📜

ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ

ཨནུདཱིཔནཱིཔཱཋ

༡. ཙིཏྟསངྒཧཨནུདཱིཔནཱ

ཨནནྟཉྙཱཎཾ ¶ ནཏྭཱན, ལོཀཱལོཀཀརཾ ཛིནཾ;

ཀརིསྶཱམི པརམཏྠ-དཱིཔནིཡཱ ནུདཱིཔནིཾ.

[ཏཏྠ, ལོཀཱལོཀཀརནྟི དསསཧསྶིལོཀདྷཱཏུཡཾ ཙཏུསྶཙྩདྷམྨདེསནཱལོཀཀཱརཀཾ. པརམཏྠདཱིཔནཱིཏི ཨེཏྠ ཨཏྠོ དུཝིདྷོ པདྷཱནཏྠོཙ པརིཡཱཡཏྠོཙ. ཏཏྠ པདྷཱནཏྠོ པརམཏྠོནཱམ, པདྷཱནཏྠོཏིཙ པདཝཱཀྱཱནཾ མུཁྱཏྠོ ཨུཛུཀཏྠོ. པརིཡཱཡཏྠོཔི ཀོཙི, ཡུཏྟརཱུཔོ ཨཏྠོ པརམཏྠོ ཡེཝ. པརམཏྠཾདཱིཔེཏིཔཀཱསེཏཱིཏིཔརམཏྠདཱིཔནཱི]. ཏཾཔར མཏྠདཱིཔནིཾཀརོནྟོཨཱཙརིཡོ པཐམཾཏཱཝ བུདྡྷསྶབྷགཝཏོ པཎཱམཾཀརོཏི ‘‘ཨུདཡཱཡསྶཱ’’ཏིཨཱདིནཱ.

ཏཏྠ ‘‘ཨུདཡཱ’’ཏི ཨུདཡཏོཨུགྒམནཏོ. ‘‘ཡསྶཱ’’ཏི ཡསྶ སབྦཉྙུབུདྡྷམཧཱསཱུརསྶ. ‘‘ཨེཀསྶཱ’’ཏི ཨདུཏཱིཡསྶ, ཨསདི སསྶཝཱ ¶ . ‘‘སདྡྷམྨརཾསིཛཱལིནོ’’ཏི ཨེཏྠསདྡྷམྨོཏིསཏྠུསཱ སནདྷམྨོཝུཙྩཏི. ཏཏྠཙ ཙཏུརཱསཱིཏིསཧསྶདྷམྨཀྑནྡྷསངྑཱཏོ དེསནཱསདྡྷམྨོཨིདྷཱདྷིཔྤེཏོ. སདྡྷམྨསངྑཱཏཾརཾསིཛཱལཾཨསྶ ཨཏྠཱིཏི སདྡྷམྨརཾསིཛཱལཱི. ཏསྶསདྡྷམྨརཾསིཛཱལིནོ. ‘‘པབུཛ྄ཛྷིཾསཱུ’’ཏི ཝིཀསིཾསུ, ཙཏུསྶཙྩཉྙཱཎཝིཀཱསཾཏཉྙཱཎསམྥུལླཾ པཱཔུཎིཾསུ. ‘‘ཛནམྦུཛཱ’’ཏི ཛནསངྑཱཏཱཨམྦུཛཱ. ཏཏྠཛནཱནཱམ ཨིདྷབོདྷནེཡྻསཏྟཱ ཨདྷིཔྤེཏཱ, ཡེསབྦཉྙུདེསནཾ སུཏྭཱ ཙཏུསྶཙྩ དྷམྨཾ བུཛ྄ཛྷིསྶནྟི. ཨམྦུཛཱཏིཔདུམཱ. ‘‘ཛཱཏིཀྑེཏྟེམཧཱསརེཏི’’ ཛཱཏིཀྑེཏྟ སངྑཱཏེ ཛནམྦུཛམཧཱསརེ. ཏཏྠ ཛཱཏིཀྑེཏྟཾ ནཱམདསསཧསྶ ཙཀྐཝཱལ༹ཾ, ཡཾ ཨེཀཾ བུདྡྷཀྑེཏྟནྟི ཝུཙྩཏི. ཡཏྠ ཙ མཧཱབོདྷིསཏྟཱནཾ བུདྡྷབྷཱཝཏྠཱཡ པཐམམཧཱབྷིནཱིཧཱརཀཱལཱདཱིསུ ཨེཀཔྤཧཱརེནཔཐཝིཀམྤནཱདཱིནིཔཝཏྟནྟི. ཡཏྠཙཝསནྟཱདེཝབྲཧྨཱནོ བུདྡྷཔརིསཱཧོནྟི. ཛཱཏིཀྑེཏྟེམཧཱསརེཡསྶ ཨེཀསྶ སདྡྷམྨརཾསིཛཱལིནོ མཧཱསཱུརསྶ ཨུདཡཱ ཏསྨིཾ ཛཱཏིཀྑེཏྟེ མཧཱསརེ ཛནམྦུཛཱཔབུཛ྄ཛྷིཾསཱུཏིཡོཛནཱ.

‘‘ཏཾ མཧཱསཱུར’’ནྟི སབྦཉྙུབུདྡྷམཧཱསཱུརིཡམཎྜལཾ. ཛནམྦུཛ སནྟཱནེསུཔཝཏྟཾ མཧནྟཾ མོཧཏམཾནཱུདཏི ཨཔནེཏི, སདྡྷམྨརཾསིཛཱལཾ ཝིསྶཛྫནྟོ ཨནྟརདྷཱཔེཏཱིཏི མཧཱམོཧཏམོནུདོ. ཏཾ ‘‘མཧཱམོཧཏམོནུདཾ’’.

ཨེཝཾ བུདྡྷསྶཔཎཱམཾ ཀཏྭཱ ཨཏྟནཱ ཨིཙྪིཏཾ པཎཱམཔྤཡོཛནཾ པརིཎཱམེནྟོ ‘‘སཉྫཱཏ’’ནྟིཨཱདིམཱཧ. ‘‘སོམཧཱསཱུརོམཡ྄ཧཾ ཧདཡེ སཉྫཱཏཾ ཏམོཁནྡྷཾ པནཱུདཏ’’ནྟིཡོཛནཱ. ཏཏྠ ‘‘སཉྫཱཏ’’ནྟི སུཊྛུཛཱཏཾ, ཨནམཏགྒེསཾསཱརེ དལ༹ྷཾ པཝཏྟནྟི ཨཏྠོ. ‘‘ཏམོཁནྡྷ’’ནྟི མཧཱམོཧཏམོཁནྡྷཾ. སབྦཀིལེསཏམོཁནྡྷཾ ཝཱ. ཨནྟརཱཡཀརཱནི ཨུཔཝཱིལ༹ཀོཔགྷཱཏཀཀམྨཱནིཔི ཏམོཁནྡྷེ སངྒཧིཏཱནི ཨེཝ. ཏཐཱ རོགཱདཡོ ཨནྟརཱཡ དྷམྨཱཔི ཏམོཛཱཏིཀཱཨེཝཏམོཏམཔརཱཡནོཏིཨཱདཱིསུ. ‘‘པནཱུདཏ’’ནྟི པནཱུདཏུ, ཨཔནེཏུ, ཨནྟརདྷཱཔེཏུ.

ཨེཝཾ སཔྤཡོཛནཾ པཎཱམཾ ཀཏྭཱ ཨིདཱནི སནིདཱནཾ གནྠཔྤཊིཉྙཾ ཀརོནྟོ ‘‘པོརཱཎཀེཧཱི’’ཏིཨཱདིམཱཧ. ཏཏྠ ནིདཱནཾ ནཱམ གནྠཔྤཊིཉྙཱཡ ¶ ཨཱསནྣཀཱརཎཾ. ཀཏདྷཾཔནཏནྟི, སཱརཏྠཱབྷིམཱནཱིནཾ ཡཱཙནཉྩསངྒཧསྶཝིཔུལཏྠཏཱ ཙ.

ཏཏྠ དྭཱིཧི གཱཐཱཧི སཀཱརཎཾ ཡཱཙནཾ དསྶེཏི. པུན དྭཱིཧི གཱཐཱཧི སཨུཔམཾཝིཔུལཏྠཏཾདསྶེཏི. ‘‘ཏསྨཱ’’ཏིཨཱདིནཱ གནྠཔྤཀཱར གནྠགུཎེཧི སཧགནྠཔྤཊིཉྙཾ དསྶེཏི. ཏཏྠ ཨཱདིགཱཐཱཡཾ ‘‘ཨབྷིདྷམྨཏྠསངྒཧེ པོརཱཎཀེཧི ཝིཉྙཱུཧི ཝཎྞིཏཱ བཧཱུཝཎྞནཱ ཨིདྷལོཀམྷིདིསྶནྟཱི’’ཏི ཡོཛནཱ. ‘‘ཝཎྞནཱ’’ཏི པོརཱཎཊཱིཀཱཡོ ཝུཙྩནྟི. ཨེཝཉྩསཏི ཀསྨཱ ཨབྷིནཝཾ ཝཎྞནཾ ཡཱཙནྟཱིཏི. ‘‘ཡེ སཱརཏྠཱབྷིམཱནིནོ, ཏེ ཏཱཧིབཧཱུཧི པོརཱཎཝཎྞནཱཧིཏུཊྛིཾ ནཝིནྡནྟི. ཏསྨཱ ཏཾ ཡཱཙནྟཱི’’ཏིཡོཛནཱ. ཨེཏེན ཨཔྤསཱརཏྠཱ ཨེཝ ཏཱཔོརཱཎཝཎྞནཱཡོཏིཔི དཱིཔེཏིཡེཝ. ཏཏྠ ‘‘ཏུཊྛི’’ནྟི སནྟུཊྛིཾ. ནཝིནྡནྟིནཔཊིལབྷནྟི. ‘‘ཡེ’’ཏིཡེཛནཱ.

སཱརཏྠམེཝ ཨབྷིམཱནེནྟི, ཝིསེསེན ནནྡནྟིསཱིལེནཱཏི སཱརཏྠཱབྷིམཱནིནོ. ཏེནཝིནྡནྟཱིཏིཔུརིམེནསམྦནྡྷོ. པུན ‘‘ཏེ’’ཏི ཏཱཧི ཏུཊྛིཾ ཨཝིནྡནྟཱ ཏེཛནཱ. ‘‘མ’’ནྟི ཨཏྟཱནཾ ནིདྡིསཏི. ‘‘སངྒམྨཱ’’ཏི སམཱགནྟྭཱ. ཡསྨཱ པརམཏྠསྶདཱིཔནཾ ཡཱཙནྟི, ཏསྨཱ ཨིམིསྶཱཊཱིཀཱཡ ‘‘པརམཏྠདཱིཔནཱི’’ཏི ནཱམཾཔི སིདྡྷཾཧོཏི. ‘‘མཧཎྞཝེ’’ཏི མཧཱསམུདྡེ. ‘‘རཏནཱནཱི’’ཏི སུཝཎྞརཛཏཱདཱིནི རཏནཱནི. ‘‘ཨུདྡྷརིཏྭཱ’’ཏི ཨུདྡྷཾ ཨཱཧརིཏྭཱ. ‘‘ཡཐིཙྪཀཾཝཱི’’ཏིཡཐིཙྪིཏཾཔི. ཡཏྟཀཾ ཨིཙྪནྟི, ཏཏྟཀཾཝཱིཏི ཨདྷིཔྤཱཡོ. ‘‘དཛྫེཡྻུཾ’’ཏི དདེཡྻུཾ. ཀཱམཾ དདནྟཱུཏི ཨཏྠོ. ཨེཡྻཱདིཝཙནཱནཾ ཨནུམཏི ཨཏྠེཔཝཏྟནཏོ. ‘‘ནཝཏྟབྦཱཝཨཱུནཏཱ’’ཏི མཧཎྞཝེརཏནཱནཾ ཨཱུནཏཱཧཱནིཏཱ ནཝཏྟབྦཱཝ. ཀསྨཱ, ཨཔརིམཱཎ རཏནཱདྷིཊྛཱནཏྟཱ མཧཱསམུདྡསྶ. ཡཏོ སོ སཱགརོཏི ཝུཙྩཏི, སཱནཾདྷནརཏནཱནཾ གེཧགབྦྷསདིསཏྟཱསཱགརོཏི ཧིསྶ ཨཏྠོ.

‘‘ཏཐེཝེཏྠཱ’’ཏི ཨེཏསྨིཾ ཨབྷིདྷམྨཏྠ སངྒཧེཏཐེཝ. ‘‘ཝིཔུལཏྠཱ’’ཏི མཧནྟཱ ཨཏྠཱ. ‘‘རཏནཱུཔམཱ’’ཏི མཧཎྞཝེ རཏནསདིསཱ. ‘‘སཏཀྑཏྟུཾཔཱི’’ཏི ཨནེཀསཏཝཱརཾཔི. ‘‘ཝཎྞེཡྻུཾ’’ཏི ཀཱམཾཝཎྞེནྟུ. ‘‘པརིཡཱདིནྣཱ’’ཏི པརིཏོ ཨནཝསེསཏོ ཨཱདིནྣཱ གཧིཏཱ. པརིཀྑཱིཎཱཏི ཝུཏྟཾ ཧོཏི. ‘‘ནཧེསྶརེ’’ཏི ནཧེསྶནྟི ¶ ནབྷཝིསྶནྟི. ‘‘ཏསྨཱ’’ཏི ཡསྨཱཙ ཡཱཙནྟི, ཡསྨཱཙ པརིཡཱདིནྣཱནཧེསྶནྟི, ཏསྨཱ. ‘‘ཏཱསུཝཎྞནཱསཱུ’’ཏི ཏཱསུ པོརཱཎཊཱིཀཱསུ. ‘‘ཝཎྞན’’ནྟི ཨབྷིནཝཝཎྞནཾ, ཨབྷིནཝཊཱིཀཾཀརིསྶནྟི སམྦནྡྷོ. ཀཱིདིསཾཝཎྞནཾ ཀརིསྶཏཱིཏི ཨཱཧ ‘‘ནཱནཱསཱརཏྠ སམྤུཎྞ’’ནྟིཨཱདི. ཏཏྠ ‘‘ཨུཏྟཱནཔདབྱཉྫན’’ནྟི ཨུཏྟཱནཔདཉྩ ཨུཏྟཱནཝཱཀྱཉྩ. ‘‘ནཱཏིསངྑེཔཝིཏྠཱར’’ནྟི ནཱཏིསངྑེཔཾནཱཏིཝིཏྠཱརཉྩ. མནྡཱ བུདྡྷི ཡེསཾ ཏེ མནྡབུདྡྷིནོ. ‘‘མནྡཱ’’ཏི མུདུཀཱ. ‘‘བུདྡྷཱི’’ཏི ཉཱཎཾ. མནྡབུདྡྷིནོ སོཏུཛནེ པབོདྷེཏི ཝིཀཱསེཏི, ཉཱཎ ཝིཀཱསཾཔཱཔེཏཱིཏི མནྡབུདྡྷིཔྤབོདྷནཱ. ‘‘ཀརིསྶ’’ནྟི ཀརིསྶཱམི. ‘‘ཏ’’ནྟི ཏཾཝཎྞནཾ. ‘‘པརམཏྠེསུཔཱཊཝཏྠིནོསུཎནྟཱུ’’ཏི ཡོཛནཱ. པཊུནོབྷཱཝོཔཱཊཝཾ. པཊུནོཏི བྱཏྟསྶཔཎྜིཏསྶ. པཱཊཝེན ཨཏྠོ ཡེསཾ ཏེ པཱཊཝཏྠིནོ. ཨིཏིསདྡོ པརིསམཱཔནཛོཏཀོ. སོ ཧི གནྠཱརབྦྷཝིདྷཱནསྶ ཨིདྷཔརིསམཱཔནཾ པརིནིཊྛཱནཾ ཉཱཔེཏུཾ གནྠཱརབྦྷཝཱཀྱསྶཔརིཡནྟེ ཡོཛིཏོ. ཨཝཡཝ ཝཱཀྱཱནཾ པིཡོཛཱིཡཏིཡེཝ. ཨེསནཡོསབྦཏྠ.

གནྠཱརབྦྷགཱཐཱཝཎྞནཱནིཊྛིཏཱ.

༡. ཨེཝཾ གནྠཱརབྦྷཝིདྷཱནཾ ཀཏྭཱ ཨིདཱནི ཨཱདིགཱཐཱཡ སམྦནྡྷཾ དསྶེནྟོ ‘‘ཨབྷིདྷམྨཏྠསངྒཧ’’ནྟིཨཱདིམཱཧ. སམྦནྡྷནྟི ཀཱརཎཔྥལསཾཡོགཾ. ཏཏྠ གཱཐཱཔཝཏྟནཾ ཀཱརཎཾ ནཱམ. པཉྩཔིཎྜཏྠ དསྶནཾ ཕལཾ ནཱམ. ཀཱརཎཔྥལསཾཡོགོ སམྦནྡྷོནཱམ. ‘‘སཔྤཡོཛནེ’’ཏི ཕལཔྤཡོཛནསཧིཏེ. གནྠེན ཨབྷིདྷཱཏབྦོ ཀཐེཏབྦོཏི གནྠཱབྷིདྷེཡྻོ. ནིཔཏསྶ ཀམྨཾ ནིཔཙྩཾ. ནིཔཙྩ ཀིརིཡཱ, ནིཔཙྩཱཀཱརོ, ནིཔཙྩཀཱརསྶཀརཎནྟི སམཱསོ. ‘‘སཱ’’ཏི རཏནཏྟཡཝནྡནཱ. དསྶིཏཱཏིསམྦནྡྷོ. ‘‘ཨབྷིཧིཏཱ’’ཏི ཀཐིཏཱ. པཀཱསིཏཱཏི ཝུཏྟཾ ཧོཏི. ‘‘པདྷཱནཏྠབྷཱུཏཱ’’ཏི ཨདྷིཔྤེཏཏྠབྷཱུཏཱཏི ཨདྷིཔྤཱཡོ. དུཝིདྷོཧི ཨཏྠོཝཙནཏྠོ ཙ ཨབྷིདྷཱནཏྠོཙ. ཏཏྠ གཙྪཏཱིཏི གཏོ, པུརིསོཏི ཝུཏྟེགཙྪཏི པདེན ཝུཏྟོ ཡོཀོཙི གཙྪནྟོ ཝཙནཏྠོནཱམ. པུརིསོཏི པདེནདསྶིཏོ ¶ པདྷཱནཏྠོ ཨདྷིཔྤེཏཏྠོ ཨབྷིདྷེཡྻཏྠོ ནཱམཱཏི. ‘‘ཨབྷིདྷམྨཏྠཱ’’ཏི.

ཏཏྠ ཝུཏྟཱབྷིདྷམྨཏྠཱ, ཙཏུདྷཱ པརམཏྠཏོ;

ཙིཏྟཾ ཙེཏསིཀཾ རཱུཔཾ, ནིབྦཱནམིཏི སབྦཐཱ. ཏི

ཨེཝཾ ཝུཏྟཱ ཨབྷིདྷམྨཏྠཱ. ཨེཝཾ ཝུཏྟཏྟཱཡེཝཙ ཏེཙཏྟཱརོ ཨབྷིདྷམྨཏྠཱ ཨེཝ ཨིདྷཔདྷཱནཏྠབྷཱུཏཱཏི ཙ, - པདྷཱནཏྠཱཨེཝ ཨིདྷགནྠཱབྷིདྷེཡྻ བྷཱཝེན ཨདྷིཔྤེཏཱཏི ཙཝིཉྙཱཡཏཱིཏི ཨདྷིཔྤཱཡོ.

ཀེཙིཔནཝདེཡྻུཾ, ཏེཨབྷིདྷམྨཏྠཱ སངྒཧཔྤཀརཎཾ པཏྟཱ ཝིསུཾ སངྒཧཏྠཱནཱམབྷཝེཡྻུཾ, ནཨབྷིདྷམྨཏྠཱ ནཱམ. ཨིདྷ ཙ སངྒཧཏྠཱ ཨེཝ ཨབྷིདྷེཡྻབྷཱཝེན ཨདྷིཔྤེཏཱཏི ཝུཏྟཾ ཨབྷིདྷེཡྻོ ཨབྷིདྷམྨཏྠ སངྒཧཔྤདེནཱཏི. ཝུཙྩཏེ. ཏེཨབྷིདྷམྨཏྠཱ སངྒཧཔྤཀརཎཾ པཏྟཱཔི ཨབྷིདྷམྨཏྠཱ ཨེཝནཱམ ཧོནྟི, ན ཝིསུཾ སངྒཧཏྠཱནཱམ. ཏཏྠ ཝུཏྟཱབྷིདྷམྨཏྠཱཏིཧི ཝུཏྟཾ, ནཏུཝུཏྟཾ ཏཏྠ ཝུཏྟཱསངྒཧཏྠཱཏི. ཨེཝཉྩསཏི སངྒཧིཏབྷཱཝམཏྟཾ ཝིསིཊྛཾ ཧོཏི. ཏདེཝ ཨིདྷ ཨབྷིདྷེཡྻོ ནཱམ སིཡཱཏི ཝུཏྟཾ ‘‘སངྒཧིཏབྷཱཝོཔི ཨབྷིདྷེཡྻོ ཡེཝཱ’’ཏིཨཱདི. ཏཏྠ ‘‘སངྒཧིཏབྷཱཝོ’’ཏིཙིཏྟསངྒཧོ, ཙེཏསིཀསངྒཧོཏིཨཱདིནཱ སངྒཧཎཀིརིཡཱ. སཱ སངྒཧིཏེཧི དྷམྨེཧི ཨཉྙཱ ནཧོཏི. ཏེསྭེཝདྷམྨེསུསངྒཡ྄ཧཏཱིཏི ཝུཏྟཾ ‘‘སངྒཧིཏབྷཱཝོཔི ཨབྷིདྷེཡྻོ ཡེཝཱ’’ཏི. ཀིཉྩཱཔིཏེཧི ཨཉྙཱནཧོཏི, ཏེ སྭེཝ སངྒཡ྄ཧཏི. སཱཔན གནྠསྶཔདྷཱནཏྠོ ནཧོཏི. ཨིདྷ ཙ པདྷཱནཏྠོཝ ཨདྷིཔྤེཏོཏི ཝུཏྟཾ ‘‘ཏཾནསུནྡར’’ནྟི. ཀསྨཱ ནསུནྡརནྟི ཨཱཧ ‘‘ནཧིསོ’’ཏིཨཱདིཾ. ཨེཏྠཙཧིསདྡོ ཨིམསྶ ཝཱཀྱསྶཧེཏུཝཱཀྱབྷཱཝཾ ཛོཏེཏི. ཨེསནཡོཔརཏྠཔི. ‘‘ཨིཏོཔཊྛཱཡ ཙཱ’’ཏིཨཱདི གནྠ གརུདོསཝིཝཛྫནཾ. ཏཏྠ ‘‘ཨིམསྶསངྒཧསྶཱ’’ཏི ཨིམསྶཨབྷིདྷམྨཏྠསངྒཧསྶ. ‘‘དུཏཱིཡཱ’’ཏིདུཏཱིཡཱཊཱིཀཱ. ‘‘དྭེཔཱི’’ཏི དྭེཔིཊཱིཀཱཡོ. ‘‘ཝིསུདྡྷིམགྒེམཧཱཊཱིཀཱ’’ཏི ཨཱཙརིཡདྷམྨཔཱལཏྠེརེན ཀཏཱཔརམཏྠམཉྫཱུསཱནཱམཊཱིཀཱ. སཱ བྲམྨརཊྛེ ཏིརིཡཔབྦཏཝཱསིནཱ ཐེརེནཀཏཾ ཙཱུལ༹ཊཱིཀཾ ཨུཔཱདཱཡ མཧཱཊཱིཀཱཏི པཱཀཊཱ. ཏཾསནྡྷཱཡེཏཾ ཝུཏྟཾ.

