེ… སཱརམྨཎོ; ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཛརཱམརཎཾ ཝིཔཱཀོ, ཛརཱམརཎཾ སུཁཝེདནིཡཾ དུཀྑཝེདནིཡཾ…པེ… སཱརམྨཎཾ; ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ….

ཛརཱམརཎཾ ཝིཔཱཀོ, ཛརཱམརཎཾ ན སུཁཝེདནིཡཾ ན དུཀྑཝེདནིཡཾ…པེ… ཨནཱརམྨཎཾ; ནཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཕསྶོ ཝིཔཱཀོ, ཕསྶོ ན སུཁཝེདནིཡོ ¶ ན དུཀྑཝེདནིཡོ…པེ… ཨནཱརམྨཎོ; ནཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ….

༤༩༦. ཨཀུསལཱནཾ ¶ དྷམྨཱནཾ ཛརཱམརཎཾ, ཨཀུསལཱནཾ དྷམྨཱནཾ ཝིཔཱཀོཏི? ཨཱམནྟཱ. ཀུསལཱནཾ དྷམྨཱནཾ ཛརཱམརཎཾ, ཀུསལཱནཾ དྷམྨཱནཾ ཝིཔཱཀོཏི? ན ¶ ཧེཝཾ ཝཏྟབྦེ…པེ….

ཀུསལཱནཾ དྷམྨཱནཾ ཛརཱམརཎཾ, ན ཝཏྟབྦཾ – ‘‘ཀུསལཱནཾ དྷམྨཱནཾ ཝིཔཱཀོ’’ཏི? ཨཱམནྟཱ. ཨཀུསལཱནཾ དྷམྨཱནཾ ཛརཱམརཎཾ, ན ཝཏྟབྦཾ – ‘‘ཨཀུསལཱནཾ དྷམྨཱནཾ ཝིཔཱཀོ’’ཏི? ན ཧེཝཾ ཝཏྟབྦེ…པེ….

ཀུསལཱནཾ ¶ དྷམྨཱནཾ ཛརཱམརཎཾ, ཨཀུསལཱནཾ དྷམྨཱནཾ ཝིཔཱཀོཏི? ཨཱམནྟཱ. ཨཀུསལཱནཾ དྷམྨཱནཾ ཛརཱམརཎཾ, ཀུསལཱནཾ དྷམྨཱནཾ ཝིཔཱཀོཏི? ན ཧེཝཾ ཝཏྟབྦེ…པེ….

ཨཀུསལཱནཾ དྷམྨཱནཾ ཛརཱམརཎཾ, ན ཝཏྟབྦཾ – ‘‘ཀུསལཱནཾ དྷམྨཱནཾ ཝིཔཱཀོ’’ཏི? ཨཱམནྟཱ. ཀུསལཱནཾ དྷམྨཱནཾ ཛརཱམརཎཾ, ན ཝཏྟབྦཾ – ‘‘ཨཀུསལཱནཾ དྷམྨཱནཾ ཝིཔཱཀོ’’ཏི? ན ཧེཝཾ ཝཏྟབྦེ…པེ….

ཀུསལཱནཉྩ ཨཀུསལཱནཉྩ དྷམྨཱནཾ ཛརཱམརཎཾ, ཨཀུསལཱནཾ དྷམྨཱནཾ ཝིཔཱཀོཏི? ཨཱམནྟཱ. ཀུསལཱནཉྩ ཨཀུསལཱནཉྩ དྷམྨཱནཾ ཛརཱམརཎཾ, ཀུསལཱནཾ དྷམྨཱནཾ ཝིཔཱཀོཏི? ན ཧེཝཾ ཝཏྟབྦེ…པེ….

ཀུསལཱནཉྩ ཨཀུསལཱནཉྩ དྷམྨཱནཾ ཛརཱམརཎཾ, ན ཝཏྟབྦཾ – ‘‘ཀུསལཱནཾ དྷམྨཱནཾ ཝིཔཱཀོ’’ཏི? ཨཱམནྟཱ. ཀུསལཱནཉྩ ཨཀུསལཱནཉྩ དྷམྨཱནཾ ཛརཱམརཎཾ, ན ཝཏྟབྦཾ – ‘‘ཨཀུསལཱནཾ དྷམྨཱནཾ ཝིཔཱཀོ’’ཏི? ན ཧེཝཾ ཝཏྟབྦེ…པེ….

༤༩༧. ན ཝཏྟབྦཾ – ‘‘ཛརཱམརཎཾ ཝིཔཱཀོ’’ཏི? ཨཱམནྟཱ. ནནུ ཨཏྠི དུབྦཎྞསཾཝཏྟནིཡཾ ཀམྨཾ ཨཔྤཱཡུཀསཾཝཏྟནིཡཾ ཀམྨནྟི? ཨཱམནྟཱ. ཧཉྩི ཨཏྠི དུབྦཎྞསཾཝཏྟནིཡཾ ¶ ཀམྨཾ ཨཔྤཱཡུཀསཾཝཏྟནིཡཾ ¶ ཀམྨཾ, ཏེན ཝཏ རེ ཝཏྟབྦེ – ‘‘ཛརཱམརཎཾ ཝིཔཱཀོ’’ཏི.

ཛརཱམརཎཾ ཝིཔཱཀོཏིཀཐཱ ནིཊྛིཏཱ.

༧. སཏྟམཝགྒོ

(༧༡) ༩. ཨརིཡདྷམྨཝིཔཱཀཀཐཱ

༤༩༨. ནཏྠི ¶ ཨརིཡདྷམྨཝིཔཱཀོཏི? ཨཱམནྟཱ. ནནུ མཧཔྥལཾ སཱམཉྙཾ མཧཔྥལཾ བྲཧྨཉྙནྟི? ཨཱམནྟཱ. ཧཉྩི མཧཔྥལཾ སཱམཉྙཾ ¶ མཧཔྥལཾ བྲཧྨཉྙཾ, ནོ ཙ ཝཏ རེ ཝཏྟབྦེ – ‘‘ནཏྠི ཨརིཡདྷམྨཝིཔཱཀོ’’ཏི.

ནཏྠི ཨརིཡདྷམྨཝིཔཱཀོཏི? ཨཱམནྟཱ. ནནུ ཨཏྠི སོཏཱཔཏྟིཕལནྟི? ཨཱམནྟཱ. ཧཉྩི ཨཏྠི སོཏཱཔཏྟིཕལཾ, ནོ ཙ ཝཏ རེ ཝཏྟབྦེ – ‘‘ནཏྠི ཨརིཡདྷམྨཝིཔཱཀོ’’ཏི. ནནུ ཨཏྠི སཀདཱགཱམིཕལཾ…པེ… ཨནཱགཱམིཕལཾ…པེ… ཨརཧཏྟཕལནྟི? ཨཱམནྟཱ. ཧཉྩི ཨཏྠི ཨརཧཏྟཕལཾ, ནོ ཙ ཝཏ རེ ཝཏྟབྦེ – ‘‘ནཏྠི ཨརིཡདྷམྨཝིཔཱཀོ’’ཏི.

སོཏཱཔཏྟིཕལཾ ན ཝིཔཱཀོཏི? ཨཱམནྟཱ. དཱནཕལཾ ན ཝིཔཱཀོཏི? ན ཧེཝཾ ཝཏྟབྦེ…པེ… སོཏཱཔཏྟིཕལཾ ན ཝིཔཱཀོཏི? ཨཱམནྟཱ. སཱིལཕལཾ…པེ… བྷཱཝནཱཕལཾ ན ཝིཔཱཀོཏི? ན ཧེཝཾ ཝཏྟབྦེ…པེ….

སཀདཱགཱམིཕལཾ…པེ… ཨནཱགཱམིཕལཾ…པེ… ཨརཧཏྟཕལཾ ན ཝིཔཱཀོཏི? ཨཱམནྟཱ. དཱནཕལཾ ¶ ན ཝིཔཱཀོཏི? ན ཧེཝཾ ཝཏྟབྦེ…པེ… ཨརཧཏྟཕལཾ ན ཝིཔཱཀོཏི? ཨཱམནྟཱ. སཱིལཕལཾ…པེ… བྷཱཝནཱཕལཾ ན ཝིཔཱཀོཏི? ན ཧེཝཾ ཝཏྟབྦེ…པེ… དཱནཕལཾ ཝིཔཱཀོཏི? ཨཱམནྟཱ. སོཏཱཔཏྟིཕལཾ ཝིཔཱཀོཏི? ན ཧེཝཾ ཝཏྟབྦེ…པེ….

དཱནཕལཾ ¶ ཝིཔཱཀོཏི? ཨཱམནྟཱ. སཀདཱགཱམིཕལཾ…པེ… ཨནཱགཱམིཕལཾ…པེ… ཨརཧཏྟཕལཾ ཝིཔཱཀོཏི? ན ཧེཝཾ ཝཏྟབྦེ…པེ… སཱིལཕལཾ…པེ… བྷཱཝནཱཕལཾ ཝིཔཱཀོཏི? ཨཱམནྟཱ. སོཏཱཔཏྟིཕལཾ ཝིཔཱཀོཏི? ན ཧེཝཾ ཝཏྟབྦེ…པེ… བྷཱཝནཱཕལཾ ཝིཔཱཀོཏི? ཨཱམནྟཱ. སཀདཱགཱམིཕལཾ…པེ… ཨནཱགཱམིཕལཾ ¶ …པེ… ཨརཧཏྟཕལཾ ཝིཔཱཀོཏི? ན ཧེཝཾ ཝཏྟབྦེ…པེ….

༤༩༩. ཀཱམཱཝཙརཾ ཀུསལཾ སཝིཔཱཀནྟི? ཨཱམནྟཱ. ལོཀུཏྟརཾ ཀུསལཾ སཝིཔཱཀནྟི? ན ཧེཝཾ ཝཏྟབྦེ…པེ… རཱུཔཱཝཙརཾ ཀུསལཾ…པེ… ཨརཱུཔཱཝཙརཾ ཀུསལཾ སཝིཔཱཀནྟི? ཨཱམནྟཱ. ལོཀུཏྟརཾ ཀུསལཾ སཝིཔཱཀནྟི? ན ཧེཝཾ ཝཏྟབྦེ…པེ….

ལོཀུཏྟརཾ ¶ ཀུསལཾ ཨཝིཔཱཀནྟི? ཨཱམནྟཱ. ཀཱམཱཝཙརཾ ཀུསལཾ ཨཝིཔཱཀནྟི? ན ཧེཝཾ ཝཏྟབྦེ…པེ… ལོཀུཏྟརཾ ཀུསལཾ ཨཝིཔཱཀནྟི? ཨཱམནྟཱ ¶ . རཱུཔཱཝཙརཾ…པེ… ཨརཱུཔཱཝཙརཾ ཀུསལཾ ཨཝིཔཱཀནྟི? ན ཧེཝཾ ཝཏྟབྦེ…པེ….

༥༠༠. ཀཱམཱཝཙརཾ ཀུསལཾ སཝིཔཱཀཾ ཨཱཙཡགཱམཱིཏི? ཨཱམནྟཱ. ལོཀུཏྟརཾ ཀུསལཾ སཝིཔཱཀཾ ཨཱཙཡགཱམཱིཏི? ན ཧེཝཾ ཝཏྟབྦེ…པེ… རཱུཔཱཝཙརཾ…པེ… ཨརཱུཔཱཝཙརཾ ཀུསལཾ སཝིཔཱཀཾ ཨཱཙཡགཱམཱིཏི? ཨཱམནྟཱ. ལོཀུཏྟརཾ ཀུསལཾ སཝིཔཱཀཾ ཨཱཙཡགཱམཱིཏི? ན ཧེཝཾ ཝཏྟབྦེ…པེ….

ལོཀུཏྟརཾ ཀུསལཾ སཝིཔཱཀཾ ཨཔཙཡགཱམཱིཏི? ཨཱམནྟཱ. ཀཱམཱཝཙརཾ ཀུསལཾ སཝིཔཱཀཾ ཨཔཙཡགཱམཱིཏི? ན ཧེཝཾ ཝཏྟབྦེ…པེ…. ལོཀུཏྟརཾ ཀུསལཾ སཝིཔཱཀཾ ཨཔཙཡགཱམཱིཏི? ཨཱམནྟཱ. རཱུཔཱཝཙརཾ…པེ… ཨརཱུཔཱཝཙརཾ ཀུསལཾ སཝིཔཱཀཾ ཨཔཙཡགཱམཱིཏི? ན ཧེཝཾ ཝཏྟབྦེ…པེ….

ཨརིཡདྷམྨཝིཔཱཀཀཐཱ ནིཊྛིཏཱ.

༧. སཏྟམཝགྒོ

(༧༢) ༡༠. ཝིཔཱཀོ ཝིཔཱཀདྷམྨདྷམྨོཏིཀཐཱ

༥༠༡. ཝིཔཱཀོ ¶ ¶ ཝིཔཱཀདྷམྨདྷམྨོཏི? ཨཱམནྟཱ. ཏསྶ ཝིཔཱཀོ ཝིཔཱཀདྷམྨདྷམྨོཏི? ན ཧེཝཾ ཝཏྟབྦེ…པེ… ཏསྶ ཝིཔཱཀོ ཝིཔཱཀདྷམྨདྷམྨོཏི? ཨཱམནྟཱ. ཏསྶ ཏསྶེཝ ནཏྠི དུཀྑསྶ ཨནྟཀིརིཡཱ ནཏྠི ཝཊྚུཔཙྪེདོ ནཏྠི ཨནུཔཱདཱཔརིནིབྦཱནནྟི? ན ¶ ཧེཝཾ ཝཏྟབྦེ…པེ….

ཝིཔཱཀོ ཝིཔཱཀདྷམྨདྷམྨོཏི? ཨཱམནྟཱ. ཝིཔཱཀོཏི ཝཱ ཝིཔཱཀདྷམྨདྷམྨོཏི ཝཱ ཝིཔཱཀདྷམྨདྷམྨོཏི ཝཱ ཝིཔཱཀོཏི ཝཱ ཨེསེསེ ཨེཀཊྛེ སམེ སམབྷཱགེ ཏཛྫཱཏེཏི? ན ཧེཝཾ ཝཏྟབྦེ…པེ….

ཝིཔཱཀོ ཝིཔཱཀདྷམྨདྷམྨོཏི? ཨཱམནྟཱ. ཝིཔཱཀོ ཙ ཝིཔཱཀདྷམྨདྷམྨོ ཙ ཝིཔཱཀདྷམྨདྷམྨོ ཙ ཝིཔཱཀོ ཙ སཧགཏཱ སཧཛཱཏཱ སཾསཊྛཱ སམྤཡུཏྟཱ ཨེཀུཔྤཱདཱ ཨེཀནིརོདྷཱ ཨེཀཝཏྠུཀཱ ཨེཀཱརམྨཎཱཏི? ན ཧེཝཾ ཝཏྟབྦེ…པེ….

ཝིཔཱཀོ ¶ ཝིཔཱཀདྷམྨདྷམྨོཏི? ཨཱམནྟཱ. ཏཉྙེཝ ཨཀུསལཾ སོ ཨཀུསལསྶ ཝིཔཱཀོ, ཏཉྙེཝ ཀུསལཾ སོ ཀུསལསྶ ཝིཔཱཀོཏི? ན ཧེཝཾ ཝཏྟབྦེ…པེ….

ཝིཔཱཀོ ཝིཔཱཀདྷམྨདྷམྨོཏི? ཨཱམནྟཱ. ཡེནེཝ ཙིཏྟེན པཱཎཾ ཧནཏི ཏེནེཝ ཙིཏྟེན ནིརཡེ པཙྩཏི, ཡེནེཝ ཙིཏྟེན དཱནཾ དེཏི ཏེནེཝ ཙིཏྟེན སགྒེ མོདཏཱིཏི? ན ཧེཝཾ ཝཏྟབྦེ…པེ….

༥༠༢. ན ¶ ཝཏྟབྦཾ – ‘‘ཝིཔཱཀོ ཝིཔཱཀདྷམྨདྷམྨོ’’ཏི? ཨཱམནྟཱ. ནནུ ཝིཔཱཀཱ ཙཏྟཱརོ ¶ ཁནྡྷཱ ཨརཱུཔིནོ ཨཉྙམཉྙཔཙྩཡཱཏི? ཨཱམནྟཱ. ཧཉྩི ཝིཔཱཀཱ ཙཏྟཱརོ ཁནྡྷཱ ཨརཱུཔིནོ ཨཉྙམཉྙཔཙྩཡཱ, ཏེན ཝཏ རེ ཝཏྟབྦེ – ‘‘ཝིཔཱཀོ ཝིཔཱཀདྷམྨདྷམྨོ’’ཏི.

ཝིཔཱཀོ ཝིཔཱཀདྷམྨདྷམྨོཏིཀཐཱ ནིཊྛིཏཱ.

སཏྟམཝགྒོ.

ཏསྶུདྡཱནཾ –

སངྒཧོ ¶ , སམྤཡུཏྟོ, ཙེཏསིཀོ དྷམྨོ, ཙེཏསིཀཾ དཱནཾ, པརིབྷོགམཡཾ པུཉྙཾ ཝཌྜྷཏི, ཨིཏོ དིནྣེན ཏཏྠ ཡཱཔེནྟི, པཐཝཱི ཀམྨཝིཔཱཀོ, ཛརཱམརཎཾ ཝིཔཱཀོ, ནཏྠི ཨརིཡདྷམྨཝིཔཱཀོ, ཝིཔཱཀོ ཝིཔཱཀདྷམྨདྷམྨོཏི.

༨. ཨཊྛམཝགྒོ

(༧༣) ༡. ཚགཏིཀཐཱ

༥༠༣. ཚ ¶ གཏིཡོཏི? ཨཱམནྟཱ. ནནུ པཉྩ གཏིཡོ ཝུཏྟཱ བྷགཝཏཱ – ནིརཡོ, ཏིརཙྪཱནཡོནི, པེཏྟིཝིསཡོ, མནུསྶཱ, དེཝཱཏི [མ. ནི. ༡.༡༥༣]? ཨཱམནྟཱ. ཧཉྩི པཉྩ གཏིཡོ ཝུཏྟཱ བྷགཝཏཱ – ནིརཡོ, ཏིརཙྪཱནཡོནི, པེཏྟིཝིསཡོ, མནུསྶཱ, དེཝཱ; ནོ ཙ ཝཏ རེ ཝཏྟབྦེ – ‘‘ཚ གཏིཡོ’’ཏི.

ཚ ¶ གཏིཡོཏི? ཨཱམནྟཱ. ནནུ ཀཱལཀཉྩིཀཱ [ཀཱལཀཉྫིཀཱ (སཱི. སྱཱ. ཀཾ.), ཀཱལ༹ཀཉྫཀཱ (པཱི.)] སུརཱ པེཏཱནཾ སམཱནཝཎྞཱ སམཱནབྷོགཱ སམཱནཱཧཱརཱ སམཱནཱཡུཀཱ པེཏེཧི སཧ ¶ ཨཱཝཱཧཝིཝཱཧཾ གཙྪནྟཱིཏི? ཨཱམནྟཱ. ཧཉྩི ཀཱལཀཉྩིཀཱ ཨསུརཱ པེཏཱནཾ སམཱནཝཎྞཱ སམཱནབྷོགཱ སམཱནཱཧཱརཱ སམཱནཱཡུཀཱ པེཏེཧི སཧ ཨཱཝཱཧཝིཝཱཧཾ གཙྪནྟི, ནོ ཙ ཝཏ རེ ཝཏྟབྦེ – ‘‘ཚ གཏིཡོ’’ཏི.

ཚ གཏིཡོཏི? ཨཱམནྟཱ. ནནུ ཝེཔཙིཏྟིཔརིསཱ དེཝཱནཾ སམཱནཝཎྞཱ སམཱནབྷོགཱ སམཱནཱཧཱརཱ སམཱནཱཡུཀཱ དེཝེཧི སཧ ཨཱཝཱཧཝིཝཱཧཾ གཙྪནྟཱིཏི? ཨཱམནྟཱ. ཧཉྩི ཝེཔཙིཏྟིཔརིསཱ ¶ དེཝཱནཾ སམཱནཝཎྞཱ སམཱནབྷོགཱ སམཱནཱཧཱརཱ སམཱནཱཡུཀཱ དེཝེཧི སཧ ཨཱཝཱཧཝིཝཱཧཾ གཙྪནྟི, ནོ ཙ ཝཏ རེ ཝཏྟབྦེ – ‘‘ཚ གཏིཡོ’’ཏི.

ཚ གཏིཡོཏི? ཨཱམནྟཱ. ནནུ ཝེཔཙིཏྟིཔརིསཱ པུབྦདེཝཱཏི? ཨཱམནྟཱ. ཧཉྩི ཝེཔཙིཏྟིཔརིསཱ པུབྦདེཝཱ, ནོ ཙ ཝཏ རེ ཝཏྟབྦེ – ‘‘ཚ གཏིཡོ’’ཏི.

༥༠༤. ན ཝཏྟབྦཾ – ‘‘ཚ གཏིཡོ’’ཏི? ཨཱམནྟཱ. ནནུ ¶ ཨཏྠི ཨསུརཀཱཡོཏི, ཨཱམནྟཱ. ཧཉྩི ཨཏྠི ཨསུརཀཱཡོ, ཏེན ཝཏ རེ ཝཏྟབྦེ – ‘‘ཚ གཏིཡོ’’ཏི.

ཚགཏིཀཐཱ ནིཊྛིཏཱ.

༨. ཨཊྛམཝགྒོ

(༧༤) ༢. ཨནྟརཱབྷཝཀཐཱ

༥༠༥. ཨཏྠི ཨནྟརཱབྷཝོཏི? ཨཱམནྟཱ. ཀཱམབྷཝོཏི? ན ཧེཝཾ ཝཏྟབྦེ…པེ… ཨཏྠི ཨནྟརཱབྷཝོཏི? ཨཱམནྟཱ. རཱུཔབྷཝོཏི ¶ ? ན ཧེཝཾ ཝཏྟབྦེ…པེ… ཨཏྠི ཨནྟརཱབྷཝོཏི? ཨཱམནྟཱ. ཨརཱུཔབྷཝོཏི? ན ཧེཝཾ ཝཏྟབྦེ…པེ… ཨཏྠི ཨནྟརཱབྷཝོཏི? ཨཱམནྟཱ. ཀཱམབྷཝསྶ ཙ རཱུཔབྷཝསྶ ཙ ཨནྟརེ ཨཏྠི ཨནྟརཱབྷཝོཏི? ན ཧེཝཾ ཝཏྟབྦེ…པེ… ཨཏྠི ཨནྟརཱབྷཝོཏི? ཨཱམནྟཱ. རཱུཔབྷཝསྶ ཙ ཨརཱུཔབྷཝསྶ ཙ ཨནྟརེ ཨཏྠི ཨནྟརཱབྷཝོཏི? ན ཧེཝཾ ཝཏྟབྦེ…པེ….

ཀཱམབྷཝསྶ ¶ ཙ རཱུཔབྷཝསྶ ཙ ཨནྟརེ ནཏྠི ཨནྟརཱབྷཝོཏི? ཨཱམནྟཱ. ཧཉྩི ཀཱམབྷཝསྶ ཙ རཱུཔབྷཝསྶ ཙ ཨནྟརེ ནཏྠི ཨནྟརཱབྷཝོ, ནོ ཙ ཝཏ རེ ཝཏྟབྦེ – ‘‘ཨཏྠི ཨནྟརཱབྷཝོ’’ཏི. རཱུཔབྷཝསྶ ཙ ཨརཱུཔབྷཝསྶ ཙ ཨནྟརེ ནཏྠི ཨནྟརཱབྷཝོཏི? ཨཱམནྟཱ ¶ . ཧཉྩི ¶ རཱུཔབྷཝསྶ ཙ ཨརཱུཔབྷཝསྶ ཙ ཨནྟརེ ནཏྠི ཨནྟརཱབྷཝོ, ནོ ཙ ཝཏ རེ ཝཏྟབྦེ – ‘‘ཨཏྠི ཨནྟརཱབྷཝོ’’ཏི.

༥༠༦. ཨཏྠི ཨནྟརཱབྷཝོཏི? ཨཱམནྟཱ. པཉྩམཱི སཱ ཡོནི, ཚཊྛམཱི སཱ གཏི, ཨཊྛམཱི སཱ ཝིཉྙཱཎཊྛིཏི, དསམོ སོ སཏྟཱཝཱསོཏི? ན ཧེཝཾ ཝཏྟབྦེ…པེ… ཨཏྠི ཨནྟརཱབྷཝོཏི? ཨཱམནྟཱ. ཨནྟརཱབྷཝོ བྷཝོ གཏི སཏྟཱཝཱསོ སཾསཱརོ ཡོནི ཝིཉྙཱཎཊྛིཏི ཨཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ… ཨཏྠི ཨནྟརཱབྷཝཱུཔགཾ ཀམྨནྟི? ན ཧེཝཾ ཝཏྟབྦེ…པེ… ཨཏྠི ཨནྟརཱབྷཝཱུཔགཱ སཏྟཱཏི? ན ཧེཝཾ ཝཏྟབྦེ…པེ… ཨནྟརཱབྷཝེ སཏྟཱ ཛཱཡནྟི ཛཱིཡནྟི མཱིཡནྟི ཙཝནྟི ཨུཔཔཛྫནྟཱིཏི? ན ཧེཝཾ ཝཏྟབྦེ…པེ… ཨནྟརཱབྷཝེ ¶ ཨཏྠི རཱུཔཾ ཝེདནཱ སཉྙཱ སངྑཱརཱ ཝིཉྙཱཎནྟི? ན ཧེཝཾ ཝཏྟབྦེ…པེ… ཨནྟརཱབྷཝོ པཉྩཝོཀཱརབྷཝོཏི? ན ཧེཝཾ ཝཏྟབྦེ…པེ….

༥༠༧. ཨཏྠི ཀཱམབྷཝོ, ཀཱམབྷཝོ བྷཝོ གཏི སཏྟཱཝཱསོ སཾསཱརོ ཡོནི ཝིཉྙཱཎཊྛིཏི ཨཏྟབྷཱཝཔཊིལཱབྷོཏི? ཨཱམནྟཱ. ཨཏྠི ཨནྟརཱབྷཝོ, ཨནྟརཱབྷཝོ བྷཝོ གཏི སཏྟཱཝཱསོ སཾསཱརོ ཡོནི ཝིཉྙཱཎཊྛིཏི ཨཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ… ཨཏྠི ཀཱམབྷཝཱུཔགཾ ཀམྨནྟི? ཨཱམནྟཱ. ཨཏྠི ཨནྟརཱབྷཝཱུཔགཾ ཀམྨནྟི? ན ཧེཝཾ ཝཏྟབྦེ…པེ… ཨཏྠི ཀཱམབྷཝཱུཔགཱ སཏྟཱཏི? ཨཱམནྟཱ. ཨཏྠི ¶ ཨནྟརཱབྷཝཱུཔགཱ སཏྟཱཏི? ན ཧེཝཾ ཝཏྟབྦེ…པེ… ཀཱམབྷཝེ སཏྟཱ ཛཱཡནྟི ཛཱིཡནྟི མཱིཡནྟི ཙཝནྟི ཨུཔཔཛྫནྟཱིཏི? ཨཱམནྟཱ. ཨནྟརཱབྷཝེ སཏྟཱ ཛཱཡནྟི ཛཱིཡནྟི མཱིཡནྟི ཙཝནྟི ཨུཔཔཛྫནྟཱིཏི? ན ཧེཝཾ ཝཏྟབྦེ…པེ… ཀཱམབྷཝེ ཨཏྠི རཱུཔཾ ཝེདནཱ སཉྙཱ སངྑཱརཱ ཝིཉྙཱཎནྟི? ཨཱམནྟཱ. ཨནྟརཱབྷཝེ ཨཏྠི རཱུཔཾ ཝེདནཱ སཉྙཱ སངྑཱརཱ ཝིཉྙཱཎནྟི? ན ཧེཝཾ ཝཏྟབྦེ…པེ… ཀཱམབྷཝོ པཉྩཝོཀཱརབྷཝོཏི? ཨཱམནྟཱ. ཨནྟརཱབྷཝོ པཉྩཝོཀཱརབྷཝོཏི? ན ཧེཝཾ ཝཏྟབྦེ…པེ….

ཨཏྠི རཱུཔབྷཝོ, རཱུཔབྷཝོ བྷཝོ གཏི སཏྟཱཝཱསོ སཾསཱརོ ཡོནི ཝིཉྙཱཎཊྛིཏི ཨཏྟབྷཱཝཔཊིལཱབྷོཏི? ཨཱམནྟཱ. ཨཏྠི ཨནྟརཱབྷཝོ, ཨནྟརཱབྷཝོ བྷཝོ གཏི སཏྟཱཝཱསོ སཾསཱརོ ཡོནི ¶ ཝིཉྙཱཎཊྛིཏི ¶ ཨཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ… ཨཏྠི རཱུཔབྷཝཱུཔགཾ ཀམྨནྟི? ཨཱམནྟཱ. ཨཏྠི ཨནྟརཱབྷཝཱུཔགཾ ཀམྨནྟི? ན ཧེཝཾ ཝཏྟབྦེ…པེ… ཨཏྠི ¶ རཱུཔབྷཝཱུཔགཱ སཏྟཱཏི? ཨཱམནྟཱ. ཨཏྠི ཨནྟརཱབྷཝཱུཔགཱ སཏྟཱཏི? ན ཧེཝཾ ཝཏྟབྦེ…པེ… རཱུཔབྷཝེ སཏྟཱ ཛཱཡནྟི ཛཱིཡནྟི མཱིཡནྟི ཙཝནྟི ཨུཔཔཛྫནྟཱིཏི? ཨཱམནྟཱ. ཨནྟརཱབྷཝེ སཏྟཱ ཛཱཡནྟི ཛཱིཡནྟི མཱིཡནྟི ཙཝནྟི ཨུཔཔཛྫནྟཱིཏི? ན ཧེཝཾ ཝཏྟབྦེ…པེ… རཱུཔབྷཝེ ¶ ཨཏྠི རཱུཔཾ ཝེདནཱ སཉྙཱ སངྑཱརཱ ཝིཉྙཱཎནྟི? ཨཱམནྟཱ. ཨནྟརཱབྷཝེ ཨཏྠི རཱུཔཾ ཝེདནཱ སཉྙཱ སངྑཱརཱ ཝིཉྙཱཎནྟི? ན ཧེཝཾ ཝཏྟབྦེ…པེ… རཱུཔབྷཝོ པཉྩཝོཀཱརབྷཝོཏི? ཨཱམནྟཱ. ཨནྟརཱབྷཝོ པཉྩཝོཀཱརབྷཝོཏི? ན ཧེཝཾ ཝཏྟབྦེ…པེ….

ཨཏྠི ཨརཱུཔབྷཝོ, ཨརཱུཔབྷཝོ བྷཝོ གཏི སཏྟཱཝཱསོ སཾསཱརོ ཡོནི ཝིཉྙཱཎཊྛིཏི ཨཏྟབྷཱཝཔཊིལཱབྷོཏི? ཨཱམནྟཱ. ཨཏྠི ཨནྟརཱབྷཝོ, ཨནྟརཱབྷཝོ བྷཝོ གཏི སཏྟཱཝཱསོ སཾསཱརོ ཡོནི ཝིཉྙཱཎཊྛིཏི ཨཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ… ཨཏྠི ཨརཱུཔབྷཝཱུཔགཾ ཀམྨནྟི? ཨཱམནྟཱ. ཨཏྠི ཨནྟརཱབྷཝཱུཔགཾ ཀམྨནྟི? ན ཧེཝཾ ཝཏྟབྦེ…པེ… ཨཏྠི ཨརཱུཔབྷཝཱུཔགཱ སཏྟཱཏི? ཨཱམནྟཱ. ཨཏྠི ཨནྟརཱབྷཝཱུཔགཱ སཏྟཱཏི? ན ཧེཝཾ ཝཏྟབྦེ…པེ… ཨརཱུཔབྷཝེ སཏྟཱ ཛཱཡནྟི ཛཱིཡནྟི མཱིཡནྟི ཙཝནྟི ཨུཔཔཛྫནྟཱིཏི? ཨཱམནྟཱ. ཨནྟརཱབྷཝེ སཏྟཱ ཛཱཡནྟི ཛཱིཡནྟི མཱིཡནྟི ཙཝནྟི ¶ ཨུཔཔཛྫནྟཱིཏི? ན ཧེཝཾ ཝཏྟབྦེ…པེ… ཨརཱུཔབྷཝེ ཨཏྠི ཝེདནཱ སཉྙཱ སངྑཱརཱ ཝིཉྙཱཎནྟི? ཨཱམནྟཱ. ཨནྟརཱབྷཝེ ཨཏྠི ཝེདནཱ སཉྙཱ སངྑཱརཱ ཝིཉྙཱཎནྟི? ན ཧེཝཾ ཝཏྟབྦེ…པེ… ཨརཱུཔབྷཝོ ཙཏུཝོཀཱརབྷཝོཏི? ཨཱམནྟཱ. ཨནྟརཱབྷཝོ ¶ ཙཏུཝོཀཱརབྷཝོཏི? ན ཧེཝཾ ཝཏྟབྦེ…པེ….

༥༠༨. ཨཏྠི ཨནྟརཱབྷཝོཏི? ཨཱམནྟཱ. སབྦེསཉྙེཝ སཏྟཱནཾ ཨཏྠི ཨནྟརཱབྷཝོཏི? ན ཧེཝཾ ཝཏྟབྦེ …པེ… སབྦེསཉྙེཝ སཏྟཱནཾ ནཏྠི ཨནྟརཱབྷཝོཏི? ཨཱམནྟཱ. ཧཉྩི སབྦེསཉྙེཝ སཏྟཱནཾ ནཏྠི ཨནྟརཱབྷཝོ, ནོ ཙ ཝཏ རེ ཝཏྟབྦེ – ‘‘ཨཏྠི ཨནྟརཱབྷཝོ’’ཏི.

ཨཏྠི ཨནྟརཱབྷཝོཏི? ཨཱམནྟཱ. ཨཱནནྟརིཡསྶ པུགྒལསྶ ཨཏྠི ཨནྟརཱབྷཝོཏི? ན ཧེཝཾ ཝཏྟབྦེ…པེ… ཨཱནནྟརིཡསྶ པུགྒལསྶ ནཏྠི ཨནྟརཱབྷཝོཏི? ཨཱམནྟཱ. ཧཉྩི ཨཱནནྟརིཡསྶ པུགྒལསྶ ནཏྠི ཨནྟརཱབྷཝོ, ནོ ཙ ཝཏ རེ ཝཏྟབྦེ – ‘‘ཨཏྠི ཨནྟརཱབྷཝོ’’ཏི.

ན ¶ ¶ ཨཱནནྟརིཡསྶ པུགྒལསྶ ཨཏྠི ཨནྟརཱབྷཝོཏི? ཨཱམནྟཱ. ཨཱནནྟརིཡསྶ པུགྒལསྶ ཨཏྠི ཨནྟརཱབྷཝོཏི? ན ཧེཝཾ ཝཏྟབྦེ…པེ… ཨཱནནྟརིཡསྶ པུགྒལསྶ ནཏྠི ཨནྟརཱབྷཝོཏི? ཨཱམནྟཱ. ན ཨཱནནྟརིཡསྶ པུགྒལསྶ ནཏྠི ཨནྟརཱབྷཝོཏི? ན ཧེཝཾ ཝཏྟབྦེ…པེ… ནིརཡཱུཔགསྶ པུགྒལསྶ…པེ… ཨསཉྙསཏྟཱུཔགསྶ པུགྒལསྶ ¶ …པེ… ཨརཱུཔཱུཔགསྶ པུགྒལསྶ ཨཏྠི ཨནྟརཱབྷཝོཏི? ན ཧེཝཾ ཝཏྟབྦེ…པེ… ཨརཱུཔཱུཔགསྶ པུགྒལསྶ ནཏྠི ཨནྟརཱབྷཝོཏི? ཨཱམནྟཱ. ཧཉྩི ཨརཱུཔཱུཔགསྶ པུགྒལསྶ ནཏྠི ཨནྟརཱབྷཝོ, ནོ ཙ ཝཏ རེ ཝཏྟབྦེ – ‘‘ཨཏྠི ཨནྟརཱབྷཝོ’’ཏི.

ན ཨརཱུཔཱུཔགསྶ པུགྒལསྶ ཨཏྠི ཨནྟརཱབྷཝོཏི? ཨཱམནྟཱ. ཨརཱུཔཱུཔགསྶ ¶ པུགྒལསྶ ཨཏྠི ཨནྟརཱབྷཝོཏི? ན ཧེཝཾ ཝཏྟབྦེ…པེ… ཨརཱུཔཱུཔགསྶ པུགྒལསྶ ནཏྠི ཨནྟརཱབྷཝོཏི? ཨཱམནྟཱ. ན ཨརཱུཔཱུཔགསྶ པུགྒལསྶ ནཏྠི ཨནྟརཱབྷཝོཏི? ན ཧེཝཾ ཝཏྟབྦེ…པེ….

༥༠༩. ན ཝཏྟབྦཾ ཨཏྠི ཨནྟརཱབྷཝོཏི? ཨཱམནྟཱ. ནནུ ཨནྟརཱཔརིནིབྦཱཡཱི པུགྒལོ ཨཏྠཱིཏི? ཨཱམནྟཱ. ཧཉྩི ཨནྟརཱཔརིནིབྦཱཡཱི པུགྒལོ ཨཏྠི, ཏེན ཝཏ རེ [ནོ ཙ ཝཏ རེ (སཱི. ཀ.), ནོ ཝཏ རེ (སྱཱ.)] ཝཏྟབྦེ – ‘‘ཨཏྠི ཨནྟརཱབྷཝོ’’ཏི.

ཨནྟརཱཔརིནིབྦཱཡཱི པུགྒལོ ཨཏྠཱིཏི ཀཏྭཱ ཨཏྠི ཨནྟརཱབྷཝོཏི? ཨཱམནྟཱ. ཨུཔཧཙྩཔརིནིབྦཱཡཱི པུགྒལོ ཨཏྠཱིཏི ཀཏྭཱ ཨཏྠི ཨུཔཧཙྩབྷཝོཏི? ན ཧེཝཾ ཝཏྟབྦེ…པེ… ཨནྟརཱཔརིནིབྦཱཡཱི པུགྒལོ ཨཏྠཱིཏི ཀཏྭཱ ཨཏྠི ཨནྟརཱབྷཝོཏི? ཨཱམནྟཱ. ཨསངྑཱརཔརིནིབྦཱཡཱི པུགྒལོ…པེ… སསངྑཱརཔརིནིབྦཱཡཱི པུགྒལོ ཨཏྠཱིཏི ཀཏྭཱ ཨཏྠི སསངྑཱརབྷཝོཏི? ན ཧེཝཾ ཝཏྟབྦེ…པེ….

ཨནྟརཱབྷཝཀཐཱ ནིཊྛིཏཱ.

༨. ཨཊྛམཝགྒོ

(༧༥) ༣. ཀཱམགུཎཀཐཱ

༥༡༠. པཉྩེཝ ¶ ¶ ཀཱམགུཎཱ ཀཱམདྷཱཏཱུཏི? ཨཱམནྟཱ. ནནུ ཨཏྠི ཏཔྤཊིསཉྙུཏྟོ ཚནྡོཏི? ཨཱམནྟཱ. ཧཉྩི ཨཏྠི ཏཔྤཊིསཉྙུཏྟོ ཚནྡོ, ནོ ཙ ¶ ཝཏ རེ ཝཏྟབྦེ – ‘‘པཉྩེཝ ཀཱམགུཎཱ ཀཱམདྷཱཏཱུ’’ཏི. ནནུ ཨཏྠི ཏཔྤཊིསཉྙུཏྟོ རཱགོ ཏཔྤཊིསཉྙུཏྟོ ཚནྡོ ཏཔྤཊིསཉྙུཏྟོ ཚནྡརཱགོ ¶ ཏཔྤཊིསཉྙུཏྟོ སངྐཔྤོ ཏཔྤཊིསཉྙུཏྟོ རཱགོ ཏཔྤཊིསཉྙུཏྟོ སངྐཔྤརཱགོ ཏཔྤཊིསཉྙུཏྟཱ པཱིཏི ཏཔྤཊིསཉྙུཏྟཾ སོམནསྶཾ ཏཔྤཊིསཉྙུཏྟཾ པཱིཏིསོམནསྶནྟི? ཨཱམནྟཱ. ཧཉྩི ཨཏྠི ཏཔྤཊིསཉྙུཏྟཾ པཱིཏིསོམནསྶཾ, ནོ ཙ ཝཏ རེ ཝཏྟབྦེ – ‘‘པཉྩེཝ ཀཱམགུཎཱ ཀཱམདྷཱཏཱུ’’ཏི.

པཉྩེཝ ཀཱམགུཎཱ ཀཱམདྷཱཏཱུཏི? ཨཱམནྟཱ. མནུསྶཱནཾ ཙཀྑུ ན ཀཱམདྷཱཏཱུཏི? ན ཧེཝཾ ཝཏྟབྦེ…པེ… མནུསྶཱནཾ སོཏཾ…པེ… མནུསྶཱནཾ གྷཱནཾ…པེ… མནུསྶཱནཾ ཛིཝ྄ཧཱ…པེ… མནུསྶཱནཾ ཀཱཡོ…པེ… མནུསྶཱནཾ མནོ ན ཀཱམདྷཱཏཱུཏི? ན ཧེཝཾ ཝཏྟབྦེ…པེ….

མནུསྶཱནཾ མནོ ན ཀཱམདྷཱཏཱུཏི? ཨཱམནྟཱ. ནནུ ཝུཏྟཾ བྷགཝཏཱ –

‘‘པཉྩ ཀཱམགུཎཱ ལོཀེ, མནོཙྪཊྛཱ པཝེདིཏཱ;

ཨེཏྠ ཚནྡཾ ཝིརཱཛེཏྭཱ, ཨེཝཾ དུཀྑཱ པམུཙྩཏཱི’’ཏི [སུ. ནི. ༡༧༣; སཾ. ནི. ༡.༣༠].

ཨཏྠེཝ ¶ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘མནུསྶཱནཾ མནོ ན ཀཱམདྷཱཏཱུ’’ཏི.

༥༡༡. པཉྩེཝ ཀཱམགུཎཱ ཀཱམདྷཱཏཱུཏི? ཨཱམནྟཱ. ཀཱམགུཎཱ བྷཝོ གཏི སཏྟཱཝཱསོ སཾསཱརོ ཡོནི ཝིཉྙཱཎཊྛིཏི ཨཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ… ཨཏྠི ཀཱམགུཎཱུཔགཾ ཀམྨནྟི? ན ཧེཝཾ ཝཏྟབྦེ…པེ… ཨཏྠི ཀཱམགུཎཱུཔགཱ སཏྟཱཏི? ན ཧེཝཾ ¶ ཝཏྟབྦེ…པེ… ཀཱམགུཎེ སཏྟཱ ཛཱཡནྟི ཛཱིཡནྟི མཱིཡནྟི ཙཝནྟི ཨུཔཔཛྫནྟཱིཏི? ན ¶ ཧེཝཾ ཝཏྟབྦེ…པེ… ཀཱམགུཎེ ཨཏྠི རཱུཔཾ ཝེདནཱ སཉྙཱ སངྑཱརཱ ཝིཉྙཱཎནྟི? ན ཧེཝཾ ཝཏྟབྦེ…པེ… ཀཱམགུཎཱ པཉྩཝོཀཱརབྷཝོཏི? ན ཧེཝཾ ཝཏྟབྦེ…པེ… ཀཱམགུཎེ སམྨཱསམྦུདྡྷཱ ཨུཔྤཛྫནྟི, པཙྩེཀསམྦུདྡྷཱ ཨུཔྤཛྫནྟི, སཱཝཀཡུགཾ ཨུཔྤཛྫཏཱིཏི? ན ཧེཝཾ ཝཏྟབྦེ…པེ….

ཀཱམདྷཱཏུ བྷཝོ གཏི སཏྟཱཝཱསོ སཾསཱརོ ཡོནི ཝིཉྙཱཎཊྛིཏི ཨཏྟབྷཱཝཔཊིལཱབྷོཏི? ཨཱམནྟཱ. ཀཱམགུཎཱ བྷཝོ གཏི སཏྟཱཝཱསོ སཾསཱརོ ཡོནི ཝིཉྙཱཎཊྛིཏི ཨཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ… ཨཏྠི ཀཱམདྷཱཏཱུཔགཾ ཀམྨནྟི? ཨཱམནྟཱ. ཨཏྠི ཀཱམགུཎཱུཔགཾ ཀམྨནྟི ¶ ? ན ཧེཝཾ ཝཏྟབྦེ…པེ… ཨཏྠི ཀཱམདྷཱཏཱུཔགཱ སཏྟཱཏི? ཨཱམནྟཱ. ཨཏྠི ཀཱམགུཎཱུཔགཱ སཏྟཱཏི? ན ཧེཝཾ ཝཏྟབྦེ…པེ….

ཀཱམདྷཱཏུཡཱ སཏྟཱ ཛཱཡནྟི ཛཱིཡནྟི མཱིཡནྟི ཙཝནྟི ཨུཔཔཛྫནྟཱིཏི? ཨཱམནྟཱ. ཀཱམགུཎེ སཏྟཱ ¶ ཛཱཡནྟི ཛཱིཡནྟི མཱིཡནྟི ཙཝནྟི ཨུཔཔཛྫནྟཱིཏི? ན ཧེཝཾ ཝཏྟབྦེ …པེ… ཀཱམདྷཱཏུཡཱ ཨཏྠི རཱུཔཾ ཝེདནཱ སཉྙཱ སངྑཱརཱ ཝིཉྙཱཎནྟི? ཨཱམནྟཱ. ཀཱམགུཎེ ཨཏྠི རཱུཔཾ ཝེདནཱ སཉྙཱ སངྑཱརཱ ཝིཉྙཱཎནྟི? ན ཧེཝཾ ཝཏྟབྦེ…པེ… ཀཱམདྷཱཏུ པཉྩཝོཀཱརབྷཝོཏི? ཨཱམནྟཱ. ཀཱམགུཎཱ པཉྩཝོཀཱརབྷཝོཏི? ན ¶ ཧེཝཾ ཝཏྟབྦེ…པེ… ཀཱམདྷཱཏུཡཱ སམྨཱསམྦུདྡྷཱ ཨུཔྤཛྫནྟི, པཙྩེཀསབུདྡྷཱ ཨུཔྤཛྫནྟི, སཱཝཀཡུགཾ ཨུཔྤཛྫཏཱིཏི? ཨཱམནྟཱ. ཀཱམགུཎེ སམྨཱསམྦུདྡྷཱ ཨུཔྤཛྫནྟི, པཙྩེཀསམྦུདྡྷཱ ཨུཔྤཛྫནྟི, སཱཝཀཡུགཾ ཨུཔྤཛྫཏཱིཏི? ན ཧེཝཾ ཝཏྟབྦེ…པེ….

༥༡༢. ན ཝཏྟབྦཾ – ‘‘པཉྩེཝ ཀཱམགུཎཱ ཀཱམདྷཱཏཱུ’’ཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘པཉྩིམེ, བྷིཀྑཝེ, ཀཱམགུཎཱ! ཀཏམེ པཉྩ? ཙཀྑུཝིཉྙེཡྻཱ རཱུཔཱ ཨིཊྛཱ ཀནྟཱ མནཱཔཱ པིཡརཱུཔཱ ཀཱམཱུཔསཾཧིཏཱ རཛནཱིཡཱ, སོཏཝིཉྙེཡྻཱ སདྡཱ…པེ… གྷཱནཝིཉྙེཡྻཱ གནྡྷཱ…པེ… ཛིཝ྄ཧཱཝིཉྙེཡྻཱ རསཱ…པེ… ཀཱཡཝིཉྙེཡྻཱ ཕོཊྛབྦཱ ཨིཊྛཱ ཀནྟཱ མནཱཔཱ པིཡརཱུཔཱ ཀཱམཱུཔསཾཧིཏཱ རཛནཱིཡཱ – ཨིམེ ཁོ, བྷིཀྑཝེ, པཉྩ ཀཱམགུཎཱ’’ཏི. ཨཏྠེཝ སུཏྟནྟོཏི? ཨཱམནྟཱ. ཏེན ཧི པཉྩེཝ ཀཱམགུཎཱ ཀཱམདྷཱཏཱུཏི.

ཀཱམགུཎཀཐཱ ནིཊྛིཏཱ.

༨. ཨཊྛམཝགྒོ

(༧༦) ༤. ཀཱམཀཐཱ

༥༡༣. པཉྩེཝཱཡཏནཱ ¶ ¶ ཀཱམཱཏི? ཨཱམནྟཱ. ནནུ ཨཏྠི ཏཔྤཊིསཾཡུཏྟོ ཚནྡོཏི? ཨཱམནྟཱ. ཧཉྩི ཨཏྠི ཏཔྤཊིསཾཡུཏྟོ ཚནྡོ, ནོ ཙ ཝཏ རེ ཝཏྟབྦེ – ‘‘པཉྩེཝཱཡཏནཱ ཀཱམཱ’’ཏི. ནནུ ཨཏྠི ཏཔྤཊིསཾཡུཏྟོ རཱགོ ཏཔྤཊིསཾཡུཏྟོ ཚནྡོ ཏཔྤཊིསཾཡུཏྟོ ཚནྡརཱགོ ཏཔྤཊིསཾཡུཏྟོ སངྐཔྤོ ཏཔྤཊིསཾཡུཏྟོ རཱགོ ཏཔྤཊིསཾཡུཏྟོ སངྐཔྤརཱགོ ཏཔྤཊིསཾཡུཏྟཱ པཱིཏི ཏཔྤཊིསཾཡུཏྟཾ སོམནསྶཾ ཏཔྤཊིསཾཡུཏྟཾ པཱིཏིསོམནསྶནྟི? ཨཱམནྟཱ ¶ . ཧཉྩི ཨཏྠི ཏཔྤཊིསཾཡུཏྟཾ པཱིཏིསོམནསྶཾ, ནོ ཙ ཝཏ རེ ཝཏྟབྦེ – ‘‘པཉྩེཝཱཡཏནཱ ཀཱམཱ’’ཏི.

༥༡༤. ན ¶ ཝཏྟབྦཾ – ‘‘པཉྩེཝཱཡཏནཱ ཀཱམཱ’’ཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘པཉྩིམེ, བྷིཀྑཝེ, ཀཱམགུཎཱ! ཀཏམེ པཉྩ? ཙཀྑུཝིཉྙེཡྻཱ རཱུཔཱ…པེ… ཀཱཡཝིཉྙེཡྻཱ ཕོཊྛབྦཱ ཨིཊྛཱ ཀནྟཱ མནཱཔཱ པིཡརཱུཔཱ ཀཱམཱུཔསཾཧིཏཱ རཛནཱིཡཱ – ཨིམེ ཁོ, བྷིཀྑཝེ, པཉྩ ཀཱམགུཎཱ’’ཏི. ཨཏྠེཝ སུཏྟནྟོཏི? ཨཱམནྟཱ. ཏེན ཧི པཉྩེཝཱཡཏནཱ ཀཱམཱཏི.

པཉྩེཝཱཡཏནཱ ཀཱམཱཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘པཉྩིམེ, བྷིཀྑཝེ, ཀཱམགུཎཱ! ཀཏམེ པཉྩ? ཙཀྑུཝིཉྙེཡྻཱ རཱུཔཱ…པེ… ཀཱཡཝིཉྙེཡྻཱ ཕོཊྛབྦཱ ཨིཊྛཱ ཀནྟཱ མནཱཔཱ པིཡརཱུཔཱ ཀཱམཱུཔསཾཧིཏཱ རཛནཱིཡཱ – ཨིམེ ཁོ, བྷིཀྑཝེ, པཉྩ ཀཱམགུཎཱ ¶ . ཨཔི ཙ, བྷིཀྑཝེ, ནེཏེ ཀཱམཱ ཀཱམགུཎཱ ནཱམེཏེ ཨརིཡསྶ ཝིནཡེ ཝུཙྩ’’ནྟི –

‘‘སངྐཔྤརཱགོ པུརིསསྶ ཀཱམོ,

ན ཏེ ཀཱམཱ ཡཱནི ཙིཏྲཱནི ལོཀེ;

སངྐཔྤརཱགོ པུརིསསྶ ཀཱམོ,

ཏིཊྛནྟི ཙིཏྲཱནི ཏཐེཝ ལོཀེ;

ཨཐེཏྠ དྷཱིརཱ ཝིནཡནྟི ཚནྡ’’ནྟི [ཨ. ནི. ༦.༦༣ ནིབྦེདྷིཀསུཏྟེ].

ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘པཉྩེཝཱཡཏནཱ ཀཱམཱ’’ཏི.

ཀཱམཀཐཱ ནིཊྛིཏཱ.

༨. ཨཊྛམཝགྒོ

(༧༧) ༥. རཱུཔདྷཱཏུཀཐཱ

༥༡༥. རཱུཔིནོ ¶ དྷམྨཱ རཱུཔདྷཱཏཱུཏི? ཨཱམནྟཱ. རཱུཔཾ ¶ བྷཝོ གཏི སཏྟཱཝཱསོ སཾསཱརོ ཡོནི ཝིཉྙཱཎཊྛིཏི ཨཏྟབྷཱཝཔཊིལཱབྷོཏི? ན ཧེཝཾ ¶ ཝཏྟབྦེ…པེ… ཨཏྠི རཱུཔཱུཔགཾ ཀམྨནྟི? ན ཧེཝཾ ཝཏྟབྦེ…པེ… ཨཏྠི རཱུཔཱུཔགཱ སཏྟཱཏི? ན ཧེཝཾ ཝཏྟབྦེ…པེ… རཱུཔེ སཏྟཱ ཛཱཡནྟི ཛཱིཡནྟི མཱིཡནྟི ཙཝནྟི ཨུཔཔཛྫནྟཱིཏི? ན ཧེཝཾ ཝཏྟབྦེ…པེ… རཱུཔེ ཨཏྠི རཱུཔཾ ཝེདནཱ སཉྙཱ སངྑཱརཱ ¶ ཝིཉྙཱཎནྟི? ན ཧེཝཾ ཝཏྟབྦེ…པེ… རཱུཔཾ པཉྩཝོཀཱརབྷཝོཏི? ན ཧེཝཾ ཝཏྟབྦེ…པེ….

རཱུཔདྷཱཏུ བྷཝོ གཏི…པེ… ཨཏྟབྷཱཝཔཊིལཱབྷོཏི? ཨཱམནྟཱ. རཱུཔཾ བྷཝོ གཏི…པེ… ཨཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ… ཨཏྠི རཱུཔདྷཱཏཱུཔགཾ ཀམྨནྟི? ཨཱམནྟཱ. ཨཏྠི རཱུཔཱུཔགཾ ཀམྨནྟི? ན ཧེཝཾ ཝཏྟབྦེ…པེ… ཨཏྠི རཱུཔདྷཱཏཱུཔགཱ སཏྟཱཏི? ཨཱམནྟཱ. ཨཏྠི རཱུཔཱུཔགཱ སཏྟཱཏི? ན ཧེཝཾ ཝཏྟབྦེ…པེ….

རཱུཔདྷཱཏུཡཱ སཏྟཱ ཛཱཡནྟི ཛཱིཡནྟི མཱིཡནྟི ཙཝནྟི ཨུཔཔཛྫནྟཱིཏི? ཨཱམནྟཱ. རཱུཔེ སཏྟཱ ཛཱཡནྟི ཛཱིཡནྟི མཱིཡནྟི ཙཝནྟི ཨུཔཔཛྫནྟཱིཏི? ན ཧེཝཾ ཝཏྟབྦེ…པེ… རཱུཔདྷཱཏུཡཱ ཨཏྠི རཱུཔཾ ཝེདནཱ སཉྙཱ སངྑཱརཱ ཝིཉྙཱཎནྟི? ཨཱམནྟཱ. རཱུཔེ ཨཏྠི རཱུཔཾ ཝེདནཱ སཉྙཱ སངྑཱརཱ ཝིཉྙཱཎནྟི? ན ཧེཝཾ ཝཏྟབྦེ…པེ… རཱུཔདྷཱཏུ ¶ པཉྩཝོཀཱརབྷཝོཏི? ཨཱམནྟཱ. རཱུཔཾ པཉྩཝོཀཱརབྷཝོཏི? ན ཧེཝཾ ཝཏྟབྦེ…པེ….

༥༡༦. རཱུཔིནོ དྷམྨཱ རཱུཔདྷཱཏུ, ཀཱམདྷཱཏུཡཱ ཨཏྠི རཱུཔནྟི? ཨཱམནྟཱ. སཱཝ ཀཱམདྷཱཏུ, སཱ རཱུཔདྷཱཏཱུཏི? ན ཧེཝཾ ཝཏྟབྦེ…པེ… སཱཝ ཀཱམདྷཱཏུ, སཱ རཱུཔདྷཱཏཱུཏི? ཨཱམནྟཱ. ཀཱམབྷཝེན སམནྣཱགཏོ པུགྒལོ དྭཱིཧི བྷཝེཧི སམནྣཱགཏོ ཧོཏི – ཀཱམབྷཝེན ཙ རཱུཔབྷཝེན ཙཱཏི? ན ཧེཝཾ ཝཏྟབྦེ.

རཱུཔདྷཱཏུཀཐཱ ནིཊྛིཏཱ.

༨. ཨཊྛམཝགྒོ

(༧༨) ༦. ཨརཱུཔདྷཱཏུཀཐཱ

༥༡༧. ཨརཱུཔིནོ ¶ ¶ དྷམྨཱ ཨརཱུཔདྷཱཏཱུཏི? ཨཱམནྟཱ. ཝེདནཱ བྷཝོ གཏི སཏྟཱཝཱསོ སཾསཱརོ ཡོནི ཝིཉྙཱཎཊྛིཏི ཨཏྟབྷཱཝཔཊིལཱབྷོཏི? ན ¶ ཧེཝཾ ཝཏྟབྦེ…པེ… ཨཏྠི ཝེདནཱུཔགཾ ཀམྨནྟི? ན ཧེཝཾ ཝཏྟབྦེ…པེ… ཨཏྠི ཝེདནཱུཔགཱ སཏྟཱཏི? ན ཧེཝཾ ཝཏྟབྦེ…པེ… ཝེདནཱཡ སཏྟཱ ཛཱཡནྟི ཛཱིཡནྟི མཱིཡནྟི ཙཝནྟི ཨུཔཔཛྫནྟཱིཏི? ན ཧེཝཾ ཝཏྟབྦེ…པེ… ཝེདནཱཡ ཨཏྠི ཝེདནཱ སཉྙཱ སངྑཱརཱ ཝིཉྙཱཎནྟི? ན ཧེཝཾ ཝཏྟབྦེ…པེ… ཝེདནཱ ཙཏུཝོཀཱརབྷཝོཏི? ན ཧེཝཾ ཝཏྟབྦེ…པེ….

ཨརཱུཔདྷཱཏུ བྷཝོ གཏི…པེ… ཨཏྟབྷཱཝཔཊིལཱབྷོཏི? ཨཱམནྟཱ. ཝེདནཱ ¶ བྷཝོ གཏི…པེ… ཨཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ… ཨཏྠི ཨརཱུཔདྷཱཏཱུཔགཾ ཀམྨནྟི? ཨཱམནྟཱ. ཨཏྠི ཝེདནཱུཔགཾ ཀམྨནྟི? ན ཧེཝཾ ཝཏྟབྦེ…པེ… ཨཏྠི ཨརཱུཔདྷཱཏཱུཔགཱ སཏྟཱཏི? ཨཱམནྟཱ. ཨཏྠི ཝེདནཱུཔགཱ སཏྟཱཏི? ན ཧེཝཾ ཝཏྟབྦེ…པེ….

ཨརཱུཔདྷཱཏུཡཱ སཏྟཱ ཛཱཡནྟི ཛཱིཡནྟི མཱིཡནྟི ཙཝནྟི ཨུཔཔཛྫནྟཱིཏི? ཨཱམནྟཱ. ཝེདནཱཡ སཏྟཱ ཛཱཡནྟི ཛཱིཡནྟི མཱིཡནྟི ཙཝནྟི ཨུཔཔཛྫནྟཱིཏི? ན ཧེཝཾ ཝཏྟབྦེ…པེ… ཨརཱུཔདྷཱཏུཡཱ ཨཏྠི ཝེདནཱ སཉྙཱ སངྑཱརཱ ཝིཉྙཱཎནྟི? ཨཱམནྟཱ. ཝེདནཱཡ ཨཏྠི ཝེདནཱ སཉྙཱ སངྑཱརཱ ཝིཉྙཱཎནྟི? ན ¶ ཧེཝཾ ཝཏྟབྦེ…པེ… ཨརཱུཔདྷཱཏུ ཙཏུཝོཀཱརབྷཝོཏི? ཨཱམནྟཱ. ཝེདནཱ ཙཏུཝོཀཱརབྷཝོཏི? ན ཧེཝཾ ཝཏྟབྦེ…པེ….

༥༡༨. ཨརཱུཔིནོ དྷམྨཱ ཨརཱུཔདྷཱཏུ, ཀཱམདྷཱཏུཡཱ ཨཏྠི ཝེདནཱ སཉྙཱ སངྑཱརཱ ཝིཉྙཱཎནྟི? ཨཱམནྟཱ. སཱཝ ཀཱམདྷཱཏུ, སཱ ཨརཱུཔདྷཱཏཱུཏི? ན ཧེཝཾ ཝཏྟབྦེ…པེ… སཱཝ ཀཱམདྷཱཏུ, སཱ ཨརཱུཔདྷཱཏཱུཏི? ཨཱམནྟཱ. ཀཱམབྷཝེན སམནྣཱགཏོ པུགྒལོ དྭཱིཧི བྷཝེཧི སམནྣཱགཏོ ཧོཏི – ཀཱམབྷཝེན ཙ ཨརཱུཔབྷཝེན ཙཱཏི? ན ཧེཝཾ ཝཏྟབྦེ…པེ….

རཱུཔིནོ དྷམྨཱ རཱུཔདྷཱཏུ, ཨརཱུཔིནོ དྷམྨཱ ཨརཱུཔདྷཱཏུ, ཀཱམདྷཱཏུཡཱ ཨཏྠི རཱུཔཾ ཝེདནཱ སཉྙཱ ¶ སངྑཱརཱ ཝིཉྙཱཎནྟི? ཨཱམནྟཱ ¶ . སཱཝ ཀཱམདྷཱཏུ, སཱ རཱུཔདྷཱཏུ, སཱ ཨརཱུཔདྷཱཏཱུཏི? ན ཧེཝཾ ཝཏྟབྦེ…པེ… སཱཝ ཀཱམདྷཱཏུ, སཱ རཱུཔདྷཱཏུ, སཱ ཨརཱུཔདྷཱཏཱུཏི? ཨཱམནྟཱ. ཀཱམབྷཝེན སམནྣཱགཏོ པུགྒལོ ཏཱིཧི བྷཝེཧི སམནྣཱགཏོ ཧོཏི – ཀཱམབྷཝེན ཙ རཱུཔབྷཝེན ཙ ཨརཱུཔབྷཝེན ཙཱཏི? ན ཧེཝཾ ཝཏྟབྦེ…པེ….

ཨརཱུཔདྷཱཏུཀཐཱ ནིཊྛིཏཱ.

༨. ཨཊྛམཝགྒོ

(༧༩) ༧. རཱུཔདྷཱཏུཡཱཨཱཡཏནཀཐཱ

༥༡༩. ཨཏྠི ¶ སལཱ༹ཡཏནིཀོ ཨཏྟབྷཱཝོ རཱུཔདྷཱཏུཡཱཏི? ཨཱམནྟཱ. ཨཏྠི ཏཏྠ གྷཱནཱཡཏནནྟི? ཨཱམནྟཱ. ཨཏྠི ཏཏྠ གནྡྷཱཡཏནནྟི? ན ཧེཝཾ ཝཏྟབྦེ…པེ… ཨཏྠི ཏཏྠ ཛིཝ྄ཧཱཡཏནནྟི? ཨཱམནྟཱ ¶ . ཨཏྠི ཏཏྠ རསཱཡཏནནྟི? ན ཧེཝཾ ཝཏྟབྦེ…པེ… ཨཏྠི ཏཏྠ ཀཱཡཱཡཏནནྟི? ཨཱམནྟཱ. ཨཏྠི ཏཏྠ ཕོཊྛབྦཱཡཏནནྟི? ན ཧེཝཾ ཝཏྟབྦེ…པེ….

ནཏྠི ཏཏྠ གནྡྷཱཡཏནནྟི? ཨཱམནྟཱ. ནཏྠི ཏཏྠ གྷཱནཱཡཏནནྟི? ན ཧེཝཾ ཝཏྟབྦེ…པེ… ནཏྠི ཏཏྠ རསཱཡཏནནྟི? ཨཱམནྟཱ. ནཏྠི ཏཏྠ ཛིཝ྄ཧཱཡཏནནྟི? ན ཧེཝཾ ཝཏྟབྦེ…པེ… ནཏྠི ཏཏྠ ཕོཊྛབྦཱཡཏནནྟི? ཨཱམནྟཱ ¶ . ནཏྠི ཏཏྠ ཀཱཡཱཡཏནནྟི? ན ཧེཝཾ ཝཏྟབྦེ…པེ….

༥༢༠. ཨཏྠི ཏཏྠ ཙཀྑཱཡཏནཾ, ཨཏྠི རཱུཔཱཡཏནནྟི? ཨཱམནྟཱ. ཨཏྠི ཏཏྠ གྷཱནཱཡཏནཾ, ཨཏྠི གནྡྷཱཡཏནནྟི? ན ཧེཝཾ ཝཏྟབྦེ…པེ… ཨཏྠི ཏཏྠ ཙཀྑཱཡཏནཾ, ཨཏྠི རཱུཔཱཡཏནནྟི? ཨཱམནྟཱ. ཨཏྠི ཏཏྠ ཛིཝ྄ཧཱཡཏནཾ, ཨཏྠི རསཱཡཏནཾ…པེ… ཨཏྠི ཏཏྠ ཀཱཡཱཡཏནཾ, ཨཏྠི ཕོཊྛབྦཱཡཏནནྟི? ན ཧེཝཾ ཝཏྟབྦེ…པེ… ཨཏྠི ཏཏྠ སོཏཱཡཏནཾ, ཨཏྠི སདྡཱཡཏནཾ…པེ… ཨཏྠི ཏཏྠ མནཱཡཏནཾ, ཨཏྠི དྷམྨཱཡཏནནྟི? ཨཱམནྟཱ. ཨཏྠི ཏཏྠ གྷཱནཱཡཏནཾ, ཨཏྠི གནྡྷཱཡཏནནྟི? ན ཧེཝཾ ཝཏྟབྦེ…པེ… ཨཏྠི ཏཏྠ མནཱཡཏནཾ, ཨཏྠི དྷམྨཱཡཏནནྟི? ཨཱམནྟཱ. ཨཏྠི ཏཏྠ ཛིཝ྄ཧཱཡཏནཾ, ཨཏྠི རསཱཡཏནནྟི…པེ… ཨཏྠི ཏཏྠ ཀཱཡཱཡཏནཾ, ཨཏྠི ཕོཊྛབྦཱཡཏནནྟི? ན ཧེཝཾ ཝཏྟབྦེ…པེ….

ཨཏྠི ཏཏྠ གྷཱནཱཡཏནཾ, ནཏྠི གནྡྷཱཡཏནནྟི? ཨཱམནྟཱ ¶ . ཨཏྠི ཏཏྠ ཙཀྑཱཡཏནཾ, ནཏྠི རཱུཔཱཡཏནནྟི? ན ཧེཝཾ ཝཏྟབྦེ…པེ… ཨཏྠི ཏཏྠ གྷཱནཱཡཏནཾ, ནཏྠི གནྡྷཱཡཏནནྟི? ཨཱམནྟཱ. ཨཏྠི ཏཏྠ སོཏཱཡཏནཾ, ནཏྠི སདྡཱཡཏནཾ…པེ… ཨཏྠི ཏཏྠ མནཱཡཏནཾ, ནཏྠི དྷམྨཱཡཏནནྟི? ན ཧེཝཾ ཝཏྟབྦེ…པེ… ཨཏྠི ཏཏྠ ཛིཝ྄ཧཱཡཏནཾ, ནཏྠི རསཱཡཏནཾ…པེ… ཨཏྠི ཏཏྠ ཀཱཡཱཡཏནཾ, ནཏྠི ཕོཊྛབྦཱཡཏནནྟི? ཨཱམནྟཱ. ཨཏྠི ཏཏྠ ཙཀྑཱཡཏནཾ, ནཏྠི རཱུཔཱཡཏནནྟི? ན ཧེཝཾ ཝཏྟབྦེ…པེ… ཨཏྠི ¶ ཏཏྠ ཀཱཡཱཡཏནཾ, ནཏྠི ཕོཊྛབྦཱཡཏནནྟི? ཨཱམནྟཱ. ཨཏྠི ཏཏྠ སོཏཱཡཏནཾ, ནཏྠི སདྡཱཡཏནཾ ¶ …པེ… ཨཏྠི ཏཏྠ མནཱཡཏནཾ, ནཏྠི དྷམྨཱཡཏནནྟི? ན ཧེཝཾ ཝཏྟབྦེ…པེ….

༥༢༡. ཨཏྠི ཏཏྠ ཙཀྑཱཡཏནཾ ཨཏྠི རཱུཔཱཡཏནཾ, ཏེན ཙཀྑུནཱ ཏཾ རཱུཔཾ པསྶཏཱིཏི? ཨཱམནྟཱ. ཨཏྠི ཏཏྠ གྷཱནཱཡཏནཾ ཨཏྠི གནྡྷཱཡཏནཾ, ཏེན གྷཱནེན ཏཾ གནྡྷཾ གྷཱཡཏཱིཏི? ན ཧེཝཾ ཝཏྟབྦེ…པེ… ཨཏྠི ཏཏྠ ཙཀྑཱཡཏནཾ ཨཏྠི རཱུཔཱཡཏནཾ, ཏེན ཙཀྑུནཱ ཏཾ རཱུཔཾ པསྶཏཱིཏི? ཨཱམནྟཱ. ཨཏྠི ཏཏྠ ཛིཝ྄ཧཱཡཏནཾ ཨཏྠི རསཱཡཏནཾ, ཏཱཡ ཛིཝ྄ཧཱཡ ཏཾ རསཾ སཱཡཏི…པེ… ཨཏྠི ཏཏྠ ཀཱཡཱཡཏནཾ ཨཏྠི ཕོཊྛབྦཱཡཏནཾ, ཏེན ཀཱཡེན ཏཾ ཕོཊྛབྦཾ ཕུསཏཱིཏི? ན ཧེཝཾ ཝཏྟབྦེ…པེ….

ཨཏྠི ཏཏྠ སོཏཱཡཏནཾ ཨཏྠི སདྡཱཡཏནཾ…པེ… ཨཏྠི ¶ ཏཏྠ མནཱཡཏནཾ ཨཏྠི དྷམྨཱཡཏནཾ, ཏེན མནེན ཏཾ དྷམྨཾ ཝིཛཱནཱཏཱིཏི? ཨཱམནྟཱ. ཨཏྠི ཏཏྠ གྷཱནཱཡཏནཾ ཨཏྠི གནྡྷཱཡཏནཾ, ཏེན གྷཱནེན ཏཾ གནྡྷཾ གྷཱཡཏཱིཏི? ན ཧེཝཾ ཝཏྟབྦེ…པེ… ཨཏྠི ཏཏྠ མནཱཡཏནཾ ཨཏྠི དྷམྨཱཡཏནཾ, ཏེན མནེན ཏཾ དྷམྨཾ ཝིཛཱནཱཏཱིཏི? ཨཱམནྟཱ. ཨཏྠི ཏཏྠ ཛིཝ྄ཧཱཡཏནཾ ཨཏྠི རསཱཡཏནཾ…པེ… ཨཏྠི ཏཏྠ ཀཱཡཱཡཏནཾ ཨཏྠི ཕོཊྛབྦཱཡཏནཾ, ཏེན ཀཱཡེན ཏཾ ཕོཊྛབྦཾ ཕུསཏཱིཏི? ན ཧེཝཾ ཝཏྟབྦེ…པེ….

ཨཏྠི ¶ ཏཏྠ གྷཱནཱཡཏནཾ ཨཏྠི གནྡྷཱཡཏནཾ, ན ཙ ཏེན གྷཱནེན ཏཾ གནྡྷཾ གྷཱཡཏཱིཏི? ཨཱམནྟཱ. ཨཏྠི ཏཏྠ ཙཀྑཱཡཏནཾ ཨཏྠི རཱུཔཱཡཏནཾ, ན ཙ ཏེན ཙཀྑུནཱ ཏཾ རཱུཔཾ པསྶཏཱིཏི? ན ¶ ཧེཝཾ ཝཏྟབྦེ…པེ… ཨཏྠི ཏཏྠ གྷཱནཱཡཏནཾ ཨཏྠི གནྡྷཱཡཏནཾ, ན ཙ ཏེན གྷཱནེན ཏཾ གནྡྷཾ གྷཱཡཏཱིཏི? ཨཱམནྟཱ. ཨཏྠི ཏཏྠ སོཏཱཡཏནཾ ཨཏྠི སདྡཱཡཏནཾ…པེ… ཨཏྠི ཏཏྠ མནཱཡཏནཾ ཨཏྠི དྷམྨཱཡཏནཾ, ན ཙ ཏེན མནེན ཏཾ དྷམྨཾ ཝིཛཱནཱཏཱིཏི? ན ཧེཝཾ ཝཏྟབྦེ…པེ….

