📜

ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ

ཨབྷིདྷམྨམཱཏིཀཱཔཱལི༹

ཨེཀཾ ¶ ¶ སམཡཾ བྷགཝཱ དེཝེསུ ཝིཧརཏི ཏཱཝཏིཾསབྷཝནེ པཱརིཙྪཏྟཀམཱུལེ པཎྜུཀམྦལསིལཱཡཾ. ཏཏྲ ཁོ བྷགཝཱ དེཝཱནཾ ཏཱཝཏིཾསཱནཾ ཨབྷིདྷམྨཀཐཾ ཀཐེསི.

༡. དྷམྨསངྒཎཱིམཱཏིཀཱ

ཏིཀམཱཏིཀཱ

ཀུསལཱ དྷམྨཱ (དྷ. ས. ཏིཀམཱཏིཀཱ ༡-༢༢), ཨཀུསལཱ དྷམྨཱ, ཨབྱཱཀཏཱ དྷམྨཱ. སུཁཱཡ ཝེདནཱཡ སམྤཡུཏྟཱ དྷམྨཱ, དུཀྑཱཡ ཝེདནཱཡ སམྤཡུཏྟཱ དྷམྨཱ, ཨདུཀྑམསུཁཱཡ ཝེདནཱཡ སམྤཡུཏྟཱ དྷམྨཱ. ཝིཔཱཀཱ དྷམྨཱ, ཝིཔཱཀདྷམྨདྷམྨཱ, ནེཝཝིཔཱཀནཝིཔཱཀདྷམྨདྷམྨཱ. ཨུཔཱདིཎྞུཔཱདཱནིཡཱ ¶ དྷམྨཱ, ཨནུཔཱདིཎྞུཔཱདཱནིཡཱ དྷམྨཱ, ཨནུཔཱདིཎྞཨནུཔཱདཱནིཡཱ དྷམྨཱ. སཾཀིལིཊྛསཾཀིལེསིཀཱ དྷམྨཱ, ཨསཾཀིལིཊྛསཾཀིལེསིཀཱ དྷམྨཱ, ཨསཾཀིལིཊྛཨསཾཀིལེསིཀཱ དྷམྨཱ. སཝིཏཀྐསཝིཙཱརཱ དྷམྨཱ, ཨཝིཏཀྐཝིཙཱརམཏྟཱ དྷམྨཱ, ཨཝིཏཀྐཨཝིཙཱརཱ དྷམྨཱ. པཱིཏིསཧགཏཱ དྷམྨཱ, སུཁསཧགཏཱ དྷམྨཱ, ཨུཔེཀྑཱསཧགཏཱ དྷམྨཱ. དསྶནེན པཧཱཏབྦཱ དྷམྨཱ, བྷཱཝནཱཡ པཧཱཏབྦཱ དྷམྨཱ, ནེཝ དསྶནེན ན བྷཱཝནཱཡ པཧཱཏབྦཱ དྷམྨཱ. དསྶནེན པཧཱཏབྦཧེཏུཀཱ དྷམྨཱ, བྷཱཝནཱཡ པཧཱཏབྦཧེཏུཀཱ དྷམྨཱ, ནེཝ དསྶནེན ན བྷཱཝནཱཡ པཧཱཏབྦཧེཏུཀཱ དྷམྨཱ ¶ . ཨཱཙཡགཱམིནོ དྷམྨཱ, ཨཔཙཡགཱམིནོ དྷམྨཱ, ནེཝཱཙཡགཱམིནཱཔཙཡགཱམིནོ དྷམྨཱ. སེཀྑཱ དྷམྨཱ, ཨསེཀྑཱ དྷམྨཱ, ནེཝསེཀྑནཱསེཀྑཱ དྷམྨཱ. པརིཏྟཱ དྷམྨཱ, མཧགྒཏཱ དྷམྨཱ, ཨཔྤམཱཎཱ དྷམྨཱ. པརིཏྟཱརམྨཎཱ དྷམྨཱ, མཧགྒཏཱརམྨཎཱ དྷམྨཱ, ཨཔྤམཱཎཱརམྨཎཱ དྷམྨཱ. ཧཱིནཱ དྷམྨཱ, མཛ྄ཛྷིམཱ དྷམྨཱ, པཎཱིཏཱ དྷམྨཱ. མིཙྪཏྟནིཡཏཱ དྷམྨཱ, སམྨཏྟནིཡཏཱ དྷམྨཱ, ཨནིཡཏཱ དྷམྨཱ. མགྒཱརམྨཎཱ དྷམྨཱ, མགྒཧེཏུཀཱ དྷམྨཱ, མགྒཱདྷིཔཏིནོ དྷམྨཱ. ཨུཔྤནྣཱ དྷམྨཱ, ཨནུཔྤནྣཱ དྷམྨཱ, ཨུཔྤཱདིནོ དྷམྨཱ. ཨཏཱིཏཱ དྷམྨཱ, ཨནཱགཏཱ དྷམྨཱ, པཙྩུཔྤནྣཱ དྷམྨཱ. ཨཏཱིཏཱརམྨཎཱ དྷམྨཱ, ཨནཱགཏཱརམྨཎཱ དྷམྨཱ, པཙྩུཔྤནྣཱརམྨཎཱ དྷམྨཱ. ཨཛ྄ཛྷཏྟཱ དྷམྨཱ, བཧིདྡྷཱ དྷམྨཱ, ཨཛ྄ཛྷཏྟབཧིདྡྷཱ དྷམྨཱ. ཨཛ྄ཛྷཏྟཱརམྨཎཱ དྷམྨཱ, བཧིདྡྷཱརམྨཎཱ དྷམྨཱ, ཨཛ྄ཛྷཏྟབཧིདྡྷཱརམྨཎཱ དྷམྨཱ. སནིདསྶནསཔྤཊིགྷཱ དྷམྨཱ, ཨནིདསྶནསཔྤཊིགྷཱ དྷམྨཱ, ཨནིདསྶནཨཔྤཊིགྷཱ དྷམྨཱ (དྷ. ས. ཏིཀམཱཏིཀཱ ༡-༢༢).

དྭཱཝཱིསཏིཏིཀཾ.

དུཀམཱཏིཀཱ

ཧེཏུགོཙྪཀཾ

ཧེཏཱུ དྷམྨཱ, ན ཧེཏཱུ དྷམྨཱ. སཧེཏུཀཱ དྷམྨཱ, ཨཧེཏུཀཱ དྷམྨཱ. ཧེཏུསམྤཡུཏྟཱ དྷམྨཱ, ཧེཏུཝིཔྤཡུཏྟཱ དྷམྨཱ. ཧེཏཱུ ཙེཝ དྷམྨཱ སཧེཏུཀཱ ཙ, སཧེཏུཀཱ ཙེཝ དྷམྨཱ ན ཙ ཧེཏཱུ. ཧེཏཱུ ཙེཝ ¶ དྷམྨཱ ཧེཏུསམྤཡུཏྟཱ ཙ, ཧེཏུསམྤཡུཏྟཱ ཙེཝ དྷམྨཱ ན ཙ ཧེཏཱུ. ན ཧེཏཱུ ཁོ པན དྷམྨཱ སཧེཏུཀཱཔི, ཨཧེཏུཀཱཔི. ཧེཏུགོཙྪཀཾ.

ཙཱུལ༹ནྟརདུཀཾ

སཔྤཙྩཡཱ དྷམྨཱ, ཨཔྤཙྩཡཱ དྷམྨཱ. སངྑཏཱ དྷམྨཱ, ཨསངྑཏཱ དྷམྨཱ. སནིདསྶནཱ དྷམྨཱ, ཨནིདསྶནཱ དྷམྨཱ. སཔྤཊིགྷཱ དྷམྨཱ, ཨཔྤཊིགྷཱ ¶ དྷམྨཱ. རཱུཔིནོ དྷམྨཱ, ཨརཱུཔིནོ དྷམྨཱ. ལོཀིཡཱ དྷམྨཱ, ལོཀུཏྟརཱ དྷམྨཱ. ཀེནཙི ཝིཉྙེཡྻཱ དྷམྨཱ, ཀེནཙི ན ཝིཉྙེཡྻཱ དྷམྨཱ. ཙཱུལ༹ནྟརདུཀཾ.

ཨཱསཝགོཙྪཀཾ

ཨཱསཝཱ དྷམྨཱ, ནོ ཨཱསཝཱ དྷམྨཱ. སཱསཝཱ དྷམྨཱ, ཨནཱསཝཱ དྷམྨཱ. ཨཱསཝསམྤཡུཏྟཱ དྷམྨཱ, ཨཱསཝཝིཔྤཡུཏྟཱ དྷམྨཱ. ཨཱསཝཱ ཙེཝ དྷམྨཱ སཱསཝཱ ཙ, སཱསཝཱ ཙེཝ དྷམྨཱ ནོ ཙ ཨཱསཝཱ. ཨཱསཝཱ ཙེཝ དྷམྨཱ ཨཱསཝསམྤཡུཏྟཱ ཙ, ཨཱསཝསམྤཡུཏྟཱ ཙེཝ དྷམྨཱ ནོ ཙ ཨཱསཝཱ. ཨཱསཝཝིཔྤཡུཏྟཱ ཁོ པན དྷམྨཱ སཱསཝཱཔི, ཨནཱསཝཱཔི. ཨཱསཝགོཙྪཀཾ.

སཉྙོཛནགོཙྪཀཾ

སཉྙོཛནཱ དྷམྨཱ, ནོ སཉྙོཛནཱ དྷམྨཱ. སཉྙོཛནིཡཱ དྷམྨཱ, ཨསཉྙོཛནིཡཱ དྷམྨཱ. སཉྙོཛནསམྤཡུཏྟཱ དྷམྨཱ, སཉྙོཛནཝིཔྤཡུཏྟཱ དྷམྨཱ. སཉྙོཛནཱ ཙེཝ དྷམྨཱ སཉྙོཛནིཡཱ ཙ, སཉྙོཛནིཡཱ ཙེཝ དྷམྨཱ ནོ ཙ སཉྙོཛནཱ. སཉྙོཛནཱ ཙེཝ དྷམྨཱ སཉྙོཛནསམྤཡུཏྟཱ ཙ, སཉྙོཛནསམྤཡུཏྟཱ ཙེཝ དྷམྨཱ ནོ ཙ སཉྙོཛནཱ. སཉྙོཛནཝིཔྤཡུཏྟཱ ཁོ པན དྷམྨཱ སཉྙོཛནིཡཱཔི, ཨསཉྙོཛནིཡཱཔི. སཉྙོཛནགོཙྪཀཾ.

གནྠགོཙྪཀཾ

གནྠཱ དྷམྨཱ, ནོ གནྠཱ དྷམྨཱ. གནྠནིཡཱ དྷམྨཱ, ཨགནྠནིཡཱ དྷམྨཱ. གནྠསམྤཡུཏྟཱ དྷམྨཱ, གནྠཝིཔྤཡུཏྟཱ དྷམྨཱ. གནྠཱ ཙེཝ དྷམྨཱ གནྠནིཡཱ ཙ, གནྠནིཡཱ ཙེཝ དྷམྨཱ ནོ ཙ གནྠཱ ¶ . གནྠཱ ཙེཝ དྷམྨཱ གནྠསམྤཡུཏྟཱ ཙ, གནྠསམྤཡུཏྟཱ ཙེཝ དྷམྨཱ ནོ ཙ གནྠཱ. གནྠཝིཔྤཡུཏྟཱ ཁོ པན དྷམྨཱ གནྠནིཡཱཔི, ཨགནྠནིཡཱཔི. གནྠགོཙྪཀཾ.

ཨོགྷགོཙྪཀཾ

ཨོགྷཱ ¶ དྷམྨཱ, ནོ ཨོགྷཱ དྷམྨཱ. ཨོགྷནིཡཱ དྷམྨཱ, ཨནོགྷནིཡཱ དྷམྨཱ. ཨོགྷསམྤཡུཏྟཱ དྷམྨཱ, ཨོགྷཝིཔྤཡུཏྟཱ དྷམྨཱ. ཨོགྷཱ ཙེཝ དྷམྨཱ ཨོགྷནིཡཱ ཙ, ཨོགྷནིཡཱ ཙེཝ དྷམྨཱ ནོ ཙ ཨོགྷཱ. ཨོགྷཱ ཙེཝ དྷམྨཱ ཨོགྷསམྤཡུཏྟཱ ཙ, ཨོགྷསམྤཡུཏྟཱ ཙེཝ དྷམྨཱ ནོ ཙ ཨོགྷཱ. ཨོགྷཝིཔྤཡུཏྟཱ ཁོ པན དྷམྨཱ ཨོགྷནིཡཱཔི, ཨནོགྷནིཡཱཔི. ཨོགྷགོཙྪཀཾ.

ཡོགགོཙྪཀཾ

ཡོགཱ དྷམྨཱ, ནོ ཡོགཱ དྷམྨཱ. ཡོགནིཡཱ དྷམྨཱ, ཨཡོགནིཡཱ དྷམྨཱ. ཡོགསམྤཡུཏྟཱ དྷམྨཱ, ཡོགཝིཔྤཡུཏྟཱ དྷམྨཱ. ཡོགཱ ཙེཝ དྷམྨཱ ཡོགནིཡཱ ཙ, ཡོགནིཡཱ ཙེཝ དྷམྨཱ ནོ ཙ ཡོགཱ. ཡོགཱ ཙེཝ དྷམྨཱ ཡོགསམྤཡུཏྟཱ ཙ, ཡོགསམྤཡུཏྟཱ ཙེཝ དྷམྨཱ ནོ ཙ ཡོགཱ. ཡོགཝིཔྤཡུཏྟཱ ཁོ པན དྷམྨཱ ཡོགནིཡཱཔི, ཨཡོགནིཡཱཔི. ཡོགགོཙྪཀཾ.

ནཱིཝརཎགོཙྪཀཾ

ནཱིཝརཎཱ དྷམྨཱ, ནོ ནཱིཝརཎཱ དྷམྨཱ. ནཱིཝརཎིཡཱ དྷམྨཱ, ཨནཱིཝརཎིཡཱ དྷམྨཱ. ནཱིཝརཎསམྤཡུཏྟཱ དྷམྨཱ, ནཱིཝརཎཝིཔྤཡུཏྟཱ དྷམྨཱ. ནཱིཝརཎཱ ཙེཝ དྷམྨཱ ནཱིཝརཎིཡཱ ཙ, ནཱིཝརཎིཡཱ ཙེཝ དྷམྨཱ ནོ ཙ ནཱིཝརཎཱ. ནཱིཝརཎཱ ཙེཝ དྷམྨཱ ནཱིཝརཎསམྤཡུཏྟཱ ཙ, ནཱིཝརཎསམྤཡུཏྟཱ ཙེཝ དྷམྨཱ ནོ ཙ ནཱིཝརཎཱ. ནཱིཝརཎཝིཔྤཡུཏྟཱ ཁོ པན དྷམྨཱ ནཱིཝརཎིཡཱཔི, ཨནཱིཝརཎིཡཱཔི. ནཱིཝརཎགོཙྪཀཾ.

པརཱམཱསགོཙྪཀཾ

པརཱམཱསཱ དྷམྨཱ, ནོ པརཱམཱསཱ དྷམྨཱ. པརཱམཊྛཱ དྷམྨཱ, ཨཔརཱམཊྛཱ དྷམྨཱ. པརཱམཱསསམྤཡུཏྟཱ དྷམྨཱ, པརཱམཱསཝིཔྤཡུཏྟཱ དྷམྨཱ. པརཱམཱསཱ ཙེཝ དྷམྨཱ ¶ པརཱམཊྛཱ ཙ, པརཱམཊྛཱཙེཝ ¶ དྷམྨཱ ནོ ཙ པརཱམཱསཱ. པརཱམཱསཝིཔྤཡུཏྟཱ ཁོ པན དྷམྨཱ པརཱམཊྛཱཔི, ཨཔརཱམཊྛཱཔི. པརཱམཱསགོཙྪཀཾ.

མཧནྟརདུཀཾ

སཱརམྨཎཱ དྷམྨཱ, ཨནཱརམྨཎཱ དྷམྨཱ. ཙིཏྟཱ དྷམྨཱ, ནོ ཙིཏྟཱ དྷམྨཱ. ཙེཏསིཀཱ དྷམྨཱ, ཨཙེཏསིཀཱ དྷམྨཱ. ཙིཏྟསམྤཡུཏྟཱ དྷམྨཱ, ཙིཏྟཝིཔྤཡུཏྟཱ དྷམྨཱ. ཙིཏྟསཾསཊྛཱ དྷམྨཱ, ཙིཏྟཝིསཾསཊྛཱ དྷམྨཱ. ཙིཏྟསམུཊྛཱནཱ དྷམྨཱ, ནོ ཙིཏྟསམུཊྛཱནཱ དྷམྨཱ. ཙིཏྟསཧབྷུནོ དྷམྨཱ, ནོ ཙིཏྟསཧབྷུནོ དྷམྨཱ. ཙིཏྟཱནུཔརིཝཏྟིནོ དྷམྨཱ, ནོ ཙིཏྟཱནུཔརིཝཏྟིནོ དྷམྨཱ. ཙིཏྟསཾསཊྛསམུཊྛཱནཱ དྷམྨཱ, ནོ ཙིཏྟསཾསཊྛསམུཊྛཱནཱ དྷམྨཱ. ཙིཏྟསཾསཊྛསམུཊྛཱནསཧབྷུནོ དྷམྨཱ, ནོ ཙིཏྟསཾསཊྛསམུཊྛཱནསཧབྷུནོ དྷམྨཱ. ཙིཏྟསཾསཊྛསམུཊྛཱནཱནུཔརིཝཏྟིནོ དྷམྨཱ, ནོ ཙིཏྟསཾསཊྛསམུཊྛཱནཱནུཔརིཝཏྟིནོ དྷམྨཱ. ཨཛ྄ཛྷཏྟིཀཱ དྷམྨཱ, བཱཧིརཱ དྷམྨཱ. ཨུཔཱདཱ དྷམྨཱ, ནོ ཨུཔཱདཱ དྷམྨཱ. ཨུཔཱདིཎྞཱ དྷམྨཱ, ཨནུཔཱདིཎྞཱ དྷམྨཱ. མཧནྟརདུཀཾ.

ཨུཔཱདཱནགོཙྪཀཾ

ཨུཔཱདཱནཱ དྷམྨཱ, ནོ ཨུཔཱདཱནཱ དྷམྨཱ. ཨུཔཱདཱནིཡཱ དྷམྨཱ, ཨནུཔཱདཱནིཡཱ དྷམྨཱ. ཨུཔཱདཱནསམྤཡུཏྟཱ དྷམྨཱ, ཨུཔཱདཱནཝིཔྤཡུཏྟཱ དྷམྨཱ. ཨུཔཱདཱནཱ ཙེཝ དྷམྨཱ ཨུཔཱདཱནིཡཱ ཙ, ཨུཔཱདཱནིཡཱ ཙེཝ དྷམྨཱ ནོ ཙ ཨུཔཱདཱནཱ. ཨུཔཱདཱནཱ ཙེཝ དྷམྨཱ ཨུཔཱདཱནསམྤཡུཏྟཱ ཙ, ཨུཔཱདཱནསམྤཡུཏྟཱ ཙེཝ དྷམྨཱ ནོ ཙ ཨུཔཱདཱནཱ. ཨུཔཱདཱནཝིཔྤཡུཏྟཱ ཁོ པན དྷམྨཱ ཨུཔཱདཱནིཡཱཔི, ཨནུཔཱདཱནིཡཱཔི. ཨུཔཱདཱནགོཙྪཀཾ.

ཀིལེསགོཙྪཀཾ

ཀིལེསཱ དྷམྨཱ, ནོ ཀིལེསཱ དྷམྨཱ. སཾཀིལེསིཀཱ དྷམྨཱ, ཨསཾཀིལེསིཀཱ དྷམྨཱ. སཾཀིལིཊྛཱ དྷམྨཱ, ཨསཾཀིལིཊྛཱ དྷམྨཱ. ཀིལེསསམྤཡུཏྟཱ དྷམྨཱ, ཀིལེསཝིཔྤཡུཏྟཱ དྷམྨཱ. ཀིལེསཱ ¶ ཙེཝ དྷམྨཱ སཾཀིལེསིཀཱ ཙ, སཾཀིལེསིཀཱ ཙེཝ དྷམྨཱ ནོ ཙ ཀིལེསཱ. ཀིལེསཱ ཙེཝ དྷམྨཱ སཾཀིལིཊྛཱ ཙ, སཾཀིལིཊྛཱ ཙེཝ དྷམྨཱ ནོ ཙ ཀིལེསཱ. ཀིལེསཱ ཙེཝ དྷམྨཱ ཀིལེསསམྤཡུཏྟཱ ¶ ཙ, ཀིལེསསམྤཡུཏྟཱ ཙེཝ དྷམྨཱ ནོ ཙ ཀིལེསཱ. ཀིལེསཝིཔྤཡུཏྟཱ ཁོ པན དྷམྨཱ སཾཀིལེསིཀཱཔི, ཨསཾཀིལེསིཀཱཔི. ཀིལེསགོཙྪཀཾ.

པིཊྛིདུཀཾ

དསྶནེན པཧཱཏབྦཱ དྷམྨཱ, ན དསྶནེན པཧཱཏབྦཱ དྷམྨཱ. བྷཱཝནཱཡ པཧཱཏབྦཱ དྷམྨཱ, ན བྷཱཝནཱཡ པཧཱཏབྦཱ དྷམྨཱ. དསྶནེན པཧཱཏབྦཧེཏུཀཱ དྷམྨཱ, ན དསྶནེན པཧཱཏབྦཧེཏུཀཱ དྷམྨཱ. བྷཱཝནཱཡ པཧཱཏབྦཧེཏུཀཱ དྷམྨཱ, ན བྷཱཝནཱཡ པཧཱཏབྦཧེཏུཀཱ དྷམྨཱ. སཝིཏཀྐཱ དྷམྨཱ, ཨཝིཏཀྐཱ དྷམྨཱ. སཝིཙཱརཱ དྷམྨཱ, ཨཝིཙཱརཱ དྷམྨཱ. སཔྤཱིཏིཀཱ དྷམྨཱ, ཨཔྤཱིཏིཀཱ དྷམྨཱ. པཱིཏིསཧགཏཱ དྷམྨཱ, ན པཱིཏིསཧགཏཱ དྷམྨཱ. སུཁསཧགཏཱ དྷམྨཱ, ན སུཁསཧགཏཱ དྷམྨཱ. ཨུཔེཀྑཱསཧགཏཱ དྷམྨཱ, ན ཨུཔེཀྑཱསཧགཏཱ དྷམྨཱ. ཀཱམཱཝཙརཱ དྷམྨཱ, ན ཀཱམཱཝཙརཱ དྷམྨཱ. རཱུཔཱཝཙརཱ དྷམྨཱ, ན རཱུཔཱཝཙརཱ དྷམྨཱ. ཨརཱུཔཱཝཙརཱ དྷམྨཱ, ན ཨརཱུཔཱཝཙརཱ དྷམྨཱ. པརིཡཱཔནྣཱ དྷམྨཱ, ཨཔརིཡཱཔནྣཱ དྷམྨཱ. ནིཡྻཱནིཀཱ དྷམྨཱ, ཨནིཡྻཱནིཀཱ དྷམྨཱ. ནིཡཏཱ དྷམྨཱ, ཨནིཡཏཱ དྷམྨཱ. སཨུཏྟརཱ དྷམྨཱ, ཨནུཏྟརཱ དྷམྨཱ. སརཎཱ དྷམྨཱ, ཨརཎཱ དྷམྨཱ. པིཊྛིདུཀཾ.

ཨབྷིདྷམྨདུཀམཱཏིཀཱ.

སུཏྟནྟིཀདུཀམཱཏིཀཱ

ཝིཛྫཱབྷཱགིནོ དྷམྨཱ, ཨཝིཛྫཱབྷཱགིནོ དྷམྨཱ. ཝིཛྫཱུཔམཱ དྷམྨཱ, ཝཛིརཱུཔམཱ དྷམྨཱ. བཱལཱ དྷམྨཱ, པཎྜིཏཱ དྷམྨཱ. ཀཎྷཱ དྷམྨཱ ¶ , སུཀྐཱ དྷམྨཱ. ཏཔནཱིཡཱ དྷམྨཱ, ཨཏཔནཱིཡཱ དྷམྨཱ. ཨདྷིཝཙནཱ དྷམྨཱ, ཨདྷིཝཙནཔཐཱ དྷམྨཱ. ནིརུཏྟི དྷམྨཱ, ནིརུཏྟིཔཐཱ དྷམྨཱ. པཉྙཏྟི དྷམྨཱ, པཉྙཏྟིཔཐཱ དྷམྨཱ. ནཱམཉྩ, རཱུཔཉྩ. ཨཝིཛྫཱ ཙ, བྷཝཏཎྷཱ ཙ. བྷཝདིཊྛི ཙ, ཝིབྷཝདིཊྛི ཙ. སསྶཏདིཊྛི ཙ, ཨུཙྪེདདིཊྛི ཙ. ཨནྟཝཱ དིཊྛི ཙ, ཨནནྟཝཱ དིཊྛི ཙ. པུབྦནྟཱནུདིཊྛི ཙ, ཨཔརནྟཱནུདིཊྛི ཙ. ཨཧིརིཀཉྩ, ཨནོཏྟཔྤཉྩ. ཧིརཱི ཙ, ཨོཏྟཔྤཉྩ. དོཝཙསྶཏཱ ཙ, པཱཔམིཏྟཏཱ ཙ. སོཝཙསྶཏཱ ཙ, ཀལྱཱཎམིཏྟཏཱ ཙ. ཨཱཔཏྟིཀུསལཏཱ ཙ, ཨཱཔཏྟིཝུཊྛཱནཀུསལཏཱ ཙ. སམཱཔཏྟིཀུསལཏཱ ཙ, སམཱཔཏྟིཝུཊྛཱནཀུསལཏཱ ཙ. དྷཱཏུཀུསལཏཱ ཙ, མནསིཀཱརཀུསལཏཱ ¶ ཙ. ཨཱཡཏནཀུསལཏཱ ཙ, པཊིཙྩསམུཔྤཱདཀུསལཏཱ ཙ. ཋཱནཀུསལཏཱ ཙ, ཨཊྛཱནཀུསལཏཱ ཙ. ཨཛྫཝོ ཙ, མདྡཝོ ཙ. ཁནྟི ཙ, སོརཙྩཉྩ. སཱཁལྱཉྩ, པཊིསནྠཱརོ ཙ. ཨིནྡྲིཡེསུ ཨགུཏྟདྭཱརཏཱ ཙ, བྷོཛནེ ཨམཏྟཉྙུཏཱ ཙ. ཨིནྡྲིཡེསུ གུཏྟདྭཱརཏཱ ཙ, བྷོཛནེ མཏྟཉྙུཏཱ ཙ. མུཊྛསྶཙྩཉྩ, ཨསམྤཛཉྙཉྩ. སཏི ཙ, སམྤཛཉྙཉྩ. པཊིསངྑཱནབལཉྩ, བྷཱཝནཱབལཉྩ. སམཐོ ཙ, ཝིཔསྶནཱ ཙ. སམཐནིམིཏྟཉྩ, པགྒཱཧནིམིཏྟཉྩ. པགྒཱཧོ ཙ, ཨཝིཀྑེཔོ ཙ. སཱིལཝིཔཏྟི ཙ, དིཊྛིཝིཔཏྟི ཙ. སཱིལསམྤདཱ ཙ, དིཊྛིསམྤདཱ ཙ. སཱིལཝིསུདྡྷི ཙ, དིཊྛིཝིསུདྡྷི ཙ. དིཊྛིཝིསུདྡྷི ཁོ པན, ཡཐཱདིཊྛིསྶ ཙ པདྷཱནཾ. སཾཝེགོ ཙ སཾཝེཛནིཡེསུ ཋཱནེསུ, སཾཝིགྒསྶ ཙ ཡོནིསོ པདྷཱནཾ. ཨསནྟུཊྛིཏཱ ཙ ཀུསལེསུ དྷམྨེསུ, ཨཔྤཊིཝཱནིཏཱ ཙ པདྷཱནསྨིཾ. ཝིཛྫཱ ཙ, ཝིམུཏྟི ཙ. ཁཡེ ཉཱཎཾ, ཨནུཔྤཱདེ ཉཱཎནྟི.

སུཏྟནྟིཀདུཀམཱཏིཀཱ.

དྷམྨསངྒཎཱིམཱཏིཀཱ ནིཊྛིཏཱ.

༢. ཝིབྷངྒམཱཏིཀཱ

ཁནྡྷཝིབྷངྒོ

པཉྩཀྑནྡྷཱ ¶ – (ཝིབྷ. ༡) རཱུཔཀྑནྡྷོ ཝེདནཱཀྑནྡྷོ སཉྙཱཀྑནྡྷོ སངྑཱརཀྑནྡྷོ ཝིཉྙཱཎཀྑནྡྷོཏི. ཁནྡྷཝིབྷངྒཾ.

ཨཱཡཏནཝིབྷངྒོ

དྭཱདསཱཡཏནཱནི (ཝིབྷ. ༡༥༤) – ཙཀྑཱཡཏནཾ རཱུཔཱཡཏནཾ སོཏཱཡཏནཾ སདྡཱཡཏནཾ གྷཱནཱཡཏནཾ གནྡྷཱཡཏནཾ ཛིཝ྄ཧཱཡཏནཾ རསཱཡཏནཾ ཀཱཡཱཡཏནཾ ཕོཊྛབྦཱཡཏནཾ མནཱཡཏནཾ དྷམྨཱཡཏནནྟི. ཨཱཡཏནཝིབྷངྒཾ.

དྷཱཏུཝིབྷངྒོ

ཨཊྛཱརས ¶ དྷཱཏུཡོ (ཝིབྷ. ༡༨༣) – ཙཀྑུདྷཱཏུ རཱུཔདྷཱཏུ ཙཀྑུཝིཉྙཱཎདྷཱཏུ, སོཏདྷཱཏུ སདྡདྷཱཏུ སོཏཝིཉྙཱཎདྷཱཏུ, གྷཱནདྷཱཏུ གནྡྷདྷཱཏུ གྷཱནཝིཉྙཱཎདྷཱཏུ, ཛིཝ྄ཧཱདྷཱཏུ རསདྷཱཏུ ཛིཝ྄ཧཱཝིཉྙཱཎདྷཱཏུ, ཀཱཡདྷཱཏུ ཕོཊྛབྦདྷཱཏུ ཀཱཡཝིཉྙཱཎདྷཱཏུ, མནོདྷཱཏུ དྷམྨདྷཱཏུ མནོཝིཉྙཱཎདྷཱཏཱུཏི. དྷཱཏུཝིབྷངྒཾ.

སཙྩཝིབྷངྒོ

ཙཏྟཱརི ཨརིཡསཙྩཱནི (ཝིབྷ. ༡༨༩) – དུཀྑཾ ཨརིཡསཙྩཾ, དུཀྑསམུདཡཾ ཨརིཡསཙྩཾ, དུཀྑནིརོདྷཾ ཨརིཡསཙྩཾ, དུཀྑནིརོདྷགཱམིནཱི པཊིཔདཱ ཨརིཡསཙྩནྟི. སཙྩཝིབྷངྒཾ.

ཨིནྡྲིཡཝིབྷངྒོ

བཱཝཱིསཏིནྡྲིཡཱནི (ཝིབྷ. ༢༡༩) – ཙཀྑུནྡྲིཡཾ སོཏིནྡྲིཡཾ གྷཱནིནྡྲིཡཾ ཛིཝ྄ཧིནྡྲིཡཾ ཀཱཡིནྡྲིཡཾ མནིནྡྲིཡཾ ཨིཏྠིནྡྲིཡཾ པུརིསིནྡྲིཡཾ ཛཱིཝིཏིནྡྲིཡཾ སུཁིནྡྲིཡཾ ¶ དུཀྑིནྡྲིཡཾ སོམནསྶིནྡྲིཡཾ དོམནསྶིནྡྲིཡཾ ཨུཔེཀྑིནྡྲིཡཾ སདྡྷིནྡྲིཡཾ ཝཱིརིཡིནྡྲིཡཾ སཏིནྡྲིཡཾ སམཱདྷིནྡྲིཡཾ པཉྙིནྡྲིཡཾ ཨནཉྙཱཏཉྙསྶཱམཱིཏིནྡྲིཡཾ ཨཉྙིནྡྲིཡཾ ཨཉྙཱཏཱཝིནྡྲིཡནྟི. ཨིནྡྲིཡཝིབྷངྒཾ.

པཊིཙྩསམུཔྤཱདཝིབྷངྒོ

ཨཝིཛྫཱཔཙྩཡཱ སངྑཱརཱ (ཝིབྷ. ༢༢༥), སངྑཱརཔཙྩཡཱ ཝིཉྙཱཎཾ, ཝིཉྙཱཎཔཙྩཡཱ ནཱམརཱུཔཾ, ནཱམརཱུཔཔཙྩཡཱ སལཱ༹ཡཏནཾ, སལཱ༹ཡཏནཔཙྩཡཱ ཕསྶོ, ཕསྶཔཙྩཡཱ ཝེདནཱ, ཝེདནཱཔཙྩཡཱ ཏཎྷཱ, ཏཎྷཱཔཙྩཡཱ ཨུཔཱདཱནཾ, ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ སོཀཔརིདེཝདུཀྑདོམནསྶུཔཱཡཱསཱ སམྦྷཝནྟི, ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི. པཊིཙྩསམུཔྤཱདཝིབྷངྒཾ.

སཏིཔཊྛཱནཝིབྷངྒོ

ཙཏྟཱརོ ¶ སཏིཔཊྛཱནཱ (ཝིབྷ. ༣༥༥) – ཨིདྷ བྷིཀྑུ ཨཛ྄ཛྷཏྟཾ ཀཱཡེ ཀཱཡཱནུཔསྶཱི ཝིཧརཏི, བཧིདྡྷཱ ཀཱཡེ ཀཱཡཱནུཔསྶཱི ཝིཧརཏི, ཨཛ྄ཛྷཏྟབཧིདྡྷཱ ཀཱཡེ ཀཱཡཱནུཔསྶཱི ཝིཧརཏི ཨཱཏཱཔཱི སམྤཛཱནོ སཏིམཱ ཝིནེཡྻ ལོཀེ ཨབྷིཛ྄ཛྷཱདོམནསྶཾ.

ཨཛ྄ཛྷཏྟཾ ཝེདནཱསུ ཝེདནཱནུཔསྶཱི ཝིཧརཏི, བཧིདྡྷཱ ཝེདནཱསུ ཝེདནཱནུཔསྶཱི ཝིཧརཏི, ཨཛ྄ཛྷཏྟབཧིདྡྷཱ ཝེདནཱསུ ཝེདནཱནུཔསྶཱི ཝིཧརཏི ཨཱཏཱཔཱི སམྤཛཱནོ སཏིམཱ ཝིནེཡྻ ལོཀེ ཨབྷིཛ྄ཛྷཱདོམནསྶཾ.

ཨཛ྄ཛྷཏྟཾ ཙིཏྟེ ཙིཏྟཱནུཔསྶཱི ཝིཧརཏི, བཧིདྡྷཱ ཙིཏྟེ ཙིཏྟཱནུཔསྶཱི ཝིཧརཏི, ཨཛ྄ཛྷཏྟབཧིདྡྷཱ ཙིཏྟེ ཙིཏྟཱནུཔསྶཱི ཝིཧརཏི ཨཱཏཱཔཱི སམྤཛཱནོ སཏིམཱ ཝིནེཡྻ ལོཀེ ཨབྷིཛ྄ཛྷཱདོམནསྶཾ.

ཨཛ྄ཛྷཏྟཾ ¶ དྷམྨེསུ དྷམྨཱནུཔསྶཱི ཝིཧརཏི, བཧིདྡྷཱ དྷམྨེསུ དྷམྨཱནུཔསྶཱི ཝིཧརཏི, ཨཛ྄ཛྷཏྟབཧིདྡྷཱ དྷམྨེསུ དྷམྨཱནུཔསྶཱི ཝིཧརཏི ཨཱཏཱཔཱི སམྤཛཱནོ སཏིམཱ ཝིནེཡྻ ལོཀེ ཨབྷིཛ྄ཛྷཱདོམནསྶཾ. སཏིཔཊྛཱནཝིབྷངྒཾ.

སམྨཔྤདྷཱནཝིབྷངྒོ

ཙཏྟཱརོ སམྨཔྤདྷཱནཱ (ཝིབྷ. ༣༩༠) – ཨིདྷ བྷིཀྑུ ཨནུཔྤནྣཱནཾ པཱཔཀཱནཾ ཨཀུསལཱནཾ དྷམྨཱནཾ ཨནུཔྤཱདཱཡ ཚནྡཾ ཛནེཏི ཝཱཡམཏི ཝཱིརིཡཾ ཨཱརབྷཏི ཙིཏྟཾ པགྒཎྷཱཏི པདཧཏི.

ཨུཔྤནྣཱནཾ པཱཔཀཱནཾ ཨཀུསལཱནཾ དྷམྨཱནཾ པཧཱནཱཡ ཚནྡཾ ཛནེཏི ཝཱཡམཏི ཝཱིརིཡཾ ཨཱརབྷཏི ཙིཏྟཾ པགྒཎྷཱཏི པདཧཏི.

ཨནུཔྤནྣཱནཾ ཀུསལཱནཾ དྷམྨཱནཾ ཨུཔྤཱདཱཡ ཚནྡཾ ཛནེཏི ཝཱཡམཏི ཝཱིརིཡཾ ཨཱརབྷཏི ཙིཏྟཾ པགྒཎྷཱཏི པདཧཏི.

ཨུཔྤནྣཱནཾ ¶ ཀུསལཱནཾ དྷམྨཱནཾ ཋིཏིཡཱ ཨསམྨོསཱཡ བྷིཡྻོབྷཱཝཱཡ ཝེཔུལླཱཡ བྷཱཝནཱཡ པཱརིཔཱུརིཡཱ ཚནྡཾ ཛནེཏི ཝཱཡམཏི ཝཱིརིཡཾ ཨཱརབྷཏི ཙིཏྟཾ པགྒཎྷཱཏི པདཧཏི. སམྨཔྤདྷཱནཝིབྷངྒཾ.

ཨིདྡྷིཔཱདཝིབྷངྒོ

ཙཏྟཱརོ ཨིདྡྷིཔཱདཱ (ཝིབྷ. ༤༣༠) – ཨིདྷ བྷིཀྑུ ཚནྡསམཱདྷིཔདྷཱནསངྑཱརསམནྣཱགཏཾ ཨིདྡྷིཔཱདཾ བྷཱཝེཏི, ཝཱིརིཡསམཱདྷིཔདྷཱནསངྑཱརསམནྣཱགཏཾ ཨིདྡྷིཔཱདཾ བྷཱཝེཏི, ཙིཏྟསམཱདྷིཔདྷཱནསངྑཱརསམནྣཱགཏཾ ཨིདྡྷིཔཱདཾ བྷཱཝེཏི, ཝཱིམཾསཱསམཱདྷིཔདྷཱནསངྑཱརསམནྣཱགཏཾ ཨིདྡྷིཔཱདཾ བྷཱཝེཏི. ཨིདྡྷིཔཱདཝིབྷངྒཾ.

བོཛ྄ཛྷངྒཝིབྷངྒོ

སཏྟ ¶ བོཛ྄ཛྷངྒཱ (ཝིབྷ. ༤༦༦) – སཏིསམྦོཛ྄ཛྷངྒོ དྷམྨཝིཙཡསམྦོཛ྄ཛྷངྒོ ཝཱིརིཡསམྦོཛ྄ཛྷངྒོ པཱིཏིསམྦོཛ྄ཛྷངྒོ པསྶདྡྷིསམྦོཛ྄ཛྷངྒོ སམཱདྷིསམྦོཛ྄ཛྷངྒོ ཨུཔེཀྑཱསམྦོཛ྄ཛྷངྒོ. བོཛ྄ཛྷངྒཝིབྷངྒཾ.

མགྒངྒཝིབྷངྒོ

ཨརིཡོ ཨཊྛངྒིཀོ མགྒོ (ཝིབྷ. ༤༨༦). སེཡྻཐིདཾ – སམྨཱདིཊྛི སམྨཱསངྐཔྤོ སམྨཱཝཱཙཱ སམྨཱཀམྨནྟོ སམྨཱཨཱཛཱིཝོ སམྨཱཝཱཡཱམོ སམྨཱསཏི སམྨཱསམཱདྷི. མགྒངྒཝིབྷངྒཾ.

ཛྷཱནཝིབྷངྒོ

ཨིདྷ བྷིཀྑུ པཱཏིམོཀྑསཾཝརསཾཝུཏོ ཝིཧརཏི (ཝིབྷ. ༥༠༨) ཨཱཙཱརགོཙརསམྤནྣོ ཨཎུམཏྟེསུ ཝཛྫེསུ བྷཡདསྶཱཝཱི སམཱདཱཡ སིཀྑཏི སིཀྑཱཔདེསུ ཨིནྡྲིཡེསུ གུཏྟདྭཱརོ བྷོཛནེ མཏྟཉྙཱུ པུབྦརཏྟཱཔརརཏྟཾ ཛཱགརིཡཱནུཡོགམནུཡུཏྟོ སཱཏཙྩཾ ནེཔཀྐཾ བོདྷིཔཀྑིཀཱནཾ དྷམྨཱནཾ བྷཱཝནཱནུཡོགམནུཡུཏྟོ.

སོ ¶ ཨབྷིཀྐནྟེ པཊིཀྐནྟེ སམྤཛཱནཀཱརཱི ཧོཏི, ཨཱལོཀིཏེ ཝིལོཀིཏེ སམྤཛཱནཀཱརཱི ཧོཏི, སམིཉྫིཏེ པསཱརིཏེ སམྤཛཱནཀཱརཱི ཧོཏི, སངྒྷཱཊིཔཏྟཙཱིཝརདྷཱརཎེ སམྤཛཱནཀཱརཱི ཧོཏི, ཨསིཏེ པཱིཏེ ཁཱཡིཏེ སཱཡིཏེ སམྤཛཱནཀཱརཱི ཧོཏི, ཨུཙྩཱརཔསྶཱཝཀམྨེ སམྤཛཱནཀཱརཱི ཧོཏི, གཏེ ཋིཏེ ནིསིནྣེ སུཏྟེ ཛཱགརིཏེ བྷཱསིཏེ ཏུཎྷཱིབྷཱཝེ སམྤཛཱནཀཱརཱི ཧོཏི.

སོ ¶ ཝིཝིཏྟཾ སེནཱསནཾ བྷཛཏི ཨརཉྙཾ རུཀྑམཱུལཾ པབྦཏཾ ཀནྡརཾ གིརིགུཧཾ སུསཱནཾ ཝནཔཏྠཾ ཨབྦྷོཀཱསཾ པལཱལཔུཉྫཾ ཨཔྤསདྡཾ ཨཔྤནིགྒྷོསཾ ཝིཛནཝཱཏཾ མནུསྶརཱཧསྶེཡྻཀཾ པཊིསལླཱནསཱརུཔྤཾ.

སོ ཨརཉྙགཏོ ཝཱ རུཀྑམཱུལགཏོ ཝཱ སུཉྙཱགཱརགཏོ ཝཱ ནིསཱིདཏི པལླངྐཾ ཨཱབྷུཛིཏྭཱ ཨུཛུཾ ཀཱཡཾ པཎིདྷཱཡ པརིམུཁཾ སཏིཾ ཨུཔཊྛཔེཏྭཱ, སོ ཨབྷིཛ྄ཛྷཾ ལོཀེ པཧཱཡ ཝིགཏཱབྷིཛ྄ཛྷེན ཙེཏསཱ ཝིཧརཏི, ཨབྷིཛ྄ཛྷཱཡ ཙིཏྟཾ པརིསོདྷེཏི, བྱཱཔཱདཔདོསཾ པཧཱཡ ཨབྱཱཔནྣཙིཏྟོ ཝིཧརཏི སབྦཔཱཎབྷཱུཏཧིཏཱནུཀམྤཱི, བྱཱཔཱདཔདོསཱ ཙིཏྟཾ པརིསོདྷེཏི, ཐིནམིདྡྷཾ པཧཱཡ ཝིགཏཐིནམིདྡྷོ ཝིཧརཏི ཨཱལོཀསཉྙཱི སཏོ སམྤཛཱནོ, ཐིནམིདྡྷཱ ཙིཏྟཾ པརིསོདྷེཏི, ཨུདྡྷཙྩཀུཀྐུཙྩཾ པཧཱཡ ཨནུདྡྷཏོ ཝིཧརཏི ཨཛ྄ཛྷཏྟཾ ཝཱུཔསནྟཙིཏྟོ, ཨུདྡྷཙྩཀུཀྐུཙྩཱ ཙིཏྟཾ པརིསོདྷེཏི, ཝིཙིཀིཙྪཾ པཧཱཡ ཏིཎྞཝིཙིཀིཙྪོ ཝིཧརཏི ཨཀཐཾཀཐཱི ཀུསལེསུ དྷམྨེསུ, ཝིཙིཀིཙྪཱཡ ཙིཏྟཾ པརིསོདྷེཏི.

སོ ཨིམེ པཉྩ ནཱིཝརཎེ པཧཱཡ ཙེཏསོ ཨུཔཀྐིལེསེ པཉྙཱཡ དུབྦལཱིཀརཎེ ཝིཝིཙྩེཝ ཀཱམེཧི ཝིཝིཙྩ ཨཀུསལེཧི དྷམྨེཧི སཝིཏཀྐཾ སཝིཙཱརཾ ཝིཝེཀཛཾ པཱིཏིསུཁཾ པཋམཾ ཛྷཱནཾ ཨུཔསམྤཛྫ ཝིཧརཏི, ཝིཏཀྐཝིཙཱརཱནཾ ཝཱུཔསམཱ ཨཛ྄ཛྷཏྟཾ སམྤསཱདནཾ ཙེཏསོ ཨེཀོདིབྷཱཝཾ ཨཝིཏཀྐཾ ཨཝིཙཱརཾ སམཱདྷིཛཾ པཱིཏིསུཁཾ དུཏིཡཾ ཛྷཱནཾ ཨུཔསམྤཛྫ ཝིཧརཏི, པཱིཏིཡཱ ཙ ཝིརཱགཱ ཨུཔེཀྑཀོ ཙ ཝིཧརཏི སཏོ ཙ སམྤཛཱནོ སུཁཉྩ ཀཱཡེན པཊིསཾཝེདེཏི, ཡཾ ཏཾ ཨརིཡཱ ཨཱཙིཀྑནྟི ‘‘ཨུཔེཀྑཀོ སཏིམཱ སུཁཝིཧཱརཱི’’ཏི, ཏཏིཡཾ ཛྷཱནཾ ཨུཔསམྤཛྫ ཝིཧརཏི, སུཁསྶ ཙ པཧཱནཱ དུཀྑསྶ ཙ པཧཱནཱ པུབྦེཝ སོམནསྶདོམནསྶཱནཾ ཨཏྠངྒམཱ ཨདུཀྑམསུཁཾ ཨུཔེཀྑཱསཏིཔཱརིསུདྡྷིཾ ཙཏུཏྠཾ ཛྷཱནཾ ཨུཔསམྤཛྫ ཝིཧརཏི.

སབྦསོ ¶ ¶ རཱུཔསཉྙཱནཾ སམཏིཀྐམཱ པཊིགྷསཉྙཱནཾ ཨཏྠངྒམཱ ནཱནཏྟསཉྙཱནཾ ཨམནསིཀཱརཱ ‘‘ཨནནྟོ ཨཱཀཱསོ’’ཏི ཨཱཀཱསཱནཉྩཱཡཏནཾ ཨུཔསམྤཛྫ ཝིཧརཏི, སབྦསོ ཨཱཀཱསཱནཉྩཱཡཏནཾ སམཏིཀྐམྨ ‘‘ཨནནྟཾ ཝིཉྙཱཎ’’ནྟི ཝིཉྙཱཎཉྩཱཡཏནཾ ཨུཔསམྤཛྫ ཝིཧརཏི, སབྦསོ ཝིཉྙཱཎཉྩཱཡཏནཾ སམཏིཀྐམྨ ‘‘ནཏྠི ཀིཉྩཱི’’ཏི ཨཱཀིཉྩཉྙཱཡཏནཾ ཨུཔསམྤཛྫ ཝིཧརཏི, སབྦསོ ཨཱཀིཉྩཉྙཱཡཏནཾ སམཏིཀྐམྨ ནེཝསཉྙཱནཱསཉྙཱཡཏནཾ ཨུཔསམྤཛྫ ཝིཧརཏི. ཛྷཱནཝིབྷངྒཾ.

ཨཔྤམཉྙཱཝིབྷངྒོ

ཙཏསྶོ ཨཔྤམཉྙཱཡོ (ཝིབྷ. ༦༤༢) – ཨིདྷ བྷིཀྑུ མེཏྟཱསཧགཏེན ཙེཏསཱ ཨེཀཾ དིསཾ ཕརིཏྭཱ ཝིཧརཏི, ཏཐཱ དུཏིཡཾ, ཏཐཱ ཏཏིཡཾ, ཏཐཱ ཙཏུཏྠཾ. ཨིཏི ཨུདྡྷམདྷོ ཏིརིཡཾ སབྦདྷི སབྦཏྟཏཱཡ སབྦཱཝནྟཾ ལོཀཾ མེཏྟཱསཧགཏེན ཙེཏསཱ ཝིཔུལེན མཧགྒཏེན ཨཔྤམཱཎེན ཨཝེརེན ཨབྱཱཔཛྫེན ཕརིཏྭཱ ཝིཧརཏི.

ཀརུཎཱསཧགཏེན ཙེཏསཱ ཨེཀཾ དིསཾ ཕརིཏྭཱ ཝིཧརཏི, ཏཐཱ དུཏིཡཾ, ཏཐཱ ཏཏིཡཾ, ཏཐཱ ཙཏུཏྠཾ. ཨིཏི ཨུདྡྷམདྷོ ཏིརིཡཾ སབྦདྷིསབྦཏྟཏཱཡ སབྦཱཝནྟཾ ལོཀཾ ཀརུཎཱསཧགཏེན ཙེཏསཱ ཝིཔུལེན མཧགྒཏེན ཨཔྤམཱཎེན ཨཝེརེན ཨབྱཱཔཛྫེན ཕརིཏྭཱ ཝིཧརཏི.

མུདིཏཱསཧགཏེན ཙེཏསཱ ཨེཀཾ དིསཾ ཕརིཏྭཱ ཝིཧརཏི, ཏཐཱ དུཏིཡཾ, ཏཐཱ ཏཏིཡཾ, ཏཐཱ ཙཏུཏྠཾ. ཨིཏི ཨུདྡྷམདྷོ ཏིརིཡཾ སབྦདྷི སབྦཏྟཏཱཡ སབྦཱཝནྟཾ ལོཀཾ མུདིཏཱསཧགཏེན ཙེཏསཱ ཝིཔུལེན མཧགྒཏེན ཨཔྤམཱཎེན ཨཝེརེན ཨབྱཱཔཛྫེན ཕརིཏྭཱ ཝིཧརཏི.

ཨུཔེཀྑཱསཧགཏེན ¶ ཙེཏསཱ ཨེཀཾ དིསཾ ཕརིཏྭཱ ཝིཧརཏི, ཏཐཱ དུཏིཡཾ, ཏཐཱ ཏཏིཡཾ, ཏཐཱ ཙཏུཏྠཾ. ཨིཏི ཨུདྡྷམདྷོ ཏིརིཡཾ སབྦདྷི སབྦཏྟཏཱཡ སབྦཱཝནྟཾ ལོཀཾ ཨུཔེཀྑཱསཧགཏེན ཙེཏསཱ ཝིཔུལེན མཧགྒཏེན ཨཔྤམཱཎེན ཨཝེརེན ཨབྱཱཔཛྫེན ཕརིཏྭཱ ཝིཧརཏི. ཨཔྤམཉྙཱཝིབྷངྒཾ.

སིཀྑཱཔདཝིབྷངྒོ

པཉྩ ¶ སིཀྑཱཔདཱནི (ཝིབྷ. ༧༠༣) – པཱཎཱཏིཔཱཏཱ ཝེརམཎཱི སིཀྑཱཔདཾ, ཨདིནྣཱདཱནཱ ཝེརམཎཱི སིཀྑཱཔདཾ, ཀཱམེསུམིཙྪཱཙཱརཱ ཝེརམཎཱི སིཀྑཱཔདཾ, མུསཱཝཱདཱ ཝེརམཎཱི སིཀྑཱཔདཾ, སུརཱམེརཡམཛྫཔམཱདཊྛཱནཱ ཝེརམཎཱི སིཀྑཱཔདཾ. སིཀྑཱཔདཝིབྷངྒཾ.

པཊིསམྦྷིདཱཝིབྷངྒོ

ཙཏསྶོ པཊིསམྦྷིདཱ (ཝིབྷ. ༧༡༨) – ཨཏྠཔཊིསམྦྷིདཱ དྷམྨཔཊིསམྦྷིདཱ ནིརུཏྟིཔཊིསམྦྷིདཱ པཊིབྷཱནཔཊིསམྦྷིདཱ. པཊིསམྦྷིདཱཝིབྷངྒཾ.

ཉཱཎཝིབྷངྒོ

ཨེཀཝིདྷེན ཉཱཎཝཏྠུ (ཝིབྷ. ༧༥༡) – པཉྩ ཝིཉྙཱཎཱ ན ཧེཏཱུ, ཨཧེཏུཀཱ, ཧེཏུཝིཔྤཡུཏྟཱ, སཔྤཙྩཡཱ, སངྑཏཱ, ཨརཱུཔཱ, ལོཀིཡཱ, སཱསཝཱ, སཾཡོཛནིཡཱ, གནྠནིཡཱ, ཨོགྷནིཡཱ, ཡོགནིཡཱ, ནཱིཝརཎིཡཱ, པརཱམཊྛཱ, ཨུཔཱདཱནིཡཱ, སཾཀིལེསིཀཱ, ཨབྱཱཀཏཱ, སཱརམྨཎཱ, ཨཙེཏསིཀཱ, ཝིཔཱཀཱ, ཨུཔཱདིཎྞུཔཱདཱནིཡཱ, ཨསཾཀིལིཊྛསཾཀིལེསིཀཱ, ན སཝིཏཀྐསཝིཙཱརཱ, ན ཨཝིཏཀྐཝིཙཱརམཏྟཱ, ཨཝིཏཀྐཨཝིཙཱརཱ, ན པཱིཏིསཧགཏཱ, ནེཝ དསྶནེན ན བྷཱཝནཱཡ པཧཱཏབྦཱ, ནེཝ དསྶནེན ན བྷཱཝནཱཡ པཧཱཏབྦཧེཏུཀཱ, ནེཝཱཙཡགཱམིནཱཔཙཡགཱམིནོ, ནེཝསེཀྑནཱསེཀྑཱ, པརིཏྟཱ, ཀཱམཱཝཙརཱ, ན ¶ རཱུཔཱཝཙརཱ, ན ཨརཱུཔཱཝཙརཱ, པརིཡཱཔནྣཱ, ནོ ཨཔརིཡཱཔནྣཱ, ཨནིཡཏཱ, ཨནིཡྻཱནིཀཱ.

ཨུཔྤནྣཝཏྠུཀཱ, ཨུཔྤནྣཱརམྨཎཱ, པུརེཛཱཏཝཏྠུཀཱ, པུརེཛཱཏཱརམྨཎཱ, ཨཛ྄ཛྷཏྟིཀཝཏྠུཀཱ, བཱཧིརཱརམྨཎཱ, ཨསམྦྷིནྣཝཏྠུཀཱ, ཨསམྦྷིནྣཱརམྨཎཱ, ནཱནཱཝཏྠུཀཱ, ནཱནཱརམྨཎཱ, ན ཨཉྙམཉྙསྶ གོཙརཝིསཡཾ པཙྩནུབྷོནྟི, ན ཨསམནྣཱཧཱརཱ ཨུཔྤཛྫནྟི, ན ཨམནསིཀཱརཱ ཨུཔྤཛྫནྟི, ན ཨབྦོཀིཎྞཱ ཨུཔྤཛྫནྟི, ན ཨཔུབྦཾ ཨཙརིམཾ ཨུཔྤཛྫནྟི, ན ཨཉྙམཉྙསྶ སམནནྟརཱ ཨུཔྤཛྫནྟི.

པཉྩ ཝིཉྙཱཎཱ ཨནཱབྷོགཱ, པཉྩཧི ཝིཉྙཱཎེཧི ན ཀཉྩི དྷམྨཾ པཊིཝིཛཱནཱཏི, ཨཉྙཏྲ ¶ ཨབྷིནིཔཱཏམཏྟཱ, པཉྩནྣཾ ཝིཉྙཱཎཱནཾ སམནནྟརཱཔི ན ཀཉྩི དྷམྨཾ པཊིཝིཛཱནཱཏི, པཉྩཧི ཝིཉྙཱཎེཧི ན ཀཉྩི ཨིརིཡཱཔཐཾ ཀཔྤེཏི, པཉྩནྣཾ ཝིཉྙཱཎཱནཾ སམནནྟརཱཔི ན ཀཉྩི ཨིརིཡཱཔཐཾ ཀཔྤེཏི, པཉྩཧི ཝིཉྙཱཎེཧི ན ཀཱཡཀམྨཾ ན ཝཙཱིཀམྨཾ པཊྛཔེཏི, པཉྩནྣཾ ཝིཉྙཱཎཱནཾ སམནནྟརཱཔི ན ཀཱཡཀམྨཾ ན ཝཙཱིཀམྨཾ པཊྛཔེཏི, པཉྩཧི ཝིཉྙཱཎེཧི ན ཀུསལཱཀུསལཾ དྷམྨཾ སམཱདིཡཏི, པཉྩནྣཾ ཝིཉྙཱཎཱནཾ སམནནྟརཱཔི ན ཀུསལཱཀུསལཾ དྷམྨཾ སམཱདིཡཏི, པཉྩཧི ཝིཉྙཱཎེཧི ན སམཱཔཛྫཏི ན ཝུཊྛཱཏི, པཉྩནྣཾ ཝིཉྙཱཎཱནཾ སམནནྟརཱཔི ན སམཱཔཛྫཏི ན ཝུཊྛཱཏི, པཉྩཧི ཝིཉྙཱཎེཧི ན ཙཝཏི ན ཨུཔྤཛྫཏི, པཉྩནྣཾ ཝིཉྙཱཎཱནཾ སམནནྟརཱཔི ན ཙཝཏི ན ཨུཔྤཛྫཏི, པཉྩཧི ཝིཉྙཱཎེཧི ན སུཔཏི ན པཊིབུཛ྄ཛྷཏི ན སུཔིནཾ པསྶཏི, པཉྩནྣཾ ཝིཉྙཱཎཱནཾ སམནནྟརཱཔི ན སུཔཏི ན པཊིབུཛ྄ཛྷཏི ན སུཔིནཾ པསྶཏི, ཡཱཐཱཝཀཝཏྠུཝིབྷཱཝནཱ པཉྙཱ. ཨེཝཾ ཨེཀཝིདྷེན ཉཱཎཝཏྠུ.

དུཝིདྷེན ¶ ཉཱཎཝཏྠུ – ལོཀིཡཱ པཉྙཱ, ལོཀུཏྟརཱ པཉྙཱ. ཀེནཙི ཝིཉྙེཡྻཱ པཉྙཱ, ཀེནཙི ན ཝིཉྙེཡྻཱ པཉྙཱ. སཱསཝཱ པཉྙཱ, ཨནཱསཝཱ པཉྙཱ. ཨཱསཝཝིཔྤཡུཏྟཱ སཱསཝཱ པཉྙཱ, ཨཱསཝཝིཔྤཡུཏྟཱ ཨནཱསཝཱ པཉྙཱ. སཾཡོཛནིཡཱ པཉྙཱ, ཨསཾཡོཛནིཡཱ པཉྙཱ. སཾཡོཛནཝིཔྤཡུཏྟཱ སཾཡོཛནིཡཱ པཉྙཱ, སཾཡོཛནཝིཔྤཡུཏྟཱ ཨསཾཡོཛནིཡཱ པཉྙཱ. གནྠནིཡཱ པཉྙཱ, ཨགནྠནིཡཱ པཉྙཱ. གནྠཝིཔྤཡུཏྟཱ གནྠནིཡཱ པཉྙཱ, གནྠཝིཔྤཡུཏྟཱ ཨགནྠནིཡཱ པཉྙཱ.

ཨོགྷནིཡཱ པཉྙཱ, ཨནོགྷནིཡཱ པཉྙཱ. ཨོགྷཝིཔྤཡུཏྟཱ ཨོགྷནིཡཱ པཉྙཱ, ཨོགྷཝིཔྤཡུཏྟཱ ཨནོགྷནིཡཱ པཉྙཱ. ཡོགནིཡཱ པཉྙཱ, ཨཡོགནིཡཱ པཉྙཱ. ཡོགཝིཔྤཡུཏྟཱ ཡོགནིཡཱ པཉྙཱ, ཡོགཝིཔྤཡུཏྟཱ ཨཡོགནིཡཱ པཉྙཱ. ནཱིཝརཎིཡཱ པཉྙཱ, ཨནཱིཝརཎིཡཱ པཉྙཱ. ནཱིཝརཎཝིཔྤཡུཏྟཱ ནཱིཝརཎིཡཱ པཉྙཱ, ནཱིཝརཎཝིཔྤཡུཏྟཱ ཨནཱིཝརཎིཡཱ པཉྙཱ. པརཱམཊྛཱ པཉྙཱ, ཨཔརཱམཊྛཱ པཉྙཱ. པརཱམཱསཝིཔྤཡུཏྟཱ པརཱམཊྛཱ པཉྙཱ, པརཱམཱསཝིཔྤཡུཏྟཱ ཨཔརཱམཊྛཱ པཉྙཱ. ཨུཔཱདིཎྞཱ པཉྙཱ, ཨནུཔཱདིཎྞཱ པཉྙཱ. ཨུཔཱདཱནིཡཱ པཉྙཱ, ཨནུཔཱདཱནིཡཱ པཉྙཱ. ཨུཔཱདཱནཝིཔྤཡུཏྟཱ ཨུཔཱདཱནིཡཱ པཉྙཱ, ཨུཔཱདཱནཝིཔྤཡུཏྟཱ ཨནུཔཱདཱནིཡཱ པཉྙཱ.

སཾཀིལེསིཀཱ པཉྙཱ, ཨསཾཀིལེསིཀཱ པཉྙཱ. ཀིལེསཝིཔྤཡུཏྟཱ སཾཀིལེསིཀཱ པཉྙཱ, ཀིལེསཝིཔྤཡུཏྟཱ ¶ ཨསཾཀིལེསིཀཱ པཉྙཱ. སཝིཏཀྐཱ པཉྙཱ, ཨཝིཏཀྐཱ པཉྙཱ. སཝིཙཱརཱ པཉྙཱ, ཨཝིཙཱརཱ པཉྙཱ. སཔྤཱིཏིཀཱ པཉྙཱ, ཨཔྤཱིཏིཀཱ པཉྙཱ. པཱིཏིསཧགཏཱ པཉྙཱ, ན པཱིཏིསཧགཏཱ པཉྙཱ. སུཁསཧགཏཱ པཉྙཱ, ན སུཁསཧགཏཱ པཉྙཱ. ཨུཔེཀྑཱསཧགཏཱ པཉྙཱ, ན ཨུཔེཀྑཱསཧགཏཱ པཉྙཱ ¶ . ཀཱམཱཝཙརཱ པཉྙཱ, ན ཀཱམཱཝཙརཱ པཉྙཱ. རཱུཔཱཝཙརཱ པཉྙཱ, ན རཱུཔཱཝཙརཱ པཉྙཱ. ཨརཱུཔཱཝཙརཱ པཉྙཱ, ན ཨརཱུཔཱཝཙརཱ པཉྙཱ. པརིཡཱཔནྣཱ པཉྙཱ, ཨཔརིཡཱཔནྣཱ པཉྙཱ. ནིཡྻཱནིཀཱ པཉྙཱ, ཨནིཡྻཱནིཀཱ པཉྙཱ. ནིཡཏཱ པཉྙཱ, ཨནིཡཏཱ པཉྙཱ. སཨུཏྟརཱ པཉྙཱ, ཨནུཏྟརཱ པཉྙཱ. ཨཏྠཛཱཔིཀཱ པཉྙཱ, ཛཱཔིཏཏྠཱ པཉྙཱ. ཨེཝཾ དུཝིདྷེན ཉཱཎཝཏྠུ.

ཏིཝིདྷེན ཉཱཎཝཏྠུ – ཙིནྟཱམཡཱ པཉྙཱ, སུཏམཡཱ པཉྙཱ, བྷཱཝནཱམཡཱ པཉྙཱ. དཱནམཡཱ པཉྙཱ, སཱིལམཡཱ པཉྙཱ, བྷཱཝནཱམཡཱ པཉྙཱ. ཨདྷིསཱིལེ པཉྙཱ, ཨདྷིཙིཏྟེ པཉྙཱ, ཨདྷིཔཉྙཱཡ པཉྙཱ. ཨཱཡཀོསལླཾ, ཨཔཱཡཀོསལླཾ, ཨུཔཱཡཀོསལླཾ.

ཝིཔཱཀཱ པཉྙཱ, ཝིཔཱཀདྷམྨདྷམྨཱ པཉྙཱ, ནེཝཝིཔཱཀནཝིཔཱཀདྷམྨདྷམྨཱ པཉྙཱ. ཨུཔཱདིཎྞུཔཱདཱནིཡཱ པཉྙཱ, ཨནུཔཱདིཎྞུཔཱདཱནིཡཱ པཉྙཱ, ཨནུཔཱདིཎྞཨནུཔཱདཱནིཡཱ པཉྙཱ. སཝིཏཀྐསཝིཙཱརཱ པཉྙཱ, ཨཝིཏཀྐཝིཙཱརམཏྟཱ པཉྙཱ, ཨཝིཏཀྐཨཝིཙཱརཱ པཉྙཱ. པཱིཏིསཧགཏཱ པཉྙཱ, སུཁསཧགཏཱ པཉྙཱ, ཨུཔེཀྑཱསཧགཏཱ པཉྙཱ. ཨཱཙཡགཱམིནཱི པཉྙཱ, ཨཔཙཡགཱམིནཱི པཉྙཱ, ནེཝཱཙཡགཱམིནཱཔཙཡགཱམིནཱི པཉྙཱ. སེཀྑཱ པཉྙཱ, ཨསེཀྑཱ པཉྙཱ, ནེཝསེཀྑནཱསེཀྑཱ པཉྙཱ. པརིཏྟཱ པཉྙཱ, མཧགྒཏཱ པཉྙཱ, ཨཔྤམཱཎཱ པཉྙཱ. པརིཏྟཱརམྨཎཱ པཉྙཱ, མཧགྒཏཱརམྨཎཱ པཉྙཱ, ཨཔྤམཱཎཱརམྨཎཱ པཉྙཱ. མགྒཱརམྨཎཱ པཉྙཱ, མགྒཧེཏུཀཱ པཉྙཱ, མགྒཱདྷིཔཏིནཱི པཉྙཱ. ཨུཔྤནྣཱ པཉྙཱ, ཨནུཔྤནྣཱ པཉྙཱ, ཨུཔྤཱདིནཱི པཉྙཱ. ཨཏཱིཏཱ པཉྙཱ, ཨནཱགཏཱ པཉྙཱ, པཙྩུཔྤནྣཱ པཉྙཱ. ཨཏཱིཏཱརམྨཎཱ པཉྙཱ, ཨནཱགཏཱརམྨཎཱ པཉྙཱ, པཙྩུཔྤནྣཱརམྨཎཱ པཉྙཱ. ཨཛ྄ཛྷཏྟཱ པཉྙཱ, བཧིདྡྷཱ པཉྙཱ, ཨཛ྄ཛྷཏྟབཧིདྡྷཱ པཉྙཱ. ཨཛ྄ཛྷཏྟཱརམྨཎཱ པཉྙཱ, བཧིདྡྷཱརམྨཎཱ པཉྙཱ, ཨཛ྄ཛྷཏྟབཧིདྡྷཱརམྨཎཱ པཉྙཱ.

སཝིཏཀྐསཝིཙཱརཱ ¶ པཉྙཱ ཨཏྠི ཝིཔཱཀཱ, ཨཏྠི ཝིཔཱཀདྷམྨདྷམྨཱ, ཨཏྠི ནེཝཝིཔཱཀནཝིཔཱཀདྷམྨདྷམྨཱ. ཨཏྠི ཨུཔཱདིཎྞུཔཱདཱནིཡཱ, ཨཏྠི ཨནུཔཱདིཎྞུཔཱདཱནིཡཱ, ཨཏྠི ཨནུཔཱདིཎྞཨནུཔཱདཱནིཡཱ ¶ . ཨཏྠི པཱིཏིསཧགཏཱ, ཨཏྠི སུཁསཧགཏཱ, ཨཏྠི ཨུཔེཀྑཱསཧགཏཱ. ཨཏྠི ཨཱཙཡགཱམིནཱི, ཨཏྠི ཨཔཙཡགཱམིནཱི, ཨཏྠི ནེཝཱཙཡགཱམིནཱཔཙཡགཱམིནཱི. ཨཏྠི སེཀྑཱ, ཨཏྠི ཨསེཀྑཱ, ཨཏྠི ནེཝསེཀྑནཱསེཀྑཱ. ཨཏྠི པརིཏྟཱ, ཨཏྠི མཧགྒཏཱ, ཨཏྠི ཨཔྤམཱཎཱ. ཨཏྠི པརིཏྟཱརམྨཎཱ, ཨཏྠི མཧགྒཏཱརམྨཎཱ, ཨཏྠི ཨཔྤམཱཎཱརམྨཎཱ. ཨཏྠི མགྒཱརམྨཎཱ, ཨཏྠི མགྒཧེཏུཀཱ, ཨཏྠི མགྒཱདྷིཔཏིནཱི. ཨཏྠི ཨུཔྤནྣཱ, ཨཏྠི ཨནུཔྤནྣཱ, ཨཏྠི ཨུཔྤཱདིནཱི. ཨཏྠི ཨཏཱིཏཱ, ཨཏྠི ཨནཱགཏཱ, ཨཏྠི པཙྩུཔྤནྣཱ. ཨཏྠི ཨཏཱིཏཱརམྨཎཱ, ཨཏྠི ཨནཱགཏཱརམྨཎཱ, ཨཏྠི པཙྩུཔྤནྣཱརམྨཎཱ. ཨཏྠི ཨཛ྄ཛྷཏྟཱ, ཨཏྠི བཧིདྡྷཱ, ཨཏྠི ཨཛ྄ཛྷཏྟབཧིདྡྷཱ. ཨཏྠི ཨཛ྄ཛྷཏྟཱརམྨཎཱ, ཨཏྠི བཧིདྡྷཱརམྨཎཱ, ཨཏྠི ཨཛ྄ཛྷཏྟབཧིདྡྷཱརམྨཎཱ.

ཨཝིཏཀྐཝིཙཱརམཏྟཱ པཉྙཱ ཨཏྠི ཝིཔཱཀཱ, ཨཏྠི ཝིཔཱཀདྷམྨདྷམྨཱ, ཨཏྠི ནེཝཝིཔཱཀནཝིཔཱཀདྷམྨདྷམྨཱ. ཨཏྠི ཨུཔཱདིཎྞུཔཱདཱནིཡཱ, ཨཏྠི ཨནུཔཱདིཎྞུཔཱདཱནིཡཱ, ཨཏྠི ཨནུཔཱདིཎྞཨནུཔཱདཱནིཡཱ. ཨཏྠི ཨཱཙཡགཱམིནཱི, ཨཏྠི ཨཔཙཡགཱམིནཱི, ཨཏྠི ནེཝཱཙཡགཱམིནཱཔཙཡགཱམིནཱི. ཨཏྠི སེཀྑཱ, ཨཏྠི ཨསེཀྑཱ, ཨཏྠི ནེཝསེཀྑནཱསེཀྑཱ. ཨཏྠི ཨུཔྤནྣཱ, ཨཏྠི ཨནུཔྤནྣཱ, ཨཏྠི ཨུཔྤཱདིནཱི. ཨཏྠི ཨཏཱིཏཱ, ཨཏྠི ཨནཱགཏཱ, ཨཏྠི པཙྩུཔྤནྣཱ. ཨཏྠི ཨཛ྄ཛྷཏྟཱ, ཨཏྠི བཧིདྡྷཱ, ཨཏྠི ཨཛ྄ཛྷཏྟབཧིདྡྷཱ.

ཨཝིཏཀྐཨཝིཙཱརཱ པཉྙཱ ཨཏྠི ཝིཔཱཀཱ, ཨཏྠི ཝིཔཱཀདྷམྨདྷམྨཱ, ཨཏྠི ནེཝཝིཔཱཀནཝིཔཱཀདྷམྨདྷམྨཱ. ཨཏྠི ཨུཔཱདིཎྞུཔཱདཱནིཡཱ, ཨཏྠི ཨནུཔཱདིཎྞུཔཱདཱནིཡཱ, ཨཏྠི ཨནུཔཱདིཎྞཨནུཔཱདཱནིཡཱ. ཨཏྠི པཱིཏིསཧགཏཱ, ཨཏྠི སུཁསཧགཏཱ, ཨཏྠི ¶ ཨུཔེཀྑཱསཧགཏཱ. ཨཏྠི ཨཱཙཡགཱམིནཱི, ཨཏྠི ཨཔཙཡགཱམིནཱི, ཨཏྠི ནེཝཱཙཡགཱམིནཱཔཙཡགཱམིནཱི. ཨཏྠི སེཀྑཱ, ཨཏྠི ཨསེཀྑཱ, ཨཏྠི ནེཝསེཀྑནཱསེཀྑཱ. ཨཏྠི པརིཏྟཱརམྨཎཱ, ཨཏྠི མཧགྒཏཱརམྨཎཱ, ཨཏྠི ཨཔྤམཱཎཱརམྨཎཱ. ཨཏྠི མགྒཱརམྨཎཱ, ཨཏྠི མགྒཧེཏུཀཱ, ཨཏྠི མགྒཱདྷིཔཏིནཱི. ཨཏྠི ཨུཔྤནྣཱ, ཨཏྠི ཨནུཔྤནྣཱ, ཨཏྠི ཨུཔྤཱདིནཱི. ཨཏྠི ཨཏཱིཏཱ, ཨཏྠི ཨནཱགཏཱ, ཨཏྠི པཙྩུཔྤནྣཱ. ཨཏྠི ཨཏཱིཏཱརམྨཎཱ, ཨཏྠི ཨནཱགཏཱརམྨཎཱ, ཨཏྠི པཙྩུཔྤནྣཱརམྨཎཱ. ཨཏྠི ཨཛ྄ཛྷཏྟཱ, ཨཏྠི བཧིདྡྷཱ, ཨཏྠི ཨཛ྄ཛྷཏྟབཧིདྡྷཱ. ཨཏྠི ཨཛ྄ཛྷཏྟཱརམྨཎཱ, ཨཏྠི བཧིདྡྷཱརམྨཎཱ, ཨཏྠི ཨཛ྄ཛྷཏྟབཧིདྡྷཱརམྨཎཱ.

པཱིཏིསཧགཏཱ པཉྙཱ, སུཁསཧགཏཱ པཉྙཱ ཨཏྠི ཝིཔཱཀཱ, ཨཏྠི ཝིཔཱཀདྷམྨདྷམྨཱ, ཨཏྠི ནེཝཝིཔཱཀནཝིཔཱཀདྷམྨདྷམྨཱ ¶ . ཨཏྠི ཨུཔཱདིཎྞུཔཱདཱནིཡཱ, ཨཏྠི ཨནུཔཱདིཎྞུཔཱདཱནིཡཱ, ཨཏྠི ཨནུཔཱདིཎྞཨནུཔཱདཱནིཡཱ. ཨཏྠི སཝིཏཀྐསཝིཙཱརཱ, ཨཏྠི ཨཝིཏཀྐཝིཙཱརམཏྟཱ, ཨཏྠི ཨཝིཏཀྐཨཝིཙཱརཱ. ཨཏྠི ཨཱཙཡགཱམིནཱི, ཨཏྠི ཨཔཙཡགཱམིནཱི, ཨཏྠི ནེཝཱཙཡགཱམིནཱཔཙཡགཱམིནཱི. ཨཏྠི སེཀྑཱ, ཨཏྠི ཨསེཀྑཱ, ཨཏྠི ནེཝསེཀྑནཱསེཀྑཱ. ཨཏྠི པརིཏྟཱ, ཨཏྠི མཧགྒཏཱ, ཨཏྠི ཨཔྤམཱཎཱ. ཨཏྠི པརིཏྟཱརམྨཎཱ, ཨཏྠི མཧགྒཏཱརམྨཎཱ, ཨཏྠི ཨཔྤམཱཎཱརམྨཎཱ. ཨཏྠི མགྒཱརམྨཎཱ, ཨཏྠི མགྒཧེཏུཀཱ, ཨཏྠི མགྒཱདྷིཔཏིནཱི. ཨཏྠི ཨུཔྤནྣཱ, ཨཏྠི ཨནུཔྤནྣཱ, ཨཏྠི ཨུཔྤཱདིནཱི. ཨཏྠི ཨཏཱིཏཱ, ཨཏྠི ཨནཱགཏཱ, ཨཏྠི པཙྩུཔྤནྣཱ. ཨཏྠི ཨཏཱིཏཱརམྨཎཱ, ཨཏྠི ཨནཱགཏཱརམྨཎཱ, ཨཏྠི པཙྩུཔྤནྣཱརམྨཎཱ. ཨཏྠི ཨཛ྄ཛྷཏྟཱ, ཨཏྠི བཧིདྡྷཱ, ཨཏྠི ཨཛ྄ཛྷཏྟབཧིདྡྷཱ. ཨཏྠི ཨཛ྄ཛྷཏྟཱརམྨཎཱ, ཨཏྠི བཧིདྡྷཱརམྨཎཱ, ཨཏྠི ཨཛ྄ཛྷཏྟབཧིདྡྷཱརམྨཎཱ.

ཨུཔེཀྑཱསཧགཏཱ པཉྙཱ ཨཏྠི ཝིཔཱཀཱ, ཨཏྠི ཝིཔཱཀདྷམྨདྷམྨཱ, ཨཏྠི ནེཝཝིཔཱཀནཝིཔཱཀདྷམྨདྷམྨཱ. ཨཏྠི ཨུཔཱདིཎྞུཔཱདཱནིཡཱ ¶ , ཨཏྠི ཨནུཔཱདིཎྞུཔཱདཱནིཡཱ, ཨཏྠི ཨནུཔཱདིཎྞཨནུཔཱདཱནིཡཱ. ཨཏྠི ཨཱཙཡགཱམིནཱི, ཨཏྠི ཨཔཙཡགཱམིནཱི, ཨཏྠི ནེཝཱཙཡགཱམིནཱཔཙཡགཱམིནཱི. ཨཏྠི སེཀྑཱ, ཨཏྠི ཨསེཀྑཱ, ཨཏྠི ནེཝསེཀྑནཱསེཀྑཱ. ཨཏྠི པརིཏྟཱ, ཨཏྠི མཧགྒཏཱ, ཨཏྠི ཨཔྤམཱཎཱ. ཨཏྠི པརིཏྟཱརམྨཎཱ, ཨཏྠི མཧགྒཏཱརམྨཎཱ, ཨཏྠི ཨཔྤམཱཎཱརམྨཎཱ. ཨཏྠི མགྒཱརམྨཎཱ, ཨཏྠི མགྒཧེཏུཀཱ, ཨཏྠི མགྒཱདྷིཔཏིནཱི. ཨཏྠི ཨུཔྤནྣཱ, ཨཏྠི ཨནུཔྤནྣཱ, ཨཏྠི ཨུཔྤཱདིནཱི. ཨཏྠི ཨཏཱིཏཱ, ཨཏྠི ཨནཱགཏཱ, ཨཏྠི པཙྩུཔྤནྣཱ. ཨཏྠི ཨཏཱིཏཱརམྨཎཱ, ཨཏྠི ཨནཱགཏཱརམྨཎཱ, ཨཏྠི པཙྩུཔྤནྣཱརམྨཎཱ. ཨཏྠི ཨཛ྄ཛྷཏྟཱ, ཨཏྠི བཧིདྡྷཱ, ཨཏྠི ཨཛ྄ཛྷཏྟབཧིདྡྷཱ. ཨཏྠི ཨཛ྄ཛྷཏྟཱརམྨཎཱ, ཨཏྠི བཧིདྡྷཱརམྨཎཱ, ཨཏྠི ཨཛ྄ཛྷཏྟབཧིདྡྷཱརམྨཎཱ. ཨེཝཾ ཏིཝིདྷེན ཉཱཎཝཏྠུ.

ཙཏུབྦིདྷེན ཉཱཎཝཏྠུ – ཀམྨསྶཀཏཉཱཎཾ, སཙྩཱནུལོམིཀཾ ཉཱཎཾ, མགྒསམངྒིསྶ ཉཱཎཾ, ཕལསམངྒིསྶ ཉཱཎཾ. དུཀྑེ ཉཱཎཾ, དུཀྑསམུདཡེ ཉཱཎཾ, དུཀྑནིརོདྷེ ཉཱཎཾ, དུཀྑནིརོདྷགཱམིནིཡཱ པཊིཔདཱཡ ཉཱཎཾ. ཀཱམཱཝཙརཱ པཉྙཱ, རཱུཔཱཝཙརཱ པཉྙཱ, ཨརཱུཔཱཝཙརཱ པཉྙཱ, ཨཔརིཡཱཔནྣཱ པཉྙཱ. དྷམྨེ ཉཱཎཾ, ཨནྭཡེ ཉཱཎཾ, པརིཙྩེ ཉཱཎཾ, སམྨུཏི ཉཱཎཾ. ཨཏྠི པཉྙཱ ཨཱཙཡཱཡ, ནོ ཨཔཙཡཱཡ, ཨཏྠི པཉྙཱ ཨཔཙཡཱཡ, ནོ ཨཱཙཡཱཡ, ཨཏྠི པཉྙཱ ཨཱཙཡཱཡ ཙེཝ, ཨཔཙཡཱཡ ཙ, ཨཏྠི པཉྙཱ ནེཝཱཙཡཱཡ, ནོ ཨཔཙཡཱཡ. ཨཏྠི པཉྙཱ ནིབྦིདཱཡ, ནོ པཊིཝེདྷཱཡ, ཨཏྠི པཉྙཱ པཊིཝེདྷཱཡ, ནོ ནིབྦིདཱཡ ¶ , ཨཏྠི པཉྙཱ ནིབྦིདཱཡ ཙེཝ, པཊིཝེདྷཱཡ ཙ, ཨཏྠི པཉྙཱ ནེཝ ནིབྦིདཱཡ, ནོ པཊིཝེདྷཱཡ. ཧཱནབྷཱགིནཱི པཉྙཱ, ཋིཏིབྷཱགིནཱི པཉྙཱ, ཝིསེསབྷཱགིནཱི པཉྙཱ, ནིབྦེདྷབྷཱགིནཱི པཉྙཱ.

ཙཏསྶོ ¶ པཊིསམྦྷིདཱ. ཙཏསྶོ པཊིཔདཱ. ཙཏྟཱརི ཨཱརམྨཎཱནི. ཛརཱམརཎེ ཉཱཎཾ, ཛརཱམརཎསམུདཡེ ཉཱཎཾ, ཛརཱམརཎནིརོདྷེ ཉཱཎཾ, ཛརཱམརཎནིརོདྷགཱམིནིཡཱ པཊིཔདཱཡ ཉཱཎཾ. ཛཱཏིཡཱ ཉཱཎཾ…པེ… བྷཝེ ཉཱཎཾ…པེ… ཨུཔཱདཱནེ ཉཱཎཾ…པེ… ཏཎྷཱཡ ཉཱཎཾ…པེ… ཝེདནཱཡ ཉཱཎཾ…པེ… ཕསྶེ ཉཱཎཾ…པེ… སལཱ༹ཡཏནེ ཉཱཎཾ…པེ… ནཱམརཱུཔེ ཉཱཎཾ…པེ… ཝིཉྙཱཎེ ཉཱཎཾ…པེ… སངྑཱརེསུ ཉཱཎཾ, སངྑཱརསམུདཡེ ཉཱཎཾ, སངྑཱརནིརོདྷེ ཉཱཎཾ, སངྑཱརནིརོདྷགཱམིནིཡཱ པཊིཔདཱཡ ཉཱཎཾ. ཨེཝཾ ཙཏུབྦིདྷེན ཉཱཎཝཏྠུ.

པཉྩཝིདྷེན ཉཱཎཝཏྠུ – པཉྩངྒིཀོ སམྨཱསམཱདྷི, པཉྩཉཱཎིཀོ སམྨཱསམཱདྷི. ཨེཝཾ པཉྩཝིདྷེན ཉཱཎཝཏྠུ.

ཚབྦིདྷེན ཉཱཎཝཏྠུ – ཚསུ ཨབྷིཉྙཱསུ པཉྙཱ. ཨེཝཾ ཚབྦིདྷེན ཉཱཎཝཏྠུ.

སཏྟཝིདྷེན ཉཱཎཝཏྠུ – སཏྟསཏྟཏི ཉཱཎཝཏྠཱུནི. ཨེཝཾ སཏྟཝིདྷེན ཉཱཎཝཏྠུ.

ཨཊྛཝིདྷེན ཉཱཎཝཏྠུ – ཙཏཱུསུ མགྒེསུ, ཙཏཱུསུ ཕལེསུ པཉྙཱ. ཨེཝཾ ཨཊྛཝིདྷེན ཉཱཎཝཏྠུ.

ནཝཝིདྷེན ཉཱཎཝཏྠུ – ནཝསུ ཨནུཔུབྦཝིཧཱརསམཱཔཏྟཱིསུ པཉྙཱ. ཨེཝཾ ནཝཝིདྷེན ཉཱཎཝཏྠུ.

དསཝིདྷེན ཉཱཎཝཏྠུ – དས ཏཐཱགཏསྶ ཏཐཱགཏབལཱནི, ཡེཧི བལེཧི སམནྣཱགཏོ ཏཐཱགཏོ ཨཱསབྷཾ ཋཱནཾ པཊིཛཱནཱཏི, པརིསཱསུ སཱིཧནཱདཾ ནདཏི, བྲཧྨཙཀྐཾ པཝཏྟེཏི. ཀཏམཱནི དས? ཨིདྷ ཏཐཱགཏོ ཋཱནཉྩ ཋཱནཏོ ཨཊྛཱནཉྩ ཨཊྛཱནཏོ ཡཐཱབྷཱུཏཾ པཛཱནཱཏི, ཡམྤི ཏཐཱགཏོ ཋཱནཉྩ ཋཱནཏོ ཨཊྛཱནཉྩ ཨཊྛཱནཏོ ཡཐཱབྷཱུཏཾ པཛཱནཱཏི, ཨིདམྤི ཏཐཱགཏསྶ ཏཐཱགཏབལཾ ¶ ཧོཏི. ཡཾ བལཾ ཨཱགམྨ ཏཐཱགཏོ ཨཱསབྷཾ ¶ ཋཱནཾ པཊིཛཱནཱཏི, པརིསཱསུ སཱིཧནཱདཾ ནདཏི, བྲཧྨཙཀྐཾ པཝཏྟེཏི.

པུན ཙཔརཾ ཏཐཱགཏོ ཨཏཱིཏཱནཱགཏཔཙྩུཔྤནྣཱནཾ ཀམྨསམཱདཱནཱནཾ ཋཱནསོ ཧེཏུསོ ཝིཔཱཀཾ ཡཐཱབྷཱུཏཾ པཛཱནཱཏི. ཡམྤི ཏཐཱགཏོ ཨཏཱིཏཱནཱགཏཔཙྩུཔྤནྣཱནཾ ཀམྨསམཱདཱནཱནཾ ཋཱནསོ ཧེཏུསོ ཝིཔཱཀཾ ཡཐཱབྷཱུཏཾ པཛཱནཱཏི, ཨིདམྤི ཏཐཱགཏསྶ ཏཐཱགཏབལཾ ཧོཏི. ཡཾ བལཾ ཨཱགམྨ ཏཐཱགཏོ ཨཱསབྷཾ ཋཱནཾ པཊིཛཱནཱཏི, པརིསཱསུ སཱིཧནཱདཾ ནདཏི, བྲཧྨཙཀྐཾ པཝཏྟེཏི.

པུན ཙཔརཾ ཏཐཱགཏོ སབྦཏྠགཱམིནིཾ པཊིཔདཾ ཡཐཱབྷཱུཏཾ པཛཱནཱཏི, ཡམྤི ཏཐཱགཏོ སབྦཏྠགཱམིནིཾ པཊིཔདཾ ཡཐཱབྷཱུཏཾ པཛཱནཱཏི, ཨིདམྤི ཏཐཱགཏསྶ ཏཐཱགཏབལཾ ཧོཏི. ཡཾ བལཾ ཨཱགམྨ ཏཐཱགཏོ ཨཱསབྷཾ ཋཱནཾ པཊིཛཱནཱཏི, པརིསཱསུ སཱིཧནཱདཾ ནདཏི, བྲཧྨཙཀྐཾ པཝཏྟེཏི.

པུན ཙཔརཾ ཏཐཱགཏོ ཨནེཀདྷཱཏུནཱནཱདྷཱཏུལོཀཾ ཡཐཱབྷཱུཏཾ པཛཱནཱཏི, ཡམྤི ཏཐཱགཏོ ཨནེཀདྷཱཏུནཱནཱདྷཱཏུལོཀཾ ཡཐཱབྷཱུཏཾ པཛཱནཱཏི, ཨིདམྤི ཏཐཱགཏསྶ ཏཐཱགཏབལཾ ཧོཏི. ཡཾ བལཾ ཨཱགམྨ ཏཐཱགཏོ ཨཱསབྷཾ ཋཱནཾ པཊིཛཱནཱཏི, པརིསཱསུ སཱིཧནཱདཾ ནདཏི, བྲཧྨཙཀྐཾ པཝཏྟེཏི.

པུན ཙཔརཾ ཏཐཱགཏོ སཏྟཱནཾ ནཱནཱདྷིམུཏྟིཀཏཾ ཡཐཱབྷཱུཏཾ པཛཱནཱཏི, ཡམྤི ཏཐཱགཏོ སཏྟཱནཾ ནཱནཱདྷིམུཏྟིཀཏཾ ཡཐཱབྷཱུཏཾ པཛཱནཱཏི, ཨིདམྤི ཏཐཱགཏསྶ ཏཐཱགཏབལཾ ཧོཏི. ཡཾ བལཾ ཨཱགམྨ ཏཐཱགཏོ ཨཱསབྷཾ ཋཱནཾ པཊིཛཱནཱཏི, པརིསཱསུ སཱིཧནཱདཾ ནདཏི, བྲཧྨཙཀྐཾ པཝཏྟེཏི.

པུན ཙཔརཾ ཏཐཱགཏོ པརསཏྟཱནཾ པརཔུགྒལཱནཾ ཨིནྡྲིཡཔརོཔརིཡཏྟཾ ཡཐཱབྷཱུཏཾ པཛཱནཱཏི, ཡམྤི ཏཐཱགཏོ པརསཏྟཱནཾ ¶ པརཔུགྒལཱནཾ ཨིནྡྲིཡཔརོཔརིཡཏྟཾ ཡཐཱབྷཱུཏཾ པཛཱནཱཏི, ཨིདམྤི ཏཐཱགཏསྶ ཏཐཱགཏབལཾ ཧོཏི. ཡཾ བལཾ ཨཱགམྨ ཏཐཱགཏོ ཨཱསབྷཾ ཋཱནཾ པཊིཛཱནཱཏི, པརིསཱསུ སཱིཧནཱདཾ ནདཏི, བྲཧྨཙཀྐཾ པཝཏྟེཏི.

པུན ཙཔརཾ ཏཐཱགཏོ ཛྷཱནཝིམོཀྑསམཱདྷིསམཱཔཏྟཱིནཾ སཾཀིལེསཾ ཝོདཱནཾ ཝུཊྛཱནཾ ཡཐཱབྷཱུཏཾ པཛཱནཱཏི, ཡམྤི ཏཐཱགཏོ ཛྷཱནཝིམོཀྑསམཱདྷིསམཱཔཏྟཱིནཾ སཾཀིལེསཾ ཝོདཱནཾ ཝུཊྛཱནཾ ཡཐཱབྷཱུཏཾ པཛཱནཱཏི ¶ , ཨིདམྤི ཏཐཱགཏསྶ ཏཐཱགཏབལཾ ཧོཏི. ཡཾ བལཾ ཨཱགམྨ ཏཐཱགཏོ ཨཱསབྷཾ ཋཱནཾ པཊིཛཱནཱཏི, པརིསཱསུ སཱིཧནཱདཾ ནདཏི, བྲཧྨཙཀྐཾ པཝཏྟེཏི.

པུན ཙཔརཾ ཏཐཱགཏོ པུབྦེནིཝཱསཱནུསྶཏིཾ ཡཐཱབྷཱུཏཾ པཛཱནཱཏི, ཡམྤི ཏཐཱགཏོ པུབྦེནིཝཱསཱནུསྶཏིཾ ཡཐཱབྷཱུཏཾ པཛཱནཱཏི, ཨིདམྤི ཏཐཱགཏསྶ ཏཐཱགཏབལཾ ཧོཏི. ཡཾ བལཾ ཨཱགམྨ ཏཐཱགཏོ ཨཱསབྷཾ ཋཱནཾ པཊིཛཱནཱཏི, པརིསཱསུ སཱིཧནཱདཾ ནདཏི, བྲཧྨཙཀྐཾ པཝཏྟེཏི.

པུན ཙཔརཾ ཏཐཱགཏོ སཏྟཱནཾ ཙུཏཱུཔཔཱཏཾ ཡཐཱབྷཱུཏཾ པཛཱནཱཏི, ཡམྤི ཏཐཱགཏོ སཏྟཱནཾ ཙུཏཱུཔཔཱཏཾ ཡཐཱབྷཱུཏཾ པཛཱནཱཏི, ཨིདམྤི ཏཐཱགཏསྶ ཏཐཱགཏབལཾ ཧོཏི. ཡཾ བལཾ ཨཱགམྨ ཏཐཱགཏོ ཨཱསབྷཾ ཋཱནཾ པཊིཛཱནཱཏི, པརིསཱསུ སཱིཧནཱདཾ ནདཏི, བྲཧྨཙཀྐཾ པཝཏྟེཏི.

པུན ཙཔརཾ ཏཐཱགཏོ ཨཱསཝཱནཾ ཁཡཾ ཡཐཱབྷཱུཏཾ པཛཱནཱཏི, ཡམྤི ཏཐཱགཏོ ཨཱསཝཱནཾ ཁཡཾ ཡཐཱབྷཱུཏཾ པཛཱནཱཏི, ཨིདམྤི ཏཐཱགཏསྶ ཏཐཱགཏབལཾ ཧོཏི. ཡཾ བལཾ ཨཱགམྨ ཏཐཱགཏོ ཨཱསབྷཾ ཋཱནཾ པཊིཛཱནཱཏི, པརིསཱསུ སཱིཧནཱདཾ ནདཏི, བྲཧྨཙཀྐཾ པཝཏྟེཏི.

ཨིམཱནི ¶ དས ཏཐཱགཏསྶ ཏཐཱགཏབལཱནི. ཡེཧི བལེཧི སམནྣཱགཏོ ཏཐཱགཏོ ཨཱསབྷཾ ཋཱནཾ པཊིཛཱནཱཏི, པརིསཱསུ སཱིཧནཱདཾ ནདཏི, བྲཧྨཙཀྐཾ པཝཏྟེཏི. ཨེཝཾ དསཝིདྷེན ཉཱཎཝཏྠུ.

ཉཱཎཝིབྷངྒཾ.

ཁུདྡཀཝཏྠུཝིབྷངྒོ

ཨེཀཀཾ

ཛཱཏིམདོ (ཝིབྷ. ༨༣༢), གོཏྟམདོ, ཨཱརོགྱམདོ, ཡོབྦནམདོ, ཛཱིཝིཏམདོ, ལཱབྷམདོ, སཀྐཱརམདོ, གརུཀཱརམདོ, པུརེཀྑཱརམདོ, པརིཝཱརམདོ, བྷོགམདོ, ཝཎྞམདོ, སུཏམདོ ¶ , པཊིབྷཱནམདོ, རཏྟཉྙུམདོ, པིཎྜཔཱཏིཀམདོ, ཨནཝཉྙཱཏམདོ, ཨིརིཡཱཔཐམདོ, ཨིདྡྷིམདོ, ཡསམདོ, སཱིལམདོ, ཛྷཱནམདོ, སིཔྤམདོ, ཨཱརོཧམདོ, པརིཎཱཧམདོ, སཎྛཱནམདོ, པཱརིཔཱུརིམདོ, མདོ, པམཱདོ, ཐམྦྷོ, སཱརམྦྷོ, ཨཏྲིཙྪཏཱ, མཧིཙྪཏཱ, པཱཔིཙྪཏཱ, སིངྒཾ, ཏིནྟིཎཾ, ཙཱཔལྱཾ, ཨསབྷཱགཝུཏྟི, ཨརཏི, ཏནྡཱི, ཝིཛམྦྷིཏཱ, བྷཏྟསམྨདོ, ཙེཏསོ ཙ ལཱིནཏྟཾ, ཀུཧནཱ, ལཔནཱ, ནེམིཏྟིཀཏཱ, ནིཔྤེསིཀཏཱ, ལཱབྷེན ལཱབྷཾ ནིཛིགཱིསནཏཱ, ‘‘སེཡྻོཧམསྨཱི’’ཏི མཱནོ, ‘‘སདིསོཧམསྨཱི’’ཏི མཱནོ, ‘‘ཧཱིནོཧམསྨཱི’’ཏི མཱནོ. སེཡྻསྶ ‘‘སེཡྻོཧམསྨཱི’’ཏི མཱནོ, སེཡྻསྶ ‘‘སདིསོཧམསྨཱི’’ཏི མཱནོ, སེཡྻསྶ ‘‘ཧཱིནོཧམསྨཱི’’ཏི མཱནོ, སདིསསྶ ‘‘སེཡྻོཧམསྨཱི’’ཏི མཱནོ, སདིསསྶ ‘‘སདིསོཧམསྨཱི’’ཏི མཱནོ, སདིསསྶ ‘‘ཧཱིནོཧམསྨཱི’’ཏི མཱནོ, ཧཱིནསྶ ‘‘སེཡྻོཧམསྨཱི’’ཏི མཱནོ, ཧཱིནསྶ ¶ ‘‘སདིསོཧམསྨཱི’’ཏི མཱནོ, ཧཱིནསྶ ‘‘ཧཱིནོཧམསྨཱི’’ཏི མཱནོ, མཱནོ, ཨཏིམཱནོ, མཱནཱཏིམཱནོ, ཨོམཱནོ, ཨདྷིམཱནོ, ཨསྨིམཱནོ, མིཙྪཱམཱནོ, ཉཱཏིཝིཏཀྐོ, ཛནཔདཝིཏཀྐོ, ཨམརཝིཏཀྐོ, པརཱནུདྡཡཏཱཔཊིསཾཡུཏྟོ ཝིཏཀྐོ, ལཱབྷསཀྐཱརསིལོཀཔཊིསཾཡུཏྟོ ཝིཏཀྐོ, ཨནཝཉྙཏྟིཔཊིསཾཡུཏྟོ ཝིཏཀྐོ (ཝིབྷ. ༨༣༢). ཨེཀཀཾ.

དུཀཾ

ཀོདྷོ ཙ ཨུཔནཱཧོ ཙ, མཀྑོ ཙ པལཱ༹སོ ཙ, ཨིསྶཱ ཙ མཙྪརིཡཉྩ, མཱཡཱ ཙ སཱཋེཡྻཉྩ, ཨཝིཛྫཱ ཙ བྷཝཏཎྷཱ ཙ, བྷཝདིཊྛི ཙ ཝིབྷཝདིཊྛི ཙ, སསྶཏདིཊྛི ཙ ཨུཙྪེདདིཊྛི ཙ, ཨནྟཝཱདིཊྛི ཙ ཨནནྟཝཱདིཊྛི ཙ, པུབྦནྟཱནུདིཊྛི ཙ ཨཔརནྟཱནུདིཊྛི ཙ, ཨཧིརིཀཉྩ ཨནོཏྟཔྤཉྩ, དོཝཙསྶཏཱ ཙ པཱཔམིཏྟཏཱ ཙ, ཨནཛྫཝོ ཙ ཨམདྡཝོ ཙ, ཨཀྑནྟི ཙ ཨསོརཙྩཉྩ, ཨསཱཁལྱཉྩ ཨཔྤཊིསནྠཱརོ ཙ, ཨིནྡྲིཡེསུ ཨགུཏྟདྭཱརཏཱ ཙ བྷོཛནེ ཨམཏྟཉྙུཏཱ ཙ, མུཊྛསྶཙྩཉྩ ཨསམྤཛཉྙཉྩ, སཱིལཝིཔཏྟི ཙ དིཊྛིཝིཔཏྟི ཙ, ཨཛ྄ཛྷཏྟསཾཡོཛནཉྩ བཧིདྡྷཱསཾཡོཛནཉྩ. དུཀཾ.

ཏིཀཾ

ཏཱིཎི ཨཀུསལམཱུལཱནི, ཏཡོ ཨཀུསལཝིཏཀྐཱ, ཏིསྶོ ཨཀུསལསཉྙཱ, ཏིསྶོ ཨཀུསལདྷཱཏུཡོ, ཏཱིཎི དུཙྩརིཏཱནི, ཏཡོ ཨཱསཝཱ, ཏཱིཎི སཾཡོཛནཱནི, ཏིསྶོ ཏཎྷཱ, ཨཔརཱཔི ཏིསྶོ ཏཎྷཱ, ཨཔརཱཔི ཏིསྶོ ཏཎྷཱ, ཏིསྶོ ཨེསནཱ, ཏིསྶོ ཝིདྷཱ, ཏཱིཎི བྷཡཱནི ¶ , ཏཱིཎི ཏམཱནི, ཏཱིཎི ཏིཏྠཱཡཏནཱནི, ཏཡོ ཀིཉྩནཱ, ཏཱིཎི ཨངྒཎཱནི, ཏཱིཎི མལཱནི, ཏཱིཎི ཝིསམཱནི, ཨཔརཱནིཔི ཏཱིཎི ཝིསམཱནི, ཏཡོ ཨགྒཱི, ཏཡོ ཀསཱཝཱ, ཨཔརེཔི ཏཡོ ཀསཱཝཱ.

ཨསྶཱདདིཊྛི ¶ ཨཏྟཱནུདིཊྛི མིཙྪཱདིཊྛི, ཨརཏི ཝིཧེསཱ ཨདྷམྨཙརིཡཱ, དོཝཙསྶཏཱ པཱཔམིཏྟཏཱ ནཱནཏྟསཉྙཱ, ཨུདྡྷཙྩཾ ཀོསཛྫཾ པམཱདོ, ཨསནྟུཊྛིཏཱ ཨསམྤཛཉྙཏཱ མཧིཙྪཏཱ, ཨཧིརིཀཾ ཨནོཏྟཔྤཾ པམཱདོ, ཨནཱདརིཡཾ དོཝཙསྶཏཱ པཱཔམིཏྟཏཱ, ཨསྶདྡྷིཡཾ ཨཝདཉྙུཏཱ ཀོསཛྫཾ, ཨུདྡྷཙྩཾ ཨསཾཝརོ དུསྶཱིལྱཾ, ཨརིཡཱནཾ ཨདསྶནཀམྱཏཱ སདྡྷམྨཾ ཨསོཏུཀམྱཏཱ ཨུཔཱརམྦྷཙིཏྟཏཱ, མུཊྛསྶཙྩཾ ཨསམྤཛཉྙཾ ཙེཏསོ ཝིཀྑེཔོ, ཨཡོནིསོ མནསིཀཱརོ ཀུམྨགྒསེཝནཱ ཙེཏསོ ཙ ལཱིནཏྟཾ. ཏིཀཾ.

ཙཏུཀྐཾ

ཙཏྟཱརོ ཨཱསཝཱ, ཙཏྟཱརོ གནྠཱ, ཙཏྟཱརོ ཨོགྷཱ, ཙཏྟཱརོ ཡོགཱ, ཙཏྟཱརི ཨུཔཱདཱནཱནི, ཙཏྟཱརོ ཏཎྷུཔྤཱདཱ, ཙཏྟཱརི ཨགཏིགམནཱནི, ཙཏྟཱརོ ཝིཔརིཡཱསཱ, ཙཏྟཱརོ ཨནརིཡཝོཧཱརཱ, ཨཔརེཔི ཙཏྟཱརོ ཨནརིཡཝོཧཱརཱ, ཙཏྟཱརི དུཙྩརིཏཱནི, ཨཔརཱཔི ཙཏྟཱརི དུཙྩརིཏཱནི, ཙཏྟཱརི བྷཡཱནི, (ཨཔརཱནིཔི ཙཏྟཱརི བྷཡཱནི,) ཙཏསྶོ དིཊྛིཡོ. ཙཏུཀྐཾ.

པཉྩཀཾ

པཉྩོརམྦྷཱགིཡཱནི སཾཡོཛནཱནི, པཉྩུདྡྷམྦྷཱགིཡཱནི སཾཡོཛནཱནི, པཉྩ མཙྪརིཡཱནི, པཉྩ སངྒཱ, པཉྩ སལླཱ, པཉྩ ཙེཏོཁིལཱ, པཉྩ ཙེཏསོཝིནིབནྡྷཱ, པཉྩ ནཱིཝརཎཱནི, པཉྩ ཀམྨཱནི ཨཱནནྟརིཀཱནི, པཉྩ དིཊྛིཡོ, པཉྩ ཝེརཱ, པཉྩ བྱསནཱ, པཉྩ ཨཀྑནྟིཡཱ ཨཱདཱིནཝཱ, པཉྩ བྷཡཱནི, པཉྩ དིཊྛདྷམྨནིབྦཱནཝཱདཱ. པཉྩཀཾ.

ཚཀྐཾ

ཚ ཝིཝཱདམཱུལཱནི, ཚ ཚནྡརཱགཱ དྷམྨཱ, ཚ ཝིརོདྷཝཏྠཱུནི, ཚ ཏཎྷཱཀཱཡཱ, ཚ ཨགཱརཝཱ, ཚ པརིཧཱནིཡཱ དྷམྨཱ, ཨཔརེཔི ¶ ཚ པརིཧཱནིཡཱ དྷམྨཱ, ཚ སོམནསྶུཔཝིཙཱརཱ, ཚ ¶ དོམནསྶུཔཝིཙཱརཱ, ཚ ཨུཔེཀྑུཔཝིཙཱརཱ, ཚ གེཧསིཏཱནི སོམནསྶཱནི, ཚ གེཧསིཏཱནི དོམནསྶཱནི, ཚ གེཧསིཏཱ ཨུཔེཀྑཱ, ཚ དིཊྛིཡོ. ཚཀྐཾ.

སཏྟཀཾ

སཏྟ ཨནུསཡཱ, སཏྟ སཾཡོཛནཱནི, སཏྟ པརིཡུཊྛཱནཱནི, སཏྟ ཨསདྡྷམྨཱ, སཏྟ དུཙྩརིཏཱནི, སཏྟ མཱནཱ, སཏྟ དིཊྛིཡོ. སཏྟཀཾ.

ཨཊྛཀཾ

ཨཊྛ ཀིལེསཝཏྠཱུནི, ཨཊྛ ཀུསཱིཏཝཏྠཱུནི, ཨཊྛསུ ལོཀདྷམྨེསུ ཙིཏྟསྶ པཊིགྷཱཏོ, ཨཊྛ ཨནརིཡཝོཧཱརཱ, ཨཊྛ མིཙྪཏྟཱ, ཨཊྛ པུརིསདོསཱ, ཨཊྛ ཨསཉྙིཝཱདཱ, ཨཊྛ ནེཝསཉྙིནཱསཉྙིཝཱདཱ. ཨཊྛཀཾ.

ནཝཀཾ

ནཝ ཨཱགྷཱཏཝཏྠཱུནི, ནཝ པུརིསམལཱནི, ནཝཝིདྷཱ མཱནཱ, ནཝ ཏཎྷཱམཱུལཀཱ དྷམྨཱ, ནཝ ཨིཉྫིཏཱནི, ནཝ མཉྙིཏཱནི, ནཝ ཕནྡིཏཱནི, ནཝ པཔཉྩིཏཱནི, ནཝ སངྑཏཱནི. ནཝཀཾ.

དསཀཾ

དས ཀིལེསཝཏྠཱུནི, དས ཨཱགྷཱཏཝཏྠཱུནི, དས ཨཀུསལཀམྨཔཐཱ, དས སཾཡོཛནཱནི, དས མིཙྪཏྟཱ, དསཝཏྠུཀཱ མིཙྪཱདིཊྛི, དསཝཏྠུཀཱ ཨནྟགྒཱཧིཀཱ དིཊྛི. དསཀཾ.

ཨཊྛཱརས ཏཎྷཱཝིཙརིཏཱནི ཨཛ྄ཛྷཏྟིཀསྶ ཨུཔཱདཱཡ, ཨཊྛཱརས ཏཎྷཱཝིཙརིཏཱནི བཱཧིརསྶ ཨུཔཱདཱཡ, ཏདེཀཛ྄ཛྷཾ ཨབྷིསཉྙུཧིཏྭཱ ཨབྷིསངྑིཔིཏྭཱ ཚཏྟིཾས ཏཎྷཱཝིཙརིཏཱནི ཧོནྟི ¶ , ཨིཏི ཨཏཱིཏཱནི ཚཏྟིཾས ཏཎྷཱཝིཙརིཏཱནི, ཨནཱགཏཱནི ཚཏྟིཾས ཏཎྷཱཝིཙརིཏཱནི, པཙྩུཔྤནྣཱནི ཚཏྟིཾས ཏཎྷཱཝིཙརིཏཱནི, ཏདེཀཛ྄ཛྷཾ ཨབྷིསཉྙུཧིཏྭཱ ཨབྷིསངྑིཔིཏྭཱ ཨཊྛ ཏཎྷཱཝིཙརིཏསཏཾ ཧོཏི, ཡཱནི ཙ དྭཱསཊྛི དིཊྛིགཏཱནི བྲཧྨཛཱལེ ཝེཡྻཱཀརཎེ ཝུཏྟཱནི བྷགཝཏཱ.

ཁུདྡཀཝཏྠུཝིབྷངྒཾ.

དྷམྨཧདཡཝིབྷངྒོ

ཀཏི ¶ ཁནྡྷཱ, ཀཏི ཨཱཡཏནཱནི, ཀཏི དྷཱཏུཡོ, ཀཏི སཙྩཱནི, ཀཏི ཨིནྡྲིཡཱནི, ཀཏི ཧེཏཱུ, ཀཏི ཨཱཧཱརཱ, ཀཏི ཕསྶཱ, ཀཏི ཝེདནཱ, ཀཏི སཉྙཱ, ཀཏི ཙེཏནཱ, ཀཏི ཙིཏྟཱནི (ཝིབྷ. ༩༧༨)?

པཉྩཀྑནྡྷཱ, དྭཱདསཱཡཏནཱནི, ཨཊྛཱརས དྷཱཏུཡོ, ཙཏྟཱརི སཙྩཱནི, བཱཝཱིསཏིནྡྲིཡཱནི, ནཝ ཧེཏཱུ, ཙཏྟཱརོ ཨཱཧཱརཱ, སཏྟ ཕསྶཱ, སཏྟ ཝེདནཱ, སཏྟ སཉྙཱ, སཏྟ ཙེཏནཱ, སཏྟ ཙིཏྟཱནི (ཝིབྷ. ༩༧༨).

དྷམྨཧདཡཝིབྷངྒཾ.

ཝིབྷངྒམཱཏིཀཱ ནིཊྛིཏཱ.

༣. དྷཱཏུཀཐཱམཱཏིཀཱ

ནཡམཱཏིཀཱ

སངྒཧོ ཨསངྒཧོ (དྷཱཏུ. ༡). སངྒཧིཏེན ཨསངྒཧིཏཾ. ཨསངྒཧིཏེན སངྒཧིཏཾ. སངྒཧིཏེན སངྒཧིཏཾ. ཨསངྒཧིཏེན ཨསངྒཧིཏཾ. སམྤཡོགོ ཝིཔྤཡོགོ. སམྤཡུཏྟེན ཝིཔྤཡུཏྟཾ. ཝིཔྤཡུཏྟེན སམྤཡུཏྟཾ. སམྤཡུཏྟེན སམྤཡུཏྟཾ. ཝིཔྤཡུཏྟེན ¶ ཝིཔྤཡུཏྟཾ. སངྒཧིཏེན སམྤཡུཏྟཾ ཝིཔྤཡུཏྟཾ. སམྤཡུཏྟེན སངྒཧིཏཾ ཨསངྒཧིཏཾ. ཨསངྒཧིཏེན སམྤཡུཏྟཾ ཝིཔྤཡུཏྟཾ. ཝིཔྤཡུཏྟེན སངྒཧིཏཾ ཨསངྒཧིཏཾ.

ཨབྦྷནྟརམཱཏིཀཱ

པཉྩཀྑནྡྷཱ. དྭཱདསཱཡཏནཱནི. ཨཊྛཱརས དྷཱཏུཡོ. ཙཏྟཱརི སཙྩཱནི. བཱཝཱིསཏིནྡྲིཡཱནི. པཊིཙྩསམུཔྤཱདོ. ཙཏྟཱརོ སཏིཔཊྛཱནཱ. ཙཏྟཱརོ སམྨཔྤདྷཱནཱ. ཙཏྟཱརོ ཨིདྡྷིཔཱདཱ ¶ . ཙཏྟཱརི ཛྷཱནཱནི. ཙཏསྶོ ཨཔྤམཉྙཱཡོ. པཉྩིནྡྲིཡཱནི. པཉྩ བལཱནི. སཏྟ བོཛ྄ཛྷངྒཱ. ཨརིཡོ ཨཊྛངྒིཀོ མགྒོ. ཕསྶོ ཝེདནཱ སཉྙཱ ཙེཏནཱ ཙིཏྟཾ ཨདྷིམོཀྑོ མནསིཀཱརོ.

ནཡམུཁམཱཏིཀཱ

ཏཱིཧི སངྒཧོ. ཏཱིཧི ཨསངྒཧོ. ཙཏཱུཧི སམྤཡོགོ. ཙཏཱུཧི ཝིཔྤཡོགོ.

ལཀྑཎམཱཏིཀཱ

སབྷཱགོ. ཝིསབྷཱགོ.

བཱཧིརམཱཏིཀཱ

སབྦཱཔི དྷམྨསངྒཎཱི དྷཱཏུཀཐཱཡ མཱཏིཀཱཏི.

དྷཱཏུཀཐཱམཱཏིཀཱ ནིཊྛིཏཱ.

༤. པུགྒལཔཉྙཏྟིམཱཏིཀཱ

ཚ པཉྙཏྟིཡོ (པུ. པ. མཱཏིཀཱ ༡) – ཁནྡྷཔཉྙཏྟི ཨཱཡཏནཔཉྙཏྟི དྷཱཏུཔཉྙཏྟི སཙྩཔཉྙཏྟི ཨིནྡྲིཡཔཉྙཏྟི པུགྒལཔཉྙཏྟཱིཏི.

པུགྒལཔཉྙཏྟིམཱཏིཀཱ ནིཊྛིཏཱ.

༥. ཀཐཱཝཏྠུམཱཏིཀཱ

པུགྒལཀཐཱ

སུདྡྷསཙྩིཀཊྛཨནུལོམཔཙྩནཱིཀཾ

པུགྒལོ ¶ ¶ ཨུཔལབྦྷཏི སཙྩིཀཊྛཔརམཏྠེནཱཏི (ཀཐཱ. ༡), ཨཱམནྟཱ. ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ན ཧེཝཾ ཝཏྟབྦེ.

ཨཱཛཱནཱཧི ནིགྒཧཾ – ཧཉྩི པུགྒལོ ཨུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ཨུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི, མིཙྪཱ.

ནོ ཙེ པན ཝཏྟབྦེ ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ ཝཏྟབྦེ ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ཨུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི, མིཙྪཱ.

ཨནུལོམཔཉྩཀཾ.

པུགྒལོ ནུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱཏི? ན ཧེཝཾ ཝཏྟབྦེ.

ཨཱཛཱནཱཧི ¶ པཊིཀམྨཾ – ཧཉྩི པུགྒལོ ནུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ¶ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ནུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི, མིཙྪཱ.

ནོ ཙེ པན ཝཏྟབྦེ ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ ཝཏྟབྦེ ‘‘པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ནུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི, མིཙྪཱ.

པཊིཀམྨཙཏུཀྐཾ.

ཏྭཾ ཙེ པན མཉྙསི ‘‘ཝཏྟབྦེ ཁོ ‘པུགྒལོ ནུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི. ཏེན ཏཝ ཏཏྠ ཧེཏཱཡ པཊིཉྙཱཡ ཧེཝཾ པཊིཛཱནནྟཾ ཧེཝཾ ནིགྒཧེཏབྦེ, ཨཐ ཏཾ ནིགྒཎྷཱམ, སུནིགྒཧིཏོ ཙ ཧོསི –

ཧཉྩི པུགྒལོ ནུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ནུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི, མིཙྪཱ.

ནོ ¶ ཙེ པན ཝཏྟབྦེ ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ ཝཏྟབྦེ ‘‘པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ནུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི, ཨིདཾ ཏེ མིཙྪཱ.

ནིགྒཧཙཏུཀྐཾ.

ཨེསེ ¶ ཙེ དུནྣིགྒཧིཏེ ཧེཝམེཝཾ ཏཏྠ དཀྑ, ‘‘ཝཏྟབྦེ ཁོ ‘པུགྒལོ ཨུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི, ནོ ཙ མཡཾ ཏཡཱ ཏཏྠ ཧེཏཱཡ པཊིཉྙཱཡ ཧེཝཾ པཊིཛཱནནྟཱ ཧེཝཾ ནིགྒཧེཏབྦཱ, ཨཐ མཾ ནིགྒཎྷཱསི, དུནྣིགྒཧིཏཱ ཙ ཧོམ –

ཧཉྩི པུགྒལོ ཨུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ཨུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི, མིཙྪཱ.

ནོ ཙེ པན ཝཏྟབྦེ ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ ཝཏྟབྦེ ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི, ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ཨུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི, ཨིདཾ ཏེ མིཙྪཱ.

ཨུཔནཡནཙཏུཀྐཾ.

ན ¶ ཧེཝཾ ནིགྒཧེཏབྦེ, ཏེན ཧི ཡཾ ནིགྒཎྷཱསི – ཧཉྩི པུགྒལོ ཨུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ཨུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི, མིཙྪཱ.

ནོ ཙེ པན ཝཏྟབྦེ ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ ཝཏྟབྦེ ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ཨུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི ¶ , ཨིདཾ ཏེ མིཙྪཱ. ཏེན ཧི ཡེ ཀཏེ ནིགྒཧེ, སེ ནིགྒཧེ དུཀྐཊེ. སུཀཏེ པཊིཀམྨེ. སུཀཏཱ པཊིཔཱདནཱཏི.

ནིགྒམནཙཏུཀྐཾ.

པཋམོ ནིགྒཧོ.

སུདྡྷསཙྩིཀཊྛཔཙྩནཱིཀཱནུལོམཾ

པུགྒལོ ནུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱཏི? ན ཧེཝཾ ཝཏྟབྦེ.

ཨཱཛཱནཱཧི ནིགྒཧཾ – ཧཉྩི པུགྒལོ ནུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ནུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘ཡོ སཙྩིཀཊྛོ ¶ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི, མིཙྪཱ.

ནོ ཙེ པན ཝཏྟབྦེ ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ ཝཏྟབྦེ ‘‘པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི, ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ནུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི, མིཙྪཱ.

པཙྩནཱིཀཔཉྩཀཾ.

པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ན ཧེཝཾ ཝཏྟབྦེ.

ཨཱཛཱནཱཧི ¶ པཊིཀམྨཾ – ཧཉྩི པུགྒལོ ཨུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ཨུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི, མིཙྪཱ.

ནོ ཙེ པན ཝཏྟབྦེ ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ ཝཏྟབྦེ ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ཨུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི, མིཙྪཱ.

པཊིཀམྨཙཏུཀྐཾ.

ཏྭཾ ¶ ཙེ པན མཉྙསི ‘‘ཝཏྟབྦེ ཁོ ‘པུགྒལོ ཨུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི. ཏེན ཏཝ ཏཏྠ ཧེཏཱཡ པཊིཉྙཱཡ ཧེཝཾ པཊིཛཱནནྟཾ ཧེཝཾ ནིགྒཧེཏབྦེ, ཨཐ ཏཾ ནིགྒཎྷཱམ, སུནིགྒཧིཏོ ཙ ཧོསི –

ཧཉྩི པུགྒལོ ཨུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ཨུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི, མིཙྪཱ.

ནོ ཙེ པན ཝཏྟབྦེ ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ ཝཏྟབྦེ ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི, ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ཨུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི, ཨིདཾ ཏེ མིཙྪཱ.

ནིགྒཧཙཏུཀྐཾ.

ཨེསེ ¶ ཙེ དུནྣིགྒཧིཏེ ཧེཝམེཝཾ ཏཏྠ དཀྑ, ‘‘ཝཏྟབྦེ ཁོ ‘པུགྒལོ ནུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི, ནོ ཙ མཡཾ ཏཡཱ ཏཏྠ ཧེཏཱཡ པཊིཉྙཱཡ ཧེཝཾ པཊིཛཱནནྟཱ ཧེཝཾ ནིགྒཧེཏབྦཱ, ཨཐ མཾ ནིགྒཎྷཱསི, དུནྣིགྒཧིཏཱ ཙ ཧོམ –

ཧཉྩི ¶ པུགྒལོ ནུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ནུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི, མིཙྪཱ.

ནོ ཙེ པན ཝཏྟབྦེ ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ ཝཏྟབྦེ ‘‘པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ནུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི, ཨིདཾ ཏེ མིཙྪཱ.

ཨུཔནཡནཙཏུཀྐཾ.

ན ཧེཝཾ ནིགྒཧེཏབྦེ, ཏེན ཧི ཡཾ ནིགྒཎྷཱསི – ཧཉྩི པུགྒལོ ནུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ནུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི, མིཙྪཱ.

ནོ ཙེ པན ཝཏྟབྦེ ‘‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ ཝཏྟབྦེ ‘‘པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ནུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘ཡོ སཙྩིཀཊྛོ པརམཏྠོ, ཏཏོ སོ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི ¶ , ཨིདཾ ཏེ མིཙྪཱ, ཏེན ཧི ཡེ ཀཏེ ནིགྒཧེ ¶ , སེ ནིགྒཧེ དུཀྐཊེ. སུཀཏེ པཊིཀམྨེ, སུཀཏཱ པཊིཔཱདནཱཏི.

ནིགྒམནཙཏུཀྐཾ.

དུཏིཡོ ནིགྒཧོ.

ཨོཀཱསསཙྩིཀཊྛཨནུལོམཔཙྩནཱིཀཾ

པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. སབྦཏྠ པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ན ཧེཝཾ ཝཏྟབྦེ.

ཨཱཛཱནཱཧི ནིགྒཧཾ – ཧཉྩི པུགྒལོ ཨུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ ‘‘སབྦཏྠ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ཨུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘སབྦཏྠ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི, མིཙྪཱ.

ནོ ཙེ པན ཝཏྟབྦེ ‘‘སབྦཏྠ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ ཝཏྟབྦེ ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ཨུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘སབྦཏྠ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི, མིཙྪཱ…པེ….

ཏཏིཡོ ནིགྒཧོ.

ཀཱལསཙྩིཀཊྛཨནུལོམཔཙྩནཱིཀཾ

པུགྒལོ ¶ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. སབྦདཱ པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ན ཧེཝཾ ཝཏྟབྦེ.

ཨཱཛཱནཱཧི ¶ ནིགྒཧཾ – ཧཉྩི པུགྒལོ ཨུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ ‘‘སབྦདཱ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ཨུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘སབྦདཱ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི མིཙྪཱ.

ནོ ཙེ པན ཝཏྟབྦེ ‘‘སབྦདཱ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ ཝཏྟབྦེ ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ཨུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘སབྦདཱ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི, མིཙྪཱ…པེ….

ཙཏུཏྠོ ནིགྒཧོ.

ཨཝཡཝསཙྩིཀཊྛཨནུལོམཔཙྩནཱིཀཾ

པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. སབྦེསུ པུགྒལོ ཨུཔལབྦྷཏི སཙྩིཀཊྛཔརམཏྠེནཱཏི? ན ཧེཝཾ ཝཏྟབྦེ.

ཨཱཛཱནཱཧི ནིགྒཧཾ – ཧཉྩི པུགྒལོ ཨུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ ‘‘སབྦེསུ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ཨུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘སབྦེསུ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི? མིཙྪཱ.

ནོ ¶ ཙེ པན ཝཏྟབྦེ ‘‘སབྦེསུ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ ཝཏྟབྦེ ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ཨུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘སབྦེསུ པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’’ཏི, མིཙྪཱ…པེ….

པཉྩམོ ནིགྒཧོ.

ཨོཀཱསསཙྩིཀཊྛཔཙྩནཱིཀཱནུལོམཾ

པུགྒལོ ¶ ནུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. སབྦཏྠ པུགྒལོ ནུཔལབྦྷཏི སཙྩིཀཊྛཔརམཏྠེནཱཏི? ན ཧེཝཾ ཝཏྟབྦེ.

ཨཱཛཱནཱཧི ནིགྒཧཾ – ཧཉྩི པུགྒལོ ནུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ ‘‘སབྦཏྠ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ནུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘སབྦཏྠ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི, མིཙྪཱ.

ནོ ཙེ པན ཝཏྟབྦེ ‘‘སབྦཏྠ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ ཝཏྟབྦེ ‘‘པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ནུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘སབྦཏྠ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི, མིཙྪཱ…པེ….

ཚཊྛོ ནིགྒཧོ.

ཀཱལསཙྩིཀཊྛཔཙྩནཱིཀཱནུལོམཾ

པུགྒལོ ¶ ནུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. སབྦདཱ པུགྒལོ ནུཔལབྦྷཏི སཙྩིཀཊྛཔརམཏྠེནཱཏི? ན ཧེཝཾ ཝཏྟབྦེ.

ཨཱཛཱནཱཧི ནིགྒཧཾ – ཧཉྩི པུགྒལོ ནུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ ‘‘སབྦདཱ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ནུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘སབྦདཱ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི, མིཙྪཱ.

ནོ ¶ ཙེ པན ཝཏྟབྦེ ‘‘སབྦདཱ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ ཝཏྟབྦེ ‘‘པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ནུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘སབྦདཱ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི, མིཙྪཱ…པེ….

སཏྟམོ ནིགྒཧོ.

ཨཝཡཝསཙྩིཀཊྛཔཙྩནཱིཀཱནུལོམཾ

པུགྒལོ ནུཔལབྦྷཏི སཙྩིཀཊྛཔརམཏྠེནཱཏི? ཨཱམནྟཱ. སབྦེསུ པུགྒལོ ནུཔལབྦྷཏི སཙྩིཀཊྛཔརམཏྠེནཱཏི? ན ཧེཝཾ ཝཏྟབྦེ.

ཨཱཛཱནཱཧི ནིགྒཧཾ – ཧཉྩི པུགྒལོ ནུཔལབྦྷཏི སཙྩིཀཊྛཔརམཏྠེན, ཏེན ཝཏ རེ ཝཏྟབྦེ ‘‘སབྦེསུ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ནུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘སབྦེསུ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི, མིཙྪཱ.

ནོ ¶ ཙེ པན ཝཏྟབྦེ ‘‘སབྦེསུ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི, ནོ ཙ ཝཏ རེ ཝཏྟབྦེ ‘‘པུགྒལོ ནུཔལབྦྷཏི སཙྩིཀཊྛཔརམཏྠེནཱ’’ཏི. ཡཾ ཏཏྠ ཝདེསི ‘‘ཝཏྟབྦེ ཁོ ‘པུགྒལོ ནུཔལབྦྷཏི སཙྩིཀཊྛཔརམཏྠེན’, ནོ ཙ ཝཏྟབྦེ ‘སབྦེསུ པུགྒལོ ནུཔལབྦྷཏི སཙྩིཀཊྛཔརམཏྠེནཱ’’’ཏི, མིཙྪཱ…པེ….

ཨཊྛམོ ནིགྒཧོ.

ཀཐཱཝཏྠུམཱཏིཀཱ ནིཊྛིཏཱ.

༦. ཡམཀམཱཏིཀཱ

མཱུལཡམཀཾ

ཀུསལཔདནཡཙཏུཀྐཾ

ཡེ ¶ ཀེཙི ཀུསལཱ དྷམྨཱ (ཡམ. ༡.མཱུལཡམཀ.༡ ཨཱདཡོ), སབྦེ ཏེ ཀུསལམཱུལཱ. ཡེ ཝཱ པན ཀུསལམཱུལཱ, སབྦེ ཏེ དྷམྨཱ ཀུསལཱ.

ཡེ ཀེཙི ཀུསལཱ དྷམྨཱ, སབྦེ ཏེ ཀུསལམཱུལེན ཨེཀམཱུལཱ. ཡེ ཝཱ པན ཀུསལམཱུལེན ཨེཀམཱུལཱ, སབྦེ ཏེ དྷམྨཱ ཀུསལཱ.

ཡེ ཀེཙི ཀུསལམཱུལེན ཨེཀམཱུལཱ དྷམྨཱ, སབྦེ ཏེ ཀུསལམཱུལེན ཨཉྙམཉྙམཱུལཱ. ཡེ ཝཱ པན ཀུསལམཱུལེན ཨཉྙམཉྙམཱུལཱ, སབྦེ ཏེ དྷམྨཱ ཀུསལཱ.

ཡེ ཀེཙི ཀུསལཱ དྷམྨཱ, སབྦེ ཏེ ཀུསལམཱུལམཱུལཱ. ཡེ ཝཱ པན ཀུསལམཱུལམཱུལཱ, སབྦེ ཏེ དྷམྨཱ ཀུསལཱ.

ཡེ ¶ ཀེཙི ཀུསལཱ དྷམྨཱ, སབྦེ ཏེ ཀུསལམཱུལེན ཨེཀམཱུལམཱུལཱ. ཡེ ཝཱ པན ཀུསལམཱུལེན ཨེཀམཱུལམཱུལཱ, སབྦེ ཏེ དྷམྨཱ ཀུསལཱ.

ཡེ ཀེཙི ཀུསལམཱུལེན ཨེཀམཱུལམཱུལཱ དྷམྨཱ, སབྦེ ཏེ ཀུསལམཱུལེན ཨཉྙམཉྙམཱུལམཱུལཱ. ཡེ ཝཱ པན ཀུསལམཱུལེན ཨཉྙམཉྙམཱུལམཱུལཱ, སབྦེ ཏེ དྷམྨཱ ཀུསལཱ.

ཡེ ཀེཙི ཀུསལཱ དྷམྨཱ, སབྦེ ཏེ ཀུསལམཱུལཀཱ. ཡེ ཝཱ པན ཀུསལམཱུལཀཱ, སབྦེ ཏེ དྷམྨཱ ཀུསལཱ.

ཡེ ཀེཙི ཀུསལཱ དྷམྨཱ, སབྦེ ཏེ ཀུསལམཱུལེན ཨེཀམཱུལཀཱ. ཡེ ཝཱ པན ཀུསལམཱུལེན ཨེཀམཱུལཀཱ, སབྦེ ཏེ དྷམྨཱ ཀུསལཱ.

ཡེ ¶ ཀེཙི ཀུསལམཱུལེན ཨེཀམཱུལཀཱ དྷམྨཱ, སབྦེ ཏེ ཀུསལམཱུལེན ཨཉྙམཉྙམཱུལཀཱ. ཡེ ཝཱ པན ཀུསལམཱུལེན ཨཉྙམཉྙམཱུལཀཱ, སབྦེ ཏེ དྷམྨཱ ཀུསལཱ.

ཡེ ཀེཙི ཀུསལཱ དྷམྨཱ, སབྦེ ཏེ ཀུསལམཱུལམཱུལཀཱ. ཡེ ཝཱ པན ཀུསལམཱུལམཱུལཀཱ, སབྦེ ཏེ དྷམྨཱ ཀུསལཱ.

ཡེ ཀེཙི ཀུསལཱ དྷམྨཱ, སབྦེ ཏེ ཀུསལམཱུལེན ཨེཀམཱུལམཱུལཀཱ. ཡེ ཝཱ པན ཀུསལམཱུལེན ཨེཀམཱུལམཱུལཀཱ, སབྦེ ཏེ དྷམྨཱ ཀུསལཱ.

ཡེ ཀེཙི ཀུསལམཱུལེན ཨེཀམཱུལམཱུལཀཱ དྷམྨཱ, སབྦེ ཏེ ཀུསལམཱུལེན ཨཉྙམཉྙམཱུལམཱུལཀཱ. ཡེ ཝཱ པན ཀུསལམཱུལེན ཨཉྙམཉྙམཱུལམཱུལཀཱ, སབྦེ ཏེ དྷམྨཱ ཀུསལཱ.

ཨཀུསལཔདནཡཙཏུཀྐཾ

ཡེ ཀེཙི ཨཀུསལཱ དྷམྨཱ, སབྦེ ཏེ ཨཀུསལམཱུལཱ. ཡེ ཝཱ པན ཨཀུསལམཱུལཱ, སབྦེ ཏེ དྷམྨཱ ཨཀུསལཱ.

ཡེ ¶ ཀེཙི ཨཀུསལཱ དྷམྨཱ, སབྦེ ཏེ ཨཀུསལམཱུལེན ཨེཀམཱུལཱ. ཡེ ཝཱ པན ཨཀུསལམཱུལེན ཨེཀམཱུལཱ, སབྦེ ཏེ དྷམྨཱ ཨཀུསལཱ.

ཡེ ཀེཙི ཨཀུསལམཱུལེན ཨེཀམཱུལཱ དྷམྨཱ, སབྦེ ཏེ ཨཀུསལམཱུལེན ཨཉྙམཉྙམཱུལཱ. ཡེ ཝཱ པན ཨཀུསལམཱུལེན ཨཉྙམཉྙམཱུལཱ, སབྦེ ཏེ དྷམྨཱ ཨཀུསལཱ.

ཡེ ཀེཙི ཨཀུསལཱ དྷམྨཱ, སབྦེ ཏེ ཨཀུསལམཱུལམཱུལཱ. ཡེ ཝཱ པན ཨཀུསལམཱུལམཱུལཱ, སབྦེ ཏེ དྷམྨཱ ཨཀུསལཱ.

ཡེ ཀེཙི ཨཀུསལཱ དྷམྨཱ, སབྦེ ཏེ ཨཀུསལམཱུལེན ཨེཀམཱུལམཱུལཱ. ཡེ ཝཱ པན ཨཀུསལམཱུལེན ཨེཀམཱུལམཱུལཱ, སབྦེ ཏེ དྷམྨཱ ཨཀུསལཱ.

ཡེ ¶ ཀེཙི ཨཀུསལམཱུལེན ཨེཀམཱུལམཱུལཱ དྷམྨཱ, སབྦེ ཏེ ཨཀུསལམཱུལེན ཨཉྙམཉྙམཱུལམཱུལཱ. ཡེ ཝཱ པན ཨཀུསལམཱུལེན ཨཉྙམཉྙམཱུལམཱུལཱ, སབྦེ ཏེ དྷམྨཱ ཨཀུསལཱ.

ཡེ ཀེཙི ཨཀུསལཱ དྷམྨཱ, སབྦེ ཏེ ཨཀུསལམཱུལཀཱ. ཡེ ཝཱ པན ཨཀུསལམཱུལཀཱ, སབྦེ ཏེ དྷམྨཱ ཨཀུསལཱ.

ཡེ ཀེཙི ཨཀུསལཱ དྷམྨཱ, སབྦེ ཏེ ཨཀུསལམཱུལེན ཨེཀམཱུལཀཱ. ཡེ ཝཱ པན ཨཀུསལམཱུལེན ཨེཀམཱུལཀཱ, སབྦེ ཏེ དྷམྨཱ ཨཀུསལཱ.

ཡེ ཀེཙི ཨཀུསལམཱུལེན ཨེཀམཱུལཀཱ དྷམྨཱ, སབྦེ ཏེ ཨཀུསལམཱུལེན ཨཉྙམཉྙམཱུལཀཱ. ཡེ ཝཱ པན ཨཀུསལམཱུལེན ཨཉྙམཉྙམཱུལཀཱ, སབྦེ ཏེ དྷམྨཱ ཨཀུསལཱ.

ཡེ ཀེཙི ཨཀུསལཱ དྷམྨཱ, སབྦེ ཏེ ཨཀུསལམཱུལམཱུལཀཱ. ཡེ ཝཱ པན ཨཀུསལམཱུལམཱུལཀཱ, སབྦེ ཏེ དྷམྨཱ ཨཀུསལཱ.

ཡེ ¶ ཀེཙི ཨཀུསལཱ དྷམྨཱ, སབྦེ ཏེ ཨཀུསལམཱུལེན ཨེཀམཱུལམཱུལཀཱ. ཡེ ཝཱ པན ཨཀུསལམཱུལེན ཨེཀམཱུལམཱུལཀཱ, སབྦེ ཏེ དྷམྨཱ ཨཀུསལཱ.

ཡེ ཀེཙི ཨཀུསལམཱུལེན ཨེཀམཱུལམཱུལཀཱ དྷམྨཱ, སབྦེ ཏེ ཨཀུསལམཱུལེན ཨཉྙམཉྙམཱུལམཱུལཀཱ. ཡེ ཝཱ པན ཨཀུསལམཱུལེན ཨཉྙམཉྙམཱུལམཱུལཀཱ, སབྦེ ཏེ དྷམྨཱ ཨཀུསལཱ.

ཨབྱཱཀཏཔདནཡཙཏུཀྐཾ

ཡེ ཀེཙི ཨབྱཱཀཏཱ དྷམྨཱ, སབྦེ ཏེ ཨབྱཱཀཏམཱུལཱ. ཡེ ཝཱ པན ཨབྱཱཀཏམཱུལཱ, སབྦེ ཏེ དྷམྨཱ ཨབྱཱཀཏཱ.

ཡེ ¶ ཀེཙི ཨབྱཱཀཏཱ དྷམྨཱ, སབྦེ ཏེ ཨབྱཱཀཏམཱུལེན ཨེཀམཱུལཱ. ཡེ ཝཱ པན ཨབྱཱཀཏམཱུལེན ཨེཀམཱུལཱ, སབྦེ ཏེ དྷམྨཱ ཨབྱཱཀཏཱ.

ཡེ ཀེཙི ཨབྱཱཀཏམཱུལེན ཨེཀམཱུལཱ དྷམྨཱ, སབྦེ ཏེ ཨབྱཱཀཏམཱུལེན ཨཉྙམཉྙམཱུལཱ. ཡེ ཝཱ པན ཨབྱཱཀཏམཱུལེན ཨཉྙམཉྙམཱུལཱ, སབྦེ ཏེ དྷམྨཱ ཨབྱཱཀཏཱ.

ཡེ ཀེཙི ཨབྱཱཀཏཱ དྷམྨཱ, སབྦེ ཏེ ཨབྱཱཀཏམཱུལམཱུལཱ. ཡེ ཝཱ པན ཨབྱཱཀཏམཱུལམཱུལཱ, སབྦེ ཏེ དྷམྨཱ ཨབྱཱཀཏཱ.

ཡེ ཀེཙི ཨབྱཱཀཏཱ དྷམྨཱ, སབྦེ ཏེ ཨབྱཱཀཏམཱུལེན ཨེཀམཱུལམཱུལཱ. ཡེ ཝཱ པན ཨབྱཱཀཏམཱུལེན ཨེཀམཱུལམཱུལཱ, སབྦེ ཏེ དྷམྨཱ ཨབྱཱཀཏཱ.

ཡེ ཀེཙི ཨབྱཱཀཏམཱུལེན ཨེཀམཱུལམཱུལཱ དྷམྨཱ, སབྦེ ཏེ ཨབྱཱཀཏམཱུལེན ཨཉྙམཉྙམཱུལམཱུལཱ. ཡེ ཝཱ པན ཨབྱཱཀཏམཱུལེན ཨཉྙམཉྙམཱུལམཱུལཱ, སབྦེ ཏེ དྷམྨཱ ཨབྱཱཀཏཱ.

ཡེ ¶ ཀེཙི ཨབྱཱཀཏཱ དྷམྨཱ, སབྦེ ཏེ ཨབྱཱཀཏམཱུལཀཱ. ཡེ ཝཱ པན ཨབྱཱཀཏམཱུལཀཱ, སབྦེ ཏེ དྷམྨཱ ཨབྱཱཀཏཱ.

ཡེ ཀེཙི ཨབྱཱཀཏཱ དྷམྨཱ, སབྦེ ཏེ ཨབྱཱཀཏམཱུལེན ཨེཀམཱུལཀཱ. ཡེ ཝཱ པན ཨབྱཱཀཏམཱུལེན ཨེཀམཱུལཀཱ, སབྦེ ཏེ དྷམྨཱ ཨབྱཱཀཏཱ.

ཡེ ཀེཙི ཨབྱཱཀཏམཱུལེན ཨེཀམཱུལཀཱ དྷམྨཱ, སབྦེ ཏེ ཨབྱཱཀཏམཱུལེན ཨཉྙམཉྙམཱུལཀཱ. ཡེ ཝཱ པན ཨབྱཱཀཏམཱུལེན ཨཉྙམཉྙམཱུལཀཱ, སབྦེ ཏེ དྷམྨཱ ཨབྱཱཀཏཱ.

ཡེ ཀེཙི ཨབྱཱཀཏཱ དྷམྨཱ, སབྦེ ཏེ ཨབྱཱཀཏམཱུལམཱུལཀཱ. ཡེ ཝཱ པན ཨབྱཱཀཏམཱུལམཱུལཀཱ, སབྦེ ཏེ དྷམྨཱ ཨབྱཱཀཏཱ.

ཡེ ¶ ཀེཙི ཨབྱཱཀཏཱ དྷམྨཱ, སབྦེ ཏེ ཨབྱཱཀཏམཱུལེན ཨེཀམཱུལམཱུལཀཱ. ཡེ ཝཱ པན ཨབྱཱཀཏམཱུལེན ཨེཀམཱུལམཱུལཀཱ, སབྦེ ཏེ དྷམྨཱ ཨབྱཱཀཏཱ.

ཡེ ཀེཙི ཨབྱཱཀཏམཱུལེན ཨེཀམཱུལམཱུལཀཱ དྷམྨཱ, སབྦེ ཏེ ཨབྱཱཀཏམཱུལེན ཨཉྙམཉྙམཱུལམཱུལཀཱ. ཡེ ཝཱ པན ཨབྱཱཀཏམཱུལེན ཨཉྙམཉྙམཱུལམཱུལཀཱ, སབྦེ ཏེ དྷམྨཱ ཨབྱཱཀཏཱ.

ནཱམཔདནཡཙཏུཀྐཾ

ཡེ ཀེཙི ནཱམཱ དྷམྨཱ, སབྦེ ཏེ ནཱམམཱུལཱ. ཡེ ཝཱ པན ནཱམམཱུལཱ, སབྦེ ཏེ དྷམྨཱ ནཱམཱ.

ཡེ ཀེཙི ནཱམཱ དྷམྨཱ, སབྦེ ཏེ ནཱམམཱུལེན ཨེཀམཱུལཱ. ཡེ ཝཱ པན ནཱམམཱུལེན ཨེཀམཱུལཱ, སབྦེ ཏེ དྷམྨཱ ནཱམཱ.

ཡེ ¶ ཀེཙི ནཱམམཱུལེན ཨེཀམཱུལཱ དྷམྨཱ, སབྦེ ཏེ ནཱམམཱུལེན ཨཉྙམཉྙམཱུལཱ. ཡེ ཝཱ པན ནཱམམཱུལེན ཨཉྙམཉྙམཱུལཱ, སབྦེ ཏེ དྷམྨཱ ནཱམཱ.

ཡེ ཀེཙི ནཱམཱ དྷམྨཱ, སབྦེ ཏེ ནཱམམཱུལམཱུལཱ. ཡེ ཝཱ པན ནཱམམཱུལམཱུལཱ, སབྦེ ཏེ དྷམྨཱ ནཱམཱ.

ཡེ ཀེཙི ནཱམཱ དྷམྨཱ, སབྦེ ཏེ ནཱམམཱུལེན ཨེཀམཱུལམཱུལཱ. ཡེ ཝཱ པན ནཱམམཱུལེན ཨེཀམཱུལམཱུལཱ, སབྦེ ཏེ དྷམྨཱ ནཱམཱ.

ཡེ ཀེཙི ནཱམམཱུལེན ཨེཀམཱུལམཱུལཱ དྷམྨཱ, སབྦེ ཏེ ནཱམམཱུལེན ཨཉྙམཉྙམཱུལམཱུལཱ. ཡེ ཝཱ པན ནཱམམཱུལེན ཨཉྙམཉྙམཱུལམཱུལཱ, སབྦེ ཏེ དྷམྨཱ ནཱམཱ.

ཡེ ཀེཙི ནཱམཱ དྷམྨཱ, སབྦེ ཏེ ནཱམམཱུལཀཱ. ཡེ ཝཱ པན ནཱམམཱུལཀཱ, སབྦེ ཏེ དྷམྨཱ ནཱམཱ.

ཡེ ¶ ཀེཙི ནཱམཱ དྷམྨཱ, སབྦེ ཏེ ནཱམམཱུལེན ཨེཀམཱུལཀཱ. ཡེ ཝཱ པན ནཱམམཱུལེན ཨེཀམཱུལཀཱ, སབྦེ ཏེ དྷམྨཱ ནཱམཱ.

ཡེ ཀེཙི ནཱམམཱུལེན ཨེཀམཱུལཀཱ དྷམྨཱ, སབྦེ ཏེ ནཱམམཱུལེན ཨཉྙམཉྙམཱུལཀཱ. ཡེ ཝཱ པན ནཱམམཱུལེན ཨཉྙམཉྙམཱུལཀཱ, སབྦེ ཏེ དྷམྨཱ ནཱམཱ.

ཡེ ཀེཙི ནཱམཱ དྷམྨཱ, སབྦེ ཏེ ནཱམམཱུལམཱུལཀཱ. ཡེ ཝཱ པན ནཱམམཱུལམཱུལཀཱ, སབྦེ ཏེ དྷམྨཱ ནཱམཱ.

ཡེ ཀེཙི ནཱམཱ དྷམྨཱ, སབྦེ ཏེ ནཱམམཱུལེན ཨེཀམཱུལམཱུལཀཱ. ཡེ ཝཱ པན ནཱམམཱུལེན ཨེཀམཱུལམཱུལཀཱ, སབྦེ ཏེ དྷམྨཱ ནཱམཱ.

ཡེ ¶ ཀེཙི ནཱམམཱུལེན ཨེཀམཱུལམཱུལཀཱ དྷམྨཱ, སབྦེ ཏེ ནཱམམཱུལེན ཨཉྙམཉྙམཱུལམཱུལཀཱ. ཡེ ཝཱ པན ནཱམམཱུལེན ཨཉྙམཉྙམཱུལམཱུལཀཱ, སབྦེ ཏེ དྷམྨཱ ནཱམཱ.

ཡེ ཀེཙི ཀུསལཱ དྷམྨཱ, སབྦེ ཏེ ཀུསལཧེཏཱུ…པེ… ཀུསལནིདཱནཱ…པེ… ཀུསལསམྦྷཝཱ…པེ… ཀུསལཔྤབྷཝཱ…པེ… ཀུསལསམུཊྛཱནཱ…པེ… ཀུསལཱཧཱརཱ…པེ… ཀུསལཱརམྨཎཱ…པེ… ཀུསལཔཙྩཡཱ…པེ… ཀུསལསམུདཡཱ…པེ….

མཱུལཾ ཧེཏུ ནིདཱནཉྩ, སམྦྷཝོ པབྷཝེན ཙ;

སམུཊྛཱནཱཧཱརཱརམྨཎཱ, པཙྩཡོ སམུདཡེན ཙཱཏི.

མཱུལཡམཀམཱཏིཀཱ ནིཊྛིཏཱ.

ཁནྡྷཡམཀཾ

པཎྞཏྟིཝཱརོ

པཉྩཀྑནྡྷཱ (ཡམ. ༡.ཁནྡྷཡམཀ.༡ ཨཱདཡོ) – རཱུཔཀྑནྡྷོ ཝེདནཱཀྑནྡྷོ སཉྙཱཀྑནྡྷོ སངྑཱརཀྑནྡྷོ ཝིཉྙཱཎཀྑནྡྷོ.

པདསོདྷནཝཱརོ

ཨནུལོམཾ

རཱུཔཾ ¶ རཱུཔཀྑནྡྷོ, རཱུཔཀྑནྡྷོ རཱུཔཾ.

ཝེདནཱ ཝེདནཱཀྑནྡྷོ, ཝེདནཱཀྑནྡྷོ ཝེདནཱ.

སཉྙཱ སཉྙཱཀྑནྡྷོ, སཉྙཱཀྑནྡྷོ སཉྙཱ.

སངྑཱརཱ སངྑཱརཀྑནྡྷོ, སངྑཱརཀྑནྡྷོ སངྑཱརཱ.

ཝིཉྙཱཎཾ ཝིཉྙཱཎཀྑནྡྷོ, ཝིཉྙཱཎཀྑནྡྷོ ཝིཉྙཱཎཾ.

པཙྩནཱིཀཾ

ན ¶ རཱུཔཾ ན རཱུཔཀྑནྡྷོ, ན རཱུཔཀྑནྡྷོ ན རཱུཔཾ.

ན ཝེདནཱ ན ཝེདནཱཀྑནྡྷོ, ན ཝེདནཱཀྑནྡྷོ ན ཝེདནཱ.

ན སཉྙཱ ན སཉྙཱཀྑནྡྷོ, ན སཉྙཱཀྑནྡྷོ ན སཉྙཱ.

ན སངྑཱརཱ ན སངྑཱརཀྑནྡྷོ, ན སངྑཱརཀྑནྡྷོ ན སངྑཱརཱ.

ན ཝིཉྙཱཎཾ ན ཝིཉྙཱཎཀྑནྡྷོ, ན ཝིཉྙཱཎཀྑནྡྷོ ན ཝིཉྙཱཎཾ.

པདསོདྷནམཱུལཙཀྐཝཱརོ

ཨནུལོམཾ

རཱུཔཾ རཱུཔཀྑནྡྷོ, ཁནྡྷཱ ཝེདནཱཀྑནྡྷོ.

རཱུཔཾ རཱུཔཀྑནྡྷོ, ཁནྡྷཱ སཉྙཱཀྑནྡྷོ.

རཱུཔཾ རཱུཔཀྑནྡྷོ, ཁནྡྷཱ སངྑཱརཀྑནྡྷོ.

རཱུཔཾ རཱུཔཀྑནྡྷོ, ཁནྡྷཱ ཝིཉྙཱཎཀྑནྡྷོ.

ཝེདནཱ ཝེདནཱཀྑནྡྷོ, ཁནྡྷཱ རཱུཔཀྑནྡྷོ.

ཝེདནཱ ཝེདནཱཀྑནྡྷོ, ཁནྡྷཱ སཉྙཱཀྑནྡྷོ.

ཝེདནཱ ཝེདནཱཀྑནྡྷོ, ཁནྡྷཱ སངྑཱརཀྑནྡྷོ.

ཝེདནཱ ཝེདནཱཀྑནྡྷོ, ཁནྡྷཱ ཝིཉྙཱཎཀྑནྡྷོ.

སཉྙཱ ¶ སཉྙཱཀྑནྡྷོ, ཁནྡྷཱ རཱུཔཀྑནྡྷོ.

སཉྙཱ སཉྙཱཀྑནྡྷོ, ཁནྡྷཱ ཝེདནཱཀྑནྡྷོ.

སཉྙཱ སཉྙཱཀྑནྡྷོ, ཁནྡྷཱ སངྑཱརཀྑནྡྷོ.

སཉྙཱ སཉྙཱཀྑནྡྷོ, ཁནྡྷཱ ཝིཉྙཱཎཀྑནྡྷོ.

སངྑཱརཱ ¶ སངྑཱརཀྑནྡྷོ, ཁནྡྷཱ རཱུཔཀྑནྡྷོ.

སངྑཱརཱ སངྑཱརཀྑནྡྷོ, ཁནྡྷཱ ཝེདནཱཀྑནྡྷོ.

སངྑཱརཱ སངྑཱརཀྑནྡྷོ, ཁནྡྷཱ སཉྙཱཀྑནྡྷོ.

སངྑཱརཱ སངྑཱརཀྑནྡྷོ, ཁནྡྷཱ ཝིཉྙཱཎཀྑནྡྷོ.

ཝིཉྙཱཎཾ ཝིཉྙཱཎཀྑནྡྷོ, ཁནྡྷཱ རཱུཔཀྑནྡྷོ.

ཝིཉྙཱཎཾ ཝིཉྙཱཎཀྑནྡྷོ, ཁནྡྷཱ ཝེདནཱཀྑནྡྷོ.

ཝིཉྙཱཎཾ ཝིཉྙཱཎཀྑནྡྷོ, ཁནྡྷཱ སཉྙཱཀྑནྡྷོ.

ཝིཉྙཱཎཾ ཝིཉྙཱཎཀྑནྡྷོ, ཁནྡྷཱ སངྑཱརཀྑནྡྷོ.

པཙྩནཱིཀཾ

ན རཱུཔཾ ན རཱུཔཀྑནྡྷོ, ན ཁནྡྷཱ ན ཝེདནཱཀྑནྡྷོ.

ན རཱུཔཾ ན རཱུཔཀྑནྡྷོ, ན ཁནྡྷཱ ན སཉྙཱཀྑནྡྷོ.

ན རཱུཔཾ ན རཱུཔཀྑནྡྷོ, ན ཁནྡྷཱ ན སངྑཱརཀྑནྡྷོ.

ན རཱུཔཾ ན རཱུཔཀྑནྡྷོ, ན ཁནྡྷཱ ན ཝིཉྙཱཎཀྑནྡྷོ.

ན ཝེདནཱ ན ཝེདནཱཀྑནྡྷོ, ན ཁནྡྷཱ ན རཱུཔཀྑནྡྷོ.

ན ཝེདནཱ ན ཝེདནཱཀྑནྡྷོ, ན ཁནྡྷཱ ན སཉྙཱཀྑནྡྷོ.

ན ཝེདནཱ ན ཝེདནཱཀྑནྡྷོ, ན ཁནྡྷཱ ན སངྑཱརཀྑནྡྷོ.

ན ཝེདནཱ ན ཝེདནཱཀྑནྡྷོ, ན ཁནྡྷཱ ན ཝིཉྙཱཎཀྑནྡྷོ.

ན སཉྙཱ ན སཉྙཱཀྑནྡྷོ, ན ཁནྡྷཱ ན རཱུཔཀྑནྡྷོ.

ན སཉྙཱ ན སཉྙཱཀྑནྡྷོ, ན ཁནྡྷཱ ན ཝེདནཱཀྑནྡྷོ.

ན སཉྙཱ ན སཉྙཱཀྑནྡྷོ, ན ཁནྡྷཱ ན སངྑཱརཀྑནྡྷོ.

ན སཉྙཱ ན སཉྙཱཀྑནྡྷོ, ན ཁནྡྷཱ ན ཝིཉྙཱཎཀྑནྡྷོ.

ན ¶ ¶ སངྑཱརཱ ན སངྑཱརཀྑནྡྷོ, ན ཁནྡྷཱ ན རཱུཔཀྑནྡྷོ.

ན སངྑཱརཱ ན སངྑཱརཀྑནྡྷོ, ན ཁནྡྷཱ ན ཝེདནཱཀྑནྡྷོ.

ན སངྑཱརཱ ན སངྑཱརཀྑནྡྷོ, ན ཁནྡྷཱ ན སཉྙཱཀྑནྡྷོ.

ན སངྑཱརཱ ན སངྑཱརཀྑནྡྷོ, ན ཁནྡྷཱ ན ཝིཉྙཱཎཀྑནྡྷོ.

ན ཝིཉྙཱཎཾ ན ཝིཉྙཱཎཀྑནྡྷོ, ན ཁནྡྷཱ ན རཱུཔཀྑནྡྷོ.

ན ཝིཉྙཱཎཾ ན ཝིཉྙཱཎཀྑནྡྷོ, ན ཁནྡྷཱ ན ཝེདནཱཀྑནྡྷོ.

ན ཝིཉྙཱཎཾ ན ཝིཉྙཱཎཀྑནྡྷོ, ན ཁནྡྷཱ ན སཉྙཱཀྑནྡྷོ.

ན ཝིཉྙཱཎཾ ན ཝིཉྙཱཎཀྑནྡྷོ, ན ཁནྡྷཱ ན སངྑཱརཀྑནྡྷོ.

སུདྡྷཁནྡྷཝཱརོ

ཨནུལོམཾ

རཱུཔཾ ཁནྡྷོ, ཁནྡྷཱ རཱུཔཾ.

ཝེདནཱ ཁནྡྷོ, ཁནྡྷཱ ཝེདནཱ.

སཉྙཱ ཁནྡྷོ, ཁནྡྷཱ སཉྙཱ.

སངྑཱརཱ ཁནྡྷོ, ཁནྡྷཱ སངྑཱརཱ.

ཝིཉྙཱཎཾ ཁནྡྷོ, ཁནྡྷཱ ཝིཉྙཱཎཾ.

པཙྩནཱིཀཾ

ན རཱུཔཾ ན ཁནྡྷོ, ན ཁནྡྷཱ ན རཱུཔཾ.

ན ཝེདནཱ ན ཁནྡྷོ, ན ཁནྡྷཱ ན ཝེདནཱ.

ན སཉྙཱ ན ཁནྡྷོ, ན ཁནྡྷཱ ན སཉྙཱ.

ན སངྑཱརཱ ན ཁནྡྷོ, ན ཁནྡྷཱ ན སངྑཱརཱ.

ན ཝིཉྙཱཎཾ ན ཁནྡྷོ, ན ཁནྡྷཱ ན ཝིཉྙཱཎཾ.

སུདྡྷཁནྡྷམཱུལཙཀྐཝཱརོ

ཨནུལོམཾ

རཱུཔཾ ¶ ཁནྡྷོ, ཁནྡྷཱ ཝེདནཱ.

རཱུཔཾ ཁནྡྷོ, ཁནྡྷཱ སཉྙཱ.

རཱུཔཾ ཁནྡྷོ, ཁནྡྷཱ སངྑཱརཱ.

རཱུཔཾ ཁནྡྷོ, ཁནྡྷཱ ཝིཉྙཱཎཾ.

ཝེདནཱ ¶ ཁནྡྷོ, ཁནྡྷཱ རཱུཔཾ.

ཝེདནཱ ཁནྡྷོ, ཁནྡྷཱ སཉྙཱ.

ཝེདནཱ ཁནྡྷོ, ཁནྡྷཱ སངྑཱརཱ.

ཝེདནཱ ཁནྡྷོ, ཁནྡྷཱ ཝིཉྙཱཎཾ.

སཉྙཱ ཁནྡྷོ, ཁནྡྷཱ རཱུཔཾ.

སཉྙཱ ཁནྡྷོ, ཁནྡྷཱ ཝེདནཱ.

སཉྙཱ ཁནྡྷོ, ཁནྡྷཱ སངྑཱརཱ.

སཉྙཱ ཁནྡྷོ, ཁནྡྷཱ ཝིཉྙཱཎཾ.

སངྑཱརཱ ཁནྡྷོ, ཁནྡྷཱ རཱུཔཾ.

སངྑཱརཱ ཁནྡྷོ, ཁནྡྷཱ ཝེདནཱ.

སངྑཱརཱ ཁནྡྷོ, ཁནྡྷཱ སཉྙཱ.

སངྑཱརཱ ཁནྡྷོ, ཁནྡྷཱ ཝིཉྙཱཎཾ.

ཝིཉྙཱཎཾ ཁནྡྷོ, ཁནྡྷཱ རཱུཔཾ.

ཝིཉྙཱཎཾ ཁནྡྷོ, ཁནྡྷཱ ཝེདནཱ.

ཝིཉྙཱཎཾ ཁནྡྷོ, ཁནྡྷཱ སཉྙཱ.

ཝིཉྙཱཎཾ ཁནྡྷོ, ཁནྡྷཱ སངྑཱརཱ.

པཙྩནཱིཀཾ

ན ¶ རཱུཔཾ ན ཁནྡྷོ, ན ཁནྡྷཱ ན ཝེདནཱ.

ན རཱུཔཾ ན ཁནྡྷོ, ན ཁནྡྷཱ ན སཉྙཱ.

ན རཱུཔཾ ན ཁནྡྷོ, ན ཁནྡྷཱ ན སངྑཱརཱ.

ན རཱུཔཾ ན ཁནྡྷོ, ན ཁནྡྷཱ ན ཝིཉྙཱཎཾ.

ན ཝེདནཱ ན ཁནྡྷོ, ན ཁནྡྷཱ ན རཱུཔཾ.

ན ཝེདནཱ ན ཁནྡྷོ, ན ཁནྡྷཱ ན སཉྙཱ.

ན ཝེདནཱ ན ཁནྡྷོ, ན ཁནྡྷཱ ན སངྑཱརཱ.

ན ཝེདནཱ ན ཁནྡྷོ, ན ཁནྡྷཱ ན ཝིཉྙཱཎཾ.

ན ¶ སཉྙཱ ན ཁནྡྷོ, ན ཁནྡྷཱ ན རཱུཔཾ.

ན སཉྙཱ ན ཁནྡྷོ, ན ཁནྡྷཱ ན ཝེདནཱ.

ན སཉྙཱ ན ཁནྡྷོ, ན ཁནྡྷཱ ན སངྑཱརཱ.

ན སཉྙཱ ན ཁནྡྷོ, ན ཁནྡྷཱ ན ཝིཉྙཱཎཾ.

ན སངྑཱརཱ ན ཁནྡྷོ, ན ཁནྡྷཱ ན རཱུཔཾ.

ན སངྑཱརཱ ན ཁནྡྷོ, ན ཁནྡྷཱ ན ཝེདནཱ.

ན སངྑཱརཱ ན ཁནྡྷོ, ན ཁནྡྷཱ ན སཉྙཱ.

ན སངྑཱརཱ ན ཁནྡྷོ, ན ཁནྡྷཱ ན ཝིཉྙཱཎཾ.

ན ཝིཉྙཱཎཾ ན ཁནྡྷོ, ན ཁནྡྷཱ ན རཱུཔཾ.

ན ཝིཉྙཱཎཾ ན ཁནྡྷོ, ན ཁནྡྷཱ ན ཝེདནཱ.

ན ཝིཉྙཱཎཾ ན ཁནྡྷོ, ན ཁནྡྷཱ ན སཉྙཱ.

ན ཝིཉྙཱཎཾ ན ཁནྡྷོ, ན ཁནྡྷཱ ན སངྑཱརཱ.

ཁནྡྷཡམཀམཱཏིཀཱ ནིཊྛིཏཱ.

ཨཱཡཏནཡམཀཾ

པཎྞཏྟིཝཱརོ

དྭཱདསཱཡཏནཱནི ¶ (ཡམ. ༡.ཨཱཡཏནཡམཀ.༡ ཨཱདཡོ) – ཙཀྑཱཡཏནཾ སོཏཱཡཏནཾ གྷཱནཱཡཏནཾ ཛིཝ྄ཧཱཡཏནཾ ཀཱཡཱཡཏནཾ རཱུཔཱཡཏནཾ སདྡཱཡཏནཾ གནྡྷཱཡཏནཾ རསཱཡཏནཾ ཕོཊྛབྦཱཡཏནཾ མནཱཡཏནཾ དྷམྨཱཡཏནཾ.

པདསོདྷནཝཱརོ

ཨནུལོམཾ

ཙཀྑུ ཙཀྑཱཡཏནཾ, ཙཀྑཱཡཏནཾ ཙཀྑུ.

སོཏཾ སོཏཱཡཏནཾ, སོཏཱཡཏནཾ སོཏཾ.

གྷཱནཾ གྷཱནཱཡཏནཾ, གྷཱནཱཡཏནཾ གྷཱནཾ.

ཛིཝ྄ཧཱ ¶ ཛིཝ྄ཧཱཡཏནཾ, ཛིཝ྄ཧཱཡཏནཾ ཛིཝ྄ཧཱ.

ཀཱཡོ ཀཱཡཱཡཏནཾ, ཀཱཡཱཡཏནཾ ཀཱཡོ.

རཱུཔཾ རཱུཔཱཡཏནཾ, རཱུཔཱཡཏནཾ རཱུཔཾ.

སདྡོ སདྡཱཡཏནཾ, སདྡཱཡཏནཾ སདྡོ.

གནྡྷོ གནྡྷཱཡཏནཾ, གནྡྷཱཡཏནཾ གནྡྷོ.

རསོ རསཱཡཏནཾ, རསཱཡཏནཾ རསོ.

ཕོཊྛབྦོ ཕོཊྛབྦཱཡཏནཾ, ཕོཊྛབྦཱཡཏནཾ ཕོཊྛབྦོ.

མནོ མནཱཡཏནཾ, མནཱཡཏནཾ མནོ.

དྷམྨོ དྷམྨཱཡཏནཾ, དྷམྨཱཡཏནཾ དྷམྨོ.

པཙྩནཱིཀཾ

ན ¶ ཙཀྑུ ན ཙཀྑཱཡཏནཾ, ན ཙཀྑཱཡཏནཾ ན ཙཀྑུ.

ན སོཏཾ ན སོཏཱཡཏནཾ, ན སོཏཱཡཏནཾ ན སོཏཾ.

ན གྷཱནཾ ན གྷཱནཱཡཏནཾ, ན གྷཱནཱཡཏནཾ ན གྷཱནཾ.

ན ཛིཝ྄ཧཱ ན ཛིཝ྄ཧཱཡཏནཾ, ན ཛིཝ྄ཧཱཡཏནཾ ན ཛིཝ྄ཧཱ.

ན ཀཱཡོ ན ཀཱཡཱཡཏནཾ, ན ཀཱཡཱཡཏནཾ ན ཀཱཡོ.

ན རཱུཔཾ ན རཱུཔཱཡཏནཾ, ན རཱུཔཱཡཏནཾ ན རཱུཔཾ.

ན སདྡོ ན སདྡཱཡཏནཾ, ན སདྡཱཡཏནཾ ན སདྡོ.

ན གནྡྷོ ན གནྡྷཱཡཏནཾ, ན གནྡྷཱཡཏནཾ ན གནྡྷོ.

ན རསོ ན རསཱཡཏནཾ, ན རསཱཡཏནཾ ན རསོ.

ན ཕོཊྛབྦོ ན ཕོཊྛབྦཱཡཏནཾ, ན ཕོཊྛབྦཱཡཏནཾ ན ཕོཊྛབྦོ.

ན མནོ ན མནཱཡཏནཾ, ན མནཱཡཏནཾ ན མནོ.

ན དྷམྨོ ན དྷམྨཱཡཏནཾ, ན དྷམྨཱཡཏནཾ ན དྷམྨོ.

པདསོདྷནམཱུལཙཀྐཝཱརོ

ཨནུལོམཾ

ཙཀྑུ ¶ ཙཀྑཱཡཏནཾ, ཨཱཡཏནཱ སོཏཱཡཏནཾ.

ཙཀྑུ ཙཀྑཱཡཏནཾ, ཨཱཡཏནཱ གྷཱནཱཡཏནཾ.

ཙཀྑུ ཙཀྑཱཡཏནཾ, ཨཱཡཏནཱ ཛིཝ྄ཧཱཡཏནཾ…པེ….

ཙཀྑུ ཙཀྑཱཡཏནཾ, ཨཱཡཏནཱ དྷམྨཱཡཏནཾ.

སོཏཾ སོཏཱཡཏནཾ, ཨཱཡཏནཱ ཙཀྑཱཡཏནཾ.

སོཏཾ སོཏཱཡཏནཾ, ཨཱཡཏནཱ གྷཱནཱཡཏནཾ…པེ….

སོཏཾ སོཏཱཡཏནཾ, ཨཱཡཏནཱ དྷམྨཱཡཏནཾ.

གྷཱནཾ ¶ གྷཱནཱཡཏནཾ, ཨཱཡཏནཱ ཙཀྑཱཡཏནཾ…པེ….

གྷཱནཾ གྷཱནཱཡཏནཾ, ཨཱཡཏནཱ དྷམྨཱཡཏནཾ…པེ….

དྷམྨོ དྷམྨཱཡཏནཾ, ཨཱཡཏནཱ ཙཀྑཱཡཏནཾ.

དྷམྨོ དྷམྨཱཡཏནཾ, ཨཱཡཏནཱ སོཏཱཡཏནཾ…པེ….

དྷམྨོ དྷམྨཱཡཏནཾ, ཨཱཡཏནཱ མནཱཡཏནཾ. (ཙཀྐཾ བནྡྷིཏབྦཾ.)

པཙྩནཱིཀཾ

ན ཙཀྑུ ན ཙཀྑཱཡཏནཾ, ནཱཡཏནཱ ན སོཏཱཡཏནཾ.

ན ཙཀྑུ ན ཙཀྑཱཡཏནཾ, ནཱཡཏནཱ ན གྷཱནཱཡཏནཾ…པེ….

ན ཙཀྑུ ན ཙཀྑཱཡཏནཾ, ནཱཡཏནཱ ན དྷམྨཱཡཏནཾ.

ན སོཏཾ ན སོཏཱཡཏནཾ, ནཱཡཏནཱ ན ཙཀྑཱཡཏནཾ…པེ….

ན སོཏཾ ན སོཏཱཡཏནཾ, ནཱཡཏནཱ ན དྷམྨཱཡཏནཾ.

ན གྷཱནཾ ན གྷཱནཱཡཏནཾ, ནཱཡཏནཱ ན ཙཀྑཱཡཏནཾ…པེ….

ན གྷཱནཾ ན གྷཱནཱཡཏནཾ, ནཱཡཏནཱ ན དྷམྨཱཡཏནཾ…པེ….

ན དྷམྨོ ན དྷམྨཱཡཏནཾ, ནཱཡཏནཱ ན ཙཀྑཱཡཏནཾ.

ན དྷམྨོ ན དྷམྨཱཡཏནཾ, ནཱཡཏནཱ ན སོཏཱཡཏནཾ…པེ….

ན དྷམྨོ ན དྷམྨཱཡཏནཾ, ནཱཡཏནཱ ན མནཱཡཏནཾ. (ཙཀྐཾ བནྡྷིཏབྦཾ.)

སུདྡྷཱཡཏནཝཱརོ

ཨནུལོམཾ

ཙཀྑུ ¶ ¶ ཨཱཡཏནཾ, ཨཱཡཏནཱ ཙཀྑུ.

སོཏཾ ཨཱཡཏནཾ, ཨཱཡཏནཱ སོཏཾ.

གྷཱནཾ ཨཱཡཏནཾ, ཨཱཡཏནཱ གྷཱནཾ.

ཛིཝ྄ཧཱ ཨཱཡཏནཾ, ཨཱཡཏནཱ ཛིཝ྄ཧཱ.

ཀཱཡོ ཨཱཡཏནཾ, ཨཱཡཏནཱ ཀཱཡོ.

རཱུཔཾ ཨཱཡཏནཾ, ཨཱཡཏནཱ རཱུཔཾ.

སདྡོ ཨཱཡཏནཾ, ཨཱཡཏནཱ སདྡོ.

གནྡྷོ ཨཱཡཏནཾ, ཨཱཡཏནཱ གནྡྷོ.

རསོ ཨཱཡཏནཾ, ཨཱཡཏནཱ རསོ.

ཕོཊྛབྦོ ཨཱཡཏནཾ, ཨཱཡཏནཱ ཕོཊྛབྦོ.

མནོ ཨཱཡཏནཾ, ཨཱཡཏནཱ མནོ.

དྷམྨོ ཨཱཡཏནཾ, ཨཱཡཏནཱ དྷམྨོ.

པཙྩནཱིཀཾ

ན ཙཀྑུ ནཱཡཏནཾ, ནཱཡཏནཱ ན ཙཀྑུ.

ན སོཏཾ ནཱཡཏནཾ, ནཱཡཏནཱ ན སོཏཾ.

ན གྷཱནཾ ནཱཡཏནཾ, ནཱཡཏནཱ ན གྷཱནཾ.

ན ཛིཝ྄ཧཱ ནཱཡཏནཾ, ནཱཡཏནཱ ན ཛིཝ྄ཧཱ.

ན ཀཱཡོ ནཱཡཏནཾ, ནཱཡཏནཱ ན ཀཱཡོ.

ན རཱུཔཾ ནཱཡཏནཾ, ནཱཡཏནཱ ན རཱུཔཾ.

ན སདྡོ ནཱཡཏནཾ, ནཱཡཏནཱ ན སདྡོ.

ན གནྡྷོ ནཱཡཏནཾ, ནཱཡཏནཱ ན གནྡྷོ.

ན རསོ ནཱཡཏནཾ, ནཱཡཏནཱ ན རསོ.

ན ¶ ཕོཊྛབྦོ ནཱཡཏནཾ, ནཱཡཏནཱ ན ཕོཊྛབྦོ.

ན མནོ ནཱཡཏནཾ, ནཱཡཏནཱ ན མནོ.

ན དྷམྨོ ནཱཡཏནཾ, ནཱཡཏནཱ ན དྷམྨོ.

སུདྡྷཱཡཏནམཱུལཙཀྐཝཱརོ

ཨནུལོམཾ

ཙཀྑུ ¶ ཨཱཡཏནཾ, ཨཱཡཏནཱ སོཏཾ…པེ….

ཙཀྑུ ཨཱཡཏནཾ, ཨཱཡཏནཱ དྷམྨོ.

སོཏཾ ཨཱཡཏནཾ, ཨཱཡཏནཱ ཙཀྑུ…པེ….

སོཏཾ ཨཱཡཏནཾ, ཨཱཡཏནཱ དྷམྨོ.

གྷཱནཾ ཨཱཡཏནཾ, ཨཱཡཏནཱ ཙཀྑུ…པེ….

གྷཱནཾ ཨཱཡཏནཾ, ཨཱཡཏནཱ དྷམྨོ…པེ….

དྷམྨོ ཨཱཡཏནཾ, ཨཱཡཏནཱ ཙཀྑུ.

དྷམྨོ ཨཱཡཏནཾ, ཨཱཡཏནཱ སོཏཾ…པེ….

དྷམྨོ ཨཱཡཏནཾ, ཨཱཡཏནཱ མནོ. (ཙཀྐཾ བནྡྷིཏབྦཾ.)

པཙྩནཱིཀཾ

ན ཙཀྑུ ནཱཡཏནཾ, ནཱཡཏནཱ ན སོཏཾ…པེ….

ན ཙཀྑུ ནཱཡཏནཾ, ནཱཡཏནཱ ན དྷམྨོ.

ན སོཏཾ ནཱཡཏནཾ, ནཱཡཏནཱ ན ཙཀྑུ…པེ….

ན སོཏཾ ནཱཡཏནཾ, ནཱཡཏནཱ ན དྷམྨོ.

ན ¶ གྷཱནཾ ནཱཡཏནཾ, ནཱཡཏནཱ ན ཙཀྑུ…པེ….

ན གྷཱནཾ ནཱཡཏནཾ, ནཱཡཏནཱ ན དྷམྨོ…པེ….

ན དྷམྨོ ནཱཡཏནཾ, ནཱཡཏནཱ ན ཙཀྑུ.

ན དྷམྨོ ནཱཡཏནཾ, ནཱཡཏནཱ ན སོཏཾ…པེ….

ན དྷམྨོ ནཱཡཏནཾ, ནཱཡཏནཱ ན མནོ. (ཙཀྐཾ བནྡྷིཏབྦཾ.)

ཨཱཡཏནཡམཀམཱཏིཀཱ ནིཊྛིཏཱ.

དྷཱཏུཡམཀཾ

པཎྞཏྟིཝཱརོ

ཨཊྛཱརས ¶ དྷཱཏུཡོ (ཡམ. ༡.དྷཱཏུརམཀ.༡ ཨཱདཡོ) – ཙཀྑུདྷཱཏུ སོཏདྷཱཏུ གྷཱནདྷཱཏུ ཛིཝ྄ཧཱདྷཱཏུ ཀཱཡདྷཱཏུ རཱུཔདྷཱཏུ སདྡདྷཱཏུ གནྡྷདྷཱཏུ རསདྷཱཏུ ཕོཊྛབྦདྷཱཏུ ཙཀྑུཝིཉྙཱཎདྷཱཏུ སོཏཝིཉྙཱཎདྷཱཏུ གྷཱནཝིཉྙཱཎདྷཱཏུ ཛིཝ྄ཧཱཝིཉྙཱཎདྷཱཏུ ཀཱཡཝིཉྙཱཎདྷཱཏུ མནོདྷཱཏུ མནོཝིཉྙཱཎདྷཱཏུ དྷམྨདྷཱཏུ.

པདསོདྷནཝཱརོ

ཨནུལོམཾ

ཙཀྑུ ཙཀྑུདྷཱཏུ, ཙཀྑུདྷཱཏུ ཙཀྑུ.

སོཏཾ སོཏདྷཱཏུ, སོཏདྷཱཏུ སོཏཾ…པེ….

ཙཀྑུཝིཉྙཱཎཾ ཙཀྑུཝིཉྙཱཎདྷཱཏུ, ཙཀྑུཝིཉྙཱཎདྷཱཏུ ཙཀྑུཝིཉྙཱཎཾ…པེ….

མནོ མནོདྷཱཏུ, མནོདྷཱཏུ མནོ.

མནོཝིཉྙཱཎཾ ¶ མནོཝིཉྙཱཎདྷཱཏུ, མནོཝིཉྙཱཎདྷཱཏུ མནོཝིཉྙཱཎཾ.

དྷམྨོ དྷམྨདྷཱཏུ, དྷམྨདྷཱཏུ དྷམྨོ.

པཙྩནཱིཀཾ

ན ཙཀྑུ ན ཙཀྑུདྷཱཏུ, ན ཙཀྑུདྷཱཏུ ན ཙཀྑུ.

ན སོཏཾ ན སོཏདྷཱཏུ, ན སོཏདྷཱཏུ ན སོཏཾ…པེ….

ན ཙཀྑུཝིཉྙཱཎཾ ན ཙཀྑུཝིཉྙཱཎདྷཱཏུ, ན ཙཀྑུཝིཉྙཱཎདྷཱཏུ ན ཙཀྑུཝིཉྙཱཎཾ…པེ….

ན མནོ ན མནོདྷཱཏུ, ན མནོདྷཱཏུ ན མནོ.

ན ¶ མནོཝིཉྙཱཎཾ ན མནོཝིཉྙཱཎདྷཱཏུ, ན མནོཝིཉྙཱཎདྷཱཏུ ན མནོཝིཉྙཱཎཾ.

ན དྷམྨོ ན དྷམྨདྷཱཏུ, ན དྷམྨདྷཱཏུ ན དྷམྨོ.

པདསོདྷནམཱུལཙཀྐཝཱརོ

ཨནུལོམཾ

ཙཀྑུ ཙཀྑུདྷཱཏུ, དྷཱཏཱུ སོཏདྷཱཏུ…པེ….

ཙཀྑུ ཙཀྑུདྷཱཏུ, དྷཱཏཱུ དྷམྨདྷཱཏུ. (ཡཐཱ ཨཱཡཏནཡམཀེ ཙཀྐཾ བནྡྷིཏཾ, ཨེཝམིདྷ ཙཀྐཾ བནྡྷིཏབྦཾ.)

པཙྩནཱིཀཾ

ན ཙཀྑུ ན ཙཀྑུདྷཱཏུ, ན དྷཱཏཱུ ན སོཏདྷཱཏུ.

ན ཙཀྑུ ན ཙཀྑུདྷཱཏུ, ན དྷཱཏཱུ ན གྷཱནདྷཱཏུ…པེ….

ན ཙཀྑུ ན ཙཀྑུདྷཱཏུ, ན དྷཱཏཱུ ན དྷམྨདྷཱཏུ…པེ….

ན དྷམྨོ ན དྷམྨདྷཱཏུ, ན དྷཱཏཱུ ན ཙཀྑུདྷཱཏུ…པེ….

ན དྷམྨོ ན དྷམྨདྷཱཏུ, ན དྷཱཏཱུ ན མནོཝིཉྙཱཎདྷཱཏུ. (ཙཀྐཾ བནྡྷིཏབྦཾ.)

སུདྡྷདྷཱཏུཝཱརོ

ཨནུལོམཾ

ཙཀྑུ ¶ དྷཱཏུ, དྷཱཏཱུ ཙཀྑུ…པེ….

ཙཀྑུཝིཉྙཱཎཾ དྷཱཏུ, དྷཱཏཱུ ཙཀྑུཝིཉྙཱཎཾ…པེ….

མནོཝིཉྙཱཎཾ དྷཱཏུ, དྷཱཏཱུ མནོཝིཉྙཱཎཾ.

དྷམྨོ དྷཱཏུ, དྷཱཏཱུ དྷམྨོ.

པཙྩནཱིཀཾ

ན ཙཀྑུ ན དྷཱཏུ, ན དྷཱཏཱུ ན ཙཀྑུ…པེ….

ན ཙཀྑུཝིཉྙཱཎཾ ན དྷཱཏུ, ན དྷཱཏཱུ ན ཙཀྑུཝིཉྙཱཎཾ…པེ….

ན ¶ མནོཝིཉྙཱཎཾ ན དྷཱཏུ, ན དྷཱཏཱུ ན མནོཝིཉྙཱཎཾ.

ན དྷམྨོ ན དྷཱཏུ, ན དྷཱཏཱུ ན དྷམྨོ.

སུདྡྷདྷཱཏུམཱུལཙཀྐཝཱརོ

ཨནུལོམཾ

ཙཀྑུ དྷཱཏུ, དྷཱཏཱུ སོཏཾ…པེ….

ཙཀྑུ དྷཱཏུ, དྷཱཏཱུ དྷམྨོ…པེ….

དྷམྨོ དྷཱཏུ, དྷཱཏཱུ ཙཀྑུ…པེ….

དྷམྨོ དྷཱཏུ, དྷཱཏཱུ མནོཝིཉྙཱཎཾ. (ཙཀྐཾ བནྡྷིཏབྦཾ.)

པཙྩནཱིཀཾ

ན ¶ ཙཀྑུ ན དྷཱཏུ, ན དྷཱཏཱུ ན སོཏཾ…པེ….

ན ཙཀྑུ ན དྷཱཏུ, ན དྷཱཏཱུ ན དྷམྨོ…པེ….

ན དྷམྨོ ན དྷཱཏུ, ན དྷཱཏཱུ ན ཙཀྑུ…པེ….

ན དྷམྨོ ན དྷཱཏུ, ན དྷཱཏཱུ ན མནོཝིཉྙཱཎཾ. (ཙཀྐཾ བནྡྷིཏབྦཾ. )

དྷཱཏུཡམཀམཱཏིཀཱ ནིཊྛིཏཱ.

སཙྩཡམཀཾ

པཎྞཏྟིཝཱརོ

ཙཏྟཱརི སཙྩཱནི (ཡམ. ༡.སཙྩཡམཀ.༡ ཨཱདཡོ) – དུཀྑསཙྩཾ སམུདཡསཙྩཾ ནིརོདྷསཙྩཾ མགྒསཙྩཾ.

པདསོདྷནཝཱརོ

ཨནུལོམཾ

དུཀྑཾ ¶ དུཀྑསཙྩཾ, དུཀྑསཙྩཾ དུཀྑཾ.

སམུདཡོ སམུདཡསཙྩཾ, སམུདཡསཙྩཾ སམུདཡོ.

ནིརོདྷོ ནིརོདྷསཙྩཾ, ནིརོདྷསཙྩཾ ནིརོདྷོ.

མགྒོ མགྒསཙྩཾ, མགྒསཙྩཾ མགྒོ.

པཙྩནཱིཀཾ

ན ¶ དུཀྑཾ ན དུཀྑསཙྩཾ, ན དུཀྑསཙྩཾ ན དུཀྑཾ.

ན སམུདཡོ ན སམུདཡསཙྩཾ, ན སམུདཡསཙྩཾ ན སམུདཡོ.

ན ནིརོདྷོ ན ནིརོདྷསཙྩཾ, ན ནིརོདྷསཙྩཾ ན ནིརོདྷོ.

ན མགྒོ ན མགྒསཙྩཾ, ན མགྒསཙྩཾ ན མགྒོ.

པདསོདྷནམཱུལཙཀྐཝཱརོ

ཨནུལོམཾ

དུཀྑཾ དུཀྑསཙྩཾ, སཙྩཱ སམུདཡསཙྩཾ.

དུཀྑཾ དུཀྑསཙྩཾ, སཙྩཱ ནིརོདྷསཙྩཾ.

དུཀྑཾ དུཀྑསཙྩཾ, སཙྩཱ མགྒསཙྩཾ.

སམུདཡོ སམུདཡསཙྩཾ, སཙྩཱ དུཀྑསཙྩཾ.

སམུདཡོ སམུདཡསཙྩཾ, སཙྩཱ ནིརོདྷསཙྩཾ.

སམུདཡོ སམུདཡསཙྩཾ, སཙྩཱ མགྒསཙྩཾ.

ནིརོདྷོ ནིརོདྷསཙྩཾ, སཙྩཱ དུཀྑསཙྩཾ.

ནིརོདྷོ ནིརོདྷསཙྩཾ, སཙྩཱ སམུདཡསཙྩཾ.

ནིརོདྷོ ནིརོདྷསཙྩཾ, སཙྩཱ མགྒསཙྩཾ.

མགྒོ མགྒསཙྩཾ, སཙྩཱ དུཀྑསཙྩཾ.

མགྒོ མགྒསཙྩཾ, སཙྩཱ སམུདཡསཙྩཾ.

མགྒོ མགྒསཙྩཾ, སཙྩཱ ནིརོདྷསཙྩཾ.

པཙྩནཱིཀཾ

ན ¶ ¶ དུཀྑཾ ན དུཀྑསཙྩཾ, ན སཙྩཱ ན སམུདཡསཙྩཾ.

ན དུཀྑཾ ན དུཀྑསཙྩཾ, ན སཙྩཱ ན ནིརོདྷསཙྩཾ.

ན དུཀྑཾ ན དུཀྑསཙྩཾ, ན སཙྩཱ ན མགྒསཙྩཾ.

ན སམུདཡོ ན སམུདཡསཙྩཾ, ན སཙྩཱ ན དུཀྑསཙྩཾ.

ན སམུདཡོ ན སམུདཡསཙྩཾ, ན སཙྩཱ ན ནིརོདྷསཙྩཾ.

ན སམུདཡོ ན སམུདཡསཙྩཾ, ན སཙྩཱ ན མགྒསཙྩཾ.

ན ནིརོདྷོ ན ནིརོདྷསཙྩཾ, ན སཙྩཱ ན དུཀྑསཙྩཾ.

ན ནིརོདྷོ ན ནིརོདྷསཙྩཾ, ན སཙྩཱ ན སམུདཡསཙྩཾ.

ན ནིརོདྷོ ན ནིརོདྷསཙྩཾ, ན སཙྩཱ ན མགྒསཙྩཾ.

ན མགྒོ ན མགྒསཙྩཾ, ན སཙྩཱ ན དུཀྑསཙྩཾ.

ན མགྒོ ན མགྒསཙྩཾ, ན སཙྩཱ ན སམུདཡསཙྩཾ.

ན མགྒོ ན མགྒསཙྩཾ, ན སཙྩཱ ན ནིརོདྷསཙྩཾ.

སུདྡྷསཙྩཝཱརོ

ཨནུལོམཾ

དུཀྑཾ སཙྩཾ, སཙྩཱ དུཀྑཾ.

སམུདཡོ སཙྩཾ, སཙྩཱ སམུདཡོ.

ནིརོདྷོ སཙྩཾ, སཙྩཱ ནིརོདྷོ.

མགྒོ སཙྩཾ, སཙྩཱ མགྒོ.

པཙྩནཱིཀཾ

ན ¶ དུཀྑཾ ན སཙྩཾ, ན སཙྩཱ ན དུཀྑཾ.

ན སམུདཡོ ན སཙྩཾ, ན སཙྩཱ ན སམུདཡོ.

ན ནིརོདྷོ ན སཙྩཾ, ན སཙྩཱ ན ནིརོདྷོ.

ན མགྒོ ན སཙྩཾ, ན སཙྩཱ ན མགྒོ.

སུདྡྷསཙྩམཱུལཙཀྐཝཱརོ

ཨནུལོམཾ

དུཀྑཾ ¶ སཙྩཾ, སཙྩཱ སམུདཡོ.

དུཀྑཾ སཙྩཾ, སཙྩཱ ནིརོདྷོ.

དུཀྑཾ སཙྩཾ, སཙྩཱ མགྒོ.

སམུདཡོ སཙྩཾ, སཙྩཱ དུཀྑཾ…པེ… སཙྩཱ མགྒོ.

ནིརོདྷོ སཙྩཾ, སཙྩཱ དུཀྑཾ…པེ… སཙྩཱ མགྒོ.

མགྒོ སཙྩཾ, སཙྩཱ དུཀྑཾ.

མགྒོ སཙྩཾ, སཙྩཱ སམུདཡོ.

མགྒོ སཙྩཾ, སཙྩཱ ནིརོདྷོ.

པཙྩནཱིཀཾ

ན དུཀྑཾ ན སཙྩཾ, ན སཙྩཱ ན སམུདཡོ.

ན དུཀྑཾ ན སཙྩཾ, ན སཙྩཱ ན ནིརོདྷོ.

ན དུཀྑཾ ན སཙྩཾ, ན སཙྩཱ ན མགྒོ.

ན ¶ སམུདཡོ ན སཙྩཾ, ན སཙྩཱ ན དུཀྑཾ…པེ… ན སཙྩཱ ན མགྒོ.

ན ནིརོདྷོ ན སཙྩཾ, ན སཙྩཱ ན དུཀྑཾ…པེ… ན སཙྩཱ ན མགྒོ.

ན མགྒོ ན སཙྩཾ, ན སཙྩཱ ན དུཀྑཾ.

ན མགྒོ ན སཙྩཾ, ན སཙྩཱ ན སམུདཡོ.

ན མགྒོ ན སཙྩཾ, ན སཙྩཱ ན ནིརོདྷོ.

སཙྩཡམཀམཱཏིཀཱ ནིཊྛིཏཱ.

སངྑཱརཡམཀཾ

པཎྞཏྟིཝཱརོ

ཏཡོ ¶ སངྑཱརཱ (ཡམ. ༢.སངྑཱརཡམཀ.༡ ཨཱདཡོ) – ཀཱཡསངྑཱརོ ཝཙཱིསངྑཱརོ ཙིཏྟསངྑཱརོ. ཨསྶཱསཔསྶཱསཱ ཀཱཡསངྑཱརོ, ཝིཏཀྐཝིཙཱརཱ ཝཙཱིསངྑཱརོ, སཉྙཱ ཙ ཝེདནཱ ཙ ཙིཏྟསངྑཱརོ, ཋཔེཏྭཱ ཝིཏཀྐཝིཙཱརེ སབྦེཔི ཙིཏྟསམྤཡུཏྟཀཱ དྷམྨཱ ཙིཏྟསངྑཱརོ.

པདསོདྷནཝཱརོ

ཨནུལོམཾ

ཀཱཡོ ཀཱཡསངྑཱརོ, ཀཱཡསངྑཱརོ ཀཱཡོ.

ཝཙཱི ཝཙཱིསངྑཱརོ, ཝཙཱིསངྑཱརོ ཝཙཱི.

ཙིཏྟཾ ཙིཏྟསངྑཱརོ, ཙིཏྟསངྑཱརོ ཙིཏྟཾ.

པཙྩནཱིཀཾ

ན ¶ ཀཱཡོ ན ཀཱཡསངྑཱརོ, ན ཀཱཡསངྑཱརོ ན ཀཱཡོ.

ན ཝཙཱི ན ཝཙཱིསངྑཱརོ, ན ཝཙཱིསངྑཱརོ ན ཝཙཱི.

ན ཙིཏྟཾ ན ཙིཏྟསངྑཱརོ, ན ཙིཏྟསངྑཱརོ ན ཙིཏྟཾ.

པདསོདྷནམཱུལཙཀྐཝཱརོ

ཨནུལོམཾ

ཀཱཡོ ཀཱཡསངྑཱརོ, སངྑཱརཱ ཝཙཱིསངྑཱརོ.

ཀཱཡོ ཀཱཡསངྑཱརོ, སངྑཱརཱ ཙིཏྟསངྑཱརོ.

ཝཙཱི ཝཙཱིསངྑཱརོ, སངྑཱརཱ ཀཱཡསངྑཱརོ.

ཝཙཱི ཝཙཱིསངྑཱརོ, སངྑཱརཱ ཙིཏྟསངྑཱརོ.

ཙིཏྟཾ ¶ ཙིཏྟསངྑཱརོ, སངྑཱརཱ ཀཱཡསངྑཱརོ.

ཙིཏྟཾ ཙིཏྟསངྑཱརོ, སངྑཱརཱ ཝཙཱིསངྑཱརོ.

པཙྩནཱིཀཾ

ན ཀཱཡོ ན ཀཱཡསངྑཱརོ, ན སངྑཱརཱ ན ཝཙཱིསངྑཱརོ.

ན ཀཱཡོ ན ཀཱཡསངྑཱརོ, ན སངྑཱརཱ ན ཙིཏྟསངྑཱརོ.

ན ཝཙཱི ན ཝཙཱིསངྑཱརོ, ན སངྑཱརཱ ན ཀཱཡསངྑཱརོ.

ན ཝཙཱི ན ཝཙཱིསངྑཱརོ, ན སངྑཱརཱ ན ཙིཏྟསངྑཱརོ.

ན ཙིཏྟཾ ན ཙིཏྟསངྑཱརོ, ན སངྑཱརཱ ན ཀཱཡསངྑཱརོ.

ན ཙིཏྟཾ ན ཙིཏྟསངྑཱརོ, ན སངྑཱརཱ ན ཝཙཱིསངྑཱརོ.

སུདྡྷསངྑཱརཝཱརོ

ཨནུལོམཾ

ཀཱཡསངྑཱརོ ¶ ཝཙཱིསངྑཱརོ, ཝཙཱིསངྑཱརོ ཀཱཡསངྑཱརོ.

ཀཱཡསངྑཱརོ ཙིཏྟསངྑཱརོ, ཙིཏྟསངྑཱརོ ཀཱཡསངྑཱརོ.

ཝཙཱིསངྑཱརོ ཙིཏྟསངྑཱརོ, ཙིཏྟསངྑཱརོ ཝཙཱིསངྑཱརོ.

པཙྩནཱིཀཾ

ན ཀཱཡསངྑཱརོ ན ཝཙཱིསངྑཱརོ, ན ཝཙཱིསངྑཱརོ ན ཀཱཡསངྑཱརོ.

ན ཀཱཡསངྑཱརོ ན ཙིཏྟསངྑཱརོ, ན ཙིཏྟསངྑཱརོ ན ཀཱཡསངྑཱརོ.

ན ཝཙཱིསངྑཱརོ ན ཙིཏྟསངྑཱརོ, ན ཙིཏྟསངྑཱརོ ན ཝཙཱིསངྑཱརོ.

སངྑཱརཡམཀམཱཏིཀཱ ནིཊྛིཏཱ.

ཨནུསཡཡམཀཾ

སཏྟཱནུསཡཱ ¶ (ཡམ. ༢.ཨནུསཡཡམཀ.༡) – ཀཱམརཱགཱནུསཡོ པཊིགྷཱནུསཡོ མཱནཱནུསཡོ དིཊྛཱནུསཡོ ཝིཙིཀིཙྪཱནུསཡོ བྷཝརཱགཱནུསཡོ ཨཝིཛྫཱནུསཡོ.

ཨནུསཡཡམཀམཱཏིཀཱ ནིཊྛིཏཱ.

ཙིཏྟཡམཀཾ

སུདྡྷཙིཏྟསཱམཉྙཾ

པུགྒལཝཱརོ

༡. ཨུཔྤཱདནིརོདྷཀཱལསམྦྷེདཝཱརོ

ཡསྶ ¶ ཙིཏྟཾ ཨུཔྤཛྫཏི ན ནིརུཛ྄ཛྷཏི (ཡམ. ༢.ཙིཏྟཡམཀ.༡ ཨཱདཡོ), ཏསྶ ཙིཏྟཾ ནིརུཛ྄ཛྷིསྶཏི ན ཨུཔྤཛྫིསྶཏི. ཡསྶ ཝཱ པན ཙིཏྟཾ ནིརུཛ྄ཛྷིསྶཏི ན ཨུཔྤཛྫིསྶཏི, ཏསྶ ཙིཏྟཾ ཨུཔྤཛྫཏི ན ནིརུཛ྄ཛྷཏི.

ཡསྶ ཙིཏྟཾ ན ཨུཔྤཛྫཏི ནིརུཛ྄ཛྷཏི, ཏསྶ ཙིཏྟཾ ན ནིརུཛ྄ཛྷིསྶཏི ཨུཔྤཛྫིསྶཏི. ཡསྶ ཝཱ པན ཙིཏྟཾ ན ནིརུཛ྄ཛྷིསྶཏི ཨུཔྤཛྫིསྶཏི, ཏསྶ ཙིཏྟཾ ན ཨུཔྤཛྫཏི ནིརུཛ྄ཛྷཏི.

༢. ཨུཔྤཱདུཔྤནྣཝཱརོ

ཡསྶ ཙིཏྟཾ ཨུཔྤཛྫཏི, ཏསྶ ཙིཏྟཾ ཨུཔྤནྣཾ. ཡསྶ ཝཱ པན ཙིཏྟཾ ཨུཔྤནྣཾ, ཏསྶ ཙིཏྟཾ ཨུཔྤཛྫཏི.

ཡསྶ ཙིཏྟཾ ན ཨུཔྤཛྫཏི, ཏསྶ ཙིཏྟཾ ན ཨུཔྤནྣཾ. ཡསྶ ཝཱ པན ཙིཏྟཾ ན ཨུཔྤནྣཾ, ཏསྶ ཙིཏྟཾ ན ཨུཔྤཛྫཏི.

༣. ནིརོདྷུཔྤནྣཝཱརོ

ཡསྶ ¶ ཙིཏྟཾ ནིརུཛ྄ཛྷཏི, ཏསྶ ཙིཏྟཾ ཨུཔྤནྣཾ. ཡསྶ ཝཱ པན ཙིཏྟཾ ཨུཔྤནྣཾ, ཏསྶ ཙིཏྟཾ ནིརུཛ྄ཛྷཏི.

ཡསྶ ¶ ཙིཏྟཾ ན ནིརུཛ྄ཛྷཏི, ཏསྶ ཙིཏྟཾ ན ཨུཔྤནྣཾ. ཡསྶ ཝཱ པན ཙིཏྟཾ ན ཨུཔྤནྣཾ, ཏསྶ ཙིཏྟཾ ན ནིརུཛ྄ཛྷཏི.

༤. ཨུཔྤཱདཝཱརོ

ཡསྶ ཙིཏྟཾ ཨུཔྤཛྫཏི, ཏསྶ ཙིཏྟཾ ཨུཔྤཛྫིཏྠ. ཡསྶ ཝཱ པན ཙིཏྟཾ ཨུཔྤཛྫིཏྠ, ཏསྶ ཙིཏྟཾ ཨུཔྤཛྫཏི.

ཡསྶ ཙིཏྟཾ ན ཨུཔྤཛྫཏི, ཏསྶ ཙིཏྟཾ ན ཨུཔྤཛྫིཏྠ. ཡསྶ ཝཱ པན ཙིཏྟཾ ན ཨུཔྤཛྫིཏྠ, ཏསྶ ཙིཏྟཾ ན ཨུཔྤཛྫཏི.

ཡསྶ ཙིཏྟཾ ཨུཔྤཛྫཏི, ཏསྶ ཙིཏྟཾ ཨུཔྤཛྫིསྶཏི. ཡསྶ ཝཱ པན ཙིཏྟཾ ཨུཔྤཛྫིསྶཏི, ཏསྶ ཙིཏྟཾ ཨུཔྤཛྫཏི.

ཡསྶ ཙིཏྟཾ ན ཨུཔྤཛྫཏི, ཏསྶ ཙིཏྟཾ ན ཨུཔྤཛྫིསྶཏི. ཡསྶ ཝཱ པན ཙིཏྟཾ ན ཨུཔྤཛྫིསྶཏི, ཏསྶ ཙིཏྟཾ ན ཨུཔྤཛྫཏི.

ཡསྶ ཙིཏྟཾ ཨུཔྤཛྫིཏྠ, ཏསྶ ཙིཏྟཾ ཨུཔྤཛྫིསྶཏི. ཡསྶ ཝཱ པན ཙིཏྟཾ ཨུཔྤཛྫིསྶཏི, ཏསྶ ཙིཏྟཾ ཨུཔྤཛྫིཏྠ.

ཡསྶ ཙིཏྟཾ ན ཨུཔྤཛྫིཏྠ, ཏསྶ ཙིཏྟཾ ན ཨུཔྤཛྫིསྶཏི. ཡསྶ ཝཱ པན ཙིཏྟཾ ན ཨུཔྤཛྫིསྶཏི, ཏསྶ ཙིཏྟཾ ན ཨུཔྤཛྫིཏྠ.

༥. ནིརོདྷཝཱརོ

ཡསྶ ཙིཏྟཾ ནིརུཛ྄ཛྷཏི, ཏསྶ ཙིཏྟཾ ནིརུཛ྄ཛྷིཏྠ. ཡསྶ ཝཱ པན ཙིཏྟཾ ནིརུཛ྄ཛྷིཏྠ, ཏསྶ ཙིཏྟཾ ནིརུཛ྄ཛྷཏི.

ཡསྶ ཙིཏྟཾ ན ནིརུཛ྄ཛྷཏི, ཏསྶ ཙིཏྟཾ ན ནིརུཛ྄ཛྷིཏྠ. ཡསྶ ཝཱ པན ཙིཏྟཾ ན ནིརུཛ྄ཛྷིཏྠ, ཏསྶ ཙིཏྟཾ ན ནིརུཛ྄ཛྷཏི.

ཡསྶ ཙིཏྟཾ ནིརུཛ྄ཛྷཏི, ཏསྶ ཙིཏྟཾ ནིརུཛ྄ཛྷིསྶཏི. ཡསྶ ཝཱ པན ཙིཏྟཾ ནིརུཛ྄ཛྷིསྶཏི, ཏསྶ ཙིཏྟཾ ནིརུཛ྄ཛྷཏི.

ཡསྶ ¶ ¶ ཙིཏྟཾ ན ནིརུཛ྄ཛྷཏི, ཏསྶ ཙིཏྟཾ ན ནིརུཛ྄ཛྷིསྶཏི. ཡསྶ ཝཱ པན ཙིཏྟཾ ན ནིརུཛ྄ཛྷིསྶཏི, ཏསྶ ཙིཏྟཾ ན ནིརུཛ྄ཛྷཏི.

ཡསྶ ཙིཏྟཾ ནིརུཛ྄ཛྷིཏྠ, ཏསྶ ཙིཏྟཾ ནིརུཛ྄ཛྷིསྶཏི. ཡསྶ ཝཱ པན ཙིཏྟཾ ནིརུཛ྄ཛྷིསྶཏི, ཏསྶ ཙིཏྟཾ ནིརུཛ྄ཛྷིཏྠ.

ཡསྶ ཙིཏྟཾ ན ནིརུཛ྄ཛྷིཏྠ, ཏསྶ ཙིཏྟཾ ན ནིརུཛ྄ཛྷིསྶཏི. ཡསྶ ཝཱ པན ཙིཏྟཾ ན ནིརུཛ྄ཛྷིསྶཏི, ཏསྶ ཙིཏྟཾ ན ནིརུཛ྄ཛྷིཏྠ.

༦. ཨུཔྤཱདནིརོདྷཝཱརོ

ཡསྶ ཙིཏྟཾ ཨུཔྤཛྫཏི, ཏསྶ ཙིཏྟཾ ནིརུཛ྄ཛྷིཏྠ. ཡསྶ ཝཱ པན ཙིཏྟཾ ནིརུཛ྄ཛྷིཏྠ, ཏསྶ ཙིཏྟཾ ཨུཔྤཛྫཏི.

ཡསྶ ཙིཏྟཾ ན ཨུཔྤཛྫཏི, ཏསྶ ཙིཏྟཾ ན ནིརུཛ྄ཛྷིཏྠ. ཡསྶ ཝཱ པན ཙིཏྟཾ ན ནིརུཛ྄ཛྷིཏྠ, ཏསྶ ཙིཏྟཾ ན ཨུཔྤཛྫཏི.

ཡསྶ ཙིཏྟཾ ཨུཔྤཛྫཏི, ཏསྶ ཙིཏྟཾ ནིརུཛ྄ཛྷིསྶཏི. ཡསྶ ཝཱ པན ཙིཏྟཾ ནིརུཛ྄ཛྷིསྶཏི, ཏསྶ ཙིཏྟཾ ཨུཔྤཛྫཏི.

ཡསྶ ཙིཏྟཾ ན ཨུཔྤཛྫཏི, ཏསྶ ཙིཏྟཾ ན ནིརུཛ྄ཛྷིསྶཏི. ཡསྶ ཝཱ པན ཙིཏྟཾ ན ནིརུཛ྄ཛྷིསྶཏི, ཏསྶ ཙིཏྟཾ ན ཨུཔྤཛྫཏི.

ཡསྶ ཙིཏྟཾ ཨུཔྤཛྫིཏྠ, ཏསྶ ཙིཏྟཾ ནིརུཛ྄ཛྷིསྶཏི. ཡསྶ ཝཱ པན ཙིཏྟཾ ནིརུཛ྄ཛྷིསྶཏི, ཏསྶ ཙིཏྟཾ ཨུཔྤཛྫིཏྠ.

ཡསྶ ཙིཏྟཾ ན ཨུཔྤཛྫིཏྠ, ཏསྶ ཙིཏྟཾ ན ནིརུཛ྄ཛྷིསྶཏི. ཡསྶ ཝཱ པན ཙིཏྟཾ ན ནིརུཛ྄ཛྷིསྶཏི, ཏསྶ ཙིཏྟཾ ན ཨུཔྤཛྫིཏྠ.

༧. ཨུཔྤཛྫམཱནནནིརོདྷཝཱརོ

ཡསྶ ¶ ཙིཏྟཾ ཨུཔྤཛྫཏི, ཏསྶ ཙིཏྟཾ ན ནིརུཛ྄ཛྷཏི. ཡསྶ ཝཱ པན ཙིཏྟཾ ན ནིརུཛ྄ཛྷཏི, ཏསྶ ཙིཏྟཾ ཨུཔྤཛྫཏི.

ཡསྶ ཙིཏྟཾ ན ཨུཔྤཛྫཏི, ཏསྶ ཙིཏྟཾ ནིརུཛ྄ཛྷཏི. ཡསྶ ཝཱ པན ཙིཏྟཾ ནིརུཛ྄ཛྷཏི, ཏསྶ ཙིཏྟཾ ན ཨུཔྤཛྫཏི.

༨. ཨུཔྤཛྫམཱནུཔྤནྣཝཱརོ

ཡསྶ ¶ ཙིཏྟཾ ཨུཔྤཛྫམཱནཾ, ཏསྶ ཙིཏྟཾ ཨུཔྤནྣཾ. ཡསྶ ཝཱ པན ཙིཏྟཾ ཨུཔྤནྣཾ, ཏསྶ ཙིཏྟཾ ཨུཔྤཛྫམཱནཾ.

ཡསྶ ཙིཏྟཾ ན ཨུཔྤཛྫམཱནཾ, ཏསྶ ཙིཏྟཾ ན ཨུཔྤནྣཾ. ཡསྶ ཝཱ པན ཙིཏྟཾ ན ཨུཔྤནྣཾ, ཏསྶ ཙིཏྟཾ ན ཨུཔྤཛྫམཱནཾ.

༩. ནིརུཛ྄ཛྷམཱནུཔྤནྣཝཱརོ

ཡསྶ ཙིཏྟཾ ནིརུཛ྄ཛྷམཱནཾ, ཏསྶ ཙིཏྟཾ ཨུཔྤནྣཾ. ཡསྶ ཝཱ པན ཙིཏྟཾ ཨུཔྤནྣཾ, ཏསྶ ཙིཏྟཾ ནིརུཛ྄ཛྷམཱནཾ.

ཡསྶ ཙིཏྟཾ ན ནིརུཛ྄ཛྷམཱནཾ, ཏསྶ ཙིཏྟཾ ན ཨུཔྤནྣཾ. ཡསྶ ཝཱ པན ཙིཏྟཾ ན ཨུཔྤནྣཾ, ཏསྶ ཙིཏྟཾ ན ནིརུཛ྄ཛྷམཱནཾ.

༡༠. ཨུཔྤནྣུཔྤཱདཝཱརོ

ཡསྶ ཙིཏྟཾ ཨུཔྤནྣཾ, ཏསྶ ཙིཏྟཾ ཨུཔྤཛྫིཏྠ. ཡསྶ ཝཱ པན ཙིཏྟཾ ཨུཔྤཛྫིཏྠ, ཏསྶ ཙིཏྟཾ ཨུཔྤནྣཾ.

ཡསྶ ¶ ཙིཏྟཾ ན ཨུཔྤནྣཾ, ཏསྶ ཙིཏྟཾ ན ཨུཔྤཛྫིཏྠ. ཡསྶ ཝཱ པན ཙིཏྟཾ ན ཨུཔྤཛྫིཏྠ, ཏསྶ ཙིཏྟཾ ན ཨུཔྤནྣཾ.

ཡསྶ ཙིཏྟཾ ཨུཔྤནྣཾ, ཏསྶ ཙིཏྟཾ ཨུཔྤཛྫིསྶཏི. ཡསྶ ཝཱ པན ཙིཏྟཾ ཨུཔྤཛྫིསྶཏི, ཏསྶ ཙིཏྟཾ ཨུཔྤནྣཾ.

ཡསྶ ཙིཏྟཾ ན ཨུཔྤནྣཾ, ཏསྶ ཙིཏྟཾ ན ཨུཔྤཛྫིསྶཏི. ཡསྶ ཝཱ པན ཙིཏྟཾ ན ཨུཔྤཛྫིསྶཏི, ཏསྶ ཙིཏྟཾ ན ཨུཔྤནྣཾ.

༡༡. ཨཏཱིཏཱནཱགཏཝཱརོ

ཡསྶ ཙིཏྟཾ ཨུཔྤཛྫིཏྠ, ནོ ཙ ཏསྶ ཙིཏྟཾ ཨུཔྤནྣཾ, ཏསྶ ཙིཏྟཾ ཨུཔྤཛྫིསྶཏི. ཡསྶ ཝཱ པན ཙིཏྟཾ ཨུཔྤཛྫིསྶཏི, ནོ ཙ ཏསྶ ཙིཏྟཾ ཨུཔྤནྣཾ, ཏསྶ ཙིཏྟཾ ཨུཔྤཛྫིཏྠ.

ཡསྶ ¶ ཙིཏྟཾ ན ཨུཔྤཛྫིཏྠ, ནོ ཙ ཏསྶ ཙིཏྟཾ ན ཨུཔྤནྣཾ, ཏསྶ ཙིཏྟཾ ན ཨུཔྤཛྫིསྶཏི. ཡསྶ ཝཱ པན ཙིཏྟཾ ན ཨུཔྤཛྫིསྶཏི, ནོ ཙ ཏསྶ ཙིཏྟཾ ན ཨུཔྤནྣཾ, ཏསྶ ཙིཏྟཾ ན ཨུཔྤཛྫིཏྠ.

༡༢. ཨུཔྤནྣུཔྤཛྫམཱནཝཱརོ

ཨུཔྤནྣཾ ཨུཔྤཛྫམཱནཾ, ཨུཔྤཛྫམཱནཾ ཨུཔྤནྣཾ.

ན ཨུཔྤནྣཾ ན ཨུཔྤཛྫམཱནཾ, ན ཨུཔྤཛྫམཱནཾ ན ཨུཔྤནྣཾ.

༡༣. ནིརུདྡྷནིརུཛ྄ཛྷམཱནཝཱརོ

ནིརུདྡྷཾ ནིརུཛ྄ཛྷམཱནཾ, ནིརུཛ྄ཛྷམཱནཾ ནིརུདྡྷཾ.

ན ནིརུདྡྷཾ ན ནིརུཛ྄ཛྷམཱནཾ, ན ནིརུཛ྄ཛྷམཱནཾ ན ནིརུདྡྷཾ.

༡༤. ཨཏིཀྐནྟཀཱལཝཱརོ

ཡསྶ ¶ ཙིཏྟཾ ཨུཔྤཛྫམཱནཾ ཁཎཾ ཁཎཾ ཝཱིཏིཀྐནྟཾ ཨཏིཀྐནྟཀཱལཾ, ནིརུཛ྄ཛྷམཱནཾ ཁཎཾ ཁཎཾ ཝཱིཏིཀྐནྟཾ ཨཏིཀྐནྟཀཱལཾ ཏསྶ ཙིཏྟཾ. ཡསྶ ཝཱ པན ཙིཏྟཾ ནིརུཛ྄ཛྷམཱནཾ ཁཎཾ ཁཎཾ ཝཱིཏིཀྐནྟཾ ཨཏིཀྐནྟཀཱལཾ, ཨུཔྤཛྫམཱནཾ ཁཎཾ ཁཎཾ ཝཱིཏིཀྐནྟཾ ཨཏིཀྐནྟཀཱལཾ ཏསྶ ཙིཏྟཾ.

ཡསྶ ཙིཏྟཾ ན ཨུཔྤཛྫམཱནཾ ཁཎཾ ཁཎཾ ཝཱིཏིཀྐནྟཾ ཨཏིཀྐནྟཀཱལཾ, ན ནིརུཛ྄ཛྷམཱནཾ ཁཎཾ ཁཎཾ ཝཱིཏིཀྐནྟཾ ཨཏིཀྐནྟཀཱལཾ ཏསྶ ཙིཏྟཾ. ཡསྶ ཝཱ པན ཙིཏྟཾ ན ནིརུཛ྄ཛྷམཱནཾ ཁཎཾ ཁཎཾ ཝཱིཏིཀྐནྟཾ ཨཏིཀྐནྟཀཱལཾ, ན ཨུཔྤཛྫམཱནཾ ཁཎཾ ཁཎཾ ཝཱིཏིཀྐནྟཾ ཨཏིཀྐནྟཀཱལཾ ཏསྶ ཙིཏྟཾ.

སུདྡྷཙིཏྟསཱམཉྙཾ

དྷམྨཝཱརོ

༡. ཨུཔྤཱདནིརོདྷཀཱལསམྦྷེདཝཱརོ

ཡཾ ཙིཏྟཾ ཨུཔྤཛྫཏི ན ནིརུཛ྄ཛྷཏི, ཏཾ ཙིཏྟཾ ནིརུཛ྄ཛྷིསྶཏི ན ཨུཔྤཛྫིསྶཏི. ཡཾ ཝཱ པན ཙིཏྟཾ ནིརུཛ྄ཛྷིསྶཏི ན ཨུཔྤཛྫིསྶཏི, ཏཾ ཙིཏྟཾ ཨུཔྤཛྫཏི ན ནིརུཛ྄ཛྷཏི.

ཡཾ ¶ ཙིཏྟཾ ན ཨུཔྤཛྫཏི ནིརུཛ྄ཛྷཏི, ཏཾ ཙིཏྟཾ ན ནིརུཛ྄ཛྷིསྶཏི ཨུཔྤཛྫིསྶཏི. ཡཾ ཝཱ པན ཙིཏྟཾ ན ནིརུཛ྄ཛྷིསྶཏི ཨུཔྤཛྫིསྶཏི, ཏཾ ཙིཏྟཾ ན ཨུཔྤཛྫཏི ནིརུཛ྄ཛྷཏི.

༢. ཨུཔྤཱདུཔྤནྣཝཱརོ

ཡཾ ཙིཏྟཾ ཨུཔྤཛྫཏི, ཏཾ ཙིཏྟཾ ཨུཔྤནྣཾ. ཡཾ ཝཱ པན ཙིཏྟཾ ཨུཔྤནྣཾ, ཏཾ ཙིཏྟཾ ཨུཔྤཛྫཏི.

ཡཾ ¶ ཙིཏྟཾ ན ཨུཔྤཛྫཏི, ཏཾ ཙིཏྟཾ ན ཨུཔྤནྣཾ. ཡཾ ཝཱ པན ཙིཏྟཾ ན ཨུཔྤནྣཾ, ཏཾ ཙིཏྟཾ ན ཨུཔྤཛྫཏི.

༣. ནིརོདྷུཔྤནྣཝཱརོ

ཡཾ ཙིཏྟཾ ནིརུཛ྄ཛྷཏི, ཏཾ ཙིཏྟཾ ཨུཔྤནྣཾ. ཡཾ ཝཱ པན ཙིཏྟཾ ཨུཔྤནྣཾ, ཏཾ ཙིཏྟཾ ནིརུཛ྄ཛྷཏི.

ཡཾ ཙིཏྟཾ ན ནིརུཛ྄ཛྷཏི, ཏཾ ཙིཏྟཾ ན ཨུཔྤནྣཾ. ཡཾ ཝཱ པན ཙིཏྟཾ ན ཨུཔྤནྣཾ, ཏཾ ཙིཏྟཾ ན ནིརུཛ྄ཛྷཏི.

༤. ཨུཔྤཱདཝཱརོ

ཡཾ ཙིཏྟཾ ཨུཔྤཛྫཏི, ཏཾ ཙིཏྟཾ ཨུཔྤཛྫིཏྠ. ཡཾ ཝཱ པན ཙིཏྟཾ ཨུཔྤཛྫིཏྠ, ཏཾ ཙིཏྟཾ ཨུཔྤཛྫཏི.

ཡཾ ཙིཏྟཾ ན ཨུཔྤཛྫཏི, ཏཾ ཙིཏྟཾ ན ཨུཔྤཛྫིཏྠ. ཡཾ ཝཱ པན ཙིཏྟཾ ན ཨུཔྤཛྫིཏྠ, ཏཾ ཙིཏྟཾ ན ཨུཔྤཛྫཏི.

ཡཾ ཙིཏྟཾ ཨུཔྤཛྫཏི, ཏཾ ཙིཏྟཾ ཨུཔྤཛྫིསྶཏི. ཡཾ ཝཱ པན ཙིཏྟཾ ཨུཔྤཛྫིསྶཏི, ཏཾ ཙིཏྟཾ ཨུཔྤཛྫཏི.

ཡཾ ཙིཏྟཾ ན ཨུཔྤཛྫཏི, ཏཾ ཙིཏྟཾ ན ཨུཔྤཛྫིསྶཏི. ཡཾ ཝཱ པན ཙིཏྟཾ ན ཨུཔྤཛྫིསྶཏི, ཏཾ ཙིཏྟཾ ན ཨུཔྤཛྫཏི.

ཡཾ ཙིཏྟཾ ཨུཔྤཛྫིཏྠ, ཏཾ ཙིཏྟཾ ཨུཔྤཛྫིསྶཏི. ཡཾ ཝཱ པན ཙིཏྟཾ ཨུཔྤཛྫིསྶཏི, ཏཾ ཙིཏྟཾ ཨུཔྤཛྫིཏྠ.

ཡཾ ¶ ¶ ཙིཏྟཾ ན ཨུཔྤཛྫིཏྠ, ཏཾ ཙིཏྟཾ ན ཨུཔྤཛྫིསྶཏི. ཡཾ ཝཱ པན ཙིཏྟཾ ན ཨུཔྤཛྫིསྶཏི, ཏཾ ཙིཏྟཾ ན ཨུཔྤཛྫིཏྠ.

༥. ནིརོདྷཝཱརོ

ཡཾ ཙིཏྟཾ ནིརུཛ྄ཛྷཏི, ཏཾ ཙིཏྟཾ ནིརུཛ྄ཛྷིཏྠ. ཡཾ ཝཱ པན ཙིཏྟཾ ནིརུཛ྄ཛྷིཏྠ, ཏཾ ཙིཏྟཾ ནིརུཛ྄ཛྷཏི.

ཡཾ ཙིཏྟཾ ན ནིརུཛ྄ཛྷཏི, ཏཾ ཙིཏྟཾ ན ནིརུཛ྄ཛྷིཏྠ. ཡཾ ཝཱ པན ཙིཏྟཾ ན ནིརུཛ྄ཛྷིཏྠ, ཏཾ ཙིཏྟཾ ན ནིརུཛ྄ཛྷཏི.

ཡཾ ཙིཏྟཾ ནིརུཛ྄ཛྷཏི, ཏཾ ཙིཏྟཾ ནིརུཛ྄ཛྷིསྶཏི. ཡཾ ཝཱ པན ཙིཏྟཾ ནིརུཛ྄ཛྷིསྶཏི, ཏཾ ཙིཏྟཾ ནིརུཛ྄ཛྷཏི.

ཡཾ ཙིཏྟཾ ན ནིརུཛ྄ཛྷཏི, ཏཾ ཙིཏྟཾ ན ནིརུཛ྄ཛྷིསྶཏི. ཡཾ ཝཱ པན ཙིཏྟཾ ན ནིརུཛ྄ཛྷིསྶཏི, ཏཾ ཙིཏྟཾ ན ནིརུཛ྄ཛྷཏི.

ཡཾ ཙིཏྟཾ ནིརུཛ྄ཛྷིཏྠ, ཏཾ ཙིཏྟཾ ནིརུཛ྄ཛྷིསྶཏི. ཡཾ ཝཱ པན ཙིཏྟཾ ནིརུཛ྄ཛྷིསྶཏི, ཏཾ ཙིཏྟཾ ནིརུཛ྄ཛྷིཏྠ.

ཡཾ ཙིཏྟཾ ན ནིརུཛ྄ཛྷིཏྠ, ཏཾ ཙིཏྟཾ ན ནིརུཛ྄ཛྷིསྶཏི. ཡཾ ཝཱ པན ཙིཏྟཾ ན ནིརུཛ྄ཛྷིསྶཏི, ཏཾ ཙིཏྟཾ ན ནིརུཛ྄ཛྷིཏྠ.

༦. ཨུཔྤཱདནིརོདྷཝཱརོ

ཡཾ ཙིཏྟཾ ཨུཔྤཛྫཏི, ཏཾ ཙིཏྟཾ ནིརུཛ྄ཛྷིཏྠ. ཡཾ ཝཱ པན ཙིཏྟཾ ནིརུཛ྄ཛྷིཏྠ, ཏཾ ཙིཏྟཾ ཨུཔྤཛྫཏི.

ཡཾ ¶ ཙིཏྟཾ ན ཨུཔྤཛྫཏི, ཏཾ ཙིཏྟཾ ན ནིརུཛ྄ཛྷིཏྠ. ཡཾ ཝཱ པན ཙིཏྟཾ ན ནིརུཛ྄ཛྷིཏྠ, ཏཾ ཙིཏྟཾ ན ཨུཔྤཛྫཏི.

ཡཾ ཙིཏྟཾ ཨུཔྤཛྫཏི, ཏཾ ཙིཏྟཾ ནིརུཛ྄ཛྷིསྶཏི. ཡཾ ཝཱ པན ཙིཏྟཾ ནིརུཛ྄ཛྷིསྶཏི, ཏཾ ཙིཏྟཾ ཨུཔྤཛྫཏི.

ཡཾ ཙིཏྟཾ ན ཨུཔྤཛྫཏི, ཏཾ ཙིཏྟཾ ན ནིརུཛ྄ཛྷིསྶཏི. ཡཾ ཝཱ པན ཙིཏྟཾ ན ནིརུཛ྄ཛྷིསྶཏི, ཏཾ ཙིཏྟཾ ན ཨུཔྤཛྫཏི.

ཡཾ ¶ ཙིཏྟཾ ཨུཔྤཛྫིཏྠ, ཏཾ ཙིཏྟཾ ནིརུཛ྄ཛྷིསྶཏི. ཡཾ ཝཱ པན ཙིཏྟཾ ནིརུཛ྄ཛྷིསྶཏི, ཏཾ ཙིཏྟཾ ཨུཔྤཛྫིཏྠ.

ཡཾ ཙིཏྟཾ ན ཨུཔྤཛྫིཏྠ, ཏཾ ཙིཏྟཾ ན ནིརུཛ྄ཛྷིསྶཏི. ཡཾ ཝཱ པན ཙིཏྟཾ ན ནིརུཛ྄ཛྷིསྶཏི, ཏཾ ཙིཏྟཾ ན ཨུཔྤཛྫིཏྠ.

༧. ཨུཔྤཛྫམཱནནནིརོདྷཝཱརོ

ཡཾ ཙིཏྟཾ ཨུཔྤཛྫཏི, ཏཾ ཙིཏྟཾ ན ནིརུཛ྄ཛྷཏི. ཡཾ ཝཱ པན ཙིཏྟཾ ན ནིརུཛ྄ཛྷཏི, ཏཾ ཙིཏྟཾ ཨུཔྤཛྫཏི.

ཡཾ ཙིཏྟཾ ན ཨུཔྤཛྫཏི, ཏཾ ཙིཏྟཾ ནིརུཛ྄ཛྷཏི. ཡཾ ཝཱ པན ཙིཏྟཾ ནིརུཛ྄ཛྷཏི, ཏཾ ཙིཏྟཾ ན ཨུཔྤཛྫཏི.

༨. ཨུཔྤཛྫམཱནུཔྤནྣཝཱརོ

ཡཾ ཙིཏྟཾ ཨུཔྤཛྫམཱནཾ, ཏཾ ཙིཏྟཾ ཨུཔྤནྣཾ. ཡཾ ཝཱ པན ཙིཏྟཾ ཨུཔྤནྣཾ, ཏཾ ཙིཏྟཾ ཨུཔྤཛྫམཱནཾ.

ཡཾ ¶ ཙིཏྟཾ ན ཨུཔྤཛྫམཱནཾ, ཏཾ ཙིཏྟཾ ན ཨུཔྤནྣཾ. ཡཾ ཝཱ པན ཙིཏྟཾ ན ཨུཔྤནྣཾ, ཏཾ ཙིཏྟཾ ན ཨུཔྤཛྫམཱནཾ.

༩. ནིརུཛ྄ཛྷམཱནུཔྤནྣཝཱརོ

ཡཾ ཙིཏྟཾ ནིརུཛ྄ཛྷམཱནཾ, ཏཾ ཙིཏྟཾ ཨུཔྤནྣཾ. ཡཾ ཝཱ པན ཙིཏྟཾ ཨུཔྤནྣཾ, ཏཾ ཙིཏྟཾ ནིརུཛ྄ཛྷམཱནཾ.

ཡཾ ཙིཏྟཾ ན ནིརུཛ྄ཛྷམཱནཾ, ཏཾ ཙིཏྟཾ ན ཨུཔྤནྣཾ. ཡཾ ཝཱ པན ཙིཏྟཾ ན ཨུཔྤནྣཾ, ཏཾ ཙིཏྟཾ ན ནིརུཛ྄ཛྷམཱནཾ.

༡༠. ཨུཔྤནྣུཔྤཱདཝཱརོ

ཡཾ ཙིཏྟཾ ཨུཔྤནྣཾ, ཏཾ ཙིཏྟཾ ཨུཔྤཛྫིཏྠ. ཡཾ ཝཱ པན ཙིཏྟཾ ཨུཔྤཛྫིཏྠ, ཏཾ ཙིཏྟཾ ཨུཔྤནྣཾ.

ཡཾ ཙིཏྟཾ ན ཨུཔྤནྣཾ, ཏཾ ཙིཏྟཾ ན ཨུཔྤཛྫིཏྠ. ཡཾ ཝཱ པན ཙིཏྟཾ ན ཨུཔྤཛྫིཏྠ, ཏཾ ཙིཏྟཾ ན ཨུཔྤནྣཾ.

ཡཾ ¶ ཙིཏྟཾ ཨུཔྤནྣཾ, ཏཾ ཙིཏྟཾ ཨུཔྤཛྫིསྶཏི. ཡཾ ཝཱ པན ཙིཏྟཾ ཨུཔྤཛྫིསྶཏི, ཏཾ ཙིཏྟཾ ཨུཔྤནྣཾ.

ཡཾ ཙིཏྟཾ ན ཨུཔྤནྣཾ, ཏཾ ཙིཏྟཾ ན ཨུཔྤཛྫིསྶཏི. ཡཾ ཝཱ པན ཙིཏྟཾ ན ཨུཔྤཛྫིསྶཏི, ཏཾ ཙིཏྟཾ ན ཨུཔྤནྣཾ.

༡༡. ཨཏཱིཏཱནཱགཏཝཱརོ

ཡཾ ཙིཏྟཾ ཨུཔྤཛྫིཏྠ, ནོ ཙ ཏཾ ཙིཏྟཾ ཨུཔྤནྣཾ, ཏཾ ཙིཏྟཾ ཨུཔྤཛྫིསྶཏི. ཡཾ ཝཱ པན ཙིཏྟཾ ཨུཔྤཛྫིསྶཏི, ནོ ཙ ཏཾ ཙིཏྟཾ ཨུཔྤནྣཾ, ཏཾ ཙིཏྟཾ ཨུཔྤཛྫིཏྠ.

ཡཾ ¶ ཙིཏྟཾ ན ཨུཔྤཛྫིཏྠ, ནོ ཙ ཏཾ ཙིཏྟཾ ན ཨུཔྤནྣཾ, ཏཾ ཙིཏྟཾ ན ཨུཔྤཛྫིསྶཏི. ཡཾ ཝཱ པན ཙིཏྟཾ ན ཨུཔྤཛྫིསྶཏི, ནོ ཙ ཏཾ ཙིཏྟཾ ན ཨུཔྤནྣཾ, ཏཾ ཙིཏྟཾ ན ཨུཔྤཛྫིཏྠ.

༡༢. ཨུཔྤནྣུཔྤཛྫམཱནཝཱརོ

ཨུཔྤནྣཾ ཨུཔྤཛྫམཱནཾ, ཨུཔྤཛྫམཱནཾ ཨུཔྤནྣཾ.

ན ཨུཔྤནྣཾ ན ཨུཔྤཛྫམཱནཾ, ན ཨུཔྤཛྫམཱནཾ ན ཨུཔྤནྣཾ.

༡༣. ནིརུདྡྷནིརུཛ྄ཛྷམཱནཝཱརོ

ནིརུདྡྷཾ ནིརུཛ྄ཛྷམཱནཾ, ནིརུཛ྄ཛྷམཱནཾ ནིརུདྡྷཾ.

ན ནིརུདྡྷཾ ན ནིརུཛ྄ཛྷམཱནཾ, ན ནིརུཛ྄ཛྷམཱནཾ ན ནིརུདྡྷཾ.

༡༤. ཨཏིཀྐནྟཀཱལཝཱརོ

ཡཾ ཙིཏྟཾ ཨུཔྤཛྫམཱནཾ ཁཎཾ ཁཎཾ ཝཱིཏིཀྐནྟཾ ཨཏིཀྐནྟཀཱལཾ, ནིརུཛ྄ཛྷམཱནཾ ཁཎཾ ཁཎཾ ཝཱིཏིཀྐནྟཾ ཨཏིཀྐནྟཀཱལཾ ཏཾ ཙིཏྟཾ. ཡཾ ཝཱ པན ཙིཏྟཾ ནིརུཛ྄ཛྷམཱནཾ ཁཎཾ ཁཎཾ ཝཱིཏིཀྐནྟཾ ཨཏིཀྐནྟཀཱལཾ, ཨུཔྤཛྫམཱནཾ ཁཎཾ ཁཎཾ ཝཱིཏིཀྐནྟཾ ཨཏིཀྐནྟཀཱལཾ ཏཾ ཙིཏྟཾ.

ཡཾ ཙིཏྟཾ ན ཨུཔྤཛྫམཱནཾ ཁཎཾ ཁཎཾ ཝཱིཏིཀྐནྟཾ ཨཏིཀྐནྟཀཱལཾ, ན ནིརུཛ྄ཛྷམཱནཾ ཁཎཾ ཁཎཾ ཝཱིཏིཀྐནྟཾ ཨཏིཀྐནྟཀཱལཾ ཏཾ ཙིཏྟཾ. ཡཾ ཝཱ ¶ པན ཙིཏྟཾ ན ནིརུཛ྄ཛྷམཱནཾ ཁཎཾ ཁཎཾ ཝཱིཏིཀྐནྟཾ ཨཏིཀྐནྟཀཱལཾ, ན ཨུཔྤཛྫམཱནཾ ཁཎཾ ཁཎཾ ཝཱིཏིཀྐནྟཾ ཨཏིཀྐནྟཀཱལཾ ཏཾ ཙིཏྟཾ.

སུདྡྷཙིཏྟསཱམཉྙཾ

པུགྒལདྷམྨཝཱརོ

༡. ཨུཔྤཱདནིརོདྷཀཱལསམྦྷེདཝཱརོ

ཡསྶ ¶ ཡཾ ཙིཏྟཾ ཨུཔྤཛྫཏི ན ནིརུཛ྄ཛྷཏི, ཏསྶ ཏཾ ཙིཏྟཾ ནིརུཛ྄ཛྷིསྶཏི ན ཨུཔྤཛྫིསྶཏི. ཡསྶ ཝཱ པན ཡཾ ཙིཏྟཾ ནིརུཛ྄ཛྷིསྶཏི ན ཨུཔྤཛྫིསྶཏི, ཏསྶ ཏཾ ཙིཏྟཾ ཨུཔྤཛྫཏི ན ནིརུཛ྄ཛྷཏི.

ཡསྶ ཡཾ ཙིཏྟཾ ན ཨུཔྤཛྫཏི ནིརུཛ྄ཛྷཏི, ཏསྶ ཏཾ ཙིཏྟཾ ན ནིརུཛ྄ཛྷིསྶཏི ཨུཔྤཛྫིསྶཏི. ཡསྶ ཝཱ པན ཡཾ ཙིཏྟཾ ན ནིརུཛ྄ཛྷིསྶཏི ཨུཔྤཛྫིསྶཏི, ཏསྶ ཏཾ ཙིཏྟཾ ན ཨུཔྤཛྫཏི ནིརུཛ྄ཛྷཏི.

༢. ཨུཔྤཱདུཔྤནྣཝཱརོ

ཡསྶ ཡཾ ཙིཏྟཾ ཨུཔྤཛྫཏི, ཏསྶ ཏཾ ཙིཏྟཾ ཨུཔྤནྣཾ. ཡསྶ ཝཱ པན ཡཾ ཙིཏྟཾ ཨུཔྤནྣཾ, ཏསྶ ཏཾ ཙིཏྟཾ ཨུཔྤཛྫཏི.

ཡསྶ ཡཾ ཙིཏྟཾ ན ཨུཔྤཛྫཏི, ཏསྶ ཏཾ ཙིཏྟཾ ན ཨུཔྤནྣཾ. ཡསྶ ཝཱ པན ཡཾ ཙིཏྟཾ ན ཨུཔྤནྣཾ, ཏསྶ ཏཾ ཙིཏྟཾ ན ཨུཔྤཛྫཏི.

༣. ནིརོདྷུཔྤནྣཝཱརོ

ཡསྶ ཡཾ ཙིཏྟཾ ནིརུཛ྄ཛྷཏི, ཏསྶ ཏཾ ཙིཏྟཾ ཨུཔྤནྣཾ. ཡསྶ ཝཱ པན ཡཾ ཙིཏྟཾ ཨུཔྤནྣཾ, ཏསྶ ཏཾ ཙིཏྟཾ ནིརུཛ྄ཛྷཏི.

ཡསྶ ཡཾ ཙིཏྟཾ ན ནིརུཛ྄ཛྷཏི, ཏསྶ ཏཾ ཙིཏྟཾ ན ཨུཔྤནྣཾ. ཡསྶ ཝཱ པན ཡཾ ཙིཏྟཾ ན ཨུཔྤནྣཾ, ཏསྶ ཏཾ ཙིཏྟཾ ན ནིརུཛ྄ཛྷཏི.

༤. ཨུཔྤཱདཝཱརོ

ཡསྶ ¶ ཡཾ ཙིཏྟཾ ཨུཔྤཛྫཏི, ཏསྶ ཏཾ ཙིཏྟཾ ཨུཔྤཛྫིཏྠ. ཡསྶ ཝཱ པན ཡཾ ཙིཏྟཾ ཨུཔྤཛྫིཏྠ, ཏསྶ ཏཾ ཙིཏྟཾ ཨུཔྤཛྫཏི.

ཡསྶ ¶ ཡཾ ཙིཏྟཾ ན ཨུཔྤཛྫཏི, ཏསྶ ཏཾ ཙིཏྟཾ ན ཨུཔྤཛྫིཏྠ. ཡསྶ ཝཱ པན ཡཾ ཙིཏྟཾ ན ཨུཔྤཛྫིཏྠ, ཏསྶ ཏཾ ཙིཏྟཾ ན ཨུཔྤཛྫཏི.

ཡསྶ ཡཾ ཙིཏྟཾ ཨུཔྤཛྫཏི, ཏསྶ ཏཾ ཙིཏྟཾ ཨུཔྤཛྫིསྶཏི. ཡསྶ ཝཱ པན ཡཾ ཙིཏྟཾ ཨུཔྤཛྫིསྶཏི, ཏསྶ ཏཾ ཙིཏྟཾ ཨུཔྤཛྫཏི.

ཡསྶ ཡཾ ཙིཏྟཾ ན ཨུཔྤཛྫཏི, ཏསྶ ཏཾ ཙིཏྟཾ ན ཨུཔྤཛྫིསྶཏི. ཡསྶ ཝཱ པན ཡཾ ཙིཏྟཾ ན ཨུཔྤཛྫིསྶཏི, ཏསྶ ཏཾ ཙིཏྟཾ ན ཨུཔྤཛྫཏི.

ཡསྶ ཡཾ ཙིཏྟཾ ཨུཔྤཛྫིཏྠ, ཏསྶ ཏཾ ཙིཏྟཾ ཨུཔྤཛྫིསྶཏི. ཡསྶ ཝཱ པན ཡཾ ཙིཏྟཾ ཨུཔྤཛྫིསྶཏི, ཏསྶ ཏཾ ཙིཏྟཾ ཨུཔྤཛྫིཏྠ.

ཡསྶ ཡཾ ཙིཏྟཾ ན ཨུཔྤཛྫིཏྠ, ཏསྶ ཏཾ ཙིཏྟཾ ན ཨུཔྤཛྫིསྶཏི. ཡསྶ ཝཱ པན ཡཾ ཙིཏྟཾ ན ཨུཔྤཛྫིསྶཏི, ཏསྶ ཏཾ ཙིཏྟཾ ན ཨུཔྤཛྫིཏྠ.

༥. ནིརོདྷཝཱརོ

ཡསྶ ཡཾ ཙིཏྟཾ ནིརུཛ྄ཛྷཏི, ཏསྶ ཏཾ ཙིཏྟཾ ནིརུཛ྄ཛྷིཏྠ. ཡསྶ ཝཱ པན ཡཾ ཙིཏྟཾ ནིརུཛ྄ཛྷིཏྠ, ཏསྶ ཏཾ ཙིཏྟཾ ནིརུཛ྄ཛྷཏི.

ཡསྶ ཡཾ ཙིཏྟཾ ན ནིརུཛ྄ཛྷཏི, ཏསྶ ཏཾ ཙིཏྟཾ ན ནིརུཛ྄ཛྷིཏྠ. ཡསྶ ཝཱ པན ཡཾ ཙིཏྟཾ ན ནིརུཛ྄ཛྷིཏྠ, ཏསྶ ཏཾ ཙིཏྟཾ ན ནིརུཛ྄ཛྷཏི.

ཡསྶ ¶ ཡཾ ཙིཏྟཾ ནིརུཛ྄ཛྷཏི, ཏསྶ ཏཾ ཙིཏྟཾ ནིརུཛ྄ཛྷིསྶཏི. ཡསྶ ཝཱ པན ཡཾ ཙིཏྟཾ ནིརུཛ྄ཛྷིསྶཏི, ཏསྶ ཏཾ ཙིཏྟཾ ནིརུཛ྄ཛྷཏི.

ཡསྶ ཡཾ ཙིཏྟཾ ན ནིརུཛ྄ཛྷཏི, ཏསྶ ཏཾ ཙིཏྟཾ ན ནིརུཛ྄ཛྷིསྶཏི. ཡསྶ ཝཱ པན ཡཾ ཙིཏྟཾ ན ནིརུཛ྄ཛྷིསྶཏི, ཏསྶ ཏཾ ཙིཏྟཾ ན ནིརུཛ྄ཛྷཏི.

ཡསྶ ཡཾ ཙིཏྟཾ ནིརུཛ྄ཛྷིཏྠ, ཏསྶ ཏཾ ཙིཏྟཾ ནིརུཛ྄ཛྷིསྶཏི. ཡསྶ ཝཱ པན ཡཾ ཙིཏྟཾ ནིརུཛ྄ཛྷིསྶཏི, ཏསྶ ཏཾ ཙིཏྟཾ ནིརུཛ྄ཛྷིཏྠ.

ཡསྶ ཡཾ ཙིཏྟཾ ན ནིརུཛ྄ཛྷིཏྠ, ཏསྶ ཏཾ ཙིཏྟཾ ན ནིརུཛ྄ཛྷིསྶཏི. ཡསྶ ཝཱ པན ཡཾ ཙིཏྟཾ ན ནིརུཛ྄ཛྷིསྶཏི, ཏསྶ ཏཾ ཙིཏྟཾ ན ནིརུཛ྄ཛྷིཏྠ.

༦. ཨུཔྤཱདནིརོདྷཝཱརོ

ཡསྶ ¶ ཡཾ ཙིཏྟཾ ཨུཔྤཛྫཏི, ཏསྶ ཏཾ ཙིཏྟཾ ནིརུཛ྄ཛྷིཏྠ. ཡསྶ ཝཱ པན ཡཾ ཙིཏྟཾ ནིརུཛ྄ཛྷིཏྠ, ཏསྶ ཏཾ ཙིཏྟཾ ཨུཔྤཛྫཏི.

ཡསྶ ཡཾ ཙིཏྟཾ ན ཨུཔྤཛྫཏི, ཏསྶ ཏཾ ཙིཏྟཾ ན ནིརུཛ྄ཛྷིཏྠ. ཡསྶ ཝཱ པན ཡཾ ཙིཏྟཾ ན ནིརུཛ྄ཛྷིཏྠ, ཏསྶ ཏཾ ཙིཏྟཾ ན ཨུཔྤཛྫཏི.

ཡསྶ ཡཾ ཙིཏྟཾ ཨུཔྤཛྫཏི, ཏསྶ ཏཾ ཙིཏྟཾ ནིརུཛ྄ཛྷིསྶཏི. ཡསྶ ཝཱ པན ཡཾ ཙིཏྟཾ ནིརུཛ྄ཛྷིསྶཏི, ཏསྶ ཏཾ ཙིཏྟཾ ཨུཔྤཛྫཏི.

ཡསྶ ཡཾ ཙིཏྟཾ ན ཨུཔྤཛྫཏི, ཏསྶ ཏཾ ཙིཏྟཾ ན ནིརུཛ྄ཛྷིསྶཏི. ཡསྶ ཝཱ པན ཡཾ ཙིཏྟཾ ན ནིརུཛ྄ཛྷིསྶཏི, ཏསྶ ཏཾ ཙིཏྟཾ ན ཨུཔྤཛྫཏི.

ཡསྶ ཡཾ ཙིཏྟཾ ཨུཔྤཛྫིཏྠ, ཏསྶ ཏཾ ཙིཏྟཾ ནིརུཛ྄ཛྷིསྶཏི. ཡསྶ ཝཱ པན ཡཾ ཙིཏྟཾ ནིརུཛ྄ཛྷིསྶཏི, ཏསྶ ཏཾ ཙིཏྟཾ ཨུཔྤཛྫིཏྠ.

ཡསྶ ¶ ཡཾ ཙིཏྟཾ ན ཨུཔྤཛྫིཏྠ, ཏསྶ ཏཾ ཙིཏྟཾ ན ནིརུཛ྄ཛྷིསྶཏི. ཡསྶ ཝཱ པན ཡཾ ཙིཏྟཾ ན ནིརུཛ྄ཛྷིསྶཏི, ཏསྶ ཏཾ ཙིཏྟཾ ན ཨུཔྤཛྫིཏྠ.

༧. ཨུཔྤཛྫམཱནནནིརོདྷཝཱརོ

ཡསྶ ཡཾ ཙིཏྟཾ ཨུཔྤཛྫཏི, ཏསྶ ཏཾ ཙིཏྟཾ ན ནིརུཛ྄ཛྷཏི. ཡསྶ ཝཱ པན ཡཾ ཙིཏྟཾ ན ནིརུཛ྄ཛྷཏི, ཏསྶ ཏཾ ཙིཏྟཾ ཨུཔྤཛྫཏི.

ཡསྶ ཡཾ ཙིཏྟཾ ན ཨུཔྤཛྫཏི, ཏསྶ ཏཾ ཙིཏྟཾ ནིརུཛ྄ཛྷཏི. ཡསྶ ཝཱ པན ཡཾ ཙིཏྟཾ ནིརུཛ྄ཛྷཏི, ཏསྶ ཏཾ ཙིཏྟཾ ན ཨུཔྤཛྫཏི.

༨. ཨུཔྤཛྫམཱནུཔྤནྣཝཱརོ

ཡསྶ ཡཾ ཙིཏྟཾ ཨུཔྤཛྫམཱནཾ, ཏསྶ ཏཾ ཙིཏྟཾ ཨུཔྤནྣཾ. ཡསྶ ཝཱ པན ཡཾ ཙིཏྟཾ ཨུཔྤནྣཾ, ཏསྶ ཏཾ ཙིཏྟཾ ཨུཔྤཛྫམཱནཾ.

ཡསྶ ཡཾ ཙིཏྟཾ ན ཨུཔྤཛྫམཱནཾ, ཏསྶ ཏཾ ཙིཏྟཾ ན ཨུཔྤནྣཾ. ཡསྶ ཝཱ པན ཡཾ ཙིཏྟཾ ན ཨུཔྤནྣཾ, ཏསྶ ཏཾ ཙིཏྟཾ ན ཨུཔྤཛྫམཱནཾ.

༩. ནིརུཛ྄ཛྷམཱནུཔྤནྣཝཱརོ

ཡསྶ ¶ ཡཾ ཙིཏྟཾ ནིརུཛ྄ཛྷམཱནཾ, ཏསྶ ཏཾ ཙིཏྟཾ ཨུཔྤནྣཾ. ཡསྶ ཝཱ པན ཡཾ ཙིཏྟཾ ཨུཔྤནྣཾ, ཏསྶ ཏཾ ཙིཏྟཾ ནིརུཛ྄ཛྷམཱནཾ.

ཡསྶ ཡཾ ཙིཏྟཾ ན ནིརུཛ྄ཛྷམཱནཾ, ཏསྶ ཏཾ ཙིཏྟཾ ན ཨུཔྤནྣཾ. ཡསྶ ཝཱ པན ཡཾ ཙིཏྟཾ ན ཨུཔྤནྣཾ, ཏསྶ ཏཾ ཙིཏྟཾ ན ནིརུཛ྄ཛྷམཱནཾ.

༡༠. ཨུཔྤནྣུཔྤཱདཝཱརོ

ཡསྶ ¶ ཡཾ ཙིཏྟཾ ཨུཔྤནྣཾ, ཏསྶ ཏཾ ཙིཏྟཾ ཨུཔྤཛྫིཏྠ. ཡསྶ ཝཱ པན ཡཾ ཙིཏྟཾ ཨུཔྤཛྫིཏྠ, ཏསྶ ཏཾ ཙིཏྟཾ ཨུཔྤནྣཾ.

ཡསྶ ཡཾ ཙིཏྟཾ ན ཨུཔྤནྣཾ, ཏསྶ ཏཾ ཙིཏྟཾ ན ཨུཔྤཛྫིཏྠ. ཡསྶ ཝཱ པན ཡཾ ཙིཏྟཾ ན ཨུཔྤཛྫིཏྠ, ཏསྶ ཏཾ ཙིཏྟཾ ན ཨུཔྤནྣཾ.

ཡསྶ ཡཾ ཙིཏྟཾ ཨུཔྤནྣཾ, ཏསྶ ཏཾ ཙིཏྟཾ ཨུཔྤཛྫིསྶཏི. ཡསྶ ཝཱ པན ཡཾ ཙིཏྟཾ ཨུཔྤཛྫིསྶཏི, ཏསྶ ཏཾ ཙིཏྟཾ ཨུཔྤནྣཾ.

ཡསྶ ཡཾ ཙིཏྟཾ ན ཨུཔྤནྣཾ, ཏསྶ ཏཾ ཙིཏྟཾ ན ཨུཔྤཛྫིསྶཏི, ཡསྶ ཝཱ པན ཡཾ ཙིཏྟཾ ན ཨུཔྤཛྫིསྶཏི, ཏསྶ ཏཾ ཙིཏྟཾ ན ཨུཔྤནྣཾ.

༡༡. ཨཏཱིཏཱནཱགཏཝཱརོ

ཡསྶ ཡཾ ཙིཏྟཾ ཨུཔྤཛྫིཏྠ, ནོ ཙ ཏསྶ ཏཾ ཙིཏྟཾ ཨུཔྤནྣཾ, ཏསྶ ཏཾ ཙིཏྟཾ ཨུཔྤཛྫིསྶཏི. ཡསྶ ཝཱ པན ཡཾ ཙིཏྟཾ ཨུཔྤཛྫིསྶཏི, ནོ ཙ ཏསྶ ཏཾ ཙིཏྟཾ ཨུཔྤནྣཾ, ཏསྶ ཏཾ ཙིཏྟཾ ཨུཔྤཛྫིཏྠ.

ཡསྶ ཡཾ ཙིཏྟཾ ན ཨུཔྤཛྫིཏྠ, ནོ ཙ ཏསྶ ཏཾ ཙིཏྟཾ ན ཨུཔྤནྣཾ, ཏསྶ ཏཾ ཙིཏྟཾ ན ཨུཔྤཛྫིསྶཏི. ཡསྶ ཝཱ པན ཡཾ ཙིཏྟཾ ན ཨུཔྤཛྫིསྶཏི, ནོ ཙ ཏསྶ ཏཾ ཙིཏྟཾ ན ཨུཔྤནྣཾ, ཏསྶ ཏཾ ཙིཏྟཾ ན ཨུཔྤཛྫིཏྠ.

༡༢. ཨུཔྤནྣུཔྤཛྫམཱནཝཱརོ

ཨུཔྤནྣཾ ཨུཔྤཛྫམཱནཾ, ཨུཔྤཛྫམཱནཾ ཨུཔྤནྣཾ.

ན ཨུཔྤནྣཾ ན ཨུཔྤཛྫམཱནཾ, ན ཨུཔྤཛྫམཱནཾ ན ཨུཔྤནྣཾ.

༡༣. ནིརུདྡྷནིརུཛ྄ཛྷམཱནཝཱརོ

ནིརུདྡྷཾ ¶ ¶ ནིརུཛ྄ཛྷམཱནཾ, ནིརུཛ྄ཛྷམཱནཾ ནིརུདྡྷཾ.

ན ནིརུདྡྷཾ ན ནིརུཛ྄ཛྷམཱནཾ, ན ནིརུཛ྄ཛྷམཱནཾ ན ནིརུདྡྷཾ.

༡༤. ཨཏིཀྐནྟཀཱལཝཱརོ

ཡསྶ ཡཾ ཙིཏྟཾ ཨུཔྤཛྫམཱནཾ ཁཎཾ ཁཎཾ ཝཱིཏིཀྐནྟཾ ཨཏིཀྐནྟཀཱལཾ, ནིརུཛ྄ཛྷམཱནཾ ཁཎཾ ཁཎཾ ཝཱིཏིཀྐནྟཾ ཨཏིཀྐནྟཀཱལཾ ཏསྶ ཏཾ ཙིཏྟཾ. ཡསྶ ཝཱ པན ཡཾ ཙིཏྟཾ ནིརུཛ྄ཛྷམཱནཾ ཁཎཾ ཁཎཾ ཝཱིཏིཀྐནྟཾ ཨཏིཀྐནྟཀཱལཾ, ཨུཔྤཛྫམཱནཾ ཁཎཾ ཁཎཾ ཝཱིཏིཀྐནྟཾ ཨཏིཀྐནྟཀཱལཾ ཏསྶ ཏཾ ཙིཏྟཾ.

ཡསྶ ཡཾ ཙིཏྟཾ ན ཨུཔྤཛྫམཱནཾ ཁཎཾ ཁཎཾ ཝཱིཏིཀྐནྟཾ ཨཏིཀྐནྟཀཱལཾ, ན ནིརུཛ྄ཛྷམཱནཾ ཁཎཾ ཁཎཾ ཝཱིཏིཀྐནྟཾ ཨཏིཀྐནྟཀཱལཾ ཏསྶ ཏཾ ཙིཏྟཾ. ཡསྶ ཝཱ པན ཡཾ ཙིཏྟཾ ན ནིརུཛ྄ཛྷམཱནཾ ཁཎཾ ཁཎཾ ཝཱིཏིཀྐནྟཾ ཨཏིཀྐནྟཀཱལཾ, ན ཨུཔྤཛྫམཱནཾ ཁཎཾ ཁཎཾ ཝཱིཏིཀྐནྟཾ ཨཏིཀྐནྟཀཱལཾ ཏསྶ ཏཾ ཙིཏྟཾ.

སུཏྟནྟཙིཏྟམིསྶཀཝིསེསོ

ཡསྶ སརཱགཾ ཙིཏྟཾ ཨུཔྤཛྫཏི…པེ… ཡསྶ ཝཱིཏརཱགཾ ཙིཏྟཾ ཨུཔྤཛྫཏི. ཡསྶ སདོསཾ ཙིཏྟཾ ཨུཔྤཛྫཏི. ཡསྶ ཝཱིཏདོསཾ ཙིཏྟཾ ཨུཔྤཛྫཏི. ཡསྶ སམོཧཾ ཙིཏྟཾ ཨུཔྤཛྫཏི. ཡསྶ ཝཱིཏམོཧཾ ཙིཏྟཾ ཨུཔྤཛྫཏི. ཡསྶ སཾཁིཏྟཾ ཙིཏྟཾ ཨུཔྤཛྫཏི. ཡསྶ ཝིཀྑིཏྟཾ ཙིཏྟཾ ཨུཔྤཛྫཏི. ཡསྶ མཧགྒཏཾ ཙིཏྟཾ ཨུཔྤཛྫཏི. ཡསྶ ཨམཧགྒཏཾ ཙིཏྟཾ ཨུཔྤཛྫཏི. ཡསྶ སཨུཏྟརཾ ཙིཏྟཾ ཨུཔྤཛྫཏི. ཡསྶ ཨནུཏྟརཾ ཙིཏྟཾ ཨུཔྤཛྫཏི. ཡསྶ སམཱཧིཏཾ ཙིཏྟཾ ཨུཔྤཛྫཏི. ཡསྶ ཨསམཱཧིཏཾ ཙིཏྟཾ ཨུཔྤཛྫཏི. ཡསྶ ཝིམུཏྟཾ ཙིཏྟཾ ཨུཔྤཛྫཏི. ཡསྶ ཨཝིམུཏྟཾ ཙིཏྟཾ ཨུཔྤཛྫཏི.

ཨབྷིདྷམྨཙིཏྟམིསྶཀཝིསེསོ

ཡསྶ ¶ ¶ ཀུསལཾ ཙིཏྟཾ ཨུཔྤཛྫཏི…པེ… ཡསྶ ཨཀུསལཾ ཙིཏྟཾ ཨུཔྤཛྫཏི. ཡསྶ ཨབྱཱཀཏཾ ཙིཏྟཾ ཨུཔྤཛྫཏི. ཡསྶ སུཁཱཡ ཝེདནཱཡ སམྤཡུཏྟཾ ཙིཏྟཾ ཨུཔྤཛྫཏི.

(ཨེཏེན ཨུཔཱཡེན ཡཱཝ སརཎཨརཎཱ ཨུདྡྷརིཏབྦཱ.)

ཡསྶ ཨརཎཾ ཙིཏྟཾ ཨུཔྤཛྫཏི ན ནིརུཛ྄ཛྷཏི, ཏསྶ ཨརཎཾ ཙིཏྟཾ ནིརུཛ྄ཛྷིསྶཏི ན ཨུཔྤཛྫིསྶཏི. ཡསྶ ཝཱ པན ཨརཎཾ ཙིཏྟཾ ནིརུཛ྄ཛྷིསྶཏི ན ཨུཔྤཛྫིསྶཏི, ཏསྶ ཨརཎཾ ཙིཏྟཾ ཨུཔྤཛྫཏི ན ནིརུཛ྄ཛྷཏི.

ཙིཏྟཡམཀམཱཏིཀཱ ནིཊྛིཏཱ.

དྷམྨཡམཀཾ

པཎྞཏྟིཝཱརོ

པདསོདྷནཝཱརོ

ཨནུལོམཾ

ཀུསལཱ ཀུསལཱ དྷམྨཱ (ཡམ. ༣.དྷམྨཡམཀ.༡ ཨཱདཡོ). ཀུསལཱ དྷམྨཱ ཀུསལཱ.

ཨཀུསལཱ ཨཀུསལཱ དྷམྨཱ. ཨཀུསལཱ དྷམྨཱ ཨཀུསལཱ.

ཨབྱཱཀཏཱ ཨབྱཱཀཏཱ དྷམྨཱ. ཨབྱཱཀཏཱ དྷམྨཱ ཨབྱཱཀཏཱ.

པཙྩནཱིཀཾ

ན ¶ ཀུསལཱ ན ཀུསལཱ དྷམྨཱ. ན ཀུསལཱ དྷམྨཱ ན ཀུསལཱ.

ན ¶ ཨཀུསལཱ ན ཨཀུསལཱ དྷམྨཱ. ན ཨཀུསལཱ དྷམྨཱ ན ཨཀུསལཱ.

ན ཨབྱཱཀཏཱ ན ཨབྱཱཀཏཱ དྷམྨཱ. ན ཨབྱཱཀཏཱ དྷམྨཱ ན ཨབྱཱཀཏཱ.

པདསོདྷནམཱུལཙཀྐཝཱརོ

ཨནུལོམཾ

ཀུསལཱ ཀུསལཱ དྷམྨཱ. དྷམྨཱ ཨཀུསལཱ དྷམྨཱ.

ཀུསལཱ ཀུསལཱ དྷམྨཱ. དྷམྨཱ ཨབྱཱཀཏཱ དྷམྨཱ.

ཨཀུསལཱ ཨཀུསལཱ དྷམྨཱ. དྷམྨཱ ཀུསལཱ དྷམྨཱ.

ཨཀུསལཱ ཨཀུསལཱ དྷམྨཱ. དྷམྨཱ ཨབྱཱཀཏཱ དྷམྨཱ.

ཨབྱཱཀཏཱ ཨབྱཱཀཏཱ དྷམྨཱ. དྷམྨཱ ཀུསལཱ དྷམྨཱ.

ཨབྱཱཀཏཱ ཨབྱཱཀཏཱ དྷམྨཱ. དྷམྨཱ ཨཀུསལཱ དྷམྨཱ.

པཙྩནཱིཀཾ

ན ཀུསལཱ ན ཀུསལཱ དྷམྨཱ. ན དྷམྨཱ ན ཨཀུསལཱ དྷམྨཱ.

ན ཀུསལཱ ན ཀུསལཱ དྷམྨཱ. ན དྷམྨཱ ན ཨབྱཱཀཏཱ དྷམྨཱ.

ན ཨཀུསལཱ ན ཨཀུསལཱ དྷམྨཱ. ན དྷམྨཱ ན ཀུསལཱ དྷམྨཱ.

ན ཨཀུསལཱ ན ཨཀུསལཱ དྷམྨཱ. ན དྷམྨཱ ན ཨབྱཱཀཏཱ དྷམྨཱ.

ན ཨབྱཱཀཏཱ ན ཨབྱཱཀཏཱ དྷམྨཱ. ན དྷམྨཱ ན ཀུསལཱ དྷམྨཱ.

ན ཨབྱཱཀཏཱ ན ཨབྱཱཀཏཱ དྷམྨཱ. ན དྷམྨཱ ན ཨཀུསལཱ དྷམྨཱ.

སུདྡྷདྷམྨཝཱརོ

ཨནུལོམཾ

ཀུསལཱ ¶ ¶ དྷམྨཱ. དྷམྨཱ ཀུསལཱ.

ཨཀུསལཱ དྷམྨཱ. དྷམྨཱ ཨཀུསལཱ.

ཨབྱཱཀཏཱ དྷམྨཱ. དྷམྨཱ ཨབྱཱཀཏཱ.

པཙྩནཱིཀཾ

ན ཀུསལཱ ན དྷམྨཱ. ན དྷམྨཱ ན ཀུསལཱ.

ན ཨཀུསལཱ ན དྷམྨཱ. ན དྷམྨཱ ན ཨཀུསལཱ.

ན ཨབྱཱཀཏཱ ན དྷམྨཱ. ན དྷམྨཱ ན ཨབྱཱཀཏཱ.

སུདྡྷདྷམྨམཱུལཙཀྐཝཱརོ

ཨནུལོམཾ

ཀུསལཱ དྷམྨཱ. དྷམྨཱ ཨཀུསལཱ.

ཀུསལཱ དྷམྨཱ. དྷམྨཱ ཨབྱཱཀཏཱ.

ཨཀུསལཱ དྷམྨཱ. དྷམྨཱ ཀུསལཱ.

ཨཀུསལཱ དྷམྨཱ. དྷམྨཱ ཨབྱཱཀཏཱ.

ཨབྱཱཀཏཱ དྷམྨཱ. དྷམྨཱ ཀུསལཱ.

ཨབྱཱཀཏཱ དྷམྨཱ. དྷམྨཱ ཨཀུསལཱ.

པཙྩནཱིཀཾ

ན ¶ ཀུསལཱ ན དྷམྨཱ. ན དྷམྨཱ ན ཨཀུསལཱ.

ན ཀུསལཱ ན དྷམྨཱ. ན དྷམྨཱ ན ཨབྱཱཀཏཱ.

ན ཨཀུསལཱ ན དྷམྨཱ. ན དྷམྨཱ ན ཀུསལཱ.

ན ཨཀུསལཱ ན དྷམྨཱ. ན དྷམྨཱ ན ཨབྱཱཀཏཱ.

ན ཨབྱཱཀཏཱ ན དྷམྨཱ. ན དྷམྨཱ ན ཀུསལཱ.

ན ཨབྱཱཀཏཱ ན དྷམྨཱ. ན དྷམྨཱ ན ཨཀུསལཱ.

དྷམྨཡམཀམཱཏིཀཱ ནིཊྛིཏཱ.

ཨིནྡྲིཡཡམཀཾ

པཎྞཏྟིཝཱརོ

བཱཝཱིསཏིནྡྲིཡཱནི ¶ (ཡམ. ༣.ཨིནྡྲིཡཡམཀ.༡ ཨཱདཡོ) – ཙཀྑུནྡྲིཡཾ སོཏིནྡྲིཡཾ གྷཱནིནྡྲིཡཾ ཛིཝ྄ཧིནྡྲིཡཾ ཀཱཡིནྡྲིཡཾ མནིནྡྲིཡཾ ཨིཏྠིནྡྲིཡཾ པུརིསིནྡྲིཡཾ ཛཱིཝིཏིནྡྲིཡཾ སུཁིནྡྲིཡཾ དུཀྑིནྡྲིཡཾ སོམནསྶིནྡྲིཡཾ དོམནསྶིནྡྲིཡཾ ཨུཔེཀྑིནྡྲིཡཾ སདྡྷིནྡྲིཡཾ ཝཱིརིཡིནྡྲིཡཾ སཏིནྡྲིཡཾ སམཱདྷིནྡྲིཡཾ པཉྙིནྡྲིཡཾ ཨནཉྙཱཏཉྙསྶཱམཱིཏིནྡྲིཡཾ ཨཉྙིནྡྲིཡཾ ཨཉྙཱཏཱཝིནྡྲིཡཾ.

པདསོདྷནཝཱརོ

ཨནུལོམཾ

ཙཀྑུ ¶ ཙཀྑུནྡྲིཡཾ, ཙཀྑུནྡྲིཡཾ ཙཀྑུ.

སོཏཾ སོཏིནྡྲིཡཾ, སོཏིནྡྲིཡཾ སོཏཾ.

གྷཱནཾ གྷཱནིནྡྲིཡཾ, གྷཱནིནྡྲིཡཾ གྷཱནཾ.

ཛིཝ྄ཧཱ ཛིཝ྄ཧིནྡྲིཡཾ, ཛིཝ྄ཧིནྡྲིཡཾ ཛིཝ྄ཧཱ.

ཀཱཡོ ཀཱཡིནྡྲིཡཾ, ཀཱཡིནྡྲིཡཾ ཀཱཡོ.

མནོ མནིནྡྲིཡཾ, མནིནྡྲིཡཾ མནོ.

ཨིཏྠཱི ཨིཏྠིནྡྲིཡཾ, ཨིཏྠིནྡྲིཡཾ ཨིཏྠཱི.

པུརིསོ པུརིསིནྡྲིཡཾ, པུརིསིནྡྲིཡཾ པུརིསོ.

ཛཱིཝིཏཾ ཛཱིཝིཏིནྡྲིཡཾ, ཛཱིཝིཏིནྡྲིཡཾ ཛཱིཝིཏཾ.

སུཁཾ སུཁིནྡྲིཡཾ, སུཁིནྡྲིཡཾ སུཁཾ.

དུཀྑཾ དུཀྑིནྡྲིཡཾ, དུཀྑིནྡྲིཡཾ དུཀྑཾ.

སོམནསྶཾ སོམནསྶིནྡྲིཡཾ, སོམནསྶིནྡྲིཡཾ སོམནསྶཾ.

དོམནསྶཾ དོམནསྶིནྡྲིཡཾ, དོམནསྶིནྡྲིཡཾ དོམནསྶཾ.

ཨུཔེཀྑཱ ཨུཔེཀྑིནྡྲིཡཾ, ཨུཔེཀྑིནྡྲིཡཾ ཨུཔེཀྑཱ.

སདྡྷཱ སདྡྷིནྡྲིཡཾ, སདྡྷིནྡྲིཡཾ སདྡྷཱ.

ཝཱིརིཡཾ ཝཱིརིཡིནྡྲིཡཾ, ཝཱིརིཡིནྡྲིཡཾ ཝཱིརིཡཾ.

སཏི ¶ སཏིནྡྲིཡཾ, སཏིནྡྲིཡཾ སཏི.

སམཱདྷི སམཱདྷིནྡྲིཡཾ, སམཱདྷིནྡྲིཡཾ སམཱདྷི.

པཉྙཱ པཉྙིནྡྲིཡཾ, པཉྙིནྡྲིཡཾ པཉྙཱ.

ཨནཉྙཱཏཉྙསྶཱམཱིཏི ཨནཉྙཱཏཉྙསྶཱམཱིཏིནྡྲིཡཾ, ཨནཉྙཱཏཉྙསྶཱམཱིཏིནྡྲིཡཾ ཨནཉྙཱཏཉྙསྶཱམཱིཏི.

ཨཉྙཾ ཨཉྙིནྡྲིཡཾ, ཨཉྙིནྡྲིཡཾ ཨཉྙཾ.

ཨཉྙཱཏཱཝཱི ཨཉྙཱཏཱཝིནྡྲིཡཾ, ཨཉྙཱཏཱཝིནྡྲིཡཾ ཨཉྙཱཏཱཝཱི.

པཙྩནཱིཀཾ

ན ¶ ཙཀྑུ ན ཙཀྑུནྡྲིཡཾ, ན ཙཀྑུནྡྲིཡཾ ན ཙཀྑུ.

ན སོཏཾ ན སོཏིནྡྲིཡཾ, ན སོཏིནྡྲིཡཾ ན སོཏཾ.

ན གྷཱནཾ ན གྷཱནིནྡྲིཡཾ, ན གྷཱནིནྡྲིཡཾ ན གྷཱནཾ.

ན ཛིཝ྄ཧཱ ན ཛིཝ྄ཧིནྡྲིཡཾ, ན ཛིཝ྄ཧིནྡྲིཡཾ ན ཛིཝ྄ཧཱ.

ན ཀཱཡོ ན ཀཱཡིནྡྲིཡཾ, ན ཀཱཡིནྡྲིཡཾ ན ཀཱཡོ.

ན མནོ ན མནིནྡྲིཡཾ, ན མནིནྡྲིཡཾ ན མནོ.

ན ཨིཏྠཱི ན ཨིཏྠིནྡྲིཡཾ, ན ཨིཏྠིནྡྲིཡཾ ན ཨིཏྠཱི.

ན པུརིསོ ན པུརིསིནྡྲིཡཾ, ན པུརིསིནྡྲིཡཾ ན པུརིསོ.

ན ཛཱིཝིཏཾ ན ཛཱིཝིཏིནྡྲིཡཾ, ན ཛཱིཝིཏིནྡྲིཡཾ ན ཛཱིཝིཏཾ.

ན སུཁཾ ན སུཁིནྡྲིཡཾ, ན སུཁིནྡྲིཡཾ ན སུཁཾ.

ན དུཀྑཾ ན དུཀྑིནྡྲིཡཾ, ན དུཀྑིནྡྲིཡཾ ན དུཀྑཾ.

ན སོམནསྶཾ ན སོམནསྶིནྡྲིཡཾ, ན སོམནསྶིནྡྲིཡཾ ན སོམནསྶཾ.

ན དོམནསྶཾ ན དོམནསྶིནྡྲིཡཾ, ན དོམནསྶིནྡྲིཡཾ ན དོམནསྶཾ.

ན ཨུཔེཀྑཱ ན ཨུཔེཀྑིནྡྲིཡཾ, ན ཨུཔེཀྑིནྡྲིཡཾ ན ཨུཔེཀྑཱ.

ན སདྡྷཱ ན སདྡྷིནྡྲིཡཾ, ན སདྡྷིནྡྲིཡཾ ན སདྡྷཱ.

ན ཝཱིརིཡཾ ན ཝཱིརིཡིནྡྲིཡཾ, ན ཝཱིརིཡིནྡྲིཡཾ ན ཝཱིརིཡཾ.

ན སཏི ན སཏིནྡྲིཡཾ, ན སཏིནྡྲིཡཾ ན སཏི.

ན སམཱདྷི ན སམཱདྷིནྡྲིཡཾ, ན སམཱདྷིནྡྲིཡཾ ན སམཱདྷི.

ན ¶ པཉྙཱ ན པཉྙིནྡྲིཡཾ, ན པཉྙིནྡྲིཡཾ ན པཉྙཱ.

ན ཨནཉྙཱཏཉྙསྶཱམཱིཏི ན ཨནཉྙཱཏཉྙསྶཱམཱིཏིནྡྲིཡཾ, ན ཨནཉྙཱཏཉྙསྶཱམཱིཏིནྡྲིཡཾ ན ཨནཉྙཱཏཉྙསྶཱམཱིཏི.

ན ཨཉྙཾ ན ཨཉྙིནྡྲིཡཾ, ན ཨཉྙིནྡྲིཡཾ ན ཨཉྙཾ.

ན ཨཉྙཱཏཱཝཱི ན ཨཉྙཱཏཱཝིནྡྲིཡཾ, ན ཨཉྙཱཏཱཝིནྡྲིཡཾ ན ཨཉྙཱཏཱཝཱི.

པདསོདྷནམཱུལཙཀྐཝཱརོ

ཨནུལོམཾ

ཙཀྑུ ¶ ཙཀྑུནྡྲིཡཾ, ཨིནྡྲིཡཱ སོཏིནྡྲིཡཾ.

ཙཀྑུ ཙཀྑུནྡྲིཡཾ, ཨིནྡྲིཡཱ གྷཱནིནྡྲིཡཾ.

ཙཀྑུ ཙཀྑུནྡྲིཡཾ, ཨིནྡྲིཡཱ ཛིཝ྄ཧིནྡྲིཡཾ.

ཙཀྑུ ཙཀྑུནྡྲིཡཾ, ཨིནྡྲིཡཱ ཀཱཡིནྡྲིཡཾ.

ཙཀྑུ ཙཀྑུནྡྲིཡཾ, ཨིནྡྲིཡཱ མནིནྡྲིཡཾ.

ཙཀྑུ ཙཀྑུནྡྲིཡཾ, ཨིནྡྲིཡཱ ཨིཏྠིནྡྲིཡཾ.

ཙཀྑུ ཙཀྑུནྡྲིཡཾ, ཨིནྡྲིཡཱ པུརིསིནྡྲིཡཾ.

ཙཀྑུ ཙཀྑུནྡྲིཡཾ, ཨིནྡྲིཡཱ ཛཱིཝིཏིནྡྲིཡཾ.

ཙཀྑུ ཙཀྑུནྡྲིཡཾ, ཨིནྡྲིཡཱ སུཁིནྡྲིཡཾ.

ཙཀྑུ ཙཀྑུནྡྲིཡཾ, ཨིནྡྲིཡཱ དུཀྑིནྡྲིཡཾ.

ཙཀྑུ ཙཀྑུནྡྲིཡཾ, ཨིནྡྲིཡཱ སོམནསྶིནྡྲིཡཾ.

ཙཀྑུ ཙཀྑུནྡྲིཡཾ, ཨིནྡྲིཡཱ དོམནསྶིནྡྲིཡཾ.

ཙཀྑུ ཙཀྑུནྡྲིཡཾ, ཨིནྡྲིཡཱ ཨུཔེཀྑིནྡྲིཡཾ.

ཙཀྑུ ཙཀྑུནྡྲིཡཾ, ཨིནྡྲིཡཱ སདྡྷིནྡྲིཡཾ.

ཙཀྑུ ཙཀྑུནྡྲིཡཾ, ཨིནྡྲིཡཱ ཝཱིརིཡིནྡྲིཡཾ.

ཙཀྑུ ཙཀྑུནྡྲིཡཾ, ཨིནྡྲིཡཱ སཏིནྡྲིཡཾ.

ཙཀྑུ ཙཀྑུནྡྲིཡཾ, ཨིནྡྲིཡཱ སམཱདྷིནྡྲིཡཾ.

ཙཀྑུ ཙཀྑུནྡྲིཡཾ, ཨིནྡྲིཡཱ པཉྙིནྡྲིཡཾ.

ཙཀྑུ ཙཀྑུནྡྲིཡཾ, ཨིནྡྲིཡཱ ཨནཉྙཱཏཉྙསྶཱམཱིཏིནྡྲིཡཾ.

ཙཀྑུ ཙཀྑུནྡྲིཡཾ, ཨིནྡྲིཡཱ ཨཉྙིནྡྲིཡཾ.

ཙཀྑུ ཙཀྑུནྡྲིཡཾ, ཨིནྡྲིཡཱ ཨཉྙཱཏཱཝིནྡྲིཡཾ.

སོཏཾ ¶ ¶ སོཏིནྡྲིཡཾ, ཨིནྡྲིཡཱ ཙཀྑུནྡྲིཡཾ…པེ….

སོཏཾ སོཏིནྡྲིཡཾ, ཨིནྡྲིཡཱ ཨཉྙཱཏཱཝིནྡྲིཡཾ.

གྷཱནཾ གྷཱནིནྡྲིཡཾ, ཨིནྡྲིཡཱ ཙཀྑུནྡྲིཡཾ…པེ….

གྷཱནཾ གྷཱནིནྡྲིཡཾ, ཨིནྡྲིཡཱ ཨཉྙཱཏཱཝིནྡྲིཡཾ.

ཛིཝ྄ཧཱ ཛིཝ྄ཧིནྡྲིཡཾ, ཨིནྡྲིཡཱ ཙཀྑུནྡྲིཡཾ…པེ….

ཛིཝ྄ཧཱ ཛིཝ྄ཧིནྡྲིཡཾ, ཨིནྡྲིཡཱ ཨཉྙཱཏཱཝིནྡྲིཡཾ.

ཀཱཡོ ཀཱཡིནྡྲིཡཾ, ཨིནྡྲིཡཱ ཙཀྑུནྡྲིཡཾ…པེ….

ཀཱཡོ ཀཱཡིནྡྲིཡཾ, ཨིནྡྲིཡཱ ཨཉྙཱཏཱཝིནྡྲིཡཾ.

མནོ མནིནྡྲིཡཾ, ཨིནྡྲིཡཱ ཙཀྑུནྡྲིཡཾ…པེ….

མནོ མནིནྡྲིཡཾ, ཨིནྡྲིཡཱ ཨཉྙཱཏཱཝིནྡྲིཡཾ.

ཨིཏྠཱི ཨིཏྠིནྡྲིཡཾ, ཨིནྡྲིཡཱ ཙཀྑུནྡྲིཡཾ…པེ….

ཨིཏྠཱི ཨིཏྠིནྡྲིཡཾ, ཨིནྡྲིཡཱ ཨཉྙཱཏཱཝིནྡྲིཡཾ.

པུརིསོ པུརིསིནྡྲིཡཾ, ཨིནྡྲིཡཱ ཙཀྑུནྡྲིཡཾ…པེ….

པུརིསོ པུརིསིནྡྲིཡཾ, ཨིནྡྲིཡཱ ཨཉྙཱཏཱཝིནྡྲིཡཾ.

ཛཱིཝིཏཾ ཛཱིཝིཏིནྡྲིཡཾ, ཨིནྡྲིཡཱ ཙཀྑུནྡྲིཡཾ…པེ….

ཛཱིཝིཏཾ ཛཱིཝིཏིནྡྲིཡཾ, ཨིནྡྲིཡཱ ཨཉྙཱཏཱཝིནྡྲིཡཾ.

སུཁཾ སུཁིནྡྲིཡཾ, ཨིནྡྲིཡཱ ཙཀྑུནྡྲིཡཾ…པེ….

སུཁཾ སུཁིནྡྲིཡཾ, ཨིནྡྲིཡཱ ཨཉྙཱཏཱཝིནྡྲིཡཾ.

དུཀྑཾ ¶ དུཀྑིནྡྲིཡཾ, ཨིནྡྲིཡཱ ཙཀྑུནྡྲིཡཾ…པེ….

དུཀྑཾ དུཀྑིནྡྲིཡཾ, ཨིནྡྲིཡཱ ཨཉྙཱཏཱཝིནྡྲིཡཾ.

སོམནསྶཾ སོམནསྶིནྡྲིཡཾ, ཨིནྡྲིཡཱ ཙཀྑུནྡྲིཡཾ…པེ….

སོམནསྶཾ སོམནསྶིནྡྲིཡཾ, ཨིནྡྲིཡཱ ཨཉྙཱཏཱཝིནྡྲིཡཾ.

དོམནསྶཾ དོམནསྶིནྡྲིཡཾ, ཨིནྡྲིཡཱ ཙཀྑུནྡྲིཡཾ…པེ….

དོམནསྶཾ དོམནསྶིནྡྲིཡཾ, ཨིནྡྲིཡཱ ཨཉྙཱཏཱཝིནྡྲིཡཾ.

ཨུཔེཀྑཱ ཨུཔེཀྑིནྡྲིཡཾ, ཨིནྡྲིཡཱ ཙཀྑུནྡྲིཡཾ…པེ….

ཨུཔེཀྑཱ ཨུཔེཀྑིནྡྲིཡཾ, ཨིནྡྲིཡཱ ཨཉྙཱཏཱཝིནྡྲིཡཾ.

སདྡྷཱ ¶ སདྡྷིནྡྲིཡཾ, ཨིནྡྲིཡཱ ཙཀྑུནྡྲིཡཾ…པེ….

སདྡྷཱ སདྡྷིནྡྲིཡཾ, ཨིནྡྲིཡཱ ཨཉྙཱཏཱཝིནྡྲིཡཾ.

ཝཱིརིཡཾ ཝཱིརིཡིནྡྲིཡཾ, ཨིནྡྲིཡཱ ཙཀྑུནྡྲིཡཾ…པེ….

ཝཱིརིཡཾ ཝཱིརིཡིནྡྲིཡཾ, ཨིནྡྲིཡཱ ཨཉྙཱཏཱཝིནྡྲིཡཾ.

སཏི སཏིནྡྲིཡཾ, ཨིནྡྲིཡཱ ཙཀྑུནྡྲིཡཾ…པེ….

སཏི སཏིནྡྲིཡཾ, ཨིནྡྲིཡཱ ཨཉྙཱཏཱཝིནྡྲིཡཾ.

སམཱདྷི སམཱདྷིནྡྲིཡཾ, ཨིནྡྲིཡཱ ཙཀྑུནྡྲིཡཾ…པེ….

སམཱདྷི སམཱདྷིནྡྲིཡཾ, ཨིནྡྲིཡཱ ཨཉྙཱཏཱཝིནྡྲིཡཾ.

པཉྙཱ པཉྙིནྡྲིཡཾ, ཨིནྡྲིཡཱ ཙཀྑུནྡྲིཡཾ…པེ….

པཉྙཱ པཉྙིནྡྲིཡཾ, ཨིནྡྲིཡཱ ཨཉྙཱཏཱཝིནྡྲིཡཾ.

ཨནཉྙཱཏཉྙསྶཱམཱིཏི ¶ ཨནཉྙཱཏཉྙསྶཱམཱིཏིནྡྲིཡཾ, ཨིནྡྲིཡཱ ཙཀྑུནྡྲིཡཾ…པེ….

ཨནཉྙཱཏཉྙསྶཱམཱིཏི ཨནཉྙཱཏཉྙསྶཱམཱིཏིནྡྲིཡཾ, ཨིནྡྲིཡཱ ཨཉྙཱཏཱཝིནྡྲིཡཾ.

ཨཉྙཾ ཨཉྙིནྡྲིཡཾ, ཨིནྡྲིཡཱ ཙཀྑུནྡྲིཡཾ…པེ….

ཨཉྙཾ ཨཉྙིནྡྲིཡཾ, ཨིནྡྲིཡཱ ཨཉྙཱཏཱཝིནྡྲིཡཾ.

ཨཉྙཱཏཱཝཱི ཨཉྙཱཏཱཝིནྡྲིཡཾ, ཨིནྡྲིཡཱ ཙཀྑུནྡྲིཡཾ…པེ….

ཨཉྙཱཏཱཝཱི ཨཉྙཱཏཱཝིནྡྲིཡཾ, ཨིནྡྲིཡཱ ཨཉྙིནྡྲིཡཾ.

པཙྩནཱིཀཾ

ན ཙཀྑུ ན ཙཀྑུནྡྲིཡཾ, ན ཨིནྡྲིཡཱ ན སོཏིནྡྲིཡཾ.

ན ཙཀྑུ ན ཙཀྑུནྡྲིཡཾ, ན ཨིནྡྲིཡཱ ན གྷཱནིནྡྲིཡཾ.

ན ཙཀྑུ ན ཙཀྑུནྡྲིཡཾ, ན ཨིནྡྲིཡཱ ན ཛིཝ྄ཧིནྡྲིཡཾ.

ན ཙཀྑུ ན ཙཀྑུནྡྲིཡཾ, ན ཨིནྡྲིཡཱ ན ཀཱཡིནྡྲིཡཾ.

ན ཙཀྑུ ན ཙཀྑུནྡྲིཡཾ, ན ཨིནྡྲིཡཱ ན མནིནྡྲིཡཾ.

ན ཙཀྑུ ན ཙཀྑུནྡྲིཡཾ, ན ཨིནྡྲིཡཱ ན ཨིཏྠིནྡྲིཡཾ.

ན ཙཀྑུ ན ཙཀྑུནྡྲིཡཾ, ན ཨིནྡྲིཡཱ ན པུརིསིནྡྲིཡཾ.

ན ¶ ཙཀྑུ ན ཙཀྑུནྡྲིཡཾ, ན ཨིནྡྲིཡཱ ན ཛཱིཝིཏིནྡྲིཡཾ.

ན ཙཀྑུ ན ཙཀྑུནྡྲིཡཾ, ན ཨིནྡྲིཡཱ ན སུཁིནྡྲིཡཾ.

ན ཙཀྑུ ན ཙཀྑུནྡྲིཡཾ, ན ཨིནྡྲིཡཱ ན དུཀྑིནྡྲིཡཾ.

ན ཙཀྑུ ན ཙཀྑུནྡྲིཡཾ, ན ཨིནྡྲིཡཱ ན སོམནསྶིནྡྲིཡཾ.

ན ཙཀྑུ ན ཙཀྑུནྡྲིཡཾ, ན ཨིནྡྲིཡཱ ན དོམནསྶིནྡྲིཡཾ.

ན ཙཀྑུ ན ཙཀྑུནྡྲིཡཾ, ན ཨིནྡྲིཡཱ ན ཨུཔེཀྑིནྡྲིཡཾ.

ན ཙཀྑུ ན ཙཀྑུནྡྲིཡཾ, ན ཨིནྡྲིཡཱ ན སདྡྷིནྡྲིཡཾ.

ན ཙཀྑུ ན ཙཀྑུནྡྲིཡཾ, ན ཨིནྡྲིཡཱ ན ཝཱིརིཡིནྡྲིཡཾ.

ན ཙཀྑུ ན ཙཀྑུནྡྲིཡཾ, ན ཨིནྡྲིཡཱ ན སཏིནྡྲིཡཾ.

ན ཙཀྑུ ན ཙཀྑུནྡྲིཡཾ, ན ཨིནྡྲིཡཱ ན སམཱདྷིནྡྲིཡཾ.

ན ¶ ཙཀྑུ ན ཙཀྑུནྡྲིཡཾ, ན ཨིནྡྲིཡཱ ན པཉྙིནྡྲིཡཾ.

ན ཙཀྑུ ན ཙཀྑུནྡྲིཡཾ, ན ཨིནྡྲིཡཱ ན ཨནཉྙཱཏཉྙསྶཱམཱིཏིནྡྲིཡཾ.

ན ཙཀྑུ ན ཙཀྑུནྡྲིཡཾ, ན ཨིནྡྲིཡཱ ན ཨཉྙིནྡྲིཡཾ.

ན ཙཀྑུ ན ཙཀྑུནྡྲིཡཾ, ན ཨིནྡྲིཡཱ ན ཨཉྙཱཏཱཝིནྡྲིཡཾ.

ན སོཏཾ ན སོཏིནྡྲིཡཾ, ན ཨིནྡྲིཡཱ ན ཙཀྑུནྡྲིཡཾ…པེ… ན ཨིནྡྲིཡཱ ན ཨཉྙཱཏཱཝིནྡྲིཡཾ.

ན གྷཱནཾ ན གྷཱནིནྡྲིཡཾ, ན ཨིནྡྲིཡཱ ན ཙཀྑུནྡྲིཡཾ…པེ… ན ཨིནྡྲིཡཱ ན ཨཉྙཱཏཱཝིནྡྲིཡཾ.

ན ཛིཝ྄ཧཱ ན ཛིཝ྄ཧིནྡྲིཡཾ, ན ཨིནྡྲིཡཱ ན ཙཀྑུནྡྲིཡཾ…པེ… ན ཨིནྡྲིཡཱ ན ཨཉྙཱཏཱཝིནྡྲིཡཾ.

ན ཀཱཡོ ན ཀཱཡིནྡྲིཡཾ, ན ཨིནྡྲིཡཱ ན ཙཀྑུནྡྲིཡཾ…པེ… ན ཨིནྡྲིཡཱ ན ཨཉྙཱཏཱཝིནྡྲིཡཾ.

ན མནོ ན མནིནྡྲིཡཾ, ན ཨིནྡྲིཡཱ ན ཙཀྑུནྡྲིཡཾ…པེ… ན ཨིནྡྲིཡཱ ན ཨཉྙཱཏཱཝིནྡྲིཡཾ.

ན ཨིཏྠཱི ན ཨིཏྠིནྡྲིཡཾ, ན ཨིནྡྲིཡཱ ན ཙཀྑུནྡྲིཡཾ…པེ… ན ཨིནྡྲིཡཱ ན ཨཉྙཱཏཱཝིནྡྲིཡཾ.

ན ¶ པུརིསོ ན པུརིསིནྡྲིཡཾ, ན ཨིནྡྲིཡཱ ན ཙཀྑུནྡྲིཡཾ…པེ… ན ཨིནྡྲིཡཱ ན ཨཉྙཱཏཱཝིནྡྲིཡཾ.

ན ཛཱིཝིཏཾ ན ཛཱིཝིཏིནྡྲིཡཾ, ན ཨིནྡྲིཡཱ ན ཙཀྑུནྡྲིཡཾ…པེ… ན ཨིནྡྲིཡཱ ན ཨཉྙཱཏཱཝིནྡྲིཡཾ.

ན ¶ སུཁཾ ན སུཁིནྡྲིཡཾ, ན ཨིནྡྲིཡཱ ན ཙཀྑུནྡྲིཡཾ…པེ… ན ཨིནྡྲིཡཱ ན ཨཉྙཱཏཱཝིནྡྲིཡཾ.

ན དུཀྑཾ ན དུཀྑིནྡྲིཡཾ, ན ཨིནྡྲིཡཱ ན ཙཀྑུནྡྲིཡཾ…པེ… ན ཨིནྡྲིཡཱ ན ཨཉྙཱཏཱཝིནྡྲིཡཾ.

ན སོམནསྶཾ ན སོམནསྶིནྡྲིཡཾ, ན ཨིནྡྲིཡཱ ན ཙཀྑུནྡྲིཡཾ…པེ… ན ཨིནྡྲིཡཱ ན ཨཉྙཱཏཱཝིནྡྲིཡཾ.

ན དོམནསྶཾ ན དོམནསྶིནྡྲིཡཾ, ན ཨིནྡྲིཡཱ ན ཙཀྑུནྡྲིཡཾ…པེ… ན ཨིནྡྲིཡཱ ན ཨཉྙཱཏཱཝིནྡྲིཡཾ.

ན ཨུཔེཀྑཱ ན ཨུཔེཀྑིནྡྲིཡཾ, ན ཨིནྡྲིཡཱ ན ཙཀྑུནྡྲིཡཾ…པེ… ན ཨིནྡྲིཡཱ ན ཨཉྙཱཏཱཝིནྡྲིཡཾ.

ན སདྡྷཱ ན སདྡྷིནྡྲིཡཾ, ན ཨིནྡྲིཡཱ ན ཙཀྑུནྡྲིཡཾ…པེ… ན ཨིནྡྲིཡཱ ན ཨཉྙཱཏཱཝིནྡྲིཡཾ.

ན ཝཱིརིཡཾ ན ཝཱིརིཡིནྡྲིཡཾ, ན ཨིནྡྲིཡཱ ན ཙཀྑུནྡྲིཡཾ…པེ… ན ཨིནྡྲིཡཱ ན ཨཉྙཱཏཱཝིནྡྲིཡཾ.

ན སཏི ན སཏིནྡྲིཡཾ, ན ཨིནྡྲིཡཱ ན ཙཀྑུནྡྲིཡཾ…པེ… ན ཨིནྡྲིཡཱ ན ཨཉྙཱཏཱཝིནྡྲིཡཾ.

ན སམཱདྷི ན སམཱདྷིནྡྲིཡཾ, ན ཨིནྡྲིཡཱ ན ཙཀྑུནྡྲིཡཾ…པེ… ན ཨིནྡྲིཡཱ ན ཨཉྙཱཏཱཝིནྡྲིཡཾ.

ན པཉྙཱ ན པཉྙིནྡྲིཡཾ, ན ཨིནྡྲིཡཱ ན ཙཀྑུནྡྲིཡཾ…པེ… ན ཨིནྡྲིཡཱ ན ཨཉྙཱཏཱཝིནྡྲིཡཾ.

ན ཨནཉྙཱཏཉྙསྶཱམཱིཏི ན ཨནཉྙཱཏཉྙསྶཱམཱིཏིནྡྲིཡཾ, ན ཨིནྡྲིཡཱ ན ཙཀྑུནྡྲིཡཾ…པེ… ན ཨིནྡྲིཡཱ ན ཨཉྙཱཏཱཝིནྡྲིཡཾ.

ན ¶ ¶ ཨཉྙཾ ན ཨཉྙིནྡྲིཡཾ, ན ཨིནྡྲིཡཱ ན ཙཀྑུནྡྲིཡཾ…པེ… ན ཨིནྡྲིཡཱ ན ཨཉྙཱཏཱཝིནྡྲིཡཾ.

ན ཨཉྙཱཏཱཝཱི ན ཨཉྙཱཏཱཝིནྡྲིཡཾ, ན ཨིནྡྲིཡཱ ན ཙཀྑུནྡྲིཡཾ…པེ… ན ཨིནྡྲིཡཱ ན ཨཉྙིནྡྲིཡཾ.

སུདྡྷིནྡྲིཡཝཱརོ

ཨནུལོམཾ

ཙཀྑུ ཨིནྡྲིཡཾ, ཨིནྡྲིཡཱ ཙཀྑུ.

སོཏཾ ཨིནྡྲིཡཾ, ཨིནྡྲིཡཱ སོཏཾ.

གྷཱནཾ ཨིནྡྲིཡཾ, ཨིནྡྲིཡཱ གྷཱནཾ.

ཛིཝ྄ཧཱ ཨིནྡྲིཡཾ, ཨིནྡྲིཡཱ ཛིཝ྄ཧཱ.

ཀཱཡོ ཨིནྡྲིཡཾ, ཨིནྡྲིཡཱ ཀཱཡོ.

མནོ ཨིནྡྲིཡཾ, ཨིནྡྲིཡཱ མནོ.

ཨིཏྠཱི ཨིནྡྲིཡཾ, ཨིནྡྲིཡཱ ཨིཏྠཱི.

པུརིསོ ཨིནྡྲིཡཾ, ཨིནྡྲིཡཱ པུརིསོ.

ཛཱིཝིཏཾ ཨིནྡྲིཡཾ, ཨིནྡྲིཡཱ ཛཱིཝིཏཾ.

སུཁཾ ཨིནྡྲིཡཾ, ཨིནྡྲིཡཱ སུཁཾ.

དུཀྑཾ ཨིནྡྲིཡཾ, ཨིནྡྲིཡཱ དུཀྑཾ.

སོམནསྶཾ ཨིནྡྲིཡཾ, ཨིནྡྲིཡཱ སོམནསྶཾ.

དོམནསྶཾ ཨིནྡྲིཡཾ, ཨིནྡྲིཡཱ དོམནསྶཾ.

ཨུཔེཀྑཱ ཨིནྡྲིཡཾ, ཨིནྡྲིཡཱ ཨུཔེཀྑཱ.

སདྡྷཱ ཨིནྡྲིཡཾ, ཨིནྡྲིཡཱ སདྡྷཱ.

ཝཱིརིཡཾ ཨིནྡྲིཡཾ, ཨིནྡྲིཡཱ ཝཱིརིཡཾ.

སཏི ཨིནྡྲིཡཾ, ཨིནྡྲིཡཱ སཏི.

སམཱདྷི ཨིནྡྲིཡཾ, ཨིནྡྲིཡཱ སམཱདྷི.

པཉྙཱ ¶ ཨིནྡྲིཡཾ, ཨིནྡྲིཡཱ པཉྙཱ.

ཨནཉྙཱཏཉྙསྶཱམཱིཏི ཨིནྡྲིཡཾ, ཨིནྡྲིཡཱ ཨནཉྙཱཏཉྙསྶཱམཱིཏི.

ཨཉྙཾ ¶ ཨིནྡྲིཡཾ, ཨིནྡྲིཡཱ ཨཉྙཾ.

ཨཉྙཱཏཱཝཱི ཨིནྡྲིཡཾ, ཨིནྡྲིཡཱ ཨཉྙཱཏཱཝཱི.

པཙྩནཱིཀཾ

ན ཙཀྑུ ན ཨིནྡྲིཡཾ, ན ཨིནྡྲིཡཱ ན ཙཀྑུ.

ན སོཏཾ ན ཨིནྡྲིཡཾ, ན ཨིནྡྲིཡཱ ན སོཏཾ.

ན གྷཱནཾ ན ཨིནྡྲིཡཾ, ན ཨིནྡྲིཡཱ ན གྷཱནཾ.

ན ཛིཝ྄ཧཱ ན ཨིནྡྲིཡཾ, ན ཨིནྡྲིཡཱ ན ཛིཝ྄ཧཱ.

ན ཀཱཡོ ན ཨིནྡྲིཡཾ, ན ཨིནྡྲིཡཱ ན ཀཱཡོ.

ན མནོ ན ཨིནྡྲིཡཾ, ན ཨིནྡྲིཡཱ ན མནོ.

ན ཨིཏྠཱི ན ཨིནྡྲིཡཾ, ན ཨིནྡྲིཡཱ ན ཨིཏྠཱི.

ན པུརིསོ ན ཨིནྡྲིཡཾ, ན ཨིནྡྲིཡཱ ན པུརིསོ.

ན ཛཱིཝིཏཾ ན ཨིནྡྲིཡཾ, ན ཨིནྡྲིཡཱ ན ཛཱིཝིཏཾ.

ན སུཁཾ ན ཨིནྡྲིཡཾ, ན ཨིནྡྲིཡཱ ན སུཁཾ.

ན དུཀྑཾ ན ཨིནྡྲིཡཾ, ན ཨིནྡྲིཡཱ ན དུཀྑཾ.

ན སོམནསྶཾ ན ཨིནྡྲིཡཾ, ན ཨིནྡྲིཡཱ ན སོམནསྶཾ.

ན དོམནསྶཾ ན ཨིནྡྲིཡཾ, ན ཨིནྡྲིཡཱ ན དོམནསྶཾ.

ན ཨུཔེཀྑཱ ན ཨིནྡྲིཡཾ, ན ཨིནྡྲིཡཱ ན ཨུཔེཀྑཱ.

ན སདྡྷཱ ན ཨིནྡྲིཡཾ, ན ཨིནྡྲིཡཱ ན སདྡྷཱ.

ན ཝཱིརིཡཾ ན ཨིནྡྲིཡཾ, ན ཨིནྡྲིཡཱ ན ཝཱིརིཡཾ.

ན སཏི ན ཨིནྡྲིཡཾ, ན ཨིནྡྲིཡཱ ན སཏི.

ན སམཱདྷི ན ཨིནྡྲིཡཾ, ན ཨིནྡྲིཡཱ ན སམཱདྷི.

ན པཉྙཱ ན ཨིནྡྲིཡཾ, ན ཨིནྡྲིཡཱ ན པཉྙཱ.

ན ཨནཉྙཱཏཉྙསྶཱམཱིཏི ན ཨིནྡྲིཡཾ, ན ཨིནྡྲིཡཱ ན ཨནཉྙཱཏཉྙསྶཱམཱིཏི.

ན ཨཉྙཾ ན ཨིནྡྲིཡཾ, ན ཨིནྡྲིཡཱ ན ཨཉྙཾ.

ན ཨཉྙཱཏཱཝཱི ན ཨིནྡྲིཡཾ, ན ཨིནྡྲིཡཱ ན ཨཉྙཱཏཱཝཱི.

སུདྡྷིནྡྲིཡམཱུལཙཀྐཝཱརོ

ཨནུལོམཾ

ཙཀྑུ ¶ ¶ ཨིནྡྲིཡཾ, ཨིནྡྲིཡཱ སོཏཾ.

ཙཀྑུ ཨིནྡྲིཡཾ, ཨིནྡྲིཡཱ གྷཱནཾ.

ཙཀྑུ ཨིནྡྲིཡཾ, ཨིནྡྲིཡཱ ཛིཝ྄ཧཱ.

ཙཀྑུ ཨིནྡྲིཡཾ, ཨིནྡྲིཡཱ ཀཱཡོ.

ཙཀྑུ ཨིནྡྲིཡཾ, ཨིནྡྲིཡཱ མནོ.

ཙཀྑུ ཨིནྡྲིཡཾ, ཨིནྡྲིཡཱ ཨིཏྠཱི.

ཙཀྑུ ཨིནྡྲིཡཾ, ཨིནྡྲིཡཱ པུརིསོ.

ཙཀྑུ ཨིནྡྲིཡཾ, ཨིནྡྲིཡཱ ཛཱིཝིཏཾ.

ཙཀྑུ ཨིནྡྲིཡཾ, ཨིནྡྲིཡཱ སུཁཾ.

ཙཀྑུ ཨིནྡྲིཡཾ, ཨིནྡྲིཡཱ དུཀྑཾ.

ཙཀྑུ ཨིནྡྲིཡཾ, ཨིནྡྲིཡཱ སོམནསྶཾ.

ཙཀྑུ ཨིནྡྲིཡཾ, ཨིནྡྲིཡཱ དོམནསྶཾ.

ཙཀྑུ ཨིནྡྲིཡཾ, ཨིནྡྲིཡཱ ཨུཔེཀྑཱ.

ཙཀྑུ ཨིནྡྲིཡཾ, ཨིནྡྲིཡཱ སདྡྷཱ.

ཙཀྑུ ཨིནྡྲིཡཾ, ཨིནྡྲིཡཱ ཝཱིརིཡཾ.

ཙཀྑུ ཨིནྡྲིཡཾ, ཨིནྡྲིཡཱ སཏི.

ཙཀྑུ ཨིནྡྲིཡཾ, ཨིནྡྲིཡཱ སམཱདྷི.

ཙཀྑུ ཨིནྡྲིཡཾ, ཨིནྡྲིཡཱ པཉྙཱ.

ཙཀྑུ ཨིནྡྲིཡཾ, ཨིནྡྲིཡཱ ཨནཉྙཱཏཉྙསྶཱམཱིཏི.

ཙཀྑུ ཨིནྡྲིཡཾ, ཨིནྡྲིཡཱ ཨཉྙཾ.

ཙཀྑུ ཨིནྡྲིཡཾ, ཨིནྡྲིཡཱ ཨཉྙཱཏཱཝཱི.

སོཏཾ ཨིནྡྲིཡཾ, ཨིནྡྲིཡཱ ཙཀྑུ…པེ… ཨིནྡྲིཡཱ ཨཉྙཱཏཱཝཱི.

གྷཱནཾ ཨིནྡྲིཡཾ, ཨིནྡྲིཡཱ ཙཀྑུ…པེ… ཨིནྡྲིཡཱ ཨཉྙཱཏཱཝཱི.

ཛིཝ྄ཧཱ ¶ ཨིནྡྲིཡཾ, ཨིནྡྲིཡཱ ཙཀྑུ…པེ… ཨིནྡྲིཡཱ ཨཉྙཱཏཱཝཱི.

ཀཱཡོ ཨིནྡྲིཡཾ, ཨིནྡྲིཡཱ ཙཀྑུ…པེ… ཨིནྡྲིཡཱ ཨཉྙཱཏཱཝཱི.

མནོ ཨིནྡྲིཡཾ, ཨིནྡྲིཡཱ ཙཀྑུ…པེ… ཨིནྡྲིཡཱ ཨཉྙཱཏཱཝཱི.

ཨིཏྠཱི ¶ ཨིནྡྲིཡཾ, ཨིནྡྲིཡཱ ཙཀྑུ…པེ… ཨིནྡྲིཡཱ ཨཉྙཱཏཱཝཱི.

པུརིསོ ཨིནྡྲིཡཾ, ཨིནྡྲིཡཱ ཙཀྑུ…པེ… ཨིནྡྲིཡཱ ཨཉྙཱཏཱཝཱི.

ཛཱིཝིཏཾ ཨིནྡྲིཡཾ, ཨིནྡྲིཡཱ ཙཀྑུ…པེ… ཨིནྡྲིཡཱ ཨཉྙཱཏཱཝཱི.

སུཁཾ ཨིནྡྲིཡཾ, ཨིནྡྲིཡཱ ཙཀྑུ…པེ… ཨིནྡྲིཡཱ ཨཉྙཱཏཱཝཱི.

དུཀྑཾ ཨིནྡྲིཡཾ, ཨིནྡྲིཡཱ ཙཀྑུ…པེ… ཨིནྡྲིཡཱ ཨཉྙཱཏཱཝཱི.

སོམནསྶཾ ཨིནྡྲིཡཾ, ཨིནྡྲིཡཱ ཙཀྑུ…པེ… ཨིནྡྲིཡཱ ཨཉྙཱཏཱཝཱི.

དོམནསྶཾ ཨིནྡྲིཡཾ, ཨིནྡྲིཡཱ ཙཀྑུ…པེ… ཨིནྡྲིཡཱ ཨཉྙཱཏཱཝཱི.

ཨུཔེཀྑཱ ཨིནྡྲིཡཾ, ཨིནྡྲིཡཱ ཙཀྑུ…པེ… ཨིནྡྲིཡཱ ཨཉྙཱཏཱཝཱི.

སདྡྷཱ ཨིནྡྲིཡཾ, ཨིནྡྲིཡཱ ཙཀྑུ…པེ… ཨིནྡྲིཡཱ ཨཉྙཱཏཱཝཱི.

ཝཱིརིཡཾ ཨིནྡྲིཡཾ, ཨིནྡྲིཡཱ ཙཀྑུ…པེ… ཨིནྡྲིཡཱ ཨཉྙཱཏཱཝཱི.

སཏི ཨིནྡྲིཡཾ, ཨིནྡྲིཡཱ ཙཀྑུ…པེ… ཨིནྡྲིཡཱ ཨཉྙཱཏཱཝཱི.

སམཱདྷི ཨིནྡྲིཡཾ, ཨིནྡྲིཡཱ ཙཀྑུ…པེ… ཨིནྡྲིཡཱ ཨཉྙཱཏཱཝཱི.

པཉྙཱ ཨིནྡྲིཡཾ, ཨིནྡྲིཡཱ ཙཀྑུ…པེ… ཨིནྡྲིཡཱ ཨཉྙཱཏཱཝཱི.

ཨནཉྙཱཏཉྙསྶཱམཱིཏི ཨིནྡྲིཡཾ, ཨིནྡྲིཡཱ ཙཀྑུ…པེ… ཨིནྡྲིཡཱ ཨཉྙཱཏཱཝཱི.

ཨཉྙཾ ཨིནྡྲིཡཾ, ཨིནྡྲིཡཱ ཙཀྑུ…པེ… ཨིནྡྲིཡཱ ཨཉྙཱཏཱཝཱི.

ཨཉྙཱཏཱཝཱི ཨིནྡྲིཡཾ, ཨིནྡྲིཡཱ ཙཀྑུ…པེ… ཨིནྡྲིཡཱ ཨཉྙཾ.

པཙྩནཱིཀཾ

ན ཙཀྑུ ན ཨིནྡྲིཡཾ, ན ཨིནྡྲིཡཱ ན སོཏཾ.

ན ཙཀྑུ ན ཨིནྡྲིཡཾ, ན ཨིནྡྲིཡཱ ན གྷཱནཾ.

ན ཙཀྑུ ན ཨིནྡྲིཡཾ, ན ཨིནྡྲིཡཱ ན ཛིཝ྄ཧཱ.

ན ཙཀྑུ ན ཨིནྡྲིཡཾ, ན ཨིནྡྲིཡཱ ན ཀཱཡོ.

ན ཙཀྑུ ན ཨིནྡྲིཡཾ, ན ཨིནྡྲིཡཱ ན མནོ.

ན ཙཀྑུ ན ཨིནྡྲིཡཾ, ན ཨིནྡྲིཡཱ ན ཨིཏྠཱི.

ན ¶ ཙཀྑུ ན ཨིནྡྲིཡཾ, ན ཨིནྡྲིཡཱ ན པུརིསོ.

ན ཙཀྑུ ན ཨིནྡྲིཡཾ, ན ཨིནྡྲིཡཱ ན ཛཱིཝིཏཾ.

ན ཙཀྑུ ན ཨིནྡྲིཡཾ, ན ཨིནྡྲིཡཱ ན སུཁཾ.

ན ཙཀྑུ ན ཨིནྡྲིཡཾ, ན ཨིནྡྲིཡཱ ན དུཀྑཾ.

ན ཙཀྑུ ན ཨིནྡྲིཡཾ, ན ཨིནྡྲིཡཱ ན སོམནསྶཾ.

ན ¶ ཙཀྑུ ན ཨིནྡྲིཡཾ, ན ཨིནྡྲིཡཱ ན དོམནསྶཾ.

ན ཙཀྑུ ན ཨིནྡྲིཡཾ, ན ཨིནྡྲིཡཱ ན ཨུཔེཀྑཱ.

ན ཙཀྑུ ན ཨིནྡྲིཡཾ, ན ཨིནྡྲིཡཱ ན སདྡྷཱ.

ན ཙཀྑུ ན ཨིནྡྲིཡཾ, ན ཨིནྡྲིཡཱ ན ཝཱིརིཡཾ.

ན ཙཀྑུ ན ཨིནྡྲིཡཾ, ན ཨིནྡྲིཡཱ ན སཏི.

ན ཙཀྑུ ན ཨིནྡྲིཡཾ, ན ཨིནྡྲིཡཱ ན སམཱདྷི.

ན ཙཀྑུ ན ཨིནྡྲིཡཾ, ན ཨིནྡྲིཡཱ ན པཉྙཱ.

ན ཙཀྑུ ན ཨིནྡྲིཡཾ, ན ཨིནྡྲིཡཱ ན ཨནཉྙཱཏཉྙསྶཱམཱིཏི.

ན ཙཀྑུ ན ཨིནྡྲིཡཾ, ན ཨིནྡྲིཡཱ ན ཨཉྙཾ.

ན ཙཀྑུ ན ཨིནྡྲིཡཾ, ན ཨིནྡྲིཡཱ ན ཨཉྙཱཏཱཝཱི.

ན སོཏཾ ན ཨིནྡྲིཡཾ, ན ཨིནྡྲིཡཱ ན ཙཀྑུ…པེ… ན ཨིནྡྲིཡཱ ན ཨཉྙཱཏཱཝཱི.

ན གྷཱནཾ ན ཨིནྡྲིཡཾ, ན ཨིནྡྲིཡཱ ན ཙཀྑུ…པེ… ན ཨིནྡྲིཡཱ ན ཨཉྙཱཏཱཝཱི.

ན ཛིཝ྄ཧཱ ན ཨིནྡྲིཡཾ, ན ཨིནྡྲིཡཱ ན ཙཀྑུ…པེ… ན ཨིནྡྲིཡཱ ན ཨཉྙཱཏཱཝཱི.

ན ཀཱཡོ ན ཨིནྡྲིཡཾ, ན ཨིནྡྲིཡཱ ན ཙཀྑུ…པེ… ན ཨིནྡྲིཡཱ ན ཨཉྙཱཏཱཝཱི.

ན མནོ ན ཨིནྡྲིཡཾ, ན ཨིནྡྲིཡཱ ན ཙཀྑུ…པེ… ན ཨིནྡྲིཡཱ ན ཨཉྙཱཏཱཝཱི.

ན ཨིཏྠཱི ན ཨིནྡྲིཡཾ, ན ཨིནྡྲིཡཱ ན ཙཀྑུ…པེ… ན ཨིནྡྲིཡཱ ན ཨཉྙཱཏཱཝཱི.

ན པུརིསོ ན ཨིནྡྲིཡཾ, ན ཨིནྡྲིཡཱ ན ཙཀྑུ…པེ… ན ཨིནྡྲིཡཱ ན ཨཉྙཱཏཱཝཱི.

ན ཛཱིཝིཏཾ ན ཨིནྡྲིཡཾ, ན ཨིནྡྲིཡཱ ན ཙཀྑུ…པེ… ན ཨིནྡྲིཡཱ ན ཨཉྙཱཏཱཝཱི.