གནྠཔྤཀཱརོཙ ¶ པཀཱརཝནྟེཧི དྷམྨེཧི སཧེཝསིཛ྄ཛྷཏི, ཝིནཱ ནསིཛ྄ཛྷཏཱིཏི ཨདྷིཔྤཱཡེན ‘‘སོཨབྷིདྷམྨཏྠཔདེནཱ’’ཏི ཝུཏྟཾ. ཀཱམཉྩ སོ ཏེཧི སཧེཝསིཛ྄ཛྷཏི, ཝིནཱནསིཛ྄ཛྷཏི. ཨབྷིདྷམྨཏྠཔདཾ པན སངྒཧཎཀིརིཡཱཔཀཱརཾན ཝདཏཱིཏི ཝུཏྟཾ ‘‘ཏཾ ནསུནྡར’’ནྟི. དུཝིདྷཾ ནཱམཾ ཨནྭཏྠནཱམཾ རུལི༹ནཱམནྟི. ཏཏྠ, ཨཏྠཱནུགཏཾ ནཱམཾ ཨནྭཏྠནཱམཾ, ཡཐཱ སུཁིཏསྶཛནསྶ སུཁོཏིནཱམཾ. ཨཏྠརཧིཏཾ ཨཱརོཔིཏཾ ནཱམཾ རུལི༹ནཱམཾ, ཡཐཱ དུཀྑིཏསྶཛནསྶ སུཁོཏི ནཱམཾ. ཨིདྷ པན ཨནྭཏྠནཱ མནྟིདསྶེཏུཾ ‘‘ཨཏྠཱནུགཏཱ’’ཏིཨཱདི ཝུཏྟཾ. ཏཏྠ ‘‘ཨཏྠཱནུགཏཱ’’ཏི སཀཏྠཱནུགཏཱ. སདྡཔྤཝཏྟིནིམིཏྟཱནུགཏཱཏི ཝུཏྟཾ ཧོཏི. ‘‘གནྠསམཉྙཱ’’ཏི གནྠསམྨུཏི. གནྠསྶནཱམནྟི ཝུཏྟཾ ཧོཏི. སངྒཧགནྠོནཱམ པཱལི༹ཡཾཏཏྠ ཏཏྠ ཝིཔྤཀིཎྞེདྷམྨེ ཨེཀཏྠ སབྷཱགརཱསིཀརཎཝསེན པཝཏྟོ གནྠོ. ཏཾ ཨུགྒཎྷནྟོ ཨཔྤཀེན གནྠེནབཧུཀེདྷམྨེསུཁེནཛཱནཱཏི. ‘‘ཏདུགྒཧཔརིཔུཙྪཱདིཝསེནཱ’’ཏི ཏསྶཨུགྒཧོཙ པརིཔུཙྪཱཙཱཏི དྭནྡོ. ཨཱདིསདྡེན དྷཱརཎཱདཱིནི སངྒཎྷཱཏི. ཏཏྠ པཱཋསྶཝཱཙུགྒཏཀརཎཾ ཨུགྒཧོནཱམ. ཨུགྒཧི ཏསྶཔཱཋསྶ ཨཏྠགྒཧཎཾ པརིཔུཙྪཱནཱམ. ‘‘ཨནཱཡཱསཏོ’’ཏི ནིདྡུཀྑེན. ‘‘ལདྡྷབྦཾཕལཱནུཕལ’’ནྟི སམྦནྡྷོ. སརཱུཔཏོ ཨཝབུཛ྄ཛྷནཾ སརཱུཔཱཝབོདྷོ. ཨཱདིསདྡེན ལཀྑཎཱཝབོདྷོ རསཱཝ བོདྷོཏིཨཱདིཾ སངྒཎྷཱཏི. ཨནུཔཱདཱཔརིནིབྦཱནཾ ཨནྟོ པརིཡོསཱནཾ ཡསྶཱཏི ཨནུཔཱདཱཔརིནིབྦཱནནྟཾ. ཏཏྠ ‘‘ཨནུཔཱདཱཔརིནིབྦཱན’’ནྟི ཏཎྷཱདིཊྛཱིཧི ཁནྡྷེསུ ཨནུཔཱདཱཡཔརིནིབྦཱནཾ. ཨནུཔཱདིསེས པརིནིབྦཱནནྟི ཝུཏྟཾ ཧོཏི. ‘‘ཕལཱནུཕལ’’ནྟི ཕལཉྩེཝ ཨནུཕལཉྩ. ཏཏྠ ‘‘ཕལ’’ནྟི མཱུལཔྥལཾ. ‘‘ཨནུཕལ’’ནྟི པརམྤརཔྥལཾ. པཡོཛེཏཱིཏི ‘‘པཡོཛནཾ’’. པཡོཛེཏཱིཏི ནིཡོཛེཏི. ཀིཾ ནིཡོཛེཏི. ཕལཏྠིཀཾཛནཾ. ཀཏྠ ནིཡོཛེཏི. ཕལནིབྦཏྟཀེཀམྨེ. ཀིམཏྠཱཡ ནིཡོཛེཏི. ཏསྶཀམྨསྶ ཀརཎཏྠཱཡཱཏི. ཕལཱནུབྷཝནཏྠཱཡ ཏཏྠཏཏྠ ཕལཱནུབྷཝནཀིཙྩེསུ པཡུཛྫཱིཡཏཱིཏི པཡོཛནནྟི པིཝདནྟི. ‘‘སཱམཏྠིཡཏོ’’ཏི ཝཙནསཱམཏྠིཡཏོ. ཀིཾ ཝཙནསཱམཏྠིཡནྟི. ཀཱརཎཝཙནཾ ཕལཾཔིདཱིཔེཏི. ཕལཝཙནཾ ཀཱརཎཾཔིདཱིཔེཏི. ཡཐཱཏཾ ཨསུཀསྨིཾ རཊྛེ སམྨཱདེཝོ ཝུཊྛོཏི ཝུཏྟེ ཏཾ རཊྛཾསུ ¶ བྷིཀྑནྟི ཝིཉྙཱཡཏི. ཨསུཀརཊྛཾ སུབྷིཀྑནྟིཝུཏྟེ ཏསྨིཾ རཊྛེ སམྨཱདེཝོ ཝུཊྛོཏི ཝིཉྙཱཡཏཱིཏི. པཡོཛནཾ པན ཨབྷིདྷམྨཏྠ སདྡེན དསྶེཏབྦཾ ནཏྠི, སངྒཧཝཙནསཱམཏྠིཡེནེཝ སིདྡྷཾ ཧོཏཱིཏི ཨདྷིཔྤཱཡེན ‘‘སངྒཧསདྡེནཱ’’ཏི ཝུཏྟཾ. སཱམཏྠིཡདསྶནེ པན སུཊྛུ པརིཔུཎྞཝཙནཾ ཨིཙྪིཏབྦཾ ཧོཏི. ཨིཏརཐཱ ཨནིཊྛཏྠཔྤསངྒོཔི སིཡཱཏི ཨིམམཏྠཾ དསྶེཏུཾ ‘‘ཏཾ ན སུནྡར’’ནྟི ཝཏྭཱ ‘‘ནཧཱི’’ཏིཨཱདིནཱ ཧེཏུཝཱཀྱེན ཏདཏྠཾ སཱདྷེཏི.

༢. ཨེཝཾ སཔྤཡོཛནེ པཉྩཔིཎྜཏྠེཏི ཨེཏྠ པཉྩཔིཎྜཏྠེ དསྶེཏྭཱ ཨིདཱནི ཏེསཾཔཉྩནྣཾ པིཎྜཏྠཱནཾ ཝིསུཾཝིསུཾ པཉྩཔྤཡོཛནཱནི དསྶེནྟོ ‘‘ཏཏྠཱ’’ཏིཨཱདིམཱཧ. ‘‘ཏཏྠཱ’’ཏི ཏེསུཔཉྩསུ པིཎྜཏྠེསུ. ནསངྑྱཱཏབྦནྟི ཨསངྑྱེཡྻཾ. སངྑཱཏུཾཨསཀྐུཎེཡྻནྟི ཨཏྠོ. ནཔམེཏབྦནྟི ཨཔྤམེཡྻཾ. པམེཏུཾ ཨསཀྐུཎེཡྻནྟི ཨཏྠོ. ཨེཝཾ ཀིཙྩཔཙྩཡཱནཾ ཀཏྠཙི སཀྐཏྠ དཱིཔནཾ ཧོཏི. སཀཝཙནཾ པཱལི༹ཝཙནེན སཱདྷེཏུཾ ‘‘ཡཐཱཧཱ’’ཏི པུཙྪིཏྭཱ པཱལི༹གཱཐཾ ཨཱཧརི. ཏཏྠ ‘‘ཡཐཱཧཱ’’ཏི ཀཐཾ ཨཱཧ ཨིཙྩེཝཏྠོ. ཨནནྟརེ ཝུཏྟསྶ ཨཏྠསྶ སཱདྷཀཾ ཝཙནཾ ཀཐཾ པཱལི༹ཡཾ ཨཱཧ, ཀཐཾ ཨཊྛཀཐཱཡཾ ཨཱཧ, ཀཐཾ ཊཱིཀཱཡཾ ཨཱཧཱཏི ཨེཝཾ ཡཐཱརཧཾ ཨཏྠོ ཝེདིཏབྦོ. ‘‘ཏེཏཱདིསེནིབྦུཏེ ཨཀུཏོབྷཡེ པཱུཛཡཏོ’’ཏི ཡོཛནཱ. ཏཏྠ ‘‘ཏེ’’ཏི བུདྡྷ བུདྡྷ སཱཝཀེ. ‘‘ཏཱདིསེ’’ཏི ཏཐཱ རཱུཔེསཱི ལཀྑནྡྷཱདིགུཎ སམྤནྣེ. ‘‘ནིབྦུཏེ’’ཏི ཀིལེས ནིབྦཱནེན ནིབྦུཏེ. ནཏྠི ཀུཏོཙི ཧེཏུཏོ བྷཡཾ ཡེསཾ ཏེ ཨཀུཏོ བྷཡཱ. ཨནཱགཱམི ཁཱིཎཱསཝཱ. ‘‘བྷཡ’’ནྟི ཙིཏྟུཏྲཱསབྷཡཾ. ‘‘པཱུཛཡཏོ’’ཏི པཱུཛེནྟསྶ. ‘‘ཏཾ པཡོཛན’’ནྟིཏསྶཱརཏནཏྟཡ ཝནྡནཱཡ པཡོཛནཾ. ‘‘སངྒཧཀཱརཱ’’ཏི བུདྡྷགྷོསཏྠེརཱདཡོ པཙྪིམ ཨཊྛཀཐཱཀཱརཱ ཝུཙྩནྟི. ཏེཧི པོརཱཎཊྛཀཐཱསུ ཏཏྠ ཏཏྠ ཝིཔྤཀིཎྞེཔཀིཎྞཀཝིནིཙྪཡེཡུཏྟཊྛཱནེསུ སངྒཧེཏྭཱ ཨབྷིནཝ ཨཊྛཀཐཱཡོ ཀརོནྟི. ཏསྨཱ སབྦཱཨབྷིནཝཨཊྛཀཐཱཡོ སངྒཧཱ ནཱམ ཧོནྟི. ཏེ ཙ ཨཱཙརིཡཱ སངྒཧཀཱརཱ ནཱམ. ཏེན ཝུཏྟཾ ‘‘སངྒཧཀཱརཱཏི བུདྡྷགྷོས. པེ… ཝུཙྩནྟཱི’’ཏི. ཏེ ཨནྟརཱཡ ནཱིཝཱརཎམེཝ ཨིཙྪནྟཱིཏི ཀཐཾ ཝིཉྙཱཡཏཱིཏི ཙེ. ཏེསཾ ཝཙནེན ¶ ཝིཉྙཱཡཏཱིཏི དསྶེཏུཾ སངྒཧཀཱར གཱཐཾ ཨཱཧརི. ‘‘རཏནཏྟཡེཀཏསྶ ཨེཏསྶནིཔཙྩཀཱརསྶ ཨཱནུབྷཱཝེན ཨནྟརཱཡེ ཨསེསཏོསོསེཏྭཱཏི ཡོཛནཱ. ‘‘ཧཱི’’ཏི ཉཱཔཀཧེཏུ ཛོཏཀོ. ‘‘ཝུཏྟ’’ནྟི ཨཊྛསཱལིནིཡཾ ཝུཏྟཾ.

༣. ‘‘ཀཐཉྩཧོཏཱི’’ཏི སམྦནྡྷོ. ཨིཏི ཨཡཾ པུཙྪཱ. ‘‘ཝུཙྩཏེ’’ཏི ཝིསཛྫནཱ ཀཐཱིཡཏེ. ‘‘ཧཱི’’ཏིཝིཏྠཱརཛོཏཀོ. ‘‘ཝནྡནཱ ཀིརིཡཱབྷིནིཔྥཱདཀོ པུཉྙཔྤཝཱཧོ’’ཏི སམྦནྡྷོ. ‘‘ཨནེཀ…པེ… ཝཱརེ’’ཏི ཨཙྩནྟ སཾཡོགཏྠེ ཨུཔཡོག ཝཙནཾ. ‘‘པུཉྙཱབྷིསནྡོ’’ཏི པུཉྙཱབྷིསོཏོ, པུཉྙཔྤཝཱཧོཏི ཏསྶེཝ ཝེཝཙནཾ. ‘‘སོ ཙ པུཉྙཱཏིསྶཡོ ཧོཏཱི’’ཏི སམྦནྡྷོ. ཀསྨཱ སོ པུཉྙཱ ཏིསྶཡོ ཧོཏཱིཏི. ཁེཏྟ སམྤཏྟིཡཱ ཙ ཨཛ྄ཛྷཱསཡ སམྤཏྟིཡཱ ཙ ཧོཏཱིཏི དསྶེཏུཾ ‘‘ཨནུཏྟརེསཱུ’’ཏིཨཱདིམཱཧ. སཾཝཌྜྷིཏྠཱཏི སཾཝཌྜྷིཏོ. པུཉྙཱབྷིསནྡོ. སཾཝཌྜྷིཏསྶབྷཱཝོ སཾཝཌྜྷིཏཏྟཾ. སུགནྡྷེཧིཝིཡ སུཔརིསུདྡྷཾཝཏྠཾ པརིབྷཱཝཱིཡིཏྠཱཏི པརིབྷཱཝིཏོ. པུཉྙཱབྷིསནྡོཡེཝ. པརིབྷཱཝིཏསྶ བྷཱཝོ པརིབྷཱཝིཏཏྟཾ. ཨུབྷཡཏྠཱཔི ཧེཏུ ཨཏྠེ ནིསྶཀྐཝཙནཾ. ‘‘མཧཱཛུཏིཀོ’’ཏི མཧཱཏེཛོ. ‘‘མཧཔྥལོ’’ཏི མཱུལཔྥལེན མཧཔྥལོ. ‘‘མཧཱནིསཾསོ’’ཏི ཨཱནིསཾསཔྥལེན མཧཱནིསཾསོ. ཨཱནིསཾསཔྥལནྟི ཙ པརམྤརཱ ཕལཾ ཝུཙྩཏི. ཨཉྙཾ པུཉྙཾ ཨཏིཀྐམནྟོ སཡཏི པཝཏྟཏཱིཏི ཨཏིསྶཡོ. པུཉྙཉྩ ཏཾ ཨཏིསྶཡོཙཱཏི པུཉྙཱཏིསྶཡོ. ཨཏིསྶཡཔུཉྙཾ, ཨདྷིཀ པུཉྙནྟི ཨཏྠོ. ‘‘སོ ཨནུབལཾ དེཏི, ཨོཀཱསལཱབྷཾ ཀརོཏཱི’’ཏི སམྦནྡྷོ. ཀཐཉྩ ཨནུབལཾ དེཏི, ཀཐཉྩ ཨོཀཱསལཱབྷཾ ཀརོཏཱིཏི ཨཱཧ ‘‘སཡཾ པཡོག སམྤཏྟིབྷཱཝེཋཏྭཱ’’ཏིཨཱདིཾ. ཏཏྠ པཡོགསམྤཏྟིནཱམ ཨཏཱིཏ པུཉྙཀམྨཱནཾ བལཝཏརཾ ཨུཔཏྠམྦྷཀཀམྨཾ ཧོཏི. ‘‘བཧིདྡྷཱ’’ཏི བཧིདྡྷསནྟཱནཏོ. ‘‘ཝིཔཏྟིཔཙྩཡེ སམྤཏྟིཔཙྩཡེ’’ཏི ཡོཛེཏབྦཾ. ཏཏྠ, ཝིཔཏྟིཔཙྩཡཱནཱམ-རཱཛཏོཝཱ ཙོརཏོཝཱ-ཏིཨཱདིནཱ ཨཱགཏཱ དུཀྑུཔྤཏྟིཔཙྩཡཱ. སམྤཏྟིཔཙྩཡཱནཱམ ཀཱཡཙིཏྟཱནཾ སཔྤཱཡ པཙྩཡཱ. ཙཏྟཱརོ པཙྩཡཱ ཙ ཨུཔཊྛཱཀཀུལཱནི ཙ ཨཱརཀྑ དེཝཏཱདཡོ ཙ སུཁུཔྤཏྟི པཙྩཡཱ. ཏེཧི པཙྩཡེཧི པཱམོཛྫ བཧུ ལསྶ ¶ ཐེརསྶ སནྟཱནེ རཏྟིདིཝཾ པཱིཏིཔསྶདྡྷིསུཁསམཱདྷཱིནཾ པཝཏྟིཡཱ ཨཛ྄ཛྷཏྟབྷཱུཏཱ ཨུཏུཙིཏྟཱཧཱརཱ ཙ ཨཏི པཎཱིཏཱ ཧོནྟི. ཏེཧི སམུཊྛིཏཱ སརཱིརཊྛཀདྷཱཏུཡོ ཙ ཨཏིཔཎཱིཏཱ ཨེཝ ཧུཏྭཱ ཨུཔབྲཱུཧནྟི. ཏཏྠ སརཱིརཊྛཀདྷཱཏུཡོ ནཱམ པཐཝི ཨཱདཡོ ཝཱཏཔིཏྟསེམྷཱདཡོཙ. ‘‘ཨནུབལཾདེཏཱི’’ཏིཨབྷིནཝཾཐཱམབལཾ པཝཏྟེཏི. ‘‘པུཉྙནྟརསྶཱ’’ཏི པཝཏྟིཝིཔཱཀཛནཀསྶ བཧུཝིདྷསྶ པུཉྙ ཀམྨསྶ. ‘‘ཨཐཱ’’ཏི ཏསྨིཾ ཀཱལེཏི ཨཏྠོ. ‘‘བལཝབལཝནྟིཡོ ཧུཏྭཱ’’ཏི པཀཏི བལཏོ ཨཏིབལཝནྟིཡོ ཧུཏྭཱ. ‘‘ཏསྨིཾ ཐེརསནྟཱནེ’’ཏི སམྦནྡྷོ. ‘‘ཨིཊྛཔྥལགྷནཔཱུརིཏེ’’ཏི ཨིཊྛཔྥལབྷཱུཏཱནཾ རཱུཔསནྟཏཱིནཾ གྷནེན པཱུརིཏེ. ‘‘ཨོཀཱསོ ནཱམ ནཏྠཱི’’ཏི པཏིཊྛཱནོཀཱསོ ནཱམ ནཏྠི. ‘‘ཨིཏཱི’’ཏི ཏསྨཱ. ‘‘དཱུརཏོ ཨཔནཱིཏཱནེཝ ཧོནྟཱི’’ཏི སམྦནྡྷོ. ཨིཊྛཔྥལསནྟཱནཾ ཝིབཱདྷནྟི ནཱིཝཱརེནྟཱིཏི ཨིཊྛཔྥལསནྟཱནཝིབཱདྷཀཱནི ཨུཔཔཱིལ༹ཀཱུཔགྷཱཏཀཀམྨཱནི. ཨནིཊྛཔྥལ སནྟཱན ཛནཀཱནི, ཨཀུསལ ཛནཀ ཀམྨཱནི, ཨཔུཉྙ ཀམྨཱནཱིཏི ཏཱནིཏིཝིདྷཱནི ཨཀུསལཀམྨཱནི དཱུརཏོ ཨཔནཱིཏཱནེཝ ཧོནྟི, ཏེསཾ ཝིཔཱཀསྶ ཨནོཀཱསཀརཎེནཱཏི ཨདྷིཔྤཱཡོ. ཏེནཱཧ ‘‘ནཧཱི’’ཏིཨཱདིཾ. ‘‘ཏཏོ’’ཏི ཏསྨཱ ཨཔུཉྙ ཀམྨཱནཾ དཱུརཏོ ཨཔནཱིཏཏྟཱ. ཨབྷིཝཱདེཏབྦཱནཾ མཱཏཱཔིཏུ སམཎབྲཱཧྨཎཱདཱིནཾ ཨབྷིཝཱདནཀམྨེགརུཾཀརཎཾ ཨབྷིཝཱདན སཱིལཾ ནཱམ. ཏཾ ཨསྶ ཨཏྠཱིཏི ཨབྷིཝཱདནསཱིལཱི. གུཎཝུདྡྷཝཡཝུདྡྷེ ཨཔཙེཏི ཨཏྟཱནཾ ནཱིཙཝུཏྟི ཀརཎེན པཱུཛེཏིསཱིལེནཱཏི ཝུདྡྷཱཔཙཱཡཱི. ཨུབྷཡཏྠཱཔིསམྤདཱན ཝཙནཾ. ཨེཝནྟིཨཱདིནི གམན ཝཙནཾ. ནིགམནྟི ཙ ནིཊྛངྒམནཾ. ཏསྨཱཏིཨཱདི ལདྡྷགུཎ ཝཙནཾ. ལདྡྷགུཎོཏི ཙ ཏཾཏཾཔསངྒ ཝིསོདྷནཾ པརིཔུཎྞཾ ཀཏྭཱ ལདྡྷོཝིསུདྡྷོ ཨཏྠོ ཝུཙྩཏི. ཏཐཱ ཝཙན སཱམཏྠིཡེན ལདྡྷོ ཨཏྠནྟརོཔི ཨཡམིདྷ ཨདྷིཔྤེཏོ. ‘‘ནཀེཝལཉྩ ཐེརསྶེཝ ཨནནྟརཱཡེན པརིསམཱཔནཏྠཾ ཧོཏཱི’’ཏི ཡོཛནཱ. ‘‘སོཏཱུནཉྩགཧཎ ཀིཙྩ སམྤཛྫནཏྠ’’ནྟིསམྦནྡྷོ. སུཎནྟཱིཏི སོཏཱརོ. ཏེསཾ. ‘‘གཎྷནྟཱན’’ནྟི ཨུགྒཎྷནྟཱནཾ. ‘‘ཝནྡནཱསིདྡྷིཡཱ’’ཏིར ཏནཏྟཡེཝནྡནཱ པུཉྙསྶསིདྡྷིཏོ. ཛཝནཝིནིཙྪཡེ ཡསྨཱ ཨནྟརཱཡ ནཱིཝཱརཎཾནཱམ དིཊྛདྷམྨེ ཨིཙྪིཏབྦཾ ཕལཾ ཧོཏི. དིཊྛ ¶ དྷམྨོ ཙ པཐམ ཛཝནསྶ ཝིཔཱཀཀྑེཏྟཾ. ཏསྨཱ ཨུཔཏྠམྦྷན ཀིཙྩཾ པཏྭཱཔི པཐམ ཛཝན ཙེཏནཱ ཨེཝ ཨིདྷཔརིཡཏྟཱཏི ཨདྷིཔྤཱཡེན ‘‘དིཊྛདྷམྨཝེདནཱིཡབྷཱུཏཱ’’ཏི ཝུཏྟཾ. སཱ པན པཐམ ཛཝན ཙེཏནཱ ཨུཔཏྠམྦྷན ཀིཙྩཾ པཏྭཱཔི སབྦདུབྦལཱ ཨེཝསིཡཱ. ཀསྨཱ, ཨལདྡྷཱསེཝནཏྟཱ. སེས ཙེཏནཱཡོ ཨེཝ བལཝཏིཡོ སིཡུཾ. ཀསྨཱ, ལདྡྷཱ སེཝནཏྟཱཏི དཊྛབྦཾ. ‘‘སཏྟཛཝནཔཀྑེ ཨདྷིཔྤེཏཏྟཱ ཨུཔལདྡྷབྦཏྟཱ ཏཾ ནསུནྡར’’ནྟི སམྦནྡྷོ. ‘‘ཨིཏཱི’’ཏི ཝཱཀྱཔརིསམཱཔནཾ. ‘‘ཡཐཱ ཨཔྤམཏྟཀཾ ཧོཏི. ཨེཝམེཝཾ ཨཔྤམཏྟཀཾ ཧོཏཱི’’ཏི ཡོཛེཏབྦཾ. ‘‘ཏཐཱཧཱི’’ཏི ཏཏོ ཨེཝཱཏི ཨཏྠོ. པཊྛཱནེཔི=ཀབལཱི༹ཀཱརོཨཱཧཱརོ ཨིམསྶཀཱཡསྶ ཨཱཧཱར པཙྩཡེནཔཙྩཡོ=ཏིཝིབྷཏྟོ. ཨིཏརཐཱ ‘ཀབལཱི༹ཀཱརོ ཨཱཧཱརོ ཨཱཧཱརསམུཊྛཱནཱནཾ རཱུཔཱནཾ ཨཱཧཱརཔཙྩཡེན པཙྩཡོ’ཏི ཝིབྷཏྟོ སིཡཱཏི. ‘‘ཨདྷུནཱཝཱ’’ཏི ཨིམསྨིཾ བྷཝེ ཨེཝ. ཨེཝཾ ཝནྡནཱཡཔཡོཛནཾ དཱིཔེཏྭཱ ཨིདཱནི སེསཱནཾ པིཎྜཏྠཱནཾ པཡོཛནཾ དཱིཔེཏུཾ ‘‘ཡསྨཱཔནཱ’’ཏིཨཱདི ཝུཏྟཾ. ཏཏྠ, ‘‘ཨཱདིཏོཝིདིཏེསཏཱི’’ཏིཨཱདིམྷི-བྷཱསིསྶཾ ཨབྷིདྷམྨཏྠ སངྒཧ-ནྟི པདཾ སུཏྭཱ ཝིཉྙཱཏེསཏི, ‘‘ཨུསྶཱཧོཛཱཡཏི’’. ཨིམཾ ཨུགྒཧེཏྭཱ སུདུལླབྷེ ཨབྷིདྷམྨཏྠེ ཙ ཨནཱཡཱསེན ཛཱནིསྶཱམ, ཏམྨཱུལཀསྶ ཙ ཨནུཔཱདཱ པརིནིབྦཱནནྟསྶ པཡོཛནསྶབྷཱགིནོ བྷཝིསྶཱམཱཏི ཙིཏྟུཔྤཱད སམྦྷཝཏོཏི ཨདྷིཔྤཱཡོ.

པིཎྜཏྠཱནུདཱིཔནཱ ནིཊྛིཏཱ.

༤. པདཏྠེ. ‘‘བུཛ྄ཛྷཱི’’ཏི ཨཉྙཱསི. ‘‘ཨེཏྠཱ’’ཏི ཨེཏསྨིཾ པདེ. ཙ སདྡོ ཝཱཀྱཱརམྦྷ ཛོཏཀོ. ཝཱཀྱཱ རམྦྷོཏི ཙ མཱུལཝཱཀྱེ ཡཾ ཡཾ ཝཏྟབྦཾ ཨཝུཏྟཾ, ཏསྶ ཏསྶ ཀཐནཏྠཱཡ ཨནུཝཱཀྱསྶ ཨཱརམྦྷོ. བུཛ྄ཛྷནཀིརིཡཱཝུཙྩཏིཉཱཎཾ. ཀཐཾཔནཨཝིཔརཱིཏཏྠེ པཝཏྟོ སམྨཱསདྡོ ཨསེས བྱཱཔནཾ དཱིཔེཏཱིཏི པུཙྪཱཡ པུརིམཏྠམེ ཝབྱཏིརེཀཏོ ཙ ཨནྭཡཏོ ཙ པུན ཝིཏྠཱརེནྟོ ‘‘ཏཐཱཧཱི’’ཏིཨཱདིམཱཧ. ཏཏྠ, ‘‘ཏཐཱཧཱི’’ཏི ཏསྶ ཝཙནསྶ ཨཡཾ ཝིཏྠཱརོཏི ཛོཏེཏི. ‘‘ཨཝིཔརཱིཏ’’ནྟི ཀིརིཡཱཝིསེསན པདམེཏཾ. ‘‘ཨཏྟནོ ¶ ཝིསཡེ ཨེཝཱ’’ཏི ཨཏྟནོ ཉཱཎཝིསཡེ ཨེཝ ཏེསཾ ཝིསཡོཙཱཏི སམྦནྡྷོ. ཡསྨཱ ཨེཀོཔི དྷམྨོ ཀཱལདེསསནྟཱནཱདིབྷེདེན ཨནནྟ བྷེདོ ཧོཏི. ཏསྨཱ པདེསཉཱཎིཀཱ པཙྩེཀབུདྡྷཱདཡོ ཨེཀདྷམྨཾཔི སབྦཱཀཱརཏོ ཛཱནིཏུཾ ན སཀྐོནྟི. ཏེནཱཧ ‘‘ཏེཧཱི’’ཏིཨཱདིཾ. ཏཏྠ ‘‘སབྦཱཀཱརཏོ’’ཏི སབྷཱཝཏོ, ཧེཏུཏོ, པཙྩཡཏོ, ཕལཏོ, ནིསྶནྡཏོ, ཀཱལཏོ, དེསཏོཏིཨཱདིནཱ ཨཱཀཱརེན. ‘‘ཡཏྠཱ’’ཏི ཡསྨིཾ ཨཝིསཡེདྷམྨེ. ‘‘ཏེ ཝིཔརཱིཏཾ བུཛ྄ཛྷེཡྻུཾ, སོ ཨཝིསཡོ ནཱམདྷམྨོནཏྠཱི’’ཏིཡོཛནཱ. ཏཾ ཝིཏྠཱརེནྟོ ‘‘ཏེཧཱི’’ཏིཨཱདིམཱཧ. ཏཏྠ, ‘‘ཏིཡདྡྷགཏེ’’ཏི ཏཱིསུཀཱལེསུ གཏེ པཝཏྟེ. ‘‘ཨདྡྷཱམུཏྟཀེ’’ཏི ཀཱལཏྟཡཝིམུཏྟཀེ. ‘‘ཧཏྠམཎིཀེཝིཡཱ’’ཏི ཧཏྠ ཏལེ ཋཔིཏམཎིརཏནཱནིཝིཡ. ‘‘སབྦེ དྷམྨཱ’’ཏིཨཱདི པཱལི༹སཱདྷཀཾ. ཏཏྠ, ‘‘ཨཱཔཱཏ’’ནྟི ཨབྷིམུཁཾ པཏནཾ. ཨཱབཱདྷནྟིཔི པཱཋོ, ཨོཏྠརིཏྭཱ ཨུཔཊྛཱནནྟི ཨཏྠོ. ‘‘སབྦཉྙུམཧཱབྷཝངྒ’’ནྟི སབྦེསཾསབྦཉྙུབུདྡྷཱནཾ པཙྪིམབྷཝེ པཊིསནྡྷིཏོ པཊྛཱཡ པཝཏྟཾ ཨཊྛསུ མཧཱཝིཔཱཀེསུ པཐམམཧཱཝིཔཱཀཾ བྷཝངྒ ཙིཏྟཾ. ‘‘ཏཏྠཱ’’ཏི ཏསྨིཾ མཧཱབྷཝངྒེ. ‘‘ནིཙྩཀཱལཾ ཨུཔཊྛཧནྟཱི’’ཏི སབྦཀཱལཾ ཨུཔཊྛཱནཱཀཱར པཏྟཱ ཧུཏྭཱ ཏིཊྛནྟི. ཀསྨཱ, ཀསྶཙི ཨཱཝརཎསྶ ཨབྷཱཝཏོ. ཨིདཾཔིཧི ཨེཀཾ ཨུཔཊྛཱནཾ ནཱམཱཏི. ‘‘ཨཱཝཛྫནཱཡཱ’’ཏི མནོདྭཱརཱཝཛྫན ཙིཏྟེན. དྷམྨཱ མཧནྟཱ. བྷཝངྒཾ པརིཏྟཀཾ. ཏསྨཱ པརིཏྟཀཾ བྷཝངྒཾ ཨེཀཀྑཎེ མཧནྟཱནཾ དྷམྨཱནཾ ནཔཧོཏཱིཏི ཙོདཀསྶ ཨདྷིཔྤཱཡོ. ‘‘ནཙོདེཏབྦམེཏ’’ནྟི ཨེཏཾ ཋཱནཾ ནཙོདེཏབྦཾ. ‘‘པརམུཀྐཾསཔཏྟཱན’’ནྟི ཨེཏྠ ‘‘ཨུཀྐཾསོ’’ཏི ཨཙྩུགྒམོ ཨཙྩུཏྟརོ. པརམོ ཨུཀྐཾསོ པརམུཀྐཾསོཏིཝིགྒཧོ.