ཨཏྠི ཏཏྠ ཛིཝ྄ཧཱཡཏནཾ ཨཏྠི རསཱཡཏནཾ…པེ… ཨཏྠི ཏཏྠ ཀཱཡཱཡཏནཾ ཨཏྠི ཕོཊྛབྦཱཡཏནཾ, ན ཙ ཏེན ཀཱཡེན ཏཾ ཕོཊྛབྦཾ ཕུསཏཱིཏི? ཨཱམནྟཱ. ཨཏྠི ¶ ཏཏྠ སོཏཱཡཏནཾ ཨཏྠི སདྡཱཡཏནཾ…པེ… ཨཏྠི ཏཏྠ མནཱཡཏནཾ ཨཏྠི དྷམྨཱཡཏནཾ, ན ཙ ཏེན མནེན ཏཾ དྷམྨཾ ཝིཛཱནཱཏཱིཏི? ན ཧེཝཾ ཝཏྟབྦེ…པེ….

༥༢༢. ཨཏྠི ¶ ཏཏྠ གྷཱནཱཡཏནཾ ཨཏྠི གནྡྷཱཡཏནཾ, ཏེན གྷཱནེན ཏཾ གནྡྷཾ གྷཱཡཏཱིཏི? ཨཱམནྟཱ. ཨཏྠི ཏཏྠ མཱུལགནྡྷོ སཱརགནྡྷོ ཏཙགནྡྷོ པཏྟགནྡྷོ པུཔྥགནྡྷོ ཕལགནྡྷོ ཨཱམགནྡྷོ ཝིསྶགནྡྷོ སུགནྡྷོ དུགྒནྡྷོཏི? ན ཧེཝཾ ཝཏྟབྦེ…པེ….

ཨཏྠི ཏཏྠ ཛིཝ྄ཧཱཡཏནཾ ཨཏྠི རསཱཡཏནཾ, ཏཱཡ ཛིཝ྄ཧཱཡ ཏཾ རསཾ སཱཡཏཱིཏི? ཨཱམནྟཱ. ཨཏྠི ཏཏྠ མཱུལརསོ ཁནྡྷརསོ ཏཙརསོ པཏྟརསོ པུཔྥརསོ ཕལརསོ ཨམྦིལཾ མདྷུརཾ ཏིཏྟཀཾ ཀཊུཀཾ ལོཎིཡཾ ཁཱརིཡཾ ལམྦིལཾ ཀསཱཝོ སཱདུ ཨསཱདཱུཏི? ན ¶ ཧེཝཾ ཝཏྟབྦེ…པེ….

ཨཏྠི ཏཏྠ ཀཱཡཱཡཏནཾ ཨཏྠི ཕོཊྛབྦཱཡཏནཾ, ཏེན ཀཱཡེན ཏཾ ཕོཊྛབྦཾ ཕུསཏཱིཏི? ཨཱམནྟཱ. ཨཏྠི ཏཏྠ ཀཀྑལ༹ཾ མུདུཀཾ སཎྷཾ ཕརུསཾ སུཁསམྥསྶཾ དུཀྑསམྥསྶཾ གརུཀཾ ལཧུཀནྟི? ན ཧེཝཾ ཝཏྟབྦེ…པེ….

༥༢༣. ན ཝཏྟབྦཾ – ‘‘སལཱ༹ཡཏནིཀོ ཨཏྟབྷཱཝོ རཱུཔདྷཱཏུཡཱ’’ཏི? ཨཱམནྟཱ. ནནུ ཨཏྠི ཏཏྠ གྷཱནནིམིཏྟཾ ཛིཝ྄ཧཱནིམིཏྟཾ ཀཱཡནིམིཏྟནྟི? ཨཱམནྟཱ. ཧཉྩི ཨཏྠི ཏཏྠ གྷཱནནིམིཏྟཾ ¶ ཛིཝ྄ཧཱནིམིཏྟཾ ཀཱཡནིམིཏྟཾ, ཏེན ¶ ཝཏ རེ ཝཏྟབྦེ – ‘‘སལཱ༹ཡཏནིཀོ ཨཏྟབྷཱཝོ རཱུཔདྷཱཏུཡཱ’’ཏི.

རཱུཔདྷཱཏུཡཱ ཨཱཡཏནཀཐཱ ནིཊྛིཏཱ.

༨. ཨཊྛམཝགྒོ

(༨༠) ༨. ཨརཱུཔེ རཱུཔཀཐཱ

༥༢༤. ཨཏྠི རཱུཔཾ ཨརཱུཔེསཱུཏི? ཨཱམནྟཱ. རཱུཔབྷཝོ རཱུཔགཏི རཱུཔསཏྟཱཝཱསོ རཱུཔསཾསཱརོ རཱུཔཡོནི རཱུཔཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ… ནནུ ཨརཱུཔབྷཝོ ཨརཱུཔགཏི ཨརཱུཔསཏྟཱཝཱསོ ཨརཱུཔསཾསཱརོ ཨརཱུཔཡོནི ཨརཱུཔཏྟབྷཱཝཔཊིལཱབྷོཏི? ཨཱམནྟཱ. ཧཉྩི ཨརཱུཔབྷཝོ…པེ… ཨརཱུཔཏྟབྷཱཝཔཊིལཱབྷོ, ནོ ཙ ཝཏ རེ ཝཏྟབྦེ – ‘‘ཨཏྠི རཱུཔཾ ཨརཱུཔེསཱུ’’ཏི.

ཨཏྠི རཱུཔཾ ཨརཱུཔེསཱུཏི? ཨཱམནྟཱ. པཉྩཝོཀཱརབྷཝོ གཏི སཏྟཱཝཱསོ སཾསཱརོ ཡོནི ཝིཉྙཱཎཊྛིཏི ཨཏྟབྷཱཝཔཊིལཱབྷོཏི? ན ¶ ཧེཝཾ ¶ ཝཏྟབྦེ…པེ… ནནུ ཙཏུཝོཀཱརབྷཝོ…པེ… ཨཏྟབྷཱཝཔཊིལཱབྷོཏི? ཨཱམནྟཱ. ཧཉྩི ཙཏུཝོཀཱརབྷཝོ གཏི…པེ… ཨཏྟབྷཱཝཔཊིལཱབྷོ, ནོ ཙ ཝཏ རེ ཝཏྟབྦེ – ‘‘ཨཏྠི རཱུཔཾ ཨརཱུཔེསཱུ’’ཏི.

༥༢༥. ཨཏྠི རཱུཔཾ རཱུཔདྷཱཏུཡཱ, སོ ཙ རཱུཔབྷཝོ རཱུཔགཏི རཱུཔསཏྟཱཝཱསོ རཱུཔསཾསཱརོ རཱུཔཡོནི རཱུཔཏྟབྷཱཝཔཊིལཱབྷོཏི? ཨཱམནྟཱ. ཨཏྠི རཱུཔཾ ཨརཱུཔེསུ, སོ ཙ རཱུཔབྷཝོ རཱུཔགཏི…པེ… རཱུཔཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ… ཨཏྠི རཱུཔཾ རཱུཔདྷཱཏུཡཱ, སོ ཙ པཉྩཝོཀཱརབྷཝོ གཏི…པེ… ཨཏྟབྷཱཝཔཊིལཱབྷོཏི? ཨཱམནྟཱ ¶ . ཨཏྠི རཱུཔཾ ཨརཱུཔེསུ, སོ ཙ པཉྩཝོཀཱརབྷཝོ གཏི…པེ… ཨཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ…. ཨཏྠི རཱུཔཾ ཨརཱུཔེསུ, སོ ཙ ¶ ཨརཱུཔབྷཝོ ཨརཱུཔགཏི ཨརཱུཔསཏྟཱཝཱསོ ཨརཱུཔསཾསཱརོ ཨརཱུཔཡོནི ཨརཱུཔཏྟབྷཱཝཔཊིལཱབྷོཏི? ཨཱམནྟཱ. ཨཏྠི རཱུཔཾ རཱུཔདྷཱཏུཡཱ [ཨརཱུཔདྷཱཏུཡཱ (སབྦཏྠ)], སོ ཙ ཨརཱུཔབྷཝོ ཨརཱུཔགཏི…པེ… ཨརཱུཔཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ… ཨཏྠི རཱུཔཾ ཨརཱུཔེསུ, སོ ཙ ཙཏུཝོཀཱརབྷཝོ གཏི…པེ… ཨཏྟབྷཱཝཔཊིལཱབྷོཏི? ཨཱམནྟཱ. ཨཏྠི རཱུཔཾ རཱུཔདྷཱཏུཡཱ [ཨརཱུཔདྷཱཏུཡཱ (སབྦཏྠ)], སོ ཙ ཙཏུཝོཀཱརབྷཝོ གཏི…པེ… ཨཏྟབྷཱཝཔཊིལཱབྷོཏི? ན ཧེཝཾ ཝཏྟབྦེ…པེ….

༥༢༦. ཨཏྠི རཱུཔཾ ཨརཱུཔེསཱུཏི? ཨཱམནྟཱ. ནནུ རཱུཔཱནཾ ནིསྶརཎཾ ཨརཱུཔཾ [ཨིཏིཝུ. ༧༢; ཨ. ནི. ༥.༢༠༠; དཱི. ནི. ༣.༣༢༡] ཝུཏྟཾ བྷགཝཏཱཏི? ཨཱམནྟཱ. ཧཉྩི རཱུཔཱནཾ ནིསྶརཎཾ ཨརཱུཔཾ [ཨིཏིཝུ. ༧༢; ཨ. ནི. ༥.༢༠༠; དཱི. ནི. ༣.༣༢༡] ཝུཏྟཾ བྷགཝཏཱ, ནོ ཙ ཝཏ རེ ཝཏྟབྦེ – ‘‘ཨཏྠི རཱུཔཾ ཨརཱུཔེསཱུ’’ཏི.

རཱུཔཱནཾ ནིསྶརཎཾ ཨརཱུཔཾ ཝུཏྟཾ བྷགཝཏཱ, ཨཏྠི རཱུཔཾ ཨརཱུཔེསཱུཏི? ཨཱམནྟཱ ¶ . ཀཱམཱནཾ ནིསྶརཎཾ ནེཀྑམྨཾ ཝུཏྟཾ བྷགཝཏཱ, ཨཏྠི ནེཀྑམྨེསུ ཀཱམཱ, ཨཏྠི ཨནཱསཝེསུ ཨཱསཝཱ, ཨཏྠི ཨཔརིཡཱཔནྣེསུ པརིཡཱཔནྣཱཏི? ན ཧེཝཾ ཝཏྟབྦེ…པེ….

ཨརཱུཔེ རཱུཔཀཐཱ ནིཊྛིཏཱ.

༨. ཨཊྛམཝགྒོ

(༨༡) ༩. རཱུཔཾ ཀམྨནྟིཀཐཱ

༥༢༧. ཀུསལེན ¶ ¶ ཙིཏྟེན སམུཊྛིཏཾ ཀཱཡཀམྨཾ རཱུཔཾ ཀུསལནྟི? ཨཱམནྟཱ. སཱརམྨཎཾ, ཨཏྠི ཏསྶ ཨཱཝཊྚནཱ ཨཱབྷོགོ སམནྣཱཧཱརོ མནསིཀཱརོ ཙེཏནཱ པཏྠནཱ པཎིདྷཱིཏི? ན ཧེཝཾ ཝཏྟབྦེ…པེ… ནནུ ཨནཱརམྨཎཾ, ནཏྠི ཏསྶ ཨཱཝཊྚནཱ ཨཱབྷོགོ སམནྣཱཧཱརོ མནསིཀཱརོ ཙེཏནཱ པཏྠནཱ པཎིདྷཱིཏི? ཨཱམནྟཱ. ཧཉྩི ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷཱིཏི, ནོ ཙ ཝཏ རེ ཝཏྟབྦེ – ‘‘ཀུསལེན ཙིཏྟེན སམུཊྛིཏཾ ཀཱཡཀམྨཾ རཱུཔཾ ཀུསལ’’ནྟི.

ཀུསལེན ¶ ཙིཏྟེན སམུཊྛིཏོ ཕསྶོ ཀུསལོ སཱརམྨཎོ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཀུསལེན ཙིཏྟེན སམུཊྛིཏཾ ཀཱཡཀམྨཾ རཱུཔཾ ཀུསལཾ སཱརམྨཎཾ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ… ཀུསལེན ཙིཏྟེན སམུཊྛིཏཱ ཝེདནཱ…པེ… སཉྙཱ… ཙེཏནཱ… སདྡྷཱ… ཝཱིརིཡཾ… སཏི… སམཱདྷི…པེ… པཉྙཱ ཀུསལཱ སཱརམྨཎཱ, ཨཏྠི ཏཱཡ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཀུསལེན ¶ ཙིཏྟེན སམུཊྛིཏཾ ཀཱཡཀམྨཾ རཱུཔཾ ཀུསལཾ སཱརམྨཎཾ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ….

ཀུསལེན ཙིཏྟེན སམུཊྛིཏཾ ཀཱཡཀམྨཾ རཱུཔཾ ཀུསལཾ ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཀུསལེན ¶ ཙིཏྟེན སམུཊྛིཏོ ཕསྶོ ཀུསལོ ཨནཱརམྨཎོ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ… ཀུསལེན ཙིཏྟེན སམུཊྛིཏཾ ཀཱཡཀམྨཾ རཱུཔཾ ཀུསལཾ ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཀུསལེན ཙིཏྟེན སམུཊྛིཏཱ ཝེདནཱ…པེ… སཉྙཱ… ཙེཏནཱ… སདྡྷཱ… ཝཱིརིཡཾ… སཏི… སམཱདྷི…པེ… པཉྙཱ ཀུསལཱ ཨནཱརམྨཎཱ, ནཏྠི ཏཱཡ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ….

༥༢༨. ཀུསལེན ཙིཏྟེན སམུཊྛིཏཾ ཀཱཡཀམྨཾ རཱུཔཾ ཀུསལནྟི? ཨཱམནྟཱ. ཡཾ ཀིཉྩི ཀུསལེན ཙིཏྟེན སམུཊྛིཏཾ རཱུཔཾ སབྦཾ ཏཾ ཀུསལནྟི? ན ཧེཝཾ ཝཏྟབྦེ…པེ….

ཀུསལེན ¶ ཙིཏྟེན སམུཊྛིཏཾ ཀཱཡཀམྨཾ རཱུཔཾ ཀུསལནྟི? ཨཱམནྟཱ. ཀུསལེན ཙིཏྟེན སམུཊྛིཏཾ རཱུཔཱཡཏནཾ ཀུསལནྟི? ན ཧེཝཾ ཝཏྟབྦེ…པེ… ཀུསལེན ཙིཏྟེན སམུཊྛིཏཾ ཀཱཡཀམྨཾ རཱུཔཾ ཀུསལནྟི? ཨཱམནྟཱ. ཀུསལེན ཙིཏྟེན སམུཊྛིཏཾ སདྡཱཡཏནཾ…པེ… གནྡྷཱཡཏནཾ… རསཱཡཏནཾ… ཕོཊྛབྦཱཡཏནཾ…པེ… པཐཝཱིདྷཱཏུ ¶ … ཨཱཔོདྷཱཏུ… ཏེཛོདྷཱཏུ…པེ… ཝཱཡོདྷཱཏུ ཀུསལཱཏི? ན ཧེཝཾ ཝཏྟབྦེ…པེ….

ཀུསལེན ཙིཏྟེན སམུཊྛིཏཾ རཱུཔཱཡཏནཾ ཨབྱཱཀཏནྟི? ཨཱམནྟཱ. ཀུསལེན ཙིཏྟེན སམུཊྛིཏཾ ཀཱཡཀམྨཾ རཱུཔཾ ཨབྱཱཀཏནྟི? ན ཧེཝཾ ཝཏྟབྦེ…པེ… ཀུསལེན ཙིཏྟེན སམུཊྛིཏཾ སདྡཱཡཏནཾ…པེ… གནྡྷཱཡཏནཾ… རསཱཡཏནཾ… ཕོཊྛབྦཱཡཏནཾ…པེ… པཐཝཱིདྷཱཏུ… ཨཱཔོདྷཱཏུ ¶ … ཏེཛོདྷཱཏུ ¶ …པེ… ཝཱཡོདྷཱཏུ ཨབྱཱཀཏཱཏི? ཨཱམནྟཱ. ཀུསལེན ཙིཏྟེན སམུཊྛིཏཾ ཀཱཡཀམྨཾ རཱུཔཾ ཨབྱཱཀཏནྟི? ན ཧེཝཾ ཝཏྟབྦེ…པེ….

༥༢༩. ཀུསལེན ཙིཏྟེན སམུཊྛིཏཾ ཀཱཡཀམྨཾ རཱུཔཾ ཨནཱརམྨཎཾ ཀུསལནྟི? ཨཱམནྟཱ. ཀུསལེན ཙིཏྟེན སམུཊྛིཏཾ རཱུཔཱཡཏནཾ ཨནཱརམྨཎཾ ཀུསལནྟི? ན ཧེཝཾ ཝཏྟབྦེ…པེ… ཀུསལེན ཙིཏྟེན སམུཊྛིཏཾ ཀཱཡཀམྨཾ རཱུཔཾ ཨནཱརམྨཎཾ ཀུསལནྟི? ཨཱམནྟཱ. ཀུསལེན ཙིཏྟེན སམུཊྛིཏཾ སདྡཱཡཏནཾ…པེ… གནྡྷཱཡཏནཾ… རསཱཡཏནཾ… ཕོཊྛབྦཱཡཏནཾ…པེ… པཐཝཱིདྷཱཏུ… ཨཱཔོདྷཱཏུ… ཏེཛོདྷཱཏུ…པེ… ཝཱཡོདྷཱཏུ ཨནཱརམྨཎཱ ཀུསལཱཏི? ན ཧེཝཾ ཝཏྟབྦེ…པེ….

ཀུསལེན ཙིཏྟེན སམུཊྛིཏཾ རཱུཔཱཡཏནཾ ཨནཱརམྨཎཾ ཨབྱཱཀཏནྟི? ཨཱམནྟཱ. ཀུསལེན ཙིཏྟེན སམུཊྛིཏཾ ཀཱཡཀམྨཾ རཱུཔཾ ཨནཱརམྨཎཾ ཨབྱཱཀཏནྟི? ན ཧེཝཾ ཝཏྟབྦེ…པེ… ཀུསལེན ཙིཏྟེན སམུཊྛིཏཾ སདྡཱཡཏནཾ…པེ… གནྡྷཱཡཏནཾ ¶ … རསཱཡཏནཾ… ཕོཊྛབྦཱཡཏནཾ…པེ… པཐཝཱིདྷཱཏུ… ཨཱཔོདྷཱཏུ… ཏེཛོདྷཱཏུ…པེ… ཝཱཡོདྷཱཏུ ཨནཱརམྨཎཱ ཨབྱཱཀཏཱཏི? ཨཱམནྟཱ. ཀུསལེན ཙིཏྟེན སམུཊྛིཏཾ ཀཱཡཀམྨཾ རཱུཔཾ ཨནཱརམྨཎཾ ཨབྱཱཀཏནྟི? ན ཧེཝཾ ཝཏྟབྦེ…པེ….

༥༣༠. ཀུསལེན ཙིཏྟེན སམུཊྛིཏཾ ཀཱཡཀམྨཾ རཱུཔཾ ཕསྶཝིཔྤཡུཏྟཾ ཀུསལནྟི? ཨཱམནྟཱ. ཀུསལེན ཙིཏྟེན སམུཊྛིཏཾ རཱུཔཱཡཏནཾ ཕསྶཝིཔྤཡུཏྟཾ ཀུསལནྟི? ན ཧེཝཾ ཝཏྟབྦེ…པེ… ཀུསལེན ཙིཏྟེན སམུཊྛིཏཾ ཀཱཡཀམྨཾ རཱུཔཾ ཕསྶཝིཔྤཡུཏྟཾ ¶ ཀུསལནྟི? ཨཱམནྟཱ. ཀུསལེན ¶ ཙིཏྟེན སམུཊྛིཏཾ སདྡཱཡཏནཾ…པེ… གནྡྷཱཡཏནཾ… རསཱཡཏནཾ… ཕོཊྛབྦཱཡཏནཾ…པེ… པཐཝཱིདྷཱཏུ… ཨཱཔོདྷཱཏུ… ཏེཛོདྷཱཏུ…པེ… ཝཱཡོདྷཱཏུ ཕསྶཝིཔྤཡུཏྟཱ ཀུསལཱཏི? ན ཧེཝཾ ཝཏྟབྦེ…པེ….

ཀུསལེན ཙིཏྟེན སམུཊྛིཏཾ རཱུཔཱཡཏནཾ ཕསྶཝིཔྤཡུཏྟཾ ཨབྱཱཀཏནྟི? ཨཱམནྟཱ. ཀུསལེན ཙིཏྟེན སམུཊྛིཏཾ ཀཱཡཀམྨཾ རཱུཔཾ ཕསྶཝིཔྤཡུཏྟཾ ཨབྱཱཀཏནྟི? ན ཧེཝཾ ཝཏྟབྦེ…པེ… ཀུསལེན ཙིཏྟེན སམུཊྛིཏཾ སདྡཱཡཏནཾ…པེ… གནྡྷཱཡཏནཾ… རསཱཡཏནཾ… ཕོཊྛབྦཱཡཏནཾ…པེ… པཐཝཱིདྷཱཏུ… ཨཱཔོདྷཱཏུ… ཏེཛོདྷཱཏུ…པེ… ཝཱཡོདྷཱཏུ ཕསྶཝིཔྤཡུཏྟཱ ཨབྱཱཀཏཱཏི ¶ ? ཨཱམནྟཱ. ཀུསལེན ཙིཏྟེན སམུཊྛིཏཾ ཀཱཡཀམྨཾ རཱུཔཾ ཕསྶཝིཔྤཡུཏྟཾ ཨབྱཱཀཏནྟི? ན ཧེཝཾ ཝཏྟབྦེ…པེ….

༥༣༡. ཀུསལེན ཙིཏྟེན སམུཊྛིཏཾ ཀཱཡཀམྨཾ རཱུཔཾ ཨནཱརམྨཎཾ ཕསྶཝིཔྤཡུཏྟཾ ཀུསལནྟི? ཨཱམནྟཱ. ཀུསལེན ¶ ཙིཏྟེན སམུཊྛིཏཾ རཱུཔཱཡཏནཾ ཨནཱརམྨཎཾ ཕསྶཝིཔྤཡུཏྟཾ ཀུསལནྟི? ན ཧེཝཾ ཝཏྟབྦེ…པེ… ཀུསལེན ཙིཏྟེན སམུཊྛིཏཾ ཀཱཡཀམྨཾ རཱུཔཾ ཨནཱརམྨཎཾ ཕསྶཝིཔྤཡུཏྟཾ ཀུསལནྟི? ཨཱམནྟཱ. ཀུསལེན ཙིཏྟེན སམུཊྛིཏཾ སདྡཱཡཏནཾ…པེ… གནྡྷཱཡཏནཾ… རསཱཡཏནཾ… ཕོཊྛབྦཱཡཏནཾ…པེ… པཐཝཱིདྷཱཏུ… ཨཱཔོདྷཱཏུ… ཏེཛོདྷཱཏུ…པེ… ཝཱཡོདྷཱཏུ ཨནཱརམྨཎཱ ཕསྶཝིཔྤཡུཏྟཱ ཀུསལཱཏི? ན ཧེཝཾ ཝཏྟབྦེ…པེ….

ཀུསལེན ཙིཏྟེན སམུཊྛིཏཾ རཱུཔཱཡཏནཾ ཨནཱརམྨཎཾ ཕསྶཝིཔྤཡུཏྟཾ ཨབྱཱཀཏནྟི? ཨཱམནྟཱ. ཀུསལེན ཙིཏྟེན སམུཊྛིཏཾ ཀཱཡཀམྨཾ ¶ རཱུཔཾ ཨནཱརམྨཎཾ ཕསྶཝིཔྤཡུཏྟཾ ཨབྱཱཀཏནྟི? ན ཧེཝཾ ཝཏྟབྦེ…པེ… ཀུསལེན ཙིཏྟེན སམུཊྛིཏཾ སདྡཱཡཏནཾ…པེ… གནྡྷཱཡཏནཾ… རསཱཡཏནཾ… ཕོཊྛབྦཱཡཏནཾ…པེ… པཐཝཱིདྷཱཏུ… ཨཱཔོདྷཱཏུ… ཏེཛོདྷཱཏུ…པེ… ཝཱཡོདྷཱཏུ ཨནཱརམྨཎཱ ཕསྶཝིཔྤཡུཏྟཱ ཨབྱཱཀཏཱཏི? ཨཱམནྟཱ. ཀུསལེན ཙིཏྟེན སམུཊྛིཏཾ ཀཱཡཀམྨཾ རཱུཔཾ ཨནཱརམྨཎཾ ཕསྶཝིཔྤཡུཏྟཾ ཨབྱཱཀཏནྟི? ན ཧེཝཾ ཝཏྟབྦེ…པེ….

༥༣༢. ཀུསལེན ཙིཏྟེན སམུཊྛིཏཾ ཝཙཱིཀམྨཾ རཱུཔཾ ཀུསལནྟི? ཨཱམནྟཱ. སཱརམྨཎཾ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ… ནནུ ཨནཱརམྨཎཾ ¶ , ནཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཧཉྩི ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷི; ནོ ཙ ཝཏ རེ ཝཏྟབྦེ – ‘‘ཀུསལེན ཙིཏྟེན སམུཊྛིཏཾ ཝཙཱིཀམྨཾ རཱུཔཾ ཀུསལ’’ནྟི.

ཀུསལེན ¶ ཙིཏྟེན སམུཊྛིཏོ ཕསྶོ ཀུསལོ སཱརམྨཎོ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཀུསལེན ཙིཏྟེན སམུཊྛིཏཾ ཝཙཱིཀམྨཾ རཱུཔཾ ཀུསལཾ སཱརམྨཎཾ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ… ཀུསལེན ཙིཏྟེན སམུཊྛིཏཱ ཝེདནཱ…པེ… སཉྙཱ… ཙེཏནཱ… སདྡྷཱ… ཝཱིརིཡཾ… སཏི… སམཱདྷི…པེ… པཉྙཱ ཀུསལཱ སཱརམྨཎཱ, ཨཏྠི ཏཱཡ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཀུསལེན ཙིཏྟེན སམུཊྛིཏཾ ¶ ཝཙཱིཀམྨཾ རཱུཔཾ ཀུསལཾ སཱརམྨཎཾ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ….

ཀུསལེན ¶ ཙིཏྟེན སམུཊྛིཏཾ ཝཙཱིཀམྨཾ རཱུཔཾ ཀུསལཾ ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཀུསལེན ཙིཏྟེན སམུཊྛིཏོ ཕསྶོ ཀུསལོ ཨནཱརམྨཎོ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ… ཀུསལེན ཙིཏྟེན སམུཊྛིཏཾ ཝཙཱིཀམྨཾ རཱུཔཾ ཀུསལཾ ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཀུསལེན ཙིཏྟེན སམུཊྛིཏཱ ཝེདནཱ…པེ… སཉྙཱ… ཙེཏནཱ… སདྡྷཱ… ཝཱིརིཡཾ… སཏི… སམཱདྷི…པེ… པཉྙཱ ཀུསལཱ ཨནཱརམྨཎཱ, ནཏྠི ཏཱཡ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ….

ཀུསལེན ཙིཏྟེན སམུཊྛིཏཾ ཝཙཱིཀམྨཾ རཱུཔཾ ཀུསལནྟི? ཨཱམནྟཱ. ཡཾ ཀིཉྩི ཀུསལེན ཙིཏྟེན སམུཊྛིཏཾ རཱུཔཾ སབྦཾ ཏཾ ཀུསལནྟི? ན ཧེཝཾ ཝཏྟབྦེ…པེ… ཡཐཱ ཀཱཡཀམྨཾ ཏཐཱ ཝཙཱིཀམྨནྟི.

༥༣༣. ཨཀུསལེན ཙིཏྟེན སམུཊྛིཏཾ ཀཱཡཀམྨཾ རཱུཔཾ ཨཀུསལནྟི? ཨཱམནྟཱ ¶ . སཱརམྨཎཾ, ཨཏྠི ཏསྶ ཨཱཝཊྚནཱ ཨཱབྷོགོ སམནྣཱཧཱརོ མནསིཀཱརོ ཙེཏནཱ པཏྠནཱ པཎིདྷཱིཏི? ན ཧེཝཾ ཝཏྟབྦེ…པེ… ནནུ ཨནཱརམྨཎཾ, ནཏྠི ཏསྶ ཨཱཝཊྚནཱ ཨཱབྷོགོ སམནྣཱཧཱརོ མནསིཀཱརོ ཙེཏནཱ པཏྠནཱ པཎིདྷཱིཏི? ཨཱམནྟཱ. ཧཉྩི ཨནཱརམྨཎཾ, ནཏྠི ཏསྶ ཨཱཝཊྚནཱ ཨཱབྷོགོ སམནྣཱཧཱརོ མནསིཀཱརོ ཙེཏནཱ པཏྠནཱ པཎིདྷི; ནོ ཙ ཝཏ རེ ཝཏྟབྦེ – ‘‘ཨཀུསལེན ཙིཏྟེན སམུཊྛིཏཾ ཀཱཡཀམྨཾ རཱུཔཾ ཨཀུསལ’’ནྟི.

ཨཀུསལེན ¶ ¶ ཙིཏྟེན སམུཊྛིཏོ ཕསྶོ ཨཀུསལོ སཱརམྨཎོ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཨཀུསལེན ཙིཏྟེན སམུཊྛིཏཾ ཀཱཡཀམྨཾ རཱུཔཾ ཨཀུསལཾ སཱརམྨཎཾ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ… ཨཀུསལེན ཙིཏྟེན སམུཊྛིཏཱ ཝེདནཱ…པེ… སཉྙཱ… ཙེཏནཱ… རཱགོ… དོསོ… མོཧོ… མཱནོ… དིཊྛི… ཝིཙིཀིཙྪཱ… ཐིནཾ… ཨུདྡྷཙྩཾ… ཨཧིརིཀཾ…པེ… ཨནོཏྟཔྤཾ ཨཀུསལཾ སཱརམྨཎཾ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཨཀུསལེན ཙིཏྟེན སམུཊྛིཏཾ ཀཱཡཀམྨཾ ¶ རཱུཔཾ ཨཀུསལཾ སཱརམྨཎཾ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ….

ཨཀུསལེན ཙིཏྟེན སམུཊྛིཏཾ ཀཱཡཀམྨཾ རཱུཔཾ ཨཀུསལཾ ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཨཀུསལེན ཙིཏྟེན སམུཊྛིཏོ ཕསྶོ ཨཀུསལོ ཨནཱརམྨཎོ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ… ཨཀུསལེན ཙིཏྟེན སམུཊྛིཏཾ ཀཱཡཀམྨཾ རཱུཔཾ ཨཀུསལཾ ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཨཀུསལེན ¶ ཙིཏྟེན སམུཊྛིཏཱ ཝེདནཱ…པེ… སཉྙཱ… ཙེཏནཱ… རཱགོ… དོསོ… མོཧོ… མཱནོ… དིཊྛི… ཝིཙིཀིཙྪཱ… ཐིནཾ… ཨུདྡྷཙྩཾ… ཨཧིརིཀཾ…པེ… ཨནོཏྟཔྤཾ ཨཀུསལཾ ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ….

ཨཀུསལེན ཙིཏྟེན སམུཊྛིཏཾ ཀཱཡཀམྨཾ རཱུཔཾ ཨཀུསལནྟི? ཨཱམནྟཱ ¶ . ཡཾ ཀིཉྩི ཨཀུསལེན ཙིཏྟེན སམུཊྛིཏཾ རཱུཔཾ སབྦཾ ཏཾ ཨཀུསལནྟི? ན ཧེཝཾ ཝཏྟབྦེ…པེ….

༥༣༤. ཨཀུསལེན ཙིཏྟེན སམུཊྛིཏཾ ཝཙཱིཀམྨཾ རཱུཔཾ ཨཀུསལནྟི? ཨཱམནྟཱ. སཱརམྨཎཾ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ… ནནུ ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཧཉྩི ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷི; ནོ ཙ ཝཏ རེ ཝཏྟབྦེ – ‘‘ཨཀུསལེན ཙིཏྟེན སམུཊྛིཏཾ ཝཙཱིཀམྨཾ རཱུཔཾ ཨཀུསལ’’ནྟི.

ཨཀུསལེན ཙིཏྟེན སམུཊྛིཏོ ཕསྶོ ཨཀུསལོ སཱརམྨཎོ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཨཀུསལེན ཙིཏྟེན སམུཊྛིཏཾ ཝཙཱིཀམྨཾ རཱུཔཾ ཨཀུསལཾ སཱརམྨཎཾ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ… ཨཀུསལེན ཙིཏྟེན སམུཊྛིཏཱ ཝེདནཱ…པེ… སཉྙཱ ¶ … ཙེཏནཱ… རཱགོ… དོསོ… མོཧོ… མཱནོ… དིཊྛི… ཝིཙིཀིཙྪཱ… ཐིནཾ… ཨུདྡྷཙྩཾ… ཨཧིརིཀཾ…པེ… ཨནོཏྟཔྤཾ ཨཀུསལཾ སཱརམྨཎཾ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཨཀུསལེན ཙིཏྟེན སམུཊྛིཏཾ ཝཙཱིཀམྨཾ ¶ རཱུཔཾ ཨཀུསལཾ སཱརམྨཎཾ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ན ¶ ཧེཝཾ ཝཏྟབྦེ…པེ….

ཨཀུསལེན ཙིཏྟེན སམུཊྛིཏཾ ཝཙཱིཀམྨཾ རཱུཔཾ ཨཀུསལཾ ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཨཀུསལེན ¶ ཙིཏྟེན སམུཊྛིཏོ ཕསྶོ ཨཀུསལོ ཨནཱརམྨཎོ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ… ཨཀུསལེན ཙིཏྟེན སམུཊྛིཏཾ ཝཙཱིཀམྨཾ རཱུཔཾ ཨཀུསལཾ ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཨཀུསལེན ཙིཏྟེན སམུཊྛིཏཱ ཝེདནཱ…པེ… སཉྙཱ… ཙེཏནཱ… རཱགོ… དོསོ… མོཧོ… མཱནོ… དིཊྛི… ཝིཙིཀིཙྪཱ… ཐིནཾ… ཨུདྡྷཙྩཾ… ཨཧིརིཀཾ…པེ… ཨནོཏྟཔྤཾ ཨཀུསལཾ ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ….

ཨཀུསལེན ཙིཏྟེན སམུཊྛིཏཾ ཝཙཱིཀམྨཾ རཱུཔཾ ཨཀུསལནྟི? ཨཱམནྟཱ. ཡཾ ཀིཉྩི ཨཀུསལེན ཙིཏྟེན སམུཊྛིཏཾ རཱུཔཾ སབྦཾ ཏཾ ཨཀུསལནྟི? ན ཧེཝཾ ཝཏྟབྦེ…པེ….

༥༣༥. ཨཀུསལེན ཙིཏྟེན སམུཊྛིཏཾ ཝཙཱིཀམྨཾ རཱུཔཾ ཨཀུསལནྟི? ཨཱམནྟཱ. ཨཀུསལེན ཙིཏྟེན སམུཊྛིཏཾ རཱུཔཱཡཏནཾ ཨཀུསལནྟི? ན ཧེཝཾ ཝཏྟབྦེ…པེ… ཨཀུསལེན ཙིཏྟེན སམུཊྛིཏཾ ཝཙཱིཀམྨཾ རཱུཔཾ ཨཀུསལནྟི? ཨཱམནྟཱ. ཨཀུསལེན ཙིཏྟེན སམུཊྛིཏཾ སདྡཱཡཏནཾ…པེ… གནྡྷཱཡཏནཾ… རསཱཡཏནཾ… ཕོཊྛབྦཱཡཏནཾ…པེ… པཐཝཱིདྷཱཏུ… ཨཱཔོདྷཱཏུ… ཏེཛོདྷཱཏུ…པེ… ཝཱཡོདྷཱཏུ ཨསུཙི ཨསྶུ ལོཧིཏཾ སེདོ ཨཀུསལོཏི? ན ཧེཝཾ ཝཏྟབྦེ…པེ….

ཨཀུསལེན ཙིཏྟེན སམུཊྛིཏཾ རཱུཔཱཡཏནཾ ཨབྱཱཀཏནྟི? ཨཱམནྟཱ ¶ . ཨཀུསལེན ཙིཏྟེན སམུཊྛིཏཾ ཝཙཱིཀམྨཾ རཱུཔཾ ཨབྱཱཀཏནྟི ¶ ? ན ཧེཝཾ ཝཏྟབྦེ…པེ… ཨཀུསལེན ཙིཏྟེན སམུཊྛིཏཾ སདྡཱཡཏནཾ…པེ… གནྡྷཱཡཏནཾ… རསཱཡཏནཾ… ཕོཊྛབྦཱཡཏནཾ…པེ… པཐཝཱིདྷཱཏུ… ཨཱཔོདྷཱཏུ… ཏེཛོདྷཱཏུ…པེ… ཝཱཡོདྷཱཏུ ཨསུཙི ཨསྶུ ལོཧིཏཾ སེདོ ཨབྱཱཀཏོཏི? ཨཱམནྟཱ. ཨཀུསལེན ཙིཏྟེན སམུཊྛིཏཾ ཝཙཱིཀམྨཾ རཱུཔཾ ཨབྱཱཀཏནྟི? ན ཧེཝཾ ཝཏྟབྦེ…པེ….

༥༣༦. ཨཀུསལེན ¶ ¶ ཙིཏྟེན སམུཊྛིཏཾ ཝཙཱིཀམྨཾ རཱུཔཾ ཨནཱརམྨཎཾ ཨཀུསལནྟི? ཨཱམནྟཱ. ཨཀུསལེན ཙིཏྟེན སམུཊྛིཏཾ རཱུཔཱཡཏནཾ ཨནཱརམྨཎཾ ཨཀུསལནྟི? ན ཧེཝཾ ཝཏྟབྦེ…པེ… ཨཀུསལེན ཙིཏྟེན སམུཊྛིཏཾ ཝཙཱིཀམྨཾ རཱུཔཾ ཨནཱརམྨཎཾ ཨཀུསལནྟི? ཨཱམནྟཱ. ཨཀུསལེན ཙིཏྟེན སམུཊྛིཏཾ སདྡཱཡཏནཾ…པེ… གནྡྷཱཡཏནཾ…པེ… རསཱཡཏནཾ…པེ… ཕོཊྛབྦཱཡཏནཾ… པཐཝཱིདྷཱཏུ… ཨཱཔོདྷཱཏུ… ཏེཛོདྷཱཏུ…པེ… ཝཱཡོདྷཱཏུ ཨསུཙི ཨསྶུ ལོཧིཏཾ སེདོ ཨནཱརམྨཎོ ཨཀུསལོཏི? ན ཧེཝཾ ཝཏྟབྦེ…པེ….

ཨཀུསལེན ཙིཏྟེན སམུཊྛིཏཾ རཱུཔཱཡཏནཾ ཨནཱརམྨཎཾ ཨབྱཱཀཏནྟི? ཨཱམནྟཱ. ཨཀུསལེན ཙིཏྟེན སམུཊྛིཏཾ ཝཙཱིཀམྨཾ རཱུཔཾ ཨནཱརམྨཎཾ ཨབྱཱཀཏནྟི? ན ཧེཝཾ ཝཏྟབྦེ…པེ… ཨཀུསལེན ཙིཏྟེན སམུཊྛིཏཾ སདྡཱཡཏནཾ…པེ… གནྡྷཱཡཏནཾ… རསཱཡཏནཾ… ཕོཊྛབྦཱཡཏནཾ…པེ… པཐཝཱིདྷཱཏུ… ཨཱཔོདྷཱཏུ… ཏེཛོདྷཱཏུ…པེ… ཝཱཡོདྷཱཏུ ཨསུཙི ཨསྶུ ལོཧིཏཾ སེདོ ཨནཱརམྨཎོ ཨབྱཱཀཏོཏི? ཨཱམནྟཱ. ཨཀུསལེན ཙིཏྟེན སམུཊྛིཏཾ ཝཙཱིཀམྨཾ རཱུཔཾ ཨནཱརམྨཎཾ ཨབྱཱཀཏནྟི? ན ¶ ཧེཝཾ ¶ ཝཏྟབྦེ…པེ….

༥༣༧. ཨཀུསལེན ཙིཏྟེན སམུཊྛིཏཾ ཝཙཱིཀམྨཾ རཱུཔཾ ཕསྶཝིཔྤཡུཏྟཾ ཨཀུསལནྟི? ཨཱམནྟཱ. ཨཀུསལེན ཙིཏྟེན སམུཊྛིཏཾ རཱུཔཱཡཏནཾ ཕསྶཝིཔྤཡུཏྟཾ ཨཀུསལནྟི? ན ཧེཝཾ ཝཏྟབྦེ…པེ… ཨཀུསལེན ཙིཏྟེན སམུཊྛིཏཾ ཝཙཱིཀམྨཾ རཱུཔཾ ཕསྶཝིཔྤཡུཏྟཾ ཨཀུསལནྟི? ཨཱམནྟཱ. ཨཀུསལེན ཙིཏྟེན སམུཊྛིཏཾ སདྡཱཡཏནཾ…པེ… གནྡྷཱཡཏནཾ… རསཱཡཏནཾ… ཕོཊྛབྦཱཡཏནཾ… པཐཝཱིདྷཱཏུ… ཨཱཔོདྷཱཏུ… ཏེཛོདྷཱཏུ…པེ… ཝཱཡོདྷཱཏུ ཨསུཙི ཨསྶུ ལོཧིཏཾ སེདོ ཕསྶཝིཔྤཡུཏྟོ ཨཀུསལོཏི? ན ཧེཝཾ ཝཏྟབྦེ…པེ….

ཨཀུསལེན ཙིཏྟེན སམུཊྛིཏཾ རཱུཔཱཡཏནཾ ཕསྶཝིཔྤཡུཏྟཾ ཨབྱཱཀཏནྟི? ཨཱམནྟཱ. ཨཀུསལེན ཙིཏྟེན སམུཊྛིཏཾ ཝཙཱིཀམྨཾ རཱུཔཾ ཨནཱརམྨཎཾ ཕསྶཝིཔྤཡུཏྟཾ ཨབྱཱཀཏནྟི? ན ཧེཝཾ ཝཏྟབྦེ…པེ… ཨཀུསལེན ཙིཏྟེན སམུཊྛིཏཾ སདྡཱཡཏནཾ…པེ… གནྡྷཱཡཏནཾ… རསཱཡཏནཾ… ཕོཊྛབྦཱཡཏནཾ… པཐཝཱིདྷཱཏུ… ཨཱཔོདྷཱཏུ… ཏེཛོདྷཱཏུ…པེ… ཝཱཡོདྷཱཏུ ཨསུཙི ཨསྶུ ལོཧིཏཾ སེདོ ཨནཱརམྨཎོ ཕསྶཝིཔྤཡུཏྟོ ཨབྱཱཀཏོཏི? ཨཱམནྟཱ. ཨཀུསལེན ཙིཏྟེན སམུཊྛིཏཾ ཝཙཱིཀམྨཾ རཱུཔཾ ཨནཱརམྨཎཾ ཕསྶཝིཔྤཡུཏྟཾ ཨབྱཱཀཏནྟི? ན ཧེཝཾ ཝཏྟབྦེ…པེ….

ཨཀུསལེན ¶ ¶ ཙིཏྟེན སམུཊྛིཏཾ ཝཙཱིཀམྨཾ རཱུཔཾ ཨནཱརམྨཎཾ ཕསྶཝིཔྤཡུཏྟཾ ཨཀུསལནྟི? ཨཱམནྟཱ. ཨཀུསལེན ཙིཏྟེན སམུཊྛིཏཾ རཱུཔཱཡཏནཾ ཨནཱརམྨཎཾ ཕསྶཝིཔྤཡུཏྟཾ ཨཀུསལནྟི? ན ཧེཝཾ ཝཏྟབྦེ…པེ… ཨཀུསལེན ¶ ཙིཏྟེན སམུཊྛིཏཾ ཝཙཱིཀམྨཾ རཱུཔཾ ཨནཱརམྨཎཾ ཕསྶཝིཔྤཡུཏྟཾ ཨཀུསལནྟི? ཨཱམནྟཱ. ཨཀུསལེན ¶ ཙིཏྟེན སམུཊྛིཏཾ སདྡཱཡཏནཾ…པེ… གནྡྷཱཡཏནཾ… རསཱཡཏནཾ… ཕོཊྛབྦཱཡཏནཾ… པཐཝཱིདྷཱཏུ… ཨཱཔོདྷཱཏུ… ཏེཛོདྷཱཏུ…པེ… ཝཱཡོདྷཱཏུ ཨསུཙི ཨསྶུ ལོཧིཏཾ སེདོ ཨནཱརམྨཎོ ཕསྶཝིཔྤཡུཏྟོ ཨཀུསལོཏི? ན ཧེཝཾ ཝཏྟབྦེ…པེ….

ཨཀུསལེན ཙིཏྟེན སམུཊྛིཏཾ རཱུཔཱཡཏནཾ ཨནཱརམྨཎཾ ཕསྶཝིཔྤཡུཏྟཾ ཨབྱཱཀཏནྟི? ཨཱམནྟཱ. ཨཀུསལེན ཙིཏྟེན སམུཊྛིཏཾ ཝཙཱིཀམྨཾ རཱུཔཾ ཨནཱརམྨཎཾ ཕསྶཝིཔྤཡུཏྟཾ ཨབྱཱཀཏནྟི? ན ཧེཝཾ ཝཏྟབྦེ…པེ… ཨཀུསལེན ཙིཏྟེན སམུཊྛིཏཾ སདྡཱཡཏནཾ…པེ… གནྡྷཱཡཏནཾ… རསཱཡཏནཾ… ཕོཊྛབྦཱཡཏནཾ… པཐཝཱིདྷཱཏུ… ཨཱཔོདྷཱཏུ… ཏེཛོདྷཱཏུ…པེ… ཝཱཡོདྷཱཏུ ཨསུཙི ཨསྶུ ལོཧིཏཾ སེདོ ཨནཱརམྨཎོ ཕསྶཝིཔྤཡུཏྟོ ཨབྱཱཀཏོཏི? ཨཱམནྟཱ. ཨཀུསལེན ཙིཏྟེན སམུཊྛིཏཾ ཝཙཱིཀམྨཾ རཱུཔཾ ཨནཱརམྨཎཾ ཕསྶཝིཔྤཡུཏྟཾ ཨབྱཱཀཏནྟི? ན ཧེཝཾ ཝཏྟབྦེ…པེ….

༥༣༨. ན ཝཏྟབྦཾ – ‘‘རཱུཔཾ ཀུསལམྤི ཨཀུསལམྤཱི’’ཏི? ཨཱམནྟཱ. ནནུ ཀཱཡཀམྨཾ ཝཙཱིཀམྨཾ ཀུསལམྤི ཨཀུསལམྤཱིཏི? ཨཱམནྟཱ. ཧཉྩི ཀཱཡཀམྨཾ ཝཙཱིཀམྨཾ ཀུསལམྤི ཨཀུསལམྤི, ཏེན ཝཏ རེ ཝཏྟབྦེ – ‘‘རཱུཔཾ ཀུསལམྤི ཨཀུསལམྤཱི’’ཏི.

རཱུཔཾ ཀུསལམྤི ཨཀུསལམྤཱིཏི? ཨཱམནྟཱ. ཙཀྑཱཡཏནཾ ཀུསལམྤི ¶ ཨཀུསལམྤཱིཏི? ན ཧེཝཾ ཝཏྟབྦེ…པེ… རཱུཔཾ ཀུསལམྤི ཨཀུསལམྤཱིཏི? ཨཱམནྟཱ. སོཏཱཡཏནཾ…པེ… གྷཱནཱཡཏནཾ… ཛིཝ྄ཧཱཡཏནཾ… ཀཱཡཱཡཏནཾ… རཱུཔཱཡཏནཾ… སདྡཱཡཏནཾ… གནྡྷཱཡཏནཾ… རསཱཡཏནཾ ¶ … ཕོཊྛབྦཱཡཏནཾ… པཐཝཱིདྷཱཏུ… ཨཱཔོདྷཱཏུ… ཏེཛོདྷཱཏུ…པེ… ཝཱཡོདྷཱཏུ ཨསུཙི ཨསྶུ ལོཧིཏཾ སེདོ ཀུསལོཔི ཨཀུསལོཔཱིཏི? ན ཧེཝཾ ཝཏྟབྦེ…པེ….

ཀཱཡོ རཱུཔཾ, ཀཱཡཀམྨཾ རཱུཔནྟི? ཨཱམནྟཱ. མནོ རཱུཔཾ, མནོཀམྨཾ རཱུཔནྟི? ན ཧེཝཾ ཝཏྟབྦེ ¶ …པེ… མནོ ཨརཱུཔཾ, མནོཀམྨཾ ཨརཱུཔནྟི? ཨཱམནྟཱ. ཀཱཡོ ཨརཱུཔཾ, ཀཱཡཀམྨཾ ཨརཱུཔནྟི? ན ཧེཝཾ ཝཏྟབྦེ…པེ….

ཀཱཡོ ¶ རཱུཔནྟི, ཀཱཡཀམྨཾ རཱུཔནྟི? ཨཱམནྟཱ. ཙཀྑཱཡཏནཾ རཱུཔནྟི, ཙཀྑུཝིཉྙཱཎཾ རཱུཔནྟི? ན ཧེཝཾ ཝཏྟབྦེ…པེ… ཀཱཡོ རཱུཔནྟི, ཀཱཡཀམྨཾ རཱུཔནྟི? ཨཱམནྟཱ. སོཏཱཡཏནཾ རཱུཔནྟི, སོཏཝིཉྙཱཎཾ རཱུཔནྟི? ན ཧེཝཾ ཝཏྟབྦེ…པེ… ཀཱཡོ རཱུཔནྟི, ཀཱཡཀམྨཾ རཱུཔནྟི? ཨཱམནྟཱ. གྷཱནཱཡཏནཾ རཱུཔནྟི, གྷཱནཝིཉྙཱཎཾ རཱུཔནྟི? ན ཧེཝཾ ཝཏྟབྦེ…པེ… ཀཱཡོ རཱུཔནྟི, ཀཱཡཀམྨཾ རཱུཔནྟི? ཨཱམནྟཱ. ཛིཝ྄ཧཱཡཏནཾ རཱུཔནྟི, ཛིཝ྄ཧཱཝིཉྙཱཎཾ རཱུཔནྟི ¶ ? ན ཧེཝཾ ཝཏྟབྦེ…པེ… ཀཱཡོ རཱུཔནྟི, ཀཱཡཀམྨཾ རཱུཔནྟི? ཨཱམནྟཱ. ཀཱཡཱཡཏནཾ ¶ རཱུཔནྟི, ཀཱཡཝིཉྙཱཎཾ རཱུཔནྟི? ན ཧེཝཾ ཝཏྟབྦེ…པེ….

༥༣༩. རཱུཔཾ ཀམྨནྟི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཙེཏནཱཧཾ, བྷིཀྑཝེ, ཀམྨཾ ཝདཱམི; ཙེཏཡིཏྭཱ ཀམྨཾ ཀརོཏི ཀཱཡེན ཝཱཙཱཡ མནསཱ’’ཏི [ཨ. ནི. ༦.༦༣ ནིབྦེདྷིཀསུཏྟེ]! ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘རཱུཔཾ ཀམྨ’’ནྟི.

རཱུཔཾ ཀམྨནྟི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཀཱཡེ ཝཱ, ཨཱནནྡ [ཧཱནནྡ (སཾ. ནི. ༢.༢༥)], སཏི ཀཱཡསཉྩེཏནཱཧེཏུ ཨུཔྤཛྫཏི ཨཛ྄ཛྷཏྟཾ སུཁདུཀྑཾ; ཝཱཙཱཡ ཝཱ, ཨཱནནྡ [ཧཱནནྡ (སཾ. ནི. ༢.༢༥)], སཏི ཝཙཱིསཉྩེཏནཱཧེཏུ ཨུཔྤཛྫཏི ཨཛ྄ཛྷཏྟཾ སུཁདུཀྑཾ; མནེ ཝཱ, ཨཱནནྡ [ཧཱནནྡ (སཾ. ནི. ༢.༢༥)], སཏི མནོསཉྩེཏནཱཧེཏུ ཨུཔྤཛྫཏི ཨཛ྄ཛྷཏྟཾ སུཁདུཀྑ’’ནྟི [སཾ. ནི. ༢.༢༥; ཨ. ནི. ༤.༡༧༡]! ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘རཱུཔཾ ཀམྨ’’ནྟི.

རཱུཔཾ ཀམྨནྟི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཏིཝིདྷཱ, བྷིཀྑཝེ, ཀཱཡསཉྩེཏནཱ ཨཀུསལཾ ཀཱཡཀམྨཾ དུཀྑུདྲཡཾ དུཀྑཝིཔཱཀཾ; ཙཏུབྦིདྷཱ, བྷིཀྑཝེ, ཝཙཱིསཉྩེཏནཱ ཨཀུསལཾ ཝཙཱིཀམྨཾ དུཀྑུདྲཡཾ དུཀྑཝིཔཱཀཾ; ཏིཝིདྷཱ, བྷིཀྑཝེ, མནོསཉྩེཏནཱ ཨཀུསལཾ མནོཀམྨཾ དུཀྑུདྲཡཾ དུཀྑཝིཔཱཀཾ; ཏིཝིདྷཱ, བྷིཀྑཝེ, ཀཱཡསཉྩེཏནཱ ཀུསལཾ ཀཱཡཀམྨཾ སུཁུདྲཡཾ སུཁཝིཔཱཀཾ; ཙཏུབྦིདྷཱ, བྷིཀྑཝེ, ཝཙཱིསཉྩེཏནཱ ཀུསལཾ ཝཙཱིཀམྨཾ སུཁུདྲཡཾ སུཁཝིཔཱཀཾ; ཏིཝིདྷཱ ¶ , བྷིཀྑཝེ, མནོསཉྩེཏནཱ ཀུསལཾ མནོཀམྨཾ སུཁུདྲཡཾ སུཁཝིཔཱཀ’’ནྟི [ཨ. ནི. ༡༠.༢༡༧ ཐོཀཾ པན ཝིསདིསཾ]! ཨཏྠེཝ སུཏྟནྟོཏི? ཨཱམནྟཱ. ཏེན ¶ ཧི ན ཝཏྟབྦཾ – ‘‘རཱུཔཾ ཀམྨ’’ནྟི.

རཱུཔཾ ¶ ཀམྨནྟི? ཨཱམནྟཱ. ནནུ ཝུཏྟཾ བྷགཝཏཱ – ‘‘སཙཱཡཾ, ཨཱནནྡ, སམིདྡྷི མོགྷཔུརིསོ པཱཊལིཔུཏྟསྶ [པོཏལིཔུཏྟསྶ (མ. ནི. ༣.༣༠༠)] པརིབྦཱཛཀསྶ ཨེཝཾ པུཊྛོ ཨེཝཾ བྱཱཀརེཡྻ – ‘སཉྩེཏནིཡཾ ¶ , ཨཱཝུསོ པཱཊལིཔུཏྟ, ཀམྨཾ ཀཏྭཱ ཀཱཡེན ཝཱཙཱཡ མནསཱ སུཁཝེདནིཡཾ སུཁཾ སོ ཝེདཡཏི; སཉྩེཏནིཡཾ, ཨཱཝུསོ པཱཊལིཔུཏྟ, ཀམྨཾ ཀཏྭཱ ཀཱཡེན ཝཱཙཱཡ མནསཱ དུཀྑཝེདནིཡཾ དུཀྑཾ སོ ཝེདཡཏི; སཉྩེཏནིཡཾ, ཨཱཝུསོ པཱཊལིཔུཏྟ, ཀམྨཾ ཀཏྭཱ ཀཱཡེན ཝཱཙཱཡ མནསཱ ཨདུཀྑམསུཁཝེདནིཡཾ ཨདུཀྑམསུཁཾ སོ ཝེདཡཏཱི’ཏི, ཨེཝཾ བྱཱཀརམཱནོ ཁོ, ཨཱནནྡ, སམིདྡྷི མོགྷཔུརིསོ པཱཊལིཔུཏྟསྶ པརིབྦཱཛཀསྶ སམྨཱ བྱཱཀརམཱནོ བྱཱཀརེཡྻཱ’’ཏི [མ. ནི. ༣.༣༠༠]! ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘རཱུཔཾ ཀམྨ’’ནྟི.

རཱུཔཾ ཀམྨནྟིཀཐཱ ནིཊྛིཏཱ.

༨. ཨཊྛམཝགྒོ

(༨༢) ༡༠. ཛཱིཝིཏིནྡྲིཡཀཐཱ

༥༤༠. ནཏྠི རཱུཔཛཱིཝིཏིནྡྲིཡནྟི? ཨཱམནྟཱ. ནཏྠི རཱུཔཱིནཾ དྷམྨཱནཾ ཨཱཡུ ཋིཏི ཡཔནཱ ཡཱཔནཱ ཨིརིཡནཱ ཝཏྟནཱ པཱལནཱཏི? ན ཧེཝཾ ཝཏྟབྦེ…པེ… ཨཏྠི རཱུཔཱིནཾ དྷམྨཱནཾ ཨཱཡུ ཋིཏི ཡཔནཱ ཡཱཔནཱ ¶ ཨིརིཡནཱ ཝཏྟནཱ པཱལནཱཏི? ཨཱམནྟཱ. ཧཉྩི ཨཏྠི རཱུཔཱིནཾ དྷམྨཱནཾ ཨཱཡུ ཋིཏི ཡཔནཱ ཡཱཔནཱ ཨིརིཡནཱ ཝཏྟནཱ པཱལནཱ, ནོ ཙ ཝཏ རེ ཝཏྟབྦེ – ‘‘ནཏྠི རཱུཔཛཱིཝིཏིནྡྲིཡ’’ནྟི.

ཨཏྠི ¶ ཨརཱུཔཱིནཾ དྷམྨཱནཾ ཨཱཡུ ཋིཏི ཡཔནཱ ཡཱཔནཱ ཨིརིཡནཱ ཝཏྟནཱ པཱལནཱ, ཨཏྠི ཨརཱུཔཛཱིཝིཏིནྡྲིཡནྟི? ཨཱམནྟཱ. ཨཏྠི རཱུཔཱིནཾ དྷམྨཱནཾ ཨཱཡུ ཋིཏི ཡཔནཱ ཡཱཔནཱ ཨིརིཡནཱ ཝཏྟནཱ པཱལནཱ, ཨཏྠི རཱུཔཛཱིཝིཏིནྡྲིཡནྟི? ན ཧེཝཾ ཝཏྟབྦེ…པེ… ཨཏྠི རཱུཔཱིནཾ དྷམྨཱནཾ ཨཱཡུ ཋིཏི ཡཔནཱ ཡཱཔནཱ ཨིརིཡནཱ ཝཏྟནཱ པཱལནཱ, ནཏྠི རཱུཔཛཱིཝིཏིནྡྲིཡནྟི? ཨཱམནྟཱ ¶ . ཨཏྠི ཨརཱུཔཱིནཾ དྷམྨཱནཾ ཨཱཡུ ཋིཏི ཡཔནཱ ཡཱཔནཱ ཨིརིཡནཱ ཝཏྟནཱ པཱལནཱ, ནཏྠི ཨརཱུཔཛཱིཝིཏིནྡྲིཡནྟི? ན ཧེཝཾ ཝཏྟབྦེ…པེ….

ཨརཱུཔཱིནཾ དྷམྨཱནཾ ཨཱཡུ ཨརཱུཔཛཱིཝིཏིནྡྲིཡནྟི? ཨཱམནྟཱ. རཱུཔཱིནཾ དྷམྨཱནཾ ཨཱཡུ རཱུཔཛཱིཝིཏིནྡྲིཡནྟི? ན ཧེཝཾ ཝཏྟབྦེ…པེ… རཱུཔཱིནཾ དྷམྨཱནཾ ཨཱཡུ ན ཝཏྟབྦཾ – ‘‘རཱུཔཛཱིཝིཏིནྡྲིཡ’’ནྟི? ཨཱམནྟཱ. ཨརཱུཔཱིནཾ དྷམྨཱནཾ ཨཱཡུ ན ཝཏྟབྦཾ – ‘‘ཨརཱུཔཛཱིཝིཏིནྡྲིཡ’’ནྟི? ན ཧེཝཾ ཝཏྟབྦེ…པེ….

༥༤༡. རཱུཔཱིནཾ ¶ དྷམྨཱནཾ ཨཱཡུ ཨརཱུཔཛཱིཝིཏིནྡྲིཡནྟི? ཨཱམནྟཱ. ཨརཱུཔཱིནཾ དྷམྨཱནཾ ཨཱཡུ རཱུཔཛཱིཝིཏིནྡྲིཡནྟི? ན ཧེཝཾ ཝཏྟབྦེ…པེ….

ཨརཱུཔཱིནཾ དྷམྨཱནཾ ཨཱཡུ ན ཝཏྟབྦཾ – ‘‘རཱུཔཛཱིཝིཏིནྡྲིཡ’’ནྟི? ཨཱམནྟཱ. རཱུཔཱིནཾ དྷམྨཱནཾ ཨཱཡུ ན ཝཏྟབྦཾ – ‘‘ཨརཱུཔཛཱིཝིཏིནྡྲིཡ’’ནྟི? ན ¶ ཧེཝཾ ཝཏྟབྦེ…པེ….

རཱུཔཱིནཉྩ ཨརཱུཔཱིནཉྩ དྷམྨཱནཾ ཨཱཡུ ཨརཱུཔཛཱིཝིཏིནྡྲིཡནྟི? ཨཱམནྟཱ. རཱུཔཱིནཉྩ ཨརཱུཔཱིནཉྩ དྷམྨཱནཾ ཨཱཡུ རཱུཔཛཱིཝིཏིནྡྲིཡནྟི? ན ¶ ཧེཝཾ ཝཏྟབྦེ…པེ….

རཱུཔཱིནཉྩ ཨརཱུཔཱིནཉྩ དྷམྨཱནཾ ཨཱཡུ ན ཝཏྟབྦཾ – ‘‘རཱུཔཛཱིཝིཏིནྡྲིཡ’’ནྟི? ཨཱམནྟཱ. རཱུཔཱིནཉྩ ཨརཱུཔཱིནཉྩ དྷམྨཱནཾ ཨཱཡུ ན ཝཏྟབྦཾ – ‘‘ཨརཱུཔཛཱིཝིཏིནྡྲིཡ’’ནྟི? ན ཧེཝཾ ཝཏྟབྦེ…པེ… ནཏྠི རཱུཔཛཱིཝིཏིནྡྲིཡནྟི? ཨཱམནྟཱ. ནིརོདྷཾ སམཱཔནྣསྶ ནཏྠི ཛཱིཝིཏིནྡྲིཡནྟི? ན ཧེཝཾ ཝཏྟབྦེ…པེ….

༥༤༢. ནིརོདྷཾ སམཱཔནྣསྶ ཨཏྠི ཛཱིཝིཏིནྡྲིཡནྟི? ཨཱམནྟཱ. ཧཉྩི ནིརོདྷཾ སམཱཔནྣསྶ ཨཏྠི ཛཱིཝིཏིནྡྲིཡཾ, ནོ ཙ ཝཏ རེ ཝཏྟབྦེ – ‘‘ནཏྠི རཱུཔཛཱིཝིཏིནྡྲིཡ’’ནྟི.

ནིརོདྷཾ སམཱཔནྣསྶ ཨཏྠི ཛཱིཝིཏིནྡྲིཡནྟི? ཨཱམནྟཱ. ཀཏམཀྑནྡྷཔརིཡཱཔནྣནྟི? སངྑཱརཀྑནྡྷཔརིཡཱཔནྣནྟི. ནིརོདྷཾ སམཱཔནྣསྶ ཨཏྠི སངྑཱརཀྑནྡྷོཏི? ན ཧེཝཾ ཝཏྟབྦེ…པེ….

ནིརོདྷཾ ¶ སམཱཔནྣསྶ ཨཏྠི སངྑཱརཀྑནྡྷོཏི? ཨཱམནྟཱ. ནིརོདྷཾ སམཱཔནྣསྶ ཨཏྠི ཝེདནཱཀྑནྡྷོ…པེ… སཉྙཱཀྑནྡྷོ…པེ… ཝིཉྙཱཎཀྑནྡྷོཏི? ན ཧེཝཾ ཝཏྟབྦེ…པེ….

ནིརོདྷཾ སམཱཔནྣསྶ ཨཏྠི ཝེདནཱཀྑནྡྷོ…པེ… སཉྙཱཀྑནྡྷོ…པེ… ཝིཉྙཱཎཀྑནྡྷོཏི? ཨཱམནྟཱ. ན ནིརོདྷཾ ¶ སམཱཔནྣོཏི? ན ཧེཝཾ ཝཏྟབྦེ…པེ….

༥༤༣. ནཏྠི རཱུཔཛཱིཝིཏིནྡྲིཡནྟི? ཨཱམནྟཱ. ཨསཉྙསཏྟཱནཾ ནཏྠི ཛཱིཝིཏིནྡྲིཡནྟི? ན ཧེཝཾ ཝཏྟབྦེ…པེ….

ཨསཉྙསཏྟཱནཾ ཨཏྠི ཛཱིཝིཏིནྡྲིཡནྟི? ཨཱམནྟཱ. ཧཉྩི ¶ ཨསཉྙསཏྟཱནཾ ཨཏྠི ཛཱིཝིཏིནྡྲིཡཾ, ནོ ཙ ཝཏ རེ ཝཏྟབྦེ – ‘‘ནཏྠི རཱུཔཛཱིཝིཏིནྡྲིཡ’’ནྟི. ཨསཉྙསཏྟཱནཾ ཨཏྠི ཛཱིཝིཏིནྡྲིཡནྟི? ཨཱམནྟཱ. ཀཏམཀྑནྡྷཔརིཡཱཔནྣནྟི? སངྑཱརཀྑནྡྷཔརིཡཱཔནྣནྟི. ཨསཉྙསཏྟཱནཾ ཨཏྠི སངྑཱརཀྑནྡྷོཏི? ན ཧེཝཾ ཝཏྟབྦེ…པེ….

ཨསཉྙསཏྟཱནཾ ¶ ཨཏྠི སངྑཱརཀྑནྡྷོཏི? ཨཱམནྟཱ. ཨསཉྙསཏྟཱནཾ ཨཏྠི ཝེདནཱཀྑནྡྷོ…པེ… སཉྙཱཀྑནྡྷོ…པེ… ཝིཉྙཱཎཀྑནྡྷོཏི? ན ཧེཝཾ ཝཏྟབྦེ…པེ….

ཨསཉྙསཏྟཱནཾ ཨཏྠི ཝེདནཱཀྑནྡྷོ…པེ… སཉྙཱཀྑནྡྷོ…པེ… ཝིཉྙཱཎཀྑནྡྷོཏི? ཨཱམནྟཱ. པཉྩཝོཀཱརབྷཝོཏི? ན ཧེཝཾ ཝཏྟབྦེ…པེ….

༥༤༤. ཨུཔཔཏྟེསིཡེན ཙིཏྟེན སམུཊྛིཏཾ ཛཱིཝིཏིནྡྲིཡཾ ཨུཔཔཏྟེསིཡེ ཙིཏྟེ བྷིཛྫམཱནེ ཨེཀདེསཾ བྷིཛྫཏཱིཏི? ཨཱམནྟཱ. ཨུཔཔཏྟེསིཡེན ཙིཏྟེན སམུཊྛིཏོ ཕསྶོ ཨུཔཔཏྟེསིཡེ ཙིཏྟེ བྷིཛྫམཱནེ ཨེཀདེསོ བྷིཛྫཏཱིཏི? ན ཧེཝཾ ཝཏྟབྦེ…པེ….

ཨུཔཔཏྟེསིཡེན ཙིཏྟེན སམུཊྛིཏོ ཕསྶོ ཨུཔཔཏྟེསིཡེ ཙིཏྟེ བྷིཛྫམཱནེ ཨནཝསེསོ བྷིཛྫཏཱིཏི? ཨཱམནྟཱ. ཨུཔཔཏྟེསིཡེན ཙིཏྟེན སམུཊྛིཏཾ ཛཱིཝིཏིནྡྲིཡཾ ཨུཔཔཏྟེསིཡེ ཙིཏྟེ བྷིཛྫམཱནེ ཨནཝསེསཾ ¶ བྷིཛྫཏཱིཏི? ན ཧེཝཾ ཝཏྟབྦེ…པེ….

༥༤༥. དྭེ ¶ ཛཱིཝིཏིནྡྲིཡཱནཱིཏི? ཨཱམནྟཱ. དྭཱིཧི ཛཱིཝིཏེཧི ཛཱིཝཏི, དྭཱིཧི མརཎེཧི མཱིཡཏཱིཏི? ཨཱམནྟཱ [ན ཧེཝཾ ཝཏྟབྦེ (སྱཱ. ཀཾ. པཱི.)].

ཛཱིཝིཏིནྡྲིཡཀཐཱ ནིཊྛིཏཱ.

༨. ཨཊྛམཝགྒོ

(༨༣) ༡༡. ཀམྨཧེཏུཀཐཱ

༥༤༦. ཀམྨཧེཏུ ¶ ཨརཧཱ ཨརཧཏྟཱ པརིཧཱཡཏཱིཏི? ཨཱམནྟཱ. ཀམྨཧེཏུ སོཏཱཔནྣོ སོཏཱཔཏྟིཕལཱ པརིཧཱཡཏཱིཏི? ན ཧེཝཾ ཝཏྟབྦེ…པེ… ཀམྨཧེཏུ ཨརཧཱ ཨརཧཏྟཱ པརིཧཱཡཏཱིཏི? ཨཱམནྟཱ. ཀམྨཧེཏུ སཀདཱགཱམཱི…པེ… ཨནཱགཱམཱི ཨནཱགཱམིཕལཱ པརིཧཱཡཏཱིཏི? ན ཧེཝཾ ཝཏྟབྦེ…པེ….

ཀམྨཧེཏུ སོཏཱཔནྣོ སོཏཱཔཏྟིཕལཱ ན པརིཧཱཡཏཱིཏི? ཨཱམནྟཱ. ཀམྨཧེཏུ ཨརཧཱ ཨརཧཏྟཱ ན པརིཧཱཡཏཱིཏི? ན ཧེཝཾ ཝཏྟབྦེ ¶ …པེ… ཀམྨཧེཏུ སཀདཱགཱམཱི…པེ… ཨནཱགཱམཱི ཨནཱགཱམིཕལཱ ན པརིཧཱཡཏཱིཏི? ཨཱམནྟཱ. ཀམྨཧེཏུ ཨརཧཱ ཨརཧཏྟཱ ན པརིཧཱཡཏཱིཏི? ན ཧེཝཾ ཝཏྟབྦེ…པེ….

ཀམྨཧེཏུ ཨརཧཱ ཨརཧཏྟཱ པརིཧཱཡཏཱིཏི? ཨཱམནྟཱ. པཱཎཱཏིཔཱཏཀམྨསྶ ཧེཏཱུཏི? ན ཧེཝཾ ཝཏྟབྦེ…པེ… ཨདིནྣཱདཱནཀམྨསྶ ཧེཏུ…པེ… ཀཱམེསུམིཙྪཱཙཱརཀམྨསྶ ཧེཏུ… མུསཱཝཱདཀམྨསྶ ¶ ཧེཏུ… པིསུཎཝཱཙཱཀམྨསྶ ཧེཏུ… ཕརུསཝཱཙཱཀམྨསྶ ཧེཏུ… སམྥཔྤལཱཔཀམྨསྶ ཧེཏུ… མཱཏུགྷཱཏཀམྨསྶ [མཱཏུགྷཱཏཀཀམྨསྶ (སྱཱ.), མཱཏུགྷཱཏིཀམྨསྶ (ཀ.) ཏཐཱ པིཏུགྷཱཏཨརཧནྟགྷཱཏཀམྨསྶཱཏིཔདེསུ] ཧེཏུ… པིཏུགྷཱཏཀམྨསྶ ཧེཏུ… ཨརཧནྟགྷཱཏཀམྨསྶ ཧེཏུ… རུཧིརུཔྤཱདཀམྨསྶ ཧེཏུ…པེ… སངྒྷབྷེདཀམྨསྶ ཧེཏཱུཏི? ན ཧེཝཾ ཝཏྟབྦེ…པེ….

ཀཏམསྶ ¶ ཀམྨསྶ ཧེཏཱུཏི? ཧནྡ ཧི ཨརཧནྟཱནཾ ཨབྦྷཱཙིཀྑཏཱིཏི. ཨརཧནྟཱནཾ ¶ ཨབྦྷཱཙིཀྑནཀམྨསྶ ཧེཏུ ཨརཧཱ ཨརཧཏྟཱ པརིཧཱཡཏཱིཏི? ཨཱམནྟཱ. ཡེ ཀེཙི ཨརཧནྟཱནཾ ཨབྦྷཱཙིཀྑནྟི, སབྦེ ཏེ ཨརཧཏྟཾ སཙྪིཀརོནྟཱིཏི? ན ཧེཝཾ ཝཏྟབྦེ…པེ….

ཀམྨཧེཏུཀཐཱ ནིཊྛིཏཱ.

ཨཊྛམཝགྒོ.