ན སུཁཾ ན ཨིནྡྲིཡཾ, ན ཨིནྡྲིཡཱ ན ཙཀྑུ…པེ… ན ཨིནྡྲིཡཱ ན ཨཉྙཱཏཱཝཱི.

ན ¶ དུཀྑཾ ན ཨིནྡྲིཡཾ, ན ཨིནྡྲིཡཱ ན ཙཀྑུ…པེ… ན ཨིནྡྲིཡཱ ན ཨཉྙཱཏཱཝཱི.

ན སོམནསྶཾ ན ཨིནྡྲིཡཾ, ན ཨིནྡྲིཡཱ ན ཙཀྑུ…པེ… ན ཨིནྡྲིཡཱ ན ཨཉྙཱཏཱཝཱི.

ན ¶ དོམནསྶཾ ན ཨིནྡྲིཡཾ, ན ཨིནྡྲིཡཱ ན ཙཀྑུ…པེ… ན ཨིནྡྲིཡཱ ན ཨཉྙཱཏཱཝཱི.

ན ཨུཔེཀྑཱ ན ཨིནྡྲིཡཾ, ན ཨིནྡྲིཡཱ ན ཙཀྑུ…པེ… ན ཨིནྡྲིཡཱ ན ཨཉྙཱཏཱཝཱི.

ན སདྡྷཱ ན ཨིནྡྲིཡཾ, ན ཨིནྡྲིཡཱ ན ཙཀྑུ…པེ… ན ཨིནྡྲིཡཱ ན ཨཉྙཱཏཱཝཱི.

ན ཝཱིརིཡཾ ན ཨིནྡྲིཡཾ, ན ཨིནྡྲིཡཱ ན ཙཀྑུ…པེ… ན ཨིནྡྲིཡཱ ན ཨཉྙཱཏཱཝཱི.

ན སཏི ན ཨིནྡྲིཡཾ, ན ཨིནྡྲིཡཱ ན ཙཀྑུ…པེ… ན ཨིནྡྲིཡཱ ན ཨཉྙཱཏཱཝཱི.

ན སམཱདྷི ན ཨིནྡྲིཡཾ, ན ཨིནྡྲིཡཱ ན ཙཀྑུ…པེ… ན ཨིནྡྲིཡཱ ན ཨཉྙཱཏཱཝཱི.

ན པཉྙཱ ན ཨིནྡྲིཡཾ, ན ཨིནྡྲིཡཱ ན ཙཀྑུ…པེ… ན ཨིནྡྲིཡཱ ན ཨཉྙཱཏཱཝཱི.

ན ཨནཉྙཱཏཉྙསྶཱམཱིཏི ན ཨིནྡྲིཡཾ, ན ཨིནྡྲིཡཱ ན ཙཀྑུ…པེ… ན ཨིནྡྲིཡཱ ན ཨཉྙཱཏཱཝཱི.

ན ཨཉྙཾ ན ཨིནྡྲིཡཾ, ན ཨིནྡྲིཡཱ ན ཙཀྑུ…པེ… ན ཨིནྡྲིཡཱ ན ཨཉྙཱཏཱཝཱི.

ན ཨཉྙཱཏཱཝཱི ན ཨིནྡྲིཡཾ, ན ཨིནྡྲིཡཱ ན ཙཀྑུ…པེ… ན ཨིནྡྲིཡཱ ན ཨཉྙཾ.

ཨིནྡྲིཡཡམཀམཱཏིཀཱ ནིཊྛིཏཱ.

ཡམཀམཱཏིཀཱ ནིཊྛིཏཱ.

༧. པཊྛཱནམཱཏིཀཱ

ཧེཏུཔཙྩཡོ ¶ ཨཱརམྨཎཔཙྩཡོ ཨདྷིཔཏིཔཙྩཡོ ཨནནྟརཔཙྩཡོ སམནནྟརཔཙྩཡོ སཧཛཱཏཔཙྩཡོ ཨཉྙམཉྙཔཙྩཡོ ནིསྶཡཔཙྩཡོ ཨུཔནིསྶཡཔཙྩཡོ པུརེཛཱཏཔཙྩཡོ པཙྪཱཛཱཏཔཙྩཡོ ཨཱསེཝནཔཙྩཡོ ཀམྨཔཙྩཡོ ཝིཔཱཀཔཙྩཡོ ཨཱཧཱརཔཙྩཡོ ཨིནྡྲིཡཔཙྩཡོ ཛྷཱནཔཙྩཡོ མགྒཔཙྩཡོ སམྤཡུཏྟཔཙྩཡོ ཝིཔྤཡུཏྟཔཙྩཡོ ཨཏྠིཔཙྩཡོ ནཏྠིཔཙྩཡོ ཝིགཏཔཙྩཡོ ཨཝིགཏཔཙྩཡོཏི (པཊྛཱ. ༡.༡.པཙྩཡུདྡེས).

པཊྛཱནམཱཏིཀཱ ནིཊྛིཏཱ.

ནིགམནཾ

སཏྟཔྤཀརཎནཱམཏོ ¶ ¶ , ཨབྷིདྷམྨམདེསཡི;

དེཝཱཏིདེཝོ དེཝཱནཾ, དེཝལོཀམྷི ཏཾ པུརེ.

ཏསྶཱཡཾ མཱཏིཀཱ སབྦཱ, སཀལསྶཱཔི ཨུདྡྷརཱ;

ཙིརཊྛིཏཏྠཾ དྷམྨསྶ, ཏཾ པགྒཎྷནྟུ སཱདྷཝོ.

དྭཱཝཱིསཏི ཏིཀཱ ཙེཝ, ཏཐེཝ ཧེཏུགོཙྪཀཾ;

ཙཱུལ༹ནྟརདུཀཱ སཏྟ, གོཙྪཀཱ ཙ ཏཏོ པརཾ.

མཧནྟརདུཀཱ ཙཱཔི, ཏཏོ ཙུདྡས ནིདྡིསེ;

གོཙྪཀཱནི དུཝེ པིཊྛི-དུཀཱནིཊྛཱརསེདིསཱ.

དྭཱཙཏྟཱལཱིས སུཏྟནྟ-དུཀཱ ཏེཝནྟི པཉྩདྷཱ;

སཏྟཔྤཀརཎིཀཱ བྷིནྣཱ, དྷམྨསངྒཎིམཱཏིཀཱ.

ཨབྷིདྷམྨམཱཏིཀཱཔཱལི༹ ནིཊྛིཏཱ.

ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ

མོཧཝིཙྪེདནཱི

གནྠཱརམྦྷཀཐཱ

༡. ཀཱརུཉྙབྷཱཝིཏཾ ¶ ¶ ཡསྶ, ཉཱཎཙཀྑུ མཧོདཡཾ.

ཨནྡྷབྷཱུཏསྶ ལོཀསྶ, ཛཱཏཾ སཱམཉྙལོཙནཾ.

༢. ཏཾ བུདྡྷཾ སུགཏཾ དྷཱིརཾ, སསདྡྷམྨཾ སསཱཝཀཾ.

ཝནྡིཏྭཱནུསྶརིཏྭཱ ཙ, ཐོམེཏྭཱ ཙ ཝིནཱཡཀཾ.

༣. ཐེརེ ཙ ཐིརསཱིལཱདི-གུཎཱལངྐཱརསོབྷིཏེ.

སཱསནུཛྫོཏཀེ དྷཱིརེ, པུབྦཀེ ཝཾསཔཱལཀེ.

༤. ཝིསུདྡྷིདེཝདེཝོ ¶ ཡཾ, དེཝཱནཾ ཏིདསཱལཡེ.

པཉྙཱཡ དེསཡཱི ཏསྶ, ཨབྷིདྷམྨསྶ མཱཏིཀཱ.

༥. ཡཱ ཏསྶཱ ཝིཔུལཏྠཱཡ, དྷམྨསངྒཎིཨཱདིཧི.

ཨནེཀེཧི པཀཱརེཧི, པཱལི༹ཨཊྛཀཐཱཧི ཙ.

༦. ཨཏྠོ ཝིནིཙྪཡོ ཙེཝ,

ཝིབྷཏྟོ སཱགརཱུཔམོ;

ཨནནྟནཡཝོཀིཎྞོ,

དུཀྑོགཱཧོ ཡཏོ ཏཏོ.

༧. སམཱསེནཱབྷིདྷམྨཏྠཾ, མཱཏིཀཱམུཁཏོཁིལཾ.

ཉཱཏུཀཱམེཧི སུདྡྷེཧི, ཨནྟེཝཱསཱིཧི ཡཱཙིཏོ.

༨. སངྐཌྜྷིཏྭཱན ¶ ནཡཏོ, པཱལི༹ཨཊྛཀཐཱགཏཾ.

ཨཏྠཾ ཝིནིཙྪཡཉྩེཝ, སམཱསེན ནིརཱཀུལཾ.

༩. སཱམཏྠིཡགཏཾ ཨཏྠཾ, ནིཀཱཡནྟརནིསྶཊཾ.

མཧཱཝིཧཱརཝཱསཱིནཾ, ཀམཱབྷཏནཡཱནུགཾ.

༡༠. དཱིཔཡནྟོ ནཡཉྙཱུནཾ, སདཱ སམྨོདཀཱརིནིཾ.

མོཧཝིཙྪེདནིཾ ནཱམ, ཀརིསྶཱམཏྠཝཎྞནནྟི.

གནྠཱརམྦྷཀཐཱ ནིཊྛིཏཱ.

༡. དྷམྨསངྒཎཱིམཱཏིཀཱ

ཏིཀཔདཏྠཝཎྞནཱ

ཏཏྠ ¶ ¶ ཨབྷིདྷམྨསྶ མཱཏིཀཱཏི ཨེཏྠ ཀེནཊྛེན ཨབྷིདྷམྨོ? དྷམྨཱཏིརེཀདྷམྨཝིསེསཊྛེན. ཨཏིརེཀཝིསེསཏྠདཱིཔཀོ ཧི ཨེཏྠ ཨབྷི-སདྡོ ‘‘བཱལ༹ྷཱ མེ དུཀྑཱ ཝེདནཱ ཨབྷིཀྐམནྟི, ནོ པཊིཀྐམནྟི (སཾ. ནི. ༤.༨༧; ༥.༡༩༥, ༡༠༢༢; མ. ནི. ༣.༣༨༤, ༣༨༩), ཨབྷིཀྐནྟཝཎྞཱ’’ཏིཨཱདཱིསུ (སཾ. ནི. ༡.༡; ཁུ. པཱ. ༥.༡; སུ. ནི. མངྒལསུཏྟ; ཝི. ཝ. ༨༥༧) ཝིཡ, ཏསྨཱ ཡཐཱ སམུསྶིཏེསུ བཧཱུསུ ཚཏྟེསུ ཙེཝ དྷཛེསུ ཙ ཡཾ ཨཏིརེཀཔྤམཱཎཾ, ཝིསེསཝཎྞསཎྛཱནཉྩ ཚཏྟཾ, ཏཾ ཨཏིཙྪཏྟཾ, ཡོ ཨཏིརེཀཔྤམཱཎོ, ཝིསེསཝཎྞསཎྛཱནོ ཙ དྷཛོ, སོ ཨཏིདྡྷཛོཏི ཙ ཝུཙྩཏི, ཨེཝམེཝ ཨཡམྤི དྷམྨོ དྷམྨཱཏིརེཀདྷམྨཝིསེསཊྛེན ‘‘ཨབྷིདྷམྨོ’’ཏི ཝུཙྩཏི. བྷགཝཏཱ ཧི སུཏྟནྟཾ པཏྭཱ ཁནྡྷཱཡཏནདྷཱཏུསཙྩཨིནྡྲིཡཔཙྩཡཱཀཱརཱདཡོ དྷམྨཱ ཨེཀདེསེན ཝིབྷཏྟཱ, ན ནིཔྤདེསེན, ཨབྷིདྷམྨཾ པཏྭཱ པན ཨནེཀེཧི ནཡཝིསེསེཧི ནིཔྤདེསཏོཝ ཝིབྷཏྟཱ. ཨེཝཾ དྷམྨཱཏིརེཀདྷམྨཝིསེསཊྛེན ‘‘ཨབྷིདྷམྨོ’’ཏི ཝེདིཏབྦོ.

ཀེནཊྛེན མཱཏིཀཱ? མཱཏུསམཊྛེན. མཱཏཱ ཝིཡཱཏི ཧི མཱཏིཀཱ ཡཐཱ པདུམིཀཾ མུཁནྟི. ཡཐཱ ཧི མཱཏཱ ནཱནཱཝིདྷེ པུཏྟེ པསཝཏི, ཏེ པཱལེཏི, པོསེཏི ཙ, ཨེཝམཡམྤི ནཱནཱཝིདྷེ དྷམྨེ, ཨཏྠེ ཙ པསཝཏི, ཏེ ཙ ཨཝིནསྶམཱནེ པཱལེཏི, པོསེཏི ཙ, ཏསྨཱ ‘‘མཱཏིཀཱ’’ཏི ཝུཙྩཏི. མཱཏིཀཾ ཧི ནིསྶཱཡ དྷམྨསངྒཎཱིཨཱདིསཏྟཔྤཀརཎཝསེན ཝིཏྠཱརིཡམཱནཱ ཨནནྟཱཔརིམཱཎཱ དྷམྨཱ, ཨཏྠཱ ཙ ཏཱཡ པསུཏཱ, པཱལིཏཱ, པོསིཏཱ ཝིཡ ཙ ཧོནྟི. ཏཐཱ ཧི དྷམྨསངྒཎིཔྤཀརཎེ ཙཏསྶོ ཝིབྷཏྟིཡོ ཙིཏྟཝིབྷཏྟི རཱུཔཝིབྷཏྟི ནིཀྑེཔརཱསི ཨཏྠུདྡྷཱརོཏི ¶ . ཏཏྠ ནཱནཱནཡེཧི ཨེཀཱུནནཝུཏིཙིཏྟཝིབྷཱཝིནཱི ¶ ཙིཏྟཝིབྷཏྟི ཝིཏྠཱརིཡམཱནཱ ཨནནྟཱཔརིམཱཎབྷཱཎཝཱརཱ ཧོཏི, ཏདནནྟརཾ ཨེཀཝིདྷཱདིནཱ རཱུཔཝིབྷཱཝིནཱི རཱུཔཝིབྷཏྟི ཝིཏྠཱརིཡམཱནཱ ཨནནྟཱཔརིམཱཎབྷཱཎཝཱརཱ ཧོཏི, ཏདནནྟརཾ མཱུལཁནྡྷདྭཱརཱདཱིནི ནིཀྑིཔིཏྭཱ དེསིཏོ ནིཀྑེཔརཱསི ཝིཏྠཱརིཡམཱནོ ཨནནྟཱཔརིམཱཎབྷཱཎཝཱརོ ཧོཏི, ཏདནནྟརཾ ཏེཔིཊཀསྶ བུདྡྷཝཙནསྶ ཨཊྛཀཐཱབྷཱུཏོ ཨཏྠུདྡྷཱརོ ཝིཏྠཱརིཡམཱནོ ཨནནྟཱཔརིམཱཎབྷཱཎཝཱརོ ཧོཏི. ཨེཝམིདཾ དྷམྨསངྒཎིཔྤཀརཎཾ ཝཱཙནཱམགྒཏོ ཨཏིརེཀཏེརསམཏྟབྷཱཎཝཱརམྤི སམཱནཾ ཝིཏྠཱརིཡམཱནཾ ཨནནྟཱཔརིམཱཎབྷཱཎཝཱརཾ ཧོཏི.

ཏཐཱ ཝིབྷངྒཔྤཀརཎེ ཁནྡྷཝིབྷངྒོ ཨཱཡཏནདྷཱཏུསཙྩཨིནྡྲིཡཔཙྩཡཱཀཱརསཏིཔཊྛཱནསམྨཔྤདྷཱནཨིདྡྷིཔཱདབོཛ྄ཛྷངྒམགྒངྒཛྷཱནཨཔྤམཉྙཱསིཀྑཱཔདཔཊིསམྦྷིདཱཉཱཎཁུདྡཀཝཏྠུདྷམྨཧདཡཝིབྷངྒཱཏི ཨཊྛཱརས ཝིབྷངྒཱ ཝིབྷཏྟཱ, ཏེ སུཏྟནྟབྷཱཛནཱིཡཨབྷིདྷམྨབྷཱཛནཱིཡཱདིནཱནཱནཡེཧི ཝིཏྠཱརིཡམཱནཱ པཙྩེཀཾ ཨནནྟཱཔརིམཱཎབྷཱཎཝཱརཱ ཧོནྟི. ཨེཝམིདཾ ཝིབྷངྒཔྤཀརཎཾ ཝཱཙནཱམགྒཏོ པཉྩཏིཾསམཏྟབྷཱཎཝཱརམྤི སམཱནཾ ཝིཏྠཱརིཡམཱནཾ ཨནནྟཱཔརིམཱཎབྷཱཎཝཱརཾ ཧོཏི.

ཏཐཱ དྷཱཏུཀཐཱཔཀརཎཾ ‘‘སངྒཧོ ཨསངྒཧོ’’ཏིཨཱདིནཱ ཙུདྡསཝིདྷེན ཝིབྷཏྟཾ ཝཱཙནཱམགྒཏོ ཨཏིརེཀཚབྷཱཎཝཱརམཏྟམྤི སམཱནཾ ཝིཏྠཱརིཡམཱནཾ ཨནནྟཱཔརིམཱཎབྷཱཎཝཱརཾ ཧོཏི.

ཏཐཱ པུགྒལཔཉྙཏྟིཔྤཀརཎཾ ཁནྡྷཔཉྙཏྟི ཨཱཡཏནདྷཱཏུསཙྩཨིནྡྲིཡཔུགྒལཔཉྙཏྟཱིཏི ཚབྦིདྷེན ཝིབྷཏྟཾ ཝཱཙནཱམགྒཏོ ཨཏིརེཀཔཉྩབྷཱཎཝཱརམཏྟམྤི ཝིཏྠཱརིཡམཱནཾ ཨནནྟཱཔརིམཱཎབྷཱཎཝཱརཾ ཧོཏི.

ཏཐཱ ¶ ཀཐཱཝཏྠུཔྤཀརཎཾ སཀཝཱདེ པཉྩ སུཏྟསཏཱནི, པརཝཱདེ པཉྩ སུཏྟསཏཱནཱིཏི སུཏྟསཧསྶཾ སམོདྷཱནེཏྭཱ ཝིབྷཏྟཾ ཝཱཙནཱམགྒཏོ སངྒཱིཏིཨཱརོཔིཏནཡེན དཱིགྷནིཀཱཡཔྤམཱཎམྤི ཝིཏྠཱརིཡམཱནཾ ཨནནྟཱཔརིམཱཎབྷཱཎཝཱརཾ ཧོཏི.

ཏཐཱ ཡམཀཔྤཀརཎཾ མཱུལཡམཀཾ ཁནྡྷཱཡཏནདྷཱཏུསཙྩསངྑཱརཨནུསཡཙིཏྟདྷམྨཨིནྡྲིཡཡམཀནྟི དསཝིདྷེན ཝིབྷཏྟཾ ཝཱཙནཱམགྒཏོ ཝཱིསབྷཱཎཝཱརསཏམྤི ཝིཏྠཱརིཡམཱནཾ ཨནནྟཱཔརིམཱཎབྷཱཎཝཱརཾ ཧོཏི.

པཊྛཱནཔྤཀརཎཾ ¶ ཧེཏུཔཙྩཡཨཱརམྨཎཔཙྩཡཱདིཙཏུཝཱིསཏིཔཙྩཡེ གཧེཏྭཱ ཏིཀཔཊྛཱནཱདིཙཏུཝཱིསཏིཝིདྷེན ཝིབྷཏྟཾ པཙྩེཀཾ ཀཏིཔཡབྷཱཎཝཱརམྤི ཝིཏྠཱརིཡམཱནཾ ཨནནྟཱཔརིམཱཎབྷཱཎཝཱརཾ ཧོཏི. ཨེཝཾ ཨནནྟཱཔརིམཱཎཱནཾ དྷམྨཱནཾ, ཨཏྠཱནཉྩ པསཝནཏོ, པཱལནཏོ, པོསནཏོ ཙ ‘‘མཱཏཱ ཝིཡཱཏི མཱཏིཀཱ’’ཏི ཝུཙྩཏི. པཱལནཔོསནཉྩེཏྠ སམྨུཊྛཱནཾ, ཝིརདྡྷཱནཉྩ པཱལི༹ཨཏྠཱནཾ མཱཏིཀཱནུསཱརེན སལླཀྑེཏྭཱ སམཱནཡནཏོ, རཀྑཎཏོ ཙ ཝེདིཏབྦཾ. སཱ པནཱཡཾ པརིཙྪེདཏོ དྷམྨསངྒཎཱིམཱཏིཀཱ ཝིབྷངྒམཱཏིཀཱ དྷཱཏུཀཐཱམཱཏིཀཱ པུགྒལཔཉྙཏྟིམཱཏིཀཱ ཀཐཱཝཏྠུམཱཏིཀཱ ཡམཀམཱཏིཀཱ པཊྛཱནམཱཏིཀཱཏི སཏྟནྣཾ པཀརཎཱནཾ ཨཱདིམྷི ཋཔིཏཱ སཏྟཝིདྷཱ ཧོཏི.

ཏཏྠ དྷམྨསངྒཎཱིམཱཏིཀཱ ཨཱདི, སཱཔི ཏིཀམཱཏིཀཱ དུཀམཱཏིཀཱཏི དུཝིདྷཱ. ཏཏྠ དྭཱཝཱིསཏི ཏིཀཱ ཏིཀམཱཏིཀཱ ནཱམ. དྭེཙཏྟཱལཱིསསཏདུཀཱ དུཀམཱཏིཀཱ ནཱམ, སཱ པུན ཨཱཧཙྩབྷཱསིཏཱ སཱཝཀབྷཱསིཏཱཏི དུཝིདྷཱ. ཏཏྠ དྭཱཝཱིསཏི ཏིཀཱ ཙེཝ, ‘‘ཧེཏཱུ དྷམྨཱ ན ཧེཏཱུ དྷམྨཱ…པེ… སརཎཱ དྷམྨཱ ཨརཎཱ དྷམྨཱ’’ཏི ཨིམེ ཙ སཏཾ ¶ དུཀཱཏི ཨཡཾ ཨཱཧཙྩབྷཱསིཏཱ སམྨཱསམྦུདྡྷདེསིཏཱ སཏྟནྣཾ པཀརཎཱནཾ མཱཏིཀཱ ནཱམ, ཏདནནྟརཱ ‘‘ཝིཛྫཱབྷཱགིནོ དྷམྨཱ ཨཝིཛྫཱབྷཱགིནོ དྷམྨཱ…པེ… ཁཡེཉཱཎཾ ཨནུཔྤཱདེཉཱཎ’’ནྟི ཨིམེ དྭཱཙཏྟཱལཱིས སུཏྟནྟིཀདུཀཱ དྷམྨསེནཱཔཏིསཱརིཔུཏྟཏྠེརེན ཋཔིཏཏྟཱ སཱཝཀབྷཱསིཏཱ ནཱམ. ཨིམེ ཋཔེནྟོ པན ཐེརོ ན སཱམུཀྐཾསིཀེན ཨཏྟནོ ཉཱཎེན ཋཔེསི, ཨེཀུཏྟརིཡཾ པན ཨེཀཀནིཔཱཏདུཀནིཔཱཏསངྒཱིཏིསུཏྟདསུཏྟརསུཏྟེཧི སམོདྷཱནེཏྭཱ ཨཱབྷིདྷམྨིཀཏྠེརཱནཾ སུཏྟནྟཾ པཏྭཱ ཨཀིལམནཏྠཾ ཋཔེསི.

སཱ པུན སཔྤདེསནིཔྤདེསཝསེན དྭེ ཀོཊྛཱསཱ ཧོནྟི. ཨེཏྠ ཧི ནཝ ཏིཀཱ, ཨེཀསཏྟཏི ཙ དུཀཱ སཔྤདེསཱནཾ སཱཝསེསཱནཾ ནཱམརཱུཔཱནཾ པརིགྒཧིཏཏྟཱ སཔྤདེསཱ ནཱམ, ཨཝསེསཱ ཏེརས ཏིཀཱ, ཨེཀསཏྟཏི ཙ དུཀཱ ནིཔྤདེསཱནཾ ནིརཝསེསཱནཾ ནཱམརཱུཔཱནཾ གཧིཏཏྟཱ ནིཔྤདེསཱ ནཱམ. ཏེསཾ ཝིབྷཱགོ ཏཏྠ ཏཏྠེཝ ཨཱཝི བྷཝིསྶཏི. ཏཐཱ ནཱམལཱབྷཝསེན དྭིདྷཱ. སབྦེཝ ཧི ཨེཏེ ཏིཀདུཀཱ ཨཱདིཔདཝསེན, སབྦཔདཝསེན ཙཱཏི དྭིདྷཱ ནཱམཾ ལབྷནྟི. ཏཏྠ ‘‘ཀུསལཱ དྷམྨཱ, ཨཀུསལཱ དྷམྨཱ, ཨབྱཱཀཏཱ དྷམྨཱ’’ཏི ཨཡཾ ཏཱཝ ཨཱདིཔདཝསེན ལདྡྷནཱམོ ཀུསལཏྟིཀོ ནཱམ. ‘‘སུཁཱཡ ཝེདནཱཡ སམྤཡུཏྟཱ དྷམྨཱ…པེ… དྷམྨཱ’’ཏི ཨཡཾ སབྦཔདཝསེན ལདྡྷནཱམོ ཝེདནཱཏྟིཀོ ནཱམ. ཨེཝཾ སབྦེསམྤི ཏིཀདུཀཱནཾ ནཱམཾ ཝེདིཏབྦཾ.

སཱ པནེསཱ པཉྩདསཧི པརིཙྪེདེཧི ཝཝཏྠིཏཱ. ཏིཀཱནཾ ཧི ཨེཀོ པརིཙྪེདོ, དུཀཱནཾ ཙུདྡས ¶ . ‘‘ཧེཏཱུ དྷམྨཱ ནཧེཏཱུ དྷམྨཱ’’ཏིཨཱདཡོ ཧི ཚ དུཀཱ གནྠཏོ ཙ ཨཏྠཏོ ཙ ཨཉྙམཉྙསམྦནྡྷེན ཀཎྞིཀཱ ཝིཡ, གྷཊཱ ཝིཡ ཙ ཧུཏྭཱ ཋིཏཏྟཱ ‘‘ཧེཏུགོཙྪཀོ’’ཏི ཝུཙྩཏི. ཏཏོ ཨཔརེ ‘‘སཔྤཙྩཡཱ དྷམྨཱ’’ཏིཨཱདཡོ སཏྟ དུཀཱ ཨཉྙམཉྙཾ ཨསམྦནྡྷཱ ¶ ཀེཝལཾ དུཀསཱམཉྙེན ཨུཙྩིནིཏྭཱ གོཙྪཀནྟརེ ཋཔིཏཏྟཱ, ཨཉྙེཧི ཙ ཨནྟརདུཀེཧི ཙཱུལ༹ཀཏྟཱ ‘‘ཙཱུལ༹ནྟརདུཀཱ’’ཏི ཝེདིཏབྦཱ. ཏཏོ པརཾ ཨཱསཝདུཀཱདཱིནཾ ཚནྣཾ དུཀཱནཾ ཝསེན ཨཱསཝགོཙྪཀོ ནཱམ. ཏཏོ སཾཡོཛནདུཀཱདཱིནཾ ཚནྣཾ ཝསེན སཾཡོཛནགོཙྪཀོ ནཱམ. ཏཐཱ གནྠཨོགྷཡོགནཱིཝརཎདུཀཱདཱིནཾ ཚནྣཾ ཚནྣཾ ཝསེན གནྠཨོགྷཡོགནཱིཝརཎགོཙྪཀཱ ནཱམ. པརཱམཱསདུཀཱདཱིནཾ པཉྩནྣཾ ཝསེན པརཱམཱསགོཙྪཀོ ནཱམ. ཏཏོ པརཾ སཱརམྨཎདུཀཱདཡོ ཙཏུདྡས དུཀཱ མཧནྟརདུཀཱ ནཱམ. ཏཏོ པརཾ ཨུཔཱདཱནདུཀཱདཡོ ཚ དུཀཱ ཨུཔཱདཱནགོཙྪཀོ ནཱམ. ཏཏོ ཀིལེསདུཀཱདཡོ ཨཊྛདུཀཱ ཀིལེསགོཙྪཀོ ནཱམ. ཏཏོ པརཾ དསྶནེནཔཧཱཏབྦདུཀཱདཡོ ཨཊྛཱརས དུཀཱ ཨབྷིདྷམྨམཱཏིཀཱཡ པརིཡོསཱནེ ཋཔིཏཏྟཱ པིཊྛིདུཀཱ ནཱམ. ཝིཛྫཱབྷཱགིཡདུཀཱདཡོ པན དྭཱཙཏྟཱལཱིས དུཀཱ སུཏྟནྟིཀདུཀཱ ནཱམ. ཨེཝམེཏིསྶཱ པཉྩདསཧི པརིཙྪེདེཧི ཝཝཏྠིཏཱཡ ཏཱཝ ཨཡཾ ཨཏྠཝཎྞནཱ བྷཝིསྶཏི.

ཀུསལཏྟིཀཝཎྞནཱ

ཡསྨཱ པནེཏྠ ཏིཀམཱཏིཀཱ ཨཱདི, ཏཏྠཱཔི ཀུསལཏྟིཀོ ཨཱདི, ཏསྨཱ ཀུསལཏྟིཀསྶ ཏཱཝ –

ཨཏྠཏོ བྷཱུམིབྷེདཱ ཙ, པཙྩེཀཾ སམྤཡོགཏོ;

ཨུདྡེསཏོ ཙ དྷམྨཱནཾ, ལཀྑཎཱདིཝིབྷཱགཏོ.

སངྒཧཱ སུཉྙཏོ ཙེཝ, ཝིསཡཱདིཔྤབྷེདཏོ;

ཡཐཱནུརཱུཔཾ སབྦཏྠ, ཝེདིཏབྦོ ཝིནིཙྪཡོ.

ཏཏྠ ཨཏྠཏོ ཏཱཝ ཀུསལཱ དྷམྨཱཏི ཨེཏྠ ཀུསལསདྡོ ཨཱརོགྱཱནཝཛྫཚེཀསུཁཝིཔཱཀེསུ དིསྶཏི. ཨཡཾ ཧི ¶ ‘‘ཀཙྩི ནུ བྷོཏོ ཀུསལཾ, ཀཙྩི བྷོཏོ ཨནཱམཡ’’ནྟིཨཱདཱིསུ (ཛཱ. ༡.༡༥.༢༤༦; ༢.༢༠.༡༢༩) ཨཱརོགྱེ དིསྶཏི. ‘‘ཀཏམོ པན, བྷནྟེ, ཀཱཡསམཱཙཱརོ ཀུསལོ ¶ ? ཡོ ཁོ, མཧཱརཱཛ, ཀཱཡསམཱཙཱརོ ཨནཝཛྫོ’’ཏིཨཱདཱིསུ (མ. ནི. ༢.༣༦༡) ཨནཝཛྫེ. ‘‘ཀུསལོ ཏྭཾ རཐསྶ ཨངྒཔཙྩངྒཱན’’ནྟིཨཱདཱིསུ (མ. ནི. ༢.༨༧) ཚེཀེ. ‘‘ཀུསལསྶ ཀམྨསྶ ཀཏཏྟཱ ཨུཔཙིཏཏྟཱ’’ཏིཨཱདཱིསུ (དྷ. ས. ༤༣༡) སུཁཝིཔཱཀེ. སྭཱཡམིདྷ ཨཱརོགྱེཔི ཨནཝཛྫེཔི སུཁཝིཔཱཀེཔི ཝཏྟཏི. ཡཐེཝ ཧི རཱུཔཀཱཡེ ནིབྱཱདྷིཏཱཡ ཨཱརོགྱཊྛེན ཀུསལཾ ཝུཏྟཾ, ཨེཝཾ ཨརཱུཔདྷམྨེཔི ཀིལེསབྱཱདྷིནོ ཨབྷཱཝེན ཨཱརོགྱཊྛེན ཀུསལཾ ཝེདིཏབྦཾ. ཀིལེསཝཛྫསྶ པན ཨབྷཱཝཱ ཨནཝཛྫཊྛེན ཀུསལཾ.

དྷམྨ-སདྡོ པནཱཡཾ པརིཡཏྟིཧེཏུགུཎནིསྶཏྟནིཛྫཱིཝཏཱདཱིསུ དིསྶཏི. ཨཡཾ ཧི ‘‘དྷམྨཾ པརིཡཱཔུཎཱཏི སུཏྟཾ གེཡྻ’’ནྟིཨཱདཱིསུ (ཨ. ནི. ༤.༡༠༢) པརིཡཏྟིཡཾ དིསྶཏི. ‘‘ཧེཏུམྷི ཉཱཎཾ དྷམྨཔཊིསམྦྷིདཱ’’ཏིཨཱདཱིསུ (ཝིབྷ. ༧༢༠) ཧེཏུམྷི. ‘‘ན ཧི དྷམྨོ ཨདྷམྨོ ཙ, ཨུབྷོ སམཝིཔཱཀིནོ’’ཏིཨཱདཱིསུ (ཐེརགཱ. ༣༠༤) གུཎེ. ‘‘དྷམྨེསུ དྷམྨཱནུཔསྶཱི ཝིཧརཏཱི’’ཏིཨཱདཱིསུ (དཱི. ནི. ༢.༣༧༣) ནིསྶཏྟནིཛྫཱིཝཏཱཡཾ, སྭཱཡམིདྷཱཔི ནིསྶཏྟནིཛྫཱིཝཏཱཡམེཝ ཝཊྚཏི.

ཝཙནཏྠོ པནེཏྠ – ཀུཙྪིཏེ པཱཔདྷམྨེ སལཡནྟི ཙལཡནྟི ཀམྤེནྟི ཝིདྡྷཾསེནྟཱིཏི ཀུསལཱ. ཀུཙྪིཏེན ཝཱ ཨཱཀཱརེན སཡནྟཱིཏི ཀུསཱ, ཏེ ཀུསེ ལུནནྟི ཚིནྡནྟཱིཏི ཀུསལཱ. ཀུཙྪིཏཱནཾ ཝཱ སཱནཏོ ཏནུཀརཎཏོ ཉཱཎཾ ཀུསཾ ནཱམ, ཏེན ཀུསེན ལཱཏབྦཱ པརིཝཏྟེཏབྦཱཏི ཀུསལཱ. ཨཐ ཝཱ ཀོསལླཾ ཝུཙྩཏི པཉྙཱ, ཏཏོ ཀོསལླཏོ སམྦྷཱུཏཏྟཱ ཀུསལཱ. ཨིདཾ པན ཨནནྟརེ ཝུཏྟཉྩཱཏི ནིབྦཙནདྭཡཾ ཀིཉྩཱཔི ནིཔྤརིཡཱཡཏོ ཉཱཎསམྤཡུཏྟཱནམེཝ ¶ ཡུཛྫཏི, རུལ༹ྷཱིཝསེན པན ཏཾསདིསཏཱཡ ཉཱཎཝིཔྤཡུཏྟཱནམྤཱིཏི གཧེཏབྦཾ. ཡཐཱ ཝཱ ཀུསཱ ཨུབྷཡབྷཱགགཏཾ ཧཏྠཔྤདེསཾ ལུནནྟི, ཨེཝམིམེཔི ཨུཔྤནྣཱནུཔྤནྣབྷཱཝེན ཨུབྷཡབྷཱགགཏཾ སཾཀིལེསཔཀྑཾ ལུནནྟི, ཏསྨཱ ཀུསཱ ཝིཡ ལུནནྟཱིཏི ཀུསལཱ. ཨཏྟནོ པན སབྷཱཝཾ དྷཱརེནྟཱིཏི དྷམྨཱ, དྷཱརཱིཡནྟི ཝཱ པཙྩཡེཧི, དྷཱརཱིཡནྟི ཝཱ ཡཐཱསབྷཱཝཏོ ཨཱདྷཱརཱིཡནྟཱིཏིཔི དྷམྨཱ. ན ཀུསལཱ ཨཀུསལཱ, མིཏྟཔཊིཔཀྑཱ ཨམིཏྟཱ ཝིཡ ཀུསལཔཊིཔཀྑཱཏི ཨཏྠོ. ན བྱཱཀཏཱཏི ཨབྱཱཀཏཱ, ཀུསལཱཀུསལབྷཱཝེན ཨཀཐིཏཱཏི ཨཏྠོ. ཏེསུ ཨནཝཛྫསུཁཝིཔཱཀལཀྑཎཱ ཀུསལཱ, སཱཝཛྫདུཀྑཝིཔཱཀལཀྑཎཱ ཨཀུསལཱ, ཨཝིཔཱཀལཀྑཎཱ ཨབྱཱཀཏཱ.

ཀིཾ པནེཏཱནི ཀུསལཱཏི ཝཱ དྷམྨཱཏི ཝཱཏིཨཱདཱིནི ཨེཀཏྠཱནི, ཨུདཱཧུ ནཱནཏྠཱནཱིཏི? ཀིཉྩེཏྠ ¶ ཡདི ཏཱཝ ཨེཀཏྠཱནི, ‘‘ཀུསལཱ དྷམྨཱ’’ཏི ཨིདཾ ‘‘ཀུསལཱ ཀུསལཱ’’ཏི ཝུཏྟསདིསཾ ཧོཏི. ཨཐ ནཱནཏྠཱནི, ཏིཀདུཀཱནཾ ཚཀྐཙཏུཀྐབྷཱཝོ ཨཱཔཛྫཏི, པདཱནཉྩ ཨསམྦནྡྷོ ‘‘ཀུསལཱ རཱུཔཾ ཙཀྑུམཱ’’ཏིཨཱདཱིནཾ ཝིཡ. ཨཐཱཔི ཡདི ཨེཏཱནི ཨེཀཏྠཱནི, ཀུསལཱཀུསལཱབྱཱཀཏཔདཱནཾ ཏིཎྞམྤི དྷམྨཱནཾ དྷམྨསབྷཱཝེན ཨེཀཏྟཱ ཀུསལཱདཱིནམྤི ཨེཀཏྟཾ ཨཱཔཛྫཏི. ཨཐ ‘‘ཀུསལཔདཏོ ཨཀུསལཱདིཔདསྶ ཨཉྙཏྟཾ སིཡཱ’’ཏི ཝདཐ, ན ཨེཏཱནི ཨེཀཏྠཱནི. ཏདཱ དྷམྨོ ནཱམ བྷཱཝོ. བྷཱཝཏོ ཙ ཨཉྙོ ཨབྷཱཝོཏི. ཨེཝཾ ཨཉྙོཉྙཱཔེཀྑཱཡ ཨབྷཱཝཏྟམཱཔནྣེཧི དྷམྨེཧི ཨནཉྙེ ཀུསལཱདཡོཔི ཨབྷཱཝཱ ཨེཝ སིཡུནྟི? སབྦམེཏཾ ཨཀཱརཎཾ, ཀསྨཱ? ཡཐཱནུམཏིཝོཧཱརསིདྡྷིཏོ, ན ཧི ‘‘ཀུསལཱ དྷམྨཱ’’ཏིཨཱདཱིནི པདཱནི ཡཐཱ ཀུསལཱ ཀུསལཱཏི, ཨེཝཾ ཨཏྠཝིསེསཱབྷཱཝེན པཎྜིཏེཧི ¶ ཨནུམཏཱནི, ནཱཔི ཀུསལཱ རཱུཔཾ ཙཀྑུམཱ-སདྡཱ ཝིཡ ཨཉྙམཉྙཾ ཨནོལོཀིཏཏྠབྷཱཝེན, ཨཐ ཁོ ཨནཝཛྫཨིཊྛཝིཔཱཀཏྟཱདིསངྑཱཏསྶ ཨཏྠཝིསེསསྶ, སབྷཱཝསཱདྷཱརཎཱདིཨཏྠསཱམཉྙསྶ ཙ ཛོཏཀཏྟེན ཡཐཱཀྐམཾ ཨནུམཏཱནི. ཀུསལ-སདྡོ ཧི དྷམྨ-སདྡསྶ པུརཏོ ཝུཙྩམཱནོ ཀུསལཱཀུསལཱདིསབྦསཱདྷཱརཎསཱམཉྙཏྠདཱིཔཀཾ དྷམྨ-སདྡཾ ཨཀུསལཱདིཏོ ནིཝཏྟེཏྭཱ ཨཏྟནོ ཨཏྟནོ ཨཏྠཝིསེསཝིསིཊྛཏྠདཱིཔཀཾ ཀརོཏི. ཨེཝཾ པཙྩེཀཾ བྷིནྣཝིསཡཱནམྤི ནེསཾ ཝིསེསནཝིསེསིཏབྦབྷཱཝེན པཝཏྟིཡཾ ཨེཀཏྠཏཱཡ པཎྜིཏཱནུམཏཏཱཡ ཡཐཱཝུཏྟདོསཱརོཔནེ ཀཱརཎཾ ཝུཏྟཾ, སབྦམེཏཾ ཨཀཱརཎཾ. ཨེཝཾ ཏཏོ པརེསུཔི སབྦཏྠ ཡཐཱནུརཱུཔཏོ ཉཱཏབྦཾ. ཨཡཾ ཏཱཝ པདཏྠཏོ ཝིནིཙྪཡོ.

ཀུསལཔདཏྠོ

བྷཱུམིབྷེདཱཏི ཏེསུ ཀུསལཱཀུསལཱབྱཱཀཏེསུ དྷམྨེསུ ཀུསལཱ ཏཱཝ དྷམྨཱ བྷཱུམིབྷེདཏོ ཙཏུབྦིདྷཱ ཧོནྟི – ཀཱམཱཝཙརཱ རཱུཔཱཝཙརཱ ཨརཱུཔཱཝཙརཱ ལོཀུཏྟརཱཏི. ཨཡཾ བྷཱུམིབྷེདཏོ ཝིནིཙྪཡོ.

སམྤཡོགཏོཏི ཨེཝཾ བྷཱུམིབྷེདཏོ ཙཏུབྦིདྷཱནམྤི ནེསཾ པཙྩེཀཾ སམྤཡོགཏོ ཝིནིཙྪཡོ ཝེདིཏབྦོ. ཏཏྠ ཀཱམཱཝཙརཱ ཏཱཝ སམྤཡོགཏོ ཨཊྛཝིདྷཱ ཧོནྟི. སེཡྻཐིདཾ? སོམནསྶསཧགཏཾ ཉཱཎསམྤཡུཏྟཾ ཨསངྑཱརཾ, ཏཐཱ སསངྑཱརཾ. ཨུཔེཀྑཱསཧགཏཾ ཉཱཎསམྤཡུཏྟཾ ཨསངྑཱརཾ, ཏཐཱ སསངྑཱརཾ. སོམནསྶསཧགཏཾ ཉཱཎཝིཔྤཡུཏྟཾ ཨསངྑཱརཾ, ཏཐཱ སསངྑཱརཾ. ཨུཔེཀྑཱསཧགཏཾ ཉཱཎཝིཔྤཡུཏྟཾ ཨསངྑཱརཾ, ཏཐཱ སསངྑཱརནྟི. ཏཏྠ ཨིཊྛཱརམྨཎཏཱ, སདྡྷཱབཱཧུལླཏཱ, ཝིསུདྡྷདིཊྛིཏཱ, ཨཱནིསཾསདསྶཱཝིཏཱ ཙ ཨེཀཱདས པཱིཏིསམྦོཛ྄ཛྷངྒཀཱརཎཱནི ཙཱཏི ¶ ཨིམེཧི ཏཱཝ ཀཱརཎེཧི སོམནསྶསཧགཏབྷཱཝོ ཝེདིཏབྦོ. ཉཱཎསམྤཏྟིཾ པན ¶ པཏྠེཏྭཱ ཀཏཀམྨཏོ, བྲཧྨཱདིཨུཔཔཏྟིཏོ, པཉྙཱདསཀཝསེན ཨིནྡྲིཡཔརིཔཱཀཏོ, ཝིཀྑམྦྷནེན ཀིལེསདཱུརིབྷཱཝཏོ ཙ སཏྟཝིདྷདྷམྨཝིཙཡསམྦོཛ྄ཛྷངྒཀཱརཎཏོ ཙ ཉཱཎསམྤཡུཏྟཏཱ ཝེདིཏབྦཱ. ཨཏྟནོ ཝཱ པརེསཾ ཝཱ ཝསེན པཝཏྟོ པུབྦཔཡོགོ སངྑཱརོ ནཱམ.

ཏེན ཨུཔྤནྣཾ སསངྑཱརཾ, ཏདབྷཱཝཱ ཨསངྑཱརཉྩ ཝེདིཏབྦཾ. ཨེཏེསུ ཧི ཡཐཱཝུཏྟསོམནསྶཉཱཎཧེཏུཾ ཨཱགམྨ པཧཊྛོ ‘‘ཨཏྠི དིནྣ’’ནྟི ཨཱདིནཡཔྤཝཏྟཾ སམྨཱདིཊྛིཾ པུརཀྑཏྭཱ ཨསཾསཱིདནྟོ, པརེཧི ཙ ཨནུསྶཱཧིཏོ དཱནཱདཱིནི པུཉྙཱནི ཀརོཏི, ཏདཱསྶ སོམནསྶསཧགཏཾ ཉཱཎསམྤཡུཏྟཾ པཋམཾ ཀུསལཾ ཨུཔྤཛྫཏི. ཡདཱ པན ཝུཏྟནཡེན ཧཊྛཏུཊྛོ སམྨཱདིཊྛིཾ པུརཀྑཏྭཱ ཨམུཏྟཙཱགིཏཱདིཝསེན སཾསཱིདམཱནོ, ཨཏྟནོ པཊིསངྑཱརེན ཝཱ པརེཧི ཝཱ ཨུསྶཱཧིཏོ ཀརོཏི, ཏདཱསྶ ཏདེཝ སསངྑཱརཾ དུཏིཡཾ ཀུསལཾ ཧོཏི. ཡདཱ པན ཉཱཏིཛནཱདིཔཊིཔཏྟིདསྶནེན ཛཱཏཔརིཙཡཱ བཱལདཱརཀཱདཡོ བྷིཀྑུཨཱདིདསྶནེན སོམནསྶཛཱཏཱ སཧསཱ དཱནཝནྡནཱདཱིནི ཀརོནྟི, ཏདཱ ཉཱཎཝིཔྤཡུཏྟཾ ཏཏིཡཾ ཀུསལཾ ཨུཔྤཛྫཏི. ཡདཱ པན ཉཱཏིཨཱདཱིཧི ཨུསྶཱཧིཏཱ ཨེཝཾ པཊིཔཛྫནྟི, ཏདཱ ཏདེཝ ཙཏུཏྠཾ སསངྑཱརཙིཏྟཾ ཧོཏི. ཡདཱ པན སོམནསྶཧེཏུནོ ཨབྷཱཝེན ཝིསུཾ ཙཏཱུསུཔི ཝིཀཔྤེསུ སོམནསྶརཧིཏཱ ཧོནྟི, ཏདཱ སེསཱནི ཙཏྟཱརི ཨུཔེཀྑཱསཧགཏཱནི ཀུསལཱནི ཨུཔྤཛྫནྟི. ཨེཝཾ པཙྩེཀཾ སམྤཡོགཏོ ཝིནིཙྪཡོ ཝེདིཏབྦོ.

ཨུདྡེསཏོ ཙ དྷམྨཱནནྟི ཨེཝཾ སམྤཡོགཏོ ཨཊྛཝིདྷེསུ ཀུསལེསུ པཙྩེཀཾ དྷམྨཱནཾ ཨུདྡེསཏོཔི ཝིནིཙྪཡོ ཝེདིཏབྦོ. ཏཏྠ པཋམཀུསལེ ཏཱཝ པཱལི༹ཡཱ སརཱུཔེན ཨཱགཏཱ ཏིཾས དྷམྨཱ, ཡེཝཱཔནཀཱ ནཝཱཏི ཨེཀཱུནཙཏྟཱལཱིས དྷམྨཱ ¶ ཧོནྟི. སེཡྻཐིདཾ – ཕསྶོ ཝེདནཱ སཉྙཱ ཙེཏནཱ ཙིཏྟཾ ཝིཏཀྐོ ཝིཙཱརོ པཱིཏི ཝཱིརིཡཾ ཙིཏྟེཀགྒཏཱ ཛཱིཝིཏཾ སདྡྷཱ སཏི ཧིརཱི ཨོཏྟཔྤཾ ཨལོབྷོ ཨདོསོ ཨམོཧོ ཀཱཡཔསྶདྡྷི ཙིཏྟཔསྶདྡྷི ཀཱཡལཧུཏཱ ཙིཏྟལཧུཏཱ ཀཱཡམུདུཏཱ ཙིཏྟམུདུཏཱ ཀཱཡཀམྨཉྙཏཱ ཙིཏྟཀམྨཉྙཏཱ ཀཱཡཔཱགུཉྙཏཱ ཙིཏྟཔཱགུཉྙཏཱ ཀཱཡུཛུཀཏཱ ཙིཏྟུཛུཀཏཱཏི ཨིམེ སརཱུཔེན ཨཱགཏཱ ཏིཾསདྷམྨཱ. ཚནྡོ ཨདྷིམོཀྑོ མནསིཀཱརོ ཏཏྲམཛ྄ཛྷཏྟཏཱ ཀརུཎཱ མུདིཏཱ ཀཱཡདུཙྩརིཏཝིརཏི ཝཙཱིདུཙྩརིཏཝིརཏི མིཙྪཱཛཱིཝཝིརཏཱིཏི ཨིམེ ཡེཝཱཔནཀཱ ནཝཱཏི.

པདབྷཱཛནཱིཡེ ¶ པན –

‘‘ཡསྨིཾ སམཡེ ཀཱམཱཝཙརཾ ཀུསལཾ ཙིཏྟཾ ཨུཔྤནྣཾ ཧོཏི…པེ… ཏསྨིཾ སམཡེ ཕསྶོ ཧོཏི, ཝེདནཱ…པེ… སཉྙཱ ཙེཏནཱ ཙིཏྟཾ ཝིཏཀྐོ ཝིཙཱརོ པཱིཏི སུཁཾ ཙིཏྟསྶེཀགྒཏཱ སདྡྷིནྡྲིཡཾ ཝཱིརིཡིནྡྲིཡཾ སཏིནྡྲིཡཾ སམཱདྷིནྡྲིཡཾ པཉྙིནྡྲིཡཾ མནིནྡྲིཡཾ སོམནསྶིནྡྲིཡཾ ཛཱིཝིཏིནྡྲིཡཾ སམྨཱདིཊྛི སམྨཱསངྐཔྤོ སམྨཱཝཱཡཱམོ སམྨཱསཏི སམྨཱསམཱདྷི སདྡྷཱབལཾ ཝཱིརིཡབལཾ སཏིབལཾ སམཱདྷིབལཾ པཉྙཱབལཾ ཧིརིབལཾ ཨོཏྟཔྤབལཾ ཨལོབྷོ ཨདོསོ ཨམོཧོ ཨནབྷིཛ྄ཛྷཱ ཨབྱཱཔཱདོ སམྨཱདིཊྛི ཧིརཱི ཨོཏྟཔྤཾ ཀཱཡཔསྶདྡྷི ཙིཏྟཔསྶདྡྷི ཀཱཡལཧུཏཱ ཙིཏྟལཧུཏཱ ཀཱཡམུདུཏཱ ཙིཏྟམུདུཏཱ ཀཱཡཀམྨཉྙཏཱ ཙིཏྟཀམྨཉྙཏཱ ཀཱཡཔཱགུཉྙཏཱ ཙིཏྟཔཱགུཉྙཏཱ ཀཱཡུཛུཀཏཱ ཙིཏྟུཛུཀཏཱ སཏི སམྤཛཉྙཾ སམཐོ ཝིཔསྶནཱ པགྒཱཧོ ཨཝིཀྑེཔོ ཧོཏཱི’’ཏི (དྷ. ས. ༡) –

ཨེཝཾ སརཱུཔཏོ ཨུདྡིཊྛཱ ཚཔཉྙཱས དྷམྨཱ ‘‘ཡེ ཝཱ པན ཏསྨིཾ སམཡེ ཨཉྙེཔི ཨཏྠི པཊིཙྩསམུཔྤནྣཱ ཨརཱུཔིནོ དྷམྨཱ’’ཏི ¶ (དྷ. ས. ༡) ཨེཝཾ ཡེཝཱཔནཀཝསེན སཱམཉྙཏོ ཨུདྡིཊྛཱ, ཨཊྛཀཐཱཡཾ ཙསྶཱ ཏེསུ ཏེསུ སུཏྟཔྤདེསེསུ ཨཱགཏེ གཧེཏྭཱ སརཱུཔཏོ ནིདྡིཊྛཱ ཚནྡཱདཡོ ནཝཱཏི པཉྩསཊྛི དྷམྨཱ ཨཱགཏཱ. ཡསྨཱ པན ཏེསུ སརཱུཔེན ཨཱགཏཱ ཛྷཱནངྒཨིནྡྲིཡམགྒངྒབལམཱུལཱདཱིནཾ ཝསེན ཨེཀསྶེཝ བཧུཀིཙྩཏཱདསྶནཏྠཾ པུནཔྤུནཾ གཧེཏྭཱ པརིཡཱཡེན ཚཔཉྙཱསཝིདྷེན དེསིཏཱཔི ཨགཧིཏགྒཧཎེན ཡཐཱཝུཏྟཱ སམཏིཾསེཝ དྷམྨཱ ཧོནྟི, ཏེ པན སཝིབྷཏྟིཀཱ ཨཝིབྷཏྟིཀཱཏི དུཝིདྷཱ. ཏཏྠ ཕསྶཱདཡོ ཨཊྛཱརས ཨེཀཀཏྟཱ ཨཝིབྷཏྟིཀཱ. ཝེདནཱདཡོ དྭཱདས དྷམྨཱ ཨཊྛཏིཾསཔྤབྷེདེན ཡཐཱཡོགཾ ཝིབྷཏྟཏྟཱ སཝིབྷཏྟིཀཱ, ཡེཝཱཔནཀཱ པན ཨཝིབྷཏྟིཀཱ ཨེཝ. ཏསྨཱ ཏེ སབྦེཔི ནིཔྤརིཡཱཡེན ཨེཀཱུནཙཏྟཱལཱིས དྷམྨཱཝ ཧོནྟི. ཧོནྟི ཙེཏྠ –

ཕསྶཱདིཔཉྩཀཾ པཉྩཛྷཱནངྒཱནིནྡྲིཡཊྛཀཾ;

མགྒངྒཔཉྩཀཾ སཏྟབལཾ མཱུལཏྟིཀམྤི ཙ.

ཀམྨཔཐཏྟིཀཉྩེཝ ¶ , ལོཀཔཱལདུཀཾ ཏཐཱ;

པསྶདྡྷིཨཱདཱི ཚ དུཀཱ, ཏཱིཎི པིཊྛིདུཀཱནིཏི.

སཏྟརསཧི རཱསཱིཧི, ཚཔཉྙཱསེཝ པཱལི༹ཡཾ;

ཝུཏྟཱ སབྷཱཝཏོ ཏིཾས, དྷམྨཱ ཨགཧིཏགྒཧེ.

ཕསྶོ ཛཱིཝིཏསཉྙཱ ཙ, ཙེཏནཱ ཙཱརཔཱིཏིཡོ;

ཚ དུཀཱ ཀཱཡཔསྶདྡྷི-པམུཁཱཊྛཱརསེཀཀཱ.

ཙིཏྟཾ ཝིཏཀྐོ སདྡྷཱ ཙ, ཧིརིཨོཏྟཔྤིཡམྤི ཙ;

ཨལོབྷོ ཙ ཨདོསོ ཙ, སཏྟ དྭིདྷཱ ཝིབྷཱཝིཏཱ.

ཝེདནཱ ཏིཝིདྷཱ ཝཱིརིཡཾ, སཏི ཙ ཙཏུདྷཱ མཏཱ;

ཚདྡྷཱ ཨེཀགྒཏཱ པཉྙཱ, སཏྟདྷཱཝ ཝིབྷཱཝིཏཱ.

ཝིརཏཱི ¶ ཨཔྤམཉྙཱཡོ, མནཀྐཱརོ ཚནྡམཛ྄ཛྷཏྟཱ;

དྷིམོཀྑོ ཡེཝཱཔནཀཱ, ནཝེཏེ པཋམེ མནེ.

པཉྩསཊྛིཝིདྷེནེཝ, པརིཡཱཡེན དེསིཏཱ;

ནཝཱདྷིཀཱ ཙ ཏེཏྟིཾས, དྷམྨཱཝ པརམཏྠཏོཏི.

ཨེཏྠ ཙ སརཱུཔེན ཨཱགཏཱ ཏིཾས དྷམྨཱ, ཡེཝཱཔནཀེསུ ཙཏྟཱརོ ཙཱཏི ཙཏུཏྟིཾས དྷམྨཱ ཨེཀཀྑཎེ ནིཡཏཱ ལབྦྷནྟི, སེསཱ པན ཀརུཎཱདཡོ པཉྩ ཀརུཎཱཔུབྦབྷཱགམུདིཏཱཔུབྦབྷཱགཝསེན, ཀཱཡདུཙྩརིཏཝཙཱིདུཙྩརིཏམིཙྪཱཛཱིཝེཧི ཝིརམཎཝསེན ཙ ཙིཏྟསྶ པཝཏྟིཀཱལེསུ ཨེཝ ཨུཔྤཛྫིཏྭཱ ཨཉྙཐཱནུཔྤཛྫནཏོ ཨནིཡཏཱ. ཏེ ཙ ཡསྨཱ དུཀྑིཏསུཁིཏསཏྟཝསེན, ཀཱཡདུཙྩརིཏཱདིཏྟཡཝསེན ཙ པཙྩེཀཾ བྷིནྣཝིསཡཏྟཱ ཨེཀཏོ ན ཨུཔྤཛྫནྟི, ཏསྨཱ ཀརུཎཱཔུབྦབྷཱགཱདིཝསེན པཝཏྟེསུ པཉྩསུ ཙིཏྟཀྑཎེསུ ནིཡཏཱ ཙཏུཏྟིཾས, ཀརུཎཱདཱིསུ ¶ ཨེཀནྟི པཉྩཏིཾས དྷམྨཱ ཨུཔྤཛྫནྟི, ཀེཝལཾ པན དཱནཱདིཝསེན པཝཏྟིཡཾ ནིཡཏཱ ཙཏུཏྟིཾསེཝ ཨུཔྤཛྫནྟཱིཏི ཝེདིཏབྦཾ. ཨཡཾ དྷམྨུདྡེསཏོ ཝིནིཙྪཡོ.

ལཀྑཎཱདིཝིབྷཱགཏོཏི ཨེཝཾ ཨུདྡིཊྛཱནཾ དྷམྨཱནཾ ལཀྑཎརསཱདིཏོ ཝིནིཙྪཡོ ཝེདིཏབྦོ. ཕུསཏཱིཏི ཕསྶོ. སྭཱཡཾ ཕུསནལཀྑཎོ, སངྒྷཊྚནརསོ, སནྣིཔཱཏཔཙྩུཔཊྛཱནོ, ཨཱཔཱཐགཏཝིསཡཔདཊྛཱནོ. ཨཡཾ ཧི ཨརཱུཔདྷམྨོཔི སམཱནོ ཨཱརམྨཎེ ཕུསནཱཀཱརེན པཝཏྟཏཱིཏི ཕུསནལཀྑཎོ, སཱ ཙསྶ ཕུསནཱཀཱརཔྤཝཏྟི ཨམྦིལཱདིདསྶནེ ཁེལུ༹པྤཱདཱདིནཱ ཉཱཏབྦཱ. ཨེཀདེསེན པན ཨནལླཱིཡམཱནོཔི རཱུཔཾ ཝིཡ ཙཀྑུཾ, སདྡོ ཝིཡ ཙ སོཏཾ ཙིཏྟམཱརམྨཎཉྩ སངྒྷཊྚེཏཱིཏི སངྒྷཊྚནརསོ. ཏིཀསནྣིཔཱཏསངྑཱཏསྶ པན ཨཏྟནོ ཀཱརཎསྶ ཝསེན པཝེདིཏཏྟཱ སནྣིཔཱཏཔཙྩུཔཊྛཱནོ, ཕལཊྛེན པཙྩུཔཊྛཱནེན པནེས ཝེདནཱཔཙྩུཔཊྛཱནོ ནཱམ ཧོཏི. ཏཛྫཱསམནྣཱཧཱརེན ཙེཝ ¶ ཨིནྡྲིཡེན ཙ པརིཀྑཏེ ཝིསཡེ ཨནནྟརཱཡེན ཨུཔྤཛྫནཏོ ཨཱཔཱཐགཏཝིསཡཔདཊྛཱནོཏི ཝུཙྩཏི. ཝེདནཱདྷིཊྛཱནབྷཱཝཏོ པནེས ནིཙྩམྨཱ གཱཝཱི ཝིཡ དཊྛབྦོ. ལཀྑཎཱདཱིསུ ཙ ཏེསཾ ཏེསཾ དྷམྨཱནཾ སབྷཱཝོ ཝཱ སཱམཉྙཾ ཝཱ ལཀྑཎཾ ནཱམ, ཀིཙྩཾ ཝཱ སམྤཏྟི ཝཱ རསོ ནཱམ, ཨུཔཊྛཱནཱཀཱརོ ཝཱ ཕལཾ ཝཱ པཙྩུཔཊྛཱནཾ ནཱམ, ཨཱསནྣཀཱརཎཾ པདཊྛཱནཾ ནཱམ. ཨེཝཾ ཨུཔརིཔི སབྦཏྠ ལཀྑཎཱདཱིནཾ ནཱནཏྟཾ ཝེདིཏབྦཾ.

ཝེདཡཏཱིཏི ཝེདནཱ, སཱ ཝེདཡིཏལཀྑཎཱ, སབྷཱཝབྷེདཏོ པནེསཱ པཉྩཝིདྷཱ ཧོཏི – སུཁཾ དུཀྑཾ སོམནསྶཾ དོམནསྶཾ ཨུཔེཀྑཱཏི. ཏཏྠ ཨིཊྛཕོཊྛབྦཱནུབྷཝནལཀྑཎཾ སུཁཾ, སམྤཡུཏྟཱནཾ ཨུཔབྲཱུཧནརསཾ, ཀཱཡིཀཨསྶཱདཔཙྩུཔཊྛཱནཾ, ཀཱཡིནྡྲིཡཔདཊྛཱནཾ. ཨནིཊྛཕོཊྛབྦཱནུབྷཝནལཀྑཎཾ དུཀྑཾ, སམྤཡུཏྟཱནཾ མིལཱཔནརསཾ, ཀཱཡིཀཱབཱདྷཔཙྩུཔཊྛཱནཾ, ཀཱཡིནྡྲིཡཔདཊྛཱནཾ. ཨིཊྛཱརམྨཎཱནུབྷཝནལཀྑཎཾ སོམནསྶཾ, ཡཐཱ ཏཐཱ ཝཱ ཨིཊྛཱཀཱརསམྦྷོགརསཾ, སམྤཡུཏྟཱནཾ ཨུཔབྲཱུཧནརསཾ ཝཱ, ཙེཏསིཀཨསྶཱདཔཙྩུཔཊྛཱནཾ, ཨིཊྛཱཀཱརདསྶནཔདཊྛཱནཾ. ཨནིཊྛཱརམྨཎཱནུབྷཝནལཀྑཎཾ དོམནསྶཾ, ཡཐཱ ཏཐཱ ཝཱ ཨནིཊྛཱཀཱརསམྦྷོགརསཾ, སམྤཡུཏྟཱནཾ མིལཱཔནརསཾ ཝཱ, ཙེཏསིཀཱབཱདྷཔཙྩུཔཊྛཱནཾ, ཨེཀནྟེན ཧདཡཝཏྠུཔདཊྛཱནཾ. མཛ྄ཛྷཏྟཝེདཡིཏལཀྑཎཱ ཨུཔེཀྑཱ, སམྤཡུཏྟཱནཾ ནཱཏིཨུཔབྲཱུཧནམིལཱཔནརསཱ, སནྟབྷཱཝཔཙྩུཔཊྛཱནཱ, ནིཔྤཱིཏིཀཙིཏྟཔདཊྛཱནཱ. ཨེཏྠ ཙ སུཁཾ, དུཀྑཉྩ ཨེཀནྟམབྱཱཀཏཾ, དོམནསྶམེཀནྟམཀུསལཾ, སོམནསྶུཔེཀྑཱ པན སིཡཱ ཀུསལཱ, སིཡཱ ཨཀུསལཱ, སིཡཱ ཨབྱཱཀཏཱ. ཨིདྷ པན ཀུསལཱ སོམནསྶཝེདནཱ ཨདྷིཔྤེཏཱ.

ནཱིལཱདིབྷེདཾ ¶ ཨཱརམྨཎཾ སཉྫཱནཱཏཱིཏི སཉྙཱ. སཱ སཉྫཱནནལཀྑཎཱ, པཙྩཱབྷིཉྙཱཎརསཱ, པུནསཉྫཱནནཔཙྩཡནིམིཏྟཀརཎརསཱ ཝཱ དཱརུཨཱདཱིསུ ཏཙྪཀཱདཡོ ཝིཡ, ཡཐཱགཧིཏནིམིཏྟཝསེན ¶ ཨབྷིནིཝེསཀརཎཔཙྩུཔཊྛཱནཱ ཧཏྠིདསྶཀཨནྡྷཱ ཝིཡ, ཨཱརམྨཎེ ཨནོགཱལ༹ྷཝུཏྟིཏཱཡ ཨཙིརཊྛཱནཔཙྩུཔཊྛཱནཱ ཝཱ ཝིཛྫུ ཝིཡ, ཡཐཱཨུཔཊྛིཏཝིསཡཔདཊྛཱནཱ ཏིཎཔུརིསེསུ མིགཔོཏཀཱནཾ པུརིསཱཏི ཨུཔྤནྣསཉྙཱ ཝིཡ.

ཙེཏེཏཱིཏི ཙེཏནཱ, སདྡྷིཾ ཨཏྟནཱ སམྤཡུཏྟདྷམྨེ ཨཱརམྨཎེ ཨབྷིསནྡཧཏཱིཏི ཨཏྠོ. སཱ ཙེཏནཱབྷཱཝལཀྑཎཱ, ཨཱཡཱུཧནརསཱ, སཱ ཙ ཀུསལཱཀུསལེསུ ཨེཝ ཧོཏི. ཨིཏརེསུ པན ཏཾསདིསཏཱཡ སཾཝིདཧནཔཙྩུཔཊྛཱནཱ སཀིཙྩཔརཀིཙྩསཱདྷཀཱ ཛེཊྛསིསྶམཧཱཝཌྜྷཀིཨཱདཡོ ཝིཡ. ཨཙྩཱཡིཀཀམྨཱནུསྶརཎཱདཱིསུ པནཱཡཾ སམྤཡུཏྟེསུ ཨུསྶཱཧནབྷཱཝེན པཝཏྟམཱནཱ པཱཀཊཱ ཧོཏི.

ཨཱརམྨཎཾ ཙིནྟེཏཱིཏི ཙིཏྟཾ, ཝིཉྙཱཎཾ. ཝིཏྠཱརཏོ པནསྶ ཝཙནཏྠོ ཙིཏྟདུཀེ ཨཱཝི བྷཝིསྶཏི. ཏདེཏཾ ཝིཛཱནནལཀྑཎཾ ཙིཏྟཾ, པུབྦངྒམརསཾ, ནིརནྟརཔྤཝཏྟིཏོ སནྡྷཱནཔཙྩུཔཊྛཱནཾ, ནཱམརཱུཔཔདཊྛཱནཾ.

ཝིཏཀྐེཏི ཨཱུཧེཏི, ཝིཏཀྐནམཏྟམེཝ ཝཱ སོཏི ཝིཏཀྐོ. སྭཱཡམཱརམྨཎེ ཙིཏྟསྶ ཨབྷིརོཔནལཀྑཎོ, ཨཱཧནནཔརིཡཱཧནནརསོ, ཨཱརམྨཎེ ཙིཏྟསྶ ཨཱནཡནཔཙྩུཔཊྛཱནོ.

ཨཱརམྨཎེ ཏེན ཙིཏྟཾ ཝིཙརཏི, ཝིཙརཎམཏྟམེཝ ཝཱ སོཏི ཝིཙཱརོ. སྭཱཡམཱརམྨཎཱནུམཛྫནལཀྑཎོ, ཏཏྠ སཧཛཱཏཱནུཡོཛནརསོ, ཙིཏྟསྶ ཨནུཔྤབནྡྷནཔཙྩུཔཊྛཱནོ. ཨབྷིནིརོཔནཱནུམཛྫནཝསེན པནེསཾ ཡཐཱཀྐམཾ ཨོལཱ༹རིཀསུཁུམཏཱཡ གྷཎྚཱབྷིགྷཱཏོ ཝིཡ ཙེཏསོ པཋམཱབྷིནིཔཱཏོ ཝིཏཀྐོ, གྷཎྚཱནུརཝོ ཝིཡ ཨནུཔྤབནྡྷོ ཝིཙཱརོ. ཝིཔྥཱརཝཱ ཙེཏྠ ཝིཏཀྐོ ཨཱཀཱསེ ཨུཔྤཏིཏུཀཱམཔཀྑིནོ པཀྑཝིཀྑེཔོ ཝིཡ, སནྟཝུཏྟི ཝིཙཱརོ ཨཱཀཱསེ ¶ ཨུཔྤཏིཏསྶ པཀྑིནོ པཀྑཔསཱརཎཾ ཝིཡ. སོ པན ནེསཾ ཝིསེསོ པཋམདུཏིཡཛ྄ཛྷཱནེསུ པཱཀཊོ ཧོཏི. ཨུབྷོཔི པནེཏེ སམྤཡུཏྟདྷམྨཔདཊྛཱནཱ.

པིཎཡཏཱིཏི པཱིཏི. སཱ སམྤིཡཱཡནལཀྑཎཱ, ཀཱཡཙིཏྟཔཱིཎནརསཱ, ཕརཎརསཱ ཝཱ, ཨོདགྱཔཙྩུཔཊྛཱནཱ, སོམནསྶསཧགཏཙིཏྟཔདཊྛཱནཱ.

ཝཱིརཱནཾ ¶ བྷཱཝོ, ཀམྨཾ ཝཱ ཝཱིརིཡཾ, ཝིཝིདྷེན ཝཱ ཨུཔཱཡེན ཨཱིརཡིཏབྦཾ པཝཏྟཡིཏབྦནྟི ཝཱིརིཡཾ. ཏཉྩ ཨུསྶཱཧལཀྑཎཾ, སཧཛཱཏཱནཾ ཨུཔཏྠམྦྷནརསཾ, ཨསཾསཱིདནབྷཱཝཔཙྩུཔཊྛཱནཾ, ‘‘སཾཝིགྒོ ཡོནིསོ པདཧཏཱི’’ཏི (ཨ. ནི. ༤.༡༡༣) ཝཙནཏོ སཾཝེགཔདཊྛཱནཾ, ཝཱིརིཡཱརམྦྷཝཏྠུཔདཊྛཱནཾ ཝཱ. ཨིདཾ པན ཀུསལཔཀྑེ པདཊྛཱནཾ, ཨཀུསལཱདིཔཀྑེ པན སཱདྷཱརཎཝསེན ཡཐཱ ཏཐཱ ཝཱ དུཀྑཝིནོདནཀཱམཏཱཔདཊྛཱནཾ, སམྤཡུཏྟདྷམྨཔདཊྛཱནཾ ཝཱ. ཏཾ སམཱརདྡྷཾ སབྦཱསཾ སམྤཏྟཱིནཾ མཱུལཾ ཧོཏཱིཏི དཊྛབྦཾ.

ཨེཀོ ཨགྒོ ཝིསཡོ ཨསྶཱཏི ཨེཀགྒཾ, ཙིཏྟཾ, ཏསྶ བྷཱཝོ ཨེཀགྒཏཱ, ཙིཏྟསྶ ཨེཀགྒཏཱ ཙིཏྟེཀགྒཏཱ, སམཱདྷིསྶེཏཾ ནཱམཾ. སཱ ཨཝིསཱརཎལཀྑཎཱ, སཧཛཱཏཱནཾ སམྤིཎྜནརསཱ ནཧཱནཱིཡཙུཎྞཱནཾ ཨུདཀཾ ཝིཡ, ཨུཔསམཔཙྩུཔཊྛཱནཱ, ཉཱཎཔཙྩུཔཊྛཱནཱ ཝཱ, སུཁཔདཊྛཱནཱ, ཨཀུསལཱདིསཱདྷཱརཎཝསེན པནེཏྠཱཔི པཙྩུཔཊྛཱནཔདཊྛཱནཱནི ཝུཏྟནཡེན ཡོཛེཏྭཱ ཉཱཏབྦཱནི. ནིཝཱཏེ དཱིཔཙྩཱིནཾ ཋིཏི ཝིཡ ཙེཏསོ ཋིཏཱིཏི དཊྛབྦཱ.

ཨེཏྠ ཙ ཀིཉྩཱཔི ཨཱརམྨཎཾ བྷིནྡིཏྭཱ ཨནུཔཝིསནྟཱ ཝིཡ ཀུསལཔཀྑེ ཙཏྟཱརོ དྷམྨཱ ཨཱརམྨཎཾ ཨོགཱཧནྟི སདྡྷཱ སཏི ཨེཀགྒཏཱ པཉྙཱཏི, ཏེནེཝ སདྡྷཱ ‘‘ཨོཀཔྤནཱ’’ཏི ཝུཏྟཱ, སཏི ཙ ‘‘ཨཔིལཱཔནཱ’’ཏི, ཨེཀགྒཏཱ ‘‘ཨཝཊྛིཏཱི’’ཏི, པཉྙཱ ¶ ‘‘པརིཡོགཱཧནཱ’’ཏི ཙ ཝུཏྟཱ. ཨཀུསལཔཀྑེ ཙ ཏཡོ ཏཎྷཱ དིཊྛི ཨཝིཛྫཱཏི. ཏེན ཏེ ཨེཝ ‘‘ཨོགྷཱ’’ཏི ཝུཏྟཱ. ཏཐཱཔི ནེསཾ ལཀྑཎཱདིཏོ ནཱནཏྟམྤི སིདྡྷམེཝ. ཨཀུསལཔཀྑེ པན ཨེཀགྒཏཱ ཨུདྡྷཙྩསམཱགཏཏྟཱ ‘‘ཨོགཱཧནཱ’’ཏི ན ཝུཏྟཱ. ཨཀུསལདྷམྨཱ ཧི ཨེཀཝིསཡེ སམྤིཎྜནཀིཙྩེན སམཱདྷིནཱ ཡུཏྟཱཔི ཨུདཀསིཏྟརཛུཊྛཱནཾ ཝིཡ ཏངྑཎཉྙེཝ ཝིཀིརཎསབྷཱཝཱ ཧོནྟི. ཏེནེཝ ཧེཏྠ ཨུཔཙཱརཔྤནཱཔྤཏྟི ན ཧོཏི, ཀུསལདྷམྨཱ པན ཡསྨཱ ཨུདཀཾ ཨཱསིཉྩིཏྭཱ ཨཱསིཉྩིཏྭཱ ཨཱཀོཊནམཛྫནཱདཱིནི ཀཏྭཱ ཨུཔལིཏྟཊྛཱནཾ ཝིཡ སཀལམྤི དིཝསཾ ནིཙྩལཔཝཏྟནསམཏྠཱཏི ཨུཔཙཱརཔྤནཱཔྤཏྟཱཔི ཧོཏི, ཏསྨཱ ཏཏྠ ཨོགཱཧནཱཏི ཝུཏྟཱཏི གཧེཏབྦཾ.

ཛཱིཝནྟི ཏེན, ཛཱིཝནམཏྟཾ ཝཱ ཏནྟི ཛཱིཝིཏཾ, ཏཾ སཧཛཱཏཱནུཔཱལནལཀྑཎཾ, ཏེསཾ པཝཏྟནརསཾ, ཏེསཉྙེཝ ཋཔནཔཙྩུཔཊྛཱནཾ, ཡཱཔཡིཏབྦདྷམྨཔདཊྛཱནཾ. ཨཏྟནོ ཋིཏིཀྑཎེ ཨེཝ ཙེཏཾ ཏེ དྷམྨེ ཨནུཔཱལེཏི ཨུདཀཾ ཝིཡ ཨུཔྤལཱདཱིནི, ན བྷངྒཀྑཎེ. སཡཾ བྷིཛྫམཱནཏྟཱ སཡཾ པཝཏྟིཏདྷམྨསམྦནྡྷེནེཝ པཝཏྟཏི ནིཡཱམཀོ ཝིཡཱཏི དཊྛབྦཾ.

སདྡཧནྟི ¶ ཨེཏཱཡ, སཡཾ ཝཱ སདྡཧཏི, སདྡཧནམཏྟཾ ཝཱ ཨེསཱཏི སདྡྷཱ. སཱ སདྡཧནལཀྑཎཱ, ཨོཀཔྤནལཀྑཎཱ ཝཱ, པསཱདནརསཱ ཨུདཀཔྤསཱདཀམཎི ཝིཡ, པཀྑནྡནརསཱ ཝཱ ཨོགྷུཏྟཱརཀཝཱིརཔུརིསོ ཝིཡ, ཨཀཱལུསིཡཔཙྩུཔཊྛཱནཱ, ཨདྷིམུཏྟིཔཙྩུཔཊྛཱནཱ ཝཱ, སདྡྷེཡྻཝཏྠུཔདཊྛཱནཱ, སདྡྷམྨསཝནཱདིསོཏཱཔཏྟིཡངྒཔདཊྛཱནཱ ཝཱ, ཧཏྠཝིཏྟབཱིཛཱནི ཝིཡ དཊྛབྦཱ.

སརནྟི ཏཱཡ, སཡཾ ཝཱ སརཏི, སརཎམཏྟམེཝ ཝཱ ཨེསཱཏི སཏི. སཱ ཨཔིལཱཔནལཀྑཎཱ, ཨསམྨོསནརསཱ, ཨཱརཀྑཔཙྩུཔཊྛཱནཱ, ཝིསཡཱབྷིམུཁབྷཱཝཔཙྩུཔཊྛཱནཱ ཝཱ, ཐིརསཉྙཱཔདཊྛཱནཱ, ཀཱཡཱདིསཏིཔཊྛཱནཔདཊྛཱནཱ ཝཱ. ཨཱརམྨཎེ ¶ དལ༹ྷཔཏིཊྛིཏཏྟཱ པན ཨེསིཀཱ ཝིཡ, ཙཀྑུདྭཱརཱདིརཀྑཎཏོ དོཝཱརིཀོ ཝིཡ ཙ དཊྛབྦཱ.

ཀཱཡདུཙྩརིཏཱདཱིཧི ཧིརཱིཡཏཱིཏི ཧིརཱི, ལཛྫཱཡེཏཾ ཨདྷིཝཙནཾ. ཏེཧིཡེཝ ཨོཏྟཔྤཏཱིཏི ཨོཏྟཔྤཾ, པཱཔཏོ ཨུབྦེགསྶེཏཾ ཨདྷིཝཙནཾ. ཏཏྠ པཱཔཏོ ཛིགུཙྪནལཀྑཎཱ ཧིརཱི, ཨུཏྟཱསལཀྑཎཾ ཨོཏྟཔྤཾ. ལཛྫནཱཀཱརེན པཱཔཀཱནཾ ཨཀརཎརསཱ ཧིརཱི, ཨུཏྟཱསཱཀཱརེན ཨོཏྟཔྤཾ. ཨསུཙིམཀྑིཏསྶ, ཨགྒིསནྟཏྟསྶ ཙ ཨཡོགུལ༹སྶ གཧེཏུཾ ཨཝིསཧནཾ ཝིཡ ཨེཏེསཾ ཡཐཱཀྐམཾ ཛིགུཙྪནསནྟཱསཱཀཱརེཧི པཱཔཱཀརཎཾ ཝེདིཏབྦཾ. ཝུཏྟཱཀཱརེནེཝ ཙ པཱཔཏོ སཾཀོཙནཔཙྩུཔཊྛཱནཱནི ཨེཏཱནི, ཨཏྟཔརགཱརཝཔདཊྛཱནཱནི ཀུལཝདྷཱུཝེསིཡཱ བྷཱཝོ ཝིཡ, ལོཀཔཱལཀཱནི ཙཱཏི དཊྛབྦཱནི. ཨུབྷིནྣམྤི པནེསཾ སམུཊྛཱནཾ ཨདྷིཔཏི སབྷཱཝོ ལཀྑཎེན ཙཱཏི མཱཏིཀཾ ཋཔེཏྭཱ ཡཐཱཀྐམཾ ཨཛ྄ཛྷཏྟབཧིདྡྷཱསམུཊྛཱནཏཱ, ཨཏྟལོཀཱདྷིཔཏིཏཱ, ལཛྫཱབྷཡསབྷཱཝསཎྛིཏཏཱ, སཔྤཏིསྶཝཝཛྫབྷཡདསྶཱཝིཏཱལཀྑཎཏཱ ཙ ཨཊྛསཱལིནིཡཾ (དྷ. ས. ཨཊྛ. ༡ བལརཱསིཝཎྞནཱ) ཝིཏྠཱརཏོ ཝིབྷཏྟཱ, ཨཏྠིཀེཧི ཏཾ ཏཏྠེཝ གཧེཏབྦཾ.

ན ལུབྦྷཏི ཨེཏེན, སཡཾ ཝཱ ན ལུབྦྷཏི, ཨལུབྦྷནམཏྟམེཝ ཝཱ ཏནྟི ཨལོབྷོ. ཨདོསཱམོཧེསུཔི ཨེསེཝ ནཡོ. ཏེསུ ཨལོབྷོ ཨཱརམྨཎེ ཙིཏྟསྶ ཨགེདྷལཀྑཎོ, ཨལགྒབྷཱཝལཀྑཎོ ཝཱ ཀམལདལེ ཛལབིནྡུ ཝིཡ, ཨཔརིགྒཧརསོ མུཏྟབྷིཀྑུ ཝིཡ, ཨནལླཱིནབྷཱཝཔཙྩུཔཊྛཱནོ ཨསུཙིམྷི པཏིཏཔུརིསོ ཝིཡ.

ཨདོསོ ཨཙཎྜིཀྐལཀྑཎོ, ཨཝིརོདྷལཀྑཎོ ཝཱ ཨནུཀཱུལམིཏྟོ ཝིཡ, ཨཱགྷཱཏཝིནཡནརསོ, པརིལཱ༹ཧཝིནཡནརསོ ཝཱ ཙནྡནཾ ཝིཡ, སོམྨབྷཱཝཔཙྩུཔཊྛཱནོ པུཎྞཙནྡོ ཝིཡ.

ཨམོཧོ ¶ ¶ ཡཐཱསབྷཱཝཔྤཊིཝེདྷལཀྑཎོ, ཨཀྑལིཏཔྤཊིཝེདྷལཀྑཎོ ཝཱ ཀུསལིསྶཱསཀྑིཏྟཨུསུཔྤཊིཝེདྷོ ཝིཡ, ཝིསཡོབྷཱསནརསོ ཨནུདྡྷཊོ པདཱིཔོ ཝིཡ, ཨསམྨོཧཔཙྩུཔཊྛཱནོ ཨརཉྙགཏསུདེསཀོ ཝིཡ. ཏཡོཔི ཙེཏེ སབྦཀུསལཱནཾ མཱུལབྷཱུཏཱཏི དཊྛབྦཱ.

ཨཔིཙ ཨལོབྷོ ཙེཏྠ དཱནཧེཏུ, ཨདོསོ སཱིལཧེཏུ, ཨམོཧོ བྷཱཝནཱཧེཏུ. ཏཱིཧིཔི ཙེཏེཧི ཡཐཱཔཊིཔཱཊིཡཱ ནེཀྑམྨསཉྙཱ ཨབྱཱཔཱདསཉྙཱ ཨཝིཧིཾསཱསཉྙཱ ཧོནྟི, ཏཐཱ ཨདྷིཀཨཱུནཝིཔརཱིཏགྒཧཎཱནཾ ཨབྷཱཝོ, ཏཐཱ པིཡཝིཔྤཡོགཨཔྤིཡསམྤཡོགཨིཙྪིཏཱལཱབྷདུཀྑཱནཾ, ཛཱཏིཛརཱམརཎདུཀྑཱནཾ, པེཏནིརཡཏིརཙྪཱནགཏིདུཀྑཱནཉྩ ཨབྷཱཝོ, ཏཐཱ བྷོགམིཏྟཨཏྟསམྤཏྟིཔཙྩཡབྷཱཝོ, ཏཐཱ ཀཱམསུཁཔརིཙྩཱགཨཏྟཀིལམཐཔརིཙྩཱགམཛ྄ཛྷིམཔཊིཔཏྟཱིནཾ སམྦྷཝོ, ཏཐཱ ཨསུབྷཨཔྤམཱཎདྷཱཏུསཉྙཱནཾ, ཨནིཙྩདུཀྑཨནཏྟསཉྙཱནཾ, དིབྦབྲཧྨཨརིཡཝིཧཱརཱནཉྩ སམྦྷཝོ ཧོཏཱིཏི ཨེཝམཱདཱིཧི ནཡེཧི ཏེསཾ ཝིཏྠཱརོ ཝེདིཏབྦོ.

ཨེཏྠ ཙ ཨམོཧོ ནཱམ པཉྙཱ, སཱ པཛཱནནལཀྑཎཱ. ཝིཉྙཱཎཾ ཝིཛཱནནལཀྑཎཾ. སཉྙཱ སཉྫཱནནལཀྑཎཱ. ཀིཾ པནེཏཱསཾ སཉྙཱཝིཉྙཱཎཔཉྙཱནཾ ནཱནཏྟནྟི? སཉྫཱནནཝིཛཱནནཔཛཱནནམེཝ. ཨེཏཱསཾ ཧི སམཱནེཔི ཛཱནནབྷཱཝེ སཉྙཱཡ ‘‘ནཱིལཾ པཱིཏ’’ནྟིཨཱདིནཱ པུན སཉྙུཔྤཱདཀམཏྟེན ཨཱཀཱརེན སཉྫཱནནམཏྟམེཝ ཧོཏི, ཨཛཱཏབུདྡྷིདཱརཀསྶ ཝིཡ ཙིཏྟཝཊྚཱདིབྷཱཝམཏྟཱཀཱརེན ཀཧཱཔཎཱདིདསྶནཾ, ན ཏཏོ ཨུདྡྷཾ. ཝིཉྙཱཎསྶ པན ཡཐཱཝུཏྟེན ཙ ཏཏོ ཝིསིཊྛེན ཙ ཨནིཙྩཱདིནཱ ཨཱཀཱརེན ཛཱནནཾ ཧོཏི, གཱམིཀཔུརིསསྶ ཝིཡ ཡཐཱཝུཏྟེན ཙེཝ ཨུཔབྷོགཱརཧཏཱདིནཱ ཙ ཨཱཀཱརེན ཀཧཱཔཎཱདིདསྶནཾ, ན ཏཏོ ཨུདྡྷཾ. པཉྙཱཡ པན ཏེཧི ཙ ཡཐཱཝུཏྟེཧི ནཱནཔྤཀཱརེཧི ཙ ¶ མགྒཔཱཏུབྷཱཝཱདིཧེཏཱུཧི སབྦེཧི ཨཱཀཱརེཧི པཛཱནནཾ ཧོཏི, ཧེརཉྙིཀསྶ ཝིཡ ཡཐཱཝུཏྟེཧི ཙེཝ ཚེཀཀཱུཊཨདྡྷསཱརཱདིསབྦེཧི ཨཱཀཱརེཧི ཙ ཀཧཱཔཎཱདིདསྶནཾ. པཉྙཱཡ ཧི ཨཛཱནིཏབྦཾ ནཱམ ནཏྠི. ཨེཝཾ སཉྫཱནནཝིཛཱནནཔཛཱནནཱཀཱརེཧི ཨེཏཱསཾ ནཱནཏྟཾ ཝེདིཏབྦཾ. ཨེཏྠ ཙ ཙཀྑུཝིཉྙཱཎཱདཱིནི ཝིཏཀྐཝཱིརིཡཱདིསཧཛཱཏཔཙྩཡཝིརཧཏོ རཱུཔཱདཱིསུ སཉྙཱཀིཙྩཏོ ཨདྷིཀཝིཛཱནནཀིཙྩཾ ཀཱཏུཾ ན སཀྐོནྟི, བལཔརིཎཱཡཀཱནི ཝིཡ སེནངྒཱནི པཉྙཱནུཝཏྟཀཱནེཝ ཧོནྟཱིཏི ཝེདིཏབྦཱནི. ཏེནཱཧ བྷགཝཱ ‘‘པཉྩཧི ཝིཉྙཱཎེཧི ན ཀཉྩི དྷམྨཾ པཊིཝིཛཱནཱཏི ཨཉྙཏྲ ཨབྷིནིཔཱཏམཏྟཱ’’ཏིཨཱདི (ཝིབྷ. ༧༦༦).

ཀཱཡཔསྶམྦྷནཾ ¶ ཀཱཡཔསྶདྡྷི. ཙིཏྟཔསྶམྦྷནཾ ཙིཏྟཔསྶདྡྷི. ཀཱཡོཏི པནེཏྠ ཝེདནཱདཡོ ཏཡོ ཁནྡྷཱ. ཨུབྷོཔི པནེཏཱ ཀཱཡཙིཏྟདརཐཝཱུཔསམལཀྑཎཱ, ཀཱཡཙིཏྟདརཐནིམྨདྡནརསཱ, ཀཱཡཙིཏྟཱནཾ ཨཔརིཔྥནྡསཱིཏིབྷཱཝཔཙྩུཔཊྛཱནཱ, ཀཱཡཙིཏྟཔདཊྛཱནཱ. ཀཱཡཙིཏྟཱནཉྩ ཨཝཱུཔསམཀརཨུདྡྷཙྩཱདིཀིལེསཔཊིཔཀྑབྷཱུཏཱཏི དཊྛབྦཱ.

ཀཱཡལཧུབྷཱཝོ ཀཱཡལཧུཏཱ. ཙིཏྟལཧུབྷཱཝོ ཙིཏྟལཧུཏཱ. ཨེཝཾ ཨུཔརིཔི པདཏྠོ དཊྛབྦོ. ཀཱཡཙིཏྟཱནཾ གརུབྷཱཝཝཱུཔསམལཀྑཎཱ ཀཱཡལཧུཏཱ, ཙིཏྟལཧུཏཱ ཙ, ཏེསཾ གརུབྷཱཝནིམྨདྡནརསཱ, ཏེསཾ ཨདནྡྷཏཱཔཙྩུཔཊྛཱནཱ, ཏེསཾ གརུབྷཱཝཀརཐིནམིདྡྷཱདིཀིལེསཔཊིཔཀྑབྷཱུཏཱཏི དཊྛབྦཱ.

ཀཱཡཙིཏྟཱནཾ ཐདྡྷབྷཱཝཝཱུཔསམལཀྑཎཱ ཀཱཡམུདུཏཱ, ཙིཏྟམུདུཏཱ ཙ, ཏེསཾ ཐདྡྷབྷཱཝནིམྨདྡནརསཱ, ཨཔྤཊིགྷཱཏཔཙྩུཔཊྛཱནཱ, ཀཱཡཙིཏྟཔདཊྛཱནཱ, ཏེསཾ ཐདྡྷབྷཱཝཀརདིཊྛིམཱནཱདིཀིལེསཔཊིཔཀྑབྷཱུཏཱཏི དཊྛབྦཱ.

ཀཱཡཙིཏྟཱནཾ ¶ ཨཀམྨཉྙབྷཱཝཝཱུཔསམལཀྑཎཱ ཀཱཡཀམྨཉྙཏཱ, ཙིཏྟཀམྨཉྙཏཱ ཙ, ཏེསཾ ཨཀམྨཉྙབྷཱཝནིམྨདྡནརསཱ, ཀཱཡཙིཏྟཱནཾ ཨཱརམྨཎཀརཎསམྤཏྟིཔཙྩུཔཊྛཱནཱ, ཏེསཾ ཨཀམྨཉྙབྷཱཝཀརཱཝསེསནཱིཝརཎཔཊིཔཀྑབྷཱུཏཱཏི དཊྛབྦཱ. པསཱདནཱིཡཝཏྠཱུསུ པསཱདཱཝཧཱ, ཧིཏཀིརིཡཱསུ ཝིནིཡོགཀྑམབྷཱཝཱཝཧཱ སུཝཎྞཝིསུདྡྷི ཝིཡཱཏི དཊྛབྦཱ.

ཀཱཡཙིཏྟཱནཾ ཨགེལཉྙབྷཱཝལཀྑཎཱ ཀཱཡཔཱགུཉྙཏཱ, ཙིཏྟཔཱགུཉྙཏཱ ཙ, ཏེསཾ གེལཉྙནིམྨདྡནརསཱ, ནིརཱདཱིནཝཔཙྩུཔཊྛཱནཱ, ཏེསཾ གེལཉྙཀརཨསྶདྡྷིཡཱདིཀིལེསཔཊིཔཀྑབྷཱུཏཱཏི དཊྛབྦཱ. ཀཱཡཙིཏྟཱནཾ ཨཛྫཝལཀྑཎཱ ཀཱཡུཛུཀཏཱ, ཙིཏྟུཛུཀཏཱ ཙ, ཏེསཾ ཀུཊིལབྷཱཝནིམྨདྡནརསཱ, ཨཛིམྷཏཱཔཙྩུཔཊྛཱནཱ, ཏེསཾ ཀུཊིལབྷཱཝཀརམཱཡཱསཱཋེཡྻཱདིཔཊིཔཀྑབྷཱུཏཱཏི དཊྛབྦཱ. སབྦེཔེཏེ པསྶདྡྷིཨཱདཡོ དྷམྨཱ ཀཱཡཙིཏྟཔདཊྛཱནཱཏི ཝེདིཏབྦཱ.

ཀིཾ པནེཏྠ པསྶདྡྷཱདཡོ དྷམྨཱ ཨུདྡྷཙྩཱདིཾ ཝིནོདེཏུཾ ན སཀྐོནྟི, ཡེན ཨིམེ པསྶདྡྷཱདཡོ དྷམྨཱ ན ཝིསུཾ ཝིབྷཏྟཱཏི? ནོ ན སཀྐོནྟི, ཨིམེ པན སཧིཏཱ ཨེཝ སཀྐོནྟི, ཨིཏརཐཱ ཏེསཾ ཨུཔྤཏྟིཡཱ ཨེཝ ཨསམྦྷཝཏོ. ཡཐཱ ཝཱ པསྶདྡྷཱདཱིསུ ཝིཛྫམཱནེསུ མོཧཱཧིརིཀཱདཱིནཾ ཨུཛུཔཊིཔཀྑབྷཱཝེན ¶ ཨམོཧཧིརིཨཱདཡོ ཧོནྟི, ཨེཝམེཏེཔི ཨུདྡྷཙྩཱདིཨུཛུཔཊིཔཀྑབྷཱཝེན ཨིཙྪིཏབྦཱཏི གཧེཏབྦཱ. ཡསྨཱ ཙེཏྠ དྭཱིཧི དྭཱིཧི ཨེཝ ཡཐཱསཀཾ པཊིཔཀྑཱ ཧརིཏབྦཱ, ཏསྨཱ ཏེ ཨེཏེ ཨེཝ དྭིདྷཱ ཝིབྷཏྟཱ, ན ཨམོཧཱདཡོཏི ཉཱཏབྦཱ.

ཡེཝཱཔནཀེསུ ཚནྡོཏི ཀཏྟུཀཱམཏཱཡེཏཾ ཨདྷིཝཙནཾ, ཏསྨཱ སོ ཀཏྟུཀཱམཏཱལཀྑཎོ, ཨཱརམྨཎཔརིཡེསནརསོ, ཨཱརམྨཎེན ཨཏྠིཀཏཱཔཙྩུཔཊྛཱནོ, ཏདེཝསྶ ¶ པདཊྛཱནཾ. ཨཱརམྨཎགྒཧཎེ ཙཱཡཾ ཙེཏསོ ཧཏྠཔྤསཱརཎཾ ཝིཡ དཊྛབྦོ. ཨཡཉྩ ཡསྨཱ ཝིརཛྫིཏབྦཱདཱིསུཔི ནེཀྑམྨཱདིནཱ སཧ ལོབྷཝིསདིསེན ཀཏྟུཀཱམཏཱཀཱརེན པཝཏྟཏི, ཏསྨཱ ཨསེཁཱནམྤི ཨུཔྤཛྫཏི. ལོབྷོ པན སུབྷསུཁཱདིཝིཔལླཱསཔུབྦཀེན ཨབྷིསངྒཱཀཱརེནེཝ པཝཏྟཏཱིཏི ཨཡམེཏེསཾ ཝིསེསོ. ཨེཝཾ མེཏྟཱཀརུཎཱདཱིནམྤི ལོབྷཱདཱིཧི ཝིསེསོ ཡཐཱནུརཱུཔཾ ཉཱཏབྦོ.

ཨདྷིམུཙྩནཾ ཨདྷིམོཀྑོ. སོ སནྣིཊྛཱནལཀྑཎོ, ཨསཾསཔྤནརསོ, ནིཙྪཡཔཙྩུཔཊྛཱནོ, སནྣིཊྛཱཏབྦདྷམྨཔདཊྛཱནོ, ཨཱརམྨཎེ ནིཙྩལབྷཱཝེན ཨིནྡཁཱིལོ ཝིཡ དཊྛབྦོ. ནནུ ཙ སདྡྷཱཔི ཨདྷིམོཀྑོཏི ཝུཙྩཏི. ཏཐཱ ཧི ཨདྷིམོཀྑལཀྑཎེ ཨིནྡཊྛཾ ཀཱརེཏཱིཏི སདྡྷིནྡྲིཡནྟི ཝུཙྩཏཱིཏི? སཙྩཾ, སཱ ཙ ཁོ སམྤསཱདནབྷཱཝེན ཨདྷིམོཀྑོ, ཨཡཾ པན ཡཐཱ ཏཐཱ ཝཱ ནིཙྪཡབྷཱཝེནཱཏི ན ཀོཙི ཝིརོདྷོ.

ཀིརིཡཱ ཀཱརོ, མནསྨིཾ ཀཱརོ མནསིཀཱརོ, པུརིམམནཏོ ཝིསདིསཾ མནཾ ཀརོཏཱིཏིཔི མནསིཀཱརོ, སྭཱཡཾ ཨཱརམྨཎཔཊིཔཱདཀོ ཝཱིཐིཔཊིཔཱདཀོ ཛཝནཔཊིཔཱདཀོཏི ཏིཔྤཀཱརོ, ཏཏྠ ཨཱརམྨཎཔཊིཔཱདཀོ ཨིདྷ མནསིཀཱརོ. སོ སཱརཎལཀྑཎོ, སམྤཡུཏྟཱནཾ ཨཱརམྨཎེསུ པཡོཛནརསོ, ཨཱརམྨཎཱབྷིམུཁབྷཱཝཔཙྩུཔཊྛཱནོ, ཨཱརམྨཎཔདཊྛཱནོ, སངྑཱརཀྑནྡྷཔརིཡཱཔནྣོ. ཨཱརམྨཎཔཊིཔཱདཀཏྟེན སམྤཡུཏྟཱནཾ སཱརཐི ཝིཡ དཊྛབྦོ. ཝཱིཐིཔཊིཔཱདཀོཏི པན པཉྩདྭཱརཱཝཛྫནསྶེཏཾ ཨདྷིཝཙནཾ. ཛཝནཔཊིཔཱདཀོཏི མནོདྭཱརཱཝཛྫནསྶ, ན ཏེ ཨིདྷ ཨདྷིཔྤེཏཱ. ཨེཏྠ ཙཱཡཾ མནསིཀཱརོ སམནྣཱཧཱརམཏྟཱཀཱརེན ཨཱརམྨཎེ སམྤཡུཏྟཱནཾ པཡོཛཀོ, ཙེཏནཱ ཙེཏོཀིརིཡཱབྷཱཝེན, ཝིཏཀྐོ པན སངྐཔྤཱཀཱརེན, ཨུཔནིཛ྄ཛྷཱཡནཱཀཱརེན ཙ ཨབྷིནིརོཔཀོ. ཏེནེཝ ཧེཏྠ པདབྷཱཛནཱིཡེ ‘‘ཏཀྐོ ¶ སངྐཔྤོཏི ཙ, ཛྷཱནངྒ’’ནྟི ཙ ཝུཙྩཏཱིཏི ཨཡམེཏེསཾ ཝིསེསོ.

ཏེསུ ¶ ཏེསུ དྷམྨེསུ མཛ྄ཛྷཏྟཏཱ ཏཏྲམཛ྄ཛྷཏྟཏཱ. སཱ ཙིཏྟཙེཏསིཀཱནཾ སམཝཱཧིཏལཀྑཎཱ, ཨཱུནཱདྷིཀཏཱནིཝཱརཎརསཱ, པཀྑཔཱཏུཔཙྪེདནརསཱ ཝཱ, མཛ྄ཛྷཏྟབྷཱཝཔཙྩུཔཊྛཱནཱ, སམཔྤཝཏྟསམྤཡུཏྟདྷམྨཔདཊྛཱནཱ. སམྤཡུཏྟདྷམྨཱནཾ ཨཛ྄ཛྷུཔེཀྑཎེན སམཔྤཝཏྟཱནཾ ཨཱཛཱནཱིཡཱནཾ ཨཛ྄ཛྷུཔེཀྑཀསཱརཐི ཝིཡ དཊྛབྦཱ.

པརདུཀྑེ སཏི སཱདྷཱུནཾ ཧདཡཀམྤནཾ ཀརོཏཱིཏི ཀརུཎཱ, ཀིརཏི ཝཱ པརདུཀྑཾ ཧིཾསཏི ཙ, ཀིརཱིཡཏི ཝཱ དུཀྑིཏེསུ པསཱརཱིཡཏཱིཏི ཀརུཎཱ. སཱ པརདུཀྑཱཔནཡནཱཀཱརཔྤཝཏྟིལཀྑཎཱ, པརདུཀྑཱསཧནརསཱ, ཨཝིཧིཾསཱཔཙྩུཔཊྛཱནཱ, དུཀྑཱབྷིབྷཱུཏཱནཾ ཨནཱཐབྷཱཝདསྶནཔདཊྛཱནཱ. མོདནྟི ཏཱཡ ཏཾསམངྒིནོ, སཡཾ ཝཱ མོདཏི, མོདནམཏྟམེཝ ཝཱ ཏནྟི མུདིཏཱ. སཱ པམོདལཀྑཎཱ, ཨནིསྶཱཡནརསཱ, ཨརཏིཝིགྷཱཏཔཙྩུཔཊྛཱནཱ, སཏྟཱནཾ སམྤཏྟིདསྶནཔདཊྛཱནཱ.

ཀསྨཱ པནེཏྠ མེཏྟུཔེཀྑཱ ན ཝུཏྟཱཏི? པུབྦེ གཧིཏཏྟཱ. ཨདོསོ ཨེཝ ཧི སཏྟེསུ ཧིཏཕརཎཝསེན པཝཏྟིཡཾ མེཏྟཱ. ཏཏྲམཛ྄ཛྷཏྟཏཱ ཨེཝ ཙ ཨིཊྛཱནིཊྛསཏྟེསུ མཛ྄ཛྷཏྟཱཀཱརེན པཝཏྟིཡཾ ཨུཔེཀྑཱ. ཏེ ཙ དྷམྨཱ ནིཡཏཱ, ཀེཝལཾ པན ནེསཾ སཏྟེསུ མེཏྟུཔེཀྑཱབྷཱཝེན པཝཏྟི ཨནིཡཏཱཏི. ཀཱཡདུཙྩརིཏཏོ ཝིརཏི ཀཱཡདུཙྩརིཏཝིརཏི. སེསཔདདྭཡེཔི ཨེསེཝ ནཡོ. ལཀྑཎཱདིཏོ པནེཏཱ ཏིསྶོཔི ཀཱཡདུཙྩརིཏཱདིཝཏྠཱུནཾ ཨཝཱིཏིཀྐམལཀྑཎཱ, ཏཏོ སཾཀོཙནརསཱ, ཏེསཾ ཨཀིརིཡཔཙྩུཔཊྛཱནཱ, སདྡྷཱཧིརོཏྟཔྤཨཔྤིཙྪཏཱདིགུཎཔདཊྛཱནཱ, པཱཔཀིརིཡཏོ ཙིཏྟསྶ ཝིམུཁབྷཱཝབྷཱུཏཱཏི དཊྛབྦཱ. ཨེཝཾ ལཀྑཎཱདིཏོ ཝིནིཙྪཡོ ཝེདིཏབྦོ.

སངྒཧཱཏི ¶ ཨེཝཾ ཡེ ཨིམེ ཨིམསྨིཾ ཀཱམཱཝཙརཔཋམཀུསལེ ཝིབྷཏྟཱ ཨེཀཱུནཙཏྟཱལཱིས དྷམྨཱ, སབྦེཏེ ཁནྡྷཏོ ཙཏུབྦིདྷཱ ཧོནྟི – ཝེདནཱཀྑནྡྷོ སཉྙཱཀྑནྡྷོ སངྑཱརཀྑནྡྷོ ཝིཉྙཱཎཀྑནྡྷོཏི. ཏཏྠ རཱསཊྛེན སོམནསྶཝེདནཱ ཝེདནཱཀྑནྡྷོ, ཏཐཱ སཉྙཱ སཉྙཱཀྑནྡྷོ, ཙིཏྟཾ ཝིཉྙཱཎཀྑནྡྷོ, ཨཝསེསཱ ཕསྶཱདཡོ ཚཏྟིཾས དྷམྨཱ སངྑཱརཀྑནྡྷོཏི ཝེདིཏབྦཱ.

ནནུ ཙ ཡདི རཱསཊྛེན ཁནྡྷོ, ཕསྶཱདཱིནཾ ཏཱཝ ཨནེཀཏྟཱ སངྑཱརཀྑནྡྷཏཱ ཡུཏྟཱ, ཀཐཾ པན ཝེདནཱདཱིནཾ ཏིཎྞཾ ཁནྡྷཏཱཏི? ཨུཔཙཱརཏོ. པཙྩེཀཾ ཧི ཨཏཱིཏཱདིབྷེདབྷིནྣེསུ ཝེདནཱསཉྙཱཝིཉྙཱཎེསུ ནིརུལ༹ྷོཔི ཁནྡྷ-སདྡོ ཏདེཀདེསེསུ ཨེཀེཀཝེདནཱདཱིསུཔི སམུདཱཡོཔཙཱརེན ¶ ཝོཧརཱིཡཏཱིཏི ཏདེཀདེསེཔི ཏབྦོཧཱརོ, ཡཐཱ རུཀྑསྶ སཱཁཱཡ ཚིཛྫམཱནཱཡ ‘‘རུཀྑོ ཚིཛྫཏཱི’’ཏིཨཱདཱིསུ ཝིཡཱཏི. ཨེཝཾ ཁནྡྷཏོ ཙཏུབྦིདྷཱ ཧོནྟི.

ཏེ པུན ཨཱཡཏནཏོ དུཝིདྷཱ ཧོནྟི – མནཱཡཏནཾ དྷམྨཱཡཏནནྟི. སཉྫཱཏིསམོསརཎཊྛཱནཊྛེན ཧེཏྠ ཙིཏྟཾ མནཱཡཏནཾ, སེསཱ པན ཨཊྛཏིཾས དྷམྨཱ དྷམྨཱཡཏནནྟི. ཨེཝཾ ཨཱཡཏནཏོ དུཝིདྷཱ ཧོནྟི. ཏེ པུན དྷཱཏུཝསེན དུཝིདྷཱ མནོཝིཉྙཱཎདྷཱཏུ དྷམྨདྷཱཏཱུཏི. ནིསྶཏྟནིཛྫཱིཝཊྛེན ཧེཏྠ ཙིཏྟཾ མནོཝིཉྙཱཎདྷཱཏུ, སེསཱ དྷམྨདྷཱཏཱུཏི. ཨེཝཾ དྷཱཏུཝསེན དུཝིདྷཱ.

ཏཐཱ ཨཱཧཱརཱནཱཧཱརཝསེན. ཏཏྠ ཕསྶོ ཙེཏནཱ ཙིཏྟནྟི ཨིམེ ཏཡོ དྷམྨཱ ཝིསེསཔཙྩཡཏྟེན ཡཐཱཀྐམཾ ‘‘ཕསྶཱཧཱརོ མནོསཉྩེཏནཱཧཱརོ ཝིཉྙཱཎཱཧཱརོ’’ཏི ཝུཙྩནྟི, ཨཝསེསཱ ན ཨཱཧཱརཱཏི. ཀིཾ པནེཏེ པཙྩཡཱ ན ཧོནྟི, ཡེ ན ཨཱཧཱརཱཏི ཝུཙྩེཡྻུནྟི? ནོ ན ཧོནྟི, ཝིསེསཔཙྩཡཱ པན ན ཧོནྟི, ཕསྶཱདཡོ པན ཏེསཾ དྷམྨཱནཾ ཝིསེསཔཙྩཡཱ ཧོནྟི, ཝིསེསཏོ ཝེདནཱདཡོ ¶ ཙ ཨཱཧརནྟི. ཕསྶཱཧཱརོ ཧི ཏིསྶོ ཝེདནཱཡོ ཨཱཧརཏི, མནོསཉྩེཏནཱཧཱརོ ཏཡོ བྷཝེ, ཝིཉྙཱཎཱཧཱརོ པཊིསནྡྷིནཱམརཱུཔཾ. ནནུ ཙ སོ ཝིཔཱཀོ, ཨིདཾ པན ཀུསལཝིཉྙཱཎནྟི? ཀིཉྩཱཔི ཨེཝཾ, ཏཾསརིཀྑཏཱཡ པན ཝིཉྙཱཎཱཧཱརོཏྭེཝ ཝུཏྟཾ. ཡསྨཱ ཝཱ ཨིམེ ‘‘ཨརཱུཔིནོ ཨཱཧཱརཱ སམྤཡུཏྟཀཱནཾ དྷམྨཱནཾ ཏཾསམུཊྛཱནཱནཉྩ རཱུཔཱནཾ ཨཱཧཱརཔཙྩཡེན པཙྩཡོ’’ཏི (པཊྛཱ. ༡.༡.༡༥) ཝཙནཏོ ཀབལཱི༹ཀཱརཱཧཱརོ ཝིཡ རཱུཔཀཱཡསྶ ཨུཔཏྠམྦྷཀཊྛེན ནཱམཀཱཡསྶ ཨཱཧཱརཔཙྩཡཱ ཧོནྟི, ཏསྨཱ ཨིམེཝ ‘‘ཨཱཧཱརཱ’’ཏི ཝུཏྟཱཏི ཝེདིཏབྦཾ. ཨེཝཾ ཨཱཧཱརཱནཱཧཱརཝསེན དུཝིདྷཱ.

ཏཐཱ ཨིནྡྲིཡཱནིནྡྲིཡཏོ. ཏཏྠ སདྡྷཱ ཝཱིརིཡཾ སཏི ཨེཀགྒཏཱ ཨམོཧོ ཙིཏྟཾ སོམནསྶཝེདནཱ ཛཱིཝིཏནྟི ཨིམེ ཨཊྛ དྷམྨཱ ཨདྷིཔཏིཡཊྛེན ཡཐཱཀྐམཾ ‘‘སདྡྷིནྡྲིཡཾ ཝཱིརིཡིནྡྲིཡཾ སཏིནྡྲིཡཾ སམཱདྷིནྡྲིཡཾ པཉྙིནྡྲིཡཾ མནིནྡྲིཡཾ སོམནསྶིནྡྲིཡཾ ཛཱིཝིཏིནྡྲིཡ’’ནྟི ཝུཙྩནྟི, ཨཝསེསཱ ན ‘‘ཨིནྡྲིཡཱནཱི’’ཏི. ཨེཝཾ ཨིནྡྲིཡཱནིནྡྲིཡཏོ དུཝིདྷཱ.

ཏཐཱ ཛྷཱནངྒཱཛྷཱནངྒཝསེན. ཏཏྠ ཝིཏཀྐོ ཝིཙཱརོ པཱིཏི སོམནསྶཾ ཨེཀགྒཏཱཏི ཨིམེ པཉྩ དྷམྨཱ ཨུཔནིཛ྄ཛྷཱཡནཊྛེན ‘‘ཛྷཱནངྒཱནཱི’’ཏི ཝུཙྩནྟི, ཨིཏརེ ‘‘ཨཛྷཱནངྒཱནཱི’’ཏི. ཨེཝཾ ཛྷཱནངྒཱཛྷཱནངྒཝསེན དུཝིདྷཱ.

ཏཐཱ ¶ མགྒངྒཱམགྒངྒཝསེན. ཏཏྠ ཨམོཧོ ཝིཏཀྐོ ཝིརཏིཏྟཡཾ ཝཱིརིཡཾ སཏི ཨེཀགྒཏཱཏི ཨིམེ ཨཊྛ དྷམྨཱ ནིཡྻཱནཊྛེན, ཝིམོཀྑཊྛེན ཙ ཡཐཱཀྐམཾ ‘‘སམྨཱདིཊྛི སམྨཱསངྐཔྤོ སམྨཱཝཱཙཱ སམྨཱཀམྨནྟོ སམྨཱཨཱཛཱིཝོ སམྨཱཝཱཡཱམོ སམྨཱསཏི སམྨཱསམཱདྷཱི’’ཏི ནཱམེན ‘‘མགྒངྒཱནཱི’’ཏི ཝུཙྩནྟི, ཨིཏརེ ‘‘ཨམགྒངྒཱནཱི’’ཏི. པཱལི༹ཡཾ པན ལོཀིཡཙིཏྟེ ཝིརཏཱིནཾ ¶ ཨནིཡཏཏྟཱ, ཡེཝཱཔནཀཏྟཱ ཙ ཏཱ ཝཛྫེཏྭཱ ‘‘པཉྩངྒིཀོ མགྒོ ཧོཏཱི’’ཏི (དྷ. ས. ༥༨, ༡༢༡) ཝུཙྩཏི. ཨེཝཾ མགྒངྒཱམགྒངྒཝསེན དུཝིདྷཱ.

ཏཐཱ བལཱབལཝསེན. ཏཏྠ སདྡྷཱཝཱིརིཡཾ སཏི སམཱདྷི པཉྙཱ ཧིརཱི ཨོཏྟཔྤནྟི ཨིམེ སཏྟ དྷམྨཱ ཨཀམྤིཡཊྛེན བལཱནཱིཏི ཝུཙྩནྟི, ཨིཏརེ ཨབལཱནཱིཏི. ཨེཝཾ བལཱབལཝསེན དུཝིདྷཱ.

ཏཐཱ ཧེཏུནཧེཏུཝསེན. ཏཏྠ ཨལོབྷོ ཨདོསོ ཨམོཧོཏི ཨིམེ ཏཡོ དྷམྨཱ མཱུལཊྛེན ཧེཏཱུཏི ཝུཙྩནྟི, ཨིཏརེ ནཧེཏཱུཏི. ཨེཝཾ ཧེཏུནཧེཏུཝསེན དུཝིདྷཱ. ཨེཝཾ ཕསྶཱཕསྶཝེདནཱཝེདནཱ སཉྙཱསཉྙཱཙིཏྟཱཙིཏྟཱདིཝསེནཔི ཝུཏྟནཡཱནུསཱརེན ཡཐཱཡོགཾ སངྒཧཝིབྷཱགོ ཝེདིཏབྦོ. ཨཡམེཏྠ སངྑེཔོ, ཝིཏྠཱརོ པན པདབྷཱཛནཱིཡསངྒཧཝཱརེ (དྷ. ས. ༡༠༣ ཨཱདཡོ), ཏདཊྛཀཐཱཡཉྩ (དྷ. ས. ཨཊྛ. ༥༨-༡༢༠) གཧེཏབྦོ. ཨེཝཾ སངྒཧཏོ ཝིནིཙྪཡོ ཝེདིཏབྦོ.

སུཉྙཏོ ཙེཝཱཏི ཨེཝཾ ཁནྡྷཱདཱིཧི སངྒཧིཏེསུ ཏེསུ དྷམྨེསུ ཏབྦིནིམུཏྟོ ཀཱརཀཝེདཀཱདིསབྷཱཝོ ཨཏྟཱ ཝཱ སསྶཏོ ཝཱ བྷཱཝོ ན ཨུཔལབྦྷཏི. སུཉྙཱ ཏེ དྷམྨཱ ཨཏྟེན ཝཱ ཨཏྟནིཡེན ཝཱ, ཀེཝལཾ པཊིཙྩསམུཔྤནྣཱ, སལཀྑཎདྷཱརཎཏོ དྷམྨམཏྟཱ, ནིཙྩསུཁཱདིསཱརཝིརཧཏོ ཨསཱརཱ, པཝཏྟཀནིཡཱམཀཱབྷཱཝཏོ ཨཔརིཎཱཡཀཱ ཨནིཙྩཱ, དུཀྑཱ, ཨནཏྟཱ, ཨནཏྟནིཡཱ ཙ ཧུཏྭཱ པཝཏྟནྟཱིཏི ཨཡམེཏྠ སངྑེཔོ, ཝིཏྠཱརོ པན པདབྷཱཛནཱིཡསུཉྙཏཝཱརེ, ཏདཊྛཀཐཱཡཉྩ གཧེཏབྦོཏི. ཨེཝཾ སུཉྙཏོ ཝིནིཙྪཡོ ཝེདིཏབྦོ.

ནིཊྛིཏཱ པཋམཀུསལསྶ ཨཏྠཝཎྞནཱ.

དུཏིཡཱདཱིསུཔི ¶ པཋམཀུསལེ ཝུཏྟནཡེན དྷམྨུདྡེསཱདིནཱ སབྦོ ཝིནིཙྪཡོ ཝེདིཏབྦོ. ན ཀེཝལཉྩ ཨེཏྠེཝ, ཨིཏོ པརེསུཔི སབྦཏྠ ཧེཊྛཱ ཝུཏྟསདིསཱནཾ པདཱནཾ, དྷམྨཱནཉྩ ཨཏྠོ, སབྦོ ཙ ཝིནིཙྪཡོ ¶ ཨེཏྠ ཝུཏྟནཡེནེཝ ཝེདིཏབྦོ. ཨིཏོ པརཾ པན ཨཔུབྦམེཝ ཝཎྞཡིསྶཱམ. དུཏིཡཙིཏྟེ ཏཱཝ སསངྑཱརབྷཱཝམཏྟམེཝ པཋམཙིཏྟཏོ ཝིསེསོ, སེསཾ ཏཱདིསམེཝ. དུཏིཡཀུསལཾ.

ཏཏིཡེཔི དྷམྨུདྡེསེ ཨམོཧཱབྷཱཝཱ ཨིནྡྲིཡམགྒངྒབལམཱུལསངྒཧེསུ པཉྙིནྡྲིཡསམྨཱདིཊྛིམགྒངྒཔཉྙཱབལཨམོཧམཱུལཱནཾ པརིཧཱནིཡཱ སདྡྷིནྡྲིཡཱདཱིནཾ བྷཱཝོཝ ཝིསེསོ, སེསཾ ཏཱདིསམེཝ. ཏཐཱ ཙཏུཏྠེ སསངྑཱརབྷཱཝམཏྟམེཝ ཝིསེསོ. ཏཏིཡཙཏུཏྠཱནི.

པཉྩམཚཊྛསཏྟམཊྛམེསུ པན སུཁསོམནསྶཊྛཱནེསུ ཨུཔེཀྑཱབྷཱཝོ, པཱིཏིཡཱ ཙ ཨབྷཱཝོ. ཏེནེཝ ཛྷཱནངྒསངྒཧཝཱརེ ཙཏུརངྒཛ྄ཛྷཱནཏཱཝ ཝིསེསོ, སེསཾ པཋམདུཏིཡཏཏིཡཙཏུཏྠཙིཏྟསདིསམེཝ. ཨུཔེཀྑཱསཧགཏེསུ ཙེཏྠ ཙཏཱུསུ ཀརུཎཱམུདིཏཱ ན ཨུཔྤཛྫནྟཱིཏི ཀེཙི ཝདནྟི, པརིཀམྨབྷཱུཏཱནཾ པནེཏྠ ཏཱསཾ ཨུཔྤཏྟིཡཱ མཧཱཨཊྛཀཐཱཡཾ ཨནུཉྙཱཏཏྟཱ ཨུཔཙཱརཔྤཏྟཱ པན ཨུཔྤཛྫནྟི, ན ཨིཏརཱཏི གཧེཏབྦཾ. པཉྩམཚཊྛསཏྟམཊྛམཱནི.

ཝིསཡཱདིཔྤབྷེདཏོཏི ཨེཝཾ དྷམྨུདྡེསཱདིནཱ ཝིབྷཏྟཱནི ཨཊྛ ཀཱམཱཝཙརཀུསལཱནི ཨཱརམྨཎཝིབྷཱགཏོ པཙྩེཀཾ ཚབྦིདྷཱནི ཧོནྟི རཱུཔཱརམྨཎཾ…པེ… དྷམྨཱརམྨཎནྟི. ཏཏྠ ནཱིལཱདིབྷེདབྷིནྣཱ, ཨཏཱིཏཱནཱགཏཔཙྩུཔྤནྣཨཛ྄ཛྷཏྟིཀབཱཧིརཨོལཱ༹རིཀསུཁུམཱདིབྷེདབྷིནྣཱ ཙ ཝཎྞདྷཱཏུ རཱུཔཱརམྨཎཾ ནཱམ. ཨེཝཾ སདྡཱརམྨཎཱདཱིསུཔི ཡཐཱནུརཱུཔཾ བྷེདོ ཝེདིཏབྦོ.

ཨེཏྠ ¶ ཙ ཕོཊྛབྦནྟི ཨཱཔོདྷཱཏུཝཛྫིཏབྷཱུཏཏྟཡཾ, དྷམྨཱརམྨཎནྟི པཉྩཱརམྨཎཱནི ཝཛྫེཏྭཱ ཨཝསེསཱ རཱུཔཱརཱུཔཔཉྙཏྟིཡོ ཝེདིཏབྦཱ, སེསཾ ཏཱདིསམེཝ. ཀེཙི པནེཏྠ ‘‘ཙཀྑུཝིཉྙཱཎཱདཱིནམཱཔཱཐགཏཱནི ཨེཏཱནཱརམྨཎཱནི རཱུཔཱརམྨཎཱདིཝོཧཱརཾ ལབྷནྟི, ཨནཱཔཱཐགཏཱནི པན ཨཏཱིཏཱནཱགཏདཱུརསུཁུམཱདིབྷེདབྷིནྣཱནི དྷམྨཱརམྨཎཱནེཝཱ’’ཏི ཝདནྟི, ཏཾ ན ཡུཏྟཾ དིབྦཙཀྑཱདཱིནཾ རཱུཔཱརམྨཎཏཱདིཝཙནཏོ.

ཨནཱཔཱཐགཏཱ ཨེཝ ཧི ཏཱནི དིབྦཙཀྑུཨཱདཱིནཾ ཨཱརམྨཎཾ, ན ཙ ཏཱནི དྷམྨཱརམྨཎཱནི. རཱུཔཱདཡོ ཧི པཉྩ པཙྩེཀཾ དྭཱིསུ དྭཱིསུ དྭཱརེསུ ཨེཀསྨིཾ ཁཎེ ཨཱཔཱཐམཱགནྟྭཱ ཏཾཏཾདྭཱརིཀཛཝནཱནཾ, ཏདནནྟརེ མནོདྭཱརིཀཱནཉྩ ཨཔརབྷཱགེ ཙ དིཊྛསུཏཱདིཝསེནཱནུསྶརནྟསྶ སུདྡྷམནོདྭཱརིཀཱནཉྩ ཨཱརམྨཎཱནི ཧོནྟི. ཏཐཱ ཧི ནཱནཱཝཎྞཝིཙིཏྟཙེཏིཡཱདིདསྶནཾ ཀརོནྟསྶ, དྷམྨཾ ¶ སུཎནྟསྶ, བྷེརིསདྡཱདཱིཧི ཝཱ པཱུཛཱདིཾ ཀརོནྟསྶ ཙ གནྡྷམཱལཱདཱིནི གྷཱཡིཏྭཱ, ཁཱདནཱིཡབྷོཛནཱིཡཱདིཉྩ སཱཡིཏྭཱ, སུཁསམྥསྶཱནི ཨཏྠརཎཔཱཝུརཎཱདཱིནི ཙ ཕུསིཏྭཱ མནཱཔབྷཱཝཾ ཉཏྭཱ ཏེཧི ཙེཏིཡཔཱུཛཾ ཀརོནྟསྶ, ཏཏྠ ཏཏྠ ཨཀུསལཾ ཝཱ ཨུཔྤཱདེནྟསྶ, ཏསྨིཾ ཏསྨིཾ ཁཎེ གཡ྄ཧམཱནཱནི རཱུཔཱདིཔཉྩཱརམྨཎཱནི སཱཁཱཡ ཨཀྐམནཾ, པཐཝིཡཾ ཚཱཡཱཕརཎཉྩ ཨེཀཀྑཎེ ཀུརུམཱནཾ རུཀྑགྒེ ནིལཱིཡམཱནཾ པཀྑིནོ སརཱིརཾ ཝིཡ ཡཐཱསཀཾ པསཱདཉྩ གྷཊྚེཏྭཱ ཏསྨིཾཡེཝ ཁཎེ བྷཝངྒཙལནཔཙྩཡབྷཱཝེན མནོདྭཱརེཔི ཨཱཔཱཐམཱགནྟྭཱ ཏཏོ བྷཝངྒཾ ཝིཙྪིནྡིཏྭཱ ཨུཔྤནྣཱནཾ ཨཱཝཛྫནཱདིཝོཊྛབྦནཔརིཡོསཱནཱནཾ, ཝཱིཐིཙིཏྟཱནཾ, ཏདནནྟརཱནཉྩ ཀུསལཱཀུསལཱདིཛཝནཱནཾ ཨཱརམྨཎཾ ཧུཏྭཱ ཏདནནྟརཱསུ མནོདྭཱརཝཱིཐཱིསུ ཙ ཨཔརབྷཱགེ ཏཐཱརཱུཔཾ པཙྩཡཾ ཨཱགམྨ ཨཏྟནཱ པཱུཛཱདིཀརཎཀཱལེསུ, དིཊྛསུཏགྷཱཡིཏསཱཡིཏཕུཊྛཝསེནཱནུསྶརནྟསྶ, པཙྩཀྑཏོ ཨནུབྷུཡྻམཱནཱནི ཝིཡ མནོདྭཱརེ ཙ ཨཱརམྨཎཱནི ཧོནྟི.

ཨཐཱཔི ¶ པཉྩཧི དྭཱརེཧི ཨགཧིཏཔུབྦཱནི བུདྡྷརཱུཔཱདཱིནི, དིབྦརཱུཔཱདཱིནི ཙ པཉྩཱརམྨཎཱནི སཝནཝསེན སལླཀྑེཏྭཱ ཛཝནཀྑཎེ ཝཱ ཨཔརབྷཱགེ སུཏཝསེནེཝ ཨནུསྶརིཏྭཱ ཝཱ པསཱདཾ, ཀམྨཕལསདྡྷཱདིཾ, ལོབྷཱདིཉྩ ཨུཔྤཱདེནྟསྶཱཔི མནོདྭཱརེ ཨཱཔཱཐམཱགཙྪནྟི. ཨབྷིཉྙཱནཾ པན སུདྡྷམནོདྭཱརེ ཨེཝ, ཏསྨཱ ཨེཝཾ པཉྩདྭཱརེ, མནོདྭཱརེ, སུདྡྷམནོདྭཱརེ ཙ ཨཱཔཱཐགཏཱནི ཨཏཱིཏཱདིབྷེདབྷིནྣཱནི སབྦཱནིཔི པཉྩཱརམྨཎཱནི ཀདཱཙིཔི དྷམྨཱརམྨཎཾ ན ཧོནྟི, ཏདིཏརཱ ནཱམརཱུཔཔཉྙཏྟིཡོ དྷམྨཱརམྨཎནྟི གཧེཏབྦཾ. ནནུ ཙེཏཱནི ཨིཊྛཀནྟམནཱཔཱནི ཨཱརམྨཎཱནི ལོབྷསྶ ཝཏྠུ, ཀཐམེཏྠ ཀུསལཾ ཨུཔྤཛྫཏཱིཏི? ནིཡམཱདིཀཱརཎཏོ. ཙིཏྟཾ ཧི ‘‘ཀུསལམེཝ མཡཱ ཀཏྟབྦ’’ནྟི པུབྦེ ནིཡམིཏཝསེན སབྦཏྠ ཨཀུསལཔྤཝཏྟིཾ ནིཝཏྟེཏྭཱ ཀུསལེ པརིཎཱམནཝསེན ཙ ཨབྷིཎྷཾ ཨཱསེཝིཏཀུསལསམུདཱཙཱརཝསེན ཙ སཔྤུརིསཱུཔནིསྶཡཱདིཨུཔནིསྶཡཝསེན ཙ ཡོནིསོཨཱབྷུཛིཏཝསེན ཙཱཏི ཨིམེཧི ཀཱརཎེཧི ཀུསལཾ ཧུཏྭཱ ཨུཔྤཛྫཏཱིཏི ཝེདིཏབྦཾ. ཨེཝམིམེསུ ཚསུ ཨཱརམྨཎེསུ ཨུཔྤཛྫནཏོ པཙྩེཀཾ ཚབྦིདྷཱནི ཧོནྟི. ཨཱརམྨཎཝཝཏྠཱནཀཐཱ.

ཨེཝཾ ཨཱརམྨཎབྷེདབྷིནྣེསུ རཱུཔཱརམྨཎཾ ཏཱཝ ཀུསལཾ དསཔུཉྙཀིརིཡཝཏྠུཝསེན དསཝིདྷཾ ཧོཏི. ཏཏྠ ཨེཀེཀཾ པན ཀཱཡཀམྨཾ ཝཙཱིཀམྨཾ མནོཀམྨནྟི ཏིཝིདྷཾ. ཏཏྠ ཀཱཡདྭཱརེ པཝཏྟཾ ཀཱཡཀམྨཾ, ཝཙཱིདྭཱརེ པཝཏྟཾ ཝཙཱིཀམྨཾ, མནོདྭཱརེ པཝཏྟཾ མནོཀམྨཾ. ཏཏྠ ཀཱཡདྭཱརནྟི ཀཱཡཝིཉྙཏྟི. ཝཙཱིདྭཱརནྟི ཝཙཱིཝིཉྙཏྟི. ཏཱསཾ ཝིབྷཱགོ རཱུཔཝིབྷཏྟིཡཾ ཨཱཝི བྷཝིསྶཏི. མནོདྭཱརནྟི ¶ སབྦཾ ཙེཏནཱསམྤཡུཏྟཾ ཙིཏྟཾ ཝུཙྩཏི, ཝིསེསཏོ ཀུསལཱཀུསལཾ. ཏཾ ཧི སཧཛཱཏཱནཾ ཙེཏནཱནཾ, ཀཱཡངྒཝཱཙངྒཙོཔནཾ ཨསམྤཱཔུཎིཏྭཱ པཝཏྟཱནཾ སུདྡྷམནོཀམྨཱནཾ པཝཏྟིཨོཀཱསདཱནཏོ དྭཱརནྟི ཝུཙྩཏི, ཨིམེསུ པན ཏཱིསུ ¶ དྭཱརེསུ པཝཏྟཱ ཙེཏནཱ ཀཱཡཀམྨཱདཡོ ནཱམ. ཨཔིཙ པཱཎཱཏིཔཱཏཱདཡོ, པཱཎཱཏིཔཱཏཱཝེརམཎིཨཱདཡོ ཙ ཀཱཡཀམྨཾ ནཱམ, མུསཱཝཱདཱདཡོ, མུསཱཝཱདཱཝེརམཎིཨཱདཡོ ཙ ཝཙཱིཀམྨཾ ནཱམ, ཨབྷིཛ྄ཛྷཱདཡོ, ཨནབྷིཛ྄ཛྷཱདཡོ ཙ མནོཀམྨཾ ནཱམ.

ཀུསལཔཀྑེ པན དཱནཱདིདསཔུཉྙཀིརིཡཝཏྠཱུནི ཙ ཡཐཱརཧཾ ཀཱཡཝཙཱིམནོཀམྨཱནི ཧོནྟི. ཨེཝཾ ཡེབྷུཡྻཝུཏྟིཏོ ཙེས ཀཱཡཀམྨཱདིབྷཱཝོ ཝུཏྟོ པཱཎཱཏིཔཱཏཱདཱིནམྤི ཝཙཱིདྭཱརཱདཱིསུ པཝཏྟིཏོ ཀེསཉྩི པུརིསཱནཾ ཝནཙརཀཱདིབྷཱཝོ ཝིཡ, དྭཱརཱནཉྩ ཀཱཡཀམྨདྭཱརཱདིབྷཱཝོ ཀེསཉྩི གཱམཱནཾ བྲཱཧྨཎགཱམཱདིབྷཱཝོ ཝིཡ. ཨཀུསལེ ཏཱཝ ཨེཏྠ པཱཎཱཏིཔཱཏཱདིཀཱཡཀམྨཾ ཀཱཡདྭཱརེ, ཝཙཱིདྭཱརེ ཙ ཡཐཱརཧཾ སམུཊྛཱཏི, ནོ མནོདྭཱརེ. ཏཐཱ མུསཱཝཱདཱདིཝཙཱིཀམྨཾ. པཱཎཱཏིཔཱཏཱདིནིཔྥཱདནཏྠཾ ཧི མནོདྭཱརེ ཨེཝ ཙིནྟེནྟསྶ ཙེཏནཱབྱཱཔཱདཱདཱིསུ ཀམྨཔཐཔྤཏྟེསུ ཝཱ ཀམྨཔཐཾ ཨཔྤཏྟེསུ ཝཱ མནོཀམྨེསུ ཨེཝ པཝིསནཏོ ཀཱཡཀམྨཱདིབྷཱཝཾ ན པཱཔུཎཱཏི. ནནུ ཝིཛྫཱམཡེནཱཔི ཀེཝལཾ མནོཀམྨེན པཱཎཱཏིཔཱཏཱདིཾ ཀརོནྟཱིཏི? ན ཨལོཎབྷོཛནདབྦྷསཡནམནྟཔརིཛཔྤནཱདིཀཱཡཝཙཱིཔཡོགཾ ཝིནཱ ཏསྶཱསིཛ྄ཛྷནཏོ. ཨབྷིཛ྄ཛྷཱདིམནོཀམྨཾ པན ཏཱིསུཔི དྭཱརེསུ སམུཊྛཱཏི. ཨབྷིཛ྄ཛྷཱཡ ཧི ཀཱཡེན པརབྷཎྜགྒཱཧཱདཱིནཾ, བྱཱཔཱདེན དཎྜཔརཱམསནཱདཱིནཾ, མིཙྪཱདིཊྛིཡཱ ཏིཏྠིཡཝནྡནཱདཱིནཾ ཀརཎཀཱལེ, ཝཱཙཱཡ པརསམྤཏྟིཔཏྠནཱཡ ‘‘ཧཉྙནྟུ བཛ྄ཛྷནྟཱུ’’ཏི ཨནཏྠཔཏྠནཱཡ ཙ ཏིཏྠིཡཏྠུཏིཏདཏྠདཱིཔནཱདཱིནཉྩ ཡཐཱཀྐམཾ པཝཏྟིཀཱལེ ཙ ཏསྶ མནོཀམྨསྶ ཀཱཡཝཱཙཱསུ པཝཏྟི ཝེདིཏབྦཱ.

ཀཱམཱཝཙརཀུསལཾ པན པཱཎཱཏིཔཱཏཱཝེརམཎིཨཱདིཀཾ ཀཱཡཝཙཱིམནོཀམྨཾ པཙྩེཀཾ དྭཱརཏྟཡེཔི པཝཏྟཏི. ཏཏྠ པཱཎཱཏིཔཱཏཱདཱིཧི ¶ སམྥཔྤལཱཔཔརིཡོསཱནེཧི སཏྟཧི ཝིརམནྟསྶ ཏཱཝ ཧཏྠམུདྡཱཡ, ཝཙཱིབྷེདེན ཙ སམཱདིཡནཀཱལེ, མནསཱ ཝིརམཎཀཱལེ ཙ ཏེསཾ ཀཱཡཝཙཱིཀམྨཱནཾ ཏཱིསུ དྭཱརེསུ པཝཏྟི ཝེདིཏབྦཱ. ཨནབྷིཛ྄ཛྷཱདཱིཧི སཧགཏེན ཙེཏསཱ ཏཛྫསྶ ཀཱཡཔཡོགསྶ, ‘‘པརཝིཏྟུཔཀརཎཾ ཙིརཊྛིཏིཀཾ ཧོཏུ, སབྦེ སཏྟཱ ཨཝེརཱ ཧོནྟུ, སོ བྷགཝཱ ཨརཧཾ སམྨཱསམྦུདྡྷོ’’ཏིཨཱདིནཱ ཝཙཱིཔཡོགསྶ, ཀེཝལཾ མནོཔཡོགསྶ ཙ ཀརཎཀཱལེ མནོཀམྨསྶ ཏཱིསུཔི དྭཱརེསུ པཝཏྟི ཝེདིཏབྦཱ. ཨེཏྠ ཙ པཉྩདྭཱརེ ཨུཔྤནྣཱནི ཛཝནཱནི ཀཱཡཝཙཱིཀམྨཱནི ¶ ན ཧོནྟི, མནོཀམྨཱནི ཨེཝ. ཏཱནི ཙ ན ཀམྨཔཐཔྤཏྟཱནི, ཀེཝལཾ ཀུསལཱདཱིནི ཧོནྟི. མནོདྭཱརེ པཊུཏརཔྤཝཏྟཱནི ཨེཝ ཧི ཀམྨཔཐཔྤཏྟཱནི མནོཀམྨཱནི ཧོནྟི, རཱུཔཱརཱུཔཛཝནཱནི པན ཨེཀནྟཾ བྷཱཝནཱམཡཾ མནོཀམྨམེཝ མནོདྭཱརེ ཨེཝ ཙ པཝཏྟནྟི.

ཀིཉྩཱཔི ཨབྷིཉྙཱཉཱཎཱནི ཝིཉྙཏྟིདྭཡཛནཀཱནི, ཏཐཱཔི ཀཱཡཝཙཱིཀམྨཝོཧཱརཾ ན ལབྷནྟི, ལོཀུཏྟརཀུསལཾ པན ཀཱཡཝཙཱིདྭཱརེསུ ཨནུཔྤཛྫམཱནམྤི མིཙྪཱཝཱཙཱཀམྨནྟཱཛཱིཝཱནཾ སམུཙྪེདཔྤཧཱནཀཱརཱིནཾ ཝིརཏཱིནཾ ཝསེན ཀཱཡཝཙཱིཀམྨམྤི ཧོཏི, ཏདིཏརམགྒངྒཝསེན མནོཀམྨམྤཱིཏི ཨེཀཀྑཎེ ཏཱིཎིཔི ཀམྨཱནི ཧོནྟི, ཏཉྩ བྷཱཝནཱམཡཾ, དྭཱརཾ པནསྶ མནོདྭཱརམེཝ. ཡཐཱ ཙ པཱཎཱཏིཔཱཏཱཝེརམཎིཡཱདཱིནཾ ཝསེན ཀུསལསྶ དྭཱརཏྟཡེ པཝཏྟི ཝུཏྟཱ, ཨེཝཾ དསཔུཉྙཀིརིཡཝཏྠཱུནམྤི ཝསེན ཝཏྟབྦཱ. ཨཊྛཀཐཱསུ པན ན ཝིཙཱརིཏཱ, ཏཐཱཔི ནཡཏོ ཨེཝཾ ཝེདིཏབྦཱ.

ཏེསུ དཱནཾ ཀཱཡཀམྨམེཝ, ཝཙཱིཀམྨམྤི ཝཱ. པཏྟཱནུཔྤདཱནཾ, ཨབྦྷནུམོདནཾ, དེསནཱ ཝཙཱིཀམྨམེཝ. སཱིལཾ ཨཔཙིཏིསཧགཏཾ, ཝེཡྻཱཝཙྩསཧགཏཉྩ ཀཱཡཀམྨམྤི ཨཏྠི, ཝཙཱིཀམྨམྤི ཨཏྠི. ཏཏྠ སཱིལསྶ ཀཱཡཝཙཱིཀམྨབྷཱཝོ སིདྡྷོ ཨེཝ. ཨཔཙིཏིཡཱ པན ¶ པུཔྥཔཱུཛཱདིནཱ, ཝནྡནཱདིནཱ ཝཱ པཝཏྟིཀཱལེ ཀཱཡཀམྨབྷཱཝོ, ཐུཏིམཡཔཱུཛཱདིནཱ པཝཏྟིཀཱལེ ཝཙཱིཀམྨབྷཱཝོ ཙ ཝེདིཏབྦོ. ཝེཡྻཱཝཙྩསྶཱཔི སཧཏྠཱ ཀརཎཀཱལེ ཀཱཡཀམྨབྷཱཝོ, གིལཱནཱདཱིནཾ ཙཏུཔཙྩཡསམཱདཱཔནཱདིཝསེན, གརཱུཧི ཨཱཎཏྟསདྡེན ཨཱརོཙནཔཀྐོསནཱདིཝསེན ཝཙཱིཀམྨབྷཱཝོ ཙ ཝེདིཏབྦོ. བྷཱཝནཱ, སཝནཾ, དིཊྛིཛུཀམྨཉྩ མནོཀམྨམེཝ, ཨབྦྷནུམོདནམྤཱིཏི ཀེཙི. སཝནམྤི ཧི སོཏདྭཱརཱནུསཱརེན མནོདྭཱརེ ཨེཝ དྷམྨཏྠསལླཀྑཎཝསེན པཝཏྟིཀཱལེ མནོཀམྨམེཝ.

ཏཏྠ དཱནཾ ཨཔཙིཏི ཝེཡྻཱཝཙྩཾ པཏྟཱནུཔྤདཱནཾ དེསནཱཏི ཨིམཱནི པཉྩ ཀཱཡཝཙཱིདྭཱརེསུ ཨེཝ པཝཏྟནྟི, ན མནོདྭཱརེ. ཨེཏྠ ཙ པཏྟཱནུཔྤདཱནདེསནཱནཾ ཀཱཡཝིཀཱརེན པཏྟིཾ དེནྟསྶ, དྷམྨཾ དེསེནྟསྶ ཙ ཀཱཡདྭཱརེཔི པཝཏྟི ཝེདིཏབྦཱ. སཱིལཾ བྷཱཝནཱ ཨབྦྷནུམོདནཾ སཝནཾ དིཊྛིཛུཀམྨནྟི ཨིམཱནི པན པཉྩ ཏཱིསུཔི དྭཱརེསུ པཝཏྟནྟི, ‘‘ན པུནེཝཾ ཀརིསྶཱམཱི’’ཏི ཙེཏྠ མནསཱཝ དུཙྩརིཏཏོ ཝིརམནྟསྶ, ཨབྦྷནུམོདནྟསྶ ཙ ཝསེན སཱིལབྦྷནུམོདནཱནཾ མནོདྭཱརེཔི པཝཏྟི ཝེདིཏབྦཱ. ཡཾ པན ཨཊྛསཱལིནིཡཾ ‘‘དཱནམཡཾ ཀཱཡཝཙཱིམནོཀམྨཝསེན ཏིཝིདྷཾ ¶ ཧོཏཱི’’ཏིཨཱདི ཝུཏྟཾ, ཏཾ པུབྦཙེཏནཱཝསེན མནོདྭཱརེ པཝཏྟཾ གཧེཏྭཱ པརིཡཱཡཏོ ཝུཏྟཾ, ནིཔྤརིཡཱཡཏོ ཀཱཡཝཙཱིདྭཱརཔྤཝཏྟཱ སནྣིཊྛཱནཙེཏནཱཝ. ཏེནེཝ ཧི ཏཏྠེཝ ཝུཏྟཾ ‘‘ཝིནཡཔརིཡཱཡཾ པཏྭཱ ཧི ‘དསྶཱམི ཀརིསྶཱམཱི’ཏི ཝཱཙཱ བྷིནྣཱ ཧོཏཱིཏི. ཨིམིནཱ ལཀྑཎེན དཱནཾ ནཱམ ཧོཏི, ཨབྷིདྷམྨཔརིཡཱཡཾ པཏྭཱ པན ཝིཛྫམཱནཀཝཏྠུཾ ཨཱརབྦྷ མནསཱ ཙིནྟིཏཀཱལཏོ པཊྛཱཡ ཀུསལཾ ཧོཏི. ཨཔརབྷཱགེ ཀཱཡེན ཝཱ ཝཱཙཱཡ ཝཱ ཀཏྟབྦཾ ཀརིསྶཏཱི’’ཏི (དྷ. ས. ཨཊྛ. ༡). ཨིཏརཐཱ ‘‘དསྶཱམཱི’’ཏི ཙིནྟིཏམཏྟེནཱཔི དཱནཾ ¶ ནཱམ བྷཝེཡྻ, ཏཐཱ ཙ ཏཱདིསཾ ཝཏྠུཾ ཡཐཱཙིནྟིཏནིཡཱམེན ཨདེནྟསྶ དྷུརནིཀྑེཔེ ཨདིནྣཱདཱནམྤི སིཡཱ. ཨེཝཾ མནསཱ པཱཎཱཏིཔཱཏཱདཡོཔི སིཡུཾ, ཏཉྩ ན ཡུཏྟཾ, ཏསྨཱ ཝུཏྟནཡེནེཝ གཧེཏབྦཾ. ཨཐ ཝཱ ‘‘སབྦཾ སཱཔཏེཡྻཾ དིནྣཉྙེཝ ཧརཏཱུ’’ཏི པརིཙྩཛནསམྦྷཝཏོ དཱནསྶ མནོདྭཱརེཔི པཝཏྟི ཝེདིཏབྦཱ.

ཨེཏྠ ཙ དཱནསཱིལཱདིཀཱཡཀམྨཱནཾ ཀཱཡདྭཱརེ པཝཏྟིཡཾ ཀམྨཾ ཀཱཡཀམྨམེཝ, དྭཱརམྤི ཀཱཡདྭཱརམེཝ. ཝཙཱིདྭཱརེ པཝཏྟིཡཾ ཀམྨཾ ཀཱཡཀམྨམེཝ, དྭཱརཾ པན ཝཙཱིདྭཱརཾ. མནོདྭཱརེ པཝཏྟིཡམྤི ཀམྨཾ ཀཱཡཀམྨཾ, དྭཱརཾ པན མནོདྭཱརཾ. དེསནཱབྦྷནུམོདནཱདཱིནཾ ཝཙཱིཀམྨཱནཾ ཝཙཱིདྭཱརེ པཝཏྟིཡཾ ཀམྨམྤི ཝཙཱིཀམྨཾ, དྭཱརམྤི ཝཙཱིདྭཱརམེཝ. ཀཱཡདྭཱརེ པཝཏྟིཡམྤི ཀམྨཾ ཝཙཱིཀམྨམེཝ, དྭཱརཾ པན ཀཱཡདྭཱརཾ. མནོདྭཱརེ པཝཏྟིཡམྤི ཀམྨཾ ཝཙཱིཀམྨཾ, དྭཱརཾ པན མནོདྭཱརཾ. བྷཱཝནཱདིམནོཀམྨཱནཾ མནོདྭཱརེ པཝཏྟིཡཾ ཀམྨམྤི མནོཀམྨཾ, དྭཱརམྤི མནོདྭཱརམེཝ. ཀཱཡདྭཱརེ པཝཏྟིཡམྤི ཀམྨཾ མནོཀམྨམེཝ, དྭཱརཾ པན ཀཱཡདྭཱརཾ. ཝཙཱིདྭཱརེ པཝཏྟིཡམྤི ཀམྨཾ མནོཀམྨམེཝ, དྭཱརཾ པན ཝཙཱིདྭཱརཾ. ཨེཝཾ པཱཎཱཏིཔཱཏཱདཱིནཾ, པཱཎཱཏིཔཱཏཱཝེརམཎིཨཱདཱིནཉྩ ཝུཏྟཱནུསཱརེན ཀམྨཝཝཏྠཱནཾ, དྭཱརཝཝཏྠཱནཉྩ ཡཐཱནུརཱུཔཾ ཡོཛེཏྭཱ ཨསངྐརཏོ ཉཱཏབྦཾ.

དྭཱརཀམྨཝཝཏྠཱནཀཐཱ ནིཊྛིཏཱ.

ཨིདཱནི ཡསྨཱ དསཝིདྷཱནི ཙེཏཱནི པུཉྙཀིརིཡཝཏྠཱུནི ཏཱིསུ ཨེཝཾ སངྒཡ྄ཧནྟི དཱནམཡེ སཱིལམཡེ བྷཱཝནཱམཡེཏི. པཏྟཱནུཔྤདཱནཾ ཧི དཱནམཡེ སངྒཡ྄ཧཏི, ‘‘ཨབྦྷནུམོདནམྤཱི’’ཏི (དྷ. ས. ཨཊྛ. ༡༥༦-༡༥༩ པུཉྙཀིརིཡཝཏྠཱདིཀཐཱ) ཨཊྛཀཐཱཡཾ. ཨཔཙིཏིཝེཡྻཱཝཙྩཱནི སཱིལམཡེ. དེསནཱསཝནདིཊྛིཛུཀམྨཱནི བྷཱཝནཱམཡེ, ཏསྨཱ རཱུཔཱརམྨཎསྶ ཀུསལསྶ ¶ དཱནསཱིལབྷཱཝནཱཝསེན དྭཱརཏྟཡཔྤཝཏྟིཾ ཡོཛེཏྭཱ དསྶེསྶཱམ. ཏདནུསཱརེནེཝ ཨིཏརེསཾ ཝསེནཱཔི སཀྐཱ ཉཱཏུནྟི. ཀུསལཾ ཧི ཝཎྞཱརམྨཎཾ ཧུཏྭཱ ཨུཔྤཛྫམཱནཾ དཱནསཱིལབྷཱཝནཱཝསེནེཝ ཏཱིསུ དྭཱརེསུ ¶ པཝཏྟཏི. ཀཐཾ? ཡདཱ ཧི ནཱིལཔཱིཏཱདིཝཎྞཝིཙིཏྟཾ པུཔྥཝཏྠཱདིདེཡྻདྷམྨཾ ལབྷིཏྭཱ ‘‘ཝཎྞདཱནཾ མེ བྷཝིསྶཏཱི’’ཏི ཝཎྞཝསེན ཨཱབྷུཛིཏྭཱ ཙེཏིཡཱདཱིསུ སཧཏྠེན པཱུཛེཏི, ཏདཱ རཱུཔཱརམྨཎཾ དཱནམཡཾ ཀཱཡདྭཱརེ པཝཏྟཏི, ཏཉྩ པུབྦཙེཏནཱ སནྣིཊྛཱནཙེཏནཱ ཨཔརཙེཏནཱཏི ཏིཝིདྷཾ ཧོཏི. ཨེཝཾ ཨུཔརིཔི སབྦཝཱརེསུ ཏིཝིདྷཏཱ ཝེདིཏབྦཱ. ཡདཱ པན ཏདེཝ ཡཐཱཝུཏྟཝཏྠུཾ ཝཱཙཱཡ ཨཱཎཱཔེཏྭཱ པུཏྟདཱརཱདཱིཧི དཱཔེཏི, ཏདཱརཱུཔཱརམྨཎཾ དཱནམཡཾ ཝཙཱིདྭཱརེ པཝཏྟཏི. ཡདཱ པན ཏདེཝ ཝིཛྫམཱནཀཝཏྠུཾ ‘‘དསྶཱམཱི’’ཏི ཙིནྟེཏི, པཙྩཱསཱིསཏི, ཡཐཱདྷིཔྤཱཡཾ ནིཔྥཱདེསྶཏི, ཏདཱ པུབྦཙེཏནཱཝསེན པརིཡཱཡཏོ དཱནམཡཾ མནོདྭཱརེ པཝཏྟཏི ནཱམ. ཨེཝཾ རཱུཔཱརམྨཎཾ དཱནམཡཾ དྭཱརཝསེན ཏིཝིདྷཾ ཧོཏི.

ཡདཱ པན ཝུཏྟཔྤཀཱརཝཎྞཾ དེཡྻདྷམྨཾ ལབྷིཏྭཱ ‘‘ཨེཝཾ མནཱཔཝཎྞཱནཾ པརིཙྩཛནཾ ནཱམ མཡ྄ཧཾ ཀུལཝཾསཱགཏཝཏྟམེཏ’’ནྟི སཧཏྠཱ པཱུཛེཏི, ཏཱདིསཝཎྞཝནྟཾ ཝཱ པརཔརིགྒཧིཏཱདིབྷོགསམྤཏྟིཾ པརིཙྩཛིཏྭཱ སཱིལཾ རཀྑཏི, ཏདཱ རཱུཔཱརམྨཎཾ སཱིལཾ ཀཱཡདྭཱརེ ཙ པཝཏྟཏི. ཡདཱ པན ཝུཏྟཔྤཀཱརཝཎྞཾ དེཡྻདྷམྨཾ ཀུལཝཾསཱདིཝསེན ཝཱཙཱཡ ཨཱཎཱཔེཏྭཱ པརེཧི དཱཔེཏི, ཏཱདིསཾ ཝཱ པརཔརིགྒཧིཏཱདིཾ ཝཱཙཱཡ ཨཔནེཏྭཱ སཱིལཾ རཀྑཏི, ཏདཱ རཱུཔཱརམྨཎཾ སཱིལཾ ཝཙཱིདྭཱརེ པཝཏྟཏི. ཡདཱ པན ཏཱདིསཾ ཝིཛྫམཱནཀཝཏྠུཾ ཀུལཝཾསཱདིཝསེན ‘‘དསྶཱམཱི’’ཏི, ཏཱདིསཾ པརཔརིགྒཧིཏཱདིཀཾ ཨནཱམསིཏྭཱ ‘‘སཱིལཾ རཀྑིསྶཱམཱི’’ཏི ཝཱ ཙིནྟེཏི, ཏདཱ རཱུཔཱརམྨཎཾ སཱིལཾ མནོདྭཱརེ པཝཏྟཏི. ཨེཝཾ རཱུཔཱརམྨཎཾ སཱིལམཡཾ དྭཱརཝསེན ཏིཝིདྷཾ ཧོཏི.

ཡདཱ ¶ པན ཝུཏྟཔྤཀཱརཾ ཝཎྞཝནྟཾ དཏྭཱ ཏདེཝ ཝཎྞཾ, སབྦཾ ཝཱ རཱུཔཱཡཏནཾ ཙངྐམནྟོ ཨནིཙྩཱདིཏོ ཝིཔསྶཏི, ཏདཱ རཱུཔཱརམྨཎཾ བྷཱཝནཱམཡཾ ཀཱཡདྭཱརེ པཝཏྟཏི. ཏདེཝ ཝཙཱིབྷེདཾ ཀཏྭཱ སམྨསནྟསྶ རཱུཔཱརམྨཎཾ བྷཱཝནཱམཡཾ ཝཙཱིདྭཱརེ པཝཏྟཏི. ཏདེཝ ཀཱཡངྒཝཱཙངྒཾ ཨཙོཔེཏྭཱ སམྨསནྟསྶ རཱུཔཱརམྨཎཾ བྷཱཝནཱམཡཾ མནོདྭཱརེ པཝཏྟཏི. ཨེཝཾ རཱུཔཱརམྨཎཾ བྷཱཝནཱམཡཾ དྭཱརཝསེན ཏིཝིདྷཾ ཧོཏི. ཨིཏི རཱུཔཱརམྨཎསྶ ཀུསལསྶ ཏིཝིདྷཔུཉྙཀིརིཡཝཏྠུཝསེན ནཝསུ ཀམྨདྭཱརེསུ པཝཏྟིཝིབྷཱགོ ཝེདིཏབྦོ. ཨིམིནཱཝ ནཡེན རཱུཔཱརམྨཎསྶ ཀུསལསྶ དསཔུཉྙཀིརིཡཝཏྠུཝསེནཱཔི ཏིཾསཱཡ ཀམྨདྭཱརེསུ པཝཏྟིཝིབྷཱགོ ཡོཛེཏྭཱ ཉཱཏབྦོ. ཡཐཱ ཙ རཱུཔཱརམྨཎསྶ, ཨེཝཾ སདྡཱརམྨཎཱདཱིནམྤི པཉྩནྣཾ ཀུསལཱནཾ པུཉྙཀིརིཡཝཏྠུདྭཱརེཧི ཝིབྷཱགོ, ཡོཛནཱནཡོ ཙ ཡཐཱནུརཱུཔཾ ཉཱཏབྦོ.

ཨཔིཙ ¶ སདྡཾ ནཱམ ཀནྡམཱུལཾ ཝིཡ ཧཏྠེན གཧེཏྭཱ དཱཏུཾ ན སཀྐཱ. ཡདཱ པན ‘‘སདྡདཱནཾ མེ’’ཏི ཨཱབྷུཛིཏྭཱ བྷེརིཨཱདིཏཱུརིཡེ ཏིཎྞཾ རཏནཱནཾ དེཏི, ཏེཧི ཨུཔཧཱརཾ ཝཱ ཀརོཏི, དྷམྨཀཐིཀཱདཱིནཾ སརབྷེསཛྫཱདིཾ དེཏི, དྷམྨསྶཝནཾ གྷོསེཏི, སརབྷཉྙདྷམྨཀཐཱདིཾ ཝཱ ཀརོཏི, ཏདཱ ཀུསལཾ སདྡཱརམྨཎཾ ཧོཏི. ཨེཝཾ གནྡྷཱདིཝཏྠུཔརིཙྩཱགེཔི གནྡྷཱདིཨཱརམྨཎཾ. དྷམྨཱརམྨཎཾ པན ཨོཛཱཛཱིཝིཏིནྡྲིཡཏདཱཡཏྟཱནཾ ཝསེན ཉཱཏབྦཾ. ཡདཱ ཧི ཨོཛཝནྟཱནི ཨནྣཔཱནསཔྤིནཝནཱིཏཱདཱིནི ‘‘ཨོཛདཱནཾ མེ བྷཝིསྶཏཱི’’ཏི དེཏི, གིལཱནཱནཾ བྷེསཛྫཾ ཝཱ ཝེཛྫཾ ཝཱ ཨུཔནེཏྭཱ, པཱཎོཔརོདྷཀཾ ཨཱཝུདྷཛཱལཀུམིནཱདིཾ ཝིནཱསེཏྭཱ ཝཱ, ཝཛ྄ཛྷཔྤཏྟེ པཱཎིནོ མོཙེཏྭཱ ཝཱ ‘‘ཛཱིཝིཏདཱནཾ མེ བྷཝིསྶཏི ཛཱིཝིཏཱཡཏྟཝུཏྟིཏཱཡ, པཉྩཔསཱདསོལ༹སསུཁུམརཱུཔཙིཏྟཙེཏསིཀཱནཾ ཝསེན པསཱདཱདིདཱནཾ མེ བྷཝིསྶཏཱི’’ཏི ཙ མནསི ཀརོཏི, ཏདཱ ཀུསལཾ དྷམྨཱརམྨཎཾ ཧོཏི. སེསཾ ཏཱདིསམེཝ.

ཨཡཾ ¶ ནཱནཱཝཏྠཱུསུ ཋིཏཱརམྨཎཱནཾ ཡོཛནཱ. ཨེཀཝཏྠུསྨིམྤི ཚཱརམྨཎཾ ལབྦྷཏེཝ. པིཎྜཔཱཏསྨིཾ ཧི མནཱཔོ ཝཎྞོ, ཁཱདནཀཱལེ མུརུམུརཱཡནསདྡོ, གནྡྷོ, རསོ, ཕོཊྛབྦཾ, ཨོཛཱ, ཏདཱཡཏྟཱ ཝཱ ཛཱིཝིཏཔསཱདཱདཡོ, ཏབྦིསཡཱནི ཙ ཝིཉྙཱཎཱདཱིནཱིཏི ཚཱརམྨཎམྤི ཝེདིཏབྦཾ. ཨེཝཾ ཙཱིཝརཱདཱིསུ ཙེཝ ཝཏྠཱདཱིསུ ཙ ཡཐཱནུརཱུཔཾ ཉཱཏབྦཾ. ཨེཏྠཔི དཱནསཱིལབྷཱཝནཱམཡཏཱ, ཀཱཡཝཙཱིམནོཀམྨབྷཱཝོ ཙ ཝུཏྟནཡེནེཝ ཝེདིཏབྦོ. ཡཐཱ ཙ ཀུསལཱནཾ, ཨེཝཾ ཨཀུསལཱནམྤི ཨཱརམྨཎཀམྨདྭཱརཝཝཏྠཱནཾ, ཨཔུཉྙཀིརིཡཝཏྠཱུསུ ཡོཛནཱནཡོ ཙ ཝུཏྟཱནུསཱརེན ཡཐཱཡོགཾ ཉཱཏབྦོ.

ཨེཝཾ ཨཱརམྨཎཏོ, པུཉྙཀིརིཡཝཏྠུཏོ, ཀམྨཏོ, དྭཱརཏོ ཙ ཨནེཀསཧསྶཔྤབྷེདེསུ ཙེཏེསུ ཀུསལེསུ ཨུཔཌྜྷཱནི པན ཉཱཎསམྤཡུཏྟཱནི ཙཏུནྣཾ ཨདྷིཔཏཱིནཾ ཝསེན པཙྩེཀཾ ཙཏུབྦིདྷཱནི, ཉཱཎཝིཔྤཡུཏྟཱནི པན ཨུཔཌྜྷཱནི ཝཱིམཾསཱདྷིཔཏིཝཛྫིཏཱདྷིཔཏིཏྟཡཝསེན པཙྩེཀཾ ཏིཝིདྷཱནི, ཏདུབྷཡཱནི པུན ཧཱིནཏྟིཀཝསེན པཙྩེཀཾ ཏིཝིདྷཱནི, ཏཱནི པུན ཨཔརིམཱཎེསུ པན ཙཀྐཝཱལེ༹སུ པཙྩེཀཾ ཨཔརིམཱཎེསུ སཏྟེསུ ཨེཀེཀསྨིཾ ཨཏཱིཏཱནཱགཏཔཙྩུཔྤནྣཨོལཱ༹རིཀསུཁུམཏཱདཱིཧི ཨནནྟེཧི པཀཱརེཧི ཨུཔྤཛྫནཏོ ཨནནྟཱཔརིམཱཎཱནི ཧོནྟི. ཏཱནི སབྦཱནི སམྦུདྡྷོ ཨནནྟེན བུདྡྷཉཱཎེན མཧཱཏུལཱཡ ཏུལཡམཱནོ ཝིཡ, མཧཱཏུམྦེ པཀྑིཔིཏྭཱ མིནཡམཱནོ ཝིཡ སབྦཱཀཱརཏོ པརིཙྪིནྡིཏྭཱ མཧཱཀརུཎཱཡ ཀཱམཱཝཙརཊྛེན སརིཀྑཏཱཡ ཨེཀཏྟཾ ཨུཔནེཏྭཱ, པུན སོམནསྶུཔེཀྑཱསཧགཏཊྛེན, ཉཱཎསམྤཡུཏྟཝིཔྤཡུཏྟཊྛེན, ཨསངྑཱརིཀསསངྑཱརིཀཊྛེན ¶ ཙ ཀོཊྛཱསེ ཀཏྭཱ དེསེསི, ཡཐཱ ཏཾ ལོཀཝིདཱུ སཏྠཱ དེཝམནུསྶཱནནྟི. ཨཡམེཏྠ སངྑེཔོ, ཝིཏྠཱརོ པན ཨཱདིཏོ པཊྛཱཡ དྷམྨསངྒཎིཡཱ (དྷ. ས. ༡), ཏདཊྛཀཐཱཡ ཙ ཨཊྛསཱལིནིཡཱ (དྷ. ས. ཨཊྛ. ༡) སབྦཱཀཱརཏོ ¶ ཉཱཏབྦོཏི. ཨེཝཾ ཝིསཡཱདིཔྤབྷེདཏོ ཝིནིཙྪཡོ ཝེདིཏབྦོ.

ཀཱམཱཝཙརཀུསལདྷམྨཱ ནིཊྛིཏཱ.

རཱུཔཱཝཙརདྷམྨཱ པན ཀུསལཱ ཛྷཱནངྒསམྤཡོགབྷེདཏོ པཉྩཝིདྷཱ ཧོནྟི. སེཡྻཐིདཾ – ཝིཏཀྐཝིཙཱརཔཱིཏིསུཁེཀགྒཏཱསམྤཡུཏྟཾ པཋམཛ྄ཛྷཱནིཀཾ, ཏཏོ ཝཱུཔསནྟཾ ཨཏིཀྐནྟཝིཏཀྐཾ ཝིཙཱརཔཱིཏིསུཁེཀགྒཏཱསམྤཡུཏྟཾ དུཏིཡཛ྄ཛྷཱནིཀཾ, ཏཏོ ཝཱུཔསནྟཾ ཨཏིཀྐནྟཝིཙཱརཾ པཱིཏིསུཁེཀགྒཏཱསམྤཡུཏྟཾ ཏཏིཡཛ྄ཛྷཱནིཀཾ, ཏཏོ ཝཱུཔསནྟཾ ཝིརཏྟཔཱིཏིཀཾ སུཁེཀགྒཏཱསམྤཡུཏྟཾ ཙཏུཏྠཛ྄ཛྷཱནིཀཾ, ཏཏོ ཝཱུཔསནྟཾ ཨཏྠངྒཏསུཁཾ ཨུཔེཀྑེཀགྒཏཱསམྤཡུཏྟཾ པཉྩམཛ྄ཛྷཱནིཀནྟི. ཨེཝཾ སམྤཡོགབྷེདཏོ ཝིནིཙྪཡོ ཝེདིཏབྦོ.

དྷམྨུདྡེསཱདིཏོ པན པཋམཛ྄ཛྷཱནེ ཏཱཝ ཀཱམཱཝཙརཔཋམཀུསལེ ཝུཏྟེསུ ཋཔེཏྭཱ ཝིརཏིཏྟཡཾ སེསཱ ཚཏྟིཾས དྷམྨཱ ཧོནྟི. ཏཏྠ ཚནྡཱདཡོ ཙཏྟཱརོ, ཀརུཎཱ, མུདིཏཱ ཙཱཏི ཚ ཡེཝཱཔནཀཱ. སེསཾ སུཉྙཏཝཱརཔརིཡོསཱནཾ སབྦཾ ཀཱམཱཝཙརཔཋམཀུསལེ ཝུཏྟསདིསམེཝ. ཀེཝལཾ ཧི ཝིརཏཱིནཾ ཨབྷཱཝོ, སངྒཧཝཱརེ པཉྩམགྒངྒབྷཱཝོ, བྷཱུམནྟརཝསེན རཱུཔཱཝཙརབྷཱཝོ ཙ ཝིསེསོ, སེསཾ ཏཱདིསམེཝ. པཋམཛ྄ཛྷཱནཾ.

ཏཐཱ དུཏིཡཛ྄ཛྷཱནེཔི ཀེཝལཾ དྷམྨུདྡེསེ ཝིཏཀྐཱབྷཱཝོ, སངྒཧཝཱརེ ཙཏུཀྐཛ྄ཛྷཱནངྒམགྒངྒབྷཱཝོ ཙ ཝིསེསོ, སེསཾ པཋམསདིསམེཝ. དུཏིཡཾ.

ཏཐཱ ཏཏིཡཛ྄ཛྷཱནེཔི ཀེཝལཾ དྷམྨུདྡེསེ ཝིཙཱརཱབྷཱཝོ, སངྒཧཝཱརེ ཏིཝངྒིཀཛ྄ཛྷཱནཏཱ ཙ ཝིསེསོ, སེསཾ དུཏིཡསདིསམེཝ. ཏཏིཡཾ.

ཏཐཱ ¶ ཙཏུཏྠེ ཀེཝལཾ དྷམྨུདྡེསེ པཱིཏིཡཱ ཨབྷཱཝོ, ཀོཊྛཱསཝཱརེ དུཝངྒིཀཛ྄ཛྷཱནབྷཱཝོ ཙ ཝིསེསོ, སེསཾ ཏཏིཡསདིསམེཝ. ཙཏུཏྠཾ.

ཏཐཱ ¶ པཉྩམེ ཀེཝལཾ དྷམྨུདྡེསེ ཀརུཎཱམུདིཏཱདཱིནཾ ཨབྷཱཝོ, སོམནསྶཊྛཱནེ ཨུཔེཀྑཱབྷཱཝོ, ཀོཊྛཱསཝཱརེ ཛྷཱནིནྡྲིཡེསུ ཨུཔེཀྑཱཛྷཱནངྒབྷཱཝོ, ཨུཔེཀྑིནྡྲིཡབྷཱཝོ ཙ ཝིསེསོ, སེསཾ ཙཏུཏྠསམམེཝ. པཉྩམཾ.

པདབྷཱཛནཱིཡེ པན ཝིཏཀྐཝིཙཱརཱནཾ ཝཱུཔསམཱ དུཏིཡཾ, པཱིཏིཡཱ ཙ ཝིརཱགཱ ཏཏིཡཾ, སོམནསྶསྶ ཙ ཨཏྠངྒམཱ ཙཏུཏྠནྟི ཙཏུཀྐནཡོཔི ཨཱགཏོ, སོ ཏིཀྑཔཉྙཱནཾ ཨེཀཔྤཧཱརེནེཝ ཝིཏཀྐཝིཙཱརསམཏིཀྐམསམྦྷཝཏོ ཝུཏྟོ. ཏཏྠ དུཏིཡཱདཱིནཾ སབྦསོ པཉྩཀནཡེ ཏཏིཡཱདིསམཏྟཱ ཏཏྠ ཝུཏྟནཡེནེཝ སབྦོ ཝིནིཙྪཡོ ཝེདིཏབྦོ ཏཏྠེཝ ཨནྟོགདྷབྷཱཝོ ཙཱཏི. ཙཏུཀྐནཡོ.

ཝིསཡཱདིཔྤབྷེདཏོ པན ཝིནིཙྪཡཾ པཉྩཀནཡེནེཝ ཝཀྑཱམ, ཏདནུསཱརཏོ ཨེཝ ཙཏུཀྐནཡཝསེནཱཔི སཀྐཱ ཉཱཏུནྟི. ཨེཝཾ ཨུཔརི ལོཀུཏྟརེཔི. པཉྩཝིདྷཱཔི ཙེཏེ རཱུཔཱཝཙརཀུསལདྷམྨཱ ཀསིཎཱརམྨཎབྷེདཏོ པཙྩེཀཾ ཨཊྛཝིདྷཱ ཧོནྟི པཐཝཱིཀསིཎཾ ཨཱཔོཏེཛོཝཱཡོནཱིལཔཱིཏལོཧིཏོདཱཏཀསིཎཉྩཱཏི, ཨཱལོཀཱཀཱསཀསིཎེཧི སདྡྷིཾ དསཝིདྷཱ ཧོནྟི. པདབྷཱཛནཱིཡེ (དྷ. ས. ༢༠༢) པན ཨཱལོཀཀསིཎསྶ ཨོདཱཏཀསིཎེན སངྒཧིཏཏྟཱ ཨགྒཧཎཾ དཊྛབྦཾ, ཨཱཀཱསཀསིཎསྶ པན ཨུགྒྷཱཊནཱསམྦྷཝཏོ ཨནཱརུཔྤཛ྄ཛྷཱནིཀཏྟཱ. ཏཾ ཧི པུནཔྤུནཾ ཨུགྒྷཱཊིཡམཱནམྤི ཨཱཀཱསམེཝ ཧོཏི, ཏསྨཱ ཏཏྠུཔྤནྣཾ རཱུཔཱཝཙརཔཉྩམཛ྄ཛྷཱནཾ བྷཝཝིསེསཱཡ, དིཊྛདྷམྨསུཁཝིཧཱརཱཡ ཙ སཾཝཏྟཏི, ཨབྷིཉྙཱཡ, ཝིཔསྶནཱཡ ཙ པཱདཀམྤི ཧོཏི, ཨནཱརུཔྤཏྟཱ པན ¶ ནིརོདྷཔཱདཀཾ ན ཧོཏི. སེསཱནི པན ནཝ ཀསིཎཱནི ནིརོདྷཔཱདཀཱནིཔཱིཏི ཨཡམེཏེསཾ ཝིསེསོ. ཨཱནཱཔཱནཛ྄ཛྷཱནསྶཱཔི པནེཏྠ ཝཱཡོཀསིཎེ སངྒཧོ དཊྛབྦོཏི. ཀསིཎཀཐཱ.

ཨེཝཾ ཀསིཎཝསེན ཨཊྛཝིདྷཱ ཙེཏེ ཨབྷིབྷཱཡཏནཝསེན པན པཙྩེཀཾ ཨཊྛཝིདྷཱ ཧོནྟི. བྷགཝཏཱ ཧི –

‘‘ཨཛ྄ཛྷཏྟཾ ཨརཱུཔསཉྙཱི བཧིདྡྷཱ རཱུཔཱནི པསྶཏི པརིཏྟཱནི, ཏཱནི ཨབྷིབྷུཡྻ…པེ… ཨཔྤམཱཎཱནི. ཏཱནི ཨབྷིབྷུཡྻ ¶ …པེ… པརིཏྟཱནི སུཝཎྞདུབྦཎྞཱནི…པེ… ཨཔྤམཱཎཱནི སུཝཎྞདུབྦཎྞཱནི སུཝིསུདྡྷཾ ནཱིལཾ པཱིཏཾ ལོཧིཏཾ ཨོདཱཏ’’ནྟི (དྷ. ས. ༢༡༡ ཨཱདཡོ) –

ཨཊྛ ཨབྷིབྷཱཡཏནཱནི དེསིཏཱནི, ཏཱནི ཙ ཀསིཎེསྭེཝ ཨབྷིབྷཝིཏྭཱ སམཱཔཛྫནཝསེན ཛྷཱནུཔྤཏྟིཝིསེསཏོ, ཨནཱརམྨཎཝིསེསཏོ. ཏཏྠ ཧི ཨཛ྄ཛྷཏྟཾ ཨརཱུཔསཉྙཱིཏི ཨལཱབྷིཏཱཡ ཝཱ ཨནཏྠིཀཏཱཡ ཝཱ ཨཛ྄ཛྷཏྟརཱུཔེ ཀསིཎཝསེན པརིཀམྨསཉྙཱཝིརཧིཏོཝ. བཧིདྡྷཱ རཱུཔཱནི པསྶཏཱིཏི བཧིདྡྷཱ ཨཊྛ ཀསིཎརཱུཔཱནི པརིཀམྨཝསེན ཙེཝ ཨཔྤནཱཝསེན ཙ པསྶཏི. པརིཏྟཱནཱིཏི ཁུདྡཀཔརིམཱཎཱནི, ཏཱནི ཨབྷིབྷུཡྻ པསྶནྟོ ཙ སམྤནྣགཧཎིཀོ ཀཊཙྪུམཏྟཾ བྷཏྟཾ ལབྷིཏྭཱ ‘‘ཀིཾ ཨེཏྠ བྷུཉྫིཏབྦཾ ཨཏྠཱི’’ཏི སངྐཌྜྷིཏྭཱ སབྦཾ ཨེཀཀབལ༹མེཝ ཀརོཏི, ཨེཝམེཝ ཉཱཎུཏྟརིཀོ ‘‘ཀིམེཏྠ པརིཏྟཀེ ཨཱརམྨཎེ སམཱཔཛྫིཏབྦཾ ཨཏྠི, ནཱཡཾ མམ བྷཱརོ’’ཏི ཏཱནི ཨབྷིབྷཝིཏྭཱ སཧ ནིམིཏྟུཔྤཱདེནེཝ ཨཔྤནཾ ནིབྦཏྟེཏི, ཏསྨཱ ཏཾ ཛྷཱནཾ ‘‘ཨབྷིབྷཱཡཏན’’ནྟི ཝུཙྩཏི. ཨཔྤམཱཎཱནཱིཏི མཧནྟཱནི. ཏཱནི ཨབྷིབྷུཡྻཱཏི མཧགྒྷསོ ཨེཀཾ བྷཏྟཔཱཏིཾ ལབྷིཏྭཱ ཝིཡ ཉཱཎུཏྟརོ ཨཔྤམཱཎཾ ལབྷིཏྭཱ ‘‘ཨེཏཾ ཝཱ ཧོཏུ ཨཉྙཾ ཝཱ, ཀིམེཏྠ སམཱཔཛྫིཏབྦ’’ནྟི ཨཔྤནཾ ནིབྦཏྟེཏི. སུཝཎྞདུབྦཎྞཱནཱིཏི པརིསུདྡྷཱཔརིསུདྡྷཝཎྞཱནི ¶ . པརིསུདྡྷཱནི ཧི ནཱིལཱདཱིནི, ཨཔརིསུདྡྷཱནི ཙ སུཝཎྞདུབྦཎྞཱནཱིཏི ཨིདྷ ཨདྷིཔྤེཏཱནི, ཨེཏཱནིཔི ‘‘སུཝཎྞཱནི ཝཱ ཧོནྟུ དུབྦཎྞཱནི ཝཱ, པརིཏྟཨཔྤམཱཎཝསེནེཝ ཨབྷིབྷཱཡཏནཱནཱི’’ཏི ཨཱགམཊྛཀཐཱསུ (དཱི. ནི. ཨཊྚ. ༢.༡༧༣; མ. ནི. ཨཊྛ. ༢.༢༤༩; ཨ. ནི. ཨཊྛ. ༣.༨.༦༥) ཝཎྞིཏཱནི. ཝཎྞཱབྷོགསྶ ཧི ཨཏྠིཏཱཡ པུརིམཱནི ཨབྷིབྷཱཡཏནཱནི ཝཎྞཱབྷོགརཧིཏསཧིཏཏཱཡ ཨེཏྠ ཀེཝལཏོ ཝིསེསསབྦྷཱཝཱ ཙཏུདྷཱ ཝུཏྟཱནི, ནཱིལཱདཱིནི པན ཙཏྟཱརི སུཝིསུདྡྷཝཎྞཝསེན སུཁཱརོཧཏཱཡ ཉཱཎུཏྟརིཀོ ཨབྷིབྷཝིཏྭཱ ཨཔྤནཾ ནིབྦཏྟེཏི, ཏསྨཱ ཨཱརམྨཎཝིསེསཱབྷཱཝེཔི ཛྷཱནུཔྤཏྟིཝིསེསཏོ ཨིམེསཾ ཨཊྛནྣཾ ཨབྷིབྷཱཡཏནཱནཾ ཝསེན པཙྩེཀཾ ཨཊྛཝིདྷཱ ཧོནྟཱིཏི ཝེདིཏབྦཱ. ཨབྷིབྷཱཡཏནཀཐཱ.

ཏཱནི པུན ཡཐཱ ཙ ཨབྷིབྷཱཡཏནཝསེན, ཨེཝཾ ཝིམོཀྑཝསེནཱཔི པཙྩེཀཾ ཏིཝིདྷཱ ཧོནྟི. བྷགཝཏཱ ཧི ‘‘རཱུཔཱི རཱུཔཱནི པསྶཏི, ཨཛ྄ཛྷཏྟཾ ཨརཱུཔསཉྙཱི བཧིདྡྷཱ རཱུཔཱནི པསྶཏི, སུབྷནྟྭེཝ ཨདྷིམུཏྟོ ཧོཏཱི’’ཏི (དྷ. ས. ༢༤༠ ཨཱདཡོ; དཱི. ནི. ༣.༣༣༩, ༣༥༨; ཨ. ནི. ༨.༦༦) ཏཡོ ཝིམོཀྑཱ དེསིཏཱ. ཏེ ཙ ཀསིཎེསྭེཝ ཨདྷིམུཙྩནཝསེན ཛྷཱནུཔྤཏྟིཝིསེསཏོ, བྷཱཝནཱརམྨཎཝིསེསཏོ ཀིམིདཾ ཨདྷིམུཙྩནཾ ནཱམ? པཙྩནཱིཀདྷམྨེཧི ¶ སུཊྛུ ཝིམུཙྩནཾ, ཨཱརམྨཎེསུ ཙ སུཊྛུ ཨབྷིརཏི, པིཏུ མཱཏུ ཨངྐེ ཝིསྶཊྛངྒཔཙྩངྒསྶ དཱརཀསྶ སཡནཾ ཝིཡ ཨནིགྒཧིཏབྷཱཝེན ནིརཱསངྐཏཱཡ ཨཱརམྨཎེ པཝཏྟཱིཏི ཝུཏྟཾ ཧོཏི. ཏཏྠ རཱུཔཱིཏི ཨཛ྄ཛྷཏྟཾ ཀེསཱདཱིསུ ཨུཔྤཱདིཏཾ རཱུཔཛ྄ཛྷཱནཾ རཱུཔཾ ནཱམ, ཏདསྶ ཨཏྠཱིཏི རཱུཔཱི. ཨཛ྄ཛྷཏྟམྤི ཧི ཀེསཱདཱིསུ ནཱིལཾ, མེདཱདཱིསུ པཱིཏཾ, མཾསཱདཱིསུ ལོཧིཏཾ, དནྟཱདཱིསུ ཨོདཱཏཉྩ ཝཎྞཀསིཎཝསེན ཨཱབྷུཛིཏྭཱ པརིཀམྨཾ ཀརོནྟསྶ རཱུཔཛ྄ཛྷཱནཱནི, ཀསིཎཾ ཨུགྒྷཱཊེཏྭཱ ཙ ཨརཱུཔཛ྄ཛྷཱནཱནི ཨུཔྤཛྫནྟེཝ ¶ . རཱུཔཱནི པསྶཏཱིཏི བཧིདྡྷཱཔི ནཱིལཀསིཎཱདིརཱུཔཱནི ཛྷཱནཙཀྑུནཱ པསྶཏི, ཨིམིནཱ ཨཛ྄ཛྷཏྟབཧིདྡྷཝཏྠུཀེསུ ཀསིཎེསུ ཛྷཱནཔྤཊིལཱབྷོ དསྶིཏོ. ཨཛ྄ཛྷཏྟཾ ཨརཱུཔསཉྙཱིཏི ཨཏྟནོ ཀེསཱདཱིསུ ཨནུཔྤཱདིཏརཱུཔཱཝཙརཛ྄ཛྷཱནོ, ཨིམིནཱ བཧིདྡྷཱ པཊིལདྡྷཛ྄ཛྷཱནཏཱ དསྶིཏཱ. སུབྷནྟྭེཝ ཨདྷིམུཏྟོ ཧོཏཱིཏི ཨིམིནཱ སུཝིསུདྡྷེསུ ནཱིལཱདིཝཎྞཀསིཎེསུ ‘‘སུབྷ’’ནྟི ཨདྷིམུཏྟིཝསེན པཊིལདྡྷཛ྄ཛྷཱནཏཱ དསྶིཏཱ. ཨེཝཾ ཨཱརམྨཎཝིསེསཱབྷཱཝེཔི ཨདྷིམུཏྟིཝསེན ཛྷཱནུཔྤཏྟིཝིསེསཏོ ཨིམེསཾ ཏིཎྞཾ ཝིམོཀྑཱནཾ ཝསེན པཙྩེཀཾ ཏིཝིདྷཱ ཧོནྟཱིཏི ཝེདིཏབྦཱ. ཝིམོཀྑཀཐཱ.

ཡཐཱ ཙ ཝིམོཀྑཏོ, ཨེཝཾ པཊིཔདཱབྷེདཏོ པཙྩེཀཾ ཙཏུབྦིདྷཱ ཧོནྟི དུཀྑཔཊིཔདཾ དནྡྷཱབྷིཉྙཾ, དུཀྑཔཊིཔདཾ ཁིཔྤཱབྷིཉྙཾ, སུཁཔཊིཔདཾ དནྡྷཱབྷིཉྙཾ, སུཁཔཊིཔདཾ ཁིཔྤཱབྷིཉྙནྟི. ཏཏྠ པཋམསམནྣཱཧཱརཏོ པཊྛཱཡ ཡཱཝ ཨུཔཙཱརཾ ཨུཔྤཛྫཏི, ཏཱཝ པཝཏྟཱ ཛྷཱནབྷཱཝནཱ ‘‘པཊིཔདཱ’’ཏི ཝུཙྩཏི. སཱ ཨེཀཙྩསྶ དུཀྑཱ ནཱིཝརཎཱདིཔཙྩནཱིཀདྷམྨསམུདཱཙཱརགཧནཏཱཡ ཨསུཁསེཝནཱ ཧོཏི, ཨེཀཙྩསྶ ཏདབྷཱཝཏོ སུཁཱ. ཨུཔཙཱརཏོ པན པཊྛཱཡ ཡཱཝ ཨཔྤནཱ, ཏཱཝ པཝཏྟཱ པཉྙཱ ‘‘ཨབྷིཉྙཱ’’ཏི ཝུཙྩཏི. སཱ ཨེཀཙྩསྶ དནྡྷཱ ཨསཱིགྷཔྤཝཏྟིནཱི, ཨེཀཙྩསྶ ཁིཔྤཱ. ཨསཔྤཱཡསེཝིནོ དུཀྑཱ པཊིཔདཱ ཧོཏི དནྡྷཱ ཙ ཨབྷིཉྙཱ, སཔྤཱཡསེཝིནོ སུཁཱ པཊིཔདཱ ཧོཏི ཁིཔྤཱ ཙ ཨབྷིཉྙཱ. པུབྦཱཔརཀཱལེསུ སཔྤཱཡཱསཔྤཱཡསེཝནཝསེན ཝོམིསྶཏཱ ཙ ཝེདིཏབྦཱ. ཏཐཱ པལིབོདྷུཔཙྪེདཱདིཀཾ པུབྦཀིཙྩཾ ཨསམྤཱདེནྟསྶ པཊིཔདཱ དུཀྑཱ, སམྤཱདེནྟསྶ སུཁཱ པཊིཔདཱ. ཨཔྤནཱཀོསལླཾ ཨསམྤཱདེནྟསྶ དནྡྷཱབྷིཉྙཱ, སམྤཱདེནྟསྶ ཁིཔྤཱ. ཀིལེསིནྡྲིཡཱནཾ ཝཱ ཏིཀྑམུདུཏཱཡ པཋམཱ, ཝིཔརིཡཱཡེན ཙཏུཏྠཱ, ཝོམིསྶཏཱཡ མཛ྄ཛྷིམཱ དྭེཏི ཝེདིཏབྦཱ. ཏཎྷཱཝིཛྫཱབྷིབྷཝནཱནབྷིབྷཝནཝསེན ཝཱ སམཐཝིཔསྶནཱསུ ཀཏཱདྷིཀཱརཱཀཏཱདྷིཀཱརཏཱཝསེན ཝཱཔི ¶ ཨེཏཱསཾ པབྷེདོ ཝེདིཏབྦོ. པཋམཛ྄ཛྷཱནཱདིཨཱགམནཝསེནཱཔི དུཏིཡཱདཱིནཾ པཊིཔདཱབྷིཉྙཱབྷེདོ ཧོཏིཡེཝཱཏི དཊྛབྦཾ. ཨེཝཾ པཊིཔདཱཝསེན པཙྩེཀཾ ཙཏུབྦིདྷཱ ཧོནྟཱིཏི ཝེདིཏབྦཱ. པཊིཔདཱཀཐཱ.

ཡཐཱ ¶ ཙ པཊིཔདཱཧི, ཨེཝཾ ཨཱརམྨཎབྷེདཏོཔི པཙྩེཀཾ ཙཏུབྦིདྷཱ ཧོནྟི པརིཏྟཾ པརིཏྟཱརམྨཎཾ, པརིཏྟཾ ཨཔྤམཱཎཱརམྨཎཾ, ཨཔྤམཱཎཾ པརིཏྟཱརམྨཎཾ, ཨཔྤམཱཎཾ ཨཔྤམཱཎཱརམྨཎནྟི. ཏཏྠ ཡཾ ཨཔྤགུཎཾ, ཨུཔརིཛ྄ཛྷཱནསྶ པཙྩཡོ བྷཝིཏུཾ ན སཀྐོཏི, ཨིདཾ པརིཏྟཾ. ཡཾ པན ཨཝཌྜྷིཏེ ཨཱརམྨཎེ པཝཏྟཾ, ཏཾ པརིཏྟཾ ཨཱརམྨཎཾ ཨསྶཱཏི པརིཏྟཱརམྨཎཾ. ཝིཔརིཡཱཡཏོ ཨཔྤམཱཎཾ ཨཔྤམཱཎཱརམྨཎཾ. ཏདུབྷཡཝོམིསྶཏཱཡ མཛ྄ཛྷེ ཨིཏརདྭཡཾ ཝེདིཏབྦཾ. ཨེཝཾ ཨཱརམྨཎབྷེདཏོ ཙཏུབྦིདྷཱ ཧོནྟཱིཏི ཝེདིཏབྦཱ. ཨཱརམྨཎཀཐཱ.

ཡཐཱ ཙ པཊིཔདཱརམྨཎེཧི, ཨེཝཾ ཨདྷིཔཏཱིནཾ ཝསེན པཙྩེཀཾ ཙཏུབྦིདྷཏཱ, ཧཱིནཏྟིཀཝསེན པུན ཏིཝིདྷཏཱ ཙ ཡོཛེཏྭཱ ཝེདིཏབྦཱ.

དསཀསིཎམཱུལཝིབྷཱགཀཐཱ ནིཊྛིཏཱ.

ཡཐཱ ཀསིཎམཱུལེསུ, ཨེཝཾ བྲཧྨཝིཧཱརམཱུལེསུཔི ཡཐཱཡོགཾ ཝིབྷཱགོ ཝེདིཏབྦོ – མེཏྟཱཀརུཎཱམུདིཏཱཝསེན ཧི ཨཱདིཏོ ཙཏྟཱརི ཛྷཱནཱནི པཙྩེཀཾ ཏིཝིདྷཱ ཧོནྟི མེཏྟཱསཧགཏཾ, ཀརུཎཱསཧགཏཾ, མུདིཏཱསཧགཏནྟི. པཉྩམཛ྄ཛྷཱནཾ པན ཨུཔེཀྑཱབྲཧྨཝིཧཱརཝསེན ཨེཀཝིདྷཾ ཨུཔེཀྑཱསཧགཏནྟི. པུརིམེསུ ཧི ཏཱིསུ པཉྩམཛ྄ཛྷཱནཾ ནུཔྤཛྫཏི. ཀསྨཱ? སོམནསྶཱཝིཔྤཡོགཏོ, སོམནསྶསམུཊྛིཏཱནཾ བྱཱཔཱདཝིཧིཾསཱརཏཱིནཾ ཡཐཱཀྐམཾ ནིསྶརཎཏྟཱ, པཙྪིམེ ཙ ཏིཀཙཏུཀྐཛ྄ཛྷཱནཾ ནུཔྤཛྫཏི. ཀསྨཱ? ཨུཔེཀྑཱཝེདནཱསམྤཡོགཏོ, ཏསྶཱ ཙ པཊིགྷཱནུནཡནིསྶརཎཏོ མཛ྄ཛྷཏྟཱཀཱརེན པཝཏྟིཏོ, ཏཱནི པུན པཊིཔདཱརམྨཎཱདྷིཔཏིཧཱིནཏྟིཀབྷེདེཧི པུབྦེ ¶ ཝུཏྟནཡེན ཡོཛེཏྭཱ ཝེདིཏབྦཱནི. ཨེཏྠ ཙ ཨཔྤསཏྟཱརམྨཎཝསེན པརིཏྟཱརམྨཎཏཱ, བཧུསཏྟཱརམྨཎཝསེན ཨཔྤམཱཎཱརམྨཎཏཱ ཙ ཨེཀསྨིཾ སཏྟེ ཨཔྤནཾ པཱཔེཏྭཱ ཨནུཀྐམེན ཨེཀཱཝཱསཨེཀཝཱིཐིགཱམཱདིགཏསཏྟེསུ པཱཔནཝསེན ཝཌྜྷནཱ ཙ ཝེདིཏབྦཱ. དྷམྨུདྡེསེ པནེཏྠ ཀརུཎཱསཧགཏེ མུདིཏཱཝིརཧིཏཱ པཉྩཏིཾས དྷམྨཱ, ཏེསུ ཚནྡཱདཡོ ཙཏྟཱརོ, ཀརུཎཱ ཙཱཏི པཉྩེཝ ཡེཝཱཔནཀཱ, ཀརུཎཱ ཙ ནིཡཏཱཏི ཝེདིཏབྦཱ. ཨེཝཾ མུདིཏཱསཧགཏེཔི. ཀེཝལཾ ཀརུཎཱཝིརཧིཏཱ མུདིཏཱ ནིཡཏཱ པཝཏྟཱཏི ཨཡམེཏྠ ཝིསེསོ. ཨཝསེསབྲཧྨཝིཧཱརདྭཡེ, པན ཀསིཎཱསུབྷཱདཱིསུ ཙ སབྦཏྠ ཀརུཎཱམུདིཏཱཝིརཧིཏཱ ཙ ཙཏུཏྟིཾས དྷམྨཱ, ཏཏྠ ཙ ཚནྡཱདཡོ ཙཏྟཱརོཝ ཡེཝཱཔནཀཱ ཝེདིཏབྦཱཏི. བྲཧྨཝིཧཱརམཱུལཝིབྷཱགཀཐཱ.

ཨསུབྷབྷེདཏོ ¶ པན པཋམཛ྄ཛྷཱནམེཝེཀཾ དསཝིདྷཾ ཧོཏི ཨུདྡྷུམཱཏཀསཉྙཱསཧགཏཾ ཝིནཱིལཀཝིཔུབྦཀཝིཙྪིདྡཀཝིཀྑཱཡིཏཀཝིཀྑིཏྟཀཧཏཝིཀྑིཏྟཀལོཧིཏཀཔུལ༹ཝཀཨཊྛིཀསཉྙཱསཧགཏནྟི, དསཝིདྷེཔི ཙེཏསྨིཾ ཨསུབྷེ པཊིཀཱུལཏྟཱ, དུབྦལཏྟཱ ཙ ཝིཏཀྐབལེནེཝ ཛྷཱནཾ ཏིཊྛཏི, ན ཝིནཱ ཝིཏཀྐེན སཱིགྷསོཏཱཡ ནདིཡཱ ཨརིཏྟབལེནེཝ ནཱཝཱ ཝིཡ, ཏསྨཱ པཋམཛ྄ཛྷཱནམེཝེཏྠ ཨུཔྤཛྫཏི, སམཐཝིཔསྶནཱདིཨཱནིསཾསདསྶཱཝིཏཱཡ, པནེཏྠ ནཱིཝརཎཔྤཧཱནེན ཙ པཱིཏིསོམནསྶཾ ཨུཔྤཛྫཏི བཧུཝེཏནལཱབྷདསྶནེན པུཔྥཚཌྜཀསྶ གཱུཐརཱསིམྷི ཝིཡ, ཨུཔསནྟབྱཱདྷིདུཀྑསྶ ཙ རོགིནོ ཝམནཝིརེཙནཔྤཝཏྟིཡཾ ཝིཡཱཏི དཊྛབྦཾ. ཏཾ པན དསཝིདྷམྤི པཋམཛ྄ཛྷཱནཾ པཊིཔདཱརམྨཎཱདྷིཔཏིཧཱིནཏྟིཀཝསེན པཙྩེཀཾ ཡོཛེཏྭཱ ཝེདིཏབྦཾ. ཨེཏྠ ཙ ཨསུབྷཱརམྨཎསྶ ཨཝཌྜྷནཱིཡཏཱཡ ཁུདྡཀེ ཨུདྡྷུམཱཏཀཱདིཊྛཱནེ ཨུཔྤནྣཾ ནིམིཏྟཾ པརིཏྟཱརམྨཎཾ, མཧནྟེ ཨཔྤམཱཎཱརམྨཎཾ ཝེདིཏབྦཾ. ཨེཏེསུ པན ¶ དསསུ ཨསུབྷེསུ སཱམཉྙཏོ དྭཏྟིཾསཱཀཱརཝསེན, ནཝསིཝཐིཀཔབྦཝསེན ཙ པཝཏྟཱ ཀཱཡགཏཱསཏི སངྒཧིཏཱ, ཝཎྞཀསིཎེསུ ཙ ཀེསཱདཱིནཾ ཀོཊྛཱསཱནཾ ནཱིལཱདིཝཎྞཱརམྨཎཱ, ཙཏུཀྐཔཉྩཀཛ྄ཛྷཱནཝསེན ཨུཔྤནྣཱ ཀཱཡགཏཱསཏི ཙ སངྒཧིཏཱ. པདབྷཱཛནཱིཡེ ཝིསུཾ ན ཝུཏྟཱ, ཏསྨཱ ཏེསཾ ཝསེནཱཔི ཝིབྷཱགོ ཝེདིཏབྦོ. ཨསུབྷམཱུལཝིབྷཱགཀཐཱ.

ཨེཝཾ ཨཱརམྨཎཱདིབྷེདཏོ ཙ བྷིནྣཱནཾ རཱུཔཱཝཙརཀུསལདྷམྨཱནཾ ཀཱལདེསཱདིབྷེདེན ཨནནྟཏཱ, བྷགཝཏཱ ཙ ཨེཀཏྟཾ ཨུཔནེཏྭཱ དེསིཏབྷཱཝོ, ཝིཏྠཱརནཡཱཏིདེསོ ཙ ཀཱམཱཝཙརཀུསལེ ཝུཏྟཱནུསཱརེན ཡཐཱནུརཱུཔཾ ཉཱཏབྦོ. ཨིཏོ པརཾ ཨརཱུཔཱཝཙརཱདཱིསུཔི ཝིསེསམཏྟམེཝ ཝཀྑཱམ. ཨེཝཾ ཝིསཡཱདིཔྤབྷེདཏོ ཝིནིཙྪཡོ ཝེདིཏབྦོ.

རཱུཔཱཝཙརཀུསལདྷམྨཱ ནིཊྛིཏཱ.

ཨརཱུཔཱཝཙརཱ པན ཀུསལདྷམྨཱ སམྤཡོགཏོ ན བྷིནྣཱ, སབྦེཔི ཨུཔེཀྑེཀགྒཏཱསམྤཡུཏྟཱཝ, དྷམྨུདྡེསཱདིཏོཔི སབྦསོ རཱུཔཱཝཙརཔཉྩམཛ྄ཛྷཱནསདིསཱ. ཨརཱུཔཱཝཙརབྷཱཝོ ཨེཝ ཧེཏྠ ཝིསེསོ. ཝིསཡཱདིཔྤབྷེདཏོཏི ཨེཏྠ པན ཨཱརམྨཎཏོ ཏེ ཙཏུབྦིདྷཱ ཧོནྟི. སེཡྻཐིདཾ – ཨཱཀཱསཱནཉྩཱཡཏནཾ ཝིཉྙཱཎཉྩཱཡཏནཾ ཨཱཀིཉྩཉྙཱཡཏནཾ ནེཝསཉྙཱནཱསཉྙཱཡཏནནྟི. ཏཏྠ ཧི ཀསིཎུགྒྷཱཊིམཱཀཱསེ ‘‘ཨནནྟོ ཨཱཀཱསོ’’ཏི པཝཏྟཾ པཋམཾ, ཏསྨིཾ པཋམཱརུཔྤཝིཉྙཱཎེ ‘‘ཨནནྟཾ ཝིཉྙཱཎ’’ནྟི པཝཏྟཾ དུཏིཡཾ, ཏསྶ པཋམཱརུཔྤཝིཉྙཱཎསྶ ཨབྷཱཝེ ‘‘ནཏྠི ཀིཉྩཱི’’ཏི པཝཏྟཾ ¶ ཏཏིཡཾ, ཏསྨིཾ ཏཏིཡེ ‘‘སནྟམེཏཾ པཎཱིཏམེཏ’’ནྟི པཝཏྟཾ ཙཏུཏྠཾ. པུརིམཔུརིམེཧི པཙྪིམཔཙྪིམཾ སནྟསནྟཏརསནྟཏམནྟི ཙ ཝེདིཏབྦཾ.

ནནུ ¶ རཱུཔཱཝཙརེསུ ཝིཏཀྐཱདིཨངྒསམཏིཀྐམཏོ ཨུཔརཱུཔརིཛྷཱནཱནཾ སནྟཏརཱདིབྷཱཝོ ཝུཏྟོ, ཨངྒཱཏིཀྐམརཧིཏེསུ པན ཨཱརུཔྤེསུ ཀཐནྟི? ཨཱརམྨཎཱཏིཀྐམཏོ. ཨེཏེསུ ཧི ཀསིཎརཱུཔསམཏིཀྐམཏོ པཋམཾ ཛྷཱནཾ རཱུཔཱཝཙརཔཉྩམཛ྄ཛྷཱནཏོ སནྟཾ, ཏཏོཔི ཀསིཎུགྒྷཱཊིམཱཀཱསཱཏིཀྐམཏོ དུཏིཡཾ, ཏཏོཔི ཨཱཀཱསེ པཝཏྟཝིཉྙཱཎཱཏིཀྐམཏོ ཏཏིཡཾ, ཏཏོཔི ཨཱཀཱསེ པཝཏྟཝིཉྙཱཎསྶ སམཏིཀྐམཏོ ཙཏུཏྠནྟི. ཨེཝཾ ཨངྒསམཏྟེཔི ཐཱུལཐཱུལཱཏིཀྐམེན སུཁུམསུཁུམཱརམྨཎཏཱཡ ཨུཔརཱུཔརིཛ྄ཛྷཱནཱནཾ སནྟཏརཱདིབྷཱཝོ ཝེདིཏབྦོ སམཱཡཱམཝིཏྠཱརཱནམྤི ཝཏྠཱནཾ སུཏྟསུཁུམཏརཱདིབྷཱཝོ ཝིཡ. ནནུ ཨབྷཱཝཱརམྨཎཏཱཡ ཏཏིཡཱརུཔྤཾ སནྟཔཎཱིཏཏོ མནསི ཀརོནྟསྶ ཙཏུཏྠཱརུཔྤསྶ ཀཐཾ ཏཏྠ ནིཀནྟིཔརིཡཱདཱནཾ, ཀཐཾ ཙ སམཏིཀྐམོ ཝཱ ཧོཏཱིཏི? ཨསམཱཔཛྫིཏུཀཱམཏཱཡ, སཱ ཙ ཨཏྟནོ སནྟཔཎཱིཏཏཱཡ. ཡཐཱ ཧི རཱཛཱ དནྟཀཱརཱདིསིཔྤིཀཱནཾ ཨཏིསུཁུམམནཱཔསིཔྤཾ དིསྭཱ ‘‘ཚེཀཱ ཝཏིམེ ཨཱཙརིཡཱ’’ཏི ཏེསཾ ཚེཀཏཱཡ ཏུསྶནྟོཔི ན ཏཾ སིཔྤིཀབྷཱཝཾ པཏྠེཏི, ཏཾ སམཏིཀྐམྨ རཱཛབྷཱཝེ ཨེཝ ཏིཊྛཏི, ཨེཝཾསམྤདམིདཾ དཊྛབྦཾ. ཨེཝཾ ཨཱརམྨཎབྷེདཏོ ཙཏུབྦིདྷཱནམྤེཏེསཾ པུན པཊིཔདཱརམྨཎཱདྷིཔཏིཧཱིནཏྟིཀབྷེདེཧི པུབྦེ ཝུཏྟནཡེནེཝ པཙྩེཀཾ བྷེདོ ཝེདིཏབྦོ.

ཨེཏྠ ཙ རཱུཔཱཝཙརཙཏུཏྠཛ྄ཛྷཱནནིཀནྟི པརིཡཱདཱནདུཀྑཏཱཡ པཋམཱརུཔྤསྶ, པཋམཱརུཔྤཱདིནིཀནྟིཔརིཡཱདཱནདུཀྑཏཱཡ དུཏིཡཱརུཔྤཱདཱིནཉྩ དུཀྑཔཊིཔདཏཱ, པརིཡཱདིཎྞནིཀནྟིཀསྶ ཏདཔྤནཱཔརིཝཱསདནྡྷཏཱཡ དནྡྷཱབྷིཉྙཏཱ, ཝིཔརིཡཱཡེན ཨིཏརཱ ཙ ཝེདིཏབྦཱ. པརིཏྟཀསིཎུགྒྷཱཊིམཱཀཱསམཱུལཀཱནཾ པན ཙཏུནྣཾ པརིཏྟཱརམྨཎཏཱ, ཝིཔརིཡཱཡཱནཾ ཨཔྤམཱཎཱརམྨཎཏཱ ཝེདིཏབྦཱ. རཱུཔཱརཱུཔཱཝཙརཱ པནེཏྠ ཨདྷིཔཏིསཧིཏཱཝ ཨུཔྤཛྫནྟི, ན ཝིནཱ ཨདྷིཔཏཱིཧི. ཀཱམཱཝཙརཱ ཏུ ཨདྷིཔཏིརཧིཏཱཔི ཨུཔྤཛྫནྟི ¶ , ཏེ ཙ ཨཱརམྨཎཱདྷིཔཏི སཧཛཱཏཱདྷིཔཏཱིཏི དྭེཔི ལབྦྷནྟི. རཱུཔཱརཱུཔཱཝཙརཱ པན སཧཛཱཏཱདྷིཔཏིམེཝ, ནེཏརཾ. ཏཏྠ ཙ ཚནྡཱདྷིཔཏིནཱ སཧཛཱཏཱ དྷམྨཱ ཚནྡཱདྷིཔཏེཡྻཱ, ཚནྡོ པན ཨདྷིཔཏི ཨེཝ, ན ཚནྡཱདྷིཔཏེཡྻོ. ཨིཏརེ པན ཨདྷིཔཏེཡྻཱཝ, ནཱདྷིཔཏཡོ ཨཉྙསྶ ཨཏྟནཱ སཧཛཱཏསྶ ཚནྡསྶ, ཨིཏརེསཉྩ ཨདྷིཔཏིཡཏྠསྶ ཨབྷཱཝཱ. ཨེཀསྨིཾ ཧི ཙིཏྟུཔྤཱདེ ཚནྡཱདཱིསུ ཙཏཱུསུཔི ཝིཛྫམཱནེསུ ཡཐཱཔཙྩཡཾ སཧཛཱཏཱདྷིཔཏི ¶ ཨེཀོཝ ལབྦྷཏི. ཨེཝཾ ཝཱིརིཡཱདྷིཔཏིཡཱདཱིསུཔི ཡཐཱནུརཱུཔཾ ཉཱཏབྦཾ. ཨེཝཾ ཝིསཡཱདིཔྤབྷེདཏོ ཝིནིཙྪཡོ ཉཱཏབྦོ.

ཨརཱུཔཱཝཙརཀུསལདྷམྨཱ ནིཊྛིཏཱ.

ལོཀུཏྟརཱ པན ཀུསལཱ མགྒསམྤཡོགབྷེདཏོ ཙཏུབྦིདྷཱ. སེཡྻཐིདཾ – སོཏཱཔཏྟིམགྒསམྤཡུཏྟཾ སཀདཱགཱམིམགྒསམྤཡུཏྟཾ ཨནཱགཱམིམགྒསམྤཡུཏྟཾ ཨརཧཏྟམགྒསམྤཡུཏྟནྟི. ནནུ ཙཏཱུསུཔི ཙེཏེསུ མགྒསམྤཡོགོ སམཱནོ ཨཊྛནྣམྤི མགྒངྒཱནཾ སབྦཏྠ ཨུཔྤཏྟིཏོ ཀཐཾ ཏཏྠ བྷེདོཏི? ཨནུསཡཔྤཧཱནསངྑཱཏསྶ མགྒཀིཙྩསྶ བྷེདཏོ. ཨནུསཡེ མཱརེནྟོ གཙྪཏཱིཏི ཧི མགྒོ. མགྒཱ ཧི ཡཐཱསཀཾ ཨནུསཡེ པཛཧནྟི ཨེཝ, ནིམིཏྟཱ ཝུཊྛཧནྟི, པཝཏྟཉྩ ཚིནྡནྟི ནཱམཱཏི ཝུཙྩནྟི. ནིམིཏྟནྟི ཙ པཉྩཀྑནྡྷཱ, པཝཏྟནྟིཔི ཏེ ཨེཝ. ཏཾ དུཝིདྷཾ ཨུཔཱདིནྣཀཾ, ཨནུཔཱདིནྣཀཉྩ.

ཏཏྠཔི སོཏཱཔཏྟིམགྒོ དིཊྛཱནུསཡཾ, ཝིཙིཀིཙྪཱནུསཡཾ, ཏདེཀཊྛེ ཙ ཀིལེསེ, ཏཾསཧཛཱཏཱནི དིཊྛིསམྤཡུཏྟཱནི, ཝིཙིཀིཙྪཱསམྤཡུཏྟཉྩཱཏི པཉྩཱཀུསལཙིཏྟཱནི ཙ ཨུཔྤཛྫམཱནོཝ སམུགྒྷཱཏེཏི, སམུགྒྷཱཏེནྟོ ཙ ཨཔཱཡབྷཝཏོ ཙེཝ སུགཏིབྷཝཏོ ཙ ཋཔེཏྭཱ སཏྟ བྷཝེ ཏདཝསེསཏོ ཝུཊྛཱཏི ¶ . ཏཏྠ ཡདེཏཾ པཋམམགྒཱནུཔྤཏྟིཡཾ ཨུཔྤཛྫམཱནཱརཧཾ དིཊྛིཝིཙིཀིཙྪཱསམྤཡུཏྟཔཉྩཙིཏྟསམུཊྛཱནཾ རཱུཔཾ, ཏཾ རཱུཔཀྑནྡྷོ, ཏཱནི པཉྩ ཙིཏྟཱནི ཝིཉྙཱཎཀྑནྡྷོ, ཏཾསམྤཡུཏྟཱ ཝེདནཱདཡོ ཨིཏརེ ཏཡོ ཁནྡྷཱ. ཨིམེ ཨནུཔཱདིནྣཔཉྩཀྑནྡྷཱ ཨནུཔཱདིནྣནིམིཏྟཾ, ཨནུཔཱདིནྣཔྤཝཏྟཾ ནཱམ. ཏཏོ པཋམམགྒོ ཝུཊྛཱཏི, ཏཾ ཚིནྡཏི ནཱམ. ཡདེཏཾ ཨཔཱཡབྷཝེ, སུགཏིཡཉྩ ཋཔེཏྭཱ སཏྟ བྷཝེ ཏདཝསེསེ ཙ པཋམམགྒཱནུཔྤཏྟིཡཾ ཨཱཡཏིཾ ཨུཔྤཛྫམཱནཱརཧཾ ཀམྨཛཀྑནྡྷཔཉྩཀཾ, ཏཾ ཨུཔཱདིནྣནིམིཏྟཾ, ཨུཔཱདིནྣཔྤཝཏྟཾ ནཱམ. ཏཏོ པཋམམགྒོ ཝུཊྛཱཏི, ཏཉྩ ཚིནྡཏི ནཱམ. ཏཏོཝ པཋམམགྒོ ཨནུསཡཾ པཛཧནྟོཝ ནིམིཏྟཱ ཝུཊྛཧཏི, པཝཏྟཉྩ ཚིནྡཏི ནཱམཱཏི ཝེདིཏབྦཾ. ཨེཝཾ ཨིཏརམགྒེསུཔི ཨུཔཱདིནྣཱནུཔཱདིནྣནིམིཏྟཔྤཝཏྟཾ ཝུཊྛཱནཾ ཚིནྡནཾ ཡཐཱནུརཱུཔཾ ཉཱཏབྦཾ.

སཀདཱགཱམིམགྒོ པན ཨོལཱ༹རིཀཀཱམརཱགཱནུསཡཾ, པཊིགྷཱནུསཡཾ, ཏདེཀཊྛེ ཙ ཀིལེསེ, ཏཾསཧཛཱཏཱནི ཙ ཏཐཱ པཝཏྟཱནི ཙཏྟཱརི དིཊྛིཝིཔྤཡུཏྟཱནི, དྭེ ཙ དོམནསྶསཧགཏཱནཱིཏི ཚ ཨཀུསལཙིཏྟཱནི ¶ ཙ ཨུཔྤཛྫམཱནོཝ སམུགྒྷཱཏེཏི, སམུགྒྷཱཏེནྟོ ཙ ཀཱམསུགཏིཏོ ཋཔེཏྭཱ ཨེཀབྷཝཾ ཏདཝསེསཏོ ཝུཊྛཱཏི, པཏནུབྷཱུཏཱཝ ཏཾསམངྒིནོ ཀཱམརཱགབྱཱཔཱདཱ ཨདྷིམཏྟཱ, ཏེ ཙ ཀདཱཙི ཝིརལཱ༹ཝ ཨུཔྤཛྫནྟཱིཏི ཝེདིཏབྦཱ.

ཨནཱགཱམིམགྒོཔི ཏཱནེཝ ཏནུསཧགཏཀཱམརཱགཔྤཊིགྷཱནུསཡཝསེན ཨུཔྤནྣཱནི ཚ ཙིཏྟཱནི ཨུཔྤཛྫམཱནོཝ སམུགྒྷཱཏེཏི, སམུགྒྷཱཏེནྟོ ཙ ཀཱམབྷཝཏོ ཝུཊྛཱཏི. ཨརཧཏྟམགྒོ པན རཱུཔརཱགཨརཱུཔརཱགམཱནཱཝིཛྫཱནུསཡེ, ཨུདྡྷཙྩཾ, ཏདེཀཊྛེ སབྦེ ཀིལེསེ ཙ ཏཾསཧཛཱཏཱནི ཙཏྟཱརི དིཊྛིཝིཔྤཡུཏྟཱནི, ཨུདྡྷཙྩསཧགཏཉྩཱཏི པཉྩཱཀུསལཙིཏྟཱནི ཙ ཨུཔྤཛྫམཱནོཝ སམུགྒྷཱཏེཏི, སམུགྒྷཱཏེནྟོ ཙ རཱུཔཱརཱུཔཏོ, སབྦབྷཝཏོཔི ¶ ཝུཊྛཱཏི. སེསཾ པཋམམགྒེ ཝུཏྟཱནུསཱརཏོ ཝེདིཏབྦཾ. ཨེཝཾ ཨནུསཡཔྤཧཱནསངྑཱཏཀིཙྩབྷེདཏོ ཙཏུནྣཾ མགྒཱནཾ བྷེདོ ཝེདིཏབྦོ.

ཏདེཝཾ མགྒསམྤཡོགབྷེདཏོ ཙཏུབྦིདྷཾ, པུན ཛྷཱནངྒསམྤཡོགབྷེདཏོ པཙྩེཀཾ པཉྩཝིདྷཱ ཧོནྟི. ཀཐཾ? པཋམམགྒསམྤཡུཏྟཾ ཏཱཝ ཝིཏཀྐཝིཙཱརཔཱིཏིསུཁེཀགྒཏཱསམྤཡུཏྟཾ པཋམཛ྄ཛྷཱནིཀཾ, ཝིཙཱརཔཱིཏིསུཁེཀགྒཏཱསམྤཡུཏྟཾ དུཏིཡཛ྄ཛྷཱནིཀཾ, པཱིཏིསུཁེཀགྒཏཱསམྤཡུཏྟཾ ཏཏིཡཛ྄ཛྷཱནིཀཾ, སུཁེཀགྒཏཱསམྤཡུཏྟཾ ཙཏུཏྠཛ྄ཛྷཱནིཀཾ, ཨུཔེཀྑེཀགྒཏཱསམྤཡུཏྟཾ པཉྩམཛ྄ཛྷཱནིཀཉྩཱཏི པཉྩཝིདྷཾ ཧོཏི. ཨེཝཾ དུཏིཡམགྒཱདིསམྤཡུཏྟཱ ཙཱཏི ཝཱིསཏིཝིདྷཱ ཧོནྟི, ཨེཏྠ ཙ ཙཏུཀྐནཡཝསེན སོལ༹སཝིདྷཏཱཔི ཡོཛེཏབྦཱ. ཀིཾ པནེཏྠ ཨེཝཾ ཛྷཱནངྒཡོགབྷེདསྶ ནིཡཱམཀཾ ཀཱརཎནྟི? སངྑཱརུཔེཀྑཱཉཱཎཾ. ཏསྨིཾ ཧི ཝུཊྛཱནགཱམིནིཝིཔསྶནཱབྷཱུཏེ སོམནསྶསཧགཏེ ཨརིཡམགྒཱ པཉྩམཛ྄ཛྷཱནིཀཱ ན ཨུཔྤཛྫནྟི, སོམནསྶསཧགཏཱ ཙཏུཀྐཛ྄ཛྷཱནིཀཱཝ ཨུཔྤཛྫནྟི, ཨུཔེཀྑཱསཧགཏེ ཙ ཙཏུཀྐཛ྄ཛྷཱནིཀཱ ན ཨུཔྤཛྫནྟི, ཨུཔེཀྑཱསཧགཏཱ པཉྩམཛ྄ཛྷཱནིཀཱཝ ཨུཔྤཛྫནྟི.

ནནུ ཙེཏྠ སངྑཱརུཔེཀྑཱཉཱཎཾ སོམནསྶུཔེཀྑཱསཧགཏཏྟཱ ཙཏུཀྐཔཉྩམཛ྄ཛྷཱནིཀཱནཾ སོམནསྶུཔེཀྑཱསཧགཏབྷཱཝསྶ ནིཡཱམཀཧེཏུ, ཝིཏཀྐཱདིཨངྒསམཏིཀྐམཏོ པན ནེསཾ དུཏིཡཱདིཛ྄ཛྷཱནབྷཱཝསྶ ནིཡཱམཀེན ཨཉྙེན བྷཝིཏབྦཾ. ན ཧི སངྑཱརུཔེཀྑཱཉཱཎཾ ཝིཏཀྐཱདིཝིཀལཾ ཨུཔྤཛྫཏི. ཡེན ཏཾ ནིཡཱམཀཾ བྷཝེཡྻ, ཀིཾ ཏཾ ནིཡཱམཀཀཱརཎནྟི? པཱདཀཛ྄ཛྷཱནཾ, སམྨསིཏཛ྄ཛྷཱནཾ ཝཱ. རཱུཔཱརཱུཔཱཝཙརེསུ ཧི ཡཾ ཡཾ ཛྷཱནཾ སམཱཔཛྫིཏྭཱ ཏཏུཊྛཱཡ ཡེ ཀེཙི པཀིཎྞཀསངྑཱརེ སམྨསིཏྭཱ ཡེ མགྒེ ཨུཔྤཱདེཏི, ཏེ སབྦེ ཏཾཏཾཛྷཱནསདིསཱཝ ཧོནྟི. ཡཾ ¶ ཡཾ ཝཱ པན ཛྷཱནཾ, ཏཾསམྤཡུཏྟེ ཙ ཨནིཙྩཱདིཏོ ཝིཔསྶིཏྭཱ ཡེ ¶ ཡེ མགྒེ ཨུཔྤཱདེཏི, ཏེ ཙ ཏཾཏཾཛྷཱནསདིསཱཝ ཧོནྟི བྷཱུམིཝཎྞསདིསཝཎྞཱ གོདྷཱ ཝིཡ. ཏཏྠ ཙ སུཀྑཝིཔསྶཀསྶ ཨུཔྤནྣམགྒཱཔི, སམཱཔཏྟིལཱབྷིནཱ ཛྷཱནཾ པཱདཀཾ ཨཀཏྭཱ ཨསམྨསིཏྭཱཝ ཨུཔྤཱདིཏམགྒཱཔི པཋམཛ྄ཛྷཱནཾ པཱདཀཾ ཀཏྭཱ ཏཾ ཏཾ ཝཱ སམྨསིཏྭཱ ཨུཔྤཱདིཏམགྒཱཔི སབྦེ ཨེཀསདིསཱ པཋམཛ྄ཛྷཱནིཀཱཝ ཧོནྟི. ན ཧི ལོཀུཏྟརམགྒོ ཨཔྤནཾ ཨཔྤཏྟོ ནཱམ ཨཏྠི. དུཏིཡཏཏིཡཙཏུཏྠཛ྄ཛྷཱནཱནི པཱདཀཱནི ཀཏྭཱ ཝཱ ཏཏྠ གཏེ དྷམྨེ སམྨསིཏྭཱ ཝཱ ཨུཔྤཱདིཏམགྒཱ ཡཐཱཀྐམཾ ཙཏུརངྒིཀཱ, ཏིཝངྒིཀཱ, དུཝངྒིཀཱ ཙ ཧོནྟི. པཉྩམཛ྄ཛྷཱནཾ, པན ཨཱརུཔྤཛ྄ཛྷཱནཱནི ཙ པཱདཀཾ ཀཏྭཱ ཝཱ ཏཏྠ གཏེ དྷམྨེ སམྨསིཏྭཱ ཝཱ ཨུཔྤཱདིཏམགྒཱ ཨུཔེཀྑེཀགྒཏཱཝསེན དུཝངྒིཀཱཝ ཧོནྟི. ཨེཏེསཉྩ པཉྩནྣཾ ཛྷཱནིཀཱནམྤི པུབྦབྷཱགེ ཝིཔསྶནཱ སོམནསྶསཧགཏཱཔི ཧོཏི ཨུཔེཀྑཱསཧགཏཱཔི, ཝུཊྛཱནགཱམིནཱི པན ཝིཔསྶནཱ ཙཏུཀྐཛ྄ཛྷཱནིཀཱནཾ སོམནསྶསཧགཏཱ ཧོཏི. པཉྩམཛ྄ཛྷཱནིཀཱནཾ པན ཨུཔེཀྑཱསཧགཏཱཝཱཏི ཏདེཝ པཱདཀཛ྄ཛྷཱནཾ, སམྨསིཏཛ྄ཛྷཱནཾ ཝཱ ནིཡཱམཀཀཱརཎནྟི ཝེདིཏབྦཾ. ཨེཝཾ སམྤཡོགཏོ ཝིནིཙྪཡོ.

དྷམྨུདྡེསཱདིཏོ པན པཋམཛ྄ཛྷཱནིཀེསུ ཏཱཝ ཙཏཱུསུ ཀཱམཱཝཙརཔཋམཀུསལེ ཝུཏྟདྷམྨེསུ ཋཔེཏྭཱ ཀརུཎཱམུདིཏཱ སཏྟཏིཾས དྷམྨཱ ཧོནྟི. ཝིརཏིཡོ པནེཏྠ ནིཡཏཱ, པཱལི༹ཡཉྩ (དྷ. ས. ༢༧༧) རཱུཔེན ནིདྡིཊྛཱ, ཚནྡཱདཡོ ཙ ཙཏྟཱརོ ཡེཝཱཔནཀཱཏི ཝེདིཏབྦཱ.

སངྒཧཝཱརེ པན བོདྷིཔཀྑིཡདྷམྨེསུ པུབྦེ སངྒཧིཏཱཝསེསཱནཾ སཏིཔཊྛཱནསམྨཔྤདྷཱནཨིདྡྷིཔཱདབོཛ྄ཛྷངྒཱནཾ ཝསེན ཨཏིརེཀཱ ཙཏྟཱརོ སངྒཧཱ ཝེདིཏབྦཱ. པཋམཛ྄ཛྷཱནིཀམགྒསམྤཡུཏྟེསུ ཧི དྷམྨེསུ སཏི ཨུཔཊྛཱནཊྛེན སཏིཔཊྛཱནཾ, སཱ ཝིསཡབྷེདེན ཙཏུབྦིདྷཱ, ཨིཏརེ ཨསྶཏིཔཊྛཱནཱཏི སབྦེཝ ¶ ཏེ དྭིདྷཱ ཧོནྟི. ཏཐཱ ཝཱིརིཡཾ པདཧནཊྛེན སམྨཔྤདྷཱནཾ, ཏཾ ཀིཙྩབྷེདེན ཙཏུབྦིདྷཾ, ཨིཏརེ ཨསམྨཔྤདྷཱནཱཏི. ཏཐཱ ཚནྡོ ཝཱིརིཡཾ ཙིཏྟཾ ཨམོཧོཏི ཙཏྟཱརོ དྷམྨཱ ཨིཛ྄ཛྷནཀཊྛེན ཡཐཱཀྐམཾ ‘‘ཚནྡིདྡྷིཔཱདོ ཝཱིརིཡཙིཏྟཝཱིམཾསིདྡྷིཔཱདོ’’ཏི ནཱམེན ‘‘ཨིདྡྷིཔཱདཱ’’ཏི ཝུཙྩནྟི, ཨིཏརེ ‘‘ཨནིདྡྷིཔཱདཱ’’ཏི. ཏཐཱ སཏི ཨམོཧོ ཝཱིརིཡཾ པཱིཏི པསྶདྡྷི སམཱདྷི ཏཏྲམཛ྄ཛྷཏྟཏཱཏི ཨིམེ སཏྟ དྷམྨཱ བུཛ྄ཛྷནཊྛེན ཡཐཱཀྐམཾ ‘‘སཏིསམྦོཛ྄ཛྷངྒོ དྷམྨཝིཙཡསམྦོཛ྄ཛྷངྒོ ཝཱིརིཡཔཱིཏིཔསྶདྡྷིསམཱདྷིཨུཔེཀྑཱསམྦོཛ྄ཛྷངྒོ’’ཏི ཝུཙྩནྟི, ཨིཏརེ ཨབོཛ྄ཛྷངྒཱཏི ཨེཝཾ ཙཏྟཱརོ སངྒཧཱ.

སེསཾ སབྦཾ ལཀྑཎཱདིཏོ པཊྛཱཡ སུཉྙཏཝཱརཔརིཡོསཱནཾ ཀཱམཱཝཙརཔཋམཀུསལེ ཝུཏྟསདིསམེཝ ¶ , ཀེཝལཾ པན མགྒངྒསངྒཧེ ‘‘ཨཊྛངྒིཀོ མགྒོ ཧོཏཱི’’ཏི (དྷ. ས. ༣༣༧) པདབྷཱཛནཱིཡེ སརཱུཔེནེཝ ནིདྡིཊྛཾ, ཨིནྡྲིཡསངྒཧེ པཉྙིནྡྲིཡཊྛཱནེ པཋམམགྒསྶ ཨནཉྙཱཏཉྙསྶཱམཱིཏིནྡྲིཡཾ གཧེཏྭཱ ཨིཏརམགྒཱནཾ ཨཉྙིནྡྲིཡཾ གཧེཏྭཱཝ ཨཊྛིནྡྲིཡནྟི ཨཊྛིནྡྲིཡཏཱ, སབྦཏྠ ལོཀུཏྟརཏཱ ཙ ཝིསེསོ, སེསཾ ཏཱདིསམེཝ. པཋམཛ྄ཛྷཱནིཀཱ ཙཏྟཱརོ མགྒཱ.

ཏཐཱ དུཏིཡཛ྄ཛྷཱནིཀེསུཔི ཀེཝལཾ དྷམྨུདྡེསེ ཝིཏཀྐཱབྷཱཝོ, སངྒཧཝཱརེ ཙཏུརངྒཛ྄ཛྷཱནཏཱ, སཏྟངྒམགྒཏཱ ཙ ཝིསེསོ, སེསཾ པཋམཛ྄ཛྷཱནིཀསདིསམེཝ. དུཏིཡཛ྄ཛྷཱནིཀམགྒཱ.

ཏཐཱ ཏཏིཡཛ྄ཛྷཱནིཀེསུཔི ཀེཝལཾ དྷམྨུདྡེསེ ཝིཙཱརཱབྷཱཝོ, སངྒཧཝཱརེ ཏིཝངྒིཀཛ྄ཛྷཱནཏཱ ཙ ཝིསེསོ, སེསཾ དུཏིཡཛ྄ཛྷཱནིཀསདིསམེཝ. ཏཏིཡཛ྄ཛྷཱནིཀམགྒཱ.

ཏཐཱ ཙཏུཏྠཛ྄ཛྷཱནིཀེསུཔི ཀེཝལཾ དྷམྨུདྡེསེ པཱིཏིཡཱ ཨབྷཱཝོ, ཀོཊྛཱསཝཱརེ དུཝངྒིཀཛ྄ཛྷཱནཏཱ, ཚལ༹ངྒིཀབོཛ྄ཛྷངྒཏཱ ¶ ཙ ཝིསེསོ, སེསཾ ཏཏིཡཛ྄ཛྷཱནིཀསདིསམེཝ. ཙཏུཏྠཛ྄ཛྷཱནིཀམགྒཱ.

ཏཐཱ པཉྩམཛ྄ཛྷཱནིཀེསུཔི ཀེཝལཾ སབྦཏྠ ཝེདནཱཔརིཝཏྟནམེཝ ཝིསེསོ, སེསཾ ཙཏུཏྠཛ྄ཛྷཱནིཀསདིསམེཝ. པཉྩམཛ྄ཛྷཱནིཀམགྒཱ. ཨེཝཾ དྷམྨུདྡེསཱདིཏོ ཝིནིཙྪཡོ.

ཝིསཡཱདིཔྤབྷེདཏོ པན སབྦེཔི ལོཀུཏྟརཀུསལཱ ཨཱརམྨཎཏོ ནིབྦཱནཱརམྨཎཱཝ, ཏསྨཱ ན ཏཏོ ནེསཾ བྷེདོ, པཊིཔདཱདིབྷེདཏོ པན པུབྦེ ཝུཏྟནཡེན པཙྩེཀཾ བྷེདོ ཝེདིཏབྦོ. ཨེཏྠ ཙ ཡོ ནཱམརཱུཔཔརིགྒཧཏོ པཊྛཱཡ ཀིལམནྟོ ཝིཔསྶནཾ ཨཱརབྷིཏྭཱ དུཀྑེན ཀསིརེན ཀིལེསེ ཝིཀྑམྦྷེཏི, ཏསྶ དུཀྑཱ པཊིཔདཱ ཧོཏི. ཡོ པན ཝིཀྑམྦྷིཏཀིལེསོ, སོ ཝིཔསྶནཱཔརིཝཱསཾ ཝཱསེནྟོ ཙིརེན མགྒཔཱཏུབྷཱཝཾ པཱཔུཎཱཏི, ཏསྶ དནྡྷཱབྷིཉྙཱ ཧོཏི. ཨིམིནཱ ནཡེན ཨིཏརཱ ཏིསྶོཔི པཊིཔདཱབྷིཉྙཱཡོ ཝེདིཏབྦཱ. ཡཐཱ ཙ པཊིཔདཱདིབྷེདཏོ, ཨེཝཾ ཝིམོཀྑབྷེདཏོཔི པཙྩེཀཾ དྭིདྷཱ ཧོནྟི – སུཉྙཏཝིམོཀྑོ ཨཔྤཎིཧིཏཝིམོཀྑོཏི.

ཏཏྠ སུཉྙཏནྟི, ཨཔྤཎིཧིཏནྟི ཙ ལོཀུཏྟརམགྒསྶ ནཱམཾ. སོ ཧི ཨཱགམནཏོ སགུཎཏོ ཨཱརམྨཎཏོཏི ཏཱིཧི ཀཱརཎེཧི ནཱམཾ ལབྷཏི. ཀཐཾ? ཨིདྷ བྷིཀྑུ ཝིཔསྶནཱཀམྨཊྛཱནིཀོ ཨཱདིཏོ པཊྛཱཡ ‘‘ཨནིཙྩཾ དུཀྑམནཏྟཱ’’ཏི ཏིཝིདྷཾ ཨནུཔསྶནཾ ཨཱརོཔེཏྭཱ ¶ སམྨསནྟོ ཝིཙརཏི, སཙསྶ ཝུཊྛཱནགཱམིནིཝིཔསྶནཱ ཏེབྷཱུམཀེ སངྑཱརེ ཨནཏྟཏོ ཝིཔསྶཏི, ཨཡཾ ཨཏྟསུཉྙཏཱདསྶནཊྛེན སུཉྙཏཱ ནཱམ ཧོཏི. སཙེ དུཀྑཏོ ཝིཔསྶཏི, ཨཡཾ ཏཎྷཱཔཎིདྷིརཧིཏཊྛེན ཨཔྤཎིཧིཏཱ ནཱམ ཧོཏི, ཏཱ ཨུབྷོཔི ཨཱགམནཱིཡཊྛཱནེ ཋཏྭཱ ཨཏྟནོ ཨཏྟནོ མགྒསྶ ཡཐཱཀྐམཾ སུཉྙཏམགྒོ ¶ ཨཔྤཎིཧིཏམགྒོཏི ནཱམཾ དེནྟི. ཨེཝཾ ཨཱགམནཏོ ནཱམལཱབྷོ ཝེདིཏབྦོ. ནནུ སུཏྟནྟེསུ སཙེ ཝུཊྛཱནགཱམིནིཝིཔསྶནཱ ཨནིཙྩཏོ པསྶཏི, ཏསྶཱ ཝསེན མགྒོ ཨནིམིཏྟཝིམོཀྑོ ཧོཏཱིཏི ཀཏྭཱ ཏཡོ ཝིམོཀྑཱ ཀཐིཏཱཏི? སཙྩཾ, ཨཔི ཙ ཁོ པརིཡཱཡཏོ ཀཐིཏཱ, ནིཔྤརིཡཱཡཏོ པན སཡམྤི སནིམིཏྟཱ ཨཏྟནོ མགྒསྶ ཨནིམིཏྟནཱམཾ དཱཏུཾ ཨསཀྐུཎེཡྻཏཱཡ དྭེ ཨེཝ ཝིམོཀྑཱ ཧོནྟཱིཏི. ཏིསྶོཔི ཧི ཝིཔསྶནཱ ནིཙྩནིམིཏྟཾ, སུཁནིམིཏྟཉྩ ཨུགྒྷཱཊནེན ཨནིམིཏྟཝོཧཱརཾ ལབྷནྟི, ཏིསྶོཔི ནིམིཏྟབྷཱུཏེསུ ཁནྡྷེསུ ཙརཎཏོ སནིམིཏྟཱཝ, ཏསྨཱ སཡཾ ཨཱགམནཱིཡཊྛཱནེ ཋཏྭཱ ཨཏྟནོ མགྒསྶ ནིཔྤརིཡཱཡཏོ ཨནིམིཏྟནཱམཾ དཱཏུཾ ན སཀྐོནྟི. ཡསྨཱ པན མགྒོ སཡཾ རཱགཱདཱིཧི སུཉྙོ, རཱགཱདིནིམིཏྟཔཎིདྷིརཧིཏོ ཙ, ཏསྨཱ སགུཎེནེཝ སུཉྙཏནཱམཾ, ཨཔྤཎིཧིཏནཱམཉྩ ལབྷཏི. ཨེཝམསྶ སགུཎཏོ ནཱམལཱབྷོ ཝེདིཏབྦོ. ཡསྨཱ པན ནིབྦཱནཾ རཱགཱདཱིཧི, སངྑཱརེཧི ཙ སུཉྙཏྟཱ, རཱགཱདིནིམིཏྟཔཎིདྷིརཧིཏཏྟཱ ཙ ‘‘སུཉྙཏཾ, ཨནིམིཏྟཾ, ཨཔྤཎིཧིཏ’’ནྟི ཙ ཝུཙྩཏི, ཏསྨཱ ཏཾ ཨཱརམྨཎཾ ཀཏྭཱ ཨུཔྤནྣམགྒོཔི ‘‘སུཉྙཏོ, ཨནིམིཏྟོ, ཨཔྤཎིཧིཏོ’’ཏི ཙ ནཱམཾ ལབྷཏི. ཨེཝཾ ཨཱརམྨཎཏོ ནཱམལཱབྷོ ཝེདིཏབྦོ.

ཏེསུ ཨིདྷ ཨཱགམནཏོཝ མགྒོ ནཱམཾ ལབྷཏི, ན སགུཎཏོ, ནཱཔི ཨཱརམྨཎཏོ, སགུཎཱརམྨཎཏོ ནཱམལཱབྷསྶ སུཏྟནྟེསུ པརིཡཱཡདེསིཏཏྟཱ. ཏེནེཝ ཧེཏྠ མགྒཱནཾ སགུཎཱརམྨཎཏོཔི ཨནིམིཏྟཝིམོཀྑཏཾ ཨགྒཧེཏྭཱ སུཉྙཏཨཔྤཎིཧིཏཝིམོཀྑཏཱཝ ཨཱགམནཏོ ཝུཏྟཱ, ཏཉྩཱགམནཾ དུཝིདྷཾ ཝིཔསྶནཱགམནཾ, མགྒཱགམནཉྩ. ཏཏྠ ཝིཔསྶནཱགམནཏོ མགྒོ ཙ སུཉྙཏཱདིནཱམཾ ལབྷཏི, མགྒཱགམནཏོ ཙ ལབྷཏེཝ, ཨིདྷ པན མགྒསྶ ཨདྷིཔྤེཏཏྟཱ ¶ ཝིཔསྶནཱགམནཏོཝ ཝེདིཏབྦཾ. ཨེཝཾ ཝིམོཀྑབྷེདཏོ པཙྩེཀཾ དྭིདྷཱ ཧོནྟི. ཨེཝཾ ཝིསཡཱདིཔྤབྷེདཏོ ཝིནིཙྪཡོ.

ལོཀུཏྟརཀུསལདྷམྨཱ ནིཊྛིཏཱ.

ནིཊྛིཏཱ ཙ མོཧཝིཙྪེདནིཡཱ ནཱམ

ཨབྷིདྷམྨམཱཏིཀཏྠསཾཝཎྞནཱཡ

‘‘ཀུསལཱ དྷམྨཱ’’ཏི པདསྶ ཨཏྠཝཎྞནཱ.

ཨཀུསལཔདཏྠོ

ལོབྷམཱུལཝཎྞནཱ

ཨཀུསལཱ ¶ པན དྷམྨཱ བྷཱུམིཏོ ཨེཀཝིདྷཱ ཀཱམཱཝཙརཱཝ, སམྤཡོགཏོ པན མཱུལཝསེན ཏིཝིདྷཱ ཧོནྟི ལོབྷམཱུལཱ དོསམཱུལཱ མོཧམཱུལཱཏི. ཏཏྠ ལོབྷམཱུལཱ ཨཊྛཝིདྷཱ སོམནསྶསཧགཏཾ དིཊྛིགཏསམྤཡུཏྟཾ ཨསངྑཱརཾ, ཏཐཱ སསངྑཱརཾ, སོམནསྶསཧགཏཾ དིཊྛིགཏཝིཔྤཡུཏྟཾ ཨསངྑཱརཾ, ཏཐཱ སསངྑཱརཾ, ཨུཔེཀྑཱསཧགཏཾ དིཊྛིགཏསམྤཡུཏྟཾ ཨསངྑཱརཾ, ཏཐཱ སསངྑཱརཾ, ཨུཔེཀྑཱསཧགཏཾ དིཊྛིགཏཝིཔྤཡུཏྟཾ ཨསངྑཱརཾ, ཏཐཱ སསངྑཱརནྟི.

ཏཏྠ ཨིཊྛཱརམྨཎེ ལོབྷབཧུལཏཱདཱིཧི ཀཱརཎེཧི སོམནསྶསཧགཏཏཱ, ཨསདྡྷམྨསཝནཨཀལྱཱཎམིཏྟཏཱདཱིཧི དིཊྛིསམྤཡུཏྟཏཱ ཙ ཝེདིཏབྦཱ. ཡདཱ ཧི ‘‘ནཏྠི ཀཱམེསུ ཨཱདཱིནཝོ’’ཏིཨཱདིནཱ ནཡེན མིཙྪཱདིཊྛིཾ པུརཀྑཏྭཱ ཧཊྛཏུཊྛོ ཀཱམེ ཝཱ པརིབྷུཉྫཏི, དིཊྛམངྒལཱདཱིནི ཝཱ སཱརཏོ པཙྩེཏི སབྷཱཝཏིཀྑེནེཝ ཨནུསྶཱཧིཏེན ཙིཏྟེན, ཏདཱ པཋམཾ ཨཀུསལཙིཏྟཾ ཨུཔྤཛྫཏི. ཡདཱ མནྡེན སམུསྶཱཧིཏེན, ཏདཱ དུཏིཡཾ. ཡདཱ མིཙྪཱདིཊྛིཾ ཨཔུརཀྑཏྭཱ ཀེཝལཾ ཧཊྛཏུཊྛོ མེཐུནཾ ཝཱ སེཝཏི, པརསམྤཏྟིཾ ¶ ཝཱ ཨབྷིཛ྄ཛྷཱཡཏི, པརབྷཎྜཾ ཝཱ ཧརཏི སབྷཱཝཏིཀྑེནཱནུསྶཱཧིཏེན, ཏདཱ ཏཏིཡཾ. ཡདཱ སམུསྶཱཧིཏེན, ཏདཱ ཙཏུཏྠཾ. ཡདཱ པན ཀཱམཱནཾ ཝཱ ཨསམྤཏྟིཾ ཨཱགམྨ, ཨཉྙེསཾ ཝཱ སོམནསྶཧེཏཱུནཾ ཨབྷཱཝེན ཙཏཱུསུཔི ཝིཀཔྤེསུ སོམནསྶརཧིཏཏཱ ཧོཏི, ཏདཱ སེསཱནི ཙཏྟཱརི ཨུཔེཀྑཱསཧགཏཱནི ཨུཔྤཛྫནྟཱིཏི ཨཡཾ སམྤཡོགཏོ ཝིནིཙྪཡོ.

དྷམྨུདྡེསཏོ པན པཋམཱཀུསལེ ཏཱཝ ནིཡཏཱ པཱལི༹ཡཾ སརཱུཔེནཱགཏཱ སོལ༹ས, ཡེཝཱཔནཀཝསེན ཙཏྟཱརོཏི ཝཱིསཏི དྷམྨཱ ཧོནྟི. ཀཐཾ? ཕསྶོ ཝེདནཱ སཉྙཱ ཙེཏནཱ ཙིཏྟཾ ཝིཏཀྐོ ཝིཙཱརོ པཱིཏི ཝཱིརིཡཾ ཨེཀགྒཏཱ ཛཱིཝིཏཾ ཨཧིརིཀཾ ཨནོཏྟཔྤཾ ལོབྷོ མོཧོ མིཙྪཱདིཊྛཱིཏི ཨིམེ སརཱུཔེནཱགཏཱ སོལ༹ས དྷམྨཱ, ཚནྡོ ཨདྷིམོཀྑོ མནསིཀཱརོ ཨུདྡྷཙྩནྟི ཨིམེ ཡེཝཱཔནཀཱ ཙཏྟཱརོཏི. པདབྷཱཛནཱིཡེ པན པུབྦེ ཝུཏྟནཡེནེཝ ‘‘ཕསྶཔཉྩཀཾ ཛྷཱནངྒཔཉྩཀཾ ཝཱིརིཡསམཱདྷིམནོསོམནསྶཛཱིཝིཏཝསེན ཨིནྡྲིཡཱནི པཉྩ, མིཙྪཱདིཊྛིསངྐཔྤཝཱཡཱམསམཱདྷིཝསེན མགྒངྒཱནི ཙཏྟཱརི, ཝཱིརིཡསམཱདྷིཨཧིརིཀཱནོཏྟཔྤཝསེན བལཱནི ཙཏྟཱརི, ལོབྷོ མོཧོཏི དྭེ མཱུལཱནི, ཨབྷིཛ྄ཛྷཱ མིཙྪཱདིཊྛཱིཏི དྭེ ཀམྨཔཐཱནི, ཨཧིརིཀཾ ཨནོཏྟཔྤནྟི ¶ ལོཀནཱསདུཀཾ, སམཐོ པགྒཱཧོ ཨཝིཀྑེཔོ ཙཱཏི ཨེཝཾ སརཱུཔེནཱགཏཱནཾ དྭཏྟིཾསདྷམྨཱནཾ སོལ༹སསུ ཨེཝ སམཝརོདྷོ, སཝིབྷཏྟིཀཱཝིབྷཏྟིཀབྷེདོ ཙ ཀཱམཱཝཙརཔཋམཀུསལེ ཝུཏྟཱནུསཱརཏོ ཉཱཏབྦོ. ཨཡཾ དྷམྨུདྡེསཏོ ཝིནིཙྪཡོ.

ལཀྑཎཱདིཝིབྷཱགཏོ པན ན ཧིརཱིཡཏཱིཏི ཨཧིརིཀོ, ཨཧིརིཀསྶ བྷཱཝོ ཨཧིརིཀྐཾ, ན ཨོཏྟཔྤཾ ཨནོཏྟཔྤཾ. ཏེསུ ཨཧིརིཀྐཾ ཀཱཡདུཙྩརིཏཱདཱིཧི ཨཛིགུཙྪནལཀྑཎཾ, ཨལཛྫཱལཀྑཎཾ ཝཱ, ཨནོཏྟཔྤཾ ཏེཧེཝ ཨསཱརཛྫནལཀྑཎཾ, ཨནུཏྟཱསལཀྑཎཾ ¶ ཝཱ, སེསཾ ཧིརིཨོཏྟཔྤཱནཾ ཝུཏྟཔྤཊིཔཀྑཝསེན ཝེདིཏབྦཾ.

ལུབྦྷཏི ཏེན, སཡཾ ཝཱ ལུབྦྷཏི, ལུབྦྷནམཏྟམེཝ ཝཱ ཏནྟི ལོབྷོ. སོ ཨཱརམྨཎགཧཎལཀྑཎོ མཀྐཊཱལེཔོ ཝིཡ, ཨབྷིསངྒརསོ ཏཏྟཀཔཱལེ ཁིཏྟམཾསཔེསི ཝིཡ, ཨཔརིཙྩཱགཔཙྩུཔཊྛཱནོ ཏེལཉྫནརཱགོ ཝིཡ, སཉྙོཛནཱིཡདྷམྨེསུ ཨསྶཱདདསྶནཔདཊྛཱནོ. ཏཎྷཱནདིབྷཱཝེན ཝཌྜྷམཱནོ སཱིགྷསོཏཱ ནདཱི ཝིཡ མཧཱསམུདྡཾ ཨཔཱཡམེཝ གཧེཏྭཱ གཙྪཏཱིཏི དཊྛབྦོ.

མུཡ྄ཧནྟི ཏེན, སཡཾ ཝཱ མུཡ྄ཧཏི, མུཡ྄ཧནམཏྟམེཝ ཝཱ ཏནྟི མོཧོ. སོ ཙིཏྟསྶ ཨནྡྷཀཱརལཀྑཎོ, ཨཉྙཱཎལཀྑཎོ ཝཱ, ཨསམྤཊིཝེདྷརསོ, ཨཱརམྨཎསབྷཱཝཙྪཱདནརསོ ཝཱ, ཨསམྨཱཔཊིཔཏྟིཔཙྩུཔཊྛཱནོ, ཨནྡྷཀཱརཔཙྩུཔཊྛཱནོ ཝཱ, ཨཡོནིསོམནསིཀཱརཔདཊྛཱནོ, སབྦཱཀུསལཱནཾ མཱུལནྟི དཊྛབྦོ.

མིཙྪཱ པསྶནྟི ཏཱཡ, སཡཾ ཝཱ མིཙྪཱ པསྶཏི, མིཙྪཱདསྶནམཏྟམེཝ ཝཱ ཨེསཱཏི མིཙྪཱདིཊྛི. སཱ ཨཡོནིསོ ཨབྷིནིཝེསལཀྑཎཱ, པརཱམཱསརསཱ, མིཙྪཱབྷིནིཝེསཔཙྩུཔཊྛཱནཱ, ཨརིཡཱནཾ ཨདསྶནཀཱམཏཱདིཔདཊྛཱནཱ, པརམཾ ཝཛྫནྟི དཊྛབྦཱ.

ཨུདྡྷཏབྷཱཝོ ཨུདྡྷཙྩཾ. ཏཾ ཨཝཱུཔསམལཀྑཎཾ, ཨནཝཊྛཱནརསཾ, བྷནྟཏཱཔཙྩུཔཊྛཱནཾ, ཨཡོནིསོམནསིཀཱརཔདཊྛཱནཾ, ཙིཏྟཝིཀྑེཔོཏི དཊྛབྦོ. སེསོ པནེཏྠ སུཉྙཏཝཱརཔརིཡོསཱནོ སབྦོཔི ཝིནིཙྪཡོ ཀུསལཱདྷིཀཱརེ ཝུཏྟཱནུསཱརཏོ ཝེདིཏབྦོ. ཀེཝལཾ སངྒཧཝཱརེ པཱལི༹ཡཾ ཨཱགཏཝསེན ¶ པཉྩིནྡྲིཡཏཱ, ཙཏུརངྒམགྒཏཱ, ཙཏུབྦིདྷབལཏཱ, དྭེཧེཏུཏཱ, སབྦཏྠ ཨཀུསལབྷཱཝོ ཙ ཝིསེསོ, སེསཾ ཏཱདིསམེཝ. པཋམཱཀུསལཾ ནིཊྛིཏཾ.

ཡཐཱ ¶ ཙ པཋམེ, ཨེཝཾ དུཏིཡེཔི སསངྑཱརཏཱ, ཡེཝཱཔནཀེསུ ཐིནམིདྡྷཱནཾ སམྦྷཝོ, ནིཡཏཏཱ ཙ ཝིསེསོ. ཏཏྠ ཐིནནཏཱ ཐིནཾ, མིདྡྷནཏཱ མིདྡྷཾ, ཨནུསྶཱཧནསཾསཱིདནཏཱ, སཏྟིཝིགྷཱཏོ ཙཱཏི ཨཏྠོ. ཏཏྠ ཐིནཾ ཨནུསྶཱཧལཀྑཎཾ, ཝཱིརིཡཝིནོདནརསཾ, སཾསཱིདནཔཙྩུཔཊྛཱནཾ. མིདྡྷཾ ཨཀམྨཉྙཏཱལཀྑཎཾ, ཨོནཧནརསཾ, ལཱིནཏཱཔཙྩུཔཊྛཱནཾ, པཙལཱཡིཀཱནིདྡཱཔཙྩུཔཊྛཱནཾ ཝཱ, ཨུབྷཡམྤི ཨརཏིཏནྡིཝིཛམྦྷིཀཱདཱིསུ ཨཡོནིསོམནསིཀཱརཔདཊྛཱནཾ. དུཏིཡཾ.

ཏཏིཡེ སབྦོཔི ཝིནིཙྪཡོ པཋམཱཀུསལེ ཝུཏྟནཡོཝ. ཀེཝལཾ དིཊྛིཡཱ ཨབྷཱཝོ, ཡེཝཱཔནཀེསུ མཱནསྶ སམྦྷཝོ, ཨནིཡཏཏཱ ཙ, སངྒཧཝཱརེ ཏིཝངྒིཀམགྒཏཱ ཙ ཝིསེསོ, སེསཾ ཏཱདིསམེཝ. ཏཏྠ མཉྙཏཱིཏི མཱནོ. སོ ཨུཎྞཏིལཀྑཎོ, སམྤགྒཧརསོ, ཀེཏུཀམྱཏཱཔཙྩུཔཊྛཱནོ, དིཊྛིཝིཔྤཡུཏྟལོབྷཔདཊྛཱནོ, ཨུམྨཱདོ ཝིཡ དཊྛབྦོ. ཏཏིཡཾ.

ཡཐཱ ཙ ཏཏིཡེ, ཨེཝཾ ཙཏུཏྠེཔི. ཐིནམིདྡྷཉྩེཏྠ སསངྑཱརཏཱ ཙ ཨདྷིཀཱ, སེསཾ ཏཱདིསམེཝ. ཙཏུཏྠཾ.

པཉྩམཚཊྛསཏྟམཊྛམེསུ སོམནསྶཊྛཱནེ ཨུཔེཀྑཱསམྦྷཝོ, པཱིཏིཡཱ ཙ ཨབྷཱཝོ, ཏཏོ ཨེཝ སངྒཧཝཱརེ ཙཏུརངྒཛ྄ཛྷཱནཏཱ ཙ ཝིསེསོ, སེསཾ སབྦཾ པཋམདུཏིཡཏཏིཡཙཏུཏྠཙིཏྟསདིསམེཝ.

ལོབྷམཱུལཱ ནིཊྛིཏཱ.

དོསམཱུལཝཎྞནཱ

དོསམཱུལཱ པན དྭིདྷཱ དོམནསྶསཧགཏཾ པཊིགྷསམྤཡུཏྟཾ ཨསངྑཱརཾ, ཏཐཱ སསངྑཱརཾ. ཨེཝཾ སམྤཡོགཏོ. དྷམྨུདྡེསཱདིཏོ པན པཋམེ ཏཱཝ པཋམཱཀུསལེ ཝུཏྟེསུ པཱིཏིལོབྷདིཊྛིཡོ ཝཛྫེཏྭཱ དོསཾ ¶ , ཡེཝཱཔནཀེསུ ཨནིཡཏཱནི ¶ ཨིསྶཱམཙྪརིཡཀུཀྐུཙྩཱནི, སོམནསྶཊྛཱནེ དོམནསྶཉྩ པཀྑིཔིཏྭཱ ཨེཀཝཱིསཏི དྷམྨཱ ཧོནྟི. ཡེཝཱཔནཀཱ ཙེཏྠ སཏྟ. ཏཏྠ དུསྶནྟི ཏེན, སཡཾ ཝཱ དུསྶཏི, དུསྶནམཏྟམེཝ ཝཱ ཏནྟི དོསོ. སོ ཙཎྜིཀྐལཀྑཎོ པཧཊཱསཱིཝིསོ ཝིཡ, ཝིསཔྤནརསོ ཝིསནིཔཱཏོ ཝིཡ, ཨཏྟནོ ནིསྶཡདཧནརསོ ཝཱ དཱཝགྒི ཝིཡ, དུསྶནཔཙྩུཔཊྛཱནོ ལདྡྷོཀཱསོ ཝིཡ སཔཏྟོ, ཨཱགྷཱཏཝཏྠུཔདཊྛཱནོ, ཝིསསཾསཊྛཔཱུཏིམུཏྟཾ ཝིཡ དཊྛབྦོ. ཨིསྶཱཡནཱ ཨིསྶཱ. སཱ པརསམྤཏྟཱིནཾ ཨུསཱུཡནལཀྑཎཱ, ཏཏྠེཝ ཨནབྷིརཏིརསཱ, ཏཏོ ཝིམུཁབྷཱཝཔཙྩུཔཊྛཱནཱ, པརསམྤཏྟིཔདཊྛཱནཱ, སཉྙོཛནནྟི དཊྛབྦཱ. མཙྪེརབྷཱཝོ མཙྪརིཡཾ. ཏཾ ལདྡྷཱནཾ ཝཱ ལབྷིཏབྦཱནཾ ཝཱ ཨཏྟནོ སམྤཏྟཱིནཾ ནིགཱུཧནལཀྑཎཾ, ཏཱསཉྙེཝ པརེཧི སཱདྷཱརཎབྷཱཝཨཀྑམནརསཾ, སངྐོཙནཔཙྩུཔཊྛཱནཾ, ཀཊུཀཉྩུཀཏཱཔཙྩུཔཊྛཱནཾ ཝཱ, ཨཏྟསམྤཏྟིཔདཊྛཱནཾ, ཙེཏསོ ཝིརཱུཔབྷཱཝོཏི དཊྛབྦཾ. ཀུཙྪིཏཾ ཀཏཾ ཀུཀཏཾ, ཏསྶ བྷཱཝོ ཀུཀྐུཙྩཾ. ཏཾ པཙྪཱནུཏཱཔལཀྑཎཾ, ཀཏཱཀཏཱནུསོཙནརསཾ, ཝིཔྤཊིསཱརཔཙྩུཔཊྛཱནཾ, ཀཏཱཀཏཔདཊྛཱནཾ, དཱསབྱམིཝ དཊྛབྦཾ. སངྒཧཝཱརེ དུཀྑེན སདྡྷིཾ ཙཏུརངྒཛ྄ཛྷཱནཏཱ, དོམནསྶེན པཉྩིནྡྲིཡཏཱ, ཏིཝངྒིཀམགྒཏཱ, དོསམོཧཝསེན དྭིཧེཏུཀཏཱ ཙ ཝེདིཏབྦཱ. སེསོ པན སབྦོ ཝིནིཙྪཡོ པཋམཱཀུསལེ ཝུཏྟསདིསོ ཨེཝ. ཡཐཱ ཙ པཋམེ, ཨེཝཾ དུཏིཡེཔི, སསངྑཱརཏཱ པན ཐིནམིདྡྷེཧི སདྡྷིཾ ནཝཡེཝཱཔནཀཏཱ ཙ ཝིསེསོ, སེསཾ ཏཱདིསམེཝ.

དོསམཱུལཱ ནིཊྛིཏཱ.

མོཧམཱུལཝཎྞནཱ

མོཧམཱུལཱཔི དྭིདྷཱ ཨུཔེཀྑཱསཧགཏཾ ཝིཙིཀིཙྪཱསམྤཡུཏྟཾ, ཏཐཱ ཨུདྡྷཙྩསམྤཡུཏྟནྟི. ཏཏྠ པཋམེ དྷམྨུདྡེསཏོ ཏཱཝ ཕསྶཔཉྩཀཾ ཝིཏཀྐོ ཝིཙཱརོ ཝཱིརིཡཾ ཨེཀགྒཏཱ ཛཱིཝིཏཾ ཨཧིརིཀཾ ཨནོཏྟཔྤཾ མོཧོ ཝིཙིཀིཙྪཱཏི སརཱུཔེནཱགཏཱ ཙུདྡས ¶ , ཨུདྡྷཙྩཾ མནསིཀཱརོཏི ཡེཝཱཔནཀཱ དྭེ ཙཱཏི སོལ༹ས དྷམྨཱ ཧོནྟི, ཨེཀགྒཏཱ ཙེཏྠ ཙིཏྟཊྛིཏིམཏྟཱ, ཨིནྡྲིཡམགྒབལབྷཱཝཾ ན སམྤཱཔུཎཱཏི. ཏཏོ ཨེཝ སངྒཧཝཱརེ སམཱདྷིཾ ཝཛྫེཏྭཱ ཨུཔེཀྑཱཡ སདྡྷིཾ ཙཏྟཱརི ཨིནྡྲིཡཱནི, དྭེ ¶ མགྒངྒཱནི, ཏཱིཎི བལཱནི ཧོནྟི. མོཧོ པནེཏྠ ཨེཀོཝ ཧེཏུ. སེསོ པནེཏྠ སབྦོ ཝིནིཙྪཡོ ཝུཏྟནཡོ ཨེཝ.

ཏཏྠ ཝིགཏཱ ཙིཀིཙྪཱ ཨེཏིསྶཱཏི ཝིཙིཀིཙྪཱ. སཱ སཾསཡལཀྑཎཱ, ཀམྤནརསཱ, ཨནིཙྪཡཔཙྩུཔཊྛཱནཱ, ཨནེཀཾསབྷཱཝཔཙྩུཔཊྛཱནཱ ཝཱ, ཨཡོནིསོམནསིཀཱརཔདཊྛཱནཱ, པཊིཔཏྟིཨནྟརཱཡཀརཱཏི དཊྛབྦཱ. ཡཐཱ ཙ ཝིཙིཀིཙྪཱསམྤཡུཏྟེ, ཨེཝཾ ཨུདྡྷཙྩསམྤཡུཏྟེཔི. ཀེཝལཾ ཝིཙིཀིཙྪཱཡ ཨབྷཱཝོ, ཨདྷིམོཀྑསྶ ཙ བྷཱཝོ, ཏཏོ ཨེཝ བལཝཏརསམཱདྷིཏཱ, ཏེནེཝ སངྒཧཝཱརེ སམཱདྷིནཱ སདྡྷིཾ པཉྩིནྡྲིཡཏཱ, ཏིཝངྒིཀམགྒཏཱ, ཙཏུབྦལཏཱ ཙ ཧོཏི. ཨུདྡྷཙྩཉྩེཏྠ སརཱུཔེནེཝ ནིདྡིཊྛཾ, ཨདྷིམོཀྑམནསིཀཱརཱ དྭེ ཡེཝཱཔནཀཝསེནཱཏི ཨཡཾ ཝིསེསོ, སེསཾ ཏཱདིསམེཝ. ཨིམཱནི པན དྭེ ཙིཏྟཱནི ནཱནཱཝིསཡེ, ཨེཀཝིསཡེ ཙ ཨསཎྛཧནཏོ པཝཊྚནཀཱནི. ཨུདྡྷཙྩསཧགཏཾ ཧི ལདྡྷཱདྷིམོཀྑཏཱཡ ལདྡྷཔཏིཊྛཾ ཨེཀཱརམྨཎེཡེཝ པཏིཊྛཱཡ པཏིཊྛཱཡ པཝཊྚཏི ཙཏུརསྶམཎི ཝིཡ, ཨིཏརཾ ནཱནཱརམྨཎེསུ ཝཊྚམཎི ཝིཡཱཏི དཊྛབྦཾ. ཨུདྡྷཙྩསཧགཏཉྩ ཋཔེཏྭཱ སེསཱ ཨེཀཱདས པཊིསནྡྷིཾ ཛནེནྟཱིཏི ཝེདིཏབྦཾ.

ཝིསཡཱདིཔྤབྷེདཏོ པནེཏེ དྭཱདསཔི ཝཏྠཱརམྨཎཝསེན ཏཱཝ ཚབྦིདྷཱ ཧོནྟི. ཏེསུ ལོབྷམོཧམཱུལཱ པན དས པཉྩདྭཱརེ ཧདཡཝཏྠུཾ ནིསྶཱཡེཝ, མནོདྭཱརེ ནིསྶཱཡ ཝཱ ཨནིསྶཱཡ ཝཱ ཛཝནཀིཙྩཾ སཱདྷཡམཱནཱ ཚབྦིདྷཱ. ཏཐཱ དོསམཱུལཱ ནིསྶཱཡེཝ པན པཝཏྟནྟི. ལོབྷམཱུལཱ པན ¶ ཨདིནྣཱདཱནཀཱམམིཙྪཱཙཱརམུསཱཝཱདཔེསུཉྙསམྥཔྤལཱཔཱབྷིཛ྄ཛྷཱསངྑཱཏཱནཾ ཚནྣཾ ཀམྨཔཐཱནཾ ཝསེན ཚབྦིདྷཱ. དིཊྛིསམྤཡུཏྟཱ པནེཏྠ མིཙྪཱདིཊྛིཝསེནཱཔཱིཏི སཏྟཝིདྷཱ ཧོནྟི. དོསམཱུལཱ པན པཱཎཱབྷིཔཱཏཱདིནྣཱདཱནམུསཱཝཱདཔེསུཉྙཕརུསསམྥཔྤལཱཔབྱཱཔཱདཝསེན སཏྟཝིདྷཱ ཧོནྟི. དསནྣམྤི པནེསཾ དྭཱརཀམྨཝསེན ཙེཝ ཝཱིམཾསཱཝཛྫིཏཱདྷིཔཏིཏྟཡཝསེན ཙ ཀུསལེ ཝུཏྟནཡེན ཝིབྷཱགོ ཝེདིཏབྦོ. ཨེཀནྟཧཱིནཏྟཱ ཧཱིནཏྟིཀབྷེདོ ནཏྠི. ཨཱརམྨཎཱདྷིཔཏི པནེཏྠ ལོབྷམཱུལེསུ ཨེཝ, ན ཨིཏརེསུ, མོཧམཱུལེསུ པན སཧཛཱཏཱདྷིཔཏིཔི ནཏྠི, ཏཐཱ ཀམྨཔཐབྷེདོཔི. ན ཧི པཝཊྚམཱནཾ ཀཉྩི ཨདྷིཔཏིཾ ཀརོཏི. དོསོ ཝཱ སཝིསཡཾ, ཝིཙིཀིཙྪཱཙིཏྟཉྩ པཊིཔཏྟིམནྟརཱཡཀརཏྟེན དུཙྩརིཏཧེཏུབྷཱུཏམྤི པཱཎཱཏིཔཱཏཱདཱིནཾ དོསལོབྷམཱུལཙིཏྟེཧེཝ སནྣིཊྛཱཔནིཡཏོ ཀམྨཔཐབྷེདཾ ན གཙྪཏི, པུབྦབྷཱགེ ཨེཝ པན ཧེཏུ ཧོཏི. ཏེནེཝསྶ ཨཔཱཡཧེཏུཏཱ པཋམམགྒཝཛ྄ཛྷཏཱཏི དཊྛབྦཾ. ཨཏཱིཏཱདིབྷེདཏོ པན དྭཱདསནྣཾ པཙྩེཀམནནྟཏཱ, སེསོ ཙ ཝིནིཙྪཡོ ཀུསལཱདྷིཀཱརེ ཝུཏྟནཡེནེཝ ཝེདིཏབྦོཏི.

ཨཀུསལཱ དྷམྨཱ ནིཊྛིཏཱ.

ཨབྱཱཀཏཔདཏྠོ

ཨཧེཏུཀཀུསལཝིཔཱཀཝཎྞནཱ

ཨབྱཱཀཏཱ ¶ པན དྷམྨཱ ཛཱཏིཏོ ཙཏུབྦིདྷཱ ཝིཔཱཀཀིརིཡརཱུཔནིབྦཱནཝསེན. ཏཏྠ ཝིཔཱཀཱབྱཱཀཏཱ དྷམྨཱ ཛཱཏིཏོ ཙ དྭིདྷཱ ཧོནྟི ཀུསལཱཀུསལཝིཔཱཀཝསེན. ཏཏྠ ཀུསལཝིཔཱཀཱ བྷཱུམིཏོ ཙཏུབྦིདྷཱ ཀཱམརཱུཔཱརཱུཔཱཝཙརལོཀུཏྟརཝིཔཱཀཝསེན. ཏཏྠ ཀཱམཱཝཙརཝིཔཱཀཱ ཨཧེཏུཀཱ སཧེཏུཀཱཏི དུཝིདྷཱ. ཏཏྠ ཨལོབྷཱདིསཧཛཱཏཧེཏུཝིརཧིཏཱ ཨཧེཏུཀཱ. ཏེ སམྤཡོགཝཏྠཱརམྨཎཱདིབྷེདཏོ ¶ ཨཊྛཝིདྷཱ. སེཡྻཐིདཾ – ཨུཔེཀྑཱསཧགཏཾ ཙཀྑུཝིཉྙཱཎཾ, ཏཐཱ སོཏགྷཱནཛིཝ྄ཧཱཝིཉྙཱཎཾ, སུཁསཧགཏཾ ཀཱཡཝིཉྙཱཎཾ, ཨུཔེཀྑཱསཧགཏཱ མནོདྷཱཏུ, སོམནསྶསཧགཏཱ མནོཝིཉྙཱཎདྷཱཏུ, ཏཐཱ ཨུཔེཀྑཱསཧགཏཱ ཙཱཏི. ཙཀྑུཝིཉྙཱཎཱདཱིནི ཧི ཙཏྟཱརི ཙཀྑུཔསཱདཱདཱིསུ ཙཏཱུསུ ཨུཔཱདཱཡརཱུཔེསུ ཨུཔཱདཱཡརཱུཔཱནཾ གྷཊྚནཱནིགྷཾསསྶ པིཙུཔིཎྜེ པིཙུཔིཎྜསྶེཝཱཏིདུབྦལཏཱཡ ཨུཔེཀྑཱཝེདནཱསམྤཡུཏྟཱནེཝ ཧོནྟི. ཀཱཡཝིཉྙཱཎཾ པན ཀཱཡིནྡྲིཡེ ཕོཊྛབྦབྷཱུཏཏྟཡགྷཊྚནཱནིགྷཾསསྶ ཨདྷིཀརཎིམཏྠཀེ ཋཔིཏཔིཙུཔིཎྜེ ཀཱུཊཔཧཱརསྶེཝ བལཝཏཱཡ པསཱདནིསྶཡེསུཔི བྷཱུཏེསུ པཊིགྷཱཏསམྦྷཝཏོ སུཁསཧགཏཾ ཧོཏི, མནོདྷཱཏུ ཨཏྟནོ གཧཎདུབྦལཏཱཡ ཨཏིཨིཊྛེཔི ཨུཔེཀྑཱསཧགཏཱཝ, མནོཝིཉྙཱཎདྷཱཏུ པན ཨཏིཨིཊྛེ སོམནསྶསཧགཏཱ, ཨིཊྛམཛ྄ཛྷཏྟེ ཨུཔེཀྑཱསཧགཏཱཏི ཨཡཾ སམྤཡོགཏོ ཝིནིཙྪཡོ.

དྷམྨུདྡེསཱདིཏོ པན ཙཀྑུཝིཉྙཱཎེ ཏཱཝ ཕསྶཔཉྩཀཾ, ཨེཀགྒཏཱ, ཛཱིཝིཏནྟི སརཱུཔེནཱགཏཱ སཏྟ, ཡེཝཱཔནཀཝསེན མནསིཀཱརོ ཨེཀོ ཙཱཏི ཨཊྛ དྷམྨཱ ཧོནྟི. སངྒཧཏོ པནེཏྠ ཁནྡྷཱཡཏནདྷཱཏུཨཱཧཱརིནྡྲིཡཝསེན པཉྩེཝསངྒཧཱ. ཏཏྠ ཙཀྑུཝིཉྙཱཎདྷཱཏུདྷམྨདྷཱཏུཝསེན དྷཱཏུསངྒཧོ, མནོ ཨུཔེཀྑཱཛཱིཝིཏིནྡྲིཡཝསེན ཨིནྡྲིཡསངྒཧོ ཙ ཝེདིཏབྦོ. སེསཾ ཝུཏྟནཡམེཝ. ཨེཏྠ ཙ ཝིཛྫམཱནཱཔི ཝེདནཱ ཛྷཱནངྒཏཾ ན གཙྪཏི, ཨིནྡྲིཡཾ པན ཧོཏི. ཨེཀགྒཏཱ ཨིནྡྲིཡམགྒངྒབལབྷཱཝམྤི ན གཙྪཏི ཨཏིདུབྦལཏྟཱ. ཝིཏཀྐཔཙྪིམཀཾ ཧི ཛྷཱནཾ, ཧེཏུཔཙྪིམཀོ མགྒོ, བལཉྩ. ཡཐཱ ཙེཏྠ, ཨེཝཾ སོཏགྷཱནཛིཝ྄ཧཱཀཱཡཝིཉྙཱཎེསུཔི. ཀེཝལཾ པན སངྒཧཝཱརེ སོཏཝིཉྙཱཎདྷཱཏུཨཱདིཝསེན དྷཱཏུསངྒཧོ, ཀཱཡཝིཉྙཱཎེ ཝེདནཱཔརིཝཏྟནཉྩ ཝིསེསོ. ཡཐཱ ¶ ཙེཏྠ, ཨེཝཾ མནོདྷཱཏུཡཱཔི. ཀེཝལཾ པན ཝིཏཀྐཝིཙཱརཱ དྭེ ཡེཝཱཔནཀཱ ཙ ཨདྷིམོཀྑོཏི ཏཡོ དྷམྨཱ ཨདྷིཀཱ. སངྒཧཝཱརེ མནོདྷཱཏུདྷམྨདྷཱཏུཝསེན དྷཱཏུསངྒཧོ, ཝིཏཀྐཝིཙཱརུཔེཀྑེཀགྒཏཱཧི ཙཏཱུཧི ཛྷཱནངྒསངྒཧོ ཙ ཝིསེསོ. པཱལི༹ཡཾ པནེཏྠ ཀིཉྩཱཔི ཛྷཱནངྒསངྒཧོ ¶ ན ཨུདྡྷཊོ, ཏཐཱཔི སཝིཏཀྐེསུ ནིཡམེན ཛྷཱནངྒཏཱསམྦྷཝཏོ གཧེཏབྦོཝ. ཡཐཱ ཙེཏྠ, ཨེཝཾ མནོཝིཉྙཱཎདྷཱཏུདྭཡེཔི. སོམནསྶསཧགཏཏཱཡ པནེཏྠ པཱིཏི ཨདྷིཀཱ, སངྒཧཝཱརེ ཙ པཉྩངྒཛ྄ཛྷཱནཏཱ, ཝེདནཱཔརིཝཏྟནཾ, ཨུབྷཡཏྠཱཔི མནོཝིཉྙཱཎདྷཱཏུདྷམྨདྷཱཏུཝསེན དྷཱཏུསངྒཧོ ཙ ཝིསེསོ, སེསཾ ཏཱདིསམེཝ.

ཝིསཡཱདིཔྤབྷེདཏོ པན ཙཀྑུཝིཉྙཱཎཱདཱིནི པཉྩ ཡཐཱཀྐམཾ ཙཀྑཱདིཨེཀེཀམེཝ ཝཏྠུཾ ནིསྶཱཡ པཙྩུཔྤནྣེ, ཨིཊྛེ ཙ རཱུཔཱདིཨེཀེཀཱརམྨཎེ ཨེཝ ཀིརིཡམནོདྷཱཏུཨནནྟརཾ ཨཱལོཀཱཀཱསཝཱཡུཛལཔཐཝཱིསཧཀཱརཱིནི པསཱདཀཱདཱིནི དསྶནསཝནགྷཱཡནསཱཡནཕུསནཀིཙྩཱནི སཱདྷཡམཱནཱནི ཙཀྑུདྭཱརཱདཱིསུ ཨེཀེཀསྨིཾ ཨེཝ ཝིཔཙྩནྟི. ཨེཝམེཏེསཾ ཝཏྠུདྭཱརཱརམྨཎཀིཙྩཱནི ཝིསུཾ ནིཡཏཱནི. ཋཱནཾ པན ཏེསཾ པཉྩནྣམྤི ཨེཀམེཝ, ཏེན ནེསཾ ན བྷེདོ. མནོདྷཱཏུ པན ཧདཡཝཏྠུཾ ནིསྶཱཡེཝ པཙྩུཔྤནྣེསུ རཱུཔཱདཱིསུ པཉྩསུཔི ཨཱརམྨཎེསུ པཉྩཝིཉྙཱཎཱནནྟརཾ སམྤཊིཙྪནཀིཙྩཾ སཱདྷཡམཱནཱ པཉྩསུཔི དྭཱརེསུ པཝཏྟཏི, སོམནསྶསཧགཏཱ མནོཝིཉྙཱཎདྷཱཏུ པན ཧདཡཝཏྠུཾ ནིསྶཱཡེཝ ཨཏིཨིཊྛེ པཙྩུཔྤནྣེ པཉྩཱརམྨཎེ ཝིཔཱཀམནོདྷཱཏུཨནནྟརཾ སནྟཱིརཎཀིཙྩཾ, ཚསུཔི དྭཱརེསུ ཚསུ བལཝཀཱམཱཝཙརཱརམྨཎེསུ ཨཏཱིཏཱདཱིསུ ཛཝནཱནནྟརཾ ཏདཱརམྨཎཀིཙྩཉྩ སཱདྷཡམཱནཱ ཝིཔཙྩཏི. ཨེཝམེཏིསྶཱ དྭཱརཱརམྨཎཀིཙྩཊྛཱནཱནི ཨནིབདྡྷཱནི, ཏཏོ ཏེཧི བྷེདོ ཧོཏི, ཝཏྠུ པན ཏཏྠེཝ ནིབདྡྷཾ, ཏཏོ ན བྷེདོ, ཨེཝམུཔེཀྑཱསཧགཏཱཡཔི. ཀེཝལཾ ¶ པནེསཱ དྭཱརཝིནིམུཏྟཱཔི ཧུཏྭཱ སུགཏིཡཾ ཛཙྩནྡྷབདྷིརཛཙྩུམྨཏྟཀཱདཱིནཾ པཊིསནྡྷིཀཱལེ པུརིམཙུཏིཙིཏྟཱནནྟརཾ ཀམྨབལེནོཔཊྛིཏཾ ཀམྨཀམྨནིམིཏྟགཏིནིམིཏྟེསུ ཨཉྙཏརཾ ཨཏཱིཏཱདིབྷེདཾ ཚབྦིདྷམྤི ཀཱམཱཝཙརཱརམྨཎམཱརབྦྷ པཊིསནྡྷིཀིཙྩཾ, ཏདནནྟརཏོ པཊྛཱཡ ཡཱཝཏཱཡུཀཾ བྷཝངྒཀིཙྩཾ, ཨནྟེ ཙུཏིཀིཙྩཉྩ, ཝུཏྟནཡེན སནྟཱིརཎཏདཱརམྨཎཀིཙྩཱནི ཙ སཱདྷཡམཱནཱ ཨིམེསུ པཉྩསུ ཋཱནེསུ ཝིཔཙྩཏཱིཏི ཨཡཾ ཝིསེསོ, སེསཾ ཏཱདིསམེཝ.

ཨེཏྠ ཙ ཝདྷབནྡྷཱདིཝསཔྤཝཏྟེ ཨནིཊྛཱརམྨཎེ ཁནྟིཔཊིསངྑཱནཱདིཝསེན ཀུསལུཔྤཏྟིཏོ ཏནྣིབྦཏྟཱནཾ པཊིསནྡྷིཨཱདིཝིཉྙཱཎཱནཾ ཀམྨནིམིཏྟཉྩེ ཨཱརམྨཎཾ ཧོཏི, ཨནིཊྛེནེཝ ཏེན བྷཝིཏབྦཾ. ཨེཝཾ ཨིཊྛཝིསཡེ ཨུཔྤནྣཱནཾ ཀུསལཝིཔཱཀཱནཾ ཨནིཊྛཱརམྨཎེསུ ཨནུཔྤཏྟིཏོ ཀམྨགཏིནིམིཏྟམེཝ ཏེསཾ ཨཱརམྨཎཾ ཧོཏཱིཏི ཝིཉྙཱཡཏི. ཝིཙཱརེཏྭཱ ཡཐཱ ཨཝིརོདྷོ ཧོཏི, ཏཐཱ གཧེཏབྦཾ. ཨེཝཾ ཨིཊྛཝིསཡེ ཨུཔྤནྣཀུསལཏོ ནིབྦཏྟཱནམྤི པཊིསནྡྷིཨཱདིཝིཉྙཱཎཱནཾ ཀམྨནིམིཏྟཱརམྨཎཏཱཡ ¶ ཨཝིརོདྷོ ཉཱཏབྦོ. ཨཏཱིཏཱདིབྷེདཏོ པན ཨཊྛནྣམྤི པཙྩེཀམནནྟརཏཱ ཧེཊྛཱ ཝུཏྟནཡེན གཧེཏབྦཱ.

ཨཧེཏུཀཀུསལཝིཔཱཀཱ ནིཊྛིཏཱ.

སཧེཏུཀཀུསལཝིཔཱཀཝཎྞནཱ

ཨལོབྷཱདིཝིཔཱཀཧེཏུསམྤཡུཏྟཱ པན སཧེཏུཀཱ, ཏེ སམྤཡོགཏོ ཀཱམཱཝཙརཀུསལཱ ཝིཡ ཨཊྛཝིདྷཱ. སོམནསྶཉཱཎཱདིསམྤཡོགོ པནེཏྠ ཨཱགམནཱདིཏོ ཝེདིཏབྦོ. ཏིཧེཏུཀཾ ཧི ཀཱམཱཝཙརཀུསལཾ ཏིཧེཏུཀདྭིཧེཏུཀཔཊིསནྡྷིཡོ དཏྭཱ པཝཏྟེ ཚསུ དྭཱརེསུ སོལ༹ས ཝིཔཱཀཱནི དེཏི, དུཧེཏུཀཾ པན ཀུསལཾ དུཧེཏུཀཱཧེཏུཀཔཊིསནྡྷིཡོ དཏྭཱ པཝཏྟེ ཚསུ དྭཱརེསུ ཏིཧེཏུཀརཧིཏཱནི ¶ དྭཱདས ཝིཔཱཀཱནི དེཏི. ཨསངྑཱརིཀསསངྑཱརིཀབྷཱཝོ པནེཏྠ པཙྩཡཝིསེསཏོཔི ཧོཏི. བལཝཔཙྩཡེནཱཔི ཧི ཨུཔྤནྣཾ ཨསངྑཱརིཀཾ ཧོཏི, དུབྦལེནཱཔི ཨིཏརཾ. ཀེཙི པན ཨསངྑཱརིཀེན སསངྑཱརཝིཔཱཀཱནཾ, སསངྑཱརིཀེན ཙ ཨསངྑཱརིཀཱནཾ ཨུཔྤཏྟིཾ ན ཨིཙྪནྟི. ཡསྨཱ པནེཏཱནི པཊིསནྡྷིདཱཡཀཏོ ཨཉྙེནཱཔི ཀམྨེན པཝཏྟེ ཨཀུསལཝིཔཱཀཱནི པཝཏྟནྟི, པཊྛཱནེ ཙ ‘‘སཧེཏུཀཾ བྷཝངྒཾ ཨཧེཏུཀསྶ བྷཝངྒསྶ ཨནནྟརཔཙྩཡེན པཙྩཡོ’’ཏི (པཊྛཱ. ༣.༡.༡༠༢) ཝུཏྟཾ, ཏསྨཱ ཨཧེཏུཀཔཊིསནྡྷིཀསྶ པུགྒལསྶ སུགཏིཡཾ པཝཏྟེ སཧེཏུཀཱནིཔི ཝིཔཱཀཱནི པཝཏྟནྟི. དུགྒཏིཡཾ, པན རཱུཔཱཝཙརབྷཱུམིཡཉྩ ཨཧེཏུཀཱནེཝ པཝཏྟནྟི. ཏེསུཔི ཨཏིཨིཊྛེ ཨཱརམྨཎེ སོམནསྶསཧགཏཱནི, ཨིཊྛམཛ྄ཛྷཏྟེ ཨུཔེཀྑཱསཧགཏཱནཱིཏི ཨེཝཾ ཨཱགམནཱདིཏོ སམྤཡོགབྷེདོ ཝེདིཏབྦོ.

དྷམྨུདྡེསཱདིཏོ པན ཡཱཝ སུཉྙཏཝཱརཔརིཡོསཱནཱ ཀཱམཱཝཙརཀུསལསདིསོཝ སབྦོ ཝིནིཙྪཡོ, ཀེཝལཉྩེཏྠ ཡེཝཱཔནཀེསུ ཀརུཎཱམུདིཏཱ ན སནྟི སཏྟཱརམྨཎཏྟཱ. ཨེཀནྟཔརིཏྟཱརམྨཎཱ ཧི ཀཱམཱཝཙརཝིཔཱཀཱ. ཝིརཏིཡོཔེཏྠ ལོཀིཡེསུ ཨེཀནྟཀུསལསབྷཱཝཏྟཱ ན སནྟི. ‘‘པཉྩསིཀྑཱཔདཱ ཀུསལཱ ཨེཝཱ’’ཏི (ཝིབྷ. ༧༡༥ ཨཱདཡོ) ཧི ཝུཏྟཾ. ཕསྶཱདཡོ ཙེཏྠ ¶ ཝིཔཱཀཏྟཱ ཨཱདཱསེ མུཁནིམིཏྟཾ ཝིཡ ནིརུསྶཱཧསནྟཱ, ཀུསལཱ པན མུཁཾ ཝིཡ སཨུསྶཱཧཱ. སངྒཧཝཱརེ ཙ པཉྩངྒིཀོ མགྒོ ཧོཏི, ཨཡཾ ཝིསེསོ. སེསཾ ཏཱདིསམེཝ.

ཝིསཡཱདིཔྤབྷེདཏོ པན ཡྭཱཡཾ ཀུསལེསུ ཀམྨདྭཱརཔུཉྙཀིརིཡཱདྷིཔཏཱིཧི བྷེདོ ཝུཏྟོ, སོ ཨིདྷ ནཏྠི ཨཝིཉྙཏྟིཛནཀཏོ, ཨཝིཔཱཀདྷམྨཏོ, ཏཐཱ ཨཔྤཝཏྟིཏོ ཙ. ཧཱིནཏྟིཀབྷེདོ པན ཨཏྠི ཧཱིནམཛ྄ཛྷིམཔྤཎཱིཏཱནཾ ཀུསལཱནཾ ཝིཔཱཀཏྟཱ ¶ , ཏཐཱ དྭཱརཱརམྨཎཱདིབྷེདོ. ཨེཏེ ཧི ཧདཡཝཏྠུཾ ནིསྶཱཡ དྭཱརཝིནིམུཏྟཱ ཧུཏྭཱ དེཝམནུསྶེསུ དྭིཧེཏུཀཏིཧེཏུཀཱནཾ ཧེཊྛཱ ཝུཏྟནཡེན པཊིསནྡྷིབྷཝངྒཙུཏིཀིཙྩཱནི, ཚདྭཱརེ ཚསུ ཨཱརམྨཎེསུ ཏདཱརམྨཎཀིཙྩཉྩ སཱདྷཡམཱནཱ ཨེཝཾ ཙཏཱུསུ ཋཱནེསུ ཝིཔཙྩནྟི. ཨེཝམེཏེསཾ དྭཱརཱརམྨཎཀིཙྩཊྛཱནཱནི ཨནིབདྡྷཱནི, ཏཏོ ཏེཧི བྷེདོ ཧོཏི. ཝཏྠུ པན ཏཏྠེཝ ནིབདྡྷཾ, ཏཏོ ན བྷེདོ. ཨཏཱིཏཱདིབྷེདཏོ པནེཏྠཱཔི ཨནནྟཏཱ ཝུཏྟནཡཱ ཨེཝཱཏི.

ཀཱམཱཝཙརསཧེཏུཀཀུསལཝིཔཱཀཱ ནིཊྛིཏཱ.

རཱུཔཱཝཙརཝིཔཱཀཝཎྞནཱ

རཱུཔཱཝཙརཝིཔཱཀཱཔི སམྤཡོགབྷེདཏོ ཨཏྟནོ ཀུསལཱ ཝིཡ པཉྩཝིདྷཱ ཧོནྟི. སབྦོ ཙེཏྠ ཝིནིཙྪཡབྷེདོ ཀུསལེ ཝུཏྟནཡོ ཨེཝ. ཝིཔཱཀབྷཱཝཏོ པནེཏྠ ཡཐཱ ཧཏྠིཨཱདཱིནཾ ཚཱཡཱ ཏཾསདིསཱ, ཨེཝཾ ཀུསལཱགམནཏོ ཙ ཛྷཱནངྒཱདིསམྤཡུཏྟདྷམྨསམཱཡོགོ, པཊིཔདཱདིབྷེདོ ཙ ཧོཏི. ཨཔིཙེཏྠ ཏིཝིདྷཱཡ པཋམཛ྄ཛྷཱནབྷཱུམིཡཱ པཋམཛ྄ཛྷཱནཝིཔཱཀཱ, ཏཐཱ དུཏིཡཛ྄ཛྷཱནབྷཱུམིཡཱ དུཏིཡཛ྄ཛྷཱནཝིཔཱཀཱ ཏཏིཡཛ྄ཛྷཱནཝིཔཱཀཱ ཙ, ཏཏིཡཛ྄ཛྷཱནབྷཱུམིཡཱ ཙཏུཏྠཛ྄ཛྷཱནཝིཔཱཀཱ, ཝེཧཔྥལཔཉྩསུདྡྷཱཝཱསཝསེན ཚབྦིདྷཱཡ ཙཏུཏྠཛ྄ཛྷཱནབྷཱུམིཡཱ པཉྩམཛ྄ཛྷཱནཝིཔཱཀཱ ཙ ཝུཏྟནཡེན པཊིསནྡྷིབྷཝངྒཙུཏིཀིཙྩཱནི སཱདྷཡམཱནཱ ཧདཡཝཏྠུཾ ནིསྶཱཡ དྭཱརཝིནིམུཏྟཱཝ ཀམྨནིམིཏྟསངྑཱཏཔཉྙཏྟཱརམྨཎཱ ཧུཏྭཱ ཝིཔཙྩནྟཱིཏི ཨཡཾ ཝིསེསོ, སེསཾ ཏཱདིསམེཝ.

རཱུཔཱཝཙརཝིཔཱཀཱ ནིཊྛིཏཱ.

ཨརཱུཔཱཝཙརཝིཔཱཀཝཎྞནཱ

ཨེཝཾ ¶ ཨརཱུཔཱཝཙརཝིཔཱཀཱཔི ཨཱརམྨཎབྷེདཏོ ཨཏྟནོ ཀུསལཱ ཝིཡ ཙཏུབྦིདྷཱ ཧོནྟི. ཝིནིཙྪཡོ ཙ སབྦོ ཀུསལེ ¶ ཝུཏྟནཡོཝ. ཀུསལཏོ ཙེཏྠ ཝིསེསོ རཱུཔཱཝཙརཝིཔཱཀེ ཝུཏྟནཡེན ཝེདིཏབྦོ. ཀེཝལཾ པནེཏྠ ཀམྨནིམིཏྟབྷཱུཏཔཉྙཏྟཱརམྨཎོ ཨཱཀཱསཱནཉྩཱཡཏནཝིཔཱཀོ པཋམཱརུཔྤབྷཱུམིཡཾ, ཏཐཱ མཧགྒཏཱརམྨཎོ ཝིཉྙཱཎཉྩཱཡཏནཝིཔཱཀོ དུཏིཡཱརུཔྤབྷཱུམིཡཾ, ཀམྨནིམིཏྟབྷཱུཏཔཉྙཏྟཱརམྨཎོ ཨཱཀིཉྩཉྙཱཡཏནཝིཔཱཀོ ཏཏིཡཱརུཔྤབྷཱུཁིཡཾ, མཧགྒཏཱརམྨཎོ ནེཝསཉྙཱནཱསཉྙཱཡཏནཝིཔཱཀོ ཙཏུཏྠཱརུཔྤབྷཱུམིཡཉྩ ཨཝཏྠུཀཱ ཝུཏྟནཡེན པཊིསནྡྷིབྷཝངྒཙུཏིཀིཙྩཱནི སཱདྷཡམཱནཱཝ པཝཏྟནྟཱིཏི ཨཡམེཝ ཝིསེསོ.

ཨརཱུཔཱཝཙརཝིཔཱཀཱ ནིཊྛིཏཱ.

ལོཀུཏྟརཝིཔཱཀཝཎྞནཱ

ཏཐཱ ལོཀུཏྟརཝིཔཱཀཱཔི ཨཏྟནོ ཀུསལཱ ཝིཡ ཏཾཏཾམགྒཕལཏྟཱ ཙཏུབྦིདྷཱ, ཛྷཱནངྒཡོགབྷེདཏོ པཙྩེཀཾ པཉྩ པཉྩ ཀཏྭཱ ཝཱིསཏིཝིདྷཱཝ ཧོནྟི. ཝིནིཙྪཡོ ཙེཏྠ ཀུསལེ ཝུཏྟནཡོཝ. ཀེཝལཾ སངྒཧཝཱརེ སོཏཱཔཏྟིམགྒཕལཾ སཀདཱགཱམིམགྒཕལཾ ཨནཱགཱམིམགྒཕལནྟི ཨིམེསཾ ཏིཎྞཾ ཨཉྙིནྡྲིཡཾ, ཨརཧཏྟཕལསྶ ཙ ཨཉྙཱཏཱཝིནྡྲིཡཾ པཉྙིནྡྲིཡཊྛཱནེ གཧེཏྭཱ ཨཊྛིནྡྲིཡཏཱ, བོཛ྄ཛྷངྒམགྒངྒཱདིབོདྷིཔཀྑིཡདྷམྨཱ, པཊིཔདཱདིབྷེདོ ཙ མགྒཱགམནཝསེནེཝ ཧོཏཱིཏི ཝེདིཏབྦོ. ཨདྷིཔཏིབྷེདོཔེཏྠ ལབྦྷཏི. ལོཀུཏྟརཀུསལཱ ཧི ཨཏྟནོ ཕལཱནཾ ཨནནྟརུཔྤཏྟིཏོ, ཛཝནཝུཏྟིཏོ ཙ ཨདྷིཔཏིཾ ཝིདྷཱཏུཾ སཀྐོནྟི, ལོཀིཡཱ པན ཝིཔརཱིཏཏོ ན སཀྐོནྟི. ཏེནཱཧུ པོརཱཎཱ ‘‘ཝིཔཱཀེ ཨདྷིཔཏཱི ནཏྠི ཋཔེཏྭཱ ལོཀུཏྟར’’ནྟི (དྷ. ས. ཨཊྛ. ༥༠༥). ཝིམོཀྑབྷེདཏོ པནེཏེ མགྒཱགམནཏོ ཏིཝིདྷཱ ཧོནྟི སུཉྙཏཨནིམིཏྟཨཔྤཎིཧིཏཝིམོཀྑཝསེན. མགྒཱ ཧི ཝིཔསྶནཱགམནཏོ ‘‘སུཉྙཏོ ཨཔྤཎིཧིཏོ’’ཏི དྭེ ནཱམཱནི ལབྷིཏྭཱ སགུཎཱརམྨཎཏོ པརིཡཱཡེན ¶ ཨནིམིཏྟཱཏིཔི ཝུཙྩནྟི, ཏསྨཱ སཡཾ ཨཱགམནཱིཡཊྛཱནེ ཋཏྭཱ ཨཏྟནོ ཨཏྟནོ ཨནནྟརཕལཱནཾ ནིཔྤརིཡཱཡཏོ ཏཱིཎིཔི ནཱམཱནི དེནྟི. ཨཔརབྷཱགེ པན ཕལསམཱཔཏྟིབྷཱུཏཱནཾ ན དེནྟི. ཏཏྠ ཝིཔསྶནཱགམནཏོཝ མགྒེ ཝུཏྟནཡེན ¶ དུཝིདྷོ ནཱམལཱབྷོ ཝེདིཏབྦོ. ཏེ ཙ ན མགྒཱ ཝིཡ ཨེཀཙིཏྟཀྑཎིཀཱ, མགྒཝཱིཐིཡཾ པན དྭཏྟིཀྑཏྟུཾ, ཕལསམཱཔཏྟིཝཱིཐིཡཾ སཀལམྤི དིཝསཾ ཨཔྤནཱཛཝནཝསེནེཝ ནིརནྟརཾ མཧགྒཏཛཝནཱནི ཝིཡ པཝཏྟནྟཱིཏི ཨཡཾ ཝིསེསོ.

ལོཀུཏྟརཝིཔཱཀཱ ནིཊྛིཏཱ.

ཨཀུསལཝིཔཱཀཱ པན ཀཱམཱཝཙརཱཝ, ལོབྷཱདིསམྤཡུཏྟཧེཏུ ཨབྷཱཝཏོ ཨཧེཏུཀཱ ཨེཝ ཙ ཧོནྟི. ཏེ སམྤཡོགཏོ ཨུཔེཀྑཱསཧགཏཾ ཙཀྑུཝིཉྙཱཎཾ, ཏཐཱ སོཏགྷཱནཛིཝ྄ཧཱཝིཉྙཱཎཱནི, ཏཐཱ དུཀྑསཧགཏཾ ཀཱཡཝིཉྙཱཎཾ, ཨུཔེཀྑཱསཧགཏཱ མནོདྷཱཏུ, ཏཐཱ མནོཝིཉྙཱཎདྷཱཏཱུཏི སཏྟཝིདྷཱ. ཝིནིཙྪཡོ པནེས སབྦཏྠ ཏཱདིསཱཧེཏུཀཀུསལཝིཔཱཀེསུ ཝུཏྟནཡོ ཨེཝ. ཀེཝལཾ པནཱནིཊྛཱརམྨཎཏཱ, ཀཱཡཝིཉྙཱཎསྶ དུཀྑསཧགཏཏཱ, ཨུཔེཀྑཱསཧགཏམནོཝིཉྙཱཎདྷཱཏུཡཱ ཨུདྡྷཙྩཝཛྫིཏཱཀུསལཔཙྩཡཱ ཙཏཱུསུ ཨཔཱཡེསུ པཊིསནྡྷིབྷཝངྒཙུཏིཀིཙྩཱནི, སུགཏིཡཉྩ སནྟཱིརཎཏདཱརམྨཎཀིཙྩཱནི ཙ སཱདྷནཝསེན པཝཏྟི ཙ ཝིསེསོ, སེསཾ ཏཱདིསམེཝ.

ཨཀུསལཝིཔཱཀཱ ནིཊྛིཏཱ.

ནིཊྛིཏཱ ཙ ཝིཔཱཀཱབྱཱཀཏཱ.

ཨཧེཏུཀཀིརིཡཱཝཎྞནཱ

ཀིརིཡཱབྱཱཀཏཱ པན ཀཱམརཱུཔཱརཱུཔཱཝཙརཝསེན ཏིཝིདྷཱ. ཏཏྠ ཀཱམཱཝཙརཀིརིཡཱ ཨཧེཏུཀཱ སཧེཏུཀཱཏི དུཝིདྷཱ. ཏཏྠ སཧཛཱཏཧེཏུཝིརཧིཏཱ ཨཧེཏུཀཱ. ཏཱ ¶ སམྤཡོགཱདིཏོ ཏིཝིདྷཱ ཨུཔེཀྑཱསཧགཏཱ མནོདྷཱཏུ, སོམནསྶསཧགཏཱ མནོཝིཉྙཱཎདྷཱཏུ, ཏཐཱ ཨུཔེཀྑཱསཧགཏཱཏི. ཀིརིཡཱཏི ཀརཎམཏྟཾ, ཀིཙྩམཏྟནྟི ཨཏྠོ. སབྦེསུཡེཝ ཧི ཀིརིཡཙིཏྟེསུ ཡཾ ཨཱཝཛྫནཀིཙྩདྭཡཾ, ཏཾ ཨཛཝནཝུཏྟིཏོ མོགྷཔུཔྥཾ ཝིཡ. ཡཾ ཛཝནཝུཏྟིཀཾ, ཏཾ ནིརཱནུསཡསནྟཱནཔྤཝཏྟིཏོ ཚིནྣམཱུལརུཀྑཔུཔྥཾ ཝིཡ ཨཕལཾ ཧོཏི. ཏཾཏཾཨཱཝཛྫནཛཝནཀིཙྩསཱདྷནཝསེན པཝཏྟཏྟཱ པན ཀིཙྩམཏྟཏཾ ཨུཔཱདཱཡ ‘‘ཀིརིཡཱ’’ཏི ཝུཏྟཾ. ཏཏྠ མནོདྷཱཏུཡཱ ཝིཔཱཀམནོདྷཱཏུཡཾ ཝུཏྟནཡེན ¶ སབྦོ ཝིནིཙྪཡོ ཝེདིཏབྦོ. ཀེཝལཾ པན པཉྩདྭཱརེ ཨིཊྛེསུ ཝཱ ཨནིཊྛེསུ ཝཱ པཉྩཱརམྨཎེསུ པཉྩཔསཱདེ གྷཊྚིཏེསུ ཨུཔྤནྣབྷཝངྒུཔཙྪེདཱནནྟརཾ ཏམེཝ པཉྩཱརམྨཎམཱརབྦྷ ཧདཡཝཏྠུཾ ནིསྶཱཡེཝཱཝཛྫནཀིཙྩཾ སཱདྷཡམཱནཱ པཉྩསུཔི དྭཱརེསུ པཝཏྟཏཱིཏི ཨཡཾ ཝིསེསོ.

མནོཝིཉྙཱཎདྷཱཏུདྭཡམྤི ཡཐཱཀྐམཾ ཀུསལཝིཔཱཀཱཧེཏུཀམནོཝིཉྙཱཎདྷཱཏུདྭཡསདིསཾ, ཝཱིརིཡཾ པནེཏྠ ཨདྷིཀཾ, ཝཱིརིཡཱུཔཏྠམྦྷོཝ སམཱདྷི བལཝཱ ཧོཏི. ཏཏོ ཨེཝེཏྠ སངྒཧཝཱརེ ཝཱིརིཡསམཱདྷིམནོསོམནསྶཛཱིཝིཏིནྡྲིཡཱནཾ པཉྩནྣཾ ཝསེན ཨིནྡྲིཡསངྒཧོ ཧོཏི, ཨིདྷཱཔི བལསངྒཧོ ནཏྠེཝ. ཡཾ པནེཏྠ པདབྷཱཛནཱིཡེ སམཱདྷིཝཱིརིཡཱནཾ ནིདྡེསེ ‘‘སམཱདྷིབལཾ ཝཱིརིཡབལ’’ནྟི (དྷ. ས. ༥༧༠-༥༧༢) བལཝེཝཙནཾ ཝུཏྟཾ, ཏཾ ཨིཏརཱཧེཏུཀཙིཏྟསམྤཡུཏྟེཧི ཨིམེསཾ བལཝཏརཏཱདསྶནཏྠཾ པརིཡཱཡཏོ ཝུཏྟཾ. ཏཏོ ཨེཝ ཧི སངྒཧཝཱརེ ‘‘དྭེ བལཱནི ཧོནྟཱི’’ཏི ན ཝུཏྟཾ, ཏསྨཱ ཨཧེཏུཀེསུ ནིཔྤརིཡཱཡཏོ བལཾ ནཏྠི ཨེཝཱཏི གཧེཏབྦཾ.

ཝིསཡཱདིཔྤབྷེདཏོ པནེཏྠ སོམནསྶསཧགཏཱ ཏཱཝ ཧདཡཝཏྠུཉྙེཝ ནིསྶཱཡ པཉྩདྭཱརེ ཝོཊྛབྦནཀིཙྩཱཡ ཙ, མནོདྭཱརེ ཨནུལཱ༹རེསུ ཚསུ ཀཱམཱཝཙརཱརམྨཎེསུ ཨཱཝཛྫནཀིཙྩཱཡ ¶ ཙ མནོཝིཉྙཱཎདྷཱཏུཡཱ ཨནནྟརཾ ཛཝནཀིཙྩཾ སཱདྷཡམཱནཱ ཁཱིཎཱསཝཱནཉྙེཝ ཧསིཏཾ ཨུཔྤཱདེནྟཱི པཝཏྟཏི. ཧསིཏཾ ཧི སོམནསྶསཧགཏཀཱམཱཝཙརེཧེཝ ཛཝནེཧི, ཏེསུ ཨསེཁཱནཾ པཉྩཧི ཀིརིཡཱཛཝནེཧི, སེཁཱནཾ པན ཀུསལེཧི ཙེཝ དིཊྛིཝིཔྤཡུཏྟལོབྷམཱུལེཧི ཙཱཏི ཚཧི, པུཐུཛྫནཱནཾ དིཊྛིསམྤཡུཏྟེཧི ཙཱཏི ཨཊྛཧཱིཏི ཏེརསཧི ཙིཏྟེཧི ཨུཔྤཛྫཏི. ཨུཔེཀྑཱསཧགཏཱ པན པཉྩདྭཱརེ ཧདཡཝཏྠུཉྙེཝ ནིསྶཱཡ སནྟཱིརཎཀིཙྩཱཡ ཝིཔཱཀམནོཝིཉྙཱཎདྷཱཏུཡཱ ཨནནྟརཾ ཝོཊྛབྦནཀིཙྩཾ, མནོདྭཱརེ སབྦེསུ ཚསུཔི ཨཱརམྨཎེསུ སཝཏྠུཀཱ, ཨཝཏྠུཀཱ ཝཱ བྷཝངྒཙལནཱནནྟརཾ ཨཱཝཛྫནཀིཙྩཾ སཱདྷཡམཱནཱ པཝཏྟཏི. ཨཡཾ ཧི ཏཱིསུ བྷཝེསུ ཀསྶཙི སཙིཏྟཀཔུགྒལསྶ ན ཀིསྨིཉྩི ཝིསཡེ ན ཨུཔྤཛྫཏི, སབྦཉྙུཏཉྙཱཎསདིསཾ མཧཱགམནཾ ནཱམེཏཾ ཙིཏྟནྟི ཨཡཾ ཝིསེསོ, སེསཾ ཏཱདིསམེཝ.

ཨཧེཏུཀཀིརིཡཱ ནིཊྛིཏཱ.

སཧེཏུཀཀཱམཱཝཙརཀིརིཡཱཝཎྞནཱ

ཨལོབྷཱདིཀིརིཡཱཧེཏུསམྤཡུཏྟཱ ¶ པན སཧེཏུཀཱ, ཏེ སམྤཡོགཏོ ཀུསལཱ ཝིཡ ཨཊྛཝིདྷཱ. སབྦོཔེཏྠ ཝིནིཙྪཡོ ཀུསལེསུ ཝུཏྟནཡོ ཨེཝ. ཀེཝལཾ པནེཏྠ ཝིརཏིཡོ ན སནྟི, ཀུསལཱ ཙ སེཁཔུཐུཛྫནཱནཾ ཝུཏྟནཡེན ཚསུ དྭཱརེསུ ཝཏྠུཾ ནིསྶཱཡ ཝཱ ཨནིསྶཱཡ ཝཱ ཛཝནཀིཙྩཾ སཱདྷཡམཱནཱ པཝཏྟནྟི, ཨིམེ པན ཨསེཁཱནནྟི ཨཡཾ ཝིསེསོ. ཀཱམཱཝཙརཀིརིཡཱ.

རཱུཔཱཝཙརཀིརིཡཱཝཎྞནཱ

རཱུཔཱཝཙརཀིརིཡཱ ཙ ཀུསལཱ ཝིཡ པཉྩཝིདྷཱ. ཝིནིཙྪཡོ ཙ ཏཏྠ ཝུཏྟནཡོ ཨེཝ. ཀེཝལཾ ཧི ཀུསལཱ སེཁཔུཐུཛྫནཱནཾ པཉྙཏྟཱརམྨཎཱ ¶ , ཨབྷིཉྙཱཝསེན པཝཏྟཾ པཉྩམཛ྄ཛྷཱནཾ སབྦཱརམྨཎཉྩ ཧུཏྭཱ མནོདྭཱརེ ཧདཡཝཏྠུཉྙེཝ ནིསྶཱཡ ཛཝནཀིཙྩཾ སཱདྷཡམཱནཱ པཝཏྟནྟི, ཨིམེ པན ཨསེཁཱནནྟི ཨཡམེཝ ཝིསེསོ. རཱུཔཱཝཙརཀིརིཡཱ.

ཨརཱུཔཱཝཙརཀིརིཡཱཝཎྞནཱ

ཨརཱུཔཱཝཙརཀིརིཡཱ ཙ ཀུསལཱ ཝིཡ ཙཏུབྦིདྷཱ. ཝིནིཙྪཡོ ཙ ཏཏྠ ཝུཏྟནཡོ ཨེཝ. ཀེཝལཾ ཧི ཀུསལཱ སེཁཔུཐུཛྫནཱནཾ སཝཏྠུཀཱ, ཨཝཏྠུཀཱ ཝཱ ཧེཊྛཱ ཝུཏྟནཡེན ཡཐཱཡོགཾ པཉྙཏྟིམཧགྒཏཱརམྨཎཱ མནོདྭཱརེ ཛཝནཀིཙྩཾ སཱཡེམཱནཱ པཝཏྟནྟི, ཨིམེ པན ཨསེཁཱནནྟི ཨཡཾ ཝིསེསོ. ཨརཱུཔཱཝཙརཀིརིཡཱ.

ཀིརིཡཱབྱཱཀཏཱ ནིཊྛིཏཱ.

པཀིཎྞཀཀཐཱཝཎྞནཱ

ཨེཏྠ ¶ ཋཏྭཱ སབྦེ ཙིཏྟཙེཏསིཀདྷམྨེ ཛཱཏིསངྒཧཱདིཏོ སམོདྷཱནེཏྭཱ པཀིཎྞཀཀཐཱ ཝཏྟབྦཱ. ཡཐཱཝུཏྟཱནི ཧི ཙིཏྟཱནི ཀུསལཱནི ཨེཀཝཱིསཏི, ཨཀུསལཱནི དྭཱདས, ཝིཔཱཀཱནི ཚཏྟིཾས, ཀིརིཡཱནི ཝཱིསཏི ཙཱཏི སབྦཱནིཔི ཨེཀཱུནནཝུཏིཝིདྷཱནི, ལོཀུཏྟརཱནཾ ཛྷཱནངྒཡོགབྷེདཏོ ཙཏྟཱལཱིསཝིདྷཏྟཱ ཨེཀཝཱིསསཏཾ ཝཱ ཧོནྟི. ཏེསུ ཀཱམཱཝཙརཱནི ཙཏུཔཉྙཱས, རཱུཔཱཝཙརཱནི པནྣརས, ཨརཱུཔཱཝཙརཱནི དྭཱདས, ལོཀུཏྟརཱནི ཨཊྛ, ཙཏྟཱལཱིསཾ ཝཱ. ཀཱམཱཝཙརེསུ ཙ ཀུསལཱནི ཨཊྛ, ཝིཔཱཀཱནི ཏེཝཱིསཏི, ཀིརིཡཱནི ཨེཀཱདས, ཨཧེཏུཀཱནི ཨཊྛཱརས. སེསཱནི པན ཙཏུབྷཱུམཀཱནིཔི སཧེཏུཀཱནི. ཏེསུ ཙ ཛཱཏིཏོ ཙིཏྟགཎནཱ པུབྦེ ཝུཏྟཱཝ ¶ . ཙེཏསིཀཱ པན སདྡྷཱ སཏི ཧིརཱིཨོཏྟཔྤཾ ཨལོབྷོ ཨདོསོ ཀཱཡཔསྶདྡྷཱདཡོ དྭཱདས, ཏཏྲམཛ྄ཛྷཏྟཏཱ ཨམོཧོ ཨཔྤམཉྙཱདྭཡཾ, ཝིརཏིཏྟཡཉྩ མོཧོ ཨཧིརིཀཾ ཨནོཏྟཔྤཾ ཨུདྡྷཙྩཉྩ ལོབྷོ དིཊྛི དོསོ ཝིཙིཀིཙྪཱ ཙ མཱནོ ཨིསྶཱ མཙྪརིཡཾ ཀུཀྐུཙྩཾ ཐིནཾ མིདྡྷཉྩ ཕསྶོ ཝེདནཱ སཉྙཱ ཙེཏནཱ ཨེཀགྒཏཱ ཛཱིཝིཏིནྡྲིཡཉྩ མནསིཀཱརོ ཙ ཝིཏཀྐོ ཝིཙཱརོ པཱིཏི ཝཱིརིཡཾ ཚནྡོ ཨདྷིམོཀྑོ ཙཱཏི དྭེཔཉྙཱས ཧོནྟི.

ཏཏྠ ཏཏྲམཛ྄ཛྷཏྟཏཱ, ཨཔྤམཉྙཱདྭཡཾ, མཱནཱདཱིནི ཚ, མནསིཀཱརོ ཚནྡོ ཨདྷིམོཀྑོ ཙཱཏི དྭཱདས དྷམྨཱ ཡཐཱཋཱནེ ཡེཝཱཔནཀཱ ཨེཝ, ཝིརཏིཏྟཡཾ, ཨུདྡྷཙྩཉྩ ཀཏྠཙི ཡེཝཱཔནཀཱ. ཏེསུ ཙ ཏཏྲམཛ྄ཛྷཏྟཏཱ མནསིཀཱརོ ཚནྡོ ཨདྷིམོཀྑོ ཨུདྡྷཙྩཾ ཝིརཏིཡོཏི ཨིམེ ཋཔེཏྭཱ སེསཱ ཨཊྛ ཡཐཱཋཱནེ ཨནིཡཏཱ ཨེཝ, ཝིརཏིཡོ པན ཀཏྠཙི ཨནིཡཏཱ, ཨིམེ པན ཨེཀཱདས ཋཔེཏྭཱ སེསཱ ཨེཀཙཏྟཱལཱིས དྷམྨཱ ནིཡཏཱ ཨེཝ. ཏཏྠ སདྡྷཱདཡོ པཉྩཝཱིསཏི དྷམྨཱ ཀུསལཱབྱཱཀཏཱཡེཝ, མོཧཱདཡོ ཙུདྡས ཨཀུསལཱ ཨེཝ, ཕསྶཱདཡོ ཏེརས ཀུསལཱཀུསལཱབྱཱཀཏཱ ཏིཛཱཏིཀཱ. ཨེཀནྟཏོ ཧི ཀུསལཱ ཝཱ ཨབྱཱཀཏཱ ཝཱ དྷམྨཱ ནཏྠི, ཀུསལཙིཏྟསམྤཡུཏྟསམཡེ པན ཀུསལཱ, ཨབྱཱཀཏཙིཏྟསམྤཡུཏྟསམཡེ ཨབྱཱཀཏཱ ཙ ཧོནྟི. མོཧཱདཡོ པན སརཱུཔེནེཝ ཨཀུསལཱ, ཨིཏརེ ཙ ཏཾསམྤཡོགེན སབྦེཔི ཙེཏེ ཨཏྠནཱ སམྤཡུཏྟཙིཏྟབྷེདེན བྷེདཝནྟོཝ ཧོནྟཱིཏི ཝེདིཏབྦཱ.