ཨེཝཾ སམྨཱསདྡསྶ ཨཏྠཾ ཝིཙཱརེཏྭཱ ཨིདཱནི སཾསདྡསྶ ཨཏྠཾ ཝིཙཱརེནྟོ ‘‘སཾསདྡོཔནཱ’’ཏིཨཱདིམཱཧ. ཏཏྠ, ‘‘ཨུཔསགྒོ’’ཏི ཨུཔསགྒཔདཾ. ‘‘པཊིཝེདྷདྷམྨེསཱུ’’ཏི པཊིཙྩསམུཔྤཱདཱདཱིནཾ པཊིཝིཛ྄ཛྷནཉྙཱཎེསུ. ནཏྠི ཨཱཙརིཡོ ཨེཏསྶཱཏི ཨནཱཙརིཡོ. སམཱསནྟེ ཀཀཱརེན སཧ ཨནཱཙརིཡཀོ. ཨནཱཙརིཡཀསྶ བྷཱཝོ ཨནཱཙརིཡཀཏཱ. ཏཾ ཨནཱཙརིཡཀཏཾ. ཏཏཱིཡཱ རུཔྤསམཱཔཏྟི ནཱམ ¶ ཨཱཀིཉྩཉྙཱཡཏནཛ྄ཛྷཱནཾ. ཏཾ བྷགཝཱ ཨཱལཱ༹རསྶ སནྟིཀེ ཨུགྒཎྷཱཏི. ཙཏུཏྠཱརུཔྤསམཱཔཏྟི ནཱམ ནེཝསཉྙཱ ནཱསཉྙཱཡཏནཛ྄ཛྷཱནཾ. ཏཾ ཨུདཀསྶསནྟིཀེ ཨུགྒཎྷཱཏཱིཏི ཝུཏྟཾ ‘‘ཨཱལཱ༹རུདཀམཱུལིཀཱ’’ཏི. ‘‘ཨནལངྐརིཏྭཱ’’ཏི ཨཱཝཛྫནསམཱཔཛྫནཱདིཝསེན ཨནལངྐརིཏྭཱ. ཨནཱསེཝིཏྭཱཏི ཝུཏྟཾ ཧོཏི. ‘‘ཚཌྜིཏཏྟཱ’’ཏི ཨེཏཱསམཱཔཏྟིཡོནཱལཾ བོདྷཱཡ, ཨཐ ཁོ ཡཱཝདེཝ ཏཏཱིཡ ཙཏུཏྠཱརུཔྤབྷཝཔྤཊིལཱབྷཱཡ སཾཝཏྟནྟཱིཏི ཨེཝཾ ཨཱདཱིནཝཾ དིསྭཱ ཚཌྜིཏཏྟཱ. ‘‘བུཛ྄ཛྷནཀིརིཡཱཡཱ’’ཏི པཊིཝེདྷཉྙཱཎསྶ. ‘‘ཀུཏོ པཊིཝེདྷདྷམྨཱ’’ཏི ཏཱ ཀུཏོ པཊིཝེདྷདྷམྨཱ ཧོནྟི. པཊིཝེདྷདྷམྨཱ ཨེཝ ཙ བུདྡྷབྷཱཝཱཡཔདཊྛཱནཱཧོནྟཱིཏི ཨདྷིཔྤཱཡོ.

པཱལི༹ཡཾ. ‘‘པུབྦེ ཨནནུསྶུཏེསུདྷམྨེསཱུ’’ཏི ཨིམསྨིཾ བྷཝེ ཨིཏོ པུབྦེ ཀསྶཙིསནྟིཀེ ཨནནུསྶུཏེ སུཙཏུསྶཙྩ དྷམྨེསུ. ‘‘ཨབྷིསམྦུཛ྄ཛྷཱི’’ཏིཔདེ ཨབྷིསམྦོདྷིསངྑཱཏཾ ཨརཧཏྟམགྒཉྙཱཎཾ ཝུཏྟཾ. ཏདེཝ ཉཱཎཾ སབྦཉྙུཏཉྙཱཎསྶ པདཊྛཱནཾ ཧོཏི. ཏཔྤཙྩཡཱ ཏདནནྟརཱ ཨེཝསབྦཉྙུཏཉྙཱཎཾ པཱཏུབྦྷཝཏཱིཏི ཝུཏྟཾ ‘‘ཏཏྠ ཙ སབྦཉྙུཏཾ པཱཔུཎཱཏཱི’’ཏི. ‘‘ཏདནནྟརཱ’’ཏི ཙ ཨརཧཏྟ མགྒཝཱིཐིཡཱཙ ཙཏུནྣཾ པཙྩཝེཀྑན ཝཱརཱནཉྩ ཨནནྟརེ ཀཱལེཏི ཨཏྠོ. ‘‘ནིམིཏྟཏྠེ’’ཏི ནིམིཏྟ ཧེཏྭཏྠེ. ‘‘བྷུམྨ’’ནྟི ཨཊྛཀཐཱསུཨཱགཏཾ སཏྟམཱིཝིབྷཏྟིཡཱནཱམཾ. ཏཱསུ ཧི པཙྩཏྟཝཙནཾ, ཨུཔཡོགཝཙནཾ, ཀརཎ ཝཙནཾ, སམྤདཱན ཝཙནཾ, ནིསྶཀྐཝཙནཾ, སཱམིཝཙནཾ, སུམྨཝཙནནྟི ཨེཝཾ ཨནུཀྐམེན སཏྟནྣཾ ཝིབྷཏྟཱིནཾ ནཱམཱནི ཨཱགཏཱནཱིཏི.

‘‘དསབལཉྙཱཎེསཱུ’’ཏི ཋཱནཱཋཱན ཀོསལླཉྙཱཎཱདཱིསུ དས ཉཱཎབལེསུ. ‘‘ཝསིབྷཱཝ’’ནྟི ཨེཏྠ ཨཏྟནོ ཝསཾ ཝཏྟེཏུཾ སམཏྠཏཱ སངྑཱཏོསཏྟི ཝིསེསོ ཝསོནཱམ. ཝསོ ཨེཏསྶ ཨཏྠཱིཏི ཝསཱི-ཝསིགཎེཧཱིཏིཨཱདཱིསུཝིཡ. ཝསིནོ བྷཱཝོ ཝསིབྷཱཝོ. ཏཾ ཝསིབྷཱཝནྟི ཨཏྠོ. ཏེནཱཧ ‘‘ཝསིབྷཱཝ’’ནྟི ཨིསྶརབྷཱཝནྟི. ཀཏྠཙི པན ‘‘ཝསཱི’’ཏི ཨིཏྠིལིངྒཔདཾཔི དིསྶཏི=ཏཏྲིམཱ པཉྩཝསིཡོ ཨཱཝཛྫནཝསཱིསམཱཔཛྫནཝསཱི=ཏིཨཱདཱིསུ.

སམྨཱསམྦུདྡྷཔད.

༥. ཨཏུལཔདེ ¶ . ཨནེཀེཧིགུཎཔདེཧི པཝཏྟིཏཱཝནྡནཱ ‘‘ཨནེཀགུཎཔདཝིསཡཱནཱམ’’. ‘‘ཨིཏིཀིཾདུཏཱིཡེནཱ’’ཏི ཨིཏི ཏསྨཱ དུཏཱིཡེན ཨཏུལཔདེན ཀིཾ པཡོཛནཾ ཨཏྠཱིཏི ཨཏྠོ. ‘‘ནན སམཏྠཱ’’ཏི ནསམཏྠཱ ན ཧོཏཱིཏི ཡོཛནཱ. སམཏྠཱ ཨེཝཱཏི ཨདྷིཔྤཱཡོ. ‘‘མཏྟཀཱརིནོ’’ཏི པམཱཎཀཱརིནོ. ‘‘ཐེརོ ཙ ཏེསཾ ཨཉྙཏརོ’’, ཏསྨཱ མཏྟཾ ན ཀརོཏི, དུཏཱིཡཾ ཨཏུལ པདཾ ཨཱཧརཱིཏི ཨདྷིཔྤཱཡོ. ‘‘ཨཔིཙཱ’’ཏི ཀིཉྩི ཝཏྟབྦཾ ཨཏྠཱིཏི ཨཏྠོ. ‘‘ནཀེཝལཾ ཝནྡནཱཡ ཨནྟརཱཡནཱིཝཱརཎམེཝ ཨིཙྪི ཏབྦཾ ཧོཏཱི’’ཏི ཡོཛནཱ. ‘‘ཝནྡནཱཡཱ’’ཏི ཝནྡནཱཧེཏུ. སོཔི པཉྙཱཔཱཊཝཱདི ཨཏྠོ. ‘‘གནྠཔཱརིསུདྡྷིཡཱ’’ཏི གནྠདོསཱནཱམ པདདོས ཝཱཀྱདོས ཨཏྠདོསཱདཡོ ཨཏྠི. ཏེཧི དོསེཧི ཨིམསྶ གནྠསྶ པཱརིསུདྡྷིཡཱ. ཀཐཾ པན ཝནྡནཱཡ པཉྙཱཔཱཊཝཱདི ཨཏྠོསམྦྷཝཏཱིཏི ཝུཏྟཾ ‘‘ཨནུསྶཏིཊྛཱནེསཱུ’’ཏིཨཱདི. ཨནུསྶཏིཊྛཱནཱནི ནཱམ བུདྡྷ དྷམྨ སངྒྷསཱིལཱདཱིནི. ཙིཏྟསམཱདྷཱནཾ ཨཱཝཧཏཱིཏི ཙིཏྟསམཱདྷཱནཱཝཧོ. ‘‘ཏིཀྑཱསཱུརཱཧུཏྭཱཝཧཏཱི’’ཏི གམྦྷཱིརེསུ ཨཏྠ བྱཉྫན པདེསུ ཨམནྡཱ ཝིསྶཊྛཱ ཧུཏྭཱ ཝཧཏི. ‘‘ཏདཏྠཱཡཔཱི’’ཏི པཉྙཱཔཱཊཝཱདི ཨཏྠཱཡཔི. གུཎནཱམཔདཱནཾ གུཎཏྠོནཱམཝིགྒཧ ཝཱཀྱེསུ པཱཀཊོ, སིདྡྷཔདེསུ ཨཔཱཀཊོ. ཏསྨཱ ཏཱནི ཝིགྒཧཏྠཾ ཨཛཱནནྟཱནཾ སནྟིཀེ ནཱམ མཏྟཱནི སམྤཛྫནྟཱིཏི ཝུཏྟཾ ‘‘ཡཐཱཝུཏྟ ཝཙནཏྠཡོགེཔི…པེ… པཝཏྟཏྟཱ’’ཏི. ‘‘སབྷཱཝནིརུཏྟིཾ ཛཱནནྟཱན’’ནྟི མཱགདྷ བྷཱསཾ ཛཱནནྟཱནཾ. མཱགདྷབྷཱསཱཧི མཱུལབྷཱསཱཏི ཙ ཨརིཡབྷཱསཱཏི ཙ མཱགདྷབྷཱསཱཏི ཙ པཱལི༹བྷཱསཱཏི ཙ དྷམྨནིརུཏྟཱིཏི ཙ སབྷཱཝནིརུཏྟཱིཏི ཙ ཝུཙྩཏི. ‘‘བྷཱཝཏྠསུཉྙ’’ནྟི ཨེཏྠ གུཎནཱམཱནཾ གུཎཏྠོ བྷཱཝཏྠོ ནཱམ. སོ ཨེཝསཀཏྠོཏི ཙ ཝཙནཏྠོཏི ཙ ཝིགྒཧཏྠོཏི ཙ ཝུཙྩཏི. ཀིརིཡནཱམཱདཱིསཱུཔི ཨེསེཝནཡོ. ‘‘སཏྠཱུ’’ཏི སཏྠུནོ. ‘‘སམཉྙཱམཏྟ’’ནྟི ནཱམསཉྙཱམཏྟཾ བྷཝིཏུཾ ནཱརཧཏི. ཏཐཱཧི ཨནཱཐཔིཎྜིཀོསེཊྛི རཱཛགཧཾ ཨནུཔཏྟོ བུདྡྷོ ལོཀེ ཨུཔྤནྣོཏི སུཏྭཱ ཨུདཱནཾ ཨུདཱནེསི=གྷོསོཔི ཁོ ཨེསོདུལླབྷོ ལོཀསྨིཾ ཡདིདཾ བུདྡྷོ=ཏི. ཏསྨཱ བུདྡྷོཏི ནཱམཾཔི ལོཀེ མཧནྟཾ སུདུལླབྷཾགུཎཔདཾ ཧོཏི. སམྨཱསམྦུདྡྷ ནཱམེཝཏྟབྦམེཝནཏྠཱིཏི. ‘‘སབྷཱཝནིརུཏྟིཾ ¶ ཨཛཱནནྟཱནཾ པན པདསཧསྶཾ ཝུཙྩམཱནཾཔཱི’’ཏི ཏིཊྛཏུ ཨེཀཾ ཨཏུལཔདཾ, པདསཧསྶཾཔི ཝུཙྩམཱནཾ སཏྠུསམཉྙཱམཏྟམེཝ སམྤཛྫཏི. ཏཱདིསཱཧི ཛནཱ ཨིདཾ ལོཀེ མཧནྟཾ གུཎཔདནྟིཔི ནཛཱནནྟི. བྷཱཝཏྠཾ ཀིཾཛཱནིསྶནྟི.

‘‘ཨཏུལོ’’ཏི ཨཉྙེན སོ ཨསདིསོཏི ཝཱ, ཨཉྙོ ཝཱཏེན སདིསོཏསྶནཏྠཱིཏིཝཱ, - དྭིདྷཱཔིཨཏྠོལབྦྷཏི. སཱདྷཀགཱཐཱཡཾ ‘‘པཊིཔུགྒལོ’’ཏི ཡུགགྒཱཧཱིཔུགྒལོ. ཀིཉྩཱཔི མཀྑལི པཱུརཎཱདཡོ ཝིསུཾཝིསུཾ - ཨཧཾ སབྦཉྙཱུ སབྦདསྶཱཝཱི - ཏིཙ, ཨཧཾ སམྨཱསམྦུདྡྷོ-ཏིཙ པཊིཛཱནནྟཱ ཡུགགྒཱཧིནོ ཧུཏྭཱ ཝིཙརནྟི. དྷམྨཏོ པན སིནེརུ པབྦཏ རཱཛསྶ སནྟིཀེ སཀྑར ཀཐལཱནིཝིཡསམྤཛྫནྟཱིཏི. ‘‘ཨནཙྪརིཡ’’ནྟི ནཏཱཝ ཨཙྪརིཏབྦཾ ཧོཏཱིཏི ཨཏྠོ. ‘‘བུདྡྷབྷཱུཏསྶཱ’’ཏི བུདྡྷབྷཱཝཾ བྷཱུཏསྶཔཏྟསྶ. ‘‘ཡཾ བུདྡྷ བྷཱུཏསྶ ཨཏུལཏྟཾ, ཨེཏཾ ཨནཙྪརིཡ’’ནྟི ཡོཛནཱ. ཡདི ཙེཏཾ ཨནཙྪརིཡཾ ཧོཏི, ཀཏམཾ པན ཏཱཝ ཨཙྪརིཡཾ བྷཝཏཱིཏི ཨཱཧ ‘‘སམྤཏིཛཱཏསྶཱ’’ཏིཨཱདིཾ. ཏཏྠ ‘‘སམྤཏིཛཱཏསྶཱ’’ཏི ཨཛྫེཝཛཱཏསྶཔི ཨསྶ བྷགཝཏོ. ཀཐཾ ཨཏུལཏཱ པཉྙཱཡཏཱིཏི ཨཱཧ ‘‘ཏདཱཧཱི’’ཏིཨཱདིཾ. ‘‘ཨེཀངྒཎཱནཱི’’ཏི ཨེཀཏལཱནི. ཏདཱཧི བོདྷིསཏྟསྶཔུཉྙཱནུབྷཱཝེན ཨཏིམཧནྟོ ཨོབྷཱསོ པཱཏུབྦྷཝཏི. = ཨུལཱ༹རོ ཨོབྷཱསོ པཱཏུརཧོསི ཨཏིཀྐམྨདེཝཱནཾ དེཝཱནུབྷཱཝ=ནྟིཧི ཝུཏྟཾ. ཏེན ཨོབྷཱསེན ཕརིཏཱ སབྦེ པཐཝི པབྦཏཱདཡོ ཛཱཏིཕལིཀཀྑནྡྷཱཝིཡ སུཔྤསནྣཱ ཧོནྟི. དསསཧསྶ ཙཀྐཝཱལཱ༹ནི ཨེཀཏལཾ ཧུཏྭཱ པཉྙཱཡནྟི. ཏེན ཝུཏྟཾ ‘‘ཨནེཀཱནི ཙཀྐཝཱལ༹སཧསྶཱནི ཨེཀངྒཎཱནི ཨཧེསུ’’ནྟི. ‘‘པརམཱཡ པཱུཛཱཡཱཏི ཐུཏིམངྒལཝཙནཔཱུཛཱཡ. ‘‘ལོཀསྶཱ’’ཏི སབྦ སཏྟལོཀཏོ. ཨེཝཾ ཨཙྪམྦྷི ཝཱཙཾ ནིཙྪཱརེསི དྷམྨཏཱཡ སཉྩོདིཏཏྟཱཏི ཨདྷིཔྤཱཡོ. ཏཏྠ ‘‘ཨཙྪམྦྷིཝཱཙ’’ནྟི ཝིསཱརདཝཱཙཾ. ཨཱསབྷིཾ ཝཱཙནྟིཔི པཱཋོ. ཨུཏྟམཝཱཙནྟི ཨཏྠོ. ‘‘ནིཙྪཱརེསཱི’’ཏི ཨུདཱཧརཏི. ཨིདམྤི ཨནཙྪརིཡཾ, ཨཉྙཾ པིཏཏོ ཨཙྪརིཡཏརཾ ཨཏྠཱིཏི དསྶེཏུཾ ‘‘ཡདཱཔནཱ’’ཏིཨཱདི ཨཱརདྡྷཾ. པཱརམིཏཱ གུཎེཧི ཏེན སདིསོ ཀོཙིནཏྠེཝ ཐཔེཏྭཱ ཨཉྙེ ཙ མཧཱབོདྷི སཏྟེཏི ཨདྷིཔྤཱཡོ ¶ . ‘‘ཨསྶཱ’’ཏི ཏེན སདིསསྶ. ‘‘ནཏྠིབྷཱཝོ དཱིཔེཏབྦོ’’ཏི སམྦནྡྷོ. ‘‘དཱིཔེཏབྦོ’’ཏི བུདྡྷཝཾསཔཱལི༹ཏོ ཨཱཧརིཏྭཱ དཱིཔེཏབྦོ. ‘‘ཀུཏོསཱཝཀབོདྷིསཏྟཱནཾ སཏསཧསྶཾ སཀྑིསྶཏཱི’’ཏི ཡོཛནཱ. པཱརམིཡོ པཀཱརེནཝིཙིནནྟི ཨེཏེནཱཏི པཱརམིཔཝིཙཡོ. ཉཱཎཾ. ཏཾཔནཉཱཎཾ མཧཱབོདྷིསཏྟཱནཾ ཨེཝ ཨུཔྤནྣཾ ནཧོཏི. པཙྩེཀབོདྷིསཏྟ སཱཝཀབོདྷིསཏྟཱནཾཔི ཨུཔྤནྣམེཝ. ཏདེཝ ཙ སབྦེསཾཔི བོདྷིསཏྟཱནཾ ནིཡཏབྱཱཀརཎཔྤཊིལཱབྷེ པདྷཱནཀཱརཎནྟི དསྶེཏུཾ ‘‘སཱཝཀབོདྷིསཏྟཱཔཱི’’ཏིཨཱདི ཝུཏྟཾ. ཏཏྠ བོདྷིཝུཙྩཏིཝིམོཀྑཉྙཱཎཾ. ཨརིཡམགྒསྶེཏཾ ནཱམཾ. བོདྷིམྷིསཛནྟི ལགྒནྟཱིཏི བོདྷིསཏྟཱ. ‘‘ལགྒནྟཱི’’ཏི ཏཔྤཊིལཱབྷཏྠཱཡ ནིཡཏ ཙིཏྟཱ ཧོནྟཱིཏི ཨཏྠོ. བོདྷི ཨཏྠཱཡ པཊིཔནྣཱ སཏྟཱ བོདྷིསཏྟཱཏིཔི ཡུཛྫཏི. བུདྡྷ སུཉྙེཔིལོཀེ ཀམྨསྶཀཏཱཉཱཎེ ཋཏྭཱ ཝཊྚདུཀྑཏོ མོཀྑདྷམྨཔརིཡེསིནོ སཏྟཱཏི ཝུཏྟཾ ཧོཏི. ‘‘སམྦྷཱར དྷམྨེ’’ཏི དསཝིདྷེ པཱརམི དྷམྨེ. ཝཊྚཾ ཨནུསརནྟི ཨནུགཙྪནྟཱིཏི ཝཊྚཱནུསཱརིནོ. པཐཝིཡཾ པཾསུཙུཎྞཱནི ཝིཡ པཀཏིཡཱ ཝཔུཐུབྷཱུཏཱཛནཱཏི པུཐུཛྫནཱ. མཧནྟཱཔུཐུཛྫནཱཏི མཧཱཔུཐུཛྫནཱ. ཝཊྚཱནུསཱརིནོ ཙ ཏེ མཧཱཔུཐུཛྫནཱཙཱཏི སམཱསོ. ཏེསཾ བྷཱཝོཏི ཝིགྒཧོ. ཨཡཾ བྷཱཝོཡེཝ ཏེསཾ བྷཱུམཱིཏི ཙ ཝུཙྩཏི. ཨཏྠཏོ པན མོཀྑདྷམྨནིརཔེཀྑཏཱ ཨེཝ. ཨཙྪནྡིཀཏཱཏིཔི ཝུཙྩཏི. ‘‘ཨོཀྐནྟཱ’’ཏི པཝིཊྛཱ. ཏཡོནིཡཏཱ, བོདྷིསཏྟནིཡཏོ ཙ ཙཱུལ༹སོཏཱཔནྣནིཡཏོ ཙ ཨརིཡ སོཏཱཔནྣནིཡཏོ ཙ. ཏཏྠ བོདྷིསཏྟནིཡཏོ བོདྷིསམྦྷཱརབལེན སིདྡྷོ. ཙཱུལ༹སོཏཱཔནྣ ནིཡཏོ པཙྩཡཱཀཱརཱནུབོདྷཉྙཱཎབལེན. ཨརིཡསོཏཱཔནྣ ནིཡཏོ སོཏཱཔཏྟི མགྒཉྙཱཎ བལེན. ཏེསུ བོདྷིསཏྟནིཡཏོ ཨིདྷ ཨདྷིཔྤེཏོཏི ཝུཏྟཾ ‘‘ཨེཀེན པརིཡཱཡེནཱ’’ཏིཨཱདི. ཝཏྟབྦམེཝནཏྠིཏེསཾ དྭིནྣཾ བོདྷིསཏྟཱནཾ པཱརམི པཝིཙཡཉྙཱཎ སམྤཏྟིཡཱ ཝིནཱ ནིཡཏབྱཱཀརཎ ལཱབྷཱ སངྐཱཡ ཨེཝ ཨབྷཱཝཏོཏི ཨདྷིཔྤཱཡོ.