ཏསྶུདྡཱནཾ –

ཚ གཏིཡོ, ཨནྟརཱབྷཝོ, པཉྩེཝ ཀཱམགུཎཱ ཀཱམདྷཱཏུ, པཉྩེཝ ཨཱཡཏནཱ ཀཱམཱ, རཱུཔིནོ དྷམྨཱ རཱུཔདྷཱཏུ, ཨརཱུཔིནོ དྷམྨཱ ཨརཱུཔདྷཱཏུ, སལཱ༹ཡཏནིཀོ ཨཏྟབྷཱཝོ རཱུཔདྷཱཏུཡཱ, ཨཏྠི རཱུཔཾ ཨརཱུཔེསུ, རཱུཔཾ ཀམྨཾ, རཱུཔཾ ཛཱིཝིཏཾ, ཀམྨཧེཏུཀཱ པརིཧཱཡཏཱིཏི.

༩. ནཝམཝགྒོ

(༨༤) ༡. ཨཱནིསཾསདསྶཱཝཱིཀཐཱ

༥༤༧. ཨཱནིསཾསདསྶཱཝིསྶ ¶ ¶ སཾཡོཛནཱནཾ པཧཱནནྟི? ཨཱམནྟཱ. ནནུ སངྑཱརེ ཨནིཙྩཏོ མནསིཀརོཏོ སཾཡོཛནཱ པཧཱིཡནྟཱིཏི? ཨཱམནྟཱ. ཧཉྩི ¶ སངྑཱརེ ཨནིཙྩཏོ མནསིཀརོཏོ སཾཡོཛནཱ པཧཱིཡནྟི, ནོ ཙ ཝཏ རེ ཝཏྟབྦེ – ‘‘ཨཱནིསཾསདསྶཱཝིསྶ སཾཡོཛནཱནཾ པཧཱན’’ནྟི.

ནནུ སངྑཱརེ དུཀྑཏོ…པེ… རོགཏོ… གཎྜཏོ… སལླཏོ… ཨགྷཏོ… ཨཱབཱདྷཏོ… པརཏོ… པལོཀཏོ… ཨཱིཏིཏོ… ཨུཔདྡཝཏོ… བྷཡཏོ… ཨུཔསགྒཏོ… ཙལཏོ… པབྷངྒུཏོ… ཨདྡྷུཝཏོ… ཨཏཱཎཏོ… ཨལེཎཏོ… ཨསརཎཏོ… ཨསརཎཱིབྷཱུཏཏོ… རིཏྟཏོ… ཏུཙྪཏོ… སུཉྙཏོ… ཨནཏྟཏོ… ཨཱདཱིནཝཏོ…པེ… ཝིཔརིཎཱམདྷམྨཏོ མནསིཀརོཏོ སཾཡོཛནཱ པཧཱིཡནྟཱིཏི? ཨཱམནྟཱ. ཧཉྩི སངྑཱརེ ཝིཔརིཎཱམདྷམྨཏོ མནསིཀརོཏོ སཾཡོཛནཱ པཧཱིཡནྟི, ནོ ཙ ཝཏ རེ ཝཏྟབྦེ – ‘‘ཨཱནིསཾསདསྶཱཝིསྶ སཾཡོཛནཱནཾ པཧཱན’’ནྟི.

སངྑཱརེ ¶ ཙ ཨནིཙྩཏོ མནསི ཀརོཏི ནིབྦཱནེ ཙ ཨཱནིསཾསདསྶཱཝཱི ཧོཏཱིཏི? ན ཧེཝཾ ཝཏྟབྦེ…པེ… སངྑཱརེ ཙ ཨནིཙྩཏོ མནསི ཀརོཏི ནིབྦཱནེ ཙ ཨཱནིསཾསདསྶཱཝཱི ཧོཏཱིཏི? ཨཱམནྟཱ. དྭིནྣཾ ཕསྶཱནཾ…པེ… དྭིནྣཾ ཙིཏྟཱནཾ སམོདྷཱནཾ ཧོཏཱིཏི? ན ཧེཝཾ ཝཏྟབྦེ…པེ… སངྑཱརེ ཙ དུཀྑཏོ…པེ… ཝིཔརིཎཱམདྷམྨཏོ མནསི ཀརོཏི ནིབྦཱནེ ཙ ཨཱནིསཾསདསྶཱཝཱི ཧོཏཱིཏི? ན ཧེཝཾ ཝཏྟབྦེ…པེ… སངྑཱརེ ཙ ¶ ཝིཔརིཎཱམདྷམྨཏོ མནསི ཀརོཏི ནིབྦཱནེ ཙ ཨཱནིསཾསདསྶཱཝཱི ཧོཏཱིཏི? ཨཱམནྟཱ ¶ . དྭིནྣཾ ཕསྶཱནཾ…པེ… དྭིནྣཾ ཙིཏྟཱནཾ སམོདྷཱནཾ ཧོཏཱིཏི? ན ཧེཝཾ ཝཏྟབྦེ…པེ….

༥༤༨. ན ཝཏྟབྦཾ – ‘‘ཨཱནིསཾསདསྶཱཝིསྶ སཾཡོཛནཱནཾ པཧཱན’’ནྟི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཨིདྷ, བྷིཀྑཝེ, བྷིཀྑུ ནིབྦཱནེ སུཁཱནུཔསྶཱི ཝིཧརཏི སུཁསཉྙཱི སུཁཔཊིསཾཝེདཱི, སཏཏཾ སམིཏཾ ཨབྦོཀིཎྞཾ ཙེཏསཱ ཨདྷིམུཙྩམཱནོ པཉྙཱཡ པརིཡོགཱཧམཱནོ’’ཏི [ཨ. ནི. ༧.༡༩]! ཨཏྠེཝ སུཏྟནྟོཏི? ཨཱམནྟཱ. ཏེན ཧི ཨཱནིསཾསདསྶཱཝིསྶ སཾཡོཛནཱནཾ པཧཱནནྟི.

ཨཱནིསཾསདསྶཱཝཱིཀཐཱ ནིཊྛིཏཱ.

༩. ནཝམཝགྒོ

(༨༥) ༢. ཨམཏཱརམྨཎཀཐཱ

༥༤༩. ཨམཏཱརམྨཎཾ སཾཡོཛནནྟི? ཨཱམནྟཱ. ཨམཏཾ སཾཡོཛནིཡཾ གནྠནིཡཾ ཨོགྷནིཡཾ ཡོགནིཡཾ ནཱིཝརཎིཡཾ པརཱམཊྛཾ ཨུཔཱདཱནིཡཾ སཾཀིལེསིཡནྟི? ན ¶ ཧེཝཾ ཝཏྟབྦེ…པེ… ནནུ ཨམཏཾ ཨསཾཡོཛནིཡཾ ཨགནྠནིཡཾ…པེ… ཨསཾཀིལེསིཡནྟི? ཨཱམནྟཱ. ཧཉྩི ཨམཏཾ ཨསཾཡོཛནིཡཾ…པེ… ཨསཾཀིལེསིཡཾ, ནོ ཙ ཝཏ རེ ཝཏྟབྦེ – ‘‘ཨམཏཱརམྨཎཾ སཾཡོཛན’’ནྟི.

ཨམཏཾ ཨཱརབྦྷ རཱགོ ཨུཔྤཛྫཏཱིཏི? ཨཱམནྟཱ. ཨམཏཾ རཱགཊྛཱནིཡཾ རཛནིཡཾ ཀམནིཡཾ མདནིཡཾ བནྡྷནིཡཾ མུཙྪནིཡནྟི? ན ¶ ཧེཝཾ ¶ ཝཏྟབྦེ…པེ… ནནུ ཨམཏཾ ན རཱགཊྛཱནིཡཾ ན རཛནིཡཾ ན ཀམནིཡཾ ན མདནིཡཾ ན བནྡྷནིཡཾ ན མུཙྪནིཡནྟི? ཨཱམནྟཱ. ཧཉྩི ཨམཏཾ ན རཱགཊྛཱནིཡཾ ན རཛནིཡཾ ན ཀམནིཡཾ ན མདནིཡཾ ན བནྡྷནིཡཾ ན མུཙྪནིཡཾ, ནོ ཙ ཝཏ རེ ཝཏྟབྦེ – ‘‘ཨམཏཾ ཨཱརབྦྷ རཱགོ ཨུཔྤཛྫཏཱི’’ཏི.

ཨམཏཾ ཨཱརབྦྷ དོསོ ཨུཔྤཛྫཏཱིཏི? ཨཱམནྟཱ. ཨམཏཾ དོསཊྛཱནིཡཾ ཀོཔཊྛཱནིཡཾ པཊིགྷཊྛཱནིཡནྟི? ན ཧེཝཾ ཝཏྟབྦེ…པེ… ནནུ ཨམཏཾ ན དོསཊྛཱནིཡཾ ན ཀོཔཊྛཱནིཡཾ ན པཊིགྷཊྛཱནིཡནྟི? ཨཱམནྟཱ. ཧཉྩི ཨམཏཾ ན དོསཊྛཱནིཡཾ ན ཀོཔཊྛཱནིཡཾ ན པཊིགྷཊྛཱནིཡཾ, ནོ ཙ ཝཏ རེ ཝཏྟབྦེ – ‘‘ཨམཏཾ ཨཱརབྦྷ དོསོ ཨུཔྤཛྫཏཱི’’ཏི.

ཨམཏཾ ཨཱརབྦྷ མོཧོ ཨུཔྤཛྫཏཱིཏི? ཨཱམནྟཱ. ཨམཏཾ མོཧཊྛཱནིཡཾ ཨཉྙཱཎཀརཎཾ ཨཙཀྑུཀརཎཾ པཉྙཱནིརོདྷིཡཾ ཝིགྷཱཏཔཀྑིཡཾ ཨནིབྦཱནསཾཝཏྟནིཡནྟི? ན ཧེཝཾ ཝཏྟབྦེ…པེ… ནནུ ཨམཏཾ ན མོཧཊྛཱནིཡཾ ན ཨཉྙཱཎཀརཎཾ ན ཨཙཀྑུཀརཎཾ པཉྙཱབུདྡྷིཡཾ ཨཝིགྷཱཏཔཀྑིཡཾ ནིབྦཱནསཾཝཏྟནིཡནྟི? ཨཱམནྟཱ. ཧཉྩི ཨམཏཾ ན མོཧཊྛཱནིཡཾ ན ཨཉྙཱཎཀརཎཾ…པེ… ནིབྦཱནསཾཝཏྟནིཡཾ, ནོ ཙ ཝཏ རེ ཝཏྟབྦེ – ‘‘ཨམཏཾ ཨཱརབྦྷ མོཧོ ཨུཔྤཛྫཏཱི’’ཏི.

༥༥༠. རཱུཔཾ ¶ ཨཱརབྦྷ སཾཡོཛནཱ ཨུཔྤཛྫནྟི, རཱུཔཾ སཾཡོཛནིཡཾ གནྠནིཡཾ…པེ… སཾཀིལེསིཡནྟི? ཨཱམནྟཱ ¶ . ཨམཏཾ ཨཱརབྦྷ སཾཡོཛནཱ ཨུཔྤཛྫནྟི, ཨམཏཾ སཾཡོཛནིཡཾ…པེ… སཾཀིལེསིཡནྟི ¶ ? ན ཧེཝཾ ཝཏྟབྦེ…པེ….

རཱུཔཾ ཨཱརབྦྷ རཱགོ ཨུཔྤཛྫཏི, རཱུཔཾ རཱགཊྛཱནིཡཾ རཛནིཡཾ ཀམནིཡཾ མདནིཡཾ བནྡྷནིཡཾ མུཙྪནིཡནྟི? ཨཱམནྟཱ. ཨམཏཾ ཨཱརབྦྷ རཱགོ ཨུཔྤཛྫཏི, ཨམཏཾ རཱགཊྛཱནིཡཾ…པེ… མུཙྪནིཡནྟི? ན ཧེཝཾ ཝཏྟབྦེ…པེ….

རཱུཔཾ ཨཱརབྦྷ དོསོ ཨུཔྤཛྫཏི, རཱུཔཾ དོསཊྛཱནིཡཾ ཀོཔཊྛཱནིཡཾ པཊིགྷཊྛཱནིཡནྟི? ཨཱམནྟཱ. ཨམཏཾ ཨཱརབྦྷ དོསོ ཨུཔྤཛྫཏི, ཨམཏཾ དོསཊྛཱནིཡཾ ཀོཔཊྛཱནིཡཾ པཊིགྷཊྛཱནིཡནྟི? ན ཧེཝཾ ཝཏྟབྦེ…པེ….

རཱུཔཾ ¶ ཨཱརབྦྷ མོཧོ ཨུཔྤཛྫཏི, རཱུཔཾ མོཧཊྛཱནིཡཾ ཨཉྙཱཎཀརཎཾ…པེ… ཨནིབྦཱནསཾཝཏྟནིཡནྟི? ཨཱམནྟཱ. ཨམཏཾ ཨཱརབྦྷ མོཧོ ཨུཔྤཛྫཏི, ཨམཏཾ མོཧཊྛཱནིཡཾ ཨཉྙཱཎཀརཎཾ…པེ… ཨནིབྦཱནསཾཝཏྟནིཡནྟི? ན ཧེཝཾ ཝཏྟབྦེ…པེ….

ཨམཏཾ ཨཱརབྦྷ སཾཡོཛནཱ ཨུཔྤཛྫནྟི, ཨམཏཾ ཨསཾཡོཛནིཡཾ ཨགནྠནིཡཾ ཨནོགྷནིཡཾ ཨཡོགནིཡཾ ཨནཱིཝརཎིཡཾ ཨཔརཱམཊྛཾ ཨནུཔཱདཱནིཡཾ ཨསཾཀིལེསིཡནྟི? ཨཱམནྟཱ. རཱུཔཾ ཨཱརབྦྷ སཾཡོཛནཱ ཨུཔྤཛྫནྟི, རཱུཔཾ ཨསཾཡོཛནིཡཾ ཨགནྠནིཡཾ…པེ… ཨསཾཀིལེསིཡནྟི? ན ཧེཝཾ ཝཏྟབྦེ…པེ….

ཨམཏཾ ཨཱརབྦྷ རཱགོ ཨུཔྤཛྫཏི, ཨམཏཾ ན རཱགཊྛཱནིཡཾ ན རཛནིཡཾ ན ཀམནིཡཾ ན མདནིཡཾ ན བནྡྷནིཡཾ ན མུཙྪནིཡནྟི? ཨཱམནྟཱ ¶ . རཱུཔཾ ཨཱརབྦྷ རཱགོ ཨུཔྤཛྫཏི, རཱུཔཾ ན རཱགཊྛཱནིཡཾ…པེ… ན མུཙྪནིཡནྟི? ན ཧེཝཾ ཝཏྟབྦེ…པེ….

ཨམཏཾ ¶ ཨཱརབྦྷ དོསོ ཨུཔྤཛྫཏི, ཨམཏཾ ན དོསཊྛཱནིཡཾ ན ཀོཔཊྛཱནིཡཾ ན པཊིགྷཊྛཱནིཡནྟི? ཨཱམནྟཱ. རཱུཔཾ ཨཱརབྦྷ དོསོ ཨུཔྤཛྫཏི, རཱུཔཾ ན དོསཊྛཱནིཡཾ ན ཀོཔཊྛཱནིཡཾ ན པཊིགྷཊྛཱནིཡནྟི? ན ཧེཝཾ ཝཏྟབྦེ…པེ….

ཨམཏཾ ཨཱརབྦྷ མོཧོ ཨུཔྤཛྫཏི, ཨམཏཾ ན མོཧཊྛཱནིཡཾ ན ཨཉྙཱཎཀརཎཾ…པེ… ནིབྦཱནསཾཝཏྟནིཡནྟི? ཨཱམནྟཱ. རཱུཔཾ ཨཱརབྦྷ མོཧོ ཨུཔྤཛྫཏི, རཱུཔཾ ན མོཧཊྛཱནིཡཾ ན ཨཉྙཱཎཀརཎཾ…པེ… ནིབྦཱནསཾཝཏྟནིཡནྟི? ན ཧེཝཾ ཝཏྟབྦེ…པེ….

༥༥༡. ན ཝཏྟབྦཾ – ‘‘ཨམཏཱརམྨཎཾ སཾཡོཛན’’ནྟི? ཨཱམནྟཱ. ནནུ ཝུཏྟཾ བྷགཝཏཱ – ‘‘ནིབྦཱནཾ ནིབྦཱནཏོ སཉྫཱནཱཏི, ནིབྦཱནཾ ནིབྦཱནཏོ སཉྫཱནིཏྭཱ ནིབྦཱནཾ མཉྙཏི, ནིབྦཱནསྨིཾ མཉྙཏི, ནིབྦཱནཏོ མཉྙཏི, ནིབྦཱནཾ མེཏི མཉྙཏི, ནིབྦཱནཾ ཨབྷིནནྡཏཱི’’ཏི [མ. ནི. ༡.༦]! ཨཏྠེཝ སུཏྟནྟོཏི? ཨཱམནྟཱ. ཏེན ཧི ཨམཏཱརམྨཎཾ སཾཡོཛནནྟི.

ཨམཏཱརམྨཎཀཐཱ ནིཊྛིཏཱ.

༩. ནཝམཝགྒོ

(༨༦) ༣. རཱུཔཾ སཱརམྨཎནྟིཀཐཱ

༥༥༢. རཱུཔཾ ¶ ¶ ¶ སཱརམྨཎནྟི? ཨཱམནྟཱ. ཨཏྠི ཏསྶ ཨཱཝཊྚནཱ ཨཱབྷོགོ སམནྣཱཧཱརོ མནསིཀཱརོ ཙེཏནཱ པཏྠནཱ པཎིདྷཱིཏི? ན ཧེཝཾ ཝཏྟབྦེ…པེ… ནནུ ནཏྠི ཏསྶ ཨཱཝཊྚནཱ ཨཱབྷོགོ…པེ… པཎིདྷཱིཏི? ཨཱམནྟཱ. ཧཉྩི ནཏྠི ཏསྶ ཨཱཝཊྚནཱ ཨཱབྷོགོ…པེ… པཎིདྷི, ནོ ཙ ཝཏ རེ ཝཏྟབྦེ – ‘‘རཱུཔཾ སཱརམྨཎ’’ནྟི.

ཕསྶོ སཱརམྨཎོ, ཨཏྠི ཏསྶ ཨཱཝཊྚནཱ ཨཱབྷོགོ…པེ… པཎིདྷཱིཏི? ཨཱམནྟཱ ¶ . རཱུཔཾ སཱརམྨཎཾ, ཨཏྠི ཏསྶ ཨཱཝཊྚནཱ ཨཱབྷོགོ…པེ… པཎིདྷཱིཏི? ན ཧེཝཾ ཝཏྟབྦེ…པེ….

ཝེདནཱ…པེ… སཉྙཱ ཙེཏནཱ ཙིཏྟཾ སདྡྷཱ ཝཱིརིཡཾ སཏི སམཱདྷི པཉྙཱ རཱགོ དོསོ མོཧོ མཱནོ དིཊྛི ཝིཙིཀིཙྪཱ ཐིནཾ ཨུདྡྷཙྩཾ ཨཧིརིཀཾ…པེ… ཨནོཏྟཔྤཾ སཱརམྨཎཾ, ཨཏྠི ཏསྶ ཨཱཝཊྚནཱ ཨཱབྷོགོ…པེ… པཎིདྷཱིཏི? ཨཱམནྟཱ. རཱུཔཾ སཱརམྨཎཾ, ཨཏྠི ཏསྶ ཨཱཝཊྚནཱ ཨཱབྷོགོ…པེ… པཎིདྷཱིཏི? ན ཧེཝཾ ཝཏྟབྦེ…པེ….

རཱུཔཾ སཱརམྨཎཾ, ནཏྠི ཏསྶ ཨཱཝཊྚནཱ ཨཱབྷོགོ…པེ… པཎིདྷཱིཏི? ཨཱམནྟཱ. ཕསྶོ སཱརམྨཎོ, ནཏྠི ཏསྶ ཨཱཝཊྚནཱ ཨཱབྷོགོ…པེ… པཎིདྷཱིཏི? ན ཧེཝཾ ཝཏྟབྦེ…པེ….

རཱུཔཾ ¶ སཱརམྨཎཾ, ནཏྠི ཏསྶ ཨཱཝཊྚནཱ ཨཱབྷོགོ…པེ… པཎིདྷཱིཏི? ཨཱམནྟཱ. ཝེདནཱ…པེ… ཨནོཏྟཔྤཾ སཱརམྨཎཾ, ནཏྠི ཏསྶ ཨཱཝཊྚནཱ ཨཱབྷོགོ…པེ… པཎིདྷཱིཏི? ན ཧེཝཾ ཝཏྟབྦེ…པེ….

༥༥༣. ན ཝཏྟབྦཾ – ‘‘རཱུཔཾ སཱརམྨཎ’’ནྟི? ཨཱམནྟཱ. ནནུ རཱུཔཾ སཔྤཙྩཡནྟི? ཨཱམནྟཱ. ཧཉྩི རཱུཔཾ སཔྤཙྩཡཾ, ཏེན ཝཏ རེ ཝཏྟབྦེ – ‘‘རཱུཔཾ སཱརམྨཎ’’ནྟི.

རཱུཔཾ སཱརམྨཎནྟིཀཐཱ ནིཊྛིཏཱ.

༩. ནཝམཝགྒོ

(༨༧) ༤. ཨནུསཡཱ ཨནཱརམྨཎཀཐཱ

༥༥༤. ཨནུསཡཱ ¶ ¶ ཨནཱརམྨཎཱཏི? ཨཱམནྟཱ. རཱུཔཾ ¶ ནིབྦཱནཾ ཙཀྑཱཡཏནཾ…པེ… ཕོཊྛབྦཱཡཏནནྟི? ན ཧེཝཾ ཝཏྟབྦེ…པེ….

ཀཱམརཱགཱནུསཡོ ཨནཱརམྨཎོཏི? ཨཱམནྟཱ. ཀཱམརཱགོ ཀཱམརཱགཔརིཡུཊྛཱནཾ ཀཱམརཱགསཾཡོཛནཾ ཀཱམོགྷོ ཀཱམཡོགོ ཀཱམཙྪནྡནཱིཝརཎཾ ཨནཱརམྨཎནྟི? ན ཧེཝཾ ཝཏྟབྦེ…པེ… ཀཱམརཱགོ ཀཱམརཱགཔརིཡུཊྛཱནཾ ཀཱམརཱགསཾཡོཛནཾ ཀཱམོགྷོ ཀཱམཡོགོ ཀཱམཙྪནྡནཱིཝརཎཾ སཱརམྨཎནྟི? ཨཱམནྟཱ. ཀཱམརཱགཱནུསཡོ སཱརམྨཎོཏི? ན ཧེཝཾ ཝཏྟབྦེ…པེ….

ཀཱམརཱགཱནུསཡོ ཨནཱརམྨཎོཏི? ཨཱམནྟཱ. ཀཏམཀྑནྡྷཔརིཡཱཔནྣོཏི ¶ ? སངྑཱརཀྑནྡྷཔརིཡཱཔནྣོཏི. སངྑཱརཀྑནྡྷོ ཨནཱརམྨཎོཏི? ན ཧེཝཾ ཝཏྟབྦེ…པེ… སངྑཱརཀྑནྡྷོ ཨནཱརམྨཎོཏི? ཨཱམནྟཱ. ཝེདནཱཀྑནྡྷོ སཉྙཱཀྑནྡྷོ ཝིཉྙཱཎཀྑནྡྷོ ཨནཱརམྨཎོཏི? ན ཧེཝཾ ཝཏྟབྦེ…པེ….

ཀཱམརཱགཱནུསཡོ སངྑཱརཀྑནྡྷཔརིཡཱཔནྣོ ཨནཱརམྨཎོཏི? ཨཱམནྟཱ. ཀཱམརཱགོ སངྑཱརཀྑནྡྷཔརིཡཱཔནྣོ ཨནཱརམྨཎོཏི? ན ཧེཝཾ ཝཏྟབྦེ…པེ… ཀཱམརཱགོ སངྑཱརཀྑནྡྷཔརིཡཱཔནྣོ སཱརམྨཎོཏི? ཨཱམནྟཱ. ཀཱམརཱགཱནུསཡོ སངྑཱརཀྑནྡྷཔརིཡཱཔནྣོ སཱརམྨཎོཏི? ན ཧེཝཾ ཝཏྟབྦེ…པེ….

ཀཱམརཱགཱནུསཡོ ¶ སངྑཱརཀྑནྡྷཔརིཡཱཔནྣོ ཨནཱརམྨཎོ, ཀཱམརཱགོ སངྑཱརཀྑནྡྷཔརིཡཱཔནྣོ སཱརམྨཎོཏི? ཨཱམནྟཱ. སངྑཱརཀྑནྡྷོ ཨེཀདེསོ སཱརམྨཎོ ཨེཀདེསོ ཨནཱརམྨཎོཏི? ན ཧེཝཾ ཝཏྟབྦེ…པེ… སངྑཱརཀྑནྡྷོ ཨེཀདེསོ སཱརམྨཎོ ཨེཀདེསོ ཨནཱརམྨཎོཏི? ཨཱམནྟཱ. ཝེདནཱཀྑནྡྷོ སཉྙཱཀྑནྡྷོ ཝིཉྙཱཎཀྑནྡྷོ ཨེཀདེསོ སཱརམྨཎོ ཨེཀདེསོ ཨནཱརམྨཎོཏི? ན ཧེཝཾ ཝཏྟབྦེ…པེ….

༥༥༥. པཊིགྷཱནུསཡོ ¶ མཱནཱནུསཡོ དིཊྛཱནུསཡོ ཝིཙིཀིཙྪཱནུསཡོ བྷཝརཱགཱནུསཡོ ཨཝིཛྫཱནུསཡོ ཨནཱརམྨཎོཏི? ཨཱམནྟཱ. ཨཝིཛྫཱ ཨཝིཛྫོགྷོ ཨཝིཛྫཱཡོགོ ཨཝིཛྫཱནུསཡོ ཨཝིཛྫཱཔརིཡུཊྛཱནཾ ཨཝིཛྫཱསཾཡོཛནཾ ¶ ཨཝིཛྫཱནཱིཝརཎཾ ཨནཱརམྨཎནྟི? ན ཧེཝཾ ཝཏྟབྦེ…པེ… ཨཝིཛྫཱ ¶ ཨཝིཛྫོགྷོ…པེ… ཨཝིཛྫཱནཱིཝརཎཾ སཱརམྨཎནྟི? ཨཱམནྟཱ. ཨཝིཛྫཱནུསཡོ སཱརམྨཎོཏི? ན ཧེཝཾ ཝཏྟབྦེ…པེ….

ཨཝིཛྫཱནུསཡོ ཨནཱརམྨཎོཏི? ཨཱམནྟཱ. ཀཏམཀྑནྡྷཔརིཡཱཔནྣོཏི? སངྑཱརཀྑནྡྷཔརིཡཱཔནྣོཏི. སངྑཱརཀྑནྡྷོ ཨནཱརམྨཎོཏི? ན ཧེཝཾ ཝཏྟབྦེ…པེ… སངྑཱརཀྑནྡྷོ ཨནཱརམྨཎོཏི? ཨཱམནྟཱ. ཝེདནཱཀྑནྡྷོ སཉྙཱཀྑནྡྷོ ཝིཉྙཱཎཀྑནྡྷོ ཨནཱརམྨཎོཏི? ན ཧེཝཾ ཝཏྟབྦེ…པེ….

ཨཝིཛྫཱནུསཡོ སངྑཱརཀྑནྡྷཔརིཡཱཔནྣོ ཨནཱརམྨཎོཏི? ཨཱམནྟཱ. ཨཝིཛྫཱ ¶ སངྑཱརཀྑནྡྷཔརིཡཱཔནྣཱ ཨནཱརམྨཎཱཏི? ན ཧེཝཾ ཝཏྟབྦེ…པེ… ཨཝིཛྫཱ སངྑཱརཀྑནྡྷཔརིཡཱཔནྣཱ སཱརམྨཎཱཏི? ཨཱམནྟཱ. ཨཝིཛྫཱནུསཡོ སངྑཱརཀྑནྡྷཔརིཡཱཔནྣོ སཱརམྨཎོཏི? ན ཧེཝཾ ཝཏྟབྦེ…པེ….

ཨཝིཛྫཱནུསཡོ སངྑཱརཀྑནྡྷཔརིཡཱཔནྣོ ཨནཱརམྨཎོ, ཨཝིཛྫཱ སངྑཱརཀྑནྡྷཔརིཡཱཔནྣཱ སཱརམྨཎཱཏི? ཨཱམནྟཱ. སངྑཱརཀྑནྡྷོ ཨེཀདེསོ སཱརམྨཎོ ཨེཀདེསོ ཨནཱརམྨཎོཏི? ན ཧེཝཾ ཝཏྟབྦེ…པེ… སངྑཱརཀྑནྡྷོ ཨེཀདེསོ སཱརམྨཎོ ཨེཀདེསོ ཨནཱརམྨཎོཏི? ཨཱམནྟཱ. ཝེདནཱཀྑནྡྷོ སཉྙཱཀྑནྡྷོ ཝིཉྙཱཎཀྑནྡྷོ ཨེཀདེསོ སཱརམྨཎོ ཨེཀདེསོ ཨནཱརམྨཎོཏི? ན ཧེཝཾ ཝཏྟབྦེ…པེ….

༥༥༦. ན ¶ ཝཏྟབྦཾ – ‘‘ཨནུསཡཱ ཨནཱརམྨཎཱ’’ཏི? ཨཱམནྟཱ. པུཐུཛྫནོ ཀུསལཱབྱཱཀཏེ ཙིཏྟེ ཝཏྟམཱནེ སཱནུསཡོཏི ཝཏྟབྦོཏི? ཨཱམནྟཱ. ཨཏྠི ཏེསཾ ཨནུསཡཱནཾ ཨཱརམྨཎནྟི? ན ཧེཝཾ ཝཏྟབྦེ…པེ… ཏེན ཧི ཨནུསཡཱ ཨནཱརམྨཎཱཏི. པུཐུཛྫནོ ཀུསལཱབྱཱཀཏེ ཙིཏྟེ ཝཏྟམཱནེ སརཱགོཏི ཝཏྟབྦོཏི? ཨཱམནྟཱ. ཨཏྠི ཏསྶ རཱགསྶ ཨཱརམྨཎནྟི? ན ཧེཝཾ ཝཏྟབྦེ…པེ…. ཏེན ཧི རཱགོ ཨནཱརམྨཎོཏི.

ཨནུསཡཱ ཨནཱརམྨཎཱཏིཀཐཱ ནིཊྛིཏཱ.

༩. ནཝམཝགྒོ

(༨༨) ༥. ཉཱཎཾ ཨནཱརམྨཎནྟིཀཐཱ

༥༥༧. ཉཱཎཾ ¶ ¶ ཨནཱརམྨཎནྟི? ཨཱམནྟཱ. རཱུཔཾ ནིབྦཱནཾ ཙཀྑཱཡཏནཾ…པེ… ཕོཊྛབྦཱཡཏནནྟི? ན ཧེཝཾ ཝཏྟབྦེ…པེ… ཉཱཎཾ ཨནཱརམྨཎནྟི? ཨཱམནྟཱ. པཉྙཱ ¶ པཉྙིནྡྲིཡཾ པཉྙཱབལཾ སམྨཱདིཊྛི དྷམྨཝིཙཡསམྦོཛ྄ཛྷངྒོ ཨནཱརམྨཎོཏི? ན ཧེཝཾ ཝཏྟབྦེ…པེ… པཉྙཱ པཉྙིནྡྲིཡཾ པཉྙཱབལཾ སམྨཱདིཊྛི དྷམྨཝིཙཡསམྦོཛ྄ཛྷངྒོ སཱརམྨཎོཏི? ཨཱམནྟཱ. ཉཱཎཾ སཱརམྨཎནྟི? ན ཧེཝཾ ཝཏྟབྦེ…པེ….

ཉཱཎཾ ཨནཱརམྨཎནྟི? ཨཱམནྟཱ. ཀཏམཀྑནྡྷཔརིཡཱཔནྣནྟི? སངྑཱརཀྑནྡྷཔརིཡཱཔནྣནྟི. སངྑཱརཀྑནྡྷོ ཨནཱརམྨཎོཏི? ན ཧེཝཾ ཝཏྟབྦེ…པེ… སངྑཱརཀྑནྡྷོ ཨནཱརམྨཎོཏི ¶ ? ཨཱམནྟཱ. ཝེདནཱཀྑནྡྷོ སཉྙཱཀྑནྡྷོ ཝིཉྙཱཎཀྑནྡྷོ ཨནཱརམྨཎོཏི? ན ཧེཝཾ ཝཏྟབྦེ…པེ… ཉཱཎཾ སངྑཱརཀྑནྡྷཔརིཡཱཔནྣཾ ཨནཱརམྨཎནྟི? ཨཱམནྟཱ. པཉྙཱ སངྑཱརཀྑནྡྷཔརིཡཱཔནྣཱ ཨནཱརམྨཎཱཏི? ན ཧེཝཾ ཝཏྟབྦེ…པེ… པཉྙཱ སངྑཱརཀྑནྡྷཔརིཡཱཔནྣཱ སཱརམྨཎཱཏི? ཨཱམནྟཱ. ཉཱཎཾ སངྑཱརཀྑནྡྷཔརིཡཱཔནྣཾ སཱརམྨཎནྟི? ན ཧེཝཾ ཝཏྟབྦེ…པེ….

ཉཱཎཾ ¶ སངྑཱརཀྑནྡྷཔརིཡཱཔནྣཾ ཨནཱརམྨཎཾ, པཉྙཱ སངྑཱརཀྑནྡྷཔརིཡཱཔནྣཱ སཱརམྨཎཱཏི? ཨཱམནྟཱ. སངྑཱརཀྑནྡྷོ ཨེཀདེསོ སཱརམྨཎོ ཨེཀདེསོ ཨནཱརམྨཎོཏི? ན ཧེཝཾ ཝཏྟབྦེ…པེ… སངྑཱརཀྑནྡྷོ ཨེཀདེསོ སཱརམྨཎོ ཨེཀདེསོ ཨནཱརམྨཎོཏི? ཨཱམནྟཱ. ཝེདནཱཀྑནྡྷོ སཉྙཱཀྑནྡྷོ ཝིཉྙཱཎཀྑནྡྷོ ཨེཀདེསོ སཱརམྨཎོ ཨེཀདེསོ ཨནཱརམྨཎོཏི? ན ཧེཝཾ ཝཏྟབྦེ…པེ….

༥༥༨. ན ཝཏྟབྦཾ – ‘‘ཉཱཎཾ ཨནཱརམྨཎ’’ནྟི? ཨཱམནྟཱ. ཨརཧཱ ཙཀྑུཝིཉྙཱཎསམངྒཱི ཉཱཎཱིཏི ཝཏྟབྦོཏི? ཨཱམནྟཱ. ཨཏྠི ཏསྶ ཉཱཎསྶ ཨཱརམྨཎནྟི? ན ཧེཝཾ ཝཏྟབྦེ…པེ… ཏེན ཧི ཉཱཎཾ ཨནཱརམྨཎནྟི. ཨརཧཱ ཙཀྑུཝིཉྙཱཎསམངྒཱི པཉྙཝཱཏི ¶ ཝཏྟབྦོཏི? ཨཱམནྟཱ. ཨཏྠི ཏཱཡ པཉྙཱཡ ཨཱརམྨཎནྟི? ན ¶ ཧེཝཾ ཝཏྟབྦེ…པེ…. ཏེན ཧི པཉྙཱ ཨནཱརམྨཎཱཏི.

ཉཱཎཾ ཨནཱརམྨཎནྟིཀཐཱ ནིཊྛིཏཱ.

༩. ནཝམཝགྒོ

(༨༩) ༦. ཨཏཱིཏཱནཱགཏཱརམྨཎཀཐཱ

༥༥༩. ཨཏཱིཏཱརམྨཎཾ ཙིཏྟཾ ཨནཱརམྨཎནྟི? ཨཱམནྟཱ. ནནུ ཨཏཱིཏཱརམྨཎནྟི? ཨཱམནྟཱ. ཧཉྩི ཨཏཱིཏཱརམྨཎཾ, ནོ ཙ ཝཏ རེ ཝཏྟབྦེ – ‘‘ཨཏཱིཏཱརམྨཎཾ ¶ ཙིཏྟཾ ཨནཱརམྨཎ’’ནྟི. ཨཏཱིཏཱརམྨཎཾ ¶ ཙིཏྟཾ ཨནཱརམྨཎནྟི མིཙྪཱ. ཧཉྩི ཝཱ པན ཨནཱརམྨཎཾ, ནོ ཙ ཝཏ རེ ཝཏྟབྦེ – ‘‘ཨཏཱིཏཱརམྨཎ’’ནྟི. ཨནཱརམྨཎཾ ཨཏཱིཏཱརམྨཎནྟི མིཙྪཱ.

ཨཏཱིཏཱརམྨཎཾ ཙིཏྟཾ ཨནཱརམྨཎནྟི? ཨཱམནྟཱ. ནནུ ཨཏཱིཏཾ ཨཱརབྦྷ ཨཏྠི ཨཱཝཊྚནཱ…པེ… པཎིདྷཱིཏི? ཨཱམནྟཱ. ཧཉྩི ཨཏཱིཏཾ ཨཱརབྦྷ ཨཏྠི ཨཱཝཊྚནཱ…པེ… པཎིདྷི, ནོ ཙ ཝཏ རེ ཝཏྟབྦེ – ‘‘ཨཏཱིཏཱརམྨཎཾ ཙིཏྟཾ ཨནཱརམྨཎ’’ནྟི.

༥༦༠. ཨནཱགཏཱརམྨཎཾ ཙིཏྟཾ ཨནཱརམྨཎནྟི? ཨཱམནྟཱ. ནནུ ཨནཱགཏཱརམྨཎནྟི? ཨཱམནྟཱ. ཧཉྩི ཨནཱགཏཱརམྨཎཾ, ནོ ¶ ཙ ཝཏ རེ ཝཏྟབྦེ – ‘‘ཨནཱགཏཱརམྨཎཾ ཙིཏྟཾ ཨནཱརམྨཎ’’ནྟི. ཨནཱགཏཱརམྨཎཾ ཙིཏྟཾ ཨནཱརམྨཎནྟི མིཙྪཱ. ཧཉྩི ཝཱ པན ཨནཱརམྨཎཾ, ནོ ཙ ཝཏ རེ ཝཏྟབྦེ – ‘‘ཨནཱགཏཱརམྨཎ’’ནྟི. ཨནཱརམྨཎཾ ཨནཱགཏཱརམྨཎནྟི མིཙྪཱ.

ཨནཱགཏཱརམྨཎཾ ཙིཏྟཾ ཨནཱརམྨཎནྟི? ཨཱམནྟཱ. ནནུ ཨནཱགཏཾ ཨཱརབྦྷ ཨཏྠི ཨཱཝཊྚནཱ…པེ… པཎིདྷཱིཏི? ཨཱམནྟཱ. ཧཉྩི ཨནཱགཏཾ ཨཱརབྦྷ ཨཏྠི ཨཱཝཊྚནཱ…པེ… པཎིདྷི, ནོ ཙ ཝཏ རེ ཝཏྟབྦེ – ‘‘ཨནཱགཏཱརམྨཎཾ ཙིཏྟཾ ཨནཱརམྨཎ’’ནྟི.

པཙྩུཔྤནྣཾ ¶ ཨཱརབྦྷ ཨཏྠི ཨཱཝཊྚནཱ…པེ… པཎིདྷི, པཙྩུཔྤནྣཱརམྨཎཾ ཙིཏྟཾ སཱརམྨཎནྟི? ཨཱམནྟཱ. ཨཏཱིཏཾ ¶ ཨཱརབྦྷ ཨཏྠི ཨཱཝཊྚནཱ…པེ… པཎིདྷི, ཨཏཱིཏཱརམྨཎཾ ཙིཏྟཾ སཱརམྨཎནྟི? ན ཧེཝཾ ཝཏྟབྦེ…པེ… པཙྩུཔྤནྣཾ ཨཱརབྦྷ ཨཏྠི ཨཱཝཊྚནཱ…པེ… པཎིདྷི, པཙྩུཔྤནྣཱརམྨཎཾ ཙིཏྟཾ སཱརམྨཎནྟི? ཨཱམནྟཱ. ཨནཱགཏཾ ཨཱརབྦྷ ཨཏྠི ཨཱཝཊྚནཱ…པེ… པཎིདྷི, ཨནཱགཏཱརམྨཎཾ ཙིཏྟཾ སཱརམྨཎནྟི? ན ཧེཝཾ ཝཏྟབྦེ…པེ….

ཨཏཱིཏཾ ཨཱརབྦྷ ཨཏྠི ཨཱཝཊྚནཱ…པེ… པཎིདྷི, ཨཏཱིཏཱརམྨཎཾ ཙིཏྟཾ ཨནཱརམྨཎནྟི? ཨཱམནྟཱ. པཙྩུཔྤནྣཾ ཨཱརབྦྷ ཨཏྠི ཨཱཝཊྚནཱ…པེ… པཎིདྷི, པཙྩུཔྤནྣཱརམྨཎཾ ཙིཏྟཾ ཨནཱརམྨཎནྟི? ན ཧེཝཾ ཝཏྟབྦེ…པེ….

ཨནཱགཏཾ ¶ ཨཱརབྦྷ ཨཏྠི ཨཱཝཊྚནཱ…པེ… པཎིདྷི, ཨནཱགཏཱརམྨཎཾ ཙིཏྟཾ ཨནཱརམྨཎནྟི? ཨཱམནྟཱ. པཙྩུཔྤནྣཾ ཨཱརབྦྷ ཨཏྠི ཨཱཝཊྚནཱ…པེ… པཎིདྷི, པཙྩུཔྤནྣཱརམྨཎཾ ཙིཏྟཾ ཨནཱརམྨཎནྟི? ན ཧེཝཾ ཝཏྟབྦེ…པེ….

༥༦༡. ན ¶ ཝཏྟབྦཾ – ‘‘ཨཏཱིཏཱནཱགཏཱརམྨཎཾ ཙིཏྟཾ ཨནཱརམྨཎ’’ནྟི? ཨཱམནྟཱ. ནནུ ཨཏཱིཏཱནཱགཏཾ ནཏྠཱིཏི? ཨཱམནྟཱ. ཧཉྩི ཨཏཱིཏཱནཱགཏཾ ནཏྠི, ཏེན ཝཏ རེ ཝཏྟབྦེ – ‘‘ཨཏཱིཏཱནཱགཏཱརམྨཎཾ ཙིཏྟཾ ཨནཱརམྨཎ’’ནྟི…པེ….

ཨཏཱིཏཱནཱགཏཱརམྨཎཀཐཱ ནིཊྛིཏཱ.

༩. ནཝམཝགྒོ

(༩༠) ༧. ཝིཏཀྐཱནུཔཏིཏཀཐཱ

༥༦༢. སབྦཾ ཙིཏྟཾ ཝིཏཀྐཱནུཔཏིཏནྟི? ཨཱམནྟཱ. སབྦཾ ཙིཏྟཾ ཝིཙཱརཱནུཔཏིཏཾ པཱིཏཱནུཔཏིཏཾ སུཁཱནུཔཏིཏཾ དུཀྑཱནུཔཏིཏཾ སོམནསྶཱནུཔཏིཏཾ དོམནསྶཱནུཔཏིཏཾ ¶ ཨུཔེཀྑཱནུཔཏིཏཾ ¶ སདྡྷཱནུཔཏིཏཾ ཝཱིརིཡཱནུཔཏིཏཾ སཏཱནུཔཏིཏཾ སམཱདྷཱནུཔཏིཏཾ པཉྙཱནུཔཏིཏཾ རཱགཱནུཔཏིཏཾ དོསཱནུཔཏིཏཾ…པེ… ཨནོཏྟཔྤཱནུཔཏིཏནྟི? ན ཧེཝཾ ཝཏྟབྦེ…པེ….

སབྦཾ ཙིཏྟཾ ཝིཏཀྐཱནུཔཏིཏནྟི? ཨཱམནྟཱ. ནནུ ཨཏྠི ཨཝིཏཀྐོ ཝིཙཱརམཏྟོ སམཱདྷཱིཏི? ཨཱམནྟཱ. ཧཉྩི ཨཏྠི ཨཝིཏཀྐོ ཝིཙཱརམཏྟོ སམཱདྷི, ནོ ཙ ཝཏ རེ ཝཏྟབྦེ – ‘‘སབྦཾ ཙིཏྟཾ ཝིཏཀྐཱནུཔཏིཏ’’ནྟི ¶ .

སབྦཾ ཙིཏྟཾ ཝིཏཀྐཱནུཔཏིཏནྟི? ཨཱམནྟཱ. ནནུ ཨཏྠི ཨཝིཏཀྐོ ཨཝིཙཱརོ སམཱདྷཱིཏི? ཨཱམནྟཱ. ཧཉྩི ཨཏྠི ཨཝིཏཀྐོ ཨཝིཙཱརོ སམཱདྷི, ནོ ཙ ཝཏ རེ ཝཏྟབྦེ – ‘‘སབྦཾ ཙིཏྟཾ ཝིཏཀྐཱནུཔཏིཏ’’ནྟི. སབྦཾ ཙིཏྟཾ ཝིཏཀྐཱནུཔཏིཏནྟི? ཨཱམནྟཱ. ནནུ ཏཡོ སམཱདྷཱི ཝུཏྟཱ བྷགཝཏཱ – སཝིཏཀྐོ སཝིཙཱརོ སམཱདྷི, ཨཝིཏཀྐོ ཝིཙཱརམཏྟོ སམཱདྷི, ཨཝིཏཀྐོ ཨཝིཙཱརོ སམཱདྷཱིཏི [དཱི. ནི. ༣.༣༠༥, ༣༥༣]? ཨཱམནྟཱ. ཧཉྩི ཏཡོ སམཱདྷཱི ཝུཏྟཱ བྷགཝཏཱ – སཝིཏཀྐོ སཝིཙཱརོ སམཱདྷི, ཨཝིཏཀྐོ ཝིཙཱརམཏྟོ སམཱདྷི, ཨཝིཏཀྐོ ཨཝིཙཱརོ སམཱདྷི, ནོ ཙ ཝཏ རེ ཝཏྟབྦེ – ‘‘སབྦཾ ཙིཏྟཾ ཝིཏཀྐཱནུཔཏིཏ’’ནྟི.

ཝིཏཀྐཱནུཔཏིཏཀཐཱ ནིཊྛིཏཱ.

༩. ནཝམཝགྒོ

(༩༡) ༨. ཝིཏཀྐཝིཔྥཱརསདྡཀཐཱ

༥༦༣. སབྦསོ ¶ ཝིཏཀྐཡཏོ ཝིཙཱརཡཏོ ཝིཏཀྐཝིཔྥཱརོ སདྡོཏི? ཨཱམནྟཱ. སབྦསོ ཕུསཡཏོ ཕསྶཝིཔྥཱརོ སདྡོ, སབྦསོ ཝེདཡཏོ ¶ ཝེདནཱཝིཔྥཱརོ སདྡོ, སབྦསོ སཉྫཱནཏོ སཉྙཱཝིཔྥཱརོ སདྡོ, སབྦསོ ཙེཏཡཏོ ཙེཏནཱཝིཔྥཱརོ སདྡོ, སབྦསོ ཙིནྟཡཏོ ཙིཏྟཝིཔྥཱརོ ¶ སདྡོ, སབྦསོ སརཏོ སཏིཝིཔྥཱརོ སདྡོ, སབྦསོ པཛཱནཏོ ¶ པཉྙཱཝིཔྥཱརོ སདྡོཏི? ན ཧེཝཾ ཝཏྟབྦེ…པེ….

སབྦསོ ཝིཏཀྐཡཏོ ཝིཙཱརཡཏོ ཝིཏཀྐཝིཔྥཱརོ སདྡོཏི? ཨཱམནྟཱ. ཝིཏཀྐཝིཔྥཱརོ སདྡོ སོཏཝིཉྙེཡྻོ སོཏསྨིཾ པཊིཧཉྙཏི སོཏསྶ ཨཱཔཱཐཾ ཨཱགཙྪཏཱིཏི? ན ཧེཝཾ ཝཏྟབྦེ…པེ…. ནནུ ཝིཏཀྐཝིཔྥཱརོ སདྡོ ན སོཏཝིཉྙེཡྻོ ན སོཏསྨིཾ པཊིཧཉྙཏི ན སོཏསྶ ཨཱཔཱཐཾ ཨཱགཙྪཏཱིཏི? ཨཱམནྟཱ. ཧཉྩི ཝིཏཀྐཝིཔྥཱརོ སདྡོ ན སོཏཝིཉྙེཡྻོ ན སོཏསྨིཾ པཊིཧཉྙཏི ན སོཏསྶ ཨཱཔཱཐཾ ཨཱགཙྪཏི, ནོ ཙ ཝཏ རེ ཝཏྟབྦེ – ‘‘སབྦསོ ཝིཏཀྐཡཏོ ཝིཙཱརཡཏོ ཝིཏཀྐཝིཔྥཱརོ སདྡོ’’ཏི.

ཝིཏཀྐཝིཔྥཱརསདྡཀཐཱ ནིཊྛིཏཱ.

༩. ནཝམཝགྒོ

(༩༢) ༩. ན ཡཐཱཙིཏྟསྶ ཝཱཙཱཏིཀཐཱ

༥༦༤. ན ཡཐཱཙིཏྟསྶ ཝཱཙཱཏི? ཨཱམནྟཱ. ཨཕསྶཀསྶ ཝཱཙཱ ཨཝེདནཀསྶ ཝཱཙཱ ཨསཉྙཀསྶ ཝཱཙཱ ཨཙེཏནཀསྶ ཝཱཙཱ ཨཙིཏྟཀསྶ ཝཱཙཱཏི? ན ཧེཝཾ ཝཏྟབྦེ…པེ… ནནུ སཕསྶཀསྶ ཝཱཙཱ སཝེདནཀསྶ ཝཱཙཱ སསཉྙཀསྶ ཝཱཙཱ སཙེཏནཀསྶ ཝཱཙཱ སཙིཏྟཀསྶ ཝཱཙཱཏི? ཨཱམནྟཱ. ཧཉྩི སཕསྶཀསྶ ཝཱཙཱ…པེ… སཙིཏྟཀསྶ ཝཱཙཱ, ནོ ཙ ཝཏ རེ ཝཏྟབྦེ – ‘‘ན ཡཐཱཙིཏྟསྶ ཝཱཙཱ’’ཏི.

ན ¶ ¶ ¶ ཡཐཱཙིཏྟསྶ ཝཱཙཱཏི? ཨཱམནྟཱ. ཨནཱཝཊྚེནྟསྶ [ཨནཱཝཊྚནྟསྶ (པཱི.), ཨནཱཝཛྫནྟསྶ (སཱི. སྱཱ. ཀ.) ཀཐཱ. ༤༨༤ པསྶིཏབྦཾ] ཝཱཙཱ…པེ… ཨནཱབྷོགསྶ ཝཱཙཱ…པེ… ཨཔྤཎིདཧནྟསྶ ཝཱཙཱཏི? ན ཧེཝཾ ཝཏྟབྦེ…པེ… ནནུ ཨཱཝཊྚེནྟསྶ ཝཱཙཱ ཨཱབྷོགསྶ ཝཱཙཱ…པེ… པཎིདཧནྟསྶ ཝཱཙཱཏི? ཨཱམནྟཱ. ཧཉྩི ཨཱཝཊྚེནྟསྶ ཝཱཙཱ ཨཱབྷོགསྶ ཝཱཙཱ པཎིདཧནྟསྶ ཝཱཙཱ, ནོ ཙ ཝཏ རེ ཝཏྟབྦེ – ‘‘ན ཡཐཱཙིཏྟསྶ ཝཱཙཱ’’ཏི.

ན ¶ ཡཐཱཙིཏྟསྶ ཝཱཙཱཏི? ཨཱམནྟཱ. ནནུ ཝཱཙཱ ཙིཏྟསམུཊྛཱནཱ ཙིཏྟེན སཧཛཱཏཱ ཙིཏྟེན སཧ ཨེཀུཔྤཱདཱཏི? ཨཱམནྟཱ. ཧཉྩི ཝཱཙཱ ཙིཏྟསམུཊྛཱནཱ ཙིཏྟེན སཧཛཱཏཱ ཙིཏྟེན སཧ ཨེཀུཔྤཱདཱ, ནོ ཙ ཝཏ རེ ཝཏྟབྦེ – ‘‘ན ཡཐཱཙིཏྟསྶ ཝཱཙཱ’’ཏི.

ན ཡཐཱཙིཏྟསྶ ཝཱཙཱཏི? ཨཱམནྟཱ. ན བྷཎིཏུཀཱམོ བྷཎཏི, ན ཀཐེཏུཀཱམོ ཀཐེཏི, ན ཨཱལཔིཏུཀཱམོ ཨཱལཔཏི, ན ཝོཧརིཏུཀཱམོ ཝོཧརཏཱིཏི? ན ཧེཝཾ ཝཏྟབྦེ…པེ… ནནུ བྷཎིཏུཀཱམོ བྷཎཏི, ཀཐེཏུཀཱམོ ཀཐེཏི, ཨཱལཔིཏུཀཱམོ ཨཱལཔཏི, ཝོཧརིཏུཀཱམོ ཝོཧརཏཱིཏི? ཨཱམནྟཱ. ཧཉྩི བྷཎིཏུཀཱམོ བྷཎཏི, ཀཐེཏུཀཱམོ ཀཐེཏི, ཨཱལཔིཏུཀཱམོ ཨཱལཔཏི, ཝོཧརིཏུཀཱམོ ཝོཧརཏི, ནོ ཙ ཝཏ རེ ཝཏྟབྦེ – ‘‘ན ཡཐཱཙིཏྟསྶ ཝཱཙཱ’’ཏི.

༥༦༥. ན ཝཏྟབྦཾ – ‘‘ན ཡཐཱཙིཏྟསྶ ཝཱཙཱ’’ཏི? ཨཱམནྟཱ. ནནུ ཨཏྠི ཀོཙི ‘‘ཨཉྙཾ བྷཎིསྶཱམཱི’’ཏི ཨཉྙཾ བྷཎཏི, ‘‘ཨཉྙཾ ཀཐེསྶཱམཱི’’ཏི ཨཉྙཾ ཀཐེཏི, ‘‘ཨཉྙཾ ཨཱལཔིསྶཱམཱི’’ཏི ཨཉྙཾ ཨཱལཔཏི, ‘‘ཨཉྙཾ ཝོཧརིསྶཱམཱི’’ཏི ¶ ཨཉྙཾ ཝོཧརཏཱིཏི? ཨཱམནྟཱ. ཧཉྩི ཨཏྠི ཀོཙི ‘‘ཨཉྙཾ བྷཎིསྶཱམཱི’’ཏི ཨཉྙཾ བྷཎཏི,…པེ… ¶ ‘‘ཨཉྙཾ ཝོཧརིསྶཱམཱི’’ཏི ཨཉྙཾ ཝོཧརཏི, ཏེན ཝཏ རེ ཝཏྟབྦེ – ‘‘ན ཡཐཱཙིཏྟསྶ ཝཱཙཱ’’ཏི.

ན ཡཐཱཙིཏྟསྶ ཝཱཙཱཏིཀཐཱ ནིཊྛིཏཱ.

༩. ནཝམཝགྒོ

(༩༣) ༡༠. ན ཡཐཱཙིཏྟསྶ ཀཱཡཀམྨནྟིཀཐཱ

༥༦༦. ན ¶ ཡཐཱཙིཏྟསྶ ཀཱཡཀམྨནྟི? ཨཱམནྟཱ. ཨཕསྶཀསྶ ཀཱཡཀམྨཾ…པེ… ཨཙིཏྟཀསྶ ཀཱཡཀམྨནྟི? ན ཧེཝཾ ཝཏྟབྦེ…པེ… ནནུ སཕསྶཀསྶ ཀཱཡཀམྨཾ…པེ… སཙིཏྟཀསྶ ཀཱཡཀམྨནྟི? ཨཱམནྟཱ. ཧཉྩི སཕསྶཀསྶ ཀཱཡཀམྨཾ…པེ… སཙིཏྟཀསྶ ཀཱཡཀམྨཾ, ནོ ཙ ཝཏ རེ ཝཏྟབྦེ – ‘‘ན ཡཐཱཙིཏྟསྶ ཀཱཡཀམྨ’’ནྟི.

ན ¶ ཡཐཱཙིཏྟསྶ ཀཱཡཀམྨནྟི? ཨཱམནྟཱ. ཨནཱཝཊྚེནྟསྶ ཀཱཡཀམྨཾ…པེ… ཨཔྤཎིདཧནྟསྶ ཀཱཡཀམྨནྟི? ན ཧེཝཾ ཝཏྟབྦེ…པེ… ནནུ ཨཱཝཊྚེནྟསྶ ཀཱཡཀམྨཾ…པེ… པཎིདཧནྟསྶ ཀཱཡཀམྨནྟི? ཨཱམནྟཱ. ཧཉྩི ཨཱཝཊྚེནྟསྶ ཀཱཡཀམྨཾ…པེ… པཎིདཧནྟསྶ ཀཱཡཀམྨཾ, ནོ ཙ ཝཏ རེ ཝཏྟབྦེ – ‘‘ན ཡཐཱཙིཏྟསྶ ཀཱཡཀམྨ’’ནྟི.

ན ཡཐཱཙིཏྟསྶ ཀཱཡཀམྨནྟི? ཨཱམནྟཱ. ནནུ ཀཱཡཀམྨཾ ཙིཏྟསམུཊྛཱནཾ ཙིཏྟེན སཧཛཱཏཾ ཙིཏྟེན སཧ ཨེཀུཔྤཱདནྟི? ཨཱམནྟཱ ¶ . ཧཉྩི ¶ ཀཱཡཀམྨཾ ཙིཏྟསམུཊྛཱནཾ ཙིཏྟེན སཧཛཱཏཾ ཙིཏྟེན སཧ ཨེཀུཔྤཱདཾ, ནོ ཙ ཝཏ རེ ཝཏྟབྦེ – ‘‘ན ཡཐཱཙིཏྟསྶ ཀཱཡཀམྨ’’ནྟི.

ན ཡཐཱཙིཏྟསྶ ཀཱཡཀམྨནྟི? ཨཱམནྟཱ. ན ཨབྷིཀྐམིཏུཀཱམོ ཨབྷིཀྐམཏི, ན པཊིཀྐམིཏུཀཱམོ པཊིཀྐམཏི, ན ཨཱལོཀེཏུཀཱམོ ཨཱལོཀེཏི, ན ཝིལོཀེཏུཀཱམོ ཝིལོཀེཏི, ན སམིཉྫིཏུཀཱམོ སམིཉྫེཏི, ན པསཱརེཏུཀཱམོ པསཱརེཏཱིཏི? ན ཧེཝཾ ཝཏྟབྦེ…པེ…. ནནུ ཨབྷིཀྐམིཏུཀཱམོ ཨབྷིཀྐམཏི, པཊིཀྐམིཏུཀཱམོ པཊིཀྐམཏི, ཨཱལོཀེཏུཀཱམོ ཨཱལོཀེཏི, ཝིལོཀེཏུཀཱམོ ཝིལོཀེཏི, སམིཉྫིཏུཀཱམོ སམིཉྫེཏི, པསཱརེཏུཀཱམོ པསཱརེཏཱིཏི? ཨཱམནྟཱ. ཧཉྩི ཨབྷིཀྐམིཏུཀཱམོ ཨབྷིཀྐམཏི…པེ… པསཱརེཏུཀཱམོ པསཱརེཏི, ནོ ཙ ཝཏ རེ ཝཏྟབྦེ – ‘‘ན ཡཐཱཙིཏྟསྶ ཀཱཡཀམྨ’’ནྟི.

༥༦༧. ན ཝཏྟབྦཾ – ‘‘ན ཡཐཱཙིཏྟསྶ ཀཱཡཀམྨ’’ནྟི? ཨཱམནྟཱ. ནནུ ཨཏྠི ཀོཙི ‘‘ཨཉྙཏྲ གཙྪིསྶཱམཱི’’ཏི ཨཉྙཏྲ གཙྪཏི…པེ… ‘‘ཨཉྙཾ པསཱརེསྶཱམཱི’’ཏི ཨཉྙཾ པསཱརེཏཱིཏི? ཨཱམནྟཱ. ཧཉྩི ཨཏྠི ཀོཙི ‘‘ཨཉྙཏྲ ¶ གཙྪིསྶཱམཱི’’ཏི ཨཉྙཏྲ གཙྪཏི…པེ… ‘‘ཨཉྙཾ པསཱརེསྶཱམཱི’’ཏི ཨཉྙཾ པསཱརེཏི, ཏེན ཝཏ རེ ཝཏྟབྦེ – ‘‘ན ཡཐཱཙིཏྟསྶ ཀཱཡཀམྨ’’ནྟི.

ན ཡཐཱཙིཏྟསྶ ཀཱཡཀམྨནྟིཀཐཱ ནིཊྛིཏཱ.

༩. ནཝམཝགྒོ

(༩༤) ༡༡. ཨཏཱིཏཱནཱགཏསམནྣཱགཏཀཐཱ

༥༦༨. ཨཏཱིཏེན ¶ ¶ སམནྣཱགཏོཏི? ཨཱམནྟཱ. ནནུ ཨཏཱིཏཾ ནིརུདྡྷཾ ཝིགཏཾ ཝིཔརིཎཏཾ ཨཏྠངྒཏཾ ཨབྦྷཏྠངྒཏནྟི? ཨཱམནྟཱ. ཧཉྩི ¶ ཨཏཱིཏཾ ནིརུདྡྷཾ ཝིགཏཾ ཝིཔརིཎཏཾ ཨཏྠངྒཏཾ ཨབྦྷཏྠངྒཏཾ, ནོ ཙ ཝཏ རེ ཝཏྟབྦེ – ‘‘ཨཏཱིཏེན སམནྣཱགཏོ’’ཏི.

ཨནཱགཏེན སམནྣཱགཏོཏི? ཨཱམནྟཱ. ནནུ ཨནཱགཏཾ ཨཛཱཏཾ ཨབྷཱུཏཾ ཨསཉྫཱཏཾ ཨནིབྦཏྟཾ ཨནབྷིནིབྦཏྟཾ ཨཔཱཏུབྷཱུཏནྟི? ཨཱམནྟཱ. ཧཉྩི ཨནཱགཏཾ ཨཛཱཏཾ ཨབྷཱུཏཾ ཨསཉྫཱཏཾ ཨནིབྦཏྟཾ ཨནབྷིནིབྦཏྟཾ ཨཔཱཏུབྷཱུཏཾ, ནོ ཙ ཝཏ རེ ཝཏྟབྦེ – ‘‘ཨནཱགཏེན སམནྣཱགཏོ’’ཏི.

༥༦༩. ཨཏཱིཏེན རཱུཔཀྑནྡྷེན སམནྣཱགཏོ, ཨནཱགཏེན རཱུཔཀྑནྡྷེན སམནྣཱགཏོ, པཙྩུཔྤནྣེན རཱུཔཀྑནྡྷེན སམནྣཱགཏོཏི? ཨཱམནྟཱ. ཏཱིཧི རཱུཔཀྑནྡྷེཧི སམནྣཱགཏོཏི? ན ཧེཝཾ ཝཏྟབྦེ…པེ… ཨཏཱིཏེཧི པཉྩཧི ཁནྡྷེཧི སམནྣཱགཏོ, ཨནཱགཏེཧི པཉྩཧི ཁནྡྷེཧི སམནྣཱགཏོ, པཙྩུཔྤནྣེཧི པཉྩཧི ཁནྡྷེཧི སམནྣཱགཏོཏི? ཨཱམནྟཱ. པནྣརསཧི ཁནྡྷེཧི སམནྣཱགཏོཏི? ན ཧེཝཾ ཝཏྟབྦེ…པེ….

ཨཏཱིཏེན ཙཀྑཱཡཏནེན སམནྣཱགཏོ, ཨནཱགཏེན ཙཀྑཱཡཏནེན སམནྣཱགཏོ, པཙྩུཔྤནྣེན ཙཀྑཱཡཏནེན སམནྣཱགཏོཏི? ཨཱམནྟཱ. ཏཱིཧི ཙཀྑཱཡཏནེཧི སམནྣཱགཏོཏི? ན ཧེཝཾ ཝཏྟབྦེ…པེ… ཨཏཱིཏེཧི ¶ དྭཱདསཧི ཨཱཡཏནེཧི སམནྣཱགཏོ, ཨནཱགཏེཧི དྭཱདསཧི ཨཱཡཏནེཧི སམནྣཱགཏོ, པཙྩུཔྤནྣེཧི དྭཱདསཧི ཨཱཡཏནེཧི སམནྣཱགཏོཏི? ཨཱམནྟཱ. ཚཏྟིཾསཱཡཏནེཧི སམནྣཱགཏོཏི? ན ཧེཝཾ ཝཏྟབྦེ…པེ….

ཨཏཱིཏཱཡ ཙཀྑུདྷཱཏུཡཱ སམནྣཱགཏོ, ཨནཱགཏཱཡ ཙཀྑུདྷཱཏུཡཱ སམནྣཱགཏོ, པཙྩུཔྤནྣཱཡ ཙཀྑུདྷཱཏུཡཱ སམནྣཱགཏོཏི? ཨཱམནྟཱ ¶ ¶ . ཏཱིཧི ཙཀྑུདྷཱཏཱུཧི སམནྣཱགཏོཏི? ན ཧེཝཾ ཝཏྟབྦེ…པེ… ཨཏཱིཏཱཧི ཨཊྛཱརསཧི དྷཱཏཱུཧི སམནྣཱགཏོ, ཨནཱགཏཱཧི ཨཊྛཱརསཧི དྷཱཏཱུཧི སམནྣཱགཏོ ¶ , པཙྩུཔྤནྣཱཧི ཨཊྛཱརསཧི དྷཱཏཱུཧི སམནྣཱགཏོཏི? ཨཱམནྟཱ. ཙཏུཔཉྙཱསདྷཱཏཱུཧི སམནྣཱགཏོཏི? ན ཧེཝཾ ཝཏྟབྦེ…པེ….

ཨཏཱིཏེན ཙཀྑུནྡྲིཡེན སམནྣཱགཏོ, ཨནཱགཏེན ཙཀྑུནྡྲིཡེན སམནྣཱགཏོ, པཙྩུཔྤནྣེན ཙཀྑུནྡྲིཡེན སམནྣཱགཏོཏི? ཨཱམནྟཱ. ཏཱིཧི ཙཀྑུནྡྲིཡེཧི སམནྣཱགཏོཏི? ན ཧེཝཾ ཝཏྟབྦེ…པེ… ཨཏཱིཏེཧི བཱཝཱིསཏིནྡྲིཡེཧི སམནྣཱགཏོ, ཨནཱགཏེཧི བཱཝཱིསཏིནྡྲིཡེཧི སམནྣཱགཏོ, པཙྩུཔྤནྣེཧི བཱཝཱིསཏིནྡྲིཡེཧི སམནྣཱགཏོཏི? ཨཱམནྟཱ. ཚསཊྛིནྡྲིཡེཧི སམནྣཱགཏོཏི? ན ཧེཝཾ ཝཏྟབྦེ…པེ….

༥༧༠. ན ཝཏྟབྦཾ – ‘‘ཨཏཱིཏཱནཱགཏེཧི སམནྣཱགཏོ’’ཏི? ཨཱམནྟཱ. ནནུ ཨཏྠི ཨཊྛཝིམོཀྑཛྷཱཡཱི ཙཏུནྣཾ ཛྷཱནཱནཾ ནིཀཱམལཱབྷཱི ནཝནྣཾ ཨནུཔུབྦཝིཧཱརསམཱཔཏྟཱིནཾ ¶ ལཱབྷཱིཏི? ཨཱམནྟཱ. ཧཉྩི ཨཏྠི ཨཊྛཝིམོཀྑཛྷཱཡཱི ཙཏུནྣཾ ཛྷཱནཱནཾ ནིཀཱམལཱབྷཱི ནཝནྣཾ ཨནུཔུབྦཝིཧཱརསམཱཔཏྟཱིནཾ ལཱབྷཱི, ཏེན ཝཏ རེ ཝཏྟབྦེ – ‘‘ཨཏཱིཏཱནཱགཏེཧི སམནྣཱགཏོ’’ཏི.

ཨཏཱིཏཱནཱགཏསམནྣཱགཏཀཐཱ ནིཊྛིཏཱ.

ནཝམཝགྒོ.

ཏསྶུདྡཱནཾ –

ཨཱནིསཾསདསྶཱཝིསྶ སཾཡོཛནཱནཾ པཧཱནཾ, ཨམཏཱརམྨཎཾ སཾཡོཛནཾ, རཱུཔཾ ¶ སཱརམྨཎཾ, ཨནུསཡཱ ཨནཱརམྨཎཱ, ཨེཝམེཝཾ ཉཱཎཾ, ཨཏཱིཏཱནཱགཏཱརམྨཎཾ ཙིཏྟཾ, སབྦཾ ཙིཏྟཾ ཝིཏཀྐཱནུཔཏིཏཾ, སབྦསོ ཝིཏཀྐཡཏོ ཝིཙཱརཡཏོ ཝིཏཀྐཝིཔྥཱརོ སདྡོ, ན ཡཐཱཙིཏྟསྶ ཝཱཙཱ, ཏཐེཝ ཀཱཡཀམྨཾ ཨཏཱིཏཱནཱགཏེཧི སམནྣཱགཏོཏི.

༡༠. དསམཝགྒོ

(༩༥) ༡. ནིརོདྷཀཐཱ

༥༧༡. ཨུཔཔཏྟེསིཡེ ¶ ¶ པཉྩཀྑནྡྷེ ཨནིརུདྡྷེ ཀིརིཡཱ པཉྩཀྑནྡྷཱ ཨུཔྤཛྫནྟཱིཏི? ཨཱམནྟཱ. དསནྣཾ ཁནྡྷཱནཾ སམོདྷཱནཾ ཧོཏི, དས ཁནྡྷཱ སམྨུཁཱིབྷཱཝཾ ཨཱགཙྪནྟཱིཏི ¶ ¶ ? ན ཧེཝཾ ཝཏྟབྦེ…པེ… དསནྣཾ ཁནྡྷཱནཾ སམོདྷཱནཾ ཧོཏི, དས ཁནྡྷཱ སམྨུཁཱིབྷཱཝཾ ཨཱགཙྪནྟཱིཏི? ཨཱམནྟཱ. དྭིནྣཾ ཕསྶཱནཾ…པེ… དྭིནྣཾ ཙིཏྟཱནཾ སམོདྷཱནཾ ཧོཏཱིཏི? ན ཧེཝཾ ཝཏྟབྦེ…པེ….

ཨུཔཔཏྟེསིཡེ པཉྩཀྑནྡྷེ ཨནིརུདྡྷེ ཀིརིཡཱ ཙཏྟཱརོ ཁནྡྷཱ ཨུཔྤཛྫནྟཱིཏི? ཨཱམནྟཱ. ནཝནྣཾ ཁནྡྷཱནཾ སམོདྷཱནཾ ཧོཏི, ནཝ ཁནྡྷཱ སམྨུཁཱིབྷཱཝཾ ཨཱགཙྪནྟཱིཏི? ན ཧེཝཾ ཝཏྟབྦེ…པེ… ནཝནྣཾ ཁནྡྷཱནཾ སམོདྷཱནཾ ཧོཏི, ནཝ ཁནྡྷཱ སམྨུཁཱིབྷཱཝཾ ཨཱགཙྪནྟཱིཏི? ཨཱམནྟཱ. དྭིནྣཾ ཕསྶཱནཾ…པེ… དྭིནྣཾ ཙིཏྟཱནཾ སམོདྷཱནཾ ཧོཏཱིཏི? ན ཧེཝཾ ཝཏྟབྦེ…པེ….

ཨུཔཔཏྟེསིཡེ པཉྩཀྑནྡྷེ ཨནིརུདྡྷེ ཀིརིཡཱཉཱཎཾ ཨུཔྤཛྫཏཱིཏི? ཨཱམནྟཱ. ཚནྣཾ ཁནྡྷཱནཾ སམོདྷཱནཾ ཧོཏི, ཚ ཁནྡྷཱ སམྨུཁཱིབྷཱཝཾ ཨཱགཙྪནྟཱིཏི? ན ཧེཝཾ ཝཏྟབྦེ…པེ… ཚནྣཾ ཁནྡྷཱནཾ སམོདྷཱནཾ ཧོཏི, ཚ ཁནྡྷཱ སམྨུཁཱིབྷཱཝཾ ཨཱགཙྪནྟཱིཏི? ཨཱམནྟཱ. དྭིནྣཾ ཕསྶཱནཾ…པེ… དྭིནྣཾ ཙིཏྟཱནཾ སམོདྷཱནཾ ཧོཏཱིཏི? ན ཧེཝཾ ཝཏྟབྦེ…པེ….

༥༧༢. ཨུཔཔཏྟེསིཡེ ¶ པཉྩཀྑནྡྷེ ནིརུདྡྷེ མགྒོ ཨུཔྤཛྫཏཱིཏི? ཨཱམནྟཱ. མཏོ མགྒཾ བྷཱཝེཏི, ཀཱལངྐཏོ མགྒཾ བྷཱཝེཏཱིཏི? ན ཧེཝཾ ཝཏྟབྦེ…པེ….

ནིརོདྷཀཐཱ ནིཊྛིཏཱ.

༡༠. དསམཝགྒོ

(༩༦) ༢. རཱུཔཾ མགྒོཏིཀཐཱ

༥༧༣. མགྒསམངྒིསྶ ¶ ¶ རཱུཔཾ མགྒོཏི? ཨཱམནྟཱ. སཱརམྨཎཾ, ཨཏྠི ཏསྶ ཨཱཝཊྚནཱ ཨཱབྷོགོ སམནྣཱཧཱརོ མནསིཀཱརོ ཙེཏནཱ པཏྠནཱ པཎིདྷཱིཏི? ན ཧེཝཾ ཝཏྟབྦེ…པེ… ནནུ ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཧཉྩི ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷི; ནོ ཙ ཝཏ རེ ཝཏྟབྦེ – ‘‘མགྒསམངྒིསྶ རཱུཔཾ མགྒོ’’ཏི.