ཏེསུ ཧི སདྡྷཱདཡོ ཨེཀཱུནཝཱིསཏི སབྦེསུ ཀུསལེསུ ཙེཝ སཧེཏུཀཱབྱཱཀཏེསུ ཙཱཏི ཨེཀཱུནསཊྛིཙིཏྟེསུ ཨུཔྤཛྫནྟི, ཏཏོ པཙྩེཀཾ ཨེཀཱུནསཊྛིཔྤབྷེདཱ ཙ ཧོནྟི. ཨེཝམཉྙེཔི ཉཱཏབྦཱ ¶ . ཨམོཧོ ཏེསུ ཉཱཎཝིཔྤཡུཏྟཱནི དྭཱདས ¶ ཋཔེཏྭཱ སེསེསུ, ཨཔྤམཉྙཱ པན ཀཱམཱཝཙརེསུ སཧེཏུཀཀིརིཡཀུསལེསུ ཙེཝ པཉྩམཛ྄ཛྷཱནཝཛྫིཏརཱུཔཱཝཙརེསུ ཙཱཏི ཨཊྛཝཱིསཏིཙིཏྟེསུ, ཝིརཏིཡོ པན ཀཱམཱཝཙརཀུསལེསུ, ལོཀུཏྟརེསུ ཙཱཏི སོལ༹སསུ. ཨེཝམེཏེ པཉྩཝཱིསཏི དྷམྨཱ ཀུསལཱབྱཱཀཏེསུ ཨུཔྤཛྫནཏོ ཀུསལཱབྱཱཀཏཱ ནཱམ ཛཱཏཱ. ཨཀུསལེསུ པན མོཧཱདཡོ ཙཏྟཱརོ དྭཱདསསུཔི ཨཀུསལཙིཏྟེསུ ཨུཔྤཛྫནྟི, ལོབྷོ ཨཊྛསུ ལོབྷམཱུལེསུ, དིཊྛི ཏཏྠ དིཊྛིསམྤཡུཏྟེསུ, མཱནོ དིཊྛིཝིཔྤཡུཏྟེསུ, དོསོ ཨིསྶཱ མཙྪརིཡཾ ཀུཀྐུཙྩཾ པཊིགྷསམྤཡུཏྟེསུ, ཐིནམིདྡྷཾ པཉྩསུ སསངྑཱརིཀེསུ, ཝིཙིཀིཙྪཱ ཝིཙིཀིཙྪཱསམྤཡུཏྟེ ཨེཝཱཏི. ཨེཝམེཏེ ཙུདྡསཔི སཡཾ ཨཀུསལཏྟཱ, ཨཀུསལེསྭེཝ ཨུཔྤཛྫནཏོ ཙ ཨཀུསལཱ ནཱམ.

ཨིཏརེསུ ཙ ཕསྶཱདཡོ སཏྟ དྷམྨཱ སབྦཙིཏྟེསུ, ན ཧི ཏཾ ཙིཏྟམཏྠི, ཡཾ ཨིམེསུ ཨེཀེནཱཔི ཝིནཱ ཨུཔྤཛྫཏི. སབྦཏྠཀཱ ཧི ཨེཏེ. ཝིཏཀྐཱདཡོ པན ཡཐཱཡོགིཀཱ. ཏེསུ ཧི ཝིཏཀྐོ ཏཱཝ དྭིཔཉྩཝིཉྙཱཎཝཛྫིཏཀཱམཱཝཙརེསུ ཙེཝ ཨེཀཱདསསུ པཋམཛ྄ཛྷཱནིཀརཱུཔཱཝཙརལོཀུཏྟརེསུ ཙཱཏི པཉྩཔཉྙཱསཙིཏྟེསུ ཨུཔྤཛྫཏི. ཝིཙཱརོ པན ཏེསུ ཙེཝ ཏཐཱ དུཏིཡཛ྄ཛྷཱནིཀཙིཏྟེསུ ཙཱཏི ཚསཊྛིཙིཏྟེསུ. པཱིཏི ཙཏུཏྠཛ྄ཛྷཱནིཀཝཛྫིཏསོམནསྶསཧགཏེསུ. ཝཱིརིཡཾ དྭིཔཉྩཝིཉྙཱཎམནོདྷཱཏུསནྟཱིརཎཏྟིཀཝཛྫིཏེསུ. ཚནྡོ ཨཧེཏུཀམོམཱུཧཝཛྫིཏེསུ. ཨདྷིམོཀྑོ དྭིཔཉྩཝིཉྙཱཎཝིཙིཀིཙྪཱཡུཏྟཝཛྫིཏེསུ. ཨེཝམེཏེ ཏེརས ཀུསལཱཀུསལཱབྱཱཀཏེསུ ཨུཔྤཛྫནཏོ ཏིཛཱཏིཀཱ ནཱམ ཛཱཏཱ. སམྤཡུཏྟཙིཏྟབྷེདེན ཙེསཾ པཙྩེཀཾ གཎནཱབྷེདོཔི ཝེདིཏབྦོ. ཡཐཱ ཧི ཙིཏྟཾ སལཀྑཎཏོ ཨེཀཝིདྷམྤི སམྤཡོགཱཝཏྠཱདིབྷེདེནེཝ བྷིནྣཾ, ཏཐཱ ཙེཏསིཀཱཔི པཙྩེཀནྟི ཉཱཏབྦཱ, ཝིསེསཾ པན ནེསཾ ཝཀྑཱམ.

ཝཏྠུསངྒཧེ ¶ པན ནེསཾ ཙིཏྟེསུ ཏཱཝ ཀཱམཱཝཙརཝིཔཱཀམནོདྷཱཏུཧསིཏཱནི, དོསསམྤཡུཏྟཔཊིགྷརཱུཔཱཝཙརཔཋམམགྒཱནི ཙཱཏི ཏེཙཏྟཱལཱིས ཙིཏྟཱནི ཧེཊྛཱ ཝུཏྟནཡེན ཡཐཱསཀཾ ཝཏྠཱུནི ནིསྶཱཡེཝ ཨུཔྤཛྫནྟི, ཨརཱུཔཱཝཙརཝིཔཱཀཱནི པན ཨནིསྶཱཡེཝ, སེསཱནི དྭེཙཏྟཱལཱིས ནིསྶཱཡཔི, ཨཱརུཔྤེསུཔི ཨུཔྤཛྫནཏོ ཨནིསྶཱཡཔི. ཨརཱུཔཱིནཾ ཧི ཚཔི ཝཏྠཱུནི ན སནྟི, རཱུཔཱིནཾ པན གྷཱནཱདཱིནི ཏཱིཎི, སབྦཏྠ ཙ ཏཾཏཾཝཏྠུརཧིཏཱནཾ སབྦཏྠ ནིཡཏཝིཉྙཱཎཱནིཔི, ཨསཉྙཱིནཾ པན སབྦཱནིཔི ཝཏྠུཝིཉྙཱཎཱནི ན སནྟི. ཏེསཾ ཧི ཛཱིཝིཏནཝཀམེཝ རཱུཔཾ པཊིསནྡྷི, པཝཏྟིཡཾ བྷཝངྒཾ, མརཎཀཱལེ ཙུཏི ཙ ཧུཏྭཱ པཝཏྟཏི. ཡཐཱ ཙེཏྠ ཙིཏྟཱནཾ, ཨེཝཾ ཏཾསམྤཡུཏྟཙེཏསིཀཱནམྤི ཝཏྠུཏོ སངྒཧབྷེདོ ཝེདིཏབྦོ. ཨཡཾ པན ཝིསེསོ – ཏེསུ ཧི དོསོ ཨིསྶཱ ¶ མཙྪརིཡཾ ཀུཀྐུཙྩཉྩ ཧདཡཝཏྠུཾ ནིསྶཱཡ ཀཱམལོཀེ ཨེཝ ཨུཔྤཛྫཏི. ཀརུཎཱམུདིཏཱ པན རཱུཔལོཀེཔི, ན ཨརཱུཔེ. ཏཏྠ ཧི རཱུཔཱཝཙརཔུབྦབྷཱགཱནིཔི ན ཨུཔྤཛྫནྟི, སེསཱ པན སབྦེ ནིསྶཱཡཔི ཨནིསྶཱཡཔི ཏཱིསུཔི བྷཝེསུ ཨུཔྤཛྫནྟི. ཏཏྠ ཧི ཕསྶཱདཡོ སཏྟ ཚཔི ཝཏྠཱུནི, ཨིཏརེ པན ཧདཡམེཝཱཏི, སེསཾ ཙིཏྟསམཾ.

ཀིཙྩདྭཱརསངྒཧེ པན ནེསཾ ཙིཏྟཾ ཡཐཱ ཙ ཙུདྡསཧི ཀིཙྩེཧི ཚདྭཱརིཀདྭཱརཝིནིམུཏྟབྷཱཝེན, ཨེཝཾ པཝཏྟིཀྐམོ ཝེདིཏབྦོ. ཡདཱ ཧི ཀུསལཱཀུསལབལེན ཏཱིསུ བྷཱུམཱིསུ སཏྟཱ ནིབྦཏྟནྟི, ཏདཱ ཏེསཾ མརཎཀཱལེ ཡེབྷུཡྻེན ཚནྣཾ དྭཱརཱནམཉྙཏརསྨིཾ པཙྩུཔཊྛིཏཾ ཀམྨཀམྨནིམིཏྟགཏིནིམིཏྟཱནམཉྙཏརཾ གཧེཏྭཱ ཨུཔེཀྑཱསཧགཏཝིཔཱཀཱཧེཏུཀམནོཝིཉྙཱཎདྷཱཏུདྭཡཉྩེཝ ཨཊྛ མཧཱཝིཔཱཀཱནི, ནཝ རཱུཔཱརཱུཔཝིཔཱཀཱནི ཙེཏི ཨེཀཱུནཝཱིསཏི ཙིཏྟཱནི ཧེཊྛཱ ཝུཏྟནཡེན ཡཐཱསཀབྷཱུམཱིསུ པཊིསནྡྷི ཧུཏྭཱ ཨུཔྤཛྫནྟི, ཏཱནེཝ བྷཝངྒཙུཏིཝསེན དྭཱརཝིནིམུཏྟཱནི ནཱམ ཧོནྟི. མརཎཀཱལེ ཧི ¶ སཏྟཱནཾ ཨསཉྙིསཏྟཝིརཧིཏཱནཾ བྷཝནྟརེ པཊིསནྡྷིཛནཀཾ ཨཏཱིཏཾ ཀམྨཾ ཝཱ ཏཾཀམྨཀརཎཀཱལེ ཝིསཡོཔཀརཎཱདིབྷཱུཏཾ རཱུཔཱདིཚབྦིདྷམྤི ཨཏཱིཏཱདིབྷེདཾ ཀཱལཝིནིམུཏྟཉྩ ཀམྨནིམིཏྟཾ ཝཱ ཨུཔཔཛྫམཱནབྷཝཱནུརཱུཔཾ ཀཔྤརུཀྑམཱཏུཀུཙྪིནིརཡགྒིཛཱལཱདིགཏིནིམིཏྟཾ ཝཱ ཀམྨབལེན ཡཐཱརཧཾ ཚནྣཾ དྭཱརཱནམཉྙཏརསྨིཾ སཱཡནྷེ པབྦཏཙྪཱཡཱ པཐཝིཡཾ ཝིཡ ཙིཏྟསནྟཱནེ ཨལླཱིཡམཱནཾ ཨུཔཊྛཱཏི. ཨེཝཾ ཨུཔཊྛིཏེ ཙ ཏསྨིཾ ཨཱརམྨཎེ ཀམྨབལེན ནིརནྟརཾ པཝཏྟམཱནཙིཏྟསནྟཱནསྶ ཨཱཡུཀྑཡཀམྨཀྑཡཨུབྷཡཀྑཡཨུཔཙྪེདཀཀམྨཱནམཉྙཏརེན པཙྩཱསནྣམརཎསྶ ཏསྶ ཏསྶ ཝཱིཐིཙིཏྟབྷཝངྒཱནནྟརཾ ཙུཏིཙིཏྟཾ ཧོཏི, ཏདནནྟརཾ ཀམྨཀམྨནིམིཏྟཱདཱིསུ ཡཐཱགཧིཏཾ ཨཱརབྦྷ ཡཐཱརཧཾ ཏཱིསུ བྷཝེསུ ཡཾ ཀིཉྩི པཊིསནྡྷིཙིཏྟཾ བྷཝནྟརེ པཋམཙིཏྟཾ ཧུཏྭཱ ཨུཔྤཛྫཏི.

ཏཏྠ ཙ དུཧེཏུཀཱཧེཏུཀཙུཏིཡཱནནྟརཾ དས ཀཱམཱཝཙརཔཊིསནྡྷིཡོཝ ཧོནྟི, ན ཨིཏརཱ, ཀཱམཱཝཙརཏིཧེཏུཀཱཡ ཙུཏིཡཱ སབྦཱཔི ཧོནྟི, རཱུཔཱཝཙརཱཡ པན ཙུཏིཡཱཔི ཨཧེཏུཀཔཊིསནྡྷིརཧིཏཱ, ཨརཱུཔཱཝཙརཱཡ ཙུཏིཡཱ ཧེཊྛིམཝཛྫིཏཱརུཔྤཔཊིསནྡྷིཡོ ཙེཝ ཀཱམཱཝཙརཏིཧེཏུཀཔཊིསནྡྷིཡོ ཙ, ཨསཉྙཱིནཾ པན རཱུཔཙུཏིཏོ བྷཝནྟརེ གཧིཏཔུབྦཾ ཀམྨཱདིམེཝཱརབྦྷ ཨཧེཏུཀརཧིཏཱ ཀཱམཱཝཙརཔཊིསནྡྷིཡོཝ ཧོནྟི, ན ཨིཏརཱ. པུཐུཛྫནཱནཾ, པན སོཏཱཔནྣསཀདཱགཱམཱིནཉྩ ཙུཏིཡཱ སུདྡྷཱཝཱསེསུ པཊིསནྡྷི ན ཧོཏི, སེཁཱནཾ དྭིཧེཏུཀཱཧེཏུཀཱསཉྙིཔཊིསནྡྷིཡོ, ཨསེཁཱནཾ པན སབྦཱཔི པཊིསནྡྷིཡོ ན ཧོནྟི. ཏེ ཧི ཙུཏིཏོ ¶ ནིརུཔདྷིསེསནིབྦཱནེན ཨནུཔཱདཱཔརིནིབྦཱནཔྤཏྟཱ ནཱམ ཧོནྟི. ཨེཝཾ གཧིཏཔཊིསནྡྷིནིརོདྷཏོ པརཾ ཏདེཝ ཙིཏྟཾ ཏསྨིཉྙེཝཱརམྨཎེ བྷཝངྒཾ ཧུཏྭཱ ཙུཏིཔརིཡོསཱནཾ ཨསཏི ཝཱིཐིཙིཏྟུཔྤཱདེ སུཔིནམྤི ཨདིསྭཱ ནིདྡོཀྐམནཀཱལཱདཱིསུ ¶ ཨཔརིམཱཎསངྑམྤི ནདཱིསོཏཾ ཝིཡ ནིརནྟརཾ པཝཏྟཏི. ཨེཝཾ ཨེཀཱུནཝཱིསཏིཝིཉྙཱཎཱནཾ པཊིསནྡྷིབྷཝངྒཙུཏིཝསེན པཝཏྟིཀྐམོ ཝེདིཏབྦོ.

ཨེཝཾ པན ཝཏྟམཱནེ བྷཝངྒསནྟཱནེ ཡདཱ ཨིནྡྲིཡཔརིཔཱཀམཱགམྨ སབྷཱགཔཙྩཡནྟརསཧིཏཾ ཨཏིམཧནྟཾ རཱུཔཱརམྨཎཾ ཙཀྑུདྭཱརེ གྷཊྚེཏི, ཏདཱ གྷཊྚནཱནུབྷཱཝེན དྭིཀྑཏྟུཾ ཏཏྠ བྷཝངྒཙལནཾ ཧོཏི, ཏདནནྟརཾ བྷཝངྒཾ ཝོཙྪིནྡིཏྭཱ ཏསྨིཾ རཱུཔཱརམྨཎེ ཀིརིཡམནོདྷཱཏུ ཨཱཝཛྫནཀིཙྩཾ སཱདྷཡམཱནཱ ཨུཔྤཛྫིཏྭཱ ནིརུཛ྄ཛྷཏི, ཏཐཱ ཏདནནྟརཾ ཙཀྑུཝིཉྙཱཎདྭཡེ ཡཐཱརཧམེཀཾ དསྶནཀིཙྩཾ, ཏདནནྟརཾ ཝིཔཱཀམནོདྷཱཏུདྭཡཱ ཨཉྙཏརཾ སམྤཊིཙྪནཀིཙྩཾ, ཏདནནྟརཾ ཝིཔཱཀམནོཝིཉྙཱཎདྷཱཏུཏྟཡཱ ཨཉྙཏརཾ སནྟཱིརཎཀིཙྩཾ, ཏདནནྟརཾ ཨུཔེཀྑཱསཧགཏཀིརིཡཱཧེཏུཀམནོཝིཉྙཱཎདྷཱཏུ ཝོཊྛབྦནཀིཙྩཾ, ཏདནནྟརཾ ཨེཀཱུནཏིཾསཀཱམཱཝཙརཛཝནེསུ ཡཾ ཀིཉྩི ཡཐཱརཧཾ སཏྟཀྑཏྟུཾ, ཚཀྑཏྟུཾ, མརཎཀཱལཱདཱིསུ པཉྩཀྑཏྟུམེཝ ཝཱ ཛཝནཀིཙྩཾ སཱདྷཡམཱནཾ, ཏདནནྟརཾ ཨེཀཱདསསུ ཏདཱརམྨཎཀིཙྩེསུ མཧཱཝིཔཱཀསནྟཱིརཎེསུ ཡཐཱརཧམེཀཾ སཀིཾ, དྭིཀྑཏྟུཾ ཝཱ ཏདཱརམྨཎཀིཙྩཾ སཱདྷཡམཱནཾ ཨུཔྤཛྫིཏྭཱ ནིརུཛ྄ཛྷཏི, ཏདནནྟརཾ བྷཝངྒསནྟཏི ཨེཝ པཝཏྟཏི. ཨེཝཾ ཙཀྑུདྭཱརེ སཏྟཀིཙྩཱནི ཚཙཏྟཱལཱིས ཙིཏྟཱནི སམྦྷཝནྟི.

ཡདཱ པན ཝུཏྟནཡེན སདྡཱརམྨཎཱདཱིནི སོཏདྭཱརཱདཱིསུ གྷཊྚེནྟི, ཏདཱཔི ཙཀྑུདྭཱརེ ཝིཡ པཙྩེཀཉྩ ཚཙཏྟཱལཱིསེཝ བྷཝནྟི. ཀེཝལཾ ཧེཏྠ ཨཱཝཛྫནཱནནྟརཾ ཙཀྑུཝིཉྙཱཎཊྛཱནེ སོཏཝིཉྙཱཎཱདིདྭཡཱནི ཡཐཱཀྐམཾ སཝནཱདིཀིཙྩཱནི སཱདྷཡམཱནཱནི ཨུཔྤཛྫནྟཱིཏི. ཨེཝཾ པཉྩདྭཱརེ ཨཏིམཧནྟེ པཉྩཱརམྨཎེ ཙཏུཔཉྙཱས ཀཱམཱཝཙརཙིཏྟཱནེཝ སམྦྷཝནྟི. ཀེཙི པནེཏྠ ‘‘སསངྑཱརིཀཛཝནཱནི པཉྩདྭཱརེ ན ཨུཔྤཛྫནྟི པུབྦཔྤཡོགཱསམྦྷཝཱ, མནོདྭཱརེཡེཝེཏཱནི ཨུཔྤཛྫནྟཱི’’ཏི ཝདནྟི.

མཧནྟེ ¶ པན ཏདཱརམྨཎཝཛྫིཏཱནི. ཝིསཡསྶ ཛཝནསམཀཱལམེཝ ཨཏཱིཏཏྟཱ ཛཝནཱཝསཱནེ བྷཝངྒཾ ཧོཏི. པརིཏྟེ པན ཛཝནམྤི ནཏྠི. ཝོཊྛབྦནཾ ཧེཏྠ ཛཝནཊྛཱནེ ཋཏྭཱ དྭཏྟིཀྑཏྟུཾ པཝཏྟིཏྭཱ ནིརུཛ྄ཛྷཏི, ཏཏོ པརཾ བྷཝངྒཾ ཧོཏི. ཨཡཾ པན ཝཱརོ ‘‘དིཊྛཾ ཝིཡ མེ ¶ , སུཏཾ ཝིཡ མེ’’ཏིཨཱདིཀཐནཀཱལེ ལབྦྷཏི. ཨཏིཔརིཏྟེ པན ཝོཊྛབྦནཔྤཱདཱ ཨསཎྛཧནཏོ བྷཝངྒཙལནམཏྟམེཝ, ན ཨཱཝཛྫནཱདཱིནི. ཨཱཝཛྫནེན ཧི བྷཝངྒེ ཨཱཝཊྚིཏེ ཝོཊྛབྦནཾ ཨཔྤཏྭཱ ཨནྟརཱ ཙཀྑུཝིཉྙཱཎཱནནྟརཾ ཙིཏྟཾ བྷཝངྒཾ ཨོཏརིསྶཏཱིཏི ནེཏཾ ཋཱནཾ ཝིཛྫཏི, ནཱཔི ཨཔྤཝཏྟམཱནེ ཝིསཡེ པཉྩདྭཱརིཀཝཱིཐིཙིཏྟཱནི པཝཏྟནྟཱིཏི. ཨཡཾ པཉྩདྭཱརེ ཝིསཡཔྤཝཏྟིབྷེདེན ཙིཏྟཔྤཝཏྟིནིཡམོ.

མནོདྭཱརེ པན ཚསུ ཨཱརམྨཎེསུ ཨཱཔཱཐགཏེསུ ཝུཏྟནཡེན བྷཝངྒཙལནམནོདྭཱརཱཝཛྫནཱནནྟརཾ ཀུསལཱཀུསལཕལནཱཝཛྫནཀིརིཡཙིཏྟེསུ པཉྩཔཉྙཱསཛཝནཀིཙྩེསུ ཡཾ ཀིཉྩི ཀཱམཱཝཙརཱརམྨཎམཱརབྦྷ པཝཏྟཏི, ཏཏོ པབྷུཏི ཀཱམཱཝཙརཱརམྨཎེ ཏདཱརམྨཎཾ ཧོཏི. ཨཔྤནཱཛཝནེ ཨཡཾ པཝཏྟིཀྐམོ – སམཐཝིཔསྶནཱཀམྨཊྛཱནིཀཱནཾ ཧི ཡཐཱསཀཝིསཡེ ཨུཔྤཱདིཏཔུབྦབྷཱགབྷཱཝནཱནཾ ‘‘ཨིདཱནི ཨཔྤནཱ ཨུཔྤཛྫིསྶཏཱི’’ཏི བྷཝངྒཙལནཱཝཛྫནཱཝསཱནེ ཉཱཎསམྤཡུཏྟཀཱམཱཝཙརཛཝནེསུ ཨཉྙཏརསྨིཾ ཡཐཱརཧཾ པརིཀམྨོཔཙཱརཱནུལོམགོཏྲབྷུནཱམེན ཙཏུཀྑཏྟུཾ, ཏིཀྑཏྟུམེཝ ཝཱ ཨུཔྤཛྫིཏྭཱ ནིརུདྡྷེ ཙཏུཏྠཾ, པཉྩམཾ ཝཱ མཧགྒཏཛཝནེསུ ཡཾ ཀིཉྩི པཋམཀཔྤནཱབྷིཉྙཱབྷཱུཏཾ ཨེཀཝཱརམེཝ, ཛྷཱནསམཱཔཏྟིབྷཱུཏཾ ཨནནྟཝཱརམྤི ཛཝཏི. ལོཀུཏྟརཛཝནེསུ པན ཀུསལཱནི ཨེཀསནྟཱནེ ཨེཀཝཱརམེཝ ཛཝནྟི, ཏདནནྟརཾ ཡཐཱསཀཾ ཕལཙིཏྟཉྩ དྭཏྟིཝཱརཾ, ཕལསམཱཔཏྟིཝཱིཐིཡཾ ཕལམེཝ ཨནནྟཝཱརམྤི ཛཝཏི, ནིརོདྷསམཱཔཏྟིཡཾ པན ཨནུཔུབྦནིརོདྷཝསེན ¶ པཋམཛ྄ཛྷཱནཏོ ཡཱཝཱཀིཉྩཉྙཱཡཏནཱ ཡཐཱཀྐམཾ ཨཱཝཛྫནཔརིཀམྨཱདིཝསེནེཝ སམཱཔཛྫིཏྭཱ ཝུཊྛིཏསྶ གོཏྲབྷུཏོ ཨནནྟརཾ ཙཏུཏྠཱརུཔྤཛཝནེ དྭིཀྑཏྟུཾ ཛཝིཏྭཱ ནིརུདྡྷེ ཡཐཱཔརིཙྪིནྣཀཱལཉྩ ཙིཏྟཾ ན ཨུཔྤཛྫཏི, ཝུཊྛཱནཀཱལེ ཙ ཨཱཝཛྫནཔརིཀམྨཙིཏྟནིཡཱམེན ཨནཱགཱམིཕལཾ, ཨརཧཏྟཕལཾ ཝཱ ཡཐཱརཧམེཀཝཱརམེཝ ཨུཔྤཛྫཏི. ཏཏྠ ཙ ཀུསལགོཏྲབྷུཏོ ཨནནྟརཾ ཀུསལཉྩེཝ ཨཱདིཏོ ཕལཏྟཡཉྩ ཨཔྤེཏི, ཀིརིཡཱགོཏྲབྷུཏོ ཀིརིཡཾ, ཨརཧཏྟཕལཉྩ. ཏཏྠཱཔི སོམནསྶསཧགཏཏོ སོམནསྶསཧགཏམེཝ, ཨུཔེཀྑཱསཧགཏཏོ ཙ ཨུཔེཀྑཱསཧགཏམེཝ ཨཔྤེཏི. ཨསེཁཱནམེཝ ཙེཏྠ ཨརཧཏྟཕལཀིརིཡཱཛཝནཱནི, ཡཐཱསཀཾ སེཁཱནམེཝ སེསལོཀུཏྟརཱནི, སེཁཔུཐུཛྫནཱནམེཝ ཀུསལཱཀུསལཱནི, ཏིཧེཏུཀཱནམེཝ ཨཔྤནཱ ཧོནྟི, ཨཡཾ ཛཝནནིཡམོ.

ཨཔྤནཱཛཝནཏོ པརཾ པན ཏདཱརམྨཎཾ ནཏྠི. ཛཝནཱརམྨཎེསུ ཧི ཀཱམཱཝཙརབྷཱུཏེསྭེཝ ཀཱམཱཝཙརཔཊིསནྡྷིཀཱནམེཝ ཨཏིམཧནྟེ, ཝིབྷཱུཏེ ཙ ཝིསཡེ ཏདཱརམྨཎམུཔྤཛྫཏི. ཨཏིཨིཊྛེ པནཱརམྨཎེ ¶ སནྟཱིརཎཀིརིཡཱཛཝནཏདཱརམྨཎཱནི སོམནསྶསཧགཏཱནི, ཨིཊྛམཛ྄ཛྷཏྟེ, ཨནིཊྛེ ཙ ཨུཔེཀྑཱསཧགཏཱནི ཧོནྟི. ཡདཱ པན དོམནསྶཱནནྟརཾ སོམནསྶསྶ པཊྛཱནེ པཊིཀྑིཏྟཏྟཱ སོམནསྶཔཊིསནྡྷིཀསྶ ཨཏིཨིཊྛཱདཱིསུ པཊིགྷེ ཛཝིཏེ ཏདཱརམྨཎབྷཝངྒཱནི ན ཨུཔྤཛྫནྟི, ཏདཱ ཨཉྙཾ པརིཙིཏཔུབྦཾ པརིཏྟཱརམྨཎམཱརབྦྷ ཨནཱཝཛྫནམྤི ནིརོདྷཏོ ཝུཊྛཧནྟསྶ སཱམཉྙཕལཾ ཝིཡ ཨནྟརཱ ཨུཔེཀྑཱསཧགཏསནྟཱིརཎཾ ཨུཔྤཛྫཏི, ཏམནནྟརིཏྭཱ བྷཝངྒཾ ཧོཏཱིཏི ཨཡཾ ཏདཱརམྨཎནིཡམོ.

ཨེཝཾ པན བྷཝངྒཱནནྟརཾ ཚདྭཱརེ ཨཱཝཛྫནཱདཱིནི ཝཱིཐིཙིཏྟཱནི. ཨིཏི ཡཱཝཏཱཡུཀཾ ཨིམིནཱཝ ཀམེན ཙིཏྟནིཡཱམཏོ ཝིཉྙཱཎཱནི པཝཏྟནྟི. ཝཱིཐིཙིཏྟཱནནྟརཾ, པན བྷཝངྒཱནནྟརཾ ཝཱ སབྦཔཙྪིམཾ ¶ ཏཾ ཨེཀཱུནཝཱིསཏིཝིདྷཾ བྷཝངྒམེཝ ཏསྨིཉྙེཝཱརམྨཎེ ཙུཏིཀིཙྩཉྩ སཱདྷཡམཱནཾ པཝཏྟཏི, ཏསྨིཾ ནིརུདྡྷེ སཏྟོ ཙུཏོ ནཱམ ཧོཏི. ཏཏོཔི ཙུཏིཏོ པུན པཊིསནྡྷིབྷཝངྒཝཱིཐིཙུཏིཡོཏི ཨེཝཾ པུནཔྤུནཾ ཙིཏྟསནྟཱནཾ ཡནྟཡུཏྟགོཎོ ཝིཡ བྷཝཱདཱིསུ ཡཱཝཱནུཔཱདཱཡ ཨཱསཝེཧི ན ཝིམུཙྩཏི, ཏཱཝཱཝིཙྪིནྣཾ པཝཏྟཏི ཨེཝ. ཨེཝཾ པཝཏྟམཱནེ ཙ ཙིཏྟསནྟཱནེ ‘‘ཏྭཾ བྷཝངྒཾ ནཱམ ཧོཏི, ཏྭཾ ཏདནནྟརཾ ཨཱཝཛྫནཾ…པེ… ཏྭཾ ཏདནནྟརཾ ཏདཱརམྨཎཾ ནཱམ ཧོཏི, ཏྭཾ པན བྷཝངྒ’’ནྟིཨཱདིནཱ ནིཡཱམཀོ ཀཏྟཱ ནཱམ ནཏྠི, ཙིཏྟནིཡཱམེནེཝེཏཾ པཝཏྟཏི.

པཉྩཝིདྷོ ཧི ནིཡཱམོ – བཱིཛནིཡཱམོ ཨུཏུནིཡཱམོ ཀམྨནིཡཱམོ དྷམྨནིཡཱམོ ཙིཏྟནིཡཱམོཏི, ཏཏྠ ཨངྐུརཔཎྞདཎྜཔུཔྥཕལཱདིཀྐམེན ཏེསཾ ཏེསཾ བཱིཛཱནཾ ཨཉྙོཉྙཝིསདིསརུཀྑཏིཎགཙྪལཏཱདིསནྟཱནེ ཨཏྟནཱ སདིསཕལདཱནཾ བཱིཛནིཡཱམོ ནཱམ. ཏསྨིཾ ཏསྨིཾ སམཡེ ཏེསཾ ཏེསཾ རུཀྑཱནཾ ཨེཀཔྤཧཱརེན པུཔྥཕལཔལླཝཱནཾ གཧཎཾ ཨུཏུནིཡཱམོ ནཱམ. ཏསྶ ཏསྶ ཝཱ ཀུསལཱཀུསལཀམྨསྶ ཏཾཏཾསདིསཱསདིསརཱུཔཱརཱུཔཝིཔཱཀདཱནཾ, ཀམྨསརིཀྑཀཝིཔཱཀདཱནཉྩ ཀམྨནིཡཱམོ ནཱམ. བོདྷིསཏྟཱནཾ པཊིསནྡྷིགྒཧཎེ, མཱཏུཀུཙྪིཏོ ཨབྷིནིཀྑམནེ, ཨབྷིསམྦོདྷིདྷམྨཙཀྐཔྤཝཏྟནཱདཱིསུ ཙ དྭཏྟིཾས པུབྦནིམིཏྟཱནི དྷམྨནིཡཱམོ ནཱམ. ཡཐཱཝུཏྟེན བྷཝངྒཱཝཛྫནཱདིཀིཙྩཀྐམེནེཝ ཙིཏྟཔྤཝཏྟི ཙིཏྟནིཡཱམོ ནཱམ. ཨིམིནཱ པན ཙིཏྟནིཡཱམེན ཡཐཱཀྐམཾ ཀིཙྩཝནྟེསུ ཙེཏེསུ ཙིཏྟེསུ དྭིཔཉྩཝིཉྙཱཎམནོདྷཱཏུཛཝནཱནི ཡཐཱསམྦྷཝཾ ཨེཀཀིཙྩཊྛཱནཱནི, སེསཱནི པན དྭིཏིཙཏུཔཉྩཀིཙྩཊྛཱནཱནི, ཏཱནི ཙ པུབྦེ ཝུཏྟཱནི, སུཝིཉྙེཡྻཱནི ཙ. ཨེཝཾ ཨེཀདྭཱརིཀཱདཱིནི ཙ. ཡཐཱ ཙ ཙིཏྟཱནཾ, ཨེཝཾ ཏཾསམྤཡུཏྟཙེཏསིཀཱནམྤི ¶ ཀིཙྩདྭཱརཝསེན སངྒཧོ ཝེདིཏབྦོ. ཨཡཾ པན ཝིསེསོ – ཀིཙྩཏོ ཧི སབྦཏྠཀཱ ཏཱཝ སཏྟ ཙིཏྟཾ ཝིཡ ཙུདྡས ཀིཙྩཱནི ཀརོནྟི. ཝིཏཀྐཝིཙཱརཱདྷིམོཀྑཱ ¶ པན ཏཡོ དསྶནཱདིཔཉྩཀིཙྩཱནི ཝཛྫེཏྭཱ ནཝ, ཝཱིརིཡཾ ཏཏོ སམྤཊིཙྪནསནྟཱིརཎཱནི ཝཛྫེཏྭཱ སཏྟ, པཱིཏི ཝོཊྛབྦནཱཝཛྫནཱནིཔི ཝཛྫེཏྭཱ སནྟཱིརཎེན སདྡྷིཾ ཚ, ཝིརཏིཨཔྤམཉྙཱཝཛྫིཏཱ པན ཝཱིསཏི ཀུསལཱབྱཱཀཏཱ ཙེཝ ཚནྡོ ཙ སནྟཱིརཎམྤི ཝཛྫེཏྭཱ པཉྩ, ཏཏོ ཨཔྤམཉྙཱ ཏདཱརམྨཎམྤི ཝཛྫེཏྭཱ ཙཏྟཱརི, ཝིརཏིཡོ པན ཀུསལཱ ཛཝནཀིཙྩམེཝ ཀརོནྟི. དྭཱརཏོ ཙ ཝིརཏིཡོ མནོདྭཱརིཀཱ ཨེཝ, ཏཐཱ ཀརུཎཱམུདིཏཱ, དྭཱརཝིནིམུཏྟཱ ཙ པན ཧོནྟི. མནོདྭཱརེ ཨེཝ ཧི དུཙྩརིཏཝིརམཎཾ སཏྟཔཉྙཏྟིགྒཧཎཉྩ ཧོཏི. ཨཀུསལཱ པན ཚདྭཱརིཀཱ, ཏཏྠཱཔི མཱནཨིསྶཱམཙྪརིཡཀུཀྐུཙྩཱནི མནོདྭཱརིཀཱནེཝཱཏི ཀེཙི. ཨཝསེསཱ ཚདྭཱརིཀཱ ཙེཝ དྭཱརཝིནིམུཏྟཱ ཙ. སེསཾ ཙིཏྟསདིསམེཝ. ཨཱརམྨཎསངྒཧོ པན ནེསཾ པརིཏྟཱརམྨཎཏྟིཀེ ཨཱཝི བྷཝིསྶཏཱིཏི. ཨཡཾ པཀིཎྞཀཀཐཱ.

ཙིཏྟུཔྤཱདཀཎྜཝཎྞནཱ ནིཊྛིཏཱ.

ཨབྱཱཀཏཔདཾ པན ནེཝ ཏཱཝ ནིཊྛིཏཾ. ཨབྱཱཀཏེསུ ཧི ཝིཔཱཀཱབྱཱཀཏཾ, ཀིརིཡཱབྱཱཀཏཉྩ ཝིབྷཏྟཾ, རཱུཔཱབྱཱཀཏཾ, པན ནིབྦཱནཱབྱཱཀཏཉྩ ཨཝསིཊྛཾ. ཏཏྠ རཱུཔཱབྱཱཀཏཾ ཏཱཝ བྷཱུམིཏོ ཀཱམཱཝཙརམེཝ, ན བྷིནྣཾ, ཏཐཱ སམྤཡོགཏོཔི ཨསམྦྷཝོ ཨེཝ. སཱརམྨཎདྷམྨཱནམེཝ, ཧི ཨཉྙམཉྙསམྤཡོགོ, ན ཨིཏརེསནྟི. དྷམྨུདྡེསཏོ པནེཏཾ ཨཊྛཝཱིསཏིཝིདྷཾ ཧོཏི. སེཡྻཐིདཾ – པཐཝཱིདྷཱཏུ ཨཱཔོདྷཱཏུ ཏེཛོདྷཱཏུ ཝཱཡོདྷཱཏུ ཙཀྑུ སོཏཾ གྷཱནཾ ཛིཝ྄ཧཱ ཀཱཡོ རཱུཔཾ སདྡོ གནྡྷོ རསོ ཨིཏྠིནྡྲིཡཾ པུརིསིནྡྲིཡཾ ཛཱིཝིཏིནྡྲིཡཾ ཧདཡཝཏྠུ ཀཱཡཝིཉྙཏྟི ཝཙཱིཝིཉྙཏྟི ཨཱཀཱསོ རཱུཔསྶ ལཧུཏཱ མུདུཏཱ ཀམྨཉྙཏཱ རཱུཔསྶ ཨུཔཙཡོ སནྟཏི ཛརཏཱ ཨནིཙྩཏཱ ཀབལཱི༹ཀཱརོ ཨཱཧཱརོཏི. པདབྷཱཛནཱིཡེ པནེཏྠ ཀིཉྩཱཔི ཧདཡཝཏྠུ ན ཨཱགཏཾ, ཨུཔརི པན པཊྛཱནཔཱལི༹ཡཾ ¶ ‘‘ཡཾ རཱུཔཾ ནིསྶཱཡ མནོདྷཱཏུ ཙ མནོཝིཉྙཱཎདྷཱཏུ ཙ ཝཏྟནྟཱི’’ཏིཨཱདིནཱ (པཊྛཱ. ༡.༡.༨) སརཱུཔེནེཝ ཨཱགམིསྶཏཱིཏི ཏཾ ཨིདྷ གཧིཏཾ. ཀེཙི པན མིདྡྷརཱུཔཾ བལརཱུཔཾ སམྦྷཝརཱུཔཾ ཛཱཏིརཱུཔཾ རོགརཱུཔནྟི ཨིམཱནིཔི པཉྩ གཧེཏྭཱ ‘‘ཏེཏྟིཾས རཱུཔཱནི ཧོནྟཱི’’ཏི ཝདནྟི, ཏེ ཏེསཾ ཨབྷཱཝཾ, ཨནྟོགདྷབྷཱཝཉྩ ཝཏྭཱ པཊིཀྑིཔིཏབྦཱ. ཨིམེསུ ཧི མིདྡྷཾ རཱུཔམེཝ ན ཧོཏི ཨརཱུཔདྷམྨཏྟཱ ནཱིཝརཎཱནཾ. མིདྡྷེནེཝ ཧི པཙལཱཡིཀཱཀཱརེན རཱུཔཔྤཝཏྟི ཧོཏི, བལརཱུཔཾ པན ཝཱཡོདྷཱཏུཡཱ ཨནྟོགདྷཾ ཏཾསབྷཱཝཏྟཱ, སམྦྷཝརཱུཔཾ ཨཱཔོདྷཱཏུཡཱ, ཛཱཏིརཱུཔཾ ¶ ཨུཔཙཡསནྟཏཱིསུ, རོགརཱུཔཉྩ ཛརཏཱཨནིཙྩཏཱསུ པཝིསཏི སཔྤཙྩཡསམུཊྛིཏརཱུཔཝིཀཱརབྷེདེསུ རོགབྱཔདེསཏོཏི སབྦཾ རཱུཔཾ ཨཊྛཝཱིསཏིཝིདྷམེཝ ཧོཏི. ཨཡཾ དྷམྨུདྡེསཏོ ཝིནིཙྪཡོ.

ལཀྑཎཱདིཏོ པནེཏྠ ཀཀྑལ༹ཏྟལཀྑཎཱ པཐཝཱིདྷཱཏུ, པཏིཊྛཱནརསཱ, སམྤཊིཙྪནཔཙྩུཔཊྛཱནཱ. པགྒྷརཎལཀྑཎཱ ཨཱཔོདྷཱཏུ, བྲཱུཧནརསཱ, སངྒཧཔཙྩུཔཊྛཱནཱ. ཨུཎྷཏྟལཀྑཎཱ ཏེཛོདྷཱཏུ, པརིཔཱཙནརསཱ, མདྡཝཱནུཔྤདཱནཔཙྩུཔཊྛཱནཱ. ཝིཏྠམྦྷནལཀྑཎཱ ཝཱཡོདྷཱཏུ, སམུདཱིརཎརསཱ, ཨབྷིནཱིཧཱརཔཙྩུཔཊྛཱནཱ. ཙཏསྶོཔི ཙེཏཱ སེསབྷཱུཏཏྟཡཔདཊྛཱནཱ. རཱུཔཱབྷིགྷཱཏཱརཧབྷཱུཏཔྤསཱདལཀྑཎཾ, དཊྛུཀཱམཏཱནིདཱནཀམྨསམུཊྛཱནབྷཱུཏཔྤསཱདལཀྑཎཾ ཝཱ ཙཀྑུ, རཱུཔེསུ ཨཱཝིཉྪནརསཾ, ཙཀྑུཝིཉྙཱཎསྶ ཨཱདྷཱརབྷཱཝཔཙྩུཔཊྛཱནཾ, དཊྛུཀཱམཏཱནིདཱནཀམྨཛབྷཱུཏཔདཊྛཱནཾ. ཨིདཾ པན ཡདེཏཾ ཨཀྑིཀཱུཔཀེ པཏིཊྛིཏཾ ནཧཱརུསུཏྟཀེན མཏྠལུངྒེན ཨཱབདྡྷམཾསཡུཏྟཾ, ཡཏྠ སེཏམྤི ཨཏྠི ཀཎྷམྤི ལོཧིཏམྤི ཙཏྟཱརིཔི མཧཱབྷཱུཏཱནི, ཡཉྩ སེམྷུསྶདཏྟཱ སེཏཾ, པིཏྟུསྶདཏྟཱ ཀཎྷཾ, རུཧིརུསྶདཏྟཱ ལོཧིཏཀཾ, པཐཝུསྶདཏྟཱ པཏྠིཎྞཾ ཧོཏི, ཨཱཔུསྶདཏྟཱ པགྒྷརཏི, ཏེཛུསྶདཏྟཱ ¶ པརིདཡ྄ཧཏི, ཝཱཡུསྶདཏྟཱ པརིབྦྷམཏི, ཡཉྩ ལོཀེ ནཱིལཔཁུམསམཱཀིཎྞཾ ཀཎྷསུཀྐམཎྜལཝིཙིཏྟཾ ནཱིལུཔྤལདལསནྣིབྷཾ དཱིགྷཾ པུཐུལཾ ཙཀྑཱུཏི ཝུཙྩཏི, ཏསྶ སསམྦྷཱརཙཀྑུནོ སེཏམཎྜལཔརིཀྑིཏྟསྶ ཀཎྷམཎྜལསྶ མཛ྄ཛྷེ ཨབྷིམུཁེ ཋིཏཱནཾ སརཱིརསཎྛཱནུཔྤཏྟིདེསེ སཏྟསུ པིཙུཔཊལེསུ ཨཱསིཏྟཏེལཾ པིཙུཔཊལཱནི ཝིཡ སཏྟ ཨཀྑིཔཊལཱནི བྱཱཔེཏྭཱ དྷཱརཎནཧཱཔནམཎྜནབཱིཛནཀིཙྩཱཧི ཙཏཱུཧི དྷཱཏཱིཧི ཁཏྟིཡཀུམཱརོ ཝིཡ སནྡྷཱརཎཱབནྡྷནཔརིཔཱཙནསམུདཱིརཎཀིཙྩཱཧི ཙཏཱུཧི དྷཱཏཱུཧི ཀཏཱུཔཀཱརཾ ཨཱཡུནཱ ཨནུཔཱལིཡམཱནཾ ཝཎྞགནྡྷརསཱདཱིཧི པརིཝུཏཾ ཨུཏུཙིཏྟཱཧཱརེཧི ཨུཔཏྠམྦྷིཡམཱནཾ པམཱཎཏོ ཨཱུཀཱསིརམཏྟཾ ཙཀྑུཝིཉྙཱཎཱདཱིནཾ ཡཐཱརཧཾ ཝཏྠུདྭཱརབྷཱཝཾ སཱདྷཡམཱནཾ ཏིཊྛཏི. ཝུཏྟམྤི ཙེཏཾ དྷམྨསེནཱཔཏིནཱ –

‘‘ཡེན ཙཀྑུཔསཱདེན, རཱུཔཱནི མནུཔསྶཏི;

པརིཏྟཾ སུཁུམཾ ཨེཏཾ, ཨཱུཀཱསིརསམཱུཔམ’’ནྟི.

སདྡཱབྷིགྷཱཏཱརཧབྷཱུཏཔྤསཱདལཀྑཎཾ, སོཏུཀཱམཏཱནིདཱནཀམྨསམུཊྛཱནབྷཱུཏཔྤསཱདལཀྑཎཾ ཝཱ སོཏཾ, སདྡེསུ ཨཱཝིཉྪནརསཾ, སོཏཝིཉྙཱཎསྶ ཨཱདྷཱརབྷཱཝཔཙྩུཔཊྛཱནཾ, སོཏུཀཱམཏཱནིདཱནཀམྨཛབྷཱུཏཔདཊྛཱནཾ ¶ . ཨིདཾ པན སསམྦྷཱརསོཏབིལསྶ ཨནྟོ ཏནུཏམྦལོམཱཙིཏེ ཨངྒུལིཝེདྷཀསཎྛཱནེ པདེསེ ཝུཏྟཔྤཀཱརཱཧི དྷཱཏུཨཱདཱིཧི ཀཏཱུཔཀཱརཱནུཔཱལནཔརིཝཱརོཔཏྠམྦྷཾ སོཏཝིཉྙཱཎཱདཱིནཾ ཡཐཱརཧཾ ཝཏྠུདྭཱརབྷཱཝཾ སཱདྷཡམཱནཾ ཏིཊྛཏི.

གནྡྷཱབྷིགྷཱཏཱརཧབྷཱུཏཔྤསཱདལཀྑཎཾ, གྷཱཡིཏུཀཱམཏཱནིདཱནཀམྨསམུཊྛཱནབྷཱུཏཔྤསཱདལཀྑཎཾ ཝཱ གྷཱནཾ, གནྡྷེསུ ཨཱཝིཉྪནརསཾ, གྷཱནཝིཉྙཱཎསྶ ཨཱདྷཱརབྷཱཝཔཙྩུཔཊྛཱནཾ, གྷཱཡིཏུཀཱམཏཱནིདཱནཀམྨཛབྷཱུཏཔདཊྛཱནཾ ¶ . ཨིདཉྩ སསམྦྷཱརགྷཱནབིལསྶ ཨནྟོ ཨཛཔདསཎྛཱནེ པདེསེ ཝུཏྟཔྤཀཱརོཔཀཱརཱནུཔཱལནཔརིཝཱརོཔཏྠམྦྷཾ གྷཱནཝིཉྙཱཎཱདཱིནཾ ཡཐཱརཧཾ ཝཏྠུདྭཱརབྷཱཝཾ སཱདྷཡམཱནཾ ཏིཊྛཏི.

རསཱབྷིགྷཱཏཱརཧབྷཱུཏཔྤསཱདལཀྑཎཱ, སཱཡིཏུཀཱམཏཱནིདཱནཀམྨསམུཊྛཱནབྷཱུཏཔྤསཱདལཀྑཎཱ ཝཱ ཛིཝ྄ཧཱ, རསེསུ ཨཱཝིཉྪནརསཱ, ཛིཝ྄ཧཱཝིཉྙཱཎསྶ ཨཱདྷཱརབྷཱཝཔཙྩུཔཊྛཱནཱ, སཱཡིཏུཀཱམཏཱནིདཱནཀམྨཛབྷཱུཏཔདཊྛཱནཱ. ཨེསཱ ཙ སསམྦྷཱརཛིཝ྄ཧཱམཛ྄ཛྷསྶ ཨུཔརི ཨུཔྤལདལགྒསཎྛཱནེ པདེསེ ཝུཏྟཔྤཀཱརོཔཀཱརཱནུཔཱལནཔརིཝཱརོཔཏྠམྦྷཱ ཛིཝ྄ཧཱཝིཉྙཱཎཱདཱིནཾ ཡཐཱརཧཾ ཝཏྠུདྭཱརབྷཱཝཾ སཱདྷཡམཱནཱ ཏིཊྛཏི.

ཕོཊྛབྦཱབྷིགྷཱཏཱརཧབྷཱུཏཔྤསཱདལཀྑཎོ, ཕུསིཏུཀཱམཏཱནིདཱནཀམྨསམུཊྛཱནབྷཱུཏཔྤསཱདལཀྑཎོ ཝཱ ཀཱཡོ, ཕོཊྛབྦེསུ ཨཱཝིཉྪནརསོ, ཀཱཡཝིཉྙཱཎསྶ ཨཱདྷཱརབྷཱཝཔཙྩུཔཊྛཱནོ, ཕུསིཏུཀཱམཏཱནིདཱནཀམྨཛབྷཱུཏཔདཊྛཱནོ. ཨཡཾ པན ཨིམསྨིཾ ཀཱཡེ ཡཱཝཏཱ ཨུཔཱདིནྣཱ པཐཝཱིཨཱཔོཀོཊྛཱསཱ ཧོནྟི, ཏཏྠ སབྦཏྠ ཀཔྤཱསཔཊལེ སྣེཧོ ཝིཡ ཨནུགཏོ ཝུཏྟཔྤཀཱརོཔཀཱརཱནུཔཱལནཔརིཝཱརོཔཏྠམྦྷོ ཀཱཡཝིཉྙཱཎཱདཱིནཾ ཡཐཱརཧཾ ཝཏྠུདྭཱརབྷཱཝཾ སཱདྷཡམཱནོ ཏིཊྛཏི. ཀེཙི (དྷ. ས. ཨཊྛ. ༦༠༠) པན ‘‘ཏེཛཱདྷིཀཱནཾ བྷཱུཏཱནཾ པསཱདོ ཙཀྑུ, ཝིཝརཝཱཡུཨཱཔཔཐཝིཨདྷིཀཱནཾ སོཏགྷཱནཛིཝ྄ཧཱཀཱཡཱ’’ཏི ཝདནྟི. ཨཔརེ (དྷ. ས. ཨ. ༦༠༠) ‘‘ཏེཛོསབྷཱཝཾ ཙཀྑུ, ཨཱཀཱསཔཐཝིཨཱཔཝཱཡུསབྷཱཝཱ སོཏགྷཱནཛིཝ྄ཧཱཀཱཡཱ’’ཏི ཝདནྟི. ‘‘ཏེཛཱདིསཧཀཱརིཏྟཱ, ཏེཛཱདིགུཎརཱུཔཱདིཝིསཡཏྟཱ ཙཱ’’ཏི ཀཱརཎཉྩ ཡཐཱཀྐམཾ ཝདནྟི. ཏེ ཙ ཝཏྟབྦཱ – ཀོ པནེཝམཱཧ ‘‘སཧཀཱརིསབྷཱཝེཧེཝ ཨིནྡྲིཡེཧི བྷཝིཏབྦ’’ནྟི, ‘‘རཱུཔཱདཡོ ཝཱ ཏེཛཱདཱིནཾ ¶ གུཎཱ’’ཏི. ཨཝིནིབྦྷོགེསུ ཧི བྷཱུཏེསུ ‘‘ཨཡཾ ཨིམསྶ གུཎོ, ཨཡཾ ཨིམསྶ གུཎོ’’ཏི ན ལབྦྷཱ ཝཏྟུནྟི. ཨཐཱཔི ཝདེཡྻུཾ ‘‘ཏེཛཱདིཨདྷིཀེསུ སམྦྷཱརེསུ རཱུཔཱདཱིནཾ ཨདྷིཀབྷཱཝདསྶནཏོ ¶ ཨིཙྪིཏབྦམེཏཾ ‘རཱུཔཱདཡོ ཏེཛཱདཱིནཾ གུཎཱ’’’ཏི, ཏེ ཝཏྟབྦཱ ཨིཙྪེཡྻཱམ, ཡདི ཨཱཔཱདྷིཀསྶ ཨཱསཝསྶ གནྡྷཏོ པཐཝིཨདྷིཀེ ཀཔྤཱསེ གནྡྷོ ཨདྷིཀཏརོ སིཡཱ, ཏེཛཱདྷིཀསྶ ཙ ཨུཎྷོདཀསྶ ཝཎྞཏོཔི སཱིཏཱུདཀསྶ ཝཎྞོ པརིཧཱཡེཐ. ཡསྨཱ པནེཏཾ ཨུབྷཡམྤི ནཏྠི, ཏསྨཱ པཧཱཡེཐ ཏམེཏེསཾ ནིསྶཡབྷཱུཏཱནཾ ཝིསེསཀཔྤནཾ. ཡཐཱ ཨཝིསེསེཔི ཨེཀཀལཱཔེ བྷཱུཏཱནཾ རཱུཔརསཱདཡོ ཨཉྙམཉྙཾ ཝིསདིསཱ ཧོནྟི, ཨེཝཾ ཙཀྑུཔསཱདཱདཡོཔཱིཏི གཧེཏབྦམེཏཾ. ཀིཾ པནེསཾ ཝིསེསཀཱརཎཾ ནཏྠཱིཏི? ནོ ནཏྠི. ཀིཾ པན ཏནྟི? ཀམྨམེཝ ནེསཾ ཨསཱདྷཱརཎཾ ཀཱརཎཾ ཛནཀཏཎྷཱཛནིཏཱནཾ བྷཱུཏཱནཾ ཝིསེསཏོ. བྷཱུཏཝིསེསེ ཧི སཏི པསཱདོཝ ནུཔྤཛྫཏི. སམཱནཱནཾ ཧི བྷཱུཏཱནཾ པསཱདོ, ན ཝིསམཱནཱནནྟི པོརཱཎཱ. ཨེཝཾ ཀམྨཝིསེསཏོ ཝིསེསཝནྟེསུ ཙེཏེསུ ཙཀྑུསོཏཱནི ཨསམྤཏྟཝིསཡགྒཱཧཀཱནི ཨཏྟནོ ནིསྶཡཾ ཨནལླཱིནནིསྶཡེཝ ཝིསཡེ ཝིཉྙཱཎཧེཏུཏྟཱ. གྷཱནཛིཝ྄ཧཱཀཱཡཱ པན སམྤཏྟཝིསཡགྒཱཧཀཱ ནིསྶཡཝསེན ཙེཝ སཡཉྩ ཨཏྟནོ ནིསྶཡཾ ཨལླཱིནེ ཨེཝ ཝིསཡེ ཝིཉྙཱཎཧེཏུཏྟཱ.

ཀེཙི པན ‘‘ཙཀྑུསོཏཱནིཔི སམྤཏྟཝིསཡགྒཱཧཀཱནེཝ, དཱུརེ ཋིཏེསུཔི ཙནྡརཱུཔཱདཱིསུ སཱིགྷཡཱཡིནཡནརཾསིསཉྙོགེན, སདྡཱནཉྩ པརམྤརཱཡཱགནྟྭཱ སོཏབིལེ གྷཊྚནེན ཝིཉྙཱཎུཔྤཏྟིཏོ. ཏེནེཝ ཧི ཀུཊྚཱདིཨནྟརིཏེསུ, ཝིཙྪིདྡཔབྦཏལེཎཱདིགཏེསུ ཙ རཱུཔསདྡེསུ ཝིཉྙཱཎཾ ན ¶ ཨུཔྤཛྫཏཱི’’ཏི ཝདནྟི. ཏེསམྤི ཧི ཙཀྑུནོ དཱུརཱསནྣེསུ ཙནྡརུཀྑཱདཱིསུ ཨནུཔལཀྑིཏཀཱལབྷེདེན རཾསིསམཱཡོཛནསཱམཏྠིཡཾ, སདྡཱནམྤི དཱུརཱསནྣཱནཾ ཨཝིདིཏཏཱབྷེདཾ ཨཱགནྟྭཱ སོཏབིལགྷཊྚནསཱམཏྠིཡཾ ཝིཉྙཱཎུཔྤཏྟིཧེཏུབྷཱུཏཾ ཨུཔགནྟབྦཾ. ཏཏོ པརཾ ཏཏྠེཝ ཋིཏཱནཉྙེཝ ཝིཉྙཱཎུཔྤཱདནསཱམཏྠིཡོཔགམནཾ. ཀུཊྚལེཎཱདིཨནྟརིཏཱནཉྩ རཱུཔསདྡཱནཾ སཧཀཱརིཔཙྩཡཝིརཧཏོ ཨནཱཔཱཐགམནཾ. ཨིཏརཐཱ ཏེསམྤི ཏཱདིསེསུ ཨིནྡྲིཡསཉྙོགཾ ན དྷཱཝིཏབྦཾ. གམནནིཝཱརཎམྤི ཨུཔྤཏྟིནིཝཱརཎམེཝ, ཏཐེཝ སཧཀཱརིཔཙྩཡཝིརཧཏོ ཡཱདིསེཝ ཏེསཾ ཨིནྡྲིཡསཉྙོགོ ཧོཏི, ཏཱདིསེ ཝིཉྙཱཎུཔྤཏྟི ཧོཏཱིཏི གཧེཏབྦཾ.

ཙཀྑུ ཏཱཝ དཱུརེ ཋིཏཱནཾ ཙནྡཱདཱིནམྤི གཧཎཏོ ཨསམྤཏྟགྒཱཧཀཾ ཧོཏུ, སོཏཾ པན དཱུརེ རུཀྑཾ ཚིནྡནྟཱནཾ, ཝཏྠཾ དྷོཝནྟཱནཉྩ དཱུརཏོཝ པཉྙཱཡམཱནཀཱཡཝིཀཱརཱདིནཱ སདྡྷིཾ སདྡཾ གཧེཏུཾ ཨསམཏྠཏཱཡ ཀཐཾ སཎིཀཾ ཝཝཏྠཱཔཡམཱནཾ ཏཾ ཨསམྤཏྟགྒཱཧཀཾ ཧོཏཱིཏི? ཏཏྠཱཔི ཙ ཀུཋཱརིཝཏྠཱདཱིནཾ པཋམནིཔཱཏསདྡཱནཾ མནྡཏཱཡ ཡཐཱ ཧཏྠཚིཛྫམཱནསཱཁཱཔལཱསཙལནཱདིསམུཊྛིཏམནྡསདྡཱནཾ པརམྤརཱཡཱགམནཾ ནཏྠི, ཏཐཱ ཨནཱཔཱཐགམནམྤི, པཙྪཱ པན གྷཊྚནཱནིགྷཾསསྶ བལཝཏཱཡ ¶ ཨུཔྤནྣམཧཱསདྡཱནཾ ཨཱགམནཾ ཝིཡ ཏཏྠེཝ ཋིཏཱནཉྙེཝ ཨཱཔཱཐགམནཾ ཧོཏི, ཨིཏརཐཱ དཱུརཱསནྣཱདིཝཝཏྠཱནཱནི ན སིཡུཾ གནྡྷཱདཱིནཾ ཝིཡ, ཏསྨཱ ཨསམྤཏྟགོཙརཱནེཝེཏཱནི, གྷཱནཱདཱིནི ཙ སམྤཏྟགོཙརཱནཱིཏི ཝེདིཏབྦཱནི.

ཨཧིསུཾསུམཱརཔཀྑིཀུཀྐུརསིངྒཱལསདིསཱནི ཙེཏཱནི. ཡཐཱ ཧི ཨཧི ནཱམ བཧིསིཏྟསམྨཊྛཊྛཱནེ ནཱབྷིརམཏི, ཏཾ ཝིཧཱཡ ཏིཎཔཎྞགཧནཝམྨིཀཱདིཝིསམཛ྄ཛྷཱསཡོཝ ཧོཏི, ཨེཝཾ ¶ ཙཀྑུཔི སམྨཊྛབྷིཏྟིཨཱདིཾ ཝིཧཱཡ ཨིཏྠིཔུརིསཔུཔྥལཏཱཙིཏྟཱདིཝིསམཛ྄ཛྷཱསཡཾ ཧོཏི. ཡཐཱ ཙ སུཾསུམཱརོཔི བཧི ཙརཎཾ ཝིཧཱཡ ཨུདཀེ བིལཛ྄ཛྷཱསཡོ ཧོཏི, ཨེཝཾ སོཏམྤི ཝཱཏཔཱནཙྪིདྡཱདིབིལཛ྄ཛྷཱསཡཾ ཧོཏི. ཡཐཱ ཧི གིཛ྄ཛྷཱདིཔཀྑཱིཔི བྷཱུམིརུཀྑཱདིཾ ཝིཧཱཡ ཨཱཀཱསེ པཀྑནྡནཛ྄ཛྷཱསཡོ ཧོཏི, ཨེཝཾ གྷཱནམྤི ཨུདྡྷགྒཾ ཧུཏྭཱ གནྡྷཔཝེསཀཝཱཏཱཀཌྜྷནཏྠཾ ཨཱཀཱསཛ྄ཛྷཱསཡཾ ཧོཏི. ཡཐཱ ཀུཀྐུརོ བཧིགཱམཙཱརཾ ཝིཧཱཡ ཨཱམིསགཝེསཱི གཱམཛ྄ཛྷཱསཡོ མཧཱནསཱདིནིནྣཙིཏྟོ ཧོཏི, ཨེཝཾ ཛིཝ྄ཧཱཔི ཨཱཔཛ྄ཛྷཱསཡཱ ཧོཏི. ཡཐཱ ཙ སིངྒཱལོ བཧིསུསཱནཙཱརཾ ཝིཧཱཡ མཾསགཝེསཱི སུསཱནཛ྄ཛྷཱསཡོ ཧོཏི, ཨེཝཾ ཀཱཡོཔི ཨནུཔཱདིནྣཾ སུཁསམྥསྶསཡནཱདིཾ ལབྷིཏྭཱཔི ཨུཔཱདིནྣཛ྄ཛྷཱསཡོ ཧོཏི. ཨཉྙཾ ཧི ཨུཔཱདིནྣཀཾ ཨལབྷམཱནཱ སཏྟཱ ཨཏྟནོ ཛཎྞུཀཱནི ཨུརནྟརཾ པཝེསེཏྭཱ ཧཏྠཏལེ སཱིསཾ ཀཏྭཱཔི ནིཔཛྫནྟི. ཨཱལོཀཝིཝརཝཱཡུཛལཔཐཝིཔཙྩཡཱནི ཙེཏཱནི ཝིཉྙཱཎུཔྤཱདཀཱནི. ཨེཝམེཏེསཾ པཉྩནྣཾ པསཱདཱནཾ ལཀྑཎརསཔཙྩུཔཊྛཱནཔདེསནིསྶཡགོཙརཛ྄ཛྷཱསཡཔྤཙྩཡབྷེདེན ཝཝཏྠཱནཾ ཝེདིཏབྦཾ.

ཙཀྑུཔཊིཧནནལཀྑཎཾ རཱུཔཾ, ཙཀྑུཝིཉྙཱཎསྶ ཝིསཡབྷཱཝརསཾ, ཏསྶེཝ གོཙརབྷཱཝཔཙྩུཔཊྛཱནཾ, ཙཏུམཧཱབྷཱུཏཔདཊྛཱནཾ, ཡཐཱ ཙེཏསྶ, ཨེཝཾ སབྦེསམྤི ཨུཔཱདཱརཱུཔཱནཾ པདཊྛཱནཾ ཝེདིཏབྦཾ, ཝིསེསཾ པན ཝཀྑཱམ. ཏཡིདཾ རཱུཔཾ ནཱིལཔཱིཏལོཧིཏོདཱཏཀཱལ༹མཉྫིཊྛསཱམཚཱཡཱཏཔཨཱལོཀནྡྷཀཱརཱདིཝསེན ཨནེཀཝིདྷཾ. ཀེཙི པན ‘‘ཨནྡྷཀཱརོ ནཱམ ཨཱལོཀཱབྷཱཝམཏྟོ ཨེཝ, ཏཏོ ཨེཝ ཏཏྠ གཏརཱུཔཱནི ན དིསྶནྟཱི’’ཏི ཝདནྟི, ཏཾ ན ཡུཏྟཾ. ཡཐཱ ཧི ནཱིལམེགྷམཎིཨཱདཱིནཾ ཚཱཡཱ ཨཱལོཀཝིསདིསཱ ཝཎྞཱཡཏནབྷཱུཏཱ ཧོཏི, ཨེཝཾ བྷིཏྟིཙྪདནབྷཱུམིཔབྦཏཱདིཙྪཱཡཱ ཙ གྷནཱིབྷཱུཏཱ གྷཊརཱུཔཱདིཙྪཱདནཏོ ཨཱལོཀཝིསདིསོ ཨནྡྷཀཱརོཏི ¶ དཊྛབྦོ, སོཏཔཊིཧནནལཀྑཎོ སདྡོ, སོཏཝིཉྙཱཎསྶ ཝིསཡབྷཱཝརསོ, ཏསྶེཝ གོཙརབྷཱཝཔཙྩུཔཊྛཱནོ. སོ གཱིཏབྷེརིསདྡཱདིཝསེན ཨནེཀཝིདྷོ. གྷཱནཔཊིཧནནལཀྑཎོ གནྡྷོ, གྷཱནཝིཉྙཱཎསྶ ཝིསཡབྷཱཝརསོ, ཏསྶེཝ གོཙརབྷཱཝཔཙྩུཔཊྛཱནོ. སོ མཱུལགནྡྷསཱརགནྡྷཱདིཝསེན ཨནེཀཝིདྷོ ¶ . ཛིཝ྄ཧཱཔཊིཧནནལཀྑཎོ རསོ, ཛིཝ྄ཧཱཝིཉྙཱཎསྶ ཝིསཡབྷཱཝརསོ, ཏསྶེཝ གོཙརབྷཱཝཔཙྩུཔཊྛཱནོ. སོ མཱུལརསཏཙརསཱདཱིནཾ ཝསེན ཨནེཀཝིདྷོ.

ཨིཏྠིབྷཱཝལཀྑཎཾ ཨིཏྠིནྡྲིཡཾ, ཨིཏྠཱིཏི པཀཱསནརསཾ, ཨིཏྠིལིངྒནིམིཏྟཀུཏྟཱཀཔྤཱནཾ ཀཱརཎབྷཱཝཔཙྩུཔཊྛཱནཾ. པུརིསབྷཱཝལཀྑཎཾ པུརིསིནྡྲིཡཾ, པུརིསོཏི པཀཱསནརསཾ, པུརིསལིངྒནིམིཏྟཀུཏྟཱཀཔྤཱནཾ ཀཱརཎབྷཱཝཔཙྩུཔཊྛཱནཾ. ཨུབྷིནྣམྤེསཾ ཨིཏྠིཔུརིསལིངྒཱདཱིནཾ ཀཱརཎབྷཱཝོ ན སརསཏོ ཨཏྠི ཀེནཙི པཙྩཡེན ནེསཾ པཙྩཡབྷཱཝསྶ པཊྛཱནེ ཨནཱགཏཏྟཱ, ཨཏྟནོ པན ཛནཀཔཙྩཡབྷཱུཏཨཱགམནཏོཝ. ཨིཏྠིཔུརིསཱནཾ པཊིནིཡཏལིངྒནིམིཏྟཀུཏྟཱཀཔྤབྷཱཝཱནུགུཎརཱུཔཱནམྤི ནིཡམེན ཨུཔྤཛྫནཏོ, ལིངྒནིམིཏྟཱདིཝོཧཱརཱནཉྩ ཏཔྤདྷཱནཏོ པཙྩཡབྷཱཝོ, ཨིནྡྲིཡབྷཱཝོ ཙ པརིཡཱཡཏོ ཝུཏྟོ. ཏེནེཝ ཧི ཨིཏྠིཨུབྷཏོབྱཉྫནཀསྶ པུརིསིནྡྲིཡཱབྷཱཝེཔི པུརིསལིངྒནིམིཏྟཱདིབྱཉྫནཾ, པུརིསཨུབྷཏོབྱཉྫནཀསྶ ཨིཏྠིནྡྲིཡཱབྷཱཝེཔི ཨིཏྠིལིངྒནིམིཏྟཱདིབྱཉྫནཉྩ པུརིམཀམྨཏོ ཨེཝ ཨུཔྤཛྫཏི. ཡདི ཧི ནེསཾ ཏཾཏཾཨིནྡྲིཡེནེཝ པཊིནིཡཏབྱཉྫནཱནི ཨུཔྤཛྫེཡྻུཾ, དུཏིཡབྱཉྫནསྶ ཨབྷཱཝོ ཨཱཔཛྫཏི. ན ཧི ཏེསཾ བྷཱཝདྭཡཾ ཨཏྠི. ཡདི སིཡཱ, སབྦདཱཔི བྱཉྫནདྭཡསྶ བྷཱཝཔྤསངྒོ སིཡཱ. ཨིཏྠིཨུབྷཏོབྱཉྫནཀསྶ ཧི ཨིཏྠིནྡྲིཡམེཝ ཝིཛྫཏི, ན ཨིཏརཾ. ཏསྶ པན ཡདཱ ཨིཏྠིཡཾ རཱགཙིཏྟཾ ཨུཔྤཛྫཏི, ཏདཱ པུརིསབྱཉྫནཾ པཱཏུབྷཝཏི, ཨིཏྠིབྱཉྫནཾ པཊིཙྪནྣཾ ཧོཏི. ཏཐཱ ཨིཏརསྶ ཨིཏརཾ. ཡསྨཱ པནེསཾ ཨེཀམེཝ ཨིནྡྲིཡཾ ནིཡཏཾ ¶ , ཏསྨཱ ཨིཏྠིཨུབྷཏོབྱཉྫནཀོ སཡམྤི གབྦྷཾ གཎྷཱཏི, པརམྤི གཎྷཱཔེཏི. པུརིསཨུབྷཏོབྱཉྫནཀོ པརཾ གཎྷཱཔེཏི, སཡཾ པན ན གཎྷཱཏི. ཡཐཱ ཏེསཾ ཨུབྷཏོབྱཉྫནཀཱནཾ ཀམྨསཧཱཡཾ རཱགཙིཏྟམེཝ བྱཉྫནཀཱརཎཾ, ན བྷཱཝོ, ཨེཝཾ པཀཏིཏྠིཔུརིསཱནམྤི བྷཱཝདྭཡཛནཀཀམྨཱདིཔཙྩཡོ ཨེཝ ཏཾཏཾལིངྒནིམིཏྟཱདིཀཱརཎནྟི གཧེཏབྦཾ. ཨུབྷཡམྤི ཙེཏཾ པཋམཀཔྤིཀཱནཾ པཝཏྟེ སམུཊྛཱཏི, ཏཏོ ཨཔརབྷཱགེ པཊིསནྡྷིཡམེཝ, སབྦེསཾ པན པཝཏྟེ ཨེཝ པརིཝཏྟཏི. ཨིམེསུ ཙ པུརིསལིངྒཾ ཨུཏྟམཾ, ཨིཏྠིལིངྒཾ ཧཱིནཾ, ཏསྨཱ པུརིསལིངྒཾ བལཝཨཀུསལེན ཨནྟརདྷཱཡཏི, ཨིཏྠིལིངྒཾ དུབྦལཀུསལེན པཏིཊྛཱཏི. ཨིཏྠིལིངྒཾ པན ཨནྟརདྷཱཡནྟཾ དུབྦལཱཀུསལེན ཨནྟརདྷཱཡཏི, ཨིཏརཾ བལཝཀུསལེན པཏིཊྛཱཏི. ཨེཝཾ ཨུབྷཡམྤི སུགཏིཡཾ ཨཀུསལེནེཝ ཨནྟརདྷཱཡཏི, ཀུསལེནེཝ པཏིཊྛཱཏི. ཀཱཡཔྤསཱདོ ཝིཡ ཙ སཀལསརཱིརབྱཱཔཀམེཝ, ན ཙ ཀཱཡཔྤསཱདཱདཱིནཾ ཋིཏོཀཱསེ ཏིཊྛཏི.

ཡདི ཨེཝཾ ན སབྦཏྠ ཀཱཡབྷཱཝིནྡྲིཡཱནཱིཏི? ནེཝཾ པརམཏྠཏོ སབྦཏྠ, ཝིནིབྦྷུཛིཏྭཱ པནེསཾ ¶ ཨོཀཱསབྷེདཾ པཉྙཱཔེཏུཾ ན སཀྐཱ རཱུཔརསཱདཱིནཾ ཝིཡ. ན ཧི པརམཏྠཏོ རཱུཔེ རསོ ཨཏྠི. ཡདི སིཡཱ, རཱུཔགྒཧཎེནེཝ གཧཎཾ གཙྪེཡྻ. ཨེཝཾ ཀཱཡབྷཱཝིནྡྲིཡཱནི པརམཏྠཏོ ན སབྦཏྠ, ན ཙ སབྦཏྠ ནཏྠི ཝིཝེཙེཏུཾ ཨསཀྐུཎེཡྻཏཱཡ ཧེཊྛཱ ཝུཏྟལཀྑཎཱདིཝཝཏྠཱནཏོཔི ཙེསཾ ཨསམྨིསྶཏཱ དེསཏོ ན ཝིཝེཀཱབྷཱཝེཔི. ན ཀེཝལཉྩ ཨིམཱནེཝ, སབྦཱནིཔི རཱུཔཱནི ཨསམྨིསྶཱནེཝ ཧོནྟི. ཡཐཱ ཧི པཉྩཝཎྞེན ཀཔྤཱསེན ཝཊྚིཾ ཀཏྭཱ དཱིཔེ ཛལིཏེ ཀིཉྩཱཔི ཛཱལཱ ཨེཀཱབདྡྷཱ ཝིཡ ཧོནྟི, ཏསྶ ཏསྶ པན ཨཾསུནོ པཱཊིཡེཀྐཾ ཛཱལཱ ཨཉྙམཉྙཾ ཨསམྨིསྶཱཝ. ཨེཝཾ ཀཱཡབྷཱཝིནྡྲིཡཱདཱིནི ཨེཀསྨིཾ ཋཱནེ སམོསཊཱནིཔི བྷིནྣཊྛཱནེསུ ཧེཊྛུཔརིཡཱདིཝསེན ནཏྠི, ཏཱནིཔི ཨསམྨིསྶཱནེཝ ཧོནྟི.

སཧཛརཱུཔཱནཾ ¶ ཨནུཔཱལནལཀྑཎཾ ཛཱིཝིཏིནྡྲིཡཾ, ཏེསཾ པཝཏྟནརསཾ, ཏེསཾཡེཝ ཋཔནཔཙྩུཔཊྛཱནཾ, ཡཱཔཡིཏབྦདྷམྨཔདཊྛཱནཾ. ཨཏྠིཀྑཎེ ཨེཝ ཙེཏཾ སཧཛརཱུཔཱནི ཨནུཔཱལེཏི ཨུདཀཾ ཝིཡ ཨུཔྤལཱདཱིནི, ན བྷངྒཀྑཎེ སཡཾ བྷིཛྫམཱནཏྟཱ, ཡཐཱསཀཾ པཙྩཡུཔྤནྣེཔི ཙ དྷམྨེ པཱལེཏི དྷཱཏཱི ཝིཡ ཀུམཱརཾ, སཡཾཔཝཏྟིཏདྷམྨསམྦནྡྷེནེཝ ཙ པཝཏྟཏི ནིཡཱམཀོ ཝིཡཱཏི དཊྛབྦཾ.

མནོདྷཱཏུམནོཝིཉྙཱཎདྷཱཏཱུནཾ ནིསྶཡལཀྑཎཾ ཧདཡཝཏྠུ, ཏཱསཉྙེཝ དྷཱཏཱུནཾ དྷཱརཎརསཾ, ཨུབྦཧནཔཙྩུཔཊྛཱནཾ. ཨིདཾ པན ཧདཡཝཏྠུ ཡདེཏཾ ཨནྟོསརཱིརེ དྭིནྣཾ ཐནཱནཾ མཛ྄ཛྷེ བཱཧིརཔཏྟཱནི ཨཔནེཏྭཱ ཨདྷོམུཁཊྛཔིཏརཏྟཔདུམམཀུལསཎྛཱནཾ བཧི མཊྛཾ, ཨནྟོ ཀོསཱཏཀཱིཕལསྶ ཨབྦྷནྟརསདིསཾ, པཉྙཝནྟཱནཾ ཐོཀཾ ཝིཀསིཏཾ, མནྡཔཉྙཱནཾ མཀུལི༹ཏཾ, ཧདཡམཾསཡམཀཾ པརིཀྑིཔིཏྭཱ ཝཀྐཡཀནཀིལོམཀཔིཧཀཱདཡོ ཏིཊྛནྟི. ཏསྶ སསམྦྷཱརཧདཡམཾསསྶ ཨནྟོ པུནྣཱགཊྛིཔཏིཊྛཱནམཏྟེ ཨཱཝཱཊཀེ སཎྛིཏཾ ཨདྡྷཔསཏམཏྟལོཧིཏཾ སཎྛཱཏི. ཏཉྩ རཱགཙརིཏསྶ རཏྟཾ, དོསཙརིཏསྶ ཀཱལ༹ཀཾ, མོཧཙརིཏསྶ མཾསདྷོཝནཨུདཀསདིསཾ, ཝིཏཀྐཙརིཏསྶ ཀུལཏྠཡཱུསཝཎྞཾ, སདྡྷཱཙརིཏསྶ ཀཎིཀཱརཔུཔྥཝཎྞཾ, བུདྡྷིཙརིཏསྶ ཨཙྪཾ ཝིཔྤསནྣཾ ཨནཱཝིལཾ པཎྜརཾ པརིསུདྡྷཾ ནིདྡྷོཏཛཱཏིམཎི ཝིཡ ཛུཏིམནྟཾ ཧོཏི, བྱཱཔེཏྭཱ སནྡྷཱརཎཱདིཀིཙྩེཧི བྷཱུཏེཧི ཀཏཱུཔཀཱརཾ ཨཱཡུནཱ ཨནུཔཱལིཡམཱནཾ ཝཎྞཱདིཔརིཝུཏཾ ཨུཏུཙིཏྟཱཧཱརེཧི ཨུཔཏྠམྦྷིཡམཱནཾ མནོདྷཱཏུམནོཝིཉྙཱཎདྷཱཏཱུནཉྩེཝ ཏཾསམྤཡུཏྟཱནཉྩ ཝཏྠུབྷཱཝཾ སཱདྷཡམཱནཾ ཏིཊྛཏི.

ཨབྷིཀྐམཱདིཔྤཝཏྟཀཙིཏྟསམུཊྛཱནཝཱཡོདྷཱཏུཡཱ སཧཛརཱུཔཀཱཡསནྠམྦྷནསནྡྷཱརཎཙལནསྶ པཙྩཡཱཀཱརཝིཀཱརལཀྑཎཱ ཀཱཡཝིཉྙཏྟི, ཨདྷིཔྤཱཡཔྤཀཱསནརསཱ, ཀཱཡཝིཔྥནྡནཧེཏུབྷཱཝཔཙྩུཔཊྛཱནཱ ¶ , ཙིཏྟསམུཊྛཱནཝཱཡོདྷཱཏུཔདཊྛཱནཱ. ཝཙཱིབྷེདཔྤཝཏྟཀཙིཏྟསམུཊྛཱནཔཐཝཱིདྷཱཏུཡཱ ཨུཔཱདིནྣགྷཊྚནསྶ ¶ པཙྩཡཱཀཱརཝིཀཱརལཀྑཎཱ ཝཙཱིཝིཉྙཏྟི, ཨདྷིཔྤཱཡཔྤཀཱསནརསཱ, ཝཙཱིགྷོསསྶ ཧེཏུབྷཱཝཔཙྩུཔཊྛཱནཱ, ཙིཏྟསམུཊྛཱནཔཐཝཱིདྷཱཏུཔདཊྛཱནཱ. ཨུབྷོཔེཏཱ ཀཱཡཝིཔྥནྡནཝཙཱིགྷོསེཧི སཡཾ ཝིཉྙེཡྻཏྟཱ, ཨདྷིཔྤཱཡཝིཉྙཱཔནཏོ ཙ ‘‘ཀཱཡཝཙཱིཝིཉྙཏྟིཡོ’’ཏི ཝུཙྩནྟི. ཙཀྑུསོཏཔཐསྨིཾ ཧི ཋཏྭཱ ཀེནཙི ཧཏྠཝིཀཱརསཱིསུཀྑིཔནཱདིཀཱཡཝིཀཱརེ, སདྡེ ཝཱ ཀཏེ ཏཐཱཔཝཏྟརཱུཔསདྡཱཡཏནཱནི ཙཀྑུསོཏཝིཉྙེཡྻཱནི, ན ཏཱནི ཝིཉྙཏྟིཡོ, ཙིཏྟསམུཊྛིཏཀལཱཔགཏཱཡ པན ཝཱཡོདྷཱཏུཡཱ སཧཛཱཏརཱུཔཀཱཡསནྡྷཱརཎཙལནཱདཱིནཾ པཙྩཡབྷཱུཏོ ཝིཀཱརོ ཀཱཡཝིཉྙཏྟི, ཏཐཱ ཙིཏྟསམུཊྛིཏཔཐཝཱིདྷཱཏུཡཱ ཨུཔཱདིནྣགྷཊྚནསྶ པཙྩཡབྷཱུཏོ ཨཱཀཱརཝིཀཱརོ ཝཙཱིཝིཉྙཏྟི. ན ཙ ཏཱ ཙཀྑུསོཏཝིཉྙེཡྻཱ, ཏཱ པན མནོདྭཱརིཀཛཝནེཧི ཏཱལཔཎྞཱདིསཉྙཱཡ ཨུདཔཱནཱདཱིནི ཝིཡ ཡཐཱགཧིཏཀཱཡཝིཀཱརཝཙཱིགྷོསཱནུསཱརེན ཏིརཙྪཱནཱནམྤི ཝིཉྙེཡྻཱ, ཏདནུསཱརེནེཝ ‘‘ཨིདཉྩིདཉྩ ཨེས ཀཱརེཏི, ཝདཏི ཙཱ’’ཏི ཨདྷིཔྤཱཡོ ཙ ཝིཉྙེཡྻོ ཧོཏི, ཏསྨཱ སཡཾ ཝིཉྙེཡྻཏོ, ཨདྷིཔྤཱཡཝིཉྙཱཔནཏོ ཙ ‘‘ཝིཉྙཏྟིཡོ’’ཏི ཝུཙྩནྟི.

ཏཏྠ ཙ མནོདྭཱརིཀཛཝནཝཱིཐིཡཾ སཏྟསུ ཀཱམཱཝཙརཛཝནེསུ ཀཱཡཝིཉྙཏྟིཛནཀེསུ པུརིམེཧི ཚཧི ཛཝནེཧི སམུཊྛིཏཝཱཡོདྷཱཏུཡོ ཨུཔཏྠམྦྷནསནྡྷཱརཎཀིཙྩམེཝ ཀཱཏུཾ སཀྐོནྟི, ཨབྷིཀྐམཱདིཾ པན ནིཔྥཱདེཏུཾ ན སཀྐོནྟི. སཏྟམཛཝནསམུཊྛིཏཱ པན ཧེཊྛཱ ཚཧི ཛཝནེཧི སམུཊྛིཏཝཱཡོདྷཱཏུཡོཔཏྠམྦྷཾ ལབྷིཏྭཱ སཏྟཧི ཡུགེཧི ཨཱཀཌྜྷིཏབྦབྷཱརཾ སཀཊཾ སཏྟམཡུགཡུཏྟགོཎོ ཝིཡ ཨིཏརཚཡུགཡུཏྟགོཎོཔཏྠམྦྷཾ ལབྷིཏྭཱ རཱུཔཀཱཡསྶ ཨབྷིཀྐམཔཊིཀྐམཱདིཾ ཀཱརེཏུཾ སཀྐོཏི, ཨེཝཾ ཝཙཱིཝིཉྙཏྟིཛནཀེཔི སཏྟམཛཝནེཧི སམུཊྛིཏཱཡ པཐཝཱིདྷཱཏུཡཱཔི ཨུཔཱདིནྣགྷཊྚནསྶ ¶ པཙྩཡབྷཱཝོ ཝེདིཏབྦོ. ཨིདྷ པན པུརིམཛཝནསམུཊྛིཏཱཡ ཨུཔཏྠམྦྷཀཏྟཾ, སཏྟམཛཝནསམུཊྛིཏཱཡ ཙལནཔཙྩཡཏྟཉྩ ནཏྠི ཏེསཾ ཝཱཡོདྷཱཏུཀིཙྩཏྟཱ, པུརིམསཧགཏཱ པན པཙྪིམཱ པཐཝཱིདྷཱཏུ ཨུཔཱདིནྣགྷཊྚནསམཏྠཱ ཧོཏི, སེསཾ ཏཱདིསམེཝ. ཙིཏྟསམུཊྛིཏཀཱཡེ པན ཝཱཡོདྷཱཏུཡཱ ཙལནྟེ ཏདུཔཏྠམྦྷིཏཏེསམུཊྛཱནིཀཱནམྤི ཙལནཏོ སཀལཀཱཡསྶ ཨབྷིཀྐམཱདཡོ ཧོནྟི ཨུདཀེ གཙྪནྟེ ཏཏྠ པཏིཏཏིཎཔཎྞཱནི ཝིཡཱཏི དཊྛབྦཾ.

རཱུཔཔརིཙྪེདལཀྑཎཱ ཨཱཀཱསདྷཱཏུ, རཱུཔཔརིཡནྟཔྤཀཱསནརསཱ, རཱུཔམརིཡཱདཔཙྩུཔཊྛཱནཱ, ཨསམྥུཊྛབྷཱཝཔཙྩུཔཊྛཱནཱ, ཚིདྡཝིཝརབྷཱཝཔཙྩུཔཊྛཱནཱ ཝཱ, པརིཙྪིནྣརཱུཔཔདཊྛཱནཱ, ཡཱཡ པརིཙྪིནྣེསུ རཱུཔེསུ ‘‘ཨིདམིཏོ ཨུདྡྷཾ, ཨདྷོ, ཏིརིཡ’’ནྟི ཙ ཧོཏི.

ཨདནྡྷཏཱལཀྑཎཱ ¶ རཱུཔསྶལཧུཏཱ, རཱུཔཱནཾ གརུབྷཱཝཝིནོདནརསཱ, ལཧུཔརིཝཏྟིཏཱཔཙྩུཔཊྛཱནཱ, ལཧུརཱུཔཔདཊྛཱནཱ. ཨཐདྡྷཏཱལཀྑཎཱ རཱུཔསྶམུདུཏཱ, རཱུཔཱནཾ ཐདྡྷབྷཱཝཝིནོདནརསཱ, སབྦཀིརིཡཱསུ ཨཝིརོདྷིཏཱཔཙྩུཔཊྛཱནཱ, མུདུརཱུཔཔདཊྛཱནཱ. སརཱིརཀིརིཡཱནུཀཱུལཀམྨཉྙབྷཱཝལཀྑཎཱ རཱུཔསྶཀམྨཉྙཏཱ, ཨཀམྨཉྙཏཱཝིནོདནརསཱ, ཨདུབྦལབྷཱཝཔཙྩུཔཊྛཱནཱ, ཀམྨཉྙཏཱརཱུཔཔདཊྛཱནཱ. ཨེཏཱ པན ཏིསྶོཔི ཨཉྙམཉྙཾ ན ཝིཛཧནྟི, གརུཐདྡྷཨཀམྨཉྙརཱུཔཔཊིཔཀྑབྷཱཝེན ཙ སམུཊྛིཏཱནཾ ཨུཏུཙིཏྟཱཧཱརཛཱནཾ ལཧུམུདུཀམྨཉྙབྷཱུཏཱནཾ རཱུཔཱནཾ ཝིཀཱརཏཱཡ ཙ པརིཡཱཡཏོ གརུཐདྡྷཱཀམྨཉྙབྷཱཝཝིནོདནཀིཙྩཱ ཝུཏྟཱ, ན པན སབྷཱཝཏོ སཡཾ ཨཝིཛྫམཱནཏྟཱ.

ཨཱཙཡལཀྑཎོ རཱུཔསྶཨུཔཙཡོ, པུབྦནྟཏོ རཱུཔཱནཾ ཨུམྨུཛྫཱཔནརསོ, ནིཡྻཱཏནཔཙྩུཔཊྛཱནོ, པརིཔུཎྞབྷཱཝཔཙྩུཔཊྛཱནོ ཝཱ, ཨུཔཙིཏརཱུཔཔདཊྛཱནོ. པཝཏྟིལཀྑཎཱ རཱུཔསྶསནྟཏི, ཨནུཔྤབནྡྷནརསཱ, ཨནུཔཙྪེདཔཙྩུཔཊྛཱནཱ, ཨནུཔྤབནྡྷཀརཱུཔཔདཊྛཱནཱ ¶ . ཨུབྷཡམྤེཏཾ ཛཱཏིརཱུཔསྶེཝཱདྷིཝཙནཾ. སམྤིཎྜིཏཱནཾ ཧི ཙཏུསམུཊྛཱནིཀརཱུཔཱནཾ པཋམུཔྤཏྟི ཨུཔཙཡོ ནཱམ, ཨུཔརཱུཔརུཔྤཏྟི སནྟཏི ནཱམ. ཏེནེཝ ཏཱསཾ པདབྷཱཛནཱིཡེ ‘‘ཡོ རཱུཔསྶ ཨུཔཙཡོ, སཱ རཱུཔསྶ སནྟཏཱི’’ཏི (དྷ. ས. ༦༤༢) ཝུཏྟཾ, ཨཱཀཱརནཱནཏྟཏོ པན ཝིསུཾ ཨུདྡིཊྛཱ.

རཱུཔཔརིཔཱཀལཀྑཎཱ རཱུཔསྶཛརཏཱ, ཨུཔནཡནརསཱ, སབྷཱཝཱནཔགམེཔི ནཝབྷཱཝཱཔགམཔཙྩུཔཊྛཱནཱ ཝཱིཧིཔུརཱཎབྷཱཝོ ཝིཡ, པརིཔཙྩམཱནརཱུཔཔདཊྛཱནཱ. ཁཎེ ཁཎེ བྷིཛྫམཱནཱཔི ཙེསཱ ཨུཔཱདིནྣེསུ ཁཎྜདནྟཱདིཏོ, ཨནུཔཱདིནྣེསུ རུཀྑལཏཱདཱིསུ ཝཎྞཝིཀཱརཱདིཏོ ཙ ཨནྟརནྟརཱ ཙ སུཝིཉྙེཡྻཝིཀཱརཏྟཱ ‘‘པཱཀཊཛརཱ, སཝཱིཙིཛརཱ’’ཏི ཙ ཝུཙྩཏི, མཎིཀནཀཙནྡསཱུརིཡཱདཱིསུ དུཝིཉྙེཡྻཏྟཱ, ནིརནྟརཏྟཱ ཙ ‘‘ཨཔཱཀཊཛརཱ, ཨཝཱིཙིཛརཱ’’ཏི ཝུཙྩཏི. ཨཱིདིསེསུ ཧི ཀཔྤཝིནཱསཱདིཀཱལེ ཝིཀཱརཏོ ཛརཱ པཉྙཱཡེཡྻ. སབྦདཱཔི པན ཨཔཉྙཱཡམཱནཝིཀཱརཏྟཱ ཨརཱུཔདྷམྨེསུ ཛརཱ པཊིཙྪནྣཛརཱ ནཱམ. ན ཙ ཏཏྠ ཝཎྞཝིཀཱརཱདཡོ ཛརཱ ཏེསཾ ཙཀྑུཝིཉྙེཡྻཏོ. ན ཧི ཛརཱ ཙཀྑུཝིཉྙེཡྻཱ, མནོཝིཉྙེཡྻཱ པན ཧོཏི. ཡཐཱ ཨོགྷེན པརིབྷིནྣབྷཱུམིཨཱདིདསྶནེན ཨདིཊྛོཔི ཨོགྷོ སུཝིཉྙེཡྻོ ཧོཏི, ཨེཝཾ ཝིཀཱརདསྶནེན ཛརཱཏི གཧེཏབྦཾ.

པརིབྷེདལཀྑཎཱ རཱུཔསྶཨནིཙྩཏཱ, སཾསཱིདནརསཱ, ཁཡཝཡཔཙྩུཔཊྛཱནཱ, པརིབྷིཛྫམཱནརཱུཔཔདཊྛཱནཱ. ན ཀེཝལཉྩེཏཱནི ཨུཔཙཡཱདིཙཏཱུཧི གཧིཏཱནི ཛཱཏིཛརཱམརཎཱནི རཱུཔདྷམྨཱནམེཝ ¶ , ཨརཱུཔདྷམྨཱནམྤི ཧོནྟིཡེཝ. ཨེཏཱནི ཙ ཨིམེསཾ སཏྟཱནཾ ཨརཉྙཔྤཝེསཀཔཝིཊྛཔརིཔཱཏཀཔཏིཏགྷཱཏཀཙོརེཧི ཡཐཱཀྐམཾ སདིསཱནཱིཏི དཊྛབྦཱནི.

ཨོཛཱལཀྑཎོ ¶ ཀབལཱི༹ཀཱརོ ཨཱཧཱརོ, རཱུཔཱཧརཎརསོ, ཨུཔཏྠམྦྷནཔཙྩུཔཊྛཱནོ, ཀབལ༹ཾ ཀཏྭཱ ཨཱཧརིཏབྦཝཏྠུཔདཊྛཱནོ. ཨཡཾ ལཀྑཎཱདིཏོ ཝིནིཙྪཡོ.

སངྒཧཏོ པན སབྦམྤེཏཾ རཱུཔཾ ཁནྡྷཏོ ཨེཀཝིདྷཾ རཱུཔཀྑནྡྷོཝ ཧོཏི, ཏཐཱ ཨཧེཏུཀཾ སཔྤཙྩཡཾ སངྑཏཾ ལོཀིཡཾ སཱསཝཾ སཉྙོཛནཱིཡཾ ཨོགྷནཱིཡཾ ཡོགནཱིཡཾ ནཱིཝརཎཱིཡཾ པརཱམཊྛཾ སཾཀིལེསིཀཾ ཨནཱརམྨཎཾ ཨཔྤཧཱཏབྦནྟིཨཱདིནཱ ཙ ཨེཀཝིདྷཾ, ཏཾ པུན བྷཱུཏོཔཱདཱཡཝསེན དུཝིདྷཾ, ཏཐཱ ནིཔྥནྣཱནིཔྥནྣཱདིཝསེན ཙ. ཏཏྠ པཐཝཱིཨཱདཱིནི ཙཏྟཱརི མཧཱབྷཱུཏཱནི བྷཱུཏརཱུཔཾ ནཱམ, སེསཾ ཨུཔཱདཱརཱུཔཾ ནཱམ. པཐཝཱིཨཱདཡོ སཏྟརས, ཀབལཱི༹ཀཱརོ ཨཱཧཱརོ ཙེཏི ཨཊྛཱརསཝིདྷམྤི པརམཏྠཏོ ཝིཛྫམཱནཏྟཱ ནིཔྥནྣརཱུཔཾ ནཱམ, ཨིཏརཾ ཨནིཔྥནྣརཱུཔཾ ནཱམ. ཙཀྑཱདཡོ པཉྩ པསཱདཱ, བྷཱཝདྭཡཾ, ཛཱིཝིཏིནྡྲིཡནྟི ཨཊྛཝིདྷམྤི ཨིནྡྲིཡརཱུཔཾ ནཱམ, ཨིཏརཾ ཨནིནྡྲིཡཾ. ཏཱནི ཨིནྡྲིཡཱནི ཙེཝ ཧདཡཉྩཱཏི ནཝཝིདྷམྤི ཨུཔཱདིནྣཾ, ཨིཏརཾ ཨནུཔཱདིནྣཾ, པཉྩ པསཱདཱ, ཙཏྟཱརོ རཱུཔསདྡགནྡྷརསཱ, ཨཱཔོདྷཱཏུཝིཝཛྫིཏབྷཱུཏཏྟཡཉྩཱཏི དྭཱདསཝིདྷམྤི ཨོལཱ༹རིཀརཱུཔཾ, སནྟིཀེརཱུཔཾ, སཔྤཊིགྷརཱུཔཉྩ, སེསཾ སུཁུམརཱུཔཾ, དཱུརེརཱུཔཾ, ཨཔྤཊིགྷརཱུཔཉྩ. པསཱདཱ, ཧདཡཉྩ ཝཏྠུརཱུཔཾ, ཨིཏརཾ ཨཝཏྠུརཱུཔཾ. པསཱདཱ, ཝིཉྙཏྟིདྭཡཉྩ དྭཱརརཱུཔཾ, ཨིཏརཾ ཨདྭཱརཾ. པསཱདཱ ཨཛ྄ཛྷཏྟིཀརཱུཔཾ, གོཙརགྒཱཧིཀརཱུཔཉྩ, ཨིཏརཾ བཱཧིརཾ, ཨགོཙརགྒཱཧིཀརཱུཔཉྩ. ཙཏྟཱརི བྷཱུཏརཱུཔཱནི, རཱུཔགནྡྷརསཨོཛཱ ཙཱཏི ཨིདཾ སུདྡྷཊྛཀཾ ཨཝིནིབྦྷོགརཱུཔཾ ནཱམ, ཨིཏརཾ ཝིནིབྦྷོགརཱུཔཾ.

ཙཀྑུ ནཙཀྑཱུཏི ཨེཝམཱདིཝསེན ཙ དུཝིདྷཾ ཧོཏི. པུན ཏཾ སནིདསྶནཏྟིཀཝསེན ཏིཝིདྷཾ ཧོཏི. ཏཏྠ རཱུཔཱཡཏནཾ སནིདསྶནསཔྤཊིགྷཾ, སེསམོལཱ༹རིཀརཱུཔཾ ཨནིདསྶནསཔྤཊིགྷཾ, སབྦམྤི སུཁུམརཱུཔཾ ཨནིདསྶནཨཔྤཊིགྷཾ. ཏཐཱ ཀམྨཛཱདིཏྟིཀཝསེན. ཏཏྠ ནཝཝིདྷཾ ཨུཔཱདིནྣརཱུཔཾ, སུདྡྷཊྛཀཾ, ཨཱཀཱསོ ཙ ཀམྨཛཾ ནཱམ, ཝིཉྙཏྟིདྭཡཾ, ལཧུཏཱདིཏྟཡཉྩ སདྡོ ¶ ཙ ཨཀམྨཛཾ ནཱམ, ཨུཔཙཡཱདིཙཏུབྦིདྷཾ ལཀྑཎརཱུཔཾ ཨཛཾ ནཱམ. སུདྡྷཊྛཀཾ, ཨཱཀཱསོ, ཝིཉྙཏྟིདྭཡཾ, ལཧུཏཱདིཏྟཡཾ, སདྡོ ཙ ཙིཏྟཛཾ ནཱམ, ཏདཝསེསཾ ལཀྑཎརཱུཔཝིརཧིཏཾ ཨཙིཏྟཛཾ ནཱམ, ལཀྑཎརཱུཔཾ ཨཛཾ ནཱམ. སུདྡྷཊྛཀཾ, ཨཱཀཱསོ, ལཧུཏཱདིཏྟཡཉྩ ཨཱཧཱརཛཾ ནཱམ, སེསཾ ལཀྑཎཝཛྫིཏཾ ¶ ཨནཱཧཱརཛཾ ནཱམ, ལཀྑཎཾ ཨཛཾ ནཱམ. སུདྡྷཊྛཀཾ, ཨཱཀཱསོ, ལཧུཏཱདིཏྟཡཾ, སདྡོ ཙ ཨུཏུཛཾ ནཱམ, སེསཾ ལཀྑཎཝིརཧིཏཾ ཨནུཏུཛཾ ནཱམ, ལཀྑཎཾ ཨཛཾ ནཱམ. ལཀྑཎཱནི ཧི ཛཱཡམཱནཛཱིཡམཱནཔརིབྷིཛྫམཱནདྷམྨཱནཾ སབྷཱཝཏཱཡ ཀུཏོཙི ཛཱཏིཝོཧཱརཾ ན ལབྷནྟི བྷེསམྤི ཛཱཏིཨཱདིཔྤསངྒཏོ. ན ཧི ‘‘ཛཱཏི ཛཱཡཏི, ཛརཱ ཛཱིརཏི, མརཎཾ མཱིཡཏཱི’’ཏི ཝོཧརིཏུཾ ཡུཏྟཾ ཨནཝཊྛཱནཏོ. ཏདཝསེསཱནཾ པན ཨཱཀཱསཝིཉྙཏྟཱདིཨནིཔྥནྣཱནཾ ཡདིཔི པརམཏྠཏོ ཨཝིཛྫམཱནཏཱཡ ན ཀུཏོཙི ཨུཔྤཏྟི ཨཏྠི, ཏཐཱཔི ཏཐཱ ཏཐཱ པཝཏྟརཱུཔཾ ཨུཔཱདཱཡ ནེསཾ ཝིཛྫམཱནཝོཧཱརསྶེཝ ཧེཏུསམུཔྤནྣཝོཧཱརསྶཱཔི ཝིརོདྷཱབྷཱཝཏོ སཧེཏུཀཏཱ ཝུཏྟཱ. ཡཾ པན པཱལི༹ཡཾ ‘‘རཱུཔཱཡཏནཾ…པེ… རཱུཔསྶ ཨུཔཙཡོ རཱུཔསྶ སནྟཏི ཀབལཱི༹ཀཱརོ ཨཱཧཱརོ. ཨིམེ དྷམྨཱ ཙིཏྟསམུཊྛཱནཱ’’ཏིཨཱདཱིསུ (དྷ. ས. ༡༢༠༢) ཛཱཏིཡཱཔི ཀུཏོཙི ཛཱཏཏྟཾ ཝུཏྟཾ, ཏཾ རཱུཔཛནཀཔཙྩཡཱནཾ ཀིཙྩཱནུབྷཱཝལཀྑཎེ དིཊྛཏྟཱ རཱུཔུཔྤཏྟིཀྑཎེ ཝིཛྫམཱནཏཾ སནྡྷཱཡ ཝུཏྟཾ, ཛརཱམརཎཱནཾ པན རཱུཔུཔྤཏྟིཀྑཎེ ཨབྷཱཝཏོ ན ཝུཏྟཾ. ‘‘ཛརཱམརཎཾ, བྷིཀྑཝེ, ཨནིཙྩཾ སངྑཏཾ པཊིཙྩསམུཔྤནྣ’’ནྟི (སཾ. ནི. ༢.༢༠) ཨིདཾ པན ཛརཱམརཎསཱིསེན ཏཐཱཔཝཏྟཝིཉྙཱཎནཱམརཱུཔཱདཱིནམེཝ གཧིཏཏྟཱ ཝུཏྟནྟི ཝེདིཏབྦཾ. ཡཾ ཏཾ རཱུཔཾ ཨཛ྄ཛྷཏྟིཀཾ, ཏཾ ཨུཔཱདཱ, ཡཾ ཏཾ རཱུཔཾ བཱཧིརཾ, ཏཾ ཨཏྠི ཨུཔཱདཱ, ཨཏྠི ནོ ཨུཔཱདཱཏི ཨེཝམཱདིནཱ ནཡེནཱཔི ཏིཝིདྷཾ ཧོཏི.

པུན ¶ ཏཾ སབྦཾ དིཊྛསུཏམུཏཝིཉྙཱཏཝསེན ཙཏུབྦིདྷཾ ཧོཏི. ཏཏྠ རཱུཔཱཡཏནཾ དིཊྛཾ ནཱམ, སདྡོ སུཏཾ ནཱམ, གནྡྷརསཕོཊྛབྦཱནི པཏྭཱཝ གཧེཏབྦཏོ མུཏཾ ནཱམ, སེསཾ མནསཱ ཝིཉྙཱཏབྦཏོ ཝིཉྙཱཏཾ ནཱམ. ཏཐཱ རཱུཔརཱུཔཙཏུཀྐཱདིཝསེན ཙཏུབྦིདྷཾ, ཏཏྠ ཨཊྛཱརསཝིདྷཾ ནིཔྥནྣཾ རཱུཔརཱུཔཾ ནཱམ, ཨཱཀཱསོ པརིཙྪེདརཱུཔཾ ནཱམ, ཝིཉྙཏྟིདྭཡཾ, ལཧུཏཱདིཏྟཡཉྩ ཝིཀཱརརཱུཔཾ ནཱམ, ཨུཔཙཡཱདིཙཏུབྦིདྷཾ ལཀྑཎརཱུཔཾ ནཱམ. ཏཐཱ ཧདཡཝཏྠུ ཝཏྠུ, ན དྭཱརཾ ནཱམ, ཝིཉྙཏྟིདྭཡཾ དྭཱརཾ, ན ཝཏྠུ ནཱམ, ཙཀྑཱདཡོ པཉྩ པསཱདཱ ཝཏྠུ ཙེཝ དྭཱརཉྩ ནཱམ, སེསཾ ནེཝ ཝཏྠུ ན དྭཱརཾ ནཱམཱཏི ཨེཝམཱདིནཱ ནཡེན ཙཏུབྦིདྷཾ.

ཏཾ པུན ཨེཀཛཱདིཝསེན པཉྩཝིདྷཾ. ནཝཝིདྷཾ ཧི ཨུཔཱདིནྣརཱུཔཾ ཀམྨེནེཝ, ཝིཉྙཏྟིདྭཡཉྩ ཙིཏྟེནེཝ ཨུཔྤཛྫནཏོ ཨེཀཛཾ ནཱམ, སདྡོ ཨུཏུཙིཏྟེཧི ཨུཔྤཛྫནཏོ དྭིཛཾ ནཱམ, ལཧུཏཱདིཏྟཡཾ ཨུཏུཙིཏྟཱཧཱརེཧི ཨུཔྤཛྫནཏོ ཏིཛཾ ནཱམ, སུདྡྷཊྛཀཾ, ཨཱཀཱསོ ཙ ཙཏཱུཧིཔི ཨུཔྤཛྫནཏོ ཙཏུཛྫཾ ནཱམ, ལཀྑཎཱནི ཨཛཾ ནཱམ. ཨེཝམཱདིནཱ པཉྩཝིདྷཾ ཧོཏི.

ཏཾ པུན ཙཀྑུསོཏགྷཱནཛིཝ྄ཧཱཀཱཡམནཨིནྡྲིཡཝིཉྙེཡྻཝསེན ཚབྦིདྷཾ. སཏྟཝིཉྙཱཎདྷཱཏུཝིཉྙེཡྻཝསེན ¶ སཏྟཝིདྷཾ. ཏདེཝ མནོཝིཉྙཱཎདྷཱཏུཝིཉྙེཡྻཾ བྷཱུཏོཔཱདཱཡཝསེན དྭིདྷཱ ཀཏྭཱ ཨཊྛཝིདྷཾ ཧོཏི. ཏཏྠ ཧི ཨཱཔོདྷཱཏུ མནོཝིཉྙཱཎེནེཝ ཝིཉྙེཡྻཾ བྷཱུཏརཱུཔཾ ནཱམ, ཨིཏརཾ པསཱདསཧིཏསུཁུམརཱུཔཾ མནོཝིཉྙཱཎཝིཉྙེཡྻོཔཱདཱཡརཱུཔཾ ནཱམ. ཏདེཝ པུན མནོཝིཉྙཱཎཝིཉྙེཡྻོཔཱདཱཡརཱུཔཾ ཨིནྡྲིཡཱནིནྡྲིཡཝསེན དྭིདྷཱ ཀཏྭཱ ནཝཝིདྷཾ ཧོཏི. ཏཾ པུན པསཱདཝིསཡཨཱཔོདྷཱཏུབྷཱཝཧདཡཛཱིཝིཏཔརིཙྪེདཝིཀཱརལཀྑཎཨཱཧཱརཝསེན དསཝིདྷཾ ཧོཏི.

ཏདེཝ པུན ཙཀྑཱཡཏནཾ སོཏཱཡཏནཾ གྷཱནཱཡཏནཾ ཛིཝ྄ཧཱཡཏནཾ ཀཱཡཱཡཏནཾ རཱུཔཱཡཏནཾ སདྡཱཡཏནཾ གནྡྷཱཡཏནཾ ¶ རསཱཡཏནཾ ཕོཊྛབྦཱཡཏནཾ དྷམྨཱཡཏནནྟི ཨེཝཾ ཨཱཡཏནཏོ ཨེཀཱདསཝིདྷཾ ཧོཏི, ཏཐཱ དྷཱཏུཝསེན. ཏཏྠ ཨཱཔོདྷཱཏུཝིཝཛྫིཏབྷཱུཏཏྟཡཾ ཕོཊྛབྦཱཡཏནཾ ཕོཊྛབྦདྷཱཏུ ‘‘ཀཱཡཝིཉྙེཡྻཾ, ཀཱཡཝིཉྙཱཎཝིཉྙེཡྻ’’ནྟི ཙ ཝུཙྩཏི, སུཁུམརཱུཔཾ དྷམྨཱཡཏནཾ དྷམྨདྷཱཏཱུཏི, ཏདེཝ པསཱདསཧིཏཾ ‘‘མནོཝིཉྙེཡྻཾ, མནོཝིཉྙཱཎཝིཉྙེཡྻ’’ནྟི ཙ ཝུཏྟཾ. སེསཾ སུཝིཉྙེཡྻམེཝ.

ཀསྨཱ པནེཏྠ ཨཱཔོདྷཱཏུཝིཝཛྫིཏཱནཉྙེཝ བྷཱུཏཱནཾ ཕོཊྛབྦཏཱ ཝུཏྟཱ, ནནུ ཨཱཔོདྷཱཏུཔི སཱིཏཝསེན ཕུསིཏྭཱ ཝེདིཏབྦཱཏི? ན སཱིཏསྶཱཔི ཏེཛོདྷཱཏུཏྟཱ. ཨུཎྷམེཝ ཧི སཱིཏནྟི བྱཔདིསྶཏི. ཀཋིནཱཀཋིནཏཾ ཨུཔཱདཱཡ རུཀྑཱདིཝིརལ༹ཙྪཱཡཱ ཝིཡ, ཏཾ ཝཱ ཨུཔཱདཱཡ སནྡཙྪཱཡཱདི, ཨཉྙཐཱ ཀསྶེཏཾ སཱིཏཏྟཾ སབྷཱཝཾ སིཡཱ. ‘‘ཨཱཔོདྷཱཏུཡཱ’’ ཨིཏི ཙེ. ཡདི ཨེཝཾ ཨུཎྷོདཀཱདཱིསུ ཨཱཔཏྟཾ ན སིཡཱ ཨཱཔོཏེཛཱནཉྩ སཧཔཝཏྟཱནཾ ཝིརུདྡྷལཀྑཎཏྟཱ, ན ཙ སཱ ཏེཛོསནྣིདྷཱནེ སཱིཏཏྟཾ ཝིཧཱཡ ཏིཊྛཏི. ན ཧི སབྷཱཝཱ ཀེནཙི སཧབྷཱཝེན ཏཾསབྷཱཝཾ ཛཧནྟི ཨབྷཱཝཱཔཏྟིཏོ, ནཱཔིསྶཱ སཱིཏབྷཱཝཾ མུཉྩིཏྭཱ ཨཔརསབྷཱཝོ ཨཏྠི, ཡེན སཧབྷཱཝོ ཡུཛྫེཡྻ. ཡདི སིཡཱ ‘‘ཨཱཔོ སཱིཏཏྟ’’ནྟི, བྷཱཝདྭཡཾ སིཡཱ ཨཉྙོཉྙཝིལཀྑཎསབྷཱཝཏྟཱ བྷཱཝསྶ, ཨཐཱཔི ན སཱིཏཏྟཾ, ཨཱཔོདྷཱཏུཡཱ སརཱུཔཾ སཱིཏགུཎོ, སོ ཙ ཨུཎྷསནྣིདྷཱནེ ཝིགཙྪཏི, གུཎཱིརཱུཔམེཝ ཏིཊྛཏཱིཏི ཙེ? ཏདཱ ཏཧིཾ སཡཾ ཨཕོཊྛབྦཱཝ ཨཱཔོདྷཱཏུ, ན ནིཡཏཕསྶཝཏཱིཏི ཙ སིཡཱ, ཡོ ཙ སཱིཏཕསྶོ གུཎོཏི སུཝུཏྟོ, སོ ཨམྷེཧི ཏེཛོདྷཱཏུཝིསེསོཏི.

ཨཡམེཝ ཝིསེསོཏི ཙེ, ནནུ སཱིཏཏྟཾ, ཨུཎྷཏྟཉྩ ཨཉྙོཉྙཝིརུདྡྷཾ, ཀཐཾ ཏེཛོདྷཱཏུཡཱ སབྷཱཝཾ སིཡཱཏི? ནཱཡཾ དོསོ ཨེཀཀལཱཔེ ཏེསཾ སམྦྷཝཱབྷཱཝཏོ, བྷིནྣཀལཱཔེསུ ¶ པན པཝཏྟིཡཾ ཨཱལོཀནྡྷཀཱརནཱིལཔཱིཏཱདཱིནཾ ཝཎྞཱཡཏནཏཱ ཝིཡ ཏེཛོདྷཱཏུཏྟཾ ན ཝིརུཛ྄ཛྷཏཱིཏི. ཡདི ཨཱཔོདྷཱཏུཡཱ ན སཱིཏཏྟཾ སརཱུཔཾ, ཀིཾ པནསྶཱ སརཱུཔནྟི? དྲཝཏཱ. ཡདི ཨེཝཾ དྲཝཏཱཔི ཕུསིཏྭཱ ¶ ཉཱཏབྦཏོ ཕོཊྛབྦཾ སིཡཱཏི? ན སཱིཏཱདིཾ ཕུསིཏྭཱ མནསཱཝ ཝཎྞཾ དིསྭཱ ཉཱཏབྦཏོ. ཨནྡྷཀཱརེ སཡནྟཱ ཧི ཨཏིསཱིཏལཏཱཡ པཏྟཱདིཾ ཕུསིཏྭཱ ‘‘ཨུདཀཾ ཨེཏྠཱ’’ཏི ཨཱསངྐིཏཱ ཧོནྟི, ཨུདཀཾ ཝཱ ཕུསིཏྭཱ སཔྤཱདིསཉྙིནོ, ཏསྨཱ ཨཕོཊྛབྦམེཝ ཨཱཔོདྷཱཏུ, ཨིཏརབྷཱུཏཏྟཡམེཝ ཕོཊྛབྦནྟི གཧེཏབྦཾ.

ཀིཾ པནེཏཾ བྷཱུཏཏྟཡཾ ཨེཀཏོ ཨཱརམྨཎཾ ཀཏྭཱ ཀཱཡཝིཉྙཱཎཾ ཨུཔྤཛྫིཏུཾ སཀྐོཏི, ན སཀྐོཏཱིཏི? ན སཀྐོཏི. ཀསྨཱ? ཨཱབྷུཛིཏཝསེན ཝཱ ཨུསྶདཝསེན ཝཱ ཏེསུ ཨེཀམེཝཱརམྨཎཾ ཀཏྭཱ ཨུཔྤཛྫནཏོ. ཨཱབྷུཛིཏཝསེན ཧི ཨོདནཐཱལིཡཾ སིཏྠཾ གཧེཏྭཱ ཐདྡྷམུདུབྷཱཝཾ ཝཱིམཾསནྟསྶ, ཨུཎྷོདཀབྷཱཛནེ ཝཱ ཧཏྠཾ ཨོཏཱརེཏྭཱ ཨུཎྷབྷཱཝཾ ཝཱིམཾསནྟསྶ, ཨུཎྷསམཡེ ཝཱ ཝཱཏཔཱནཾ ཝིཝརིཏྭཱ ཝཱཏེན སརཱིརཾ པཧརཱཔེནྟསྶ ཙ ཏཏྠ ཏཏྠ ཀིཉྩཱཔི ཨིཏརཾ བྷཱུཏཏྟཡམྤི ཨཏྠི, ཡཐཱབྷུཛིཏཾ པན ཏཾཏཾཔཐཝཱིཏེཛོཝཱཡོདྷཱཏུམེཝ ཡཐཱཀྐམཾ ཨཱརབྦྷ ཀཱཡཝིཉྙཱཎཾ ཨུཔྤཛྫཏི. ཨེཝཾ ཨཱབྷུཛིཏཝསེན ཨཱརམྨཎཾ ཀརོཏི ནཱམ. ཨུསྶདཝསེན པན བྷུཉྫནསམཡེ སཀྑརཾ ཌཾསནྟསྶ, མགྒེ ཝཱ ཨགྒིཾ ཨཀྐམནྟསྶ, བལཝཝཱཏེན ཝཱ ཀཎྞསཀྑལིཡམྤི པཧརནྟསྶ ཙ ཏཏྠ ཏཏྠ ཀིཉྩཱཔི ཨིཏརབྷཱུཏཏྟཡམྤི ཨཏྠི, ཡཐཱཨུསྶདཾ པན ཏཾཏཾཔཐཝཱིཏེཛོཝཱཡོདྷཱཏུམེཝཱརབྦྷ ཡཐཱཀྐམཾ ཀཱཡཝིཉྙཱཎཾ ཨུཔྤཛྫཏི. ཨགྒིམྷི ཝཱ ནིམུགྒསཀལསརཱིརསྶ ཡདིཔི ཨེཀཔྤཧཱརེན ཨགྒིནཱ ཀཱཡོ གྷཊྚཱིཡཏི, ཡསྨིཾ ཡསྨིཾ པན ཋཱནེ ཀཱཡཔྤསཱདོ ཨུསྶནྣོ ཧོཏི, ཡཏྠ ཡཏྠ ཝཱ པན ཝིསཡགྷཊྚནཱནིགྷཾསོ བལཝཱ ཧོཏི, ཏཏྠ ཏཏྠེཝ པཋམཾ ཀཱཡཝིཉྙཱཎཾ ¶ ཨུཔྤཛྫཏི, པཙྪཱ ཨིཏརཊྛཱནེསུ. ཁཎཔརིཏྟཏཱཡ པན སཧསཱ པརིཝཏྟིཏྭཱ ཨུཔྤཛྫནཝསེན ཨེཀཔྤཧཱརེན སཀལསརཱིརཾ ཌཡ྄ཧམཱནཾ ཝིཡ ཁཱཡཏི. ན ཧི ཨེཀསྨིཾ ཁཎེ བཧཱུནི ཝིཉྙཱཎཱནི ཨུཔྤཛྫནྟི, བྱཱཔེཏྭཱ ཝཱ ཨེཀཾ. ཨེཀེཀསྨིཾ པན ཨཝིནིབྦྷོགེ ཀཱཡདསཀེ ཨེཀམེཝ ཀཱཡཝིཉྙཱཎཾ ཨུསྶདཝསེན ཨུཔྤཛྫཏི, ཨེཝཾ ཨིཏརཝཏྠཱུསུཔི ཝིཉྙཱཎཱནཾ ཨཝིནིབྦྷོགེ པདེསེ ཨེཀེཀཱནམེཝ ཨུཔྤཏྟི ཝེདིཏབྦཱ. ཨེཝཾ ཨུསྶདཝསེན ཨཱརམྨཎཾ ཀརོཏི ནཱམ.

ཀེན པན ཙིཏྟསྶ ཨཱརམྨཎསངྐནྟི ཧོཏཱིཏི? ཨཛ྄ཛྷཱསཡཏོ, ཝིསཡཱདྷིམཏྟཏོ ཝཱ. ནཱནཱཋཱནེསུ ཧི ཙིཏྟཔཊིམཱདཱིནི པསྶིཏུཀཱམསྶ པཋམཾ ཨེཀཊྛཱནེ དིསྭཱ ཏཏོ ཨིཏརཊྛཱནེསུ ཙ རཱུཔཱནི པསྶིཏུཾ སརསེནཱཝཛྫནཾ ཨུཔྤཛྫཏི. ཨེཝཾ ཨཛ྄ཛྷཱསཡཏོ སངྐནྟི ཧོཏི. རཱུཔཱརམྨཎཾ པན མཧནྟམྤི པསྶནྟསྶ སབྦཏཱུརིཡནིགྒྷོསེ ཨུཊྛིཏེ ཏཾ ཝཱ སུཎནྟསྶ མནུཉྙཱམནུཉྙེ ཨདྷིམཏྟགནྡྷརསཕོཊྛབྦེ ¶ ཨིནྡྲིཡེསུ གྷཊྚིཏེ ཨིཏརིཏརེ ཙིཏྟཾ སངྐམཏི, ཨེཝཾ ཝིསཡཱདྷིམཏྟཏོ སངྐནྟི ཧོཏཱིཏི ཨཡམེཏྠ སངྒཧཏོ ཝིནིཙྪཡོ. སུཉྙཏོ, པན ཨཏཱིཏཱདིཝསེན པཙྩེཀཾ ཨནནྟཔྤབྷེདཏོ ཙ ཝིནིཙྪཡོ ཙིཏྟཝིབྷཏྟིཡཾ ཝུཏྟནཡཱནུསཱརེན ཡཐཱནུརཱུཔཾ ཝེདིཏབྦོ.

སམུཊྛཱནཏོ, པནེཏྠ བྷཝཡོནཱིསུ པཝཏྟིཀྐམཏོ ཙ པཀིཎྞཀཀཐཱ ཝེདིཏབྦཱ – ཙཏུསམུཊྛཱནིཀཱནི ཧི རཱུཔཱནི ཨུཔྤཛྫམཱནཱནི དྭཱིསུ བྷཝེསུ ཙཏཱུསུ ཡོནཱིསུ དསཀཱདིཀལཱཔཝསེནེཝ པཊིསནྡྷིཔྤཝཏྟཱིསུ ཡཐཱསམྦྷཝཾ སམུཔྤཛྫནྟི. ཏཏྠ ཀམྨཛེསུ ཏཱཝ ཝཱིསཏིཡཱ ཀཱམཱཝཙརཀུསལཱཀུསལེཧི ཀཱམལོཀེཡེཝ སཾསེདཛཱནཾ, ཨོཔཔཱཏིཀཱནཉྩ ཚ ཝཏྠཱུནི, བྷཱཝདྭཡེ ཨཉྙཏརཾ, ཛཱིཝིཏཉྩཱཏི ཨཊྛ རཱུཔཱནི ཡཐཱསམྦྷཝཾ པཊིསནྡྷིཏོ པཊྛཱཡ པཱཏུབྷཝནྟི. ཏཱནི ཙ སུདྡྷཊྛཀཾ, ཛཱིཝིཏཉྩ ཛཱིཝིཏནཝཀཾ, ཏདེཝ ནཝཀཾ ཙཀྑུནཱ སཧ ¶ ཙཀྑུདསཀཾ, སོཏེན སོཏདསཀཾ, གྷཱནེན གྷཱནདསཀཾ, ཛིཝ྄ཧཱཡ ཛིཝ྄ཧཱདསཀཾ, ཀཱཡེན ཀཱཡདསཀཾ, ཧདཡཝཏྠུནཱ ཝཏྠུདསཀཾ, བྷཱཝཉྙཏརེན བྷཱཝདསཀཉྩཱཏི ནཝ ཀལཱཔཱ ཧུཏྭཱ ཨུཔྤཛྫནྟི. ནཔུཾསཀཱནཾ པནེཏྠ བྷཱཝདསཀཾ ནཏྠི, ཏཐཱ ཛཙྩནྡྷཱདཱིནཾ ཙཀྑུསོཏགྷཱནདསཀཱནི. ཨེཝཾ ཨཎྜཛཛལཱབུཛཱནམྤི, ཏེསཾ པན པཊིསནྡྷིཙིཏྟེན སཧ ཀཱཡཝཏྠུབྷཱཝདསཀཱནེཝ ཨུཔྤཛྫནྟི, ཏཏོ པཝཏྟིཀཱལེ ཛཱིཝིཏནཝཀཙཀྑུདསཀཱདཱིནི ཡཐཱནུརཱུཔཾ ཨུཔྤཛྫནྟི. རཱུཔབྷཝེ པན གྷཱནདསཀཱདིཏྟཡཾ, བྷཱཝདསཀདྭཡཾ, ཨུདརགྒིནཝཀཉྩ ནཏྠི, སེསཱནི པཉྩཧི རཱུཔཱཝཙརཀུསལཀམྨེཧི པཊིསནྡྷིཏོ པབྷུཏི ཨུཔྤཛྫནྟི. ཨཉྙཉྙཱིནཾ པན པཉྩམཛ྄ཛྷཱནཀུསལེན ཛཱིཝིཏནཝཀམེཝ. ཨེཝཾ ཀཱམརཱུཔཱཝཙརཀམྨསམུཊྛིཏཱ ནཝ རཱུཔཀལཱཔཱ དྭཱིསུ བྷཝེསུ ཙཏཱུསུ ཡོནཱིསུ ཡཐཱསམྦྷཝཾ པཊིསནྡྷིཏོ པཊྛཱཡ ཡཱཝ ཙུཏིཙིཏྟོཔརིསཏྟརསམཙིཏྟསྶ ཋིཏི, ཏཱཝ ཙིཏྟསྶ ཨུཔྤཱདཋིཏིབྷངྒསངྑཱཏེསུ ཏཱིསུ ཁཎེསུ ནིརནྟརཾ ཨཛ྄ཛྷཏྟསནྟཱནེ ཨེཝ ཨུཔྤཛྫནྟི, ཏཏོ པབྷུཏི ཨནུཔྤཛྫིཏྭཱ ཙུཏིཙིཏྟེན སཧ ནིརུཛ྄ཛྷནྟི.

ཙིཏྟཛཱནི པན པཉྩཝོཀཱརབྷཝེ དྭིཔཉྩཝིཉྙཱཎཨཱརུཔྤཝིཔཱཀཝཛྫིཏཔཉྩསཏྟཏིཙིཏྟེཧི ཨཏྟནོ ཨཏྟནོ ཨུཔྤཏྟིཀྑཎེ ཨེཝ སམུཊྛཱཔིཏཱནི པཋམབྷཝངྒམུཔཱདཱཡ ཙུཏིཙིཏྟཔརིཡོསཱནཾ ཨཛ྄ཛྷཏྟསནྟཱནེ ཨེཝ སུདྡྷཊྛཀཾ, ཏདེཝ ཀཱཡཝིཉྙཏྟིཡཱ སཧ ཀཱཡཝིཉྙཏྟིནཝཀཾ, ཝཙཱིཝིཉྙཏྟིསདྡེཧི ཝཙཱིཝིཉྙཏྟིདསཀཾ, ལཧུཏཱདིཏྟཡེན ལཧུཏཱདེཀཱདསཀཾ, ཀཱཡཝིཉྙཏྟིལཧུཏཱདཱིཧི དྭཱདསཀཾ, ཝཙཱིཝིཉྙཏྟིསདྡལཧུཏཱདཱིཧི ཏེརསཀཉྩཱཏི ཚ ཀལཱཔཱ ཧུཏྭཱ ཡཐཱཡོགཾ པཝཏྟནྟི. རཱུཔཛནཀཙིཏྟེསུ ཙེཏྠ སོམནསྶསཧགཏཀཱམཱཝཙརཛཝནཱནི ཨིརིཡཱཔཐཝིཉྙཏྟིཧསནསཧིཏཾ ¶ སབྦཾ ཙིཏྟཛརཱུཔཾ སམུཊྛཱཔེནྟི, སེསཀཱམཱཝཙརཛཝནཱབྷིཉྙཱཝོཊྛབྦནཱནི ཧསནཝཛྫཾ, ཨཔྤནཱཛཝནཱནི ཙ ཨིརིཡཱཔཐཱདིཝིརཧིཏམེཝ, ཡཐཱཔཝཏྟཾ པན ཨིརིཡཱཔཐཾ ¶ ཨཝིནསྶམཱནཾ ཨུཔཏྠམྦྷེནྟི. སེསཱནི པན རཱུཔཱཝཙརཝིཔཱཀམནོདྷཱཏུཏདཱརམྨཎཱནི ཨེཀཱུནཝཱིསཏི ཏམྤི ན ཀརོནྟི, སུདྡྷཊྛཀཾ, སདྡནཝཀཾ, ལཧུཏཱདེཀཱདསཀཾ, སདྡལཧུཏཱདིདྭཱདསཀཉྩཱཏི ཙཏྟཱརོ ཀལཱཔེ ཨུཔྤཱདེནྟི, ཏཏྠཱཔི སབྦེསམྤི པཊིསནྡྷིཙིཏྟཱནི, ཨརཧནྟཱནཾ ཙུཏིཙིཏྟཱནི, ཨརཱུཔབྷཝཱུཔཔནྣཱནི ཙ ན ཀིཉྩི རཱུཔཾ སམུཊྛཱཔེནྟི, ཨཱརུཔྤཝིཔཱཀདྭིཔཉྩཝིཉྙཱཎཱནི སབྦཐཱ ན ཨུཔྤཱདེནྟཱིཏི.

ཨཱཧཱརཛཱནི པན ཀཱམབྷཝེ ཨེཝ ཨཛ྄ཛྷོཧཊཱཧཱརེ ཋིཏེན ཋིཏིཔྤཏྟེན ཨོཛཱསངྑཱཏེན ཨཱཧཱརེན སམུཊྛིཏཱནི ཨཛ྄ཛྷཏྟསནྟཱནེ ཨེཝ སུདྡྷཊྛཀཾ, ལཧུཏཱདེཀཱདསཀཉྩཱཏི དྭེ ཀལཱཔཱ ཧུཏྭཱ ཡཱཝཏཱཡུཀཾ པཝཏྟནྟི, ན རཱུཔབྷཱུམིཡཾ. ཨུཏུཛཱནི ཨཛ྄ཛྷཏྟིཀབཱཧིརེན ཏེཛོདྷཱཏུསངྑཱཏེན ཋིཏིཔྤཏྟེན ཨུཏུནཱ ཨཛ྄ཛྷཏྟསནྟཱནེ སམུཊྛིཏཱནི སུདྡྷཊྛཀཾ, སདྡནཝཀཾ, ལཧུཏཱདེཀཱདསཀཾ, སདྡལཧུཏཱདེཀཱདསཀཾ, སདྡལཧུཏཱདིདྭཱདསཀཉྩཱཏི ཙཏྟཱརོ ཀལཱཔཱ ཧུཏྭཱ ཡཱཝཏཱཡུཀཾ, བཧིདྡྷཱ པན པཐཝཱིཔབྦཏདེཝབྲཧྨཝིམཱནཱདཱིསུ སུདྡྷཊྛཀཾ, སམུདྡགྷོསཱདིསདྡནཝཀཉྩཱཏི དྭེ ཀལཱཔཱཝ ཧུཏྭཱ པཝཏྟནྟི. ཨཱཀཱསལཀྑཎཱནི ཙེཏྠ སབྦཀལཱཔེསུ ཝིཛྫམཱནཱནིཔི ཀལཱཔསངྒཧེ ཝོཧཱརཱབྷཱཝཱ ན གཎཱིཡནྟི. པཊིསནྡྷིཀྑཎེ ཙེཏྠ ཨུཏུཙིཏྟཱཧཱརཛཱནི ན ཧོནྟི, ན སབྦཏྠཱཔི ཨུཔྤཏྟིཀྑཎེ ཛརཱམརཎཱནཱིཏི ཨེཝཾ ཙཏུསམུཊྛཱནིཀརཱུཔསྶ བྷཝཡོནཱིསུ, པཊིསནྡྷིཔྤཝཏྟཱིསུ ཙ པཝཏྟིཀྐམོ ཝེདིཏབྦོ.

ཨཔིཙ དྭཱཙཏྟཱལཱིསཱཡ ཀོཊྛཱསཱནཾ ཝསེནཱཔི ཙེཏྠ ཏསྶ ཨཛ྄ཛྷཏྟཾ, མཧཱབྷཱུཏཱདིཝསེན བཧིདྡྷཱ ཙ པཝཏྟི ཨེཝཾ ཝེདིཏབྦཱ – ཨཛ྄ཛྷཏྟིཀཱ ཧི ཀེསཱ ལོམཱ…པེ… ཀརཱིསཾ མཏྠལུངྒནྟི ཨིམེ ཝཱིསཏི པཐཝཱདྷིཀཀོཊྛཱསཱ, པིཏྟཾ…པེ… མུཏྟནྟི ཨིམེ དྭཱདས ཨཱཔཱདྷིཀཀོཊྛཱསཱ, ཡེན ཙ སནྟཔྤཏི, ཡེན ¶ ཙ ཛཱིརཏི, ཡེན ཙ པརིཌཡ྄ཧཏི, ཡེན ཙ ཨསིཏཔཱིཏཁཱཡིཏསཱཡིཏཾ སམྨཱཔརིཎཱམཾ གཙྪཏཱིཏི ཨིམེ ཙཏྟཱརོ ཏེཛཱདྷིཀཀོཊྛཱསཱ, ཨུདྡྷཾགམོ ཨདྷོགམོ ཀུཙྪིསཡོ ཀོཊྛཱསཡོ ཨངྒམངྒཱནུསཱརཱི ཨསྶཱསཔསྶཱསོ ཙཱཏི ཨིམེ ཚ ཝཱཡུཨདྷིཀཀོཊྛཱསཱཏི དྭེཙཏྟཱལཱིས ཀོཊྛཱསཱ ཧོནྟི. ཏེསུ ཨུདརིཡཾ ཀརཱིསཾ པུབྦོ མུཏྟནྟི ཨིམེ ཙཏྟཱརོ ཀོཊྛཱསཱ ཨུཏུཛཱ. ཨེཝམེཏེསུ ཨེཀེཀཾ ཨུཏུཛཊྛཀམེཝ ཧོཏི, སེདོ ཨསྶུ ཁེལོ༹ སིངྒྷཱཎིཀཱཏི ཨིམེ ཙཏྟཱརོ ཨུཏུཙིཏྟཛཱ, ཏེསུ ཨེཀེཀསྨིཾ དྭེ དྭེ ཨཊྛཀཱ ཧོནྟི. ཨསིཏཱདིཔརིཔཱཙཀོ ¶ ཏེཛོ ཀམྨཛོཝ, ཏཏྠ ཛཱིཝིཏནཝཀམེཝ. ཨསྶཱསཔསྶཱསོ པན ཙིཏྟཛོཝ, ཏཏྠ ཙིཏྟཛསདྡནཝཀམེཝ. ཨིམེ དས ཀོཊྛཱསེ ཋཔེཏྭཱ སེསཱ དྭཏྟིཾས ཙཏུཛཱ.

ཏཏྠ ཨཊྛསུ ཏེཛོཝཱཡོཀོཊྛཱསེསུ ཨེཀེཀསྨིཾ ཛཱིཝིཏནཝཀཉྩེཝ ཏཱིཎི ཙ ཨུཏུཙིཏྟཱཧཱརཛཊྛཀཱནི ཧོནྟི, ཝཱཡོཀོཊྛཱསེསུ ཙེཏྠ ཨུཏུཙིཏྟཛསདྡནཝཀམྤི ཧོཏི, སེསེསུ ཙཏུཝཱིསཏིཡཱ ཀོཊྛཱསེསུ ཀེསལོམནཁདནྟཱནཾ མཾསཝིནིམུཏྟཊྛཱནཾ ཋཔེཏྭཱ སབྦཏྠ དྭེ ཀཱཡབྷཱཝདསཀཱནི, ཏཱིཎི ཙ ཨཊྛཀཱནི, མཾསམུཏྟེསུ པན ཀེསཱདཱིསུ ཨུཏུཛཊྛཀམེཝ ཧོཏི. ཏཱནི ཙ ཡཐཱཝུཏྟདསཀནཝཀཊྛཀཱནི སཀལསརཱིརབྱཱཔཱིསུ ཏཙམཾསརུཧིརཱདཱིསུ, ཨབྱཱཔཱིསུ ཙ ཀེསཱདཱིསུ ཀོཊྛཱསེསུ ཨཝིནིབྦྷོགེ ཨེཀསྨིཾ ཨཎུཔདེསེ ཧོནྟཱིཏི པཙྩེཀཾ ཨནནྟཱཔརིམཱཎཱ, ཨནནྟདྷཱཏུཔཙྩཡཏྟཱ ཏེསཾ སརཱིརསྨིཾ ཧི པརམཱཎུབྷེདསཉྩུཎྞཱནི ཨནནྟཱནི ཙཏྟཱརི མཧཱབྷཱུཏཱནི ཙེཝ སཨུཔཱདཱརཱུཔཱནི ཙ ཨཉྙོཉྙཔཙྩཡབྷཱུཏཱནི ཨཛ྄ཛྷཏྟཾ དྭཱཙཏྟཱལཱིསཀོཊྛཱསསརཱིརཱརོཧཔརིཎཱཧསཎྛཱནཱདིནཱ, བཧིདྡྷཱ ཙ པཐཝཱིཔབྦཏཱདིནཱ ཙ ཨཱཀཱརེན ཡཐཱཔཙྩཡཾ སམུཔྤནྣཱནི. མཱཡཱཀཱརཱདཡོ ཝིཡ ན བཱལཛནཔྤབོདྷཀཱནི ཧོནྟི.

པཐཝཱིདྷཱཏུ ¶ ཙེཏྠ སུཁུམསཉྩུཎྞཱ རཛབྷཱུཏཱ ཨེཝ ཨཱཔོདྷཱཏུཡཱ སངྒཧིཏཱ, ཏེཛོདྷཱཏུཡཱ ཨནུཔཱལིཏཱ, ཝཱཡོདྷཱཏུཡཱ ཝིཏྠམྦྷིཏཱ, ཝཎྞཱདཱིཧི པརིཝཱརིཏཱ ན ཝིཀིརིཡམཱནཱ ཨཛ྄ཛྷཏྟཾ ཨིཏྠིཔུརིསམིགཔཀྑིདེཝབྲཧྨཱདིསརཱིརབྷཱཝཾ, བཧིདྡྷཱ ཙ པཐཝཱིཔབྦཏརུཀྑདེཝབྲཧྨལོཀཙནྡསཱུརིཡནཀྑཏྟམཎིཀནཀཱདིབྷཱཝཉྩ ཨུཔགཙྪཏི, ཡཱུསགཏཱ བནྡྷནབྷཱུཏཱ པནེཏྠ ཨཱཔོདྷཱཏུ པཐཝཱིཔཏིཊྛིཏཱ. ཨཝསེསཱནུཔཱལནཝིཏྠམྦྷནཔརིཔཱཙནཔརིཝཱརིཏཱ ན པགྒྷརཏི, ཨཔགྒྷརམཱནཱ པཱིཎིཏབྷཱཝཾ དསྶེཏི, ཨུསུམཏྟགཏཱ ཏེཛོདྷཱཏུ སེསདྷཱཏུཔཏིཊྛཱནསངྒཧཝིཏྠམྦྷནཔརིཝཱརིཏཱ ཨིམཾ ཀཱཡཾ པརིཔཱཙེཏི, ཝཎྞསམྤཏྟིཉྩསྶ ཨཔཱུཏིབྷཱཝཉྩ སཱདྷེཏི, ཝཱཡོདྷཱཏུ ཝིཏྠམྦྷནསམུདཱིརཎསབྷཱཝཱ སེསདྷཱཏུཔཏིཊྛཱནསངྒཧཱནུཔཱལནཔརིཝཱརིཏཱ ཝིཏྠམྦྷེཏི ཙཱལེཏི, སརཱིརཝིམཱནཱདཱིནཾ གམནཱདིཔདཝཱིཏིཧརཎཱདཱིནཾ ཋིཏིཉྩ སམྤཱདེཏི. ཙཏསྶོཔི ཙེཏཱ སམྦྷཱུཡ པཐཝཱིཨདྷིཀཏཱཡ ཀེསཱདིབྷཱཝཾ, པཐཝཱིཔབྦཏཱདིབྷཱཝཉྩ, ཨཱཔཱདྷིཀཏཱཡ པིཏྟཱདིབྷཱཝཾ, སམུདྡཛལཱདིབྷཱཝཉྩ, ཝཱཡུཨདྷིཀཏཱཡ ཨུདྡྷངྒམཝཱཏཱདིབྷཱཝཾ, པཐཝཱིསནྡྷཱརཀཝཱཏཱདིབྷཱཝཉྩ, ཏེཛཱདྷིཀཏཱཡ པརིཔཱཙཀགྒིཨཱདིབྷཱཝཾ, ནརཀགྒིཨཱདིབྷཱཝཉྩ སཱདྷེནྟི, ཡཱསཾ པཀོཔེན རོགཛརཱམརཎཉྩེཝ ཀཔྤཝིནཱསཱདཡོ ཙ ཧོནྟི. ཨེཝམེཏཱསཾ ཙུཎྞཝིཙུཎྞཱནཾ དྷཱཏཱུནཾ སཉྩཡཏྟཱ པཙྩེཀཾ ¶ ཨནནྟཱཔརིམཱཎཱ ཀལཱཔཱ ཨེཝ ཨཛ྄ཛྷཏྟིཀཀོཊྛཱསཱ ཧོནྟི, ཏཐཱ བཱཧིརཱནི རཱུཔཱནི. ཏཱནི ཙ ཏེན ཏེན པཙྩཡེན ཏཐཱཏཐཱཀཱརེན སམུདིཏཱཝ ཨུཔྤཛྫནྟི ཙེཝ ཨུཔྤཛྫིསྶནྟི ཙ.

ཡདི པཋམཾ དྷཱཏུཡོ ཨཎུརཱུཔེན ཋཏྭཱ པཙྪཱ སཾཡུཛྫནྟི, ཏཐཱ ཋཱནེ ཝིནིཡོགཱབྷཱཝཏོ ཨཔརེནཱཔི པརིཡཱཡེན ཙེཏྠ ཀམྨཛཾ ཀམྨཔཙྩཡཾ ཀམྨཔཙྩཡཨུཏུསམུཊྛཱནཾ, ཨཱཧཱརཛཾ ¶ ཨཱཧཱརཔཙྩཡཾ ཨཱཧཱརཔཙྩཡཨུཏུསམུཊྛཱནཾ, ཨུཏུཛཾ ཨུཏུཔཙྩཡཾ ཨུཏུཔཙྩཡཨུཏུསམུཊྛཱནཾ, ཙིཏྟཛཾ ཙིཏྟཔཙྩཡཾ ཙིཏྟཔཙྩཡཨུཏུསམུཊྛཱནནྟི ཨེཝཾ སམུཊྛཱནབྷེདོ ཝེདིཏབྦོ. ཏཏྠ ཨུཔཱདིནྣརཱུཔཾ ཀམྨཛཾ ནཱམ, མཾསམུཏྟཀེསལོམདནྟསིངྒྷཱཎིཀཱདི ཀམྨཔཙྩཡཾ ནཱམ, སམྤཏྟིཀརམཧཱམེགྷཔཐཝཱིཔབྦཏཱདི, ཙཀྐརཏནདེཝཝིམཱནཱདི ཙ ཀམྨཔཙྩཡཨུཏུསམུཊྛཱནཾ ནཱམ. ཨཱཧཱརཏོ སམུཊྛིཏཾ སུདྡྷཊྛཀཾ ཨཱཧཱརཛཾ ནཱམ, ཀབལཱི༹ཀཱརོ ཨཱཧཱརོ ཨཱཧཱརཛསྶ ཛནཀོ ཧུཏྭཱ ཀམྨཛསྶ ཨནུཔཱལཀོ ཧོཏཱིཏི ཏདནུཔཱལིཏཾ ཀམྨཛརཱུཔཾ ཨཱཧཱརཔཙྩཡཾ ནཱམ, ཝིསབྷཱགཱཧཱརཾ སེཝིཏྭཱ ཨཱཏཔེ གཙྪནྟསྶ ཀཱལ༹ཀུཊྛཱདཱིནི ཨུཔྤཛྫནྟི, ཨིདཾ ཨཱཧཱརཔཙྩཡཨུཏུསམུཊྛཱནཾ ནཱམ. ཀམྨཛཨུཏུཏོ སམུཊྛིཏཾ སུདྡྷཊྛཀཾ ཨུཏུཛཾ ནཱམ, ཏསྨིཾ ཨུཏུ ཨཉྙཾ ཨཊྛཀཾ སམུཊྛཱཔེཏི, ཨིདཾ ཨུཏུཔཙྩཡཾ ནཱམ, ཏསྨིམྤི ཨུཏུ ཨཉྙཾ ཨཊྛཀཾ སམུཊྛཱཔེཏི, ཨིདཾ ཨུཏུཔཙྩཡཨུཏུསམུཊྛཱནཾ ནཱམ. ཨེཝཾ ཨུཔཱདིནྣཀེ ཏིསྶོ ཨེཝ སནྟཏིཡོ གྷཊྚེཏུཾ སཀྐོནྟི, ཨནུཔཱདིནྣཀེ པན ཝལཱཧཀོ ཨུཏུཛཾ ནཱམ, ཝུཊྛིདྷཱརཱ ཨུཏུཔཙྩཡཾ ནཱམ, དེཝེ པན ཝུཊྛེ པཐཝཱི གནྡྷཾ མུཉྩཏི, བཱིཛཱནི ཝིརུཧནྟཱིཏི ཨེཝཾ ཡཾ ཨནནྟཾ སནྟཏིཝསེན པཝཏྟཾ, ཨེཏཾ ཨུཏུཔཙྩཡཨུཏུསམུཊྛཱནཾ ནཱམ. ཙིཏྟཏོ སམུཊྛིཏཾ སུདྡྷཊྛཀཱདི ཙིཏྟཛཾ ནཱམ, ཙིཏྟེན པཙྪཱཛཱཏཔཙྩཡབྷཱཝེན ཨུཔཏྠམྦྷིཏོ ཀཱཡོ ཙིཏྟཔཙྩཡཾ ནཱམ, ཨབྷིཉྙཱཙིཏྟེན བཧིདྡྷཱ སམུཊྛཱཔིཏཧཏྠིཨསྶཱདིཀཾ ཙིཏྟཔཙྩཡཨུཏུསམུཊྛཱནཾ ནཱམ. པཀིཎྞཀཀཐཱ.

རཱུཔཱབྱཱཀཏཾ ནིཊྛིཏཾ.

ནིབྦཱནཱབྱཱཀཏཝཎྞནཱ

ནིབྦཱནཱབྱཱཀཏཾ པན བྷཱུམིཏོ ལོཀུཏྟརམེཝ, དྷམྨཏོཔི ཙ ཨེཀམེཝ, བྷེདོ ནཏྠི, ལཀྑཎཱདིཏོ པན སནྟིལཀྑཎཾ ¶ ནིབྦཱནཾ, ནིཝཏྟིལཀྑཎཾ, ཨསངྑཏལཀྑཎཾ ཝཱ, ཨཙྩུཏིརསཾ ¶ , ཨནིམིཏྟཔཙྩུཔཊྛཱནཾ, ཨསངྑཏཏཱཡ པནསྶ ཀཱརཀཧེཏུཝིརཧཏོ པདཊྛཱནཾ ནཏྠི, པཱཔཀཧེཏུཝསེན པནེཏཾ ‘‘དུཀྑནིརོདྷགཱམིནིཔཊིཔདཱ’’ཏིཨཱདིཝཙནཏོ (ཝིབྷ. ༢༠༦) ‘‘ཨརིཡམགྒཔདཊྛཱན’’ནྟི ཝཏྟུཾ ཝཊྚཏི. སངྒཧཏོ པན བྷེདཱབྷཱཝཱ ཁནྡྷེསུ སངྒཧཾ ན གཙྪཏི, ཨཱཡཏནཱདཱིསུ དྷམྨཱཡཏནདྷམྨདྷཱཏཱུསུ སངྒཧཾ གཙྪཏི. སུཉྙཏོ པན ཨཏྟསུཉྙཾ, སལཀྑཎདྷཱརཎཏོ ཨནཏྟཀཾ དྷམྨམཏྟཾ, ཨསངྑཏཏཱཡ ཝཱ ཨཙྩནྟཏྟཱ ཙ ཨནིཙྩཏཱསུཉྙཾ, དུཀྑཏཱསུཉྙཾ, རཱགཱདིསུཉྙཾ, ནིམིཏྟསུཉྙནྟི པཝཏྟཾ སུཉྙནྟི གཧེཏབྦཾ.

བྷེདཏོ པན སནྟིལཀྑཎཱདིསབྷཱཝཏོ ཨེཀཝིདྷམྤི ཀཱརཎཔརིཡཱཡཏོ སཨུཔཱདིསེསནིབྦཱནདྷཱཏུ, ཨནུཔཱདིསེསནིབྦཱནདྷཱཏུ ཙེཏི དུཝིདྷཾ ཧོཏི. སརསཝསེན པན པརིཀཔྤིཏཱཀཱརབྷེདཏོ སུཉྙཏཾ ཨནིམིཏྟཾ ཨཔྤཎིཧིཏནྟི ཏིཝིདྷཾ ཧོཏི. སངྑཏདྷམྨབྷེདམུཔཱདཱཡ པཊིཀྑིཔིཏབྦཱཀཱརཏོ ན ཙིཏྟཾ, ན ཙེཏསིཀཾ, ན རཱུཔཾ, ན ཨཏཱིཏཾ, ན ཨནཱགཏཾ, ན པཙྩུཔྤནྣཾ, ན མགྒོ, ན ཕལནྟིཨཱདིནཱ ཨནནྟཔྤཀཱརཾ ཧོཏི.

ནིབྦཱནཱབྱཱཀཏཾ ནིཊྛིཏཾ.

ཨེཝཾ ཨིམསྨིཾ ཀུསལཏྟིཀེ ཨཝུཏྟོ སབྷཱཝདྷམྨོ ནཱམ ནཏྠི. ཨསབྷཱཝདྷམྨེསུ པནེཏྠ ཀིཉྩཱཔི རཱུཔདྷམྨཱནཾ པརིཙྪེདཱཀཱསལཀྑཎཱནི ཨེཝ ཝུཏྟཱནི, ཀསིཎཱདིཔཊིབྷཱགནིམིཏྟཱནི པན ཀསིཎུགྒྷཱཊིམཱཀཱསོ, ཝིཉྙཱཎཱབྷཱཝོ, ནིརོདྷསམཱཔཏྟི, ཏིསྶོ ནཱམཔུགྒལཨུཔཱདཱཔཉྙཏྟིཡོ, ཨརཱུཔདྷམྨཱནཾ ཨནིཙྩཏཱདིལཀྑཎཱདཡོ ཙ ན ཝུཏྟཱ, ཏཐཱཔི ཏེསམྤི སབྷཱཝདྷམྨབྱཏིརེཀཱབྷཱཝཏོ གཧཎཾ ཧོཏི, ཏསྨཱ ཨཡཾ ཏིཀོ ནིཔྤདེསཏྟིཀོཏི ཝེདིཏབྦོ ¶ . ཡཐཱ ཙེཏྠ, ཨེཝཾ ཨིཏོ པརེསུཔི ཏིཀདུཀེསུ པཉྙཏྟིགྒཧཎཱབྷཱཝེཔི ནིརཝསེསཔརམཏྠགྒཧཎེནེཝ ནིཔྤདེསཏཱ, ཝིཔརིཡཱཡཏོ སཔྤདེསཏཱ ཙ ཝེདིཏབྦཱ. ཡཏྠ པན སམྨུཏིགྒཧཎཾ ཨཏྠི, ཏཏྠ ཝཀྑཱམ.

རཱུཔནིབྦཱནཀཎྜོ ནིཊྛིཏོ.

ཨིཏི མོཧཝིཙྪེདནིཡཱ

ཨབྷིདྷམྨམཱཏིཀཏྠསཾཝཎྞནཱཡ

ཀུསལཏྟིཀསཾཝཎྞནཱ ནིཊྛིཏཱ.

ཝེདནཱཏྟིཀཱདིཝཎྞནཱ

ཨིདཱནི ¶ ཀུསལཏྟིཀཱནནྟརཾ ཝེདནཱཏྟིཀཱདཱིནཾ ཨཏྠཝཎྞནཱ ཨནུཔྤཏྟཱ, ཡསྨཱ པན ཡྭཱཡཾ ཀུསལཏྟིཀསྶ –

‘‘ཨཏྠཏོ བྷཱུམིབྷེདཱ ཙ, པཙྩེཀཾ སམྤཡོགཏོ;

ཨུདྡེསཏོ ཙ དྷམྨཱནཾ, ལཀྑཎཱདིཝིབྷཱགཏོ’’ཏི. –

ཨཱདིནཱ མཱཏིཀཾ ནིཀྑིཔིཏྭཱ ‘‘ཀུསལཱ ཏཱཝ དྷམྨཱ བྷཱུམིཏོ ཙཏུབྦིདྷཱ ཧོནྟི ཀཱམཱཝཙརཱ…པེ… ལོཀུཏྟརཱ’’ཏིཨེཝམཱདིནཱ ཝིནིཙྪཡནཡོ ཝུཏྟོ, སོ ཨེཝ སེསཏྟིཀདུཀཱནམྤི ཡཐཱཡོགཾ ཧོཏི. ཡཐཱ ཧི ཨེཏྠ, ཨེཝཾ ‘‘སུཁཱཡ ཝེདནཱཡ སམྤཡུཏྟཱ ཏཱཝ དྷམྨཱ བྷཱུམིཏོ ཏིཝིདྷཱ ཧོནྟི ཀཱམཱཝཙརཱ རཱུཔཱཝཙརཱ ལོཀུཏྟརཱ’’ཏིཨཱདིནཱ ཨནུཀྐམེན སབྦཏྟིཀདུཀཱནམྤི པཎྜིཏེཧི སཀྐཱ ཝིནིཙྪཡནཡཾ སལླཀྑེཏུཾ, ཏསྨཱ ཏཾ ཝིཏྠཱརནཡཾ ཝཛྫེཏྭཱ ནིཀྑེཔཀཎྜེ, ཨཏྠུདྡྷཱརཀཎྜེ ཙ ཝུཏྟཱནུསཱརཏོ ནཱཏིསངྑེཔཝིཏྠཱརནཡེན ཝེདནཱཏྟིཀཱདཱིནཾ ཏིཀདུཀཱནཾ –

པདཏྠཱ ཏཾསརཱུཔཱ ཙ, ནཝཏྟབྦཝིབྷཱགཏོ;

ཝིནིཙྪཡོ ཝིཛཱནཱིཡོ, ཏཏྠ ཏཏྠ ཡཐཱརཧཾ.

ཏཏྠ ¶ ཝེདནཱཏྟིཀེ པདཏྠཏོ ཏཱཝ ‘‘སུཁཱཡ ཝེདནཱཡཱ’’ཏིཨཱདཱིསུ སུཁ-སདྡོ སུཁཝེདནཱསུཁམཱུལསུཁཱརམྨཎསུཁཧེཏུསུཁཔཙྩཡཊྛཱནཨབྱཱབཛ྄ཛྷནིབྦཱནཱདཱིསུ དིསྶཏི. ཨཡཾ ཧི ‘‘སུཁསྶ ཙ པཧཱནཱ’’ཏིཨཱདཱིསུ (དཱི. ནི. ༡.༢༣༢; དྷ. ས. ༡༦༥; ཝིབྷ. ༥༩༤) སུཁཝེདནཱཡ དིསྶཏི. ‘‘སུཁོ བུདྡྷཱནམུཔྤཱདོ’’ཏིཨཱདཱིསུ (དྷ. པ. ༡༩༤) སུཁམཱུལེ. ‘‘ཡསྨཱ ཙ ཁོ, མཧཱལི, རཱུཔཾ སུཁཾ སུཁཱནུཔཏིཏཾ སུཁཱཝཀྐནྟ’’ནྟིཨཱདཱིསུ (སཾ. ནི. ༣.༦༠) སུཁཱརམྨཎེ. ‘‘སུཁསྶེཏཾ, བྷིཀྑཝེ, ཨདྷིཝཙནཾ, ཡདིདཾ པུཉྙཱནཱི’’ཏིཨཱདཱིསུ (ཨ. ནི. ༧.༦༢; ཨིཏིཝུ. ༢༢) སུཁཧེཏུམྷི. ‘‘ཡཱཝཉྩིདཾ, བྷིཀྑཝེ, ན སུཀརཾ ཨཀྑཱནེན པཱཔུཎིཏུཾ, ཡཱཝ སུཁཱ སགྒཱ (མ. ནི. ༣.༢༥༥). ན ཏེ སུཁཾ པཛཱནནྟི, ཡེ ན པསྶནྟི ནནྡན’’ནྟི (སཾ. ནི. ༡.༡༡) ཨཱདཱིསུ སུཁཔཙྩཡཊྛཱནེ. ‘‘དིཊྛདྷམྨསུཁཝིཧཱརཱ ¶ ཨེཏེ དྷམྨཱ’’ཏིཨཱདཱིསུ (མ. ནི. ༡.༨༢) ཨབྱཱབཛ྄ཛྷེ. ‘‘ནིབྦཱནཾ པརམཾ སུཁ’’ནྟིཨཱདཱིསུ (དྷ. པ. ༢༠༣-༢༠༤; མ. ནི. ༢༡༥, ༢༡༧) ནིབྦཱནེ. ཨིདྷ པནཱཡཾ སུཁཝེདནཱཡམེཝ དཊྛབྦོ.

ཝེདནཱ-སདྡོ ‘‘ཝིདིཏཱ ཝེདནཱ ཨུཔྤཛྫནྟཱི’’ཏིཨཱདཱིསུ (མ. ནི. ༣.༢༠༨) ཝེདཡིཏསྨིཾ ཡེཝ ཝཏྟཏི. དུཀྑ-སདྡོ དུཀྑཝེདནཱདུཀྑཝཏྠུདུཀྑཱརམྨཎདུཀྑཔཙྩཡདུཀྑཔཙྩཡཊྛཱནཱདཱིསུ དིསྶཏི. ཨཡཾ ཧི ‘‘དུཀྑསྶ ཙ པཧཱནཱ’’ཏིཨཱདཱིསུ (དཱི. ནི. ༡.༢༣༢; དྷ. ས. ༡༦༥; ཝིབྷ. ༥༩༤) དུཀྑཝེདནཱཡཾ དིསྶཏི. ‘‘ཛཱཏིཔི དུཀྑཱ’’ཏིཨཱདཱིསུ (དཱི. ནི. ༢.༣༨༧; ཝིབྷ. ༡༩༠) དུཀྑཝཏྠུསྨིཾ. ‘‘ཡསྨཱ ཙ ཁོ, མཧཱལི, རཱུཔཾ དུཀྑཾ དུཀྑཱནུཔཏིཏཾ དུཀྑཱཝཀྐནྟ’’ནྟིཨཱདཱིསུ (སཾ. ནི. ༣.༦༠) དུཀྑཱརམྨཎེ. ‘‘དུཀྑོ པཱཔསྶ ཨུཙྩཡོ’’ཏིཨཱདཱིསུ (དྷ. པ. ༡༡༧) དུཀྑཔཙྩཡེ. ‘‘ཡཱཝཉྩིདཾ, བྷིཀྑཝེ, ན སུཀརཾ ཨཀྑཱནེན པཱཔུཎིཏུཾ, ཡཱཝ དུཀྑཱ ནིརཡཱ’’ཏིཨཱདཱིསུ (མ. ནི. ༣.༢༥༠) དུཀྑཔཙྩཡཊྛཱནེ. ཨིདྷ པནཱཡཾ དུཀྑཝེདནཱཡམེཝ དཊྛབྦོ.

ཝཙནཏྠོ ¶ པནེཏྠ – སུཁཡཏི སཏྟཾ, སུཊྛུ ཝཱ ཁཱདཏི, ཁནཏི ཙ ཀཱཡཙིཏྟཱབཱདྷནྟི སུཁཱ, ཀཱཡིཀཙེཏསིཀཱནཾ སུཁསོམནསྶཱནམེཏཾ ཨདྷིཝཙནཾ. དུཀྑཡཏཱིཏི དུཀྑཱ, ཀཱཡིཀཙེཏསིཀཱནཾ དུཀྑདོམནསྶཱནམེཏཾ ཨདྷིཝཙནཾ. ན དུཀྑཱ ན སུཁཱཏི ཨདུཀྑམསུཁཱ, ཨུཔེཀྑཱཡེཏཾ ཨདྷིཝཙནཾ. མ-ཀཱརོ པདསནྡྷིཀརོ. ཨེཝཾ ཏཱིཧི པདེཧི པཉྩཝིདྷཱཔི ཝེདནཱ གཧིཏཱ. སབྦཱཔི ཨཱརམྨཎརསཾ ཝེདིཡནྟི ཨནུབྷཝནྟཱིཏི ཝེདནཱ. ཡོ པནཱཡཾ ཏཱིསུཔི པདེསུ སམྤཡུཏྟ-སདྡོ, ཏསྶཏྠོ – སམཾ པཀཱརེཧི ཡུཏྟཱཏི སམྤཡུཏྟཱ, ཀཏརེཧི པཀཱརེཧཱིཏི? ‘‘ཨཏྠི ཀེཙི དྷམྨཱ ཀེཧིཙི དྷམྨེཧི སཧགཏཱ སཧཛཱཏཱ སཾསཊྛཱ ཨེཀུཔྤཱདཱ ཨེཀནིརོདྷཱ ཨེཀཝཏྠུཀཱ ཨེཀཱརམྨཎཱ’’ཏི (ཀཐཱ. ༤༧༣) ཨེཝཾ ཝུཏྟེཧི ཨིམེཧི ཨེཀུཔྤཱདཏཱདཱིཧི ཙཏཱུཧི པཀཱརེཧི. ཨུཀྐཊྛནིདྡེསོ ཙེས. ཨཱརུཔྤེ ཧི ཝིནཱཔི ཨེཀཝཏྠུཀབྷཱཝཾ སམྤཡོགོ ལབྦྷཏཱིཏི. སེསཾ ཝུཏྟཏྠམེཝ. ཨཡཾ ཏཱཝེཏྠ པདཏྠཏོ ཝིནིཙྪཡོ.

ཏཾསརཱུཔཱཏི ཏསྶ པདཏྠསྶ སརཱུཔམཏྟདསྶནཏོ. ཏཏྠ སུཁསཧགཏཾ ཀཱཡཝིཉྙཱཎཾ, སོམནསྶསཧགཏཱནི ཨཊྛཱརས ཀཱམཱཝཙརཙིཏྟཱནི, པཋམདུཏིཡཏཏིཡཙཏུཏྠཛ྄ཛྷཱནིཀཱནི ཙཏུཙཏྟཱལཱིས རཱུཔཱཝཙརལོཀུཏྟརཙིཏྟཱནི ཙཱཏི ཏེསཊྛི ཙིཏྟཱནི སུཁཱཡ ཝེདནཱཡ སམྤཡུཏྟཱ ནཱམ ¶ . ཏཐཱ དུཀྑསཧགཏཾ ཀཱཡཝིཉྙཱཎཾ, དྭེ དོམནསྶསཧགཏཱནི ཙཱཏི ཏཱིཎི ཙིཏྟཱནི དུཀྑཱཡ ཝེདནཱཡ སམྤཡུཏྟཱ ནཱམ. སེསཱནི ཨུཔེཀྑཱསཧགཏཱནི པཉྩཔཉྙཱས ཙིཏྟཱནི ཨདུཀྑམསུཁཱཡ ཝེདནཱཡ སམྤཡུཏྟཱ ནཱམ. ཡཐཱ ཙ ཙིཏྟཱནཾ སུཁཱདིསམྤཡོགོ, ཨེཝཾ ཏཾཙིཏྟསམྤཡུཏྟཱནཾ ཙེཏསིཀཱནམྤི. ན ཀེཝལཉྩ ཨེཏྠེཝ, ཨིཏོ པརེསུཔི ཏིཀདུཀེསུ ཙིཏྟཝསེནེཝ ཏཾསམྤཡུཏྟཙེཏསིཀཱནམྤི སངྒཧོ ཝེདིཏབྦོ ¶ . ཡཏྠ པན ཝིསེསོ ཧོཏི, ཏཏྠ ཝཀྑཱམ. ཨིདྷ པན ཙེཏསིཀེསུ སཔྤཱིཏིཀཱནི ཝེདནཱཝཛྫིཏཱནི ཚ ཙེཏསིཀཱནི ཨེཝ པཉྩཧིཔི ཝེདནཱཧི སམྤཡུཏྟཱནི, ཨིཏརཱནི པན ཀཱཡིཀསུཁདུཀྑཝཛྫིཏཱཧི ཏཱིཧེཝ. ཏེསུ ཙ པཱིཏིཝཛྫིཏཱ པཉྩ ཡཐཱཡོགིཀཱ ཙེཝ མོཧོ ཨཧིརིཀཾ ཨནོཏྟཔྤཾ ཨུདྡྷཙྩཾ ཐིནཾ མིདྡྷཉྩཱཏི ཨིམེ ཨེཀཱདས ཡཐཱཡོགཾ ཏཱིཧིཔི. ཏཏྠཱཔི ཝིཏཀྐཝིཙཱརཱ མཧགྒཏལོཀུཏྟརབྷཱུཏཱཡ སུཁཱཡ ཨེཝ, པཱིཏི པན སབྦཏྠ སུཁཱཡ ཨེཝ, དོསཨིསྶཱམཙྪེརཀུཀྐུཙྩཱནི དུཀྑཱཡ ཨེཝ, ཝིཙིཀིཙྪཱ ཨུཔེཀྑཱཡ ཨེཝ, སེསཱནི ཨཊྛཝཱིསཏིསོམནསྶུཔེཀྑཱཧི ཨེཝ ཝེདནཱཧི སམྤཡུཏྟཱནི, ཏཏྠཱཔི ཀརུཎཱམུདིཏཱ མཧགྒཏབྷཱུཏཱཡ སུཁཱཡ ཨེཝཱཏི ཨཡཾ ཝིསེསོ. སེསཾ ཙིཏྟསམྤཡོགསདིསཾ. ཨཡཾ སརཱུཔཏོ ཝིནིཙྪཡོ.

ནཝཏྟབྦཝིབྷཱགཏོཏི ཨིམསྨིཾ ཏིཀེ སབྦཱ ཝེདནཱ སབྦཾ རཱུཔཾ ནིབྦཱནཾ སམྨུཏིཡོཏི ཨིམེ དྷམྨཱ ‘‘སུཁཱཡ ཝེདནཱཡ སམྤཡུཏྟཱ’’ཏི ཝཱ ‘‘དུཀྑཱཡ ཝེདནཱཡ སམྤཡུཏྟཱ’’ཏི ཝཱ ‘‘ཨདུཀྑམསུཁཱཡ ཝེདནཱཡ སམྤཡུཏྟཱ’’ཏི ཝཱ ན ཝཏྟབྦཱ. ན ཧི ཝེདནཱ ཝེདནཱཡ སམྤཡུཏྟཱ ཧོཏི རཱུཔཱདཡོ ཝཱ, ཏསྨཱ ཨིམེ ཨིམསྨིཾ ཏིཀེ ན ལབྦྷནྟི. ཨཡཉྩ སཔྤདེསཏྟིཀོ ཧོཏི. ཡཐཱ ཙེཏྠ, ཨེཝཾ ཨིཏོ པརེསུཔི ཏིཀདུཀེསུ ནཝཏྟབྦཡོཛནཱ. ཡཾ ཡསྨིཉྩ ན ཝུཏྟཾ ཨཏྠི, ཏསྶ སཔྤདེསཏཱ ཝེདིཏབྦཱ. ཨིཏོ པརཾ པན ཡཏྠ ཨསངྒཧིཏཱ དྷམྨཱ ཧོནྟི, ཏཏྠ ཏེསཾ ཝིབྷཱགཾ དསྶེཏྭཱ ‘‘ཨིམེ ནཝཏྟབྦཱ’’ཏི ཨེཏྟཀམེཝ ཝཀྑཱམ, ཏེནསྶ སཔྤདེསཏཱཔི ཉཱཏབྦཱ. ཡཏྠ པན ཨསངྒཧིཏཱ ནཏྠི, ཏཾ ནིཔྤདེསནྟི ཝཀྑཱམ. ཏེན ཏཏྠ ནཝཏྟབྦཱབྷཱཝོཔི ཝིཉྙཱཏབྦོ. སབྦཏྠ པན མཱཏིཀཾ ཨནུདྡྷརིཏྭཱཝ པདཏྠཾ, ཏཾསརཱུཔཝིབྷཱགཉྩ ཝཀྑཱམ. ཨཡཾ ནཝཏྟབྦཝིབྷཱགཏོ ཝིནིཙྪཡོ.

ཝེདནཱཏྟིཀཾ ནིཊྛིཏཾ.

ཝིཔཱཀཏྟིཀེ ¶ ཨཉྙམཉྙཝིསིཊྛཱནཾ ཀུསལཱཀུསལཱནཾ པཱཀཱཏི ཝིཔཱཀཱ, ཝིཔཀྐབྷཱཝམཱཔནྣཱནཾ ཨརཱུཔདྷམྨཱནམེཏཾ ཨདྷིཝཙནཾ. ཀིཉྩཱཔི ཨརཱུཔདྷམྨཱ ཝིཡ རཱུཔདྷམྨཱཔི ཀམྨསམུཊྛཱནཱ ¶ ཨཏྠི, ཨནཱརམྨཎཏྟཱ པན ཏེ ཀམྨསརིཀྑཀཱ ན ཧོནྟཱིཏི སཱརམྨཎཱ ཨརཱུཔདྷམྨཱཝ ཀམྨསརིཀྑཏྟཱ ཝིཔཱཀཱཏི ཝུཏྟཱ བཱིཛསརིཀྑཀཾ ཕལཾ ཝིཡ. ཡཐཱ ཧི སཱལིབཱིཛཏོ ནིཀྑནྟསཱིསམེཝ སཱལིཕལནྟི ཝུཙྩཏི, ན ཨངྐུརཱདཱིནི, ཏཱནི པན ‘‘སཱལིཛཱཏཱནི, སཱལིནིབྦཏྟཱནི ཙཱ’’ཏི ཝུཙྩནྟི, ཨེཝཾ ཀམྨསདིསཱ ཨརཱུཔདྷམྨཱཝ ‘‘ཝིཔཱཀཱ’’ཏི ཝུཙྩནྟི, རཱུཔདྷམྨཱ པན ཀམྨཛཱ ‘‘ཨུཔཱདིནྣཱ’’ཏི ཝུཙྩནྟི. ཝིཔཱཀདྷམྨདྷམྨཱཏི ཝིཔཱཀསབྷཱཝཱ དྷམྨཱ. ཡཐཱ ཧི ཛཱཏིཛརཱསབྷཱཝཱ སཏྟཱ ‘‘ཛཱཏིདྷམྨཱ ཛརཱདྷམྨཱ’’ཏི ཝུཙྩནྟི, ཨེཝཾ ཝིཔཱཀཛནཀཊྛེན ཝིཔཱཀསབྷཱཝཱ ཝིཔཱཀཔཀཏིཀཱ དྷམྨཱཏི ཨཏྠོ. ཏཏིཡཔདཾ ཨུབྷཡསབྷཱཝཔཊིཀྑེཔཝསེན ཝུཏྟཾ, ཨཡཾ པདཏྠོ.

ཏཏྠ ཙཏཱུསུ བྷཱུམཱིསུ ཚཏྟིཾས ཝིཔཱཀཙིཏྟཱནི ཝིཔཱཀཱ ནཱམ, ཏཐཱ ཨེཀཝཱིསཏི ཀུསལཱནི, དྭཱདས ཨཀུསལཱནི ཙཱཏི ཏེཏྟིཾས ཝིཔཱཀདྷམྨདྷམྨཱ ནཱམ, ཏཱིསུ བྷཱུམཱིསུ ཝཱིསཏི ཀིརིཡཙིཏྟཱནི, སབྦཉྩ རཱུཔཾ, ནིབྦཱནཉྩཱཏི ཨིམེ ནེཝཝིཔཱཀནཝིཔཱཀདྷམྨདྷམྨཱ ནཱམ. ཙེཏསིཀེསུ པན ཙུདྡས ཨཀུསལཱ ཝིཔཱཀདྷམྨདྷམྨཱ ཨེཝ, ཝིརཏིཡོ སིཡཱ ཝིཔཱཀཱ, སིཡཱ ཝིཔཱཀདྷམྨདྷམྨཱ, ཏདཝསེསཱ པན སིཡཱ ཝིཔཱཀཱ, སིཡཱ ཝིཔཱཀདྷམྨདྷམྨཱ, སིཡཱ ནེཝཝིཔཱཀནཝིཔཱཀདྷམྨདྷམྨཱཏི ཙིཏྟཾ ཝིཡ ཏིཝིདྷཱ ཧོནྟཱིཏི ཨཡཾ ཝིསེསོ, སེསཾ ཙིཏྟསམཾ, ཨིདཉྩ ནིཔྤདེསཏྟིཀནྟི ཝེདིཏབྦཾ.

ཝིཔཱཀཏྟིཀཾ ནིཊྛིཏཾ.

ཨཱརམྨཎཀརཎཝསེན ཏཎྷཱདིཊྛཱིཧི ཨུཔེཏེན ཀམྨུནཱ ཨཱདིནྣཱ ཕལབྷཱཝེན གཧིཏཱཏི ཨུཔཱདིནྣཱ, ཨཱརམྨཎབྷཱཝཾ ཨུཔགནྟྭཱ ཨུཔཱདཱནསམྦནྡྷེན ཨུཔཱདཱནཱནཾ ཧིཏཱཏི ཨུཔཱདཱནིཡཱ, ཨུཔཱདཱནསྶ ཨཱརམྨཎཔཙྩཡབྷཱུཏཱནམེཏཾ ཨདྷིཝཙནཾ. ཨུཔཱདིནྣཱ ཙ ¶ ཏེ ཨུཔཱདཱནིཡཱ ཙཱཏི ཨུཔཱདིནྣུཔཱདཱནིཡཱ, སཱསཝཀམྨནིབྦཏྟཱནཾ རཱུཔཱརཱུཔདྷམྨཱནམེཏཾ ཨདྷིཝཙནཾ. ཨིམིནཱ ནཡེན སེསཔདདྭཡེཔི པཊིསེདྷསཧིཏོ ཨཏྠོ ཝེདིཏབྦོ.

ཏཏྠ དྭཏྟིཾས ལོཀིཡཝིཔཱཀཙིཏྟཱནི, ནཝ ཀམྨཛཀལཱཔཱ ཙ ཨུཔཱདིནྣུཔཱདཱནིཡཱ ནཱམ. ཨཝསེསལོཀིཡཙིཏྟཱནི ཙེཝ ཨཀམྨཛརཱུཔཀལཱཔཱ ཙ ཨནུཔཱདིནྣུཔཱདཱནིཡཱ ནཱམ. ལོཀུཏྟརཙིཏྟནིབྦཱནཱནི ཨནུཔཱདིནྣཨནུཔཱདཱནིཡཱ ནཱམ. ཀིཉྩཱཔི ཁཱིཎཱསཝཱནཾ ཨུཔཱདཱནཀྑནྡྷཱ ¶ ‘‘ཨམྷཱཀཾ མཱཏུལཏྠེརོ’’ཏིཨཱདིནཱ ཝདནྟཱནཾ པརེསཾ ཨུཔཱདཱནསྶ ཨཱརམྨཎཔཙྩཡཱ ཧོནྟི, མགྒཕལནིབྦཱནཱནི པན དིཝསཾ སནྟཏྟཨཡོགུལོ༹ ཝིཡ མཀྑིཀཱཧི ཏེཛུསྶདཏྟཱ ཨུཔཱདཱནེཧི ཨནུཔཱདིནྣཱནེཝ. ཨསཾཀིལིཊྛཨསཾཀིལེསིཀེསུཔི ཨེསེཝ ནཡོ. ཙེཏསིཀེསུ པན ཀུསལཱ ཨནུཔཱདིནྣུཔཱདཱནིཡཱ ཨེཝ, ཀརུཎཱམུདིཏཱ སིཡཱ ཨུཔཱདིནྣུཔཱདཱནིཡཱ, སིཡཱ ཨནུཔཱདིནྣུཔཱདཱནིཡཱ ཝིརཏིཡོ པན སིཡཱ ཨནུཔཱདིནྣུཔཱདཱནིཡཱ, སིཡཱ ཨནུཔཱདིནྣཨནུཔཱདཱནིཡཱ, སེསཱ ཙིཏྟཾ ཝིཡ ཏིཝིདྷཱ ཧོནྟི, ཨིདཉྩ ནིཔྤདེསཏྟིཀནྟི ཝེདིཏབྦཾ. ཨུཔཱདིནྣུཔཱདཱནིཡཏྟིཀཾ.

སཾཀིལེསེཏཱིཏི སཾཀིལེསོ, ཝིབཱདྷཏི ཨུཔཏཱཔེཏཱིཏི ཨཏྠོ. སཾཀིལེསེན སམྤཡུཏྟཱ སཾཀིལིཊྛཱ, སཾཀིལེསསཧགཏཱཏི ཨཏྠོ. ཨཏྟཱནཾ ཨཱརམྨཎཾ ཀཏྭཱ པཝཏྟནེན སཾཀིལེསཾ ཨརཧནྟི, སཾཀིལེསེ ཝཱ ནིཡུཏྟཱ ཏསྶ ཨཱརམྨཎབྷཱཝཾ ཨནཏིཀྐམནཏོཏི སཾཀིལེསིཀཱ, སཾཀིལེསསྶ ཨཱརམྨཎཔཙྩཡབྷཱུཏཱནམེཏཾ ཨདྷིཝཙནཾ. སཾཀིལིཊྛཱ ཙ ཏེ སཾཀིལེསིཀཱ ཙཱཏི སཾཀིལིཊྛསཾཀིལེསིཀཱ. སེསཔདདྭཡཾ པུརིམཏྟིཀེ ཝུཏྟནཡེནེཝ ཝེདིཏབྦཾ.

ཏཏྠ དྭཱདས ཨཀུསལཙིཏྟུཔྤཱདཱ སཾཀིལིཊྛསཾཀིལེསིཀཱ ནཱམ. སེསལོཀིཡཙིཏྟཱནི ཙེཝ སབྦཾ རཱུཔཉྩ ¶ ཨསཾཀིལིཊྛསཾཀིལེསིཀཱ ནཱམ. ལོཀུཏྟརཙིཏྟཱནི, ནིབྦཱནཉྩ ཨསཾཀིལིཊྛཨསཾཀིལེསིཀཱ ནཱམ. ཙེཏསིཀེསུ པན ཨཀུསལཱ སཾཀིལིཊྛསཾཀིལེསིཀཱཝ, ཀརུཎཱམུདིཏཱ ཨསཾཀིལིཊྛཨསཾཀིལེསིཀཱཝ, སེསཀུསལཱབྱཱཀཏཱ སིཡཱ སཾཀིལིཊྛསཾཀིལེསིཀཱ, སིཡཱ ཨསཾཀིལིཊྛསཾཀིལེསིཀཱ, སིཡཱ ཨསཾཀིལིཊྛཨསཾཀིལེསིཀཱཏི ཏིདྷཱཔི ཧོནྟི, ཨིདཉྩ ནིཔྤདེསཏྟིཀཾ. སཾཀིལིཊྛསཾཀིལེསིཀཏྟིཀཾ.

སམྤཡོགཝསེན ཝཏྟམཱནེན སཧ ཝིཏཀྐེན སཝིཏཀྐཱ, ཏཐཱ སཧ ཝིཙཱརེན སཝིཙཱརཱ, སཝིཏཀྐཱ ཙ ཏེ སཝིཙཱརཱ ཙཱཏི སཝིཏཀྐསཝིཙཱརཱ. ཨུབྷཡརཧིཏཱ ཨཝིཏཀྐཨཝིཙཱརཱ. ཝིཏཀྐཝིཙཱརེསུ ཝིཙཱརོཝ མཏྟཱ པམཱཎམེཏེསནྟི ཝིཙཱརམཏྟཱ, ཝིཙཱརཏོ ཨུཏྟརིཾ ཝིཏཀྐེན སདྡྷིཾ སམྤཡོགཾ ན གཙྪནྟཱིཏི ཨཏྠོ. ཨཝིཏཀྐཱ ཙ ཏེ ཝིཙཱརམཏྟཱ ཙཱཏི ཨཝིཏཀྐཝིཙཱརམཏྟཱ.

ཏཏྠ དྭིཔཉྩཝིཉྙཱཎཝཛྫིཏཀཱམཱཝཙརཙིཏྟཱནི ཙེཝ ཨེཀཱདས མཧགྒཏལོཀུཏྟརཔཋམཛ྄ཛྷཱནིཀཙིཏྟཱནི ¶ ཙ ཏཾསམྤཡུཏྟེསུ ཝིཏཀྐཝིཙཱརེ ཋཔེཏྭཱ སེསཱ ཙ སཝིཏཀྐསཝིཙཱརཱ ནཱམ. ཏེསུ ཝིཏཀྐོ ཨེཀཱདས དུཏིཡཛ྄ཛྷཱནིཀམཧགྒཏལོཀུཏྟརཱནི ཙ ཏཾསམྤཡུཏྟེསུ ཝིཙཱརཾ ཋཔེཏྭཱ སེསཱ ཙ ཨཝིཏཀྐཝིཙཱརམཏྟཱ ནཱམ. དུཏིཡཛ྄ཛྷཱནིཀེསུ ཝིཙཱརོ, སེསཱ པཉྩཙཏྟཱལཱིས མཧགྒཏལོཀུཏྟརཙིཏྟཱནི, དྭིཔཉྩཝིཉྙཱཎཱནི, ཏཾསམྤཡུཏྟཱ ཙ སབྦཉྩ རཱུཔཾ, ནིབྦཱནཉྩ ཨཝིཏཀྐཨཝིཙཱརཱ ནཱམ. ཨཔིཙ ཀུསལཙེཏསིཀཱ སཝིཏཀྐསཝིཙཱརཱཝ, ཝིཏཀྐོ ཨཝིཏཀྐཝིཙཱརམཏྟོཝ, ཝིཙཱརོ པན དུཏིཡཛ྄ཛྷཱནིཀེསུ སིཡཱ ཨཝིཏཀྐཨཝིཙཱརོ, སཝིཏཀྐཙིཏྟེསུ སིཡཱ ན ཝཏྟབྦོ, ཨཝསེསཱ པན སབྦེ ཙེཏསིཀཱ དྷམྨཱ ཏིདྷཱཔི ཧོནྟི. ཨིམསྨིཾ པན ཏིཀེ ཝིཏཀྐསཧཛཱཏོ ཝིཙཱརོཝ ན ཝཏྟབྦོ. ཝིཏཀྐཏྟིཀཾ.

པཱིཏིཡཱ ¶ སཧ ཨེཀུཔྤཱདཱདིབྷཱཝཾ གཏཱཏི པཱིཏིསཧགཏཱ, པཱིཏིསམྤཡུཏྟཱཏི ཨཏྠོ. སེསཔདདྭཡེཔི ཨེསེཝ ནཡོ. ཨུཔེཀྑཱཏི ཙེཏྠ ཨདུཀྑམསུཁཱ ཝེདནཱ ཝུཏྟཱ. སཱ ཧི སུཁདུཀྑཱཀཱརཔྤཝཏྟིཾ ཨུཔེཀྑཏི མཛ྄ཛྷཏྟཱཀཱརསཎྛིཏཏྟཱ ཏེནཱཀཱརེན པཝཏྟཏཱིཏི ཨུཔེཀྑཱ. ཨིཏི ཝེདནཱཏྟིཀཏོ པདདྭཡམེཝ གཧེཏྭཱ ནིཔྤཱིཏིཀསུཁསྶ སཔྤཱིཏིཀསུཁཏོ ཝིསེསདསྶནཝསེན ཨཡཾ ཏིཀོ ཝུཏྟོ.

ཏཏྠ པཱིཏི པཉྩཝིདྷཱ ཁུདྡིཀཱ ཁཎིཀཱ ཨོཀྐནྟིཀཱ ཨུབྦེགཱ ཕརཎཱཏི. ཏཏྠ ཁུདྡིཀཱ པཱིཏི སརཱིརེ ལོམཧཾསནམཏྟམེཝ ཀཱཏུཾ སཀྐོཏི. ཁཎིཀཱ པཱིཏི ཁཎེ ཁཎེ ཝིཛྫུཔྤཱདསདིསཱ ཧོཏི. ཨོཀྐནྟིཀཱ པཱིཏི སམུདྡཏཱིརཾ ཝཱིཙི ཝིཡ ཀཱཡཾ ཨོཀྐམིཏྭཱ ཨོཀྐམིཏྭཱ བྷིཛྫཏི. ཨུབྦེགཱ པཱིཏི བལཝཏཱི ཧོཏི ཀཱཡཾ ཨུདྡྷགྒཾ ཀཏྭཱ ཨཱཀཱསེ ལངྒྷཱཔནཔྤམཱཎཔྤཏྟཱ. ཕརཎཱཡ པཱིཏིཡཱ པན ཨུཔྤནྣཱཡ སཀལསརཱིརཾ དྷམིཏྭཱ པཱུརིཏཝཏྠི ཝིཡ, མཧཏཱ ཨུདཀོགྷེན པཀྑནྡཔབྦཏཀུཙྪི ཝིཡ ཙ ཨནུཔརིཔྥུཊཾ ཧོཏི. ཏཏྠ ཕརཎཱ རཱུཔཱཝཙརལོཀུཏྟརཱཝ, སེསཱ ཀཱམཱཝཙརཱཝ.

སུཁཾ པན ཀཱཡིཀཾ, ཙེཏསིཀཉྩེཏི དུཝིདྷཾ ཧོཏི. སཏིཔི ཙ ནེསཾ ཀཏྠཙི ཨཝིཔྤཡོགེ ཨིཊྛཱརམྨཎཔཊིལཱབྷཏུཊྛི པཱིཏི, པཊིལདྡྷརསཱནུབྷཝནཾ སུཁཾ. ཡཏྠ པཱིཏི, ཏཏྠ སུཁཾ. ཡཏྠ སུཁཾ, ཏཏྠ ན ནིཡམཏོ པཱིཏི. སངྑཱརཀྑནྡྷསངྒཧིཏཱ པཱིཏི, ཝེདནཱཀྑནྡྷསངྒཧིཏཾ སུཁཾ. ཀནྟཱརཁིནྣསྶ ཝནནྟོདཀདསྶནསཝནེསུ ཝིཡ པཱིཏི, ཝནཙྪཱཡཱཔཝེསནཨུདཀཔརིབྷོགེསུ ཝིཡ སུཁཾ. ཏསྨིཾ ཏསྨིཾ སམཡེ པཱཀཊབྷཱཝཏོ ཙེཏཾ ཝུཏྟནྟི ཝེདིཏབྦཾ.

ཏཏྠ ¶ སུཁསཧགཏཱ, ཨུཔེཀྑཱསཧགཏཱ ཙ ཝེདནཱཏྟིཀེ ཝུཏྟཱཝ, སུཁསཧགཏཾ པན ཀཱཡཝིཉྙཱཎཾ, མཧགྒཏལོཀུཏྟརཙཏུཏྠཛ྄ཛྷཱནིཀཙིཏྟེ ཙ ཝཛྫེཏྭཱ སེསཱ པཱིཏིསཧགཏཱ ནཱམ, ཏཏྠ པཱིཏི ན པཱིཏིསཧགཏཱ, སུཁསཧགཏཱཝ ཧོཏི ¶ , སུཁཾ པན པཱིཏིསཧགཏཾ ནཱམ སིཡཱ ན པཱིཏིསུཁསཧགཏཱ. ཨིམསྨིཾ ཏིཀེ དྭེ དོམནསྶསཧགཏཙིཏྟུཔྤཱདཱ, དུཀྑསཧགཏཾ ཀཱཡཝིཉྙཱཎཾ, རཱུཔཾ, ནིབྦཱནཉྩ ནཝཏྟབྦཱ. ཙེཏསིཀེསུ པན པཱིཏི སུཁསཧགཏཱཝ, ཝིཙིཀིཙྪཱ ཨུཔེཀྑཱསཧགཏཱཝ, ལོབྷདིཊྛིམཱནཱ, པཉྩཝཱིསཏི ཀུསལཱབྱཱཀཏཱ ཙ ཏིདྷཱཔི ཧོནྟི, ཙེཏསིཀསུཁཾ སིཡཱ པཱིཏིསཧགཏཾ, པཋམདུཏིཡཏཏིཡཛ྄ཛྷཱནིཀེསུ ཙཏུཏྠཛ྄ཛྷཱནིཀེསུ སིཡཱ ནཝཏྟབྦཾ, ཀཱཡིཀཾ པན སུཁཾ དུཀྑཾ དོམནསྶཾ སབྦཱ ཙ ཨུཔེཀྑཱ དོསོ ཨིསྶཱ མཙྪརིཡཾ ཀུཀྐུཙྩཉྩ ནཝཏྟབྦཱཝ, སེསཱ སཏྟརས དྷམྨཱ སིཡཱ ཏིདྷཱཔི ཧོནྟི ནཝཏྟབྦཱཔི. སེསཾ སུཝིཉྙེཡྻམེཝ. པཱིཏིཏྟིཀཾ.

དསྶནེནཱཏི སོཏཱཔཏྟིམགྒེན. སོ ཧི པཋམཾ ནིབྦཱནདསྶནཏོ ‘‘དསྶན’’ནྟི ཝུཏྟོ. གོཏྲབྷུ པན ཀིཉྩཱཔི པཋམཏརཾ པསྶཏི, ཡཐཱ པན རཉྙོ སནྟིཀཾ ཀེནཙིདེཝ ཀརཎཱིཡེན ཨཱགཏོ པུརིསོ དཱུརཏོཝ རཐིཀཱཡ ཙརནྟཾ ཧཏྠིཀྑནྡྷགཏཾ རཱཛཱནཾ དིསྭཱཔི ‘‘དིཊྛོ ཏེ རཱཛཱ’’ཏི པུཊྛོ དིསྭཱཔི ཀཱཏབྦཀིཙྩསྶ ཨཀཏཏྟཱ ‘‘ན པསྶཱམཱི’’ཏི ཝདཏི, ཨེཝམེཝ ནིབྦཱནཾ དིསྭཱ ཀཏྟབྦསྶ ཀིལེསཔྤཧཱནསྶ ཨབྷཱཝཱ ‘‘དསྶན’’ནྟི ན ཝུཙྩཏི. ཏཾ ཧི ཉཱཎཾ མགྒསྶ ཨཱཝཛྫནཊྛཱནེ ཏིཊྛཏི. བྷཱཝནཱཡཱཏི སེསམགྒཏྟཡེན. སེསམགྒཏྟཡཾ ཧི པཋམམགྒེན དིཊྛསྨིཾཡེཝ དྷམྨེ བྷཱཝནཱཝསེན ཨུཔྤཛྫཏི, ཨདིཊྛཔུབྦཾ ཀཉྩི ན པསྶཏི, ཏསྨཱ ‘‘བྷཱཝནཱ’’ཏི ཝུཙྩཏི. ཏཏིཡཔདཾ ཨུབྷཡཔཊིཀྑེཔཝསེན ཝུཏྟཾ.

ཏཏྠ ཙཏྟཱརོ དིཊྛིགཏསམྤཡུཏྟཙིཏྟུཔྤཱདཱ, ཝིཙིཀིཙྪཱསཧགཏོ ཙཱཏི པཉྩ དསྶནེན པཧཱཏབྦཱཝ, ཨུདྡྷཙྩསཧགཏོ བྷཱཝནཱཡ ཨེཝ པཧཱཏབྦོ, ཨཝསེསཱ ཚ ཨཀུསལཙིཏྟུཔྤཱདཱ ཨཔཱཡཧེཏུབྷཱཝེན པཝཏྟིཏོ, ཨཔྤཝཏྟིཏོ ཙ སིཡཱ དསྶནེནཔཧཱཏབྦཱ, སིཡཱ བྷཱཝནཱཡཔཧཱཏབྦཱ, ཨཀུསལཝཛྫིཏཱ ¶ པན སབྦེ ཙིཏྟུཔྤཱདཱ, རཱུཔཾ, ནིབྦཱནཉྩ ནེཝདསྶནེནནབྷཱཝནཱཡཔཧཱཏབྦཱ. ཙེཏསིཀེསུ པན དིཊྛི ཝིཙིཀིཙྪཱ ཨིསྶཱ མཙྪརིཡཾ ཀུཀྐུཙྩཾ དསྶནེནཔཧཱཏབྦཱཝ, སེསཱ ཨཀུསལཱ སིཡཱ དསྶནེནཔཧཱཏབྦཱ, སིཡཱ བྷཱཝནཱཡཔཧཱཏབྦཱཏི ཏིཛཱཏིཀཱ ཏེརསཝིདྷཱ ཧོནྟི, ཝུཏྟཱཝསེསཱ ནེཝདསྶནེནནབྷཱཝནཱཡཔཧཱཏབྦཱཝ. ཡཾ པན ‘‘སོཏཱཔཏྟིམགྒཉཱཎེན ཨབྷིསངྑཱརཝིཉྙཱཎསྶ ནིརོདྷེན སཏྟ བྷཝེ ¶ ཋཔེཏྭཱ ཨནམཏགྒེ སཾསཱརེ ཡེ ཨུཔྤཛྫེཡྻུཾ ནཱམཉྩ རཱུཔཉྩ, ཨེཏྠེཏེ ནིརུཛ྄ཛྷནྟཱི’’ཏིཨཱདིནཱ (ཙཱུལ༹ནི. ཨཛིཏམཱཎཝཔུཙྪཱནིདྡེས ༦) ནཡེན ཀུསལཱབྱཱཀཏཱནམྤི པཧཱནཾ ཨནུཉྙཱཏཾ, ཏཾ ཏེསཾ མགྒཱནཾ ཨབྷཱཝིཏཏྟཱ ཡེ ཨུཔྤཛྫེཡྻུཾ, ཏེ ཨུཔནིསྶཡཔཙྩཡཱནཾ ཀིལེསཱནཾ པཧཱིནཏྟཱ པཧཱིནཱཏི ཨིམཾ པརིཡཱཡཾ སནྡྷཱཡ ཝུཏྟཾ, ཨིདཉྩ ནིཔྤདེསཏྟིཀཾ. དསྶནེནཔཧཱཏབྦཏྟིཀཾ.

དསྶནེན པཧཱཏབྦོ ཧེཏུ ཨེཏེསནྟི དསྶནེནཔཧཱཏབྦཧེཏུཀཱ. དུཏིཡཔདེཔི ཨེསེཝ ནཡོ. ཏཏིཡཔདེ པན ནེཝདསྶནེནནབྷཱཝནཱཡཔཧཱཏབྦོ ཧེཏུ ཨེཏེསནྟི ཨེཝམཏྠཾ ཨགྒཧེཏྭཱ ནེཝདསྶནེནནབྷཱཝནཱཡ པཧཱཏབྦོ ཧེཏུ ཨེཏེསཾ ཨཏྠཱིཏི ཨེཝམཏྠོ གཧེཏབྦོ. ཨིཏརཐཱ ཧི ཨཧེཏུཀཱནཾ ཨགྒཧཎཾ བྷཝེཡྻ. ཧེཏུ ཨེཝ ཧི ཏེསཾ ནཏྠི, ཡོ དསྶནབྷཱཝནཱཧི པཧཱཏབྦོ སིཡཱ. སཧེཏུཀེསུཔི ཧེཏུཝཛྫཱནཾ པཧཱནཾ ཨཱཔཛྫཏི, ན ཧེཏཱུནཾ. ཧེཏུཡེཝ ཧི ཨེཏེསཾ ནེཝདསྶནེནནབྷཱཝནཱཡཔཧཱཏབྦོཏི ཝུཏྟོ, ན ཏེ དྷམྨཱ. ཨུབྷཡམྤི ཙེཏཾ ཨནདྷིཔྤེཏཾ, ཏསྨཱ ཝུཏྟནཡེན ཨཏྠོ གཧེཏབྦོ. ཨིཏོ པརཾ སབྦོ ཝིནིཙྪཡོ ཨནནྟརཏྟིཀསདིསོཝ. ཀེཝལཾ ཙེཏསིཀེསུ ཝིཙིཀིཙྪུདྡྷཙྩསམྤཡུཏྟོ མོཧོ དསྶནབྷཱཝནཱཧི པཧཱཏབྦཧེཏུཀེསུ ན པཝིསཏི སཧཛཱཏསྶ ཨཉྙསྶ ཧེཏུནོ ཨབྷཱཝཱ, ནེཝདསྶནེནནབྷཱཝནཱཡཔཧཱཏབྦཧེཏུཀེསུ ¶ པན པཝིསཏི. ལོབྷདོསམཱུལཙིཏྟེསུ པན ཧེཏཱུསུ མོཧོ ལོབྷེན ཙེཝ དོསེན ཙ སཧེཏུཀོ, ལོབྷདོསཱ ཙ མོཧེནེཝཱཏི ཨིམེ པཧཱཏབྦཧེཏུཀཔདེ པཝིཊྛཱཏི ཨཡཾ ཝིསེསོ, སེསཾ ཏཱདིསམེཝཱཏི. དསྶནེནཔཧཱཏབྦཧེཏུཀཏྟིཀཾ.

ཀམྨཀིལེསེཧི ཨཱཙཱིཡཏཱིཏི ཨཱཙཡོ, པཊིསནྡྷིཙུཏིགཏིཔཝཏྟིསངྑཱཏཱནཾ ཨུཔཱདིནྣཀྑནྡྷཱནམེཏཾ ཨདྷིཝཙནཾ. ཏསྶ ཀཱརཎཾ ཧུཏྭཱ ནིཔྥཱདནབྷཱཝེན ཏཾ ཨཱཙཡཾ གཙྪནྟི, ཡསྶ ཝཱ པཝཏྟནྟི, ཏཾ པུགྒལཾ ཡཐཱཝུཏྟམེཝ ཨཱཙཡཾ གམེནྟཱིཏི ཨཱཙཡགཱམིནོ. ཏཏོ ཨེཝ ཨཱཙཡསངྑཱཏཱ ཙཡཱ ཨཔེཏཏྟཱ ནིབྦཱནཾ ཨཔེཏཾ ཙཡཱཏི ཨཔཙཡོ, ཏཾ ཨཱརམྨཎཾ ཀཏྭཱ པཝཏྟནཏོ ཨཔཙཡཾ གཙྪནྟཱིཏི ཨཔཙཡགཱམིནོ. ཨཔིཙ པཱཀཱརཾ ཨིཊྛཀཝཌྜྷཀཱི ཝིཡ པཝཏྟཾ ཨཱཙིནནྟཱ གཙྪནྟཱིཏི ཨཱཙཡགཱམིནོ. ཏེནེཝ ཝཌྜྷཀིནཱ ཙིཏཾ ཙིཏཾ ཝིདྡྷཾསཡམཱནོ པུརིསོ ཝིཡ ཏདེཝ པཝཏྟཾ ཨཔཙིནནྟཱ གཙྪནྟཱིཏི ཨཔཙཡགཱམིནོ. ཏཏིཡཔདཾ ཨུབྷཡཔཊིཀྑེཔེན ཝུཏྟཾ.

ཏཏྠ ལོཀིཡཀུསལཱཀུསལཱནི ཨཱཙཡགཱམིནོ ནཱམ, ཙཏྟཱརི མགྒཱནི ཨཔཙཡགཱམིནོ ནཱམ ¶ , སབྦཱནི ཝིཔཱཀཕལཀིརིཡཱནི, རཱུཔཾ, ནིབྦཱནཉྩ ནེཝཨཱཙཡགཱམིནོ ན ཨཔཙཡགཱམིནོ ནཱམ. ཙེཏསིཀེསུ པན ཨཀུསལཱ ཨཱཙཡགཱམིནོ ཨེཝ, ཀརུཎཱ མུདིཏཱ སིཡཱ ཨཱཙཡགཱམིནོ, སིཡཱ ནེཝཱཙཡགཱམིནོ ན ཨཔཙཡགཱམིནོ ནཱམ, སེསཱ ཏིདྷཱཔི ཧོནྟི, ཨིདཉྩ ནིཔྤདེསཏྟིཀཾ. ཨཱཙཡགཱམིཏྟིཀཾ.

ཏཱིསུ སིཀྑཱསུ ཛཱཏཱ, སཏྟནྣཾ ཝཱ སེཁཱནཾ ཨེཏེཏིཔི སེཁཱ, ཨཔརིཡོསིཏསིཀྑཏྟཱ སཡམེཝ སིཀྑནྟཱིཏིཔི སེཁཱ. ཨུཔརི སིཀྑིཏབྦཱབྷཱཝཏོ ན སེཁཱཏི ཨསེཁཱ, ཝུདྡྷིཔྤཏྟཱ ཝཱ སེཁཱཏིཔི ཨསེཁཱ. ཏཏིཡཔདཾ ཨུབྷཡཔཊིཀྑེཔེན ཝུཏྟཾ.

ཏཏྠ ¶ ཙཏྟཱརི ལོཀུཏྟརཀུསལཱནི, ཧེཊྛིམཱནི ཙ ཏཱིཎི སཱམཉྙཕལཱནཱིཏི སཏྟ སེཁཱ ནཱམ, ཨརཧཏྟཕལཾ ཨསེཁཱ ནཱམ, ལོཀིཡཙིཏྟཱནི, རཱུཔཾ, ནིབྦཱནཉྩ ནེཝསེཁཱ ནཱསེཁཱ ནཱམ. ཙེཏསིཀེསུ པན ཨཀུསལཱ ཙ ཨཔྤམཉྙཱ ཙ ནེཝསེཁཱ ནཱསེཁཱ ཨེཝ, སེསཱ ཏིདྷཱཔི ཧོནྟི, ཨིདཉྩ ནིཔྤདེསཏྟིཀཾ. སེཁཏྟིཀཾ.

སམནྟཏོ ཁཎྜིཏཏྟཱ ཨཔྤམཏྟཀཾ པརིཏྟནྟི ཝུཙྩཏི ‘‘པརིཏྟཾ གོམཡཔིཎྜ’’ནྟི (སཾ. ནི. ༣.༩༦) ཨཱདཱིསུ ཝིཡ. ཀཱམཱཝཙརདྷམྨཱ ཧི ཨཔྤཱནུབྷཱཝཏཱཡ པརིཏྟཱ ཝིཡཱཏི པརིཏྟཱ. ཀིལེསཝིཀྑམྦྷནསམཏྠཏཱཡ, མཧནྟཝིཔུལཕལཏཱཡ, དཱིགྷསནྟཱནཏཱཡ ཙ མཧནྟབྷཱཝཾ གཏཱ, མཧནྟེཧི ཝཱ ཨུལཱ༹རཙྪནྡཝཱིརིཡཙིཏྟཔཉྙེཧི གཏཱ པཊིཔནྣཱཏིཔི མཧགྒཏཱ. པམཱཎཀརཱ དྷམྨཱ རཱགཱདཡོ པམཱཎཾ ནཱམ, ཨཱརམྨཎཏོ ཝཱ སམྤཡོགཏོ ཝཱ ནཏྠི ཨེཏེསཾ པམཱཎཾ, པམཱཎསྶ ཙ པཊིཔཀྑཱཏི ཨཔྤམཱཎཱ.

ཏཏྠ ཙཏུཔཉྙཱས ཀཱམཱཝཙརཙིཏྟཱནི, རཱུཔཉྩ པརིཏྟཱ ནཱམ, སཏྟཝཱིསཏི རཱུཔཱརཱུཔཱཝཙརཙིཏྟཱནི མཧགྒཏཱ ནཱམ, ལོཀུཏྟརཙིཏྟཱནི, ནིབྦཱནཉྩ ཨཔྤམཱཎཱ ནཱམ. ཙེཏསིཀེསུ པན ཨཀུསལཱ པརིཏྟཱ ཨེཝ, ཨཔྤམཉྙཱ པརིཏྟམཧགྒཏཱ ཨེཝ, ཝིརཏིཡོ པརིཏྟཨཔྤམཱཎཱ ཨེཝ, སེསཱ ཏིདྷཱཔི ཧོནྟི, ཨིདཉྩ ནིཔྤདེསཏྟིཀཾ. པརིཏྟཏྟིཀཾ.

པརིཏྟཾ ཨཱརམྨཎཾ ཨེཏེསནྟི པརིཏྟཱརམྨཎཱ. སེསཔདདྭཡེཔི ཨེསེཝ ནཡོ. སཡཾ པརིཏྟཱ ཝཱ ཧོནྟུ མཧགྒཏཱ ཝཱ, པརིཏྟཱདིདྷམྨེ ཨཱརབྦྷ པཝཏྟཱ ཏདཱརམྨཎཱཏི ཝུཙྩནྟི.

ཏཏྠ ¶ ཏེཝཱིསཏི ཀཱམཱཝཙརཝིཔཱཀཱ, ཀིརིཡཱམནོདྷཱཏུཨཧེཏུཀཛཝནཉྩ པརིཏྟཱརམྨཎཱཝ, ཝིཉྙཱཎཉྩཱཡཏནནེཝསཉྙཱནཱསཉྙཱཡཏནཀུསལཝིཔཱཀཀིརིཡཱནི མཧགྒཏཱརམྨཎཱཝ, ཨཊྛ ལོཀུཏྟརཙིཏྟཱནི ཨཔྤམཱཎཱརམྨཎཱཝ, ཨཀུསལཙིཏྟཱནི ¶ ཙ ཨཊྛ ཉཱཎཝིཔྤཡུཏྟཛཝནཱནི ཙ སིཡཱ པརིཏྟཱརམྨཎཱ, སིཡཱ མཧགྒཏཱརམྨཎཱ, སིཡཱ ནཝཏྟབྦཱརམྨཎཏཱཡ ན ཝཏྟབྦཱ, ན ཀདཱཙི ཨཔྤམཱཎཱརམྨཎཱ, ཨཊྛ ཉཱཎསམྤཡུཏྟཀཱམཱཝཙརཛཝནཱནི, ཨབྷིཉྙཱ, མནོདྭཱརཱཝཛྫནཉྩཱཏི ཨེཀཱདས ཏིདྷཱཔི ཧོནྟི ནཝཏྟབྦཱཔི. ཏེསུ ཙ ཀུསལཱནི པཉྩ ཨརཧཏྟམགྒཕལཝཛྫིཏསབྦཱརམྨཎཱནི. ཏཏྠཱཔི ཏཾཏཾསེཁཱནམེཝ ཡཐཱསཀཾ མགྒཕལཱནི ཨཱརམྨཎཱནི ཧོནྟི, ཀིརིཡཱནི ཚ སབྦཐཱཔི སབྦཱརམྨཎཱནི, ཨབྷིཉྙཱཝཛྫིཏརཱུཔཱཝཙརཱནི ཙེཝ ཚ ཨཱཀཱསཱནཉྩཱཡཏནཨཱཀིཉྩཉྙཱཡཏནཙིཏྟཱནི ཙ ནིཡམེན པཉྙཏྟཱརམྨཎཏཱཡ, རཱུཔནིབྦཱནཱནཉྩ ཨནཱརམྨཎཏཱཡ སབྦཐཱ ནཝཏྟབྦཱཏི. ཙེཏསིཀེསུ པན ཨཀུསལཱ ཨཀུསལཙིཏྟསདིསཱཝ, ཝིརཏིཡོ སིཡཱ པརིཏྟཱརམྨཎཱ, སིཡཱ ཨཔྤམཱཎཱརམྨཎཱ, ཀརུཎཱམུདིཏཱ ནཝཏྟབྦཱཝ, སེསཱ ཏིདྷཱཔི ཧོནྟི སིཡཱ ནཝཏྟབྦཱཏི. སེསཾ སུཝིཉྙེཡྻམེཝ. པརིཏྟཱརམྨཎཏྟིཀཾ.

ཧཱིནཱཏི ལཱམཀཱ, ཨཀུསལཱ དྷམྨཱ. ཧཱིནཔཎཱིཏཱནཾ མཛ྄ཛྷེ བྷཝཱཏི མཛ྄ཛྷིམཱ, ཨཝསེསཱ ཏེབྷཱུམཀཱ རཱུཔཱརཱུཔདྷམྨཱཝ. ཨུཏྟམཊྛེན, ཨཏཔྤཀཊྛེན ཙ པཎཱིཏཱ, ལོཀུཏྟརཙིཏྟནིབྦཱནཱནི. ཙེཏསིཀེསུ པན ཨཀུསལཱ ཧཱིནཱཝ, ཀརུཎཱམུདིཏཱ མཛ྄ཛྷིམཱཝ, སེསཀུསལཱབྱཱཀཏཱ མཛ྄ཛྷིམཔཎཱིཏཱཝ, སེསཱ ཏིདྷཱཔི ཧོནྟི, ཨིདཉྩ ནིཔྤདེསཏྟིཀཾ. སེསཾ སུཝིཉྙེཡྻམེཝ. ཧཱིནཏྟིཀཾ.

‘‘ཧིཏསུཁཱཝཧཱ མེ བྷཝིསྶནྟཱི’’ཏི ཨེཝཾ ཨཱསཱིསིཏཱཔི ཏཐཱ ཨབྷཱཝཏོ, ཨསུབྷཱདཱིསུཡེཝ སུབྷནྟིཨཱདིཝིཔརཱིཏཔྤཝཏྟིཏོ ཙ མིཙྪཱ སབྷཱཝཱཏི མིཙྪཏྟཱ, ཝིཔཱཀདཱནེ སཏི ཁནྡྷབྷེདཱནནྟརམེཝ ཝིཔཱཀདཱནཏོ ནིཡཏཱ, མིཙྪཏྟཱ ཙ ཏེ ནིཡཏཱ ཙཱཏི མིཙྪཏྟནིཡཏཱ. ཝུཏྟཝིཔརཱིཏེན ཨཏྠེན སམྨཱ སབྷཱཝཱཏི སམྨཏྟཱ, སམྨཏྟཱ ཙ ཏེ ནིཡཏཱ ཙཱཏི སམྨཏྟནིཡཏཱ. ཨུབྷཡཐཱཔི ན ནིཡཏཱཏི ཨནིཡཏཱ.

ཨཱནནྟརིཀབྷཱཝེན ¶ པཝཏྟིཡཾ སིཡཱ མིཙྪཏྟནིཡཏཱ, ཨཉྙཐཱ པཝཏྟིཡཾ སིཡཱ ཨནིཡཏཱ. ཨཧེཏུཀཨཀིརིཡནཏྠིཀདིཊྛཱིསུ ཧི ཨཉྙཏརཱ དིཊྛི ཡསྶ ནིཡཏཱ, ཏཾ བུདྡྷསཏམྤི ཝིབོདྷེཏུཾ ¶ ན སཀྐོཏི. ཡེན ཙ ཨནནྟརེ ཨེཝ ཨཏྟབྷཱཝེ ཕལདཱནཏོ ཨཱནནྟརིཀེསུ མཱཏུགྷཱཏཀཔིཏུགྷཱཏཀཨརཧནྟགྷཱཏཀསངྒྷབྷེདཀལོཧིཏུཔྤཱདཀསངྑཱཏེསུ པཉྩསུ ཀམྨེསུ ཨེཀམྤི ཀམྨཾ པཊིགྷཙིཏྟེན ཀཏཾ ཧོཏི, སོ སིནེརུཔྤམཱཎེཔི སུཝཎྞཐཱུཔེ ཀཏྭཱ སཀལཙཀྐཝཱལ༹ཾ པཱུརེཏྭཱ ནིསིནྣསམྦུདྡྷཔྤམུཁཾ སངྒྷཾ ཡཱཝཛཱིཝཾ ཙཏཱུཧི པཙྩཡེཧི ཨུཔཊྛཧིཏྭཱཔི ཏེན ཀུསལེན ཨཱནནྟརིཀསྶ ཝིཔཱཀཾ པཊིབཱཧིཏུཾ ན སཀྐོཏི, ཨཱནནྟརིཀེན པན ཨདྷིཀེན ཨཱནནྟརིཀཾ པཊིབཱཧཏི, ཏསྨཱ ནིཡཏམིཙྪཱདིཊྛི ཨཱནནྟརིཀཱ ཙ མགྒཕལཱནཾ, མཧགྒཏཱནཉྩ པཊིབཱཧཀཏཱཡ ཨནནྟརམེཝ ནིརཡེ ཝིཔཱཀདཱནཏོ མིཙྪཏྟནིཡཏཱ ཙ ཛཱཏཱ, ཙཏྟཱརོ པན མགྒཱ སམྨཏྟནིཡཏཱ ནཱམ, སེསཙིཏྟརཱུཔནིབྦཱནཱནི ཨནིཡཏཱ ནཱམ. ཙེཏསིཀེསུ པན མོཧོ ཨཧིརིཀཾ ཨནོཏྟཔྤཾ ཨུདྡྷཙྩཾ ལོབྷོ དིཊྛི དོསོ ཐིནཾ མིདྡྷནྟི ཨིམེ ནཝ སིཡཱ མིཙྪཏྟནིཡཏཱ, སིཡཱ ཨནིཡཏཱ, སེསཨཀུསལཱ, ཀརུཎཱ, མུདིཏཱ ཙ ཨནིཡཏཱ ཨེཝ, སེསཀུསལཱབྱཱཀཏཱ སིཡཱ སམྨཏྟནིཡཏཱ, སིཡཱ ཨནིཡཏཱ, ཏིཛཱཏིཀཱ པན ཏིདྷཱཔི ཧོནྟི, ཨིདཉྩ ནིཔྤདེསཏྟིཀནྟི. མིཙྪཏྟཏྟིཀཾ.

ནིབྦཱནཾ མགྒཏི, ཀིལེསེ ཝཱ མཱརེནྟོ གཙྪཏཱིཏི མགྒོ, ཨརིཡམགྒོ, སོ ཨཱརམྨཎམེཏེསནྟི མགྒཱརམྨཎཱ. ལོཀིཡོ ཨཊྛངྒིཀོཔི མགྒོ པཙྩཡཊྛེན ཨེཏེསཾ ཧེཏཱུཏི མགྒཧེཏུཀཱ, མགྒསམྤཡུཏྟཱ དྷམྨཱ. མགྒེ ཝཱ ཧེཏཱུཏི མགྒཧེཏཱུ, ཨལོབྷཱདཡོ. ཏེ ཨེཏེསཾ ཧེཏཱུཏི མགྒཧེཏུཀཱ. སམྨཱདིཊྛི སཡཾ མགྒོ ཙེཝ ཧེཏུ ཙ, ཨིཏི མགྒབྷཱུཏོ ཧེཏུ ཨེཏེསནྟི མགྒཧེཏུཀཱ, ལོཀུཏྟརཱཝ ¶ . ཨབྷིབྷཝིཏྭཱ པཝཏྟནཊྛེན མགྒོ ཨདྷིཔཏི ཨཱརམྨཎབྷཱུཏོ, སཧཛཱཏོ ཝཱ ཨེཏེསནྟི མགྒཱདྷིཔཏིནོ, ཏདུབྷཡཾ.

ཏཏྠ རཱུཔཱཝཙརཙཏུཏྠཛ྄ཛྷཱནཀུསལཀིརིཡཱ ཙ ཨབྷིཉྙཱབྷཱུཏཱ, མནོདྭཱརཱཝཛྫནཉྩ སིཡཱ མགྒཱརམྨཎཱ, སིཡཱ ནཝཏྟབྦཱ, ཨརིཡཱནཾ ཧི ཙེཏོཔརིཡཨནཱགཏཾསཉཱཎཱནི པརེསཉྙེཝ མགྒཙིཏྟསྶ ཛཱནནཀཱལེ མགྒཱརམྨཎཱནི, པུབྦེནིཝཱསཉཱཎམནོདྭཱརཱཝཛྫནཱནི པན ཨཏྟནོ, པརེསཉྩཱཔི ཏདཉྙཱརམྨཎཀཱལེ པན ནཝཏྟབྦཱནི, ཙེཏོཔརིཡཉཱཎསྶ པན ནིཡམེན པརཙིཏྟཝིསཡཏྟཱ ཏེན ཨཏྟནཱ ཨདྷིགཏམགྒཾ ཨརིཡཱ ཨཱལམྦིཏུཾ ན སཀྐོནྟི, ཨནཱགཏཾསཉཱཎེན པན ཨཏྟནོ ཨནཱགཏེ ཨུཔྤཛྫནཀསྶ ཨུཔརིམགྒསྶ ཨཝིསཡཏྟཱ ན སཀྐོནྟི. ཨརིཡཱ ཧི ཡཐཱསཀཾ, ཧེཊྛིམཉྩ མགྒཕལཾ ཛཱནིཏུཾ སཀྐོནྟི, ན ཨུཔརིམཾ. ཏཱནི པན ཨབྷིཉྙཱཛཝནཱནི མགྒེན ཨསཧཛཱཏཏྟཱ ན མགྒཧེཏུཀཱནི. མགྒཾ གརུཾཀཏྭཱ ཨཔྤཝཏྟནཏོ ¶ ན མགྒཱདྷིཔཏཱིནི. ན ཧི ཏཱནི ཀིཉྩི ཨཱརམྨཎཾ ཨདྷིཔཏིཾ ཀརོནྟི, ཨནྟམསོ ལོཀུཏྟརམཔི. ཀསྨཱ? ཨཏྟནོ མཧགྒཏཏཱཡ རཱཛཱནཾ དིསྭཱ ཏསྶ མཱཏཱཔིཏརོ ཝིཡ, མནོདྭཱརཱཝཛྫནཾ པན ཨཏྟནོ ཨཧེཏུཀཏཱཡ རཱཛཱནཾ དིསྭཱ ཁུཛྫཙེཊཀཱདཡོ ཝིཡ. ཙཏྟཱརི མགྒཊྛཙིཏྟཱནི སབྦདཱ མགྒཧེཏུཀཱ ཨེཝ, ཏཱནེཝ ཙ ཝཱིམཾསཱཝཱིརིཡཱནཾ ཨདྷིཔཏིབྷཱཝེན པཝཏྟིཡཾ སིཡཱ མགྒཱདྷིཔཏིནོ, ཨིཏརེསཾ ཚནྡཙིཏྟཱནཾ ཨདྷིཔཏིབྷཱཝེན པཝཏྟིཡཾ སིཡཱ ནཝཏྟབྦཱ, ཨཊྛ ཉཱཎསམྤཡུཏྟཀཱམཱཝཙརཛཝནཱནི སིཡཱ མགྒཱརམྨཎཱ, སིཡཱ མགྒཱདྷིཔཏིནོ, སིཡཱ ནཝཏྟབྦཱ. ཏཱནི ཧི ཨཏྟནཱ, པརེཧི ཙ པཊིཝིདྡྷམགྒཔཙྩཝེཀྑཎཀཱལེ མགྒཱརམྨཎཱ, ཨཏྟནོ མགྒཾ གརུཾཀཏྭཱ པཙྩཝེཀྑཎཀཱལེ མགྒཱདྷིཔཏིནོ ཙ ཏཐཱཨཔྤཝཏྟིཡཾ ནཝཏྟབྦཱ ཙ ཧོནྟི. ཨརིཡཱ ཧི པརེསཾ མགྒཕལཱནི པཙྩཝེཀྑནྟཱ ¶ གརུཾ ཀརོནྟཱཔི ཨཏྟནོ མགྒཕལཱནི ཝིཡ གརུཾ ན ཀརོནྟི, ཨཔི སམྨཱསམྦུདྡྷཱནཾ. ཏེསུ སོཏཱཔནྣོ སོཏཱཔནྣཱནམེཝ མགྒཕལཱནི ཛཱནིཏུཾ སཀྐོཏི, ནཱཉྙེསཾ, སཀདཱགཱམཱི པན སཀདཱགཱམཱིནམྤི, ན ཨནཱགཱམིཨརཧནྟཱནཾ, ཨནཱགཱམཱི པན ཨནཱགཱམཱིནམྤི, ན ཨརཧནྟཱནཾ, ཨརཧཱ པན སབྦེསམྤི མགྒཕལཱནི ཛཱནཱཏི, སོབྷནལོཀིཡཙིཏྟརཱུཔནིབྦཱནཱནི ནཝཏྟབྦཱནེཝ. ཙེཏསིཀེསུ པན ཝིརཏིཡོ ལོཀུཏྟརཀུསལེ མགྒསདིསཱཝ, ཨཉྙཏྠ ནཝཏྟབྦཱ, ཀརུཎཱ, མུདིཏཱ, ཨཀུསལཱ ཙ ནཝཏྟབྦཱ, སེསཱ ཏིདྷཱཔི ཧོནྟི ནཝཏྟབྦཱ ཙ. སེསཾ སུཝིཉྙེཡྻམེཝཱཏི. མགྒཱརམྨཎཏྟིཀཾ.

ཨུཔྤནྣཱཏི ཨེཏྠ ཝཏྟམཱནབྷཱུཏཱཔགཏཨོཀཱསཀཏབྷཱུམིལདྡྷཝསེན ཨུཔྤནྣཱ ཨནེཀཔྤབྷེདཱ ཧོནྟི. ཏཏྠ སབྦམྤི ཨུཔྤཱདཛརཱབྷངྒསམངྒཱིསངྑཱཏཾ སངྑཏཾ ཝཏྟམཱནུཔྤནྣཾ ནཱམ, ཨཱརམྨཎརསཾ ཨནུབྷཝིཏྭཱ ནིརུདྡྷཾ ཨནུབྷཱུཏཱཔགཏསངྑཱཏཾ ཀུསལཱཀུསལཉྩ ཨུཔྤཱདཱདིཏྟཡཾ ཨནུཔྤཏྭཱ ནིརུདྡྷཾ བྷཱུཏཱཔགཏསངྑཱཏཾ, སེསསངྑཏཉྩ བྷཱུཏཱཔགཏུཔྤནྣཾ ནཱམ, ‘‘ཡཱནིསྶ ཏཱནི པུབྦེཀཏཱནི ཀམྨཱནཱི’’ཏི ཨེཝམཱདིནཱ ནཡེན ཝུཏྟཾ ཀམྨཾ ཨཏཱིཏམྤི སམཱནཾ ཨཉྙཾ ཝིཔཱཀཾ པཊིབཱཧིཏྭཱ ཨཏྟནོ ཝིཔཱཀསྶོཀཱསཾ ཀཏྭཱ ཋིཏཏྟཱ, ཏཐཱཀཏོཀཱསཉྩ ཝིཔཱཀཾ ཨནུཔྤནྣམྤི ཨེཀཾསེན ཨུཔྤཛྫནཀཏོ ཨོཀཱསཀཏུཔྤནྣཾ ནཱམ, ཏཱསུ ཏཱསུ བྷཱུམཱིསུ ཨསམཱུཧཏཾ ཨཀུསལཾ བྷཱུམིལདྡྷུཔྤནྣཾ ནཱམ. ཨེཏྠ ཙ ཝིཔསྶནཱཡ ཨཱརམྨཎབྷཱུཏཱ ཏེབྷཱུམཀཱ པཉྩཀྑནྡྷཱ བྷཱུམི ནཱམ, ཏེསུ ཁནྡྷེསུ ཨུཔྤཏྟཱརཧཀིལེསཛཱཏཱ བྷཱུམིལདྡྷཾ ནཱམ, ཏེཧི ཀིལེསེཧི སཱ བྷཱུམི ལདྡྷཱ ཧོཏཱིཏི ཨེཝམེཏེསུ ཨུཔྤནྣེསུ ཨིདྷ ཝཏྟམཱནུཔྤནྣཱ ཨདྷིཔྤེཏཱ.

ཏཏྲཱཡཾ ཝཙནཏྠོ – པུབྦནྟཏོ ཨུཔྤཱདཏོ པཊྛཱཡ ཡཱཝ བྷངྒཱ པནྣཱ གཏཱ པཝཏྟཱཏི ཨུཔྤནྣཱ, པཙྩུཔྤནྣཱཏི ¶ ཨཏྠོ ¶ . ན ཨུཔྤནྣཱཏི ཨནུཔྤནྣཱ. པརིནིཊྛིཏཀཱརཎེཀདེསཏྟཱ ཨཝསྶཾ ཨུཔྤཛྫིསྶནྟཱིཏི ཨུཔྤཱདིནོ, ཨུབྷཡེནཱཔི ཨནཱགཏཱཝ དསྶིཏཱ. ཨཡཾ ཧི ཏིཀོ དྭིནྣཾ ཨདྡྷཱནཾ ཝསེན པཱུརེཏྭཱ དསྶིཏོ. ལདྡྷོཀཱསསྶ ཧི ཀམྨསྶ ཝིཔཱཀོ ཨུཔྤཱདཱི ནཱམ. ཡདི པན ཨཱཡཱུཧིཏཀུསལཱཀུསལཾ ཀམྨཾ སབྦཾ ཝིཔཱཀཾ དདེཡྻ, ཨསྶ ཨོཀཱསོ ན བྷཝེཡྻ. ཏཾ པན དུཝིདྷཾ ཧོཏི དྷུཝཝིཔཱཀཾ, ཨདྡྷུཝཝིཔཱཀཉྩ. ཏཏྠ པཉྩཱནནྟརིཀཨཊྛསམཱཔཏྟིཙཏུཏྠམགྒཱདི དྷུཝཝིཔཱཀཾ ནཱམ. ཏཾ པན ཀམྨཾ ཁཎཔྤཏྟམྤི ཨཏྠི ཨཔྤཏྟམྤི. ཏཏྠ ཁཎཔྤཏྟཾ ཨུཔྤནྣཾ ནཱམ, ཨཔྤཏྟཾ ཨནུཔྤནྣཾ ནཱམ. ཏསྶ དུཝིདྷསྶ ཙ ཝིཔཱཀོ དུཝིདྷོ ཧོཏི ཁཎཔྤཏྟོ ཙ ཨཔྤཏྟོ ཙ. ཏཏྠ ཁཎཔྤཏྟོ ཨུཔྤནྣོ ནཱམ, ཨཔྤཏྟོ ཙིཏྟཱནནྟརེ ཝཱ ཨུཔྤཛྫཏུ, ཀཔྤསཏསཧསྶཱཏིཀྐམེ ཝཱ དྷུཝཔཙྩཡཊྛེན ཨུཔྤཱདཱི ནཱམ ཧོཏི. མེཏྟེཡྻསྶ བོདྷིསཏྟསྶ མགྒོ ཨནུཔྤནྣོ ནཱམ ཧོཏི, ཕལཾ ཨུཔྤཱདཱི ནཱམ. ཏཏྠ ཙཏཱུསུ བྷཱུམཱིསུ ཝིཔཱཀོ, ཀམྨཛརཱུཔཉྩ ཝཏྟམཱནུཔྤནྣཱ ནཱམ, ཨུཔྤཛྫནཱརཧཱ ཨུཔྤཱདིནོ ནཱམ, ན པན ཝཏྟབྦཱ ‘‘ཨནུཔྤནྣཱ’’ཏི. ཀུསལཱཀུསལཀིརིཡཱ, ཀམྨཛརཱུཔཉྩ སིཡཱ ཨུཔྤནྣཱ, སིཡཱ ཨནུཔྤནྣཱ, ན པན ཝཏྟབྦཱ ‘‘ཨུཔྤཱདིནོ’’ཏི. ཙེཏསིཀེསུ པན ཨཀུསལཱ ཨཀུསལཙིཏྟསདིསཱཝ, སེསཱ དུཝིདྷཱཔི ཧོནྟི, ཨཏཱིཏཱ, པནེཏྠ ནིབྦཱནཉྩ ནཝཏྟབྦཱ. སེསཾ སུཝིཉྙེཡྻམེཝཱཏི. ཨུཔྤནྣཏྟིཀཾ.

ཨཏྟནོ སབྷཱཝཾ, ཨུཔྤཱདཱདིཀྑཎཾ ཝཱ པཏྭཱ ཏཾ ཨཏིཀྐམིཏྭཱ ཨིཏཱ གཏཱ པཏྟཱཏི ཨཏཱིཏཱ. ཏདུབྷཡམྤི ན ཨཱགཏཱཏི ཨནཱགཏཱ. ཏཾ ཏཾ ཀཱརཎཾ པཊིཙྩ ཨུཔྤནྣཱཏི པཙྩུཔྤནྣཱ, སབྦེ སངྑཏཱ ནཱམརཱུཔདྷམྨཱ. ན སངྑཏདྷམྨེསུ ཏེཀཱལིཀབྷཱཝཾ ཨཔྤཏྟོ ནཱམ ཨཏྠི, སབྦེཔི ཏེ ཏིདྷཱ ཧོནྟི. ནིབྦཱནཾ པནེཏྠ ནཝཏྟབྦནྟི. ཨཏཱིཏཏྟིཀཾ.

ཨཏཱིཏཾ ཨཱརམྨཎཾ ཨེཏེསནྟི ཨཏཱིཏཱརམྨཎཱ. སེསཔདདྭཡེཔི ཨེསེཝ ནཡོ.

ཏཏྠ ¶ ཀུསལཝིཔཱཀཀིརིཡཱཝསེན ཚབྦིདྷཱནི ཝིཉྙཱཎཉྩཱཡཏནནེཝསཉྙཱནཱསཉྙཱཡཏནཱནི ཧེཊྛཱ ཨཏཱིཏསམཱཔཏྟིཾ ཨཱརབྦྷ པཝཏྟིཏོ ཨཏཱིཏཱརམྨཎཱནི, དྭིཔཉྩཝིཉྙཱཎམནོདྷཱཏུཡོ པཙྩུཔྤནྣཱརམྨཎཱཝ, སེསཱ ཨེཀཱདས ཀཱམཱཝཙརཝིཔཱཀཱ, ཨཧེཏུཀཧསནཙིཏྟཉྩ ཏིདྷཱཔི ཧོནྟི, སེསཀཱམཱཝཙརཀིརིཡཀུསལཱཀུསལཱ ཙ ཨབྷིཉྙཱབྷཱུཏརཱུཔཱཝཙརཙཏུཏྠཛ྄ཛྷཱནཀུསལཀིརིཡཱ ཙ ཏིདྷཱཔི ཧོནྟི ནཝཏྟབྦཱ ཙ. ཏེསུ ཀཱམཱཝཙརཱནཾ ཨཏཱིཏཱདཱིསུ ཚསུ ཨཱརམྨཎེསུ པཝཏྟིཝིབྷཱགོ ཧེཊྛཱ ཝུཏྟོཝ. ནཝཏྟབྦཏཱ པན ཏེསུ ཉཱཎཝིཔྤཡུཏྟཛཝནཀུསལཱནཾ ¶ པཉྙཏྟཱརམྨཎཝསེནེཝ, ན ནིབྦཱནཱརམྨཎཝསེན, ཏེསུཔི ཏིཧེཏུཀཛཝནཱཝཛྫནཱནཾ མགྒཕལརཱུཔཱརཱུཔཛ྄ཛྷཱནཱནཾ, པུརེཙཱརིཀབྷཱཝེནཱཔི ནིབྦཱནཙཏུཀྐཛ྄ཛྷཱནཝིསཡཱནཉྩ པཙྩཝེཀྑཎབྷཱཝེནཱཔི ནཝཏྟབྦཏཱ ཝེདིཏབྦཱ, ཨབྷིཉྙཱནཾ པན ཨིདྡྷིཝིདྷཉཱཎསྶ ཏཱཝ ཀཱཡཝསེན ཙིཏྟཾ པརིཎཱམེཏྭཱ ཀཱཡསནྣིསྶིཏཾ ཀཏྭཱ དིསྶམཱནེན ཀཱཡེན གཙྪནྟསྶ ཨཏཱིཏཾ པཱདཀཛ྄ཛྷཱནཙིཏྟཾ ཨཱརབྦྷ པཝཏྟནཏོ ཨཏཱིཏཱརམྨཎཾ, ‘‘ཨནཱགཏེསུ རཱུཔཱནི ཨེཝཾ ཧོནྟཱུ’’ཏི ཨདྷིཊྛཧནྟསྶ ཨནཱགཏཱརམྨཎཾ, ཀཱཡཾ པན ཙིཏྟསནྣིསྶིཏཾ ཀཏྭཱ ཨདིསྶམཱནེན ཀཱཡེན གམནཀཱལེ, ཨཛ྄ཛྷཏྟཾ ཀུམཱརཝཎྞཱདཱིནཾ, བཧིདྡྷཱཔཱསཱདཀཱུཊཱགཱརཱདཱིནཉྩ པཙྩུཔྤནྣཱནཾ ནིམྨཱནཀཱལེ ཙ པཙྩུཔྤནྣཱརམྨཎཉྩ ཏཱཝ ཧོཏཱིཏི ཨེཝཾ ཨིདྡྷིཝིདྷསྶ ཚབྦིདྷམྤི ཨཛ྄ཛྷཏྟིཀཾ, བཱཧིརཉྩ ཏེཀཱལིཀཾ ཨཱརམྨཎཾ ཧོཏཱིཏི ཝེདིཏབྦཾ.

དིབྦསོཏསྶ ཀུཙྪིགཏཾ ཨཛ྄ཛྷཏྟིཀཾ, བཱཧིརཉྩ པཙྩུཔྤནྣཾ སདྡཱཡཏནམེཝཱརམྨཎཾ. ཙེཏོཔརིཡཉཱཎསྶ ཨཏཱིཏེ སཏྟདིཝསབྦྷནྟརེ, ཨནཱགཏེ སཏྟདིཝསབྦྷནྟརེ ཙ པརེསཉྙེཝ ཙིཏྟཾ ཨཏཱིཏཉྩ ཨནཱགཏཉྩཱརམྨཎཾ ཧོཏི. སཏྟདིཝསཱཏིཀྐམེ པནེཏཾ པརཙིཏྟཾ ཛཱནིཏུཾ ན སཀྐོཏི. ཨཏཱིཏཾསཨནཱགཏཾསཉཱཎཱནཾ ¶ ཧི ཨེས ཝིསཡོ, ན ཨེཏསྶ. པཙྩུཔྤནྣཙིཏྟཛཱནནཀཱལེ པནསྶ པཙྩུཔྤནྣམཱརམྨཎཾ ཧོཏི.

པཙྩུཔྤནྣཉྩ ནཱམེཏཾ ཏིཝིདྷཾ ཁཎཔཙྩུཔྤནྣཾ སནྟཏིཔཙྩུཔྤནྣཾ ཨདྡྷཱཔཙྩུཔྤནྣཉྩཱཏི. ཏཏྠ ཨུཔྤཱདཊྛིཏིབྷངྒཔྤཏྟཾ ཁཎཔཙྩུཔྤནྣཾ ནཱམ. སནྟཏིཔཙྩུཔྤནྣཾ པན དུཝིདྷཾ རཱུཔཱརཱུཔཝསེན. ཏཏྠ ཨཱཏཔཊྛཱནཱ ཨཱགནྟྭཱ གབྦྷཾ པཝིཊྛསྶ ཡཱཝ ཨནྡྷཀཱརབྷཱཝོ ན ཝིགཙྪཏི, ཨནྟོགབྦྷེ ཝཱ ཝསིཏྭཱ དིཝཱ ཨཱཏཔཊྛཱནཾ ཨོལོཀེནྟསྶ ཡཱཝ ཨཀྑཱིནཾ ཕནྡནབྷཱཝོ ན ཝཱུཔསམྨཏི, ཨཡཾ རཱུཔསནྟཏི ནཱམ. དྭེ ཏཡོ ཛཝནཝཱརཱ ཨརཱུཔསནྟཏི ནཱམ, ཏདུབྷཡཾ སནྟཏིཔཙྩུཔྤནྣནྟི ཝེདིཏབྦཾ. ཨེཀབྷཝཔརིཙྪིནྣཾ ཨདྡྷཱཔཙྩུཔྤནྣཾ ནཱམ. ཨིམསྨིཾ པན ཙེཏོཔརིཡཉཱཎཝིསཡེ ཀཏིཔཡཛཝནཝཱརཱ ཨདྡྷཱཔཙྩུཔྤནྣཾ ནཱམ. ཏཏྠ ཁཎཔཙྩུཔྤནྣཾ ཙིཏྟཾ ཙེཏོཔརིཡཉཱཎསྶ ཨཱརམྨཎཾ ན ཧོཏི ཨཱཝཛྫནེན སདྡྷིཾ ནིརུཛ྄ཛྷནཏོ. ན ཧི ཨཱཝཛྫནཛཝནཱནཾ ཨེཏྠ བྷིནྣཱརམྨཎཏཱ ཡུཏྟཱ. རཱུཔསནྟཏིཔཙྩུཔྤནྣཾ པན ཀཏིཔཡཛཝནཝཱརཔརིཙྪིནྣཾ ཨདྡྷཱཔཙྩུཔྤནྣཾ ཨསྶ ཨཱརམྨཎཾ ཧོཏི. ཨིདྡྷིམཱ ཧི པརསྶ ཙིཏྟཾ ཛཱནིཏུཀཱམོ ཨཱཝཛྫེཏི, ཏཾ ཨཱཝཛྫིཏཀྑཎེ པཙྩུཔྤནྣཙིཏྟམཱརམྨཎཾ ཀཏྭཱ ཏེནེཝ སཧ ནིརུཛ྄ཛྷཏི. ཏཏོ ཏདེཝ ནིརུདྡྷཾ ཙིཏྟམཱལམྦིཏྭཱ ཙཏྟཱརི, པཉྩ ཝཱ ཛཝནཱནི ཨུཔྤཛྫནྟི, ཏེསཾ པཙྪིམཾ ཨིདྡྷིཙིཏྟཾ, སེསཱནི ཀཱམཱཝཙརཛཝནཱནི ¶ . ཏེསཉྩ ཨེཀཱརམྨཎཏྟེཔི ཨིདྡྷིཙིཏྟམེཝ པརསྶ ཙིཏྟཾ ཛཱནཱཏི, ན ཨིཏརཱནི. ཡཐཱ ཙཀྑུདྭཱརཝཱིཐིཡཾ ཙཀྑུཝིཉྙཱཎམེཝ རཱུཔཾ པསྶཏི, ན ཨིཏརཱནི, ཏེསུ ཙ ཨཱཝཛྫནམེཝ ནིཔྤརིཡཱཡཏོ པཙྩུཔྤནྣཱརམྨཎཾ, ཨིཏརཱནི པན ཨདྡྷཱསནྟཏིཝསེན པརིཡཱཡཏོཏི གཧེཏབྦཾ, ཨེཝམེཏསྶ ཨཏཱིཏཱནཱགཏཔཙྩུཔྤནྣཾ ཙིཏྟམེཝཱརམྨཎཾ ཧོཏི, ཏཉྩ ཁོ པརསྶེཝ, ན ཨཏྟནོ.

པུབྦེནིཝཱསཉཱཎཾ པན ནཱམགོཏྟཀསིཎཔཉྙཏྟཱདིཨནུསྶརཎེ, ནིབྦཱནཱནུསྶརཎེ ཙ ནཝཏྟབྦཱརམྨཎཾ, སངྑཏདྷམྨཱནུསྶརཎེ ¶ ཨཏཱིཏཱརམྨཎམེཝ. ཏསྶ ཧི ཨཏཱིཏེསུ སཱསཝཱནཱསཝེསུ, ཨཛ྄ཛྷཏྟིཀབཱཧིརེསུ ཙ དྷམྨེསུ ཨནཱརམྨཎཾ ནཱམ ནཏྠི, བུདྡྷཱནཾ སབྦཉྙུཏཉྙཱཎསམགཏིཀཾ ཧོཏི. ཡཐཱཀམྨཱུཔགཉཱཎསྶ ཨཛ྄ཛྷཏྟིཀཾ, བཱཧིརཉྩ ཨཏཱིཏཾ ཀུསལཱཀུསལཙེཏནཱམཏྟམེཝ. ‘‘ཙེཏོཔརིཡཉཱཎསྶ ཙིཏྟམེཝཱརམྨཎཾ ཧོཏི, ན ཏཾསམྤཡུཏྟདྷམྨཱ’’ཏི ཨཊྛཀཐཱསུ ཝུཏྟཾ, པཊྛཱནེ པན ‘‘ཀུསལཱ ཁནྡྷཱ ཨིདྡྷིཝིདྷཉཱཎསྶ ཙེཏོཔརིཡཉཱཎསྶ པུབྦེནིཝཱསཱནུསྶཏིཉཱཎསྶ ཡཐཱཀམྨཱུཔགཉཱཎསྶ ཨནཱགཏཾསཉཱཎསྶ ཨཱརམྨཎཔཙྩཡེན པཙྩཡོ’’ཏི (པཊྛཱ. ༡.༡.༤༠༤) ཝུཏྟཏྟཱ ཙེཏོཔརིཡཉཱཎཡཐཱཀམྨཱུཔགཉཱཎཱནཾ ཙིཏྟསམྤཡུཏྟཱཔི ཙེཏནཱསམྤཡུཏྟཱཔི ཙཏྟཱརོ ཁནྡྷཱ ཨཱརམྨཎཾ ཧོནྟི ཨེཝཱཏི དཊྛབྦཾ.

དིབྦཙཀྑུཉཱཎསྶ པན ཨཛ྄ཛྷཏྟིཀཾ, བཱཧིརཉྩ པཙྩུཔྤནྣཾ ཝཎྞཱཡཏནམེཝཱརམྨཎཾ. ཨནཱགཏཾསཉཱཎསྶ ཚབྦིདྷམྤི ཨནཱགཏམེཝ ཨཛ྄ཛྷཏྟཉྩ བཱཧིརཉྩཱརམྨཎཾ, ཨིདམྤི པུབྦེནིཝཱསཉཱཎཾ ཝིཡ ཨནཱགཏེ སབྦཉྙུཏཉྙཱཎསདིསནྟི. ཨེཝཾ ཨབྷིཉྙཱནཾ ཨཏཱིཏཱནཱགཏཔཙྩུཔྤནྣེསུ, ནཝཏྟབྦེསུ ཙ ཨཛ྄ཛྷཏྟིཀབཱཧིརེསུ ཚསུ ཨཱརམྨཎེསུ ཡཐཱཡོགཾ པཝཏྟི ཝེདིཏབྦཱ. སེསཱནི པནྣརས རཱུཔཱཝཙརཙིཏྟཱནི, ཨཱཀཱསཱནཉྩཱཡཏནཨཱཀིཉྩཉྙཱཡཏནཀུསལཝིཔཱཀཀིརིཡཱནི, ཨཊྛ ལོཀུཏྟརཙིཏྟཱནི, རཱུཔནིབྦཱནཱནི ཙ ནཝཏྟབྦཱནི. ཙེཏསིཀེསུ པན ཨཔྤམཉྙཱ ནཝཏྟབྦཱཝ. སེསཾ སུཝིཉྙེཡྻམེཝ. ཨཏཱིཏཱརམྨཎཏྟིཀཾ.

‘‘ཨེཝཾ པཝཏྟམཱནཱ མཡཾ ཨཏྟཱཏི གཧཎཾ གམིསྶཱམཱ’’ཏི ཨིམིནཱ ཝིཡ ཨདྷིཔྤཱཡེན ཨཏྟཱནཾ ཨདྷིཀཱརཾ ཀཏྭཱ པཝཏྟཱཏི ཨཛ྄ཛྷཏྟཱ. ཨཛ྄ཛྷཏྟ-སདྡོ པནཱཡཾ གོཙརཛ྄ཛྷཏྟེ ནིཡཀཛ྄ཛྷཏྟེ ཨཛ྄ཛྷཏྟཛ྄ཛྷཏྟེ ཝིསཡཛ྄ཛྷཏྟེཏི ཙཏཱུསུ ཨཏྠེསུ དིསྶཏི. ‘‘ཨཛ྄ཛྷཏྟརཏོ ¶ སམཱཧིཏོ’’ཏིཨཱདཱིསུ (དྷ. པ. ༣༦༢) ཧི ཨཡཾ གོཙརཛ྄ཛྷཏྟེ དིསྶཏི. ‘‘ཨཛ྄ཛྷཏྟཾ ཝཱ དྷམྨེསུ དྷམྨཱནུཔསྶཱི ཝིཧརཏཱི’’ཏིཨཱདཱིསུ ¶ (དཱི. ནི. ༢.༣༧༣) ནིཡཀཛ྄ཛྷཏྟེ. ‘‘ཚ ཨཛ྄ཛྷཏྟིཀཱནི ཨཱཡཏནཱནཱི’’ཏིཨཱདཱིསུ (མ. ནི. ༣.༣༠༤) ཨཛ྄ཛྷཏྟཛ྄ཛྷཏྟེ. ‘‘ཨཛ྄ཛྷཏྟཾ སུཉྙཏཾ ཨུཔསམྤཛྫ ཝིཧརཏཱི’’ཏིཨཱདཱིསུ (མ. ནི. ༣.༡༨༧) ཝིསཡཛ྄ཛྷཏྟེ, ཨིསྶརིཡཊྛཱནེཏི ཨཏྠོ. ཕལསམཱཔཏྟི ཧི བུདྡྷཱནཾ ཨིསྶརིཡཊྛཱནཾ ནཱམ. ཨིདྷ པནཱཡཾ ནིཡཀཛ྄ཛྷཏྟེ ཝཏྟཏི, ཏསྨཱ ཨཏྟནོ སནྟཱནེ པཝཏྟཱ པཱཊིཔུགྒལིཀཱ རཱུཔཱརཱུཔདྷམྨཱ ཨིདྷ ཨཛ྄ཛྷཏྟཱཏི ཝེདིཏབྦཱ. ཏཏོ བཧིབྷཱུཏཱ ཨིནྡྲིཡབདྡྷཱ ཝཱ ཨནིནྡྲིཡབདྡྷཱ ཝཱ རཱུཔཱརཱུཔཔཉྙཏྟིཡོ བཧིདྡྷཱ ནཱམ, ཏཏིཡཔདཾ ཏདུབྷཡཝསེན ཝུཏྟཾ.

ཏཏྠ སབྦཱནི ཙིཏྟཙེཏསིཀཱནི ཨིནྡྲིཡབདྡྷརཱུཔཾ ཏིདྷཱ ཧོནྟི, ཨནིནྡྲིཡབདྡྷརཱུཔཾ, ནིབྦཱནཔཉྙཏྟིཡོ ཙ བཧིདྡྷཱཝ. ཨིམསྨིཾ ཧི ཏིཀེ ཀུསལཏྟིཀེ ཨལབྦྷམཱནཱ པཉྙཏྟིཡོཔི ལབྦྷནྟི ཋཔེཏྭཱ ཨཱཀིཉྩཉྙཱཡཏནཱརམྨཎཾ, ཏདེཝ ཨིདྷ ནཝཏྟབྦཾ. ཏེནེཝ ཧི བྷགཝཏཱ ཨནནྟརཏྟིཀེ ‘‘ཀསིཎཱདིཔཉྙཏྟཱརམྨཎཱནི ཀཱམརཱུཔཱཝཙརཱདིཙིཏྟཱནི བཧིདྡྷཱརམྨཎཱནི, ཨཱཀིཉྩཉྙཱཡཏནཉྩ ནཝཏྟབྦ’’ནྟི ཝུཏྟཾ, ཨིདཉྩ ནིཔྤདེསཏྟིཀཾ. ཨཛ྄ཛྷཏྟཏྟིཀཾ.

ཡཐཱཝུཏྟེ ཨཛ྄ཛྷཏྟཱདིཀེ ཨཱརམྨཎཾ ཀཏྭཱ པཝཏྟཱནཾ ཝསེན ཨཡཾ ཏིཀོ ཝུཏྟོ. ཏཏྠ ཚབྦིདྷཱནི ཝིཉྙཱཎཉྩཱཡཏནནེཝསཉྙཱནཱསཉྙཱཡཏནཙིཏྟཱནི ཨཛ྄ཛྷཏྟཱརམྨཎཱནེཝ, ཨཱཀཱསཱནཉྩཱཡཏནཏྟཡཾ, རཱུཔཱཝཙརལོཀུཏྟརཙིཏྟཱནི ཙ བཧིདྡྷཱརམྨཎཱནེཝ, ཝོཊྛབྦནཝཛྫིཏཱ ཨཧེཏུཀམཧཱཝིཔཱཀཱ ཏིདྷཱཔི ཧོནྟི, ཨཝསེསཱ པན ཨཱཀིཉྩཉྙཱཡཏནཝཛྫིཏཱནི ཨཱཝཛྫནཛཝནཱནི, ཨབྷིཉྙཱ ཙ སིཡཱ ཏིདྷཱཔི ཧོནྟི, ཨཱཀིཉྩཉྙཱཡཏནཱརམྨཎསྶ ཨཱཝཛྫནཔརིཀམྨཔཙྩཝེཀྑཎཱདིབྷཱཝཔྤཝཏྟིཡཾ སིཡཱ ནཝཏྟབྦཱཏི. ཏེསཾ ¶ ཨཛ྄ཛྷཏྟཱདིཨཱརམྨཎཏཱ ཨནནྟརཏྟིཀེ, ཧེཊྛཱ ཙ ཝུཏྟནཡཱནུསཱརེན ཉཱཏབྦཱ, ཨཱཀིཉྩཉྙཱཡཏནཏྟཡཾ, པན རཱུཔནིབྦཱནཱནི ཙ ནཝཏྟབྦཱཝ. ཙེཏསིཀེསུ པན ཨཔྤམཉྙཱཝིརཏཱི བཧིདྡྷཱརམྨཎཱཝ, སེསཱ ཏིདྷཱཔི ཧོནྟི ནཝཏྟབྦཱ ཙ. སེསཾ སུཝིཉྙེཡྻམེཝ. ཨཛ྄ཛྷཏྟཱརམྨཎཏྟིཀཾ.

དཊྛབྦབྷཱཝསངྑཱཏེན སཧ ནིདསྶནེནཱཏི སནིདསྶནཱ, པཊིཧནནབྷཱཝསངྑཱཏེན སཧ པཊིགྷེནཱཏི སཔྤཊིགྷཱ, སནིདསྶནཱ ཙ ཏེ སཔྤཊིགྷཱ ཙཱཏི སནིདསྶནསཔྤཊིགྷཱ, རཱུཔཱཡཏནམེཝ. ནཱིལཱདིབྷེདམུཔཱདཱཡ པན བཧུཝཙནནིདྡེསོ. ནཏྠི ཨེཏེསཾ དཊྛབྦབྷཱཝསངྑཱཏཾ ནིདསྶནནྟི ཨནིདསྶནཱ, ཨནིདསྶནཱ ཙ ཏེ ཝུཏྟནཡེན སཔྤཊིགྷཱ ཙཱཏི ཨནིདསྶནསཔྤཊིགྷཱ, ¶ སེསཱནི ཨོལཱ༹རིཀརཱུཔཱནི. ཏཏིཡཔདཾ ཨུབྷཡཔཊིཀྑེཔེན ཝུཏྟཾ, སུཁུམརཱུཔཙིཏྟཙེཏསིཀནིབྦཱནཱནི ཨནིདསྶནཨཔྤཊིགྷཱ ནཱམ, ཨིདཉྩ ནིཔྤདེསཏྟིཀནྟི ཝེདིཏབྦཾ. སནིདསྶནཏྟིཀཾ.

ཏིཀམཱཏིཀཏྠཝཎྞནཱ ནིཊྛིཏཱ.

ཨབྷིདྷམྨདུཀམཱཏིཀཏྠཝཎྞནཱ

དུཀམཱཏིཀཱཡ པན ཧེཊྛཱ ཨནཱགཏཔདཏྠཝཎྞནཾཡེཝ ཀརིསྶཱམ. ཧེཏུགོཙྪཀེ ཏཱཝ ཧེཏཱུ དྷམྨཱཏི ཨེཏྠ ཧེཏུཧེཏུ པཙྩཡཧེཏུ ཨུཏྟམཧེཏུ སཱདྷཱརཎཧེཏཱུཏི ཙཏུབྦིདྷཱ ཧེཏཱུ. ཏཏྠ ཨལོབྷཱདཡོ ཚ དྷམྨཱ ཧེཏུཧེཏཱུ ནཱམ, ཨུཔཱདཱརཱུཔཱདཱིནཾ མཧཱབྷཱུཏཱདཡོ པཙྩཡཧེཏཱུ ནཱམ, ཝིཔཱཀུཔྤཏྟིཡཾ ཀུསལཱཀུསལཾ, ཨིཊྛཱནིཊྛཱརམྨཎཉྩ ཨུཏྟམཧེཏཱུ ནཱམ, སངྑཱརཱདཱིནཾ ཨཝིཛྫཱདཡོ སཱདྷཱརཎཧེཏཱུ ནཱམ. ཨིདྷ པན ཧེཏུཧེཏུ ཨདྷིཔྤེཏོ. ཧེཏཱུ དྷམྨཱཏི མཱུལཊྛེན ཧེཏུསངྑཱཏཱ དྷམྨཱ, ‘‘ཧེཏུདྷམྨཱ’’ཏིཔི པཱཋོ, སོཡེཝཏྠོ. ན ཧེཏཱུཏི ཏེསཉྙེཝ པཊིཀྑེཔཝཙནཾ.

ཏཏྠ ¶ ཨལོབྷོ ཨདོསོ ཨམོཧོཏི ཀུསལཱབྱཱཀཏཱ ཏཡོ, ལོབྷོ དོསོ མོཧོཏི ཨཀུསལཱ ཏཡོ ཙཱཏི ཨིམེ ཚ དྷམྨཱ ཧེཏཱུ ནཱམ. ཨིམེ ཋཔེཏྭཱ ཨཝསེསཱ ཙེཏསིཀཱ, སབྦཱནི ཙ ཙིཏྟཱནི, རཱུཔནིབྦཱནཱནི ཙཱཏི ཨིམེ དྷམྨཱ ན ཧེཏཱུ ནཱམ, ཨིདཉྩ ནིཔྤདེསདུཀནྟི ཝེདིཏབྦཾ. ཧེཏུདུཀཾ པཋམཾ.

སམྤཡོགཏོ པཝཏྟེན སཧ ཧེཏུནཱཏི སཧེཏུཀཱ. ཏཐེཝ པཝཏྟོ ནཏྠི ཨེཏེསཾ ཧེཏཱུཏི ཨཧེཏུཀཱ.

ཏཏྠ ཨཧེཏུཀཙིཏྟཝཛྫིཏཱནི ཨེཀསཏྟཏི ཙིཏྟཱནི སཧེཏུཀཱ ནཱམ. ཏེསུ དྭེ མོཧམཱུལཱནི མོཧེནེཝ སཧེཏུཀཱནི, ཨཊྛ ལོབྷམཱུལཱནི ལོབྷམོཧེཧི དྭཱིཧི, དྭེ དོསམཱུལཱནི དོསམོཧེཧི, དྭཱདས ཉཱཎཝིཔྤཡུཏྟཀུསལཱབྱཱཀཏཱནི ཨལོབྷཱདོསེཧི, སེསཱནི སཏྟཙཏྟཱལཱིས ཨལོབྷཱདཱིཧི ཏཱིཧིཔི སཧེཏུཀཱནཱིཏི, མོཧམཱུལེསུ པན མོཧོ, དྭིཔཉྩཝིཉྙཱཎཾ, མནོདྷཱཏུ, སནྟཱིརཎཏྟཡཾ, ཝོཊྛབྦནཾ, ཧསིཏུཔྤཱདཀཱནི ཨཊྛཱརས ཙིཏྟཱནི, རཱུཔནིབྦཱནཱནི ཙཱཏི ཨིམེ དྷམྨཱ ཨཧེཏུཀཱ ནཱམ. ཙེཏསིཀེསུ པན ལོབྷདོསཱ, ཝིཙིཀིཙྪཱ ཙ མོཧེནེཝ སཧེཏུཀཱ, དིཊྛིམཱནོ ¶ ལོབྷམོཧེཧི དྭཱིཧི, ཨིསྶཱམཙྪརིཡཀུཀྐུཙྩཱནི དོསམོཧེཧི, མོཧོ པན སིཡཱ ལོབྷེན, སིཡཱ དོསེནཱཏི དྭཱིཧི སཧེཏུཀོཔི མོཧམཱུལེསུ ཨཧེཏུཀོཔི, ཐིནམིདྡྷཱནི སིཡཱ ལོབྷམོཧེཧི, སིཡཱ དོསམོཧེཧཱིཏི ཏཱིཧིཔི སཧེཏུཀཱནི, ཨཧིརིཀཱནོཏྟཔྤཨུདྡྷཙྩཱནི ཏཐཱ ཙ ཀེཝལམོཧེན ཙ, ཨམོཧོ པན ཨལོབྷཱདོསེཧེཝ དྭཱིཧི, ཨལོབྷོ སིཡཱ ཨདོསཱམོཧེཧི, སིཡཱ ཨདོསེནཱཏི ¶ དྭཱིཧི, ཨདོསོ སིཡཱ ཨལོབྷཱམོཧེཧི, སིཡཱ ཨལོབྷེནཱཏི དྭཱིཧི, སེསཱ པན དྭཱཝཱིསཏི ཀུསལཱབྱཱཀཏཱ སིཡཱ ཏཱིཧི, སིཡཱ དྭཱིཧིཔི ཧེཏཱུཧི སཧེཏུཀཱ, ཚནྡོ པན ཡཐཱཡོགཾ ཏཱིཧི, པཱིཏིདོསཝཛྫིཏེཧི པཉྩཧི སིཡཱ སཧེཏུཀཱཔི ཨཧེཏུཀཱཔི, སེསཱ ཨེཀཱདས ཏིཛཱཏིཀཱ ཚཧི ཧེཏཱུཧི སཧེཏུཀཱཔི ཨཧེཏུཀཱཔི, ཝེདནཱ ཙེཏྠ དོམནསྶབྷཱུཏཱ དྭིཧེཏུཀཱཝ, སོམནསྶཨུཔེཀྑཱ ཡཐཱཡོགཾ དོསཝཛྫིཏེཧི པཉྩཧི སཧེཏུཀཱཔི ཨཧེཏུཀཱཔི, སུཁདུཀྑབྷཱུཏཱ ཨཧེཏུཀཱཝ, ཨིདཉྩ ནིཔྤདེསདུཀནྟི. དུཏིཡཾ.

ཨེཀུཔྤཱདཱདིཏཱཡ ཧེཏུནཱ སམྤཡུཏྟཱཏི ཧེཏུསམྤཡུཏྟཱ. ཧེཏུནཱ ཝིཔྤཡུཏྟཱཏི ཧེཏུཝིཔྤཡུཏྟཱ. ཨཡཾ ཧེཏུསམྤཡུཏྟདུཀོ ཨནནྟརེ ཝུཏྟསཧེཏུཀདུཀེན ཨཏྠཏོ ནིནྣཱནཱཀརཎོ. སཧེཏུཀདུཀོ ཨེཝ ཧི བྷགཝཏཱ དེསནཱཝིལཱསེན, ཏཐཱ བུཛ྄ཛྷནཀཔུགྒལཱནཾ ཝཱ ཨཛ྄ཛྷཱསཡཝསེན ཧེཏུསམྤཡུཏྟདུཀབྷཱཝེནཱཔི ཝུཏྟོ. ཨེཝཾ ཨུཔརིཔི སམཱནཏྠདུཀཱནཾ ཝཙནེ ཀཱརཎཾ ཝེདིཏབྦཾ. ཏཏིཡཾ.

ཙཏུཏྠཱདཡོ པན ཡསྨཱ པཋམདུཀདུཏིཡཏཏིཡདུཀེསུ པཋམཔདེན ཡོཛེཏྭཱ དྭེ དུཀཱ, པཋམདུཀེ ཙ པཙྪིམཔདཾ དུཏིཡདུཀེན ཡོཛེཏྭཱ ཨེཀཾ དུཀནྟི ཏཡོ དུཀཱ དེསིཏཱ, ཏསྨཱ ཏེསཾ པདཏྠོ ཝུཏྟནཡོཝ.

ཏཏྠ ཙ ཡཐེཝ ‘‘ཧེཏཱུ ཙེཝ དྷམྨཱ སཧེཏུཀཱ ཙ, སཧེཏུཀཱ ཙེཝ དྷམྨཱ ན ཙ ཧེཏཱུ’’ཏི ཨཡཾ དུཀོ སམྦྷཝཏི, ཏཐཱ ‘‘ཧེཏཱུ ཙེཝ དྷམྨཱ ཨཧེཏུཀཱ ཙ, ཨཧེཏུཀཱ ཙེཝ དྷམྨཱ ན ཙ ཧེཏཱུ’’ཏི ཨཡམྤི སམྦྷཝཏི. ཨིམིནཱ ནཡེན ཧེཏུསམྤཡུཏྟདུཀེན ཡོཛནཱཡཔི ཨེཀོ ¶ ལབྦྷཏི. ཡཐཱ ཙ ‘‘ན ཧེཏཱུ ཁོ པན དྷམྨཱ སཧེཏུཀཱཔི, ཨཧེཏུཀཱཔཱི’’ཏི ཨཡཾ ལབྦྷཏི, ཏཐཱ ‘‘ཧེཏཱུ ཁོ པན དྷམྨཱ སཧེཏུཀཱཔི, ཨཧེཏུཀཱཔཱི’’ཏི ཨཡམྤི. ཡཐཱ ཙེཏྠ སཧེཏུཀདུཀེ དྭེ དུཀཱ, ཨེཝཾ ཧེཏུསམྤཡུཏྟདུཀེཔི ‘‘ན ཧེཏཱུ ཁོ པན དྷམྨཱ ཧེཏུསམྤཡུཏྟཱཔི, ཧེཏུཝིཔྤཡུཏྟཱཔཱི’’ཏི ཙ ‘‘ཧེཏཱུ ཁོ པན དྷམྨཱ ཧེཏུསམྤཡུཏྟཱཔི, ཧེཏུཝིཔྤཡུཏྟཱཔཱི’’ཏི ཙ དྭེ དུཀཱ ལབྦྷནྟཱིཏི ཨཔརེཔི པཉྩ དུཀཱ ཧེཏུགོཙྪཀེ ཡོཛེཏུཾ སཀྐཱ. ཏེ པན བྷགཝཏཱ ཝུཏྟཱནུསཱརེནེཝ སཀྐཱ ཉཱཏུནྟི ཚསུ ཨེཝ ¶ སངྒཧིཏཱཏི ཝེདིཏབྦཱ. ཏཏྠ ཡེ ཏཱཝ ཨེཀསྨིཾ ཙིཏྟེ དྭེ ཏཡོ ཧེཏཱུ ཨེཀཏོ ཨུཔྤཛྫནྟི, ཏེ ཧེཏཱུ ཙེཝ ཨཉྙོཉྙཱཔེཀྑཱཡ སཧེཏུཀཱ ཙ ནཱམ. སཧེཏུཀཙིཏྟེསུ པན ཧེཏུཾ ཋཔེཏྭཱ སེསཱ ཙིཏྟཙེཏསིཀཱ དྷམྨཱ སཧེཏུཀཱ ཙེཝ ན ཙ ཧེཏཱུ ནཱམ. ཨིམསྨིཾ དུཀེ སབྦེ ཨཧེཏུཀདྷམྨཱ ན ཝཏྟབྦཱ. ཙེཏསིཀེསུ པན ཧེཏུཝཛྫིཏཱ ཨཀུསལཱ ཙེཝ ཀུསལཱབྱཱཀཏཱ ཙ, ཚནྡོ ཙ སཧེཏུཀོ ཙེཝ ན ཧེཏུ ཨེཝ, སེསཱ ཏིཛཱཏིཀཱ, ཏཐཱ ནཝཏྟབྦཱ ཙ, མོཧོ པན ཧེཏུ ཙེཝ སཧེཏུཀོ ཙ ནཝཏྟབྦོ ཙ. ཙཏུཏྠཾ.

ཨནནྟརདུཀོཔི ཨིམིནཱ དུཀེན སབྦཐཱཔི སདིསོཝཱཏི. པཉྩམཾ.

སཧེཏུཀཙིཏྟེསུ ཧེཏུཝཛྫིཏཱ ཙིཏྟཙེཏསིཀཱ དྷམྨཱ ནཧེཏཱུ སཧེཏཱུ ནཱམ, ཨཧེཏུཀཙིཏྟརཱུཔནིབྦཱནཱནི ནཧེཏཱུ ཨཧེཏུཀཱ ནཱམ. ཨིམསྨིཾ པན དུཀེ ཚ ཧེཏཱུ ན ཝཏྟབྦཱ. སེསཾ སུཝིཉྙེཡྻམེཝཱཏི. ཚཊྛཾ.

ཧེཏུགོཙྪཀཾ ནིཊྛིཏཾ.

སཏྟསུ ¶ ཙཱུལ༹ནྟརདུཀེསུ ཨཏྟནོ ནིཔྥཱདཀེན སཧ པཙྩཡེནཱཏི སཔྤཙྩཡཱ, ཙིཏྟཙེཏསིཀརཱུཔཱནི. ནཏྠི ཨེཏེསཾ ཨུཔྤཱདེ ཝཱ ཋིཏིཡཾ ཝཱ པཙྩཡོ ཨཧུཏྭཱ བྷཝནསྶེཝཱབྷཱཝཱཏི ཨཔྤཙྩཡཱ, ནིབྦཱནམེཝ. དེསནཱཡ པནེཏྠ པརམཏཱཡ སོཏཔཏིཏཝསེན བཧུཝཙནནིདྡེསོ ཀཏོ. ཨེཝཾ སནིདསྶནཱདཱིསུཔི. ཨིདཉྩ ཨིཏོ པརཱནི ཚ ཙ ནིཔྤདེསདུཀཱནཱིཏི ཝེདིཏབྦཱནི. ཏཏོ པརཉྩ ཡཏྠ ‘‘ཨིམེ ན ཝཏྟབྦཱ’’ཏི ན ཝཀྑཱམ, ཏཾ ནིཔྤདེསནྟི གཧེཏབྦཾ. སཔྤཙྩཡདུཀཾ.

པཙྩཡེཧི སམཱགནྟྭཱ ཀཏཱཏི སངྑཏཱ. ན སངྑཏཱཏི ཨསངྑཏཱ. ཨིདཉྩ སབྦཐཱ སཔྤཙྩཡདུཀསདིསམེཝ. སཔྤཙྩཡསངྑཏཨུབྷཡདུཀཾ སབྦཐཱ སདིསམེཝ. སངྑཏདུཀཾ.

རཱུཔཱཡཏནཾ སནིདསྶནཾ ནཱམ. སེསརཱུཔཙིཏྟཙེཏསིཀནིབྦཱནཱནི ཨནིདསྶནཱ ནཱམ. སནིདསྶནདུཀཾ.

པསཱདཝིསཡརཱུཔཱནི ¶ དྭཱདས སཔྤཊིགྷཱ ནཱམ. སེསརཱུཔཙིཏྟཙེཏསིཀནིབྦཱནཱནི ཨཔྤཊིགྷཱ ནཱམ. སཔྤཊིགྷདུཀཾ.

ཨཝིནིབྦྷོགཝསེན རཱུཔཾ ཨེཏེསཾ ཨཏྠཱིཏི རཱུཔིནོ, རུཔྤནལཀྑཎཾ ཝཱ རཱུཔཾ, ཏཾ ཨེཏེསཾ ཨཏྠཱིཏི རཱུཔིནོ, བྷཱུཏོཔཱདཱཡརཱུཔམེཝ. ན རཱུཔིནོ ཨརཱུཔིནོ, ཙིཏྟཙེཏསིཀནིབྦཱནཱནི. རཱུཔིདུཀཾ.

ལོཀོ ཝུཙྩཏི ལུཛྫནཔལུཛྫནཊྛེན ཝཊྚཾ, ཏསྨིཾ པརིཡཱཔནྣབྷཱཝེན ལོཀེ ནིཡུཏྟཱཏི ལོཀིཡཱ, པཉྩུཔཱདཱནཀྑནྡྷཱ. ཏཏོ ལོཀཏོ ཏཏྠ ཨཔརིཡཱཔནྣབྷཱཝེན ཨུཏྟིཎྞཱཏི ལོཀུཏྟརཱ, ཨརིཡམགྒཕལནིབྦཱནཱནི. ཙེཏསིཀེསུ པནེཏྠ ཡཾ ཝཏྟབྦཾ, ཏཾ ཨསེཁཏྟིཀེ ཝུཏྟནཡེན ཝེདིཏབྦཾ. ལོཀིཡདུཀཾ.

ཀེནཙི ¶ ཝིཉྙེཡྻཱཏི ཙཀྑུཝིཉྙཱཎཱདཱིསུ ཀེནཙི ཨེཀེན ཙཀྑུཝིཉྙཱཎེན ཝཱ སོཏཝིཉྙཱཎཱདིནཱ ཝཱ ཝིཛཱནིཏབྦཱ. ཀེནཙི ན ཝིཉྙེཡྻཱཏི ཏེནེཝ ཙཀྑུཝིཉྙཱཎེན ཝཱ སོཏཝིཉྙཱཎཱདིནཱ ཝཱ ན ཀེནཙི ཝིཛཱནིཏབྦཱནི. ཨེཝཾ ཧི སཏི དྭིནྣམྤི པདཱནཾ ཨཏྠནཱནཏྟཏོ དུཀོ ཧོཏི. པདབྷཱཛནཱིཡསྨིམྤི ‘‘ཡེ ཏེ དྷམྨཱ ཙཀྑུཝིཉྙེཡྻཱ, ན ཏེ དྷམྨཱ སོཏཝིཉྙེཡྻཱ’’ཏི (དྷ. ས. ༡༡༠༡) ཨེཏྟཀཾ ཨེཀདུཀནྟི ཨགྒཧེཏྭཱ ‘‘ཡེ ཏེ དྷམྨཱ ཙཀྑུཝིཉྙེཡྻཱ, ན ཏེ དྷམྨཱ སོཏཝིཉྙེཡྻཱ, ཡེ ཝཱ པན ཏེ དྷམྨཱ སོཏཝིཉྙེཡྻཱ, ན ཏེ དྷམྨཱ ཙཀྑུཝིཉྙེཡྻཱ’’ཏི (དྷ. ས. ༡༡༠༡) ཨཡམེཀོ དུཀོཏི ཝེདིཏབྦོ. ཏསྶ པན རཱུཔཾ ཙཀྑུཝིཉྙེཡྻཾ, སདྡོ ན ཙཀྑུཝིཉྙེཡྻོཏི ཨཡམཏྠོ. ཨེཝཾ སེསེསུཔི དུཀཔརིཙྪེདོ ཉཱཏབྦོ. ཏཏྠ རཱུཔཱཡཏནཾ ཙཀྑུནཱ ཝཱ ཙཀྑུཝིཉྙཱཎེན ཝཱ ཝིཉྙེཡྻཾ ནཱམ. སེསརཱུཔཱརཱུཔདྷམྨཱ ཏེནེཝ ཙཀྑུནཱ ཝཱ ཙཀྑུཝིཉྙཱཎེན ཝཱ ཀེནཙི ནཝིཉྙེཡྻཱ. ཨེཝཾ སོཏགྷཱནཛིཝ྄ཧཱཀཱཡཏབྦིཉྙཱཎམཱུལིཀཱསུཔི ཙཏཱུསུ ཡོཛནཱསུ ཝིབྷཱགོ ཡཐཱནུརཱུཔཾ ཉཱཏབྦོ. རཱུཔཱདཡོ པན པཉྩཝིསཡཱ མནོདྷཱཏུཏྟཡེན ཀེནཙི ཝིཉྙེཡྻཱ. སེསརཱུཔཱརཱུཔདྷམྨཱ ཏེནེཝ མནོདྷཱཏུཏྟཡེན ཀེནཙི ནཝིཉྙེཡྻཱ. ཀིཉྩཱཔི སཱམཉྙཏོ མནོཝིཉྙཱཎེན ཨཝིཉྙེཡྻསྶ ཨབྷཱཝཏོ པཱལི༹ཡཾ མནོཝིཉྙཱཎཝིཉྙེཡྻཝསེན དུཀོ ན ཝུཏྟོ, ཏཐཱཔི ཝིསེསཏོ ཝཏྟབྦོཝ. ཏཐཱ ཧི ཚབྦིདྷཱཔི ཀཱམཱཝཙརདྷམྨཱ ཀཱམཱཝཙརཝིཔཱཀཱདིནཱ མནོཝིཉྙཱཎེན ཀེནཙི ཝིཉྙེཡྻཱ, རཱུཔཱརཱུཔཱཝཙརལོཀུཏྟརཔཉྙཏྟིཡོ ཏེནེཝ ཀེནཙི ནཝིཉྙེཡྻཱ. ཏཐཱ ཀཱམརཱུཔཱརཱུཔཱཝཙརཔཉྙཏྟིཡོ ཨཀུསལཱདིནཱ ¶ ཀེནཙི ཝིཉྙེཡྻཱ, ལོཀུཏྟརཱ ཏེནེཝ ཀེནཙི ནཝིཉྙེཡྻཱ. ཏཐཱ ནིབྦཱནཾ ལོཀུཏྟརེན ཀེནཙི ཝིཉྙེཡྻཾ ¶ , སེསལོཀིཡལོཀུཏྟརཱ ཏེནེཝ ཀེནཙི ནཝིཉྙེཡྻཱཏི ཨིམིནཱ ནཡེན རཱུཔཱརཱུཔཱཝཙརཱདིབྷེདེན མནོཝིཉྙཱཎེན ཀེནཙི ཝིཉྙེཡྻཱཝིཉྙེཡྻདྷམྨཱ ཡཐཱཡོགཾ ཡོཛེཏབྦཱ. ཨེཝཾ སབྦེ དྷམྨཱ ཀེནཙི ཝིཉྙེཡྻཱ, ཀེནཙི ན ཝིཉྙེཡྻཱ ནཱམ. ཨིམསྨིཉྩ དུཀེ པཉྙཏྟིཡོཔི ལབྦྷནྟཱིཏི ཝེདིཏབྦཱཏི. ཀེནཙིཝིཉྙེཡྻདུཀཾ.

ཙཱུལ༹ནྟརདུཀཱ ནིཊྛིཏཱ.

ཨཱསཝགོཙྪཀེ ཨཱསམནྟཏོ སཝནྟཱིཏི ཨཱསཝཱ, ཙཀྑུཏོཔི…པེ… མནཏོཔི སཝནྟི, པཝཏྟནྟཱིཏི ཝུཏྟཾ ཧོཏི. དྷམྨཏོ ཡཱཝགོཏྲབྷུཾ, ཨོཀཱསཏོ ཡཱཝབྷཝགྒཱ སཝནྟཱིཏི ཝཱ ཨཱསཝཱ, ཨེཏེ དྷམྨེ, ཨེཏཉྩ ཨོཀཱསཾ ཨནྟོཀརིཏྭཱ པཝཏྟནྟཱིཏི ཨཏྠོ. ཨནྟོཀརཎཏྠོ ཧི ཨཡཾ ཨཱ-ཀཱརོ. ཙིརཔཱརིཝཱསིཡཊྛེན མདིརཱདིཨཱསཝཱ ཝིཡཱཏིཔི ཨཱསཝཱ. ཡདི ཙ ཙིརཔཱརིཝཱསིཡཊྛེན ཨཱསཝཱ, ཨེཏེ ཨེཝ བྷཝིཏུཾ ཨརཧནྟི. ཨནཱདིཏྟཱ ཨཱཡཏཾ ཝཱ སཾསཱརདུཀྑཾ སཝནྟི པསཝནྟཱིཏིཔི ཨཱསཝཱ. ཏཏོ ཨཉྙེ ནོ ཨཱསཝཱ ནཱམ.

ཏཏྠ ཀཱམཱསཝོ བྷཝཱསཝོ དིཊྛཱསཝོ ཨཝིཛྫཱསཝོཏི ཨིམེ ཙཏྟཱརོ ཨཱསཝཱ ནཱམ. ཏཏྠ ཨཊྛསུ ལོབྷསཧགཏཙིཏྟེསུ ཨུཔྤནྣོ སབྦོཔི ལོབྷོ ཀཱམཱསཝོ ནཱམ. ཨཊྛསཱལིནིཡཾ པན ‘‘པཉྩཀཱམགུཎིཀོ རཱགོ ཀཱམཱསཝོ’’ཏི (དྷ. ས. ཨཊྛ. ༡༡༠༢) ཙ, ‘‘དིཊྛིསཧཛཱཏོ རཱགོ ཀཱམཱསཝོ ན ཧོཏི, དིཊྛིརཱགོ ནཱམ ཧོཏཱི’’ཏི (དྷ. ས. ཨཊྛ. ༡༡༠༥) ཙ, ‘‘ཡོ བྲཧྨཱནཾ ཝིམཱནཀཔྤརུཀྑཱབྷརཎེསུ ཚནྡརཱགོ ཨུཔྤཛྫཏི, སོ ཀཱམཱསཝོ ན ཧོཏི པཉྩཀཱམགུཎིཀསྶ རཱགསྶ ཨིདྷེཝ པཧཱིནཏྟཱ’’ཏི ཙ ཝུཏྟཾ. པཱལི༹ཡཾ པན ‘‘ཀཱམཱསཝོ ཨཊྛསུ ལོབྷསཧགཏེསུ ¶ ཙིཏྟུཔྤཱདེསུ ཨུཔྤཛྫཏཱི’’ཏི (དྷ. ས. ༡༤༦༥) ཙ, ‘‘ཀཱམཱསཝཾ པཊིཙྩ དིཊྛཱསཝོ ཨཝིཛྫཱསཝོ’’ཏི (པཊྛཱ. ༣.༣.༡) ཙ ཝུཏྟཏྟཱ བྷཝཱསཝཾ ཋཔེཏྭཱ ཨཝསེསོ སབྦོཔི ལོབྷོ ཀཱམཱསཝོཏི པཉྙཱཡཏི དིཊྛིསམྤཡུཏྟརཱགསྶ, བྲཧྨཱནཾ ཝཏྠཱབྷརཎཱདཱིསུ རཱགསྶ ཙ བྷཝཱསཝཏྟཱབྷཱཝཱ. དིཊྛིཝིཔྤཡུཏྟརཱགོ ཨེཝ ཧི རཱུཔཱརཱུཔབྷཝཔཏྠནཱཝསེན པཝཏྟིཡཾ བྷཝཱསཝོ ཧོཏི ‘‘རཱུཔདྷཱཏུཡཱ ཨརཱུཔདྷཱཏུཡཱ ཨེཏྠ བྷཝརཱགཱནུསཡོ ཨནུསེཏཱི’’ཏིཨཱདིཝཙནཏོ (ཡམ. ༢.ཨནུསཡཡམཀ.༢), ན ཙ ཀཱམཱསཝབྷཝཱསཝཝིནིམུཏྟོ ལོབྷོ ཨཏྠི. ཡདི སིཡཱ, ‘‘ལོབྷོ སིཡཱ ཨཱསཝོ, སིཡཱ ནོ ཨཱསཝོ’’ཏི པཱལི༹ཡཾ ཝཏྟབྦོ བྷཝེཡྻ, ‘‘དིཊྛིཝིཔྤཡུཏྟལོབྷེན སམྤཡུཏྟོ ¶ ཨཝིཛྫཱསཝོ སིཡཱ ཨཱསཝསམྤཡུཏྟོ, སིཡཱ ཨཱསཝཝིཔྤཡུཏྟོ’’ཏི ཙ ཝཏྟབྦོ སིཡཱ. པདབྷཱཛནཱིཡེ ཙ ཀཱམཱསཝནིདྡེསེ ཨཱགཏསྶ ‘‘ཀཱམེསུ ཀཱམཙྪནྡོ’’ཏི (དྷ. ས. ༡༡༠༣) ཨིམསྶ པདསྶ ཨཊྛསཱལིནིཡཾ ‘‘པཉྩཀཱམགུཎེསུ ཀཱམཙྪནྡོ’’ཏི (དྷ. ས. ཨ. ༡༡༠༣) ཨཏྠོ ཝུཏྟོ, ཏསྶ པན པདསྶ ཝཏྠུཀཱམེསུ ཀིལེསཀཱམོཏིཔི ཨཏྠཡོཛནཱ སཀྐཱ ཀཱཏུཾ ཏེབྷུམཀསྶ དྷམྨསྶ ཝཏྠུཀཱམཏྟཱ, ཏཏྠ སབྦཏྠ རཱགསྶ ཙ ཀིལེསཀཱམཏྟཱ. ཝུཏྟཾ ཧེཏཾ དྷམྨསེནཱཔཏིནཱ མཧཱནིདྡེསེ –

‘‘ཀཏམེ ཝཏྠུཀཱམཱ? མནཱཔིཀཱ རཱུཔཱ…པེ… སབྦེཔི ཀཱམཱཝཙརཱ དྷམྨཱ, སབྦེཔི རཱུཔཱཝཙརཱ དྷམྨཱ, སབྦེཔི ཨརཱུཔཱཝཙརཱ དྷམྨཱ…པེ… ཨིམེ ཝུཙྩནྟི ཝཏྠུཀཱམཱ.

‘‘ཀཏམེ ཀིལེསཀཱམཱ? ཚནྡོ ཀཱམོ རཱགོ ཀཱམོ…པེ… ཡོ ཀཱམེསུ ཀཱམཙྪནྡོ ཀཱམརཱགོ ¶ ཀཱམནནྡཱི ཀཱམཏཎྷཱ ཀཱམསྣེཧོ ཀཱམཔརིལཱ༹ཧོ ཀཱམམུཙྪཱ ཀཱམཛ྄ཛྷོསཱནཾ ཀཱམོགྷོ ཀཱམཡོགོ ཀཱམུཔཱདཱནཾ ཀཱམཙྪནྡནཱིཝརཎཾ…པེ… ཨིམེ ཝུཙྩནྟི ཀིལེསཀཱམཱ’’ཏི (མཧཱནི. ༡).

ཨཔིཙེཏྠ ‘‘ཀཱམོགྷོ ཀཱམཡོགོ’’ཏིཨཱདིནཱ ཀིལེསཀཱམསྶ ཀཱམོགྷཱདིབྷཱཝཾ ཝདཏཱ དྷམྨསེནཱཔཏིནཱ ཝཏྠུཀཱམཏྟཝིསཡསྶ རཱགསྶ ཨཱསཝཱདིབྷཱཝོ ཨནུཉྙཱཏོ, ན པཉྩཀཨཱམགུཎིཀསྶེཝ རཱགསྶ. ན ཙ ཨོགྷཱསཝེསུ ཀོཙི ཝིསེསོ ཨཏྠི. ཨཊྛསཱལིནིཡམྤི ཧི ཨུཔཱདཱནགོཙྪཀསྶ པདབྷཱཛནཱིཡེ ‘‘ཀཱམེསུ ཀཱམཙྪནྡོ’’ཏི (དྷ. ས. ༡༢༢༠) ཨིམསྶ ‘‘ཝཏྠུཀཱམེསུ ཀཱམཙྪནྡོ’’ཏི (དྷ. ས. ཨ. ༡༢༢༠) ཨཡམེཝཏྠོ ཝུཏྟོ. ཏཏོ ཨཉྙེསུ ཧེཏུགནྠཀིལེསགོཙྪཀེསུ ལོབྷསྶེཝ ཨནཝསེསཔརིཡཱདཱནཾ ཝུཏྟཾ, ན ཨིཏརགོཙྪཀེསུ. ཏེསུ ཙ ལོབྷསྶ པཱལི༹ཨནུསཱརཏོ ཨོལོཀིཡམཱནེ ཀིལེསཀཱམམཏྟཀོ. ཨནཝསེསལོབྷཔརིཡཱདཱནཾ པཉྙཱཡཏི. ཝཱིམཾསིཏྭཱ གཧེཏབྦཾ.

ཙཏཱུསུ པན དིཊྛིགཏཝིཔྤཡུཏྟཙིཏྟེསུ ཨུཔྤནྣོ རཱུཔཱརཱུཔབྷཝེསུ ཚནྡརཱགབྷཱཝེན, ཀཱམཛ྄ཛྷོསཱནནིཀནྟིབྷཱཝེན ¶ ཙ པཝཏྟོ ལོབྷོ བྷཝཱསཝོ ནཱམ. ཨཊྛསཱལིནིཡཾ པན ‘‘སསྶཏདིཊྛིསཧཛཱཏོ རཱགོ བྷཝཱསཝོ’’ཏི (དྷ. ས. ཨཊྛ. ༡༡༠༢) ཝུཏྟཾ. པཱལི༹ཡཾ པན ‘‘བྷཝཱསཝོ ཙཏཱུསུ དིཊྛིགཏཝིཔྤཡུཏྟལོབྷསཧགཏེསཱུ’’ཏི (དྷ. ས. ༡༤༦༥) ནིཡམིཏཏྟཱ ན སཀྐཱ གཧེཏུཾ, ཨདྷིཔྤཱཡོ པན གཝེསིཏབྦོ. དྭཱསཊྛིཔབྷེདཱ སབྦཱཔི དིཊྛི དིཊྛཱསཝོ ནཱམ. ཨཊྛཝཏྠུཀོ སབྦོཔི མོཧོ ཨཝིཛྫཱསཝོ ནཱམ. ཏེསུ དིཊྛཱསཝོ པཋམེན མགྒེན པཧཱིཡཏི, ཀཱམཱསཝོ ¶ ཙཏཱུཧིཔཱིཏི ཝཏྟུཾ ཡུཏྟཾ, ‘‘ཏཏིཡེནཱ’’ཏི པན ཝུཏྟཾ. བྷཝཱསཝོ, ཨཝིཛྫཱསཝོ ཙ ཙཏུཏྠེན པཧཱིཡཏི. ཨིམེསཉྩ ཀཱམཱསཝབྷཝཱསཝཱནཾ ལོབྷསབྷཱཝཏྟཱ སབྷཱཝཏོ ཏཡོ དྷམྨཱ ཝིབྷཱགཏོ ཙཏྟཱརོ ཨཱསཝཱ ནཱམ ཛཱཏཱ. ཨིམེ ཋཔེཏྭཱ སེསཱ ལོཀིཡལོཀུཏྟརཱ སབྦེ དྷམྨཱ ནོ ཨཱསཝཱ ནཱམ. ཨཱསཝདུཀཾ པཋམཾ.

ཨཏྟཱནཾ ཨཱརམྨཎཾ ཀཏྭཱ པཝཏྟེཧི སཧ ཨཱསཝེཧཱིཏི སཱསཝཱ, སབྦེ ལོཀིཡདྷམྨཱ. ཨེཝཾ པཝཏྟམཱནཱ ནཏྠི ཨེཏེསཾ ཨཱསཝཱཏི ཨནཱསཝཱ, ནཝ ལོཀུཏྟརདྷམྨཱཝ. ཙེཏསིཀཱ པནེཏྠ ལོཀིཡདུཀེ ཝུཏྟསདིསཱཝ. སཱསཝདུཀཾ དུཏིཡཾ.

ཏཏིཡཱདཱིནཾ ཙཏུནྣཾ དུཀཱནཾ པདཏྠོ ཝུཏྟནཡོཝ. སེསམེཏྠ ཧེཏུགོཙྪཀེ ཝུཏྟནཡེན ཝེདིཏབྦཾ. ཨཡཾ པན ཝིསེསོ – ཡཐཱ ཏཏྠ ‘‘ན ཧེཏཱུ ཁོ པན དྷམྨཱ སཧེཏུཀཱཔི, ཨཧེཏུཀཱཔཱི’’ཏི ཨཡཾ ཨོསཱནདུཀོ པཋམདུཀེ དུཏིཡཔདཾ དུཏིཡདུཀེན ཡོཛེཏྭཱ ཝུཏྟོ, ཨེཝམིདྷ ‘‘ནོ ཨཱསཝཱ ཁོ པན དྷམྨཱ སཱསཝཱཔི, ཨནཱསཝཱཔཱི’’ཏི ན ཝུཏྟོ. ཨཡཉྩ ཏཏྠ ཏཏྠ ཝུཏྟནཡེན ཨིཧ སངྒཧིཏོཏི ཝེདིཏབྦོ. ཡཐཱ ཙེཏྠ, ཨེཝཾ སཉྙོཛནགོཙྪཀཱདཱིསུཔི ཡཐཱནུརཱུཔཾ ཉཱཏབྦཾ.

ཏཏྠ དྭཱདས ཨཀུསལཙིཏྟུཔྤཱདཱ ཨཱསཝསམྤཡུཏྟཱ ནཱམ. དོསམོཧམཱུལཙིཏྟེསུ མོཧོ, ཀུསལཱབྱཱཀཏཙིཏྟརཱུཔནིབྦཱནཱནི ཙ ཨཱསཝཝིཔྤཡུཏྟཱ ནཱམ. ཙེཏསིཀེསུ པན མོཧཾ ཋཔེཏྭཱ སེསཱ ཨཀུསལཱ ཨཱསཝསམྤཡུཏྟཱཝ, མོཧོ པན ཏིཛཱཏིཀོ ཙ དྭིདྷཱཔི ཧོཏི, སེསཱ ཨཱསཝཝིཔྤཡུཏྟཱ ཨེཝཱཏི. ཏཏིཡཾ.

ཙཏྟཱརོ ¶ ཨཱསཝཱ ཨཱསཝཱ ཙེཝ སཱསཝཱ ཙ ནཱམ. ཏདཝསེསཱ ལོཀིཡདྷམྨཱ སཱསཝཱ ཙེཝ ནོ ཙ ཨཱསཝཱ ནཱམ. ཨིདྷ པན ལོཀུཏྟརཱ ན ཝཏྟབྦཱ. ཙེཏསིཀེསུ པན ཨཱསཝཱཏི ཝུཏྟེཧི ¶ སེསཱ ཨཀུསལཱ, ཀརུཎཱམུདིཏཱ ཙ སཱསཝཱ ཙེཝ ནོ ཙ ཨཱསཝཱ ཨེཝ, སེསཱ ཏཐཱ ཙ ན ཝཏྟབྦཱ ཙ. ཙཏུཏྠཾ.

ཡེ པན ལོབྷམཱུལེསུ ལོབྷམོཧཱ, ལོབྷདིཊྛིམོཧོ ཙཱཏི དྭེ ཏཡོ ཨེཀཏོ ཀཏྭཱ ཨུཔྤཛྫནྟི, ཏེ ཨཱསཝཱ ཙེཝ ཨཱསཝསམྤཡུཏྟཱ ཙ ནཱམ. དྭཱདས ཨཀུསལཙིཏྟཱནི ཙེཝ ཨཱསཝཝཛྫིཏཱ ཏཾསམྤཡུཏྟཱ ཙ ཨཱསཝསམྤཡུཏྟཱ ཙེཝ ནོ ཙ ཨཱསཝཱ ནཱམ. ཨིདྷ པན ཨཱསཝཝིཔྤཡུཏྟཱ ན ཝཏྟབྦཱ. ཙེཏསིཀེསུ པན ཨཱསཝཝཛྫིཏཱ ཨཀུསལཱ ཨཱསཝསམྤཡུཏྟཱ ཙེཝ ནོ ཙ ཨཱསཝཱ ཨེཝ, མོཧོ སིཡཱ ཨཱསཝོ ཙེཝ ཨཱསཝསམྤཡུཏྟོ ཙ, སིཡཱ ན ཝཏྟབྦོ, ཏིཛཱཏིཀཱ སིཡཱ ཨཱསཝསམྤཡུཏྟཱ ཙེཝ ནོ ཙ ཨཱསཝཱ, སིཡཱ ན ཝཏྟབྦཱ, ཀུསལཱབྱཱཀཏཱ ན ཝཏྟབྦཱཝ. སེསཾ སུཝིཉྙེཡྻམེཝ. པཉྩམཾ.

ལོཀུཏྟརཝཛྫིཏཱ ཨཱསཝཝིཔྤཡུཏྟཱ སཱསཝཱ ནཱམ. ལོཀུཏྟརཱ ཨཱསཝཝིཔྤཡུཏྟཱ ཨནཱསཝཱ ནཱམ. ཨིདྷ པན ཨཱསཝསམྤཡུཏྟཱ ན ཝཏྟབྦཱཝ. ཙེཏསིཀེསུ པན ཀརུཎཱམུདིཏཱ ཨཱསཝཝིཔྤཡུཏྟཱ སཱསཝཱ ཨེཝ, མོཧོ ཏཐཱ ཙ ན ཝཏྟབྦོ ཙ, སེསཀུསལཱབྱཱཀཏཱ དྭིདྷཱཔི ཧོནྟི, ཏིཛཱཏིཀཱ དྭིདྷཱཔི ན ཝཏྟབྦཱཝ, མོཧཝཛྫིཏཱ པན ཨཀུསལཱ ན ཝཏྟབྦཱཝ. ཚཊྛཾ.

ཨཱསཝགོཙྪཀཾ ནིཊྛིཏཾ.

སཾཡོཛནགོཙྪཀེ ¶ ཡསྶ སཾཝིཛྫནྟི, ཏཾ པུགྒལཾ ཝཊྚསྨིཾ སཾཡོཛེནྟི བནྡྷནྟཱིཏི སཾཡོཛནཱ. ཏཏོ ཨཉྙེ ནོ སཾཡོཛནཱ.

ཏཏྠ ཀཱམརཱགསཾཡོཛནཾ བྷཝརཱགཔཊིགྷམཱནདིཊྛིཝིཙིཀིཙྪཱསཱིལབྦཏཔརཱམཱསཨིསྶཱམཙྪརིཡཨཝིཛྫཱསཾཡོཛནནྟི ཨིམེ དས དྷམྨཱ སཾཡོཛནཱ ནཱམ. ཏེསུ ཀཱམབྷཝདིཊྛིཨཝིཛྫཱསཾཡོཛནཱནི ཨཱསཝགོཙྪཀེ ཝུཏྟནཡཱནེཝ. ‘‘ཨནཏྠཾ མེ ཨཙརི, ཙརཏི, ཙརིསྶཏི, པིཡསྶ མེ ཨནཏྠཾ ཨཙརི, ཙརཏི, ཙརིསྶཏི, ཨཔྤིཡསྶ མེ ཨཏྠཾ ཨཙརི, ཙརཏི, ཙརིསྶཏཱི’’ཏི (དྷ. ས. ༡༠༦༦) ཨེཝཾ ཝུཏྟེཧི ནཝཧི ཨཱཀཱརེཧི སཏྟེསུ, ཨཊྛཱནཀོཔཝསེན སངྑཱརེསུ ཙ ཨུཔྤཛྫམཱནོ སབྦོཔི དོསོ པཊིགྷསཾཡོཛནཾ ནཱམ.

‘‘སེཡྻོཧམསྨི ¶ , སདིསོཧམསྨི, ཧཱིནོཧམསྨཱི’’ཏི ཨེཝཾ ཏཱིཧི ཨཱཀཱརེཧི པཝཏྟོ སབྦོ མཱནོ མཱནསཾཡོཛནཾ ནཱམ. ཏཏྠ སེཡྻསྶེཝ སཏོ པུགྒལསྶ ‘‘སེཡྻོཧམསྨི, སདིསོ, ཧཱིནོ’’ཏི ཙ ཏིདྷཱ མཱནོ ཨུཔྤཛྫཏི, ཏཐཱ སདིསཧཱིནཱནམྤི. ཏཏྠ སེཡྻསྶ སེཡྻམཱནོཝ ཡཱཐཱཝམཱནོ. ཏཐཱ སདིསསྶ སདིསམཱནོ, ཧཱིནསྶ ཧཱིནམཱནོ ཙ. ཏིཎྞམྤི ཨིཏརེ དྭེ དྭེ མཱནཱ ཨཡཱཐཱཝམཱནཱཏི ཉཱཏབྦཱ.

སཏྠུདྷམྨསངྒྷསིཀྑཱསུ, པུབྦནྟཱཔརནྟཏདུབྷཡཔཊིཙྩསམུཔྤནྣེསུ ཙ ཀངྑཏཱཝསེན པཝཏྟཱ སབྦཱཔི ཝིཙིཀིཙྪཱ ཝིཙིཀིཙྪཱསཾཡོཛནཾ ནཱམ.

གོསཱིལགོཝཏཱདཱིཧི སུདྡྷཱིཏི གཧཎཱཀཱརཔྤཝཏྟཱ དིཊྛི ཨེཝ སཱིལབྦཏཔརཱམཱསསཾཡོཛནཾ ནཱམ.

ཏདཝསེསཱ དིཊྛི དིཊྛིསཾཡོཛནནྟི གཧེཏབྦཾ.

པརལཱབྷསཀྐཱརགརུཀཱརམཱནནཝནྡནཔཱུཛནཱདཱིསུ ¶ ཨསཧནཱཀཱརེན པཝཏྟཱ ཨིསྶཱ ཨིསྶཱསཾཡོཛནཾ ནཱམ. ཨཱཝཱསམཙྪརིཡཾ ཀུལལཱབྷཝཎྞདྷམྨམཙྪརིཡནྟི པཉྩཝིདྷཾ མཙྪརིཡཾ མཙྪརིཡསཾཡོཛནཾ ནཱམ. སཀལཱརཱམེཔི ཧི པརིཝེཎོཝརཀཱདཱིསུ ཝཱ ཝསནྟོ ཏཏྠ ཨཉྙསྶ ཝཏྟསམྤནྣསྶ པེསལསྶ བྷིཀྑུནོ ཨཱགམནཾ ན ཨིཙྪཏི, ཨཱགཏསྶཱཔི ཁིཔྤཾ གམནཉྙེཝ ཨིཙྪཏི, ཨིདཾ ཨཱཝཱསམཙྪརིཡཾ ནཱམ. བྷཎྜནཀཱརཀཱདཱིནཾ པན ཏཏྠ ཝཱསཾ ཨནིཙྪཏོ ཨཱཝཱསམཙྪརིཡཾ ནཱམ ན ཧོཏི.

ཨཏྟནོ པན ཨུཔཊྛཱཀཀུལེ ཝཱ ཉཱཏིཀུལེ ཝཱ ཨཉྙསྶ པེསལསྶ ཨུཔསངྐམནཾ ཨནིཙྪཏོ ཀུལམཙྪརིཡཾ ཧོཏི, པཱཔཔུགྒལསྶ ཨནིཙྪཏོ པན ན ཧོཏི. སོ ཧི ཏེསཾ པསཱདབྷེདཱཡ པཊིཔཛྫཏཱིཏི.

ཨཏྟནཱ ལབྷནཊྛཱནེ ཙཏུཔཙྩཡཾ ལབྷནྟེ སཱིལཝནྟེ དིསྭཱ ‘‘མཱ ལབྷནྟཱུ’’ཏི ཙིནྟེནྟསྶ ལཱབྷམཙྪརིཡཾ ཧོཏི. ཡོ པན སདྡྷཱདེཡྻཾ ཝིནིཔཱཏེཏི, པཱུཏིབྷཱཝམྤི གཙྪནྟཾ ཨཉྙསྶ ན དེཏི ¶ , ཏཾ ལབྷནྟཾ དིསྭཱ ‘‘སཙེ ཨིམཾ ཨཉྙོ སཱིལཝཱ ལབྷེཡྻ, པརིབྷོགཾ གཙྪེཡྻཱ’’ཏི ཙིནྟེནྟསྶ མཙྪརིཡཾ ནཱམ ནཏྠི.

ཝཎྞོ ནཱམ ཨཏྟནཱ སདིསོ སརཱིརཝཎྞོཔི གུཎཝཎྞོཔི. ཏཏྠ ‘‘རཱུཔཝཱ པཱསཱདིཀོ’’ཏི པརསྶ སརཱིརཝཎྞཾ, ‘‘སཱིལཝཱ, དྷུཏཝཱ’’ཏིཨཱདིནཱ གུཎཝཎྞཉྩ ཨཏྟནོ ཝཎྞབྷཎནཊྛཱནེ ཝུཙྩམཱནཾ ཨསཧནྟསྶ དུཝིདྷཾ ཝཎྞམཙྪརིཡཾ ནཱམ ཧོཏི, ཨཔེསལཾ པན ཝིཔནྣཾ པསཾསིཏྭཱ པརིསཱསུ ཨུཔཏྠམྦྷེནྟཾ དིསྭཱ པཱཔགརཧིཏཱཡ ཨསཧནྟསྶ ན ཧོཏི.

དྷམྨོཏི པརིཡཏྟིཡེཝ, ན པཊིཝེདྷོ ཨརིཡཱནཾ ཏཏྠ མཙྪརིཡཱབྷཱཝཱ. པརིཡཏྟིཾ པན གུལ༹ྷགནྠཾ ཨཉྙེསཾ ཨཀཐེཏུཀཱམསྶ དྷམྨམཙྪརིཡཾ ནཱམ ཧོཏི, དྷམྨཱནུགྒཧེན པན ལོལསྶ ¶ , ཀཱལེན སམཎོ, ཀཱལེན ནིགཎྛཱདི ཙ ཧུཏྭཱ ཝིཙརནྟསྶ པཝེཎིཨཱགཏཾ ཏནྟིཾ ‘‘སཎྷསུཁུམཾ དྷམྨནྟརཾ བྷིནྡིཏྭཱ ཨཱལུལི༹སྶཏི, ཨམྷཱཀཾ སམཡཾ བྷིནྡིསྶཏཱི’’ཏི ཙ ན དེནྟསྶ, པུགྒལཱནུགྒཧེན ཝཱ པཀཏིཡཱ སཋསྶ མཱཡཱཝིནོ ‘‘སཎྷསུཁུམདྷམྨཾ ཨུགྒཎྷིཏྭཱ ཨཉྙཾ བྱཱཀརིཏྭཱ ནསྶིསྶཏཱི’’ཏི ན དེནྟསྶ ཙ དྷམྨམཙྪརིཡཾ ན ཧོཏི. ཡཐཱ ཙ བྷིཀྑཱུནཾ, ཨེཝཾ གཧཊྛཱནམྤི པཉྩཝིདྷཾ མཙྪརིཡཾ ཡཐཱནུརཱུཔཾ ཉཱཏབྦཾ. སངྑེཔཏོ པན གཧཊྛཔབྦཛིཏཱནཾ ཨཏྟསམྤཏྟིནིགཱུཧནལཀྑཎཾ མཙྪརིཡཾ ནཱམཱཏི གཧེཏབྦཾ.

ཨིམེསུ ཙ སཾཡོཛནེསུ དིཊྛིཝིཙིཀིཙྪཱསཱིལབྦཏཔརཱམཱསཨིསྶཱམཙྪརིཡཱནི སོཏཱཔཏྟིམགྒེན པཧཱིཡནྟི, པཊིགྷོ ཨནཱགཱམིམགྒེན, ཀཱམརཱགོ ཙཏཱུཧིཔཱིཏི ཝཏྟབྦཾ, ‘‘ཏཏིཡེནཱ’’ཏི པན ཝུཏྟཾ. མཱནབྷཝརཱགཨཝིཛྫཱ ཨརཧཏྟམགྒེན. ཏཏྠ ཙ ཨཡཱཐཱཝམཱནོ པཋམམགྒེན པཧཱིཡཏཱིཏི དཊྛབྦོ, ཨིམེསཾ ཀཱམརཱགབྷཝརཱགཱནཾ ལོབྷསབྷཱཝཏྟཱ དིཊྛིསཱིལབྦཏཔརཱམཱསཱནཾ མིཙྪཱདིཊྛིསབྷཱཝཏྟཱ སབྷཱཝཏོ ཨཊྛེཝ དྷམྨཱ དས སཾཡོཛནཱ ནཱམ ཛཱཏཱ. ཨིམེ དས ཋཔེཏྭཱ སེསཱ ལོཀིཡལོཀུཏྟརདྷམྨཱ ནོ སཾཡོཛནཱ ནཱམ. སེསཾ ཨཱསཝདུཀསདིསཾ. སཾཡོཛནདུཀཾ པཋམཾ.

ཨཱརམྨཎབྷཱཝཾ ཨུཔགནྟྭཱ སཾཡོཛནསཾཝཌྜྷནེན སཾཡོཛནཱནཾ ཧིཏཱཏི སཾཡོཛནིཡཱ, སཱསཝདྷམྨཱ ཨེཝ. ཏཐཱ ནཱིཝརཎིཡཱཏི ཨེཏྠཱཔི. ན སཾཡོཛནིཡཱ ཨསཾཡོཛནིཡཱ, ཨནཱསཝཱ. སེསཾ སཱསཝདུཀསདིསམེཝ. དུཏིཡཾ.

ཏཏིཡཱདཡོཔི ¶ ཨཱསཝགོཙྪཀེ ཏཏིཡཱདིསདིསཱ ཨེཝ, ཝིསེསམཏྟམེཝེཏྠ ཝཀྑཱམ. ཏཏྠ ཧི དྭཱདསཱཀུསལཙིཏྟཱནི སཾཡོཛནསམྤཡུཏྟཱ ནཱམ, ཨུདྡྷཙྩསཧགཏོ མོཧོ, སེསཙིཏྟརཱུཔནིབྦཱནཱནི སཾཡོཛནཝིཔྤཡུཏྟཱ ནཱམ. སེསཾ སམམེཝ. ཏཏིཡཾ.

དས ¶ སཾཡོཛནཱནི སཾཡོཛནཱ ཙེཝ སཾཡོཛནིཡཱ ཙ ནཱམ. ཏདཝསེསལོཀིཡདྷམྨཱ སཾཡོཛནིཡཱ ཙེཝ ནོ ཙ སཾཡོཛནཱ ནཱམ. སེསཾ སུཝིཉྙེཡྻམེཝ. ཙཏུཏྠཾ.

ཡེ པན ཨུདྡྷཙྩཝིརཧིཏེསུ ཨེཀཱདསསུ ཨཀུསལཙིཏྟེསུ ཝིཙིཀིཙྪཱམོཧཱ དོསམོཧཱ དོསཨིསྶཱམོཧཱ དོསམཙྪརིཡམོཧཱ ལོབྷམཱནམོཧཱ ལོབྷདིཊྛིམོཧཱ ཙཱཏི དྭེ ཏཡོ ཨེཀཏོ ཨུཔྤཛྫནྟི, ཏེ སཾཡོཛནཱ ཙེཝ སཾཡོཛནསམྤཡུཏྟཱ ཙ ནཱམ. དྭཱདསཱཀུསལཙིཏྟཱནི ཙེཝ སཾཡོཛནཝཛྫིཏཏཾསམྤཡུཏྟཱ ཙ སཾཡོཛནསམྤཡུཏྟཱ ཙེཝ ནོ ཙ སཾཡོཛནཱ ནཱམ. སེསམིདྷ ཨནནྟརདུཀཉྩ ཨཱསཝགོཙྪཀེ པཉྩམཚཊྛདུཀསདིསམེཝ. ཀེཝལཾ ཨཱསཝཔདཊྛཱནེ སཾཡོཛནཔདམེཝ ཝིསེསོ. པཉྩམཚཊྛདུཀཱནི.

སཾཡོཛནགོཙྪཀཾ ནིཊྛིཏཾ.

གནྠགོཙྪཀེ ཡསྶ སཾཝིཛྫནྟི, ཏཾ ཙུཏིཔཊིསནྡྷིཝསེན ཝཊྚསྨིཾ གནྠེནྟི གྷཊེནྟཱིཏི གནྠཱ. ཏཏོ ཨཉྙེ ནོ གནྠཱ.

ཏཏྠ ཨབྷིཛ྄ཛྷཱཀཱཡགནྠོ, བྱཱཔཱདོ, སཱིལབྦཏཔརཱམཱསོ, ཨིདཾསཙྩཱབྷིནིཝེསོ ཀཱཡགནྠོཏི ཨིམེ ཙཏྟཱརོ དྷམྨཱ གནྠཱ ནཱམ. ཏཏྠ ཨབྷིཛ྄ཛྷཱ ཨེཝ ནཱམཀཱཡཾ ཝུཏྟནཡེན གནྠེཏཱིཏི ཨབྷིཛ྄ཛྷཱཀཱཡགནྠོ. ཨེཝཾ སེསེསུཔི. སབྦཉྙུབྷཱསིཏམྤི པཊིཀྑིཔིཏྭཱ ‘‘སསྶཏོ ལོཀོ, ཨིདམེཝ སཙྩཾ, མོགྷམཉྙ’’ནྟི ཨིམིནཱ ཨཱཀཱརེན ཨབྷིནིཝིསནཏོ སཱིལབྦཏཔརཱམཱསཝིརཧིཏཱ སབྦཱཔི དིཊྛི ཨིདཾསཙྩཱབྷིནིཝེསོ ནཱམ. སེསཱ ཝུཏྟཏྠཱཝ. ཨིམེསུ ཙ པཙྪིམཱ དྭེ གནྠཱ པཋམེན མགྒེན པཧཱིཡནྟི, བྱཱཔཱདོ ཏཏིཡེན, ཨབྷིཛ྄ཛྷཱ ཙཏཱུཧིཔི. ཨིམེ ཙ སབྷཱཝཏོ ཏཡོ དྷམྨཱ ཙཏྟཱརོ ¶ གནྠཱ ནཱམ ཛཱཏཱ. ཨིམེ པན ཋཔེཏྭཱ སེསཱ སབྦེ དྷམྨཱ ནོ གནྠཱ ནཱམ. གནྠདུཀཾ པཋམཾ.

ཨཱརམྨཎཀརཎཝསེན ¶ གནྠེཧི གནྠིཏབྦཱཏི གནྠནིཡཱ. ན གནྠནིཡཱ ཨགནྠནིཡཱ. སེསཾ སཱསཝདུཀསདིསམེཝ. དུཏིཡཾ.

མོཧམཱུལཝཛྫིཏཱནི དས ཨཀུསལཙིཏྟཱནི, དིཊྛིཝིཔྤཡུཏྟཙིཏྟེསུ ལོབྷཾ, དོསམཱུལེསུ ཙ དོསཾ ཋཔེཏྭཱ ཏཾསམྤཡུཏྟཱ ཙ གནྠསམྤཡུཏྟཱ ནཱམ. ཡཐཱཝུཏྟོ ལོབྷོ, དོསོ, མོཧམཱུལཱནི, ཀུསལཱབྱཱཀཏཱནི ཙིཏྟཱནི, རཱུཔནིབྦཱནཱནི ཙ གནྠཝིཔྤཡུཏྟཱ ནཱམ. ཙེཏསིཀེསུ པན དིཊྛིམཱནཨིསྶཱམཙྪརིཡཀུཀྐུཙྩཐིནམིདྡྷཱནི གནྠསམྤཡུཏྟཱ ཨེཝ. དོསཝིཙིཀིཙྪཱ, ཀུསལཱབྱཱཀཏཱ ཙ གནྠཝིཔྤཡུཏྟཱ ཨེཝ, སེསཱ དྭིདྷཱཔི ཧོནྟི. ཏཏིཡཾ.

ཙཏྟཱརོ གནྠཱ གནྠཱ ཙེཝ གནྠནིཡཱ ཙ ནཱམ. ཏདཝསེསཱ ལོཀིཡཱ གནྠནིཡཱ ཙེཝ ནོ ཙ གནྠཱ ནཱམ. ཏཐཱ ཙེཏསིཀེསུ གནྠཝཛྫིཏཱ ཨཀུསལཱ, ཨཔྤམཉྙཱ ཙ, སེསཱ ཙེཏསིཀཱ པན ཏཐཱ ཙ ན ཝཏྟབྦཱ ཙ, ཨིདྷ པན ལོཀུཏྟརཱ ན ཝཏྟབྦཱ. ཙཏུཏྠཾ.

དིཊྛི གནྠཱཙེཝ གནྠསམྤཡུཏྟཱ ཙ ནཱམ. ལོབྷོ ཏཐཱ ཙ ན ཝཏྟབྦོ ཙ, གནྠསམྤཡུཏྟེསུ གནྠེ ཋཔེཏྭཱ སེསཱ གནྠསམྤཡུཏྟཱ ཙེཝ ནོ ཙ གནྠཱ ནཱམ. ཨིདྷ པན གནྠཝིཔྤཡུཏྟཱ ན ཝཏྟབྦཱ. ཙེཏསིཀེསུ པན མཱནཨིསྶཱམཙྪརིཡཀུཀྐུཙྩཐིནམིདྡྷཱནི གནྠསམྤཡུཏྟཱ ཙེཝ ནོ ཙ གནྠཱ ཨེཝ, མོཧཱཧིརིཀཱནོཏྟཔྤཨུདྡྷཙྩཱནི ཏིཛཱཏིཀཱ ཙ སིཡཱ, ཏཐཱ ནཝཏྟབྦཱ ཙ, སེསཱ ན ཝཏྟབྦཱ. སེསཾ སུཝིཉྙེཡྻམེཝ. པཉྩམཾ.