པདསིདྡྷིཝིཙཱརེཡཾ ཝུཏྟཾ ཝིབྷཱཝནིཡཾ=ཏུལཱཡསམིཏོཏུལྱོ. ཏུལྱོ ཨེཝ ཏུལོཡཀཱར ལོཔཝསེནཱ=ཏི. ཏཾསནྡྷཱཡ ‘‘ཡ ཀཱརསྶཝཱཝསེནཱ’’ཏི ¶ ཝུཏྟཾ. ཡཉྩཝུཏྟཾ ཏཏྠེཝ=ཨཐཝཱསམཱིཏཏྠེ ཨཀཱརཔཙྩཡཝསེན ཏུལཱཡསམཱིཏོཏུལོ=ཏི. ཏཾ སནྡྷཱཡ ‘‘ཨཀཱརསྶཝཱཝསེནཱ’’ཏི ཝུཏྟཾ. ཏཏྠ ‘‘ཏུལཱཡཱ’’ཏི ལོཀེ དྷཱརཎཏུལཱསདིསཱཡ པཉྙཱཡཱཏི ཨཏྠོ. ‘‘སམཱིཏོ’’ཏི སམཾ ཀཏོ. ནཧི ཏུལསདྡོ བྷཝིཏུཾ ནཡུཏྟོ. ཡུཏྟོ ཨེཝཱཏི ཨདྷིཔྤཱཡོ. ཀཐཾ ཝིཉྙཱཡཏཱིཏི ཨཱཧ ‘‘ཏུལཡིཏུ’’ནྟིཨཱདིཾ. ཏཏྠཧི ‘‘ཏུལཡིཏུཾ ཨསཀྐུཎེཡྻོ’’ཏིཝཙནེན ཏསྶཀམྨསཱདྷནཏྟཾདསྶེཏི. ‘‘ཀམྨསཱདྷནེནེཝཱ’’ཏི པུབྦེ-ཏུལཡིཏབྦོ ཨཉྙེན སཧ པམིཏབྦོཏི ཏུལོཏི ཨེཝཾ ཨིདྷཝུཏྟེན ཀམྨ སཱདྷན ཝཙནཏྠེནེཝ. ‘‘ཏདཏྠསིདྡྷིཏོ’’ཏི ཏསྶ ཝིབྷཱཝནིཡཾ ཝུཏྟསྶ དུཝིདྷསྶ ཨཏྠསྶ སིདྡྷིཏོ. ‘‘ཏཏོ’’ཏི ཏུལསདྡཏོ. ཙིནྟཱཡ ཀིཾ པཡོཛནཾ ཨཏྠི. ནཏྠིཡེཝཱཏི ཨདྷིཔྤཱཡོ. ཝདཏི སཱིལེནཱཏི ཝཏྟཱ. ཝཱདཱི པུགྒལོ. ཝཏྟུནོ ཨིཙྪཱཝཏྟིཙྪཱ. ཝཏྟུཾ ཨིཙྪཱཝཏྟིཙྪཱཏིཔིཝདནྟི. ཝཏྟིཙྪཾ ཨནུགཏོ སམྨུཏི སངྐེཏཝོཧཱར སིདྡྷཏྟཱཏི སམཱསོ. ‘‘ཨེཏ’’ནྟི ཨེཏཾ དྭིདྷཱསིདྡྷཝཙནཾ. ‘‘ཙེ’’ཏི ཙེཝདེཡྻ. ‘‘ནཱ’’ཏི ནཡུཏྟཾ. ‘‘ཡཐཱསུཏ’’ནྟི ཏུལ ཨིཏི སུཏཾ. ‘‘ཡུཏྟ’’ནྟི ཡཐཱསུཏ ནིཡཱམེནེཝ ཡུཏྟཾ ཝཛྫེཏྭཱ. ‘‘ཨསྶུཏསྶཱ’’ཏི དྷཱརཎཏུལཱཔརིཡཱཡསྶ ཨིཏྠིལིངྒཏུལཱསདྡསྶ. ཏཏོཡེཝཡཀཱར ཡུཏྟསྶཏུལྱསདྡསྶ ཙ ཨསྶུཏསྶ. ཨིཏྠིལིངྒེསཏི, ཏཏོཔི ཨེཀོ ཨཀཱརོཏི ཀཏྭཱ སམཱིཏཏྠེ དུཏཱིཡོ ཏདྡྷིཏ ཨཀཱརོཔི ཨསྶུཏོཡེཝནཱམཧོཏི. ‘‘པརིཀཔྤནཱཡཱ’’ཏི པརིཀཔྤེཏྭཱ ཀཐནཱཡ. པཡོཛནཱབྷཱཝཏོ ན ཡུཏྟནྟིསམྦནྡྷོ. ཨཏུལཔདཾ.

༦. ཨེཝཾ དྭིནྣཾ པདཱནཾ པདཏྠ སཾཝཎྞནཾ ཀཏྭཱ ཨིདཱནི ཏེསཾཡེཝ ཨཏྠུདྡྷཱརསཾཝཎྞནཾ ཀརོནྟོ ‘‘ཨིམེཧི པནཱ’’ཏིཨཱདིམཱཧ. ཏཏྠ ‘‘སམྤདཱ’’ཏི སམྤཏྟིཡོ. ‘‘བོདྷིསམྦྷཱརསམྦྷརཎཾ ནཱམ’’ སམཏིཾ སཔཱརམཱིནཾ པརིཔཱུརཎཾ. ‘‘མཧཱཝཛིརཉྙཱཎ’’ནྟི བྷགཝཏོ ཨཱསཝཀྑཡཉྙཱཎམྤི ཝུཙྩཏི. ཏསྶ པུབྦབྷཱགེ བུདྡྷབྷཱཝཏྠཱཡ ཨནུཔདདྷམྨཝིཔསྶནཱཝསེན ཚཏྟིཾས ཀོཊི སཏསཧསྶ སངྑཱནཾ དེཝསིཀཾ ཝལ༹ཉྫནཀཔྥལསམཱཔཏྟཱིནཾ པུབྦབྷཱག ཝིཔསྶནཱཉཱཎམྤི མཧཱཝཛིརཉྙཱཎནྟི ¶ ཝུཙྩཏི. སབྦམྤེཏཾ མཧཱཊཱིཀཱཡཾ ཝུཏྟཾ. ‘‘མཧཱབོདྷིཡཱ’’ཏི སབྦཉྙུ བུདྡྷཱནཾ ཨབྷིསམྦོདྷི སངྑཱཏསྶ ཨགྒམགྒཉྙཱཎསྶ. པཧིཡྻནྟི པཧཱཏབྦཱ དྷམྨཱ ཨེཏེནཱཏི པཧཱནཾ. པཛཧནྟི པཧཱཏབྦེདྷམྨེཨེཏེནཱཏིཝཱ པཧཱནནྟི ཀཏྭཱ ཏཾ ཨགྒམགྒཉྙཱཎམྤིཏཾ ཝིཔསྶནཱཉཱཎམྤི པཧཱནནྟི ཝུཙྩཏཱིཏི ཨིམིནཱ ཨདྷིཔྤཱཡེན ‘‘པཧཱནསམྤདཱཡཾ ཝཱ སཱ སངྒཧིཏཱ’’ཏི ཝུཏྟཾ. པཉྩསཱིལཱནི. པཱཎཱཏིཔཱཏསྶ པཧཱནཾསཱིལཾ, ཝེརམཎིསཱིལཾ, ཙེཏསིཀཾསཱིལཾ, སཾཝརོསཱིལཾ, ཨཝཱིཏིཀྐམོསིལནྟིཨཱདཱིསུཝིཡ ཨེཏྠཧི པཧཱནསཱིལཾ ནཱམ ཡཐཱ ཝུཏྟེན ཨཏྠེན ཝེརམཎིསཱིལམེཝཱཏི ཡུཛྫཏི. པཧཱནཾ ནཱམ ཀོཙིདྷམྨོ ནཧོཏཱིཏི ཨདྷིཔྤཱཡེ པན སཏིཔཧཱན སཱིསེན པཧཱནསཱདྷཀཾ ཏདེཝཉཱཎདྭཡཾ ཨུཔཙཱརེནཔཧཱནནྟི གཧེཏབྦཾ. ཨིཏརཐཱ པཧཱནསམྤདཱ ནཱམ ཨསཱརཱ ཨཕལཱཏི ཨཱཔཛྫེཡྻཱཏི. པཙྩེཀབུདྡྷ བུདྡྷསཱཝཀཱ ཀིལེསེ པཛཧནྟཱཔི ཝཱསནཱཡ སཧ ཨཔྤཛཧནཏོ ཙིཏྟ སནྟཱནེ མོཧཝཱསནཱཡ ཝིཛྫམཱནཏྟཱ སབྦཉྙུ བྷཱཝཾ ནགཙྪནྟི. ཏསྨཱ ཡཐཱཏེསཾ ཀིལེསཔྤཧཱནཾ པཧཱནསམྤདཱ ནཱམ ནཧོཏི. ནཏཐཱསབྦཉྙུབུདྡྷཱནནྟི ཨཱཧ ‘‘སཧཝཱསནཱཡཱ’’ཏིཨཱདིཾ. ཝིབྷཱཝནིཡཾཉཱཎསམྤདཱ པཐམཾ ཝུཏྟཱ. ཏཏོ པཧཱན སམྤདཱ. ཊཱིཀཱཡཾ པན པཧཱནསམྤདཱ པཐམཾ ཝུཏྟཱ. ཏཏོ ཨདྷིགམ སམྤདཱནཱམ ཝུཏྟཱ. ཏཏོ ཉཱཎསམྤདཱ. པཧཱནསམྤདཱཡཉྩ ཨགྒམགྒཉྙཱཎཾ དསྶིཏཾ. ཨདྷིགམ སམྤདཱཏི ཙ སབྦཉྙུཏཉྙཱཎཔྤཊིལཱབྷོ ཝུཏྟོ. ཉཱཎསམྤདཱཡམྤན ཏེཧི དྭཱིཧི ཉཱཎེཧི ཨཝསེསཱནིདསབལཉྙཱཎཱདཱིནིསབྦཉྙཱཎཱནིདསྶིཏཱནི. ཨིདྷཔི ཊཱིཀཱནཡམེཝ སམྦྷཱཝེནྟོ ‘‘པཧཱནསམྤདཱཡེཝཔནཱ’’ཏིཨཱདིམཱཧ. ‘‘སབྦཉྙུཏཉྙཱཎཔྤདཊྛཱན’’ནྟི སབྦཉྙུཏཉྙཱཎསྶཔདཊྛཱནཾ, ཨཱསནྣ ཀཱརཎཾ. ‘‘ན ཧི མགྒཉྙཱཎཏོ ཨཉྙཱ པཧཱནསམྤདཱནཱམ ཨཏྠི’’. པརམཏྠཏོ ནཏྠཱིཏི ཨདྷིཔྤཱཡོ. ཨིདཉྩ ཝིསུདྡྷིམགྒེ=པཧཱནནྟི ཀོཙི དྷམྨོནཱམ ནཏྠི ཨཉྙཏྲ ཝུཏྟཔྤཀཱརཱནཾ པཱཎཱཏིཔཱཏཱདཱིནཾ ཨནུཔྤཱདམཏྟཏོ=ཏི ཨཱགཏཏྟཱ ཝུཏྟཾ. པཧཱཡཀདྷམྨསམཱདཱནེན པན པཧཱཏབྦ དྷམྨཱནཾ ཨནུཔྤཱདོ ནཱམ ཨེཀོཔཎཱིཏ དྷམྨོཧོཏི. ཨེཀཾ སནྟི པདཾ ཧོཏི. ཏཐཱཧི ཝུཏྟཾ པཊིསམྦྷིདཱ མགྒེ=ཨུཔྤཱདོ བྷཡཾ ¶ , ཨནུཔྤཱདོ ཁེམནྟི སནྟིཔདེ ཉཱཎཾ. པཝཏྟི བྷཡཾ, ཨཔྤཝཏྟི ཁེམནྟི སནྟིཔདེཉཱཎ=ནྟི. ཏདངྒཔྤཧཱནཾ པནཏདངྒཨནུཔྤཱདོ ནཱམ. ཝིཀྑམྦྷནཔྤཧཱནཾ ཝིཀྑམྦྷན ཨནུཔྤཱདོ ནཱམ. སམུཙྪེདཔྤཧཱནཾ སམུཙྪེད ཨནུཔྤཱདོ ནཱམཱཏི ཝཏྟབྦཾ. ཨིདྷ པན ཨནུཔྤཱད སམྤཱཔཀཾ ཝིཔསྶནཱ ཉཱཎཉྩ མགྒཉྙཱཎཉྩ ཨུཔཙཱརེན པཧཱནནྟི ཨདྷིཔྤེཏཾ. ཀསྨཱ, ཨུཔརིཉཱཎ སམྤདཱདཱིནཾ པཙྩཡཏྟཱཏི དཊྛབྦཾ. ‘‘སམྤདཱསངྐརོ’’ཏི སམྤདཱསམྦྷེདོ, སམྤདཱསམྨིསྶོ. ‘‘ཉཱཡཱགཏ’’ནྟི ཡུཏྟིཏོ ཨཱགཏཾ. ‘‘སཱིལཱདིགུཎེཧཱི’’ཏི སཱིལ སམཱདྷི པཉྙཱ ཝིམུཏྟི ཝིམུཏྟིཉྙཱཎདསྶན གུཎེཧི. ‘‘ཨིདྡྷིདྷམྨེཧཱི’’ཏི ཨིདྡྷིཝིདྷཱབྷིཉྙཱདཱིཧི ཨིདྡྷིགུཎེཧི. ‘‘ལཀྑཎཱནུབྱཉྫནཔྤཊིམཎྜིཏསྶཱ’’ཏི དྭཏྟིཾས མཧཱཔུརིསལཀྑཎེཧི ཙ ཨསཱིཏི ཁུདྡཀལཀྑཎེཧི ཙ པཊིམཎྜིཏསྶ. ‘‘ཨཱསཡོ’’ཏི ཙིཏྟ སནྟཱནེ ཨདྷིསཡིཏོ ཨིཙྪཱཝིསེསོ. ‘‘ཨཛ྄ཛྷཱསཡསྶཱ’’ཏི ཨལོབྷཛ྄ཛྷཱསཡཱདིཀསྶཨཛ྄ཛྷཱསཡསྶ. ‘‘ཨུལཱ༹རཏཱ’’ཏི པཎཱིཏཏཱ. ‘‘ཧིཏཛ྄ཛྷཱསཡཏཱ’’ཏིཧིཏཀཱམཏཱ. ཨཔརིཔཱཀ གཏིནྡྲིཡཱནཾ སཏྟཱནཾ ཨིནྡྲིཡཔརིཔཱཀཀཱལཱགམནཉྩ ཨེཏྠ ཝཏྟབྦཾ. ‘‘ཨབྷིཉྙཱཏཱན’’ནྟི ཨཏིཔཱཀཊཱནཾ. ‘‘དྭེཔཧཱནསམྤདཱ’’ཏི དྭེཔཧཱན སམྤདཱ ཉཱཎསམྤདཱ. སམྨཱསམྦུདྡྷཔདེ. ‘‘སཱམཾ སཙྩཱནི ཨབྷིསམྦུཛ྄ཛྷཱི’’ཏི ཨེཏྠ ཨབྷིསམྦོདྷིསངྑཱཏཾ ཨགྒམགྒཉྙཱཎཾ གཧིཏཾ. ཏཉྩ པཧཱནཀིཙྩཔྤདྷཱནཾ ཧོཏི. ‘‘ཏཏྠ ཙ སབྦཉྙུཏཾ པཏྟོ’’ཏི ཨེཏྠ སབྦཉྙུཏཉྙཱཎཾ. ‘‘བལེསུ ཙ ཝསིབྷཱཝ’’ནྟི ཨེཏྠ དསབལཉྙཱཎཱནི གཧིཏཱནི. ཏེན ཝུཏྟཾ ‘‘དྭེ…པེ… སམྨཱསམྦུདྡྷཔདེནཝིབྷཱཝིཏཱ’’ཏི.

སམྤདཱནིཊྛིཏཱ.

༧. སསདྡྷམྨགཎུཏྟམཔདེ. ཡཐཱ=སསངྒྷཾལོཀནཱཡཀཾ ནམསྶིསྶཾ=ཏི ཨེཏྠསཧསདྡསྶ སམཝཱཡཏྠཏྟཱ ཨཧཾལོཀནཱཡཀཉྩ སངྒྷཉྩ ནམསྶིསྶནྟི ཨེཝཾ སམཝཱཡཏྠོ ཝིཉྙཱཡཏི. ཏཐཱ ཨིདྷཔི སམྨཱསམྦུདྡྷཉྩསདྡྷམྨཉྩ གཎུཏྟམཉྩ ཨབྷིཝཱདིཡཱམཱིཏི ཨེཝཾ ཀིརིཡཱསམཝཱཡཏྠོ སཧསདྡེན དཱིཔིཏོཏི དསྶེཏུཾ ‘‘དཱུརཏོཧཾ…པེ… ཨེཝམིདཾ དཊྛབྦ’’ནྟི ཝུཏྟཾ. ‘‘ཨིད’’ནྟི སསདྡྷམྨགཎུཏྟམཔདཾ. ཨེཏྠ ¶ ཙ‘‘སམཝཱཡོ’’ཏི དྭིནྣཾ ཏིཎྞཾ བཧཱུནཾ ཝཱ ཨཏྠཱནཾ ཨེཀསྨིཾ དབྦེཝཱ གུཎེཝཱཀིརིཡཱཡཝཱསམཾ ཨཝེཙྩ ཨཡནཾཔཝཏྟནཾ སམཝཱཡོ. པཙྩཱནུཏཱཔ པཙྩཱནུམོདནཱདིཋཱནེསུ=ཨཧཾ པུབྦེདཱནཾ ནདདིསྶཾ, སཱིལཾ ནརཀྑིསྶཾ. - ཨནེཀཛཱཏི སཾསཱརཾ སནྡྷཱཝིསྶ=ནྟིཨཱདིནཱ ཨཏཱིཏེཔིཀཱལེ ཨནཱགཏཝཙནཾ པཡུཛྫཏཱིཏི ཨཱཧ ‘‘ནམསྶིསྶ’’ནྟི ནམསྶིཾཏི. ‘‘གུཎཱིབྷཱུཏཱན’’ནྟི སམཱསཔདེ ཝིསེསནབྷཱུཏཱནཾ, ཨཔྤདྷཱནབྷཱུཏཱནནྟི ཨཏྠོ. ཨབྦྷཱུཏ ཏབྦྷཱཝེཙཱཡཾ ཨཱིཀཱརོ. ཡཐཱ, ཀཱཀོ སེཏཱི བྷཝཏི, བཀོ ཀཎྷཱིབྷཝཏཱིཏི. ཨེཏྠ ཙ ‘‘སེཏཱི བྷཝཏཱི’’ཏི ཨསེཏཔུབྦོ སེཏོབྷཝཏི. ‘‘ཀཎྷཱིབྷཝཏཱི’’ཏི ཨཀཎྷཔུབྦོ ཀཎྷོབྷཝཏཱིཏི ཨཏྠོ. ཏཐཱ ཨིདྷཔི. བུདྡྷཾ དྷམྨཉྩ སངྒྷཉྩཝནྡིཏྭཱ-ཏིཨཱདཱིསུ ཝིསུཾཝིསུཾ པདྷཱནཏྟཱ ཨགུཎབྷཱུཏཱཔི དྷམྨསངྒྷཱ ཨིདྷསམཱསཔདེ ཨཉྙཔདཏྠསྶགུཎབྷཱུཏཱཧོནྟི. ཨཡཾ ཨབྦྷཱུཏཏབྦྷཱཝཏྠོ ནཱམ. ‘‘ཨབྷིཝཱདིཏབྷཱཝོ’’ཏི ཝུཏྟེ ཏཔཙྩཡསྶ བཧུལཾ ཨཏཱིཏཀཱལཝིསཡཏྟཱ པུབྦེགནྠཱརམྦྷཀཱལེ དྷམྨ སངྒྷཱནཾཔི ཐེརསྶ ཝནྡནཱསིདྡྷི དསྶིཏཱ ཧོཏི. ‘‘ཨབྷིཝཱདེཏབྦ བྷཱཝོ’’ཏི ཝུཏྟེཔན ཏབྦཔཙྩཡསྶཀཱལསཱམཉྙཝིསཡཏྟཱན ཏཐཱ དསྶིཏཱ ཧོཏི. དཱནཾ དཱཏབྦཾ, སཱིལཾ རཀྑིཏབྦནྟིཨཱདཱིསུ ཝིཡ དྷམྨསངྒྷཱནཱམསབྦཀཱལཾཔི ཨབྷིཝཱདེཏབྦཱཏི. ཨེཝཾ དྷམྨསངྒྷཱནཾ སབྦཀཱལཾཔི ཨབྷིཝཱདནཱརཧགུཎོ ཨེཝ དསྶིཏོཏི ཨིམམཏྠཾ དསྶེཏུཾ ‘‘ཏཏྠཱ’’ཏིཨཱདི ཝུཏྟཾ. ཏཏྠ, ‘‘ཨབྷིཝཱདན’’ནྟི ཨིདཾ ཀིརིཡཱསམཝཱཡདསྶནཏོ ཝུཏྟཾ. ཀཱལཝིསེསཾ པན ནདཱིཔེཏིཡེཝ. ‘‘ཨཏྟནོ ནིདསྶནེནཱ’’ཏི སཔུཏྟདཱརོ ཨཱགཏོཏི ཨཏྟནཱ ནཱིཧརིཏྭཱ དསྶིཏེན པཡོགེན. སོཧི པཡོགོ ཀིརིཡཱ སམཝཱཡསྶེཝ. ནགུཎསམཝཱཡསྶཱཏི. ཨེཏྠ ཙ ཐེརསྶ ཝནྡནཱཝཙནེ ཐེརོ ཨིམེཧི ཡེཝཔདེཧི རཏནཏྟཡཾཏཱིཧིདྭཱརེ ཧིཝནྡཏཱིཏི གཧེཏྭཱ ‘‘ཨབྷིཝཱདིཡཱ’’ཏི ཨེཏྠ ཨབྷིཝཱདིཡཱདྷཱིཏི ཙ ཨཏྠཾ ནཱིཧརནྟི. ཨཔྤདྷཱན ཀིརིཡཱཔདེ པན ཏདཏྠ ནཱིཧརཎཾ ཨསམྦྷཱཝེནྟོ ‘‘ཨཔིཙཱ’’ཏིཨཱདིམཱཧ. ཏཏྠ ‘‘ཨཔིཙཱ’’ཏི ཀིཉྩི ཝཏྟབྦཾ ཨཏྠཱིཏི ཨཏྠཛོཏནེ ཨཡཾ ནིཔཱཏསམུདཡོ. ‘‘གནྠཔྤཊིཉྙཱཡཱ’’ཏི གནྠཔྤཊིཉྙཱཝཙནེན. ‘‘སཧགྷཊེཏྭཱ’’ཏི ཨེཀཏོ སམྦནྡྷིཏྭཱ.

ཝཙནཏྠེ ¶ . སདྷནོ པུརིསོ, དྷནཝཱཔུརིསོ-ཏི ཨཱདཡོ སམཱསཏདྡྷིཏསདྡཱ ཡེབྷཱུཡྻེན ཨཏིསྶཡཏྠ དཱིཔཀཱ ཧོནྟི. ནཧི ཨཔྤཀེན དྷནེན ཏཐཱ ཝོཧརནྟི. ཏསྨཱ ཨིདྷཱཔི ཏཐཱ རཱུཔཾ ཨཏིསྶཡཏྠཾ དསྶེཏུཾ ‘‘ཨཏྟནཱནིམྨིཏེན…པེ… སརཎབྷཱུཏེནཱ’’ཏི ཝུཏྟཾ. ཏཏྠ, ‘‘ཨཏྟནཱནིམྨིཏེནཱ’’ཏི ཨཏྟནཱ ཨུཔྤཱདིཏེན. ‘‘ནཧཱི’’ཏིཨཱདིནཱ ཏདཏྠམེཝ བྱཏིརེཀཏོ ཝིཝརཏི. ཏཏྠ, ‘‘པརནིམྨིཏེནཱ’’ཏི བུདྡྷནིམྨིཏེནཱཏི ཨདྷིཔྤཱཡོ. ‘‘ཏཐཱ ཐོམན’’ནྟི སསདྡྷམྨ གཎུཏྟམནྟི ཐོམནཾ. ‘‘ཨིདཾཔཱི’’ཏི དུཏཱིཡཏྠ སམྤིཎྜནེ ཨཡཾཔིཀཱརོ. ནཀེཝལཾ པུརིམཔདདྭཡམེཝ སཏྠུ ཨསཱདྷཱརཎགུཎཔདཾ ཧོཏི. ཨཐ ཁོ ཨིདཾཔི པདཾ སཏྠུ པཙྩེཀབུདྡྷཱདཱིཧི ཨསཱདྷཱརཎ པདམེཝཧོཏཱིཏི ཡོཛནཱ.