སམྨཱཝཱཙཱ མགྒོཏི? ཨཱམནྟཱ. སཱརམྨཎཱ, ཨཏྠི ཏཱཡ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ… ནནུ ཨནཱརམྨཎཱ, ནཏྠི ཏཱཡ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཧཉྩི ཨནཱརམྨཎཱ, ནཏྠི ཏཱཡ ཨཱཝཊྚནཱ…པེ… པཎིདྷི; ནོ ཙ ཝཏ རེ ཝཏྟབྦེ – ‘‘སམྨཱཝཱཙཱ མགྒོ’’ཏི.

སམྨཱཀམྨནྟོ ¶ …པེ… སམྨཱཨཱཛཱིཝོ མགྒོཏི? ཨཱམནྟཱ. སཱརམྨཎོ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ… ནནུ ཨནཱརམྨཎོ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ ¶ . ཧཉྩི ཨནཱརམྨཎོ, ནཏྠི ཏསྶ ཨཱཝཊྚནཱ…པེ… པཎིདྷི; ནོ ཙ ཝཏ རེ ཝཏྟབྦེ – ‘‘སམྨཱཨཱཛཱིཝོ མགྒོ’’ཏི.

༥༧༤. སམྨཱདིཊྛི མགྒོ, སཱ ཙ སཱརམྨཎཱ, ཨཏྠི ཏཱཡ ཨཱཝཊྚནཱ…པེ… པཎིདྷཱིཏི? ཨཱམནྟཱ. སམྨཱཝཱཙཱ མགྒོ, སཱ ཙ སཱརམྨཎཱ, ཨཏྠི ཏཱཡ ཨཱཝཊྚནཱ…པེ… པཎིདྷཱིཏི? ན ¶ ཧེཝཾ ཝཏྟབྦེ …པེ… སམྨཱདིཊྛི མགྒོ, སཱ ཙ སཱརམྨཎཱ, ཨཏྠི ཏཱཡ ཨཱཝཊྚནཱ…པེ… པཎིདྷཱིཏི? ཨཱམནྟཱ. སམྨཱཀམྨནྟོ…པེ… སམྨཱཨཱཛཱིཝོ མགྒོ, སོ ཙ སཱརམྨཎོ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ… སམྨཱསངྐཔྤོ…པེ… སམྨཱཝཱཡཱམོ…པེ… སམྨཱསཏི…པེ….

སམྨཱསམཱདྷི མགྒོ, སོ ཙ སཱརམྨཎོ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. སམྨཱཝཱཙཱ མགྒོ, སཱ ཙ སཱརམྨཎཱ, ཨཏྠི ཏཱཡ ཨཱཝཊྚནཱ…པེ… པཎིདྷཱིཏི? ན ¶ ཧེཝཾ ཝཏྟབྦེ…པེ… སམྨཱསམཱདྷི མགྒོ, སོ ཙ སཱརམྨཎོ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. སམྨཱཀམྨནྟོ…པེ… སམྨཱཨཱཛཱིཝོ མགྒོ, སོ ཙ སཱརམྨཎོ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ….

སམྨཱཝཱཙཱ མགྒོ, སཱ ཙ ཨནཱརམྨཎཱ, ནཏྠི ཏཱཡ ཨཱཝཊྚནཱ…པེ… པཎིདྷཱིཏི? ཨཱམནྟཱ. སམྨཱདིཊྛི མགྒོ, སཱ ཙ ཨནཱརམྨཎཱ, ནཏྠི ཏཱཡ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ… སམྨཱཝཱཙཱ མགྒོ, སཱ ཙ ཨནཱརམྨཎཱ, ནཏྠི ཏཱཡ ཨཱཝཊྚནཱ…པེ… པཎིདྷཱིཏི? ཨཱམནྟཱ. སམྨཱསངྐཔྤོ…པེ… སམྨཱཝཱཡཱམོ… སམྨཱསཏི ¶ … སམྨཱསམཱདྷི མགྒོ, སོ ཙ ཨནཱརམྨཎོ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ….

སམྨཱཀམྨནྟོ ¶ …པེ… སམྨཱཨཱཛཱིཝོ མགྒོ, སོ ཙ ཨནཱརམྨཎོ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. སམྨཱདིཊྛི… སམྨཱསངྐཔྤོ… སམྨཱཝཱཡཱམོ… སམྨཱསཏི…པེ… སམྨཱསམཱདྷི མགྒོ, སོ ཙ ཨནཱརམྨཎོ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ….

༥༧༥. ན ¶ ཝཏྟབྦཾ – ‘‘མགྒསམངྒིསྶ རཱུཔཾ མགྒོ’’ཏི? ཨཱམནྟཱ. ནནུ སམྨཱཝཱཙཱ སམྨཱཀམྨནྟོ སམྨཱཨཱཛཱིཝོ མགྒོཏི? ཨཱམནྟཱ. ཧཉྩི སམྨཱཝཱཙཱ སམྨཱཀམྨནྟོ སམྨཱཨཱཛཱིཝོ མགྒོ, ཏེན ཝཏ རེ ཝཏྟབྦེ – ‘‘མགྒསམངྒིསྶ རཱུཔཾ མགྒོ’’ཏི.

རཱུཔཾ མགྒོཏིཀཐཱ ནིཊྛིཏཱ.

༡༠. དསམཝགྒོ

(༩༧) ༣. པཉྩཝིཉྙཱཎསམངྒིསྶ མགྒཀཐཱ

༥༧༦. པཉྩཝིཉྙཱཎསམངྒིསྶ ¶ ཨཏྠི མགྒབྷཱཝནཱཏི? ཨཱམནྟཱ. ནནུ པཉྩཝིཉྙཱཎཱ ཨུཔྤནྣཝཏྠུཀཱ ཨུཔྤནྣཱརམྨཎཱཏི? ཨཱམནྟཱ. ཧཉྩི པཉྩཝིཉྙཱཎཱ ཨུཔྤནྣཝཏྠུཀཱ ཨུཔྤནྣཱརམྨཎཱ, ནོ ཙ ཝཏ རེ ཝཏྟབྦེ – ‘‘པཉྩཝིཉྙཱཎསམངྒིསྶ ཨཏྠི མགྒབྷཱཝནཱ’’ཏི.

ནནུ པཉྩཝིཉྙཱཎཱ པུརེཛཱཏཝཏྠུཀཱ པུརེཛཱཏཱརམྨཎཱ ཨཛ྄ཛྷཏྟིཀཝཏྠུཀཱ བཱཧིརཱརམྨཎཱ ཨསམྦྷིནྣཝཏྠུཀཱ ཨསམྦྷིནྣཱརམྨཎཱ ནཱནཱཝཏྠུཀཱ ནཱནཱརམྨཎཱ ¶ ན ཨཉྙམཉྙསྶ གོཙརཝིསཡཾ ¶ པཙྩནུབྷོནྟི, ན ཨསམནྣཱཧཱརཱ ཨུཔྤཛྫནྟི, ན ཨམནསིཀཱརཱ ཨུཔྤཛྫནྟི, ན ཨབྦོཀིཎྞཱ ཨུཔྤཛྫནྟི, ན ཨཔུབྦཾ ཨཙརིམཾ ཨུཔྤཛྫནྟི, ན ཨཉྙམཉྙསྶ སམནནྟརཱ ཨུཔྤཛྫནྟི, ནནུ པཉྩཝིཉྙཱཎཱ ཨནཱབྷོགཱཏི? ཨཱམནྟཱ. ཧཉྩི པཉྩཝིཉྙཱཎཱ ཨནཱབྷོགཱ, ནོ ཙ ཝཏ རེ ཝཏྟབྦེ – ‘‘པཉྩཝིཉྙཱཎསམངྒིསྶ ཨཏྠི མགྒབྷཱཝནཱ’’ཏི.

༥༧༧. ཙཀྑུཝིཉྙཱཎསམངྒིསྶ ཨཏྠི མགྒབྷཱཝནཱཏི? ཨཱམནྟཱ. ཙཀྑུཝིཉྙཱཎཾ སུཉྙཏཾ ཨཱརབྦྷ ཨུཔྤཛྫཏཱིཏི? ན ཧེཝཾ ཝཏྟབྦེ…པེ… ཙཀྑུཝིཉྙཱཎཾ སུཉྙཏཾ ཨཱརབྦྷ ཨུཔྤཛྫཏཱིཏི? ཨཱམནྟཱ. ཙཀྑུཉྩ པཊིཙྩ སུཉྙཏཉྩ ཨུཔྤཛྫཏི ཙཀྑུཝིཉྙཱཎནྟི? ན ཧེཝཾ ཝཏྟབྦེ…པེ… ཙཀྑུཉྩ པཊིཙྩ སུཉྙཏཉྩ ཨུཔྤཛྫཏི ཙཀྑུཝིཉྙཱཎནྟི? ཨཱམནྟཱ. ‘‘ཙཀྑུཉྩ པཊིཙྩ སུཉྙཏཉྩ ཨུཔྤཛྫཏི ཙཀྑུཝིཉྙཱཎ’’ནྟི – ཨཏྠེཝ སུཏྟནྟོཏི? ནཏྠི. ‘‘ཙཀྑུཉྩ པཊིཙྩ རཱུཔེ ཙ ཨུཔྤཛྫཏི ཙཀྑུཝིཉྙཱཎ’’ནྟི – ཨཏྠེཝ སུཏྟནྟོཏི? ཨཱམནྟཱ. ཧཉྩི ‘‘ཙཀྑུཉྩ པཊིཙྩ རཱུཔེ ཙ ཨུཔྤཛྫཏི ཙཀྑུཝིཉྙཱཎ’’ནྟི – ཨཏྠེཝ སུཏྟནྟོ, ནོ ཙ ཝཏ རེ ཝཏྟབྦེ – ‘‘ཙཀྑུཉྩ པཊིཙྩ སུཉྙཏཉྩ ཨུཔྤཛྫཏི ཙཀྑུཝིཉྙཱཎ’’ནྟི.

༥༧༨. ཙཀྑུཝིཉྙཱཎསམངྒིསྶ ¶ ཨཏྠི མགྒབྷཱཝནཱཏི? ཨཱམནྟཱ. ཙཀྑུཝིཉྙཱཎཾ ཨཏཱིཏཱནཱགཏཾ ཨཱརབྦྷ ཨུཔྤཛྫཏཱིཏི? ན ཧེཝཾ ཝཏྟབྦེ…པེ… ཙཀྑུཝིཉྙཱཎསམངྒིསྶ ཨཏྠི མགྒབྷཱཝནཱཏི? ཨཱམནྟཱ. ཙཀྑུཝིཉྙཱཎཾ ¶ ¶ ཕསྶཾ ཨཱརབྦྷ…པེ… ཝེདནཾ ཨཱརབྦྷ… སཉྙཾ ཨཱརབྦྷ ¶ … ཙེཏནཾ ཨཱརབྦྷ… ཙིཏྟཾ ཨཱརབྦྷ… ཙཀྑུཾ ཨཱརབྦྷ… ཀཱཡཾ ཨཱརབྦྷ…པེ… སདྡཾ ཨཱརབྦྷ…པེ… ཕོཊྛབྦཾ ཨཱརབྦྷ ཨུཔྤཛྫཏཱིཏི? ན ཧེཝཾ ཝཏྟབྦེ…པེ….

མནོཝིཉྙཱཎསམངྒིསྶ ཨཏྠི མགྒབྷཱཝནཱ, མནོཝིཉྙཱཎཾ སུཉྙཏཾ ཨཱརབྦྷ ཨུཔྤཛྫཏཱིཏི? ཨཱམནྟཱ. ཙཀྑུཝིཉྙཱཎསམངྒིསྶ ཨཏྠི མགྒབྷཱཝནཱ, ཙཀྑུཝིཉྙཱཎཾ སུཉྙཏཾ ཨཱརབྦྷ ཨུཔྤཛྫཏཱིཏི? ན ཧེཝཾ ཝཏྟབྦེ…པེ… མནོཝིཉྙཱཎསམངྒིསྶ ཨཏྠི མགྒབྷཱཝནཱ, མནོཝིཉྙཱཎཾ ཨཏཱིཏཱནཱགཏཾ ཨཱརབྦྷ ཨུཔྤཛྫཏཱིཏི? ཨཱམནྟཱ. ཙཀྑུཝིཉྙཱཎསམངྒིསྶ ཨཏྠི མགྒབྷཱཝནཱ, ཙཀྑུཝིཉྙཱཎཾ ཨཏཱིཏཱནཱགཏཾ ཨཱརབྦྷ ཨུཔྤཛྫཏཱིཏི? ན ཧེཝཾ ཝཏྟབྦེ…པེ… མནོཝིཉྙཱཎསམངྒིསྶ ཨཏྠི མགྒབྷཱཝནཱ, མནོཝིཉྙཱཎཾ ཕསྶཾ ཨཱརབྦྷ… ཝེདནཾ ཨཱརབྦྷ…པེ… ཕོཊྛབྦཾ ཨཱརབྦྷ ཨུཔྤཛྫཏཱིཏི? ཨཱམནྟཱ. ཙཀྑུཝིཉྙཱཎསམངྒིསྶ ཨཏྠི མགྒབྷཱཝནཱ, ཙཀྑུཝིཉྙཱཎཾ ཕསྶཾ ཨཱརབྦྷ… ཝེདནཾ ཨཱརབྦྷ…པེ… ཕོཊྛབྦཾ ཨཱརབྦྷ ཨུཔྤཛྫཏཱིཏི? ན ཧེཝཾ ཝཏྟབྦེ…པེ….

༥༧༩. ན ཝཏྟབྦཾ – ‘‘པཉྩཝིཉྙཱཎསམངྒིསྶ ཨཏྠི མགྒབྷཱཝནཱ’’ཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཨིདྷ, བྷིཀྑཝེ, བྷིཀྑུ ཙཀྑུནཱ རཱུཔཾ དིསྭཱ ན ནིམིཏྟགྒཱཧཱི ཧོཏི ནཱནུབྱཉྫནགྒཱཧཱི…པེ… སོཏེན སདྡཾ སུཏྭཱ…པེ… གྷཱནེན གནྡྷཾ གྷཱཡིཏྭཱ…པེ… ཛིཝ྄ཧཱཡ རསཾ སཱཡིཏྭཱ…པེ… ཀཱཡེན ཕོཊྛབྦཾ ཕུསིཏྭཱ ན ནིམིཏྟགྒཱཧཱི ཧོཏི ནཱནུབྱཉྫནགྒཱཧཱི’’ཏི! [མ. ནི. ༡.༣༤༩; ཨ. ནི. ༤.༣༧] ཨཏྠེཝ སུཏྟནྟོཏི? ཨཱམནྟཱ ¶ . ཏེན ཧི པཉྩཝིཉྙཱཎསམངྒིསྶ ཨཏྠི མགྒབྷཱཝནཱཏི.

པཉྩཝིཉྙཱཎསམངྒིསྶ མགྒཀཐཱ ནིཊྛིཏཱ.

༡༠. དསམཝགྒོ

(༩༨) ༤. པཉྩཝིཉྙཱཎཱ ཀུསལཱཔི ཨཀུསལཱཔཱིཏིཀཐཱ

༥༨༠. པཉྩཝིཉྙཱཎཱ ¶ ཀུསལཱཔི ཨཀུསལཱཔཱིཏི? ཨཱམནྟཱ. ནནུ པཉྩཝིཉྙཱཎཱ ཨུཔྤནྣཝཏྠུཀཱ ཨུཔྤནྣཱརམྨཎཱཏི? ཨཱམནྟཱ. ཧཉྩི པཉྩཝིཉྙཱཎཱ ཨུཔྤནྣཝཏྠུཀཱ ¶ ཨུཔྤནྣཱརམྨཎཱ, ནོ ཙ ཝཏ རེ ཝཏྟབྦེ – ‘‘པཉྩཝིཉྙཱཎཱ ཀུསལཱཔི ཨཀུསལཱཔཱི’’ཏི. ནནུ པཉྩཝིཉྙཱཎཱ ¶ པུརེཛཱཏཝཏྠུཀཱ པུརེཛཱཏཱརམྨཎཱ ཨཛ྄ཛྷཏྟིཀཝཏྠུཀཱ བཱཧིརཱརམྨཎཱ ཨསམྦྷིནྣཝཏྠུཀཱ ཨསམྦྷིནྣཱརམྨཎཱ ནཱནཱཝཏྠུཀཱ ནཱནཱརམྨཎཱ ན ཨཉྙམཉྙསྶ གོཙརཝིསཡཾ པཙྩནུབྷོནྟི, ན ཨསམནྣཱཧཱརཱ ཨུཔྤཛྫནྟི, ན ཨམནསིཀཱརཱ ཨུཔྤཛྫནྟི, ན ཨབྦོཀིཎྞཱ ཨུཔྤཛྫནྟི, ན ཨཔུབྦཾ ཨཙརིམཾ ཨུཔྤཛྫནྟི, ན ཨཉྙམཉྙསྶ སམནནྟརཱ ཨུཔྤཛྫནྟི, ནནུ པཉྩཝིཉྙཱཎཱ ཨནཱབྷོགཱཏི? ཨཱམནྟཱ. ཧཉྩི པཉྩཝིཉྙཱཎཱ ཨནཱབྷོགཱ, ནོ ཙ ཝཏ རེ ཝཏྟབྦེ – ‘‘པཉྩཝིཉྙཱཎཱ ཀུསལཱཔི ཨཀུསལཱཔཱི’’ཏི.

༥༨༡. ཙཀྑུཝིཉྙཱཎཾ ཀུསལནྟི? ཨཱམནྟཱ. ཙཀྑུཝིཉྙཱཎཾ སུཉྙཏཾ ཨཱརབྦྷ ཨུཔྤཛྫཏཱིཏི? ན ཧེཝཾ ཝཏྟབྦེ…པེ… ཙཀྑུཝིཉྙཱཎཾ སུཉྙཏཾ ཨཱརབྦྷ ཨུཔྤཛྫཏཱིཏི? ཨཱམནྟཱ. ཙཀྑུཉྩ པཊིཙྩ སུཉྙཏཉྩ ཨུཔྤཛྫཏི ཙཀྑུཝིཉྙཱཎནྟི? ན ཧེཝཾ ཝཏྟབྦེ. ཙཀྑུཉྩ པཊིཙྩ སུཉྙཏཉྩ ཨུཔྤཛྫཏི ཙཀྑུཝིཉྙཱཎནྟི? ཨཱམནྟཱ. ཙཀྑུཉྩ པཊིཙྩ ¶ སུཉྙཏཉྩ ཨུཔྤཛྫཏི ཙཀྑུཝིཉྙཱཎ’’ནྟི – ཨཏྠེཝ སུཏྟནྟོཏི? ནཏྠི. ‘‘ཙཀྑུཉྩ པཊིཙྩ རཱུཔེ ཙ ཨུཔྤཛྫཏི ཙཀྑུཝིཉྙཱཎ’’ནྟི – ཨཏྠེཝ སུཏྟནྟོཏི? ཨཱམནྟཱ ¶ . ཧཉྩི ‘‘ཙཀྑུཉྩ པཊིཙྩ རཱུཔེ ཙ ཨུཔྤཛྫཏི ཙཀྑུཝིཉྙཱཎ’’ནྟི – ཨཏྠེཝ སུཏྟནྟོ, ནོ ཙ ཝཏ རེ ཝཏྟབྦེ – ‘‘ཙཀྑུཉྩ པཊིཙྩ སུཉྙཏཉྩ ཨུཔྤཛྫཏི ཙཀྑུཝིཉྙཱཎ’’ནྟི.

༥༨༢. ཙཀྑུཝིཉྙཱཎཾ ཀུསལམྤི ཨཀུསལམྤཱིཏི? ཨཱམནྟཱ. ཙཀྑུཝིཉྙཱཎཾ ཨཏཱིཏཱནཱགཏཾ ཨཱརབྦྷ ཨུཔྤཛྫཏཱིཏི? ན ཧེཝཾ ཝཏྟབྦེ…པེ…. ཙཀྑུཝིཉྙཱཎཾ ཀུསལམྤི ཨཀུསལམྤཱིཏི? ཨཱམནྟཱ. ཙཀྑུཝིཉྙཱཎཾ ཕསྶཾ ཨཱརབྦྷ…པེ… ཙིཏྟཾ ཨཱརབྦྷ… ཙཀྑུཾ ཨཱརབྦྷ…པེ… ཀཱཡཾ ཨཱརབྦྷ… སདྡཾ ཨཱརབྦྷ…པེ… ཕོཊྛབྦཾ ཨཱརབྦྷ ཨུཔྤཛྫཏཱིཏི? ན ཧེཝཾ ཝཏྟབྦེ…པེ….

མནོཝིཉྙཱཎཾ ཀུསལམྤི ཨཀུསལམྤི, མནོཝིཉྙཱཎཾ སུཉྙཏཾ ཨཱརབྦྷ ཨུཔྤཛྫཏཱིཏི? ཨཱམནྟཱ. ཙཀྑུཝིཉྙཱཎཾ ཀུསལམྤི ཨཀུསལམྤི, ཙཀྑུཝིཉྙཱཎཾ སུཉྙཏཾ ཨཱརབྦྷ ཨུཔྤཛྫཏཱིཏི? ན ¶ ཧེཝཾ ཝཏྟབྦེ…པེ… མནོཝིཉྙཱཎཾ ཀུསལམྤི ཨཀུསལམྤི, མནོཝིཉྙཱཎཾ ཨཏཱིཏཱནཱགཏཾ ཨཱརབྦྷ ཨུཔྤཛྫཏཱིཏི? ཨཱམནྟཱ. ཙཀྑུཝིཉྙཱཎཾ ཀུསལམྤི ཨཀུསལམྤི, ཙཀྑུཝིཉྙཱཎཾ ཨཏཱིཏཱནཱགཏཾ ཨཱརབྦྷ ཨུཔྤཛྫཏཱིཏི? ན ཧེཝཾ ཝཏྟབྦེ…པེ… མནོཝིཉྙཱཎཾ ཀུསལམྤི ཨཀུསལམྤི, མནོཝིཉྙཱཎཾ ཕསྶཾ ཨཱརབྦྷ…པེ… ཙིཏྟཾ ཨཱརབྦྷ…པེ… ཀཱཡཾ ཨཱརབྦྷ ¶ … སདྡཾ ཨཱརབྦྷ ¶ …པེ… ཕོཊྛབྦཾ ཨཱརབྦྷ ཨུཔྤཛྫཏཱིཏི? ཨཱམནྟཱ. ཙཀྑུཝིཉྙཱཎཾ ཀུསལམྤི ཨཀུསལམྤི, ཙཀྑུཝིཉྙཱཎཾ ཕསྶཾ ཨཱརབྦྷ…པེ… ཕོཊྛབྦཾ ཨཱརབྦྷ ཨུཔྤཛྫཏཱིཏི? ན ཧེཝཾ ཝཏྟབྦེ…པེ….

༥༨༣. ན ཝཏྟབྦཾ – ‘‘པཉྩཝིཉྙཱཎཱ ཀུསལཱཔི ཨཀུསལཱཔཱི’’ཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཨིདྷ, བྷིཀྑཝེ, བྷིཀྑུ ཙཀྑུནཱ ¶ རཱུཔཾ དིསྭཱ ནིམིཏྟགྒཱཧཱི ཧོཏི…པེ… ན ནིམིཏྟགྒཱཧཱི ཧོཏི…པེ… སོཏེན སདྡཾ སུཏྭཱ…པེ… ཀཱཡེན ཕོཊྛབྦཾ ཕུསིཏྭཱ ནིམིཏྟགྒཱཧཱི ཧོཏི…པེ… ན ནིམིཏྟགྒཱཧཱི ཧོཏཱི’’ཏི! ཨཏྠེཝ སུཏྟནྟོཏི? ཨཱམནྟཱ. ཏེན ཧི པཉྩཝིཉྙཱཎཱ ཀུསལཱཔི ཨཀུསལཱཔཱིཏི.

པཉྩཝིཉྙཱཎཱ ཀུསལཱཔི ཨཀུསལཱཔཱིཏིཀཐཱ ནིཊྛིཏཱ.

༡༠. དསམཝགྒོ

(༩༩) ༥. སཱབྷོགཱཏིཀཐཱ

༥༨༤. པཉྩཝིཉྙཱཎཱ སཱབྷོགཱཏི? ཨཱམནྟཱ. ནནུ པཉྩཝིཉྙཱཎཱ ཨུཔྤནྣཝཏྠུཀཱ ཨུཔྤནྣཱརམྨཎཱཏི? ཨཱམནྟཱ. ཧཉྩི པཉྩཝིཉྙཱཎཱ ཨུཔྤནྣཝཏྠུཀཱ ཨུཔྤནྣཱརམྨཎཱ, ནོ ཙ ཝཏ རེ ཝཏྟབྦེ – ‘‘པཉྩཝིཉྙཱཎཱ སཱབྷོགཱ’’ཏི. ནནུ པཉྩཝིཉྙཱཎཱ ¶ པུརེཛཱཏཝཏྠུཀཱ པུརེཛཱཏཱརམྨཎཱ ཨཛ྄ཛྷཏྟིཀཝཏྠུཀཱ བཱཧིརཱརམྨཎཱ ཨསམྦྷིནྣཝཏྠུཀཱ ཨསམྦྷིནྣཱརམྨཎཱ ནཱནཱཝཏྠུཀཱ ནཱནཱརམྨཎཱ ན ཨཉྙམཉྙསྶ གོཙརཝིསཡཾ པཙྩནུབྷོནྟི, ན ཨསམནྣཱཧཱརཱ ཨུཔྤཛྫནྟི, ན ཨམནསིཀཱརཱ ཨུཔྤཛྫནྟི, ན ཨབྦོཀིཎྞཱ ཨུཔྤཛྫནྟི, ན ཨཔུབྦཾ ཨཙརིམཾ ཨུཔྤཛྫནྟི, ནནུ པཉྩཝིཉྙཱཎཱ ན ཨཉྙམཉྙསྶ སམནནྟརཱ ཨུཔྤཛྫནྟཱིཏི? ཨཱམནྟཱ. ཧཉྩི པཉྩཝིཉྙཱཎཱ ན ཨཉྙམཉྙསྶ སམནནྟརཱ ཨུཔྤཛྫནྟི, ནོ ཙ ཝཏ རེ ཝཏྟབྦེ – ‘‘པཉྩཝིཉྙཱཎཱ སཱབྷོགཱ’’ཏི.

༥༨༥. ཙཀྑུཝིཉྙཱཎཾ ¶ སཱབྷོགནྟི? ཨཱམནྟཱ. ཙཀྑུཝིཉྙཱཎཾ སུཉྙཏཾ ཨཱརབྦྷ ཨུཔྤཛྫཏཱིཏི? ན ཧེཝཾ ཝཏྟབྦེ…པེ… ཙཀྑུཝིཉྙཱཎཾ སུཉྙཏཾ ཨཱརབྦྷ ཨུཔྤཛྫཏཱིཏི? ཨཱམནྟཱ. ཙཀྑུཉྩ ¶ པཊིཙྩ སུཉྙཏཉྩ ཨུཔྤཛྫཏི ཙཀྑུཝིཉྙཱཎནྟི? ན ཧེཝཾ ཝཏྟབྦེ…པེ… ཙཀྑུཉྩ པཊིཙྩ སུཉྙཏཉྩ ཨུཔྤཛྫཏི ཙཀྑུཝིཉྙཱཎནྟི? ཨཱམནྟཱ. ‘‘ཙཀྑུཉྩ ¶ པཊིཙྩ སུཉྙཏཉྩ ཨུཔྤཛྫཏི ཙཀྑུཝིཉྙཱཎ’’ནྟི – ཨཏྠེཝ སུཏྟནྟོཏི? ནཏྠི…པེ… ‘‘ཙཀྑུཉྩ པཊིཙྩ རཱུཔེ ཙ ཨུཔྤཛྫཏི ཙཀྑུཝིཉྙཱཎ’’ནྟི – ཨཏྠེཝ སུཏྟནྟོཏི? ཨཱམནྟཱ. ཧཉྩི ‘‘ཙཀྑུཉྩ པཊིཙྩ རཱུཔེ ཙ ཨུཔྤཛྫཏི ཙཀྑུཝིཉྙཱཎ’’ནྟི – ཨཏྠེཝ སུཏྟནྟོ, ནོ ཙ ཝཏ རེ ཝཏྟབྦེ – ‘‘ཙཀྑུཉྩ པཊིཙྩ སུཉྙཏཉྩ ཨུཔྤཛྫཏི ཙཀྑུཝིཉྙཱཎ’’ནྟི.

ཙཀྑུཝིཉྙཱཎཾ སཱབྷོགནྟི? ཨཱམནྟཱ. ཙཀྑུཝིཉྙཱཎཾ ¶ ཨཏཱིཏཱནཱགཏཾ ཨཱརབྦྷ ཨུཔྤཛྫཏཱིཏི? ན ཧེཝཾ ཝཏྟབྦེ…པེ… ཙཀྑུཝིཉྙཱཎཾ སཱབྷོགནྟི? ཨཱམནྟཱ. ཙཀྑུཝིཉྙཱཎཾ ཕསྶཾ ཨཱརབྦྷ…པེ… ཕོཊྛབྦཾ ཨཱརབྦྷ ཨུཔྤཛྫཏཱིཏི? ན ཧེཝཾ ཝཏྟབྦེ…པེ… མནོཝིཉྙཱཎཾ སཱབྷོགཾ, མནོཝིཉྙཱཎཾ སུཉྙཏཾ ཨཱརབྦྷ ཨུཔྤཛྫཏཱིཏི? ཨཱམནྟཱ. ཙཀྑུཝིཉྙཱཎཾ སཱབྷོགཾ, ཙཀྑུཝིཉྙཱཎཾ སུཉྙཏཾ ཨཱརབྦྷ ཨུཔྤཛྫཏཱིཏི? ན ཧེཝཾ ཝཏྟབྦེ…པེ… མནོཝིཉྙཱཎཾ ¶ སཱབྷོགཾ, མནོཝིཉྙཱཎཾ ཨཏཱིཏཱནཱགཏཾ ཨཱརབྦྷ ཨུཔྤཛྫཏཱིཏི? ཨཱམནྟཱ. ཙཀྑུཝིཉྙཱཎཾ སཱབྷོགཾ, ཙཀྑུཝིཉྙཱཎཾ ཨཏཱིཏཱནཱགཏཾ ཨཱརབྦྷ ཨུཔྤཛྫཏཱིཏི? ན ཧེཝཾ ཝཏྟབྦེ…པེ… མནོཝིཉྙཱཎཾ སཱབྷོགཾ, མནོཝིཉྙཱཎཾ ཕསྶཾ ཨཱརབྦྷ…པེ… ཕོཊྛབྦཾ ཨཱརབྦྷ ཨུཔྤཛྫཏཱིཏི? ཨཱམནྟཱ. ཙཀྑུཝིཉྙཱཎཾ སཱབྷོགཾ, ཙཀྑུཝིཉྙཱཎཾ ཕསྶཾ ཨཱརབྦྷ…པེ… ཕོཊྛབྦཾ ཨཱརབྦྷ ཨུཔྤཛྫཏཱིཏི? ན ཧེཝཾ ཝཏྟབྦེ…པེ….

༥༨༦. ན ཝཏྟབྦཾ – ‘‘པཉྩཝིཉྙཱཎཱ སཱབྷོགཱ’’ཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཨིདྷ, བྷིཀྑཝེ, བྷིཀྑུ ཙཀྑུནཱ རཱུཔཾ དིསྭཱ ནིམིཏྟགྒཱཧཱི ཧོཏི…པེ… ན ནིམིཏྟགྒཱཧཱི ཧོཏི…པེ… ཀཱཡེན ཕོཊྛབྦཾ ཕུསིཏྭཱ ནིམིཏྟགྒཱཧཱི ཧོཏི…པེ… ན ནིམིཏྟགྒཱཧཱི ཧོཏཱི’’ཏི! ཨཏྠེཝ སུཏྟནྟོཏི? ཨཱམནྟཱ. ཏེན ཧི པཉྩཝིཉྙཱཎཱ སཱབྷོགཱཏི…པེ….

སཱབྷོགཱཏིཀཐཱ ནིཊྛིཏཱ.

༡༠. དསམཝགྒོ

(༡༠༠) ༦. དྭཱིཧིསཱིལེཧིཀཐཱ

༥༨༧. མགྒསམངྒཱི ¶ ¶ དྭཱིཧི སཱིལེཧི སམནྣཱགཏོཏི? ཨཱམནྟཱ. མགྒསམངྒཱི དྭཱིཧི ཕསྶེཧི དྭཱིཧི ཝེདནཱཧི དྭཱིཧི སཉྙཱཧི དྭཱིཧི ཙེཏནཱཧི དྭཱིཧི ཙིཏྟེཧི ¶ དྭཱིཧི སདྡྷཱཧི དྭཱིཧི ཝཱིརིཡེཧི དྭཱིཧི སཏཱིཧི དྭཱིཧི སམཱདྷཱིཧི དྭཱིཧི པཉྙཱཧི སམནྣཱགཏོཏི? ན ཧེཝཾ ཝཏྟབྦེ…པེ….

མགྒསམངྒཱི ལོཀིཡེན སཱིལེན སམནྣཱགཏོཏི? ཨཱམནྟཱ. མགྒསམངྒཱི ལོཀིཡེན ཕསྶེན ལོཀིཡཱཡ ཝེདནཱཡ ལོཀིཡཱཡ པཉྙཱཡ ལོཀིཡཱཡ ཙེཏནཱཡ ལོཀིཡེན ཙིཏྟེན ལོཀིཡཱཡ སདྡྷཱཡ ལོཀིཡེན ཝཱིརིཡེན ལོཀིཡཱཡ སཏིཡཱ ལོཀིཡེན སམཱདྷིནཱ ལོཀིཡཱཡ པཉྙཱཡ སམནྣཱགཏོཏི? ན ཧེཝཾ ཝཏྟབྦེ…པེ….

མགྒསམངྒཱི ལོཀིཡེན ཙ ལོཀུཏྟརེན ཙ སཱིལེན སམནྣཱགཏོཏི? ཨཱམནྟཱ. མགྒསམངྒཱི ¶ ལོཀིཡེན ཙ ལོཀུཏྟརེན ཙ ཕསྶེན སམནྣཱགཏོ…པེ… ལོཀིཡཱཡ ཙ ལོཀུཏྟརཱཡ ཙ པཉྙཱཡ སམནྣཱགཏོཏི? ན ཧེཝཾ ཝཏྟབྦེ…པེ… མགྒསམངྒཱི ལོཀིཡེན སཱིལེན སམནྣཱགཏོཏི? ཨཱམནྟཱ. མགྒསམངྒཱི པུཐུཛྫནོཏི? ན ཧེཝཾ ཝཏྟབྦེ…པེ….

༥༨༨. མགྒསམངྒཱི ལོཀིཡཱཡ སམྨཱཝཱཙཱཡ སམནྣཱགཏོཏི? ཨཱམནྟཱ. མགྒསམངྒཱི ལོཀིཡཱཡ སམྨཱདིཊྛིཡཱ སམནྣཱགཏོཏི? ན ཧེཝཾ ཝཏྟབྦེ…པེ… མགྒསམངྒཱི ལོཀིཡཱཡ སམྨཱཝཱཙཱཡ སམནྣཱགཏོཏི ¶ ? ཨཱམནྟཱ. མགྒསམངྒཱི ལོཀིཡེན སམྨཱསངྐཔྤེན…པེ… ལོཀིཡེན སམྨཱཝཱཡཱམེན…པེ… ལོཀིཡཱཡ སམྨཱསཏིཡཱ…པེ… ལོཀིཡེན སམྨཱསམཱདྷིནཱ སམནྣཱགཏོཏི? ན ཧེཝཾ ཝཏྟབྦེ…པེ… མགྒསམངྒཱི ལོཀིཡེན སམྨཱཀམྨནྟེན…པེ… ལོཀིཡེན སམྨཱཨཱཛཱིཝེན སམནྣཱགཏོཏི? ཨཱམནྟཱ. མགྒསམངྒཱི ལོཀིཡཱཡ སམྨཱདིཊྛིཡཱ…པེ… ལོཀིཡེན སམྨཱསམཱདྷིནཱ སམནྣཱགཏོཏི? ན ཧེཝཾ ཝཏྟབྦེ…པེ….

མགྒསམངྒཱི ལོཀིཡཱཡ ཙ ལོཀུཏྟརཱཡ ཙ སམྨཱཝཱཙཱཡ སམནྣཱགཏོཏི? ཨཱམནྟཱ. མགྒསམངྒཱི ¶ ལོཀིཡཱཡ ཙ ལོཀུཏྟརཱཡ ཙ སམྨཱདིཊྛིཡཱ སམནྣཱགཏོཏི? ན ཧེཝཾ ཝཏྟབྦེ…པེ… མགྒསམངྒཱི ལོཀིཡཱཡ ཙ ལོཀུཏྟརཱཡ ཙ སམྨཱཝཱཙཱཡ སམནྣཱགཏོཏི? ཨཱམནྟཱ. མགྒསམངྒཱི ལོཀིཡེན ཙ ལོཀུཏྟརེན ཙ སམྨཱསངྐཔྤེན…པེ… ལོཀིཡེན ཙ ལོཀུཏྟརེན ཙ སམྨཱཝཱཡཱམེན ¶ …པེ… ལོཀིཡཱཡ ཙ ལོཀུཏྟརཱཡ ཙ སམྨཱསཏིཡཱ…པེ… ལོཀིཡེན ཙ ལོཀུཏྟརེན ཙ སམྨཱསམཱདྷིནཱ སམནྣཱགཏོཏི? ན ཧེཝཾ ཝཏྟབྦེ…པེ….

མགྒསམངྒཱི ¶ ལོཀིཡེན ཙ ལོཀུཏྟརེན ཙ སམྨཱཀམྨནྟེན…པེ… སམྨཱཨཱཛཱིཝེན སམནྣཱགཏོཏི? ཨཱམནྟཱ. མགྒསམངྒཱི ལོཀིཡཱཡ ཙ ལོཀུཏྟརཱཡ ཙ སམྨཱདིཊྛིཡཱ སམནྣཱགཏོཏི? ན ཧེཝཾ ཝཏྟབྦེ…པེ… མགྒསམངྒཱི ལོཀིཡེན ཙ ལོཀུཏྟརེན ཙ སམྨཱཨཱཛཱིཝེན སམནྣཱགཏོཏི? ཨཱམནྟཱ ¶ . མགྒསམངྒཱི ལོཀིཡེན ཙ ལོཀུཏྟརེན ཙ སམྨཱསངྐཔྤེན…པེ… ལོཀིཡེན ཙ ལོཀུཏྟརེན ཙ སམྨཱསམཱདྷིནཱ སམནྣཱགཏོཏི? ན ཧེཝཾ ཝཏྟབྦེ…པེ….

༥༨༩. ན ཝཏྟབྦཾ – ‘‘མགྒསམངྒཱི དྭཱིཧི སཱིལེཧི སམནྣཱགཏོ’’ཏི? ཨཱམནྟཱ. ལོཀིཡེ སཱིལེ ནིརུདྡྷེ མགྒོ ཨུཔྤཛྫཏཱིཏི? ཨཱམནྟཱ. དུསྶཱིལོ ཁཎྜསཱིལོ ཚིནྣསཱིལོ མགྒཾ བྷཱཝེཏཱིཏི? ན ཧེཝཾ ཝཏྟབྦེ …པེ… ཏེན ཧི མགྒསམངྒཱི དྭཱིཧི སཱིལེཧི སམནྣཱགཏོཏི.

དྭཱིཧིསཱིལེཧིཀཐཱ ནིཊྛིཏཱ.

༡༠. དསམཝགྒོ

(༡༠༡) ༧. སཱིལཾ ཨཙེཏསིཀནྟིཀཐཱ

༥༩༠. སཱིལཾ ཨཙེཏསིཀནྟི? ཨཱམནྟཱ. རཱུཔཾ…པེ… ནིབྦཱནཾ…པེ… ཙཀྑཱཡཏནཾ ¶ …པེ… ཀཱཡཱཡཏནཾ… རཱུཔཱཡཏནཾ…པེ… ཕོཊྛབྦཱཡཏནནྟི? ན ཧེཝཾ ཝཏྟབྦེ…པེ… སཱིལཾ ཨཙེཏསིཀནྟི? ཨཱམནྟཱ. ཕསྶོ ཨཙེཏསིཀོཏི? ན ཧེཝཾ ཝཏྟབྦེ ¶ …པེ… སཱིལཾ ཨཙེཏསིཀནྟི? ཨཱམནྟཱ. ཝེདནཱ…པེ… སཉྙཱ…པེ… ཙེཏནཱ…པེ… སདྡྷཱ…པེ… ཝཱིརིཡཾ…པེ… སཏི…པེ… སམཱདྷི…པེ… པཉྙཱ ཨཙེཏསིཀཱཏི? ན ཧེཝཾ ཝཏྟབྦེ…པེ….

ཕསྶོ ཙེཏསིཀོཏི? ཨཱམནྟཱ. སཱིལཾ ཙེཏསིཀནྟི? ན ཧེཝཾ ཝཏྟབྦེ…པེ… ཝེདནཱ…པེ… སཉྙཱ…པེ… ཙེཏནཱ…པེ… སདྡྷཱ…པེ… ཝཱིརིཡཾ…པེ… སཏི…པེ… སམཱདྷི…པེ… པཉྙཱ ཙེཏསིཀཱཏི? ཨཱམནྟཱ. སཱིལཾ ཙེཏསིཀནྟི? ན ཧེཝཾ ཝཏྟབྦེ…པེ….

༥༩༡. སཱིལཾ ཨཙེཏསིཀནྟི? ཨཱམནྟཱ. ཨནིཊྛཕལནྟི? ན ཧེཝཾ ཝཏྟབྦེ…པེ… ནནུ ཨིཊྛཕལནྟི? ཨཱམནྟཱ. ཧཉྩི ཨིཊྛཕལཾ, ནོ ཙ ཝཏ རེ ཝཏྟབྦེ – ‘‘སཱིལཾ ཨཙེཏསིཀ’’ནྟི.

སདྡྷཱ ¶ ཨིཊྛཕལཱ, སདྡྷཱ ཙེཏསིཀཱཏི? ཨཱམནྟཱ. སཱིལཾ ཨིཊྛཕལཾ, སཱིལཾ ཙེཏསིཀནྟི? ན ཧེཝཾ ཝཏྟབྦེ…པེ… ཝཱིརིཡཾ…པེ… སཏི…པེ… སམཱདྷི…པེ… པཉྙཱ ཨིཊྛཕལཱ, པཉྙཱ ཙེཏསིཀཱཏི? ཨཱམནྟཱ. སཱིལཾ ཨིཊྛཕལཾ, སཱིལཾ ཙེཏསིཀནྟི? ན ཧེཝཾ ཝཏྟབྦེ…པེ….

སཱིལཾ ཨིཊྛཕལཾ, སཱིལཾ ཨཙེཏསིཀནྟི? ཨཱམནྟཱ ¶ . སདྡྷཱ ཨིཊྛཕལཱ, སདྡྷཱ ཨཙེཏསིཀཱཏི? ན ཧེཝཾ ཝཏྟབྦེ…པེ… སཱིལཾ ཨིཊྛཕལཾ, སཱིལཾ ཨཙེཏསིཀནྟི? ཨཱམནྟཱ. ཝཱིརིཡཾ…པེ… སཏི…པེ… སམཱདྷི…པེ… པཉྙཱ ཨིཊྛཕལཱ, པཉྙཱ ཨཙེཏསིཀཱཏི? ན ཧེཝཾ ཝཏྟབྦེ…པེ….

༥༩༢. སཱིལཾ ཨཙེཏསིཀནྟི? ཨཱམནྟཱ. ཨཕལཾ ཨཝིཔཱཀནྟི? ན ཧེཝཾ ཝཏྟབྦེ…པེ… ནནུ སཕལཾ སཝིཔཱཀནྟི? ཨཱམནྟཱ. ཧཉྩི སཕལཾ སཝིཔཱཀཾ, ནོ ཙ ཝཏ རེ ཝཏྟབྦེ – ‘‘སཱིལཾ ཨཙེཏསིཀ’’ནྟི…པེ….

ཙཀྑཱཡཏནཾ ཨཙེཏསིཀཾ ཨཝིཔཱཀནྟི? ཨཱམནྟཱ. སཱིལཾ ཨཙེཏསིཀཾ ཨཝིཔཱཀནྟི? ན ¶ ཧེཝཾ ཝཏྟབྦེ…པེ… སོཏཱཡཏནཾ…པེ… ཀཱཡཱཡཏནཾ ¶ …པེ… རཱུཔཱཡཏནཾ…པེ… ཕོཊྛབྦཱཡཏནཾ ཨཙེཏསིཀཾ ཨཝིཔཱཀནྟི? ཨཱམནྟཱ. སཱིལཾ ཨཙེཏསིཀཾ ཨཝིཔཱཀནྟི? ན ཧེཝཾ ཝཏྟབྦེ…པེ….

སཱིལཾ ཨཙེཏསིཀཾ སཝིཔཱཀནྟི? ཨཱམནྟཱ. ཙཀྑཱཡཏནཾ ཨཙེཏསིཀཾ སཝིཔཱཀནྟི? ན ཧེཝཾ ཝཏྟབྦེ…པེ… སཱིལཾ ཨཙེཏསིཀཾ སཝིཔཱཀནྟི? ཨཱམནྟཱ. སོཏཱཡཏནཾ…པེ… ཀཱཡཱཡཏནཾ… རཱུཔཱཡཏནཾ…པེ… ཕོཊྛབྦཱཡཏནཾ ཨཙེཏསིཀཾ སཝིཔཱཀནྟི? ན ཧེཝཾ ཝཏྟབྦེ…པེ….

༥༩༣. སམྨཱཝཱཙཱ ཨཙེཏསིཀཱཏི? ཨཱམནྟཱ. སམྨཱདིཊྛི ཨཙེཏསིཀཱཏི? ན ཧེཝཾ ཝཏྟབྦེ…པེ… སམྨཱཝཱཙཱ ¶ ཨཙེཏསིཀཱཏི? ཨཱམནྟཱ. སམྨཱསངྐཔྤོ…པེ… སམྨཱཝཱཡཱམོ…པེ… སམྨཱསཏི…པེ… སམྨཱསམཱདྷི ཨཙེཏསིཀོཏི? ན ཧེཝཾ ཝཏྟབྦེ…པེ… སམྨཱཀམྨནྟོ…པེ… སམྨཱཨཱཛཱིཝོ ཨཙེཏསིཀོཏི? ཨཱམནྟཱ. སམྨཱདིཊྛི ཨཙེཏསིཀཱཏི? ན ཧེཝཾ ཝཏྟབྦེ…པེ… སམྨཱཨཱཛཱིཝོ ཨཙེཏསིཀོཏི? ཨཱམནྟཱ. སམྨཱསངྐཔྤོ… སམྨཱཝཱཡཱམོ… སམྨཱསཏི… སམྨཱསམཱདྷི ཨཙེཏསིཀོཏི? ན ཧེཝཾ ཝཏྟབྦེ…པེ….

སམྨཱདིཊྛི ཙེཏསིཀཱཏི? ཨཱམནྟཱ. སམྨཱཝཱཙཱ ཙེཏསིཀཱཏི? ན ཧེཝཾ ཝཏྟབྦེ…པེ… སམྨཱདིཊྛི ཙེཏསིཀཱཏི? ཨཱམནྟཱ. སམྨཱཀམྨནྟོ…པེ… སམྨཱཨཱཛཱིཝོ ¶ ཙེཏསིཀོཏི? ན ¶ ཧེཝཾ ཝཏྟབྦེ…པེ… སམྨཱསངྐཔྤོ…པེ… སམྨཱཝཱཡཱམོ…པེ… སམྨཱསཏི…པེ… སམྨཱསམཱདྷི ཙེཏསིཀོཏི? ཨཱམནྟཱ. སམྨཱཝཱཙཱ ཙེཏསིཀཱཏི? ན ཧེཝཾ ཝཏྟབྦེ…པེ… སམྨཱསམཱདྷི ཙེཏསིཀོཏི? ཨཱམནྟཱ. སམྨཱཀམྨནྟོ…པེ… སམྨཱཨཱཛཱིཝོ ཙེཏསིཀོཏི? ན ཧེཝཾ ཝཏྟབྦེ…པེ….

༥༩༤. ན ཝཏྟབྦཾ – ‘‘སཱིལཾ ཨཙེཏསིཀ’’ནྟི? ཨཱམནྟཱ. སཱིལེ ཨུཔྤཛྫིཏྭཱ ནིརུདྡྷེ དུསྶཱིལོ ཧོཏཱིཏི? ན ཧེཝཾ ཝཏྟབྦེ. ཏེན ཧི སཱིལཾ ཨཙེཏསིཀནྟི.

སཱིལཾ ཨཙེཏསིཀནྟིཀཐཱ ནིཊྛིཏཱ.

༡༠. དསམཝགྒོ

(༡༠༢) ༨. སཱིལཾ ན ཙིཏྟཱནུཔརིཝཏྟཱིཏིཀཐཱ

༥༩༥. སཱིལཾ ¶ ¶ ན ཙིཏྟཱནུཔརིཝཏྟཱིཏི? ཨཱམནྟཱ. རཱུཔཾ… ནིབྦཱནཾ… ཙཀྑཱཡཏནཾ…པེ… ཕོཊྛབྦཱཡཏནནྟི? ན ཧེཝཾ ཝཏྟབྦེ…པེ… སཱིལཾ ན ཙིཏྟཱནུཔརིཝཏྟཱིཏི? ཨཱམནྟཱ. ཕསྶོ ན ཙིཏྟཱནུཔརིཝཏྟཱིཏི? ན ཧེཝཾ ཝཏྟབྦེ…པེ… སཱིལཾ ན ཙིཏྟཱནུཔརིཝཏྟཱིཏི? ཨཱམནྟཱ. ཝེདནཱ…པེ… སཉྙཱ… ཙེཏནཱ… སདྡྷཱ… ཝཱིརིཡཾ… སཏི… སམཱདྷི…པེ… པཉྙཱ ན ཙིཏྟཱནུཔརིཝཏྟཱིཏི? ན ཧེཝཾ ཝཏྟབྦེ…པེ….

ཕསྶོ ཙིཏྟཱནུཔརིཝཏྟཱིཏི? ཨཱམནྟཱ. སཱིལཾ ཙིཏྟཱནུཔརིཝཏྟཱིཏི? ན ཧེཝཾ ཝཏྟབྦེ…པེ… ཝེདནཱ…པེ… སཉྙཱ… ཙེཏནཱ ¶ … སདྡྷཱ… ཝཱིརིཡཾ… སཏི… སམཱདྷི…པེ… པཉྙཱ ཙིཏྟཱནུཔརིཝཏྟཱིཏི? ཨཱམནྟཱ. སཱིལཾ ཙིཏྟཱནུཔརིཝཏྟཱིཏི? ན ཧེཝཾ ཝཏྟབྦེ…པེ….

༥༩༦. སམྨཱཝཱཙཱ ན ཙིཏྟཱནུཔརིཝཏྟཱིཏི? ཨཱམནྟཱ. སམྨཱདིཊྛི ན ཙིཏྟཱནུཔརིཝཏྟཱིཏི? ན ཧེཝཾ ཝཏྟབྦེ…པེ… སམྨཱཝཱཙཱ ན ཙིཏྟཱནུཔརིཝཏྟཱིཏི? ཨཱམནྟཱ. སམྨཱསངྐཔྤོ… སམྨཱཝཱཡཱམོ… སམྨཱསཏི…པེ… སམྨཱསམཱདྷི ན ཙིཏྟཱནུཔརིཝཏྟཱིཏི? ན ཧེཝཾ ཝཏྟབྦེ…པེ….

སམྨཱཀམྨནྟོ…པེ… སམྨཱཨཱཛཱིཝོ ན ཙིཏྟཱནུཔརིཝཏྟཱིཏི? ཨཱམནྟཱ ¶ . སམྨཱདིཊྛི ན ཙིཏྟཱནུཔརིཝཏྟཱིཏི? ན ཧེཝཾ ཝཏྟབྦེ…པེ… སམྨཱཨཱཛཱིཝོ ན ཙིཏྟཱནུཔརིཝཏྟཱིཏི ¶ ? ཨཱམནྟཱ. སམྨཱསངྐཔྤོ… སམྨཱཝཱཡཱམོ… སམྨཱསཏི…པེ… སམྨཱསམཱདྷི ན ཙིཏྟཱནུཔརིཝཏྟཱིཏི? ན ཧེཝཾ ཝཏྟབྦེ…པེ….

སམྨཱདིཊྛི ཙིཏྟཱནུཔརིཝཏྟཱིཏི? ཨཱམནྟཱ. སམྨཱཝཱཙཱ ཙིཏྟཱནུཔརིཝཏྟཱིཏི? ན ཧེཝཾ ཝཏྟབྦེ…པེ… སམྨཱདིཊྛི ཙིཏྟཱནུཔརིཝཏྟཱིཏི? ཨཱམནྟཱ. སམྨཱཀམྨནྟོ…པེ… སམྨཱཨཱཛཱིཝོ ཙིཏྟཱནུཔརིཝཏྟཱིཏི? ན ཧེཝཾ ཝཏྟབྦེ…པེ….

སམྨཱསངྐཔྤོ ¶ … སམྨཱཝཱཡཱམོ… སམྨཱསཏི…པེ… སམྨཱསམཱདྷི ཙིཏྟཱནུཔརིཝཏྟཱིཏི? ཨཱམནྟཱ. སམྨཱཝཱཙཱ ཙིཏྟཱནུཔརིཝཏྟཱིཏི? ན ཧེཝཾ ཝཏྟབྦེ…པེ… སམྨཱསམཱདྷི ཙིཏྟཱནུཔརིཝཏྟཱིཏི? ཨཱམནྟཱ. སམྨཱཀམྨནྟོ…པེ… སམྨཱཨཱཛཱིཝོ ཙིཏྟཱནུཔརིཝཏྟཱིཏི ¶ ? ན ཧེཝཾ ཝཏྟབྦེ…པེ….

༥༩༧. ན ཝཏྟབྦཾ – ‘‘སཱིལཾ ན ཙིཏྟཱནུཔརིཝཏྟཱི’’ཏི? ཨཱམནྟཱ. སཱིལེ ཨུཔྤཛྫིཏྭཱ ནིརུདྡྷེ དུསྶཱིལོ ཧོཏཱིཏི? ན ཧེཝཾ ཝཏྟབྦེ. ཏེན ཧི སཱིལཾ ན ཙིཏྟཱནུཔརིཝཏྟཱིཏི.

སཱིལཾ ན ཙིཏྟཱནུཔརིཝཏྟཱིཏིཀཐཱ ནིཊྛིཏཱ.

༡༠. དསམཝགྒོ

(༡༠༣) ༩. སམཱདཱནཧེཏུཀཐཱ

༥༩༨. སམཱདཱནཧེཏུཀཾ ¶ སཱིལཾ ཝཌྜྷཏཱིཏི? ཨཱམནྟཱ. སམཱདཱནཧེཏུཀོ ཕསྶོ ཝཌྜྷཏི, ཝེདནཱ ཝཌྜྷཏི, སཉྙཱ ཝཌྜྷཏི, ཙེཏནཱ ཝཌྜྷཏི, ཙིཏྟཾ ཝཌྜྷཏི, སདྡྷཱ ཝཌྜྷཏི, ཝཱིརིཡཾ ཝཌྜྷཏི, སཏི ཝཌྜྷཏི, སམཱདྷི ཝཌྜྷཏི, པཉྙཱ ཝཌྜྷཏཱིཏི? ན ཧེཝཾ ཝཏྟབྦེ…པེ….

སམཱདཱནཧེཏུཀཾ སཱིལཾ ཝཌྜྷཏཱིཏི? ཨཱམནྟཱ. ལཏཱ ཝིཡ ཝཌྜྷཏི, མཱལུཝཱ ཝིཡ ཝཌྜྷཏི, རུཀྑོ ཝིཡ ཝཌྜྷཏི, ཏིཎཾ ཝིཡ ཝཌྜྷཏི, མུཉྫཔུཉྫོ ཝིཡ ཝཌྜྷཏཱིཏི? ན ཧེཝཾ ཝཏྟབྦེ…པེ….

༥༩༩. སམཱདཱནཧེཏུཀཾ སཱིལཾ ཝཌྜྷཏཱིཏི? ཨཱམནྟཱ. སཱིལཾ སམཱདིཡིཏྭཱ ཀཱམཝིཏཀྐཾ ཝིཏཀྐེནྟསྶ བྱཱཔཱདཝིཏཀྐཾ ཝིཏཀྐེནྟསྶ ཝིཧིཾསཱཝིཏཀྐཾ ཝིཏཀྐེནྟསྶ སཱིལཾ ཝཌྜྷཏཱིཏི? ཨཱམནྟཱ. དྭིནྣཾ ཕསྶཱནཾ…པེ… དྭིནྣཾ ཙིཏྟཱནཾ སམོདྷཱནཾ ¶ ཧོཏཱིཏི? ན ཧེཝཾ ཝཏྟབྦེ…པེ… དྭིནྣཾ ཕསྶཱནཾ…པེ… དྭིནྣཾ ཙིཏྟཱནཾ སམོདྷཱནཾ ཧོཏཱིཏི ¶ ? ཨཱམནྟཱ. ཀུསལཱཀུསལཱ ¶ སཱཝཛྫཱནཝཛྫཱ ཧཱིནཔཎཱིཏཱ ཀཎྷསུཀྐསཔྤཊིབྷཱགཱ དྷམྨཱ སམྨུཁཱིབྷཱཝཾ ཨཱགཙྪནྟཱིཏི? ན ཧེཝཾ ཝཏྟབྦེ…པེ….

ཀུསལཱཀུསལཱ སཱཝཛྫཱནཝཛྫཱ ཧཱིནཔཎཱིཏཱ ཀཎྷསུཀྐསཔྤཊིབྷཱགཱ དྷམྨཱ སམྨུཁཱིབྷཱཝཾ ཨཱགཙྪནྟཱིཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཙཏྟཱརིམཱནི, བྷིཀྑཝེ, སུཝིདཱུརཝིདཱུརཱནི! ཀཏམཱནི ཙཏྟཱརི? ནབྷཉྩ, བྷིཀྑཝེ, པཐཝཱི ཙ – ཨིདཾ པཋམཾ སུཝིདཱུརཝིདཱུརཾ…པེ… ཏསྨཱ སཏཾ དྷམྨོ ཨསབྦྷི ཨཱརཀཱ’’ཏི. ཨཏྠེཝ སུཏྟནྟོཏི? ཨཱམནྟཱ ¶ . ཏེན ཧི ན ཝཏྟབྦཾ – ‘‘ཀུསལཱཀུསལཱ སཱཝཛྫཱནཝཛྫཱ ཧཱིནཔཎཱིཏཱ ཀཎྷསུཀྐསཔྤཊིབྷཱགཱ དྷམྨཱ སམྨུཁཱིབྷཱཝཾ ཨཱགཙྪནྟཱི’’ཏི.

༦༠༠. ན ཝཏྟབྦཾ – ‘‘སམཱདཱནཧེཏུཀཾ སཱིལཾ ཝཌྜྷཏཱི’’ཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཨཱརཱམརོཔཱ ཝནརོཔཱ…པེ… དྷམྨཊྛཱ སཱིལསམྤནྣཱ ཏེ ཛནཱ སགྒགཱམིནོ’’ཏི. ཨཏྠེཝ སུཏྟནྟོཏི? ཨཱམནྟཱ. ཏེན ཧི སམཱདཱནཧེཏུཀཾ སཱིལཾ ཝཌྜྷཏཱིཏི.

སམཱདཱནཧེཏུཀཐཱ ནིཊྛིཏཱ.

༡༠. དསམཝགྒོ

(༡༠༤) ༡༠. ཝིཉྙཏྟི སཱིལནྟིཀཐཱ

༦༠༡. ཝིཉྙཏྟི སཱིལནྟི? ཨཱམནྟཱ. པཱཎཱཏིཔཱཏཱ ཝེརམཎཱིཏི? ན ཧེཝཾ ཝཏྟབྦེ…པེ… ཨདིནྣཱདཱནཱ ཝེརམཎཱིཏི? ན ཧེཝཾ ཝཏྟབྦེ…པེ… ཀཱམེསུམིཙྪཱཙཱརཱ ཝེརམཎཱིཏི? ན ཧེཝཾ ཝཏྟབྦེ ¶ …པེ… མུསཱཝཱདཱ ཝེརམཎཱིཏི? ན ཧེཝཾ ཝཏྟབྦེ…པེ… སུརཱམེརཡམཛྫཔམཱདཊྛཱནཱ ཝེརམཎཱིཏི? ན ཧེཝཾ ཝཏྟབྦེ…པེ….

ཨབྷིཝཱདནཾ སཱིལཾ, པཙྩུཊྛཱནཾ སཱིལཾ, ཨཉྫལིཀམྨཾ སཱིལཾ, སཱམཱིཙིཀམྨཾ སཱིལཾ, ཨཱསནཱབྷིཧཱརོ ¶ སཱིལཾ, སེཡྻཱབྷིཧཱརོ སཱིལཾ, པཱདོདཀཱབྷིཧཱརོ སཱིལཾ, པཱདཀཐལིཀཱབྷིཧཱརོ སཱིལཾ, ནྷཱནེ པིཊྛིཔརིཀམྨཾ སཱིལནྟི? ཨཱམནྟཱ ¶ . པཱཎཱཏིཔཱཏཱ ཝེརམཎཱིཏི? ན ཧེཝཾ ཝཏྟབྦེ…པེ… སུརཱམེརཡམཛྫཔམཱདཊྛཱནཱ ཝེརམཎཱིཏི? ན ཧེཝཾ ཝཏྟབྦེ…པེ….

༦༠༢. ན ¶ ཝཏྟབྦཾ – ‘‘ཝིཉྙཏྟི སཱིལ’’ནྟི? ཨཱམནྟཱ. དུསྶིལྱནྟི? ན ཧེཝཾ ཝཏྟབྦེ…པེ… ཏེན ཧི ཝིཉྙཏྟི སཱིལནྟི.

ཝིཉྙཏྟི སཱིལནྟིཀཐཱ ནིཊྛིཏཱ.

༡༠. དསམཝགྒོ

(༡༠༥) ༡༡. ཨཝིཉྙཏྟི དུསྶིལྱནྟིཀཐཱ

༦༠༣. ཨཝིཉྙཏྟི དུསྶིལྱནྟི? ཨཱམནྟཱ. པཱཎཱཏིཔཱཏོཏི? ན ཧེཝཾ ཝཏྟབྦེ…པེ… ཨདིནྣཱདཱནནྟི? ན ཧེཝཾ ཝཏྟབྦེ…པེ… ཀཱམེསུམིཙྪཱཙཱརོཏི? ན ཧེཝཾ ཝཏྟབྦེ…པེ… མུསཱཝཱདོཏི? ན ཧེཝཾ ཝཏྟབྦེ…པེ… སུརཱམེརཡམཛྫཔམཱདཊྛཱནནྟི? ན ཧེཝཾ ཝཏྟབྦེ…པེ….

པཱཔཀམྨཾ སམཱདིཡིཏྭཱ དཱནཾ དདནྟསྶ པུཉྙཉྩ ཨཔུཉྙཉྩ ཨུབྷོ ཝཌྜྷནྟཱིཏི? ན ཧེཝཾ ཝཏྟབྦེ…པེ… པུཉྙཉྩ ཨཔུཉྙཉྩ ཨུབྷོ ཝཌྜྷནྟཱིཏི? ཨཱམནྟཱ ¶ . དྭིནྣཾ ཕསྶཱནཾ…པེ… དྭིནྣཾ ཙིཏྟཱནཾ སམོདྷཱནཾ ཧོཏཱིཏི? ན ཧེཝཾ ཝཏྟབྦེ…པེ… དྭིནྣཾ ཕསྶཱནཾ…པེ… དྭིནྣཾ ཙིཏྟཱནཾ སམོདྷཱནཾ ཧོཏཱིཏི? ཨཱམནྟཱ. ཀུསལཱཀུསལཱ ¶ སཱཝཛྫཱནཝཛྫཱ ཧཱིནཔཎཱིཏཱ ཀཎྷསུཀྐསཔྤཊིབྷཱགཱ དྷམྨཱ སམྨུཁཱིབྷཱཝཾ ཨཱགཙྪནྟཱིཏི? ན ཧེཝཾ ཝཏྟབྦེ…པེ….

ཀུསལཱཀུསལཱ སཱཝཛྫཱནཝཛྫཱ ཧཱིནཔཎཱིཏཱ ཀཎྷསུཀྐསཔྤཊིབྷཱགཱ དྷམྨཱ སམྨུཁཱིབྷཱཝཾ ཨཱགཙྪནྟཱིཏི? ཨཱམནྟཱ. ནནུ ¶ ཝུཏྟཾ བྷགཝཏཱ – ‘‘ཙཏྟཱརིམཱནི, བྷིཀྑཝེ, སུཝིདཱུརཝིདཱུརཱནི ¶ ! ཀཏམཱནི ཙཏྟཱརི? ནབྷཉྩ, བྷིཀྑཝེ, པཐཝཱི ཙ – ཨིདཾ པཋམཾ སུཝིདཱུརཝིདཱུརཾ…པེ… ཏསྨཱ སཏཾ དྷམྨོ ཨསབྦྷི ཨཱརཀཱ’’ཏི. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཀུསལཱཀུསལཱ སཱཝཛྫཱནཝཛྫཱ ཧཱིནཔཎཱིཏཱ ཀཎྷསུཀྐསཔྤཊིབྷཱགཱ དྷམྨཱ སམྨུཁཱིབྷཱཝཾ ཨཱགཙྪནྟཱི’’ཏི.

༦༠༤. ན ཝཏྟབྦཾ – ‘‘ཨཝིཉྙཏྟི དུསྶིལྱ’’ནྟི? ཨཱམནྟཱ. ནནུ པཱཔཀམྨཾ སམཱདིནྣོ ཨཱསཱིཏི? ཨཱམནྟཱ. ཧཉྩི པཱཔཀམྨཾ སམཱདིནྣོ ཨཱསི, ཏེན ཝཏ རེ ཝཏྟབྦེ – ‘‘ཨཝིཉྙཏྟི དུསྶིལྱ’’ནྟི.

ཨཝིཉྙཏྟི དུསྶིལྱནྟིཀཐཱ ནིཊྛིཏཱ.

དསམཝགྒོ.

ཏསྶུདྡཱནཾ –

ཨུཔཔཏྟེསིཡེ ¶ པཉྩཀྑནྡྷེ ཨནིརུདྡྷེ ཀིརིཡཱ པཉྩཀྑནྡྷཱ ཨུཔྤཛྫནྟི, མགྒསམངྒིསྶ རཱུཔཾ མགྒོ, པཉྩཝིཉྙཱཎསམངྒིསྶ ཨཏྠི མགྒབྷཱཝནཱ, པཉྩཝིཉྙཱཎཱ ཀུསལཱཔི ཨཀུསལཱཔི, པཉྩཝིཉྙཱཎཱ སཱབྷོགཱ, མགྒསམངྒཱི དྭཱིཧི སཱིལེཧི སམནྣཱགཏོ, སཱིལཾ ཨཙེཏསིཀཾ, སཱིལཾ ན ཙིཏྟཱནུཔརིཝཏྟི, སམཱདཱནཧེཏུཀཾ སཱིལཾ ¶ ཝཌྜྷཏཱིཏི, ཝིཉྙཏྟིསཱིལཾ ཨཝིཉྙཏྟི དུསྶིལྱནྟི.

དུཏིཡོ པཎྞཱསཀོ.

ཏསྶུདྡཱནཾ –

ནིཡཱམསངྒཧགཏཱནིསཾསཏཱ ཙ ནིརོདྷོཏི [ནིཡཱམ སངྒཧགཏཱནིསཾསཏཱ ཨཏྠི པཉྩཝོཀཱརབྷཝོ ནིརོདྷོ མགྒསམངྒིསྶ པཉྩཝོཀཱརབྷཝོཏི (སཱི. སྱཱ. ཀ.), ནིཡཱམ སངྒཧ གཏཱནིསཾསཏཱ ཨཏྠི པཉྩཝོཀཱརབྷཝོ མགྒསམངྒིསྶ ནོ པཉྩཝོཀཱརབྷཝོ (པཱི.)].

༡༡. ཨེཀཱདསམཝགྒོ

(༡༠༦-༡༠༨) ༡-༣. ཏིསྶོཔི ཨནུསཡཀཐཱ

༦༠༥. ཨནུསཡཱ ¶ ¶ ཨབྱཱཀཏཱཏི? ཨཱམནྟཱ. ཝིཔཱཀཱབྱཱཀཏཱ ཀིརིཡཱབྱཱཀཏཱ རཱུཔཾ ནིབྦཱནཾ ཙཀྑཱཡཏནཾ…པེ… ཕོཊྛབྦཱཡཏནནྟི? ན ཧེཝཾ ཝཏྟབྦེ…པེ….

ཀཱམརཱགཱནུསཡོ ཨབྱཱཀཏོཏི? ཨཱམནྟཱ. ཀཱམརཱགོ ཀཱམརཱགཔརིཡུཊྛཱནཾ ཀཱམརཱགསཾཡོཛནཾ ཀཱམོགྷོ ཀཱམཡོགོ ཀཱམཙྪནྡནཱིཝརཎཾ ཨབྱཱཀཏནྟི? ན ཧེཝཾ ཝཏྟབྦེ…པེ… ཀཱམརཱགོ ཀཱམརཱགཔརིཡུཊྛཱནཾ…པེ… ཀཱམཙྪནྡནཱིཝརཎཾ ཨཀུསལནྟི? ཨཱམནྟཱ. ཀཱམརཱགཱནུསཡོ ཨཀུསལོཏི? ན ཧེཝཾ ཝཏྟབྦེ…པེ….

པཊིགྷཱནུསཡོ ཨབྱཱཀཏོཏི? ཨཱམནྟཱ. པཊིགྷཾ པཊིགྷཔརིཡུཊྛཱནཾ པཊིགྷསཾཡོཛནཾ ཨབྱཱཀཏནྟི? ན ཧེཝཾ ཝཏྟབྦེ…པེ… པཊིགྷཾ པཊིགྷཔརིཡུཊྛཱནཾ པཊིགྷསཾཡོཛནཾ ཨཀུསལནྟི? ཨཱམནྟཱ. པཊིགྷཱནུསཡོ ཨཀུསལོཏི? ན ཧེཝཾ ཝཏྟབྦེ…པེ….

མཱནཱནུསཡོ ¶ ཨབྱཱཀཏོཏི? ཨཱམནྟཱ. མཱནོ མཱནཔརིཡུཊྛཱནཾ ¶ མཱནསཾཡོཛནཾ ཨབྱཱཀཏནྟི? ན ཧེཝཾ ཝཏྟབྦེ …པེ… མཱནོ མཱནཔརིཡུཊྛཱནཾ མཱནསཾཡོཛནཾ ཨཀུསལནྟི? ཨཱམནྟཱ. མཱནཱནུསཡོ ཨཀུསལོཏི? ན ཧེཝཾ ཝཏྟབྦེ …པེ….

དིཊྛཱནུསཡོ ¶ ཨབྱཱཀཏོཏི? ཨཱམནྟཱ. དིཊྛི དིཊྛོགྷོ དིཊྛིཡོགོ དིཊྛིཔརིཡུཊྛཱནཾ དིཊྛིསཾཡོཛནཾ ཨབྱཱཀཏནྟི? ན ཧེཝཾ ཝཏྟབྦེ…པེ… དིཊྛི དིཊྛོགྷོ དིཊྛིཡོགོ དིཊྛིཔརིཡུཊྛཱནཾ དིཊྛིསཾཡོཛནཾ ཨཀུསལནྟི? ཨཱམནྟཱ. དིཊྛཱནུསཡོ ཨཀུསལོཏི? ན ཧེཝཾ ཝཏྟབྦེ…པེ….

ཝིཙིཀིཙྪཱནུསཡོ ཨབྱཱཀཏོཏི? ཨཱམནྟཱ. ཝིཙིཀིཙྪཱ ཝིཙིཀིཙྪཱཔརིཡུཊྛཱནཾ ཝིཙིཀིཙྪཱསཾཡོཛནཾ ཝིཙིཀིཙྪཱནཱིཝརཎཾ ཨབྱཱཀཏནྟི? ན ཧེཝཾ ཝཏྟབྦེ…པེ… ཝིཙིཀིཙྪཱ ¶ ཝིཙིཀིཙྪཱཔརིཡུཊྛཱནཾ ཝིཙིཀིཙྪཱསཾཡོཛནཾ ཝིཙིཀིཙྪཱནཱིཝརཎཾ ཨཀུསལནྟི? ཨཱམནྟཱ. ཝིཙིཀིཙྪཱནུསཡོ ཨཀུསལོཏི? ན ཧེཝཾ ཝཏྟབྦེ…པེ….

བྷཝརཱགཱནུསཡོ ཨབྱཱཀཏོཏི? ཨཱམནྟཱ. བྷཝརཱགོ བྷཝརཱགཔརིཡུཊྛཱནཾ བྷཝརཱགསཾཡོཛནཾ ཨབྱཱཀཏནྟི? ན ཧེཝཾ ཝཏྟབྦེ…པེ… བྷཝརཱགོ བྷཝརཱགཔརིཡུཊྛཱནཾ བྷཝརཱགསཾཡོཛནཾ ཨཀུསལནྟི? ཨཱམནྟཱ. བྷཝརཱགཱནུསཡོ ཨཀུསལོཏི? ན ཧེཝཾ ཝཏྟབྦེ…པེ….