ལོཀུཏྟརཝཛྫིཏཱ གནྠཝིཔྤཡུཏྟཱ གནྠནིཡཱ ནཱམ. ལོཀུཏྟརཱ པན གནྠཝིཔྤཡུཏྟཱ ཨགནྠནིཡཱ ནཱམ. ཨིདྷ པན གནྠསམྤཡུཏྟཱ ན ཝཏྟབྦཱ. ཙེཏསིཀེསུ པན དོསོ ཝིཙིཀིཙྪཱ ¶ ཀརུཎཱ མུདིཏཱ གནྠཝིཔྤཡུཏྟཱ གནྠནིཡཱ ཨེཝ, མོཧཱཧིརིཀཱནོཏྟཔྤཨུདྡྷཙྩལོབྷཱ ཏཐཱ ན ཝཏྟབྦཱ ཙ, སེསཱ ཀུསལཱབྱཱཀཏཱ དྭིདྷཱཔི ཧོནྟི, ཏིཛཱཏིཀཱ པན དྭིདྷཱཔི ན ཝཏྟབྦཱ ཙ, སེསཱ ཨཀུསལཱཔི ན ཝཏྟབྦཱ ཙ. ཚཊྛཾ.

གནྠགོཙྪཀཾ ནིཊྛིཏཾ.

ཨོགྷཡོགགོཙྪཀཱནི སབྦཐཱ ཨཱསཝགོཙྪཀསདིསཱནི. པདཏྠམཏྟམེཝ, ཧེཏྠ ནཱམམཏྟཉྩ ཝིསེསོ ¶ . ཏཏྠ ཡསྶ སཾཝིཛྫནྟི, ཏཾ ཝཊྚསྨིཾ ཨོཧནནྟི ཨོསཱིདཱཔེནྟཱིཏི ཨོགྷཱ. ཨཱརམྨཎཾ ཀཏྭཱ ཨཏིཀྐམནཱིཡཏོ ཨོགྷེཧི ཨཏིཀྐམིཏབྦཱཏི ཨོགྷནིཡཱ. ཏཐཱ ཡོགནིཡཱཏི ཨེཏྠཱཔི. ཝཊྚསྨིཾ ཡོཛེནྟཱིཏི ཡོགཱ. སེསཾ ཏཱདིསམེཝ.

ཨོགྷཡོགགོཙྪཀཱནི ནིཊྛིཏཱནི.

ནཱིཝརཎགོཙྪཀེ ཙིཏྟཾ ནཱིཝརནྟི པརིཡོནནྡྷནྟཱིཏི ནཱིཝརཎཱ. ཏཏྠ ཀཱམཙྪནྡནཱིཝརཎཾ བྱཱཔཱདནཱིཝརཎཾ ཐིནམིདྡྷནཱིཝརཎཾ ཨུདྡྷཙྩཀུཀྐུཙྩནཱིཝརཎཾ ཝིཙིཀིཙྪཱནཱིཝརཎཾ ཨཝིཛྫཱནཱིཝརཎནྟི ཨིམེ ཚ ནཱིཝརཎཱ ནཱམ. ཏཏྠ ཐིནནྟི སཔྤིཔིཎྜོ ཝིཡ ཨཝིཔྥཱརིཀཏཱཡ ཙིཏྟསྶ གྷནབྷཱཝོ, ཐདྡྷཏཱཏི ཨཏྠོ. མེདྷཏཱིཏི མིདྡྷཾ, ཨཀམྨཉྙབྷཱཝོ, པཙལཱཡིཀབྷཱཝཀརོཏི ཨཏྠོ. ཨིདཉྩ སེཁཔུཐུཛྫནཱནཾ ནིདྡཱཡ པུབྦབྷཱགེ, ཨཔརབྷཱགེ ཙ པཙལཱཡནཧེཏུཀཾ ཨུཔྤཛྫཏི, ན ནིདྡོཀྐམནཀཱལེ. ཁཱིཎཱསཝཱནམྤི ཧི ཀརཛཀཱཡསྶ དུབྦལབྷཱཝེན ཨསམྨིསྶབྷཝངྒསནྟཏིཝསེན ནིདྡོཀྐམནཾ ཧོཏི, ཏཾ པན ཏེསཾ ཐིནམིདྡྷཧེཏུཀཾ ན ཧོཏི, ཨིཏརེསམེཝ ཧོཏི.

ཀེཙི ¶ པན རཱུཔམེཝ ‘‘མིདྡྷ’’ནྟི ཝདནྟི, ཏཾ ན ཡུཏྟཾ, ‘‘ཐིནམིདྡྷནཱིཝརཎཾ ཨཝིཛྫཱནཱིཝརཎེན ནཱིཝརཎཉྩེཝ ནཱིཝརཎསམྤཡུཏྟཉྩཱ’’ཏི ཨརཱུཔདྷམྨེཧི སམྤཡོགཝཙནཏོ ཨརཱུཔམེཝ. ཨཀུསལཉྩ ‘‘ཐིནམིདྡྷནཱིཝརཎསྶ པཧཱིནཏྟཱ’’ཏིཨཱདིཔཧཱནཝཙནཏོ. ཨཀུསལཱ ཨེཝ ཧི པཧཱཏབྦཱ, ཏསྨཱ ཨཱརུཔྤེཔི ཙེཏཾ ཨུཔྤཛྫཏི. ‘‘ནཱིཝརཎཾ དྷམྨཾ པཊིཙྩ ནཱིཝརཎོ དྷམྨོ ཨུཔྤཛྫཏི ན པུརེཛཱཏཔཙྩཡཱ’’ཏི (པཊྛཱ. ༣.༨.༨) ཨེཏསྶ ཝིབྷངྒེ ‘‘ཨཱརུཔྤེ ཀཱམཙྪནྡནཱིཝརཎཾ པཊིཙྩ ཐིནམིདྡྷཨུདྡྷཙྩཨཝིཛྫཱནཱིཝརཎ’’ནྟི (པཊྛཱ. ༣.༨.༨) སབྦཾ ཝིཏྠཱརེཏབྦཾ. ‘‘སོཔྤཾ པཙལཱཡིཀཱ’’ཏི (དྷ. ས. ༡༡༦༣) པདབྷཱཛནཱིཡེ པནསྶ ཕལཱུཔཙཱརེན ཝུཏྟནྟི ཝེདིཏབྦཾ. ཐིནཾ མིདྡྷཉྩཱཏི ཨིདཾ དྭཡཾ ནཱིཝརཎཊྛཱནེ ཨེཀནཱིཝརཎཾ ཝུཏྟཾ, ཏཐཱ ཨུདྡྷཙྩཀུཀྐུཙྩཉྩཱཏི ཨིདཾ དྭཡཾ. ཏཏྠ ཀུཀྐུཙྩནྟི ‘‘ཨཀཏཾ ཝཏ མེ ཀལྱཱཎཾ, ཀཏཾ པཱཔ’’ནྟིཨཱདིནཱ ཨུཔྤཛྫམཱནོ ཝིཔྤཊིསཱརོ. ཏེནེཝསྶ པདབྷཱཛནཱིཡེ ‘‘ཙེཏསོ ཝིཔྤཊིསཱརོ མནོཝིལེཁོ’’ཏི ཙ ཝུཏྟཾ. ‘‘ཨཀཔྤིཡེ ཀཔྤིཡསཉྙིཏཱ’’ཏིཨཱདི པན ཀུཀྐུཙྩམཱུལདསྶནཏྠཾ. ཨེཝཾསཉྙིཏཱཡ ཧི ཀཏེ ཝཱིཏིཀྐམེ པཙྪཱ ‘‘དུཊྛུ མཡཱ ཀཏ’’ནྟི སུདིནྣཱདཱིནཾ ཝིཡ ཝིཔྤཊིསཱརོ ཨུཔྤཛྫཏི. ཡཾ པན ཝིནཡེ ‘‘ཨཐ ཁོ ཨཱཡསྨཱ སཱརིཔུཏྟོ…པེ… ཀུཀྐུཙྩཱཡནྟོ ན པཊིགྒཧེསཱི’’ཏི (པཱཙི. ༢༠༤) ཀུཀྐུཙྩཾ ཨཱགཏཾ, ཏཾ ནཱིཝརཎཀུཀྐུཙྩཾ ¶ . ན ཧི ཨརཧཏོ ནཱིཝརཎཾ ཨཏྠི, ནཱིཝརཎཝཏིརཱུཔཀཾ པན ‘‘ཀཔྤཏི, ན ཀཔྤཏཱི’’ཏི ཝཱིམཾསནསངྑཱཏཾ ཝིནཡཀུཀྐུཙྩཾ ནཱམེཏནྟི ཝེདིཏབྦཾ. སེསནཱིཝརཎཱནི ཝུཏྟཏྠཱནི ཨེཝ. ཨིམེསུ ཙ ཀུཀྐུཙྩཝིཙིཀིཙྪཱ པཋམེན མགྒེན པཧཱིཡནྟི, བྱཱཔཱདོ ཏཏིཡེན, ཐིནམིདྡྷུདྡྷཙྩཱཝིཛྫཱ ཙཏུཏྠེན, ཀཱམཙྪནྡོ ཙཏཱུཧིཔཱིཏི ཝཏྟབྦཾ, ‘‘ཏཏིཡེནཱ’’ཏི པན ཝུཏྟཾ. ཨིམེ ཙ སབྷཱཝཏོ ཨཊྛ དྷམྨཱ ཚ ནཱིཝརཎཱ ནཱམ ཛཱཏཱ, ཨིམེ པན ཋཔེཏྭཱ སེསཱ ནོ ནཱིཝརཎཱ ནཱམ. ནཱིཝརཎདུཀཾ པཋམཾ.

དུཏིཡཾ ¶ སཱསཝདུཀསདིསམེཝ. དྭཱདས ཨཀུསལཙིཏྟཱནི ནཱིཝརཎསམྤཡུཏྟཱ ནཱམ. སེསཙིཏྟརཱུཔནིབྦཱནཱནི ནཱིཝརཎཝིཔྤཡུཏྟཱ ནཱམ. ཙེཏསིཀེསུ ཨཀུསལཱ ནཱིཝརཎསམྤཡུཏྟཱཝ, ཀུསལཱབྱཱཀཏཱ ནཱིཝརཎཝིཔྤཡུཏྟཱཝ, སེསཱ དྭིདྷཱཔི ཧོནྟི. ཏཏིཡཾ.

ཚ ནཱིཝརཎཱ ནཱིཝརཎཱ ཙེཝ ནཱིཝརཎིཡཱ ཙ ནཱམ. སེསཱ ལོཀིཡཱ ནཱིཝརཎིཡཱ ཙེཝ ནོ ཙ ནཱིཝརཎཱ ནཱམ. ལོཀུཏྟརཱ ན ཝཏྟབྦཱ. སེསཾ ཨཱསཝགོཙྪཀེ ཙཏུཏྠསདིསམེཝ. ཙཏུཏྠཾ.

ཚ ནཱིཝརཎཱ ནཱིཝརཎཱ ཙེཝ ནཱིཝརཎསམྤཡུཏྟཱ ཙ ནཱམ. ཏདཉྙེ ནཱིཝརཎསམྤཡུཏྟཱ པན ནཱིཝརཎསམྤཡུཏྟཱ ཙེཝ ནོ ཙ ནཱིཝརཎཱ ནཱམ. ཏཐཱ ཙེཏསིཀེསུ ནཱིཝརཎཝིརཧིཏཱ ཨཀུསལཱ, ཏིཛཱཏིཀཱ པན ཏཐཱ ཙ ན ཝཏྟབྦཱ ཙ, ཀུསལཱབྱཱཀཏཱ ན ཝཏྟབྦཱཝ. ཨིདྷ པན ནཱིཝརཎཝིཔྤཡུཏྟཱ སབྦེ ན ཝཏྟབྦཱ. པཉྩམཾ.

ལོཀུཏྟརཝཛྫིཏཱ ནཱིཝརཎཝིཔྤཡུཏྟཱ ནཱིཝརཎིཡཱ ནཱམ. ལོཀུཏྟརཱ ནཱིཝརཎཝིཔྤཡུཏྟཱ ཨནཱིཝརཎིཡཱ ནཱམ. ཨིདྷ པན ནཱིཝརཎསམྤཡུཏྟཱ ན ཝཏྟབྦཱ. ཙེཏསིཀེསུ པན ཀརུཎཱམུདིཏཱ ནཱིཝརཎཝིཔྤཡུཏྟཱ ནཱིཝརཎིཡཱཝ, ཀུསལཱབྱཱཀཏཱ དྭིདྷཱཔི ཧོནྟི, ཏིཛཱཏིཀཱ ཏཐཱ ཙ ན ཝཏྟབྦཱ ཙ, ཨཀུསལཱ པན ན ཝཏྟབྦཱཝ. ཚཊྛཾ.

ནཱིཝརཎགོཙྪཀཾ ནིཊྛིཏཾ.

པརཱམཱསགོཙྪཀེ དྷམྨཱནཾ ཡཐཱབྷཱུཏཾ ཨནིཙྩཱདིཨཱཀཱརཾ ཨཏིཀྐམིཏྭཱ ‘‘ནིཙྩ’’ནྟིཨཱདིཝསེན ¶ པཝཏྟམཱནཱ པརཏོ ཨཱམསནྟཱིཏི པརཱམཱསཱ. མིཙྪཱདིཊྛི. བཧུཝཙནནིདྡེསེ ཀཱརཎཾ ཝུཏྟམེཝ. ཏདཉྙེ སབྦེ དྷམྨཱ ནོ པརཱམཱསཱ ནཱམ. པརཱམཱསདུཀཾ པཋམཾ.

པརཱམཱསེཧི ¶ ཨཱརམྨཎཀརཎཝསེན པརཱམཊྛཏྟཱ པརཱམཊྛཱ. སེསཾ ཨཱསཝདུཀསདིསམེཝ. དུཏིཡཾ.

དིཊྛིསམྤཡུཏྟཙིཏྟེསུ དིཊྛིཝིརཧིཏཱ དྷམྨཱ པརཱམཱསསམྤཡུཏྟཱ ནཱམ. སེསཙིཏྟརཱུཔནིབྦཱནཱནི པརཱམཱསཝིཔྤཡུཏྟཱ ནཱམ. ཨིདྷ པན དིཊྛི ན ཝཏྟབྦཱ, སེསཙེཏསིཀེསུ པན མཱནདོསཨིསྶཱམཙྪརིཡཀུཀྐུཙྩཝིཙིཀིཙྪཱ, ཀུསལཱབྱཱཀཏཱ ཙ པརཱམཱསཝིཔྤཡུཏྟཱ ཨེཝ, སེསཱ དྭིདྷཱཔི ཧོནྟི. ཏཏིཡཾ.

དིཊྛི ཨེཝ པརཱམཱསཱ ཙེཝ པརཱམཊྛཱ ཙ ནཱམ. སེསལོཀིཡཱ པརཱམཊྛཱ ཙེཝ ནོ ཙ པརཱམཱསཱ ནཱམ. ཨིདྷ པན ལོཀུཏྟརཱ ན ཝཏྟབྦཱ. སེསཾ སུཝིཉྙེཡྻམེཝ. ཙཏུཏྠཾ.

ཨིམསྨིཾ པན གོཙྪཀེ ‘‘པརཱམཱསཱ ཙེཝ དྷམྨཱ པརཱམཱསསམྤཡུཏྟཱ ཙཱ’’ཏི ཨཡཾ དུཀོ ན ལབྦྷཏི. ན ཧི དིཊྛི དིཊྛིཡཱ སམྤཡུཛྫཏི. པཙྪིམདུཀེ ལོཀུཏྟརཝཛྫིཏཱ པརཱམཱསཝིཔྤཡུཏྟཱ པརཱམཊྛཱ ནཱམ. ལོཀུཏྟརཱ པརཱམཱསཝིཔྤཡུཏྟཱ ཨཔརཱམཊྛཱ ནཱམ. ཨིདྷ པན པརཱམཱསོ, ཏཾསམྤཡུཏྟཱ ཙ ན ཝཏྟབྦཱ. སེསཾ ཝུཏྟནཡམེཝ.

པརཱམཱསགོཙྪཀཾ ནིཊྛིཏཾ.

མཧནྟརདུཀེསུ ཨཱརམྨཎཾ ཨགྒཧེཏྭཱ ཨཔྤཝཏྟིཏོ སཧ ཨཱརམྨཎེནཱཏི སཱརམྨཎཱ, ཙིཏྟཙེཏསིཀཱ. ནཏྠི ཨཱརམྨཎམེཏེསནྟི ཨནཱརམྨཎཱ, རཱུཔནིབྦཱནཱནི. སཱརམྨཎདུཀཾ.

ཙིནྟནཊྛེན ཙིཏྟཾ, ཙིཏྟཏཱཡ ཝཱ ཙིཏྟཾ. ཏཾ ཧི ཝཏྠུདྭཱརཱརམྨཎཀིཙྩཱདིབྷེདཏོ, ཨཏཱིཏཱདིབྷེདཏོ ཙ ཨཏྟནོ ཝིཙིཏྟཏཱཡ ཙིཏྟནྟི ཝུཙྩཏི ཙིཏྟཀརཎཏཱཡ ཝཱ. ལོཀསྨིཾ ཧི ཙིཏྟཀམྨཏོ ཨུཏྟརིཏརཾ ཙིཏྟཾ ནཱམ ནཏྠི, ཏསྨིམྤི ཙརཎཾ ¶ ནཱམ ཙིཏྟཾ ཨཏིཙིཏྟཾ ཧོཏི. ཡཾ ཝཱ པནཉྙམྤི ལོཀེ སིཔྤཛཱཏཾ, སབྦཾ ཏཾ ཙིཏྟེནེཝ ཀརཱིཡཏི. ཨེཝཾ ཏསྶ ཏསྶ ཙིཏྟསྶ ནིཔྥཱདཀཾ ¶ ཙིཏྟམྤི ཏཐེཝ ཙིཏྟཾ ཧོཏི. ཡཐཱ ཙིནྟིཏསྶ ཝཱ ཨནཝསེསསྶ ཨནིཔྥཛྫནཏོ ཏཏོཔི ཙིཏྟམེཝ ཙིཏྟཏརཾ, ཏཐཱ ཡདེཏཾ དེཝམནུསྶནིརཡཏིརཙྪཱནབྷེདཱསུ གཏཱིསུ ཀུསལཱཀུསལཀམྨནཱནཏྟཾ, ཏེན ཏཱསུ གཏཱིསུ ཨཔདདྭིཔདཱདིཨུཙྩཏྟནཱིཙཏྟཱདིནཱནཏྟཾ, ཏསྨིཾ ཏསྨིཾ ཨཏྟབྷཱཝེ དཱིགྷརསྶཐཱུལཱཐཱུལསུཝཎྞདུབྦཎྞཱདིལཱབྷཱལཱབྷཱདི ཙཱཏི ཨེཝམཱདི ཨཛ྄ཛྷཏྟཾ ཙིཏྟཾ, བཧིདྡྷཱ ཙ པཐཝཱིཔབྦཏཏིཎརུཀྑལཏཱདིདེཝབྲཧྨཝིམཱནཀཔྤརུཀྑཱདིབྷཱུཏཾ ཀམྨཔཙྩཡཾ ཙིཏྟཾ, ཏམྤི ཙིཏྟེནེཝ ཀཏཾ, ཏཏོ ཙིཏྟམེཝ ཙིཏྟཏརཾ ཙིནྟིཏནིཡཱམེན སབྦཱཀཱརསྶ ཨསམྦྷཝཏོ. ཨེཝཾ ཙིནྟནཊྛེན, ཙིཏྟཝིཙིཏྟཊྛེན, ཙིཏྟཀརཎཊྛེན ཙ ‘‘ཙིཏྟ’’ནྟི ཝིཉྙཱཎཾ ཝེདིཏབྦཾ, ཏདེཝ ཝིཉྙཱཎཾ ཙིཏྟཾ ནཱམ. ཙེཏསིཀརཱུཔནིབྦཱནཱནི ནོ ཙིཏྟཱ ནཱམ. ཙིཏྟདུཀཾ.

ཨཝིཔྤཡོགཝསེན ཙེཏསི ནིཡུཏྟཱ ཙེཏསིཀཱ, ཕསྶཱདཡོ དྭིཔཉྙཱས དྷམྨཱ. ཙིཏྟརཱུཔནིབྦཱནཱནི ཨཙེཏསིཀཱ ནཱམ. ཙེཏསིཀདུཀཾ.

ཙེཏསིཀཱ ཨེཝ ཙིཏྟསམྤཡུཏྟཱ ནཱམ. རཱུཔནིབྦཱནཱནི ཙིཏྟཝིཔྤཡུཏྟཱ ནཱམ, ཨིདྷ པན ཙིཏྟཾ ན ཝཏྟབྦཾ. ཙིཏྟསམྤཡུཏྟདུཀཾ.

ནིརནྟརབྷཱཝཱུཔགམནཏཱཡ ཨུཔྤཱདཏོ ཡཱཝ བྷངྒཱཙིཏྟེན སཾསཊྛཱཏི ཙིཏྟསཾསཊྛཱ. ཨེཀཏོ ཝཏྟམཱནཱཔི ནིརནྟརབྷཱཝཾ ཨནུཔགམནཏཱཡ ཙིཏྟེན ཝིསཾསཊྛཱཏི ཙིཏྟཝིསཾསཊྛཱ. སེསཾ ཨནནྟརདུཀསདིསམེཝ. ཙིཏྟསཾསཊྛདུཀཾ.

སམུཊྛཧནྟི ཨེཏེནཱཏི སམུཊྛཱནཾ, ཙིཏྟཾ སམུཊྛཱནཾ ཨེཏེསནྟི ཙིཏྟསམུཊྛཱནཱ, ཙེཏསིཀཱནི ཙེཝ ཙིཏྟཛརཱུཔཀལཱཔཱ ཙ ¶ . ཙིཏྟཾ, པན ཨཙིཏྟཛརཱུཔཀལཱཔཱ, ནིབྦཱནཉྩ ནོ ཙིཏྟསམུཊྛཱནཱ ནཱམ. ཙིཏྟསམུཊྛཱནདུཀཾ.

སཧ བྷཝནྟཱིཏི སཧབྷུནོ, ཙིཏྟེན སཧབྷུནོ ཙིཏྟསཧབྷུནོ, ཙེཏསིཀཱནི ཙེཝ ཀཱཡཝཙཱིཝིཉྙཏྟིཡོ ཙ. ཙིཏྟཾ, པན ཝིཉྙཏྟིཝཛྫིཏརཱུཔནིབྦཱནཱནི ཙ ནོ ཙིཏྟསཧབྷུནོ ནཱམ. ཙིཏྟསཧབྷུདུཀཾ.

ཨནུཔརིཝཏྟནྟཱིཏི ¶ ཨནུཔརིཝཏྟིནོ, ཀིཾ ཨནུཔརིཝཏྟནྟི? ཙིཏྟཾ, ཙིཏྟསྶ ཨནུཔརིཝཏྟིནོ ཙིཏྟཱནུཔརིཝཏྟིནོ. སེསཾ ཨནནྟརདུཀསདིསམེཝ. ཙིཏྟཱནུཔརིཝཏྟིདུཀཾ.

ཨིཏོ པརེ པན ཏཡོ དུཀཱ ཙེཏསིཀདུཀསདིསཱཝ, ཀེཝལཾ པདཏྠམཏྟམེཝ ཝིསེསོ. ཏཏྠ ཙིཏྟསཾསཊྛཱ ཙ ཏེ ཙིཏྟསམུཊྛཱནཱ ཨེཝ ཙཱཏི ཙིཏྟསཾསཊྛསམུཊྛཱནཱ. ཙིཏྟསཾསཊྛཱ ཙ ཏེ ཙིཏྟསམུཊྛཱནཱ ཙ ཙིཏྟསཧབྷུནོ ཨེཝ ཙཱཏི ཙིཏྟསཾསཊྛསམུཊྛཱནསཧབྷུནོ, ཙིཏྟསཾསཊྛཱ ཙ ཏེ ཙིཏྟསམུཊྛཱནཱ ཙ ཙིཏྟཱནུཔརིཝཏྟིནོ ཨེཝ ཙཱཏི ཙིཏྟསཾསཊྛསམུཊྛཱནཱནུཔརིཝཏྟིནོ. སེསཾ སུཝིཉྙེཡྻམེཝ.

ཏདནནྟརེ པན ཨཛ྄ཛྷཏྟིཀདུཀེ ཨཛ྄ཛྷཏྟཛ྄ཛྷཏྟཾ ཨཛ྄ཛྷཏྟཏྟིཀེ ཝུཏྟཝསེན ཨཛ྄ཛྷཏྟཱཝ ཨཛ྄ཛྷཏྟིཀཱ. པསཱདརཱུཔཙིཏྟསངྑཱཏཱནི ཚ ཨཛ྄ཛྷཏྟིཀཱནི ཨཱཡཏནཱནི. ཏཏོ བཧིབྷཱུཏཱ བཱཧིརཱ. སེསརཱུཔཙེཏསིཀནིབྦཱནཔཉྙཏྟིསངྑཱཏཱནི ཚ བཱཧིརཱཡཏནཱནི, ཨིདྷ པན པཉྙཏྟིཡོཔི ལབྦྷནྟི. ཨཛ྄ཛྷཏྟིཀདུཀཾ.

ཨུཔཱདིཡནྟེཝ བྷཱུཏཱནི, ན བྷཱུཏཱ ཝིཡ ཨུཔཱདིཡནྟཱིཏི ཨུཔཱདཱ, ཙཏུཝཱིསཏི ཨུཔཱདཱརཱུཔཱནི ཨེཝ. ན ཨུཔཱདིཡནྟཱིཏི ནོ ཨུཔཱདཱ, ཙཏུམཧཱབྷཱུཏཙིཏྟཙེཏསིཀནིབྦཱནཱནི. ཨུཔཱདཱདུཀཾ.

དྭཏྟིཾས ལོཀིཡཝིཔཱཀཙིཏྟཱནི, ཀམྨཛརཱུཔཉྩ ཨུཔཱདིནྣཱ ནཱམ. སེསལོཀིཡལོཀུཏྟརཱནི, ནིབྦཱནཉྩ ཨནུཔཱདིནྣཱ ནཱམ ¶ . སེསཾ ཨུཔཱདིནྣུཔཱདཱནིཡཏྟིཀེ ཝུཏྟཱནུསཱརེན ཉཱཏབྦཾ. ཨུཔཱདིནྣདུཀཾ.

མཧནྟརདུཀཱ ནིཊྛིཏཱ.

ཨུཔཱདཱནགོཙྪཀེབྷུསཾ ཨཱདིཡནྟཱིཏི ཨུཔཱདཱནཱ, དལ༹ྷགྒཱཧཾ གཎྷནྟཱིཏི ཨཏྠོ. དལ༹ྷཏྠོ ཧི ཨེཏྠ ཨུཔ-སདྡོ ‘‘ཨུཔཱཡཱསོ’’ཏིཨཱདཱིསུ ཝིཡ. ཏཏོ ཨཉྙེ ནོ ཨུཔཱདཱནཱ. ཏཏྠ ཀཱམུཔཱདཱནཾ དིཊྛུཔཱདཱནཾ སཱིལབྦཏུཔཱདཱནཾ ཨཏྟཝཱདུཔཱདཱནནྟི ཨིམེ ཨུཔཱདཱནཱ ནཱམ. ཏཏྠ ཝཏྠུཀཱམེསུ ཨུཔྤནྣོ ཀིལེསཀཱམོཝ ཝུཏྟནཡེན ཨུཔཱདཱནནྟི ཀཱམུཔཱདཱནཾ. ཨེཝཾ སེསེསུཔི. ཏཏྠ ཝཱིསཏིཝཏྠུཀཱ སཀྐཱཡདིཊྛི ཨཏྟཝཱདུཔཱདཱནཾ ནཱམ. སེསཱནི པུབྦེ ཝུཏྟཱནེཝ. པཙྪིམཱནི པནེཏྠ ཏཱིཎི ཨུཔཱདཱནཱནི ཏཐཱཔཝཏྟདིཊྛི ཨེཝ. ཏཱནི ཙ པཋམེན མགྒེན པཧཱིཡནྟི, ཀཱམུཔཱདཱནཾ ཙཏཱུཧིཔི ¶ . ཨིམེ ཙ སབྷཱཝཏོ དྭེ དྷམྨཱ ཝིབྷཱགཏོ ཙཏུརུཔཱདཱནཱ ནཱམ ཛཱཏཱ. ཨིམེ པན ཋཔེཏྭཱ སེསཱ སབྦེ དྷམྨཱ ནོ ཨུཔཱདཱནཱ ནཱམ. ཨུཔཱདཱནདུཀཾ པཋམཾ.

ཨུཔཱདཱནིཡདུཀོ སཾཡོཛནིཡདུཀསདིསོཝ. དུཏིཡཾ.

ཨཊྛལོབྷསཧགཏཙིཏྟཱནི, ཏཾསམྤཡུཏྟེསུ དིཊྛིཝིཔྤཡུཏྟལོབྷཾ ཋཔེཏྭཱ སེསཱ ཙ ཨུཔཱདཱནསམྤཡུཏྟཱ ནཱམ. དིཊྛིཝིཔྤཡུཏྟལོབྷདོསམོཧམཱུལཱནི, ཀུསལཱབྱཱཀཏཱནི ཙ ཙིཏྟཱནི, རཱུཔནིབྦཱནཱནི ཙ ཨུཔཱདཱནཝིཔྤཡུཏྟཱ ནཱམ. ཙེཏསིཀེསུ པན དིཊྛིམཱནཱ ཨུཔཱདཱནསམྤཡུཏྟཱཝ, དོསཨིསྶཱམཙྪརིཡཀུཀྐུཙྩཝིཙིཀིཙྪཱ, ཀུསལཱབྱཱཀཏཱ ཙ ཨུཔཱདཱནཝིཔྤཡུཏྟཱ ཨེཝ. སེསཱ དུཝིདྷཱཔི ཧོནྟི. ཏཏིཡཾ.

ཙཏྟཱརི ཨུཔཱདཱནཱནི ཨུཔཱདཱནཱ ཙེཝ ཨུཔཱདཱནིཡཱ ཙ ནཱམ. ཏདཝསེསཱ ལོཀིཡཱ ཨུཔཱདཱནིཡཱ ཙེཝ ནོ ཙ ¶ ཨུཔཱདཱནཱ ནཱམ. ཨིདྷ པན ལོཀུཏྟརཱ ན ཝཏྟབྦཱ. སེསཾ ཝུཏྟནཡམེཝ. ཙཏུཏྠཾ.

པཉྩམཚཊྛདུཀཱ པཱཋཏོ གནྠགོཙྪཀེ པཉྩམཚཊྛདུཀསདིསཱཝ, ཀེཝལཾ པཉྩམདུཀེ ‘‘ཙེཏསིཀེསུ མཱནོ ཨུཔཱདཱནསམྤཡུཏྟོ ཙེཝ ནོ ཙ ཨུཔཱདཱནོ ཨེཝ, མོཧཱཧིརིཀཱནོཏྟཔྤཨུདྡྷཙྩཐིནམིདྡྷཱནི ཏིཛཱཏིཀཱནི ཏཐཱ ཙ ན ཝཏྟབྦཱ ཙཱ’’ཏི ཨིདཉྩ, ཚཊྛདུཀེ ‘‘ཙེཏསིཀེསུ དོསཨིསྶཱམཙྪརིཡཀུཀྐུཙྩཝིཙིཀིཙྪཱ ཨཔྤམཉྙཱ ཨུཔཱདཱནཝིཔྤཡུཏྟཱ ཨུཔཱདཱནིཡཱ ཨེཝ, མོཧཱཧིརིཀཱནོཏྟཔྤཨུདྡྷཙྩལོབྷཐིནམིདྡྷཱནི ཏཐཱ ཙ ན ཝཏྟབྦཱནི ཙཱ’’ཏི ཨེཏྟཀམེཝ པཱཋཏོ ཝིསེསོ, ཨཏྠཏོ པན ནཱམམཏྟཀོཝ ཝིསེསོ. སེསོ སུཝིཉྙེཡྻོཝ. པཉྩམཚཊྛཱནི.

ཨུཔཱདཱནགོཙྪཀཾ ནིཊྛིཏཾ.

ཀིལེསགོཙྪཀེ སཾཀིལིཊྛཏྟིཀེ ཝུཏྟནཡེན པདཏྠོ ཝེདིཏབྦོ. ལོབྷོ དོསོ མོཧོ མཱནོ དིཊྛི ཝིཙིཀིཙྪཱ ཐིནཾ ཨུདྡྷཙྩཾ ཨཧིརིཀཾ ཨནོཏྟཔྤནྟི ཨིམེ དས དྷམྨཱ ཀིལེསཱ ནཱམ. ཨིམེ ཙ ཝུཏྟཏྠཱ ཨེཝ, ཨིདྷ པན ལོབྷོ, ཧེཏུགནྠནཱིཝརཎཨུཔཱདཱནགོཙྪཀེསུ ལོབྷོ ཙ ནིཔྤདེསཏོ ཙཏུམགྒཝཛ྄ཛྷོཔི ཨེཀེནེཝ ཀོཊྛཱསེན ཋིཏོ, སེསགོཙྪཀེསུ སོ སབྦོཔི ལོབྷོ ‘‘ཀཱམཱསཝོ བྷཝཱསཝོ’’ཏིཨཱདིནཱ ¶ དྭེ དྭེ ཀོཊྛཱསཱ ཧུཏྭཱ ཋིཏོ, ཨིམིནཱ པན ཨཊྛཀཐཱཝཙནེནཱཔི བྷཝཱསཝཱདིབྱཏིརིཏྟོ སབྦོ ཙཏུམགྒཝཛ྄ཛྷོཔི རཱགོ ཀཱམཱསཝཱདཱིསུ སངྒཧིཏོ. ཀཱམཙྪནྡནཱིཝརཎཾ པན བྷཝརཱགོཔི ན པཉྩཀཱམགུཎིཀརཱགམཏྟོཝཱཏི པཉྙཱཡཏི, ‘‘ཨཱརུཔྤེ ཀཱམཙྪནྡནཱིཝརཎཾ པཊིཙྩ ཐིནམིདྡྷནཱིཝརཎ’’ནྟིཨཱདིཔཱལི༹ཏོ (པཊྛཱ. ༣.༨.༨) ཙེཏཾ དཊྛབྦཾ པཉྩཀཱམགུཎིཀརཱགསྶ རཱུཔཱརཱུཔབྷཱུམཱིསུ ཨནུཔྤཛྫནཏོ. ཨིམེསུ ¶ ཙ ཀིལེསེསུ དིཊྛིཝིཙིཀིཙྪཱ པཋམེན མགྒེན པཧཱིཡནྟི, དོསོ ཏཏིཡེན, ལོབྷཱདཡོ ཙཏཱུཧིཔི. ཨིམེ པན དས དྷམྨེ ཋཔེཏྭཱ སེསཱ ནོ ཀིལེསཱ ནཱམ. ཀིལེསདུཀཾ པཋམཾ.

སཾཀིལེསིཀདུཀོ སཱསཝདུཀསདིསོཝ. དུཏིཡཾ.

སཾཀིལིཊྛདུཀོ, ཀིལེསསམྤཡུཏྟདུཀོ ཙཱཏི དྭེཔི སམཱནཏྠཱཝ. ཏེ ཙ ནཱིཝརཎགོཙྪཀེ ཏཏིཡདུཀསདིསཱཝ. ཏཏིཡཙཏུཏྠཱནི.

དས ཀིལེསཱ ཀིལེསཱ ཙེཝ སཾཀིལེསིཀཱ ཙ ནཱམ. སེསཱ ལོཀིཡདྷམྨཱ སཾཀིལེསིཀཱ ཙེཝ ནོ ཙ ཀིལེསཱ ནཱམ. ཨིདྷ པན ལོཀུཏྟརཱ ན ཝཏྟབྦཱ. སེསཾ ནཱིཝརཎགོཙྪཀེ ཙཏུཏྠདུཀསདིསམེཝ. པཉྩམཾ.

ཚཊྛསཏྟམདུཀཱནིཔི ཨཉྙམཉྙཾ སམཱནཏྠཱནེཝ. ཏཱནི ཚཊྛསཏྟམཱནི ནཱིཝརཎགོཙྪཀེ ཡཐཱཀྐམཾ པཱཋཏོ པཉྩམཚཊྛདུཀསདིསཱནི, ཨཏྠཏོ པན ནཱམམཏྟཀོཝ ཝིསེསོ. སེསོ སུཝིཉྙེཡྻོ. ཚཊྛསཏྟམཨཊྛམཱནི.

ཀིལེསགོཙྪཀཾ ནིཊྛིཏཾ.

པིཊྛིདུཀེསུ ཨཱདིཏོ ཙཏྟཱརོ དུཀཱ དསྶནེནཔཧཱཏབྦཏྟིཀེ, དསྶནེནཔཧཱཏབྦཧེཏུཀེ ཙ ཝུཏྟནཡེན ཝེདིཏབྦཱ. ཀེཝལཾ པན ཏཏྠ པཋམཏྟིཀེ ཝུཏྟེསུ དསྶནེནཔཧཱཏབྦེ དྷམྨེ ཋཔེཏྭཱ སེསཱ ཨིདྷ པཋམདུཀསྶ དུཏིཡཔདེ དསྶནེནཔཧཱཏབྦེསུ པཝིསནྟི, བྷཱཝནཱཡཔཧཱཏབྦེ ཋཔེཏྭཱ སེསཱ ཨིདྷ དུཏིཡདུཀེ ནབྷཱཝནཱཡཔཧཱཏབྦེསུ པཝིསནྟི. ཏཏྠ ཙ དུཏིཡཏྟིཀེ ཝུཏྟེསུ དསྶནེནཔཧཱཏབྦཧེཏུཀེ ཋཔེཏྭཱ ¶ སེསཱ ཨིདྷ ཏཏིཡདུཀེ ནདསྶནེནཔཧཱཏབྦཧེཏུཀེ, བྷཱཝནཱཡཔཧཱཏབྦཧེཏུཀེ ཙ ཋཔེཏྭཱ སེསཱ ཨིདྷ ཙཏུཏྠདུཀེ ནབྷཱཝནཱཡཔཧཱཏབྦཧེཏུཀེསུ པཝིསནྟི.

པདཏྠོ ¶ ཙ དསྶནེན པཧཱཏབྦོ ཧེཏུ ཨེཏེསཾ ཨཏྠཱིཏི དསྶནེནཔཧཱཏབྦཧེཏུཀཱ. ཨེཝཾ བྷཱཝནཱཡཔཧཱཏབྦཧེཏུཀཱཏི ཨེཏྠཱཔི ཨཏྠོ ཝེདིཏབྦོ. ཨེཝཾ ཧི སཏི ཨཧེཏུཀཱནཾ ཨགྒཧཎཾ སིཡཱཏི ཨེཏྟཀམེཝ ཝིསེསོ. ཏིཀདྭཡམེཝ ཧི བྷགཝཱ དེསནཱཝིལཱསེན ཙཏྟཱརོ དུཀེ ཀཏྭཱ དེསེསི. སེསཾ ཏཱདིསམེཝ. ཙཏྟཱརོ དུཀཱ ནིཊྛིཏཱ.

པཉྩཔཉྙཱསསཝིཏཀྐཙིཏྟེསུ ཝིཏཀྐཝིརཧིཏཱ ཙིཏྟཙེཏསིཀཱ དྷམྨཱ སཝིཏཀྐཱ ནཱམ. ཝིཏཀྐོ, པན སེསཙིཏྟརཱུཔནིབྦཱནཱནི ཙ ཨཝིཏཀྐཱ ནཱམ. པཉྩམཾ.

ཚསཊྛིཡཱ སཝིཙཱརཙིཏྟེསུ ཝིཙཱརཝིརཧིཏཱ དྷམྨཱ སཝིཙཱརཱ ནཱམ. ཝིཙཱརོ, པན སེསཙིཏྟརཱུཔནིབྦཱནཱནི ཙ ཨཝིཙཱརཱ ནཱམ. སེསཾ ཨིདྷ, ཨནནྟརེ ཝུཏྟདུཀེ ཙ ཝིཏཀྐཏྟིཀེ ཝུཏྟཱནུསཱརེན ཉཱཏབྦཾ. ཚཊྛཾ.

ཨིཏོ པརེསུ སཔྤཱིཏིཀདུཀོ, པཱིཏིསཧགཏདུཀོ ཙ སམཱནཏྠཱཝ, ཏེ ཙ སུཁསཧགཏཨུཔེཀྑཱསཧགཏདུཀཱ ཙཱཏི ཙཏྟཱརོཔི དུཀཱ པཱིཏིཏྟིཀེ ཝུཏྟནཡཱཝ. ཀེཝལཾ པནེཏེསཾ དུཀཱནཾ པཋམཾ པདཾ ཏཏྠ པཝིསཏི, པཱིཏིཏྟིཀེ ཨིཏརཱིཏརཔདདྭཡསངྒཧིཏཱ, ཨསངྒཧིཏཱ ཙ སབྦེ ཨཏྠཱ ཧེཊྛཱ ཝུཏྟནཡེནེཏྠ དུཀཱནཾ དུཏིཡཔདེསུ ཨཏྠཏོ སངྒཧིཏཱ, ཨིམེ ཙ ནིཔྤདེསདུཀཱཏི ཨཡམེཝ ཝིསེསོ. སཏྟམཨཊྛམནཝམདསམཱ.

ཏདནནྟརེསུ ཀཱམཱཝཙརཱཏི ཨེཏྠ ‘‘ཧེཊྛཏོ ཨཝཱིཙིནིརཡཾ པརིཡནྟཾ ཀརིཏྭཱ ཨུཔརིཏོ པརནིམྨིཏཝསཝཏྟཱི དེཝེ ཨནྟོ ཀརིཏྭཱ ཡཾ ཏསྨིཾ ཨནྟརེ ཨེཏྠཱཝཙརཱ ཨེཏྠ པརིཡཱཔནྣཱ’’ཏི ཨེཝཾ (དྷ. ས. ༡༢༨༧) པཱལི༹ཡཾ པརིཙྪིནྣཱནཾ ཙཏུནྣཾ ཨཔཱཡཱནཾ, མནུསྶཱནཾ, ཚནྣཾ དེཝལོཀཱནཉྩ ཝསེན ཨོཀཱསཏོ ཨེཀཱདསཝིདྷོ ཀཱམབྷཝོ ¶ ‘‘ཀཱམོ’’ཏི ཝུཙྩཏི ཨུཏྟརཔདལོཔེན ཡཐཱ ‘‘རཱུཔཱུཔཔཏྟིཡཱ’’ཏིཨཱདཱིསུ རཱུཔབྷཝོ ‘‘རཱུཔ’’ནྟི. ཏསྨིཾ ཀཱམེ ཨཝཙརནྟི པཝཏྟནྟཱིཏི ཀཱམཱཝཙརཱ. ཡེབྷུཡྻཏོ ཙེཏཾ ཝུཏྟཾ རཱུཔཱརཱུཔེསུ ཙེཏེསཉྩ ཨིདྷ པཝཏྟིཏོ ‘‘ཐལཙརཱ’’ཏིཨཱདཱིསུ ཝིཡ. ཀཱམབྷཝསངྑཱཏེ ཝཱ ཀཱམེ པཊིསནྡྷིཾ ཨཝཙཱརེནྟཱིཏིཔི ཀཱམཱཝཙརཱ, ཀུསལཱཀུསལཱནི ¶ . ཨུདྡྷཙྩསཧགཏཙིཏྟཾ པན ཨབྱཱཀཏཙིཏྟསདིསཾ. ཏདཱཡཏྟཏཱཡ, ཨཱརམྨཎཀརཎཝསེན ཝཱ ཀིལེསཀཱམོ ཨེཏྠ ཨཝཙརཏཱིཏིཔི ཀཱམཱཝཙརཾ. ཀཱམཉྩེས རཱུཔཱརཱུཔཱཝཙརདྷམྨེསུཔི ཨཝཙརཏི, རུལ༹ྷིཏོ པན ‘‘ཝདཏཱིཏི ཝཙྪོ’’ཏིཨཱདཱིསུ ཝིཡ ཨིམེ ཨེཝ ‘‘ཀཱམཱཝཙརཱ’’ཏི ཝུཙྩནྟི. ཨཔིཙ ཀཱམཏཎྷཱ རཱུཔཏཎྷཱ ཨརཱུཔཏཎྷཱཏི ཨེཏྠ ཝུཏྟཀཱམཏཎྷཱསངྑཱཏོ ཀཱམོ ཨེཏྠ ཨཝཙརཏཱིཏིཔི ཀཱམཱཝཙརཱ. ཨེཝཾ བྲཧྨཱནཾ ཝིམཱནཱབྷརཎཱདཱིསུ ཚནྡརཱགསྶཱཔི ཀཱམཏཎྷཱབྷཱཝོ སིདྡྷོ, རཱུཔཏཎྷཱཝིསཡཱནམྤི ཙ བྲཧྨཱནཾ ཀམྨཛརཱུཔཱདཱིནཾ ཀཱམཏཎྷཱཡཔི ཝིསཡཏཱཡ ཀཱམཱཝཙརཏཱ སིདྡྷཱ ཧོཏི. ན རཱུཔཱརཱུཔཱཝཙརཱནཾ ཏདབྷཱཝཏོ ཏདཉྙེ ན ཀཱམཱཝཙརཱ. ཨིམིནཱ ནཡེན རཱུཔཱཝཙརཱདིདུཀཱནམྤི པདཏྠོ ཡཐཱརཧཾ ཉཱཏབྦོ. ཏཏྠ ཙཏུཔཉྙཱས ཀཱམཱཝཙརཙིཏྟཱནི, སབྦཉྩ རཱུཔཾ ཀཱམཱཝཙརཱ ནཱམ. སེསཙིཏྟནིབྦཱནཱནི ན ཀཱམཱཝཙརཱ ནཱམ. ཙེཏསིཀེསུ ཝཏྟབྦཾ པརིཡཱཔནྣདུཀེ ཨེཝ ཨཱཝི བྷཝིསྶཏི. ཨེཀཱདསམཾ.

པནྣརས རཱུཔཱཝཙརཙིཏྟཱནི རཱུཔཱཝཙརཱ ནཱམ. སེསཙིཏྟརཱུཔནིབྦཱནཱནི ན རཱུཔཱཝཙརཱ ནཱམ. དྭཱདསམཾ.

དྭཱདས ཨརཱུཔཱཝཙརཙིཏྟཱནི ཨརཱུཔཱཝཙརཱ ནཱམ. སེསཙིཏྟརཱུཔནིབྦཱནཱནི ན ཨརཱུཔཱཝཙརཱ ནཱམ. ཏེརསམཾ.

ཏེབྷཱུམཀཝཊྚེ པརིཡཱཔནྣཱ ཨནྟོགདྷཱཏི པརིཡཱཔནྣཱ, ལོཀིཡདྷམྨཱཝ. ཏཏྠ ན པརིཡཱཔནྣཱཏི ཨཔརིཡཱཔནྣཱ, ལོཀུཏྟརཱ. ཙེཏསིཀེསུ པན ཀཱམཱཝཙརཱདིདུཀཱནཾ ཙཏུནྣམྤི ¶ སཱདྷཱརཎོ ཝིནིཙྪཡོ ཨེཝཾ ཝེདིཏབྦོ – ཨཀུསལཙེཏསིཀཱ ཀཱམཱཝཙརཱཝ, ཨཔྤམཉྙཱ ཀཱམརཱུཔཱཝཙརཱ, ཝིརཏིཡོ པན ཀཱམཱཝཙརཔརིཡཱཔནྣཱ, ཝིཏཀྐཝིཙཱརཔཱིཏིཡོ པན ཀཱམརཱུཔཱཝཙརཔརིཡཱཔནྣཱ, སེསཱ ཙཏུབྷཱུམཀཱཏི. ཙུདྡསམཾ.

ཝཊྚམཱུལཾ ཚིནྡནྟཱ ནིབྦཱནཾ ཨཱརམྨཎཾ ཀཏྭཱ ཝཊྚཏོ ནཱིཡནྟཱིཏི ནིཡྻཱནིཀཱ, ཙཏྟཱརི ལོཀུཏྟརམགྒཙིཏྟཱནི. ཨིམིནཱ ལཀྑཎེན ན ནིཡྻནྟཱིཏི ཨནིཡྻཱནིཀཱ, སེསཙིཏྟརཱུཔནིབྦཱནཱནི. སེསཾ སུཝིཉྙེཡྻམེཝ. པཉྩདསམཾ.

ཙུཏིཡཱ ¶ ཝཱ ཨཏྟནོ ཝཱ པཝཏྟིཡཱ ཨནནྟརཾ ཕལདཱནེ ནིཡཏཏྟཱ ནིཡཏཱ, མིཙྪཏྟནིཡཏཱ, སམྨཏྟནིཡཏཱ ཙ. ཏཐཱ ཨནིཡཏཏྟཱ ཨནིཡཏཱ, སེསདྷམྨཱ. སེསཾ ཝུཏྟནཡམེཝ. སོལ༹སམཾ.

ཨཉྙེ དྷམྨེ ཨུཏྟརནྟི ཨཏིཀྐམནྟཱིཏི ཨུཏྟརཱ, ཨཏྟཱནཾ ཨུཏྟརིཏུཾ སམཏྠེཧི སཧ ཨུཏྟརེཧཱིཏི སཨུཏྟརཱ, ལོཀིཡཱཝ. ནཏྠི ཨེཏེསཾ ཨུཏྟརཱཏི ཨནུཏྟརཱ, ལོཀུཏྟརཱ. སཏྟརསམཾ.

རཎནྟི ཀནྡནྟི ཨེཏེཧཱིཏི རཎཱ, ཡེཧི ཨབྷིབྷཱུཏཱ སཏྟཱ ནཱནཔྤཀཱརཏོ པརིདེཝནྟི, ཏེསཾ ཨཀུསལམཱུལཱནཾ ཨེཏཾ ཨདྷིཝཙནཾ, ཏེཧི སམྤཡོགཝསེན, པཧཱནེཀཊྛཏཱཝསེན ཙ སཧ རཎེཧཱིཏི སརཎཱ. ཨེཏེནཱཀཱརེན ནཏྠི ཨེཏེསཾ རཎཱཏི ཨརཎཱ.

ཏཏྠ དྭཱདས ཨཀུསལཙིཏྟཱནི སརཎཱ ནཱམ. སརཎདྷམྨེསུ ཙེཏྠ ལོབྷདོསམོཧཱ རཎཱ ཙེཝ སརཎཱ ཙ, ཏེསུ ལོབྷདོསཱ མོཧེནེཝ སམྤཡོགཏོ སརཎཱ, ཏཐཱ ཝིཙིཀིཙྪུདྡྷཙྩསཧགཏཙིཏྟཾ, ཏཾསམྤཡུཏྟཱ ཙ. མོཧོ པན ཏེསུ སམྤཡོགཏོ སརཎོ, དིཊྛིསམྤཡུཏྟརཱགེན, པན བྷཝརཱགེན ཙ རཎབྷཱུཏེན པཧཱནེཀཊྛཏཱཝསེནེཝ སརཎོ ¶ . ལོབྷདོསམོཧམཱུལསམྤཡུཏྟེསུ པན མོཧོ ལོབྷེན ཙེཝ དོསེན ཙ, སེསཱ ལོབྷམོཧེན ཙེཝ དོསམོཧེན ཙ སམྤཡོགཏོ སརཎཱཏི ཝེདིཏབྦཱ. སབྦཱནི ཀུསལཱབྱཱཀཏཙིཏྟཱནི, རཱུཔནིབྦཱནཱནི ཙ ཨརཎཱ ནཱམ. ཙེཏསིཀེསུ པན ཨཀུསལཱ སརཎཱཝ, ཀུསལཱབྱཱཀཏཱ ཨརཎཱཝ, ཏིཛཱཏིཀཱ པན དྭིདྷཱཔི ཧོནྟཱིཏི. ཨཊྛཱརསམཾ.

པིཊྛིདུཀཱ ནིཊྛིཏཱ.

ཨབྷིདྷམྨདུཀམཱཏིཀཏྠཝཎྞནཱ ནིཊྛིཏཱ.

སུཏྟནྟིཀདུཀམཱཏིཀཏྠཝཎྞནཱ

སུཏྟནྟིཀདུཀེསུ ཝེདེཏི, ཝིཝིདྷེན ཝཱ ཨཱཀཱརེན ཛཱནཱཏཱིཏི ཝིཛྫཱ, ཝིཔསྶནཱཉཱཎམནོམཡིདྡྷིཚཨབྷིཉྙཱཝསཔྤཝཏྟཱ པཉྙཱ, ཏསྨིཾ ཝིཛྫཱབྷཱགེ ཝིཛྫཱཀོཊྛཱསེ ཝིཛྫཱསབྷཱཝེ ¶ ཝཏྟནྟཱིཏི ཝིཛྫཱབྷཱགིནོ. ཏཱ ཨེཝ ཝིཛྫཱ, ཏཾ ཝཱ ཝིཛྫཾ སམྤཡོགཝསེན བྷཛནྟཱིཏིཔི ཝིཛྫཱབྷཱགིནོ, ཨཊྛཝིདྷཝིཛྫཱསམྤཡུཏྟདྷམྨཱ. ཏཱསུ ཡཱ ཀཱཙི ཨེཀཱ ཝིཛྫཱ ཝིཛྫཱ, སེསཱ ཝིཛྫཱབྷཱགིནོཏི ཨེཝཾ ཝིཛྫཱཔི ཝིཛྫཱསམྤཡུཏྟདྷམྨཱཔི ཝིཛྫཱབྷཱགིནོཏྭེཝ ཝེདིཏབྦཱ, ཨིདྷ པན ཝིཛྫཱསམྤཡུཏྟཱ དྷམྨཱཝ ཨདྷིཔྤེཏཱ. ན ཝིཛཱནཱཏཱིཏི ཨཝིཛྫཱ, ཙཏུསཙྩཙྪཱདཀཝསེན ཙཏུབྦིདྷོ མོཧོ, ཏསྨིཾ ཨཝིཛྫཱབྷཱགེ ཨཝིཛྫཱཀོཊྛཱསེ ཨཝིཛྫཱསབྷཱཝེ ཝཏྟནྟཱིཏི ཨཝིཛྫཱབྷཱགིནོ. ཏཱ ཨེཝ ཨཝིཛྫཱ, ཏཾ ཝཱ ཨཝིཛྫཾ སམྤཡོགཝསེན བྷཛནྟཱིཏིཔི ཨཝིཛྫཱབྷཱགིནོ, ཨཝིཛྫཱསམྤཡུཏྟདྷམྨཱ. ཨེཝཾ ཨཝིཛྫཱཔི ཨཝིཛྫཱསམྤཡུཏྟདྷམྨཱཔི ཨཝིཛྫཱབྷཱགིནོཏྭེཝ ཝེདིཏབྦཱ, ཨིདྷ པན ཨཝིཛྫཱསམྤཡུཏྟདྷམྨཱཝ ཨདྷིཔྤེཏཱ.

ཏཏྠ ཨརཧཏྟམགྒཙིཏྟཾ, པཉྙཱཝིརཧིཏཏཾསམྤཡུཏྟཱ ཙ ཝིཛྫཱབྷཱགིནོ ཙ ཉཱཎསམྤཡུཏྟཀཱམཱཝཙརཛཝནཱནི, ཉཱཎཝིརཧིཏཏཾསམྤཡུཏྟཱ ¶ ཙ ཝིཔསྶནཱབྷཱཝེན པཝཏྟིཡཾ ཝིཛྫཱབྷཱགིནོ, ཨཉྙདཱ ན ཝཏྟབྦཱ. རཱུཔཱཝཙརཙཏུཏྠཛ྄ཛྷཱནིཀཛཝནཙིཏྟཱནི, པཉྙཱཝིརཧིཏཏཾསམྤཡུཏྟཱ ཙ མནོམཡིདྡྷིབྷཱཝེན ཙ པཉྩཱབྷིཉྙཱབྷཱཝེན ཙ པཝཏྟིཡཾ ཝིཛྫཱབྷཱགིནོ, ཨཉྙདཱ ན ཝཏྟབྦཱ. ཏཏྠ དྭཱདསཱཀུསལཙིཏྟཱནི, ཨཝིཛྫཱཝིརཧིཏཏཾསམྤཡུཏྟཱ ཙ ཨཝིཛྫཱབྷཱགིནོཝ, ཨིདྷ པན ཨཝིཛྫཱ, སེསཙིཏྟརཱུཔནིབྦཱནཱནི ཙ ན ཝཏྟབྦཱཝ. ཙེཏསིཀེསུ པན མོཧཨཔྤམཉྙཱ ན ཝཏྟབྦཱཝ, སེསཱ ཀུསལཱབྱཱཀཏཱ སིཡཱ ཝིཛྫཱབྷཱགིནོ, སིཡཱ ན ཝཏྟབྦཱ, ཏིཛཱཏིཀཱ དྭིདྷཱཔི ན ཝཏྟབྦཱ ཙ. སེསཾ སུཝིཉྙེཡྻམེཝ. པཋམཾ.

པུན ཨནཛ྄ཛྷོཏྠརཎཝསེན ཀིལེསནྡྷཀཱརཾ ཝིདྡྷཾསེཏུཾ ཨསམཏྠཏཱཡ ཝིཛྫུ ཨུཔམཱ ཨེཏེསནྟི ཝིཛྫཱུཔམཱ, ཨཱདིཏོ ཏཱིསུ མགྒེསུ ཉཱཎཾཝ. ནིསྶེསཾ ཝིདྡྷཾསནསམཏྠཏཱཡ ཝཛིརཾ ཨུཔམཱ ཨེཏེསནྟི ཝཛིརཱུཔམཱ, ཨརཧཏྟམགྒེ ཉཱཎཾ. ཡཐཱ ཧི མེགྷནྡྷཀཱརེ མགྒཔཊིཔནྣསྶ པཊིཙྪཱདནཨནྡྷཀཱརཾ ཝིདྷམིཏྭཱ ཝིཛྫུཡཱ ཨུཔྤནྣཀྑཎེ ཙཱཏུདིསཱ མགྒཱ པཱཀཊཱ ཧོནྟི, ཝིཛྫུཡཱ ནིརུདྡྷཱཡ པུན ཨནྡྷཀཱརོ ཨོཏྠརིཏྭཱ མགྒཾ པཊིཙྪཱདེཏི, ཨེཝཾ ཝིཔསྶནཱཡཱནིཀསྶ ཡཐཱསཀཾ སཙྩཙྪཱདཀཀིལེསནྡྷཀཱརཾ ཝིདྷམིཏྭཱ ཏཱིསུ མགྒེསུ ཡཐཱཀྐམཾ ཨུཔྤནྣེསུ ཙཏྟཱརི སཙྩཱནི པཱཀཊཱནི ཧོནྟི, ཏེསུ ནིརུདྡྷེསུ པུན ཨཝསིཊྛཀིལེསནྡྷཀཱརོ ཙཏུསཙྩཾ པཊིཙྪཱདེཏི, ཏསྨཱ ཏཱིསུ མགྒེསུ པཉྙཱ ཝིཛྫཱུཔམཱ ཝུཏྟཱ. ཡཐཱ པན ཝཛིརསྶ ཨབྷེཛྫོ པཱསཱཎོ ནཱམ ནཏྠི, ཏཉྩ ནིསྶེསཏོ ཝཛིརཾ ཁེཔེཏི, ཝཛིརེན ཙ གཏམགྒེ པཱསཱཎསྶ པུན ¶ པཱཀཏིཀབྷཱཝོ ནཏྠི, ཨེཝཾ ཨརཧཏྟམགྒཉཱཎསྶ ཨཝཛ྄ཛྷཀིལེསོ ནཱམ ནཏྠི, ཏཉྩ ནིསྶེསཏོ ཨརཧཏྟམགྒཉཱཎཾ ཁེཔེཏི, ཏེན ཙ ཁེཔིཏེ ཀིལེསེ ཨཝསིཊྛཀིལེསཱབྷཱཝཏོ ཏསྶ པུན པཙྩུདཱཝཏྟནཾ ནཱམ ནཏྠི, ཏསྨཱ ¶ ཙཏུཏྠམགྒེ པཉྙཱ ཝཛིརཱུཔམཱ ཝུཏྟཱ. པཉྙཱ ཨེཝ ཧེཏྠ སིཡཱ ཝིཛྫཱུཔམཱ, སིཡཱ ན ཝཏྟབྦཱ ཙ ཧོཏི. སེསཙེཏསིཀཙིཏྟརཱུཔནིབྦཱནཱནི པན སབྦཱནི ན ཝཏྟབྦཱནེཝ. དུཏིཡཾ.

བཱལེསུ ཋིཏཏྟཱ, ཡཏྠ ཋིཏཱ ཏདུཔཙཱརེན བཱལཱ, བཱལཀརཏྟཱ ཝཱ བཱལཱ, དྭཱདསཱཀུསལཙིཏྟཱནི. ཨིདྷ པན ཨཧིརིཀཉྩ ཨནོཏྟཔྤཉྩ བཱལཱ ནཱམ. པཎྜིཏེསུ ཋིཏཏྟཱ པཎྜིཏཱ, པཎྜིཏཀརཏྟཱ ཝཱ པཎྜིཏཱ, ཨེཀཝཱིསཏི ཀུསལཙིཏྟཱནི. ཨིདྷ པན ཧིརཱི ཙ ཨོཏྟཔྤཉྩ པཎྜིཏཱ ནཱམ. སེསཙིཏྟརཱུཔནིབྦཱནཱནི ན ཝཏྟབྦཱནི. སེསཾ སུཝིཉྙེཡྻམེཝ. ཏཏིཡཾ.

ཀཎྷཱཏི ཀཱལ༹ཀཱ, ཙིཏྟསྶ ཨཔབྷསྶརབྷཱཝཀརཎཱ. སུཀྐཱཏི ཨོདཱཏཱ, པབྷསྶརབྷཱཝཀརཎཱ. སེསཾ སབྦཾ བཱལདུཀསདིསམེཝ. ཙཏུཏྠཾ.

ཨིདྷ ཙེཝ སམྤརཱཡེ ཙ ཏཔེནྟཱིཏི ཏཔནཱིཡཱ. ན ཏཔནཱིཡཱ ཨཏཔནཱིཡཱ. སེསཾ བཱལདུཀསདིསམེཝ. པཉྩམཾ.

‘‘སིརིཝཌྜྷཀོ དྷནཝཌྜྷཀོ’’ཏིཨཱདཡོ ཝིཡ ཝཙནམཏྟམེཝ ཨདྷིཀཱརཾ ཀཏྭཱ པཝཏྟཱ ཨདྷིཝཙནཱ ནཱམ. ནཱམདྷེཡྻནྟི ཏེསཾ ཏེསཾ དྷམྨཱནཾ ནཱམཱནི. ཏཱནི ཙཏུབྦིདྷཱནི སཱམཉྙནཱམཾ གུཎནཱམཾ ཀིཏྟིམནཱམཾ ཨོཔཔཱཏིཀནཱམནྟི. ཏཏྠ པཋམཀཔྤིཀེསུ མཧཱཛནེན སམྨནྣིཏྭཱ ཋཔིཏཏྟཱ ‘‘མཧཱསམྨཏོ’’ཏི རཉྙོ ནཱམནྟི ཨེཝརཱུཔཾ སཱམཉྙནཱམཾ ནཱམ. ‘‘དྷམྨཀཐིཀོ པཾསུཀཱུལིཀོ ཀཱལོ༹ རསྶོ’’ཏི ཨེཝརཱུཔཾ གུཎཏོ ཨཱགཏཾ, ‘‘བྷགཝཱ ཨརཧཾ སམྨཱསམྦུདྡྷོ’’ཏིཨཱདཱིནིཔི ཏཐཱགཏསྶ ཨནེཀཱནི ནཱམསཏཱནི གུཎནཱམཾ ནཱམ. ཡཾ པན ཛཱཏསྶ ཀུམཱརསྶ ཉཱཏཀཱ ཀཔྤེཏྭཱ པཀཔྤེཏྭཱ ‘‘ཨཡཾ ཨསུཀོ ནཱམཱ’’ཏི ནཱམཾ ཀརོནྟི, ཨིདཾ ཀིཏྟིམནཱམཾ ¶ ནཱམ. ཡཱ པན པུརིམཔཉྙཏྟི ཨཔརཔཉྙཏྟིཡཾ ནིཔཏཏི, སེཡྻཐིདཾ – པུརིམཀཔྤེཔི ཙནྡོ ཙནྡོ ཨེཝ, ཨེཏརཧིཔི ཨནཱགཏེཔི ཙནྡོ ཨེཝ. ཏཐཱ ‘‘སཱུརིཡོ སམུདྡོ པཐཝཱི རཱུཔཾ ཝེདནཱ སཉྙཱ སངྑཱརཱ ཝིཉྙཱཎཾ ནིབྦཱན’’ནྟིཨེཝམཱདི ཨོཔཔཱཏིཀནཱམཾ ནཱམ. ཏཱནི པུན ཝིཛྫམཱནཔཉྙཏྟི ཨཝིཛྫམཱནཔཉྙཏྟི ཝིཛྫམཱནེནཨཝིཛྫམཱནཔཉྙཏྟི ཨཝིཛྫམཱནེནཝིཛྫམཱནཔཉྙཏྟི ¶ ཝིཛྫམཱནེནཝིཛྫམཱནཔཉྙཏྟི ཨཝིཛྫམཱནེནཨཝིཛྫམཱནཔཉྙཏྟཱིཏི ཨེཝཾ ནཱམཔཉྙཏྟིཝསེན ཚབྦིདྷཱནི ཧོནྟི.

ཏཏྠ པརམཏྠཏོ ཨུཔལབྦྷམཱནཱ ཡཐཱཝུཏྟདྭཱསཏྟཏིཝིདྷཱ ནཱམརཱུཔདྷམྨཱ ཝིཛྫམཱནཱ ནཱམ, ཏེསཾ པཀཱརེཧི ཉཱཔནཏོ པཉྙཏྟི ཝིཛྫམཱནཔཉྙཏྟི ནཱམ, ‘‘ཙིཏྟཾ ཕསྶོ པཐཝཱི རཱུཔཾ ནིབྦཱན’’ནྟིཨཱདཡོ པརམཏྠཝཱཙཀཱ སདྡཱ. ཨུཔཱདིནྣནཱམརཱུཔདྷམྨེ པན ཨུཔཱདཱཡ པཉྙཏྟཱ སཏྟཔུགྒལཨིཏྠིཔུརིསདེཝམནུསྶཏིརཙྪཱནཱདིབྷེདཱ, ཨནུཔཱདིནྣརཱུཔདྷམྨེ ཨུཔཱདཱཡ པཉྙཏྟཱ བྷཱུམིཔབྦཏརུཀྑསཀཊཙནྡསཱུརིཡནཀྑཏྟདིསཱཀཱལཀསིཎཱདིབྷེདཱ ཙ པརམཏྠཏོ ཨནུཔལབྦྷམཱནཱ ཨཝིཛྫམཱནཱ ནཱམ, ཏེསཾ པཉྙཏྟི ཨཝིཛྫམཱནཔཉྙཏྟི ནཱམ. ཏཐཱ ‘‘ཨཏྟཱ བྷཱུམཱི’’ཏིཨཱདཡོ ཨཏྠཔཉྙཏྟིཝཱཙཀཱ སདྡཱ ཙ ཙིཏྟསནྟཏིཝཎྞུཔགནྟིཨཱདི ཝིཛྫམཱནཏྠཝཱཙཀཱ སདྡཱ ཝིཛྫམཱནེནཨཝིཛྫམཱནཔཉྙཏྟི ནཱམ. ‘‘པུརིསསྶ ཙིཏྟཾ, མེགྷཝཎྞོ’’ཏིཨཱདཱིསུ ཨཝིཛྫམཱནེནཝིཛྫམཱནཔཉྙཏྟི ནཱམ. ‘‘ཙིཏྟལཧུཏཱ པཐཝཱིགནྡྷོ’’ཏིཨཱདི ཝིཛྫམཱནེནཝིཛྫམཱནཔཉྙཏྟི ནཱམ. ‘‘མནུསྶསརཱིརཾ རུཀྑསཱཁཱ’’ཏིཨཱདི ཨཝིཛྫམཱནེནཨཝིཛྫམཱནཔཉྙཏྟི ནཱམ. ཨེཝཾ ཚབྦིདྷཱཔི ཙེཏཱ ཨདྷིཔྤཱཡཾ ཝིཉྙཱཔེཏུཀཱམཏཱཙིཏྟསམུཊྛཱཔིཏསཝིཉྙཏྟིསདྡཱནུསཱརེན ཉཱཏསངྐེཏསྶ སོཏཝིཉྙཱཎཝཱིཐིཨནནྟརཾ ཨུཔྤནྣེཧི མནོདྭཱརིཀཝིཉྙཱཎེཧི ‘‘ཨིམསྶེདཾ ནཱམ’’ནྟི ཨནེཀསདྡེསུ ཨེཀཏྟམཱརོཔེཏྭཱ ཝཝཏྠཱཔིཏཱ ཨཏྠཱབྷིམུཁཾ ནམནཏོ པཀཱརེཧི ཨཏྠསྶ ཉཱཔནཏོ ‘‘ནཱམཔཉྙཏྟཱི’’ཏི ཝུཙྩནྟི, ཏེསཾ ¶ ཨདྷིཝཙནཱནཾ པཐཱ ཨཏྠཱ ཨདྷིཝཙནཔཐཱ, སམྨུཏིཔརམཏྠབྷེདཱ སབྦེ དྷམྨཱ སདྡཝཙནཱིཡསབྷཱཝཱ. ཚཊྛཾ.

ཨིཏོ པརཾ དྭེ དུཀཱ ཨདྷིཝཙནདུཀསདིསཱཝ, ཀེཝལཾ པདཏྠམཏྟམེཝ ཝིསེསོ. ཏཏྠ ཨབྷིསངྑརོནྟཱིཏི སངྑཱརཱཏི ཨེཝཾ ནིདྡྷཱརེཏྭཱ སཧེཏུཀཾ ཀཏྭཱ ཝུཙྩམཱནཱ ནིརུཏྟི ནཱམ, ‘‘ཏཀྐོ ཝིཏཀྐོ སངྐཔྤོ’’ཏི ཨེཝཾ ཏེན ཏེན པཀཱརེན ཉཱཔནཏོ པཉྙཏྟི ནཱམ, ཡཐཱཝུཏྟནཱམཔཉྙཏྟིཡོཝ. ན ཧི ཨདྷིཝཙནནིརུཏྟིཔཉྙཏྟཱིསུ ཨཏྠཏོ ཀོཙིཔི བྷེདོ ཨཏྠི, ནིབྦཏྟིནིམིཏྟབྷེདདསྶནཏྠཾ པན ནེསཾ ཝིབྷཱགེན པདཏྠོ དསྶིཏོ. ཨིམེསུ ཙ ཏཱིསུ དུཀེསུ པཉྙཏྟིསཧིཏཱ སབྦེ དྷམྨཱ ལབྦྷནྟི, ཨནནྟརེ ནཱམརཱུཔདུཀེ པཉྙཏྟིརཧིཏཱཏི ཨིམེ ཙཏྟཱརོ དུཀཱ ཨིམེསུ སུཏྟནྟིཀདུཀེསུ ནིཔྤདེསཱ, སེསཱ པན ཨཊྛཏིཾསཱཔི སཔྤདེསཱཏི ཝེདིཏབྦཱ. སཏྟམཊྛམཱནི.

ནཱམཀརཎཊྛེན, ནམནཊྛེན, ནཱམནཊྛེན ཙ ནཱམཾ, ཨརཱུཔཀྑནྡྷནིབྦཱནཱནི. ཏཱནི ཧི སབྦདཱཔི ¶ ཝེདནཱ སཉྙཱ སངྑཱརཱ ཝིཉྙཱཎཾ ནིབྦཱནནྟི ཨོཔཔཱཏིཀནཱམཝསེན ཨཏྟནོ ནཱམཾ ཀརོནྟཱཝ པཝཏྟནྟི ཙནྡསཱུརིཡཱདཡོ ཝིཡ. ན ཧི ཏེསཾ སཱམཉྙགུཎཀིཏྟིམཝསེན ནཱམཀརཎཀིཙྩཾ ཨཏྠཱིཏི. ཨེཝཾ ནཱམཀརཎཊྛེན ནཱམཾ ཝེདིཏབྦཾ. ཨཱརམྨཎཱབྷིམུཁཾ པན ནམནཊྛེན, ཨཉྙམཉྙཾ ཏཏྠ ནཱམནཊྛེན ཙ ཙཏྟཱརོ ཨརཱུཔཀྑནྡྷཱཝ ནཱམཾ. ནིབྦཱནཾ པན ཨཱརམྨཎཱདྷིཔཏིཔཙྩཡཏཱཡ ཨཏྟནི ཨནཝཛྫདྷམྨཱནཾ ནཱམནཊྛེནེཝ ནཱམཾ ཝེདིཏབྦཾ. རུཔྤནཊྛེན རཱུཔཾ, རཱུཔཀྑནྡྷོ. ནཝམཾ.

ཨཝིཛྫཱཏི དུཀྑཱདིཔཊིཙྪཱདཀོ སབྦོ མོཧོ. བྷཝཏཎྷཱཏི བྷཝཔཏྠནཱཝསེན པཝཏྟོ ལོབྷོ. ཏཐཱ ཨཔྤཝཏྟོ པནེཏྠ ལོབྷོ, སེསཙེཏསིཀཙིཏྟརཱུཔནིབྦཱནཱནི ཙ ན ཝཏྟབྦཱནི. ཨིཏོ པརཾ པན ཨེཝཾ ནཝཏྟབྦཝིབྷཱགཾ ཨདསྶེཏྭཱ པདཏྠསརཱུཔམཏྟམེཝ དསྶཡིསྶཱམ, དསྶིཏཱཝསེསཱ ན ཝཏྟབྦཱཏི གཧེཏབྦཱ. དསམཾ.

བྷཝོ ¶ ཝུཙྩཏི སསྶཏཾ. ‘‘བྷཝིསྶཏི ཨཏྟཱ ཙ ལོཀོ ཙཱ’’ཏི སསྶཏཝསེན ཨུཔྤཛྫནཀདིཊྛི བྷཝདིཊྛི ནཱམ. ཝིབྷཝོ ཝུཙྩཏི ཨུཙྪེདོ. ‘‘ན བྷཝིསྶཏི ཨཏྟཱ ཙ ལོཀོ ཙཱ’’ཏི ཨུཙྪེདཝསེན ཨུཔྤཛྫནཀདིཊྛི ཝིབྷཝདིཊྛི ནཱམ. ཨུབྷཡེནཱཔི མིཙྪཱདིཊྛི གཧིཏཱ. ཏཐཱ ཨནནྟརེསུཔི ཏཱིསུ དུཀེསུ. ཨེཀཱདསམཾ.

ཁནྡྷཔཉྩཀཾ ‘‘ཨཏྟཱ ཙ ལོཀོ ཙཱ’’ཏི གཧེཏྭཱ ‘‘སསྶཏོ ཨཏྟཱ ཙ ལོཀོ ཙཱ’’ཏི པཝཏྟཱ དིཊྛི སསྶཏདིཊྛི ནཱམ. ཏཐཱ ‘‘ཨུཙྪིཛྫིསྶཏཱི’’ཏི པཝཏྟཱ དིཊྛི ཨུཙྪེདདིཊྛི ནཱམ. ‘‘ཨནྟཝཱ’’ཏི པཝཏྟཱ ཨནྟཝཱདིཊྛི ནཱམ. ‘‘ཨནནྟཝཱ’’ཏི པཝཏྟཱ ཨནནྟཝཱདིཊྛི ནཱམ. པུབྦནྟཾ ཨནུགཏཱ བྲཧྨཛཱལེ ཝུཏྟནཡེན ཨཏཱིཏཀོཊྛཱསཾ ཨཱརམྨཎཾ ཀཏྭཱ པཝཏྟཱ ཨཊྛཱརསཝིདྷཱ པུབྦནྟཱནུདིཊྛི ནཱམ. ཨཔརནྟཾ ཨནུགཏཱ ཏཏྠེཝ ཨཱགཏནཡེན ཨནཱགཏཀོཊྛཱསཾ ཨཱརམྨཎཾ ཀཏྭཱ པཝཏྟཱ ཙཏུཙཏྟཱལཱིསཝིདྷཱ ཨཔརནྟཱནུདིཊྛི ནཱམ. ཨཡམེཏྠ སངྑེཔོ, ཝིཏྠཱརོ པན བྲཧྨཛཱལེ (དཱི. ནི. ༡.༢༨), ཏདཊྛཀཐཱཡ (དཱི. ནི. ཨཊྛ. ༡.༢༨) ཙ ཝེདིཏབྦོ. དྭཱདསམཏེརསམཙུདྡསམཱནི.

ཨཧིརིཀདུཀཾ, ཧིརིདུཀཉྩ སུཝིཉྙེཡྻམེཝ. པཉྩདསམསོལ༹སམཱནི.

དུཀྑཾ ¶ ཝཙོ ཨེཏསྨིཾ ཝིཔྤཊིཀཱུལགཱཧིམྷི ཝིཔཙྩནཱིཀསཱཏེ ཨནཱདརེ པུགྒལེཏི དུབྦཙོ, སཧདྷམྨིཀཾ དསྶེཏྭཱ ཨོཝདིཡམཱནེ ཨནཱདརཀཱརཀོ པུགྒལོ, ཏསྶ ཀམྨཾ དོཝཙསྶཾ, ཏསྶ བྷཱཝོ དོཝཙསྶཏཱ, ཨནཱདརཝསེན པཝཏྟཱ དྭེ པཊིགྷཙིཏྟཱ, ཏཾསམྤཡུཏྟཱ ཙ. པཱཔཱ ཨསྶདྡྷཱདཡོ པུགྒལཱ ཨེཏསྶ མིཏྟཱཏི པཱཔམིཏྟོ, ཏསྶ བྷཱཝོ པཱཔམིཏྟཏཱ, པཱཔཔུགྒལེསུ དལ༹ྷབྷཏྟིཝསེན, ཀཱཡཙིཏྟེཧི ཏཾསེཝནཱཏནྣིནྣཏཱཝསེན ཙ པཝཏྟཱནི ཨཊྛ ལོབྷཙིཏྟཱནི. སཏྟརསམཾ.

སོཝཙསྶཏཱ ¶ , ཀལྱཱཎམིཏྟཏཱ ཙ ཝུཏྟཔཊིཔཀྑཝསེན ཝེདིཏབྦཱ. ཨཏྠཏོ པན ཏཐཱཔཝཏྟཱནི སཧེཏུཀཀཱམཱཝཙརཀུསལཀིརིཡཙིཏྟཱནི. ཨཊྛཱརསམཾ.

པཉྩསུ, སཏྟསུ ཝཱ ཨཱཔཏྟཱིསུ ཀུསལབྷཱཝོ ཨཱཔཏྟིཀུསལཏཱ, སཧ ཝཏྠུནཱ ཏཱསཾ ཨཱཔཏྟཱིནཾ ཨཱཔཛྫནཔརིཙྪེདཛཱནནཝསེན པཝཏྟཱ ཀཱམཱཝཙརཛཝནཔཉྙཱ. ཨཱཔཏྟཱིཧི ཝུཊྛཱནེ ཀུསལབྷཱཝོ ཨཱཔཏྟིཝུཊྛཱནཀུསལཏཱ, ཝུཊྛཱནཝིདྷཱནེན སདྡྷིཾ ཨཱཔཏྟིཝུཊྛཱནཔརིཙྪེདཛཱནནཝསེན པཝཏྟཱ ཡཐཱཝུཏྟཙིཏྟསམྤཡུཏྟཔཉྙཱཝ. ཨེཀཱུནཝཱིསཏིམཾ.

སམཱཔཛྫིཏབྦཏོ སམཱཔཏྟི, ཏཱསུ ལོཀིཡལོཀུཏྟརཱསུ སཝིཏཀྐསཝིཙཱརཱདཱིསུ སམཱཔཏྟཱིསུ ཀུསལཏཱ སམཱཔཏྟིཀུསལཏཱ, སཧ པརིཀམྨེན ཨཔྤནཱཔརིཙྪེདཛཱནནཝསེན པཝཏྟཱ པཉྙཱ. སམཱཔཏྟཱིཧི ཝུཊྛཱནེ ཀུསལབྷཱཝོ སམཱཔཏྟིཝུཊྛཱནཀུསལཏཱ, ཡཐཱཔརིཙྪིནྣཀཱལེཡེཝ ཏཱཧི ཝུཊྛཱནཀཔཉྙཱ ཀཱམཱཝཙརཛཝནཔཉྙཱཝ. ཝཱིསཏིམཾ.

ཨཊྛཱརསསུ དྷཱཏཱུསུ ཀུསལབྷཱཝོ དྷཱཏུཀུསལཏཱ, སཝནདྷཱརཎཔཊིཝེདྷཔཙྩཝེཀྑཎཔཉྙཱ. ཏཱསཉྙེཝ དྷཱཏཱུནཾ མནསིཀཱརེ ཀུསལབྷཱཝོ མནསིཀཱརཀུསལཏཱ, ཏཱསཾ སམྨསནཔཊིཝེདྷཔཙྩཝེཀྑཎཔཉྙཱ. ཨེས ནཡོ ཨཱཡཏནཀུསལཏཱཡཔི. ཏཏྠ ཧི སཝནདྷཱརཎཔཙྩཝེཀྑཎཱ ཀཱམཱཝཙརཱཝ, པཊིཝེདྷོ ལོཀུཏྟརོཝ, སམྨསནཾ ཀཱམཱཝཙརལོཀུཏྟརཾ. ཨཉྙམཉྙཾ པཊིཙྩ སཧིཏཾ ཕལཾ ཨུཔྤཱདེཏཱིཏི པཊིཙྩསམུཔྤཱདོ, ཨཝིཛྫཱདཱིཧི ནིདྡིཊྛོ པཙྩཡསམཱུཧོ, ཏསྨིཾ དྭཱདསངྒེ ཨནུལོམཔཊིཙྩསམུཔྤཱདེ ཀུསལབྷཱཝོ པཊིཙྩསམུཔྤཱདཀུསལཏཱ, ‘‘ཨིམིནཱ པཙྩཡེན ཨིདཾ ཧོཏཱི’’ཏི ཛཱནནཝསེན པཝཏྟཱ ལོཀིཡཛཝནཔཉྙཱཝ. ཨེཀཝཱིསཏིམདྭཱཝཱིསཏིམཱནི.

ཏིཊྛཏི ¶ ¶ ཨེཏྠ ཕལཾ ཏདཱཡཏྟཝུཏྟིཏཱཡཱཏི ཋཱནཾ, ཀཱརཎཾ, ཏསྨིཾ ཋཱནེ ཀུསལཏཱ ཋཱནཀུསལཏཱ. ན ཋཱནེ ཀུསལཏཱ ཨཊྛཱནཀུསལཏཱ. ཏེཝཱིསཏིམཾ.

ཨུཛུབྷཱཝོ ཨཛྫཝོ. མུདུབྷཱཝོ མདྡཝོ. ཀཱཡཙིཏྟུཛུཀཏཱམུདུཀཏཱདྭཡཾ. ཙཏུཝཱིསཏིམཾ.

ཨདྷིཝཱསནསངྑཱཏཱ ཁམནཾ ཁནྟི, ཏཐཱཔཝཏྟཀཱམཱཝཙརཛཝནཱནི. པཱཔཏོ སུཊྛུ ཨོརཏོ ཝིརཏོཏི སོརཏོ, ཏསྶ བྷཱཝོ སོརཙྩཾ. ཀཱཡཝཙཱིམནོསཾཝརསཱིལསངྑཱཏཱནི ལོཀིཡལོཀུཏྟརཛཝནཱནི. པཉྩཝཱིསཏིམཾ.

སམྨོདཀཔིཡཝཱདིཏཱསངྑཱཏོ སཁིལབྷཱཝོ སཱཁལྱཾ, ཡཐཱ པརེཧི སདྡྷིཾ ཨཏྟནོ ཚིདྡཾ ཝིཝརཾ ན ཧོཏི, ཨེཝཾ དྷམྨཱམིསེཧི པཊིསནྠརཎཾ པཊིཙྪཱདནཾ པཊིསནྠཱརོ. ཨཱགནྟུཀསྶ ཧི པཙྩུགྒམནཔཏྟཙཱིཝརཔཊིགྒཧཎཨཱསནདཱནབཱིཛནཔཱདདྷོཝནམཀྑནཱདིནཱ, པཱནཱིཡེན ཨཱཔུཙྪནེན, ཀཱལེ ཨཱགཏསྶ ཡཱགུཨཱདཱིནཾ, ཝིཀཱལེ པཱནཀཱདཱིནཉྩ དཱནེན, པུནདིཝསེ པིཎྜཱཡ ཙརཎཊྛཱནདསྶནཔཝེསནནིཀྑམནཀཱལཱརོཙནཱདིནཱ ཙ པབྦཛིཏཱ, གཧཊྛཱནཉྩ ཝིནཡེ ཨཱགཏནཡེན ཡཐཱནུརཱུཔཾ ཨཱམིསཔཊིསནྠཱརོ ཀཱཏབྦོ. ཨཱགནྟུཀཾ པན ཨུཔསངྐམིཏྭཱ ‘‘ཏུམྷེ ཀཏརབྷཱཎཀཱ’’ཏི ཨཔུཙྪིཏྭཱ ‘‘ཨཱཙརིཡུཔཛ྄ཛྷཱཡཱ ཝོ ཀཏརཾ གནྠཾ ཝལ༹ཉྫེནྟཱི’’ཏི པུཙྪིཏྭཱ ཏསྶ ཝིསཡེ པཉྷཔུཙྪནེན སཙེ ན སཀྐོཏི, སཡཾ ཀཐེཏྭཱ དཱནེན, དྷམྨཀཐནཔཉྷཝིསྶཛྫནཀམྨཊྛཱནཀཐནཀུཀྐུཙྩདིཊྛིཝིནོདནཱདིནཱ, པརིཝཱསཱདིཝིནཡཀམྨཀརཎེན, པབྦཱཛནཨུཔསམྤདཱདིནཱ ཙ དྷམྨཔཊིསནྠཱརོ ཀཱཏབྦོ. ཨཡམེཏྠ སངྑེཔོ, ཝིཏྠཱརཏོ པནཱཡཾ སདྡྷིཾ ཨཱནིསཾསདཱིཔཀཝཏྠཱུཧི ཨཊྛསཱལིནིཡཾ (དྷ. ས. ཨཊྛ. ༡༣༥༡) ཉཱཏབྦོ. ཨེཏསྨིཾ དུཝིདྷེ པཊིསནྠཱརེ ཀུསལབྷཱཝོ པཊིསནྠཱརཀུསལཏཱ, ཏཐཱཔཝཏྟཀཱམཱཝཙརཛཝནཱནི ཨེཝ. ཚབྦཱིསཏིམཾ.

ཨིནྡྲིཡེསུ ¶ མནཙྪཊྛེསུ ཨཱཔཱཐགཏརཱུཔཱདཱིསུ ཨཱརམྨཎེསུ ནིམིཏྟགཧཎཱདིནཱ ཨིནྡྲིཡསཾཝརབྷེདསངྑཱཏོ ཨགུཏྟདྭཱརབྷཱཝོ ཨིནྡྲིཡེསུ ཨགུཏྟདྭཱརཏཱ. པཊིགྒཧཎཔརིབྷོགཝསེན བྷོཛནེ མཏྟཾ ཨཛཱནནབྷཱཝོ བྷོཛནེ ཨམཏྟཉྙུཏཱ, ཏཐཱཔཝཏྟཨཀུསལཙིཏྟཱནི. སཏྟཝཱིསཏིམཾ.

ཨནནྟརདུཀེཔི ¶ ཝུཏྟཔཊིཔཀྑཝསེན ཀཱམཱཝཙརསཧེཏུཀཀུསལཀིརིཡཙིཏྟཱནི ཝེདིཏབྦཱནི. ཨཊྛཝཱིསཏིམཾ.

སཏིཝིཔྤཝཱསསངྑཱཏོ མུཊྛསཏིབྷཱཝོ མུཊྛསྶཙྩཾ, སབྦེ ཨཀུསལཱ དྷམྨཱ, ཨསམྤཛཱནནབྷཱཝོ ཨསམྤཛཉྙཾ, མོཧོ. ཨེཀཱུནཏིཾསཏིམཾ.

ཨནནྟརདུཀེ ཙཏུབྷཱུམིཀཱ སཏིཔཉྙཱཝ ཝུཏྟཱ. ཏིཾསཏིམཾ.

ཨཔྤཊིསངྑཱནེ ཨཔྤཊིཝཱནསངྑཱཏེ ཨཀམྤིཡཊྛེན ཡོནིསོདསྶནསངྑཱཏཾ པཊིསངྑཱནམེཝ བལནྟི པཊིསངྑཱནབལཾ, ཀཱམཱཝཙརཔཉྙཱཝ. སཏྟབོཛ྄ཛྷངྒཱདིབྷཱཝནཱཝསེན པཝཏྟཱ ཙཏུབྷཱུམཀདྷམྨཱ བྷཱཝནཱབལཾ. ཨེཀཏིཾསཏིམཾ.

པཙྩནཱིཀདྷམྨེ སམེཏཱིཏི སམཐོ, སོ ཏིཝིདྷོ ཙིཏྟསམཐོ ཨདྷིཀརཎསམཐོ སབྦསངྑཱརསམཐོཏི. ཏཏྠ ཙ པུབྦབྷཱགཱསུ ཨཊྛསམཱཔཏྟཱིསུ ཨེཀགྒཏཱ ཙིཏྟསམཐོ ནཱམ, སམྨུཁཱཝིནཡཱདི སཏྟཝིདྷོ ཨདྷིཀརཎསམཐོ ནཱམ, ནིབྦཱནཾ སབྦསངྑཱརསམཐོ ནཱམ. ཨིདྷ པན ཙཏུབྷཱུམཀོ སམཱདྷི ཨདྷིཔྤེཏོ. ཨནིཙྩཱདིཝསེན ཝིཝིདྷེནཱཀཱརེན པསྶཏཱིཏི ཝིཔསྶནཱ, ལོཀིཡལོཀུཏྟརཱ ཝིཔསྶནཱཔཉྙཱཝ. བཱཏྟིཾསཏིམཾ.

སམཐོཝ ཏཾ ཨཱཀཱརཾ གཧེཏྭཱ པུན པཝཏྟེཏབྦསྶ སམཐསྶ ནིམིཏྟནྟི སམཐནིམིཏྟཾ. པགྒཱཧནིམིཏྟེཔི ཨེསེཝ ནཡོ. ཙཏུབྷཱུམཀསམཱདྷིཝཱིརིཡཱནི ཨེཝ. ཏེཏྟིཾསཏིམཾ.

ཨནནྟརདུཀེཔི ¶ ཝཱིརིཡསམཱདྷཱི ཨེཝ ཝུཏྟཱ. ཙཏུཏྟིཾསཏིམཾ.

སཱིལཝིནཱསིཀཱ ཨསཾཝརསངྑཱཏཱ སཱིལསྶ ཝིཔཏྟཱིཏི སཱིལཝིཔཏྟི, ཏཐཱཔཝཏྟཱ ཨཀུསལདྷམྨཱ. སམྨཱདིཊྛིཡཱ ཝིཔཏྟི དིཊྛིཝིཔཏྟི, མིཙྪཱདིཊྛི ཨེཝ. པཉྩཏིཾསཏིམཾ.

སོརཙྩམེཝ སཱིལསྶ སམྤཱདནཏོ སཱིལཔརིཔཱུརཎཏོ སཱིལསྶ སམྤདཱཏི སཱིལསམྤདཱ. དིཊྛིཔཱརིཔཱུརིབྷཱུཏཾ ¶ ཉཱཎམེཝ དིཊྛིཡཱ སམྤདཱཏི དིཊྛིསམྤདཱ. ཙཏུབྷཱུམཀཱ སཱིལཔཉྙཱཝ. ཏཐཱ ཨནནྟརདུཀེཔི. ཚཏྟིཾསཏིམཾ.

ཝིསུདྡྷིབྷཱཝཾ སམྤཏྟཱ སཱིལསངྑཱཏཱ སཱིལསྶ ཝིསུདྡྷི སཱིལཝིསུདྡྷི. ནིབྦཱནསངྑཱཏཾ ཝིསུདྡྷིཾ པཱཔེཏུཾ སམཏྠཱ དསྶནསངྑཱཏཱ དིཊྛིཡཱ ཝིསུདྡྷི དིཊྛིཝིསུདྡྷི. སཏྟཏྟིཾསཏིམཾ.

ཀམྨསྶཀཏཱསཙྩཱནུལོམིཀམགྒཕལསམྤཡུཏྟཔཉྙཱ དིཊྛི ཝིསུདྡྷི ནཱམ. ཡཐཱདིཊྛིསྶ ཏདནུརཱུཔཾ པདྷཱནཾ ཡཐཱདིཊྛིསྶ ཙ པདྷཱནཾ ནཱམ. ཨཊྛཏིཾསཏིམཾ.

སཾཝེགཛནཀཱནི ཛཱཏིཛརཱབྱཱདྷིམརཎསངྑཱཏཱནི ཀཱརཎཱནི སཾཝེཛནཱིཡཊྛཱནཱནི ནཱམ, ཏེསུ ཛཱཏིཨཱདིཔཊིཙྩསམུཔྤནྣབྷཡསངྑཱཏཾ སཾཝིཛནཾ སཾཝེགོ ནཱམ, ཏཐཱཔཝཏྟཀུསལཱདི ཨེཝ. ཨེཝཾ སཾཝེགཛཱཏསྶ ཡོནིསོ ཨུཔཱཡེན པདྷཱནཾ སཾཝིགྒསྶ ཡོནིསོ པདྷཱནཾ, ལོཀིཡལོཀུཏྟརཝཱིརིཡམེཝ. ཨེཀཱུནཙཏྟཱལཱིསཏིམཾ.

ཀུསལདྷམྨཔཱུརཎེ ཨསནྟུཊྛིབྷཱཝོ ཨསནྟུཊྛིཏཱ. ཡོ པན དཱནཾ དཏྭཱ ཏཏོ ཏེན ཨསནྟུཊྛོ ཧུཏྭཱ སརཎགམནཾ ཨཱཀངྑཏི, ཏཏོ པཉྩསཱིལཱདིཾ, པབྦཛྫཾ, བུདྡྷཝཙནཱནཾ ཨུགྒཎྷནཾ, སམཐཝིཔསྶནཾ, ཏཏོ ཏེནཱཔི ཨསནྟུཊྛོ ཨནུཀྐམེན ཨརཧཏྟཾ གཎྷཱཏི, ཨཡཾ ཨསནྟུཊྛིཏཱ ཀུསལེསུ དྷམྨེསུ. ཨདྷིཀུསལདྷམྨཱནཾ བྷཱཝནཱཡ ཨུཀྐཎྛམཱནོ པདྷཱནཾ པཊིཝཱཔེཏི ནིཝཏྟཱཔེཏཱིཏི པཊིཝཱནི, ན པཊིཝཱནི ¶ ཨཔྤཊིཝཱནི, ཏསྶ བྷཝོ ཨཔྤཊིཝཱནིཏཱ. ཨརཧཏྟཾ ཨཔྤཏྭཱ པདྷཱནསྨིཾ ཨནིཝཏྟནཏཱ ཨནོསཀྐནཏཱ, ཏཐཱཔཝཏྟལོཀིཡལོཀུཏྟརཀུསལཱ དྷམྨཱ. ཙཏྟཱལཱིསཏིམཾ.

ཝིཛཱནནཏོ ཝིཛྫཱ, པུབྦེནིཝཱསཙུཏཱུཔཔཱཏཨཱསཝཀྑཡཉཱཎཱནི. ཝིམུཙྩནཏོ ཝིམུཏྟི, ཨཊྛ སམཱཔཏྟིཡོ, ནིབྦཱནཉྩ. ཨཊྛ སམཱཔཏྟིཡོ ཧི ཨཱརམྨཎེ ཨདྷིམུཙྩནཏོ, སཡཾ ཝིཀྑམྦྷིཏཀིལེསེཧི ཝིམུཙྩནཊྛེན ཙ ཝིམུཏྟཱིཏི ཝུཏྟཱ, ནིབྦཱནཾ པན སབྦཀིལེསེཧི ཨཙྩནྟཝིམུཙྩནཊྛེན. ཨེཀཙཏྟཱལཱིསཏིམཾ.

ཀིལེསཀྑཡཀརེསུ ¶ ཙཏཱུསུ ཨརིཡམགྒེསུ ཉཱཎཾ ཁཡེ ཉཱཎཾ ནཱམ. པཊིསནྡྷིཝསེན ཨནུཔྤཱདབྷཱུཏེ ཏཾཏཾམགྒཝཛ྄ཛྷཀིལེསཱནཾ ཨནུཔྤཱདཔརིཡོསཱནེ ཨུཔྤནྣཨརིཡཕལེ ཉཱཎཾ ཨནུཔྤཱདེ ཉཱཎཾ ནཱམ. སེསཾ སབྦཏྠ སུཝིཉྙེཡྻམེཝ. དྭཱཙཏྟཱལཱིསཏིམཾ.

སུཏྟནྟིཀདུཀམཱཏིཀཏྠཝཎྞནཱ ནིཊྛིཏཱ.

མོཧཝིཙྪེདནིཡཱ ཨབྷིདྷམྨམཱཏིཀཏྠཝཎྞནཱཡ

དྷམྨསངྒཎཱིམཱཏིཀཏྠཝཎྞནཱ ནིཊྛིཏཱ.

༢. ཝིབྷངྒམཱཏིཀཱ

ཨིདཱནི ¶ ¶ དྷམྨསངྒཎཱིམཱཏིཀཱནནྟརཾ ཝིབྷངྒམཱཏིཀཱཡ ཨཏྠཝཎྞནཱ ཨནུཔྤཏྟཱ. ཏསྶཱ པན –

ཨཏྠཏོ དྷམྨབྷེདེན, ཝིབྷངྒནཡདསྶནཱ;

པཱལི༹མུཏྟནཡཱ ཙཱཔི, ཧོཏི སཾཝཎྞནཱནཡོ.

སཱ པནེསཱ ཨཊྛཱརསནྣཾ ཝིབྷངྒཱནཾ ཨཱདིམྷི ཋཔིཏཱ ཨཊྛཱརསཝིདྷཱ ཧོཏི – ཁནྡྷཝིབྷངྒམཱཏིཀཱ-ཨཱཡཏན-དྷཱཏུ-སཙྩ-ཨིནྡྲིཡ-པཙྩཡཱཀཱར-སཏིཔཊྛཱན-སམྨཔྤདྷཱན-ཨིདྡྷིཔཱདབོཛ྄ཛྷངྒ-མགྒངྒཛྷཱན-ཨཔྤམཉྙཱ-སིཀྑཱཔད-པཊིསམྦྷིདཱ-ཉཱཎ-ཁུདྡཀཝཏྠུ-དྷམྨཧདཡཝིབྷངྒམཱཏི

ཁནྡྷཝིབྷངྒམཱཏིཀཏྠཝཎྞནཱ

ཏཏྠ ཨཱདིབྷཱུཏཱཡ ཁནྡྷཝིབྷངྒམཱཏིཀཱཡ ཨཏྠཏོ ཏཱཝ – པཉྩཀྑནྡྷཱཏི ཨེཏྠ པཉྩཱཏི གཎནཔརིཙྪེདོ, ཏེན ན ཏཏོ ཧེཊྛཱ, ན ཨུདྡྷནྟི དསྶེཏི. ཁནྡྷཱཏི པརིཙྪིནྣདྷམྨནིདསྶནཾ. ཏཏྲཱཡཾ ཁནྡྷ-སདྡོ སམྦཧུལེསུ ཋཱནེསུ ནིཔཏཏི རཱསིམྷི གུཎེ པཎྞཏྟིཡཾ རུལ༹ྷིཡནྟི. ཏཏྠ ‘‘མཧཱཨུདཀཀྑནྡྷོ’’ཏིཨཱདཱིསུ (སཾ. ནི. ༥.༡༠༣༧; ཨ. ནི. ༤.༥༡; ༥.༤༥; ༦.༣༧) ཧི རཱསིཏོ ཁནྡྷོ ནཱམ. ‘‘སཱིལཀྑནྡྷོ སམཱདྷིཀྑནྡྷོ’’ཏིཨཱདཱིསུ (དཱི. ནི. ༣.༣༥༥) གུཎཏོ. ‘‘ཨདྡསཱ ཁོ བྷགཝཱ མཧནྟཾ དཱརུཀྑནྡྷ’’ནྟིཨཱདཱིསུ (སཾ. ནི. ༤.༢༤༡) པཎྞཏྟིཏོ. ‘‘ཝིཉྙཱཎཾ ཝིཉྙཱཎཀྑནྡྷོ’’ཏིཨཱདཱིསུ (དྷ. ས. ༦༣) ཨེཀམྤི ཙིཏྟཾ རུལ༹ྷིཏོ ཁནྡྷོ ནཱམ, སྭཱཡམིདྷ རཱསིཏོ ཨདྷིཔྤེཏོ. རཱསཊྛོ ཧི ཁནྡྷ-སདྡོ, ཀོཊྛཱསཊྛོཏིཔི ཝཏྟུཾ ཝཊྚཏི. ལོཀསྨིཾ ཧི ཨིཎཾ གཧེཏྭཱ ཙོདིཡམཱནཱ ‘‘དྭཱིཧི ཁནྡྷེཧི དསྶཱམ ¶ , ཏཱིཧི ཁནྡྷེཧི དསྶཱམཱ’’ཏི ཝདནྟི, ཏསྨཱ ཁནྡྷོཏི ཀོཊྛཱསོཏི ཝུཏྟཾ ¶ ཧོཏི. རཱུཔཀྑནྡྷོཏི ཨེཏྠ རུཔྤཏཱིཏི རཱུཔཾ, སཱིཏུཎྷཱདཱིཧི པསིདྡྷཱཀཱརེན རུཔྤཏི གྷཊྚཱིཡཏི, པཱིལི༹ཡཏཱིཏི ཨཏྠོ. ཝུཏྟཾ ཧེཏཾ བྷགཝཏཱ –

‘‘རུཔྤཏཱིཏི ཁོ, བྷིཀྑཝེ, ཏསྨཱ རཱུཔནྟི ཝུཙྩཏི. ཀེན རུཔྤཏི? སཱིཏེནཔི རུཔྤཏི, ཨུཎྷེནཔི རུཔྤཏི, ཛིགྷཙྪཱཡཔི རུཔྤཏི, པིཔཱསཱཡཔི རུཔྤཏཱི’’ཏིཨཱདི (སཾ. ནི. ༣.༧༩).

རཱུཔཉྩ ཏཾ ཁནྡྷོ ཙཱཏི རཱུཔཀྑནྡྷོ, རཱུཔརཱསི རཱུཔཀོཊྛཱསོཏི ཨཏྠོ. ཝེདནཱཀྑནྡྷཱདཱིསུཔི ཨེསེཝ ནཡོཏི ཨཡཾ ཏཱཝེཏྠ ཨཏྠཏོ སཾཝཎྞནཱནཡོ.

དྷམྨབྷེདཏོ པནེཏྠ ཧེཊྛཱ ཀུསལཏྟིཀེ ཝིབྷཏྟཱ ཨཏཱིཏཱདིབྷེདབྷིནྣཱ སབྦེ རཱུཔདྷམྨཱ རཱུཔཀྑནྡྷོ ནཱམ. ཏཐཱ ཙཏུབྷཱུམཀཱ ཝེདནཱསཉྙཱཡོ ཝེདནཱཀྑནྡྷོ ནཱམ, སཉྙཱཀྑནྡྷོ ནཱམ. ཝེདནཱསཉྙཱ པན ཋཔེཏྭཱ སེསཱ ཕསྶཱདཡོ པཉྙཱས ཙེཏསིཀཱ སངྑཱརཀྑནྡྷོ ནཱམ. པཉྩསུ ཁནྡྷེསུ ནིབྦཱནམེཝ ཨསངྒཧིཏཾ, ཨུཔཱདཱནཀྑནྡྷེསུ པན སབྦེ ལོཀུཏྟརདྷམྨཱ. ཨཡམེཝ ཧི ཁནྡྷེཧི ཨུཔཱདཱནཀྑནྡྷཱནཾ ཝིསེསོ. ཁནྡྷཱ ཨཝིསེསཏོ ཝུཏྟཱ, ཨུཔཱདཱནཀྑནྡྷཱ སཱསཝོཔཱདཱནིཡབྷཱཝེན ཝིསེསེཏྭཱ. ཨིདྷ པན ཨཝིསེསེན ཝུཏྟཏྟཱ ནིབྦཱནཾ ཋཔེཏྭཱ ཨཝསེསཱ སབྦེ དྷམྨཱ སངྒཧཾ གཙྪནྟཱིཏི ཨཡཾ དྷམྨབྷེདཏོ སཾཝཎྞནཱནཡོ.

ཝིབྷངྒནཡདསྶནཱཏི ཝིབྷངྒཔཱལི༹ཡཱ ཨཱགཏཨཏྠནཡདསྶནཏོ. ཝིབྷངྒཔཱལི༹ཡཾ ཧི སུཏྟནྟབྷཱཛནཱིཡཾ ཨབྷིདྷམྨབྷཱཛནཱིཡཾ པཉྷཱཔུཙྪཀནྟི ཏཱིཧི ནཡེཧི ཁནྡྷཝིབྷངྒོ ཝིབྷཏྟོ. ཏཐཱ ཨཱཡཏནཝིབྷངྒཱདཡོ. ཀེཝལཾ ཧི ཨིནྡྲིཡཝིབྷངྒེ, སིཀྑཱཔདཝིབྷངྒེ ཙ སུཏྟནྟབྷཱཛནཱིཡཾ ནཏྠི. པཙྩཡཱཀཱརཝིབྷངྒེ པཉྷཱཔུཙྪཀཾ ནཏྠི. ཉཱཎཝིབྷངྒཱདཱིསུ པན ཏཱིསུ ཏཡོཔི ནཡཱ ¶ ན སནྟི. ཏེསུ ཧི ཉཱཎཝིབྷངྒོ ཨེཀཝིདྷཏོ པཊྛཱཡ ཡཱཝ དསཝིདྷཱ ཝིབྷཏྟོ, ཁུདྡཀཝཏྠུཝིབྷངྒོ ཨེཀཝིདྷཏོ པཊྛཱཡ ཡཱཝ དྭཱསཊྛིཔབྷེདཱ ཝིབྷཏྟོ, དྷམྨཧདཡཝིབྷངྒོ པན སབྦསངྒཧཱདཱིཧི དསཧི ཝཱརེཧི ཝིབྷཏྟོ, ཏསྨཱ ཏེསཾ ཏེསཾ ནཡཱནཾ མུཁམཏྟདསྶནཝསེན ཏཏྠ ཏཏྠ སཾཝཎྞནཱ བྷཝིསྶནྟི. ཏཏྲིདཾ ཁནྡྷཝིབྷངྒེ ཏིཎྞཾ ནཡཱནཾ མུཁམཏྟདསྶནཾ. སེཡྻཐིདཾ – སུཏྟནྟབྷཱཛནཱིཡེ ཏཱཝ རཱུཔཀྑནྡྷོ –

‘‘ཏཏྠ ¶ ཀཏམོ རཱུཔཀྑནྡྷོ? ཡཾ ཀིཉྩི རཱུཔཾ ཨཏཱིཏཱནཱགཏཔཙྩུཔྤནྣཾ ཨཛ྄ཛྷཏྟཾ ཝཱ བཧིདྡྷཱ ཝཱ ཨོལཱ༹རིཀཾ ཝཱ སུཁུམཾ ཝཱ ཧཱིནཾ ཝཱ པཎཱིཏཾ ཝཱ ཡཾ དཱུརེ སནྟིཀེ ཝཱ, ཏདེཀཛ྄ཛྷཾ ཨབྷིསཉྙཱུཧིཏྭཱ ཨབྷིསངྑིཔིཏྭཱ ཨཡཾ ཝུཙྩཏི རཱུཔཀྑནྡྷོ’’ཏི (ཝིབྷ. ༢) –

ཨེཝཾ ཨུདྡིསིཏྭཱ ཝིཏྠཱརཏོ ཝིབྷཏྟོ, ཏཐཱ ཝེདནཱཀྑནྡྷཱདཡོཔི. ཏཏྠ ནིཡཀཛ྄ཛྷཏྟཾ ནཱམ ཨཛ྄ཛྷཏྟརཱུཔཾ ཨཛ྄ཛྷཏྟཾ ནཱམ, ཏཏོ ཨཉྙཾ པརཔུགྒལགཏཾ, ཨཝིཉྙཱཎཉྩ བཧིདྡྷཱ ནཱམ, ཏཐཱ ཝེདནཱདཡོཔི. པསཱདཝིསཡརཱུཔཾ པན ཨོལཱ༹རིཀཾ ནཱམ, སེསཾ སུཁུམཾ ནཱམ. ཨནིཊྛརཱུཔཾ ཧཱིནཾ ནཱམ, ཨིཊྛརཱུཔཾ པཎཱིཏཾ ནཱམ.

ནནུ ཨིཊྛཱནིཊྛཾ ནཱམ པཱཊེཀྐཾ པཊིཝིབྷཏྟཾ ནཱམ ནཏྠི, ཨེཀཾ ཨེཀཙྩསྶ ཨིཊྛཾ ཧོཏི མནཱཔཾ, ཏདེཝ ཨཉྙསྶ ཙ ཨནིཊྛཾ ཧོཏི. ཝཏྠཱདཱིནི ཧི སཱུཀརཱདཱིནཾ ནཔྤིཡཱནི ཧོནྟི, ན མནུསྶཱདཱིནཾ, ཏེསཉྩ ཝཏྠཱབྷརཎཱདཱིནི པིཡཱནི, ན སཱུཀརཱདཱིནནྟི, ཏསྨཱ རུཙིཝསེནེཝ ཨིཊྛཱནིཊྛཏཱ གཧེཏབྦཱ? ན, ཨིཊྛཱནིཊྛཱནཾ པཱཊེཀྐཾ ཝིབྷཏྟཏྟཱ. ཀུསལཀམྨཛཾ ཧི ཀུསལཝིཔཱཀཝིསཡོཝ ཨིཊྛཾ ནཱམ, ཨཀུསལཀམྨཛཾ ཨཀུསལཝིཔཱཀཝིསཡོཝ ཨནིཊྛཾ ནཱམ, སཉྙཱཝིཔལླཱསེན པན ཀོཙི ¶ ཨིཊྛམེཝ བུདྡྷརཱུཔཱདིཾ ཛཝནཀྑཎེ ཨནིཊྛཏོ མནསི ཀརོཏི, ཨནིཊྛཉྩ ནིརཡགྒིསཏྠཝིསཱདིཾ ཨིཊྛཏོ མནསི ཀརོཏི. ཛཝནེཧི ཨེཝ ཝིཔལླཱསབྷཱཝོ, ན ཝིཔཱཀེཧཱིཏི ཝིཔཱཀཝསེན ཨིཊྛཱནིཊྛཾ ནིཡཏཾ ཝེདིཏབྦཾ.

སམྨོཧཝིནོདནིཡཱ པན ཝིབྷངྒཊྛཀཐཱཡ –

‘‘སུཁསམྥསྶཾ ཧི གཱུཐཀལལཾ ཙཀྑུདྭཱརགྷཱནདྭཱརེསུ ཨནིཊྛཾ, ཀཱཡདྭཱརེ ཨིཊྛཾ ཧོཏི. ཙཀྐཝཏྟིནོ མཎིརཏནེན པོཐིཡམཱནསྶ, སུཝཎྞསཱུལེ ཨུཏྟཱསིཡམཱནསྶ ཙ མཎིརཏནསུཝཎྞསཱུལཱནི ཙཀྑུདྭཱརེ ཨིཊྛཱནི ཧོནྟི, ཀཱཡདྭཱརེ ཨནིཊྛཱནཱི’’ཏི (ཝིབྷ. ཨཊྛ. ༦) –

ཨེཝཾ དྭཱརཝསེན ཨེཀསྶེཝ ཝཏྠུནོ ཨིཊྛཏཱ, ཨནིཊྛཏཱ ཙ ཝུཏྟཱ. སཱ ཙ ཨེཀཀྑཎེ ན ཡུཏྟཱ ཨེཀཀལཱཔགཏབྷཱུཏོཔཱདཱཡརཱུཔཱནཾ ཨེཀསཱམགྒིཡམུཔྤཏྟིཏོ. ན ཧི བྷཱུཏེསུ ཨཀུསལཝསེན ཨནིཊྛེསུ ¶ ཨུཔྤཛྫནྟེསུ ཏདུཔཱདཱཡརཱུཔཱདིཀུསལེན ཨིཊྛཱནི ཨུཔྤཛྫནྟི, བྷིནྣཀྑཎེ པན ཨིཊྛཱནི མཎིརཏནཱདཱིནི ཏེཧི པོཐིཡམཱནསྶ ཨཀུསལཔཙྩཡེན ཨུཏུནཱ ཨནིཊྛཱནི ཝིཔརིཎམནྟི, ཀུསལཔཙྩཡེན ཨནིཊྛཱནི གཱུཐཀལལཱདཱིནི ཨིཊྛཱནཱིཏི, ཨཡཾ ནོ ཨཏྟནོམཏི. ཨེཝཾ ཝིབྷཏྟེསུ ཙ ཨིཊྛཱནིཊྛེསུ ཏཾ ཏཾ རཱུཔཾ ཨུཔཱདཱཡུཔཱདཱཡ ཧཱིནཾ, པཎཱིཏཉྩ དཊྛབྦཾ. སུཁུམཾ པན རཱུཔཾ དཱུརེརཱུཔཾ ནཱམ, ཨོལཱ༹རིཀཾ སནྟིཀེརཱུཔཾ ནཱམ. ཏཾ ཏཾ ཝཱ པན རཱུཔཾ ཨུཔཱདཱཡུཔཱདཱཡ རཱུཔཾ དཱུརེ སནྟིཀེ དཊྛབྦཾ. སེསཾ ཝུཏྟནཡམེཝ.

ཝེདནཱདཱིསུ པན ཨཀུསལཱ ཝེདནཱ ཨོལཱ༹རིཀཱ, ཨིཏརཱ སུཁུམཱ. ཀུསལཱཀུསལཱ ཨོལཱ༹རིཀཱ, ཨབྱཱཀཏཱ སུཁུམཱ. དུཀྑཱ ཝེདནཱ ཨོལཱ༹རིཀཱ, ཨིཏརཱ སུཁུམཱ. སུཁདུཀྑཱ ཝཱ ཨོལཱ༹རིཀཱ, ཨིཏརཱ སུཁུམཱ. ཨསམཱཔནྣསྶ ཝཱ ཝེདནཱ ཨོལཱ༹རིཀཱ, སམཱཔནྣསྶ སུཁུམཱ. སཱསཝཱ ཨོལཱ༹རིཀཱ ¶ , ཨནཱསཝཱ སུཁུམཱ. ཏཾ ཏཾ ཝཱ པན ཝེདནཾ ཨུཔཱདཱཡུཔཱདཱཡ ཨོལཱ༹རིཀསུཁུམཏཱ དཊྛབྦཱ. ཨཀུསལཱ ཝེདནཱ ཀུསལཱབྱཱཀཏཱཧི དཱུརེ, ཏཱ ཙ ཏཱཡ དཱུརེཏི ཨེཝཾ ཛཱཏིསབྷཱཝཔུགྒལབྷཱུམིབྷེདཏོ ཝུཏྟནཡེན དཱུརེཝེདནཱ དཊྛབྦཱ, ཀུསལཱ ཝེདནཱ ཀུསལཱཡ སནྟིཀེཏི ཨེཝཾ ཛཱཏིཨཱདིསཱམཉྙཏོ སནྟིཀེཝེདནཱ དཊྛབྦཱ. ཏཾ ཏཾ ཝཱ པན ཝེདནཾ ཨུཔཱདཱཡུཔཱདཱཡ ཝེདནཱ དཱུརེསནྟིཀེ དཊྛབྦཱ. ཨེཝཾ སཉྙཱཀྑནྡྷཱདཱིསུཔི ཡཐཱནུརཱུཔཾ ཨོལཱ༹རིཀསུཁུམཏཱདཡོ ཝེདིཏབྦཱཏི. ཨཡམེཏྠ སངྑེཔོ, ཝིཏྠཱརོ པན ཝིབྷངྒཔཱལི༹ཨཊྛཀཐཱསུ (ཝིབྷ. ༨ ཨཱདཡོ; ཝིབྷ. ཨཊྛ. ༨ ཨཱདཡོ) གཧེཏབྦོཏི ཨཡཾ སུཏྟནྟབྷཱཛནཱིཡནཡོ.

ཨབྷིདྷམྨབྷཱཛནཱིཡནཡེ རཱུཔཀྑནྡྷསྶ ཏཱཝ ཨེཀཝིདྷཱདིཏོ ཡཱཝ ཨེཀཱདསཝིདྷཱ རཱུཔཀཎྜེ ཝུཏྟནཡེན ཝེདིཏབྦཱ. ཝེདནཱཀྑནྡྷོ པན ཨེཀཝིདྷོ ཕསྶསམྤཡུཏྟོ, དུཝིདྷོ སཧེཏུཀདུཀཝསེན, ཏིཝིདྷོ ཀུསལཏྟིཀཝསེན, ཙཏུབྦིདྷོ ཙཏུབྷཱུམཀཝསེན, པཉྩཝིདྷོ སབྷཱཝབྷེདེན, ཚབྦིདྷོ ཚདྭཱརིཀཝསེན, སཏྟཝིདྷོ སཏྟཝིཉྙཱཎསམྤཡོགཝསེན, ཨཊྛཝིདྷོ ཏེསུ ཀཱཡཝིཉྙཱཎསམྤཡུཏྟཾ སུཁདུཀྑཝསེན དྭིདྷཱ བྷིནྡིཏྭཱ, ནཝཝིདྷོ ཏེསུ མནོཝིཉྙཱཎསམྤཡུཏྟཾ ཀུསལཏྟིཀཝསེན ཏིདྷཱ བྷིནྡིཏྭཱ, དསཝིདྷོ ཏེསུ ཀཱཡཝིཉྙཱཎསམྤཡུཏྟཾ དུཝིདྷཱ, མནོཝིཉྙཱཎསམྤཡུཏྟཉྩ ཏིདྷཱ བྷིནྡིཏྭཱཏི ཨེཝཾ སཧེཏུཀདུཀམཱུལཾ པཋམཝཱརཾ ཝཏྭཱ པུན ཀུསལཏྟིཀཊྛཱནེ ཝེདནཱཏྟིཀཔཱིཏིཏྟིཀསནིདསྶནཏྟིཀཝཛྫིཏེ སབྦཏྟིཀེ ཡོཛེཏྭཱ ཡཱཝ དསཝིདྷཱ, ཨཔརེཔི ཨཊྛཱརས ཝཱརཱ ཝུཏྟཱ. ཡཐཱ ཙེཏྠ སཧེཏུཀདུཀམཱུལིཀཱ སབྦཏྟིཀཡོཛནཱ, ཨེཝཾ ཧེཏུསམྤཡུཏྟདུཀཱདཱིསུ ཨནུརཱུཔདུཀམཱུལིཀཱཔི སརཎདུཀཔརིཡོསཱནཱ པཙྩེཀཾ སབྦཏྟིཀཡོཛནཱཔི ཝེདིཏབྦཱཏི ¶ ཨཡཾ དུཀམཱུལཀོ ཡོཛནཱནཡོ. ཡཐཱ ཙ ཨེཀེཀདུཀེན སབྦཏྟིཀཡོཛནཱཝསེན དུཀམཱུལཀོ ¶ ནཡོ ཝུཏྟོ, ཨེཝཾ ཨེཀེཀཏྟིཀེན ཡཐཱནུརཱུཔཾ སབྦདུཀཡོཛནཱཝསེན ཏིཀམཱུལཀོ, ཏདུབྷཡམིསྶཀཝསེན ཨུབྷཏོཝཌྜྷནཀོ ཙ ནཡོ ཝེདིཏབྦོ. ཡཐཱ ཙེཏྠ ཝེདནཱཀྑནྡྷེ, ཨེཝཾ སཉྙཱཀྑནྡྷཱདཱིསུཔི ཡཐཱརཧཾ དུཀམཱུལཀཱདིནཡཱ ཝེདིཏབྦཱཏི ཨཡཾ ཨབྷིདྷམྨབྷཱཛནཱིཡནཡོ.

པཉྷཱཔུཙྪཀནཡེ པན པཉྩནྣཾ ཁནྡྷཱནཾ ཀཏི ཀུསལཱ, ཀཏི ཨཀུསལཱ, ཀཏི ཨབྱཱཀཏཱ, ཀཏི སུཁཱཡ ཝེདནཱཡ སམྤཡུཏྟཱ…པེ… ཀཏི སརཎཱ, ཀཏི ཨརཎཱཏི? རཱུཔཀྑནྡྷོ ཨབྱཱཀཏོ, ཙཏྟཱརོ ཁནྡྷཱ སིཡཱ ཀུསལཱ, སིཡཱ ཨཀུསལཱ, སིཡཱ ཨབྱཱཀཏཱ, རཱུཔཾ, ཝེདནཱ ཙ ཝེདནཱཏྟིཀེ ན ཝཏྟབྦཱ, སེསཱ ཏིདྷཱཔི ཧོནྟི, རཱུཔཾ ནེཝཝིཔཱཀནཝིཔཱཀདྷམྨདྷམྨཾ, སིཡཱ ཨུཔཱདིནྣུཔཱདཱནིཡཾ, སིཡཱ ཨནུཔཱདིནྣུཔཱདཱནིཡཾ, ཨསཾཀིལིཊྛསཾཀིལེསིཀཾ, སེསཱ ཙཏྟཱརོ ཁནྡྷཱ ཏཱིཧི ཏིཀེཧི ཏིདྷཱཔི ཧོནྟི. རཱུཔཾ ཨཝིཏཀྐཨཝིཙཱརཾ, ཏཡོ ཁནྡྷཱ ཏིདྷཱཔི ཧོནྟི, སངྑཱརཀྑནྡྷོ ཏིདྷཱ ཙ ན ཝཏྟབྦོ ཙ. རཱུཔཾ ན ཝཏྟབྦཾ, ཝེདནཱ སིཡཱ པཱིཏིསཧགཏཱ, ན ཝཏྟབྦཱ, ཏཡོ ཏིདྷཱ ཙ ན ཝཏྟབྦཱ ཙ. རཱུཔཾ ནེཝདསྶནེནནབྷཱཝནཱཡཔཧཱཏབྦཾ, ནདསྶནེནནབྷཱཝནཱཡཔཧཱཏབྦཧེཏུཀཾ, ནེཝཱཙཡགཱམིནཨཔཙཡགཱམི, ནེཝསེཁཾནཱསེཁཾ, པརིཏྟཾ, སེསཱ ཏིདྷཱཔི ཧོནྟི. པརིཏྟཱརམྨཎཏྟིཀེ རཱུཔཾ ཨནཱརམྨཎཾ, སེསཱ ཏིདྷཱ ཙ ན ཝཏྟབྦཱ ཙ. རཱུཔཾ མཛ྄ཛྷིམཾ, ཨནིཡཏཾ, སེསཱ ཏིདྷཱཔི. མགྒཱརམྨཎཏྟིཀེ ཙ རཱུཔཾ ཨནཱརམྨཎཾ, སེསཱ ཏིདྷཱཔི ཝཱ ན ཝཏྟབྦཱ. ཨུཔྤནྣཱཏཱིཏཏྟིཀེསུ པཉྩཔི ཏིདྷཱ ཧོནྟི. ཨཏཱིཏཱརམྨཎཏྟིཀེ རཱུཔཾ ཨནཱརམྨཎཾ, སེསཱ ཏིདྷཱ ཙ ན ཝཏྟབྦཱ ཙ. ཨཛ྄ཛྷཏྟཏྟིཀེ པཉྩཔི ཏིདྷཱ ཧོནྟི. ཨཛ྄ཛྷཏྟཱརམྨཎཏྟིཀེ རཱུཔཾ ཨནཱརམྨཎཾ, སེསཱ ཏིདྷཱཔི ན ཝཏྟབྦཱ ཙ. ཙཏྟཱརོ ཁནྡྷཱ ཨནིདསྶནཨཔྤཊིགྷཱ, རཱུཔཀྑནྡྷོ ཏིདྷཱཔི ཧོཏི.

ཙཏྟཱརོ ¶ ཁནྡྷཱ ནཧེཏཱུ, སངྑཱརཀྑནྡྷོ སིཡཱ ཧེཏུ, སིཡཱ ན ཧེཏུ. རཱུཔཾ ཨཧེཏུཀཾ, ཧེཏུཝིཔྤཡུཏྟཾ, སེསཱ དྭིདྷཱཔི. ཏཡོ ཁནྡྷཱ སིཡཱ སཧེཏུཀཱ ཙེཝ ན ཙ ཧེཏཱུ, སིཡཱ ན ཝཏྟབྦཱ ཙ, སངྑཱརཀྑནྡྷོ དྭིདྷཱ ཙ ན ཝཏྟབྦོ ཙ, རཱུཔཾ ན ཝཏྟབྦམེཝ. ཏཐཱ ཨནནྟརདུཀེཔི. རཱུཔཾ ནཧེཏུཨཧེཏུཀཾ, ཏཡོ དྭིདྷཱཔི, སངྑཱརཀྑནྡྷོ དྭིདྷཱ ཙ ན ཝཏྟབྦོ ཙ. པཉྩཔི སཔྤཙྩཡཱ, སངྑཏཱ, ཙཏྟཱརོ ཨནིདསྶནཱ, ཨཔྤཊིགྷཱ, རཱུཔཾ དྭིདྷཱཔི. རཱུཔཾ རཱུཔཱི, སེསཱ ཨརཱུཔིནོ. རཱུཔཾ ལོཀིཡཾ, སེསཱ དྭིདྷཱཔི. པཉྩཔི ཀེནཙི ཝིཉྙེཡྻཱ, ན ཙ ཀེནཙི ཝིཉྙེཡྻཱ ཙ. ཙཏྟཱརོ ནོ ཨཱསཝཱ, སངྑཱརཱ དྭིདྷཱཔི, ན ཝཏྟབྦཱ ཙ. རཱུཔཾ སཱསཝོ, ཨཱསཝཝིཔྤཡུཏྟོ ¶ , སེསཱ དྭིདྷཱཔི. རཱུཔཾ སཱསཝཱ ཙེཝ ནོ ཙ ཨཱསཝཱ, ཏཡོ ཏཐཱ ཙ ན ཝཏྟབྦཱ ཙ. སངྑཱརོ དྭིདྷཱ ཙ ན ཝཏྟབྦོ ཙ. རཱུཔཾ ན ཝཏྟབྦམེཝ, ཏཡོ སིཡཱ ཨཱསཝསམྤཡུཏྟཱ ཙེཝ ནོ ཙ ཨཱསཝཱ, སིཡཱ ན ཝཏྟབྦཱ, སངྑཱརོ དྭིདྷཱ ཙ ན ཝཏྟབྦོ ཙ. རཱུཔཾ ཨཱསཝཝིཔྤཡུཏྟཾ སཱསཝཉྩ, སེསཱ དྭིདྷཱ ཙ ན ཝཏྟབྦཱ ཙ. ཨིམིནཱ ནཡེན སཾཡོཛནགོཙྪཀཱདཱིསུཔི ཡོཛནཱ ཝེདིཏབྦཱ. ཀེཝལཾ ཧི པརཱམཱསསམྤཡུཏྟདུཀེ རཱུཔཾ པརཱམཱསཝིཔྤཡུཏྟཾ, ཏཡོ དྭིདྷཱཔི, སངྑཱརོ དྭིདྷཱཔི, དིཊྛིཝསེན ན ཝཏྟབྦོ ཙ. ཏཏིཡེ ཨེཏྟཀམེཝ ཝིསེསོ. རཱུཔཾ ཨནཱརམྨཎཾ, སེསཱ སཱརམྨཎཱ. ཝིཉྙཱཎཾ ཙིཏྟཾ, སེསཱ ནོ ཙིཏྟཱ. ཏཡོ ཙེཏསིཀཱ, དྭེ ཨཙེཏསིཀཱ. ཏཡོ ཙིཏྟསམྤཡུཏྟཱ, རཱུཔཾ ཙིཏྟཝིཔྤཡུཏྟཾ. ཝིཉྙཱཎཾ ན ཝཏྟབྦཾ. ཏཐཱ ཙིཏྟསཾསཊྛདུཀེཔི. ཏཡོ ཙིཏྟསམུཊྛཱནཱ, ཝིཉྙཱཎཾ ནོ ཙིཏྟསམུཊྛཱནཾ. རཱུཔཾ དྭིདྷཱཔི. ཏཐཱ ཨནནྟརདུཀདྭཡེཔི. ཏཡོ ཙིཏྟསཾསཊྛསམུཊྛཱནཱ, དྭེ ནོ ཙིཏྟསཾསཊྛསམུཊྛཱནཱ. ཏཐཱ ཨནནྟརདུཀདྭཡེཔི. ཝིཉྙཱཎཾ ཨཛ྄ཛྷཏྟིཀཾ, ཏཡོ བཱཧིརཱ, རཱུཔཾ དྭིདྷཱཔི. ཙཏྟཱརོ ནོ ཨུཔཱདཱ. རཱུཔཾ དྭིདྷཱཔི. པཉྩཔི སིཡཱ ཨུཔཱདིནྣཱ, སིཡཱ ཨནུཔཱདིནྣཱ, ནོ ཨུཔཱདཱནཱ.

ཀིལེསགོཙྪཀོ ¶ ཝུཏྟནཡོཝ. རཱུཔཾ ནེཝདསྶནེནནབྷཱཝནཱཡ པཧཱཏབྦཾ, སེསཱ དྭིདྷཱཔི. ཨེཝཾ ཡཱཝཔཱིཏིདུཀཱ ཡོཛནཱ ཝེདིཏབྦཱ.

རཱུཔཾ ན ཝེདནཱ, ན སུཁཱ, ན སུཁསཧགཏཱ, སེསཱ དྭིདྷཱཔི. ཏཐཱ ཨནནྟརདུཀེཔི. རཱུཔཾ ཀཱམཱཝཙརཾ, སེསཱ དྭིདྷཱཔི. ཨེཝཾ ཡཱཝ སརཎདུཀཱ ཡོཛནཱ ཝེདིཏབྦཱ. ཨཡཾ པཉྷཱཔུཙྪཀནཡོ.

ཨིམེ པན ནཡཱ ཝིཏྠཱརཏོ པཱལི༹ཨཊྛཀཐཱཧི ཉཱཏབྦཱ. ཨཏྠཝིནིཙྪཡོ ཙ ནེསཾ དྷམྨསངྒཎཱིམཱཏིཀཏྠསཾཝཎྞནཱཡ ཝུཏྟཱནུསཱརེན ཉཱཏབྦོ. ཨིཏོ པརཾ ཨཏིརེཀཾ ཨཝཏྭཱ ཨཔུབྦམེཝ ཝཎྞཡིསྶཱམཱཏི ཨཡཾ ཝིབྷངྒནཡདསྶནཏོ སཾཝཎྞནཱནཡོ.

ཨིདཱནི པནེཏྠ –

ཀམཏོནཱུནཱདྷིཀཏོ, དཊྛབྦསམབྷེདཏོ;

པཱལི༹མུཏྟནཡོ ཉེཡྻོ, ཁནྡྷཀོསལླམིཙྪཏཱ.

ཏཏྠ ¶ ཀམཏོཏི ཨེཏྠ ཨུཔྤཏྟིཀྐམོ པཧཱནཀྐམོ པཊིཔཏྟིཀྐམོ བྷཱུམིཀྐམོ དེསནཱཀྐམོཏི བཧུཝིདྷེསུ ཀམེསུ ཁནྡྷཱནཾ དེསནཱཀྐམོཝ ཡུཛྫཏི, ན ཨིཏརེ, ཨསམྦྷཝཱ. ཨབྷེདེན ཧི པཉྩསུ ཁནྡྷེསུ ཨཏྟགྒཱཧཔཏིཏཾ ཝེནེཡྻཛནཾ སམཱུཧགྷནཝིནིབྦྷོགདསྶནེན ཨཏྟགྒཱཧཏོ མོཙེཏུཀཱམོ བྷགཝཱ ཧིཏཀཱམོ ཏསྶ ཏསྶ ཛནསྶ སུཁགྒཧཎཏྠཾ ཙཀྑུཨཱདཱིནཾ ཝིསཡབྷཱུཏཾ ཨོལཱ༹རིཀཾ པཋམཾ རཱུཔཀྑནྡྷཾ དེསེསི, ཏཏོ ཨིཊྛཱནིཊྛཝིསཡསཾཝེདཀཾ ཨོལཱ༹རིཀཾ ཝེདནཾ, ཡཾ ཝེདེཏི, ཏཾ སཉྫཱནཱཏཱིཏི ཨེཝཾ ཝེདནཱཝིསཡསྶ ཨཱཀཱརགྒཱཧིཀཾ སཉྙཾ, སཉྙཱཝསེནཱབྷིསངྑཱརཀེ སངྑཱརེ, ཏེསཾ ཝེདནཱདཱིནཾ ནིསྶཡཱདྷིཔཏིབྷཱུཏཾ ཝིཉྙཱཎནྟི ཨཡཾ ཏཱཝེཏྠ ཀམོ.

ཨནཱུནཱདྷིཀཏོཏི ¶ ཀསྨཱ པན བྷགཝཏཱ པཉྩེཝ ཁནྡྷཱ ཝུཏྟཱ ཨནཱུནཱ ཨནདྷིཀཱཏི? སབྦསངྑཏསབྷཱགེཀསངྒཧཏོ, ཨཏྟཏྟནིཡགྒཱཧཝཏྠུསྶ ཨེཏཔྤརམཏོ, ཨཉྙེསཉྩ ཏདཝརོདྷཏོ. ཨནེཀཔྤབྷེདེསུ ཧི སངྑཏདྷམྨེསུ སབྷཱགཝསེན སངྒཡ྄ཧམཱནེསུ རཱུཔཾ རཱུཔསབྷཱགེཀསངྒཧཝསེན ཨེཀོ ཁནྡྷོ ཧོཏི, ཝེདནཱ ཝེདནཱསབྷཱགེཀསངྒཧཝསེན ཨེཀོ ཁནྡྷོ ཧོཏི. ཨེས ནཡོ སཉྙཱདཱིསུཔི, ཏསྨཱ སབྦསངྑཏསབྷཱགེཀསངྒཧཏོ པཉྩེཝ ཝུཏྟཱ. ཨེཏཔརམཉྩེཏཾ ཨཏྟཏྟནིཡགྒཱཧཝཏྠུ, ཡདིདཾ རཱུཔཱདཡོ པཉྩ, ཏསྨཱ ཨཏྟཏྟནིཡགྒཱཧཝཏྠུསྶ ཨེཏཔརམཏོཔི པཉྩེཝ ཝུཏྟཱ. ཡེཔི ཙཉྙེ སཱིལཱདཡོ པཉྩ དྷམྨཀྑནྡྷཱ ཝུཏྟཱ, ཏེཔི སངྑཱརཀྑནྡྷཔརིཡཱཔནྣཏྟཱ ཨེཏྠེཝ ཨཝརོདྷཾ གཙྪནྟི, ཏསྨཱ ཨཉྙེསཾ ཏདཝརོདྷཏོཔི པཉྩེཝ ཝུཏྟཱཏི ཨཡཾ ཨནཱུནཱདྷིཀཏོ.

དཊྛབྦསམབྷེདཏོཏི དཊྛབྦབྷེདཏོ, ཨུཔམཱབྷེདཏོ ཙ. ཏཏྠ དཊྛབྦབྷེདཏོ ཏཱཝ པཉྩུཔཱདཱནཀྑནྡྷཱ སཱམཉྙཏོ ཨུཀྑིཏྟཱསིཀཔཙྩཏྠིཀཏོ, བྷཱརཏོ, ཁཱདཀཏོ, ཨནིཙྩདུཀྑཨནཏྟསངྑཱཏཝདྷཀཏོ ཙ དཊྛབྦཱ. ཝིསེསཏོ པན ཕེཎཔིཎྜཾ ཝིཡ རཱུཔཾ དཊྛབྦཾ, ཨུདཀབུབྦུལ༹མརཱིཙིཀཀདལིཀྑནྡྷམཱཡཱ ཝིཡ ཡཐཱཀྐམཾ ཝེདནཱདཡོ དཊྛབྦཱ. ཡཐཱ ཧི ཕེཎཔིཎྜོ ཝིམདྡཱསཧོ, སོ ཙ པཏྟཐཱལཀཱདིཨཏྠཾ གཧིཏོཔི ཏམཏྠཾ ན སཱདྷེཏི, བྷིཛྫཏི, ཨེཝཾ རཱུཔམྤི ཝིམདྡཱསཧཾ, ཏཉྩ སུབྷཱདིཝསེན གཧིཏམྤི ན ཏཐཱ ཏིཊྛཏི, ཨསུབྷཱདིཡེཝ ཧོཏི.

ཡཐཱ ཝཱ ཕེཎཔིཎྜོ ཨནེཀསནྡྷིགྷཊིཏོ བཧུནྣཾ ཨུདཀསཔྤཱདིཔཱཎཀཱནཾ ཨཱཝཱསོ, ཨཱདིཏོ ཙེས བདརཔཀྐམཏྟོ ཧུཏྭཱ ཨནུཔུབྦཝཌྜྷནཀོ ཨུཊྛིཏམཏྟོཔི ཙེས བྷིཛྫཏི, ཐོཀཾ གནྟྭཱཔི, སམུདྡཾ པཏྭཱ པན ཨཝསྶམེཝ བྷིཛྫཏི ¶ , ཨེཝཾ རཱུཔམྤི ཚིདྡཱཝཚིདྡཾ ཨནེཀསནྡྷིགྷཊིཏཾ ¶ ཨསཱིཏིཀིམིཀུལཝོཀིཎྞཾ, ཨཱདིཏོ ཙེཏཾ ཀལལམཏྟཾ ཧུཏྭཱ ཨནུཔུབྦཝཌྜྷནཀཾ, ཀལལམཏྟེཔི ཙེཏཾ བྷིཛྫཏི, ཨབྦུདཱདིབྷཱཝེཔི ཨཱཡུཀྑཡཾ པཏྭཱ ཨཝསྶམེཝ བྷིཛྫཏི. ཨེཝཾ ཕེཎཔིཎྜསདིསཾ དཊྛབྦཾ.

ཡཐཱ པན བུབྦུལོ༹ མུཧུཏྟརམཎཱིཡོ ཨགཡ྄ཧུཔགོ ན ཙིརཊྛིཏིཀོཝ, ཨེཝཾ ཝེདནཱཔི. ཡཐཱ ཙ བུབྦུལོ༹ ཨུདཀཏལཾ, ཨུདཀབིནྡུཾ, ཨུདཀཛལླཀཾ སངྐཌྜྷིཏྭཱ པུཊཾ ཀཏྭཱ གཧཎཝཱཏཉྩཱཏི ཙཏྟཱརི ཀཱརཎཱནི པཊིཙྩ ཨུཔྤཛྫཏི, ཨེཝཾ ཝེདནཱཔི ཝཏྠུཾ, ཨཱརམྨཎཾ, ཀིལེསཛལླཾ, ཕསྶསངྒྷཊྚནཉྩཱཏི ཙཏྟཱརི ཀཱརཎཱནི པཊིཙྩ ཨུཔྤཛྫཏཱིཏི སཱ བུབྦུལ༹སདིསཱ དཊྛབྦཱ.

ཡཐཱ པན མརཱིཙིཀཱ ཛལཱསཡཱདིབྷཱཝེན ཝིཔྤལམྦྷིཀཱ, ཨེཝཾ སཉྙཱཔི ནིཙྩཱདིབྷཱཝེནཱཏི མརཱིཙིསདིསཱ དཊྛབྦཱ. ཡཐཱ པན ཀདལིཀྑནྡྷོ ཨགཡ྄ཧུཔགོ བཧུཝཊྚིསམོདྷཱནོ, ཨེཝཾ སངྑཱརཀྑནྡྷོཔི ཨགཡ྄ཧུཔགོནིཙྩཱདིསཱརཝིརཧིཏོ, ཕསྶཱདིབཧུདྷམྨསམོདྷཱནོ ཙ ཧོཏཱིཏི སོ ཀདལིཀྑནྡྷསདིསོ དཊྛབྦོ. ཡཐཱ པན མཱཡཱ ཨསུཝཎྞརཛཏཱདིརཱུཔཱནིཔི ཏཐཱ གཱཧཱཔེཏྭཱ མཧཱཛནཾ ཝཉྩེཏི, ཨེཝཾ ཝིཉྙཱཎམྤི ཨནིཙྩཱདིརཱུཔཾ ཏེནེཝ ཙིཏྟེན ཨཱགཙྪནྟཾ ཝིཡ ནིཙྩཱདིཏོ ཙ གཱཧཱཔེཏྭཱ ཝཉྩེཏཱིཏི ཏཾ མཱཡཱསདིསཾ དཊྛབྦཾ. ཝུཏྟཉྩ –

‘‘ཕེཎཔིཎྜཱུཔམཾ རཱུཔཾ, ཝེདནཱ བུབྦུལཱུ༹པམཱ;

མརཱིཙིཀཱུཔམཱ སཉྙཱ, སངྑཱརཱ ཀདལཱུཔམཱ;

མཱཡཱུཔམཉྩ ཝིཉྙཱཎཾ, དེསིཏཱདིཙྩབནྡྷུནཱ’’ཏི. (སཾ. ནི. ༣.༩༥);

ཨཡམེཏྠ དཊྛབྦབྷེདོ.

ཨུཔམཱབྷེདཏོ ཙ པན གིལཱནསཱལཱུཔམོ རཱུཔུཔཱདཱནཀྑནྡྷོ, གེལཉྙཱུཔམོ ཝེདནུཔཱདཱནཀྑནྡྷོ, གེལཉྙསམུཊྛཱནཱུཔམོ སཉྙུཔཱདཱནཀྑནྡྷོ, ཨསཔྤཱཡསེཝནཱུཔམོ སངྑཱརུཔཱདཱནཀྑནྡྷོ ¶ , གིལཱནཱུཔམོ ཝིཉྙཱཎུཔཱདཱནཀྑནྡྷོ. ཨཔིཙ ཙཱརཀཀཱརཎཨཔརཱདྷཀཱརཎཀཱརཀཨཔརཱདྷིཀཱུཔམཱ ཨེཏེ བྷཱཛནབྷོཛནབྱཉྫནཔརིཝེསཀབྷུཉྫཀཱུཔམཱ ཙཱཏི ཨཡམེཏྠ ཨུཔམཱབྷེདོ. ཨེཝཾ པཱལི༹མུཏྟཀཝིནིཙྪཡནཡོ ཉེཡྻོ.

ཁནྡྷཝིབྷངྒམཱཏིཀཏྠཝཎྞནཱ ནིཊྛིཏཱ.

ཨཱཡཏནཝིབྷངྒམཱཏིཀཏྠཝཎྞནཱ

ཨཱཡཏནཝིབྷངྒམཱཏིཀཱཡ ¶ པན ཨཏྠཏོ ཏཱཝ – དྭཱདསཱཡཏནཱནཱིཏི ཨེཏྠ ཨཱཡཏནཏོ, ཨཱཡཱནཾ ཏནནཏོ, ཨཱཡཏསྶ ཙ ནཡནཏོ ཨཱཡཏནཱནི. ཙཀྑུརཱུཔཱདཱིསུ ཧི ཏཾཏཾདྭཱརཱརམྨཎཱ ཙིཏྟཙེཏསིཀཱ དྷམྨཱ སེན སེན ཨནུབྷཝནཱདིནཱ ཀིཙྩེན ཨཱཡཏནྟི ཨུཔཊྛཧནྟི གྷཊེནྟི ཝཱཡམནྟི, ཏེ ཙ པན ཨཱཡབྷཱུཏེ དྷམྨེ ཨེཏཱནི ཏནོནྟི ཝིཏྠཱརེནྟི, ཨིདཉྩ ཨཏཱིཝ ཨཱཡཏཾ སཾསཱརདུཀྑཾ ནཡནྟེཝ, པཝཏྟཡནྟཱིཏི ཝུཏྟཾ ཧོཏི, ཏསྨཱ ‘‘ཨཱཡཏནཱནཱི’’ཏི ཝུཙྩནྟི.

ཨཔིཙ ནིཝཱསཊྛཱནཊྛེན, ཨཱཀརཊྛེན, སམོསརཎཊྛཱནཊྛེན, སཉྫཱབྷིདེསཊྛེན, ཀཱརཎཊྛེན ཙ སཱསནེ, ལོཀེ ཙ ‘‘ཨཱཡཏན’’ནྟི ཝུཙྩནྟི. ཙཀྑུཨཱདཱིསུ ཧི ཏེ ཏེ ཙིཏྟཙེཏསིཀཱ དྷམྨཱ ཏདཱཡཏྟཝུཏྟིཏཱཡ ནིཝསནྟི, ཏེསུ ཙ ཨཱཀརབྷཱུཏེསུ ཨཱཀིཎྞཱ ཝཏྠཱརམྨཎཝསེན ཙ སམོསརནྟི, ཙཀྑཱདཡོཝ ནེསཾ སཉྫཱཏིདེསོ, ཀཱརཎཉྩ, ཏསྨཱ ནིཝཱསཊྛཱནཱདིནཱ ཨཏྠེན ཙཀྑཱདཱིནི ཨཱཡཏནཱནཱིཏི ཝེདིཏབྦཱནི.

ཙཀྑཱཡཏནནྟིཨཱདཱིསུ ཙཀྑཏཱིཏི ཙཀྑུ, རཱུཔཾ ཨསྶཱདེཏི, ཝིབྷཱཝེཏི ཙཱཏི ཨཏྠོ. རཱུཔཡཏཱིཏི རཱུཔཾ. ཝཎྞཝིཀཱརཾ ཨཱཔཛྫམཱནཾ ¶ ཧདཡངྒཏབྷཱཝཾ པཀཱསེཏཱིཏི ཨཏྠོ. སུཎཱཏཱིཏི སོཏཾ. སཔྤཏཱིཏི སདྡོ, ཨུདཱཧརཱིཡཏཱིཏི ཨཏྠོ. གྷཱཡཏཱིཏི གྷཱནཾ. གནྡྷཡཏཱིཏི གནྡྷོ, ཨཏྟནོ ཝཏྠུཾ སཱུཙཡཏཱིཏི ཨཏྠོ. ཛཱིཝིཏཾ ཨཝ྄ཧཱཡཏཱིཏི ཛིཝ྄ཧཱ. རསནྟི ཏཾ སཏྟཱཏི རསོ, ཨསྶཱདེནྟཱིཏི ཨཏྠོ. ཀུཙྪིཏཱནཾ སཱསཝདྷམྨཱནཾ ཨཱཡོཏི ཀཱཡོ, ཨུཔྤཏྟིདེསོ. ཕུསཱིཡཏཱིཏི ཕོཊྛབྦཾ. མནཏཱིཏི མནོ. ཨཏྟནོ ལཀྑཎཾ དྷཱརེནྟཱིཏི དྷམྨཱ. ཙཀྑུ ཙ ཏཾ ཡཐཱཝུཏྟེནཏྠེན ཨཱཡཏནཉྩཱཏི ཙཀྑཱཡཏནཾ…པེ… དྷམྨཱ ཙ ཏེ ཨཱཡཏནཉྩཱཏི དྷམྨཱཡཏནནྟི ཨཡཾ ཏཱཝེཏྠ པདཏྠོ.

དྷམྨབྷེདཏོ པནེཏྠ སབྦམྤི ཝིཉྙཱཎཾ མནཱཡཏནཾ ནཱམ. ཙེཏསིཀསུཁུམརཱུཔནིབྦཱནཱནི དྷམྨཱཡཏནཾ ནཱམ. སེསཱནི སུཝིཉྙེཡྻཱནི. ཨིམེསུ ཙ ཨཱཡཏནེསུ ཨཏཱིཏཱདིབྷེདབྷིནྣཱ, ཀཱལཝིནིམུཏྟཱ ཙ ལོཀིཡལོཀུཏྟརཱ སབྦེ ནཱམརཱུཔདྷམྨཱ, པཉྙཏྟིཡོ ཙ སངྒཧིཏཱཏི ཝེདིཏབྦཱ. ‘‘ཛཱཏི དྭཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ’’ཏིཨཱདིཝཙནཏོ (དྷཱཏུ. ༧༡) ཧི ¶ རཱུཔཱརཱུཔལཀྑཎཱནཾ ཛཱཏིཛརཱབྷངྒཱནཾ སངྑཱརཀྑནྡྷདྷམྨཱཡཏནདྷམྨདྷཱཏཱུསུ སངྒཧིཏཏྟཱ ཨིཏརཱསམྤི པཉྙཏྟཱིནཾ ཡཐཱརཧཾ ཏཏྠ སངྒཧིཏབྷཱཝོ ཝེདིཏབྦོཏི ཨཡམེཏྠ དྷམྨབྷེདོ.

ཝིབྷངྒནཡཏོ པནེཏྠ སུཏྟནྟབྷཱཛནཱིཡེ ཏཱཝ ‘‘ཙཀྑུཾ ཨནིཙྩཾ དུཀྑཾ ཨནཏྟཱ ཝིཔརིཎཱམདྷམྨཾ. རཱུཔཱ ཨནིཙྩཱ དུཀྑཱ ཨནཏྟཱ ཝིཔརིཎཱམདྷམྨཱ…པེ… དྷམྨཱ ཨནིཙྩཱ དུཀྑཱ ཨནཏྟཱ ཝིཔརིཎཱམདྷམྨཱ’’ཏི (ཝིབྷ. ༡༥༤) ཨེཝཾ ཝིསཡིཝིསཡཱཡཏནཝསེན ཨཱཡཏནཱནི ཝུཏྟཱནཱིཏི ཨཡཾ སུཏྟནྟབྷཱཛནཱིཡནཡོ.

ཨབྷིདྷམྨབྷཱཛནཱིཡེ པན པསཱདཝིསཡཱཡཏནཱནི ཏཱཝ ‘‘ཏཏྠ ཀཏམཾ ཙཀྑཱཡཏནཾ? ཡཾ ཙཀྑུ ཙཏུནྣཾ མཧཱབྷཱུཏཱནཾ ཨུཔཱདཱཡ ¶ པསཱདོ’’ཏིཨཱདིནཱ (ཝིབྷ. ༡༥༦) རཱུཔཀཎྜེ (དྷ. ས. ༥༩༧) ཝུཏྟནཡེན ཝིབྷཏྟཱནི. མནཱཡཏནཾ པན ཨེཀཝིདྷཏོ པཊྛཱཡ ཡཱཝདསཝིདྷཱ ཝེདནཱཀྑནྡྷེ ཝུཏྟནཡེན ཝིབྷཏྟཾ. དྷམྨཱཡཏནཾ པན ‘‘ཏཏྠ ཀཏམཾ དྷམྨཱཡཏནཾ? ཝེདནཱཀྑནྡྷོ སཉྙཱཀྑནྡྷོ སངྑཱརཀྑནྡྷོ, ཡཉྩ རཱུཔཾ ཨནིདསྶནཨཔྤཊིགྷཾ དྷམྨཱཡཏནཔརིཡཱཔནྣཾ ཨསངྑཏཱ ཙ དྷཱཏཱུ’’ཏི (ཝིབྷ. ༡༦༧) ཨུདྡིསིཏྭཱ ‘‘ཏཏྠ ཀཏམོ ཝེདནཱཀྑནྡྷོ’’ཏིཨཱདིནཱ (ཝིབྷ. ༡༦༧) ཝེདནཱཀྑནྡྷཱདཱིསུ ཝུཏྟནཡེན ཝིབྷཏྟཾ. སུཁུམརཱུཔནིབྦཱནཱནི རཱུཔཀཎྜེ ཝུཏྟནཡཱནེཝཱཏི ཨཡཾ ཨབྷིདྷམྨབྷཱཛནཱིཡནཡོ.

པཉྷཱཔུཙྪཀནཡཾ པན ཨིཏོ པརཾ ཝིཏྠཱརཏོ ཨདསྶེཏྭཱ ཏིཀདུཀཱནཾ ཨཱདིཨནྟེཧི ཙེཝ ཝིསེསཏྠདཱིཔཀེཧི ཙ ཏིཀདུཀེཧི ཡོཛེཏྭཱ དསྶཡིསྶཱམ, སེསེཧིཔི ཏིཀདུཀེཧི ཡོཛནཱནཡོ ཁནྡྷེ ཝུཏྟནཡེན སཀྐཱ ཉཱཏུནྟི. ཀཐཾ དྭཱདསནྣཾ ཨཱཡཏནཱནཾ ཀཏི ཀུསལཱ…པེ… ཀཏི ཨརཎཱཏི? དསཱཡཏནཱ ཨབྱཱཀཏཱ, དྭཱཡཏནཱ སིཡཱ ཀུསལཱ, སིཡཱ ཨཀུསལཱ, སིཡཱ ཨབྱཱཀཏཱ. ཝེདནཱཏྟིཀེ དསཱཡཏནཱནི ན ཝཏྟབྦཱནི, མནཱཡཏནཾ ཏིདྷཱཔི, དྷམྨཱཡཏནཾ ཏིདྷཱ ན ཝཏྟབྦཉྩ…པེ… རཱུཔཱཡཏནཾ སནིདསྶནསཔྤཊིགྷཾ, ནཝཱཡཏནཱནི ཨནིདསྶནསཔྤཊིགྷཱནི, མནཱཡཏནདྷམྨཱཡཏནཱནི ཨནིདསྶནཨཔྤཊིགྷཱནི, ཨེཀཱདསཱཡཏནཱནི ན ཧེཏཱུ, དྷམྨཱཡཏནཾ སིཡཱ ཧེཏུ, སིཡཱ ན ཧེཏུ…པེ… ཨེཀཱདསཱཡཏནཱནི སཔྤཙྩཡཱནི, དྷམྨཱཡཏནཾ སིཡཱ སཔྤཙྩཡཾ, སིཡཱ ཨཔྤཙྩཡཾ…པེ… དསཱཡཏནཱནི རཱུཔཾ, མནཱཡཏནཾ ཨརཱུཔཾ, དྷམྨཱཡཏནཾ དྭིདྷཱཔི…པེ… དསཱཡཏནཱནི ཨརཎཱནི, དྭཱཡཏནཱནི སིཡཱ སརཎཱནི, སིཡཱ ཨརཎཱནཱིཏི ཨཡཾ པཉྷཱཔུཙྪཀནཡོ.

ཨིདཱནི ¶ པན –

ཀམཏོ ཏཱཝཏྟཏོ ཙ, ཏེསཾ དཊྛབྦབྷེདཏོ;

པཱལི༹མུཏྟནཡེནེཏྠ, ཝིཉྙཱཏབྦོ ཝིནིཙྪཡོ.

ཏཏྠ ¶ ཀམཏོཏི ཨིདྷཱཔི དེསནཱཀྐམོཝ ཡུཛྫཏི. ཨཛ྄ཛྷཏྟིཀེསུ ཧི ཨཱཡཏནེསུ སནིདསྶནསཔྤཊིགྷཝིསཡཏྟཱ ཙཀྑཱཡཏནཾ པཱཀཊནྟི པཋམཾ དེསིཏཾ, ཏཏོ ཨནིདསྶནསཔྤཊིགྷཝིསཡཱནི སོཏཱཡཏནཱདཱིནི. ཨཐ ཝཱ དསྶནཱནུཏྟརིཡསཝནཱནུཏྟརིཡཧེཏུབྷཱཝཏོ བཧཱུཔཀཱརཏྟཱ ཙཀྑུསོཏཱཡཏནཱནི པཋམཾ དེསིཏཱནི, ཏཏོ གྷཱནཱཡཏནཱདཱིནི ཏཱིཎི, པཉྩནྣམྤི པན གོཙརཝིསཡཏྟཱ ཨནྟེ མནཱཡཏནཾ, ཙཀྑཱཡཏནཱདཱིནཾ གོཙརཏྟཱ ཏེསཾ ཨནནྟརཾ རཱུཔཱཡཏནཱདཱིནི. ཨཔིཙ ཝིཉྙཱཎུཔྤཏྟིཀཱརཎཝཝཏྠཱནཏོཔི ཨཡམེཏེསཾ ཀམོ ཝེདིཏབྦོ. ཝུཏྟཾ ཧེཏཾ ‘‘ཙཀྑུཉྩ པཊིཙྩ རཱུཔེ ཙ ཨུཔྤཛྫཏི ཙཀྑུཝིཉྙཱཎཾ…པེ… མནཉྩ པཊིཙྩ དྷམྨེ ཙ ཨུཔྤཛྫཏི མནོཝིཉྙཱཎ’’ནྟི (མ. ནི. ༣.༤༢༡; སཾ. ནི. ༤.༦༠, ༡༡༣; མཧཱནི. ༡༠༧) ཨཡཾ ཏཱཝེཏྠ ཀམོ.

ཏཱཝཏྟཏོཏི ཏཱཝབྷཱཝཏོ. ཨིདཾ ཝུཏྟཾ ཧོཏི – ཙཀྑཱདཡོཔི ཧི དྷམྨཱ ཨེཝ, ཨེཝཾ སཏི དྷམྨཱཡཏནམིཙྩེཝ ཨཝཏྭཱ ཀསྨཱ དྭཱདསཱཡཏནཱནི ཝུཏྟཱནཱིཏི ཙེ? ཚཝིཉྙཱཎཀཱཡུཔྤཏྟིཡཱ དྭཱརཱརམྨཎཝཝཏྠཱནཏོ ཨཡམེཏེསཾ བྷེདོ ཧོཏཱིཏི དྭཱདས ཝུཏྟཱནི. ཙཀྑུཝིཉྙཱཎཝཱིཐིཔརིཡཱཔནྣསྶ ཧི ཝིཉྙཱཎཀཱཡསྶ ཙཀྑཱཡཏནམེཝ ཨུཔྤཏྟིདྭཱརཾ, རཱུཔཱཡཏནམེཝཱརམྨཎཾ. ཏཐཱ ཨིཏརཱནི ཨིཏརེསཾ. ཚཊྛསྶ པན བྷཝངྒམནསངྑཱཏོ མནཱཡཏནེཀདེསོཝ ཨུཔྤཏྟིདྭཱརཾ, ཨསཱདྷཱརཎཉྩ དྷམྨཱཡཏནཾ ཨཱརམྨཎནྟི. ཨིཏི ཚནྣཾ ཝིཉྙཱཎཀཱཡཱནཾ ཨུཔྤཏྟིདྭཱརཱརམྨཎཝཝཏྠཱནཏོ དྭཱདས ཝུཏྟཱནཱིཏི ཨཡམེཏྠ ཏཱཝཏྟཏཱ.

དཊྛབྦབྷེདཏོཏི ཨེཏྠ པན སབྦཱནི ཙེཏཱནི ཨཱཡཏནཱནི ཨནཱགམནཏོ, ཨནིགྒམནཏོ ཙ དཊྛབྦཱནི. ན ཧི ཏཱནི པུབྦེ ཨུདཡཱ ཀུཏོཙི ཨཱགཙྪནྟི, ནཔི ཨུདྡྷཾ ཝཡཱ ཀུཧིཉྩི གཙྪནྟི ¶ , ཨཐ ཁོ པུབྦེ ཨུདཡཱ ཨཔྤཊིལདྡྷསབྷཱཝཱནི ཨུདྡྷཾ ཝཡཱ པརིབྷིནྣསབྷཱཝཱནི, པུབྦནྟཱཔརནྟཝེམཛ྄ཛྷེ པཙྩཡཱཡཏྟཝུཏྟིཏཱཡ ཨཝསཱནི པཝཏྟནྟི, ཏསྨཱ ཨནཱགམནཏོ, ཨནིགྒམནཏོ ཙ དཊྛབྦཱནི. ཏཐཱ ནིརཱིཧཏོ, ཨབྱཱཔཱརཏོ ཙ. ན ཧི ཙཀྑུརཱུཔཱདཱིནཾ ཨེཝཾ ཧོཏི ¶ ‘‘ཨཧོ ཝཏ ཨམྷཱཀཾ སཱམགྒིཡཾ ཝིཉྙཱཎཾ ནཱམ ཨུཔྤཛྫེཡྻཱ’’ཏི, ན ཙ ཏཱནི ཝིཉྙཱཎུཔྤཱདནཏྠཾ དྭཱརབྷཱཝེན, ཝཏྠུབྷཱཝེན, ཨཱརམྨཎབྷཱཝེན ཝཱ བྱཱཔཱརམཱཔཛྫནྟི, ཨཐ ཁོ དྷམྨཏཱཝེསཱ ཡཾ ཙཀྑུརཱུཔཱདིསཱམགྒིཡཾ ཙཀྑུཝིཉྙཱཎཱདཱིནི སམྦྷཝནྟི, ཏསྨཱ ནིརཱིཧཏོ, ཨབྱཱཔཱརཏོ ཙ དཊྛབྦཱནི. ཨཔིཙ ཨཛ྄ཛྷཏྟིཀཱནི སུཉྙོ གཱམོ ཝིཡ དཊྛབྦཱནི དྷུཝསུབྷསུཁཏྟབྷཱཝཝིརཧིཏཏྟཱ, བཱཧིརཱནི གཱམགྷཱཏཀཙོརཱ ཝིཡ. ཏཐཱ ཨཛ྄ཛྷཏྟིཀཱནི ཚཔཱཎཀཱ ཝིཡ དཊྛབྦཱནི, བཱཧིརཱནི ཏེསཾ གོཙརཱ ཝིཡཱཏི ཨཡམེཏྠ དཊྛབྦབྷེདོ. ཨེཝཾ པཱལི༹མུཏྟནཡེནེཏྠ ཝིཉྙཱཏབྦོ ཝིནིཙྪཡོ.

ཨཱཡཏནཝིབྷངྒམཱཏིཀཏྠཝཎྞནཱ ནིཊྛིཏཱ.

དྷཱཏུཝིབྷངྒམཱཏིཀཏྠཝཎྞནཱ

དྷཱཏུཝིབྷངྒམཱཏིཀཱཡ པན ཨཏྠཏོ ཏཱཝ – ཨཊྛཱརས དྷཱཏུཡོཏི ཨེཏྠ ཝིདཧཏི, དྷཱིཡཏེ, ཝིདྷཱནཾ, ཝིདྷཱིཡཏེ ཨེཏཱཡ, ཨེཏྠ ཝཱ དྷཱིཡཏཱིཏི དྷཱཏུ. ལོཀིཡཱ ཧི དྷཱཏུཡོ ཀཱརཎབྷཱཝེན ཝཝཏྠིཏཱ. ཨནེཀཔྤཀཱརཾ སཾསཱརདུཀྑཾ ཝིདཧནྟི ནིཔྥཱདེནྟི, སཏྟེཧི ཙ དྷཱིཡནྟེ དྷཱརཱིཡནྟི, དུཀྑཝིདྷཱནམཏྟམེཝ ཙེཏཱ, ཨེཏཱཧི ཙ ཀཱརཎབྷཱུཏཱཧི སཾསཱརདུཀྑཾ སཏྟེཧི ཨནུཝིདྷཱིཡཏི, ཡཐཱཝིཧིཏཉྩ དུཀྑཾ ཨེཏཱསྭེཝ དྷཱིཡཏི ཋཔཱིཡཏཱིཏི ཨེཏེཧི ཨཏྠེཧི ཡཐཱསམྦྷཝཾ ‘‘དྷཱཏུཡོ’’ཏི ཝུཙྩནྟི.

ཡཐཱ ¶ ཝཱ སརཱིརསངྑཱཏསྶ སམུདཱཡསྶ ཨཝཡཝབྷཱུཏེསུ རསསོཎིཏཱདཱིསུ ཨཉྙམཉྙཾ ཝིསབྷཱགལཀྑཎཔརིཙྪིནྣེསུ དྷཱཏུསམཉྙཱ, ཨེཝམེཏེསུཔི པཉྩཀྑནྡྷསངྑཱཏསྶ ཨཏྟབྷཱཝསྶ ཙཀྑཱདཱིསུ དྷཱཏུསམཉྙཱ ཝེདིཏབྦཱ. ལོཀིཡལོཀུཏྟརསཱདྷཱརཎཏྠཝསེན པན ཨཏྟནོ སབྷཱཝཾ དྷཱརེནྟཱིཏི དྷཱཏུཡོ. ནིཛྫཱིཝམཏྟཱནམེཏཾ ཨདྷིཝཙནཾ, ཏསྨཱ ཡཐཱཝུཏྟེནཏྠེན ཙཀྑུ ཙ ཏཾ དྷཱཏུ ཙཱཏི ཙཀྑུདྷཱཏུ. ཨེཝཾ སེསེསུཔཱིཏི ཨཡཾ ཏཱཝེཏྠ པདཏྠོ.

དྷམྨབྷེདཏོ པནེཏྠ ཨཱཡཏནེསུ ཝུཏྟནཡེན ཝེདིཏབྦོ. ཨཔིཙ པཉྩདྭཱརཱཝཛྫནསམྤཊིཙྪནདྭཡཝིཉྙཱཎཾ ¶ མནོདྷཱཏུ ནཱམ. པཉྩཝིཉྙཱཎམནོདྷཱཏུཝཛྫིཏཾ པན སབྦམྤི ཝིཉྙཱཎཾ མནོཝིཉྙཱཎདྷཱཏུ ནཱམ. སེསཾ སུཝིཉྙེཡྻམེཝ.

ཝིབྷངྒནཡཏོ པནེཏྠ སུཏྟནྟབྷཱཛནཱིཡེ ཏཱཝ – ‘‘པཐཝཱིདྷཱཏུ ཨཱཔོ ཏེཛོ ཝཱཡོ ཨཱཀཱསཝིཉྙཱཎདྷཱཏཱུ’’ཏི ཚ དྷཱཏུཡོ ཨུདྡིསིཏྭཱ ཨཱདིཏོ པཉྩ ཨཛ྄ཛྷཏྟིཀབཱཧིརཝསེན, པཙྪིམཱ ཙ ཚ ཝིཉྙཱཎཝསེན ཝིབྷཏྟཱ, ཨཔརཱཔི ‘‘སུཁདྷཱཏུ དུཀྑསོམནསྶདོམནསྶུཔེཀྑཱཨཝིཛྫཱདྷཱཏཱུ’’ཏི ཚ དྷཱཏུཡོ ཨུདྡིསིཏྭཱ ཏཐཱ ཏཐཱ ཝིབྷཏྟཱ, པུན ཨཔརཱཔི ‘‘ཀཱམདྷཱཏུ བྱཱཔཱདཝིཧིཾསཱནེཀྑམྨཨབྱཱཔཱདཨཝིཧིཾསཱདྷཱཏཱུ’’ཏི ཚ དྷཱཏུཡོ ཨུདྡིསིཏྭཱ, ཨེཝཾ ཏཱིཧི ཚཀྐེཧི པཙྩེཀཾ ཏེབྷཱུམཀཱ ཨཊྛཱརས དྷཱཏུཡོ སརཱུཔཏོ, ལཀྑཎཱཧཱརཏོ, ནིསྶཡཝིསཡཔཡོགཝིནཱབྷཱཝཱདིཏོ ཙ ཝུཏྟཱཏི ཝེདིཏབྦཱཏི ཨཡཾ སུཏྟནྟབྷཱཛནཱིཡནཡོ.

ཨབྷིདྷམྨབྷཱཛནཱིཡེ པན སརཱུཔེནེཝ ཨཊྛཱརས དྷཱཏུཡོ ཨུདྡིསིཏྭཱ པསཱདཝིསཡདྷཱཏུཡོ ཨཱཡཏནེ ཝུཏྟནཡེན ཝིབྷཏྟཱ, སཏྟ ཝིཉྙཱཎདྷཱཏུཡོ པན –

‘‘ཏཏྠ ཀཏམཱ ཙཀྑུཝིཉྙཱཎདྷཱཏུ? ཙཀྑུཉྩ པཊིཙྩ རཱུཔེ ཙ ཨུཔྤཛྫཏི ཙིཏྟཾ…པེ… ཙཀྑུཝིཉྙཱཎདྷཱཏུ. ཨཡཾ ཝུཙྩཏི ཙཀྑུཝིཉྙཱཎདྷཱཏུ…པེ… ཀཱཡཝིཉྙཱཎདྷཱཏུ.

‘‘ཏཏྠ ¶ ཀཏམཱ མནོདྷཱཏུ? ཙཀྑུཝིཉྙཱཎདྷཱཏུཡཱ…པེ… ཀཱཡཝིཉྙཱཎདྷཱཏུཡཱ…པེ… ནིརུདྡྷསམནནྟརཱ ཨུཔྤཛྫཏི ཙིཏྟཾ…པེ… སབྦདྷམྨེསུ ཝཱ པན པཋམསམནྣཱཧཱརོ ཨུཔྤཛྫཏི ཙིཏྟཾ…པེ… ཨཡཾ ཝུཙྩཏི མནོདྷཱཏུ.

‘‘ཏཏྠ ཀཏམཱ དྷམྨདྷཱཏུ? ཝེདནཱཀྑནྡྷོ སཉྙཱཀྑནྡྷོ སངྑཱརཀྑནྡྷོ, ཡཉྩ རཱུཔཾ ཨནིདསྶནཾ ཨཔྤཊིགྷཾ དྷམྨཱཡཏནཔརིཡཱཔནྣཾ, ཨསངྑཏཱ ཙ དྷཱཏུ…པེ… ཨཡཾ ཝུཙྩཏི དྷམྨདྷཱཏུ.

‘‘ཏཏྠ ཀཏམཱ མནོཝིཉྙཱཎདྷཱཏུ…པེ… མནོདྷཱཏུཡཱཔི ཨུཔྤཛྫིཏྭཱ ནིརུདྡྷསམནནྟརཱ ¶ ཨུཔྤཛྫཏི ཙིཏྟཾ…པེ… མནཉྩ པཊིཙྩ དྷམྨེ ཙ ཨུཔྤཛྫཏི ཙིཏྟཾ…པེ… ཨཡཾ ཝུཙྩཏི མནོཝིཉྙཱཎདྷཱཏཱུ’’ཏི (ཝིབྷ. ༡༨༤) –

ཨེཝཾ ཝིབྷཏྟཱ. ཏཏྠ སབྦདྷམྨེསུ ཝཱ པན པཋམསམནྣཱཧཱརོཏི ཨེཏྠ པཉྩཝིཉྙཱཎཝིསཡེསུ སབྦདྷམྨེསཱུཏི ཨེཝཾ ཨཏྠོ གཧེཏབྦོ. མནོདྷཱཏུཡཱཔི ཨུཔྤཛྫིཏྭཱ ནིརུདྡྷསམནནྟརཱཏི ཨེཏྠ པན པི-ཀཱརོ སམྤིཎྜནཏྠོ, ཏསྨཱ མནོདྷཱཏུཡཱཔི སནྟཱིརཎཝོཊྛབྦནཱདིམནོཝིཉྙཱཎདྷཱཏུཡཱཔཱིཏི ཨེཝམཏྠོ གཧེཏབྦོ. མནཉྩ པཊིཙྩཱཏིཨཱདཱིསུ མནོདྭཱརེ བྷཝངྒམནཉྩེཝ ཙཏུབྷཱུམཀདྷམྨཱརམྨཎཉྩ པཊིཙྩ སཧཱཝཛྫནཀཛཝནཾ ནིབྦཏྟཏཱིཏི ཨཏྠོ. ཨཡཾ ཨབྷིདྷམྨབྷཱཛནཱིཡནཡོ.

པཉྷཱཔུཙྪཀནཡེ པན ཨཊྛཱརསནྣཾ དྷཱཏཱུནཾ ཀཏི ཀུསལཱ…པེ… ཀཏི ཨརཎཱཏི? སོལ༹ས དྷཱཏུཡོ ཨབྱཱཀཏཱ, དྭེ དྷཱཏུཡོ ཏིདྷཱཔི ཧོནྟི…པེ… དས དྷཱཏུཡོ ནེཝཝིཔཱཀནཝིཔཱཀདྷམྨདྷམྨཱ, པཉྩ དྷཱཏུཡོ ཝིཔཱཀཱ, མནོདྷཱཏུ སིཡཱ ཝིཔཱཀཱ, སིཡཱ ནེཝཝིཔཱཀནཝིཔཱཀདྷམྨདྷམྨཱ, དྭེ དྷཱཏུཡོ ཏིདྷཱཔི ¶ ཧོནྟི. དས དྷཱཏུཡོ ཨུཔཱདིནྣུཔཱདཱནིཡཱ, སདྡདྷཱཏུཡོ ཨནུཔཱདིནྣུཔཱདཱནིཡཱ, པཉྩ དྷཱཏུཡོ སིཡཱ ཨུཔཱདིནྣུཔཱདཱནིཡཱ, སིཡཱ ཨནུཔཱདིནྣུཔཱདཱནིཡཱ, དྭེ དྷཱཏུཡོ ཏིདྷཱཔི…པེ… དས དྷཱཏུཡོ སིཡཱ ཨུཔྤནྣཱ, སིཡཱ ཨུཔྤཱདིནོ, སདྡདྷཱཏུ སིཡཱ ཨུཔྤནྣཱ, སིཡཱ ཨནུཔྤནྣཱ, སིཡཱ ན ཝཏྟབྦཱ ཨུཔྤཱདིནོཏི, ཚ དྷཱཏུཡོ ཏིདྷཱཔི. དྷམྨདྷཱཏུ ཏིདྷཱཝ…པེ… རཱུཔདྷཱཏུ སནིདསྶནསཔྤཊིགྷཱ, ནཝ དྷཱཏུཡོ ཨནིདསྶནསཔྤཊིགྷཱ, ཨཊྛ དྷཱཏུཡོ ཨནིདསྶནཨཔྤཊིགྷཱ. སཏྟརས དྷཱཏུཡོ ན ཧེཏཱུ, དྷམྨདྷཱཏུ དྭིདྷཱཝ…པེ… སོལ༹ས དྷཱཏུཡོ ཨརཎཱ, དྭེ དྷཱཏུཡོ དྭིདྷཱཔཱིཏི ཨཡཾ པཉྷཱཔུཙྪཀནཡོ.

ཨིདཱནི པནེཏཱསཾ –

ཀམཏཱཝཏྟཏོ དཊྛབྦཱ, པཙྩཡཱནཾ ཝིབྷཱགཏོ;

དྷཱཏཱུནམིདྷ ཝིཉྙེཡྻོ, པཱལི༹མུཏྟཝིནིཙྪཡོ.

ཏཏྠ ཀམཏོ ཏཱཝ ཨིདྷཱཔི དེསནཱཀྐམོཝ ཡུཛྫཏི. སོ ཙ པནཱཡཾ ཧེཏུཕལཱནུཔུབྦཝཝཏྠཱནཝསེན ¶ ཝུཏྟོ. ཙཀྑུདྷཱཏུ རཱུཔདྷཱཏཱུཏི ཨིདཾ ཧི དྭཡཾ ཧེཏུ, ཙཀྑུཝིཉྙཱཎདྷཱཏཱུཏི ཨིདཾ ཕལཾ. ཨེཝཾ སབྦཏྠ. ཨཡཾ ཏཱཝེཏྠ ཀམོ.

ཏཱཝཏྟཏོ པན ཡཱ ཨིདྷ སུཏྟནྟབྷཱཛནཱིཡེ ཏཱིཧི ཚཀྐེཧི ཝུཏྟཱ དྷཱཏུཡོ ཙེཝ, ཏེསུ ཏེསུ སུཏྟཱབྷིདྷམྨཔདེསེསུ ‘‘ཨཱབྷཱདྷཱཏུ…པེ… ཨནེཀདྷཱཏུནཱནཱདྷཱཏུལོཀོ’’ཏིཨཱདིནཱ ཨཱགཏཱ ཙཱཏི ཨཉྙཱཔི བཧུདྷཱཏུཡོ དིསྶནྟི, ཏཱསམྤི ཝསེན པརིཙྪེདཾ ཨཝཏྭཱ ཀསྨཱ ཨཊྛཱརསེཝ ཝུཏྟཱཏི? ཏཱསམྤི ཏདནྟོགདྷཏྟཱ.

ཨཔིཙ ཝིཛཱནནསབྷཱཝེ ཝིཉྙཱཎེ ཛཱིཝསཉྙཱིནཾ ཏསྶཱ ཙཀྑུཝིཉྙཱཎཱདིབྷེདེན ཨནེཀཏཾ, ཙཀྑུརཱུཔཱདིཔཙྩཡཱཡཏྟཝུཏྟིཏཱཡ ཨནིཙྩཏཉྩ པཀཱསེཏྭཱ ཏསྨིཾ དཱིགྷརཏྟཱནུསཡིཏཛཱིཝསཉྙཱསམཱུཧནནཏྠཉྩ ཨཊྛཱརསེཝ ཝུཏྟཱ. ཀིཉྩ བྷིཡྻོ ¶ – ཝེནེཡྻཛ྄ཛྷཱསཡཝསེན ཙ. ཝེནེཡྻཱ ཧི ཨརཱུཔམཱུལ༹ྷོ རཱུཔམཱུལ༹ྷོ ཨུབྷཡམཱུལ༹ྷོཏི ཏིཝིདྷཱ ཧོནྟི. ཏེསཾ ཏིཎྞམྤི ཡཐཱཀྐམཾ ནཱཏིསངྑེཔཝིཏྠཱརཏོ ཨརཱུཔབྷེདཝིབྷཱཝིནཱི ཁནྡྷདེསནཱ, རཱུཔབྷེདཝིབྷཱཝིནཱི ཨཱཡཏནདེསནཱ, ཏདུབྷཡབྷེདཝིབྷཱཝིནཱི དྷཱཏུདེསནཱ སཔྤཱཡཱཏི ཝེནེཡྻཛ྄ཛྷཱསཡཝསེན ཨཊྛཱརསེཝ ཝུཏྟཱཏི. ཝུཏྟཉྩ –

‘‘སངྑེཔཝིཏྠཱརནཡེན ཏཐཱ ཏཐཱ ཧི,

དྷམྨཾ པཀཱསཡཏི ཨེས ཡཐཱ ཡཐཱསྶ;

སདྡྷམྨཏེཛཝིཧཏཾ ཝིལཡཾ ཁཎེན,

ཝེནེཡྻསཏྟཧདཡེསུ ཏམོ པཡཱཏཱི’’ཏི. (ཝིབྷ. ཨཊྛ. ༡༨༣);

ཨཡམེཏྠ ཏཱཝཏྟཏཱ.

དཊྛབྦཏོ པནེཏཱ སབྦཱཔི སངྑཏཱ དྷཱཏུཡོ པུབྦནྟཱཔརནྟཝིཝིཏྟཏོ, དྷུཝསུབྷསུཁཏྟབྷཱཝསུཉྙཏོ, པཙྩཡཱཡཏྟཝུཏྟིཏོ ཙ དཊྛབྦཱ. ཝིསེསཏོ པནེཏྠ བྷེརིཏལཾ ཝིཡ ཙཀྑུདྷཱཏུ དཊྛབྦཱ, དཎྜོ ཝིཡ རཱུཔདྷཱཏུ, སདྡོ ཝིཡ ཙཀྑུཝིཉྙཱཎདྷཱཏུ. ཏཐཱ ཏིསྶོཔི ཙེཏཱ ཡཐཱཀྐམཾ ཨཱདཱསཏལམུཁམུཁནིམིཏྟཱནི ཝིཡ. ཏཐཱ ཏིལཡནྟཙཀྐཏེལཱནི ཝིཡ, ཨདྷརཱརཎཱིཨུཏྟརཱརཎཱིཨགྒཱི ཝིཡ ཙ དཊྛབྦཱ. ཨེས ནཡོ སོཏདྷཱཏུཨཱདཱིསུཔི. མནོདྷཱཏུ པན ཡཐཱསམྦྷཝཏོ ཙཀྑུཝིཉྙཱཎདྷཱཏུཨཱདཱིནཾ པུརེཙརཱནུཙརཱ ཝིཡ དཊྛབྦཱ. དྷམྨདྷཱཏུཡཾ པན ཝེདནཱ སལླསཱུལམིཝ ¶ , སཉྙཱ རིཏྟམུཊྛི ཝིཡ, སངྑཱརཱ ཝིསརུཀྑམིཝ, སུཁུམརཱུཔཾ ཁུརཙཀྐཾ ཝིཡ, ཨསངྑཏཱ དྷཱཏུ ཁེམནྟབྷཱུམི ཝིཡ ཙ དཊྛབྦཱ, མནོཝིཉྙཱཎདྷཱཏུ པན མཀྐཊོ ཝིཡ, ཨསྶཁལུ༹ངྐོ ཝིཡ, ཡཏྠཀཱམནིཔཱཏིཏོ ཝེཧཱསཀྑིཏྟདཎྜོ ཝིཡ, རངྒནཊོ ཝིཡ ཙ དཊྛབྦཱ. ཨཡམེཏྠ དཊྛབྦཏཱ.

པཙྩཡཱནཾ ¶ ཝིབྷཱགཏོ པནེཏྠ ཙཀྑུཝིཉྙཱཎདྷཱཏུཡཱ ཙཀྑུ ནིསྶཡཔཙྩཡོ, རཱུཔཾ ཨཱརམྨཎཔཙྩཡོ, ཀིརིཡཱམནོདྷཱཏུ ཨནནྟརཔཙྩཡོ, ཏཡོ ཨརཱུཔིནོ ཁནྡྷཱ སཧཛཱཏཔཙྩཡོ. ཨེཝཾ སོཏཝིཉྙཱཎཱདཱིསུཔི. མནོཝིཉྙཱཎདྷཱཏུཡཱ པན མནོདྷཱཏུ ཨནནྟརཔཙྩཡོ, དྷམྨདྷཱཏུ ཨཱརམྨཎཔཙྩཡོ, སམྤཡུཏྟནིསྶཡསཧཛཱཏཱདིཔཙྩཡོཏི ཨཡཾ པཙྩཡཝིབྷཱགོ. ཨེཝཾ ཝིཉྙེཡྻོ པཱལི༹མུཏྟཝིནིཙྪཡོ.

དྷཱཏུཝིབྷངྒམཱཏིཀཏྠཝཎྞནཱ ནིཊྛིཏཱ.

སཙྩཝིབྷངྒམཱཏིཀཏྠཝཎྞནཱ

སཙྩཝིབྷངྒམཱཏིཀཱཡ པན ཨཏྠཏོ ཏཱཝ – ཙཏྟཱརི ཨརིཡསཙྩཱནཱིཏི ཨེཏྠཱཡཾ སཙྩ-སདྡོ ཨནེཀེསུ ཨཏྠེསུ དིསྶཏི. སེཡྻཐིདཾ – ‘‘སཙྩཾ བྷཎེ ན ཀུཛ྄ཛྷེཡྻཱ’’ཏིཨཱདཱིསུ (དྷ. པ. ༢༢༤) ཝཱཙཱསཙྩེ. ‘‘སཙྩེ ཋིཏཱ སམཎབྲཱཧྨཎཱ’’ཏིཨཱདཱིསུ (ཛཱ. ༢.༢༡.༤༣༣) ཝིརཏིསཙྩེ. ‘‘ཀསྨཱ ནུ སཙྩཱནི ཝདནྟི ནཱནཱ, པཝཱདིཡཱསེ ཀུསལཱཝདཱནཱ’’ཏིཨཱདཱིསུ (སུ. ནི. ༨༩༡) དིཊྛིསཙྩེ. ‘‘ཨེཀཾ ཧི སཙྩཾ, ན དུཏིཡམཏྠཱི’’ཏིཨཱདཱིསུ (སུ. ནི. ༨༩༠) པརམཏྠསཙྩེ, ནིབྦཱནེ ཙེཝ མགྒེ ཙ. ‘‘ཙཏུནྣཾ ཨརིཡསཙྩཱནཾ ཀཏི ཀུསལཱ’’ཏིཨཱདཱིསུ (ཝིབྷ. ༢༡༦) ཨརིཡསཙྩེ. སྭཱཡམིདྷཱཔི ཨརིཡསཙྩེ ཝཏྟཏི. ཀེནཊྛེན སཙྩཱནི? ཏཐཊྛེན. ཀོཡཾ ཏཐཊྛོ ནཱམ? ཡོ པཉྙཱཙཀྑུནཱ ཨུཔཔརིཀྑམཱནཱནཾ མཱཡཱཝ ཝིཔརཱིཏོ, མརཱིཙཱིཝ ཝིསཾཝཱདཀོ, ཏིཏྠིཡཱནཾ ཨཏྠཱ ཝིཡ ཨནུཔལབྦྷམཱནསབྷཱཝོ ཙ ན ཧོཏི, ཨཐ ཁོ བཱདྷནཔྤབྷཝསནྟིནིཡྻཱནབྷཱུཏེན ཏཙྪཱཝིཔརཱིཏབྷཱུཏབྷཱཝེན ཨརིཡཉཱཎསྶ གོཙརོ ཧོཏི. ཨཡཾ ཏཐཊྛོ སཙྩཊྛོཏི ཝེདིཏབྦོ. ཝུཏྟཉྩ –

‘‘ཨིཏི ¶ ¶ ཏཙྪཱཝིཔལླཱསབྷཱུཏབྷཱཝཾ ཙཏཱུསུཔི;

དུཀྑཱདཱིསྭཝིསེསེན, སཙྩཊྛཾ ཨཱཧུ པཎྜིཏཱ’’ཏི (ཝིབྷ. ཨཊྛ. ༡༨༩; སཱརཏྠ. ཊཱི. མཧཱཝགྒ ༣.༡༤).

ཨརིཡཱནི ཙ ཏཱནི སཙྩཱནི ཙཱཏི ཨརིཡསཙྩཱནི. ཨརིཡཱནཱིཏི ཨུཏྟམཱནི, ཨཝིསཾཝཱདཀཱནཱིཏི ཨཏྠོ. ཨརིཡེཧི བུདྡྷཱདཱིཧི པཊིཝིཛ྄ཛྷིཏབྦཱནི སཙྩཱནི, ཨརིཡསྶ ཝཱ སམྨཱསམྦུདྡྷསྶ སནྟཀཱནི སཙྩཱནི ཏེན ཨུཔྤཱདིཏཏྟཱ, པཀཱསིཏཏྟཱ ཙ, ཨརིཡབྷཱཝཀརཱནི ཝཱ སཙྩཱནི ཏེསཾ ཨབྷིསམྦུདྡྷཏྟཱ ཨརིཡབྷཱཝསིདྡྷིཏོཏི ཨརིཡསཙྩཱནི. ‘‘དུཀྑཾ ཨརིཡསཙྩ’’ནྟིཨཱདཱིསུ པན དུ-ཨིཏི ཨཡཾ སདྡོ ཀུཙྪིཏེ དིསྶཏི. ཀུཙྪིཏཾ ཧི པུཏྟཾ ‘‘དུཔུཏྟོ’’ཏི ཝདནྟི. ཁཾ-སདྡོ པན ཏུཙྪེ. ཏུཙྪཾ ཧི ཨཱཀཱསཾ ‘‘ཁ’’ནྟི ཝུཙྩཏི. ཨིདཉྩ པཋམསཙྩཾ ཀུཙྪིཏཾ ཨནེཀོཔདྡཝཱདྷིཊྛཱནཏོ, ཏུཙྪཾ བཱལཛནཔརིཀཔྤིཏདྷུཝསུབྷསུཁཏྟབྷཱཝཝིརཧིཏཏོ, ཏསྨཱ ཀུཙྪིཏཏྟཱ, ཏུཙྪཏྟཱ ཙ ‘‘དུཀྑ’’ནྟི ཝུཙྩཏི. སཾ-ཨིཏི ཙ ཨཡཾ སདྡོ ‘‘སམཱགམོ, སམེཏ’’ནྟིཨཱདཱིསུ སཾཡོགཾ དཱིཔེཏི. ཨུ-ཨིཏི ཨཡཾ སདྡོ ‘‘ཨུཔྤནྣཾ ཨུདིཏ’’ནྟིཨཱདཱིསུ ཨུཔྤཏྟིཾ. ཨཡ-སདྡོ པན ཀཱརཎཾ དཱིཔེཏི. ཨིདཉྩ དུཏིཡསཙྩཾ ཨཝསེསཔཙྩཡསམཱཡོགེ སཏི དུཀྑསྶུཔྤཏྟིཀཱརཎནྟི ‘‘དུཀྑསམུདཡོ’’ཏི ཝུཙྩཏི.

ཏཏིཡསཙྩཾ པན ཡསྨཱ ནི-སདྡོ ཨབྷཱཝཾ, རོདྷ-སདྡོ ཙཱརཀཾ དཱིཔེཏི, ཏསྨཱ ཨབྷཱཝོ ཨེཏྠ, ཨེཏསྨིཾ ཝཱ ཨདྷིགཏེ སཾསཱརཙཱརཀསངྑཱཏསྶ དུཀྑནིརོདྷསྶ སབྦགཏིསུཉྙཏྟཱ, ཏཔྤཊིཔཀྑཏྟཱ ཙཱཏི ‘‘དུཀྑནིརོདྷ’’ནྟི ཝུཙྩཏི, དུཀྑསྶ ཝཱ ཨནུཔྤཱདནིརོདྷཔཙྩཡཏྟཱ. ཙཏུཏྠཾ པན ཡསྨཱ ཨེཏཾ དུཀྑནིརོདྷཾ གཙྪཏི, སཏྟཾ ཝཱ ཏཾ གམཡཏི ཨཱརམྨཎཝསེན ཏདབྷིམུཁཏྟཱ, པཊིཔདཱ ཙ ཧོཏི དུཀྑནིརོདྷཔྤཏྟིཡཱ, ཏསྨཱ ‘‘དུཀྑནིརོདྷགཱམིནཱི པཊིཔདཱ’’ཏི ཝུཙྩཏི.

ཨཔིཙ ¶ དུཀྑཱདཱིནཾ ཙཏྟཱརོ ཙཏྟཱརོ ཨཏྠཱ ཝིབྷཏྟཱ ཏཐཱ ཨཝིཏཐཱ ཨནཉྙཐཱ, ཡེ དུཀྑཱདཱིནི ཨབྷིསམེནྟེཧི ཨབྷིསམེཏབྦཱ. ཡཐཱཧ –

‘‘དུཀྑསྶ པཱིལ༹ནཊྛོ སངྑཏཊྛོ སནྟཱཔཊྛོ ཝིཔརིཎཱམཊྛོ, ཨིམེ ཙཏྟཱརོ དུཀྑསྶ དུཀྑཊྛཱ ཏཐཱ ཨཝིཏཐཱ ཨནཉྙཐཱ. སམུདཡསྶ ཨཱཡཱུཧནཊྛོ ནིདཱནཊྛོ སཾཡོགཊྛོ པལིབོདྷཊྛོ ¶ …པེ… ནིརོདྷསྶ ནིསྶརཎཊྛོ ཝིཝེཀཊྛོ ཨསངྑཏཊྛོ ཨམཏཊྛོ…པེ… མགྒསྶ ནིཡྻཱནཊྛོ ཧེཏྭཊྛོ དསྶནཊྛོ ཨཱདྷིཔཏེཡྻཊྛོ…པེ… ཨནཉྙཐཱ’’ཏི (པཊི. མ. ༢.༨).

ཨེཝཾ ཝིབྷཏྟཱནཾ ཙཏུནྣཾ ཙཏུནྣཾ ཨཏྠཱནཾ ཝསེན དུཀྑཱདཱིནི ཝེདིཏབྦཱནི. ཨཡཾ ཏཱཝེཏྠ པདཏྠོ.

དྷམྨབྷེདཏོ པན ཏཎྷཱཝཛྫིཏཱ སབྦལོཀིཡདྷམྨཱ, སཾཀིལེསིཀཝཛྫིཏཱ ཝཱ དུཀྑསཙྩཾ ནཱམ, ཏཎྷཱ པན སབྦཱ ཨཀུསལཱ ཝཱ ལོཀིཡཀུསལཱ ཝཱ དྷམྨཱ སམུདཡསཙྩཾ ནཱམ, ནིབྦཱནཾ ནིརོདྷསཙྩཾ ནཱམ, ལོཀུཏྟརཀུསལཙིཏྟསམྤཡུཏྟཱནི ཨཊྛམགྒངྒཱནི དུཀྑནིརོདྷགཱམིནཱི པཊིཔདཱ ཨརིཡསཙྩཾ ནཱམ. ཨིམེཧི པན མགྒངྒེཧི སམྤཡུཏྟཱ ཙིཏྟཙེཏསིཀཱ དྷམྨཱ ཙེཝ སཱམཉྙཕལཱནི ཙེཏྠ ཨསངྒཧིཏཱནཱིཏི ཝེདིཏབྦཱནི. ཏཱནི ཧི ‘‘ཡདནིཙྩཾ ཏཾ དུཀྑ’’ནྟི (སཾ. ནི. ༣.༡༥) ཝཙནཏོ སངྑཱརདུཀྑསངྒཧིཏཱནིཔི. ཡཱཡ པརིཉྙཱཡ བྷགཝཏི བྲཧྨཙརིཡཾ ཝུསྶཏི ཏཐཏྟེན ན ཧོནྟི, དུཀྑཾ ཨརིཡསཙྩནྟི ན ཝུཙྩནྟི, ཏཱནི ཋཔེཏྭཱ སབྦེ ལོཀིཡལོཀུཏྟརདྷམྨཱ སངྒཧིཏཱཏི དཊྛབྦཱ. ཨཡཾ དྷམྨབྷེདོ.

ཝིབྷངྒནཡཏོ པནེཏྠ སུཏྟནྟབྷཱཛནཱིཡེ དུཀྑསཙྩཾ ཏཱཝ –

‘‘ཏཏྠ ¶ ཀཏམཾ དུཀྑཾ ཨརིཡསཙྩཾ? ཛཱཏིཔི དུཀྑཱ, ཛརཱཔི དུཀྑཱ, མརཎམྤི དུཀྑཾ, སོཀཔརིདེཝདུཀྑདོམནསྶུཔཱཡཱསཱཔི དུཀྑཱ, ཨཔྤིཡེཧི སམྤཡོགོ དུཀྑོ, པིཡེཧི ཝིཔྤཡོགོ དུཀྑོ, ཡམྤིཙྪཾ ན ལབྷཏི, ཏམྤི དུཀྑཾ, སཾཁིཏྟེན པཉྩུཔཱདཱནཀྑནྡྷཱ དུཀྑཱ’’ཏི (ཝིབྷ. ༡༩༠) –

ཨུདྡིསིཏྭཱ ཝིབྷཏྟཾ. ཏཏྠ དུཀྑཾ ཏིཝིདྷཾ ཧོཏི དུཀྑདུཀྑཾ ཝིཔརིཎཱམདུཀྑཾ སངྑཱརདུཀྑནྟི. ཏཏྠ དུཀྑདུཀྑཾ དུཝིདྷཾ པརིཡཱཡདུཀྑཾ ནིཔྤརིཡཱཡདུཀྑནྟི. ཏཏྠ ཀཱཡིཀཙེཏསིཀདུཀྑདོམནསྶཝེདནཱ ནིཔྤརིཡཱཡདུཀྑཾ ནཱམ, ཏདཝསེསཱ པན དུཀྑདུཀྑསྶ ཝཏྠུབྷཱུཏཱ པཉྩུཔཱདཱནཀྑནྡྷཱ པརིཡཱཡདུཀྑཾ ནཱམ. སུཁསོམནསྶཝེདནཱ ཝིཔརིཎཱམདུཀྑཾ ནཱམ. སབྦེ པན པཉྩུཔཱདཱནཀྑནྡྷཱ, སབྦསངྑཏཱ ཝཱ སངྑཱརདུཀྑཾ ནཱམ. ཨིམེསཾ ཏིཎྞཾ དུཀྑཱནཾ ཝསེན ཡཐཱཡོགཾ ཏཱིསུ ¶ བྷཝེསུ ཛཱཏིཨཱདཱིནཾ དུཀྑདུཀྑཏཱ ཝེདིཏབྦཱ. ཀཱམབྷཝསྨིཾ ཧི ཛཱཏི ཏཱཝ སཡཾ ན དུཀྑཱ, ཨཔཱཡགཏིམནུསྶགཏིཨཱདཱིསུ པན ནིརཡགྒིསནྟཱཔཱདིམཱུལཀཾ, གབྦྷོཀྐནྟིཀཱདིམཱུལཀཾ, ཛིགྷཙྪཱཔིཔཱསཱདིམཱུལཀཉྩ དུཀྑཾ ཏསྶ སབྦསྶ ཀཱཡིཀཙེཏསིཀདུཀྑསྶ ཝཏྠུབྷཱཝེན པརིཡཱཡཏོ དུཀྑནྟི. ཏཐཱ ཛརཱམརཎཱདཡོཔི. ཀེཝལཾ ཛརཱ ཀཱཡདུབྦལཏཱམཱུལསྶ, པུཏྟདཱརཱདིཔརིབྷཝམཱུལསྶ ཙ, མརཎཾ པན མཱརཎནྟིཀཝེདནཱབྷཱུཏསྶ, ནིརཡཱདིགཏིནིམིཏྟདསྶནམཱུལསྶ ཙ དུཀྑསྶ ཝཏྠུབྷཱཝཏོ, སོཀཱདཡོ སོཀཱདིམཱུལསྶ ཀཱཡིཀཙེཏསིཀདུཀྑསྶ ཝཏྠུབྷཱཝཏྟཱ ཙེཝ སཡཾ དུཀྑཏྟཱ ཙ དུཀྑཱཏི ཝེདིཏབྦཱ. ཝིཔརིཎཱམདུཀྑསངྑཱརདུཀྑཏཱ ཙེསཾ པསིདྡྷཱཡེཝ. ཨེཝཾ ཀཱམབྷཝེ ཛཱཏིཨཱདཱིནཾ ཏཱིཧིཔི དུཀྑེཧི དུཀྑཏཱ ཝེདིཏབྦཱ. རཱུཔཱརཱུཔབྷཝེསུ པན ཡསྨཱ སོཀཔརིདེཝདུཀྑདོམནསྶུཔཱཡཱསཱ ན སནྟི, ཏསྨཱ ཏཏྠ ཛཱཏིཨཱདཱིནཾ ¶ ཝིཔརིཎཱམདུཀྑསངྑཱརདུཀྑཝསེན ཙ དུཀྑཏཱ ཝེདིཏབྦཱ, ན དུཀྑདུཀྑཝསེནཱཏི ཨཡཾ དུཀྑསཙྩེ ནཡོ.

སམུདཡསཙྩཾ པན ‘‘ཀཱམཏཎྷཱ བྷཝཏཎྷཱ ཝིབྷཝཏཎྷཱ’’ཏི (ཝིབྷ. ༢༠༣) ཏཏྟཀམེཝ ཨུདྡིསིཏྭཱ ‘‘སཱ ཁོ པནེསཱ ཏཎྷཱ ཀཏྠ ཨུཔྤཛྫམཱནཱ ཨུཔྤཛྫཏཱི’’ཏི (ཝིབྷ. ༢༠༣) པུཙྪིཏྭཱ ཚནྣཾ ཚནྣཾ ཨིནྡྲིཡཝིསཡཝིཉྙཱཎཕསྶཝེདནཱསཉྙཱཙེཏནཱཏཎྷཱཝིཏཀྐཝིཙཱརཱནཾ ཝིསཡབྷཱུཏཱནཾ ཝསེན ཏཎྷཱཡ ‘‘ཨེཏྠེསཱ ཏཎྷཱ ཨུཔྤཛྫམཱནཱ ཨུཔྤཛྫཏཱི’’ཏི ཨེཝཾ ཨུཔྤཏྟིཾ པཀཱསེཏྭཱ ཝིཏྠཱརཏོ ཝིབྷཏྟཾ.

ནིརོདྷསཙྩཾ པན ‘‘ཏསྶཱ ཨེཝ ཏཎྷཱཡ ཨསེསཝིརཱགནིརོདྷོ ཙཱགོ པཊིནིསྶགྒོ མུཏྟི ཨནཱལཡོ’’ཏི (ཝིབྷ. ༢༠༤) ཝཏྭཱ པུན ‘‘སཱ ཁོ པནེསཱ ཏཎྷཱ ཀཏྠ ནིརུཛ྄ཛྷམཱནཱ ནིརུཛ྄ཛྷཏཱི’’ཏི (ཝིབྷ. ༢༠༤) པུཙྪིཏྭཱ སམུདཡསཙྩེ ཝུཏྟཨིནྡྲིཡཱདཱིནཾ ཝསེན པཊིལོམཏོ ཏཎྷཱཡ ནིརོདྷཾ པཀཱསེཏྭཱ ཝིཏྠཱརཏོ ཝིབྷཏྟཾ. ཏཏྠ ཨསེསཝིརཱགནིརོདྷོཏིཨཱདཱིནི པདཱནི ནིབྦཱནཝེཝཙནཱནི. ནིབྦཱནཾ ཧི ཨཱགམྨ ཏཎྷཱ ཨསེསཱ ཝིརཛྫཏི, ནིརུཛ྄ཛྷཏི, ཙཛཱིཡཏི, པཊིནིསྶཛྫཱིཡཏི, མུཙྩཏི, ན ཨལླཱིཡཏི, ཏསྨཱ ‘‘ཨསེསཝིརཱགནིརོདྷོ ཙཱགོ པཊིནིསྶགྒོ མུཏྟི ཨནཱལཡོ’’ཏི ཝུཙྩཏི. ཨེཀམེཝ ཧི ནིབྦཱནཾ, ནཱམཱནི པནསྶ སབྦསངྑཏཱནཾ ནཱམཔཊིཔཀྑཝསེན ཨནེཀཱནི ཧོནྟི.

ནནུ པཱཊེཀྐཾ ནིབྦཱནཾ ནཱམ ནཏྠི, ཀིལེསཀྑཡམཏྟམེཝ ནིབྦཱནཾ, ཏེནེཝ ཙ ཏཱསུ ཏཱསུ ¶ སུཏྟཱབྷིདྷམྨདེསནཱསུ ‘‘རཱགཀྑཡོ དོསཀྑཡོ’’ཏིཨཱདིནཱ (སཾ. ནི. ༤.༣༡༤) ཝུཏྟནྟི ཙེ? ན, ཨརཧཏྟནིབྦཱནཱནཾ ཨེཀཏཱཔཛྫནཏོ. ཨརཧཏྟམྤི ཧི ‘‘ཡོ ཁོ, ཨཱཝུསོ, རཱགཀྑཡོ དོསཀྑཡོ མོཧཀྑཡོ, ཨིདཾ ཝུཙྩཏི ཨརཧཏྟ’’ནྟི (སཾ. ནི. ༤.༣༡༤) རཱགཱདཱིནཾ པརིཀྑཡནྟེ ཨུཔྤནྣཏྟཱ ཨུཔཙཱརེན ¶ ཨརཧཏྟཾ རཱགཀྑཡཱདིབྷཱཝེན ཝུཙྩཏི, ཏཐཱ རཱགཱདཱིནཾ ཁཡཧེཏུཏྟཱ ནིབྦཱནམྤི རཱགཀྑཡཱདིབྷཱཝེན ཝུཏྟནྟི གཧེཏབྦཾ. ཨིཏརཐཱ ནིབྦཱནསྶ བཧུཏྟཾ ཨཱཔཛྫཏི རཱགཱདཱིནཾ བཧུནྣཾ ཁཡསྶཱཔི བཧུཏྟཱ. སབྦཀིལེསཱནམྤི ཁཡསྶ ཨེཀཏྟེན པཋམམགྒེན དིཊྛིཨཱདཱིནཾ ཁཡེ སབྦཀིལེསཀྑཡོ ཨཱཔཛྫཏི, ཨོལཱ༹རིཀཏྟཉྩསྶ སིཡཱ ཏིརཙྪཱནཱནམྤི ཨུཔྤནྣརཱགཀྑཡསྶ པཱཀཊཏྟེན ནིབྦཱནཔྤཏྟིཏོ, གོཏྲབྷཱུཀྑཎེཔི ཙ རཱགཱདིཀྑཡོ ཧོཏི གོཏྲབྷུནོ ནིབྦཱནཝིསཡཏྟཱ, མགྒསྶ པན ནིབྦཱནཱརམྨཎཏཱཨཔྤསངྒོ. ན ཧི ཨཏྟནཱ ཁེཔིཡམཱནཀིལེསཀྑཡམཱརབྦྷ མགྒོ ཨུཔྤཛྫཏི, ཨབྷཱཝོ ཙསྶ ཨཱཔཛྫཏི རཱགཱདིཀྑཡབྷཱུཏསྶ པན ཨབྷཱཝསྶ པཀྑཝསེན ཏུཙྪརཱུཔཏྟཱ, ཏསྶཱཔི བྷཱཝཏྟཱབྷཱཝཱཝ ཝིཝེཀལཀྑཎཾ ན སིཡཱ, སངྑཏཏཱ ཙསྶ སིཡཱ. ན ཧི ཀདཱཙི ཨུཔལབྦྷམཱནཾ ཨསངྑཏཾ བྷཝིཏུམརཧཏི སབྦེསམྤི ཨཧེཏུཀཏྟཱཔཏྟིཏོ, སངྑཏཏྟེཔི ཙསྶ ན ནིབྦཱནཏྟཾ ཨུཔྤཏྟིཛརཱབྷངྒསམངྒིཏཱཡ དུཀྑཏྟཱ, ཏཐཱ ཙ ཨབྷཱཝསྶཱཔི ཨབྷཱཝོ, ཨནཝཊྛཱནཉྩ ཁཱིཎཱནམྤི རཱགཱདཱིནཾ པུན ཨུཔྤཛྫནཾ ཡེསཾ ཏེསམེཝ ཨབྷཱཝོ ཨབྷཱཝསྶ ཝིནཊྛཏྟཱ.

ཨཔིཙ ཀཱརཎནྟརེན ཝཱ བྷཱཝེ ཨུཔྤནྣེ རཱགཱདཱིནཾ ན ཀཱཙི ཧཱནི ཧོཏི. ན ཧི ཨཉྙསྶུཔྤཏྟིཡཾ ཨཉྙཾ ཝིགཙྪཏི. ཨབྷཱཝོ བྷཱཝསྶ ཝིརོདྷི, ཝིརོདྷིསནྣིདྷཱནེ ཙ ཨིཏརཾ ཝིགཙྪཏཱིཏི ཙེ? ཀིམིདཾ ཝིགམནཾ ནཱམ. ཡདི ཏམྤི བྷཱཝརཱུཔཾ, སམཱནདོསཏཱ ཙསྶ སིཡཱ ཨནཝཊྛཱནཉྩ, ན ཙ ཨཏྠསིདྡྷི. ཡདི ཏུཙྪརཱུཔཾ, ཀིཾ པཋམམེཝསྶ ཏུཙྪརཱུཔཏཱཡ ཨུཔགཏཱཡ དཱུརམྤི གནྟྭཱ ཨུཔགནྟབྦཱཏི སིདྡྷཱ, རཱགཱདིཀྑཡབྷཱུཏསྶ ནིབྦཱནསྶ ཏུཙྪརཱུཔཏཱཡ ཨབྷཱཝོ, ན ཙ ཨབྷཱཝོ ཨེཝ ནིབྦཱནཾ. ཨཏཱིཏཱནཱགཏདོསཱནམབྷཱཝེ ནིབྦཱནཔྤཏྟིཡཱ ཨབྷཱཝཏོ ཝཏྟམཱནཱནཉྩ ¶ ཨབྷཱཝོ ནཱམ. ཨབྷཱཝོ ནཱམ ན ཀིལེསཝིགམམཏྟོ, ཨཔི ཏུ ཨནུཔྤཏྟིབྷཱཝེན. ཨཙྩནྟཝིགམོ ནིབྦཱནེནཱཔི སམྤཱདཱིཡཏཱིཏི ཙེ? ན, ཏསྶ ཀཱརཎབྷཱཝཱ. ཝིཔསྶནཱ ཀཱརཎམིཏི ཙེ? ན, ཨཏྟཱདིཝིཀཔྤཛནཀསངྑཏདྷམྨདསྶནེན ཝིནཱ ཨནཏྟཱདིཝིཀཔྤབྷཱུཏཱཡ ཝིཔསྶནཱཡ ཨནུཔྤཏྟིཏོ. ཡདི ཧི ཨུཔྤཛྫེཡྻ, ཏཱཡ སབྦེཔི སཏྟཱ ཝིམུཏྟཱ ཨེཝ སིཡུཾ, ནོ ཙ ཀདཱཙི ན པུཙྪེཡྻ ཝིརུདྡྷདྷམྨདསྶནཱབྷཱཝཱ. ན ཧི དསྶནཾ ཝིནཱ ཝིཀཔྤོ སམྦྷཝཏི, ན ཙ ཨཏྟཱཏི ཝིཀཔྤཛནཀརཱུཔཱདིདསྶནམེཝ ཏབྦིརུདྡྷཝིཀཔྤཛནཀཾ ¶ ཧོཏི. བུདྡྷཱནཉྩ པརམྤརོཔདེསེན རཱུཔཱདཱིསུ ཝིཔསྶནཱཝིཀཔྤོ ཨུཔྤཛྫཏཱིཏི ཙེ? ན, ཏེསམྤི ཝིརུདྡྷདསྶནཱབྷཱཝེན ཝིཔསྶནཱཝིཀཔྤཱནུཔྤཏྟིཏོ. ན ཧི ཡཱདིསཱཡ ཀཱརཎསཱམགྒིཡཱ ཡཱདིསཾ ཀཱརིཡཾ ཨུཔྤཛྫཏི, ཏཱདིསཱཡ ཨེཝ ཏབྦིརུདྡྷཾ ཨུཔྤཛྫཏི ཨཧེཏུཀཏྟཔྤསངྒཏོ. ན ཙ ཝིརུདྡྷདསྶནཱབྷཱཝེན ཨེཀསྶ ཝིཔསྶནཱཝིཀཔྤཛནཀསཱམཏྠིཡཱབྷཱཝཏོ ཏཱདིསཱནཾ པརམྤརཱཡཔི ཏབྦྷཱཝོ, ཏདུཔདེསོ ཙ སམྦྷཝཏི. ཏིལཀྑཎཱུཔདེསནཱནནྟརིཀཏཱཡ པན བུདྡྷཱནཾ ནིབྦཱནསཙྪིཀིརིཡཱ སིདྡྷི, ཏེནེཝསྶ ཀིལེསཱནམཙྩནྟཔྤཧཱནསྶ, ཝིཔསྶནོཔདེསསཱམཏྠིཡསྶ ཙ སིདྡྷཱིཏི ནིབྦཱནམེཝ ཏདུབྷཡཀཱརཎཾ, ནཱཉྙནྟི གཧེཏབྦཾ.

ཀསྨཱ པན ནིབྦཱནདསྶནེན རཱགཱདཱིནཾ ཨཙྩནྟཔྤཧཱནཾ, ཏིལཀྑཎཉྩ ཧོཏི. ན ཧི ཨཉྙསྶ དསྶནེན ཨིཏརརཱགཔྤཧཱནཾ, ཏིལཀྑཎཉཱཎཉྩ ཡུཏྟནྟི? ན, ཨསངྑཏདསྶནེན སངྑཏསྶ ཝཱ དོསསྶ ཝཱ པཱཀཊཏྟཱ. དིཊྛཨཙྩནྟསུཁཱནཾ ཧི ཝཊྚསུཁེ, ཏནྣིསྶཡཱརམྨཎཱདཱིསུ ཙ སུཁཱབྷིམཱནོ, ཝཊྚཱབྷིརཏི ཙ པཧཱིཡཏི དིཊྛཔརཏཱིརསྶ ནཱཝིཀསྶ ནཱཝཱཡེཀདེསེ སུཁཱབྷིམཱནཱབྷིརཏིཡོ ཝིཡ. ཨཔིཙ སངྑཏདྷམྨེསུ ཨལླིནཱ རཱགཱདཡོ ཨསངྑཏདྷམྨེ སཎྛཱཏུཾ ན ¶ སཀྐོནྟི ཨགྒིཀྑནྡྷེ ཝིཡ མཀྑིཀཱ, ཐལེ ཝིཡ ཙ ཛལཙརཱ, ནིབྦཱནདསྶནེན པཧཱིནདོསསྶ ཙིཏྟསྶ ཡཱཐཱཝཏོ ཏེསུ སངྑཏེསུ ཏིལཀྑཎདསྶནཾ སམྦྷཝཏི བྷེསཛྫཱལེཔེན ཝིཧཏཀཱཙཏིམིརཱདིདོསསྶ ཙཀྑུནོ གྷཊཱདིརཱུཔདསྶནཾ ཝིཡ, དིཊྛདོསེསུ ཙསྶ སངྑཱརེསུ ན པུན རཱགཱདཱིནམུཔྤཏྟི ཉཱཏཱ སུཙིབྷཱཝེ ཝིཡ ཝཙྩཀཱུཔེཏི ཝེདིཏབྦཾ.

ཀསྨཱ པན ཀེསཉྩི སཏྟཱནཾ ཨེཝ ནིབྦཱནསཙྪིཀིརིཡཱསམྦྷཝོ, ན སབྦེསནྟི? ཨནཱདིབུདྡྷཔརམྤརོཔདེསསཱཔེཀྑཏྟཱ, ཏེསཉྩ ཨུཔདེསཀཱནཾ སབྦཏྠ སབྦདཱ ཨབྷཱཝཏོ, སོཏཱུནཉྩ ཁཎསམྤཏྟིཡཱ ཨཙྩནྟདུལླབྷཏྟཱ, ཙཀྐཝཱལཱ༹ནཉྩ ཨནནྟཏྟཱ, ཏསྨཱ ཀེཙི ཨེཝ བུདྡྷུཔྤཱདཀཱལེ ཏིལཀྑཎོཔདེསལཱབྷེན ནིབྦཱནཾ སཙྪིཀརོནྟི, ན སབྦེཏི གཧེཏབྦཾ.

ཀཐཾ པནེཏྠ རཱགཱདཱིནཾ ཨཙྩནྟཝིགམོ ནིབྦཱནེན སཱདྷཱིཡཏཱིཏི? ན ཏཱཝ སོ, ཨཏཱིཏཱནཱགཏཱནཾ ཏེསམིདཱནི ཨབྷཱཝཱ, པུབྦེ ཙ ཏསྶ ཝིཛྫམཱནཏྟཱ, ཝཏྟམཱནཱནཾ སརསནིརོདྷཏོ. ཀཐཉྩསྶ ཏུཙྪརཱུཔསྶ ནིབྦཱནསྶ ཧེཏུཏྟེ ཡཐཱཝུཏྟདོསཱནམཝསརོཏི ཙེ? ན, ཏསྶ བྷཱཝརཱུཔཏྟཱ. པུབྦབྷཱགཔཊིཔཏྟིཡཱ ཧི ནིབྦཱནམཱརབྦྷ ཨནུསཡཱཛནནབྷཱཝེན ཨུཔྤནྣམགྒཱ ཨེཝ ¶ ཀིལེསཱནམནུཔྤཱདནིརོདྷོ ཏདུཔྤཏྟིཡཱ ཨཱཡཏིཾ ཨུཔྤཛྫནཱརཧཱནཾ ཨནུཔྤཏྟིཏོ ཨགྒིསནྣིདྷཱནེ ཨངྐུརཱཛནཀབྷཱཝེན ཨུཔྤནྣསཱལིཀྑནྡྷསྶ བཱིཛཏཱབྷཱཝརཱུཔཏཱ ཝིཡ. ན ཧི ཨབྷཱཝོ ནཱམ ཀོཙི པརམཏྠཏོ ཨཏྠི, ཡོ ཀཱརཎེན ཛནཱིཡཏི ཏབྦིརུདྡྷཀྑཎུཔྤཱདནབྷཱཝོཝུཔྤཱདནཾ ཨནེཀཀྑཎུཔྤཱདནེན ཁནྡྷཀཱརཱབྷཱཝུཔྤཱདནཾ ཝིཡ, ཏསྨཱ ཀིལེསཱནཾ ཨནུཔྤཏྟིནིརོདྷསངྑཱཏསྶ ཨརིཡམགྒསྶ ཨུཔནིསྶཡཏྟཱ ཨུཔནིསྶཡོཔཙཱརེན ནིབྦཱནཾ ‘‘ཨསེསཝིརཱགནིརོདྷོ’’ཏིཨཱདིནཱ ཝུཏྟཾ. སརཱུཔེནེཝ ཀསྨཱ ན ཝུཏྟནྟི ཙེ? ཨབྷིསུཁུམཏྟཱ, ཨནུཔལདྡྷཔུབྦཏྟཱ ཙ, སུཁུམཏཱ ཙསྶ བྷགཝཏོ ¶ ཨཔྤོསྶུཀྐཏཱཝཙནཏོ, ཨརིཡེན ཙཀྑུནཱ པསྶིཏབྦཏོ ཙ ཝེདིཏབྦཱ.

ཨེཏྠ པན པརཝཱདཱི ཨཱཧ – ‘‘ནཏྠེཝ ནིབྦཱནཾ ཨནུཔལབྦྷནཱིཡཏོ’’ཏི. ན ཨནུཔལབྦྷནཱིཡཾ ཏསྶ སིདྡྷཏྟཱ. ཨུཔལབྦྷཏི ཧི ཏཾ ཏདནུརཱུཔཔཊིཔཏྟིཡཱ ཨརིཡེཧི. ཨཔིཙ ནིབྦཱནཾ ནཏྠཱིཏི ན ཝཏྟབྦཾ སབྦསཏྟཱནཾ ཝིརུདྡྷདྷམྨཱནཾ བྷཱཝེན ཨཔཝགྒཱབྷཱཝཔྤསངྒཏོ. ན ཙ ཏཾ ཡུཏྟཾ ཨུཎྷཱདིཔཊིཔཀྑསྶ སཱིཏཱདིནོ ཝིཡ བྷཝཔཊིཔཀྑསྶ ནིབྦཱནསྶཔི ཨཝསྶཾབྷཱཝཱ. ཝུཏྟཉྩ –

‘‘ཡཐཱཔི ཨུཎྷེ ཝིཛྫནྟེ, ཨཔརཾ ཝིཛྫཏི སཱིཏལཾ;

ཨེཝཾ ཏིཝིདྷགྒི ཝིཛྫནྟེ, ནིབྦཱནཾ ཨིཙྪིཏབྦཀ’’ནྟི. (བུ. ཝཾ. ༢.༡༡) –

ཨཱདི. ཨཙྩནྟནིརོདྷཧེཏུནོ ཝིཔསྶནོཔདེསསྶ དསྶནཏོ ཙ ཨཏྠེཝ ནིབྦཱནཾ ཏཾ ཝིནཱ ཏསྶཱསམྦྷཝཏོཏི ཝུཏྟོཝཱཡམཏྠོ. ཏདེཏཾ པུརིམཱཡ ཀོཊིཡཱ ཨབྷཱཝཏོ ཨཔྤབྷཝཾ, ཏཏོཝ ཨཛརཱམརཎཾ, ནིཙྩཉྩ ཧོཏཱིཏི ཨཎུཨཱདཱིནམྤི ནིཙྩབྷཱཝཔཏྟི ནིབྦཱནསྶེཝ ནིཙྩཏྟཱཏི ཙེ? ན, བྷིནྣཱདྷིཀརཎཏྟེན ཧེཏུལཀྑཎསྶཱནུཔཔཏྟིཏོ. ཨཎུཨཱདཱིནམྤི ཨསངྑཏཏཱ ཨིཏི ཙེ? ན, ཨསངྑཏཏཱསིདྡྷིཏོ ཨསངྑཏཱནཉྩཱནེཀཏྟཱནུཔཔཏྟིཏོ. ཡདི ཧི ཨསངྑཏཾ ནཱམ བྷཝེཡྻ, ཨེཀེནེཝ བྷཝིཏབྦཾ དེསཀཱལསབྷཱཝབྷེདསྶ ཀཱརཎབྷེདཀཏྟཱ, བྷིནྣསབྷཱཝཱནམྤི ཨཧེཏུཀཏྟེ ཨཏིཔྤསངྒཏོ.

སངྑཏེཧི སབྷཱཝབྷིནྣསྶ ནིབྦཱནསྶ ཀཐཾ ཨཧེཏུཀཏཱཏི ཙེ? ཨསངྑཏསབྷཱཝེན སངྑཏསབྷཱཝེཧི བྷིནྣསྶ ཀཱརཎཱནཔེཀྑཏྟཱ. ཨསངྑཏཏྟེ ཧི སམཱནེ བྷཝསབྷཱཝབྷེདོ ¶ ཀཱརཎབྷེདཾ སཱུཙཡཏི ¶ , ཏསྨཱ ཨེཀམེཝ ནིཙྩཾ བྷཝིཏུམརཧཏི, ཏཉྩ ཡཐཱཝུཏྟཡུཏྟིཏོ, སབྦཉྙུཝཙནཏོ ཙ པརམཏྠཏོ ཝིཛྫམཱནཾ ནིབྦཱནམེཝ. ཝུཏྟཾ ཧེཏཾ བྷགཝཏཱ ‘‘ཨཏྠི, བྷིཀྑཝེ, ཨཛཱཏཾ ཨབྷཱུཏཾ ཨཀཏཾ ཨསངྑཏ’’ནྟི (ཨིཏིཝུ. ༤༣). ཨཡཾ དུཀྑནིརོདྷསཙྩེ ནཡོ.

ཨིཏརཾ པན ‘‘སམྨཱདིཊྛི…པེ… སམྨཱསམཱདྷཱི’’ཏི ཨུདྡིསིཏྭཱ ཝིཏྠཱརཏོ ཝིབྷཏྟཾ. ཝིནིཙྪཡོ པནེཏྠ མགྒངྒཝིབྷངྒེ ཨཱཝི བྷཝིསྶཏཱིཏི ཨཡཾ སུཏྟནྟབྷཱཛནཱིཡནཡོ.

ཨབྷིདྷམྨབྷཱཛནཱིཡེ པན –

‘‘ཙཏྟཱརི སཙྩཱནི དུཀྑཾ དུཀྑསམུདཡོ དུཀྑནིརོདྷོ དུཀྑནིརོདྷགཱམིནཱི པཊིཔདཱ. ཏཏྠ ཏཎྷཱ དུཀྑསམུདཡོ. ཨཝསེསཱ སཱསཝདྷམྨཱ…པེ… དུཀྑཾ. ཏཎྷཱཡ པཧཱནཾ དུཀྑནིརོདྷོ. ཨཊྛངྒིཀོ མགྒོ དུཀྑནིརོདྷགཱམིནཱི པཊིཔདཱ’’ཏི (ཝིབྷ. ༢༠༦) –

ཝཏྭཱ ཨཊྛ མགྒངྒཱནི ཝིཏྠཱརཏོ ནིདྡིསིཏྭཱ ‘‘ཨཝསེསཱ དྷམྨཱ དུཀྑནིརོདྷགཱམིནིཡཱ པཊིཔདཱཡ སམྤཡུཏྟཱ’’ཏི (ཝིབྷ. ༢༠༦ ཨཱདཡོ) ཨེཝཾ པཋམཝཱརེ ཙཏྟཱརི སཙྩཱནི ཝིབྷཏྟཱནི. ཏཱནི པུན ཨཔརེཧིཔི ‘‘ཏཎྷཱ, ཨཝསེསཱ ཙ ཀིལེསཱ སམུདཡོ, ཏཐཱ ཏཎྷཱ, ཨཝསེསཱ ཙ ཀིལེསཱ, ཨཝསེསཱ ཙ ཨཀུསལཱ སམུདཡོ, ཏཐཱ ཏཎྷཱ, ཨཝསེསཱ ཙ ཀིལེསཱ, ཨཝསེསཱ ཙ ཨཀུསལཱ, ཏཱིཎི ཙ ཀུསལམཱུལཱནི, སཱསཝཱནི སམུདཡོ, ཏཐཱ ཏཎྷཱ, ཨཝསེསཱ ཙ ཀིལེསཱ, ཨཝསེསཱ ཙ ཨཀུསལཱ, ཏཱིཎི ཙ ཀུསལམཱུལཱནི, སཱསཝཱནི, ཨཝསེསཱ ཙ སཱསཝཀུསལདྷམྨཱ སམུདཡོ. ཨཝསེསཱ སཱསཝདྷམྨཱ དུཀྑཾ, ཏསྶ ཏསྶ སམུདཡསྶ པཧཱནཾ ནིརོདྷོ, ཨཊྛངྒིཀོ མགྒོ པཊིཔདཱ’’ཏི ¶ ཨིམེཧི ཝཱརེཧི ཝིབྷཏྟཱནི. ཏཏྠ ‘‘ཨརིཡསཙྩཱནཱི’’ཏི ཨཝཏྭཱ ནིཔྤདེསཏོ པཙྩཡསངྑཱཏཾ སམུདཡཾ དསྶེཏུཾ ‘‘སཙྩཱནཱི’’ཏི ཝུཏྟཾ. ཨརིཡསཙྩེསུ ཧི ཏཎྷཱཝ སམུདཡོ, ན ཨིཏརེ. ན ཙ ཀེཝལཾ ཏཎྷཱཝ དུཀྑཾ སམུདཱནེཏི, ཨཝསེསཱ ཀུསལཱཀུསལཱཔི པཙྩཡཾ སམུདཱནེནྟིཡེཝཱཏི ཏེཔི སམུདཡཏོ དསྶེཏུཾ ‘‘སཙྩཱནི’’ཏྭེཝ ཝུཏྟཾ. ཏཏོ པརཾ ཡསྨཱ ཨཊྛངྒིཀོ མགྒོཝ པཊིཔདཱཏི. སམྤཡུཏྟཱ པན ཕསྶཱདཡོ སབྦེཔི དྷམྨཱ པཊིཔདཱ ཨེཝ, ཏསྨཱ ཏཾ ནཡཾ དསྶེཏུཾ སབྦསངྒཱཧིཀཝཱརེཔི སབྦཱནི ཝིབྷཏྟཱནི ¶ . ཨེཏྠ ཧི ཨརིཡདྷནཱནེཝ སངྒཧིཏཱནི. སེསཾ སདིསམེཝཱཏི ཨཡཾ ཨབྷིདྷམྨབྷཱཛནཱིཡནཡོ.

པཉྷཱཔུཙྪཀནཡེ པན ཙཏུནྣཾ ཨརིཡསཙྩཱནཾ ཀཏི ཀུསལཱ…པེ… ཀཏི ཨརཎཱ? སམུདཡསཙྩཾ ཨཀུསལཾ, ནིརོདྷསཙྩཾ ཨབྱཱཀཏཾ, དུཀྑསཙྩཾ ཏིདྷཱཔི. སམུདཡོ སཝིཏཀྐསཝིཙཱརོ, ནིརོདྷོ ཨཝིཏཀྐཨཝིཙཱརོ, མགྒོ ཏིདྷཱཔི, དུཀྑཾ ཏིདྷཱཔི, ན ཝཏྟབྦཾ ཙ. ཏཱིཎི སཙྩཱནི ཨནིདསྶནཨཔྤཊིགྷཱནི, དུཀྑཾ ཏིདྷཱཔི. སམུདཡོ ཧེཏུ, ནིརོདྷོ ན ཧེཏུ, སེསཱ དྭིདྷཱཔི. དྭེ སཙྩཱནི ལོཀིཡཱནི, མགྒནིརོདྷཱ ལོཀུཏྟརཱ. སམུདཡསཙྩཾ སརཎཾ, དྭེ སཙྩཱནི ཨརཎཱནི, དུཀྑཾ དུཝིདྷཱཔི. ཨཡཾ པཉྷཱཔུཙྪཀནཡོ. ཨིདཱནི པནེཏྠ –

ཀམཏོནཱུནཱདྷིཀཏོ, ལཀྑཎཱདཱིཧི སུཉྙཏོ;

ཉཱཎཀིཙྩོཔམཱ ཉེཡྻོ, པཱལི༹མུཏྟཝིནིཙྪཡོ.

ཏཏྠ ཀམཏོ ཏཱཝ ཨིདྷཱཔི དེསནཱཀྐམོཝ ཡུཛྫཏི. ཨེཏྠ ཨོལཱ༹རིཀཏྟཱ, སབྦསཏྟསཱདྷཱརཎཏྟཱ ཙ སུཝིཉྙེཡྻནྟི དུཀྑསཙྩཾ པཋམཾ ཝུཏྟཾ, ཏཏོ ཏསྶེཝ ཧེཏུདསྶནཏྠཾ སམུདཡསཙྩཾ, ཏཏོ ‘‘ཧེཏུནིརོདྷཱ བྷཝནིརོདྷོ’’ཏི ཉཱཔནཏྠཾ ནིརོདྷསཙྩཾ, ཏདདྷིགམུཔཱཡདསྶནཏྠཾ ཨནྟེ མགྒསཙྩཾ. བྷཝསུཁསྶཱདགདྷིཏཱནཾ སཾཝེགཛནནཏྠཾ པཋམཾ དུཀྑམཱཧ, ཏཏོ ‘‘བྷཝཾ ¶ ནེཝ ཨཧེཏུཀཾ ཨཱགཙྪཏི, ན ཨིསྶརནིམྨཱནཱདིནཱ ཧོཏི, ཨིཏོ པན ཧོཏཱི’’ཏི ཉཱཔནཏྠཾ སམུདཡསཙྩཾ, ཏཏོ སཧེཏུཀེན དུཀྑེན ཨབྷིབྷཱུཏཏྟཱ སཾཝིགྒམཱནསཱནཾ ཏནྣིསྶརཎདསྶནེན ཨསྶཱསཛནནཏྠཾ ནིརོདྷཾ, ཏཏོ ནིརོདྷསམྤཱཔཀཾ མགྒནྟི ཨཡམེཏྠ ཀམོ.

ཨནཱུནཱདྷིཀཏོ པན ཀསྨཱ ཙཏྟཱརི ཨེཝ སཙྩཱནཱིཏི ཙེ? ཏཏོ ཨཉྙསྶ ཨསམྦྷཝཏོ, ཨཉྙཏརསྶ ཙ ཨནཔནེཡྻཏོ. ཨཔིཙ པཝཏྟིམཱཙིཀྑནྟོ བྷགཝཱ སཧེཏུཀཾ ཨཱཙིཀྑཏི, ནིཝཏྟིཉྩ སཨུཔཱཡཾ. ཨིཏི པཝཏྟིནིཝཏྟིཏདུབྷཡཧེཏཱུནཾ ཨེཏཔརམཏོ ཙཏྟཱརི ཨེཝ ཝུཏྟཱནཱིཏི ཨཡམེཏྠཱནཱུནཱདྷིཀཏོ.

ལཀྑཎཱདཱིཧི པནེཏྠ ལཀྑཎཏོ བཱདྷནལཀྑཎཾ དུཀྑསཙྩཾ, སནྟཱཔནརསཾ, པཝཏྟིཔཙྩུཔཊྛཱནཾ. པབྷཝལཀྑཎཾ སམུདཡསཙྩཾ, ཨནུཔཙྪེདཀརཎརསཾ, པལིབོདྷཔཙྩུཔཊྛཱནཾ. སནྟིལཀྑཎཾ ¶ ནིརོདྷསཙྩཾ, ཨཙྩུཏིརསཾ, ཨནིམིཏྟཔཙྩུཔཊྛཱནཾ. ནིཡྻཱནལཀྑཎཾ མགྒསཙྩཾ, ཀིལེསཔཧཱནཀརཎརསཾ, ཝུཊྛཱནཔཙྩུཔཊྛཱནཾ. ཨཔིཙ པཝཏྟིཔཝཏྟཀནིཝཏྟིནིཝཏྟཀལཀྑཎཱནི པཊིཔཱཊིཡཱ, ཏཐཱ སངྑཏཏཎྷཱཨསངྑཏདསྶནལཀྑཎཱནི ཙཱཏི ཨིམཱནེཏྠ ལཀྑཎཱནི.

སུཉྙཏོ པནེཏཱནི ཡཐཱཀྐམཾ ཝེདཀཀཱརཀནིབྦུཏགམཀཱབྷཱཝཏོ སུཉྙཱནི. ཝུཏྟཉྩ –

‘‘དུཀྑམེཝ ཧི, ན ཀོཙི དུཀྑིཏོ,

ཀཱརཀོ ན, ཀིརིཡཱཝ ཝིཛྫཏི;

ཨཏྠི ནིབྦུཏི, ན ནིབྦུཏོ པུམཱ,

མགྒམཏྠི, གམཀོ ན ཝིཛྫཏཱི’’ཏི. (ཝིབྷ. ཨཊྛ. ༡༨༩);

ཨཐ ¶ ཝཱ –

དྷུཝསུབྷསུཁཏྟསུཉྙཾ,

པུརིམདྭཡམཏྟསུཉྙམམཏཔདཾ;

དྷུཝསུབྷསུཁཨཏྟཝིརཧིཏོ,

མགྒོ ཨིཏི སུཉྙཏོ ཏེསུ. (ཝིབྷ. ཨཊྛ. ༡༨༩);

ནིརོདྷསུཉྙཱནི ཝཱ ཏཱིཎི. ནིརོདྷོ ཙ སེསཏྟཡསུཉྙོ. ཕལསུཉྙོ ཝཱ ཧེཏྠ ཧེཏུ སམུདཡམགྒེསུ དུཀྑནིརོདྷཱནཾ ཨབྷཱཝཱ པཀཏིཝཱདཱིནཾ པཀཏི ཝིཡ. ཧེཏུསུཉྙཉྩ ཕལཾ དུཀྑསམུདཡཱནཾ, ནིརོདྷམགྒཱནཉྩ ཨསམཝཱཡཱ, ན ཧེཏུསམཝེཏཾ ཧེཏུཕལཾ. ཧེཏུཕལསམཝཱཡཝཱདཱིནཾ དྭིཨཎུཀཱདཱིནི ཝིཡཱཏི ཨཡམེཏྠ སུཉྙཏཱ.

ཉཱཎཀིཙྩཏོཏི ཨེཏྠ དུཝིདྷཾ སཙྩཉཱཎཾ ཨནུབོདྷཉཱཎཾ, པཊིཝེདྷཉཱཎཉྩ. ཏཏྠ ཨནུབོདྷཉཱཎཾ ལོཀིཡཾ, ཏཾ ཨནུསྶཝཱདིཝསེན ནིརོདྷེ, མགྒེ ཙ པཝཏྟཏི. པཊིཝེདྷཉཱཎཾ ལོཀུཏྟརཾ, ཏཾ སཙྩཱཝབོདྷཔཊིཔཀྑཀིལེསེ ཁེཔེནྟཾ ནིརོདྷམཱརམྨཎཾ ཀཏྭཱ ཀིཙྩཏོ ཙཏྟཱརིཔི སཙྩཱནི པཊིཝིཛ྄ཛྷཏི. ཡཾ པནེཏཾ ལོཀིཡཾ, ཏཏྠ དུཀྑཉཱཎཾ པརིཡུཊྛཱནཱབྷིབྷཝནཝསེན པཝཏྟམཱནཾ སཀྐཱཡདིཊྛིཾ ནིཝཏྟེཏི, སམུདཡཉཱཎཾ ཨུཙྪེདདིཊྛིཾ, ནིརོདྷཉཱཎཾ སསྶཏདིཊྛིཾ, མགྒཉཱཎཾ ¶ ཨཀིརིཡདིཊྛིཾ. དུཀྑཉཱཎཾ ཝཱ ཏེསུ དྷུཝསུབྷསུཁཏྟབྷཱཝརཧིཏེསུ ཁནྡྷེསུ དྷུཝསུབྷསུཁཏྟབྷཱཝསཉྙཱསངྑཱཏཾ ཕལེ ཝིཔྤཊིཔཏྟིཾ, སམུདཡཉཱཎཾ ‘‘ཨིསྶརཔདྷཱནཀཱལསབྷཱཝཱདཱིཧི ལོཀོ པཝཏྟཏཱི’’ཏི ཨཀཱརཎེ ཀཱརཎཱབྷིམཱནཔྤཝཏྟཾ ཧེཏུམྷི ཝིཔྤཊིཔཏྟིཾ, ནིརོདྷཉཱཎཾ ཨརཱུཔལོཀཱདཱིསུ ཨཔཝགྒགྒཱཧབྷཱུཏཾ ནིརོདྷེ ཝིཔྤཊིཔཏྟིཾ, མགྒཉཱཎཾ ཀཱམསུཁལླིཀཨཏྟཀིལམཐཱནུཡོགཔྤབྷེདེ ཨཝིསུདྡྷིམགྒེ ཝིསུདྡྷིམགྒགྒཱཧཝསེན པཝཏྟཾ ཨུཔཱཡེ ཝིཔྤཊིཔཏྟིཾ ནིཝཏྟེཏི. ཨིདམེཏྠ ཉཱཎཀིཙྩཾ.

ཨུཔམཱཏོ ¶ པནེཏྠ བྷཱརོ ཝིཡ ཧི དུཀྑསཙྩཾ དཊྛབྦཾ, བྷཱརཱདཱནམིཝ སམུདཡསཙྩཾ, བྷཱརནིཀྑེཔནམིཝ ནིརོདྷསཙྩཾ, བྷཱརནིཀྑེཔནུཔཱཡོ ཝིཡ མགྒསཙྩཾ. ཨཔིཙ རོགཏནྣིདཱནཏདུཔསམབྷེསཛྫེཧི, ཨོརིམཏཱིརམཧོགྷཔཱརིམཏཱིརཏཾསམྤཱཔཀོཔཱཡེཧི ཙཱཏི ཨེཝམཱདཱིཧི ཡཐཱཀྐམཾ ཡོཛེཏྭཱཔི ཨེཏཱནི ཨུཔམཱཏོ ཝེདིཏབྦཱནི. ཨཡམེཏྠ ཨུཔམཱ. ཨེཝཾ ཉེཡྻོ པཱལི༹མུཏྟཝིནིཙྪཡོ.

སཙྩཝིབྷངྒམཱཏིཀཏྠཝཎྞནཱ ནིཊྛིཏཱ.

ཨིནྡྲིཡཝིབྷངྒམཱཏིཀཏྠཝཎྞནཱ

ཨིནྡྲིཡཝིབྷངྒམཱཏིཀཱཡ པན ཨཏྠཏོ ཏཱཝ – དྭཱཝཱིསཏི ཨིནྡྲིཡཱནཱིཏི ཨེཏྠ ཨིནྡྲིཡཊྛསམྦྷཝཏོ ཨིནྡྲིཡཱནི. ཀོ པནེས ཨིནྡྲིཡཊྛོ ནཱམཱཏི? ཨིནྡལིངྒཊྛོ, ཨིནྡདེསིཏཊྛོ, ཨིནྡདིཊྛཊྛོ, ཨིནྡསིཊྛཊྛོ, ཨིནྡཛུཊྛཊྛོ ཙ, སོ སབྦོཔི ཨིདྷ ཡཐཱཡོགཾ ཡུཛྫཏི. ཀུསལཱཀུསལཾ ཀམྨཾ ཨིནྡོ ནཱམ ཀམྨེསུ ཀསྶཙི ཨིསྶརིཡཱབྷཱཝཏོ, ཏེནེཝེཏྠ ཀམྨསཉྫནིཏཱནི ཏཱཝ ཨིནྡྲིཡཱནི ཨཏྟནོ ཛནཀཀམྨཾ ཨུལླིངྒེནྟི, ཏེན ཙ སིཊྛཱནཱིཏི ཨིནྡལིངྒཊྛེན, ཨིནྡསིཊྛཊྛེན ཙ ཨིནྡྲིཡཱནི. སམྨཱསམྦུདྡྷོ པན པརམིསྶརིཡབྷཱཝཏོ ཨིནྡོ, ཏཏོ སབྦཱནིཔེཏཱནི ཨིནྡྲིཡཱནི བྷགཝཏཱ ཡཐཱབྷཱུཏཏོ པཀཱསིཏཱནི, ཨབྷིསམྦུདྡྷཱནི ཙཱཏི ཨིནྡདེསིཏཊྛེན, ཨིནྡདིཊྛཊྛེན ཙ ཨིནྡྲིཡཱནི. ཏེནེཝ བྷགཝཏཱ ཀཱནིཙི གོཙརཱསེཝནཱཡ, ཀཱནིཙི བྷཱཝནཱསེཝནཱཡ སེཝིཏཱནཱིཏི ཨིནྡཛུཊྛཊྛེནཔི ཨིནྡྲིཡཱནི. ཨཔིཙ ཨཱདྷིཔཙྩསངྑཱཏེན ཨིསྶརིཡཊྛེནཱཔི ཨེཏཱནི ཨིནྡྲིཡཱནི.

ཙཀྑུནྡྲིཡནྟིཨཱདཱིསུ ¶ ཙཀྑཱདཱིནཾ པདཏྠོ ཧེཊྛཱ པཀཱསིཏོ. པཙྪིམེསུ པན ཏཱིསུ པུབྦབྷཱགེ ཨནཉྙཱཏཾ ཨམཏཾ པདཾ, ཙཏུསཙྩདྷམྨཾ ཝཱ ཛཱནིསྶཱམཱིཏི ཨེཝཾ པཊིཔནྣསྶ ཨུཔྤཛྫནཏོ ¶ , ཨིནྡྲིཡཊྛསམྦྷཝཏོ ཙ ཨནཉྙཱཏཉྙསྶཱམཱིཏིནྡྲིཡཾ. ཨཱཛཱནནཏོ ཨཉྙཱ ཨེཝ ཨིནྡྲིཡནྟི ཨཉྙིནྡྲིཡཾ. ཨཉྙཱཏཱཝིནོ ཙཏཱུསུ སཙྩེསུ ནིཊྛིཏཉཱཎཀིཙྩསྶ ཁཱིཎཱསཝསྶ ཨིནྡྲིཡནྟི ཨཉྙཱཏཱཝིནྡྲིཡཾ. ཏཏྠ ཙ པསཱདིནྡྲིཡཱནནྟརཾ ཙཀྑུཝིཉྙཱཎཱདིཝཱིཐིཙིཏྟཔྤཝཏྟིཡཾ རཱུཔཱདཱིནཾ ནིཡཏབྷཱཝསྶ, ཨཏྟནོ ཏིཀྑམནྡཏཱནུཝིདྷཱནསྶ ཙ ཨཱཔཱདནཏོ ཨཱདྷིཔཙྩཾ ཝེདིཏབྦཾ. མནིནྡྲིཡཱདཱིནཾ པན ཨཏྟནོ ཨཏྟནོ ཝིཛཱནནཱདིལཀྑཎེ ཨཱདྷིཔཙྩཾ ཝེདིཏབྦཾ. སེསཾ སུཝིཉྙེཡྻམེཝ. ཨཡཾ ཏཱཝེཏྠ པདཏྠོ.

དྷམྨབྷེདཏོ པནེཏྠ ཛཱིཝིཏིནྡྲིཡཾ རཱུཔཱརཱུཔཝསེན དྭིདྷཱ. སུཁིནྡྲིཡཱདཱིནི པཉྩ ཝེདནཱབྷཱཝཏོ ཨེཀདྷམྨོ, ཏཐཱ པཉྙིནྡྲིཡཱདཱིནི ཙཏྟཱརི ཨམོཧབྷཱཝཏོ. སེསཱནི པན ཨིནྡྲིཡཱནི ཨེཀེཀདྷམྨཱ ཨེཝཱཏི ཨེཝཾ པརམཏྠཏོ སོལ༹ས དྷམྨཱཝ དྭཱཝཱིསཏིནྡྲིཡབྷཱཝེན དེསིཏཱནི. སེསཱནི པནེཏྠ ཙེཏསིཀརཱུཔནིབྦཱནཱནི ཨསངྒཧིཏཱནཱིཏི ཨཡཾ དྷམྨབྷེདོ.

ཝིབྷངྒནཡཏོ པནེཏྠ སུཏྟནྟབྷཱཛནཱིཡཾ ནཱམ ན གཧིཏཾ. ཀསྨཱ? སུཏྟནྟེ ཨིམཱཡ པཊིཔཱཊིཡཱ དྭཱཝཱིསཏིཡཱ ཨིནྡྲིཡཱནཾ ཨནཱགཏཏྟཱ. སུཏྟནྟསྨིཾ ཧི ཀཏྠཙི དྭེ ཨིནྡྲིཡཱནི ཀཐིཏཱནི, ཀཏྠཙི ཏཱིཎི, ཀཏྠཙི པཉྩ, ཨེཝཾ པན ནིརནྟརཾ དྭཱཝཱིསཏི ཨཱགཏཱནི ནཱམ ནཏྠི. ཨབྷིདྷམྨབྷཱཛནཱིཡེཔི ཝིསེསོ ནཏྠི.

པཉྷཱཔུཙྪཀནཡེ པན དྭཱཝཱིསཏིཡཱ ཨིནྡྲིཡཱནཾ ཀཏི ཀུསལཱ…པེ… ཀཏི ཨརཎཱཏི? ཨནཉྙཱཏཉྙསྶཱམཱིཏིནྡྲིཡཾ ཀུསལཾ, དོམནསྶིནྡྲིཡཾ ཨཀུསལཾ, སདྡྷཱསཏིཔཉྙཱཨཉྙིནྡྲིཡཱནི ཙཏྟཱརི ཀུསལཱབྱཱཀཏཱནི, མནཛཱིཝིཏསོམནསྶཨུཔེཀྑཱཝཱིརིཡསམཱདྷིནྡྲིཡཱནི ཚ ཏིདྷཱཔི, སེསཱནི དས ཨབྱཱཀཏཱནི. ཚ ཨིནྡྲིཡཱནི སིཡཱ སུཁཱཡ ཝེདནཱཡ སམྤཡུཏྟཱ, སིཡཱ ཨདུཀྑམསུཁཱཡ ཝེདནཱཡ སམྤཡུཏྟཱཏི, ཏཱིཎི ཏིདྷཱཔི, ཛཱིཝིཏཾ ཏིདྷཱ ཙ ན ཝཏྟབྦཉྩ, དྭཱདསིནྡྲིཡཱནི ན ཝཏྟབྦཱནི ¶ ཨེཝ. ཏཱིཎི ཝིཔཱཀཱནི, དྭེ ཝིཔཱཀདྷམྨདྷམྨཱནི, རཱུཔིནྡྲིཡཱནི སཏྟ ནེཝཝིཔཱཀནཝིཔཱཀདྷམྨདྷམྨཱནི, ཨཉྙིནྡྲིཡཾ སིཡཱ ཝིཔཱཀཾ, སིཡཱ ཝིཔཱཀདྷམྨདྷམྨཾ, ནཝིནྡྲིཡཱནི ཏིདྷཱཔི. ནཝིནྡྲིཡཱནི ཨུཔཱདིནྣུཔཱདཱནིཡཱནི, དོམནསྶིནྡྲིཡཾ ཨནུཔཱདིནྣུཔཱདཱནིཡཾ, ཏཱིཎི ཨནུཔཱདིནྣཨནུཔཱདཱནིཡཱནི, ནཝ ཏིདྷཱཔི. དོམནསྶིནྡྲིཡཾ སཝིཏཀྐསཝིཙཱརཾ, ཨུཔེཀྑིནྡྲིཡཾ ¶ ཏཐཱ ཙ ཨཝིཏཀྐཨཝིཙཱརཉྩ, ནཝ ཨཝིཏཀྐཨཝིཙཱརཱནི, ཨེཀཱདས ཏིདྷཱཔི. སཏྟ རཱུཔིནྡྲིཡཱནི ཙེཝ སུཁདུཀྑདོམནསྶིནྡྲིཡཱནི ཙཱཏི དས པརིཏྟཱནི, པཙྪིམཱནི ཏཱིཎི ཨཔྤམཱཎཱནི, སེསཱནི ནཝ ཏིདྷཱཝ. ཏཏྠ ཙ སོམནསྶིནྡྲིཡཾ རཱུཔཱཝཙརཝསེནེཝ མཧགྒཏཾ, ཏདཝསེསཱནི ཨརཱུཔཱཝཙརཝསེནཱཔཱིཏི ཝེདིཏབྦཾ. པཉྩིནྡྲིཡཱནི ཨནིདསྶནསཔྤཊིགྷཱནི, སཏྟརས ཨནིདསྶནཨཔྤཊིགྷཱནེཝ.

པཉྙིནྡྲིཡཱདཱིནི ཙཏྟཱརི ཧེཏཱུ, སེསཱ ན ཧེཏཱུ…པེ… དོམནསྶིནྡྲིཡཾ སརཎཾ, མནཛཱིཝིཏསོམནསྶཨུཔེཀྑཱཝཱིརིཡསམཱདྷིནྡྲིཡཱནི དྭིདྷཱཔི, སེསཱནི པནྣརས ཨརཎཱནེཝཱཏི ཨཡཾ པཉྷཱཔུཙྪཀནཡོ.

ཨིནྡྲིཡེསུ པནེཏེསུ, པཱལི༹མུཏྟཝིནིཙྪཡོ;

ཀམཏོ དཱནི ཝིཉྙེཡྻོ, ཏཏྠ ཀོསལླམིཙྪཏཱ.

ཀམཏོཏི ཨཡམྤི དེསནཱཀྐམོཝ. ཏཏྠ ཨཛ྄ཛྷཏྟདྷམྨེ པརིཉྙཱཡ ཨརིཡབྷཱུམིཔཊིལཱབྷོ ཧོཏཱིཏི ཨཏྟབྷཱཝཔརིཡཱཔནྣཱནི ཙཀྑུནྡྲིཡཱདཱིནི པཋམཾ དེསིཏཱནི. སོ མནུསྶཏྟབྷཱཝོ ཡཾ དྷམྨཾ ཨུཔཱདཱཡ ‘‘ཨིཏྠཱི’’ཏི ཝཱ ‘‘པུརིསོ’’ཏི ཝཱ སངྑཾ གཙྪཏི, ‘‘ཨཡཾ སོ’’ཏི ནིདསྶནཏྠཾ ཏཏོ ཨིཏྠིནྡྲིཡཾ, པུརིསིནྡྲིཡཉྩ. སོ དུཝིདྷོཔི ཛཱིཝིཏིནྡྲིཡཔཊིབདྡྷཝུཏྟཱིཏི ཉཱཔནཏྠཾ ཏཏོ ཛཱིཝིཏིནྡྲིཡཾ. ཡཱཝ ཏསྶ པཝཏྟི, ཏཱཝ ཨེཏེསཾ ཝེདཡིཏཱནཾ ཨནིཝཏྟི. ཡཉྩ ཀིཉྩི ཝེདཡིཏཾ, སབྦཾ ཏཾ སུཁཾ དུཀྑནྟི ཉཱཔནཏྠཾ ཏཏོ སུཁིནྡྲིཡཱདཱིནི. ཏནྣིརོདྷཏྠཾ པན ཨེཏེ དྷམྨཱ བྷཱཝེཏབྦཱཏི པཊིཔཏྟིདསྶནཏྠཾ ཏཏོ སདྡྷཱདཱིནི. ‘‘ཨིམཱཡ པཊིཔཏྟིཡཱ ཨེས དྷམྨོ པཋམཾ ཨཏྟནི པཱཏུབྷཝཏཱི’’ཏི པཊིཔཏྟིཡཱ ¶ ཨམོགྷབྷཱཝདསྶནཏྠཾ ཏཏོ ཨནཉྙཱཏཉྙསྶཱམཱིཏིནྡྲིཡཾ. ཏསྶེཝ ཕལཏྟཱ, ཏཏོ ཨནནྟརཾ བྷཱཝེཏབྦཏྟཱ ཙ ཏཏོ ཨཉྙིནྡྲིཡཾ. ཨིཏོ པརཾ བྷཱཝནཱཡ ཨིམསྶ ཨདྷིགམོ, ཨདྷིགཏེ ཙ པན ཨིམསྨིཾ ནཏྠི ཀིཉྩི ཨུཏྟརི ཀརཎཱིཡནྟི ཉཱཔནཏྠཾ ཨནྟེ པརམསྶཱསབྷཱུཏཾ ཨཉྙཱཏཱཝིནྡྲིཡཾ དེསིཏནྟི ཨེཝཾ ཀམཏོ པཱལི༹མུཏྟཝིནིཙྪཡནཡོ ཝིཉྙེཡྻོ.

ཨིནྡྲིཡཝིབྷངྒམཱཏིཀཏྠཝཎྞནཱ ནིཊྛིཏཱ.

པཙྩཡཱཀཱརཝིབྷངྒམཱཏིཀཏྠཝཎྞནཱ

པཙྩཡཱཀཱརཝིབྷངྒམཱཏིཀཱཡ ¶ པན ཨཏྠཏོ ཏཱཝ – ཨཝིཛྫཱཔཙྩཡཱཏིཨཱདཱིསུ ཨཝིནྡིཡཾ ཀཱཡདུཙྩརིཏཱདིཾ ཝིནྡཏི པཊིལབྷཏི, ཝིནྡིཡཾ ཝཱ ཀཱཡསུཙརིཏཱདིཾ ན ཝིནྡཏི, དྷམྨཱནཾ ཝཱ ཡཐཱསབྷཱཝཾ ཨཝིདིཏཾ ཀརོཏི, ཨནྟཝིརཧིཏེ ཝཱ སཾསཱརེ སཏྟེ ཛཝཱཔེཏི, ཨཝིཛྫམཱནེསུ ཝཱ ཛཝཏི, ཝིཛྫམཱནེསུ ཝཱ ན ཛཝཏཱིཏི ཨཝིཛྫཱ. པཊིཙྩ ཕལམེཏི ཨེཏསྨཱཏི པཙྩཡོ, དྷམྨཱནཾ ཨུཔྤཏྟིཡཱ, ཋིཏིཡཱ ཙ ཨུཔཀཱརཀོ དྷམྨོ. ཨཝིཛྫཱ ཙ སཱ པཙྩཡོ ཙཱཏི ཨཝིཛྫཱཔཙྩཡོ, ཏསྨཱ ཨཝིཛྫཱཔཙྩཡཱ. སངྑཏམབྷིསངྑརོནྟཱིཏི སངྑཱརཱ.

ཨིཏོ པརཾ སངྑཱརཔཙྩཡཱ ཝིཉྙཱཎནྟིཨཱདཱིསུ ཝུཏྟཾ ཝུཏྟནཡེནེཝ ཝེདིཏབྦཾ. ཨཝུཏྟེསུ པན ཝིཛཱནཱཏཱིཏི ཝིཉྙཱཎཾ. ནམཏཱིཏི ནཱམཾ, རུཔྤཏཱིཏི རཱུཔཾ, ནཱམཉྩ རཱུཔཉྩ ནཱམརཱུཔཉྩ ནཱམརཱུཔནྟི ཨེཀདེསསརཱུཔེཀསེསནཡེན ཝེདིཏབྦཾ. ཨཱཡེ ཏནོཏི, ཨཱཡཏཉྩ ནཡཏཱིཏི ཨཱཡཏནཾ, ཚཊྛཱཡཏནཉྩ སལཱ༹ཡཏནཉྩ སལཱ༹ཡཏནནྟི ཨེཀསེསནཡེན ཝེདིཏབྦཾ. ཕུསཏཱིཏི ཕསྶོ. ཝེདཡཏཱིཏི ཝེདནཱ. པརིཏསྶཏཱིཏི ཏཎྷཱ. ཨུཔཱདིཡཏཱིཏི ཨུཔཱདཱནཾ. བྷཝཏི, བྷཱཝཡཏི ཙཱཏི བྷཝོ. ཛནནཾ ཛཱཏི. ཛཱིརཎཾ ཛརཱ. མརནྟི ཨེཏེནཱཏི ¶ མརཎཾ. སོཙནཾ སོཀོ. པརིདེཝནཾ པརིདེཝོ. དུཀྑཡཏི, ཨུཔྤཱདཊྛིཏིཝསེན དྭིདྷཱ ཁཎཏཱིཏིཔི དུཀྑཾ. དུམྨནསྶ བྷཱཝོ དོམནསྶཾ. བྷུསོ ཨཱཡཱསོ ཨུཔཱཡཱསོ. སམྦྷཝནྟཱིཏི ནིབྦཏྟནྟི. ན ཀེཝལཉྩ སོཀཱདཱིཧེཝ, ཨཐ ཁོ ཨཝིཛྫཱཔཙྩཡཱ སངྑཱརཱ སམྦྷཝནྟཱིཏིཨཱདིནཱ སབྦཔདེཧིཔི སམྦྷཝནྟི-སདྡསྶ ཡོཛནཱ ཀཱཏབྦཱ. ཨེཝཾ ཧི པཙྩཡཔཙྩཡུཔྤནྣཝཝཏྠཱནཾ ཀཏཾ ཧོཏི.

ཨེཝནྟི ནིདྡིཊྛནཡནིདསྶནཾ, ཏེན ཨཝིཛྫཱདཱིཧེཝ ཀཱརཎེཧི, ན ཨིསྶརནིམྨཱནཱདཱིཧཱིཏི དསྶེཏི. ཨེཏསྶཱཏི ཡཐཱཝུཏྟསྶ. ཀེཝལསྶཱཏི ཨསམྨིསྶསྶ, སཀལསྶ ཝཱ, དུཀྑཀྑནྡྷསྶཱཏི དུཀྑསམཱུཧསྶ, ན སཏྟསྶ, ན སུཁསུབྷཱདཱིནཾ. སམུདཡོཏི ནིབྦཏྟི, ཧོཏཱིཏི སམྦྷཝཏི. ཨཡཾ ཏཱཝེཏྠ པདཏྠོ.

དྷམྨབྷེདཏོ པནེཏྠ ཨཝིཛྫཱཏི སུཏྟནྟཔརིཡཱཡེན དུཀྑཱདཱིསུ ཙཏཱུསུ, ཨབྷིདྷམྨཔརིཡཱཡེན པུབྦནྟཱདཱིཧི སདྡྷིཾ ཨཊྛསུ ཝཱ ཋཱནེསུ ཨཉྙཱཎཾ. སངྑཱརཱ པན པུཉྙཱཔུཉྙཱནེཉྫཱབྷིསངྑཱརཱ ཏཡོ, ཀཱཡཝཙཱིཙིཏྟསངྑཱརཱ ཏཡོ ཙཱཏི ཚབྦིདྷཱ. ཏཏྠ ཨཊྛ ཀཱམཱཝཙརཀུསལཙེཏནཱ, པཉྩ རཱུཔཱཝཙརཀུསལཙེཏནཱ ¶ ཙེཏི ཏེརས ཙེཏནཱ པུཉྙཱབྷིསངྑཱརོ ནཱམ. དྭཱདས ཨཀུསལཙེཏནཱ ཨཔུཉྙཱབྷིསངྑཱརོ ནཱམ. ཙཏསྶོ ཨརཱུཔཱཝཙརཀུསལཙེཏནཱ ཨཱནེཉྫཱབྷིསངྑཱརོ ནཱམ. ཨིམེསཾ པན ཏིཎྞཾ སངྑཱརཱནཾ ཨེཝ དྭཱརཏོ པཝཏྟིདསྶནཏྠཾ ཨཡཾ སངྑཱརཱདིཏྟིཀོ ཝུཏྟོ.

ཨཊྛ ཀཱམཱཝཙརཀུསལཙེཏནཱ ཙེཝ དྭཱདསཱཀུསལཙེཏནཱ ཙ ཀཱཡདྭཱརེ པཝཏྟིཡཾ ཀཱཡསངྑཱརོ, ཝཙཱིདྭཱརེ པཝཏྟིཡཾ ཝཙཱིསངྑཱརོ, ཨེཏཱ ཙེཝ མནོདྭཱརེ པཝཏྟིཡཾ, མནོདྭཱརེ ཨེཝ པཝཏྟནཀཱ རཱུཔཱརཱུཔཀུསལཙེཏནཱ ཙ ཙིཏྟསངྑཱརོཏི ཝུཙྩནྟི. ཨབྷིཉྙཱཙེཏནཱ, པནེཏྠ ཨུདྡྷཙྩཙེཏནཱ ཙ པརཏོ པཊིསནྡྷིཝིཉྙཱཎཔཙྩཡབྷཱཝེ ཨཔནེཏབྦཱཔི ¶ ཨཝིཛྫཱཔཙྩཡཱ སམྦྷཝཏོ ཨིདྷ གཧེཏབྦཱཝཱཏི ཨཡཾ ཏིཀོ པུརིམཏྟིཀམེཝ པཝིསཏཱིཏི ཨཏྠཏོ ལོཀིཡཀུསལཱཀུསལཙེཏནཱཝ ཨཝིཛྫཱཔཙྩཡཱ སངྑཱརཱཏི ཝེདིཏབྦཾ. ཨིདཉྩ སུཏྟནྟབྷཱཛནཱིཡནཡེན, ཨབྷིདྷམྨབྷཱཛནཱིཡནཡེན པན ལོཀིཡལོཀུཏྟརེ ཨེཀེཀཙིཏྟཀྑཎེ དྭཱདསངྒསྶ པཊིཙྩསམུཔྤཱདསྶ གཧཎཏོ སབྦཱཔི ཙེཏནཱ སངྑཱརཱཏི ཝེདིཏབྦཾ. ཨེཝཾ ཝིཉྙཱཎནཱམརཱུཔཱདཱིསུཔི སབྦཙིཏྟསམྤཡུཏྟཝསེན ཙ དྷམྨབྷེདོ ཝེདིཏབྦོ. སུཏྟནྟབྷཱཛནཱིཡནཡེནེཝ པན དསྶཡིསྶཱམ.

སངྑཱརཔཙྩཡཱ ཝིཉྙཱཎཉྩ ཙཀྑུཝིཉྙཱཎཱདིཚབྦིདྷཾ བཱཏྟིཾསལོཀིཡཝིཔཱཀཝིཉྙཱཎམེཝ ཧོཏི, ལོཀུཏྟརཱནི པན ཝཊྚཀཐཱཡ ན ཡུཛྫནྟཱིཏི ན གཧིཏཱནི. ཝིཉྙཱཎཔཙྩཡཱ ནཱམརཱུཔཾ པན སབྦལོཀིཡཝིཉྙཱཎསམྤཡུཏྟཱ ཏཡོ ཨརཱུཔིནོ ཁནྡྷཱ. རཱུཔཾ སབྦཱནི བྷཱུཏུཔཱདཱཡརཱུཔཱནི. སལཱ༹ཡཏནཾ མནཙྪཊྛཱནི ཨིནྡྲིཡཱནི. ཕསྶོ ཙཀྑུསམྥསྶཱདིཀོ ཚཝིཔཱཀཕསྶོ, ཏཐཱ ཝེདནཱཔི. ཏཎྷཱ རཱུཔཏཎྷཱདིབྷེདཏོ ཚབྦིདྷོ ལོབྷོ. ཨུཔཱདཱནཾ ཀཱམུཔཱདཱནཱདིཏོ ཙཏུབྦིདྷཱ ལོབྷདིཊྛིཡོཝ. བྷཝོ པན དུཝིདྷོ ཀམྨབྷཝོ, ཨུཔཔཏྟིབྷཝོཏི. ཏཏྠ ཀམྨབྷཝོ ཏེབྷཱུམཀཀུསལཱཀུསལཙེཏནཱ ཙ ཏཾསམྤཡུཏྟཱ ཨབྷིཛ྄ཛྷཱདཡོ ཙ. ཨུཔཔཏྟིབྷཝོ པན ཀམྨཱབྷིནིབྦཏྟཱ པཉྩཔི ཁནྡྷཱ. སོ པབྷེདཏོ ཀཱམརཱུཔཱརཱུཔབྷཝཱ ཏཡོ, སཉྙཱ ཨསཉྙཱ ནེཝསཉྙཱནཱསཉྙཱ བྷཝཱ ཏཡོ, ཨེཀཙཏུཔཉྩཝོཀཱརབྷཝཱ ཏཡོཏི ནཝཝིདྷོ ནིདྡིཊྛོ. ཛཱཏིཨཱདཱིནི པུབྦེ ཝུཏྟཱནི. ཏེསུ ཛཱཏིགྒཧཎེན ཝིཉྙཱཎནཱམརཱུཔསལཱ༹ཡཏནཕསྶཝེདནཱཝ གཧིཏཱ ཏདཝིནཱབྷཱཝཏོ. ཏཐཱ ཛརཱམརཎགྒཧཎེནཱཔི ཏེསཉྙེཝ པཱཀབྷེདཏྟཱ. སོཀཱདཡོ པན ཛརཱམརཎེན དྭཱདསམེན ཨངྒེན ཨེཀསངྑེཔཾ ཀཏྭཱ ཝུཏྟཱ, ན ཝིསུཾ ཨངྒབྷཱཝེན. ཀིམཏྠནྟི ཙེ? བྷཝཙཀྐསྶ ཨཝིཙྪེདདསྶནཏྠཾ. སོཀཱདིཏོ ¶ ཧི ཨཝིཛྫཱ སིདྡྷཱ ཧོཏི ཨཝིཛྫཱཝིཔྤཡོགཏོ ¶ , ཨཝིཛྫཱསམུཔྤཏྟིཏོ ཙ. ཛརཱམརཎབྦྷཱཧཏསྶ ཧི བཱལསྶེཝ ཏེ སམྦྷཝནྟི, ཏེཧི ཙ ཨཝིཛྫཱཡ སིདྡྷཱཡ པུན ཨཝིཛྫཱཔཙྩཡཱ སངྑཱརཱཏི ཨེཝཾ ཧེཏུཕལཔརམྤརཱཡ བྷཝཙཀྐཾ ཨཝིཙྪིནྣཾ, ཨནཱདིཀཾ, ཨཔརིཡནྟཾ, ཨཔརིཡོསཱནཉྩ ཧོཏི.

ཡདི ཨེཝཾ, ཀསྨཱ ཨཝིཛྫཱ ཨཱདིཏོ ཝུཏྟཱཏི? པདྷཱནདསྶནཏྠཾ པན ཨཱདིཏོ ཝུཏྟཱ. ཏིཎྞཾ ཧི ཝཊྚཱནཾ ཨཝིཛྫཱ པདྷཱནོ ཧེཏུ ཏསྶཱ བྷཱཝེ བྷཱཝཏོ, ནིརོདྷེན ཙ ནིརུཛ྄ཛྷནཏོ. ཨེཝཾ ཨཝིཛྫཱདཱིཧི དྭཱདསཧི ཨངྒེཧི སུཏྟནྟབྷཱཛནཱིཡནཡེན སབྦེ ལོཀིཡདྷམྨཱཝ པཙྩཡཔཙྩཡུཔྤནྣབྷཱཝེན ཝུཏྟཱཏི ཝེདིཏབྦཱ. ཨབྷིདྷམྨཔརིཡཱཡེན པན ལོཀུཏྟརཱཔཱིཏི ཨཡམེཏྠ དྷམྨབྷེདོ.

ཝིབྷངྒནཡཏོ པནེཏྠ པཉྷཱཔུཙྪཀནཡོ ནཏྠི, སུཏྟནྟབྷཱཛནཱིཡནཡཱཔི དྷམྨབྷེདེ ཝུཏྟནཡེནེཝ ཝིཏྠཱརཏོ ཝིབྷཏྟཱཏི ཝེདིཏབྦོ. ཨབྷིདྷམྨབྷཱཛནཱིཡེ པན –

‘‘ཨཝིཛྫཱཔཙྩཡཱ སངྑཱརོ, སངྑཱརཔཙྩཡཱ ཝིཉྙཱཎཾ, ཝིཉྙཱཎཔཙྩཡཱ ནཱམཾ, ནཱམཔཙྩཡཱ ཚཊྛཱཡཏནཾ, ཚཊྛཱཡཏནཔཙྩཡཱ ཕསྶོ, ཕསྶཔཙྩཡཱ ཝེདནཱ, ཝེདནཱཔཙྩཡཱ ཏཎྷཱ, ཏཎྷཱཔཙྩཡཱ ཨུཔཱདཱནཾ, ཨུཔཱདཱནཔཙྩཡཱ བྷཝོ, བྷཝཔཙྩཡཱ ཛཱཏི, ཛཱཏིཔཙྩཡཱ ཛརཱམརཎཾ, ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏི.

‘‘ཨཝིཛྫཱཔཙྩཡཱ སངྑཱརོ…པེ… ཝིཉྙཱཎཔཙྩཡཱ ནཱམཾ, ནཱམཔཙྩཡཱ ཕསྶོ…པེ… སམུདཡོ ཧོཏི.

‘‘ཨཝིཛྫཱཔཙྩཡཱ…པེ… ཝིཉྙཱཎཔཙྩཡཱ ནཱམརཱུཔཾ, ནཱམརཱུཔཔཙྩཡཱ ཚཊྛཱཡཏནཾ, ཚཊྛཱཡཏནཔཙྩཡཱ ཕསྶོ…པེ… སམུདཡོ ཧོཏི.

‘‘ཨཝིཛྫཱཔཙྩཡཱ ¶ …པེ… ཝིཉྙཱཎཔཙྩཡཱ ནཱམརཱུཔཾ, ནཱམརཱུཔཔཙྩཡཱ སལཱ༹ཡཏནཾ, ཚཊྛཱཡཏནཔཙྩཡཱ ཕསྶོ…པེ… སམུདཡོ ཧོཏཱི’’ཏི (ཝིབྷ. ༢༤༣) –

ཨེཝཾ པཙྩཡཙཏུཀྐཾ, པུན ‘‘ཨཝིཛྫཱཔཙྩཡཱ སངྑཱརོ ཨཝིཛྫཱཧེཏུཀོ’’ཏིཨཱདིནཱ (ཝིབྷ. ༢༤༤) ཝུཏྟནཡེནེཝ ¶ ཧེཏུཙཏུཀྐཾ, པུན ‘‘ཨཝིཛྫཱཔཙྩཡཱ སངྑཱརོ ཨཝིཛྫཱསམྤཡུཏྟོ’’ཏིཨཱདིནཱ (ཝིབྷ. ༢༤༥) སམྤཡུཏྟཙཏུཀྐཾ, པུན ‘‘ཨཝིཛྫཱཔཙྩཡཱ སངྑཱརོ, སངྑཱརཔཙྩཡཱཔི ཨཝིཛྫཱ’’ཏིཨཱདིནཱ (ཝིབྷ. ༢༤༦) ཨཉྙམཉྙཔཙྩཡཙཏུཀྐནྟི ཨེཝཾ ཨཝིཛྫཱམཱུལཀཱནི ཙཏྟཱརི ཙཏུཀྐཱནི ཝུཏྟཱནི. ཨེཝཾ ‘‘སངྑཱརཔཙྩཡཱ ཨཝིཛྫཱ’’ཏིཨཱདིནཱ སངྑཱརཱདིམཱུལཀཱདིཨུཔཱདཱནམཱུལཀཔརིཡོསཱནཱནི ཨཊྛསུ པདེསུ ཙཏྟཱརི ཙཏྟཱརི ཙཏུཀྐཱནཱིཏི བཱཏྟིཾས ཙཏུཀྐཱནི མཱཏིཀཾ ཀཏྭཱ ནིཀྑིཔིཏྭཱ པུན ཨཀུསལཀུསལཝིཔཱཀཀིརིཡཙིཏྟེསུ ལོཀིཡལོཀུཏྟརེསུ ཨེཀེཀསྨིཾ ཙིཏྟེ ཡཐཱནིཀྑིཏྟེཧི ཚཏྟིཾསབཱཏྟིཾསམཱཏིཀཱཙཏུཀྐེཧི ཝིཏྠཱརཏོ ཡཐཱནུརཱུཔཾ པཙྩཡཱཀཱརོ ཝིབྷཏྟོ. ཨིདཉྩ ཡསྨཱ ན ཀེཝལཾ ཨཡཾ པཙྩཡཱཀཱརོ ནཱནཱཙིཏྟེསུ ཨེཝ ཧོཏི, ཨེཀཙིཏྟེཔི ཧོཏིཡེཝ. ནཱཔི ཝཊྚཙིཏྟེ ཨེཝ ཧོཏི, ཏཎྷཱབྷཱཝཏོ ཝིཝཊྚཙིཏྟེཔི, ཏསྨཱ ཏཾ ནིཔྤདེསཏོ ཨེཀཙིཏྟཀྑཎིཀཾ པཙྩཡཱཀཱརཾ དསྶེཏུཾ ཝུཏྟཾ. ཏེནེཝ ཧེཏྠ ‘‘ཨཝིཛྫཱཔཙྩཡཱ སངྑཱརཱ’’ཏི ཨཝཏྭཱ ‘‘ཨཝིཛྫཱཔཙྩཡཱ སངྑཱརོ’’ཏི ཨེཀཝཙནེན ཝུཏྟཾ ཨེཀཙིཏྟཀྑཎེ བཧུཙེཏནཱབྷཱཝཱ. ཏཏྠ ཡདེཏཾ པཋམཙཏུཀྐཾ, ཏཏྠ པཋམཝཱརོ ནཱམརཱུཔཊྛཱནེ ནཱམཾ, སལཱ༹ཡཏནཊྛཱནེ ཚཊྛཱཡཏནཉྩ གཧེཏྭཱ རཱུཔཱརཱུཔཱདིསབྦབྷཝསཱདྷཱརཎཝསེན, ཨེཀཙིཏྟཀྑཎཔརིཡཱཔནྣདྷམྨགྒཧཎཝསེན ཙ རཱུཔཾ ཚཌྜེཏྭཱ ཝུཏྟོ རཱུཔསྶ སབྦབྷཝཱསཱདྷཱརཎཏྟཱ, བཧུཙིཏྟཀྑཎིཀཏྟཱ ཙ. དུཏིཡོ ནཱམརཱུཔཊྛཱནེ ནཱམཾ, ‘‘ནཱམཔཙྩཡཱ ཕསྶོ’’ཏི སལཱ༹ཡཏནཊྛཱནེ ཕསྶམེཝ ¶ གཧེཏྭཱ ཕསྶསྶ སལཱ༹ཡཏནཾ ཝིནཱཔི པཙྩཡཝིསེསསམྦྷཝདསྶནཝསེན ཙེཝ མཧཱནིདཱནསུཏྟནཡདསྶནཝསེན (དཱི. ནི. ༢.༩༥ ཨཱདཡོ) ཙ ཝུཏྟོ. ཏཏིཡོ སལཱ༹ཡཏནཊྛཱནེ ཚཊྛཱཡཏནམེཝ གཧེཏྭཱ གབྦྷསེཡྻཀཱནཾ ཨཔརིཔུཎྞཱཡཏནཱནཾ, རཱུཔབྷཝིཀཱདཱིནཉྩ ཝསེན ཝུཏྟོ. ཙཏུཏྠོ ‘‘ནཱམཔཙྩཡཱ སལཱ༹ཡཏནཾ, སལཱ༹ཡཏནཔཙྩཡཱ ཕསྶོ’’ཏི ཨེཝཾ ཨིཏརཱཡཏནེཧིཔི སལཱ༹ཡཏནསྶ ཝིསེསཏོ ཕསྶཔཙྩཡཏཾཝ དསྶེཏྭཱ ཨོཔཔཱཏིཀཱནཾ, པརིཔུཎྞཱཡཏནཱནཾ ཀཱམབྷཝིཀཱནཉྩ ཝསེན ཝུཏྟོ. ཨེཝཾ དུཏིཡཙཏུཀྐཱདཱིསུཔི.

སབྦཏྠཱཔི ཙེཏྠ ཡསྨཱ སོཀཱདཡོ སབྦེ ཨེཀཙིཏྟཀྑཎེ ན སམྦྷཝནྟི, སབྦསྨིཉྩ ཙིཏྟེ, བྷཝེ ཙ ནཔྤཝཏྟནྟི, ཏསྨཱ ན གཧིཏཱ. ཛཱཏིཛརཱམརཎཱནི པནེཏྠ ཨརཱུཔདྷམྨཱནཾ ལཀྑཎམཏྟཱནི, ཏཱནི ཙ ཨཙིཏྟཀྑཎམཏྟཱནིཔི སམཱནཱནི ཙིཏྟཀྑཎེ ཨནྟོགདྷཏྟཱ པརིཡཱཡཏོ པཙྩཡུཔྤནྣེ ཀཏྭཱ ཨངྒཔརིཔཱུརཎཏྠཾ གཧིཏཱནི. བྷཝོཏི ཙེཏྠ ཨུཔཱདཱནཱདིཔཙྩཡཝིརཧིཏཱ ཙཏྟཱརོ ཨརཱུཔིནོ ཁནྡྷཱ, ཏཎྷཱཔཙྩཡཱ ཨུཔཱདཱནནྟི ཨེཏྠ ཀཱམུཔཱདཱནཾ ཝཛྫེཏྭཱ ཏཱིཎི ཨུཔཱདཱནཱནི ཨེཝ གཧེཏབྦཱནི ¶ . དྭིནྣམྤི ཨེཀལཀྑཎཱནཾ དྷམྨཱནཾ ཨེཀཀྑཎེ ཨསམྦྷཝཱ ལོབྷམཱུལཝིརཧིཏེསུ དོསམོཧམཱུལེསུ ཙེཝ ཀུསལཱབྱཱཀཏེསུ ཙ ཙིཏྟེསུ ཝེདནཱཔཙྩཡཱ པཊིགྷཾ ཝིཙིཀིཙྪཱ ཨུདྡྷཙྩནྟི ཨེཝཾ ཏཎྷཱཋཱནེ ཡཐཱཡོགཾ པཊིགྷཱདཡོ ཏཡོ. ཏེསུ ཝིཙིཀིཙྪཱཝཛྫིཏེསུ ཙེཝ དིཊྛིཝིཔྤཡུཏྟེསུ ཙ ཨུཔཱདཱནཊྛཱནེ ཨདྷིམོཀྑོ གཧིཏོ. ཝིཙིཀིཙྪཱཡ པན སདྡྷིཾ ཨདྷིམོཀྑསྶཱཔི ཨསམྦྷཝཱ ཝིཙིཀིཙྪཱཔཙྩཡཱ བྷཝོཏི ཙ གཧིཏོ. ཨུཔཱདཱནཊྛཱནེ ཙ ཨདྷིམོཀྑོ ཙ གཧིཏོ. ལོཀིཡཱནཉྩེཏྠ ཀུསལཱབྱཱཀཏཱནཾ ཨུཔནིསྶཡཝསེན ཨཝིཛྫཱཔཙྩཡཏཱ ཝུཏྟཱ. ལོཀུཏྟརཱནཾ པན ཡསྨཱ ཨཔྤཧཱིནཱཝིཛྫོ ཨཝིཛྫཱཡ པཧཱནཏྠཾ, པཊིཔྤསྶམྦྷནཏྠཉྩ ལོཀུཏྟརཾ ¶ བྷཱཝེཏི, ཏསྨཱ སམཏིཀྐམནཝསེན ཨཝིཛྫཱཔཙྩཡཏཱ ཝུཏྟཱ, ན སཧཛཱཏཝསེན. ཏེནེཝ ཏེསཾ ནིདྡེསཝཱརེསུ ‘‘ཏཏྠ ཀཏམཱ ཨཝིཛྫཱ’’ཏི ཨཝིབྷཛིཏྭཱ ‘‘ཏཏྠ ཀཏམོ ཨཝིཛྫཱཔཙྩཡཱ སངྑཱརོ’’ཏི (ཝིབྷ. ༢༤༠) ཝིབྷཏྟཾ. ཀིརིཡདྷམྨཱནཾ པན ཀེནཙི པརིཡཱཡེན ཨཝིཛྫཱམཱུལཀཏྟཾ ནཏྠཱིཏི ‘‘སངྑཱརཔཙྩཡཱ ཝིཉྙཱཎ’’ནྟིཨཱདིནཱ སངྑཱརམཱུལཀཱདིཀོ ནཡོ ཝུཏྟོ, ན ཨཝིཛྫཱམཱུལཀོ. ཨཔིཙ ལོཀིཡཀུསལཱདཱིསུ ཏེསཾ དྷམྨཱནཾ དུཀྑསཙྩཔརིཡཱཔནྣཏྟཱ ‘‘ཨེཝམེཏསྶ ཀེཝལསྶ དུཀྑཀྑནྡྷསྶ སམུདཡོ ཧོཏཱི’’ཏི (ཝིབྷ. ༢༢༥) ཨེཝཾ ཨཔྤནཱ ཀཏཱ, ལོཀུཏྟརཀུསལཱདཱིསུ ‘‘ཨེཝམེཏེསཾ དྷམྨཱན’’ནྟི. ཨཡཾ ལོཀིཡཏོ ལོཀུཏྟརཱནཾ དེསནཱཡ ཝིསེསོཏི ཨཡཾ ཨབྷིདྷམྨབྷཱཛནཱིཡེ ནཡོ.

ཨིདཱནི པཙྩཡནཡཱ, ཀཱརཀཱདཱིཧི སུཉྙཏོ;

མཱུལདྡྷསནྡྷིསངྑེཔཱཀཱརཝཊྚཝིབྷཱགཏོ.

ཝཱརཎོཔམཏོཔེཏྠ, གམྦྷཱིརནཡབྷེདཏོ;

ཡཐཱརཧཾ ཝིཛཱནཱིཡོ, པཱལི༹མུཏྟཝིནིཙྪཡོ.

ཏཏྠ པཙྩཡནཡོ སཱམཉྙཏོ, ཝིསེསཏོ ཙཱཏི དུཝིདྷོ ཧོཏི. ཏཏྠ ཏབྦྷཱཝབྷཱཝིམཏྟཏཱཔཀཱསཀོ སཱམཉྙཏོ པཙྩཡནཡོ. ཝིསེསཏོ པན པཊྛཱནེ ཨཱགཏེསུ ཧེཏུཔཙྩཡཱདིཙཏུཝཱིསཏིཡཱ པཙྩཡེསུ ཡཐཱནུརཱུཔཾ པཙྩཡཝིསེསུཔྤནྣམཏྟཏཱཔཀཱསཀོ. སཱ ཙ ནེསཾ ཙཏུཝཱིསཏིཡཱ པཙྩཡཱནཾ ཝིབྷཱགཏཱ པཊྛཱནམཱཏིཀཏྠསཾཝཎྞནཱཡ ཨཱཝི བྷཝིསྶཏི. ཏཏྠ སཱམཉྙཏོ སངྑཱརཱདཡོ ཨཝིཛྫཱདིཔཙྩཡབྷཱཝེ ཨེཝ བྷཱཝིནོཏི ཝེདིཏབྦཱ. ཡསྶ ཧི ཙཏཱུསུ སཙྩེསུ, པུབྦནྟཱདཱིསུ ཙ ཨཝིཛྫཱ ཨཔྤཧཱིནཱ ཧོཏི, སོ དུཀྑེ ཏཱཝ པུབྦནྟཱདཱིསུ ཙ ཨཉྙཱཎེན ¶ ཏཱིསུ ¶ བྷཝེསུ ཛཱཏིཛརཱརོགམརཎཱདིཨནེཀཱདཱིནཝཝོཀིཎྞཾ པུཉྙཕལསངྑཱཏཾ སངྑཱརཝིཔརིཎཱམདུཀྑཾ དུཀྑཏོ ཨཛཱནནྟོ སུཁསཉྙཱཡ པཏྠེཏྭཱ ཏཱིཧི དྭཱརེཧི པུཉྙཱནེཉྫཱབྷིསངྑཱརེ ཨཱརབྷཏི. སམུདཡེ ཨཉྙཱཎེན དུཀྑཧེཏུབྷཱུཏེསུཔི ཏཎྷཱཔརིཀྑཱརེསུ དུཀྑཧེཏུཀཾ ཨཱཔཱཡིཀཱདིདུཀྑཾ, དུཀྑཧེཏུབྷཱུཏེསུ ཀཱམཱུཔསེཝནཱདཱིསུ ཙ ཨཱདཱིནཝཾ ཨཔསྶནྟོ སུཁཧེཏུསཉྙཱཡ ཙེཝ ཀིལེསཱབྷིབྷཱུཏཏཱཡ ཙ ཏིཝིདྷེཔི སངྑཱརེ ཨཱརབྷཏི. ནིརོདྷེ, པན མགྒེ ཙ ཨཉྙཱཎེན ཨནིརོདྷབྷཱུཏེ གཏིཝིསེསེ ནིརོདྷསཉྙཱི, ནིརོདྷསྶ ཙ ཝཱ ཨམགྒབྷཱུཏེསུཔི ཡཉྙཱམརཏཔཱདཱིསུཔི ནིརོདྷམགྒསཉྙཱི ཧུཏྭཱ ཏིཝིདྷེཔི སངྑཱརེ ཨཱརབྷཏི. ཨིདཔྤཙྩཡཏཱཔཊིཙྩསམུཔྤནྣེསུ དྷམྨེསུ ཨཉྙཱཎེན ‘‘ཨཧེཏཱུ ཨཔྤཙྩཡཱ སཏྟཱ ཨུཔྤཛྫནྟི, ན ཧོནྟི པརཾ མརཎཱ’’ཏི ཝཱ ‘‘ཨཏྟཱཝ ཛཱནཱཏི ཝཱ ན ཛཱནཱཏི ཝཱ, སོཝ སངྑཱརེ སངྑརོཏི, སོཝ པཊིསནྡྷིཡཾ ཨུཔྤཛྫཏི, ཏསྶ ཨཎུཨིསྶརཱདཡོ ཀལལཱདིབྷཱཝེན སརཱིརཾ སཎྛཱཔེནྟཱ ཨིནྡྲིཡཱནི སམྤཱདེནྟི, སོཝ ཨིནྡྲིཡསམྤནྣོ ཕུསཏི, ཝེདཡཏི, ཏཎྷིཡཏི, ཨུཔཱདཱནཱདཱིནི ཙ ཀརོཏཱི’’ཏི ཝཱ ‘‘སབྦེ སཏྟཱ ནིཡཏིསངྒཏིབྷཝཔརིཎཏཱ’’ཏི ཝཱ ཝིཀཔྤེཏི. སོ ཨེཝཾ ཨཝིཛྫཱཡ ཨནྡྷཱིཀཏོ –

‘‘ཡཐཱཔི ནཱམ ཛཙྩནྡྷོ, ནརོ ཨཔརིཎཱཡཀོ;

ཨེཀདཱ ཡཱཏི མགྒེན, ཨུམྨགྒེནཱཔི ཨེཀདཱ.

‘‘སཾསཱརེ སཾསརཾ བཱལོ, ཏཐཱ ཨཔརིཎཱཡཀོ;

ཀརོཏི ཨེཀདཱ པུཉྙཾ, ཨཔུཉྙམཔི ཨེཀདཱ’’ཏི. (ཝིབྷ. ཨཊྛ. ༢༢༦ སངྒཱརཔདནིདྡེས) –

ཝུཏྟནཡེན ཏིཝིདྷེ སངྑཱརེ ཨབྷིསངྑརོཏཱིཏི. ཀིཾ པནེཏྠ ཨེཀཱཝ ཨཝིཛྫཱ སངྑཱརཱནཾ པཙྩཡོ ཧོཏི, ནནུ ཨེཀསྨཱ ¶ ཀཱརཎཱ ཨེཀཾཝ ཀཱརིཡཾ ཨུཔྤཛྫཏི, ཨནེཀཾ ཀཱརིཡཾ ན ཨུཔྤཛྫཏི, ཨནེཀསྨཱ ཝཱ ཨེཀནྟི, ཨནེཀསྨཱ ཀཱརཎཱ ཨནེཀཾ ཀཱརིཡཾ ཨུཔྤཛྫཏཱིཏི? སཙྩཾ, པདྷཱནཏྟཔཱཀཊཏྟཨསཱདྷཱརཎཏྟདཱིཔནཏྠཾ པནེཏྠ ཨནེཀེསུ ཀཱརཎེསུཔི ཨེཀཱ ཨཝིཛྫཱ ཨེཝ པཙྩཡབྷཱཝེན ནིདྡིཊྛཱ ‘‘ཕསྶཔཙྩཡཱ ཝེདནཱ (ཨུདཱ. ༣), སེམྷསམུཊྛཱནཱ ཨཱབཱདྷཱ’’ཏིཨཱདཱིསུ (ཨ. ནི. ༡༠.༦༠; མཧཱནི. ༥; ཙཱུལ༹ནི. ཁགྒཝིསཱཎསུཏྟནིདྡེས ༡༢༨) ཝིཡ. ཨཝིཛྫཱ ཧི པདྷཱནོ ཧེཏུ, སངྑཱརཱནཾ པཱཀཊོ, ཨསཱདྷཱརཎོ ཙ ཏཎྷཱདིཧེཏཱུནམྤི ཧེཏུཏྟཱ, ན ཝཏྠཱརམྨཎཱདཱིནི ¶ ཁཱིཎཱསཝསྶ ཏེསཾ སམྦྷཝེཔི སངྑཱརཱནཾ ཨབྷཱཝཱཏི. ཨེཝཾ ཏཱཝེཏྠ ཝཊྚསངྑཱརཱནཾ ཨཝིཛྫཱཡ ཨེཝ བྷཱཝེ བྷཱཝོ ཝེདིཏབྦོ. ཏཐཱ ཝིཉྙཱཎསྶཱཔི ཨུཔཙིཏཀམྨཱབྷཱཝེ ཨབྷཱཝཏོ, སབྦཏྠ སབྦེསཉྩ སབྦཝིཔཱཀཝིཉྙཱཎུཔྤཏྟིཔྤསངྒཏོ ཙ སངྑཱརཱནཾ ཨེཝ བྷཱཝེ བྷཱཝོ ཝེདིཏབྦོ. ཡཐཱ ཙེཏྠ, ཨེཝཾ ཨུཔརིཔི ནཱམརཱུཔཱདཱིནཾ ཝིཉྙཱཎཱདིབྷཱཝེ བྷཱཝོ ཡཐཱནུརཱུཔཾ ཨནུབྷཝཡུཏྟཱིཧི ཉཱཏབྦོཏི ཨཡཾ སཱམཉྙཏོ པཙྩཡནཡོ.

ཝིསེསཏོ པན ཨཝིཛྫཱ པུཉྙཱབྷིསངྑཱརཱནཾ ཏཱཝ ཨཱརམྨཎཔཙྩཡེན, ཨུཔནིསྶཡཔཙྩཡེན ཙཱཏི དྭིདྷཱ པཙྩཡོ ཧོཏི. སཱ ཧི ཨཝིཛྫཾ ཨཱརབྦྷ སམྨསནཱདིཝསེན ཨུཔྤཏྟིཡཾ ཀཱམཱཝཙརཱནཾ, ཨབྷིཉྙཱཙིཏྟེན སམོཧཙིཏྟསྶ ཛཱནནཀཱལེ རཱུཔཱཝཙརཱནཉྩ པུཉྙཱབྷིསངྑཱརཱནཾ ཏཱཝ ཨཱརམྨཎཔཙྩཡེན པཙྩཡོ ཧོཏི, ཨཝིཛྫཱསམཏིཀྐམནཏྠཱཡ པན ཨཝིཛྫཱསམྨཱུལ༹ྷཏཱཡ ཀཱམརཱུཔབྷཝསམྤཏྟིཡོ པཏྠེཏྭཱཝ ཀཱམརཱུཔཱཝཙརཔུཉྙཱནི ཀརོནྟསྶ ཨུཔནིསྶཡཔཙྩཡེན པཙྩཡོ ཧོཏི. ཨཔུཉྙཱབྷིསངྑཱརཱནཾ པནེསཱ ཨཝིཛྫཾ ཨཱརབྦྷ རཱགཱདཱིནཾ ཨུཔྤཛྫནཀཱལེ ཨཱརམྨཎཱདིཔཙྩཡེན ཨཝིཛྫཱསམྨཱུལ༹ྷཏཱཡ པཱཎཱཏིཔཱཏཱདཱིནི ཀརོནྟསྶ ནིསྶཡཔཙྩཡེན, དུཏིཡཛཝནཱདཱིནཾ ¶ ཨནནྟརཱུཔནིསྶཡཱསེཝནནཏྠིཝིགཏཔཙྩཡེཧི ཡཾ ཀིཉྩི ཨཀུསལཾ ཀརོནྟསྶ ཧེཏུསཧཛཱཏཨཉྙམཉྙནིསྶཡསམྤཡུཏྟཨཏྠིཨཝིགཏཔཙྩཡེཧཱིཏི ཨེཝཾ ཨནེཀདྷཱ པཙྩཡོ ཧོཏི, ཨཱནེཉྫཱབྷིསངྑཱརཱནཾ པན ཨེཀེན ཨུཔནིསྶཡཔཙྩཡེནེཝ པཙྩཡོ ཧོཏི.

སངྑཱརཔཙྩཡཱ ཝིཉྙཱཎཔདེ པན ཏཡོཔི སངྑཱརཱ ཝིཉྙཱཎསྶ ཡཐཱརཧཾ ཏཱིསུ བྷཝེསུ པཊིསནྡྷིཔཝཏྟཱིསུ ཀམྨཔཙྩཡེན ཙེཝ ཨུཔནིསྶཡཔཙྩཡེན ཙཱཏི དྭིདྷཱ པཙྩཡཱ ཧོནྟི. ཨབྷིདྷམྨབྷཱཛནཱིཡནཡེན སཧཛཱཏསྶ ཝིཉྙཱཎསྶ སཧཛཱཏཨཉྙམཉྙནིསྶཡསམྤཡུཏྟཀམྨཏྠིཨཝིགཏཱདིཔཙྩཡེཧི པཙྩཡཱ ཧོནྟི.

ཝིཉྙཱཎཔཙྩཡཱ ནཱམརཱུཔཔདེ པན ཝིཉྙཱཎཾ ཝིཔཱཀབྷཱུཏཾ, ཨཝིཔཱཀབྷཱུཏཉྩ ནཱམསྶ ཀེཝལསྶ ཝཱ རཱུཔམིསྶཀསྶ ཝཱ པཊིསནྡྷིཔཝཏྟཱིསུ སཧཛཱཏཨཉྙམཉྙནིསྶཡསམྤཡུཏྟཝིཔཱཀཨཱཧཱརཨིནྡྲིཡཨཏྠིཨཝིགཏཔཙྩཡེཧི ཡཐཱརཧཾ ནཝདྷཱ, ཨཊྛདྷཱ ཝཱ པཙྩཡོ ཧོཏི. པཊིསནྡྷིཡཾ ཝིཔཱཀཝིཉྙཱཎཾ ཝཏྠུརཱུཔསྶ སཧཛཱཏཨཉྙམཉྙནིསྶཡཝིཔཱཀཨཱཧཱརཨིནྡྲིཡཝིཔྤཡུཏྟཨཏྠི ཨཝིགཏཔཙྩཡེཧི ནཝདྷཱ པཙྩཡོ ཧོཏི. ཋཔེཏྭཱ པན ཝཏྠུརཱུཔཾ སེསརཱུཔསྶ ཏེཧེཝ ཨཉྙམཉྙཔཙྩཡརཧིཏེཧི ཨཊྛཧི པཙྩཡོ ཧོཏི. ཨབྷིསངྑཱརཝིཉྙཱཎཾ པན ཨེཀཝོཀཱརཔཉྩཝོཀཱརབྷཝེསུ ¶ ཀམྨཛརཱུཔསྶ སུཏྟནྟིཀཔརིཡཱཡེན ཨུཔནིསྶཡཝསེན པཙྩཡོ ཧོཏི. པཝཏྟིཡཾ པན སབྦམྤི ཝིཉྙཱཎཾ ཏསྶ ཏསྶ ནཱམརཱུཔསྶ ཡཐཱརཧཾ པཙྩཡོ ཧོཏི. ཏཏྠ ཨརཱུཔབྷཝེ ཝིཉྙཱཎཾ ནཱམསྶེཝ, ཨསཉྙིབྷཝེ རཱུཔསྶེཝ, པཉྩཝོཀཱརབྷཝེ ནཱམརཱུཔསྶ པཙྩཡོ ཧོཏཱིཏི ཝེདིཏབྦཾ. ཏེནེཝ ནཱམཉྩ རཱུཔཉྩ ནཱམརཱུཔཉྩ ནཱམརཱུཔནྟི ནིབྦཙནཾ ཀཏནྟི.

ནཱམརཱུཔཔཙྩཡཱ ¶ སལཱ༹ཡཏནཔདེ པན ནཱམཾ ཝིཔཱཀབྷཱུཏཾ, ཨཝིཔཱཀབྷཱུཏཉྩ ཨརཱུཔབྷཝེ ཚཊྛཱཡཏནསྶ ཨཝཀཾསཏོ སཧཛཱཏཨཉྙམཉྙནིསྶཡསམྤཡུཏྟཝིཔཱཀཨཏྠིཨཝིགཏཝསེན ཡཐཱརཧཾ སཏྟདྷཱ པཙྩཡོ ཧོཏི. ཨིཏརེསཾ པནེཏཾ པཉྩནྣཾ ཙཀྑཱཡཏནཱདཱིནཾ པཉྩཝོཀཱརབྷཝེ པཊིསནྡྷིཡཾ ཙཏུམཧཱབྷཱུཏསཧཱཡཾ ཧུཏྭཱ སཧཛཱཏནིསྶཡཝིཔཱཀཝིཔྤཡུཏྟཨཏྠིཨཝིགཏཝསེན ཚདྷཱ པཙྩཡོ ཧོཏི. ཀིཉྩི པནེཏྠ ཧེཏུཔཙྩཡེན, ཀིཉྩི ཨཱཧཱརཔཙྩཡེན ཙཱཏི ཏེསཾ ཝསེན སབྦཝཱརེསུ ཨུཀྐཾསཱཝཀཾསོ ཝེདིཏབྦོ. པཝཏྟེ པན ཙཀྑཱདཱིནཾ པཉྩནྣཾ ཝིཔཱཀམཝིཔཱཀམྤི ནཱམཾ པཙྪཱཛཱཏཝིཔྤཡུཏྟཨཏྠིཨཝིགཏཝསེན ཙཏུདྷཱ པཙྩཡོ ཧོཏཱིཏི. ཨེཝཾ ཏཱཝ ནཱམམེཝ སལཱ༹ཡཏནསྶ པཙྩཡོ ཧོཏཱིཏི ཝེདིཏབྦཾ.

རཱུཔཾ པན ཝཏྠུབྷཱུཏཾ པཊིསནྡྷིཡཾ ཚཊྛཱཡཏནསྶ སཧཛཱཏཨཉྙམཉྙནིསྶཡཝིཔྤཡུཏྟཨཏྠིཨཝིགཏཝསེན ཚདྷཱ པཙྩཡོ ཧོཏི. ཙཏུམཧཱབྷཱུཏརཱུཔཾ ཙཀྑཱདཱིནཾ པཉྩནྣཾ པཊིསནྡྷིཡཾ, པཝཏྟེ ཙ སཧཛཱཏནིསྶཡཨཏྠིཨཝིགཏཔཙྩཡེཧི ཙཏུདྷཱ པཙྩཡོ ཧོཏི. རཱུཔཛཱིཝིཏིནྡྲིཡཾ པན ཨིནྡྲིཡཨཏྠིཨཝིགཏཝསེན ཏིཝིདྷཱ. ཏཐཱ ཨཱཧཱརོ ཨཱཧཱརཏྠིཨཝིགཏཝསེན. སོ ཙ ཨཱཧཱརཱུཔཛཱིཝཱིནཾ པཝཏྟེཡེཝ, ནོ པཊིསནྡྷིཡཾ. ཏཱནི པན པཉྩ ཙཀྑཱཡཏནཱདཱིནི པཉྩཝིཉྙཱཎསངྑཱཏསྶ ཚཊྛསྶ མནཱཡཏནསྶ ནིསྶཡཔུརེཛཱཏཨིནྡྲིཡཝིཔྤཡུཏྟཨཏྠིཨཝིགཏཝསེན ཚདྷཱ པཙྩཡཱ ཧོནྟི པཝཏྟེཡེཝ, ནོ པཊིསནྡྷིཡཾ. ཏཐཱ པཉྩཝིཉྙཱཎཝིརཧིཏམནཱཡཏནསྶ ཝཏྠུརཱུཔཾ ནིསྶཡཔུརེཛཱཏཝིཔྤཡུཏྟཨཏྠིཨཝིགཏཝསེན པཉྩདྷཱ པཙྩཡོ ཧོཏཱིཏི. ཨེཝཾ རཱུཔམེཝ ཚཊྛཱཡཏནསྶ, སལཱ༹ཡཏནསྶ ཙ པཙྩཡོ ཧོཏཱིཏི ཝེདིཏབྦཾ. ཁནྡྷཏྟཡཝཏྠུརཱུཔསངྑཱཏཾ པན ནཱམརཱུཔཾ ཚཊྛཱཡཏནསྶ པཊིསནྡྷིཡཾ སཧཛཱཏཨཉྙམཉྙནིསྶཡསམྤཡུཏྟཝིཔྤཡུཏྟཝིཔཱཀཨཏྠིཨཝིགཏཱདིཝསེན ཡཐཱརཧཾ པཙྩཡོ ཧོཏཱིཏི. ཨེཝཾ ¶ ནཱམཉྩ རཱུཔཉྩ ནཱམརཱུཔཉྩ ཡཐཱརཧཾ ཚཊྛཱཡཏནསྶ, སལཱ༹ཡཏནསྶ ཙ པཙྩཡོ ཧོཏཱིཏི ཝེདིཏབྦཾ.

སལཱ༹ཡཏནཔཙྩཡཱ ཕསྶཔདེ པན ཚཊྛཱཡཏནཾ ཝིཔཱཀཾ, ཨཝིཔཱཀཉྩ སབྦཏྠ སམྤཡུཏྟཕསྶསྶ ¶ སཧཛཱཏཱདིཝསེན ནཝདྷཱ, ཨཊྛདྷཱ ཝཱ པཙྩཡོ ཧོཏི. ཙཀྑཱཡཏནཱདཱིནི པཉྩ ཡཐཱཀྐམཾ པཝཏྟེ ཙཀྑུསམྥསྶཱདཱིནཾ པཉྩནྣཾ ནིསྶཡཔུརེཛཱཏཨིནྡྲིཡཝིཔྤཡུཏྟཨཏྠིཨཝིགཏཝསེན ཚདྷཱ, རཱུཔཱཡཏནཱདཱིནི པཉྩ ཏེསཾ ཨཱརམྨཎཔུརེཛཱཏཨཏྠིཨཝིགཏཝསེན ཏིདྷཱ. མནོསམྥསྶསྶ པན ཏཱནི, དྷམྨཱརམྨཎཉྩ ཏཐཱ ཙ ཨཱརམྨཎཱདྷིཔཏིམཏྟེན ཙཱཏི བཧུདྷཱ པཙྩཡཱ ཧོནྟི. ཨེཝཾ ཚཊྛཱཡཏནཉྩ སལཱ༹ཡཏནཉྩ ཚབྦིདྷསྶཱཔི ཕསྶསྶ པཙྩཡོ ཧོཏཱིཏི ཝེདིཏབྦཾ.

ཕསྶཔཙྩཡཱ ཝེདནཱཔདེ སབྦོཔི ཕསྶོ སཧཛཱཏཱནཾ ཝེདནཱནཾ སཧཛཱཏཨཉྙམཉྙནིསྶཡཝིཔཱཀཨཱཧཱརསམྤཡུཏྟཨཏྠིཨཝིགཏཝསེན ཨཊྛདྷཱ, སཏྟདྷཱ ཝཱ པཙྩཡོ ཧོཏི, ཨསཧཛཱཏཱནཾ ཨུཔནིསྶཡཝསེནེཝཱཏི.

ཝེདནཱཔཙྩཡཱ ཏཎྷཱཔདེ ཝིཔཱཀཝེདནཱ ཨནུསཡཔཏིཏཱཡ ཏཎྷཱཡ ཨུཔནིསྶཡཝསེན, སཧཛཱཏཱདིཝསེན ཙ པཙྩཡོ ཧོཏི. ཡསྨཱ པན –

དུཀྑཱི སུཁཾ པཏྠཡཏི, སུཁཱི བྷིཡྻོཔི ཨིཙྪཏི;

ཨུཔེཀྑཱ པན སནྟཏྟཱ, སུཁམིཙྩེཝ བྷཱསིཏཱ;

ཏཎྷཱཡ པཙྩཡཱ ཏསྨཱ, ཧོནྟི ཏིསྶོཔི ཝེདནཱཏི. (ཝིསུདྡྷི. ༢.༦༤༤);

ཏཎྷཱཔཙྩཡཱ ཨུཔཱདཱནཔདེ ཏཎྷཱ ཨསཧཛཱཏཱ ཙཏུནྣམྤི ཨུཔཱདཱནཱནཾ ཨུཔནིསྶཡཝསེན ཙེཝ ཨནནྟརཱདིཝསེན ཙ, སཧཛཱཏཱ པན ཀཱམུཔཱདཱནཝཛྫིཏཱནཾ ཏིཎྞཾ ཧེཏུསཧཛཱཏ ཨཉྙམཉྙནིསྶཡསམྤཡུཏྟཨཏྠིཨཝིགཏཝསེན སཏྟདྷཱ པཙྩཡོ ཧོཏི.

ཨུཔཱདཱནཔཙྩཡཱ ¶ བྷཝཔདེ ཙཏུབྦིདྷམྤི ཨུཔཱདཱནཾ ཨསཧཛཱཏསྶ སབྦཀམྨབྷཝསྶ ཙེཝ ཨུཔཔཏྟིབྷཝསྶ ཙ ཨུཔནིསྶཡཝསེནེཝ པཙྩཡོ ཧོཏི, སཧཛཱཏསྶ པན ཀམྨབྷཝསྶ ཧེཏུསཧཛཱཏཱདིཝསེན པཙྩཡོ ཧོཏི.

བྷཝཔཙྩཡཱ ¶ ཛཱཏིཔདེ བྷཝོཏི ཀམྨབྷཝོཝ ཨདྷིཔྤེཏོ, སོ ཙ ཛཱཏིཡཱ ཀམྨཔཙྩཡཨུཔནིསྶཡཔཙྩཡཝསེན དྭིདྷཱ པཙྩཡོ ཧོཏི.

ཛཱཏིཔཙྩཡཱ ཛརཱམརཎཱདིཔདེ ཛཱཏི པན ཛརཱམརཎཱནཾ, སོཀཱདཱིནཉྩ ཏབྦྷཱཝབྷཱཝཱིབྷཱཝམཏྟཏོ སུཏྟནྟིཀནཡེན ཨུཔནིསྶཡཀོཊིཡཱཝ པཙྩཡོ ཧོཏཱིཏི ཨཡཾ ཏཱཝེཏྠ པཙྩཡནཡོ.

ཀཱརཀཱདཱིཧི སུཉྙཏོ པནེཏེ ཨཝིཛྫཱདཡོ དྭཱདས དྷམྨཱ ཡསྨཱ ཨེཝཾ པཙྩཡཔཙྩཡུཔྤནྣབྷཱཝེན ཨཉྙམཉྙཾ པཊིབདྡྷཱ ཨཉྙནིརཔེཀྑཱ ཧུཏྭཱ ཨཝིཙྪིནྣཱ ཨནཱདིཀཱ པཝཏྟནྟི, ཏསྨཱ ཏཏོ ཨཉྙེན བྲཧྨཱདིནཱ ཀཱརཀེན, པཀཏིཨཎུཀཱལཱདིཧེཏུནཱ ཝཱ ཀཱརཀཝེདཀརཱུཔེན པརཔརིཀཔྤིཏེན ཨཏྟནཱ ཝཱ རཧིཏཱ. ན ཙེཏེ ཨཏྟཱ, ན ཨཏྟནི, ན ཨཏྟཝནྟོ, སུཉྙཱ ཨེཏེ ཨཏྟེན ཝཱ ཨཏྟནིཡེན ཝཱ དྷུཝབྷཱཝེན ཝཱ སུབྷབྷཱཝེན ཝཱ སུཁབྷཱཝེན ཝཱཏི ཨཡཾ ཀཱརཀཱདཱིཧི སུཉྙཏཱ.

མཱུལདྡྷསནྡྷིསངྑེཔཱཀཱརཝཊྚཝིབྷཱགཏོཏི ཨེཏྠ མཱུལཏོ ཏཱཝ ཨཝིཛྫཱ, ཏཎྷཱ ཙཱཏི དྭེ དྷམྨཱ མཱུལནྟི ཝེདིཏབྦཱ. ཨདྡྷཏོ པནེཏྠ ཨཝིཛྫཱ, སངྑཱརཱཏི དྭེ ཨངྒཱནི ཨཏཱིཏོ ཨདྡྷཱ, ཝིཉྙཱཎཱདཱིནི བྷཝཱཝསཱནཱནི ཨཊྛ པཙྩུཔྤནྣོ ཨདྡྷཱ, ཛཱཏི ཙེཝ ཛརཱམརཎཉྩཱཏི དྭེ ཨནཱགཏོ ཨདྡྷཱཏི ཏཡོ ཨདྡྷཱ ཝེདིཏབྦཱ. སནྡྷིཏོ པན སངྑཱརཱནཾ, པཊིསནྡྷིཝིཉྙཱཎསྶ ཙ ཨནྟརཱ ཨེཀོ ཧེཏུཕལསནྡྷི, ཝེདནཱཡ ཙ ཏཎྷཱཡ ཙ ཨནྟརཱ ཨེཀོ ཕལཧེཏུསནྡྷི, བྷཝསྶ ¶ ཙ ཛཱཏིཡཱ ཙ ཨནྟརཱ ཨེཀོ ཧེཏུཕལསནྡྷི ཙཱཏི ཏཡོ སནྡྷཱི ཝེདིཏབྦཱ. སངྑེཔཏོ པན སནྡྷཱིནཾ ཨཱདིཔརིཡོསཱནཝཝཏྠིཏཱ ཙཏྟཱརོ སངྑེཔཱ ཧོནྟི. སེཡྻཐིདཾ – ཨཝིཛྫཱསངྑཱརཱ ཨེཀོ སངྑེཔོ, ཝིཉྙཱཎནཱམརཱུཔསལཱ༹ཡཏནཕསྶཝེདནཱ དུཏིཡོ, ཏཎྷུཔཱདཱནབྷཝཱ ཏཏིཡོ, ཛཱཏིཛརཱམརཎཱནི ཙཏུཏྠོཏི ཨེཝཾ ཙཏྟཱརོ སངྑེཔཱ ཝེདིཏབྦཱ.

ཨཱཀཱརཏོ པནེཏྠ –

ཨཏཱིཏེ ཧེཏུཡོ པཉྩ, ཨིདཱནི ཕལཔཉྩཀཾ;

ཨིདཱནི ཧེཏུཡོ པཉྩ, ཨཱཡཏིཾ ཕལཔཉྩཀནྟི. –

ཨེཝཾ ¶ ཝཱིསཏི ཨཱཀཱརཱ ཧོནྟི.