དྷམྨཝཙནཏྠེ. ‘‘དྷཱརེཏཱི’’ཏི ཝཧཏི. གཱཐཱཡཾ ‘‘རཀྑཏཱི’’ཏི ཨཔཱཡཱདིདུཀྑཏོརཀྑཏི. ‘‘ཡེས’’ནྟི ཀིལེསཱནཾ. ‘‘ཨིམསྨིཾ ཨཏྠེ’’ཏི ཀིལེསསམུཙྪིནྡནསངྑཱཏེ དྷཱརཎཏྠེ. ‘‘ནིབྦཱནཉྩནིཔྤརིཡཱཡཏོ དྷམྨོ ནཱམཱ’’ཏི ཀསྨཱ ཝུཏྟཾ, ནནུ ནིསྶརཎཔྤཧཱནམེཝ ནིབྦཱནསྶ ཀིཙྩཾ, ཨིདཉྩ སམུཙྪེདཔྤཧཱནནྟི ཙོདནཾ པརིཧརནྟོ ‘‘ཨརིཡམགྒཱཧཱི’’ཏིཨཱདིམཱཧ. ‘‘ནིབྦཱནེན སཧེཝ ཧུཏྭཱ’’ཏི ཨཱརམྨཎཱདྷིཔཏིབྷཱུཏཾ ཨཱརམྨཎཱུ པནིསྶཡབྷཱུཏཉྩ ནིབྦཱནཾ ཨཏྟནོ པཏིཊྛཾ ཀཏྭཱཏི ཨདྷིཔྤཱཡོ. ཨཔིཙ, སམུཙྪེདོཏི ཙ ནིསྶརཎནྟི ཙ ཨཏྠཏོ སམཱནགཏིཀཾ ཧོཏི. ཏསྨཱ ནིསྶརཎཾཔི མུཁྱདྷཱརཎ མེཝཱཏི དཊྛབྦཾ. ནིསྶརཎམེཝཝཱ པདྷཱནདྷཱརཎནྟི པིཡུཛྫཏིཡེཝ. ‘‘དྷཱརཎཱུཔཱཡོཡེཝཧོཏི’’. ནམུཁྱདྷཱརཎཾ. ཀསྨཱ, སམུཙྪེད ཀིཙྩཱབྷཱཝཏོ. ‘‘ཨེཏེཔཉྩ པརིཡཱཡདྷམྨཱཡེཝ’’. ཀསྨཱ, ནིབྦཱནསྶཝིཡམགྒཱནཾ སམུཙྪེད ཀིཙྩེ ཨསཧཱཡཏྟཱཏི. ཨེཏྠ ཙ ‘‘སཱམཉྙཔྥལཱནཱི’’ཏི སམཎསྶ བྷཱཝོ སཱམཉྙཾ. ཨརིཡམགྒསྶེཏཾ ནཱམཾ. སཱམཉྙསྶཕལཾ སཱམཉྙཔྥལཾ. དུཏཱིཡཝིཀཔྤེ ཨཀིཙྩ པཙྩཡབྷཱུཏཱཔི ཀེཙིཀིཏཀཔཙྩཡཱ ཀམྨཏྠེགཏཱ ཀིཙྩཔཙྩཡཱནཾཔི ཨཏྠཾ དཱིཔེཏི. ཡཐཱ, དིཊྛཾ, སུཏཾ, མུཏཾ, ཝིཉྙཱཏནྟི ཝུཏྟཾ ‘‘དྷཱརཎཱརཧོ’’ཏི. ‘‘ཡཐཱ ཝུཏྟ དྷམྨཱ ཡེཝཱ’’ཏི པཉྩམུཁྱདྷམྨཱ, པཉྩཔརིཡཱཡདྷམྨཱཡེཝ. ‘‘ཀེཙཱི’’ཏི ཙཏྟཱརོ མགྒཱ. པུན ‘‘ཀེཙཱི’’ཏི ནིབྦཱནམེཝ. བཧུཝཙན སོཏེཔཏིཏཏྟཱ ¶ ཨེཏྠ བཧུཝཙནཾ རུལ༹ཾ. པུན ‘‘ཀེཙཱི’’ཏི ཙཏྟཱརོ སཱམཉྙཔྥལ དྷམྨཱ. ‘‘ཀེཙཱི’’ཏི པརིཡཏྟི དྷམྨོ. ཨེཏྠཱཔི བཧུཝཙནཾ སོཏཔཏིཏམེཝ. ‘‘དྷཱརེནྟ’’ནྟི དྷཱརེནྟཾ པུགྒལཾ. ཏཏཱིཡ ཝིཀཔྤེ ‘‘ཨཔཏམཱནཾ ཝཧནྟཱི’’ཏི ཨཔཏམཱནཾ ཀཏྭཱ ཝཧནྟི. ཙཏུཏྠ ཝིཀཔྤེ ‘‘ཨེཏྠཱ’’ཏི ཨེཏསྨིཾ དྷམྨེ. དྷམྨོཝདཱིཔཾ ཨེཏེསནྟི དྷམྨདཱིཔཱ. དྷམྨོཝ པཊིསརཎཾ ཨེཏེསནྟི དྷམྨཔྤཊིསརཎཱ. དྷམྨདཱིཔཱ བྷིཀྑཝེ བྷཝཐ དྷམྨཔྤཊིསརཎཱ, ཨནཉྙཔྤཊིསརཎཱ ཏིཧི ཝུཏྟཾ. ལདྡྷཱ པཏིཊྛཱ ཨེཏེསནྟི ལདྡྷཔྤཏིཊྛཱ. ཡུཛྫཏིཡེཝ. དྷམྨདཱིཔཔཱཋཱནུལོམཏྟཱཏི ཨདྷིཔྤཱཡོ. དྷམྨཝིཙཱརཎཱཡཾ, ཙོདཀོཔཊིཔཏྟི དྷམྨཾ དསཝིདྷ དྷམྨཏོ ཨཉྙཾམཉྙམཱནོ ‘‘ཀསྨཱ’’ཏིཨཱདིནཱ ཙོདེཏི. སོ པན པཊིཔཏྟི དྷམྨོ ཏཏོ ཨཉྙོན ཧོཏི, ཏཏྠེཝ ཨནྟོགདྷོཏི དསྶེནྟོ ‘‘སོཔནཱ’’ཏིཨཱདིམཱཧ. ‘‘མགྒསྶ པུབྦབྷཱགཔྤཊིཔདཱ ཧོཏཱི’’ཏི ཡཐཱ ཨམྦརུཀྑོ ཨམྦཔུཔྥཨམྦཔྥལསྶ པཏིཊྛཱ བྷཱཝེན པུབྦབྷཱག ནིསྶཡོ ཧོཏི. ཀསྨཱ, ཨིཏོཡེཝཏསྶ པུཔྥཔྥལསྶ ཛཱཏཏྟཱ ཨེཏྠེཝསཾ ཝཌྜྷིཏཏྟཱ ཙ. ཏཐཱ པཊིཔཏྟི དྷམྨོཔི ཨརིཡམགྒཔྥལསྶཔཏིཊྛཱབྷཱཝེན པུབྦབྷཱགཱུཔནིསྶཡཔྤཊིཔདཱཧོཏི. ཀསྨཱ, ཨིཏོཡེཝ ཏསྶཛཱཏཏྟཱ ཨེཏྠེཝསཾ ཝཌྜྷིཏཏྟཱ ཙ. ཝུཏྟཉྷེཏཾ མཧཱཝགྒ སཾཡུཏྟེ. སེཡྻཐཱཔི བྷིཀྑཝེ ཡེཀེཙི མེབཱིཛགཱམབྷཱུཏགཱམཱཝུཌྜྷིཾ ཝིརུལི༹ཾ ཝེཔུལླཾ ཨཱཔཛྫནྟི. སབྦེཏེ པཐཝིཾ ནིསྶཱཡ པཐཝིཾ པཏིཊྛཱཡ. ཨེཝམེཝ ཁོ བྷིཀྑཝེ བྷིཀྑུསཱིལཾ ནིསྶཱཡ སཱིལེཔཏིཊྛཱཡ ཨརིཡཾ ཨཊྛངྒཱིཀཾ མགྒཾ བྷཱཝེནྟོ ཝུཌྜྷིཾ ཝིརུལ༹ྷིཾ ཝེཔུལླཾ པཱཔུཎཱཏི དྷམྨེསཱུཏི. ‘‘པུབྦཙེཏནཱཝིཡདཱནེ’’ཏི ཡཐཱ ཏིཝིདྷཾ པུཉྙཾ, དཱནམཡཾ པུཉྙཾ སཱིལམཡཾ པུཉྙཾ བྷཱཝནཱམཡཾ པུཉྙནྟི ཝུཏྟེ དཱནཝཏྠུ པརིཡེསནཏོ པཊྛཱཡ དཱནཾ ཨཱརབྦྷཔཝཏྟཱ སབྦཱ པུབྦབྷཱག ཙེཏནཱ དཱནཝཙནེ སངྒཧིཏཱ དཱནནྟྭེཝ སངྑྱཾགཏཱ. ཨེཝཾ སོ པཊིཔཏྟི དྷམྨོ ཨརིཡ མགྒཝཙནེ ཨེཝསངྒཧིཏོ, ཨརིཡམགྒོ ཏྭེཝ སངྑྱཾ གཏོཏི ཝུཏྟཾ ཧོཏི.

ཨིམསྨིཾ དྷམྨསཾསནྡནེ ཨཔརམྤི ཝཏྟབྦཾ ཝདནྟོ ‘‘ཨཔིཙཱ’’ཏིཨཱདིམཱཧ. ཏཏྠ ‘‘ཡདགྒེནཱ’’ཏི ཡེནཀཱརཎཀོཊྛཱསེན དྷཱརཎཱུཔཱཡོཏིཨཱདིནཱ ཀཱརཎབྷཱགེནཱཏི ཨཏྠོ. ཝནྡནཾ ཨརཧ ཏཱིཏི ¶ ཝནྡནེཡྻོ. ཏསྨིཾ ཝནྡནེཡྻེ. ‘‘པུཐུཛྫནཀལྱཱཎཀོ’’ཏི ཨེཏྠ ཏིཝིདྷོ ཀལྱཱཎཀོ ཝིནཡཀལྱཱཎཀོ སུཏྟནྟཀལྱཱཎཀོ ཨབྷིདྷམྨཀལྱཱཎཀོཏི. ཏཏྠ ཝིནཡེ པཉྙཏྟཱཡ ཀལྱཱཎཔྤཊིཔཏྟིཡཱ སམནྣཱགཏོ བྷིཀྑུ ཝིནཡཀལྱཱཎཀོ ནཱམ. སོ ཨིདྷ བྷིཀྑུ པཱཏིམོཀྑ སཾཝརསཾཝུཏོ ཝིཧརཏི ཨཱཙཱར གོཙར སམྤནྣོ, ཨཎུམཏྟེསུ ཝཛྫེསུ བྷཡདསྶཱཝཱི སམཱདཱཡ སིཀྑཏི སིཀྑཱཔདེསཱུཏི ཨེཏྠ ཝེདིཏབྦོ. ཏཏྠ ཝིནཡེ པཉྙཏྟཱཀལྱཱཎཔྤཊིཔཏྟིདུཝིདྷཱ, ཨཱདི བྲཧྨཙརིཡཀསཱིལཾ ཨབྷིསམཙཱརིཀསཱིལནྟི. ཏཏྠ, ཨུབྷཏོཝིབྷངྒཔརིཡཱཔནྣཾ སཱིལཾ ཨཱདིབྲཧྨཙརིཡཀཾ ནཱམ. ཁནྡྷཀཔརིཡཱཔནྣཾ སཱིལཾ ཨབྷིསམཙཱརིཀཾ ནཱམ.

སུཏྟནྟེསུ ཝུཏྟཱཡ ཀལྱཱཎཔྤཊིཔཏྟིཡཱ སམནྣཱགཏོ གཧཊྛོ ཝཱ པབྦཛིཏོ ཝཱ སུཏྟནྟ ཀལྱཱཎཀོ ནཱམ. སོ ཙཏཱུཧི བྷིཀྑཝེ དྷམྨེཧི སམནྣཱགཏོ ཨརིཡསཱཝཀོ སབྦཾ དུགྒཏིབྷཡཾ སམཏིཀྐནྟོ ཧོཏི. ཀཏམེཧི ཙཏཱུཧི. ཨིདྷ བྷིཀྑཝེ ཨརིཡསཱཝཀོ བུདྡྷེ ཨཝེཙྩཔྤསཱདེན སམནྣཱགཏོ ཧོཏི ཨིཏི པིསོ བྷགཝཱ…པེ… སཏྠཱདེཝམནུསྶཱནཾ, བུདྡྷོ, བྷགཝཱཏི. དྷམྨེ ཨཝེཙྩཔྤསཱདེན སམནྣཱགཏོ ཧོཏི སྭཱཀྑཱཏོ བྷགཝཏཱ དྷམྨོ…པེ… པཙྩཏྟཾ ཝེདིཏབྦོ ཝིཉྙཱུཧཱིཏི. སངྒྷེ ཨཝེཙྩཔྤསཱདེན སམནྣཱགཏོ ཧོཏི སུཔྤཊིཔནྣོ བྷགཝཏོ སཱཝཀསངྒྷོ…པེ… ཨནུཏྟརཾ པུཉྙཀྑེཏྟཾ ལོཀསྶཱཏི. ཨརིཡཀནྟེཧི སཱིལེཧི སམནྣཱགཏོ ཧོཏཱིཏི ཨེཏྠ ཝེདིཏབྦོ. ཏཏྠ བུདྡྷེ ཨཝེཙྩཔྤསཱདོ ནཱམ ཨརཧཾ, སམྨཱསམྦུདྡྷོ, ཏིཨཱདིཀཱནཾ གུཎཔདཱནཾ ཨཏྠ ཛཱནནཉྙཱཎེན ཡུཏྟོ པསཱདོ. ཨརིཡེཧིཀཱམཱིཡནྟི ཨིཙྪཱིཡནྟཱིཏི ཨརིཡཀནྟཱནི. སུཔརིསུདྡྷསྶ ཨཱཛཱིཝཊྛམཀསཱིལསྶེཏཾ ནཱམཾ. ཙཏྟཱརིམཱནི བྷིཀྑཝེ སོཏཱཔཏྟིཡངྒཱནི. ཀཏམཱནི ཙཏྟཱརི. སཔྤུརིསསཾསེཝོ, སདྡྷམྨསྶཝནཾ, ཡོནིསོ མནསིཀཱརོ, དྷམྨཱནུ དྷམྨཔྤཊིཔཏྟཱིཏིཨཱདཱིནི བཧཱུནི སུཏྟནྟཱནི ཨིདྷ ཝཏྟབྦཱནི.

ཨབྷིདྷམྨེ ཝཱ སུཏྟནྟེསུ ཝཱ ཝུཏྟཱཡ ཀལྱཱཎཔྤཊིཔཏྟིཡཱ སམནྣཱགཏོགཧཊྛོ ཝཱ པབྦཛིཏོ ཝཱ ཨབྷིདྷམྨཀལྱཱཎཀོ ནཱམ. སོ ཨིདྷ སུཏཝཱ ཨརིཡསཱཝཀོ ཨརིཡཱནཾ དསྶཱཝཱི ཨརིཡ དྷམྨསྶཀོཝིདོ ¶ ཨརིཡདྷམྨེསུ ཝིནཱིཏོ. སོ རཱུཔཾ ཨཏྟཏོ ན སམནུཔསྶཏཱིཏི ཨེཏྠ ཝེདིཏབྦོ. ཏཏྠ, ‘‘སུཏཝཱ’’ཏི ཨེཏྠ ཁནྡྷཱ, ཡཏན, དྷཱཏུ, པཊིཙྩསམུཔྤཱད, སཏིཔཊྛཱནཱ, དཱིསུ ཨུགྒཧ པརིཔུཙྪཱ ཝིནིཙྪཡཉྙཱཎ སམནྣཱགཏོ གཧཊྛོ ཝཱ པབྦཛིཏོ ཝཱ སུཏ ཝཱ ནཱམཱཏི ཨཊྛཀཐཱསུ ཝུཏྟོ. སོ ཨེཝ པུཐུཛྫན ཀལྱཱཎཀོཏི ཙ ཝུཙྩཏི.

དུཝེ པུཐུཛྫནཱ ཝུཏྟཱ, བུདྡྷེནཱདིཙྩབནྡྷུནཱ;

ཨནྡྷོ པུཐུཛྫནོ ཨེཀོ, ཀལྱཱཎེཀོ པུཐུཛྫནོ. ཏི

ཙ ཝུཏྟཾ. ཨངྒུཏྟརེ པན ཙཏུཀྐནིཔཱཏེ ཀཏམོ པུགྒལོ ཨཔྤསྶུཏོ སུཏེན ཨུཔཔནྣོ ཧོཏི. ཨིདྷེཀཙྩོ དྷམྨཾ སུཎཱཏི ཨེཀཱཡཔི ཙཱཏུཔྤདིཀཱཡ གཱཐཱཡ ཨཏྠ མཉྙཱཡ དྷམྨ མཉྙཱཡ དྷམྨཱ ནུ དྷམྨཔྤཊིཔནྣོ ཧོཏི. ཨཡཾ ཨཔྤསྶུཏོསུཏེན ཨུཔཔནྣོཏི ཝུཏྟཾ. སུཏཝཱཏི ཙ སུཏེན ཨུཔཔནྣོཏི ཙ ཨཏྠཏོ ཨེཀནྟི. པུཐུཛྫན ཀལྱཱཎཀོ སངྒྷེ སེཀྑེསུསངྒཧིཏོ. ཝུཏྟཾཧེཏཾ པརིཝཱརེ ཀེ སིཀྑནྟཱིཏི. པུཐུཛྫན ཀལྱཱཎཀེན སདྡྷིཾ སཏྟ ཨརིཡཔུགྒལཱ སིཀྑནྟི. ཨརཧཱ ཁཱིཎཱསཝོ སིཀྑིཏསིཀྑོཏི. དཀྑིཎ ཝིབྷངྒསུཏྟ ཨཊྛཀཐཱཡཾ པན. ཏི སརཎ སརཎཾ གཏོ ཨུཔཱསཀོཔི སོཏཱཔཏྟིཕལསཙྪིཀིརིཡཱཡ པཊིཔནྣེ སངྒཧིཏོཏི ཝུཏྟཾ. ཏཏྠ, སོཏཱཔཏྟིཕལསཙྪིཀིརིཡཱཡ པཊིཔནྣོནཱམ སོཏཱཔཏྟི མགྒཊྛོ ཨརིཡཔུགྒལོ. ‘‘སོཧིསངྒཧིཏོ’’ཏི སམྦནྡྷོ. ‘‘ཨེཏྟཱཝཏཱ པཊིཀྑིཏྟཾ ཧོཏཱི’’ཏི སམྦནྡྷོ. ‘‘སངྒྷེ ཨསངྒཧིཏོ’’ཏི སངྒྷཾསརཎཾ གཙྪཱམཱིཏི ཙ, སུཔྤཊིཔནྣོ བྷགཝཏོ སཱཝཀསངྒྷོཏི ཙ, ཨེཝརཱུཔེསུ ཋཱནེསུ ཨཱགཏེ སངྒྷ ཝཙནེ ཨསངྒཧིཏོ. ‘‘ན ཧིཏཾ སརཎཾ གཙྪནྟསྶསརཎགམནཾ སམྤཛྫཏཱི’’ཏི ཨིདཾ སངྒྷཾསརཎཾ གཙྪཱམཱིཏི ཨེཏྠ སངྒྷ ཝཙནེཏསྶཔུགྒལསྶ ཨསངྒཧིཏ བྷཱཝསཱདྷནཏྠཾ ཝུཏྟཾ. ཏེནཱཧ ‘‘ཏཾ པཊིཀྑིཏྟཾ ཧོཏཱི’’ཏི. སཙེ པན སབྦཾ བྷགཝཏོ སཱཝཀསངྒྷཾ ཨནུདྡྷིསྶཏམེཝ པུགྒལཾ སངྒྷཾསརཎཾ གཙྪེཡྻ ཨཱཡསྨནྟཾ སརཎཾ གཙྪཱམཱིཏི. སརཎ གམནཾ ན སམྤཛྫཏིཡེཝ. ཨཐ སབྦཾ བྷགཝཏོ སཱཝཀསངྒྷཾ ཨུདྡིསྶ ཏསྶ སནྟིཀེ སརཎཾ གཙྪེཡྻ སངྒྷཾ སརཎཾ གཙྪཱམཱིཏི. སམྤཛྫཏིཡེཝ ¶ . ཨིདཉྩ དཧརཀཱལེ སབྦཔྤཐམཾ སརཎགམནཾ སནྡྷཱཡ ཝུཏྟཾ. ཨིདཉྷི སརཎ གམནཾ ནཱམ སཀིཾ གཧེཏྭཱ རཏནཏྟཡེ སདྡྷཾ ཨཛཧནྟསྶ ཡཱཝཛཱིཝཾཔི ན བྷིཛྫཏི. པུནཔྤུནཾ གཧཎ ཀིཙྩཾ ནཏྠི. པུནཔྤུནཾ གཎྷནྟེཔི དོསོནཏྠི. པུནཔྤུནཾ པུཉྙཾ ཝཌྜྷཏི. སབྦཔྤཐམཾ གཧཎཀཱལེ ཙ ཨཉྙེན དིནྣཏྟཱ ལདྡྷཾ ནཧོཏི. ཨཏྟནོཝཙཱི བྷེདེན ལདྡྷཾ ཧོཏི. ཏསྨཱ ཨཉྙསྶ སནྟིཀེ ཨགྒཧེཏྭཱ སཡམེཝ ཝཙཱིབྷེདཾ གཎྷནྟསྶ གཧཊྛསྶ སརཎ གམནཾ སམྤཛྫཏིཡེཝ. ཏཐཱ སབྦཱནི གཧཊྛསཱིལཱནཱིཏི. སཱམཎེར སརཎ གམནམྤན བྷིཀྑུནཱདིནྣམེཝ ལབྦྷཏི. ཏཉྩ ཁོ ཨུབྷིནྣཾཔིཋཱནཀརཎ སམྤཏྟིཡཱ སཏི ཨེཝཱཏི དཊྛབྦཾ. ‘‘ཝོ’’ཏི ཏུམྷཱཀཾ. ཡོདྷམྨོ ཙ དེསིཏོ ཡོཝིནཡོཙཔཉྙཏྟོ. ‘‘མམཙྩཡེནཱ’’ཏི མམཱཏིཀྐམེན. མཡི པརིནིབྦུཏེཏི ཝུཏྟཾ ཧོཏི. སཏྠཱ བྷཝིསྶཏཱིཏི པཱཋསེསོ. ‘‘སཾཝཎྞིཏོ’’ཏི སུཊྛུཏརཾཝཎྞིཏོ ཐོམིཏོ. ‘‘ཀལྱཱཎཔྤཊིཔཏྟིཡཾ ཋིཏོཔཱི’’ཏི ཏཱིསུཀལྱཱཎཔྤཊིཔཏྟཱིསུ ཨཉྙཏརཔྤཊིཔཏྟིཡཾ ཋིཏོཔི. ‘‘ཨཊྛིཏོཔཱི’’ཏི སབྦཔྤཊིཔཏྟིབཱཧིརོ དུསྶཱིལོཔཱཔདྷམྨོཏི ཨདྷིཔྤཱཡོ. ཝིསེསཏོ པན ཝིནཡཔྤཊིཔཏྟི ཨེཝ ཨིདྷ པརིཡཏྟཱཏི དཊྛབྦཱ. ‘‘སོ’’ཏི སོདུསྶཱིལོ པཱཔདྷམྨོ. ཨཏྟནོཔི སརཎཾ ནཧོཏི. ཨཝསྶཾ ཨཔཱཡགཱམཱིཡེཝ སོ ཧོཏཱིཏི ཨདྷིཔྤཱཡོ. ‘‘ཀུཏོ སརཎཾ བྷཝིསྶཏཱི’’ཏི ཡོཛནཱ. ‘‘ཨནེཀེསུ སུཏྟསཧསྶེསཱུ’’ཏི ཝིནཡེཔི བཧཱུནི གརཧསུཏྟཔདཱནི དིསྶནྟི སུཏྟནྟེསུཔི. ཝིསེསཏོ པན ཨགྒིཀྑནྡྷོཔམསུཏྟཱདཱིསུ.

སདྡྷམྨཝཙནཏྠེ. ཀིལེསེསམེནྟི ཝཱུཔསམེནྟཱིཏི སནྟོཏི ཝཙནཏྠཾ སནྡྷཱཡ ‘‘སམིཏཀིལེསཱན’’ནྟི ཝུཏྟཾ. སནྟ སདྡོ པན པསཏྠེཙ, པཱུཛིཏེཙ, སཔྤུརིསེཙ, པཎྜིཏེཙ, དིསྶཏཱིཏི ཨིམཾ ཨབྷིདྷཱནཏྠཾ སནྡྷཱཡ ‘‘པསཏྠཱན’’ནྟིཨཱདིཝུཏྟཾ. ‘‘སཙྩོཝཱ དྷམྨོ སདྡྷམྨོ’’ཏི ཡོཛནཱ. ཨེཏེན སབྷཱཝཏོ ཨཏྠིསཾཝིཛྫཏཱིཏི སནྟོཏི དསྶེཏི. ‘‘སོ’’ཏི ཨཉྙཏིཏྠིཡ དྷམྨོ. ‘‘དྷཱརེནྟསྶཱ’’ཏི སཝནུགྒཧདྷཱརཎཔྤཊིཔཛྫནཱདིཝསེན དྷཱརེནྟསྶ. ཨཧིཏོཡེཝ སམྤཛྫཏི, ཡེབྷུཡྻེན དུགྒཏི ཝིཔཱཀཏྟཱཏི ཨདྷིཔྤཱཡོ. ‘‘ཨཡཾ པནཱ’’ཏི སཏྠུ སདྡྷམྨོ པན. ‘‘ཏཐཱ དྷཱརེནྟསྶཱ’’ཏི ¶ ཨཡཾ མེ ཧིཏོཏི དྷཱརེནྟསྶ ཧིཏོཡེཝསམྤཛྫཏི, སུགཏི ནིབྦཱན སམྤཱཔཀཏྟཱཏི ཨདྷིཔྤཱཡོ.