ཨཝིཛྫཱནུསཡོ ཨབྱཱཀཏོཏི? ཨཱམནྟཱ. ཨཝིཛྫཱ ཨཝིཛྫོགྷོ ཨཝིཛྫཱཡོགོ ཨཝིཛྫཱཔརིཡུཊྛཱནཾ ཨཝིཛྫཱསཾཡོཛནཾ ཨཝིཛྫཱནཱིཝརཎཾ ཨབྱཱཀཏནྟི? ན ཧེཝཾ ཝཏྟབྦེ…པེ… ཨཝིཛྫཱ ཨཝིཛྫོགྷོ ཨཝིཛྫཱཡོགོ ¶ ཨཝིཛྫཱཔརིཡུཊྛཱནཾ ཨཝིཛྫཱསཾཡོཛནཾ ཨཝིཛྫཱནཱིཝརཎཾ ཨཀུསལནྟི? ཨཱམནྟཱ. ཨཝིཛྫཱནུསཡོ ¶ ཨཀུསལོཏི? ན ཧེཝཾ ཝཏྟབྦེ…པེ….

༦༠༦. ན ཝཏྟབྦཾ – ‘‘ཨནུསཡཱ ཨབྱཱཀཏཱ’’ཏི? ཨཱམནྟཱ. པུཐུཛྫནོ ཀུསལཱབྱཱཀཏེ ཙིཏྟེ ཝཏྟམཱནེ ‘‘སཱནུསཡོ’’ཏི ཝཏྟབྦོཏི? ཨཱམནྟཱ. ཀུསལཱཀུསལཱ དྷམྨཱ སམྨུཁཱིབྷཱཝཾ ཨཱགཙྪནྟཱིཏི? ན ཧེཝཾ ཝཏྟབྦེ…པེ… ཏེན ཧི ཨནུསཡཱ ཨབྱཱཀཏཱཏི. པུཐུཛྫནོ ཀུསལཱབྱཱཀཏེ ཙིཏྟེ ཝཏྟམཱནེ ‘‘སརཱགོ’’ཏི ཝཏྟབྦོཏི? ཨཱམནྟཱ. ཀུསལཱཀུསལཱ དྷམྨཱ སམྨུཁཱིབྷཱཝཾ ཨཱགཙྪནྟཱིཏི? ན ཧེཝཾ ཝཏྟབྦེ…པེ… ཏེན ཧི རཱགོ ཨབྱཱཀཏོཏི.

༦༠༧. ཨནུསཡཱ ¶ ཨཧེཏུཀཱཏི? ཨཱམནྟཱ. རཱུཔཾ ནིབྦཱནཾ ཙཀྑཱཡཏནཾ…པེ… ཕོཊྛབྦཱཡཏནནྟི? ན ཧེཝཾ ཝཏྟབྦེ…པེ….

ཀཱམརཱགཱནུསཡོ ཨཧེཏུཀོཏི? ཨཱམནྟཱ. ཀཱམརཱགོ ཀཱམརཱགཔརིཡུཊྛཱནཾ ཀཱམརཱགསཾཡོཛནཾ ཀཱམཙྪནྡནཱིཝརཎཾ ཨཧེཏུཀནྟི? ན ཧེཝཾ ཝཏྟབྦེ…པེ… ཀཱམརཱགོ ཀཱམརཱགཔརིཡུཊྛཱནཾ…པེ… ཀཱམཙྪནྡནཱིཝརཎཾ སཧེཏུཀནྟི? ཨཱམནྟཱ. ཀཱམརཱགཱནུསཡོ སཧེཏུཀོཏི? ན ཧེཝཾ ཝཏྟབྦེ…པེ… པཊིགྷཱནུསཡོ…པེ… མཱནཱནུསཡོ… དིཊྛཱནུསཡོ… ཝིཙིཀིཙྪཱནུསཡོ… བྷཝརཱགཱནུསཡོ… ཨཝིཛྫཱནུསཡོ ཨཧེཏུཀོཏི? ཨཱམནྟཱ. ཨཝིཛྫཱ ཨཝིཛྫོགྷོ ཨཝིཛྫཱཡོགོ ཨཝིཛྫཱཔརིཡུཊྛཱནཾ ཨཝིཛྫཱསཾཡོཛནཾ ཨཝིཛྫཱནཱིཝརཎཾ ཨཧེཏུཀནྟི ¶ ? ན ཧེཝཾ ཝཏྟབྦེ ¶ …པེ… ཨཝིཛྫཱ ¶ ཨཝིཛྫོགྷོ…པེ… ཨཝིཛྫཱནཱིཝརཎཾ སཧེཏུཀནྟི? ཨཱམནྟཱ. ཨཝིཛྫཱནུསཡོ སཧེཏུཀོཏི? ན ཧེཝཾ ཝཏྟབྦེ…པེ….

༦༠༨. ན ཝཏྟབྦཾ – ‘‘ཨནུསཡཱ ཨཧེཏུཀཱ’’ཏི? ཨཱམནྟཱ. པུཐུཛྫནོ ཀུསལཱབྱཱཀཏེ ཙིཏྟེ ཝཏྟམཱནེ ‘‘སཱནུསཡོ’’ཏི ཝཏྟབྦོཏི? ཨཱམནྟཱ. ཨནུསཡཱ ཏེན ཧེཏུནཱ སཧེཏུཀཱཏི? ན ཧེཝཾ ཝཏྟབྦེ…པེ… ཏེན ཧི ཨནུསཡཱ ཨཧེཏུཀཱཏི. པུཐུཛྫནོ ཀུསལཱབྱཱཀཏེ ཙིཏྟེ ཝཏྟམཱནེ ‘‘སརཱགོ’’ཏི ཝཏྟབྦོཏི? ཨཱམནྟཱ. རཱགོ ཏེན ཧེཏུནཱ སཧེཏུཀོཏི? ན ཧེཝཾ ཝཏྟབྦེ…པེ… ཏེན ཧི རཱགོ ཨཧེཏུཀོཏི.

༦༠༩. ཨནུསཡཱ ཙིཏྟཝིཔྤཡུཏྟཱཏི? ཨཱམནྟཱ. རཱུཔཾ ནིབྦཱནཾ ཙཀྑཱཡཏནཾ…པེ… ཕོཊྛབྦཱཡཏནནྟི? ན ཧེཝཾ ཝཏྟབྦེ…པེ….

ཀཱམརཱགཱནུསཡོ ཙིཏྟཝིཔྤཡུཏྟོཏི? ཨཱམནྟཱ. ཀཱམརཱགོ ཀཱམརཱགཔརིཡུཊྛཱནཾ ཀཱམརཱགསཾཡོཛནཾ ཀཱམོགྷོ ཀཱམཡོགོ ཀཱམཙྪནྡནཱིཝརཎཾ ཙིཏྟཝིཔྤཡུཏྟནྟི? ན ཧེཝཾ ཝཏྟབྦེ…པེ… ཀཱམརཱགོ ཀཱམརཱགཔརིཡུཊྛཱནཾ…པེ… ཀཱམཙྪནྡནཱིཝརཎཾ ཙིཏྟསམྤཡུཏྟནྟི? ཨཱམནྟཱ. ཀཱམརཱགཱནུསཡོ ཙིཏྟསམྤཡུཏྟོཏི? ན ཧེཝཾ ཝཏྟབྦེ…པེ….

༦༡༠. ཀཱམརཱགཱནུསཡོ ཙིཏྟཝིཔྤཡུཏྟོཏི? ཨཱམནྟཱ. ཀཏམཀྑནྡྷཔརིཡཱཔནྣོཏི? སངྑཱརཀྑནྡྷཔརིཡཱཔནྣོཏི. སངྑཱརཀྑནྡྷོ ¶ ཙིཏྟཝིཔྤཡུཏྟོཏི? ན ¶ ཧེཝཾ ཝཏྟབྦེ. སངྑཱརཀྑནྡྷོ ཙིཏྟཝིཔྤཡུཏྟོཏི? ཨཱམནྟཱ. ཝེདནཱཀྑནྡྷོ སཉྙཱཀྑནྡྷོ ཙིཏྟཝིཔྤཡུཏྟོཏི? ན ཧེཝཾ ཝཏྟབྦེ…པེ….

ཀཱམརཱགཱནུསཡོ ¶ སངྑཱརཀྑནྡྷཔརིཡཱཔནྣོ ཙིཏྟཝིཔྤཡུཏྟོཏི? ཨཱམནྟཱ. ཀཱམརཱགོ སངྑཱརཀྑནྡྷཔརིཡཱཔནྣོ ཙིཏྟཝིཔྤཡུཏྟོཏི? ན ཧེཝཾ ཝཏྟབྦེ…པེ… ཀཱམརཱགོ སངྑཱརཀྑནྡྷཔརིཡཱཔནྣོ ཙིཏྟསམྤཡུཏྟོཏི? ཨཱམནྟཱ. ཀཱམརཱགཱནུསཡོ སངྑཱརཀྑནྡྷཔརིཡཱཔནྣོ ཙིཏྟསམྤཡུཏྟོཏི? ན ཧེཝཾ ཝཏྟབྦེ…པེ….

ཀཱམརཱགཱནུསཡོ སངྑཱརཀྑནྡྷཔརིཡཱཔནྣོ ཙིཏྟཝིཔྤཡུཏྟོ, ཀཱམརཱགོ སངྑཱརཀྑནྡྷཔརིཡཱཔནྣོ ¶ ཙིཏྟསམྤཡུཏྟོཏི? ཨཱམནྟཱ. སངྑཱརཀྑནྡྷོ ཨེཀདེསོ ཙིཏྟསམྤཡུཏྟོ ཨེཀདེསོ ཙིཏྟཝིཔྤཡུཏྟོཏི? ན ཧེཝཾ ཝཏྟབྦེ…པེ….

སངྑཱརཀྑནྡྷོ ཨེཀདེསོ ཙིཏྟསམྤཡུཏྟོ ཨེཀདེསོ ཙིཏྟཝིཔྤཡུཏྟོཏི? ཨཱམནྟཱ. ཝེདནཱཀྑནྡྷོ སཉྙཱཀྑནྡྷོ ཨེཀདེསོ ཙིཏྟསམྤཡུཏྟོ ཨེཀདེསོ ཙིཏྟཝིཔྤཡུཏྟོཏི? ན ཧེཝཾ ཝཏྟབྦེ…པེ….

༦༡༡. པཊིགྷཱནུསཡོ མཱནཱནུསཡོ དིཊྛཱནུསཡོ ཝིཙིཀིཙྪཱནུསཡོ བྷཝརཱགཱནུསཡོ ཨཝིཛྫཱནུསཡོ ཙིཏྟཝིཔྤཡུཏྟོཏི? ཨཱམནྟཱ. ཨཝིཛྫཱ ཨཝིཛྫོགྷོ ཨཝིཛྫཱཡོགོ ཨཝིཛྫཱནཱིཝརཎཾ ཙིཏྟཝིཔྤཡུཏྟནྟི? ན ཧེཝཾ ཝཏྟབྦེ…པེ… ཨཝིཛྫཱ ¶ ཨཝིཛྫོགྷོ ཨཝིཛྫཱཡོགོ ཨཝིཛྫཱནཱིཝརཎཾ ཙིཏྟསམྤཡུཏྟནྟི? ཨཱམནྟཱ. ཨཝིཛྫཱནུསཡོ ཙིཏྟསམྤཡུཏྟོཏི? ན ཧེཝཾ ཝཏྟབྦེ…པེ….

༦༡༢. ཨཝིཛྫཱནུསཡོ ཙིཏྟཝིཔྤཡུཏྟོཏི? ཨཱམནྟཱ. ཀཏམཀྑནྡྷཔརིཡཱཔནྣོཏི? སངྑཱརཀྑནྡྷཔརིཡཱཔནྣོཏི. སངྑཱརཀྑནྡྷོ ཙིཏྟཝིཔྤཡུཏྟོཏི? ན ཧེཝཾ ཝཏྟབྦེ ¶ . སངྑཱརཀྑནྡྷོ ཙིཏྟཝིཔྤཡུཏྟོཏི? ཨཱམནྟཱ. ཝེདནཱཀྑནྡྷོ སཉྙཱཀྑནྡྷོ ཙིཏྟཝིཔྤཡུཏྟོཏི? ན ཧེཝཾ ཝཏྟབྦེ…པེ….

ཨཝིཛྫཱནུསཡོ སངྑཱརཀྑནྡྷཔརིཡཱཔནྣོ ཙིཏྟཝིཔྤཡུཏྟོཏི? ཨཱམནྟཱ. ཨཝིཛྫཱ སངྑཱརཀྑནྡྷཔརིཡཱཔནྣཱ ཙིཏྟཝིཔྤཡུཏྟཱཏི? ན ཧེཝཾ ཝཏྟབྦེ…པེ… ཨཝིཛྫཱ སངྑཱརཀྑནྡྷཔརིཡཱཔནྣཱ ཙིཏྟསམྤཡུཏྟཱཏི? ཨཱམནྟཱ. ཨཝིཛྫཱནུསཡོ སངྑཱརཀྑནྡྷཔརིཡཱཔནྣོ ཙིཏྟསམྤཡུཏྟོཏི? ན ཧེཝཾ ཝཏྟབྦེ…པེ….

ཨཝིཛྫཱནུསཡོ ¶ སངྑཱརཀྑནྡྷཔརིཡཱཔནྣོ ཙིཏྟཝིཔྤཡུཏྟོ, ཨཝིཛྫཱསངྑཱརཀྑནྡྷཔརིཡཱཔནྣཱ ཙིཏྟསམྤཡུཏྟཱཏི? ཨཱམནྟཱ. སངྑཱརཀྑནྡྷོ ཨེཀདེསོ ཙིཏྟསམྤཡུཏྟོ ཨེཀདེསོ ཙིཏྟཝིཔྤཡུཏྟོཏི? ན ཧེཝཾ ཝཏྟབྦེ.

སངྑཱརཀྑནྡྷོ ཨེཀདེསོ ཙིཏྟསམྤཡུཏྟོ ཨེཀདེསོ ཙིཏྟཝིཔྤཡུཏྟོཏི? ཨཱམནྟཱ. ཝེདནཱཀྑནྡྷོ ¶ སཉྙཱཀྑནྡྷོ ཨེཀདེསོ ཙིཏྟསམྤཡུཏྟོ ཨེཀདེསོ ཙིཏྟཝིཔྤཡུཏྟོཏི? ན ¶ ཧེཝཾ ཝཏྟབྦེ…པེ….

༦༡༣. ན ཝཏྟབྦཾ – ‘‘ཨནུསཡཱ ཙིཏྟཝིཔྤཡུཏྟཱ’’ཏི? ཨཱམནྟཱ. པུཐུཛྫནོ ཀུསལཱབྱཱཀཏེ ཙིཏྟེ ཝཏྟམཱནེ ‘‘སཱནུསཡོ’’ཏི ཝཏྟབྦོཏི? ཨཱམནྟཱ. ཨནུསཡཱ ཏེན ཙིཏྟེན སམྤཡུཏྟཱཏི? ན ཧེཝཾ ཝཏྟབྦེ. ཏེན ཧི ཨནུསཡཱ ཙིཏྟཝིཔྤཡུཏྟཱཏི. པུཐུཛྫནོ ཀུསལཱབྱཱཀཏེ ཙིཏྟེ ཝཏྟམཱནེ ‘‘སརཱགོ’’ཏི ཝཏྟབྦོཏི? ཨཱམནྟཱ. རཱགོ ཏེན ཙིཏྟེན སམྤཡུཏྟོཏི? ན ཧེཝཾ ཝཏྟབྦེ. ཏེན ཧི རཱགོ ཙིཏྟཝིཔྤཡུཏྟོཏི.

ཏིསྶོཔི ཨནུསཡཀཐཱ ནིཊྛིཏཱ.

༡༡. ཨེཀཱདསམཝགྒོ

(༡༠༩) ༤. ཉཱཎཀཐཱ

༦༡༤. ཨཉྙཱཎེ ¶ ཝིགཏེ ཉཱཎཝིཔྤཡུཏྟེ ཙིཏྟེ ཝཏྟམཱནེ ན ཝཏྟབྦཾ – ‘‘ཉཱཎཱི’’ཏི? ཨཱམནྟཱ. རཱགེ ཝིགཏེ ན ཝཏྟབྦཾ – ‘‘ཝཱིཏརཱགོ’’ཏི? ན ཧེཝཾ ཝཏྟབྦེ…པེ… ཨཉྙཱཎེ ཝིགཏེ ཉཱཎཝིཔྤཡུཏྟེ ཙིཏྟེ ཝཏྟམཱནེ ན ཝཏྟབྦཾ – ‘‘ཉཱཎཱི’’ཏི? ཨཱམནྟཱ. དོསེ ཝིགཏེ… མོཧེ ཝིགཏེ… ཀིལེསེ ཝིགཏེ ན ཝཏྟབྦཾ – ‘‘ནིཀྐིལེསོ’’ཏི? ན ཧེཝཾ ཝཏྟབྦེ…པེ….

རཱགེ ཝིགཏེ ཝཏྟབྦཾ – ‘‘ཝཱིཏརཱགོ’’ཏི? ཨཱམནྟཱ. ཨཉྙཱཎེ ཝིགཏེ ཉཱཎཝིཔྤཡུཏྟེ ཙིཏྟེ ཝཏྟམཱནེ ཝཏྟབྦཾ – ‘‘ཉཱཎཱི’’ཏི? ན ཧེཝཾ ཝཏྟབྦེ…པེ… དོསེ ¶ ཝིགཏེ… མོཧེ ཝིགཏེ… ཀིལེསེ ཝིགཏེ ཝཏྟབྦཾ – ‘‘ནིཀྐིལེསོ’’ཏི? ཨཱམནྟཱ. ཨཉྙཱཎེ ཝིགཏེ ཉཱཎཝིཔྤཡུཏྟེ ཙིཏྟེ ཝཏྟམཱནེ ཝཏྟབྦཾ – ‘‘ཉཱཎཱི’’ཏི? ན ཧེཝཾ ཝཏྟབྦེ…པེ….

༦༡༥. ཨཉྙཱཎེ ¶ ཝིགཏེ ཉཱཎཝིཔྤཡུཏྟེ ཙིཏྟེ ཝཏྟམཱནེ ཝཏྟབྦཾ – ‘‘ཉཱཎཱི’’ཏི? ཨཱམནྟཱ ¶ . ཨཏཱིཏེན ཉཱཎེན ཉཱཎཱི ནིརུདྡྷེན ཝིགཏེན པཊིཔསྶདྡྷེན ཉཱཎེན ཉཱཎཱིཏི? ན ཧེཝཾ ཝཏྟབྦེ…པེ….

ཉཱཎཀཐཱ ནིཊྛིཏཱ.

༡༡. ཨེཀཱདསམཝགྒོ

(༡༡༠) ༥. ཉཱཎཾ ཙིཏྟཝིཔྤཡུཏྟནྟིཀཐཱ

༦༡༦. ཉཱཎཾ ¶ ཙིཏྟཝིཔྤཡུཏྟནྟི? ཨཱམནྟཱ. རཱུཔཾ ནིབྦཱནཾ ཙཀྑཱཡཏནཾ…པེ… ཕོཊྛབྦཱཡཏནནྟི? ན ཧེཝཾ ཝཏྟབྦེ…པེ… ཉཱཎཾ ཙིཏྟཝིཔྤཡུཏྟནྟི? ཨཱམནྟཱ. པཉྙཱ པཉྙིནྡྲིཡཾ པཉྙཱབལཾ སམྨཱདིཊྛི དྷམྨཝིཙཡསམྦོཛ྄ཛྷངྒོ ཙིཏྟཝིཔྤཡུཏྟོཏི? ན ཧེཝཾ ཝཏྟབྦེ…པེ… པཉྙཱ པཉྙིནྡྲིཡཾ པཉྙཱབལཾ སམྨཱདིཊྛི དྷམྨཝིཙཡསམྦོཛ྄ཛྷངྒོ ཙིཏྟསམྤཡུཏྟོཏི? ཨཱམནྟཱ. ཉཱཎཾ ཙིཏྟསམྤཡུཏྟནྟི? ན ཧེཝཾ ཝཏྟབྦེ…པེ….

ཉཱཎཾ ཙིཏྟཝིཔྤཡུཏྟནྟི? ཨཱམནྟཱ. ཀཏམཀྑནྡྷཔརིཡཱཔནྣནྟི ¶ ? སངྑཱརཀྑནྡྷཔརིཡཱཔནྣནྟི. སངྑཱརཀྑནྡྷོ ཙིཏྟཝིཔྤཡུཏྟོཏི? ན ཧེཝཾ ཝཏྟབྦེ…པེ… སངྑཱརཀྑནྡྷོ ཙིཏྟཝིཔྤཡུཏྟོཏི? ཨཱམནྟཱ. ཝེདནཱཀྑནྡྷོ སཉྙཱཀྑནྡྷོ ཙིཏྟཝིཔྤཡུཏྟོཏི? ན ཧེཝཾ ཝཏྟབྦེ…པེ… ཉཱཎཾ སངྑཱརཀྑནྡྷཔརིཡཱཔནྣཾ ཙིཏྟཝིཔྤཡུཏྟནྟི? ཨཱམནྟཱ. པཉྙཱ སངྑཱརཀྑནྡྷཔརིཡཱཔནྣཱ ཙིཏྟཝིཔྤཡུཏྟཱཏི? ན ཧེཝཾ ཝཏྟབྦེ…པེ… པཉྙཱ སངྑཱརཀྑནྡྷཔརིཡཱཔནྣཱ ཙིཏྟསམྤཡུཏྟཱཏི? ཨཱམནྟཱ. ཉཱཎཾ སངྑཱརཀྑནྡྷཔརིཡཱཔནྣཾ ཙིཏྟསམྤཡུཏྟནྟི? ན ཧེཝཾ ཝཏྟབྦེ…པེ… ཉཱཎཾ སངྑཱརཀྑནྡྷཔརིཡཱཔནྣཾ ཙིཏྟཝིཔྤཡུཏྟཾ, པཉྙཱ སངྑཱརཀྑནྡྷཔརིཡཱཔནྣཱ ¶ ཙིཏྟསམྤཡུཏྟཱཏི? ཨཱམནྟཱ. སངྑཱརཀྑནྡྷོ ཨེཀདེསོ ཙིཏྟསམྤཡུཏྟོ ཨེཀདེསོ ཙིཏྟཝིཔྤཡུཏྟོཏི? ན ཧེཝཾ ཝཏྟབྦེ…པེ… སངྑཱརཀྑནྡྷོ ཨེཀདེསོ ཙིཏྟསམྤཡུཏྟོ ཨེཀདེསོ ཙིཏྟཝིཔྤཡུཏྟོཏི? ཨཱམནྟཱ. ཝེདནཱཀྑནྡྷོ སཉྙཱཀྑནྡྷོ ཨེཀདེསོ ཙིཏྟསམྤཡུཏྟོ ཨེཀདེསོ ཙིཏྟཝིཔྤཡུཏྟོཏི? ན ཧེཝཾ ཝཏྟབྦེ…པེ….

༦༡༧. ན ¶ ཝཏྟབྦཾ – ‘‘ཉཱཎཾ ཙིཏྟཝིཔྤཡུཏྟ’’ནྟི? ཨཱམནྟཱ. ཨརཧཱ ཙཀྑུཝིཉྙཱཎསམངྒཱི ‘‘ཉཱཎཱི’’ཏི ཝཏྟབྦོཏི? ཨཱམནྟཱ. ཉཱཎཾ ཏེན ཙིཏྟེན སམྤཡུཏྟནྟི? ན ¶ ཧེཝཾ ཝཏྟབྦེ. ཏེན ཧི ཉཱཎཾ ཙིཏྟཝིཔྤཡུཏྟནྟི.

ཨརཧཱ ¶ ཙཀྑུཝིཉྙཱཎསམངྒཱི ‘‘པཉྙཝཱ’’ཏི ཝཏྟབྦོཏི [སཀཝཱདཱིཔུཙྪཱ ཝིཡ དིསྶཏི]? ཨཱམནྟཱ. པཉྙཱ ཏེན ཙིཏྟེན སམྤཡུཏྟཱཏི? ན ཧེཝཾ ཝཏྟབྦེ. ཏེན ཧི པཉྙཱ ཙིཏྟཝིཔྤཡུཏྟཱཏི.

ཉཱཎཾ ཙིཏྟཝིཔྤཡུཏྟནྟིཀཐཱ ནིཊྛིཏཱ.

༡༡. ཨེཀཱདསམཝགྒོ

(༡༡༡) ༦. ཨིདཾ དུཀྑནྟིཀཐཱ

༦༡༨. ‘‘ཨིདཾ དུཀྑ’’ནྟི ཝཱཙཾ བྷཱསཏོ ‘‘ཨིདཾ དུཀྑ’’ནྟི ཉཱཎཾ པཝཏྟཏཱིཏི? ཨཱམནྟཱ. ‘‘ཨཡཾ དུཀྑསམུདཡོ’’ཏི ཝཱཙཾ བྷཱསཏོ ‘‘ཨཡཾ དུཀྑསམུདཡོ’’ཏི ཉཱཎཾ པཝཏྟཏཱིཏི? ན ཧེཝཾ ཝཏྟབྦེ…པེ… ‘‘ཨིདཾ དུཀྑ’’ནྟི ཝཱཙཾ བྷཱསཏོ ‘‘ཨིདཾ དུཀྑ’’ནྟི ཉཱཎཾ པཝཏྟཏཱིཏི? ཨཱམནྟཱ. ‘‘ཨཡཾ དུཀྑནིརོདྷོ’’ཏི ཝཱཙཾ བྷཱསཏོ ‘‘ཨཡཾ དུཀྑནིརོདྷོ’’ཏི ཉཱཎཾ པཝཏྟཏཱིཏི? ན ¶ ཧེཝཾ ཝཏྟབྦེ…པེ… ‘‘ཨིདཾ དུཀྑ’’ནྟི ཝཱཙཾ བྷཱསཏོ ‘‘ཨིདཾ དུཀྑ’’ནྟི ཉཱཎཾ པཝཏྟཏཱིཏི? ཨཱམནྟཱ. ‘‘ཨཡཾ མགྒོ’’ཏི ཝཱཙཾ བྷཱསཏོ ‘‘ཨཡཾ མགྒོ’’ཏི ཉཱཎཾ པཝཏྟཏཱིཏི? ན ཧེཝཾ ཝཏྟབྦེ…པེ….

‘‘ཨཡཾ སམུདཡོ’’ཏི ཝཱཙཾ བྷཱསཏོ ན ཙ ‘‘ཨཡཾ སམུདཡོ’’ཏི ཉཱཎཾ པཝཏྟཏཱིཏི? ཨཱམནྟཱ. ‘‘ཨིདཾ དུཀྑ’’ནྟི ཝཱཙཾ བྷཱསཏོ ན ཙ ‘‘ཨིདཾ དུཀྑ’’ནྟི ཉཱཎཾ པཝཏྟཏཱིཏི? ན ཧེཝཾ ཝཏྟབྦེ…པེ… ‘‘ཨཡཾ ¶ ནིརོདྷོ’’ཏི… ‘‘ཨཡཾ མགྒོ’’ཏི ཝཱཙཾ བྷཱསཏོ ན ཙ ‘‘ཨཡཾ མགྒོ’’ཏི ཉཱཎཾ པཝཏྟཏཱིཏི? ཨཱམནྟཱ. ‘‘ཨིདཾ དུཀྑ’’ནྟི ཝཱཙཾ བྷཱསཏོ ན ཙ ‘‘ཨིདཾ དུཀྑ’’ནྟི ཉཱཎཾ པཝཏྟཏཱིཏི? ན ཧེཝཾ ཝཏྟབྦེ…པེ….

༦༡༩. ‘‘ཨིདཾ ¶ དུཀྑ’’ནྟི ཝཱཙཾ བྷཱསཏོ ‘‘ཨིདཾ དུཀྑ’’ནྟི ཉཱཎཾ པཝཏྟཏཱིཏི? ཨཱམནྟཱ. ‘‘རཱུཔཾ ཨནིཙྩ’’ནྟི ཝཱཙཾ བྷཱསཏོ ‘‘རཱུཔཾ ཨནིཙྩ’’ནྟི ཉཱཎཾ པཝཏྟཏཱིཏི? ན ཧེཝཾ ཝཏྟབྦེ…པེ… ‘‘ཨིདཾ དུཀྑ’’ནྟི ཝཱཙཾ བྷཱསཏོ ‘‘ཨིདཾ དུཀྑ’’ནྟི ཉཱཎཾ པཝཏྟཏཱིཏི? ཨཱམནྟཱ. ཝེདནཱ… སཉྙཱ… སངྑཱརཱ… ‘‘ཝིཉྙཱཎཾ ཨནིཙྩ’’ནྟི ཝཱཙཾ བྷཱསཏོ ‘‘ཝིཉྙཱཎཾ ཨནིཙྩ’’ནྟི ཉཱཎཾ པཝཏྟཏཱིཏི? ན ཧེཝཾ ཝཏྟབྦེ…པེ….

‘‘ཨིདཾ ¶ དུཀྑ’’ནྟི ཝཱཙཾ བྷཱསཏོ ‘‘ཨིདཾ དུཀྑ’’ནྟི ཉཱཎཾ པཝཏྟཏཱིཏི? ཨཱམནྟཱ. ‘‘རཱུཔཾ ཨནཏྟཱ’’ཏི ཝཱཙཾ བྷཱསཏོ ‘‘རཱུཔཾ ཨནཏྟཱ’’ཏི ཉཱཎཾ པཝཏྟཏཱིཏི? ན ཧེཝཾ ཝཏྟབྦེ…པེ… ‘‘ཨིདཾ དུཀྑ’’ནྟི ཝཱཙཾ བྷཱསཏོ ‘‘ཨིདཾ དུཀྑ’’ནྟི ཉཱཎཾ པཝཏྟཏཱིཏི? ཨཱམནྟཱ. ཝེདནཱ ¶ … སཉྙཱ… སངྑཱརཱ… ‘‘ཝིཉྙཱཎཾ ཨནཏྟཱ’’ཏི ཝཱཙཾ བྷཱསཏོ ‘‘ཝིཉྙཱཎཾ ཨནཏྟཱ’’ཏི ཉཱཎཾ པཝཏྟཏཱིཏི? ན ཧེཝཾ ཝཏྟབྦེ…པེ….

‘‘རཱུཔཾ ¶ ཨནིཙྩ’’ནྟི ཝཱཙཾ བྷཱསཏོ ན ཙ ‘‘རཱུཔཾ ཨནིཙྩ’’ནྟི ཉཱཎཾ པཝཏྟཏཱིཏི? ཨཱམནྟཱ. ‘‘ཨིདཾ དུཀྑ’’ནྟི ཝཱཙཾ བྷཱསཏོ ན ཙ ‘‘ཨིདཾ དུཀྑ’’ནྟི ཉཱཎཾ པཝཏྟཏཱིཏི? ན ཧེཝཾ ཝཏྟབྦེ…པེ… ཝེདནཱ… སཉྙཱ… སངྑཱརཱ… ‘‘ཝིཉྙཱཎཾ ཨནིཙྩ’’ནྟི ཝཱཙཾ བྷཱསཏོ ན ཙ ‘‘ཝིཉྙཱཎཾ ཨནིཙྩ’’ནྟི ཉཱཎཾ པཝཏྟཏཱིཏི? ཨཱམནྟཱ. ‘‘ཨིདཾ དུཀྑ’’ནྟི ཝཱཙཾ བྷཱསཏོ ན ཙ ‘‘ཨིདཾ དུཀྑ’’ནྟི ཉཱཎཾ པཝཏྟཏཱིཏི? ན ཧེཝཾ ཝཏྟབྦེ…པེ….

‘‘རཱུཔཾ ཨནཏྟཱ’’ཏི ཝཱཙཾ བྷཱསཏོ ན ཙ ‘‘རཱུཔཾ ཨནཏྟཱ’’ཏི ཉཱཎཾ པཝཏྟཏཱིཏི? ཨཱམནྟཱ. ‘‘ཨིདཾ དུཀྑ’’ནྟི ཝཱཙཾ བྷཱསཏོ ན ཙ ‘‘ཨིདཾ དུཀྑ’’ནྟི ཉཱཎཾ པཝཏྟཏཱིཏི? ན ཧེཝཾ ཝཏྟབྦེ …པེ… ཝེདནཱ… སཉྙཱ… སངྑཱརཱ… ‘‘ཝིཉྙཱཎཾ ཨནཏྟཱ’’ཏི ཝཱཙཾ བྷཱསཏོ ན ཙ ‘‘ཝིཉྙཱཎཾ ཨནཏྟཱ’’ཏི ཉཱཎཾ པཝཏྟཏཱིཏི? ཨཱམནྟཱ. ‘‘ཨིདཾ དུཀྑ’’ནྟི ཝཱཙཾ བྷཱསཏོ ན ཙ ‘‘དུཀྑ’’ནྟི ཉཱཎཾ པཝཏྟཏཱིཏི? ན ཧེཝཾ ཝཏྟབྦེ…པེ….

༦༢༠. ‘‘ཨིདཾ དུཀྑ’’ནྟི ཝཱཙཾ བྷཱསཏོ ‘‘ཨིདཾ དུཀྑ’’ནྟི ཉཱཎཾ པཝཏྟཏཱིཏི? ཨཱམནྟཱ. ‘‘ཨི’’ཏི [ཨཱིཏི (སྱཱ. པཱི.)] ཙ ‘‘ད’’ནྟི ཙ ‘‘དུ’’ཏི [དཱུཏི (སྱཱ. པཱི.)] ཙ ‘‘ཁ’’ནྟི ཙ ཉཱཎཾ པཝཏྟཏཱིཏི? ན ཧེཝཾ ཝཏྟབྦེ…པེ….

ཨིདཾ དུཀྑནྟིཀཐཱ ནིཊྛིཏཱ.

༡༡. ཨེཀཱདསམཝགྒོ

(༡༡༢) ༧. ཨིདྡྷིབལཀཐཱ

༦༢༡. ཨིདྡྷིབལེན ¶ ¶ ¶ སམནྣཱགཏོ ཀཔྤཾ ཏིཊྛེཡྻཱཏི? ཨཱམནྟཱ. ཨིདྡྷིམཡིཀོ སོ ཨཱཡུ, ཨིདྡྷིམཡིཀཱ སཱ གཏི, ཨིདྡྷིམཡིཀོ སོ ཨཏྟབྷཱཝཔྤཊིལཱབྷོཏི? ན ཧེཝཾ ཝཏྟབྦེ…པེ….

ཨིདྡྷིབལེན ¶ སམནྣཱགཏོ ཀཔྤཾ ཏིཊྛེཡྻཱཏི? ཨཱམནྟཱ. ཨཏཱིཏཾ ཀཔྤཾ ཏིཊྛེཡྻ, ཨནཱགཏཾ ཀཔྤཾ ཏིཊྛེཡྻཱཏི? ན ཧེཝཾ ཝཏྟབྦེ…པེ… ཨིདྡྷིབལེན སམནྣཱགཏོ ཀཔྤཾ ཏིཊྛེཡྻཱཏི? ཨཱམནྟཱ. དྭེ ཀཔྤེ ཏིཊྛེཡྻ, ཏཡོ ཀཔྤེ ཏིཊྛེཡྻ, ཙཏྟཱརོ ཀཔྤེ ཏིཊྛེཡྻཱཏི? ན ཧེཝཾ ཝཏྟབྦེ…པེ… ཨིདྡྷིབལེན སམནྣཱགཏོ ཀཔྤཾ ཏིཊྛེཡྻཱཏི? ཨཱམནྟཱ. སཏི ཛཱིཝིཏེ ཛཱིཝིཏཱཝསེསེ ཏིཊྛེཡྻ, ཨསཏི ཛཱིཝིཏེ ཛཱིཝིཏཱཝསེསེ ཏིཊྛེཡྻཱཏི? སཏི ཛཱིཝིཏེ ཛཱིཝིཏཱཝསེསེ ཏིཊྛེཡྻཱཏི. ཧཉྩི སཏི ཛཱིཝིཏེ ཛཱིཝིཏཱཝསེསེ ཏིཊྛེཡྻ, ནོ ཙ ཝཏ རེ ཝཏྟབྦེ – ‘‘ཨིདྡྷིབལེན སམནྣཱགཏོ ཀཔྤཾ ཏིཊྛེཡྻཱ’’ཏི. ཨསཏི ཛཱིཝིཏེ ཛཱིཝིཏཱཝསེསེ ཏིཊྛེཡྻཱཏི, མཏོ ཏིཊྛེཡྻ, ཀཱལངྐཏོ ཏིཊྛེཡྻཱཏི? ན ཧེཝཾ ཝཏྟབྦེ…པེ….

༦༢༢. ཨིདྡྷིབལེན སམནྣཱགཏོ ཀཔྤཾ ཏིཊྛེཡྻཱཏི? ཨཱམནྟཱ. ཨུཔྤནྣོ ཕསྶོ མཱ ནིརུཛ྄ཛྷཱིཏི ལབྦྷཱ ཨིདྡྷིཡཱ པགྒཧེཏུནྟི? ན ཧེཝཾ ཝཏྟབྦེ…པེ… ཨུཔྤནྣཱ ཝེདནཱ…པེ… ཨུཔྤནྣཱ སཉྙཱ ¶ …པེ… ཨུཔྤནྣཱ ཙེཏནཱ…པེ… ཨུཔྤནྣཾ ཙིཏྟཾ… ཨུཔྤནྣཱ སདྡྷཱ… ཨུཔྤནྣཾ ཝཱིརིཡཾ… ཨུཔྤནྣཱ སཏི… ཨུཔྤནྣོ སམཱདྷི ¶ …པེ… ཨུཔྤནྣཱ པཉྙཱ མཱ ནིརུཛ྄ཛྷཱིཏི ལབྦྷཱ ཨིདྡྷིཡཱ པགྒཧེཏུནྟི? ན ཧེཝཾ ཝཏྟབྦེ…པེ….

ཨིདྡྷིབལེན སམནྣཱགཏོ ཀཔྤཾ ཏིཊྛེཡྻཱཏི? ཨཱམནྟཱ. རཱུཔཾ ནིཙྩཾ ཧོཏཱུཏི ལབྦྷཱ ཨིདྡྷིཡཱ པགྒཧེཏུནྟི? ན ཧེཝཾ ཝཏྟབྦེ…པེ… ཝེདནཱ…པེ… སཉྙཱ… སངྑཱརཱ… ཝིཉྙཱཎཾ ནིཙྩཾ ཧོཏཱུཏི ལབྦྷཱ ཨིདྡྷིཡཱ པགྒཧེཏུནྟི? ན ཧེཝཾ ཝཏྟབྦེ…པེ….

ཨིདྡྷིབལེན སམནྣཱགཏོ ཀཔྤཾ ཏིཊྛེཡྻཱཏི? ཨཱམནྟཱ. ཛཱཏིདྷམྨཱ སཏྟཱ མཱ ཛཱཡིཾསཱུཏི ལབྦྷཱ ¶ ཨིདྡྷིཡཱ པགྒཧེཏུནྟི? ན ཧེཝཾ ཝཏྟབྦེ…པེ… ཛརཱདྷམྨཱ སཏྟཱ མཱ ཛཱིརིཾསཱུཏི…པེ… བྱཱདྷིདྷམྨཱ སཏྟཱ མཱ བྱཱདྷིཡིཾསཱུཏི…པེ… མརཎདྷམྨཱ སཏྟཱ མཱ མཱིཡིཾསཱུཏི ལབྦྷཱ ཨིདྡྷིཡཱ པགྒཧེཏུནྟི? ན ཧེཝཾ ཝཏྟབྦེ…པེ….

༦༢༣. ན ཝཏྟབྦཾ – ‘‘ཨིདྡྷིབལེན སམནྣཱགཏོ ཀཔྤཾ ཏིཊྛེཡྻཱ’’ཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཡསྶ ཀསྶཙི, ཨཱནནྡ, ཙཏྟཱརོ ཨིདྡྷིཔཱདཱ བྷཱཝིཏཱ བཧུལཱིཀཏཱ ཡཱནཱིཀཏཱ ཝཏྠུཀཏཱ ཨནུཊྛིཏཱ པརིཙིཏཱ སུསམཱརདྡྷཱ, སོ ཨཱཀངྑམཱནོ ཀཔྤཾ ཝཱ ཏིཊྛེཡྻ ཀཔྤཱཝསེསཾ ཝཱ’’ཏི [དཱི. ནི. ༢.༡༦༦; སཾ. ནི. ༥.༨༢༢; ཨུདཱ. ༥༡]! ཨཏྠེཝ ¶ སུཏྟནྟོཏི? ཨཱམནྟཱ. ཏེན ཧི ཨིདྡྷིབལེན སམནྣཱགཏོ ཀཔྤཾ ཏིཊྛེཡྻཱཏི.

༦༢༤. ཨིདྡྷིབལེན ¶ སམནྣཱགཏོ ཀཔྤཾ ཏིཊྛེཡྻཱཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཙཏུནྣཾ, བྷིཀྑཝེ, དྷམྨཱནཾ ནཏྠི ཀོཙི པཱཊིབྷོགོ སམཎོ ཝཱ བྲཱཧྨཎོ ཝཱ དེཝོ ཝཱ མཱརོ ཝཱ བྲཧྨཱ ཝཱ ཀོཙི ཝཱ ལོཀསྨིཾ! ཀཏམེསཾ ཙཏུནྣཾ? ཛརཱདྷམྨོ ‘‘མཱ ཛཱིརཱི’’ཏི ནཏྠི ཀོཙི པཱཊིབྷོགོ ¶ སམཎོ ཝཱ བྲཱཧྨཎོ ཝཱ དེཝོ ཝཱ མཱརོ ཝཱ བྲཧྨཱ ཝཱ ཀོཙི ཝཱ ལོཀསྨིཾ. བྱཱདྷིདྷམྨོ ‘‘མཱ བྱཱདྷིཡཱི’’ཏི…པེ… མརཎདྷམྨོ ‘‘མཱ མཱིཡཱི’’ཏི…པེ… ཡཱནི ཁོ པན ཏཱནི པུབྦེ ཀཏཱནི པཱཔཀཱནི ཀམྨཱནི སཾཀིལེསིཀཱནི པོནོབྦྷཝིཀཱནི [པོནོབྷཝིཀཱནི (སཱི. པཱི.)] སདརཱནི [ནིསྶཱརཱནི (སཱི. པཱི. ཀ.), དུཀྑུདྲཡཱནི (སྱཱ.)] དུཀྑཝིཔཱཀཱནི ཨཱཡཏིཾ ཛཱཏིཛརཱམརཎིཡཱནི ཏེསཾ ཝིཔཱཀོ ‘‘མཱ ནིབྦཏྟཱི’’ཏི ནཏྠི ཀོཙི པཱཊིབྷོགོ སམཎོ ཝཱ བྲཱཧྨཎོ ཝཱ དེཝོ ཝཱ མཱརོ ཝཱ བྲཧྨཱ ཝཱ ཀོཙི ཝཱ ལོཀསྨིཾ. ཨིམེསཾ ཁོ, བྷིཀྑཝེ, ཙཏུནྣཾ དྷམྨཱནཾ ནཏྠི ཀོཙི པཱཊིབྷོགོ སམཎོ ཝཱ བྲཱཧྨཎོ ཝཱ དེཝོ ཝཱ མཱརོ ཝཱ བྲཧྨཱ ཝཱ ཀོཙི ཝཱ ལོཀསྨི’’ནྟི [ཨ. ནི. ༤.༡༨༢]. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཨིདྡྷིབལེན སམནྣཱགཏོ ཀཔྤཾ ཏིཊྛེཡྻཱ’’ཏི.

ཨིདྡྷིབལཀཐཱ ནིཊྛིཏཱ.

༡༡. ཨེཀཱདསམཝགྒོ

(༡༡༣) ༨. སམཱདྷིཀཐཱ

༦༢༥. ཙིཏྟསནྟཏི ¶ སམཱདྷཱིཏི? ཨཱམནྟཱ. ཨཏཱིཏཱ ཙིཏྟསནྟཏི སམཱདྷཱིཏི? ན ཧེཝཾ ཝཏྟབྦེ ¶ …པེ… ཙིཏྟསནྟཏི སམཱདྷཱིཏི? ཨཱམནྟཱ. ཨནཱགཏཱ ཙིཏྟསནྟཏི སམཱདྷཱིཏི? ན ཧེཝཾ ཝཏྟབྦེ…པེ… ཙིཏྟསནྟཏི སམཱདྷཱིཏི? ཨཱམནྟཱ. ནནུ ཨཏཱིཏཾ ནིརུདྡྷཾ ཨནཱགཏཾ ཨཛཱཏནྟི? ཨཱམནྟཱ. ཧཉྩི ཨཏཱིཏཾ ནིརུདྡྷཾ ཨནཱགཏཾ ཨཛཱཏཾ, ནོ ཙ ཝཏ རེ ཝཏྟབྦེ – ‘‘ཙིཏྟསནྟཏི སམཱདྷཱི’’ཏི.

༦༢༦. ཨེཀཙིཏྟཀྑཎིཀོ ¶ སམཱདྷཱིཏི? ཨཱམནྟཱ. ཙཀྑུཝིཉྙཱཎསམངྒཱི སམཱཔནྣོཏི? ན ཧེཝཾ ཝཏྟབྦེ…པེ… སོཏཝིཉྙཱཎསམངྒཱི…པེ… གྷཱནཝིཉྙཱཎསམངྒཱི… ཛིཝ྄ཧཱཝིཉྙཱཎསམངྒཱི… ཀཱཡཝིཉྙཱཎསམངྒཱི…པེ… ཨཀུསལཙིཏྟསམངྒཱི ¶ …པེ… རཱགསཧགཏཙིཏྟསམངྒཱི…པེ… དོསསཧགཏཙིཏྟསམངྒཱི…པེ… མོཧསཧགཏཙིཏྟསམངྒཱི…པེ… ཨནོཏྟཔྤསཧགཏཙིཏྟསམངྒཱི སམཱཔནྣོཏི? ན ཧེཝཾ ཝཏྟབྦེ…པེ….

ཙིཏྟསནྟཏི སམཱདྷཱིཏི? ཨཱམནྟཱ. ཨཀུསལཙིཏྟསནྟཏི སམཱདྷཱིཏི? ན ཧེཝཾ ཝཏྟབྦེ…པེ… རཱགསཧགཏཱ…པེ… དོསསཧགཏཱ…པེ… མོཧསཧགཏཱ…པེ… ཨནོཏྟཔྤསཧགཏཱ ཙིཏྟསནྟཏི སམཱདྷཱིཏི? ན ཧེཝཾ ཝཏྟབྦེ…པེ….

ན ཝཏྟབྦཾ – ‘‘ཙིཏྟསནྟཏི སམཱདྷཱི’’ཏི? ཨཱམནྟཱ. ནནུ ཝུཏྟཾ ¶ བྷགཝཏཱ – ‘‘ཨཧཾ ཁོ, ཨཱཝུསོ ནིགཎྛཱ, པཧོམི ཨནིཉྫམཱནོ ཀཱཡེན, ཨབྷཱསམཱནོ ཝཱཙཾ, སཏྟ རཏྟིནྡིཝཱནི [རཏྟིདིཝཱནི (ཀ.)] ཨེཀནྟསུཁཾ པཊིསཾཝེདཱི ཝིཧརིཏུ’’ནྟི [མ. ནི. ༡.༡༨༠]! ཨཏྠེཝ སུཏྟནྟོཏི? ཨཱམནྟཱ. ཏེན ཧི ཙིཏྟསནྟཏི སམཱདྷཱིཏི.

སམཱདྷིཀཐཱ ནིཊྛིཏཱ.

༡༡. ཨེཀཱདསམཝགྒོ

(༡༡༤) ༩. དྷམྨཊྛིཏཏཱཀཐཱ

༦༢༧. དྷམྨཊྛིཏཏཱ པརིནིཔྥནྣཱཏི? ཨཱམནྟཱ. ཏཱཡ ཋིཏཏཱ པརིནིཔྥནྣཱཏི? ན ཧེཝཾ ཝཏྟབྦེ…པེ… ཏཱཡ ཋིཏཏཱ པརིནིཔྥནྣཱཏི? ཨཱམནྟཱ. ཏཱཡ ཏཱཡེཝ ནཏྠི དུཀྑསྶནྟཀིརིཡཱ ¶ , ནཏྠི ཝཊྚུཔཙྪེདོ, ནཏྠི ཨནུཔཱདཱཔརིནིབྦཱནནྟི? ན ཧེཝཾ ཝཏྟབྦེ…པེ….

རཱུཔསྶ ¶ ཋིཏཏཱ པརིནིཔྥནྣཱཏི? ཨཱམནྟཱ. ཏཱཡ ཋིཏཏཱ པརིནིཔྥནྣཱཏི? ན ཧེཝཾ ཝཏྟབྦེ…པེ… ཏཱཡ ཋིཏཏཱ པརིནིཔྥནྣཱཏི? ཨཱམནྟཱ. ཏཱཡ ཏཱཡེཝ ནཏྠི དུཀྑསྶནྟཀིརིཡཱ, ནཏྠི ཝཊྚུཔཙྪེདོ, ནཏྠི ཨནུཔཱདཱཔརིནིབྦཱནནྟི? ན ཧེཝཾ ཝཏྟབྦེ…པེ….

ཝེདནཱཡ ¶ ཋིཏཏཱ…པེ… སཉྙཱཡ ཋིཏཏཱ…པེ… སངྑཱརཱནཾ ཋིཏཏཱ…པེ… ཝིཉྙཱཎསྶ ཋིཏཏཱ པརིནིཔྥནྣཱཏི? ཨཱམནྟཱ. ཏཱཡ ཋིཏཏཱ པརིནིཔྥནྣཱཏི? ན ཧེཝཾ ཝཏྟབྦེ…པེ… ཏཱཡ ཋིཏཏཱ པརིནིཔྥནྣཱཏི? ཨཱམནྟཱ. ཏཱཡ ¶ ཏཱཡེཝ ནཏྠི དུཀྑསྶནྟཀིརིཡཱ, ནཏྠི ཝཊྚུཔཙྪེདོ, ནཏྠི ཨནུཔཱདཱཔརིནིབྦཱནནྟི? ན ཧེཝཾ ཝཏྟབྦེ…པེ….

དྷམྨཊྛིཏཏཱཀཐཱ ནིཊྛིཏཱ.

༡༡. ཨེཀཱདསམཝགྒོ

(༡༡༥) ༡༠. ཨནིཙྩཏཱཀཐཱ

༦༢༨. ཨནིཙྩཏཱ པརིནིཔྥནྣཱཏི? ཨཱམནྟཱ. ཏཱཡ ཨནིཙྩཏཱཡ ཨནིཙྩཏཱ པརིནིཔྥནྣཱཏི? ན ཧེཝཾ ཝཏྟབྦེ…པེ… ཏཱཡ ཨནིཙྩཏཱཡ ཨནིཙྩཏཱ པརིནིཔྥནྣཱཏི? ཨཱམནྟཱ. ཏཱཡ ཏཱཡེཝ ནཏྠི དུཀྑསྶནྟཀིརིཡཱ, ནཏྠི ཝཊྚུཔཙྪེདོ, ནཏྠི ཨནུཔཱདཱཔརིནིབྦཱནནྟི? ན ཧེཝཾ ཝཏྟབྦེ.

ཛརཱ པརིནིཔྥནྣཱཏི? ཨཱམནྟཱ. ཏཱཡ ཛརཱཡ ཛརཱ པརིནིཔྥནྣཱཏི? ན ¶ ཧེཝཾ ཝཏྟབྦེ…པེ… ཏཱཡ ཛརཱཡ ཛརཱ པརིནིཔྥནྣཱཏི? ཨཱམནྟཱ. ཏཱཡ ཏཱཡེཝ ནཏྠི དུཀྑསྶནྟཀིརིཡཱ ¶ , ནཏྠི ཝཊྚུཔཙྪེདོ, ནཏྠི ཨནུཔཱདཱཔརིནིབྦཱནནྟི? ན ཧེཝཾ ཝཏྟབྦེ…པེ….

མརཎཾ པརིནིཔྥནྣནྟི? ཨཱམནྟཱ. ཏསྶ མརཎསྶ མརཎཾ པརིནིཔྥནྣནྟི? ན ཧེཝཾ ཝཏྟབྦེ. ཏསྶ མརཎསྶ མརཎཾ པརིནིཔྥནྣནྟི? ཨཱམནྟཱ. ཏསྶ ཏསྶེཝ ནཏྠི དུཀྑསྶནྟཀིརིཡཱ, ནཏྠི ཝཊྚུཔཙྪེདོ, ནཏྠི ཨནུཔཱདཱཔརིནིབྦཱནནྟི? ན ¶ ཧེཝཾ ཝཏྟབྦེ…པེ….

༦༢༩. རཱུཔཾ པརིནིཔྥནྣཾ, རཱུཔསྶ ཨནིཙྩཏཱ ཨཏྠཱིཏི? ཨཱམནྟཱ. ཨནིཙྩཏཱ པརིནིཔྥནྣཱ, ཨནིཙྩཏཱཡ ཨནིཙྩཏཱ ཨཏྠཱིཏི? ན ཧེཝཾ ཝཏྟབྦེ…པེ… རཱུཔཾ པརིནིཔྥནྣཾ, རཱུཔསྶ ཛརཱ ཨཏྠཱིཏི? ཨཱམནྟཱ. ཛརཱ པརིནིཔྥནྣཱ, ཛརཱཡ ཛརཱ ཨཏྠཱིཏི? ན ཧེཝཾ ཝཏྟབྦེ…པེ….

རཱུཔཾ པརིནིཔྥནྣཾ, རཱུཔསྶ བྷེདོ ཨཏྠི, ཨནྟརདྷཱནཾ ཨཏྠཱིཏི? ཨཱམནྟཱ. མརཎཾ པརིནིཔྥནྣཾ, མརཎསྶ བྷེདོ ཨཏྠི, ཨནྟརདྷཱནཾ ཨཏྠཱིཏི? ན ཧེཝཾ ཝཏྟབྦེ…པེ….

ཝེདནཱ ¶ …པེ… སཉྙཱ… སངྑཱརཱ…པེ… ཝིཉྙཱཎཾ པརིནིཔྥནྣཾ, ཝིཉྙཱཎསྶ ཨནིཙྩཏཱ ཨཏྠཱིཏི? ཨཱམནྟཱ. ཨནིཙྩཏཱ པརིནིཔྥནྣཱ, ཨནིཙྩཏཱཡ ཨནིཙྩཏཱ ཨཏྠཱིཏི? ན ཧེཝཾ ཝཏྟབྦེ …པེ… ཝིཉྙཱཎཾ པརིནིཔྥནྣཾ, ཝིཉྙཱཎསྶ ཛརཱ ཨཏྠཱིཏི? ཨཱམནྟཱ. ཛརཱ པརིནིཔྥནྣཱ, ཛརཱཡ ཛརཱ ཨཏྠཱིཏི? ན ཧེཝཾ ཝཏྟབྦེ…པེ….

ཝིཉྙཱཎཾ ¶ པརིནིཔྥནྣཾ, ཝིཉྙཱཎསྶ བྷེདོ ཨཏྠི, ཨནྟརདྷཱནཾ ཨཏྠཱིཏི? ཨཱམནྟཱ. མརཎཾ པརིནིཔྥནྣཾ, མརཎསྶ བྷེདོ ཨཏྠི, ཨནྟརདྷཱནཾ ཨཏྠཱིཏི? ན ཧེཝཾ ཝཏྟབྦེ…པེ….

ཨནིཙྩཏཱཀཐཱ ནིཊྛིཏཱ.

ཨེཀཱདསམཝགྒོ.

ཏསྶུདྡཱནཾ –

ཨནུསཡཱ ¶ ཨབྱཱཀཏཱ, ཨཧེཏུཀཱ, ཙིཏྟཝིཔྤཡུཏྟཱ, ཨཉྙཱཎེ ¶ ཝིགཏེ ཉཱཎཱི, ཉཱཎཾ ཙིཏྟཝིཔྤཡུཏྟཾ, ཡཏྠ སདྡེ [ཡཏྠ སདྡོ (སཱི.), ཡཐཱསདྡཾ (?)] ཉཱཎཾ པཝཏྟཏི, ཨིདྡྷིབལེན སམནྣཱགཏོ ཀཔྤཾ ཏིཊྛེཡྻ, ཙིཏྟསནྟཏི སམཱདྷི, དྷམྨཊྛིཏཏཱ, ཨནིཙྩཏཱཏི.

༡༢. དྭཱདསམཝགྒོ

(༡༡༦) ༡. སཾཝརོ ཀམྨནྟིཀཐཱ

༦༣༠. སཾཝརོ ¶ ཀམྨནྟི? ཨཱམནྟཱ. ཙཀྑུནྡྲིཡསཾཝརོ ཙཀྑུཀམྨནྟི? ན ཧེཝཾ ཝཏྟབྦེ…པེ… སོཏིནྡྲིཡསཾཝརོ…པེ… གྷཱནིནྡྲིཡསཾཝརོ…པེ… ཛིཝ྄ཧིནྡྲིཡསཾཝརོ…པེ… ཀཱཡིནྡྲིཡསཾཝརོ ཀཱཡཀམྨནྟི? ན ཧེཝཾ ཝཏྟབྦེ…པེ….

ཀཱཡིནྡྲིཡསཾཝརོ ཀཱཡཀམྨནྟི? ཨཱམནྟཱ. ཙཀྑུནྡྲིཡསཾཝརོ ཙཀྑུཀམྨནྟི? ན ཧེཝཾ ཝཏྟབྦེ…པེ… ཀཱཡིནྡྲིཡསཾཝརོ ཀཱཡཀམྨནྟི? ཨཱམནྟཱ. སོཏིནྡྲིཡསཾཝརོ…པེ… གྷཱནིནྡྲིཡསཾཝརོ…པེ… ཛིཝ྄ཧིནྡྲིཡསཾཝརོ ཛིཝ྄ཧཱཀམྨནྟི? ན ཧེཝཾ ཝཏྟབྦེ…པེ… མནིནྡྲིཡསཾཝརོ མནོཀམྨནྟི? ན ཧེཝཾ ཝཏྟབྦེ…པེ….

མནིནྡྲིཡསཾཝརོ མནོཀམྨནྟི? ཨཱམནྟཱ. ཙཀྑུནྡྲིཡསཾཝརོ ཙཀྑུཀམྨནྟི? ན ཧེཝཾ ཝཏྟབྦེ…པེ… མནིནྡྲིཡསཾཝརོ མནོཀམྨནྟི? ཨཱམནྟཱ. སོཏིནྡྲིཡསཾཝརོ ¶ …པེ… གྷཱནིནྡྲིཡསཾཝརོ… ཛིཝ྄ཧིནྡྲིཡསཾཝརོ…པེ… ཀཱཡིནྡྲིཡསཾཝརོ ཀཱཡཀམྨནྟི? ན ཧེཝཾ ཝཏྟབྦེ…པེ….

༦༣༡. ཨསཾཝརོ ཀམྨནྟི? ཨཱམནྟཱ. ཙཀྑུནྡྲིཡཨསཾཝརོ ཙཀྑུཀམྨནྟི ¶ ? ན ཧེཝཾ ཝཏྟབྦེ…པེ… སོཏིནྡྲིཡཨསཾཝརོ…པེ… གྷཱནིནྡྲིཡཨསཾཝརོ…པེ… ཛིཝ྄ཧིནྡྲིཡཨསཾཝརོ… ཀཱཡིནྡྲིཡཨསཾཝརོ ཀཱཡཀམྨནྟི? ན ¶ ཧེཝཾ ཝཏྟབྦེ…པེ….

ཀཱཡིནྡྲིཡཨསཾཝརོ ¶ ཀཱཡཀམྨནྟི? ཨཱམནྟཱ. ཙཀྑུནྡྲིཡཨསཾཝརོ ཙཀྑུཀམྨནྟི? ན ཧེཝཾ ཝཏྟབྦེ…པེ… ཀཱཡིནྡྲིཡཨསཾཝརོ ཀཱཡཀམྨནྟི? ཨཱམནྟཱ. སོཏིནྡྲིཡཨསཾཝརོ…པེ… གྷཱནིནྡྲིཡཨསཾཝརོ…པེ… ཛིཝ྄ཧིནྡྲིཡཨསཾཝརོ ཛིཝ྄ཧཱཀམྨནྟི? ན ཧེཝཾ ཝཏྟབྦེ…པེ… མནིནྡྲིཡཨསཾཝརོ མནོཀམྨནྟི? ན ཧེཝཾ ཝཏྟབྦེ…པེ….

མནིནྡྲིཡཨསཾཝརོ མནོཀམྨནྟི? ཨཱམནྟཱ. ཙཀྑུནྡྲིཡཨསཾཝརོ ཙཀྑུཀམྨནྟི? ན ཧེཝཾ ཝཏྟབྦེ…པེ… མནིནྡྲིཡཨསཾཝརོ མནོཀམྨནྟི? ཨཱམནྟཱ. སོཏིནྡྲིཡཨསཾཝརོ…པེ… གྷཱནིནྡྲིཡཨསཾཝརོ…པེ… ཛིཝ྄ཧིནྡྲིཡཨསཾཝརོ…པེ… ཀཱཡིནྡྲིཡཨསཾཝརོ ཀཱཡཀམྨནྟི? ན ཧེཝཾ ཝཏྟབྦེ…པེ….

༦༣༢. ན ཝཏྟབྦཾ – ‘‘སཾཝརོཔི ཨསཾཝརོཔི ཀམྨ’’ནྟི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཨིདྷ, བྷིཀྑཝེ, བྷིཀྑུ ཙཀྑུནཱ རཱུཔཾ དིསྭཱ ནིམིཏྟགྒཱཧཱི ཧོཏི…པེ… ན ནིམིཏྟགྒཱཧཱི ཧོཏི, སོཏེན སདྡཾ སུཏྭཱ…པེ… མནསཱ དྷམྨཾ ཝིཉྙཱཡ ནིམིཏྟགྒཱཧཱི ཧོཏི…པེ… ན ནིམིཏྟགྒཱཧཱི ཧོཏཱི’’ཏི! ཨཏྠེཝ སུཏྟནྟོཏི? ཨཱམནྟཱ. ཏེན ཧི སཾཝརོཔི ཨསཾཝརོཔི ཀམྨནྟི.

སཾཝརོ ཀམྨནྟིཀཐཱ ནིཊྛིཏཱ.

༡༢. དྭཱདསམཝགྒོ

(༡༡༧) ༢. ཀམྨཀཐཱ

༦༣༣. སབྦཾ ¶ ཀམྨཾ སཝིཔཱཀནྟི? ཨཱམནྟཱ. སབྦཱ ¶ ཙེཏནཱ སཝིཔཱཀཱཏི? ན ཧེཝཾ ཝཏྟབྦེ…པེ… སབྦཱ ཙེཏནཱ སཝིཔཱཀཱཏི? ཨཱམནྟཱ. ཝིཔཱཀཱབྱཱཀཏཱ ཙེཏནཱ སཝིཔཱཀཱཏི? ན ཧེཝཾ ཝཏྟབྦེ…པེ… སབྦཱ ཙེཏནཱ སཝིཔཱཀཱཏི ¶ ? ཨཱམནྟཱ. ཀིརིཡཱབྱཱཀཏཱ ཙེཏནཱ སཝིཔཱཀཱཏི? ན ཧེཝཾ ཝཏྟབྦེ…པེ….

སབྦཱ ¶ ཙེཏནཱ སཝིཔཱཀཱཏི? ཨཱམནྟཱ. ཀཱམཱཝཙརཱ ཝིཔཱཀཱབྱཱཀཏཱ ཙེཏནཱ སཝིཔཱཀཱཏི? ན ཧེཝཾ ཝཏྟབྦེ…པེ… སབྦཱ ཙེཏནཱ སཝིཔཱཀཱཏི? ཨཱམནྟཱ. རཱུཔཱཝཙརཱ ཨརཱུཔཱཝཙརཱ ཨཔརིཡཱཔནྣཱ ཝིཔཱཀཱབྱཱཀཏཱ ཙེཏནཱ སཝིཔཱཀཱཏི? ན ཧེཝཾ ཝཏྟབྦེ…པེ….

སབྦཱ ཙེཏནཱ སཝིཔཱཀཱཏི? ཨཱམནྟཱ. ཀཱམཱཝཙརཱ ཀིརིཡཱབྱཱཀཏཱ ཙེཏནཱ སཝིཔཱཀཱཏི? ན ཧེཝཾ ཝཏྟབྦེ…པེ… སབྦཱ ཙེཏནཱ སཝིཔཱཀཱཏི? ཨཱམནྟཱ. རཱུཔཱཝཙརཱ ཨརཱུཔཱཝཙརཱ ཀིརིཡཱབྱཱཀཏཱ ཙེཏནཱ སཝིཔཱཀཱཏི? ན ཧེཝཾ ཝཏྟབྦེ…པེ….

༦༣༤. ཝིཔཱཀཱབྱཱཀཏཱ ཙེཏནཱ ཨཝིཔཱཀཱཏི? ཨཱམནྟཱ. ཧཉྩི ཝིཔཱཀཱབྱཱཀཏཱ ཙེཏནཱ ཨཝིཔཱཀཱ, ནོ ཙ ཝཏ རེ ཝཏྟབྦེ – ‘‘སབྦཱ ཙེཏནཱ སཝིཔཱཀཱ’’ཏི.

ཀིརིཡཱབྱཱཀཏཱ ཙེཏནཱ ཨཝིཔཱཀཱཏི? ཨཱམནྟཱ. ཧཉྩི ཀིརིཡཱབྱཱཀཏཱ ཙེཏནཱ ཨཝིཔཱཀཱ, ནོ ཙ ཝཏ རེ ཝཏྟབྦེ – ‘‘སབྦཱ ¶ ཙེཏནཱ སཝིཔཱཀཱ’’ཏི.

ཀཱམཱཝཙརཱ རཱུཔཱཝཙརཱ ཨརཱུཔཱཝཙརཱ ཨཔརིཡཱཔནྣཱ ཝིཔཱཀཱབྱཱཀཏཱ ཙེཏནཱ ཨཝིཔཱཀཱཏི? ཨཱམནྟཱ ¶ . ཧཉྩི ཨཔརིཡཱཔནྣཱ ཝིཔཱཀཱབྱཱཀཏཱ ཙེཏནཱ ཨཝིཔཱཀཱ, ནོ ཙ ཝཏ རེ ཝཏྟབྦེ – ‘‘སབྦཱ ཙེཏནཱ སཝིཔཱཀཱ’’ཏི.

ཀཱམཱཝཙརཱ རཱུཔཱཝཙརཱ ཨརཱུཔཱཝཙརཱ ཀིརིཡཱབྱཱཀཏཱ ཙེཏནཱ ཨཝིཔཱཀཱཏི? ཨཱམནྟཱ. ཧཉྩི ཨརཱུཔཱཝཙརཱ ཀིརིཡཱབྱཱཀཏཱ ཙེཏནཱ ཨཝིཔཱཀཱ, ནོ ཙ ཝཏ རེ ཝཏྟབྦེ – ‘‘སབྦཱ ཙེཏནཱ སཝིཔཱཀཱ’’ཏི.

༦༣༥. ན ཝཏྟབྦཾ – ‘‘སབྦཾ ཀམྨཾ སཝིཔཱཀ’’ནྟི? ཨཱམནྟཱ. ནནུ ཝུཏྟཾ བྷགཝཏཱ – ‘‘ནཱཧཾ, བྷིཀྑཝེ, སཉྩེཏནིཀཱནཾ ཀམྨཱནཾ ཀཏཱནཾ ཨུཔཙིཏཱནཾ ཨཔྤཊིསཾཝིདིཏྭཱ བྱནྟིབྷཱཝཾ ཝདཱམི, ཏཉྩ ཁོ དིཊྛེཝ དྷམྨེ ཨུཔཔཛྫེ [ཨུཔཔཛྫཾ (ཨ. ནི. ༡༠.༡༧)] ཝཱ ཨཔརེ ཝཱ པརིཡཱཡེ’’ཏི [ཨ. ནི. ༡༠.༢༡༧]! ཨཏྠེཝ སུཏྟནྟོཏི? ཨཱམནྟཱ. ཏེན ཧི སབྦཾ ཀམྨཾ སཝིཔཱཀནྟི.

ཀམྨཀཐཱ ནིཊྛིཏཱ.

༡༢. དྭཱདསམཝགྒོ

(༡༡༨) ༣. སདྡོ ཝིཔཱཀོཏིཀཐཱ

༦༣༦. སདྡོ ¶ ¶ ཝིཔཱཀོཏི? ཨཱམནྟཱ. སུཁཝེདནིཡོ དུཀྑཝེདནིཡོ ཨདུཀྑམསུཁཝེདནིཡོ, སུཁཱཡ ཝེདནཱཡ སམྤཡུཏྟོ, དུཀྑཱཡ ཝེདནཱཡ སམྤཡུཏྟོ ¶ , ཨདུཀྑམསུཁཱཡ ཝེདནཱཡ སམྤཡུཏྟོ, ཕསྶེན སམྤཡུཏྟོ, ཝེདནཱཡ སམྤཡུཏྟོ, སཉྙཱཡ སམྤཡུཏྟོ, ཙེཏནཱཡ སམྤཡུཏྟོ, ཙིཏྟེན སམྤཡུཏྟོ, སཱརམྨཎོ; ཨཏྠི ཏསྶ ཨཱཝཊྚནཱ ཨཱབྷོགོ སམནྣཱཧཱརོ མནསིཀཱརོ ཙེཏནཱ པཏྠནཱ པཎིདྷཱིཏི? ན ཧེཝཾ ཝཏྟབྦེ…པེ… ནནུ ན སུཁཝེདནིཡོ ན དུཀྑཝེདནིཡོ…པེ… ཨནཱརམྨཎོ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཧཉྩི ¶ ན སུཁཝེདནིཡོ…པེ… ཨནཱརམྨཎོ, ནཏྠི ཏསྶ ཨཱཝཊྚནཱ…པེ… པཎིདྷི, ནོ ཙ ཝཏ རེ ཝཏྟབྦེ – ‘‘སདྡོ ཝིཔཱཀོ’’ཏི.

ཕསྶོ ཝིཔཱཀོ, ཕསྶོ སུཁཝེདནིཡོ…པེ… སཱརམྨཎོ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. སདྡོ ཝིཔཱཀོ, སདྡོ སུཁཝེདནིཡོ…པེ… སཱརམྨཎོ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ….

སདྡོ ཝིཔཱཀོ, སདྡོ ན སུཁཝེདནིཡོ…པེ… ཨནཱརམྨཎོ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཕསྶོ ཝིཔཱཀོ, ཕསྶོ ན སུཁཝེདནིཡོ, ན དུཀྑཝེདནིཡོ…པེ… ཨནཱརམྨཎོ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ….

༦༣༧. ན ཝཏྟབྦཾ – ‘‘སདྡོ ཝིཔཱཀོ’’ཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘སོ ཏསྶ ཀམྨསྶ ཀཏཏྟཱ ཨུཔཙིཏཏྟཱ ཨུསྶནྣཏྟཱ ཝིཔུལཏྟཱ བྲཧྨསྶརོ ཧོཏི ཀརཝིཀབྷཱཎཱི’’ཏི [དཱིགྷནིཀཱཡེ]! ཨཏྠེཝ སུཏྟནྟོཏི? ཨཱམནྟཱ ¶ . ཏེན ཧི སདྡོ ཝིཔཱཀོཏི.

སདྡོ ཝིཔཱཀོཏིཀཐཱ ནིཊྛིཏཱ.

༡༢. དྭཱདསམཝགྒོ

(༡༡༩) ༤. སལཱ༹ཡཏནཀཐཱ

༦༣༨. ཙཀྑཱཡཏནཾ ¶ ¶ ཝིཔཱཀོཏི? ཨཱམནྟཱ. སུཁཝེདནིཡཾ དུཀྑཝེདནིཡཾ…པེ… སཱརམྨཎཾ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ… ནནུ ན སུཁཝེདནིཡཾ…པེ… ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཧཉྩི ¶ ན སུཁཝེདནིཡཾ…པེ… ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷི, ནོ ཙ ཝཏ རེ ཝཏྟབྦེ – ‘‘ཙཀྑཱཡཏནཾ ཝིཔཱཀོ’’ཏི…པེ….

ཕསྶོ ཝིཔཱཀོ, ཕསྶོ སུཁཝེདནིཡོ…པེ… སཱརམྨཎོ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཙཀྑཱཡཏནཾ ཝིཔཱཀོ, ཙཀྑཱཡཏནཾ སུཁཝེདནིཡཾ…པེ… སཱརམྨཎཾ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ….

ཙཀྑཱཡཏནཾ ཝིཔཱཀོ, ཙཀྑཱཡཏནཾ ན སུཁཝེདནིཡཾ…པེ… ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཕསྶོ ཝིཔཱཀོ, ཕསྶོ ན སུཁཝེདནིཡོ…པེ… ཨནཱརམྨཎོ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ….

༦༣༩. སོཏཱཡཏནཾ…པེ… གྷཱནཱཡཏནཾ…པེ… ཛིཝ྄ཧཱཡཏནཾ…པེ… ཀཱཡཱཡཏནཾ ¶ ཝིཔཱཀོཏི? ཨཱམནྟཱ. སུཁཝེདནིཡཾ…པེ… སཱརམྨཎཾ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ …པེ… ནནུ ན སུཁཝེདནིཡཾ…པེ… ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཧཉྩི ན སུཁཝེདནིཡཾ…པེ… ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷི, ནོ ཙ ཝཏ རེ ཝཏྟབྦེ – ‘‘ཀཱཡཱཡཏནཾ ཝིཔཱཀོ’’ཏི.