ཨེཏྠ ཧི སརཱུཔཏོ ཝུཏྟཱ ཨཝིཛྫཱསངྑཱརཱ, ཏེསཾ གཧཎེན ཏདཝིནཱབྷཱཝཏོ གཧིཏཱ ཏཎྷུཔཱདཱནབྷཝཱཏི ཨིམེ པཉྩ དྷམྨཱ ཨཏཱིཏེ ཧེཏུཡོ ནཱམ, སརཱུཔཏོ ཝུཏྟཱ ཝིཉྙཱཎཱདཡོ པཉྩ དྷམྨཱ ཨིདཱནི ཕལཔཉྩཀཾ ནཱམ, སརཱུཔཏོ པན ཝུཏྟཱ ཏཎྷུཔཱདཱནབྷཝཱ, ཏེསཾ གཧཎེན ཏདཝིནཱབྷཱཝཏོ གཧིཏཱ ཨཝིཛྫཱསངྑཱརཱཏི ཨིམེ པཉྩ ཨིདཱནི ཧེཏུཡོ ནཱམ. ཛཱཏིཨཱདིཨཔདེསེན ཝུཏྟཱ ཝིཉྙཱཎཱདཡོ པཉྩ དྷམྨཱ ཨཱཡཏིཾ ཕལཔཉྩཀཾ ནཱམཱཏི ཨེཝཾ ཝཱིསཏི ཨཱཀཱརཱ ཝེདིཏབྦཱ. ཝཊྚཏོ པནེཏྠ སངྑཱརབྷཝཱ ཀམྨཝཊྚཾ, ཨཝིཛྫཱཏཎྷུཔཱདཱནཱ ཀིལེསཝཊྚཾ, སེསཱནི ཝིཔཱཀཝཊྚནྟི ཏཱིཎི ཝཊྚཱནི ཧོནྟི. ཡཱཝ ཙ ཏེསུ ཀིལེསཝཊྚཾ ཨརིཡམགྒེན ན ཨུཔཙྪིཛྫཏི, ཏཱཝ ཨིདཾ བྷཝཙཀྐཾ ཨནུཔཙྪིནྣཾ པཝཏྟཏཱིཏི ཨཡམེཏྠ མཱུལདྡྷསནྡྷིསངྑེཔཱཀཱརཝཊྚཝིབྷཱགོ.

ཝཱརཎོཔམཏོཏི ¶ ཨེཏྠ ཝཱརཎཏོ ཏཱཝ – ‘‘ཨཝིཛྫཱཔཙྩཡཱ སངྑཱརཱ’’ཏི ཨིདམཧེཏུཀཝིསམཧེཏུཀདསྶནནིཝཱརཎཾ, ‘‘སངྑཱརཔཙྩཡཱ ཝིཉྙཱཎ’’ནྟི ཨུཙྪེདཨཏྟསངྐནྟིདསྶནནིཝཱརཎཾ, ‘‘ཝིཉྙཱཎཔཙྩཡཱ ནཱམརཱུཔ’’ནྟི ཨཏྟཱཏི པརིཀཔྤིཏཝཏྠུབྷེདདསྶནཏོ གྷནསཉྙཱནིཝཱརཎཾ, ‘‘ནཱམརཱུཔཔཙྩཡཱ སལཱ༹ཡཏན’’ནྟིཨཱདི ཨཏྟཱ པསྶཏི…པེ… ཝིཛཱནཱཏི ཕུསཏི, ཝེདཡཏི, ཏཎྷིཡཏི, ཨུཔཱདིཡཏི, བྷཝཏི, ཛཱཡཏི, ཛཱིཡཏི, མཱིཡཏཱིཏི ཨེཝམཱདིདསྶནནིཝཱརཎནྟི ཨིདམེཏྠ མིཙྪཱདསྶནནིཝཱརཎཾ.

ཨུཔམཱཏོ པནེཏྠ ཨནྡྷོ ཝིཡ ཨཝིཛྫཱ, ཏསྶ ཨུཔཀྑལནཾ ཝིཡ སངྑཱརཱ, པཏནཾ ཝིཡ ཝིཉྙཱཎཾ, ཏེན གཎྜཔཱཏུབྷཱཝོ ཝིཡ ནཱམརཱུཔཾ, ཏསྶ གཎྜབྷེདཔཱིལ༹ཀཱ ཝིཡ སལཱ༹ཡཏནཾ, ཏསྶ སངྒྷཊྚནཾ ཝིཡ ཕསྶོ, ཏཛྫནིཏདུཀྑཾ ཝིཡ ཝེདནཱ, དུཀྑསྶ པཊིཀཱརཱབྷིལཱསོ ཝིཡ ཏཎྷཱ, ཨསཔྤཱཡགྒཧཎཾ ཝིཡ ཨུཔཱདཱནཾ, ཨསཔྤཱཡཱལེཔནཾ ཝིཡ བྷཝོ, ཏེན གཎྜཝིཀཱརཔཱཏུབྷཱཝོ ཝིཡ ཛཱཏི, ཏབྦིཀཱརབྷེདོ ཝིཡ ཛརཱམརཎཾ. ཡཐཱསབྷཱཝདསྶནནིཝཱརཎཱདིཏོ ཝཱ ཨེཏེ ཨཝིཛྫཱདཡོ ཨཀྑིཔཊལཱདི ཨུཔམཱཧིཔི ཝེདིཏབྦཱཏི ཨཡམེཏྠ ཨུཔམཱ.

གམྦྷཱིརནཡབྷེདཏོཏི ཨེཏྠ གམྦྷཱིརབྷེདོ ཏཱཝ ཨིམེསཾ ཨཝིཛྫཱདཱིནཾ པཙྩེཀཾ དྷམྨཏྠདེསནཱཔཊིཝེདྷགམྦྷཱིརཏཱ ཝེདིཏབྦཱ. ཨིམེ ཧི ཨཝིཛྫཱདཡོ དྷམྨཱ ཡེནཱཀཱརེན ཡདཝཏྠཱ ཙ སངྑཱརཱདཱིནཾ ¶ ཕལཱནཾ པཙྩཡཱ ཧོནྟི, སོ ནེསཾ པཙྩཡཊྛོ དུརཝབོདྷཏོ གམྦྷཱིརོཏི ཨཡམེཏྠ དྷམྨགམྦྷཱིརཏཱ. དྷམྨོཏི ཧེཏུ ‘‘ཧེཏུམྷི ཉཱཎཾ དྷམྨཔཊིསམྦྷིདཱ’’ཏི (ཝིབྷ. ༧༢༠) ཝཙནཏོ. ཛརཱམརཎཱདཱིནཾ ཕལཱནཾ ཛཱཏིཨཱདཱིཧི པཙྩཡེཧི སམྦྷཱུཏསམུདཱགཏཊྛོ དུརཝབོདྷཏོ གམྦྷཱིརོཏི ཨཡཾ ཨཏྠགམྦྷཱིརཏཱ. ཨཏྠོཏི ཕལཾ ‘‘ཧེཏུཕལེ ཉཱཎཾ ¶ ཨཏྠཔཊིསམྦྷིདཱ’’ཏི (ཝིབྷ. ༧༢༠) ཝཙནཏོ. ཏེསཾ པན ཧེཏཱུནཾ, ཕལཱནཉྩ ཏེན ཏེནཱཀཱརེན ཨཝིཔརཱིཏཏོ དེསནཱཔི སབྦཉྙུཏཉྙཱཎསྶེཝ གོཙརཏོ གམྦྷཱིརཱཏི ཨཡཾ དེསནཱགམྦྷཱིརཏཱ. ཡོ པནེསཾ ཨཝིཛྫཱསངྑཱརཱདཱིནཾ ཨདསྶནཱཡཱུཧནཱདིསབྷཱཝོ, སོ མནྡཔཉྙེཧི དུཔྤརིཡོགཱཧཏྟཱ གམྦྷཱིརོཏི ཨཡཾ པཊིཝེདྷགམྦྷཱིརཏཱཏི ཨཡམེཏྠ གམྦྷཱིརབྷེདོ.

ནཡབྷེདོ པནེཏྠ ཨེཀཏྟནཡོ ནཱནཏྟནཡོ ཨབྱཱཔཱརནཡོ ཨེཝཾདྷམྨཏཱནཡོཏི ཨིམེསཾ ཙཏུནྣཾ ཨཏྠནཡཱནཾ ཝསེན ཝེདིཏབྦོ. ཏཏྠ ཧི ‘‘ཨཝིཛྫཱཔཙྩཡཱ སངྑཱརཱ, སངྑཱརཔཙྩཡཱ ཝིཉྙཱཎ’’ནྟི ཨེཝཾ བཱིཛསྶ ཨངྐུརཱདིབྷཱཝེན རུཀྑབྷཱཝཔྤཏྟི ཝིཡ སནྟཱནཱནུཔཙྪེདོ ཨེཀཏྟནཡོ ནཱམ. ཡཾ སམྨཱ པསྶནྟོ ཧེཏུཕལསམྦནྡྷེན སནྟཱནཱནུཔཙྪེདཱཝབོདྷཏོ ཨུཙྪེདདིཊྛིཾ པཛཧཏི, མིཙྪཱ པསྶནྟོ ཧེཏུཕལསམྦནྡྷེན པཝཏྟམཱནསྶ སནྟཱནཱནུཔཙྪེདསྶ ཨེཀཏྟགྒཧཎཏོ སསྶཏདིཊྛིཾ ཨུཔཱདིཡཏི.

ཨཝིཛྫཱདཱིནཾ པན ཡཐཱསཀཾ ལཀྑཎཝཝཏྠཱནཾ ནཱནཏྟནཡོ ནཱམ. ཡཾ སམྨཱ པསྶནྟོ ནཝནཝཱནཾ ཨུཔྤཱདདསྶནཏོ སསྶཏདིཊྛིཾ པཛཧཏི, མིཙྪཱ པསྶནྟོ ཨེཀསནྟཱནཔཏིཏསྶ བྷིནྣསནྟཱནསྶེཝ ནཱནཏྟགྒཧཎཏོ ཨུཙྪེདདིཊྛིཾ ཨུཔཱདིཡཏི.

ཨཝིཛྫཱཡ པན ‘‘སངྑཱརཱ མཡཱ ཨུཔྤཱདེཏབྦཱ, སངྑཱརཱནཾ ཝཱ ཝིཉྙཱཎཾ ཨམྷེཧཱི’’ཏི ཨེཝམཱདིབྱཱཔཱརཱབྷཱཝོ ཨབྱཱཔཱརནཡོ ནཱམ. ཡཾ སམྨཱ པསྶནྟོཀཱརཀསྶ ཨབྷཱཝཱཝབོདྷཏོ ཨཏྟདིཊྛིཾ པཛཧཏི, མིཙྪཱ པསྶནྟོ ཡོ ཨསཏིཔི བྱཱཔཱརེ ཨཝིཛྫཱདཱིནཾ སབྷཱཝནིཡམསིདྡྷོ ཧེཏུབྷཱཝོ, ཏསྶ ཨགྒཧཎཏོ ཨཀིརིཡདིཊྛིཾ ཨུཔཱདིཡཏི.

ཨཝིཛྫཱདཱིཧི ¶ པན ཀཱརཎེཧི སངྑཱརཱདཱིནཾཡེཝ སམྦྷཝོ ཁཱིརཱདཱིཧི དདྷིཨཱདཱིནཾ ཝིཡ, ན ཨཉྙེསནྟི ཨཡཾ ཨེཝཾདྷམྨཏཱནཡོ ནཱམ. ཡཾ སམྨཱ པསྶནྟོ པཙྩཡཱནུརཱུཔཏོ ཕལཱཝབོདྷཏོ ཨཧེཏུཀདིཊྛིཾ, ཨཀིརིཡདིཊྛིཉྩ པཛཧཏི, མིཙྪཱ པསྶནྟོ པཙྩཡཱནུརཱུཔཾ ཕལཔྤཝཏྟིཾ ཨགྒཧེཏྭཱ ¶ ཡཏོ ཀུཏོཙི ཡསྶ ཀསྶཙི ཨསམྦྷཝགྒཧཎཏོ ཨཧེཏུཀདིཊྛིཾ ཙེཝ ནིཡཏཝཱདཉྩ ཨུཔཱདིཡཏཱིཏི ཨཡམེཏྠ ནཡབྷེདོཏི ཨེཝཾ ཝིཛཱནཱིཡོ པཱལི༹མུཏྟཝིནིཙྪཡོ.

པཙྩཡཱཀཱརཝིབྷངྒམཱཏིཀཏྠཝཎྞནཱ ནིཊྛིཏཱ.

སཏིཔཊྛཱནཝིབྷངྒམཱཏིཀཏྠཝཎྞནཱ

སཏིཔཊྛཱནཝིབྷངྒམཱཏིཀཱཡ པན ཨཏྠཏོ ཏཱཝ – ཙཏྟཱརོཏི གཎནཔརིཙྪེདོ, ཏེན ན ཏཏོ ཧེཊྛཱ, ན ཨུདྡྷནྟི དཱིཔེཏི. སཏིཔཊྛཱནཱཏི ཨེཏྠ དྭེ སཏིཔཊྛཱནཱ སཏིགོཙརོཔི སཏིཔི. ‘‘ཙཏུནྣཾ, བྷིཀྑཝེ, སཏིཔཊྛཱནཱནཾ སམུདཡཉྩ ཨཏྠངྒམཉྩ དེསེསྶཱམཱི’’ཏིཨཱདཱིསུ (སཾ. ནི. ༥.༤༠༨) ཧི སཏིགོཙརོ ‘‘སཏིཔཊྛཱན’’ནྟི ཝུཙྩཏི, ཏསྶཏྠོ པཏིཊྛཱཏི ཏསྨིནྟི པཊྛཱནཾ, ཀཱ པཏིཊྛཱཏི? སཏི. སཏིཡཱ པཊྛཱནཾ སཏིཔཊྛཱནཾ. པདྷཱནཾ ཋཱནནྟི ཝཱ པཊྛཱནཾ, སཏིཡཱ པཊྛཱནཾ སཏིཔཊྛཱནཾ. ‘‘ཙཏྟཱརོ སཏིཔཊྛཱནཱ བྷཱཝིཏཱ བཧུལཱིཀཏཱ སཏྟ བོཛ྄ཛྷངྒེ པརིཔཱུརེནྟཱི’’ཏིཨཱདཱིསུ (མ. ནི. ༣.༡༤༧) པན སཏི. ཏསྶཏྠོ པཏིཊྛཱཏཱིཏི པཊྛཱནཾ, ཨུཔཊྛཱཏི ཨོཀྐནྟིཏྭཱ པཀྑནྡིཏྭཱ པཝཏྟཏཱིཏི ཨཏྠོ. སཏིཡེཝ པཊྛཱནཏྠེན སཏིཔཊྛཱནཾ. ཨཐ ཝཱ སརཎཊྛེན སཏི, སཱ ཙ ཨུཔཊྛཱནཊྛེན པཊྛཱནནྟི སཏིཔཊྛཱནཾ, ཨིདམིདྷ ཨདྷིཔྤེཏཾ. ཡདི ཨེཝཾ, ཀསྨཱ སཏིཔཊྛཱནཱཏི བཧུཝཙནཾ ཀཏཾ? སཏིཡཱ བཧུཏྟཱ. ཨཱརམྨཎབྷེདེན ཧི བཧུཀཱ ཏཱ སཏིཡོ.

ཨིདྷཱཏི ¶ ཨིམསྨིཾ སཱསནེ, ཏེན ཨཛ྄ཛྷཏྟཱདིཝསེན སབྦཔྤཀཱརཙཏུཙཏྟཱལཱིསཝིདྷསཏིཔཊྛཱནནིབྦཏྟཀསྶ པུགྒལསྶ ནིསྶཡབྷཱུཏཾ སཱསནམེཝ, ནཱཉྙཾ སཱསནནྟི དཱིཔེཏི. ཝུཏྟཾ ཧེཏཾ ‘‘ཨིདྷེཝ, བྷིཀྑཝེ, སམཎོ…པེ… སུཉྙཱ པརཔྤཝཱདཱ སམཎེཧི ཨཉྙེཧཱི’’ཏི (དཱི. ནི. ༢.༢༡༤; མ. ནི. ༡.༡༣༩; ཨ. ནི. ༤.༢༤༡).

བྷིཀྑཱུཏི སཾསཱརེ བྷཡཾ ཨིཀྑནཀོ. ཏེན ཀིཉྩཱཔི བྷགཝཏོ དེཝལོཀེ ནིསཱིདིཏྭཱ སཏིཔཊྛཱནཾ དེསེནྟསྶ སནྟིཀེ དེཝགཎཾ མུཉྩིཏྭཱ ཨེཀབྷིཀྑུཔི ནིསིནྣོ ནཱམ ནཏྠི, ཏཐཱཔི དེཝོ ཝཱ ཧོཏུ མནུསྶོ ཝཱ གཧཊྛོ ཝཱ པབྦཛིཏོ ཝཱ, སཾསཱརེ བྷཡནྟི སམྨཱ ཨིཀྑམཱནོ ཡཐཱནུསིཊྛཾ ¶ པཊིཔཛྫམཱནོཝ བྷིཀྑུ ནཱམ ཧོཏི, ནཱཉྙོཏི དསྶེཏི. ཡཐཱཧ ‘‘ཨལངྐཏོ ཙེཔཱི’’ཏི (དྷ. པ. ༡༤༢).

ཨཛ྄ཛྷཏྟནྟི ནིཡཀཛ྄ཛྷཏྟཾ. ཀཱཡེཏི ཨེཏྠ ཨཱཡནྟི ཏཏོཏི ཨཱཡོ. ཀེ ཨཱཡནྟི? ཀུཙྪིཏཱ ཀེསཱདཡོ, ཨིཏི ཀུཙྪིཏཱནཾ ཨཱཡོཏི ཀཱཡོ. ཨཐ ཝཱ ཨངྒཔཙྩངྒཱནཾ, ཀེསཱདཱིནཉྩ སམཱུཧཊྛེནཔི ཀཱཡོ, རཱུཔཀཱཡོ, ཏསྨིཾ ཨཏྟནོ ཀཱཡེཏི ཨཏྠོ. ཀཱཡཱནུཔསྶཱིཏི ཀཱཡཾ ཨནུཔསྶནསཱིལོ. ‘‘ཀཱཡེ’’ཏི ཙ ཝཏྭཱ པུན ‘‘ཀཱཡཱནུཔསྶཱི’’ཏི དུཏིཡཀཱཡ-གྒཧཎཾ ‘‘ཨེཝཾ ན ཀཱཡེ ཨངྒཔཙྩངྒཝིནིམུཏྟཨེཀདྷམྨཱནུཔསྶཱི, ནཱཔི ཀེསལོམཱདིཝིནིམུཏྟཨིཏྠིཔུརིསཱནུཔསྶཱི, ན ཙ བྷཱུཏུཔཱདཱཡཝིནིམུཏྟཨེཀདྷམྨཱནུཔསྶཱི, ཨཐ ཁོ རཐསམྦྷཱརནགརཱཝཡཝཀདལིཀྑནྡྷཝིབྷཱགཱནུཔསྶཀོ ཝིཡ ཡཐཱཀྐམཾ ཨངྒཔཙྩངྒཀེསཱདིབྷཱུཏུཔཱདཱཡསམཱུཧཱནུཔསྶཱི ཨེཝཱ’’ཏི དསྶནཏྠཾ ཀཏཾ. ཏཐཱ ཧེཏྠ ཡཐཱཝུཏྟདྷམྨསམཱུཧཝིནིམུཏྟོ ཨིཏྠིཔུརིསཱདིཀོ, ཨཉྙོ ཝཱ ཀོཙི དྷམྨོ ན དིསྶཏི, ཡཐཱཝུཏྟདྷམྨསམཱུཧམཏྟེཡེཝ པན བཱལཱ ཏཐཱ ཏཐཱ སུབྷཱདིཏོ ཙ མིཙྪཱབྷིནིཝེསཾ ཀརོནྟི, ཨཡཾ ¶ པན ཡོགཱི ཏཏྠ ཀཱཡཱནུཔསྶཱི ཨེཝ ཨནིཙྩདུཀྑཨནཏྟཱསུབྷཱནུཔསྶཱི ཨེཝཱཏི ཝུཏྟཾ ཧོཏི. ཨཐ ཝཱ ཡྭཱཡཾ མཧཱསཏིཔཊྛཱནེ ཨསྶཱསཔསྶཱསཱདིཀོ ཙུདྡསཝིདྷོ ཀཱཡོ ཝུཏྟོ, ཏསྶ སབྦསྶ ཨིམསྨིཾཡེཝ ཀཱཡེ ཨནུཔསྶནཏོ ‘‘ཀཱཡེ ཀཱཡཱནུཔསྶཱི’’ཏི ཨེཝམཱདིནཱཔི ཨཏྠོ དཊྛབྦོ.

ཝིཧརཏཱིཏི ཨིརིཡཏི, ཙཏཱུསུ ཨིརིཡཱཔཐེསུ ཨེཀེནཱགཏཾ སརཱིརབཱདྷནཾ ཨཉྙེན ཨིརིཡཱཔཐེན ཝིཙྪིནྡིཏྭཱ ཨཔཏམཱནཾ ཨཏྟབྷཱཝཾ ཧརཏི, པཝཏྟེཏཱིཏི ཨཏྠོ. བཧིདྡྷཱ ཀཱཡེཏི པརསྶ ཀཱཡེ. ཨཛ྄ཛྷཏྟབཧིདྡྷཱ ཀཱཡེཏི ཀཱལེན ཨཏྟནོ, ཀཱལེན པརསྶ ཀཱཡེ. ཀཱལེན ཧི ཨཛ྄ཛྷཏྟབཧིདྡྷཱཀཱཡེསུཔི ཨེཀསྨིཾ ཁཎེ ཀཱཡཱནུཔསྶནཱ ཨུཔྤཛྫཏི, པགུཎཀམྨཊྛཱནསྶ པན ཨཔརཱཔརཾ སཉྩརཎཀཱལོ ཨེཏྠ ཀཐིཏོ. ཨཱཏཱཔཱིཏི ཀཱཡཔརིགྒཱཧཀཝཱིརིཡེན ཝཱིརིཡཝཱ. སོ ཧི ཡསྨཱ ཀིལེསཱནཾ ཨཱཏཱཔནཏོ ཨཱཏཱཔོ ཝུཙྩཏི ཝཱིརིཡཾ, སོ ཙསྶ ཨཏྠི, ཏསྨཱ ཨཱཏཱཔཱིཏི ཝུཙྩཏི. སམྤཛཱནོཏི ཀཱཡཔརིགྒཱཧཀེན སམྤཛཉྙེན སམནྣཱགཏོ. སཏིམཱཏི ཀཱཡཔརིགྒཱཧིཀཱཡ སཏིཡཱ སམནྣཱགཏོ. ཨཡཾ པན ཡསྨཱ སཏིཡཱ ཨཱརམྨཎཾ པརིགྒཧེཏྭཱ པཉྙཱཡ ཨནུཔསྶཏི, ཝཱིརིཡེན ཙ ཨནྟརཱ ཝོསཱནཾ ནཱཔཛྫཏི, ཏསྨཱ ཡེསཾ དྷམྨཱནཾ ཨཱནུབྷཱཝེན ཏཾ སཏིཔཊྛཱནཾ སམྤཛྫཏི, ཏེསཾ དསྶནཏྠཾ ‘‘ཨཱཏཱཔཱི སམྤཛཱནོ སཏིམཱ’’ཏི ཨིདཾ ཝུཏྟནྟི ཝེདིཏབྦཾ.

ཨིཏི ¶ ཀཱཡཱནུཔསྶནཱསཏིཔཊྛཱནཾ, སམྤཡོགངྒཉྩ དསྶེཏྭཱ ཨིདཱནི པཧཱནངྒཾ དསྶེཏུཾ ‘‘ཝིནེཡྻ ལོཀེ ཨབྷིཛ྄ཛྷཱདོམནསྶ’’ནྟི ཝུཏྟཾ. ཏཏྠ ཝིནེཡྻཱཏི ཏདངྒཝིནཡེན ཝཱ ཝིཀྑམྦྷནཝིནཡེན ཝཱ ཝིནཡིཏྭཱ. ལོཀེཏི ཡྭཱཡཾ ཨཛ྄ཛྷཏྟཱདིབྷེདོ ཀཱཡོ ཝུཏྟོ, སྭེཝ ཨིདྷ ལུཛྫནཔལུཛྫནཊྛེན ལོཀོ ནཱམ. ཝིབྷངྒེ པན ཡསྨཱ རཱུཔཀཱཡེ ¶ པཧཱིནཨབྷིཛ྄ཛྷཱདཡོ ཝེདནཱདཱིསུཔི པཧཱིཡནྟི ཨེཝ, ཏསྨཱ པཉྩཔི ཨུཔཱདཱནཀྑནྡྷཱ ‘‘ལོཀོ’’ཏི ཝུཏྟཾ. ཏསྨིཾ ལོཀེ ཨབྷིཛ྄ཛྷཱདོམནསྶསངྑཱཏཾ ཀཱམཙྪནྡབྱཱཔཱདཾ ཝིནེཡྻཱཏི སམྦནྡྷོ. ཨིམསྶ ཙ ནཱིཝརཎེསུ བལཝདྷམྨདྭཡསྶ པཧཱནདསྶནེན སེསནཱིཝརཎཱནམྤི པཧཱནཾ ཝུཏྟཾཡེཝཱཏི ཝེདིཏབྦཾ. ཝིསེསེན ཙེཏྠ ཨབྷིཛ྄ཛྷཱདོམནསྶཝིནཡེན ཡཐཱཀྐམཾ ཀཱཡསམྤཏྟིཝིཔཏྟིམཱུལཱནཾ ཨནུརོདྷཝིརོདྷཱནཾ, ཨཏྟཨབྷིརཏིཏདསུབྷཱཀཱརཱདིབྷཱཝནཱནབྷིརཏཱིནཾ, ཨབྷཱུཏགུཎཔཀྑེཔབྷཱུཏདོསཱཔནཡནཱནཉྩ པཧཱནཾ ཝུཏྟཾ, ཏེན ཡོགཱཝཙརསྶ ཡོགཱནུབྷཱཝནིབྦཏྟཕལཾ, ཡོགསམཏྠཏཱ ཙ དཱིཔིཏཱ ཧོཏི.

ཨཛ྄ཛྷཏྟཾ ཝེདནཱསཱུཏིཨཱདཱིསུཔི ཨཛ྄ཛྷཏྟཱདཱིནི ཝུཏྟནཡེན ཝེདིཏབྦཱནི. ཨེཏྠ པན ཝེདནཱཏི ཏིསྶོ ཝེདནཱ ལོཀིཡཱ, ཏཐཱ ཙིཏྟཾ, དྷམྨཱ ཙ, ཏེསཾ ཝིབྷཱགོ ཝིབྷངྒནཡེ ཨཱཝི བྷཝིསྶཏི. ཀེཝལཾ པནེཏྠ ཡཐཱ ཝེདནཱདཡོ ཨནུཔསྶནྟོ ཝེདནཱདིཨནུཔསྶཱི ནཱམ ཧོཏི, སོ ནཡོ དསྶེཏབྦོ. སེཡྻཐིདཾ – ཝེདནཱསུ ཏཱཝ སུཁཱ ཝེདནཱ དུཀྑཏོ, དུཀྑཱ སལླཏོ, ཨིཏརཱ ཙ ཨནིཙྩཏོ ཨནུཔསྶིཏབྦཱ. ཡཐཱཧ –

‘‘ཡོ སུཁཾ དུཀྑཏོ ཨདྡ, དུཀྑམདྡཀྑི སལླཏོ;

ཨདུཀྑམསུཁཾ སནྟཾ, ཨདྡཀྑི ནཾ ཨནིཙྩཏོ’’ཏི (སཾ. ནི. ༤.༢༥༣; ཨིཏིཝུ. ༥༣).

སབྦཱ ཨེཝ ཨེཏཱ དུཀྑཏོ ཨནུཔསྶིཏབྦཱ ‘‘ཡཾ ཀིཉྩི ཝེདཡིཏཾ, ཏཾ དུཀྑསྨིནྟི ཝདཱམཱི’’ཏི (སཾ. ནི. ༤.༢༥༩) ཝཙནཏོ. ཨེཝཾ ཨནུཔསྶནྟོ པན ཨནིཙྩཱདིསཏྟཱནུཔསྶནཱཝསེན ཝཱ ཨནུཔསྶནྟོཔི ‘‘ཨིམཾ ཝེདནཾ ཀོ ཝེདཡཏི, ཀསྶཱཡཾ ཝེདནཱ, ཀིཾ ཀཱརཎཱཡཾ ཝེདནཱ’’ཏི ཨུཔཔརིཀྑིཏྭཱ ‘‘ན ཀོཙི སཏྟཱདིཀོ ཝེདཡཏི, ན ཀེསཉྩི སཏྟཱདཱིནཾ ཝེདནཱ, ཝཏྠཱརམྨཎཱདིཀཱརཎཱ ¶ པནཱཡཾ ཝེདནཱ ཨུཔྤཛྫཏཱི’’ཏི ཨནུཔསྶནྟོཔི ཝེདནཱནུཔསྶཱི ནཱམ ཧོཏི. ཨཐ ཝཱ སུཁཱདཱིནཾ ཨུཔྤཏྟིཀྑཎེ དུཀྑཱདཱིནཾ ཨསམྦྷཝཱ ཨནིཙྩཱ ཨདྡྷུཝཱ ཝིཔརིཎཱམདྷམྨཱཏི ཨེཝཾ ཝཱ ཨནུཔསྶནྟོ ཝེདནཱནུཔསྶཱི ནཱམ ཧོཏི. ཨིམིནཱཝ ནཡེན པཱལི༹ནཡཱནུསཱརེན ¶ སེསཙིཏྟདྷམྨཱནམྤི ཨནུཔསྶནཱཀཱརོ ཝེདིཏབྦོ. ཝིསེསཏོ པནེཏྠ ཙིཏྟེསུ ཨནིཙྩཏཱཝསེན, དྷམྨེསུ ཨནཏྟཏཱཝསེན ཙ ཨནུཔསྶནྟོ ཙིཏྟཱནུཔསྶཱི, དྷམྨཱནུཔསྶཱི ཙ ནཱམ ཧོཏཱིཏི ཝེདིཏབྦཾ. སེསཾ སུཝིཉྙེཡྻམེཝ. ཨཡཾ ཏཱཝེཏྠ པདཏྠོ.

དྷམྨབྷེདོ པནེཏྠ ནཏྠི, སརཎཝསེན ཙ ཨེཀཱཝ སཏི ཨཱརམྨཎཝསེན ‘‘ཙཏྟཱརོ སཏིཔཊྛཱནཱ’’ཏི ཝུཏྟཱཏི.

ཝིབྷངྒནཡཏོ པནེཏྠ སུཏྟནྟབྷཱཛནཱིཡེ ཏཱཝ ཨཛ྄ཛྷཏྟབཧིདྡྷཱཏདུབྷཡཀཱཡེ ཀེསཱདིཀོཊྛཱསབྷཱཝནཱཝསེན པཋམཾ སཏིཔཊྛཱནཾ ཝིཏྠཱརིཏཾ. ཏཐཱ ཨཛ྄ཛྷཏྟཱདཱིསུ པཙྩེཀཾ སཱམིསནིརཱམིསཝསེན དུཝིདྷཱནཾ སུཁདུཀྑཨདུཀྑམསུཁཝེདནཱནཾ ཝསེན དུཏིཡཾ, སརཱགཝཱིཏརཱགསདོསཝཱིཏདོསསམོཧཝཱིཏམོཧསཾཁིཏྟཝིཀྑིཏྟམཧགྒཏཨམཧགྒཏསཨུཏྟརཱནུཏྟརསམཱཧིཏཱསམཱཧིཏཝིམུཏྟཱཝིམུཏྟབྷེདཏོ སོལ༹སཝིདྷེཧི ཙིཏྟཔཛཱནནཝསེན ཏཏིཡཾ, པཉྩནཱིཝརཎཱནཾ, སཏྟབོཛ྄ཛྷངྒཱནཉྩ སམྦྷཝཱསམྦྷཝཨུཔྤཱདཔཧཱནཔཧཱིནཱནུཔྤཏྟིབྷཱཝནཱཔཱརིཔཱུརིཧེཏུཛ྄ཛྷཱནཝསེན ཙཏུཏྠཾ སཏིཔཊྛཱནཾ ཝིཏྠཱརིཏཾ. ཨཡཾ སུཏྟནྟབྷཱཛནཱིཡནཡོ.

ཨབྷིདྷམྨབྷཱཛནཱིཡེ པན ཏཱཝ ‘‘ཙཏྟཱརོ སཏིཔཊྛཱནཱ. ཨིདྷ བྷིཀྑུ ཀཱཡེ ཀཱཡཱནུཔསྶཱི ཝིཧརཏི ཝེདནཱསུ…པེ… དྷམྨེསུ དྷམྨཱནུཔསྶཱི ཝིཧརཏཱི’’ཏི (ཝིབྷ. ༣༨༠) ཨེཝཾ མཱཏིཀཾ ཋཔེཏྭཱ དྷམྨསངྒཎིཡཾ ཝུཏྟནཡསྶ ཝིཏྠཱརེསུ ཨཊྛསུ ལོཀུཏྟརཙིཏྟེསུ སམྤཡུཏྟསཏིཝསེནེཝ ཝིཏྠཱརཏོ ཝིབྷཏྟཱ.

པཉྷཱཔུཙྪཀནཡེཔི ¶ ཙཏུནྣཾ སཏིཔཊྛཱནཱནཾ ཀཏི ཀུསལཱ…པེ… ཀཏི ཨརཎཱ? སིཡཱ ཀུསལཱ, སིཡཱ ཨབྱཱཀཏཱ…པེ… ཨནུཔཱདིནྣཨནུཔཱདཱནིཡཱཝ, ཨསཾཀིལིཊྛཨསཾཀིལེསིཀཱཝ…པེ… ཨནིདསྶནཨཔྤཊིགྷཱཝ. ན ཧེཏཱུ ཨཧེཏུཀཱཝ…པེ… ཨནུཏྟརཱ ཨརཎཱཝཱཏི ལོཀུཏྟརཝསེནེཝ ཝིབྷཏྟཱ. སམྨཱསམྦུདྡྷེན ཧི སུཏྟནྟབྷཱཛནཱིཡསྨིཉྙེཝ ལོཀིཡལོཀུཏྟརམིསྶཀཱ སཏིཔཊྛཱནཱ ཀཐིཏཱ, ཨབྷིདྷམྨབྷཱཛནཱིཡཔཉྷཱཔུཙྪཀེསུ པན ལོཀུཏྟརཱཡེཝ. ཏེསུ ཙ ལོཀིཡཱ ནཱནཱཙིཏྟེསུ ཨེཝ ལབྦྷནྟི. ཨཉྙེནེཝ ཧི ཙིཏྟེན ཀཱཡཾ པགྒཎྷནྟི, ཨཉྙེན ཝེདནཱདཡོཏི. ལོཀུཏྟརཱ པན ཙཏྟཱརོཔི མགྒཀྑཎེ ཨེཀཙིཏྟེཡེཝ ལབྦྷནྟི. ཨེཀསྨིཉྷི མགྒཙིཏྟཀྑཎེ ཨཱརམྨཎཏོ ནིབྦཱནཱརམྨཎཱ ཨེཀཱཝ སཏི ཀཱཡཱདཱིསུ སུབྷསུཁནིཙྩཨཏྟཝིཔལླཱསསམུཙྪེདཀཏཱཡ ¶ ཙཏུཀིཙྩསཱདྷནཊྛེན ཙཏྟཱརིཔི ནཱམཱནི ལབྷཏཱིཏི ཨཡམེཏྠ ཝིབྷངྒནཡོ.

ཀམཏོ སཏིཔཊྛཱནེ, ཨནཱུནཱདྷིཀཏོཔི ཙ;

པཱལི༹མུཏྟནཡོ ཉེཡྻོ, ཏཏྠ ཀོསལླམིཙྪཏཱ.

ཏཏྠ ཀམཏོ ཏཱཝ ཨཡམྤི དེསནཱཀྐམོཝ, སོཔི པཱཀཊཱཔཱཀཊཝསེན ཝུཏྟོ. ཨིམཱསུ ཧི རཱུཔཀམྨཊྛཱནཾ པཱཀཊནྟི པཋམཾ ཀཱཡཱནུཔསྶནཱ ཝུཏྟཱ. ཏཏོ ཨརཱུཔཀམྨཊྛཱནཾ. ཏཏྠཱཔི ཨཱརམྨཎཾ ཨནུབྷཝནྟཱི ཨུཔྤཛྫམཱནཱ ཝེདནཱ པཱཀཊཱཏི ཨནནྟརཱ ཝེདནཱནུཔསྶནཱ, ཏཏོ ཨཱརམྨཎཾ ཝིཛཱནནྟཾ ཝིཉྙཱཎཾ པཱཀཊནྟི ཙིཏྟཱནུཔསྶནཱ, ཙིཏྟེ པཱཀཊེ ཏནྣིསྶིཏཱ སུཁུམཱཔི དྷམྨཱ པཱཀཊཱ ཧོནྟཱིཏི ཨནྟེ དྷམྨཱནུཔསྶནཱ ཝུཏྟཱ. ཨཡཾ ཏཱཝེཏྠ ཀམོ.

ཨནཱུནཱདྷིཀཏོཏི ཨེཏྠ པན ཀསྨཱ བྷགཝཏཱ ཙཏྟཱརོཝ སཏིཔཊྛཱནཱ ཝུཏྟཱ, ཨནཱུནཱ ཨནདྷིཀཱཏི? ཏཎྷཱཙརིཏདིཊྛིཙརིཏསམཐཡཱནིཀཝིཔསྶནཱཡཱནིཀཱནཾ མནྡཏིཀྑཝསེན དྭིདྷཱ པཝཏྟཱནཾ ཝིསུདྡྷིམགྒཝསེན. མནྡསྶ ཧི ཏཎྷཱཙརིཏསྶ ཨོལཱ༹རིཀཾ ¶ ཀཱཡཱནུཔསྶནཱསཏིཔཊྛཱནཾ ཝིསུདྡྷིམགྒོ, ཏིཀྑསྶ སུཁུམཾ ཝེདནཱནུཔསྶནཱསཏིཔཊྛཱནཾ, དིཊྛིཙརིཏསྶཱཔི མནྡསྶ ནཱཏིཔྤབྷེདགཏཾ ཙིཏྟཱནུཔསྶནཱསཏིཔཊྛཱནཾ, ཏིཀྑསྶ ཨཏིཔྤབྷེདགཏཾ དྷམྨཱནུཔསྶནཱསཏིཔཊྛཱནཾ ཝིསུདྡྷིམགྒོ. སམཐཡཱནིཀསྶ ཙ མནྡསྶ ཨཀིཙྪེན ཨདྷིགནྟབྦནིམིཏྟཾ པཋམཾ སཏིཔཊྛཱནཾ ཝིསུདྡྷིམགྒོ, ཏིཀྑསྶ དུཏིཡཾ, ཝིཔསྶནཱཡཱནིཀསྶཱཔི མནྡསྶ ཏཏིཡཾ, ཏིཀྑསྶ ཙཏུཏྠཾ ཝིསུདྡྷིམགྒོཏི ཝེནེཡྻཛ྄ཛྷཱསཡཏོ ཙཏྟཱརོ ཝུཏྟཱ. སུབྷསུཁནིཙྩཨཏྟབྷཱཝཝིཔལླཱསཔྤཧཱནཏྠཾ ཝཱ ཙཏུརོགྷཡོགཱསཝགནྠཨུཔཱདཱནཨགཏིཔྤཧཱནཏྠམྤི ཙཏུབྦིདྷཱཧཱརཔརིཉྙཏྠཉྩ ཙཏྟཱརོཝ ཝུཏྟཱ, ཨནཱུནཱ ཨནདྷིཀཱཏི ཨཡམེཏྠ ཨནཱུནཱདྷིཀཏཱ. ཨེཝཾ པཱལི༹མུཏྟནཡོ ཉེཡྻོ.

སཏིཔཊྛཱནཝིབྷངྒམཱཏིཀཏྠཝཎྞནཱ ནིཊྛིཏཱ.

སམྨཔྤདྷཱནཝིབྷངྒམཱཏིཀཏྠཝཎྞནཱ

སམྨཔྤདྷཱནཝིབྷངྒམཱཏིཀཱཡ ¶ པན ཨཏྠཏོ ཏཱཝ – སམྨཔྤདྷཱནཱཏི ཀཱརཎཔྤདྷཱནཱ ཨུཔཱཡཔྤདྷཱནཱ. ཡོནིསོ པདཧནཏོ པརམཾ དྷཱནཾ པདྷཱནཾ, པདྷཱནཝཱིརིཡཱནཱིཏི ཨཏྠོ. ཨིདྷ བྷིཀྑཱུཏི ཨིམསྨིཾ སཱསནེ པཊིཔནྣཀོ བྷིཀྑུ. ཨནུཔྤནྣཱནནྟི ཨནིབྦཏྟཱནཾ. པཱཔཀཱནནྟི ལཱམཀཱནཾ. ཨཀུསལཱནཾ དྷམྨཱནནྟི ཨཀོསལླསམྦྷཱུཏཱནཾ དྷམྨཱནཾ. ཨནུཔྤཱདཱཡཱཏི ན ཨུཔྤཱདནཏྠཱཡ. ཚནྡཾ ཛནེཏཱིཏི ཀཏྟུཀམྱཏཱསངྑཱཏཾ ཀུསལཙྪནྡཾ ཛནེཏི ཨུཔྤཱདེཏི. ཝཱཡམཏཱིཏི པཡོགཾ པརཀྐམཾ ཀརོཏི. ཝཱིརིཡཾ ཨཱརབྷཏཱིཏི ཀཱཡིཀཙེཏསིཀཝཱིརིཡཾ ཀརོཏི. ཙིཏྟཾ པགྒཎྷཱཏཱིཏི ཏེནེཝ སཧཛཱཏཝཱིརིཡེན ཙིཏྟཾ ཨུཀྑིཔཏི. པདཧཏཱིཏི པདྷཱནཝཱིརིཡཾ ཀརོཏི. པཊིཔཱཊིཡཱ པནེཏཱནི ཙཏྟཱརིཔི པདཱནི ཝཱིརིཡསྶེཝ ཨཱསེཝནཱབྷཱཝནཱབཧུལཱིཀམྨསཱཏཙྩཀིརིཡཱཧི ཡོཛེཏབྦཱནི.

ཨུཔྤནྣཱནནྟི ¶ ཨནུཔྤནྣཱཏི ཨཝཏྟབྦཏཾ ཨཱཔནྣཱནཾ. པཧཱནཱཡཱཏི པཛཧནཏྠཱཡ. ཨནུཔྤནྣཱནཾ ཀུསལཱནཾ དྷམྨཱནནྟི ཨནིབྦཏྟཱནཾ ཀོསལླསམྦྷཱུཏཱནཾ དྷམྨཱནཾ. ཨུཔྤཱདཱཡཱཏི ཨུཔྤཱདནཏྠཱཡ. ཨུཔྤནྣཱནནྟི ནིབྦཏྟཱནཾ. ཋིཏིཡཱཏི ཋིཏཏྠཱཡ. ཨསམྨོསཱཡཱཏི ཨནསྶནཏྠཾ. བྷིཡྻོབྷཱཝཱཡཱཏི པུནཔྤུནཾ བྷཝནཱཡ. ཝེཔུལླཱཡཱཏི ཝིཔུལབྷཱཝཱཡ. བྷཱཝནཱཡཱཏི ཝཌྜྷིཡཱ. པཱརིཔཱུརིཡཱཏི པརིཔཱུརཎཏྠཱཡ. སེསཾ པདཏོ ཨུཏྟཱནམེཝ.

ཨཏྠཏོ པནེཏྠ ‘‘ཨནུཔྤནྣཱནཾ པཱཔཀཱན’’ནྟིཨཱདཱིསུ ཨསམུདཱཙཱརཝསེན ཝཱ ཨནནུབྷཱུཏཱརམྨཎཝསེན ཝཱ ཀིལེསཱནཾ ཨནུཔྤཏྟི ཝེདིཏབྦཱ. ཨཉྙཐཱ ཧི ཨནམཏགྒེ སཾསཱརེ ཨནུཔྤནྣཱ ཨཀུསལདྷམྨཱ ནཱམ ནཏྠི. ཀུསལདྷམྨེསུ པན རཏནཏྟཡཔྤསཱདཝིཔསྶནཱདིཝིཝཊྚཱུཔནིསྶཡཀུསལཱདིཝསེན ཨནུཔྤནྣཱཔི ཨཏྠི. ཏེསམྤི ཨུཔྤནྣཔུབྦཏྟེ སཏི སབྦསཏྟཱནཾ ཨིཏོ པུབྦེ ཙ ཨཱསཝཀྑཡཔྤསངྒཏོ. ཨེཀནྟཔྤཝཏྟསཱདྷཀཱ ཏེསཾ. ཏཏྠ ཨེཀཙྩསྶ ཝཏྟགནྠདྷུཏངྒསམཱདྷིཝིཔསྶནཱནཝཀམྨེསུ ཨཉྙཏརསྨིཾ ནིཙྩཔྤཡུཏྟསྶ, གྷཊཏོ, ཝཱཡམཏོ ཙ བྲཧྨལོཀཱ ཨཱགཏཏྟཱ བྷཝཝསེན ཀིལེསེསུ ཨལདྡྷཱསེཝནསྶ སཏྟསྶ ཀིལེསཱ ན སམུདཱཙརནྟི, ཨཔརབྷཱགེ པནསྶ ཝཏྟཱདཱིནི ཝིསྶཛྫེཏྭཱ ཀུསཱིཏསྶ ཙརཏོ ཙེཝ ཨཀལྱཱཎམིཏྟཱདིཏོ ཀིལེསེསུ ལདྡྷཱསེཝནསྶ ཙ ཨཡོནིསོམནསིཀཱརཾ, སཏིཝོསྶགྒཉྩ ཨཱགམྨ ཨུཔྤཛྫནྟི. ཨེཝཾ ཏཱཝ ཨསམུདཱཙཱརཝསེན ཀིལེསཱནཾ ཨནུཔྤཏྟི ཝེདིཏབྦཱ.

ཨེཀཙྩསྶ ¶ པན ཏསྨིཾ ཨཏྟབྷཱཝེ ཨནནུབྷཱུཏཔུབྦཾ དིབྦཱདིབྷེདཾ མནཱཔིཡཾ ཨཱརམྨཎཾ ལབྷིཏྭཱ ཏཏྠ ཨཡོནིསོམནསིཀཱརསཏིཝོསྶགྒེ ཨཱགམྨ ཀིལེསཱ ཨུཔྤཛྫནྟི, ཨལབྷིཏྭཱ ཨེཝཾ ཨནནུབྷཱུཏཱརམྨཎཝསེན ཀིལེསཱནཾ ཨནུཔྤཏྟི ཝེདིཏབྦཱ.

‘‘ཨུཔྤནྣཱནཾ ¶ པཱཔཀཱན’’ནྟི ཨེཏྠ པན ཙཏུབྦིདྷཾ ཨུཔྤནྣཾ ཝཏྟམཱནབྷཱུཏཱཔགཏཨོཀཱསཀཏབྷཱུམིལདྡྷཝསེན, ཏེསཾ ཝིབྷཱགོ ཨུཔྤནྣཏྟིཀེ ཝུཏྟོཝ. ཨཔརམྤི ཙཏུབྦིདྷཾ ཨུཔྤནྣཾ སམུདཱཙཱརཨཱརམྨཎཱདྷིགྒཧིཏཨཝིཀྑམྦྷིཏཨསམུགྒྷཱཏིཏཝསེན. ཏཏྠ སམྤཏི ཝཏྟམཱནཾཡེཝ སམུདཱཙཱརུཔྤནྣཾ ནཱམ. སེསཾ པཱཀཊམེཝ. ཡསྨཱ པནེཏྠ ཨིམེསུ ཨུཔྤནྣེསུ ཝཏྟམཱནབྷཱུཏཱཔགཏཨོཀཱསཀཏསམུདཱཙཱརསངྑཱཏཾ ཙཏུབྦིདྷཾ ཨུཔྤནྣཾ ན མགྒཱདིཝཛ྄ཛྷཾ, ཏསྨཱ བྷཱུམིལདྡྷཨཱརམྨཎཱདྷིགྒཧིཏཨསམུགྒྷཱཏིཏསངྑཱཏཾ ཙཏུབྦིདྷཾ ཨུཔྤནྣཾ སནྡྷཱཡེཏྠ ‘‘ཨུཔྤནྣཱནཾ པཱཔཀཱནཾ པཧཱནཱཡཱ’’ཏི ཝུཏྟཾ.

ཀཐཾ པན མགྒཀྑཎེ ཨནུཔྤནྣཱནཾ ཀུསལཱནཾ ཨུཔྤཱདཱཡ ཝཱཡཱམོ ཧོཏི, ཀཐཉྩ ཨུཔྤནྣཱནཾ ཋིཏིཡཱཏི? མགྒཔྤཝཏྟིཡཱ ཨེཝ. མགྒོ ཧི པཝཏྟམཱནོ པུབྦེ ཨནུཔྤནྣཔུབྦཏྟཱ ཨནུཔྤནྣོ ནཱམ ཝུཙྩཏི. ཡཱ ཙསྶ པཝཏྟི, ཨཡམེཝ ཋིཏི ནཱམཱཏི ཨཡཾ ཏཱཝེཏྠ པདཏྠོ.

དྷམྨབྷེདོ པནེཏྠཱཔི ཨེཀསྶེཝ ཝཱིརིཡསྶ ཀིཙྩབྷེདཏོ ཙཏུདྷཱ ཝུཏྟཱཏི ཨཡམེཏྠ པཱལི༹མུཏྟཝིནིཙྪཡོ.

ཝིབྷངྒནཡཏོ པན སུཏྟནྟབྷཱཛནཱིཡེ ཏཱཝ ཙཏྟཱརོ སམྨཔྤདྷཱནཱ ལོཀིཡལོཀུཏྟརཀུསལཙིཏྟསམྤཡུཏྟཝཱིརིཡཝསེན ཨཀུསལཱདིཔདེཧི སདྡྷིཾ ཝིཏྠཱརཏོ ཝིབྷཏྟཱ. ཨབྷིདྷམྨབྷཱཛནཱིཡཔཉྷཱཔུཙྪཀེསུ པནེཏེ ལོཀུཏྟརཀུསལཙིཏྟསམྤཡུཏྟཝསེནེཝ ཝིབྷཏྟཱ, ཕལཙིཏྟསམྤཡུཏྟཱ པན ན གཧིཏཱ. ཏེནེཝ པཉྷཱཔུཙྪཀེ ‘‘ཀུསལཱ ཨེཝ, ཝིཔཱཀདྷམྨདྷམྨཱ ཨེཝ, ཨཔཙཡགཱམིནོཝ, སེཁཱཝཱ’’ཏིཨཱདིནཱ ཝུཏྟཱ. སེསོ པནེཏྠ ཝིནིཙྪཡོ སཏིཔཊྛཱནེ ཝུཏྟནཡཱནུསཱརེན ཝེདིཏབྦོ.

སམྨཔྤདྷཱནཝིབྷངྒམཱཏིཀཏྠཝཎྞནཱ ནིཊྛིཏཱ.

ཨིདྡྷིཔཱདཝིབྷངྒམཱཏིཀཏྠཝཎྞནཱ

ཨིདྡྷིཔཱདཝིབྷངྒམཱཏིཀཱཡ ¶ ¶ པན ཙཏྟཱརོ ཨིདྡྷིཔཱདཱཏི ཨེཏྠ ཨིཛ྄ཛྷཏཱིཏི ཨིདྡྷི, སམིཛ྄ཛྷཏི ནིཔྥཛྫཏཱིཏི ཨཏྠོ, ཨིདྡྷི ཨེཝ པཱདོ ཨིདྡྷིཔཱདོ, ཨིདྡྷིཀོཊྛཱསོཏི ཨཏྠོ. ཨིཛ྄ཛྷནྟི ཝཱ ཨེཏཱཡ སཏྟཱ ཨིདྡྷཱ ཝུདྡྷཱ ཨུཀྐཾསགཏཱ ཧོནྟཱིཏིཔི ཨིདྡྷི, པཛྫནྟི ཨེཏེནཱཏི པཱདོ, པཏིཊྛཱ ཨདྷིགམཱུཔཱཡོཏི ཨཏྠོ, ཨིདྡྷིཡཱ པཱདོ ཨིདྡྷིཔཱདོ. ཚནྡསམཱདྷིཔདྷཱནསངྑཱརསམནྣཱགཏནྟི ཨེཏྠ ཚནྡཧེཏུཀོ, ཚནྡཱདྷིཀོ ཝཱ སམཱདྷི ཚནྡསམཱདྷི, ཀཏྟུཀམྱཏཱཚནྡཾ ཨདྷིཔཏིཾ ཀརིཏྭཱ པཊིལདྡྷསམཱདྷིསྶེཏཾ ཨདྷིཝཙནཾ. པདྷཱནབྷཱུཏཱ སངྑཱརཱ པདྷཱནསངྑཱརཱ, ཙཏུཀིཙྩསཱདྷཀསྶ སམྨཔྤདྷཱནཝཱིརིཡསྶེཏཾ ཨདྷིཝཙནཾ. སམནྣཱགཏནྟི ཏེན ཚནྡསམཱདྷིནཱ, པདྷཱནསངྑཱརེན ཙ ཨུཔེཏཾ. ཨིདྡྷིཔཱདནྟི ཡཐཱཝུཏྟཏྠེན ‘‘ཨིདྡྷཱི’’ཏི སངྑྱཾ གཏཱནཾ ཨུཔཙཱརཛ྄ཛྷཱནཱདིཀུསལཙིཏྟསམྤཡུཏྟཱནཾ ཚནྡསམཱདྷིཔདྷཱནསངྑཱརཱནཾ ཨདྷིཊྛཱནཊྛེན པཱདབྷཱུཏསེསཙིཏྟཙེཏསིཀརཱསིཾ. བྷཱཝེཏཱིཏི ཝཌྜྷེཏི, ཨཏྟནོ སནྟཱནེ པུནཔྤུནཾ ཛནེཏཱིཏི ཨཏྠོ. ཨིམིནཱ ནཡེན སེསེསུཔི ཨཏྠོ ཝེདིཏབྦོ. ཏཏྠ ཝཱིམཾསཱཏི པཉྙཱ. སེསཾ པདཏོ སུཝིཉྙེཡྻམེཝ.

ཨཏྠཏོ པནེཏྠ ཏེན ཀིཾ ཀཐིཏཾ? ཙཏུནྣཾ བྷིཀྑཱུནཾ མཏྠཀཔྤཏྟཾ ཀམྨཊྛཱནཾ ཀཐིཏཾ. ཡཐཱ ཧི ཙཏཱུསུ ཨམཙྩཔུཏྟེསུ ཋཱནནྟརཾ པཏྠེཏྭཱ ཝིཙརནྟེསུ ཨེཀོ ཨུཔཊྛཱནེན, ཨེཀོ སཱུརབྷཱཝེན, ཨེཀོ ཛཱཏིསམྤཏྟིཡཱ, ཨེཀོ མནྟབལེནཱཏི ཨེཝཾ ཏེ པཙྩེཀཀཱརཎེན རཱཛཱནཾ ཨཱརཱདྷེཏྭཱ ཋཱནནྟརཾ པཱཔུཎནྟི, ཨེཝཾ བྷིཀྑཱུཔི ཚནྡཝཱིརིཡཙིཏྟཝཱིམཾསཱསུ ཨེཀེཀཾ ཛེཊྛཾ དྷུརཾ པུབྦངྒམཾ ཀཏྭཱ ལོཀུཏྟརདྷམྨནིབྦཏྟཀཱ ཧོནྟི. ཨེཏྠ ཙ ཚནྡོ སམཱདྷི པདྷཱནསངྑཱརོཏི ཏཡོ དྷམྨཱ ཨིདྡྷཱིཔི ཧོནྟི ཨིདྡྷིཔཱདཱཔི, སེསཱ པན སམྤཡུཏྟཱ ཙཏྟཱརོ ཁནྡྷཱ ཨིདྡྷིཔཱདཱ ཨེཝ. ཨེཝཾ སེསཱདྷིཔཏིཡུཏྟཙིཏྟེསུཔི ཨིདྡྷིཔཱདཱཏི ཝེདིཏབྦཱ.

ཨཔིཙ ¶ ཛྷཱནཝིཔསྶནཱསུ པུབྦབྷཱགོ ཨིདྡྷིཔཱདོ. ཡོ པཊིལཱབྷོ, སཱ ཨིདྡྷི. པཋམཛ྄ཛྷཱནཱདཱིནཾ ཧི པུབྦབྷཱགཔརིཀམྨཱནི ཨིདྡྷིཔཱདོ ནཱམ, པཋམཛ྄ཛྷཱནཱདཡོ ཨིདྡྷི ནཱམ. པཋམམགྒཱདཱིནཾ པུབྦབྷཱགཝིཔསྶནཱ ཨིདྡྷིཔཱདོ ནཱམ, པཋམམགྒཱདཡོ ཨིདྡྷི ནཱམ. པཊིལཱབྷཝསེནཱཔི དཱིཔེཏུཾ ཝཊྚཏི. པཋམཛ྄ཛྷཱནཱདཡོ ཧི པཋམམགྒཱདཡོ ཙ ཨིདྡྷིཔཱདོ ནཱམ, དུཏིཡཛ྄ཛྷཱནཱདཡོ, དུཏིཡམགྒཱདཡོ ཙ ཨིདྡྷི ནཱམཱཏི ཨཡཾ ཏཱཝེཏྠ པདཏྠོ.

དྷམྨབྷེདོ ¶ པནེཏྠ ཝིབྷངྒནཡེནེཝ པཱཀཊོ བྷཝིསྶཏི. ཏཏྠ ཧི སུཏྟནྟབྷཱཛནཱིཡེ ཏཱཝ ཚནྡཱདཱིནཾ པདཱནཾ ཝིབྷངྒཾ ཝཏྭཱ ཨནྟེ ‘‘ཨིདྡྷིཔཱདོཏི ཏཐཱབྷཱུཏསྶ ཝེདནཱཀྑནྡྷོ…པེ… ཝིཉྙཱཎཀྑནྡྷོ. ཨིདྡྷིཔཱདཾ བྷཱཝེཏཱིཏི ཏེ དྷམྨེ ཨཱསེཝཏི བྷཱཝེཏི བཧུལཱིཀརོཏི, ཏེན ཝུཙྩཏི ཨིདྡྷིཔཱདཾ བྷཱཝེཏཱི’’ཏི (ཝིབྷ. ༤༣༤) ཨེཝཾ སབྦེ ལོཀིཡལོཀུཏྟརདྷམྨཱ ཨིདྡྷིཔཱདོཏི ཝུཏྟཱ.

ཨབྷིདྷམྨབྷཱཛནཱིཡེ པན ཚནྡཱདཱིནི པདཱནི ཝིབྷཛིཏྭཱ ཨནྟེ ‘‘ཨིདྡྷིཔཱདོཏི ཏཐཱབྷཱུཏསྶ ཕསྶོ…པེ… པགྒཱཧོ ཨཝིཀྑེཔོ’’ཏི (ཝིབྷ. ༤༤༧) ཨེཝཾ སབྦེ ལོཀུཏྟརཀུསལདྷམྨཱ ཨིདྡྷིཔཱདཱཏི ཝཏྭཱ པུན ‘‘ཚནྡིདྡྷིཔཱདོ ཝཱིརིཡིདྡྷིཔཱདོ ཙིཏྟིདྡྷིཔཱདོ ཝཱིམཾསིདྡྷིཔཱདོ’’ཏི (ཝིབྷ. ༤༥༧) མཱཏིཀཾ ཋཔེཏྭཱ ‘‘ཏཏྠ ཀཏམོ ཚནྡིདྡྷིཔཱདོ? ཨིདྷ བྷིཀྑུ ཡསྨིཾ སམཡེ ལོཀུཏྟརཾ ཛྷཱནཾ བྷཱཝེཏི…པེ… ཡོ ཏསྨིཾ སམཡེ ཚནྡོ ཚནྡིཀཏཱ…པེ… ཨཡཾ ཝུཙྩཏི ཚནྡིདྡྷིཔཱདོ’’ཏིཨཱདིནཱ ལོཀུཏྟརཀུསལཙིཏྟསམྤཡུཏྟཚནྡཝཱིརིཡཙིཏྟཝཱིམཾསཱ ཨེཝ ཨིདྡྷིཔཱདཱཏི ཝུཏྟཱ. ཏཐཱ པཉྷཱཔུཙྪཀེཔི ཀུསལཱ ཨེཝ, ཨནིདསྶནཨཔྤཊིགྷཱ ཨེཝ, ཝཱིམཾསིདྡྷིཔཱདོ ཧེཏུ, སེསཱ ན ཧེཏཱུ…པེ… ཙིཏྟིདྡྷིཔཱདོ ན ཝཏྟབྦོ, སེསཱ ཙིཏྟསམྤཡུཏྟཱ…པེ… ཨནུཏྟརཱཝ, ཨརཎཱཝཱཏི. སེསམེཏྠ སཏིཔཊྛཱནེ ཝུཏྟསདིསམེཝ. པཱལི༹མུཏྟཀནཡོ པནེཏྠཱཔི ན ཨུདྡྷཊོཏི.

ཨིདྡྷིཔཱདཝིབྷངྒམཱཏིཀཏྠཝཎྞནཱ ནིཊྛིཏཱ.

བོཛ྄ཛྷངྒཝིབྷངྒམཱཏིཀཏྠཝཎྞནཱ

བོཛ྄ཛྷངྒཝིབྷངྒམཱཏིཀཱཡ ¶ པན ཨཏྠཏོ ཏཱཝ – སཏྟ བོཛ྄ཛྷངྒཱཏི ཨེཏྠ བོདྷིཡཱ, བོདྷིསྶ ཝཱ ཨངྒཱཏི བོཛ྄ཛྷངྒཱ. ཨིདཾ ཝུཏྟཾ ཧོཏི – ཡཱཡ ཨེཝ དྷམྨསཱམགྒིཡཱ མགྒཀྑཎེ ཨུཔྤཛྫམཱནཱཡ ལཱིནུདྡྷཙྩཱདིཨནེཀེསཾ ཨུཔདྡཝཱནཾ པཊིཔཀྑབྷཱུཏཱཡ སཏིདྷམྨཝིཙཡཱདིསཏྟཝིདྷཱཡ དྷམྨསཱམགྒིཡཱ ཨརིཡསཱཝཀོ བུཛ྄ཛྷཏི, ཀིལེསནིདྡཱཡ ཨུཊྛཧཏི, སཙྩཱནི ཝཱ པཊིཝིཛ྄ཛྷཏི, ཏསྶཱ དྷམྨསཱམགྒིསངྑཱཏཱཡ བོདྷིཡཱ ཨངྒཱཏི བོཛ྄ཛྷངྒཱ ཛྷཱནངྒམགྒངྒཱནི ཝིཡ. ཡོ པནེས ཡཐཱཝུཏྟཔྤཀཱརཱཡ ཨེཏཱཡ དྷམྨསཱམགྒིཡཱ བུཛ྄ཛྷཏཱིཏི ཀཏྭཱ ཨརིཡསཱཝཀོ ‘‘བོདྷཱི’’ཏི ཝུཙྩཏི, ཏསྶ བོདྷིསྶ ཨངྒཱཏི བོཛ྄ཛྷངྒཱ སེནངྒརཐངྒཱདཡོ ཝིཡ. ཨཔིཙ ‘‘བོདྷཱཡ སཾཝཏྟནྟཱིཏི བོཛ྄ཛྷངྒཱ’’ཏིཨཱདིནཱ ¶ པཊིསམྦྷིདཱནཡེནཱཔི བོཛ྄ཛྷངྒཏྠོ ཝེདིཏབྦོ. པསཏྠོ, སུནྡརོ ཝཱ བོཛ྄ཛྷངྒོ སམྦོཛ྄ཛྷངྒོ, སཏིཡེཝ སམྦོཛ྄ཛྷངྒོ སཏིསམྦོཛ྄ཛྷངྒོ. ཨེཝཾ སེསེསུཔི. ཏཏྠ དྷམྨེ ཝིཙིནཱཏི ཨནིཙྩཱདིཏོ པརིཝཱིམཾསཏི ཛཱནཱཏི, དྷམྨེ ཝཱ ཨེཏེན སཏྟཱ ཝིཙིནནྟཱིཏི དྷམྨཝིཙཡོ, པཉྙཱ. ཨུཔེཀྑཏི སམརསཱནཾ དྷམྨཱནཾ ཧཱཔནཝཌྜྷནེ ཨཝཱཝཊཏཱཡ པཊིསངྑཱནཱཀཱརེན མཛ྄ཛྷཏྟཱ ཧོཏཱིཏི ཨུཔེཀྑཱ, ཏཏྲམཛ྄ཛྷཏྟཏཱ. པཊིསངྑཱནལཀྑཎོ ཧི ཨུཔེཀྑཱསམྦོཛ྄ཛྷངྒོཏི. སེསཾ སུཝིཉྙེཡྻམེཝ. ཨཡཾ ཏཱཝེཏྠ པདཏྠོ. དྷམྨབྷེདོཔེཏྠ སུཝིཉྙེཡྻོཝ.

ཝིབྷངྒནཡཏོ པནེཏྠ སུཏྟནྟབྷཱཛནཱིཡེ ཏཱཝ ལོཀིཡལོཀུཏྟརཝསེན སེསེསུ ལོཀུཏྟརཀུསལཝིཔཱཀཝསེན ཝིབྷཏྟཱ. པཉྷཱཔུཙྪཀེ པན སིཡཱ ཀུསལཱ, སིཡཱ ཨབྱཱཀཏཱ, པཱིཏིསམྦོཛ྄ཛྷངྒོ སུཁཱཡ ཝེདནཱཡ སམྤཡུཏྟོཝ, སེསཱ དྭཱིཧི…པེ… པཱིཏིསམྦོཛ྄ཛྷངྒོ སུཁསཧགཏོཝ, སེསཱ ཏིདྷཱཔི, ཨནིདསྶནཨཔྤཊིགྷཱ, དྷམྨཝིཙཡསམྦོཛ྄ཛྷངྒོ ¶ ཧེཏུ, སེསཱ ན ཧེཏཱུ…པེ… རཱུཔཱཝཙརཱཝ, ཨརཎཱཝཱཏི. སེསཾ སཏིཔཊྛཱནེ ཝུཏྟནཡམེཝ. ཨཡམེཏྠ ཝིབྷངྒནཡོ.

ཨིདཱནི པན –

ཀམཏོ ཏཱཝཏྟཏོ ཙ, ཧེཏུབྷཱུམིཝིབྷཱགཏོ;

ཝིཝེཀཏོ ཙ ཝིཉྙེཡྻོ, པཱལི༹མུཏྟཝིནིཙྪཡོ.

ཏཏྠ ཀམཏོ ཏཱཝ ཨཡམྤི དེསནཱཀྐམོཝ. སབྦེསཾ ཧི བོཛ྄ཛྷངྒཱནཾ ཨུཔཀཱརཏྟཱ སཏིསམྦོཛ྄ཛྷངྒོ པཋམཾ ཝུཏྟོ, ཏཏོ ཡསྨཱ ཨུཔཊྛིཏསཏིཀོ དྷམྨེ པཉྙཱཡ པཝིཙིནཱཏི, པཝིཙིཏདྷམྨོ ཝཱིརིཡཾ ཨཱརབྷཏི, ཨཱརདྡྷཝཱིརིཡསྶ པཱིཏི ཨུཔྤཛྫཏི, པཱིཏིམནསྶ ཀཱཡོཔི ཙིཏྟམྤི པསྶམྦྷཏི, པསྶདྡྷཀཱཡསྶ སུཁིནོ ཙིཏྟཾ སམཱདྷིཡཏི, སམཱཧིཏཙིཏྟོ ཏཾ ཙིཏྟཾ སཱདྷུཀཾ ཨཛ྄ཛྷུཔེཀྑིཏཱ ཧོཏི, ཏསྨཱ དྷམྨཝིཙཡསམྦོཛ྄ཛྷངྒཱདཡོ ཡཐཱཀྐམཾ ཝུཏྟཱཏི ཨཡཾ ཏཱཝེཏྠ ཀམོ.

ཏཱཝཏྟཏོ པན ཀསྨཱ ཏེ སཏྟེཝ ཝུཏྟཱ, ཨནཱུནཱ ཨནདྷིཀཱཏི? ལཱིནུདྡྷཙྩཔཊིཔཀྑཏོ, སབྦཏྟིཀཏོ ཙ. ཨེཏྠ ཧི ཏཡོ བོཛ྄ཛྷངྒཱ ལཱིནསྶ པཊིཔཀྑཱ. ཡཐཱཧ – ‘‘ཡསྨིཾ ཙ ཁོ, བྷིཀྑཝེ, སམཡེ ལཱིནཾ ཙིཏྟཾ ཧོཏི, ཀཱལོ ཏསྨིཾ སམཡེ དྷམྨཝིཙཡསམྦོཛ྄ཛྷངྒསྶ བྷཱཝནཱཡ, ཀཱལོ ¶ ཝཱིརིཡ…པེ… པཱིཏིསམྦོཛ྄ཛྷངྒསྶ བྷཱཝནཱཡཱ’’ཏི (སཾ. ནི. ༥.༢༣༤). ཏཡོ ཨུདྡྷཙྩསྶ པཊིཔཀྑཱ. ཡཐཱཧ – ‘‘ཡསྨིཾ ཙ ཁོ, བྷིཀྑཝེ, སམཡེ ཨུདྡྷཏཾ ཙིཏྟཾ ཧོཏི, ཀཱལོ ཏསྨིཾ སམཡེ པསྶདྡྷིསམྦོཛ྄ཛྷངྒསྶ བྷཱཝནཱཡ, ཀཱལོ སམཱདྷི…པེ… ཨུཔེཀྑཱསམྦོཛ྄ཛྷངྒསྶ བྷཱཝནཱཡཱ’’ཏི (སཾ. ནི. ༥.༢༣༤). ཨེཀོ པནེཏྠ ལོཎདྷཱུཔནཾ ཝིཡ སབྦབྱཉྫནེསུ སབྦབོཛ྄ཛྷངྒེསུ ཨིཙྪིཏབྦོ. ཡཐཱཧ – ‘‘སཏིཉྩ ¶ ཁྭཱཧཾ, བྷིཀྑཝེ, སབྦཏྠིཀཾ ཝདཱམཱི’’ཏི (སཾ. ནི. ༥.༢༣༤). ཨེཝཾ ལཱིནུདྡྷཙྩཔཊིཔཀྑཏོ ཙ སབྦཏྠིཀཏོ ཙ སཏྟེཝ ཝུཏྟཱཏི ཨཡཾ ཏཱཝཏྟཏོ.

ཧེཏུབྷཱུམིཝིབྷཱགཏོཏི ཨེཏྠ ཧེཏུཝིབྷཱགཏོ ཏཱཝ – ཙཏྟཱརོ སཏིསམྦོཛ྄ཛྷངྒསྶ ཨུཔྤཱདཱཡ སཾཝཏྟནྟི སཏིསམྤཛཉྙཾ མུཊྛསྶཏིཔུགྒལཔརིཝཛྫནཏཱ ཨུཔཊྛིཏསྶཏིཔུགྒལསེཝནཏཱ ཏདདྷིམུཏྟཏཱཏི. ཏཐཱ སཏྟ དྷམྨཱ དུཏིཡསྶ པརིཔུཙྪཀཏཱ ཝཏྠུཝིསདཀིརིཡཱ ཨིནྡྲིཡསམཏྟཔཊིཔཱདནཱ དུཔྤཉྙཔུགྒལཔརིཝཛྫནཱ པཉྙཝནྟཔུགྒལསེཝནཱ གམྦྷཱིརཉཱཎཙརིཡཔཙྩཝེཀྑཎཏཱ ཏདདྷིམུཏྟཏཱཏི. ཏཏྠ ཨཛ྄ཛྷཏྟིཀབཱཧིརཱནཾ སརཱིརཔརིཀྑཱརབྷཱུཏཱནཾ ཝཏྠཱུནཾ ཝིསདབྷཱཝཀརཎཾ ཝཏྠུཝིསདཀིརིཡཱ ནཱམ. ཏཐཱ ཨེཀཱདས དྷམྨཱ ཏཏིཡསྶ ཨཔཱཡབྷཡགམནཝཱིཐིདཱཡཛྫམཧཏྟསཏྠུམཧཏྟཛཱཏིམཧཏྟསབྲཧྨཙཱརིམཧཏྟཱནཾ པཙྩཝེཀྑཎཏཱ ཨཱནིསཾསདསྶཱཝིཏཱ པིཎྜཔཱཏཱཔཙཱཡནཏཱ ཀུསཱིཏཔུགྒལཔརིཝཛྫནཏཱ ཨཱརདྡྷཝཱིརིཡཔུགྒལསེཝནཏཱ ཏདདྷིམུཏྟཏཱཏི. ཏཏྠ ‘‘བུདྡྷཱདཱིཧི གཏམགྒོ མཡཱ གནྟབྦོ’’ཏི པཙྩཝེཀྑཎཱ ཝཱིཐིཔཙྩཝེཀྑཎཱ ནཱམ. ‘‘དཱཡཀེཧི དིནྣཔིཎྜཔཱཏསྶ མཧཔྥལཏཾ སམྤཱདེསྶཱམཱི’’ཏི ཨཏྟཱནཾ དམནཾ པིཎྜཔཱཏཱཔཙཱཡནཾ ནཱམ. ཏཐཱ ཨེཀཱདས དྷམྨཱ ཙཏུཏྠསྶ བུདྡྷདྷམྨསངྒྷསཱིལཙཱགདེཝཏོཔསམཱནུསྶཏིཡོ སཏྟ, ལཱུཁཔུགྒལཔརིཝཛྫནཏཱ སིནིདྡྷཔུགྒལསེཝནཏཱ པསཱདནཱིཡསུཏྟནྟཔཙྩཝེཀྑཎཏཱ ཏདདྷིམུཏྟཏཱཏི. ཏཐཱ སཏྟ དྷམྨཱ པཉྩམསྶ པཎཱིཏབྷོཛནསེཝནཏཱ, ཨུཏུསུཁཨིརིཡཱཔཐསུཁསེཝནཏཱ དྭེ མཛ྄ཛྷཏྟཔྤཡོགཏཱ སཱརདྡྷཀཱཡཔུགྒལཔརིཝཛྫནཏཱ སནྟཀཱཡཔུགྒལསེཝནཏཱ ཏདདྷིམུཏྟཏཱཏི. ཨེཀཱདས དྷམྨཱ ཚཊྛསྶ ཝཏྠུཝིསདཀིརིཡཱ ཨིནྡྲིཡསམཏྟཔཊིཔཱདནཱ ནིམིཏྟཀུསལཏཱ སམཡེ ཙིཏྟསྶ པགྒཧནིགྒཧསམྤཧཾསནཛ྄ཛྷུཔེཀྑནཱ ཙཏསྶོ ¶ , ཨསམཱཧིཏསམཱཧིཏཔུགྒལཱནཾ པརིཝཛྫནསེཝནཏཱ དྭེ, ཛྷཱནཝིམོཀྑཔཙྩཝེཀྑཎཏཱ ཏདདྷིམུཏྟཏཱཏི. ཏཏྠ ཀསིཎཱདིནིམིཏྟཱནཾ ཨུགྒཧཎཀུསལཏཱ ནིམིཏྟཀུསལཏཱ ནཱམ. པཉྩ དྷམྨཱ སཏྟམསྶ སཏྟསངྑཱརཀེལཱཡནམཛ྄ཛྷཏྟཔུགྒལཱནཾ པརིཝཛྫནསེཝནཏཱ ¶ དྭེ དྭེ, ཏདདྷིམུཏྟཏཱཏི. ཨཡམེཏྠ སངྑེཔོ, ཝིཏྠཱརོ པན སམྨོཧཝིནོདནིཡཱ ཝིབྷངྒཊྛཀཐཱཡ གཧེཏབྦོཏི ཨཡམེཏྠ ཧེཏུཝིབྷཱགོ.

བྷཱུམིཝིབྷཱགཏོ པནེཏེ ཀཱམཱཝཙརཱ, ལོཀུཏྟརཱ ཝཱ ཧོནྟི, ཀཱམཱཝཙརེསུ བལཝཝིཔསྶནཱདཱིསུ ཨེཝ བོཛ྄ཛྷངྒཱ ལབྦྷནྟི, ན ཨིཏརེསུ. ལོཀུཏྟརེསུ པན སབྦཏྠ ལབྦྷནྟི, རཱུཔཱཝཙརཱརཱུཔཱཝཙརཙིཏྟེསུ སབྦཐཱ ན ལབྦྷནྟི ཨབོདྷིཔཀྑིཀཏྟཱ. ཀེཙི པན ཐེརཱ ཝིཔསྶནཱཔཱདཀེསུ ཀསིཎཱསུབྷབྲཧྨཝིཧཱརཛ྄ཛྷཱནེསུཔི བོཛ྄ཛྷངྒེ ཨུདྡྷརནྟི, ན ཙ ཏེ པཊིསིདྡྷཱ ཨཊྛཀཐཱཙརིཡེཧི, ཏསྨཱ ཏེསཾ མཏེན རཱུཔཱཝཙརཱཔི ཧོནྟི, ན ཀེནཙི པརིཡཱཡེན ཨརཱུཔཱཝཙརཱཏི ཨཡམེཏྠ བྷཱུམིཝིབྷཱགོ.

ཝིཝེཀཏོཏི ཨེཏྠ ཝིཝེཀོཏི ཝིཝིཏྟཏཱ, སྭཱཡཾ པཉྩཝིདྷོ ཏདངྒཝིཀྑམྦྷནསམུཙྪེདཔཊིཔསྶདྡྷིནིསྶརཎཝིཝེཀཝསེན. ཏདངྒཝིཝེཀོཏི ཝིཔསྶནཱ, ཝིཀྑམྦྷནཝིཝེཀོཏི ཨཊྛ སམཱཔཏྟིཡོ, སམུཙྪེདཝིཝེཀོཏི མགྒོ, པཊིཔསྶདྡྷིཝིཝེཀོཏི ཕལཾ, ནིསྶརཎཝིཝེཀོཏི སབྦནིམིཏྟནིསྶཊཾ ནིབྦཱནཾ. ཏཏྲིམེ ཏདངྒསམུཙྪེདཔཊིཔསྶདྡྷིནིསྶརཎཝིཝེཀནིསྶིཏཱ ཧོནྟི. ཏཐཱ ཧེཏེ ཝིཔསྶནཱཀྑཎེ ཀིཙྩཏོ ཏདངྒཝིཝེཀནིསྶིཏཱ, ཨཛ྄ཛྷཱསཡཏོ ནིསྶརཎཝིཝེཀནིསྶིཏཱ. མགྒཀཱལེ པན ཀིཙྩཏོ སམུཙྪེདཝིཝེཀནིསྶིཏཱ, ཨཱརམྨཎཏོ ནིསྶརཎཝིཝེཀནིསྶིཏཱ, ཕལཀྑཎེ ཀིཙྩཏོ པཊིཔསྶདྡྷིཝིཝེཀནིསྶིཏཱ. ཨཱརམྨཎཏོ ནིསྶརཎཝིཝེཀནིསྶིཏཱ ¶ ཙ ཧོནྟི. ཀེསཉྩི ཐེརཱནཾ མཏེ ཝིཔསྶནཱཔཱདཀརཱུཔཱཝཙརཛ྄ཛྷཱནཀྑཎེ ཝིཀྑམྦྷནཝིཝེཀནིསྶིཏཱཝཱཏི པཉྩཝིཝེཀནིསྶིཏཱཔི ཧོནྟཱིཏི ཨཡམེཏྠ ཝིཝེཀོ. ཨེཝཾ ཝིཉྙེཡྻོ པཱལི༹མུཏྟཝིནིཙྪཡོ.

བོཛ྄ཛྷངྒཝིབྷངྒམཱཏིཀཏྠཝཎྞནཱ ནིཊྛིཏཱ.

མགྒངྒཝིབྷངྒམཱཏིཀཏྠཝཎྞནཱ

མགྒངྒཝིབྷངྒམཱཏིཀཱཡ པན ཨཏྠཏོ ཏཱཝ – ཨརིཡོཏི ཏཾཏཾམགྒཝཛ྄ཛྷཀིལེསེཧི ཨཱརཀཏྟཱ ¶ , ཨརིཡབྷཱཝཀརཏྟཱ ཙ ཨརིཡོ, ཨཊྛ ཨངྒཱནི ཨསྶཱཏི ཨཊྛངྒིཀོ, ནིབྦཱནཏྠིཀེཧི མགྒཱིཡཏི, ནིབྦཱནཾ ཝཱ མགྒཏི, ཀིལེསེ ཝཱ མཱརེནྟོ གཙྪཏཱིཏི མགྒོ. སེཡྻཐིདནྟི སོ ཀཏམོཏི ཙེ, ཨིདཱནི སྭཱཡཾ མགྒོ ཙཏུརངྒིནཱི ཝིཡ སེནཱ ཨངྒམཏྟམེཝ ཧོཏི, ཨངྒཝིནིམུཏྟོ ནཏྠཱིཏི དསྶེནྟོ ‘‘སམྨཱདིཊྛི…པེ… སམྨཱསམཱདྷཱི’’ཏི ཨཱཧ. ཏཏྠ སམྨཱ པསྶཏཱིཏི སམྨཱདིཊྛི, པཉྙཱ. སམྨཱ སངྐཔྤེཏི ཏཀྐེཏཱིཏི སམྨཱསངྐཔྤོ, ཝིཏཀྐོ. སེསཾ སུཝིཉྙེཡྻམེཝ. ཏཏོ དྷམྨབྷེདོཔི ཝིབྷངྒནཡོཔི བོཛ྄ཛྷངྒེསུ ཝུཏྟསདིསོ.

ཨབྷིདྷམྨབྷཱཛནཱིཡེ པན ཝིརཏིཏྟཡཝཛྫིཏོ པཉྩངྒིཀོཔི མགྒོ ཝིབྷཏྟོ, ཏཉྩ པཉྩནྣཾ ཨངྒཱནཾ ཀིཙྩཱདྷིཀཏཾ, ཝིརཏཱིནཉྩ ཨཝུཏྟསིདྡྷཏཾ སནྡྷཱཡ, ཝིརཏིཝཛྫིཏསྶ པན ལོཀུཏྟརམགྒསྶ ཨབྷཱཝཱ སོཔི ཨཊྛངྒིཀོཝཱཏི ཝེདིཏབྦོ.

པཉྷཱཔུཙྪཀེཔི སམྨཱསངྐཔྤོ སུཁཱཡ ཝེདནཱཡ སམྤཡུཏྟོཝ, སེསཱ དྭཱིཧི. སམྨཱསངྐཔྤོ ཨཝིཏཀྐཝིཙཱརམཏྟོ, པཱིཏིསཧགཏོ སུཁསཧགཏོཝ, ན ཨུཔེཀྑཱསཧགཏོ, སེསཱ ཏིདྷཱཔི. སམྨཱདིཊྛི ཧེཏུ, སེསཱ ནཧེཏཱུཏི ཨཡཾ ཝིསེསོ. སེསཾ སམམེཝ. ཨིདཱནི པན –

ཀམཏོ ¶ ཀིཙྩབྷེདཏོ, བྷཱུམིབྷེདཝིཝེཀཏོ;

མགྒངྒེསུ ཝིཛཱནཱིཡོ, པཱལི༹མུཏྟཝིནིཙྪཡོ.

ཏཏྠ ཀམཏོ ཏཱཝ ཨཡམྤི དེསནཱཀྐམོཝ. བྷགཝཏཱ ཧི ནིབྦཱནཱདྷིགམཱཡ པཊིཔནྣསྶ པཉྙཱཔཛྫོཏཔཉྙཱསཏྠཏཱཡ ཨཝིཛྫནྡྷཀཱརཝིདྷམནཏོ བཧཱུཔཀཱརཏྟཱ པཋམཾ སམྨཱདིཊྛི དེསིཏཱ. ཏཏོ ཧེརཉྙིཀསྶ ཀཧཱཔཎཔརིཝཏྟཀཧཏྠོ ཝིཡ ཡཐཱསབྷཱཝདསྶནསྶ སམྨཱདིཊྛིཡཱ བཧཱུཔཀཱརཏྟཱ སམྨཱསངྐཔྤོ. སྭཱཡཾ ཡཐཱ སམྨཱདིཊྛིཡཱ, ཨེཝཾ སམྨཱཝཱཙཱཡཔི ཨུཔཀཱརཀོ. ཡཐཱཧ ‘‘པུབྦེ ཁོ, གཧཔཏི, ཏཀྐེཏྭཱ ཝིཙཱརེཏྭཱ པཙྪཱ ཝཱཙཾ བྷིནྡཏཱི’’ཏི (མ. ནི. ༡.༤༦༣), ཏསྨཱ ཏདནནྟརཾ སམྨཱཝཱཙཱ. ཡསྨཱ པན ཝཱཙཱཡ སཾཝིདཧིཏྭཱ ལོཀེ ཀམྨནྟེ པཡོཛེནྟི, ཏསྨཱ ཏདནནྟརཾ སམྨཱཀམྨནྟོ. ཀཱཡཝཙཱིདུཙྩརིཏཾ པཧཱཡ ཨུབྷཡསུཙརིཏཾ པཱུརེནྟསྶེཝ ཡསྨཱ ཨཱཛཱིཝཊྛམཀཾ སཱིལཾ པཱུརཏི, ན ཨིཏརསྶ, ཏསྨཱ ཏདུབྷཡཱནནྟརཾ སམྨཱཨཱཛཱིཝོ ཝུཏྟོ. ཨེཝཾ ‘‘ཝིསུདྡྷདིཊྛིསཱིལེནཱཔི ཨེཏྟཱཝཏཱ པརིཏོསཾ ཨཀཏྭཱ ཨིདཾ ཝཱིརིཡཾ ཨཱརབྷིཏབྦ’’ནྟི དསྶེཏུཾ ཏདནནྟརཾ སམྨཱཝཱཡཱམོ. ཨཱརདྡྷཝཱིརིཡེནཱཔི ཀཱཡཱདཱིསུ སཏི སཱུཔཊྛིཏཱ ཀཱཏབྦཱཏི དསྶནཏྠཾ ཏདནནྟརཾ ¶ སམྨཱསཏི. སཱུཔཊྛིཏཱཡ སཏིཡཱ ཨེཀཏྟཱརམྨཎེ ཙིཏྟཾ སམཱདྷཱཏུཾ སཀྐཱཏི ཏདནནྟརཾ སམྨཱསམཱདྷི ཝུཏྟོཏི ཨཡཾ ཏཱཝེཏྠ ཀམོ.

ཀིཙྩཏོ པནེསཾ ཨེཀེཀསྶ ཏཱིཎི ཏཱིཎི ཀིཙྩཱནི, སེཡྻཐིདཾ – སམྨཱདིཊྛི ཏཱཝ ཨཉྙེཧིཔི ཨཏྟནོ པཙྩནཱིཀཀིལེསེཧི སདྡྷིཾ མིཙྪཱདིཊྛིཾ པཛཧཏི, ཨཱརམྨཎཏོ ནིརོདྷསཙྩཾ སཙྪིཀརོཏི, ཨསམྨོཧཏོ སེསསཙྩཱནི པཊིཝིཛ྄ཛྷཏི. ཨེཝཾ སམྨཱསངྐཔྤཱདཱིནཾ མིཙྪཱསངྐཔྤཔཛཧནཱདིཝསེན ཡཐཱནུརཱུཔནྟི ཀིཙྩཏཱ ཝེདིཏབྦཱ. ཝིསེསཏོ པནེཏྠ སམྨཱསངྐཔྤོ སཧཛཱཏདྷམྨེ ཨབྷིནིརོཔེཏི, སམྨཱཝཱཙཱ པརིགྒཎྷཱཏི ¶ , སམྨཱཀམྨནྟོ སམུཊྛཱཔེཏི, སམྨཱཨཱཛཱིཝོ ཝོདཱཔེཏི, སམྨཱཝཱཡཱམོ པགྒཎྷཱཏི, སམྨཱསཏི ཨུཔཊྛཱཔེཏི, སམྨཱསམཱདྷི སམཱདཧཏཱིཏི ཨིདམེཏྠ ཀིཙྩཾ.

བྷེདཏོ པན པུབྦབྷཱགེ སམྨཱདིཊྛི ‘‘དུཀྑེ ཉཱཎ’’ནྟིཨཱདིནཱ ཙཏཱུསུ སཙྩེསུ ཉཱཎཝསེན ནཱནཀྑཎཱ ནཱནཱརམྨཎཱ ནཱནཱནཱམཱ ཧོཏི, དུཏིཡོ པན ནེཀྑམྨཨབྱཱཔཱདཨཝིཧིཾསཱསངྐཔྤཝསེན, ཝིརཏིཡོ ཙཏུབྦིདྷཝཙཱིདུཙྩརིཏཏིཝིདྷཀཱཡདུཙྩརིཏམིཙྪཱཛཱིཝཝིརམཎསངྑཱཏཙེཏནཱཝསེནཔི ཝིརཏིཝསེནཔི, ཚཊྛསཏྟམཱ ཙཏུབྦིདྷསམྨཔྤདྷཱནསཏིཔཊྛཱནཝསེན ནཱནཀྑཎཱ ནཱནཱརམྨཎཱ ནཱནཱནཱམཱ ཧོནྟི. མགྒཀཱལེ པནེཏེ སམྨཱདིཊྛིཨཱདཡོ ཨེཀཀྑཎཱ ཨེཀཱརམྨཎཱ. ཀིཙྩཏོ པན ཏཱནི པུབྦབྷཱགེ ནཱནཱནཱམཱནི ལབྷནྟི, སམྨཱསམཱདྷི པན པུབྦབྷཱགེཔི མགྒཀྑཎེཔི ཙཏུཀྐཔཉྩཀཛ྄ཛྷཱནཝསེན ནཱནཀྑཎོ ནཱནཱནཱམོ, མགྒཀྑཎེ པན ཨེཀཱརམྨཎོ ཧོཏི. ཨེཀསྶ ཧི པཋམམགྒོ པཱདཀཛ྄ཛྷཱནཱདིནིཡམཏོ པཋམཛ྄ཛྷཱནཱདིཀོ ཝཱ དུཏིཡཛ྄ཛྷཱནཱདཱིསུ ཨཉྙཏརཛ྄ཛྷཱནིཀོ ཝཱ, དུཏིཡམགྒཱདཡོཔིསྶ པཋམམགྒསདིསཛ྄ཛྷཱནིཀཱ ཝཱ ཝིསདིསཛ྄ཛྷཱནིཀཱ ཝཱཏི སོ མགྒཀཱལེཔི ནཱནཀྑཎོ ནཱནཱནཱམོ ཝཱཏི ཨཡམེཏྠ བྷེདོ.

བྷཱུམིཏོ ཙ ཝིཝེཀཏོ ཙ ཝིནིཙྪཡོ བོཛ྄ཛྷངྒེསུ ཝུཏྟཱནུསཱརེན ཝེདིཏབྦོཏི ཨེཝཾ ཝིཛཱནཱིཡོ པཱལི༹མུཏྟཝིནིཙྪཡོ.

མགྒངྒཝིབྷངྒམཱཏིཀཏྠཝཎྞནཱ ནིཊྛིཏཱ.

ཛྷཱནཝིབྷངྒམཱཏིཀཏྠཝཎྞནཱ

ཛྷཱནཝིབྷངྒམཱཏིཀཱཡ ¶ པན ཨཏྠཏོ ཏཱཝ – པཱཏིམོཀྑསཾཝརསཾཝུཏོཏིཨཱདཱིསུ པཱཏིམོཀྑནྟི སིཀྑཱཔདསཱིལཾ. ཏཾ ཧི ཡོ ནཾ པཱཏི རཀྑཏི, ཏཾ མོཀྑེཏི མོཙེཏི ཨཱཔཱཡིཀཱདཱིཧི ¶ དུཀྑེཧི, ཏསྨཱ ‘‘པཱཏིམོཀྑ’’ནྟི ཝུཙྩཏི. སཾཝརཎཾ, སཾཝརནྟི ཝཱ ཏེནཱཏི སཾཝརོ, པཱཏིམོཀྑམེཝ སཾཝརོ པཱཏིམོཀྑསཾཝརོ, ཀམྨཝཱཙཱཔརིཡོསཱནེ ཨིཛ྄ཛྷནཀསྶ ཨཏྠཏོ ཙེཏནཱདིརཱུཔསྶ པཱཏིམོཀྑསཾཝརསཱིལསྶེཝེཏཾ ཨདྷིཝཙནཾ. ཏེན སཾཝུཏོ པིཧིཏཀཱཡཝཙཱིཔཡོགོཏི པཱཏིམོཀྑསཾཝརསཾཝུཏོ. ཝིཧརཏཱིཏི ཨིརིཡཏི པཝཏྟེཏི. ཨཱཙཱརགོཙརསམྤནྣོཏི ཨེཏྠ ཨཱཙརིཏབྦཏོ ཨཱཙཱརོ, གཱཝོ ཙརནྟི ཨེཏྠཱཏི གོཙརོ, གུནྣཾ ཙརཎཊྛཱནཾ. ཏཾསདིསཏཱཡ པན སབྦོཔི པཝཏྟིཝིསཡོ གོཙརོཏི ཝེདིཏབྦོ. ཏེསཾ ཝིབྷཱགོ ནིདྡེསེ ཝུཏྟནཡེནེཝ ཝེདིཏབྦོ.

ནིདྡེསེ ཧི –

‘‘ཨཱཙཱརགོཙརསམྤནྣོཏི ཨཏྠི ཨཱཙཱརོ, ཨཏྠི ཨནཱཙཱརོ. ཏཏྠ ཀཏམོ ཨནཱཙཱརོ? ཀཱཡིཀོ ཝཱིཏིཀྐམོ, ཝཱཙསིཀོ ཝཱིཏིཀྐམོ, ཀཱཡིཀཝཱཙསིཀོ ཝཱིཏིཀྐམོ, ཨཡཾ ཝུཙྩཏི ཨནཱཙཱརོ, སབྦམྤི དུསྶཱིལྱཾ ཨནཱཙཱརོ, ཨིདྷེཀཙྩོ ཝེལུ༹དཱནེན ཝཱ པཏྟ…པེ… པུཔྥཕལསིནཱནདནྟཀཊྛདཱནེན ཝཱ ཙཱཊུཀམྱཏཱཡ ཝཱ མུགྒསུཔྱཏཱཡ ཝཱ པཱརིབྷཊུཏཱཡ ཝཱ ཛངྒྷཔེསནིཀེན ཝཱ ཨཉྙཏརཉྙཏརེན ཝཱ བུདྡྷཔཏིཀུཊྛེན མིཙྪཱཨཱཛཱིཝེན ཛཱིཝིཀཾ ཀཔྤེཏི, ཨཡཾ ཝུཙྩཏི ཨནཱཙཱརོ.

‘‘ཏཏྠ ཀཏམོ ཨཱཙཱརོ? ཀཱཡིཀོ ཨཝཱིཏིཀྐམོ’’ཏིཨཱདིནཱ (ཝིབྷ. ༥༡༣) –

ཝུཏྟཝིཔརིཡཱཡེན ཨཱཙཱརོ ནིདྡིཊྛོ.

‘‘གོཙརོཏི ¶ ཨཏྠི གོཙརོ, ཨཏྠི ཨགོཙརོ. ཏཏྠ ཀཏམོ ཨགོཙརོ? ཨིདྷེཀཙྩོ ཝེསིཡཱགོཙརོ ཝཱ ཧོཏི, ཝིདྷཝཱ…པེ… ཐུལླཀུམཱརཱིཔཎྜཀབྷིཀྑུནཱིཔཱནཱགཱརགོཙརོ ¶ ཝཱ, སཾསཊྛོ ཝིཧརཏི རཱཛཱུཧི རཱཛམཧཱམཏྟེཧི ཏིཏྠིཡེཧི ཏིཏྠིཡསཱཝཀེཧི ཨནནུལོམིཀེན སཾསགྒེན, ཡཱནི ཝཱ པན ཏཱནི ཀུལཱནི ཨསྶདྡྷཱནི ཨཔྤསནྣཱནི…པེ… ཏཐཱརཱུཔཱནི ཀུལཱནི སེཝཏི བྷཛཏི པཡིརུཔཱསཏི, ཨཡཾ ཝུཙྩཏི ཨགོཙརོ.

‘‘ཏཏྠ ཀཏམོ གོཙརོ? ཨིདྷེཀཙྩོ ན ཝེསིཡཱགོཙརོ ཧོཏཱི’’ཏིཨཱདིནཱ (ཝིབྷ. ༥༡༤) –

ཝུཏྟཝིཔརིཡཱཡེན གོཙརོ ནིདྡིཊྛོ.

ཨཔིཙེཏྠ ཐེརཱནཾ བྷིཀྑཱུནཾ པུརཏོ གམནནིསཱིདནཙངྐམནགྷཊྚནཱབྷིབྷཝནཱདིཀཱཡིཀཱཙིཏྟཱིཀཱརཀིརིཡཱནཉྩེཝ ཐེརེ བྷིཀྑཱུ ཨནཱཔུཙྪཱ དྷམྨཀཐནཁུཾསནཱདིཝཱཙསིཀཱཙིཏྟཱིཀཱརཀིརིཡཱནཉྩ ཨནཱཙཱརཱནཾ པཊིཔཀྑཝསེན ཀཱཡིཀཝཱཙསིཀོ ཨཱཙཱརོ ཝེདིཏབྦོ. ཨཔིཙ བྷིཀྑུ སགཱརཝོ སཔྤཏིསྶོ ཧིརོཏྟཔྤསམྤནྣོ སུནིཝཏྠོ སུཔཱརུཏོ པཱསཱདིཀེན ཨབྷིཀྐནྟཱདིནཱ ཨོཀྑིཏྟཙཀྑུ ཨིརིཡཱཔཐསམྤནྣོ ཨཱབྷིསམཱཙཱརིཀེསུ སཀྐཙྩཀཱརཱི གརུཙིཏྟཱིཀཱརབཧུལོ ཝིཧརཏི, ཨཡཾ ཝུཙྩཏི ཨཱཙཱརོ. གོཙརོ པན ཏིཝིདྷོ ཨུཔནིསྶཡགོཙརོ ཨཱརཀྑགོཙརོ ཨུཔནིབནྡྷགོཙརོཏི. ཏཏྠ དསཀཐཱཝཏྠུགུཎསམནྣཱགཏོ ཀལྱཱཎམིཏྟོ ཨུཔནིསྶཡགོཙརོ ནཱམ. ཨནྟརགྷརཱདཱིསུ ཨོཀྑིཏྟཙཀྑུཏཱདཱིཧི དིསཱ ཝིདིསཱ ཨནོལོཀེཏྭཱ གམནཾ ཨཱརཀྑགོཙརོ ནཱམ. ཙཏྟཱརོ པན སཏིཔཊྛཱནཱ ཨུཔནིབནྡྷགོཙརོ ནཱམ. ཡཏྠ ཙིཏྟཾ ཨུཔནིབནྡྷཏི, ཨཡཾ ཏིཝིདྷོཔེཏྠ ¶ གོཙརོཏི ཝེདིཏབྦོ. ཨིམིནཱཏི ཨིམིནཱ ཨཱཙཱརེན, གོཙརེན ཙ སམནྣཱགཏོ ཨཱཙཱརགོཙརསམྤནྣོ ནཱམ.

ཨཎུམཏྟེསུ ཝཛྫེསཱུཏི ཨཎུཔྤམཱཎེསུ དོསེསུ. བྷཡདསྶཱཝཱིཏི བྷཡདསྶནསཱིལོ, ཨཎུམཏྟཾ རེཎུཾ སིནེརུསདིསཾ པསྶནྟོ ཝིཡ སབྦལཧུཀམྤི དུཀྐཊདུབྦྷཱསིཏམཏྟཾ པཱརཱཛིཀསདིསཾ ཀཏྭཱ ཝཛྫཏོ བྷཡཏོ དསྶནསཱིལོཏི ཨཏྠོ. སམཱདཱཡ སིཀྑཏི སིཀྑཱཔདེསཱུཏི ཡཾ ཀིཉྩི སིཀྑཱཔདེསུ སིཀྑིཏབྦཾ, ཏཾ སུཊྛུ ཨཱདཱཡ གཧེཏྭཱ སིཀྑཏི.

ཨིནྡྲིཡེསུ གུཏྟདྭཱརོཏི མནཙྪཊྛེསུ ཨིནྡྲིཡེསུ རཱུཔཱདིཨཱརམྨཎནིམིཏྟཱདཱིནཾ ཨགྒཧཎསངྑཱཏསཏིསཾཝརེན ¶ པིཧིཏདྭཱརོ. བྷོཛནེ མཏྟཉྙཱུཏི པིཎྜཔཱཏེ པཊིགྒཧཎཔརིབྷོགེསུ པཙྩཝེཀྑཎཉཱཎཝསེན ཙེཝ ཨཔྤིཙྪཏཱདཱིཧི ཙ མཏྟཛཱནནཀོ, པིཎྜཔཱཏཝསེན ཙེཏྠ ཙཏུནྣཾ པཙྩཡཱནཾ གཧཎཾ ཝེདིཏབྦཾ. ཨཐ ཝཱ བྷུཉྫིཏབྦཏོ བྷོཛནནྟི ཙཏུནྣཾ པཙྩཡཱནཾ གཧཎཾ ཝེདིཏབྦཾ. པུབྦརཏྟཱཔརརཏྟནྟི ཨེཏྠ ཨཌྜྷརཏྟིསངྑཱཏཱཡ རཏྟིཡཱ པུབྦེ པུབྦརཏྟཾ, ཨིམིནཱ པཋམཡཱམཉྩེཝ པཙྪཱབྷཏྟཉྩ གཎྷཱཏི. རཏྟིཡཱ པཙྪཱ ཨཔརརཏྟཾ, ཨིམིནཱ པཙྪིམཡཱམཉྩེཝ པུརེབྷཏྟཉྩ གཎྷཱཏི. པཙྪིམཡཱམོ པནསྶ བྷིཀྑུནོ ནིདྡཱཀིལམཐཝིནོདནོཀཱསོཏི ན གཧིཏོ.

ཛཱགརིཡཱནུཡོགམནུཡུཏྟོཏི ཨསུབྷབྷཱཝནཱསངྑཱཏསྶ བྷཱཝནཱརཱམསྶ ཨནུཡོགསངྑཱཏཾ ཨཱསེཝནབྷཱཝནཾ ཨནུཡུཏྟོ ཙངྐམནནིསཛྫཱཧི ཡོནིསོམནསིཀཱརེན ཨཱཝརཎཱིཡེཧི དྷམྨེཧི ཙིཏྟཔརིསོདྷནེ ཡུཏྟཔྤཡུཏྟོཏི ཨཏྠོ. སཱཏཙྩཾ ནེཔཀྐནྟི སཏཏཾ པཝཏྟཡིཏབྦཏོ སཱཏཙྩསངྑཱཏཾ ཝཱིརིཡཾ, པརིཔཱཀགཏཏྟཱ ནེཔཀྐསངྑཱཏཉྩ པཉྙཾ ཨནུཡུཏྟོཏི སམྦནྡྷོ. ཨིམིནཱ ཝཱིརིཡཔཉྙཱཧི ཡུཏྟསྶེཝ ཛཱགརིཡཱནུཡོགསིདྡྷཱིཏི དསྶེཏི.

ཨིདཱནི ¶ ཏཾ ཛཱགརིཡཱནུཡོགཾ སརཱུཔཏོ དསྶེནྟོ ‘‘བོདྷིཔཀྑིཀཱནཾ དྷམྨཱན’’ནྟིཨཱདིམཱཧ. བོདྷིཔཀྑིཀཱནཾ དྷམྨཱནནྟི ཙཏུསཙྩཱཝབོདྷསངྑཱཏསྶ མགྒཉཱཎསྶ པཀྑེ བྷཝཱནཾ ཙཏུསཙྩསཏིཔཊྛཱནཱདིསཏྟཏིཾསདྷམྨཱནཾ. ནིདྡེསེ པནསྶ ལོཀིཡབྷཱཝནཱཡ ཝིསེསབོདྷིཔཀྑིཡདྷམྨེ ཨེཀཱརམྨཎེ པཝཏྟནསམཏྠཏཱཡ སཏྟ བོཛ྄ཛྷངྒཱ ཨེཝ ནིདྡིཊྛཱ. ཏེསཾ གཧཎེན པན སེསཱནམྤི ཏཏྠ གཧཎཾ ཝེདིཏབྦཾ. སོ ཨབྷིཀྐནྟེ པཊིཀྐནྟེཏིཨཱདཱིསུ ཨབྷིཀྐནྟཾ ཝུཙྩཏི པུརཏོ གམནཾ, པཊིཀྐནྟཾ ནིཝཏྟནཾ, ཏདུབྷཡཉྩ ཋཱནནིསཛྫཱསཡནེསུཔི པུརཏོ, པཙྪཏོ ཙ ཀཱཡསྶ ཨབྷིགམནཨཔགམནཝསེན ལབྦྷཏི. སམྤཛཱནཀཱརཱི ཧོཏཱིཏི སམྤཛཉྙེན སབྦཀིཙྩཀཱརཱི, སམྤཛཉྙསྶེཝ ཝཱ ཀཱརཱི, སམྤཛཉྙ-གྒཧཎེན ཙེཏྠ ཨཝིཔྤཡོགཏོ སཏིཔི གཧིཏཱཝ ཧོཏི. ཏེནེཝསྶ ནིདྡེསེ ‘‘སཏོ སམྤཛཱནོ ཨབྷིཀྐམཏཱི’’ཏིཨཱདི ཝུཏྟཾ.

ཨཱལོཀིཏེཏིཨཱདཱིསུ ཨཱལོཀིཏཾ ནཱམ པུརཏོ པེཀྑནཾ. ཝིལོཀིཏཾ ནཱམ ཨནུདིསཱཔེཀྑནཾ. ཨིམེསཾ པན དྭིནྣཾ གཧཎེན ཧེཊྛཱ ཨུཔརི པཙྪཏོ པེཀྑནསངྑཱཏཱནི ཨོལོཀིཏུལློཀིཏཱཔལོཀིཏཱནིཔི གཧིཏཱནཱིཏི ཝེདིཏབྦཱནི.

སམིཉྫིཏེ ¶ པསཱརིཏེཏི པབྦཱནཾ སམིཉྫནེ, པསཱརཎེ ཙ. སངྒྷཱཊིཔཏྟཙཱིཝརདྷཱརཎེཏི ཨེཏྠ སངྒྷཱཊིཙཱིཝརཱནཾ ནིཝཱསནཔཱརུཔནཝསེན, པཏྟསྶ བྷིཀྑཱཔཊིགྒཧཎཱདིཝསེན ཙ པརིབྷོགོ དྷཱརཎཾ ནཱམ. ཨསིཏེཏི པིཎྜཔཱཏཱདིབྷོཛནེ. པཱིཏེཏི ཡཱགུཨཱདིཔཱནེ. ཁཱཡིཏེཏི པིཊྛཁཛྫཱདིཁཱདནེ. སཱཡིཏེཏི མདྷུཕཱཎིཏཱདིསཱཡིཏེ. ཨུཙྩཱརཔསྶཱཝཀམྨེཏི ཨུཙྩཱརསྶ ཙ པསྶཱཝསྶ ཙ ཀརཎེ. གཏེཏི གམནེ. ཋིཏེཏི ཋཱནེ. ནིསིནྣེཏི ནིསཛྫཱཡ. སུཏྟེཏི སཡནེ. ཛཱགརིཏེཏི ཛཱགརཎེ. ཨེཏྠ ཙ བྷིཀྑཱཙཱརགམནཱདིཝསེན ¶ ‘‘ཨབྷིཀྐནྟེ’’ཏི ཝུཏྟཾ. ཝིཧཱརེ པན ཙངྐམནཱདིཨིརིཡཱཔཐཝསེནེཝ ‘‘གཏེ’’ཏིཨཱདི ཝུཏྟནྟི ཝེདིཏབྦཾ. བྷཱསིཏེཏི ཀཐནེ. ཏུཎྷཱིབྷཱཝེཏི ཨཀཐནེ.

སབྦེསུ པན ཏེསུ ཨབྷིཀྐནྟཱདཱིསུ པཙྩེཀཾ སཱཏྠཀསམྤཛཉྙཾ སཔྤཱཡསམྤཛཉྙཾ གོཙརསམྤཛཉྙཾ ཨསམྨོཧསམྤཛཉྙནྟི ཙཏུབྦིདྷཾ སམྤཛཉྙཾ ཝེདིཏབྦཾ. ཏཏྠ ཨབྷིཀྐམིཏུཀཱམཏཱདིཙིཏྟེ ཨུཔྤནྣེ ཙིཏྟཝསེནེཝ གམནཱདིཾ ཨཀཏྭཱ ‘‘ཀིཾ ནུ མེ ཏཏྠ གཏེན ཨཏྠོ’’ཏི པརིགྒཎྷིཏྭཱ ཙེཏིཡདསྶནཱདིནོ ཏསྶ ཏསྶ ཨཏྠསྶ པརིགྒཎྷནཾ སཱཏྠཀསམྤཛཉྙཾ ནཱམ. སཱཏྠཀེསུ པནེཏེསུ གམནཱདཱིསུ ཛཱིཝིཏབྲཧྨཙརིཡནྟརཱཡཱནཉྩེཝ སལླེཁཔཊིཔཏྟིཝིགྷཱཏཀརཱནཾ ཀཱཡིཀཙེཏསིཀཔརིཀྐིལེསཱནཉྩ སབྦེསཱནཾ སབྦྷཱཝཱབྷཱཝཾ པརིགྒཧེཏྭཱ སཔྤཱཡཔརིགྒཎྷནཾ སཔྤཱཡསམྤཛཉྙཾ ནཱམ. ཨེཝཾ པརིགྒཧིཏསཱཏྠཀསཔྤཱཡསྶ པན ཨཊྛཏིཾསཱཡ ཀམྨཊྛཱནེསུ, ཝིཔསྶནཱཡ ཝཱ ཨཏྟནོ ཨབྷིརུཙིཏཾ ཀམྨཊྛཱནསངྑཱཏཾ གོཙརཾ ཨཝིསྶཛྫེཏྭཱཝ ཨབྷིཀྐམཱདཱིནཾ ཀརཎཾ གོཙརསམྤཛཉྙཾ ནཱམ. ཨབྷིཀྐམཱདཱིསུ པན ཨནྡྷབཱལཔུཐུཛྫནཱ ‘‘ཨཏྟཱ ཨབྷིཀྐམཱདཱིནི ཀརོཏི, ཨཧཾ ཀརོམཱི’’ཏི ཝཱ སམྨུཡ྄ཧནྟི, ཏཐཱ ཨསམྨུཡ྄ཧིཏྭཱ ‘‘ཨབྷིཀྐམིཏུཀཱམཏཱདིཙིཏྟཀིརིཡཝཱཡོདྷཱཏུ ཝིཔྥཱརཱདིཀཱརཎསཱམགྒིཡཱ ཨཡཾ ཀཱཡསངྑཱཏོ ཨཊྛིསངྒྷཱཊོ ཨབྷིཀྐམཱདཱིནི ཀརོཏི, ཏཏོ ཨཉྙོ ཨབྦྷནྟརེ ཨཏྟཱ ཝཱ སཏྟོ ཝཱ ཨབྷིཀྐམནྟོ ཝཱ པཊིཀྐམནྟོ ཝཱ…པེ… ཏུཎྷཱི བྷཝནྟོ ཝཱ ནཏྠཱི’’ཏི ཨེཝམཱདིནཱ ཡཱཐཱཝཏོ ཛཱནནཝསེན པཉྙཱཡ པཝཏྟནཾ ཨསམྨོཧསམྤཛཉྙཾ ནཱམ. ཨཡམེཏྠ སངྑེཔོ, ཝིཏྠཱརོ པན སམྨོཧཝིནོདནིཡཾ (ཝིབྷ. ཨཊྛ. ༥༠༨) གཧེཏབྦོ.

ཨིདཱནི ཡསྨཱ ཡསྶ ཨབྦྷནྟརེ ཡཐཱཝུཏྟཱ ཨེཏྟཀཱ གུཎཱ ནཏྠི, ཏསྶ ཨརཉྙཝཱསོ པན མཀྐཊཱདཱིནཾ ཝིཡ ཨནུཙྪཝིཀོ ¶ ན ཧོཏི, ཨུཔཙཱརམཏྟམྤིསྶ ཛྷཱནཾ ན ཨུཔྤཛྫཏི. ཡསྶ པན སནྟི, ཏསྶ ཨརཉྙཝཱསོ ཨནུཙྪཝིཀོ ཧོཏི. སོ ཧི ཏཏྠ སབྦཔྤཀཱརཛ྄ཛྷཱནཾ ནིབྦཏྟེཏུཾ ¶ སཀྐོཏི, ཨརཉྙཝཱསཉྩེཝ ཨཱརཉྙཀེ ཙ ཨུཔསོབྷེཏི, སཀལཉྩ སཱསནཾ པསཱདེཏི, ཏསྨཱ ཨེཝརཱུཔསྶ བྷིཀྑུནོ ཨུཔཱསནཊྛཱནཡོགཔཐཾ སཔྤཱཡསེནཱསནཾ དསྶེནྟོ ‘‘སོ ཝིཝིཏྟཾ སེནཱསནཾ བྷཛཏཱི’’ཏིཨཱདིམཱཧ. ཏཏྠ ཝིཝིཏྟནྟི སུཉྙཾ. སེཏི ཙེཝ ཨཱསཏི ཙ ཨེཏྠཱཏི སེནཱསནཾ, མཉྩཱདི, ཝིཧཱརཱདི ཙ. ཏེནེཝསྶ ནིདྡེསེ ‘‘མཉྩོ པཱིཋ’’ནྟིཨཱདི ཝུཏྟཾ.

ཨིདཱནི ཨཉྙམྤིསྶ པབྷེདཾ དསྶེཏུཾ ‘‘ཨརཉྙ’’ནྟིཨཱདི ཝུཏྟཾ. ཏཏྠ ཨརཉྙནྟི ཝིནཡཔརིཡཱཡེན ཏཱཝ ཋཔེཏྭཱ གཱམཉྩ གཱམཱུཔཙཱརཉྩ ཨཝསེསཾ, སུཏྟནྟཔརིཡཱཡེན ཙ ཨཱརཉྙཀཾ བྷིཀྑུཾ སནྡྷཱཡ པཉྩདྷནུསཏིཀཾ པཙྪིམཾ ཨརཉྙནྟི ཝུཏྟཾ, ཨབྷིདྷམྨཔརིཡཱཡེན པན གཱམདྭཱརསྶ ཨིནྡཁཱིལཏོ བཧི སབྦཾ ‘‘ཨརཉྙ’’ནྟི གཧེཏབྦཾ. ‘‘ནིཀྑམིཏྭཱ བཧི ཨིནྡཁཱིལཱ’’ཏི (ཝིབྷ. ༥༢༩) ཧི ཝུཏྟཾ. ཀནྡརནྟི ཀཾ ཝུཙྩཏི ཨུདཀཾ, ཏེན དརིཏཾ ཨུདཀེན བྷིནྣཾ པབྦཏཔདེསཾ, ཡཾ ‘‘ནིཏུམྦ’’ནྟིཔི ‘‘ནདཱིཀུཉྫ’’ནྟིཔི ཝདནྟི. ཏཏྠ ཧི རཛཏཔཊྚསདིསཝཱལིཀཱཔུལིནེ མཎིཝིཏཱནསདིསེ སནྡཙྪཱཡེ ཝནགཧནེ ནིསཱིདིཏྭཱ མཎིཀྑནྡྷསདིསེ ཨུདཀེ སནྡམཱནེ སཱིཏེན ཝཱཏེན བཱིཛིཡམཱནསྶ སམཎདྷམྨཾ ཀརོཏོ ཙིཏྟཾ ཨེཀགྒཾ ཧོཏི. གིརིགུཧནྟི དྭིནྣཾ པབྦཏཱནམནྟརཾ, ཨེཀསྨིཉྙེཝ ཝཱ ཨུམངྒསདིསཾ མཧཱཝིཝརཾ. ཝནཔཏྠནྟི གཱམནྟཾ ཨཏིཀྐམིཏྭཱ མནུསྶཱནཾ ཨནུཔཙཱརཊྛཱནཾ, ཡཏྠ ན ཀསནྟི ན ཝཔནྟི. ཏེནེཝསྶ ནིདྡེསེ ‘‘ཝནཔཏྠནྟི དཱུརཱནམེཏཾ སེནཱསནཱནཾ ཨདྷིཝཙན’’ནྟིཨཱདི ཝུཏྟཾ.

ཨབྦྷོཀཱསནྟི ཨཙྪནྣཾ. ཨཱཀངྑམཱནོ པནེཏྠ ཙཱིཝརཀུཊིཾ ཀཏྭཱ ཝསཏི. པལཱལཔུཉྫནྟི པལཱལརཱསིཾ. མཧཱཔལཱལཔུཉྫཏོ ¶ ཧི པལཱལཾ ནིཀྐཌྜྷིཏྭཱ པབྦྷཱརལེཎསདིསེ ཨཱལཡེ ཀརོནྟི, གཙྪགུམྦཱདཱིནམྤི ཨུཔརི པལཱལཾ པཀྑིཔིཏྭཱ ཧེཊྛཱ ནིསཱིདནྟི, ཏཾ སནྡྷཱཡེཏཾ ཝུཏྟཾ. ཨཔྤསདྡནྟིཨཱདཱིསུ ཝཙནསདྡེན ཝིརཧིཏཏྟཱ ཨཔྤསདྡཾ. ནགརནིགྒྷོསསདྡེན ཙེཝ མིགཔཀྑིནིགྒྷོསེན ཙ རཧིཏཏྟཱ ཨཔྤནིགྒྷོསཾ. ཝིཛནཝཱཏནྟི ཨནུསཉྩརཀཛནསྶ སརཱིརཝཱཏེན ཝིརཧིཏཏྟཱ ཝིཛནཝཱཏཾ, ‘‘ཝིཛནཝཱད’’ནྟིཔི པཱཋོ. སེནཱསནསྶ ཨནྟོ ཛནཝཱདསདྡེན རཧིཏནྟི ཨཏྠོ. མནུསྶཱནཾ རཧསྶ ཀིརིཡཱརཧཏྟཱ མནུསྶརཱཧསྶེཡྻཀཾ, ཏཏོ ཏཏོ པཊིནིཝཏྟིཏྭཱ སམྨདེཝ ཀམྨཊྛཱནེ ཙིཏྟསྶ ལཱིཡནཏོ པཊིསལླཱནསངྑཱཏསྶ ཝིཝེཀསྶ བྷཱཝནཱརཱམསྶ ཨནུརཱུཔཏྟཱ པཊིསལླཱནསཱརུཔྤཾ. བྷཛཏཱིཏི སམྦནྡྷོ. ཨརཉྙགཏོཏིཨཱདཱིསུ ཨརཉྙཾ, རུཀྑམཱུལཉྩ ཋཔེཏྭཱ ཨཝསེསཾ སབྦམྤི སེནཱསནཾ སུཉྙཱགཱརེན སངྒཧིཏཾ.

པལླངྐཾ ¶ ཨཱབྷུཛིཏྭཱཏི སམནྟཏོ ཨཱུརུབདྡྷཱསནཾ བནྡྷིཏྭཱ. ཨུཛུཾ ཀཱཡཾ པཎིདྷཱཡཱཏི ཨུཔརིམཀཱཡཾ ཨུཛུཾ ཋཔེཏྭཱ, ཨཊྛཱརས པིཊྛིཀཎྚཀེ ཀོཊིཡཱ ཀོཊིཾ པཊིཔཱདེཏྭཱ. ཨེཝཾ ནིསིནྣསྶ ཧི ཙམྨམཾསནཧཱརཱུནི ན པཎམནྟི, ཨཐསྶ ཏེསཾ ཨཔཎམནཔཙྩཡཱ ཁཎེ ཁཎེ ཝེདནཱ ན ཨུཔྤཛྫནྟི, ཏཏོ ཙིཏྟཾ ཨེཀགྒཾ ཧོཏི, ཀམྨཊྛཱནཾ ཝུདྡྷིཾ ཨུཔགཙྪཏི. པརིམུཁཾ སཏིཾ ཨུཔཊྛཔེཏྭཱཏི ཀམྨཊྛཱནཱབྷིམུཁཾ སཏིཾ པཊྛཔེཏྭཱ, མུཁསམཱིཔེ ཝཱ ཀཏྭཱ. ཏེནེཝསྶ ནིདྡེསེ ‘‘ཨཡཾ སཏི ཨུཔཊྛིཏཱ ཧོཏི སཱུཔཊྛིཏཱ, ནཱསིཀགྒེ ཝཱ མུཁནིམིཏྟེ ཝཱ’’ཏི (ཝིབྷ. ༥༣༧) ཝུཏྟཾ. མུཁནིམིཏྟནྟི ཙེཏྠ ཨུཏྟརོཊྛསྶ ཝེམཛ྄ཛྷཔདེསོ, ཡཏྠ ནཱསིཀཱཝཱཏོ པཊིཧཉྙཏི. ཨཐ ཝཱ ‘‘པརཱིཏི པརིགྒཧཊྛོ, མུཁནྟི ནིཡྻཱནཊྛོ, སཏཱིཏི ཨུཔཊྛཱནཊྛོ, ཏེན ཝུཙྩཏི པརིམུཁཾ སཏི’’ནྟི (པཊི. མ. ༡.༡༦༤) ཝཾ པཊིསམྦྷིདཱཡཾ ཝུཏྟནཡེནཔེཏྠ ཨཏྠོ དཊྛབྦོ. ཏཏྲཱཡཾ སངྑེཔཏྠོ ‘‘པརིགྒཧིཏནིཡྻཱནཾ སཏིཾ ཀཏྭཱ’’ཏི.

ཨབྷིཛ྄ཛྷཾ ¶ ལོཀེཏིཨཱདཱིསུ ཨབྷིམུཁཾ ཛྷཱཡཏི ཙིནྟེཏཱིཏི ཨབྷིཛ྄ཛྷཱ, རཱགོ. ལུཛྫནཔལུཛྫནཊྛེན ལོཀོ, པཉྩུཔཱདཱནཀྑནྡྷཱ. ཏེསུ ཀཱམཙྪནྡཾ ཝིཀྑམྦྷེཏྭཱཏི ཨཏྠོ. ཝིཀྑམྦྷནཝསེནེཝ ཝིགཏཱབྷིཛ྄ཛྷེན, ན ཙཀྑུཝིཉྙཱཎཱདིསདིསེནཱཏི ཨཏྠོ. ཙེཏསཱཏི ཙིཏྟེན, ཨིཏྠམྦྷཱུཏོ ཝིཧརཏཱིཏི ཨཏྠོ. ཨབྷིཛ྄ཛྷཱཡཱཏི ཨབྷིཛ྄ཛྷཱཏོ. ཙིཏྟཾ པརིསོདྷེཏཱིཏི ཡཐཱ ནཾ སཱ མུཉྩིཏྭཱ ན པུན གཎྷཱཏི, ཨེཝཾ པརིམོཙེཏཱིཏི ཨཏྠོ. བྱཱཔཛྫཏི ཨིམིནཱ ཙིཏྟཾ པཱུཏིཀུམྨཱསཱདཡོ ཝིཡ པཀཏིཾ ཛཧཱཏཱིཏི བྱཱཔཱདོ. ཝིཀཱརཔྤཏྟིཡཱ པདུསྶཏི, པརཾ ཝཱ པདཱུསེཏི ཝིནཱསེཏཱིཏི པདོསོ, ཨུབྷཡམྤེཏཾ ཀོདྷསྶེཝཱདྷིཝཙནཾ. ཡསྨཱ ཙེཏཾ སབྦཀམྨཊྛཱནསཱདྷཱརཎཝསེན དེསཱིཡཏི, ཏསྨཱ ‘‘སབྦཔཱཎབྷཱུཏཧིཏཱནུཀམྤཱི’’ཏི ཨེཝཾ མེཏྟཱཝསེན ཨཝཏྭཱ ‘‘ཨབྱཱཔནྣཙིཏྟོ’’ཏི ཨེཏྟཀམེཝ ཝུཏྟཾ.

ཐིནཾ ཙིཏྟསྶ གེལཉྙཾ, མིདྡྷཾ ཙེཏསིཀཱནཾ. ཨཱལོཀསཉྙཱིཏི རཏྟིཡམྤི དིཝཱཔི དིཊྛཨཱལོཀསཉྫཱནནསཉྙཱཡ སམནྣཱགཏོ, ཏཱཡ པན ཨཱལོཀསཉྙཱཡ ཐིནམིདྡྷཝིནོདནསྶ ཝིསེསཏོ སཏིསམྤཛཉྙཾ ཨིཙྪིཏབྦནྟི ཨཱཧ ‘‘སཏོ སམྤཛཱནོ’’ཏི.

ཨནུདྡྷཏོཏི ཨཝིཀྑིཏྟོ ཏཐཱ ཨེཝ ཨཛ྄ཛྷཏྟཾ ཝཱུཔསནྟཙིཏྟོ. ཏིཎྞཝིཙིཀིཙྪོཏི ཝིཙིཀིཙྪཾ ཨཏིཀྐམིཏྭཱ ཋིཏོ. ཨཀཐཾཀཐཱི ཀུསལེསུ དྷམྨེསཱུཏི ཨནཝཛྫདྷམྨེསུ ‘‘ཀཐཾ ཨིམེ, ཀཐཾ ཨིམེ’’ཏི ཨེཝཾ པཝཏྟནཏོ ཀཐཾཀཐཱིསངྑཱཏཱཡ ཝིཙིཀིཙྪཱཡ ཝིརཧིཏོ. ཨེཝཾ པཉྩནཱིཝརཎཔྤཧཱནཾ ¶ དསྶེཏྭཱ ཨིདཱནི ཡསྨཱ ཨཔྤཧཱིནནཱིཝརཎསྶ ཛྷཱནཾ ན ཨུཔྤཛྫཏི, ན ཧི ཀཱམཙྪནྡཱདཱིཧི ནཱནཱཝིསཡཝིཀྑིཏྟཙིཏྟཾ ཨེཀཏྟཱརམྨཎེ སམཱདྷིཡཏི, ན ཀཱམདྷཱཏུསམཏིཀྐམནཱཡ ཝཱ པཊིཔཛྫཏི, ཏསྨཱ ‘‘སོ ཨིམེ པཉྩ ནཱིཝརཎེ པཧཱཡཱ’’ཏིཨཱདི ཝུཏྟཾ. ཏཏྠ ¶ སོཏི ཡོ ཡཐཱཝུཏྟསཱིལཱདིགུཎེ པཏིཊྛཱཡ ཨརཉྙཱདིཨནུརཱུཔསེནཱསནགཏོ ཨཏྟནོ ཙརིཡཱནུཀུལཀམྨཊྛཱནེ ལཱིནུདྡྷཙྩརཧིཏཱཡ སཱཏཙྩཀིརིཡཱཡ ཨུཔྤཱདིཏུཔཙཱརཛ྄ཛྷཱནེན པཧཱིནཔཉྩནཱིཝརཎོ པཋམཛ྄ཛྷཱནཱདྷིགམཱཡ ཝཱཡམཏི, སོཏི ཨཏྠོ.

ཙེཏསོ ཨུཔཀྐིལེསེཏི ཙིཏྟསྶ ཨཔྤབྷསྶརབྷཱཝཀརཎེ. པཉྙཱཡ དུབྦལཱིཀརཎེཏི ཡསྨཱ ཨིམེ ནཱིཝརཎཱ ཨུཔྤཛྫམཱནཱ ཨནུཔྤནྣཱཡ ལོཀིཡལོཀུཏྟརཱཡ པཉྙཱཡ ཨུཔྤཛྫིཏུཾ ན དེནྟི, ཨུཔྤནྣཱཡ པན ལོཀིཡཨཊྛསམཱཔཏྟིཡཱ, ཨབྷིཉྙཱབྷཱུཏཱཡ ཝཱ མཱུལཾ ཨུཔཙྪིནྡིཏྭཱ པཱཏེནྟི, ཏསྨཱ ‘‘པཉྙཱཡ དུབྦལཱིཀརཎཱ’’ཏི ཝུཙྩནྟི. ཝིཝིཙྩེཝ ཀཱམེཧཱིཏིཨཱདཱིསུ ཀཱམེཧཱིཏི ཝཏྠུཀཱམཀིལེསཀཱམེཧི. ཝིཝིཙྩེཝཱཏི ཝིཝིཙྩིཏྭཱ ཝིནཱ ཧུཏྭཱ, ཨཔཀྐམིཏྭཱཏི ཨཏྠོ. ནིཡམཏྠེན པནེཏྠ ཨེཝ-ཀཱརེན ཛྷཱནཔཊིཔཀྑབྷཱུཏཱནཾ ཀཱམཱནཾ པརིཙྩཱགེནེཝ པཋམཛ྄ཛྷཱནཱདྷིགམོ, ཨནྡྷཀཱརཔརིཙྩཱགེནེཝ དཱིཔཔྤཝཏྟི ཝིཡཱཏི དསྶེཏི. ཨུཏྟརཔདེཔི ཙེས ཨེཝ-ཀཱརོ ཨཱནེཏྭཱ ‘‘ཝིཝིཙྩེཝ ཨཀུསལེཧི དྷམྨེཧཱི’’ཏི སམྦནྡྷིཏབྦོ. ན ཧི སཀྐཱ ཀཱམཏོ ཨཉྙེཧི ནཱིཝརཎསངྑཱཏེཧི ཨཀུསལདྷམྨེཧི ཨཝིཝིཙྩཱཔི ཛྷཱནཾ ཨུཔསམྤཛྫ ཝིཧརིཏུཾ. པདདྭཡེཔི པན ‘‘ཝིཝིཙྩཱ’’ཏི ཨིམིནཱ ཀཱཡཝིཝེཀཱདཱིསུ, ཏདངྒཝིཝེཀཱདཱིསུ ཙ ཏདངྒནིསྶརཎཝིཝེཀཝཛྫིཏཱ སབྦེཔི ཝིཝེཀཱ ཨིདྷ ཨདྷིཔྤེཏཱ. ཝཏྠུཀཱམཝིཝེཀཝཙནཏོ ཧི ཀཱཡཝིཝེཀོ ཝུཏྟོ, ཀིལེསཀཱམེཧི པན སེསཱཀུསལེཧི ཙ ཝིཝེཀཝཙནཏོ ཙིཏྟཨུཔདྷིཝིཝེཀཱ, ཝིཀྑམྦྷནཱདིཝིཝེཀཱ ཙ ཝུཏྟཱ. ལོཀུཏྟརཛ྄ཛྷཱནམྤི སངྒཧིཏཏྟཱ དཊྛབྦཾ. ཨེཝམེཏེན པདདྭཡེན ཡཐཱཀྐམཾ ཀཱམཙྪནྡནཱིཝརཎསེསནཱིཝརཎཝིཀྑམྦྷནཱདིཀོ ཝུཏྟོ. ཨེཝཾ ཨོགྷཱདཱིསུཔི ཡཐཱརཧཾ ཡོཛེཏབྦཾ.

ཨེཏྟཱཝཏཱ ཙ པཋམསྶ ཛྷཱནསྶ པཧཱནངྒཾ དསྶེཏྭཱ ཨིདཱནི སམྤཡོགངྒཾ དསྶེཏུཾ ‘‘སཝིཏཀྐཾ སཝིཙཱར’’ནྟིཨཱདི ཝུཏྟཾ ¶ . ཏཏྠ ཝིཏཀྐེན ཙ ཝིཙཱརེན ཙ སཧ ཝཏྟཏི རུཀྑོ ཝིཡ པུཔྥེན, ཕལེན ཙཱཏི ཨིདཾ ཛྷཱནཾ ‘‘སཝིཏཀྐཾ སཝིཙཱར’’ནྟི ཝུཙྩཏི. ཝིཝེཀཛནྟི ཨེཏྠ ཝིཝིཏྟི ཝིཝེཀོ, ནཱིཝརཎཝིགམོཏི ཨཏྠོ. ཝིཝིཏྟོཏི ཝཱ ཝིཝེཀོ, ནཱིཝརཎཝིཝིཏྟོ ཛྷཱནསམྤཡུཏྟདྷམྨརཱསཱིཏི ཨཏྠོ, ཏསྨཱ ཝིཝེཀཏོ, ཏསྨིཾ ཝཱ ཝིཝེཀེ ཛཱཏནྟི ཝིཝེཀཛཾ. པཱིཏིསུཁནྟི ཨེཏྠ པཱིཏཱིཏི ཨཔྤནཱཔྤཏྟཱ ཕརཎཱཔཱིཏི, སུཁཉྩ ཏཾསམྤཡུཏྟཾ, ཨིཏི ཨཡཉྩ པཱིཏི ¶ ཨིདཉྩ སུཁཾ ཨསྶ ཛྷཱནསྶ, ཨསྨིཾ ཝཱ ཨཏྠཱིཏི ཨིདཾ ཛྷཱནཾ ‘‘པཱིཏིསུཁ’’ནྟི ཝུཙྩཏི. ཨཐ ཝཱ པཱིཏི ཙ སུཁཉྩ པཱིཏིསུཁཾ, ཝིཝེཀཛཾ པཱིཏིསུཁཾ ཨསྶ, ཨསྨིཾ ཝཱཏི ཝིཝེཀཛཾ པཱིཏིསུཁཾ, ཨེཝཾ ཨེཀཔདཝསེན ‘‘ཝིཝེཀཛཔཱིཏིསུཁ’’ནྟི ཝཏྟབྦེ ནིགྒཧཱིཏཱགམཾ ཀཏྭཱ ‘‘ཝིཝེཀཛཾ པཱིཏིསུཁ’’ནྟིཔི ཝཏྟུཾ ཡུཛྫཏི. ཡཐེཝ ཧི ཛྷཱནཾ, ཨེཝཾ པཱིཏིསུཁམྤི ཝིཝེཀཛམེཝ ཧོཏཱིཏི. པཋམཾ ཛྷཱནནྟི གཎནཱནུཔུབྦཏོ པཋམཾ, པཋམཾ ཨུཔྤཏྟིཏོཔི པཋམཾ. ཨཱརམྨཎཱུཔནིཛ྄ཛྷཱནཏོ, པཙྩནཱིཀཛྷཱཔནཏོ ཝཱ ཛྷཱནཾ, ཨིམིནཱ ནཡེན ཨུཔརི ‘‘དུཏིཡཾ ཛྷཱན’’ནྟིཨཱདཱིསུ ཨཏྠོ ཝེདིཏབྦོ. ཨུཔསམྤཛྫ ཝིཧརཏཱིཏི ཨེཝཾ པཉྩངྒཝིཔྤཧཱིནཾ པཉྩངྒསམནྣཱགཏཾ ཏིཝིདྷཀལྱཱཎཾ དསལཀྑཎསམྤནྣཾ པཋམཾ ཛྷཱནཾ ཨདྷིགནྟྭཱ ཏདནུརཱུཔེན ཨིརིཡཱཔཐཝིཧཱརེན པཝཏྟཏཱིཏི ཨཏྠོ. ཨེཏྠ ཙ ཙིཏྟེཀགྒཏཱ ཀིཉྩཱཔི ‘‘སཝིཏཀྐསཝིཙཱར’’ནྟི ཨིམསྨིཾ པཱཋེ ན ནིདྡིཊྛཱ, ཏཐཱཔི ཝིབྷངྒེ ‘‘ཛྷཱནནྟི ཝིཏཀྐོ ཝིཙཱརོ པཱིཏི སུཁཾ ཙིཏྟསྶེཀགྒཏཱ’’ཏི (ཝིབྷ. ༥༦༩) ཝུཏྟཏྟཱ ཨངྒམེཝ.

ཨེཝཾ པཋམཛ྄ཛྷཱནཱདྷིགམཾ དསྶེཏྭཱ ཨིདཱནི ཏདནནྟརཾ ཨདྷིགཏཔཋམཛ྄ཛྷཱནསྶ ཏཾ ཨཱཝཛྫནསམཱཔཛྫནཝུཊྛཱནཱདྷིཊྛཱནཔཙྩཝེཀྑཎསངྑཱཏཱཧི པཉྩཧི ཝསཱིཧི ཝསཱིབྷཱུཏཾ ཀཏྭཱ ཏཏོ ཝུཊྛཱཡ ཏཏྠ ཨཱསནྣནཱིཝརཎཔཙྩཏྠིཀཏཱཡ ཙེཝ ཨོལཱ༹རིཀཝིཏཀྐཝིཙཱརཀྑོབྷསམངྒིཏཱཡ ཙ དོསཾ དིསྭཱ ནིཀནྟིཾ པརིཡཱདཱཡ ཝིཏཀྐཱདིབྷེདོལཱ༹རིཀངྒཔྤཧཱནཱཡ, པཱིཏིཨཱདིསནྟངྒཔཊིལཱབྷཱཡ ¶ ཙ ཏདེཝ ཀམྨཊྛཱནཾ པུནཔྤུནཾ མནསིཀརོཏོ དུཏིཡཾ ཛྷཱནཾ ཨུཔྤཛྫཏི, ཏཔྤཱདཀཉྩ ལོཀུཏྟརཛ྄ཛྷཱནཾ པུགྒལཱདྷིཊྛཱནེན དསྶེཏུཾ ‘‘ཝིཏཀྐཝིཙཱརཱནཾ ཝཱུཔསམཱ’’ཏིཨཱདིམཱཧ. ཏཏྠ ཝཱུཔསམཱཏི སམཏིཀྐམཱ, དུཏིཡཛ྄ཛྷཱནཀྑཎེ ཨཔཱཏུབྷཱཝཱཏི ཝུཏྟཾ ཧོཏི. ཨཛ྄ཛྷཏྟནྟི ཨཏྟནི ཛཱཏཾ, ཨཏྟསནྟཱནེ ནིབྦཏྟནྟི ཨཏྠོ. སམྤསཱདནནྟི སདྡྷཱསངྑཱཏསམྤསཱདནཡོགཏོ ཛྷཱནམྤི སམྤསཱདནཾ ནཱིལཝཎྞཡོགཏོ ནཱིལཝཏྠཾ ཝིཡ. ཨེཀོདིབྷཱཝནྟི ཨེཏྠ ཝིཏཀྐཝིཙཱརེཧི ཨནཛ྄ཛྷཱརུལ༹ྷཏྟཱ ཨེཀོ ཨགྒོ སེཊྛོ ཨུདེཏཱིཏི ཨེཀོདི, སམཱདྷི. ཏཾ བྷཱཝེཏི ཝཌྜྷེཏཱིཏི དུཏིཡཛ྄ཛྷཱནཾ ཨེཀོདིབྷཱཝཾ. སོ པནཱཡཾ ཨེཀོདི ཡསྨཱ ཙེཏསོ, ན སཏྟསྶ, ན ཛཱིཝསྶ, ཏསྨཱ ཨེཏཾ ‘‘ཙེཏསོ ཨེཀོདིབྷཱཝ’’ནྟི ཝུཏྟཾ.

ནནུ ཙཱཡཾ སདྡྷཱ པཋམཛ྄ཛྷཱནེཔི ཨཏྠི, ཨཡཉྩ ཨེཀོདིནཱམཀོ སམཱདྷི, ཨཐ ཀསྨཱ ཨིདམེཝ ཨེཝཾ ཝུཏྟནྟི? ཝུཙྩཏེ – ཨིམསྨིཉྷི ཛྷཱནེ ཝིཏཀྐཝིཙཱརཀྑོབྷཱབྷཱཝེན བལཝཏཱི སདྡྷཱ, སམཱདྷི ཙ, ཏསྨཱ ཨིདམེཝ ཨེཝཾ ཝུཏྟནྟི. ཨཝིཏཀྐཾ ཨཝིཙཱརནྟི བྷཱཝནཱཡ པཧཱིནཏྟཱ ནཏྠི ¶ ཨེཏསྨིཾ, ཨེཏསྶ ཝཱ ཝིཏཀྐོ ཝིཙཱརོ, ན ཏཏིཡཛ྄ཛྷཱནཱདི ཝིཡ, ཙཀྑུཝིཉྙཱཎཱདི ཝིཡ ཙ ཨབྷཱཝཔྤཏྟིཏོ, ཏསྨཱ ཨིམསྶ ‘‘ཝིཏཀྐཝིཙཱརཱནཾ ཝཱུཔསམཱ’’ཏི ཨིདཾ ཀཱརཎཝཙནནྟི དཊྛབྦཾ. སམཱདྷིཛནྟི པཋམཛ྄ཛྷཱནསམཱདྷིཏོ, སམྤཡུཏྟསམཱདྷིཏོ ཝཱ ཛཱཏཾ, ཝིཏཀྐཱདིཀྑོབྷཱབྷཱཝེན ཙེཏསྶ ཝཎྞབྷཎནཏྠཾ ཨིདམེཝ ‘‘སམཱདྷིཛ’’ནྟི ཝུཏྟཾ. ཨུཔསམྤཛྫ ཝིཧརཏཱིཏི ཨེཝཾ དུཝངྒཝིཔྤཧཱིནཾ ཏིཝངྒསམནྣཱགཏཾ ཏིཝིདྷཀལྱཱཎཱདིཡུཏྟཾ དུཏིཡཾ ཛྷཱནཾ ཨདྷིགནྟྭཱ ཝུཏྟནཡེན ཝཏྟཏཱིཏི ཨཏྠོ.

ཨེཝཾ དུཏིཡཛ྄ཛྷཱནཱདྷིགམཾ དསྶེཏྭཱ ཨིདཱནི ཏདནནྟརཾ ཨདྷིགཏདུཏིཡཛ྄ཛྷཱནསྶ ཏཾ ཝུཏྟནཡེནེཝ ཝསཱིབྷཱུཏཾ ཀཏྭཱ ཏཏྠ ¶ ཨཱསནྣཝིཏཀྐཝིཙཱརཔཙྩཏྠིཀཏཱཡ ཙེཝ ཨོལཱ༹རིཀཔཱིཏངྒསམངྒིཏཱཡ ཙ དོསཾ དིསྭཱ ནིཀནྟིཾ པརིཡཱདཱཡ ཏདོལཱ༹རིཀངྒཔྤཧཱནཱཡ སེསསནྟངྒཔཊིལཱབྷཱཡ ཏདེཝཱརམྨཎཾ པུནཔྤུནཾ མནསིཀརོཏོ ཏཏིཡཾ ཛྷཱནཾ ཨུཔྤཛྫཏི, ཏཔྤཱདཀཉྩ ལོཀུཏྟརཾ, ཏཾ དསྶེཏུཾ ‘‘པཱིཏིཡཱ ཙ ཝིརཱགཱ’’ཏིཨཱདིམཱཧ. ཏཏྠ ཝིརཛྫནཾ ཝིརཱགོ, སམཏིཀྐམོ, ཏསྨཱ ཝིརཱགཱ. ཙ-ཀཱརེན ཝིཏཀྐཝིཙཱརཱནཾ ཝཱུཔསམཾ སམྤིཎྜེཏི ‘‘པཱིཏིཡཱ ཙ ཝིརཱགཱ, ཝིཏཀྐཝིཙཱརཱནཉྩ ཝཱུཔསམཱ’’ཏི. ཨིདཉྩེཏསྶ ཨཱགམནམགྒཔརིདཱིཔནཏྠཾ, ཝཎྞབྷཎནཏྠཉྩ ཝུཏྟཾ. ཨུཔེཀྑཀོ ཝིཧརཏཱིཏི ཨེཏྠ ཨུཔཔཏྟིཏོ ཨིཀྑཏི ཨཔཀྑཔཏིཏཱ ཧུཏྭཱ པསྶཏཱིཏི ཨུཔེཀྑཱ, ཏཏྲམཛ྄ཛྷཏྟཏཱ. ཏཱཡ ཝིསདཱཡ པཱིཏིཝིརཱགཔདཊྛཱནཱཡ ཐཱམགཏཱཡ སམནྣཱགཏཏྟཱ ཏཏིཡཛ྄ཛྷཱནསམངྒཱི ‘‘ཨུཔེཀྑཀོ’’ཏི ཝུཙྩཏི, ཝིཏཀྐཱདིཀྑོབྷཱབྷཱཝེན པནེསཱ ཨེཏྠེཝ པརིབྱཏྟཀིཙྩཱ ཛཱཏཱ, ན པཋམཛ྄ཛྷཱནཱདཱིསཱུཏི. སཏོ ཙ སམྤཛཱནོཏི པུགྒལཱདྷིཊྛཱནེན སཏི ཙ སམྤཛཉྙཉྩ ཝུཏྟཾ, ཨིདཉྩ སཏིསམྤཛཉྙབལེནེཝ ཋིཏཾ ཏཾཔཱིཏིསཧཙརིཏཾ སུཁཾ, ཏཏོ ཨཔནཱིཏཾ ཝཙྪོ ཝིཡ བནྡྷནབལེན དྷེནུཾ པཱིཏིཾ ན ཨུཔགཙྪཏི, ཨིམསྨིཉྩ སཏི ཨཏིམདྷུརེ སུཁེ ཡོགིནོ ན སཱརཛྫནྟི, ནོ ཨཉྙཐཱཏི ཨིམམྤི ཨཏྠཝིསེསཾ དསྶེཏུཾ ཨིདྷེཝ ཝུཏྟནྟི ཝེདིཏབྦཾ. སུཁཉྩ ཀཱཡེན པཊིསཾཝེདེཏཱིཏི ཨེཏྠ ཀིཉྩཱཔི ཏཏིཡཛ྄ཛྷཱནསམངྒིནོ སུཁཔཊིསཾཝེདནཱབྷོགོ ནཏྠི, ཨེཝཾ སནྟེཔི ཡསྨཱ ཏསྶ ནཱམཀཱཡེན སམྤཡུཏྟཾ ཨཏིཔཎཱིཏཾ སུཁཾ, ཏཾསམུཊྛིཏེན ཏསྶ ཨཏིཔཎཱིཏེན རཱུཔེན རཱུཔཀཱཡོ ཕུཊྛོ, ཡསྶ ཕུཊྛཏྟཱ ཛྷཱནཱ ཝུཊྛིཏོཔི ཀཱཡིཀསུཁཾ པཊིསཾཝེདེཡྻ, ཏསྨཱ ཨེཏམཏྠཾ དསྶེནྟོ ‘‘སུཁཉྩ ཀཱཡེན པཊིསཾཝེདེཏཱི’’ཏི ཨཱཧ. ཡཾ ཏནྟིཨཱདཱིསུ ཡནྟི ཡསྨཱ, ཡཾ ¶ ཛྷཱནཧེཏཱུཏི ཨཏྠོ. ཏནྟི ཏཾ ཏཏིཡཛ྄ཛྷཱནསམངྒིཔུགྒལཾ བུདྡྷཱདཡོ ཨརིཡཱ ཨཱཙིཀྑནྟི པསཾསནྟི. ཀིནྟི? ‘‘ཨུཔེཀྑཀོ སཏིམཱ སུཁཝིཧཱརཱི’’ཏི. ཨེཝཾ ཨེཀངྒཝིཔྤཧཱིནཾ དུཝངྒསམནྣཱགཏཾ ཏིཝིདྷཀལྱཱཎཱདིཡུཏྟཾ ¶ ཏཏིཡཾ ཛྷཱནཾ ཨདྷིགནྟྭཱ པཝཏྟཏཱིཏི ཨཏྠོ. ཡཾ པན ཛྷཱནཾ ཝིབྷངྒེ ‘‘ཛྷཱནནྟི ཨུཔེཀྑཱ སཏི སམྤཛཉྙཾ སུཁཾ ཙིཏྟསྶེཀགྒཏཱ’’ཏི (ཝིབྷ. ༥༩༡) ཝུཏྟཾ, ཏཾ སཔརིཀྑཱརཾ ཛྷཱནཾ དསྶེཏུཾ པརིཡཱཡེན ཝུཏྟཾ. ཨུཔནིཛ྄ཛྷཱནལཀྑཎཱནཾ པན སུཁཙིཏྟེཀགྒཏཱནཾ ཝསེན དུཝངྒིཀམེཝེཏཾ ཝེདིཏབྦཾ. ཡཐཱཧ – ‘‘དུཝངྒིཀཾ ཛྷཱནཾ ཧོཏཱི’’ཏིཨཱདི (ཝིབྷ. ༦༢༤).

ཨེཝཾ ཏཏིཡཛ྄ཛྷཱནཱདྷིགམཾ དསྶེཏྭཱ ཨིདཱནི ཏདནནྟརཾ ཨདྷིགཏཏཏིཡཛ྄ཛྷཱནསྶ ཏཾ ཝསཱིབྷཱུཏཾ ཀཏྭཱ ཏཏོ ཝུཊྛཱཡ ཏཏྠ ཝུཏྟནཡེན དོསཾ དིསྭཱ ནིཀནྟིཾ པརིཡཱདཱཡ ཨོལཱ༹རིཀསུཁངྒཔྤཧཱནཱཡ, ཨུཔེཀྑེཀགྒཏཱསངྑཱཏསེསསནྟངྒཔཊིལཱབྷཱཡ ཙ ཏདེཝ ནིམིཏྟཾ མནསིཀརོཏོ ཙཏུཏྠཾ ཛྷཱནཾ ཨུཔྤཛྫཏི, ཏཔྤཱདཀཉྩ ལོཀུཏྟརཾ, ཏཾ པུགྒལཱདྷིཊྛཱནེན དསྶེཏུཾ ‘‘སུཁསྶ ཙ པཧཱནཱ’’ཏིཨཱདིམཱཧ. ཏཏྠ སུཁསྶ ཙ པཧཱནཱ དུཀྑསྶ ཙ པཧཱནཱཏི ཀཱཡིཀསྶ སུཁསྶ, དུཀྑསྶ ཙ པཧཱནཱ. པུབྦེཝཱཏི ཏཉྩ ཁོ པུབྦེཝ, ན ཙཏུཏྠཛ྄ཛྷཱནཀྑཎེཏི ཨཏྠོ. སོམནསྶདོམནསྶཱནཾ ཨཏྠངྒམཱཏི ཙེཏསིཀསྶ སུཁསྶ, དུཀྑསྶ ཙ པུབྦེཝ པཧཱནཱ. ཀདཱ པན ཏེསཾ པཧཱནཾ ཧོཏཱིཏི? ཙཏུནྣཾ ཛྷཱནཱནཾ ཨུཔཙཱརཀྑཎེ. དུཀྑདོམནསྶསུཁསོམནསྶཱནི ཧི ཡཐཱཀྐམཾ པཋམཱདིཙཏུནྣཾ ཛྷཱནཱནཾ ཨུཔཙཱརཀྑཎེ ཨེཝ པཧཱིཡནྟི. ཡདི ཨེཝཾ, ཀསྨཱ པནེས ‘‘ཝིཝིཙྩེཝ…པེ… པཋམཾ ཛྷཱནཾ ཨུཔསམྤཛྫ ཝིཧརཏི, ཨེཏྠུཔྤནྣཾ དུཀྑིནྡྲིཡཾ ཨཔརིསེསཾ ནིརུཛ྄ཛྷཏི…པེ… ཙཏུཏྠཾ ཛྷཱནཾ ཨུཔསམྤཛྫ ཝིཧརཏི, ཨེཏྠུཔྤནྣཾ སོམནསྶིནྡྲིཡཾ ཨཔརིསེསཾ ནིརུཛ྄ཛྷཏཱི’’ཏི (སཾ. ནི. ༥.༥༡༠) ཨེཝཾ ཛྷཱནེསྭེཝ ནིརོདྷོ ཝུཏྟོཏི? ཨཏིསཡནིརོདྷསྶ ¶ ཝུཏྟཏྟཱ. ཨུཔཙཱརཀྑཎེསུ ཧི ཡོ ནིརོདྷོ, སོ ནིརོདྷོ ཨེཝ, ནཱཏིསཡནིརོདྷོ, སོ པན ཛྷཱནཀྑཎེསུ ཨེཝ. ཏཏོ ཨེཝ ཧི ཏཏྠ ཏཏྠ ཨཔརིསེསགྒཧཎཾ ཀཏནྟི, ཏཏྠ ཏཏྠ པན པཧཱིནཱཔི ཨེཏཱ ཝེདནཱ ཨེཏྠ དུཝིཉྙེཡྻལཀྑཎཱཡ ཨདུཀྑམསུཁཱཡ ཝེདནཱཡ དུཀྑཱདིབྱཏིརེཀེན སུཁགྒཧཎཏྠཾ, ཝཎྞབྷཎནཏྠཉྩསྶ ཛྷཱནསྶ སམཱཧཊཱ, པཙྩཡདསྶནཏྠཉྩསྶ. ཡཐཱཧ – ‘‘ཙཏྟཱརོ ཁོ, ཨཱཝུསོ, པཙྩཡཱ ཨདུཀྑམསུཁཱཡ ཙེཏོཝིམུཏྟིཡཱ སམཱཔཏྟིཡཱ, ཨིདྷཱཝུསོ, བྷིཀྑུ སུཁསྶ ཙ པཧཱནཱ’’ཏིཨཱདི (མ. ནི. ༡.༤༥༨).

ཨུཔེཀྑཱསཏིཔཱརིསུདྡྷིནྟི ཏཏྲམཛ྄ཛྷཏྟཏཱསངྑཱཏཱཡ ཨུཔེཀྑཱཡ ཛནིཏསཏིཡཱ པཱརིསུདྡྷི. ནིརུཔཀླེསཏཱཡ ཧི ཏཾ པརིསུདྡྷཏྟཾ. ན ཀེཝལཉྩེཏྠ ཨུཔེཀྑཱཡ སཏི ཨེཝ པརིསུདྡྷཱ, ཨཔིཙ ཁོ སབྦེཔི སམྤཡུཏྟདྷམྨཱ, སཏིསཱིསེན པནཱཡཾ དེསནཱ ཀཏཱཏི. ཨུཔསམྤཛྫ ཝིཧརཏཱིཏི ཨེཝཾ ཨེཀངྒཝིཔྤཧཱིནཾ ¶ དུཝངྒསམནྣཱགཏཾ ཏིཝིདྷཀལྱཱཎཱདིཡུཏྟཾ ཙཏུཏྠཾ ཛྷཱནཾ ཨདྷིགནྟྭཱ ཏདནུརཱུཔེན ཨིརིཡཱཔཐཝིཧཱརེན པཝཏྟཏཱིཏི ཨཏྠོ.

ཨེཝཾ རཱུཔཱཝཙརལོཀུཏྟརཙཏུཀྐཛ྄ཛྷཱནཾ དསྶེཏྭཱ ཨིདཱནི ཨརཱུཔཱཝཙརཛ྄ཛྷཱནཾ དསྶེནྟོ ཡཾ ཏཏྠ པཋམཾ, ཨེཝཾ ཨདྷིགཏརཱུཔཱཝཙརཙཏུཏྠཛ྄ཛྷཱནསྶ ཀརཛརཱུཔེ དཎྜཱདཱནཱདཱིནཉྩེཝ ཙཀྑུརོགཱདིཨཱབཱདྷཱནཉྩ ཝསེན དིཊྛཱདཱིནཝསྶ ཀརཛརཱུཔསྶ སམཏིཀྐམཱཡ ཨཱཀཱསཀསིཎཝིརཧིཏེསུ ནཝསུ ཀསིཎེསུ ཨཉྙཏརསྨིཾ ཙཏུཏྠཾ ཛྷཱནཾ ཨུཔྤཱདེཏྭཱ ཏསྶཱརམྨཎབྷཱུཏཾ ཀསིཎཔཊིབྷཱགརཱུཔམྤི ཀརཛརཱུཔཔཊིབྷཱགཏཱཡ, ཨརཉྙེ སཔྤཱནུབནྡྷསྶ བྷཡེན པལཱཡཏོ རཛྫུཏཱལཔཎྞཱདིཾ སཔྤཔཊིབྷཱགཏཱཡ ཝིཡ སམཏིཀྐམིཏུཀཱམསྶ པཉྩཧཱཀཱརེཧི ཏཾ ཛྷཱནཾ ཝསཱིབྷཱུཏཾ ཀཏྭཱ ཏཏོ ཝུཊྛཱཡ ཏཏྠ ¶ ནིབྦེཛནཱིཡརཱུཔཔཊིབྷཱགཱརམྨཎཏཱཡ, ཨཱསནྣསོམནསྶཔཙྩཏྠིཀཏཱཡ ཙ དོསཾ དིསྭཱ ནིཀནྟིཾ པརིཡཱདཱཡ ཨངྒེསུ སམཏིཀྐམིཏབྦཱབྷཱཝེན ཨཱརམྨཎསམཏིཀྐམབྷཱུཏཾ ཨཱཀཱསཱནཉྩཱཡཏནཾ སནྟཏོ མནསིཀརིཏྭཱ ཙཀྐཝཱལ༹པརིཡནྟཾ ཝཱ ཡཏྟཀཾ ཝཱ ཨིཙྪཏི, ཏཏྟཀཾ ཀསིཎཾ པཏྠརིཏྭཱ ཝཱ ཀསིཎཾ ཨམནསིཀརིཏྭཱ ཏེན ཕུཊྛོཀཱསཾ ‘‘ཨཱཀཱསོ ཨཱཀཱསོ’’ཏི ཝཱ ‘‘ཨནནྟོ ཨཱཀཱསོ’’ཏི ཝཱ མནསིཀཱརེན ཀསིཎཾ ཨུགྒྷཱཊེཏྭཱ ཝཱ ཏཾ ཀསིཎུགྒྷཱཊིམཱཀཱསནིམིཏྟཾ ‘‘ཨཱཀཱསོ’’ཏི པུནཔྤུནཾ མནསིཀརོཏོ ཨཱཀཱསཱནཉྩཱཡཏནཾ ཨུཔྤཛྫཏི, ཏཾ ཏཱཝ དསྶེཏུཾ ‘‘སབྦསོ རཱུཔསཉྙཱནཾ སམཏིཀྐམཱ’’ཏིཨཱདིམཱཧ.

ཏཏྠ སབྦསོཏི སབྦཱཀཱརེན, སབྦཱསཾ ཝཱ ཨནཝསེསཱནནྟི ཨཏྠོ. རཱུཔསཉྙཱནནྟི སཉྙཱསཱིསེན ཝུཏྟཱནཾ ཀུསལཝིཔཱཀཀིརིཡཝསེན པཉྩདསརཱུཔཱཝཙརཛ྄ཛྷཱནཱནཉྩེཝ ཏདཱརམྨཎཱནཉྩ. རཱུཔཛ྄ཛྷཱནམྤི ཧི ‘‘རཱུཔེ སཉྙཱ རཱུཔསཉྙཱ’’ཏི ཨེཝཾ སཉྙཱསཱིསེན ཝུཙྩཏི, ཏདཱརམྨཎཀསིཎམྤི རཱུཔནྟི སཉྙཱ ནཱམམསྶཱཏི ‘‘རཱུཔསཉྙ’’ནྟི ཝུཙྩཏི. སམཏིཀྐམཱཏི ཝིརཱགཱ, ནིརོདྷཱ ཙ. ཝིབྷངྒེ པན སཉྙཱསུ སམཏིཀྐནྟཱསུ ཨཱརམྨཎཾ སམཏིཀྐནྟམེཝ ཧོཏཱིཏི ‘‘སམཱཔནྣསྶ ཝཱ ཨུཔཔནྣསྶ ཝཱ དིཊྛདྷམྨསུཁཝིཧཱརིསྶ ཝཱ’’ཏིཨཱདིནཱ (ཝིབྷ. ༦༠༢) སཉྙཱནམེཝ སམཏིཀྐམོ ཝུཏྟོ, ཨཱརམྨཎེ ཨཝིརཏྟསྶ སཉྙཱསམཏིཀྐམོ ནཏྠེཝཱཏི ཏཾ སམཏིཀྐམཝསེནཱཔི ཨཏྠཝཎྞནཱ ཀཱཏབྦཱཝ.

པཊིགྷསཉྙཱནཾ ཨཏྠངྒམཱཏི ཙཀྑཱདཱིནཾ ཝཏྠཱུནཾ, རཱུཔཱདཱིནཉྩ ཨཱརམྨཎཱནཾ པཊིགྷཱཏེན སམུཔྤནྣཱ ¶ དྭིཔཉྩཝིཉྙཱཎསཉྙཱ པཊིགྷསཉྙཱ, ཏཱསཾ ཨཏྠངྒམཱ. ཀིཉྩཱཔི ཏཱ རཱུཔཱཝཙརཛ྄ཛྷཱནསམཱཔནྣསྶཱཔི ན སནྟི, ཨཐ ཁོ ན པཧཱིནཏྟཱ ན སནྟི. ན ཧི རཱུཔཝིརཱགཱཡ རཱུཔཱཝཙརབྷཱཝནཱ སཾཝཏྟཏི, རཱུཔཱཡཏྟཱཝ ཨེཏཱསཾ ¶ པཝཏྟི, ཨཡཾ པན བྷཱཝནཱ རཱུཔཝིརཱགཱཡ སཾཝཏྟཏི, ཏསྨཱ ཏཱ ཨེཏྠ པཧཱིནཱཏི ཝཏྟུཾ ཝཊྚཏི. ནཱནཏྟསཉྙཱནཾ ཨམནསིཀཱརཱཏི ནཱནཏྟེ གོཙརེ པཝཏྟཱནཾ, ནཱནཏྟཱནཾ ཝཱ མནོཝིཉྙཱཎདྷཱཏུཝསེན པཝཏྟཱནཉྩ ཙཏུཙཏྟཱལཱིསཀཱམཱཝཙརསཉྙཱནཾ ཨམནསིཀཱརཱ ཨནཱཝཛྫནཱ. ཨེཏྠ ཙ རཱུཔཔཊིགྷསཉྙཱནཾ ཨིམིནཱ ཛྷཱནེན ནིབྦཏྟབྷཝེཔི ཨནུཔྤཏྟིཏོ ‘‘སམཏིཀྐམཱ ཨཏྠངྒམཱ’’ཏི ཨེཝཾ ཨབྷཱཝོ ཨེཝ ཝུཏྟོ. ‘‘ནཱནཏྟསཉྙཱནཾ ཨམནསིཀཱརཱ’’ཏི ཨཊྛཀཱམཱཝཙརཀུསལཱནཾ ནཝཀིརིཡཱནཾ དསཱཀུསལཱནཾ ཝསེན སཏྟཝཱིསཏིསཉྙཱནཾ ཨརཱུཔབྷཝེཔི མནསིཀཱརེན ཨུཔྤཏྟིསམྦྷཝཏོ ཏཱསཾ ཨམནསིཀཱརཱ ཨིཙྩེཝ ཝུཏྟནྟི ཝེདིཏབྦཾ.

ཨནནྟོ ཨཱཀཱསོཏི ཨེཏྠ ནཱསྶ ཨུཔྤཱདནྟོ ཝཱ ཝཡནྟོ ཝཱ པཉྙཱཡཏཱིཏི ཨནནྟོ. ཨཱཀཱསོཏི ཀསིཎུགྒྷཱཊིམཱཀཱསོ ཝུཙྩཏི, མནསིཀཱརཝསེནཔེཏྠ ཨནནྟཏཱ ཝེདིཏབྦཱ. ཏེནེཝ ཝིབྷངྒེ ཝུཏྟཾ ‘‘ཏསྨིཾ ཨཱཀཱསེ ཙིཏྟཾ ཋཔེཏི…པེ… ཨནནྟཾ ཕརཏི, ཏེན ཝུཙྩཏི ཨནནྟོ ཨཱཀཱསོ’’ཏི (ཝིབྷ. ༦༠༥). ཨིདཾ པནསྶ བྷཱཝནཱཀཱརདསྶནཾ. ཨཱཀཱསཱནཉྩཱཡཏནནྟི ཨེཏྠ ནཱསྶ ཨནྟོཏི ཨནནྟཾ ཨཱཀཱསམེཝ ཨནནྟཾ ཨཱཀཱསཱནནྟཾ, ཨཱཀཱསཱནནྟམེཝ ཨཱཀཱསཱནཉྩཾ, ཏདེཝ ཨཱཀཱསཱནཉྩཾ ཨདྷིཊྛཱནཊྛེན, སཉྫཱཏིསམོསརཎཊྛེན ཙ ཨཱཡཏནཾ, ཏཾ ཨཱརམྨཎམསྶ སསམྤཡུཏྟདྷམྨསྶ ཛྷཱནསྶཱཏི ཨཱཀཱསཱནཉྩཱཡཏནཾ. ཏཾ ཨུཔསམྤཛྫ ཝུཏྟནཡེན ཝིཧརཏཱིཏི ཨཏྠོ.

ཨེཝཾ ཨཱཀཱསཱནཉྩཱཡཏནཱདྷིགམཾ དསྶེཏྭཱ ཨིདཱནི ཡཾ ཏདནནྟརཾ ཨདྷིགཏཔཋམཱརུཔྤསྶ ཏཾ ཝསཱིབྷཱུཏཾ ཀཏྭཱ ཏཏྠ ཨཱསནྣརཱུཔཛ྄ཛྷཱནཔཙྩཏྠིཀཏཱཡ, རཱུཔཔཊིབྷཱགཱཀཱསཱརམྨཎཏཱཡ ཙ དོསཾ དིསྭཱ ནིཀནྟིཾ པརིཡཱདཱཡ ཏཾ སམཏིཀྐམཱཡ ཨཱཀཱསཾ ཕརིཏྭཱ པཝཏྟཾ ཝིཉྙཱཎཾ ‘‘ཨནནྟཾ ཝིཉྙཱཎ’’ནྟི པུནཔྤུནཾ ¶ མནསིཀརོཏོ ཝིཉྙཱཎཉྩཱཡཏནཾ ཨུཔྤཛྫཏི, ཏཾ དསྶེཏུཾ ‘‘སབྦསོ ཨཱཀཱསཱནཉྩཱཡཏནཾ སམཏིཀྐམྨཱ’’ཏིཨཱདི ཝུཏྟཾ. ཏཏྠ པུབྦེ ཝུཏྟནཡེན ཛྷཱནམྤི ཨཱཀཱསཱནཉྩཱཡཏནཾ ཨཱརམྨཎམྤི. ཨཱརམྨཎམྤི ཧི པུརིམནཡེན ཨཱཀཱསཱནཉྩཉྩ ཏཾ པཋམཱརུཔྤསྶ ཨཱརམྨཎཏྟཱ ཝུཏྟནཡེན ཨཱཡཏནཉྩཱཏི ‘‘ཨཱཀཱསཱནཉྩཱཡཏན’’ནྟི ཝུཙྩཏི. ཨིཏི ཨུབྷཡསྶཱཔི ཨཔྤཝཏྟིཀརཎེན, ཨམནསིཀརཎེན ཙ ཨེཀཛ྄ཛྷཾ ཀཏྭཱ ‘‘ཨཱཀཱསཱནཉྩཱཡཏནཾ སམཏིཀྐམྨཱ’’ཏི ཨིདཾ ཝུཏྟནྟི ཝེདིཏབྦཾ.

ཨནནྟཾ ¶ ཝིཉྙཱཎནྟི ཏཉྙེཝ པཋམཱརུཔྤཝིཉྙཱཎཾ ཨཱཀཱསཾ ཨནནྟཏོ ཕརིཏྭཱ པཝཏྟཾ ‘‘ཨནནྟཾ ཝིཉྙཱཎ’’ནྟི ཨེཝཾ མནསིཀརོཏོཏི ཝུཏྟཾ ཧོཏི, མནསིཀཱརཝསེན ཝཱ ཨནནྟཾ. ཝིབྷངྒེཔི ཧི ‘‘ཨནནྟཾ ཕརཏཱི’’ཏི (ཝིབྷ. ༦༡༠) ཝུཏྟཾ. ཝིཉྙཱཎཉྩཱཡཏནནྟི ཨེཏྠ ཝུཏྟནཡེན ཨནནྟམེཝ ཨཱནཉྩཾ, ཝིཉྙཱཎཉྩ ཏཾ ཨཱནཉྩཉྩཱཏི ཝིཉྙཱཎཱནནྟནྟི ཝཏྟབྦེ རུལ༹ྷིཏོ ‘‘ཝིཉྙཱཎཉྩ’’ནྟི ཝུཏྟཾ, ཏདེཝ ཨཱཡཏནམཱརམྨཎམསྶཱཏི ཝིཉྙཱཎཉྩཱཡཏནཾ. སེསཾ ཝུཏྟནཡམེཝ.

ཨེཝཾ ཝིཉྙཱཎཉྩཱཡཏནཾ དསྶེཏྭཱ ཨིདཱནི ཡཾ ཏདནནྟརཾ ཨདྷིགཏདུཏིཡཱརུཔྤསྶ ཏཾ ཝསཱིབྷཱུཏཾ ཀཏྭཱ ཏཏྠ ཨཱསནྣཱཀཱསཱནཉྩཱཡཏནཔཙྩཏྠིཀཏཱཡ, ཏདཱརམྨཎཏཱཡ ཙ དོསཾ དིསྭཱ ནིཀནྟིཾ པརིཡཱདཱཡ ཏཾ སམཏིཀྐམཱཡ པཋམཱརུཔྤཝིཉྙཱཎཱབྷཱཝཾ ‘‘ནཏྠི ནཏྠཱི’’ཏི ཝཱ ‘‘སུཉྙཾ སུཉྙ’’ནྟི ཝཱ ‘‘ཝིཝིཏྟཾ ཝིཝིཏྟ’’ནྟི ཝཱ པུནཔྤུནཾ མནསིཀརོཏོ ཨཱཀིཉྩཉྙཱཡཏནཾ ཨུཔྤཛྫཏི, ཏཾ དསྶེཏུཾ ‘‘སབྦསོ’’ཏིཨཱདིམཱཧ. ཨིདྷཱཔི ཝུཏྟནཡེན ཛྷཱནསྶ, ཏདཱརམྨཎསྶ ཙ ཝིཉྙཱཎཉྩཱཡཏནསྶ སམཏིཀྐམོཝ ཝེདིཏབྦོ. ནཏྠི ཀིཉྩཱིཏི ‘‘ནཏྠི ནཏྠི, སུཉྙཾ སུཉྙཾ, ཝིཝིཏྟཾ ཝིཝིཏྟ’’ནྟི ཨེཝཾ མནསིཀརོཏོཏི ཨཏྠོ.

ཨཱཀིཉྩཉྙཱཡཏནནྟི ¶ ཨེཏྠ ནཱསྶ ཀིཉྩནནྟི ཨཀིཉྩནཾ, ཨནྟམསོ བྷངྒམཏྟམྤིསྶ ཨཝསིཊྛཾ ནཏྠཱིཏི ཝུཏྟཾ ཧོཏི, ཨཀིཉྩནསྶ བྷཱཝོ ཨཱཀིཉྩཉྙཾ, ཨཱཀཱསཱནཉྩཱཡཏནཝིཉྙཱཎཱཔགམསྶེཏཾ ཨདྷིཝཙནཾ, ཨཱཀིཉྩཉྙཾ ཨཱཡཏནམཱརམྨཎམསྶཱཏི ཨཱཀིཉྩཉྙཱཡཏནཾ. སེསཾ སུཝིཉྙེཡྻམེཝ.

ཨེཝཾ ཨཱཀིཉྩཉྙཱཡཏནཱདྷིགམཾ དསྶེཏྭཱ ཨིདཱནི ཡཾ ཏདནནྟརཾ ཨདྷིགཏཏཏིཡཱརུཔྤསྶ ཏཾ ཝསཱིབྷཱུཏཾ ཀཏྭཱ ཏཏྠ ཨཱསནྣཝིཉྙཱཎཉྩཱཡཏནཔཙྩཏྠིཀཏཱཡ དོསཾ དིསྭཱ ནིཀནྟིཾ པརིཡཱདཱཡ ཏཾ སམཏིཀྐམཱཡ ཏདེཝ ཨཱཀིཉྩཉྙཱཡཏནཾ ‘‘སནྟཾ སནྟ’’ནྟི པུནཔྤུནཾ མནསིཀརོཏོ ནེཝསཉྙཱནཱསཉྙཱཡཏནཾ ཨུཔྤཛྫཏི, ཏཾ དསྶེཏུཾ ‘‘སབྦསོ’’ཏིཨཱདིམཱཧ. ཏཏྠ ནེཝསཉྙཱནཱསཉྙཱཡཏནནྟི ཨོལཱ༹རིཀཱཡ སཉྙཱཡ ཨབྷཱཝཏོ, སུཁུམཱཡ ཙ བྷཱཝཏོ ནེཝསྶ སསམྤཡུཏྟདྷམྨསྶ ཛྷཱནསྶ སཉྙཱ ནཱསཉྙཱཏི ནེཝསཉྙཱནཱསཉྙཾ, ཏདེཝ དྷམྨཱཡཏནམནཱཡཏནཔརིཡཱཔནྣཏྟཱ ཨཱཡཏནནྟི ནེཝསཉྙཱནཱསཉྙཱཡཏནཾ.

ཨཐ ཝཱ ཡཱཡམེཏྠ སཉྙཱ, སཱ པཊུསཉྙཱཀིཙྩཾ ཀཱཏུཾ ཨསམཏྠཏཱཡ ནེཝསཉྙཱ, སངྑཱརཱཝསེསསུཁུམབྷཱཝེན ¶ ཝིཛྫམཱནཏྟཱ ནཱསཉྙཱཏི ནེཝསཉྙཱནཱསཉྙཱ, ནེཝསཉྙཱནཱསཉྙཱ ཙ སཱ སམྤཡུཏྟདྷམྨཱནཾ ཨདྷིཊྛཱནཊྛེན ཨཱཡཏནཉྩཱཏི ནེཝསཉྙཱནཱསཉྙཱཡཏནཾ. ན ཀེཝལཉྩེཏྠ སཉྙཱཝ ཨེདིསཱི, ཨཔི ཏུ ཕསྶོཔི ནེཝཕསྶོ ནཱཕསྶོ, ཙིཏྟམྤི ནེཝཙིཏྟཾ ནཱཙིཏྟཾ, ཨེཝཾ སེསསམྤཡུཏྟདྷམྨཱཔི, སཉྙཱསཱིསེན པནཱཡཾ དེསནཱ ཀཏཱཏི ཝེདིཏབྦཱ. ཏཏྠ སངྑཱརཱཝསེསསུཁུམབྷཱཝེནཱཏི ཨཙྩནྟསུཁུམབྷཱཝཔྤཏྟསངྑཱརབྷཱཝེན. སེསཾ ཝུཏྟནཡམེཝ.

ཨཡཾ པནེཏྠ ཨཱདིཏོ པཊྛཱཡ པིཎྜཏྠཔྤཀཱསནཱ – ‘‘ཨིདྷ བྷིཀྑུ པཱཏིམོཀྑསཾཝརསཾཝུཏོ’’ཏིཨཱདིནཱ སཱསནེ ལོཀིཡལོཀུཏྟརཛ྄ཛྷཱནནིབྦཏྟཀཔུགྒལསྶ ¶ པཏིཊྛཱབྷཱུཏསཱིལེསུ པཱཏིམོཀྑསཾཝརསཱིལཝིསུདྡྷིཾ ཨུཔདིསཏི. ‘‘ཝིཧརཏཱི’’ཏི ཨིམིནཱ ཏདནུརཱུཔཝིཧཱརསམངྒིབྷཱཝཾ. ‘‘ཨཱཙཱརགོཙརསམྤནྣོ’’ཏི ཨིམིནཱ ཨཱཛཱིཝཔཱརིསུདྡྷིསཱིལཾ, ཏདུཔཀཱརཀེ ཙ དྷམྨེ. ‘‘ཨཎུམཏྟེསཱུ’’ཏིཨཱདིནཱ ཡཐཱཝུཏྟསཱིལེཧི ཨཙཝནཾ, ཏེསཉྩ ཨནཝསེསཏོ སམཱདཱནཾ. ‘‘ཨིནྡྲིཡེསུ གུཏྟདྭཱརོ’’ཏི ཨིམིནཱ ཨིནྡྲིཡསཾཝརསཱིལཾ. ‘‘བྷོཛནེ མཏྟཉྙཱུ’’ཏི ཨིམིནཱ པཙྩཡསནྣིསྶིཏསཱིལཾ, སནྟོསཱདིགུཎཉྩ. ‘‘པུབྦརཏྟཱཔརརཏྟ’’ནྟིཨཱདིནཱ སཱིལདྷུཏངྒེསུ པཏིཊྛིཏསྶ བྷཱཝནཱརཱམསྶ ཏདུཔཀཱརཀེ དྷམྨེ. ‘‘བོདྷིཔཀྑིཀཱན’’ནྟིཨཱདིནཱ པཊིཔཏྟིཡཱ ནིབྦེདྷབྷཱགིཡཏཾ. ‘‘སོ ཨབྷིཀྐནྟེ’’ཏིཨཱདིནཱ ཡཐཱཝུཏྟགུཎཱནཾ ཨཔརིཧཱནཱཡ, ཝཀྑམཱནཱནཉྩ པཊིལཱབྷཱཡ སཏིསམྤཡོགཾ. ‘‘སོ ཝིཝིཏྟ’’ནྟིཨཱདིནཱ བྷཱཝནཱནུརཱུཔསེནཱསནཔརིགྒཧཾ. ‘‘སོ ཨརཉྙགཏོ’’ཏིཨཱདིནཱ ཛྷཱནབྷཱཝནཱརམྦྷཔྤཀཱརཾ. ‘‘སོ ཨབྷིཛ྄ཛྷ’’ནྟིཨཱདིནཱ ཛྷཱནབྷཱཝནཱབྷིཡོགེན པཧཱིནཔཉྩནཱིཝརཎསྶ ཨུཔཙཱརཛ྄ཛྷཱནུཔྤཏྟིཾ. ‘‘སོ ཨིམེ པཉྩ ནཱིཝརཎེ’’ཏིཨཱདིནཱ ཏསྶ ཨུཔརཱུཔརི ཝཱཡམཏོ རཱུཔཱརཱུཔཛ྄ཛྷཱནུཔྤཏྟིཀྐམཾ ཨུཔདིསཏི. ཨཡཾ ཏཱཝེཏྠ པདཏྠོ.

དྷམྨབྷེདོ པནེཏྠ ཝིབྷངྒནཡེ པཱཀཊོ བྷཝིསྶཏི. ཏཱིསུ ཧི ནཡེསུ མཧགྒཏལོཀུཏྟརཱ ཀུསལཝིཔཱཀཀིརིཡཙིཏྟསམྤཡུཏྟཱ ཝིཏཀྐཝིཙཱརཔཱིཏིསུཁཨུཔེཀྑཱཨེཀགྒཏཱསངྑཱཏཱ ཛྷཱནདྷམྨཱ ནཱནཱནཡེཧི ཝིབྷཏྟཱ, ཛྷཱནསམྤཡུཏྟཱ པན སེསཀཱམཱཝཙརདྷམྨཱཝ ཨིདྷ སངྒཧིཏཱ. ཀིཉྩཱཔི པནེཏྠ པཱཏིམོཀྑསཾཝརསཱིལཱདཡོཔི ཝུཏྟཱ, ཏཐཱཔི ཏེ ཛྷཱནཱནཾ པུབྦབྷཱགཔྤཊིཔཏྟིདསྶནཝསེན ཙེཝ ཛྷཱནསམྤཡུཏྟདྷམྨཝསེན ཙ ཝུཏྟཱ, ཨིདྷ པན ན སངྒཧིཏཱཏི ཝེདིཏབྦཱ.

པཉྷཱཔུཙྪཀེ པན སིཡཱ ཀུསལཱ, སིཡཱ ཨབྱཱཀཏཱ, ཏཱིཎི ཛྷཱནཱནི སུཁཱཡ ཝེདནཱཡ སམྤཡུཏྟཱ, ཙཏུཏྠཾ ཨདུཀྑམསུཁཱཡ ¶ ཝེདནཱཡ སམྤཡུཏྟཾ, ཨུཔེཀྑཱ པནེཏྠ ཝེདནཱ ན ཝཏྟབྦཱ, སིཡཱ ¶ ཝིཔཱཀཱ, སིཡཱ ཝིཔཱཀདྷམྨདྷམྨཱ, པཋམཛ྄ཛྷཱནཾ ཝིཏཀྐཝིཙཱརཝཛྫིཏཾ སཝིཏཀྐསཝིཙཱརཾ, ཝིཏཀྐོ པནེཏྠ ཨཝིཏཀྐཝིཙཱརམཏྟོ, ཝིཙཱརོ ན ཝཏྟབྦོ, ཏཱིཎི ཛྷཱནཱནི ཨཝིཏཀྐཨཝིཙཱརཱ, དྭེ ཛྷཱནཱནི པཱིཏིཝཛྫིཏཱནི པཱིཏིསཧགཏཱནི, ཏཱིཎི སུཁཝཛྫིཏཱནི སུཁསཧགཏཱནི, ཙཏུཏྠཾ ཨུཔེཀྑཱཝཛྫིཏཾ ཨུཔེཀྑཱསཧགཏཾ, ཏཏིཡཛ྄ཛྷཱནེ སུཁཾ, ཨུཔེཀྑཱ ཙ ཨིདྷ ན ཝཏྟབྦཾ…པེ… སིཡཱ མཧགྒཏཱ, སིཡཱ ཨཔྤམཱཎཱ, ཏཱིཎི སིཡཱ ཨཔྤམཱཎཱརམྨཎཱ, སིཡཱ ན ཝཏྟབྦཱ, ཙཏུཏྠཾ ཏིདྷཱཔི ན ཝཏྟབྦཉྩ, ཏཱིཎི སིཡཱ མགྒཧེཏུཀཱ, སིཡཱ མགྒཱདྷིཔཏིནོ, སིཡཱ ན ཝཏྟབྦཱ, ཙཏུཏྠཾ ཏིདྷཱཔི ན ཝཏྟབྦཉྩ…པེ… པཱིཏི བཧིདྡྷཱརམྨཎཱནི, ཙཏུཏྠཾ ཏིདྷཱཔི ན ཝཏྟབྦཉྩ…པེ… ཨནིདསྶནཨཔྤཊིགྷཱ ན ཧེཏཱུ…པེ… ནོཙིཏྟཙེཏསིཀཱ ཨརཎཱཏི. སེསཾ སུཝིཉྙེཡྻམེཝ. པཱལི༹མུཏྟནཡོ པནེཏྠ ནཏྠི, ཨིཏོ པརཾ པན ཨེཏྟཀམྤི ཨཝཏྭཱ ཝིཛྫམཱནཊྛཱནེ ཨེཝ ཝཀྑཱམ.

ཛྷཱནཝིབྷངྒམཱཏིཀཏྠཝཎྞནཱ ནིཊྛིཏཱ.

ཨཔྤམཉྙཱཝིབྷངྒམཱཏིཀཏྠཝཎྞནཱ

ཨཔྤམཉྙཱཝིབྷངྒམཱཏིཀཱཡ པན ཨཏྠཏོ ཏཱཝ – ཙཏསྶོ ཨཔྤམཉྙཱཡོཏིཨཱདཱིསུ ཕརཎཨཔྤམཱཎཝསེན ཨཔྤམཉྙཱཡོ. ཨེཏཱ ཧི ཨཱརམྨཎཝསེན ཨཔྤམཱཎེ ཝཱ སཏྟེ ཕརནྟི, ཨེཀསཏྟམྷི ཝཱ ཨནཝསེསཕརཎཝསེན ཨཔྤམཱཎཏོ ཕརནྟཱིཏི ཨེཝཾ ཕརཎཨཔྤམཱཎཝསེན ‘‘ཨཔྤམཉྙཱཡོ’’ཏི ཝུཙྩནྟི, སཏྟ ཨཔྤམཱཎཝསེནཱཔི ཝཏྟུཾ ཝཊྚཏི. མེཏྟཱསཧགཏེནཱཏི མེཏྟཱཡ སམནྣཱགཏེན. ཨེཀཾ དིསནྟི པུརཏྠིམཱདཱིསུ ཙཏཱུསུ དིསཱསུ ཡཾ ཀིཉྩི ཨེཀཾ དིསཾ, ཏཾདིསཱཔརིཡཱཔནྣསཏྟཕརཎཝསེན ཙེཏཾ ཝུཏྟཾ. ཕརིཏྭཱཏི ཕུསིཏྭཱ ཨཱརམྨཎཾ ¶ ཀཏྭཱ. ཝིཧརཏཱིཏི པཝཏྟེཏི. ཏཐཱ དུཏིཡནྟིཨཱདཱིསུ. ཡཐཱ ཨེཀཾ དིསཾ ཕརིཏྭཱ, ཏཐེཝ ཏདནནྟརཾ དུཏིཡཾ, ཏཏིཡཾ, ཙཏུཏྠཉྩཱཏི ཨཏྠོ. ཨིཏི ཨུདྡྷམདྷོ ཏིརིཡནྟི ཨེཏེནེཝ ནཡེན ཨུཔརིམཾ དིསཾ, ཧེཊྛིམཾ དིསཾ, ཨནུདིསཉྩ ཨནུཀྐམེན མེཏྟཱསཧགཏེན ཙེཏསཱ ཕརིཏྭཱ ཝིཧརཏཱིཏི ཨཏྠོ. ཨེཏྟཱཝཏཱ ཨེཀམེཀཾ དིསཾ པརིགྒཧེཏྭཱ ཨོདྷིསོ མེཏྟཱཕརཎཏཾ དསྶིཏཾ.

སབྦདྷཱིཏིཨཱདི ¶ པན ཨནོདྷིསོ དསྶནཏྠཾ ཝུཏྟཾ. ཏཏྠ སབྦདྷཱིཏི སབྦཏྠ. སབྦཏྟཏཱཡཱཏི སབྦེསུ ཧཱིནམཛ྄ཛྷིམུཀྐཊྛམིཏྟསཔཏྟམཛ྄ཛྷཏྟཱདིཔྤབྷེདེསུ ཨཏྟཏཱཡ, ཏེསུ ཝིབྷཱགཾ ཨཀཏྭཱ ཨཏྟསམཏཱཡཱཏི ཝུཏྟཾ ཧོཏི. ཨཐ ཝཱ སབྦཏྟཏཱཡཱཏི སབྦེན ཙིཏྟབྷཱཝེན, ཨཱིསཀམྤི བཧི ཨཝིཀྑེཔམཱནོཏི ཨཏྠོ. སབྦཱཝནྟནྟི སབྦསཏྟཝནྟཾ, སབྦསཏྟཡུཏྟནྟི ཨཏྠོ. ལོཀནྟི སཏྟལོཀཾ. པུན ‘‘མེཏྟཱསཧགཏེནཱ’’ཏི ཨིདཾ ‘‘ཝིཔུལེནཱ’’ཏིཨཱདཱིཧི ཝིསེསནེཧི སམྦནྡྷདསྶནཝསེན ཝཱ ཝུཏྟཾ, ནིགམནཝསེན ཝཱ. ཏཏྠ ཕརཎཝསེན ཝིཔུལཏཱ ཝེདིཏབྦཱ. བྷཱུམིཝསེན པན མཧགྒཏཏཱ. པགུཎཝསེན, ཨཔྤམཱཎསཏྟཱརམྨཎཝསེན ཙ ཨཔྤམཱཎཏཱ. བྱཱཔཱདཔཙྩཏྠིཀཔྤཧཱནེན ཨཝེརཏཱ. དོམནསྶཔྤཧཱནེན ནིདྡུཀྑཏཱ, སངྑཏཏཱ, ཨབྱཱཔཛྫཏཱ ཙ དཊྛབྦཱ. ཨེཝཾ ཀརུཎཱསཧགཏེནཱཏིཨཱདཱིསུཔི ཨཏྠོ ཝེདིཏབྦོཏི ཨཡཾ ཏཱཝེཏྠ པདཏྠོ.

དྷམྨབྷེདོ པནེཏྠ སུཝིཉྙེཡྻོཝ. ཝིབྷངྒནཡེན པན ཏཱིསུ རཱུཔཱཝཙརཀུསལཝིཔཱཀཀིརིཡཱཙིཏྟེསུ སམྤཡུཏྟཱ སཏྟེསུ མེཏྟཱདིབྲཧྨཝིཧཱརབྷཱུཏཱ ཨདོསོ ཀརུཎཱ མུདིཏཱ ཏཏྲམཛ྄ཛྷཏྟཏཱཏི ཙཏྟཱརོ དྷམྨཱ ནཱནཱནཡེཧི ཝིབྷཏྟཱ, ཏཾསམྤཡུཏྟཱ པན ཀཱམཱཝཙརབྷཱུཏཱ ཙ ཨེཏཱ ཨིདྷ ན གཧིཏཱ. ཨརཱུཔཱཝཙརལོཀུཏྟརེསུ པནེཏཱ ཨཔྤམཉྙཱ ནཏྠེཝཱཏི. པཉྷཱཔུཙྪཀེ པནེཏཱ ཏཱཝ སིཡཱ ཀུསལཱ, སིཡཱ ¶ ཨབྱཱཀཏཱ. ཏིསྶོ སུཁཱཡ, ཙཏུཏྠཱ ཨདུཀྑམསུཁཱཡ ཝེདནཱཡ སམྤཡུཏྟཱ. ཝིཔཱཀཏྟིཀེ ཏིདྷཱཔི, ཨུཔེཀྑཱ ཨཝིཏཀྐཨཝིཙཱརཱ, སེསཱ ཏིདྷཱཔི, མཧགྒཏཱཝ, པརིཏྟཱརམྨཎཨཏཱིཏཱརམྨཎཏྟིཀེསུ ན ཝཏྟབྦཱཝ, བཧིདྡྷཱརམྨཎཱཝ, ཨནིདསྶནཨཔྤཊིགྷཱཝ, མེཏྟཱ ཧེཏུ, སེསཱ ན ཧེཏཱུ, ནོ ཙིཏྟཱ, ཙེཏསིཀཱ, རཱུཔཱཝཙརཱ, སཨུཏྟརཱཝ. སེསཾ སུཝིཉྙེཡྻམེཝཱཏི.

ཨཔྤམཉྙཱཝིབྷངྒམཱཏིཀཏྠཝཎྞནཱ ནིཊྛིཏཱ.

སིཀྑཱཔདཝིབྷངྒམཱཏིཀཏྠཝཎྞནཱ

སིཀྑཱཔདཝིབྷངྒམཱཏིཀཱཡ པན ཨཏྠཏོ ཏཱཝ – སིཀྑཱཔདཱནཱིཏི སིཀྑིཏབྦཔདཱནི, སིཀྑཱཀོཊྛཱསཱཏི ཨཏྠོ. ཨཔིཙ སབྦེཔི ཀུསལཱ དྷམྨཱ སིཀྑིཏབྦཏོ སིཀྑཱ, ཏཱསཾ པཏིཊྛཱནཊྛེན ¶ པདཾ, པཉྩསུ པན སཱིལངྒེསུ ཡཾ ཀིཉྩི ཨངྒཾ. པཱཎཱཏིཔཱཏཱདཱིསུ པཱཎསྶ ཨཏཱིཝ པཱཏོ པཱཎཱཏིཔཱཏོ, པཱཎཝདྷོཏི ཨཏྠོ. པཱཎོཏི ཙེཏྠ ཝོཧཱརཏོ སཏྟོ, པརམཏྠཏོ ཛཱིཝིཏིནྡྲིཡཾ, ཏསྨིཾ པན པཱཎེ པཱཎསཉྙིནོ ཛཱིཝིཏིནྡྲིཡུཔཙྪེདཀཨུཔཀྐམསམུཊྛཱཔིཀཱ ཀཱཡཝཙཱིདྭཱརཱནཾ ཨཉྙཏརདྭཱརཔྤཝཏྟཱ ཝདྷཀཙེཏནཱ པཱཎཱཏིཔཱཏོ, ཏསྨཱ པཱཎཱཏིཔཱཏཱ. ཝེརམཎཱིཏི ཝིརཏི, སཱ ཨེཝ ཝུཏྟནཡེན སིཀྑཱཔདནྟི ཝེརམཎིསིཀྑཱཔདཾ. ཨདིནྣནྟི ན དིནྣཾ, པརཔརིགྒཧིཏཾ, པརཔརིགྒཧིཏསྶ ཨདིནྣསྶ ཨཱདཱནཾ ཨདིནྣཱདཱནཾ. པརསྶ ཧརཎཾ ཐེཡྻཾ ཙོརིཀཱཏི ཝུཏྟཾ ཧོཏི. ཨཏྠཏོ པན པརཔརིགྒཧིཏེ ཏཐཱསཉྙིནོ ཏདཱདཱཡཀཨུཔཀྐམསམུཊྛཱཔིཀཱ ཐེཡྻཙེཏནཱ ཨདིནྣཱདཱནཾ. ཀཱམེསཱུཏི ཝཏྠུཀཱམེསུ. མིཙྪཱཙཱརཱཏི ཀིལེསཀཱམཝསེན ལཱམཀཱཙཱརཱ, པུརིསསྶ མཱཏུརཀྑིཏཱདིསངྑཱཏཱསུ, ཨིཏྠིཡཱ ཨཏྟནོ ¶ ནིཡམིཏཔུརིསཏོ པརཔུརིསསངྑཱཏེསུ ཙ ཨགམནཱིཡཊྛཱནེསུ ཝཱིཏིཀྐམཱཙཱརཱཏི ཝུཏྟཾ ཧོཏི. ཨཏྠཏོ པན ཨགམནཱིཡཝཏྠཱུསུ མགྒེནམགྒཔྤཊིཔཱདནོཔཀྐམསམུཊྛཱཔིཀཱ, ཨདྷིཝཱསནཱཀཱརཔྤཝཏྟཱ ཝཱ མེཐུནཙེཏནཱ ཀཱམེསུམིཙྪཱཙཱརོ. མུསཱཏི ཨབྷཱུཏཾ ཨཏཙྪཾ ཝཏྠུ, ཝཱདོཏི ཏསྶ ཨབྷཱུཏཏཾ ཉཏྭཱཝ བྷཱུཏཏོ ཏཙྪཏོ ཝིཉྙཱཔནཾ. ལཀྑཎཏོ པན ཨཏཐཾ ཝཏྠུཾ ཉཏྭཱ ཏཐཏོ པརཾ ཝིཉྙཱཔེཏུཀཱམསྶ ཨཏྠབྷཉྫཀཀཱཡཝཙཱིཔཡོགསམུཊྛཱཔིཀཱ ཙེཏནཱ མུསཱཝཱདོ. སུརཱཏི པིཊྛསུརཱ པཱུཝསུརཱ ཨོདནསུརཱ ཀིཎྞཔཀྑིཏྟཱ སམྦྷཱརསཾཡུཏྟཱཏི པཉྩ སུརཱ. མེརཡནྟི པུཔྥཱསཝོ ཕལཱསཝོ གུལཱ༹སཝོ མདྷྭཱསཝོ སམྦྷཱརསཾཡུཏྟོཏི པཉྩ ཨཱསཝཱ. ཏདུབྷཡམྤི མདནཱིཡཊྛེན མཛྫཾ, ཡཱཡ ཙེཏནཱཡ ཏཾ མཛྫཾ པིཝཏི, སཱ པམཱདཀཱརཎཏྟཱ པམཱདཊྛཱནཾ, ཏསྨཱ སུརཱམེརཡམཛྫཔམཱདཊྛཱནཱ. སེསཾ སུཝིཉྙེཡྻམེཝཱཏི ཨཡཾ ཏཱཝེཏྠ པདཏྠོ.

དྷམྨབྷེདོ པན ཝིབྷངྒནཡེ པཱཀཊོ བྷཝིསྶཏི. ཨེཝཾ ཨུཔརིཔི. ཝིབྷངྒནཡེསུ ཙེཏྠ སུཏྟནྟབྷཱཛནཱིཡཾ ནཏྠི, ཨབྷིདྷམྨབྷཱཛནཱིཡེ པནེཏཱནི པཉྩ སིཀྑཱཔདཱནི ཀཱམཱཝཙརཀུསལཙིཏྟསམྤཡུཏྟཱནཾ ཝིརཏཱིནཾ ཝསེན ནཱནཔྤཀཱརཏོ པཋམཝཱརེ ཝིབྷཏྟཱནི, ཏཐཱ དུཏིཡཝཱརེ ཙེཏནཱཝསེན, ཝིརཏིཙེཏནཱསམྤཡུཏྟཱ པནེཏྠ དྷམྨཱ ན སིཀྑཱཔདཱནི, སིཀྑཱཔདསམྤཡུཏྟཱ པན ཧོནྟི, ཏཐཱ ཏཏིཡནཡེ ཕསྶཱདཱིནཾ སབྦེསཾ དྷམྨཱནཾ ཝསེན ནཱནཔྤཀཱརཏོ ཝིབྷཏྟཱཏི.

པཉྷཱཔུཙྪཀེ པན ཙེཏནཱཡ, ཕསྶཱདཱིནཉྩ པརིཡཱཡསིཀྑཱཔདཏྟཱ ནིཔྤརིཡཱཡསིཀྑཱཔདབྷཱུཏཱནཾ ཝིརཏཱིནཾ ཝསེནེཝ ཝིབྷཏྟཱནི. ཏཏྠ ཧི པཉྩ སིཀྑཱཔདཱནི ཀུསལཱ ཨེཝ, སིཡཱ ¶ སུཁཱཡ, སིཡཱ ཨདུཀྑམསུཁཱཡ སམྤཡུཏྟཱ…པེ… པརིཏྟཱརམྨཎཱཝ, པཙྩུཔྤནྣཱརམྨཎཱཝ, བཧིདྡྷཱརམྨཎཱཝ, ཨནིདསྶནཨཔྤཊིགྷཱཝ, ན ཧེཏཱུ, སཧེཏུཀཱ, ནོ ཙིཏྟཱ, ཙེཏསིཀཱ, ཀཱམཱཝཙརཱ ¶ , སཨུཏྟརཱཝ, ཨརཎཱཝཱཏི. ཨེཏྠ ཙ ཡཱནི སིཀྑཱཔདཱནི སཏྟཱརམྨཎཱནི ཝུཏྟཱནི, ཏཱནི ཙ ཝིརཏིསབྷཱཝཏྟཱ ཡསྨཱ ‘‘སཏྟོ’’ཏི སངྑཾ གཏེ པརིཏྟདྷམྨེ ཨེཝ པཙྩུཔྤནྣེ ཨེཝ དྷམྨེ ཨཱརམྨཎཾ ཀརོནྟི, ཏསྨཱ པརིཏྟཱརམྨཎཱཏི ཙ ཝུཏྟཱཏི ཝེདིཏབྦཱ. ཨིདཱནི ཝིརམིཏབྦཔཱཎཱཏིཔཱཏཱདཱིནཾ –

དྷམྨཀམྨཔཐཱལམྦ-ཝེདནཱམཱུལཀམྨཏོ;

སཱཝཛྫངྒཱདིཏོ ཉེཡྻོ, པཱལི༹མུཏྟཝིནིཙྪཡོ.

ཏཏྠ དྷམྨཏོ ཏཱཝ – པཉྩཔེཏེ པཱཎཱཏིཔཱཏཱདཡོ ཙེཏནཱསབྷཱཝཱཝ ཧོནྟི. ཀམྨཔཐཏོ པཉྩ ཀམྨཔཐཱཝ. ཨཱརམྨཎཏོ པན པཱཎཱཏིཔཱཏོ ཛཱིཝིཏིནྡྲིཡཱརམྨཎོ, ཨདིནྣཱདཱནཾ སཏྟཱརམྨཎཾ, སངྑཱརཱརམྨཎཾ ཝཱ, ཏཐཱ མུསཱཝཱདོ, མིཙྪཱཙཱརོ ཨིཏྠིཔུརིསཱརམྨཎོ, སུརཱཔཱནཾ སངྑཱརཱརམྨཎཾ. ཝེདནཱཏོ པན པཱཎཱཏིཔཱཏོ དུཀྑཝེདནོ, ཨདིནྣཱདཱནཾ ཏིཝེདནཾ, ཏཐཱ མུསཱཝཱདོ, མིཙྪཱཙཱརོ པན སུཁམཛ྄ཛྷཏྟཝསེན དྭིཝེདནོ, ཏཐཱ སུརཱཔཱནཾ. མཱུལཏོ པན པཋམོ དོསམོཧམཱུལོ, དུཏིཡཾ སིཡཱ ལོབྷམོཧམཱུལཾ, སིཡཱ དོསམོཧམཱུལཾ, ཏཐཱ མུསཱཝཱདོ, མིཙྪཱཙཱརོ པན ལོབྷམོཧམཱུལོཝ, ཏཐཱ སུརཱཔཱནཾ. ཀམྨཏོ པནེཏྠ མུསཱཝཱདོ ཝཙཱིཀམྨཾ, སེསཱ ཀཱཡཀམྨམེཝ.

སཱཝཛྫཏོ པན པཱཎཱཏིཔཱཏོ ཏཱཝ ཨམནུསྶཀེ པཱཎེ ཨཔྤསཱཝཛྫོ, མནུསྶཀེ མཧཱསཱཝཛྫོ. ཏེསུ ཙ ཁུདྡཀསརཱིརེ ཨཔྤསཱཝཛྫོ, མཧཱསརཱིརེ མཧཱསཱཝཛྫོ. ཀསྨཱ? པཡོགམཧནྟཏཱཡ. པཡོགསམཏྟེཔི ཨཔྤགུཎེ ཨཔྤསཱཝཛྫོ, མཧཱགུཎེ མཧཱསཱཝཛྫོ. སརཱིརགུཎཱནཾ སམབྷཱཝེ སཏི ཀིལེསཱནཾ, ཨུཔཀྐམཱནཉྩ མུདུཏིབྦཏཱཡ ཨཔྤམཧཱསཱཝཛྫོ ཧོཏི, ཁཱིཎཱསཝེ པན མཧཱསཱཝཛྫཏརོཏི. ཨདིནྣཱདཱནཾ ཝཏྠུནོ ཧཱིནཔྤཎཱིཏཏཱཡ ཙེཝ གུཎཝིརཧིཏཏབྦནྟསནྟཀཏཱཡ ¶ ཙ. ཏཏྠཱཔི ཏཾ ཏཾ ཨུཔཱདཱཡུཔཱདཱཡ ཙ ཨཔྤམཧཱསཱཝཛྫཾ, ཁཱིཎཱསཝསནྟཀེ མཧཱསཱཝཛྫཏརནྟི ཝེདིཏབྦཾ. མིཙྪཱཙཱརོ དུསྶཱིལསཱིལཝནྟཝཏྠུཝཱིཏིཀྐམནེན. ཏཏྠཱཔི ཏཾ ཏཾ ཨུཔཱདཱཡུཔཱདཱཡ ཙ ཨཔྤམཧཱསཱཝཛྫོ, ཁཱིཎཱསཝཝཏྠུཝཱིཏིཀྐམནེ མཧཱསཱཝཛྫཏརོཏི ཙ ཝེདིཏབྦོ. མུསཱཝཱདོ ཡམཏྠཾ བྷཉྫཏི, ཏསྶ ཨཔྤམཧནྟཏཾ, ཝཏྠུསཱམིནོ གུཎཝིརཧིཏཏཾ, ཏབྦནྟཏཉྩ ཨུཔཱདཱཡུཔཱདཱཡ ཨཔྤམཧཱསཱཝཛྫོ ཧོཏི. ཨཔིཙ ཨཏྟནོ ¶ སནྟཀཾ ཨདཱཏུཀཱམཏཱཡ, ཧསཱདྷིཔྤཱཡེན ཝཱ ‘‘ནཏྠེཏ’’ནྟིཨཱདིནཡཔྤཝཏྟོ ཨཔྤསཱཝཛྫོ, ཨདིཊྛཾ ‘‘དིཊྛ’’ནྟིཨཱདིནཱ ཀཱུཊསཀྑིཨཱདིབྷཱཝེན ཝཱ པཝཏྟོ མཧཱསཱཝཛྫོ, མུསཱ ཝཏྭཱ པན སངྒྷབྷེདནེ མཧཱསཱཝཛྫཏརོ. སུརཱཔཱནཾ བིནྡུམཏྟཏོ པཊྛཱཡ ཏཾ ཏཾ ཨུཔཱདཱཡུཔཱདཱཡ ཨཔྤསཱཝཛྫཾ, བཧུཀེ མཧཱསཱཝཛྫཾ, ཀཱཡཝིཀཱརཛནནཔཧོནཀཔཱནེ པན མཧཱསཱཝཛྫཏརམེཝ.

ཨངྒཱདིཏོ པན པཱཎཱཏིཔཱཏསྶ པཱཎོ པཱཎསཉྙིཏཱ ཝདྷཀཙིཏྟཾ ཨུཔཀྐམོ ཏེན མརཎནྟི པཉྩ ཨངྒཱནི. སཱཧཏྠིཀོ ཨཱཎཏྟིཀོ ནིསྶགྒིཀོ ཐཱཝརོ ཝིཛྫཱམཡོ ཨིདྡྷིམཡོཏི ཚ པཡོགཱ. ཨདིནྣཱདཱནསྶ པརཔརིགྒཧིཏཏཱ ཏཐཱསཉྙིཏཱ ཐེཡྻཙིཏྟཾ ཨུཔཀྐམོ ཏེན ཧརཎནྟི པཉྩ ཨངྒཱནི. སཱཧཏྠིཀཱདཡོ ཚ ཨེཝ པཡོགཱ. ཏེ ཙ ཁོ ཡཐཱནུརཱུཔཾ ཐེཡྻཱཝཧཱརཱདཱིནཾ ཝསེན པཝཏྟཱ. མིཙྪཱཙཱརསྶ ཨགམནཱིཡཝཏྠུཏཱ སེཝནཙིཏྟཾ མགྒེན མགྒཔྤཊིཔཏྟཱིཏི ཏཱིཎི ཨངྒཱནི. སཱཧཏྠིཀོ ཨེཀོཝ པཡོགོ. ཨེཝཾ སེསཱནམྤི པཡོགོ ཝེདིཏབྦོ. མུསཱཝཱདསྶ ཨཏཐཾ ཝཏྠུ, ཝིསཾཝཱདནཙིཏྟཾ, ཏཛྫོ ཝཱཡཱམོ, པརསྶ ཏདཏྠཝིཛཱནནནྟི ཙཏྟཱརི ཨངྒཱནི. སུརཱཔཱནསྶ སུརཱདཱིནཾ ཨཉྙཏརཏཱ ཨཛ྄ཛྷོཧརཎནྟི དྭེ ཨངྒཱནཱིཏི.

ཨེཝཾ ¶ པཱཎཱཏིཔཱཏཱདཱིནཾ དྷམྨཱདིཏོ ཝིནིཙྪཡཾ ཉཏྭཱ ཨིདཱནི པཱཎཱཏིཔཱཏཱཝེརམཎིཨཱདཱིནཾ པཉྩནྣམྤི –

དྷམྨཀམྨཔཐཱལམྦ-སམཱདཱནཔཡོགཏོ;

ཁཎྜཏོ ཙ ཝིཛཱནཱིཡོ, པཱལི༹མུཏྟཝིནིཙྪཡོ.

ཏཏྠ དྷམྨཀམྨཔཐཏོ ཝིནིཙྪཡོ ཝུཏྟནཡོཝ. ཨཱརམྨཎཏོ པནེཏཱནི ཛཱིཝིཏིནྡྲིཡཱདིཏཾཏཾཝཱིཏིཀྐམིཏབྦཝཏྠཱརམྨཎཱནི. སམཱདཱནཏོ ཨེཀསྶ སནྟིཀེ ཝཱ སཡམེཝ ཝཱ ‘‘པཉྩ སཱིལཱནི ཨདྷིཊྛཧཱམཱི’’ཏི ཨེཀཏོ ཝཱ པཱཊིཨེཀྐཾ ཝཱ སམཱདིཡནྟེན ཨེཏཱནི སམཱདིནྣཱནེཝ ཧོནྟི. པཡོགཏོ པན སབྦཱནིཔི སཱཧཏྠིཀཔཡོགཱནེཝ. ཁཎྜཏོ གཧཊྛཱ ཡཾ ཡཾ ཝཱིཏིཀྐམནྟི, ཏཾ ཏདེཝ ཁཎྜཾ ཧོཏི, ནེཏརེ. གཧཊྛཱ ཨནིབདྡྷསཱིལཱ ཧོནྟི, ཡཾ ཡཾ སཀྐོནྟི, ཏཾ ཏདེཝ གོཔེནྟི. སཱམཎེརཱནཾ པན ཨེཀསྨིཾ ཝཱིཏིཀྐམིཏེ སབྦཱནིཔི བྷིཛྫནྟཱིཏི ཨེཝཾ ཝིཛཱནཱིཡོ པཱལི༹མུཏྟཝིནིཙྪཡོ.

སིཀྑཱཔདཝིབྷངྒམཱཏིཀཏྠཝཎྞནཱ ནིཊྛིཏཱ.

པཊིསམྦྷིདཱཝིབྷངྒམཱཏིཀཏྠཝཎྞནཱ

པཊིསམྦྷིདཱཝིབྷངྒམཱཏིཀཱཡ ¶ ཨཏྠཏོ ཏཱཝ – ཙཏསྶོ པཊིསམྦྷིདཱཏི ཙཏྟཱརོ པབྷེདཱ. ནིདྡེསེ པན ‘‘ཨཏྠེ ཉཱཎཾ ཨཏྠཔྤཊིསམྦྷིདཱ’’ཏིཨཱདིནཱ (ཝིབྷ. ༧༡༨) ཉཱཎཝསེན ནིདྡིཊྛཏྟཱ ཉཱཎསྶེཝ, ན ཨཉྙསྶ ཀསྶཙཱིཏི ཝེདིཏབྦཾ. ཨཏྠཔཊིསམྦྷིདཱཏི ཨཏྠཝིསཡཉཱཎཔྤབྷེདཱ, ཨཏྠཔྤབྷེདསལླཀྑཎཝིབྷཱཝནཝཝཏྠཱནཀརཎསམཏྠཏཱཝསེན ཨཏྠེ པབྷེདགཏཾ ཉཱཎནྟི ཨཏྠོ. སེསཔདེསུཔི ཨེསེཝ ནཡོ. ཨེཏྠ ཙ ཨཏྠོཏི ཧེཏུཕལཾ. སོ ཧི ཧེཏུཝསེན ཨརཎཱིཡཏོ གནྟབྦཏོ, ཨུཔྤཱདེཏབྦཏོ ཙ ‘‘ཨཏྠོ’’ཏི ཝུཙྩཏི. པབྷེདཏོ ¶ པནེསོཔི པཉྩཝིདྷོ ཧོཏི ཡཾ ཀིཉྩི པཙྩཡུཔྤནྣཾ, ནིབྦཱནཾ, བྷཱསིཏཏྠོ, ཝིཔཱཀོ, ཀིརིཡཱཏི.

དྷམྨོཏི པཙྩཡོ, སོ ཧི ཕལཾ ཝིདཧཏི པཝཏྟེཏི ཨུཔྤཱདེཏི ཙེཝ པཱཔེཏི ཙཱཏི ‘‘དྷམྨོ’’ཏི ཝུཙྩཏི. པབྷེདཏོ པནེསོཔི པཉྩཝིདྷོ ཧོཏི ཡོ ཀོཙི ཕལནིབྦཏྟཀོ ཧེཏུ, ཨརིཡམགྒོ, བྷཱསིཏཾ, ཀུསལཾ, ཨཀུསལནྟི.

ནིརུཏྟཱིཏི ཡཐཱཝུཏྟཱནཾ དྷམྨཱནཾ, ཨཏྠཱནཉྩ ཝཱཙཀོ སབྷཱཝནིརུཏྟིསངྑཱཏོ སདྡོ. ཨིམཱ དྷམྨཏྠནིརུཏྟིཡོ ཨཱརམྨཎཾ ཀཏྭཱ པཙྩཝེཀྑནྟསྶ ཏཏྠ ཏཏྠ པབྷེདགཏཾ ཉཱཎཾ ནིརུཏྟིཔཊིསམྦྷིདཱ ནཱམ.

ཨེཏྠ ཙ ནིརུཏྟིཔཊིསམྦྷིདཱ སདྡཱརམྨཎཱ, ན པཉྙཏྟཱརམྨཎཱ, པཊིསམྦྷིདཱཔཏྟོ ཧི ‘‘ཕསྶོ ཝེདནཱ’’ཏིཨཱདིཀཾ སདྡཾ སུཏྭཱ ‘‘ཨཡཾ སབྷཱཝནིརུཏྟཱི’’ཏི ཛཱནཱཏི, ‘‘ཕསྶཱ ཝེདནོ’’ཏིཨཱདིཀཾ པན ‘‘ན སབྷཱཝནིརུཏྟཱི’’ཏི ཛཱནཱཏི. སབྷཱཝནིརུཏྟཱིཏི (ཝིབྷ. ཨཊྛ. ༧༡༨) ཙ མཱགདྷིཀཱ བྷཱསཱ, ཡཱཡ སམྨཱསམྦུདྡྷཱ ཏེཔིཊཀཾ བུདྡྷཝཙནཾ ཏནྟིཾ ཨཱརོཔེནྟི, བྲཧྨཱནོ ཙ ཨགཱམཀེ ཨརཉྙེ ཀིཉྩི ཝཙནཾ ཨསུཏྭཱ ཝཌྜྷིཏདཱརཀཱ ཙ ཨཏྟནོ དྷམྨཏཱཡ བྷཱསནྟི, ཡཱ ཙ ཨཔཱཡེསུ མནུསྶེ དེཝལོཀེ ཙེཝ མཱགདྷབྷཱསཱ ཨུསྶནྣཱ, པཙྪཱ ཙ ཏཏོ ཨནྡྷཀཡོནཀདམིལཱ༹དིདེསབྷཱསཱ ཙེཝ སཀྐཏཱདིཨཊྛཱརསམཧཱབྷཱསཱ ཙ ནིབྦཏྟཱ, སཱ ཧི ཡསྨཱ ཨིཏརཱསུ བྷཱསཱསུ པརིཝཏྟནྟཱསུཔི ན པརིཝཏྟཏི, སབྦཀཱལཾ ཨཏྟནོ སབྷཱཝེ ཨེཝ ཏིཊྛཏི, ཏསྨཱ ‘‘སབྷཱཝནིརུཏྟཱི’’ཏི ཝུཙྩཏི. ཡཱ བྲཧྨཝོཧཱརོ, ཨརིཡཝོཧཱརོཏི ཙ ཝུཙྩཏི, ཏཱཡ པན མཱགདྷབྷཱསཱཡ ཏནྟིཾ ཨཱརུལ༹ྷསྶ བུདྡྷཝཙནསྶ པཊིསམྦྷིདཱཔཏྟཱནཾ སོཏཔཐཱགམནམེཝ པཔཉྩོ ¶ ¶ . སོཏེ པན སངྒྷཊྚིཏམཏྟེ ཨེཝ ནཡསཏེན ནཡསཧསྶེན ཨཏྠོ ཨུཔཊྛཱཏི. ཨཉྙཱཡ པན བྷཱསཱཡ ཏནྟིཾ ཨཱརུལ༹ྷཾ ཏཾ ཏེསཾ ཙིཏྟཾ སཧསཱ ནཱརོཧཏི, ཀིཙྪེན ཨུགྒཧེཏབྦཾ ཧོཏི, པུཐུཛྫནཱནཉྩ སཀལཾ བུདྡྷཝཙནཾ ཨུགྒཧེཏྭཱཔི པཊིསམྦྷིདཱཔཏྟི ནཱམ ནཏྠི, ཨརིཡསཱཝཀོ ནོ པཊིསམྦྷིདཱཔཏྟོ ནཱམ ནཏྠི, པཊིསམྦྷིདཱཔཏྟོ ཨཉྙཾ སདྡཾ ནཱམཱཁྱཱཏོཔསགྒནིཔཱཏབྷེདཏོ ཛཱནཱཏི, ན ཛཱནཱཏཱིཏི? ཡདགྒེན སདྡཾ སུཏྭཱ ‘‘ཨཡཾ སབྷཱཝནིརུཏྟི, ཨཡཾ ན སབྷཱཝནིརུཏྟཱི’’ཏི ཛཱནཱཏི, ཏདགྒེན ཨེཏམྤི ཛཱནིསྶཏི, ན ཙེཏཾ པཊིསམྦྷིདཱཀིཙྩནྟི ཝེདིཏབྦཾ.

པཊིབྷཱནནྟི དྷམྨཏྠཱདིཝིསཡཾ སབྦཏྠཀཉཱཎཾ, ཏཾ ཉཱཎཾ ཨཱརམྨཎཾ ཀཏྭཱ པཙྩཝེཀྑནྟསྶ པབྷེདགཏཾ ཉཱཎཾ པཊིབྷཱནཔཊིསམྦྷིདཱ ནཱམ, ཨིམཱ ཙཏསྶོཔི པཊིསམྦྷིདཱ ཨདྷིགམེན པརིཡཏྟིཨུགྒཧཎེན སཀྐཙྩདྷམྨསྶཝནེན ཨཏྠཔརིཔུཙྪཱཡ པུབྦཡོགེནཱཏི པཉྩཧི ཀཱརཎེཧི ཝིསདཱ ཧོནྟི, སེཁབྷཱུམིཡཾ, ཨསེཁབྷཱུམིཡཉྩཱཏི དྭཱིསུ ཋཱནེསུ པབྷེདཾ གཙྪནྟཱིཏི ཝེདིཏབྦཱ. ཨཡཾ ཏཱཝེཏྠ པདཏྠོ.

དྷམྨབྷེདོ པནེཏྠཱཔི ཝིབྷངྒནཡེ པཱཀཊོ བྷཝིསྶཏི. ཝིབྷངྒནཡེསུ ཧི ཏཱིསུཔི དྷམྨནིརུཏྟིཔཊིབྷཱནཔཊིསམྦྷིདཱ ཏིསྶོཔི ཀཱམཱཝཙརཛཝནསམྤཡུཏྟཉཱཎཱནཾ ཝསེན ཏབྦིསཡཔྤབྷེདེན སདྡྷིཾ ནཱནཔྤཀཱརཏོ ཝིབྷཏྟཱ. ཨཏྠཔཊིསམྦྷིདཱ པན ཏེསཾ ཉཱཎཱནཉྩེཝ ཨཊྛལོཀུཏྟརཙིཏྟསམྤཡུཏྟཱནཉྩ ཝསེན ཏབྦིསཡཔྤབྷེདེན སདྡྷིཾ. ལོཀུཏྟརཉཱཎཱནིཔི ཧི མགྒཔྤཏྟབྦཏཱཡ ཨཏྠབྷཱུཏནིབྦཱནཱརམྨཎཏྟཱ ‘‘ཨཏྠཔཊིསམྦྷིདཱ’’ཏི ཝུཙྩཏི.

པཉྷཱཔུཙྪཀེ པན སིཡཱ ཀུསལཱ, སིཡཱ ཨབྱཱཀཏཱ, ཏིསྶོ པཊིསམྦྷིདཱ སིཡཱ ཝིཔཱཀདྷམྨདྷམྨཱ, སིཡཱ ནེཝཝིཔཱཀནཝིཔཱཀདྷམྨདྷམྨཱ, ཨཏྠཔཊིསམྦྷིདཱ ཏིདྷཱཔི, ཏིསྶོ པཊིསམྦྷིདཱ པརིཏྟཱ, ཨཏྠཔཊིསམྦྷིདཱ སིཡཱ པརིཏྟཱ, སིཡཱ ཨཔྤམཱཎཱ ¶ , ནིརུཏྟིཔཊིསམྦྷིདཱ པརིཏྟཱརམྨཎཱ, བཧིདྡྷཱརམྨཎཱ ཙ, སེསཱ ཏིདྷཱཔི, ནིརུཏྟིཔཊིསམྦྷིདཱ པཙྩུཔྤནྣཱརམྨཎཱཝ, ཨཏྠཔཊིསམྦྷིདཱ ཏིདྷཱཔི ན ཝཏྟབྦཱ ཙ, ཨནིདསྶནཨཔྤཊིགྷཱ, ཧེཏཱུ, སཧེཏུཀཱ, ཏིསྶོ པཊིསམྦྷིདཱ སཨུཏྟརཱ, ཨཏྠཔཊིསམྦྷིདཱ དྭིདྷཱཔི, ཨརཎཱ ཙཱཏི. སེསཾ སུཝིཉྙེཡྻམེཝ.

པཊིསམྦྷིདཱཝིབྷངྒམཱཏིཀཏྠཝཎྞནཱ ནིཊྛིཏཱ.

ཉཱཎཝིབྷངྒམཱཏིཀཏྠཝཎྞནཱ

ཉཱཎཝིབྷངྒམཱཏིཀཱཡ ¶ པན ཨཏྠཏོ ཏཱཝ – ཨེཀཝིདྷེནཱཏི ཨེཀཔྤཀཱརེན, ཨེཀཀོཊྛཱསེན ཝཱ. ཉཱཎཝཏྠཱུཏི ཨེཏྠ པན ཉཱཎཉྩ ཏཾ ཝཏྠུ ཙ ནཱནཔྤཀཱརཱནཾ སམྤཏྟཱིནནྟི ཉཱཎཝཏྠུ. པཉྩ ཝིཉྙཱཎཱཏི ཙཀྑུཝིཉྙཱཎཱདཱིནི པཉྩ. ན ཧེཏཱུ ཨཧེཏུཀཱཏིཨཱདཱིསུ ཧེཊྛཱ ཧེཏུདུཀཱདཱིསུ ཝུཏྟནཡཱནུསཱརེན སབྦཏྠ ཨཏྠོ ཝེདིཏབྦོ. ཨཔིཙ ཧེཏུདུཀཱདཱིསུ པཉྩ ཝིཉྙཱཎཱ ཧེཏཱུ དྷམྨཱཏི ཝཱ སཧེཏུཀཱ དྷམྨཱཏི ཝཱ ན ཝཏྟབྦཱ, ཨེཀནྟེན པན ན ཧེཏཱུ ཨེཝ, ཨཧེཏུཀཱ ཨེཝཱཏི. ཨེཝཾ ‘‘ཡཱཐཱཝཀཝཏྠུཝིབྷཱཝནཱ པཉྙཱ’’ཏི ཨིམིནཱ ཨུཔརི ཨེཀཝིདྷཔརིཙྪེདཱཝསཱནེ ཝཀྑམཱནེན སམྦནྡྷོཏི. ཨིམིནཱ ནཡེན སབྦཏྠ ཡཐཱནུརཱུཔཾ ཨཏྠོ ཝེདིཏབྦོ. ཏཏྠ ཙ ཨཙེཏསིཀཱཏི ཙིཏྟཱནི ཨེཝ པཉྩཝིཉྙཱཎསམྤཡུཏྟཱནཾ ཨིདྷ ཨཔརཱམཊྛཏྟཱ.

ཨུཔྤནྣཝཏྠུཀཱ ཨུཔྤནྣཱརམྨཎཱཏི ཁཎཔཙྩུཔྤནྣཝསེན ཨནཱགཏཔཊིཀྑེཔོ. ན ཧི ཏཱནི ཨནཱགཏེསུ པཉྩསུ ཝཏྠཱརམྨཎེསུ ཨུཔྤཛྫནྟི. པུརེཛཱཏཝཏྠུཀཱ པུརེཛཱཏཱརམྨཎཱཏི སཧུཔྤཏྟིཔཊིཀྑེཔོ. ན ཧི ཏཱནི སཧུཔྤནྣཾ ཝཏྠཱརམྨཎཾ པཊིཙྩ ཨུཔྤཛྫནྟི. ཨཛ྄ཛྷཏྟིཀཝཏྠུཀཱཏི ཨཛ྄ཛྷཏྟཛ྄ཛྷཏྟབྷཱུཏེ པཉྩ པསཱདེ ཝཏྠུཾ ཀཏྭཱ ཨུཔྤཛྫནཀཱ. ཨེཏྠ ཙ པཉྩ ཝིཉྙཱཎཱ སཡམྤི ཨཛ྄ཛྷཏྟིཀཱ, ཨཛ྄ཛྷཏྟིཀཝཏྠུཀཱ ཙ, མནོཝིཉྙཱཎཾ ¶ ཧདཡནིསྶིཏཾ ཨཛ྄ཛྷཏྟིཀཾ, བཱཧིརཝཏྠུཀཾ, པཉྩཝིཉྙཱཎསམྤཡུཏྟཱ ཏཡོ ཁནྡྷཱ བཱཧིརཱ, ཨཛ྄ཛྷཏྟིཀཝཏྠུཀཱ, མནོཝིཉྙཱཎསམྤཡུཏྟཱ ཏཡོ ཁནྡྷཱ བཱཧིརཱ, བཱཧིརཝཏྠུཀཱཏི ཨེཝཾ ཙཏུཀྐཾ ཝེདིཏབྦཾ.

ཨསམྦྷིནྣཝཏྠུཀཱ ཨསམྦྷིནྣཱརམྨཎཱཏི ཨནིརུདྡྷཝཏྠཱརམྨཎཱ. ན ཧི ཏཱནི ནིརུདྡྷཝཏྠཱརམྨཎཾ པཊིཙྩ ཨུཔྤཛྫནྟི. ནཱནཱཝཏྠུཀཱ ནཱནཱརམྨཎཱཏི ཏཱནི ཡཐཱཀྐམཾ ཙཀྑུརཱུཔཱདིནིཡཏེཀེཀཝཏྠཱརམྨཎཏཱཡ ཨཉྙམཉྙཾ བྷིནྣཝཏྠུཀཱ, བྷིནྣཱརམྨཎཱ ཙ. ན ཧི ཙཀྑུཝིཉྙཱཎཾ ཙཀྑུཾ མུཉྩིཏྭཱ སོཏཱདཱིསུ ཨཉྙཏརཾ ཝཏྠུཾ ཀཏྭཱ རཱུཔཾ མུཉྩིཏྭཱ སདྡཱདཱིསུ ཨཉྙཏརཱརམྨཎཾ པཊིཙྩ ཨུཔྤཛྫཏི, ན ཨིཏརཱནི ཙེཏརཱནི. ན ཨཉྙམཉྙསྶ གོཙརཝིསཡཾ པཙྩནུབྷོནྟཱིཏི ཨིམིནཱ ཙ ནེསཾ ནཱནཱརམྨཎཏཾཡེཝ ཝིབྷཱཝེཏི. ན ཨསམནྣཱཧཱརཱ ཨུཔྤཛྫནྟཱིཏི ཨནཱཝཛྫནེ ན ཨུཔྤཛྫནྟི, པཉྩདྭཱརཱཝཛྫནེན ཨནཱཝཛྫིཏེ ཝིསཡེ ན ཨུཔྤཛྫནྟཱིཏི ཨཏྠོ. ན ཨམནསིཀཱརཱཏི ཏམེཝེཏྠ པརིཡཱཡནྟརེན ཝིབྷཱཝེཏི. ན ཨབྦོཀིཎྞཱཏི ཨཉྙམཉྙཾ ནིརནྟརཱ ཧུཏྭཱ ན ཨུཔྤཛྫནྟི. ན ཨཔུབྦཾ ཨཙརིམནྟི ཨེཀཀྑཎེཔི སཧ ན ཨུཔྤཛྫནྟི. ན ¶ ཀེཝལཉྩ ཨེཏཱནི, ཨཉྙཱནིཔི ཝིཉྙཱཎཱནི དྭེ ཝཱ ཏདུཏྟརིཾ ཝཱ ཨེཀཏོ ན ཨུཔྤཛྫནྟི, ཨེཀེཀམེཝ པན ཝིཉྙཱཎཾ ཨུཔྤཛྫཏཱིཏི ཝེདིཏབྦཾ. ཡཐཱཧ – ‘‘ཨཉྙཾ ཨུཔྤཛྫཏེ ཙིཏྟཾ, ཨཉྙཾ ཙིཏྟཾ ནིརུཛ྄ཛྷཏཱི’’ཏིཨཱདི (དཱི. ནི. ཨཊྛ. ༡.༢༡༤; མ. ནི. ཨཊྛ. ༡.༡༠༩; སཾ. ནི. ཨཊྛ. ༣.༥.༣༦༨; ཝིབྷ. ཨཊྛ. ༥༢༣). ན ཨཉྙམཉྙསྶ སམནནྟརཱཏི ཨིམིནཱ ཨནབྦོཀིཎྞཏཱཡ ཨེཝ ཝིབྷཱཝནཱ.

ཨནཱབྷོགཱཏི ཨནཱཝཛྫནབྷཱུཏཱ ཨཱཝཛྫནཊྛཱནེ ཋཏྭཱ ཨཱཝཛྫནཀིཙྩཾ ཀཱཏུཾ ན སམཏྠཱཏི ཨཏྠོ. ན ཀཉྩི དྷམྨཾ པཊིཝིཛཱནཱཏཱིཏི ‘‘མནོཔུབྦངྒམཱ དྷམྨཱ’’ཏི (དྷ. པ. ༡-༢) ཨེཝཾ ཝུཏྟཾ ཨེཀམྤི ཀུསལཱཀུསལཾ དྷམྨཾ ཀོཙིཔི པུགྒལོ ན པཊིཝིཛཱནཱཏི, ཏེཧི ཝིཉྙཱཎེཧི ན སཱདྷེཏཱིཏི ཨཏྠོ. ཨཉྙཏྲ ¶ ཨབྷིནིཔཱཏམཏྟཱཏི ཋཔེཏྭཱ རཱུཔཱདིཨཱརམྨཎཱནཾ ཨབྷིནིཔཱཏམཏྟཾ ཨཱཔཱཐགམནམཏྟཾ, བྱཏྟཏརོཔི པུགྒལོ པཉྩཝིཉྙཱཎེཧི ཨཱཔཱཐགཏཱརམྨཎཔཊིཝིཛཱནནམཏྟཏོ ཨཉྙཾ ཀུསལཱཀུསལཔཊིཝིཛཱནནཾ ཀཱཏུཾ ན སཀྐོཏཱིཏི ཨཏྠོ.

པཉྩནྣཾ ཝིཉྙཱཎཱནཾ སམནནྟརཱཔཱིཏི མནོདྷཱཏུཡཱཔི. ཨཔི-སདྡོ ཙེཏྠ སམྤིཎྜནཏྠོ, ཏེན ན ཀེཝལཾ མནོདྷཱཏུཡཱཝ, ཏཏོ པརེཧིཔི པཉྩདྭཱརིཀཝིཉྙཱཎེཧི ཏདཱརམྨཎཔརིཡོསཱནེཧི ན ཀིཉྩི ཀུསལཱཀུསལཾ དྷམྨཾ པཊིཝིཛཱནཱཏཱིཏི ཨཡམཏྠོ དསྶིཏོཏི གཧེཏབྦོ. ཀིཉྩཱཔི པཉྩདྭཱརེ ཀུསལཱཀུསལཱདཱིནི ཛཝནཱནི ཨུཔྤཛྫནྟི, ཏཐཱཔི ཏཱནི མོགྷཔུཔྥཱནི ཝིཡ ཨབྦོཧཱརིཀཱནཱིཏི དཊྛབྦཱནི. ན ཀཉྩི ཨིརིཡཱཔཐཾ ཀཔྤེཏཱིཏིཨཱདཱིསུཔི ཨེསེཝ ནཡོ. ན ཧི པཉྩདྭཱརིཀཝིཉྙཱཎེཧི གམནཱདཱིསུ ཀཉྩི ཨིརིཡཱཔཐཾ ཀཔྤེཏི, ན ཀཱཡཝཙཱིཀམྨཾ པཊྛཔེཏི, ན ཝིཉྙཏྟིཾ ཝཱ སམུཊྛཱཔེཏི, ན ཀུསལཱཀུསལཾ དྷམྨཾ སམཱདིཡཏི, ན ལོཀིཡལོཀུཏྟརཾ སམཱདྷིཾ སམཱཔཛྫཏི, ན ཏཏོ ཝུཊྛཱཏི, ན བྷཝཏོ ཙཝཏི, ན བྷཝནྟརེ ཨུཔྤཛྫཏི, སབྦམྤེཏཾ ཀིཙྩཾ མནོདྭཱརིཀཙིཏྟེནེཝ ཧོཏི. ཡཐཱ ཙེཏེསཾ ཨེཏཱནི ཀིཙྩཱནི ནཏྠི, ཨེཝཾ ནིཡཱམོཀྐམནཱདཱིནིཔི. ན ཧི ཀོཙི པཉྩདྭཱརིཀཛཝནེཧི མིཙྪཏྟནིཡཱམཾ, སམྨཏྟནིཡཱམཾ ཝཱ ཨོཀྐམཏི, ན ཙེཏཱནི ནཱམགོཏྟཾ ཝཱ ཀསིཎཱདིཔཉྙཏྟིཾ ཝཱ ཏིལཀྑཎཱདིཾ ཝཱ ཨཱརབྦྷ བྷཝནྟི. ན སུཔཏཱིཏིཨཱདཱིསུ སབྦེཧི པཉྩདྭཱརིཀཙིཏྟེཧི ན ནིདྡཾ ཨོཀྐམཏི, ན ཀིཉྩི སུཔིནཾ པསྶཏི. ནིདྡཱཡནྟསྶ ཧི ཨིནྡྲིཡེསུ མཧཱཔདཱིཔཏུརིཡསདྡཱདིཨོལཱ༹རིཀེཧིཔི རཱུཔཱདིཔཉྩཱརམྨཎེཧི གྷཊྚིཏེསུ པཋམཾ པཉྩདྭཱརིཀཱནི ཨཱཝཛྫནཱནི བྷཝངྒཾ ཨཱཝཊྚེཏུཾ ན སཀྐོནྟི, མནོདྭཱརིཀམེཝ ཨཱཝཛྫནཾ སཀྐོཏི, ཏསྨིཉྩ ཨུཔྤནྣེ མནོདྭཱརིཀཛཝནཾ ཛཝིཏྭཱ བྷཝངྒཾ ¶ ཨོཏརཏི. དུཏིཡཝཱརེ པན པཉྩདྭཱརིཀཨཱཝཛྫནེསུ ཡཾ ཀིཉྩི ཡཐཱརཧཾ ¶ བྷཝངྒཾ ཨཱཝཊྚེཏི, ཏཏོ ཏདཱརམྨཎཔརིཡོསཱནཱནི ཏཾཏཾདྭཱརིཀཝཱིཐིཙིཏྟཱནི ཡཐཱཀྐམཾ པཝཏྟིཏྭཱ བྷཝངྒཾ ཨོཏརནྟི. ཏཏིཡཝཱརེ པན མནོདྭཱརིཀཱཝཛྫནཛཝནཱནི པཝཏྟནྟི, ཏསྨིཾ ཁཎེ རཱུཔཱདིཔཉྩཱརམྨཎཝཝཏྠཱནཾ ཧོཏི, སཏྟོ ཙ ནིདྡཱཡ པཊིབུདྡྷོཏི, ཨེཝཾ མནོདྭཱརིཀཙིཏྟེནེཝ པཊིབུཛ྄ཛྷཏི.

སུཔིནམྤི ཧི ཏེནེཝ པསྶཏི, ན པཉྩདྭཱརིཀེན, ཏཉྩ པནེཏཾ སུཔིནཾ པསྶནྟོ ཙཏཱུཧི ཀཱརཎེཧི པསྶཏི དྷཱཏུཀྑོབྷཏོ ཝཱ ཨནུབྷཱུཏཔུབྦཏོ ཝཱ དེཝཏོཔསཾཧཱརཏོ ཝཱ པུབྦནིམིཏྟཏོ ཝཱ. ཨིམེསཾ པན སཾསགྒསནྣིཔཱཏཏོཔི བཧུདྷཱ པཔཉྩེནྟི. ཏཏྠ ཡཾ ཝཱཏཔིཏྟཱདིདྷཱཏུཀྑོབྷཏོ, ཨནུབྷཱུཏཔུབྦཏོ ཙ སུཔིནཾ པསྶཏི, ན ཏཾ སཙྩཾ. ཡཾ དེཝཏོཔསཾཧཱརཏོ པསྶཏི, ཏཾ སཙྩཾ ཝཱ ཧོཏི ཨལིཀཾ ཝཱ. ཀུདྡྷཱ ཧི དེཝཏཱ ཝིཔརཱིཏམྤི ཀཏྭཱ དསྶེནྟི. ཡཾ པུབྦནིམིཏྟཏོ པསྶཏི, ཏཾ ཨེཀནྟསཙྩམེཝ བོདྷིསཏྟཀོསལརཱཛཱདཱིནཾ པཉྩསོལ༹སམཧཱསུཔིནཱནི ཝིཡ. ཏཉྩ པནེཏཾ ཙཏུབྦིདྷཾ སུཔིནཾ སེཁཔུཐུཛྫནཱཝ པསྶནྟི, ན ཨསེཁཱ པཧཱིནཝིཔལླཱསཏྟཱ. ཀིཾ པནེཏཾ པསྶནྟོ སུཏྟོ པསྶཏི པཊིབུདྡྷོ ཝཱ? ཀིཉྩེཏྠ, ཡདི སུཏྟོ པསྶཏི, སུཔིནསྶ ཀུསལཱདིསབྷཱཝཏོ, བྷཝངྒསྶ ཙ ཏདབྷཱཝཱ ཨབྷིདྷམྨཝིརོདྷོ ཨཱཔཛྫཏི. ཨཐ པཊིབུདྡྷོ, སུཔིནཾ པསྶནྟེན ཀཏསྶ ཨབྦོཧཱརིཀསྶཱཔི ཝཱིཏིཀྐམསྶ སབྦོཧཱརིཀསྶེཝ ཨེཀནྟསཱཝཛྫཏྟཱ ཨནཱཔཏྟི ན སིཡཱཏི ཝིནཡཝིརོདྷོ ཨཱཔཛྫཏི. པཀཱརནྟརོ ཙ ནཏྠི, ཡེན སུཔིནཾ པསྶེཡྻཱཏི སུཔིནསྶ ཨབྷཱཝོཝ ཨཱཔཛྫཏཱིཏི? ནཱཔཛྫཏི. ཀསྨཱ? ཡསྨཱ ཀཔིམིདྡྷཔརེཏོ པསྶཏི ‘‘ཀཔིམིདྡྷཔརེཏོ ཁོ, མཧཱརཱཛ, སུཔིནཾ པསྶཏཱི’’ཏི (མི. པ. ༥.༣.༥) ཝཙནཏོ, ཡཱ པན ནིདྡཱ མཀྐཊནིདྡཱ ཝིཡ པུནཔྤུནཾ ཀུསལཱདིཙིཏྟཝོཀིཎྞཏྟཱ ལཧུཔརིཝཏྟཱ, ཏཾ ཀཔིམིདྡྷཾ, ཏེན ¶ སུཏྟོ སུཔིནཾ པསྶཏི, ཏསྨཱ སུཔིནོ ཀུསལོཔི ཧོཏི ཨཀུསལོཔི, ཨཱཝཛྫནཏདཱརམྨཎཝསེན ཨབྱཱཀཏོཔི, སུཔིནེ ཙ ཀཏཾ ཀུསལཱཀུསལདུབྦལཏཱཡ པཊིསནྡྷིཾ ཨཱཀཌྜྷིཏུཾ ན སཀྐོཏི, པཝཏྟེ ཝེདནཱིཡཾ པན ཧོཏི. ‘‘ཡཱཐཱཝཀཝཏྠུཝིབྷཱཝནཱ པཉྙཱ’’ཏི ཨེཏྠ ཡོ པཉྩནྣཾ ཝིཉྙཱཎཱནཾ ཡཐཱཝུཏྟོ ན ཧེཏུཀཊྛོ, ཨཧེཏུཀཊྛོ…པེ… ན སུཔིནཾ པསྶནཊྛོ, སོ ཡཱཐཱཝཊྛོ, ཏཾཏཾཡཱཐཱཝཏྠུཾ ཝིབྷཱཝེཏཱིཏི ཡཱཐཱཝཀཝཏྠུཝིབྷཱཝནཱ པཉྙཱ. ཨེཝཾ ཨེཀཝིདྷེན ཉཱཎཝཏྠཱུཏི ཨེཝཾ ཝུཏྟེན ཨེཀེན པཀཱརེན ཨེཀེན ཨཱཀཱརེན, ཨེཀཀོཊྛཱསེན ཉཱཎཝཏྠུ ཧོཏཱིཏི.

ཨེཀཀཾ ནིཊྛིཏཾ.

དུཀེསུ ¶ ཨཏྠཛཱཔིཀཱཏི ཨེཏྠ ཨཏྠཔཊིསམྦྷིདཱཝིབྷངྒེ ཝུཏྟེསུ པཉྩསུ ཨཏྠེསུ ཡཐཱནུརཱུཔཾ ཨཏྠཾ ཛཱཔེཏི ཛནེཏི པཝཏྟེཏཱིཏི ཨཏྠཛཱཔིཀཱ, ཙཏུབྷཱུམཀཀུསལཙིཏྟེསུ ཙེཝ ཨསེཁཱནཾ ཨབྷིཉྙཱསམཱཔཏྟཱིནཾ པརིཀམྨཱདིབྷཱུཏཀཱམཱཝཙརཀིརིཡཱཙིཏྟེསུ ཙ སམྤཡུཏྟཱ པཉྙཱ. ཏཱསུ ཧི ཡསྨཱ ཀུསལསམྤཡུཏྟཱཝ པཉྙཱ ཨཏྟནོ ཨཏྟནོ བྷཱུམིཔརིཡཱཔནྣཾ ཝིཔཱཀསངྑཱཏཾ ཨཏྠཾ ཛཱཔེཏི ཛནེཏི. ཀཱམཱཝཙརཀིརིཡཱསམྤཡུཏྟཱ པན པརིཀམྨཱདིབྷཱུཏཱ ཨབྷིཉྙཱསམཱཔཏྟིཀིརིཡཱ ཨརཧཏྟཕལསངྑཱཏཾ ཨཏྠཾ ཛཱཔེཏི ཛནེཏི, ཏསྨཱ ཨེཏཱ ཨཏྠཛཱཔིཀཱཏི ཝུཏྟཱ. ཨཊྛཀཐཱསུ པན པཱལི༹ཡཾ ཨཝུཏྟཱཔི ཏཱིསུ བྷཱུམཱིསུ ཀིརིཡཛཝནཔཉྙཱ ཨནནྟརཱདིཔཙྩཡཝསེན ཨཏྟནོ ཨནནྟརཾ ཀིརིཡཏྠཾ ཛཱཔེཏཱིཏི ‘‘ཨཏྠཛཱཔིཀཱ’’ཏྭེཝ ཝུཏྟཱ. ཛཱཔིཏཏྠཱ པཉྙཱཏི སཧཛཱཏཾ ཝིཔཱཀཏྠཾ ཛཱཔེཏྭཱ ཋིཏཱ, ཨཏྟནོ ཝཱ ཀཱརཎེཧི ཛཱཔིཏཱ ཛནིཏཱ པཝཏྟིཏཱ སཡམྤི ཨཏྠབྷཱུཏཱཏི ཛཱཔིཏཏྠཱ. ཙཏུབྷཱུམཀཝིཔཱཀེསུ ཙ ཀིརིཡཱབྷིཉྙཱསམཱཔཏྟཱིསུ ཙ སམྤཡུཏྟཱ པཉྙཱ. ཨཊྛཀཐཱསུ པན པཱལི༹ཡཾ ཨཝུཏྟཱ སེསཀིརིཡཱསམྤཡུཏྟཱཔི པཉྙཱ ཡཐཱསཀཾ ཀཱརཎེཧི ཛཱཔིཏཱ, སཡཉྩ ཨཏྠབྷཱུཏཱཏི ¶ ‘‘ཛཱཔིཏཏྠཱ’’ཏྭེཝ ཝུཏྟཱ. སེསཾ སུཝིཉྙེཡྻམེཝ.

དུཀཾ ནིཊྛིཏཾ.

ཏིཀེསུ པན ཙིནྟཱམཡཏྟིཀེ པརཏོ ཨདིསྭཱ ཨསུཏྭཱཝ ཨཏྟནོ དྷམྨཏཱཡ ‘‘ཨེཝཾ སཏི ཨེཝཾ བྷཝིསྶཏཱི’’ཏི ཨེཝཾ ཙིནྟཱམཡཨནུབུདྡྷིཡཱ ཨུཔྤཱདིཏཱ ཨནཝཛྫཀམྨཱཡཏནསིཔྤཱཡཏནཝིཛྫཱཊྛཱནེསུ པཉྙཱ ཙེཝ ཀམྨསྶཀཏཉཱཎཾ, སཙྩཱནུལོམིཀཉཱཎཉྩ ཙིནྟཱམཡཱ ནཱམ པཉྙཱ. ཏཏྠ ཝཌྜྷཀིཀམྨཔུཔྥཚཌྜཀཀམྨཱདི ཧཱིནཉྩེཝ ཀསིཝཱཎིཛྫཱདི ཨུཀྐཊྛཉྩ ཀམྨམེཝ ཀམྨཱཡཏནཾ. ནལ༹ཀཱརཔེསཀཱརསིཔྤཱདི ཧཱིནཉྩེཝ མུདྡཱགཎནཱལེཁཱདི ཨུཀྐཊྛཉྩ སིཔྤམེཝ སིཔྤཱཡཏནཾ. ནཱགམཎྜལཔརིཏྟཱདི དྷམྨིཀཝིཛྫཱཝ ཝིཛྫཱཊྛཱནཾ. ཏེསུ ཙིནྟཱབལེནེཝ ཨུཔྤནྣཱ པཉྙཱ. བོདྷིསཏྟཱདཡོ ཧི སཏྟཧིཏཱཡ ཨདིཊྛཾ ཨསུཏཾ ཏཾཏཾཨནཝཛྫཀམྨསིཔྤཏདུཔཀརཎཀརཎཔྤཀཱརཉྩ ཉཱཎབལེན ཙིནྟེཏྭཱ ནིཔྥཱདེནྟི. ནཱགམཎྜལཔརིཏྟཱདིཝིཛྫམྤི ཨུཔྤཱདེནྟི, ཨེཝཾ ཀཏཱནིཔི ཏཱནི པུབྦེ ཨུགྒཎྷིཏྭཱ ཀརོནྟེཧི ཀཏསིཔྤསདིསཱནེཝ ཧོནྟི. ཀམྨསྶཀཏཉཱཎཾ ནཱམ ཀུསལཀམྨཾ སཏྟཱནཾ སཀཾ, ཨཀུསལཾ ནོ སཀནྟི ཨེཝཾ ཛཱནནཔཉྙཱ. ཨཐ ཝཱ ཀུསལཀམྨམེཝ སཏྟཱནཾ སཀཾ ཏདཱཡཏྠཝུཏྟིཏཱཡ, ནཱཉྙནྟི ཨེཝཾ ཛཱནནཔཉྙཱཔི. སཙྩཱནུལོམིཀཾ ཉཱཎནྟི ཝིཔསྶནཱཉཱཎཾ. ཏཾ ཧི མགྒསཙྩསྶ པརམཏྠསཙྩསྶ ཨནུལོམནཏོ ‘‘སཙྩཱནུལོམིཀ’’ནྟི ཝུཙྩཏི. ཨིདམྤི ཧི ཉཱཎདྭཡཾ པརཏོ ཨསུཏྭཱ ཙིནྟཱབལེན ཨུཔྤཱདིཏཾ ཙིནྟཱམཡཉཱཎམེཝ ཧོཏི. ཨིདཉྩ ན ཡེསཾ ཀེསཉྩི སཏྟཱནཾ ཨུཔྤཛྫཏི, ཨབྷིཉྙཱཏཱནཾ པན པུཉྙཝནྟཱནཾ མཧཱསཏྟཱནམེཝ ཨུཔྤཛྫཏི. ཏཏྠཱཔི སཙྩཱནུལོམིཀཉཱཎཾ པཙྪིམབྷཝིཀཱནཾ དྭིནྣཉྙེཝ བོདྷིསཏྟཱནཾ ཨུཔྤཛྫཏཱིཏི ཝེདིཏབྦཾ. སུཏམཡཱ པཉྙཱཏི པརཏོ སུཏྭཱ སུཏཝསེན ཨུཔྤཱདིཏཱ ཡཐཱཝུཏྟཀམྨཱཡཏནཱདིཔཉྙཱཝ. པརཏོ ཨསུཏྭཱ ¶ པན ཀམྨཱཡཏནཱདི པརེན ཀཡིརམཱནཾ, ཀཏཾ ཝཱ དིསྭཱ ¶ ཨུགྒཧེཏྭཱ ཝཱ པཊིལདྡྷཱཔི པཉྙཱ ‘‘སུཏམཡཱ’’ཏྭེཝ ཝུཙྩཏི. ཏདུབྷཡཱཔི ཙིནྟཱམཡཱ, སུཏམཡཱ ཙ ཀཱམཱཝཙརཱཝ. བྷཱཝནཱམཡཱ པན པཉྙཱ ཙིནྟཱམཡཝསེན, སུཏམཡཝསེན ཝཱ པཝཏྟིཏཀཱམཱཝཙརཔུབྦབྷཱགབྷཱཝནཱནིཔྥཏྟིཡཱ སམུཔྤནྣཱ མཧགྒཏལོཀུཏྟརཛཝནཔཉྙཱ.

དཱནམཡཏྟིཀེ དེཡྻདྷམྨཔརིཙྩཱགཝསེན པཝཏྟཱ དཱནམཡཱ, སཱིལཔཱུརཎཝསེན པཝཏྟཱ སཱིལམཡཱ, ཏདུབྷཡཱཔི ཀཱམཱཝཙརཱཝ. བྷཱཝནཱམཡཱ པནེཏྠ སམཐཝིཔསྶནཱཝསེན པཝཏྟཱ ཙཏུབྷཱུམཀཔཉྙཱ. ནིདྡེསེ པནསྶ ཀིཉྩཱཔི ‘‘སམཱཔནྣསྶ པཉྙཱ’’ཏི (ཝིབྷ. ༧༦༨) ཨེཝཾ མཧགྒཏལོཀུཏྟརཔཉྙཱཝ ཝུཏྟཱ, ཏཐཱཔི ཏཾ ཨུཀྐཊྛཝསེན ཝུཏྟཾ. ཀཱམཱཝཙརཱནཾ པན པུབྦབྷཱགབྷཱཝནཱནཾ, ཨནུསྶཏིཨུཔཙཱརབྷཱཝནཱནཉྩ བྷཱཝནཱམཡེ སངྒཧོཏི དཊྛབྦཾ. པུརིམཏྟིཀེ པནེཏཱསཾ ཙིནྟཱམཡེ སངྒཧིཏཏྟཱ བྷཱཝནཱམཡེ ཨསངྒཧོ, ཏཏྠཱཔི བྷཱཝནཱབལནིཔྥནྣཱནམེཝ སངྒཧོ དཊྛབྦོ.

ཨདྷིསཱིལཏྟིཀེ པཱཏིམོཀྑསཾཝརསཱིལཾ ཝིཔསྶནཱཧེཏུཏྟཱ སེསསཱིལཏོ ཨདྷིཀཾ སཱིལནྟི ཨདྷིསཱིལཾ, ཏསྨིཾ སམྤཡུཏྟཱ པཉྙཱ ཨདྷིསཱིལེ པཉྙཱ. ཝིཔསྶནཱཔཱདིཀཱ པན ཨཊྛ སམཱཔཏྟིཡོ སེསཙིཏྟེཧི ཨདྷིཀཏྟཱ ཨདྷིཙིཏྟཾ, ཏསྨིཾ པཉྙཱ ཨདྷིཙིཏྟེ པཉྙཱ, ཙིཏྟསཱིསེན ཙེཏྠ སམཱདྷི ནིདྡིཊྛོ. སཝིཔསྶནཱ པན མགྒཕལཔཉྙཱ སེསཱཧི ཨདྷིཀཏྟཱ ཨདྷིཔཉྙཱ ནཱམ. སཱ ཙ ཨདྷིཔཉྙཱཡ པཉྙཱཏི དེསནཱཡ སམརསཏཱཡ ཝུཏྟཱ. སཱིལཱདཡོ ‘‘སཱིལཾ ཙིཏྟཾ པཉྙཱ, ཨདྷིསཱིལཾ ཨདྷིཙིཏྟཾ ཨདྷིཔཉྙཱ’’ཏི པཙྩེཀཾ དུཝིདྷཱ ཧོནྟི. ཏེསུ པུརིམཱ པཉྩསཱིལདསསཱིལཱནི, ཝཊྚཔཱདིཀཨཊྛསམཱཔཏྟིཡོ, ནིབྦེདྷབྷཱགིཡཀམྨསྶཀཏཔཉྙཱ ཙ ཡཐཱཀྐམཾ ཧོནྟི. ཏེ ཙ དྷམྨཱ ཨནུཔྤནྣེཔི ཏཐཱགཏེ བོདྷིསཏྟཱནཾ, ཏཱཔསཔརིབྦཱཛཀཱནཾ, ཙཀྐཝཏྟིརཱཛཱདཱིནཉྩ ¶ ཀཱལེ པཝཏྟནྟི, པཙྪིམཱ པན ཝུཏྟཱཝསེསཱ ཨུཔྤནྣེ ཨེཝ ཏཐཱགཏེ ཝིཏྠཱརིཀཱ ཧོནྟི, ནོ ཨནུཔྤནྣེཏི ཝེདིཏབྦོ. ཨེཏྠ ཙ རཏནཏྟཡེ དཱནཱཔཙཱཡནཱདིཝསེན, སརཎགམནསདྡྷམྨསཝནཱདིཝསེན ཙ པཝཏྟཱ ཝིཝཊྚཱུཔནིསྶཡབྷཱུཏཱ ཀུསལདྷམྨཱཔི ཨདྷིསཱིལཨདྷིཔཉྙཱསུ གཧིཏཱ ཨེཝཱཏི གཧེཏབྦཱ.

ཨཱཡཀོསལླཏྟིཀེ ¶ ཨཱཡོཏི ཝཌྜྷི, སཱ ཨཀུསལཱདིཨནཏྠཧཱནིཏོ, ཀུསལཱདིཨཏྠུཔྤཏྟིཏོ ཙ དུཝིདྷཱ. ཨཔཱཡོཏི ཨཝཌྜྷི, སཱཔི ཀུསལཱདིཨཏྠཧཱནིཏོ, ཨཀུསལཱདིཨནཏྠུཔྤཏྟིཏོ ཙ དུཝིདྷཱ. ཏེསུ ཀོསལླཾ, ཀུསལསབྷཱཝཱ པཉྙཱ. ཨཔཱཡཀོསལླཾ པཉྙཝཏོ ཨེཝ ‘‘ཨེཝཾ མནསིཀཱརཱདིཔྤཝཏྟིཡཾ ཨཝཌྜྷི ཨུཔྤཛྫཏི, ཝཌྜྷི པརིཧཱཡཏཱི’’ཏི ཉཏྭཱ ཏདུབྷཡཔཊིཔཏྟིསམྦྷཝཏོ. ཨུཔཱཡཀོསལླནྟི ཨཏྲ ཨུཔཱཡོ ཨཙྩཱཡིཀཀིཙྩཱདཱིསུ ཋཱནུཔྤཏྟིཀཨུཔཱཡཛཱནནཔཉྙཱ, ཏིཝིདྷཱཔི ཙེཏཱ ཀཱམཱཝཙརཔཉྙཱཏི ཝེདིཏབྦཱ. སེསཾ སུཝིཉྙེཡྻམེཝ.

ཏིཀཾ ནིཊྛིཏཾ.

ཙཏུཀྐེསུ པན པཋམེ ཀམྨསྶཀཏཉཱཎཾ སཙྩཱནུལོམིཀཾ ཉཱཎཉྩ ཝུཏྟམེཝ, ཨིདྷ པན ཋཔེཏྭཱ སཙྩཱནུལོམིཀཉཱཎཾ སབྦཱཔི སཱསཝཱ ཀུསལཱ པཉྙཱ ཀམྨསྶཀཏཉཱཎནྟི ཝེདིཏབྦཾ. ཙཏཱུསུ མགྒེསུ, ཕལེསུ ཙ པཉྙཱཝ མགྒསམངྒིསྶ ཉཱཎཾ, ཕལསམངྒིསྶ ཉཱཎཉྩཱཏི.

སཙྩཙཏུཀྐེ ཨརིཡམགྒཕལཔཉྙཱཝ ཙཏཱུསུ སཙྩེསུ ཨེཀཔཊིཝེདྷཝསེན ‘‘དུཀྑེ ཉཱཎ’’ནྟིཨཱདིནཱ ཙཏཱུསུ ཋཱནེསུ གཧིཏཱ. ཀིཉྩཱཔི ཧི ཀཱམཱཝཙརཉཱཎམྤི ཙཏཱུསུ སཙྩེསུ ཨཱརམྨཎཝསེན པཝཏྟཏི, པཊིཝེདྷཀིཙྩཝསེན པན ཨིདྷཱདྷིཔྤེཏཏྟཱ པཱལི༹ཡཾ ཏཾ ན གཧིཏནྟི ཝེདིཏབྦཾ.

དྷམྨཙཏུཀྐེ མགྒཕལེསུ པཉྙཱ དྷམྨེ ཉཱཎཾ ནཱམ. ཏེསུ ཧི མགྒཉཱཎཾ ཏཱཝ ཙཏུསཙྩདྷམྨཱནཾ ཨེཀཔཊིཝེདྷཝསེན ཛཱནནཏོ ‘‘དྷམྨེ ¶ ཉཱཎ’’ནྟི ཝུཙྩཏི. ཕལཉཱཎཾ པན ནིརོདྷསཙྩཝསེན དྷམྨེ ཉཱཎནྟི ཝེདིཏབྦཾ. མགྒཱནུབྷཱཝནིབྦཏྟཾ པན ཨཏཱིཏཱནཱགཏེསུ སཙྩཔཊིཝེདྷནཡསངྒཧཎཝསེན པཝཏྟཾ པཙྩཝེཀྑཎཉཱཎཾ ཨནྭཡེ ཉཱཎཾ ནཱམ. ཏསྶ ཙ ཡེཧི ནཡེཧི ཨརིཡཱ ཨཏཱིཏམདྡྷཱནཾ ཙཏུསཙྩདྷམྨཾ ཛཱནིཾསུ, ཏེཔི ཨིམཉྙེཝ ཙཏུསཙྩཾ ཨེཝམེཝ ཛཱནིཾསུ, ཨནཱགཏམདྡྷཱནམྤི ཛཱནིསྶནྟཱིཏི ཨེཝཾ ཛཱནནཝསེན པཝཏྟི ཨཱཀཱརོ ཝེདིཏབྦོ. སརཱགཱདིཝསེན པརཙིཏྟཔརིཙྪེདཉཱཎཾ པརིཡེ ཉཱཎཾ ནཱམ. དྷམྨནྭཡཔརིཡཉཱཎཱནི པན ཋཔེཏྭཱ སབྦལོཀིཡཔཉྙཱཉཱཎནྟི སམྨཏཏྟཱ སམྨུཏིམྷི ཉཱཎནྟི སམྨུཏིཉཱཎཾ ནཱམ.

ཨཱཙཡཙཏུཀྐེ ཀཱམཱཝཙརཀུསལེ པཉྙཱ ཨཱཙཡཱཡ ནོ ཨཔཙཡཱཡ. སཱ ཧི ཙུཏིཔཊིསནྡྷིཾ ¶ ཨཱཙིནོཏི ཨེཝ, ནོ ཨཔཙིནོཏི. མགྒཔཉྙཱ པན ཨཔཙཡཱཡ ནོ ཨཱཙཡཱཡ. རཱུཔཱརཱུཔཀུསལཔཉྙཱ ཨཱཙཡཱཡ ཙེཝ ཨཔཙཡཱཡ ཙ. སཱ ཧི ཝིཀྑམྦྷནཝསེན ཀིལེསེ ཙ ཏམྨཱུལཀེ ཙ ཝིཔཱཀདྷམྨེ ཨཔཙིནོཏི. སེསཱ ཨབྱཱཀཏཱ པཉྙཱ ནེཝཱཙཡཱཡ ནོ ཨཔཙཡཱཡ.

ནིབྦིདཱཙཏུཀྐེ རཱུཔཱཝཙརཔཋམཛ྄ཛྷཱནཔཉྙཱ ནིབྦིདཱཡ ནོ པཊིཝེདྷཱཡ. སཱ ཧི ཀཱམཝིཝེཀེན པཏྟབྦཏྟཱ ཀིལེསནིབྦིདཱཡ པཝཏྟཏི, ཨབྷིཉྙཱཔཱདཀབྷཱཝཾ པན ཨཔྤཏྟཏཱཡ ནེཝཱབྷིཉྙཱཔཊིཝེདྷཱཡ སཾཝཏྟཏི. ཙཏུཏྠཛ྄ཛྷཱནཔཉྙཱ པཊིཝེདྷཱཡ ནོ ནིབྦིདཱཡ. སཱ ཧི ཨབྷིཉྙཱཔཱདཀབྷཱཝེནཱཔི ཨབྷིཉྙཱབྷཱཝཔྤཏྟིཡཱཔི པཊིཝེདྷཱཡ སཾཝཏྟཏི. པཋམཛ྄ཛྷཱནཀྑཎེ ཨེཝ ནཱིཝརཎནིབྦིནྡནཏྟཱ ནོ ནིབྦིདཱཡ. དུཏིཡཏཏིཡཛ྄ཛྷཱནཔཉྙཱ པན སོམནསྶསཧགཏཏཱཡ པཋམཛ྄ཛྷཱནསནྣིསྶིཏཱ ཝཱ ཨཝིཏཀྐཏཱཡ ཙཏུཏྠཛ྄ཛྷཱནསནྣིསྶིཏཱ ཝཱ ཀཱཏབྦཱ. མགྒཔཉྙཱ པན ནིབྦིདཱཡ ཙེཝ པཊིཝེདྷཱཡ ཙ. ཨེཏྠ ཧི ཙཏུསཙྩཔཊིཝེདྷཝསེན ནིབྦིདཱཡ ཙེཝེཏཱསཾ ཚལ༹བྷིཉྙཱཔྤཏྟིཡཱ པཊིཝེདྷཱཡ ཙ སཾཝཏྟནཾ ཝེདིཏབྦཾ. སེསཱ ལོཀིཡལོཀུཏྟརཱ ¶ པཉྙཱ ནེཝ ནིབྦིདཱཡ ནོ པཊིཝེདྷཱཡ.

ཧཱནབྷཱགིཡཙཏུཀྐེ ཧཱནཾ བྷཛཏཱིཏི ཧཱནབྷཱགིནཱི, ཨེཝཾ སེསེསུཔི. ནིབྦེདྷོཏི ཙེཏྠ ཨརིཡམགྒོ ཏནྣིབྦཏྟཀཝིཔསྶནཱཔཱདཀཏྟཱ. ནིབྦེདྷབྷཱགིནཱིཏི ཙཏཱུསུཔི ཋཱནེསུ རཱུཔཱརཱུཔཀུསལཔཉྙཱཝ ཝུཏྟཱ. ཏཱནི ཧི ཨཏྟནོ སབྷཱཝཱ པརིཧཱཡིཏྭཱ ཧེཊྛཱ ཨོརོཧཎཔཙྩཡབྷཱུཏཱ ཧཱནབྷཱགིནཱི. ཨུཔནིཛ྄ཛྷཱནཔཙྩཡབྷཱུཏཱ ཝིསེསབྷཱགིནཱི, ཏཾ པན ཛྷཱནནིཀནྟིཡཱ བལཝཏཱཡ ཝིསེསཾ, ཧཱནིཾ ཝཱ ཨནུསྶུཀྐིཏྭཱ ཋིཏིཀོཊྛཱསིཀཱ ཋིཏིབྷཱགིནཱི, ཨརིཡམགྒཔདཊྛཱནཝིཔསྶནཱཔཱདཀབྷཱུཏཱཝ ནིབྦེདྷབྷཱགིནཱི ཙ ཧོནྟཱིཏི ཝེདིཏབྦཱ.

ཙཏསྶོ པཊིསམྦྷིདཱཏི ཨཏྠདྷམྨནིརུཏྟིཔཊིབྷཱནཔཊིསམྦྷིདཱཝ. ཙཏསྶོ པཊིཔདཱཏི དུཀྑཱཔཊིཔདཱདནྡྷཱབྷིཉྙཱདཡོ ཧེཊྛཱ ཝུཏྟཱཝ. ཙཏྟཱརི ཨཱརམྨཎཱནཱིཏི པརིཏྟཱ, པརིཏྟཱརམྨཎཱཏིཨཱདིཀཱ ཧེཊྛཱ ཝུཏྟནཡཱཝ. ཛརཱམརཎཱདིཙཏུཀྐེསུཔི མགྒཉཱཎཝསེནེཝ ཙཏསྶོ ཡོཛནཱ ཝུཏྟཱ. སེསཾ སུཝིཉྙེཡྻམེཝ.

ཙཏུཀྐཾ ནིཊྛིཏཾ.

པཉྩཀེསུ ¶ པན པཉྩངྒིཀོ སམྨཱསམཱདྷཱིཏི པཱིཏིཕརཎཏཱ སུཁཕརཎཏཱ ཙེཏོཕརཎཏཱ ཨཱལོཀཕརཎཏཱ པཙྩཝེཀྑཎནིམིཏྟནྟི ཨེཝཾ པཱལི༹ཡཾ ཝུཏྟེཧི པཉྩཧི ཉཱཎངྒེཧི སམནྣཱགཏོ སམཱདྷི. ཏཏྠ པཱིཏིཾ ཕརམཱནཱ ཨུཔྤཛྫཏཱིཏི དྭཱིསུ ཛྷཱནེསུ པཉྙཱ པཱིཏིཕརཎཏཱ ནཱམ, སུཁཾ ཕརམཱནཱ ཨུཔྤཛྫཏཱིཏི ཏཱིསུ ཛྷཱནེསུ པཉྙཱ སུཁཕརཎཏཱ ནཱམ. པརེསཾ ཙེཏོཕརམཱནཱ ཨུཔྤཛྫཏཱིཏི ཙེཏོཔརིཡཉཱཎཾ ཙེཏོཕརཎཏཱ ནཱམ. ཨཱལོཀཕརཎེ ཨུཔྤཛྫཏཱིཏི དིབྦཙཀྑུཉཱཎཾ ཨཱལོཀཕརཎཏཱ ནཱམ. པཙྩཝེཀྑཎཉཱཎཾ པཙྩཝེཀྑཎནིམིཏྟཾ ནཱམ. ཨེཏྠ ཙ པཱིཏིཕརཎཏཱ, སུཁཕརཎཏཱ ཙ དྭེ པཱདཱ ཝིཡ, ཙེཏོཕརཎཏཱ, ཨཱལོཀཕརཎཏཱ ཙ དྭེ ¶ ཧཏྠཱ ཝིཡ, པཙྩཝེཀྑཎནིམིཏྟཾ སཱིསཾ ཝིཡ, ཨབྷིཉྙཱཔཱདཀཛ྄ཛྷཱནཾ མཛ྄ཛྷིམཀཱཡོ ཝིཡ. ཨིཏི བྷགཝཱ པཉྩངྒིཀཾ སམྨཱསམཱདྷིཾ ཨངྒཔཙྩངྒསམྤནྣཾ པུརིསཾ ཝིཡ ཀཏྭཱ དསྶེཏི. ཨིམིནཱ ཙ སམཱདྷིནཱ ཨངྒཱནི པཉྩ ཉཱཎངྒཱནི ཝུཏྟཱནཱིཏི ཝེདིཏབྦཱནི.

པཉྩཉཱཎིཀོ སམྨཱསམཱདྷཱིཏི –

‘‘‘ཨཡཾ སམཱདྷི པཙྩུཔྤནྣསུཁོ ཙེཝ ཨཱཡཏིཉྩ སུཁཝིཔཱཀོ’ཏི པཙྩཏྟཉྙེཝ ཉཱཎཾ ཨུཔྤཛྫཏི, ‘ཨཡཾ སམཱདྷི ཨརིཡོ ནིརཱམིསོ’ཏི…པེ… ‘མཧཱཔུརིསསེཝིཏོ’ཏི…པེ… ‘སནྟོ པཎཱིཏོ པཊིཔསྶདྡྷིལདྡྷོ ཨེཀོདིབྷཱཝཱདྷིགཏོ ན སསངྑཱརནིགྒཡ྄ཧཝཱརིཏགཏོ’ཏི…པེ… ‘སོ ཁོ པནཱཧཾ ཨིམཾ སམཱདྷིཾ སཏོཝ སམཱཔཛྫཱམི, སཏོ ཝུཊྛཧཱམཱི’ཏི པཙྩཏྟཉྙེཝ ཉཱཎཾ ཨུཔྤཛྫཏཱི’’ཏི (ཝིབྷ. ༨༠༤) –

ཨེཝཾ པཱལི༹ཡཾ ཝུཏྟེཧི པཉྩཧི པཙྩཝེཀྑཎཉཱཎེཧི ཡུཏྟོ ཨརཧཏྟཕལསངྑཱཏོ སམཱཔཏྟིཕལསམཱདྷི. སོ ཨེཝཾ ཧི ཨཔྤིཏཔྤིཏཀྑཎེ སུཁཏྟཱ པཙྩུཔྤནྣསུཁོ, པུརིམོ པུརིམོ པཙྪིམསྶ པཙྪིམསྶ སམཱདྷིསུཁསྶ ཙེཝ ཨཏྟནཱ སམུཊྛཱཔིཏམྤི པཎཱིཏརཱུཔེན ཕུཊྛསཀལཀཱཡཏཱཡ ཕལསམཱཔཏྟིཏོ ཝུཊྛིཏཀཱལེ ཨཏིཔཎཱིཏཾ ཀཱཡཝིཉྙཱཎསུཁསྶ པཙྩཡཏྟཱ ཨཱཡཏིཾ སུཁཝིཔཱཀོ ཨུཔྤཛྫཏི, ཨིམིནཱཔི པརིཡཱཡེན ཨཱཡཏིཾ སུཁཝིཔཱཀོཏི ཨེཀཾ ཨངྒཾ, ཀིལེསེཧི ཨཱརཀཏྟཱ ཨརིཡོ ཀཱམཱམིསཝཊྚཱམིསལོཀཱམིསཱནཾ ཨབྷཱཝཱ ནིརཱམིསོཏི ཨེཀཾ, བུདྡྷཱདཱིཧི མཧཱཔུརིསེཧི སེཝིཏཏྟཱ ཨཀཱཔུརིསསེཝིསོཏི ཨེཀཾ, ཨངྒཱརམྨཎེ སནྟཏཱཡ, སབྦཀིལེསདརཐསནྟཏཱཡ ཙ སནྟོ ཨཏཔྤནཱིཡཊྛེན པཎཱིཏོ ¶ ཀིལེསཔཊིཔསྶདྡྷིབྷཱཝསྶ ལདྡྷཏྟཱ པཊིཔསྶདྡྷལདྡྷོ ¶ ཨེཀོདིབྷཱཝེན ཙ ཨདྷིགཏོ ཨཔྤགུཎསཱསཝསམཱདྷི ཝིཡ སསངྑཱརེན སཔྤཡོགེན པཙྩནཱིཀདྷམྨེ ནིགྒཡ྄ཧ ཀིལེསེ ཝཱརེཏྭཱ ཨནདྷིགཏཏྟཱ ན སསངྑཱརནིགྒཡ྄ཧཝཱརིཏགཏོ. པུགྒལསྶཱཡཾ སམཱདྷཱིཏི ཨེཝཾ ཁཱིཎཱསཝསྶ སཏིཝེཔུལླཔྤཏྟིཡཱ ཡཐཱཔརིཙྪིནྣཀཱལཝསེན ཨིམཾ སམཱདྷིཾ སཏོཝ སམཱཔཛྫཏི, ཨུཊྛཧཏི ཙཱཏི ཨེཀམངྒནྟི ཨིམེཧི པཉྩཧི ཨངྒེཧི སབྦཱཀཱརཏོ ཡུཏྟཏྟཱ ‘‘པཉྩཉཱཎིཀོ སམྨཱསམཱདྷཱི’’ཏི ཝུཙྩཏི.

པཉྩཀཾ ནིཊྛིཏཾ.

ཚཀྐེ ཚསུ ཨབྷིཉྙཱསུ པཉྙཱཏི ཨིདྡྷིཝིདྷེ ཉཱཎཾ, དིབྦསོཏདྷཱཏུཡཱ ཉཱཎཾ, ཙེཏོཔརིཡེ ཉཱཎཾ, པུབྦེནིཝཱསཱནུསྶཏིཡཾ ཉཱཎཾ, ཙུཏཱུཔཔཱཏེ ཉཱཎཾ, ཨཱསཝཱནཾ ཁཡེ ཉཱཎནྟི ཨེཝཾ ཝུཏྟཱནི ཚལ༹བྷིཉྙཱཙིཏྟསམྤཡུཏྟཱནི ཉཱཎཱནི. ཏེསུ པཙྪིམཾ ལོཀུཏྟརཾ, སེསཱནི རཱུཔཱཝཙརཔཉྩམཛ྄ཛྷཱནིཀཱནཱིཏི.

ཚཀྐཾ ནིཊྛིཏཾ.

སཏྟཀེ སཏྟསཏྟཏི ཉཱཎཝཏྠཱུནཱིཏི ‘‘ཨཝིཛྫཱཔཙྩཡཱ སངྑཱརཱ’’ཏི པཙྩཝེཀྑཎཉཱཎཾ ཨེཀཾ, ‘‘ཨསཏི ཨཝིཛྫཱཡ ནཏྠི སངྑཱརཱ’’ཏི ཨེཀནྟི དྭེ ཉཱཎཱནི, ཨེཝཾ ཨཏཱིཏེཔི དྭེ, ཨནཱགཏེཔི དྭེཏི ཚ, ཏཾ ཚབྦིདྷམྤི ཉཱཎཾ ‘‘ཁཡདྷམྨ’’ནྟིཨཱདིནཱ པཙྩཝེཀྑཎཉཱཎེན སདྡྷིཾ སཏྟ ཉཱཎཱནི. ཨེཝཾ སེསེསུཔི ཛཱཏིཔརིཡོསཱནེསུ ཙཱཏི ཨེཝཾ ཨེཀཱདསསུ པཊིཙྩསམུཔྤཱདངྒེསུ པཙྩེཀཾ ཀཱལཏྟཡེཔི ཨནྭཡབྱཏིརེཀཉཱཎཾ ཏེསཾ ཝཡདསྶནཉཱཎསྶ ཙ ཝསེན སཏྟ སཏྟ ཀཏྭཱ སཏྟསཏྟཏི ཉཱཎཱནི.

སཏྟཀཾ ནིཊྛིཏཾ.

ཨཊྛཀཾ སུཝིཉྙེཡྻམེཝ.

ནཝཀེ ནཝསུ ཨནུཔུབྦཝིཧཱརསམཱཔཏྟཱིསུ པཉྙཱཏི ནིརོདྷསམཱཔཏྟིཾ སམཱཔཛྫནྟསྶ ཨནུཔཊིཔཱཊིཡཱ ཝིཧཱཏབྦཏོ ཨུཔྤཱདེཏབྦཏོ ཨནུཔུབྦཝིཧཱརསངྑཱཏཱསུ རཱུཔཱརཱུཔསམཱཔཏྟཱིསུ ¶ སམྤཡུཏྟཱ ¶ ཨཊྛ པཉྙཱ ཙེཝ ཏདནནྟརཾ ནིརོདྷཾ ཕུསིཏྭཱ ཝུཊྛིཏསྶ ནིརོདྷཾ སནྟཏོ པཙྩཝེཀྑཎཉཱཎཉྩཱཏི ནཝ.

ནཝཀཾ ནིཊྛིཏཾ.

དསཀེ ཏཐཱགཏསྶཱཏི ཡཐཱ ཝིཔསྶཱིཨཱདཡོ པུབྦཀཱ ཨིསཡོ ཨཱགཏཱ, ཏཐཱ ཨཱགཏསྶ སམྨཱསམྦུདྡྷསྶ. ཏཐཱགཏབལཱནཱིཏི ཨཉྙེཧི ཨསཱདྷཱརཎཱནི ཏཐཱགཏསྶེཝ བལཱནི, ཡཐཱ ཝཱ པུབྦབུདྡྷཱནཾ བལཱནི པུཉྙུསྶཡསམྤཏྟིཡཱ ཨཱགཏཱནི, ཏཐཱ ཨཱགཏཱནི བལཱནཱིཏིཔི ཨཏྠོ. ཏཏྠ དུཝིདྷཾ ཏཐཱགཏསྶ བལཾ ཀཱཡབལཾ, ཉཱཎབལཉྩ. ཏེསུ ཀཱཡབལཾ ཧཏྠིཀུལཱནུསཱརེན ཝེདིཏབྦཾ. ཝུཏྟཾ ཧེཏཾ པོརཱཎེཧི –

‘‘ཀཱལཱ༹ཝཀཉྩ གངྒེཡྻཾ, པཎྜརཾ ཏམྦཔིངྒལཾ;

གནྡྷམངྒལཧེམཉྩ, ཨུཔོསཐཚདྡནྟིམེ དསཱ’’ཏི. (ཝིབྷ. ཨཊྛ. ༧༦༠; མ. ནི. ཨཊྛ. ༡.༡༤༨; སཾ. ནི. ཨཊྛ. ༢.༢.༢༢; ཨ. ནི. ༡༠.༢༡; ཨུདཱ. ཨཊྛ. ༧༥; བུ. ཝཾ. ཨཊྛ. ༡.༣༩; པཊི. མ. ཨཊྛ. ༢.༢.༤༤; ཙཱུལ༹ནི. ཨཊྛ. ༨༡);

ཨིམཱནི ཧི དས ཧཏྠིཀུལཱནི. ཏཏྠ ཀཱལཱ༹ཝཀནྟི པཀཏིཧཏྠིཀུལཾ, ཡཾ དསནྣཾ པུརིསཱནཾ ཀཱཡབལཾ, ཏཾ ཨེཀསྶ ཀཱལཱ༹ཝཀཧཏྠིནོ བལཾ, ཡཾ ཏེསཾ དསནྣཾ བལཾ, ཏཾ ཨེཀསྶ གངྒེཡྻསྶ, ཏེསཾ དསནྣཾ པཎྜརསྶ, ཏེསཾ དསནྣཾ ཏམྦསྶ, ཏེསཾ དསནྣཾ པིངྒལསྶ, ཏེསཾ དསནྣཾ གནྡྷཧཏྠིནོ, ཏེསཾ དསནྣཾ མངྒལསྶ, ཏེསཾ དསནྣཾ ཧེམསྶ, ཏེསཾ དསནྣཾ ཨུཔོསཐསྶ, ཏེསཾ དསནྣཾ བལཾ ཚདྡནྟསྶ, ཡཾ དསནྣཾ ཚདྡནྟཱནཾ བལཾ, ཏཾ ཏཐཱགཏསྶ ནཱརཱཡཎབལནྟི ཝུཙྩཏི. ཏདེཏཾ པཀཏིཧཏྠིགཎནཱཡ ཧཏྠཱིནཾ ཀོཊིསཧསྶཾ, པུརིསགཎནཱཡ དསནྣཾ པུརིསཀོཊིསཧསྶཱནཾ བལཾ ཧོཏི. ཨིདཾ ཏཱཝ ཏཐཱགཏསྶ ཀཱཡབལཾ. ཡཱནི པན དསབལཙཏུཝེསཱརཛྫཱདཱིནི ཨནེཀཱནི ཉཱཎསཧསྶཱནི, ཨེཏཾ ཉཱཎབལཾ ནཱམ. ཨིདྷཱཔི ཉཱཎབལམེཝ ཨདྷིཔྤེཏཾ. ཉཱཎཉྷི ཨཀམྤིཡཊྛེན, ཨུཔཏྠམྦྷནཊྛེན ཙ བལནྟི ཝུཏྟཾ.

ཡེཧི ¶ བལེཧི སམནྣཱགཏོཏི ཡེཧི དསཧི ཉཱཎབལེཧི ཨུཔེཏོ. ཨཱསབྷཎྛཱནནྟི སེཊྛཊྛཱནཾ. ཨཔིཙ ¶ གཝསཏཛེཊྛཀོ ཨུསབྷོ, གཝསཧསྶཛེཊྛཀོ ཝསབྷོ. ཝཛསཏཛེཊྛཀོ ཝཱ ཨུསབྷོ, ཝཛསཧསྶཛེཊྛཀོ ཝསབྷོ, སབྦགཝསེཊྛོ ནིསབྷོ, སེཏོ པཱསཱདིཀོ མཧཱབྷཱརཝཧོ སབྦཔརིསྶཡསཧོ ཨསནིསཏསདྡེཧིཔི ཨཀམྤནཱིཡོ ནིསབྷོ, སོ ཨིདྷ ཨུསབྷོཏི ཨདྷིཔྤེཏོ. ཨིདམྤི ཧི ཏསྶ པརིཡཱཡཝཙནཾ. ཨུསབྷསྶ ཨིདནྟི ཨཱསབྷཾ. ཋཱནནྟི ཏསྶ ནིསབྷབལསམནྣཱགཏསྶ ཙཏཱུཧི པཱདེཧི པཐཝིཾ ཨུཔྤཱིལེ༹ཏྭཱ ཨཙལཊྛཱནཾ, ཨིདཾ པན ཨཱསབྷཾ ཝིཡཱཏི ཨཱསབྷཾ. ཡཐེཝ ཧི ནིསབྷསངྑཱཏོ ཨུསབྷོ ཨུསབྷབལེན སམནྣཱགཏོ ཙཏཱུཧི པཱདེཧི པཐཝིཾ ཨུཔྤཱིལེ༹ཏྭཱ ཨཙལཊྛཱནེན ཏིཊྛཏི, ཨེཝཾ ཏཐཱགཏོཔི ཧི དསབལསམནྣཱགཏོ ཙཏུཝེསཱརཛྫཔཱདེཧི ཨཊྛཔརིསཔཐཝིཾ ཨུཔྤཱིལེ༹ཏྭཱ སདེཝཀེ ལོཀེ ཀེནཙི ཨཔྤདྷཾསིཡོ ཨཙལེན ཋཱནེན ཏིཊྛཏི, ཏཉྩེས པཊིཛཱནཱཏི ཨུཔགཙྪཏི ན པཙྩཀྑཱཏི ཨཏྟནི ཨཱརོཔེཏི, ཏེན ཝུཏྟཾ ‘‘ཨཱསབྷཾ ཋཱནཾ པཊིཛཱནཱཏཱི’’ཏི (ཝིབྷ. ༧༦༠).

པརིསཱསཱུཏི ཨཊྛསུ པརིསཱསུ. སཱིཧནཱདཾ ནདཏཱིཏི སེཊྛནཱདཾ ཨབྷཱིཏནཱདཾ, སཱིཧནཱདསདིསཾ ཝཱ ནཱདཾ ནདཏི. ཨཡམཏྠོ སཱིཧནཱདསུཏྟེན དཱིཔེཏབྦོ. ཡཐཱ ཝཱ སཱིཧོ སཧནཏོ ཙ ཧནནཏོ ཙ ‘‘སཱིཧོ’’ཏི ཝུཙྩཏི, ཨེཝཾ ཏཐཱགཏོཔི ལོཀདྷམྨཱནཾ སཧནཏོ, པརཔྤཝཱདཱནཉྩ ཧནནཏོ ‘‘སཱིཧོ’’ཏི ཝུཙྩཏི, ཏསྶ ནཱདཾ ནདཏི.

བྲཧྨཙཀྐནྟིཨཱདཱིསུ བྲཧྨནྟི ཨུཏྟམཾ ཝིསུདྡྷཾ. ཙཀྐ-སདྡོ པནཱཡཾ ‘‘ཙཏྟཱརིམཱནི, བྷིཀྑཝེ, ཙཀྐཱནི, ཡེཧི སམནྣཱགཏཱནཾ དེཝམནུསྶཱན’’ནྟིཨཱདཱིསུ (ཨ. ནི. ༤.༣༡) སམྤཏྟིཡཾ དིསྶཏི. ‘‘པཱདཏལེསུ ཙཀྐཱནི ¶ ཛཱཏཱནཱི’’ཏིཨཱདཱིསུ (དཱི. ནི. ༢.༣༥; ༣.༢༠༤; མ. ནི. ༢.༣༨༦) ལཀྑཎེ. ‘‘ཙཀྐཾཝ ཝཧཏོ པད’’ནྟི (དྷ. པ. ༡) ཨེཏྠ རཐངྒེ. ‘‘ཙཏུཙཀྐཾ ནཝདྭཱར’’ནྟི (སཾ. ནི. ༡.༢༩) ཨེཏྠ ཨིརིཡཱཔཐེ. ‘‘ཙཀྐཾ པཝཏྟཡ སབྦཔཱཎིན’’ནྟི (ཛཱ. ༡.༧.༡༤༩) ཨེཏྠ དཱནེ. ‘‘དིབྦཾ ཙཀྐརཏནཾ པཱཏུརཧོསཱི’’ཏི (དཱི. ནི. ༣.༨༥) ཨེཏྠ རཏནཙཀྐེ. ‘‘ཨིཙྪཱཧཏསྶ པོསསྶ, ཙཀྐཾ བྷམཏི མཏྠཀེ’’ཏི (ཛཱ. ༡.༡.༡༠༤; ༡.༥.༡༠༣) ཨེཏྠ ཨུརཙཀྐེ. ‘‘ཁུརཔརིཡནྟེན ཙེཔི ཙཀྐེནཱ’’ཏི (དཱི. ནི. ༡.༡༦༦) ཨེཏྠ པཧརཎཙཀྐེ. ‘‘ཨསནིཙཀྐ’’ནྟི (དཱི. ནི. ༣.༦༡; སཾ. ནི. ༢.༡༦༢) ཨེཏྠ ཨསནིམཎྜལེ. ‘‘མཡཱ པཝཏྟིཏཾ ཙཀྐ’’ནྟི (སུ. ནི. ༥༦༢) ཨེཏྠ དྷམྨཙཀྐེ. ཨིདྷ པན དྷམྨཙཀྐེ པཝཏྟཏི.

དྷམྨཙཀྐཉྩ ¶ དུཝིདྷཾ ཧོཏི པཊིཝེདྷཉཱཎཉྩ དེསནཱཉཱཎཉྩ. ཏཏྠ པཉྙཱཔབྷཱཝིཏཾ ཨཏྟནོ ཨརིཡཕལཱཝཧཾ ལོཀུཏྟརཾ པཊིཝེདྷཉཱཎཾ, ཀརུཎཱཔབྷཱཝིཏཾ སཱཝཀཱནཾ ཨརིཡཕལཱཝཧཾ ཀཱམཱཝཙརཾ དེསནཱཉཱཎཾ, ཨུབྷཡམྤི པནེཏཾ ཨཉྙེཧི ཨསཱདྷཱརཎཾ བུདྡྷཱནཉྙེཝ ཨོརསཉཱཎཾ, ཏཾ པཝཏྟེཏི ཨུཔྤཱདེཏི ཝིབྷཱཝེཏི ཝིཏྠཱརིཀཾ ཀརོཏཱིཏི ཨཏྠོ.

ཨིདཱནི ཡཱནི དས ཉཱཎཱནི ཨཱདིཏོ ‘‘ཏཐཱགཏབལཱནཱི’’ཏི ནིཀྑིཏྟཱནི, ཏཱནི ཝིཏྠཱརེཏུཾ ‘‘ཀཏམཱནི དས? ཨིདྷ ཏཐཱགཏོ’’ཏིཨཱདིམཱཧ. ཏཏྠ ཋཱནཉྩ ཋཱནཏོཏི ཀཱརཎཉྩ ཀཱརཎཏོ. ཀཱརཎཾ ཧི ཡསྨཱ ཏཏྠ ཕལཾ ཏིཊྛཏི ཏདཱཡཏྟཝུཏྟིཏཱཡ ཨུཔྤཛྫཏི ཙེཝ པཝཏྟཏི ཙ, ཏསྨཱ ཋཱནནྟི ཝུཙྩཏི. ཨཊྛཱནཉྩ ཨཊྛཱནཏོཏི ཨཀཱརཎཉྩ ཨཀཱརཎཏོ. ཡམྤཱིཏི ཡེན ཉཱཎེན ཡཐཱབྷཱུཏཾ པཛཱནཱཏི, ཨིདམྤི ཋཱནཱཋཱནཉཱཎཾ ཏཐཱགཏསྶ ཏཐཱགཏབལཾ ནཱམ ཧོཏཱིཏི ཨཏྠོ. ཨེཝཾ ཨུཔརིཔི སབྦཏྠ ཡོཛནཱ ཝེདིཏབྦཱ. ཀཐཾ པནེཏྠ བྷགཝཱ ཋཱནཉྩ ཋཱནཏོ, ཨཊྛཱནཉྩ ཨཊྛཱནཏོ ¶ ཡཐཱབྷཱུཏཾ པཛཱནཱཏཱིཏི? ཨཊྛཱནམེཏཾ ཨནཝཀཱསོ, ཡཾ དིཊྛིསམྤནྣོ པུགྒལོ ཀཉྩི སངྑཱརཾ ནིཙྩཏོ ཨུཔགཙྪེཡྻ…པེ… ཀཉྩི དྷམྨཾ ཨཏྟཏོ ཨུཔགཙྪེཡྻ, མཱཏརཾ ཛཱིཝིཏཱ ཝོརོཔེཡྻ, པིཏརཾ…པེ… ཨརཧནྟཾ ཛཱིཝིཏཱ ཝོརོཔེཡྻ, པདུཊྛཙིཏྟེན ཏཐཱགཏསྶ ལོཧིཏཾ ཨུཔྤཱདེཡྻ, སངྒྷཾ བྷིནྡེཡྻ, ཨཉྙཾ སཏྠཱརཾ ཨུདྡིསེཡྻ, ཨཊྛམཾ བྷཝཾ ནིབྦཏྟེཡྻ, ནེཏཾ ཋཱནཾ ཝིཛྫཏི, པུཐུཛྫནོ པནེཏཾ སབྦཾ ཀརེཡྻཱཏི ཋཱནམེཏཾ ཝིཛྫཏཱིཏི པཛཱནཱཏི, ཏཐཱ ཡཾ ཨེཀིསྶཱ ལོཀདྷཱཏུཡཱ དྭེ ཨརཧནྟོ སམྨཱསམྦུདྡྷཱ ཨཔུབྦཾ ཨཙརིམཾ ཨུཔྤཛྫེཡྻུཾ, ཏཐཱ དྭེ རཱཛཱནོ ཙཀྐཝཏྟཱི ཨུཔྤཛྫེཡྻུཾ, ནེཏཾ ཋཱནཾ ཝིཛྫཏི, ཨེཀོ པན ཨུཔྤཛྫཏི, ཋཱནམེཏཾ ཝིཛྫཏཱིཏི པཛཱནཱཏི, ཏཐཱ ཡཾ ཀཱཡདུཙྩརིཏཱདཱིནཾ ཏིཎྞཾ དུཙྩརིཏཱནཾ ཨིཊྛོ ཝིཔཱཀོ, སུཙརིཏཱནཉྩ ཨནིཊྛོ ཝིཔཱཀོ ནིབྦཏྟེཡྻཱཏི ནེཏཾ ཋཱནཾ ཝིཛྫཏི, ཏབྦིཔརཱིཏོ པན ནེསཾ ཝིཔཱཀོ ནིབྦཏྟེཡྻཱཏི ཋཱནམེཏཾ ཝིཛྫཏཱིཏི, ཡེ ཡེ དྷམྨཱ ཡེསཾ ཡེསཾ དྷམྨཱནཾ ཧེཏཱུ པཙྩཡཱ ཨུཔྤཱདཱཡ, ཏཾ ཏཾ ཋཱནཾ, ཨིཏརེ ཨཊྛཱནནྟི ཡཐཱབྷཱུཏཾ པཛཱནཱཏི, ཨེཏྠ པནཱཡཾ སངྑེཔཏོ ཨཊྛཀཐཱཝིནིཙྪཡོ. ‘‘སུཁཏོ ཨུཔགཙྪེཡྻཱ’’ཏི ཨིདཾ ‘‘ཨེཀནྟསུཁཱི ཨཏྟཱ’’ཏིཨཱདིནཱ (མ. ནི. ༣.༢༧) དིཊྛིཝིཔལླཱསཝསེན སུཁཏོ གཱཧཾ སནྡྷཱཡ ཝུཏྟཾ, སཉྙཱཙིཏྟཝིཔལླཱསཝསེན པན ཨརིཡསཱཝཀོཔི ཀིལེསཔརིལཱ༹ཧཱབྷིབྷཱུཏོ མཏྟཧཏྠིཔརིཏཱསིཏོ ཝིཡ, སུཙིཀཱམོ གཱུཐཀཱུཔཾ ཝིཡ ཀཉྩི སངྑཱརཾ སུཁཏོ ཨུཔགཙྪཏི, ཨཏྟཏོ ཨུཔགམནཝཱརེ ཀསིཎཱདིཔཎྞཏྟིཡཱ, ནིབྦཱནསྶ ཙ སངྒཎྷནཏྠཾ ‘‘སངྑཱར’’ནྟི ཨཝཏྭཱ ‘‘ཀཉྩི དྷམྨ’’ནྟི ཝུཏྟཾ.

མཱཏརནྟིཨཱདཱིསུ ¶ ཀིཉྩཱཔི ཨརིཡསཱཝཀོ སཱིསཙྪེདཾ པཱཔུཎནྟོཔི ཀུནྠཀིཔིལླིཀཾ ཨུཔཱདཱཡ པཱཎཱཏིཔཱཏཾ, ཨདིནྣཱདཱནཱདཱིསུ ཝཱ ཡཾཀིཉྩི དུཙྩརིཏཾ ཨཔཱཡཧེཏུབྷཱུཏཾ ཀཱཏུཾ བྷཝནྟརེཔི ¶ ན སཀྐོཏི, པུཐུཛྫནབྷཱཝསྶ པན མཧཱསཱཝཛྫཏཱདསྶནཏྠམེཏྠ པཉྩཱནནྟརིཡཱནེཝ ཨུདྡྷཊཱནི. སཱཝཛྫོ ཧི པུཐུཛྫནབྷཱཝོ, ཡཏྲ ཧི ནཱམ ཨཱནནྟརིཡཱནིཔི ཀརིསྶཏཱིཏི. ཨེཏྠ ཙ མནུསྶབྷཱུཏསྶེཝ མནུསྶབྷཱུཏཾ ཛནིཀཾ མཱཏརཾ, པིཏརཾ ཝཱ ཨཔི པརིཝཏྟལིངྒཾ ཛཱིཝིཏཱ ཝོརོཔེནྟསྶ ཀམྨཾ ཨཱནནྟརིཡཾ ཧོཏི. ཏིརཙྪཱནབྷཱུཏཾ པན མཱཏརཾ, པིཏརཾ ཝཱ སཡཾ ཝཱ ཏིརཙྪཱནབྷཱུཏོ མནུསྶབྷཱུཏཾ, ཏིརཙྪཱནབྷཱུཏཾ ཝཱ ཛཱིཝིཏཱ ཝོརོཔེནྟོ ཨཱནནྟརིཡཾ ན ཕུསཏི, ཀམྨཾ པན བྷཱརིཡཾ, ཨཱནནྟརིཡཾ ཨཱཧཙྩེཝ ཏིཊྛཏི. ཨརཧནྟམྤི མནུསྶབྷཱུཏམེཝ གྷཱཏེནྟོ ཨཱནནྟརིཡཾ ཕུསཏི. ཏསྶ ཙ པུཐུཛྫནཀཱལེ པཧཱརཾ དཏྭཱ ཨརཧཏྟཾ པཏྭཱ ཏསྨིཾ ཏེནེཝ རོགེན མཏེཔི ཨརཧནྟགྷཱཏཀོ ཧོཏི, ན ཡཀྑབྷཱུཏཾ ཨརཧནྟཾ, སེསཨརིཡཔུགྒལེ ཝཱ མནུསྶབྷཱུཏེཔི གྷཱཏེནྟོ, ཀམྨཾ པན ཨཱནནྟརིཡསདིསཾ ཧོཏི. ཡཾ པན པུཐུཛྫནཀཱལེ དིནྣཾ དཱནཾ ཨརཧཏྟཾ པཏྭཱ པརིབྷུཉྫཏི, པུཐུཛྫནསྶེཝ ཏཾ དིནྣཾ ཧོཏི, སེསཨརིཡཔུགྒལེ མཱརེནྟསྶ ཨཱནནྟརིཡཾ ནཏྠི, ཀམྨཾ པན གརུཀཾ ཧོཏི. ཨེཏྠ ཙ ཨེལ༹ཀཱདིཙཏུཀྐཾ ཝེདིཏབྦཾ – ‘‘ཨེལ༹ཀཾ མཱརེམཱི’’ཏི ཧི ཨབྷིསནྡྷིནཱ ཨེལ༹ཀཊྛཱནེ ནིཔནྣཾ མཱཏརཾ, པིཏརཾ, ཨརཧནྟཾ ཝཱ མཱརེནྟོ ཨཱནནྟརིཡཾ ཕུསཏི, ཨེལ༹ཀཱབྷིསནྡྷིནཱ ཝཱ མཱཏཱདིཨབྷིསནྡྷིནཱ ཝཱ ཨེལ༹ཀཾ མཱརེནྟོ ཨཱནནྟརིཡཾ ན ཕུསཏི, མཱཏཱདིཨབྷིསནྡྷིནཱ ཏེ ཨེཝ མཱརེནྟོ ཕུསཏེཝ. ཨེས ནཡོ ཙོརཙཏུཀྐཱདཱིསུཔི.

ལོཧིཏུཔྤཱདེ ཏཐཱགཏསྶ ཨབྷེཛྫཀཱཡཏཱཡ ཀུདྡྷཙིཏྟསྶ པརསྶ ཨུཔཀྐམེན ཙམྨཙྪེདོ, ལོཧིཏཔགྒྷརཎཾ ཝཱ ནཏྠི, དེཝདཏྟེན པན པཝིདྡྷསིལཱཏོ བྷིཛྫིཏྭཱ གཏསཀྑལིཀཔྤཧཱརེན ཝིཡ སརཱིརསྶ ཨནྟོཡེཝ ཨེཀསྨིཾ ཋཱནེ ཡཐཱ ཁུདྡིཀམཀྑིཀཱཔིཝནམཏྟམྤི ལོཧིཏཾ ཝིསམཾ སམོསརཏི, ཏཐཱ ཀརོནྟསྶ ཨཱནནྟརིཡཾ ཧོཏི, ན པན ཛཱིཝཀསྶེཝ མུདུཙིཏྟེན དུཊྛལོཧིཏཾ ནཱིཧརིཏྭཱ ཕཱསུཀཾ ཀརོནྟསྶ ¶ , པུཉྙམེཝ པནསྶ ཧོཏི, པརིནིབྦུཏེ བྷགཝཏི ཙེཏིཡཾ བྷིནྡནྟསྶ, བོདྷིཾ ཚིནྡནྟསྶ, དྷཱཏཱུསུ ཨུཔཀྐམནྟསྶ ཙ ཨཱནནྟརིཡཾ ན ཧོཏི, ཀམྨཾ པན ཨཱནནྟརིཡསདིསཾ ཧོཏི. བོདྷིརུཀྑསྶ པན ཐཱུཔཾ ཝཱ སདྷཱཏུཀཾ པཊིམཾ ཝཱ བཱདྷཡམཱནཾ སཱཁཾ, ཙེཏིཡཝཏྠུཾ བྷིནྡིཏྭཱ གཙྪནྟཾ བོདྷིམཱུལཉྩ ཚིནྡིཏྭཱ ཧརིཏུཾ ཝཊྚཏི. སཙེཔི སཱཁཱཡ ནིལཱིནཱ སཀུཎཱ ཙེཏིཡེ ཝཙྩཾ པཱཏེནྟི, ཚིནྡིཏུཾ ཝཊྚཏི. པརིབྷོགཙེཏིཡཏོ ཧི སརཱིརཙེཏིཡམེཝ མཧནྟཏརཾ. དྷཱཏུནིདྷཱནརཧིཏཾ པཊིམཱགྷརཾ ཝཱ བོདྷིགྷརཾ ཝཱ བཱདྷེནྟཾ ¶ སཱཁཾ ཚིནྡིཏུཾ ན ཝཊྚཏི, ཨོཛོཧརཎསཱཁཾ, པནསྶ པཱུཏིཊྛཱནཾ ཝཱ ཚིནྡིཏུཾ ཝཊྚཏི, སརཱིརཔཊིཛགྒནེ ཝིཡ པུཉྙམེཝ ཧོཏི.

སངྒྷབྷེདེ སམཱནསཾཝཱསསཱིམཱཡ སམཱནསཾཝཱསཀེ སངྒྷེ ཨེཀཏོ ཋིཏེ ཝིསུཾ ཝགྒསངྒྷཾ གཧེཏྭཱ པཉྩཧི ཀཱརཎེཧི སངྒྷཾ བྷིནྡནྟསྶ སངྒྷབྷེདོ ཧོཏི ཨཱནནྟརིཡཀམྨཉྩ. ཝུཏྟཾ ཧེཏཾ ‘‘པཉྩཧི, ཨུཔཱལི, ཨཱཀཱརེཧི སངྒྷོ བྷིཛྫཏི. ཀཏམེཧི པཉྩཧི? ཀམྨེན ཨུདྡེསེན ཝོཧརནྟོ ཨནུསྶཱཝནེན སལཱཀགྒཱཧེནཱ’’ཏི (པརི. ༤༥༨). ཏཏྠ ཀམྨེནཱཏི ཨཔལོཀནཱདཱིསུ ཙཏཱུསུ ཨཉྙཏརེན ཀམྨེན. ཨུདྡེསེནཱཏི པཱཏིམོཀྑུདྡེསེན. ཝོཧརནྟོ ཀཐཡནྟོ ཏཱཧི ཏཱཧི ཨུཔཔཏྟཱིཧི ‘‘ཨདྷམྨཾ དྷམྨོ’’ཏིཨཱདཱིནི ཨཊྛཱརས བྷེདཀརཝཏྠཱུནི དཱིཔེནྟོ. ཨནུསྶཱཝནེནཱཏི ‘‘ནནུ ཏུམྷེ ཛཱནཱཐ མཡ྄ཧཾ བཧུསྶུཏཱདིབྷཱཝཾ, ཀཐཾ ཧི ནཱམ མཱདིསོ ཨུདྡྷམྨཾ ཨུབྦིནཡཾ སཏྠུསཱསནཾ གཱཧེཡྻ, ཀིམཧཾ ཨཔཱཡཏོ ན བྷཱཡཱམཱི’’ཏིཨཱདིནཱ ནཡེན ཀཎྞམཱུལེ ཝཙཱིབྷེདཾ ཀཏྭཱ ཨནུསྶཱཝནེན. སལཱཀགྒཱཧེནཱཏི ཨེཝཾ ཝོཧཱརཱནུསྶཱཝནེཧི ཏེསཾ ཙིཏྟཾ ཨུཔཏྠམྦྷེཏྭཱ ཨནིཝཏྟིདྷམྨཾ ཀཏྭཱ ‘‘གཎྷཐ ཨིམཾ སལཱཀ’’ནྟི སལཱཀགྒཱཧེན.

ཨེཏྠ ¶ ཙ ཀམྨམེཝ ཨུདྡེསོ ཝཱ པམཱཎཾ, ཝོཧཱརཱནུསྶཱཝནསལཱཀགྒཱཧཱ པན པུབྦབྷཱགཱ. ཏེསུ ནིཔྥནྣེསུཔི ཨབྷིནྣོཝ ཧོཏི སངྒྷོ. ཡདཱ པན ཝོཧཱརཱནུསྶཱཝནེཧི ཙཏྟཱརོ ཝཱ ཨཏིརེཀེ ཝཱ བྷིཀྑཱུ སལཱཀཾ གཱཧེཏྭཱ ཝགྒཾ སངྒྷཾ གཧེཏྭཱ ཝིསུཾ ཀམྨཾ ཝཱ ཨུདྡེསཾ ཝཱ ཀརོཏི, ཏདཱ སངྒྷོ བྷིནྣོ ནཱམ ཧོཏི. ཨབྷེདཔུརེཀྑཱརསྶ པན སམགྒསཉྙཱཡ ཝཊྚཏི. སམགྒསཉྙཱཡ ཧི ཀརོནྟསྶ ནེཝ བྷེདོ ཧོཏི, ན ཨཱནནྟརིཡཾ, ཏཐཱ ཏཏོ ཨཱུནཔརིསཱཡ ཀརོནྟསྶ. ཝུཏྟཾ ཧེཏཾ ‘‘ཨེཀཏོ, ཨུཔཱལི, ཙཏྟཱརོ ཧོནྟི ཨེཀཏོ ཙཏྟཱརོ, ནཝམོ ཨནུསྶཱཝེཏཱི’’ཏིཨཱདི (ཙཱུལ༹ཝ. ༣༥༡).

ཨིམེསུ པན པཉྩསུ ཨཱནནྟརིཡེསུ སངྒྷབྷེདོ ཝཙཱིཀམྨཾ, སེསཱནི ཀཱཡཀམྨཱནི, སབྦཱནེཝ ཁོ ཏཱནི ཀཱཡདྭཱརཏོཔི ཝཙཱིདྭཱརཏོཔི སམུཊྛཧནྟི. སངྒྷབྷེདོཔི ཧི ཧཏྠམུདྡཱཡ བྷེདཾ ཀརོནྟསྶ ཀཱཡདྭཱརཏོཔི སམུཊྛཱཏི, སངྒྷབྷེདོ ཙེཏྠ ཀཔྤཊྛིཏིཡོ. ཀཔྤཝིནཱསེ ཨེཝ ཧི སངྒྷབྷེདཏོ མུཙྩཏི, སེསཱནཾ པན ཏཐཱ ནིཡམོ ནཏྠི. ཡེན ཙ པཉྩཔེཏཱནི ཀམྨཱནི ཀཏཱནི ཧོནྟི, ཏསྶ སངྒྷབྷེདོཝ ནིརཡེ ཝིཔཙྩཏི, སེསཱནི ‘‘ཨཧོསི ཀམྨཾ ནཱཧོསི ཀམྨཝིཔཱཀོ’’ཏི ཨེཝམཱདཱིསུ སངྑྱཾ གཙྪནྟི. སངྒྷབྷེདཱབྷཱཝེ ལོཧིཏུཔྤཱདོ, ཏདབྷཱཝེ ཨརཧནྟགྷཱཏོ ¶ , ཏདབྷཱཝེ མཱཏུགྷཱཏོ, པིཏུགྷཱཏོ ཝཱ, ཏསྨིམྤི སཱིལསམྤནྣཏརེ. པུརིམཱནི ཙེཏྠ ཙཏྟཱརི སབྦེསཾ གཧཊྛཔབྦཛིཏཱནཾ སཱདྷཱརཎཱནི, སངྒྷབྷེདོ པན པཀཏཏྟསྶ བྷིཀྑུནོཝ, ཨསཱདྷཱརཎོ ཨཉྙེསཾ, བྷིཀྑུནཱིཔི ཧི སངྒྷཾ ན བྷིནྡཏི, པགེཝ ཨིཏརེ. པཉྩཔི ཙེཏཱནི དུཀྑཝེདནཱསམྤཡུཏྟཱནི, དོསམཱུལཱནི ཙཱཏི ཝེདིཏབྦཱནི.

ཨཊྛམཾ བྷཝཾ ནིབྦཏྟེཡྻཱཏི ཨེཏྠ ཨརིཡསཱཝཀསྶ ཨཊྛམབྷཝཱགཧཎཾ ཀེན ནིཡཱམིཏནྟི? ཝིཔསྶནཱཡ. ཡསྶ ཧི སཱ ¶ ཏིཀྑཱ, སོ ཨེཀཾ ཨེཝ བྷཝཾ ནིབྦཏྟིཏྭཱ ཨརཧཏྟཾ པཏྭཱ ཨེཀབཱིཛཱི ནཱམ ཧོཏི. ཡསྶ མནྡཱ, སོ དུཏིཡེ…པེ… ཚཊྛེ ཝཱ བྷཝེ ཨརཧཏྟཾ པཏྭཱ ཀོལཾཀོལོ ནཱམ ཧོཏི. ཡསྶ པན ཨཏིམནྡཱ, སོ སཏྟམཾ བྷཝཾ ནཱཏིཀྐམཏི, ཏཏྠ ནིཡམེན ཨརཧཏྟཾ པཱཔུཎིཏྭཱ སཏྟཀྑཏྟུཔརམོ ནཱམ ཧོཏི. སཙེཔི ཧིསྶ སཏྟམེ བྷཝེ ནིདྡཾ ཨོཀྐནྟསྶ མཏྠཀེ ཨསནི ཝཱ པབྦཏཀཱུཊོ ཝཱ པཏེཡྻ, ཏསྨིམྤི ཀཱལེ ཨརཧཏྟཾ པཏྭཱཝ པརིནིབྦཱཏི. ཨུཏྟམཀོཊིཡཱ ཧི སཏྟམབྷཝཱནཏིཀྐམནཉྙེཝ སནྡྷཱཡེཝ ‘‘ནིཡཏོ སམྦོདྷིཔརཱཡཎོ’’ཏི (མ. ནི. ༡.༦༦; ༢.༡༦༩; སཾ. ནི. ༥.༩༩༨) ཝུཏྟོཏི.

ཨེཀིསྶཱ ལོཀདྷཱཏུཡཱ དྭེ ཨརཧནྟོ སམྨཱསམྦུདྡྷཱཏིཨཱདཱིསུ དསསཧསྶཙཀྐཝཱལ༹སངྑཱཏཾ ཛཱཏིཁེཏྟཾ ཨེཀཱ ལོཀདྷཱཏུ ནཱམ ཨཱཎཱཝིསཡཁེཏྟེསུ བུདྡྷུཔྤཏྟིསངྐཱཡ ཨེཝཱབྷཱཝཏོ. ཏཏྠ དྭིནྣཾ བུདྡྷཱནཾ ཨུཔྤཏྟིཔཊིསེདྷཾ ཨཀཏྭཱ ཛཱཏིཁེཏྟེ ཨེཝ ཀཏོ. ཋཔེཏྭཱ ཨིམཾ ཙཀྐཝཱལ༹ཾ ཨཉྙསྨིཾ ཙཀྐཝཱལེ༹ བུདྡྷཱ ན ཨུཔྤཛྫནྟི བུདྡྷཏྟཧེཏཱུནཾ ཨནཱདིབུདྡྷཔརམྤརཱདཱིནཾ ཏཐཱབྷཱཝཱ. ཏཏོ ཨེཝ ཧི སཏྟཱ ནིརཝསེསཏོ ནིབྦུཏིཾ ན པཱཔུཎནྟི. ཡདི ཧི སབྦཙཀྐཝཱལེ༹སུ བུདྡྷཱ ཨུཔྤཛྫེཡྻུཾ, སབྦེ སཏྟཱ ཨིཏོ པུབྦེ ནིརཝསེསཏོ ནིབྦུཏིཾ པཱཔུཎེཡྻུཾ, ན ཙ ཏཾ ཨཏྠི, ཏསྨཱ ཨནཱདིབུདྡྷཔརམྤརཱཡ ཝིཝཊྚཱུཔནིསྶཡསམྤནྣཱནཾ ནིཝཱསབྷཱུཏེ ཨིམསྨིཾ ཙཀྐཝཱལེ༹ ཨེཝ ཨུཔྤཛྫནྟཱིཏི ཝེདིཏབྦཱ. ཏེ ཙེཏྠཱཔི དུལླབྷཱ, ཏེསཾ དུལླབྷཏྟཱ ཨེཝེཏྠ ཀཔྤཱནཾ ཨསངྑྱེཡྻམྤི བུདྡྷུཔྤཱདརཧིཏཾ ཧོཏི. ཡདི ཙ ཏེ སུལབྷཱ བྷཝེཡྻུཾ, ཨེཀསྨིཾ ཝིཝཊྚཊྛཱཡིཨསངྑྱེཡྻེ ཙཏུསཊྛིབུདྡྷཱནམྤི ཨུཔྤཛྫིཏུཾ སཀྐཱ བྷཝེཡྻ ཨནྟརཀཔྤསྶ བུདྡྷནྟརཏྟཱ. བྷདྡཀཔྤེསུ ཙེཏྠ པཉྩ བུདྡྷཱ ཨེཝ ཨུཔྤཛྫནྟི. ཀཐཾ པནེཏྠཱཔི དུལླབྷཏརཱ ཙཀྐཝཱལ༹ནྟརེསུ ཨུཔྤཛྫེཡྻུཾ, བུདྡྷཱནཉྩ དུལླབྷཏཱ ཀཱརཎདུལླབྷཏཱཡ, ཏསྨཱ ཨིམསྨིཉྙེཝ ¶ ཙཀྐཝཱལེ༹ བུདྡྷཱ ཨུཔྤཛྫནྟི? ཨེཏྠཱཔི ན དེཝབྲཧྨལོཀེསུ, མནུསྶལོཀེ ཨེཝ པན ཨུཔྤཛྫནྟི ཨེཏྠེཝ སབྦསོ ཏིཝིདྷསདྡྷམྨཱདྷཱརསྶ སངྒྷརཏནསྶ པཱཏུབྷཱཝཏོ, ཨིཏརལོཀེསུ ནིརཝསེསཏོ པཀཱརཱསམྦྷཝཏོ ཙ.