‘‘སམཱནདིཊྛིསཱིལཱན’’ནྟི སམཱནདིཊྛིཀཱནཾ སམཱནསཱིལཱནཉྩ. ཨེཏེན སམཱནདིཊྛིསཱིལཱ ཛནཱ གཎཱིཡནྟི ཨེཏྠཱཏི གཎོ. སཾཧནཱིཡནྟི ཨེཀཏོཀརཱིཡནྟི ཨེཏྠཱཏི སངྒྷོཏི ཨིམམཏྠཾ དཱིཔེཏི. སཧ ཨེཀཏོ དྷམྨཾ ཙརནྟཱིཏི སཧདྷམྨིཀཱ. ཨེཀསྶ སཏྠུནོ དྷམྨ ཝིནཡེ པབྦཛིཏཱ. ཏེསཾ སཧདྷམྨིཀཱནཾ. བྷགཝཏོ སཱཝཀསངྒྷོ ཨུཏྟམགཎོ ནཱམ. ཡེ ཀེཙི ལོཀེ སངྒྷཱཝཱ གཎཱཝཱ. ཏཐཱགཏསྶ སཱཝཀསངྒྷོ ཏེསཾ ཨགྒམཀྑཱཡཏཱིཏི ཧི ཝུཏྟཾ. སོཡེཝ ཨིདྷ གཎུཏྟམོཏི ཝུཙྩཏི ཝིསེསན པར ནིཔཱཏ ཝསེནཱཏི ཨདྷིཔྤཱཡོ. ཨུཏྟམསདྡསྶ གུཎནཱམཏྟཱ ‘‘གུཎམྷིཡེཝ པཝཏྟཏཱི’’ཏི ཝུཏྟཾ. ‘‘ཏེནཱ’’ཏི ཨུཏྟམ སདྡེན. ‘‘གཎོཏི སངྒྷོཡེཝ ཝུཙྩཏི’’ སངྒྷསདྡསྶཔི སམཱུཧཊྛེ ནིརུལ༹ྷཏྟཱ, ‘‘སོ ཝིནཡཀམྨེསུ པསིདྡྷོ’’ཏི པཉྩསངྒྷཱ ཙཏུཝགྒསངྒྷོ, པཉྩཝགྒསངྒྷོ, དསཝགྒསངྒྷོ, ཝཱིསཏིཝགྒསངྒྷོ, ཨཏིརེཀཝཱིསཏིཝགྒསངྒྷོ, ཙཏུཝགྒཀརཎཱིཡཾ ཀམྨཾ, པཉྩཝགྒཀརཎཱིཡཾ ཀམྨནྟིཨཱདིནཱ པསིདྡྷོ པཱཀཊོ. དཀྑིཎཱ ཝུཙྩཏི ཀམྨཉྩ ཀམྨཕལཉྩ སདྡཧིཏྭཱ ཨཱཡཏིཾ ཝིཔཱཀཔྥལཔྤཊི ལཱབྷཏྠཱཡ དིནྣཾ དཱནཀམྨཾ དཀྑནྟི ཝཌྜྷནྟི སཏྟཱ ཨེཏཱཡཱཏི ཀཏྭཱ. ཏཾདཀྑིཎཾ པཊིགྒཎྷིཏུཾ ཨརཧཏཱིཏི དཀྑིཎེཡྻོ. ‘‘ཨརཧཏཱི’’ཏི ཙ ཨནུཏྟར པུཉྙཀྑེཏྟ ཝིསེསཏྟཱདཱཡཀེན ཨིཙྪིཏ པཏྠིཏསྶ ཨཱཡཏིཾ ཕལསྶ སུཊྛུསམྤཱདནཝསེན དཱཡཀསྶ ཙ ཨཝིརཱདྷནཏོ ཨསངྑྱེཡྻཱཔྤམེཡྻཝཌྜྷི ཨཱཝཧནཏོ ཙ པཊིགྒཎྷིཏུཾ ཨརཧཏི. ཨེཝརཱུཔཾཧིདཱནཾ ནཱམ ཨུལཱ༹རདཱནཾ ཧོཏི. ཏཾ ཡེསུདུསྶཱིལེསུདིཡྻཏི. ཏེསཾ ཁེཏྟ དུཊྛཏྟཱ དཱཡཀེན ཨིཙྪིཏཔཏྠིཏཾ ཕལཾ ན སམྤཱདེཏི. ནིཔྥལཾ ཝཱ ཧོཏི. ཨཔྤཔྥལཾ ཝཱ. ཨེཝཾསཏི, ཏེ དཱཡཀཉྩ ཝིརཱདྷེནྟི ནཱམ. པུཉྙཔྥལཱནི ཙ ཝིནཱསེནྟི ནཱམ. སཡཉྩ ཏཾདཱནཾ པཊིགྒཧཎཏོ ཝཱ པརིབྷོགཏོ ཝཱ སདྡྷཱདེཡྻཾ ཝིནིཔཱཏནཏོ ཝཱ དུགྒཏི བྷཱགིནོ ཧོནྟི. ཏསྨཱཏེ ཨེཝརཱུཔཾ དཱནཾ པཊིགྒཎྷིཏུཾ ནཱརཧནྟཱིཏི. ‘‘ཨུཔསམྤདཱཀམྨཾ སམྨུཏི ནཱམཱ’’ཏི ཨེཀེན པརིཡཱཡེན སམྨུཏི ཀམྨཾ ནཱམ. ཏཉྷི ཀཱམཾཏེར སསུསམྨུཏི ཀམྨེསུནཱགཏཾ. ཉཏྟི ཙཏུཏྠ ཀམྨཝཱཙཱ སངྑཱཏཱཡ ¶ པན སངྒྷསམྨུཏིཡཱ སིདྡྷཏྟཱ ཏེན པརིཡཱཡེན སམྨུཏི ཀམྨནྟི ཝུཙྩཏཱིཏི. ‘‘ཨུཔསམྤནྣབྷཱུམིཾ པཏྭཱ’’ཏི ཨུཔསམྤནྣབྷཱུམི སངྑཱཏཾ ཨུཔརིཋཱནནྟརཾ པཏྭཱ. ཏཐཱ ཧི ཝུཏྟཾ ཝིནཡེ བྷིཀྑུ ཝིབྷངྒེ. ཉཏྟི ཙཏུཏྠེན ཀམྨེན ཨཀུཔྤེན ཋཱནཱརཧེནཱཏི. ཏཏྠ, ‘‘ཋཱནཱརཧེནཱ’’ཏི ཨུཔསམྤནྣ བྷཱུམིསངྑཱཏཾ ཋཱནནྟརཾ པཱཔེཏུཾ ཨརཧེནཱཏི ཨཏྠོ. ‘‘ཨུཔསམྤནྣབྷཱུམཱི’’ཏི ཙ ཨུཔསམྤནྣ སཱིལཾ ཝུཙྩཏི. ‘‘ཝིནཡཀམྨེསུ པསིདྡྷོ’’ཏི. སུཎཱཏུམེབྷནྟེ སངྒྷོ ཏིཨཱདཱིསུ པཱཀཊོ. ཨཔིཙ ‘‘སམྨུཏི སངྒྷོ’’ཏི, དེཝསངྒྷཱསམཱགཏཱཏིཨཱདཱིསུ ཝིཡ བཧཱུནཾ སམཱུཧནཊྛེན ལོཀསམྨུཏིཡཱ སིདྡྷོསངྒྷོ སམྨུཏི སངྒྷོཏིཔི ཡུཛྫཏི. ‘‘ཨརིཡཔུགྒལསམཱུཧོ’’ཏི པུཐུཛྫནཀལྱཱཎཀོ བྷིཀྑུ པུབྦེ ཝུཏྟནཡེན སོཏཱཔཏྟི མགྒཊྛེ སངྒཧིཏོཏི, ཏེན སཧ ཨཊྛཝིདྷོ ཨརིཡ པུགྒལསམཱུཧོ. ‘‘སམྨུཏི སངྒྷེ ཨནྟོགདྷོཡེཝཱ’’ཏི ཨེཏེན དཀྑིཎེཡྻསངྒྷོ ནཱམ ཝིསུཾ ནཝཏྟབྦོ. ཏསྨིཉྩ ནཝཏྟབྦེ སཏི, སམྨུཏི སངྒྷོཏིཔི ཝཏྟབྦ ཀིཙྩཾ ནཏྠི. བྷགཝཏོ སཱཝཀསངྒྷོ ཏྭེཝ ཝཏྟབྦཾ ཧོཏཱིཏི དསྶེཏི. སཙྩམེཏཾ. ཨིདྷ པན སངྒྷཝཙནེན ཨཱགཏཊྛཱནསྶ དུཝིདྷཏྟཱ སངྒྷསྶ དུཝིདྷཏཱ ཝུཏྟཱ. ཏཏྠ སམྨུཏི སངྒྷསྶ ཨཱགཏཊྛཱནཾ ཝིནཡཀམྨེསཱུཏི ཝུཏྟམེཝ. ཨིདཱནི ཨརིཡསངྒྷསྶ ཨཱགཏཊྛཱནཾ དསྶེནྟོ ‘‘ཏཐཱཔཱི’’ཏིཨཱདིམཱཧ. ཏཏྠ སརཎ གམན…པེ… ཨནུསྶཏིཊྛཱནེསུ ཨུཔསམྤནྣབྷཱུཏོ བྷིཀྑུསངྒྷོཝ གཧེཏབྦོ. དཀྑིཎཱཝིསུདྡྷིཊྛཱནེ པན པུགྒལིཀདཱནེསུ ཙཏཱུཧི སོཏཱཔཏྟིཡངྒེཧི སམནྣཱགཏོ ཨུཔཱསཀོཔི སཱམཎེརོཔི ཡུཛྫཏི. སངྒྷིཀ དཱནེསུ པན བྷིཀྑུསངྒྷོཝ. ‘‘ཏཐཱ ཏཐཱ སཾཝཎྞེཏྭཱ’’ཏི ཨཱཧུནེཡྻོ, པཱཧུནེཡྻོ, དཀྑིཎེཡྻོ, ཨཉྫལཱིཀརཎཱིཡྻོ, ཨནུཏྟརཾ པུཉྙཀྑེཏྟཾ ལོཀསྶཱ, ཏིཨཱདིནཱསུཊྛུ ཐོམེཏྭཱ. སོ དཀྑིཎེཡྻ སངྒྷོ. ‘‘པུཐུཛྫན སངྒྷོ’’ཏི ཨིདཾ ཨརིཡ སངྒྷེན ཝིནཱཀེཝལཾ པུཐུཛྫནསངྒྷཾ སནྡྷཱཡ ཝུཏྟཾ. ཨེཏྠ ཙ སངྒྷ ཝཙནེན སངྒྷ པརིཡཱཔནྣོ ཨེཀོཔི བྷིཀྑུ གཧེཏབྦོ. སོ སཙེ པུཐུཛྫནོ ཧོཏི, ཨནུཏྟརཾ པུཉྙཀྑེཏྟཾ ནཧོཏི. ཡདི ཨརིཡ པུགྒལོ ཧོཏི, ཨནུཏྟརཾ པུཉྙཀྑེཏྟཾ ཧོཏི.

དཀྑིཎཝིབྷངྒསུཏྟེ ¶ སངྒྷིཀདཱནེ བྷཝིསྶནྟི ཁོ པནཱནནྡ གོཏྲབྷུནོ ཀཱསཱཝཀཎྛཱ དུསྶཱིལཱ པཱཔདྷམྨཱ. ཏེསཾཔི སངྒྷཾ ཨུདྡིསྶ དཱནཾ དསྶནྟི. ཏདཱཔཱནནྡ སངྒྷགཏཾ དཀྑིཎཾ ཨསངྑྱེཡྻཾ ཨཔྤམེཡྻནྟི ཝདཱམཱིཏི ཝུཏྟཏྟཱ སངྒྷིཀཊྛཱནཾ པཏྭཱ ཀོཙི བྷིཀྑུ དཀྑིཎེཡྻ སངྒྷེ ཨསངྒཧིཏོཏི ནཏྠཱིཏི དཊྛབྦོ.

ཁེཏྟཾ དཱུསེནྟཱིཏི ཁེཏྟདུཊྛཱནི. ཏིཎཱནི. ཁེཏྟདུཊྛཱ ཀིལེསཱ. ཝུཏྟཉྷིདྷམྨཔདེ.

ཏིཎདོསཱནི ཁེཏྟཱནི, རཱགདོསཱ ཨཡཾཔཛཱ;

ཏསྨཱཧི ཝཱིཏརཱགེསུ, དིནྣཾ ཧོཏི མཧཔྥལཾ.

ཏིཎདོསཱནི ཁེཏྟཱནི, དོསདོསཱ ཨཡཾཔཛཱ;

ཏསྨཱཧི ཝཱིཏདོསེསུ, དིནྣཾ ཧོཏི མཧཔྥལཾ.

ཏིཎདོསཱནི ཁེཏྟཱནི, མོཧདོསཱ ཨཡཾཔཛཱ;

ཏསྨཱཧི ཝཱིཏམོཧེསུ, དིནྣཾ ཧོཏི མཧཔྥལནྟི.

ཨིདྷ པན སཱཏིསྶཡཏོ ཁེཏྟདུཊྛེ ཀིལེསེ དསྶེཏུཾ ‘‘སཀྐཱཡདིཊྛིཝིཙིཀིཙྪཱནུསཡཱན’’ནྟི ཝུཏྟཾ. ‘‘སབྦྷཱཝཱ’’ཏི སནྟསྶ ཝིཛྫམཱནསྶབྷཱཝོ སབྦྷཱཝོཏིཝིགྒཧོ. ‘‘ཨསྶཱ’’ཏི པུཐུཛྫན སངྒྷསྶ. ‘‘སདྡྷམྨཔདེ ཝུཏྟནཡེནཱ’’ཏི ཨཔིཙཡདགྒེནཱཏི ཝུཏྟནཡེན.

སསདྡྷམྨགཎུཏྟམཔདཏྠཱནུདཱིཔནཱི ནིཊྛིཏཱ.

༨. ‘‘ཨབྷིཝཱདིཡཱ’’ཏི སུཁཱིཧོཧིསཔྤུརིསཱཏི ཨེཝཾ ཨབྷིཝདཱཔེཏྭཱ. ཨབྷིཝཱདནཉྩ ནཱམ ཝནྡནཱམེཝཱཏི ཝུཏྟཾ ‘‘ཝནྡིཏྭཱ’’ཏི. ཝནྡནྟོཧི ཝནྡནེཡྻེ ཝུདྡྷེ ཏཐཱ ཝདཱཔེཏི ནཱམ. ཏཐཱ ཝདནཉྩ ཝནྡནེཡྻཱནཾཝུདྡྷཱནཾ ཝཏྟཾ. ‘‘པཙྩུཔཊྛཱཔེཏྭཱ’’ཏི པཊིམུཁཾ ཨུཔཊྛཱཔེཏྭཱ. ‘‘ཏིཝིདྷཱ’’ཏི དྭཱར བྷེདེན ཏིཝིདྷཱ. ‘‘ཝནྡནེཡྻཱན’’ནྟི བུདྡྷཱདཱིནཾ. ‘‘ནིཔཛྫནྟོ’’ཏི ནིཔཏནྟོ. ‘‘ཨཝནྡིཡེསཱུ’’ཏི བྷིཀྑཱུཧི ཨཝནྡིཏབྦེ སུནཝཀཏརཱདཱིསུ. ‘‘གུཎཔདཱནཱི’’ཏི གུཎདཱིཔཀཱནི ཨརཧཾ སམྨཱསམྦུདྡྷོཏིཨཱདིཔདཱནི. ཨེཏྠཙཀཱཡེནཝནྡཏཱིཏིཨཱདི ཨུཔཙཱར ཝཙནཾ ཧོཏི. ཡཐཱ ཙཀྑུནཱ རཱུཔཾ པསྶཏཱིཏི. ཏཐཱཧི ཝུཏྟཾ ཨཊྛཀཐཱསུ ¶ ཙཀྑུནཱ རཱུཔཾ དིསྭཱཏི ཀརཎཝསེན ཙཀྑཱུཏི ལདྡྷཝོཧཱརེན རཱུཔདསྶན སམཏྠེན ཙཀྑུ ཝིཉྙཱཎེན རཱུཔཾ དིསྭཱ. པོརཱཎཱ པནཱཧུ ཙཀྑུ རཱུཔཾ ན པསྶཏི, ཨཙིཏྟཏྟཱ. ཙིཏྟཾ ན པསྶཏི, ཨཙཀྑུཏྟཱ. དྭཱརཱརམྨཎ སངྒྷཊྚནེ པན སཏི ཙཀྑུ པསཱདཝཏྠུ ཀེནཙིཏྟེན པསྶཏི. ཨཱིདིསཱི པནེསཱ ཀཐཱ དྷནུནཱ ཝིཛ྄ཛྷཏཱིཏིཨཱདཱིསུ ཝིཡ སསམྦྷཱར ཀཐཱནཱམ ཧོཏི. ཏསྨཱ ཙཀྑུནཱ རཱུཔཾ དིསྭཱཏི ཙཀྑུ ཝིཉྙཱཎེན རཱུཔཾ དིསྭཱཏི ཨཡམེཝེཏྠ ཨཏྠོཏི. ཨེཏྠཧི ‘‘ཀཱཡེནཱ’’ཏི ཀཱཡ ཝིཉྙཏྟིསངྑཱཏཾ དྭཱར རཱུཔཾ ཀརཎཾ ཧོཏི. ཏསྨཱ ཙཀྑུནཱཏི ཝཙནེ ཨུཔཙཱར ཝཙནེ སཏི ཀཱཡེནཱཏི ཝཙནཾཔི ཨུཔཙཱར ཝཙནནྟི ཝིཉྙཱཡཏི. ཏཐཱ ཙཀྑུནཱཏི པདེ ཙཀྑུཝིཉྙཱཎེནཱཏི ཨཏྠེ སཏི ཀཱཡེནཱཏི པདེཔི ཀཱཡཀམྨེནཱཏི ཨཏྠོ ཝིཉྙཱཡཏི. ཝཱཙཱཡ ཝནྡཏི, མནསཱཝནྡཏཱི,ཏི པདེསུཔི ཨེསནཡོ. ཨེཝཉྩ སཏི, ཀཱཡ ཀམྨེནཝནྡཱམི, ཝཙཱིཀམྨེན ཝནྡཱམི, མནོཀམྨེན ཝནྡཱམི, ཏཱིཧི ཀམྨེཧི ཝནྡཱམཱིཏི ཨིདམེཝ མུཁྱཝཙནནྟི སིདྡྷཾ ཧོཏི. སབྦམིདཾ ཨིནྡྲིཡ སཾཝརསཱིལཊྛཱནེ ཨཊྛཀཐཱསུ ཨཱགཏཏྟཱ ཝུཏྟཾ. ཙཀྑུནཱཏི ཨིདཾ པན མུཁྱ ཀརཎ ཝཙནམེཝ སམྦྷཝཏི. ཀསྨཱ, ཙཀྑུསྶ དསྶནསངྑཱཏསྶ ཙཀྑུཝིཉྙཱཎསྶ ཝཏྠུ པུརེཛཱཏིནྡྲིཡཔཙྩཡཝིསེསཏྟཱ. སོཏེན སདྡཾསུཏྭཱཏིཨཱདཱིསུཔི ཨེསནཡོ.

ཀཱཡེནཝནྡཏི, ཝཱཙཱཡཝནྡཏཱི,ཏི ཨེཏྠ ཏཾཀཱཡཝཙཱིཝིཉྙཏྟི རཱུཔ དྭཡཾ ཀིཉྩཱཔི སཧཛཱཏ ཙེཏནཱ ཀམྨེན ཛཱཏཾ ཧོཏི. ན ཏཾ ཙེཏནཱཀམྨཾ ཝིཉྙཏྟི དྭཡེནཛཱཏཾ. ཨེཝཾ སནྟེཔི ཏཾ རཱུཔ དྭཡཾ ཏསྶཱཙེཏནཱཡ ཀཱཡཝནྡནཱཀམྨ, ཝཙཱིཝནྡནཱཀམྨ སིདྡྷིཡཱ ཨུཔནིསྶཡ པཙྩཡཝིསེསོ ཧོཏི. ཡཐཱཏཾ མཱཏིཏོ ཛཱཏོ པུཏྟོ ཝུདྡྷི པཏྟོ ཏཾ ཏཾ ཀམྨེསུ མཱཏུཡཱ བལ ཝཱུཔནིསྶཡོ ཧོཏི. ཨེཝཉྩ ཀཏྭཱ ཏཾ རཱུཔདྭཡཾ ཨབྷིདྷམྨེ དྭཱརརཱུཔནྟི ཝུཏྟཾ. ཏསྨཱ ‘ཀཱཡེན, ཝཱཙཱཡཱ,ཏི ཨིདཾཔི མུཁྱ ཀརཎ ཝཙནམེཝཱཏི དཊྛབྦཾ. ཀཱཡེནཱཏི པན ཀཱཡཀམྨེནཱཏི ཨཏྠེ སཏི, ཏསྶཀམྨསྶ ཝནྡནཱཀིརིཡཱཡ སཧ ཨབྷེདོ ཨཱཔཛྫཏཱིཏི ཙེ. ནཱཔཛྫཏི. ཀསྨཱ ཙེཏནཱཧཾ བྷིཀྑཝེ ཀམྨཾ ཝདཱམི, ཙེཏཡིཏྭཱ ཀམྨཾ ཀརོཏི ‘ཀཱཡེན, ཝཱཙཱཡ, མནསཱཏི ཨིམསྨིཾ སུཏྟེ ཡཐཱཧི ‘‘ཙེཏཡིཏྭཱ’’ཏི པུརིམཙེཏནཱཧི ཙེཏ ཡིཏྭཱ ¶ . ‘‘ཀམྨཾ ཀརོཏཱི’’ཏི པཙྪིམཾ སནྣིཊྛཱཔན ཙེཏནཱ ཀམྨཾ ཀརོཏཱིཏི ཨཏྠོ. ཏཐཱ ཨིདྷཔི པུརིམཔཙྪིམཙེཏནཱ སམྦྷཝཏོཏི. ཨེཏྠ ཧི ‘‘ཀཱཡཀམྨེནཱ’’ཏི པུརིམཙེཏནཱ ཀམྨཾ གཡ྄ཧཏི. ‘‘ཝནྡཏཱི’’ཏི པཙྪིམ སནྣིཊྛཱཔནཙེཏནཱཀམྨནྟི.

༩. ‘‘རཙཡནྟོ’’ཏི ཝིདཧནྟོ. ‘‘རཙཡིསྶཏཱི’’ཏི ཨཔཙྩཀྑེ ཨཏཱིཏེ ཨནཱགཏཝཙནཾ. ‘‘པོཏྠཀཱརུལ༹ྷ’’ནྟི པོཏྠཀ པཏྟེསུལིཁནཝསེན ཨཱརུལ༹ྷཾ.