ཕསྶོ ཝིཔཱཀོ, ཕསྶོ སུཁཝེདནིཡོ…པེ… སཱརམྨཎོ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཀཱཡཱཡཏནཾ ཝིཔཱཀོ, ཀཱཡཱཡཏནཾ སུཁཝེདནིཡཾ…པེ… སཱརམྨཎཾ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ ¶ …པེ… ཀཱཡཱཡཏནཾ ཝིཔཱཀོ, ཀཱཡཱཡཏནཾ ན སུཁཝེདནིཡཾ…པེ… ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ ¶ . ཕསྶོ ཝིཔཱཀོ, ཕསྶོ ན སུཁཝེདནིཡོ…པེ… ཨནཱརམྨཎོ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ….

༦༤༠. ན ¶ ཝཏྟབྦཾ – ‘‘སལཱ༹ཡཏནཾ ཝིཔཱཀོ’’ཏི? ཨཱམནྟཱ. ནནུ སལཱ༹ཡཏནཾ ཀམྨསྶ ཀཏཏྟཱ ཨུཔྤནྣནྟི? ཨཱམནྟཱ. ཧཉྩི སལཱ༹ཡཏནཾ ཀམྨསྶ ཀཏཏྟཱ ཨུཔྤནྣཾ, ཏེན ཝཏ རེ ཝཏྟབྦེ – ‘‘སལཱ༹ཡཏནཾ ཝིཔཱཀོ’’ཏི.

སལཱ༹ཡཏནཀཐཱ ནིཊྛིཏཱ.

༡༢. དྭཱདསམཝགྒོ

(༡༢༠) ༥. སཏྟཀྑཏྟུཔརམཀཐཱ

༦༤༡. སཏྟཀྑཏྟུཔརམོ ¶ པུགྒལོ སཏྟཀྑཏྟུཔརམཏཱནིཡཏོཏི? ཨཱམནྟཱ. མཱཏཱ ཛཱིཝིཏཱ ཝོརོཔིཏཱ… པིཏཱ ཛཱིཝིཏཱ ཝོརོཔིཏོ… ཨརཧཱ ཛཱིཝིཏཱ ཝོརོཔིཏོ… དུཊྛེན ཙིཏྟེན ཏཐཱགཏསྶ ལོཧིཏཾ ཨུཔྤཱདིཏཾ… སངྒྷོ བྷིནྣོཏི? ན ཧེཝཾ ཝཏྟབྦེ…པེ….

སཏྟཀྑཏྟུཔརམོ པུགྒལོ སཏྟཀྑཏྟུཔརམཏཱནིཡཏོཏི? ཨཱམནྟཱ. ཨབྷབྦོ ཨནྟརཱ དྷམྨཾ ཨབྷིསམེཏུནྟི? ན ཧེཝཾ ཝཏྟབྦེ…པེ…. ཨབྷབྦོ ཨནྟརཱ དྷམྨཾ ཨབྷིསམེཏུནྟི? ཨཱམནྟཱ. མཱཏཱ ཛཱིཝིཏཱ ཝོརོཔིཏཱ… པིཏཱ ཛཱིཝིཏཱ ཝོརོཔིཏོ… ཨརཧཱ ཛཱིཝིཏཱ ཝོརོཔིཏོ… དུཊྛེན ཙིཏྟེན ཏཐཱགཏསྶ ལོཧིཏཾ ཨུཔྤཱདིཏཾ… སངྒྷོ བྷིནྣོཏི? ན ཧེཝཾ ཝཏྟབྦེ…པེ….

༦༤༢. སཏྟཀྑཏྟུཔརམོ པུགྒལོ སཏྟཀྑཏྟུཔརམཏཱནིཡཏོཏི? ཨཱམནྟཱ. ཨཏྠི སོ ནིཡམོ ¶ ཡེན ནིཡམེན སཏྟཀྑཏྟུཔརམོ པུགྒལོ སཏྟཀྑཏྟུཔརམཏཱནིཡཏོཏི? ན ཧེཝཾ ཝཏྟབྦེ…པེ… ཨཏྠི ¶ ཏེ སཏིཔཊྛཱནཱ…པེ… སམྨཔྤདྷཱནཱ… ཨིདྡྷིཔཱདཱ… ཨིནྡྲིཡཱ… བལཱ… བོཛ྄ཛྷངྒཱ ཡེཧི བོཛ྄ཛྷངྒེཧི སཏྟཀྑཏྟུཔརམོ པུགྒལོ སཏྟཀྑཏྟུཔརམཏཱནིཡཏོཏི? ན ཧེཝཾ ཝཏྟབྦེ…པེ….

༦༤༣. ནཏྠི སོ ནིཡམོ ཡེན ནིཡམེན སཏྟཀྑཏྟུཔརམོ པུགྒལོ སཏྟཀྑཏྟུཔརམཏཱནིཡཏོཏི? ཨཱམནྟཱ. ཧཉྩི ནཏྠི སོ ¶ ནིཡམོ ཡེན ནིཡམེན སཏྟཀྑཏྟུཔརམོ པུགྒལོ སཏྟཀྑཏྟུཔརམཏཱནིཡཏོ, ནོ ཙ ཝཏ རེ ཝཏྟབྦེ – ‘‘སཏྟཀྑཏྟུཔརམོ པུགྒལོ སཏྟཀྑཏྟུཔརམཏཱནིཡཏོ’’ཏི.

ནཏྠི ¶ ཏེ སཏིཔཊྛཱནཱ… བོཛ྄ཛྷངྒཱ ཡེཧི བོཛ྄ཛྷངྒེཧི སཏྟཀྑཏྟུཔརམོ པུགྒལོ སཏྟཀྑཏྟུཔརམཏཱནིཡཏོཏི? ཨཱམནྟཱ. ཧཉྩི ནཏྠི ཏེ བོཛ྄ཛྷངྒཱ ཡེཧི བོཛ྄ཛྷངྒེཧི སཏྟཀྑཏྟུཔརམོ པུགྒལོ སཏྟཀྑཏྟུཔརམཏཱནིཡཏོ, ནོ ཙ ཝཏ རེ ཝཏྟབྦེ – ‘‘སཏྟཀྑཏྟུཔརམོ པུགྒལོ སཏྟཀྑཏྟུཔརམཏཱནིཡཏོ’’ཏི.

༦༤༤. སཏྟཀྑཏྟུཔརམོ པུགྒལོ སཏྟཀྑཏྟུཔརམཏཱནིཡཏོཏི? ཨཱམནྟཱ. སཀདཱགཱམིནིཡམེནཱཏི? ན ཧེཝཾ ཝཏྟབྦེ…པེ… ཨནཱགཱམིནིཡམེནཱཏི? ན ཧེཝཾ ཝཏྟབྦེ…པེ… ཨརཧཏྟནིཡམེནཱཏི? ན ཧེཝཾ ཝཏྟབྦེ…པེ….

ཀཏམེན ནིཡམེནཱཏི? སོཏཱཔཏྟིནིཡམེནཱཏི. སཏྟཀྑཏྟུཔརམོ པུགྒལོ སཏྟཀྑཏྟུཔརམཏཱནིཡཏོཏི? ཨཱམནྟཱ. ཡེ ཀེཙི སོཏཱཔཏྟིནིཡཱམཾ ཨོཀྐམནྟི, སབྦེ ཏེ སཏྟཀྑཏྟུཔརམཏཱནིཡཏཱཏི? ན ཧེཝཾ ཝཏྟབྦེ…པེ….

༦༤༥. ན ཝཏྟབྦཾ – ‘‘སཏྟཀྑཏྟུཔརམོ པུགྒལོ སཏྟཀྑཏྟུཔརམཏཱནིཡཏོ’’ཏི? ཨཱམནྟཱ ¶ . ནནུ སོ སཏྟཀྑཏྟུཔརམོཏི? ཨཱམནྟཱ. ཧཉྩི སོ སཏྟཀྑཏྟུཔརམོ, ཏེན ཝཏ རེ ཝཏྟབྦེ – ‘‘སཏྟཀྑཏྟུཔརམོ པུགྒལོ སཏྟཀྑཏྟུཔརམཏཱནིཡཏོ’’ཏི.

སཏྟཀྑཏྟུཔརམཀཐཱ ནིཊྛིཏཱ.

༡༢. དྭཱདསམཝགྒོ

(༡༢༡) ༦. ཀོལངྐོལཀཐཱ

༦༤༦. ན ¶ ¶ ཝཏྟབྦཾ – ‘‘ཀོལངྐོལོ པུགྒལོ ཀོལངྐོལཏཱནིཡཏོ’’ཏི? ཨཱམནྟཱ. ནནུ སོ ཀོལངྐོལོཏི? ཨཱམནྟཱ. ཧཉྩི སོ ཀོལངྐོལོ, ཏེན ཝཏ རེ ཝཏྟབྦེ – ‘‘ཀོལངྐོལོ པུགྒལོ ཀོལངྐོལཏཱནིཡཏོ’’ཏི.

ཀོལངྐོལཀཐཱ ནིཊྛིཏཱ.

༡༢. དྭཱདསམཝགྒོ

(༡༢༢) ༧. ཨེཀབཱིཛཱིཀཐཱ

༦༤༧. ན ¶ ཝཏྟབྦཾ – ‘‘ཨེཀབཱིཛཱི པུགྒལོ ཨེཀབཱིཛིཏཱནིཡཏོ’’ཏི? ཨཱམནྟཱ. ནནུ སོ ཨེཀབཱིཛཱིཏི? ཨཱམནྟཱ. ཧཉྩི སོ ཨེཀབཱིཛཱི, ཏེན ཝཏ རེ ཝཏྟབྦེ – ‘‘ཨེཀབཱིཛཱི པུགྒལོ ཨེཀབཱིཛིཏཱནིཡཏོ’’ཏི.

ཨེཀབཱིཛཱིཀཐཱ ནིཊྛིཏཱ.

༡༢. དྭཱདསམཝགྒོ

(༡༢༣) ༨. ཛཱིཝིཏཱ ཝོརོཔནཀཐཱ

༦༤༨. དིཊྛིསམྤནྣོ པུགྒལོ སཉྩིཙྩ པཱཎཾ ཛཱིཝིཏཱ ཝོརོཔེཡྻཱཏི? ཨཱམནྟཱ. དིཊྛིསམྤནྣོ པུགྒལོ སཉྩིཙྩ མཱཏརཾ ཛཱིཝིཏཱ ཝོརོཔེཡྻ…པེ… པིཏརཾ ཛཱིཝིཏཱ ཝོརོཔེཡྻ ¶ …པེ… ཨརཧནྟཾ ཛཱིཝིཏཱ ཝོརོཔེཡྻ…པེ… དུཊྛེན ཙིཏྟེན ཏཐཱགཏསྶ ལོཧིཏཾ ཨུཔྤཱདེཡྻ…པེ… སངྒྷཾ བྷིནྡེཡྻཱཏི? ན ¶ ཧེཝཾ ཝཏྟབྦེ…པེ….

དིཊྛིསམྤནྣོ པུགྒལོ སཉྩིཙྩ པཱཎཾ ཛཱིཝིཏཱ ཝོརོཔེཡྻཱཏི? ཨཱམནྟཱ. དིཊྛིསམྤནྣོ པུགྒལོ སཏྠརི ཨགཱརཝོཏི? ན ཧེཝཾ ཝཏྟབྦེ…པེ… དྷམྨེ…པེ… སངྒྷེ…པེ… སིཀྑཱཡ ¶ ཨགཱརཝོཏི? ན ཧེཝཾ ཝཏྟབྦེ…པེ….

ནནུ དིཊྛིསམྤནྣོ པུགྒལོ སཏྠརི སགཱརཝོཏི? ཨཱམནྟཱ. ཧཉྩི དིཊྛིསམྤནྣོ པུགྒལོ སཏྠརི སགཱརཝོ, ནོ ཙ ཝཏ རེ ཝཏྟབྦེ – ‘‘དིཊྛིསམྤནྣོ པུགྒལོ སཉྩིཙྩ པཱཎཾ ཛཱིཝིཏཱ ཝོརོཔེཡྻཱ’’ཏི. ནནུ དིཊྛིསམྤནྣོ པུགྒལོ དྷམྨེ…པེ… སངྒྷེ…པེ… སིཀྑཱཡ སགཱརཝོཏི? ཨཱམནྟཱ. ཧཉྩི དིཊྛིསམྤནྣོ པུགྒལོ སིཀྑཱཡ སགཱརཝོ, ནོ ཙ ཝཏ རེ ཝཏྟབྦེ – ‘‘དིཊྛིསམྤནྣོ པུགྒལོ སཉྩིཙྩ པཱཎཾ ཛཱིཝིཏཱ ཝོརོཔེཡྻཱ’’ཏི.

༦༤༩. དིཊྛིསམྤནྣོ པུགྒལོ སཏྠརི ཨགཱརཝོཏི? ཨཱམནྟཱ. དིཊྛིསམྤནྣོ པུགྒལོ བུདྡྷཐཱུཔེ ཨོཧདེཡྻ ཨོམུཏྟེཡྻ ནིཊྛུབྷེཡྻ བུདྡྷཐཱུཔེ ཨཔབྱཱམཏོ [ཨསབྱཱཀཏོ (སཱི. ཀ.)] ཀརེཡྻཱཏི? ན ཧེཝཾ ཝཏྟབྦེ…པེ….

དིཊྛིསམྤནྣོ ¶ པུགྒལོ སཉྩིཙྩ པཱཎཾ ཛཱིཝིཏཱ ཝོརོཔེཡྻཱཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘སེཡྻཐཱཔི, བྷིཀྑཝེ, མཧཱསམུདྡོ ཋིཏདྷམྨོ ཝེལཾ ནཱཏིཝཏྟཏི; ཨེཝམེཝ ཁོ, བྷིཀྑཝེ, ཡཾ མཡཱ སཱཝཀཱནཾ སིཀྑཱཔདཾ པཉྙཏྟཾ ཏཾ མམ སཱཝཀཱ ཛཱིཝིཏཧེཏུཔི ནཱཏིཀྐམནྟཱི’’ཏི [ཙཱུལ༹ཝ. ༣༨༥; ཨ. ནི. ༨.༢༠; ཨུདཱ. ༤༥]! ཨཏྠེཝ སུཏྟནྟོཏི? ཨཱམནྟཱ ¶ . ཏེན ཧི ན ཝཏྟབྦཾ – ‘‘དིཊྛིསམྤནྣོ པུགྒལོ སཉྩིཙྩ པཱཎཾ ཛཱིཝིཏཱ ཝོརོཔེཡྻཱ’’ཏི.

ཛཱིཝིཏཱ ཝོརོཔནཀཐཱ ནིཊྛིཏཱ.

༡༢. དྭཱདསམཝགྒོ

(༡༢༤) ༩. དུགྒཏིཀཐཱ

༦༥༠. དིཊྛིསམྤནྣསྶ ¶ ¶ པུགྒལསྶ པཧཱིནཱ དུགྒཏཱིཏི? ཨཱམནྟཱ. དིཊྛིསམྤནྣོ པུགྒལོ ཨཱཔཱཡིཀེ རཱུཔེ རཛྫེཡྻཱཏི? ཨཱམནྟཱ. ཧཉྩི དིཊྛིསམྤནྣོ པུགྒལོ ཨཱཔཱཡིཀེ རཱུཔེ རཛྫེཡྻ, ནོ ཙ ཝཏ རེ ཝཏྟབྦེ – ‘‘དིཊྛིསམྤནྣསྶ པུགྒལསྶ པཧཱིནཱ དུགྒཏཱི’’ཏི.

དིཊྛིསམྤནྣསྶ པུགྒལསྶ པཧཱིནཱ དུགྒཏཱིཏི? ཨཱམནྟཱ. དིཊྛིསམྤནྣོ པུགྒལོ ཨཱཔཱཡིཀེ སདྡེ…པེ… གནྡྷེ… རསེ… ཕོཊྛབྦེ…པེ… ཨམནུསྶིཏྠིཡཱ ཏིརཙྪཱནགཏིཏྠིཡཱ ནཱགཀཉྙཱཡ མེཐུནཾ དྷམྨཾ པཊིསེཝེཡྻ, ཨཛེལ༹ཀཾ པཊིགྒཎྷེཡྻ, ཀུཀྐུཊསཱུཀརཾ པཊིགྒཎྷེཡྻ, ཧཏྠིགཝསྶཝལ༹ཝཾ པཊིགྒཎྷེཡྻ… ཏིཏྟིརཝཊྚཀམོརཀཔིཉྫརཾ [… ཀཔིཉྫལཾ (སྱཱ. ཀཾ. པཱི.)] པཊིགྒཎྷེཡྻཱཏི? ཨཱམནྟཱ. ཧཉྩི དིཊྛིསམྤནྣོ པུགྒལོ ཏིཏྟིརཝཊྚཀམོརཀཔིཉྫརཾ པཊིགྒཎྷེཡྻ, ནོ ཙ ཝཏ རེ ཝཏྟབྦེ – ‘‘དིཊྛིསམྤནྣསྶ པུགྒལསྶ པཧཱིནཱ དུགྒཏཱི’’ཏི.

༦༥༡. དིཊྛིསམྤནྣསྶ པུགྒལསྶ པཧཱིནཱ དུགྒཏི, དིཊྛིསམྤནྣོ པུགྒལོ ཨཱཔཱཡིཀེ རཱུཔེ རཛྫེཡྻཱཏི? ཨཱམནྟཱ. ཨརཧཏོ པཧཱིནཱ དུགྒཏི, ཨརཧཱ ཨཱཔཱཡིཀེ རཱུཔེ རཛྫེཡྻཱཏི? ན ཧེཝཾ ཝཏྟབྦེ…པེ… དིཊྛིསམྤནྣསྶ པུགྒལསྶ པཧཱིནཱ དུགྒཏི, དིཊྛིསམྤནྣོ པུགྒལོ ཨཱཔཱཡིཀེ སདྡེ… གནྡྷེ… རསེ… ཕོཊྛབྦེ…པེ… ཏིཏྟིརཝཊྚཀམོརཀཔིཉྫརཾ པཊིགྒཎྷེཡྻཱཏི? ཨཱམནྟཱ ¶ ¶ . ཨརཧཏོ ¶ པཧཱིནཱ དུགྒཏི, ཨརཧཱ ཏིཏྟིརཝཊྚཀམོརཀཔིཉྫརཾ པཊིགྒཎྷེཡྻཱཏི? ན ཧེཝཾ ཝཏྟབྦེ…པེ….

ཨརཧཏོ པཧཱིནཱ དུགྒཏི, ན ཙ ཨརཧཱ ཨཱཔཱཡིཀེ རཱུཔེ རཛྫེཡྻཱཏི? ཨཱམནྟཱ. དིཊྛིསམྤནྣསྶ པུགྒལསྶ པཧཱིནཱ དུགྒཏི, ན ཙ དིཊྛིསམྤནྣོ པུགྒལོ ཨཱཔཱཡིཀེ རཱུཔེ རཛྫེཡྻཱཏི? ན ཧེཝཾ ཝཏྟབྦེ…པེ… ཨརཧཏོ པཧཱིནཱ དུགྒཏི, ན ཙ ཨརཧཱ ཨཱཔཱཡིཀེ སདྡེ…པེ… གནྡྷེ…པེ… རསེ…པེ… ཕོཊྛབྦེ…པེ… ཨམནུསྶིཏྠིཡཱ ཏིརཙྪཱནགཏིཏྠིཡཱ ནཱགཀཉྙཱཡ མེཐུནཾ དྷམྨཾ པཊིསེཝེཡྻ, ཨཛེལ༹ཀཾ པཊིགྒཎྷེཡྻ, ཀུཀྐུཊསཱུཀརཾ པཊིགྒཎྷེཡྻ, ཧཏྠིགཝསྶཝལ༹ཝཾ པཊིགྒཎྷེཡྻ…པེ… ཏིཏྟིརཝཊྚཀམོརཀཔིཉྫརཾ པཊིགྒཎྷེཡྻཱཏི? ཨཱམནྟཱ ¶ . དིཊྛིསམྤནྣསྶ པུགྒལསྶ པཧཱིནཱ དུགྒཏི, ན ཙ དིཊྛིསམྤནྣོ པུགྒལོ ཏིཏྟིརཝཊྚཀམོརཀཔིཉྫརཾ པཊིགྒཎྷེཡྻཱཏི? ན ཧེཝཾ ཝཏྟབྦེ…པེ….

༦༥༢. [ཨཊྛཀཐཱནུལོམཾ པརཝཱདཱིཔུཙྪཱལཀྑཎཾ. ཏཐཱཔཱཡཾ པུཙྪཱ སཀཝཱདིསྶ, པུརིམཱཡོ ཙ ཨིམིསྶཾ དུགྒཏིཀཐཱཡཾ པརཝཱདིསྶཱཏི གཧེཏབྦཱ ཝིཡ དིསྶནྟི] ན ཝཏྟབྦཾ – ‘‘དིཊྛིསམྤནྣསྶ པུགྒལསྶ པཧཱིནཱ དུགྒཏཱི’’ཏི? ཨཱམནྟཱ. དིཊྛིསམྤནྣོ པུགྒལོ ནིརཡཾ ཨུཔཔཛྫེཡྻ…པེ… ཏིརཙྪཱནཡོནིཾ ཨུཔཔཛྫེཡྻ… པེཏྟིཝིསཡཾ ཨུཔཔཛྫེཡྻཱཏི? ན ཧེཝཾ ཝཏྟབྦེ. ཏེན ཧི དིཊྛིསམྤནྣསྶ པུགྒལསྶ པཧཱིནཱ དུགྒཏཱིཏི.

དུགྒཏིཀཐཱ ནིཊྛིཏཱ.

༡༢. དྭཱདསམཝགྒོ

(༡༢༥) ༡༠. སཏྟམབྷཝིཀཀཐཱ

༦༥༣. ན ¶ ¶ ཝཏྟབྦཾ ‘‘སཏྟམབྷཝིཀསྶ པུགྒལསྶ པཧཱིནཱ དུགྒཏཱི’’ཏི? ཨཱམནྟཱ. སཏྟམབྷཝིཀོ པུགྒལོ ནིརཡཾ ཨུཔཔཛྫེཡྻ, ཏིརཙྪཱནཡོནིཾ ཨུཔཔཛྫེཡྻ, པེཏྟིཝིསཡཾ ཨུཔཔཛྫེཡྻཱཏི? ན ཧེཝཾ ཝཏྟབྦེ. ཏེན ཧི སཏྟམབྷཝིཀསྶ པུགྒལསྶ པཧཱིནཱ དུགྒཏཱིཏི.

སཏྟམབྷཝིཀཀཐཱ ནིཊྛིཏཱ.

དྭཱདསམཝགྒོ.

ཏསྶུདྡཱནཾ –

སཾཝརོ ¶ ཀམྨཾ ཏཐེཝ ཨསཾཝརོ, སབྦཀམྨཾ སཝིཔཱཀཾ, སདྡོ ཝིཔཱཀོ, སལཱ༹ཡཏནཾ ཝིཔཱཀོ, སཏྟཀྑཏྟུཔརམོ པུགྒལོ སཏྟཀྑཏྟུཔརམཏཱནིཡཏོ, ཀོལངྐོལཔུགྒལོ ཀོལངྐོལཏཱནིཡཏོ, ཨེཀབཱིཛཱི པུགྒལོ ཨེཀབཱིཛིཏཱནིཡཏོ, དིཊྛིསམྤནྣོ པུགྒལོ སཉྩིཙྩ པཱཎཾ ཛཱིཝིཏཱ ཝོརོཔེཡྻ, དིཊྛིསམྤནྣསྶ པུགྒལསྶ པཧཱིནཱ དུགྒཏི, ཏཐེཝ སཏྟམབྷཝིཀསྶཱཏི.

༡༣. ཏེརསམཝགྒོ

(༡༢༦) ༡. ཀཔྤཊྛཀཐཱ

༦༥༤. ཀཔྤཊྛོ ¶ ¶ ཀཔྤཾ ཏིཊྛེཡྻཱཏི? ཨཱམནྟཱ. ཀཔྤོ ཙ སཎྛཱཏི བུདྡྷོ ཙ ལོཀེ ཨུཔྤཛྫཏཱིཏི? ན ཧེཝཾ ཝཏྟབྦེ…པེ…. ཀཔྤཊྛོ ¶ ཀཔྤཾ ཏིཊྛེཡྻཱཏི? ཨཱམནྟཱ. ཀཔྤོ ཙ སཎྛཱཏི སངྒྷོ ཙ བྷིཛྫཏཱིཏི? ན ཧེཝཾ ཝཏྟབྦེ…པེ… ཀཔྤཊྛོ ཀཔྤཾ ཏིཊྛེཡྻཱཏི? ཨཱམནྟཱ. ཀཔྤོ ཙ སཎྛཱཏི ཀཔྤཊྛོ ཙ ཀཔྤཊྛིཡཾ ཀམྨཾ ཀརོཏཱིཏི? ན ཧེཝཾ ཝཏྟབྦེ…པེ… ཀཔྤཊྛོ ཀཔྤཾ ཏིཊྛེཡྻཱཏི? ཨཱམནྟཱ. ཀཔྤོ ཙ སཎྛཱཏི ཀཔྤཊྛོ ཙ པུགྒལོ ཀཱལཾ ཀརོཏཱིཏི? ན ཧེཝཾ ཝཏྟབྦེ…པེ….

༦༥༥. ཀཔྤཊྛོ ཀཔྤཾ ཏིཊྛེཡྻཱཏི? ཨཱམནྟཱ. ཨཏཱིཏཾ ཀཔྤཾ ཏིཊྛེཡྻ, ཨནཱགཏཾ ཀཔྤཾ ཏིཊྛེཡྻཱཏི? ན ཧེཝཾ ཝཏྟབྦེ…པེ… ཀཔྤཊྛོ ཀཔྤཾ ཏིཊྛེཡྻཱཏི? ཨཱམནྟཱ. དྭེ ཀཔྤེ ཏིཊྛེཡྻ… ཏཡོ ཀཔྤེ ཏིཊྛེཡྻ… ཙཏྟཱརོ ཀཔྤེ ཏིཊྛེཡྻཱཏི? ན ཧེཝཾ ཝཏྟབྦེ…པེ….

༦༥༦. ཀཔྤཊྛོ ཀཔྤཾ ཏིཊྛེཡྻཱཏི? ཨཱམནྟཱ. ཀཔྤཊྛོ ཀཔྤེ ཌཡ྄ཧནྟེ ཀཏྠ གཙྪཏཱིཏི? ཨཉྙཾ ལོཀདྷཱཏུཾ གཙྪཏཱིཏི. མཏོ གཙྪཏི, ཝེཧཱསཾ གཙྪཏཱིཏི? མཏོ གཙྪཏཱིཏི. ཀཔྤཊྛིཡཾ ཀམྨཾ ཨཔརཱཔརིཡཝེཔཀྐནྟི? ན ¶ ཧེཝཾ ཝཏྟབྦེ…པེ… [ཝེཧཱསཾ གཙྪཏཱིཏི (?) ཨཡཾ ཧི པརཝཱདིསྶ པཊིཉྙཱཡེཝ, ཀཐཱ. ༦༢༡-༦༢༣ ནཝམཔནྟིཡཾ ཝིཡ] ཝེཧཱསཾ གཙྪཏཱིཏི? ཨཱམནྟཱ [ཝེཧཱསཾ གཙྪཏཱིཏི (?) ཨཡཾ ཧི པརཝཱདིསྶ པཊིཉྙཱཡེཝ, ཀཐཱ. ༦༢༡-༦༢༣ ནཝམཔནྟིཡཾ ཝིཡ]. ཀཔྤཊྛོ ཨིདྡྷིམཱཏི? ན ཧེཝཾ ཝཏྟབྦེ…པེ… ཀཔྤཊྛོ ཨིདྡྷིམཱཏི? ཨཱམནྟཱ. ཀཔྤཊྛེན ¶ ཚནྡིདྡྷིཔཱདོ བྷཱཝིཏོ ཝཱིརིཡིདྡྷིཔཱདོ བྷཱཝིཏོ ཙིཏྟིདྡྷིཔཱདོ བྷཱཝིཏོ ཝཱིམཾསིདྡྷིཔཱདོ བྷཱཝིཏོཏི? ན ཧེཝཾ ཝཏྟབྦེ…པེ….

༦༥༧. ན ཝཏྟབྦཾ – ‘‘ཀཔྤཊྛོ ཀཔྤཾ ཏིཊྛེཡྻཱ’’ཏི? ཨཱམནྟཱ. ནནུ ཝུཏྟཾ བྷགཝཏཱ –

‘‘ཨཱཔཱཡིཀོ ¶ ནེརཡིཀོ, ཀཔྤཊྛོ སངྒྷབྷེདཀོ;

ཝགྒརཏོ ཨདྷམྨཊྛོ, ཡོགཀྑེམཱ པདྷཾསཏི;

སངྒྷཾ སམགྒཾ བྷེཏྭཱན [བྷིནྡིཏྭཱ (སཱི. ཀ.)], ཀཔྤཾ ནིརཡམྷི པཙྩཏཱི’’ཏི [ཙཱུལ༹ཝ. ༣༥༤; ཨ. ནི. ༡༠.༣༩; ཨིཏིཝུ. ༡༨].

ཨཏྠེཝ ¶ སུཏྟནྟོཏི? ཨཱམནྟཱ. ཏེན ཧི ཀཔྤཊྛོ ཀཔྤཾ ཏིཊྛེཡྻཱཏི.

ཀཔྤཊྛཀཐཱ ནིཊྛིཏཱ.

༡༣. ཏེརསམཝགྒོ

(༡༢༧) ༢. ཀུསལཔཊིལཱབྷཀཐཱ

༦༥༨. ཀཔྤཊྛོ ཀུསལཾ ཙིཏྟཾ ན པཊིལབྷེཡྻཱཏི? ཨཱམནྟཱ. ཀཔྤཊྛོ དཱནཾ དདེཡྻཱཏི? ཨཱམནྟཱ. ཧཉྩི ཀཔྤཊྛོ དཱནཾ དདེཡྻ, ནོ ཙ ཝཏ རེ ཝཏྟབྦེ – ‘‘ཀཔྤཊྛོ ཀུསལཾ ཙིཏྟཾ ན པཊིལབྷེཡྻཱ’’ཏི.

ཀཔྤཊྛོ ཀུསལཾ ཙིཏྟཾ ན པཊིལབྷེཡྻཱཏི? ཨཱམནྟཱ. ཀཔྤཊྛོ ཙཱིཝརཾ དདེཡྻ…པེ… པིཎྜཔཱཏཾ དདེཡྻ…པེ… སེནཱསནཾ དདེཡྻ…པེ… གིལཱནཔཙྩཡབྷེསཛྫཔརིཀྑཱརཾ དདེཡྻ ¶ … ཁཱདནཱིཡཾ དདེཡྻ… བྷོཛནཱིཡཾ དདེཡྻ… པཱནཱིཡཾ དདེཡྻ… ཙེཏིཡཾ ཝནྡེཡྻ… ཙེཏིཡེ མཱལཾ ཨཱརོཔེཡྻ… གནྡྷཾ ཨཱརོཔེཡྻ… ཝིལེཔནཾ ཨཱརོཔེཡྻ…པེ… ཙེཏིཡཾ ཨབྷིདཀྑིཎཾ [པདཀྑིཎཾ (པཱི.)] ཀརེཡྻཱཏི? ཨཱམནྟཱ. ཧཉྩི ཀཔྤཊྛོ ཙེཏིཡཾ ཨབྷིདཀྑིཎཾ ཀརེཡྻ, ནོ ཙ ཝཏ རེ ཝཏྟབྦེ – ‘‘ཀཔྤཊྛོ ཀུསལཾ ཙིཏྟཾ ན པཊིལབྷེཡྻཱ’’ཏི…པེ….

༦༥༩. ཀཔྤཊྛོ ¶ ¶ ཀུསལཾ ཙིཏྟཾ པཊིལབྷེཡྻཱཏི? ཨཱམནྟཱ. ཏཏོ ཝུཊྛཱནཾ ཀུསལཾ ཙིཏྟཾ པཊིལབྷེཡྻཱཏི? ཨཱམནྟཱ. རཱུཔཱཝཙརཾ…པེ… ཨརཱུཔཱཝཙརཾ…པེ… ལོཀུཏྟརཾ ཀུསལཾ ཙིཏྟཾ པཊིལབྷེཡྻཱཏི? ན ཧེཝཾ ཝཏྟབྦེ…པེ….

ཀུསལཔཊིལཱབྷཀཐཱ ནིཊྛིཏཱ.

༡༣. ཏེརསམཝགྒོ

(༡༢༨) ༣. ཨནནྟརཱཔཡུཏྟཀཐཱ

༦༦༠. ཨནནྟརཱཔཡུཏྟོ ¶ པུགྒལོ སམྨཏྟནིཡཱམཾ ཨོཀྐམེཡྻཱཏི? ཨཱམནྟཱ. མིཙྪཏྟནིཡཱམཉྩ སམྨཏྟནིཡཱམཉྩ ཨུབྷོ ཨོཀྐམེཡྻཱཏི? ན ཧེཝཾ ཝཏྟབྦེ…པེ… ཨནནྟརཱཔཡུཏྟོ པུགྒལོ སམྨཏྟནིཡཱམཾ ཨོཀྐམེཡྻཱཏི? ཨཱམནྟཱ. ནནུ ཏཾ ཀམྨཾ པཡུཏྟཾ ཀུཀྐུཙྩཾ ཨུཔྤཱདིཏཾ ཝིཔྤཊིསཱརིཡཾ ཛནིཏནྟི? ཨཱམནྟཱ. ཧཉྩི ཏཾ ཀམྨཾ པཡུཏྟཾ ཀུཀྐུཙྩཾ ཨུཔྤཱདིཏཾ ཝིཔྤཊིསཱརིཡཾ ཛནིཏཾ, ནོ ཙ ཝཏ རེ ཝཏྟབྦེ – ‘‘ཨནནྟརཱཔཡུཏྟོ པུགྒལོ སམྨཏྟནིཡཱམཾ ཨོཀྐམེཡྻཱ’’ཏི.

༦༦༡. ཨནནྟརཱཔཡུཏྟོ ¶ པུགྒལོ ཨབྷབྦོ སམྨཏྟནིཡཱམཾ ཨོཀྐམིཏུནྟི? ཨཱམནྟཱ. མཱཏཱ ཛཱིཝིཏཱ ཝོརོཔིཏཱ… པིཏཱ ཛཱིཝིཏཱ ཝོརོཔིཏོ… ཨརཧཱ ཛཱིཝིཏཱ ཝོརོཔིཏོ… དུཊྛེན ཙིཏྟེན ཏཐཱགཏསྶ ལོཧིཏཾ ཨུཔྤཱདིཏཾ… སངྒྷོ བྷིནྣོཏི? ན ཧེཝཾ ཝཏྟབྦེ…པེ….

ཨནནྟརཱཔཡུཏྟོ པུགྒལོ ཏཾ ཀམྨཾ པཊིསཾཧརིཏྭཱ ཀུཀྐུཙྩཾ པཊིཝིནོདེཏྭཱ ཝིཔྤཊིསཱརིཡཾ ¶ པཊིཝིནེཏྭཱ [པཊིཝིནོདེཏྭཱ (སཱི. པཱི. ཀ.)] ཨབྷབྦོ སམྨཏྟནིཡཱམཾ ཨོཀྐམིཏུནྟི? ཨཱམནྟཱ. མཱཏཱ ཛཱིཝིཏཱ ཝོརོཔིཏཱ… པིཏཱ ཛཱིཝིཏཱ ཝོརོཔིཏོ…པེ… སངྒྷོ བྷིནྣོཏི? ན ཧེཝཾ ཝཏྟབྦེ…པེ….

ཨནནྟརཱཔཡུཏྟོ པུགྒལོ ཏཾ ཀམྨཾ པཊིསཾཧརིཏྭཱ ཀུཀྐུཙྩཾ པཊིཝིནོདེཏྭཱ ཝིཔྤཊིསཱརིཡཾ པཊིཝིནེཏྭཱ ཨབྷབྦོ སམྨཏྟནིཡཱམཾ ཨོཀྐམིཏུནྟི? ཨཱམནྟཱ. ནནུ ཏཾ ཀམྨཾ པཊིསཾཧཊཾ ཀུཀྐུཙྩཾ པཊིཝིནོདིཏཾ ཝིཔྤཊིསཱརིཡཾ པཊིཝིནཱིཏནྟི? ཨཱམནྟཱ. ཧཉྩི ཏཾ ཀམྨཾ པཊིསཾཧཊཾ ཀུཀྐུཙྩཾ པཊིཝིནོདིཏཾ ཝིཔྤཊིསཱརིཡཾ ¶ པཊིཝིནཱིཏཾ, ནོ ཙ ཝཏ རེ ཝཏྟབྦེ – ‘‘ཨནནྟརཱཔཡུཏྟོ པུགྒལོ ཏཾ ཀམྨཾ པཊིསཾཧརིཏྭཱ ཀུཀྐུཙྩཾ པཊིཝིནོདེཏྭཱ ཝིཔྤཊིསཱརིཡཾ པཊིཝིནེཏྭཱ ཨབྷབྦོ སམྨཏྟནིཡཱམཾ ཨོཀྐམིཏུ’’ནྟི.

༦༦༢. ཨནནྟརཱཔཡུཏྟོ པུགྒལོ སམྨཏྟནིཡཱམཾ ཨོཀྐམེཡྻཱཏི? ཨཱམནྟཱ. ནནུ ཏཾ ཀམྨཾ ¶ པཡུཏྟོ ཨཱསཱིཏི? ཨཱམནྟཱ. ཧཉྩི ཏཾ ཀམྨཾ པཡུཏྟོ ཨཱསི, ནོ ཙ ཝཏ རེ ཝཏྟབྦེ – ‘‘ཨནནྟརཱཔཡུཏྟོ པུགྒལོ སམྨཏྟནིཡཱམཾ ཨོཀྐམེཡྻཱ’’ཏི.

ཨནནྟརཱཔཡུཏྟཀཐཱ ནིཊྛིཏཱ.

༡༣. ཏེརསམཝགྒོ

(༡༢༩) ༤. ནིཡཏསྶ ནིཡཱམཀཐཱ

༦༦༣. ནིཡཏོ ¶ ནིཡཱམཾ ཨོཀྐམཏཱིཏི? ཨཱམནྟཱ. མིཙྪཏྟནིཡཏོ སམྨཏྟནིཡཱམཾ ཨོཀྐམཏི, སམྨཏྟནིཡཏོ མིཙྪཏྟནིཡཱམཾ ཨོཀྐམཏཱིཏི? ན ¶ ཧེཝཾ ཝཏྟབྦེ…པེ….

ནིཡཏོ ནིཡཱམཾ ཨོཀྐམཏཱིཏི? ཨཱམནྟཱ. པུབྦེ མགྒཾ བྷཱཝེཏྭཱ པཙྪཱ ནིཡཱམཾ ཨོཀྐམཏཱིཏི? ན ཧེཝཾ ཝཏྟབྦེ…པེ… པུབྦེ སོཏཱཔཏྟིམགྒཾ བྷཱཝེཏྭཱ པཙྪཱ སོཏཱཔཏྟིནིཡཱམཾ ཨོཀྐམཏཱིཏི? ན ཧེཝཾ ཝཏྟབྦེ…པེ… པུབྦེ སཀདཱགཱམི…པེ… ཨནཱགཱམི…པེ… ཨརཧཏྟམགྒཾ བྷཱཝེཏྭཱ པཙྪཱ ཨརཧཏྟནིཡཱམཾ ཨོཀྐམཏཱིཏི? ན ཧེཝཾ ཝཏྟབྦེ…པེ….

པུབྦེ སཏིཔཊྛཱནཾ…པེ… སམྨཔྤདྷཱནཾ… ཨིདྡྷིཔཱདཾ… ཨིནྡྲིཡཾ… བལཾ… བོཛ྄ཛྷངྒཾ བྷཱཝེཏྭཱ པཙྪཱ ནིཡཱམཾ ཨོཀྐམཏཱིཏི? ན ཧེཝཾ ཝཏྟབྦེ…པེ….

༦༦༤. ན ཝཏྟབྦཾ – ‘‘ནིཡཏོ ནིཡཱམཾ ཨོཀྐམཏཱི’’ཏི? ཨཱམནྟཱ. བྷབྦོ བོདྷིསཏྟོ ཏཱཡ ཛཱཏིཡཱ དྷམྨཾ ནཱབྷིསམེཏུནྟི? ན ཧེཝཾ ཝཏྟབྦེ. ཏེན ཧི ནིཡཏོ ནིཡཱམཾ ཨོཀྐམཏཱིཏི.

ནིཡཏསྶ ནིཡཱམཀཐཱ ནིཊྛིཏཱ.

༡༣. ཏེརསམཝགྒོ

(༡༣༠) ༥. ནིཝུཏཀཐཱ

༦༦༥. ནིཝུཏོ ¶ ¶ ནཱིཝརཎཾ ཛཧཏཱིཏི? ཨཱམནྟཱ. རཏྟོ རཱགཾ ཛཧཏི, དུཊྛོ དོསཾ ཛཧཏི, མཱུལ༹ྷོ མོཧཾ ཛཧཏི, ཀིལིཊྛོ ཀིལེསེ ཛཧཏཱིཏི? ན ¶ ཧེཝཾ ཝཏྟབྦེ…པེ… རཱགེན རཱགཾ ཛཧཏི, དོསེན དོསཾ ཛཧཏི, མོཧེན མོཧཾ ཛཧཏི, ཀིལེསེཧི ཀིལེསེ ཛཧཏཱིཏི ¶ ? ན ཧེཝཾ ཝཏྟབྦེ…པེ….

རཱགོ ཙིཏྟསམྤཡུཏྟོ, མགྒོ ཙིཏྟསམྤཡུཏྟོཏི? ཨཱམནྟཱ. དྭིནྣཾ ཕསྶཱནཾ…པེ… དྭིནྣཾ ཙིཏྟཱནཾ སམོདྷཱནཾ ཧོཏཱིཏི? ན ཧེཝཾ ཝཏྟབྦེ…པེ… རཱགོ ཨཀུསལོ, མགྒོ ཀུསལོཏི? ཨཱམནྟཱ. ཀུསལཱཀུསལཱ སཱཝཛྫཱནཝཛྫཱ ཧཱིནཔཎཱིཏཱ ཀཎྷསུཀྐསཔྤཊིབྷཱགཱ དྷམྨཱ སམྨུཁཱིབྷཱཝཾ ཨཱགཙྪནྟཱིཏི? ན ཧེཝཾ ཝཏྟབྦེ…པེ….

༦༦༦. ཀུསལཱཀུསལཱ སཱཝཛྫཱནཝཛྫཱ ཧཱིནཔཎཱིཏཱ ཀཎྷསུཀྐསཔྤཊིབྷཱགཱ དྷམྨཱ སམྨུཁཱིབྷཱཝཾ ཨཱགཙྪནྟཱིཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཙཏྟཱརིམཱནི, བྷིཀྑཝེ, སུཝིདཱུརཝིདཱུརཱནི! ཀཏམཱནི ཙཏྟཱརི? ནབྷཉྩ, བྷིཀྑཝེ, པཐཝཱི ཙ – ཨིདཾ པཋམཾ སུཝིདཱུརཝིདཱུརཾ…པེ… ཏསྨཱ སཏཾ དྷམྨོ ཨསབྦྷི ཨཱརཀཱ’’ཏི. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཀུསལཱཀུསལཱ…པེ… སམྨུཁཱིབྷཱཝཾ ཨཱགཙྪནྟཱི’’ཏི.

ནིཝུཏོ ནཱིཝརཎཾ ཛཧཏཱིཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘སོ ཨེཝཾ སམཱཧིཏེ ཙིཏྟེ པརིསུདྡྷེ པརིཡོདཱཏེ ཨནངྒཎེ ཝིགཏཱུཔཀྐིལེསེ མུདུབྷཱུཏེ ཀམྨནིཡེ ཋིཏེ ཨཱནེཉྫཔྤཏྟེ ཨཱསཝཱནཾ ཁཡཉཱཎཱཡ ཙིཏྟཾ ཨབྷིནིནྣཱམེཏཱི’’ཏི! ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ནིཝུཏོ ནཱིཝརཎཾ ཛཧཏཱི’’ཏི…པེ….

༦༦༧. ན ཝཏྟབྦཾ – ‘‘ནིཝུཏོ ནཱིཝརཎཾ ཛཧཏཱི’’ཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཏསྶ ཨེཝཾ ཛཱནཏོ ཨེཝཾ པསྶཏོ ¶ ཀཱམཱསཝཱཔི ཙིཏྟཾ ཝིམུཙྩཏི…པེ… ཨཝིཛྫཱསཝཱཔི ¶ ཙིཏྟཾ ཝིམུཙྩཏཱི’’ཏི! ཨཏྠེཝ སུཏྟནྟོཏི ¶ ? ཨཱམནྟཱ. ཏེན ཧི ནིཝུཏོ ནཱིཝརཎཾ ཛཧཏཱིཏི.

ནིཝུཏཀཐཱ ནིཊྛིཏཱ.

༡༣. ཏེརསམཝགྒོ

(༡༣༡) ༦. སམྨུཁཱིབྷཱུཏཀཐཱ

༦༦༨. སམྨུཁཱིབྷཱུཏོ ¶ སཾཡོཛནཾ ཛཧཏཱིཏི? ཨཱམནྟཱ. རཏྟོ རཱགཾ ཛཧཏི, དུཊྛོ དོསཾ ཛཧཏི, མཱུལ༹ྷོ མོཧཾ ཛཧཏི, ཀིལིཊྛོ ཀིལེསེ ཛཧཏཱིཏི? ན ཧེཝཾ ཝཏྟབྦེ…པེ… རཱགེན རཱགཾ ཛཧཏི, དོསེན དོསཾ ཛཧཏི, མོཧེན མོཧཾ ཛཧཏི, ཀིལེསེཧི ཀིལེསེ ཛཧཏཱིཏི? ན ཧེཝཾ ཝཏྟབྦེ…པེ….

རཱགོ ཙིཏྟསམྤཡུཏྟོ, མགྒོ ཙིཏྟསམྤཡུཏྟོཏི? ཨཱམནྟཱ. དྭིནྣཾ ཕསྶཱནཾ…པེ… དྭིནྣཾ ཙིཏྟཱནཾ སམོདྷཱནཾ ཧོཏཱིཏི? ན ཧེཝཾ ཝཏྟབྦེ…པེ… རཱགོ ཨཀུསལོ, མགྒོ ཀུསལོཏི? ཨཱམནྟཱ. ཀུསལཱཀུསལཱ སཱཝཛྫཱནཝཛྫཱ ཧཱིནཔཎཱིཏཱ ཀཎྷསུཀྐསཔྤཊིབྷཱགཱ དྷམྨཱ སམྨུཁཱིབྷཱཝཾ ཨཱགཙྪནྟཱིཏི? ན ཧེཝཾ ཝཏྟབྦེ…པེ….

༦༦༩. ཀུསལཱཀུསལཱ…པེ… སམྨུཁཱིབྷཱཝཾ ཨཱགཙྪནྟཱིཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཙཏྟཱརིམཱནི, བྷིཀྑཝེ, སུཝིདཱུརཝིདཱུརཱནི! ཀཏམཱནི ཙཏྟཱརི? ནབྷཉྩ, བྷིཀྑཝེ, པཐཝཱི ཙ – ཨིདཾ པཋམཾ སུཝིདཱུརཝིདཱུརཾ…པེ… ཏསྨཱ སཏཾ དྷམྨོ ཨསབྦྷི ཨཱརཀཱ’’ཏི. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཀུསལཱཀུསལཱ…པེ… སམྨུཁཱིབྷཱཝཾ ¶ ཨཱགཙྪནྟཱི’’ཏི.

སམྨུཁཱིབྷཱུཏོ ¶ སཾཡོཛནཾ ཛཧཏཱིཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘སོ ཨེཝཾ སམཱཧིཏེ ¶ ཙིཏྟེ…པེ… ཨཱསཝཱནཾ ཁཡཉཱཎཱཡ ཙིཏྟཾ ཨབྷིནིནྣཱམེཏཱི’’ཏི! ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘སམྨུཁཱིབྷཱུཏོ སཾཡོཛནཾ ཛཧཏཱི’’ཏི.

༦༧༠. ན ཝཏྟབྦཾ – ‘‘སམྨུཁཱིབྷཱུཏོ སཾཡོཛནཾ ཛཧཏཱི’’ཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཏསྶ ཨེཝཾ ཛཱནཏོ ཨེཝཾ པསྶཏོ ཀཱམཱསཝཱཔི ཙིཏྟཾ ཝིམུཙྩཏི…པེ… ཨཝིཛྫཱསཝཱཔི ཙིཏྟཾ ཝིམུཙྩཏཱི’’ཏི! ཨཏྠེཝ སུཏྟནྟོཏི? ཨཱམནྟཱ. ཏེན ཧི སམྨུཁཱིབྷཱུཏོ སཾཡོཛནཾ ཛཧཏཱིཏི.

སམྨུཁཱིབྷཱུཏཀཐཱ ནིཊྛིཏཱ.

༡༣. ཏེརསམཝགྒོ

(༡༣༢) ༧. སམཱཔནྣོ ཨསྶཱདེཏིཀཐཱ

༦༧༡. སམཱཔནྣོ ¶ ཨསྶཱདེཏི, ཛྷཱནནིཀནྟི ཛྷཱནཱརམྨཎཱཏི? ཨཱམནྟཱ. ཏཾ ཛྷཱནཾ ཏསྶ ཛྷཱནསྶ ཨཱརམྨཎནྟི? ན ཧེཝཾ ཝཏྟབྦེ…པེ… ཏཾ ཛྷཱནཾ ཏསྶ ཛྷཱནསྶ ཨཱརམྨཎནྟི? ཨཱམནྟཱ. ཏེན ཕསྶེན ཏཾ ཕསྶཾ ཕུསཏི, ཏཱཡ ཝེདནཱཡ ཏཾ ཝེདནཾ ཝེདེཏི, ཏཱཡ སཉྙཱཡ ཏཾ སཉྙཾ སཉྫཱནཱཏི, ཏཱཡ ཙེཏནཱཡ ཏཾ ཙེཏནཾ ཙེཏེཏི, ཏེན ཙིཏྟེན ཏཾ ཙིཏྟཾ ཙིནྟེཏི, ཏེན ཝིཏཀྐེན ཏཾ ཝིཏཀྐཾ ཝིཏཀྐེཏི, ཏེན ཝིཙཱརེན ཏཾ ཝིཙཱརཾ ཝིཙཱརེཏི ¶ , ཏཱཡ པཱིཏིཡཱ ཏཾ པཱིཏི པིཡཱཡཏི, ཏཱཡ སཏིཡཱ ཏཾ སཏིཾ སརཏི, ཏཱཡ པཉྙཱཡ ཏཾ པཉྙཾ པཛཱནཱཏཱིཏི? ན ཧེཝཾ ཝཏྟབྦེ…པེ….

ཛྷཱནནིཀནྟི ¶ ཙིཏྟསམྤཡུཏྟཱ, ཛྷཱནཾ ཙིཏྟསམྤཡུཏྟནྟི? ཨཱམནྟཱ. དྭིནྣཾ ཕསྶཱནཾ…པེ… དྭིནྣཾ ཙིཏྟཱནཾ སམོདྷཱནཾ ཧོཏཱིཏི? ན ཧེཝཾ ཝཏྟབྦེ…པེ….

ཛྷཱནནིཀནྟི ཨཀུསལཾ, ཛྷཱནཾ ཀུསལནྟི? ཨཱམནྟཱ. ཀུསལཱཀུསལཱ སཱཝཛྫཱནཝཛྫཱ ཧཱིནཔཎཱིཏཱ ¶ ཀཎྷསུཀྐསཔྤཊིབྷཱགཱ དྷམྨཱ སམྨུཁཱིབྷཱཝཾ ཨཱགཙྪནྟཱིཏི? ན ཧེཝཾ ཝཏྟབྦེ…པེ….

༦༧༢. ཀུསལཱཀུསལཱ སཱཝཛྫཱནཝཛྫཱ ཧཱིནཔཎཱིཏཱ ཀཎྷསུཀྐསཔྤཊིབྷཱགཱ དྷམྨཱ སམྨུཁཱིབྷཱཝཾ ཨཱགཙྪནྟཱིཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཙཏྟཱརིམཱནི, བྷིཀྑཝེ, སུཝིདཱུརཝིདཱུརཱནི! ཀཏམཱནི ཙཏྟཱརི? ནབྷཉྩ, བྷིཀྑཝེ, པཐཝཱི ཙ – ཨིདཾ པཋམཾ སུཝིདཱུརཝིདཱུརཾ…པེ… ཏསྨཱ སཏཾ དྷམྨོ ཨསབྦྷི ཨཱརཀཱ’’ཏི. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཀུསལཱཀུསལཱ སཱཝཛྫཱནཝཛྫཱ ཧཱིནཔཎཱིཏཱ ཀཎྷསུཀྐསཔྤཊིབྷཱགཱ དྷམྨཱ སམྨུཁཱིབྷཱཝཾ ཨཱགཙྪནྟཱི’’ཏི.

༦༧༣. ན ཝཏྟབྦཾ – ‘‘སམཱཔནྣོ ཨསྶཱདེཏི, ཛྷཱནནིཀནྟི ཛྷཱནཱརམྨཎཱ’’ཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཨིདྷ, བྷིཀྑཝེ, བྷིཀྑུ ཝིཝིཙྩེཝ ཀཱམེཧི ཝིཝིཙྩ ཨཀུསལེཧི དྷམྨེཧི པཋམཾ ཛྷཱནཾ ཨུཔསམྤཛྫ ཝིཧརཏི, སོ ཏཾ ཨསྶཱདེཏི ཏཾ ནིཀཱམེཏི ཏེན ཙ ཝིཏྟིཾ ཨཱཔཛྫཏི; ཝིཏཀྐཝིཙཱརཱནཾ ཝཱུཔསམཱ…པེ… དུཏིཡཾ ཛྷཱནཾ…པེ… ཏཏིཡཾ ཛྷཱནཾ…པེ… ཙཏུཏྠཾ ཛྷཱནཾ ཨུཔསམྤཛྫ ཝིཧརཏི ¶ , སོ ཏཾ ཨསྶཱདེཏི ཏཾ ནིཀཱམེཏི ¶ ཏེན ཙ ཝིཏྟིཾ ཨཱཔཛྫཏཱི’’ཏི [ཨ. ནི. ༤.༡༢༣]! ཨཏྠེཝ སུཏྟནྟོཏི? ཨཱམནྟཱ. ཏེན ཧི སམཱཔནྣོ ཨསྶཱདེཏི, ཛྷཱནནིཀནྟི ཛྷཱནཱརམྨཎཱཏི.

སམཱཔནྣོ ཨསྶཱདེཏིཀཐཱ ནིཊྛིཏཱ.

༡༣. ཏེརསམཝགྒོ

(༡༣༣) ༨. ཨསཱཏརཱགཀཐཱ

༦༧༤. ཨཏྠི ¶ ཨསཱཏརཱགོཏི? ཨཱམནྟཱ. དུཀྑཱབྷིནནྡིནོ སཏྟཱ, ཨཏྠི ཀེཙི དུཀྑཾ པཏྠེནྟི པིཧེནྟི ཨེསནྟི གཝེསནྟི པརིཡེསནྟི, དུཀྑཾ ཨཛ྄ཛྷོསཱཡ ཏིཊྛནྟཱིཏི? ན ཧེཝཾ ¶ ཝཏྟབྦེ…པེ… ནནུ སུཁཱབྷིནནྡིནོ སཏྟཱ, ཨཏྠི ཀེཙི སུཁཾ པཏྠེནྟི པིཧེནྟི ཨེསནྟི གཝེསནྟི པརིཡེསནྟི, སུཁཾ ཨཛ྄ཛྷོསཱཡ ཏིཊྛནྟཱིཏི? ཨཱམནྟཱ. ཧཉྩི སུཁཱབྷིནནྡིནོ སཏྟཱ, ཨཏྠི ཀེཙི སུཁཾ པཏྠེནྟི པིཧེནྟི ཨེསནྟི གཝེསནྟི པརིཡེསནྟི, སུཁཾ ཨཛ྄ཛྷོསཱཡ ཏིཊྛནྟི, ནོ ཙ ཝཏ རེ ཝཏྟབྦེ – ‘‘ཨཏྠི ཨསཱཏརཱགོ’’ཏི.

ཨཏྠི ཨསཱཏརཱགོཏི? ཨཱམནྟཱ. དུཀྑཱཡ ཝེདནཱཡ རཱགཱནུསཡོ ཨནུསེཏི, སུཁཱཡ ཝེདནཱཡ པཊིགྷཱནུསཡོ ཨནུསེཏཱིཏི? ན ཧེཝཾ ཝཏྟབྦེ…པེ… ནནུ སུཁཱཡ ཝེདནཱཡ རཱགཱནུསཡོ ཨནུསེཏི, དུཀྑཱཡ ཝེདནཱཡ པཊིགྷཱནུསཡོ ཨནུསེཏཱིཏི? ཨཱམནྟཱ. ཧཉྩི སུཁཱཡ ཝེདནཱཡ རཱགཱནུསཡོ ཨནུསེཏི, དུཀྑཱཡ ཝེདནཱཡ པཊིགྷཱནུསཡོ ཨནུསེཏི, ནོ ཙ ཝཏ རེ ཝཏྟབྦེ – ‘‘ཨཏྠི ཨསཱཏརཱགོ’’ཏི.

༦༧༥. ན ¶ ཝཏྟབྦཾ – ‘‘ཨཏྠི ཨསཱཏརཱགོ’’ཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘སོ ཨེཝཾ ཨནུརོདྷཝིརོདྷཾ སམཱཔནྣོ ཡཾ ཀིཉྩི ཝེདནཾ ཝེདཡཏི སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ, སོ ཏཾ ཝེདནཾ ཨབྷིནནྡཏི ཨབྷིཝདཏི ཨཛ྄ཛྷོསཱཡ ཏིཊྛཏཱི’’ཏི [མ. ནི. ༣.༤༠༩ མཧཱཏཎྷཱསངྑཡེ]! ཨཏྠེཝ སུཏྟནྟོཏི? ཨཱམནྟཱ. ཏེན ཧི ཨཏྠི ཨསཱཏརཱགོཏི.

ཨསཱཏརཱགཀཐཱ ནིཊྛིཏཱ.

༡༣. ཏེརསམཝགྒོ

(༡༣༤) ༩. དྷམྨཏཎྷཱ ཨབྱཱཀཏཱཏིཀཐཱ

༦༧༦. དྷམྨཏཎྷཱ ¶ ¶ ཨབྱཱཀཏཱཏི? ཨཱམནྟཱ. ཝིཔཱཀཱབྱཱཀཏཱ ཀིརིཡཱབྱཱཀཏཱ རཱུཔཾ ནིབྦཱནཾ ཙཀྑཱཡཏནཾ…པེ… ཕོཊྛབྦཱཡཏནནྟི? ན ཧེཝཾ ཝཏྟབྦེ…པེ….

དྷམྨཏཎྷཱ ཨབྱཱཀཏཱཏི? ཨཱམནྟཱ. རཱུཔཏཎྷཱ ཨབྱཱཀཏཱཏི? ན ཧེཝཾ ཝཏྟབྦེ ¶ …པེ… དྷམྨཏཎྷཱ ཨབྱཱཀཏཱཏི? ཨཱམནྟཱ. སདྡཏཎྷཱ…པེ… གནྡྷཏཎྷཱ…པེ… རསཏཎྷཱ…པེ… ཕོཊྛབྦཏཎྷཱ ཨབྱཱཀཏཱཏི? ན ཧེཝཾ ཝཏྟབྦེ…པེ….

རཱུཔཏཎྷཱ ཨཀུསལཱཏི? ཨཱམནྟཱ. དྷམྨཏཎྷཱ ཨཀུསལཱཏི? ན ཧེཝཾ ཝཏྟབྦེ…པེ… སདྡཏཎྷཱ…པེ… ཕོཊྛབྦཏཎྷཱ ཨཀུསལཱཏི? ཨཱམནྟཱ. དྷམྨཏཎྷཱ ཨཀུསལཱཏི? ན ¶ ཧེཝཾ ཝཏྟབྦེ…པེ….

༦༧༧. དྷམྨཏཎྷཱ ཨབྱཱཀཏཱཏི? ཨཱམནྟཱ. ནནུ ཏཎྷཱ ཨཀུསལཱ ཝུཏྟཱ བྷགཝཏཱཏི? ཨཱམནྟཱ. ཧཉྩི ཏཎྷཱ ཨཀུསལཱ ཝུཏྟཱ བྷགཝཏཱ, ནོ ཙ ཝཏ རེ ཝཏྟབྦེ – ‘‘དྷམྨཏཎྷཱ ཨབྱཱཀཏཱ’’ཏི.

དྷམྨཏཎྷཱ ཨབྱཱཀཏཱཏི? ཨཱམནྟཱ. ནནུ ལོབྷོ ཨཀུསལོ ཝུཏྟོ བྷགཝཏཱ, དྷམྨཏཎྷཱ ལོབྷོཏི? ཨཱམནྟཱ. ཧཉྩི ལོབྷོ ཨཀུསལོ ཝུཏྟོ བྷགཝཏཱ, དྷམྨཏཎྷཱ ལོབྷོ, ནོ ཙ ཝཏ རེ ཝཏྟབྦེ – ‘‘དྷམྨཏཎྷཱ ཨབྱཱཀཏཱ’’ཏི.

༦༧༨. དྷམྨཏཎྷཱ ལོབྷོ ཨབྱཱཀཏོཏི? ཨཱམནྟཱ ¶ . རཱུཔཏཎྷཱ ལོབྷོ ཨབྱཱཀཏོཏི? ན ཧེཝཾ ཝཏྟབྦེ…པེ… དྷམྨཏཎྷཱ ལོབྷོ ཨབྱཱཀཏོཏི? ཨཱམནྟཱ. སདྡཏཎྷཱ…པེ… ཕོཊྛབྦཏཎྷཱ ལོབྷོ ཨབྱཱཀཏོཏི? ན ཧེཝཾ ཝཏྟབྦེ…པེ….

རཱུཔཏཎྷཱ ལོབྷོ ཨཀུསལོཏི? ཨཱམནྟཱ. དྷམྨཏཎྷཱ ལོབྷོ ཨཀུསལོཏི? ན ཧེཝཾ ཝཏྟབྦེ…པེ… སདྡཏཎྷཱ…པེ… ཕོཊྛབྦཏཎྷཱ ལོབྷོ ཨཀུསལོཏི? ཨཱམནྟཱ. དྷམྨཏཎྷཱ ལོབྷོ ཨཀུསལོཏི? ན ཧེཝཾ ཝཏྟབྦེ…པེ….

༦༧༩. དྷམྨཏཎྷཱ ¶ ཨབྱཱཀཏཱཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཡཱཡཾ ཏཎྷཱ པོནོབྦྷཝིཀཱ ནནྡཱིརཱགསཧགཏཱ ཏཏྲཏཏྲཱབྷིནནྡིནཱི, སེཡྻཐིདཾ – ཀཱམཏཎྷཱ, བྷཝཏཎྷཱ, ཝིབྷཝཏཎྷཱ’’ཏི [མཧཱཝ. ༡༤; དཱི. ནི. ༢.༤༠༠]! ཨཏྠེཝ སུཏྟནྟོཏི ¶ ? ཨཱམནྟཱ. ཏེན ཧི ན ཝཏྟབྦཾ – ‘‘དྷམྨཏཎྷཱ ཨབྱཱཀཏཱ’’ཏི.

༦༨༠. ན ¶ ཝཏྟབྦཾ – ‘‘དྷམྨཏཎྷཱ ཨབྱཱཀཏཱ’’ཏི? ཨཱམནྟཱ. ནནུ སཱ དྷམྨཏཎྷཱཏི? ཨཱམནྟཱ. ཧཉྩི སཱ དྷམྨཏཎྷཱ, ཏེན ཝཏ རེ ཝཏྟབྦེ – ‘‘དྷམྨཏཎྷཱ ཨབྱཱཀཏཱ’’ཏི.

དྷམྨཏཎྷཱ ཨབྱཱཀཏཱཏིཀཐཱ ནིཊྛིཏཱ.

༡༣. ཏེརསམཝགྒོ

(༡༣༥) ༡༠. དྷམྨཏཎྷཱ ན དུཀྑསམུདཡོཏིཀཐཱ

༦༨༡. དྷམྨཏཎྷཱ ¶ ན དུཀྑསམུདཡོཏི? ཨཱམནྟཱ. རཱུཔཏཎྷཱ ན དུཀྑསམུདཡོཏི? ན ཧེཝཾ ཝཏྟབྦེ…པེ… དྷམྨཏཎྷཱ ན དུཀྑསམུདཡོཏི? ཨཱམནྟཱ. སདྡཏཎྷཱ…པེ… གནྡྷཏཎྷཱ…པེ… རསཏཎྷཱ…པེ… ཕོཊྛབྦཏཎྷཱ ན དུཀྑསམུདཡོཏི? ན ཧེཝཾ ཝཏྟབྦེ…པེ….

རཱུཔཏཎྷཱ དུཀྑསམུདཡོཏི? ཨཱམནྟཱ. དྷམྨཏཎྷཱ དུཀྑསམུདཡོཏི? ན ཧེཝཾ ཝཏྟབྦེ…པེ… སདྡཏཎྷཱ…པེ… གནྡྷཏཎྷཱ…པེ… རསཏཎྷཱ…པེ… ཕོཊྛབྦཏཎྷཱ དུཀྑསམུདཡོཏི? ཨཱམནྟཱ. དྷམྨཏཎྷཱ དུཀྑསམུདཡོཏི? ན ཧེཝཾ ཝཏྟབྦེ…པེ….

༦༨༢. དྷམྨཏཎྷཱ ན དུཀྑསམུདཡོཏི? ཨཱམནྟཱ. ནནུ ཏཎྷཱ དུཀྑསམུདཡོ ཝུཏྟོ བྷགཝཏཱཏི? ཨཱམནྟཱ. ཧཉྩི ཏཎྷཱ དུཀྑསམུདཡོ ¶ ཝུཏྟོ བྷགཝཏཱ, ནོ ཙ ཝཏ རེ ཝཏྟབྦེ – ‘‘དྷམྨཏཎྷཱ ན དུཀྑསམུདཡོ’’ཏི. དྷམྨཏཎྷཱ ན དུཀྑསམུདཡོཏི? ཨཱམནྟཱ. ནནུ ལོབྷོ དུཀྑསམུདཡོ ¶ ཝུཏྟོ བྷགཝཏཱ, དྷམྨཏཎྷཱ ལོབྷོཏི? ཨཱམནྟཱ. ཧཉྩི ལོབྷོ དུཀྑསམུདཡོ ཝུཏྟོ བྷགཝཏཱ, དྷམྨཏཎྷཱ ལོབྷོ, ནོ ཙ ཝཏ རེ ཝཏྟབྦེ – ‘‘དྷམྨཏཎྷཱ ན དུཀྑསམུདཡོ’’ཏི.

༦༨༣. དྷམྨཏཎྷཱ ལོབྷོ, ན དུཀྑསམུདཡོཏི? ཨཱམནྟཱ. རཱུཔཏཎྷཱ ལོབྷོ, ན དུཀྑསམུདཡོཏི ¶ ? ན ཧེཝཾ ཝཏྟབྦེ…པེ… དྷམྨཏཎྷཱ ¶ ལོབྷོ, ན དུཀྑསམུདཡོཏི? ཨཱམནྟཱ. སདྡཏཎྷཱ…པེ… གནྡྷཏཎྷཱ…པེ… རསཏཎྷཱ…པེ… ཕོཊྛབྦཏཎྷཱ ལོབྷོ, ན དུཀྑསམུདཡོཏི? ན ཧེཝཾ ཝཏྟབྦེ…པེ….

རཱུཔཏཎྷཱ ལོབྷོ དུཀྑསམུདཡོཏི? ཨཱམནྟཱ. དྷམྨཏཎྷཱ ལོབྷོ དུཀྑསམུདཡོཏི? ན ཧེཝཾ ཝཏྟབྦེ…པེ… སདྡཏཎྷཱ…པེ… ཕོཊྛབྦཏཎྷཱ ལོབྷོ དུཀྑསམུདཡོཏི? ཨཱམནྟཱ. དྷམྨཏཎྷཱ ལོབྷོ དུཀྑསམུདཡོཏི? ན ཧེཝཾ ཝཏྟབྦེ…པེ….

༦༨༤. དྷམྨཏཎྷཱ ན དུཀྑསམུདཡོཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཡཱཡཾ ཏཎྷཱ པོནོབྦྷཝིཀཱ ནནྡཱིརཱགསཧགཏཱ ཏཏྲཏཏྲཱབྷིནནྡིནཱི, སེཡྻཐིདཾ – ཀཱམཏཎྷཱ, བྷཝཏཎྷཱ, ཝིབྷཝཏཎྷཱ’’ཏི! ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘དྷམྨཏཎྷཱ ན དུཀྑསམུདཡོ’’ཏི.

༦༨༥. ན ¶ ཝཏྟབྦཾ – ‘‘དྷམྨཏཎྷཱ ན དུཀྑསམུདཡོ’’ཏི? ཨཱམནྟཱ. ནནུ སཱ དྷམྨཏཎྷཱཏི? ཨཱམནྟཱ. ཧཉྩི སཱ དྷམྨཏཎྷཱ, ཏེན ཝཏ རེ ཝཏྟབྦེ – ‘‘དྷམྨཏཎྷཱ ན དུཀྑསམུདཡོ’’ཏི.

དྷམྨཏཎྷཱ ན དུཀྑསམུདཡོཏིཀཐཱ ནིཊྛིཏཱ.

ཏེརསམཝགྒོ.

ཏསྶུདྡཱནཾ –

ཀཔྤཊྛོ ¶ ཀཔྤཾ ཏིཊྛེཡྻ, ཀཔྤཊྛོ ཀུསལཾ ཙིཏྟཾ ན པཊིལབྷེཡྻ, ཨནནྟརཱཔཡུཏྟོ པུགྒལོ སམྨཏྟནིཡཱམཾ ཨོཀྐམེཡྻ, ནིཡཏོ ནིཡཱམཾ ཨོཀྐམཏི, ནིཝུཏོ ནཱིཝརཎཾ ཛཧཏི, སམྨུཁཱིབྷཱུཏོ སཾཡོཛནཾ ཛཧཏི, ཛྷཱནནིཀནྟི, ཨསཱཏརཱགོ, དྷམྨཏཎྷཱ ཨབྱཱཀཏཱ, དྷམྨཏཎྷཱ ན དུཀྑསམུདཡོཏི.

༡༤. ཙུདྡསམཝགྒོ

(༡༣༦) ༡. ཀུསལཱཀུསལཔཊིསནྡཧནཀཐཱ

༦༨༦. ཨཀུསལམཱུལཾ ¶ ¶ ¶ པཊིསནྡཧཏི ཀུསལམཱུལནྟི? ཨཱམནྟཱ. ཡཱ ཨཀུསལསྶ ཨུཔྤཱདཱཡ ཨཱཝཊྚནཱ…པེ… པཎིདྷི, སཱཝ ཀུསལསྶ ཨུཔྤཱདཱཡ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ….

ཨཀུསལམཱུལཾ པཊིསནྡཧཏི ཀུསལམཱུལཾ, ན ཝཏྟབྦཾ – ‘‘ཡཱ ཨཀུསལསྶ ཨུཔྤཱདཱཡ ཨཱཝཊྚནཱ…པེ… པཎིདྷི, སཱཝ ཀུསལསྶ ཨུཔྤཱདཱཡ ཨཱཝཊྚནཱ…པེ… པཎིདྷཱི’’ཏི? ཨཱམནྟཱ. ཀུསལཾ ཨནཱཝཊྚེནྟསྶ [ཨནཱཝཊྚནྟསྶ (སཱི. པཱི. ཀ.), ཨནཱཝཛྫནྟསྶ (སྱཱ. ཀཾ.)] ཨུཔྤཛྫཏི ¶ …པེ… ཨཔྤཎིདཧནྟསྶ ཨུཔྤཛྫཏཱིཏི? ན ཧེཝཾ ཝཏྟབྦེ…པེ… ནནུ ཀུསལཾ ཨཱཝཊྚེནྟསྶ ཨུཔྤཛྫཏི…པེ… པཎིདཧནྟསྶ ཨུཔྤཛྫཏཱིཏི? ཨཱམནྟཱ. ཧཉྩི ཀུསལཾ ཨཱཝཊྚེནྟསྶ ཨུཔྤཛྫཏི…པེ… པཎིདཧནྟསྶ ཨུཔྤཛྫཏི, ནོ ཙ ཝཏ རེ ཝཏྟབྦེ – ‘‘ཨཀུསལམཱུལཾ པཊིསནྡཧཏི ཀུསལམཱུལ’’ནྟི.

༦༨༧. ཨཀུསལམཱུལཾ པཊིསནྡཧཏི ཀུསལམཱུལནྟི? ཨཱམནྟཱ. ཨཀུསལམཱུལཾ ཨཡོནིསོ མནསིཀརོཏོ ཨུཔྤཛྫཏཱིཏི? ཨཱམནྟཱ. ཀུསལཾ ཨཡོནིསོ མནསིཀརོཏོ ཨུཔྤཛྫཏཱིཏི? ན ཧེཝཾ ཝཏྟབྦེ…པེ… ནནུ ཀུསལཾ ཡོནིསོ མནསིཀརོཏོ ཨུཔྤཛྫཏཱིཏི? ཨཱམནྟཱ. ཧཉྩི ཀུསལཾ ཡོནིསོ མནསིཀརོཏོ ཨུཔྤཛྫཏི, ནོ ཙ ཝཏ རེ ཝཏྟབྦེ – ‘‘ཨཀུསལམཱུལཾ པཊིསནྡཧཏི ཀུསལམཱུལ’’ནྟི.