ཡདི ¶ ཧི བུདྡྷཱ དེཝལོཀཱདཱིསུ ཨུཔྤཛྫེཡྻུཾ, མནུསྶཱ བྷཡེན ཨུཔསངྐམིཏུམེཝ ན སཀྐོནྟི, པགེཝ དྷམྨསཝནཔབྦཛྫཱདིཾ ཀཱཏུཾ, ཏེནེཝ ཨམྷཱཀཾ བོདྷིསཏྟོ ཨཏྟནོ རཱུཔཀཱཡཱནུབྷཱཝཱདིསམྤཏྟིཡཱ ཨུཔྤནྣཨམནུསྶསངྐཱཀུཏཱུཧལཾ ཛནཾ ནིཛ྄ཛྷཱཔེཏུཾ ཨུཏྟཱནསེཡྻཀཱདིནིཡཱམེན ཝཌྜྷིཏྭཱ དཱརཔརིགྒཧཱདིཾ ཨཀཱསི, ཨེཝཾ ཀཏྭཱ པབྦཛིཏམྤི ནཾ རཱཛགཧེ པིཎྜཱཡ པཝིསིཏྭཱ པཎྜཝཔབྦཏཔསྶེ ནིསཱིདིཏྭཱ པིཎྜཔཱཏཾ པརིབྷུཉྫནྟཾ བིམྦིསཱརོ ནཱནཔྤཀཱརཏོ མནུསྶབྷཱཝཾ ཝིཙིནིཏྭཱཝ ཨུཔསངྐམིཏུཾ ཝིསཧི, ནོ ཨཉྙཐཱ. ལོཀནིཏྠཱརཎཏྠཱཡ ཧི བུདྡྷཱ ཨུཔྤཛྫནྟི, ན ཨཏྟནོ སཀྐཱརཱདིཨཏྠཱཡ, ཏསྨཱ མནུསྶེསུ ཨེཝ ཨུཔྤཛྫནྟཱིཏི ཝེདིཏབྦོ. ཏཏྠཱཔི ཨིམསྨིཾ ཛམྦུདཱིཔེ ཨེཝ, ཏཏྠཱཔི ཨིམསྨིཾ མཛ྄ཛྷིམཔདེསེ ཨེཝ. ན ཀེཝལཉྩ བུདྡྷཱཝ, པཙྩེཀབུདྡྷཱ, ཨགྒསཱཝཀམཧཱསཱཝཀཱ ཙ ཙཀྐཝཏྟིཨཱདཡོ ཙ ཨཉྙེཔི པུཉྙཝནྟསཏྟཱ ཨེཏྠེཝ ཨུཔྤཛྫནྟི.

ཨཔུབྦཾ ཨཙརིམནྟི ཨེཏྠ མཱཏུཀུཙྪིསྨིཾ པཊིསནྡྷིགྒཧཎཏོ པུརེ པུབྦཾ ནཱམ, དྷཱཏུཨནྟརདྷཱནཏོ པཙྪཱ ཙརིམཾ ནཱམ, ཨུབྷིནྣམནྟརཱ ཨཔུབྦཾ ཨཙརིམཾ ནཱམ. ཨེཏྠནྟརེ ཨཉྙསྶ བུདྡྷསྶ ཨུཔྤཏྟི ནིཝཱརིཏཱ, དྷཱཏུཨནྟརདྷཱནེ པན ཛཱཏེ ཨཉྙསྶ ཨུཔྤཏྟི ན ནིཝཱརིཏཱ. ཀིཉྩཱཔི ན ནིཝཱརིཏཱ, ཨནྟརཀཔྤཾ པན ཁེཔེཏྭཱཝ ཨུཔྤཛྫནྟཱིཏི ཝེདིཏབྦཾ.

པཉྩ ཧི ཨནྟརདྷཱནཱནི ནཱམ ཨདྷིགམཨནྟརདྷཱནཾ པཊིཔཏྟིཨནྟརདྷཱནཾ པརིཡཏྟིཨནྟརདྷཱནཾ ལིངྒཨནྟརདྷཱནཾ དྷཱཏུཨནྟརདྷཱནནྟི. ཏཏྠ ཨདྷིགམོཏི མགྒཕལཱབྷིཉྙཱཔཊིསམྦྷིདཱཡོ, སོ ¶ པརིཧཱཡམཱནོ པཊིསམྦྷིདཱཏོ པཊྛཱཡ པརིཧཱཡཏི. པརིནིབྦཱནཏོ ཧི ཝསྶསཧསྶམེཝ པཊིསམྦྷིདཱ ནིབྦཏྟེཏུཾ སཀྐོནྟི, ཏཏོ པརཾ ཨབྷིཉྙཱ, ཏཱཔི ནིབྦཏྟེཏུཾ ཨསཀྐོནྟཱ སུཀྑཝིཔསྶཀཁཱིཎཱསཝཱ ཧོནྟི, ཏཏོ ཨནཱགཱམིནོ, ཏཏོ སཀདཱགཱམིནོ, སོཏཱཔནྣཱ ཙ ཧོནྟི, ཏེསུ དྷརནྟེསུཔི ཨདྷིགམོ ཨནནྟརཧིཏོཝ ཧོཏི, པཙྪིམཀསྶ པན སོཏཱཔནྣསྶ ཛཱིཝིཏཀྑཡེན ཨདྷིགམོ ཨནྟརཧིཏོ ནཱམ ཧོཏི. ཨིདཾ ཨདྷིགམཨནྟརདྷཱནཾ.

ཏཏོ མགྒཕལཱནི ནིབྦཏྟེཏུཾ ཨསཀྐོནྟཱ ‘‘ནཏྠི དཱནི ནོ ཨརིཡདྷམྨཔཊིཝེདྷོ’’ཏི ཛྷཱནཝིཔསྶནཱསུ ཝོསཱནཾ ཨཱཔཛྫིཏྭཱ ཀོསཛྫབཧུལཱ ཙཏུཔཱརིསུདྡྷིསཱིལམཏྟཾ རཀྑནྟོ ཨཉྙམཉྙཾ ན ཙོདེནྟི, ན སཱརེནྟི, ཨཀུཀྐུཙྩཀཱ ཧོནྟི, ཏཏོ པཊྛཱཡ ཁུདྡཱནུཁུདྡཀཱནི མདྡནྟི, ཏཏོ གརུཀཱཔཏྟིཾ ཨཱཔཛྫནྟི, པཱརཱཛིཀམཏྟམེཝ རཀྑནྟི, ཏེསུ དྷརནྟེསུཔི པཊིཔཏྟི ¶ ཨནནྟརཧིཏཱཝ ཧོཏི, པཙྪིམཀསྶ པན བྷིཀྑུནོ སཱིལབྷེདེན ཝཱ ཛཱིཝིཏཀྑཡེན ཝཱ པཊིཔཏྟི ཨནྟརཧིཏཱ ནཱམ ཧོཏི. ཨིདཾ པཊིཔཏྟིཨནྟརདྷཱནཾ ནཱམ.

པརིཡཏྟཱིཏི སཱཊྛཀཐཾ ཏེཔིཊཀཾ བུདྡྷཝཙནཾ, གཙྪནྟེ གཙྪནྟེ ཀཱལེ ཨདྷམྨིཀེཧི ཀལིཡུགརཱཛཱདཱིཧི ཝིཔནྣསསྶཱདིསམྤཏྟིཏཱཡ པཙྩཡདཱཡཀཱ དུགྒཏཱ ཧོནྟི, བྷིཀྑཱུ ཙ པཙྩཡེཧི ཀིལམནྟཱ ཨནྟེཝཱསིཀེ གཧེཏུཾ ན སཀྐོནྟི. ཏཏོ ཨཊྛཀཐཱ པརིཧཱཡཏི, པཱལི༹ཝསེནེཝ པརིཡཏྟིཾ དྷཱརེནྟི, ཏཏོ པཱལི༹ཾ སཀལཾ དྷཱརེཏུཾ ན སཀྐོནྟི, པཋམཾ ཨབྷིདྷམྨཔིཊཀཾ པརིཧཱཡཏི, ཏཉྩསྶ པརིཧཱཡནཾ མཏྠཀཏོ པཋཱཡ. པཋམམེཝ ཧི མཧཱཔཀརཎཾ པརིཧཱཡཏི, ཏཏོ ཡམཀཾ ཀཐཱཝཏྠུ པུགྒལཔཉྙཏྟི དྷཱཏུཀཐཱ ཝིབྷངྒོ དྷམྨསངྒཧོ ཙ ཨནུཀྐམེན པརིཧཱཡནྟི, ཏཏོ མཏྠཀཏོ པཊྛཱཡ སུཏྟནྟཔིཊཀཾ པརིཧཱཡཏི, པཋམཾ ཧི ཨངྒུཏྟརནིཀཱཡོ ¶ ཨེཀཱདསཀནིཔཱཏཏོ པཊྛཱཡ ཡཱཝཨེཀཀནིཔཱཏཱ པརིཧཱཡཏི, ཏཏོ མཏྠཀཏོ པཊྛཱཡ སཾཡུཏྟནིཀཱཡོ, པཋམཾ ཧི མཧཱཝགྒོ པརིཧཱཡཏི, ཏཏོ སལཱ༹ཡཏནཝགྒོ ཁནྡྷཀཝགྒོ ནིདཱནཝགྒོ སགཱཐཱཝགྒོཏི, ཨེཝཾ མཛ྄ཛྷིམནིཀཱཡདཱིགྷནིཀཱཡཱདཡོ ཙ མཏྠཀཏོ པཊྛཱཡ པརིཧཱཡནྟི, ཏཏོ ཝིནཡཔིཊཀམེཝ ཏིཊྛཏི, ཏམྤི པརིཝཱརཏོ པཊྛཱཡ ཡཱཝ མཧཱཝིབྷངྒཱ པརིཧཱཡཏི, ཏཏོ ཨུཔོསཐཀྑནྡྷཀཏོ མཱཏིཀཱམཏྟམེཝ དྷཱརེནྟི, ཏདཱཔི ཡཱཝ ཙཏུཔྤདིཀཱཔི གཱཐཱ མནུསྶེསུ པཝཏྟཏི, ཏཱཝ པརིཡཏྟི ཨནནྟརཧིཏཱཝ ཧོཏི, ཏཱཡ ཨནྟརཧིཏཱཡ པརིཡཏྟི ཨནྟརཧིཏཱ ནཱམ ཧོཏི. ཨིདཾ པརིཡཏྟིཨནྟརདྷཱནཾ ནཱམ.

གཙྪནྟེ གཙྪནྟེ ཀཱལེ པཏྟཙཱིཝརགྒཧཎཱདིཨཱཀཔྤཾ ན པཱསཱདིཀཾ ཧོཏི, ནིགཎྛཱདཡོ ཝིཡ ཨལཱབུཔཏྟཱདིཾ ཨགྒབཱཧཱཡ པཀྑིཔིཏྭཱཔི ཨོལམྦིཏྭཱཔི སིཀྐཱཡ ཨོལགྒེཏྭཱཔི ཝིཙརནྟི, ཙཱིཝརརཛནམྤི ན སཱརུཔྤཾ, ཨོཊྛཊྛིཀཝཎྞཾ ཀཏྭཱ དྷཱརེནྟི, ཏཏོ རཛནམྤི ཨོཝཊྚིཀཝིཛ྄ཛྷནམྤི ན ཧོཏི, དསཱ ཚེཏྭཱ པརིབྦཱཛཀཱ ཝིཡ ཀཱསཱཝམཏྟམེཝ དྷཱརེནྟི, ཏཏོ པརིཀྑཱིཎེ ཀཱལེ ཁུདྡཀཀཱསཱཝཁཎྜཾ ཧཏྠེ ཝཱ གཱིཝཱཡ ཝཱ བནྡྷིཏྭཱ ཀསིཀམྨཱདཱིནི ཀཏྭཱ དཱརབྷརཎཱདིཾ ཀརོནྟི, ཏདཱ དཀྑིཎཾ དེནྟོ ཛནོ སངྒྷཾ ཨུདྡིསྶ ཨེཏེསཾ དེཏི, ཨིདཾ སནྡྷཱཡ བྷགཝཏཱ ཝུཏྟཾ ‘‘བྷཝིསྶནྟི ཁོ པནཱནནྡ, ཨནཱགཏམདྡྷཱནཾ གོཏྲབྷུནོ ཀཱསཱཝཀཎྛཱ དུསྶཱིལཱ པཱཔདྷམྨཱ, ཏེསུ དུསྶཱིལེསུ སངྒྷཾ ཨུདྡིསྶ དཱནཾ དསྶནྟི, ཏདཱཔཧཾ, ཨཱནནྡ, སངྒྷགཏཾ དཀྑིཎཾ ཨསངྑྱེཡྻཾ ཨཔྤམེཡྻཾ ཝདཱམཱི’’ཏི (མ. ནི. ༣.༣༨༠). ཏཏོ ‘‘པཔཉྩོ ཨེས, ཀིཾ ཨིམིནཱ ཨམྷཱཀ’’ནྟི ¶ ཏཾ ཀཱསཱཝཁཎྜཾ ཚིནྡིཏྭཱ ཨརཉྙེ ཁིཔནྟི, ཨེཏསྨིཾ ¶ ཀཱལེ ལིངྒཾ ཨནྟརཧིཏཾ ནཱམ ཧོཏི. ཨིདཾ ལིངྒཨནྟརདྷཱནཾ ནཱམ.

ཏཏོ ཏཏྠ ཏཏྠ སཀྐཱརསམྨཱནཾ ཨལབྷམཱནཱ དྷཱཏུཡོ བུདྡྷཱནཾ ཨདྷིཊྛཱནབལེན སཀྐཱརསམྨཱནལབྦྷམཱནཀཊྛཱནཾ གམིསྶནྟི, ཏཏོ སབྦཏྠ ཨལབྷམཱནཱ སབྦདྷཱཏུཡོ མཧཱབོདྷིམཎྜམེཝ གམིསྶནྟི. སཱསཔམཏྟཱཔི ཧི དྷཱཏུ ན ཨནྟརཱ ནསྶིསྶཏི, ཏཱ པན བོདྷིམཎྜེ པལླངྐེན ནིསིནྣབུདྡྷསརཱིརསིརིཾ, ཡམཀཔཱཊིཧཱརིཡཉྩ དསྶེསྶནྟི, ཏཏོ དྷཱཏུསརཱིརཏོ ཏེཛོ སམུཊྛཱཡ ཏཾ སརཱིརཾ ཨཔཎྞཏྟིཀབྷཱཝཾ གམེཏི, ཏདཱ དསསཧསྶཙཀྐཝཱལེ༹ དེཝཏཱ པརིནིབྦཱནདིཝསེ ཝིཡ པརིདེཝིཏྭཱ པཱུཛཱསཀྐཱརཾ ཀཏྭཱ པཀྐམནྟི. ཨིདཾ དྷཱཏུཨནྟརདྷཱནཾ ནཱམ.

ཨིམསྶ པཉྩཝིདྷསྶ ཨནྟརདྷཱནསྶ པརིཡཏྟིཨནྟརདྷཱནམེཝ མཱུལཾ. པརིཡཏྟིཡཾ ཧི སཏི པཊིཝེདྷཱདཡོཔི ནཊྛཱ ནཱམ ན ཧོནྟི, ཨསཏི ནཊྛཱཏི. ཡཐཱ ཙ ནིདྷིཀུམྦྷིཡཱ ཛཱནནཏྠཱཡ པཱསཱཎཔིཊྛེ ཨུཔནིབདྡྷཨཀྑརེསུ དྷརནྟེསུ ནིདྷིཀུམྦྷི ནཊྛཱ ནཱམ ན ཧོཏི, ཨཀྑརེསུ པན ནཊྛེསུ ནཊྛཱ, ཨེཝཾསམྤདམིདཾ ཝེདིཏབྦཾ. ཡཐཱཧ –

‘‘ཡཱཝ ཏིཊྛནྟི སུཏྟནྟཱ,

ཝིནཡོ ཡཱཝ དིཔྤཏི;

ཏཱཝ དཀྑནྟི ཨཱལོཀཾ,

སཱུརིཡེ ཨབྦྷུཊྛིཏེ ཡཐཱ.

‘‘སུཏྟནྟེསུ ཨསནྟེསུ,

པམུཊྛེ ཝིནཡམྷི ཙ;

ཏམོ བྷཝིསྶཏི ལོཀེ,

སཱུརིཡེ ཨཏྠངྒཏེ ཡཐཱ.

‘‘སུཏྟནྟེ ¶ རཀྑིཏེ སནྟེ,

པཊིཔཏྟི ཧོཏི རཀྑིཏཱ;

པཊིཔཏྟིཡཾ ¶ ཋིཏོ དྷཱིརོ,

ཡོགཀྑེམཱ ན དྷཾསཏཱི’’ཏི; (ཨ. ནི. ཨཊྛ. ༡.༡.༡༣༠; སཱརཏྠ. ཊཱི. པཱཙིཏྟིཡ ༣.༤༣༨);

ཨེཝམིམེསུ པཉྩསུ ཨནྟརདྷཱནེསུ དྷཱཏུཨནྟརདྷཱནཏོ པཙྪཱ ཙརིམཾ ནཱམཱཏི ཝེདིཏབྦཾ.

ཀསྨཱ པན དྭེ སམྨཱསམྦུདྡྷཱ ཨཔུབྦཾ ཨཙརིམཾ ན ཨུཔྤཛྫནྟཱིཏི? ནིརཏྠཀཏོཝ. ཨེཀོཝ ཧི སམྨཱསམྦུདྡྷོ ཨནནྟེསུ ཙཀྐཝཱལེ༹སུ སབྦསཏྟཱནམྤི ཡདི ཨུཔནིསྶཡོ བྷཝེཡྻ, ཨེཀཀྑཎེ སཔཱཊིཧཱརིཡཾ སབྦཱནུཀཱུལཾ དྷམྨཾ དེསེཏྭཱ ཏེ ཝིནེཏུཾ སཀྐོཏི, ཀིམངྒཾ པན ནཱནཀྑཎེསུ, ཏསྨཱ ཨེཀསྨིཾ ཀཱལེ ཨནེཀེསཾ སམྨཱསམྦུདྡྷཱནཾ ཨུཔྤཏྟི ནིརཏྠིཀཱཝ. ཨནཏྠཀཏཱ པན ཨནཙྪརིཡཨགཱརཝཝིཝཱདཱདིདོསཏོ ཙེཝ མཧཱཔཐཝིཡཱ དྭིནྣཾ བུདྡྷཱནཾ དྷཱརཎེ ཨསམཏྠཏཱཡ ཝིཀིརཎཱདིདོསཏོ ཙ ཝེདིཏབྦཱ. ཙཀྐཝཏྟིནོ པན ཨེཀསྨིཾ ཙཀྐཝཱལེ༹ དྭེ ཨེཀཏོ ན ཨུཔྤཛྫནྟི, ཨེཀོཝ ཨུཔྤཛྫཏི. ནཱནཱཙཀྐཝཱལེ༹སུ པན བཧཱུཔི ཨེཀཏོ ཨུཔྤཛྫནྟཱིཏི ཝེདིཏབྦཱ. ཨེཏྠ ཧི ‘‘ཨེཀིསྶཱ ལོཀདྷཱཏུཡཱ’’ཏི ཨེཏསྶ ཨེཀསྨིཾ ཙཀྐཝཱལེ༹ཏི ཨཏྠོ གཧེཏབྦོ. ཨཔུབྦཾ ཨཙརིམཉྩེཏྠ ཙཀྐརཏནཔཱཏུབྷཱཝཨནྟརདྷཱནཱནཾ ཝེམཛ྄ཛྷཾ ཝེདིཏབྦཾ. ཨནྟརདྷཱནཉྩསྶ ཙཀྐཝཏྟིནོ ཀཱལཀིརིཡཏོ, པབྦཛྫཱཏོ ཝཱ སཏྟམེ དིཝསེ ཧོཏི, ཏསྶ ཙ ཨཱནུབྷཱཝེན དྭིནྣཾ ཨེཀཏྠ སཧཨནུཔྤཏྟི ཙ ཝེདིཏབྦཱ. སེསཾ སུཝིཉྙེཡྻམེཝ. ཋཱནཱཋཱནཉཱཎབལཾ པཋམཾ.

དུཏིཡེ ཀམྨསམཱདཱནཱནནྟི སམཱདིཡིཏྭཱ ཀཏཱནཾ ཀུསལཱཀུསལཱནཾ, ཀམྨམེཝ ཝཱ ཀམྨསམཱདཱནཾ. ཋཱནསོ ཧེཏུསོཏི པཙྩཡཏོ ཙེཝ ཧེཏུསངྑཱཏཀཱརཎཏོ ཙ ¶ . ཏཏྠ གཏིཨུཔདྷིཀཱལཔཡོགཱ ཝིཔཱཀསྶ པཙྩཡཱ, ཀམྨཾ ཧེཏུ. ཏདུབྷཡཏོ ཀམྨཝིཔཱཀཾ ཡཐཱབྷཱུཏཾ པཛཱནཱཏི. ཀཐཾ? བྷགཝཱ ཧི ‘‘ཨེཀཙྩསྶ བཧཱུནི པཱཔཀམྨཱནི གཏིཨུཔདྷིཀཱལཔཡོགཱནཾ སམྤཏྟིཡཱ པཊིབཱཧིཏཱནི ན ཝིཔཙྩནྟི, ཏེསཾ ཝིཔཏྟིཾ ཨཱགམྨ ཝིཔཙྩནྟི, ཨེཀཙྩསྶ བཧཱུནི ཀལྱཱཎཀམྨཱནི ཏེསཾ ཝིཔཏྟིཡཱ པཊིབཱཧིཏཱནི ན ཝིཔཙྩནྟི, ཏེསཾ སམྤཏྟིཾ ཨཱགམྨ ཝིཔཙྩནྟཱི’’ཏི པཛཱནཱཏི.

ཏཏྠ གཏིཝིཔཏྟཱིཏི ཙཏྟཱརོ ཨཔཱཡཱ. གཏིསམྤཏྟཱིཏི མནུསྶདེཝགཏིཡོ. ཨུཔདྷཱིཏི ཨཏྟབྷཱཝོ ¶ . ཏསྶ སམིདྡྷི སམྤཏྟི ནཱམ, ཨསམིདྡྷི ཝིཔཏྟི ནཱམ. ཀཱལསམྤཏྟཱིཏི སུརཱཛསུམནུསྶཀཱལསངྑཱཏོ སམྤནྣཀཱལོ, ཏཔྤཊིཔཀྑོ ཀཱལཝིཔཏྟི ནཱམ. ཏསྶ ཏསྶ པན ཀམྨསྶ སམྨཱཔཡོགོ པཡོགསམྤཏྟི, མིཙྪཱཔཡོགོ པཡོགཝིཔཏྟི ནཱམ. ཏཏྠ ཧི ཨེཀཙྩསྶ ཀུསལཀམྨེན དེཝགཏིཨཱདཱིསུ གཏིཡཾ ནིབྦཏྟསྶ ཏཾ གཏིསམྤཏྟིཾ ཨཱགམྨ ཀུསལཱནི ཨེཝ ཝིཔཙྩནྟི. ཏཱཡ པན གཏིསམྤཏྟིཡཱ པཊིབཱཧིཏཱནི ཨཀུསལཱནི ཏཏྠ ཝིཔཙྩིཏུཾ ན སཀྐོནྟི. ཏཱནི པུན ནིརཡཱདཱིསུ ཨཔཱཡེསུ ནིབྦཏྟསྶ ཏཾ གཏིཝིཔཏྟིཾ ཨཱགམྨ ཡཐཱསུཁཾ ཝིཔཙྩནྟི. ཏཱཡ པན གཏིཝིཔཏྟིཡཱ པཊིབཱཧིཏཱནི ཀུསལཱནི ཏཏྠ ཝིཔཙྩིཏུཾ ན སཀྐོནྟི. ཨེཀཙྩསྶ དསྶནཱིཡེནཱབྷིརཱུཔེན ཀཱཡེན སམནྣཱགཏསྶ ཡདིཔི སོ དཱསོ ཝཱ ཧོཏི ཧཱིནཛཙྩོ ཝཱ, ཏཾ ཨུཔདྷིསམྤཏྟིཾ ཨཱགམྨ ཀུསལཱནི ཨེཝསྶ ཝིཔཙྩནྟི. ཏཱདིསཾ ཧི སུརཱུཔཾ ‘‘ཨཡཾ ཀིལིཊྛཀམྨསྶ ནཱནུཙྪཝིཀོ’’ཏི ཨུཙྩེསུ ཨམཙྩཱདིཊྛཱནེསུ ཋཔེནྟི, ཙཎྜཱལིམྤི སུརཱུཔཾ ཨགྒམཧེསིཨཱདིཊྛཱནེསུ ཋཔེནྟི. ཏཱཡ པན ཨུཔདྷིསམྤཏྟིཡཱ པཊིབཱཧིཏཱནི ཨཀུསལཱནསྶ ཝིཔཙྩིཏུཾ ན སཀྐོནྟི. ཏཱནི པན ཨུཔདྷིཝིཔཏྟིཡཾ ཙ ཋིཏསྶ ཡཐཱསུཁཾ ཝིཔཙྩནྟི. རཱཛཀུལཱདཱིསུ ཧི ཨུཔྤནྣམྤི དུརཱུཔཾ ཧཱིནེསུ ཋཔེནྟི. ཨེཀཙྩསྶ པན པཋམཀཔྤིཀཱནཾ ཝཱ ཙཀྐཝཏྟིརཉྙོ ཝཱ བུདྡྷཱནཾ ཝཱ སུརཱཛསུམནུསྶཱནཾ ¶ སམྤནྣེ ཀཱལེ ནིབྦཏྟསྶ ཏཾ ཀཱལསམྤཏྟིཾ ཨཱགམྨ ཀུསལཱནི ཨེཝ ཝིཔཙྩནྟི, ན ཨཀུསལཱནི. ཏཱནི པུན དུརཱཛདུམནུསྶཱནཾ ཝིཔནྣེ ཀཱལེ ཏཾ ཀཱལཝིཔཏྟིཾ ཨཱགམྨ ཝིཔཙྩནྟི, ན པན ཀུསལཱནི ཏཱཡ ཀཱལཝིཔཏྟིཡཱ པཊིབཱཧིཏཏྟཱ. ཨེཀཙྩསྶ པན སཱིལསཾཡམཱདིཨནཝཛྫཔཡོགེན ཙེཝ སཱཝཛྫེན ཝཱ ཨནཝཛྫེན ཝཱ དེསཀཱལཱནུསཱརེན ཨཱཡུདྷསིཔྤཱདིཔཡོགསཱམཏྠིཡེན ཙ སམནྣཱགཏསྶ ཏཾ པཡོགསམྤཏྟིཾ ཨཱགམྨ ཀུསལཱནི ཨེཝ ཝིཔཙྩནྟི, ན ཨཀུསལཱནི. ཏཱནི པུན ཡཐཱཝུཏྟཝིཔརཱིཏཔཡོགཝིཔཏྟིཾ ཨཱགམྨ ཝིཔཙྩནྟི, ན པན ཀུསལཱནི ཏཱཡ པཊིབཱཧིཏཏྟཱ. ཡུདྡྷཱདཱིསུ ཧི པཱཎཱཏིཔཱཏཱདིཨཀུསལཾ ཀརོནྟཱཔི ཏཾཏཾཨཱཡུདྷསིཔྤཱདིཔཡོགསམྤཏྟིཾ ནིསྶཱཡེཝ སེནཱཔཏིཊྛཱནཱདིམཧཱསམྤཏྟིཾ ལབྷནྟི, ན པན ཏཾ ཨཀུསལཾ ནིསྶཱཡ. ཡཐཱ དཱནཝེཡྻཱཝཙྩཱདཱིསུ ཀུསལཾ ཀརོནྟཱཔི ཨདྷིམཏྟཝཱཡཱམཱདིཔཡོགཝིཔཏྟིཾ ནིསྶཱཡ ཨནཡབྱསནམྤི པཱཔུཎནྟི, ན པན ཏཾ ཀུསལཾ ནིསྶཱཡ. ཨེཝམེཏཱཧི ཙཏཱུཧི སམྤཏྟཱིཧི, ཝིཔཏྟཱིཧི ཙ ཀུསལཱཀུསལཱནཾ ཝིཔཙྩནཱཝིཔཙྩནཝིབྷཱགཾ བྷགཝཱ ཡཐཱབྷཱུཏཾ པཛཱནཱཏི. ཨཡཾ ཏཱཝེཏྠ ཝིབྷངྒནཡེན དུཏིཡབལསྶ ཝིབྷཱཝནཱ.

ཨཔརེན ཙསྶ –

‘‘ཨཧོསི ¶ ཀམྨཾ ཨཧོསི ཀམྨཝིཔཱཀོ, ཨཧོསི ཀམྨཾ ནཱཧོསི ཀམྨཝིཔཱཀོ, ཨཧོསི ཀམྨཾ ཨཏྠི ཀམྨཝིཔཱཀོ, ཨཧོསི ཀམྨཾ ནཏྠི ཀམྨཝིཔཱཀོ, ཨཧོསི ཀམྨཾ བྷཝིསྶཏི ཀམྨཝིཔཱཀོ, ཨཧོསི ཀམྨཾ ན བྷཝིསྶཏི ཀམྨཝིཔཱཀོ, ཨཏྠི ཀམྨཾ ནཏྠི ཀམྨཝིཔཱཀོ, ཨཏྠི ཀམྨཾ ནཏྠི ཀམྨཝིཔཱཀོ, ཨཏྠི ཀམྨཾ བྷཝིསྶཏི ཀམྨཝིཔཱཀོ, ཨཏྠི ཀམྨཾ ན བྷཝིསྶཏི ཀམྨཝིཔཱཀོ, བྷཝིསྶཏི ཀམྨཾ བྷཝིསྶཏི ཀམྨཝིཔཱཀོ ¶ , བྷཝིསྶཏི ཀམྨཾ ན བྷཝིསྶཏི ཀམྨཝིཔཱཀོ’’ཏི (པཊི. མ. ༡.༢༣༤) –

ཨིམིནཱ པཊིསམྦྷིདཱཡཾ ཝུཏྟེནཱཔི ནཡེན ཝིབྷཱཝནཱ ཝེདིཏབྦཱ. ཏཏྠ ཡཾ ཨཏཱིཏཏྟབྷཱཝེ ཨཱཡཱུཧིཏཾ ཀམྨཾ ཝུཏྟཾ, ཧེཏུཔཙྩཡཾ ཨཱགམྨ ཏཏྠེཝ ཝིཔཱཀཾ ཨདཱསི. ཨིདཾ སནྡྷཱཡ ‘‘ཨཧོསི ཀམྨཾ ཨཧོསི ཀམྨཝིཔཱཀོ’’ཏི པཋམཾ པདཾ ཝུཏྟཾ. ཡཾ ཨཏཱིཏེསུ པན དིཊྛདྷམྨཝེདནཱིཡཱདཱིསུ བཧཱུསུ ཨེཀཾ དིཊྛདྷམྨཝེདནཱིཡཾ ལདྡྷཔཙྩཡཾ ཝིཔཱཀཾ དེཏི, སེསཱནི ཨཝིཔཱཀཱནི. ཨེཀཾ ཨུཔཔཛྫཝེདནཱིཡཾ པན པཊིསནྡྷིཾ ཨཱཀཌྜྷཏི, ཨེཀཾ ཨཱནནྟརིཡཾ ནིརཡཔཊིསནྡྷིཾ དེཏི, སེསཱནི ཨཝིཔཱཀཱནི. ཨཊྛསུ སམཱཔཏྟཱིསུ ཨེཀཱཡ བྲཧྨལོཀེ ནིབྦཏྟཏི, སེསཱ ཨཝིཔཱཀཱ. ཨིདཾ སནྡྷཱཡ ‘‘ཨཧོསི ཀམྨཾ ནཱཧོསི ཀམྨཝིཔཱཀོ’’ཏི དུཏིཡཾ པདཾ ཝུཏྟཾ. ཡཾ ཨཏཱིཏཾ ཀམྨཾ ཨེཏརཧི ཝིཔཱཀཾ དེཏི, ཨིདཾ སནྡྷཱཡ ཏཏིཡཾ. ཡཾ པུརིམནཡེན ན ཝིཔཙྩཏི, ཨིདཾ སནྡྷཱཡ ཙཏུཏྠཾ. ཡཾ ཨནཱགཏེ ཝིཔཱཀཾ དསྶཏི, ཨིདཾ སནྡྷཱཡ པཉྩམཾ. ཡཾ ན ཝིཔཙྩཏི, ཨིདཾ སནྡྷཱཡ ཚཊྛཾ. ཡཾ ཨེཏརཧི ཨཱཡཱུཧིཏཾ ཀམྨཾ ཨེཏརཧེཝ ཝིཔཱཀཾ དེཏི, ཨིདཾ སནྡྷཱཡ སཏྟམཾ. ཡཾ ན ཝིཔཙྩཏི, ཨིདཾ སནྡྷཱཡ ཨཊྛམཾ. ཨིམིནཱ ནཡེན སེསཔདཱནམྤི ཨཏྠོ དཊྛབྦོ. ཨིདཾ ཏཐཱགཏསྶཱཏི ཨིདཾ སབྦེཧི ཨེཏེཧི པཀཱརེཧི ཨཏཱིཏཱནཱགཏཔཙྩུཔྤནྣཱནཾ ཀམྨནྟརཝིཔཱཀནྟརཱནཾ ཡཐཱབྷཱུཏཏོ ཛཱནནཉཱཎནྟི ཨཏྠོ. དུཏིཡབལཾ.

ཏཏིཡེ སབྦཏྠགཱམིནིནྟི སབྦགཏིགཱམིནིཉྩ ཨགཏིགཱམིནིཉྩ. པཊིཔདནྟི མགྒཾ. ཡཐཱབྷཱུཏཾ པཛཱནཱཏཱིཏི བཧཱུསུཔི མནུསྶེསུ པཱཎཱཏིཔཱཏཱདཱིསུ ཨེཀམེཝ ཨཀུསལཾ ཨེཀཏོ ཀརོནྟེསུ ཨིམསྶ ཙེཏནཱ ནིརཡགཱམིནཱི བྷཝིསྶཏི, ཨིམསྶ ཏིརཙྪཱནཡོནིགཱམིནཱི, ཨིམསྶ པེཏྟིཝིསཡགཱམིནཱི, ནིརཡཱདཱིསུཔི པནེསཱ ཨེཝརཱུཔེ ཨེཝརཱུཔེ ཋཱནེ ཨེཝཉྩེཝཉྩ ཝིཔཱཀཾ དསྶཏི, ཨིམསྶ པཊིསནྡྷིཾ ཨཱཀཌྜྷིཏུཾ ན སཀྐོཏི, ཨཉྙེན ཀམྨེན ¶ དིནྣཔཊིསནྡྷིཀསྶ དུབྦལཾ ཨུཔདྷིཝེཔཀྐཾ བྷཝིསྶཏི. བཧཱུསུ ཝཱ ཨེཀཏོ དཱནཱདིཀུསལཾ, ཝིཔསྶནཾ ཝཱ པཊྛཔེནྟེསུ ཨིམསྶ ¶ ཙེཏནཱ མནུསྶགཏིགཱམིནཱི བྷཝིསྶཏི, ཨིམསྶ དེཝགཏིགཱམིནཱི, ཏཏྠཱཔི ཨེཝཉྩེཝཉྩ ཝིཔཱཀཾ དསྶཏི, ཨིམསྶ ཝཱ ཝིཔསྶནཱ ཨེཀཾ མགྒཾ དྭེ ཝཱ ཏཡོ ཝཱ ཙཏྟཱརོ ཝཱ པཊིསམྦྷིདཱདིསཧིཏེ ཝཱ རཧིཏེ ཝཱ ནིཔྥཱདེསྶཏི, ཨིམསྶ ན ཀཉྩི པཊིཝེདྷཾ སཱདྷེསྶཏཱིཏིཨཱདིནཱ ཨནནྟེཧི ཨཱཀཱརེཧི ཨེཀཝཏྠུསྨིམྤི ཨུཔྤནྣཾ ཀུསལཱཀུསལསངྑཱཏཾ སབྦཏྠགཱམིནིཔཊིཔདཾ ཨཝིཔརཱིཏཏོ པཛཱནཱཏཱིཏི. ཏཏིཡབལཾ.

ཙཏུཏྠེ ཨནེཀདྷཱཏུནྟི ཙཀྑུདྷཱཏུཨཱདཱིཧི, ཀཱམདྷཱཏུཨཱདཱིཧི ཝཱ བཧུདྷཱཏུཾ. ནཱནཱདྷཱཏུནྟི ཏཱསཉྙེཝ དྷཱཏཱུནཾ ཝིལཀྑཎཏྟཱ ནཱནཔྤཀཱརཾ དྷཱཏུཾ. ལོཀནྟི ཁནྡྷཱཡཏནདྷཱཏུལོཀཾ. ཡཐཱབྷཱུཏཾ པཛཱནཱཏཱིཏི ཏཱསཾ ཏཱསཾ དྷཱཏཱུནཾ ཁནྡྷཱཡཏནདྷཱཏུཝིབྷངྒཱདཱིསུ ཝུཏྟནཡེན ཨནནྟཔྤབྷེདཾ ནཱནཏྟཾ ཨཝིཔརཱིཏཏོ པཛཱནཱཏི. ན ཀེཝལཉྩ ཏཐཱགཏོ ཨུཔཱདིནྣཀསངྑཱརལོཀསྶེཝ ནཱནཏྟཾ པཛཱནཱཏི, ཨཐ ཁོ ཨནུཔཱདིནྣཀསངྑཱརལོཀསྶཱཔི པཙྩེཀབུདྡྷཱདཱིཧི པཊིཝིཛ྄ཛྷིཏུཾ ཨསཀྐུཎེཡྻཾ ནཱནཏྟཾ པཛཱནཱཏིཡེཝ. ཏེཧི ཨུཔཱདིནྣཀལོཀསྶཱཔི ནཱནཏྟཾ ཨེཀདེསཏོཝ ཛཱནནྟི, ཨནུཔཱདིནྣསྶ པན ནེཝ ཛཱནནྟི, སབྦཉྙུབུདྡྷསྶེཝེཏཾ ཝིསཡོ. ཨེཝཾ ཧི ཨིམཱཡ ནཱམ དྷཱཏུཡཱ ཨུསྶནྣཱཡ ཨིམེསཾ རུཀྑགཙྪལཏཱདཱིནཾ, ཁནྡྷདཎྜཝལླིཏཙཔཏྟཔུཔྥཕལཱདིནོ སཎྛཱནཝཎྞགནྡྷརསཨོཛཱཧི, དེསཀཱལེཧི ཙ ཨནནྟཔྤབྷེདཾ ནཱནཏྟཾ, པཐཝཱིཔབྦཏཱདཱིནཉྩ ནཱནཏྟཾ ཧོཏཱིཏི ཨནནྟེཧི ཨཱཀཱརེཧི ཛཱནིཏུཾ སཀྐོཏི, ནཱཉྙེཏི. ཙཏུཏྠབལཾ.

པཉྩམེ ནཱནཱདྷིམུཏྟིཀནྟི ཧཱིནཱདཱིཧི ཨདྷིམུཏྟཱིཧི ནཱནཱདྷིམུཏྟིཀབྷཱཝཾ. ཡཐཱབྷཱུཏཾ པཛཱནཱཏཱིཏི ཏཱིསུཔི ཀཱལེསུ ཧཱིནཱདྷིམུཏྟིཀཱ ཧཱིནཱདྷིམུཏྟིཀེ ཨེཝ སེཝནྟི, པཎཱིཏཱདྷིམུཏྟིཀཱ ཙ པཎཱིཏཱདྷིམུཏྟིཀེ. ཏཏྠཱཔི ཨསྶདྡྷཱ ཨསྶདྡྷེ, དུསྶཱིལཱ ¶ དུསྶཱིལེ, མིཙྪཱདིཊྛིཀཱ མིཙྪཱདིཊྛིཀེ, སདྡྷཱ སདྡྷེ, སཱིལསུཏཙཱགཔཉྙཱདིསམྤནྣཱ ཙ ཏེ ཏེ ཨེཝ སེཝནྟཱིཏི ནཱནཔྤཀཱརཏོ ཛཱནཱཏི. སདྡྷཱསཱིལཱདིསམྤནྣཱ ཧི ཏབྦིརཧིཏེ ཨཏྟནོ ཨཱཙརིཡུཔཛ྄ཛྷཱཡེཔི ན སེཝནྟི, ཏེཔི ཨིཏརེ, ཨཏྟནཱ ཨཏྟནཱ པན སདིསེ ཨེཝ སེཝནྟཱིཏི. པཉྩམབལཾ.

ཚཊྛེ པརསཏྟཱནནྟི པདྷཱནསཏྟཱནཾ. པརཔུགྒལཱནནྟི ཏཏོ པརེསཾ ཧཱིནསཏྟཱནཾ. ཨེཀཏྠམེཝ ཝཱ ཨེཏཾ པདདྭཡཾ ཝེནེཡྻཝསེན དྭིདྷཱ ཝུཏྟཾ. ཨིནྡྲིཡཔརོཔརིཡཏྟནྟི སདྡྷཱདཱིནཾ ཨིནྡྲིཡཱནཾ པརབྷཱཝཉྩ ཨཔརབྷཱཝཉྩ, ཝུདྡྷིཉྩ ཧཱནིཉྩཱཏི ཨཏྠོ. ཡཐཱབྷཱུཏནྟི སབྦེསཾ སཏྟཱནཾ ཨཱསཡཱནུསཡཙརིཏཱདྷིམུཏྟིཨཱདཱིཧི སདྡྷཱདི ཏིཀྑིནྡྲིཡམུདིནྡྲིཡཏཾ སབྦཱཀཱརཏོ ཛཱནཱཏི. ཏཏྠ ཨཱསཡོཏི ¶ ནིཝཱསཊྛཱནཾ, ཡཏྠ སཏྟཱནཾ ཙིཏྟསནྟཱནཾ ནིཙྩཾ ནིཝསཏི. སོ དུཝིདྷོ ཝཊྚཱསཡོ ཝིཝཊྚཱསཡོ ཙ. ཏཏྠ སསྶཏུཙྪེདཝསེན པཝཏྟཾ སབྦཾ དིཊྛིགཏཾ ཝཊྚཱསཡོ ནཱམ. སཔྤཙྩཡནཱམརཱུཔཔརིགྒཧཏོ པཊྛཱཡ སབྦཾ ཝིཔསྶནཱཉཱཎཾ, མགྒཉཱཎཉྩ ཝིཝཊྚཱསཡོ ནཱམ. མགྒཉཱཎམྤི ཧི ‘‘དསཡིམེ, བྷིཀྑཝེ, ཨརིཡཱཝཱསཱ, ཡདརིཡཱ ཨཱཝསིཾསཱུ’’ཏིཨཱདིཝཙནཏོ (ཨ. ནི. ༡༠.༡༩) ཨཱསཡོཝ. ཨིམཾ པན བྷགཝཱ སཏྟཱནཾ ཨཱསཡཾ ཛཱནནྟོ ཨུབྷིནྣཾ དིཊྛིཉཱཎཱནཾ ཨཔྤཝཏྟིཀྑཎེཔི ཛཱནཱཏི ཨེཝ. ཀཱམརཱགཱདིཀིལེསཱདྷིམུཏྟཉྙེཝ ཧི པུགྒལཾ བྷགཝཱ ཏཐེཝ ཛཱནཱཏི. ‘‘ཨཡཾ ནེཀྑམྨཱདིཨབྷིརཏོ ཝིཝཊྚཱསཡོ’’ཏི ནེཀྑམྨཱདིཾ སེཝནྟཉྙེཝ ཛཱནཱཏི, ‘‘ཨཡཾ ཀཱམཱདིཨབྷིརཏོ ཝཊྚཱསཡོ’’ཏི ཨནུསཡཙརིཏཱདིཛཱནནེཔི ཨེསེཝ ནཡོ. ཏཏྠ ཨནུསཡོ ཀཱམརཱགཱནུསཡཱདིཏོ སཏྟཝིདྷོ. ཙརིཏནྟི ཏཱིཧི དྭཱརེཧི ཨབྷིསངྑཏལོཀིཡཀུསལཱཀུསལཾ. ཨདྷིམུཏྟཱིཏི ཨཛ྄ཛྷཱསཡོ. ཨེཝམེཏྠ ཨཱསཡཱནུསཡཉཱཎཾ, ཨིནྡྲིཡཔརོཔརིཡཏྟཉཱཎཉྩཱཏི དྭེ ཉཱཎཱནི ཨེཀཏོ ཧུཏྭཱ ཨེཀཾ བལཉཱཎཾ ནཱམ ཛཱཏནྟི. ཚཊྛབལཾ.

སཏྟམེ ¶ ཛྷཱནཝིམོཀྑསམཱདྷིསམཱཔཏྟཱིནནྟི པཋམཱདཱིནཾ ཙཏུནྣཾ ཛྷཱནཱནཾ, ‘‘རཱུཔཱི རཱུཔཱནི པསྶཏཱི’’ཏིཨཱདཱིནཾ ཨཊྛནྣཾ ཝིམོཀྑཱནཾ, སཝིཏཀྐསཝིཙཱརཱདཱིནཾ ཏིཎྞཾ སམཱདྷཱིནཾ, པཋམཛ྄ཛྷཱནསམཱཔཏྟིཨཱདཱིནཾ ནཝནྣཾ ཨནུཔུབྦསམཱཔཏྟཱིནཾ. སཾཀིལེསནྟི ཧཱནབྷཱགིཡདྷམྨཾ. ཝོདཱནནྟི ཝིསེསབྷཱགིཡཾ དྷམྨཾ. ཝུཊྛཱནནྟི ཡེན ཀཱརཎེན ཛྷཱནཱདཱིཧི ཝུཊྛཧནྟི, ཏཾ ཀཱརཎཾ. ཏཾ པན དུཝིདྷཾ ཝོདཱནམྤི བྷཝངྒམྤི. ཧེཊྛིམཾ ཧི པགུཎཾ ཛྷཱནཾ ཨཏྟནོ ཝོདཱནཝསེན ཨུཔརིམསྶ ཛྷཱནསྶ པདཊྛཱནཏོ ‘‘ཝུཊྛཱན’’ནྟི ཝུཙྩཏི, ཏམྷཱ ཏམྷཱ པན སམཱདྷིམྷཱ བྷཝངྒཝསེནེཝ ཝུཊྛཱནཏོ བྷཝངྒམྤི. ནིརོདྷཏོ པན ཕལསམཱཔཏྟིཡཱཝ ཝུཊྛཧནྟི. ཨིདཾ པཱལི༹མུཏྟཀཝུཊྛཱནཾ ནཱམ, ཏཾ སབྦཾ བྷགཝཱ ཡཐཱབྷཱུཏཾ སབྦཱཀཱརེན པཛཱནཱཏི. སཏྟམབལཾ.

ཨཊྛམེ པུབྦེནིཝཱསཱནུསྶཏཱིཏི པུབྦེནིཝུཏྠཀྑནྡྷཱནུསྶརཎཾ, ཏཾ ནཱམགོཏྟཝཎྞཱཧཱརསུཁདུཀྑཱདཱིཧི ཏཏྠ ཏཏྠ བྷཝེ ཝིཛྫམཱནེཧི ཨནནྟེཧི ཨཱཀཱརེཧི ཡཐཱབྷཱུཏཾ པཛཱནཱཏཱིཏི. ཨཊྛམབལཾ.

ནཝམེ ཙུཏཱུཔཔཱཏནྟི ཙུཏིཉྩ ཨུཔཔཱཏཉྩ, ཏཾ ཙཝམཱནཨུཔཔཛྫམཱནཧཱིནཔཎཱིཏསུཝཎྞདུབྦཎྞཱདིཏོ ཨནནྟཔབྷེདེ ཡཐཱཀམྨཱུཔགེ སཏྟེ དིབྦཙཀྑུཉཱཎེན ཝཎྞཱཡཏནགྒཧཎམུཁེན དིསྭཱ སབྦཱཀཱརཏོ པཛཱནཱཏཱིཏི. ནཝམབལཾ.

དསམེ ¶ ཨཱསཝཱནཾ ཁཡནྟི ཨཱསཝནིརོདྷཾ ནིབྦཱནཾ, ཏཾ ཨརཧཏྟམགྒཉཱཎེན ཙཏུསཙྩཔཊིཝེདྷཏོ པཛཱནཱཏཱིཏི. དསམབལཾ.

ཨིམཱནཱིཏི ཡཱནི ཧེཊྛཱ ‘‘ཏཐཱགཏསྶ དས ཏཐཱགཏབལཱནཱི’’ཏི ཨཝོཙ, ཨིམཱནི ཏཱནཱིཏི ཨཔྤནཾ ཀརོཏི. ཡསྨཱ ཙེཏོཔརིཡཉཱཎཱདཱིནི སཱཝཀཱདཱིནམྤི ཡཐཱརཧཾ ཝིཛྫམཱནཱནིཔི སཝིསཡཾ ཀིཉྩིདེཝ ཛཱནནྟི, ན ཙ སབྦཱཀཱརཏོ. བུདྡྷཱནཾ ¶ པན སབྦཉྙུཏཉྙཱཎཾ ཝིཡ སབྦདྷམྨེསུ ཡཐཱསཀཾ ཝིསཡེ སབྦཏྠ སབྦཱཀཱརཏོ ཨེཀཀྑཎེ ཨཔྤཊིཧཏཾ པཝཏྟཏི, ཏསྨཱ ‘‘ཏཐཱགཏབལཱནཱི’’ཏི ཝུཙྩནྟི. ཡདི ཨེཝཾ སབྦཉྙུཏཉྙཱཎསྶེཝཱཡཾ པབྷེདོ ཧོཏི, ཀསྨཱ པན ‘‘དསབལཉཱཎཱནཱི’’ཏི ཝིསུཾ ཝིབྷཏྟཱནཱིཏི? ཝིསཡཀིཙྩབྷཱུམིབྷེདཏོ ནེསཾ ཨཉྙཏྟཱ. དསབལཉཱཎེསུ ཧི པཋམཾ ཀཱརཎཱཀཱརཎམེཝ ཛཱནཱཏི, དུཏིཡཾ ཀམྨནྟརཝིཔཱཀནྟརམེཝ ཛཱནཱཏི, ཏཏིཡཾ ཀམྨཔརིཙྪེདམེཝ, ཙཏུཏྠཾ ནཱནཏྟཀཱརཎམེཝ, པཉྩམཾ སཏྟཱནཾ ཨཛ྄ཛྷཱསཡཱདྷིམུཏྟིམེཝ, ཚཊྛཾ ཨིནྡྲིཡཱནཾ ཏིཀྑམུདུབྷཱཝམེཝ, སཏྟམཾ ཛྷཱནཱདཱིཧི སདྡྷིཾ ཏེསཾ སཾཀིལེསཱདིམེཝ, ཨཊྛམཾ པུབྦེནིཝུཏྠཀྑནྡྷསནྟཏིམེཝ, ནཝམཾ སཏྟཱནཾ ཙུཏིཔཊིསནྡྷིམེཝ, དསམཾ སཙྩཔརིཙྪེདམེཝ, ནཱཉྙཾ.

སབྦཉྙུཏཉྙཱཎཾ པན ཨེཏེཧི ཛཱནིཏབྦཉྩ ཏཏོ ཨུཏྟརིཉྩ སབྦཾ ཨཏཱིཏཱདིབྷེདཾ ཨེཀཀྑཎེ སབྦཱཀཱརཏོ ཛཱནཱཏི, ཨེཏེསཾ པན ཀིཙྩཾ ན སབྦཾ ཀརོཏི. ཏཾ ཧི ཛྷཱནཾ ཧུཏྭཱ ཨཔྤེཏུཾ, ཨིདྡྷི ཧུཏྭཱ ཝིཀུབྦིཏུཾ, མགྒོ ཧུཏྭཱ ཀིལེསེ ཁེཔེཏུཾ ན སཀྐོཏི. དསབལཉཱཎཱནི པན ཏཾ སབྦཾ ཡཐཱརཧཾ ཀཱཏུཾ སཀྐོནྟི. ཏེསུ ཙ པཊིཔཱཊིཡཱ སཏྟ ཉཱཎཱནི ཀཱམཱཝཙརཱནི, ཏཏོ དྭེ རཱུཔཱཝཙརཱནི, ཨཝསཱནེ ཨེཀཾ ལོཀུཏྟརཾ. སབྦཉྙུཏཉྙཱཎཾ པན ཀཱམཱཝཙརམེཝཱཏི ཨེཝཾ ཝིསཡཀིཙྩབྷཱུམིབྷེདཏོ ཨཉྙམེཝ དསབལཉཱཎཾ. ཨཉྙཾ སབྦཉྙུཏཉྙཱཎནྟི. ཨཡཾ ཏཱཝ པདཏྠཱནུསཱརཏོ ཝིནིཙྪཡོ. དྷམྨབྷེདཱདིཏོ པན སབྦོཔི ཝིནིཙྪཡོ ཨེཀཝིདྷཀོཊྛཱསཏོ པཊྛཱཡ ཨེཏྠ ཝུཏྟཱནུསཱརཏོཝ ཉཱཏབྦོ, སུཏྟནྟབྷཱཛནཱིཡཱདཡོ ཧི ཝིབྷངྒནཡབྷེདཱ ཨེཏྠ, ཨིཏོ པརེསུ ཙ ཝིབྷངྒེསུ ནཏྠཱིཏི.

ཉཱཎཝིབྷངྒམཱཏིཀཏྠཝཎྞནཱ ནིཊྛིཏཱ.

ཁུདྡཀཝཏྠུཝིབྷངྒམཱཏིཀཏྠཝཎྞནཱ

ཁུདྡཀཝཏྠུཝིབྷངྒམཱཏིཀཱཡ ¶ ¶ པནཱཡཾ ནིཀྑེཔཔརིཙྪེདེན སདྡྷིཾ ཨཏྠཏོ ཝིནིཙྪཡོ. མཱཏིཀཱཡ ཧི ཨཱདིཏོ ཏཱཝ – ཛཱཏིམདོཏིཨཱདཡོ ཏེསཏྟཏི ཨེཀཀཱ ནིཀྑིཏྟཱ, ཏཏོ ཀོདྷོ ཙ ཨུཔནཱཧོ ཙཱཏིཨཱདཡོ ཨཊྛཱརས དུཀཱ, ཨཀུསལམཱུལཱདཡོ པཉྩཏིཾས ཏིཀཱ, ཨཱསཝཙཏུཀྐཱདཡོ ཙུདྡས ཙཏུཀྐཱ, ཨོརམྦྷཱགིཡསཾཡོཛནཱདཡོ པནྣརས པཉྩཀཱ, ཝིཝཱདམཱུལཱདཡོ ཙུདྡས ཚཀྐཱ, ཨནུསཡཱདཡོ སཏྟ སཏྟཀཱ, ཀིལེསཝཏྠུཨཱདཡོ ཨཊྛ ཨཊྛཀཱ, ཨཱགྷཱཏཝཏྠུཨཱདཡོ ནཝ ནཝཀཱ, ཀིལེསཝཏྠུཨཱདཡོ སཏྟ དསཀཱ, ཚནྣཾ ཨཊྛཱརསཀཱནཾ ཝསེན ཨཊྛསཏཏཎྷཱཝིཙརིཏཱནི ཙ ཡཐཱཀྐམཾ ནིཀྑིཔིཏྭཱ ཨནྟེ དྭཱསཊྛི དིཊྛིགཏཱནི བྲཧྨཛཱལསུཏྟེ ཨཏིདསྶིཏཱནཱིཏི སབྦཱནིཔི ཏེསཊྛིཨདྷིཀཱནི ཨཊྛཀིལེསསཏཱནི ནིཀྑིཏྟཱནཱིཏི ཝེདིཏབྦཱནི. ཨཡཾ ཏཱཝ ནིཀྑེཔཔརིཙྪེདོ.

ཨཏྠཏོ པན ‘‘ཛཱཏིམདོ’’ཏིཨཱདཱིསུ ཛཱཏིཨུཙྩཱཀུལཱིནཏཾ ནིསྶཱཡ ‘‘ཁཏྟིཡཱདཱིནཾ ཙཏུནྣམྤི ཝཎྞཱནཾ ཨཧཾ ཨུཏྟམཛཱཏིཀོ, ཨིམེ ན ཨུཏྟམཛཱཏིཀཱ’’ཏི ཨེཝཾ ཨཏྟུཀྐཾསནཔརཝམྦྷནཝསེན ཨུཔྤནྣོ མཛྫནཱཀཱརཔྤཝཏྟོ མཱནོ ཛཱཏིམདོ ནཱམ. སེསཔདེསུཔི ཨེསེཝ ནཡོ. ཏཏྠ ཨཱདིཙྩགོཏྟཀསྶཔགོཏྟཱདིཨུཏྟམགོཏྟཾ ནིསྶཱཡ གོཏྟམདོ. ནིརཱབཱདྷཏཾ, ཡོབྦཉྙཾ, ‘‘ཙིརཾ སུཁཾ ཛཱིཝིཾ ཛཱིཝཱམི ཛཱིཝིསྶཱམཱི’’ཏི ཨེཝཾ ཛཱིཝིཏཾ, བཧུལཱབྷཉྩ ནིསྶཱཡ ཡཐཱཀྐམཾ ཨཱརོགྱམདཱདཡོ ཝུཏྟཱ. སུཀཏཔཎཱིཏཔཙྩཡལཱབྷཾ, མཱནནཝནྡནཱདིགརུཀཱརཾ མཉྙེཝ པམུཁཾ ཀཏྭཱ པཉྷཾ པུཙྪནྟི, པརིཝཱརེཏྭཱ གཙྪནྟཱིཏི ཨེཝཾ པུརེཀྑཱརཾ, མཧཱཔརིཝཱརཾ, སུཙིཔརིཝཱརཉྩ ནིསྶཱཡ ཡཐཱཀྐམཾ སཀྐཱརམདཱདཡོ ཙ ཝེདིཏབྦཱ. བྷོགོ པན ཀིཉྩཱཔི ལཱབྷགྒཧཎེནེཝ གཧིཏོ, ནིཧིཏདྷནཝསེན པནེཏྠ ¶ ལཱབྷོ ཝེདིཏབྦོ, ‘‘ཨནྣཔཱནཝཏྠཱབྷརཎམཱལཱགནྡྷཱདིཨུཔབྷོགསམིདྡྷིཝསེནཱཔི ཝཏྟུཾ ཝཊྚཏཱི’’ཏིཔི ཝདནྟི. སརཱིརཝཎྞཾ, གུཎཝཎྞཉྩ ནིསྶཱཡ ཝཎྞམདོ. བཱཧུསཙྩཾ, པཊིབྷཱནཾ, ‘‘ཝཎྞཾ བུདྡྷཝཾསཾ རཱཛཝཾསཾ ཛནཔདཝཾསཾ གཱམཝཾསཾ རཏྟིནྡིཝཔརིཙྪེདཾ ནཀྑཏྟམུཧུཏྟཡོགཾ ཛཱནཱམཱི’’ཏི ཨེཝཾ རཏྟཉྙུཏཾ ཝཱ ནིསྶཱཡ ཡཐཱཀྐམཾ སུཏམདཱདཡོ ཙ ཝེདིཏབྦཱ. ཛཱཏིཔིཎྜཔཱཏིཀཏཾ, ཨནཝཉྙཱཏཏཾ, ཨིརིཡཱཔཐཔཱསཱདིཀཏཾ, མཧིདྡྷིཀཏཉྩ ནིསྶཱཡ ཡཐཱཀྐམཾ པིཎྜཔཱཏིཀམདཱདཡོ. ཀིཉྩཱཔི པརིཝཱར-གྒཧཎེན ཡསོ གཧིཏོ. པརིཝཱརསྶ པན སཝསཝཏྟཀབྷཱཝེན པཏྠཊཏཾ ཀིཏྟིཡསཉྙེཝ ཝཱ ནིསྶཱཡ ཡསམདོ. པརིསུདྡྷསཱིལཾ ¶ , ཨུཔཙཱརཔྤནཱཛྷཱནཾ, སིཔྤཀོསལླཾ, སརཱིརསྶ ཨཱརོཧསམྤདཾ, པརིཎཱཧསམྤདཾ, ཨནཱུནནིདྡོསཨངྒཔཙྩངྒཏཱཡ སརཱིརཔཱརིཔཱུརིཉྩ ནིསྶཱཡ སཱིལམདཱདཡོ ཝེདིཏབྦཱ.

ཨིམིནཱ ཨེཏྟཀེན ཋཱནེན སཝཏྠུཀཾ མཱནཾ དསྶེཏྭཱ ཨིདཱནི ཨཝཏྠུཀམེཝ སཱམཉྙཏོ མཱནཾ དསྶེནྟོ ‘‘མདོ’’ཏི ཨཱཧ. པམཱདོཏིཨཱདཱིསུ པཉྩཀཱམགུཎེསུ ཙིཏྟཝོསྶགྒསངྑཱཏོ སུཙརིཏཱསེཝནཱཡ, དུཙྩརིཏསེཝནཱཡ ཙ ཧེཏུབྷཱུཏོ པམཛྫནཱཀཱརཔྤཝཏྟོ ཨཀུསལཙིཏྟུཔྤཱདོ པམཱདོ ནཱམ, སྭཱཡཾ སཏིཝོསྶགྒལཀྑཎོ. ཝཱཏབྷརིཏབྷཏྟཱ ཝིཡ མཱཏཱཔིཏཱུསུཔི ཨནོཎཏབྷཱཝསངྑཱཏོ ཀཀྑལ༹མཱནོ ཐམྦྷོ ནཱམ, སྭཱཡཾ ཙིཏྟསྶ ཨུདྡྷུམཱཏབྷཱཝལཀྑཎོ. ཨཉྙེསཾ གེཧཱདིཨུཔཀརཎསམྤདཾ, ཝིཛྫཱསམྤདཾ ཝཱ དིསྭཱ ཏདྡིགུཎསམཱརམྦྷནཝསཔྤཝཏྟོ ཨཀུསལཙིཏྟུཔྤཱདོ སཱརམྦྷོ ནཱམ. གནྠོཔི ཧི སཱརམྦྷཝསེན ཨུགྒཧེཏུཾ ན ཝཊྚཏི, ཨཀུསལམེཝ ཧོཏི. སྭཱཡཾ ཀརཎུཏྟརིཡལཀྑཎོ.

ཨཏྲ ¶ ཨཏྲ ཝིསཡེ ཨིཙྪཱ ཨསྶཱཏི ཨཏྲིཙྪོ, པུགྒལོ, ཏསྶ བྷཱཝོ ཨཏྲིཙྪཏཱ. ཨེཝཾ མཧིཙྪཏཱདཱིསུཔི ཨཏྠོ ཝེདིཏབྦོ. ཏཏྠ ཡཾ ཡཾ ལདྡྷཾ, ཏེན ཏེན ཨསནྟུསྶིཏྭཱ ཨཔརསྶ ཨཔརསྶ པཏྠནཱཝསེན པཝཏྟོ ལོབྷོ ཨཏྲིཙྪཏཱ. ཡཱཡ ཨཏྟནཱ ལདྡྷཾ པཎཱིཏམྤི ལཱམཀཾ ཝིཡ ཁཱཡཏི, པརེན ལདྡྷཾ ལཱམཀམྤི པཎཱིཏཾ ཝིཡ ཁཱཡཏི. སཱཡཾ ཨཔརཱཔརལཱབྷཔཏྠནཱལཀྑཎཱ. སནྟགུཎཝིབྷཱཝནཱཝསཔྤཝཏྟོ ཙེཝ ཏདུཔྤནྣེཧི ཨཏིམཧནྟེཧིཔི ཝཏྠཱུཧི ཨསནྟུསྶནཱཀཱརཔྤཝཏྟོ ཙ ལོབྷོ མཧིཙྪཏཱ. ཡཱཡ སམནྣཱགཏོ པུགྒལོ པཙྩཡེཧི དུཔྤཱུརོ ཨགྒི ཝིཡ ཨུཔཱདཱནེན, སམུདྡོ ཝིཡ ཙ ཨུདཀེན. ཡཱ ཙཱཡཾ སནྟགུཎསམྦྷཱཝནཏཱ, པཊིགྒཧཎེ ཙ པརིབྷོགེ ཙ ཨམཏྟཉྙུཏཱ, ཨེཏཾ མཧིཙྪཏཱལཀྑཎཾ.

ཨསནྟཱནཾ པན སདྡྷཱསཱིལཱནཾ, མགྒཕལཱདཱིནཉྩ ལོཀིཡལོཀུཏྟརཱནཾ གུཎཱནཾ ཝིབྷཱཝནཱཝསཔྤཝཏྟོ ཙེཝ ཏདུཔྤནྣེཧི ཨཏིམཧནྟེཧིཔི པཙྩཡེཧི ཨསནྟུསྶནཱཀཱརཔྤཝཏྟོ ཙ ལོབྷོ པཱཔིཙྪཏཱ. ཡཱ ཙཱཡཾ ཨསནྟགུཎསམྦྷཱཝནཏཱ, པཊིགྒཧཎེ ཙ པརིབྷོགེ ཙ ཨམཏྟཉྙུཏཱ ཨེཏཾ པཱཔིཙྪཏཱལཀྑཎཾ.

སིངྒནྟི ཝིཛ྄ཛྷནཊྛེན སིངྒཾ, ནཱགརིཀབྷཱཝསངྑཱཏསྶ ཀིལེསསིངྒསྶེཏཾ ཨདྷིཝཙནཾ, ཏཾ ཨཏྠཏོ སིངྒཱརཀརཎཝསཔྤཝཏྟོ ལོབྷོཝ. ཏིནྟིཎནྟི ཁཱིཡནཾ, ཏཾ ཨཏྠཏོ ནིཝཱསཊྛཱནེ སུནཁཱནཾ ¶ ཝིཡ ཨཉྙམཉྙཾ སཏྟཱནཾ ‘‘ཏཝ སནྟཀཾ, མམ སནྟཀ’’ནྟི ཁིཡྻནཱཀཱརཔྤཝཏྟོ དོསོཝ. ཙཱཔལྱནྟི ཙཔལཏཱ, ཏཾ པཏྟཙཱིཝརཱདིཔརིཀྑཱརཱནཾ, ཨཏྟབྷཱཝསྶ ཙ མཎྜནཝིབྷཱུསནཀེལཱ༹ཡནཝསཔྤཝཏྟོ རཱགོཝ, ཡེན སམནྣཱགཏོ ཛིཎྞོཔི དཧརོ ཝིཡ ཧོཏི. ཨསབྷཱགཝུཏྟཱིཏི ཝིསབྷཱགཝུཏྟི ཝིསབྷཱགཀིརིཡཱ, སཱ གརུཊྛཱནིཡེསུཔི ཨནཱདརཝསེན ཝིཔཙྩནཱིཀགྒཱཧིཏཱཝསཔྤཝཏྟོ དོསོཝ ¶ , ཡཱཡ སམནྣཱགཏོ གིལཱནེཔི མཱཏཱཔིཏུཨཱཙརིཡུཔཛ྄ཛྷཱཡཱདིཀེ ན ཨོལོཀེཏི, ཏེཧི སདྡྷིཾ ལཱབྷསཀྐཱརཀཱརཎཱ ཀལཧཾ ཀརོཏི, ཏེསུ ཧིརོཏྟཔྤཾ, ཙེཏིཡཱདཱིསུ ཙིཏྟཱིཀཱརཉྩ ན པཙྩུཔཊྛཔེཏི. ཨརཏཱིཏི པནྟེསུ སེནཱསནེསུ, སམཐཝིཔསྶནཱསུ ཙ ཨནབྷིརམཎཱ ཨུཀྐཎྛིཏཏཱ, སཱ ཏཐཱཔཝཏྟོ ཨཀུསལཙིཏྟུཔྤཱདོ. ཏནྡཱིཏི ཨཱལསྱཾ. ཝིཛམྦྷིཏཱཏི ཀཱཡསྶ ཨཱནམནཱདིཨཱཀཱརེན ཕནྡནཱ ཝིཛམྦྷནཱ. བྷཏྟསམྨདོཏི བྷཏྟམུཙྪཱཡ ཀཱཡསྶ ཨཀམྨཉྙཏཱ. ཙེཏསོ ཙ ལཱིནཏྟནྟི ཙིཏྟསངྐོཙོ. ཨཏྠཏོ པནེཏཱནི སབྦཱནིཔི ཐིནམིདྡྷཝསེན ཙིཏྟསྶ གིལཱནཱཀཱརོཝ.

ཀུཧནཱཏིཨཱདཱིསུ ལཱབྷསཀྐཱརསིལོཀསནྣིསྶིཏསྶ པཱཔིཙྪསྶ ཏེན ཏེན ཨུཔཱཡེན ཝིམྷཱཔནཱ ཀུཧནཱ ནཱམ. སཱ ཏིཝིདྷཱ པཙྩཡཔཊིསེཝནསཱམནྟཛཔྤནཨིརིཡཱཔཐསཎྛཱཔནཝསེན. ཏཏྠ ཙཱིཝརཱདཱིཧི ནིམནྟིཏསྶ ཏདཏྠིཀསྶེཝ སཏོ པཱཔིཙྪཏཾ ནིསྶཱཡ པཊིཀྑིཔནེན, ཏེ ཙ གཧཔཏིཀེ ཨཏྟནི སུཔྤཏིཊྛིཏསདྡྷེ ཉཏྭཱ པུན ཏེསཾ ‘‘ཨཧོ ཨཡྻོ ཨཔྤིཙྪོ ན ཀིཉྩི པཊིགྒཎྷིཏུཾ ཨིཙྪཏི, སུལདྡྷཾ ཝཏ ནོ ཨསྶ, སཙེ ཨཔྤམཏྟཀཾ ཀིཉྩི པཊིགྒཎྷེཡྻཱ’’ཏི ནཱནཱཝིདྷེཧི ཨུཔཱཡེཧི པཎཱིཏཱནི ཙཱིཝརཱདཱིནི ཨུཔནཱམེནྟཱནཾ ཏདནུགྒཧཀཱམཏཉྙེཝ ཨཱཝིཀཏྭཱ པཊིགྒཧཎེན ཙ ཏཏོ པབྷུཏི ཨཔི སཀཊབྷཱརེཧི ཨུཔནཱམནཧེཏུབྷཱུཏཾ ཝིམྷཱཔནཾ པཙྩཡཔཊིསེཝནསངྑཱཏཱ ཀུཧནཱ ནཱམ. པཱཔིཙྪསྶེཝ པན སཏོ ‘‘ཡོ ཨེཝརཱུཔཾ ཙཱིཝརཾ དྷཱརེཏི, སོ སམཎོ མཧེསཀྑོ’’ཏིཨཱདིནཱ ཨུཏྟརིམནུསྶདྷམྨཱདྷིགམཔརིདཱིཔནཝཱཙཱཡ ཏཐཱ ཏཐཱ ཝིམྷཱཔནཾ སཱམནྟཛཔྤནསངྑཱཏཱ ཀུཧནཱ ནཱམ. པཱཔིཙྪསྶེཝ པན སཏོ སམཱཧིཏསྶེཝ སམྦྷཱཝནཱདྷིཔྤཱཡཀཏེན པཎིདྷཱཡ སཎྛཔིཏེན གམནཱདིཨིརིཡཱཔཐེན ཝིམྷཱཔནཾ ཨིརིཡཱཔཐསཎྛཔནསངྑཱཏཱ ཀུཧནཱ ནཱམ.

ཨཱལཔནཱཏིཨཱདིནཱ ¶ པན ཝུཏྟཔཙྩཡཔཊིསཾཡུཏྟཱ ཝཱཙཱཡེཝ དསྶིཏཱ. ཨནུཔྤིཡབྷཱཎིཏཱ, ཙཱཊུཀམྱཏཱ, མུགྒསཱུཔྱཏཱ, པཱརིབྷཊཡཏཱ ཙ ཨཱལཔནཱ ནཱམ. ཏཏྠ ཨཱལཔནཱཏིཨཱདིཏོཝ ལཔནཱ. ཨནུཔྤིཡབྷཱཎིཏཱཏི སཙྩཱནུརཱུཔཾ, དྷམྨཱནུརཱུཔཾ ཝཱ ཨནཔལོཀེཏྭཱ པུནཔྤུནཾ པིཡབྷཎནཾ. ཙཱཊུཀམྱཏཱཏི ¶ ནཱིཙཝུཏྟིཏཱ, ཨཏྟཱནཾ ཧེཊྛཏོ ཋཔེཏྭཱ པཝཏྟནཾ. མུགྒསཱུཔྱཏཱཏི མུགྒསཱུཔསདིསཏཱ, ཨཔཀྐམུགྒསདིསེན ཨཔྤསཙྩེན སམནྣཱགཏཝཙནཏཱ. པཱརིབྷཊཡཏཱཏི ཀུལདཱརཀཱནཾ ཨངྐེན པརིཧརཎཱདིཀཾ པརིབྷཊསྶ ཀིཙྩཾ. ཨེཝམཡཾ སབྦོཔི ཀིརིཡཱབྷེདོ ‘‘ལཔནཱ’’ཏྭེཝ ཝུཙྩཏི. པརེསཾ པན པཙྩཡདཱནསཉྙཱཛནཀཾ ཀཱཡཝཙཱིཀམྨཾ ནེམིཏྟིཀཏཱ ནཱམ, ཡཱ ‘‘པརིཀཐོབྷཱསནིམིཏྟཀམྨ’’ནྟི ཝུཙྩཏི. ཨཀྐོསནཝམྦྷནགརཧཎཱདཱིཧི ཡཐཱ དཱཡཀོ ཨཝཎྞཾ བྷཱཡཏི, ཨེཝཾ ཏཾ ནིཔྤཱིལ༹ནཾ ནིཔྤེསིཀཏཱ ནཱམ. ཨཡཾ ཧི ཡསྨཱ ཝེལུ༹པེསིཀཱཡ ཝིཡ ཨབྦྷངྒཾ ཨིམཱཡ པརསྶ གུཎཾ ནིཔྤེསེཏི ནིཔུཉྪཏི, ཡསྨཱ ཝཱ གནྡྷཛཱཏཾ པིསིཏྭཱ གནྡྷམགྒནཱ ཝིཡ པརགུཎེ ནིཔྤིསིཏྭཱ ཝིཙུཎྞེཏྭཱ ཨེསཱ ལཱབྷམགྒནཱ ཧོཏི, ཏསྨཱ ‘‘ནིཔྤེསིཀཏཱ’’ཏི ཝུཙྩཏི. ཨེཀསྨིཾ པན ཀུལེ ལདྡྷཱམིསཾ ཨཉྙཏྠ དཱནཝསེན ལཱབྷེན ལཱབྷསྶ པཏྠནཱ ལཱབྷེན ལཱབྷཾ ནིཛིགཱིསནཱ ནཱམ. ཨིམེ ཙ ཀུཧནཱདཡོ པཉྩཔི ཏཐཱ ཏཐཱ པཝཏྟཱ ལོབྷཱདིཨཀུསལཙིཏྟུཔྤཱདཱཏི ཝེདིཏབྦཱ. ‘‘སེཡྻོཧམསྨཱི’’ཏིཨཱདཡོ དྭཱདས མཱནཱ ཧེཊྛཱ སཾཡོཛནགོཙྪཀེ ཝུཏྟཱནུསཱརེན སུཝིཉྙེཡྻཱཝ. ཏཏྠ ཙ ཨཱདིཏོ ཏཡོ མཱནཱ པུགྒལཾ ཨནིསྶཱཡ ཛཱཏིགོཏྟརཱུཔབྷོགསིཔྤསུཏཱདིམཱནཝཏྠུཝསེནེཝ ཀཐིཏཱ, ཏཏོ པརཾ པན ནཝ མཱནཱ སེཡྻསདིསཧཱིནཔུགྒལེ ནིསྶཱཡ ཀཐིཏཱ.

ཨེཝམེཏེཧི དྭཱདསཧི པདེཧི སཝཏྠུཀེ མཱནེ ཀཐེཏྭཱ ཨིདཱནི ཨཝཏྠུཀཾ དསྶེཏུཾ ‘‘མཱནོ’’ཏིཨཱདི ཝུཏྟཾ. ཏཏོ ¶ པརཾ ཨཏིམཱནོཏིཨཱདཱིསུ ‘‘ཛཱཏིཨཱདཱིཧི མཡཱ སདིསོ ནཏྠཱི’’ཏི ཨཏིཀྐམིཏྭཱ མཉྙནཱཝསེན པཝཏྟོ མཱནོ ཨཏིམཱནོ ནཱམ. ‘‘ཨིམེ མཡཱ པུབྦེ སདིསཱ, ཨིདཱནི ཨཧཾ སེཊྛོ, ཨིམེ ཧཱིནཏརཱ’’ཏི ཨུཔྤནྣོ མཱནོ བྷཱརཱཏིབྷཱརོ ཝིཡ མཱནཱཏིམཱནོ ནཱམ. ཨཏྟཱནཾ པན ཨཝམཉྙནཱཝསེན པཝཏྟོ མཱནོ ཨོམཱནོ ནཱམ, སོ ‘‘ཧཱིནོཧམསྨཱི’’ཏི པཝཏྟཧཱིནམཱནསདིསོཝ. ཨནདྷིགཏེསུ ཨརིཡདྷམྨེསུ ‘‘ཨདྷིགཏཱ མཡཱ’’ཏི ཨུཔྤནྣོ མཱནོ ཨདྷིཀམཱནཏྟཱ ཨདྷིམཱནོ ནཱམ, ཨཡཾ པན སོཏཱཔནྣཱདིཨརིཡསཱཝཀཱནཾ ‘‘ཨཧཾ སཀདཱགཱམཱི’’ཏིཨཱདིནཱ ན ཨུཔྤཛྫཏི ཏེསཾ མགྒཕལནིབྦཱནཔཧཱིནཀིལེསཱཝསིཊྛཀིལེསཔཙྩཝེཀྑཎེན ཨརིཡགུཎཔཊིཝེདྷེ ནིཀྐངྑཏྟཱ. དུསྶཱིལསྶ པན ན ཨུཔྤཛྫཏེཝ, སཱིལཝཏོཔི པརིཙྩཏྟཀམྨཊྛཱནསྶ ན ཨུཔྤཛྫཏི, པརིསུདྡྷསཱིལསྶེཝ པན སུདྡྷསམཐལཱབྷིནོ, སུདྡྷཝིཔསྶནཱལཱབྷིནོ, ཏདུབྷཡལཱབྷིནོ ཝཱ ཨུཔྤཛྫཏི. ཏེསུ ཏདུབྷཡལཱབྷཱི ཨརཧཏྟེ ཨེཝ ཨདྷིམཉྙིཏྭཱ པཏིཊྛཱཏི སུཝིཀྑམྦྷིཏཀིལེསཏྟཱ, པརིམདྡིཏསངྑཱརཏྟཱ ཙ, ཨིཏརེ སོཏཱཔནྣཱདཱིསུཔཱིཏི ཝེདིཏབྦཱ. པཉྩསུ པན ཁནྡྷེསུ ‘‘ཨཧམསྨཱི’’ཏིཨཱདིནཱ པཝཏྟོ མཱནོ ཨསྨིམཱནོ ¶ ནཱམ. པཱཔཀེན པན པརཱུཔགྷཱཏཀེན ཀམྨཱཡཏནསིཔྤཱཡཏནཝིཛྫཱཊྛཱནཱདིནཱ ཨཏྟཱནཾ སེཡྻཱདིཏོ ཛཔྤནཝསེན པཝཏྟོ མཱནོ མིཙྪཱམཱནོ ནཱམ.

ཉཱཏིཝིཏཀྐོཏིཨཱདཱིསུ ‘‘མཡ྄ཧཾ ཉཱཏཀཱ སུཁཛཱིཝིནོ སམྤཏྟིཡུཏྟཱ’’ཏི ཨེཝཾ གེཧསིཏཔེམེན ཉཱཏཀེ ཨུདྡིསྶ ཨུཔྤནྣོ ཝིཏཀྐོ ཉཱཏིཝིཏཀྐོ ནཱམ, ‘‘ཉཱཏཀཱ ཁཡཾ གཏཱ ཝཡཾ གཏཱ སདྡྷཱ པསནྣཱ’’ཏིཨཱདིནཱ པན ནེཀྑམྨསིཏོ ཉཱཏིཝིཏཀྐོ ནཱམ ན ཧོཏི. ཨེཝཾ ཛནཔདཝིཏཀྐེཔི, ཏསྶ པན ‘‘ཨམྷཱཀཾ ཛནཔདོ སུབྷིཀྑོ སུནྡརོ’’ཏིཨཱདིནཱ པཝཏྟིཨཱཀཱརོ ཝེདིཏབྦོ. ཨམརཏྠཱཡ ཝིཏཀྐོ, ཨམརོ ¶ ཝཱ ཝིཏཀྐོཏི ཨམརཝིཏཀྐོ. ཏཏྠ ཡོ ཨུཀྐུཊིཀཔྤདྷཱནཱདཱིཧི དུཀྑེ ནིཛྫིཎྞེ སམྤརཱཡེ ཨཏྟཱ སུཁཱི ཨམརོ ཧོཏཱིཏི ཨེཝཾ པཝཏྟོ, སོ ཨམརཏྠཱཡ ཝིཏཀྐོ ནཱམ. ཡོ པན དིཊྛིགཏིཀསྶ ཨེཀསྨིཾ པཀྑེ ཨསཎྛཧིཏྭཱ ‘‘ཨེཝམྤི མེ ནོ, ཏཐཱཔི མེ ནོ, ཨཉྙཐཱཔི མེ ནོ’’ཏིཨཱདིནཱ ཨམརམཙྪོ ཝིཡ གཧེཏུཾ ཨསཀྐུཎེཡྻཏཱཡ པཝཏྟོ, སོ ཨམརོ ཝིཏཀྐོ ནཱམ. ཏཾ དུཝིདྷམྤི ཨེཀཏོ ཀཏྭཱ ཨིདྷ ‘‘ཨམརཝིཏཀྐོ’’ཏི ཝུཏྟོ.

ཨནུདྡཡཏཱ པཏིརཱུཔཀེན པན གིཧཱིཧི སཧསོཀིསཧནནྡིཏཱདིཝསེན གེཧསིཏཔེམེན ཡུཏྟོ པརཱནུདྡཡཏཱཔཊིསཾཡུཏྟོ ཝིཏཀྐོ ནཱམ. ལཱབྷེན ཙེཝ སཀྐཱརེན ཙ ཀིཏྟིསདྡེན ཙ སདྡྷིཾ ཨཱརམྨཎཀརཎཝསེན ཡུཏྟོ གེཧསིཏོ ཝིཏཀྐོ ལཱབྷསཀྐཱརསིལོཀཔཊིསཾཡུཏྟོ ཝིཏཀྐོ ནཱམ, ཏསྶ པན ‘‘ཨཧོ ཝཏ མེ ལཱབྷཱདཡོ ཨུཔྤཛྫེཡྻུ’’ནྟིཨཱདིནཱ པཝཏྟིཨཱཀཱརོ ཝེདིཏབྦོ. ‘‘ཨཧོ ཝཏ མཾ པརེ ན ཨཝཛཱནེཡྻུ’’ནྟི ཨུཔྤནྣོ གེཧསིཏོ ཝིཏཀྐོ ཨནཝཉྙཏྟིཔཊིསཾཡུཏྟོ ཝིཏཀྐོ ནཱམ. ཨེཀཀཾ.

དུཀཱདཱིསུ ཀོདྷཱདཡོ ཧེཊྛཱ ཝུཏྟཏྠེ ཝཛྫེཏྭཱ ཨཝསེསཱནཉྙེཝ ཝཎྞནཱ ཧོཏི. ཏཏྠ དུཀེསུ ཏཱཝ ཨུཔནཱཧོཏིཨཱདཱིསུ པུབྦབྷཱགེ ཀོདྷོ ‘‘ཨཀྐོཙྪིམ’’ནྟིཨཱདིནཱ ཨཱསེཝནེན ཨཔརཀཱལེ ཝེརཙིཏྟེ དལ༹ྷཏརཾ ཨཱབདྡྷོ ཨུཔནཱཧོ ནཱམ, ཡེན སམནྣཱགཏོ ཝེརཾ ནིསྶཛྫིཏུཾ ན སཀྐོཏི ཝསཱཏེལམཀྑིཏཔིལོཏིཀཱ ཝིཡ, སོདྷིཡམཱནམྤིསྶ ཙིཏྟཾ ན པརིསུཛ྄ཛྷཏི, སྭཱཡཾ ཝེརུཔནིབནྡྷནལཀྑཎོ.

པརགུཎཾ པན ཝིནཱསེཏྭཱ ཏཏྠ དོསམཀྑནཝསེན པཝཏྟོ ཀོདྷོ མཀྑོ ནཱམ. ཨཡཾ ཧི པཋམཏརཾ ¶ ཨཏྟནོ ཙིཏྟཾ གཱུཐོ ཝིཡ གཱུཐགྒཱཧཀཾ ཧཏྠཾ མཀྑེཏི, པཙྪཱ ¶ པརནྟི ‘‘མཀྑོ’’ཏི ཝུཏྟོ, སྭཱཡཾ པརགུཎམཀྑནལཀྑཎོ. པལཱ༹སེཏཱིཏི པལཱ༹སོ, པརསྶ གུཎེ དསྶེཏྭཱ ཨཏྟནོ གུཎེཧི སམེ ཀརོཏཱིཏི ཨཏྠོ. ཏཐཱཔཝཏྟོ ལོབྷོ, སྭཱཡཾ ཡུགགྒཱཧལཀྑཎོ.

དྭཱརཏྟཡེཔི ཝིཛྫམཱནསྶེཝ དོསསྶ པཊིཙྪཱདནཏོ ཙཀྑུམོཧནམཱཡཱ ཝིཡཱཏི མཱཡཱ, སཱ ཀཏདོསཔཊིཙྪཱདནལཀྑཎཱ. སཋསྶ བྷཱཝོ, ཀམྨཾ ཝཱ སཱཋེཡྻཾ, ཀེརཱཊིཡཾ, ཏཾ ཨཝིཛྫམཱནགུཎཔྤཀཱསནལཀྑཎཾ.

ཨནཛྫཝཱདཡོ ཧེཊྛཱ ཝུཏྟཨཛྫཝཱདིཔཊིཔཀྑཨཀུསལཝསེན ཝེདིཏབྦཱ. ཨཛ྄ཛྷཏྟསཾཡོཛནནྟིཨཱདཱིསུ ཨཛ྄ཛྷཏྟནྟི ཀཱམབྷཝོ, ཏཏྠ སཏྟེ བནྡྷནཝསེན པཝཏྟཱནི པཉྩོརམྦྷཱགིཡསཾཡོཛནཱནི ཨཛ྄ཛྷཏྟསཾཡོཛནཾ ནཱམ. བཧིདྡྷཱཏི རཱུཔཱརཱུཔབྷཝོ. ཏཏྠ བནྡྷནཝསེན པཝཏྟཱནི པཉྩ ཨུདྡྷམྦྷཱགིཡསཾཡོཛནཱནི བཧིདྡྷཱསཾཡོཛནཾ ནཱམ. ཀཱམབྷཝེ ཧི སཏྟཱནཾ ཨཱལཡོ བཧུཀོ, ན ཨིཏརེསུ, ཏསྨཱ སོ ཨཛ྄ཛྷཏྟཾ ཨིཏརེ ཙ བཧིདྡྷཱཏི ཝེདིཏབྦཱ. དུཀཾ.

ཏིཀེསུ པན ལོབྷཱདཱིནི ཏཱིཎི ཨཀུསལམཱུལཱནི ནཱམ. ཀཱམབྱཱཔཱདཝིཧིཾསཱསམྤཡུཏྟཱ ཝིཏཀྐཱ ཏཡོ ཨཀུསལཝིཏཀྐཱ ནཱམ. ཏེ ཨེཝ སཉྙཱསཱིསེན ཏིསྶོ ཨཀུསལསཉྙཱ. སབྷཱཝཊྛེན ཏིསྶོ ཨཀུསལདྷཱཏུཡོཏི ཙ ཝུཙྩནྟི. ཀཱཡཝཙཱིམནོདུཙྩརིཏཱནི ཏཱིཎི དུཙྩརིཏཱནི ནཱམ, ཏཱནི དྭཱརཏྟཡཔྤཝཏྟཱནཾ པཱཎཱཏིཔཱཏཱདཱིནཾ, སབྦཱཀུསལཱནཾ ཝཱ ཝསེན ཡོཛེཏབྦཱནི. སུཏྟནྟཔརིཡཱཡེན པན དིཊྛཱསཝཝཛྫིཏཱ ཀཱམཱསཝཱདཡོ ཏཡོ ཨཱསཝཱ ནཱམ. སཀྐཱཡདིཊྛིཝིཙིཀིཙྪཱསཱིལབྦཏཔརཱམཱསཱ ཏཱིཎི སཾཡོཛནཱནི ནཱམ.

ཀཱམཏཎྷཱ བྷཝཏཎྷཱ ཝིབྷཝཏཎྷཱ ཙ ཏིསྶོ ཏཎྷཱ ནཱམ. ཏཏྠ སསྶཏདིཊྛིསཧགཏོ རཱགོ བྷཝཏཎྷཱ, ཨུཙྪེདདིཊྛིསཧགཏོ ¶ རཱགོ ཝིབྷཝཏཎྷཱ, ཨཝསེསཱ པན སབྦཱཔི ཏཎྷཱ ཀཱམཏཎྷཱ. ཀཱམདྷཱཏུཔཊིསཾཡུཏྟོ ཝཱ རཱགོ ཀཱམཏཎྷཱ, རཱུཔཱརཱུཔདྷཱཏུཔཊིསཾཡུཏྟོ བྷཝཏཎྷཱ, ཨུཙྪེདདིཊྛིསཧགཏོ ཝིབྷཝཏཎྷཱཏི ཝེདིཏབྦཱ. ཀཱམཏཎྷཱ རཱུཔཏཎྷཱ ཨརཱུཔཏཎྷཱ ཙ ཨཔརཱཔི ཏིསྶོ ཏཎྷཱ ནཱམ. རཱུཔཏཎྷཱ ཨརཱུཔཏཎྷཱ ནིརོདྷཏཎྷཱ ཙ པུན ཨཔརཱཔི ཏིསྶོ ཏཎྷཱ ནཱམ. ཏཏྠ ནིརོདྷཏཎྷཱཏི ཨུཙྪེདདིཊྛིསཧགཏོ. ཀཱམེསནཱ བྷཝེསནཱ བྲཧྨཙརིཡེསནཱ ཙ ཏིསྶོ ཨེསནཱ ནཱམ. ཏཏྠ བྲཧྨཙརིཡེསནཱཏི སསྶཏུཙྪེདདིཊྛིསངྑཱཏབྲཧྨཙརིཡསྶ གཝེསནཱ. ‘‘སེཡྻོཧམསྨཱིཏི ¶ ཝིདྷཱ, སདིསོཧམསྨཱིཏི ཝིདྷཱ, ཧཱིནོཧམསྨཱིཏི ཝིདྷཱ’’ཏི ཨེཝཾ ཝུཏྟམཱནཝིདྷཱ ཏིསྶོ ཝིདྷཱ ནཱམ. མཱནོ ཧི སེཡྻཱདིཝསེན ཝིདཧནཏོ མཉྙནཏོ ‘‘ཝིདྷཱ’’ཏི ཝུཙྩཏི. ཛཱཏིཛརཱམརཎཱནི པཊིཙྩ ཨུཔྤནྣཱནི བྷཡཱནི ཏཱིཎི བྷཡཱནི ནཱམ. ‘‘ཨཏཱིཏཾ ཝཱ ཨདྡྷཱནཾ ཨཱརབྦྷཱ’’ཏིཨཱདིནཱ ཝུཏྟཱནི ཏཱིཎི, བུདྡྷཱདཱིསུ ཀངྑནཝིཙིཀིཙྪནཝསེན པཝཏྟཱ ཏིསྶོ ཨཝིཛྫཱ ཏཱིཎི ཏམཱནི ནཱམ. ཝིཙིཀིཙྪཱསཱིསེན ཏསྶ ཝིབྷངྒེ ཏཾསམྤཡུཏྟཱ ཨཝིཛྫཱཝ ཝུཏྟཱ, ཏསྶཱ ཨེཝ པཊིཙྪཱདཀཏྟེནཔི ཏམབྷཱཝཏོཏི དཊྛབྦཾ.

ཡཾ ཀིཉྩི པན སཏྟསྶ སུཁཱདིཀཾ ཨུཔྤཛྫཏི, ཏཾ སབྦཾ པུབྦེཀཏཧེཏཱུཏི ཨེཀཾ ཏིཏྠཱཡཏནཾ, ཨིསྶརནིམྨཱནཧེཏཱུཏི དུཏིཡཾ, ཨཧེཏུཨཔྤཙྩཡཱཏི ཏཏིཡནྟི ཨིམཱནི ཏཱིཎི ཏིཏྠཱཡཏནཱནི ནཱམ. ཏཏྠ པཋམཝཱདཱི ཀུསལཱཀུསལཀིརིཡཨུཏུཙིཏྟཱཧཱརཱདིཀཾ, གཏིཨུཔདྷིཨཱདིཀཾ, སཔྤུརིསཱུཔནིསྶཡསདྡྷམྨསྶཝནཱདིཀཉྩ སབྦཾ པཙྩཡཔཙྩཡུཔྤནྣཾ པཊིཀྑིཔིཏྭཱ ཨེཀཾ ཀམྨཝིཔཱཀམེཝ སམྤཊིཙྪཏི, ཨིཏརེ པན དྭེཔི སབྦཾ ཧེཏུཾ པཊིཀྑིཔིཏྭཱ ཨིསྶརཧེཏུཀཾ, ཨཧེཏུཀཉྩ སམྤཊིཙྪནྟི, ཏེསཾ ཏིཎྞཾ ཝཱདཱནཾ ཝསེནེཝ པཡོཛནཱབྷཱཝཱདིཏོ ཡཐཱནུརཱུཔཾ དོསོ ཉཱཏབྦོ. གནྠཝིཏྠཱརབྷཡེན པནེཏྠ ན ཝིཏྠཱརཡིམྷ.

རཱགདོསམོཧཱ ¶ པན ཏཡོ པལིབོདྷཊྛེན ཀིཉྩནཱ ནཱམ. ཏེ ཨེཝ ཧི ཀིལེསཊྛེན ཨངྒཎཱནི, མལཱིནབྷཱཝཀརཎཊྛེན མལཱནི, པཀྑལནཔཱཏཧེཏུཏོ ཝིསམཱནི ཙ ཧོནྟི. པཱཎཱཏིཔཱཏཱདཱིནི ཀཱཡཝཙཱིམནོཝིསམཱནི ཨཔརཱནིཔི ཏཱིཎི ཝིསམཱནི ནཱམ. རཱགདོསམོཧཱ ཨནུདཧནཊྛེན ཏཡོ ཨགྒཱི, ཀསཊནིརོཛཊྛེན ཀསཱཝཱ ཙ ཧོནྟི. པཱཎཱཏིཔཱཏཱདཱིནི ཀཱཡཀསཱཝཱདཡོ པན ཨཔརེཔི ཏཡོ ཀསཱཝཱ ནཱམ. ཨསྶཱདདིཊྛིཏྟིཀེ ཀཱམཔརིབྷོགེ ‘‘ནཏྠི ཀཱམེསུ དོསོ’’ཏི ཨེཝཾ པཝཏྟཱ སསྶཏདིཊྛི ཨསྶཱདདིཊྛི ནཱམ. ཝཱིསཏིཝཏྠུཀཱ པན ཨཏྟདིཊྛི ཨཏྟཱནཾ ཨནུགཏཏྟཱ ཨཏྟཱནུདིཊྛི ནཱམ. ཏསྶཱ པན ‘‘རཱུཔཾ ཨཏྟཏོ སམནུཔསྶཏི, རཱུཔཝནྟཾ ཝཱ ཨཏྟཱནཾ, ཨཏྟནི ཝཱ རཱུཔཾ, རཱུཔསྨིཾ ཝཱ ཨཏྟཱནཾ སམནུཔསྶཏཱི’’ཏི ཨེཝཾ རཱུཔཀྑནྡྷེ ཙཏསྶོ དིཊྛིཡོ. ཨེཝཾ སེསཀྑནྡྷེསུཔཱིཏི ཝཱིསཏིཝཏྠུཀཏཱ ཝེདིཏབྦཱ.

ཏཏྠ ཙ རཱུཔཾ ཨཏྟཏོདིཨཱདིནཱ པཉྩཀྑནྡྷེ ཨཏྟཏོ གཧཎཝསེན པཝཏྟཱ པཉྩ ཨུཙྪེདདིཊྛིཡོ, སེསཱ པན སསྶཏདིཊྛིཡོཏི ཝེདིཏབྦཱ. ‘‘ནཏྠི དིནྣ’’ནྟིཨཱདིནཡཔྤཝཏྟཱ པན ནཏྠིཀདིཊྛི མིཙྪཱདིཊྛི ནཱམ, ལཱམཀདིཊྛཱིཏི ཨཏྠོ. ཨརཏིཏྟིཀེ པཱཎིལེཌྜུདཎྜཱདཱིཧི སཏྟཱནཾ ¶ ཝིཧིཾསནཱ ཝིཧེསཱ ནཱམ. དྭཱརཏྟཡཔྤཝཏྟཨཀུསལདྷམྨསྶ ཙརིཡཱ ཨདྷམྨཙརིཡཱ ནཱམ. དོཝཙསྶཏཱཏིཀེ སཱཝ ཀཱམབྱཱཔཱདཝིཧིཾསཱསཉྙཱ ནཱནཱརམྨཎེསུ པཝཏྟིཏོ, ནཱནཱབྷཱུཏཏྟཱ ཙ ནཱནཏྟསཉྙཱ ནཱམ. ཨུདྡྷཙྩཏྟིཀེ ཀུསཱིཏསྶ བྷཱཝོ ཀོསཛྫཾ, པམཱདོཝ. ཨནཱདརིཡཏྟིཀེ ཨོཝཱདསྶ ཨནཱདིཡནཝསཔྤཝཏྟོ ཀོདྷོ ཨནཱདརིཡཾ ནཱམ. ཨསྶདྡྷིཡཏྟིཀེ རཏནཏྟཡཀམྨཕལཱནཾ ཨསདྡཧནཝསཔྤཝཏྟཱ ཨཀུསལདྷམྨཱ ཨསྶདྡྷིཡཾ ནཱམ. པཉྩཝིདྷམཙྪརིཡཝསེན ‘‘དེཧཱི’’ཏི ཝཙནསྶ ཨཛཱནནཱ ཨཝདཉྙུཏཱ ནཱམ.

ཨུདྡྷཙྩཏྟིཀེ ¶ མནཙྪཊྛེསུ ཨིནྡྲིཡེསུ ཨགུཏྟདྭཱརཏཱ ཨསཾཝརོ ནཱམ. ཀཱཡིཀཝཱཙསིཀཝཱིཏིཀྐམོ དུསྶཱིལྱཾ ནཱམ. ཨརིཡཏྟིཀེ བུདྡྷཔཙྩེཀབུདྡྷསཱཝཀཱནཾ དསྶནོཔཱསནཱདཱིསུ ཨནིཙྪཱ ཨརིཡཱནཾ ཨདསྶནཀམྱཏཱ ནཱམ. བོདྷིཔཀྑིཀསདྡྷམྨསྶ སཝནདྷཱརཎཱདཱིསུ ཨནིཙྪཱ སདྡྷམྨཾ ཨསོཏུཀམྱཏཱ ནཱམ. པརསྶ དོསཱརོཔནེ རནྡྷགཝེསིཏཱསངྑཱཏོ ཨུཔཱརམྦྷོཝ ཨུཔཱརམྦྷཙིཏྟཏཱ ནཱམ. མུཊྛསྶཙྩཏྟིཀེ ཨུདྡྷཙྩཾ ཙེཏསོ ཝིཀྑེཔོ ནཱམ. ཨཡོནིསོམནསིཀཱརཏྟིཀེ ‘‘ཨནིཙྩེ ནིཙྩ’’ནྟིཨཱདིནཱ, སཙྩཔཊིཔཀྑཝསེན ཝཱ ཨནུཔཱཡམནསིཀཱརསངྑཱཏཾ ཨཱཝཛྫནཙིཏྟཾ ཨཡོནིསོམནསིཀཱརོ ནཱམ. མིཙྪཱདིཊྛིམིཙྪཱསངྐཔྤཱདཡོ ཨཊྛ མིཙྪཱམགྒཱ ཀུམྨགྒོ ནཱམ, མིཙྪཱམགྒསྶ ཨཱསེཝནཱ ཀུམྨགྒསེཝནཱ ནཱམ. ཐིནམིདྡྷཾ ཙེཏསོ ཙ ལཱིནཏྟཾ ནཱམ. ཏིཀཾ.

ཙཏུཀྐེསུ ཙཱིཝརཱདཱིསུ ཙཏཱུསུ པཙྩཡེསུ ‘‘ཀཏྠ མནཱཔཾ ལབྷིསྶཱམཱི’’ཏི ཏཎྷཱཡ ཨུཔྤཱདོ ཙཏྟཱརོ ཏཎྷུཔྤཱདཱ ནཱམ. ན གཙྪནྟི ཨེཏཱཧི ཨརིཡཱཏི ཨགཏིཡོ, ཚནྡདོསམོཧབྷཡཱ. ཏཱ ཧི ཨགནྟབྦམགྒགམནཱནི ཨཀཏྟབྦཀརཎཱནི ཙཏྟཱརི ཨགཏིགམནཱནི ནཱམ. ཏཏྠ ཚནྡོཏི པཀྑཔཱཏརཱགོ. བྷཡནྟི ཏཐཱཔཝཏྟོ དོསོ. ཨནིཙྩཱདཱིསུ ‘‘ནིཙྩཾ སུཁཾ ཨཏྟཱ སུབྷ’’ནྟི ཨེཝཾ པཝཏྟཱ ཙཏྟཱརོ ཝིཔརིཡཱསཱ ཝིཔརཱིཏཏོ དྷམྨེ ཨེསནཏོ. ཏེསུ ཝཱ ཨཱསནཏོ པཝིསནཏོ ཙཏྟཱརོ ཝིཔརིཡཱསཱ ནཱམ. ཏེ སཉྙཱཙིཏྟདིཊྛིཝིཔརིཡཱསཝསེན པཙྩེཀཾ ཏཡོ ཏཡོ ཧུཏྭཱ དྭཱདས ཧོནྟི. ཏེསུ ཨནིཙྩེ ནིཙྩཾ, ཨནཏྟནི ཨཏྟཱཏི སཉྙཱཙིཏྟདིཊྛིཝིཔརིཡཱསཱ ཚ, དུཀྑེ སུཁཾ, ཨསུབྷེ སུབྷནྟི དིཊྛིཝིཔརིཡཱསཱ དྭེ ཙཱཏི ཨཊྛ སོཏཱཔཏྟིམགྒེན པཧཱིཡནྟི, ཨསུབྷེ སུབྷནྟི སཉྙཱཙིཏྟཝིཔརིཡཱསཱ དྭེ ཨནཱགཱམིམགྒེན, དུཀྑེ སུཁནྟི སཉྙཱཙིཏྟཝིཔརིཡཱསཱ དྭེ ཨརཧཏྟམགྒེནཱཏི ཝེདིཏབྦཱ.

ཨདིཊྛེ ¶ ¶ དིཊྛཾ, ཨསུཏེ སུཏཾ, ཨམུཏེ མུཏཾ, ཨཝིཉྙཱཏེ ཝིཉྙཱཏནྟི ཨེཝཾ པཝཏྟཱ ཙཏྟཱརོ ཨནརིཡཝོཧཱརཱ ནཱམ. དིཊྛཱདཱིསུ པན ཨདིཊྛཾ ཨསུཏཾ ཨམུཏཾ ཨཝིཉྙཱཏནྟི ཨེཝཾ པཝཏྟཱ ཨཔརེཔི ཙཏྟཱརོ ཨནརིཡཝོཧཱརཱ ནཱམ. ཨིམེ ཙ པུརིམེཧི སདྡྷིཾ ཨཊྛ ཨནརིཡཝོཧཱརཱཏིཔི ཝུཙྩནྟི. པཱཎཱཏིཔཱཏཨདིནྣཱདཱནཀཱམེསུམིཙྪཱཙཱརམུསཱཝཱདཱ ཙཏྟཱརི དུཙྩརིཏཱནི ནཱམ. མུསཱཝཱདཱདིཝཙཱིདུཙྩརིཏཱནི ཨཔརཱནིཔི ཙཏྟཱརི ཝཙཱིདུཙྩརིཏཱནི ནཱམ. ཛཱཏིཛརཱབྱཱདྷིམརཎབྷཡཱནི ཙཏྟཱརི བྷཡཱནི ནཱམ. རཱཛཙོརཨགྒིཨུདཀབྷཡཱནི ཙཏྟཱརི, སམུདྡཾ ཨོརོཧནྟསྶ པན ཨུཔྤཛྫནཀཱནི ཨཱུམིཀུམྦྷཱིལཨཱཝཊྚསུསུཀཱབྷཡཱནི ཙ ཙཏྟཱརི, ཨཏྟཱནུཝཱདཔརཱནུཝཱདདཎྜདུགྒཏིབྷཡཱནི ཙཏྟཱརི ཙཱཏི ཨིམཱནི ཝཱ ཨཔརཱནི ཏཱིཎི ཙཏུཀྐཱནི ཙཏྟཱརི བྷཡཱནི ནཱམ. ཏཏྠ སུསུཀཱཏི ཙཎྜམཙྪཱ. སབྦཱནིཔི ཙེཏཱནི བྷཡཱནི པཊིགྷཙིཏྟཱནཱིཏི ཝེདིཏབྦཱནི. སབྦཾ སུཁདུཀྑཱདིཀཾ སཡཾཀཏཾ པརཾཀཏཾ ཨུབྷཡཀཏཾ ཨདྷིཙྩསམུཔྤནྣནྟི ཨེཝཾ ཨུཔྤཛྫམཱནཱ ཨིམཱ ཙཏསྶོ དིཊྛིཡོ ནཱམ. ཙཏུཀྐཾ.

པཉྩཀེསུ པཉྩོརམྦྷཱགིཡཱཏིཨཱདཱིསུ ཨོརཾ ཝུཙྩཏི ཀཱམདྷཱཏུ ཧེཊྛཱབྷཱཝཏོ, ཏཏྠ ཨུཔཔཏྟིནིཔྥཱདནཏོ ཏཾ ཨོརཾ བྷཛནྟཱིཏི སཀྐཱཡདིཊྛིཝིཙིཀིཙྪཱསཱིལབྦཏཔརཱམཱསཀཱམརཱགཔཊིགྷཱ པཉྩ ཨོརམྦྷཱགིཡསཾཡོཛནཱནི ནཱམ. ཨུདྡྷནྟི རཱུཔཱརཱུཔདྷཱཏུ ཨུཔརིབྷཱཝཏོ, ཏཾ ཝུཏྟནཡེན བྷཛནྟཱིཏི རཱུཔརཱགཨརཱུཔརཱགམཱནཨུདྡྷཙྩཨཝིཛྫཱ པཉྩ ཨུདྡྷམྦྷཱགིཡསཾཡོཛནཱནི ནཱམ. རཱགདོསམོཧམཱནདིཊྛིཡོ པཉྩ ལགྒནཊྛེན སངྒཱ ནཱམ. ཏེ ཨེཝ པཉྩ ཨནུཔཝིསནཊྛེན, ཏུདནཊྛེན ཙ པཉྩ སལླཱ ནཱམ. སཏྠུདྷམྨསངྒྷསིཀྑཱསུ ཀངྑནཱནི ཙཏྟཱརི, སབྲཧྨཙཱརཱིསུ ཀུཔིཏཙིཏྟཏཱ ཙཱཏི ཨིམེ པཉྩ ཙིཏྟསྶ ཐདྡྷཀཙཝརཁཱཎུཀབྷཱཝཀརཎཏྟཱ ཙེཏོཁིལཱ ནཱམ. ཀཱམེསུ ཨཝཱིཏརཱགོ. ཀཱཡེ…པེ… རཱུཔེ…པེ… ཡཱཝདཏྠཾ བྷུཉྫིཏྭཱ སེཡྻསུཁཾ ¶ པསྶསུཁཾ མིདྡྷསུཁཾ ཨནུཡུཏྟོ ཝིཧརཏི, ཨཉྙཏརཾ དེཝནིཀཱཡཾ པཎིདྷཱཡ བྲཧྨཙརིཡཾ ཙརཏཱིཏི ཨེཝཾ པཝཏྟཱ པཉྩ དྷམྨཱ ཙིཏྟཾ བནྡྷིཏྭཱ མུཊྛིཡཾ ཀཏྭཱ ཝིཡ གཧཎཏོ ཙེཏསོཝིནིབནྡྷཱ ནཱམ. ཏཏྠ ཀཱཡེཏི ཨཛ྄ཛྷཏྟིཀེ ཀཱཡེ, རཱུཔེཏི བཧིདྡྷཱརཱུཔེ. སཉྙཱི ཨཏྟཱ, ཨསཉྙཱི ཨཏྟཱ, ནེཝསཉྙཱིནཱསཉྙཱི ཨཏྟཱ, སཾཝིཛྫམཱནོ པན ཨཏྟཱ ཨུཙྪིཛྫཏི, དིཊྛདྷམྨནིབྦཱནཾ ཝཱ པཱཔུཎཱཏཱིཏི ཨེཝཾ པཝཏྟཱ པཉྩ དིཊྛིཡོ ནཱམ.

པཱཎཱཏིཔཱཏཱདིམཛྫཔཱནཔརིཡོསཱནཱ པཉྩ ཝེརཀརཎཊྛེན ཝེརཱ ནཱམ. ཉཱཏིབྷོགརོགསཱིལདིཊྛིབྱསནཱནི པཉྩ བྱསནཱ ནཱམ. ཏཏྠ བྱསནཱཏི ཝིནཱསསཧཛཱཏཱ, ཏཏོ ཨུཔྤནྣཱ ཨཀུསལཱ ¶ . བཧུཛནསྶ ཨཔྤིཡཏཱ, ཝེརབཧུལཏཱ, ཝཛྫབཧུལཏཱ, སམྨཱུལ༹ྷམརཎཾ, ཨཔཱཡགམནནྟི ཨིམེ པཉྩ ཨཀྑནྟིཡཱ ཨཱདཱིནཝཱ, ཨནདྷིཝཱསནཱཡ དོསཱཏི ཨཏྠོ. ཨཱཛཱིཝཀབྷཡཾ ཨསིལོཀབྷཡཾ པརིསསཱརཛྫབྷཡཾ མརཎབྷཡཾ དུགྒཏིབྷཡནྟི ཨིམཱནི པཉྩ བྷཡཱནི ནཱམ. ཡཱཝདཏྠཾ པཉྩཀཱམགུཎཔརིབྷོགེན ཙེཝ པཋམཛ྄ཛྷཱནཱདཱིཧི ཙཏཱུཧི ཛྷཱནེཧི ཙཱཏི པཉྩཧི ཀཱརཎེཧི ཨཏྟཱ པརམདིཊྛདྷམྨནིབྦཱནཔྤཏྟོ ཧོཏཱིཏི པཝཏྟཱ ཝཱདཱ པཉྩ དིཊྛདྷམྨནིབྦཱནཝཱདཱ ནཱམ. པཉྩཀཾ.

ཚཀྐེསུ པན ཀོདྷོ མཀྑོ ཨིསྶཱ སཱཋེཡྻཾ པཱཔིཙྪཏཱ སནྡིཊྛིཔརཱམཱསིཏཱཏི ཨིམཱནི ཚ ཝིཝཱདམཱུལཱནི. མནཱཔིཡེསུ རཱུཔཱདཱིསུ ཚསུ ཨཱརམྨཎེསུ ཚནྡརཱགོཏི ཨིམེ ཚ ཚནྡརཱགཱ གེཧསིཏཱ དྷམྨཱ ནཱམ. ཨམནཱཔིཡེསུ ཚསུ ཨཱརམྨཎེསུ པཊིགྷོ ཚ ཝིརོདྷཝཏྠཱུནི ནཱམ. ཝིརོདྷོ ཨེཝ ཝཏྠུ ཝིརོདྷཝཏྠུ. ཚསུ ཨཱརམྨཎེསུ ཏཎྷཱཝ ཚ ཏཎྷཱཀཱཡཱ ནཱམ. སཏྠུདྷམྨསངྒྷསིཀྑཱསུ, ཨཔྤམཱདེ, པཊིསནྠཱརེ ཙ ཨགཱརཝཱ ཚ ཨགཱརཝཱ ནཱམ. ཀམྨཱརཱམཏཱ, བྷསྶནིདྡཱསངྒཎིཀསཾསགྒཔཔཉྩཱརཱམཏཱ ཙ ཚ པརིཧཱནིཡཱ དྷམྨཱ ནཱམ, པརིཧཱནིཀརཱཏི ཨཏྠོ. ཏཏྠ སཝནདསྶནསམུལླཔནཔརིབྷོགཀཱཡསཾསགྒེསུ ¶ པཉྩསུ ཡུཏྟཔཡུཏྟཏཱ སཾསགྒཱརཱམཏཱ. ཏཎྷཱམཱནདིཊྛིཔཔཉྩེསུ ཡུཏྟཔཡུཏྟཏཱ པཔཉྩཱརཱམཏཱཏི ཝེདིཏབྦཾ. ཀམྨབྷསྶནིདྡཱསངྒཎིཀཱརཱམཏཱ ཙཏྟཱརོ, དོཝཙསྶཏཱ, པཱཔམིཏྟཏཱ དྭེ ཙཱཏི ཨིམེ ཨཔརེཔི ཚ པརིཧཱནིཡཱ དྷམྨཱ ནཱམ.

སོམནསྶཊྛཱནིཡེསུ རཱུཔཱདཱིསུ ཚསུ ཨཱརམྨཎེསུ ཨུཔྤནྣཱ གེཧསིཏསོམནསྶསམྤཡུཏྟཱ ཝིཙཱརཱ སོམནསྶུཔཝིཙཱརཱ ནཱམ, ཝིཏཀྐཱདཡོ དྷམྨཱ, ཏཾསམྤཡུཏྟཱ ཙཱཏི གཧེཏབྦཱ. ཨེས ནཡོ ཨིཏརདྭཡེཔི. ཨཉྙཱཎསཧིཏཱ པནེཏྠ ཝེདནུཔེཀྑཱ ཨུཔེཀྑཱཏི ཝེདིཏབྦཱ, ཡཱ ‘‘ཨཉྙཱཎུཔེཀྑཱ’’ཏིཔི ཝུཙྩཏི. ཨིཊྛཱནིཊྛམཛ྄ཛྷཏྟེསུ ཚསུ ཨཱརམྨཎེསུ ཡཐཱཀྐམཾ ཨུཔྤནྣཱ ཝེདནཱ ‘‘ཚ གེཧསིཏཱནི སོམནསྶཱནཱི’’ཏིཨཱདིནཱ ཚཀྐཏྟཡེན ཝུཏྟཱ. ‘‘ཨཏྠི མེ ཨཏྟཱ’’ཏི ཝཱ, ‘‘ནཏྠི མེ ཨཏྟཱ’’ཏི ཝཱ, ‘‘ཨཏྟནཱ ཝཱ ཨཏྟཱནཾ སཉྫཱནཱམཱི’’ཏི ཝཱ, ‘‘ཨཏྟནཱ ཝཱ ཨནཏྟཱནཾ སཉྫཱནཱམཱི’’ཏི ཝཱ, ‘‘ཨཏྟནཱ ཝཱ ཨཏྟཱནཾ སཉྫཱནཱམཱི’’ཏི ཝཱ, ‘‘སོ མེ ཨཡཾ ཨཏྟཱ ཀཱརཀོ ཝེདཀོ ནིཙྩོ དྷུཝོ’’ཏི ཨེཝཾ ཨུཔྤཛྫམཱནཱ ཨིམཱ ཚ དིཊྛིཡོ ནཱམ. ཏཏྠ ཨཏྠཱིཏི སསྶཏདིཊྛི. ནཏྠཱིཏི ཨུཙྪེདདིཊྛི. པཉྩཔི ཁནྡྷེ ‘‘ཨཏྟཱ’’ཏི གཧེཏྭཱ སཉྙཱཀྑནྡྷེན སེསཱནཾ ཛཱནནཝསེན ཨཏྟནཱ ཝཱ ཨཏྟཱནཾ སཉྫཱནཱམཱིཏི དིཊྛི, སཉྙཱཀྑནྡྷཾ པན ‘‘ཨཏྟཱ’’ཏི, ཨིཏརེ ཙ ‘‘ཨནཏྟཱ’’ཏི གཧེཏྭཱ ཨཏྟནཱ ཝཱ ཨནཏྟཱནཾ སཉྫཱནཱམཱིཏི དིཊྛི, སཉྙཱཀྑནྡྷཾ ¶ པན ‘‘ཨནཏྟཱ’’ཏི, ཨིཏརེ ཙ ‘‘ཨཏྟཱ’’ཏི གཧེཏྭཱ ཨནཏྟནཱ ཝཱ ཨཏྟཱནཾ སཉྫཱནཱམཱིཏི དིཊྛི ཙ ཝེདིཏབྦཱ. ཚཀྐཾ.

སཏྟཀེསུ པན ཀཱམརཱགཔཊིགྷམཱནདིཊྛིཝིཙིཀིཙྪཱབྷཝརཱགཨཝིཛྫཱ སཏྟ ཐཱམགཏཊྛེན, ཨཔྤཧཱིནཊྛེན ཙ ཙིཏྟསནྟཱནེ ཨནུ ཨནུ སཡནཏོ ཨནུསཡཱ ནཱམ. ཏེ ཨེཝ སཏྟེ ཝཊྚསྨིཾ སཾཡོཛནཏོ སཾཡོཛནཱནི. སམུདཱཙཱརཝསེན པརིཡུཊྛཱནཏོ པརིཡུཊྛཱནཱཏི ཝེདིཏབྦཱ. ཨསྶདྡྷིཡཾ ¶ ཨཧིརིཀཾ ཨནོཏྟཔྤཾ ཨཔྤསྶུཏཏཱ ཀོསཛྫཾ མུཊྛསྶཙྩཾ དུཔྤཉྙཏཱཏི ཨིམེ སཏྟ ཨསཏཾ ཨསཔྤུརིསཱནཾ, ཨསནྟཱ ཝཱ ལཱམཀཱ དྷམྨཱཏི ཨསདྡྷམྨཱ ནཱམ. པཱཎཱཏིཔཱཏཱདཡོ ཀཱཡཝཙཱིདུཙྩརིཏཱནི སཏྟ དུཙྩརིཏཱནི ནཱམ. མཱནོ ཨཏིམཱནོ མཱནཱཏིམཱནོ ཨོམཱནོ ཨདྷིམཱནོ ཨསྨིམཱནོ མིཙྪཱམཱནོཏི ཨིམེ སཏྟ མཱནཱ ནཱམ. ‘‘མནུསྶལོཀེ མཱཏཱཔེཏྟིཀསམྦྷཝོ ཨཏྟཱ ཨུཙྪིཛྫཏི, ཏཐཱ ཚསུ དེཝལོཀེསུ དིབྦོ ཀབལཱི༹ཀཱརབྷཀྑོ ཨཏྟཱ, རཱུཔལོཀེ རཱུཔཱི མནོམཡོ ཨཏྟཱ, ཙཏཱུསུ ཨརཱུཔབྷཝེསུ ཙཏུབྦིདྷོ ཨརཱུཔཱི ཨཏྟཱ ཏཏྠ ཏཏྠ ཨུཙྪིཛྫཏི ཝིནསྶཏི ན ཧོཏི པརཾ མརཎཱ’’ཏི ཨེཝཾ པཝཏྟཱ སཏྟ ཨུཙྪེདདིཊྛིཡོ སཏྟ དིཊྛིཡོ ནཱམ. ཨེཏྠ ཙ ཨཱདིཏོ ཏིསྶོ དིཊྛིཡོ རཱུཔཀྑནྡྷཾ ཨཏྟཏོ གཧེཏྭཱ པཝཏྟཱ ཨུཙྪེདདིཊྛིཡོ, སེསཱ ཙཏསྶོ ཨརཱུཔཀྑནྡྷེཏི ཉཱཏབྦཱ. སཏྟཀཾ.

ཨཊྛཀེསུ པན ལོབྷོ དོསོ མོཧོ མཱནོ དིཊྛི ཝིཙིཀིཙྪཱ ཐིནཾ ཨུདྡྷཙྩཉྩཱཏི ཨཊྛ ཀིལེསཝཏྠཱུནི ནཱམ. ‘‘ཡཾ ཀིཉྩི ཀམྨཾ ཀཏྟབྦཾ མེ’’ཏི ཨེཀཾ, ཏཐཱ ‘‘ཀཏཾ མེ’’ཏི, ‘‘མགྒོ མེ གནྟབྦོ’’ཏི, ‘‘གཏོ’’ཏི, ‘‘ཨཔྤཀཾ མེ བྷུཏྟ’’ནྟི, ‘‘སུབྷུཏྟ’’ནྟི, ‘‘ཨཱབཱདྷོ མེ ཨུཔྤནྣོ’’ཏི, ‘‘ཨཙིརཝུཊྛིཏོ གེལཉྙཱ’’ཏི ཨེཀནྟི ཨིམཱནི ཨཊྛ ཀུསཱིཏཝཏྠཱུནི ནཱམ, ཀུསཱིཏསྶ ཀོསཛྫཀཱརཎཱནཱིཏི ཨཏྠོ. ལཱབྷེ ཨལཱབྷེ ཙ ཡསེ ཨཡསེ ཙ པསཾསཱཡ ནིནྡཱཡ ཙ སུཁེ དུཀྑེ ཙ ཡཐཱཀྐམཾ རཱགདོསེཧི ཙིཏྟསྶ པཊིཧནནཾ ཨཊྛསུ ལོཀདྷམྨེསུ ཙིཏྟསྶ པཊིགྷཱཏོ ནཱམ. ཧེཊྛཱ དྭཱིཧི ཙཏུཀྐེཧི ཝུཏྟཱ ཨཊྛ ཨནརིཡཝོཧཱརཱ ནཱམ. མིཙྪཱདིཊྛིམིཙྪཱསངྐཔྤཱདཡོ ཨཊྛ མིཙྪཏྟཱ ནཱམ. བྷིཀྑཱུཧི ཝིཛྫམཱནཱཡ ཨཱཔཏྟིཡཱ ཙོདིཡམཱནསྶ ‘‘ན སརཱམཱི’’ཏི ནིབྦེཋནཾ ཨེཀཾ, ‘‘ཏྭཾ བཱལོ’’ཏིཨཱདིནཱ ¶ ཙོདཀཔཊིཔྥརཎཾ ཨེཀཾ, ཏཐཱ ‘‘ཏུཝཾ ཙེཏམཱཔནྣོ’’ཏི ཙོདཀསྶ པཙྩཱརོཔནཾ, ཨཉྙེནཉྙཾ པཊིཙརཎཾ, སངྒྷེ བཱཧཱཝིཀྑེཔབྷཎནཾ, ཏུཎྷཱིབྷཱཝེན ཝིཧེཋནཾ, སངྒྷཾ, ཙོདཀཉྩ ཨནཱདིཡིཏྭཱ པཀྐམནཾ, ཙོདནཱབྷཡཱ སིཀྑཱཔཙྩཀྑཱནནྟི ཨིམེ ཨཊྛ པུརིསདོསཱ ནཱམ. ཨསཉྙཱི ཨཏྟཱ རཱུཔཱི, ཨརཱུཔཱི ¶ , རཱུཔཱི ཙ ཨརཱུཔཱི ཙ, ནེཝརཱུཔཱིནཱརཱུཔཱི, ཨནྟཝཱ, ཨནནྟཝཱ, ཨནྟཝཱ ཙ ཨནནྟཝཱ ཙ, ནེཝནྟཝཱནཱནནྟཝཱཏི ཨེཝཾ པཝཏྟཱ ཨཊྛ ཨསཉྙཱིཝཱདཱ ནཱམ. ནེཝསཉྙཱིནཱསཉྙཱི ཨཏྟཱ རཱུཔཱི ཨརཱུཔཱིཏིཨཱདིནཱ པཝཏྟཱ ཨཊྛ ནེཝསཉྙཱིནཱསཉྙཱིཝཱདཱ ནཱམ. ཨཊྛཀཾ.

ནཝཀེསུ པན ‘‘ཨནཏྠཾ མེ ཨཙརི, ཙརཏི, ཙརིསྶཏི, པིཡསྶ མེ ཨནཏྠཾ ཨཙརི, ཙརཏི, ཙརིསྶཏི, ཨཔྤིཡསྶ མེ ཨཏྠཾ ཨཙརི, ཙརཏི, ཙརིསྶཏཱི’’ཏི ཨེཝཾ པཝཏྟཱ ནཝ ཨཱགྷཱཏཱ ཨེཝ ཨཱགྷཱཏཝཏྠཱུནི ནཱམ. ཀོདྷོ མཀྑོ ཨིསྶཱ མཙྪརིཡཾ མཱཡཱ སཱཋེཡྻཾ མུསཱཝཱདོ པཱཔིཙྪཏཱ མིཙྪཱདིཊྛཱིཏི ཨིམཱནི ནཝ པུརིསམལཱནི ནཱམ. ‘‘སེཡྻསྶ སེཡྻོཧམསྨཱི’’ཏིཨཱདཡོ ནཝཝིདྷཱ མཱནཱ ནཱམ. ‘‘ཏཎྷཾ པཊིཙྩ པརིཡེསནཱ, པརིཡེསནཾ པཊིཙྩ ལཱབྷོ, ཏཾ པཊིཙྩ ཝིནིཙྪཡོ, ཏཾ པཊིཙྩ ཚནྡརཱགོ, ཏཾ པཊིཙྩ ཨཛ྄ཛྷོསཱནཾ, ཏཐཱ པརིགྒཧོ, མཙྪརིཡཾ, ཨཱརཀྑོ, ཨཱརཀྑཱདྷིཀརཎཾ དཎྜཱདཱནསཏྠཱདཱནཀལཧཝིགྒཧཝིཝཱདཱདིཨནེཀེ པཱཔཀཱ དྷམྨཱ’’ཏི ཨེཝཾ ཝུཏྟཱ ཨིམེ ནཝ ཏཎྷཱམཱུལཀཱ དྷམྨཱ ནཱམ. ཏཏྠ ཝིནིཙྪཡོཏི ཉཱཎཏཎྷཱདིཊྛིཝིཏཀྐཝསེན ཙཏཱུསུ ཝིནིཙྪཡེསུ ཝིཏཀྐཝིནིཙྪཡོ ཨིདྷ ཨདྷིཔྤེཏོ. ལཱབྷཾ ཧི ལབྷིཏྭཱ ‘‘ཨིདཾ རཱུཔཱརམྨཎཏྠཱཡ, ཨིདཾ སདྡཱརམྨཎཱདིཨཏྠཱཡཱ’’ཏི ཨེཝཾ ཝིཏཀྐེནེཝ ཝིནིཙྪཡོ. ཚནྡརཱགོ དུབྦལརཱགོ, ཨཛ྄ཛྷོསཱནནྟི བལཝསནྣིཊྛཱནཾ. པརིགྒཧོཏི ཏཎྷཱདིཊྛིཝསེན པརིགྒཧཀརཎནྟི ཝེདིཏབྦཾ. ‘‘ཨསྨཱི’’ཏི, ‘‘ཨཧམསྨཱི’’ཏི, ‘‘ཨཡམཧམསྨཱི’’ཏི, ‘‘བྷཝིསྶ’’ནྟི, ‘‘རཱུཔཱི བྷཝིསྶ’’ནྟི, ‘‘ཨརཱུཔཱི བྷཝིསྶ’’ནྟི, ‘‘སཉྙཱི བྷཝིསྶ’’ནྟི, ‘‘ཨསཉྙཱི ¶ བྷཝིསྶ’’ནྟི, ‘‘ནེཝསཉྙཱིནཱསཉྙཱི བྷཝིསྶ’’ནྟི ཨེཝཾ ཝུཏྟཱནི ཨིམཱནི ནཝ ཙལནཊྛེན ཨིཉྫིཏཱནི ནཱམ. ཨིམཱནེཝ མཉྙནཊྛེན མཉྙིཏཱནི, ཝིཔྥནྡནཏོ ཝིཔྥནྡིཏཱནི, པཔཉྩནཏོ པཔཉྩིཏཱནི, ཏཱནེཝ ཏེཧི ཏེཧི ཀཱརཎེཧི སངྑཏཏྟཱ སངྑཏཱནི ཙ ནཱམ ཧོནྟི. སབྦེཧི ཏེཧི པཉྩཧི ནཝཀེཧི མཱནོ ཨེཝ ཀཐིཏོ. སོཔི ཧི ‘‘ཨསྨཱི’’ཏིཨཱདཱིཧི སཉྙཱིཧི ཙ ཨཱཀཱརེཧི དིཊྛི ཝིཡ པཝཏྟཏཱིཏི. ནཝཀཾ.

དསཀེསུ པན ལོབྷོ དོསོ མོཧོ མཱནོ དིཊྛི ཝིཙིཀིཙྪཱ ཐིནཾ ཨུདྡྷཙྩཾ ཨཧིརིཀཾ ཨནོཏྟཔྤནྟི ཨིམེ དས ཀིལེསཱ ཨེཝ ཀིལེསཝཏྠཱུནི ནཱམ. ‘‘ཨནཏྠཾ མེ ཨཙརཱི’’ཏིཨཱདཡོ ནཝ ཁཱཎུཀཎྚཀཱདཱིསུ ཨཊྛཱནཨཱགྷཱཏེན སདྡྷིཾ དས ཨཱགྷཱཏཝཏྠཱུནི ནཱམ. པཱཎཱཏིཔཱཏཱདཡོ དས ཨཀུསལཀམྨཔཐཱ ནཱམ. ཀཱམརཱགསཾཡོཛནཾ པཊིགྷམཱནདིཊྛིཝིཙིཀིཙྪཱསཱིལབྦཏཔརཱམཱསབྷཝརཱགཨིསྶཱམཙྪརིཡཨཝིཛྫཱསཾཡོཛནནྟི ཨིམཱནི དས སཾཡོཛནཱནི ནཱམ. མིཙྪཱདིཊྛིམིཙྪཱསངྐཔྤཱདཡོ ¶ ཨཊྛ, མིཙྪཱཉཱཎམིཙྪཱཝིམུཏྟཱིཧི སདྡྷིཾ དས མིཙྪཏྟཱ ནཱམ. ཏཏྠ མིཙྪཱཉཱཎནྟི པཱཔཀིརིཡཱསུ ཨུཔཱཡཙིནྟཱཝསེན ཙེཝ པཱཔཀཾ ཀཏྭཱ ‘‘སུཀཏཾ མཡཱ’’ཏི པཙྩཝེཀྑཎཝསེན ཙ པཝཏྟོ མོཧོ. མིཙྪཱཝིམུཏྟཱིཏི ཨཝིམུཏྟསྶེཝ སཏོ ཝིམུཏྟསཉྙིཏཱ. ‘‘ནཏྠི དིནྣཾ, ནཏྠི ཡིཊྛ’’ནྟིཨཱདཱིཧི དསཧི ཨཱཀཱརེཧི པཝཏྟཾ ནཏྠིཀདསྶནཾ དསཝཏྠུཀཱ མིཙྪཱདིཊྛི ནཱམ. ‘‘སསྶཏོ ལོཀོ, ཏཐཱ ཨསསྶཏོ, ཨནྟཝཱ, ཨནནྟཝཱ, ཏཾ ཛཱིཝཾ ཏཾ སརཱིར’’ནྟི ཝཱ, ‘‘ཨཉྙཾ ཛཱིཝཾ ཨཉྙཾ སརཱིར’’ནྟི ཝཱ, ‘‘ཧོཏི ཏཐཱགཏོ པརཾ མརཎཱ’’ཏི ཝཱ, ‘‘ན ཧོཏི…པེ… ཧོཏི ཙ ན ཧོཏི ཙ, ནེཝ ཧོཏི ན ན ཧོཏི ཏཐཱགཏོ པརཾ མརཎཱ’’ཏི ཝཱ ཨེཝཾ པཝཏྟཱ དསཝཏྠུཀཱ ཨནྟགྒཱཧིཀཱ དིཊྛི ནཱམ. ཏཏྠ ལོཀོཏི ཁནྡྷཱདཡོ, ‘‘ཨནྟཝཱ’’ཏི ཨིདཾ པརིཏྟཾ ཀསིཎཛ྄ཛྷཱནཾ སནྡྷཱཡ ཝུཏྟཾ. ‘‘ཨནནྟཝཱ’’ཏི ཨིདཾ ཝིཔུལནྟི གཧེཏབྦཾ. ཏཐཱགཏོཏི སཏྟོ. དསཀཾ.

ཨཊྛཱརསཀེསུ ¶ ཏཎྷཱཝིཙརིཏཱནཱིཏི ཏཎྷཱསམུདཱཙཱརཱ ཏཎྷཱཔཝཏྟིཡོ. ཨཛ྄ཛྷཏྟིཀསྶུཔཱདཱཡཱཏི ཨཛ྄ཛྷཏྟིཀཾ ཁནྡྷཔཉྩཀཾ ཨུཔཱདཱཡ. ཨིདཾ ཧི ཨུཔཡོགཏྠེ སཱམིཝཙནཾ. ཏཏྠ ‘‘ཨསྨཱིཏི ཧོཏི, ཨིཏྠསྨཱིཏི ཧོཏི, ཨེཝསྨཱིཏི ཧོཏི, ཨཉྙཐཱསྨཱིཏི ཧོཏི, ཏཐཱ བྷཝིསྶནྟི, ཨིཏྠཾ བྷཝིསྶནྟི, ཨེཝཾ བྷཝིསྶནྟི, ཨཉྙཐཱ བྷཝིསྶནྟི ཧོཏི, ཏཐཱ ཨསྨཱིཏི, སཱཏསྨཱིཏི ཧོཏི, ཏཐཱ སིཡནྟི, ཨིཏྠཾ སིཡནྟི, ཨེཝཾ སིཡནྟི, ཨཉྙཐཱ སིཡནྟི ཧོཏི, ཏཐཱ ཨཔཱཧཾ སིཡནྟི, ཨཔཱཧཾ ཨིཏྠཾ སིཡནྟི, ཨཔཱཧཾ ཨེཝཾ སིཡནྟི, ཨཔཱཧཾ ཨཉྙཏཱ སིཡནྟི ཧོཏཱི’’ཏི ཨེཝཾ ཝུཏྟཱནི ཨིམཱནི ཨཛ྄ཛྷཏྟིཀསྶུཔཱདཱཡ ཨཊྛཱརས ཏཎྷཱཝིཙརིཏཱནི ནཱམ.

ཏཏྠ ཨསྨཱིཏི ཧོཏཱིཏི ཨཛ྄ཛྷཏྟིཀེསུ ཁནྡྷཔཉྩཀེསུ སམཱུཧཏོ ‘‘ཨཧམསྨཱི’’ཏི གཧཎེ སཏཱིཏི ཨཏྠོ. ཨེཝཾ པན གཧཎེ སཏི ཏཏོ པརཾ ཨནུཔནིདྷཱཡ, ཨུཔནིདྷཱཡ ཝཱཏི དྭིདྷཱ གཧཎཾ ཧོཏི. ཏཏྠ ཨནུཔནིདྷཱཡཱཏི ཨཉྙཾ ཨཱཀཱརཾ ཨནུཔནིདྷཱཡ ཨནུཔགམྨ སཀབྷཱཝམེཝཱརམྨཎཾ ཀཏྭཱ ཨིཏྠསྨཱིཏི ཧོཏི. ཏསྶ ‘‘ཁཏྟིཡཱདཱིསུ ཨིདཾཔཀཱརོ ཨཧ’’ནྟི ཏཎྷཱམཱནདིཊྛིཝསེན གཧཎཾ ཧོཏཱིཏི ཨཏྠོ. ཨུཔནིདྷཱཡ གཧཎཾ པན དུཝིདྷཾ ཧོཏི སམཏོ ཙ ཨསམཏོ ཙ. ཏཏྠ སམཏོ གཧཎཾ ཨེཝསྨཱིཏི ཨིདཾ, ཏསྶ ཡཐཱ ཨཡཾ ཁཏྟིཡོ, བྲཱཧྨཎཱདཡོ ཝཱ དེཝམནུསྶརཱུཔཱིཨརཱུཔིཨཱདཡོ ཝཱ, ཨེཝམཧམསྨཱིཏི ཨཏྠོ. ཨཉྙཐཱསྨཱིཏི ཨིདཾ པན ཨསམཏོ གཧཎཾ, ཏསྶ ཡཐཱ ཨིམེ ཁཏྟིཡཱདཡོ, ཏཏོ ཨཉྙཐཱ ཨཧཾ ཧཱིནོ ཝཱ ཨདྷིཀོ ཝཱཏི ཨཏྠོ. ཨིམཱནི ཏཱཝ པཙྩུཔྤནྣཝསེན ཙཏྟཱརི ཏཎྷཱཝིཙརིཏཱནི, བྷཝིསྶནྟིཨཱདཱིནི པན ཙཏྟཱརི ཨནཱགཏཝསེན ¶ ཝུཏྟཱནི. ཏེསཾ པུརིམཙཏུཀྐེ ཝུཏྟནཡཝསེན ཨཏྠོ ཝེདིཏབྦོ. ཏཏྠ ཨསྨཱིཏིཨཱདིདྭཡཾ སསྶཏུཙྪེདགྒཱཧཝསེན ཝུཏྟཾ. ཏཏྠ ཧི ཨསྨཱིཏི སསྶཏཾ, སཱིདཏཱིཏི སཱཏཾ, ཨསསྶཏཾ, ཨིཏོ པརཱནི ¶ སིཡནྟིཨཱདཱིནི ཙཏྟཱརི སཾསཡཔརིཝིཏཀྐཝསེན ཝུཏྟཱནི. ཨཔཱཧཾ སིཡནྟིཨཱདཱིནི ཙཏྟཱརི ‘‘ཨཔི ནཱམཱཧཾ བྷཝེཡྻ’’ནྟི ཨེཝཾ པཝཏྟཔཏྠནཱཀཔྤནཝསེན ཝུཏྟཱནཱིཏི དཊྛབྦཾ. ཨཊྛཱརསཀཾ པཋམཾ.

དུཏིཡེ བཱཧིརསྶུཔཱདཱཡཱཏི བཱཧིརཾ ཁནྡྷཔཉྩཀཾ ཨུཔཱདཱཡ. ཏཏྠ ‘‘ཨིམིནཱ ཨསྨཱིཏི ཧོཏི, ཨིམིནཱ ཨིཏྠསྨཱིཏི ཧོཏི, ཨིམིནཱ ཨེཝསྨཱིཏི ཧོཏི, ཨིམིནཱ ཨཉྙཐཱསྨཱིཏི ཧོཏཱི’’ཏིཨཱདིནཱ ཨནནྟརེ ཝུཏྟནཡེན བཱཧིརསྶུཔཱདཱཡ ཨཊྛཱརས ཏཎྷཱཝིཙརིཏཱནཱིཏི ཝེདིཏབྦཱནི. ‘‘ཨིམིནཱ’’ཏི པདམཏྟམེཝ ཧེཏྠ པུརིམེཧི ཝིསེསོ. ཏཏྠ ཨིམིནཱཏི ཨིམིནཱ བཱཧིརེན རཱུཔེན ཝཱ…པེ… ཝིཉྙཱཎེན ཝཱཏི ཨཏྠོ. ཏཏྠ ཙ ཚཏྟཁགྒབཱིཛནིཨནྣཔཱནདྷནདྷཉྙཱདིཨུཔཀརཎཝསེན བཱཧིརཾ རཱུཔཾ ཝེདིཏབྦཾ. དཱསདཱསིཉཱཏིཔརིཛནཧཏྠིཨསྶཱདིཨུཔཀརཎཝསེན ཝེདནཱདཡོ ཝེདིཏབྦཱ. ཨིམེཧི བཱཧིརེཧི རཱུཔཱདཱིཧི ‘‘ཨིཏྠསྨཱིཏི ཨེཝསྨཱི’’ཏིཨཱདིནཱ སབྦཏྠ ཡོཛནཱ ཝེདིཏབྦཱ. ཨཊྛཱརསཀཾ དུཏིཡཾ.

ཨིཏརེསུ པན ཏདེཀཛ྄ཛྷཾ ཨབྷིསཾཡཱུཧིཏྭཱཏིཨཱདཱིསུ ཏདུབྷཡཾ ཨཊྛཱརསཀཾ ཨེཀཏོ ཡོཛེཏྭཱ ཚཏྟིཾསཏཎྷཱཝིཙརིཏཱནི ཧོནྟི, ཨེཝཾ ཨེཀེཀསྶ པུགྒལསྶ ཨཏཱིཏཀཱལེ དྭིནྣཾ ཨཊྛཱརསཀཱནཾ ཝསེན ཚཏྟིཾས, ཏཐཱ ཨནཱགཏེ ཚཏྟིཾས ཧོནྟི. པཙྩུཔྤནྣེ པན ཨེཀསྶ ཡཐཱལཱབྷཝསེན ཏཱནིཔི ལབྦྷནྟི, སབྦསཏྟཱནཾ ཝསེན པཙྩུཔྤནྣེཔི ཚཏྟིཾས ལབྦྷནྟི. ཨིཏི ཨེཝཾ ཝུཏྟེན པཀཱརེན ཏཾ སབྦཾ ཨེཀཏོ ཀཏྭཱ སབྦསཏྟཱནཾ ཀཱལཏྟཡེཔི ཚནྣཾ ཨཊྛཱརསཀཱནཾ ཝསེན ཨཊྛསཏཾ ཏཎྷཱཝིཙརིཏཱནི ཧོནྟཱིཏི ཨཏྠོ. ཨཊྛཏཎྷཱཝིཙརིཏསཏཾ ཧོཏཱིཏི ཨེཏྠཱཔི ཨེཝམེཝ ཨཏྠོ དཊྛབྦོ.

ཏཎྷཱཝིཙརིཏཱནི ནིཊྛིཏཱནི.

ཡཱནི ཙཱཏིཨཱདཱིསུ ཡཱནི ཙེཏྠ དྭཱསཊྛི དིཊྛིགཏཱནི ཝཏྟབྦཱནི, ཏཱནི བྲཧྨཛཱལནཱམཀེ དཱིགྷནིཀཱཡསྶ པཋམསུཏྟནྟེ ¶ (དཱི. ནི. ༡.༢༩ ཨཱདཡོ) སཏྠཱརཱ སཡཾ ཨཱཧཙྩ བྷཱསིཏཱནཱིཏི ཨཏྠོ. བྲཧྨཛཱལེ ཧི ཙཏྟཱརོ སསྶཏཝཱདཱ, ཙཏྟཱརོ ཨེཀཙྩསསྶཏིཀཱ, ཙཏྟཱརོ ཨནྟཱནནྟིཀཱ, ཙཏྟཱརོ ཨམརཱཝིཀྑེཔིཀཱ, དྭེ ཨདྷིཙྩསམུཔྤནྣིཀཱ, སོལ༹ས སཉྙཱིཝཱདཱ, ཨཊྛ ཨསཉྙཱིཝཱདཱ ¶ , ཨཊྛ ནེཝསཉྙཱིནཱསཉྙཱིཝཱདཱ, སཏྟ ཨུཙྪེདཝཱདཱ, པཉྩ དིཊྛདྷམྨནིབྦཱནཝཱདཱཏི ཨིམཱནི དྭཱསཊྛི དིཊྛིགཏཱནི སནིདཱནཱནི ནཱནཱནཡཏོ ཝུཏྟཱནི, ཏཏྠ ཝུཏྟནཡེནེཝ ནེསཾ ཝིབྷཱགོ ཝེདིཏབྦོ. ཨཡཾ ཏཱཝེཏྠ པདཏྠཱནུསཱརཏོ ཝིནིཙྪཡོ, སེསོཔེཏྠ ཝིནིཙྪཡོ པདཏྠེ ཝུཏྟཱནུསཱརཏོཝ སུཝིཉྙེཡྻོཏི.

ཁུདྡཀཝཏྠུཝིབྷངྒམཱཏིཀཏྠཝཎྞནཱ ནིཊྛིཏཱ.

དྷམྨཧདཡཝིབྷངྒམཱཏིཀཏྠཝཎྞནཱ

དྷམྨཧདཡཝིབྷངྒམཱཏིཀཱཡ པན པདཏྠཱདིཏོ ཝིནིཙྪཡོ པུབྦེ ཝུཏྟོཝ. ཡསྨཱ པན བྷགཝཏཱ ཧེཊྛཱ ནཱནཱནཡཏོ ཝིབྷཏྟཱནཉྙེཝ ཁནྡྷཱཡཏནཱདཱིནཾ དྭཱདསནྣཾ དྷམྨཀོཊྛཱསཱནཾ པུན སབྦསངྒཱཧིཀཙཏུབྷཱུམུཔྤཏྟིཏཔྤརིཡཱཔནྣཏཱདཱིཧི དསཧི ཝཱརེཧི ཨཔུབྦནཡསཧསྶཝིབྷཱཝཀེཧི སབྦདྷམྨཱདྷིཔྤཱཡསངྑཱཏེཧི དྷམྨཧདཡེཧི ཝིབྷཱགདསྶནཏྠམེཝཱཡཾ ཝིབྷངྒོ ཝུཏྟོ, ཏསྨཱ ཝིབྷངྒནཡཏོ ཙེཏྠ ཝིནིཙྪཡོ ཧོཏི. ཝིབྷངྒེ ཧི པཋམཾ ‘‘ཀཏི ཁནྡྷཱ’’ཏིཨཱདིནཱ སཔུཙྪཀཾ དྭཱདསཔདིཀཾ མཱཏིཀཾ ནིཀྑིཔིཏྭཱ ཧེཊྛཱ ཝུཏྟཱནུསཱརེནེཝ ཙཏུབྷཱུམཀསཱམཉྙཏོ སབྦསངྒཱཧིཀཝཱརོ ནཱམ ཝིབྷཏྟོ, ཏཏྠ སཏྟ ཕསྶཱདཡོ སཏྟནྣཾ ཝིཉྙཱཎདྷཱཏཱུནཾ ཝསེན ཝེདིཏབྦཱ.

དུཏིཡོ ¶ པན ཝཱརོ ཏེསཾ ཙཏཱུསུ བྷཱུམཱིསུ ཙཏཱུཧི ཀོཊྛཱསེཧི ཨུཔྤཏྟཱནུཔྤཏྟིདསྶནཝསེན པཝཏྟོ. ཏཏྠ པཋམཀོཊྛཱསེ ཏཱཝ –

‘‘ཀཱམདྷཱཏུཡཱ ཀཏི ཁནྡྷཱ…པེ… ཀཏི ཙིཏྟཱནི? ཀཱམདྷཱཏུཡཱ པཉྩཀྑནྡྷཱ, དྭཱདསཱཡཏནཱནི, ཨཊྛཱརས དྷཱཏུཡོ, ཏཱིཎི སཙྩཱནི, བཱཝཱིསཏིནྡྲིཡཱནི, ནཝ ཧེཏཱུ, ཙཏྟཱརོ ཨཱཧཱརཱ, སཏྟ ཕསྶཱ, ཝེདནཱ, སཉྙཱ, ཙེཏནཱ, ཙིཏྟཱནཱི’’ཏི –

མཱཏིཀཾ ནིཀྑིཔིཏྭཱ ཝིབྷཏྟཱ. ཏཏྠ ཡསྨཱ ཙཏུབྷཱུམཀཱཔི དྷམྨཱ ཡེབྷུཡྻེན ཀཱམཱཝཙརསཏྟཱནཾ ཨུཔྤཛྫནྟི ¶ , ན ཀཱམཱཝཙརཱཝ. ཏེནེཏྠ ‘‘པཉྩཀྑནྡྷཱ’’ཏིཨཱདིནཱ ཙཏུབྷཱུམཀཱཔི ཝུཏྟཱ. ཏཏྠུཔྤཛྫནཀདྷམྨཱ ཧེཏྠ ཨདྷིཔྤེཏཱ, ན ཏཾབྷཱུམིཔརིཡཱཔནྣཱཝ. རཱུཔདྷཱཏུཨཱདཱིསུཔི ཨེསེཝ ནཡོ.

ཨེཏྠ ཙ ཏཱིཎི སཙྩཱནཱིཏི ཨིདཾ ནིརོདྷསཙྩསྶ དེསཝིནིམུཏྟཏཱཡ ཀཏྠཙི དེསེ ཨནིདྡིསིཏབྦཏོ ཏཾ ཝཛྫེཏྭཱ ཝུཏྟཾ. ཀཱརཎསཱཔེཀྑཱ ཧི དྷམྨཱ ཨཏྟནོ ནིསྶཡཀཱརཎབྷཱུཏཾ དེསཾ སམཱཝསནྟི ཨཀཱརཎསྶ ཨནིསྶཡཏྟཱ, ཡཐཱ ཝཱ ཀདཱཙི ཨུཔལབྦྷམཱནཱ དྷམྨཱ ཀཱལནིཡཏཏཱཡ ཨཏྟནོ སངྑཏཏྟཾཝ སཱུཙེནྟི. ཨཉྙཐཱ ཨིཏརཀཱལེསུཔི བྷཱཝསྶ ཙ པསངྒཏོ, ཨེཏརཧིཔི ཝཱ ཨབྷཱཝསྶ, ཨེཝཾ ཀྭཙི དེསེ ཨུཔལབྦྷམཱནཱཔཱིཏི གཧེཏབྦཾ. སབྦདེསཨབྱཱཔིཏཱ པན ཨསངྑཏསྶ, སངྑཏསྶ ཝཱ ཨསམྦྷཝཏོ ཨེཝ ནོཔཔཛྫཏི, ཏསྨཱ དེསཀཱལཝིནིམུཏྟམེཝ ཨསངྑཏནྟི གཧེཏབྦཾ.

དུཏིཡཀོཊྛཱསེ པན –

‘‘རཱུཔདྷཱཏུཡཱ པཉྩཀྑནྡྷཱ, ཚ ཨཱཡཏནཱནི, ནཝ དྷཱཏུཡོ, ཏཱིཎི སཙྩཱནི, ཙུདྡསིནྡྲིཡཱནི, ཨཊྛ ཧེཏཱུ, ཏཡོ ¶ ཨཱཧཱརཱ, ཙཏྟཱརོ ཕསྶཱ…པེ… ཙཏྟཱརི ཙིཏྟཱནཱི’’ཏི –

མཱཏིཀཾ ནིཀྑིཔིཏྭཱ ཝིབྷཏྟཱ. ཡསྨཱ པན རཱུཔཱིནཾ གྷཱནཱདཱིནཾ ཨབྷཱཝེན ཝིཛྫམཱནཱནིཔི གནྡྷཱཡཏནཱདཱིནི ཨཱཡཏནཱདིཀིཙྩཾ ན ཀརོནྟི, ཏསྨཱ ཏེ ཝཛྫེཏྭཱ ‘‘ཚ ཨཱཡཏནཱནི, ནཝ དྷཱཏུཡོ’’ཏིཨཱདི ཝུཏྟཾ ན ཏེསཾ ཨབྷཱཝཱ. ཀེཙི པན ‘‘རཱུཔལོཀེ གནྡྷརསཱ ཀབལཱི༹ཀཱརོ ཨཱཧཱརོ ཙ མཧཱབྷཱུཏཱནཉྩ ཕོཊྛབྦཀིཙྩཏཱ ནཏྠི, ཏེནེཝ པཱལི༹ཡཾ ན ཨུདྡྷཊཱ’’ཏི ཝཏྭཱ ཏཾ སཱདྷེཏུཾ བཧུཾ ཧེཏུཔཊིརཱུཔཀཾ ཝཏྭཱ པཔཉྩེནྟི, ཏཾ ཏེསཾ མཏིམཏྟམེཝཱཏི ན གཧེཏབྦཾ. གནྡྷཱདཱིནཾ ཨཝིནིབྦྷོགཏྟཱ, ཕོཊྛབྦཏྟཱ, དྷཱཏུསབྷཱཝཏྟཱ ཙ གྷཱནཱདིཏྟཡབྷཱཝདྭཡསུཁདུཀྑདོམནསྶིནྡྲིཡཱནི, པན དོམནསྶཧེཏུཀབལཱི༹ཀཱརཱཧཱརགྷཱནཱདིཏྟཡསམྥསྶཱདཱིནི ཙ ཝཛྫེཏྭཱ ཙུདྡསིནྡྲིཡཱདིབྷཱཝོ ཝེདིཏབྦོ.

ཏཏིཡཀོཊྛཱསེ པན –

‘‘ཨརཱུཔདྷཱཏུཡཱ ¶ ཙཏྟཱརོ ཁནྡྷཱ, དྭེ ཨཱཡཏནཱནི, དྭེ དྷཱཏུཡོ, ཏཱིཎི སཙྩཱནི, ཨེཀཱདསིནྡྲིཡཱནི, ཨཊྛ ཧེཏཱུ, ཏཡོ ཨཱཧཱརཱ, ཨེཀོ ཕསྶོ…པེ… ཨེཀཾ ཙིཏྟ’’ནྟི –

མཱཏིཀཾ ནིཀྑིཔིཏྭཱ ཝིབྷཏྟཱ. ཨེཏྠ ཙ ཙཀྑུསོཏཨནཉྙཱཏཉྙསྶཱམཱིཏིནྡྲིཡཱནམྤི ཨབྷཱཝཱ ཨེཀཱདསིནྡྲིཡཱནི ཝེདིཏབྦཱནི.

ཙཏུཏྠཀོཊྛཱསེ པན –

‘‘ཨཔརིཡཱཔནྣེ ཙཏྟཱརོ ཁནྡྷཱ, དྭེ ཨཱཡཏནཱནི, དྭེ དྷཱཏུཡོ, དྭེ སཙྩཱནི, དྭཱདསིནྡྲིཡཱནི, ཚ ཧེཏཱུ, ཏཡོ ཨཱཧཱརཱ, ཨེཀོ ཕསྶོ…པེ… ཨེཀཾ ཙིཏྟ’’ནྟི –

མཱཏིཀཾ ¶ ནིཀྑིཔིཏྭཱ ཝིབྷཏྟཱ. ཡསྨཱ ཙ ཨོཀཱསཝསེན ཝཱ སཏྟུཔྤཏྟིཝསེན ཝཱ ཨཔརིཡཱཔནྣདྷཱཏུ ནཱམ ནཏྠི, ཏསྨཱ ‘‘ཨཔརིཡཱཔནྣདྷཱཏུཡཱ’’ཏི ཨཝཏྭཱ ནིབྦཏྟིཏལོཀུཏྟརམེཝ དསྶེཏུཾ ‘‘ཨཔརིཡཱཔནྣེ ཙཏྟཱརོ ཁནྡྷཱ’’ཏིཨཱདི ཝུཏྟཾ. ཨེཝཾ ཙཏཱུཧི ཀོཊྛཱསེཧི དུཏིཡོ ཝཱརོ ཝེདིཏབྦོ.

ཏཏིཡོ པན ཝཱརོ –

‘‘རཱུཔཀྑནྡྷོ ཀཱམདྷཱཏུཔརིཡཱཔནྣོ, ཙཏྟཱརོ ཁནྡྷཱ སིཡཱ ཀཱམདྷཱཏུཔརིཡཱཔནྣཱ, སིཡཱ ན ཀཱམདྷཱཏུཔརིཡཱཔནྣཱ’’ཏིཨཱདིནཱ –

ཙཏཱུསུ བྷཱུམཱིསུ ཙཏཱུཧི ཀོཊྛཱསེཧི ཏཾཏཾབྷཱུམིཔརིཡཱཔནྣདྷམྨདསྶནཝསེན པཝཏྟོ, སོ ཙ ཧེཊྛཱ ཝུཏྟཱནུསཱརེན སཀྐཱ ཉཱཏུནྟི ན ཝིཏྠཱརིཏོ. ཏཏྠ ཙ ཀཱམདྷཱཏུཔརིཡཱཔནྣོཏི ཀཱམཱཝཙརབྷཱཝེན ཏཏྠ ཨནྟོགདྷོ ཀཱམཱཝཙརོཏི ཨཏྠོ. སེསེསུཔི ཨེསེཝ ནཡོ.

ཙཏུཏྠོ པན ཝཱརོ ཏཱིསུ བྷཱུམཱིསུ ཙཏཱུཧི ཀོཊྛཱསེཧི པཊིསནྡྷིཀྑཎེ ཨུཔྤཛྫནཀཱནུཔྤཛྫནཀདྷམྨདསྶནཝསེན པཝཏྟོ. ཏཏྠ པཋམཀོཊྛཱསེ ཏཱཝ –

‘‘ཀཱམདྷཱཏུཡཱ ¶ ཨུཔཔཏྟིཀྑཎེ སབྦེསཾ པཉྩཀྑནྡྷཱ པཱཏུབྷཝནྟི, ཀསྶཙི ཨེཀཱདསཱཡཏནཱནི པཱཏུབྷཝནྟི, ཀསྶཙི དསཱཡཏནཱནི པཱཏུབྷཝནྟི, ཀསྶཙི ཨཔརཱནི དས, ཀསྶཙི ནཝ, ཀསྶཙི སཏྟ, ཀསྶཙི ཨེཀཱདས དྷཱཏུཡོ…པེ… སཏྟ དྷཱཏུཡོ. སབྦེསཾ ཨེཀཾ སཙྩཾ པཱཏུབྷཝཏི. ཀསྶཙི ཙུདྡསིནྡྲིཡཱནི, ཀསྶཙི ཏེརས, ཀསྶཙི ཨཔརཱནི ཏེརས, ཀསྶཙི དྭཱདས, ཀསྶཙི དས, ཀསྶཙི ནཝ, ཀསྶཙི ཨཔརཱནི ནཝ, ཀསྶཙི ཨཊྛ, ཀསྶཙི ཨཔརཱནི ཨཊྛ, ཀསྶཙི སཏྟ ¶ , ཀསྶཙི པཉྩ, ཀསྶཙི ཙཏྟཱརིནྡྲིཡཱནི པཱཏུབྷཝནྟི, ཀསྶཙི ཏཡོ ཧེཏཱུ པཱཏུབྷཝནྟི, ཀསྶཙི དྭེ, ཀསྶཙི ཨཧེཏུཀཱ པཱཏུབྷཝནྟི. སབྦེསཾ ཙཏྟཱརོ ཨཱཧཱརཱ, ཨེཀོ ཕསྶོ…པེ… ཨེཀཾ ཙིཏྟཾ པཱཏུབྷཝཏཱི’’ཏི –

མཱཏིཀཾ ནིཀྑིཔིཏྭཱ ཝིབྷཏྟཱ. ཏཏྠ པཊིསནྡྷིཀྑཎེ ཀཱམཱཝཙརཱནཾ ཨོཔཔཱཏིཀཱནཾ, ཨཱཔཱཡིཀཱནཾ, དེཝམནུསྶཱནཾ པརིཔུཎྞཱཡཏནཱནཾ སདྡཱཡཏནཝཛྫིཏཱནི ཨེཀཱདསཱཡཏནཱནི པཱཏུབྷཝནྟི, ཏཱནེཝ ཨེཀཱདས དྷཱཏུཡོ ཧོནྟི. སདྡོ ཧི ཨེཀནྟེན པཊིསནྡྷིཡཾ ན ཨུཔྤཛྫཏི, ཏེསཉྙེཝ པན ཛཙྩནྡྷཱནཾ དས, ཛཙྩབདྷིརཱནཾ ཨཔརཱནི དས, ཛཙྩནྡྷབདྷིརཱནཾ ནཝ, གབྦྷསེཡྻཀཱནཾ རཱུཔགནྡྷརསཀཱཡཕོཊྛབྦམནོདྷམྨཝསེན སཏྟ ཨཱཡཏནདྷཱཏུཡོ པཱཏུབྷཝནྟི. ཨོཔཔཱཏིཀཱནཾ ཏིཧེཏུཀཱནཾ མནཙྪཊྛཱནི ཨིནྡྲིཡཱནི, བྷཱཝདྭཡེ ཨེཀཾ, ཛཱིཝིཏིནྡྲིཡཾ, སོམནསྶུཔེཀྑིནྡྲིཡེསུ ཨེཀཾ, སདྡྷཱདཱིནི པཉྩཱཏི ཙུདྡསིནྡྲིཡཱནི, ཏེསཾ དྭིཧེཏུཀཱནཾ པཉྙིནྡྲིཡཾ ཝཛྫེཏྭཱ ཏེརས, པཋམཀཔྤིཀཱནཾ མནུསྶཱནཾ ཏིཧེཏུཀཱནཾ བྷཱཝིནྡྲིཡཾ ཝཛྫེཏྭཱ ཨཔརཱནིཔི ཏེརས, ཏེསཉྙེཝ དུཧེཏུཀཱནཾ དྭཱདས, གབྦྷསེཡྻཀཱནཾ པན ཏིཧེཏུཀཱནཾ པུརིམེསུ ཙུདྡསསུ ཙཀྑཱདཱིནི ཙཏྟཱརི ཝཛྫེཏྭཱ དས, ཏེསཾ དུཧེཏུཀཱནཾ ནཝ, ཨོཔཔཱཏིཀཱནཾ ཨཧེཏུཀཱནཾ པརིཔུཎྞཱཡཏནཱནཾ པུརིམེསུ ཙུདྡསསུ སདྡཱདཱིནི ཝཛྫེཏྭཱ ཨཔརཱནི ནཝ, ཏེསཉྙེཝ ཛཙྩནྡྷཱནཾ ཨཊྛ, ཏཐཱ བདྷིརཱནཾ, ཨནྡྷབདྷིརཱནཾ པན སཏྟ, གབྦྷསེཡྻཀཱནཾ པན ཨཧེཏུཀཱནཾ ཀཱཡམནོབྷཱཝཛཱིཝིཏཨུཔེཀྑིནྡྲིཡཱནི པཉྩ, ཏེསཉྙེཝ ནཔུཾསཀཱནཾ ཙཏྟཱརི པཱཏུབྷཝནྟི. ཨཧེཏུཀཙིཏྟེསུ ཧི ཝིཛྫམཱནཱཔི ཨེཀགྒཏཱ སམཱདྷིནྡྲིཡཏཾ ན གཙྪཏི, མནོཝིཉྙཱཎདྷཱཏུཝསེན པན ‘‘ཨེཀོ ཕསྶོ’’ཏིཨཱདཡོ ཝེདིཏབྦཱ.

དུཏིཡཀོཊྛཱསེ ¶ པན –

‘‘རཱུཔདྷཱཏུཡཱ ¶ ཨུཔཔཏྟིཀྑཎེ ཋཔེཏྭཱ ཨསཉྙསཏྟཱནཾ དེཝཱནཾ པཉྩཀྑནྡྷཱ པཱཏུབྷཝནྟི. པཉྩཱཡཏནཱནི, པཉྩ དྷཱཏུཡོ, ཨེཀཾ སཙྩཾ, དསིནྡྲིཡཱནི, ཏཡོ ཧེཏཱུ, ཏཡོ ཨཱཧཱརཱ, ཨེཀོ ཕསྶོ…པེ… ཨེཀཾ ཙིཏྟ’’ནྟི –

མཱཏིཀཾ ནིཀྑིཔིཏྭཱ ཝིབྷཏྟཱ. ཏཏྠ ཙཀྑུརཱུཔསོཏམནོདྷམྨཱནཾ ཝསེན པཉྩཱཡཏནདྷཱཏུཡོ ཝེདིཏབྦཱ. ཨེཏྠཱཔི གནྡྷརསཕོཊྛབྦཱནཾ ཨགྒཧཎེ ཀཱརཎཾ པུབྦེ ཝུཏྟམེཝ. ཙཀྑུསོཏམནོཛཱིཝིཏིནྡྲིཡཱནི, སོམནསྶུཔེཀྑཱནཾ ཨཉྙཏརཾ, སདྡྷཱདཱིནི པཉྩཱཏི དསིནྡྲིཡཱནི ཝེདིཏབྦཱནི.

ཏཏིཡཀོཊྛཱསེ པན –

‘‘ཨསཉྙསཏྟཱནཾ དེཝཱནཾ ཨུཔཔཏྟིཀྑཎེ ཨེཀོ ཁནྡྷོ པཱཏུབྷཝཏི རཱུཔཀྑནྡྷོ, དྭེ ཨཱཡཏནཱནི རཱུཔཱཡཏནཾ དྷམྨཱཡཏནཾ, དྭེ དྷཱཏུཡོ རཱུཔདྷཱཏུ དྷམྨདྷཱཏུ, ཨེཀཾ དུཀྑསཙྩཾ, ཨེཀཾ རཱུཔཛཱིཝིཏིནྡྲིཡཾ, ཨསཉྙསཏྟཱ དེཝཱ ཨཧེཏུཀཱ, ཨནཱཧཱརཱ, ཨཕསྶཀཱ…པེ… ཨཙིཏྟཀཱ’’ཏི –

སནིདྡེསམཱཏིཀཱ ནིཀྑིཏྟཱ. ཨེཏྠ ཙ རཱུཔམྤི ཀིཉྩཱཔི ཏེསཾ ཨཱཡཏནཱདིཀིཙྩཾ ན ཀརོཏི, སཝིཉྙཱཎཀརཱུཔཱིསུ པན གཧིཏཏྟཱ ཨིདྷཱཔི གཧིཏཾ. གནྡྷཱདཡོ པན ཏཏྠ ན གཧིཏཏྟཱ ཨིདྷཱཔི ན གཧིཏཱ, ནོ ཨཝིཛྫམཱནཏཱཡ. ཨེཀཏལཝཱསིཀཱནཾ ཝཱ སེསབྲཧྨཱནཾ ཙཀྑུཝིསཡཏྟཱ ཨིདྷཱཔི རཱུཔཱཡཏནཾ ཨུདྡྷཊཾ, ཨསཉྙཱིནཾ པན པཉྩཱཡཏནཱནི, ཨེཀོ ཨཱཧཱརོ ཨུཔྤཛྫཏཱིཏི ཝེདིཏབྦཾ.

ཙཏུཏྠཀོཊྛཱསེ –

‘‘ཨརཱུཔདྷཱཏུཡཱ ཨུཔཔཏྟིཀྑཎེ ཙཏྟཱརོ ཁནྡྷཱ, དྭེ ཨཱཡཏནཱནི, དྭེ དྷཱཏུཡོ, ཨེཀཾ སཙྩཾ, ཨཊྛིནྡྲིཡཱནི ¶ , ཏཡོ ཧེཏཱུ, ཏཡོ ཨཱཧཱརཱ, ཨེཀོ ཕསྶོ…པེ… ཨེཀཾ ཙིཏྟ’’ནྟི –

མཱཏིཀཱཔདཱནི ནིཀྑིཔིཏྭཱ ཝིབྷཏྟཱ. ཨེཏྠ ཙ མནོཛཱིཝིཏཨུཔེཀྑིནྡྲིཡཱནི, སདྡྷཱདཱིནི པཉྩཱཏི ¶ ཨཊྛིནྡྲིཡཱནི ཝེདིཏབྦཱནི. སེསཾ སུཝིཉྙེཡྻམེཝ. ཨེཝཾ ཙཏཱུཧི ཀོཊྛཱསེཧི ཙཏུཏྠོ ཝཱརོ ཝེདིཏབྦོ.

པཉྩམོ པན ཝཱརོ ཏེསཾ དྷམྨཱནཾ བྷཱུམནྟརཝསེན ‘‘ཀཱམཱཝཙརདྷམྨཱ, ན ཀཱམཱཝཙརཱ…པེ… པརིཡཱཔནྣཱ’’ཏི ཙཏྟཱརོ དུཀེ མཱཏིཀཱཝསེན ནིཀྑིཔིཏྭཱ ཝིབྷཛནཝསེན པཝཏྟོ, སོ ཧེཊྛཱ ཝུཏྟཏྠོཝ.

ཚཊྛོ པན ཝཱརོ སམྨུཏིདེཝཨུཔཔཏྟིདེཝཝིསུདྡྷིདེཝེ ནིདྡིསིཏྭཱ མནུསྶདེཝགཏཱིསུ ཨུཔྤཱདཀཀམྨཨཱཡུཔྤམཱཎདསྶནཝསེན ཝུཏྟོ. ཏཏྠཱཡཾ སངྑེཔཏྠོ – སཏྟཱ ཧི དཱནསཱིལཱདིཀཱམཱཝཙརཀུསལཾ ཀཏྭཱ མནུསྶལོཀེ ཁཏྟིཡམཧཱསཱལཱདིཀུལེསུ ཙེཝ ཙཱཏུམཧཱརཱཛིཀཏཱཝཏིཾསཡཱམཏུསིཏནིམྨཱནརཏིཔརནིམྨིཏཝསཝཏྟིསངྑཱཏེསུ ཚསུ དེཝལོཀེསུ ཙ ཨུཔྤཛྫནྟི, ཏཏྠ སིནེརུཔབྦཏཝེམཛ྄ཛྷཔརིབྷཎྜཔབྦཏཏོ པཊྛཱཡ ཧེཊྛཱ ཡཱཝ བྷཱུམི ཏིརིཡཾ ཙཀྐཝཱལ༹པབྦཏཾ ཨཱཧཙྩ ཨེཏྠནྟརེ པབྦཏཨཱཀཱསརུཀྑཔཐཝིནིསྶིཏཱ ཙཱཏུམཧཱརཱཛཙནྡསཱུརིཡཱ སབྦེ ཙཱཏུམཧཱརཱཛིཀཱ. ཏཏོ ཨུདྡྷཾ ཙཀྐཝཱལ༹པརིཡནྟཾ ཏཱཝཏིཾསཱདཡོ ཡཐཱཀྐམཾ ཨུཔརཱུཔརི ཋིཏཱཏི ཝེདིཏབྦཱ. དེཝལོཀོཔི པརམྤརཙཀྐཝཱལ༹པབྦཏཾ ཨཔྤཏྟོ ནཱམ ནཏྠི.

པཋམཛ྄ཛྷཱནཾ པན པརིཏྟཾ བྷཱཝེཏྭཱ བྲཧྨཔཱརིསཛྫེསུ ཨུཔྤཛྫནྟི, མཛ྄ཛྷིམཾ བྷཱཝེཏྭཱ བྲཧྨཔུརོཧིཏེསུ, པཎཱིཏཾ བྷཱཝེཏྭཱ མཧཱབྲཧྨེསུ, ཨིམེ ཏཡོཔི ཛནཱ པཋམཛ྄ཛྷཱནབྷཱུམིཡཾ ཨེཀཏལེ ¶ ཝསནྟི. ཨཱཡུཨཱབྷཱདིབྷེདེན པནེསཾ བྷེདོ, ཨེཝཾ ཨུཔརིཔི.

ཙཏུཀྐནཡེ པན དུཏིཡཛ྄ཛྷཱནཾ, པཉྩཀནཡེ དུཏིཡཏཏིཡཛ྄ཛྷཱནཉྩ པརིཏྟཾ, མཛ྄ཛྷིམཾ, པཎཱིཏཉྩ བྷཱཝེཏྭཱ པརིཏྟཱབྷཱཨཔྤམཱཎཱབྷཱཨཱབྷསྶརེསུ ཨུཔྤཛྫནྟི. ཏཏིཡཛ྄ཛྷཱནཾ པརིཏྟཱདིཝསེན བྷཱཝེཏྭཱ པརིཏྟསུབྷཨཔྤམཱཎསུབྷསུབྷཀིཎྷེསུ. ཙཏུཏྠཛ྄ཛྷཱནཾ པན བྷཱཝེཏྭཱ ཨཱརམྨཎམནསིཀཱརཚནྡཱདྷིམུཏྟིཨཱདིནཱནཏྟཏོ ཀེཙི ཨསཉྙཱིསུ, ཀེཙི ཝེཧཔྥལེསུ, ཀེཙི ཨཝིཧེསུ, ཨཏཔྤེསུ, སུདསྶེསུ, སུདསྶཱིསུ, ཀེཙི ཨཀནིཊྛེསུ, ཨཱཀཱསཱནཉྩཱཡཏནཱདཱིསུ ཙཏཱུསུ ཙ ཡཐཱཀྐམཾ ཨུཔྤཛྫནྟི. ཏཏྠ ཧི ཨེཀཙྩེ ཏིཏྠིཡཱ ‘‘ཙིཏྟཾ ནིསྶཱཡ རཛྫནདུསྶནཱདཡོ, ཏནྣིདཱནཱནི ཙ དུཀྑཱནི སམུཔྤཛྫནྟཱི’’ཏི ཙིཏྟེ དོསཾ དིསྭཱ ‘‘དིཊྛདྷམྨནིབྦཱནམེཏ’’ནྟི སཉྙཱཝིརཱགཾ ¶ ཛནེཏྭཱ ཏཏྲཱུཔཔཏྟིཡཱ ཛྷཱནཾ བྷཱཝེཏྭཱ རཱུཔཀཱཡམཏྟཱ ཋིཏཱ ཝཱ ནིསིནྣཱ ཝཱ ནིཔནྣཱ ཝཱ ཧུཏྭཱ ནིབྦཏྟིཏྭཱ ཏཏྠེཝ པཉྩཀཔྤསཏཱནི ཏིཊྛནྟཱིཏི ཝེདིཏབྦཱ.

ཨཊྛསམཱཔཏྟིལཱབྷཱིནཾ ཀཏརཾ ཛྷཱནཾ ཝིཔཙྩཏཱིཏི? པགུཎཾ, སབྦེསུ པགུཎེསུ ཡསྶ ཝིཔཱཀབྷཱུམིཾ པཏྠེཏི, ཏཾཔཏྠནཱཡ ཙ ཨསཏི ཡཾ མརཎསམཡེ སམཱཔཛྫཏི, ཏཾ, ཏསྨིམྤི ཨསཏི ཨུཏྟམཝསེན ནེཝསཉྙཱནཱསཉྙཱཡཏནཾ ཝིཔཙྩཏི. སུདྡྷཱཝཱསེསུ ཙ ཨཝིཧཱདཱིསུ ཨནཱགཱམིཝཛྫིཏཱ སཏྟཱ ན ཨུཔྤཛྫནྟི, ཨནཱགཱམིནོ པན ཨསཉྙཱིཝཛྫིཏབྲཧྨལོཀེསུ སབྦཏྠ ཨུཔྤཛྫིཏུཾ ལབྷནྟི. སབྦེསམྤི ཙ ཨརིཡཱནཾ ཏཏྲཱུཔཔཏྟིཏོ ཨུཔརཱུཔཔཏྟིཔི, ན ཧེཊྛཱུཔཔཏྟི. ཏེ ཧི པཋམཛ྄ཛྷཱནབྷཱུམིཡཾ ནིབྦཏྟཱ ཨནཱགཱམིནོ ནཝ བྲཧྨལོཀེ སོདྷེཏྭཱ མཏྠཀེ ཝེཧཔྥལེསུ ཋིཏཱ པརིནིབྦནྟི, ན ནིཝཏྟནྟི ཨརིཡཱནཾ ཧེཊྛཱུཔཔཏྟིཨབྷཱཝཱ. ཝེཧཔྥལཨཀནིཊྛནེཝསཉྙཱནཱསཉྙཱཡཏནབྷཝཱ ཏཡོཔི སེཊྛབྷཝཱ ནཱམ. ཨིམེསུ ཏཱིསུ ཋཱནེསུ ནིབྦཏྟཱ ཨནཱགཱམིནོ ནེཝ ཨུདྡྷཾ གཙྪནྟི, ན ཨདྷོ. ཏཏྠེཝ པརིནིབྦཱཡནྟི ¶ . མནུསྶལོཀེ ཙ སེཁཱ གིཧིབྷཱཝེ ཡཱཝཛཱིཝཾ ཏིཊྛནྟི, ན ཨསེཁཱ. ཏེ ཧི ཨརཧཏྟཾ པཏྟདིཝསེ པབྦཛནྟི ཝཱ, པརིནིབྦནྟི ཝཱ. བྷུམྨདེཝེསུ པན ཁཱིཎཱསཝཱཔི ཡཱཝཛཱིཝཾ ཏིཊྛནྟི. ཚསུ ཀཱམཱཝཙརདེཝེསུ སོཏཱཔནྣསཀདཱགཱམིནོཝ ཏིཊྛནྟི, ཨནཱགཱམིནོ པན ཏདཧེཝ རཱུཔབྷཝཾ གནྟུཾ ཝཊྚཏི ཁཱིཎཱསཝེན པརིནིབྦཱཏུནྟི གཧེཏབྦཾ. ཨེཝཾ ཨིམཱསུ སཏྟཝཱིསཏིཡཱ བྷཱུམཱིསུ པརིཡཱཔནྣམནུསྶདེཝབྲཧྨལོཀེསུ ནིབྦཏྟསཏྟེསུ མནུསྶཱནཾ ཏཱཝ ཨིམསྨིཾ བུདྡྷུཔྤཱདེཝ ཝསྶསཏཾ ཨཱཡུཔྤམཱཎཾ, ཨཔྤཾ ཝཱ བྷིཡྻོ. ཨཱཔཱཡིཀཱནཾ, བྷུམྨདེཝཱནཉྩ ཀདཱཙི ཨཱཡུཔརིཙྪེདོ ནཏྠི, ཀམྨམེཝ པམཱཎཾ. ཏེ ཧི སཏྟཱཧེནཔི མརནྟི, ཀཔྤམྤི ཏིཊྛནྟཱིཏི.

ཙཱཏུམཧཱརཱཛིཀཱནཾ པན མཱནུསཀཱནི པཉྙཱས ཝསྶཱནི ཨེཀཾ རཏྟིནྡིཝཾ, ཏཱཡ རཏྟིཡཱ ཏིཾས རཏྟིཡོ མཱསོ, ཏེན མཱསེན དྭཱདསམཱསིཡོ སཾཝཙྪརོ, ཏེན སཾཝཙྪརེན དིབྦཱནི པཉྩཝསྶསཏཱནི ཨཱཡུཔྤམཱཎཾ. ཏཱནི མནུསྶགཎནཱཡ ནཝུཏིཝསྶསཏསཧསྶཱནི ཧོནྟི. ཏཱཝཏིཾསཱནཾ མཱནུསཀཾ ཝསྶསཏཾ ཨེཀཾ རཏྟིནྡིཝཾ ཀཏྭཱ ཨེཝམཱགཏཾ དིབྦཾ ཝསྶསཧསྶཾ. ཨེཝཾ ཡཱམཱདཱིནཾ ཝསྶགཎནཉྩ དིགུཎཾ ཀཏྭཱ ཧེཊྛིམཏོ དིགུཎཙཏུགྒུཎཾ ཨཱཡུཔྤམཱཎཾ ཝེདིཏབྦཾ.

བྲཧྨེསུ པན བྲཧྨཔཱརིསཛྫཱནཾ ཀཔྤསྶ ཏཏིཡོ བྷཱགོ ཨཱཡུཔྤམཱཎཾ, བྲཧྨཔུརོཧིཏཱནཾ ཨུཔཌྜྷཀཔྤོ ¶ , མཧཱབྲཧྨཱནཾ ཨེཀོ ཀཔྤོ, པརིཏྟཱབྷཱནཾ དྭེ ཀཔྤཱཏི ཨེཝཾ ཨུཔརཱུཔརི དིགུཎཾ ཀཏྭཱ ཡཱཝ སུབྷཀིཎྷཱ ཡོཛེཏབྦཾ. སུབྷཀིཎྷཱནཾ ཧི ཙཏུསཊྛིཀཔྤཾ ཨཱཡུཔྤམཱཎཾ, ཨསཉྙཱིནཾ, ཝེཧཔྥལཱནཉྩ པཉྩཀཔྤསཏཱནི, ཨཝིཧཱནཾ ཀཔྤསཧསྶནྟི ཨུཔརཱུཔརི དིགུཎཝསེན ཡཱཝ ཨཀནིཊྛཱ ཡོཛེཏབྦཾ. ཨཀནིཊྛཱནཾ ཧི སོལ༹སཀཔྤསཧསྶཱནི, ཨརཱུཔཱནཾ ཙཏུནྣཾ ཡཐཱཀྐམཾ ཝཱིསཏི, ཙཏྟཱརི, སཊྛི, ཙཏུརཱསཱིཏི ཀཔྤསཧསྶཱནི ཨཱཡུཔྤམཱཎནྟི.

ཨུཀྑིཏྟཱ ¶ པུཉྙཏེཛེན, ཀཱམརཱུཔགཏིཾ གཏཱ;

བྷཝགྒཏམྤི སམྤཏྟཱ, པུནཱགཙྪནྟི དུགྒཏིཾ.

ཏཱཝ དཱིགྷཱཡུཀཱ སཏྟཱ, ཙཝནྟི ཨཱཡུསངྑཡཱ;

ནཏྠི ཀོཙི བྷཝོ ནིཙྩོ, ཨིཏི ཝུཏྟཾ མཧེསིནཱ.

ཏསྨཱ ཧི དྷཱིརཱ ནིཔཀཱ, ནིཔུཎཱ ཨཏྠཙིནྟཀཱ;

ཛརཱམརཎམོཀྑཱཡ, བྷཱཝེནྟི མགྒམུཏྟམཾ.

བྷཱཝཡིཏྭཱ སུཙིཾ མགྒཾ, ནིབྦཱནོགདྷགཱམིནཾ;

སབྦཱསཝེ པརིཉྙཱཡ, པརིནིབྦནྟི ཨནཱསཝཱཏི. (ཝིབྷ. ༡༠༢༩);

ཨཡཾ ཚཊྛཝཱརེ ནཡོ.

སཏྟམོ པན ཝཱརོ ཏེསཾ ཁནྡྷཱདཱིནཾ ཨབྷིཉྙེཡྻཱདིབྷཱཝཝིབྷཱཝནཝསེན པཝཏྟོ. ཏཏྠ ཧི –

‘‘རཱུཔཀྑནྡྷོ ཨབྷིཉྙེཡྻོ, པརིཉྙེཡྻོ, ན པཧཱཏབྦོ, ན བྷཱཝེཏབྦོ, ན སཙྪིཀཱཏབྦོ. ཙཏྟཱརོ ཁནྡྷཱ ཨབྷིཉྙེཡྻཱ པརིཉྙེཡྻཱ, སིཡཱ པཧཱཏབྦཱ, སིཡཱ བྷཱཝེཏབྦཱ, སིཡཱ སཙྪིཀཱཏབྦཱ, སིཡཱ ན པཧཱཏབྦཱ ན བྷཱཝེཏབྦཱ ན སཙྪིཀཱཏབྦཱ’’ཏིཨཱདིནཱ –

དྭཱདསཔི ཀོཊྛཱསཱ ཝིཏྠཱརཏོ ཝིབྷཏྟཱ. ཏཏྠ ལཀྑཎཔརིགྒཱཧིཀཱཡ པཉྙཱཡ ཁནྡྷཱདཡོ སབྦེ དྷམྨཱ ¶ ཨབྷིཉྙེཡྻཱ. ཉཱཏཏཱིརཎཔཧཱནཔརིཉྙཱསུ ཡཐཱཡོགཾ ཡཱཡ ཀཱཡཙི པརིཉྙཱཡ ཝསེན སབྦེཔི དྷམྨཱ པརིཉྙེཡྻཱ. ལོཀུཏྟརདྷམྨཱཔི ཉཱཏཔརིཉྙེཡྻཱཝ. ཨཀུསལཱ པན པཧཱཏབྦཱ. མགྒོ བྷཱཝེཏབྦོ, ཕལཾ, ནིབྦཱནཉྩ སཙྪིཀཱཏབྦཾ. ཏཏྠ རཱུཔཀྑནྡྷོ ཉཱཏཏཱིརཎཝསེན པརིཉྙེཡྻོ. ཝིཔསྶནཱཝིསཡེ ཧི སབྦཾ ཏཱིརཎཔརིཉྙཱཡ པརིཉྙེཡྻནྟི. ཨིམིནཱ ནཡེན སབྦཏྠ ཨབྷིཉྙེཡྻཱདིབྷཱཝོ ཝེདིཏབྦོ.

ཨཊྛམོ ¶ པན ཝཱརོ ཏེསཾ སཱརམྨཎཏཱཝིབྷཱཝནཝསེན པཝཏྟོ, ནཝམོ པནེསཾ དིཊྛསུཏམུཏཝིཉྙཱཏེསུ སངྒཧདསྶནཝསེན. དསམོ ཀུསལཏྟིཀཱདཱིཧི སརཎདུཀཔརིཡོསཱནེཧི ཏིཀདུཀེཧི ཝིབྷཱགདསྶནཝསེན པཝཏྟོ, ཏེཔི ཧེཊྛཱ ཝུཏྟནཡཱཝཱཏི ཨཡམེཏྠ སངྑེཔོ, ཝིཏྠཱརོ པནེཏྠ ཧེཊྛཱ ཝུཏྟོཡེཝ. ཨཱདིཏོ པཊྛཱཡ སབྦཏྠ ཝིབྷངྒཔཱལི༹ཨཊྛཀཐཱསུ (ཝིབྷ. ༩༧༨ ཨཱདཡོ; ཝིབྷ. ཨཊྛ. ༩༧༨ ཨཱདཡོ) གཧེཏབྦོཏི.

དྷམྨཧདཡཝིབྷངྒམཱཏིཀཏྠཝཎྞནཱ ནིཊྛིཏཱ.

མོཧཝིཙྪེདནིཡཱ ཨབྷིདྷམྨམཱཏིཀཏྠཝཎྞནཱཡ

ཝིབྷངྒམཱཏིཀཏྠཝཎྞནཱ ནིཊྛིཏཱ.

༣. དྷཱཏུཀཐཱམཱཏིཀཱ

ཨིདཱནི ¶ ¶ ཝིབྷངྒམཱཏིཀཱནནྟརཾ –

ཨཡཾ དྷཱཏུཀཐཱདཱིནཾ, སམྤཏྟཱ ཨཏྠཝཎྞནཱ;

མཱཏིཀཱནཾ ཡཏོ ཏསྨཱ, པཉྩནྣམྤི ཡཐཱརཧཾ.

ཨནུཏྟཱནཏྠཏོ ཙེཝ, སངྑེཔེནཏྠནིཙྪཡཱ;

ཝིབྷངྒནཡཏོ ཙེཝ, ཧོཏི སཾཝཎྞནཱནཡོ.

ཏཏྠ དྷཱཏུཀཐཱམཱཏིཀཱཡ ཏཱཝ སཾཝཎྞནཱ ཧོཏི. སཱ པནེསཱ ནིཀྑེཔཏོ པཉྩདྷཱ ཋིཏཱ – ནཡམཱཏིཀཱ ཨབྦྷནྟརམཱཏིཀཱ ནཡམུཁམཱཏིཀཱ ལཀྑཎམཱཏིཀཱ བཱཧིརམཱཏིཀཱཏི. ཏཏྠ ‘‘སངྒཧོ, ཨསངྒཧོ…པེ… ཝིཔྤཡུཏྟེན སངྒཧིཏཾ ཨསངྒཧིཏ’’ནྟི ཨཡཾ ཙུདྡསཧི པདེཧི ནིཀྑིཏྟཱ སངྒཧཱདིཀེན ནཡེན དྷཱཏུཀཐཱཡ དྷམྨཱ ཝིབྷཏྟཱཏི དསྶེཏུཾ ཋཔིཏཏྟཱ ནཡམཱཏིཀཱ ནཱམ, ཡཱ ‘‘མཱུལམཱཏིཀཱ’’ཏིཔི ཝུཙྩཏི.

‘‘པཉྩཀྑནྡྷཱ…པེ… མནསིཀཱརོ’’ཏི ཨཡཾ པཉྩཝཱིསཱདྷིཀེན པདསཏེན ནིཀྑིཏྟཱ སངྒཧཱདིནཡེན ཝིབྷཛིཏབྦབྷཱཝེན དྷཱཏུཀཐཱཡ ཨབྦྷནྟརེ ཨེཝ ཋཔིཏཏྟཱ ཨབྦྷནྟརམཱཏིཀཱ ནཱམ, ཡཱ ‘‘དྷཱཏུཀཐཱམཱཏིཀཱ’’ཏིཔི ཝུཙྩཏི.

‘‘ཏཱིཧི སངྒཧོ, ཏཱིཧི ཨསངྒཧོ, ཙཏཱུཧི སམྤཡོགོ, ཙཏཱུཧི ཝིཔྤཡོགོ’’ཏི ཨཡཾ ཙཏཱུཧི པདེཧི ནིཀྑིཏྟཱ ཁནྡྷཱདཱིསུ ཙ ཀུསལཏྟིཀཱདཱིསུ ཙ མཱཏིཀཱདྷམྨེསུ ཏཱིཧི ཁནྡྷཱཡཏནདྷཱཏུཔདེཧེཝ ¶ སངྒཧོ ཨསངྒཧོ ཙ, ཏཐཱ ཙཏཱུཧི ཨརཱུཔཀྑནྡྷེཧི སམྤཡོགོ, ཝིཔྤཡོགོ ཙཱཏི ཨིམེསཾ སངྒཧཱསངྒཧཱདཱིནཾ ནཡཱནཾ མུཁཱནཱིཏི དསྶེཏུཾ ཋཔིཏཏྟཱ ནཡམུཁམཱཏིཀཱ ནཱམ.

‘‘སབྷཱགོ ¶ ཝིསབྷཱགོ’’ཏི ཨཡཾ དྭཱིཧི པདེཧི ནིཀྑིཏྟཱ སབྷཱགཝིསབྷཱགལཀྑཎཝསེནེཝ སངྒཧཱསངྒཧནཡཱ ཙེཝ སམྤཡོགཝིཔྤཡོགནཡཱ ཙ ཧོནྟཱིཏི དསྶེཏུཾ ཋཔིཏཏྟཱ ལཀྑཎམཱཏིཀཱ ནཱམ. སབྦཱཔི དྷམྨསངྒཎཱི དྷཱཏུཀཐཱཡ མཱཏིཀཱཏི ཨཡཾ ཚསཊྛི ཏིཀཔདཱནི, དྭེ ཙ དུཀཔདསཏཱནི སངྑིཔིཏྭཱ ནིཀྑིཏྟཱ དྷཱཏུཀཐཱ མཱཏིཀཱཏོ བཧི ཋཔིཏཏྟཱ བཱཧིརམཱཏིཀཱ ནཱམ. ཨེཝམེཏིསྶཱ པཉྩཝིདྷཱཡ མཱཏིཀཱཡ ཨཡམནུཏྟཱནཏྠཝཎྞནཱ.

སངྒཧོཏིཨཱདཱིསུ ཧི སངྒཧོ ཏཱཝ ཛཱཏིསཉྫཱཏིཀིརིཡཱགཎནཝསེན ཙཏུབྦིདྷོ. ཏཏྠ ‘‘སབྦེ ཁཏྟིཡཱ ཨཱགཙྪནྟུ, ཡཱ ཙཱཝུསོ ཝིསཱཁ, སམྨཱཝཱཙཱ, ཡོ ཙ སམྨཱཀམྨནྟོ, ཡོ ཙ སམྨཱཨཱཛཱིཝོ, ཨིམེ དྷམྨཱ སཱིལཀྑནྡྷེ སངྒཧིཏཱ’’ཏི (མ. ནི. ༡.༤༦༢) ཨཡཾ ཛཱཏིསངྒཧོ ནཱམ. ‘‘སབྦེ ཀོསལཀཱ ཨཱགཙྪནྟུ, ཡོ ཙཱཝུསོ ཝིསཱཁ, སམྨཱཝཱཡཱམོ, ཡཱ ཙ སམྨཱསཏི, ཡོ ཙ སམྨཱསམཱདྷི, ཨིམེ དྷམྨཱ སམཱདྷིཀྑནྡྷེ སངྒཧིཏཱ’’ཏི (མ. ནི. ༡.༤༦༢) ཨཡཾ སཉྫཱཏིསངྒཧོ ནཱམ, ཨེཀཊྛཱནེ ཛཱཏིསམྦནྡྷབྷཱཝེན སངྒཧོཏི ཨཏྠོ. ‘‘སབྦེ ཧཏྠཱརོཧཱ ཨཱགཙྪནྟུ, ཡཱ ཙཱཝུསོ ཝིསཱཁ, སམྨཱདིཊྛི, ཡོ ཙ སམྨཱསངྐཔྤོ, ཨིམེ དྷམྨཱ པཉྙཱཀྑནྡྷེ སངྒཧིཏཱ’’ཏི (མ. ནི. ༡.༤༦༢) ཨཡཾ ཀིརིཡཱསངྒཧོ ནཱམ. ‘‘ཧཉྩི ཙཀྑཱཡཏནཾ རཱུཔཀྑནྡྷགཎནཾ གཙྪཏི, ཏེན ཝཏ རེ ཝཏྟབྦེ ‘ཙཀྑཱཡཏནཾ རཱུཔཀྑནྡྷེན སངྒཧིཏ’’’ནྟི (ཀཐཱ. ༤༧༡) ཨཡཾ གཎནསངྒཧོ ནཱམ, ཨཡམིདྷ ཨདྷིཔྤེཏོ. ཏཔྤཊིཔཀྑེན ཨསངྒཧོ ཝེདིཏབྦོ. ཏེསཾ ཝིཀཔྤཏོ སངྒཧིཏེན ཨསངྒཧིཏཱདཱིནི, ཨེཀུཔྤཱདེཀནིརོདྷཨེཀཝཏྠུཀཨེཀཱརམྨཎཏཱཝསེན སམྤཡོགོ, ཏཔྤཊིཔཀྑཏོ ཝིཔྤཡོགོ, ཏེསཾ ཝིཀཔྤཏོ སམྤཡུཏྟེན ཝིཔྤཡུཏྟཱདཱིནི, ཏདུབྷཡསཾསགྒཝིཀཔྤཏོ སངྒཧིཏེན སམྤཡུཏྟཾ ཝིཔྤཡུཏྟནྟིཨཱདཱིནི ཙ ¶ ཝེདིཏབྦཱནི. སེསཾ ཝུཏྟཏྠམེཝ. ཨཡཾ ཏཱཝེཏྠ ཨནུཏྟཱནཔདཏྠོ.

སངྒཧཱསངྒཧཔདཏྠཝཎྞནཱ

ཨཏྠཝིནིཙྪཡཏོ པན ཡསྨཱ ཨབྦྷནྟརམཱཏིཀཱཡ རཱུཔཀྑནྡྷཱདཱིནི, བཱཧིརམཱཏིཀཱཡ ཀུསལཱདཱིནི ཙ ‘‘སངྒཧོ ཨསངྒཧོ’’ཏིཨཱདིཀེཧི ནཡམཱཏིཀཱཔདེཧི ‘‘ཏཱིཧི སངྒཧོ, ཏཱིཧི ཨསངྒཧོ’’ཏིཨཱདིནཡམུཁམཱཏིཀཱཝསེན ¶ ཡཐཱརཧཾ ནིདྡེསཏྠཱཡ བྷགཝཏཱ ཋཔིཏཱནི, ཏསྨཱ ཁནྡྷཱདཱིནཾ སངྒཧཱདཱིནཾ པཱལི༹ཡཾ ཝུཏྟཱནུསཱརེནེཝ སངྑེཔཏོ ཨཏྠཝིནིཙྪཡོ ཧོཏི. ཨིམིནཱ ནཡེན ཝིབྷངྒནཡོ སཀྐཱ ཉཱཏུནྟི ཏཾ ཝིསུཾ ན ཝཀྑཱམ.

ཏཏྠ སངྒཧཱསངྒཧཝཱརེ ཁནྡྷཱནཾ ཏཱཝ ཨཡཾ ནིདྡེསེ ནཡོ – རཱུཔཀྑནྡྷོ ཨེཀེན ཁནྡྷེན ཨེཀཱདསཧི ཨཱཡཏནེཧི ཨེཀཱདསཧི དྷཱཏཱུཧི སངྒཧིཏོ. ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏོ. ཏཏྠ ཨེཀཱདསཧཱིཏི མནཱཡཏནཝཛྫེཧི. དྷམྨཱཡཏནེནཱཔི ཧི ཀེཙི རཱུཔདྷམྨཱ སངྒཧིཏཱ. ཨེཀཱདསཧཱིཏི སཏྟཝིཉྙཱཎདྷཱཏུཝཛྫཱཧི. སེསཾ སུཝིཉྙེཡྻམེཝ.

ཝེདནཱདཡོ ཏཡོ ཁནྡྷཱ ཡཐཱསཀཾ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ, ཙཏཱུཧི ཁནྡྷེཧི ཨེཀཱདསཧི ཨཱཡཏནེཧི སཏྟརསཧི དྷཱཏཱུཧི ཨསངྒཧིཏཱ, ཏཐཱ ཝིཉྙཱཎཀྑནྡྷོཔི. ཀེཝལཾ པནེཏྠ སཏྟཧི ཝིཉྙཱཎདྷཱཏཱུཧི སངྒཧིཏོ, ཨེཀཱདསཧི དྷཱཏཱུཧི ཨསངྒཧིཏོཏི ཨེཏྟཀམེཝ ཝིསེསོ. ཏཏྠ ཧི ཝེདནཱདཱིནཾ ཏིཎྞཾ ཁནྡྷཱནཾ ཨེཀེན དྷམྨཱཡཏནེན ཙ ཨེཀཱཡ དྷམྨདྷཱཏུཡཱ ཙ སངྒཧིཏཏཱ ཝེདིཏབྦཱ. པཱལི༹ཡཾ པནེཏྠ ཁནྡྷཔདནིདྡེསེ, ཨུཔརི ཨཱཡཏནཱདིནིདྡེསེསུ ཙ ‘‘རཱུཔཀྑནྡྷོ ཙ ཝེདནཱཀྑནྡྷོ ཙ དྭཱིཧི ཁནྡྷེཧི ཨེཀཱདསཧཱཡཏནེཧི ཨེཀཱདསཧི ¶ དྷཱཏཱུཧི སངྒཧིཏཱ’’ཏིཨཱདིནཱ (དྷཱཏུ. ༡༥) དྭིམཱུལཀཱདིནཡེནཱཔི ཝིཏྠཱརནཡོ ཝིབྷཏྟོ, སོཔི ཨིམིནཱ ཨེཀམཱུལནཡཱནུསཱརེན སབྦཏྠ སུཝིཉྙེཡྻོཏི ན ཝིཏྠཱརཡིམྷཱ. ཨཡཾ ཁནྡྷཔདནིདྡེསནཡོ.

ཨཱཡཏནདྷཱཏུཔདཱནམྤི ཁནྡྷཔདེ ཝུཏྟཱནུསཱརེནེཝ ཏཱིཧི སངྒཧོ, ཏཱིཧི ཨསངྒཧོ ཙ ཡཐཱཡོགཾ ཡོཛེཏྭཱ ཉཱཏབྦོ. ཀེཝལཾ པནེཏྠ དྷམྨཱཡཏནདྷམྨདྷཱཏཱུསུ ཨསངྑཏསྶ ཁནྡྷསངྒཧཱབྷཱཝཱ ཏཾ ཋཔེཏྭཱ སེསཱནཾ ཁནྡྷེསུ སངྒཧོ ཝེདིཏབྦོ.

སཙྩེསུ དུཀྑསཙྩཾ སབྦེཧི ཁནྡྷཱཡཏནདྷཱཏཱུཧི. སམུདཡམགྒསཙྩཱནི སངྑཱརཀྑནྡྷེན, དྷམྨཱཡཏནདྷམྨདྷཱཏཱུཧི ཙ སངྒཧིཏཱནི. ནིརོདྷསཙྩཾ ཁནྡྷེན ཨསངྒཧིཏཾ, དྷམྨཱཡཏནདྷམྨདྷཱཏཱུཧི ཨེཝ སངྒཧིཏཾ.

ཨིནྡྲིཡེསུ ཛཱིཝིཏིནྡྲིཡཾ དྭཱིཧི རཱུཔཀྑནྡྷསངྑཱརཀྑནྡྷེཧི. སུཁིནྡྲིཡཱདཱིནི པཉྩ ཝེདནཱཀྑནྡྷེན ¶ , སདྡྷཱདཱིནི སངྑཱརཀྑནྡྷེན, སབྦཱནི ཙེཏཱནི ཛཱིཝིཏིནྡྲིཡཱདཱིནི, ཨིཏྠིནྡྲིཡཔུརིསིནྡྲིཡཱདཱིནིཔི དྷམྨཱཡཏནདྷམྨདྷཱཏཱུཧི སངྒཧིཏཱནི. སེསིནྡྲིཡཱནི སུཝིཉྙེཡྻཱནི.

པཊིཙྩསམུཔྤཱདེསུ ནཱམརཱུཔཾ ཝིཉྙཱཎཝཛྫིཏེཧི ཙཏཱུཧི ཁནྡྷེཧི, ཨེཀཱདསཧི ཨཱཡཏནདྷཱཏཱུཧི ཙ སངྒཧིཏཾ. ཨེཏྠ ཧི པཝཏྟིཡཾ ནཱམརཱུཔསྶཱཔི གཧིཏཏྟཱ སདྡཱཡཏནམྤི གཧིཏནྟི ཝེདིཏབྦཾ. སལཱ༹ཡཏནཾ དྭཱིཧི ཁནྡྷེཧི, པསཱདཝིཉྙཱཎབྷཱུཏེཧི ཚཧི ཨཱཡཏནེཧི, དྭཱདསཧི དྷཱཏཱུཧི སངྒཧིཏཾ. ཨུཔཔཏྟིབྷཝོ པན ཀཱམབྷཝབྷཱུཏོ པཉྩཧི ཁནྡྷེཧི, སདྡཱཡཏནཝཛྫིཏེཧི ཨེཀཱདསཧི ཨཱཡཏནེཧི, སཏྟརསཧི དྷཱཏཱུཧི. རཱུཔབྷཝོ པཉྩཧི ཁནྡྷེཧི, སདྡཱདིཙཏུཀྐགྷཱནཱདིཏྟཡཏབྦིཉྙཱཎཝཛྫེཧི པཉྩཧཱཡཏནེཧི, ཨཊྛཧི དྷཱཏཱུཧི ¶ སངྒཧིཏོ. ཨསཉྙཱིབྷཝོ ཨེཀེན རཱུཔཀྑནྡྷེན, རཱུཔདྷམྨཝསེན དྭཱིཧི ཨཱཡཏནདྷཱཏཱུཧི སངྒཧིཏོ. གྷཱནཱདིཏྟཡཾ པནེཏྠ ཨཱཡཏནཱདིཀིཙྩཱཀརཎཏོ ཨཱཡཏནདྷཱཏཱུཧི ཨསངྒཧིཏམྤི རཱུཔཀྑནྡྷེན སངྒཧིཏནྟི དཊྛབྦཾ. བྷཝསྶ ཙ ཨེཀནྟམུཔཱདིནྣཏྟཱ པཝཏྟིཝིཔཱཀཱནཾ ཙཀྑུཝིཉྙཱཎཱདཱིནཾ གཧཎེཔི ཨནུཔཱདིནྣསདྡཱཡཏནསྶ ཨིདྷ ཨགྒཧཎཾ དཊྛབྦཾ. ཨརཱུཔབྷཝོ ཙཏཱུཧི ཁནྡྷེཧི དྭཱིཧི ཨཱཡཏནདྷཱཏཱུཧི. ཛཱཏིཛརཱམརཎཱནི ནཱམརཱུཔདྷམྨཱནཾ ལཀྑཎཏྟཱ དྭཱིཧི རཱུཔཀྑནྡྷསངྑཱརཀྑནྡྷེཧི. སོཀདུཀྑདོམནསྶཱནི ཝེདནཱཀྑནྡྷེན. ཨུཔཱཡཱསོ སངྑཱརཀྑནྡྷེན, དྷམྨཱཡཏནདྷམྨདྷཱཏཱུཧི ཙ སངྒཧིཏོ. པརིདེཝོ རཱུཔཀྑནྡྷསདྡཱཡཏནསདྡདྷཱཏཱུཧི. སེསཱནི པནེཏྠ པཊིཙྩསམུཔྤཱདངྒཱནི, སཏིཔཊྛཱནསམྨཔྤདྷཱནཱ ཙ སུཝིཉྙེཡྻཱཝ.

ཨིདྡྷིཔཱདཱ དྭཱིཧི ཁནྡྷེཧི, ཨཱཡཏནེཧི, དྷཱཏཱུཧི སངྒཧིཏཱ. ཨེཏྠ ཙ ཙིཏྟིདྡྷིཔཱདསྶ དྷམྨདྷཱཏུམནོཝིཉྙཱཎདྷཱཏུནིཡམཏོ སོལ༹སཧི དྷཱཏཱུཧི ཨསངྒཧོ ཝེདིཏབྦོ. ཛྷཱནཱནི དྭཱིཧི ཝེདནཱསངྑཱརཀྑནྡྷེཧི, ཨེཀེནཱཡཏནེན, ཨེཀཱཡ དྷཱཏུཡཱ ཙ སངྒཧིཏཱནི. ཨཔྤམཉྙཱ ཨེཀེན ཁནྡྷེན, ཨེཀེན ཨཱཡཏནེན, ཨེཀཱཡ དྷཱཏུཡཱ སངྒཧིཏཱ. ཨེཝཾ པཉྩིནྡྲིཡཱདཱིནིཔི. ཀེཝལཾ པན ཙིཏྟཾ སཏྟཧི ཝིཉྙཱཎདྷཱཏཱུཧི སངྒཧིཏནྟི ཨེཏྟཀམེཝ ཝིསེསོ. སབྦེསམྤི ཙེས ཝུཏྟཱཝསེསེཧི ཁནྡྷཱཡཏནདྷཱཏཱུཧི ཨསངྒཧིཏབྷཱཝོ ཝེདིཏབྦོ.

ཨིམིནཱ ནཡེན བཱཧིརམཱཏིཀཱཡཔི ‘‘ཀུསལཱ དྷམྨཱ, ཨཀུསལཱ དྷམྨཱ ཙཏཱུཧི ཁནྡྷེཧི, དྭཱིཧི ཨཱཡཏནེཧི, དྷཱཏཱུཧི སངྒཧིཏཱ. ཨབྱཱཀཏཱ པན ཨསངྑཏཾ ཁནྡྷཏོ ཋཔེཏྭཱ པཉྩཧི ཁནྡྷེཧི དྭཱདསཧི ཨཱཡཏནེཧི ཨཊྛཱརསཧི དྷཱཏཱུཧི སངྒཧིཏཱ’’ཏིཨཱདིནཱ ཡོཛེཏྭཱ སངྒཧཱསངྒཧོ ཉཱཏབྦོཏི ¶ ¶ ཨཡམེཏྠ སངྑེཔོ, ཝིཏྠཱརོ པན དྷཱཏུཀཐཱཔཱལི༹ཨཊྛཀཐཱསུ (དྷཱཏུ. ༧༧ ཨཱདཡོ; དྷཱཏུ. ཨཊྛ. ༧༧) གཧེཏབྦོཏི.

ནིཊྛིཏོ ‘‘སངྒཧོ ཨསངྒཧོ’’ཏི པདསྶ

ཨཏྠཝིནིཙྪཡོ.

སངྒཧིཏེནཨསངྒཧིཏཔདཏྠཝཎྞནཱ

སངྒཧིཏེནཨསངྒཧིཏཔདེ སབྦེསཾ རཱུཔཀྑནྡྷཱདིཔདཱནཾ ནིདྡེསོ ན སམྦྷཝཏི. ཡཱནི པནེཏྠ པདཱནི རཱུཔེཀདེསཾ, ཨརཱུཔེན ཨསམྨིསྶཾ ཝིཉྙཱཎེཀདེསཉྩ ཨཉྙེན ཨསམྨིསྶཾ དཱིཔེནྟི, ཏེསམིདྷ ནིདྡེསོ. ཏཱནི པན མནཱཡཏནདྷམྨཱཡཏནཝཛྫིཏཱནཾ དསཱཡཏནཱནཾ, དྷམྨདྷཱཏུཝཛྫིཏཱནཾ སཏྟརསནྣཾ དྷཱཏཱུནཾ, སཏྟརཱུཔིནྡྲིཡཱནཉྩ ཝསེན ཝེདིཏབྦཱནི, ན རཱུཔཀྑནྡྷཱདཱིནཾ. ཏེནེཝ པཱལི༹ཡཾ –

‘‘དསཱཡཏནཱ སཏྟརས དྷཱཏུཡོ,

སཏྟིནྡྲིཡཱ ཨསཉྙཱབྷཝོ ཨེཀཝོཀཱརབྷཝོ;

པརིདེཝོ སནིདསྶནསཔྤཊིགྷཾ,

ཨནིདསྶནཾ པུནདེཝ སཔྤཊིགྷཾ ཨུཔཱདཱ’’ཏི. (དྷཱཏུ. ༡༧༨) –

ཨེཝཾ ཨུདྡཱནགཱཐཱ ཝུཏྟཱ. རཱུཔཀྑནྡྷེན ཧི རཱུཔཀྑནྡྷོཝ སངྒཧིཏོ, ཨེཝཾ ཝེདནཱཀྑནྡྷཱདཱིཧི ཙ ཝེདནཱཀྑནྡྷཱདཡོཝ. ཏེཔི ཙ ཡེཧི ཀེཧིཙི ཨཱཡཏནདྷཱཏཱུཧི ཨསངྒཧིཏཱ ནཱམ ནཏྠཱིཏི ཏེསཾ སངྒཧིཏེན ཨསངྒཧིཏཏྟཱབྷཱཝཱ ཡཐཱཝུཏྟཱཡཏནཱནཾ ཝསེནེཝེཏྠ ཨཏྠཝིནིཙྪཡོ ཧོཏི. ཨིདཾ ཧེཏྠ ལཀྑཎཾ – ཡཾ ཁནྡྷཔདེན སངྒཧིཏཾ ཧུཏྭཱ ཨཱཡཏནདྷཱཏུཔདེཧི ཨསངྒཧིཏཾ, ཁནྡྷཱཡཏནཔདེཧི ཝཱ སངྒཧིཏཾ ཧུཏྭཱ དྷཱཏུཔདེན ཨསངྒཧིཏཾ, ཏསྶ ཁནྡྷཱཡཏནདྷཱཏཱུཧི ཨསངྒཧོ ¶ ཝུཙྩཏི. ཀཐཾ? ཙཀྑཱཡཏནེན ཡེ དྷམྨཱ ཁནྡྷསངྒཧེན སངྒཧིཏཱ, ཨཱཡཏནསངྒཧེན, དྷཱཏུསངྒཧེན ཙ ཨསངྒཧིཏཱ, ཏེ དྷམྨཱ ཀཏིཧི ཁནྡྷེཧི, ཨཱཡཏནེཧི, དྷཱཏཱུཧི ཨསངྒཧིཏཱ? ཏེ དྷམྨཱ ཙཏཱུཧི ཁནྡྷེཧི དྭཱིཧི ཨཱཡཏནེཧི ¶ ཨཊྛཧི དྷཱཏཱུཧི ཨསངྒཧིཏཱ. ཨེཝཾ རཱུཔཱཡཏནཱདཱིསུཔི པསཱདཝིསཡབྷཱུཏེསུ དྷཱཏཱུསུ, རཱུཔིནྡྲིཡཱདཱིསུ ཙ ཡོཛནཀྐམོ ཝེདིཏབྦོ.

ཏཏྲཱཡཾ ནཡོ – ཙཀྑཱཡཏནེན ཡེ རཱུཔདྷམྨཱ ཁནྡྷསངྒཧེན རཱུཔཀྑནྡྷོཏི སངྒཧིཏཱ, ཨཱཡཏནདྷཱཏུསངྒཧེན ཙཀྑཱཡཏནེན ཨསངྒཧིཏཱ, ཙཀྑུདྷཱཏུཡཱ ཨསངྒཧིཏཱ, ཙཀྑཱཡཏནཙཀྑུདྷཱཏཱུཧི ཨེཀསྶེཝེཏསྶ ཙཀྑུསྶ ཝིསུཾ ཨཱཡཏནདྷཱཏཱུསུ སངྒཧིཏཏྟཱ ཏེ ཙཀྑཱཡཏནཝིརཧིཏཱ སབྦེ རཱུཔདྷམྨཱ ཙཏཱུཧི ཨརཱུཔཀྑནྡྷེཧི ཙཀྑཱཡཏནཾ མནཱཡཏནནྟི དྭཱིཧི ཨཱཡཏནེཧི ཙཀྑུདྷཱཏུ སཏྟཝིཉྙཱཎདྷཱཏཱུཏི ཨཊྛཧི དྷཱཏཱུཧི ཨསངྒཧིཏཱ. ཨུཔརི རཱུཔཱཡཏནཱདཱིསུཔི ཨེསེཝ ནཡོ. ཨིམསྨིཾ ཧི ཝཱརེ ཙཀྑཱཡཏནསྶ ཨཏྟནོ ཏཱིཧིཔི ཁནྡྷཱཡཏནདྷཱཏུསངྒཧེཧི སངྒཧིཏཏཱཡ ཨསངྒཧིཏཏྟཱབྷཱཝཱ ཁནྡྷསངྒཧེན སངྒཧིཏཾ, ཨཱཡཏནསངྒཧེན ཨསངྒཧིཏཾ, དྷཱཏུསངྒཧེན ཨསངྒཧིཏནྟི ཨེཝཾ ཏཱིཧིཔི སངྒཧིཏཱསངྒཧིཏཝིསེསནེཧི ཝིསིཊྛསྶེཝ ‘‘ཀཏིཧི ཁནྡྷེཧཱི’’ཏིཨཱདིནཱ ཁནྡྷཱདཱིཧི ཨསངྒཧསྶ ཝུཙྩམཱནཏྟཱ ཙ ཨརཱུཔཀྑནྡྷེཧི སཧ བཧིབྷཱུཏཏཱ ཝེདིཏབྦཱ. ཡཐཱ ཙེཏྠ ཙཀྑཱཡཏནེན ཨུཔལཀྑིཏཱནཾ རཱུཔདྷམྨཱནཾཡེཝ སངྒཧིཏེན ཨསངྒཧིཏཏཱ, ན ཙཀྑཱཡཏནསྶ, ཨེཝཾ ཨུཔརི རཱུཔཱཡཏནཱདཱིཧི ཨུཔལཀྑིཏཝཱརེཔི ཡཐཱརཧཾ ཉཱཏབྦཱ.

སེསེསུ པན ཙཀྑུཝིཉྙཱཎདྷཱཏུཡཱ ཡེ དྷམྨཱ ཁནྡྷསངྒཧེན སངྒཧིཏཱ, ཨཱཡཏནསངྒཧེན སངྒཧིཏཱ, དྷཱཏུསངྒཧེན ཨསངྒཧིཏཱ, ཏེ དྷམྨཱ ཙཏཱུཧི ཁནྡྷེཧི ཨེཀཱདསཧི ཨཱཡཏནེཧི ¶ དྭཱདསཧི དྷཱཏཱུཧི ཨསངྒཧིཏཱ. ཨེཝཾ སེསཝིཉྙཱཎདྷཱཏཱུསུཔི. པཊིཙྩསམུཔྤཱདངྒེསུ ཨསཉྙཱིབྷཝེན ཡེ དྷམྨཱ…པེ… ཏེ དྷམྨཱ ཙཏཱུཧི ཁནྡྷེཧི དསཧཱཡཏནེཧི སོལ༹སཧི དྷཱཏཱུཧི ཨསངྒཧིཏཱ. ཨུཔཱདཱདྷམྨེཧི ཡེ དྷམྨཱ…པེ… ཏེ དྷམྨཱ ཙཏཱུཧི ཁནྡྷེཧི ཨེཀཱདསཧཱཡཏནེཧི སཏྟརསཧི དྷཱཏཱུཧི ཨསངྒཧིཏཱཏི ཨིམེ ཙཏྟཱརོ ཝཱརཱ ཨཔུབྦཝིསེསཱ སམཱཡེཝ. ཏཏྠ ཙཀྑུཝིཉྙཱཎཝཱརེ དྭཱདསཧཱིཏི ཚ ཝིཉྙཱཎདྷཱཏུཡོ ཝཛྫེཏྭཱ ཨཝསེསཱཧི དྷཱཏཱུཧི སེསཱ ཚ ཝིཉྙཱཎདྷཱཏུཡོཝ ཁནྡྷཱཡཏནསངྒཧེཧི སངྒཧིཏཱ, དྷཱཏུསངྒཧེནེཝ ཨསངྒཧིཏཱ. ཨཝསེསཱཧི དྭཱདསཧི དྷཱཏཱུཧི ཨསངྒཧིཏཱཏི. ཨེས ནཡོ སེསཝིཉྙཱཎདྷཱཏཱུསུཔི.

དུཏིཡེ ཏཱིཧཱཡཏནེཧཱིཏི རཱུཔཱཡཏནདྷམྨཱཡཏནམནཱཡཏནེཧི. ཨསཉྙིབྲཧྨལོཀེ ཧི རཱུཔཱཡཏནདྷམྨཱཡཏནཝསེན དྭེ ཨཱཡཏནཱནི ཨུཔཔཏྟིབྷཝབྷཱཝེན པཱལི༹ཡཾ ཨཱགཏཱནི, ཏེ པན ཁནྡྷེཧི སངྒཧིཏཱནི, ཨཱཡཏནདྷཱཏཱུསུ ཨསངྒཧིཏཱནི. ཏདཝསེསཱནི ནཝ རཱུཔཱཡཏནཱནི, ཏཱནི ཏེཧེཝ ¶ ཙ དྭཱིཧི མནཱཡཏནདྷམྨཱཡཏནེཧི ཙ ཨསངྒཧིཏཱནི ནཱམ ཧོནྟི. ནཝཧི དྷཱཏཱུཧཱིཏི རཱུཔདྷཱཏུདྷམྨདྷཱཏཱུཧི སདྡྷིཾ སཏྟཧི ཝིཉྙཱཎདྷཱཏཱུཧི.

ཏཏིཡེ དསཧཱིཏི རཱུཔཱཡཏནདྷམྨཱཡཏནཝཛྫེཧི. སོལ༹སཧཱིཏི རཱུཔདྷཱཏུདྷམྨདྷཱཏུཝཛྫཱཧི. ཨནིདསྶནསཔྤཊིགྷཱནི ནཱམ ནཝ ཨོལཱ༹རིཀཱཡཏནཱནི, ཏཱནི ཏེཧི ཁནྡྷསངྒཧེན སངྒཧིཏཱནི, ཨཱཡཏནདྷཱཏུསངྒཧེཧི ཙ ཨསངྒཧིཏཱནི, རཱུཔཱཡཏནདྷམྨཱཡཏནཱནི དྭེཔི སེསེཧི ཨཱཡཏནདྷཱཏཱུཧི ཨསངྒཧིཏཱནི ནཱམ ཧོནྟི.

ཙཏུཏྠེ ཨེཀཱདསཧཱིཏི ཕོཊྛབྦཱཡཏནཝཛྫེཧི ཕོཊྛབྦཱཡཏནསྶ ཨུཔཱདཱདྷམྨེཧི ཨཱཡཏནཱདཱིསུ ཨསངྒཧིཏཏྟཱ. སེསཾ ¶ སུཝིཉྙེཡྻམེཝ. ཨཡཾ སངྒཧིཏེནཨསངྒཧིཏཔདེ ནཡོ.

ཨསངྒཧིཏེནསངྒཧིཏཔདཏྠཝཎྞནཱ

ཨསངྒཧིཏེནསངྒཧིཏཔདེ པན ཡཱནི པདཱནི ཝིཉྙཱཎེན ཝཱ ཨོལཱ༹རིཀརཱུཔེན ཝཱ ཨསམྨིསྶཾ དྷམྨཱཡཏནེཀདེསཾ དཱིཔེནྟི, ཏཱནེཝ ནིདྡིསཱིཡནྟི, ཏཱནི པན ཝེདནཱདཱིནཾ ཏིཎྞཾ ཁནྡྷཱནཾ, དུཀྑསཙྩཝཛྫིཏཱནཾ ཏིཎྞཾ སཙྩཱནཾ, པསཱདམནོཝཛྫིཏཱནཾ སོལ༹སནྣཾ ཨིནྡྲིཡཱནཾ, ཨཝིཛྫཱསངྑཱརཕསྶཝེདནཱཏཎྷུཔཱདཱནཀམྨབྷཝཛཱཏིཛརཱམརཎསོཀདུཀྑདོམནསྶུཔཱཡཱསཝསེན ཙུདྡསཔཙྩཡཱཀཱརཔདཱནཉྩ ཝསེན ཝེདིཏབྦཱནི, ན རཱུཔཀྑནྡྷཱདཱིནཾ. ཏེནེཝ ཨཊྛཀཐཱཡཾ –

‘‘ཏཡོ ཁནྡྷཱ ཏཐཱ སཙྩཱ, ཨིནྡྲིཡཱནི ཙ སོལ༹ས;

པདཱནི པཙྩཡཱཀཱརེ, ཙུདྡསཱུཔརི ཙུདྡས.

‘‘སམཏིཾས པདཱ ཧོནྟི, གོཙྪཀེསུ དསསྭཐ;

དུཝེ ཙཱུལ༹ནྟརདུཀཱ, ཨཊྛ ཧོནྟི མཧནྟརཱ’’ཏི. (དྷཱཏུ. ཨཊྛ. ༡༧༩) –

ཨེཝཾ ཨུདྡཱནགཱཐཱ ཝུཏྟཱ. ཨིདཾ ཧེཏྠ ལཀྑཎཾ – ཡཾ ཁནྡྷཔདེན ཨསངྒཧིཏཾ, ཨཱཡཏནདྷཱཏུཔདེཧི སངྒཧིཏཾ, ཏསྶེཝ ཏཱིཧི ཝིསེསནེཧི ཝིསིཊྛསྶ ཁནྡྷཱདཱིཧི སངྒཧོ ཝུཙྩཏི. ཀཐཾ? ཝེདནཱཀྑནྡྷེན ཡེ དྷམྨཱ ཁནྡྷསངྒཧེན ཨསངྒཧིཏཱ, ཨཱཡཏནདྷཱཏུསངྒཧེཧི སངྒཧིཏཱ, ཏེ དྷམྨཱ ཀཏིཧི ¶ ཁནྡྷེཧི, ཨཱཡཏནེཧི, དྷཱཏཱུཧི སངྒཧིཏཱ? ཏེ དྷམྨཱ ཨསངྑཏཾ ཁནྡྷཏོ ཋཔེཏྭཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱཏི.

ཏཏྲཱཡཾ ནཡོ – ཝེདནཱཀྑནྡྷེན ཧི ནིབྦཱནཾ, སུཁུམརཱུཔཾ, སཉྙཱསངྑཱརཱ ཙ ཁནྡྷསངྒཧེན ཨསངྒཧིཏཱ ཧུཏྭཱ དྷམྨཱཡཏནདྷམྨདྷཱཏུསངྒཧེན སངྒཧིཏཱ. ཏེསུ ནིབྦཱནཾ ཁནྡྷསངྒཧཾ ན ¶ གཙྪཏི, སེསཱ ཏཱིཧི རཱུཔསཉྙཱསངྑཱརཀྑནྡྷེཧི སངྒཧཾ གཙྪནྟི, ཨཱཡཏནདྷཱཏུཡོ པནེཏྠ དྷམྨཱཡཏནདྷམྨདྷཱཏཱུནཾ ཝསེནེཝ སབྦཏྠ ཝེདིཏབྦཱ ཨིཏརཱསཾ ཨསམྦྷཝཱ, ཨིམེསུ ཙ ནིབྦཱནམྤི སངྒཧཾ གཙྪཏི. ཏེནེཝ ཧི ‘‘ཨསངྑཏཾ ཁནྡྷཏོ ཋཔེཏྭཱ’’ཏི ཝུཏྟཾ. ཏསྶཱཡམཏྠོ – ཁནྡྷསངྒཧེ ཨེཝ ཨསངྑཏཾ ཋཔེཏྭཱ, ན ཨིཏརསངྒཧེསཱུཏི ཨེཝཾ སཉྙཱཀྑནྡྷཱདཱིསུཔི ཡོཛནཱ ཝེདིཏབྦཱ. ཨཡཾ པན ཝིསེསོ – ཛཱིཝིཏིནྡྲིཡེན ཡེ དྷམྨཱ…པེ… ཏེ དྷམྨཱ དྭཱིཧི ཝེདནཱསཉྙཱཀྑནྡྷེཧི སངྒཧིཏཱ, རཱུཔཱརཱུཔཛཱིཝིཏིནྡྲིཡེཧི ནིབྦཱནཝེདནཱསཉྙཱཝིཉྙཱཎཀྑནྡྷཱ ཁནྡྷསངྒཧེན ཨསངྒཧིཏཱ, ཏེསུ ཙ ནིབྦཱནཝེདནཱསཉྙཱཝ ཨཱཡཏནདྷཱཏུསངྒཧེན སངྒཧིཏཱཏི. སེསཾ སུཝིཉྙེཡྻམེཝ. ཨཡཾ ཨསངྒཧིཏེནསངྒཧིཏཔདེ ནཡོ.

སངྒཧིཏེནསངྒཧིཏཔདཏྠཝཎྞནཱ

སངྒཧིཏེནསངྒཧིཏཔདེ པན ཡཱནི པདཱནི སངྑཱརེཀདེསཾ ཨཉྙེན ཨསམྨིསྶཾ དཱིཔེནྟི ཝེདནེཀདེསཾ ཝཱ སུཁུམརཱུཔཾ ཝཱ སདྡེཀདེསཾ ཝཱ, ཏཱནེཝ ནིདྡིསཱིཡནྟི. ཁནྡྷཱཡཏནདྷཱཏཱུསུ ཨེཀམྤི ཀོཊྛཱསཾ སཀལེན གཧེཏྭཱ ཋིཏཔདཱནི ན ཡུཛྫནྟི. ཏཱནི པན དྭིནྣཾ སམུདཡམགྒསཙྩཱནཾ, པནྣརསིནྡྲིཡཱནཾ, ཨེཀཱདསཔཊིཙྩཔདཱདཱིནཉྩ ཝསེན ཝེདིཏབྦཱནི. ཨིདཾ ཧེཏྠ ལཀྑཎཾ – ཡཾ ཨཏྟནཱ ཁནྡྷཱདིཝསེན སངྒཧིཏེཧི ཁནྡྷཱདིཏོ སངྒཧིཏཾ, ཏསྶེཝ པཋམཾ ཨུདྡྷཊཔདསྶ པུན ཁནྡྷཱདཱིཧི སངྒཧོ ཝུཙྩཏི.

ཏཏྲཱཡཾ ཨཱདིཔདེ ནཡོ – སམུདཡསཙྩེན ཡེ དྷམྨཱ ཁནྡྷཱདཱིཧི ཏཱིཧི སངྒཧེཧིཔི སངྒཧིཏཱ, ཏེཧི དྷམྨེཧི ཡེ དྷམྨཱ ཁནྡྷཱདཱིཧི ཏཱིཧིཔི སངྒཧིཏཱ, ཏེ དྷམྨཱ ¶ ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱཏི. སམུདཡསཙྩེན ཧི ཏཎྷཱཝཛྫཱ སེསཱ སངྑཱརཱ ཁནྡྷཱདཱིཧི སངྒཧེཧི སངྒཧིཏཱ, པུན ཏེཧི ཙ ཏཎྷཱཝ སངྒཧིཏཱ, སཱ ཙ པུན སངྑཱརཀྑནྡྷདྷམྨཱཡཏནདྷམྨདྷཱཏཱུཧི ¶ སངྒཧིཏཱ. སེསེསུཔི ཨེསེཝ ནཡོ. ཨཡཾ སངྒཧིཏེནསངྒཧིཏཔདེ ནཡོ.

ཨསངྒཧིཏེནཨསངྒཧིཏཔདཏྠཝཎྞནཱ

ཨསངྒཧིཏེནཨསངྒཧིཏཔདེ པན ཡཱནི པདཱནི པཉྩཀྑནྡྷགཱཧཀེཧི དུཀྑསཙྩཱདཱིཧི, ཝིཉྙཱཎེན སདྡྷིཾ སུཁུམརཱུཔགཱཧཀེཧི ཨཙེཏསིཀཱདཱིཧི ཙ པདེཧི ཝིཝཛྫིཏཱནི རཱུཔཀྑནྡྷཱདཱིནི, ཏཱནེཝ ནིདྡིསཱིཡནྟི. ཨིདཾ ཧེཏྠ ལཀྑཎཾ – ཡཾ པཋམཾ ཨུདྡྷཊེན རཱུཔཀྑནྡྷཱདིཔདེན ཁནྡྷཱདིཏོ ཨསངྒཧིཏཾ, ཡཾ ཏེཧི ཨསངྒཧིཏཾ, ཏསྶེཝ པུན ཁནྡྷཱདཱིཧི ཨསངྒཧོ ཝུཙྩཏི.

ཏཏྲཱཡཾ ཨེཀཔདཡོཛནཱ – རཱུཔཀྑནྡྷེན ཡེ དྷམྨཱ ཁནྡྷཱདཱིཧི ཏཱིཧིཔི ཨསངྒཧེཧི ཨསངྒཧིཏཱ, ཏེཧི དྷམྨེཧི ཡེ དྷམྨཱ ཁནྡྷཱདཱིཧི ཏཱིཧི ཨསངྒཧིཏཱ, ཏེ དྷམྨཱ ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱ. རཱུཔཀྑནྡྷེན ཧི ཙཏྟཱརོ ཁནྡྷཱ, ནིབྦཱནཉྩ ཁནྡྷསངྒཧེན ཨསངྒཧིཏཱ, ཨཱཡཏནཱདཱིཧི པན ཝིཉྙཱཎམེཝ ཋཔེཏྭཱ ཝེདནཱདཡོ དྷམྨཱཡཏནེན རཱུཔཀྑནྡྷེཀདེསེན སངྒཧིཏཱཏི ཝིཉྙཱཎམེཝ ཏཱིཧིཔི ཁནྡྷསངྒཧཱདཱིཧི རཱུཔཀྑནྡྷེན ཨསངྒཧིཏཾ ནཱམ. ཏེན པུན ཝིཉྙཱཎེན སདྡྷིཾ སནིབྦཱནཱ ཙཏྟཱརོ ཁནྡྷཱ ཁནྡྷཱདཱིཧི ཨསངྒཧིཏཱ, ཏེ སབྦེཔི པུན ཝིཉྙཱཎབྷཱུཏེན ཨེཀེན ཁནྡྷེན ཨེཀེནཱཡཏནེན སཏྟཧི དྷཱཏཱུཧི ཨསངྒཧིཏཱཏི. ཨཡཾ ཨསངྒཧིཏེནཨསངྒཧིཏཔདེ ནཡོ.

སམྤཡོགཝིཔྤཡོགཔདཏྠཝཎྞནཱ

སམྤཡོགཝིཔྤཡོགཔདེ ¶ པན ཡཱནི པདཱནི ནིབྦཱནེན, རཱུཔེན ཝཱ མིསྶེསུ སཏྟསུ ཝིཉྙཱཎདྷཱཏཱུསུ ཨེཀཱཡཔི ཨཝིཔྤཡུཏྟེ ཨརཱུཔདྷམྨེ པཀཱསེནྟི, ཏེསཾ དྷམྨཱཡཏནདུཀྑསཙྩཱདཱིནཾ ནིདྡེསོ ན སམྦྷཝཏི. ཀཱཧིཙི པན ཝིཉྙཱཎདྷཱཏཱུཧི ཝིཔྤཡུཏྟཱནཾ རཱུཔམིསྶཱརཱུཔདྷམྨཱནཾ, ཀེཝལཱནཱརམྨཎཱནཾ ཝཱ སཀལརཱུཔཀྑནྡྷཱནཾ ཝཱ པཀཱསཀཱནཾ རཱུཔབྷཝརཱུཔཀྑནྡྷཀུསལཱདིཔདཱནཾ སམྤཡོགཔདེ ཨེཝ ནིདྡེསོ ན སམྦྷཝཏི, ཝིཔྤཡོགཔདེ པན སམྦྷཝཏི. ཨརཱུཔཀྑནྡྷཱནཾ པན པཙྩེཀཾ, དྭིནྣཾ, ཏིཎྞཾ, ཏདེཀདེསཱནཾ ཝཱ ཏདུབྷཡེཔི སམྦྷཝཏི. ‘‘ཙཏཱུཧི སམྤཡོགོ, ཙཏཱུཧི ཝིཔྤཡོགོ, སབྷཱགོ ཝིསབྷཱགོ’’ཏི ཧི ཝཙནཏོ ཙཏཱུཧི ཨརཱུཔཀྑནྡྷེཧེཝ སབྷཱགཱནཾ ཨེཀསནྟཱནེ ཨེཀཀྑཎེཝ ཨུཔྤནྣཱནཾ ཨརཱུཔཀྑནྡྷཱནཾ ཨེཝ ཨཉྙམཉྙཾ སམྤཡོགོ ལབྦྷཏི. རཱུཔདྷམྨཱནཾ ¶ པན རཱུཔེན, ནིབྦཱནེན ཝཱ, ནིབྦཱནསྶ ཙ རཱུཔེན སདྡྷིཾ སམྤཡོགོ ནཱམ ནཏྠི, ཏཐཱ རཱུཔནིབྦཱནཱནཾ ཨརཱུཔཀྑནྡྷེཧི. ཝིསབྷཱགཱ ཧི ཏེ ཏེསཾ ཡཐཱ ཨརཱུཔཀྑནྡྷཱནཾ རཱུཔནིབྦཱནེཧི, ཨེཝཾ བྷིནྣསནྟཱནིཀེཧི ནཱནཀྑཎིཀེཧི ཨརཱུཔདྷམྨེཧིཔི སདྡྷིཾ ནཏྠིཡེཝ. ཏེཔི ཧི ཏེསཾ སནྟཱནཀྑཎཝིསབྷཱགཏཱཡ ཝིསབྷཱགཱ ཨེཝ. ཨཡཾ པན ཝིསབྷཱགཏཱ ཨིདྷ སཱམཉྙཏོ ན གཧིཏཱ ཏེསཾ ཨཝིསེསེན སམྤཡོགསྶཱཔི སམྦྷཝཱ. ཡཏྠ པན ཝིསེསེཏྭཱ ཙཀྑུཝིཉྙཱཎཏཾསམྤཡུཏྟཱདཡོ ནིཀྑིཏྟཱ, ཏཏྠཱཡམྤི ཝིསབྷཱགཏཱ གཧིཏཱ. ཡཏྠ པན ཡེ ཨནིདྡྷཱརིཏཝིསེསནཱ, ཏཏྠཱཔི སབྦཐཱ སམྤཡོགལཀྑཎཾ ན སམྦྷཝཏི. སོ ཙ ཏསྶ ཨེཀནྟེན ཝིསབྷཱགོཏི ཨིདྷ གཡ྄ཧཏི.

ཏཏྲཱཡཾ ནཡོ – རཱུཔཀྑནྡྷོ ཀེནཙི སམྤཡུཏྟོཏི? ནཏྠི. ཀཏིཧི ཝིཔྤཡུཏྟོ? ཙཏཱུཧི ཁནྡྷེཧི ཨེཀེནཱཡཏནེན སཏྟཧི ¶ དྷཱཏཱུཧི ཝིཔྤཡུཏྟོ, ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟོ. ཨེས ནཡོ ཙཀྑཱཡཏནཱདིཨནཱརམྨཎེསུཔི. སཱརམྨཎེསུ པན ཝེདནཱཀྑནྡྷོ ཏཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི སམྤཡུཏྟོ, ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟོ. ཨེཀེན ཁནྡྷེན དསཧི ཨཱཡཏནེཧི དསཧི དྷཱཏཱུཧི ཝིཔྤཡུཏྟོ, ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟོ. ཨེས ནཡོ སཉྙཱཀྑནྡྷཱདཱིསུཔི.

ཏཏྠ ཨེཀེནཱཏི མནཱཡཏནེན. སཏྟཧཱིཏི ཝིཉྙཱཎདྷཱཏཱུཧི. ཀེཧིཙཱིཏི དྷམྨཱཡཏནདྷམྨདྷཱཏུཔརིཡཱཔནྣེཧི ཝེདནཱསཉྙཱསངྑཱརེཧི. དུཏིཡནཡེ ཏཱིཧཱིཏི ཨཏྟཱནཾ ཋཔེཏྭཱ སེསེཧི ཨརཱུཔཀྑནྡྷེཧི. ཀེཧིཙི ཝིཔྤཡུཏྟོཏི དྷམྨཱཡཏནདྷམྨདྷཱཏཱུསུ སཉྙཱསངྑཱརེཧི. ཀེཧིཙི ཝིཔྤཡུཏྟོཏི རཱུཔནིབྦཱནེཧི. ཨེཝཾ ཨུཔརིཔི སབྦཏྠ ཡཐཱནུརཱུཔཾ ཉཱཏབྦཾ. སེསཾ ཝུཏྟནཡམེཝ. ཨཡཾ པན ཝིསེསོ ‘‘སམུདཡམགྒསཙྩཱདཡོ ཨེཀཱཡ མནོཝིཉྙཱཎདྷཱཏུཡཱ སམྤཡུཏྟཱ, ཨདྷིམོཀྑོ པན མནོདྷཱཏུམནོཝིཉྙཱཎདྷཱཏཱུཧི དྭཱིཧེཝཱ’’ཏི. ཨཡཾ སམྤཡོགཝིཔྤཡོགཔདེ ནཡོ.

སམྤཡུཏྟེནཝིཔྤཡུཏྟཔདཏྠཝཎྞནཱ

སམྤཡུཏྟེནཝིཔྤཡུཏྟཔདེ པན སམྤཡོགཱརཧཔདེསུ ཡཱནི པདཱནི དྷམྨདྷཱཏུཡཱ སམྤཡུཏྟེ དྷམྨེ, ཝིཉྙཱཎཉྩ ཨཉྙེན ཨསམྨིསྶཾ དཱིཔེནྟི, ཏེསམེཝ ནིདྡེསོ. ཏཱནི པན ཙཏུནྣཾ ཨརཱུཔཀྑནྡྷཔདཱནཾ, མནཱཡཏནསྶ, སཏྟནྣཾ ཝིཉྙཱཎདྷཱཏཱུནཾ, མནོཔེཀྑཱཝསེན དྭིནྣཾ ཨིནྡྲིཡཱནཾ, ཝིཉྙཱཎཕསྶཝེདནཱནཾ ¶ ཏིཎྞཾ པཊིཙྩསམུཔྤཱདཔདཱནཾ, ཕསྶསཏྟཀསྶ, ཨདུཀྑམསུཁསཝིཏཀྐསཝིཙཱརཨུཔེཀྑཱསཧགཏཱནཾ ཝསེན ཏིཎྞཾ ཏིཀཔདཱནཾ, སཏྟམཧནྟརདུཀཔདཱདཱིནཉྩ ཝསེན ཝེདིཏབྦཱནི, ན ཨིཏརེསཾ ཨསམྦྷཝཱ. ཏེནེཝ ཨཊྛཀཐཱཡཾ –

‘‘ཙཏྟཱརོ ¶ ཁནྡྷཱཡཏནཉྩ ཨེཀཾ,

དྭེ ཨིནྡྲིཡཱ དྷཱཏུཔདཱནི སཏྟ;

ཏཡོ པཊིཙྩཱ ཨཐ ཕསྶསཏྟཀཾ,

ཏིཀེ ཏཡོ སཏྟ མཧནྟརེ ཙ;

ཨེཀཾ སཝིཏཀྐཾ སཝིཙཱརམེཀཾ,

ཡུཏྟཾ ཨུཔེཀྑཱཡ ཙ ཨེཀམེཝཱ’’ཏི. (དྷཱཏུ. ཨཊྛ. ༣༠༦) –

ཨུདྡཱནགཱཐཱ ཝུཏྟཱ. ཨིདཾ ཧེཏྠ ལཀྑཎཾ – ཡེ དྷམྨཱ པཋམཾ ཨུདྡྷཊཔདེན སམྤཡུཏྟཱ, ཏེཧི ཡེ དྷམྨཱ ཝིཔྤཡུཏྟཱ, ཏེསཾ ཁནྡྷཱདཱིཧི ཝིཔྤཡོགོ ཝུཙྩཏི.

ཏཏྲཱཡཾ ནཡོ – ཝེདནཱཀྑནྡྷེན ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེ དྷམྨཱ ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ, ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ. ཙཀྑུཝིཉྙཱཎདྷཱཏུཡཱ ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེ དྷམྨཱ ན ཀེཧིཙི ཁནྡྷཱཡཏནེཧི ཝིཔྤཡུཏྟཱ, ཨེཀཱཡ པན དྷཱཏུཡཱ ཝིཔྤཡུཏྟཱཏི ཨེཝཾ སབྦཏྠ ཡོཛནཱ ཝེདིཏབྦཱ.

ཏཏྠ ཏེ དྷམྨཱཏི རཱུཔནིབྦཱནདྷམྨཱ, ཏེ ཝེདནཱཡ སམྤཡུཏྟེཧི ཝིཔྤཡུཏྟཱ. ཨེཀེནཱཏི མནཱཡཏནེན. དུཏིཡནཡེ ཏེ དྷམྨཱཏི སཔྤཱིཏིཀཱ ཏེ དྷམྨཱ. ན ཀེཧིཙཱིཏི པཋམཾ ཨུདྡྷཊཾ ཙཀྑུཝིཉྙཱཎདྷཱཏུཾ ཋཔེཏྭཱ སེསཱ ཚཝིཉྙཱཎདྷཱཏཱུ, ཏཾསམྤཡུཏྟཱ, རཱུཔཾ, ནིབྦཱནཉྩ. ཏེཧི སབྦེསཾ ཁནྡྷཱཡཏནཱནཾ སངྒཧིཏཏྟཱ ན ཀེཧིཙི ཁནྡྷེཧི, ཨཱཡཏནེཧི ཝཱ ཝིཔྤཡུཏྟཱ. ན ཧི སཡཾ ཨཏྟནཱ ཝིཔྤཡུཛྫཏི, སམྤཡུཛྫཏི ཝཱཏི. ཨེཀཱཡཱཏི ཙཀྑུཝིཉྙཱཎདྷཱཏུཡཱ. སེསཾ སུཝིཉྙེཡྻམེཝ. ཨཡཾ སམྤཡུཏྟེནཝིཔྤཡུཏྟཔདེ ནཡོ.

ཝིཔྤཡུཏྟེནསམྤཡུཏྟཔདཏྠཝཎྞནཱ

ཝིཔྤཡུཏྟེནསམྤཡུཏྟཔདེ ¶ ¶ པན ཝིཔྤཡུཏྟེན སམྤཡུཏྟོ ནཱམ དྷམྨོ ནཏྠི, དེསནཱསམྤདམཏྟཱཡ པན མོགྷམྤེཏཾ པདཾ ཨུདྡྷཊཾ, ཏེནེཝ པཱལི༹ཡཾ སབྦཝཱརེསུཔི ‘‘ནཏྠི ནཏྠི’’ ཨིཙྩེཝ ཝུཏྟཾ. རཱུཔཀྑནྡྷཱདིཨནཱརམྨཎདྷམྨེཧི ཝིཔྤཡུཏྟཱ ཙཏྟཱརོ ཁནྡྷཱ, ཏེསཉྩ ཨཉྙེཧི སམྤཡོགོ ནཏྠི. ཝེདནཱདཱིཧིཔི རཱུཔནིབྦཱནཱདཱིནི ཝིཔྤཡུཏྟཱནི, ཏེསཉྩ ཀེནཙི སམྤཡོགོཝ ནཏྠཱིཏི. ཨཡཾ ཝིཔྤཡུཏྟེནསམྤཡུཏྟཔདེ ནཡོ.

སམྤཡུཏྟེནསམྤཡུཏྟཔདཏྠཝཎྞནཱ

སམྤཡུཏྟེནསམྤཡུཏྟཔདེ པན ཡཱནི པདཱནི རཱུཔེན ཨསམྨིསྶཾ ཨརཱུཔཀྑནྡྷེཀདེསམེཝ དཱིཔེནྟི, ཏེསམེཝ ནིདྡེསོ, ན རཱུཔཱརཱུཔསམྨིསྶཱནཾ, སབྦརཱུཔཀྑནྡྷདཱིཔཀཱནཾ ཏེསཾ སམྤཡུཏྟཏཱཡོགཱབྷཱཝཱ. སབྦཱརཱུཔཀྑནྡྷེནཱཔི ཧི ཀུསལཱདིནཱ ཨཉྙོ སམྤཡུཏྟོ ནཱམ ནཏྠི. ཨིདཾ ཧེཏྠ ལཀྑཎཾ – ཡེ དྷམྨཱ པཋམཾ ཨུདྡྷཊཱ, ཨཏྟནཱ སམྤཡུཏྟེན པུན སམྤཡུཏྟཱ, ཏེསཉྙེཝ ཁནྡྷཱདཱིཧི སམྤཡོགོ ཝུཙྩཏི.

ཏཏྲཱཡཾ ནཡོ – ཝེདནཱཀྑནྡྷེན ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ, ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི སམྤཡུཏྟཱ, ཨེཀེནཱཡཏནེན…པེ… ཀེཧིཙི སམྤཡུཏྟཱ. སམུདཡསཙྩེན ཡེ དྷམྨཱ སམྤཡུཏྟཱ, ཏེཧི དྷམྨེཧི ཡེ དྷམྨཱ སམྤཡུཏྟཱ, ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ མནོཝིཉྙཱཎདྷཱཏུཡཱ སམྤཡུཏྟཱ, ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱཏི. སེསཾ སུཝིཉྙེཡྻམེཝ. ཨཡཾ སམྤཡུཏྟེནསམྤཡུཏྟཔདེ ནཡོ.

ཝིཔྤཡུཏྟེནཝིཔྤཡུཏྟཔདཏྠཝཎྞནཱ

ཝིཔྤཡུཏྟེནཝིཔྤཡུཏྟཔདེ ¶ པན སམྤཡོགཔདེ ཝུཏྟཔདཱནེཝ ནིདྡིསཱིཡནྟི. ཨིདཾ ཧེཏྠ ལཀྑཎཾ – ཡེ དྷམྨཱ པཋམཾ ཨུདྡྷཊཔདེན ཝིཔྤཡུཏྟེཧི པུན ཝིཔྤཡུཏྟཱ, ཏེསཾ ཁནྡྷཱདཱིཧི ཝིཔྤཡོགོ ཝུཙྩཏི.

ཏཏྲཱཡཾ ¶ ནཡོ – རཱུཔཀྑནྡྷེན ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེ དྷམྨཱ ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ, ཨེཀེནཱཡཏནེན…པེ… ཀེཧིཙི ཝིཔྤཡུཏྟཱ. ཝེདནཱཀྑནྡྷེན ཡེ དྷམྨཱ ཝིཔྤཡུཏྟཱ, ཏེཧི དྷམྨེཧི ཡེ དྷམྨཱ ཝིཔྤཡུཏྟཱ, ཏེ དྷམྨཱ ཨེཀེན ཁནྡྷེན དསཧཱཡཏནེཧི དསཧི དྷཱཏཱུཧི ཝིཔྤཡུཏྟཱ, ཨེཀེན…པེ… ཀེཧིཙི ཝིཔྤཡུཏྟཱཏི. སེསཾ སུཝིཉྙེཡྻམེཝ. ཨཡཾ ཝིཔྤཡུཏྟེནཝིཔྤཡུཏྟཔདེ ནཡོ.

སངྒཧིཏེནསམྤཡུཏྟཝིཔྤཡུཏྟཔདཏྠཝཎྞནཱ

སངྒཧིཏེནསམྤཡུཏྟཝིཔྤཡུཏྟཔདེ པན སངྒཧིཏེནསངྒཧིཏཔདེ ནིདྡིཊྛཱནི སམུདཡསཙྩཱདིཔདཱནེཝ ནིདྡིསཱིཡནྟི. ཨིདཾ ཧེཏྠ ལཀྑཎཾ – ཡེ དྷམྨཱ པཋམཾ ཨུདྡྷཊཔདེན ཁནྡྷཱདཱིཧི ཏཱིཧིཔི སངྒཧིཏཱ, ཏེསཾ ཁནྡྷཱདཱིཧི སམྤཡོགོ, ཝིཔྤཡོགོ ཙ ཝུཙྩཏི.

ཏཏྲཱཡཾ ནཡོ – སམུདཡསཙྩེན ཡེ དྷམྨཱ ཁནྡྷཱདཱིཧི ཏཱིཧིཔི སངྒཧེཧི སངྒཧིཏཱ, ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི སམྤཡུཏྟཱ, ཨེཀེན ཁནྡྷེན ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ. ཨེཀེན ཁནྡྷེན དསཧཱཡཏནདྷཱཏཱུཧི ཝིཔྤཡུཏྟཱ, ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ. ཨིཏྠིནྡྲིཡེན ཡེ དྷམྨཱ ཁནྡྷཱདཱིཧི ཏཱིཧིཔི སངྒཧིཏཱ, ཏེ དྷམྨཱ ¶ ན ཀེཧིཙི སམྤཡུཏྟཱ, ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ, ཨེཀེན…པེ… ཀེཧིཙི ཝིཔྤཡུཏྟཱཏི.

ཏཏྠ ཨེཀེནཱཏི མནཱཡཏནེན. ཨེཀེན ཁནྡྷེནཱཏི སངྑཱརཀྑནྡྷེན. ཀེཧིཙཱིཏི སངྑཱརཀྑནྡྷེ ཏཎྷཱཡ དྷམྨཱཡཏནདྷམྨདྷཱཏཱུསུ ཏཎྷཱཝེདནཱསཉྙཱཧི. སེསཾ སུཝིཉྙེཡྻམེཝ. ཨཡཾ སངྒཧིཏེནསམྤཡུཏྟཝིཔྤཡུཏྟཔདེ ནཡོ.

སམྤཡུཏྟེནསངྒཧིཏཱསངྒཧིཏཔདཏྠཝཎྞནཱ

སམྤཡུཏྟེནསངྒཧིཏཱསངྒཧིཏཔདེ པན སམྤཡུཏྟེནསམྤཡུཏྟཔདེ ནིདྡིཊྛཱནི ཝེདནཱཀྑནྡྷཱདིཔདཱནེཝ ནིདྡིསཱིཡནྟི. ཨིདཾ ཧེཏྠ ལཀྑཎཾ – ཡེ དྷམྨཱ པཋམཾ ཨུདྡྷཊཔདེན སམྤཡུཏྟཱ, ཏེསཾ ཁནྡྷཱདཱིཧི སངྒཧོ, ཨསངྒཧོ ཙ ཝུཙྩཏི.

ཏཏྲཱཡཾ ¶ ནཡོ – ཝེདནཱཀྑནྡྷེན ཡེ དྷམྨཱ སམྤཡུཏྟཱ, ཏེ དྷམྨཱ ཏཱིཧི ཁནྡྷེཧི དྭཱིཧི ཨཱཡཏནེཧི ཨཊྛཧི དྷཱཏཱུཧི སངྒཧིཏཱ, སེསེཧི ཨསངྒཧིཏཱ. ཝིཉྙཱཎཀྑནྡྷེན ཡེ དྷམྨཱ སམྤཡུཏྟཱ, ཏེ དྷམྨཱ ཏཱིཧི ཁནྡྷེཧི ཨེཀེནཱཡཏནེན ཨེཀཱཡ དྷཱཏུཡཱ སངྒཧིཏཱ, སེསེཧི ཨསངྒཧིཏཱཏི.

ཏཏྠ ཏཱིཧཱིཏི སཉྙཱཀྑནྡྷཱདཱིཧི ཏཱིཧི. ཏེཧི ཝེདནཱཡ སམྤཡུཏྟཱ. དྭཱིཧཱིཏི དྷམྨཱཡཏནམནཱཡཏནེཧི. སེསཾ སུཝིཉྙེཡྻམེཝ. ཨཡཾ སམྤཡུཏྟེནསངྒཧིཏཱསངྒཧིཏཔདེ ནཡོ.

ཨསངྒཧིཏེནསམྤཡུཏྟཝིཔྤཡུཏྟཔདཏྠཝཎྞནཱ

ཨསངྒཧིཏེནསམྤཡུཏྟཝིཔྤཡུཏྟཔདེ པན ཡཱནི པདཱནི སུཁུམརཱུཔཾ ཨཝིཉྙཱཎཾ, ཨརཱུཔཾ སཝིཉྙཱཎཾ ཝཱ, ཀེཝལཾ ཨརཱུཔཾ ཝཱ ཐཱུལརཱུཔསྶཔི ཀེཝལཾ ཝཱ, སུཁུམརཱུཔཾ དཱིཔེནྟི, ཏེསམེཝ ནིདྡེསོ ¶ . ཨིདཾ ཧེཏྠ ལཀྑཎཾ – ཡེ དྷམྨཱ པཋམཾ ཨུདྡྷཊདྷམྨེཧི ཁནྡྷཱདཱིཧི ཏཱིཧིཔི ཨསངྒཧིཏཱ, ཏེསཾ ཁནྡྷཱདཱིཧི སམྤཡོགོ, ཝིཔྤཡོགོ ཙ ཝུཙྩཏི.

ཏཏྲཱཡཾ ནཡོ – རཱུཔཀྑནྡྷེན ཡེ དྷམྨཱ ཁནྡྷཱདཱིཧི ཨསངྒཧིཏཱ, ཏེ དྷམྨཱ ཏཱིཧི ཁནྡྷེཧི སམྤཡུཏྟཱ, ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི སམྤཡུཏྟཱ, ཨེཀེན ཁནྡྷེན དསཧི ཨཱཡཏནདྷཱཏཱུཧི ཝིཔྤཡུཏྟཱ, ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ. ཨེཝཾ དྷམྨཱཡཏནཨིཏྠིནྡྲིཡཱདཱིསུཔི ཡོཛནཱ.

ཨརཱུཔབྷཝེན ཡེ དྷམྨཱ ཁནྡྷཱདཱིཧི ཨསངྒཧིཏཱ, ཏེ སམྤཡུཏྟཱཏི ནཏྠི. ཏེ ཙཏཱུཧི ཁནྡྷེཧི ཨེཀེནཱཡཏནེན སཏྟཧི དྷཱཏཱུཧི ཝིཔྤཡུཏྟཱ, ཨེཀེནཱཡཏནེན ཨེཀཱཡ དྷཱཏུཡཱ ཀེཧིཙི ཝིཔྤཡུཏྟཱ. ཨེཝཾ ཨིདྡྷིཔཱདཀུསལཱདིཔདེསུཔི ཡོཛནཱ.

ཏཏྠ རཱུཔཀྑནྡྷེན ཝིཉྙཱཎསྶེཝ ཏཱིཧིཔི ཨསངྒཧིཏཏྟཱ ཏསྶ ཏཱིཧི ཝེདནཱདཱིཧི སམྤཡོགོ, ཨིཏརེཧི ཙ ཝིཔྤཡོགོ ཉཱཏབྦོ. སེསཾ སུཝིཉྙེཡྻམེཝ. ཨཡཾ ཨསངྒཧིཏེནསམྤཡུཏྟཝིཔྤཡུཏྟཔདེ ནཡོ.

ཝིཔྤཡུཏྟེནསངྒཧིཏཱསངྒཧིཏཔདཏྠཝཎྞནཱ

ཝིཔྤཡུཏྟེནསངྒཧིཏཱསངྒཧིཏཔདེ ¶ པན ཡཱནི པདཱནི ཀེཝལཱནཾ སཱརམྨཎཱནཾ, ཨནཱརམྨཎཱནཾ ཝཱ དྷམྨཱནཾ པཀཱསཀཱནི ཙ སབྷཱཝཛཱཏིབྷཱུམིཀཱལསནྟཱནཝསེན བྷིནྣཏཱཡ ཀེཧིཙི ཨརཱུཔཀྑནྡྷེཧི ཝིཔྤཡུཏྟཱནཾ ཨནཱརམྨཎདྷམྨམིསྶཱརཱུཔཀྑནྡྷཱནཾ པཀཱསཀཱནི དུཀྑསཙྩཨབྱཱཀཏཔརིཏྟཨཏཱིཏཨཛ྄ཛྷཏྟཱདིཔདཱནི, ཏེསམེཝ ནིདྡེསོ ཨིཏརེསཾ དྷམྨཱཡཏནཛཱིཝིཏིནྡྲིཡནཱམརཱུཔསལཱ༹ཡཏནཛཱཏིཛརཱམརཎཨཛ྄ཛྷཏྟབཧིདྡྷཱཨནིདསྶནཨཔྤཊིགྷནཧེཏུཨཱདཱིནཾ ཏེསཾ ཀེནཙི ཝིཔྤཡོགཱསམྦྷཝཱ. ཨིདཾ ཧེཏྠ ལཀྑཎཾ – ཡེ དྷམྨཱ པཋམཾ ཨུདྡྷཊཔདེན ¶ ཝིཔྤཡུཏྟཱ, ཏེསཾ ཁནྡྷཱདཱིཧི སངྒཧོ, ཨསངྒཧོ ཙ ཝུཙྩཏི.

ཏཏྲཱཡཾ ནཡོ – རཱུཔཀྑནྡྷེན ཡེ དྷམྨཱ ཝིཔྤཡུཏྟཱ, ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི ཨཊྛཧི དྷཱཏཱུཧི སངྒཧིཏཱ, ཨེཀེན ཁནྡྷེན དསཧི ཨཱཡཏནདྷཱཏཱུཧི ཨསངྒཧིཏཱ. དུཀྑསཙྩེན ཡེ དྷམྨཱ ཝིཔྤཡུཏྟཱ, ཏེ དྷམྨཱ ཙཏཱུཧི ཁནྡྷེཧི དྭཱིཧཱཡཏནེཧི དྭཱིཧི དྷཱཏཱུཧི སངྒཧིཏཱ. ཏཏྠ དུཀྑསཙྩེན ཝིཔྤཡུཏྟཱ ནཱམ ལོཀུཏྟརཙིཏྟཙེཏསིཀཱནི, ཏེ ཙ དྷམྨཱ ཝེདནཱཀྑནྡྷཱདིཙཏུཀྑནྡྷེཧི མནོཝིཉྙཱཎདྷམྨདྷཱཏུཝསེན དྭཱིཧི དྷཱཏཱུཧི སངྒཧིཏཱཏི. སེསཾ སུཝིཉྙེཡྻམེཝ. ཨཡཾ ཝིཔྤཡུཏྟེནསངྒཧིཏཱསངྒཧིཏཔདེ ནཡོ. ཨཡམེཏྠ སངྑེཔཏོ ཝིབྷངྒནཡེན སདྡྷིཾ ཨཏྠནིཙྪཡོ, ཝིཏྠཱརོ པན དྷཱཏུཀཐཱཔཱལི༹ཨཊྛཀཐཱསུ (དྷཱཏུ. ༡༢; དྷཱཏུ. ཨཊྛ. ༡-༢) གཧེཏབྦོཏི.

མོཧཝིཙྪེདནིཡཱ ཨབྷིདྷམྨམཱཏིཀཏྠཝཎྞནཱཡ

དྷཱཏུཀཐཱམཱཏིཀཏྠཝཎྞནཱ ནིཊྛིཏཱ.

༤. པུགྒལཔཉྙཏྟིམཱཏིཀཱ

ཨེཀཀམཱཏིཀཏྠཝཎྞནཱ

ཨིདཱནི ¶ ¶ པུགྒལཔཉྙཏྟིམཱཏིཀཱསཾཝཎྞནཱནཡོ ཧོཏི. ཏཏྠ ཨནུཏྟཱནཏྠཏོ ཏཱཝ ཚ པཉྙཏྟིཡོཏི ཨེཏྠ ‘‘ཨཱཙིཀྑཏི དེསེཏི པཉྙཔེཏི པཊྛཔེཏཱི’’ཏི (སཾ. ནི. ༢.༢༠) ཨཱགཏཊྛཱནེ སནྡསྶནཱ པཀཱསནཱ པཉྙཏྟི ནཱམ. ‘‘སུཔཉྙཏྟཾ མཉྩཔཱིཋ’’ནྟི (པཱརཱ. ༢༦༩) ཨཱགཏཊྛཱནེ ཋཔནཱ ནིཀྑིཔནཱ པཉྙཏྟི ནཱམ, ཨིདྷ ཨུབྷཡམྤི ཝཊྚཏི. ཚ པཉྙཏྟིཡོཏི ཧི ཚ པཉྙཱཔནཱ ཚ སནྡསྶནཱ པཀཱསནཱཏིཔི, ཚ ཋཔནཱ ནིཀྑིཔནཱཏིཔི ཝུཏྟཾ ཧོཏི. ནཱམཔཉྙཏྟིཡེཝ ཧི ཏེ ཏེ ཝིཛྫམཱནཱཝིཛྫམཱནེ དྷམྨེ སནྡསྶེཏཱིཏིཔི. ཏེན ཏེན ཀོཊྛཱསེན ཋཔེཏཱིཏིཔི. ཁནྡྷཔཉྙཏྟཱིཏིཨཱདི པན སངྑེཔཏོ ཏཱསཾ པཉྙཏྟཱིནཾ སརཱུཔདསྶནཾ. ཏཏྠ ཁནྡྷཱནཾ ‘‘ཁནྡྷཱ’’ཏི པཉྙཱཔནཱ སནྡསྶནཱ པཀཱསནཱ ཙ ཋཔནཱ ནིཀྑིཔནཱ ཙ ཁནྡྷཔཉྙཏྟི ནཱམ…པེ… པུགྒལཱནཾ ‘‘པུགྒལཱ’’ཏི པཉྙཱཔནཱ སནྡསྶནཱ པཀཱསནཱ ཙ ཋཔནཱ ནིཀྑིཔནཱ ཙ པུགྒལཔཉྙཏྟི ནཱམ. ཨིམཱ ཨེཝ ཚ པཉྙཏྟིཡོ ཝིཛྫནྟི. ཨཉྙཱསམྤི སམྨུཏིཔརམཏྠཀཐཱནཾ པཉྙཏྟཱིནཾ ཨནནྟཏྟཱ, ཨུཔལཀྑཎཝསེན པན པདྷཱནབྷཱཝཏོ ཙ ཨེཏཱཝ ཝུཏྟཱ. པཱལི༹མུཏྟཀནཡེན པན སབྦསངྒཱཧིཀཱ ཝིཛྫམཱནཔཉྙཏྟིཨཱདཡོ ཚ ནཱམཔཉྙཏྟིཡོ ཨཊྛཀཐཱསུ (པུ. པ. ཨཊྛ. མཱཏིཀཱཝཎྞནཱ ༡) ཨཱགཏཱ, ཏཱ ཙ ཧེཊྛཱ ཝུཏྟཱཏི ཨིདྷ ན ཝུཏྟཱ. ཏཱསུ ཨིདྷ པུགྒལཔཉྙཏྟིཔདེན ཨཝིཛྫམཱནཔཉྙཏྟི, སེསེཧི ཝིཛྫམཱནཔཉྙཏྟི ཙཱཏི དྭེ ཨེཝ ལབྦྷནྟི.

ཨཊྛཀཐཱམུཏྟཀེན པན ཨཱཙརིཡནཡེན ཨཔརཱཔི ཚ པཉྙཏྟིཡོ – ཨུཔཱདཱཔཉྙཏྟི ཨུཔནིདྷཱཔཉྙཏྟི སམོདྷཱནཔཉྙཏྟི ཨུཔནིཀྑིཏྟཔཉྙཏྟི ཏཛྫཱཔཉྙཏྟི སནྟཏིཔཉྙཏྟཱིཏི, ཡཱ ‘‘ཨཏྠཔཉྙཏྟཱི’’ཏི ¶ ཝུཙྩཏི. ཏཏྠ ཡཱ ཁནྡྷཔཉྩཀཾ ཨུཔཱདཱཡ ནིསྶཱཡ སམྨཏཱ ¶ སཏྟཱདིཀཱ, ཨངྒཱནི ཨུཔཱདཱཡ རཐཱདིཀཱ, ཙནྡཱདིཔརིཝཏྟཱདཡོ ཨུཔཱདཱཡ ཀཱལདིསཱདིཀཱ, ཏཾཏཾབྷཱུཏནིམིཏྟཾ, བྷཱཝནཱཝིསེསཉྩ ཨུཔཱདཱཡ ཀསིཎཱདིཨུགྒཧཔཊིབྷཱགནིམིཏྟཱདིཀཱཏི ཨཡཾ ཨེཝརཱུཔཱ སབྷཱཝདྷམྨེཧི ཨེཀཏྟེན ཝཱ སཙྪིཀཊྛཔརམཏྠེན ཨནུཔལབྦྷསབྷཱཝཱ ཨུཔཱདཱཔཉྙཏྟི ནཱམ. པཉྙཱཔེཏབྦཊྛེན ཙེསཱ པཉྙཏྟི ཝུཏྟཱ, ན པན པཉྙཱཔནཊྛེན. ཡཱ ཏསྶ ཏསྶཏྠསྶ པཉྙཱཔནཱ, སཱ ཨཝིཛྫམཱནཔཉྙཏྟིཡེཝ.

ཡཱ པན ཨཉྙཾ པཋམཱདིཾ ཨུཔནིདྷཱཡ ཨཔེཀྑིཏྭཱ དུཏིཡཾ རསྶཾ དཱིགྷཾ དཱུརཾ སནྟིཀནྟིཨཱདིཀཱ ཏདཉྙཱཔེཀྑཱུཔནིདྷཱ, ཚཏྟཔཱཎཱིཏིཨཱདིཀཱ ཧཏྠགཏཱུཔནིདྷཱ, ཀུཎྜལཱིཏིཨཱདིཀཱ སམྤཡུཏྟཱུཔནིདྷཱ, དྷཉྙསཀཊནྟི ཨཱདིཀཱ སམཱརོཔིཏཱུཔནིདྷཱ, ཨིནྡསཱལགུཧཱཏིཨཱདིཀཱ ཨཝིདཱུརགཏཱུཔནིདྷཱ, སུཝཎྞཝཎྞོཏིཨཱདིཀཱ པཊིབྷཱགཱུཔནིདྷཱ, བྲཱཧྨཎགཱམོཏིཨཱདིཀཱ ཏབྦཧུལཱུཔནིདྷཱ, མཎིཀཊཀནྟིཨཱདིཀཱ ཏབྦིསིཊྛཱུཔནིདྷཱཏི ཨེཝམཱདི ཨནེཀཔྤཀཱརཱ པཉྙཱཔནཱ, ཨཡཾ ཨུཔནིདྷཱཔཉྙཏྟི ནཱམ.

དྷཉྙརཱསཱིཏིཨཱདིཀཱ པན སམོདྷཱནཔཉྙཏྟི ནཱམ. པུརིམསྶ པུརིམསྶ ཨུཔནིཀྑིཔིཏྭཱ དྭེ ཏཱིཎཱིཏིཨཱདིཀཱ ཨུཔནིཀྑིཏྟཔཉྙཏྟི ནཱམ. ཏཾཏཾསབྷཱཝནིསྶིཏཱ པཐཝཱིཨཱདིཀཱ ཏཛྫཱཔཉྙཏྟི ནཱམ. ཨཱསཱིཏིཀོཏིཨཱདིཀཱ པན སནྟཏིཔཉྙཏྟི ནཱམ.

ཨཊྛཀཐཱམུཏྟཀེནེཝ ཨཱཙརིཡནཡེན ཨཔརཱཔི དྷམྨཀཐིཀཱདིཀཱ ཀིཙྩཔཉྙཏྟི, ཀིསཐཱུལཱདིཀཱ སཎྛཱནཔཉྙཏྟི, ཨིཏྠིཔུརིསཱདིཀཱ ལིངྒཔཉྙཏྟི, ཀཱམཱཝཙརཱདིཀཱ, ཀོསལཀཱདིཀཱ ཙ བྷཱུམིཔཉྙཏྟི, ཏིསྶོ ནཱགོཏིཨཱདིཀཱ པཙྩཏྟཔཉྙཏྟི, ནིརོདྷཱདིཀཱ ཨསངྑཏཔཉྙཏྟི ཙཱཏི ཚ པཉྙཏྟིཡོ.

ཨེཏཱསུ ¶ པན དྭཱདསསུ ཏཛྫཱཔཉྙཏྟི, ཨེཀཙྩཱ བྷཱུམིཔཉྙཏྟི, ཨསངྑཏཔཉྙཏྟི ཙ ཝིཛྫམཱནཔཉྙཏྟིསངྑཱཏཱ ནཱམཔཉྙཏྟི, ཏདཉྙཱ པརམཏྠཱཝསེསཱ, པན ཨཏྠཔཉྙཏྟཱིཏི དཱིཔིཏཱ ཨཝིཛྫམཱནཱདིཔཉྙཏྟིཡོ ཙཱཏི. ཨཡཾ ཏཱཝེཏྠ ཨནུཏྟཱནཏྠཏོ སཾཝཎྞནཱ.

ཨཏྠནིཙྪཡོ པནེཏྠཱཔི པཱལི༹ནཡེནེཝ སདྡྷིཾ ཧོཏི, ན ཝིནཱ པཱལི༹ཾ ཏསྶ ཝཏྟུམསཀྐུཎེཡྻཏྟཱ ¶ . པཱལི༹ཡཉྩ ཡསྨཱ ཨཱདིཏོ པཉྩ པཉྙཏྟིཡོ, ཏདཏྠབྷཱུཏཱ ཁནྡྷཱདཡོ ཙ ཧེཊྛཱ ཝིབྷངྒཔྤཀརཎེ ནིཔྤདེསཏོ ཀཐིཏཱཏི ཏཱ ཨིདྷ ‘‘ཀིཏྟཱཝཏཱ ཁནྡྷཱནཾ ཁནྡྷཔཉྙཏྟི, ཡཱཝཏཱ པཉྩཀྑནྡྷཱ རཱུཔཀྑནྡྷོ’’ཏིཨཱདིནཱ སངྑེཔེནེཝ ནིདྡིཊྛཱ, ཏཱ ཙེཏྠཱཔི ཝུཏྟཏྠཱ. པུགྒལཔཉྙཏྟི པན ཧེཊྛཱ ན ཝུཏྟཱཏི ‘‘ཀིཏྟཱཝཏཱ པུགྒལཱནཾ པུགྒལཔཉྙཏྟི? སམཡཝིམུཏྟོ, ཨསམཡཝིམུཏྟོ’’ཏིཨཱདིནཱ ཨེཀཀཱདིབྷེདེན ཡཱཝ དསཀཱ དསདྷཱ མཱཏིཀཾ ཋཔེཏྭཱ ཝིཏྠཱརེནེཝ ཝིབྷཏྟཱ, སཱ ཙ ཉཱཏབྦཔབྷེདཏོ ཨཝུཙྩམཱནཱ དུབྦིཉྙེཡྻཱ, ཏསྨཱ པུགྒལཔཉྙཏྟིཡཱ ཨེཝ ཙེཏྠ པཱལི༹ནཡཱནུསཱརེན སངྑེཔཏོ ཨཏྠནིཙྪཡོ ཧོཏི, སོ ཙེཏྠ མཱཏིཀཱཡཾ ཝུཏྟེ སབྦཔུགྒལེ ཨནུདྡྷརིཏྭཱ ཉཱཏབྦཱནཾ དུབྦིཉྙེཡྻཱནཾ པུགྒལཱནཾ ཨེཀཀཱདིབྷེདཏོཝ མཱཏིཀཾ ཨུདྡྷརིཏྭཱ ཝིབྷཛནཝསེན སངྑེཔཏོཝ ཧོཏི. ཀཐཾ? ‘‘སམཡཝིམུཏྟོ ཨསམཡཝིམུཏྟོ, ཀུཔྤདྷམྨོ ཨཀུཔྤདྷམྨོ, ཙེཏནཱབྷབྦོ ཨནུརཀྑཎཱབྷབྦོ, བྷཡཱུཔརཏོ ཨབྷཡཱུཔརཏོ, བྷབྦཱགམནོ ཨབྷབྦཱགམནོ, ནིཡཏོ ཨནིཡཏོ, པཊིཔནྣཀོ ཕལེ ཋིཏོ, སམསཱིསཱི ཋིཏཀཔྤཱི, སོཏཱཔནྣོ སཏྟཀྑཏྟུཔརམོ ཀོལཾཀོལོ ཨེཀབཱིཛཱི, སཀདཱགཱམཱི, ཨནཱགཱམཱི ཨནྟརཱཔརིནིབྦཱཡཱི ཨུཔཧཙྩཔརིནིབྦཱཡཱི ཨསངྑཱརཔརིནིབྦཱཡཱི སསངྑཱརཔརིནིབྦཱཡཱི ཨུདྡྷཾསོཏོ ཨཀནིཊྛགཱམཱི, ཨརཧཱ’’ཏི ཨེཀཀམཱཏིཀཱ.

ཏཏྠ ¶ ཡོ ཨཔྤནཾ ནིབྦཏྟེཏུཾ ཡུཏྟཔཏྟཀཱལེ རཱུཔཱརཱུཔསམཱཔཏྟིསངྑཱཏེཧི ཨཊྛཧི ཝིམོཀྑེཧི པཙྩནཱིཀདྷམྨཏོ ཝིམུཙྩིཏྭཱ ཏཱིསུ མགྒེསུ ཡེན ཀེནཙི ཡཐཱསཀཾ ཨཱསཝེ ཁེཔེཏྭཱ ཝུཊྛིཏོ, ཨཡཾ སམཡཝིམུཏྟོ ནཱམ. ‘‘ཨེཀཙྩེ ཨཱསཝཱ པརིཀྑཱིཎཱ’’ཏིཨཱདིཝཙནཏོ (པུ. པ. ༡) ཧི ཨཊྛསམཱཔཏྟིལཱབྷཱི པུཐུཛྫནོ ཝཱ ཁཱིཎཱསཝོ ཝཱ ཨིདྷ ན གཧིཏོ, སམཱཔཏྟིལཱབྷིནོ པན ཕལཊྛསེཁཱཝ གཧིཏཱཏི ཝེདིཏབྦཱ. སུཀྑཝིཔསྶཀཁཱིཎཱསཝོ, སབྦེཔི ཙ ཨརིཡཱ མགྒཝིམོཀྑཾ སནྡྷཱཡ ཨསམཡཝིམུཏྟཱ ནཱམ. བཱཧིརཱནཉྷི ཨཊྛནྣཾ སམཱཔཏྟཱིནཾ སམཱཔཛྫནྟསྶ པཝིཝེཀཊྛཱནལཱབྷཱདིསམཡོཔི ཨཏྠི, ཝཏྟཀརཎཀཱལཱདིཨསམཡོཔི ཨཏྠི. མགྒཝིམོཀྑེན ཝིམུཙྩནསྶ པན ཏཱདིསོ སམཡོ ཝཱ ཨསམཡོ ཝཱ ནཏྠི, ཡསྶ སདྡྷཱ བལཝཏཱི, ཝིཔསྶནཱ ཙ ཨཱརདྡྷཱ, ཏསྶ གཙྪནྟསྶ ཝཱ བྷུཉྫནྟསྶ ཝཱ མགྒཕལཔཊིཝེདྷོ ནཱམ ན ཧོཏཱིཏི ནཏྠི, ཏསྨཱ སབྦེ ཨརིཡཱ ཨརིཡཝིམོཀྑེ ཨསམཡཝིམུཏྟཱཏི ཝེདིཏབྦཱ. པུརིམཔདེཔི ལོཀིཡསམཱཔཏྟིཉྙེཝ སནྡྷཱཡ སེཁཱ སམཡཝིམུཏྟཱ ནཱམ ཛཱཏཱ.

ཨཝསིབྷཱཝཱ ཨཊྛསམཱཔཏྟིལཱབྷཱི པན པུཐུཛྫནོ, སོཏཱཔནྣསཀདཱགཱམིནོ དྭེ སེཁཱ ཨཊྛསམཱཔཏྟིཾ ¶ སནྡྷཱཡ ཀུཔྤདྷམྨོ ནཱམ. པརིཧཱནདྷམྨོཏིཔི དུཝིདྷཱ ཨེཝ. ཨནཱགཱམིཨཱདཡོ སུཔྤཧཱིནསམཱདྷིཔཱརིཔནྠིཀཏྟཱ ཝསིབྷཱཝཱ སམཱཔཏྟིལཱབྷཱི པུཐུཛྫནོ, ཨརིཡཱ ཙ ལོཀུཏྟརདྷམྨེཔི སནྡྷཱཡ ཨཀུཔྤདྷམྨོ ནཱམ. ཨཔརིཧཱནདྷམྨོཏི ཏེ ཨེཝ. ཙེཏནཱབྷབྦོཏི ཙེཏནཱསངྑཱཏེན ཛྷཱནསམཱཔཏྟིཝལ༹ཉྫནེན ཨཔརིཧཱནིཾ ཨཱཔཛྫིཏུཾ བྷབྦོ. ཡོ ཧི རཱུཔཱརཱུཔཛ྄ཛྷཱནེསུ ཨཱཙིཎྞཝསིཏཱཡ ཙེཏནཱསངྑཱཏཱཡ ཛྷཱནསམཱཔཏྟིཡཱ ནིརནྟརཾ ཝལ༹ཉྫམཱནོ ཏེཧི ན པརིཧཱཡཏི, ཨཝལ༹ཉྫམཱནོ ཙ པརིཧཱཡཏི, ཨཡཾ ཝལ༹ཉྫམཱནོ ཙེཏནཱབྷབྦོ ¶ ནཱམ. ཨནུརཀྑཎཱབྷབྦོཏི ཛྷཱནསྶ ཨུཔཀཱརཱནུཔཀཱརདྷམྨེ ཛཱནིཏྭཱ ཨནུརཀྑཎཱཡ ཨཝལ༹ཉྫམཱནོཔི ཨཔརིཧཱནིཾ ཨཱཔཛྫིཏུཾ བྷབྦོ, ཨེསོ ཙ པུརིམཏོ བལཝཏརོ, ཨཱཙིཎྞཝསིནོ པཉྙཱསམྤདཱཡ ཨུཔཀཱརཱནུཔཀཱརདྷམྨེ ཛཱནིཏྭཱ ཏདནུརཱུཔཾ པཊིཔཛྫནཏོཏི ཝེདིཏབྦོ.

བྷཡཱུཔརཏོཏི བྷཡེན པཱཔཏོ ཨུཔརཏོ ཝིརཏོ སེཁོ, ཀལྱཱཎཔུཐུཛྫནོ ཙ. ཏེསུ པཙྪིམོ དུགྒཏིཝཊྚཀིལེསཨུཔཝཱདསངྑཱཏེཧི ཙཏཱུཧི བྷཡེཧི པཱཔཏོ ཨོརམཏི, སེཁོ དུགྒཏིཝཛྫེཧི, ཨཔཱཡེཧི མུཏྟཏྟཱ. ཁཱིཎཱསཝོ པན ཨབྷཡཱུཔརཏོ ནཱམ སམུཙྪིནྣབྷཡཏྟཱ, ཨུཔཝཱདཏོ པན ཨོརམིཏབྦོ.

ཨབྷབྦཱགམནོཏི སམྨཏྟནིཡཱམཱགམནསྶ ཨབྷབྦོ, ཡེ ཨཱནནྟརིཡསངྑཱཏེན ཀམྨཱཝརཎེན, ནིཡཏམིཙྪཱདིཊྛིསངྑཱཏེན ཀིལེསཱཝརཎེན, ཨཧེཏུཀདུཧེཏུཀཔཊིསནྡྷིསངྑཱཏེན ཝིཔཱཀཱཝརཎེན ཙ སམནྣཱགཏཱ, བུདྡྷཱདཱིསུ ཙ སདྡྷཱརཧིཏཱ, མགྒབྷཱཝནཱཡ ཙ ཨུཏྟརཀུརུཀཱདཡོ ཝིཡ ཨཙྪནྡིཀཱ, པུབྦཱུཔནིསྶཡརཧིཏཱ ཙ, སབྦེཏེ ཨབྷབྦཱགམནཱ ནཱམ. ཝིཔརཱིཏཱ བྷབྦཱགམནཱ ནཱམ. པཉྩཱནནྟརིཡནིཡཏམིཙྪཱདིཊྛིཀཱ ནིརཡགམནེ, ཨཊྛ ཨརིཡཔུགྒལཱ ཨནུཔཱདཱཔརིནིབྦཱནཱདཱིསུ ནིཡཏཱ ནཱམ. ཨཝསེསཔུགྒལཱ ཨནིབདྡྷགཏིཀཏཱཡ ཨནིཡཏཱ ནཱམ, ཨུཏྟརཀུརུཀཱ པན སུགཏིནིཡཏཱཔི མིཙྪཏྟསམྨཏྟནིཡཱམསྶེཝ ཨིདྷཱདྷིཔྤེཏཏྟཱ ‘‘ནིཡཏཱ’’ཏི ན ཝུཏྟཱ. མགྒསམངྒཱི པུགྒལོ མགྒཀྑཎེ ཕལཏྠཱཡ པཊིཔནྣཀོ ནཱམ, ཕལསམངྒཱི ཕལཱནུཔྤཏྟིཡམྤི ཕལེ ཋིཏོ ནཱམ.

ཡསྶ པན ཨཔུབྦཱཙརིམཾ ཨཱསཝཔརིཡཱདཱནཉྩ ཧོཏི ཛཱིཝིཏཔརིཡཱདཱནཉྩ, ཨཡཾ སམསཱིསཱི ནཱམ. སོ ཙ ཏིཝིདྷོ ཧོཏི ཨིརིཡཱཔཐསམསཱིསཱི རོགསམསཱིསཱི ཛཱིཝིཏསམསཱིསཱིཏི. ཏཏྠ ཡོ ཙཏཱུསུ ཨིརིཡཱཔཐེསུ ཨེཀསྨིཾ ཝིཔསྶནཾ པཊྛཔེཏྭཱ ¶ ཨརཧཏྟཾ པཏྭཱ ཏསྨིཉྙེཝ ཨིརིཡཱཔཐེ པརིནིབྦཱཏི, ཨཡཾ ཨིརིཡཱཔཐསམསཱིསཱི ནཱམ. ཡོ པན ཨེཀཾ རོགཾ པཏྭཱ ཨནྟོརོགེ ཨེཝ ¶ ཝིཔསྶནཾ པཊྛཔེཏྭཱ ཨརཧཏྟཾ པཏྭཱ ཏེནེཝ རོགེན པརིནིབྦཱཏི, ཨཡཾ རོགསམསཱིསཱི ནཱམ. ཡསྶ པན ཀིལེསསཱིསསངྑཱཏཱ ཨཝིཛྫཱ, ཨརཧཏྟམགྒེན པཝཏྟསཱིསསངྑཱཏཾ ཛཱིཝིཏིནྡྲིཡཉྩ ཙུཏིཙིཏྟེན སམཾ པརིཡཱདཱནཾ གཙྪཏི, ཨཡཾ ཛཱིཝིཏསམསཱིསཱི ནཱམ. ཀཐམིདཾ སམཾ ཧོཏཱིཏི? ཝཱརསམཏཱཡ. ཡསྨིཾ ཧི ཝཱརེ མགྒེན ཀིལེསེ ཁེཔིཏེ པཙྩཝེཀྑཎཉཱཎཱནི པཝཏྟནྟི, ཏསྶཱནནྟརམེཝ པརིནིབྦཱཡཏོ ཨིམཱཡ ཝཱརསམཏཱཡ ཨིདཾ ཨུབྷཡསཱིསཔརིཡཱདཱནམྤི སམཾ ཧོཏི ནཱམ, ཨཡམེཝ ཛཱིཝིཏསམསཱིསཱི ཨིདྷཱདྷིཔྤེཏོ.

ཋིཏཀཔྤཱིཏི ཋིཏོ ཀཔྤོ ཋིཏཀཔྤོ, སྭཱསྶ ཨཏྠཱིཏི ཋིཏཀཔྤཱི, ཀཔྤམྷི ཝིནསྶམཱནམྷི ཀཔྤཾ ཋཔེཏུཾ སམཏྠོཏི ཨཏྠོ.

སཙེ ཧི ཡེསཾ མགྒསམངྒིཀྑཎེ ཀཔྤཝིནཱསོ བྷཝེཡྻ, ནེཝ ཏཱཝ ཀཔྤོ ཝིནསྶེཡྻ, ཡཱཝཱཡཾ ཡཐཱསཀཾ ཕལཾ ན སཙྪིཀརོཏཱིཏི ཏེ ཝིནསྶམཱནམྤི ཀཔྤཾ ཋཔེནྟཱིཏི ཋིཏཀཔྤིནོ ནཱམ ཛཱཏཱཏི. ཀིཉྩཱཔི ཀཔྤཝིནཱསནཀཱལེ སཱསནཾ ནཏྠི, གཏཀོཊིཀེ ཧི ཀཱལེ ཀཔྤཝིནཱསོ ཧོཏི, ཨེཝཾ སནྟེཔི མགྒཱནནྟརཕལསྶ ཨནནྟརཱཡཾ དཱིཔེཏུཾ ཨིདཾ ཨབྷཱུཏམྤི ཀཱརཎཾ ཨཱཧཊཾ.

སོཏཱཔནྣོཏི ནིབྦཱནསམུདྡནིནྣཏཱཡ སོཏསངྑཱཏསྶ མགྒསྶ པཋམསམངྒཱི ཝུཙྩཏི, ཨིདྷ པན ཕལཊྛོ ཨདྷིཔྤེཏོ. ཏསྶེཝ ཙ པབྷེདདསྶནཏྠཾ ‘‘སཏྟཀྑཏྟུཔརམོ’’ཏིཨཱདི ཝུཏྟཾ. སཏྟཝཱརཱ པརམཱ ཨསྶ བྷཝཱུཔཔཏྟཱིཏི སཏྟཀྑཏྟུཔརམོ, ཏཏོ པརཾ ཨཊྛམཾ བྷཝཾ ནཱདིཡཏཱིཏི ཨཏྠོ. སོཏཱཔནྣོ ཧི ཡོ སཏྟཀྑཏྟུཾ དེཝེསུ, མནུསྶེསུ ཙ པཊིསནྡྷིཾ ¶ གཧེཏྭཱ སཏྟམེ བྷཝེ དུཀྑསྶནྟཾ ཀརོཏི, ཨཡཾ སཏྟཀྑཏྟུཔརམོ ནཱམ. ཀུལཏོ ཀུལཾ བྷཝཏོ བྷཝཾ གཙྪཏཱིཏི ཀོལཾཀོལོ. སོ ཧི དེཝམནུསྶཝསེན དྭེ གཏིཡོ བྷཝེ སཾསརིཏྭཱ དུཀྑསྶནྟཾ ཀརོཏི, ཨཡཾ ཀོལཾཀོལོ ནཱམ. ཀམྨཔཊིསནྡྷིཡཱ ཨེཀཾ ཀམྨཾ ཀིལེསབཱིཛཾ ཨསྶཱཏི ཨེཀབཱིཛཱི. སོ ཧི ཨེཀསྨིཉྙེཝ བྷཝེ ཁཱིཎཱསཝོ ཧོཏི. ཀིཾ པནསྶ བྷེདསྶ ནིཡཱམཀནྟི? ཝིཔསྶནཱབྷིཉྙཱབྷེདཱ. སོཏཱཔནྣེསུ ཧི ཡོ ཝིཔསྶནཱཡ པམཏྟོ, སོ སཏྟཀྑཏྟུཔརམོ ཧོཏི. ཡོ ཀིཉྩི ཨཔྤམཏྟོ, སོ ཀོལཾཀོལོ. ཡོ པན ཝིཔསྶནཱཡ ཨཏིཝིཡ ཨཔྤམཏྟོ, སོ ཨེཀབཱིཛཱི ཧོཏི. ཡེ པན ཨབྷིཝིཡ པམཏྟཱ ཝཊྚཛ྄ཛྷཱསཡཱ ཨནཱཐཔིཎྜིཀཝིསཱཁཱསཀྐཱདཡོ, ཏེ པུནཔྤུནཾ ཝཊྚསྨིཾཡེཝ ཝིཙརནྟཱ ཨཱདིཏོ པཊྛཱཡ ཚ དེཝལོཀེ ཨོསཱཔེཏྭཱ བྲཧྨལོཀེསུཔི ཡཐཱཀྐམཾ ནིབྦཏྟིཏྭཱ ཨཀནིཊྛེ ཋཏྭཱ པརིནིབྦནྟི, ན ཏེ ཨིདྷ གཧིཏཱ. ཏེ ཧི མནུསྶགཏིཾ པུནཔྤུནཾ ¶ ཨཱདིཡནྟི. ཡེ པན མནུསྶགཏིཡམྤི བྷཝཾ ཨཱདིཡནྟི, ཏེསཾ ཝསེན སཏྟཀྑཏྟུཔརམོ ཀོལཾཀོལོ མཱནུསིཀབྷཝནིབྦཏྟཀོ ཨེཝ ཨེཀབཱིཛཱི གཧིཏོ. ཏེ པན སདྡྷཱདྷུརེན ཨཱགཏཱ ཏཡོ, པཉྙཱདྷུརེན ཨཱགཏཱ ཏཡོཏི སོཏཱཔནྣོ ཚབྦིདྷོ ཧོཏཱིཏི ཝེདིཏབྦོ.

པཊིསནྡྷིཝསེན པན སཀིཾ ཨིམཾ མནུསྶགཏིཾ ཨཱགཙྪཏཱིཏི སཀདཱགཱམཱི, དུཏིཡམགྒཕལསམངྒཱི. ཨིམིནཱ པཉྩསུ སཀདཱགཱམཱིསུ ཙཏྟཱརོ ཝཛྫེཏྭཱ ཨེཀོཝ གཧིཏོ. ཨེཀཙྩོ ཧི སཀདཱགཱམིཕལེ ཋཏྭཱ པུན དུཏིཡབྷཝེ ཨིདྷེཝ པརིནིབྦཱཏི, ཨེཀཙྩོ ཨིདྷ པཏྭཱ དེཝལོཀེ པརིནིབྦཱཏི, ཨེཀཙྩོ དེཝལོཀེ པཏྭཱ དུཏིཡབྷཝེ ཏཏྠེཝ པརིནིབྦཱཏི, ཨེཀཙྩོ དེཝལོཀེ པཏྭཱ ཨིདྷཱུཔཔཛྫིཏྭཱ པརིནིབྦཱཏི, ཨིམེ ཙཏྟཱརོཔི ཨིདྷ ན གཧིཏཱ. ཡོ པན ཨིདྷ པཏྭཱ དེཝལོཀེ ¶ ནིབྦཏྟིཏྭཱ པུན ཨིདྷཱུཔཔཛྫིཏྭཱ པརིནིབྦཱཏི, ཨཡམེཀོཝ ཨིདྷ གཧིཏོ. ཨིམསྶ ཙ དྭེ པཊིསནྡྷིཡོ, ཨེཀབཱིཛིསྶ པན ཨེཀཱཝཱཏི ཨིདཾ ཏེསཾ ནཱནཱཀརཎནྟི ཝེདིཏབྦཾ.

པཊིསནྡྷིཝསེན ཀཱམབྷཝཾ ནཱགཙྪཏཱིཏི ཨནཱགཱམཱི, ཏཏིཡམགྒཕལསམངྒཱི. ཏསྶེཝ པན པབྷེདདསྶནཏྠཾ ‘‘ཨནྟརཱཔརིནིབྦཱཡཱི’’ཏིཨཱདི ཝུཏྟཾ. ཏཏྠ ཨནྟརཱཔརིནིབྦཱཡཱིཏི ཨཱཡུཝེམཛ྄ཛྷསྶ ཨནྟརཱ ཨེཝ ཨརཧཏྟམགྒཾ ཨུཔྤཱདེཏྭཱ ཀིལེསཔརིནིབྦཱནེན པརིནིབྦཱཡནསཱིལོ ཨེཀོ ཨནཱགཱམཱི. སོ ཙ ཨུཔྤནྣསམནནྟརཾ པརིནིབྦཱཡཱི, ཨཱཡུཝེམཛ྄ཛྷཾ ཨཔྤཏྭཱ པརིནིབྦཱཡཱི, ཨཱཡུཝེམཛ྄ཛྷཾ པཏྭཱ པརིནིབྦཱཡཱིཏི ཏིཝིདྷོ ཧོཏི. ཨུཔཧཙྩཔརིནིབྦཱཡཱིཏི ཨཱཡུཝེམཛ྄ཛྷཾ ཨུཔཧཙྩ ཨཏིཀྐམིཏྭཱ, མརཎསམཡཾ ཝཱ ཨུཔཧཙྩ ཨུཔགནྟྭཱ པརིནིབྦཱཡཱི, ཨཱཡུཝེམཛ྄ཛྷཾ ཨཏིཀྐམིཏྭཱ ཡཱཝ མརཎསམཡཱ པརིནིབྦཱཡཱིཏི ཨཏྠོ. ཨསངྑཱརཔརིནིབྦཱཡཱིཏི ཨསངྑཱརེན ཨཔྤདུཀྑེན ཨདྷིམཏྟཔྤཡོགཾ ཨཀཏྭཱ པརིནིབྦཱཡནསཱིལོ. སསངྑཱརཔརིནིབྦཱཡཱིཏི སསངྑཱརེན དུཀྑེན ཀསིརེན ཨདྷིམཏྟཔྤཡོགེན པརིནིབྦཱཡནསཱིལོ. ཨུདྡྷཾསོཏོཏི ཨུདྡྷཾཝཱཧིབྷཱཝེན ཨུདྡྷམསྶ ཏཎྷཱསོཏཾ ཝཊྚསོཏཉྩ, ཨུདྡྷཾ ཝཱ གནྟྭཱ པཊིལབྷིཏབྦཏོ ཨུདྡྷཾ མགྒསོཏམསྶཱཏིཔི ཨུདྡྷཾསོཏོ. ཨཀནིཊྛཾ གཙྪཏཱིཏི ཨཀནིཊྛགཱམཱི. ཨིམེསཾ པན ཨནཱགཱམཱིནཾ པབྷེདདསྶནཏྠམྤེཏྠ ཨུདྡྷཾསོཏོ ཨཀནིཊྛགཱམཱིཏིཨཱདི ཙཏུཀྐཾ ཝེདིཏབྦཾ.

ཏཏྠ ཡོ ཨཝིཧཏོ པཊྛཱཡ ཙཏཱུསུ ཡཐཱཀྐམཾ ཨུཔྤཛྫིཏྭཱ ཡཱཝཏཱཡུཀཾ ཋཏྭཱ ཙུཏོ ཨཀནིཊྛེ ཨུཔྤཛྫིཏྭཱ པརིནིབྦཱཏི, ཨཡཾ ཨུདྡྷཾསོཏོ ཨཀནིཊྛགཱམཱི ནཱམ. ཡོ པན ཨཀནིཊྛཾ ཨཔྤཏྭཱ ཨནྟརཱ པརིནིབྦཱཏི, ཨཡཾ ཨུདྡྷཾསོཏོ ན ཨཀནིཊྛགཱམཱི ནཱམ. ཡོ མནུསྶལོཀོ ཨཀནིཊྛམེཝ ¶ གནྟྭཱ པརིནིབྦཱཏི, ཨཡཾ ན ཨུདྡྷཾསོཏོ ཨཀནིཊྛགཱམཱི ནཱམ. ཡོ པན ཧེཊྛཱ ཙཏཱུསུ སུདྡྷཱཝཱསེསུ ཨཉྙཏརསྨིཾ ཨུཔྤཛྫིཏྭཱ ཏཏྠེཝ པརིནིབྦཱཏི, ཨཡཾ ན ཨུདྡྷཾསོཏོ ན ཨཀནིཊྛགཱམཱི ནཱམ ¶ . ཨེཝམེཏེ ཨནཱགཱམིནོ ཨཊྛཙཏྟཱལཱིསཝིདྷཱ ཧོནྟི. ཀཐཾ? ཨཝིཧེསུ ཏཱཝ ཏཡོ ཨནྟརཱཔརིནིབྦཱཡིནོ, ཨེཀོ ཨུཔཧཙྩཔརིནིབྦཱཡཱི, ཨེཀོ ཨུདྡྷཾསོཏོཏི པཉྩ, ཏེ ཨསངྑཱརཔརིནིབྦཱཡིསསངྑཱརཔརིནིབྦཱཡིཝསེན དས ཧོནྟི, ཨེཝཾ ཨཏཔྤསུདསྶསུདསྶཱིསཱུཏི ཙཏྟཱལཱིསཾ, ཨཀནིཊྛེ པན ཨུདྡྷཾསོཏོ ནཏྠི, ཏསྨཱ ཏཏྠ ཏཾ སསངྑཱརཱསངྑཱརཝསེན དུཝིདྷཾ ཨུདྡྷཾསོཏཾ ཝཛྫེཏྭཱ ཨཊྛ ཙཱཏི ཨཊྛཙཏྟཱལཱིས ཧོནྟི.

ཨརཧཱཏི ཀིལེསཱརཱིནཾ ཧཏཏྟཱདིནཱ ཁཱིཎཱསཝོ ཨརཧཱ ནཱམ. སོ སུཉྙཏཱདིཝིམོཀྑཏྟཡཝསེན ཏིཝིདྷོ ཧུཏྭཱ པུན པཙྩེཀཾ པཊིཔདཱཙཏུཀྐཝསེན དྭཱདསཝིདྷཱ ཧོནྟི. ཡཐཱ ཙ ཨརཧཱ དྭཱདསཝིདྷོ, ཨེཝཾ དྭཱདསེཝ སཀདཱགཱམིནོ, ཙཏུཝཱིསཏི སོཏཱཔནྣཱ ཨཊྛཙཏྟཱལཱིས ཨནཱགཱམིནོཝ པཙྩེཀནྟི ཝེདིཏབྦཾ. ཨིམེ ཙ སབྦེ ཨརིཡཱ ཨིམསྨིཾ སཱསནེ ཨེཝ ཨུཔྤཛྫནྟི, ནོ བཧིདྡྷཱཏི. ཨེཀཀནཡོ.

དུཀཱདིམཱཏིཀཏྠཝཎྞནཱ

དུཀཱདཱིསུ ‘‘དྭེ པུགྒལཱ – ཀོདྷནོ ཙ ཨུཔནཱཧཱི ཙ མཀྑཱི ཙ པལཱ༹སཱི ཙཱ’’ཏིཨཱདིནཱ དུཀཉྩ, ‘‘ཏཡོ པུགྒལཱ – ནིརཱསོ ཨཱསཾསོ ཝིགཏཱསོ’’ཏིཨཱདིནཱ ཏིཀཉྩ, ‘‘ཙཏྟཱརོ པུགྒལཱ – ཨསཔྤུརིསོ, ཨསཔྤུརིསེནཨསཔྤུརིསཏརོ, སཔྤུརིསོ, སཔྤུརིསེནསཔྤུརིསཏརོ’’ཏིཨཱདིནཱ ཙཏུཀྐཉྩ, ‘‘པཉྩ པུགྒལཱ – ཨཏྠེཀཙྩོ པུགྒལོ ཨཱརབྷཏི ཙ ཝིཔྤཊིསཱརཱི ཙ ཧོཏི, ཏཉྩ ཙེཏོཝིམུཏྟིཾ པཉྙཱཝིམུཏྟིཾ ཡཐཱབྷཱུཏཾ ནཔྤཛཱནཱཏི. ཡཏྠསྶ ཏེ ཨུཔྤནྣཱ པཱཔཀཱ ཨཀུསལཱ དྷམྨཱ ཨཔརིསེསཱ ནིརུཛ྄ཛྷནྟི, ཨཏྠེཀཙྩོ པུགྒལོ ཨཱརབྷཏི ན ཝིཔྤཊིསཱརཱི ཙ ཧོཏི…པེ… ཨཔརིསེསཱ ནིརུཛ྄ཛྷནྟི, ཨཏྠེཀཙྩོ པུགྒལོ ནཱརབྷཏི ཝིཔྤཊིསཱརཱི ཙ ཧོཏི…པེ… ཨཔརིསེསཱ ནིརུཛ྄ཛྷནྟི. ཨཏྠེཀཙྩོ ¶ པུགྒལོ ནཱརབྷཏི ན ཝིཔྤཊིསཱརཱི ཧོཏི…པེ… ཨཔརིསེསཱ ནིརུཛ྄ཛྷནྟཱི’’ཏིཨཱདིནཱ པཉྩཀཉྩ ཝིཏྠཱརཏོ མཱཏིཀཾ ནིཀྑིཔིཏྭཱ སབྦེཔི ཏེ པུགྒལཱ ནིདྡིཊྛཱ, ཨིདྷ པན ཏེ གནྠཝིཏྠཱརབྷཡེན སབྦེ ན ཨུདྡིཊྛཱ, པཱལི༹ཡཱ ཨེཝ ཉཱཏབྦཱཏི.

ཏཏྠ ¶ ཏིཀེ ནིརཱསོཏི ཨརཧཏྟཱསཱཡ ཝིརཧིཏོ དུསྶཱིལོ. ཏསྶ ཧི ཨཏྟནོ ཨབྷབྦཏཱཡ བྷབྦསཧཱཡཀསྶ སཱིལཝཏོ ཨརཧཏྟཔྤཏྟིཾ སུཏྭཱ, ཙཎྜཱལཔུཏྟསྶ ཝིཡ ཀསྶཙི རཱཛཔུཏྟསྶ རཛྫཱབྷིསེཀཾ སུཏྭཱ ཨབྷིསེཀཔྤཏྟིཡཾ, ‘‘ཀུདཱསྶུ ནཱམཱཧམྤི ཨརཧཏྟཾ པཱཔུཎེཡྻ’’ནྟི ཨརཧཏྟཔྤཏྟིཡཾ པཏྠནཱཔི ན ཨུཔྤཛྫཏི. ཨཱསཾསོཏི ཨརཧཏྟཾ ཨཱསཱིསམཱནོ པཏྠཡམཱནོ སཱིལཝཱ. ཏསྶ ཧི ཨརཧཏྟཔཏྠནཱཡ སཱིལསམྤཏྟིཡཱ ཋིཏཏྟཱ ཀསྶཙི ཨརཧཏྟཔྤཏྟིཾ སུཏྭཱ, ཨུབྷཏོསུཛཱཏསྶ རཱཛཀུམཱརསྶ ཝིཡ ཏཱདིསསྶ ཀསྶཙི རཛྫཱབྷིསེཀཾ སུཏྭཱ ཨབྷིསེཀཔྤཏྟིཡཾ, ཨརཧཏྟཔྤཏྟིཡཾ པཏྠནཱ ཨུཔྤཛྫཏི. ཝིགཏཱསོཏི ཨརཧཱ. སོ ཧི པཏྟཨརཧཏྟཏཱཡ ཏཏྠ ཝིགཏཱསོ ཧོཏི པཏྟཱབྷིསེཀོ ཝིཡ ཁཏྟིཡོ ཨབྷིསེཀཔྤཏྟིཡནྟི ཝེདིཏབྦཾ.

ཙཏུཀྐེ པན པཱཎཱཏིཔཱཏཱདིཨཀུསལཀམྨཔཐསམནྣཱགཏོ ཨསཔྤུརིསོ ནཱམ. ཡོ པན སཡམྤི པཱཎཱཏིཔཱཏཱདཱིནི ཀཏྭཱ པརཉྩ ཏཏྠ སམཱདཔེཏི, ཨཡཾ ཨསཔྤུརིསེནཨསཔྤུརིསཏརོ, ཨསཔྤུརིསཏོཔི ཨསཔྤུརིསཏརོཏི ཨཏྠོ. ཝུཏྟཔཊིཔཀྑཀུསལཝསེན སཔྤུརིསོ, སཔྤུརིསེནསཔྤུརིསཏརོ ཙ ཝེདིཏབྦོ.

པཉྩཀེ ཨཱརབྷཏི ཙ ཝིཔྤཊིསཱརཱི ཙ ཧོཏཱིཏི ཨེཏྠ ཨཱརམྦྷ-སདྡོ ཨཱཔཏྟིཝཱིཏིཀྐམེ ཝཏྟཏི, ཏསྨཱ ཨཱཔཏྟིཝཱིཏིཀྐམཝསེན ཨཱརབྷཏི ཙེཝ ཏཔྤཙྩཡཱ ཙ ཝིཔྤཊིསཱརཱི ཧོཏཱིཏི ཨཏྠོ. ཙེཏོཝིམུཏྟིནྟི ཕལསམྤཡུཏྟསམཱདྷིཾ. པཉྙཱཝིམུཏྟིནྟི ཕལསམྤཡུཏྟཉཱཎཾ. ཡཐཱབྷཱུཏཾ ནཔྤཛཱནཱཏཱིཏི ཨནདྷིགཏཏྟཱ ¶ ཡཐཱསབྷཱཝཏོ ནཔྤཛཱནཱཏི. ཡཏྠསྶཱཏི ཡསྨིཾ ཨརཧཏྟཕལསངྑཱཏེ ཛྷཱནེ ཨདྷིགཏེ ཨསྶ པུགྒལསྶ སབྦེ པཱཔཀཱ ཨཀུསལཱ དྷམྨཱ ནིརཝསེསཱ ནིརུཛ྄ཛྷནྟི, ཏེ ནཔྤཛཱནཱཏཱིཏི སམྦནྡྷོ. ཀིཉྩཱཔི ཏེ མགྒཀྑཎེ ཨེཝ ནིརུཛ྄ཛྷནྟི ནཱམ, ཕལཀྑཎེ པན ནིརུདྡྷཱ ནཱམ ཧོནྟི, ཨིདྷ པན མགྒཀིཙྩཝསེན ‘‘ཕལཀྑཎེ ནིརུཛ྄ཛྷནྟཱི’’ཏི ཝུཏྟཱཏི ཝེདིཏབྦཱ.

ཨཱརབྷཏི ན ཝིཔྤཊིསཱརཱི ཙ ཧོཏཱིཏི ཨཱཔཏྟིཾ ཨཱཔཛྫཏི, ཏཾ པན དེསེཏུཾ སབྷཱགཔུགྒལཾ པརིཡེསཏི, ཝུཊྛཱཔེཏི ཝཱ, ཏསྨཱ ན ཝིཔྤཊིསཱརཱི ཧོཏི. ནཱརབྷཏི ཝིཔྤཊིསཱརཱི ཙ ཧོཏཱིཏི ཨཱཔཏྟིཾ ནཱཔཛྫཏི, ཝིནཡཔཉྙཏྟིཡཾ པན ཨཀོཝིདཏྟཱ ཨནཱཔཏྟིཡཱ ཨཱཔཏྟིསཉྙིཏཱཡ ཝུཊྛིཏཱཡཔི ཏཾ ཨཱཔཏྟིཡཱ ཝིཔྤཊིསཱརཾ ཝིནོདེཏུཾ ཨསཀྐུཎེཡྻཏཱཡ ཝིཔྤཊིསཱརཱི ཧོཏི. ནཱརབྷཏི ན ཝིཔྤཊིསཱརཱི ཧོཏཱིཏི ནཱརབྷཏི ནེཝ ཨཱཔཏྟིཾ ཨཱཔཛྫཏི, ན ཝིཔྤཊིསཱརཱི ཧོཏི. ཨརཧཏྟཉྩ ¶ ན པཱཔུཎཱཏི. ཀཏརོ པནེས པུགྒལོཏི? སཱིལཝཱ ཨོསྶཊྛཝཱིརིཡོ པུགྒལོ. སོ ཧི ‘‘ཀིཾ མེ ཨིམསྨིཾ བུདྡྷཀཱལེ པརིནིབྦཱནེན, ཨནཱགཏེ མེཏྟེཡྻསམྨཱསམྦུདྡྷཀཱལེ པརིནིབྦཱཡིསྶཱམཱི’’ཏི ཝིསུདྡྷསཱིལོཔི པཊིཔཏྟིཾ ན པཱུརེཏི. ཨིམེ ཙཏྟཱརོཔི པུགྒལཱ ཏཐཱ ཏཐཱ ཨོཝདིཏྭཱ ཨཱསཝཀྑཡེ པཏིཊྛཱཔེཏབྦཱ. ཨེཝཾ ཧི ཏེཔི ཡྭཱཡཾ པཉྩམོ པུགྒལོ ནཱརབྷཏི ན ཝིཔྤཊིསཱརཱི ཨཱརདྡྷཝཱིརིཡོ ཨརཧཏྟཾ པཱཔུཎཱཏི, ཏེན སམསམཱཝ བྷཝིསྶནྟཱིཏི.

ཚཀྐཱདཱིསུ –

‘‘ཚ པུགྒལཱ – ཨཏྠེཀཙྩོ པུགྒལོ པུབྦེ ཨནནུསྶུཏེསུ དྷམྨེསུ སཱམཾ སཙྩཱནི ཨབྷིསམྦུཛ྄ཛྷཏི, ཏཏྠ ཙ སབྦཉྙུཏཾ པཱཔུཎཱཏི བལེསུ ཙ ཝསཱིབྷཱཝཾ. ཨཏྠེཀཙྩོ པུགྒལོ…པེ… ཨབྷིསམྦུཛ྄ཛྷཏི, ན ཙ ཏཏྠ སབྦཉྙུཏཾ ¶ པཱཔུཎཱཏི, ན ཙ བལེསུ ཝསིབྷཱཝཾ. ཨཏྠེཀཙྩོ པུགྒལོ…པེ… ཨནབྷིསམྦུཛ྄ཛྷཏི, དིཊྛེཝ དྷམྨེ དུཀྑསྶནྟཀརོ ཧོཏི, སཱཝཀཔཱརམིཉྩ པཱཔུཎཱཏི. ཨཏྠེཀཙྩོ པུགྒལོ…པེ… དུཀྑསྶནྟཀརོ ཧོཏི, ན ཙ སཱཝཀཔཱརམིཾ པཱཔུཎཱཏི. ཨཏྠེཀཙྩོ པུགྒལོ…པེ… ཨནབྷིསམྦུཛ྄ཛྷཏི, ན ཙ དིཊྛེཝ དྷམྨེ དུཀྑསྶནྟཀརོ ཧོཏི, ཨནཱགཱམཱི ཧོཏི ཨནཱགནྟཱ ཨིཏྠཏྟཾ. ཨཏྠེཀཙྩོ པུགྒལོ…པེ… ཨནབྷིསམྦུཛ྄ཛྷཏི, ན ཙ དིཊྛེཝ དྷམྨེ དུཀྑསྶནྟཀརོ ཧོཏི, ཨཱགཱམཱི ཧོཏི ཨཱགནྟཱ ཨིཏྠཏྟ’’ནྟི –

ཚཀྐཾ, ‘‘སཏྟ པུགྒལཱ – སཏྟ ཨུདཀཱུཔམཱ པུགྒལཱ སཀིཾ ནིམུགྒོ ནིམུགྒོཝ ཧོཏི, ཨུམྨུཛྫིཏྭཱ ནིམུཛྫཏི, ཨུམྨུཛྫིཏྭཱ ཋིཏོ ཧོཏི, ཨུམྨུཛྫིཏྭཱ ཝིཔསྶཏི ཝིལོཀེཏི, ཨུམྨུཛྫིཏྭཱ པཏརཏི, ཨུམྨུཛྫིཏྭཱ པཊིགཱདྷཔྤཏྟོ ཧོཏི, ཨུམྨུཛྫིཏྭཱ ཏིཎྞོ ཧོཏི པཱརངྒཏོ, ཐལེ ཏིཊྛཏི བྲཱཧྨཎོ’’ཏིཨཱདིནཱ སཏྟཀཾ, ‘‘ཨཊྛ པུགྒལཱ – ཙཏྟཱརོ མགྒསམངྒིནོ, ཙཏྟཱརོ ཕལསམངྒིནོ པུགྒལཱ’’ཏི ཨཊྛཀཾ, ‘‘ནཝ པུགྒལཱ – སམྨཱསམྦུདྡྷོ པཙྩེཀསམྦུདྡྷོ ཨུབྷཏོབྷཱགཝིམུཏྟོ པཉྙཱཝིམུཏྟོ ཀཱཡསཀྑཱི དིཊྛིཔྤཏྟོ སདྡྷཱཝིམུཏྟོ དྷམྨཱནུསཱརཱི སདྡྷཱནུསཱརཱི’’ཏི ནཝཀཾ, ‘‘དས པུགྒལཱ – པཉྩནྣཾ ཨིདྷ ནིཊྛཱ, པཉྩནྣཾ ཨིདྷ ཝིཧཱཡ ནིཊྛཱ’’ཏི དསཀཉྩ མཱཏིཀཾ ནིཀྑིཔིཏྭཱ པཱལི༹ཡཾ ནིདྡེསོ ཀཏོ. ཏཏྠ ཚཀྐེ པཋམེན པདེན སམྨཱསམྦུདྡྷོ དཊྛབྦོ. སོ ཧི ཨནཱཙརིཡཀོ ཨཏྟནཱ ཨུཔྤཱདིཏེན སབྦཉྙུཏཉྙཱཎཔདཊྛཱནེན ཨརཧཏྟམགྒཉཱཎེན སབྦཱཀཱརཏོ སཙྩཱནི ཨབྷིསམྦུཛ྄ཛྷིཏྭཱ སབྦཉྙུཏཾ པཱཔུཎི, དསཉཱཎབལེསུ ¶ ཙ ཝསིབྷཱཝནྟི. དུཏིཡེན པན པཙྩེཀསམྦུདྡྷོ དཊྛབྦོ. ཏཏིཡེན ཨགྒསཱཝཀོ, ཙཏུཏྠེན ཨཝསེསཱ ཨརཧནྟོ ¶ , པཉྩམེན ཨནཱགཱམཱི, ཚཊྛེན སོཏཱཔནྣསཀདཱགཱམིནོ དཊྛབྦཱ. ཏེ ཧི ‘‘ཨཱགནྟཱ ཨིཏྠཏྟ’’ནྟི ཝུཏྟཱཏི.