༡༠. ཨབྷིདྷམྨཏྠཔདེ. ‘‘ཨབྷིདྷམྨེ’’ཏི ཨབྷིདྷམྨཔྤཀརཎེ. ‘‘ཨེཏྠ, ཨེཏེནཱ’’ཏི ཝཙནེཧི སངྒཧསདྡསྶ ཨེཀསེསཝིདྷཱནཾཔི ཝིཉྙཱཡཏི. ‘‘ཨཉྙཾཔཱལི༹དྭཡཾ ཝུཙྩཏི’’. ཀསྨཱཏཾ པཱལི༹དྭཡཾ ཨབྷིདྷམྨོ ནཱམཱཏི ཝུཏྟཾ ‘‘ཏཉྩཱ’’ཏིཨཱདི. ‘‘ཡཐཱཔཝཏྟེ’’ཏི ཨཏྟནོ པཙྩཡཱནུརཱུཔཾ པཝཏྟེ. ‘‘པརམཏྠདྷམྨེ ཨེཝཱ’’ཏི དྭེ མེ བྷིཀྑཝེ པུགྒལཱ, ཏཡོམེབྷིཀྑཝེ པུགྒལཱཏིཨཱདིནཱ པཉྙཏྟིཝོཧཱརེན པཝཏྟཱཔི དེསནཱ པརམཏྠ དྷམྨེཧི ཝིནཱ ནཔཝཏྟཏི. པརམཏྠ དྷམྨཱནཾ ནཱནཏྟཝསེནེཝ པུགྒལཱནཾ ནཱནཏྟསམྦྷཝཏོ. ཏསྨཱ པརམཏྠདྷམྨེ ཨེཝ དཱིཔེཏི. ན ཨཱཎཱཝིདྷཱནཾ དཱིཔེཏི. ‘‘དྭཱིསུདྷམྨེསཱུ’’ཏི ནིདྡྷཱརཎེ བྷུམྨཝཙནཾ. ‘‘ཡོཨིཏརཏོ’’ཏི ནིདྡྷཱརཎཱིཡཾ. ‘‘ཡོ’’ཏི ཡོ དྷམྨོ. ‘‘ཨིཏརཏོ’’ཏི ཨིཏར དྷམྨཏོ སུཏྟནྟ དྷམྨཏོ. ‘‘ཨེཝཉྩ ཀཏྭཱ’’ཏི ཨིམིནཱཀཱརཎེནཱཏི ཨཏྠོ. ཨཊྛཀཐཱསུ ཝུཏྟནྟི སམྦནྡྷོ. དེསེཏབྦཔྤཀཱརཱནཾ ཨནཝསེསཝིབྷཏྟིཝསེན ཨཏིརེཀཏཱ, སུདྡྷ དྷམྨཱདྷིཊྛཱན དེསནཱ པཝཏྟིཝསེན ཝིསེསཏཱ ཡོཛེཏབྦཱ. ‘‘ཡཏོ’’ཏི ཡསྨཱ ཨནཝསེསཝིབྷཏྟིཏོ, ཨཏིཝིཏྠཱརདེསནཱབྷཱཝཏོཏི ཝུཏྟཾ ཧོཏི. ཀསྨཱ དེཝེསུ ཨེཝ དེསེནྟཱིཏི ཨཱཧ ‘‘ན ཧི མནུསྶཱ’’ཏིཨཱདིཾ. ཏཏྠ ‘‘ན ཧི མནུསྶཱ པཊིགྒཧེཏུཾ སཀྐོནྟཱི’’ཏི སམྦནྡྷོ. ‘‘པཝཏྟནཡོགྱ’’ནྟི པཝཏྟནཏྠཱཡ པཧོནྟཾ. ‘‘ཀཐཱམགྒ’’ནྟི དེསནཱཀཐཱཔབནྡྷཾ. ‘‘ཨེཀམཱཏིཀཱནུ བནྡྷཱ’’ཏི ཀུསལཱ དྷམྨཱ ཨཀུསལཱ དྷམྨཱཏིཨཱདིཀཾ ཨེཀཾ ཨབྷིདྷམྨ མཱཏིཀཾ ཨནུགཏཱ. ‘‘ཏསྶཱ’’ཏི ཨབྷིདྷམྨསྶ. ཨཏིརེཀ ཝིསེསཏནྟི སམྦནྡྷོ. ‘‘ཏཏྠཱ’’ཏི ཏིསྶཾ ཨཊྛསཱལིནིཡཾ. ཨཱདིམྷིཡེཝཏཏྠ ཀེནཊྛེན ཨབྷིདྷམྨོ, དྷམྨཱཏིརེཀ དྷམྨཝིསེསཊྛེ ནཱ-ཏི ¶ ཝཏྭཱ ཏདཏྠཾ ཝིཏྠཱརེནྟོ སུཏྟཉྷི པཏྭཱ པཉྩཀྑནྡྷཱ ཨེཀདེསེནེཝ ཝིབྷཏྟཱ, ནནིཔྤདེསེན. ཨབྷིདྷམྨཾ པཏྭཱ པན ནིཔྤདེསཏོཝ ཝིབྷཏྟཱ-ཏི ཝུཏྟཾ. ཏེནཱཧ ‘‘དྷམྨནཱམིཀཱན’’ནྟིཨཱདིཾ. ‘‘དྷམྨོ པནཱ’’ཏི པཱལི༹དྭཡམཱཧ.‘‘ཨེཝཾ སནྟེཔཱི’’ཏི ཨཊྛསཱལིནིཡཾ ཨེཝཾ ཝིཙཱརིཏེཔིསཏི. ‘‘སབྦཛེཊྛཀོ’’ཏི ཏིཎྞཾ པིཊཀཱནཾ མཛ྄ཛྷེསབྦཛེཊྛཀོ. ཀསྨཱ སབྦཛེཊྛཀོ སིཡཱཏི ཨཱཧ ‘‘ཝིནཡཾ ཝིཝཎྞེནྟསྶཧཱི’’ཏིཨཱདིཾ. ཏཏྠ ‘‘ཝིཝཎྞེནྟསྶཱ’’ཏི གརཧནྟསྶ. ཙརཏི པཝཏྟཏཱིཏི ཙཀྐཾ. ལོཀསྨིཾ ཀེནཙི སམཎེན ཝཱ བྲཱཧྨཎེན ཝཱ དེཝེན ཝཱ མཱརེན ཝཱ བྲཧྨུནཱ ཝཱ པཊིནིཝཏྟིཏུཾ ཨསཀྐུཎེཡྻཾ ཨཱཎཱཝིདྷཱནཾ ཨཱཎཱཙཀྐཾ ནཱམ. ཏཐཱ ཨསཀྐུཎེཡྻཾ དེསནཱ ཝིདྷཱནཾ དྷམྨཙཀྐཾ ནཱམ. ཏཏྠ, ཡོ པན བྷིཀྑུ མེཐུནཾ དྷམྨཾ པཊིསེཝཏི, པཱརཱཛིཀོ ཧོཏི ཨསཾཝཱསོ-ཏིཨཱདིནཱ ནཡེན པཝཏྟཾ ཨཱཎཱཝིདྷཱནཾ ཨཱཎཱཙཀྐཾ ནཱམ. ཙཏྟཱརིམཱནི བྷིཀྑཝེ ཨརིཡསཙྩཱནཱི-ཏིཨཱདིཀཾ དེསནཱཝིདྷཱནཾ དྷམྨཙཀྐཾ ནཱམ. ཏདུབྷཡཾཔི ཀོཙི བྷིནྡིཏུཾ པཱརཱཛིཀཾ ཝཱ བྷིཀྑུཾ ཨཔཱརཱཛིཀཾ ཀཱཏུཾ ཙཏུསྶཙྩཾ ཝཱ དྷམྨཾ ཨསཙྩཾ ཀཱཏུཾ ནསཀྐོཏི. ཨཐ ཁོ ཀརོནྟོཡེཝ དེཝདཏྟོཝིཡ ཨཱཔཱཡིཀོ ཧོཏི. པཱརཱཛིཀོཙ བྷིཀྑུ ཨཏྟཱནཾ སུདྡྷཾ ཨཀརོནྟོ ཨཔཱཡགཱམཱིཡེཝ ཧོཏི. ཨེཝཾ སབྦེསུ ཝིནཡ སིཀྑཱཔདེསུ. ཨེཝཾ ཀེནཙི པཊིནིཝཏྟིཏུཾ ཨསཀྐུཎེཡྻཏྟཱ ཏདུབྷཡཾཔི ཨཔྤཊིཝཏྟིཡཾ ཙཀྐཾ ནཱམ ཧོཏི. ‘‘ཝིནཡོ ནཱམ སཱསནསྶ མཱུལ’’ནྟི ཝིནཡེ ཋིཏེ བྷིཀྑུསངྒྷོ པཉྙཱཡཏི. བྷིཀྑུ སངྒྷེ པཉྙཱཡནྟེ ཏིཝིདྷོཔིསདྡྷམྨོཔཉྙཱཡཏི, ཏིཝིདྷཾཔི སཏྠུསཱསནཾ ཏིཊྛཏི. ཨེཝཾ ཝིནཡོ ཏིཝིདྷསྶསཱསནསྶ མཱུལཾ ཧོཏཱིཏི. ཀཐཉྩཔརིཡཏྟིསདྡྷམྨེ པཉྙཱཡནྟེ ཏིཝིདྷཾཔི སཱསནཾ ཏིཊྛཏཱིཏི. ཝུཙྩཏེ. ཏཏྠ སཱསནཾ ཏིཊྛཏཱིཏི ཀིཏྟཀཾཀཱལཾ ཏིཊྛཏཱིཏི. པཉྩཝསྶསཧསྶཱནི ཏིཊྛཏཱིཏི པོརཱཎཊྛཀཐཱསུཀཐཡིཾསུ. མིཙྪཱཝཱདིནོཔནཝདནྟི ཝིནཡེ ཙཱུལ༹ཝགྒེབྷིཀྑུནིཀྑནྡྷཀེ སཙེ ཨཱནནྡ མམསཱསནེམཱཏུགཱམོ པབྦཛྫཾ ནལབྷེཡྻ. ཝསྶསཧསྶཾ སདྡྷམྨོ ཏིཊྛེཡྻ. ཨིདཱནི མཱཏུགཱམསྶ པབྦཛྫཱ ཨནུཉྙཱཏཱ གོཏམིཡཱ པུནཔྤུནཾ ཨཱཡཱཙནཾ ཨུཔཱདཱཡ. པཉྩེཝདཱནི ཨཱནནྡ ཝསྶསཏཱནི སདྡྷམྨོཋསྶཏཱིཏི ཝུཏྟཾ. ཏསྨཱ བུདྡྷསཱསནཾ ¶ པཉྩཝསྶསཏཱནི ཨེཝ ཏིཊྛཏི. ཏཏོཔརཾ ཨེཀདིཝསཾཔི ན ཏིཊྛཏི. ཨིདཱནི སཱསནཔྤཊི རཱུཔཀམཏྟཾ ཧོཏཱིཏི. ཏཾ ཏེསཾ མིཙྪཱ ཝཙནམཏྟཾ. ‘‘པཉྩེཝཝསྶསཏཱནཱི’’ཏི ཨིདཾ པན སནྣིཊྛཱན ཝཙནཾ ནཧོཏི. མཱཏུགཱམཱནཾ ཨཱདཱིནཝ དཱིཔནམཏྟཝཙནཾ. སོ ཙ ཨཱདཱིནཝོ ཨཊྛགརུདྷམྨེ སཎྛཔེཏྭཱ སཏྠཱརཱ ཨེཝ པཊིབཱཧིཏོ. པུན ‘‘ཝསྶསཧསྶ’’ནྟི ཨིདམེཝསནྣིཊྛཱན ཝཙནཾ ཛཱཏནྟི. ཨེཏྠཔིཀེཙིཝདནྟི ཝསྶསཧསྶམེཝ སཱསནཾ ཏིཊྛཏི, ཏཏོཔརཾ ཨེཀདིཝས མཏྟཾཔི ན ཏིཊྛཏི, ཨནྟརདྷཱཡཏི. ཏདཱ སཱིམཱཡོཔི ཨསཱིམཱ ཧོནྟི. པཙྪཱཏཱསུ ཨུཔསམྤཱདིཏཱཔི ཨནུཔསམྤནྣཱ ཧོནྟི. ཨིདཱནི སཱསནཔྤཊི རཱུཔཀམཏྟཾ ཧོཏཱིཏི. ཨིདཾཔི ཏེསཾ ཨཏྠཉྩཀཱརཎཉྩ ཨདིསྭཱ ཨཛཱནིཏྭཱ ཝུཏྟཏྟཱ མིཙྪཱ ཝཙནམཏྟཾ ཧོཏི. ཨཡཾ པནེཏྠ ཨཏྠོ. ‘‘ཝསྶསཧསྶཾ སདྡྷམྨོ ཏིཊྛེཡྻཱ’’ཏི ཝསྶསཧསྶམེཝ སདྡྷམྨོ ཨཔརིཧཱཡམཱནོ ཏིཊྛེཡྻ. ཏཏོཔརཾ པན ན ཏིཊྛེཡྻ, ཨནུཀྐམེན པརིཧཱཡམཱནོ གཙྪེཡྻཱཏི. ཀཐཾ པན ཨཔརིཧཱཡམཱནོ ཏིཊྛཏི, ཀཐཉྩ པརིཧཱཡམཱནོ གཙྪཏཱིཏི. ཝུཙྩཏེ. པཉྩསངྒྷཱ ཝེདིཏབྦཱ. ཡེསུ སངྒྷེ སུསདྡྷམྨོ ཏིཊྛཏི. ཀཏམེ པཉྩ. ཁཱིཎཱསཝསངྒྷོ, ཨནཱགཱམིསངྒྷོ, སཀདཱགཱམིསངྒྷོ, སོཏཱཔནྣསངྒྷོ, པུཐུཛྫནཀལྱཱཎཀསངྒྷོ,ཏི. ཏཏྠ, ཝསྶསཧསྶབྦྷནྟརེ སབྦེཔཉྩསངྒྷཱ པཉྙཱཡནྟི. ཨེཝཾ ཝསྶསཧསྶཾ སདྡྷམྨོ ཨཔརིཧཱཡམཱནོ ཏིཊྛཏི. ཏཏོཔརཾ ཁཱིཎཱསཝསངྒྷོ ན པཉྙཱཡཏི. སེསཱནི ཙཏྟཱརིཝསྶསཧསྶཱནི ཨནུཀྐམེན སེསཱནཾ ཙཏུནྣཾ སངྒྷཱནཾ ཁེཏྟཱནི ཛཱཏཱནི. ཨེཝཾ ཏཏོཔརཾ པརིཧཱཡམཱནོ གཙྪཏཱིཏི ཨཡམེཏྠ ཨཏྠོ. ཀཱརཎཾ ཝུཙྩཏེ. ‘‘སདྡྷམྨོ ཏིཊྛེཡྻཱ’’ཏི ཨེཏྠ ཏིཝིདྷོ སདྡྷམྨོ ‘པརིཡཏྟིསདྡྷམྨོ, པཊིཔཏྟིསདྡྷམྨོ, པཊིཝེདྷསདྡྷམྨོ,ཏི. སོ ཨེཝ ཏིཝིདྷཾ སཱསནནྟི ཙ ཝུཙྩཏི. ཏཏྠ, པརིཡཏྟི སདྡྷམྨོ ནཱམ སཱཊྛཀཐཱནིཏཱིཎིཔིཊཀཱནི. སོཙ ཨེཏརཧི པརིཔུཎྞོ ཏིཊྛཏི. ཀཐཾ པརིཡཏྟི སཱསནཾ པཊིརཱུཔཀམཏྟཾ བྷཝེཡྻ. བྷིཀྑཱུ ཙ པརིཡཏྟིཀམྨིཀཱ ཨནེཀ སཏསཧསྶམཏྟཱ པཉྙཱཡནྟི. ཀཐཉྩིདཾ སཱསནཾ ཏཏོཔརཾ ཨེཀདིཝསཾཔི ན ཏིཊྛེཡྻ. ཏེ ཙ བྷིཀྑཱུ སཱིལཔྤཊིཔཏྟིཡཾ ཋིཏཱ ཨནེཀ སཏསཧསྶམཏྟཱ ཨེཏརཧི སནྡྷིསྶནྟི. ཀཐཉྩ པཊིཔཏྟི སཱསནཾ ཏཏོཔརཾ ¶ ན ཏིཊྛེཡྻ. པརིཡཏྟིཡཱཙ པཊིཔཏྟིཡཱཙ ཏིཊྛམཱནཱཡཔཊིཝེདྷསདྡྷམྨོཔི ན ཏིཊྛཏཱིཏི ན ཝཏྟབྦོ. ཡཐཱཧི-ཨེཀོ དྷནསེཊྛི ནཱམ ཨཏྠི. སོ པུཏྟདྷཱིཏུ པརམྤརཱནཾ ཨཏྠཱཡ མཧནྟཱརཏནནིདྷཡོ བྷཱུམིཡཾ བཧཱུསུཊྛཱནེསུ ནིདཧིཏྭཱ ཋཔིཏཱ ཧོནྟི. པོཏྠཀེསུ ཙ ཏེསཾ པཝཏྟིཾ པརིཔུཎྞཾ ལིཁིཏྭཱ ཋཔེཏི. ཏཏྠ ནིམཱིསུ ཙ པོཏྠཀེསུ ཙ ཨཀྑརེསུ ཙ དྷརནྟེསུ ཏེནིདྷཡོ ནསྶནྟི ཨནྟརདྷཱཡནྟཱིཏི ན ཝཏྟབྦཱཡེཝ. ཨེཝམིདཾ སཱསནཾ དཊྛབྦཾ. ཏཏྠཧི ནིདྷཱིནཾནིདྷཱནབྷཱུམིསདིསཾ ཏེཔིཊཀཾ བུདྡྷཝཙནཾ, དྷནརཏནསདིསཱནི དྷམྨརཏནཱནི. ཡཐཱ ཙ སེཊྛིཝཾསེཛཱཏོ བལསམྤནྣོ པུརིསོ པོཏྠཀཾ པསྶིཏྭཱ སུཊྛུ ཁཎནྟོ ཏཱནིརཏནཱནི ལབྷིསྶཏིཡེཝ. ཨེཝམིདྷཔི བལསམྤནྣོ བྷིཀྑུ དེསནཱདྷམྨཾ སུཏྭཱ སུཊྛུ པཊིཔཛྫནྟོ ཏཱནིདྷམྨརཏནཱནི ལབྷིསྶཏིཡེཝ. ལབྷམཱནེ ཙ སཏི, ཀཐཾ ཏཱནིདྷམྨརཏནཱནི ཨནྟརཧིཏཱནི. སཱིམཱནཉྩ པཝཏྟིཝཱནིཝཏྟི ཝཱ ཨཱཎཱཙཀྐསྶེཝ ཝིསཡོ ཧོཏི. ན དྷམྨཙཀྐསྶ. ཡཉྩ ཝུཏྟཾ-པཉྩེཝཝསྶསཏཱནིསདྡྷམྨོ ཋསྶཏཱིཏི ཙ, - ཝསྶསཧསྶཾ སདྡྷམྨོ ཏིཊྛེཡྻཱཏི ཙ. ཨིདཉྩ ཝཙནཾ དྷམྨཙཀྐམེཝ ཧོཏི, ན ཨཱཎཱཙཀྐཾ. བདྡྷསཱིམཱཡོ ཙ ནིཝཏྟམཱནཱ དྭཱིཧི ཀཱརཎེཧི ནིཝཏྟནྟི ཨནྟརདྷཱཡནྟི. ཨཱཎཱཙཀྐབྷཱུཏཱཡ ཀམྨཝཱཙཱཡ སམཱུཧནནེན ཝཱ, སཱསནསྶ ཝཱ ཨནྟརདྷཱནེན. ཏཏྠ ཝསྶསཧསྶཔརིཡནྟེ ཀམྨཝཱཙཱཡ སམཱུཧནནཉྩ ནཏྠི. སཱསནནྟརདྷཱནཉྩ ནཱམ ཨནཱགཏེ དྷཱཏུཔརིནིབྦཱནེན པརིཙྪིནྣཾ ཧོཏི. དྷཱཏུཔརིནིབྦཱནེཧི ཛཱཏེ སབྦཾ ཨཱཎཱཙཀྐཾ ཝིགཏཾ ཧོཏི, ཨནྟརདྷཱཡཏི. དྷམྨཙཀྐཾ པན དེཝལོཀེསུ ཡཱཝཱནཱགཏབུདྡྷཀཱལཱཔི པཝཏྟིསྶཏིཡེཝ ཨཱལ༹ཝཀཔུཙྪཱགཱཐཱཡོ ཝིཡ. ཨཔིཙཡོ ཝོ ཨཱནནྡ མཡཱ དྷམྨོ ཙ ཝིནཡོ ཙ དེསིཏོ པཉྙཏྟོ. སོ ཝོ མམཙྩཡེན སཏྠཱ-ཏི ཝུཏྟཾ. སོཙཏི པིཊཀབྷཱུཏོ དྷམྨཝིནཡོ སཏྠཱ ཨེཏརཧི ཏིཝིདྷཾཔི སཱསནཾ ལོཀསྶ དཱིཔེནྟོ པཀཱསེནྟོ ཏིཊྛཏི. ཡཏོབུདྡྷབྷཱསིཀཱནཾ དེཝམནུསྶཱནཾ ནཱནཱ བཱཧིརཀེཧི ཛནེཧི ཨསཱདྷཱརཎོ མཧནྟོ ཉཱཎཱལོཀོ ཨེཏརཧི ཝིཛྫོཏམཱནོ པཝཏྟཏི. ཏེཧི སབྦཉྙུཏཉྙཱཎེན དེསིཏཱནི ཨེཏརཧིདྷརམཱནཱནི ཙཏུརཱསཱིཏི དྷམྨཀྑནྡྷ སཧསྶཱནི སུཏྭཱ ཨནམཏགྒེསཾསཱརེ ¶ ཨནནྟཱསུ ལོཀདྷཱཏཱུསུ སབྦཾལོཀཏྟཡཔྤཝཏྟིཉྩ, སབྦཾདྷམྨཔྤཝཏྟིཉྩ, སབྦཉྙུཏཉྙཱཎཱནུགཏིཀེན སུཏམཡཉྙཱཎེན ཛཱནནྟི. ཨཱཡཏིཉྩ སགྒཏྠཱཡ ཙ མགྒཕལནིབྦཱནཏྠཱཡ ཙ ནཱནཱཔུཉྙཀིརིཡཝཏྠཱུནི ཨཱརབྷནྟི, པབྦཛནྟི. པརིཡཏྟིཾ པརིཡཱཔུཎནྟི. པཊིཔཏྟིཾ པཱུརེནྟི. བྷཱཝནཾབྷཱཝེནྟི. ཨིདཾ སབྦཾ སཱསནཔྤཊིརཱུཔཀམཏྟཾན ཧོཏི. ཨེཀནྟ སཱསནཾ ཧོཏི. ཀསྨཱ, ཡཐཱ དྷམྨཾ ཡཐཱ ཝིནཡཾ པཊིཔཛྫནཏོ. ཨིམཱཡ ཙ པཊིཔཏྟིཡཱ ཨཱཡཏིཾ སགྒམགྒཕལ ནིབྦཱནཔྤཊིལཱབྷཱཡ སཾཝཏྟནིཀཏྟཱཏི. ཨེཏྟཱཝཏཱ སབྦཾ མིཙྪཱཝཱདཱིནཾ མིཙྪཱཝཙནཾ ཝིདྷམིཏཾཝིདྡྷཾསིཏཾ ཧོཏཱིཏི.

པཎཱམགཱཐཱཝཎྞནཱ.

༡༡. དུཏཱིཡགཱཐཱཝཎྞནཱཡཾ. ‘‘ཨཱདིགཱཐཱཡཱ’’ཏི པཐམགཱཐཱཝཱཀྱེན. ‘‘ཏཾ ཏཾ པཡོཛནསཧིཏེ’’ཏི ཏེནཏེནཔཡོཛནེན སཧིཏེ. ‘‘པཉྩ ཨཏྠེ’’ཏི པཉྩཔིཎྜཏྠེ. ‘‘ཏེཨབྷིདྷམྨཏྠེ’’ཏི ཨབྷིདྷམྨཏྠཔདེ དཱིཔིཏེ ཏེཨབྷིདྷམྨཏྠེ. ‘‘ཏཏྠཱ’’ཏི ཏིསྶཾ དུཏཱིཡགཱཐཱཡཾ. ‘‘ནཏུ ཝུཏྟ’’ནྟི ནཔནཔཀརཎཾཔི པུབྦེཝུཏྟཾ ཧོཏི. ཨབྷིདྷམྨཏྠཱ ཀུཏོཔུབྦེཝུཏྟཱ ཧོནྟཱིཏི ཡོཛནཱ. ཨེཝཾཏཱིསུ ཨཏྠཝིཀཔྤེསུ པཐམསྶ ཀཱལཝིརོདྷཾ དསྶེཏྭཱ ཨིདཱནི དུཏཱིཡ ཏཏཱིཡཱནཾ སདྡཏོཝིརོདྷཾ ཝཏྟུཾ ‘‘ནཙཱ’’ཏིཨཱདིམཱཧ. ཏཏྠ ‘‘ཨཱདིམྷི ཡེཝཱ’’ཏི ཨེཏེན ཡདཱཀདཱཙི པཙྩཱམསནཾ ཨཔྤདྷཱནནྟི དསྶེཏི. ‘‘ཨཔྤདྷཱནཔདཱནཱི’’ཏི ཨབྷིདྷམྨཏྠསངྒཧནྟི ཨིམསྨིཾ ཨེཀསྨིཾ སམཱསཔདེ པུརིམཱནི ཝིསེསན པདཱནི. ཏཏྠ སབྦཐཱཔི ཝུཏྟཱཏི ཡོཛིཏེ སཏི, ཏསྨིཾ ཨབྷིདྷམྨཏྠསངྒཧཔྤཀརཎེ ཏསྨིཾ ཨབྷིདྷམྨཏྠ པདེཝཱ སབྦཐཱ མཡཱ ཝུཏྟཱཏི ཨཏྠོ ཧོཏི. སོ ན ཡུཛྫཏི. ཏསྨིཾ ཨབྷིདྷམྨེ བུདྡྷེན བྷགཝཏཱ སབྦཐཱ ཝུཏྟཱཏི ཨཏྠོ ཡུཛྫཏི. ཨཔྤདྷཱནཔདཾ པཙྩཱམསཏཱིཏི དོསོཔན ཨཱཔཛྫཏེཝ. ཏེནཱཧ ‘‘ཨེཝཉྷིསཏཱི’’ཏིཨཱདིཾ. ཏཏྠ, ‘‘ཨེཝཉྷིསཏཱི’’ཏི ཨཊྛསཱལིནིཡཾ ཝིཡ ཨིདྷ ཨབྷིདྷམྨཏྠསངྒཧཔདཾ པཙྩཱམསནྟེ སཏི. ཧིསདྡོ ཕལ ཝཱཀྱཛོཏཀོ. ལདྡྷགུཎཛོཏཀོཏིཔི ཡུཛྫཏི. ‘‘པཊིཀྑིཏྟཱ ཧོཏི’’ ¶ ཏསྨིཾ ཨབྷིདྷམྨཏྠསངྒཧཔདེ མཡཱ སབྦཐཱ ཝུཏྟཱཏི ཨཏྠསྶ སམྦྷཝཏོ. ན ཀེཝལཾ སོ ཨེཝ དོསོ ཨཱཔཛྫཏི. ཨཔརོཔིདོསོ ཨཏྠཱིཏི དསྶེཏུཾ ‘‘སཱཧཱི’’ཏིཨཱདིམཱཧ. དྷཱཏུཀཐཱཡཾ ཝུཏྟེནསངྒཧཱསངྒཧཱདིཔྤཀཱརེནཱཏིཡོཛནཱ.