ཨཀུསལམཱུལཾ པཊིསནྡཧཏི ཀུསལམཱུལནྟི? ཨཱམནྟཱ. ཀཱམསཉྙཱཡ ཨནནྟརཱ ནེཀྑམྨསཉྙཱ ཨུཔྤཛྫཏི, བྱཱཔཱདསཉྙཱཡ ཨནནྟརཱ ཨབྱཱཔཱདསཉྙཱ ཨུཔྤཛྫཏི, ཝིཧིཾསཱསཉྙཱཡ ཨནནྟརཱ ཨཝིཧིཾསཱསཉྙཱ ཨུཔྤཛྫཏི, བྱཱཔཱདསྶ ¶ ཨནནྟརཱ མེཏྟཱ ཨུཔྤཛྫཏི, ཝིཧིཾསཱཡ ཨནནྟརཱ ཀརུཎཱ ཨུཔྤཛྫཏི, ཨརཏིཡཱ ཨནནྟརཱ མུདིཏཱ ཨུཔྤཛྫཏི, པཊིགྷསྶ ཨནནྟརཱ ཨུཔེཀྑཱ ཨུཔྤཛྫཏཱིཏི? ན ཧེཝཾ ཝཏྟབྦེ…པེ….

༦༨༨. ཀུསལམཱུལཾ ¶ པཊིསནྡཧཏི ཨཀུསལམཱུལནྟི? ཨཱམནྟཱ. ཡཱ ཀུསལསྶ ཨུཔྤཱདཱཡ ཨཱཝཊྚནཱ…པེ… པཎིདྷི, སཱཝ ཨཀུསལསྶ ཨུཔྤཱདཱཡ ¶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ….

ཀུསལམཱུལཾ ¶ པཊིསནྡཧཏི ཨཀུསལམཱུལཾ, ན ཝཏྟབྦཾ – ‘‘ཡཱ ཀུསལསྶ ཨུཔྤཱདཱཡ ཨཱཝཊྚནཱ…པེ… པཎིདྷི, སཱཝ ཨཀུསལསྶ ཨུཔྤཱདཱཡ ཨཱཝཊྚནཱ…པེ… པཎིདྷཱི’’ཏི? ཨཱམནྟཱ. ཨཀུསལཾ ཨནཱཝཊྚེནྟསྶ ཨུཔྤཛྫཏི…པེ… ཨཔྤཎིདཧནྟསྶ ཨུཔྤཛྫཏཱིཏི? ན ཧེཝཾ ཝཏྟབྦེ…པེ… ནནུ ཨཀུསལཾ ཨཱཝཊྚེནྟསྶ ཨུཔྤཛྫཏི…པེ… པཎིདཧནྟསྶ ཨུཔྤཛྫཏཱིཏི? ཨཱམནྟཱ. ཧཉྩི ཨཀུསལཾ ཨཱཝཊྚེནྟསྶ ཨུཔྤཛྫཏི…པེ… པཎིདཧནྟསྶ ཨུཔྤཛྫཏི, ནོ ཙ ཝཏ རེ ཝཏྟབྦེ – ‘‘ཀུསལམཱུལཾ པཊིསནྡཧཏི ཨཀུསལམཱུལ’’ནྟི.

༦༨༩. ཀུསལམཱུལཾ པཊིསནྡཧཏི ཨཀུསལམཱུལནྟི? ཨཱམནྟཱ. ཀུསལཾ ཡོནིསོ མནསིཀརོཏོ ཨུཔྤཛྫཏཱིཏི? ཨཱམནྟཱ. ཨཀུསལཾ ཡོནིསོ མནསིཀརོཏོ ཨུཔྤཛྫཏཱིཏི? ན ཧེཝཾ ཝཏྟབྦེ…པེ… ནནུ ཨཀུསལཾ ཨཡོནིསོ མནསིཀརོཏོ ཨུཔྤཛྫཏཱིཏི? ཨཱམནྟཱ. ཧཉྩི ཨཀུསལཾ ཨཡོནིསོ མནསིཀརོཏོ ཨུཔྤཛྫཏི, ནོ ཙ ཝཏ རེ ཝཏྟབྦེ – ‘‘ཀུསལམཱུལཾ པཊིསནྡཧཏི ཨཀུསལམཱུལ’’ནྟི.

ཀུསལམཱུལཾ པཊིསནྡཧཏི ཨཀུསལམཱུལནྟི? ཨཱམནྟཱ. ནེཀྑམྨསཉྙཱཡ ཨནནྟརཱ ཀཱམསཉྙཱ ཨུཔྤཛྫཏི, ཨབྱཱཔཱདསཉྙཱཡ ¶ ཨནནྟརཱ བྱཱཔཱདསཉྙཱ ཨུཔྤཛྫཏི, ཨཝིཧིཾསཱསཉྙཱཡ ཨནནྟརཱ ཝིཧིཾསཱསཉྙཱ ཨུཔྤཛྫཏི, མེཏྟཱཡ ཨནནྟརཱ བྱཱཔཱདོ ཨུཔྤཛྫཏི, ཀརུཎཱཡ ཨནནྟརཱ ཝིཧིཾསཱ ཨུཔྤཛྫཏི, མུདིཏཱཡ ཨནནྟརཱ ཨརཏི ¶ ཨུཔྤཛྫཏི, ཨུཔེཀྑཱཡ ཨནནྟརཱ པཊིགྷཾ ཨུཔྤཛྫཏཱིཏི? ན ཧེཝཾ ཝཏྟབྦེ…པེ….

༦༩༠. ན ཝཏྟབྦཾ – ‘‘ཨཀུསལམཱུལཾ པཊིསནྡཧཏི ཀུསལམཱུལཾ, ཀུསལམཱུལཾ པཊིསནྡཧཏི ཨཀུསལམཱུལ’’ནྟི? ཨཱམནྟཱ. ནནུ ཡསྨིཾཡེཝ ཝཏྠུསྨིཾ རཛྫཏི ཏསྨིཉྙེཝ ཝཏྠུསྨིཾ ཝིརཛྫཏི, ཡསྨིཾཡེཝ ཝཏྠུསྨིཾ ཝིརཛྫཏི ཏསྨིཉྙེཝ ཝཏྠུསྨིཾ རཛྫཏཱིཏི? ཨཱམནྟཱ. ཧཉྩི ཡསྨིཉྙེཝ ཝཏྠུསྨིཾ རཛྫཏི ཏསྨིཉྙེཝ ཝཏྠུསྨིཾ ཝིརཛྫཏི, ཡསྨིཉྙེཝ ཝཏྠུསྨིཾ ཝིརཛྫཏི ཏསྨིཉྙེཝ ¶ ཝཏྠུསྨིཾ རཛྫཏི, ཏེན ཝཏ རེ ཝཏྟབྦེ – ‘‘ཨཀུསལམཱུལཾ པཊིསནྡཧཏི ཀུསལམཱུལཾ, ཀུསལམཱུལཾ པཊིསནྡཧཏི ཨཀུསལམཱུལ’’ནྟི.

ཀུསལཱཀུསལཔཊིསནྡཧནཀཐཱ ནིཊྛིཏཱ.

༡༤. ཙུདྡསམཝགྒོ

(༡༣༧) ༢. སལཱ༹ཡཏནུཔྤཏྟིཀཐཱ

༦༩༡. སལཱ༹ཡཏནཾ ¶ ཨཔུབྦཾ ཨཙརིམཾ མཱཏུཀུཙྪིསྨིཾ སཎྛཱཏཱིཏི? ཨཱམནྟཱ. སབྦངྒཔཙྩངྒཱི ཨཧཱིནིནྡྲིཡོ མཱཏུཀུཙྪིསྨིཾ ཨོཀྐམཏཱིཏི? ན ཧེཝཾ ཝཏྟབྦེ…པེ….

ཨུཔཔཏྟེསིཡེན ཙིཏྟེན ཙཀྑཱཡཏནཾ སཎྛཱཏཱིཏི? ཨཱམནྟཱ. ཨུཔཔཏྟེསིཡེན ཙིཏྟེན ཧཏྠཱ སཎྛནྟི, པཱདཱ སཎྛནྟི, སཱིསཾ སཎྛཱཏི, ཀཎྞོ སཎྛཱཏི, ནཱསིཀཱ སཎྛཱཏི, མུཁཾ སཎྛཱཏི, དནྟཱ སཎྛནྟཱིཏི? ན ཧེཝཾ ཝཏྟབྦེ…པེ….

ཨུཔཔཏྟེསིཡེན ¶ ¶ ཙིཏྟེན སོཏཱཡཏནཾ…པེ… གྷཱནཱཡཏནཾ…པེ… ཛིཝ྄ཧཱཡཏནཾ སཎྛཱཏཱིཏི? ཨཱམནྟཱ. ཨུཔཔཏྟེསིཡེན ཙིཏྟེན ཧཏྠཱ སཎྛནྟི, པཱདཱ སཎྛནྟི, སཱིསཾ སཎྛཱཏི, ཀཎྞོ སཎྛཱཏི, ནཱསིཀཱ སཎྛཱཏི, མུཁཾ སཎྛཱཏི, དནྟཱ སཎྛནྟཱིཏི? ན ཧེཝཾ ཝཏྟབྦེ…པེ….

༦༩༢. མཱཏུཀུཙྪིགཏསྶ པཙྪཱ ཙཀྑཱཡཏནཾ ཨུཔྤཛྫཏཱིཏི? ཨཱམནྟཱ. མཱཏུཀུཙྪིསྨིཾ ཙཀྑུཔཊིལཱབྷཱཡ ཀམྨཾ ཀརོཏཱིཏི? ན ཧེཝཾ ཝཏྟབྦེ…པེ… མཱཏུཀུཙྪིགཏསྶ པཙྪཱ སོཏཱཡཏནཾ…པེ… གྷཱནཱཡཏནཾ…པེ… ཛིཝ྄ཧཱཡཏནཾ ཨུཔྤཛྫཏཱིཏི? ཨཱམནྟཱ. མཱཏུཀུཙྪིསྨིཾ ཛིཝ྄ཧཱཔཊིལཱབྷཱཡ ཀམྨཾ ཀརོཏཱིཏི? ན ཧེཝཾ ཝཏྟབྦེ…པེ….

མཱཏུཀུཙྪིགཏསྶ ¶ པཙྪཱ ཀེསཱ ལོམཱ ནཁཱ དནྟཱ ཨཊྛཱི ཨུཔྤཛྫནྟཱིཏི? ཨཱམནྟཱ. མཱཏུཀུཙྪིསྨིཾ ཨཊྛིཔཊིལཱབྷཱཡ ཀམྨཾ ཀརོཏཱིཏི? ན ཧེཝཾ ཝཏྟབྦེ…པེ….

ན ཝཏྟབྦཾ – ‘‘མཱཏུཀུཙྪིགཏསྶ པཙྪཱ ཀེསཱ ལོམཱ ནཁཱ དནྟཱ ཨཊྛཱི ཨུཔྤཛྫནྟཱི’’ཏི? ཨཱམནྟཱ. ནནུ ཝུཏྟཾ བྷགཝཏཱ –

‘‘པཋམཾ ཀལལཾ ཧོཏི, ཀལལཱ ཧོཏི ཨབྦུདཾ;

ཨབྦུདཱ ཛཱཡཏེ པེསི [པེསཱི (སྱཱ. ཀཾ. པཱི.)], པེསི ནིབྦཏྟཏེ [ནིབྦཏྟཏཱི (སཱི. སྱཱ., སཾ. ནི. ༡.༢༣༥), ནིབྦཏྟཏི (པཱི. ཀ.)] གྷནོ;

གྷནཱ པསཱཁཱ ཛཱཡནྟི, ཀེསཱ ལོམཱ ནཁཱཔི ཙ.

‘‘ཡཉྩསྶ ¶ བྷུཉྫཏི མཱཏཱ, ཨནྣཾ པཱནཉྩ བྷོཛནཾ;

ཏེན སོ ཏཏྠ ཡཱཔེཏི, མཱཏུཀུཙྪིགཏོ ནརོ’’ཏི [སཾ. ནི. ༡.༢༣༥].

ཨཏྠེཝ ¶ སུཏྟནྟོཏི? ཨཱམནྟཱ. ཏེན ཧི མཱཏུཀུཙྪིགཏསྶ པཙྪཱ ཀེསཱ ལོམཱ ནཁཱ དནྟཱ ཨཊྛཱི ཨུཔྤཛྫནྟཱིཏི.

སལཱ༹ཡཏནུཔྤཏྟིཀཐཱ ནིཊྛིཏཱ.

༡༤. ཙུདྡསམཝགྒོ

(༡༣༨) ༣. ཨནནྟརཔཙྩཡཀཐཱ

༦༩༣. ཙཀྑུཝིཉྙཱཎསྶ ¶ ཨནནྟརཱ སོཏཝིཉྙཱཎཾ ཨུཔྤཛྫཏཱིཏི? ཨཱམནྟཱ. ཡཱ ཙཀྑུཝིཉྙཱཎསྶ ཨུཔྤཱདཱཡ ཨཱཝཊྚནཱ…པེ… པཎིདྷི, སཱཝ སོཏཝིཉྙཱཎསྶ ཨུཔྤཱདཱཡ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ….

ཙཀྑུཝིཉྙཱཎསྶ ¶ ཨནནྟརཱ སོཏཝིཉྙཱཎཾ ཨུཔྤཛྫཏི, ན ཝཏྟབྦཾ – ‘‘ཡཱ ཙཀྑུཝིཉྙཱཎསྶ ཨུཔྤཱདཱཡ ཨཱཝཊྚནཱ…པེ… པཎིདྷི, སཱཝ སོཏཝིཉྙཱཎསྶ ཨུཔྤཱདཱཡ ཨཱཝཊྚནཱ…པེ… པཎིདྷཱིཏི? ཨཱམནྟཱ. སོཏཝིཉྙཱཎཾ ཨནཱཝཊྚེནྟསྶ ཨུཔྤཛྫཏི…པེ… ཨཔྤཎིདཧནྟསྶ ཨུཔྤཛྫཏཱིཏི? ན ཧེཝཾ ཝཏྟབྦེ…པེ…. ནནུ སོཏཝིཉྙཱཎཾ ཨཱཝཊྚེནྟསྶ ཨུཔྤཛྫཏི…པེ… པཎིདཧནྟསྶ ཨུཔྤཛྫཏཱིཏི, ཨཱམནྟཱ. ཧཉྩི སོཏཝིཉྙཱཎཾ ཨཱཝཊྚེནྟསྶ ཨུཔྤཛྫཏི…པེ… པཎིདཧནྟསྶ ཨུཔྤཛྫཏི, ནོ ཙ ཝཏ རེ ཝཏྟབྦེ – ‘‘ཙཀྑུཝིཉྙཱཎསྶ ཨནནྟརཱ སོཏཝིཉྙཱཎཾ ཨུཔྤཛྫཏཱི’’ཏི.

༦༩༤. ཙཀྑུཝིཉྙཱཎསྶ ཨནནྟརཱ སོཏཝིཉྙཱཎཾ ཨུཔྤཛྫཏཱིཏི? ཨཱམནྟཱ. ཙཀྑུཝིཉྙཱཎཾ རཱུཔནིམིཏྟཾ མནསིཀརོཏོ ཨུཔྤཛྫཏཱིཏི ¶ ? ཨཱམནྟཱ. སོཏཝིཉྙཱཎཾ རཱུཔནིམིཏྟཾ མནསིཀརོཏོ ཨུཔྤཛྫཏཱིཏི? ན ཧེཝཾ ཝཏྟབྦེ…པེ….

ཙཀྑུཝིཉྙཱཎཾ རཱུཔཱརམྨཎཉྙེཝ ན ཨཉྙཱརམྨཎནྟི? ཨཱམནྟཱ. སོཏཝིཉྙཱཎཾ རཱུཔཱརམྨཎཉྙེཝ ན ཨཉྙཱརམྨཎནྟི? ན ཧེཝཾ ཝཏྟབྦེ…པེ….

ཙཀྑུཉྩ པཊིཙྩ རཱུཔེ ཙ ཨུཔྤཛྫཏི ཙཀྑུཝིཉྙཱཎནྟི? ཨཱམནྟཱ. ཙཀྑུཉྩ ¶ པཊིཙྩ རཱུཔེ ཙ ཨུཔྤཛྫཏི སོཏཝིཉྙཱཎནྟི? ན ཧེཝཾ ཝཏྟབྦེ…པེ….

ཙཀྑུཉྩ ¶ པཊིཙྩ རཱུཔེ ཙ ཨུཔྤཛྫཏི སོཏཝིཉྙཱཎནྟི? ཨཱམནྟཱ. ‘‘ཙཀྑུཉྩ པཊིཙྩ རཱུཔེ ཙ ཨུཔྤཛྫཏི སོཏཝིཉྙཱཎ’’ནྟི – ཨཏྠེཝ སུཏྟནྟོཏི? ནཏྠི. ‘‘ཙཀྑུཉྩ པཊིཙྩ རཱུཔེ ཙ ཨུཔྤཛྫཏི ཙཀྑུཝིཉྙཱཎ’’ནྟི – ཨཏྠེཝ སུཏྟནྟོཏི? ཨཱམནྟཱ. ཧཉྩི ‘‘ཙཀྑུཉྩ པཊིཙྩ རཱུཔེ ཙ ཨུཔྤཛྫཏི ཙཀྑུཝིཉྙཱཎ’’ནྟི – ཨཏྠེཝ སུཏྟནྟོ, ནོ ཙ ཝཏ རེ ཝཏྟབྦེ – ‘‘ཙཀྑུཉྩ པཊིཙྩ རཱུཔེ ཙ ཨུཔྤཛྫཏི སོཏཝིཉྙཱཎ’’ནྟི.

ཙཀྑུཝིཉྙཱཎསྶ ཨནནྟརཱ སོཏཝིཉྙཱཎཾ ཨུཔྤཛྫཏཱིཏི? ཨཱམནྟཱ. ཏཉྙེཝ ཙཀྑུཝིཉྙཱཎཾ ཏཾ སོཏཝིཉྙཱཎནྟི? ན ཧེཝཾ ཝཏྟབྦེ…པེ….

༦༩༥. སོཏཝིཉྙཱཎསྶ ཨནནྟརཱ གྷཱནཝིཉྙཱཎཾ ཨུཔྤཛྫཏི…པེ… གྷཱནཝིཉྙཱཎསྶ ཨནནྟརཱ ¶ ཛིཝ྄ཧཱཝིཉྙཱཎཾ ཨུཔྤཛྫཏི…པེ… ཛིཝ྄ཧཱཝིཉྙཱཎསྶ ཨནནྟརཱ ཀཱཡཝིཉྙཱཎཾ ཨུཔྤཛྫཏཱིཏི? ཨཱམནྟཱ. ཡཱ ཛིཝ྄ཧཱཝིཉྙཱཎསྶ ཨུཔྤཱདཱཡ ཨཱཝཊྚནཱ…པེ… པཎིདྷི, སཱཝ ཀཱཡཝིཉྙཱཎསྶ ཨུཔྤཱདཱཡ ཨཱཝཊྚནཱ…པེ… པཎིདྷཱིཏི ¶ ? ན ཧེཝཾ ཝཏྟབྦེ…པེ… ཛིཝ྄ཧཱཝིཉྙཱཎསྶ ཨནནྟརཱ ཀཱཡཝིཉྙཱཎཾ ཨུཔྤཛྫཏི, ན ཝཏྟབྦཾ – ‘‘ཡཱ ཛིཝ྄ཧཱཝིཉྙཱཎསྶ ཨུཔྤཱདཱཡ ཨཱཝཊྚནཱ…པེ… པཎིདྷི, སཱཝ ཀཱཡཝིཉྙཱཎསྶ ཨུཔྤཱདཱཡ ཨཱཝཊྚནཱ…པེ… པཎིདྷཱི’’ཏི? ཨཱམནྟཱ. ཀཱཡཝིཉྙཱཎཾ ཨནཱཝཊྚེནྟསྶ ཨུཔྤཛྫཏི…པེ… ཨཔྤཎིདཧནྟསྶ ཨུཔྤཛྫཏཱིཏི? ན ཧེཝཾ ཝཏྟབྦེ…པེ… ནནུ ཀཱཡཝིཉྙཱཎཾ ཨཱཝཊྚེནྟསྶ ཨུཔྤཛྫཏི…པེ… པཎིདཧནྟསྶ ཨུཔྤཛྫཏཱིཏི? ཨཱམནྟཱ. ཧཉྩི ཀཱཡཝིཉྙཱཎཾ ཨཱཝཊྚེནྟསྶ ཨུཔྤཛྫཏི…པེ… པཎིདཧནྟསྶ ཨུཔྤཛྫཏི, ནོ ཙ ཝཏ རེ ཝཏྟབྦེ – ‘‘ཛིཝ྄ཧཱཝིཉྙཱཎསྶ ཨནནྟརཱ ཀཱཡཝིཉྙཱཎཾ ཨུཔྤཛྫཏཱི’’ཏི.

༦༩༦. ཛིཝ྄ཧཱཝིཉྙཱཎསྶ ¶ ཨནནྟརཱ ཀཱཡཝིཉྙཱཎཾ ཨུཔྤཛྫཏཱིཏི? ཨཱམནྟཱ. ཛིཝ྄ཧཱཝིཉྙཱཎཾ རསནིམིཏྟཾ མནསིཀརོཏོ ཨུཔྤཛྫཏཱིཏི? ཨཱམནྟཱ. ཀཱཡཝིཉྙཱཎཾ རསནིམིཏྟཾ མནསིཀརོཏོ ཨུཔྤཛྫཏཱིཏི? ན ཧེཝཾ ཝཏྟབྦེ…པེ….

ཛིཝ྄ཧཱཝིཉྙཱཎཾ རསཱརམྨཎཉྙེཝ ན ཨཉྙཱརམྨཎནྟི? ཨཱམནྟཱ. ཀཱཡཝིཉྙཱཎཾ རསཱརམྨཎཉྙེཝ ན ཨཉྙཱརམྨཎནྟི? ན ཧེཝཾ ཝཏྟབྦེ…པེ….

ཛིཝ྄ཧཉྩ པཊིཙྩ རསེ ཙ ཨུཔྤཛྫཏི ཛིཝ྄ཧཱཝིཉྙཱཎནྟི? ཨཱམནྟཱ. ཛིཝ྄ཧཉྩ པཊིཙྩ རསེ ཙ ཨུཔྤཛྫཏི ཀཱཡཝིཉྙཱཎནྟི? ན ཧེཝཾ ཝཏྟབྦེ…པེ….

ཛིཝ྄ཧཉྩ པཊིཙྩ རསེ ཙ ཨུཔྤཛྫཏི ཀཱཡཝིཉྙཱཎནྟི? ཨཱམནྟཱ. ‘‘ཛིཝ྄ཧཉྩ པཊིཙྩ རསེ ཙ ཨུཔྤཛྫཏི ཀཱཡཝིཉྙཱཎ’’ནྟི – ཨཏྠེཝ ¶ སུཏྟནྟོཏི? ནཏྠི. ‘‘ཛིཝ྄ཧཉྩ ¶ པཊིཙྩ རསེ ཙ ཨུཔྤཛྫཏི ཛིཝ྄ཧཱཝིཉྙཱཎ’’ནྟི – ཨཏྠེཝ སུཏྟནྟོཏི? ཨཱམནྟཱ. ཧཉྩི ‘‘ཛིཝ྄ཧཉྩ པཊིཙྩ རསེ ཙ ཨུཔྤཛྫཏི ཛིཝ྄ཧཱཝིཉྙཱཎ’’ནྟི – ཨཏྠེཝ སུཏྟནྟོཏི, ནོ ཙ ཝཏ རེ ཝཏྟབྦེ – ‘‘ཛིཝ྄ཧཉྩ པཊིཙྩ རསེ ཙ ཨུཔྤཛྫཏི ཀཱཡཝིཉྙཱཎ’’ནྟི.

ཛིཝ྄ཧཱཝིཉྙཱཎསྶ ¶ ཨནནྟརཱ ཀཱཡཝིཉྙཱཎཾ ཨུཔྤཛྫཏཱིཏི? ཨཱམནྟཱ. ཏཉྙེཝ ཛིཝ྄ཧཱཝིཉྙཱཎཾ ཏཾ ཀཱཡཝིཉྙཱཎནྟི? ན ཧེཝཾ ཝཏྟབྦེ…པེ….

༦༩༧. ན ཝཏྟབྦཾ – ‘‘པཉྩཝིཉྙཱཎཱ ཨཉྙམཉྙསྶ སམནནྟརཱ ཨུཔྤཛྫནྟཱི’’ཏི? ཨཱམནྟཱ. ནནུ ཨཏྠི ཀོཙི ནཙྩཏི གཱཡཏི ཝཱདེཏི, རཱུཔཉྩ པསྶཏི, སདྡཉྩ ¶ སུཎཱཏི, གནྡྷཉྩ གྷཱཡཏི, རསཉྩ སཱཡཏི, ཕོཊྛབྦཉྩ ཕུསཏཱིཏི? ཨཱམནྟཱ. ཧཉྩི ཨཏྠི ཀོཙི ནཙྩཏི གཱཡཏི ཝཱདེཏི, རཱུཔཉྩ པསྶཏི, སདྡཉྩ སུཎཱཏི, གནྡྷཉྩ གྷཱཡཏི, རསཉྩ སཱཡཏི, ཕོཊྛབྦཉྩ ཕུསཏི, ཏེན ཝཏ རེ ཝཏྟབྦེ – ‘‘པཉྩཝིཉྙཱཎཱ ཨཉྙམཉྙསྶ སམནནྟརཱ ཨུཔྤཛྫནྟཱི’’ཏི.

ཨནནྟརཔཙྩཡཀཐཱ ནིཊྛིཏཱ.

༡༤. ཙུདྡསམཝགྒོ

(༡༣༩) ༤. ཨརིཡརཱུཔཀཐཱ

༦༩༨. ཨརིཡརཱུཔཾ མཧཱབྷཱུཏཱནཾ ཨུཔཱདཱཡཱཏི? ཨཱམནྟཱ. ཨརིཡརཱུཔཾ ཀུསལནྟི? ཨཱམནྟཱ. མཧཱབྷཱུཏཱ ཀུསལཱཏི? ན ཧེཝཾ ཝཏྟབྦེ ¶ …པེ… མཧཱབྷཱུཏཱ ཨབྱཱཀཏཱཏི? ཨཱམནྟཱ. ཨརིཡརཱུཔཾ ཨབྱཱཀཏནྟི? ན ཧེཝཾ ཝཏྟབྦེ…པེ… ཨརིཡརཱུཔཾ མཧཱབྷཱུཏཱནཾ ཨུཔཱདཱཡཱཏི? ཨཱམནྟཱ. ཨརིཡརཱུཔཾ ཨནཱསཝཾ ཨསཾཡོཛནིཡཾ ཨགནྠནིཡཾ ཨནོགྷནིཡཾ ཨཡོགནིཡཾ ཨནཱིཝརཎིཡཾ ཨཔརཱམཊྛཾ ཨནུཔཱདཱནིཡཾ ཨསཾཀིལེསིཡནྟི? ཨཱམནྟཱ. མཧཱབྷཱུཏཱ ཨནཱསཝཱ…པེ… ཨསཾཀིལེསིཡཱཏི? ན ཧེཝཾ ཝཏྟབྦེ…པེ… མཧཱབྷཱུཏཱ སཱསཝཱ སཾཡོཛནིཡཱ…པེ… སཾཀིལེསིཡཱཏི? ཨཱམནྟཱ. ཨརིཡརཱུཔཾ སཱསཝཾ སཾཡོཛནིཡཾ…པེ… སཾཀིལེསིཡནྟི? ན ཧེཝཾ ཝཏྟབྦེ…པེ….

༦༩༩. ན ཝཏྟབྦཾ – ‘‘ཨརིཡརཱུཔཾ མཧཱབྷཱུཏཱནཾ ཨུཔཱདཱཡཱ’’ཏི? ཨཱམནྟཱ. ནནུ ¶ ཝུཏྟཾ བྷགཝཏཱ – ‘‘ཡཾ ཀིཉྩི, བྷིཀྑཝེ, རཱུཔཾ ཙཏྟཱརི མཧཱབྷཱུཏཱནི ཙཏུནྣཉྩ མཧཱབྷཱུཏཱནཾ ¶ ཨུཔཱདཱཡརཱུཔ’’ནྟི ¶ [མ. ནི. ༡.༣༤༧; ཨ. ནི. ༡༡.༡༥]! ཨཏྠེཝ སུཏྟནྟོཏི? ཨཱམནྟཱ. ཏེན ཧི ཨརིཡརཱུཔཾ མཧཱབྷཱུཏཱནཾ ཨུཔཱདཱཡཱཏི.

ཨརིཡརཱུཔཀཐཱ ནིཊྛིཏཱ.

༡༤. ཙུདྡསམཝགྒོ

(༡༤༠) ༥. ཨཉྙོ ཨནུསཡོཏིཀཐཱ

༧༠༠. ཨཉྙོ ཀཱམརཱགཱནུསཡོ ཨཉྙཾ ཀཱམརཱགཔརིཡུཊྛཱནནྟི? ཨཱམནྟཱ. ཨཉྙོ ཀཱམརཱགོ ཨཉྙཾ ཀཱམརཱགཔརིཡུཊྛཱནནྟི ¶ ? ན ཧེཝཾ ཝཏྟབྦེ…པེ… སྭེཝ ཀཱམརཱགོ ཏཾ ཀཱམརཱགཔརིཡུཊྛཱནནྟི? ཨཱམནྟཱ. སྭེཝ ཀཱམརཱགཱནུསཡོ ཏཾ ཀཱམརཱགཔརིཡུཊྛཱནནྟི? ན ཧེཝཾ ཝཏྟབྦེ…པེ….

ཨཉྙོ པཊིགྷཱནུསཡོ ཨཉྙཾ པཊིགྷཔརིཡུཊྛཱནནྟི? ཨཱམནྟཱ. ཨཉྙཾ པཊིགྷཾ ཨཉྙཾ པཊིགྷཔརིཡུཊྛཱནནྟི? ན ཧེཝཾ ཝཏྟབྦེ…པེ… ཏཉྙེཝ པཊིགྷཾ ཏཾ པཊིགྷཔརིཡུཊྛཱནནྟི? ཨཱམནྟཱ. སྭེཝ པཊིགྷཱནུསཡོ ཏཾ པཊིགྷཔརིཡུཊྛཱནནྟི? ན ཧེཝཾ ཝཏྟབྦེ…པེ….

ཨཉྙོ མཱནཱནུསཡོ ཨཉྙཾ མཱནཔརིཡུཊྛཱནནྟི? ཨཱམནྟཱ. ཨཉྙོ མཱནོ ཨཉྙཾ མཱནཔརིཡུཊྛཱནནྟི? ན ཧེཝཾ ཝཏྟབྦེ…པེ… སྭེཝ མཱནོ ཏཾ མཱནཔརིཡུཊྛཱནནྟི? ཨཱམནྟཱ. སྭེཝ མཱནཱནུསཡོ ཏཾ མཱནཔརིཡུཊྛཱནནྟི? ན ཧེཝཾ ཝཏྟབྦེ…པེ….

ཨཉྙོ ¶ དིཊྛཱནུསཡོ ཨཉྙཾ དིཊྛིཔརིཡུཊྛཱནནྟི? ཨཱམནྟཱ. ཨཉྙཱ དིཊྛི ཨཉྙཾ དིཊྛིཔརིཡུཊྛཱནནྟི? ན ཧེཝཾ ཝཏྟབྦེ…པེ… སཱཝ དིཊྛི ཏཾ དིཊྛིཔརིཡུཊྛཱནནྟི? ཨཱམནྟཱ. སྭེཝ དིཊྛཱནུསཡོ ཏཾ དིཊྛིཔརིཡུཊྛཱནནྟི? ན ཧེཝཾ ཝཏྟབྦེ…པེ….

ཨཉྙོ ཝིཙིཀིཙྪཱནུསཡོ ཨཉྙཾ ཝིཙིཀིཙྪཱཔརིཡུཊྛཱནནྟི? ཨཱམནྟཱ. ཨཉྙཱ ཝིཙིཀིཙྪཱ ¶ ཨཉྙཾ ཝིཙིཀིཙྪཱཔརིཡུཊྛཱནནྟི? ན ཧེཝཾ ཝཏྟབྦེ…པེ… སཱཝ ཝིཙིཀིཙྪཱ ཏཾ ཝིཙིཀིཙྪཱཔརིཡུཊྛཱནནྟི? ཨཱམནྟཱ. སྭེཝ ཝིཙིཀིཙྪཱནུསཡོ ཏཾ ཝིཙིཀིཙྪཱཔརིཡུཊྛཱནནྟི? ན ཧེཝཾ ཝཏྟབྦེ…པེ….

ཨཉྙོ ¶ ¶ བྷཝརཱགཱནུསཡོ ཨཉྙཾ བྷཝརཱགཔརིཡུཊྛཱནནྟི? ཨཱམནྟཱ. ཨཉྙོ བྷཝརཱགོ ཨཉྙཾ བྷཝརཱགཔརིཡུཊྛཱནནྟི? ན ཧེཝཾ ཝཏྟབྦེ…པེ… སྭེཝ བྷཝརཱགོ ཏཾ བྷཝརཱགཔརིཡུཊྛཱནནྟི? ཨཱམནྟཱ. སྭེཝ བྷཝརཱགཱནུསཡོ ཏཾ བྷཝརཱགཔརིཡུཊྛཱནནྟི? ན ཧེཝཾ ཝཏྟབྦེ…པེ….

ཨཉྙོ ཨཝིཛྫཱནུསཡོ ཨཉྙཾ ཨཝིཛྫཱཔརིཡུཊྛཱནནྟི? ཨཱམནྟཱ. ཨཉྙཱ ཨཝིཛྫཱ ཨཉྙཾ ཨཝིཛྫཱཔརིཡུཊྛཱནནྟི? ན ཧེཝཾ ཝཏྟབྦེ…པེ… སཱཝ ཨཝིཛྫཱ ཏཾ ཨཝིཛྫཱཔརིཡུཊྛཱནནྟི? ཨཱམནྟཱ. སྭེཝ ཨཝིཛྫཱནུསཡོ ཏཾ ཨཝིཛྫཱཔརིཡུཊྛཱནནྟི? ན ཧེཝཾ ཝཏྟབྦེ…པེ….

༧༠༡. ན ཝཏྟབྦཾ – ‘‘ཨཉྙོ ཨནུསཡོ ཨཉྙཾ པརིཡུཊྛཱན’’ནྟི? ཨཱམནྟཱ ¶ . པུཐུཛྫནོ ཀུསལཱབྱཱཀཏེ ཙིཏྟེ ཝཏྟམཱནེ ‘‘སཱནུསཡོ’’ཏི ཝཏྟབྦོཏི? ཨཱམནྟཱ. ‘‘པརིཡུཊྛིཏོ’’ཏི ཝཏྟབྦོཏི? ན ཧེཝཾ ཝཏྟབྦེ. ཏེན ཧི ཨཉྙོ ཨནུསཡོ ཨཉྙཾ པརིཡུཊྛཱནནྟི. པུཐུཛྫནོ ཀུསལཱབྱཱཀཏེ ཙིཏྟེ ཝཏྟམཱནེ ‘‘སརཱགོ’’ཏི ཝཏྟབྦོཏི? ཨཱམནྟཱ. ‘‘པརིཡུཊྛིཏོ’’ཏི ཝཏྟབྦོཏི? ན ཧེཝཾ ཝཏྟབྦེ. ཏེན ཧི ཨཉྙོ རཱགོ ཨཉྙཾ པརིཡུཊྛཱནནྟི.

ཨཉྙོ ཨནུསཡོཏིཀཐཱ ནིཊྛིཏཱ.

༡༤. ཙུདྡསམཝགྒོ

(༡༤༡) ༦. པརིཡུཊྛཱནཾ ཙིཏྟཝིཔྤཡུཏྟནྟིཀཐཱ

༧༠༢. པརིཡུཊྛཱནཾ ¶ ཙིཏྟཝིཔྤཡུཏྟནྟི? ཨཱམནྟཱ. རཱུཔཾ ནིབྦཱནཾ ཙཀྑཱཡཏནཾ…པེ… ཕོཊྛབྦཱཡཏནནྟི? ན ཧེཝཾ ཝཏྟབྦེ…པེ… པརིཡུཊྛཱནཾ ཙིཏྟཝིཔྤཡུཏྟནྟི? ཨཱམནྟཱ. ནཏྠི སརཱགཾ ཙིཏྟཾ སདོསཾ ཙིཏྟཾ སམོཧཾ ¶ ཙིཏྟཾ…པེ… ཨཀུསལཾ ཙིཏྟཾ སཾཀིལིཊྛཾ ཙིཏྟནྟི? ན ཧེཝཾ ཝཏྟབྦེ…པེ… ནནུ ཨཏྠི སརཱགཾ ཙིཏྟཾ སདོསཾ ཙིཏྟཾ སམོཧཾ ཙིཏྟཾ…པེ… ཨཀུསལཾ ཙིཏྟཾ སཾཀིལིཊྛཾ ཙིཏྟནྟི? ཨཱམནྟཱ. ཧཉྩི ཨཏྠི སརཱགཾ ཙིཏྟཾ སདོསཾ ཙིཏྟཾ སམོཧཾ ཙིཏྟཾ…པེ… ཨཀུསལཾ ཙིཏྟཾ སཾཀིལིཊྛཾ ཙིཏྟཾ, ནོ ཙ ཝཏ རེ ཝཏྟབྦེ – ‘‘པརིཡུཊྛཱནཾ ཙིཏྟཝིཔྤཡུཏྟ’’ནྟི.

པརིཡུཊྛཱནཾ ཙིཏྟཝིཔྤཡུཏྟནྟིཀཐཱ ནིཊྛིཏཱ.

༡༤. ཙུདྡསམཝགྒོ

(༡༤༢) ༧. པརིཡཱཔནྣཀཐཱ

༧༠༣. རཱུཔརཱགོ ¶ ¶ རཱུཔདྷཱཏུཾ ཨནུསེཏི, རཱུཔདྷཱཏུཔརིཡཱཔནྣོཏི? ཨཱམནྟཱ. སམཱཔཏྟེསིཡོ ཨུཔཔཏྟེསིཡོ དིཊྛདྷམྨསུཁཝིཧཱརོ, སམཱཔཏྟེསིཡེན ཙིཏྟེན ཨུཔཔཏྟེསིཡེན ཙིཏྟེན དིཊྛདྷམྨསུཁཝིཧཱརེན ཙིཏྟེན སཧགཏོ སཧཛཱཏོ སཾསཊྛོ སམྤཡུཏྟོ ཨེཀུཔྤཱདོ ཨེཀནིརོདྷོ ཨེཀཝཏྠུཀོ ཨེཀཱརམྨཎོཏི? ན ཧེཝཾ ཝཏྟབྦེ…པེ… ནནུ ¶ ན སམཱཔཏྟེསིཡོ ན ཨུཔཔཏྟེསིཡོ ན དིཊྛདྷམྨསུཁཝིཧཱརོ, ན སམཱཔཏྟེསིཡེན ཙིཏྟེན ན ཨུཔཔཏྟེསིཡེན ཙིཏྟེན ན དིཊྛདྷམྨསུཁཝིཧཱརེན ཙིཏྟེན སཧགཏོ སཧཛཱཏོ སཾསཊྛོ སམྤཡུཏྟོ ཨེཀུཔྤཱདོ ཨེཀནིརོདྷོ ཨེཀཝཏྠུཀོ ཨེཀཱརམྨཎོཏི? ཨཱམནྟཱ. ཧཉྩི ན སམཱཔཏྟེསིཡོ ན ཨུཔཔཏྟེསིཡོ ན དིཊྛདྷམྨསུཁཝིཧཱརོ…པེ… ཨེཀཱརམྨཎོ, ནོ ཙ ཝཏ རེ ཝཏྟབྦེ – ‘‘རཱུཔརཱགོ རཱུཔདྷཱཏུཾ ཨནུསེཏི, རཱུཔདྷཱཏུཔརིཡཱཔནྣོ’’ཏི…པེ….

རཱུཔརཱགོ རཱུཔདྷཱཏུཾ ཨནུསེཏི, རཱུཔདྷཱཏུཔརིཡཱཔནྣོཏི? ཨཱམནྟཱ. སདྡརཱགོ སདྡདྷཱཏུཾ ཨནུསེཏི, སདྡདྷཱཏུཔརིཡཱཔནྣོཏི? ན ཧེཝཾ ཝཏྟབྦེ…པེ… རཱུཔརཱགོ རཱུཔདྷཱཏུཾ ཨནུསེཏི, རཱུཔདྷཱཏུཔརིཡཱཔནྣོཏི? ཨཱམནྟཱ. གནྡྷརཱགོ…པེ… རསརཱགོ…པེ… ཕོཊྛབྦརཱགོ ཕོཊྛབྦདྷཱཏུཾ ཨནུསེཏི, ཕོཊྛབྦདྷཱཏུཔརིཡཱཔནྣོཏི? ན ཧེཝཾ ཝཏྟབྦེ…པེ….

སདྡརཱགོ ¶ སདྡདྷཱཏུཾ ཨནུསེཏི, ན ཝཏྟབྦཾ – ‘‘སདྡདྷཱཏུཔརིཡཱཔནྣོ’’ཏི? ཨཱམནྟཱ. རཱུཔརཱགོ རཱུཔདྷཱཏུཾ ཨནུསེཏི, ན ཝཏྟབྦཾ – ‘‘རཱུཔདྷཱཏུཔརིཡཱཔནྣོ’’ཏི? ན ཧེཝཾ ཝཏྟབྦེ…པེ… གནྡྷརཱགོ…པེ… རསརཱགོ…པེ… ཕོཊྛབྦརཱགོ ¶ ཕོཊྛབྦདྷཱཏུཾ ཨནུསེཏི, ན ཝཏྟབྦཾ – ‘‘ཕོཊྛབྦདྷཱཏུཔརིཡཱཔནྣོ’’ཏི? ཨཱམནྟཱ. རཱུཔརཱགོ རཱུཔདྷཱཏུཾ ཨནུསེཏི, ན ཝཏྟབྦཾ – ‘‘རཱུཔདྷཱཏུཔརིཡཱཔནྣོ’’ཏི? ན ཧེཝཾ ཝཏྟབྦེ…པེ….

༧༠༤. ཨརཱུཔརཱགོ ཨརཱུཔདྷཱཏུཾ ཨནུསེཏི, ཨརཱུཔདྷཱཏུཔརིཡཱཔནྣོཏི? ཨཱམནྟཱ ¶ . སམཱཔཏྟེསིཡོ ཨུཔཔཏྟེསིཡོ དིཊྛདྷམྨསུཁཝིཧཱརོ, སམཱཔཏྟེསིཡེན ཙིཏྟེན ཨུཔཔཏྟེསིཡེན ཙིཏྟེན དིཊྛདྷམྨསུཁཝིཧཱརེན ཙིཏྟེན སཧགཏོ སཧཛཱཏོ སཾསཊྛོ སམྤཡུཏྟོ ཨེཀུཔྤཱདོ ཨེཀནིརོདྷོ ཨེཀཝཏྠུཀོ ¶ ཨེཀཱརམྨཎོཏི? ན ཧེཝཾ ཝཏྟབྦེ…པེ…. ནནུ ན སམཱཔཏྟེསིཡོ ན ཨུཔཔཏྟེསིཡོ ན དིཊྛདྷམྨསུཁཝིཧཱརོ, ན སམཱཔཏྟེསིཡེན ཙིཏྟེན…པེ… ཨེཀཱརམྨཎོཏི? ཨཱམནྟཱ. ཧཉྩི ན སམཱཔཏྟེསིཡོ ན ཨུཔཔཏྟེསིཡོ…པེ… ཨེཀཱརམྨཎོ, ནོ ཙ ཝཏ རེ ཝཏྟབྦེ – ‘‘ཨརཱུཔརཱགོ ཨརཱུཔདྷཱཏུཾ ཨནུསེཏི, ཨརཱུཔདྷཱཏུཔརིཡཱཔནྣོ’’ཏི.

ཨརཱུཔརཱགོ ཨརཱུཔདྷཱཏུཾ ཨནུསེཏི, ཨརཱུཔདྷཱཏུཔརིཡཱཔནྣོཏི? ཨཱམནྟཱ. སདྡརཱགོ སདྡདྷཱཏུཾ ཨནུསེཏི, སདྡདྷཱཏུཔརིཡཱཔནྣོཏི? ན ཧེཝཾ ཝཏྟབྦེ…པེ… ཨརཱུཔརཱགོ ཨརཱུཔདྷཱཏུཾ ཨནུསེཏི, ཨརཱུཔདྷཱཏུཔརིཡཱཔནྣོཏི? ཨཱམནྟཱ. གནྡྷརཱགོ…པེ… རསརཱགོ…པེ… ཕོཊྛབྦརཱགོ ཕོཊྛབྦདྷཱཏུཾ ཨནུསེཏི, ཕོཊྛབྦདྷཱཏུཔརིཡཱཔནྣོཏི? ན ཧེཝཾ ཝཏྟབྦེ…པེ….

སདྡརཱགོ སདྡདྷཱཏུཾ ཨནུསེཏི, ན ཝཏྟབྦཾ – ‘‘སདྡདྷཱཏུཔརིཡཱཔནྣོ’’ཏི? ཨཱམནྟཱ ¶ . ཨརཱུཔརཱགོ ཨརཱུཔདྷཱཏུཾ ཨནུསེཏི, ན ཝཏྟབྦཾ – ‘‘ཨརཱུཔདྷཱཏུཔརིཡཱཔནྣོ’’ཏི, ན ཧེཝཾ ཝཏྟབྦེ…པེ… གནྡྷརཱགོ…པེ… རསརཱགོ…པེ… ཕོཊྛབྦརཱགོ ཕོཊྛབྦདྷཱཏུཾ ཨནུསེཏི, ན ཝཏྟབྦཾ – ‘‘ཕོཊྛབྦདྷཱཏུཔརིཡཱཔནྣོ’’ཏི? ཨཱམནྟཱ. ཨརཱུཔརཱགོ ¶ ཨརཱུཔདྷཱཏུཾ ཨནུསེཏི, ན ཝཏྟབྦཾ – ‘‘ཨརཱུཔདྷཱཏུཔརིཡཱཔནྣོ’’ཏི? ན ཧེཝཾ ཝཏྟབྦེ…པེ….

༧༠༥. ན ཝཏྟབྦཾ – ‘‘རཱུཔརཱགོ རཱུཔདྷཱཏུཾ ཨནུསེཏི རཱུཔདྷཱཏུཔརིཡཱཔནྣོ, ཨརཱུཔརཱགོ ཨརཱུཔདྷཱཏུཾ ཨནུསེཏི ཨརཱུཔདྷཱཏུཔརིཡཱཔནྣོ’’ཏི? ཨཱམནྟཱ. ནནུ ཀཱམརཱགོ ཀཱམདྷཱཏུཾ ཨནུསེཏི, ཀཱམདྷཱཏུཔརིཡཱཔནྣོཏི? ཨཱམནྟཱ. ཧཉྩི ཀཱམརཱགོ ཀཱམདྷཱཏུཾ ཨནུསེཏི ཀཱམདྷཱཏུཔརིཡཱཔནྣོ ¶ , ཏེན ཝཏ རེ ཝཏྟབྦེ – ‘‘རཱུཔརཱགོ རཱུཔདྷཱཏུཾ ཨནུསེཏི རཱུཔདྷཱཏུཔརིཡཱཔནྣོ, ཨརཱུཔརཱགོ ཨརཱུཔདྷཱཏུཾ ཨནུསེཏི ཨརཱུཔདྷཱཏུཔརིཡཱཔནྣོ’’ཏི.

པརིཡཱཔནྣཀཐཱ ནིཊྛིཏཱ.

༡༤. ཙུདྡསམཝགྒོ

(༡༤༣) ༨. ཨབྱཱཀཏཀཐཱ

༧༠༦. དིཊྛིགཏཾ ཨབྱཱཀཏནྟི? ཨཱམནྟཱ. ཝིཔཱཀཱབྱཱཀཏཾ ཀིརིཡཱབྱཱཀཏཾ རཱུཔཾ ནིབྦཱནཾ ཙཀྑཱཡཏནཾ…པེ… ཕོཊྛབྦཱཡཏནནྟི? ན ཧེཝཾ ཝཏྟབྦེ…པེ… དིཊྛིགཏཾ ¶ ཨབྱཱཀཏནྟི? ཨཱམནྟཱ. དིཊྛིགཏསམྤཡུཏྟོ ཕསྶོ ཨབྱཱཀཏོཏི? ན ཧེཝཾ ཝཏྟབྦེ…པེ… དིཊྛིགཏཾ ཨབྱཱཀཏནྟི? ཨཱམནྟཱ. དིཊྛིགཏསམྤཡུཏྟཱ ¶ ཝེདནཱ…པེ… སཉྙཱ…པེ… ཙེཏནཱ…པེ… ཙིཏྟཾ ཨབྱཱཀཏནྟི? ན ཧེཝཾ ཝཏྟབྦེ…པེ….

དིཊྛིགཏསམྤཡུཏྟོ ¶ ཕསྶོ ཨཀུསལོཏི? ཨཱམནྟཱ. དིཊྛིགཏཾ ཨཀུསལནྟི? ན ཧེཝཾ ཝཏྟབྦེ…པེ… དིཊྛིགཏསམྤཡུཏྟཱ ཝེདནཱ སཉྙཱ ཙེཏནཱ ཙིཏྟཾ ཨཀུསལནྟི? ཨཱམནྟཱ. དིཊྛིགཏཾ ཨཀུསལནྟི? ན ཧེཝཾ ཝཏྟབྦེ…པེ….

༧༠༧. དིཊྛིགཏཾ ཨབྱཱཀཏནྟི? ཨཱམནྟཱ. ཨཕལཾ ཨཝིཔཱཀནྟི? ན ཧེཝཾ ཝཏྟབྦེ…པེ… ནནུ སཕལཾ སཝིཔཱཀནྟི? ཨཱམནྟཱ. ཧཉྩི སཕལཾ སཝིཔཱཀཾ, ནོ ཙ ཝཏ རེ ཝཏྟབྦེ – ‘‘དིཊྛིགཏཾ ཨབྱཱཀཏ’’ནྟི.

དིཊྛིགཏཾ ཨབྱཱཀཏནྟི? ཨཱམནྟཱ. ནནུ མིཙྪཱདིཊྛིཔརམཱནི ཝཛྫཱནི [ཨངྒུཏྟརནིཀཱཡེ] ཝུཏྟཱནི བྷགཝཏཱཏི? ཨཱམནྟཱ. ཧཉྩི མིཙྪཱདིཊྛིཔརམཱནི ཝཛྫཱནི ཝུཏྟཱནི བྷགཝཏཱ, ནོ ཙ ཝཏ རེ ཝཏྟབྦེ – ‘‘དིཊྛིགཏཾ ཨབྱཱཀཏ’’ནྟི.

དིཊྛིགཏཾ ¶ ཨབྱཱཀཏནྟི? ཨཱམནྟཱ. ནནུ ཝུཏྟཾ བྷགཝཏཱ – ‘‘མིཙྪཱདིཊྛི ཁོ, ཝཙྪ, ཨཀུསལཱ [ཨཀུསལཾ (མ. ནི. ༢.༡༩༤)], སམྨཱདིཊྛི ཀུསལཱ’’ [ཀུསལཾ (མ. ནི. ༢.༡༠༤)] ཏི [མ. ནི. ༢.༡༩༤]! ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘དིཊྛིགཏཾ ཨབྱཱཀཏ’’ནྟི.

དིཊྛིགཏཾ ཨབྱཱཀཏནྟི? ཨཱམནྟཱ. ནནུ ¶ ཝུཏྟཾ བྷགཝཏཱ – ‘‘མིཙྪཱདིཊྛིསྶ ཁོ ཨཧཾ, པུཎྞ, དྭིནྣཾ གཏཱིནཾ ཨཉྙཏརཾ གཏིཾ ཝདཱམི – ནིརཡཾ ཝཱ ཏིརཙྪཱནཡོནིཾ ཝཱ’’ཏི [མ. ནི. ༢.༧༩]! ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘དིཊྛིགཏཾ ཨབྱཱཀཏ’’ནྟི.

༧༠༨. ན ¶ ཝཏྟབྦཾ – ‘‘དིཊྛིགཏཾ ཨབྱཱཀཏ’’ནྟི? ཨཱམནྟཱ. ནནུ ཝུཏྟཾ བྷགཝཏཱ – ‘‘‘སསྶཏོ ལོཀོ’ཏི ཁོ, ཝཙྪ, ཨབྱཱཀཏམེཏཾ, ‘ཨསསྶཏོ ལོཀོ’ཏི ཁོ, ཝཙྪ, ཨབྱཱཀཏམེཏཾ, ‘ཨནྟཝཱ ལོཀོ’ཏི ཁོ, ཝཙྪ, ཨབྱཱཀཏམེཏཾ, ‘ཨནནྟཝཱ ལོཀོ’ཏི ཁོ, ཝཙྪ…པེ… ‘ཏཾ ཛཱིཝཾ ཏཾ སརཱིར’ནྟི ཁོ, ཝཙྪ…པེ… ‘ཨཉྙཾ ཛཱིཝཾ ཨཉྙཾ སརཱིར’ནྟི ཁོ ¶ , ཝཙྪ…པེ… ‘ཧོཏི ཏཐཱགཏོ པརཾ མརཎཱ’ཏི ཁོ, ཝཙྪ…པེ… ‘ན ཧོཏི ཏཐཱགཏོ པརཾ མརཎཱ’ཏི ཁོ, ཝཙྪ…པེ… ‘ཧོཏི ཙ ན ཙ ཧོཏི ཏཐཱགཏོ པརཾ མརཎཱ’ཏི ཁོ, ཝཙྪ…པེ… ‘ནེཝ ཧོཏི ན ན ཧོཏི ཏཐཱགཏོ པརཾ མརཎཱ’ཏི ཁོ, ཝཙྪ, ཨབྱཱཀཏམེཏ’’ནྟི [སཾ. ནི. ༤.༤༡༦, ཐོཀཾ པན ཝིསདིསཾ]! ཨཏྠེཝ སུཏྟནྟོཏི? ཨཱམནྟཱ. ཏེན ཧི དིཊྛིགཏཾ ཨབྱཱཀཏནྟི.

དིཊྛིགཏཾ ཨབྱཱཀཏནྟི? ཨཱམནྟཱ. ནནུ ཝུཏྟཾ བྷགཝཏཱ – ‘‘མིཙྪཱདིཊྛིཀསྶ, བྷིཀྑཝེ, པུརིསཔུགྒལསྶ ཡཉྩེཝ ཀཱཡཀམྨཾ ཡཐཱདིཊྛིསམཏྟཾ སམཱདིནྣཾ, ཡཉྩ ཝཙཱིཀམྨཾ…པེ… ཡཉྩ མནོཀམྨཾ, ཡཱ ཙ ཙེཏནཱ, ཡཱ ཙ པཏྠནཱ, ཡོ ཙ པཎིདྷི, ཡེ ཙ སངྑཱརཱ, སབྦེ ཏེ དྷམྨཱ ཨནིཊྛཱཡ ཨཀནྟཱཡ ཨམནཱཔཱཡ ཨཧིཏཱཡ དུཀྑཱཡ སཾཝཏྟནྟཱི’’ཏི [ཨ. ནི. ༡.༣༠༦]! ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘དིཊྛིགཏཾ ཨབྱཱཀཏ’’ནྟི.

ཨབྱཱཀཏཀཐཱ ནིཊྛིཏཱ.

༡༤. ཙུདྡསམཝགྒོ

(༡༤༤) ༩. ཨཔརིཡཱཔནྣཀཐཱ

༧༠༩. དིཊྛིགཏཾ ¶ ¶ ¶ ཨཔརིཡཱཔནྣནྟི? ཨཱམནྟཱ. མགྒོ ཕལཾ ནིབྦཱནཾ, སོཏཱཔཏྟིམགྒོ སོཏཱཔཏྟིཕལཾ, སཀདཱགཱམིམགྒོ སཀདཱགཱམིཕལཾ, ཨནཱགཱམིམགྒོ ཨནཱགཱམིཕལཾ, ཨརཧཏྟམགྒོ ཨརཧཏྟཕལཾ, སཏིཔཊྛཱནཾ སམྨཔྤདྷཱནཾ ཨིདྡྷིཔཱདོ ཨིནྡྲིཡཾ བལཾ བོཛ྄ཛྷངྒོཏི? ན ཧེཝཾ ཝཏྟབྦེ…པེ….

༧༡༠. ན ཝཏྟབྦཾ – ‘‘དིཊྛིགཏཾ ཨཔརིཡཱཔནྣ’’ནྟི? ཨཱམནྟཱ. པུཐུཛྫནོ ‘‘ཀཱམེསུ ཝཱིཏརཱགོ’’ཏི ཝཏྟབྦོཏི? ཨཱམནྟཱ. ‘‘ཝིགཏདིཊྛིཡོ’’ཏི ཝཏྟབྦོཏི? ན ཧེཝཾ ཝཏྟབྦེ. ཏེན ཧི དིཊྛིགཏཾ ཨཔརིཡཱཔནྣནྟི.

ཨཔརིཡཱཔནྣཀཐཱ ནིཊྛིཏཱ.

ཙུདྡསམཝགྒོ.

ཏསྶུདྡཱནཾ –

ཨཀུསལམཱུལཾ ¶ པཊིསནྡཧཏི ཀུསལམཱུལཾ, ཀུསལམཱུལཾ པཊིསནྡཧཏི ཨཀུསལམཱུལཾ, སལཱ༹ཡཏནཾ ཚཝིཉྙཱཎཀཱཡཱ, ཨརིཡརཱུཔཾ མཧཱབྷཱུཏཱནཾ ཨུཔཱདཱཡ, སྭེཝ ཨནུསཡོ ཏཾ པརིཡུཊྛཱནཾ, པརིཡུཊྛཱནཾ ཙིཏྟཝིཔྤཡུཏྟཾ, ཡཐཱདྷཱཏུ ཏཉྙེཝ ཨནུསེཏི, དིཊྛིགཏཾ ཨབྱཱཀཏཾ, དིཊྛིགཏཾ ཨཔརིཡཱཔནྣནྟི.

༡༥. པནྣརསམཝགྒོ

(༡༤༥) ༡. པཙྩཡཏཱཀཐཱ

༧༡༡. པཙྩཡཏཱ ¶ ¶ ཝཝཏྠིཏཱཏི? ཨཱམནྟཱ. ནནུ ཝཱིམཾསཱ ཧེཏུ, སོ ཙ ཨདྷིཔཏཱིཏི? ཨཱམནྟཱ ¶ . ཧཉྩི ཝཱིམཾསཱ ཧེཏུ, སོ ཙ ཨདྷིཔཏི, ཏེན ཝཏ རེ ཝཏྟབྦེ – ‘‘ཧེཏུཔཙྩཡེན པཙྩཡོ, ཨདྷིཔཏིཔཙྩཡེན པཙྩཡོ’’ཏི.

ནནུ ཚནྡཱདྷིཔཏི སཧཛཱཏཱནཾ དྷམྨཱནཾ ཨདྷིཔཏཱིཏི? ཨཱམནྟཱ. ཧཉྩི ཚནྡཱདྷིཔཏི སཧཛཱཏཱནཾ དྷམྨཱནཾ ཨདྷིཔཏི, ཏེན ཝཏ རེ ཝཏྟབྦེ – ‘‘ཨདྷིཔཏིཔཙྩཡེན པཙྩཡོ, སཧཛཱཏཔཙྩཡེན པཙྩཡོ’’ཏི.

༧༡༢. ནནུ ཝཱིརིཡཱདྷིཔཏི སཧཛཱཏཱནཾ དྷམྨཱནཾ ཨདྷིཔཏཱིཏི? ཨཱམནྟཱ. ཧཉྩི ཝཱིརིཡཱདྷིཔཏི སཧཛཱཏཱནཾ དྷམྨཱནཾ ཨདྷིཔཏི, ཏེན ཝཏ རེ ཝཏྟབྦེ – ‘‘ཨདྷིཔཏིཔཙྩཡེན པཙྩཡོ, སཧཛཱཏཔཙྩཡེན པཙྩཡོ’’ཏི.

ནནུ ཝཱིརིཡཱདྷིཔཏི སཧཛཱཏཱནཾ དྷམྨཱནཾ ཨདྷིཔཏི, ཏཉྩ ཨིནྡྲིཡནྟི? ཨཱམནྟཱ. ཧཉྩི ཝཱིརིཡཱདྷིཔཏི སཧཛཱཏཱནཾ དྷམྨཱནཾ ཨདྷིཔཏི, ཏཉྩ ཨིནྡྲིཡཾ, ཏེན ཝཏ རེ ཝཏྟབྦེ – ‘‘ཨདྷིཔཏིཔཙྩཡེན པཙྩཡོ, ཨིནྡྲིཡཔཙྩཡེན པཙྩཡོ’’ཏི.

ནནུ ཝཱིརིཡཱདྷིཔཏི སཧཛཱཏཱནཾ དྷམྨཱནཾ ཨདྷིཔཏི, ཏཉྩ མགྒངྒནྟི? ཨཱམནྟཱ. ཧཉྩི ཝཱིརིཡཱདྷིཔཏི སཧཛཱཏཱནཾ དྷམྨཱནཾ ཨདྷིཔཏི, ཏཉྩ མགྒངྒཾ, ཏེན ཝཏ རེ ཝཏྟབྦེ – ‘‘ཨདྷིཔཏིཔཙྩཡེན པཙྩཡོ, མགྒཔཙྩཡེན པཙྩཡོ’’ཏི.

༧༡༣. ནནུ ¶ ¶ ཙིཏྟཱདྷིཔཏི སཧཛཱཏཱནཾ དྷམྨཱནཾ ཨདྷིཔཏཱིཏི? ཨཱམནྟཱ ¶ . ཧཉྩི ཙིཏྟཱདྷིཔཏི སཧཛཱཏཱནཾ དྷམྨཱནཾ ཨདྷིཔཏི, ཏེན ཝཏ རེ ཝཏྟབྦེ – ‘‘ཨདྷིཔཏིཔཙྩཡེན པཙྩཡོ, སཧཛཱཏཔཙྩཡེན པཙྩཡོ’’ཏི.

ནནུ ཙིཏྟཱདྷིཔཏི སཧཛཱཏཱནཾ དྷམྨཱནཾ ཨདྷིཔཏི, སོ ཙ ཨཱཧཱརོཏི? ཨཱམནྟཱ. ཧཉྩི ཙིཏྟཱདྷིཔཏི སཧཛཱཏཱནཾ དྷམྨཱནཾ ཨདྷིཔཏི, སོ ཙ ཨཱཧཱརོ, ཏེན ཝཏ རེ ཝཏྟབྦེ – ‘‘ཨདྷིཔཏིཔཙྩཡེན པཙྩཡོ, ཨཱཧཱརཔཙྩཡེན པཙྩཡོ’’ཏི.

ནནུ ཙིཏྟཱདྷིཔཏི སཧཛཱཏཱནཾ དྷམྨཱནཾ ཨདྷིཔཏི, ཏཉྩ ཨིནྡྲིཡནྟི? ཨཱམནྟཱ. ཧཉྩི ཙིཏྟཱདྷིཔཏི ¶ སཧཛཱཏཱནཾ དྷམྨཱནཾ ཨདྷིཔཏི, ཏཉྩ ཨིནྡྲིཡཾ, ཏེན ཝཏ རེ ཝཏྟབྦེ – ‘‘ཨདྷིཔཏིཔཙྩཡེན པཙྩཡོ, ཨིནྡྲིཡཔཙྩཡེན པཙྩཡོ’’ཏི.

༧༡༤. ནནུ ཝཱིམཾསཱདྷིཔཏི སཧཛཱཏཱནཾ དྷམྨཱནཾ ཨདྷིཔཏཱིཏི? ཨཱམནྟཱ. ཧཉྩི ཝཱིམཾསཱདྷིཔཏི སཧཛཱཏཱནཾ དྷམྨཱནཾ ཨདྷིཔཏི, ཏེན ཝཏ རེ ཝཏྟབྦེ – ‘‘ཨདྷིཔཏིཔཙྩཡེན པཙྩཡོ, སཧཛཱཏཔཙྩཡེན པཙྩཡོ’’ཏི.

ནནུ ཝཱིམཾསཱདྷིཔཏི སཧཛཱཏཱནཾ དྷམྨཱནཾ ཨདྷིཔཏི, ཏཉྩ ཨིནྡྲིཡནྟི? ཨཱམནྟཱ. ཧཉྩི ཝཱིམཾསཱདྷིཔཏི སཧཛཱཏཱནཾ དྷམྨཱནཾ ཨདྷིཔཏི, ཏཉྩ ཨིནྡྲིཡཾ, ཏེན ཝཏ རེ ཝཏྟབྦེ – ‘‘ཨདྷིཔཏིཔཙྩཡེན པཙྩཡོ, ཨིནྡྲིཡཔཙྩཡེན པཙྩཡོ’’ཏི.

ནནུ ཝཱིམཾསཱདྷིཔཏི སཧཛཱཏཱནཾ དྷམྨཱནཾ ཨདྷིཔཏི, ཏཉྩ མགྒངྒནྟི? ཨཱམནྟཱ. ཧཉྩི ཝཱིམཾསཱདྷིཔཏི སཧཛཱཏཱནཾ དྷམྨཱནཾ ཨདྷིཔཏི ¶ , ཏཉྩ མགྒངྒཾ, ཏེན ཝཏ རེ ཝཏྟབྦེ – ‘‘ཨདྷིཔཏིཔཙྩཡེན པཙྩཡོ, མགྒཔཙྩཡེན པཙྩཡོ’’ཏི.

༧༡༥. ནནུ ཨརིཡཾ དྷམྨཾ གརུཾ ཀཏྭཱ ཨུཔྤཛྫཏི པཙྩཝེཀྑཎཱ, ཏཉྩཱརམྨཎནྟི? ཨཱམནྟཱ. ཧཉྩི ཨརིཡཾ དྷམྨཾ གརུཾ ཀཏྭཱ ཨུཔྤཛྫཏི པཙྩཝེཀྑཎཱ, ཏཉྩཱརམྨཎཾ, ཏེན ཝཏ རེ ཝཏྟབྦེ – ‘‘ཨདྷིཔཏིཔཙྩཡེན པཙྩཡོ, ཨཱརམྨཎཔཙྩཡེན པཙྩཡོ’’ཏི.

༧༡༦. ནནུ པུརིམཱ པུརིམཱ ཀུསལཱ དྷམྨཱ པཙྪིམཱནཾ པཙྪིམཱནཾ ཀུསལཱནཾ དྷམྨཱནཾ ཨནནྟརཔཙྩཡེན པཙྩཡོ, སཱ ཙ ཨཱསེཝནཱཏི? ཨཱམནྟཱ. ཧཉྩི ¶ ¶ པུརིམཱ པུརིམཱ ཀུསལཱ དྷམྨཱ པཙྪིམཱནཾ པཙྪིམཱནཾ ཀུསལཱནཾ དྷམྨཱནཾ ཨནནྟརཔཙྩཡེན པཙྩཡོ, སཱ ཙ ཨཱསེཝནཱ, ཏེན ཝཏ རེ ཝཏྟབྦེ – ‘‘ཨནནྟརཔཙྩཡེན པཙྩཡོ, ཨཱསེཝནཔཙྩཡེན པཙྩཡོ’’ཏི.

ནནུ པུརིམཱ པུརིམཱ ཨཀུསལཱ དྷམྨཱ པཙྪིམཱནཾ པཙྪིམཱནཾ ཨཀུསལཱནཾ དྷམྨཱནཾ ཨནནྟརཔཙྩཡེན པཙྩཡོ, སཱ ཙ ཨཱསེཝནཱཏི? ཨཱམནྟཱ. ཧཉྩི པུརིམཱ པུརིམཱ ཨཀུསལཱ དྷམྨཱ པཙྪིམཱནཾ པཙྪིམཱནཾ ཨཀུསལཱནཾ དྷམྨཱནཾ ཨནནྟརཔཙྩཡེན པཙྩཡོ, སཱ ཙ ཨཱསེཝནཱ, ཏེན ཝཏ རེ ཝཏྟབྦེ – ‘‘ཨནནྟརཔཙྩཡེན པཙྩཡོ, ཨཱསེཝནཔཙྩཡེན པཙྩཡོ’’ཏི.

ནནུ ¶ པུརིམཱ པུརིམཱ ཀིརིཡཱབྱཱཀཏཱ དྷམྨཱ པཙྪིམཱནཾ པཙྪིམཱནཾ ཀིརིཡཱབྱཱཀཏཱནཾ དྷམྨཱནཾ ཨནནྟརཔཙྩཡེན པཙྩཡོ, སཱ ཙ ¶ ཨཱསེཝནཱཏི? ཨཱམནྟཱ. ཧཉྩི པུརིམཱ པུརིམཱ ཀིརིཡཱབྱཱཀཏཱ དྷམྨཱ པཙྪིམཱནཾ པཙྪིམཱནཾ ཀིརིཡཱབྱཱཀཏཱནཾ དྷམྨཱནཾ ཨནནྟརཔཙྩཡེན པཙྩཡོ, སཱ ཙ ཨཱསེཝནཱ, ཏེན ཝཏ རེ ཝཏྟབྦེ – ‘‘ཨནནྟརཔཙྩཡེན པཙྩཡོ, ཨཱསེཝནཔཙྩཡེན པཙྩཡོ’’ཏི.

༧༡༧. ན ཝཏྟབྦཾ – ‘‘པཙྩཡཏཱ ཝཝཏྠིཏཱ’’ཏི? ཨཱམནྟཱ. ཧེཏུཔཙྩཡེན པཙྩཡོ ཧོཏི, ཨཱརམྨཎཔཙྩཡེན པཙྩཡོ ཧོཏི, ཨནནྟརཔཙྩཡེན པཙྩཡོ ཧོཏི, སམནནྟརཔཙྩཡེན པཙྩཡོ ཧོཏཱིཏི? ན ཧེཝཾ ཝཏྟབྦེ. ཏེན ཧི པཙྩཡཏཱ ཝཝཏྠིཏཱཏི.

པཙྩཡཏཱཀཐཱ ནིཊྛིཏཱ.

༡༥. པནྣརསམཝགྒོ

(༡༤༦) ༢. ཨཉྙམཉྙཔཙྩཡཀཐཱ

༧༡༨. ཨཝིཛྫཱཔཙྩཡཱཝ སངྑཱརཱ, ན ཝཏྟབྦཾ – ‘‘སངྑཱརཔཙྩཡཱཔི ཨཝིཛྫཱ’’ཏི? ཨཱམནྟཱ. ནནུ ཨཝིཛྫཱ སངྑཱརེན སཧཛཱཏཱཏི? ཨཱམནྟཱ ¶ . ཧཉྩི ཨཝིཛྫཱ སངྑཱརེན སཧཛཱཏཱ, ཏེན ཝཏ རེ ཝཏྟབྦེ – ‘‘ཨཝིཛྫཱཔཙྩཡཱཔི སངྑཱརཱ, སངྑཱརཔཙྩཡཱཔི ཨཝིཛྫཱ’’ཏི.

ཏཎྷཱཔཙྩཡཱཝ ཨུཔཱདཱནཾ, ན ཝཏྟབྦཾ – ‘‘ཨུཔཱདཱནཔཙྩཡཱཔི ཏཎྷཱ’’ཏི? ཨཱམནྟཱ. ནནུ ཏཎྷཱ ཨུཔཱདཱནེན སཧཛཱཏཱཏི? ཨཱམནྟཱ. ཧཉྩི ཏཎྷཱ ཨུཔཱདཱནེན ¶ སཧཛཱཏཱ, ཏེན ཝཏ རེ ཝཏྟབྦེ – ‘‘ཏཎྷཱཔཙྩཡཱཔི ཨུཔཱདཱནཾ, ཨུཔཱདཱནཔཙྩཡཱཔི ཏཎྷཱ’’ཏི.

༧༡༩. ‘‘ཛརཱམརཎཔཙྩཡཱ ¶ , བྷིཀྑཝེ, ཛཱཏི, ཛཱཏིཔཙྩཡཱ བྷཝོ’’ཏི – ཨཏྠེཝ སུཏྟནྟོཏི ¶ ? ནཏྠི. ཏེན ཧི ཨཝིཛྫཱཔཙྩཡཱཝ སངྑཱརཱ, ན ཝཏྟབྦཾ – ‘‘སངྑཱརཔཙྩཡཱཔི ཨཝིཛྫཱ’’ཏི. ཏཎྷཱཔཙྩཡཱཝ ཨུཔཱདཱནཾ, ན ཝཏྟབྦཾ – ‘‘ཨུཔཱདཱནཔཙྩཡཱཔི ཏཎྷཱ’’ཏི.

‘‘ཝིཉྙཱཎཔཙྩཡཱ, བྷིཀྑཝེ, ནཱམརཱུཔཾ, ནཱམརཱུཔཔཙྩཡཱཔི ཝིཉྙཱཎ’’ནྟི [དཱི. ནི. ༢.༥༨, ཐོཀཾ པན ཝིསདིསཾ] – ཨཏྠེཝ སུཏྟནྟོཏི? ཨཱམནྟཱ. ཏེན ཧི ཨཝིཛྫཱཔཙྩཡཱཔི སངྑཱརཱ, སངྑཱརཔཙྩཡཱཔི ཨཝིཛྫཱ; ཏཎྷཱཔཙྩཡཱཔི ཨུཔཱདཱནཾ, ཨུཔཱདཱནཔཙྩཡཱཔི ཏཎྷཱཏི.