སཏྟཀེ པཋམེན པདེན སཱསནེ ཨནིཝིཊྛསདྡྷོ ནིཡཏམིཙྪཱདིཊྛིདྷམྨེཧི ཨེཀནྟཀཱལ༹ཀེཧི སམནྣཱགཏོ གཧིཏོ. སོ ཧི སམུདྡེ ཨུདཀབྷཱིརུཀཔུརིསོ ཝིཡ སཾསཱརེ ཨཔཱཡེ ནིམུགྒོ ནིམུགྒོཝ ཧོཏི, ན པུན བྷཝཏོ ཝུཊྛཱཏི, ཨནནྟམྤི ཀཱལཾ བྷཝེ ཨེཝ ཝིཙརཏི སཱསནསམཱཡོགཱབྷཱཝཱ. དུཏིཡེན པདེན སཱསནེ པཊིལདྡྷསདྡྷོཔི དེཝདཏྟཱདཡོ ཝིཡ སདྡྷཱདིཔརིཧཱནིཡཾ ཋིཏོ དུསྶཱིལོ གཧིཏོ. སོ ཧི སམུདྡེ ཀེནཙི ཀཱརཎེན ཨུམྨུཛྫིཏྭཱ པུན ནིམུགྒོ ཝིཡ སཱསནསདྡྷཱཡ ཨུམྨུཛྫིཏྭཱཔི ཨཔཱཡེ ནིམུཛྫཏི ཨེཝ, ཨཡཾ པན ཙིརཀཱལཱཏིཀྐམེན བུདྡྷཱདཱིཧི, ཨཏྟནཱ ཨེཝ ཝཱ པཙྩེཀབོདྷིཉཱཎེན བྷཝཏོ ཨུདྡྷརཎཱིཡོ ཧོཏི སཱསནེ སཀིཾ ཨུཔྤནྣཱཡཔི སདྡྷཱཡ མོཀྑབྷཱཝེན ནིཡམེན ནིབྦཱནཱཝཧཏྟཱ. ཨཡམེཝ ཧིསྶ པུརིམཔུགྒལཏོ ཝིསེསོ, ཨིཏརཐཱ ཏསྶ ཝིསུཾ གཧཎེ པཡོཛནམེཝ ན སིཡཱཏི གཧེཏབྦཾ. ཏཏིཡེན སཱསནེ ཨུཔྤནྣསདྡྷོ ཋིཏིབྷཱགིཡེཧི སཱིལཱདིགུཎེཧི སམནྣཱགཏོ གཧིཏོ. སོ ཧི ཨུམྨུཛྫིཏྭཱ ཏཱིརཾ ཨདིསྭཱཝ སམུདྡམཛ྄ཛྷེ ནཱཝཱདིཨཱགམནཾ ཨོལོཀེནྟོ པུན ཨནིམུཛྫིཏྭཱ ཨུཎྞཏཔྤདེསེ ཋིཏོ ཝིཡ སཱསནསདྡྷཱཡ ཨུམྨུཛྫིཏྭཱ ནིབྦཱནཾ ཨདིསྭཱཝ བུདྡྷཱདིཾ ཨོལོཀཡམཱནོ སགྒེ, སཱིལཱདིམྷི ཋིཏོ ཧོཏི. ཙཏུཏྠེན པན སོཏཱཔནྣོ གཧིཏོ. སོ ཧི ཨུམྨུཛྫིཏྭཱ ཋིཏོ ཏཱིརཾ དིསྭཱ ཨུཏྟརཎཱུཔཱཡཾ ཝིལོཀཡམཱནོ ཝིཡ ལོཀུཏྟརསདྡྷཱཡ ཨུམྨུཛྫིཏྭཱ ནིབྦཱནཏཱིརཾ དིསྭཱ ཨུཏྟརཎོཔཱཡཾ ཝིལོཀེཏི. པཉྩམེན སཀདཱགཱམཱི གཧིཏོ. སོ ཧི སམུདྡེ ཏཱིརཾ དིསྭཱ ཏདབྷིམུཁཾ ¶ པཏརམཱནོ ཝིཡ པཋམམགྒེན ནིབྦཱནཏཱིརཾ དིསྭཱ ཏདབྷིམུཁཾ དུཏིཡམགྒེན པཏརཏི ནཱམ. ཚཊྛེན ཨནཱགཱམཱི གཧིཏོ. སོ ཧི པཏརིཏྭཱ ཏཱིརཾ ཨུཔགྒམྨ ཀཊིཔྤམཱཎེ ཨུདཀེ ཋིཏོ ཝིཡ ཨརཧཏྟསམཱིཔེ སཏིཀཝཱཊཔཏིཏྠེ ཨནཱཝཏྟིདྷམྨཏཱཡ ཏཏིཡམགྒེན ཏིཊྛཏི. སཏྟམེན པན ཨརཧཱ གཧིཏོ, སོ ཧི ཏརིཏྭཱ པཱརཾ པཏྭཱ ཋིཏཔུརིསོ ཝིཡ ཙཏྟཱརོ ཨོགྷེ ཏརིཏྭཱ ནིབྦཱནཏྠལེ ཋིཏོ ཁཱིཎཱསཝབྲཱཧྨཎོ ནཱམ ཧོཏཱིཏི.

ནཝཀེ ཨུབྷཏོབྷཱགཝིམུཏྟོཏི རཱུཔཱརཱུཔསམཱཔཏྟིཡཱ ཝིཀྑམྦྷནཝིམོཀྑེན, ཨརིཡམགྒེན སམུཙྪེདཝིམོཀྑེན ཀིལེསཏོ ཝིམུཏྟོ, ཨརཱུཔསམཱཔཏྟིཡཱ ཝཱ རཱུཔཀཱཡཏོ, མགྒེན ཙ ནཱམཀཱཡཏོཏི ཨིམེཧི ཨུབྷཏོབྷཱགེཧི ཝིམུཏྟོཏིཔི ཨུབྷཏོབྷཱགཝིམུཏྟོ, སོ ཙཏུནྣཾ ཨརཱུཔསམཱཔཏྟཱིནཾ ¶ ཨེཀེཀཏོ ཝུཊྛཱཡ སངྑཱརེ སམྨསིཏྭཱ ཨརཧཏྟཔྤཏྟཱནཾ ཙཏུནྣཾ, ནིརོདྷཱ ཝུཊྛཱཡ ཨརཧཏྟཔྤཏྟཨནཱགཱམིནོ ཙ ཝསེན པཉྩཝིདྷོ, ཏེསུ པཙྪིམོཝ ནིཔྤརིཡཱཡཏོ ཨུབྷཏོབྷཱགཝིམུཏྟོ ནཱམ, སེསཱ པརིཡཱཡེན. ཨེཏྠ ཙ རཱུཔཱཝཙརཙཏུཏྠཛ྄ཛྷཱནཾ ཀིལེསཀཱཡཏོ ཝིམུཏྟམྤི རཱུཔཀཱཡཏོ ཨཝིམུཏྟཾ, ཨརཱུཔཱཝཙརཾ པན ཏདབྷཡཏོཔི ཝིམུཏྟཾ, ཏསྨཱ ཏདེཝ པཱདཀཾ ཀཏྭཱ ཨརཧཏྟཔྤཏྟོཝ ཨུབྷཏོབྷཱགཝིམུཏྟོ ཧོཏི, ན རཱུཔཱཝཙརནྟི ཝེདིཏབྦཾ. པཉྙཱཝིམུཏྟོཏི ཨརཧཏྟམགྒཔཉྙཱཡ ཨཱསཝེཧི ཝིམུཏྟོ. སོ ཧི སུཀྑཝིཔསྶཀོ, ཙཏཱུཧི རཱུཔཱཝཙརཛ྄ཛྷཱནེཧི ཝུཊྛཱཡ ཨརཧཏྟཔྤཏྟཱ ཙཏྟཱརོ ཙཱཏི པཉྩཝིདྷོ. ཨརཱུཔཱཝཙརཛ྄ཛྷཱནེསུ ཧི ཨེཀསྨིམྤི སཏི ཨུབྷཏོབྷཱགཝིམུཏྟོཝ ནཱམ ཧོཏི.

ཀཱཡསཀྑཱིཏི རཱུཔཱརཱུཔཛ྄ཛྷཱནལཱབྷཱི ཨརིཡོ. སོ ཧི སོཏཱཔཏྟིམགྒཊྛཝཛྫིཏཱནཾ ཚནྣཾ སེཁཱནཾ ཝསེན ཚབྦིདྷོ. ཏེནེཝ ¶ ཧིསྶ ‘‘ཨེཀཙྩེ ཨཱསཝཱ པརིཀྑཱིཎཱ’’ཏི ནིདྡེསེ ཝུཏྟཾ. སོཏཱཔཏྟིམགྒཊྛསྶ ཙ ན ཀེཙིཔི ཨཱསཝཱ པརིཀྑཱིཎཱཏི ཝཏྟབྦཱ, པརིཀྑཱིཡིསྶནྟཱིཏི པན ཝཏྟབྦཱ, ཨརཧཏོ པན སབྦེཔི ཨཱསཝཱ པརིཀྑཱིཎཱ, ན ཨེཀཙྩེཏི. སོ ཧི ཕུཊྛནྟཾ སཙྪིཀརོཏཱིཏི ཀཱཡསཀྑཱི, ཕུཊྛཱནཾ པཊིལདྡྷཱནཾ ཛྷཱནཱནཾ ཨནནྟརཾ ནཱམཀཱཡེན ནིརོདྷཾ སཙྪིཀརོཏཱིཏིཔི ཀཱཡསཀྑཱི, ཀཱཡེནཱཏི ཙེཏྠ ‘‘ནཱམཀཱཡེན ཙེཝ པརམཏྠསཙྩཾ སཙྪིཀརོཏི, པཉྙཱཡ ཙ ཨཏིཝིཛ྄ཛྷ པསྶཏཱི’’ཏི ཝཙནཏོ ཨརཧཏྟཕལཾ ཋཔེཏྭཱ སེསམགྒཕལཱནམེཏཾ ཨདྷིཝཙནཾ, ཏེན ཀཱཡེན པཋམཛ྄ཛྷཱནཱནནྟརཾ ནིབྦཱནསྶ སཙྪིཀརཎཏོཔི ཀཱཡསཀྑཱིཏི ཀེཙི. དིཊྛིཔྤཏྟོཏི སུཀྑཝིཔསྶཀོ, རཱུཔཛ྄ཛྷཱནལཱབྷཱི ཙ ཡཐཱཝུཏྟོ ཚབྦིདྷོ སེཁོ ཙ, ཨཡཾ དིཊྛནྟཔྤཏྟོཏི དིཊྛིཔྤཏྟོ. དསྶནཾ དིཊྛི, པཋམམགྒོ, ཏསྶ ཨནནྟརཾ ནིརོདྷཔྤཏྟོཏི ཨཏྠོ. དིཊྛཔྤཏྟོཏིཔི པཱཋོ, ཏསྶ པཋམམགྒེན དིཊྛཾ ནིབྦཱནཾ པུན པཏྟོཏི ཨཏྠོ.

སདྡྷཱཝིམུཏྟོཏི སུཀྑཝིཔསྶཀོ, རཱུཔཛ྄ཛྷཱནལཱབྷཱི ཙ ཡཐཱཝུཏྟོ ཚབྦིདྷོ སེཁོ ཙ. ཨཡཾ ཧི སདྡཧནྟོ ཝིམུཏྟོཏི སདྡྷཱཝིམུཏྟོ. ཀཐཾ པནེཏསྶ དིཊྛིཔྤཏྟཏོ ནཱནཏྟནྟི? ཨཱགམནཱིཡཔཊིཔདཱཡ. དིཊྛིཔྤཏྟོ ཧི པཉྙཱསམྤདཱཡ པུབྦབྷཱགེ ཝིཔསྶནཱཡ ཀིལེསེ ཨཔྤདུཀྑེན ཝིཀྑམྦྷེནྟོ ཨཱགཏོ, སདྡྷཱཝིམུཏྟོ པན སདྡྷཱབཧུལཏཱཡ ཀིལེསེ དུཀྑེན ཝིཀྑམྦྷེནྟོ ཨཱགཏོ. ཨེཏམེཝ ཧི བྷེདཾ སནྡྷཱཡ ནིདྡེསེ ‘‘ཨེཀཙྩེ ཨཱསཝཱ པརིཀྑཱིཎཱ ཧོནྟི, ནོ ཙ ཁོ ཡཐཱདིཊྛིཔྤཏྟསྶཱ’’ཏི ཝུཏྟཾ.

དྷམྨཱནུསཱརཱིཏི ¶ ཡསྶ སོཏཱཔཏྟིམགྒཀྑཎེ པཉྙིནྡྲིཡཾ ཨདྷིམཏྟཾ ཧོཏི, ཨཡཾ པཉྙཱསངྑཱཏེན དྷམྨེན སརཏི ཨནུསྶརཏཱིཏི དྷམྨཱནུསཱརཱི, སོཏཱཔཏྟིམགྒཊྛསྶེཏཾ ནཱམཾ. ཕལེ པན པཏྟེ དིཊྛིཔྤཏྟོ ནཱམ ཧོཏི. སདྡྷཱནུསཱརཱིཏི ཡསྶ ¶ སོཏཱཔཏྟིམགྒཀྑཎེ སདྡྷིནྡྲིཡཾ ཨདྷིམཏྟཾ ཧོཏི, ཨཡཾ སདྡྷཱཡ སརཏི ཨནུསྶརཏཱིཏི སདྡྷཱནུསཱརཱི, སོཏཱཔཏྟིམགྒཊྛསྶེཏཾ ནཱམཾ. ཕལེ པན པཏྟེ སདྡྷཱཝིམུཏྟོ ནཱམ ཧོཏི.

ལོཀུཏྟརདྷམྨཾ ཧི ནིབྦཏྟེནྟཱནཾ དྭེ དྷུརཱནི ནཱམ, དྭེ ཨབྷིནིཝེསཱ ནཱམ, དྭེ སཱིསཱནི ནཱམ. ཏཏྠ སདྡྷཱདྷུརཾ པཉྙཱདྷུརནྟི དྭེ དྷུརཱནི ནཱམ. ཨེཀོ པན སམཐཱབྷིནིཝེསོ, ཨེཀོ ཝིཔསྶནཱབྷིནིཝེསོཏི དྭེ ཨབྷིནིཝེསཱ. ཨེཀོ ཙ ཨརཧཏྟཾ མཏྠཀཾ པཱཔུཎནྟོ ཨུབྷཏོབྷཱགཝིམུཏྟོ ཧོཏི, ཨེཀོ པཉྙཱཝིམུཏྟོཏི ཨིམཱནི དྭེ སཱིསཱནི ནཱམ. ཡེ ཧི ཀེཙི ལོཀུཏྟརཾ དྷམྨཾ ནིབྦཏྟེནྟི, སབྦེ ཏེ དྭེ ཨིམེ དྷམྨེ དྷུརཾ ཀཏྭཱ ཨིམེསུ དྭཱིསུ ཋཱནེསུ ཨབྷིནིཝིསིཏྭཱ ཨིམེཧི དྭཱིཧི ཋཱནེཧི ཝིམུཙྩནྟི. ཏེསུ ཡོ བྷིཀྑུ ཨཊྛསམཱཔཏྟིལཱབྷཱི པཉྙཾ དྷུརཾ ཀཏྭཱ སམཐཝསེན ཨབྷིནིཝིཊྛོ ཨཉྙཏརཾ ཨརཱུཔསམཱཔཏྟིཾ པདཊྛཱནཾ ཀཏྭཱ ཝིཔསྶནཾ པཊྛཔེཏྭཱ ཨརཧཏྟཾ པཱཔུཎཱཏི, ཨཡཾ སོཏཱཔཏྟིམགྒཀྑཎེ དྷམྨཱནུསཱརཱི ནཱམ. པརཏོ པན ཚསུ ཋཱནེསུ ཀཱཡསཀྑཱི ནཱམ. ཨརཧཏྟཕལཾ པཏྟེ ཨུབྷཏོབྷཱགཝིམུཏྟོ ནཱམ.

ཨཔརོ པཉྙམེཝ དྷུརཾ ཀཏྭཱ ཝིཔསྶནཱཝསེན ཨབྷིནིཝིཊྛོ སུདྡྷསངྑཱརེ ཝཱ རཱུཔཱཝཙརཛ྄ཛྷཱནེསུ ཝཱ ཨཉྙཏརཾ སམྨསིཏྭཱ ཨརཧཏྟཾ པཱཔུཎཱཏི, ཨཡམྤི སོཏཱཔཏྟིམགྒཀྑཎེ དྷམྨཱནུསཱརཱི ནཱམ. པརཏོ པན ཚསུ ཋཱནེསུ དིཊྛིཔྤཏྟོ ནཱམ, ཨརཧཏྟཾ པཏྟེ པཉྙཱཝིམུཏྟོ ནཱམ.

ཨཔརོ པན ཨཊྛསམཱཔཏྟིལཱབྷཱི སདྡྷཾ དྷུརཾ ཀཏྭཱ སམཱདྷིཝསེན ཨབྷིནིཝིཊྛོ ཨཉྙཏརཾ ཨརཱུཔསམཱཔཏྟིཾ པདཊྛཱནཾ ཀཏྭཱ ཝིཔསྶནཾ པཊྛཔེཏྭཱ ཨརཧཏྟཾ པཱཔུཎཱཏི, ཨཡཾ སོཏཱཔཏྟིམགྒཀྑཎེ སདྡྷཱནུསཱརཱི ནཱམ, པརཏོ ཚསུ ཋཱནེསུ ཀཱཡསཀྑཱིཡེཝ ¶ ནཱམ. ཨརཧཏྟཾ པཏྟེ ཨུབྷཏོབྷཱགཝིམུཏྟོཡེཝ ནཱམ. ཨཔརོ སདྡྷམེཝ དྷུརཾ ཀཏྭཱ ཝིཔསྶནཱཝསེན ཨབྷིནིཝིཊྛོ སུདྡྷསངྑཱརེ ཝཱ རཱུཔཱཝཙརཛ྄ཛྷཱནེསུ ཝཱ ཨཉྙཏརཾ སམྨསིཏྭཱ ཨརཧཏྟཾ པཱཔུཎཱཏི, ཨཡམྤི སོཏཱཔཏྟིམགྒཀྑཎེ སདྡྷཱནུསཱརཱི ནཱམ, པརཏོ ཚསུ ཋཱནེསུ སདྡྷཱཝིམུཏྟོ ནཱམ. ཨརཧཏྟཔྤཏྟེ པཉྙཱཝིམུཏྟོ ནཱམ. ཨིམེ སཏྟ པུགྒལཱ སམྨཱསམྦུདྡྷཔཙྩེཀསམྦུདྡྷེཧི སདྡྷིཾ ནཝ ལོཀེ ཨགྒདཀྑིཎེཡྻཱ ནཱམཱཏི.

དསཀེ ¶ པཉྩནྣཾ ཨིདྷ ནིཊྛཱཏི སཏྟཀྑཏྟུཔརམོ, ཀོལཾཀོལོ, ཨེཀབཱིཛཱི, སཀདཱགཱམཱི ཀཱམཱཝཙརཔཊིསནྡྷིཀོ, ཨརཧཱ ཙཱཏི ཨིམེསཾ པཉྩནྣཾ ཨིདྷ ཀཱམཱཝཙརབྷཱུམིཡཉྙེཝ ཨནུཔཱདིསེསནིབྦཱནསངྑཱཏཱ ནིཊྛཱཏི ཨཏྠོ. ཀཱམཱཝཙརཏྟབྷཱཝེ ཨེཝ ཧི ཨེཏེ པརིནིབྦཱཡནྟི, ནཱཉྙསྨིཾ. པཉྩནྣཾ ཨིདྷ ཝིཧཱཡ ནིཊྛཱཏི ཨནྟརཱཔརིནིབྦཱཡཱི ཨུཔཧཙྩཔརིནིབྦཱཡཱི ཨསངྑཱརཔརིནིབྦཱཡཱི སསངྑཱརཔརིནིབྦཱཡཱི ཨུདྡྷཾསོཏོ ཨཀནིཊྛགཱམཱི ཙཱཏི ཨིམེསཾ པཉྩནྣཾ ཨིདྷ ཀཱམཱཝཙརེ ཨཏྟབྷཱཝཾ ཝིཧཱཡ ཝིཛཧིཏྭཱ བྲཧྨཏྟབྷཱཝེ ཋིཏཱནཉྙེཝ ནིཊྛཱཏི ཨཏྠོ. སེསམེཏྠ ཨུཏྟཱནཏྠམེཝཱཏི. ཨཡམེཏྠ སངྑེཔཏོ པཱལི༹ནཡེན སདྡྷིཾ ཨཏྠནིཙྪཡོ, ཝིཏྠཱརོ པན པུགྒལཔཉྙཏྟིཔཱལི༹ཨཊྛཀཐཱསུ (པུ. པ. མཱཏིཀཱ ༡ ཨཱདཡོ; པུ. པ. ཨཊྛ. མཱཏིཀཱཝཎྞནཱ ༡) གཧེཏབྦོཏི.

མོཧཝིཙྪེདནིཡཱ ཨབྷིདྷམྨམཱཏིཀཏྠཝཎྞནཱཡ

པུགྒལཔཉྙཏྟིམཱཏིཀཏྠཝཎྞནཱ ནིཊྛིཏཱ.

༥. ཀཐཱཝཏྠུམཱཏིཀཱ

པུགྒལཀཐཱཝཎྞནཱ

ཨིདཱནི ¶ ¶ ཀཐཱཝཏྠུམཱཏིཀཱཡ ཨཏྠསཾཝཎྞནཱནཡོ ཧོཏི. ཏཏྠ ཨནུཏྟཱནཏྠཏོ ཏཱཝ ‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི ཨཡཾ པུཙྪཱ, ‘‘ཨཱམནྟཱ’’ཏི ཨཡཾ པཊིཛཱནནཱ. ཀསྶ པནཱཡཾ པུཙྪཱ, ཀསྶ པཊིཛཱནནཱཏི? ‘‘ཨསུཀསྶཱ’’ཏི ན ཝཏྟབྦཱ. ན ཧི བྷགཝཱ པརཝཱདཱིཧི སདྡྷིཾ ཝིགྒཱཧིཀཀཐཾ ཀཐེནྟོ ཨིམཾ མཱཏིཀཾ ཋཔེསི, པུགྒལཔཉྙཏྟིདེསནཱདིཾ པན ནིསྶཱཡ ‘‘པརམཏྠཏོ ཨཏྟཱ ནཱམ ཨཏྠཱི’’ཏིཨཱདིནཱ ཨནཱགཏེ ཝིཔལླཱསགཱཧིབྷིཀྑཱུནཾ, པརཝཱདཱིནཉྩ ནཱནཔྤཀཱརདིཊྛིཊྛཱནཝིསོདྷནཏྠཾ མོགྒལིཔུཏྟཏིསྶཏྠེརསྶ ཝཱདནཡདསྶནཝསེན པུགྒལཝཱདམེཏཾ ཨཱརབྦྷ ཏནྟིཝསེན མཱཏིཀཾ ཋཔེནྟོ སཀཝཱདིཔརཝཱདཱིནཾ པུཙྪཱཝིསཛྫནདོསཱརོཔནནིགྒཧཔཱཔནཱདིཝཙནཔཊིཝཙནཝསེནེཝ ཋཔེསི, ཏསྨཱ ཏདཏྠསྶ སུཁཱཝདྷཱརཎཏྠཾ སཀཝཱདཱིཔུཙྪཱ པརཝཱདཱིཔུཙྪཱ སཀཝཱདཱིཔཊིཉྙཱ པརཝཱདཱིཔཊིཉྙཱཏི ཨེཝཾ ཝིབྷཱགཾ དསྶེཏྭཱ ཨཏྠཝཎྞནཾ ཀརིསྶཱམ.

‘‘པུགྒལོ ཨུཔལབྦྷཏི སཙྩིཀཊྛཔརམཏྠེནཱ’’ཏི ཨཡཾ སཀཝཱདཱིཔུཙྪཱ, ཏཱཡ ཙ ‘‘ཡེ ‘ཨཏྠི པུགྒལོ’ཏི ཨེཝཾལདྡྷིཀཱ པུགྒལཝཱདིནོ, ཏེ ཨེཝཾ པུཙྪིཏབྦཱ’’ཏི དཱིཔེཏི. ཀེ པན ཏེ པུགྒལཝཱདིནོཏི? སཱསནེ ཝཛྫིཔུཏྟཀཱ ཙེཝ སམྨིཏིཡཱ ཙ བཧིདྡྷཱ བཧཱུ ཨཉྙཏིཏྠིཡཱ ཙ. ཀདཱ པནེཏེ སཱསནེ ཨུཔྤནྣཱཏི? པརིནིབྦཱནཏོ དུཏིཡེ ཝསྶསཏེ. བྷགཝཏི ཀིར པརིནིབྦུཏེ མཧཱཀསྶཔཏྠེརེན སམུསྶཱཧིཏེཧི ཏཔྤམུཁེཧི ཝསིགཎེཧི སུབྷདྡཝུཌྜྷཔབྦཛིཏཱདཱིནཾ པཱཔབྷིཀྑཱུནཾ པཝེསོཀཱསནིསེདྷནཏྠཾ ཨཛཱཏསཏྟུརཱཛཱནཾ སཧཱཡཾ ལབྷིཏྭཱ དྷམྨཝིནཡསརཱིརཾ སངྒཧཾ ཨཱརོཔེཏྭཱ སཱསནེ ཨཙལེ པཝཏྟཱཔིཏེ ཏཏོ ཝསྶསཏསྶ ཨཙྩཡེན ཝེསཱལིཡཾ ཝཛྫིཔུཏྟཀེཧི དཱིཔིཏཱནི ¶ དས ཝཏྠཱུནི མདྡིཏྭཱ ཏེ ཙ བྷིཀྑཱུ ¶ ནིགྒཧེཏྭཱ ཡསཏྠེརསམུསྶཱཧིཏེཧི ཝསིགཎེཧི པུན དྷམྨཝིནཡསངྒཧེ ཀཏེ ཏེཧི ནིགྒཧིཏཱ དསསཧསྶཱ ཝཛྫིཔུཏྟཀཱ ཀཉྩི དུབྦལརཱཛཱནཾ བལཾ ལབྷིཏྭཱ མཱུལསངྒཧཾ བྷིནྡིཏྭཱ ཨཏྟནོ ཨནཱཙཱརཱནུཀཱུལཝཙནཾ པཀྑིཔིཏྭཱ བུདྡྷཝཙནཉྩ ཚཌྜེཏྭཱ མཧཱསངྒཱིཏཱིཧི ཝིསུཾ དྷམྨཝིནཡསངྒཧཾ ཀཏྭཱ མཧཱསངྒྷིཀཱཙརིཡཀུལཾ ནཱམ ཨཀཾསུ. པརིསུདྡྷསཱསནཾ པན ཐེརེཧི པརིཔཱལིཏཏྟཱ ‘‘ཐེརཝཱདོ’’ཏི པཉྙཱཡི, ཨིམེསུ པན དྭཱིསུ ཝཱདེསུ མཧཱསངྒྷིཀཏོ བྷིཛྫིཏྭཱ ཨེཀབྱོཧཱརིཀཱ, གོཀུལིཀཱ ཙ, ཏཏོ པཎྞཏྟིཝཱདཱ, བཧུལིཡཱ, ཙེཏིཡཝཱདཱ ཙཱཏི པཉྩ ཝཱདཱ, མཧཱསངྒྷིཀེཧི པན སདྡྷིཾ ཚ ཨཱཙརིཡཀུལཱནི ནཱམ ཛཱཏཱནི. ཏཐཱ ཐེརཝཱདཏོ བྷིཛྫིཏྭཱ མཧིསཱསཀཱ, ཝཛྫིཔུཏྟཀཱ ཙ, ཏཏོ དྷམྨུཏྟརིཡཱ, བྷདྲཡཱནིཀཱ, ཚནྣཱགཱརིཀཱ, སམྨིཏིཡཱ ཙ, མཧིསཱསཀཏོ དྷམྨགུཏྟིཀཱ, སབྦཏྠིཀཱ ཙ, ཏཏོ ཀསྶཔིཀཱ, ཏཏོ སངྐནྟིཀཱ, ཏཏོ སུཏྟཝཱདཱ ཙཱཏི ཨིམེ ཨེཀཱདས ཝཱདཱ ཛཱཏཱ. ཏེ པུརིམེཧི ཚཧི སདྡྷིཾ སཏྟརས བྷིནྣཝཱདཱ དུཏིཡེ ཝསྶསཏེ ཨུཔྤནྣཱ, ཐེརཝཱདོ པན ཨེཀོཝ ཨསམྦྷིནྣཀོ, ཏེན སདྡྷིཾ སཱསནེ ཨཊྛཱརས ནིཀཱཡཱ ཛཱཏཱཏི ཝེདིཏབྦཱ, ཡེ ‘‘ཨཊྛཱརསཱཙརིཡཀུལཱནཱི’’ཏི པཝུཙྩནྟི. ཨིམེསཾ པན ཨཊྛཱརསནྣཾ ཨཱཙརིཡཝཱདཱནཾ ཝསེན ཨཱཡཏིཾ སཱསནསྶ ཨཱལུལ༹ནཾ ཉཏྭཱ སམྨཱསམྦུདྡྷོ དྭིནྣཾ ཝསྶསཏཱནཾ ཨཙྩཡེན སཱསནེ པཊིལདྡྷསདྡྷེན ཨསོཀེན དྷམྨརཉྙཱ བཱཧིརཀེ ཨནོལོཀེཏྭཱ སཱསནེ ཨེཝ ལཱབྷསཀྐཱརེ པཝཏྟནྟེ ལཱབྷསཀྐཱརཏྠཱཡ སཱསནཝེསཾ གཧེཏྭཱ སཀཱནི སཀཱནི དིཊྛིགཏཱནི ཏཐཏོ དཱིཔེནྟེསུ དྭཱསཊྛིདིཊྛིགཏིཀེསུ ཡཐཱཝུཏྟསཏྟརསཱཙརིཡཀུལེསུ ཙ སམཡཀུསལཏཱཡ ཝིཙིནིཏྭཱ སེཏཀཱནི དཏྭཱ ཨུཔྤབྦཱཛིཏེསུ པརིསུདྡྷེ མཧཱབྷིཀྑུསངྒྷེ ནིསཱིདིཏྭཱ མོགྒལིཔུཏྟཏིསྶཏྠེརསྶ ཡཱནི ཏདཱ ཨུཔྤནྣཱནི ཝཏྠཱུནི, ཡཱནི ཙ ཨཱཡཏིཾ ཨུཔྤཛྫིསྶནྟི, སབྦཱནིཔི ¶ ཏཱནི ཨཏྟནོ སཏྠཱརཱ དིནྣམཱཏིཀཱམུཁམཏྟེན པཊིབཱཧིཏྭཱ སུཏྟསཧསྶཔཊིམཎྜིཏཾ པརཔྤཝཱདམཐནཾ ཨཱཡཏིལཀྑཎཾ ཀཐཱཝཏྠུཔྤཀརཎཾ མཱཏིཀཱཝིབྷཛནཝསེན བྷཱསིཏྭཱ ཏཾ ཏཏིཡསངྒཱིཏིཡཾ སངྒཧཾ ཨཱརོཔེཏྭཱ ཨཱལུལི༹ཏཾ སཱསནཾ པགྒཧེཏུཾ སམཏྠབྷཱཝཾ བྷིཀྑུསངྒྷེ པཀཱསནཏྠཾ ཨཱཡཏིཝཱདཔྤཊིབཱཧནནཡདསྶནཝསེན ཨིམཾ ཀཐཱཝཏྠུམཱཏིཀཾ ཝཏྭཱ ཐེརསྶ ཨོཀཱསཾ ཋཔེནྟོ ཏསྶཱ ཝིབྷངྒཾ ན ཨཝོཙཱཏི ཝེདིཏབྦཾ.

ཏཏྠ པུགྒལོཏི ཨཏྟཱ ཛཱིཝོ སཏྟོ. ཨུཔལབྦྷཏཱིཏི པཉྙཱཡ ཨུཔགནྟྭཱ ལབྦྷཏི, ཉཱཡཏཱིཏི ཨཏྠོ. སཙྩིཀཊྛཔརམཏྠེནཱཏི ཨེཏྠ སཙྩིཀཊྛོཏི མཱཡཱམརཱིཙིཨཱདཡོ ཝིཡ ཨབྷཱུཏཱཀཱརེན ཨགྒཧེཏབྦོ བྷཱུཏཊྛོ. པརམཏྠོཏི ཨནུསྶཝཱདིཝསེན ཨགྒཧེཏབྦོ ཨུཏྟམཏྠོ. ཨུབྷཡེནཱཔི ཡཐཱ རཱུཔཝེདནཱདཡོ ¶ དྷམྨཱ བྷཱུཏེན སབྷཱཝེན ཨུཔལབྦྷནྟི, ཨེཝཾ ཏཱཝ ‘‘པུགྒལོ ཨུཔལབྦྷཏཱི’’ཏི པུཙྪཏི. པརཝཱདཱི ‘‘ཨཱམནྟཱ’’ཏི པཊིཛཱནཱཏི. པཊིཛཱནནཉྷི ཀཏྠཙི ‘‘ཨཱམ བྷནྟེ’’ཏི ཨཱགཙྪཏི, ཀཏྠཙི ‘‘ཨཱམོ’’ཏི ཨཱགཙྪཏི, ཨིདྷ པན ‘‘ཨཱམནྟཱ’’ཏི ཨཱགཏཾ. ཏཏྲཱཡཾ ཨདྷིཔྤཱཡོ – པརཝཱདཱི ཧི ཡསྨཱ བྷགཝཏཱ ‘‘ཨཏྠི པུགྒལོ ཨཏྟཧིཏཱཡ པཊིཔནྣོ’’ཏིཨཱདིནཱ (ཨ. ནི. ༤.༩༥-༩༦) པུགྒལོ པཀཱསིཏོ, བྷགཝཱ ཙ ཨཝིཏཐཝཱདཱི, ཏསྨཱ སོ ‘‘སཙྩིཀཊྛཔརམཏྠེནེཝ ཨཏྠཱི’’ཏི ལདྡྷིཾ གཧེཏྭཱ ‘‘ཨཱམནྟཱ’’ཏི པཊིཛཱནཱཏི.

ཨཐསྶ ཏཱདིསསྶ ལེསཝཙནསྶ ཚལཝཱདསྶ ཨོཀཱསཾ ཨདདམཱནོ སཀཝཱདཱི ‘‘ཡོ སཙྩིཀཊྛོ’’ཏིཨཱདིམཱཧ. ཏཏྲཱཡཾ ཨདྷིཔྤཱཡོ – ཡྭཱཡཾ ཧེཊྛཱ རཱུཔཝེདནཱདིཀོ དྷམྨཔྤབྷེདོ ཨཱགཏོ, ན སམྨུཏིསཙྩཝསེན, ནཱཔི ཨནུསྶཝཱདིཝསེན གཧེཏབྦོ, ཨཏྟནོ པན བྷཱུཏཏཱཡ ཨེཝ སཙྩིཀཊྛོ, ཨཏྟཔཙྩཀྑཏཱཡ ཙ པརམཏྠོ, སོ ¶ ཏཐཱཔཊིཉྙཱཏོ པུགྒལོ ཏཏོ ཏེན སཙྩིཀཊྛཔརམཏྠེན ཨཱཀཱརེན ཨུཔལབྦྷཏི, ཡཐཱ རུཔྤནཱནུབྷཝནཱདིནཱ སཀིཡེནཱཀཱརེན པུན སཙྩིཀཊྛཔརམཏྠོ ཨུཔལབྦྷཏི, ཀིཾ ཏཝ པུགྒལོཔི ཨེཝཾ ཨུཔལབྦྷཏཱིཏི ཝུཏྟཾ ཧོཏི. ན ཧེཝཾ ཝཏྟབྦེཏི ཨཝཛཱནནཱ པརཝཱདིསྶ. སོ ཧི ཏཐཱརཱུཔཾ པུགྒལཾ ཨནིཙྪནྟོ ཨཝཛཱནཱཏི. ན ཧི ཨཏྟཱ ནཱམ ཁནྡྷཱདིཝིམུཏྟོ ཀོཙི དིསྶཏི ཨཉྙཏྲ བྱཱམོཧམཏྟཱ. ཏཏྲཱཡཾ པདཙྪེདོ – ན ཧི ཨེཝཾ ཝཏྟབྦེཏི. ‘‘ན ཧ ཨེཝ’’ནྟིཔི པཋནྟི, དྭིནྣམྤི ཨེཝཾ ན ཝཏྟབྦོཏི ཨཏྠོ.

ཨཱཛཱནཱཧི ནིགྒཧནྟི སཀཝཱདིཝཙནཾ. ཡསྨཱ ཏེ པུརིམཱཡ ཝཏྟབྦཔཊིཉྙཱཡ པཙྪིམཱ ནཝཏྟབྦཔཊིཉྙཱ, པཙྪིམཱཡ ཙ པུརིམཱ ན སནྡྷཱིཡཏི, ཏསྨཱ ནིགྒཧཾ པཏྟོ, ཏཾ ནིགྒཧཾ དོསཾ ཨཔརཱདྷཾ ཨཱཛཱནཱཧི, སམྤཊིཙྪཱཧཱིཏི ཨཏྠོ. ཨེཝཾ ནིགྒཧཾ ཨཱཛཱནཱཔེཏྭཱ ཨིདཱནི ཏཾ ཋཔནཱཡ ཙེཝ ཨནུལོམཔཊིལོམཏོ པཱཔནཱརོཔནཱནཉྩ ཝསེན པཱཀཊཾ ཀརོནྟོ ‘‘ཧཉྩི པུགྒལོ’’ཏིཨཱདིམཱཧ. ཏཏྠ ཧཉྩཱིཏི ཡདི, སཙེ པུགྒལོ ཨུཔལབྦྷཏཱིཏི ཨཏྠོ. ཨཡཾ ཏཱཝ པརཝཱདཱིཔཀྑསྶ ཨནུཝདནེན ཋཔནཏོ ནིགྒཧཔཏིཊྛཱཔནཏོ ནིགྒཧཔཱཔནཱརོཔནཱནཾ ལཀྑཎབྷཱུཏཱ ཨནུལོམཊྛཔནཱ ནཱམ. ཏེན ཝཏ རེཏིཨཱདི ཨནུལོམཔཀྑེ ནིགྒཧསྶ པཱཔིཀཏྟཱ ཨནུལོམཔཱཔནཱ ནཱམ. ཏཏྠ ཏེནཱཏི ཀཱརཎཝཙནཾ. ཝཏཱཏི ཨོཀཔྤནཝཙནཾ ནིཡམཝཙནཾ. རེཏི ཨཱམནྟནཝཙནཾ. ཨིདཾ ཝུཏྟཾ ཧོཏི – ཏེན ཝཏ རེ ཝཏྟབྦེ ཝཏ རེ ཧམྦྷོ བྷདྲམུཁ ཏེན ཀཱརཎེན ཝཏྟབྦོ ཨེཝཱཏི ཨཏྠོ. ཡཾ ཏཏྠ ཝདེསཱིཏིཨཱདི ཨནུལོམཔཀྑེ ནིགྒཧསྶ ཨཱརོཔིཏཏྟཱ ཨནུལོམརོཔནཱ ནཱམ. ཡཉྩསྶ པརིཡོསཱནེ ‘‘མིཙྪཱ’’ཏི པདཾ, ཏསྶ པུརཏོ ‘‘ཨིདཾ ¶ ཏེ’’ཏི ཨཱཧརིཏབྦཾ. ཨིདཾ ཏེ མིཙྪཱཏི ཨཡཉྷེཏྠ ཨཏྠོ. ཨེཝཾ ཨུཔརིཔི ¶ . པརཏོ པཱལི༹ཡམྤི ཨེཏཾ ཨཱགཏམེཝ. ནོ ཙེ པན ཝཏྟབྦེཏིཨཱདི ‘‘ན ཧེཝཾ ཝཏྟབྦེ’’ཏི པཊིཀྑིཏྟཔཀྑསྶ ཨནུཝདནེན ཋཔིཏཏྟཱ པཊིལོམཏོ ནིགྒཧཔཱཔནཱརོཔནཱནཾ ལཀྑཎབྷཱུཏཱ པཊིལོམཊྛཔནཱ ནཱམ. ནོ ཙ ཝཏ རེཏིཨཱདི པཊིལོམཔཀྑེ ནིགྒཧསྶ པཱཔིཏཏྟཱ པཊིལོམཔཱཔནཱ ནཱམ. པུན ཡཾ ཏཏྠ ཝདེསཱིཏིཨཱདི པཊིལོམཔཀྑེ ནིགྒཧསྶ ཨཱརོཔིཏཏྟཱ པཊིལོམརོཔནཱ ནཱམ.

ཏཏྲཱཡཾ ཨཱདིཏོ པཊྛཱཡ སངྑེཔཏྠོ – ཡདི པུགྒལོ ཨུཔལབྦྷཏི སཙྩིཀཊྛཔརམཏྠེན, ཏེན ཝཏ བྷོ སོ ཨུཔལབྦྷཏཱིཏི ཝཏྟབྦོ. ཡཾ པན ཏཏྠ ཝདེསི ‘‘ཝཏྟབྦོ ཁོ པུརིམཔཉྷེ ‘སཙྩིཀཊྛཔརམཏྠེན ཨུཔལབྦྷཏཱི’ཏི ནོ ཙ ཝཏྟབྦོ དུཏིཡཔཉྷེ ‘ཏཏོ སོ པུགྒལོ ཨུཔལབྦྷཏཱི’’’ཏི, ཨིདཾ ཏེ མིཙྪཱཏི ཨེཝཾ ཏཱཝ ཨནུལོམཏོ ཋཔནཱཔཱཔནཱརོཔནཱ ཧོནྟི.

ཨཐ ན ཝཏྟབྦོ དུཏིཡཔཉྷེ ‘‘ཏཏོ སོ པུགྒལོ ཨུཔལབྦྷཏཱི’’ཏི, པུརིམཔཉྷེཔི ན ཝཏྟབྦོཝ. ཡཾ པན ཏཏྠ ཝདེསི ‘‘ཝཏྟབྦོ ཁོ པུརིམཔཉྷེ ‘སཙྩིཀཊྛཔརམཏྠེན ཨུཔལབྦྷཏཱི’ཏི, ནོ ཙ ཝཏྟབྦོ དུཏིཡཔཉྷེ ‘ཏཏོ སོ པུགྒལོ ཨུཔལབྦྷཏཱི’’’ཏི, ཨིདཾ ཏེ མིཙྪཱཏི ཨེཝཾ པཊིལོམཏོ ཋཔནཱཔཱཔནཱརོཔནཱ ཧོནྟི. ཨེཝམེཏཾ ནིགྒཧསྶ ཙ ཨནུལོམཏོ དྭིནྣཾ, པཊིལོམཏོ དྭིནྣནྟི ཙཏུནྣཾ པཱཔནཱརོཔནཱནཉྩ ཝུཏྟཏྟཱ ཨུཔལབྦྷཏཱིཏིཨཱདིཀཾ ཨནུལོམཔཉྩཀཾ ནཱམ. ཨེཏྠ ཙ ཀིཉྩཱཔི ཨནུལོམཏོ པཱཔནཱརོཔནཱཧི ཨེཀོ, པཊིལོམཏོ པཱཔནཱརོཔནཱཧི ཨེཀོཏི དྭེ ནིགྒཧཱ ཀཏཱ, ཨཱཛཱནཱཧི ནིགྒཧནྟི ཨེཏསྶེཝ པན པཋམསྶ ནིགྒཧསྶ དྭཱིཧཱཀཱརེཧི ཨཱརོཔིཏཏྟཱ ཨེཀོཝཱཡཾ ནིགྒཧོཏི གཧེཏབྦོ. པཋམོ ནིགྒཧོ.

ཨིདཱནི ¶ པཙྩནཱིཀནཡོ ཧོཏི. ཏཏྠ པུགྒལོ ནུཔལབྦྷཏཱིཏི པུཙྪཱ པརཝཱདིསྶ. སཀཝཱདཱི ཡཐཱ རཱུཔཝེདནཱདཡོ དྷམྨཱ ཨུཔལབྦྷནྟི, ཨེཝཾ ཨནུཔལབྦྷནཱིཡཏོ ‘‘ཨཱམནྟཱ’’ཏི པཊིཛཱནཱཏི. པུན ཨིཏརོ ཨཏྟནཱ ཨདྷིཔྤེཏཾ སཙྩིཀཊྛཾཡེཝ སནྡྷཱཡ ‘‘ཡོ སཙྩིཀཊྛོ’’ཏིཨཱདིམཱཧ. སམྨུཏིསཙྩཔརམཏྠསཙྩཱནི ཝཱ ཨེཀཏོ ཀཏྭཱཔི པརཝཱདཱི ཨེཝམཱཧ. སཀཝཱདཱི པུགྒལོ ཧི ཨུཔཱདཱཡཔཉྙཏྟིསབྦྷཱཝཏོཔི དྭིནྣཾ སཙྩཱནཾ ཨེཀཏོ ཀཏྭཱ པུཙྪིཏཏྟཱཔི ‘‘ན ཧེཝ’’ནྟི པཊིཀྑིཔཏི. ཨིདཱནི ཀིཉྩཱཔི ཏེན པཋམཾ པརམཏྠསཙྩཝསེན ནུཔལབྦྷནཱིཡཏཱ སམྤཊིཙྪིཏཱ, པཙྪཱ པན སམྨུཏིསཙྩཝསེན ཝཱ ཝོམིསྶཀཝསེན ཝཱ པཊིཀྑིཏྟཱ. པརཝཱདཱི པན ¶ ‘‘ནུཔལབྦྷཏཱི’’ཏི ཝཙནསཱམཉྙམཏྟཾ ཚལཝཱདཾ ནིསྶཱཡ ‘‘ཡཾ ཏཡཱ པཋམཾ པཊིཉྙཱཏཾ, ཏཾ པཙྪཱ པཊིཀྑིཏྟ’’ནྟི བྷཎྜནསྶ པཊིབྷཎྜནཾ ཝིཡ ཨཏྟནོ ཀཏསྶ ནིགྒཧཀམྨསྶ པཊིཀམྨཾ ཀརོནྟོ ‘‘ཨཱཛཱནཱཧི པཊིཀམྨ’’ནྟི ཨཱཧ. ཨིདཱནི ཡཐཱསྶ ཨནུལོམཔཉྩཀེ སཀཝཱདིནཱ ཝཱདཊྛཔནཾ ཀཏྭཱ ཨནུལོམཔཊིལོམཏོ པཱཔནཱརོཔནཱཧི པརཝཱདིནིགྒཧོ པཱཀཊོ ཀཏོ, ཨེཝཾ པཊིཀམྨཾ པཱཀཊཾ ཀརོནྟོ ‘‘ཧཉྩི པུགྒལོ’’ཏིཨཱདིམཱཧ. ཏཾ ཧེཊྛཱ ཝུཏྟནཡེནེཝ ཨཏྠཏོ ཝེདིཏབྦཾ. ཡསྨཱ པནེཏྠ ཋཔནཱ ནཱམ པརཝཱདིཔཀྑསྶ ཋཔནཏོ ‘‘ཨཡཾ ཏཝ དོསོ’’ཏི དསྶེཏུཾ ཋཔནམཏྟམེཝ ཧོཏི, ན ནིགྒཧསྶ ཝཱ པཊིཀམྨསྶ ཝཱ པཱཀཊཱིབྷཱཝཀརཎཾ, པཱཔནཱརོཔནཱཧི པནསྶ པཱཀཊཱིཀརཎཾ ཧོཏི, ཏསྨཱ ཨིདཾ ཨནུལོམཔཊིལོམཏོ པཱཔནཱརོཔནཱནཾ ཝསེན ཙཏཱུཧཱཀཱརེཧི པཊིཀམྨསྶ ཀཏཏྟཱ པཊིཀམྨཙཏུཀྐཾ ནཱམཱཏི ཨེཀཾ ཙཏུཀྐཾ ཝེདིཏབྦཾ.

ཨེཝཾ པཊིཀམྨཾ ཀཏྭཱ ཨིདཱནི ཡྭཱསྶ ཨནུལོམཔཉྩཀེ སཀཝཱདིནཱ ནིགྒཧོ ཀཏོ, ཏསྶ ཏམེཝ ཚལཝཱདཾ ནིསྶཱཡ དུཀྐཊབྷཱཝཾ དསྶེནྟོ ‘‘ཏྭཾ ཙེ པན མཉྙསཱི’’ཏིཨཱདིམཱཧ. ཏཏྠ ཏྭཾ ཙེ པན མཉྙསཱིཏི ཡདི ཏྭཾ མཉྙསི. ‘‘ཝཏྟབྦེ ¶ ཁོ’’ཏི ཨིདཾ པཙྩནཱིཀེ ‘‘ཨཱམནྟཱ’’ཏི པཊིཛཱནནཾ སནྡྷཱཡ ཝུཏྟཾ, ‘‘ནོ ཙ ཝཏྟབྦེ’’ཏི ཨིདཾ པན ‘‘ན ཧེཝཱ’’ཏི ཨཝཛཱནནཾ སནྡྷཱཡ ཝུཏྟཾ. ཏེན ཏཝ ཏཏྠཱཏི ཏེན ཀཱརཎེན ཏྭཾཡེཝ ཏསྨིཾ ‘‘ཡོ ནུཔལབྦྷཏཱི’’ཏི པཀྑེ ཧེཝཾ པཊིཛཱནནྟི ‘‘ཨཱམནྟཱ’’ཏི ཨེཝཾ པཊིཛཱནནྟོ. ཧེཝཾ ནིགྒཧེཏབྦེཏི པུན ‘‘ན ཧེཝཱ’’ཏི ཨཝཛཱནནྟོ ཨེཝཾ ནིགྒཧེཏབྦོ. ཨཐ ཏཾ ནིགྒཎྷཱམཱཏི ཨཐེཝཾ ནིགྒཎྷནཱརཧཾ ཏཾ ནིགྒཎྷཱམ, སུནིགྒཧིཏོ ཙ ཧོསཱིཏི སཀེན མཏེན ནིགྒཧིཏཏྟཱ སུནིགྒཧིཏོ ཙ བྷཝསི. ཨེཝམསྶ ནིགྒཧེཏབྦབྷཱཝཾ དསྶེཏྭཱ ཨིདཱནི ཏཾ ནིགྒཎྷནྟོ ‘‘ཧཉྩཱི’’ཏིཨཱདིམཱཧ. ཏཏྠ ཋཔནཱཔཱཔནཱརོཔནཱ ཧེཊྛཱ ཝུཏྟནཡེནེཝ ཝེདིཏབྦཱ. པརིཡོསཱནེ པན ཨིདཾ ཏེ མིཙྪཱཏི ཨིདཾ ཏཝ ཝཙནཾ མིཙྪཱ ཧོཏཱིཏི ཨཏྠོ. ཨིདཾ ཚལཝཱདེན ཙཏཱུཧི ཨཱཀཱརེཧི ནིགྒཧསྶ ཀཏཏྟཱ ནིགྒཧཙཏུཀྐཾ ནཱམ.

ཨེཝཾ ནིགྒཧཾ ཀཏྭཱཔི ཨིདཱནི ‘‘ཡདི ཨཡཾ མཡཱ ཏཝ མཏེན ཀཏོ ནིགྒཧོ དུནྣིགྒཧོ, ཡོཔི མམ ཏཡཱ ཧེཊྛཱ ཨནུལོམཔཉྩཀེ ཀཏོ ནིགྒཧོ, སོཔི དུནྣིགྒཧོ’’ཏི དསྶེནྟོ ‘‘ཨེསེ ཙེ དུནྣིགྒཧིཏེ’’ཏིཨཱདིམཱཧ. ཏཏྠ ཨེསེ ཙེ དུནྣིགྒཧིཏེཏི ཨེསོ ཙེ ཏཝ ཝཱདོ མཡཱ དུནྣིགྒཧིཏོ, ཨཐ ཝཱ ཨེསོ ཙེ ཏཝ མཡཱ ཀཏོ ནིགྒཧོ དུནྣིགྒཧོ. ཧེཝམེཝཾ ཏཏྠ དཀྑཱཏི ཏཏྠཱཔི ཏཡཱ མམ ཧེཊྛཱ ཀཏེ ནིགྒཧེ ཨེཝམེཝཾ པསྶ. ཨིདཱནི ཡྭཱསྶ ཧེཊྛཱ སཀཝཱདིནཱ ནིགྒཧོ ¶ ཀཏོ, ཏཾ ‘‘ཝཏྟབྦེ ཁོ’’ཏིཨཱདིཝཙནེན དསྶེཏྭཱ པུན ཏཾ ནིགྒཧཾ ཨནིགྒཧབྷཱཝཾ ཨུཔནེནྟོ ‘‘ནོ ཙ མཡཾ ཏཡཱ’’ཏིཨཱདིམཱཧ. ཏཏྠ ནོ ཙ མཡཾ ཏཡཱ ཏཏྠ ཧེཏཱཡ པཊིཉྙཱཡཱཏིཨཱདཱིསུ ཨཡམཏྠོ – ཡསྨཱ སོ ཏཡཱ མམ ཀཏོ ནིགྒཧོ དུནྣིགྒཧོ, ཏསྨཱ མཡཾ ཏཡཱ ཏཏྠ ཨནུལོམཔཉྩཀེ ‘‘ཨཱམནྟཱ’’ཏི ཨེཏཱཡ པཊིཉྙཱཡ ཨེཝཾ པཊིཛཱནནྟཱ པུན ‘‘ན ཧེཝཱ’’ཏི པཊིཀྑེཔེ ཀཏེཔི ¶ ‘‘ཨཱཛཱནཱཧི ནིགྒཧ’’ནྟི ཨེཝཾ ནིགྒཧེཏབྦཱཡེཝ, ཨེཝཾ ཨནིགྒཧེཏབྦམྤི མཾ ནིགྒཎྷཱསི, ཨཱིདིསེན པན ནིགྒཧེན དུནྣིགྒཧིཏཱ མཡཾ ཧོམ. ཨིདཱནི ཡཾ ནིགྒཧཾ སནྡྷཱཡ དུནྣིགྒཧིཏཱ ཙ ཧོམཱཏི ཨཝོཙ, ཏཾ དསྶེཏུཾ ‘‘ཧཉྩི པུགྒལོ…པེ… ཨིདཾ ཏེ མིཙྪཱ’’ཏི ཨཱཧ. ཨེཝམིདཾ ཨནུལོམཔཊིལོམཏོ ཙཏཱུཧི པཱཔནཱརོཔནཱཧི ནིགྒཧསྶ ཨུཔནཱིཏཏྟཱ ཨུཔནཡནཙཏུཀྐཾ ནཱམ ཧོཏི.

ཨིདཱནི ན ཧེཝཾ ནིགྒཧེཏབྦེཏིཨཱདིཀཾ ནིགྒམནཙཏུཀྐཾ ནཱམ ཧོཏི. ཏཏྠ ན ཧེཝཾ ནིགྒཧེཏབྦེཏི ཡཐཱཧཾ ཏཡཱ ནིགྒཧིཏོ, ན ཧི ཨེཝཾ ནིགྒཧེཏབྦོ, ཨེཏསྶ ཧི ནིགྒཧསྶ དུནྣིགྒཧབྷཱཝོ མཡཱ སཱདྷིཏོ. ཏེན ཧཱིཏི ཏེན ཀཱརཎེན. ཡསྨཱ ཨེས ནིགྒཧོ དུནྣིགྒཧོ, ཏསྨཱ ཡཾ མཾ ནིགྒཎྷཱསི. ཧཉྩི པུགྒལོ…པེ… ཨིདཾ ཏེ མིཙྪཱཏི ཨིདཾ ནིགྒཎྷནཾ ཏཝ མིཙྪཱཏི ཨཏྠོ. ཏེན ཧི ཡེ ཀཏེ ནིགྒཧེཏི ཡེན ཀཱརཎེན ཨིདཾ མིཙྪཱ, ཏེན ཀཱརཎེན ཡོ ཏཡཱ ནིགྒཧོ ཀཏོ, སོ དུཀྐཊོ. ཡཾ མཡཱ པཊིཀམྨཾ ཀཏཾ, ཏདེཝ སུཀཏཾ. ཡཱཔི ཙེསཱ པཊིཀམྨཙཏུཀྐཱདིཝསེན ཀཐཱམགྒསམྤཊིཔཱདནཱ ཀཏཱ, སཱཔི སུཀཏཱཏི. ཏདེཝ པུགྒལོ ཨུཔལབྦྷཏཱིཏིཨཱདིཀསྶ ཨནུལོམཔཉྩཀསྶ ནུཔལབྦྷཏཱིཏིཨཱདིཀཱནཾ པཊིཀམྨནིགྒཧོཔནཡནནིགྒམནཙཏུཀྐཱནཉྩ ཝསེན ཨནུལོམཔཙྩནཱིཀཾ ནཱམ ནིདྡིཊྛནྟི ཝེདིཏབྦཾ. ཨེཏྟཱཝཏཱ སཀཝཱདིནོ པུབྦཔཀྑེ སཏི པརཝཱདིནོ ཝཙནསཱམཉྙམཏྟེན ཚལཝཱདེན ཛཡོ ཧོཏི.

ཨིདཱནི ཡཐཱ པརཝཱདིནོ པུབྦཔཀྑེ སཏི སཀཝཱདིནོ དྷམྨེནེཝ ཏཐེན ཛཡོ ཧོཏི, ཏཐཱ ཝཱདུཔྤཏྟིཾ དསྶེཏུཾ ‘‘པུགྒལོ ནུཔལབྦྷཏཱི’’ཏི པཙྩནཱིཀཱནུལོམཔཉྩཀཾ ཨཱརདྡྷཾ. ཏཏྠ པཙྩནཱིཀེ པུཙྪཱ པརཝཱདིསྶ, རཱུཔཱདིབྷེདཾ སཙྩིཀཊྛཔརམཏྠཾ ¶ སནྡྷཱཡ པཊིཉྙཱ སཀཝཱདིསྶ, སུདྡྷསམྨུཏིསཙྩཾ ཝཱ པརམཏྠམིསྶཀཾ ཝཱ སམྨུཏིསཙྩཾ སནྡྷཱཡ ‘‘ཡོ སཙྩིཀཊྛོ’’ཏི པུན ཨནུཡོགོ པརཝཱདིསྶ, སམྨུཏིཝསེན ‘‘པུགྒལོ ནུཔལབྦྷཏཱི’’ཏི ནཝཏྟབྦཏྟཱ མིསྶཀཝསེན ཝཱ ཨནུཡོགསྶ སཾཀིཎྞཏྟཱ ‘‘ན ཧེཝ’’ནྟི པཊིཀྑེཔོ སཀཝཱདིསྶ, པཊིཉྙཱཏཾ པཊིཀྑིཔཏཱིཏི ཝཙནསཱམཉྙམཏྟེན ‘‘ཨཱཛཱནཱཧི ནིགྒཧ’’ནྟིཨཱདིཝཙནཾ པརཝཱདིསྶ. ཨེཝམཡཾ པུགྒལོ ནུཔལབྦྷཏཱིཏི ¶ དུཏིཡཝཱདཾ ནིསྶཱཡ དུཏིཡོ ནིགྒཧོ ཧོཏཱིཏི ཝེདིཏབྦོ. ཨེཝཾ ཏེན ཚལེན ནིགྒཧོ ཨཱརོཔིཏོ.

ཨིདཱནི དྷམྨེན སམེན པརཝཱདིཔཊིཉྙཱཡ ཨཏྟནོ ཝཱདེ ཛཡཾ དསྶེཏུཾ ཨནུལོམནཡེ པུཙྪཱ སཀཝཱདིསྶ, ཨཏྟནོ ལདྡྷིཾ ནིསྶཱཡ པཊིཉྙཱ པརཝཱདིསྶ, ལདྡྷིཡཱ ཨོཀཱསཾ ཨདཏྭཱ པརམཏྠཝསེན པུན ཨནུཡོགོ སཀཝཱདིསྶ, པརམཏྠཝསེན པུགྒལསྶ ཨནུཔལབྦྷནཏོ པཊིཀྑེཔོ པརཝཱདིསྶ, ཏཏོ པརཾ དྷམྨེན སམེན ཨཏྟནོ ཛཡདསྶནཏྠཾ ‘‘ཨཱཛཱནཱཧི པཊིཀམྨ’’ནྟིཨཱདི སབྦཾ སཀཝཱདིཝཙནམེཝ ཧོཏི. ཏཏྠ སབྦེསཾ པཊིཀམྨནིགྒཧོཔནཡནནིགྒམནཙཏུཀྐཱནཾ ཧེཊྛཱ ཝུཏྟནཡེནེཝ ཨཏྠོ ཝེདིཏབྦོ. ཨེཝམིདཾ ‘‘པུགྒལོ ནུཔལབྦྷཏཱི’’ཏིཨཱདིཀསྶ པཙྩནཱིཀཔཉྩཀསྶ ‘‘ཨུཔལབྦྷཏཱི’’ཏིཨཱདཱིནཾ པཊིཀམྨནིགྒཧོཔནཡནནིགྒམནཙཏུཀྐཱནཉྩ ཝསེན པཙྩནཱིཀཱནུལོམཔཉྩཀཾ ནཱམ ནིདྡིཊྛཾ ཧོཏི. ཨེཝམེཏཱནི པཋམསཙྩིཀཊྛེ དྭེ པཉྩཀཱནི ནིདྡིཊྛཱནི, ཏཏྠེཏཾ ཝུཙྩཏི –

‘‘ནིགྒཧོ པརཝཱདིསྶ, སུདྡྷོ པཋམཔཉྩཀེ;

ཨསུདྡྷོ པན ཏསྶེཝ, པཊིཀམྨཛཡོ ཏཧིཾ.

‘‘ནིགྒཧོ སཀཝཱདིསྶ, ཨསུདྡྷོ དུཏིཡཔཉྩཀེ;

ཝིསུདྡྷོ པན ཏསྶེཝ, པཊིཀམྨཛཡོ ཏཧིཾ.

‘‘ཏསྨཱ དྭཱིསུཔི ཋཱནེསུ, ཛཡོཝ སཀཝཱདིནོ;

དྷམྨེན ཧི ཛཡོ ནཱམ, ཨདྷམྨེན ཀུཏོ ཛཡོ.

‘‘སཙྩིཀཊྛེ ¶ ཡཐཱ ཙེཏྠ, པཉྩཀདྭཡམཎྜིཏེ;

དྷམྨཱདྷམྨཝསེནེཝ, ཝུཏྟོ ཛཡཔརཱཛཡོ.

‘‘ཨིཏོ པརེསུ སབྦེསུ, སཙྩིཀཊྛེསུ པཎྜིཏོ;

ཨེཝམེཝ ཝིབྷཱཝེཡྻ, ཨུབྷོ ཛཡཔརཱཛཡེ’’ཏི. (ཀཐཱ. ཨཊྛ. ༧-༡༠);

པཋམོ སུདྡྷིཀསཙྩིཀཊྛོ ནིཊྛིཏོ.

ཨེཝཾ ¶ སུདྡྷིཀསཙྩིཀཊྛཾ ཝིཏྠཱརེཏྭཱ ཨིདཱནི ཏམེཝ ཨཔརེཧིཔི ཨོཀཱསཱདཱིཧི ནཡེཧི ཝིཏྠཱརེཏུཾ པུན ‘‘པུགྒལོ ཨུཔལབྦྷཏཱི’’ཏིཨཱདི ཨཱརདྡྷཾ. ཏཏྠ པུཙྪཱ སཀཝཱདིསྶ, པཊིཉྙཱ པརཝཱདིསྶ. པུན སབྦཏྠཱཏི སརཱིརཾ སནྡྷཱཡ ཨནུཡོགོ སཀཝཱདིསྶ, རཱུཔསྨིཾ ཨཏྟཱནཾ སམནུཔསྶནཱདོསཉྩ ‘‘ཨཉྙཾ ཛཱིཝཾ ཨཉྙཾ སརཱིར’’ནྟི ཨཱཔཛྫནདོསཉྩ དིསྭཱ པཊིཀྑེཔོ པརཝཱདིསྶ. སེསམེཏྠ ཨནུལོམཔཙྩནཱིཀཔཉྩཀེ ཧེཊྛཱ ཝུཏྟནཡེནེཝ ཝེདིཏབྦཾ. པཱཋོ པན སཾཁིཏྟོ. ཏཏྠ ཡསྨཱ སརཱིརཾ སནྡྷཱཡ ‘‘སབྦཏྠ ནུཔལབྦྷཏཱི’’ཏི ཝུཏྟེ སརཱིརཏོ བཧི ཨུཔལབྦྷཏཱིཏི ཨཱཔཛྫཏི, ཏསྨཱ པཙྩནཱིཀེ པཊིཀྑེཔོ སཀཝཱདིསྶ, པཋམཾ ཨནུཛཱནིཏྭཱ པཙྪཱ ཨཝཛཱནཱཏཱིཏི ཚལཝཱདསྶ ཝསེན པཊིཀམྨཾ པརཝཱདིསྶ, སེསཾ པཱཀཊམེཝ.

དུཏིཡནཡེ སབྦདཱཏི པུརིམཔཙྪིམཛཱཏིཀཱལཉྩ དྷརམཱནཔརིནིབྦུཏཀཱལཉྩ སནྡྷཱཡ ཨནུཡོགོ སཀཝཱདིསྶ, སྭེཝ ཁཏྟིཡོ སོ བྲཱཧྨཎོཏིཨཱདཱིནཾ ཨཱཔཏྟིདོསཉྩ དྷརམཱནཔརིནིབྦུཏཱནཾ ཝིསེསཱབྷཱཝདོསཉྩ དིསྭཱ པཊིཀྑེཔོ པརཝཱདིསྶ. སེསཾ པཋམནཡེ ཝུཏྟསདིསམེཝ.

ཏཏིཡནཡེ སབྦེསཱུཏི ཁནྡྷཱཡཏནཱདཱིནི སནྡྷཱཡ པུཙྪཱ སཀཝཱདིསྶ, རཱུཔསྨིཾ ཨཏྟཱ, ཙཀྑུསྨིཾ ཨཏྟཱཏིཨཱདིདོསབྷཡེན པཊིཀྑེཔོ པརཝཱདིསྶ. སེསཾ ཏཱདིསམེཝཱཏི.

ཨེཝམིམཱནི ¶ ཏཱིཎི མུཁཱནི ཨནུལོམཔཙྩནཱིཀཔཉྩཀེ ཨནུལོམམཏྟཝསེནེཝ ཏཱཝ པཊིཔཱཊིཡཱ བྷཱཛེཏྭཱ པུན པཙྩནཱིཀཱནུལོམཔཉྩཀེ པཙྩནཱིཀམཏྟཝསེནེཝ བྷཱཛེཏུཾ ‘‘པུགྒལོ ནུཔལབྦྷཏཱི’’ཏིཨཱདི ཨཱརདྡྷཾ. ཏཏྠ ཧེཊྛཱ ཝུཏྟནཡེན ཨཏྠོ ཝེདིཏབྦོ. ཨེཏྟཱཝཏཱ སུདྡྷིཀསྶ ཙེཝ ཨིམེསཉྩ ཏིཎྞནྟི ཙཏུནྣཾ སཙྩིཀཊྛཱནཾ ཨེཀེཀསྨིཾ སཙྩིཀཊྛེ ཨནུལོམཔཙྩནཱིཀསྶ, པཙྩནཱིཀཱནུལོམསྶ ཙཱཏི དྭིནྣཾ དྭིནྣཾ པཙྩནཱིཀཱནཾ ཝསེན ཨཡཾ ཨཊྛམུཁཱ ནཱམ ཝཱདཡུཏྟི ནིདྡིཊྛཱ ཧོཏཱིཏི ཝེདིཏབྦཱ. ཡཱ ཨེཀེཀསྨིཾ མུཁེ ཨེཀེཀསྶ ནིགྒཧསྶ ཝསེན ཝུཙྩཏི. ཏཏྠེཏཾ ཝུཙྩཏི –

‘‘ཨེཝཾ ཙཏུབྦིདྷེ པཉྷེ, པཉྩཀདྭཡབྷེདཏོ;

ཨེསཱ ཨཊྛམུཁཱ ནཱམ, ཝཱདཡུཏྟི པཀཱསིཏཱ.

‘‘ཨཊྛེཝ ¶ ནིགྒཧཱ ཏཏྠ, ཙཏྟཱརོ ཏེསུ དྷམྨིཀཱ;

ཨདྷམྨིཀཱ ཙ ཙཏྟཱརོ, སབྦཏྠ སཀཝཱདིནོ;

ཛཡོ པརཱཛཡོ ཙེཝ, སབྦཏྠ པརཝཱདིནོ’’ཏི. (ཀཐཱ. ཨཊྛ. ༡༤);

ཨཡཾ ཏཱཝེཏྠ ཨནུཏྟཱནཏྠཏོ སཾཝཎྞནཱ.

ཨཏྠཝིནིཙྪཡོ པནེཏྠཱཔི མོགྒལིཔུཏྟཏིསྶཏྠེརེན ཀཏནིདྡེསསྶ ནཡམུཁམཏྟདསྶནཝསེནེཝ ཧོཏི. ཐེརེན ཧི བྷགཝཏཱ ཋཔིཏཱཡ ཨེཏིསྶཱ མཱཏིཀཱཡ པདུདྡྷཱརཝསེན ནིདྡེསཾ ཨཀཏྭཱ བྷགཝཏཱ དིནྣཨཊྛམུཁཝཱདཡུཏྟིནཡེ ཋཏྭཱ ཨཔརེཧི པརིཡཱཡེཧི པུགྒལཝཱདཾ, ཏདཉྙཾ ནཱནཔྤཀཱརཾ མིཙྪཱགཱཧཉྩ ནིརཱཀརོནྟེནེཝ པུགྒལཀཐཾ ཨཱདིཾ ཀཏྭཱ སཱདྷིཀདྭིསཏཀཐཱཧི ནིདྡེསོ ཀཏོ.

ཏཏྠ པུགྒལཝཱདནིརཱཀརཎཏྠཾ ཏཱཝ ཁནྡྷཱཡཏནདྷཱཏུཨིནྡྲིཡཝསེན སཏྟཔཉྙཱསཱཡ དྷམྨེསུ ཨེཀེཀེན སདྡྷིཾ ‘‘པུགྒལོ ཨུཔལབྦྷཏི སཙྩིཀཊྛཔརམཏྠེན, རཱུཔཉྩ ཨུཔལབྦྷཏི སཙྩིཀཊྛཔརམཏྠེན…པེ… པུགྒལོ ཨུཔལབྦྷཏི སཙྩིཀཊྛཔརམཏྠེན, ཝེདནཱཔི ¶ ཨུཔལབྦྷཏི སཙྩིཀཊྛཔརམཏྠེནཱ’’ཏིཨཱདིནཱ ནཡེན པུགྒལསཾསནྡནཝསཔྤཝཏྟཾ སུདྡྷིཀསཾསནྡནཾ, ཡཐཱ རཱུཔཝེདནཱདཡོ སཏྟཔཉྙཱས དྷམྨཱ ཨཉྙམཉྙཱ ཝིསདིསཱ ཨུཔལབྦྷནྟི, ཨེཝཾ རཱུཔཱདཱིཧི ཝིསདིསོ པུགྒལོ ཨུཔལབྦྷཏཱིཏི པུཙྪནཝསཔྤཝཏྟཾ ཨོཔམྨསཾསནྡནཾ, ‘‘རཱུཔཾ པུགྒལོ, རཱུཔསྨིཾ པུགྒལོ, ཨཉྙཏྲ རཱུཔཱ པུགྒལོ, པུགྒལསྨིཾ རཱུཔ’’ནྟི ཨེཝཾ ཙཏུཀྐནཡེན སཏྟཔཉྙཱསཱཡ དྷམྨེཧི པུཙྪནཝསཔྤཝཏྟཾ ཙཏུཀྐནཡསཾསནྡནནྟི ཏིཝིདྷཱ སཾསནྡནནཡཱ ཝུཏྟཱ. ཏཏྠ པུགྒལསྶ རཱུཔཱདིསབྷཱཝཏྟེ ནིཙྩསསྶཏུཙྪེདཱདིཔྤསངྒཏོ ཡཐཱནུརཱུཔཾ ནིརཱཀརཎཾ ཝེདིཏབྦཾ, ཨཏིཝིཏྠཱརབྷཡེནེཏྠ ཨུཔརི ཙེཏཾ ན ཝིཏྠཱརཱིཡཏི.

ཏཏོ ‘‘ཡཐཱ རཱུཔཱདཡོ སཔྤཙྩཡཱ, ཨཔྤཙྩཡཱདཡོ ཝཱ ཧོནྟི, ཨེཝཾ ཏཝ པུགྒལོཔི སཔྤཙྩཡཏཱདིལཀྑཎཡུཏྟོ’’ཏི པུཙྪནཝསཔྤཝཏྟཱ ལཀྑཎཡུཏྟིཀཐཱ, ‘‘པུགྒལོ’’ཏི, ‘‘ཨུཔལབྦྷཏཱི’’ཏི ཙ པདདྭཡཱདིསོདྷནཏྠཾ ‘‘ཡོ པུགྒལོ, སོ ཨུཔལབྦྷཏི. ཡོ ཝཱ ཨུཔལབྦྷཏི, སོ པུགྒལོ’’ཏིཨཱདིཔུཙྪནཝསཔྤཝཏྟཾ ཝཙནསོདྷནཾ, ‘‘རཱུཔདྷཱཏུཡཱ རཱུཔཱི’’ཏིཨཱདི ནཱམཔཉྙཏྟིསོདྷནཝསཔྤཝཏྟོ པཉྙཏྟཱནུཡོགོ ཙ, ‘‘སོཝ པུགྒལོ སནྡྷཱཝཏི ཨསྨཱ ལོཀཱ པརཾ ལོཀཾ, ཨཉྙོ ཝཱ, ན ཨཉྙོ ཝཱ, ནེཝ ཨཉྙོ ནཱནཉྙོ ཝཱ’’ཏིཨཱདིནཱ གཏིཔརིཝཏྟནམུཁེན ཙུཏིཔཊིསནྡྷཱནུཡོགོ ¶ , ‘‘རུཀྑཾ ཨུཔཱདཱཡ ཚཱཡཱདཱིནཾ ཝིཡ ཁནྡྷཱདིཾ ཨུཔཱདཱཡ པརམཏྠཏོ པུགྒལཔཉྙཏྟཱི’’ཏི ཝཱདེ ཏསྶ ཨནིཙྩསངྑཏཏཱདིཔྤསངྒདཱིཔཀོ ཨུཔཱདཱཔཉྙཏྟཱནུཡོགོ, ‘‘ཀལྱཱཎཔཱཔཀཱནཾ ཀམྨཱནཾ ཀཱརཀོ པུགྒལོ’’ཏི ཝཱདེ ཏསྶ ཝཊྚདུཀྑཱནུཔཙྪེདཱདིཔྤསངྒདཱིཔཀོ པུརིསཀཱརཱནུཡོགོ ཙ, ‘‘ཡོ ཨིདྡྷིཝིཀུབྦཀོ, སོ པུགྒལོ’’ཏིཨཱདིཝཱདབྷེདཀོ ཨབྷིཉྙཱནུཡོགོ, ‘‘མཱཏཱཔིཏཱདཡོ ནཱམ ཨཏྠི, ཏེན པུགྒལོ ཨཏྠཱི’’ཏི ཝཱདབྷེདཀོ ཉཱཏཀཱནུཡོགོ ¶ , ‘‘ཨེཝཾ ཁཏྟིཡོ’’ཏིཨཱདི ཛཱཏྱཱནུཡོགོ, ‘‘གཧཊྛོ པབྦཛིཏོ’’ཏིཨཱདི པཊིཔཏྟཱནུཡོགོ, ‘‘དེཝོ མནུསྶོ’’ཏིཨཱདི ཨུཔཔཏྟཱནུཡོགོ, ‘‘སོཏཱཔནྣོ’’ཏིཨཱདི པཊིཝེདྷཱནུཡོགོ, ‘‘ཨཊྛ པུརིསཔུགྒལཱ’’ཏིཨཱདི སངྒྷཱནུཡོགོ, ‘‘པུགྒལོ སངྑཏོ’’ཏིཨཱདིཝསཔྤཝཏྟོ སཙྩིཀཊྛསབྷཱགཱནུཡོགོ, ‘‘སུཁཾ ཝེདནཾ ཝེདིཡམཱནོ’’ཏིཨཱདི ཝེདཀཱནུཡོགོ, ‘‘ཀཱཡེ ཀཱཡཱནུཔསྶཱི’’ཏིཨཱདི ཀིཙྩཱནུཡོགོ, ‘‘ཨཏྠི པུགྒལོ ཨཏྟཧིཏཱཡ པཊིཔནྣོ’’ཏིཨཱདིནཱ པུགྒལསབྷཱཝསཱདྷཀསུཏྟེསུ སནྣིསྶིཏེསུ –

སབྦེ དྷམྨཱ ཨནཏྟཱ (མ. ནི. ༡.༣༥༣, ༣༥༦; དྷ. པ. ༢༧༩), དུཀྑམེཝ ཨུཔྤཛྫམཱནཾ ཨུཔྤཛྫཏི (སཾ. ནི. ༢.༡༥).

ཀིནྣུ སཏྟོཏི པཙྩེསི, མཱར དིཊྛིགཏཾ ནུ ཏེ;

སུདྡྷསངྑཱརཔུཉྫོཡཾ, ནཡིདྷ སཏྟཱུཔལབྦྷཏི.

དུཀྑམེཝ ཧི སམྦྷོཏི, དུཀྑཾ ཏིཊྛཏི ཝེཏི ཙ;

ནཱཉྙཏྲ དུཀྑཱ སམྦྷོཏི, ནཱཉྙཾ དུཀྑཱ ནིརུཛ྄ཛྷཏི. (སཾ. ནི. ༡.༡༧༡);

ཡསྨཱ ཙ ཁོ, ཨཱནནྡ, སུཉྙཾ ཨཏྟེན ཝཱ ཨཏྟནིཡེན ཝཱ…པེ… ཏསྨཱ སུཉྙོ ལོཀོཏི ཝུཙྩཏི (སཾ. ནི. ༤.༨༥).

‘‘ཨཏྟནི ཝཱ, བྷིཀྑཝེ, སཏི ཨཏྟནིཡཾ མེཏི ཨསྶཱཏི…པེ… ཨཏྟནི ཙ བྷིཀྑཝེ ཨཏྟནིཡེ ཙ སཙྩཏོ ཐེཏཏོ ཨནུཔལབྦྷནིཡམཱནེ ཡམྤི ཏཾ དིཊྛིཊྛཱནཾ, སོ ལོཀོ, སོ ཨཏྟཱ, སོ པེཙྩ བྷཝིསྶཱམི, ནིཙྩོ དྷུཝོ སསྶཏོ ཨཝིཔརིཎཱམདྷམྨོ, སསྶཏིསམཾ ཏཐེཝ ཋསྶཱམཱིཏི ¶ , ནནཱཡཾ, བྷིཀྑཝེ, ཀེཝལོ པརིཔཱུརོ བཱལདྷམྨོ’’ཏི (མ. ནི. ༡.༢༤༤), ‘‘ཏཏྲ, སེནིཡ, ཡྭཱཡཾ སཏྠཱ དིཊྛེ ཙེཝ དྷམྨེ ཨཏྟཱནཾ སཙྩཏོ ཐེཏཏོ ན པཉྙཱཔེཏི, ཨབྷིསམྤརཱཡེ ཙ…པེ… ཨཡཾ ཝུཙྩཏི, སེནིཡ, སཏྠཱ ¶ སམྨཱསམྦུདྡྷོ’’ཏིཨཱདིནཱ པུགྒལཱབྷཱཝདཱིཔཀསུཏྟསནྡསྶནཝསཔྤཝཏྟོ སུཏྟསནྡསྶནཱནུཡོགོ ཙཱཏི ཨེཏྟཀེན ཀཐཱམགྒེན ཝིཏྠཱརཏོ པཋམཱ པུགྒལཀཐཱ ཝིབྷཏྟཱ. ཏཏྠ ‘‘ཨཏྠི པུགྒལོ ཨཏྟཧིཏཱཡ པཊིཔནྣོ’’ཏིཨཱདཱིསུ ཡཐཱ རཱུཔཱདཡོ དྷམྨཱ པཙྩཏྟལཀྑཎསཱམཉྙལཀྑཎཝསེན ལབྦྷནྟི, ན ཨེཝཾ པུགྒལོ, རཱུཔཱདཱིསུ པན སཏི ལོཀཝོཧཱརམཏྟེན ‘‘ཨཏྠི པུགྒལོ’’ཏི ཝུཙྩཏཱིཏི. ཝུཏྟམྤི ཙེཏཾ བྷགཝཏཱ – ‘‘ཨིམཱ ཁོ, ཙིཏྟ…པེ… ལོཀཝོཧཱརཱ ལོཀཔཉྙཏྟིཡོ’’ཏི (དཱི. ནི. ༡.༤༤༠). དྭིདྷཱཔི བུདྡྷཱནཾ ཀཐཱ སམྨུཏིཀཐཱ, པརམཏྠཀཐཱ ཙ. ཏཏྠ ‘‘སཏྟོ པུགྒལོ གཱམོ པབྦཏོ’’ཏིཨཱདིཀཱ སམྨུཏིཀཐཱ ནཱམ, ‘‘ཨནིཙྩཾ དུཀྑཾ ཨནཏྟཱ ཁནྡྷཱ ཨཱཡཏནཱནཱི’’ཏིཨཱདིཀཱ པརམཏྠཀཐཱ ནཱམ. བུདྡྷཱ ཧི ཡེ ཡེ སཏྟཱ ཡཐཱ ཡཐཱ བུཛ྄ཛྷིཏྭཱ ཙཏུསཙྩཔཊིཝེདྷཾ ཀཱཏུཾ སཀྐོནྟི, ཏེསཾ ཏེསཾ ཏཐཱ ཏཐཱ སམྨུཏིཝསེན ཝཱ པརམཏྠཝསེན ཝཱ ཝོམིསྶཀཝསེན ཝཱ དེསེཏྭཱ ནཱམརཱུཔཔརིཙྪེདདསྶནཝསེནེཝ ཨམཏཾ མགྒཾ པཀཱསེནྟི. ཨཡཉྷི –

དུཝེ སཙྩཱནི ཨཀྑཱསི, སམྦུདྡྷོ ཝདཏཾ ཝརོ;

སམྨུཏིཾ པརམཏྠཉྩ, ཏཏིཡཾ ནུཔལབྦྷཏི.

ཏཏྠ –

སངྐེཏཝཙནཾ སཙྩཾ, ལོཀསམྨུཏིཀཱརཎཾ;

པརམཏྠཝཙནཾ སཙྩཾ, དྷམྨཱནཾ ཏཐལཀྑཎཾ.

ཏསྨཱ ཝིཉྙཱུ ཨཀཏྭཱན, བྱཉྫནེབྷིནིཝེསནཾ;

པརམཏྠེ པཏིཊྛཱཡ, པུགྒལཱདིཾ ཝིཝཛྫཡེ.

པཉྙཏྟིཾ ཨནཏིཀྐམྨ, པརམཏྠོ པཀཱསིཏོ;

ཝིནཱཡཀེན སོ ཡསྨཱ, ཏསྨཱ ཨཉྙོཔི པཎྜིཏོ;

པརམཏྠཾ པཀཱསེནྟོ, སམཉྙཾ ནཱཏིདྷཱཝཡེཏི. (ཀཐཱ. ཨཊྛ. ༢༣༧);

ཨཡཾ པུགྒལཀཐཱནཡོ.

པརིཧཱནིཀཐཱདིཝཎྞནཱ

པུགྒལཀཐཱཏོ ¶ ¶ པརཾ ‘‘པརིཧཱཡཏི ཨརཧཱ ཨརཧཏྟཱ’’ཏིཨཱདིནཱ ཨསེཁཱ, སོཏཱཔནྣཝཛྫིཏསེཁཱ ཙ ཨགྒམགྒཕལཏོ པརིཧཱཡནྟཱིཏི པཝཏྟཱ པརིཧཱནིཀཐཱ. པབྦཛྫཱ ཝིཡ པཊིཝེདྷསངྑཱཏོ བྲཧྨཙརིཡཝཱསོཔི མནུསྶེསུ ཨེཝ བྷཝཏི, ནཏྠི དེཝེསུ བྲཧྨཙརིཡཝཱསོཏི པཝཏྟཱ བྲཧྨཙརིཡཀཐཱ. དུཀྑདསྶནེན ཨེཀདེསཏོ ཀིལེསཱ པཧཱིཡནྟི, ཏཐཱ སམུདཡདསྶནཱདཱིཧཱིཏི ཨེཝཾ ནཱནཱབྷིསམཡཝསེན ཨོདྷིསོ ཀིལེསཱ པཧཱིཡནྟཱིཏི པཝཏྟཱ ཨོདྷིསོཀཐཱ. ཛྷཱནལཱབྷཱི པུཐུཛྫནོ ཀཱམརཱགབྱཱཔཱདེ སམུཙྪེདཝསེན ཛཧཏི, སོ ཙཏུསཙྩཱབྷིསམཡཱ པཋམམེཝ ཨནཱགཱམཱི ཧོཏཱིཏི པཝཏྟཱ ཛཧཏིཀཐཱ. ཨཏཱིཏཱདིབྷེདཾ སབྦཾ ཁནྡྷཱདིཀཾ ཀཱལཏྟཡེཔི ཁནྡྷཱདིསབྷཱཝེན ཨཏྠཱིཏི པཝཏྟཱ སབྦམཏྠཱིཏིཀཐཱ. ཨཏཱིཏཾ, ཨནཱགཏཉྩ ཁནྡྷཱདིཀཾ ཨཏྠཱིཏི པཝཏྟཱ ཨཏཱིཏཀྑནྡྷཱདིཀཐཱ. ཨཏཱིཏེསུ ཝིཔཱཀདྷམྨདྷམྨེསུ ཨེཀཙྩཾ ཨཝིཔཀྐཝིཔཱཀམེཝ ཨཏྠི, ན ཨིཏརནྟི པཝཏྟཱ ཨེཀཙྩམཏྠཱིཏིཀཐཱ. སབྦེ དྷམྨཱ སཏིཔཊྛཱནཱཏི པཝཏྟཱ སཏིཔཊྛཱནཀཐཱ. ཨཏཱིཏཱནཱགཏཱདིཝསེན ནཏྠི, སཀབྷཱཝེན ཝཱ ཨཏྠི, པརབྷཱཝེན ནཏྠཱིཏི པཝཏྟཱ ཧེཝཏྠིཀཐཱ. ཏཏྠ ཧེཝཏྠཱིཏི ཨེཝཾ ཨིམིནཱ པཀཱརེན ཨཏྠཱིཏི ཨཏྠོ.

ཨདྷིམཱནིཀཱནཾ, ཀུཧཀཱནཾ ཝཱ ཨརཧཏྟཔཊིཉྙཱནཾ སུཀྐཝིསྶཊྛིཾ དིསྭཱ མཱརཀཱཡིཀཱ དེཝཏཱ ཨུཔསཾཧརནྟཱིཏི པཝཏྟཱ པརཱུཔཧཱརཀཐཱ. ཨརཧཏོ པརེསཾ ནཱམགོཏྟཱདཱིསུ ཨཏྠི ཨཉྙཱཎཾ, ཨཏྠི ཀངྑཱ, པརེཧི ཉཱཔནཱིཡཏོ ཨཏྠི པརཝིཏརཎཱཏི ཏིསྶོ ཀཐཱ. སོཏཱཔཏྟིམགྒཀྑཎེ དུཀྑནྟི ཝཱཙཱ བྷིཛྫཏཱིཏི པཝཏྟཱ ཝཙཱིབྷེདཀཐཱ. དུཀྑནྟི ཝཱཙཾ བྷཱསནྟོ དུཀྑེ ཉཱཎཾ ཨཱཧརཏི, ཏཉྩ ལོཀུཏྟརནྟི པཝཏྟཱ དུཀྑཱཧཱརཀཐཱ. སམཱཔཏྟིཡཾ, བྷཝངྒེ ཙ ཙིཏྟཾ ཙིརཾ ཏིཊྛཏཱིཏི ¶ པཝཏྟཱ ཙིཏྟཊྛིཏིཀཐཱ. སབྦེ སངྑཱརཱ ནིཔྤརིཡཱཡེན ཨཱདིཏྟཱ ཀུཀྐུལ༹ནིརཡསདིསཱཏི པཝཏྟཱ ཀུཀྐུལ༹ཀཐཱ. པཙྩེཀཾ ཙཏུསཙྩདསྶནཝསེན ཨེཀེཀསྶ མགྒསྶ ཙཏུཀྑཏྟུཾ ཨུཔྤཏྟིཝསེན སོལ༹སཧི ཀོཊྛཱསེཧི ཨརཧཏྟཔྤཏྟཱིཏི པཝཏྟཱ ཨནུཔུབྦཱབྷིསམཡཀཐཱ. བུདྡྷཱནཾ ཝོཧཱརཝཙནཾ ལོཀུཏྟརནྟི པཝཏྟཱ ཝོཧཱརཀཐཱ. སུདྡྷསཏྟཱནཾ ཨཔྤཊིསངྑཱཡ མགྒེན ཝིནཱ ཀིལེསནིརོདྷསངྑཱཏོ ཨཔྤཊིསངྑཱནིརོདྷོ, པཊིསངྑཱཡ ཏེན མགྒེན ཀིལེསནིརོདྷོཏི དྭེ ནིརོདྷཱཏི པཝཏྟཱ ནིརོདྷཀཐཱ.

ཏཐཱགཏབལཾ སཱཝཀསཱདྷཱརཎནྟི པཝཏྟཱ བལཀཐཱ. ཨཱསཝཀྑཡཉཱཎཝིརཧིཏཾ ནཝབལཾ ལོཀུཏྟརནྟི ¶ པཝཏྟཱ ཨརིཡནྟིཀཐཱ. སརཱགཾ ཙིཏྟཾ ནིབྦཱནཾ ཨཱརབྦྷ རཱགཏོ ཝིམུཙྩཏཱིཏི པཝཏྟཱ ཝིམུཏྟིཀཐཱ. ཛྷཱནེན ཝིཀྑམྦྷནཝིམུཏྟིཡཱ པཋམཾ ཝིམུཏྟཾ ཙིཏྟཾ མགྒཀྑཎེ སམུཙྪེདཝིམུཏྟིཡཱ ཝིམུཙྩམཱནཾ ནཱམ ཧོཏཱིཏི པཝཏྟཱ ཝིམུཙྩམཱནཀཐཱ. ཨཊྛམཀསངྑཱཏསྶ སོཏཱཔཏྟིམགྒཊྛསྶ ཨནུལོམགོཏྲབྷུཀྑཎེ དིཊྛིཝིཙིཀིཙྪཱ པཧཱིཡནྟི ནཱམ, མགྒཀྑཎེ པཧཱིནཱ ནཱམཱཏི པཝཏྟཱ ཨཊྛམཀཀཐཱ. ཨཊྛམཀསྶ མགྒཀྑཎེ སདྡྷིནྡྲིཡཱདཱིནི པཊིལབྷནྟི, ན པཊིལདྡྷཱནཱིཏི པཝཏྟཱ ཨཊྛམཀསྶ ཨིནྡྲིཡཀཐཱ. ཙཏུཏྠཛ྄ཛྷཱནདྷམྨུཔཏྠདྡྷཾ མཾསཙཀྑུམེཝ དིབྦཙཀྑུ ནཱམཱཏི པཝཏྟཱ དིབྦཙཀྑུཀཐཱ. ཏཐཱ མཾསསོཏེ དིབྦསོཏཀཐཱ. ཡཐཱཀམྨཱུཔགཏཉཱཎམེཝ དིབྦཙཀྑཱུཏི པཝཏྟཱ ཡཐཱཀམྨཱུཔགཏཉཱཎཀཐཱ. དེཝབྲཧྨཱནཾ པཱཎཱཏིཔཱཏཱདིཨསཾཝརཱབྷཱཝམཏྟེན སམྤཏྟཝིརཏིཡཱ ཨབྷཱཝེཔི སཾཝརོ ཨཏྠཱིཏི པཝཏྟཱ སཾཝརཀཐཱ. ཨསཉྙཱིནམྤི ཙུཏིཔཊིསནྡྷིཀྑཎེ སཉྙཱ ཨཏྠཱིཏི པཝཏྟཱ ཨསཉྙཀཐཱ. ནེཝསཉྙཱནཱསཉྙཱཡཏནབྷཱུམིཡཾ སཉྙཱ ནཔྤཝཏྟཏཱིཏི པཝཏྟཱ ནེཝསཉྙཱནཱསཉྙཱཡཏནཀཐཱ.

ཨརཧཱ ¶ གིཧཱི ཨསྶཱཏི པཝཏྟཱ གིཧིསྶ ཨརཧཱཏིཀཐཱ. ཨནཱགཱམིནོ སུདྡྷཱཝཱསེསུ པཊིསནྡྷིཙིཏྟེན ཨུཔཔཏྟིཀྑཎེ ཨརཧནྟོ ཧོནྟཱིཏི པཝཏྟཱ ཨུཔཔཏྟིཀཐཱ. ཨརཧཏོ ལོཀིཡདྷམྨཱཔི ཨནཱསཝཱཏི པཝཏྟཱ ཨནཱསཝཀཐཱ. པཙྩུཔྤནྣཀྑཎེ སམངྒིབྷཱཝསམནྣཱགམོ ཙ རཱུཔཱཝཙརཱདིབྷཱུམནྟརཔཊིལཱབྷསམནྣཱགམོ ཙཱཏི དྭེ སམནྣཱགམཱ, ཡེསཾ པན ཨིམེ དྭེ སམནྣཱགམེ ཋཔེཏྭཱ ཨཉྙོཔི ཧེཏྠ ཨུཔཔཏྟིདྷམྨཝསེན ཨེཀོ སམནྣཱགམོ ནཱམ ཨཏྠི, ཏེན ཨརཧཱ ཙཏཱུཧི ཕལེཧི སམནྣཱགཏོཏི པཝཏྟཱ སམནྣཱགཏཀཐཱ. ཨིམིནཱཝ ནཡེན ཨརཧཱ ཚཧི ཨུཔེཀྑཱཧི སམནྣཱགཏོཏི པཝཏྟཱ ཨུཔེཀྑཱསམནྣཱགཏཀཐཱ. མགྒཉཱཎསབྦཉྙུཏཉྙཱཎསངྑཱཏབོདྷིཡཱ སདཱ སནྣིཧིཏབྷཱཝེན བུདྡྷོཏི པཝཏྟཱ བོདྷིཡཱ བུདྡྷོཏིཀཐཱ. མཧཱཔུརིསལཀྑཎཡུཏྟཱཝ བོདྷིསཏྟཱཏི པཝཏྟཱ ལཀྑཎཀཐཱ. བོདྷིསཏྟཱནམྤི མགྒནིཡཱམོ ཨཏྠཱིཏི པཝཏྟཱ ནིཡཱམོཀྐནྟིཀཐཱ. ཙཏུཏྠམགྒཊྛོ ཏཱིཧི ཕལེཧི སམནྣཱགཏོཏིཨཱདིནཱ པཝཏྟཱ ཨཔརཱཔི སམནྣཱགཏཀཐཱ. པཋམམགྒཱདཱིཧི པཧཱིནེཧི སདྡྷིཾ ནིཔྤརིཡཱཡཏོ ཨརཧཏྟཾ སབྦསཾཡོཛནཔྤཧཱནནྟི པཝཏྟཱ སབྦསཾཡོཛནཔཧཱནཀཐཱ.

ནིཔྤརིཡཱཡཏོ ཕལཾ ཝིམུཏྟི ནཱམ, ཝིཔསྶནཱམགྒཔཙྩཝེཀྑཎཉཱཎཱནི པན པརིཡཱཡཏོ. ཨེཝཾ པན ཨགྒཧེཏྭཱ ཡཾ ཀིཉྩི ཀིལེསཝིཔྤཡུཏྟཾ ཉཱཎཾ ཝིམུཏྟཱིཏི པཝཏྟཱ ཝིམུཏྟིཀཐཱ. བུདྡྷཱདིཨསེཁཱརམྨཎཾ ཨསེཁཉཱཎནྟི པཝཏྟཱ ཨསེཁཉཱཎཀཐཱ. པཐཝཱིཀསིཎཱདིསམཱཔཏྟིཡོ ¶ པརམཏྠཏོ ཨཝིཛྫམཱནེ པཉྙཏྟཱརམྨཎེ པཝཏྟཏྟཱ ཝིཔརཱིཏཉཱཎནྟི པཝཏྟཱ ཝིཔརཱིཏཀཐཱ. ཏཏྠ ཨནིཙྩེ ནིཙྩནྟིཨཱདིནཱ ཙཏུབྦིདྷོ ཝིཔལླཱསོ ཝེདིཏབྦོ. སབྦེསཾ པུཐུཛྫནཱནཾ ནིཡཱམགམནཱཡ ཉཱཎཾ ཨཏྠཱིཏི པཝཏྟཱ ནིཡཱམཀཐཱ. སབྦཾ ཉཱཎཾ པཊིསམྦྷིདཱཏི ¶ པཝཏྟཱ པཊིསམྦྷིདཱཀཐཱ. སམྨུཏིཝིསཡམྤི ཉཱཎཾ བྷཱུཏཱརམྨཎམེཝཱཏི པཝཏྟཱ སམྨུཏིཉཱཎཀཐཱ. ཙེཏོཔརིཡཉཱཎཾ ཙིཏྟཱརམྨཎམེཝ, ན ཏཾསམྤཡུཏྟརཱགཱདིཙེཏསིཀཱརམྨཎནྟི པཝཏྟཱ ཙིཏྟཱརམྨཎཀཐཱ. སབྦསྨིཾ ཨནཱགཏདྷམྨེ སབྦེསཾ ཉཱཎཾ ཨཏྠཱིཏི པཝཏྟཱ ཨནཱགཏཉཱཎཀཐཱ. པཙྩུཔྤནྣེ ཨཏྟནོ ཉཱཎེཔི ཉཱཎཾ པཝཏྟཏཱིཏི པཝཏྟཱ པཊུཔྤནྣཉཱཎཀཐཱ. བུདྡྷཱ ཝིཡ སཱཝཀཱཔི ཏེན ཏེན ཝེནེཡྻཛནེན པཏྟབྦཕལཾ ཉཏྭཱཝ ཏདཏྠཱཡ དྷམྨཾ དེསེནྟཱིཏི པཝཏྟཱ ཕལཉཱཎཀཐཱ.

སམྨཏྟནིཡཱམོ ནིཡམཏོ ནིཙྩཊྛེན ཨསངྑཏོཏི པཝཏྟཱ ནིཡཱམཀཐཱ. ‘‘དྷམྨཊྛིཏཏཱ དྷམྨནིཡཱམཏཱ’’ཏིཨཱདིཝཙནཏོ པཊིཙྩསམུཔྤཱདོ ཨསངྑཏོཏི པཝཏྟཱ པཊིཙྩསམུཔྤཱདཀཐཱ. ‘‘སཙྩཱནི ཏཐཱནི ཨཝིཏཐཱནཱི’’ཏིཨཱདིཝཙནཏོ ཙཏུསཙྩཱནི ཨསངྑཏཱནཱིཏི པཝཏྟཱ སཙྩཀཐཱ. ‘‘ཙཏྟཱརོ ཨཱརུཔྤཱ ཨཱནེཉྫཱ’’ཏི ཝཙནཏོ ཨསངྑཏཱཏི པཝཏྟཱ ཨཱརུཔྤཀཐཱ. ནིརོདྷསམཱཔཏྟི ཨསངྑཏཱཏི པཝཏྟཱ ནིརོདྷསམཱཔཏྟིཀཐཱ. ཨསངྑཏོ ཨཱཀཱསོཏི ཨཱཀཱསཀཐཱ. ཨཱཀཱསོ སནིདསྶནོཏིཀཐཱ. པཐཝཱིདྷཱཏུ སནིདསྶནཱཏིཨཱདིཾ ཀཏྭཱ ཀཱཡཀམྨཾ སནིདསྶནནྟི པརིཡོསཱནཀཐཱ.

ནཏྠི ཀེཙི དྷམྨཱ ཀེཧིཙི དྷམྨེཧི སངྒཧིཏཱ, ཏེན ཨེཀཝིདྷེན རཱུཔསངྒཧོཏིཨཱདི ནིརཏྠཀནྟི པཝཏྟཱ སངྒཧིཏཀཐཱ. ཝེདནཱདཡོ ཨརཱུཔདྷམྨཱ ཨཉྙམཉྙཾ ན སམྤཡུཏྟཱཏི པཝཏྟཱ སམྤཡུཏྟཀཐཱ. ཙེཏསིཀཾ ནཏྠཱིཏི པཝཏྟཱ ཙེཏསིཀཀཐཱ. ཙེཏནཱདྷམྨོཝ དཱནཾ, ན དེཡྻདྷམྨོཏི པཝཏྟཱ དཱནཀཐཱ. པཊིགྒཱཧཀཱནཾ པརིབྷོགམཡཾ པུཉྙཾ ཨཏྠཱིཏི པཝཏྟཱ པརིབྷོགཀཐཱ. པེཏཱ ཨིཏོ དིནྣཙཱིཝརཱདཱིཧེཝ ཡཱཔེནྟཱིཏི པཝཏྟཱ ཨིཏོདིནྣཀཐཱ. པཐཝཱིཀམྨཝིཔཱཀོཏིཀཐཱ ¶ . ཛརཱམརཎཾ ཝིཔཱཀོཏིཀཐཱ. ཀིལེསཔྤཧཱནམཏྟམེཝ སཱམཉྙཕལཾ, ན ཙིཏྟཙེཏསིཀཱ དྷམྨཱཏི པཝཏྟཱ ཨརིཡདྷམྨཝིཔཱཀཀཐཱ. ཨཉྙམཉྙཱདིཔཙྩཡཏཱཡ ཝིཔཱཀོ ཝིཔཱཀདྷམྨདྷམྨོཏིཀཐཱ.

ཨསུརཀཱཡེན སདྡྷིཾ ཚ གཏིཡོཏི པཝཏྟཱ གཏིཀཐཱ. མཏསཏྟོ མཱཏུཨུཏུསམཡཉྩ མཱཏཱཔིཏུསཾཡོགཉྩ ཨོལོཀཡམཱནོ སཏྟཱཧཾ, ཨཏིརེཀསཏྟཱཧཾ ཝཱ ཡསྨིཾ བྷཝེ ཏིཊྛཏི, སོ ཨནྟརཱབྷཝོ ¶ ནཱམ ཨཏྠཱིཏི པཝཏྟཱ ཨནྟརཱབྷཝཀཐཱ. རཱུཔཱདིཔཉྩཀཱམགུཎཱཝ ཀཱམདྷཱཏུ ནཱམ, ན ཏུ ཝཏྠུཀཱམཀིལེསཀཱམཱཏི པཝཏྟཱ ཀཱམགུཎཀཐཱ. པཉྩེཝཱཡཏནཱནི ཀཱམཱཏིཀཐཱ. རཱུཔདྷམྨཱཝ རཱུཔདྷཱཏཱུཏིཀཐཱ. ཨརཱུཔདྷམྨཱཝ ཨརཱུཔདྷཱཏཱུཏིཀཐཱ. རཱུཔདྷཱཏུཡཱ སཏྟཱ གྷཱནཱདཱིཧི སདྡྷིཾ སལཱ༹ཡཏནིཀཱཏི པཝཏྟཱ རཱུཔདྷཱཏུཡཱཨཱཡཏནཀཐཱ. ཨཱརུཔྤེཔི ཨཏྠི སུཁུམརཱུཔནྟིཀཐཱ. ཀཱཡཝཙཱིཝིཉྙཏྟིཝསེན རཱུཔཾ ཀམྨནྟིཀཐཱ. ཙིཏྟཝིཔྤཡུཏྟོ ཨརཱུཔདྷམྨོཝ ཛཱིཝིཏིནྡྲིཡཾ, རཱུཔཛཱིཝིཏིནྡྲིཡཾ ནཏྠཱིཏི པཝཏྟཱ ཛཱིཝིཏིནྡྲིཡཀཐཱ. ཨརིཡུཔཝཱདཀམྨེན ཨརཧཏྟཱ པརིཧཱཡཏཱིཏི པཝཏྟཱ ཀམྨཧེཏུཀཐཱ.

ཨནིཙྩཱདིཝསེན སངྑཱརེ ཨཱདཱིནཝཏོ ཨཔསྶིཏྭཱ ནིབྦཱནཾ ཨཱནིསཾསཏོ པསྶནྟསྶ སཾཡོཛནཔྤཧཱནཾ ཧོཏཱིཏི པཝཏྟཱ ཨཱནིསཾསདསྶཱཝིཀཐཱ. ནིབྦཱནཱརམྨཎམྤི སཾཡོཛནཾ ཨཏྠཱིཏི པཝཏྟཱ ཨམཏཱརམྨཎཀཐཱ. རཱུཔཾ སཱརམྨཎནྟིཀཐཱ. ཨནུསཡཱ ཨནཱརམྨཎཱཏིཀཐཱ. ཉཱཎཾ ཨནཱརམྨཎནྟིཀཐཱ. ཨཏཱིཏཱརམྨཎཉྩ ཨནཱགཏཱརམྨཎཉྩ ཙིཏྟཾ ཨནཱརམྨཎནྟིཀཐཱདྭཡཾ. སབྦཾ ཙིཏྟཾ ཝིཏཀྐཱནུཔཏིཏནྟིཀཐཱ. ཝིཏཀྐཝིཔྥཱརོཝ སདྡོ, སོ ཙ ན སོཏཝིཉྙེཡྻོཏི པཝཏྟཱ ཝིཏཀྐཝིཔྥཱརསདྡཀཐཱ. ཝིནཱཔི ཙིཏྟེན ཝཱཙཱ པཝཏྟཏཱིཏི པཝཏྟཱ ནཡཐཱཙིཏྟསྶཝཱཙཱཏིཀཐཱ. ཝིནཱཔི ¶ ཙིཏྟེན ཀཱཡཀམྨཾ པཝཏྟཏཱིཏི པཝཏྟཱ ནཡཐཱཙིཏྟསྶཀཱཡཀམྨནྟིཀཐཱ. ཨཏཱིཏེཧིཔི ཛྷཱནེཧི, ཨནཱགཏེཧིཔི ཡོགིནོ སམནྣཱགཏཱཏི པཝཏྟཱ ཨཏཱིཏཱནཱགཏསམནྣཱགཏཀཐཱ.

བྷཝངྒཙིཏྟེ ཨནིརུདྡྷེ ཨེཝ ཀུསལཱཀུསལཙིཏྟཱནི ཨུཔྤཛྫནྟི, ཏདབྷཱཝེ ཙ སནྟཏིནིརོདྷོ སིཡཱཏི པཝཏྟཱ ནིརོདྷཀཐཱ. སཧ ཝཱཙཱཧི ཝིཉྙཏྟིརཱུཔཾ མགྒོཏིཀཐཱ. པཉྩཝིཉྙཱཎསམངྒིསྶཱཔི མགྒབྷཱཝནཱ ཨཏྠཱིཏི པཝཏྟཱ པཉྩཝིཉྙཱཎསམངྒིསྶམགྒཀཐཱ. པཉྩཝིཉྙཱཎཱ ཀུསལཱཔི ཨཀུསལཱཔཱིཏིཀཐཱ. པཉྩཝིཉྙཱཎཱ སཱབྷོགཱཏིཀཐཱ. མགྒཀྑཎེ ལོཀིཡེན, ལོཀུཏྟརེན ཙཱཏི དྭཱིཧི སཱིལེཧི ཡུཏྟཱཏིཀཐཱ. སཱིལཾ ཨཙེཏསིཀནྟིཀཐཱ. སཱིལཾ ན ཙིཏྟཱནུཔརིཝཏྟཱིཏིཀཐཱ. སམཱདཱནཧེཏུཙིཏྟཝིཔྤཡུཏྟོ པུཉྙོཔཙཡོ ཧོཏཱིཏི པཝཏྟཱ སམཱདཱནཧེཏུཀཀཐཱ. ཝིཉྙཏྟི སཱིལནྟིཀཐཱ. པཱཎཱཏིཔཱཏཱདཡོ ཝིནཱཔི ཝིཉྙཏྟིཾ ཧོནྟཱིཏི པཝཏྟཱ ཨཝིཉྙཏྟིདུསྶཱིལྱཀཐཱ.

ཨནུསཡཱ ཨབྱཱཀཏཱ, ཨཧེཏུཀཱ, ཙིཏྟཝིཔྤཡུཏྟཱཏི ཏིསྶོཔི ཨནུསཡཀཐཱ. ཨསེཁསྶ ཉཱཎཝིཔྤཡུཏྟཔྤཝཏྟིཡཱ སོ ཉཱཎཱིཏི ནཝཏྟབྦོཏི པཝཏྟཱ ཉཱཎཀཐཱ. ཉཱཎཾ ཙིཏྟཝིཔྤཡུཏྟནྟིཀཐཱ ¶ . མགྒཀྑཎེ ཨིདཾ དུཀྑནྟི ཉཱཎཾ པཝཏྟནྟི པཝཏྟཱ ཨིདཾ དུཀྑནྟིཀཐཱ. བུདྡྷཱ ཨིདྡྷིབལེན ཨཱཡུཀཔྤཾ ཝིནཱཔི མཧཱཀཔྤཾ ཏིཊྛནྟཱིཏི པཝཏྟཱ ཨིདྡྷིབལཀཐཱ. ཙིཏྟསནྟཏི སམཱདྷི, ན ཨེཀཙིཏྟཀྑཎིཀོཏི པཝཏྟཱ སམཱདྷིཀཐཱ. ཨཝིཛྫཱདིཔཊིཙྩསམུཔྤཱདངྒེཧི ཨཉྙཱ དྷམྨཊྛིཏཏཱཏི པཝཏྟཱ དྷམྨཊྛིཏཏཱཀཐཱ. རཱུཔཱདཱིཧི ཨཉྙཱ ཨནིཙྩཏཱཏི པཝཏྟཱ ཨནིཙྩཏཱཀཐཱ.

ཝིཉྙཏྟིཡོ ཝིནཱཔི ཨིནྡྲིཡསཾཝརོ ཀཱཡཝཙཱིཀམྨནྟི པཝཏྟཱ ཀཐཱ. སབྦཾ ཀམྨཾ ཝིཔཱཀཛནཀནྟི པཝཏྟཱ ཀམྨཀཐཱ. སདྡོ ཝིཔཱཀོཏི པཝཏྟཱ ཀཐཱ. སལཱ༹ཡཏནཾ ཝིཔཱཀོཏི པཝཏྟཱ ¶ ཀཐཱ. མགྒཾ ཝིནཱཔི སཏྟཀྑཏྟུཔརམོཏིཀཐཱ. ཏཐཱ ཀོལཾཀོལཨེཀབཱིཛིཀཐཱསུཔི. དིཊྛིསམྤནྣོ ཛཱིཝིཏཱ ཝོརོཔེཏཱིཏིཀཐཱ. དིཊྛིསམྤནྣསྶ ཨཔཱཡདུགྒཏིཡཱ སདྡྷིཾ རཱུཔཱདིཏཎྷཱསངྑཱཏདུགྒཏིཔཧཱིནཱཏི པཝཏྟཱ དུགྒཏིཀཐཱ. སཏྟམབྷཝིཀསྶ ཏཎྷཱསམྦྷཝཏོ དུགྒཏི ཨཔྤཧཱིནཱཏི པཝཏྟཱ སཏྟམབྷཝིཀཀཐཱ.

སངྒྷབྷེདཱདིཀཔྤཊྛཾ ཀམྨཾ ཀཏྭཱ ཏེན མཧཱཀཔྤཾ ཨསཱིཏིབྷཱགཾ ཀཏྭཱ ཏཏོ ཨེཀབྷཱགམཏྟཾ ཀཱལཾ ཨཱཡུཀཔྤཾ ནིརཡེ པཙྩནྟཱིཏི ཨགྒཧེཏྭཱ སཀལཾ མཧཱཀཔྤཾ པཙྩནྟི, ཝིནསྶམཱནེཔི ཀཔྤེ ཙཀྐཝཱལ༹ནྟརེསུ པཙྩནྟཱིཏི པཝཏྟཱ ཀཔྤཊྛཀཐཱ. སངྒྷབྷེདཀོ ཨཔྤནཱཀུསལཱནི ཝིཡ ཀཱམཱཝཙརཀུསལམྤི ན པཊིལབྷཏཱིཏི པཝཏྟཱ ཀུསལཔཊིལཱབྷཀཐཱ. ཨངྒསམྤནྣཱཡ ཨཱཎཏྟིཡཱ ཨབྷཱཝེཔི མཱཏུགྷཱཏཱདིཨཱནནྟརིཡཀམྨཔཡོཛཀོ མིཙྪཏྟནིཡཏོ ཨེཝཱཏི པཝཏྟཱ ཨནནྟརཱཔཡུཏྟཀཐཱ. ཨནིཡཏདྷམྨེསུཔི ཀེཙི ཀུསལསམྤཡུཏྟཱནིཡཏཱ ཨཏྠཱིཏི པཝཏྟཱ ནིཡཏསྶ ནིཡཱམཀཐཱ. ནཱིཝརཎེཧི ནིཝུཏེན པཊིཙྪནྣེནེཝ ཙིཏྟེན ནཱིཝརཎཾ པཛཧནྟཱིཏི པཝཏྟཱ ནིཝུཏཀཐཱ. སམྨུཁཱིབྷཱུཏཾ སཾཡོཛནམེཝ ཛཧཏཱིཏི པཝཏྟཱ སམྨུཁཱིབྷཱུཏཀཐཱ. སམཱཔནྣོ ཙ ཛྷཱནཱརམྨཎནིཀནྟིཡཱ ཛྷཱནཾ ཨསྶཱདེཏཱིཏི པཝཏྟཱ སམཱཔནྣོ ཨསྶཱདེཏཱིཏིཀཐཱ. དུཀྑཝེདནཱཡཔི རཱགསྶཱདཝེདནཱ ཧོཏཱིཏི པཝཏྟཱ ཨསྶཱཏརཱགཀཐཱ. དྷམྨཏཎྷཱ ཨབྱཱཀཏཱཏིཀཐཱ. དྷམྨཏཎྷཱ ན དུཀྑསམུདཡོཏིཀཐཱ.

ཀུསལཾ ཝཱ ཨཀུསལསྶ, ཨཀུསལཾ ཝཱ ཀུསལསྶ ཨནནྟརཱ ཨུཔྤཛྫནྟཱིཏི པཝཏྟཱ ཀུསལཱཀུསལཔཊིསནྡཧནཀཐཱ. གབྦྷསེཡྻཀཱནམྤི བཱིཛམཏྟཾ སལཱ༹ཡཏནཾ པཊིསནྡྷིཀྑཎེ ཨུཔྤཛྫཏཱིཏི པཝཏྟཱ སལཱ༹ཡཏནུཔྤཏྟིཀཐཱ. པཉྩཝིཉྙཱཎཱནི ཨཉྙམཉྙསྶ ཨནནྟརཱ ཨུཔྤཛྫནྟཱིཏི ¶ པཝཏྟཱ ཨནནྟརཔཙྩཡཀཐཱ. སམྨཱཝཱཙཱཀམྨནྟཝིཉྙཏྟིཡོ ཨརིཡརཱུཔནྟིཀཐཱ. ཀཱམརཱགཱདིཏོ ¶ ཨཉྙོ ཨནུསཡོཏིཀཐཱ. ཀིལེསཔརིཡུཊྛཱནཾ ཙིཏྟཝིཔྤཡུཏྟནྟིཀཐཱ. ཡཐཱ ཀཱམརཱགོ ཀཱམདྷཱཏུཡཾ པརིཡཱཔནྣོ, ཨེཝཾ རཱུཔརཱགཨརཱུཔརཱགཱ རཱུཔཱརཱུཔབྷཱུམིཡཾ པརིཡཱཔནྣཱཏི པཝཏྟཱ པརིཡཱཔནྣཀཐཱ. དྭཡཾ དིཊྛིགཏཾ ཨབྱཱཀཏནྟིཀཐཱ. དིཊྛིགཏཾ ཨཔརིཡཱཔནྣནྟིཀཐཱ. ཡོ ཡེསཾ ཧེཏུཔཙྩཡོ, སོ པུན ཏེསཾ སཧཛཱཏཱདིཔཙྩཡོ ན ཧོཏི, ཨེཀདྷཱཝ ཨེཀསྶ པཙྩཡོ ཧོཏཱིཏི པཝཏྟཱ པཙྩཡཏཱཀཐཱ. ཨཝིཛྫཱཝ སངྑཱརཱནཾ པཙྩཡོ, ན པན སངྑཱརཱ ཨཝིཛྫཱཡཱཏི པཝཏྟཱ ཨཉྙམཉྙཔཙྩཡཀཐཱ. ཀཱལདྡྷཱནཱ ཨིམེ པརིནིཔྥནྣེན པཉྙཏྟིམཏྟཱཏི པཝཏྟཱ ཨདྡྷཱཀཐཱ. ཨེཝཾ ཁཎལཡམུཧུཏྟཀཐཱ. ཨཉྙསྶ ཨཱསཝསྶ ཨབྷཱཝཱ ཨཱསཝཱ ཨནཱསཝཱཏི པཝཏྟཱ ཨཱསཝཀཐཱ. ལོཀུཏྟརཱནཾ དྷམྨཱནཾ ཛརཱམརཎཾ ལོཀུཏྟརནྟི པཝཏྟཱ ཛརཱམརཎཀཐཱ. ནིརོདྷསམཱཔཏྟི ལོཀུཏྟརཱཏི པཝཏྟཱ སཉྙཱཝེདཡིཏཀཐཱ. སཱ ལོཀིཡཱཏི པཝཏྟཱ དུཏིཡསཉྙཱཝེདཡིཏཀཐཱ. ནིརོདྷསམཱཔནྣོཔི ཀཱལཾ ཀརེཡྻཱཏི པཝཏྟཱ ཏཏིཡསཉྙཱཝེདཡིཏཀཐཱ. ནིརོདྷསམཱཔཏྟི ཨསཉྙསཏྟུཔིཀཱཏིཀཐཱ. ཀམྨཏོ ཨཉྙོ ཙིཏྟཝིཔྤཡུཏྟོ ཀམྨཱུཔཙཡོཏིཀཐཱ.

བལཔྤཏྟཱ བུདྡྷཱདཡོ ཨིདྡྷིབལེན སཏྟཱནཾ ཙིཏྟཾ རཱགཱདིཨནུཔྤཏྟིཡཱ ནིགྒཎྷནྟཱིཏི པཝཏྟཱ ནིགྒཧཀཐཱ. ཨེཝཾ ཀུསལུཔྤཏྟིཡཱ པརཙིཏྟཔགྒཧནཀཐཱ. བུདྡྷཱ ཨིདྡྷིཡཱ པརེསཾ སུཁཾ དེནྟཱིཏི པཝཏྟཱ སུཁཱནུཔྤདཱནཀཐཱ. ‘‘སངྑཱརཱ ཨནིཙྩཱ’’ཏི མནསིཀརོཏོ ཨཏཱིཏཱདིབྷེདབྷིནྣེ སབྦེ སངྑཱརེ ཨཱརམྨཎཝསེན ཨེཀཏོ ཨདྷིགཎྷཱཏཱིཏི པཝཏྟཱ ཨདྷིགཡ྄ཧམནསིཀཱརཀཐཱ. རཱུཔཾ ཧེཏུཀནྟིཀཐཱ. ཨེཝཾ རཱུཔཾ སཧེཏུཀནྟིཀཐཱ. རཱུཔཾ ཀུསལཱཀུསལནྟིཀཐཱ. རཱུཔཾ ཝིཔཱཀོཏིཀཐཱ, ཡཐཱ ཀཱམཱཝཙརཀམྨེན ཛཱཏཾ རཱུཔཾ ཀཱམཱཝཙརཾ, ཨེཝཾ རཱུཔཱཝཙརཱརཱུཔཱཝཙརཀམྨེཧི ཛཱཏཾ རཱུཔཾ རཱུཔཱཝཙརཱརཱུཔཱཝཙརནྟིཀཐཱ ¶ . རཱུཔརཱགོ རཱུཔདྷཱཏུཡཱ, ཨརཱུཔརཱགོ ཙ ཨརཱུཔདྷཱཏུཡཱ པརིཡཱཔནྣོཏིཀཐཱ.

ཨཏྠི ཨརཧཏོ པུཉྙཱུཔཙཡོཏིཀཐཱ. ནཏྠི ཨརཧཏོ ཨཀཱལམཙྩཱུཏིཀཐཱ. ཡཾ ཀིཉྩི ཨུཔྤཛྫཏི, སབྦམིདཾ ཀམྨཏོཏིཀཐཱ. ཨིནྡྲིཡབདྡྷམེཝ དུཀྑཾ, ན སབྦེ སངྑཱརཱཏི པཝཏྟཱ ཨིནྡྲིཡབདྡྷཀཐཱ. སབྦེ སངྑཱརཱ དུཀྑཱ ཋཔེཏྭཱ ཨརིཡམགྒནྟིཀཐཱ. མགྒཕལཱནེཝ སངྒྷོ ནཱམ, ན ཙ ཏཱནི དཀྑིཎཾ པཊིགྒཎྷནྟི, ཏསྨཱ ན ཝཏྟབྦཾ སངྒྷོ དཀྑིཎཾ པཊིགྒཎྷཱཏཱིཏིཀཐཱ. ཏཐཱ ན ཝཏྟབྦཾ སངྒྷོ དཀྑིཎཾ ཝིསོདྷེཏཱིཏིཀཐཱ. ན ཝཏྟབྦཾ སངྒྷོ བྷུཉྫཏཱིཏིཀཐཱ. ན ཝཏྟབྦཾ སངྒྷསྶ ¶ དིནྣཾ མཧཔྥལནྟིཀཐཱ. བུདྡྷཱ ན ཀིཉྩི བྷུཉྫནྟི, ཏསྨཱ ན ཝཏྟབྦཾ བུདྡྷསྶ དིནྣཾ མཧཔྥལནྟིཀཐཱ. དཱཡཀཏོ དཱནཾ ཝིསུཛ྄ཛྷཏི, ན པཊིགྒཱཧཀཏོཏི པཝཏྟཱ དཀྑིཎཱཝིསུདྡྷིཀཐཱ.

བུདྡྷཱ ཏུསིཏལོཀེ ཨེཝ ནིབྦཏྟནྟི, ན མནུསྶལོཀེ. ཨེཏྠ ཧི ནིམྨིཏརཱུཔམཏྟཾ དསྶེནྟཱིཏི པཝཏྟཱ མནུསྶལོཀཀཐཱ. ནིམྨིཏརཱུཔཾ དྷམྨཾ དེསེཏི, ན བུདྡྷོཏི པཝཏྟཱ དྷམྨདེསནཱཀཐཱ. རཱགོཝ ཀརུཎཱ ནཱམ, ཏཏོ ནཏྠི བུདྡྷཱནཾ ཀརུཎཱཏིཀཐཱ. བུདྡྷཱནཾ ཨུཙྩཱརཔསྶཱཝོ ཨཉྙེ གནྡྷཛཱཏེ ཨཏིཝིཡ ཨདྷིགཎྷཱཏཱིཏི པཝཏྟཱ གནྡྷཛཱཏཀཐཱ. བུདྡྷཱ ཨེཀེན མགྒེན ཙཏྟཱརི སཱམཉྙཕལཱནི སཙྪིཀརོནྟཱིཏི པཝཏྟཱ ཨེཀམགྒཀཐཱ. པརིཀམྨཱདིཾ ཝིནཱཝ པཋམཱདིཛ྄ཛྷཱནཱ དུཏིཡཱདིཛ྄ཛྷཱནཾ སངྐམཏཱིཏི པཝཏྟཱ ཛྷཱནསངྐནྟིཀཐཱ. པཉྩཀནཡེ ཨཝིཏཀྐཝིཙཱརམཏྟཾ ཛྷཱནཾ ཝིསུཾ ཛྷཱནཾ ནཱམ ན ཧོཏི, ཛྷཱནནྟརིཀཾ ནཱམ ཧོཏཱིཏི པཝཏྟཱ ཛྷཱནནྟརིཀཀཐཱ. སམཱཔནྣོ སདྡཾ སུཎཱཏཱིཏིཀཐཱ. ཝིཉྙཱཎཾ ཝིནཱ པསཱདཙཀྑུནཱ རཱུཔཾ པསྶཏཱིཏིཀཐཱ.

ཏེཀཱལིཀེ ཀིལེསེ པཛཧཏཱིཏི པཝཏྟཱ ཀིལེསཔྤཛཧནཀཐཱ. ནིབྦཱནསངྑཱཏཱཔི སུཉྙཏཱ སངྑཱརཀྑནྡྷཔརིཡཱཔནྣཱཏི པཝཏྟཱ སུཉྙཏཀཐཱ. ཨསངྑཏམེཝ སཱམཉྙཕལནྟིཀཐཱ ¶ . ཡེསཾ ཀེསཉྩི དྷམྨཱནཾ པཊིལཱབྷཱ ཨསངྑཏཱཏི པཝཏྟཱ པཏྟིཀཐཱ. སབྦདྷམྨཱནཾ སབྷཱཝསངྑཱཏཱ ཏཐཏཱ ཨསངྑཏཱཏི པཝཏྟཱ ཏཐཏཱཀཐཱ. ཨནཝཛྫཊྛེན ནིབྦཱནམྤི ཀུསལནྟིཀཐཱ. ཨཱནནྟརིཡཱདིཾ ཝིནཱཔི ཨཏྠི པུཐུཛྫནསྶ ཨཙྩནྟནིཡཱམཏཱཏིཀཐཱ. ལོཀིཡསདྡྷཱདཡོ ན ཨིནྡྲིཡཱནཱིཏི པཝཏྟཱ ཨིནྡྲིཡཀཐཱ.

ཨསཉྩིཙྩཱཔི ཨཱནནྟརིཀོ ཧོཏཱིཏི པཝཏྟཱ ཨསཉྩིཙྩཀཐཱ. ནཏྠི པུཐུཛྫནསྶ ཉཱཎནྟི པཝཏྟཱ ཉཱཎཀཐཱ. ནེརཡིཀཱནཾ ཀམྨཱནེཝ ནིརཡཔཱལརཱུཔེན ཝདྷེནྟི, ན ནིརཡཔཱལཱཏི པཝཏྟཱ ནིརཡཔཱལཀཐཱ. ཨཏྠི དེཝེསུ ཏིརཙྪཱནཱཏིཀཐཱ. ཝིརཏིཏྟཡཾ ཙིཏྟཝིཔྤཡུཏྟཾ, པཉྩངྒིཀོཝ མགྒོཏི པཝཏྟཱ མགྒཀཐཱ. པཊིཙྩསམུཔྤཱདེསུ ཉཱཎཾ ལོཀུཏྟརནྟི པཝཏྟཱ ཉཱཎཀཐཱ.

ཏིསྶོ སངྒཱིཏིཡོ ཨཱརབྦྷ སཱསནཾ ནཝཾ ཀཏནྟི པཝཏྟཱ སཱསནཀཐཱ. པུཐུཛྫནོ ཨེཀཀྑཎེ ཏེདྷཱཏུཀེཧི དྷམྨེཧི ཨཝིཝིཏྟོཏི པཝཏྟཱ ཨཝིཝིཏྟཀཐཱ. ཉེཡྻཱཝརཎཧེཏུཀཾ ཀིཉྩི སཾཡོཛནཾ ¶ ཨཔྤཧཱཡཔི ཨརཧཱ ཧོཏཱིཏི པཝཏྟཱ སཾཡོཛནཀཐཱ. ‘‘སངྑཱརཱ ནིཙྩཱ ཧོནྟུ, རུཀྑཱ ནིཙྩཔུཔྥཕལཱདིཡུཏྟཱ ཁེམིནོ ཧོནྟཱུ’’ཏིཨཱདིནཱ ཡཐཱདྷིཔྤཱཡཾ ཨིདྡྷི པཝཏྟཏཱིཏི པཝཏྟཱ ཨིདྡྷིཀཐཱ. བུདྡྷཱནཾ སརཱིརཨཱཡུཔབྷཱཝེམཏྟཏོ ཨཉྙཱཔི ཝེམཏྟཏཱ ཨཏྠཱིཏི པཝཏྟཱ བུདྡྷཀཐཱ. ཨེཀསྨིཾ ཁཎེ སབྦལོཀདྷཱཏཱུསུ ཨནེཀེ བུདྡྷཱ སནྟཱིཏི པཝཏྟཱ སབྦདིསཱཀཐཱ. སབྦེ དྷམྨཱ ནིཡཏཱཏི པཝཏྟཱ དྷམྨཀཐཱ. སབྦཀམྨཱནི ཕལདཱནེ ནིཡཏཱནཱིཏི པཝཏྟཱ ཀམྨཀཐཱ.

ཨརཧཱ ཨསབྦཉྙུབྷཱཝེན སབྦཉྙུཝིསཡེ ཀིཉྩི སཾཡོཛནཾ ཨཔྤཧཱཡ པརིནིབྦཱཏཱིཏི པཝཏྟཱ པརིནིབྦཱནཀཐཱ. ཨརཧཱ ཀུསལཙིཏྟོ པརིནིབྦཱཡཏཱིཏི པཝཏྟཱ ཀུསལཙིཏྟཀཐཱ. ཨརཧཱ ཨཱནེཉྫེ སཎྛིཏོ པརིནིབྦཱཡཏཱིཏི པཝཏྟཱ ཨཱནེཉྫཀཐཱ ¶ . ཨཏྠི གབྦྷསེཡྻཱཡ དྷམྨཱབྷིསམཡོ, ཨཏྠི གབྦྷསེཡྻཱཡ ཨརཧཏྟཔྤཏྟི, སུཔིནནྟེ དྷམྨཱབྷིསམཡོ, ཨརཧཏྟཔྤཏྟི ཙཱཏི པཝཏྟཱ ཏིསྶོཔི ཀཐཱ. སབྦཾ སུཔིནཙིཏྟཾ ཨབྱཱཀཏནྟིཀཐཱ. ཁཎིཀཏཱཡ ཙིཏྟཱནཾ ནཏྠི ཨཱསེཝནཔཙྩཡཏཱཏིཀཐཱ. སབྦེ སངྑཏཱ ཨེཀཙིཏྟཀྑཎིཀཱཏི པཝཏྟཱ ཁཎིཀཀཐཱ.

ཨིཏྠིཡཱ སདྡྷིཾ ཨེཀཏོ སམྤཏྟིཾ ཨནུབྷཝིསྶཱམཱཏི པཱུཛཱདིཾ ཀཏྭཱ ཨེཀཱདྷིཔྤཱཡཔྤཏྟསྶ བྷིཀྑུནོ མེཐུནོ དྷམྨོ པཊིསེཝིཏབྦོཏི པཝཏྟཱ ཨེཀཱདྷིཔྤཱཡཀཐཱ. པཱཔབྷིཀྑཱུསུ མེཐུནཾ པཊིསེཝནྟེསུ ཨརཧནྟཱནཾ ཝཎྞེན ཨམནུསྶཱ མེཐུནཾ པཊིསེཝནྟཱིཏི པཝཏྟཱ ཨརཧནྟཝཎྞཀཐཱ. ཀེཙི སཏྟཱ ཨཏྟནོ ཨིསྶརིཡེན ཀཱམཀཱརིཀཱཝསེན ཝིནིཔཱཏཾ གཙྪནྟི, ན ཀམྨཝསེནཱཏི པཝཏྟཱ ཨིསྶརིཡཀཱམཀཱརིཀཱཀཐཱ. ན རཱགོ རཱགཔཏིརཱུཔཀོཏིཨཱདི པཏིརཱུཔཀཐཱ. ཁནྡྷཱཡཏནཱདཡོ ཨཔརིནིཔྥནྣཱཏི པཝཏྟཱ ཨཔརིནིཔྥནྣཀཐཱཏི སཱདྷིཀདྭིསཏཀཐཱ. པཱལི༹ཡཾ ཨཊྛམུཁཝཱདཡུཏྟིཝསེནེཝ སམྨིཏིཡཱདཱིནཾ བྷིནྣལདྡྷིཀཱནཾ ལདྡྷིབྷེདཝསེན ནཱནཱཔཀཱརཏོ ཝིབྷཏྟཱ, ཏཱ པན སབྦཀཐཱ པུགྒལཀཐཱཝ. ཏཱ ཏཾཏཾལདྡྷིབྷེདཝསེན སངྑེཔཏོཔི ཝུཙྩམཱནཱ ཨཏིབྷཱརིཡཾ གནྠཾ ཀརོནྟི, ཏསྨཱ ན ཝིཏྠཱརིཏཱ. ཏཾ པན ནཡཾ ཨིཙྪནྟེཧི པཱལི༹ཨཊྛཀཐཱསུ (ཀཐཱ. ༡ ཨཱདཡོ; ཀཐཱ. ཨཊྛ. ནིདཱནཀཐཱ) ཨེཝ ཝིཏྠཱརཏོ གཧེཏབྦོཏི ཨཡམེཏྠ པཱལི༹ནཡེན སདྡྷིཾ ཨཏྠཝིནིཙྪཡོ.

མོཧཝིཙྪེདནིཡཱ ཨབྷིདྷམྨམཱཏིཀཏྠཝཎྞནཱཡ

ཀཐཱཝཏྠུམཱཏིཀཏྠཝཎྞནཱ ནིཊྛིཏཱ.

༦. ཡམཀམཱཏིཀཱ

མཱུལཡམཀམཱཏིཀཏྠཝཎྞནཱ

ཨིདཱནི ¶ ¶ ཡམཀམཱཏིཀཱཡ སཾཝཎྞནཱནཡོ ཧོཏི. སཱ པནེསཱ མཱུལཡམཀམཱཏིཀཱ ཁནྡྷཨཱཡཏནདྷཱཏུསཙྩསངྑཱརཨནུསཡཙིཏྟདྷམྨཨིནྡྲིཡཡམཀམཱཏིཀཱཏི དསཝིདྷཱ ཧོཏི. ཀེནཊྛེན ཙེཏྠ ཡམཀནྟི? ཡུགལ༹ཊྛེན. ཡུགལ༹ཾ ཧི ‘‘ཡམཀཔཱཊིཧཱརིཡཾ’’, ‘‘ཡམཀསཱལཱ’’ཏིཨཱདཱིསུ ‘‘ཡམཀ’’ནྟི ཝུཙྩཏི, ཨིཏི ཡུགལ༹སངྑཱཏཱནཾ ཡམཀཱནཾ ཝསེན དེསིཏཏྟཱ ཨིམེསུ དསསུ ཨེཀེཀམྤི, ཨེཏེསཾ ཝིབྷཛནཏྟཱ ནིདྡེསོཔི, སབྦེསཾ སམཱུཧཏྟཱ པཀརཎམྤི ཡམཀཾ ནཱམ. ཨིདྷ པནེཏཱ ནིདྡེསཡམཀཾ ཨུཔཱདཱཡ ‘‘ཡམཀམཱཏིཀཱ’’ཏྭེཝ ཝུཏྟཱ, ཏཱསཾ པན དསནྣཾ ཡམཀམཱཏིཀཱནཾ མཱུལཡམཀམཱཏིཀཱ ཨཱདི. ཏཏྠཱཔི ‘‘ཡེ ཀེཙི ཀུསལཱ དྷམྨཱ, སབྦེ ཏེ ཀུསལམཱུལཱ. ཡེ ཝཱ པན ཀུསལམཱུལཱ, སབྦེ ཏེ དྷམྨཱ ཀུསལཱ’’ཏི ཨིདཾ ཡམཀཾ ཨཱདི. ཏསྶ ཀུསལམཱུལསངྑཱཏཱནཾ དྭིནྣཾ ཨཏྠཱནཾ ཝསེན ཨཏྠཡམཀནྟི ཝཱ, ཏེསཉྙེཝ ཨཏྠཱནཾ ཨནུལོམཏོ པཊིལོམཏོ པཝཏྟཔཱལི༹དྷམྨཝསེན དྷམྨཡམཀནྟི ཝཱ, ཨནུལོམཔཊིལོམཏོ པཝཏྟཔུཙྪཱཝསེན པུཙྪཱཡམཀནྟི ཝཱ ཏིདྷཱ ཡམཀབྷཱཝོ ཝེདིཏབྦོ. སེསེསུཔི ཨེསེཝ ནཡོ.

ཨིདཱནི ཨིམེསཾ ཡམཀཱནཾ ཝསེན དེསིཏཱཡ ཨིམིསྶཱ མཱུལཡམཀམཱཏིཀཱཡ ཏཱཝ ནཡཡམཀཔུཙྪཱཨཏྠཝཱརཔྤབྷེདཝསེན པཱལི༹ཝཝཏྠཱནཾ ཨེཝཾ ཝེདིཏབྦཾ – ཀུསལཏྟིཀམཱཏིཀཱཡ ཧི ‘‘ཀུསལཱ དྷམྨཱ’’ཏི ཨིདཾ ཨཱདིཔདཾ ནིསྶཱཡ མཱུལནཡོ མཱུལམཱུལནཡོ མཱུལཀནཡོ མཱུལམཱུལཀནཡོཏི ཨིམེ ཙཏྟཱརོ ནཡཱ ཧོནྟི. ཏེསུ ཨེཀེཀསྨིཾ ནཡེ མཱུལཡམཀཾ ཨེཀམཱུལཡམཀཾ ཨཉྙམཉྙམཱུལཡམཀནྟི ཏཱིཎི ཏཱིཎི ཡམཀཱནཱིཏི ¶ དྭཱདས ཡམཀཱནི. ཨེཀེཀསྨིཾ ཡམཀེ ཨནུལོམཔཊིལོམཝསེན ¶ དྭེ དྭེ པུཙྪཱཏི ཙཏུཝཱིསཏི པུཙྪཱ, ཨེཀེཀཔུཙྪཱཡ སནྣིཊྛཱནསཾསཡཝསེན དྭེ དྭེ ཨཏྠཱཏི ཨཊྛཙཏྟཱལཱིས ཨཏྠཱ.

ཏཏྠ ཡེ ཀེཙི ཀུསལཱཏི ཀུསལེསུ ‘‘ཀུསལཱ ནུ ཁོ, ན ཀུསལཱ ནུ ཁོ’’ཏི སནྡེཧཱབྷཱཝཏོ ཨིམསྨིཾ པདེ སནྣིཊྛཱནཏྠོ ཝེདིཏབྦོ. སབྦེ ཏེ ཀུསལམཱུལཱཏི ‘‘སབྦེ ཏེ ཀུསལཱ དྷམྨཱ ཀུསལམཱུལཱ ནུ ཁོ, ན ནུ ཁོ’’ཏི ཨེཝཾ ཝིམཏིཝསེན པུཙྪིཏཏྟཱ ཨིམསྨིཾ པདེ སཾསཡཏྠོ ཝེདིཏབྦོ. སོ ཙ ཁོ ཝེནེཡྻཱནཾ སཾསཡཊྛཱནེ སཾསཡཾ དཱིཔེཏྭཱ ཏཾཝིནོདནཏྠཾ བྷགཝཏཱ ཝུཏྟོ, ཏཐཱགཏསྶ པན སཾསཡཊྛཱནཾ ནཱམ ནཏྠི. ཨིཏོ པརེསུཔི པུཙྪཱཔདེསུ ཨེསེཝ ནཡོ. ཡཐཱ ཙ ཀུསལཔདཾ ནིསྶཱཡ ཨིམེ ཙཏུནཡཱདཡོ ཧོནྟི, ཨཀུསལཔདཾ ནིསྶཱཡཔི ཏཐེཝ, ཨབྱཱཀཏཔདཾ ནིསྶཱཡཔི ཏཐེཝ, ཀུསལཱདཱིནི ཏཱིཎིཔི པདཱནི ཨེཀཏོ ཀཏྭཱ ནིདྡིཊྛཾ ནཱམཔདཾ ནིསྶཱཡ ཏཐེཝཱཏི ཀུསལཏྟིཀམཱཏིཀཱཡ ཙཏཱུསུ པདེསུ སབྦེཔི སོལ༹ས ནཡཱ, ཨཊྛཙཏྟཱལཱིས ཡམཀཱནི, ཚནྣཝུཏི པུཙྪཱ, དྭཱནཝུཏིསཏཾ ཨཏྠཱ ཙ ཨུདྡེསཝསེན ཝུཏྟཱཏི ཝེདིཏབྦཱ. ཨེཏྟཱཝཏཱ མཱུལཝཱརོ ཧེཏུཝཱརོ ནིདཱནཝཱརོ སམྦྷཝཝཱརོ པབྷཝཝཱརོ སམུཊྛཱནཝཱརོ ཨཱཧཱརཝཱརོ ཨཱརམྨཎཝཱརོ པཙྩཡཝཱརོ སམུདཡཝཱརོཏི སབྦེཔི དས ཝཱརཱ ཧོནྟི. ཏཏྠ མཱུལཝཱརེ ཨཱགཏཔརིཙྪེདེནེཝ ཨཝསེསེསུཔི ནཡཱདཡོ ཝེདིཏབྦཱ. པཱལི༹ པནེཏྠ ཨཏིསཾཁིཏྟཱ. ཨིཏི སབྦེསུཔི དསསུ ཝཱརེསུ སཊྛིསཏཾ ནཡཱ, ཨསཱིཏིཨདྷིཀཱནི ཙཏྟཱརི ཡམཀསཏཱནི, སཊྛིཨདྷིཀཱནི ནཝ པུཙྪཱསཏཱནི, ཝཱིསཱདྷིཀཱནི ཨེཀཱུནཝཱིསཏི ཨཏྠསཏཱནི ཙ ཨུདྡིཊྛཱནཱིཏི ཝེདིཏབྦཱནི.

ཨེཝམེཏྠ ¶ ནཡཡམཀཔུཙྪཱ ཨཏྠཝཱརཔྤབྷེདཝསེན པཱལི༹ཝཝཏྠཱནཾ ཝིདིཏྭཱ ཨིདཱནི ཏསྶཱ ཨནུཏྟཱནཔདཏྠཱནུསཱརེནེཝ ཝིབྷངྒནཡསཧིཏོ སངྑེཔཏྠཝཎྞནཱནཡོ ཨེཝཾ ཝེདིཏབྦོ – ཏཏྠ ཡེ ཀེཙཱིཏི ཨནཝསེསཝཙནཾ. ཀུསལཱ དྷམྨཱཏི ཨནཝཛྫསུཁཝིཔཱཀཱ ནིསྶཏྟསབྷཱཝཱ. སབྦེ ཏེ ཀུསལམཱུལཱཏི ཀིཾ ཏེ སབྦེཡེཝ ཀུསལམཱུལཱ ཧོནྟཱིཏི པུཙྪཱ. ཨིམཱནི པན ཝིསྶཛྫནམཱཏིཀཱཡ ནཏྠི. ཡམཀམཱཏིཀཱཡ ཧི སབྦཏྠ པུཙྪཱཔདཱནེཝ ཨུདྡྷཊཱནི, ན ཝིསྶཛྫནཱནཱིཏི. ཝིསྶཛྫནཱནི པན ནིདྡེསེཡེཝ ཝུཏྟཱནི, ཏསྨཱ སབྦཏྠ ནིདྡེསནཡེནེཝ ཝིསྶཛྫནམུཁཾ དསྶཡིསྶཱམ. ཨིམིསྶཱཝ ‘‘ཡེ ཀེཙི ཀུསལཱ དྷམྨཱ, སབྦེ ཏེ ཀུསལམཱུལཱ’’ཏི པུཙྪཱཡ ཝིབྷངྒནཡེན ཨིདཾ ཝིསྶཛྫནམུཁཾ. ‘‘ཏཱིཎེཝ ཀུསལམཱུལཱནི, ཨཝསེསཱ ཀུསལཱ དྷམྨཱ ན ཀུསལམཱུལཱ’’ཏི ཏསྶཱ ཙཱཡམཏྠོ – ན ཏེ སབྦེ ཀུསལཱ དྷམྨཱ ཀུསལམཱུལཱནི ཧོནྟི, ཨལོབྷཱདཱིནི པན ཏཱིཎེཝ ཀུསལམཱུལཱནཱིཏི. ཡེ ཝཱ པན ཀུསལམཱུལཱ ཏཡོ ཨལོབྷཱདཡོ ཀུསལཱནཾ ¶ མཱུལཱཏི ཝུཏྟཱ, སབྦེ ཏེ ཀུསལཱ དྷམྨཱཏི ཀིཾ ཏེ སབྦེ ཏཡོཔི དྷམྨཱ ཀུསལཱཏི པུཙྪཱ. ཏསྶཱ ནིདྡེསེ ‘‘ཨཱམནྟཱ’’ཏི ཝིསྶཛྫནཾ. ཏསྶ ཏེསཾ ཏིཎྞཾ མཱུལཱནཾ ཀུསལབྷཱཝམྤི སམྤཊིཙྪཱམཱིཏི ཨཏྠོ. ཨཡཾ ཏཱཝ མཱུལནཡེ མཱུལཡམཀནཡོ.

ཨེཀམཱུལཡམཀེ པན སབྦེ ཏེ ཀུསལམཱུལེན ཨེཀམཱུལཱཏི གཎནཊྛེན ཨེཀམཱུལཀཾ ཨགྒཧེཏྭཱ སམཱནཏྠེན གཧེཏབྦཱ, ཨཡཾ ཧེཏྠ ཨཏྠོ – ‘‘སབྦེ ཏེ ཀུསལམཱུལེན ཨེཀཾ སམཱནཾ མཱུལཾ ཨེཏེསནྟི ཨེཀམཱུལཱ’’ཏི. ཡཾ ཕསྶསྶ མཱུལཾ, ཀིཾ ཏདེཝ ཝེདནཱདཱིནནྟི ཨཡཾ པུཙྪཱ. ཨཐ ནེསཾ ཏཐཱབྷཱཝཾ སམྤཊིཙྪནཝསེན ‘‘ཨཱམནྟཱ’’ཏི ཝིབྷངྒེ ཝིསྶཛྫནཾ. ཡེ ཝཱ པན ཀུསལམཱུལེན ཨེཀམཱུལཱ, སབྦེ ཏེ དྷམྨཱ ཀུསལཱཏི པུཙྪཱ. ཏསྶཱ ¶ པན ཀུསལཙིཏྟསམུཊྛཱནཾ རཱུཔཾ ཀུསལམཱུལེན ཨེཀམཱུལམེཝ, ན ཀུསལཾ, ཕསྶཱདིདྷམྨཛཱཏཾ པན ཀུསལམཱུལེན ཨེཀམཱུལཉྩེཝ ཀུསལཉྩཱཏི ཨིདཾ ཝིསྶཛྫནཾ. ཡཐེཝ ཧི ཕསྶཱདཱིནཾ ཨལོབྷཱདཡོ སུཔྤཏིཊྛིཏབྷཱཝསཱདྷནེན ཧེཏུཔཙྩཡཏྟཱ མཱུལཾ, ཏཐཱ ཏཾསམུཊྛཱནརཱུཔསྶཱཔཱིཏི ཏཾརཱུཔམྤི ཨརཱུཔདྷམྨེཧི སདྡྷིཾ སམཱནམཱུལནྟི ཝུཙྩཏི, ན པན ཀུསལཾ ཨནཝཛྫསུཁཝིཔཱཀཏྟཱབྷཱཝཱ. ཨེཀམཱུལཡམཀནཡོ.

ཨཉྙམཉྙམཱུལཡམཀེ པན ‘‘ཡེ ཀེཙི ཀུསལཱ’’ཏི ཨཔུཙྪིཏྭཱ ‘‘ཡེ ཀེཙི ཀུསལམཱུལེན ཨེཀམཱུལཱ’’ཏི པུཙྪཱ ཀཏཱ. ཀསྨཱ? ཨིམིནཱཔི བྱཉྫནེན ཏསྶེཝཏྠསྶ སམྦྷཝདསྶནཏྠཾ, ཀུསལསམུཊྛཱནརཱུཔསྶཱཔི སམྤིཎྜནཏྠཉྩ. ཨཉྙམཉྙམཱུལཱཏི སབྦེཝ ཏེ ཀིཾ ཨཉྙམཉྙསྶ ཧེཏུཔཙྩཡཊྛེན མཱུལཱནི ཧོནྟཱིཏི པུཙྪཱ. ཏསྶཱ ཡཱནི དྭེ ཏཱིཎི མཱུལཱནི ཨེཀཏོ ཨུཔྤཛྫནྟི, ཏཱནེཝ ཨེཀམཱུལཱནི ཙེཝ ཨཉྙམཉྙམཱུལཱནི ཙ, ཨཝསེསཱ ཀུསལམཱུལསཧཛཱཏཱ རཱུཔཱརཱུཔདྷམྨཱ ཀུསལམཱུལེན ཨེཀམཱུལཱཝ, ན ཙ ཨཉྙམཉྙམཱུལཱཏི ཝིསྶཛྫནཾ. ཏསྶེཝ པཊིལོམནཡེ སབྦེ ཏེ ཨཉྙམཉྙམཱུལཱ ཨལོབྷཱདཡོ ཀུསལཱཏི པུཙྪཱ. ཨཱམནྟཱཏི ཝིསྶཛྫནཾ. མཱུལནཡོ.

ཡཐཱ ཙ མཱུལནཡེ མཱུལཡམཀཨེཀམཱུལཡམཀཨཉྙམཉྙམཱུལཡམཀཝསེན ཚབྦིདྷཱ པུཙྪཱཝིསྶཛྫནནཡཱ ཝུཏྟཱ, ཨེཝཾ མཱུལམཱུལནཡཱདཱིསུཔི ཝེདིཏབྦཱ. ཨཡཾ པནེཏྠ ཝིསེསོ – སབྦེ ཏེ ཀུསལམཱུལམཱུལཱཏི སབྦེ ཏེ ཀུསལམཱུལསངྑཱཏཱ མཱུལཱ, ཀུསལམཱུལམཱུལཱཏྭེཝ ཨཏྠོ. ཨེཀམཱུལམཱུལཱཏི སམཱནཊྛེན ཨེཀམེཝ མཱུལམཱུལཾ ཨེཏེསནྟི ཨེཀམཱུལམཱུལཱ, སམཱནམཱུལམཱུལཱཏྭེཝ ཨཏྠོ. ཨཉྙམཉྙམཱུལམཱུལཱཏི ཨཉྙམཉྙསྶ མཱུལཾ ཨཉྙམཉྙམཱུལཾ, ཏཾ ཧེཏུཔཙྩཡཊྛེན མཱུལཾ ཨེཏེསནྟི ཨཉྙམཉྙམཱུལམཱུལཱ, ཨཉྙམཉྙམཱུལམཱུལཱཏྭེཝ ཨཏྠོ. སེསཾ ཏཱདིསམེཝཱཏི. མཱུལམཱུལནཡོ.

མཱུལཀནཡེ ¶ ¶ པན སབྦེ ཏེ ཀུསལམཱུལཀཱཏི སབྦེ ཏེ ཀུསལཱ ཧེཏུཔཙྩཡཊྛེན ཀུསལབྷཱུཏཾ མཱུལཾ ཨེཏེསནྟི ཀུསལམཱུལཀཱཏི པུཙྪཱ. ཨཱམནྟཱཏི ཝིསྶཛྫནཾ. ‘‘ཡེ ཝཱ པན ཀུསལམཱུལཀཱ, སབྦེ ཏེ དྷམྨཱ ཀུསལཱ’’ཏི པུཙྪཱ. ཡཾ རཱུཔཾ, ཏཾ ཋཔེཏྭཱ སེསཾ ཀུསལནྟི ཝིསྶཛྫནཾ, སེསཾ ཏཱདིསམེཝཱཏི. མཱུལཀནཡོ.

མཱུལམཱུལཀནཡེ པན ཀུསལམཱུལམཱུལཀཱཏི ཀུསལམཱུལསངྑཱཏཾ མཱུལཾ ཨེཏེསནྟི ཀུསལམཱུལམཱུལཀཱ. སེསཾ ཏཱདིསམེཝཱཏི.

ཨཡཾ ཏཱཝ ཀུསལཔདེསུ པུཙྪཱཝིསྶཛྫནནཡོ. ཨཀུསལཔདཱདཱིསུཔི ཨེསེཝ ནཡོ. ཨཡཾ པན ཝིསེསོ – ཨཀུསལཔདམཱུལེསུ ཨེཀམཱུལཡམཀེ ‘‘ཡེ ཀེཙི ཨཀུསལཱ དྷམྨཱ, སབྦེ ཏེ ཨཀུསལམཱུལེན ཨེཀམཱུལཱ’’ཏི པཋམཔུཙྪཱཡ ‘‘ཨཧེཏུཀཾ ཨཀུསལཾ ཨཀུསལམཱུལེན ཨེཀམཱུལ’’ནྟི ནིདྡེསེ ཝིསྶཛྫནཾ ཀཏཾ. ཏཏྠ ཨཧེཏུཀཾ ཨཀུསལནྟི དྭཱིསུ མོཧམཱུལཙིཏྟེསུ མོཧཾ སནྡྷཱཡ ཝུཏྟཾ, ཨབྱཱཀཏཔདམཱུལེསུ ཨེཀམཱུལཡམཀེ ‘‘ཡེ ཀེཙི ཨབྱཱཀཏཱ དྷམྨཱ, སབྦེ ཏེ ཨབྱཱཀཏམཱུལེན ཨེཀམཱུལཱ’’ཏི པུཙྪཱཡ ‘‘ཨཧེཏུཀཾ ཨབྱཱཀཏཾ ཋཔེཏྭཱ སེསཱ ཨབྱཱཀཏམཱུལེན ཨེཀམཱུལཀཱ’’ཏི ཝིསྶཛྫནཾ. ཏཏྠ ཨཧེཏུཀཾ ཨབྱཱཀཏནྟི ཨཊྛཱརསཱཧེཏུཀཙིཏྟུཔྤཱདཱ, རཱུཔཾ, ནིབྦཱནཉྩ. ཨེཏྠ ཙ ཀིཉྩཱཔི སཧེཏུཀཨབྱཱཀཏཙིཏྟསམུཊྛཱནརཱུཔམྤི ཨབྱཱཀཏམཱུལེན ཨེཀམཱུལམེཝ, ཏཾ པན ཨབྦོཧཱརིཀཾ ཀཏྭཱ ནིདྡེསེ ཨེཀཏོ ལབྦྷམཱནཀཝསེནཔེཏཾ ཝིསྶཛྫནཾ ཀཏནྟི ཝེདིཏབྦཾ.

ནཱམཔདམཱུལེསུ ཙ ‘‘ཡེ ཀེཙི ནཱམཱ དྷམྨཱ, སབྦེ ཏེ ནཱམམཱུལཱ’’ཏི པུཙྪཱཡ ‘‘ནཝེཝ ནཱམམཱུལཱནི, ཨཝསེསཱ ནཱམཱ དྷམྨཱ, ན ནཱམམཱུལཱ’’ཏི ཝིསྶཛྫནཾ. ཨེཀམཱུལནཡེ པནེཏྠ ‘‘ཡེ ཀེཙི ནཱམཱ དྷམྨཱ, སབྦེ ཏེ ནཱམམཱུལེན ཨེཀམཱུལཱ’’ཏི པུཙྪཱ. ‘‘ཨཧེཏུཀཾ ནཱམཾ ཋཔེཏྭཱ སེསཾ ནཱམམཱུལེན ཨེཀམཱུལ’’ནྟི ¶ ཝིསྶཛྫནཾ. ཏཏྠ ཨཧེཏུཀཙིཏྟུཔྤཱདཝིཙིཀིཙྪུདྡྷཙྩསམྤཡུཏྟམོཧནིབྦཱནཝསེན ཨཧེཏུཀཾ ནཱམཾ ཝེདིཏབྦཾ. སེསཾ སབྦཏྠ ཀུསལཔདེ ཝུཏྟཱནུསཱརེན སུཝིཉྙེཡྻམེཝཱཏི. ཨཡཾ མཱུལཝཱརེ ནཡོ.

ཨིཏོ པརེསུ ཧེཏུཝཱརཱདཱིསུ ནཝསུ ཝཱརེསུ མཱུལཝཱརསདིསོཝ སབྦཏྠ སཾཝཎྞནཱནཡོ. ཧེཏུཨཱདིཔདམཏྟམེཝ ཧེཏྠ ཝིསེསོ, ཏཱནི ཙ མཱུལ-སདྡཔརིཡཱཡཏོ ཨལོབྷཱདིཧེཏུཀཱནེཝ. ཨལོབྷཱདཡོ ཧི སཧཛཱཏདྷམྨསངྑཱཏསྶ ཨཏྟནོ ཕལསྶ པཏིཊྛཱནཊྛེན མཱུལཾ. ཏསྶ ནིཔྥཱདནཏྠཾ ཧིནོཏི ¶ པཝཏྟཏཱིཏི ཧེཏུ, ‘‘ཧནྡ ནཾ གཎྷཐཱ’’ཏི དསྶེནྟཾ ཝིཡ ཨཏྟནོ ཕལཾ ནིདེཏཱིཏི ནིདཱནཾ. ཨེཏསྨཱ ཕལཾ སམྦྷཝཏཱིཏི སམྦྷཝོ. པབྷཝཏཱིཏི པབྷཝོ. སམུཊྛཱཏི ཏཾ ཨེཏྠ, ཨེཏེནཱཏི ཝཱ སམུཊྛཱནཾ. ཏཾ ཨཱཧརཏཱིཏི ཨཱཧཱརོ. ཨཔཊིཀྑིཔིཏབྦཊྛེན ཏེན ཨཱལམྦཱིཡཏཱིཏི ཨཱལམྦཎཾ. ཨེཏཾ པཊིཙྩ ཏཾ ཨེཏཱིཏི པཙྩཡོ. ཨེཏསྨཱ ཏཾ སམུདེཏཱིཏི སམུདཡོ. སབྦཾ ཀཱརཎཔརིཡཱཡེན ཝུཏྟཱ ‘‘མཱུལཾ ཧེཏུ ནིདཱནཉྩཱ’’ཏི གཱཐཱ དསནྣམྤི ཝཱརཱནཾ ཨུདྡཱནགཱཐཱ ནཱམ. ཨཡཾ མཱུལཡམཀམཱཏིཀཏྠཝཎྞནཱནཡོ.

ཁནྡྷཡམཀམཱཏིཀཏྠཝཎྞནཱ

ཁནྡྷཡམཀཔཱལི༹ཡཱ པན པཱལི༹ཝཝཏྠཱནཾ ཏཱཝ ཨེཝཾ ཝེདིཏབྦཾ – ‘‘པཉྩཀྑནྡྷཱ’’ཏི པདཾ ཨཱདིཾ ཀཏྭཱ ཡཱཝ ‘‘ན ཁནྡྷཱ ན སངྑཱརཱ’’ཏི པདཾ, ཏཱཝ པཝཏྟཱ ཨཡཾ ཁནྡྷཡམཀམཱཏིཀཱ ནཱམ. སཱ པཎྞཏྟིཝཱརསྶ ‘‘ཨུདྡེསཝཱརོ’’ཏིཔི ‘‘པུཙྪཱཝཱརོ’’ཏིཔི ཝུཙྩཏི. སོ ཙ པདསོདྷནཝཱརོ པདསོདྷནམཱུལཙཀྐཝཱརོ སུདྡྷཁནྡྷཝཱརོ སུདྡྷཁནྡྷམཱུལཙཀྐཝཱརོཏི ཙཏཱུཧི ནཡཝཱརེཧི པཊིམཎྜིཏོ. ཏཏྠ ‘‘རཱུཔཾ རཱུཔཀྑནྡྷོ, རཱུཔཀྑནྡྷོ རཱུཔ’’ནྟིཨཱདིནཱ ནཡེན པདམེཝ སོདྷེཏྭཱ གཏོ པདསོདྷནཝཱརོ ནཱམ. སོ ཨནུལོམཔཊིལོམཝསེན དུཝིདྷོ ཧོཏི ¶ . ཏསྶ ཨནུལོམཝཱརེ ‘‘རཱུཔཾ རཱུཔཀྑནྡྷོ, རཱུཔཀྑནྡྷོ རཱུཔ’’ནྟིཨཱདཱིནི པཉྩ ཡམཀཱནི. པཊིལོམཝཱརེཔི ‘‘ན རཱུཔཾ ན རཱུཔཀྑནྡྷོ, ན རཱུཔཀྑནྡྷོ ན རཱུཔ’’ནྟིཨཱདིནཱ པཉྩ ཝཱརཱ.

ཏཏོ པརཾ ཏེསཉྙེཝ པདསོདྷནཝཱརེ སོདྷིཏཱནཾ ཁནྡྷཱནཾ ‘‘རཱུཔཾ རཱུཔཀྑནྡྷོ, ཁནྡྷཱ ཝེདནཱཀྑནྡྷོ’’ཏིཨཱདིནཱ ནཡེན ཨེཀེཀཁནྡྷམཱུལཀཱནི ཙཏྟཱརི ཙཏྟཱརི ཙཀྐཱནི བནྡྷིཏྭཱ གཏོ པདསོདྷནམཱུལཀཱནཾ ཙཀྐཱནཾ ཨཏྠིཏཱཡ པདསོདྷནམཱུལཙཀྐཝཱརོ ནཱམ. སོཔི ཨནུལོམཔཊིལོམཝསེན དུཝིདྷོ ཧོཏི. ཏསྶ ཨནུལོམཝཱརེ ‘‘རཱུཔཾ རཱུཔཀྑནྡྷོ, ཁནྡྷཱ ཝེདནཱཀྑནྡྷོ’’ཏིཨཱདཱིནི ཨེཀེཀཁནྡྷམཱུལཀཱནི ཙཏྟཱརི ཙཏྟཱརི ཀཏྭཱ ཝཱིསཏི ཡམཀཱནི. པཊིལོམཝཱརེཔི ‘‘ན རཱུཔཾ ན རཱུཔཀྑནྡྷོ, ན ཁནྡྷཱ ན ཝེདནཱཀྑནྡྷོ’’ཏིཨཱདཱིནི ཝཱིསཏིམེཝ.

ཏཏོ པརཾ ‘‘རཱུཔཾ ཁནྡྷོ, ཁནྡྷཱ རཱུཔ’’ནྟིཨཱདིནཱ ནཡེན སུདྡྷཁནྡྷཝསེནེཝ གཏོ སུདྡྷཁནྡྷཝཱརོ ནཱམ. སོཔི ཨནུལོམཔཊིལོམཝསེན དུཝིདྷོ ཧོཏི. ཏསྶ ཨནུལོམཝཱརེ ‘‘རཱུཔཾ ཁནྡྷོ ¶ , ཁནྡྷཱ རཱུཔ’’ནྟིཨཱདཱིནི པཉྩ ཡམཀཱནི. པཊིལོམཝཱརེཔི ‘‘ན རཱུཔཾ ན ཁནྡྷོ, ན ཁནྡྷཱ ན རཱུཔ’’ནྟིཨཱདཱིནི པཉྩེཝ.

ཏཏོ པརཾ ཏེསཉྙེཝ སུདྡྷཁནྡྷཱནཾ ‘‘རཱུཔཾ ཁནྡྷོ, ཁནྡྷཱ ཝེདནཱ’’ཏིཨཱདིནཱ ནཡེན ཨེཀེཀཁནྡྷམཱུལཀཱནི ཙཏྟཱརི ཙཏྟཱརི ཙཀྐཱནི བནྡྷིཏྭཱ གཏོ སུདྡྷཁནྡྷམཱུལཀཱནཾ ཙཀྐཱནཾ ཨཏྠིཏཱཡ སུདྡྷཁནྡྷམཱུལཙཀྐཝཱརོ ནཱམ. སོཔི ཨནུལོམཔཊིལོམཝསེན དུཝིདྷོ ཧོཏི. ཏསྶ ཨནུལོམཝཱརེ ‘‘རཱུཔཾ ཁནྡྷོ, ཁནྡྷཱ ཝེདནཱ’’ཏིཨཱདཱིནི ཨེཀེཀཁནྡྷམཱུལཀཱནི ཙཏྟཱརི ཙཏྟཱརི ཀཏྭཱ ཝཱིསཏི ཡམཀཱནི. པཊིལོམཝཱརེཔི ‘‘ན རཱུཔཾ ན ཁནྡྷོ, ན ཁནྡྷཱ ན ཝེདནཱ’’ཏིཨཱདཱིནི ཝཱིསཏིམེཝ. ཨེཝམེཏྠ ཙཏཱུསུ ནཡཝཱརེསུ ཨེཀཾ ཡམཀསཏཾ, དྭེ པུཙྪཱསཏཱནི, ཨེཀེཀཔུཙྪཱཡ སནྣིཊྛཱནསཾསཡཝསེན དྭེ ¶ དྭེ ཨཏྠེ ཀཏྭཱ ཙཏྟཱརི ཙ ཨཏྠསཏཱནི ཨུདྡིཊྛཱནཱིཏི ཝེདིཏབྦཱནི.

ཨེཝམེཏིསྶཱ པཱལི༹ཝཝཏྠཱནཾ ཝིདིཏྭཱ ཨིདཱནི ཨནུཏྟཱནཔདཏྠཱནུསཱརེན ཝིབྷངྒནཡསཧིཏསངྑེཔཏྠཝཎྞནཱནཡོ ཨེཝཾ ཝེདིཏབྦོ. པཉྩཀྑནྡྷཱཏི ཨཡཾ ཡམཀཝསེན པུཙྪིཏབྦཱནཾ ཁནྡྷཱནཾ ཨུདྡེསོ. རཱུཔཀྑནྡྷོ…པེ… ཝིཉྙཱཎཀྑནྡྷོཏི ཏེསཉྙེཝ པབྷེདཏོ ནཱམཝཝཏྠཱནཾ. ཏཏོ པརཾ པདསོདྷནཝཱརཱདཡོ ཙཏྟཱརོ ནཡཝཱརཱ. ཏཏྠ རཱུཔཾ རཱུཔཀྑནྡྷོཏི ཡཾ ཀིཉྩི ‘‘རཱུཔ’’ནྟི ཝུཙྩཏི, སབྦཾ ཏཾ ‘‘རཱུཔཀྑནྡྷོ’’ཏི པུཙྪཏཱིཏི ཝཙནསོདྷནཏྠཾ པུཙྪཱ. ཏསྶཱ ཙ ‘‘པིཡརཱུཔཾ སཱཏརཱུཔཾ རཱུཔཾ ན རཱུཔཀྑནྡྷོ, རཱུཔཀྑནྡྷོ རཱུཔཉྩེཝ རཱུཔཀྑནྡྷོ ཙཱ’’ཏི ཨིདཾ ནིདྡེསནཡེན ཝིསྶཛྫནཾ. ཏཏྠ པིཡརཱུཔཾ སཱཏརཱུཔནྟིཨཱདཱིསུ ཡཾ ‘‘རཱུཔ’’ནྟི ཝུཏྟཾ, ཏཾ རཱུཔམེཝ ན རཱུཔཀྑནྡྷོ. ཡོ པན ‘‘རཱུཔཀྑནྡྷོ’’ཏི ཝུཏྟོ, སོ ‘‘རཱུཔ’’ནྟིཔི ‘‘རཱུཔཀྑནྡྷོ’’ཏིཔི ཝཏྟུཾ ཝཊྚཏཱིཏི ཨཏྠོ. རཱུཔཀྑནྡྷོ རཱུཔནྟི ཨེཏྠ པན ‘‘ཨཱམནྟཱ’’ཏི ཝིསྶཛྫནཾ རཱུཔཀྑནྡྷསྶ ནིཡམེན རཱུཔནྟི ཝཏྟབྦཏྟཱ. ཝེདནཱ ཝེདནཱཀྑནྡྷོཏི པུཙྪཱཡ, ཝེདནཱཀྑནྡྷོ ཝེདནཱཏི པུཙྪཱཡ ཙ ‘‘ཨཱམནྟཱ’’ཏི ཝིསྶཛྫནཾ. སཉྙཱསཉྙཱཀྑནྡྷོཏི པུཙྪཱཡ ‘‘པཔཉྩསཉྙཱ’’ཏིཨཱདཱིསུ ཨཱགཏཱ དིཊྛིསཉྙཱ སཉྙཱ ན སཉྙཱཀྑནྡྷོ, སཉྙཱཀྑནྡྷོ སཉྙཱ ཙེཝ སཉྙཱཀྑནྡྷོ ཙཱཏི ཝིསྶཛྫནཾ. སཉྙཱཀྑནྡྷོ སཉྙཱཏི པུཙྪཱཡ ཙ ‘‘ཨཱམནྟཱ’’ཏི ཝིསྶཛྫནཾ. སངྑཱརཱ སངྑཱརཀྑནྡྷོཏི པུཙྪཱཡ ‘‘ཨནིཙྩཱ ཝཏ སངྑཱརཱ’’ཏིཨཱདཱིསུ ཨཱགཏོ སངྑཱརཀྑནྡྷོ, ཏཏོ ཨཝསེསཱ སངྑཏདྷམྨཱ སངྑཱརཱ ན སངྑཱརཀྑནྡྷོཏི ཝིསྶཛྫནཾ. སངྑཱརཀྑནྡྷོ སངྑཱརཱཏི པུཙྪཱཡ ‘‘ཨཱམནྟཱ’’ཏི ཝིསྶཛྫནཾ. ཝིཉྙཱཎཾ ¶ ཝིཉྙཱཎཀྑནྡྷོཏི པུཙྪཱཡ, ཝིཉྙཱཎཀྑནྡྷོ ཝིཉྙཱཎནྟི པུཙྪཱཡ ཙ ‘‘ཨཱམནྟཱ’’ཏི ཝིསྶཛྫནཾ.

པཊིལོམཝཱརེ ན རཱུཔཾ ན རཱུཔཀྑནྡྷོཏི པུཙྪཱཡ ‘‘ཨཱམནྟཱ’’ཏི ཝིསྶཛྫནཾ. ཏསྶ རཱུཔ-སདྡཝཙནཱིཡཱ དྷམྨཱ རཱུཔཀྑནྡྷོ ¶ ན ཧོནྟཱིཏི ཨཏྠོ. ན རཱུཔཀྑནྡྷོ ན རཱུཔནྟི པུཙྪཱཡ རཱུཔཀྑནྡྷཝིརཧིཏཱ ‘‘པིཡརཱུཔཾ སཱཏརཱུཔ’’ནྟི ཝུཏྟཱ དྷམྨཱ ན རཱུཔཀྑནྡྷོ, རཱུཔཾ, པིཡརཱུཔསཱཏརཱུཔརཱུཔཀྑནྡྷཝིརཧིཏཱ པན དྷམྨཱ ན རཱུཔཀྑནྡྷོ ཙེཝ ན རཱུཔཉྩཱཏི ཝིསྶཛྫནཾ. ན ཝེདནཱ ན ཝེདནཱཀྑནྡྷོཏི པུཙྪཱཡ, ན ཝེདནཱཀྑནྡྷོ ན ཝེདནཱཏི པུཙྪཱཡ, ན སཉྙཱ ན སཉྙཱཀྑནྡྷོཏི པུཙྪཱཡ ཙ ‘‘ཨཱམནྟཱ’’ཏི ཝིསྶཛྫནཾ. ན སངྑཱརཱ ན སངྑཱརཀྑནྡྷོཏི པུཙྪཱཡ ‘‘ཨཱམནྟཱ’’ཏི ཝིསྶཛྫནཾ. ན སཉྙཱཀྑནྡྷོ ན སཉྙཱཏི པུཙྪཱཡ པན དིཊྛིསཉྙཱ ན སཉྙཱཀྑནྡྷོ, སཉྙཱ, ཏཾ དིཊྛིསཉྙཾ, སཉྙཱཀྑནྡྷཉྩ ཋཔེཏྭཱ ཨཝསེསཱ ན ཙེཝ སཉྙཱ ན ཙ སཉྙཱཀྑནྡྷོཏི ཝིསྶཛྫནཾ. ན སངྑཱརཱ ན སངྑཱརཀྑནྡྷོཏི པུཙྪཱཡ ‘‘ཨཱམནྟཱ’’ཏི ཝིསྶཛྫནཾ. ན སངྑཱརཀྑནྡྷོ ན སངྑཱརཱཏི པུཙྪཱཡ སངྑཱརཀྑནྡྷཾ ཋཔེཏྭཱ ཨཝསེསསངྑཏདྷམྨཱ ན སངྑཱརཀྑནྡྷོ, སངྑཱརཱ, ཨསངྑཏཱ པན དྷཱཏུ ན ཙེཝ སངྑཱརཱ ན ཙ སངྑཱརཀྑནྡྷོཏི ཝིསྶཛྫནཾ. ན ཝིཉྙཱཎཾ ན ཝིཉྙཱཎཀྑནྡྷོཏི པུཙྪཱཡ, ན ཝིཉྙཱཎཀྑནྡྷོ ན ཝིཉྙཱཎནྟི པུཙྪཱཡ ཙ ‘‘ཨཱམནྟཱ’’ཏི ཝིསྶཛྫནཾ. ཨིམིནཱཝ ནཡེན ཨིཏོ པརེསུཔི སབྦཏྠ ཝིསྶཛྫནནཡོ ཝེདིཏབྦོ, ཝིསེསམཏྟམེཝ པན ཝཀྑཱམ.

པདསོདྷནམཱུལཙཀྐཝཱརེ པན ཨཡཾ ཝིསེསོ – ཁནྡྷཱ ཝེདནཱཀྑནྡྷོཏི ཡེ ཀེཙི ཁནྡྷཱ, སབྦེ ཏེ ཝེདནཱཀྑནྡྷོཏི པུཙྪཱ. ཏསྶཱ ‘‘ཝེདནཱཀྑནྡྷོ ཁནྡྷོ ཙེཝ ཝེདནཱཀྑནྡྷོ ཙ, ཨཝསེསཱ པན ཁནྡྷཱ, ན ཝེདནཱཀྑནྡྷོ’’ཏི ཝིསྶཛྫནཾ. སེསེསུཔི ཨེསེཝ ནཡོ. པཊིལོམེ པན ན ཁནྡྷཱ ན ཝེདནཱཀྑནྡྷོཏི པུཙྪཱཡ ‘‘ཨཱམནྟཱ’’ཏི ཝིསྶཛྫནཾ. ཨེཏྠ ཙ ཡེ པཉྙཏྟིནིབྦཱནསངྑཱཏཱ དྷམྨཱ ཁནྡྷཱཔི ན ཧོནྟི, ཏེ ཡསྨཱ ཝེདནཱཀྑནྡྷོཔི ན ཧོཏི, ཏསྨཱ ‘‘ཨཱམནྟཱ’’ཏི ཝིསྶཛྫནཾ, སེསཾ སུཝིཉྙེཡྻམེཝ. པདསོདྷནམཱུལཙཀྐཝཱརོ.

སུདྡྷཁནྡྷཝཱརེ པན ‘‘རཱུཔཾ ཁནྡྷོ’’ཏི པུཙྪཱཡ ‘‘ཨཱམནྟཱ’’ཏི ཝིསྶཛྫནཾ པིཡརཱུཔཱདཱིནཉྩ པཉྩསུ ཁནྡྷེསུ སངྒཧིཏཏྟཱ. ‘‘ཁནྡྷཱ རཱུཔ’’ནྟིཨཱདཱིསུ ¶ ཡེ ཀེཙི ཁནྡྷཱ, སབྦེ ཏེ རཱུཔཀྑནྡྷོཏིཨཱདིནཱ ཨཏྠོ གཧེཏབྦོ. ཏེནེཝ ཧིསྶ ནིདྡེསེ ‘‘ཁནྡྷཱ རཱུཔ’’ནྟིཨཱདིནཱ པདཾ ཨནུདྡྷརིཏྭཱ ¶ ‘‘ཁནྡྷཱ རཱུཔཀྑནྡྷོ’’ཏིཨཱདིནཱ ཨཏྠཝསེནེཝ པདཾ ཨུདྡྷརིཏྭཱ ‘‘རཱུཔཀྑནྡྷོ ཁནྡྷོ ཙེཝ རཱུཔཀྑནྡྷོ ཙ, ཨཝསེསཱ ཁནྡྷཱ, ན རཱུཔཀྑནྡྷོ’’ཏི ཝིསྶཛྫནཾ ཀཏཾ. ཏེནེཝ ཙ ཀཱརཎེན སུདྡྷཁནྡྷཝཱརོཏི ཝུཏྟོ. ཝཙནསོདྷནེ ཝིཡ ཧི ཨེཏྠ ན ཝཙནཾ པམཱཎཾ, ཡཐཱ པན སུདྡྷཁནྡྷཱ ལབྦྷནྟི, ཏཐཱ ཏཐཱ ཨཏྠོཝ པམཱཎཾ. པརཏོ ཨཱཡཏནཡམཀམཱཏིཀཱདཱིསུཔི ཨེསེཝ ནཡོ. པཊིལོམེ ‘‘ན རཱུཔཾ ན ཁནྡྷོ’’ཏི ཡཾ དྷམྨཛཱཏཾ རཱུཔཾ ན ཧོཏི, ཏཾ ཁནྡྷོཔི ན ཧོཏཱིཏི པུཙྪཱ, ཏསྶཱ ‘‘རཱུཔཀྑནྡྷཝིརཧིཏཱ ཁནྡྷཱ, ན རཱུཔཾ, ཏཐཱ ནིབྦཱནཾ ན པན རཱུཔཉྩེཝ ན ཁནྡྷོ ཙཱ’’ཏི ཝིསྶཛྫནཾ. སེསཾ སུཝིཉྙེཡྻམེཝ. སུདྡྷཁནྡྷཝཱརོ.

སུདྡྷཁནྡྷམཱུལཙཀྐཝཱརེཔི ‘‘ཁནྡྷཱ ཝེདནཱཀྑནྡྷོ’’ཏིཨཱདིནཱ ཧེཊྛཱ ཝུཏྟནཡེན ཨཏྠོ ཝེདིཏབྦོཏི ཨཡཾ པཎྞཏྟིཝཱརེ ནཡོ.

ཡསྨཱ པན ནིདྡེསེ ཨིམིསྶཱ པན མཱཏིཀཱཡ པཎྞཏྟིཝཱརསངྑཱཏཾ ནིདྡེསཾ ཝཏྭཱ ཏཏོ ཨིམཾ མཱཏིཀཱཀྐམཾ མུཉྩིཏྭཱ ཨཔརེན པརིཡཱཡེན ཨཉྙེཔི ཨུདྡེསཝཱརཝིརཧིཏཱ ‘‘པཝཏྟིཝཱརོ པརིཉྙཱཝཱརོ’’ཏི དྭེ མཧཱཝཱརཱ པུཙྪཱཝིསྶཛྫནཝསེན ཝུཏྟཱ, ཏསྨཱ ཏེསཾ དྭིནྣམྤི ཝཱརཱནཾ ནཡོ དསྶེཏབྦོ. ཏཏོ པཝཏྟིཝཱརེ ཏཱཝ པཱལི༹ཝཝཏྠཱནཔུབྦིཀཱ མུཁམཏྟཔྤཀཱསནཱ – ཨིམསྨིཾ ཧི ཨུཔྤཱདཝཱརོ ནིརོདྷཝཱརོ ཨུཔྤཱདནིརོདྷཝཱརོཏི ཏཡོ ཨནྟརཝཱརཱ ཧོནྟི. ཏཏྠ ཨུཔྤཱདཝཱརེ ཏཱཝ ཏིཎྞཾ ཨདྡྷཱནཾ ཝསེན ཚ ཀཱལབྷེདཱ ཧོནྟི པཙྩུཔྤནྣོ, ཨཏཱིཏོ, ཨནཱགཏོ, པཙྩུཔྤནྣེནཱཏཱིཏོ, པཙྩུཔྤནྣེནཱནཱགཏོ, ཨཏཱིཏེནཱནཱགཏོཏི. ཨེཝམེཏེསུ ཚསུ ཀཱལབྷེདེསུ ཡྭཱཡཾ པཋམོ ¶ པཙྩུཔྤནྣོ, ཏཏྠ པུགྒལཏོ ཨོཀཱསཏོ པུགྒལོཀཱསཏོཏི ཏཡོ ཝཱརཱ ཧོནྟི.

ཏཏྠ ‘‘ཡསྶ རཱུཔཀྑནྡྷོ ཨུཔྤཛྫཏི, ཏསྶ ཝེདནཱཀྑནྡྷོ ཨུཔྤཛྫཏཱིཏི? ཨསཉྙསཏྟཾ ཨུཔཔཛྫནྟཱནཾ ཏེསཾ རཱུཔཀྑནྡྷོ ཨུཔྤཛྫཏི, ནོ ཙ ཏེསཾ ཝེདནཱཀྑནྡྷོ ཨུཔྤཛྫཏི. པཉྩཝོཀཱརཾ ཨུཔཔཛྫནྟཱནཾ ཏེསཾ རཱུཔཀྑནྡྷོ ཙ ཨུཔྤཛྫཏི, ཝེདནཱཀྑནྡྷོ ཙ ཨུཔྤཛྫཏི. ཡསྶ ཝཱ པན ཝེདནཱཀྑནྡྷོ ཨུཔྤཛྫཏི, ཏསྶ རཱུཔཀྑནྡྷོ ཨུཔྤཛྫཏཱིཏི? ཨརཱུཔཾ ཨུཔཔཛྫནྟཱནཾ ཏེསཾ ཝེདནཱཀྑནྡྷོ ཨུཔྤཛྫཏི, ནོ ཙ ཏེསཾ རཱུཔཀྑནྡྷོ ཨུཔྤཛྫཏི. པཉྩཝོཀཱརཾ ཨུཔཔཛྫནྟཱནཾ ཏེསཾ ཝེདནཱཀྑནྡྷོ ཙ ཨུཔྤཛྫཏི, རཱུཔཀྑནྡྷོ ཙ ཨུཔྤཛྫཏི. ཡསྶ རཱུཔཀྑནྡྷོ ཨུཔྤཛྫཏི…པེ… ཏསྶ ཝིཉྙཱཎཀྑནྡྷོ ཨུཔྤཛྫཏི…པེ… ཡསྶ ཝཱ པན ཝིཉྙཱཎཀྑནྡྷོ ཨུཔྤཛྫཏི, ཏསྶ རཱུཔཀྑནྡྷོ ཨུཔྤཛྫཏཱིཏི…པེ… པཉྩཝོཀཱརཾ ¶ …པེ… ཨུཔྤཛྫཏཱི’’ཏི ཨེཝཾ རཱུཔཀྑནྡྷམཱུལཀཱནི ཙཏྟཱརི, ‘‘ཡསྶ ཝེདནཱཀྑནྡྷོ ཨུཔྤཛྫཏི, ཏསྶ སཉྙཱཀྑནྡྷོ ཨུཔྤཛྫཏཱི’’ཏིཨཱདིནཱ ཙ ཝེདནཱཀྑནྡྷམཱུལཀཱནི ཏཱིཎི, སཉྙཱཀྑནྡྷམཱུལཀཱནི དྭེ, སངྑཱརཀྑནྡྷམཱུལཀཾ ཨེཀནྟི ཨེཝམེཏཱནི པཙྩུཔྤནྣཀཱལེ པུགྒལཝཱརེ ཨནུལོམནཡེ དས ཡམཀཱནི ཧོནྟི. ཏཏྠ རཱུཔཀྑནྡྷམཱུལཀེསུ ཙཏཱུསུ ཨཱདིཏོ ཨེཀམེཝ པཱལི༹ཡཾ ཝིསྶཛྫིཏཾ, སེསཱནི ཏེན སདིསཝིསྶཛྫནཱནཱིཏི ཏནྟིཡཱ ལཧུབྷཱཝཏྠཾ སཾཁིཏྟཱནི.

ཝེདནཱཀྑནྡྷམཱུལཀེ པན སབྦཏྠ ‘‘ཨཱམནྟཱ’’ཏི ཨེཀསདིསམེཝ ཝིསྶཛྫནཾ. ཝེདནཱདཱིསུ ཨུཔྤནྣེསུ ནིཡམེན སཉྙཱདཱིནཾ ཨུཔྤཛྫནཏོ ཏཏྠ སབྦཱནི སཾཁིཏྟཱནི. ཡཐཱ ཙ པུགྒལཝཱརེ དས ཡམཀཱནི, ཨེཝཾ ཨོཀཱསཝཱརེཔི ‘‘ཡཏྠ རཱུཔཀྑནྡྷོ ཨུཔྤཛྫཏི, ཏཏྠ ཝེདནཱཀྑནྡྷོ ཨུཔྤཛྫཏཱིཏི? ཨསཉྙསཏྟེ ཏཏྠ…པེ… པཉྩཝོཀཱརེ ཏཏྠ…པེ… ཨུཔྤཛྫཏཱི’’ཏིཨཱདིནཱ, པུགྒལོཀཱསཝཱརེཔི ‘‘ཡསྶ ཡཏྠ རཱུཔཀྑནྡྷོ ཨུཔྤཛྫཏི, ཏསྶ ཏཏྠ ཝེདནཱཀྑནྡྷོ ཨུཔྤཛྫཏཱིཏི? ཨསཉྙསཏྟཾ…པེ… པཉྩཝོཀཱརཾ…པེ… ཨུཔྤཛྫཏཱི’’ཏིཨཱདིནཱ. པཙྩུཔྤནྣཀཱལེ ཏཱིསུ ཝཱརེསུ ¶ ཨནུལོམནཡེ ཏིཾས ཡམཀཱ ཧོནྟི. ཡཐཱ ཨནུལོམནཡེ ཏིཾས, ཨེཝཾ པཊིལོམནཡེཔི ‘‘ཡསྶ རཱུཔཀྑནྡྷོ ནུཔྤཛྫཏི, ཏསྶ ཝེདནཱཀྑནྡྷོ ནུཔྤཛྫཏཱིཏི? ཨརཱུཔཾ ཨུཔཔཛྫནྟཱནཾ ཏེསཾ རཱུཔཀྑནྡྷོ ནུཔྤཛྫཏི, ནོ ཙ ཏེསཾ ཝེདནཱཀྑནྡྷོ ནུཔྤཛྫཏི. སབྦེསཾ ཙཝནྟཱནཾ ཏེསཾ རཱུཔཀྑནྡྷོ ཙ ནུཔྤཛྫཏི ཝེདནཱཀྑནྡྷོ ཙ ནུཔྤཛྫཏི. ཡསྶ ཝཱ པན ཝེདནཱཀྑནྡྷོ ནུཔྤཛྫཏི, ཏསྶ རཱུཔཀྑནྡྷོ ནུཔྤཛྫཏཱིཏི? ཨསཉྙསཏྟཾ ཨུཔཔཛྫནྟཱནཾ ཏེསཾ ཝེདནཱཀྑནྡྷོ ནུཔྤཛྫཏི, ནོ ཙ ཏེསཾ རཱུཔཀྑནྡྷོ ནུཔྤཛྫཏི. སབྦེསཾ ཙཝནྟཱནཾ ཏེསཾ ཝེདནཱཀྑནྡྷོ ཙ ནུཔྤཛྫཏི རཱུཔཀྑནྡྷོ ཙ ནུཔྤཛྫཏཱི’’ཏིཨཱདིནཱ, ‘‘ཡཏྠ རཱུཔཀྑནྡྷོ ནུཔྤཛྫཏི, ཏཏྠ ཝེདནཱཀྑནྡྷོ ནུཔྤཛྫཏཱིཏི? ཨུཔྤཛྫཏི. ཡཏྠ ཝཱ པན…པེ… ནུཔྤཛྫཏཱིཏི? ཨུཔྤཛྫཏཱི’’ཏིཨཱདིནཱ ཙ, ‘‘ཡསྶ ཡཏྠ རཱུཔཀྑནྡྷོ ནུཔྤཛྫཏི, ཏསྶ ཏཏྠ ཝེདནཱཀྑནྡྷོ ནུཔྤཛྫཏཱིཏི…པེ… སབྦེསཾ ཙཝནྟཱནཾ ཏདུབྷཡཾ ནུཔྤཛྫཏཱི’’ཏིཨཱདིནཱ ཙཱཏི ཏིཾས ཡམཀཱ. ཨེཝཾ པཙྩུཔྤནྣཀཱལེ སཊྛི ཡམཀཱནི, ཏདྡིགུཎཱ པུཙྪཱ, ཏདྡིགུཎཱ ཙ ཨཏྠཱ ཝེདིཏབྦཱ.

ཏཏྠ ཡསྶ རཱུཔཀྑནྡྷོ ཨུཔྤཛྫཏཱིཏི ཡསྶ པུགྒལསྶ པཊིསནྡྷིཀྑཎེ རཱུཔཀྑནྡྷོ ཨུཔྤཛྫཏི. ཏསྶ ཝེདནཱཀྑནྡྷོཏི ཝེདནཱཀྑནྡྷོཔི ཏསྶ ཏསྨིཾཡེཝ ཁཎེ ཨུཔྤཛྫཏཱིཏི ཨཏྠོ ཨིམིནཱཝ ནཡེན. ཏཏྠ ཨསཉྙསཏྟནྟི ཨསཉྙཏྟབྷཝཾ པཊིསནྡྷིཝསེན ཨུཔཔཛྫནྟཱནཾ ཏེསཾ ཨུཔྤཛྫནཀྑཎེ རཱུཔཀྑནྡྷོ ཨུཔྤཛྫཏི, ནོ ཙ ཏེསཾ ཨཙིཏྟཀཏྟཱ ཝེདནཱཀྑནྡྷོ ཨུཔྤཛྫཏཱིཏི ཨཏྠོ ¶ . ཨིམིནཱཝ ནཡེན ‘‘ཡསྶ ཝཱ པན ཝེདནཱཀྑནྡྷོ’’ཏིཨཱདིཀེསུ པུཙྪཱཝིསྶཛྫནེསུ, ཏཏོ པརེསུཔི སབྦཏྠ ཨཏྠོ ཝེདིཏབྦོ.

ཨིདཾ པནེཏྠ ཨུཔྤཱདནིརོདྷེསུ ནིཡམལཀྑཎཾ – སཀལེཔི ཧི ཨིམསྨིཾ ཁནྡྷཡམཀེ ཏཏྠ ཏཏྠ ཨུཔྤནྣཱནཾ སཏྟཱནཾ པཝཏྟེ ཡཱཝ མརཎཱ ཝཱ ཁནྡྷཱནཾ ཨཔརིཡནྟེསུ ཨུཔྤཱདནིརོདྷེསུ ཝིཛྫམཱནེསུཔི ལཧུཔརིཝཏྟཱནཾ དྷམྨཱནཾ ཝིནིབྦྷོགཾ ཀཏྭཱ ཨུཔྤཱདནིརོདྷེ ¶ དསྶེཏུཾ ན སུཀརནྟི པཝཏྟིཡཾ ཨུཔྤཱདནིརོདྷེ ཨནཱམསིཏྭཱ པཊིསནྡྷིཨུཔྤཱདཝསེནེཝ ཨུཔྤཱདཝཱརོ, ནིརོདྷམརཎཀཱལེ ནིརོདྷཝསེནེཝ ཙ ནིརོདྷཝཱརོ ཀཐིཏོ. ཨེཝམེཏྠ ཨུཔྤཱདནིརོདྷེསུ ནིཡམལཀྑཎཾ ཝིདིཏྭཱ པཊིསནྡྷིཨུཔྤཱདམེཝ ཙ ཙུཏིནིརོདྷམེཝ ཙ གཧེཏྭཱ ཏེསུ ཏེསུ ཋཱནེསུ ཨཱགཏཱནཾ པུཙྪཱཝིསྶཛྫནཱནཾ ཨཏྠཝིནིཙྪཡོ ཝེདིཏབྦོ.

པཊིལོམནཡེ པན སབྦེསཾ ཙཝནྟཱནནྟི མརཎཙིཏྟསྶ བྷངྒཀྑཎསམནྣཱགཏཱནཾ. ཏེསཾ ཧི ཏཏྠ རཱུཔཀྑནྡྷོ ནུཔྤཛྫཏི, ཝེདནཱཀྑནྡྷོ ཙ ཙུཏིཙིཏྟསྶ ཨུཔྤཏྟིཀྑཎེ ཨེཝ ཨུཔྤནྣཏྟཱ. ‘‘ཡཏྠ རཱུཔཀྑནྡྷོ ནུཔྤཛྫཏི, ཏཏྠ ཝེདནཱཀྑནྡྷོ ནུཔྤཛྫཏཱི’’ཏི པུཙྪཱཡ ཨརཱུཔབྷཝཾ སནྡྷཱཡ ‘‘ཨུཔྤཛྫཏཱི’’ཏི ཨིདཾ ཝིསྶཛྫནཾ ཀཏཾ, ཨནནྟརཔུཙྪཱཡ ཨསཉྙིབྷཝཾ སནྡྷཱཡ ‘‘ཨུཔྤཛྫཏཱི’’ཏི ཨིདཾ ཝིསྶཛྫནནྟི ཝེདིཏབྦཾ. སེསཾ སུཝིཉྙེཡྻམེཝཱཏི ཨཡཾ པཙྩུཔྤནྣཀཱལེ ནཡོ.

ཡཐཱ ཙ པཙྩུཔྤནྣཀཱལེ སཊྛི ཡམཀཱདཱིནི, ཨེཝཾ སེསེསུཔི པཉྩསུ ཀཱལབྷེདེསུ པཙྩེཀནྟི གཧེཏབྦཾ. པུཙྪཱཝིསྶཛྫནེསུ པནེཏྠ ཀིཉྩཱཔི ‘‘ཡསྶ རཱུཔཀྑནྡྷོ ཨུཔྤཛྫིཏྠ, ཏསྶ ཝེདནཱཀྑནྡྷོ ཨུཔྤཛྫིཏྠཱཏི? ཨཱམནྟཱ’’ཏིཨཱདིནཱ, ‘‘ཡཏྠ རཱུཔཀྑནྡྷོ ཨུཔྤཛྫིཏྠ, ཏཏྠ ཝེདནཱཀྑནྡྷོ ཨུཔྤཛྫིཏྠཱཏི? པཉྩཝོཀཱརེ ཨུཔྤཛྫིཏྠ, ནཱཉྙཏྠཱ’’ཏིཨཱདིནཱ ཙ, ‘‘ཡསྶ ཡཏྠ རཱུཔཀྑནྡྷོ ཨུཔྤཛྫིཏྠ, ཏསྶ ཏཏྠ ཝེདནཱཀྑནྡྷོ ཨུཔྤཛྫིཏྠཱཏི? པཉྩཝོཀཱརཱནཾ ཏེསཾ ཏཏྠ ཨུཔྤཛྫིཏྠ, ནཱཉྙཏྠཱ’’ཏིཨཱདིནཱ ཙ ཨཏཱིཏཀཱལེ ཨནུལོམནཡེ, ‘‘ཡསྶ རཱུཔཀྑནྡྷོ ནུཔྤཛྫིཏྠ, ཏསྶ ཝེདནཱཀྑནྡྷོ ནུཔྤཛྫིཏྠཱཏི? ནཏྠཱི’’ཏིཨཱདིནཱ, ‘‘ཡཏྠ རཱུཔཀྑནྡྷོ ནུཔྤཛྫིཏྠ, ཏཏྠ ཝེདནཱཀྑནྡྷོ ནུཔྤཛྫིཏྠཱཏི? ཨུཔྤཛྫིཏྠཱ’’ཏིཨཱདིནཱ, ‘‘ཡསྶ ཡཏྠ རཱུཔཀྑནྡྷོ ནུཔྤཛྫིཏྠ, ཏསྶ ཏཏྠ ཝེདནཱཀྑནྡྷོ ནུཔྤཛྫིཏྠཱཏི? ཨརཱུཔཱནཾ ཏེསཾ ཏཏྠ རཱུཔཀྑནྡྷོ ནུཔྤཛྫིཏྠ, ནོ ཙ ཏེསཾ…པེ… སུདྡྷཱཝཱསཱནཾ ¶ ཏེསཾ ཏཏྠ ཏདུབྷཡཾ ནུཔྤཛྫིཏྠཱ’’ཏིཨཱདིནཱ ཏཱིསུ ཝཱརེསུ པཊིལོམནཡེ ཙ,

‘‘ཡསྶ ¶ རཱུཔཀྑནྡྷོ ཨུཔྤཛྫིསྶཏི, ཏསྶ ཝེདནཱཀྑནྡྷོ ཨུཔྤཛྫིསྶཏཱིཏི? ཨཱམནྟཱ’’ཏིཨཱདིནཱ, ‘‘ཡཏྠ རཱུཔཀྑནྡྷོ ཨུཔྤཛྫིསྶཏི, ཏཏྠ ཝེདནཱཀྑནྡྷོ ཨུཔྤཛྫིསྶཏཱིཏི…པེ… པཉྩཝོཀཱརེ ཨུཔྤཛྫིསྶཏཱི’’ཏིཨཱདིནཱ, ‘‘ཡསྶ ཡཏྠ རཱུཔཀྑནྡྷོ ཨུཔྤཛྫིསྶཏི, ཏསྶ ཏཏྠ ཝེདནཱཀྑནྡྷོ ཨུཔྤཛྫིསྶཏི…པེ… པཉྩཝོཀཱརཱནཾ ཏེསཾ ཏཏྠ ཨུཔྤཛྫིསྶཏཱི’’ཏིཨཱདིནཱ ཙ ཨནཱགཏཀཱལེ ཨནུལོམནཡེ, ‘‘ཡསྶ རཱུཔཀྑནྡྷོ ནུཔྤཛྫིསྶཏི, ཏསྶ ཝེདནཱཀྑནྡྷོ ནུཔྤཛྫིསྶཏཱིཏི? ཡེ ཨརཱུཔཾ ཨུཔཔཛྫིཏྭཱ པརིནིབྦཱཡིསྶནྟི, ཏེསཾ རཱུཔཀྑནྡྷོ ནུཔྤཛྫིསྶཏི, ནེཏརོ, པཙྪིམབྷཝིཀཱནཾ ཏདུབྷཡཾ ནུཔྤཛྫིསྶཏཱི’’ཏིཨཱདིནཱ, ‘‘ཡཏྠ རཱུཔཀྑནྡྷོ ནུཔྤཛྫིསྶཏི, ཏཏྠ ཝེདནཱཀྑནྡྷོ ནུཔྤཛྫིསྶཏཱི’’ཏིཨཱདིནཱ, ‘‘ཡསྶ ཡཏྠ རཱུཔཀྑནྡྷོ ནུཔྤཛྫིསྶཏི, ཏསྶ ཏཏྠ ཝེདནཱཀྑནྡྷོ ནུཔྤཛྫིསྶཏཱིཏི? ཨརཱུཔཱནཾ ཏེསཾ ཏཏྠ རཱུཔཀྑནྡྷོ ནུཔྤཛྫིསྶཏི, ནེཏརོ, པཙྪིམབྷཝིཀཱནཾ ཏདུབྷཡཾ ནུཔྤཛྫིསྶཏཱི’’ཏིཨཱདིནཱ པཊིལོམནཡེ ཙ,

‘‘ཡསྶ རཱུཔཀྑནྡྷོ ཨུཔྤཛྫཏི, ཏསྶ ཝེདནཱཀྑནྡྷོ ཨུཔྤཛྫིཏྠཱ’’ཏིཨཱདིནཱ, ‘‘ཡཏྠ རཱུཔཀྑནྡྷོ ཨུཔྤཛྫཏི, ཏཏྠ ཝེདནཱཀྑནྡྷོ ཨུཔྤཛྫིཏྠཱཏི…པེ… པཉྩཝོཀཱརེ ཨུཔྤཛྫཏཱི’’ཏིཨཱདིནཱ, ‘‘ཡསྶ ཡཏྠ རཱུཔཀྑནྡྷོ ཨུཔྤཛྫཏི, ཏསྶ ཏཏྠ ཝེདནཱཀྑནྡྷོ ཨུཔྤཛྫིཏྠཱཏི? སུདྡྷཱཝཱསཾ ཨསཉྙསཏྟཾ ཨུཔཔཛྫནྟཱནཾ ཏེསཾ ཏཏྠ རཱུཔཀྑནྡྷོ ཨུཔྤཛྫཏི, ནོ ཙ ཏེསཾ ཏཏྠ ཝེདནཱཀྑནྡྷོ ཨུཔྤཛྫིཏྠ, པཉྩཝོཀཱརེ པན ཨུཔྤཛྫིཏྠཱ’’ཏིཨཱདིནཱ པཙྩུཔྤནྣེན ཨཏཱིཏཀཱལེ ཨནུལོམནཡེ, ‘‘ཡསྶ རཱུཔཀྑནྡྷོ ནུཔྤཛྫཏི, ཏསྶ ཝེདནཱཀྑནྡྷོ ནུཔྤཛྫིཏྠཱ’’ཏིཨཱདིནཱ, ‘‘ཡཏྠ རཱུཔཀྑནྡྷོ ནུཔྤཛྫཏི, ཏཏྠ ཝེདནཱཀྑནྡྷོ ནུཔྤཛྫིཏྠཱཏི? ཨུཔྤཛྫིཏྠཱ’’ཏིཨཱདིནཱ, ‘‘ཡསྶ ཡཏྠ རཱུཔཀྑནྡྷོ ནུཔྤཛྫཏི ¶ , ཏསྶ ཏཏྠ ཝེདནཱཀྑནྡྷོ ནུཔྤཛྫིཏྠཱཏི? པཉྩཝོཀཱརཱ ཙཝནྟཱནཾ ཨརཱུཔཱནཉྩ ཏེསཾ ཏཏྠ རཱུཔཀྑནྡྷོ ནུཔྤཛྫཏི, ནོ ཙ ཏེསཾ ཏཏྠ ཝེདནཱཀྑནྡྷོ ནུཔྤཛྫིཏྠ, སུདྡྷཱཝཱསེ པརིནིབྦནྟཱནཾ ཨསཉྙསཏྟཱ ཙཝནྟཱནཾ ཏེསཾ ཏཏྠ རཱུཔཀྑནྡྷོ ཙ ནུཔྤཛྫཏི ཝེདནཱཀྑནྡྷོ ཙ ནུཔྤཛྫིཏྠཱ’’ཏིཨཱདིནཱ པཊིལོམནཡེ ཙ,

‘‘ཡསྶ རཱུཔཀྑནྡྷོ ཨུཔྤཛྫཏི, ཏསྶ ཝེདནཱཀྑནྡྷོ ཨུཔྤཛྫིསྶཏཱིཏི? པཙྪིམབྷཝིཀཱནཾ པཉྩཝོཀཱརཾ ཨུཔཔཛྫནྟཱནཾ ཏེསཾ རཱུཔཀྑནྡྷོ ཨུཔྤཛྫཏཱི’’ཏིཨཱདིནཱ, ‘‘ཡཏྠ རཱུཔཀྑནྡྷོ ཨུཔྤཛྫཏི, ཏཏྠ ཝེདནཱཀྑནྡྷོ ཨུཔྤཛྫིསྶཏཱིཏི? པཉྩཝོཀཱརེ…པེ… ཨུཔྤཛྫིསྶཏཱི’’ཏིཨཱདིནཱ ཙ, ‘‘ཡསྶ ཡཏྠ རཱུཔཀྑནྡྷོ ཨུཔྤཛྫཏི, ཏསྶ ཏཏྠ ཝེདནཱཀྑནྡྷོ ཨུཔྤཛྫིསྶཏཱིཏི ¶ ? པཙྪིམབྷཝིཀཱནཾ པཉྩཝོཀཱརེ…པེ… ཨུཔྤཛྫིསྶཏཱི’’ཏིཨཱདིནཱ ཙ པཙྩུཔྤནྣེན ཨནཱགཏཀཱལེ ཨནུལོམནཡེ, ‘‘ཡསྶ རཱུཔཀྑནྡྷོ ནུཔྤཛྫཏི, ཏསྶ ཝེདནཱཀྑནྡྷོ ནུཔྤཛྫིསྶཏཱིཏི པཉྩཝོཀཱརེ པརིནིབྦནྟཱནཾ ཨརཱུཔེ པཙྪིམབྷཝིཀཱནཾ…པེ… ནུཔྤཛྫིསྶཏཱི’’ཏིཨཱདིནཱ, ‘‘ཡཏྠ རཱུཔཀྑནྡྷོ ནུཔྤཛྫཏི, ཏཏྠ ཝེདནཱཀྑནྡྷོ ནུཔྤཛྫིསྶཏཱིཏི? ཨུཔྤཛྫིསྶཏཱི’’ཏིཨཱདིནཱ, ‘‘ཡསྶ ཡཏྠ རཱུཔཀྑནྡྷོ ནུཔྤཛྫཏི, ཏསྶ ཏཏྠ ཝེདནཱཀྑནྡྷོ ནུཔྤཛྫིསྶཏཱིཏི…པེ… པཉྩཝོཀཱརེ པརིནིབྦནྟཱནཾ ཨརཱུཔེ པཙྪིམབྷཝིཀཱནཾ ཨསཉྙསཏྟཱ ཙཝནྟཱནཾ ཏེསཾ ཏཏྠ…པེ… ནུཔྤཛྫིསྶཏཱི’’ཏིཨཱདིནཱ པཊིལོམནཡེ ཙ,

‘‘ཡསྶ རཱུཔཀྑནྡྷོ ཨུཔྤཛྫིཏྠ, ཏསྶ ཝེདནཱཀྑནྡྷོ ཨུཔྤཛྫིསྶཏཱིཏི? པཙྪིམབྷཝིཀཱནཾ ཨུཔྤཛྫིསྶཏཱི’’ཏིཨཱདིནཱ, ‘‘ཡཏྠ རཱུཔཀྑནྡྷོ ཨུཔྤཛྫིཏྠ, ཏཏྠ ཝེདནཱཀྑནྡྷོ ཨུཔྤཛྫིསྶཏཱིཏི…པེ… པཉྩཝོཀཱརེ ཨུཔྤཛྫིསྶཏཱི’’ཏིཨཱདིནཱ, ‘‘ཡསྶ ཡཏྠ རཱུཔཀྑནྡྷོ ཨུཔྤཛྫིཏྠ, ཏསྶ ཏཏྠ ཝེདནཱཀྑནྡྷོ ཨུཔྤཛྫིསྶཏཱིཏི? པཉྩཝོཀཱརེ པཙྪིམབྷཝིཀཱནཾ ཨསཉྙསཏྟཱནཾ…པེ… ཨུཔྤཛྫིསྶཏཱི’’ཏིཨཱདིནཱ ཨཏཱིཏེན ཨནཱགཏཀཱལེ ཨནུལོམནཡེ, ‘‘ཡསྶ རཱུཔཀྑནྡྷོ ཨུཔྤཛྫིཏྠ, ཏསྶ ཝེདནཱཀྑནྡྷོ ཨུཔྤཛྫིསྶཏཱིཏི? ནཏྠཱི’’ཏིཨཱདིནཱ, ‘‘ཡཏྠ རཱུཔཀྑནྡྷོ ¶ ནུཔྤཛྫིཏྠ, ཏཏྠ ཝེདནཱཀྑནྡྷོ ནུཔྤཛྫིསྶཏཱིཏི? ཨུཔྤཛྫིསྶཏཱི’’ཏིཨཱདིནཱ, ‘‘ཡསྶ ཡཏྠ རཱུཔཀྑནྡྷོ ནུཔྤཛྫིཏྠ, ཏསྶ ཏཏྠ ཝེདནཱཀྑནྡྷོ ནུཔྤཛྫིསྶཏཱིཏི…པེ… སུདྡྷཱཝཱསཱནཾ ཨརཱུཔེ པཙྪིམབྷཝིཀཱནཾ ཏེསཾ ཏཏྠ རཱུཔཀྑནྡྷོ ཙ ནུཔྤཛྫིཏྠ ཝེདནཱཀྑནྡྷོ ཙ ནུཔྤཛྫིསྶཏཱི’’ཏིཨཱདིནཱ པཊིལོམནཡེ ཙ སུདྡྷཱ ཨཏྠཝིསེསཱ ཨུཔལབྦྷནྟི. ཏཐཱཔི གནྠཝིཏྠཱརབྷཡེན ཨནཝསེསཏོ ན དསྶཡིསྶཱམ, དསྶིཏནཡེནེཝ སབྦཏྠ པུཙྪཱཝིསྶཛྫནཾ སཀྐཱ པཎྜིཏེན ཉཱཏུནྟི ཨཡཾ ཨུཔྤཱདཝཱརེ ནཡོ.

ཡཐཱ ཙ ཨུཔྤཱདཝཱརེ ཚསུ ཀཱལབྷེདེསུ པཙྩེཀཾ པུགྒལཱདིབྷེདཏོ ཨནུལོམཔཊིལོམནཡུབྷཡེན ཚ ཚ ཝཱརཱ, ཨེཀེཀསྨིཾ ཝཱརེ དས དས ཀཏྭཱ སཊྛི སཊྛི ཡམཀཱནི, སབྦཱནིཔི སཊྛིཨདྷིཀཱནི ཏཱིཎི ཡམཀསཏཱནི, ཏཏོ དྭིགུཎཱ པུཙྪཱ, དྭིགུཎཱ ཨཏྠཱ ཙ ཧོནྟི, ཨེཝཾ ནིརོདྷཝཱརེ ཨུཔྤཱདནིརོདྷཝཱརེཔི ཝེདིཏབྦཱ. ཏཏྠ ཙ ‘‘ཡསྶ རཱུཔཀྑནྡྷོ ནིརུཛ྄ཛྷཏི, ཏསྶ ཝེདནཱཀྑནྡྷོ ནིརུཛ྄ཛྷཏཱིཏི…པེ… པཉྩཝོཀཱརཱ ཙཝནྟཱནཾ…པེ… ནིརུཛ྄ཛྷཏཱི’’ཏིཨཱདིནཱ, ‘‘ཡསྶ རཱུཔཀྑནྡྷོ ན ནིརུཛ྄ཛྷཏི, ཏསྶ ཝེདནཱཀྑནྡྷོ ན ནིརུཛ྄ཛྷཏཱིཏི…པེ… སབྦེསཾ ཨུཔཔཛྫནྟཱནཾ…པེ… ན ནིརུཛ྄ཛྷཏཱི’’ཏིཨཱདིནཱ ནིརོདྷཝཱརེ, ‘‘ཡསྶ ¶ རཱུཔཀྑནྡྷོ ཨུཔྤཛྫཏི, ཏསྶ ཝེདནཱཀྑནྡྷོ ནིརུཛ྄ཛྷཏཱིཏི? ནོ. ཡསྶ རཱུཔཀྑནྡྷོ ནུཔྤཛྫཏི, ཏསྶ ཝེདནཱཀྑནྡྷོ ན ནིརུཛ྄ཛྷཏཱིཏི…པེ… ཨརཱུཔཾ ཨུཔཔཛྫནྟཱནཾ ཨསཉྙསཏྟཱ ཙཝནྟཱནཾ ཏེསཾ རཱུཔཀྑནྡྷོ ཙ ནུཔྤཛྫཏི, ཝེདནཱཀྑནྡྷོ ཙ ན ནིརུཛ྄ཛྷཏཱི’’ཏིཨཱདིནཱ ཨུཔྤཱདནིརོདྷཝཱརེ ཙ ཧེཊྛཱ ཝུཏྟཱནུསཱརེན སབྦཏྠ པུཙྪཱཝིསྶཛྫནནཡོ ཉཱཏབྦོཏི ཨཡཾ པཝཏྟིཝཱརེ ནཡོ.

པརིཉྙཱཝཱརེ པན པུགྒལཝཱརཱདཱིསུ ཏཱིསུ པུགྒལཝཱརོ ཨེཀོཝ ལབྦྷཏི, ན ཨོཀཱསཔུགྒལོཀཱསཝཱརཱ སདིསཝིསྶཛྫནཏྟཱ. ཡོ ཧི ཀོཙི པུགྒལོ རཱུཔཱདིཾ པརིཛཱནནྟོཝ ¶ , ཡཏྠ ཀཏྠཙི ནིརུདྡྷོཔི ཏཱདིསོཝ ཧོཏི, ཏསྨཱ ཚསུ ཀཱལབྷེདེསུ ཨནུལོམཏོ པུགྒལཝསེན དྭེ དྭེ ཝཱརཱ, ཨེཀེཀསྨིཾ ཝཱརེ དས དས ཀཏྭཱ ཝཱིསཏི ཝཱིསཏི ཡམཀཱནཱིཏི ཝཱིསཾ ཡམཀསཏཾ, ཏདྡིགུཎཱ པུཙྪཱ, ཏདྡིགུཎཱ ཙ ཨཏྠཱ ཝེདིཏབྦཱ. ཏཏྠ ཙ ‘‘ཡོ རཱུཔཀྑནྡྷཾ པརིཛཱནཱཏི, སོ ཝེདནཱཀྑནྡྷཾ པརིཛཱནཱཏཱིཏི? ཨཱམནྟཱ’’ཏིཨཱདིནཱ ཙ, ‘‘ཡོ རཱུཔཀྑནྡྷཾ ན པརིཛཱནཱཏི, སོ ཝེདནཱཀྑནྡྷཾ ན པརིཛཱནཱཏཱིཏི? ཨཱམནྟཱ’’ཏི ཨཱདིནཱ ཙ ཨནུལོམཔཊིལོམཏོ ཨཱདིཏོ ཏཱིསུ ཀཱལེསུ སབྦཔུཙྪཱནཾ ‘‘ཨཱམནྟཱ ཨཱམནྟཱ’’ཏྭེཝ ཝིསྶཛྫནཾ. ཨིཏརེསུ པན ཏཱིསུ མིསྶཀཀཱལེསུ ‘‘ཡོ རཱུཔཀྑནྡྷཾ པརིཛཱནཱཏི, སོ ཝེདནཱཀྑནྡྷཾ པརིཛཱནིཏྠཱཏི? ནོ. ཡོ ཝཱ པན…པེ… ནོ’’ཏི ཨེཝཾ ཨིཏརཀཱལདྭཡེཔི ཨནུལོམནཡེ ‘‘ནོ ནོ’’ཏྭེཝ ཝིསྶཛྫནཾ.

པཊིལོམནཡེ པན ‘‘ཡོ རཱུཔཀྑནྡྷཾ ན པརིཛཱནཱཏི, སོ ཝེདནཱཀྑནྡྷཾ ན པརིཛཱནིཏྠཱཏི? ཨརཧཱ རཱུཔཀྑནྡྷཾ ན པརིཛཱནཱཏི, ནོ ཙ སོ ཝེདནཱཀྑནྡྷཾ ན པརིཛཱནིཏྠ. ཨགྒམགྒསམངྒིཉྩ ཨརཧནྟཉྩ ཋཔེཏྭཱ ཨཝསེསཱ པུགྒལཱ རཱུཔཀྑནྡྷཉྩ ན པརིཛཱནནྟི, ཝེདནཱཀྑནྡྷཉྩ ན པརིཛཱནིཾསཱུ’’ཏིཨཱདིནཱ, ‘‘ཡོ རཱུཔཀྑནྡྷཾ ན པརིཛཱནཱཏི, སོ ཝེདནཱཀྑནྡྷཾ ན པརིཛཱནིསྶཏཱིཏི? ཡེ མགྒཾ པཊིལབྷིསྶནྟི, ཏེ རཱུཔཀྑནྡྷཾ ན པརིཛཱནནྟི, ནོ ཙ ཝེདནཱཀྑནྡྷཾ ན པརིཛཱནིསྶནྟི. ཨརཧཱ ཡེ ཙ པུཐུཛྫནཱ མགྒཾ ན པཊིལབྷིསྶནྟི, ཏེ རཱུཔཀྑནྡྷཉྩ ན པརིཛཱནནྟི, ཝེདནཱཀྑནྡྷཉྩ ན པརིཛཱནིསྶནྟཱི’’ཏིཨཱདིནཱ ཙ, ‘‘ཡོ རཱུཔཀྑནྡྷཾ ན པརིཛཱནིཏྠ, སོ ཝེདནཱཀྑནྡྷཾ ན པརིཛཱནིསྶནྟཱིཏི? ཡེ མགྒཾ པཊིལབྷིསྶནྟི, ཏེ རཱུཔཀྑནྡྷཾ ན པརིཛཱནིཾསུ, ནོ ཙ ཝེདནཱཀྑནྡྷཾ ན པརིཛཱནིསྶནྟི. ཨགྒམགྒསམངྒཱི ཡེ ཙ པུཐུཛྫནཱ མགྒཾ ན པཊིལབྷིསྶནྟི, ཏེ ¶ རཱུཔཀྑནྡྷཉྩ ན པརིཛཱནིཾསུ, ཝེདནཱཀྑནྡྷཉྩ ན པརིཛཱནིསྶནྟཱི’’ཏིཨཱདིནཱ ཙ པུཙྪཱཝིསྶཛྫནནཡོ ཝེདིཏབྦོ.

ཨེཏྠ ¶ ཙ ཨཏཱིཏཱནཱགཏཔཙྩུཔྤནྣསངྑཱཏཱ ཏཡོ ཨདྡྷཱ པཝཏྟིཝཱརེ ཙུཏིཔཊིསནྡྷིཝསེན ན ལབྦྷནྟི, པཝཏྟེ ཙིཏྟཀྑཎཝསེནེཝ ལབྦྷནྟི. ལོཀུཏྟརམགྒཀྑཎསྨིཾ ཧི ནིབྦཱནཱརམྨཎེན ཙིཏྟེན པཉྩསུ ཁནྡྷེསུ པརིཉྙཱཀིཙྩནིཔྥཏྟིཡཱ ཡཾ ཀཉྩི ཨེཀཾ ཁནྡྷཾ པརིཛཱནནྟོ ཨིཏརམྤི ‘‘པརིཛཱནཱཏཱི’’ཏི ཨནུལོམཔཉྷེསུ པརིཉྙཱཀིཙྩསྶ མཏྠཀཔྤཏྟཾ ཨགྒམགྒསམངྒིཾ སནྡྷཱཡ ‘‘ཨཱམནྟཱ’’ཏི ཝིསྶཛྫནཾ ཝུཏྟཾ. ‘‘ན པརིཛཱནཱཏཱི’’ཏི པཊིལོམཔཉྷེསུ པུཐུཛྫནཱདཡོ སནྡྷཱཡ ‘‘ཨཱམནྟཱ’’ཏི ཝིསྶཛྫནཾ ཝུཏྟནྟི ཝེདིཏབྦཾ. ‘‘པརིཛཱནིཏྠཱ’’ཏི ཨིམསྨིཾ པན ཨཏཱིཏཀཱལཝཱརེ མགྒཱནནྟརེ ཨགྒཕལེ ཋིཏོཔི པརིཉྙཱཀིཙྩསྶ ནིཊྛིཏཏྟཱ པརིཛཱནིཏྠཡེཝ ནཱམ. ‘‘པརིཛཱནཱཏཱི’’ཏི ཙ ཨགྒམགྒསམངྒཱི ཝུཙྩཏི, ‘‘པརིཛཱནིསྶནྟཱི’’ཏི པུཐུཛྫནཱདཡོ, ཏསྨཱ ཡོ ན པརིཛཱནཱཏི, སོ པརིཛཱནིཏྠཱཏི ཝཱ, པརིཛཱནིསྶཏཱིཏིཨཱདིནཱ ཝཱ ཝཏྟུཾ ཨསཀྐུཎེཡྻཏཱཡ ‘‘ཨཱམནྟཱ’’ཏི ཝིསྶཛྫནཾ ཀཏཾ.

པཊིལོམནཡེ པན ‘‘ཨགྒམགྒསམངྒིཉྩ ཨརཧནྟཉྩ ཋཔེཏྭཱ’’ཏི ཨིདཾ ཨགྒམགྒསམངྒིནོ ‘‘ན པརིཛཱནཱཏཱི’’ཏི ཝཙནཾ, ཨརཧཏོ ཙ ‘‘ན པརིཛཱནིཏྠཱ’’ཏི ཝཏྟུཾ ཨསཀྐུཎེཡྻཏཱཡ ཝུཏྟཾ, ‘‘ཡེ ཙ པུཐུཛྫནཱ མགྒཾ ན པཊིལབྷིསྶནྟཱི’’ཏི ཨིམིནཱ ཨཏཱིཏེ ཝིཡ ཨནཱགཏེཔི ཨནནྟཀཱལཾ ཨམུཙྩནཀཱ སཏྟཱ ནཱམ ཨཏྠཱིཏི དསྶེཏི, ཏེ ཙ ཨརཧཏཱ ནིཊྛིཏཔརིཉྙཱཀིཙྩེན, ‘‘ན པརིཛཱནིསྶནྟཱི’’ཏི ཝཏྟབྦཏཾ ཝཱ ཨཱཔནྣེན སམཀཱ ཛཱཏཱ, སབྦཏྠ ཙ ཨེཀཾ ཁནྡྷཾ པརིཛཱནནྟོ སབྦཾ པརིཛཱནཱཏི, ཨཔརིཛཱནནྟོཔི ཙ སབྦཾ ན པརིཛཱནཱཏཱིཏི ཝེདིཏབྦནྟི ཨཡཾ ཁནྡྷཡམཀམཱཏིཀཏྠསཾཝཎྞནཱནཡོ.

ཨཱཡཏནཡམཀམཱཏིཀཏྠཝཎྞནཱ

ཨཱཡཏནཡམཀམཱཏིཀཱཡ པན པཱལི༹ཝཝཏྠཱནཱདིཀཾ སབྦཾ ཁནྡྷཡམཀམཱཏིཀཱཡ ཝུཏྟནཡེནེཝ ཝེདིཏབྦཾ ཨཉྙཏྲ ཝིསེསཱ ¶ , ཏཏྲཱཡཾ ཝིསེསོ – ‘‘དྭཱདསཱཡཏནཱནཱི’’ཏི པདཾ ཨཱདིཾ ཀཏྭཱ ཡཱཝ ‘‘ནཱཡཏནཱ ན མནོ’’ཏི, ཏཱཝ པཝཏྟཱ ཨཡཾ ཨཱཡཏནམཱཏིཀཱ ནཱམ. ཏཏྠ དྭཱདསཱཡཏནཱནི ཨུདྡིསིཏྭཱ ཡམཀཝསེན པུཙྪཱསུ ཁནྡྷཔདཾ ཋཔེཏྭཱ ཙཀྑཱདཱིནི པཉྩ ཨཛ྄ཛྷཏྟིཀཱཡཏནཱནི ¶ པཋམཾ ཝུཏྟཱནི, པཙྪཱ རཱུཔཱདིཔཉྩབཱཧིརཱཡཏནཱནི, པརིཡོསཱནེ མནཱཡཏནདྷམྨཱཡཏནཱནཱིཏི ཨེཝཾ པཱལི༹ཝཝཏྠཱནེ པཉྷེ. ཝིསྶཛྫནེ པན ‘‘ཙཀྑུ ཙཀྑཱཡཏནནྟི? དིབྦཙཀྑུ པཉྙཱཙཀྑུ ཙཀྑུམེཝ, ན ཙཀྑཱཡཏནཾ, ཙཀྑཱཡཏནཾ ཙཀྑུ ཙེཝ ཙཀྑཱཡཏནཉྩ. སོཏཾ སོཏཱཡཏནནྟི? དིབྦསོཏཾ ཏཎྷཱསོཏཾ སོཏམེཝ, ན སོཏཱཡཏནཾ. གྷཱནཾ གྷཱནཱཡཏནནྟི? ཨཱམནྟཱ…པེ… ཀཱཡོ ཀཱཡཱཡཏནནྟི? ནཱམཀཱཡོ ཙིཏྟཀཱཡོཏིཨཱདི ཀཱཡོ, ན ཀཱཡཱཡཏནཾ. རཱུཔཾ རཱུཔཱཡཏནནྟི? བྷཱུཏཱདི, པིཡརཱུཔཱདི ཙ རཱུཔཾཝ, ན རཱུཔཱཡཏནཾ. སདྡོ སདྡཱཡཏནནྟི? ཨཱམནྟཱ. གནྡྷོ གནྡྷཱཡཏནནྟི? སཱིལགནྡྷཱདཡོ གནྡྷོཝ, ན གནྡྷཱཡཏནཾ. རསོ རསཱཡཏནནྟི? ཨཏྠརསཱདཡོ རསོཝ, ན རསཱཡཏནཾ. དྷམྨོ དྷམྨཱཡཏནནྟི? པརིཡཏྟིདྷམྨཱདཡོ དྷམྨོཝ, ན དྷམྨཱཡཏནཾ. དྷམྨཱཡཏནཾ དྷམྨོཏི? ཨཱམནྟཱ’’ཏི ཨཡཾ པཎྞཏྟིཝཱརེ ཝིསེསོ.

པཝཏྟིཝཱརེ པན ‘‘ཡསྶ ཙཀྑཱཡཏནཾ ཨུཔྤཛྫཏི, ཏསྶ སོཏཱཡཏནཾ ཨུཔྤཛྫཏཱིཏི? སཙཀྑུཀཱནཾ ཨསོཏཀཱནཾ ཨུཔཔཛྫནྟཱནཾ ཏེསཾ ཙཀྑཱཡཏནཾ ཨུཔྤཛྫཏི, ནོ ཙ ཏེསཾ སོཏཱཡཏནཾ ཨུཔྤཛྫཏི. སཙཀྑུཀཱནཾ སསོཏཀཱནཾ ཨུཔཔཛྫནྟཱནཾ ཏེསཾ ཙཀྑཱཡཏནཉྩ ཨུཔྤཛྫཏི, སོཏཱཡཏནཉྩ ཨུཔྤཛྫཏི…པེ… ཡསྶ རཱུཔཱཡཏནཾ ཨུཔྤཛྫཏི, ཏསྶ མནཱཡཏནཾ ཨུཔྤཛྫཏཱིཏི? ཨཙིཏྟཀཱནཾ རཱུཔཱཡཏནཾ ཨུཔྤཛྫཏི, ནོ ཙ ཏེསཾ མནཱཡཏནཾ ཨུཔྤཛྫཏི. པཉྩཝོཀཱརེ ཨུཔྤཱདཀྑཎེ ཏདུབྷཡཾ ཨུཔྤཛྫཏི. ཡསྶ ཝཱ པན མནཱཡཏནཾ ཨུཔྤཛྫཏི, ཏསྶ རཱུཔཱཡཏནཾ ཨུཔྤཛྫཏཱིཏི? ཨརཱུཔབྷཝཝཛྫིཏེ སཉྙཱབྷཝེ ཨུཔཔཛྫནྟཱནཾ…པེ… ཨུཔྤཛྫཏི ¶ . ཡསྶ རཱུཔཱཡཏནཾ ཨུཔྤཛྫཏི, ཏསྶ དྷམྨཱཡཏནཾ ཨུཔྤཛྫཏཱིཏི? ཨཱམནྟཱ. ཡསྶ ཝཱ པན…པེ… ཨུཔྤཛྫཏཱིཏི? ཨརཱུཔབྷཝཝཛྫིཏེ སབྦཏྠ ཨུཔྤཛྫཏི. ཡསྶ མནཱཡཏནཾ ཨུཔྤཛྫཏི, ཏསྶ དྷམྨཱཡཏནཾ ཨུཔྤཛྫཏཱིཏི? ཨཱམནྟཱ, ཡསྶ ཝཱ པན…པེ… ཨུཔྤཛྫཏཱིཏི? ཨསཉྙབྷཝཝཛྫིཏེ སབྦཏྠ ཨུཔྤཛྫཏཱི’’ཏི ཨེཝཾ སདྡཱཡཏནཝཛྫིཏཱ སེསཱཡཏནམཱཏིཀཱཡམཀཡོཛནཱ ཡཐཱནུརཱུཔཾ ཝེདིཏབྦཱ. སདྡཱཡཏནཾ ཧི པཊིསནྡྷིཀྑཎེ ན ལབྦྷཏི, ཨཡཾ ཨུཔྤཱདཝཱརེ ཝིསེསོ, ཨིམིནཱ ནཡེན ནིརོདྷཝཱརཱདཱིསུ, པརིཉྙཱཝཱརེ ཙ ཡོཛནཱཝིསེསོ ཝེདིཏབྦོ, སབྦཏྠ ཙ ཁནྡྷཏོ ཨཱཡཏནཱནཾ བཧུཏཱ ཙ ཡམཀཝཱརབཧུཏཱ ཙ ཝེདིཏབྦཱ. སེསཾ ཏཱདིསམེཝཱཏི ཨཡཾ ཨཱཡཏནཡམཀམཱཏིཀཏྠསཾཝཎྞནཱནཡོ.

དྷཱཏུཡམཀམཱཏིཀཏྠཝཎྞནཱ

དྷཱཏུཡམཀམཱཏིཀཱཡ ¶ པན པཱལི༹ཝཝཏྠཱནཾ སབྦཾ ཨཱཡཏནཡམཀམཱཏིཀཱཡ ཝུཏྟནཡེནེཝ ཝེདིཏབྦནྟི ཨཡཾ དྷཱཏུཡམཀམཱཏིཀཏྠསཾཝཎྞནཱནཡོ.

སཙྩཡམཀམཱཏིཀཏྠཝཎྞནཱ

སཙྩཡམཀམཱཏིཀཱཡ པན ཁནྡྷཡམཀེ ཝུཏྟནཡེན ཝཱརབྷེདཱ, ཀཱལཱདིབྷེདཱ ཙ ཝེདིཏབྦཱ, པཱལི༹ཝཝཏྠཱནེ པནེཏྠ ཙཏུནྣཾ སཙྩཱནཾ ཝསེན པདསོདྷནཝཱརོ པདསོདྷནམཱུལཙཀྐཝཱརོ སུདྡྷསཙྩཝཱརོ སུདྡྷསཙྩམཱུལཙཀྐཝཱརོཏི ཨིམེསུ ཙཏཱུསུ ཝཱརེསུ ཡམཀགཎནཱ ཝེདིཏབྦཱ. པུཙྪཱཝིསྶཛྫནེསུ པན ‘‘དུཀྑཾ དུཀྑསཙྩནྟི? ཨཱམནྟཱ. དུཀྑསཙྩཾ དུཀྑནྟི? ཀཱཡིཀཙེཏསིཀཾ དུཀྑཾ ཋཔེཏྭཱ ཨཝསེསཾ དུཀྑསཙྩཾ, ན དུཀྑཾ. ཀཱཡིཀཙེཏསིཀཾ དུཀྑཾ པན དུཀྑཉྩེཝ དུཀྑསཙྩཉྩ. སམུདཡོ སམུདཡསཙྩནྟི? ཏཎྷཾ ཋཔེཏྭཱ ཨཝསེསཱ སཙྩཝིབྷངྒེ ནིདྡིཊྛཱ ཀུསལཱདིདྷམྨཱ སམུདཡོ, ན སམུདཡསཙྩཾ. ཏཎྷཱ ¶ པན སམུདཡོ ཙེཝ སམུདཡསཙྩཉྩ. སམུདཡསཙྩཾ སམུདཡོཏི? ཨཱམནྟཱ. ནིརོདྷོ ནིརོདྷསཙྩནྟི? ཏདངྒནིརོདྷཱདཡོ, ཁཎིཀནིརོདྷོ ཙ ནིརོདྷོཝ, ན ནིརོདྷསཙྩཾ. ནིབྦཱནཾ པན ནིརོདྷོ ཙེཝ ནིརོདྷསཙྩཉྩ. ནིརོདྷསཙྩཾ ནིརོདྷོཏི? ཨཱམནྟཱ. མགྒོ མགྒསཙྩནྟི? མིཙྪཱམགྒངྒཱདཡོ མགྒོ, ན མགྒསཙྩཾ. ཨརིཡམགྒོ པན མགྒོ ཙེཝ མགྒསཙྩཉྩ. མགྒསཙྩཾ མགྒོཏི? ཨཱམནྟཱ’’ཏིཨཱདིནཱ པཎྞཏྟིཝཱརེ ནཡོ ཝེདིཏབྦོ.

པཝཏྟིཝཱརེ པན ‘‘ཡསྶ དུཀྑསཙྩཾ ཨུཔྤཛྫཏི, ཏསྶ སམུདཡསཙྩཾ ཨུཔྤཛྫཏཱིཏི? སབྦེསཾ ཨུཔཔཛྫནྟཱནཾ པཝཏྟེ ཏཎྷཱཝིཔྤཡུཏྟཙིཏྟསྶ ཨུཔྤཱདཀྑཎེ ཏེསཾ དུཀྑསཙྩཾ ཨུཔྤཛྫཏི, ནོ ཙ ཏེསཾ སམུདཡསཙྩཾ ཨུཔྤཛྫཏི. ཏཎྷཱཡ ཨུཔྤཱདཀྑཎེ ཏདུབྷཡཾ ཨུཔྤཛྫཏི. ཡསྶ དུཀྑསཙྩཾ ཨུཔྤཛྫཏི, ཏསྶ མགྒསཙྩཾ ཨུཔྤཛྫཏཱིཏི…པེ… པཉྩཝོཀཱརེ མགྒསྶ ཨུཔྤཱདཀྑཎེ ཏདུབྷཡཾ ཨུཔྤཛྫཏི. ཡསྶ ཝཱ པན…པེ… ཨུཔྤཛྫཏཱིཏི? ཨརཱུཔེ མགྒསྶ ཨུཔྤཱདཀྑཎེ ཏེསཾ མགྒསཙྩཾ ཨུཔྤཛྫཏི, ནོ ཙ ཏེསཾ དུཀྑསཙྩཾ ཨུཔྤཛྫཏི. པཉྩཝོཀཱརེ ཏདུབྷཡཾ ཨུཔྤཛྫཏི. ཡསྶ སམུདཡསཙྩཾ ཨུཔྤཛྫཏི, ཏསྶ མགྒསཙྩཾ ཨུཔྤཛྫཏཱིཏི? ནོ, ཡསྶ ཝཱ པན…པེ… ནོ’’ཏིཨཱདིནཱ པུགྒལཝཱརེ, ‘‘ཡཏྠ དུཀྑསཙྩཾ ཨུཔྤཛྫཏི, ཏཏྠ སམུདཡསཙྩཾ ཨུཔྤཛྫཏཱིཏི? ཨསཉྙསཏྟེ ཏཏྠ དུཀྑསཙྩཾ ཨུཔྤཛྫཏི, ནོ ཙ ཏཏྠ ཏདཉྙཾ, ཨཉྙཏྠ ¶ ཏདུབྷཡམྤི. ཡཏྠ དུཀྑསཙྩཾ ཨུཔྤཛྫཏི, ཏཏྠ མགྒསཙྩཾ ཨུཔྤཛྫཏཱིཏི? ཨཔཱཡེ, ཨསཉྙསཏྟེ ཙ དུཀྑམེཝ, ནོ ཙ ཏཏྠ ཏདཉྙཾ, ཨཉྙཏྠ ཏདུབྷཡམྤཱི’’ཏིཨཱདིནཱ ཨོཀཱསཝཱརེ, པུགྒལོཀཱསཝཱརེཔཱིཏི ཨེཝཾ ཨནུལོམནཡེ,

‘‘ཡསྶ དུཀྑསཙྩཾ ནུཔྤཛྫཏི, ཏསྶ སམུདཡསཙྩཾ ནུཔྤཛྫཏཱིཏི? ཨཱམནྟཱ. ཡསྶ ཝཱ པན…པེ… ནུཔྤཛྫཏཱིཏི? སབྦེསཾ ཨུཔཔཛྫནྟཱནཾ པཝཏྟེ ཏཎྷཱཝིཔྤཡུཏྟཙིཏྟསྶ ཨུཔྤཱདཀྑཎེ སམུདཡསཙྩཾ ནུཔྤཛྫཏི, ནོ ཙ ཏེསཾ དུཀྑསཙྩཾ ནུཔྤཛྫཏི. སབྦེསཾ ¶ ཙཝནྟཱནཾ པཝཏྟེ ཙིཏྟསྶ བྷངྒཀྑཎེ ཨརཱུཔེ མགྒསྶ ཙ ཕལསྶ ཙ ཨུཔྤཱདཀྑཎེ ཏེསཾ སམུདཡསཙྩཉྩ ནུཔྤཛྫཏི, དུཀྑསཙྩཉྩ ནུཔྤཛྫཏཱི’’ཏིཨཱདིནཱ, ‘‘ཡཏྠ དུཀྑསཙྩཾ ནུཔྤཛྫཏི, ཏཏྠ སམུདཡསཙྩཾ ནུཔྤཛྫཏཱིཏི? ནཏྠི. ཡཏྠ ཝཱ པན སམུདཡསཙྩཾ ནུཔྤཛྫཏི, ཏཏྠ དུཀྑསཙྩཾ ནུཔྤཛྫཏཱིཏི? ཨུཔྤཛྫཏཱི’’ཏིཨཱདིནཱ ཙ, ‘‘ཡསྶ ཡཏྠ དུཀྑསཙྩཾ ནུཔྤཛྫཏི, ཏསྶ ཏཏྠ སམུདཡསཙྩཾ ནུཔྤཛྫཏཱིཏི? ཨཱམནྟཱ. ཡསྶ ཝཱ པན ཡཏྠ སམུདཡསཙྩཾ ནུཔྤཛྫཏི, ཏསྶ ཏཏྠ དུཀྑསཙྩཾ ནུཔྤཛྫཏཱིཏི? སབྦེསཾ ཨུཔཔཛྫནྟཱནཾ པཝཏྟེ ཏཎྷཱཝིཔྤཡུཏྟཙིཏྟསྶ ཨུཔྤཱདཀྑཎེ ཏེསཾ ཏཏྠ སམུདཡསཙྩཾ ཨེཝ ནུཔྤཛྫཏི, ནེཏརཾ, སབྦེསཾ པན ཙཝནྟཱནཾ པཝཏྟེ ཙིཏྟསྶ བྷངྒཀྑཎེ ཨརཱུཔེ མགྒསྶ ཙ ཕལསྶ ཙ ཨུཔྤཱདཀྑཎེ ཏེསཾ ཏཏྠ ཏདུབྷཡམྤི ནུཔྤཛྫཏཱི’’ཏིཨཱདིནཱ ཙ སབྦཏྠ པཊིལོམནཡེ ཙ,

‘‘ཡསྶ དུཀྑསཙྩཾ ཨུཔྤཛྫིཏྠ, ཏསྶ སམུདཡསཙྩཾ ཨུཔྤཛྫིཏྠཱཏི? ཨཱམནྟཱ. ཡསྶ དུཀྑསཙྩཾ ཨུཔྤཛྫིཏྠ, ཏསྶ མགྒསཙྩཾ ཨུཔྤཛྫིཏྠཱཏི? ཨབྷིསམེཏཱཝཱིནཾ ཨུཔྤཛྫིཏྠ, ན ཨིཏརེས’’ནྟིཨཱདིནཱ, ‘‘ཡསྶ ཡཏྠ དུཀྑསཙྩཾ ཨུཔྤཛྫིཏྠ, ཏསྶ ཏཏྠ སམུདཡསཙྩཾ ཨུཔྤཛྫིཏྠཱཏི? སུདྡྷཱཝཱསཱནཾ དུཏིཡེ ཙིཏྟེ ཝཏྟམཱནེ ཨསཉྙསཏྟཱནཾ ཏཏྠ དུཀྑསཙྩཾ ཨུཔྤཛྫིཏྠ, ནེཏརཾ, ཨིཏརེསཾ ཏདུབྷཡཾ ཨུཔྤཛྫིཏྠཱ’’ཏིཨཱདིནཱ, ‘‘ཡསྶ དུཀྑསཙྩཾ ཨུཔྤཛྫིསྶཏི, ཏསྶ སམུདཡསཙྩཾ ཨུཔྤཛྫིསྶཏཱིཏི? ཨགྒམགྒསམངྒཱིནཾ ཨརཧནྟཱནཾ ཡསྶ ཙིཏྟསྶ ཨནནྟརཱ ཨགྒམགྒཾ པཊིལབྷིསྶནྟི, ཏེསཾ དུཀྑསཙྩཾ ཨུཔྤཛྫིསྶཏི, ནེཏརཾ, ཨིཏརེསཾ ཏདུབྷཡཾ ཨུཔྤཛྫིསྶཏཱི’’ཏིཨཱདིནཱ ཙ, ‘‘ཡསྶ དུཀྑསཙྩཾ ཨུཔྤཛྫཏི, ཏསྶ སམུདཡསཙྩཾ ཨུཔྤཛྫིཏྠཱཏི? ཨཱམནྟཱ, ཡསྶ ཝཱ པན…པེ… ཨུཔྤཛྫཏཱིཏི? སབྦེསཾ ཙཝནྟཱནཾ པཝཏྟེ ཙིཏྟསྶ བྷངྒཀྑཎེ ཨརཱུཔེ མགྒཕལུཔྤཏྟིཀྑཎེ ཏེསཾ སམུདཡསཙྩཾ ཨུཔྤཛྫིཏྠ, ནོ ཙ ཏེསཾ དུཀྑསཙྩཾ ཨུཔྤཛྫཏི. སབྦེསཾ ཨུཔཔཛྫནྟཱནཾ པཝཏྟེ ཙིཏྟསྶ ཨུཔྤཱདཀྑཎེ སམུདཡསཙྩཉྩ ཨུཔྤཛྫིཏྠ ¶ , དུཀྑསཙྩཉྩ ཨུཔྤཛྫཏཱི’’ཏིཨཱདིནཱ ཙ སེསཀཱལབྷེདེསུ ¶ ཙ ཨནུལོམཔཊིལོམཱདཱིསུ ཙ ཝུཏྟཱནུསཱརེན ཨུཔྤཱདཝཱརེ སབྦཏྠ ཝིསྶཛྫནནཡོ ཡཐཱནུརཱུཔཾ ཉཱཏབྦོ. ‘‘ཡསྶ དུཀྑསཙྩཾ ནིརུཛ྄ཛྷཏི, ཏསྶ སམུདཡསཙྩཾ ནིརུཛ྄ཛྷཏཱིཏི…པེ… ཏཎྷཱཡ བྷངྒཀྑཎེ ཏེསཾ ཏདུབྷཡཾ ནིརུཛ྄ཛྷཏཱི’’ཏིཨཱདིནཱ ནིརོདྷཝཱརེ, ཨུཔྤཱདནིརོདྷཝཱརེཔཱིཏི ཨེཝཾ པཝཏྟིཝཱརེ སབྦཏྠ ཡཐཱནུརཱུཔཏོ ཡོཛནཱ ཝེདིཏབྦཱ.

ཏཐཱ ‘‘ཡོ དུཀྑསཙྩཾ པརིཛཱནཱཏི, སོ སམུདཡསཙྩཾ པཛཧཏཱིཏི? ཨཱམནྟཱ’’ཏིཨཱདིནཱ པརིཉྙཱཝཱརེཔཱིཏི ཨེཝམེཏྠ པཱལི༹ནཡོ ཉཱཏབྦོ.

ཨཏྠཝིནིཙྪཡེ པནེཏྠ ཨིདཾ ལཀྑཎཾ – པཝཏྟི ཝཱརེ ཏཱཝེཏྠ ནིརོདྷསཙྩཾ ན ལབྦྷཏེཝ, སེསེསུ པན ཏཱིསུ སཙྩེསུ སམུདཡམགྒསཙྩཱནི ཨེཀནྟེན པཝཏྟིཡཾ ཨེཝ ལབྦྷནྟི. དུཀྑསཙྩཾ ཙུཏིཔཊིསནྡྷཱིསུཔི པཝཏྟེཔཱིཏི ཨེཝམེཏྠ ཡཾ ཡཾ སབྦཏྠ ལབྦྷཏི, ཏསྶ ཏསྶ ཝསེན ཨཏྠཝིནིཙྪཡོ ཝེདིཏབྦོ. ཏཏྲིདཾ ནཡམུཁཾ – སབྦེསཾ ཨུཔཔཛྫནྟཱནནྟི ཨནྟམསོ སུདྡྷཱཝཱསཱནམྤི. ཏེཔི ཧི དུཀྑསཙྩེནེཝ ཨུཔྤཛྫནྟི. ཏཎྷཱཝིཔྤཡུཏྟཙིཏྟསྶཱཏི ཨིདཾ དུཀྑསཙྩསམུདཡསཙྩེསུ ཨེཀཀོཊྛཱསསྶ ཨུཔྤཏྟིདསྶནཏྠཾ ཝུཏྟཾ, ཏསྨཱ པཉྩཝོཀཱརཝསེནེཝ གཧེཏབྦཾ. ཙཏུཝོཀཱརེ པན ཏཎྷཱཝིཔྤཡུཏྟཕལསམཱཔཏྟིཡཱ ཨུཔྤཱདཀྑཎེ ཨེཀམྤི སཙྩཾ ནུཔྤཛྫཏི. ཏདུབྷཡནྟི དུཀྑསམུདཡསཙྩདྭཡཾ. ཏསྨིཾ ཧི ཁཎེ ཏཎྷཾ ཋཔེཏྭཱ སེསཾ དུཀྑསཙྩཾ ནཱམ ཧོཏཱིཏི ཏཾ སནྡྷཱཡེཏཾ ཝུཏྟཾ. མགྒསྶ ཨུཔྤཱདཀྑཎེ པན རཱུཔམེཝ དུཀྑསཙྩཾ ནཱམ, སེསཱ མགྒསཧཛཱཏཱ དྷམྨཱ སཙྩཝིནིམུཏྟཱཝ. ཏེནེཝ ཀཱརཎེན ‘‘ཨརཱུཔེ མགྒསྶ ཨུཔྤཱདཀྑཎེ ཏེསཾ མགྒསཙྩཾ ཨུཔྤཛྫཏི, ནོ ཙ ཏེསཾ དུཀྑསཙྩཾ ཨུཔྤཛྫཏཱི’’ཏི ཝུཏྟཾ. སབྦེསཾ ཨུཔཔཛྫནྟཱནཾ པཝཏྟེ ཏཎྷཱཝིཔྤཡུཏྟཙིཏྟསྶ ཨུཔྤཱདཀྑཎེ. ཏེསཾ ཏཏྠཱཏི ཏེསཾ ཏསྨིཾ ཨུཔཔཏྟིཀྑཎེ ཏཎྷཱཝིཔྤཡུཏྟཙིཏྟུཔྤཏྟིཀྑཎེ ཙཱཏི ཨེཝམེཏྠ ཁཎཝསེན ཨོཀཱསོ ཝེདིཏབྦོ. ཨཉྙེསུཔི ཨེཝརཱུཔེསུ ཨེསེཝ ནཡོ. ཨནབྷིསམེཏཱཝཱིནནྟི ¶ ཨནབྷིསམིཏསཙྩཱནནྟི ཨིམིནཱ ནཡམུཁེན སབྦཏྠ ཨཏྠཝིནིཙྪཡོ ཝེདིཏབྦོ.

པརིཉྙཱཝཱརེ པན ཉཱཏཏཱིརཎཔཧཱནཝསེན ཏིསྶོཔི པརིཉྙཱཡོ ལབྦྷནྟི. ཡསྨཱ པན ལོཀུཏྟརདྷམྨེསུ པརིཉྙཱནཱམ ནཏྠི, ཏསྨཱ ཨིདྷ དྭེ ཨེཝ སཙྩཱནི གཧིཏཱནི. ཏཏྠ ‘‘དུཀྑསཙྩཾ པརིཛཱནཱཏཱི’’ཏི ཉཱཏཏཱིརཎཔརིཉྙཱཝསེན ཝུཏྟཾ, ‘‘སམུདཡསཙྩཾ པཛཧཏཱི’’ཏི ཉཱཏཔཧཱནཔརིཉྙཱཝསེན ¶ , ཨིཏི ཨིམཱསཾ པརིཉྙཱནཾ ཝསེན སབྦཏྠ ཨཏྠོ ཝེདིཏབྦོ. ཨཡཾ སཙྩཡམཀམཱཏིཀཏྠསཾཝཎྞནཱནཡོ.

སངྑཱརཡམཀམཱཏིཀཏྠཝཎྞནཱ

སངྑཱརཡམཀམཱཏིཀཱཡ པན ཧེཊྛཱ ཝུཏྟནཡེནེཝ མཧཱཝཱརནྟརཱདིབྷེདཱ ཝེདིཏབྦཱ. ཨཡཾ པནེཏྠ ཝིསེསོ – མཱཏིཀཱཡ ཏཱཝ ཡཐཱ ཧེཊྛཱ ཁནྡྷཱདཡོ དྷམྨེ ཨུདྡིསིཏྭཱ ‘‘རཱུཔཾ རཱུཔཀྑནྡྷོ’’ཏིཨཱདིནཱ པདསོདྷནཝཱརོ ཨཱརདྡྷོ, ཏཐཱ ཨནཱརབྷིཏྭཱ ‘‘ཨསྶཱསཔསྶཱསཱ ཀཱཡསངྑཱརོ’’ཏིཨཱདིནཱ པཋམཾ ཏཡོཔི སངྑཱརཱ ཝིབྷཛིཏྭཱ དསྶིཏཱ. ཏཏྠ ཀཱཡསྶ སངྑཱརོ ཀཱཡསངྑཱརོ, ཨསྶཱསཔསྶཱསཱ. ‘‘ཀཱཡིཀཱ ཨེཏེ དྷམྨཱ ཀཱཡཔཊིབདྡྷཱ’’ཏི (མ. ནི. ༡.༤༦༣; སཾ. ནི. ༤.༣༤༨) ཝཙནཏོ ཀཱརཎབྷཱུཏསྶ ཀརཛཀཱཡསྶ ཕལབྷཱུཏོ ཨེས སངྑཱརོཏི ཀཱཡསངྑཱརོ. ཨཔརོ ནཡོ – སངྑརཱིཡཏཱིཏི སངྑཱརོ. ཀེན སངྑརཱིཡཏི? ཀཱཡེན. ཨཡཾ ཧི ཝཱཏོ ཝིཡ བྷསྟཱཡ ཀརཛཀཱཡེན སངྑརཱིཡཏི, ཨེཝམྤི ཀཱཡསྶ སངྑཱརོཏི ཀཱཡསངྑཱརོ, ཀཱཡེན ཀཏོ ཨསྶཱསཔསྶཱསཝཱཏོཏི ཨཏྠོ. ཙེཏསཱ ཝིཏཀྐེཏྭཱ ཝིཙཱརེཏྭཱ པཙྪཱ ཝཱཙཾ བྷིནྡཏི, ཏསྨཱ ‘‘ཝིཏཀྐཝིཙཱརཱ ཝཙཱིསངྑཱརོ’’ཏི (མ. ནི. ༡.༤༦༣) ཝཙནཏོ པན སངྑརོཏཱིཏི སངྑཱརོ, ཀིཾ སངྑརོཏི? ཝཙིཾ. ཝཙིཡཱ སངྑཱརོཏི ཝཙཱིསངྑཱརོ, ཝཙཱིབྷེདསམུཊྛཱཔཀསྶ ¶ ཝིཏཀྐཝིཙཱརདྭཡསྶེཏཾ ནཱམཾ. ‘‘སཉྙཱ ཙ ཝེདནཱ ཙ ཙེཏསིཀཱ ཨེཏེ དྷམྨཱ ཙིཏྟཔཊིབདྡྷཱ’’ཏི (མ. ནི. ༡.༤༦༣; སཾ. ནི. ༤.༣༤༨) ཝཙནཏོཡེཝ པན ཏཏིཡཔདེ སངྑརཱིཡཏཱིཏི སངྑཱརོ, ཀེན སངྑརཱིཡཏི? ཙིཏྟེན, ཨིཏི ཙིཏྟསྶ སངྑཱརོཏི ཙིཏྟསངྑཱརོ, སབྦེསམྤི ཙིཏྟསམུཊྛཱནཱནཾ ཙེཏསིཀཱནཾ དྷམྨཱནཾ ཨེཏཾ ཨདྷིཝཙནཾ. ཝིཏཀྐཝིཙཱརཱནཾ པན ཝཙཱིསངྑཱརབྷཱཝེན ཝིསུཾ གཧིཏཏྟཱ ‘‘ཋཔེཏྭཱ ཝིཏཀྐཝིཙཱརེ’’ཏི ཝུཏྟཾ.

ཨིདཱནི ‘‘ཀཱཡོ ཀཱཡསངྑཱརོ’’ཏི པདསོདྷནཝཱརོ ཨཱརདྡྷོ, ཏསྶ ཨནུལོམནཡེ ཏཱིཎི, པཊིལོམནཡེ ཏཱིཎཱིཏི ཚ ཡམཀཱནི. པདསོདྷནམཱུལཙཀྐཝཱརེ ཨེཀེཀསངྑཱརམཱུལཀཱནི དྭེ དྭེ ཀཏྭཱ ཨནུལོམནཡེ ཚ, པཊིལོམནཡེ ཚཱཏི དྭཱདས ཡམཀཱནི. སུདྡྷསངྑཱརཝཱརེ པན ཡཐཱ སུདྡྷཁནྡྷཝཱརཱདཱིསུ ‘‘རཱུཔཾ ཁནྡྷོ, ཁནྡྷཱ རཱུཔ’’ནྟིཨཱདིནཱ ནཡེན ཡམཀཱནིཝུཏྟཱནི, ཨེཝཾ ‘‘ཀཱཡོ སངྑཱརོ, སངྑཱརཱ ཀཱཡོ’’ཏི ཨཝཏྭཱ ‘‘ཀཱཡསངྑཱརོ ཝཙཱིསངྑཱརོ’’ཏིཨཱདིནཱ ནཡེན ཀཱཡསངྑཱརམཱུལཀཱནི དྭེ, ཝཙཱིསངྑཱརམཱུལཀཾ ཨེཀནྟི ཨནུལོམེ ཏཱིཎི, པཊིལོམེ ཏཱིཎཱིཏི ཚ ཡམཀཱནི ¶ ཝུཏྟཱནི. ཀིཾ ཀཱརཎཱ? སུདྡྷིཀཨེཀེཀཔདཝསེན ཨཏྠབྷེདཱབྷཱཝཏོ, ཀཱཡསངྑཱརོཏི པན དྭཱིཧིཔི པདེཧི ཨེཀོཝ ཨཏྠོ ལབྦྷཏཱིཏི ཨཡཾ ཝིསེསོཝ, ཏསྨཱ ཨེཀེཀཔདཝསེན ན ཝུཏྟཾ, ‘‘ཀཱཡོ ཀཱཡསངྑཱརོ’’ཏིཨཱདི པན ཝཏྟབྦཾ སིཡཱ, སོཔི ནཡོ པདསོདྷནཝཱརེ ཝིནཱཔི ཨཏྠེན ཝཙནཾ ཡུཛྫཏཱིཏི ཏཏྠེཝ ཝུཏྟོ, ཨིདྷ པན ཀཱཡསངྑཱརཱདཱིནཾ ཝཙཱིསངྑཱརཱདཱིཧི ཨཉྙཏྟཱ ‘‘ཀཱཡསངྑཱརོ ཝཙཱིསངྑཱརོ’’ཏིཨཱདིནཱཔི ཡམཀཱནི ཝུཏྟཱནི. སུདྡྷསངྑཱརམཱུལཙཀྐཝཱརོ པནེཏྠ ན གཧིཏོཏི ཨཡཾ ཏཱཝེཏྠ པཱལི༹ཝཝཏྠཱནེ ཝིསེསོ.

པཉྷཝིསྶཛྫནེསུ ¶ པན ‘‘ཀཱཡོ ཀཱཡསངྑཱརོཏི? ནོ, ཀཱཡསངྑཱརོ ཀཱཡོཏི? ནོ’’ཏི ཝཱ ཨེཝཾ སབྦཏྠ པཊིསེདྷོ. ཝིསྶཛྫནཱནཾ ཀཱཡཱདཱིནཾ ཨེཝ ཀཱཡསངྑཱརཱདིནཱམཏྟཱ. ན ཧི ཀཱཡཱདཡོ ཝིཡ ཀཱཡསངྑཱརཱདཱིནཾ ནཱམཾ ཧོཏི, པཊིལོམེ པན ན ཀཱཡོ ན ཀཱཡསངྑཱརོཏི ཡོ ཀཱཡོ ན ཧོཏི, སོ ཀཱཡསངྑཱརོཔི ན ཧོཏཱིཏི པུཙྪཱཡ ཨཏྠོ, ཏསྶཱ ཀཱཡསངྑཱརོ ན ཀཱཡོ ཀཱཡསངྑཱརོཏི ཀཱཡསངྑཱརོ ཀཱཡོ ན ཧོཏི, ཀཱཡསངྑཱརོཡེཝ པནེསོ ཧོཏི, ཀཱཡཉྩ ཀཱཡསངྑཱརཉྩ ཋཔེཏྭཱ ཨཝསེསཾ སངྑཏཱསངྑཏཱདིབྷེདཾ སབྦཾ ན ཙ ཀཱཡོ, ན ཙ ཀཱཡསངྑཱརོཏི ཝིསྶཛྫནཾ. སེསེསུཔི ཨེསེཝ ནཡོ, ཨིཏརེསུ ཙ ཨནུལོམཔཊིལོམེསུ ‘‘ཀཱཡོ ཀཱཡསངྑཱརོཏི? ནོ, སངྑཱརཱ ཝཙཱིསངྑཱརོཏི? ཝཙཱིསངྑཱརོ སངྑཱརོ ཙེཝ ཝཙཱིསངྑཱརོ ཙ, ཨཝསེསཱ སངྑཱརཱ, ན ཝཙཱིསངྑཱརོ, ན སངྑཱརཱ ན ཝཙཱིསངྑཱརོཏི? ཨཱམནྟཱ’’ཏིཨཱདིནཱ སབྦཏྠ པུཙྪཱཝིསྶཛྫནནཡོ ཝེདིཏབྦོ.

པཝཏྟིཝཱརེ པན ‘‘ཡསྶ ཀཱཡསངྑཱརོ ཨུཔྤཛྫཏི, ཏསྶ ཝཙཱིསངྑཱརོ ཨུཔྤཛྫཏཱིཏི? ཝིནཱ ཝིཏཀྐཝིཙཱརེཧི ཨསྶཱསཔསྶཱསཱནཾ ཨུཔྤཱདཀྑཎེ ཏེསཾ ཀཱཡསངྑཱརོ ཨུཔྤཛྫཏི, ནེཏརོ, སཝིཏཀྐསཝིཙཱརཙིཏྟསམངྒཱིནཾ པན ཀཱམཱཝཙརསཏྟཱནཾ ཏདུབྷཡམྤི ཨུཔྤཛྫཏི. ཡསྶ ཝཱ པན…པེ… ཨུཔྤཛྫཏཱིཏི? རཱུཔཱརཱུཔབྷཝིཀཱནཾ ཝིཏཀྐཝིཙཱརུཔྤཱདཀྑཎེ ཝཙཱིསངྑཱརོཝ ཨུཔྤཛྫཏི, ནེཏརོ…པེ… ཡཐཱཝུཏྟཀཱམཱཝཙརཱནཾ པན ཏདུབྷཡཾ ཨུཔྤཛྫཏི. ཡསྶ ཀཱཡསངྑཱརོ ཨུཔྤཛྫཏི, ཏསྶ ཙིཏྟསངྑཱརོ ཨུཔྤཛྫཏཱིཏི? ཨཱམནྟཱ…པེ… ཡསྶ ཝཱ པན…པེ… ཨུཔྤཛྫཏཱིཏི…པེ… ཨསྶཱསཔསྶཱསཱནཾ ཨུཔྤཱདཀྑཎེ ཏདུབྷཡཾ ཨུཔྤཛྫཏི. ཡསྶ ཝཙཱིསངྑཱརོ ཨུཔྤཛྫཏི, ཏསྶ ཙིཏྟསངྑཱརོ ཨུཔྤཛྫཏཱིཏི? ཨཱམནྟཱ…པེ… ཡཏྠ ཀཱཡསངྑཱརོ ཨུཔྤཛྫཏི, ཏཏྠ ཝཙཱིསངྑཱརོ ཨུཔྤཛྫཏཱིཏི ¶ ? ཀཱམཱཝཙརསཏྟཱནཾ དུཏིཡཛ྄ཛྷཱནེ ཏཏིཡཛ྄ཛྷཱནེ ཏཏྠ ཀཱཡསངྑཱརོཝ ཨུཔྤཛྫཏི, ནེཏརོ, པཋམཛ྄ཛྷཱནཱདཱིསུ པན ཏདུབྷཡཾ ཨུཔྤཛྫཏི. ཡཏྠ ཝཱ པན ¶ …པེ… ཨུཔྤཛྫཏཱིཏི? ཀཱམཱཝཙརེ ཨུཔྤཛྫཏི, ན རཱུཔཱརཱུཔབྷཝེསུ. ཡཏྠ ཀཱཡསངྑཱརོ ཨུཔྤཛྫཏི, ཏཏྠ ཙིཏྟསངྑཱརོ ཨུཔྤཛྫཏཱིཏི? ཨཱམནྟཱ. ཡཏྠ ཝཱ པན…པེ… ཨུཔྤཛྫཏཱིཏི? ཀཱམཱཝཙརསཏྟཱནཾ ཙཏུཏྠཛ྄ཛྷཱནེ རཱུཔཱརཱུཔབྷཝེ ཙ ཏཏྠ ཙིཏྟསངྑཱརོཝ ཨུཔྤཛྫཏི, ནེཏརོ, ཨིཏརཛ྄ཛྷཱནཱདཱིསུ པན ཏདུབྷཡཾ ཨུཔྤཛྫཏཱི’’ཏིཨཱདིནཱ,

‘‘ཡསྶ ཀཱཡསངྑཱརོ ནུཔྤཛྫཏི, ཏསྶ ཝཙཱིསངྑཱརོ ནུཔྤཛྫཏཱིཏི? ཝིནཱ ཨསྶཱསཔསྶཱསེཧི ཝིཏཀྐཝིཙཱརཱནཾ ཨུཔྤཱདཀྑཎེ ཏེསཾ ཀཱཡསངྑཱརོཝ ནུཔྤཛྫཏི, ནེཏརོ, སབྦེསཾ ཙིཏྟསྶ བྷངྒཀྑཎེ ཝིནཱ ཨསྶཱསཔསྶཱསེཧི ཨཝིཏཀྐཨཝིཙཱརཙིཏྟསྶ ཨུཔྤཱདཀྑཎེ ནིརོདྷསམཱཔནྣཱནཾ ཨསཉྙསཏྟཱནཉྩ ཏདུབྷཡམྤི ནུཔྤཛྫཏི…པེ… ཡསྶ ཀཱཡསངྑཱརོ ནུཔྤཛྫཏི, ཏསྶ ཙིཏྟསངྑཱརོ ནུཔྤཛྫཏཱིཏི…པེ… སབྦཙིཏྟཱནཾ བྷངྒཀྑཎེ ནིརོདྷསམཱཔནྣཱནཾ ཨསཉྙསཏྟཱནཉྩ ནུཔྤཛྫཏཱི’’ཏིཨཱདིནཱ ཙ, ‘‘ཡཏྠ ཀཱཡསངྑཱརོ ནུཔྤཛྫཏི, ཏཏྠ ཝཙཱིསངྑཱརོ ནུཔྤཛྫཏཱིཏི…པེ… ཙཏུཏྠཛ྄ཛྷཱནཀྑཎེ རཱུཔབྷཝཱདཱིསུ ནུཔྤཛྫཏཱི’’ཏིཨཱདིནཱ ཙ, ‘‘ཡསྶ ཀཱཡསངྑཱརོ ཨུཔྤཛྫིཏྠ, ཏསྶ ཝཙཱིསངྑཱརོ ཨུཔྤཛྫིཏྠཱཏི? ཨཱམནྟཱ’’ཏིཨཱདིནཱ, ‘‘ཡསྶ ཀཱཡསངྑཱརོ ནུཔྤཛྫིཏྠ, ཏསྶ ཙིཏྟསངྑཱརོ ནུཔྤཛྫིཏྠཱཏི? ནཏྠཱི’’ཏིཨཱདིནཱ, ‘‘ཡསྶ ཡཏྠ ཀཱཡསངྑཱརོ ནུཔྤཛྫིཏྠ, ཏསྶ ཏཏྠ ཝཙཱིསངྑཱརོ ནུཔྤཛྫིཏྠཱཏི…པེ… ཙཏུཏྠཛ྄ཛྷཱནཾ སམཱཔནྣཱནཾ སུདྡྷཱཝཱསཱནཾ དུཏིཡེ ཙིཏྟེ ཝཏྟམཱནེ ཨསཉྙསཏྟཱནཾ ཏེསཾ ཏཏྠ ཀཱཡསངྑཱརོ ཙ ནུཔྤཛྫིཏྠ ཝཙཱིསངྑཱརོ ཙཱ’’ཏིཨཱདིནཱ ཙ,

‘‘ཡསྶ ཀཱཡསངྑཱརོ ཨུཔྤཛྫིསྶཏི, ཏསྶ ཝཙཱིསངྑཱརོ ཨུཔྤཛྫིསྶཏཱིཏི? ཨཱམནྟཱ. ཡསྶ ཝཱ པན…པེ… ཨུཔྤཛྫིསྶཏཱིཏི? ཡསྶ ཙིཏྟསྶ ཨནནྟརཱ ཀཱམཱཝཙརཱནཾ པཙྪིམཙིཏྟཾ ཨུཔྤཛྫིསྶཏི, རཱུཔཱརཱུཔབྷཝེ པཙྪིམབྷཝིཀཱནཾ ཝཙཱིསངྑཱརོཝ ཨུཔྤཛྫིསྶཏི, ན ཀཱཡསངྑཱརོ ¶ , ཨཉྙེསཾ པན ཏདུབྷཡཾ ཨུཔྤཛྫིསྶཏཱི’’ཏིཨཱདིནཱ ཙ, ‘‘ཡསྶ ཀཱཡསངྑཱརོ ནུཔྤཛྫིསྶཏི, ཏསྶ ཝཙཱིསངྑཱརོ ནུཔྤཛྫིསྶཏཱིཏི…པེ… པཙྪིམཙིཏྟསམངྒཱིནཾ ཡསྶ ཙིཏྟསྶ ཨནནྟརཱ ཨཝིཏཀྐཨཝིཙཱརཾ པཙྪིམཙིཏྟཾ ཨུཔྤཛྫིསྶཏི, ཏེསཾ ཏདུབྷཡཾ ནུཔྤཛྫིསྶཏཱི’’ཏིཨཱདིནཱ སབྦཀཱལབྷེདེསུ ཡཐཱནུརཱུཔཏོ ཨུཔྤཱདཝཱརེ ཡོཛནཱནཡོ ཝེདིཏབྦོ. ‘‘ཡསྶ ཀཱཡསངྑཱརོ ནིརུཛ྄ཛྷཏི, ཏསྶ ཝཙཱིསངྑཱརོ ནིརུཛ྄ཛྷཏཱིཏི…པེ… པཋམཛ྄ཛྷཱནཾ སམཱཔནྣཱནཾ ཀཱམཱཝཙརཱནཾ ཨསྶཱསཔསྶཱསཱནཾ བྷངྒཀྑཎེ ཏདུབྷཡཾ ནིརུཛ྄ཛྷཏི. ཡསྶ ཀཱཡསངྑཱརོ ནིརུཛ྄ཛྷཏི, ཏསྶ ཙིཏྟསངྑཱརོ ནིརུཛ྄ཛྷཏཱིཏི? ཨཱམནྟཱ’’ཏིཨཱདིནཱ ནིརོདྷཝཱརེ, ‘‘ཡསྶ ¶ ཀཱཡསངྑཱརོ ཨུཔྤཛྫཏི, ཏསྶ ཝཙཱིསངྑཱརོ ནིརུཛ྄ཛྷཏཱིཏི? ནོ’’ཏིཨཱདིནཱ ཨུཔྤཱདནིརོདྷཝཱརེ ཙ,

‘‘ཡོ ཀཱཡསངྑཱརཾ པརིཛཱནཱཏི, སོ ཝཙཱིསངྑཱརཾ པརིཛཱནཱཏཱིཏི? ཨཱམནྟཱ’’ཏིཨཱདིནཱ པརིཉྙཱཝཱརེ ཙ ཧེཊྛཱ ཝུཏྟཱནུསཱརེན སབྦཏྠ པཱལི༹ནཡོ ཝེདིཏབྦོ.

པཝཏྟིཝཱརེ པནེཏྠ པཙྩུཔྤནྣཀཱལེ པུགྒལཝཱརསྶ ཨནུལོམནཡེ ཀཱཡསངྑཱརམཱུལཀཱནི དྭེ, ཝཙཱིསངྑཱརམཱུལཀཾ ཨེཀནྟི ཏཱིཎེཝ ཡམཀཱནི ལབྦྷནྟི. ཏསྶ པཊིལོམནཡེཔི ཨོཀཱསཝཱརཱདཱིསུཔི ཨེསེཝ ནཡོ. ཨེཝམེཏྠ སབྦཝཱརེསུ ཏིཎྞཾ ཏིཎྞཾ ཡམཀཱནཾ ཝསེན ཡམཀགཎནཱ ཝེདིཏབྦཱ. ཨཏྠཝིནིཙྪཡེ པནེཏྠ ཨིདཾ ལཀྑཎཾ – ཨིམསྨིཾ ཧི སངྑཱརཡམཀེ ‘‘ཨསྶཱསཔསྶཱསཱནཾ ཨུཔྤཱདཀྑཎེ, ཝིཏཀྐཝིཙཱརཱནཾ ཨུཔྤཱདཀྑཎེ’’ཏིཨཱདིཝཙནཏོ (ཡམ. ༢.སངྑཱརཡམཀ.༡༩) པཙྩུཔྤནྣཱདིཀཱལབྷེདོ པཝཏྟིཝསེནཱཔི གཧེཏབྦོ, ན ཙུཏིཔཊིསནྡྷིཝསེནེཝ. ‘‘དུཏིཡཛ྄ཛྷཱནེ ཏཏིཡཛ྄ཛྷཱནེ ཏཏྠ ཀཱཡསངྑཱརོ ཨུཔྤཛྫཏཱི’’ཏིཨཱདིཝཙནཏོ (ཡམ. ༢.སངྑཱརཡམཀ.༢༡) ཙ ཛྷཱནམྤི ཨོཀཱསཝསེན གཧིཏནྟི ཝེདིཏབྦཾ. ཨེཝམེཏྠ ཡཾ ཡཾ ལབྦྷཏི, ཏསྶ ཏསྶ ཝསེན ཨཏྠཝིནིཙྪཡོ ¶ ཝེདིཏབྦོ. ཏཏྲིདཾ ནཡམུཁཾ – ‘‘ཝིནཱ ཝིཏཀྐཝིཙཱརེཧཱི’’ཏི དུཏིཡཏཏིཡཛ྄ཛྷཱནཝསེན ཝུཏྟཾ, ན ཙཏུཏྠཛ྄ཛྷཱནཝསེན ཏཏྠ ཨསྶཱསཔསྶཱསཱནཾ ཨབྷཱཝཏོ. ‘‘ཙིཏྟསྶ བྷངྒཀྑཎེ’’ཏི ཨིདཾ ཀཱཡསངྑཱརསྶ ཨེཀནྟཙིཏྟསམུཊྛཱནཏྟཱ ཝུཏྟཾ, ཨུཔྤཛྫམཱནམེཝ ཧི ཙིཏྟཾ རཱུཔཾ, ཨརཱུཔཾ ཝཱ སམུཊྛཱཔེཏི, ན བྷིཛྫམཱནཾ, ཋིཏཾ ཝཱ. ‘‘པཙྪིམཙིཏྟསམངྒཱིན’’ནྟི སབྦཔཙྪིམེན ཨཔྤཊིསནྡྷིཀཙིཏྟེན སམངྒཱིནཾ ཁཱིཎཱསཝཱནཾ. ‘‘ཨཝིཏཀྐཨཝིཙཱརཾ པཙྪིམཙིཏྟ’’ནྟི ཨེཏྠ རཱུཔཱཝཙརཱནཾ དུཏིཡཛ྄ཛྷཱནིཀཱདིཙུཏིཙིཏྟཝསེན, ཨརཱུཔཱཝཙརཱནཉྩ ཙཏུཏྠཛ྄ཛྷཱནིཀཙུཏིཙིཏྟཝསེན ཨཏྠོ གཧེཏབྦོ.

‘‘ཡསྶ ཀཱཡསངྑཱརོ ནིརུཛ྄ཛྷཏི, ཏསྶ ཙིཏྟསངྑཱརོ ནིརུཛ྄ཛྷཏཱི’’ཏི ཨེཏྠ ནིཡམཏོ ཀཱཡསངྑཱརསྶ ཙིཏྟསངྑཱརེན སདྡྷིཾ ཨེཀཀྑཎེ ནིརུཛ྄ཛྷནཏོ ‘‘ཨཱམནྟཱ’’ཏི པཊིཝཙནཾ དིནྣཾ ན ཨེཀཙིཏྟཀྑཎིཀཏྟཱ. ཙིཏྟསངྑཱརོ ཧི ཀཱཡསངྑཱརེན ཝིནཱཔི ཨུཔྤཛྫཏི ཙ ནིརུཛ྄ཛྷཏི ཙ. ཀཱཡསངྑཱརོ པན ཙིཏྟསམུཊྛཱནཏྟཱ ཡེན ཙིཏྟེན སདྡྷིཾ ཨུཔྤཛྫཏི, ཏཏོ པཊྛཱཡ སཏྟརསམེན སདྡྷིཾ ནིརུཛ྄ཛྷཏི, ཨེསཱ ཙིཏྟསམུཊྛཱནརཱུཔསྶ དྷམྨཏཱ. ཡཾ པན ཝིབྷངྒཔྤཀརཎསྶ སཱིཧལ༹ཊྛཀཐཱཡ ‘‘ཙིཏྟསམུཊྛཱནརཱུཔཾ སཏྟརསམཙིཏྟསྶ ཨུཔྤཱདཀྑཎེ ནིརུཛ྄ཛྷཏཱི’’ཏི ཝུཏྟཾ, ཏཾ ཨིམཱཡ ¶ པཱལི༹ཡཱ ཝིརུཛ྄ཛྷཏི. ‘‘ཡསྶ ཀཱཡསངྑཱརོ ཨུཔྤཛྫཏི, ཏསྶ ཝཙཱིསངྑཱརོ ནིརུཛ྄ཛྷཏཱི’’ཏི ཨེཏྠ ཡསྨཱ ཀཱཡསངྑཱརོ ཙིཏྟསྶ ཨུཔྤཱདཀྑཎེ ཨུཔྤཛྫཏི, ན ཙ ཏསྨིཾ ཁཎེ ཝིཏཀྐཝིཙཱརཱ ནིརུཛ྄ཛྷནྟི, ཏསྨཱ ‘‘ནོ’’ཏི པཊིསེདྷོ ཀཏོ. ཨིམིནཱ ནཡམུཁེན སབྦཏྠ ཝིནིཙྪཡོ ཝེདིཏབྦོ. ཨཡཾ སངྑཱརཡམཀམཱཏིཀཏྠསཾཝཎྞནཱནཡོ.

ཨནུསཡཡམཀམཱཏིཀཏྠཝཎྞནཱ

ཨནུསཡཡམཀམཱཏིཀཱཡ པན པཱལི༹ཝཝཏྠཱནཾ ཏཱཝ ཨེཝཾ ཝེདིཏབྦཾ. ཨནུསཡཡམཀེཔི ཁནྡྷཡམཀམཱཏིཀཱདཱིསུ ཝིཡ དེསནཾ ¶ ཨཀཏྭཱ ཨཉྙེན ནཡེན པཱལི༹དེསནཱ ཀཏཱ. ཀཐཾ? པཋམཾ ཏཱཝ པརིཙྪེདཝཱརོ པརིཙྪིནྣུདྡེསཝཱརོཏི དྭེ ཝཱརཱ ཨུདྡེསཝསེན དེསིཏཱ, ཏཏོ ཨུཔྤཏྟིཊྛཱནཝཱརོཏི ཨེཀོ ཁུདྡཀཝཱརོ. ཏཏོ ཨནུསཡཝཱརོ སཱནུསཡཝཱརོ པཛཧནཝཱརོ པརིཉྙཱཝཱརོ པཧཱིནཝཱརོ ཨུཔྤཛྫནཝཱརོ དྷཱཏུཝཱརོཏི ཨནུསཡེ ཡོཛེཏྭཱ ཡམཀཝསེན པཔཉྩཏོ ནིདྡིཊྛཱ སཏྟ མཧཱཝཱརཱཏི ཨཊྛཀནིདྡེསཝསེན དེསིཏཱ, ཨེཝཾ དསཧི ཝཱརེཧི ཨནུསཡཡམཀདེསནཱ ཀཏཱ. ཏེསུ ཡེ ཨིམེ ཧི པརིཙྪེདཝཱརོཏིཨཱདིནཱ དྭེ ཝཱརཱ ཨུདྡེསཝསེན ཝུཏྟཱ, ཏེ ཨིདྷ ཨནུསཡཡམཀམཱཏིཀཱཏི གཧེཏབྦཱ.

ཏཏྠ ཧི སཏྟ ཨནུསཡཱཏི ཨཡཾ གཎནཱཡ པརིཙྪིནྡིཏྭཱ ཨནུསཡཱནཾ དེསིཏཏྟཱ པརིཙྪེདཝཱརོ ནཱམ. ཀཱམརཱགཱནུསཡོ…པེ… ཨཝིཛྫཱནུསཡོཏི ཨཡཾ པརིཙྪེདཝསེན པརིཙྪིནྣཱནཾ ནཱམམཏྟཾ ཨུདྡིསིཏྭཱ ‘‘ཨིམེ ནཱམ ཏེ’’ཏི དེསིཏཏྟཱ པརིཙྪིནྣུདྡེསཝཱརོ ནཱམ. ཏཏྠ ཨནུཏྟཱནཏྠཏོ ཏཱཝ ཨནུསཡཱཏི ཀེནཊྛེན ཨནུསཡཱ? ཨནུསཡནཊྛེན. ཀོ ཨེས ཨནུསཡནཊྛོ ནཱམཱཏི? ཨཔྤཧཱིནཊྛོ. ཀཱམརཱགཱནུསཡཱདཡོ ཧི ཨཔྤཧཱིནཊྛེན ཏསྶ ཏསྶ སནྟཱནེ ཨནུསེནྟི ནཱམ, ཏསྨཱ ‘‘ཨནུསཡཱ’’ཏི ཝུཙྩནྟི, ཨནུསེནྟཱིཏི ཙ ཏཾ ཏཾ ཨནུརཱུཔཾ ཀཱརཎཾ ལབྷིཏྭཱ ཨུཔྤཛྫནྟཱིཏི ཨཏྠོ. ཨཐཱཔི སིཡཱ – ཨནུསཡནཊྛོ ནཱམ ཨཔྤཧཱིནཱཀཱརོ, ཨཔྤཧཱིནཱཀཱརོ ཙ ན ཨུཔྤཛྫཏི, ཏསྨཱ ཨནུསཡཱ ན ཨུཔྤཛྫནྟཱིཏི. ཏཏྲིདཾ པཊིཝཙནཾ – ཨཔྤཧཱིནཱཀཱརོ ཨནུསཡོ, ཨནུསཡོཏི པན ཨཔྤཧཱིནཊྛེན ཐཱམགཏཀིལེསོ ཝུཙྩཏི, སོ ཙིཏྟསམྤཡུཏྟོ སཱརམྨཎོ སཔྤཙྩཡཊྛེན སཧེཏུཀོ ཨེཀནྟཱཀུསལོཝ ཧོཏི ཀཐཱཝཏྠུསྨིཾ (ཀཐཱ. ༥༥༤ ཨཱདཡོ) ཨནུསཡཱནཾ ཙིཏྟཝིཔྤཡུཏྟབྷཱཝསྶ པཊིསེདྷིཏཏྟཱ ¶ , སོ ཙ ཨཏཱིཏོཔི ཧོཏི, ཨནཱགཏོཔི པཙྩུཔྤནྣོཔི, ཏསྨཱ ཨུཔྤཛྫཏཱིཏི ཝཏྟུཾ ཡུཏྟཾ. ཏཐཱ ཧི དྷམྨསངྒཧེ མོཧསྶ པདབྷཱཛནེ ༣༡༧ ‘‘ཨཝིཛྫཱནུསཡོ ཨཝིཛྫཱཔརིཡུཊྛཱནཾ…པེ… ཨཡཾ ཏསྨིཾ སམཡེ མོཧོ ཧོཏཱི’’ཏི (དྷ. ས. ༣༩༠). ཨིམསྨིཉྩ ཡམཀེ ཨུཔྤཛྫནཝཱརེ ‘‘ཡསྶ ཀཱམརཱགཱནུསཡོ ཨུཔྤཛྫཏི, ཏསྶ པཊིགྷཱནུསཡོ ཨུཔྤཛྫཏཱི’’ཏིཨཱདི ཝུཏྟཾ, ཏསྨཱ ‘‘ཨནུསེནྟཱིཏི ཏཾ ཏཾ ཨནུརཱུཔཾ ཀཱརཎཾ ལབྷིཏྭཱ ཨུཔྤཛྫནྟཱི’’ཏི ཡཾ ཝུཏྟཾ, ཏཾ སུཝུཏྟནྟི ཝེདིཏབྦཾ. ཀཱམརཱགཱནུསཡོཏི ཀཱམརཱགོ ཙ སོ ཨཔྤཧཱིནཊྛེན ཨནུསཡོ ཙཱཏི ཀཱམརཱགཱནུསཡོ. སེསཔདེསུཔི ཨེསེཝ ནཡོ. ཨཡཾ ཏཱཝེཏྠ ཨནུཏྟཱནཏྠོ. ཨཏྠཝིནིཙྪཡོ པནེཏྠཱཔི ནིདྡེསནཡམུཁདསྶནཝསེནེཝ ཧོཏི, ནིདྡེསོ ཙེཏྠ ཧེཊྛཱ ཝུཏྟོ.

ཨུཔྤཏྟིཊྛཱནཝཱརཱདཡོ ཨཊྛ ཝཱརཱ ཙ, ཏཏྲཱཡཾ པཱལི༹ཝཝཏྠཱནཱནུཔུབྦིཀཱམུཁམཏྟཔྤཀཱསནཱ. ཏེསཾ ཧི པཋམོ ཨནུསཡཱནཾ ཨུཔྤཏྟིཊྛཱནཝཱརོ ནཱམ. ཏཏྠ ཝཱརབྷེདོ ཡམཀཡོཛནཝཱརེ ནཏྠི, ཨིཏརེསུ པན སཏྟསུ མཧཱཝཱརེསུ ཨཏྠི. ཏེསུ ཧི པཋམོ ཨནུསཡཝཱརོ ཨནུལོམཔཊིལོམནཡཝསེན དུཝིདྷོ ཧོཏི. ཏཏྠ ཨནུལོམནཡེ ‘‘ཡསྶ ཡཏྠ…པེ… ཨནུསེཏཱི’’ཏི པུགྒལོཀཱསཏདུབྷཡནཱམཝསེན ཏཡོ ཨནྟརཝཱརཱ ཧོནྟི, ཏེསུ ཨེཀེཀསྨིཾ ཨེཀམཱུལཀདྭིམཱུལཀཏིམཱུལཀཙཏུམཱུལཀཔཉྩམཱུལཀཚམཱུལཀཱནཾ ཝསེན ཡམཀབྷེདཱ ཧོནྟི. ཡཐཱ ཙ ཨནུལོམནཡེ, ཨེཝཾ པཊིལོམནཡེཔི ཝེདིཏབྦཱ. ཡཐཱ ཙེཏྠ ཨནུསཡཝཱརེ, ཨེཝཾ སཱནུསཡཝཱརཔཛཧནཝཱརཔརིཉྙཱཝཱརཔཧཱིནཝཱརཨུཔྤཛྫནཝཱརེསུ པཉྩསུཔི. ཨཡཾ པནེཏྠ པུརིམེསུ ཏཱིསུ ཝཱརེསུ ཝིསེསོ. ཨོཀཱསཝཱརེ ‘‘ཡཏྠ ཏཏྠཱ’’ཏི ཨཝཏྭཱ ‘‘ཡཏོ ཏཏོ’’ཏི ནིསྶཀྐཝཙནེན དེསནཱ ཀཏཱ. སེསཾ ཏཱདིསམེཝ ¶ . ཡོ པནཱཡཾ སབྦཔཙྪིམོ དྷཱཏུཝཱརོ ནཱམ, སོ པུཙྪཱཝཱརོ ཝིསྶཛྫནཝཱརོཏི དྭིདྷཱ ཋིཏོ. ཏཏྠ པུཙྪཱཝཱརོ ཨནུལོམཔཊིལོམཝསེན དུཝིདྷོ. ཏསྶཱཝསཱནེ པུཙྪཱནུཀྐམེན ཝིསྶཛྫནཾ ཀཏནྟི. ཨེཝཾ ཏཱཝེཏྠ པཱལི༹ཝཝཏྠཱནཾ ཝེདིཏབྦཾ.

ཏཏྲིདཾ ཨཊྛནྣཾ ཝཱརཱནཾ ཨཱདིཏོ པཊྛཱཡ མུཁམཏྟདསྶནཾ. ‘‘ཀཏྠ ཀཱམརཱགཱནུསཡོ ཨནུསེཏི? ཀཱམདྷཱཏུཡཱ དྭཱིསུ ཝེདནཱསུ ཨེཏྠ ཀཱམརཱགཱནུསཡོ ཨནུསེཏི. ཀཏྠ པཊིགྷཱནུསཡོ ཨནུསེཏི? དུཀྑཱཡ ཝེདནཱཡ…པེ… མཱནཱནུསཡོ ཀཱམདྷཱཏུཡཱ དྭཱིསུ ཝེདནཱསུ རཱུཔདྷཱཏུཡཱ ཨརཱུཔདྷཱཏུཡཱ ཙ ཨནུསེཏི. དིཊྛཱནུསཡོ, ཝིཙིཀིཙྪཱནུསཡོ ཙ སབྦསཀྐཱཡཔརིཡཱཔནྣེསུ དྷམྨེསུ, བྷཝརཱགཱནུསཡོ རཱུཔཱརཱུཔདྷཱཏཱུསུ, ཨཝིཛྫཱནུསཡོ སབྦསཀྐཱཡཔརིཡཱཔནྣེསུ དྷམྨེསུ ཨནུསེཏཱི’’ཏི ཨཡཾ ཏཱཝ པཋམཝཱརེ པཱལི༹ནཡོ.

ཏཏྠ ¶ ཀཱམདྷཱཏུཡཱ དྭཱིསུ ཝེདནཱསཱུཏི ཀཱམཱཝཙརབྷཱུམིཡཾ སུཁཱཡ ཙེཝ ཨུཔེཀྑཱཡ ཙཱཏི དྭཱིསུ ཝེདནཱསུ, ཀཱམརཱགཱནུསཡོ པན སཧཛཱཏཝསེན, ཨཱརམྨཎཝསེན ཙཱཏི དྭཱིཧཱཀཱརེཧི ཨནུསེཏི ཨུཔྤཛྫཏི, ཏཏྠ ཨཀུསལཱཧི སུཁཨུཔེཀྑཱཧི སཧཛཱཏོཔི ཧུཏྭཱ ཏཱ ཨཱརམྨཎཾ ཀཏྭཱཔི ཨུཔྤཛྫཏི. ཨཝསེསཱ པན ཀཱམཱཝཙརཀུསལཝིཔཱཀཀིརིཡཝེདནཱ ཨཱརམྨཎམེཝ ཀཏྭཱ ཨུཔྤཛྫཏི, ཨིམཱསུ ཝེདནཱསུ ཨནུསཡམཱནོ ཙེས ཏཱཧི ཝེདནཱཧི སམྤཡུཏྟེསུ སཉྙཱསངྑཱརཝིཉྙཱཎེསུཔི ཨནུསེཏིཡེཝ. ཨིམཱསཾ པན ཝེདནཱནཾ ཨསྶཱདཊྛེན ཀཱམརཱགཱནུསཡུཔྤཏྟིཡཱ སེསསམྤཡུཏྟེཧི པདྷཱནཏྟཱ, ཨོལཱ༹རིཀཏྟེན ཝེནེཡྻཱནཾ སུབོདྷཏྟཱ ཙ དྭཱིསུ ཝེདནཱསུཡེཝ ཨནུསེཏཱིཏི ཝུཏྟཾ, ཨེཝཾ ཨུཔརིཔི. ན ཀེཝལཉྩེས ཨནུསཡམཱནོ ཨིམཱསུ དྭཱིསུ ཝེདནཱསུཡེཝ, ཝེདནཱསམྤཡུཏྟེསུ དྷམྨེསུ ཙ ཨནུསེཏི, ཨིཊྛེསུ ¶ པན རཱུཔཱདཱིསུཔི ཨནུསེཏི ཨེཝ. ཝུཏྟམྤི ཙེཏཾ ཝིབྷངྒཔྤཀརཎེ ‘‘ཡཾ ལོཀེ པིཡརཱུཔཾ སཱཏརཱུཔཾ, ཨེཏྠ སཏྟཱནཾ ཀཱམརཱགཱནུསཡོ ཨནུསེཏཱི’’ཏི (ཝིབྷ. ༨༡༦), ཨེཏྠཱནུསཡཡམཀེཔི ཝུཏྟཾ ‘‘དུཀྑཱཡ ཝེདནཱཡ རཱུཔདྷཱཏུཡཱ ཨེཏྠ ཀཱམརཱགཱནུསཡོ ནཱནུསེཏཱི’’ཏིཨཱདི. ཨེཏེན ཝུཏྟཱཝསེསརཱུཔཱདཱིསུ ཚསུཔི ཨཱརམྨཎེསུ ཨནུསེཏཱིཏི ཝུཏྟཾ ཧོཏི. ཨིདྷ པན ཏཾ སབྦཾ ཨཝཏྭཱ ཀིཉྩིདེཝ པདྷཱནཏྟཱདིནཱ ཀཱརཎེན ཝུཏྟནྟི གཧེཏབྦཾ.

དུཀྑཱཡཱཏི ཨེཏྠ པཊིགྷཙིཏྟསམྤཡུཏྟཱ དྭེ དོམནསྶཝེདནཱ, ཀཱཡཝིཉྙཱཎསམྤཡུཏྟཱ དུཀྑཝེདནཱ ཙཱཏི ཏིསྶོ ཝེདནཱ, ཏཾ སམྤཡུཏྟཱ ཙ དྷམྨཱ, ཨནིཊྛཱ ཚ རཱུཔཱདཡོ དྷམྨཱ པཊིགྷཱནུསཡསཧཛཱཏཝསེན, ཨཱརམྨཎཝསེན ཙ ཡཐཱརཧཾ ཨནུསཡནཊྛཱནཾ. ཀིཾ པན ཨིཏརཱ དྭེ ཝེདནཱ ཨིཊྛཱརམྨཎཾ ཝཱ པཊིགྷསྶ ཨཱརམྨཎཾ ན ཧོནྟཱིཏི? ནོ ན ཧོནྟི. པརིཧཱིནཛ྄ཛྷཱནསྶ ཧི ནཊྛཾ ཨིཊྛཾ སསམྤཡུཏྟདྷམྨཾ ཛྷཱནམཱརབྦྷ དོམནསྶཾ ཨུཔྤཛྫཏི, ཏཾ པན ཨཱརམྨཎམཏྟམེཝ, ནཱནུསཡནཊྛཱནཾ ཨིཊྛཏྟཱ. ཨནིཊྛམེཝ ཧི ཨིཊྛཏོ པཊིཧནནནིམིཏྟཾ, ཡཾ པན ཏཏྠུཔྤནྣཾ, ཏསྶ པཊིགྷམཏྟམེཝ ཧོཏི, ན པཊིགྷཱནུསཡོཏི. པཊིགྷཱནུསཡོ ཧི ཨནིཊྛཱརམྨཎེ པཊིཧནནཝསེན ཨུཔྤནྣོ ཐཱམགཏོ ཀིལེསོ, ཨིཏརོ དོམནསྶེན སདྡྷིཾ ཨུཔྤནྣོཔི ཨཏྟནོ པཊིཧནནཀིཙྩསྶ ཨཀརཎཏོ པཊིགྷཱནུསཡོ ན ཧོཏི, ཨབྦོཧཱརིཀཏྟཾ གཙྪཏི. ཡཐཱ ཧི པཱཎཱཏིཔཱཏཙེཏནཱཡ སདྡྷིཾ ཨུཔྤནྣོཔི བྱཱཔཱདོ མནོཀམྨཾ ནཱམ ན ཧོཏི, ཨབྦོཧཱརིཀཏྟཾ གཙྪཏི, ཨེཝནྟི གཧེཏབྦཾ. ཏེནེཝ ནེཀྑམྨསྶིཏཾ དོམནསྶཾ སེཝིཏབྦཾ ཝུཏྟཾ. མཱནཱནུསཡསྶ པན དུཀྑདོམནསྶཝཛྫིཏཱ སབྦེ ལོཀིཡཱ དྷམྨཱ ཨནུསཡནཊྛཱནཾ. ‘‘དུཀྑཱཡ ཝེདནཱཡ ཨཔརིཡཱཔནྣེ ཨེཏྠ…པེ… མཱནཱནུསཡོ ཙ ནཱནུསེཏཱི’’ཏི ཧི ¶ ཝུཏྟཾ. དིཊྛཱནུསཡཝིཙིཀིཙྪཱནུསཡཱནཾ པན ལོཀུཏྟརཝཛྫིཏཱ སབྦེཔི དྷམྨཱ ཨནུསཡནཊྛཱནཾ. ཏེན ཝུཏྟཾ ‘‘སབྦསཀྐཱཡཔརིཡཱཔནྣེསུ ¶ དྷམྨེསཱུ’’ཏི. ཏཏྠ སཾསཱརཝཊྚནིསྶིཏཊྛེན སཀྐཱཡཔརིཡཱཔནྣེསུ སབྦདྷམྨེསཱུཏི ཨཏྠོ. ཨེཝཾ ཨཝིཛྫཱནུསཡོཔི ཝེདིཏབྦོ. སབྦཏྠ ཙ སཧཛཱཏཱརམྨཎབྷེདོ ཧེཊྛཱ ཝུཏྟནཡེནེཝ ཝེདིཏབྦོ.

བྷཝརཱགཱནུསཡོ པན ཀིཉྩཱཔི དིཊྛིཝིཔྤཡུཏྟེསུ ཙཏཱུསུ ཙིཏྟེསུ ཨུཔྤཛྫནཏོ སཧཛཱཏཝསེན ཀཱམདྷཱཏུཡཱ དྭཱིསུ ཝེདནཱསུ ཨནུསེཏཱིཏི ཝཏྟབྦོ བྷཝེཡྻ, སོ པན ཡསྨཱ རཱུཔཱརཱུཔཱཝཙརམེཝཱརམྨཎཾ ལབྷཏི, ན ཀཱམཱཝཙརཱརམྨཎམེཝ, ཨནུསཡཱནཾ པན ཏཾ ན ཨནུསཡནཊྛཱནཾ, ཏསྨཱ ཨཱརམྨཎཝསེན ནིཡམཾ ཨཀཏྭཱ ‘‘རཱུཔདྷཱཏུཡཱ ཨརཱུཔདྷཱཏུཡཱ ཨེཏྠ བྷཝརཱགཱནུསཡོ ཨནུསེཏཱི’’ཏི ཝུཏྟཾ. ཏཾ རཱགཝསེན སོ ཙ སབྦོཔི རཱགོ ཀཱམརཱགཱནུསཡོ གཧེཏབྦོཏི ཨཡཾ ཨུཔྤཏྟིཊྛཱནཝཱརེ ནཡོ.

ཨིཏརེསུ པན སཏྟསུ མཧཱཝཱརེསུ ཏཱཝ ‘‘ཡསྶ ཀཱམརཱགཱནུསཡོ ཨནུསེཏི, ཏསྶ པཊིགྷཱནུསཡོ ཨནུསེཏཱིཏི? ཨཱམནྟཱ. ཡསྶ ཝཱ པན པཊིགྷཱནུསཡོ ཨནུསེཏི, ཏསྶ ཀཱམརཱགཱནུསཡོ ཨནུསེཏཱིཏི? ཨཱམནྟཱ. ཡསྶ ཀཱམརཱགཱནུསཡོ ཨནུསེཏི, ཏསྶ མཱནཱནུསཡོ ཨནུསེཏཱིཏི? ཨཱམནྟཱ. ཡསྶ ཝཱ པན མཱནཱནུསཡོ ཨནུསེཏི, ཏསྶ ཀཱམརཱགཱནུསཡོ ཨནུསེཏཱིཏི? ཨནཱགཱམིསྶ མཱནཱནུསཡོ ཨནུསེཏི, ནོ ཙ ཏསྶ ཀཱམརཱགཱནུསཡོ ཨནུསེཏི, ཏིཎྞཾ པུགྒལཱནཾ མཱནཱནུསཡོ ཙ ཨནུསེཏི, ཀཱམརཱགཱནུསཡོ ཙ ཨནུསེཏི. ཡསྶ ཀཱམརཱགཱནུསཡོ ཨནུསེཏི, ཏསྶ དིཊྛཱནུསཡོ ཨནུསེཏཱིཏི? དྭིནྣཾ པུགྒལཱནཾ ཀཱམརཱགཱནུསཡོ ཨནུསེཏི, ནོ ཙ…པེ… དིཊྛཱནུསཡོ ཙ ཨནུསེཏི, ཡསྶ ཝཱ པན…པེ… ཨཱམནྟཱ. ཡསྶ ཀཱམརཱགཱནུསཡོ ཨནུསེཏི, ཏསྶ ཝིཙིཀིཙྪཱནུསཡོ ¶ ཨནུསེཏཱི’’ཏི པུཙྪཱཡཔི དིཊྛཱནུསཡསདིསམེཝ ཝིསྶཛྫནཾ. ཡསྶ ཀཱམརཱགཱནུསཡོ ཨནུསེཏི, ཏསྶ བྷཝརཱགཱནུསཡོ ཨནུསེཏཱིཏི? ཨཱམནྟཱ. ཡསྶ ཝཱ པན…པེ… ཨནུསེཏཱིཏི…པེ… ཏིཎྞཾ པུགྒལཱནཾ བྷཝརཱགཱནུསཡོ ཙ ཨནུསེཏི, ཀཱམརཱགཱནུསཡོ ཙ ཨནུསེཏི. ཨཝིཛྫཱནུསཡེཔི ཨེསེཝ ནཡོ. ཨིམིནཱ ནཡེན པཊིགྷཱནུསཡཱདིམཱུལིཀཱསུ པུཙྪཱསུ ཝིསྶཛྫནནཡོ ཝེདིཏབྦོ. ཨཡཾ ཨེཀམཱུལཀེ ནཡོ.

ཡསྶ ཀཱམརཱགཱནུསཡོ ཙ པཊིགྷཱནུསཡོ ཙ ཨནུསེཏི, ཏསྶ མཱནཱནུསཡོ ཨནུསེཏཱིཏི? ཨཱམནྟཱ. དྭིནྣཾ དྭིམཱུལིཀཱ…པེ… པཉྩམཱུལིཀཱནཾ པན ཨེཀམཱུལེ ཝུཏྟཱནུསཱརེན ཝིསྶཛྫནནཡོ ¶ ཉཱཏབྦོ. ཏཏྲཱཡཾ པཙྪིམཱནུསཡེ ཡོཛནཱ – ‘‘ཡསྶ ཀཱམརཱགཱནུསཡོ ཙ པཊིགྷཱནུསཡོ ཙ མཱནཱནུསཡོ ཙ དིཊྛཱནུསཡོ ཙ ཝིཙིཀིཙྪཱནུསཡོ ཙ བྷཝརཱགཱནུསཡོ ཙ ཨནུསེཏི, ཏསྶ ཨཝིཛྫཱནུསཡོ ཨནུསེཏཱིཏི? ཨཱམནྟཱ. ཡསྶ ཝཱ པན ཨཝིཛྫཱནུསཡོ ཨནུསེཏི, ཏསྶ ཀཱམརཱགཱནུསཡོ ཙ…པེ… བྷཝརཱགཱནུསཡོ ཙ ཨནུསེཏཱིཏི? ཨནཱགཱམིསྶ ཨཝིཛྫཱནུསཡོ ཙ མཱནཱནུསཡོ ཙ བྷཝརཱགཱནུསཡོ ཙ ཨནུསེཏི, ན ཨིཏརེ, དྭིནྣཾ པུགྒལཱནཾ ཨཝིཛྫཱནུསཡོ ཙ ཀཱམརཱགཔཊིགྷམཱནབྷཝརཱགཱནུསཡཱ ཙ ཨནུསེནྟི, ན དིཊྛིཝིཙིཀིཙྪཱནུསཡཱ, པུཐུཛྫནསྶ པན སབྦེཔི ཨནུསེནྟཱི’’ཏི ཨཡཾ པུགྒལཝཱརེ ནཡོ.

ཨོཀཱསཝཱརེ པན ‘‘ཡཏྠ ཀཱམརཱགཱནུསཡོ ཨནུསེཏི, ཏཏྠ པཊིགྷཱནུསཡོ ཨནུསེཏཱིཏི? ནོ. ཡཏྠ ཝཱ པན…པེ… ཨནུསེཏཱིཏི? ནོ. ཡཏྠ ཀཱམརཱགཱནུསཡོ ཨནུསེཏི, ཏཏྠ མཱནཱནུསཡོ ཨནུསེཏཱིཏི? ཨཱམནྟཱ. ཡཏྠ ཝཱ པན མཱནཱནུསཡོ ཨནུསེཏི, ཏཏྠ ཀཱམརཱགཱནུསཡོ ཨནུསེཏཱིཏི? རཱུཔདྷཱཏུཡཱ ཨརཱུཔདྷཱཏུཡཱ ཨེཏྠ མཱནཱནུསཡོ ཨནུསེཏི ¶ , ན ཀཱམརཱགཱནུསཡོ, ཀཱམདྷཱཏུཡཱ དྭཱིསུ ཝེདནཱསུ ཏདུབྷཡཾ ཨནུསེཏི. ཡཏྠ ཀཱམརཱགཱནུསཡོ…པེ… ཨནུསེཏཱིཏི? ཨཱམནྟཱ. ཡཏྠ ཝཱ པན…པེ… ཨནུསེཏཱིཏི? དུཀྑཱཡ ཝེདནཱཡ རཱུཔདྷཱཏུཡཱ ཨརཱུཔདྷཱཏུཡཱ ཨེཏྠ ཝིཙིཀིཙྪཱནུསཡོ ཨནུསེཏི, ན ཀཱམརཱགཱནུསཡོ, ཀཱམདྷཱཏུཡཱ དྭཱིསུ ཝེདནཱསུ ཏདུབྷཡཾ ཨནུསེཏི. ཡཏྠ ཀཱམརཱགཱནུསཡོ…པེ… ཨནུསེཏི, ཏཏྠ བྷཝརཱགཱནུསཡོ ཨནུསེཏཱིཏི? ནོ. ཡཏྠ ཝཱ པན…པེ… ནོ. ཡཏྠ ཀཱམརཱགཱནུསཡོ ཨནུསེཏི, ཏཏྠ ཨཝིཛྫཱནུསཡོ ཨནུསེཏཱིཏི? ཨཱམནྟཱ. ཡཏྠ ཝཱ པན…པེ… ཨནུསེཏཱིཏི? དུཀྑཱཡ ཝེདནཱཡ རཱུཔཱརཱུཔདྷཱཏུཡཱ ཨེཏྠ ཨཝིཛྫཱནུསཡོ ཨནུསེཏི, ན ཀཱམརཱགཱནུསཡོ, ཀཱམདྷཱཏུཡཱ དྭཱིསུ ཝེདནཱསུ ཏདུབྷཡཾ ཨནུསེཏི.

ཡཏྠ པཊིགྷཱནུསཡོ ཨནུསེཏི, ཏཏྠ མཱནཱནུསཡོ ཨནུསེཏཱིཏི? ནོ. ཡཏྠ ཝཱ པན…པེ… ནོ. ཡཏྠ པཊིགྷཱནུསཡོ ཨནུསེཏི, ཏཏྠ དིཊྛཱནུསཡོ ཝིཙིཀིཙྪཱནུསཡོ ཨནུསེཏཱིཏི? ཨཱམནྟཱ. ཡཏྠ ཝཱ པན…པེ… ཨནུསེཏཱིཏི? ཀཱམདྷཱཏུཡཱ དྭཱིསུ ཝེདནཱསུ རཱུཔཱརཱུཔདྷཱཏུཡཱ ཨེཏྠ ཝིཙིཀིཙྪཱནུསཡོ ཨནུསེཏི, ན པཊིགྷཱནུསཡོ, དུཀྑཱཡ པན ཝེདནཱཡ ཏདུབྷཡཾ ཨནུསེཏི. ཡཏྠ པཊིགྷཱནུསཡོ ཨནུསེཏི, ཏཏྠ བྷཝརཱགཱནུསཡོ ཨནུསེཏཱིཏི? ནོ. ཡཏྠ ཝཱ པན…པེ… ནོ. ཡཏྠ པཊིགྷཱནུསཡོ ཨནུསེཏི, ཏཏྠ ཨཝིཛྫཱནུསཡོ ཨནུསེཏཱིཏི? ཨཱམནྟཱ. ཡཏྠ ཝཱ པན…པེ… ཨནུསེཏཱིཏི…པེ… དུཀྑཱཡ ཝེདནཱཡ ཏདུབྷཡཾ ཨནུསེཏི, ཨཉྙཏྠ ཨཝིཛྫཱནུསཡོ ཙ.

ཡཏྠ ¶ མཱནཱནུསཡོ ཨནུསེཏི, ཏཏྠ དིཊྛཱནུསཡོ ཝིཙིཀིཙྪཱནུསཡོ ཨནུསེཏཱིཏི? ཨཱམནྟཱ. ཡཏྠ ཝཱ པན…པེ… ཨནུསེཏཱིཏི? དུཀྑཱཡ ཝེདནཱཡ དིཊྛཱནུསཡོཝ, ནེཏརོ ¶ , ཏདཉྙེསུ སབྦཏྠ ཨནུསེཏི. ཡཏྠ མཱནཱནུསཡོ ཨནུསེཏི, ཏཏྠ བྷཝརཱགཱནུསཡོ ཨནུསེཏཱིཏི? ཀཱམདྷཱཏུཡཱ དྭཱིསུ ཝེདནཱསུ མཱནཱནུསཡོ, ནེཏརོ, རཱུཔཱརཱུཔདྷཱཏུཡཱ པན ཏདུབྷཡཾ ཨནུསེཏི. ཡཏྠ ཝཱ པན…པེ… ཨཱམནྟཱ. ཡཏྠ མཱནཱནུསཡོ ཨནུསེཏི, ཏཏྠ ཨཝིཛྫཱནུསཡོ…པེ… ཨཱམནྟཱ. ཡཏྠ ཝཱ པན…པེ… ཨནུསེཏཱིཏི? དུཀྑཝེདནཾ ཋཔེཏྭཱ ཏདཉྙཱསུ སབྦཏྠ ཏདུབྷཡཾ ཨནུསེཏི. ཡཏྠ དིཊྛཱནུསཡོ, ཏཏྠ ཝིཙིཀིཙྪཱནུསཡོ…པེ… ཨཱམནྟཱ. ཡཏྠ དིཊྛཱནུསཡོ, ཏཏྠ བྷཝརཱགཱནུསཡོ ཨནུསེཏཱིཏི? ཀཱམདྷཱཏུཡཱ ཏཱིསུ ཝེདནཱསུ དིཊྛཱནུསཡོཝ, རཱུཔཱརཱུཔབྷཝེསུ ཏདུབྷཡཾ ཨནུསེཏི. ཡཏྠ ཝཱ པན…པེ… ཨཱམནྟཱ. ཡཏྠ དིཊྛཱནུསཡོ ཨནུསེཏི, ཏཏྠ ཨཝིཛྫཱནུསཡོ…པེ… ཨཱམནྟཱ. ཡཏྠ ཝཱ པན…པེ… ཨཱམནྟཱ. ཨེས ནཡོ ཝིཙིཀིཙྪཱམཱུལཀེསུཔི. ཡཏྠ བྷཝརཱགཱནུསཡོ, ཏཏྠ ཨཝིཛྫཱནུསཡོ ཨནུསེཏཱིཏི? ཨཱམནྟཱ. ཡཏྠ ཝཱ པན…པེ… ཨནུསེཏི, ཏཏྠ ཀཱམདྷཱཏུཡཱ ཏཱིསུ ཝེདནཱསུ ཨཝིཛྫཱནུསཡོཝ, རཱུཔཱརཱུཔབྷཝེསུ པན ཏདུབྷཡཾ ཨནུསེཏཱི’’ཏི ཨཡམེཏྠ ཨེཀམཱུལནཡོ.