ཨཉྙམཉྙཔཙྩཡཀཐཱ ནིཊྛིཏཱ.

༡༥. པནྣརསམཝགྒོ

(༡༤༧) ༣. ཨདྡྷཱཀཐཱ

༧༢༠. ཨདྡྷཱ པརིནིཔྥནྣོཏི? ཨཱམནྟཱ. རཱུཔནྟི? ན ཧེཝཾ ཝཏྟབྦེ…པེ… ཝེདནཱ…པེ… སཉྙཱ…པེ… སངྑཱརཱ…པེ… ཝིཉྙཱཎནྟི? ན ཧེཝཾ ཝཏྟབྦེ…པེ… ཨཏཱིཏོ ཨདྡྷཱ པརིནིཔྥནྣོཏི? ཨཱམནྟཱ. རཱུཔནྟི ¶ ? ན ཧེཝཾ ཝཏྟབྦེ…པེ… ཝེདནཱ…པེ… སཉྙཱ…པེ… སངྑཱརཱ…པེ… ཝིཉྙཱཎནྟི? ན ཧེཝཾ ཝཏྟབྦེ…པེ… ཨནཱགཏོ ཨདྡྷཱ པརིནིཔྥནྣོཏི? ཨཱམནྟཱ. རཱུཔནྟི? ན ཧེཝཾ ཝཏྟབྦེ…པེ… ཝེདནཱ…པེ… སཉྙཱ…པེ… སངྑཱརཱ…པེ… ཝིཉྙཱཎནྟི? ན ཧེཝཾ ཝཏྟབྦེ…པེ… པཙྩུཔྤནྣོ ¶ ཨདྡྷཱ པརིནིཔྥནྣོཏི? ཨཱམནྟཱ. རཱུཔནྟི? ན ཧེཝཾ ཝཏྟབྦེ…པེ… ཝེདནཱ…པེ… སཉྙཱ…པེ… སངྑཱརཱ…པེ… ཝིཉྙཱཎནྟི? ན ཧེཝཾ ཝཏྟབྦེ…པེ….

ཨཏཱིཏཾ རཱུཔཾ ཝེདནཱ སཉྙཱ སངྑཱརཱ ཝིཉྙཱཎཾ ཨཏཱིཏོ ཨདྡྷཱཏི? ཨཱམནྟཱ. ཨཏཱིཏཱ པཉྩདྡྷཱཏི? ན ཧེཝཾ ཝཏྟབྦེ…པེ… ཨནཱགཏཾ རཱུཔཾ ཝེདནཱ སཉྙཱ སངྑཱརཱ ཝིཉྙཱཎཾ ཨནཱགཏོ ཨདྡྷཱཏི? ཨཱམནྟཱ. ཨནཱགཏཱ པཉྩདྡྷཱཏི? ན ཧེཝཾ ཝཏྟབྦེ…པེ… པཙྩུཔྤནྣཾ རཱུཔཾ ¶ ཝེདནཱ སཉྙཱ སངྑཱརཱ ཝིཉྙཱཎཾ པཙྩུཔྤནྣོ ཨདྡྷཱཏི? ཨཱམནྟཱ. པཙྩུཔྤནྣཱ པཉྩདྡྷཱཏི? ན ཧེཝཾ ཝཏྟབྦེ…པེ….

ཨཏཱིཏཱ པཉྩཀྑནྡྷཱ ¶ ཨཏཱིཏོ ཨདྡྷཱ, ཨནཱགཏཱ པཉྩཀྑནྡྷཱ ཨནཱགཏོ ཨདྡྷཱ, པཙྩུཔྤནྣཱ པཉྩཀྑནྡྷཱ པཙྩུཔྤནྣོ ཨདྡྷཱཏི? ཨཱམནྟཱ. པནྣརསདྡྷཱཏི ¶ ? ན ཧེཝཾ ཝཏྟབྦེ…པེ….

ཨཏཱིཏཱནི དྭཱདསཱཡཏནཱནི ཨཏཱིཏོ ཨདྡྷཱ, ཨནཱགཏཱནི དྭཱདསཱཡཏནཱནི ཨནཱགཏོ ཨདྡྷཱ, པཙྩུཔྤནྣཱནི དྭཱདསཱཡཏནཱནི པཙྩུཔྤནྣོ ཨདྡྷཱཏི? ཨཱམནྟཱ. ཚཏྟིཾས ཨདྡྷཱཏི? ན ཧེཝཾ ཝཏྟབྦེ…པེ….

ཨཏཱིཏཱ ཨཊྛཱརས དྷཱཏུཡོ ཨཏཱིཏོ ཨདྡྷཱ, ཨནཱགཏཱ ཨཊྛཱརས དྷཱཏུཡོ ཨནཱགཏོ ཨདྡྷཱ, པཙྩུཔྤནྣཱ ཨཊྛཱརས དྷཱཏུཡོ པཙྩུཔྤནྣོ ཨདྡྷཱཏི? ཨཱམནྟཱ. ཙཏུཔཉྙཱས ཨདྡྷཱཏི? ན ཧེཝཾ ཝཏྟབྦེ…པེ….

ཨཏཱིཏཱནི བཱཝཱིསཏིནྡྲིཡཱནི ཨཏཱིཏོ ཨདྡྷཱ, ཨནཱགཏཱནི བཱཝཱིསཏིནྡྲིཡཱནི ཨནཱགཏོ ཨདྡྷཱ, པཙྩུཔྤནྣཱནི བཱཝཱིསཏིནྡྲིཡཱནི པཙྩུཔྤནྣོ ¶ ཨདྡྷཱཏི? ཨཱམནྟཱ. ཚསཊྛི ཨདྡྷཱཏི? ན ཧེཝཾ ཝཏྟབྦེ…པེ….

༧༢༡. ན ཝཏྟབྦཾ – ‘‘ཨདྡྷཱ པརིནིཔྥནྣོཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཏཱིཎིམཱནི, བྷིཀྑཝེ, ཀཐཱཝཏྠཱུནི! ཀཏམཱནི ཏཱིཎི? ཨཏཱིཏཾ ཝཱ, བྷིཀྑཝེ, ཨདྡྷཱནཾ ཨཱརབྦྷ ཀཐཾ ཀཐེཡྻ – ‘ཨེཝཾ ཨཧོསི ཨཏཱིཏམདྡྷཱན’ནྟི; ཨནཱགཏཾ ཝཱ, བྷིཀྑཝེ, ཨདྡྷཱནཾ ཨཱརབྦྷ ཀཐཾ ཀཐེཡྻ – ‘ཨེཝཾ བྷཝིསྶཏི ཨནཱགཏམདྡྷཱན’ནྟི; ཨེཏརཧི ཝཱ, བྷིཀྑཝེ, པཙྩུཔྤནྣཾ ཨདྡྷཱནཾ ཨཱརབྦྷ ཀཐཾ ཀཐེཡྻ – ‘ཨེཝཾ ཧོཏི ཨེཏརཧི པཙྩུཔྤནྣ’ནྟི. ཨིམཱནི ཁོ, བྷིཀྑཝེ, ཏཱིཎི ཀཐཱཝཏྠཱུནཱི’’ཏི [ཨ. ནི. ༣.༦༨; དཱི. ནི. ༣.༣༠༥]. ཨཏྠེཝ སུཏྟནྟོཏི? ཨཱམནྟཱ. ཏེན ཧི ཨདྡྷཱ པརིནིཔྥནྣོཏི.

ཨདྡྷཱཀཐཱ ནིཊྛིཏཱ.

༡༥. པནྣརསམཝགྒོ

(༡༤༨) ༤. ཁཎལཡམུཧུཏྟཀཐཱ

༧༢༢. ཁཎོ ¶ ¶ པརིནིཔྥནྣོ, ལཡོ པརིནིཔྥནྣོ, མུཧུཏྟཾ པརིནིཔྥནྣནྟི? ཨཱམནྟཱ. རཱུཔནྟི? ན ཧེཝཾ ཝཏྟབྦེ…པེ… ཝེདནཱ… སཉྙཱ… སངྑཱརཱ… ཝིཉྙཱཎནྟི? ན ཧེཝཾ ཝཏྟབྦེ…པེ….

༧༢༣. ན ¶ ཝཏྟབྦཾ – ‘‘མུཧུཏྟཾ པརིནིཔྥནྣནྟི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཏཱིཎིམཱནི, བྷིཀྑཝེ, ཀཐཱཝཏྠཱུནི! ཀཏམཱནི ཏཱིཎི? ཨཏཱིཏཾ ཝཱ, བྷིཀྑཝེ, ཨདྡྷཱནཾ ཨཱརབྦྷ ཀཐཾ ཀཐེཡྻ – ‘ཨེཝཾ ཨཧོསི ཨཏཱིཏམདྡྷཱན’ནྟི; ཨནཱགཏཾ ¶ ཝཱ, བྷིཀྑཝེ, ཨདྡྷཱནཾ ཨཱརབྦྷ ཀཐཾ ཀཐེཡྻ – ‘ཨེཝཾ བྷཝིསྶཏི ཨནཱགཏམདྡྷཱན’ནྟི; ཨེཏརཧི ཝཱ, བྷིཀྑཝེ, པཙྩུཔྤནྣཾ ཨདྡྷཱནཾ ཨཱརབྦྷ ཀཐཾ ཀཐེཡྻ – ‘ཨེཝཾ ཧོཏི ཨེཏརཧི པཙྩུཔྤནྣ’ནྟི. ཨིམཱནི ཁོ, བྷིཀྑཝེ, ཏཱིཎི ཀཐཱཝཏྠཱུནཱི’’ཏི. ཨཏྠེཝ སུཏྟནྟོཏི? ཨཱམནྟཱ. ཏེན ཧི མུཧུཏྟཾ པརིནིཔྥནྣནྟི.

ཁཎལཡམུཧུཏྟཀཐཱ ནིཊྛིཏཱ.

༡༥. པནྣརསམཝགྒོ

(༡༤༩) ༥. ཨཱསཝཀཐཱ

༧༢༤. ཙཏྟཱརོ ཨཱསཝཱ ཨནཱསཝཱཏི? ཨཱམནྟཱ. མགྒོ ཕལཾ ནིབྦཱནཾ, སོཏཱཔཏྟིམགྒོ སོཏཱཔཏྟིཕལཾ…པེ… བོཛ྄ཛྷངྒོཏི? ན ཧེཝཾ ཝཏྟབྦེ…པེ….

༧༢༥. ན ཝཏྟབྦཾ – ‘‘ཙཏྟཱརོ ཨཱསཝཱ ཨནཱསཝཱཏི? ཨཱམནྟཱ. ཨཏྠཉྙེཝ ཨཱསཝཱ ཡེཧི ¶ ཨཱསཝེཧི ཏེ ཨཱསཝཱ སཱསཝཱ ཧོནྟཱིཏི? ན ¶ ཧེཝཾ ཝཏྟབྦེ. ཏེན ཧི ཙཏྟཱརོ ཨཱསཝཱ ཨནཱསཝཱཏི.

ཨཱསཝཀཐཱ ནིཊྛིཏཱ.

༡༥. པནྣརསམཝགྒོ

(༡༥༠) ༦. ཛརཱམརཎཀཐཱ

༧༢༦. ལོཀུཏྟརཱནཾ དྷམྨཱནཾ ཛརཱམརཎཾ ལོཀུཏྟརནྟི? ཨཱམནྟཱ. མགྒོ ཕལཾ ནིབྦཱནཾ, སོཏཱཔཏྟིམགྒོ སོཏཱཔཏྟིཕལཾ…པེ… བོཛ྄ཛྷངྒོཏི ¶ ? ན ཧེཝཾ ཝཏྟབྦེ…པེ… སོཏཱཔཏྟིམགྒསྶ ཛརཱམརཎཾ སོཏཱཔཏྟིམགྒོཏི? ན ཧེཝཾ ཝཏྟབྦེ…པེ… སོཏཱཔཏྟིམགྒསྶ ཛརཱམརཎཾ སོཏཱཔཏྟིམགྒོཏི? ཨཱམནྟཱ. སོཏཱཔཏྟིཕལསྶ ཛརཱམརཎཾ སོཏཱཔཏྟིཕལནྟི? ན ཧེཝཾ ཝཏྟབྦེ ¶ …པེ… སཀདཱགཱམིམགྒསྶ…པེ… སཀདཱགཱམིཕལསྶ…པེ… ཨནཱགཱམིམགྒསྶ…པེ… ཨནཱགཱམིཕལསྶ…པེ… ཨརཧཏྟམགྒསྶ ཛརཱམརཎཾ ཨརཧཏྟམགྒོཏི? ན ཧེཝཾ ཝཏྟབྦེ…པེ… ཨརཧཏྟམགྒསྶ ཛརཱམརཎཾ ཨརཧཏྟམགྒོཏི? ཨཱམནྟཱ. ཨརཧཏྟཕལསྶ ཛརཱམརཎཾ ཨརཧཏྟཕལནྟི? ན ཧེཝཾ ཝཏྟབྦེ…པེ… སཏིཔཊྛཱནཱནཾ… སམྨཔྤདྷཱནཱནཾ… ཨིདྡྷིཔཱདཱནཾ… ཨིནྡྲིཡཱནཾ… བལཱནཾ… བོཛ྄ཛྷངྒཱནཾ ཛརཱམརཎཾ བོཛ྄ཛྷངྒོཏི? ན ཧེཝཾ ཝཏྟབྦེ…པེ….

༧༢༧. ན ཝཏྟབྦཾ – ‘‘ལོཀུཏྟརཱནཾ དྷམྨཱནཾ ཛརཱམརཎཾ ལོཀུཏྟརནྟི? ཨཱམནྟཱ. ལོཀིཡནྟི? ན ཧེཝཾ ཝཏྟབྦེ. ཏེན ཧི ལོཀུཏྟརནྟི.

ཛརཱམརཎཀཐཱ ནིཊྛིཏཱ.

༡༥. པནྣརསམཝགྒོ

(༡༥༡) ༧. སཉྙཱཝེདཡིཏཀཐཱ

༧༢༨. སཉྙཱཝེདཡིཏནིརོདྷསམཱཔཏྟི ¶ ¶ ལོཀུཏྟརཱཏི? ཨཱམནྟཱ. མགྒོ ཕལཾ ནིབྦཱནཾ, སོཏཱཔཏྟིམགྒོ སོཏཱཔཏྟིཕལཾ…པེ… བོཛ྄ཛྷངྒོཏི? ན ཧེཝཾ ཝཏྟབྦེ…པེ….

༧༢༩. ན ཝཏྟབྦཾ – ‘‘སཉྙཱཝེདཡིཏནིརོདྷསམཱཔཏྟི ¶ ལོཀུཏྟརཱཏི? ཨཱམནྟཱ. ལོཀིཡཱཏི? ན ཧེཝཾ ཝཏྟབྦེ. ཏེན ཧི ལོཀུཏྟརཱཏི.

སཉྙཱཝེདཡིཏཀཐཱ ནིཊྛིཏཱ.

༡༥. པནྣརསམཝགྒོ

(༡༥༢) ༨. དུཏིཡསཉྙཱཝེདཡིཏཀཐཱ

༧༣༠. སཉྙཱཝེདཡིཏནིརོདྷསམཱཔཏྟི ལོཀིཡཱཏི? ཨཱམནྟཱ. རཱུཔནྟི? ན ཧེཝཾ ཝཏྟབྦེ…པེ… ཝེདནཱ… སཉྙཱ… སངྑཱརཱ… ཝིཉྙཱཎནྟི? ན ཧེཝཾ ཝཏྟབྦེ…པེ… ཀཱམཱཝཙརཱཏི? ན ཧེཝཾ ཝཏྟབྦེ…པེ… རཱུཔཱཝཙརཱཏི? ན ཧེཝཾ ཝཏྟབྦེ…པེ… ཨརཱུཔཱཝཙརཱཏི? ན ཧེཝཾ ཝཏྟབྦེ…པེ….

༧༣༡. ན ¶ ཝཏྟབྦཾ – ‘‘སཉྙཱཝེདཡིཏནིརོདྷསམཱཔཏྟི ལོཀིཡཱཏི? ཨཱམནྟཱ. ལོཀུཏྟརཱཏི? ན ཧེཝཾ ཝཏྟབྦེ. ཏེན ཧི ལོཀིཡཱཏི.

དུཏིཡསཉྙཱཝེདཡིཏཀཐཱ ནིཊྛིཏཱ.

༡༥. པནྣརསམཝགྒོ

(༡༥༣) ༩. ཏཏིཡསཉྙཱཝེདཡིཏཀཐཱ

༧༣༢. སཉྙཱཝེདཡིཏནིརོདྷཾ ¶ ¶ སམཱཔནྣོ ཀཱལཾ ཀརེཡྻཱཏི? ཨཱམནྟཱ. ཨཏྠི སཉྙཱཝེདཡིཏནིརོདྷཾ སམཱཔནྣསྶ མཱརཎནྟིཡོ ཕསྶོ, མཱརཎནྟིཡཱ ཝེདནཱ, མཱརཎནྟིཡཱ སཉྙཱ, མཱརཎནྟིཡཱ ཙེཏནཱ ¶ , མཱརཎནྟིཡཾ ཙིཏྟནྟི? ན ཧེཝཾ ཝཏྟབྦེ…པེ… ནཏྠི སཉྙཱཝེདཡིཏནིརོདྷཾ སམཱཔནྣསྶ མཱརཎནྟིཡོ ཕསྶོ, མཱརཎནྟིཡཱ ཝེདནཱ, མཱརཎནྟིཡཱ སཉྙཱ, མཱརཎནྟིཡཱ ཙེཏནཱ, མཱརཎནྟིཡཾ ཙིཏྟནྟི? ཨཱམནྟཱ. ཧཉྩི ནཏྠི སཉྙཱཝེདཡིཏནིརོདྷཾ སམཱཔནྣསྶ མཱརཎནྟིཡོ ཕསྶོ, མཱརཎནྟིཡཱ ཝེདནཱ, མཱརཎནྟིཡཱ སཉྙཱ, མཱརཎནྟིཡཱ ཙེཏནཱ, མཱརཎནྟིཡཾ ཙིཏྟཾ, ནོ ཙ ཝཏ རེ ཝཏྟབྦེ – ‘‘སཉྙཱཝེདཡིཏནིརོདྷཾ སམཱཔནྣོ ཀཱལཾ ཀརེཡྻཱ’’ཏི.

སཉྙཱཝེདཡིཏནིརོདྷཾ སམཱཔནྣོ ཀཱལཾ ཀརེཡྻཱཏི? ཨཱམནྟཱ. ཨཏྠི སཉྙཱཝེདཡིཏནིརོདྷཾ སམཱཔནྣསྶ ཕསྶོ ཝེདནཱ སཉྙཱ ཙེཏནཱ ཙིཏྟནྟི? ན ཧེཝཾ ཝཏྟབྦེ…པེ… ནཏྠི སཉྙཱཝེདཡིཏནིརོདྷཾ སམཱཔནྣསྶ ཕསྶོ ཝེདནཱ སཉྙཱ ཙེཏནཱ ཙིཏྟནྟི? ཨཱམནྟཱ. ཨཕསྶཀསྶ ཀཱལཾ ཀིརིཡཱ, ཨཝེདནཀསྶ ཀཱལཾ ཀིརིཡཱ…པེ… ཨཙིཏྟཀསྶ ཀཱལཾ ཀིརིཡཱཏི? ན ཧེཝཾ ཝཏྟབྦེ…པེ… ནནུ སཕསྶཀསྶ ཀཱལཾ ཀིརིཡཱ…པེ… སཙིཏྟཀསྶ ཀཱལཾ ཀིརིཡཱཏི? ཨཱམནྟཱ. ཧཉྩི སཕསྶཀསྶ ཀཱལཾ ཀིརིཡཱ…པེ… སཙིཏྟཀསྶ ཀཱལཾ ཀིརིཡཱ, ནོ ཙ ཝཏ རེ ཝཏྟབྦེ – ‘‘སཉྙཱཝེདཡིཏནིརོདྷཾ སམཱཔནྣོ ཀཱལཾ ཀརེཡྻཱ’’ཏི.

སཉྙཱཝེདཡིཏནིརོདྷཾ སམཱཔནྣོ ཀཱལཾ ཀརེཡྻཱཏི? ཨཱམནྟཱ. སཉྙཱཝེདཡིཏནིརོདྷཾ སམཱཔནྣསྶ ཀཱཡེ ཝིསཾ ཀམེཡྻ, སཏྠཾ ཀམེཡྻ, ཨགྒི ཀམེཡྻཱཏི? ན ཧེཝཾ ཝཏྟབྦེ…པེ… སཉྙཱཝེདཡིཏནིརོདྷཾ ¶ སམཱཔནྣསྶ ཀཱཡེ ཝིསཾ ན ཀམེཡྻ, སཏྠཾ ན ¶ ཀམེཡྻ, ཨགྒི ན ཀམེཡྻཱཏི? ཨཱམནྟཱ. ཧཉྩི ¶ སཉྙཱཝེདཡིཏནིརོདྷཾ སམཱཔནྣསྶ ཀཱཡེ ཝིསཾ ན ཀམེཡྻ, སཏྠཾ ན ཀམེཡྻ, ཨགྒི ན ཀམེཡྻ, ནོ ཙ ཝཏ རེ ཝཏྟབྦེ – ‘‘སཉྙཱཝེདཡིཏནིརོདྷཾ སམཱཔནྣོ ཀཱལཾ ཀརེཡྻཱ’’ཏི.

སཉྙཱཝེདཡིཏནིརོདྷཾ ¶ སམཱཔནྣོ ཀཱལཾ ཀརེཡྻཱཏི? ཨཱམནྟཱ. སཉྙཱཝེདཡིཏནིརོདྷཾ སམཱཔནྣསྶ ཀཱཡེ ཝིསཾ ཀམེཡྻ, སཏྠཾ ཀམེཡྻ, ཨགྒི ཀམེཡྻཱཏི? ཨཱམནྟཱ. ན ནིརོདྷཾ སམཱཔནྣོཏི? ན ཧེཝཾ ཝཏྟབྦེ…པེ….

༧༣༣. སཉྙཱཝེདཡིཏནིརོདྷཾ སམཱཔནྣོ ན ཀཱལཾ ཀརེཡྻཱཏི? ཨཱམནྟཱ. ཨཏྠི སོ ནིཡཱམོ ཡེན ནིཡཱམེན ནིཡཏོ སཉྙཱཝེདཡིཏནིརོདྷཾ སམཱཔནྣོ ན ཀཱལཾ ཀརེཡྻཱཏི? ནཏྠི. ཧཉྩི ནཏྠི སོ ནིཡཱམོ ཡེན ནིཡཱམེན ནིཡཏོ སཉྙཱཝེདཡིཏནིརོདྷཾ སམཱཔནྣོ ན ཀཱལཾ ཀརེཡྻ, ནོ ཙ ཝཏ རེ ཝཏྟབྦེ – ‘‘སཉྙཱཝེདཡིཏནིརོདྷཾ སམཱཔནྣོ ན ཀཱལཾ ཀརེཡྻཱཏི.

༧༣༤. ཙཀྑུཝིཉྙཱཎསམངྒཱི ན ཀཱལཾ ཀརེཡྻཱཏི? ཨཱམནྟཱ. ཨཏྠི སོ ནིཡཱམོ ཡེན ནིཡཱམེན ནིཡཏོ ཙཀྑུཝིཉྙཱཎསམངྒཱི ན ཀཱལཾ ཀརེཡྻཱཏི? ནཏྠི. ཧཉྩི ནཏྠི སོ ནིཡཱམོ ཡེན ནིཡཱམེན ནིཡཏོ ཙཀྑུཝིཉྙཱཎསམངྒཱི ན ཀཱལཾ ཀརེཡྻ, ནོ ཙ ཝཏ རེ ཝཏྟབྦེ – ‘‘ཙཀྑུཝིཉྙཱཎསམངྒཱི ན ཀཱལཾ ཀརེཡྻཱ’’ཏི.

ཏཏིཡསཉྙཱཝེདཡིཏཀཐཱ ནིཊྛིཏཱ.

༡༥. པནྣརསམཝགྒོ

(༡༥༤) ༡༠. ཨསཉྙསཏྟུཔིཀཀཐཱ

༧༣༥. སཉྙཱཝེདཡིཏནིརོདྷསམཱཔཏྟི ¶ ཨསཉྙསཏྟུཔིཀཱཏི? ཨཱམནྟཱ. ཨཏྠི སཉྙཱཝེདཡིཏནིརོདྷཾ སམཱཔནྣསྶ ཨལོབྷོ ཀུསལམཱུལཾ ¶ , ཨདོསོ ཀུསལམཱུལཾ, ཨམོཧོ ཀུསལམཱུལཾ, སདྡྷཱ ཝཱིརིཡཾ སཏི སམཱདྷི པཉྙཱཏི? ན ཧེཝཾ ཝཏྟབྦེ…པེ… ནཏྠི སཉྙཱཝེདཡིཏནིརོདྷཾ སམཱཔནྣསྶ ཨལོབྷོ ཀུསལམཱུལཾ ¶ , ཨདོསོ ཀུསལམཱུལཾ…པེ… པཉྙཱཏི? ཨཱམནྟཱ. ཧཉྩི ནཏྠི སཉྙཱཝེདཡིཏནིརོདྷཾ སམཱཔནྣསྶ ཨལོབྷོ ཀུསལམཱུལཾ, ཨདོསོ ¶ ཀུསལམཱུལཾ, ཨམོཧོ ཀུསལམཱུལཾ, སདྡྷཱ ཝཱིརིཡཾ སཏི སམཱདྷི པཉྙཱ, ནོ ཙ ཝཏ རེ ཝཏྟབྦེ – ‘‘སཉྙཱཝེདཡིཏནིརོདྷསམཱཔཏྟི ཨསཉྙསཏྟུཔིཀཱ’’ཏི.

སཉྙཱཝེདཡིཏནིརོདྷསམཱཔཏྟི ཨསཉྙསཏྟུཔིཀཱཏི? ཨཱམནྟཱ. ཨཏྠི སཉྙཱཝེདཡིཏནིརོདྷཾ སམཱཔནྣསྶ ཕསྶོ ཝེདནཱ སཉྙཱ ཙེཏནཱ ཙིཏྟནྟི? ན ཧེཝཾ ཝཏྟབྦེ…པེ… ནཏྠི སཉྙཱཝེདཡིཏནིརོདྷཾ སམཱཔནྣསྶ ཕསྶོ ཝེདནཱ སཉྙཱ ཙེཏནཱ ཙིཏྟནྟི? ཨཱམནྟཱ. ཨཕསྶཀསྶ མགྒབྷཱཝནཱ…པེ… ཨཙིཏྟཀསྶ མགྒབྷཱཝནཱཏི? ན ཧེཝཾ ཝཏྟབྦེ…པེ… ནནུ སཕསྶཀསྶ མགྒབྷཱཝནཱ…པེ… སཙིཏྟཀསྶ མགྒབྷཱཝནཱཏི? ཨཱམནྟཱ. ཧཉྩི སཕསྶཀསྶ མགྒབྷཱཝནཱ…པེ… སཙིཏྟཀསྶ མགྒབྷཱཝནཱ, ནོ ཙ ཝཏ རེ ཝཏྟབྦེ – ‘‘སཉྙཱཝེདཡིཏནིརོདྷསམཱཔཏྟི ཨསཉྙསཏྟུཔིཀཱ’’ཏི.

སཉྙཱཝེདཡིཏནིརོདྷསམཱཔཏྟི ¶ ཨསཉྙསཏྟུཔིཀཱཏི? ཨཱམནྟཱ. ཡེ ཀེཙི སཉྙཱཝེདཡིཏནིརོདྷཾ སམཱཔཛྫནྟི, སབྦེ ཏེ ཨསཉྙསཏྟུཔིཀཱཏི? ན ཧེཝཾ ཝཏྟབྦེ…པེ….

༧༣༦. ན ཝཏྟབྦཾ – ‘‘སཉྙཱཝེདཡིཏནིརོདྷསམཱཔཏྟི ཨསཉྙསཏྟུཔིཀཱ’’ཏི? ཨཱམནྟཱ. ནནུ ཨིདྷཱཔི ཨསཉྙཱི ཏཏྲཱཔི ཨསཉྙཱིཏི? ཨཱམནྟཱ. ཧཉྩི ཨིདྷཱཔི ཨསཉྙཱི ཏཏྲཱཔི ཨསཉྙཱི, ཏེན ཝཏ རེ ཝཏྟབྦེ – ‘‘སཉྙཱཝེདཡིཏནིརོདྷསམཱཔཏྟི ཨསཉྙསཏྟུཔིཀཱ’’ཏི.

ཨསཉྙསཏྟུཔིཀཀཐཱ ནིཊྛིཏཱ.

༡༥. པནྣརསམཝགྒོ

(༡༥༥) ༡༡. ཀམྨཱུཔཙཡཀཐཱ

༧༣༧. ཨཉྙཾ ¶ ཀམྨཾ ཨཉྙོ ཀམྨཱུཔཙཡོཏི? ཨཱམནྟཱ. ཨཉྙོ ཕསྶོ, ཨཉྙོ ཕསྶཱུཔཙཡོ; ཨཉྙཱ ཝེདནཱ, ཨཉྙོ ཝེདནཱུཔཙཡོ; ཨཉྙཱ སཉྙཱ, ཨཉྙོ སཉྙཱུཔཙཡོ; ཨཉྙཱ ¶ ཙེཏནཱ, ཨཉྙོ ཙེཏནཱུཔཙཡོ; ཨཉྙཾ ཙིཏྟཾ, ཨཉྙོ ཙིཏྟཱུཔཙཡོ; ཨཉྙཱ སདྡྷཱ, ཨཉྙོ སདྡྷཱུཔཙཡོ; ཨཉྙཾ ཝཱིརིཡཾ, ཨཉྙོ ཝཱིརིཡཱུཔཙཡོ; ཨཉྙཱ སཏི, ཨཉྙོ སཏཱུཔཙཡོ ¶ ; ཨཉྙོ སམཱདྷི, ཨཉྙོ སམཱདྷཱུཔཙཡོ; ཨཉྙཱ པཉྙཱ, ཨཉྙོ པཉྙཱུཔཙཡོ; ཨཉྙོ རཱགོ, ཨཉྙོ རཱགཱུཔཙཡོ…པེ… ཨཉྙཾ ཨནོཏྟཔྤཾ, ཨཉྙོ ཨནོཏྟཔྤཱུཔཙཡོཏི? ན ཧེཝཾ ཝཏྟབྦེ…པེ….

༧༣༨. ཨཉྙཾ ¶ ཀམྨཾ, ཨཉྙོ ཀམྨཱུཔཙཡོཏི? ཨཱམནྟཱ. ཀམྨཱུཔཙཡོ ཀམྨེན སཧཛཱཏོཏི? ན ཧེཝཾ ཝཏྟབྦེ…པེ….

ཀམྨཱུཔཙཡོ ཀམྨེན སཧཛཱཏོཏི, ཨཱམནྟཱ. ཀུསལེན ཀམྨེན སཧཛཱཏོ ཀམྨཱུཔཙཡོ ཀུསལོཏི, ན ཧེཝཾ ཝཏྟབྦེ…པེ….

ཀུསལེན ཀམྨེན སཧཛཱཏོ ཀམྨཱུཔཙཡོ ཀུསལོཏི? ཨཱམནྟཱ. སུཁཱཡ ཝེདནཱཡ སམྤཡུཏྟེན ཀམྨེན སཧཛཱཏོ ཀམྨཱུཔཙཡོ སུཁཱཡ ཝེདནཱཡ སམྤཡུཏྟོཏི? ན ཧེཝཾ ཝཏྟབྦེ…པེ… དུཀྑཱཡ ཝེདནཱཡ…པེ… ཨདུཀྑམསུཁཱཡ ཝེདནཱཡ སམྤཡུཏྟེན ཀམྨེན སཧཛཱཏོ ཀམྨཱུཔཙཡོ ཨདུཀྑམསུཁཱཡ ཝེདནཱཡ སམྤཡུཏྟོཏི? ན ཧེཝཾ ཝཏྟབྦེ…པེ….

༧༣༩. ཀམྨཱུཔཙཡོ ཀམྨེན སཧཛཱཏོཏི? ཨཱམནྟཱ. ཨཀུསལེན ཀམྨེན སཧཛཱཏོ ཀམྨཱུཔཙཡོ ཨཀུསལོཏི? ན ཧེཝཾ ཝཏྟབྦེ…པེ….

ཨཀུསལེན ཀམྨེན སཧཛཱཏོ ཀམྨཱུཔཙཡོ ཨཀུསལོཏི? ཨཱམནྟཱ. སུཁཱཡ ¶ ཝེདནཱཡ སམྤཡུཏྟེན ཀམྨེན སཧཛཱཏོ ཀམྨཱུཔཙཡོ སུཁཱཡ ཝེདནཱཡ སམྤཡུཏྟོཏི? ན ཧེཝཾ ཝཏྟབྦེ…པེ… དུཀྑཱཡ ཝེདནཱཡ…པེ… ཨདུཀྑམསུཁཱཡ ཝེདནཱཡ སམྤཡུཏྟེན ཀམྨེན སཧཛཱཏོ ཀམྨཱུཔཙཡོ ཨདུཀྑམསུཁཱཡ ཝེདནཱཡ སམྤཡུཏྟོཏི? ན ཧེཝཾ ཝཏྟབྦེ…པེ….

༧༤༠. ཀམྨཾ ཙིཏྟེན སཧཛཱཏཾ, ཀམྨཾ སཱརམྨཎནྟི? ཨཱམནྟཱ. ཀམྨཱུཔཙཡོ ཙིཏྟེན སཧཛཱཏོ, ཀམྨཱུཔཙཡོ སཱརམྨཎོཏི? ན ཧེཝཾ ཝཏྟབྦེ…པེ… ཀམྨཱུཔཙཡོ ཙིཏྟེན སཧཛཱཏོ ¶ , ཀམྨཱུཔཙཡོ ཨནཱརམྨཎོཏི ¶ ? ཨཱམནྟཱ. ཀམྨཾ ཙིཏྟེན སཧཛཱཏཾ, ཀམྨཾ ཨནཱརམྨཎནྟི? ན ཧེཝཾ ཝཏྟབྦེ…པེ….

ཀམྨཾ ¶ ཙིཏྟེན སཧཛཱཏཾ, ཙིཏྟཾ བྷིཛྫམཱནཾ ཀམྨཾ བྷིཛྫཏཱིཏི? ཨཱམནྟཱ. ཀམྨཱུཔཙཡོ ཙིཏྟེན སཧཛཱཏོ, ཙིཏྟཾ བྷིཛྫམཱནཾ ཀམྨཱུཔཙཡོ བྷིཛྫཏཱིཏི? ན ཧེཝཾ ཝཏྟབྦེ…པེ….

ཀམྨཱུཔཙཡོ ཙིཏྟེན སཧཛཱཏོ, ཙིཏྟཾ བྷིཛྫམཱནཾ ཀམྨཱུཔཙཡོ ན བྷིཛྫཏཱིཏི? ཨཱམནྟཱ. ཀམྨཾ ཙིཏྟེན སཧཛཱཏཾ, ཙིཏྟཾ བྷིཛྫམཱནཾ ཀམྨཾ ན བྷིཛྫཏཱིཏི? ན ཧེཝཾ ཝཏྟབྦེ…པེ….

༧༤༡. ཀམྨམྷི ཀམྨཱུཔཙཡོཏི? ཨཱམནྟཱ. ཏཉྙེཝ ཀམྨཾ སོ ཀམྨཱུཔཙཡོཏི? ན ཧེཝཾ ཝཏྟབྦེ…པེ….

ཀམྨམྷི ཀམྨཱུཔཙཡོ, ཀམྨཱུཔཙཡཏོ ཝིཔཱཀོ ནིབྦཏྟཏཱིཏི? ཨཱམནྟཱ. ཏཉྙེཝ ¶ ཀམྨཾ, སོ ཀམྨཱུཔཙཡོ, སོ ཀམྨཝིཔཱཀོཏི? ན ཧེཝཾ ཝཏྟབྦེ…པེ….

ཀམྨམྷི ཀམྨཱུཔཙཡོ, ཀམྨཱུཔཙཡཏོ ཝིཔཱཀོ ནིབྦཏྟཏི, ཝིཔཱཀོ སཱརམྨཎོཏི? ཨཱམནྟཱ. ཀམྨཱུཔཙཡོ སཱརམྨཎོཏི? ན ཧེཝཾ ཝཏྟབྦེ…པེ… ཀམྨཱུཔཙཡོ ཨནཱརམྨཎོཏི? ཨཱམནྟཱ. ཝིཔཱཀོ ཨནཱརམྨཎོཏི? ན ཧེཝཾ ཝཏྟབྦེ…པེ….

༧༤༢. ཨཉྙཾ ཀམྨཾ ཨཉྙོ ཀམྨཱུཔཙཡོཏི, ཨཱམནྟཱ. ནནུ ཝུཏྟཾ བྷགཝཏཱ – ‘‘ཨིདྷ, པུཎྞ, ཨེཀཙྩོ སབྱཱབཛ྄ཛྷམྤི ཨབྱཱབཛ྄ཛྷམྤི [སབྱཱཔཛ྄ཛྷམྤི ཨབྱཱཔཛ྄ཛྷམྤི (ཀ.) མ. ནི. ༢.༨༡ པསྶིཏབྦཾ] ཀཱཡསངྑཱརཾ ཨབྷིསངྑརོཏི, སབྱཱབཛ྄ཛྷམྤི ཨབྱཱབཛ྄ཛྷམྤི ཝཙཱིསངྑཱརཾ…པེ… མནོསངྑཱརཾ ཨབྷིསངྑརོཏི, སོ སབྱཱབཛ྄ཛྷམྤི ཨབྱཱབཛ྄ཛྷམྤི ཀཱཡསངྑཱརཾ ཨབྷིསངྑརིཏྭཱ, སབྱཱབཛ྄ཛྷམྤི ¶ ཨབྱཱབཛ྄ཛྷམྤི ཝཙཱིསངྑཱརཾ…པེ… མནོསངྑཱརཾ ཨབྷིསངྑརིཏྭཱ སབྱཱབཛ྄ཛྷམྤི ཨབྱཱབཛ྄ཛྷམྤི ལོཀཾ ཨུཔཔཛྫཏི. ཏམེནཾ སབྱཱབཛ྄ཛྷམྤི ཨབྱཱབཛ྄ཛྷམྤི ལོཀཾ ཨུཔཔནྣཾ སམཱནཾ སབྱཱབཛ྄ཛྷཱཔི ཨབྱཱབཛ྄ཛྷཱཔི ཕསྶཱ ཕུསནྟི. སོ སབྱཱབཛ྄ཛྷེཧིཔི ཨབྱཱབཛ྄ཛྷེཧིཔི ཕསྶེཧི ཕུཊྛོ སམཱནོ སབྱཱབཛ྄ཛྷམྤི ཨབྱཱབཛ྄ཛྷམྤི ཝེདནཾ ཝེདེཏི ཝོཀིཎྞསུཁདུཀྑཾ, སེཡྻཐཱཔི མནུསྶཱ ཨེཀཙྩེ ཙ དེཝཱ ཨེཀཙྩེ ¶ ཙ ཝིནིཔཱཏིཀཱ. ཨིཏི ཁོ, པུཎྞ, བྷཱུཏཱ བྷཱུཏསྶ ཨུཔཔཏྟི ཧོཏི, ཡཾ ཀརོཏི ཏེན ཨུཔཔཛྫཏི, ཨུཔཔནྣམེཏཾ ཕསྶཱ ཕུསནྟི. ཨེཝམྤཱཧཾ, པུཎྞ, ‘ཀམྨདཱཡཱདཱ ¶ སཏྟཱ’ཏི ཝདཱམཱི’’ཏི [མ. ནི. ༢.༨༡]. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘ཨཉྙཾ ཀམྨཾ, ཨཉྙོ ཀམྨཱུཔཙཡོ’’ཏི.

ཀམྨཱུཔཙཡཀཐཱ ནིཊྛིཏཱ.

པནྣརསམཝགྒོ.

ཏསྶུདྡཱནཾ –

པཙྩཡཏཱ ¶ ཝཝཏྠིཏཱ, པཊིཙྩསམུཔྤཱདོ, ཨདྡྷཱ, ཁཎོ ལཡོ མུཧུཏྟཾ, ཙཏྟཱརོ ཨཱསཝཱ ཨནཱསཝཱ, ལོཀུཏྟརཱནཾ དྷམྨཱནཾ ཛརཱམརཎཾ ལོཀུཏྟརཱ, སཉྙཱཝེདཡིཏནིརོདྷསམཱཔཏྟི ལོཀུཏྟརཱ, སཉྙཱཝེདཡིཏནིརོདྷསམཱཔཏྟི ལོཀིཡཱ, སཉྙཱཝེདཡིཏནིརོདྷཾ སམཱཔནྣོ ཀཱལཾ ཀརེཡྻ, སྭེཝ མགྒོ ཨསཉྙསཏྟུཔཔཏྟིཡཱ ¶ , ཨཉྙཾ ཀམྨཾ ཨཉྙོ ཀམྨཱུཔཙཡོཏི.

ཏཏིཡོ པཎྞཱསཀོ.

ཏསྶུདྡཱནཾ –

ཨནུསཡཱ, སཾཝརོ, ཀཔྤོ, མཱུལཉྩ ཝཝཏྠིཏཱཏི.

༡༦. སོལ༹སམཝགྒོ

(༡༥༦) ༡. ནིགྒཧཀཐཱ

༧༤༣. པརོ ¶ པརསྶ ཙིཏྟཾ ནིགྒཎྷཱཏཱིཏི? ཨཱམནྟཱ. པརོ པརསྶ ཙིཏྟཾ ‘‘མཱ རཛྫི’’, ‘‘མཱ དུསྶི’’, ‘‘མཱ མུཡ྄ཧི’’, ‘‘མཱ ཀིལིསྶཱི’’ཏི ནིགྒཎྷཱཏཱིཏི? ན ཧེཝཾ ཝཏྟབྦེ…པེ… པརོ པརསྶ ཙིཏྟཾ ནིགྒཎྷཱཏཱིཏི? ཨཱམནྟཱ. པརོ པརསྶ ཨུཔྤནྣོ ཕསྶོ ‘‘མཱ ནིརུཛ྄ཛྷཱི’’ཏི ནིགྒཎྷཱཏཱིཏི? ན ཧེཝཾ ཝཏྟབྦེ…པེ… པརོ པརསྶ ཨུཔྤནྣཱ ཝེདནཱ…པེ… ཨུཔྤནྣཱ སཉྙཱ… ཨུཔྤནྣཱ ཙེཏནཱ… ཨུཔྤནྣཾ ཙིཏྟཾ… ཨུཔྤནྣཱ སདྡྷཱ… ཨུཔྤནྣཾ ཝཱིརིཡཾ ¶ … ཨུཔྤནྣཱ སཏི… ཨུཔྤནྣོ སམཱདྷི…པེ… ཨུཔྤནྣཱ པཉྙཱ ‘‘མཱ ནིརུཛ྄ཛྷཱི’’ཏི ནིགྒཎྷཱཏཱིཏི? ན ཧེཝཾ ཝཏྟབྦེ…པེ….

པརོ ¶ པརསྶ ཙིཏྟཾ ནིགྒཎྷཱཏཱིཏི? ཨཱམནྟཱ. པརོ པརསྶ ཨཏྠཱཡ རཱགཾ པཛཧཏི… དོསཾ པཛཧཏི…པེ… ཨནོཏྟཔྤཾ པཛཧཏཱིཏི? ན ཧེཝཾ ཝཏྟབྦེ…པེ….

པརོ པརསྶ ཙིཏྟཾ ནིགྒཎྷཱཏཱིཏི? ཨཱམནྟཱ. པརོ པརསྶ ཨཏྠཱཡ མགྒཾ བྷཱཝེཏི… སཏིཔཊྛཱནཾ བྷཱཝེཏི…པེ… བོཛ྄ཛྷངྒཾ བྷཱཝེཏཱིཏི ¶ ? ན ཧེཝཾ ཝཏྟབྦེ…པེ….

པརོ པརསྶ ཙིཏྟཾ ནིགྒཎྷཱཏཱིཏི? ཨཱམནྟཱ. པརོ པརསྶ ཨཏྠཱཡ དུཀྑཾ པརིཛཱནཱཏི, སམུདཡཾ པཛཧཏི, ནིརོདྷཾ སཙྪིཀརོཏི, མགྒཾ བྷཱཝེཏཱིཏི? ན ཧེཝཾ ཝཏྟབྦེ…པེ….

པརོ པརསྶ ཙིཏྟཾ ནིགྒཎྷཱཏཱིཏི? ཨཱམནྟཱ. ཨཉྙོ ¶ ཨཉྙསྶ ཀཱརཀོ, པརངྐཏཾ སུཁཾ དུཀྑཾ ཨཉྙོ ཀརོཏི ཨཉྙོ པཊིསཾཝེདེཏཱིཏི? ན ཧེཝཾ ཝཏྟབྦེ…པེ….

པརོ པརསྶ ཙིཏྟཾ ནིགྒཎྷཱཏཱིཏི? ཨཱམནྟཱ. ནནུ ཝུཏྟཾ བྷགཝཏཱ –

‘‘ཨཏྟནཱཝ ཀཏཾ པཱཔཾ, ཨཏྟནཱ སཾཀིལིསྶཏི;

ཨཏྟནཱ ཨཀཏཾ པཱཔཾ, ཨཏྟནཱཝ ཝིསུཛ྄ཛྷཏི;

སུདྡྷི ཨསུདྡྷི པཙྩཏྟཾ, ནཱཉྙོ ཨཉྙཾ ཝིསོདྷཡེ’’ཏི [དྷ. པ. ༡༦༥].

ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘པརོ པརསྶ ཙིཏྟཾ ནིགྒཎྷཱཏཱི’’ཏི.

༧༤༤. ན ཝཏྟབྦཾ – ‘‘པརོ པརསྶ ཙིཏྟཾ ནིགྒཎྷཱཏཱི’’ཏི? ཨཱམནྟཱ. ནནུ ཨཏྠི བལཔྤཏྟཱ, ཨཏྠི ཝསཱིབྷཱུཏཱཏི? ཨཱམནྟཱ. ཧཉྩི ཨཏྠི བལཔྤཏྟཱ, ཨཏྠི ཝསཱིབྷཱུཏཱ, ཏེན ཝཏ རེ ཝཏྟབྦེ – ‘‘པརོ པརསྶ ཙིཏྟཾ ནིགྒཎྷཱཏཱི’’ཏི.

ནིགྒཧཀཐཱ ནིཊྛིཏཱ.

༡༦. སོལ༹སམཝགྒོ

(༡༥༧) ༢. པགྒཧཀཐཱ

༧༤༥. པརོ ¶ ¶ པརསྶ ཙིཏྟཾ པགྒཎྷཱཏཱིཏི? ཨཱམནྟཱ. པརོ པརསྶ ཙིཏྟཾ ‘‘མཱ རཛྫི,’’‘‘མཱ དུསྶི,’’‘‘མཱ མུཡ྄ཧི,’’‘‘མཱ ཀིལིསྶཱི’’ཏི པགྒཎྷཱཏཱིཏི? ན ཧེཝཾ ཝཏྟབྦེ…པེ… པརོ ¶ པརསྶ ཙིཏྟཾ པགྒཎྷཱཏཱིཏི? ཨཱམནྟཱ. པརོ པརསྶ ཨལོབྷཾ ཀུསལམཱུལཾ ཛནེཏི… ཨདོསཾ ཀུསལམཱུལཾ ¶ ཛནེཏི… ཨམོཧཾ ཀུསལམཱུལཾ ཛནེཏི… སདྡྷཾ ཛནེཏི… ཝཱིརིཡཾ ཛནེཏི… སཏིཾ ཛནེཏི… སམཱདྷིཾ ཛནེཏི… པཉྙཾ ཛནེཏཱིཏི? ན ཧེཝཾ ཝཏྟབྦེ…པེ… པརོ པརསྶ ཙིཏྟཾ པགྒཎྷཱཏཱིཏི? ཨཱམནྟཱ. པརོ པརསྶ ཨུཔྤནྣོ ཕསྶོ ‘‘མཱ ནིརུཛ྄ཛྷཱི’’ཏི པགྒཎྷཱཏཱིཏི? ན ཧེཝཾ ཝཏྟབྦེ…པེ… པརོ པརསྶ ཨུཔྤནྣཱ ཝེདནཱ…པེ… ཨུཔྤནྣཱ པཉྙཱ ‘‘མཱ ནིརུཛ྄ཛྷཱི’’ཏི པགྒཎྷཱཏཱིཏི? ན ཧེཝཾ ཝཏྟབྦེ…པེ….

པརོ པརསྶ ཙིཏྟཾ པགྒཎྷཱཏཱིཏི? ཨཱམནྟཱ. པརོ པརསྶ ཨཏྠཱཡ རཱགཾ པཛཧཏི… དོསཾ པཛཧཏི… མོཧཾ པཛཧཏི…པེ… ཨནོཏྟཔྤཾ པཛཧཏཱིཏི? ན ཧེཝཾ ཝཏྟབྦེ…པེ….

པརོ པརསྶ ཙིཏྟཾ པགྒཎྷཱཏཱིཏི? ཨཱམནྟཱ. པརོ པརསྶ ཨཏྠཱཡ མགྒཾ བྷཱཝེཏི… སཏིཔཊྛཱནཾ བྷཱཝེཏི…པེ… བོཛ྄ཛྷངྒཾ བྷཱཝེཏཱིཏི? ན ཧེཝཾ ཝཏྟབྦེ…པེ….

པརོ པརསྶ ཙིཏྟཾ པགྒཎྷཱཏཱིཏི? ཨཱམནྟཱ. པརོ པརསྶ ཨཏྠཱཡ དུཀྑཾ པརིཛཱནཱཏི…པེ… མགྒཾ བྷཱཝེཏཱིཏི? ན ཧེཝཾ ཝཏྟབྦེ…པེ….

པརོ ¶ པརསྶ ཙིཏྟཾ པགྒཎྷཱཏཱིཏི? ཨཱམནྟཱ. ཨཉྙོ ཨཉྙསྶ ཀཱརཀོ, པརངྐཏཾ སུཁཾ དུཀྑཾ ཨཉྙོ ཀརོཏི ཨཉྙོ པཊིསཾཝེདེཏཱིཏི? ན ཧེཝཾ ཝཏྟབྦེ…པེ….

པརོ པརསྶ ཙིཏྟཾ པགྒཎྷཱཏཱིཏི? ཨཱམནྟཱ. ནནུ ཝུཏྟཾ བྷགཝཏཱ – ‘‘ཨཏྟནཱཝ ¶ ཀཏཾ པཱཔཾ…པེ… ནཱཉྙོ ཨཉྙཾ ཝིསོདྷཡེ’’ཏི. ཨཏྠེཝ སུཏྟནྟོཏི? ཨཱམནྟཱ. ཏེན ཧི ན ཝཏྟབྦཾ – ‘‘པརོ པརསྶ ཙིཏྟཾ པགྒཎྷཱཏཱི’’ཏི.

༧༤༦. ན ¶ ཝཏྟབྦཾ – ‘‘པརོ པརསྶ ཙིཏྟཾ པགྒཎྷཱཏཱི’’ཏི? ཨཱམནྟཱ. ནནུ ཨཏྠི བལཔྤཏྟཱ, ཨཏྠི ཝསཱིབྷཱུཏཱཏི? ཨཱམནྟཱ. ཧཉྩི ཨཏྠི བལཔྤཏྟཱ, ཨཏྠི ཝསཱིབྷཱུཏཱ, ཏེན ཝཏ རེ ཝཏྟབྦེ – ‘‘པརོ པརསྶ ཙིཏྟཾ པགྒཎྷཱཏཱི’’ཏི.

པགྒཧཀཐཱ ནིཊྛིཏཱ.

༡༦. སོལ༹སམཝགྒོ

(༡༥༨) ༣. སུཁཱནུཔྤདཱནཀཐཱ

༧༤༧. པརོ ¶ པརསྶ སུཁཾ ཨནུཔྤདེཏཱིཏི? ཨཱམནྟཱ. པརོ པརསྶ དུཀྑཾ ཨནུཔྤདེཏཱིཏི? ན ཧེཝཾ ཝཏྟབྦེ…པེ… པརོ པརསྶ དུཀྑཾ ན ཨནུཔྤདེཏཱིཏི? ཨཱམནྟཱ. པརོ པརསྶ སུཁཾ ན ¶ ཨནུཔྤདེཏཱིཏི? ན ཧེཝཾ ཝཏྟབྦེ…པེ… པརོ པརསྶ སུཁཾ ཨནུཔྤདེཏཱིཏི? ཨཱམནྟཱ. པརོ པརསྶ ཨཏྟནོ སུཁཾ ཨནུཔྤདེཏི, ཨཉྙེསཾ སུཁཾ ཨནུཔྤདེཏི, ཏསྶ སུཁཾ ཨནུཔྤདེཏཱིཏི? ན ཧེཝཾ ཝཏྟབྦེ…པེ… པརོ པརསྶ ནེཝཏྟནོ, ན ཨཉྙེསཾ, ན ཏསྶ སུཁཾ ཨནུཔྤདེཏཱིཏི? ཨཱམནྟཱ. ཧཉྩི པརོ པརསྶ ནེཝཏྟནོ, ན ཨཉྙེསཾ, ན ཏསྶ སུཁཾ ¶ ཨནུཔྤདེཏི, ནོ ཙ ཝཏ རེ ཝཏྟབྦེ – ‘‘པརོ པརསྶ སུཁཾ ཨནུཔྤདེཏཱི’’ཏི.

པརོ པརསྶ སུཁཾ ཨནུཔྤདེཏཱིཏི? ཨཱམནྟཱ. ཨཉྙོ ཨཉྙསྶ ཀཱརཀོ, པརངྐཏཾ སུཁཾ དུཀྑཾ ཨཉྙོ ཀརོཏི ཨཉྙོ པཊིསཾཝེདེཏཱིཏི? ན ཧེཝཾ ཝཏྟབྦེ…པེ….

༧༤༨. ན ཝཏྟབྦཾ – ‘‘པརོ པརསྶ སུཁཾ ཨནུཔྤདེཏཱི’’ཏི? ཨཱམནྟཱ. ནནུ ཨཱཡསྨཱ ཨུདཱཡཱི ཨེཏདཝོཙ – ‘‘བཧཱུནཾ ཝཏ ནོ བྷགཝཱ དུཀྑདྷམྨཱནཾ ཨཔཧཏྟཱ, བཧཱུནཾ ཝཏ ནོ བྷགཝཱ སུཁདྷམྨཱནཾ ཨུཔཧཏྟཱ, བཧཱུནཾ ཝཏ ནོ བྷགཝཱ ཨཀུསལཱནཾ དྷམྨཱནཾ ཨཔཧཏྟཱ, བཧཱུནཾ ཝཏ ནོ བྷགཝཱ ཀུསལཱནཾ དྷམྨཱནཾ ཨུཔཧཏྟཱ’’ཏི [མ. ནི. ༢.༡༤༨ ལཊུཀིཀོཔམེ]! ཨཏྠེཝ སུཏྟནྟོཏི? ཨཱམནྟཱ. ཏེན ཧི པརོ པརསྶ སུཁཾ ཨནུཔྤདེཏཱིཏི.

སུཁཱནུཔྤདཱནཀཐཱ ནིཊྛིཏཱ.

༡༦. སོལ༹སམཝགྒོ

(༡༥༩) ༤. ཨདྷིགཡ྄ཧམནསིཀཱརཀཐཱ

༧༤༩. ཨདྷིགཡ྄ཧ ¶ ¶ མནསི ཀརོཏཱིཏི? ཨཱམནྟཱ. ཏེན ཙིཏྟེན ཏཾ ཙིཏྟཾ པཛཱནཱཏཱིཏི? ན ཧེཝཾ ཝཏྟབྦེ…པེ… ཏེན ཙིཏྟེན ཏཾ ཙིཏྟཾ པཛཱནཱཏཱིཏི? ཨཱམནྟཱ ¶ . ཏེན ཙིཏྟེན ཏཾ ཙིཏྟཾ ‘‘ཙིཏྟ’’ནྟི པཛཱནཱཏཱིཏི? ན ཧེཝཾ ཝཏྟབྦེ…པེ… ཏེན ཙིཏྟེན ཏཾ ཙིཏྟཾ ‘‘ཙིཏྟ’’ནྟི པཛཱནཱཏཱིཏི? ཨཱམནྟཱ. ཏཾ ཙིཏྟཾ ཏསྶ ཙིཏྟསྶ ཨཱརམྨཎནྟི? ན ¶ ཧེཝཾ ཝཏྟབྦེ…པེ….

ཏཾ ཙིཏྟཾ ཏསྶ ཙིཏྟསྶ ཨཱརམྨཎནྟི? ཨཱམནྟཱ. ཏེན ཕསྶེན ཏཾ ཕསྶཾ ཕུསཏི, ཏཱཡ ཝེདནཱཡ…པེ… ཏཱཡ སཉྙཱཡ… ཏཱཡ ཙེཏནཱཡ… ཏེན ཙིཏྟེན… ཏེན ཝིཏཀྐེན… ཏེན ཝིཙཱརེན… ཏཱཡ པཱིཏིཡཱ… ཏཱཡ སཏིཡཱ… ཏཱཡ པཉྙཱཡ ཏཾ པཉྙཾ པཛཱནཱཏཱིཏི? ན ཧེཝཾ ཝཏྟབྦེ…པེ….

༧༥༠. ཨཏཱིཏཾ ‘‘ཨཏཱིཏ’’ནྟི མནསིཀརོནྟོ, ཨནཱགཏཾ ‘‘ཨནཱགཏ’’ནྟི མནསི ཀརོཏཱིཏི? ན ཧེཝཾ ཝཏྟབྦེ…པེ… ཨཏཱིཏཾ ‘‘ཨཏཱིཏ’’ནྟི མནསིཀརོནྟོ, ཨནཱགཏཾ ‘‘ཨནཱགཏ’’ནྟི མནསི ཀརོཏཱིཏི? ཨཱམནྟཱ. དྭིནྣཾ ཕསྶཱནཾ…པེ… དྭིནྣཾ ཙིཏྟཱནཾ སམོདྷཱནཾ ཧོཏཱིཏི? ན ཧེཝཾ ཝཏྟབྦེ…པེ….

ཨཏཱིཏཾ ‘‘ཨཏཱིཏ’’ནྟི མནསིཀརོནྟོ, པཙྩུཔྤནྣཾ ‘‘པཙྩུཔྤནྣ’’ནྟི མནསི ཀརོཏཱིཏི? ན ཧེཝཾ ཝཏྟབྦེ…པེ… ཨཏཱིཏཾ ‘‘ཨཏཱིཏ’’ནྟི མནསིཀརོནྟོ, པཙྩུཔྤནྣཾ ‘‘པཙྩུཔྤནྣ’’ནྟི མནསི ཀརོཏཱིཏི? ཨཱམནྟཱ. དྭིནྣཾ ཕསྶཱནཾ…པེ… དྭིནྣཾ ཙིཏྟཱནཾ སམོདྷཱནཾ ཧོཏཱིཏི? ན ཧེཝཾ ཝཏྟབྦེ…པེ….

ཨཏཱིཏཾ ¶ ‘‘ཨཏཱིཏ’’ནྟི མནསིཀརོནྟོ, ཨནཱགཏཾ ‘‘ཨནཱགཏ’’ནྟི མནསི ཀརོཏི, པཙྩུཔྤནྣཾ ‘‘པཙྩུཔྤནྣ’’ནྟི མནསི ཀརོཏཱིཏི? ན ཧེཝཾ ཝཏྟབྦེ…པེ… ཨཏཱིཏཾ ‘‘ཨཏཱིཏ’’ནྟི མནསིཀརོནྟོ, ཨནཱགཏཾ ‘‘ཨནཱགཏ’’ནྟི ¶ མནསི ཀརོཏི, པཙྩུཔྤནྣཾ ‘‘པཙྩུཔྤནྣ’’ནྟི མནསི ཀརོཏཱིཏི? ཨཱམནྟཱ. ཏིཎྞཾ ཕསྶཱནཾ…པེ… ཏིཎྞཾ ཙིཏྟཱནཾ སམོདྷཱནཾ ཧོཏཱིཏི? ན ཧེཝཾ ཝཏྟབྦེ…པེ….

༧༥༡. ཨནཱགཏཾ ‘‘ཨནཱགཏ’’ནྟི མནསིཀརོནྟོ, ཨཏཱིཏཾ ‘‘ཨཏཱིཏ’’ནྟི མནསི ཀརོཏཱིཏི? ན ¶ ཧེཝཾ ཝཏྟབྦེ…པེ… ཨནཱགཏཾ ‘‘ཨནཱགཏ’’ནྟི མནསིཀརོནྟོ, ཨཏཱིཏཾ ‘‘ཨཏཱིཏ’’ནྟི མནསི ཀརོཏཱིཏི? ཨཱམནྟཱ. དྭིནྣཾ ཕསྶཱནཾ…པེ… དྭིནྣཾ ཙིཏྟཱནཾ སམོདྷཱནཾ ཧོཏཱིཏི? ན ཧེཝཾ ཝཏྟབྦེ…པེ….

ཨནཱགཏཾ ‘‘ཨནཱགཏ’’ནྟི མནསིཀརོནྟོ, པཙྩུཔྤནྣཾ ‘‘པཙྩུཔྤནྣ’’ནྟི མནསི ཀརོཏཱིཏི? ན ཧེཝཾ ཝཏྟབྦེ…པེ… ཨནཱགཏཾ ‘‘ཨནཱགཏ’’ནྟི མནསིཀརོནྟོ, པཙྩུཔྤནྣཾ ‘‘པཙྩུཔྤནྣ’’ནྟི མནསི ཀརོཏཱིཏི? ཨཱམནྟཱ. དྭིནྣཾ ཕསྶཱནཾ…པེ… དྭིནྣཾ ཙིཏྟཱནཾ སམོདྷཱནཾ ཧོཏཱིཏི? ན ཧེཝཾ ཝཏྟབྦེ…པེ….

ཨནཱགཏཾ ¶ ‘‘ཨནཱགཏ’’ནྟི མནསིཀརོནྟོ, ཨཏཱིཏཾ ‘‘ཨཏཱིཏ’’ནྟི མནསི ཀརོཏི, པཙྩུཔྤནྣཾ ‘‘པཙྩུཔྤནྣ’’ནྟི མནསི ཀརོཏཱིཏི? ན ཧེཝཾ ཝཏྟབྦེ…པེ… ཨནཱགཏཾ ‘‘ཨནཱགཏ’’ནྟི མནསིཀརོནྟོ, ཨཏཱིཏཾ ‘‘ཨཏཱིཏ’’ནྟི མནསི ཀརོཏི, པཙྩུཔྤནྣཾ ‘‘པཙྩུཔྤནྣ’’ནྟི མནསི ཀརོཏཱིཏི? ཨཱམནྟཱ. ཏིཎྞཾ ཕསྶཱནཾ…པེ… ཏིཎྞཾ ཙིཏྟཱནཾ སམོདྷཱནཾ ཧོཏཱིཏི? ན ཧེཝཾ ཝཏྟབྦེ…པེ….

༧༥༢. པཙྩུཔྤནྣཾ ‘‘པཙྩུཔྤནྣ’’ནྟི མནསིཀརོནྟོ ¶ , ཨཏཱིཏཾ ‘‘ཨཏཱིཏ’’ནྟི མནསི ཀརོཏཱིཏི? ན ཧེཝཾ ཝཏྟབྦེ…པེ… པཙྩུཔྤནྣཾ ‘‘པཙྩུཔྤནྣ’’ནྟི མནསིཀརོནྟོ, ཨཏཱིཏཾ ‘‘ཨཏཱིཏ’’ནྟི མནསི ཀརོཏཱིཏི? ཨཱམནྟཱ. དྭིནྣཾ ཕསྶཱནཾ…པེ… དྭིནྣཾ ཙིཏྟཱནཾ སམོདྷཱནཾ ཧོཏཱིཏི? ན ཧེཝཾ ཝཏྟབྦེ…པེ….

པཙྩུཔྤནྣཾ ‘‘པཙྩུཔྤནྣ’’ནྟི མནསིཀརོནྟོ, ཨནཱགཏཾ ‘‘ཨནཱགཏ’’ནྟི མནསི ཀརོཏཱིཏི? ན ¶ ཧེཝཾ ཝཏྟབྦེ…པེ… པཙྩུཔྤནྣཾ ‘‘པཙྩུཔྤནྣ’’ནྟི མནསིཀརོནྟོ, ཨནཱགཏཾ ‘‘ཨནཱགཏ’’ནྟི མནསི ཀརོཏཱིཏི? ཨཱམནྟཱ. དྭིནྣཾ ཕསྶཱནཾ…པེ… དྭིནྣཾ ཙིཏྟཱནཾ སམོདྷཱནཾ ཧོཏཱིཏི? ན ཧེཝཾ ཝཏྟབྦེ…པེ….

པཙྩུཔྤནྣཾ ¶ ‘‘པཙྩུཔྤནྣ’’ནྟི མནསིཀརོནྟོ, ཨཏཱིཏཾ ‘‘ཨཏཱིཏ’’ནྟི མནསི ཀརོཏི, ཨནཱགཏཾ ‘‘ཨནཱགཏ’’ནྟི མནསི ཀརོཏཱིཏི? ན ཧེཝཾ ཝཏྟབྦེ…པེ… པཙྩུཔྤནྣཾ ‘‘པཙྩུཔྤནྣ’’ནྟི མནསིཀརོནྟོ, ཨཏཱིཏཾ ‘‘ཨཏཱིཏ’’ནྟི མནསི ཀརོཏི, ཨནཱགཏཾ ‘‘ཨནཱགཏ’’ནྟི མནསི ཀརོཏཱིཏི? ཨཱམནྟཱ. ཏིཎྞཾ ཕསྶཱནཾ…པེ… ཏིཎྞཾ ཙིཏྟཱནཾ སམོདྷཱནཾ ཧོཏཱིཏི? ན ཧེཝཾ ཝཏྟབྦེ…པེ….

༧༥༣. ན ཝཏྟབྦཾ – ‘‘ཨདྷིགཡ྄ཧ མནསི ཀརོཏཱི’’ཏི? ཨཱམནྟཱ. ནནུ ཝུཏྟཾ བྷགཝཏཱ –

‘‘སབྦེ སངྑཱརཱ ཨནིཙྩཱཏི, ཡདཱ པཉྙཱཡ པསྶཏི;

ཨཐ ནིབྦིནྡཏི དུཀྑེ, ཨེས མགྒོ ཝིསུདྡྷིཡཱ.

‘‘སབྦེ སངྑཱརཱ དུཀྑཱཏི, ཡདཱ པཉྙཱཡ པསྶཏི;

ཨཐ ནིབྦིནྡཏི དུཀྑེ, ཨེས མགྒོ ཝིསུདྡྷིཡཱ.

‘‘སབྦེ ¶ དྷམྨཱ ཨནཏྟཱཏི, ཡདཱ པཉྙཱཡ པསྶཏི;

ཨཐ ནིབྦིནྡཏི དུཀྑེ, ཨེས མགྒོ ཝིསུདྡྷིཡཱ’’ཏི [དྷ. པ. ༢༧༧-༢༧༩].

ཨཏྠེཝ སུཏྟནྟོཏི? ཨཱམནྟཱ. ཏེན ཧི ཨདྷིགཡ྄ཧ མནསི ཀརོཏཱིཏི.

ཨདྷིགཡ྄ཧམནསིཀཱརཀཐཱ ནིཊྛིཏཱ.

༡༦. སོལ༹སམཝགྒོ

(༡༦༠) ༥. རཱུཔཾ ཧེཏཱུཏིཀཐཱ

༧༥༤. རཱུཔཾ ¶ ¶ ཧེཏཱུཏི? ཨཱམནྟཱ. ཨལོབྷོ ཧེཏཱུཏི? ན ཧེཝཾ ཝཏྟབྦེ…པེ… ཨདོསོ ཧེཏུ…པེ… ཨམོཧོ ཧེཏུ… ལོབྷོ ཧེཏུ… དོསོ ཧེཏུ… མོཧོ ཧེཏཱུཏི? ན ཧེཝཾ ཝཏྟབྦེ…པེ….

རཱུཔཾ ¶ ཧེཏཱུཏི? ཨཱམནྟཱ. སཱརམྨཎཾ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ… ནནུ ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཧཉྩི ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷི, ནོ ཙ ཝཏ རེ ཝཏྟབྦེ – ‘‘རཱུཔཾ ཧེཏཱུ’’ཏི.

༧༥༥. ཨལོབྷོ ཧེཏུ སཱརམྨཎོ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. རཱུཔཾ ཧེཏུ སཱརམྨཎཾ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ… ཨདོསོ ཧེཏུ… ཨམོཧོ ཧེཏུ… ལོབྷོ ཧེཏུ… དོསོ ཧེཏུ… མོཧོ ཧེཏུ སཱརམྨཎོ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. རཱུཔཾ ¶ ཧེཏུ སཱརམྨཎཾ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ….

རཱུཔཾ ཧེཏུ ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཨལོབྷོ ཧེཏུ ཨནཱརམྨཎོ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ… རཱུཔཾ ཧེཏུ ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ ¶ . ཨདོསོ ཧེཏུ… ཨམོཧོ ཧེཏུ… ལོབྷོ ཧེཏུ… དོསོ ཧེཏུ… མོཧོ ཧེཏུ ཨནཱརམྨཎོ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ….

༧༥༦. ན ཝཏྟབྦཾ – ‘‘རཱུཔཾ ཧེཏཱུ’’ཏི? ཨཱམནྟཱ. ནནུ མཧཱབྷཱུཏཱ ཨུཔཱདཱཡརཱུཔཱནཾ [ཨུཔཱདཱརཱུཔཱནཾ (སཱི. པཱི. ཀ.)] ཨུཔཱདཱཡཧེཏཱུཏི? ཨཱམནྟཱ. ཧཉྩི མཧཱབྷཱུཏཱ ཨུཔཱདཱཡརཱུཔཱནཾ ཨུཔཱདཱཡཧེཏུ, ཏེན ཝཏ རེ ཝཏྟབྦེ – ‘‘རཱུཔཾ ཧེཏཱུ’’ཏི.

རཱུཔཾ ཧེཏཱུཏིཀཐཱ ནིཊྛིཏཱ.

༡༦. སོལ༹སམཝགྒོ

(༡༦༡) ༦. རཱུཔཾ སཧེཏུཀནྟིཀཐཱ

༧༥༧. རཱུཔཾ ¶ སཧེཏུཀནྟི? ཨཱམནྟཱ. ཨལོབྷཧེཏུནཱཏི? ན ཧེཝཾ ཝཏྟབྦེ…པེ… ཨདོསཧེཏུནཱཏི ¶ …པེ… ཨམོཧཧེཏུནཱཏི…པེ… ལོབྷཧེཏུནཱ…པེ… དོསཧེཏུནཱ…པེ… མོཧཧེཏུནཱཏི? ན ཧེཝཾ ཝཏྟབྦེ…པེ….

རཱུཔཾ ¶ སཧེཏུཀནྟི? ཨཱམནྟཱ. སཱརམྨཎཾ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ… ནནུ ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཧཉྩི ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷི, ནོ ཙ ཝཏ རེ ཝཏྟབྦེ – ‘‘རཱུཔཾ སཧེཏུཀ’’ནྟི.

༧༥༨. ཨལོབྷོ སཧེཏུཀོ སཱརམྨཎོ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. རཱུཔཾ སཧེཏུཀཾ སཱརམྨཎཾ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ… ཨདོསོ ¶ སཧེཏུཀོ…པེ… ཨམོཧོ… སདྡྷཱ… ཝཱིརིཡཾ… སཏི… སམཱདྷི… པཉྙཱ… ལོབྷོ… དོསོ… མོཧོ… མཱནོ… དིཊྛི… ཝིཙིཀིཙྪཱ… ཐིནཾ… ཨུདྡྷཙྩཾ… ཨཧིརིཀཾ… ཨནོཏྟཔྤཾ སཧེཏུཀཾ སཱརམྨཎཾ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. རཱུཔཾ སཧེཏུཀཾ སཱརམྨཎཾ, ཨཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ….

རཱུཔཾ སཧེཏུཀཾ ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཨལོབྷོ སཧེཏུཀོ ཨནཱརམྨཎོ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ… རཱུཔཾ སཧེཏུཀཾ ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ཨཱམནྟཱ. ཨདོསོ སཧེཏུཀོ…པེ… ཨནོཏྟཔྤཾ སཧེཏུཀཾ ཨནཱརམྨཎཾ, ནཏྠི ཏསྶ ཨཱཝཊྚནཱ…པེ… པཎིདྷཱིཏི? ན ཧེཝཾ ཝཏྟབྦེ…པེ….

༧༥༩. ན ཝཏྟབྦཾ – ‘‘རཱུཔཾ སཧེཏུཀ’’ནྟི? ཨཱམནྟཱ. ནནུ རཱུཔཾ སཔྤཙྩཡནྟི ¶ ? ཨཱམནྟཱ. ཧཉྩི རཱུཔཾ སཔྤཙྩཡཾ, ཏེན ཝཏ རེ ཝཏྟབྦེ – ‘‘རཱུཔཾ སཧེཏུཀ’’ནྟི.