‘‘ཡསྶ…པེ… ནཱནུསེཏི. ཡསྶ…པེ… ནཱནུསེཏི མཱནཱནུསཡོ, ཨརཧཏོ པན ཏདུབྷཡམྤི ནཱནུསེཏི. ཡསྶ ཝཱ པན…པེ… ཨཱམནྟཱ. ཡསྶ ཀཱམརཱགཱནུསཡོ ནཱནུསེཏི, ཏསྶ དིཊྛཱནུསཡོ ཝིཙིཀིཙྪཱནུསཡོ ནཱནུསེཏཱིཏི? ཨཱམནྟཱ. ཡསྶ ཝཱ པན…པེ… ནཱནུསེཏཱིཏི? དྭིནྣཾ པུགྒལཱནཾ ཝིཙིཀིཙྪཱནུསཡོཝ ནཱནུསེཏི, ནེཏརོ, ཨནཱགཱམིཨརཧནྟཱནཾ ཏདུབྷཡམྤི ནཱནུསེཏཱི’’ཏིཨཱདིནཱ ནཡེན པུགྒལཝཱརེ,

‘‘ཡཏྠ ཀཱམརཱགཱནུསཡོ ནཱནུསེཏི, ཏཏྠ པཊིགྷཱནུསཡོ ནཱནུསེཏཱིཏི? དུཀྑཱཡ ཝེདནཱཡ ཀཱམརཱགཱནུསཡོཝ ནཱནུསེཏི, ནེཏརོ, རཱུཔཱརཱུཔདྷཱཏུཔརིཡཱཔནྣེསུ ཏདུབྷཡཾ ནཱནུསེཏི. ཡཏྠ ཝཱ པན…པེ… ནཱནུསེཏཱིཏི ¶ ? ཀཱམདྷཱཏུཡཱ དྭཱིསུ ཝེདནཱསུ པཊིགྷཱནུསཡོཝ, རཱུཔཱརཱུཔཔརིཡཱཔནྣེསུ པན ཏདུབྷཡཾ ནཱནུསེཏི. ཡཏྠ ཀཱམརཱགཱནུསཡོ ནཱནུསེཏི, ཏཏྠ མཱནཱནུསཡོ ནཱནུསེཏཱིཏི? རཱུཔཱརཱུཔདྷཱཏཱུསུ ཀཱམརཱགཱནུསཡོཝ, དུཀྑཱཡ པན ཝེདནཱཡ, ཨཔརིཡཱཔནྣེསུ ཙ ཏདུབྷཡཾ ནཱནུསེཏི. ཡཏྠ ཝཱ པན…པེ… ཨཱམནྟཱ. ཡཏྠ ཀཱམརཱགཱནུསཡོ ནཱནུསེཏི, ཏཏྠ དིཊྛཱནུསཡོ, ཝིཙིཀིཙྪཱནུསཡོ ནཱནུསེཏཱིཏི? དུཀྑཱཡ ཝེདནཱཡ རཱུཔཱརཱུཔདྷཱཏཱུསུ ཀཱམརཱགཱནུསཡོཝ, ཨཔརིཡཱཔནྣེ པན ཏདུབྷཡཾ ནཱནུསེཏཱི’’ཏིཨཱདིནཱ ནཡེན ཨོཀཱསཝཱརེ ཙ,

‘‘ཡསྶ ¶ ཡཏྠ ཀཱམརཱགཱནུསཡོ ནཱནུསེཏི, ཏསྶ ཏཏྠ པཊིགྷཱནུསཡོ ནཱནུསེཏཱིཏི? ཏིཎྞཾ པུགྒལཱནཾ དུཀྑཱཡ ཝེདནཱཡ ཀཱམརཱགཱནུསཡོཝ, རཱུཔཱརཱུཔཔརིཡཱཔནྣེསུ ཏདུབྷཡཾ ནཱནུསེཏི, དྭིནྣཾ པུགྒལཱནཾ སབྦཏྠ ཏདུབྷཡཾ ནཱནུསེཏི. ཡསྶ ཝཱ པན ཡཏྠ…པེ… ནཱནུསེཏཱིཏི? ཏིཎྞཾ པུགྒལཱནཾ ཀཱམདྷཱཏུཡཱ དྭཱིསུ ཝེདནཱསུ པཊིགྷཱནུསཡོཝ, རཱུཔཱརཱུཔཔརིཡཱཔནྣེསུ ཏདུབྷཡཾ ནཱནུསེཏི, དྭིནྣཾ པུགྒལཱནཾ སབྦཏྠ ཏདུབྷཡཾ ནཱནུསེཏི. ཡསྶ ཡཏྠ ཀཱམརཱགཱནུསཡོ ནཱནུསེཏི, ཏསྶ ཏཏྠ མཱནཱནུསཡོ ནཱནུསེཏཱིཏི? ཏིཎྞཾ པུགྒལཱནཾ རཱུཔཱརཱུཔདྷཱཏུཡཱ ཀཱམརཱགཱནུསཡོཝ, ནེཏརོ, དུཀྑཱཡ ཝེདནཱཡ, ཨཔརིཡཱཔནྣེ ཙ ཏདུབྷཡཾ ནཱནུསེཏི, ཨནཱགཱམིསྶ ཀཱམདྷཱཏུཡཱ དྭཱིསུ ཝེདནཱསུ རཱུཔཱརཱུཔདྷཱཏུཡཱ ཀཱམརཱགཱནུསཡོཝ, ཨརཧཏོ པན སབྦཏྠ ཏདུབྷཡཾ ནཱནུསེཏཱི’’ཏིཨཱདིནཱ པུགྒལོཀཱསཝཱརེ ཙ ཝུཏྟཱནུསཱརེན ནཡོ ཉཱཏབྦོཏི ཨཡཾ པཱལི༹ནཡོ.

ཏཏྠ ‘‘ཡསྶ ཀཱམརཱགཱནུསཡོ ཨནུསེཏི, ཏསྶ པཊིགྷཱནུསཡོ ཨནུསེཏཱི’’ཏི ཨེཏྠ ཡདེཏཾ ‘‘ཨཱམནྟཱ’’ཏི པཊིཝཙནཾ དིནྣཾ, ཏཾ དུདྡིནྣཾ ཝིཡ ཁཱཡཏི. ཀསྨཱ? ཀཱམརཱགཔཊིགྷཱནཾ ཨེཀཀྑཎེ ཨནུཔྤཏྟིཏོ. ཡཐཱ ཧི ‘‘ཡསྶ མནཱཡཏནཾ ¶ ཨུཔྤཛྫཏི, ཏསྶ དྷམྨཱཡཏནཾ ཨུཔྤཛྫཏཱི’’ཏིཨཱདཱིསུ མནཱཡཏནདྷམྨཱཡཏནཱདཱིནི ཨེཀཀྑཎེ ཨུཔྤཛྫནྟི, ན ཏཐཱ ཀཱམརཱགཔཊིགྷཱ, ཝིསུཉྙེཝ ཨུཔྤཛྫནཏོ, ཏསྨཱ ཨེཏྠ ‘‘ནོ’’ཏི པཊིསེདྷོ ཀཏྟབྦོ སིཡཱ, ཏཾ པན ཨཀཏྭཱ ‘‘ཨཱམནྟཱ’’ཏི པཊིཝཙནསྶ དིནྣཏྟཱ ཧེཊྛཱ ཡམཀེསུ ཝིཡ ཨེཏྠ ཁཎཔཙྩུཔྤནྣཝསེན ཝཏྟམཱནཝོཧཱརཾ ཨགྒཧེཏྭཱ ཨཉྙཐཱ གཧེཏབྦོ. ཀཐཾ གཧེཏབྦོ? ཨཔྤཧཱིནཝསེན. ཨཔྤཧཱིནཏཾ ཧི སནྡྷཱཡ ཨཡཾ ཨནུསེཏཱིཏི ཝཏྟམཱནཝོཧཱརོ ཝུཏྟོ, ན ཁཎཔཙྩུཔྤནྣཏཾ, ཏསྨཱ ཨིམིསྶཱ པུཙྪཱཡ ཡསྶ ཀཱམརཱགཱནུསཡོ ཨཔྤཧཱིནོ, ན ཨནུཔྤཏྟིདྷམྨཏཾ ཨཱཔཱདིཏོ, ཏསྶ པཊིགྷཱནུསཡོ ཨཔྤཧཱིནོ, ན ཨནུཔྤཏྟིདྷམྨཏཾ ཨཱཔཱདིཏོ, ཏསྶ པཊིགྷཱནུསཡོ ཨཔྤཧཱིནོཏི ཨེཝམཏྠོ གཧེཏབྦོ. ཡསྨཱ ཙ ཏེསུ ཀཱམརཱགཔཊིགྷེསུ ཡསྶེཀོ ཨཔྤཧཱིནོ, ཏསྶ ཨིཏརོཔི ཨཔྤཧཱིནོཝ ཧོཏི, ཏསྨཱ ‘‘ཨཱམནྟཱ’’ཏི ཝུཏྟཾ. ཨིཏོ པརེསུཔི ཨེཝརཱུཔེསུ ཨུཔྤཛྫཏིཝཱརཱདིཝིསྶཛྫནེསུ ཨེསེཝ ནཡོ. ཏིཎྞཾ པུགྒལཱནནྟི པུཐུཛྫནསོཏཱཔནྣསཀདཱགཱམཱིནཾ. དྭིནྣནྟི སོཏཱཔནྣསཀདཱགཱམཱིནཾ. ཨེཝཾ ཨུཔྤཛྫནཾ དཱིཔིཏཾ. ཨོཀཱསཝཱརསྶ པཋམདུཏིཡཔུཙྪཱསུ ཡསྨཱ ཀཱམརཱགཔཊིགྷཱ ཨེཀཙིཏྟེ ན ཨུཔྤཛྫནྟི, ཏསྨཱ ‘‘ནོ’’ཏི པཊིསེདྷོ ཀཏོ. དུཀམཱུལཱདཱིསུ ཙ ཡསྨཱ ཀཱམརཱགཔཊིགྷཱདཡོ ཨེཀསྨིཾ ཋཱནསངྑཱཏེ ཙིཏྟེ, ཨཱརམྨཎེ ཝཱ ན ཨུཔྤཛྫནྟི, ཏསྨཱ ‘‘ནཏྠཱི’’ཏི ཏཏྠ པཊིཀྑེཔོ ཀཏོ, ཨཡཾ པུཙྪཱ ཨཔུབྦཱ ¶ ཨེཝཱཏི ཨདྷིཔྤཱཡོ. པུགྒལོཀཱསཝཱརེ ཙཏུནྣནྟི པུཐུཛྫནསོཏཱཔནྣསཀདཱགཱམིཨནཱགཱམཱིནཾ. པཊིལོམེ དྭིནྣནྟི ཨནཱགཱམིཨརཧནྟེ སནྡྷཱཡ ཝུཏྟནྟི ཨཡཾ ཨནུསཡཝཱརེ ནཡོ.

སཱནུསཡཝཱརེ པན ‘‘ཡོ ཀཱམརཱགཱནུསཡེན སཱནུསཡོ, སོ པཊིགྷཱནུསཡེན སཱནུསཡོཏི? ཨཱམནྟཱ…པེ… མཱནཱནུསཡེན ¶ སཱནུསཡོཏི? ཨཱམནྟཱ. ཡོ ཝཱ པན མཱནཱནུསཡེན སཱནུསཡོ, སོ ཀཱམརཱགཱནུསཡེན སཱནུསཡོཏི? ཨནཱགཱམཱི མཱནཱནུསཡེནེཝ, ན ཀཱམརཱགཱནུསཡེན, ཏཡོ པན པུགྒལཱ ཏདུབྷཡེནཱཔི ཨནུསཡེནཱ’’ཏི ཨིམིནཱ ནཡེན སེསེསུ དུཀམཱུལཱདཱིསུ པུཙྪཱཝིསྶཛྫནནཡོ ཉཱཏབྦོ, ཨཡཾ པུགྒལཝཱརེ ནཡོ.

‘‘ཡཏོ ཀཱམརཱགཱནུསཡེན སཱནུསཡོ, ཏཏོ པཊིགྷཱནུསཡེན སཱནུསཡོཏི? ནོ…པེ… མཱནཱནུསཡེན སཱནུསཡོཏི? ཨཱམནྟཱ. ཡཏོ ཝཱ པན མཱནཱནུསཡེན སཱནུསཡོ, ཏཏོ ཀཱམརཱགཱནུསཡེན སཱནུསཡོཏི? རཱུཔཱརཱུཔདྷཱཏུཡཱ མཱནཱནུསཡེནེཝ, ནེཏརེན, ཀཱམདྷཱཏུཡཱ དྭཱིསུ ཝེདནཱསུ ཏདུབྷཡེནཱཔཱི’’ཏིཨཱདིནཱ ཨོཀཱསཝཱརེ ཙ,

‘‘ཡོ ཡཏོ ཀཱམརཱགཱནུསཡེན སཱནུསཡོ, སོ ཏཏོ པཊིགྷཱནུསཡེན སཱནུསཡོཏི? ནོ’’ཏིཨཱདིནཱ པུགྒལོཀཱསཝཱརེ ཙཱཏི ཨེཝཾ ཨནུལོམནཡེ ཙ, ‘‘ཡོ ཀཱམརཱགཱནུསཡེན ནིརནུསཡོ, སོ པཊིགྷཱནུསཡེན ནིརནུསཡོཏི? ཨཱམནྟཱ’’ཏིཨཱདིནཱ པཊིལོམནཡེཔི སབྦཏྠ ཨནུསཡཝཱརེ ཝུཏྟཱནུསཱརཏོ པུཙྪཱཝིསྶཛྫནནཡོ ཉཱཏབྦོ.

ཏཏྠ ཡཏོ ཀཱམརཱགཱནུསཡེན སཱནུསཡོཏི ཡཏོ ཀཱརཎཏོ ཨུཔྤནྣེན ཀཱམརཱགཱནུསཡེན སཱནུསཡོ, ཀིཾ སོ ཏཏོ ཀཱརཎཏོ ཨུཔྤནྣཔཊིགྷཱནུསཡེནཔི སཱནུསཡོཏི ཝུཙྩཏི. ཡསྨཱ པནེཏེ དྭེ ཨེཀསྨཱ ཋཱནཱ ན ཨུཔྤཛྫནྟི, ཏསྨཱ ‘‘ནོ’’ཏི པཊིསེདྷོ ཀཏོ སེསཾ ཏཱདིསམེཝཱཏི ཨཡཾ སཱནུསཡཝཱརེ ནཡོ.

པཛཧནཝཱརེ ¶ པན ‘‘ཡོ ཀཱམརཱགཱནུསཡཾ པཛཧཏི, སོ པཊིགྷཱནུསཡཾ པཛཧཏཱིཏི? ཨཱམནྟཱ…པེ… མཱནཱནུསཡཾ པཛཧཏཱིཏི? ཏདེཀཊྛཾ པཛཧཏི. ཡོ ཝཱ པན མཱནཱནུསཡཾ པཛཧཏི, སོ ཀཱམརཱགཱནུསཡཾ པཛཧཏཱིཏི? ནོ…པེ… སོ དིཊྛཱནུསཡཾ ཝིཙིཀིཙྪཱནུསཡཾ པཛཧཏཱིཏི? ནོ. ཡོ ཝཱ པན ཝིཙིཀིཙྪཱནུསཡཾ པཛཧཏི, སོ ཀཱམརཱགཱནུསཡཾ པཛཧཏཱིཏི ¶ ? ཏདེཀཊྛཾ པཛཧཏི. ཡོ…པེ… བྷཝརཱགཱནུསཡཾ ཨཝིཛྫཱནུསཡཾ པཛཧཏཱིཏི? ཏདེཀཊྛཾ པཛཧཏི…པེ… ཡོ ཀཱམརཱགཱནུསཡཉྩ པཊིགྷཱནུསཡཉྩ མཱནཱནུསཡཉྩ…པེ… པཛཧཏཱིཏི? ནཏྠཱི’’ཏིཨཱདིནཱ པུགྒལཝཱརེ,

‘‘ཡཏོ ཀཱམརཱགཱནུསཡཾ པཛཧཏི, ཏཏོ པཊིགྷཱནུསཡཾ པཛཧཏཱིཏི? ནོ…པེ… ཡཏོ ཀཱམརཱགཱནུསཡཾ པཛཧཏི, ཏཏོ མཱནཱནུསཡཾ པཛཧཏཱིཏི? ཨཱམནྟཱ. ཡཏོ ཝཱ པན མཱནཱནུསཡཾ པཛཧཏི, ཏཏོ ཀཱམརཱགཱནུསཡཾ པཛཧཏཱིཏི? རཱུཔཱརཱུཔདྷཱཏུཡཱ ཏཏོ མཱནཱནུསཡམེཝ, ཀཱམདྷཱཏུཡཱ པན དྭཱིསུ ཝེདནཱསུ ཏཏོ མཱནཱནུསཡཾ པཛཧཏཱི’’ཏིཨཱདིནཱ ཨོཀཱསཝཱརེ ཙ,

‘‘ཡོ ཡཏོ ཀཱམརཱགཱནུསཡཾ པཛཧཏི, སོ ཏཏོ པཊིགྷཱནུསཡཾ པཛཧཏཱིཏི? ནོ…པེ… མཱནཱནུསཡཾ པཛཧཏཱིཏི? ཏདེཀཊྛཾ པཛཧཏི…པེ… ཝིཙིཀིཙྪཱནུསཡཾ པཛཧཏཱིཏི? ནོ. ཡོ ཝཱ པན ཡཏོ ཝིཙིཀིཙྪཱནུསཡཾ པཛཧཏི, སོ ཏཏོ ཀཱམརཱགཱནུསཡཾ པཛཧཏཱིཏི? ཨཊྛམཀོ དུཀྑཱཡ ཝེདནཱཡ རཱུཔཱརཱུཔདྷཱཏུཡཱ སོ ཏཏོ ཝིཙིཀིཙྪཱནུསཡཾ པཛཧཏི, ནོ ཙ སོ ཏཏོ ཀཱམརཱགཱནུསཡཾ པཛཧཏི, སྭེཝ པུགྒལོ ཀཱམདྷཱཏུཡཱ དྭཱིསུ ཝེདནཱསུ སོ ཏཏོ ཝིཙིཀིཙྪཱནུསཡཾ པཛཧཏི, ཀཱམརཱགཱནུསཡཾ ཏདེཀཊྛཾ པཛཧཏཱི’’ཏིཨཱདིནཱ པུགྒལོཀཱསཝཱརེ ཙཱཏི ཨེཝཾ ཨནུལོམནཡེ ཙ, ‘‘ཡོ ཀཱམརཱགཱནུསཡཾ ན པཛཧཏི, སོ པཊིགྷཱནུསཡཾ ན པཛཧཏཱིཏི? ཨཱམནྟཱ…པེ… ཝིཙིཀིཙྪཱནུསཡཾ ན པཛཧཏཱིཏི ¶ ? ཨཊྛམཀོ ཀཱམརཱགཱནུསཡཾ ན པཛཧཏི, ནེཏརཾ, ཨནཱགཱམིམགྒསམངྒིཾ, ཨཊྛམཀཉྩ ཋཔེཏྭཱ ཨཝསེསཱ པུགྒལཱ ཏདུབྷཡཾ ན པཛཧནྟཱི’’ཏིཨཱདིནཱ པཊིལོམནཡེ ཙ སབྦཏྠ པུཙྪཱཝིསྶཛྫནནཡོ ཉཱཏབྦོ.

ཏཏྠ པཛཧཏཱིཏི ཏེན ཏེན མགྒེན པཧཱནཔརིཉྙཱཝསེན པཛཧཏི. ཏདེཀཊྛནྟི པཧཱནེཀཊྛཏཾ སནྡྷཱཡ ཝུཏྟཾ. པཋམམགྒཱདིནཱ ཧི ན ཀེཝལཾ དིཊྛཱདིཀཱ ཨེཝ དྷམྨཱ པཧཱིཡནྟི, ཨཐ ཁོ ཨཔཱཡགམནིཡཱ ཏེན ཀཱམརཱགཔཊིགྷམཱནཱདཡོཔི པཧཱིཡནྟི ཨེཝ. པཋམམགྒཝཛ྄ཛྷཱ ཧི ཀཱམརཱགཱ, ཨཔཱཡགམནིཡཱ ཙ མཱནཱཝིཛྫཱདཡོཔི, ཏཏིཡམགྒཝཛ྄ཛྷཱཏི པཧཱནེཀཊྛཱ ཧུཏྭཱ པཧཱིཡནྟི ཨེཝཱཏི ‘‘ནོ’’ཏི ཨརཧཏྟམགྒཊྛཾ སནྡྷཱཡ ཝུཏྟཾ. སོ ཧི ཀཱམརཱགཱནུསཡཾཡེཝ པཧཱིནཏྟཱ ན པཛཧཏཱིཏི. ཡཏོ ཀཱམརཱགཱནུསཡཾ པཛཧཏཱིཏི ཡཏོ ཨུཔྤཛྫནཀཾ ཀཱམརཱགཱནུསཡཾ པཛཧཏཱིཏི ཨཏྠོ, ཨཊྛམཀོཏི སོཏཱཔཏྟིམགྒཊྛོ. སོ ཧི དཀྑིཎེཡྻཀྐམེན ཨརཧཏྟཕལཊྛཏོ པཊྛཱཡ གཎིཡམཱནོ ཨཊྛམཀོ ནཱམ. པཊིལོམནཡེ ཨནཱགཱམིམགྒསམངྒིཉྩ ཨཊྛམཀཉྩ ཋཔེཏྭཱ ཨཝསེསཱཏི ¶ པུཐུཛྫནསེསསེཁཱསེཁཱ. ཏེསུ ཧི པུཐུཛྫནཱ པཧཱནཔརིཉྙཱཡ ཨབྷཱཝེན ན པཛཧནྟི, སེསཱ ཏེསཾ པཧཱིནཏྟཱཏི ཨིམིནཱ ནཡེན སབྦཏྠ ཝིནིཙྪཡོ ཝེདིཏབྦོཏི ཨཡཾ པཛཧནཝཱརེ ནཡོ.

པརིཉྙཱཝཱརོ པན ‘‘ཡོ ཀཱམརཱགཱནུསཡཾ པརིཛཱནཱཏི, སོ པཊིགྷཱནུསཡཾ པརིཛཱནཱཏཱི’’ཏིཨཱདིནཱ པཛཧནཝཱརསདིསོཝ. ཨཡམྤི ཧི པཛཧནཝཱརོ ཝིཡ མགྒཊྛཱནཉྙེཝ ཝསེན ཝིསྶཛྫིཏོ. ཏཏྠ པརིཛཱནཱཏཱིཏི ཏཱིཧི པརིཉྙཱཧི པརིཛཱནཱཏཱིཏི ཨཏྠོ. ཨཡཾ པརིཉྙཱཝཱརེ ནཡོ.

པཧཱིནཝཱརེ པན ‘‘ཡསྶ ཀཱམརཱགཱནུསཡོ པཧཱིནོ, ཏསྶ པཊིགྷཱནུསཡོ པཧཱིནོཏི? ཨཱམནྟཱ…པེ… མཱནཱནུསཡོ པཧཱིནོཏི? ཨནཱགཱམིསྶ ཀཱམརཱགཱནུསཡོཝ, ཨརཧཏོ ¶ པན མཱནཱནུསཡོཔི པཧཱིནོ’’ཏིཨཱདིནཱ པུགྒལཝཱརེ, ‘‘ཡཏྠ ཀཱམརཱགཱནུསཡོ པཧཱིནོ, ཏཏྠ པཊིགྷཱནུསཡོ པཧཱིནོཏི? ན ཝཏྟབྦོ པཧཱིནོཏི ཝཱ ཨཔྤཧཱིནོཏི ཝཱ. ཡཏྠ ཝཱ པན…པེ… ན ཝཏྟབྦོ…པེ… ཏཏྠ མཱནཱནུསཡོ པཧཱིནོཏི? ཨཱམནྟཱ. ཡཏྠ ཝཱ པན…པེ… པཧཱིནོཏི? རཱུཔཱརཱུཔདྷཱཏུཡཱ ཨེཏྠ མཱནཱནུསཡོ པཧཱིནོ, ཀཱམརཱགཱནུསཡོ ན ཝཏྟབྦོ, ཀཱམདྷཱཏུཡཱ དྭཱིསུ ཝེདནཱསུ ཨེཏྠ ཏདུབྷཡཾ པཧཱིན’’ནྟིཨཱདིནཱ ཨོཀཱསཝཱརེ, པུགྒལོཀཱསཝཱརེཏི ཨེཝཾ ཨནུལོམནཡེ, ‘‘ཡསྶ ཀཱམརཱགཱནུསཡོ ཨཔྤཧཱིནོ, ཏསྶ པཊིགྷཱནུསཡོ ཨཔྤཧཱིནོཏི? ཨཱམནྟཱ. ཡསྶ ཝཱ པན…པེ… ཨཱམནྟཱ…པེ… ཡསྶ ཝཱ པན མཱནཱནུསཡོ ཨཔྤཧཱིནོ, ཏསྶ ཀཱམརཱགཱནུསཡོ ཨཔྤཧཱིནོཏི? ཨནཱགཱམིསྶ མཱནཱནུསཡོཝ, ཏིཎྞཾ པུགྒལཱནཾ ཏདུབྷཡཾ ཨཔྤཧཱིན’’ནྟིཨཱདིནཱ པཊིལོམནཡེ ཙ ཝུཏྟནཡེནེཝ པུཙྪཱཝིསྶཛྫནནཡོ ཉཱཏབྦོ.

ཨེཏྠ ཙ ཕལཊྛཝསེནེཝ ཨཏྠོ གཧེཏབྦོ མགྒཊྛཱནཾ པཧཱིནཀིལེསཏྟཱབྷཱཝཱ. ཏེསཾ ཧི ཨནུསཡཱ པཧཱིཡནྟི ཨེཝ, ན པན པཧཱིནཱཏི ཨནཱགཱམིཨཱདཡོ ཕལཊྛཱཝ གཧེཏབྦཱ, ཨོཀཱསཝཱརེ པན ‘‘ན ཝཏྟབྦོ’’ཏི ཨིདཾ ཨུབྷིནྣཾ ཨུཔྤཏྟིཊྛཱནསྶ ཨསཱདྷཱརཎཏྟཱ ཝུཏྟཾ. ཨཉྙཾ ཧི ཀཱམརཱགཱནུསཡསྶ ཨུཔྤཏྟིཊྛཱནཾ, ཨཉྙཾ པཊིགྷཱནུསཡསྶ. ཨབྷཱཝིཏམགྒསྶ ཙ ཡཏྠ ཨནུསཡོ ཨུཔྤཛྫཏི, མགྒེ བྷཱཝིཏེ ཏཏྠེཝ སོ པཧཱིནོ ནཱམ ཧོཏི, ཏསྨཱ སོ ཏཏྠ པཧཱིནོཏི ཝཱ, ཨཔྤཧཱིནོཏི ཝཱ ན ཝཏྟབྦོ, སབྦཏྠཱཔི པན སཡཾ ཨབྷཱཝེན ཏཏྠ ཨཔྤཧཱིནོཏི ན ཝཏྟབྦོ. ཨུབྷིནྣཾ པན སཱདྷཱརཎཊྛཱནཾ སནྡྷཱཡ ¶ ‘‘ཨཱམནྟཱ’’ཏི ཝུཏྟཾ. མཱནཱནུསཡོ ཧི ཀཱམདྷཱཏུཡཱ ཝེདནཱདྭཡསངྑཱཏེ སཱདྷཱརཎཊྛཱནེ ཀཱམརཱགེན སདྡྷིཾ པཧཱིནོ ནཱམ ཧོཏི ¶ . ཡསྶ ཀཱམརཱགཱནུསཡོ ཨཔྤཧཱིནོཏི པུཐུཛྫནསྶ, སོཏཱཔཏྟིསཀདཱགཱམིཕལཊྛཱནཉྩ ཝསེན ཨཏྠོ གཧེཏབྦོ. ‘‘ཏིཎྞཾ པུགྒལཱན’’ནྟི ཧི ཝུཏྟཾ. སེསཾ སུཝིཉྙེཡྻམེཝཱཏི ཨཡཾ པཧཱིནཝཱརེ ནཡོ.

ཨུཔྤཛྫནཝཱརེ པན ‘‘ཡསྶ ཀཱམརཱགཱནུསཡོ ཨུཔྤཛྫཏི, ཏསྶ པཊིགྷཱནུསཡོ ཨུཔྤཛྫཏཱི’’ཏིཨཱདིནཱ སབྦཏྠ ཨནུསཡཝཱརསདིསོཝཱཏི ཨཡཾ ཨུཔྤཛྫནཝཱརེ ནཡོ.

དྷཱཏུཝཱརེ པན ‘‘ཀཱམདྷཱཏུཡཱ ཙུཏསྶ ཀཱམདྷཱཏུཾ ཨུཔཔཛྫནྟསྶ ཀཏི ཨནུསཡཱ ཨནུསེནྟི, ཀཏི ཨནུསཡཱ ནཱནུསེནྟི, ཀཏི ཨནུསཡཱ བྷངྒཱ? ཀཱམདྷཱཏུཡཱ ཙུཏསྶ རཱུཔདྷཱཏུཾ ཨུཔཔཛྫནྟསྶ…པེ… ཀཏི བྷངྒཱ? ཀཱམདྷཱཏུཡཱ ཙུཏསྶ ཨརཱུཔདྷཱཏུཾ ཨུཔཔཛྫནྟསྶ…པེ… རཱུཔདྷཱཏུཾ ཨུཔཔཛྫནྟསྶ ན ཨརཱུཔདྷཱཏུཾ ཨུཔཔཛྫནྟསྶ…པེ… ཀཏི བྷངྒཾ? ཀཱམདྷཱཏུཡཱ ཙུཏསྶ ན ཀཱམདྷཱཏུཾ, ན ཨརཱུཔདྷཱཏུཾ ཨུཔཔཛྫནྟསྶ…པེ… ན རཱུཔདྷཱཏུཾ ན ཨརཱུཔདྷཱཏུཾ ཨུཔཔཛྫནྟསྶ. ན ཀཱམདྷཱཏུཾ ན རཱུཔདྷཱཏུཾ ཨུཔཔཛྫནྟསྶ ཀཏི བྷངྒཱ’’ཏི ཨེཝཾ ཀཱམདྷཱཏུམཱུལཀཱ ནཝ པུཙྪཱ, ཏཐཱ ‘‘རཱུཔདྷཱཏུཡཱ ཙུཏསྶཱ’’ཏིཨཱདིནཱ རཱུཔདྷཱཏུམཱུལཀཱ ནཝ, ཨརཱུཔདྷཱཏུཡཱ ནཝ ཙཱཏི སཏྟཝཱིསཏི ཨནུལོམཔུཙྪཱ, ཏཐཱ ‘‘ན ཀཱམདྷཱཏུཡཱ ཙུཏསྶཱ’’ཏིཨཱདིནཱ སཏྟཝཱིསཏི པཊིལོམཔུཙྪཱ ཙ, ཏཐཱ ‘‘ན ཀཱམདྷཱཏུཡཱ ན ཨརཱུཔདྷཱཏུཡཱ ཙུཏསྶ ཀཱམདྷཱཏུཾ ཨུཔཔཛྫནྟསྶཱ’’ཏིཨཱདིནཱ སཏྟཝཱིསཏི དུཀམཱུལཀཱ པུཙྪཱ ཙཱཏི ཨེཝཾ པུཙྪཱཝཱརེ ཨེཀཱསཱིཏི པུཙྪཱ ཝེདིཏབྦཱ.

ཏཏྠ ཨནུསེནྟཱིཏི ཙིཏྟསནྟཱནེ ཨནུགཏཱ ཧུཏྭཱ ཀཏི ཨནུསེནྟི, བྷངྒཱཏི ཨནུསེནྟི ཙ ནཱནུསེནྟི ཙཱཏི ཨེཝཾ ཀཏི ཝིབྷཛིཏབྦཱཏི ཨཏྠོ. ན ཀཱམདྷཱཏུཾ ཨུཔཔཛྫནྟསྶཱཏི ཀཱམདྷཱཏུཝིརཧིཏཱ དྭེ རཱུཔཱརཱུཔདྷཱཏུཡོ ཨུཔཔཛྫནྟསྶ. ན ཀཱམདྷཱཏུཾ ན རཱུཔདྷཱཏུནྟི ཨརཱུཔདྷཱཏུཾ ཨུཔཔཛྫནྟསྶ. ན ཀཱམདྷཱཏུཡཱཏི རཱུཔཱརཱུཔདྷཱཏཱུཧི ཙུཏསྶ, ཨེཝཾ སེསེསུཔི སབྦཏྠ ¶ པཊིསནྡྷིཝསེན, དྷཱཏུཝསེན ཙ ཨཏྠོ ཝེདིཏབྦོཏི ཨཡཾ ཨུདྡེསཝཱརེ ནཡོ.

ནིདྡེསཝཱརེ པནསྶ ‘‘ཀཱམདྷཱཏུཡཱ ཙུཏསྶ ཀཱམདྷཱཏུཾ ཨུཔཔཛྫནྟསྶ ཀསྶཙི སཏྟ ཨནུསཡཱ ཨནུསེནྟི, ཀསྶཙི པཉྩ ཨནུསཡཱ ཨནུསེནྟི, ཨནུསཡཱ བྷངྒཱ ནཏྠི, ཀཱམདྷཱཏུཡཱ ཙུཏསྶ རཱུཔདྷཱཏུཾ ཨུཔཔཛྫནྟསྶ ཀསྶཙི སཏྟ ཨནུསཡཱ ཨནུསེནྟི, ཀསྶཙི པཉྩ, ཀསྶཙི ཏཡོ ¶ …པེ… བྷངྒཱ ནཏྠཱི’’ཏི ཨིམིནཱ ནཡེན སབྦཏྠ ཝིསྶཛྫནཾ ཝེདིཏབྦཾ, ཨཡཾ པནེཏྠ ཝིསེསོ – རཱུཔདྷཱཏུཡཱ ཙུཏསྶ ཀཱམདྷཱཏུཾ ཨུཔཔཛྫནྟསྶ སཏྟེཝ ཨནུསཡཱ ཨནུསེནྟི, ཏཐཱ ‘‘ཨརཱུཔདྷཱཏུཡཱ ཙུཏསྶ ཀཱམདྷཱཏུཾ ཨུཔཔཛྫནྟསྶཱ’’ཏིཨཱདཱིསུཔི, ཨརཱུཔདྷཱཏུཡཱ པན ཙུཏསྶ རཱུཔདྷཱཏུཡཱ ཨུཔཔཏྟི ནཏྠི, ཧེཊྛཱ ཨུཔཔཛྫམཱནོ ཀཱམདྷཱཏུཾ ཨེཝ ཨུཔཔཛྫཏི, སཏྟེཝ ཨནུསཡཱ ཨནུསེནྟཱིཏི ཨེཝཾ ཨཉྙེསུཔི ཨེཝརཱུཔེསུ ཝིསྶཛྫནནཡོ ཝེདིཏབྦོཏི ཨཡཾ ཝིསེསོ, སེསཾ ཝུཏྟནཡམེཝཱཏི ཨཡམེཏྠ པཱལི༹ནཡོ.

ཏཏྠ ཀསྶཙི སཏྟཱཏི པུཐུཛྫནཝསེན ཝུཏྟཾ, པཉྩཱཏི སོཏཱཔནྣསཀདཱགཱམཱིནཾ ཝསེན. ཏེསཾ ཧི དིཊྛིཝིཙིཀིཙྪཱནུསཡཱ པཧཱིནཱཏི, ཀཱམདྷཱཏུཡཱ པན ཨནཱགཱམཱིནཾ ཨུཔཔཏྟིཨབྷཱཝཏོ པཋམཝཱརེ ‘‘ཀསྶཙི ཏཡོ’’ཏི ན ཝུཏྟཾ, རཱུཔཱརཱུཔདྷཱཏཱུསུ ཨུཔྤཛྫནཝཱརེསུ ཨེཝ ཝུཏྟཾ…པེ… ཨནཱགཱམཱིནཾ ཧི ཀཱམརཱགཔཊིགྷཱནམྤི པཧཱིནཏྟཱ ཏཡོཝ ཨནུསཡཱ ཨནུསེནྟི, ཨིདྷ ཙ ཨནུསཡཱནཾ ཨུཔྤཏྟིཝསེན ནཡོ, ཨནུསཡཱནཾ ཨནུསཡནཾ ཨགྒཧེཏྭཱ ཨཔྤཧཱིནབྷཱཝེན པཊིསནྡྷིཀྑཎེ ཨཔི ཨནུསཡནཾ གཧེཏབྦཾ. སཏྟེཝཱཏི ཨརིཡསཱཝཀསྶ རཱུཔཱརཱུཔདྷཱཏུཡཱ ཙུཏསྶ ཧེཊྛཱ ཀཱམབྷཝཱདཱིསུ ཨུཔཔཏྟི ནཱམ ནཏྠི, པུཐུཛྫནསྶེཝ ཧོཏི, ཏསྨཱ ‘‘སཏྟེཝཱ’’ཏི ནིཡམེཏྭཱ ཝུཏྟཾ, ཨརཱུཔདྷཱཏུཡཱ ཙུཏསྶ རཱུཔདྷཱཏུཡཱ ཨུཔཔཏྟི ནཏྠཱིཏི. ཀསྨཱ ནཏྠི? ཨརཱུཔཱིནཾ རཱུཔཛ྄ཛྷཱནསྶ ཨབྷཱཝཱ. ཏེ ¶ ཧི སབྦསོ རཱུཔསཉྙཱནཾ སམཏིཀྐམནརཱུཔདྷཱཏུཾ ཨུཔཔནྣཱཏི. སེསཾ ནཡཏོ སུཝིཉྙེཡྻམེཝཱཏི ཨཡཾ དྷཱཏུཝཱརེ ནཡོ. ཨཡཾ ཨནུསཡཡམཀམཱཏིཀཏྠསཾཝཎྞནཱནཡོ.

ཙིཏྟཡམཀམཱཏིཀཏྠཝཎྞནཱ

ཙིཏྟཡམཀམཱཏིཀཱཡཾ པན པཱལི༹ཝཝཏྠཱནཾ ཏཱཝ ཨེཝཾ ཝེདིཏབྦཾ. ཨིམིསྶཾ ཧི མཱཏིཀཱཡཾ པུགྒལཝཱརོ དྷམྨཝཱརོ པུགྒལདྷམྨཝཱརོཏི ཨཱདིཏོཝ ཏཡོ སུདྡྷིཀམཧཱཝཱརཱ ཧོནྟི, ཏཏྠ ‘‘ཡསྶ ཙིཏྟཾ ཨུཔྤཛྫཏི ན ནིརུཛ྄ཛྷཏཱི’’ཏི ཨེཝཾ པུགྒལཝསེན ཙིཏྟསྶ ཨུཔྤཛྫནནིརུཛ྄ཛྷནཱདིབྷེདཾ དཱིཔེནྟོ གཏོ པུགྒལཝཱརོ ནཱམ. ‘‘ཡཾ ཙིཏྟཾ ཨུཔྤཛྫཏི ན ནིརུཛ྄ཛྷཏཱི’’ཏི ཨེཝཾ དྷམྨཝསེནེཝ ཙིཏྟསྶ ཨུཔྤཛྫནནིརུཛ྄ཛྷནཱདིབྷེདཾ དཱིཔེནྟོ གཏོ དྷམྨཝཱརོ ནཱམ. ‘‘ཡསྶ ཡཾ ཙིཏྟཾ ཨུཔྤཛྫཏི ན ནིརུཛ྄ཛྷཏཱི’’ཏི ཨེཝཾ ཨུབྷཡཝསེནེཝ ཙིཏྟསྶ ཨུཔྤཛྫནནིརུཛ྄ཛྷནཱདིབྷེདཾ དཱིཔེནྟོ གཏོ པུགྒལདྷམྨཝཱརོ ནཱམ.

ཏཏོ ¶ ‘‘ཡསྶ སརཱགཾ ཙིཏྟ’’ནྟིཨཱདཱིནཾ སོལ༹སནྣཾ པདཱནཾ ཝསེན ཨཔརེ སརཱགཱདིཔདཝིསེསིཏཱ སོལ༹ས པུགྒལཝཱརཱ, སོལ༹ས དྷམྨཝཱརཱ, སོལ༹ས པུགྒལདྷམྨཝཱརཱཏི ཨཊྛཙཏྟཱལཱིས མིསྶཀཝཱརཱ ཧོནྟི, ཏེ སརཱགཱདིཔདམཏྟཾ དསྶེཏྭཱ སཾཁིཏྟཱ. ཏཏོ ‘‘ཡསྶ ཀུསལཾ ཙིཏྟ’’ནྟིཨཱདིནཱ ནཡེན ཚསཊྛིདྭིསཏསངྑཱཏཱནཾ ཨབྷིདྷམྨམཱཏིཀཱཔདཱནཾ ཝསེན ཨཔརེ ཀུསལཱདིཔདཝིསེསིཏཱ ཚསཊྛིདྭིསཏཔུགྒལཝཱརཱ, ཚསཊྛིདྭིསཏདྷམྨཝཱརཱ, ཚསཊྛིདྭིསཏཔུགྒལདྷམྨཝཱརཱཏི ཨཊྛནཝུཏིསཏྟསཏཱ མིསྶཀཝཱརཱ ཧོནྟི, ཏེཔི ཀུསལཱདིཔདམཏྟཾ དསྶེཏྭཱ སཾཁིཏྟཱཡེཝ, ཡཱནིཔེཏྠ སནིདསྶནཱདཱིནི པདཱནི ཙིཏྟེན སདྡྷིཾ ན ཡུཛྫནྟི, ཏཱནི མོགྷཔུཙྪཱཝསེན གཧིཏཱནཱིཏི.

ཏེསུ པན ཏཱིསུ ཝཱརེསུ སབྦཔཋམེ སུདྡྷིཀཔུགྒལམཧཱཝཱརེ ཏཱཝ ཨུཔྤཱདནིརོདྷཀཱལསམྦྷེདཝཱརོ ཨུཔྤཱདུཔྤནྣཝཱརོ ནིརོདྷུཔྤནྣཝཱརོ ¶ ཨུཔྤཱདཝཱརོ ནིརོདྷཝཱརོ ཨུཔྤཱདནིརོདྷཝཱརོ ཨུཔྤཛྫམཱནནནིརོདྷཝཱརོ ཨུཔྤཛྫམཱནུཔྤནྣཝཱརོ ནིརུཛ྄ཛྷམཱནུཔྤནྣཝཱརོ ཨུཔྤནྣུཔྤཱདཝཱརོ ཨཏཱིཏཱནཱགཏཝཱརོ ཨུཔྤནྣུཔྤཛྫམཱནཝཱརོ ནིརུདྡྷནིརུཛ྄ཛྷམཱནཝཱརོ ཨཏིཀྐནྟཀཱལཝཱརོ ཙཱཏི ཙུདྡས ཨནྟརཝཱརཱ, ཏེསུ ཨུཔྤཱདཝཱརོ ནིརོདྷཝཱརོ ཨུཔྤཱདནིརོདྷཝཱརོཏི ཨིམེསུ ཏཱིསུ ཝཱརེསུ པཙྩེཀཾ ཝཏྟམཱནཱཏཱིཏསྶ, ཝཏྟམཱནཱནཱགཏསྶ, ཨཏཱིཏཱནཱགཏསྶ ཙཱཏི ཏིཎྞཾ ཀཱལབྷེདཱནཾ ཝསེན ཨནུལོམཔཊིལོམཏོ ཚ ཚ ཀཏྭཱ ཨཊྛཱརས ཡམཀཱནི, ཨུཔྤནྣུཔྤཱདཝཱརེ ཨཏཱིཏཱནཱགཏཀཱལཝསེན ཨནུལོམཏོ དྭེ, པཊིལོམཏོ དྭེཏི ཙཏྟཱརི ཡམཀཱནི, སེསེསུ ཨཱདིཏོ ནིདྡིཊྛེསུ ཏཱིསུ, ཨནྟརེ ནིདྡིཊྛེསུ ཏཱིསུ, ཨཝསཱནེ ནིདྡིཊྛེསུ ཙཏཱུསཱུཏི དསསུ ཝཱརེསུ ཨནུལོམཏོ ཨེཀཾ, པཊིལོམཏོ ཨེཀནྟི དྭེ དྭེ ཀཏྭཱ ཝཱིསཏི ཡམཀཱནི, ཨེཝཾ སབྦེསུཔི ཙུདྡསསུ ཨནྟརཝཱརེསུ དྭཱཙཏྟཱལཱིས ཡམཀཱནི, ཙཏུརཱསཱིཏི པུཙྪཱ, ཨཊྛསཊྛིཨཏྠསཏཾ ཧོཏི. ཡཐཱ ཙ ཨེཀསྨིཾ སུདྡྷིཀཔུགྒལམཧཱཝཱརེ, ཏཐཱ སུདྡྷིཀདྷམྨམཧཱཝཱརེ, སུདྡྷིཀཔུགྒལདྷམྨམཧཱཝཱརེཔཱིཏི ཏཱིསུ མཧཱཝཱརེསུ ཚབྦཱིསཏིཡམཀསཏཾ, ཏཏོ དིགུཎཱ པུཙྪཱ, དིགུཎཱ ཨཏྠཱ ཙ ཝེདིཏབྦཱ, ཨིདཾ པན ཝཱརཏྟཡཾ སརཱགཱདིཝསེན སོལ༹སགུཎཾ, ཀུསལཱདིཝསེན ཚསཊྛིདྭིསཏགུཎཾ ཀཏྭཱ ཨིམིསྶཱ ཙིཏྟཡམཀམཱཏིཀཱཡ ཨནེཀཱནི ཡམཀསཧསྶཱནི, ཏདྡིགུཎཱ པུཙྪཱ, ཏདྡིགུཎཱ ཨཏྠཱ ཙ ཧོནྟི, པཱཋོ པན སཾཁིཏྟོ. ཨེཝམེཏྠ པཱལི༹ཝཝཏྠཱནཾ ཝིདིཏྭཱ ཨིདཱནི ཨནུཏྟཱནཔདཏྠཱནུསཱརེན ཝིབྷངྒནཡསཧིཏོ སངྑེཔཏྠཝཎྞནཱནཡོ ཨེཝཾ ཝེདིཏབྦོ.

ཡསྶ ཙིཏྟཾ ཨུཔྤཛྫཏཱིཏི ཡསྶ པུགྒལསྶ ཙིཏྟཾ ཨུཔྤཱདཀྑཎསམངྒིཏཱཡ ཨུཔྤཛྫཏི. ན ནིརུཛ྄ཛྷཏཱིཏི ¶ ནིརོདྷཀྑཎཾ ཨཔྤཏྟཏཱཡ ན ནིརུཛ྄ཛྷཏི. ཏསྶ ཙིཏྟནྟི ཀིཾ ཏསྶ པུགྒལསྶ ཏཏོ པཊྛཱཡ ¶ ཙིཏྟཾ ནིརུཛ྄ཛྷིསྶཏཱིཏི པུཙྪཱ, ཏསྶཱ ཙ, ‘‘པཙྪིམཙིཏྟསྶ ཨུཔྤཱདཀྑཎེ ཏེསཾ ཙིཏྟཾ ཨུཔྤཛྫཏི ན ནིརུཛ྄ཛྷཏི, ནིརུཛ྄ཛྷིསྶཏི ནུཔྤཛྫིསྶཏི, ཨིཏརེསཾ ཙིཏྟསྶ ཨུཔྤཱདཀྑཎེ ཏེསཾ ཙིཏྟཾ ཨུཔྤཛྫཏི ན ནིརུཛ྄ཛྷཏི, ནིརུཛ྄ཛྷིསྶཏི ཙེཝ ཨུཔྤཛྫིསྶཏི ཙཱ’’ཏི ཝིསྶཛྫནཾ. ཏཏྠ ཏེསཾ ཙིཏྟནྟི ཡེསཾ ཁཱིཎཱསཝཱནཾ པཙྪིམཙིཏྟསངྑཱཏསྶ ཙུཏིཙིཏྟསྶ ཨུཔྤཱདཀྑཎེ ཝཏྟཏི, ཏེསཾ ཏདེཝ ཙུཏིཙིཏྟཾ ཨུཔྤཱདཔྤཏྟཏཱཡ ཨུཔྤཛྫཏི ནཱམ, བྷངྒཾ ཨཔྤཏྟཏཱཡ ན ནིརུཛ྄ཛྷཏི ནཱམ, ཨིདཱནི པན བྷངྒཾ པཏྭཱ ཏཾ ཏེསཾ ཙིཏྟཾ ནིརུཛ྄ཛྷིསྶཏི, ཏཏོ ཨཔྤཊིསནྡྷིཀཏྟཱ ཨཉྙཾ ནུཔྤཛྫིསྶཏི. ཨིཏརེསནྟི པཙྪིམཙིཏྟསམངྒིཾ ཁཱིཎཱསཝཾ ཋཔེཏྭཱ ཨཝསེསཱནཾ སེཁཱསེཁཔུཐུཛྫནཱནཾ ནིརུཛ྄ཛྷིསྶཏི ཙེཝ ཨཉྙཾ པན ཏསྨིཾ ཝཱ ཨཏྟབྷཱཝེ ཨུཔྤཛྫིསྶཏི ཙཱཏི ཨཏྠོ.

‘‘ཡསྶ ཝཱ པན ཙིཏྟཾ ནིརུཛ྄ཛྷིསྶཏི ནུཔྤཛྫིསྶཏི, ཏསྶ ཙིཏྟཾ ཨུཔྤཛྫཏི ན ནིརུཛ྄ཛྷཏཱི’’ཏི ཨིམིསྶཱ དུཏིཡཔུཙྪཱཡ པཙྪིམཙིཏྟསམངྒིནོ ཁཱིཎཱསཝསྶ ཙིཏྟཾ སནྡྷཱཡ ‘‘ཨཱམནྟཱ’’ཏི ཝིསྶཛྫནཾ. ‘‘ཡསྶ ཙིཏྟཾ ནུཔྤཛྫཏི ནིརུཛ྄ཛྷཏི, ཏསྶ ཙིཏྟཾ ན ནིརུཛ྄ཛྷིསྶཏི ཨུཔྤཛྫིསྶཏཱི’’ཏི པུཙྪཱཡ ‘‘ནོ’’ཏི པཊིསེདྷོཝ ཝིསྶཛྫནཾ. ན ཨུཔྤཛྫཏི ནིརུཛ྄ཛྷཏཱིཏི ཧི བྷངྒཀྑཎེ ཨརཧཏོ པཙྪིམཙིཏྟམྤི སེསཱནཾ བྷིཛྫམཱནཙིཏྟམྤི པུཙྪཏི, ཏཏོ པཊྛཱཡ པན ཨརཧཏོ ཏཱཝ ཙིཏྟཾ ན ནིརུཛ྄ཛྷིསྶཏཱིཏི སཀྐཱ ཝཏྟུཾ, ཨུཔྤཛྫིསྶཏཱིཏི པན ན སཀྐཱ, ཏསྨཱ ‘‘ནོ’’ཏི ཨེཏྠ པཊིསེདྷོ ཀཏོ, ‘‘ཡསྶ ཝཱ པན ཙིཏྟཾ ན ནིརུཛ྄ཛྷིསྶཏི ཨུཔྤཛྫིསྶཏི, ཏསྶ ཙིཏྟཾ ནུཔྤཛྫཏི ནིརུཛ྄ཛྷཏཱི’’ཏི པུཙྪཱཡ ‘‘ནཏྠཱི’’ཏི པཊིཀྑེཔོཝ ཝིསྶཛྫནཾ. ཡསྶ ཧི ཙིཏྟཾ ན ནིརུཛ྄ཛྷིསྶཏི ཨུཔྤཛྫིསྶཏི, སོ ཙ པུགྒལོ ནཏྠཱིཏི.

ཡསྶ ཙིཏྟཾ ཨུཔྤཛྫཏི, ཏསྶ ཙིཏྟཾ ཨུཔྤནྣནྟི? ཨཱམནྟཱ, ཡསྶ ཝཱ པན…པེ… ཨུཔྤཛྫཏཱིཏི? སབྦེསཾ ཙིཏྟསྶ བྷངྒཀྑཎེ ཏཾ ཙིཏྟཾ ཨུཔྤནྣཾ, ནོ ཙ ཨུཔྤཛྫཏི, སབྦེསཾ ཙིཏྟསྶ ཨུཔྤཱདཀྑཎེ ཏེསཾ ཙིཏྟཾ ཨུཔྤནྣཉྩེཝ ཨུཔྤཛྫཏི ཙ, ཡསྶ ཙིཏྟཾ ནུཔྤཛྫཏི ¶ , ཏསྶ ཙིཏྟཾ ནུཔྤནྣནྟི? ཙིཏྟསྶ བྷངྒཀྑཎེ ཙིཏྟཾ ནུཔྤཛྫཏི, ནོ ཙ ནུཔྤནྣཾ, ནིརོདྷསམཱཔནྣཱནཾ ཨསཉྙསཏྟཱནཾ ཙིཏྟཾ ནུཔྤཛྫཏི ཙེཝ ནུཔྤནྣཉྩ. ཡསྶ ཝཱ པན…པེ… ནུཔྤཛྫཏཱིཏི? ཨཱམནྟཱ. ཨེཏྠ ཙ ཨུཔྤནྣནྟི ཨུཔྤཱདསམངྒིནོཔེཏཾ ནཱམཾ, ཨུཔྤཛྫཏཱིཏི ཙ ཨུཔྤཱདསམངྒིནོཝ.

ཡསྶ ¶ ཙིཏྟཾ ནིརུཛ྄ཛྷཏི, ཏསྶ ཙིཏྟཾ ཨུཔྤནྣནྟི? ཨཱམནྟཱ. ཡསྶ ཝཱ པན…པེ… ནིརུཛ྄ཛྷཏཱིཏི? བྷངྒཀྑཎེ ཏཐཱ. ཡསྶ ཙིཏྟཾ ན ནིརུཛ྄ཛྷཏི, ཏསྶ ཙིཏྟཾ ནུཔྤནྣནྟི? ནིརོདྷསམཱཔནྣཱདཱིནཾ ཙིཏྟཾ. ཡསྶ ཝཱ པན…པེ… ཨཱམནྟཱ.

ཡསྶ ཙིཏྟཾ ཨུཔྤཛྫཏི, ཏསྶ ཙིཏྟཾ ཨུཔྤཛྫིཏྠཱཏི? ཨཱམནྟཱ. ཡསྶ ཝཱ པན…པེ… ཨུཔྤཛྫཏཱིཏི? སབྦེསཾ ཙིཏྟསྶ ཨུཔྤཱདཀྑཎེ ཏཐཱ. ཨེཏྠ ཙ ཨུཔྤཱདཔྤཏྟཏྟཱ ཨུཔྤཛྫིཏྠ, ཏཾ ཨནཏཱིཏཏྟཱ ཨུཔྤཛྫཏི ནཱམཱཏི ཨཏྠོཏི ཨཊྛཀཐཱཡཾ ཁཎཔཙྩུཔྤནྣཝསེན ཨཏྠོ ཝུཏྟོ. ཨུཔྤཛྫིཏྠཱཏི པན ཨིམསྶ ཨཏཱིཏཙིཏྟཀྑཎཝསེན ཨཏྠེ གཡ྄ཧམཱནེ ཨེཝ ཨུཔརིཔཱལི༹ཡཱ ན ཝིརུཛ྄ཛྷཏི, ན ཨཉྙཐཱཏི པཉྙཱཡཏི, ཏསྨཱ པུབྦཱཔརཾ ཨོལོཀེཏྭཱ པཱལི༹ཨཝིརོདྷེན ཨཏྠོ གཧེཏབྦོ.

ཡསྶ ཙིཏྟཾ ནུཔྤཛྫཏི, ཏསྶ ཙིཏྟཾ ནུཔྤཛྫིཏྠཱཏི? ཨུཔྤཛྫིཏྠ. ཡསྶ ཝཱ པན…པེ… ནུཔྤཛྫཏཱིཏི? ནཏྠི. ཡསྶ ཙིཏྟཾ ཨུཔྤཛྫཏི, ཏསྶ ཙིཏྟཾ ཨུཔྤཛྫིསྶཏཱིཏི? པཙྪིམཙིཏྟསམངྒིཁཱིཎཱསཝཝིརཧིཏཱནཾ ཙིཏྟཾ ཏཐཱ. ཡསྶ ཝཱ པན…པེ… ཨུཔྤཛྫཏཱིཏི? ཨུཔྤཱདཀྑཎེ ཏཐཱ. ཡསྶ ཙིཏྟཾ…པེ… ནུཔྤཛྫིསྶཏཱིཏི? ཨསེཁཱནཾ པཙྪིམཙིཏྟསྶ བྷངྒཀྑཎེ ཏཐཱ. ཡསྶ ཝཱ པན…པེ… ནུཔྤཛྫཏཱིཏི? པཙྪིམཙིཏྟསྶ བྷངྒཀྑཎེ ཏཐཱ. ཡསྶ ཙིཏྟཾ ཨུཔྤཛྫིཏྠ, ཏསྶ ཙིཏྟཾ ཨུཔྤཛྫིསྶཏཱིཏི? པཙྪིམཙིཏྟསམངྒིཾ ཋཔེཏྭཱ སེསཱནཾ ཏཐཱ. ཡསྶ ཝཱ པན…པེ… ཨཱམནྟཱ. ཡསྶ ཙིཏྟཾ ནུཔྤཛྫིཏྠ, ཏསྶ ཙིཏྟཾ ནུཔྤཛྫིསྶཏཱིཏི? ནཏྠི. ཡསྶ ཝཱ པན…པེ… ནུཔྤཛྫིཏྠཱཏི? ཨུཔྤཛྫིཏྠ.

ཡསྶ ¶ ཙིཏྟཾ ནིརུཛ྄ཛྷཏི, ཏསྶ ཙིཏྟཾ ནིརུཛ྄ཛྷིཏྠཱཏི? ཨཱམནྟཱ. ཡསྶ ཝཱ པན…པེ… ནིརུཛ྄ཛྷཏཱིཏི? བྷངྒཀྑཎེ ཏཐཱ. ཡསྶ ཙིཏྟཾ…པེ… ན ནིརུཛ྄ཛྷིཏྠཱཏི? ནིརུཛ྄ཛྷིཏྠ. ཡསྶ ཝཱ པན…པེ… ནཏྠི. ཡསྶ ཙིཏྟཾ ནིརུཛ྄ཛྷཏི, ཏསྶ ཙིཏྟཾ ནིརུཛ྄ཛྷིསྶཏཱིཏི? པཙྪིམཙིཏྟསམངྒིཾ ཋཔེཏྭཱ སེསཱནཾ ཙིཏྟསྶ བྷངྒཀྑཎེ ཏཐཱ. ཡསྶ ཝཱ པན…པེ… སེསཱནཾ བྷངྒཀྑཎེ ཏཐཱ. ཡསྶ ཙིཏྟཾ…པེ… ནིརུཛ྄ཛྷིསྶཏི. ཡསྶ ཝཱ པན…པེ… ནིརུཛ྄ཛྷཏི.

ཡསྶ ཙིཏྟཾ ནིརུཛ྄ཛྷིཏྠ, ཏསྶ ཙིཏྟཾ ནིརུཛ྄ཛྷིསྶཏཱིཏི? པཙྪིམཙིཏྟསྶ བྷངྒཀྑཎེ ཋཔེཏྭཱ ¶ སེསཱནཾ ཙིཏྟཾ ཏཐཱ. ཡསྶ ཝཱ པན…པེ… ཨཱམནྟཱ. ཡསྶ ཙིཏྟཾ ན ནིརུཛ྄ཛྷིཏྠ, ཏསྶ ཙིཏྟཾ ན ནིརུཛ྄ཛྷིསྶཏཱིཏི? ནཏྠི. ཡསྶ ཝཱ པན…པེ… ན ནིརུཛ྄ཛྷིཏྠཱཏི? ནིརུཛ྄ཛྷིཏྠ.

ཡསྶ ཙིཏྟཾ ཨུཔྤཛྫཏི, ཏསྶ ཙིཏྟཾ ནིརུཛ྄ཛྷིཏྠཱཏི? ཨཱམནྟཱ. ཡསྶ ཝཱ པན…པེ… ཨུཔྤཛྫཏཱིཏི? སབྦེསཾ ཙིཏྟསྶ ཨུཔྤཱདཀྑཎེ ཏཐཱ. ཡསྶ ཙིཏྟཾ ནུཔྤཛྫཏི, ཏསྶ ཙིཏྟཾ ན ནིརུཛ྄ཛྷིཏྠཱཏི? ནིརུཛ྄ཛྷིཏྠ. ཡསྶ ཝཱ པན…པེ… ནཏྠི, ཡསྶ ཙིཏྟཾ ཨུཔྤཛྫཏི, ཏསྶ ཙིཏྟཾ ནིརུཛ྄ཛྷིསྶཏཱིཏི? ཨཱམནྟཱ. ཡསྶ ཝཱ པན…པེ… ཨུཔྤཛྫཏཱིཏི? སབྦེསཾ ཙིཏྟསྶ ཨུཔྤཱདཀྑཎེ ཏཐཱ. ཡསྶ ཙིཏྟཾ ནུཔྤཛྫཏི, ཏསྶ ཙིཏྟཾ ན ནིརུཛ྄ཛྷིསྶཏཱིཏི? པཙྪིམཙིཏྟསྶ བྷངྒཀྑཎེ ཏཐཱ. ཡསྶ ཝཱ པན…པེ… ཨཱམནྟཱ. ཡསྶ ཙིཏྟཾ ཨུཔྤཛྫིཏྠ, ཏསྶ ཙིཏྟཾ ནིརུཛ྄ཛྷིསྶཏཱིཏི? ནིརུཛ྄ཛྷམཱནཾ པཙྪིམཙིཏྟཾ ཋཔེཏྭཱ ཏཐཱ. ཡསྶ ཝཱ པན…པེ… ཨཱམནྟཱ. ཡསྶ ཙིཏྟཾ ནུཔྤཛྫིཏྠ, ཏསྶ ཙིཏྟཾ ན ནིརུཛ྄ཛྷིསྶཏཱིཏི? ནཏྠི. ཡསྶ ཝཱ པན…པེ… ནུཔྤཛྫིཏྠཱཏི? ཨུཔྤཛྫིཏྠ.

ཡསྶ ཙིཏྟཾ ཨུཔྤཛྫཏི, ཏསྶ ཙིཏྟཾ ན ནིརུཛ྄ཛྷཏཱིཏི? ཨཱམནྟཱ. ཡསྶ ཝཱ པན…པེ… ཨུཔྤཛྫཏཱིཏི? སབྦེསཾ ཙིཏྟསྶ ཨུཔྤཱདཀྑཎེ ཏཐཱ. ཡསྶ ཙིཏྟཾ ནུཔྤཛྫཏི, ཏསྶ ཙིཏྟཾ ནིརུཛ྄ཛྷཏཱིཏི? སབྦེསཾ ཙིཏྟསྶ བྷངྒཀྑཎེ ཏཐཱ. ཡསྶ ཝཱ པན…པེ… ནུཔྤཛྫཏཱིཏི? ཨཱམནྟཱ.

ཡསྶ ¶ ཙིཏྟཾ ཨུཔྤཛྫམཱནཾ, ཏསྶ ཙིཏྟཾ ཨུཔྤནྣནྟི? ཨཱམནྟཱ. ཡསྶ ཝཱ པན…པེ… ཨུཔྤཛྫམཱནནྟི? སབྦེསཾ ཙིཏྟསྶ ཨུཔྤཱདཀྑཎེ ཏཐཱ. ཡསྶ ཙིཏྟཾ ནུཔྤཛྫམཱནཾ, ཏསྶ ཙིཏྟཾ ནུཔྤནྣནྟི? ནིརོདྷསམཱཔནྣཱདཱིནཾ ཙིཏྟཾ ཏཐཱ. ཡསྶ ཝཱ པན…པེ… ཨཱམནྟཱ.

ཡསྶ ཙིཏྟཾ ནིརུཛ྄ཛྷམཱནཾ, ཏསྶ ཙིཏྟཾ ཨུཔྤནྣནྟི? ཨཱམནྟཱ. ཡསྶ ཝཱ པན…པེ… བྷངྒཀྑཎེ ཏཐཱ. ཡསྶ ཙིཏྟཾ ན ནིརུཛ྄ཛྷམཱནཾ, ཏསྶ ཙིཏྟཾ ནུཔྤནྣནྟི? ནིརོདྷསམཱཔནྣཱདཱིནཾ ཙིཏྟཾ ཏཐཱ. ཡསྶ ཝཱ པན…པེ… ཨཱམནྟཱ.

ཡསྶ ཙིཏྟཾ ཨུཔྤནྣཾ, ཏསྶ ཙིཏྟཾ ཨུཔྤཛྫིཏྠཱཏི? ཨཱམནྟཱ. ཡསྶ ཝཱ པན…པེ… ཨུཔྤནྣནྟི ¶ ? ཙིཏྟསམངྒཱིནཾ ཏཐཱ. ཡསྶ ཙིཏྟཾ ནུཔྤནྣཾ, ཏསྶ ཙིཏྟཾ ནུཔྤཛྫིཏྠཱཏི? ཨུཔྤཛྫིཏྠ. ཡསྶ ཝཱ པན…པེ… ནུཔྤནྣནྟི? ནཏྠི…པེ… ཡསྶ ཙིཏྟཾ ནུཔྤནྣཾ, ཏསྶ ཙིཏྟཾ ནུཔྤཛྫིསྶཏཱིཏི? ཨུཔྤཛྫིསྶཏི. ཡསྶ ཝཱ པན…པེ… ནུཔྤནྣནྟི? ཨུཔྤནྣཾ.

ཡསྶ ཙིཏྟཾ ཨུཔྤཛྫིཏྠ ནོ ཙ ཏསྶ ཙིཏྟཾ ཨུཔྤནྣཾ, ཏསྶ ཙིཏྟཾ ཨུཔྤཛྫིསྶཏཱིཏི? ཨཱམནྟཱ. ཡསྶ ཝཱ པན ཙིཏྟཾ ཨུཔྤཛྫིསྶཏི ནོ ཙ ཏསྶ ཙིཏྟཾ ཨུཔྤནྣཾ, ཏསྶ ཙིཏྟཾ ཨུཔྤཛྫིཏྠཱཏི? ཨཱམནྟཱ. ཨེཏྠ ‘‘ནོ ཙ ཏསྶ ཙིཏྟཾ ནུཔྤནྣ’’ནྟི ཨིདཾ ཨསཉྙཱདིཨཙིཏྟཀེ སནྡྷཱཡ ཝུཏྟཾ. ཏེསཾ ནིཡམེན ཙིཏྟུཔྤཏྟིཡཱ ཨབྷཱཝཏོ ‘‘ཨཱམནྟཱ’’ཏི ཨུབྷཡཏྠ ཝིསྶཛྫནཾ ཝུཏྟཾ. ཨཡཉྩ ཝཱརོ ཀཱལཏྟཡེ གཧེཏྭཱ སམཏྠིཏོཏི གཧེཏབྦོ.

‘‘ཡསྶ ཙིཏྟཾ ནུཔྤཛྫིཏྠ ནོ ཙ ཏསྶ ཙིཏྟཾ ནུཔྤནྣཾ, ཏསྶ ཙིཏྟཾ ནུཔྤཛྫིསྶཏཱིཏི? ནཏྠི. ཡསྶ ཝཱ པན ཙིཏྟཾ ནུཔྤཛྫིསྶཏི ནོ ཙ ཏསྶ ཙིཏྟཾ ནུཔྤནྣཾ, ཏསྶ ཙིཏྟཾ ནུཔྤཛྫིཏྠཱཏི? ཨུཔྤཛྫིཏྠ.

ཨུཔྤནྣཾ ཨུཔྤཛྫམཱནནྟི? ཨུཔྤཱདཀྑཎེ ཙིཏྟཾ ཏཐཱ. ཨུཔྤཛྫམཱནཾ ཨུཔྤནྣནྟི? ཨཱམནྟཱ. ནུཔྤནྣཾ ནུཔྤཛྫམཱནནྟི? ཨཱམནྟཱ. ནུཔྤཛྫམཱནཾ ནུཔྤནྣནྟི? ཨཏཱིཏཱནཱགཏཙིཏྟཾ ཏཐཱ.

ནིརུདྡྷཾ ¶ ནིརུཛ྄ཛྷམཱནནྟི? ནོ, ནིརུཛ྄ཛྷམཱནཾ ནིརུདྡྷནྟི? ནོ, ནནིརུདྡྷཾ ནནིརུཛ྄ཛྷམཱནནྟི? ཨུཔྤཱདཀྑཎེ ཨནཱགཏཉྩ ཙིཏྟཾ ཏཐཱ. ནནིརུཛ྄ཛྷམཱནཾ ནནིརུདྡྷནྟིཔི ཏཐེཝ.

ཡསྶ ཙིཏྟཾ ཨུཔྤཛྫམཱནཾ ཁཎཾ ཁཎཾ ཝཱིཏིཀྐནྟཾ ཨཏིཀྐནྟཀཱལཾ, ནིརུཛ྄ཛྷམཱནཾ ཁཎཾ ཁཎཾ ཝཱིཏིཀྐནྟཾ ཨཏིཀྐནྟཀཱལཾ, ཏསྶ ཙིཏྟནྟི? ནོ ཙ བྷངྒཀྑཎཾ ཝཱིཏིཀྐནྟཾ, ཨཏཱིཏཾ ཙིཏྟཾ ཏདུབྷཡཾ ཝཱིཏིཀྐནྟཾ, ཡསྶ ཝཱ པན ཙིཏྟཾ ནིརུཛ྄ཛྷམཱནཾ ཁཎཾ ཁཎཾ ཝཱིཏིཀྐནྟཾ ཨཏིཀྐནྟཀཱལཾ, ཨུཔྤཛྫམཱནཾ ཁཎཾ ཁཎཾ ཝཱིཏིཀྐནྟཾ ཨཏིཀྐནྟཀཱལཾ, ཏསྶ ཙིཏྟནྟི? ཨཏཱིཏཾ ཙིཏྟ’’ནྟི ཨིམིནཱ ནཡེན པུགྒལཝཱརེ སབྦཏྠ ཝིསྶཛྫནནཡོ ཝེདིཏབྦོ.

ཏཏྠ ཨུཔྤཛྫམཱནཾ ཁཎནྟི ཨུཔྤཛྫམཱནསྶ ཁཎཾ, ཨུཔྤཱདཀྑཎནྟི ཨཏྠོ. ཁཎཾ ཝཱིཏིཀྐནྟཾ ¶ ཨཏིཀྐནྟཀཱལནྟི ན ཙིརཾ ཝཱིཏིཀྐནྟཾ, ཏམེཝ པན ཨུཔྤཱདཀྑཎཾ ཝཱིཏིཀྐནྟཾ ཧུཏྭཱ ཨཏིཀྐནྟཀཱལནྟི སངྑཾ གཙྪཏི, ནིརུཛ྄ཛྷམཱནཾ ཁཎནྟི ནིརུཛ྄ཛྷམཱནསྶ ཁཎཾ, བྷངྒཀྑཎནྟི ཨཏྠོ. ཁཎཾ ཝཱིཏིཀྐནྟཾ ཨཏིཀྐནྟཀཱལནྟི ཀིཾ ཏསྶ ཙིཏྟཾ ཨེཝཾ ནིརོདྷཀྑཎམྤི ཝཱིཏིཀྐནྟཾ ཧུཏྭཱ ཨཏིཀྐནྟཀཱལཾ ནཱམ ཧོཏཱིཏི པུཙྪཏི. ཡསྶ བྷངྒཀྑཎེ ཙིཏྟཾ ཨུཔྤཱདཀྑཎཾ ཁཎཾ ཝཱིཏིཀྐནྟཾ ཧུཏྭཱ ཨཏིཀྐནྟཀཱལཾ ནཱམ ཧོཏི, ནིརོདྷཀྑཎཾ ཝཱིཏིཀྐནྟཾ ཧུཏྭཱ ཨཏིཀྐནྟཀཱལཾ ནཱམ ཧོཏི, ཨཏཱིཏཾ པན ཙིཏྟཾ ཨུབྷོཔི ཁཎེ ཁཎཾ ཝཱིཏིཀྐནྟཾ ཧུཏྭཱ ཨཏིཀྐནྟཀཱལཾ ནཱམ ཧོཏཱིཏི ཨཏཱིཏཙིཏྟཝསེན ཝིསྶཛྫནཾ ཀཏཾ. ཨིམིནཱཝ ཨུཔཱཡེན ཨུཔརིམེསུ ཨཏྠདྷམྨཝཱརཱདཱིསུ ཙ སབྦཝིསྶཛྫནེསུ ཨཏྠོ ཝེདིཏབྦོ. ཨཡཾ ཨཏིཀྐནྟཀཱལཝཱརེ ནཡོ.

ཡཾ ཙིཏྟཾ ཨུཔྤཛྫཏི ནནིརུཛ྄ཛྷཏི, ཏཾ ཙིཏྟཾ ནིརུཛ྄ཛྷིསྶཏི ནུཔྤཛྫིསྶཏཱིཏི? ཨཱམནྟཱ. ཡཾ ཝཱ པན…པེ… ཨཱམནྟཱ. ཡཾ ཙིཏྟཾ ནུཔྤཛྫཏི ནིརུཛ྄ཛྷཏི, ཏཾ ཙིཏྟཾ ནནིརུཛ྄ཛྷིསྶཏི ཨུཔྤཛྫིསྶཏཱིཏི? ནོ. ཡཾ ཝཱ པན ཙིཏྟཾ ནནིརུཛ྄ཛྷིསྶཏི ཨུཔྤཛྫིསྶཏི, ཏཾ ཙིཏྟཾ ནུཔྤཛྫཏི ནིརུཛ྄ཛྷཏཱིཏི? ནཏྠི.

ཡཾ ¶ ཙིཏྟཾ ཨུཔྤཛྫཏི, ཏཾ ཙིཏྟཾ ཨུཔྤནྣནྟི? ཨཱམནྟཱ. ཡཾ ཝཱ པན…པེ… ཨུཔྤཛྫཏཱིཏི? ཨུཔྤཱདཀྑཎེ ཙིཏྟཾ ཏཐཱ, ཨེཝཾ པཊིལོམཔུཙྪཱསུཔི ཏཏོ སེསཱསུཔི. ‘‘ཡཾ ཙིཏྟཾ ནུཔྤཛྫཏི, ཏཾ ཙིཏྟཾ ནུཔྤནྣནྟི? ཨཏཱིཏཱནཱགཏཾ ཙིཏྟཾ ཏཐཱ. ཡཾ ཝཱ པན…པེ… ཨཱམནྟཱ…པེ… བྷངྒཀྑཎེ ཙིཏྟ’’ནྟིཨཱདིནཱ, ‘‘ཡཾ ཙིཏྟཾ ཨུཔྤཛྫཏི, ཏཾ ཙིཏྟཾ ཨུཔྤཛྫིཏྠཱཏི? ནོ. ཡཾ ཙིཏྟཾ ནུཔྤཛྫཏི, ཏཾ ཙིཏྟཾ ནུཔྤཛྫིཏྠཱཏི? བྷངྒཀྑཎེ ཙིཏྟཾ ཨནཱགཏཉྩཱ’’ཏིཨཱདིནཱ, ‘‘ཡཾ ཙིཏྟཾ ཨུཔྤཛྫཏི, ཏཾ ཙིཏྟཾ ཨུཔྤཛྫིསྶཏཱིཏི? ནོ. ཡཾ ཝཱ པན…པེ… ནོ, ཡཾ ཙིཏྟཾ ནུཔྤཛྫཏི, ཏཾ ཙིཏྟཾ ནུཔྤཛྫིསྶཏཱིཏི? ཨནཱགཏཾ ཙིཏྟཾ ནུཔྤཛྫཏི, ནོ ཙ ཏཾ ཙིཏྟཾ ནུཔྤཛྫིསྶཏི, བྷངྒཀྑཎེ ཙིཏྟཾ ཨཏཱིཏཾ ཙིཏྟ’’ནྟིཨཱདིནཱ ཙ, ‘‘ཡཾ ཙིཏྟཾ ཨུཔྤཛྫིཏྠ, ཏཾ ཙིཏྟཾ ཨུཔྤཛྫིསྶཏཱིཏི? ནོ. ཡཾ ཝཱ པན…པེ… ནོ, ཡཾ ཙིཏྟཾ ནུཔྤཛྫིཏྠ, ཏཾ ཙིཏྟཾ ནུཔྤཛྫིསྶཏཱིཏི? ཨནཱགཏཾ ཙིཏྟ’’ནྟིཨཱདིནཱ ཙ,

‘‘ཡཾ ཙིཏྟཾ ནིརུཛ྄ཛྷཏི, ཏཾ ཙིཏྟཾ ནིརུཛ྄ཛྷིཏྠཱཏི? ནོ’’ཏིཨཱདིནཱ ཙ, ‘‘ཡཾ ཙིཏྟཾ ཨུཔྤཛྫཏི, ཏཾ ཙིཏྟཾ ནིརུཛ྄ཛྷིཏྠཱཏི? ནོ’’ཏིཨཱདིནཱ ཙ, ‘‘ཡཾ ཙིཏྟཾ ཨུཔྤཛྫཏི, ཏཾ ཙིཏྟཾ ནིརུཛ྄ཛྷིསྶཏཱིཏི ¶ ? ཨཱམནྟཱ’’ཏིཨཱདིནཱ ཙ, ‘‘ཡཾ ཙིཏྟཾ ཨུཔྤཛྫིཏྠ, ཏཾ ཙིཏྟཾ ནིརུཛ྄ཛྷིསྶཏཱིཏི? ནོ’’ཏིཨཱདིནཱ ཙ,

‘‘ཡཾ ཙིཏྟཾ ཨུཔྤཛྫམཱནཾ, ཏཾ ཙིཏྟཾ ཨུཔྤནྣནྟི? ཨཱམནྟཱ. ཡཾ ཝཱ པན…པེ… ཨུཔྤཛྫམཱནནྟི…པེ… ཨུཔྤཱདཀྑཎེ ཙིཏྟ’’ནྟིཨཱདིནཱ ཙ, ‘‘ཡཾ ཙིཏྟཾ ནིརུཛ྄ཛྷམཱནཾ, ཏཾ ཙིཏྟཾ ཨུཔྤནྣནྟི? ཨཱམནྟཱ’’ཏིཨཱདིནཱ ཙ, ‘‘ཡཾ ཙིཏྟཾ ཨུཔྤནྣཾ, ཏཾ ཙིཏྟཾ ཨུཔྤཛྫིཏྠཱཏི? ནོ. ཡཾ ཝཱ པན…པེ… ནོ’’ཏིཨཱདིནཱ ཙ,

‘‘ཡཾ ཙིཏྟཾ ཨུཔྤཛྫིཏྠ ནོ ཙ ཏཾ ཙིཏྟཾ ཨུཔྤནྣཾ, ཏཾ ཙིཏྟཾ ཨུཔྤཛྫིསྶཏཱིཏི? ནོ. ཡཾ ཝཱ པན…པེ… ནོ. ཡཾ ཙིཏྟཾ ནུཔྤཛྫིཏྠ ནོ ཙ ཏཾ ཙིཏྟཾ ནུཔྤནྣཾ, ཏཾ ཙིཏྟཾ ནུཔྤཛྫིསྶཏཱིཏི? ཨཱམནྟཱ’’ཏིཨཱདིནཱ ཙ, ‘‘ཨུཔྤནྣཾ ཨུཔྤཛྫམཱནནྟི…པེ… ཨུཔྤཱདཀྑཎེ ཨུཔྤནྣཉྩེཝ ཨུཔྤཛྫམཱནཉྩ. ཨུཔྤཛྫམཱནཾ ཨུཔྤནྣནྟི? ཨཱམནྟཱ’’ཏིཨཱདིནཱ ཙ, ‘‘ནིརུདྡྷཾ ནིརུཛ྄ཛྷམཱནནྟི? ནོ’’ཏིཨཱདིནཱ ཙ,

‘‘ཡཾ ¶ ཙིཏྟཾ ཨུཔྤཛྫམཱནཾ ཁཎཾ ཁཎཾ ཝཱིཏིཀྐནྟཾ ཨཏིཀྐནྟཀཱལཾ, ནིརུཛ྄ཛྷམཱནཾ ཁཎཾ ཁཎཾ ཝཱིཏིཀྐནྟཾ ཨཏིཀྐནྟཀཱལཾ, ཏཾ ཙིཏྟནྟི…པེ… ཨཏཱིཏཾ ཙིཏྟ’’ནྟིཨཱདིནཱ ཙ དྷམྨཝཱརེ,

‘‘ཡསྶ ཡཾ ཙིཏྟཾ ཨུཔྤཛྫཏི ན ནིརུཛ྄ཛྷཏི, ཏསྶ ཏཾ ཙིཏྟཾ ནིརུཛ྄ཛྷིསྶཏི ནུཔྤཛྫིསྶཏཱིཏི? ཨཱམནྟཱ’’ཏིཨཱདིནཱ ཙ པུགྒལདྷམྨཝཱརེ ཙ, སརཱགཱདིཔདེཧི, ཀུསལཱདིཔདེཧི ཙ མིསྶེསུ སབྦཝཱརེསུ ཙ པུཙྪཱསུ ཧེཊྛཱ ཝུཏྟཱནུསཱརེན ཝིསྶཛྫནནཡོ ཝེདིཏབྦོ. ཨཡཾ ཙིཏྟཡམཀམཱཏིཀཏྠསཾཝཎྞནཱནཡོ.

དྷམྨཡམཀམཱཏིཀཏྠཝཎྞནཱ

དྷམྨཡམཀམཱཏིཀཱཡ པན ཁནྡྷཡམཀེ ཝུཏྟནཡེནེཝ པཱལི༹ཝཝཏྠཱནཾ ཝེདིཏབྦཾ. ‘‘ཡོ ཀུསལཾ དྷམྨཾ བྷཱཝེཏི, སོ ཨཀུསལཾ དྷམྨཾ པཛཧཏཱི’’ཏི ཨཱགཏཏྟཱ པནེཏྠ པརིཉྙཱཝཱརོ བྷཱཝནཱཝཱརོ ནཱམ. ཏཏྠ ཡསྨཱ ཨབྱཱཀཏོ དྷམྨོ ནེཝ བྷཱཝེཏབྦོ ན པཧཱཏབྦོ, ཏསྨཱ པདམེཝ ན ཨུདྡྷཊནྟི ཝེདིཏབྦཾ ¶ . པུཙྪཱཝིསྶཛྫནེ པནེཏྠ ‘‘ཀུསལཱཀུསལཱ དྷམྨཱཏི? ཨཱམནྟཱ’’ཏིཨཱདིནཱ, ‘‘དྷམྨཱ ཨཀུསལཱ དྷམྨཱཏི? ཨཀུསལཱ དྷམྨཱ དྷམྨཱ ཙེཝ ཨཀུསལཱ དྷམྨཱ ཙ, ཨཝསེསཱ དྷམྨཱ ན ཨཀུསལཱ དྷམྨཱ’’ཏིཨཱདིནཱ ཙ པཎྞཏྟིཝཱརེ ཝིསྶཛྫནནཡོ ཉཱཏབྦོ.

‘‘ཡསྶ ཀུསལཱ དྷམྨཱ ཨུཔྤཛྫནྟི, ཏསྶ ཨཀུསལཱ དྷམྨཱ ཨུཔྤཛྫནྟཱིཏི? ནོ. ཡསྶ ཝཱ པན…པེ… ཡསྶ ཀུསལཱ དྷམྨཱ ཨུཔྤཛྫནྟི, ཏསྶ ཨབྱཱཀཏཱ དྷམྨཱ ཨུཔྤཛྫནྟཱིཏི? པཉྩཝོཀཱརེ ཀུསལཱནཾ ཨུཔྤཱདཀྑཎེ…པེ… ཨུཔྤཛྫནྟཱི’’ཏིཨཱདིནཱ ཙ, ‘‘ཡཏྠ ཀུསལཱ དྷམྨཱ ཨུཔྤཛྫནྟི, ཏཏྠ ཨཀུསལཱ དྷམྨཱ ཨུཔྤཛྫནྟཱིཏི? ཨཱམནྟཱ…པེ… ཏཏྠ ཨབྱཱཀཏཱ དྷམྨཱ ཨུཔྤཛྫནྟཱིཏི? ཨཱམནྟཱ. ཡཏྠ ཝཱ པན ཨབྱཱཀཏཱ དྷམྨཱ ཨུཔྤཛྫནྟི, ཏཏྠ ཀུསལཱ དྷམྨཱ ཨུཔྤཛྫནྟཱིཏི ¶ …པེ… ཙཏུཝོཀཱརེ…པེ… ཨུཔྤཛྫནྟཱི’’ཏིཨཱདིནཱ ཙ, ‘‘ཡསྶ ཡཏྠ ཀུསལཱ དྷམྨཱ…པེ… ཨུཔྤཛྫནྟཱིཏི? ནོ’’ཏིཨཱདིནཱ ཙ,

‘‘ཡསྶ ཀུསལཱ དྷམྨཱ ནུཔྤཛྫནྟི, ཏསྶ ཨཀུསལཱ དྷམྨཱ ནུཔྤཛྫནྟཱིཏི…པེ… སབྦེསཾ ཙིཏྟསྶ བྷངྒཀྑཎེ ཨབྱཱཀཏཙིཏྟསྶ ཨུཔྤཱདཀྑཎེ ནིརོདྷསམཱཔནྣཱནཾ ཨསཉྙསཏྟཱནཾ ཏེསཾ ཀུསལཱ ཙ དྷམྨཱ ནུཔྤཛྫནྟི, ཨཀུསལཱ ཙ དྷམྨཱ ནུཔྤཛྫནྟཱི’’ཏིཨཱདིནཱ ཙ, ‘‘ཡསྶ ཀུསལཱ དྷམྨཱ ནུཔྤཛྫནྟི, ཏསྶ ཨབྱཱཀཏཱ དྷམྨཱ ནུཔྤཛྫནྟཱིཏི…པེ… སབྦེསཾ ཙཝནྟཱནཾ པཝཏྟེ ཙིཏྟསྶ བྷངྒཀྑཎེ ཨཱརུཔྤེ ཨཀུསལཱནཾ ཨུཔྤཱདཀྑཎེ ཙ ནུཔྤཛྫནྟཱི’’ཏིཨཱདིནཱ ཙ, ‘‘ཡཏྠ ཀུསལཱ དྷམྨཱ ནུཔྤཛྫནྟི, ཏཏྠ ཨཀུསལཱ དྷམྨཱ ནུཔྤཛྫནྟཱིཏི? ཨཱམནྟཱ…པེ… ཏཏྠ ཨབྱཱཀཏཱ དྷམྨཱ ནུཔྤཛྫནྟཱིཏི? ཨུཔྤཛྫནྟི. ཡཏྠ ཝཱ པན ཨབྱཱཀཏཱ དྷམྨཱ ནུཔྤཛྫནྟི, ཏཏྠ ཨཀུསལཱ དྷམྨཱ ནུཔྤཛྫནྟཱིཏི? ནཏྠཱི’’ཏིཨཱདིནཱ ཙ ཨུཔྤཱདཝཱརེ,

‘‘ཡསྶ ཀུསལཱ དྷམྨཱ ནིརུཛ྄ཛྷནྟི, ཏསྶ ཨཀུསལཱ དྷམྨཱ ནིརུཛ྄ཛྷནྟཱིཏི? ནོ’’ཏིཨཱདིནཱ ནིརོདྷཝཱརེ ཙ,

‘‘ཡསྶ ཀུསལཱ དྷམྨཱ ཨུཔྤཛྫནྟི, ཏསྶ ཨཀུསལཱ དྷམྨཱ ནིརུཛ྄ཛྷནྟཱིཏི? ནོ’’ཏིཨཱདིནཱ ཨུཔྤཱདནིརོདྷཝཱརེ ཙ,

‘‘ཡོ ཀུསལཾ དྷམྨཾ བྷཱཝེཏི, སོ ཨཀུསལཾ དྷམྨཾ པཛཧིཏྠཱཏི? ནོ…པེ… ཡོ ཀུསལཾ དྷམྨཾ ¶ ན བྷཱཝེཏི, སོ ཨཀུསལཾ དྷམྨཾ ནཔྤཛཧིཏྠཱཏི? ཨགྒམགྒསམངྒིཉྩ ཨརཧནྟཉྩ ཋཔེཏྭཱ ཨཝསེསཱ པུགྒལཱ’’ཏིཨཱདིནཱ བྷཱཝནཱཝཱརེ ཙ པུཙྪཱཝིསྶཛྫནནཡོ ཧེཊྛཱ ཝུཏྟཱནུསཱརེན ཉཱཏབྦོ.

ཨཏྠཝིནིཙྪཡེ པནེཏྠ ཨིདཾ ལཀྑཎཾ. ཨིམསྶ ཧི དྷམྨཡམཀསྶ པཝཏྟིམཧཱཝཱརེ ཨུཔྤཛྫནྟི ནིརུཛ྄ཛྷནྟཱིཏི ཨིམེསུ ཨུཔྤཱདནིརོདྷེསུ ཀུསལཱཀུསལདྷམྨཱ ཏཱཝ ཨེཀནྟེན པཝཏྟིཡཾཡེཝ ལབྦྷནྟི, ན ཙུཏིཔཊིསནྡྷཱིསུ, ཨབྱཱཀཏདྷམྨཱ པན པཝཏྟེ ¶ ཙ ཙུཏིཔཊིསནྡྷཱིསུ ཙཱཏི ཏཱིསུཔི ཀཱལེསུ ལབྦྷནྟི, ཨེཝམེཏྠ ཡཾ ཡཏྠ ཡཏྠ ལབྦྷཏི, ཏསྶ ཝསེན ཏཏྠ ཏཏྠ ཝིནིཙྪཡོ ཝེདིཏབྦོ.

ཏཏྲིདཾ ནཡམུཁཾ – ཀུསལཱཀུསལཱནཾ ཏཱཝ ཨེཀཀྑཎེ ཨནུཔྤཛྫནཏོ ‘‘ནོ’’ཏི པཊིསེདྷོ ཀཏོ. ཨབྱཱཀཏཱ ཙཱཏི ཨིདཾ ཙིཏྟསམུཊྛཱནརཱུཔཾ སནྡྷཱཡ ཝུཏྟཾ. ཡཏྠ ཀུསལཱ དྷམྨཱ ནུཔྤཛྫནྟཱིཏི ཨསཉྙབྷཝཾ སནྡྷཱཡ ཝུཏྟཾ, ཨབྱཱཀཏཱནཾ དྷམྨཱནཾ ཨནུཔྤཏྟིཊྛཱནསྶཱབྷཱཝཱ ‘‘ནཏྠཱི’’ཏི པཊིཀྑེཔོ ཀཏོ, ནིརོདྷཝཱརེ ཀུསལཱཀུསལཱནཾ ཨེཀཏོ ཨནིརུཛ྄ཛྷནཏོ ‘‘ནོ’’ཏི ཝུཏྟནྟི ཨིམིནཱཝ ནཡམུཁེན སབྦཏྠ ཝིནིཙྪཡོ ཝེདིཏབྦོ. ཨཡཾ དྷམྨཡམཀམཱཏིཀཏྠསཾཝཎྞནཱནཡོ.

ཨིནྡྲིཡཡམཀམཱཏིཀཏྠཝཎྞནཱ

ཨིནྡྲིཡཡམཀམཱཏིཀཱཡཾ པན ཁནྡྷཡམཀམཱཏིཀཱདཱིསུ ཝུཏྟནཡེནེཝ པཱལི༹ཝཝཏྠཱནཱདིཀོ སབྦོ ཨཏྠསཾཝཎྞནཱནཡོ ཝེདིཏབྦོ. མནིནྡྲིཡཾ པནེཏྠ ཡཐཱ ཙཀྑུནྡྲིཡཱདིམཱུལཀེཧི, ཏཐེཝ ཨིཏྠིནྡྲིཡཱདིམཱུལཀེཧི སདྡྷིཾ སམྤཡོགཾ གཙྪཏི, ཏསྨཱ ནིཀྑིཏྟཔཊིཔཱཊིཡཱ ཨཡོཛེཏྭཱ སབྦེཧིཔི ཙཀྑུནྡྲིཡམཱུལཱདཱིཧི སདྡྷིཾ པརིཡོསཱནེ ཡོཛིཏཾ, ཙཀྑུནྡྲིཡེན ཙ སདྡྷིཾ སུཁིནྡྲིཡདུཀྑིནྡྲིཡདོམནསྶིནྡྲིཡཱནི, ལོཀུཏྟརིནྡྲིཡཱནི ཙ པཊིསནྡྷིཡཾ ནཏྠཱིཏི ན གཧིཏཱནི. ཡཐཱ ཙེཏྠ, ཨེཝཾ སེསིནྡྲིཡམཱུལཀེསུཔི ཡཐཱནུརཱུཔཾ ཉཱཏབྦཾ. ཨིནྡྲིཡཱནཾ པན བཧུཀཏཱཡ དྷཱཏུཡམཀཏོཔི བཧུཏརཱནི ཡམཀཱནི ཧོནྟི ཨཡཾ ཝིསེསོ, སེསཾ ཧེཊྛཱ ཝུཏྟཱནུསཱརེན ཉཱཏབྦནྟི. ཨཡཾ ཨིནྡྲིཡཡམཀམཱཏིཀཏྠསཾཝཎྞནཱནཡོ.

མོཧཝིཙྪེདནིཡཱ ཨབྷིདྷམྨམཱཏིཀཏྠཝཎྞནཱཡ

ཡམཀམཱཏིཀཏྠཝཎྞནཱ ནིཊྛིཏཱ.

༧. པཊྛཱནམཱཏིཀཏྠཝཎྞནཱ

ཨིདཱནི ¶ ¶ པཊྛཱནམཱཏིཀཱཡ ཨཏྠསཾཝཎྞནཱནཡོ ཧོཏི. ཀེནཊྛེན པཊྛཱནནྟི? ནཱནཔྤཀཱརཔཙྩཡཊྛེན. པ-སདྡོ ཧི ནཱནཔྤཀཱརཏྠཾ དཱིཔེཏི, ཋཱན-སདྡོ པཙྩཡཏྠཾ. ཨཐ ཝཱ ཝིབྷཛནཊྛེན པཊྛཱནཾ. ཡཐཱ ཧི པཉྙཱཔནཱ པཊྛཔནཱ ཝིཝརཎཱ ཝིབྷཛནཱ ཨུཏྟཱནཱིཀམྨནྟི ཨཱགཏཊྛཱནེ ཝིབྷཛནཊྛོ པཊྛཱནསདྡསམཱནཏྠོ པཊྛཔནཱ-སདྡོ དིསྶཏི, ཨེཝམིདྷཱཔི ཀུསལཱདཱིནཾ དྷམྨཱནཾ ཧེཏུཔཙྩཡཱདཱིཧི ཝིབྷཛནཏོ ཝིབྷཛནཊྛེན པཊྛཱནཾ ནཱམ. ཨཐ ཝཱ པཊྛིཏཊྛེན པཊྛཱནཾ, གམནཊྛེནཱཏི ཨཏྠོ. སབྦདྷམྨེསུ ཧི ཨསངྒགམནསྶ སབྦཉྙུཏཉྙཱཎསྶ ཧེཏུཔཙྩཡཱདིབྷེདབྷིནྣེསུ ཀུསལཱདཱིསུ ཝིཏྠཱརིཏནཡལཱབྷཏོ ནིསྶངྒཝསེན པཝཏྟགམནཏྟཱ གམནཊྛེན པཊྛཱནཾ ནཱམ, ཨིཏི ནཱནཔྤཀཱརཔཙྩཡཊྛེན, ཝིབྷཛནཊྛེན, གམནཊྛེན ཙ ཏིཀཔཊྛཱནཱདཱིསུ ཙཏུཝཱིསཏིཡཱ པཊྛཱནེསུ ཨེཀེཀམྤི པཊྛཱནཾ ནཱམ, ཏེསཾ པན སམཱུཧཏོ པཀརཎཾ པཊྛཱནཾ ནཱམ, ཏེསཾ པཊྛཱནཱནཾ མཱཏིཀཱ. སཡམྤི ཝཱ པཊྛཱནབྷཱུཏཱ མཱཏིཀཱ, སབྦམྤེཏཾ པཊྛཱནམཱཏིཀཱ. ཡཱ སཱ ‘‘ཧེཏུཔཙྩཡོ, ཨཱརམྨཎཔཙྩཡོ…པེ… ཨཝིགཏཔཙྩཡོ’’ཏི ཨེཝཾ ཏིཀཔཊྛཱནཱདིཙཏུཝཱིསཏིཔྤབྷེདསམནྟཔཊྛཱནདེསནཱཡ མཱུལབྷཱུཏཔཙྩཡབྷེདསྶ ཝསེན བྷགཝཏཱ པཀརཎསྶ ཨཱདིམྷི ཋཔིཏཱ, ཨཡཾ ཨིདྷ པཊྛཱནམཱཏིཀཱ ནཱམ.

ཏཏྠ ཨནུཏྟཱནཏྠཱདིསཧིཏོ སངྑེཔཏྠཝིནིཙྪཡོ ཏཱཝ ཨེཝཾ ཝེདིཏབྦོ – ཧེཏུཔཙྩཡོཏིཨཱདཱིསུ ཧི ཧེཏུ ཙ སོ པཙྩཡོ ཙཱཏི ཧེཏུཔཙྩཡོ, ཧེཏུ ཧུཏྭཱ པཙྩཡོ ཧེཏུཔཙྩཡོ, ཧེཏུབྷཱཝེན པཙྩཡོཏི ཝུཏྟཾ ཧོཏི. ཏཏྠ ཧེཏཱུཏི ཝཙནཱཝཡཝཀཱརཎམཱུལཱནམེཏཾ ཨདྷིཝཙནཾ. ‘‘པཊིཉྙཱཧེཏཱུ’’ཏིཨཱདཱིསུ ཧི ལོཀེ ཝཙནཱཝཡཝོ ‘‘ཧེཏཱུ’’ཏི ཝུཙྩཏི, སཱསནེ པན ‘‘ཡེ དྷམྨཱ ཧེཏུཔྤབྷཝཱ’’ཏིཨཱདཱིསུ ¶ (མཧཱཝ. ༦༠; ཨཔ. ཐེར ༡.༡.༢༨༦) ཀཱརཎཾ, ‘‘ཏཡོ ཀུསལཱ ཧེཏཱུ, ཏཡོ ཨཀུསལཱ ཧེཏཱུ’’ཏིཨཱདཱིསུ (དྷ. ས. ༡༠༥༩) མཱུལཾ, ཨིདཾ ཨིདྷ ཨདྷིཔྤེཏཾ ¶ , ཏཾ པཊིཙྩ ཨེཏསྨཱ ཨེཏཱིཏི པཙྩཡོ, ཨཔཙྩཀྑཱཡ ནཾ ཝཏྟཏཱིཏི ཨཏྠོ. ཡོ ཧི དྷམྨོ ཡཾ དྷམྨཾ པཊིཙྩ ཨཔཙྩཀྑཱཡ ཏིཊྛཏི ཝཱ ཨུཔྤཛྫཏི ཝཱ, སོ ཏསྶ ཨུཔཀཱརཀལཀྑཎེན པཙྩཡོ ནཱམ. ཨིཏི མཱུལཊྛེན ཧེཏུ, ཨུཔཀཱརཀཊྛེན པཙྩཡོཏི སངྑེཔཏོ མཱུལཊྛེན ཨུཔཀཱརཀོ དྷམྨོ ཧེཏུཔཙྩཡོ, ཀུསལཱདཱིནཾ ཀུསལཱདིབྷཱཝསཱདྷཀོཏི ཀེཙི, ཨེཝཾ སནྟེ པན ཏཾསམུཊྛཱནརཱུཔེསུ ཧེཏུཔཙྩཡཏཱ ན སམྤཛྫཏི, ཨཧེཏུཀཙིཏྟཱནཉྩ ཝིནཱ ཨེཏེཧི ཨབྱཱཀཏབྷཱཝོ སིདྡྷོ, སཧེཏུཀཱནམྤི ཙ ཡོནིསོམནསིཀཱརཱདིཔཊིབདྡྷོ ཀུསལཱདིབྷཱཝོ, ན སམྤཡུཏྟཧེཏུཔཊིབདྡྷོ. ཡདི ཙ སིཡཱ, ཧེཏཱུསུཔི ཀུསལཱདིབྷཱཝསཱདྷཀེན ཨཉྙེན བྷཝིཏབྦཾ, ཀུསལཱདིབྷཱཝསཱདྷནཝསེན པན ཧེཏཱུནཾ མཱུལཊྛཾ ཨགྒཧེཏྭཱ སུཔྤཏིཊྛིཏབྷཱཝསཱདྷནཝསེན གཡ྄ཧམཱནེ ན ཀིཉྩི ཝིརུཛ྄ཛྷཏི. ལདྡྷཧེཏུཔཙྩཡཱ ཧི དྷམྨཱ ཝིརུལ༹ྷམཱུལཱ ཝིཡ པཱདཔཱ ཐིརཱ ཧོནྟི སུཔྤཏིཊྛིཏཱ, ཨིཏརེ པན ཏིལབཱིཛཀཱདིསེཝཱལཱ ཝིཡ ན སུཔྤཏིཊྛིཏཱ, ཨིཏི མཱུལཊྛེན ཨུཔཀཱརཀོཏི སུཔྤཏིཊྛིཏབྷཱཝསཱདྷནེན ཨུཔཀཱརཀོ དྷམྨོ ཧེཏུཔཙྩཡོཏི ཝེདིཏབྦོ.

ནིདྡེསེ ‘‘ཧེཏཱུ ཧེཏུསམྤཡུཏྟཀཱནཾ དྷམྨཱནཾ ཏཾསམུཊྛཱནཱནཉྩ རཱུཔཱནཾ ཧེཏུཔཙྩཡེན པཙྩཡོ’’ཏི ཝུཏྟཾ, ཏཏྠ ‘‘ཙིཏྟསམུཊྛཱནཱན’’ནྟི ཨཝཏྭཱ ‘‘ཏཾསམུཊྛཱནཱན’’ནྟི ཨིདཾ ཨཙིཏྟསམུཊྛཱནཱནམྤི སངྒཎྷནཏྠཾ. པཉྷཱཝཱརསྨིཾ ཧི ‘‘པཊིསནྡྷིཀྑཎེ ཝིཔཱཀཱབྱཱཀཏཱ ཧེཏཱུ སམྤཡུཏྟཀཱནཾ ཁནྡྷཱནཾ ཀཊཏྟཱ ཙ རཱུཔཱནཾ ཧེཏུཔཙྩཡེན པཙྩཡོ’’ཏི ཨཱགཏཾ, ཀསྨཱ པནཱཡཾ ཧེཏུ པཊིསནྡྷིཡམེཝ ཀཊཏྟཱརཱུཔཱནཾ ཧེཏུཔཙྩཡེན པཙྩཡོ ཧོཏི ¶ , ན པཝཏྟེཏི? པཊིསནྡྷིཡཾ ཀམྨཛརཱུཔཱནཾ ཙིཏྟཔཊིབདྡྷཝུཏྟིཏཱཡ, བྷཝཔཋམནིཔཱཏཏོ ཙིཏྟཛཱཏི. ཨིཏརརཱུཔསནྟཏིཨུཔྤཏྠམྦྷཱབྷཱཝེན ཨེཝ དུབྦལཝཏྠུཾ ཙིཏྟམེཝ ནིསྶཱཡ ཨུཔྤཛྫཏི ཙེཝ ཏིཊྛཏི ཙ. ཏཾ ཙིཏྟམྤི ཧི པཊིསནྡྷིཀྑཎེ ཀམྨཝེགཀྑིཏྟཏཱཡ ཙེཝ ཨཔུརེཛཱཏཝཏྠུཀཏཱཡ ཙ ཨཔྤཏིཊྛིཏཾ, པཔཱཏེ པཏིཏམཏྟཀོ པུརིསོ ན ཀིཉྩི སིཔྤཾ ཀཱཏུཾ ཝིཡ ཙིཏྟཛརཱུཔཾ ཛནེཏུཾ ན སཀྐོཏི, ཏམེཝ ཀཊཏྟཱརཱུཔཾ ནིསྶཱཡ པཏིཊྛཱཏི. པཊིསནྡྷིཙིཏྟཱནི ཧི རཱུཔཾ ན ཛནེནྟི, ཀམྨཛརཱུཔམེཝ པན ཏེསཾ ཙིཏྟསམུཊྛཱནརཱུཔཊྛཱནེ ཏིཊྛཏི, པཝཏྟིཡཾ པན པཊིལདྡྷུཔཏྠམྦྷཏཱཡ ཏཾ རཱུཔཾ ཝིནཱཔི ཀམྨཔཊིབདྡྷཱཝ པཝཏྟི, ཧེཏུཔཙྩཡསྶ པནེཏྠ ཀུསལཱདིབྷེདཏོ, བྷཱུམིབྷེདཏོ ཙ ཝིབྷཱགོ ཧེཊྛཱ ཝུཏྟནཡེནེཝ ཝེདིཏབྦོཏི ཨཡཾ ཧེཏུཔཙྩཡེ ནཡོ.

ཏཏོ པརེསུ ཨཱརམྨཎབྷཱཝེན ཨུཔཀཱརཀོ དྷམྨོ ཨཱརམྨཎཔཙྩཡོ, སོ ནིདྡེསེ ‘‘རཱུཔཱཡཏནཾ ཙཀྑུཝིཉྙཱཎདྷཱཏུཡཱ…པེ… ཕོཊྛབྦཱཡཏནཾ ཀཱཡཝིཉྙཱཎདྷཱཏུཡཱ ཏཾསམྤཡུཏྟཀཱནཉྩ ¶ དྷམྨཱནཾ…པེ… རཱུཔཱཡཏནཾ སདྡགནྡྷརསཕོཊྛབྦཱཡཏནཾ མནོདྷཱཏུཡཱ…པེ… སབྦེ དྷམྨཱ མནོཝིཉྙཱཎདྷཱཏུཡཱ…པེ… ཡཾ ཡཾ དྷམྨཾ ཨཱརབྦྷ ཡེ ཡེ དྷམྨཱ ཨུཔྤཛྫནྟི ཙིཏྟཙེཏསིཀཱ དྷམྨཱ, ཏེ ཏེ དྷམྨཱ ཏེསཾ ཏེསཾ དྷམྨཱནཾ ཨཱརམྨཎཔཙྩཡེན པཙྩཡོ’’ཏི ཨེཝཾ ནིདྡིཊྛཏྟཱ ན ཀོཙི དྷམྨོ ན ཧོཏི. ཡཐཱ ཧི དུབྦལཔུརིསོ དཎྜཾ ཝཱ རཛྫུཾ ཝཱ ཨཱལམྦིཏྭཱ ཨུཊྛཧཏི ཙེཝ ཏིཊྛཏི ཙ, ཨེཝཾ ཙིཏྟཙེཏསིཀཱ དྷམྨཱ རཱུཔཱདཱིསུ ཚསུ ཡཾ ཀིཉྩི ཨཱལམྦིཏྭཱ ཨུཔྤཛྫནྟི ཙེཝ ཏིཊྛནྟི ཙ, ཏསྨཱ ལོཀིཡལོཀུཏྟརཱདིབྷེདཱ སབྦེཔི དྷམྨཱ ཡཐཱཡོགཾ ཙིཏྟཙེཏསིཀཱནཾ ཨཱརམྨཎཔཙྩཡོཏི ཝེདིཏབྦོཏི ཨཡཾ ཨཱརམྨཎཔཙྩཡེ ནཡོ.

ཛེཊྛཀཊྛེན ཨུཔཀཱརཀོ དྷམྨོ ཨདྷིཔཏིཔཙྩཡོ, སོ ནིདྡེསེ ‘‘ཚནྡཱདྷིཔཏི ཚནྡསམྤཡུཏྟཀཱནཾ དྷམྨཱནཾ ཏཾསམུཊྛཱནཱནཉྩ ¶ རཱུཔཱནཾ…པེ… ཝཱིརིཡཙིཏྟཝཱིམཾསཱདྷིཔཏི…པེ… ཨདྷིཔཏིཔཙྩཡེན པཙྩཡོ, ཡཾ ཡཾ དྷམྨཾ གརུཾ ཀཏྭཱ ཡེ ཡེ དྷམྨཱ ཨུཔྤཛྫནྟི ཙིཏྟཙེཏསིཀཱ དྷམྨཱ, ཏེ ཏེ དྷམྨཱ ཏེསཾ ཏེསཾ དྷམྨཱནཾ ཨདྷིཔཏིཔཙྩཡེན པཙྩཡོ’’ཏི ཨེཝཾ དྭིདྷཱ ནིདྡིཊྛོ. ཏཏྠ ཚནྡཱདཡོ སཧཛཱཏཱདྷིཔཏིབྷཱཝེན ཝུཏྟཱ, གརུཀཱཏབྦཾ ཨཱརམྨཎཱདྷིཔཏིབྷཱཝེན. ཏཏྠ ཙ ལོཀིཡཀུསལབྷཱུཏོ ཨཱརམྨཎཱདྷིཔཏི ལོཀིཡཀུསལཱནཉྩེཝ ལོབྷསཧགཏཙིཏྟཱནཉྩ ཨཱརམྨཎཱདྷིཔཏི ཧོཏི, ནཱཉྙསྶ, ཨཀུསལབྷཱུཏོ པན ལོབྷསཧགཏཙིཏྟུཔྤཱདོཏི ཝུཙྩཏི ཨིཏརེསུ གརུཀཱཏབྦཏཱཡ ཨབྷཱཝཏོ, སོ དྭིཧེཏུཀཱཧེཏུཀཱདིལོཀིཡཝིཔཱཀརཱུཔཀྑནྡྷབྷཱུཏོ ཙ ལོབྷསཧགཏསྶེཝ, ནཱཉྙསྶ, ཏཐཱ ཀིརིཡབྷཱུཏོཔཱིཏི ཨཊྛཀཐཱཡཾ ཨཱགཏཾ, ཏཾ ཉཱཎསམྤཡུཏྟཀིརིཡཱནཾ སབྦཉྙུཏཉྙཱཎཱབྷིཉྙཱདིཔུབྦཝསཔྤཝཏྟཱནཾ ཀཱམཱཝཙརཀུསལེཧི གརུཀཱཏབྦབྷཱཝསྶཱཝིརོདྷབྷཱཝསྶ དསྶནཏོ ཝཱིམཾསིཏབྦཾ. ལོཀུཏྟརཀུསལཱནི པན ཀཱམཱཝཙརཉཱཎསམྤཡུཏྟཛཝནཱནམེཝ ཨཱརམྨཎཱདྷིཔཏིཔཙྩཡཱ ཧོནྟི, ནིབྦཱནཾ པན ཏེསཉྙེཝ ལོཀུཏྟརཀུསལཝིཔཱཀཱནཉྩཱཏི ཝེདིཏབྦནྟི ཨཡཾ ཨདྷིཔཏིཔཙྩཡེ ནཡོ.

ཨནནྟརབྷཱཝེན ཨུཔཀཱརཀོ དྷམྨོ ཨནནྟརཔཙྩཡོ, སོཝ སམནནྟརཔཙྩཡོ, བྱཉྫནམཏྟམེཝ ནཱནཾ ‘‘ཨུཔཙཡསནྟཏཱི’’ཏིཨཱདཱིསུ ཝིཡ. ཡམྤི ‘‘ཨཏྠཱནནྟརཏཱཡ ཨནནྟརཔཙྩཡོ, ཀཱལཱནནྟརཏཱཡ སམནནྟརཔཙྩཡོ’’ཏི ཨཱཙརིཡཱནཾ མཏཾ, ཏཾ ‘‘ནིརོདྷཱ ཝུཊྛཧནྟསྶ ནེཝསཉྙཱནཱསཉྙཱཡཏནཀུསལཾ ཕལསམཱཔཏྟིཡཱ སམནནྟརཔཙྩཡེན པཙྩཡོ’’ཏིཨཱདཱིཧི ཝིརུཛ྄ཛྷཏི, ཏཾནིདྡེསེ ‘‘ཙཀྑུཝིཉྙཱཎདྷཱཏུ ཏཾསམྤཡུཏྟཀཱ ཙ དྷམྨཱ མནོདྷཱཏུཡཱ…པེ… ཀཱཡཝིཉྙཱཎདྷཱཏུ…པེ… མནོདྷཱཏུ…པེ… མནོཝིཉྙཱཎདྷཱཏུཡཱ…པེ… པུརིམཱ པུརིམཱ ཀུསལཱ ¶ དྷམྨཱ པཙྪིམཱནཾ པཙྪིམཱནཾ ¶ ཀུསལཱནཾ དྷམྨཱནཾ…པེ… ཨབྱཱཀཏཱནཾ དྷམྨཱནཾ…པེ… པུརིམཱ པུརིམཱ ཨཀུསལཱ དྷམྨཱ པཙྪིམཱནཾ པཙྪིམཱནཾ ཨཀུསལཱནཾ…པེ… ཨབྱཱཀཏཱནཾ…པེ… ཡེསཾ ཡེསཾ དྷམྨཱནཾ ཨནནྟརཱ ཡེ ཡེ དྷམྨཱ ཨུཔྤཛྫནྟི ཙིཏྟཙེཏསིཀཱ དྷམྨཱ, ཏེ ཏེ དྷམྨཱ ཏེསཾ ཏེསཾ དྷམྨཱནཾ ཨནནྟརཔཙྩཡེན པཙྩཡོ’’ཏི ཨིམིནཱ ཨནནྟརཔཙྩཡནིདྡེསསམཀོ ཨེཝ སམནནྟརཔཙྩཡོ ནིདྡིཊྛོ ཨཉྙཏྲ ནཱམནཱནཱཏྟཱཏི ཨཡཾ ཨནནྟརསམནནྟརཔཙྩཡདྭཡེ ནཡོ.

ཨུཔྤཛྫམཱནོཝ སཧ ཨུཔྤཛྫམཱནབྷཱཝེན ཨུཔཀཱརཀོ དྷམྨོ སཧཛཱཏཔཙྩཡོ, སོ ནིདྡེསེ ‘‘ཙཏྟཱརོ ཁནྡྷཱ ཨརཱུཔིནོ ཨཉྙམཉྙཾ སཧཛཱཏཔཙྩཡེན པཙྩཡོ, ཙཏྟཱརོ མཧཱབྷཱུཏཱ ཨཉྙམཉྙཾ…པེ… ཨོཀྐནྟིཀྑཎེ ནཱམརཱུཔཾ ཨཉྙམཉྙཾ…པེ… ཙིཏྟཙེཏསིཀཱ དྷམྨཱ ཙིཏྟསམུཊྛཱནཱནཾ རཱུཔཱནཾ…པེ… མཧཱབྷཱུཏཱ ཨུཔཱདཱརཱུཔཱནཾ…པེ… རཱུཔིནོ དྷམྨཱ ཨརཱུཔཱིནཾ དྷམྨཱནཾ ཀིཉྩིཀཱལེ སཧཛཱཏཔཙྩཡེན པཙྩཡོ, ཀིཉྩིཀཱལེ ནསཧཛཱཏཔཙྩཡེན པཙྩཡོ’’ཏི ཨེཝཾ ཚབྦིདྷོ ནིདྡིཊྛོ. ཏཏྠ ཨཉྙམཉྙནྟི ཨིམིནཱ ཏེསཾ དྷམྨཱནཾ ཨེཀཀྑཎེ པཙྩཡབྷཱཝཉྩེཝ པཙྩཡུཔྤནྣབྷཱཝཉྩ དཱིཔེཏི, པཊིསནྡྷིཀྑཎེ ཝཏྠུརཱུཔཾ རཱུཔཾ ནཱམ. ཙིཏྟཙེཏསིཀཱཏི པཝཏྟིཡཾ ཙཏྟཱརོ ཁནྡྷཱ, པཊིསནྡྷིཡམྤཱིཏི ཀེཙི ཏཏྠ ཀཊཏྟཱརཱུཔཱནམྤི ཙིཏྟསམུཊྛཱནེ པཝིཊྛཏྟཱ. ཏེསཾ ཧི པཊིསནྡྷིཙིཏྟཙེཏསིཀཱ སཧཛཱཏཔཙྩཡཱ ཧོནྟིཡེཝ, ཏཱནི པན ཝཏྠུཝིརཧིཏཱནི རཱུཔཱནི པཝཏྟིཡཾ ཙིཏྟསམུཊྛཱནཱནཾ ཝིཡ ཙིཏྟཙེཏསིཀཱནཾ པཙྩཡཏྠཾ ན ཕརནྟི, ཏསྨཱ ‘‘ཨཉྙམཉྙ’’ནྟི ན ཝུཏྟཾ, ཏཐཱ བྷཱུཏཱནཾ ཨུཔཱདཱརཱུཔཾ. ཨེཝཾ ཧི ཨགཡ྄ཧམཱནེ པཊིསནྡྷིཡཾ ཀཊཏྟཱརཱུཔཱནཾ སཧཛཱཏཱ ནཱམ ནིསྶཡཏཱ ན ཝུཏྟཱཏི སཧཛཱཏཔཙྩཡནིདྡེསོ ཨཔརིཔུཎྞོ ཨེཝ སིཡཱ. ཀིཉྩིཀཱལེཏི ཨིདམྤི ཨོཀྐནྟིཀྑཎེ ཧདཡཝཏྠུམེཝ སནྡྷཱཡ ཝུཏྟཏྟཱ ཏཏིཡཀོཊྛཱསམེཝ བྷཛཏཱིཏི ཨཏྠཏོ ཨཡཾ པཙྩཡོ པཉྩཝིདྷོཏི ཨཡཾ སཧཛཱཏཔཙྩཡེ ནཡོ.

ཨཉྙམཉྙཾ ¶ ཨུཔྤཱདནུཔཏྠམྦྷནབྷཱཝེན ཨུཔཀཱརཀོ དྷམྨོ ཨཉྙམཉྙཔཙྩཡོ ཏིདཎྜཀཾ ཝིཡ. སོ ནིདྡེསེ ‘‘ཙཏྟཱརོ ཁནྡྷཱ ཨརཱུཔིནོ ཨཉྙམཉྙཔཙྩཡེན པཙྩཡོ, ཙཏྟཱརོ མཧཱབྷཱུཏཱ…པེ… ཨོཀྐནྟིཀྑཎེ ནཱམརཱུཔཾ ཨཉྙམཉྙཔཙྩཡེན པཙྩཡོ’’ཏི ཨེཝཾ ཏིདྷཱ ནིདྡིཊྛོཏི ཨཡཾ ཨཉྙམཉྙཔཙྩཡེ ནཡོ.

ཨདྷིཊྛཱནཱཀཱརེན, ནིསྶཡཱཀཱརེན ཙ ཨུཔཀཱརཀོ དྷམྨོ ནིསྶཡཔཙྩཡོ ཏརུཙིཏྟཀམྨཱདཱིནཾ པཐཝཱིཔཊཱདཡོ ཝིཡ, སོ ནིདྡེསེ སཧཛཱཏཔཙྩཡེ ཝིཡ ཚདྷཱཝ ནིདྡིཊྛོ. ཚཊྛོ པནེཏྠ ཀོཊྛཱསོ ‘‘ཙཀྑཱཡཏནཾ ¶ ཙཀྑུཝིཉྙཱཎདྷཱཏུཡཱ, སོཏགྷཱནཛིཝ྄ཧཱཀཱཡཱཡཏནཾ ཀཱཡཝིཉྙཱཎདྷཱཏུཡཱ…པེ… ཡཾ རཱུཔཾ ནིསྶཱཡ མནོདྷཱཏུ ཙ མནོཝིཉྙཱཎདྷཱཏུ ཙ ཝཏྟནྟི, ཏཾ རཱུཔཾ མནོདྷཱཏུཡཱ ཙ མནོཝིཉྙཱཎདྷཱཏུཡཱ ཙ ཏཾསམྤཡུཏྟཀཱནཉྩ དྷམྨཱནཾ ནིསྶཡཔཙྩཡེན པཙྩཡོ’’ཏི ཨེཝཾ པུརེཛཱཏནིསྶཡདསྶནཝསེན ཝིབྷཏྟོ, སེསཾ ཏཱདིསམེཝ. ཏཏྠ རཱུཔནྟི ཧདཡཝཏྠུ.

ཨུཔནིསྶཡཔཙྩཡོཏི ཨེཏྠ པནཱཡཾ ཝཙནཏྠོ – ཏདདྷཱིནཝུཏྟིཏཱཡ ཨཏྟནོ ཕལེན ནིསྶིཏོ, ནཔྤཊིཀྑིཏྟོཏི ནིསྶཡོ, ཡཐཱ པན བྷུསོ ཨཱཡཱསོ ཨུཔཱཡཱསོ, ཨེཝཾ བྷུསོ ནིསྶཡོ ཨུཔནིསྶཡོ, བལཝཀཱརཎསྶེཏཾ ཨདྷིཝཙནཾ, ཏསྨཱ བལཝཀཱརཎབྷཱཝེན ཨུཔཀཱརཀོ དྷམྨོ ཨུཔནིསྶཡཔཙྩཡོཏི ཝེདིཏབྦོ. སོ ཨཱརམྨཎཱུཔནིསྶཡོ ཨནནྟརཱུཔནིསྶཡོ པཀཏཱུཔནིསྶཡོཏི ཏིཝིདྷོ ཧོཏི. ཏཏྠ ཨཱརམྨཎཱུཔནིསྶཡོ ཏཱཝ ཨཱརམྨཎཱདྷིཔཏིནཱ སདྡྷིཾ ནཱནཏྟཾ ཨཀཏྭཱ ཝིབྷཏྟོ. ཏཏྠ ཡཾ ཨཱརམྨཎཾ གརུཾ ཀཏྭཱ ཙིཏྟཙེཏསིཀཱ ཨུཔྤཛྫནྟི, ཏཾ ནིཡམཏོ ཏེསཾ ཨཱརམྨཎེསུ བལཝཱརམྨཎཾ ཧོཏི, ཨིཏི གརུཀཱཏབྦམཏྟཊྛེན ཨཱརམྨཎཱདྷིཔཏི, བལཝཀཱརཎཊྛེན ཨཱརམྨཎཱུཔནིསྶཡོཏི ཨེཝམེཏེསཾ ནཱནཏྟཾ ཝེདིཏབྦཾ.

ཨནནྟརཱུཔནིསྶཡོཔི ¶ ཨནནྟརཔཙྩཡེན ནཱནཏྟཾ ཨཀཏྭཱཝ ཝིབྷཏྟོ, ཨེཝཾ སནྟེཔི ཨཏྟནོ ཨཏྟནོ ཨནནྟརཾ ཨནུརཱུཔསྶ ཙིཏྟུཔྤཱདསྶ པཝཏྟནསམཏྠཏཱཡ ཨནནྟརཏཱ, པུརིམཙིཏྟསྶ པཙྪིམཙིཏྟུཔྤཱདནེ བལཝཏཱཡ ཨནནྟརཱུཔནིསྶཡཏཱ ཙ ཝེདིཏབྦཱ. ཡཐཱ ཧི ཧེཏུཔཙྩཡཱདཱིསུ ཀཉྩི དྷམྨཾ ཝིནཱཔི ཙིཏྟཾ ཨུཔྤཛྫཏི, ན ཨེཝཾ ཨནནྟརཙིཏྟཾ ཝིནཱ ཙིཏྟསྶ ཨུཔྤཏྟི ནཱམ ཨཏྠི, ཏསྨཱ བལཝཔཙྩཡོ ཧོཏི, ཨིཏི བལཝཀཱརཎཊྛེན ཨནནྟརོཝ ཨནནྟརཱུཔནིསྶཡོཏི ཨེཝམེཏེསཾ ནཱནཏྟཾ ཝེདིཏབྦཾ.

པཀཏོ ཨུཔནིསྶཡོ པཀཏཱུཔནིསྶཡོ, པཀཏོ ནཱམ ཨཏྟནོ སནྟཱནེ ཨུཔྤཱདིཏོ ཝཱ སདྡྷཱསཱིལཱདིཨུཔསེཝིཏོ ཝཱ ཨུཏུབྷོཛནཱདིཔཀཏིཡཱཡེཝ ཝཱ ཨུཔནིསྶཡོ པཀཏཱུཔནིསྶཡོ, ཨིཏི པརཱུཔནིསྶཡེན ཨམིསྶོཏི ཨཏྠོ. སོ ཙ པཀཏཱུཔནིསྶཡོ ‘‘སདྡྷཾ ཨུཔནིསྶཱཡ དཱནཾ དེཏི, སཱིལཾ སམཱདིཡཏི, ཨུཔོསཐཀམྨཾ ཀརོཏི, ཛྷཱནཾ ཨུཔྤཱདེཏི; ཝིཔསྶནཾ, མགྒཾ, ཨབྷིཉྙཾ, སམཱཔཏྟིཾ ཨུཔྤཱདེཏི; སཱིལཾ, སུཏཾ, ཙཱགཾ, པཉྙཾ ཨུཔནིསྶཱཡ དཱནཾ དེཏི…པེ… སམཱཔཏྟིཾ ཨུཔྤཱདེཏཱི’’ཏིཨཱདིནཱ ཨིམེསཾ སདྡྷཱདཱིནཾ ཝསེན བཧུདྷཱ ཝིབྷཏྟོ, ཨེཝཾ ཨུཔནིསྶཡཔཙྩཡོ ཏིཝིདྷོ. ནིདྡེསེ པནཱཡཾ ‘‘པུརིམཱ པུརིམཱ ཀུསལཱ དྷམྨཱ པཙྪིམཱནཾ པཙྪིམཱནཾ ཀུསལཱནཾ དྷམྨཱནཾ ¶ …པེ… ཨཀུསལཱནཾ ཀེསཉྩི…པེ… ཨབྱཱཀཏཱནཾ དྷམྨཱནཾ…པེ… པུརིམཱ པུརིམཱ ཨཀུསལཱ དྷམྨཱ པཙྪིམཱནཾ པཙྪིམཱནཾ ཨཀུསལཱནཾ…པེ… ཀུསལཱནཾ ཀེསཉྩི…པེ… ཨབྱཱཀཏཱནཾ དྷམྨཱནཾ…པེ… པུརིམཱ པུརིམཱ ཨབྱཱཀཏཱ དྷམྨཱ…པེ… ཨབྱཱཀཏཱནཾ, ཀུསལཱནཾ, ཨཀུསལཱནཾ ཨུཔནིསྶཡཔཙྩཡེན པཙྩཡོ, པུགྒལོཔི ཨུཔནིསྶཡཔཙྩཡེན པཙྩཡོ, སེནཱསནམྤཱི’’ཏི ཨེཝཾ ནིདྡིཊྛོ. ཏཏྠ པུརིམཱཏི ཨནནྟརཱུཔནིསྶཡེ སམནནྟརཱཏཱིཏཱཝ ལབྦྷནྟི.

ཨཱརམྨཎཱུཔནིསྶཡཔཀཏཱུཔནིསྶཡེསུ ¶ པན ནཱནཱཝིདྷིཝསེན པུརིམཏརཱཝཱཏི ཏཡོཔི རཱསཱི ཀུསལེན ཀུསལཔདེ ལབྦྷནྟི. ཀུསལེན པནཱཀུསལེ སམནནྟརཱཏཱིཏཱ ན ལབྦྷནྟི, ཏེནཱཧ ‘‘ཀེསཉྩཱི’’ཏི. ཨིདཾ ཧི ‘‘ཀུསལོ དྷམྨོ ཨཀུསལསྶ དྷམྨསྶ ཨཱརམྨཎཱུཔནིསྶཡོ པཀཏཱུཔནིསྶཡོ, ཨཱརམྨཎཱུཔནིསྶཡོ པན དཱནཾ དཏྭཱ…པེ… ཏཾ གརུཾ ཀཏྭཱ རཱགོ ཨུཔྤཛྫཏི…པེ… པཀཏཱུཔནིསྶཡོ སདྡྷཾ ཨུཔནིསྶཱཡ མཱནཾ ཛཔྤེཏཱི’’ཏིཨཱདིནཱ པཉྷཱཝཱརེ ཨཱགཏཾ ཨིམཾ ནཡཾ སནྡྷཱཡ ཝུཏྟཾ.

ཨཀུསལེན ཀུསལཔདེ ཧི སམནནྟརཱཏཱིཏཱ ན ལབྦྷནྟི, ཏེནཱཧ ‘‘ཀེསཉྩཱི’’ཏི. ཨིདཾ པན ‘‘ཨཀུསལོ དྷམྨོ ཀུསལསྶ དྷམྨསྶ པཀཏཱུཔནིསྶཡོ. རཱགཾ ཨུཔནིསྶཱཡ དཱནཾ དེཏི…པེ… པཱཎཾ ཧནྟྭཱ ཏསྶ པཊིགྷཱཏཏྠཱཡ དཱནཾ དེཏཱི’’ཏིཨཱདིནཱ ནཡེན པཉྷཱཝཱརེ ཨཱགཏཾ པཀཏཱུཔནིསྶཡམེཝ སནྡྷཱཡ ཝུཏྟཾ. ཡཐཱ ཧི ཨཀུསལཾ ཀུསལསྶ ཨནནྟརཱུཔནིསྶཡོ ན ཧོཏི, ཏཐཱ ཨཱརམྨཎཱུཔནིསྶཡོཔི ན ཧོཏི. ན ཧི ཏཾ གརུཾ ཀཏྭཱ ཀུསལཾ པཝཏྟཏི.

ཨཀུསལེན ཨབྱཱཀཏཔདེ པན ཨཱརམྨཎཱུཔནིསྶཡོཝ ན ལབྦྷཏི. ན ཧི ཏཾ ཨབྱཱཀཏཱ གརུཾ ཀརོནྟི, ཨནནྟརཱ པནསྶ ཧོནྟི. ཏེནེཝེཏྠ ‘‘ཀེསཉྩཱི’’ཏི ན ཝུཏྟཾ. སེསཔདེསུ ཏཡོཔི ཨུཔནིསྶཡཱ ལབྦྷནྟེཝ. ‘‘པུགྒལོཔི, སེནཱསནམྤཱི’’ཏི ཨིདམྤི དྭཡཾ པཀཏཱུཔནིསྶཡཝསེནེཝེཏྠ ཝུཏྟཾ, ཨུཏུབྷོཛནཱདཡོ ཙེཏྠ སངྒཧེཏབྦཱ. ཨིམསྨིཉྩ པཙྩཡེ ཨེཀཙྩཱཡ པཉྙཏྟིཡཱ སདྡྷིཾ སབྦེཔི ཙཏུབྷཱུམཀཱ དྷམྨཱ སངྒཧིཏཱཏི ཝེདིཏབྦཱཏི ཨཡཾ ཨུཔནིསྶཡཔཙྩཡེ ནཡོ.

པཋམཏརཾ ཨུཔྤཛྫིཏྭཱ ཝཏྟམཱནབྷཱཝེན ཨུཔཀཱརཀཱ རཱུཔདྷམྨཱ པུརེཛཱཏཔཙྩཡོ, སོ པསཱདཏབྦིསཡཧདཡཝཏྠུཝསེན ཨེཀཱདསཝིདྷོ. ནིདྡེསེ ཙ ‘‘ཙཀྑཱཡཏནཾ ཙཀྑུཝིཉྙཱཎདྷཱཏུཡཱ ¶ ཏཾསམྤཡུཏྟཀཱནཉྩ དྷམྨཱནཾ པུརེཛཱཏཔཙྩཡེན པཙྩཡོ…པེ… ཀཱཡཱཡཏནཾ ཀཱཡཝིཉྙཱཎདྷཱཏུཡཱ ¶ …པེ… རཱུཔཱཡཏནཾ ཙཀྑུཝིཉྙཱཎདྷཱཏུཡཱ…པེ… ཕོཊྛབྦཱཡཏནཾ ཀཱཡཝིཉྙཱཎདྷཱཏུཡཱ…པེ… རཱུཔཱཡཏནཾ སདྡགནྡྷརསཕོཊྛབྦཱཡཏནཾ མནོདྷཱཏུཡཱ…པེ… ཡཾ རཱུཔཾ ནིསྶཱཡ…པེ… ཏཾ རཱུཔཾ མནོདྷཱཏུཡཱ ཙ མནོཝིཉྙཱཎདྷཱཏུཡཱ ཙ ཀིཉྩིཀཱལེ པུརེཛཱཏཔཙྩཡེན པཙྩཡོ, ཀིཉྩིཀཱལེ ན པུརེཛཱཏཔཙྩཡེན པཙྩཡོ’’ཏི ཨེཝཾ སབྦཐཱཔི པཉྩདྭཱརེ ཝཏྠཱརམྨཎཝསེན, མནོདྭཱརེ ཝཏྠུཝསེནེཝ ཙཱཡཾ ནིདྡིཊྛོ. པཉྷཱཝཱརེ པན ཨཱརམྨཎཔུརེཛཱཏཾ ‘‘ཨརཧཱ ཙཀྑུཾ ཨནིཙྩཏོ དུཀྑཏོ ཨནཏྟཏོ ཝིཔསྶཏཱི’’ཏི ཨཱགཏཏྟཱ མནོདྭཱརེཔི ཨཊྛཱརསནྣཾ རཱུཔཱནཾ ཝསེན ཨཱརམྨཎཔུརེཛཱཏམྤི ལབྦྷཏེཝཱཏི ཨཡཾ པུརེཛཱཏཔཙྩཡེ ནཡོ.

པུརེཛཱཏཱནཾ རཱུཔདྷམྨཱནཾ ཨུཔཏྠམྦྷཀཊྛེན ཨུཔཀཱརཀོ ཨརཱུཔདྷམྨོ པཙྪཱཛཱཏཔཙྩཡོ གིཛ྄ཛྷཔོཏཀསརཱིརཱནཾ ཨཱཧཱརཱསཱ ཙེཏནཱ ཝིཡ. ནིདྡེསེཔི ཙསྶ ‘‘པཙྪཱཛཱཏཱ ཙིཏྟཙེཏསིཀཱ དྷམྨཱ པུརེཛཱཏསྶ ཨིམསྶ ཀཱཡསྶ པཙྪཱཛཱཏཔཙྩཡེན པཙྩཡོ’’ཏི ཨེཝཾ ཝུཏྟཾ. ཏཏྠ ཨིམསྶ ཀཱཡསྶཱཏི ཙཏུསམུཊྛཱནིཀཏིསམུཊྛཱནིཀབྷཱུཏུཔཱདཱཡརཱུཔཀཱཡསྶ. དྷམྨཏོ ཙཱཡཾ ཋཔེཏྭཱ པཊིསནྡྷིཝིཔཱཀེ ཨཱརུཔྤཝིཔཱཀེ ཨཝསེསཱ སབྦེ ཙཏུབྷཱུམཀཱ ཨརཱུཔདྷམྨཱཏི ཝེདིཏབྦཱཏི ཨཡཾ པཙྪཱཛཱཏཔཙྩཡེ ནཡོ.

ཨཱསེཝནཊྛེན ཨནནྟརཱནཾ པགུཎབལཝབྷཱཝེན ཨུཔཀཱརཀོ དྷམྨོ ཨཱསེཝནཔཙྩཡོ གནྠཱདིཔུརིམཱབྷིཡོགོ ཝིཡ. སོ ཀུསལཱཀུསལཀིརིཡཛཝནཝསེན ཏིཝིདྷོ. ནིདྡེསེ པནསྶ ‘‘པུརིམཱ པུརིམཱ ཀུསལཱ དྷམྨཱ པཙྪིམཱནཾ པཙྪིམཱནཾ ཀུསལཱནཾ དྷམྨཱནཾ…པེ… ཨཀུསལཱནཾ དྷམྨཱནཾ…པེ… ཀིརིཡཱབྱཱཀཏཱནཾ དྷམྨཱནཾ ཨཱསེཝནཔཙྩཡེན པཙྩཡོ’’ཏི ནིདྡིཊྛོ. ཏཏྠ པུརིམཱ པུརིམཱཏི སབྦཏྠ སམནནྟརཱཏཱིཏཱཝ དཊྛབྦཱ, ཏཏྠཱཔི ¶ ཀུསལཱདཡོ ཨབྱཱཀཏཱདཱིནཾ བྷིནྣཛཱཏིཀཱནཾ སམནནྟརཱནམྤི ཝཱསནཱསངྑཱཏེན ཨཱསེཝནེན པགུཎཏརབལཝབྷཱཝཝིསིཊྛཾ ཨཏྟནོ ཀུསལཱདིབྷཱཝསངྑཱཏགཏིཾ གཱཧཱཔེཏུཾ ཨསམཏྠཏཱཡ ཨཱསེཝནཔཙྩཡཱ ན ཧོནྟི, བྷཱུམིཏོ, པན ཨཱརམྨཎཏོ ཙ བྷིནྣཱཔི ཀཱམཱཝཙརཏིཧེཏུཀཀུསལཀིརིཡཱ ཨཏྟནཱ སདིསཝེདནཱནམེཝ མཧགྒཏལོཀུཏྟརཀུསལཀིརིཡཱནམྤི, སངྑཱརཱརམྨཎཉྩ ཨནུལོམཀུསལཾ ནིབྦཱནཱརམྨཎསྶ གོཏྲབྷུཀུསལསྶ ཨཱསེཝནཔཙྩཡཱ ཧོནྟིཡེཝ. ལོཀུཏྟརོ པན ཨཱསེཝནཔཙྩཡོ ནཏྠི, ཏཐཱ ཝིཔཱཀོ ཀམྨཔརིཎཱམིཏཏྟཱཏི ཨཡཾ ཨཱསེཝནཔཙྩཡེ ནཡོ.

ཙིཏྟཔྤཡོགསངྑཱཏེན ཀིརིཡབྷཱཝེན ཨུཔཀཱརཀོ དྷམྨོ ཀམྨཔཙྩཡོ. སོ ནཱནཀྑཎིཀཱཡ ¶ ཀུསལཱཀུསལཙེཏནཱཡ ཙེཝ སཧཛཱཏཱཡ ཙ སབྦཱཡཔི ཙེཏནཱཡ ཝསེན དུཝིདྷོ ཧོཏི. ནིདྡེསེཔི ཙསྶ ‘‘ཀུསལཱཀུསལཾ ཀམྨཾ ཝིཔཱཀཱནཾ ཁནྡྷཱནཾ ཀཊཏྟཱ ཙ རཱུཔཱནཾ…པེ… ཙེཏནཱ སམྤཡུཏྟཀཱནཾ དྷམྨཱནཾ ཏཾསམུཊྛཱནཱནཉྩ རཱུཔཱནཾ ཀམྨཔཙྩཡེན པཙྩཡོ’’ཏི དྭིདྷཱཝ ཝུཏྟོ. ཏཏྠ ཀམྨནྟི ཙེཏནཱཀམྨམེཝ. ཀཊཏྟཱ ཙ རཱུཔཱནནྟི ཀམྨསྶ ཀཊཏྟཱ ཨུཔཙིཏཏྟཱ ནིཔྥཱདིཏཏྟཱ ཨུཔྤནྣཱནཾ ཀམྨཛཱནཾ རཱུཔཱནཾ ཀཊཏྟཱ ཨེཝ, ཀམྨམྤི ཀཱལནྟརེཡེཝ ཨཝསེསཔཙྩཡསམཱཡོགེ སཏི ཨཏྟནོ ཕལཾ ཨུཔྤཱདེཏི, ན ཏུ ཝིནཊྛཏྟཱ ཋིཏཏྟཱ ཏཾ ཝཱ ཋིཏཾ པན ཀམྨཾ ན ཛནེཏི. ཨེཝཾ ཏཾསམུཊྛཱནནྟི ཨིམིནཱ པཊིསནྡྷིཡཾ ཀཊཏྟཱརཱུཔགྒཧཎཾ དཊྛབྦནྟི ཨཡཾ ཀམྨཔཙྩཡེ ནཡོ.

ནིརུསྶཱཧསནྟབྷཱཝེན ནིརུསྶཱཧསནྟབྷཱཝཱཡ ཨུཔཀཱརཀོ ཝིཔཱཀདྷམྨོ ཝིཔཱཀཔཙྩཡོ. སོ པཝཏྟེ ཙིཏྟསམུཊྛཱནཱནཾ, པཊིསནྡྷིཀྑཎེ ཀཊཏྟཱརཱུཔཱནཾ, སབྦཏྠ ཙ སམྤཡུཏྟདྷམྨཱནཾ པཙྩཡོ ཧོཏི. ཡཐཱཧ སབྦཔཉྷཱཝཱརེ – ‘‘ཝིཔཱཀཱབྱཱཀཏོ ¶ ཨེཀོ ཁནྡྷོ ཏིཎྞནྣཾ ཁནྡྷཱནཾ ཙིཏྟསམུཊྛཱནཱནཉྩ རཱུཔཱནཾ པཊིསནྡྷིཀྑཎེ…པེ… ཀཊཏྟཱ ཙ རཱུཔཱནཾ ཝིཔཱཀཔཙྩཡེན པཙྩཡོ’’ཏིཨཱདི. ནིདྡེསེ པནསྶ ‘‘ཝིཔཱཀཱ ཙཏྟཱརོ ཁནྡྷཱ ཨརཱུཔིནོ ཨཉྙམཉྙཾ ཝིཔཱཀཔཙྩཡེན པཙྩཡོ’’ཏི ཨེཏྟཀམེཝ ཝུཏྟཾ. ཏཾ པཉྷཱཝཱརེ ཝུཏྟཝིདྷཱནཾ སནྡྷཱཡ སཱཝསེསཾ ཝུཏྟནྟི ཨཡཾ ཝིཔཱཀཔཙྩཡེ ནཡོ.

རཱུཔཱརཱུཔཱནཾ ཨུཔཏྠམྦྷཀཊྛེན ཨུཔཀཱརཀཱ ཙཏྟཱརོ ཨཱཧཱརཱ ཨཱཧཱརཔཙྩཡོ. ནིདྡེསེ པན ‘‘ཀབལཱི༹ཀཱརོ ཨཱཧཱརོ ཨིམསྶ ཀཱཡསྶ…པེ… ཨརཱུཔིནོ ཨཱཧཱརཱ སམྤཡུཏྟཀཱནཾ དྷམྨཱནཾ ཏཾསམུཊྛཱནཱནཉྩ རཱུཔཱནཾ ཨཱཧཱརཔཙྩཡེན པཙྩཡོ’’ཏི ཨེཝཾ ནིདྡིཊྛོ. ཏཏྠ ཙཏུསམུཊྛཱནམུཔགཏཱ ཨོཛཱ ཀབལཱི༹ཀཱརོ ཨཱཧཱརོ ནཱམ. སོ ཡསྨཱ ཨཱཧཱརཱུཔསེཝཱིནཉྙེཝ ཨཛ྄ཛྷོཧཊཱཧཱརཨུཏུཛཱཧཱརཱུཔཏྠདྡྷོ ཨེཝ ཙ ཀམྨཛཱདིཨཱཧཱརོ ཨིམསྶ ཀཱཡསྶ ཋིཏིཡཱ པཝཏྟཏི, ན ཨཉྙཐཱ, ཏསྨཱ ཀབལཱི༹ཀཱཏབྦཨུཏུཛཝཏྠུསནྣིསྶིཏཏཱདསྶནཏྠཾ ཀབལཱི༹ཀཱརོ ཨཱཧཱརོཏི ཝུཏྟོ. ཀིཉྩཱཔི ཙཱཡཾ ‘‘ཨིམསྶ ཀཱཡསྶཱ’’ཏི ཨཝིསེསེན ཝུཏྟོ, ཝིསེསཏོ པན ཨཱཧཱརཛརཱུཔསྶ ཛནཀོ ཙེཝ ཨནུཔཱལཀོ ཙ ཧུཏྭཱ སེསཏིསནྟཏིསམུཊྛཱནརཱུཔསྶ ཨནུཔཱལཀོ ཨེཝ ཧུཏྭཱ ཨཱཧཱརཔཙྩཡོ ཧོཏི. ཏཾསམུཊྛཱནཱནནྟི ཨིམིནཱ པཊིསནྡྷིཡཾ ཀམྨསམུཊྛཱནཱནི གཧིཏཱནེཝ. པཉྷཱཝཱརེ ཧི ‘‘པཊིསནྡྷིཀྑཎེ ཝིཔཱཀཱབྱཱཀཏཱ ཨཱཧཱརཱ སམྤཡུཏྟཀཱནཾ ཁནྡྷཱནཾ ཀཊཏྟཱ ཙ རཱུཔཱནཾ ཨཱཧཱརཔཙྩཡེན པཙྩཡོ’’ཏི ཝུཏྟནྟི ཨཡཾ ཨཱཧཱརཔཙྩཡེ ནཡོ.

ཨདྷིཔཏིཡཊྛེན ¶ ཨུཔཀཱརཀཱ ཨིཏྠིནྡྲིཡཔུརིསིནྡྲིཡཝཛྫཱ ཝཱིསཏི ཨིནྡྲིཡཱ ཨིནྡྲིཡཔཙྩཡོ. ཨིཏྠིནྡྲིཡཔུརིསིནྡྲིཡཱནི ཧི ཀིཉྩཱཔི ཨིཏྠིཔུརིསལིངྒཱཀཔྤཱདཱིནཾ བཱིཛབྷཱུཏཱནི, ནེཝ པན ཏེསཾ, ན ཨཉྙེསཾ ཨིནྡྲིཡཱདིཔཙྩཡཏཾ ཕརནྟི. སུཏྟནྟིཀཔརིཡཱཡེན པན ¶ ཏེསཾ པཀཏཱུཔནིསྶཡབྷཱཝཾ ཕརནྟཱིཏི བཱཝཱིསཏེཝ ཨིནྡྲིཡཱནི. ཏཏྠ ཙཀྑུནྡྲིཡཱདཡོ པཉྩ ཨརཱུཔདྷམྨཱནམེཝ ཨིནྡྲིཡཔཙྩཡོ, རཱུཔཛཱིཝིཏིནྡྲིཡཾ ཀཊཏྟཱརཱུཔཱནམེཝ, སེསཱ རཱུཔཱརཱུཔཱནཾ. ནིདྡེསེ ‘‘ཙཀྑུནྡྲིཡཾ ཙཀྑུཝིཉྙཱཎདྷཱཏུཡཱ ཏཾསམྤཡུཏྟཀཱནཉྩ དྷམྨཱནཾ…པེ… ཀཱཡཝིཉྙཱཎདྷཱཏུཡཱ…པེ… རཱུཔཛཱིཝིཏིནྡྲིཡཾ ཀཊཏྟཱརཱུཔཱནཾ, ཨརཱུཔིནོ ཨིནྡྲིཡཱ སམྤཡུཏྟཀཱནཾ དྷམྨཱནཾ ཏཾསམུཊྛཱནཱནཉྩ རཱུཔཱནཾ ཨིནྡྲིཡཔཙྩཡེན པཙྩཡོ’’ཏི ཨེཝཾ ནིདྡིཊྛོ. ཏཾསམུཊྛཱནཱནནྟི ཨེཏྠཱཔི ཀཊཏྟཱརཱུཔམྤི སངྒཧིཏཾ. པཉྷཱཝཱརེ ཧི ‘‘པཊིསནྡྷིཀྑཎེ ཝིཔཱཀཱབྱཱཀཏཱ ཨིནྡྲིཡཱ སམྤཡུཏྟཀཱནཾ ཁནྡྷཱནཾ ཀཊཏྟཱ ཙ རཱུཔཱན’’ནྟི ཝུཏྟནྟི ཨཡཾ ཨིནྡྲིཡཔཙྩཡེ ནཡོ.

ཨུཔནིཛ྄ཛྷཱཡནཊྛེན ཨུཔཀཱརཀཱནི ཋཔེཏྭཱ དྭིཔཉྩཝིཉྙཱཎེསུ ཝེདནཱཏྟཡཾ, ཨེཀགྒཏཉྩ སེསཱནི ཀུསལཱདིབྷེདཱནི སཏྟ ཛྷཱནངྒཱནི ཛྷཱནཔཙྩཡོ. དྭིཔཉྩཝིཉྙཱཎཱནཾ ཧི ཨབྷིནིཔཱཏམཏྟཏྟཱ ཏེསུ ཝེདནེཀགྒཏཱ ཨུཔནིཛ྄ཛྷཱཡནཱཀཱརསྶ ཨབྷཱཝེན ཛྷཱནངྒེསུ ན ཨུདྡྷཊཱ, ནིདྡེསེ པནསྶ ‘‘ཛྷཱནངྒཱནི ཛྷཱནསམྤཡུཏྟཀཱནཾ དྷམྨཱནཾ ཏཾསམུཊྛཱནཱནཉྩ རཱུཔཱནཾ ཛྷཱནཔཙྩཡེན པཙྩཡོ’’ཏི ནིདྡིཊྛོ. ཨིདྷཱཔི ཏཾསམུཊྛཱནཱནནྟི ཨིམིནཱ ཙ ཀཊཏྟཱརཱུཔམྤི གཧིཏཾ. པཉྷཱཝཱརེཧི ‘‘པཊིསནྡྷིཀྑཎེ ཝིཔཱཀཱབྱཱཀཏཱནི ཛྷཱནངྒཱནི སམྤཡུཏྟཀཱནཾ ཁནྡྷཱནཾ ཀཊཏྟཱ ཙ རཱུཔཱན’’ནྟི ཝུཏྟནྟི ཨཡཾ ཛྷཱནཔཙྩཡེ ནཡོ.

ཡཏོ ཏཏོ ཝཱ ནིཡྻཱནཊྛེན ཨུཔཀཱརཀཱནི ཀུསལཱདིབྷེདཱནི དྭཱདས མགྒངྒཱནི མགྒཔཙྩཡོ. ནིདྡེསེ པན ‘‘མགྒངྒཱནི མགྒསམྤཡུཏྟཀཱནཾ དྷམྨཱནཾ ཏཾསམུཊྛཱནཱནཉྩ རཱུཔཱནཾ མགྒཔཙྩཡེན པཙྩཡོ’’ཏི ནིདྡིཊྛོ. ཨེཏྠཱཔི ཏཾསམུཊྛཱནཱནནྟི ཨིམིནཱ ཀཊཏྟཱརཱུཔགྒཧཎཾ. པཉྷཱཝཱརེ ཧི ‘‘པཊིསནྡྷིཀྑཎེ ཝིཔཱཀཱབྱཱཀཏཱནི མགྒངྒཱནི སམྤཡུཏྟཀཱནཾ ཁནྡྷཱནཾ ཀཊཏྟཱ ཙ རཱུཔཱན’’ནྟི ཝུཏྟཾ, ཨཧེཏུཀཙིཏྟེསུ ཙེཏྠ ཝིཛྫམཱནཱནི མགྒངྒཱནི མགྒཔཙྩཡཱ ན ཧོནྟི. ཨཡཾ མགྒཔཙྩཡེ ནཡོ.

ཨེཀཝཏྠུཀཨེཀཱརམྨཎཨེཀུཔྤཱདཨེཀནིརོདྷསངྑཱཏེན ¶ སམྤཡུཏྟབྷཱཝེན ཨུཔཀཱརཀཱ ཨརཱུཔིནོ དྷམྨཱ ¶ སམྤཡུཏྟཔཙྩཡོ. ནིདྡེསེ པན ‘‘ཙཏྟཱརོ ཁནྡྷཱ ཨརཱུཔིནོ དྷམྨཱ ཨཉྙམཉྙཾ སམྤཡུཏྟཔཙྩཡེན པཙྩཡོ’’ཏི ནིདྡིཊྛོཏི ཨཡཾ སམྤཡུཏྟཔཙྩཡེ ནཡོ.

ཨེཀཝཏྠུཀཱདིབྷཱཝཱནུཔགམེན ཨུཔཀཱརཀཱ རཱུཔིནོ དྷམྨཱ ཨརཱུཔཱིནཾ, ཨརཱུཔིནོ དྷམྨཱ རཱུཔཱིནཾ ཝིཔྤཡུཏྟཔཙྩཡོ, སོ སཧཛཱཏཔུརེཛཱཏཔཙྪཱཛཱཏཝསེན ཏིཝིདྷོ ཧོཏི. ཝུཏྟཾ ཧེཏཾ ‘‘སཧཛཱཏཱ ཀུསལཱ ཁནྡྷཱ ཙིཏྟསམུཊྛཱནཱནཾ རཱུཔཱནཾ…པེ… པཙྪཱཛཱཏཱ ཀུསལཱ ཁནྡྷཱ པུརེཛཱཏསྶ ཨིམསྶ ཀཱཡསྶ ཝིཔྤཡུཏྟཔཙྩཡེན པཙྩཡོ’’ཏིཨཱདི. པུརེཛཱཏཾ པན ཚཝཏྠུཝསེནེཝ ཝེདིཏབྦཾ. ནིདྡེསེ པནསྶ ‘‘རཱུཔིནོ དྷམྨཱ ཨརཱུཔཱིནཾ…པེ… ཨརཱུཔིནོ དྷམྨཱ རཱུཔཱིནཾ དྷམྨཱནཾ ཝིཔྤཡུཏྟཔཙྩཡེན པཙྩཡོ’’ཏི ཨེཝཾ སཱམཉྙཏོ ནིདྡིཊྛོ. ཏཏྠ རཱུཔིནོཏི ཨིདཾ ཚཝཏྠཱུནཾ ཝསེན ཝུཏྟཾ, རཱུཔཱདཡོ པན ཨཱརམྨཎདྷམྨཱ སམྤཡོགཱསངྐཱཡཱབྷཱཝེན ཝིཔྤཡུཏྟཔཙྩཡཱ ན ཝུཏྟཱ. ཙཀྑཱདཱིནཾ ཧི ཝཏྠཱུནཾ ཨབྦྷནྟརཏོ ཨརཱུཔདྷམྨཱ ནིཀྑམནྟཱ ཝིཡ ཨུཔྤཛྫནྟི, ཏཏྠ སམྤཡོགཱསངྐཱ ཧོཏི. པཉྷཱཝཱརེཔི ཧི ‘‘ཝཏྠུ ཀུསལཱནཾ ཁནྡྷཱནཾ…པེ… ཙཀྑཱཡཏནཾ ཙཀྑུཝིཉྙཱཎདྷཱཏུཡཱ’’ཏིཨཱདིནཱ ཚ ཝཏྠཱུནེཝ ཨུདྡྷཊཱནི, ཨརཱུཔིནོ དྷམྨཱ རཱུཔཱིནནྟི ཨེཏྠཱཔི ནིབྦཱནཾ ཨརཱུཔམྤི སམཱནཾ རཱུཔསྶ ཝིཔྤཡུཏྟཔཙྩཡོ ན ཧོཏི སབྦཐཱ སམྤཡོགཱསངྐཱབྷཱཝཏོ, ‘‘ཙཏཱུཧི སམྤཡོགོ ཙཏཱུཧི ཝིཔྤཡོགོ’’ཏི (དྷཱཏུ. ༣) ཧི ཝུཏྟནྟི ཨཡཾ ཝིཔྤཡུཏྟཔཙྩཡེ ནཡོ.

པཙྩུཔྤནྣལཀྑཎེན ཨཏྠིབྷཱཝེན ཏཱདིསསྶེཝ དྷམྨསྶ ཨུཔཏྠམྦྷཀཊྛེན ཨུཔཀཱརཀོ དྷམྨོ ཨཏྠིཔཙྩཡོ, སོ ནིདྡེསེ ‘‘ཙཏྟཱརོ ཁནྡྷཱ ཨརཱུཔིནོ ཨཉྙམཉྙཾ…པེ… ཙཏྟཱརོ མཧཱབྷཱུཏཱ ཨཉྙམཉྙཾ, ཨོཀྐནྟིཀྑཎེ ནཱམརཱུཔཾ ཨཉྙམཉྙཾ, ཙིཏྟཙེཏསིཀཱ ¶ དྷམྨཱ ཙིཏྟསམུཊྛཱནཱནཾ རཱུཔཱནཾ, མཧཱབྷཱུཏཱ ཨུཔཱདཱརཱུཔཱནཾ, ཙཀྑཱཡཏནཾ ཙཀྑུཝིཉྙཱཎདྷཱཏུཡཱ…པེ… རཱུཔཱཡཏནཾ ཙཀྑུཝིཉྙཱཎདྷཱཏུཡཱ ཏཾསམྤཡུཏྟཀཱནཉྩ དྷམྨཱནཾ…པེ… རཱུཔཱཡཏནཾ…པེ… ཕོཊྛབྦཱཡཏནཾ མནོདྷཱཏུཡཱ…པེ… མནོདྷཱཏུཡཱ ཙ མནོཝིཉྙཱཎདྷཱཏུཡཱ ཙ ཏཾསམྤཡུཏྟཀཱནཉྩ དྷམྨཱནཾ ཨཏྠིཔཙྩཡེན པཙྩཡོ’’ཏི ཨེཝཾ སཧཛཱཏཔུརེཛཱཏཝསེན ཙ བཧུདྷཱ ནིདྡིཊྛོ, པཉྷཱཝཱརེ པན ‘‘སཧཛཱཏཾ པུརེཛཱཏཾ པཙྪཱཛཱཏཾ ཨཱཧཱརཾ ཨིནྡྲིཡ’’ནྟི ཨིམེསཾ པཉྩནྣམྤི ཝསེན ཨཱགཏཏྟཱ པཙྪཱཛཱཏཀབལཱི༹ཀཱརཨཱཧཱརརཱུཔཛཱིཝིཏིནྡྲིཡཱནཾ ཝསེནཱཔི ཨཏྠིཔཙྩཡོ གཧེཏབྦོཝཱཏི ཨཡཾ ཨཏྠིཔཙྩཡེ ནཡོ.

ཨཏྟནོ ཨནནྟརཾ ཨུཔྤཛྫམཱནཱནཾ ཨརཱུཔདྷམྨཱནཾ པཝཏྟིཨོཀཱསདཱནཝསེན ཨུཔཀཱརཀཱ སམནནྟརནིརུདྡྷཱ ¶ ཨརཱུཔདྷམྨཱ ནཏྠིཔཙྩཡོ, ནིདྡེསེ པན ‘‘སམནནྟརནིརུདྡྷཱ ཙིཏྟཙེཏསིཀཱ དྷམྨཱ པཊུཔྤནྣཱནཾ ཙིཏྟཙེཏསིཀཱནཾ དྷམྨཱནཾ ནཏྠིཔཙྩཡེན པཙྩཡོ’’ཏི ཨེཝཾ སཱམཉྙཏོཝ ནིདྡིཊྛོ. སབྦཐཱ ཨནནྟརཔཙྩཡསདིསཏཱཡ ཏཏྠ ནིདྡིཊྛནཡེནེཝེཏྠ ཝིསེསོ ཉཱཏབྦོཏི ཨཡཾ ནཏྠིཔཙྩཡེ ནཡོ.

ནཏྠིཔཙྩཡདྷམྨཱཝ ཝིགཏབྷཱཝེན ཨུཔཀཱརཀཏྟཱ ཝིགཏཔཙྩཡོཏི སཧ ནིདྡེསེན ནཏྠིཔཙྩཡསདིསོཝཱཏི.

ཨཝིགཏཔཙྩཡོཔི སབྦཐཱ ཨཏྠིཔཙྩཡསདིསོཝ, དེསནཱཝིལཱསེན, ཝེནེཡྻཝསེན ཝཱ ཨཡཾ དུཀོ ཝུཏྟོཏི ཨཡཾ ཨཝིགཏཔཙྩཡེ ནཡོ.

པཀིཎྞཀཝིནིཙྪཡོ

ཨིམེསུ པན ཙཏུཝཱིསཏིཡཱ པཙྩཡེསུ ཉཱཎཙཱརསྶ ཝིསདབྷཱཝཏྠཾ –

དྷམྨཏོ ཀཱལཏོ ཙེཝ, ཨེཀསྶཱནེཀཔཙྩཡཱ;

ཨནེཀེསཉྩ དྷམྨཱནཾ, ཨེཀཔཙྩཡབྷཱཝཏོ.

སབྷཱགཱ ¶ ཝིསབྷཱགཱ ཙ, ཡུགལཱ༹ ཛནཀཱདིཏོ;

སབྦཊྛཱནཱདིབྷེདཱ ཙ, རཱུཔཱརཱུཔཝིཀཔྤཏོ;

བྷཝཏོ སངྒཧཱ ཉེཡྻོ, པཀིཎྞཀཝིནིཙྪཡོ.

ཏཏྠ དྷམྨཏོཏི ཨིམེསུ ཧི པཙྩཡེསུ ཧེཏུཔཙྩཡོ ཏཱཝ ནཱམརཱུཔདྷམྨེསུ ནཱམདྷམྨེཀདེསོ, ཏཐཱ སཧཛཱཏཱདྷིཔཏིཀམྨཛྷཱནམགྒཔཙྩཡཱ, ཏཐཱ ཨཱསེཝནཝིཔཱཀཔཙྩཡཱ, ཙཏུཀྑནྡྷསངྒཧིཏཱཔི ཝིཔཱཀདྷམྨཱ ཨནནྟརསམནནྟརཔཙྪཱཛཱཏསམྤཡུཏྟནཏྠིཝིགཏཔཙྩཡཱ. ནིབྦཱནསྶ ཨསངྒཧཏོ ནཱམེཀདེསོཏིཔི ཝཏྟུཾ ཝཊྚཏི. པུརེཛཱཏཔཙྩཡོ རཱུཔདྷམྨོཝ, སེསཱ ཡཐཱལཱབྷཝསེན ནཱམརཱུཔདྷམྨཱ. ཏཏྠ ཙ ཨཱརམྨཎཱདྷིཔཏིཨཱརམྨཎཱུཔནིསྶཡཔཀཏཱུཔནིསྶཡེསུ པཉྙཏྟིཔི སངྒཧིཏཱཏི ཨཡཾ དྷམྨཏོ ཝིནིཙྪཡོ.

ཀཱལཏོ ¶ པན ཧེཏུསཧཛཱཏཨཉྙམཉྙནིསྶཡཔུརེཛཱཏཔཙྪཱཛཱཏཝིཔཱཀཨཱཧཱརཨིནྡྲིཡཛྷཱནམགྒསམྤཡུཏྟཝིཔྤཡུཏྟཨཏྠིཨཝིགཏཔཙྩཡཱ པནྣརས པཙྩུཔྤནྣཱཝ ཧུཏྭཱ ཨཏྟནོ ཕལསྶ པཙྩཡཱ ཧོནྟི, ཨནནྟརསམནནྟརཨཱསེཝནནཏྠིཝིགཏཔཙྩཡཱ པཉྩ ཨཏཱིཏཱ ཨེཝ ཧུཏྭཱ, ཀམྨཔཙྩཡོ པནེཀོ པཙྩུཔྤནྣོཔི ཨཏཱིཏོཔི ཧུཏྭཱ, སེསཱ ཨཱརམྨཎཨདྷིཔཏིཨུཔནིསྶཡཔཙྩཡཱ ཏཡོཔི ཏེཀཱལིཀཱཔི, ནིབྦཱནཔཉྙཏྟིཝསེན ཀཱལཝིམུཏྟཱཔི ཧུཏྭཱ ཨཏྟནོ ཕལསྶ པཙྩཡཱ ཧོནྟཱིཏི ཨཡཾ ཀཱལཏོ ཝིནིཙྪཡོ.

ཨེཀསྶཱནེཀཔཙྩཡཱཏི ཨེཀདྷམྨསྶ, ཨེཀཔཙྩཡསྶ ཙ ཨནེཀཔཙྩཡབྷཱཝཏོ. ཀཐཾ? ཧེཏུཔཙྩཡེ ཏཱཝ ཨམོཧོ ཨེཀོ དྷམྨོ, སོ པུརེཛཱཏཀམྨཨཱཧཱརཛྷཱནཝཛྫཱནཾ ཝཱིསཏིཡཱ པཙྩཡཱནཾ ཝསེན ཨནེཀཔཙྩཡོ ཧོཏི, ཧེཏུཔཙྩཡཏྟཾ ཨཝིཛཧནྟོཝ ཨདྷིཔཏིསཧཛཱཏཨཉྙམཉྙནིསྶཡཝིཔཱཀིནྡྲིཡམགྒསམྤཡུཏྟཝིཔྤཡུཏྟཨཏྠིཨཝིགཏཱནཾ ཨཉྙེསཾ ཨེཀཱདསནྣཾ ཝསེན ཝཱ ཨནེཀཔཙྩཡོ ཧོཏི ¶ , ཏཐཱ ཨལོབྷཱདཡོ, ཏེསུ པན ཨལོབྷཱདོསཱ ཨིནྡྲིཡམགྒཔཙྩཡཱ ན ཧོནྟི, ཏེ ཏཡོ ཨཝིཔཱཀབྷཱུཏཱ ལོབྷདོསམོཧཱ ཝིཔཱཀཔཙྩཡཱཔི ན ཧོནྟི, ཏེ པན ཨམོཧཝཛྫིཏཱ པཉྩ ཨདྷིཔཏིཔཙྩཡཱ ན ཧོནྟི, ཏཐཱ སེསཱཔི ཨཝིཔཱཀབྷཱུཏཱ.

ཨཱརམྨཎཔཙྩཡེ རཱུཔཱཡཏནཾ ཙཀྑུཝིཉྙཱཎདྷཱཏུཡཱ ཨཱརམྨཎཔུརེཛཱཏཨཏྠིཨཝིགཏཱནཾ ཙཏུནྣཾ ཝསེན ཨནེཀཔཙྩཡོ ཧོཏི, ཏཐཱ མནོདྷཱཏུཡཱ, ཨཧེཏུཀམནོཝིཉྙཱཎདྷཱཏུཡཱ ཙ. སཧེཏུཀཱཡ པན ཨཱརམྨཎཱདྷིཔཏིཨཱརམྨཎཱུཔནིསྶཡཱནམྤི ཝསེན, སདྡཱདཱིསུཔི ཨེསེཝ ནཡོ. དྷམྨཱཡཏནཾ པན ནིསྶཡཝིཔྤཡུཏྟཱནཾ ཝསེནཱཔི ཨནེཀཔཙྩཡོ ཧོཏི, ཏཐཱ ཨཱརམྨཎཔཙྩཡཏྟཾ ཨཝིཛཧནྟོཝ ཨཱརམྨཎཱདྷིཔཏིནིསྶཡཨུཔནིསྶཡཔུརེཛཱཏཝིཔྤཡུཏྟཨཏྠིཨཝིགཏཱནཾ ཝསེན ཨཔརེསམྤི སཏྟནྣཾ ཝསེན ཨནེཀཔཙྩཡོ ཧོཏཱིཏི ཨཡམེཏྠ ཨུཀྐཊྛཔརིཙྪེདོ. ཏཏྠ ཨརཱུཔཱནཾ པན རཱུཔཱནཾ ཝཱ ཨཏཱིཏཱནཱགཏཱནཾ ཨཱརམྨཎཔཙྩཡབྷཱཝེ སཏི ཨཱརམྨཎཱདྷིཔཏིཨུཔནིསྶཡམཏྟམེཝ ཨུཏྟརི ལབྦྷཏི.

ཨདྷིཔཏིཔཙྩཡེ ཨཱརམྨཎཱདྷིཔཏི ཝུཏྟནཡོཝ. སཧཛཱཏཱདྷིཔཏཱིསུ ཙིཏྟཾ ཧེཏུཔུརེཛཱཏཀམྨཛྷཱནམགྒཝཛྫཱནཾ ཨེཀཱུནཝཱིསཏིཡཱ པཙྩཡཱནཾ ཝསེན ཨནེཀཔཙྩཡོ ཧོཏི, ཨདྷིཔཏིཔཙྩཡཏྟཾ ཨཝིཛཧནྟོ ཨཔརེསཾ སཧཛཱཏཨཉྙམཉྙནིསྶཡཝིཔཱཀཱཧཱརིནྡྲིཡསམྤཡུཏྟཝིཔྤཡུཏྟཨཏྠིཨཝིགཏཱནཾ དསནྣཾ ཝསེནེཝ, ཏཐཱ ཝཱིརིཡཾ ཨཱཧཱརཔཙྩཡཝཛྫཱནཾ མགྒཔཙྩཡསཧིཏཱནཾ ¶ ཝསེན, ཚནྡོ ཨཱཧཱརིནྡྲིཡཝཛྫཱནཾ ཝསེན ཨནེཀཔཙྩཡོ ཧོཏི, ཝཱིམཾསཱ ཧེཏུཔཙྩཡེ ཝུཏྟནཡཱཝ.

ཨནནྟརཔཙྩཡེ ཙཏཱུསུ ཁནྡྷེསུ ཝེདནཱཀྑནྡྷོ ཏཱཝ ཧེཏུཔུརེཛཱཏཀམྨཱཧཱརམགྒཔཙྩཡཝཛྫཱནཾ ཨེཀཱུནཝཱིསཏིཡཱ ཝསེན ¶ , སཉྙཱཀྑནྡྷོ ཏེསུ ཨིནྡྲིཡཛྷཱནཝཛྫཱནཾ སཏྟརསནྣཾ ཝསེན, སངྑཱརཀྑནྡྷོ ཧེཏུཔུརེཛཱཏཀམྨིནྡྲིཡཛྷཱནམགྒཝཛྫཱནཾ ཨཊྛཱརསནྣཾ ཝསེན, ཏཐཱ ཙེཏནཱ ཀམྨསཧིཏཱནཾ, ཝིཏཀྐོ ཧེཏུཔུརེཛཱཏཀམྨཨཱཧཱརིནྡྲིཡཝཛྫཱནཾ ཛྷཱནམགྒསཧིཏཱནཾ, ཝིཙཱརོ, པཱིཏི ཙ ཨཱནནྟརིཡཱནཾ མགྒཝཛྫཱནཾ, ཨེཀགྒཏཱ ཧེཏུཔུརེཛཱཏཀམྨཱཧཱརཝཛྫཱནཾ ཝཱིསཏིཡཱ པཙྩཡཱནཾ ཝསེན, སདྡྷཱ, ཛཱིཝིཏིནྡྲིཡཉྩ ཨནནྟརཱནཾ ཧེཏུཔུརེཛཱཏཀམྨཱཧཱརཛྷཱནམགྒཝཛྫཱནཾ ཨཊྛཱརསནྣཾ, སཏི མགྒསཧིཏཱནཾ ཨེཀཱུནཝཱིསཏིཡཱ, ཧིརིཨོཏྟཔྤཀཱཡཔསྶདྡྷཱདིཚཡུགཱ, ཡེཝཱཔནཀེསུ ཨདྷིམོཀྑམནསིཀཱརཏཏྲམཛ྄ཛྷཏྟཏཱ, ཀརུཎཱམུདིཏཱ ཙ ཧེཏུཔུརེཛཱཏཀམྨཱཧཱརཛྷཱནམགྒིནྡྲིཡཝཛྫཱནཾ སཏྟརསནྣཾ, ཝིརཏིཡོ པན མགྒསཧིཏཱནཾ ཨཊྛཱརསནྣཾ, མིཙྪཱདིཊྛི ཏཏོ ཝིཔཱཀཝཛྫཱནཾ སཏྟརསནྣཾ ཝསེན, མིཙྪཱཝཱཙཱཀམྨནྟཱཛཱིཝཱ ཏེཧི ཙེཝ ཀམྨཱཧཱརཔཙྩཡེཧི ཙཱཏི ཨེཀཱུནཝཱིསཏིཡཱ པཙྩཡཱནཾ ཝསེན, ཨཧིརིཀཾ ཨནོཏྟཔྤཾ མཱནོ ཐིནཾ མིདྡྷཾ ཨུདྡྷཙྩནྟི ཨིམེ ཧེཏུཔུརེཛཱཏཀམྨཝིཔཱཀཱཧཱརིནྡྲིཡཛྷཱནམགྒཝཛྫཱནཾ སོལ༹སནྣཾ, ཝིཙིཀིཙྪཱ ཨིསྶཱམཙྪརིཡཀུཀྐུཙྩཱནི ཏཏོ ཨདྷིཔཏིཝཛྫཱནཾ པནྣརསནྣཾ ཝསེན ཨནེཀཔཙྩཡཱ ཧོནྟི. ཨནནྟརཔཙྩཡཏྟཾ ཨཝིཛཧནྟཱནཾ པནེཏེསཾ སམནནྟརཨུཔནིསྶཡཀམྨནཏྠིཝིགཏཱནཾ ཨཔརེསཾ ཚནྣཾ ཝསེན ཙ. ཝིཉྙཱཎཀྑནྡྷསྶ ཨདྷིཔཏིཔཙྩཡེནེཝ ཨནེཀཔཙྩཡབྷཱཝོ ཝེདིཏབྦོ.

སཧཛཱཏཔཙྩཡེ མཧཱབྷཱུཏཱནི ཨཱརམྨཎཨཱརམྨཎཱདྷིཔཏིསཧཛཱཏཨཉྙམཉྙནིསྶཡཨུཔནིསྶཡཔུརེཛཱཏཨཏྠིཨཝིགཏཱནཾ ནཝནྣཾ, ཧདཡཝཏྠུ ཏེསཉྙེཝ ཝིཔྤཡུཏྟསཧིཏཱནཾ ཝསེན. ནིསྶཡཔཙྩཡེ ཙཀྑཱཡཏནཱདཱིནི ཨཱརམྨཎཨཱརམྨཎཱདྷིཔཏིནིསྶཡཨུཔནིསྶཡཔུརེཛཱཏཨིནྡྲིཡཝིཔྤཡུཏྟཨཏྠིཨཝིགཏཱནཾ ནཝནྣཾ ཝསེན. པུརེཛཱཏཔཙྩཡེ རཱུཔསདྡགནྡྷརསཱཡཏནཱདཱིནི ཨཱརམྨཎཨཱརམྨཎཱདྷིཔཏིཨུཔནིསྶཡཔུརེཛཱཏཨཏྠིཨཝིགཏཱནཾ ཚནྣཾ ཝསེན. ཨཱཧཱརཔཙྩཡེ ཨོཛཱ ¶ ཨཱརམྨཎཨཱརམྨཎཱདྷིཔཏིཨུཔནིསྶཡཱཧཱརཨཏྠིཨཝིགཏཱནཾ ཚནྣཾ པཙྩཡཱནཾ ཝསེན ཨནེཀདྷཱ པཙྩཡོ ཧོཏི. ཏཾཏཾཔཙྩཡཏྟཾ ཨཝིཛཧནྟཱནཾ ཏེསཾ ཏེསཾ སབྦཏྠ ཨཱརམྨཎཱདྷིཔཏིཨནནྟརསམནནྟརཱུཔནིསྶཡཱདིཔཙྩཡཏཱ ཝུཏྟནཡེན ཝེདིཏབྦཱ. སེསཾ སུཝིཉྙེཡྻམེཝཱཏི ཨཡཾ ཨེཀསྶཱནེཀཔཙྩཡཏོ ཝིནིཙྪཡོ.

ཨནེཀེསཉྩ ¶ དྷམྨཱནཾ, ཨེཀཔཙྩཡབྷཱཝཏོཏི ཨེཏེསུ ཧི ཋཔེཏྭཱ ཀམྨཔཙྩཡཾ སེསེསུ ཏེཝཱིསཏིཡཱ པཙྩཡེསུ ཨནེཀེ ཨནེཀེསཾ དྷམྨཱནཾ ཨེཀཏོ ཨེཀེཀཾ པཙྩཡཱ ཧོནྟི. ཀམྨཔཙྩཡོ པན ཙེཏནཱ ཨེཀདྷམྨོཝཱཏི ཨཡཾ ཨནེཀདྷམྨཱནཾ ཨེཀཔཙྩཡབྷཱཝཏོ ཝིནིཙྪཡོ.

སབྷཱགཱ ཝིསབྷཱགཱ ཙཱཏི ཨེཏེསུ ཧི ཨནནྟརསམནནྟརཨནནྟརཱུཔནིསྶཡཱསེཝནནཏྠིཝིགཏཔཙྩཡཱ སབྷཱགཱ, ཏཐཱ ཨཱརམྨཎཨཱརམྨཎཱདྷིཔཏིཨཱརམྨཎཱུཔནིསྶཡཱ. པུརེཛཱཏཔཙྩཡོ པནེཏྠ པཙྪཱཛཱཏེན ཝིསབྷཱགོ, ཏཐཱ སམྤཡུཏྟོ ཝིཔྤཡུཏྟེན, ཨཏྠི ནཏྠིནཱ, ཝིགཏོ ཨཝིགཏེནཱཏི ཨཡཾ སབྷཱགཝིསབྷཱགཏོ ཝིནིཙྪཡོ.

ཡུགལཱ༹ཏི ཨེཏྠ ཨཏྠསརིཀྑཏཱཡ སདྡསརིཀྑཏཱཡ ཀཱལཔཊིཔཀྑཏཱཡ ཧེཏུཕལཏཱཡ ཨཉྙམཉྙཔཊིཔཀྑཏཱཡཱཏི ཨིམེཧི ཀཱརཎེཧི ཡུགལ༹ཾ ཝེདིཏབྦཾ. ཨནནྟརསམནནྟརཱ ཧི ཨཏྠསརིཀྑཏཱཡ ཨེཀཾ ཡུགལ༹ཾ ནཱམ. ནིསྶཡཱུཔནིསྶཡཱ སདྡསརིཀྑཏཱཡ, པུརེཛཱཏཔཙྪཱཛཱཏཱ ཀཱལཔཊིཔཀྑཏཱཡ, ཀམྨཝིཔཱཀཱ ཧེཏུཕལཏཱཡ, སམྤཡུཏྟཝིཔྤཡུཏྟཱ ཨཉྙམཉྙཔཊིཔཀྑཏཱཡ ཨེཀཾ ཡུགལ༹ཾ, ཏཐཱ ཨཏྠིནཏྠིཔཙྩཡཱ, ཝིགཏཨཝིགཏཔཙྩཡཱཏི ཨཡཾ ཡུགལ༹ཏོ ཝིནིཙྪཡོ.

ཛནཀཱདིཏོཏི ཛནཀོཔཏྠམྦྷཀཏོ. ཨེཏེསུ ཧི ཨནནྟརསམནནྟརཱུཔནིསྶཡཔཀཏཱུཔནིསྶཡཱསེཝནཔཙྩཡཱ, ནཱནཀྑཎིཀོ ¶ ཀམྨཔཙྩཡོ, ནཏྠིཝིགཏཔཙྩཡཱ ཙཱཏི ཨིམེ ཛནཀཱ ཨེཝ, ན ཨུཔཏྠམྦྷཀཱ. པཙྪཱཛཱཏཔཙྩཡོ ཨུཔཏྠམྦྷཀོ ཨེཝ, ན ཛནཀོ. སེསཱ ཛནཀཱ ཙེཝ ཨུཔཏྠམྦྷཀཱ ཙཱཏི ཨཡཾ ཛནཀཱདིཏོ ཝིནིཙྪཡོ.

སབྦཊྛཱནཱདིབྷེདཱཏི སབྦཊྛཱནིཀཨསབྦཊྛཱནིཀབྷེདཏོ. ཨེཏེསུ ཧི སཧཛཱཏནིསྶཡཨཏྠིཨཝིགཏཔཙྩཡཱ སབྦཊྛཱནིཀཱ. སབྦེསུ པཙྩཡུཔྤནྣེསུ ཨིཙྪིཏབྦཱ. ཨེཏེཧི ཝིནཱ ཨུཔྤཛྫམཱནོ ཨེཀདྷམྨོཔི ནཏྠི. སེསཱ ཨསབྦཊྛཱནིཀཱ. ཏཏྠ ཙ ཨཱརམྨཎཨཱརམྨཎཱདྷིཔཏིཨནནྟརསམནནྟརཱནནྟརཱུཔནིསྶཡཔཀཏཱུཔནིསྶཡཔུརེཛཱཏཱསེཝནསམྤཡུཏྟ ཨཏྠིནཏྠིཝིགཏཔཙྩཡཱ ཨརཱུཔདྷམྨཱནཉྙེཝ ཀཱརཎཏོ ཨསབྦཊྛཱནིཀཱ. ཏཐཱ པཙྪཱཛཱཏཔཙྩཡོ རཱུཔཱནཉྙེཝ ཀཱརཎཏོ, སེསཱ ཨེཀཙྩཱནཾ རཱུཔཱརཱུཔདྷམྨཱནཾ ཀཱརཎཏོ ཨསབྦཊྛཱནིཀཱ. ཨཡཾ སབྦཊྛཱནཱདིབྷེདཏོ ཝིནིཙྪཡོ.

རཱུཔཱརཱུཔཝིཀཔྤཏོཏི ¶ རཱུཔཾ རཱུཔསྶ, རཱུཔཾ ཨརཱུཔསྶཱཏིཨཱདི ཝིཀཔྤཏོ. ཨེཏེསུ ཧི ཨེཀོཔི པཙྩཡོ རཱུཔམེཝ ཧུཏྭཱ རཱུཔསྶེཝ པཙྩཡོ བྷཝནྟོ ནཱམ ནཏྠི, རཱུཔམེཝ པན ཨརཱུཔསྶེཝ ཨཏྠི, སོ པུརེཛཱཏཔཙྩཡོ ཨེཀོ ཨེཝ. རཱུཔམེཝ ཧུཏྭཱ རཱུཔཱརཱུཔསྶེཝ པཙྩཡོ ནཱམཱཏིཔི ནཏྠི, ཨརཱུཔམེཝ ཧུཏྭཱ ཨརཱུཔསྶེཝ པཙྩཡོཔི ཨཏྠི, སོ ཨནནྟརསམནནྟརཨཱསེཝནསམྤཡུཏྟནཏྠིཝིགཏཝསེན ཚབྦིདྷོ. ཨརཱུཔམེཝ པན རཱུཔསྶེཝ པཙྩཡོཔི ཨཏྠི, སོ པཙྪཱཛཱཏཔཙྩཡོ ཨེཀོ ཨེཝ. ཨརཱུཔམེཝ ཧུཏྭཱ རཱུཔཱརཱུཔཱནམྤི ཨཏྠི, སོ ཧེཏུཀམྨཝིཔཱཀཛྷཱནམགྒཝསེན པཉྩཝིདྷོ. རཱུཔཱརཱུཔཔཉྙཏྟི ཧུཏྭཱ ཨརཱུཔསྶེཝ པཙྩཡོཔི ཨཏྠི, སོ ཨཱརམྨཎཨུཔནིསྶཡཝསེན དུཝིདྷོ. རཱུཔཱརཱུཔཾ པན རཱུཔཱརཱུཔསྶཱཔི ཨཏྠི, སོ ཨདྷིཔཏིསཧཛཱཏཨཉྙམཉྙནིསྶཡཱཧཱརིནྡྲིཡཝིཔྤཡུཏྟཨཏྠིཨཝིགཏཝསེན ནཝཝིདྷོཏི ཨཡཾ རཱུཔཱརཱུཔཝིཀཔྤཏོ ཝིནིཙྪཡོ.

བྷཝཏོཏི ¶ ཨིམེསུ ཧི པཙྩཡེསུ པཉྩཝོཀཱརབྷཝེ ཏཱཝ ན ཀོཙི པཙྩཡོ ན ལབྦྷཏི ནཱམ, སབྦེཔི ལབྦྷནྟི. ཙཏུཝོཀཱརབྷཝེ པན པུརེཛཱཏཔཙྪཱཛཱཏཝིཔྤཡུཏྟཔཙྩཡེ ཨཔནེཏྭཱ སེསཱ ཨེཀཝཱིསཏིམེཝ. ཨེཀཝོཀཱརབྷཝེ སཧཛཱཏཨཉྙམཉྙནིསྶཡཀམྨིནྡྲིཡཨཏྠིཨཝིགཏཝསེན སཏྟེཝ. བཱཧིརེ པན ཨནིནྡྲིཡབདྡྷརཱུཔེ ཏེསུ ཀམྨིནྡྲིཡཝཛྫཱ པཉྩེཝ ལབྦྷནྟཱིཏི ཨཡཾ བྷཝཏོ ཝིནིཙྪཡོ.

སངྒཧཱཏི སབྦེཔི ཧི ཨིམེ ཙཏུཝཱིསཏི པཙྩཡཱ ཨཱརམྨཎསཧཛཱཏཨུཔནིསྶཡཔུརེཛཱཏཔཙྪཱཛཱཏཀམྨཱཧཱརིནྡྲིཡེསུ ཨཊྛསུ ཙ པཙྩཡེསུ སངྒཧཾ གཙྪནྟི. ཀཐཾ? ཏེསུ ཧི ཧེཏུཨཉྙམཉྙཝིཔཱཀཛྷཱནམགྒསམྤཡུཏྟཔཙྩཡཱ ཚ སཧཛཱཏཔཙྩཡེ སངྒཧཾ གཙྪནྟི. ཨནནྟརསམནནྟརཱསེཝནནཏྠིཝིགཏཔཙྩཡཱ པཉྩ ཨནནྟརཱུཔནིསྶཡེ ཨུཔནིསྶཡཔཙྩཡེ. ནིསྶཡཔཙྩཡོ སཧཛཱཏཔུརེཛཱཏབྷེདཏོ དུཝིདྷོ. ཏཏྠ སཧཛཱཏོ སཧཛཱཏཔཙྩཡེ, པུརེཛཱཏོ པུརེཛཱཏཔཙྩཡེ. ཨདྷིཔཏིཔཙྩཡོཔི ཨཱརམྨཎབྷཱུཏོ ཨཱརམྨཎཱུཔནིསྶཡེ, སཧཛཱཏབྷཱུཏོ སཧཛཱཏཔཙྩཡེ. ཝིཔྤཡུཏྟཔཙྩཡོཔི སཧཛཱཏཔུརེཛཱཏཔཙྪཱཛཱཏབྷཱུཏཏཱཡ ཏཏྠ ཏཏྠ སངྒཧཾ གཙྪཏི. ཨཏྠིཨཝིགཏཔཙྩཡཱཔི སཧཛཱཏཔུརེཛཱཏཔཙྪཱཛཱཏཱཧཱརིནྡྲིཡབྷཱུཏཏཱཡ ཏཏྠ ཏཏྠ པཙྩཡེསུ སངྒཧཾ གཙྪནྟི. ཨེཝཾ ཨིམེསུ པཙྩཡེསུ སབྦཔཙྩཡཱནཾ སངྒཧོ ཝེདིཏབྦོ. ཏེནེཝ ཏིཀཔཊྛཱནཔཱལི༹ཡཾ པཙྩནཱིཡནཡེ ཨིམེསཾ ཨཊྛནྣཾ པཙྩཡཱནཾ ཝསེནེཝ ཀཏིཔཡཔཉྷཱ ཝིསྶཛྫིཏཱ. ཨིམེསཾ པན ཨཊྛནྣམྤི ཨཉྙམཉྙསངྒཧོཔི ཨཏྠིཡེཝ. ཏེསུ ཧི ཨཱརམྨཎཔཙྩཡོ ཨདྷིཔཏིབྷཱུཏོ ཨུཔནིསྶཡེ ¶ , ཨནདྷིཔཏིབྷཱུཏོ ན ཀཏྠཙཱིཏི ཨཱརམྨཎཔཙྩཡོ ཧུཏྭཱ ཝིསུཉྙེཝ ཏིཊྛཏི. ཀམྨཔཙྩཡོཔི སཧཛཱཏོ སཧཛཱཏེ. ནཱནཀྑཎིཀོ པན ¶ བལཝཱ ཝིཔཱཀདྷམྨཱནཾ ཨུཔནིསྶཡོ ཧོཏཱིཏི ཨུཔནིསྶཡཔཙྩཡེ སངྒཧཾ གཙྪཏི. བལཝཱཔི པན ཀམྨཛརཱུཔཱནཾ, དུབྦལོ ཨརཱུཔཱནཾ ནཱནཀྑཎིཀཀམྨཔཙྩཡོ ཧུཏྭཱ ཝིསུཉྙེཝ ཏིཊྛཏི. ཨཱཧཱརཔཙྩཡོཔི ཨརཱུཔབྷཱུཏོ སཧཛཱཏེ, རཱུཔབྷཱུཏོ ན ཀཏྠཙཱིཏི ཝིསུཉྙེཝ ཏིཊྛཏི, ཨིནྡྲིཡཔཙྩཡོཔི ཨརཱུཔབྷཱུཏོ སཧཛཱཏེ, པསཱདིནྡྲིཡཱ པུརེཛཱཏེ, རཱུཔཛཱིཝིཏིནྡྲིཡཾ ན ཀཏྠཙི སངྒཧཾ གཙྪཏཱིཏི ཨིནྡྲིཡཔཙྩཡོ ཧུཏྭཱ ཝིསུཉྙེཝ ཏིཊྛཏཱིཏི ཨེཝམེཝཾ ཨཉྙམཉྙསངྒཧོཔི ཨཏྠེཝ. སབྦེཔི པནེཏེ ཙཏུཝཱིསཏི པཙྩཡཱ ཨཱརམྨཎཨུཔནིསྶཡཀམྨཨཏྠིཔཙྩཡེསུ ཙཏཱུསུཔི སངྒཧཾ གཙྪནྟཱིཏི ཨཡཾ སངྒཧཏོ ཝིནིཙྪཡོ. ཨཡཾ ཨནུཏྟཱནཔདཏྠསཧིཏོ སངྑེཔཏྠཝིནིཙྪཡོ.

པཀིཎྞཀཝིནིཙྪཡོ ནིཊྛིཏོ.

ཝིབྷངྒནཡེ པནེཏྠ པཱལི༹ཝཝཏྠཱནཾ ཏཱཝ སངྑེཔཏོ ཨེཝཾ ཝེདིཏབྦཾ. པཊྛཱནཔཱལི༹ཡཾ ཧི ‘‘ཧེཏུཔཙྩཡོ…པེ… ཨཝིགཏཔཙྩཡོ’’ཏི པཙྩཡཔདཱནི མཱཏིཀཱཝསེན ནིཀྑིཔིཏྭཱ ཏེསཾ པཙྩཡཱནཾ – ‘‘ཧེཏཱུ ཧེཏུསམྤཡུཏྟཀཱནཾ དྷམྨཱནཾ ཏཾསམུཊྛཱནཱནཉྩ རཱུཔཱནཾ ཧེཏུཔཙྩཡེན པཙྩཡོ’’ཏིཨཱདིནཱ ནཡེན པཙྩཡབྷཱཛནཱིཡསངྑཱཏོ ནིདྡེསཝཱརོ པཋམཾ ཝུཏྟོ. སོཔི ཙ ཨནནྟརསངྑེཔཏྠཝིནིཙྪཡོ ཏཏྠ ཏཏྠ དསྶིཏོ ཨེཝ. ཏདནནྟརཾ ཏེསཾ ཙཏུཝཱིསཏིཡཱ པཙྩཡཱནཾ ཀུསལཏྟིཀཱདཡོ དྭཱཝཱིསཏིཏིཀེ, ཧེཏུདུཀཱདཡོ སཏཾ དུཀེ ཙ ནིསྶཱཡ ནཱནཱནཡཏོ ཝིབྷཛནཝསེན ཙཏུཝཱིསཏིསམནྟཔཊྛཱནསམོདྷཱནཾ ཨནནྟནཡསམནྟཔཊྛཱནཾ ཝིབྷཏྟཾ. ཀཐཾ? ཙཏུབྦིདྷཾ ཧི པཊྛཱནཾ – ཨནུལོམཔཊྛཱནཾ, པཙྩནཱིཀཔཊྛཱནཾ, ཨནུལོམཔཙྩནཱིཀཔཊྛཱནཾ, པཙྩནཱིཀཱནུལོམཔཊྛཱནནྟི. ཏཏྠ ‘‘ཀུསལཾ དྷམྨཾ པཊིཙྩ ཀུསལོ དྷམྨོ ཨུཔྤཛྫཏི ཧེཏུཔཙྩཡཱ’’ཏིཨཱདིནཱ, ‘‘ཧེཏུཾ དྷམྨཾ པཊིཙྩ ཧེཏུདྷམྨོ ཨུཔྤཛྫཏི ཧེཏུཔཙྩཡཱ’’ཏིཨཱདིནཱ ཀུསལཱདཱིནཾ, ཧེཏུཨཱདཱིནཉྩ དྷམྨཱནཾ ཨནུལོམཝསེན པཝཏྟཾ ཨནུལོམཔཊྛཱནཾ ནཱམ. ‘‘ནཀུསལཾ དྷམྨཾ པཊིཙྩ ནཀུསལོ དྷམྨོ ཨུཔྤཛྫཏི ཧེཏུཔཙྩཡཱ…པེ… ནཧེཏུཾ དྷམྨཾ པཊིཙྩ ནཧེཏུདྷམྨོ ཨུཔྤཛྫཏི ཧེཏུཔཙྩཡཱ’’ཏིཨཱདིནཱ ཀུསལཱདཱིནཾ, ཧེཏུཨཱདཱིནཉྩ ¶ དྷམྨཱནཾ པཙྩནཱིཀཝསེན པཝཏྟཾ པཙྩནཱིཀཔཊྛཱནཾ ནཱམ. ‘‘ཀུསལཾ དྷམྨཾ པཊིཙྩ ནཀུསལོ དྷམྨོ ཨུཔྤཛྫཏི ཧེཏུཔཙྩཡཱ…པེ… ཧེཏུཾ དྷམྨཾ པཊིཙྩ ནཧེཏུདྷམྨོ ཨུཔྤཛྫཏི ཧེཏུཔཙྩཡཱ’’ཏིཨཱདིནཱ པཝཏྟཾ ཨནུལོམཔཙྩནཱིཀཔཊྛཱནཾ ནཱམ ¶ . ‘‘ནཀུསལཾ དྷམྨཾ པཊིཙྩ ཀུསལོ དྷམྨོ…པེ… ནཧེཏུཾ དྷམྨཾ པཊིཙྩ ཧེཏུདྷམྨོ ཨུཔྤཛྫཏི ཧེཏུཔཙྩཡཱ’’ཏིཨཱདིནཱ པཝཏྟཾ པཙྩནཱིཀཱནུལོམཔཊྛཱནཾ ནཱམ.

ཨེཝམེཏེསུ ཙཏཱུསུ པཊྛཱནེསུ ཡཾ དྷམྨཾ ཨནུལོམཔཊྛཱནཾ ནཱམ, ཏཾ ཏཱཝ ཚབྦིདྷཾ ཧོཏི – ཏིཀཔཊྛཱནཾ དུཀཔཊྛཱནཾ དུཀཏིཀཔཊྛཱནཾ ཏིཀདུཀཔཊྛཱནཾ ཏིཀཏིཀཔཊྛཱནཾ དུཀདུཀཔཊྛཱནནྟི. ཡཐཱ ཙེཏཾ, ཨེཝཾ པཙྩནཱིཀཔཊྛཱནཱདཱིནིཔི ཏཱིཎི ཏཱིཎི པཙྩེཀནྟི ཙཏུཝཱིསཏིསམནྟཔཊྛཱནསམོདྷཱནཾ པཊྛཱནཔྤཀརཎཾ ཝེདིཏབྦཾ. སམྨཱསམྦུདྡྷེན ཧི ཨནུལོམཔཊྛཱནེ དྭཱཝཱིསཏིཏིཀེ ནིསྶཱཡ ཏིཀཔཊྛཱནཾ ནཱམ ནིདྡིཊྛཾ. སཏཾ དུཀེ ནིསྶཱཡ དུཀཔཊྛཱནཾ ནཱམ. ཏཏོ ཏིཀེ དུཀེསུ པཀྑིཔིཏྭཱ དུཀཏིཀཔཊྛཱནཾ ནཱམ. ཏཏོ དུཀེ ཏིཀེསུ པཀྑིཔིཏྭཱ ཏིཀདུཀཔཊྛཱནཾ ནཱམ. ཏིཀེ པན ཏིཀེསུཡེཝ པཀྑིཔིཏྭཱ ཏིཀཏིཀཔཊྛཱནཾ ནཱམ. དུཀེ ཙ དུཀེསུ ཨེཝ པཀྑིཔིཏྭཱ དུཀདུཀཔཊྛཱནཾ ནཱམ ནིདྡིཊྛཾ. པཋམཾ ཏཱཝེཏྠ ཨནུལོམཔཊྛཱནེ ཏིཀཔཊྛཱནནཡོ ནིདྡིཊྛོ. ཨེཝཾ པཙྩནཱིཀཔཊྛཱནེ, ཨནུལོམཔཙྩནཱིཀཔཊྛཱནེ, པཙྩནཱིཀཱནུལོམཔཊྛཱནེཏི ཙཏུཝཱིསཏིསམནྟཔཊྛཱནཾ དེསིཏཾ.

ཨེཏྠ ཙ དུཝིདྷཾ ཨནུལོམཾ, པཙྩནཱིཀཉྩ དྷམྨཱནུལོམཾ དྷམྨཔཙྩནཱིཀཾ, པཙྩཡཱནུལོམཾ པཙྩཡཔཙྩནཱིཀནྟི. ཏཏྠ ‘‘ཀུསལཾ དྷམྨཾ ¶ པཊིཙྩ ཀུསལོ དྷམྨོ’’ཏིཨཱདིནཱ ཀུསལཱདཱིནཾ ཏིཀདྷམྨཱནཾ, ཧེཏུཨཱདཱིནཾ དུཀདྷམྨཱནཉྩ ཨནུལོམདེསནཱཝསེན དྷམྨཱནུལོམཾ ཝེདིཏབྦཾ. ‘‘ནཀུསལཾ དྷམྨཾ པཊིཙྩ ནཀུསལོ དྷམྨོ’’ཏིཨཱདིནཱ ཏིཀདུཀདྷམྨཱནཾ པཙྩནཱིཀཝསེན དྷམྨཔཙྩནཱིཀཾ ཝེདིཏབྦཾ. ‘‘ཧེཏུཔཙྩཡཱ ཨཱརམྨཎཔཙྩཡཱ’’ཏི ཨེཝཾ ཙཏུཝཱིསཏིཡཱ པཙྩཡཱནཾ ཨནུལོམདེསནཱཝསེན པཙྩཡཱནུལོམཾ ཝེདིཏབྦཾ. ‘‘ནཧེཏུཔཙྩཡཱ ནཱརམྨཎཔཙྩཡཱ’’ཏི ཨེཝཾ པཙྩཡཱནཾ པཙྩནཱིཀཝསེན པཙྩཡཔཙྩནཱིཀཉྩ ཝེདིཏབྦཾ. ཏཏྲ ཡདིདཾ དྷམྨཱནུལོམཾ དྷམྨཔཙྩནཱིཀཉྩ, ཏསྶ ཝསེན ཙཏུཝཱིསཏིསམནྟཔཊྛཱནཾ ཝེདིཏབྦཾ. པཙྩཡཱནུལོམཾ པཙྩཡཔཙྩནཱིཀཉྩ ཨནུལོམཏིཀཔཊྛཱནཱདཱིསུ ཙཏུཝཱིསཏིཡཱ པཊྛཱནེསུ ཨེཀེཀཏིཀདུཀེསུ ཨེཝཾ ལབྦྷཏི. ཏཉྩ ཨུཔརི པཱལི༹ནཡདསྶནེ ཨེཝ པཱཀཊཾ བྷཝིསྶཏི. ཏཏྲིམཱནི ཙཏུཝཱིསཏི པཊྛཱནཱནི ཨིམེསཾ ཏིཀདུཀཱནཾ ཝསེན ནིདྡིཊྛཏྟཱ ཏིཀཔཊྛཱནཾ…པེ… དུཀདུཀཔཊྛཱནནྟི ཝུཙྩཏི.

ཏེསུ ཏིཀདུཀེསུ ཨེཀེཀཾ ཏིཀདུཀཾ ཨིམེསཾ ཧེཏུཔཙྩཡཱདཱིནཾ ཙཏུཝཱིསཏིཡཱ པཙྩཡཱནཾ ཨནུལོམཱདིནཡཙཏུཀྐཝསེན སཏྟཧི སཏྟཧི མཧཱཝཱརེཧི ཝིཏྠཱརཏོ ཝིབྷཏྟཾ. ཀཏམེཧི སཏྟཧི? པཊིཙྩཝཱརོ སཧཛཱཏཝཱརོ པཙྩཡཝཱརོ ནིསྶཡཝཱརོ སཾསཊྛཝཱརོ སམྤཡུཏྟཝཱརོ པཉྷཱཝཱརོཏི ཨིམེཧི ¶ . ཏཏྠ ‘‘ཀུསལཾ དྷམྨཾ པཊིཙྩ ཀུསལོ དྷམྨོ’’ཏིཨཱདིནཱ པཊིཙྩཱབྷིདྷཱནེན ཝུཏྟོ པཊིཙྩཝཱརོ ནཱམ. ‘‘ཀུསལཾ དྷམྨཾ སཧཛཱཏོ, ཀུསལཾ དྷམྨཾ པཙྩཡཱ, ཀུསལཾ དྷམྨཾ ནིསྶཱཡ, ཀུསལཾ དྷམྨཾ སཾསཊྛོ, ཀུསལཾ དྷམྨཾ སམྤཡུཏྟོ’’ཏི ཨེཝཾ སཧཛཱཏཱདིཨབྷིདྷཱནེཧི ཝུཏྟཱ པཉྩ ཝཱརཱ སཧཛཱཏཱདིཝཱརཱནི. པརཏོ ཙ སཾསཊྛསམྤཡུཏྟཝཱརེསུ དྭཱིསུ ཨརཱུཔདྷམྨཝསེནེཝ པཙྩཡཔཙྩཡུཔྤནྣཱ ཙ, སེསེསུ ཙཏཱུསུ ཝཱརེསུ, སཏྟམེཝ པཉྷཱཝཱརེ ཙ རཱུཔཱརཱུཔཝསེན, པཙྩཡཝཱརེ, ནིསྶཡཝཱརེ ཙ སཧཛཱཏཔཙྪཱཛཱཏཔུརེཛཱཏཝསེན, སེསེསུ ¶ སཧཛཱཏཝསེན པཙྩཡཔཙྩཡུཔྤནྣཱ ཙ ཀཐིཏཱཏི ཨཡཾ ཝིསེསོ. སཏྟམཝཱརེ པན ཡསྨཱ ‘‘ཀུསལོ དྷམྨོ ཀུསལསྶ དྷམྨསྶ ཧེཏུཔཙྩཡེན པཙྩཡོ’’ཏིཨཱདིནཱ ནཡེན ཏེ ཏེ པཉྷེ ཨུདྡྷརིཏྭཱ པུན ‘‘ཀུསལཱ ཧེཏཱུ སམྤཡུཏྟཀཱནཾ ཁནྡྷཱན’’ནྟིཨཱདིནཱ ནཡེན སབྦེཔི ཏེ པཉྷཱ ནིཛྫཊཱ, ནིགྒུམྦཱ ཙ ཀཏྭཱ ཝིབྷཏྟཱ, ཏསྨཱ སོ ཝཱརོ པཉྷཱནཾ སཱདྷུཀཾ ཝིབྷཏྟཏྟཱ པཉྷཱཝཱརོཏྭེཝ སངྑཾ གཏོ. ཨིཏི ཨིམེཧི སཏྟཧི མཧཱཝཱརེཧི ཙཏུཝཱིསཏིཡཱ སམནྟཔཊྛཱནེསུ སབྦེཔི ཏིཀདུཀཱ ཙཏུཝཱིསཏིཡཱ པཙྩཡཱནཾ ཨནུལོམཱདིཝསེན ཝིཏྠཱརཏོ ཝིབྷཏྟཱ. ཀཐཾ? ཨནུལོམཔཊྛཱནེ ཧི ཡདིདཾ དྭཱཝཱིསཏིཏིཀེ ནིསྶཱཡ ཏིཀཔཊྛཱནཾ ནཱམ སབྦཔཋམཾ ནིདྡིཊྛཾ. ཏཏྠ ཀུསལཏྟིཀཾ ཏཱཝ ཨིམེཧི པཊིཙྩཝཱརཱདཱིཧི མཧཱཝཱརེཧི པཙྩཡཱནུལོམཱདིནཡཙཏུཀྐཏོ ཝིབྷཏྟཾ. ཏཏྠ ཡོ ཏཱཝེས སབྦཔཋམོ པཊིཙྩཝཱརོ ནཱམ, སོ ཨུདྡེསནིདྡེསཏོ དུཝིདྷོ ཧོཏི.

ཏཏྠ ཨུདྡེསཝཱརོ ཀུསལཱདཡོ པཊིཙྩ ཧེཏུཔཙྩཡཱདིཝསེན ཀུསལཱདཱིནཾ ཡུཏྟཱནཾ, ཨཀུསལཱདཱིནཾ ཨཡུཏྟཀཱནཉྩ དྷམྨཱནཾ ཨུཔྤཏྟིཔུཙྪནཝསེནེཝ པཝཏྟཏྟཱ ‘‘པུཙྪཱཝཱརོ’’ཏིཔི, པུཙྪཱནཉྙེཝ པཉྙཱཔནཏོ ‘‘པཎྞཏྟིཝཱརོ’’ཏིཔི ཝུཙྩཏི. ན ཧི ཏཏྠ ཝིསྶཛྫནཾ ཨཏྠི. ནིདྡེསཝཱརོ པན པུཙྪཱཝཱརེ པརིཔུཙྪིཏེསུ པཉྷེསུ ‘‘སིཡཱ ཨཀུསལཾ དྷམྨཾ པཊིཙྩ ཨཀུསལོ དྷམྨོ ཨུཔྤཛྫེཡྻཱ’’ཏིཨཱདིཀཾ ཨཡུཏྟཾ པཉྷཾ ཨནུདྡྷརིཏྭཱ ལབྦྷམཱནཱནཉྙེཝ པཉྷཱནཾ ཝསེན པཝཏྟོ. ཨིཏརེསུ པན སཧཛཱཏཱདཱིསུ, སེསེསུ ཙ ཏིཀེསུ, སེསཔཊྛཱནེསུ ཙ སབྦཏྠ པུཙྪཱཝཱརོ ནཏྠི, ལབྦྷམཱནཝསེན སབྦཝིསྶཛྫནམེཝ དསྶིཏནྟི ཨིདམེཏྠ སངྑེཔཏོ པཱལི༹ཝཝཏྠཱནཾ.

ཨིདཱནི པནེཏྠ ཨཱདིཏོ པཊྛཱཡ ཨེཝཾ ཝིབྷངྒནཡོ ཝེདིཏབྦོ. ཨནུལོམཔཊྛཱནསྨིཉྷི ཏིཀཔཊྛཱནེ ཀུསལཏྟིཀསྶ སཏྟསུ མཧཱཝཱརེསུ པཋམསྶ པཊིཙྩཝཱརསྶ པུཙྪཱཝཱརེ ཏཱཝ ¶ – ‘‘སིཡཱ ཀུསལཾ དྷམྨཾ པཊིཙྩ ཀུསལོ དྷམྨོ ཨུཔྤཛྫེཡྻ ཧེཏུཔཙྩཡཱ…པེ… ཨཀུསལོ དྷམྨོ…པེ… ཨབྱཱཀཏོ…པེ… ཀུསལོ ཙ ཨབྱཱཀཏོ ཙ…པེ… ཨཀུསལོ ཙ ཨབྱཱཀཏོ ¶ ཙ…པེ… ཀུསལོ ཙ ཨཀུསལོ ཙ…པེ… ཀུསལོ ཙ ཨཀུསལོ ཙ ཨབྱཱཀཏོ ཙ དྷམྨཱ ཨུཔྤཛྫེཡྻུཾ ཧེཏུཔཙྩཡཱ’’ཏི ཀུསལཔདམཱུལཱ སཏྟ པུཙྪཱ ཨུདྡྷཊཱ.

ཨེཝཾ ཨཀུསལཔདམཱུལཱ, ཨབྱཱཀཏཔདམཱུལཱ ཙ. ‘‘སིཡཱ ཀུསལཉྩ ཨབྱཱཀཏཉྩ དྷམྨཾ པཊིཙྩ ཨཀུསལོ…པེ… སིཡཱ ཨཀུསལཉྩ ཨབྱཱཀཏཉྩ…པེ… སིཡཱ ཀུསལཉྩ ཨཀུསལཉྩ…པེ… སིཡཱ ཀུསལཉྩ ཨཀུསལཉྩ ཨབྱཱཀཏཉྩ དྷམྨཾ པཊིཙྩཱ’’ཏི དྭིམཱུལཀཱ, ཏིམཱུལཀཱ ཙ སཏྟ སཏྟ པུཙྪཱཏི ཨེཀཱུནཔཉྙཱས པུཙྪཱ ཧེཏུཔཙྩཡམཱུལཀཱ ཨུདྡྷཊཱ.

ཨིམིནཱཝ ནཡེན ‘‘སིཡཱ ཀུསལཾ དྷམྨཾ པཊིཙྩ ཀུསལོ དྷམྨོ ཨུཔྤཛྫེཡྻ ཨཱརམྨཎཔཙྩཡཱ…པེ… ཨཝིགཏཔཙྩཡཱ’’ཏི ཨེཝཾ སེསཔཙྩཡམཱུལཀཱཔི པུཙྪཱཝེདིཏབྦཱ. ཨེཀམཱུལཀནཡོ.

ཡཐཱ ཙ ཨེཀམཱུལཀེ, ཨེཝཾ ‘‘སིཡཱ ཀུསལཾ དྷམྨཾ པཊིཙྩ ཀུསལོ དྷམྨོ ཨུཔྤཛྫེཡྻ ཧེཏུཔཙྩཡཱ ཨཱརམྨཎཔཙྩཡཱ…པེ… ཧེཏུཔཙྩཡཱ ཨཝིགཏཔཙྩཡཱ’’ཏིཨཱདིནཱ དྭིམཱུལཀེཔི. ‘‘ཧེཏུཔཙྩཡཱ ཨཱརམྨཎཔཙྩཡཱ ཨདྷིཔཏིཔཙྩཡཱ…པེ… ཧེཏུཔཙྩཡཱ ཨཱརམྨཎཔཙྩཡཱ ཨནནྟརཔཙྩཡཱ…པེ… ཧེཏུཔཙྩཡཱ ཨཱརམྨཎཔཙྩཡཱ ཨཝིགཏཔཙྩཡཱ’’ཏིཨཱདིནཱ ཏིམཱུལཀཱདཱིསུ སབྦམཱུལཀཔརིཡོསཱནེསུ ཝཱརེསུ ནཡཱ ཝེདིཏབྦཱ. ཧེཏུཔཙྩཡམཱུལཀནཡོ.

ཡཐཱ ཙ ཧེཏུམཱུལཀེ, ཨེཝཾ ‘‘སིཡཱ ཀུསལཾ དྷམྨཾ པཊིཙྩ ཀུསལོ དྷམྨོ ཨུཔྤཛྫེཡྻ ཨཱརམྨཎཔཙྩཡཱ’’ཏིཨཱདིནཱ སེསཔཙྩཡམཱུལཀེསུཔི ནཡོ ཉཱཏབྦོ. པཙྩཡཱནུལོམཝཱརོ. ཨེཏེནེཝ ཨུཔཱཡེན ‘‘སིཡཱ ཀུསལཾ དྷམྨཾ པཊིཙྩ ཀུསལོ དྷམྨོ ཨུཔྤཛྫེཡྻ ནཧེཏུཔཙྩཡཱ’’ཏིཨཱདིནཱ སབྦཔྤཀཱརཡུཏྟོ ¶ པཙྩཡཔཙྩནཱིཀཝཱརོཔི. ‘‘སིཡཱ ཀུསལཾ དྷམྨཾ…པེ… ཨུཔྤཛྫཏི ཧེཏུཔཙྩཡཱ ནཱརམྨཎཔཙྩཡཱ’’ཏིཨཱདིནཱ ཨནུལོམཔཙྩནཱིཀཔཙྩཡཝཱརོཔི. ‘‘སིཡཱ ཀུསལཾ དྷམྨཾ…པེ… ཨུཔྤཛྫེཡྻ ནཧེཏུཔཙྩཡཱ ཨཱརམྨཎཔཙྩཡཱ’’ཏིཨཱདིནཱ པཙྩནཱིཡཱནུལོམཝཱརོཔི སབྦཏྠ ནེཏབྦོཏི ཨཡཾ ཏཱཝེཏྠ པུཙྪཱཝཱརེ ནཡོ.

ནིདྡེསཝཱརོ པན ཨུདྡེསཝཱརེ དསྶིཏཱསུ པུཙྪཱསུ ཀུསལཱཀུསལཱདཱིནཾ སཧུཔྤཏྟིཡཱ ཨབྷཱཝཏོ ཡཱ ཨེཏཱ ‘‘ཀུསལཾ དྷམྨཾ པཊིཙྩ ཀུསལོ དྷམྨོ ཨུཔྤཛྫཏཱི’’ཏིཨཱདིཀཱ པུཙྪཱ སབྦསོ ¶ ཝིསྶཛྫནཾ ལབྷནྟི, ཏཱ པཧཱཡ ཡཱ ཝིསྶཛྫནཾ ལབྷནྟི, ཏཱསམེཝ ཝིསྶཛྫནཝསེན པཝཏྟོ. ཏཏྲཱཡཾ ནཡོ – ‘‘ཀུསལཾ དྷམྨཾ པཊིཙྩ ཀུསལོ དྷམྨོ ཨུཔྤཛྫཏི ཧེཏུཔཙྩཡཱ. ཀུསལཾ ཨེཀཾ ཁནྡྷཾ པཊིཙྩ ཏཡོ ཁནྡྷཱ. ཏཡོ ཁནྡྷེ པཊིཙྩ ཨེཀོ ཁནྡྷོ. དྭེ ཁནྡྷེ པཊིཙྩ དྭེ ཁནྡྷཱ. ཀུསལཾ དྷམྨཾ པཊིཙྩ ཨབྱཱཀཏོ དྷམྨོ ཨུཔྤཛྫཏི ཧེཏུཔཙྩཡཱ. ཀུསལེ ཁནྡྷེ པཊིཙྩ ཙིཏྟསམུཊྛཱནཾ རཱུཔཾ. ཀུསལཾ དྷམྨཾ པཊིཙྩ ཀུསལོ ཙ ཨབྱཱཀཏོ ཙ དྷམྨཱ ཨུཔྤཛྫནྟི ཧེཏུཔཙྩཡཱ. ཀུསལཾ ཨེཀཾ ཁནྡྷཾ པཊིཙྩ ཏཡོ ཁནྡྷཱ ཙིཏྟསམུཊྛཱནཉྩ རཱུཔཾ. ཏཡོ ཁནྡྷེ པཊིཙྩ ཨེཀོ ཁནྡྷོ ཙིཏྟསམུཊྛཱནཉྩ རཱུཔཾ. དྭེ ཁནྡྷེ པཊིཙྩ དྭེ ཁནྡྷཱ ཙིཏྟསམུཊྛཱནཉྩ རཱུཔ’’ནྟི ཨེཝཾ ཀུསལཔདམཱུལཱསུ སཏྟསུ པུཙྪཱསུ ཏིསྶོཝ ལབྦྷམཱནཱ ཝིསྶཛྫིཏཱ. ཏཐཱ ཨཀུསལཔདམཱུལཱསུཔི ཏིསྶོཝ. ཨབྱཱཀཏཔདམཱུལཱསུ པན ‘‘ཨབྱཱཀཏཾ དྷམྨཾ པཊིཙྩ ཨབྱཱཀཏོ དྷམྨོ ཨུཔྤཛྫཏི ཧེཏུཔཙྩཡཱ. ཝིཔཱཀཱབྱཱཀཏཾ ཀིརིཡཱབྱཱཀཏཾ ཨེཀཾ ཁནྡྷཾ པཊིཙྩ ཏཡོ ཁནྡྷཱ ཙིཏྟསམུཊྛཱནཉྩ རཱུཔཾ…པེ… དྭེ ཁནྡྷེ པཊིཙྩ དྭེ ཁནྡྷཱ ཙིཏྟསམུཊྛཱནཉྩ རཱུཔཾ. པཊིསནྡྷིཀྑཎེ ཝིཔཱཀཱབྱཱཀཏཾ ཨེཀཾ ཁནྡྷཾ པཊིཙྩ ཏཡོ ཁནྡྷཱ ཀཊཏྟཱ ཙ རཱུཔཾ…པེ… དྭེ ཁནྡྷཱ ཀཊཏྟཱ ཙ རཱུཔཾ. ཁནྡྷེ པཊིཙྩ ཝཏྠུ, ཝཏྠུཾ པཊིཙྩ ཁནྡྷཱ. ཨེཀཾ མཧཱབྷཱུཏཾ པཊིཙྩ ཏཡོ མཧཱབྷཱུཏཱ…པེ… དྭེ མཧཱབྷཱུཏེ པཊིཙྩ ¶ དྭེ མཧཱབྷཱུཏཱ. མཧཱབྷཱུཏེ པཊིཙྩ ཙིཏྟསམུཊྛཱནཾ རཱུཔཾ ཀཊཏྟཱརཱུཔཾ ཨུཔཱདཱརཱུཔ’’ནྟི ཨེཀཱཝ. དྭིམཱུལིཀཱདཱིསུ ཙ ‘‘ཀུསལཉྩ ཨབྱཱཀཏཉྩ དྷམྨཾ པཊིཙྩ ཨབྱཱཀཏོ དྷམྨོ ཨུཔྤཛྫཏི ཧེཏུཔཙྩཡཱ. ཀུསལེ ཁནྡྷེ ཙ མཧཱབྷཱུཏེ ཙ པཊིཙྩ ཙིཏྟསམུཊྛཱནཾ རཱུཔ’’ནྟི ཨེཀཱ. ཏཐཱ ‘‘ཨཀུསལཉྩ ཨབྱཱཀཏཉྩ པཊིཙྩཱ’’ཏི, ཨེཝཾ ཧེཏུཔཙྩཡམཱུལིཀཱསུ ཨེཀཱུནཔཉྙཱསཱཡ པུཙྪཱསུ ནཝེཝ ལབྦྷམཱནཱ ཝིསྶཛྫིཏཱ. སེསཱ ཙཏྟཱལཱིས མོགྷཔུཙྪཱཏི ན ཝིསྶཛྫིཏཱ. ཨེཝཾ ཨུཔརི ཨཱརམྨཎཔཙྩཡཱདཱིསུ ཝིསྶཛྫིཏཱཝསེསཱ མོགྷཔུཙྪཱཏི གཧེཏབྦཱ. ཝིཛཱནནསུཁཏྠཾ པན བྷགཝཏཱ པུཙྪཱཝཱརེ ལབྦྷམཱནཱ, ཨལབྦྷམཱནཱ ཙ སབྦཱཔི ཏཱ དསྶིཏཱཏི ཝེདིཏབྦཱཏི.

ཏཏྠ ཀུསལཾ དྷམྨཾ པཊིཙྩཱཏི སཧཛཱཏེསུ ཝེདནཱཀྑནྡྷཱདིབྷེདཾ ཨེཀཾ ཀུསལཾ དྷམྨཾ པཊིཙྩ པཊིགནྟྭཱ, སཧུཔྤཏྟིསངྑཱཏེན སདིསབྷཱཝེན པཏྭཱཏི ཨཏྠོ. སདིསཏྠོ ཧི ཨེཏྠ པཊིསདྡོ ‘‘པཊིཔུགྒལོ’’ཏིཨཱདཱིསུ ཝིཡ. ཀུསལོ དྷམྨོཏི སཉྙཱཀྑནྡྷཱདིབྷེདོ སཧུཔྤནྣོ ཀུསལོ དྷམྨོ. ཨུཔྤཛྫཏཱིཏི པཱཀཊབྷཱཝཏོ ཨུདྡྷཾ ཨུཔྤཱདཱདིཾ པཱཔུཎཱཏི, ཨཏྟཱནཾ ཝཱ པཊིལབྷཏི. ཧེཏུཔཙྩཡཱཏི ན ཀེཝལཾ ཀུསལདྷམྨམཏྟམེཝ པཊིཙྩ ཨུཔྤཛྫཏི, ཨཐ ཁོ ཀུསལཧེཏུནཱ ཧེཏུཔཙྩཡཏཾ སཱདྷེནྟེན ཙ ཨུཔྤཛྫཏཱིཏི ཨེཝམཏྠོ གཧེཏབྦོ.

ཨེཝམིདཾ ¶ ‘‘ཨུཔྤཛྫེཡྻཱ’’ཏི པུཙྪཱཡ ‘‘ཨུཔྤཛྫཏཱི’’ཏི ཨཝིསེསེན ཝིསྶཛྫནཾ ཝཏྭཱ ཨིདཱནི ཡཾ དྷམྨཾ པཊིཙྩ ཡེ དྷམྨཱ ཨུཔྤཛྫནྟི, ཏེ པཙྩཡཔཙྩཡུཔྤནྣེ ཁནྡྷཝསེན ཝིསེསེཏྭཱ དསྶེཏུཾ ‘‘ཀུསལཾ ཨེཀཾ ཁནྡྷ’’ནྟིཨཱདི ཝུཏྟཾ. ཡསྨཱ པནེཏྠ ཨེཀོ ཁནྡྷོ ཨེཀསྶེཝ, དྭིནྣཾཡེཝ ཝཱ, དྭེ ཝཱ པན ཨེཀསྶེཝ པཙྩཡཱ ནཱམ ན ཧོནྟི, ཏསྨཱ ཏེ པཀཱརེན ཨནཱམསིཏྭཱ ‘‘ཨེཀཾ ཁནྡྷཾ པཊིཙྩ ཏཡོ ཁནྡྷཱ’’ཏིཨཱདིནཱ པཙྩཡབྷཱཝེན གཧིཏཱཝསེསཾ སབྦཾ པཙྩཡུཔྤནྣཾ ཀཏྭཱ དསྶིཏནྟི ཝེདིཏབྦཾ. ཨེཝཾ ཨུཔརིཔི སབྦཏྠ. ཙིཏྟསམུཊྛཱནཾ རཱུཔནྟི ཨིདཾ པཊིཙྩཏྠསྶ སཧཛཱཏཏྠཏྟཱ ¶ ཡཾ ཀུསལེན སཧཛཱཏཉྩེཝ ཧེཏུཔཙྩཡཉྩ ལབྷཏི, ཏཾ དསྶེཏུཾ ཝུཏྟཾ ‘‘ཝིཔཱཀཱབྱཱཀཏཾ ཀིརིཡཱབྱཱཀཏ’’ནྟི. ཨེཏྠ ཧེཏུཔཙྩཡཱདྷིཀཱརེ ཨཧེཏུཀཱ ན གཧེཏབྦཱ. ཁནྡྷེ པཊིཙྩ ཝཏྠཱུཏིཨཱདི ཀཊཏྟཱརཱུཔགྒཧཎེན ཝཏྠུསྨིཾ གཧིཏེཔི ཝཏྠུཾ པཊིཙྩ ཨརཱུཔཀྑནྡྷཱནཾ ཨུཔྤཏྟིདསྶནཏྠཾ ཝུཏྟཾ. ཨེཀཾ མཧཱབྷཱུཏནྟིཨཱདི པན རཱུཔཱབྱཱཀཏཾ པཊིཙྩ རཱུཔཱབྱཱཀཏསྶ ཨུཔྤཏྟིདསྶནཏྠཾ. ཧེཏུཔཙྩཡེ ཨུཔཏྠམྦྷཀཱནམེཝ ཙེཏྠ ཙིཏྟཛཱནཾ, པཊིསནྡྷིཡཾ ཀམྨཛཱནཉྩ ཨཉྙམཉྙཾ པཙྩཡཔཙྩཡུཔྤནྣཏཱ གཧེཏབྦཱ, ན ཨཧེཏུཀཙིཏྟཛཨུཏུཛཱདཱིནཾ ཏེསཾ ཧེཏུཔཙྩཡཱ ཨུཔྤཏྟིཡཱ ཨབྷཱཝཏོ. མཧཱབྷཱུཏེ པཊིཙྩ ཙིཏྟསམུཊྛཱནནྟིཨཱདི མཧཱབྷཱུཏེ པཊིཙྩ ཨུཔཱདཱདཱིནཾ ཨུཔྤཏྟིདསྶནཏྠཾ ཝུཏྟཾ. ཨིམིནཱ ཨུཔཱཡེན ཨཱརམྨཎཔཙྩཡཱདཱིསུཔི ཝིསྶཛྫནཱནཾ ཨཏྠོ ཝེདིཏབྦོ.

ཨཱརམྨཎཔཙྩཡེ ‘‘ཀུསལཾ དྷམྨཾ པཊིཙྩ ཀུསལོ དྷམྨོ ཨུཔྤཛྫཏི ཨཱརམྨཎཔཙྩཡཱ. ཨེཀཾ ཁནྡྷཾ…པེ… དྭེ ཁནྡྷེ པཊིཙྩ དྭེ ཁནྡྷཱ. ཨཀུསལཾ དྷམྨཾ པཊིཙྩ ཨཀུསལོ དྷམྨོ…པེ… ཨབྱཱཀཏཾ དྷམྨཾ པཊིཙྩ ཨབྱཱཀཏོ དྷམྨོ ཨུཔྤཛྫཏི ཨཱརམྨཎཔཙྩཡཱ. ཝིཔཱཀཱབྱཱཀཏཾ ཀིརིཡཱབྱཱཀཏཾ ཨེཀཾ ཁནྡྷཾ…པེ… དྭེ ཁནྡྷཱ. པཊིསནྡྷིཀྑཎེ ཝིཔཱཀཱབྱཱཀཏཾ ཨེཀཾ ཁནྡྷཾ…པེ… དྭེ ཁནྡྷཱ. ཝཏྠུཾ པཊིཙྩ ཁནྡྷཱ’’ཏི ཨེཝཾ ཏིསྶོ ཝིསྶཛྫིཏཱ. སེསཱ རཱུཔམིསྶཀཏྟཱ, རཱུཔསྶ ཙ ཨཱརམྨཎཔཙྩཡེན ཨནུཔྤཏྟིཏོ ན གཧིཏཱ. ཏེནེཝ ‘‘ཝཏྠུཾ པཊིཙྩ ཁནྡྷཱ’’ཏི ཝཏྭཱ ‘‘ཁནྡྷེ པཊིཙྩ ཝཏྠཱུ’’ཏི ན ཝུཏྟཾ. ཨེཏྠ ཙ ཨཱརམྨཎཔཙྩཡཱཏི སཧཛཱཏཾ ཀུསལཾ དྷམྨཾ པཊིཙྩ ཨུཔྤཛྫམཱནོ ཀུསལོ དྷམྨོ ཏཏོ ཨཉྙེན ཨསཧཛཱཏེན ཚབྦིདྷེན ཨཱརམྨཎབྷཱུཏེན པཙྩཡེནཱཏི ཨེཝཾ ཨཏྠོ གཧེཏབྦོ. ན ཧི ཨཏྟནཱ སཧཛཱཏཾ ཨཱརམྨཎཾ ཀཏྭཱ ཙིཏྟཙེཏསིཀཱ ཨུཔྤཛྫནྟི.

ཨདྷིཔཏིཔཙྩཡེ ཧེཏུཔཙྩཡསདིསཾ ཝིསྶཛྫནཾ. ཨནནྟརསམནནྟརེསུ པན རཱུཔཱབྷཱཝཏོ ཨཱརམྨཎཔཙྩཡསདིསཾ. སཧཛཱཏཔཙྩཡེཔི ¶ ཧེཏུཔཙྩཡསདིསཾ. ཨབྱཱཀཏཾ པཊིཙྩ ཨབྱཱཀཏུཔྤཏྟིཡཱ ¶ པན ‘‘བཱཧིརཾ ཨེཀཾ མཧཱབྷཱུཏཾ པཊིཙྩ…པེ… དྭེ མཧཱབྷཱུཏཱ. མཧཱབྷཱུཏེ པཊིཙྩ ཨུཔཱདཱརཱུཔཾ…པེ… ཨཱཧཱརསམུཊྛཱནཾ ཨེཀཾ མཧཱབྷཱུཏཾ…པེ… དྭེ མཧཱབྷཱུཏཱ…པེ… ཨུཏུསམུཊྛཱནཾ ཨེཀཾ…པེ… དྭེ མཧཱབྷཱུཏཱ…པེ… ཨསཉྙསཏྟཱནཾ ཨེཀཾ མཧཱབྷཱུཏཾ པཊིཙྩ…པེ… དྭེ མཧཱབྷཱུཏཱ…པེ… ཀཊཏྟཱརཱུཔཾ ཨུཔཱདཱརཱུཔ’’ནྟི ཨིདཾ ཨདྷིཀཾ. ཨེཝཾ ཨཉྙམཉྙཔཙྩཡེཔི. ཀེཝལཾ ཏཏྠ ཀཊཏྟཱརཱུཔཾ ཨུཔཱདཱརཱུཔཉྩ ན གཧིཏཾ ཏེསཾ ཨཉྙམཉྙཔཙྩཡཏྟཱབྷཱཝཱ. ནིསྶཡཔཙྩཡེཔི སཧཛཱཏཔཙྩཡསདིསཾ ཝིསྶཛྫནཾ. པཊིཙྩཏྠསྶ པན སཧཛཱཏཏྠཏྟཱ ཙཀྑཱདཱིསུ པུརེཛཱཏནིསྶཡཱ ཨིདྷ ན གཧིཏཱཏི. ཨུཔནིསྶཡཔཙྩཡེཔི རཱུཔསྶ ཨུཔནིསྶཡཔཙྩཡུཔྤནྣཏྟཱབྷཱཝཱ ཨཱརམྨཎཔཙྩཡསདིསམེཝ ཝིསྶཛྫནཾ.

པུརེཛཱཏཔཙྩཡེ པན ‘‘ཀུསལཾ དྷམྨཾ པཊིཙྩ ཀུསལོ དྷམྨོ ཨུཔྤཛྫཏི པུརེཛཱཏཔཙྩཡཱ. ཀུསལཾ ཨེཀཾ…པེ… དྭེ ཁནྡྷཱ. ཝཏྠུཾ པུརེཛཱཏཔཙྩཡཱ. ཨཀུསལཾ དྷམྨཾ པཊིཙྩ ཨཀུསལོ…པེ… ཨབྱཱཀཏཾ དྷམྨཾ པཊིཙྩ ཨབྱཱཀཏོ…པེ… པུརེཛཱཏཔཙྩཡཱ. ཝིཔཱཀཱབྱཱཀཏཾ ཀིརིཡཱབྱཱཀཏཾ ཨེཀཾ ཁནྡྷཾ…པེ… དྭེ ཁནྡྷཱ. ཝཏྠུཾ པུརེཛཱཏཔཙྩཡཱ’’ཏི ཨེཝཾ ཏིསྶོ པུཙྪཱ ཝིསྶཛྫིཏཱ. ཏཏྠ ཝཏྠུཾ པུརེཛཱཏཔཙྩཡཱཏི ཨིདཾ ཨཱརམྨཎཔུརེཛཱཏནིཝཏྟནཏྠཾ ཝུཏྟཾ. ཏཾ ཧི ཙཀྑུཝིཉྙཱཎཱདཱིནཾཡེཝ པུརེཛཱཏཔཙྩཡཏཾ སཱདྷཡཏི, ན མནོཝིཉྙཱཎདྷཱཏུཡཱཏི ཨིདྷ ན གཧིཏཾ.

པཙྪཱཛཱཏཔཙྩཡོ ཨིདྷ ཨརཱུཔདྷམྨེསུ ན ལབྦྷཏི. རཱུཔདྷམྨེསུ ཙ ཨུཔཏྠམྦྷཀོཝ, ན ཛནཀོ, ཏསྨཱ ‘‘ཨབྱཱཀཏཾ དྷམྨཾ པཊིཙྩ ཨབྱཱཀཏོ དྷམྨོ ཨུཔྤཛྫཏཱི’’ཏིཨཱདི ན ཝཏྟབྦོཝཱཏི ཨཡཾ ན གཧིཏོ. ཨཱསེཝནཔཙྩཡེཔི ཨཱརམྨཎཔཙྩཡེ ཝིཡ ཏིསྶོཝ པུཙྪཱ ཝིསྶཛྫིཏཱ.

ཀམྨཔཙྩཡེ ¶ ‘‘ཀུསལཾ དྷམྨཾ པཊིཙྩ ཀུསལོ དྷམྨོ ཨུཔྤཛྫཏི ཀམྨཔཙྩཡཱ. ཀུསལཾ ཨེཀཾ ཁནྡྷཾ…པེ… ཨབྱཱཀཏོ དྷམྨོ ཨུཔྤཛྫཏི…པེ… ཙིཏྟསམུཊྛཱནཉྩ རཱུཔཾ…པེ… ཀུསལོ ཙ ཨབྱཱཀཏོ ཙ དྷམྨཱ…པེ… ཙིཏྟསམུཊྛཱནཾ རཱུཔ’’ནྟི ཀུསལཔདེ ཏིསྶོ, ཏཐཱ ཨཀུསལཔདེ. ཨབྱཱཀཏཔདེ པན ‘‘ཨབྱཱཀཏཾ དྷམྨཾ པཊིཙྩ ཨབྱཱཀཏོ…པེ… ཝིཔཱཀཱབྱཱཀཏཾ ཀིརིཡཱབྱཱཀཏཾ ཨེཀཾ ཁནྡྷཾ པཊིཙྩ…པེ… མཧཱབྷཱུཏེ པཊིཙྩ ཙིཏྟསམུཊྛཱནཾ རཱུཔཾ ཀཊཏྟཱརཱུཔཾ ཨུཔཱདཱརཱུཔཾ, ཨསཉྙསཏྟཱནཾ…པེ… ཀཊཏྟཱརཱུཔཾ ཨུཔཱདཱརཱུཔ’’ནྟི ཨེཝཾ ཏིསྶོ. ‘‘ཀུསལཉྩ ཨབྱཱཀཏཉྩ དྷམྨཾ པཊིཙྩ ཨབྱཱཀཏོ…པེ… ཀུསལེ ཁནྡྷེ ཙ མཧཱབྷཱུཏེ ¶ ཙ པཊིཙྩ ཙིཏྟསམུཊྛཱནཾ རཱུཔ’’ནྟིཨཱདིནཱ སཧཛཱཏསདིསཾ ཝིསྶཛྫནཾ. ནཏྠིཝིགཏཔཙྩཡེསུ ཨཱརམྨཎསདིསཾ.

ཨེཝཾ སབྦཔཙྩཡེསུ ལབྦྷམཱནཔཉྷེ ཝིསྶཛྫནཾ དསྶེཏྭཱ ཏཏོ ཧེཏུཨདྷིཔཏིཛྷཱནམགྒཔཙྩཡཱ ཨེཀསདིསཱ. ཨཱརམྨཎཱནནྟརསམནནྟརཱུཔནིསྶཡཱསེཝནནཏྠིཝིགཏཔཙྩཡཱ ཨེཀསདིསཱ. སཧཛཱཏཨཉྙམཉྙནིསྶཡཨཏྠིཨཝིགཏཱ ཨེཀསདིསཱ. ཨཱསེཝནཔཙྩཡེ ཝིཔཱཀོ ན ལབྦྷཏི. ཨཉྙམཉྙཔཙྩཡེ ཙིཏྟཛརཱུཔཾ, ཨུཔཱདཱརཱུཔཉྩ ན ལབྦྷཏཱིཏིཨཱདིནཱ པཙྩཡཱནཾ ཨཉྙམཉྙསདིསཏྟཾ ཝཏྭཱ པུན ཏེསཾ ‘‘ཧེཏུཡཱ ནཝ. ཨཱརམྨཎེ ཏཱིཎི. ཨདྷིཔཏིཡཱ ནཝ. ཨནནྟརསམནནྟརེསུ ཏཱིཎི. སཧཛཱཏེ ནཝ. ཨཉྙམཉྙེ ཏཱིཎི. ནིསྶཡེ ནཝ. ཨུཔནིསྶཡེ ཏཱིཎི. པུརེཛཱཏེ ཏཱིཎི. ཨཱསེཝནེ ཏཱིཎི. ཀམྨེ ནཝ. ཝིཔཱཀེ ཨེཀཾ. ཨཱཧཱརེ ནཝ. ཨིནྡྲིཡེ ནཝ. ཛྷཱནེ ནཝ. མགྒེ ནཝ. སམྤཡུཏྟེ ཏཱིཎི. ཝིཔྤཡུཏྟེ ནཝ. ཨཏྠིཡཱ ནཝ. ནཏྠིཡཱ ཏཱིཎི. ཝིགཏེ ཏཱིཎི. ཨཝིགཏེ ནཝཱ’’ཏི ཨེཝཾ ཧེཏུཔཙྩཡཱདཱིནཾ ཨེཀེཀསྨིཾ པུཙྪཱཝིསྶཛྫནཝཱརགཎནཱ ཝུཏྟཱཏི ཨཡཾ ཨེཀམཱུལཀནཡོ.

ཡཐཱ ཙ ཨེཀམཱུལཀེ, ཨེཝཾ ‘‘ཧེཏུཔཙྩཡཱ ཨཱརམྨཎཔཙྩཡཱ’’ཏིཨཱདིནཱ དྭིམཱུལཀཱདཱིསུཔི སབྦམཱུལཀཔརིཡོསཱནེསུ ཡཐཱནུརཱུཔཾ ¶ ནཡོ ནེཏབྦོ. པཱལི༹ཡམྤི ཝིཏྠཱརནཡཾ ཨདསྶེཏྭཱ ‘‘ཧེཏུཔཙྩཡཱ ཨཱརམྨཎེ ཏཱིཎཱི’’ཏིཨཱདིནཱ ཝིསྶཛྫནཝཱརགཎནབྷེདོ དསྶིཏོཏི ཨཡཾ པཙྩཡཱནུལོམེ ནཡོ.

པཙྩཡཔཙྩནཱིཡེ པན ‘‘ཨཀུསལཾ དྷམྨཾ པཊིཙྩ ཨཀུསལོ དྷམྨོ ཨུཔྤཛྫཏི ནཧེཏུཔཙྩཡཱ. ཝིཙིཀིཙྪཱསཧགཏེ ཨུདྡྷཙྩསཧགཏེ ཁནྡྷེ པཊིཙྩ ཝིཙིཀིཙྪཱསཧགཏོ ཨུདྡྷཙྩསཧགཏོ མོཧོ. ཨབྱཱཀཏཾ དྷམྨཾ པཊིཙྩ ཨབྱཱཀཏོ དྷམྨོ ཨུཔྤཛྫཏི ནཧེཏུཔཙྩཡཱ. ཨཧེཏུཀཾ ཝིཔཱཀཱབྱཱཀཏཾ ཀིརིཡཱབྱཱཀཏཾ ཨེཀཾ ཁནྡྷཾ…པེ… དྭེ ཁནྡྷཱ ཙིཏྟསམུཊྛཱནཉྩ རཱུཔཾ. ཨཧེཏུཀཔཊིསནྡྷིཀྑཎེ ཝིཔཱཀཱབྱཱཀཏཾ ཨེཀཾ ཁནྡྷཾ…པེ… དྭེ ཁནྡྷཱ ཀཊཏྟཱ ཙ རཱུཔཾ…པེ… ཝཏྠུཾ པཊིཙྩ ཁནྡྷཱ. ཨེཀཾ མཧཱབྷཱུཏཾ པཊིཙྩ…པེ… མཧཱབྷཱུཏེ པཊིཙྩ ཙིཏྟསམུཊྛཱནཾ རཱུཔཾ, ཀཊཏྟཱརཱུཔཾ ཨུཔཱདཱརཱུཔཾ…པེ… ཨེཀཾ མཧཱབྷཱུཏཾ པཊིཙྩ…པེ… ཨུཔཱདཱརཱུཔ’’ནྟི ཨིམཱ དྭེ ཝིསྶཛྫིཏཱ.

ནཱརམྨཎཔཙྩཡེ ¶ ‘‘ཀུསལཾ དྷམྨཾ པཊིཙྩ ཨབྱཱཀཏོ…པེ… ཀུསལེ…པེ… ཨཀུསལཾ དྷམྨཾ པཊིཙྩ ཨབྱཱཀཏོ…པེ… ཨཀུསལེ…པེ… ཨབྱཱཀཏཾ དྷམྨཾ པཊིཙྩ ཨབྱཱཀཏོ…པེ… ཀུསལཉྩ ཨབྱཱཀཏཉྩ དྷམྨཾ པཊིཙྩ ཨབྱཱཀཏོ…པེ… ཙིཏྟསམུཊྛཱནཾ རཱུཔཾ, ཨཀུསལཉྩ ཨབྱཱཀཏཉྩ དྷམྨཾ པཊིཙྩ ཨབྱཱཀཏོ…པེ… མཧཱབྷཱུཏེ པཊིཙྩ ཙིཏྟསམུཊྛཱནཾ རཱུཔ’’ནྟི ཨིམཱ པཉྩ ཝིསྶཛྫིཏཱ.

ནཱདྷིཔཏིཔཙྩཡེ ‘‘ཀུསལཾ དྷམྨཾ པཊིཙྩ ཀུསལོ…པེ… ཀུསལཾ ཨེཀཾ ཁནྡྷཾ…པེ… དྭེ ཁནྡྷཱ. ཀུསལཾ དྷམྨཾ པཊིཙྩ ཨབྱཱཀཏོ…པེ… ཀུསལེ ཁནྡྷེ པཊིཙྩ ཙིཏྟསམུཊྛཱནཾ རཱུཔཾ. ཀུསལཾ དྷམྨཾ པཊིཙྩ ཀུསལོ ཙ ཨབྱཱཀཏོ ཙ དྷམྨཱ ཨུཔྤཛྫནྟི…པེ… ཨཀུསལཾ དྷམྨཾ པཊིཙྩ ཨཀུསལོ…པེ… དྭེ ཁནྡྷེ པཊིཙྩ དྭེ ཁནྡྷཱ, ཨཀུསལཾ དྷམྨཾ པཊིཙྩ ཨབྱཱཀཏོ…པེ… ཨཀུསལེ ཁནྡྷེ པཊིཙྩ ཙིཏྟསམུཊྛཱནཾ རཱུཔཾ. ཨཀུསལཾ དྷམྨཾ པཊིཙྩ ཨཀུསལོ ཙ ཨབྱཱཀཏོ ཙ དྷམྨཱ…པེ… ཨབྱཱཀཏཾ དྷམྨཾ པཊིཙྩ ཨབྱཱཀཏོ ¶ …པེ… མཧཱབྷཱུཏེ པཊིཙྩ…པེ… ཀཊཏྟཱརཱུཔཾ ཨུཔཱདཱརཱུཔཾ. ཀུསལཉྩ ཨབྱཱཀཏཉྩ དྷམྨཾ པཊིཙྩ ཨབྱཱཀཏོ…པེ… ཀུསལེ ཁནྡྷེ ཙ མཧཱབྷཱུཏེ ཙ པཊིཙྩ ཙིཏྟསམུཊྛཱནཾ རཱུཔཾ. ཨཀུསལཉྩ ཨབྱཱཀཏཉྩ དྷམྨཾ པཊིཙྩ ཨབྱཱཀཏོ…པེ… ཨཀུསལེ ཁནྡྷེ ཙ མཧཱབྷཱུཏེ ཙ པཊིཙྩ ཙིཏྟསམུཊྛཱནཾ རཱུཔ’’ནྟི ནཝ པུཙྪཱ ཝིསྶཛྫིཏཱ. ནཱནནྟརནསམནནྟརཔཙྩཡཱ ནཱརམྨཎཔཙྩཡསདིསཱ.

ནཱཉྙམཉྙཔཙྩཡེ ‘‘ཀུསལཾ དྷམྨཾ པཊིཙྩ ཨབྱཱཀཏོ…པེ… ཀུསལེ…པེ… ཙིཏྟསམུཊྛཱནཾ རཱུཔཾ. ཨཀུསལཾ དྷམྨཾ པཊིཙྩ ཨབྱཱཀཏོ…པེ… ཨཀུསལེ…པེ… ཙིཏྟསམུཊྛཱནཾ རཱུཔཾ. ཨབྱཱཀཏཾ དྷམྨཾ པཊིཙྩ ཨབྱཱཀཏོ…པེ… ཝིཔཱཀཱབྱཱཀཏེ ཀིརིཡཱབྱཱཀཏེ ཁནྡྷེ པཊིཙྩ ཙིཏྟསམུཊྛཱནཾ རཱུཔཾ. པཊིསནྡྷིཀྑཎེ ཝིཔཱཀཱབྱཱཀཏེ…པེ… ཀཊཏྟཱ རཱུཔཾ. མཧཱབྷཱུཏེ པཊིཙྩ ཙིཏྟསམུཊྛཱནཾ རཱུཔཾ ཀཊཏྟཱརཱུཔཾ ཨུཔཱདཱརཱུཔཾ. བཱཧིརེ མཧཱབྷཱུཏེ པཊིཙྩ ཨུཔཱདཱརཱུཔཾ. ཨཱཧཱརསམུཊྛཱནེ མཧཱབྷཱུཏེ པཊིཙྩ ཨུཔཱདཱརཱུཔཾ. ཨུཏུསམུཊྛཱནེ…པེ… ཨུཔཱདཱརཱུཔཾ. ཨསཉྙསཏྟཱནཾ མཧཱབྷཱུཏེ པཊིཙྩ ཀཊཏྟཱརཱུཔཾ ཨུཔཱདཱརཱུཔཾ. ཀུསལཉྩ ཨབྱཱཀཏཉྩ དྷམྨཾ པཊིཙྩ ཨབྱཱཀཏོ…པེ… ཀུསལེ ཁནྡྷེ ཙ མཧཱབྷཱུཏེ ཙ པཊིཙྩ ཙིཏྟསམུཊྛཱནཾ རཱུཔཾ. ཨཀུསལཉྩ ཨབྱཱཀཏཉྩ དྷམྨཾ པཊིཙྩ ཨབྱཱཀཏོ…པེ… ཨཀུསལེ ཁནྡྷེ ཙ མཧཱབྷཱུཏེ ཙ པཊིཙྩ ཙིཏྟསམུཊྛཱནཾ རཱུཔ’’ནྟི པཉྩ ཝིསྶཛྫིཏཱ. ཏཏྠ ཝིཔཱཀཱབྱཱཀཏེ ¶ ཁནྡྷེ པཊིཙྩ ཀཊཏྟཱརཱུཔནྟི ཧདཡཝཏྠུཝཛྫཾ ཝེདིཏབྦཾ. ནཨུཔནིསྶཡཔཙྩཡོ ནཱརམྨཎཔཙྩཡསདིསོ.

ནཔུརེཛཱཏཔཙྩཡེ ‘‘ཀུསལཾ དྷམྨཾ པཊིཙྩ ཀུསལོ…པེ… ཨརཱུཔེ ཀུསལཾ…པེ… དྭེ ཁནྡྷཱ. ཀུསལཾ པཊིཙྩ ཨབྱཱཀཏོ…པེ… ཙིཏྟསམུཊྛཱནཾ རཱུཔ’’ནྟི ཀུསལཔདེ དྭེ, ཏཐཱ ཨཀུསལཔདེཔི. ‘‘ཨབྱཱཀཏཾ པཊིཙྩ ཨབྱཱཀཏོ…པེ… ཨརཱུཔེ ཝིཔཱཀཱབྱཱཀཏཾ ཀིརིཡཱབྱཱཀཏཾ…པེ… བཱཧིརཾ…པེ… ཨུཔཱདཱརཱུཔཾ. ཀུསལཉྩ ¶ ཨབྱཱཀཏཉྩ དྷམྨཾ པཊིཙྩ ཨབྱཱཀཏོ. ཀུསལེ ཁནྡྷེ ཙ མཧཱབྷཱུཏེ ཙ པཊིཙྩ ཙིཏྟསམུཊྛཱནཾ རཱུཔཾ. ཨཀུསལཉྩ ཨབྱཱཀཏཉྩ…པེ… ཨཀུསལེ ཁནྡྷེ ཙ…པེ… རཱུཔ’’ནྟི ཨིམཱ ཏིསྶོཏི སཏྟ ཝིསྶཛྫིཏཱ. ནཔཙྪཱཛཱཏནཱསེཝནཔཙྩཡཱ ནཱདྷིཔཏིཔཙྩཡསདིསཱ. ཏཏྠ ཀུསལཱཀུསལཀིརིཡཱནཾ པཋམཛཝནཝསེན ནཱསེཝནཔཙྩཡཔྤཝཏྟི ཝེདིཏབྦཱ.

ནཀམྨཔཙྩཡེ ‘‘ཀུསལཾ པཊིཙྩ ཀུསལོ, ཀུསལཱ ཙེཏནཱ. ཨཀུསལཾ པཊིཙྩ ཨཀུསལོ, ཨཀུསལཱ ཙེཏནཱ. ཨབྱཱཀཏཾ པཊིཙྩ ཨབྱཱཀཏོ, ཝིཔཱཀཀིརིཡཱ ཙེཏནཱ. བཱཧིརཾ, ཨཱཧཱརསམུཊྛཱནཾ, ཨུཏུསམུཊྛཱན’’ནྟི ཏིསྶོ ཝིསྶཛྫིཏཱ.

ནཝིཔཱཀཔཙྩཡེ ‘‘ཀུསལཾ པཊིཙྩ ཀུསལོ, ཨབྱཱཀཏོ. ཀུསལོ ཙ ཨབྱཱཀཏོ ཙཱ’’ཏི ཀུསལཔདེ ཏིསྶོ, ཏཐཱ ཨཀུསལཔདེཔི. ‘‘ཨབྱཱཀཏཾ པཊིཙྩ ཨབྱཱཀཏོ…པེ… བཱཧིརཾ ཨཱཧཱརསམུཊྛཱནཾ ཨུཏུསམུཊྛཱནཾ ཨསཉྙ…པེ… ཨུཔཱདཱརཱུཔཾ…པེ… ཨཀུསལཉྩ ཨབྱཱཀཏཉྩ ཨབྱཱཀཏོ’’ཏི ཨིམཱ ཏིསྶོཏི ནཝ ཝིསྶཛྫིཏཱ.

ནཱཧཱརཔཙྩཡེ ‘‘ཨབྱཱཀཏཾ པཊིཙྩ ཨབྱཱཀཏོ. བཱཧིརཾ ཨུཏུསམུཊྛཱནཾ, ཨསཉྙ…པེ… ཨུཔཱདཱརཱུཔ’’ནྟི ཨེཀཱཝ.

ནཨིནྡྲིཡཔཙྩཡེ ‘‘ཨབྱཱཀཏཾ པཊིཙྩ ཨབྱཱཀཏོ. བཱཧིརཾ ཨཱཧཱརསམུཊྛཱནཾ…པེ… ཨུཏུསམུཊྛཱནཾ…པེ… ཨསཉྙསཏྟཱནཾ མཧཱབྷཱུཏེ པཊིཙྩ རཱུཔཛཱིཝིཏིནྡྲིཡ’’ནྟི ཨེཀཱཝ.

ནཛྷཱནཔཙྩཡེ ¶ ‘‘ཨབྱཱཀཏཾ པཊིཙྩ ཨབྱཱཀཏོ. པཉྩཝིཉྙཱཎསཧགཏཾ…པེ… བཱཧིརཾ ཨཱཧཱརཨུཏུཨསཉྙཨུཔཱདཱརཱུཔ’’ནྟི ཨེཀཱཝ.

ནམགྒཔཙྩཡེ ‘‘ཨབྱཱཀཏཾ པཊིཙྩ ཨབྱཱཀཏོ. ཨཧེཏུཀཾ ཝིཔཱཀཱབྱཱཀཏཾ ཀིརིཡཱབྱཱཀཏཾ…པེ… ཙིཏྟསམུཊྛཱནཾ…པེ… ཨཧེཏུཀཔཊིསནྡྷིཀྑཎེ ¶ ཝིཔཱཀཱ…པེ… ཀཊཏྟཱ ཙ རཱུཔཾ…པེ… བཱཧིརཾ ཨཱཧཱརཨུཏུཨསཉྙཨུཔཱདཱརཱུཔ’’ནྟི ཨེཀཱཝ.

ནསམྤཡུཏྟཔཙྩཡོ ནཱརམྨཎཔཙྩཡསདིསོ.

ནཝིཔྤཡུཏྟཔཙྩཡེ ‘‘ཀུསལཾ པཊིཙྩ ཀུསལོ. ཨརཱུཔེ ཀུསལོཝ. ཨཀུསལཾ…པེ… ཨརཱུཔེ ཨཀུསལོ. ཨབྱཱཀཏཾ པཊིཙྩ ཨབྱཱཀཏོ, ཨརཱུཔེ ཝིཔཱཀཀིརིཡཱབྱཱཀཏཾ. བཱཧིརཾ ཨསཉྙ…པེ… ཨུཔཱདཱརཱུཔ’’ནྟི ཨིམཱ ཏིསྶོཝ པུཙྪཱ ཝིསྶཛྫིཏཱ. ནོནཏྠིནོཝིགཏཔཙྩཡཱ ནཱརམྨཎཔཙྩཡསདིསཱ. ནསཧཛཱཏནནིསྶཡནོཨཏྠིནོཨཝིགཏཔཙྩཡཱ པནེཏྠ ཙཏྟཱརོཔི ན ལབྦྷནྟཱིཏི.

ཨེཝཾ པཙྩནཱིཀེ ལབྦྷམཱནཔཉྷཝིསྶཛྫནཾ དསྶེཏྭཱ ཏཏོ ‘‘ནཧེཏུཡཱ དྭེ. ནཱརམྨཎེ པཉྩ. ནཱདྷིཔཏིཡཱ ནཝ. ནཱནནྟརེ ནསམནནྟརེ ནཱཉྙམཉྙེ ནཨུཔནིསྶཡེ པཉྩ. ནཔུརེཛཱཏེ སཏྟ. ནཔཙྪཱཛཱཏེ ནཱསེཝནེ ནཝ. ནཀམྨེ ཏཱིཎི. ནཝིཔཱཀེ ནཝ. ནཱཧཱརེ ནཨིནྡྲིཡེ ནཛྷཱནེ ནམགྒེ ཨེཀཾ. ནསམྤཡུཏྟེ པཉྩ. ནཝིཔྤཡུཏྟེ ཏཱིཎི. ནོནཏྠིནོཝིགཏེསུ པཉྩཱ’’ཏི ཝིསྶཛྫནཝཱརགཎནཱ ཝུཏྟཱཏི ཨཡཾ ཨེཀམཱུལཀནཡོ.

ཨིམིནཱཝ ནཡེན དྭིམཱུལཀཱདཱིསུཔི ཡཐཱནུརཱུཔཾ ནཡོ ནེཏབྦོ, པཱལི༹ཡཾ པན ‘‘ནཧེཏུཔཙྩཡཱ ནཱརམྨཎེ ཨེཀ’’ནྟིཨཱདིནཱ ཝིསྶཛྫནཝཱརགཎནཱཝ དསྶིཏཱཏི ཨཡཾ པཙྩཡཔཙྩནཱིཡནཡོ.

ཨིམིནཱ ཝུཏྟཱནུསཱརེནེཝ ‘‘ཀུསལཾ དྷམྨཾ པཊིཙྩ ཨབྱཱཀཏོ དྷམྨོ ཨུཔྤཛྫཏི ཧེཏུཔཙྩཡཱ ནཱརམྨཎཔཙྩཡཱ’’ཏིཨཱདིནཱ ཨནུལོམཔཙྩནཱིཡནཡེ, ‘‘ཨཀུསལཾ དྷམྨཾ པཊིཙྩ ཨཀུསལོ དྷམྨོ ཨུཔྤཛྫཏི ནཧེཏུཔཙྩཡཱ ཨཱརམྨཎཔཙྩཡཱ’’ཏིཨཱདིནཱ པཙྩནཱིཡཱནུལོམནཡེ པཉྷཝིསྶཛྫནནཡོ ཝེདིཏབྦོ ¶ . པཱལི༹ཡཾ པནེཏྠ ཝིསྶཛྫནཝཱརགཎནཱཝ དསྶིཏཱཏི ¶ ཨཡཾ ཨནུལོམཔཙྩནཱིཡཀུསལཏྟིཀེ པཊིཙྩཝཱརནཡོ.

སཧཛཱཏཝཱརཱདཱིསུཔི ཚཝཱརེསུ པཊིཙྩཝཱརེ ཝུཏྟཱནུསཱརེན སབྦཏྠ ནཡོ ནེཏབྦོ. ཡེ པན ཏཏྠ ཏཏྠ པཱལི༹ཝིསེསཱ, ཨཏྠཝིསེསཱ ཙ ཨུཔལབྦྷནྟི, ཏེ པཊྛཱནཔཱལི༹ཨཊྛཀཐཱསུ ཨེཝ སབྦཱཀཱརཏོ གཧེཏབྦཱ. ཨིདྷ པན ཏེ སབྦེ སངྑེཔནཡཏོ དསྶིཡམཱནཱཔི གནྠབྷཱརིཡཾ ཀརོནྟཱིཏི ན དསྶིཏཱ.

ཏེསུ པན ཝཱརེསུ ‘‘ཀུསལཾ དྷམྨཾ སཧཛཱཏོ ཀུསལོ དྷམྨོ ཨུཔྤཛྫཏི ཧེཏུཔཙྩཡཱ. ཀུསལཾ དྷམྨཾ པཙྩཡཱ… ཀུསལཾ དྷམྨཾ ནིསྶཱཡ… ཀུསལཾ དྷམྨཾ སཾསཊྛོ… ཀུསལཾ དྷམྨཾ སམྤཡུཏྟོ ཀུསལོ དྷམྨོ ཨུཔྤཛྫཏི ཧེཏུཔཙྩཡཱ’’ཏི ཨེཝཾ ཨཱདིཏོ པཉྩསུ ཝཱརེསུ པཱལི༹གཏི ཉཱཏབྦཱ. ཏེསུ ཙ པཊིཙྩསཧཛཱཏཱ ཨེཀཏྠཱ, པཙྩཡནིསྶཡཱ ཨེཀཏྠཱ, སཾསཊྛསམྤཡུཏྟཱ ཨེཀཏྠཱ. ཏཏྠ ‘‘ཀུསལཾ དྷམྨཾ སཧཛཱཏོ’’ཏིཨཱདཱིསུ ཀུསལཾ དྷམྨཾ པཊིཙྩ ཏེན སཧཛཱཏོ ཧུཏྭཱཏིཨཱདིནཱ ཡཐཱནུརཱུཔཾ ཨཏྠོ ཝེདིཏབྦོ. པཙྪིམེ པན པཉྷཱཝཱརེ ‘‘ཀུསལོ དྷམྨོ ཀུསལསྶ དྷམྨསྶ ཧེཏུཔཙྩཡེན པཙྩཡོ. ཀུསལཱ ཧེཏཱུ སམྤཡུཏྟཀཱནཾ ཁནྡྷཱནཾ ཧེཏུཔཙྩཡེན པཙྩཡོ. ཀུསལོ ཨབྱཱཀཏསྶ…པེ… ཀུསལསྶ ཙ ཨབྱཱཀཏསྶ ཙ…པེ… ཀུསལཱ ཧེཏཱུ སམྤཡུཏྟཀཱནཾ ཁནྡྷཱནཾ ཙིཏྟསམུཊྛཱནཱནཉྩཱ’’ཏིཨཱདིནཱ ཧེཏུཔཙྩཡེ,

‘‘ཀུསལོ དྷམྨོ ཀུསལསྶ དྷམྨསྶ ཨཱརམྨཎཔཙྩཡེན པཙྩཡོ. དཱནཾ དཏྭཱ སཱིལཾ སམཱདིཡིཏྭཱ ཨུཔོསཐཀམྨཾ ཀཏྭཱ ཏཾ པཙྩཝེཀྑཏི. པུབྦེ སུཙིཎྞཱནི…པེ… ཛྷཱནཱ ཝུཊྛཧིཏྭཱ ཛྷཱནཾ… སེཁཱ གོཏྲབྷུཾ ཝོདཱནཾ མགྒཾ པཙྩཝེཀྑནྟི. སེཁཱ ཝཱ པུཐུཛྫནཱ ཝཱ ཀུསལཾ ཨནིཙྩཏོ དུཀྑཏོ ཨནཏྟཏོ ཝིཔསྶནྟི. ཙེཏོཔརིཡཉཱཎེན ཀུསལཙིཏྟསམངྒིསྶ ཙིཏྟཾ ཛཱནནྟི ¶ . ཨཱཀཱསཱནཉྩཱཡཏནཀུསལཾ ཝིཉྙཱཎཉྩཱཡཏནཀུསལསྶ ཨཱརམྨཎཔཙྩཡེན པཙྩཡོ. ཨཱཀིཉྩཉྙཱཡཏནཀུསལཾ ནེཝསཉྙཱནཱསཉྙཱཡཏནཀུསལསྶ… ཀུསལཱ ཁནྡྷཱ ཨིདྡྷིཝིདྷཉཱཎསྶ ཙེཏོཔརིཡཔུབྦེནིཝཱསཡཐཱཀམྨཱུཔགཨནཱགཏཾསཉཱཎསྶ ཨཱརམྨཎཔཙྩཡེན པཙྩཡོ.

ཀུསལོ ཨཀུསལསྶ…པེ… དཱནཾ དཏྭཱ…པེ… ཀཏྭཱ ཏཾ ཨསྶཱདེཏི ཨབྷིནནྡཏི. ཏཾ ཨཱརབྦྷ རཱགོ ཨུཔྤཛྫཏི. དིཊྛི ཝིཙིཀིཙྪཱ ཨུདྡྷཙྩཾ དོམནསྶཾ ཨུཔྤཛྫཏི. པུབྦེ སུཙིཎྞཱནི ཨསྶཱདེཏི ¶ …པེ… དོམནསྶཾ ཨུཔྤཛྫཏི. ཛྷཱནཱ ཝུཊྛཧིཏྭཱ ཛྷཱནཾ ཨསྶཱདེཏི…པེ… ཨུདྡྷཙྩཾ ཨུཔྤཛྫཏི. ཛྷཱནེ པརིཧཱིནེ ཝིཔྤཊིསཱརིསྶ དོམནསྶཾ ཨུཔྤཛྫཏི.

ཀུསལོ ཨབྱཱཀཏསྶ…པེ… པཙྩཡོ. ཨརཧཱ མགྒཾ པཙྩཝེཀྑཏི. པུབྦེ སུཙིཎྞཱནི… ཀུསལ…པེ… ཝིཔསྶཏི…པེ… ཝིཔཱཀོ ཏདཱརམྨཎཏཱ ཨུཔྤཛྫཏི. ཨཱཀཱསཱནཉྩཱཡཏནཀུསལཾ ཝིཉྙཱཎཉྩཱཡཏནཝིཔཱཀསྶ…པེ… ཀིརིཡསྶ. ཨཱཀིཉྩཉྙཱཡཏན…པེ… ཝིཔཱཀསྶ ཙ ཀིརིཡསྶ ཙ. ཀུསལཱ ཁནྡྷཱ ཙེཏོཔརིཡ…པེ… ཨནཱགཏཾསཉཱཎསྶ ཨཱཝཛྫནཱཡ.

ཨཀུསལོ ཨཀུསལསྶ…པེ… པཙྩཡོ. རཱགཾ ཨསྶཱདེཏི…པེ… ཨུདྡྷཙྩཾ ཨུཔྤཛྫཏི. ཨཀུསལོ ཀུསལསྶ…པེ… པཙྩཡོ. སེཁཱ པཧཱིནེ ཀིལེསེ…པེ… ཨནཱགཏཾསཉཱཎསྶ. ཨཀུསལོ ཨབྱཱཀཏསྶ… ཨརཧཱ པཧཱིནེ ཀིལེསེ…པེ… ཨཱཝཛྫནཱཡ.

ཨབྱཱཀཏོ ཨབྱཱཀཏསྶ… ཨརཧཱ ཕལཾ པཙྩཝེཀྑཏི. ནིབྦཱནཾ, ཙཀྑུཾ…པེ… ཕོཊྛབྦཾ ཝིཔསྶཏི. དིབྦེན ཙཀྑུནཱ རཱུཔཾ པསྶཏི…པེ… ཨཱཀིཉྩཉྙཱཡཏནཀིརིཡཾ…པེ… ཀིརིཡསྶ. རཱུཔཱཡཏནཾ ཙཀྑུཝིཉྙཱཎསྶ…པེ… ཨཱཝཛྫནཱཡ. ཨབྱཱཀཏོ ཀུསལསྶ… སེཁཱ ཕལཾ…པེ… ཨནཱགཏཾསཉཱཎསྶ. ཨབྱཱཀཏོ ཨཀུསལསྶ… ཙཀྑུཾ ཨསྶཱདེཏཱི’’ཏིཨཱདིནཱ ཨཱརམྨཎཔཙྩཡེ ཙ,

‘‘ཀུསལོ ¶ ཀུསལསྶ ཨདྷིཔཏིཔཙྩཡེན པཙྩཡོ. ཨཱརམྨཎཱདྷིཔཏི, སཧཛཱཏཱདྷིཔཏི. ཨཱརམྨཎཱདྷིཔཏི – དཱནཾ དཏྭཱ’’ཏིཨཱདིནཱ ཨདྷིཔཏིཔཙྩཡེ ཙ,

‘‘ཀུསལོ ཀུསལསྶ ཨནནྟརཔཙྩཡེན པཙྩཡོ’’ཏིཨཱདིནཱ ཝིཏྠཱརཏོ ཨནནྟརསམནནྟརསཧཛཱཏཨཉྙམཉྙནིསྶཡཔཙྩཡེསུ ཙ,

‘‘ཀུསལོ ཀུསལསྶ ཨུཔནིསྶཡཔཙྩཡེན པཙྩཡོ. ཨཱརམྨཎཱུཔནིསྶཡོ ཨནནྟརཱུཔནིསྶཡོ པཀཏཱུཔནིསྶཡོ. ཨཱརམྨཎཱུཔནིསྶཡོ – དཱནཾ དཏྭཱ’’ཏིཨཱདིནཱ ཨཱརམྨཎཔཙྩཡེ ཝུཏྟནཡེན, ‘‘ཨནནྟརཱུཔནིསྶཡོ – པུརིམཱ པུརིམཱ ཀུསལཱ ཁནྡྷཱ པཙྪིམཱནཾ པཙྪིམཱན’’ནྟིཨཱདིནཱ ¶ ཨནནྟརཔཙྩཡེ ཝུཏྟནཡེནེཝ, ‘‘པཀཏཱུཔནིསྶཡོ – སདྡྷཾ ཨུཔནིསྶཱཡ…པེ… ཨུཔོསཐཀམྨཾ ཀརོཏི. ཛྷཱནཾ, ཝིཔསྶནཾ, མགྒཾ, ཨབྷིཉྙཾ, སམཱཔཏྟིཾ ཨུཔྤཱདེཏི. སཱིལཾ, སུཏཾ, ཙཱགཾ, པཉྙཾ ཨུཔནིསྶཱཡ…པེ… པཋམསྶ ཛྷཱནསྶ པརིཀམྨཾ པཋམསྶ ཛྷཱནསྶ ཨུཔནིསྶཡཔཙྩཡེན པཙྩཡོ…པེ… ཨཱཀིཉྩཉྙཱཡཏནཾ ནེཝསཉྙཱནཱསཉྙཱཡཏནསྶ…པེ… ཡཐཱཀམྨཱུཔགཉཱཎཾ ཨནཱགཏཾསཉཱཎསྶ…པེ… པཋམསྶ མགྒསྶ པརིཀམྨཾ པཋམསྶ…པེ… ཏཏིཡོ མགྒོ ཙཏུཏྠསྶ. མགྒོ སེཁཱནཾ ཨཏྠཔཊིསམྦྷིདཱཡ…པེ… ཋཱནཱཋཱནཀོསལླསྶ ཨུཔནིསྶཡ. ཀུསལོ ཨཀུསལསྶ…པེ… ཨཱརམྨཎཱུཔནིསྶཡོ. པཀཏཱུཔ…པེ… པཀཏཱུཔནིསྶཡོ – སདྡྷཾ ཨུཔནིསྶཱཡ མཱནཾ ཛཔྤེཏི. དིཊྛིཾ གཎྷཱཏི…པེ… སདྡྷཱ སཱིལཾ སུཏཾ ཙཱགོ པཉྙཱ རཱགསྶ, དོསསྶ, མོཧསྶ, མཱནསྶ, དིཊྛིཡཱ. པཏྠནཱཡ…པེ… ཀུསལོ ཨབྱཱཀཏསྶ…པེ… ཨཱརམྨཎཱུཔནིསྶཡོ. ཨནནྟརཱུཔནིསྶཡོ. པཀཏཱུཔ…པེ… པཀཏཱུཔནིསྶཡོ – སདྡྷཾ ཨུཔནིསྶཱཡ ཨཏྟཱནཾ ཨཱཏཱཔེཏི…པེ… ཀཱཡིཀསྶ སུཁསྶ, དུཀྑསྶ, ཕལསམཱཔཏྟིཡཱ. ཀུསལཾ ཀམྨཾ ཝིཔཱཀསྶ…པེ… མགྒོ ཨརཧཏོ ཨཏྠཔཊིསམྦྷིདཱཡ པཙྩཡོ.

ཨཀུསལོ ¶ ཨཀུསལསྶ…པེ… པཀཏཱུཔནིསྶཡོ – རཱགཾ ཨུཔནིསྶཱཡ པཱཎཾ ཧནཏི…པེ… སམྥཾ པལཔཏི…པེ… སངྒྷཾ བྷིནྡཏི. དོསཾ, མོཧཾ, མཱནཾ, དིཊྛིཾ, པཏྠནཾ ཨུཔནིསྶཱཡ…པེ… སངྒྷཾ བྷིནྡཏི…པེ… པཱཎཱཏིཔཱཏོ པཱཎཱཏིཔཱཏསྶ…པེ… སངྒྷབྷེདཀམྨསྶ…པེ… པཙྩཡོ.

ཨཀུསལོ ཀུསལསྶ…པེ… པཀཏཱུཔནིསྶཡོ – རཱགཾ ཨུཔནིསྶཱཡ དཱནཾ དེཏི…པེ… མགྒཾ ཨུཔྤཱདེཏི…པེ… སམཱཔཏྟིཾ ཨུཔྤཱདེཏི. རཱགོ…པེ… པཏྠནཱ. སདྡྷཱཡ, སཱིལསྶ…པེ… པཉྙཱཡ ཨུཔནིསྶཡ. པཱཎཾ ཧནྟྭཱ ཏསྶ པཊིགྷཱཏཏྠཱཡ དཱནཾ དེཏཱི’’ཏིཨཱདིནཱ ཙ ཨུཔནིསྶཡཔཙྩཡེ ཙ,

‘‘ཨབྱཱཀཏོ ཨབྱཱཀཏསྶ པུརེཛཱཏཔཙྩཡེན པཙྩཡོ…པེ… ཨཱརམྨཎཔུརེཛཱཏཾ – ཨརཧཱ ཙཀྑུཾ…པེ… ཕོཊྛབྦེ, ཝཏྠུཾ ཝིཔསྶཏི…པེ… དིབྦེན ཙཀྑུནཱ རཱུཔཾ པསྶཏི…པེ… རཱུཔཱཡཏནཾ ཙཀྑུཝིཉྙཱཎསྶ…པེ… ཝཏྠུཔུརེཛཱཏཾ – ཙཀྑཱཡཏནཾ ཙཀྑུཝིཉྙཱཎསྶ…པེ… ཝཏྠུ ཝིཔཱཀཱབྱཱཀཏཱན’’ནྟིཨཱདིནཱ པུརེཛཱཏཔཙྩཡེ ཙ,

‘‘ཀུསལོ ¶ ཨབྱཱཀཏསྶ…པེ… པཙྪཱཛཱཏཱ ཀུསལཱ ཁནྡྷཱ པུརེཛཱཏསྶ ཨིམསྶ ཀཱཡསྶཱ’’ཏིཨཱདིནཱ པཙྪཱཛཱཏཔཙྩཡེ ཙ,

‘‘ཀུསལོ ཀུསལསྶ…པེ… པུརིམཱ པུརིམཱ ཀུསལཱ ཁནྡྷཱ’’ཏིཨཱདིནཱ ཨཱསེཝནཔཙྩཡེ ཙ,

‘‘སཧཛཱཏཱ ནཱནཱཀྑཎིཀཱ, སཧཛཱཏཱ ཀུསལཱ ཙེཏནཱ…པེ… སམྤཡུཏྟཀཱནཾ ཁནྡྷཱནཾ ཙིཏྟསམུཊྛཱནཱནཉྩ རཱུཔཱནཾ. ནཱནཱཀྑཎིཀཱ ཝིཔཱཀཱནཾ ཁནྡྷཱནཾ ཀཊཏྟཱ ཙ རཱུཔཱན’’ནྟིཨཱདིནཱ ཀམྨཔཙྩཡེ ཙ,

‘‘ཨབྱཱཀཏོ ཨབྱཱཀཏསྶ…པེ… ཨེཀོ ཁནྡྷོ ཏིཎྞནྣ’’ནྟིཨཱདིནཱ ཝིཔཱཀཔཙྩཡེ ཙ,

‘‘ཀུསལོ ¶ ཀུསལསྶཱ’’ཏིཨཱདིནཱ ཨཱཧཱརཔཙྩཡཱདཱིསུ ཙ, ‘‘ཀུསལོ ཨབྱཱཀཏསྶ, སཧཛཱཏཾ, པཙྪཱཛཱཏཾ, སཧཛཱཏཱ ཙིཏྟསམུཊྛཱནཱནཾ རཱུཔཱནཾ. པཙྪཱཛཱཏཱ ཨིམསྶ ཀཱཡསྶ…པེ… ཨབྱཱཀཏོ ཀུསལསྶ…པེ… པུརེཛཱཏཾ ཝཏྠུ ཀུསལཱནཾ ཁནྡྷཱནཾ ཝིཔྤཡུཏྟཔཙྩཡེན པཙྩཡོ’’ཏིཨཱདིནཱ ཝིཔྤཡུཏྟཔཙྩཡཱདཱིསུ ཙ པཱལི༹གཏི ཝེདིཏབྦཱ.

ཏཏྠ ཀུསལདྷམྨོ ནཱམེས ཡསྨཱ ཨུཔྤཛྫནྟོ ཋཔེཏྭཱ པཙྪཱཛཱཏཔཙྩཡཾ, ཝིཔཱཀཔཙྩཡཉྩ སེསེཧི དྭཱཝཱིསཏིཡཱ པཙྩཡེཧི ཨུཔྤཛྫཏི. ཀུསལསྶ ཙ པཙྩཡོ ཧོནྟོ ཋཔེཏྭཱ པུརེཛཱཏཔཙྪཱཛཱཏཝིཔཱཀཝིཔྤཡུཏྟཔཙྩཡེ སེསེཧི ཝཱིསཏིཡཱ པཙྩཡེཧི པཙྩཡོ ཧོཏི. ཨེཝཾ ཀུསལོ ཀུསལཱདཱིནཾ, ཨཀུསལོ ཙ ཨཀུསལཱདཱིནཾ ཡཐཱནུརཱུཔཾ པཙྩཡཱ ཧོནྟི, ཏསྨཱ ཀུསལཱདཱིནཾ ཏཾཏཾཔཙྩཡུཔྤནྣཝིབྷཱགཾ དསྶེཏུཾ པཉྷཱཝཱརོ ཝུཏྟོ. ཏཏྠ སེཁཱ གོཏྲབྷུནྟི སོཏཱཔནྣཾ སནྡྷཱཡ ཝུཏྟཾ, ཝོདཱནནྟི སཀདཱགཱམིཨནཱགཱམིནོ. ཏེསཾ ཧི གོཏྲབྷུཙིཏྟཾ ཝོདཱནཾ ནཱམ. མགྒཱ ཝུཊྛཧིཏྭཱཏི མགྒཝཱིཐིཏོ ཝུཊྛཱཡ. ན ཧི མགྒཱནནྟརཱ པཙྩཝེཀྑཎཱ ནཱམ ཨཏྠཱིཏི ཨཡཾ ཨནུལོམཔཊྛཱནེ ཀུསལཏྟིཀནཡོ.

ཝེདནཱཏྟིཀཱདཱིསུ ‘‘སུཁཱཡ ཝེདནཱཡ སམྤཡུཏྟཾ དྷམྨཾ པཊིཙྩ སུཁཱཡ ཝེདནཱཡ སམྤཡུཏྟོ དྷམྨོ ཨུཔྤཛྫཏི ཧེཏུཔཙྩཡཱ. སུཁཱཡ ཝེདནཱཡ སམྤཡུཏྟཾ ཨེཀཾ ཁནྡྷཾ པཊིཙྩ དྭེ ཁནྡྷཱ. དྭེ ཁནྡྷེ ¶ པཊིཙྩ ཨེཀོ ཁནྡྷོ’’ཏིཨཱདིནཱ ཀུསལཏྟིཀེ ཝུཏྟཱནུསཱརེན པཊིཙྩཝཱརཱདཱིསུ པཉྷཱཝཱརཔརིཡོསཱནེསུ སཏྟསུ ཝཱརེསུ ཨེཀེཀསྨིཾ པཙྩཡཱནུལོམཱདཱིཧི ཙ ཨེཀམཱུལཱདཱིཧི ནཡེཧི ཙ སབྦཏྟིཀེསུ ལབྦྷམཱནཔདཝསེན གཎནཱནཡོ ཡོཛེཏྭཱ ཉཱཏབྦོ. ཏཏྠ ཝེདནཱཏྟིཀེ ཝེདནཱཀྑནྡྷསྶ ཨལབྦྷནཏོ ‘‘ཨེཀཾ ཁནྡྷཾ ནིསྶཱཡ དྭེ ཁནྡྷཱ’’ཏིཨཱདི ཝུཏྟཾ. སབྦཏྠ ཝིསེསོ ¶ པཱལི༹ཨཊྛཀཐཱནུསཱརེནེཝ ཉཱཏབྦོཏི ཨཡཾ ཨནུལོམཔཊིལོམེ ཏིཀཔཊྛཱནནཡོ.

དུཀཔཊྛཱནེ པན ‘‘ཧེཏུཾ དྷམྨཾ པཊིཙྩ ཧེཏུ དྷམྨོ ཨུཔྤཛྫཏི ཧེཏུཔཙྩཡཱ. ཨལོབྷཾ པཊིཙྩ ཨདོསོ. ཨམོཧོ. ཨདོསཾ ཨམོཧཾ པཊིཙྩ ཨལོབྷོ. ཨདོསོ. ལོབྷཾ པཊིཙྩ མོཧོ. མོཧཾ པཊིཙྩ ལོབྷོ. དོསཾ པཊིཙྩ མོཧོ. མོཧཾ པཊིཙྩ དོསོ. པཊིསནྡྷིཀྑཎེ ཧེཏུཾ དྷམྨཾ པཊིཙྩ ནཧེཏུ དྷམྨོ ཨུཔྤཛྫཏི…པེ… ཧེཏཱུ ཙ ནཧེཏཱུ ཙ. ནཧེཏུཾ པཊིཙྩ ནཧེཏུ དྷམྨོ ན…པེ… ཧེཏཱུ ཙ ནཧེཏཱུ ཙཱ’’ཏིཨཱདིནཱ ཧེཏུདུཀེ,

‘‘སཧེཏུཀཾ དྷམྨཾ པཊིཙྩ སཧེཏུཀོ དྷམྨོ ཨུཔྤཛྫཏི ཧེཏུཔཙྩཡཱ. སཧེཏུཀཾ ཨེཀཾ ཁནྡྷཾ…པེ… སཧེཏུཀཾ དྷམྨཾ པཊིཙྩ. ཨཧེཏུཀོ…པེ… ཙིཏྟསམུཊྛཱནཾ རཱུཔཾ. པཊིསནྡྷིཀྑཎེ…པེ… སཧེཏུཀོ ཙ, ཨཧེཏུཀོ ཙ…པེ… ཨཧེཏུཀཾ ཁནྡྷཾ པཊིཙྩ ཨཧེཏུཀོ. ཝིཙིཀིཙྪཱསཧགཏཾ ཨུདྡྷཙྩསཧགཏཾ མོཧཾ པཊིཙྩ སམྤཡུཏྟཀཱ ཁནྡྷཱ…པེ… ཙིཏྟསམུཊྛཱནཾ. ཨཱཧཱརསམུཊྛཱན’’ནྟིཨཱདིནཱ སཧེཏུཀདུཀཱདཱིསུ ཙ ཀེནཙིཝིཉྙེཡྻདུཀཝཛྫིཏེསུ སབྦདུཀེསུ པཙྩེཀཾ པཊིཙྩཝཱརཱདཱིསུ སཏྟསུ མཧཱཝཱརེསུ ཨེཀེཀསྨིཾ པཙྩཡཱནུལོམཱདཱིསུ ཙཏཱུསུ ནཡེསུ ཨེཀམཱུལཀཱདཱིཧི སབྦཝཱརེཧི ཀུསལཏྟིཀེ ཝུཏྟཱནུསཱརེན ཡཐཱནུརཱུཔཾ ཝིབྷངྒནཡོ ཡོཛེཏྭཱ ཉཱཏབྦོ. སབྦསྨིམྤི ཧི པཊྛཱནེ ཀེནཙིཝིཉྙེཡྻདུཀཾ ན ལབྦྷཏཱིཏི ཨཡཾ དུཀཔཊྛཱནནཡོ.

དུཀཏིཀཔཊྛཱནེ པན ‘‘ཧེཏུཾ ཀུསལཾ དྷམྨཾ པཊིཙྩ ཧེཏུ ཀུསལོ དྷམྨོ ཨུཔྤཛྫཏི ཧེཏུཔཙྩཡཱ’’ཏིཨཱདིནཱ ཧེཏུདུཀེན སདྡྷིཾ ཀུསལཏྟིཀེ ཀུསལཾ པདཾ ཡོཛེཏྭཱ པཊིཙྩཝཱརཱདཱིསུ སཏྟསུ ཝཱརེསུ པཙྩཡཱནུལོམཱདཱིནཾ ཙཏུནྣཾ ནཡཱནཾ ཝསེན ལབྦྷམཱནཀཔཙྩཡཱ ཨེཀམཱུལཀཱདིནཡེཧི དསྶིཏཱ ¶ . ཡཐཱ ཙ ཀུསལཾ པདཾ, ཨེཝཾ ཨཀུསལཾ པདཾ, ཨབྱཱཀཏཉྩ ཧེཏུདུཀེན ཡོཛེཏྭཱ ཝུཏྟནཡེན དསྶེཏྭཱ ཧེཏུཀུསལདུཀཏིཀནྟི ཋཔིཏཾ. པཱལི༹ པན ཨཏིསཾཁིཏྟཱ. ཡཐཱ ཀུསལཏྟིཀཾ, ཨེཝཾ ‘‘ཧེཏུཾ སུཁཱཡ ཝེདནཱཡ སམྤཡུཏྟཾ དྷམྨཾ པཊིཙྩ ཧེཏུ སུཁཱཡ ཝེདནཱཡ སམྤཡུཏྟོ དྷམྨོ ཨུཔྤཛྫཏི ཧེཏུཔཙྩཡཱ’’ཏིཨཱདིནཱ ལབྦྷམཱནཀཔདཝསེན ཝེདནཱཏྟིཀཱདཡོཔི ཧེཏུདུཀེན ¶ ཡོཛེཏྭཱ ཧེཏུཝེདནདུཀཏིཀཱདཱིནི ཨེཀཝཱིསཏིདུཀཏིཀཱནི དསྶིཏཱནཱིཏི. ཡཐཱ ཙ ཧེཏུདུཀེན སདྡྷིཾ ལབྦྷམཱནཀཔདཝསེན དྭཱཝཱིསཏིཏིཀཱ ཡོཛིཏཱ, ཨེཝཾ སཧེཏུཀདུཀཱདཱིཧི སབྦེཧི སདྡྷིཾ པཙྩེཀཾ དྭཱཝཱིསཏིཏིཀཱ ཡོཛེཏབྦཱ. པཱལི༹ པནེཏྠ ཨིཏོ པརེསུཔི སབྦཏྠ ཨཏིསཾཁིཏྟཱ. ཨེཝཾ དྭཱཝཱིསཏིཏིཀེ གཧེཏྭཱ དུཀསཏེ པཀྑིཔིཏྭཱ དུཀཏིཀཔཊྛཱནཾ དེསིཏནྟི ཨཡཾ དུཀཏིཀཔཊྛཱནནཡོ.

ཏིཀདུཀཔཊྛཱནེཔི ‘‘ཀུསལཾ ཧེཏུཾ དྷམྨཾ པཊིཙྩ ཀུསལོ ཧེཏུ དྷམྨོ ཨུཔྤཛྫཏི ཧེཏུཔཙྩཡཱ’’ཏིཨཱདིནཱ ཀུསལཏྟིཀེན སདྡྷིཾ ཧེཏུཔདཾ ཡོཛེཏྭཱ པཊིཙྩཝཱརཱདཱིསུ སཏྟསུ མཧཱཝཱརེསུ པཙྩཡཱནུལོམཱདིནཡཙཏུཀྐཝསེན ལབྦྷམཱནཀཔཙྩཡཱ ཨེཀམཱུལཱདཱིཧི སབྦཝཱརེཧི དསྶིཏཱ. ཡཐཱ ཧེཏུཔདཾ, ཨེཝཾ ནཧེཏུཔདམྤི ཀུསལཏྟིཀེན སདྡྷིཾ ཡོཛེཏྭཱ ཀུསལཧེཏུ ཏིཀདུཀནྟི ཋཔིཏཾ. ཡཐཱ ཙ ཀུསལཏྟིཀེན སདྡྷིཾ ཧེཏུདུཀཾ, ཨེཝཾ ‘‘སུཁཱཡ ཝེདནཱཡ སམྤཡུཏྟཾ ཧེཏུཾ ཀུསལཾ དྷམྨཾ པཊིཙྩཱ’’ཏིཨཱདིནཱ ཝེདནཱཏྟིཀཱདཱིཧིཔི ཏཾ ཡོཛེཏྭཱ ཝེདནཱཏྟིཀདུཀཱདཱིནི ཨེཀཝཱིསཏིཏིཀདུཀཱདཱིནི དསྶིཏཱནི. ཡཐཱ ཙ ཧེཏུདུཀཾ, ཨེཝཾ སཧེཏུཀཱདཡོཔི སབྦེ པཙྩེཀཾ དྭཱཝཱིསཏིཡཱ ཏིཀེཧི ལབྦྷམཱནཔདཝསེནེཝ ཡོཛིཏཱ. ཨེཝཾ དུཀསཏཾ དྭཱཝཱིསཏིཡཱ ཏིཀེསུ པཀྑིཔིཏྭཱ ཏིཀདུཀཔཊྛཱནཾ དེསིཏནྟི ཨཡཾ ཏིཀདུཀཔཊྛཱནནཡོ.

ཏིཀཏིཀཔཊྛཱནེཔི ¶ ‘‘ཀུསལཾ སུཁཱཡ ཝེདནཱཡ སམྤཡུཏྟཾ དྷམྨཾ པཊིཙྩ ཀུསལོ སུཁཱཡ ཝེདནཱཡ སམྤཡུཏྟོ དྷམྨོ ཨུཔྤཛྫཏི ཧེཏུཔཙྩཡཱ’’ཏིཨཱདིནཱ ཀུསལཏྟིཀཾ ཝེདནཱཏྟིཀཱདཱིཧི སབྦཏྟིཀེཧི, ཝེདནཱཏྟིཀཱདཡོ ཙ ཀུསལཏྟིཀཱདཱིཧི ཝུཏྟནཡེན ཡོཛེཏྭཱ པཙྩཡཱ དསྶིཏཱ. ཨེཝཾ ཏིཀེསུ ཨེཝ ཏིཀེ པཀྑིཔིཏྭཱ ཏིཀཏིཀཔཊྛཱནཾ དེསིཏནྟི ཨཡཾ ཏིཀཏིཀཔཊྛཱནནཡོ.

དུཀདུཀཔཊྛཱནེཔི ‘‘ཧེཏུཾ སཧེཏུཀཾ དྷམྨཾ པཊིཙྩ ཧེཏུ སཧེཏུཀོ དྷམྨོ ཨུཔྤཛྫཏི ཧེཏུཔཙྩཡཱ’’ཏིཨཱདིནཱ ཧེཏུདུཀཾ སཧེཏུཀཱདཱིཧི, སཧེཏུཀཉྩ ཧེཏུདུཀཱདཱིཧི ཡོཛེཏྭཱ ཧེཊྛཱ ཝུཏྟནཡེཧི པཙྩཡཱ དསྶིཏཱ. ཨེཝཾ དུཀེསུ ཨེཝ དུཀེ པཀྑིཔིཏྭཱ དུཀདུཀཔཊྛཱནཾ དེསིཏནྟི ཨཡཾ དུཀདུཀཔཊྛཱནནཡོ. ཨེཝཾ ཏཱཝ ཨནུལོམཔཊྛཱནེ –

‘‘ཏིཀཉྩ པཊྛཱནཝརཾ དུཀུཏྟམཾ,

དུཀཏིཀཉྩེཝ ¶ ཏིཀདུཀཉྩ;

ཏིཀཏིཀཉྩེཝ དུཀདུཀཉྩ,

ཚ ཨནུལོམམྷི ནཡཱ སུགམྦྷཱིརཱ’’ཏི. –

ཝུཏྟཱ ཚ ནཡཱ ཝེདིཏབྦཱ. པཙྩཡཝསེན པནེཏེསུ ཚསུ ཨེཀེཀསྨིཾ པཊྛཱནེ པཙྩཡཱནུལོམཱདཱིནཾ ཙཏུནྣཾ ནཡཱནཾ ཝསེན ཨེཏེན པརིཡཱཡེན ཙཏུཝཱིསཏིནཡཔཊིམཎྜིཏམིདཾ དྷམྨཱནུལོམཔཊྛཱནནྟི ཝེདིཏབྦཾ. ཨཡཾ ཨནུལོམཔཊྛཱནནཡོ.

པཙྩནཱིཡཔཊྛཱནེ པན ‘‘ནཀུསལཾ དྷམྨཾ པཊིཙྩ ནཀུསལོ དྷམྨོ ཨུཔྤཛྫཏི ཧེཏུཔཙྩཡཱ. ཨཀུསལཾ ཨབྱཱཀཏཾ ཨེཀཾ ཁནྡྷཾ པཊིཙྩ…པེ… དྭེ ཁནྡྷཱ, ཙིཏྟསམུཊྛཱནཉྩ རཱུཔ’’ནྟིཨཱདིནཱ ཏིཀཔཊྛཱནེ, ‘‘ནཧེཏུཾ དྷམྨཾ པཊིཙྩ ནཧེཏུ དྷམྨོ ཨུཔྤཛྫཏི ཧེཏུཔཙྩཡཱ. ནཧེཏུཾ ཨེཀཾ ཁནྡྷཾ པཊིཙྩ…པེ… ཙིཏྟསམུཊྛཱནཉྩ རཱུཔ’’ནྟིཨཱདིནཱ དུཀཔཊྛཱནེ ཙ, ‘‘ནཧེཏུཾ ནཀུསལཾ དྷམྨཾ པཊིཙྩ ནཧེཏུ ནཀུསལོ དྷམྨོ ཨུཔྤཛྫཏི ཧེཏུཔཙྩཡཱ. ནཧེཏུཾ ནཀུསལཾ ཨབྱཱཀཏཾ ¶ ཨེཀཾ ཁནྡྷཾ པཊིཙྩ ཏཡོ ཁནྡྷཱ’’ཏིཨཱདིནཱ དུཀཏིཀཔཊྛཱནེ ཙ, ‘‘ནཀུསལཾ ནཧེཏུཾ དྷམྨཾ པཊིཙྩ ནཀུསལོ ནཧེཏུ དྷམྨོ ཨུཔྤཛྫཏཱི’’ཏིཨཱདིནཱ ཏིཀདུཀཔཊྛཱནེ ཙ, ‘‘ནཀུསལཾ ནསུཁཱཡ ཝེདནཱཡ སམྤཡུཏྟཾ དྷམྨཾ པཊིཙྩ ནཀུསལོ ནསུཁཱཡ ཝེདནཱཡ སམྤཡུཏྟོ དྷམྨོ ཨུཔྤཛྫཏཱི’’ཏིཨཱདིནཱ ཏིཀཏིཀཔཊྛཱནེ ཙ, ‘‘ནཧེཏུཾ ནསཧེཏུཀཾ དྷམྨཾ པཊིཙྩ ནཧེཏུ ནསཧེཏུཀོ དྷམྨོ ཨུཔྤཛྫཏི ཧེཏུཔཙྩཡཱ’’ཏིཨཱདིནཱ དུཀདུཀཔཊྛཱནེ ཙཱཏི ཚསུ པཙྩནཱིཡཔཊྛཱནེསུ ཨནུལོམཏིཀཔཊྛཱནཱདཱིསུ ཚསུ པཊྛཱནེསུ ཝུཏྟེན སབྦེན པཀཱརེན པཱལི༹ནཡོ ཝེདིཏབྦོ. ཨིདཉྩ ཀུསལཱདཱིནཾ, ཧེཏུཨཱདཱིནཉྩ དྷམྨཱནཾ པཙྩཡུཔྤནྣབྷཱཝཔཊིཀྑེཔཝསེན པཝཏྟཏྟཱ དྷམྨཔཙྩནཱིཡཔཊྛཱནཾ ནཱམ ཛཱཏཾ. ཏཏྠ ཧི ནཀུསལཾ དྷམྨཾ པཊིཙྩཱཏི ཀུསལསྶ པཙྩཡཔཊིཀྑེཔོ. ནཀུསལོ དྷམྨོ ཨུཔྤཛྫཏཱིཏི ཀུསལསྶ པཙྩཡུཔྤནྣབྷཱཝཔཊིཀྑེཔོ. ཏཐཱ ‘‘ཨཀུསལཾ ཨབྱཱཀཏཾ ཨེཀཾ ཁནྡྷཾ པཊིཙྩ…པེ… ཨཀུསལཱ, ཨབྱཱཀཏཱ ཁནྡྷཱ ཙིཏྟསམུཊྛཱནཉྩ རཱུཔཾ ཨུཔྤཛྫཏཱི’’ཏི ཨེཝམཱདིནཱ ནཡེནེཏྠ ཨཏྠོ ཝེདིཏབྦོ. ཨེཝམེཏྠ པཙྩནཱིཡཔཊྛཱནེ –

‘‘ཏིཀཉྩ པཊྛཱནཝརཾ དུཀུཏྟམཾ,

དུཀཏིཀཉྩེཝ ཏིཀདུཀཉྩ;

ཏིཀཏིཀཉྩེཝ དུཀདུཀཉྩ,

ཚ པཙྩནཱིཡམྷི ནཡཱ སུགམྦྷཱིརཱ’’ཏི. –

ཝུཏྟཱ ¶ ཚ ནཡཱ ཝེདིཏབྦཱ. པཙྩཡཝསེན པནེཏྠཱཔི ཨེཀེཀསྨིཾ པཙྩཡཱནུལོམཱདཱིནཾ ཙཏུནྣཾ ཙཏུནྣཾ ནཡཱནཾ ཝསེན ཙཏུཝཱིསཏིནཡཔཊིམཎྜིཏམིདཾ དྷམྨཔཙྩནཱིཡཔཊྛཱནནྟི ཝེདིཏབྦནྟི ཨཡཾ པཙྩནཱིཡཔཊྛཱནནཡོ.

ཨནུལོམཔཙྩནཱིཡཔཊྛཱནེ པན ‘‘ཀུསལཾ དྷམྨཾ པཊིཙྩ ནཀུསལོ དྷམྨོ ཨུཔྤཛྫཏི ཧེཏུཔཙྩཡཱ. ཀུསལེ ཁནྡྷེ པཊིཙྩ ཙིཏྟསམུཊྛཱནཾ རཱུཔ’’ནྟིཨཱདིནཱ ཏིཀཔཊྛཱནེ, ‘‘ཧེཏུཾ དྷམྨཾ པཊིཙྩ ནཧེཏུ ¶ དྷམྨོ ཨུཔྤཛྫཏི ཧེཏུཔཙྩཡཱ’’ཏིཨཱདིནཱ དུཀཔཊྛཱནེ ཙ, ‘‘ཧེཏུཾ ཀུསལཾ དྷམྨཾ པཊིཙྩ ནཧེཏུ ནཀུསལོ དྷམྨོ ཨུཔྤཛྫཏཱི’’ཏིཨཱདིནཱ དུཀཏིཀཔཊྛཱནེ ཙ, ‘‘ཀུསལཾ ཧེཏུཾ དྷམྨཾ པཊིཙྩ ནཀུསལོ ནཧེཏུ དྷམྨོ ཨུཔྤཛྫཏཱི’’ཏིཨཱདིནཱ ཏིཀདུཀཔཊྛཱནེ ཙ, ‘‘ཀུསལཾ སུཁཱཡ ཝེདནཱཡ སམྤཡུཏྟཾ དྷམྨཾ པཊིཙྩ ནཀུསལོ ནསུཁཱཡ ཝེདནཱཡ སམྤཡུཏྟོ དྷམྨོ ཨུཔྤཛྫཏཱི’’ཏིཨཱདིནཱ ཏིཀཏིཀཔཊྛཱནེ ཙ, ‘‘ཧེཏུཾ སཧེཏུཀཾ དྷམྨཾ པཊིཙྩ ནཧེཏུ ནསཧེཏུཀོ དྷམྨོ ཨུཔྤཛྫཏཱི’’ཏིཨཱདིནཱ དུཀདུཀཔཊྛཱནེ ཙ ཧེཊྛཱ ཝུཏྟནཡེན སབྦེན པཀཱརེན པཱལི༹ནཡོ ཝེདིཏབྦོ. ཨིདཾ ཀུསལཱདཱིནཾ དྷམྨཱནཾ པཙྩཡཏྟཾ ཨཔྤཊིཀྑིཔིཏྭཱ པཙྩཡུཔྤནྣཱནཾ ཀུསལཱདིབྷཱཝཔཊིཀྑེཔཝསེན པཝཏྟཏྟཱ དྷམྨཱནུལོམཔཙྩནཱིཡཔཊྛཱནཾ ནཱམ ཛཱཏཾ. ཏཏྠ ཧི ཀུསལཾ དྷམྨཾ པཊིཙྩཱཏི ཀུསལསྶ པཙྩཡབྷཱཝཝིདྷཱནཾ. ནཀུསལོ དྷམྨོ ཨུཔྤཛྫཏཱིཏི ཀུསལསྶ པཙྩཡུཔྤནྣབྷཱཝནིཝཱརཎཾ, ཏསྨཱ ‘‘ཀུསལེ ཁནྡྷེ པཊིཙྩ ཙིཏྟསམུཊྛཱནཾ རཱུཔ’’ནྟིཨཱདིནཱ ཝིསྶཛྫནཾ ཝུཏྟནྟི ཝེདིཏབྦནྟི ཨེཝམེཏྠ ཨནུལོམཔཙྩནཱིཡཔཊྛཱནེ –

‘‘ཏིཀཉྩ པཊྛཱནཝརཾ དུཀུཏྟམཾ,

དུཀཏིཀཉྩེཝ ཏིཀདུཀཉྩ;

ཏིཀཏིཀཉྩེཝ དུཀདུཀཉྩ,

ཚ ཨནུལོམཔཙྩནཱིཡམྷི ནཡཱ སུགམྦྷཱིརཱ’’ཏི. –

ཝུཏྟཱ ཚ ནཡཱ ཝེདིཏབྦཱ. པཙྩཡཝསེན པནེཏྠཱཔི ཨེཀེཀསྨིཾ པཙྩཡཱནུལོམཱདཱིནཾ ཙཏུནྣཾ ཙཏུནྣཾ ནཡཱནཾ ཝསེན ཙཏུཝཱིསཏིནཡཔཊིམཎྜིཏམིདཾ དྷམྨཱནུལོམཔཙྩནཱིཡཔཊྛཱནནྟི ཝེདིཏབྦནྟི ཨཡཾ ཨནུལོམཔཙྩནཱིཡཔཊྛཱནནཡོ.

པཙྩནཱིཡཱནུལོམཔཊྛཱནེ ‘‘ནཀུསལཾ དྷམྨཾ པཊིཙྩ ཨཀུསལོ དྷམྨོ…པེ… ནཀུསལཾ དྷམྨཾ པཊིཙྩ ¶ ཨབྱཱཀཏོ དྷམྨོ ཨུཔྤཛྫཏི ཧེཏུཔཙྩཡཱ’’ཏིཨཱདིནཱ ཏིཀཔཊྛཱནེ, ‘‘ནཧེཏུཾ དྷམྨཾ པཊིཙྩ ཧེཏུ དྷམྨོ ཨུཔྤཛྫཏཱི’’ཏིཨཱདིནཱ དུཀཔཊྛཱནེ ཙ, ‘‘ནཧེཏུཾ ¶ ནཀུསལཾ དྷམྨཾ པཊིཙྩ ཧེཏུ ཨཀུསལོ དྷམྨོ…པེ… ཧེཏུ ཨབྱཱཀཏོ དྷམྨོ ཨུཔྤཛྫཏཱིཏི’’ཨཱདིནཱ དུཀཏིཀཔཊྛཱནེ ཙ, ‘‘ནཀུསལཾ ནཧེཏུཾ དྷམྨཾ པཊིཙྩ ཨཀུསལོ ཧེཏུ དྷམྨོ…པེ… ཨབྱཱཀཏོ ཧེཏུ དྷམྨོ ཨུཔྤཛྫཏཱི’’ཏིཨཱདིནཱ ཏིཀདུཀཔཊྛཱནེ ཙ, ‘‘ནཀུསལཾ ནསུཁཱཡ ཝེདནཱཡ སམྤཡུཏྟཾ དྷམྨཾ པཊིཙྩ ཨཀུསལོ སུཁཱཡ ཝེདནཱཡ སམྤཡུཏྟོ དྷམྨོ…པེ… ཨབྱཱཀཏོ སུཁཱཡ ཝེདནཱཡ སམྤཡུཏྟོ དྷམྨོ ཨུཔྤཛྫཏཱི’’ཏིཨཱདིནཱ ཏིཀཏིཀཔཊྛཱནེ ཙ, ‘‘ནཧེཏུཾ ནསཧེཏུཀཾ དྷམྨཾ པཊིཙྩ ཧེཏུ སཧེཏུཀོ དྷམྨོ ཨུཔྤཛྫཏཱི’’ཏིཨཱདིནཱ དུཀདུཀཔཊྛཱནེ ཙ, ཧེཊྛཱ ཝུཏྟེན པཀཱརེན པཱལི༹ནཡོ ཝེདིཏབྦོ. ཨིདཉྩ ཀུསལཱདིདྷམྨཱནཾ པཙྩཡཏྟཾ པཊིཀྑིཔིཏྭཱ ཏེསཾ པཙྩཡུཔྤནྣབྷཱཝཨཔྤཊིཀྑེཔཝསེན པཝཏྟཏྟཱ དྷམྨཔཙྩནཱིཡཱནུལོམཔཊྛཱནཾ ནཱམ ཛཱཏཾ. ཏཏྠ ནཀུསལཾ དྷམྨནྟི ཀུསལསྶ པཙྩཡབྷཱཝནིཝཱརཎཾ. ཨཀུསལོ དྷམྨོ ཨུཔྤཛྫཏཱིཏི ཨཀུསལསྶ ཨུཔྤཏྟིཝིདྷཱནཾ. ཀུསལཾ པན པཊིཙྩ ཀུསལསྶ ཨུཔྤཏྟིཨབྷཱཝཏོ ‘‘ཀུསལོ དྷམྨོ ཨུཔྤཛྫཏཱི’’ཏི ཨཝཏྭཱ ‘‘ཨཀུསལོ དྷམྨོ ཨུཔྤཛྫཏཱི’’ཏི ལབྦྷམཱནཔདཝསེན ཝུཏྟཾ. ཀུསལཾ, ཧི ཨཀུསལཾ, ཨབྱཱཀཏཾ ཝཱ སཧཛཱཏཔཙྩཡཾ ཀཏྭཱ ཨུཔྤཛྫམཱནོ ཀུསལོ ནཱམ ནཏྠི, ཏསྨཱ ཨཀུསལསྶ ཙ ཨབྱཱཀཏསྶ ཙ ཝསེན དེསནཱ ཀཏཱ. ཨེཝམཉྙཏྠ. ཨེཝམེཏྠ དྷམྨཔཙྩནཱིཡཱནུལོམཔཊྛཱནེ –

‘‘ཏིཀཉྩ པཊྛཱནཝརཾ དུཀུཏྟམཾ,

དུཀཏིཀཉྩེཝ ཏིཀདུཀཉྩ;

ཏིཀཏིཀཉྩེཝ དུཀདུཀཉྩ,

ཚ པཙྩནཱིཡཱནུལོམམྷི ནཡཱ སུགམྦྷཱིརཱ’’ཏི. –

ཝུཏྟཱ ཚ ནཡཱ ཝེདིཏབྦཱ. པཙྩཡཝསེན པནེཏྠཱཔི ཏིཀཔཊྛཱནཱདཱིསུ ཨེཀེཀསྨིཾ པཙྩཡཱནུལོམཱདཱིནཾ ཙཏུནྣཾ ཙཏུནྣཾ ¶ ནཡཱནཾ ཝསེན ཨེཀེན པརིཡཱཡེན ཙཏུཝཱིསཏིནཡཔཊིམཎྜིཏམིདཾ དྷམྨཔཙྩནཱིཡཱནུལོམཔཊྛཱནནྟི ཝེདིཏབྦནྟི ཨཡཾ པཙྩནཱིཡཱནུལོམཔཊྛཱནནཡོ.

ཨེཝམིདཾ བྷགཝཏཱ ཨནུལོམཔཊྛཱནཱདཱིསུ ཙཏཱུསུ ཨེཀེཀསྨིཾ པཊྛཱནེ ཏིཀདུཀཱདཱིནཉྙེཝ ཚནྣཾ ཚནྣཾ ནཡཱནཾ ཝསེན ཙཏུཝཱིསཏིནཡཔཊིམཎྜིཏཾ སམནྟཔཊྛཱནམཧཱཔཀརཎཾ དེསིཏཾ. པཙྩཡཝསེན པནེཏེསུ ཙཏུཝཱིསཏིཡཱ པཊྛཱནེསུ ཨེཀེཀསྨིཾ པཙྩཡཱནུལོམཱདཱིནཾ ཙཏུནྣཾ ཙཏུནྣཾ ནཡཱནཾ ¶ ཝསེནེཏཾ ཚནྣཝུཏིནཡཔཊིམཎྜིཏཾ ཧོཏི, དྷམྨཝསེནེཝ ཙེཏཾ པཀརཎཾ ཙཏུཝཱིསཏིསམནྟཔཊྛཱནཾ ཝུཏྟནྟི ཨཡམེཏྠ ཝིབྷངྒནཡོ.

མོཧཝིཙྪེདནིཡཱ ཨབྷིདྷམྨམཱཏིཀཏྠཝཎྞནཱཡ

པཊྛཱནམཱཏིཀཏྠཝཎྞནཱ ནིཊྛིཏཱ.

ནིགམནཀཐཱ

ཨེཏྟཱཝཏཱ ¶ ཙ –

༡.

མཱཏིཀཱཡཱབྷིདྷམྨསྶ, ཨཱརདྡྷཱ ཨཏྠཝཎྞནཱ;

མོཧཝིཙྪེདནཱི ནཱམ, ཡཱ སཱ ནིཊྛམུཔཱགཏཱ.

༢.

ནིཊྛཾ ཡཐཱཡཾ སམྤཏྟཱ, ལཛྫཱིཧི ཨབྷིཔཏྠིཏཱ;

སབྦེ ནིཊྛཾ ཏཐཱ སནྟཱ, སམེནྟུ སུམནོརཐཱ.

༣.

ཡོ གམྦྷཱིརོ སསཱདཱིནཾ, སམུདྡོཝ བྷཡཱཝཧོ;

ཀཱལེསྨིཾ དྷཱིམཏཉྩཱཔི, ཨཔི གནྠཱཝལོཀནེ.

༤.

པཋམནྟརདྷཱནསྶ, ཨབྷིདྷམྨསྶ ཏསྶ ཡཾ;

སིལཱལེཁཱ ནིདྷཱིནཾཝ, དྷམྨཏྠཱནཾ པཀཱསིཀཱ.

༥.

ནཱཝཱ ཝིཡ སམུདྡསྶ, སུཁོཏརཎཔདྡྷཏི;

པཱལི༹ཨཊྛཀཐཱ ཙེསཱ, པརིསུདྡྷཱ ཨནཱཀུལཱ.

༦.

ནཡཏོཔི ¶ ཨཝིཀྐིཎྞཱ, ཨསཾཀིཎྞཱ ནིཀཱཡཏོ;

ཡཏོ སཀྐཙྩ སོཏབྦཱ, སདྡྷམྨཊྛིཏིཡཱ སཏཱ.

༧.

སདྡྷམྨཊྛིཏིཀཱམེན, ཨནཏྟུཀྐཾསནཱདིཏོ;

མཡཱཔི ཝཎྞཡནྟེན, རཙིཏཱ སུདྡྷཙེཏསཱ;

ཏེཏྟིཾསབྷཱཎཝཱརཱཡ, པརིམཱཎེན ཏནྟིཡཱ.

༨.

མཱཏིཀཱཝཎྞནཱ ཡཱ སཱ, ཡཱཝ ནིཊྛཾ ཡཐཱབལཾ;

སབྦཏྠསངྒཧཱ ཨེསཱ, ཨནཱཀུལཔདཀྐམཱ.

༩.

ཡཾ པཏྟཾ ཀུསལཾ ཏེན, པཏྭཱ སམྦོདྷིམུཏྟམཾ;

ནིཊྛཾ པཱཔེཡྻམཁིལེ, པཱཎིནོ ཧིཏཙེཏསཱ.

༡༠.

ནཱནཱཛནཱདྷིརམཎཱིཡཏརསྶ,

ཙོལ༹རཊྛསྶ བྷཱརམདྷིཝཱཧཀུལནྡྷརསྶ;

ཀཱཝེརིཔཱུཏསལིལེན ཧིཏཱལཡསྶ,

རཱཛཱདྷིརཱཛཝརཝཾསསུཔཱིཎིཏསྶ.

༡༡.

མཛ྄ཛྷམྷི ¶ ཙོལ༹ཀཀལངྐནིབྷེན མགྒཾ,

པཱུརཾ ཝིསཱལཝིབྷཝེཧི མཧཱཀུལེཧི;

པཱཀཱརཙཀྐཔརིཁཱཧི ཙ གོཔུརེཧི,

ཡུཏྟཾ ཛནཱཀུལསུསཛྫིཏརཱཛམགྒཾ.

༡༢.

སབྦཱུཔབྷོགཔརིབྷོགདྷནེཧི ནཱནཱ-

ཝཎྞེཧི པུཎྞཝིཝིདྷཱཔཎིཀེཧི སོབྷཾ;

ཙོལཱ༹དྷིནཱགཔུརནནྡནནཱཐབྷཱུཏཾ,

ཡེ ཏཏྠ སོགཏཝིཧཱརཝརཱབྷིརཱམཱ.

༡༣.

ཏེསཾ ¶ མུཁེ ཛནམནོཧརསཏྠུབིམྦ-

སམྦྷཱཝིཏེ མཧཏི སཛྫནམཱནནཱིཡེ;

ཝིཛྫཱལཡེཧི ཨུདཡཱཙལསནྣིབྷེཧི,

ཀེལཱསཀཱུཊསིཁརོཔམཙེཏིཡེཧི.

༡༤.

པཱསཱདཧམྨིཡཝརེཧི ཙ མཎྜཔེཧི,

ཛམྦམྦཏཱལཔནསཱདིཏརཱཝལཱིཧི;

ནནྡོཔནནྡབྷུཛགསྶ ཝརསྶ བྷོག-

ཙཀྐཱཝལཱིསམསུདྷཱཀཏགོཔུརེཧི.

༡༥.

ཡུཏྟེ ཝིསཱལསིཀཏཱསིཏམཱལ༹ཀེཧི,

ཡུཏྟེ སུསཱིལཡཏིསངྒྷནིསེཝིཏམྷི;

ཀལྱཱཎཀམྨནིརཏེཧི ཧཊཱུཔཧཱརེ,

ནཱགཛྫུནཝ྄ཧཡཝིཧཱརཝརེ ཝསནྟོ.

༡༦.

ནཱམེན ཡོ དྷུཏདྷརགྒསམཱནནཱམོ,

ཙནྡོཝ པཱཀཊནབྷོདིཏཝཱིཏཔཉྙོ;

སཏྠནྟརེསུ ནིཔུཎོ པིཊཀཏྟཡེ ཙ,

ཝཱདཱིབྷཡཱུཐཝིཔིནེ མིགརཱཛལཱིལོ.

༡༧.

ཡོ ¶ སཱགརོཝ ན ཝིལངྒྷཏི སཱིལཝེལ-

མཔྤིཙྪཏཱདིགུཎསཱརཝིབྷཱུསིཏཏྟོ;

ཛོཏེཏི སཱསནམལཾ ནིཁིལཾ ཛཧནྟོ,

སཀྐཙྩ དྷམྨཝིནཡཾ པརིདཱིཔཡནྟོ.

༡༨.

ཏེནཱབྷིདྷམྨཔིཊཀཎྞཝཝིཔྤཀིཎྞ-

སཱརཏྠརཏྣནིཀརེཝ སམུདྡྷརིཏྭཱ;

སམྨཱཔཛཱནགལ༹ལངྐརཎཱཡ ¶ མོཧ-

ཝིཙྪེདནཱི ཝིརཙིཏཱ རཏནཱཝལཱི ཡཱ.

༡༩.

སཱཡཾ པབྷཱསཏུ སུཀིཏྟིཝིརཱཛམཱནཱ,

དྷམྨེསུ མོཧཏིམིརཾ ཝིནིཧཙྩ སམྨཱ;

ཨཱབྷཱཏུ ཏཱཝ ཛིནསཱསནཛོཏི ཡཱཝ,

ཝཏྟིསྶཏིསྶ ཛནཏཱཧིཏམཱཝཧནྟཱི.

ཨིཏི ཙོལ༹རཊྛེ མཧཱཀསྶཔཏྠེརེན ཝིརཙིཏཱ

མོཧཝིཙྪེདནཱི ནཱམ

ཨབྷིདྷམྨམཱཏིཀཏྠཝཎྞནཱ ནིཊྛིཏཱ.