༡༢. པརམཏྠཔདཝཎྞནཱཡཾ. ཝིསེསནཔདཾ ནཱམ ཀཏྠཙི བྷཱུཏཀཐནཏྠཱཡཝཱ པཡུཛྫཏི ཀཎྷོཀཱཀོ, སེཏོབཀོ,ཏི. ཀཏྠཙི ཨཉྙནིཝཏྟནཏྠཱཡ ཝཱ པཡུཛྫཏི ནཱིལོཔཊོ, ནཱིལཾཔུཔྥ, ནྟི. ཨིདྷ པན ཨཉྙ ནིཝཏྟནཏྠཱཡཱཏི དསྶེཏུཾ ‘‘དུཝིདྷཱནིཧིསཙྩཱནཱི’’ཏིཨཱདིམཱཧ. པཉྙཱཔཱིཡཏཱིཏིཔཉྙཏྟི. པཉྙཱཔནཉྩ ནཱམ སམགྒཱནཾ ཛནཱནཾ ཝོཧཱརེན ཙ སམྤཊིཙྪནེན ཙཱཏི དྭཱིཧི ཨངྒེཧི སིཛ྄ཛྷཏཱིཏི ཨཱཧ ‘‘ཏེཙམཧཱཛནཱ’’ཏིཨཱདིཾ. ‘‘ཏསྨཱཏེ སམྨུཏི སཙྩནྟི ཝུཙྩནྟཱི’’ཏི སམྦནྡྷོ. ‘‘སམྨཏཏྟཱ’’ཏི ཝོཧརིཏཏྟཱཙེཝ སམྤཊིཙྪིཏཏྟཱ ཙ. ‘‘ཝཙཱིསཙྩཝིརཏིསཙྩཱན’’ནྟི ཨེཏྠ ཝཙཱིསཙྩཾ ནཱམ མུསཱཝཱདརཧིཏཾ སཙྩཝཙནཾ. ཝིརཏིསཙྩཾ ནཱམ སམྨཱཝཱཙཱཝིརཏི. སཱཧི མུསཱཝཱདཱདཱིཧི ཝཙཱིདུཙྩརིཏེཧི ཝིརམཎམཏྟེན ཝཙཱིསཙྩནྟི ཝུཙྩཏི. ‘‘ཝཏྠུབྷཱུཏཏྟཱ’’ཏི ཨདྷིཊྛཱནབྷཱུཏཏྟཱ. སམྨུཏིསཙྩནྟི ཝུཙྩནྟི, སམྨཏཏྟཱ སམྨུཏི ཙ, སཱ སཙྩཱནཾ ཝཏྠུབྷཱུཏཏྟཱ སཙྩཉྩཱཏི ཀཏྭཱ. སམྨུཏིཡཱ སིདྡྷཾ སཙྩཾ སམྨུཏིསཙྩནྟིཔི ཡུཛྫཏི. ‘‘སམྨཱཔཊིཔཛྫནྟཱ’’ཏི པཱཎོ ནཧནྟབྦོ, སབྦེསཏྟཱ ཨཝེརཱ ཧོནྟཱུཏིཨཱདིནཱ སམྨཱཔཊིཔཛྫནྟཱ. ‘‘སབྦལོཀིཡསམྤཏྟིཡོ’’ཏི དཱནསཱིལཱདཱིནཾ པུཉྙཀིརིཡཝཏྠཱུནཾ ཕལཝིཔཱཀབྷཱུཏཱ སབྦལོཀིཡསམྤཏྟིཡོ. སབྦེ ‘‘བོདྷིསམྦྷཱརདྷམྨེ’’ཏི དཱནཔཱརམིསཱིལཔཱརམིཨཱདིཀེཔཱརམིདྷམྨེ. ‘‘ཨཱརཱདྷེནྟཱི’’ཏི སམྤཱདེནྟི. ‘‘མིཙྪཱཔཊིཔཛྫནྟཱ’’ཏི དུཙྩརིཏ དུརཱཛཱིཝམིཙྪཱཛཱིཝཱདཱིནཾ ཝསེན མིཙྪཱཔཊིཔཛྫནྟཱ. ‘‘ཨེཝཾ མཧནྟཾ སམྨུཏི སཙྩ’’ནྟི ཨེཏེན ཨཧཾ པརམཏྠ སཙྩམེཝགཎྷཱམཱིཏི སམྨུཏི སཙྩཾ ནབྷིནྡིཏབྦཾ. བྷིནྡནྟོཧི སབྦསམྤཏྟཱིཧི པརིབཱཧིརོ ཨསྶཱཏི དསྶེཏི. ཀཐཉྩ ཏཾ བྷིནྡཏཱིཏི. སཏྟོ ནཱམ ནཏྠི. སཏྟསྶ བྷཝཏོསངྐནྟི ནཱམ ནཏྠི. བྷཝནིབྦཏྟཀཾ ཀུསལཱཀུསལཀམྨཾ ནཱམ ནཏྠཱིཏི གཎྷནྟོ ཨུཙྪེདདིཊྛིཡཾ ཏིཊྛཏི. སབྦསམྤཏྟཱིཧི པརིབཱཧིརོ ཧོཏི. ཨཔཱཡ པཱུརཀོ བྷཝཏཱིཏི. ‘‘ཝིཛྫམཱནནྟྭེཝ གཎྷཱཔེཏཱི’’ཏི སཉྙཱ ཙིཏྟདིཊྛི ¶ ཝིཔལླཱསཱནཾ ཝཏྠུབྷཱཝེན གཎྷཱཔེཏི. ཏེནཱཧ ‘‘སཀྐཱཡདིཊྛཱི’’ཏིཨཱདིཾ. ‘‘ཨེཝཾ ཝིཔརཱིཏཉྷི སམྨུཏིསཙྩ’’ནྟི ཨེཏེནསམྨུཏི སཙྩམེཝདལ༹ྷཾ གཧེཏྭཱ པརམཏྠ སཙྩཾ ནབྷིནྡིཏབྦཾ. བྷིནྡནྟོཧི ཏཱཧི དིཊྛཱིཧི ནམུཙྩཏི. ཀཐཉྩ ཏཾ བྷིནྡཏི. ཁནྡྷེ ཝཱ ཁནྡྷམུཏྟཀེཝཱ ཨཏྟཛཱིཝེ གཧེཏྭཱ ཏེཙ ཨཏྟཛཱིཝཱ པརམྨརཎཱ ཨུཙྪིཛྫནྟཱིཏི གཎྷནྟོ ཨུཙྪེདདིཊྛིཡཾ ཏིཊྛཏི. ཏེ ཙ ཨཏྟཛཱིཝཱ བྷཝཱབྷཝེསུསསྶཏཱ ཧུཏྭཱ བྷཝཏོབྷཝཾ སཾསརནྟི སནྡྷཱཝནྟཱིཏི གཎྷནྟོསསྶཏདིཊྛིཡཾ ཏིཊྛཏི. ‘‘ནཝིསཾཝཱདེནྟཱི’’ཏི ཝིཔརཱིཏཾ ནཱཔཱདེནྟི. ‘‘ཏཾ པནཱ’’ཏི སབྷཱཝསཙྩཾ པན. ཨནུབྷཝནབྷེདམཏྟཾ ཨུཔཱདཱཡེཝ ཝེདནཱ སུཁཱཏི ཝུཏྟཱ. སབྦཱཀཱརཏོ སུཁབྷཱུཏཏྟཱ ཝེདནཱ སུཁཱཏི ཝུཏྟཱ ནཧོཏི. ‘‘སབྦཱཔིཝེདནཱ དུཀྑཱ ཨེཝཱ’’ཏི པདྷཱནཏྠོ. ཏཏྠ ཨནུབྷཝནབྷེདོ ཏིཝིདྷོ. སཱཏཏོ ཝཱ ཨནུབྷཝནཾ, ཨསྶཱཏཏོ ཝཱ, མཛ྄ཛྷཏྟཏོ ཝཱ. ‘‘དུཀྑཱ ཨེཝཱ’’ཏི བྷཡཊྛེན དུཀྑཱ ཨེཝ. བྷཡཊྛེནཱཏི ཙ སཾསཱར བྷཡདསྶཱིཧིབྷཱཡིཏབྦཊྛེན. སུཁོ ཝིཔཱཀོ ཡེསཾ ཏེ སུཁཝིཔཱཀཱ. ཏེབྷཱུམཀཀུསལཱ. ‘‘ཀུསལསམྨཏཱ’’ཏི ཨེཏེན སབྷཱཝསཙྩེཔི ཨེཏེཝོཧཱརཱ ལོཀསམྨུཏི ནིསྶིཏཱཏི དཱིཔེཏི. ‘‘སཱསཝཏཱ’’ཏི ཨཱསཝེཧི སཧིཏབྷཱཝོ. ‘‘སཾཀིལེསི ཀཏཱ’’ཏི སཾཀིལེས དྷམྨེཧི སཾཡུཏྟབྷཱཝོ. ཨོགྷེཧི ཙ ཡོགེཧི ཙ ཨུཔཱདཱནེཧི ཙ པཏྟབྦབྷཱཝོ ‘‘ཨོགྷནཱིཡཡོགནཱིཡ ཨུཔཱདཱནཱིཡཏཱ’’. ཨདྷིཀཱ ཨཏྟཱ ཨཛ྄ཛྷཏྟཱ. བཧིདྡྷཱརུཀྑེརཱུཔདྷམྨཱརུཀྑསྶ ཨཏྟཱནཱམ སཱརཊྛེན. སཱཁཱཡཾ རཱུཔདྷམྨཱ སཱཁཱཡ ཨཏྟཱནཱམ སཱརཊྛེན. སཏྟསནྟཱནཔརིཡཱཔནྣཱ པན རཱུཔཱརཱུཔདྷམྨཱ ཏཎྷཱཔརིགྒཧ དལ༹ྷཊྛེན ཏཏོ བཧིདྡྷཱ ཨཏྟཏོ ཨདྷིཀཱ ཨཏྟཱཏི ཨཏྠེན ཨཛ྄ཛྷཏྟཱཏི ལོཀསམྨུཏི ཧོཏི. ཏེནཱཧ ‘‘ཨཛ྄ཛྷཏྟཏིཀཉྩཱ’’ཏིཨཱདིཾ. དུཀྑནིརོདྷ མགྒབྷཱཝོ ཙ, ཨིཏི ཨིདཾ ཙཏུཀྐཾ ཨརིཡསཙྩཾ ནཱམཱཏི ཡོཛནཱ. ‘‘ཨིདམེཝཱ’’ཏི ཨིདཾ ཙཏུཀྐམེཝ. ‘‘ཨཙལམཱན’’ནྟི ཨེཏེན ཨརིཡསདྡསྶ ཨཏྠཾ དཱིཔེཏི. ཏེབྷཱུམཀ དྷམྨཱནཾ སུཁཏཱ ནཱམ ཙལཱ ཧོཏི. ཀསྨཱ, ཨནིཙྩ དྷམྨཏྟཱ. ཏེ དྷམྨེསུཁཱཏི གཧེཏྭཱ ཨཏྟནོ ཨཛ྄ཛྷཏྟངྒཾ ཀརོནྟཱ ཨཙིརེནེཝ དུཀྑཾ པཱཔུཎནྟི. ཏེ དྷམྨེ དུཀྑཱཏི ཉཏྭཱ ཏེཧིཝིམུཏྟཱ པུན དུཀྑཾ པཱཔུཎནྟཱིཏི ནཏྠི. ཨེསནཡོ སེསཨརིཡསཙྩེསུ ¶ . ‘‘ཏེསཱུ’’ཏིཨཱདིམྷི དུཝིདྷཱནིཧི སཙྩཱནཱིཏི ཝུཏྟེསུ དྭཱིསུ སཙྩེསུ. ‘‘ཏེན ཝུཏྟ’’ནྟིཨཱདི ལདྡྷགུཎཝཙནཾ. ‘‘ཡོ ཝིནཱ ཨཉྙཱཔདེསེནཱ’’ཏི ཨེཏྠ ཨཉྙཱཔདེསོ ནཱམ ཨཊྛདྷམྨ སམོདྷཱནཾ ནིསྶཱཡ གྷཊསཎྛཱནཾ པཉྙཱཡཏི, པཊསཎྛཱནཾ པཉྙཱཡཏི, ཏཾ སཎྛཱནཾ ཨཏྟནོ སབྷཱཝེན ཝིནཱ ཨཉྙཱཔདེསེན སིདྡྷཾ ཧོཏི. ཡཱཔནཙིནྟན ཀིརིཡཱ ནཱམ ཨཏྠི. ཡཾ ཙིཏྟནྟི ཝུཙྩཏི. སཱ ཨཉྙཱཔདེསེན སིདྡྷཱ ན ཧོཏི. ཨཏྟནོ སབྷཱཝེནེཝསིདྡྷཱ. ཨེསནཡོ ཕུསནཀིརིཡཱ, ཝེདཡིཏཀིརིཡཱ, དཱིསཱུཏི. ཨིམམཏྠཾ དསྶེཏུཾ ‘‘ཡོཝིནཱ ཨཉྙཱཔདེསེནཱ’’ཏིཨཱདིམཱཧ. ‘‘ཙིཏྟེནཔརིཀཔྤེཏྭཱ’’ཏི མནོཝིཉྙཱཎ ཙིཏྟེན ཨཝིཛྫམཱནཾ སཎྛཱནཾ ཝིཛྫམཱནཾ ཀཏྭཱ. ‘‘སཝིགྒཧཾ ཀཏྭཱ’’ཏི སརཱིརཾ ཀཏྭཱ. ཝཏྠུ དབྦསཧིཏཾ ཀཏྭཱཏི ཝུཏྟཾ ཧོཏི. ‘‘ཙིཏྟམཡོཙིཏྟནིམྨིཏོ’’ཏི སུཔིནནྟེ དིཊྛརཱུཔཱནི ཝིཡ ཙིཏྟེནཔཀཏོ ཙིཏྟེན ནིམྨིཏོ. ཀསྨཱ སབྷཱཝསིདྡྷོ པརམཏྠོ ནཱམཱཏི ཨཱཧ ‘‘སོཧཱི’’ཏིཨཱདིཾ. ‘‘སནྟཱི’’ཏི ཨེཏེན ཨསདྷཱཏུ ཝསེན ཨཏྠོཏི སིདྡྷཾ ཝུཏྟཾ. སདྡཱབུདྡྷཱིཧི ཨརཎཱིཡཏོ ཨུཔགནྟབྦཏོ ཨཏྠོཏིཔིཝདནྟི. ‘‘ཨིཏརཏོ’’ཏི པརིཀཔྤསིདྡྷཏོ. ‘‘པརམོ’’ཏི ཨདྷིཀོ. ཏེནཱཧ ‘‘ཨུཀྐཾསགཏོ’’ཏི. ཨེཏེན པརམསདྡསྶ ཨདྷིཀཏྠཾ ཝདཏི. ཨིདཱནི ཏསྶ ཨུཏྟམཏྠཾ དསྶེཏུཾ ‘‘ཨཔིཙཱ’’ཏིཨཱདིཝུཏྟཾ. ཏཏྠ, ཨིམསྨིཾ བུདྡྷསཱསནེ པཉྩསཱསན ཀིཙྩཱནི མཧནྟཱནི ཨབྷིཉྙེཡྻཱནཾ དྷམྨཱནཾ ཨབྷིཛཱནནཾ. པརིཉྙེཡྻཱནཾ པརིཛཱནནཾ. པཧཱཏབྦཱནཾ པཧཱནཾ. སཙྪི ཀཱཏབྦཱནཾ སཙྪིཀརཎཾ. བྷཱཝེཏབྦཱནཾ བྷཱཝནཱཏི. ཏཏྠ སབྦེཔི པརམཏྠ དྷམྨཱ ཨབྷིཉྙེཡྻཱ ནཱམ. དུཀྑ སཙྩདྷམྨཱ པརིཉྙེཡྻཱ ནཱམ. སམུདཡ སཙྩདྷམྨཱ པཧཱཏབྦཱ ནཱམ. སཱམཉྙཔྥལཱནི ཙ ནིབྦཱནཉྩ སཙྪིཀཱཏབྦཱ ནཱམ. མགྒསཙྩདྷམྨཱ བྷཱཝེཏབྦཱ ནཱམ. ཏེསུ དྷམྨེསུ ཏེསཾ ཀིཙྩཱནཾ སིདྡྷིཡཱ ཨིམསྨིཾ སཱསནེ སཱསནཀིཙྩཾ སིདྡྷཾ ཧོཏི. ནིཊྛཱནཾ གཙྪཏི. ཏེ ཙ དྷམྨཱ ཨེཝ རཱུཔཱནཾ སཱསན ཀིཙྩཱནཾ ཨཝིརཱདྷཀཏྟཱ ཨཝིསཾཝཱདཀཏྟཱ ཨུཏྟམཊྛེན པརམཏྠཱ ནཱམ ཧོནྟཱིཏི ཨིམམཏྠཾ དསྶེཏུཾ ‘‘ཨཔིཙཱ’’ཏིཨཱདིམཱཧ. ཏཏྠ ‘‘ཡེ’’ཏིཡེཛནཱ. ‘‘ཨཡ’’ནྟི ཨཡཾ དྷམྨོ. ‘‘ཏསྶཱ’’ཏི ཏསྶཨབྷིཉྙེཡྻསྶ, ཏསྶཔརིཉྙེཡྻསྶ, ཏསྶཔཧཱཏབྦསྶ, ཏསྶསཙྪིཀཱ ཏབྦསྶ ¶ ཏསྶབྷཱཝེཏབྦསྶཱཏི སམྦནྡྷོ. པརམཏྠཝཎྞནཱ ནིཊྛིཏཱ.

‘‘ཏཾ ནསུནྡར’’ནྟི བྱཉྫནཏོ ནསུནྡརཾ. ནཀེཝལཾ བྱཉྫནཏོཡེཝ ནསུནྡརཾ, ཨཏྠཏོཔི ནསུནྡརམེཝ. ཙཏུསཙྩ དྷམྨཱཧི པཙྩེཀབུདྡྷཉྙཱཎསྶཔི གོཙརཱ ཧོནྟི. པཉྩཉེཡྻ དྷམྨཱ པན སབྦཉྙུཏཉྙཱཎསྶེཝ. ཏཏྠ ཙཏུསཙྩ དྷམྨཱ ནཱམ པརམཏྠ དྷམྨཱ ཨེཝ. པཉྩཉེཡྻདྷམྨཱ པན སབྦ པཉྙཏྟིཡཱ སཧ སབྦཔརམཏྠ དྷམྨཱ. སབྦཉྙུབུདྡྷཱནཾ ཙཏུསཙྩཱབྷི སམྦོདྷོ དྷམྨ པཉྙཏྟིཡཱ སཧ སིཛ྄ཛྷཏི. པཙྩེཀབུདྡྷཱནཾ ཙཏུསཙྩ སམྦོདྷོ དྷམྨཔཉྙཏྟིཡཱ སཧ ནསིཛ྄ཛྷཏི. ཏསྨཱ ཏེ སཡཾ པཊིཝིདྡྷཾ ཙཏུསཙྩ དྷམྨཾ ནཱམ པཉྙཏྟིཾ ནཱིཧརིཏྭཱ པརེསཾ དེསེཏུཾ ན སཀྐོནྟི. ཏེསཾ ཙཏུསཙྩསམྦོདྷོ མཱུགསྶ སུཔིནདསྶནཾ ཝིཡ ཧོཏཱིཏི ཨཊྛཀཐཱསུ ཝུཏྟཾ. ཏསྨཱ པཉྙཏྟིཡཱ སཧ པཉྩ ཉེཡྻ དྷམྨཱ ཨེཝ སབྦཉྙུཏཉྙཱཎསྶ གོཙརཱཏི སཀྐཱཝཏྟུནྟི.

པརམཏྠཔདཝཎྞནཱ ནིཊྛིཏཱ.

༡༣. ཙིཏྟཝཙནཏྠེ. ནཧི སཱ ཨཱརམྨཎེནཝིནཱ ལབྦྷཏི. ཙིནྟེཏཱིཏི ཝུཏྟེ ཀིཾ ཙིནྟེཏི, ཨཱརམྨཎཾ ཙིནྟེཏཱིཏི ཨེཝཾ ཨཱརམྨཎབྷཱུཏེན ཀམྨཔདེན ཝིནཱ ཨསམྦྷཝཏོ. ཏསྨཱ ཨིདྷ ཙིནྟནཱཏི དཊྛབྦཱ, ཏསྨཱ ཨསྶ ནཱམཾ སིདྡྷནྟི དཊྛབྦནྟི སམྦནྡྷོ. སུཏམཡཉྙཱཎཾ, ཙིནྟཱམཡཉྙཱཎ, ནྟི ཨེཏྠ ཨཱརམྨཎསྶ བྷཱུཏསབྷཱཝ ཙིནྟཱཔི ཨཏྠི, སཱཔཉྙཱཨེཝཱཏི ཏཾ ནིཝཏྟེཏུཾ ‘‘ཨཱརམྨཎ…པེ… ཎཱུཔལདྡྷིཡེཝཱ’’ཏི ཝུཏྟཾ. ཙིཏྟཾ, མནོ, མཱནསཾ, ཝིཉྙཱཎ, ནྟི སབྦཾ ཙིཏྟསྶ ནཱམཾ. ཨཱརམྨཎ པཙྩཡཔྤཊིབདྡྷཾ ཧོཏི. ན ཨཉྙཔཙྩཡཔྤཊིབདྡྷཾ. ན ཙ ཨཉྙཔཙྩཡེན ལདྡྷཾ ནཱམཾ. ཨེཝརཱུཔསྶ ཨཱརམྨཎ ཝིཛཱནན སངྑཱཏསྶ ཨཏྠནྟརསྶབོདྷཀཾ ནཧོཏཱིཏི དསྶེཏུཾ ‘‘སནྟེསུ ཙཱ’’ཏིཨཱདིཝུཏྟཾ. ‘‘ཨེཏེནཱ’’ཏི ཨིདཾ ཀཏྟུནོ ཀིརིཡཱསཱདྷནེ ཨཏིསྶཡཱུཔཀཱརཀཾ ཀརཎ སཱདྷནཾ ཝདཏཱིཏི དསྶེཏུཾ ‘‘ཏཉྷཱི’’ཏིཨཱདིཝུཏྟཾ. ‘‘ཙིནྟནམཏྟ’’ནྟི ཨེཏྠ མཏྟསདྡོ ཝིསེསནིཝཏྟི ཨཏྠོཏི, ཏེན ནིཝཏྟིཏཾ ཨཏྠཾ དསྶེཏི ‘‘སབྦེཔིཧཱི’’ཏིཨཱདིནཱ. ‘‘ཝིགྒཧོ ཝཱ’’ཏི སརཱིརཾ ཝཱ. པཙྩཡེན ¶ ཨཱཡཏྟཱ པཙྩཡཱཡཏྟཱ. ‘‘ཨཱཡཏྟཱ’’ཏི སམྦནྡྷཱ. ཝཏྟནཾ ཝུཏྟི. ཨུཔྤཛྫནཾ ཝཱ ཋིཏི ཝཱ. པཙྩཡཱཡཏྟཱ ཝུཏྟི ཨེཏེསནྟི ‘‘པཙྩཡཱཡཏྟ ཝུཏྟིནོ’’. ‘‘ཐཱམེནཱ’’ཏིཨཱདི ཨཉྙམཉྙཝེཝཙནཱནི. ‘‘ཨེཀཾ བྷཱཝསཱདྷནམེཝ པདྷཱནཏོ ལབྦྷཏཱི’’ཏི ཨིདཾ དྷམྨཱནཾ ཏཾ ཏཾ ཀིརིཡཱ མཏྟབྷཱཝཾ སནྡྷཱཡ ཝུཏྟཾ. ཀིརིཡཱམཏྟབྷཱུཏཱཔི པན ཏེ དྷམྨཱསཡཾ ནཱནཱཔཙྩཡཱ ཝཏྠཱཡཾ ཋིཏཱ ཝཱ ཧོནྟི ནཱནཱཔཙྩཡུཔྤནྣཱཝཏྠཱཡཾ ཋིཏཱ ཝཱ. ཏསྨཱ པརམཏྠ པདེསུཔི ཡཐཱརཧཾ ཏདཉྙསཱདྷནཱནཾ པཊིལཱབྷོ ཨཝཱརིཏོ ཧོཏི. ཨིཏརཐཱ ཧེཏུ པཙྩཡོ, ཨཱརམྨཎ པཙྩཡོ, སཧཛཱཏཔཙྩཡོ, ནིསྶཡཔཙྩཡོཏིཨཱདཱིསུ ཀཐཾ བྷཱཝསཱདྷནཾ ཡུཏྟཾ སིཡཱཏི. ‘‘པདྷཱནཏོ’’ཏི མུཁྱཏོ. ‘‘ཨབྷེདསྶ ཙིནྟནསྶབྷེདཀརཎ’’ནྟི ཨིདཾ ཙིནྟེཏཱིཏི ཙིཏྟནྟིཀཏཾ ཀཏྟུསཱདྷནཾ སནྡྷཱཡ ཝུཏྟཾ. ‘‘སིལཱཔུཏྟཀསྶཱ’’ཏི བྷེསཛྫམཱུལཱནཾ པིསནསིལཱཔོཏཀསྶ. ཏསྶ སརཱིརཾ ནཱམ ཝིསུཾ ཨངྒཾ ནཏྠི. ཨབྷིནྣཾཔི བྷིནྣཾ ཀཏྭཱ ཝུཙྩཏི ‘‘སིལཱཔུཏྟཀསརཱིར’’ནྟི. ཨིདཾ ཨབྷེདསྶབྷེདཀརཎཾ ནཱམ ཨབྷཱུཏརཱུཔཾ ཧོཏི. པཡོཛནེ སཏི ཝཏྟབྦཾ, ཨསཏི ན ཝཏྟབྦནྟི ཨཱཧ ‘‘ཏཐཱཀརཎཉྩཱ’’ཏིཨཱདིཾ. ཏཏྠ ‘‘པརཔརིཀཔྤིཏསྶཱ’’ཏི པརེཧི ཨཉྙཏིཏྠཱ ཙརིཡེཧི པརིཙིནྟིཏསྶ. ‘‘སཏིཧི…པེ… ཀཔྤནཱཡཱ’’ཏི སཙེ ཨཏྟཱ ཨཏྠི, ཨཏྟཱ ཙིནྟེཏི, ཏསྨཱ ཨཏྟཱ ཙིཏྟོནཱམཱཏིཨཱདི ཝཏྟབྦཾ. ན ཝཏྟབྦཾ ཙིནྟེཏཱིཏི ཙིཏྟནྟི, ཙིཏྟསྶ ཀིརིཡཱམཏྟཏྟཱ. ན པན ཨཏྟཱདིཀོ ཀཏྟཱ ནཱམ ཨཏྠི. ཏསྨཱ ཀིརིཡཱ མཏྟམེཝ ཀཏྟཱརཾ ཀཏྭཱ ‘‘ཙིནྟེཏཱིཏི ཙིཏྟ’’ནྟི ཝུཏྟཾ. ཏེན ཝིཉྙཱཡཏིལོཀེ ཨཏྟཱདིཀོཀཏྟཱ ནཱམ ནཏྠཱིཏི. ཨིདཾ ཨབྷེདསྶབྷེད པརིཀཔྤནཱཡ པཡོཛནནྟི ཝུཏྟཾ ཧོཏི. ‘‘ཨཏྟཔྤདྷཱནོ’’ཏི ཀིརིཡཱསཱདྷནེ བཧཱུནཾཀཱརཀཱནཾ མཛ྄ཛྷེ སཡཾཔདྷཱནོ སཡཾཛེཊྛཀོ ཧུཏྭཱ. ‘‘ཏཾཀཏྟུབྷཱཝ’’ནྟི ལོཀེསིདྡྷཾ ཀཏྟུབྷཱཝཾ. ‘‘པུན ཀརཎབྷཱཝ’’ནྟི པུན ལོཀེ སིདྡྷཾ ཀརཎབྷཱཝཾ. ཨེཝཾ ཙིཏྟསྶ ཝཙནཏྠཾ དསྶེཏྭཱ ཨིདཱནི ཏསྶ ཨབྷིདྷཱནཏྠཾ དསྶེནྟོ ‘‘ཨཔིཙེཏྠཱ’’ཏིཨཱདིམཱཧ. ཡཐཡིདཾ ཡེ ཨིམེ ཏིརཙྪཱནགཏཱ པཱཎཱ ཙིཏྟཱཝིཙིཏྟཱ. ཨེཝཾ ཙིཏྟཾ ཝིཙིཏྟཾ ཡཾ ཨཉྙཾ ཨཏྠི, ཏཾ ཨཉྙཾ ཨེཀནིཀཱཡཾཔི ནསམནུཔསྶཱམཱི-ཏི ཡོཛནཱ. ‘‘ནིཀཱཡ’’ནྟི སཏྟཛཱཏིསམཱུ ཧཾ ¶ .‘‘ནིསྶཀྐེ ཀརཎཝཙན’’ནྟི ཝིབྷཏྟཱཔཱདཱནཏྠེ ཀརཎཝཙནཾ. ཨེཏེན ཏཏོ ཙརཎཏོ ཙིཏྟཏོཏི ཨཏྠཾ ཝདཏི. གཱཐཱཡཾ. ‘‘ཏཾ ཏཾ སབྷཱཝོ’’ཏི ཝིཛཱནནཕུསནཱདིཀོ སབྷཱཝོ, ཨགྒིསྶཨུཎྷོཝིཡ. ‘‘ཀིཙྩསམྤཏྟིཡོརསོ’’ཏི ཏེན ཏེན དྷམྨེན ཀརཎཀིཙྩཉྩ, ཏཾ ཀིཙྩཾ ཀཏྭཱ ལདྡྷོ སམྤཏྟིགུཎོ ཙ. ཨགྒིསྶ ཝཏྠུམྷི པརིཔཱཙནཀིཙྩཾ ཝིཡ, ཨོབྷཱསནགུཎོཝིཡ ཙ. ‘‘གཡ྄ཧཱཀཱརོ’’ཏི ཉཱཎེན གཧེཏབྦོ ཏསྶ ཏསྶ དྷམྨསྶ དྷཛབྷཱུཏོ ཨཱཀཱརོ. སམྤཏྟི རསོཡེཝ ཝུཙྩཏི. ‘‘ཕལཾཝཱཔཱི’’ཏི ཀཱརིཡཔྥལཾ ཝཱཔི, ཨགྒིསྶ དྷཱུམོཝིཡ. ‘‘ཨཱསནྣཀཱརཎ’’ནྟི ཨཏྟནོ ཨནནྟརེ ཕལནིབྦཏྟཀཾ ཀཱརཎཾ, ཨགྒིསྶ ཨགྒིཀཱརཀ པུརིསོ ཝིཡ. ‘‘ཨལ’’ནྟི སམཏྠཱ. ‘‘ཝིབུདྡྷིནོ’’ཏི ཝིསེསབུདྡྷི སམྤནྣསྶ པཎྜིཏསྶ. ‘‘པུབྦངྒམརས’’ནྟི ཨཱརམྨཎགྒཧཎེ པདྷཱནརས ཀིཙྩཾ. ‘‘སནྡྷཱན པཙྩུཔཊྛཱན’’ནྟི ནིརནྟརཔྤཝཏྟཱཀཱརཔཙྩུཔཊྛཱནཾ. ‘‘ནཱམ རཱུཔཔདཊྛཱན’’ནྟི ཕསྶཱདིནཱམཉྩ ཝཏྠུ རཱུཔཉྩཙིཏྟསྶཔདཊྛཱནཾ.

ཙིཏྟཝཎྞནཱ ནིཊྛིཏཱ.

༡༤. ‘‘ཙེཏསི བྷཝ’’ནྟི ཙིཏྟསྨིཾ པཱཏུབྷཱུཏཾ. ‘‘ཨེཏེན སིདྡྷཱ ཧོནྟཱི’’ཏི སམྦནྡྷོ. ‘‘སཱ ཨེཝ ཕསྶཱདཱིནཾ ཛཱཏི. ཡཱཙིཏྟསྶཛརཱ, སཱ ཨེཝ ཕསྶཱདཱིནཾཛརཱ’’ཏིཨཱདིནཱ ཡོཛེཏབྦཾ. ‘‘ཨེཀཝཎྚཱུཔནི བནྡྷཱནཱི’’ཏི ཨེཀེན ཝཎྚདཎྜཀེན ཨུཔནིབནྡྷཱནི. ‘‘ཨེཀཛཱཏིཡཱདི ཨུཔནིབནྡྷཱ’’ཏི ཨེཀཛཱཏིཀཐཱ དིཝསེན ཨུཔནིབནྡྷཱ. ‘‘ཙེ’’ཏི ཙེཝདེཡྻ. ‘‘ནཱ’’ཏི ན ཝཏྟབྦཾ. གཱཐཱཡཾ. ‘‘དྷམྨཱ’’ཏི ནཱམཀྑནྡྷ དྷམྨཱ. ‘‘མནསཱ ཨེཝཱ’’ཏི ཀཏྟུབྷཱུཏེན མནེན ཨེཝ. ‘‘པཀཏཱ’’ཏི པཝཏྟིཏཱ. ‘‘ནིམྨིཏཱ’’ཏི ནིཔྥཱདིཏཱ. ‘‘ཙིཏྟཀིརིཡཱ བྷཱུཏཱ ཨེཝཱ’’ཏི ཨཱརམྨཎཾ ཝིཛཱནནྟཾ ཙིཏྟཾ ཕུསནཱཀཱརཾ ཛནེཏྭཱཝ ཝིཛཱནཱཏི. སོ ཕུསནཱཀཱརོ ཕསྶོཏི ཝུཙྩཏི. ཨཝསེསཱ པན སབྦེཔི ཙེཏསིཀདྷམྨཱ ཕསྶཾ པཊིཙྩ ཨུཔྤཛྫནྟི. ཕསྶོ ཧེཏུ ཕསྶོ པཙྩཡོ ཝེདནཱཀྑནྡྷསྶ ཨུཔཱདཱཡ. སཉྙཱཀྑནྡྷསྶ. སངྑཱརཀྑནྡྷསྶ ཨུཔཱདཱཡཱཏི ཧི ཝུཏྟཾ. ཨེཝཾ སནྟེཔི ཙིཏྟམཱུལཀཏྟཱ ཙིཏྟནིསྶིཏཏྟཱ ཙ ཏེཔིདྷམྨཱ ཙིཏྟཀིརི ཡཱབྷཱུཏཱ ¶ ཨེཝ ཧོནྟཱིཏི. ‘‘ཨེཏེནཱ’’ཏི ཨེཏེནགཱཐཱཔདེན. ཝིབྷཱཝནིཡཾ པན ཨེཀཱལམྦཎཏཱ མཏྟེན ཝིབྷཱཝེཏི. པརིཔུཎྞཱནི ཙེ ཏསིཀངྒཱནི ཨུཔརི ཐེརེན སཡམེཝ ཝཀྑམཱནཏྟཱཏི ཨདྷིཔྤཱཡོ. ཨིདྷ པན པདཏྠཝིབྷཱཝནཊྛཱནཏྟཱ པརིཔུཎྞེཧི ཨངྒེཧི ཝིབྷཱཝེཏུཾ ཝཊྚཏཱིཏི ཨཱཧ ‘‘ཏཾ ནསུནྡར’’ནྟི. ‘‘ཝཏྠུམྷཱི’’ཏི པཊཀོཊྛཀཱདིམྷི. ‘‘ནཱནཱཙིཏྟཀམྨཱནཱི’’ཏི ཧཏྠི ཨསྶརཱུཔཱདཱིནི. ཝིཛཱནནམཏྟཾ ཙིཏྟཾ, ཀུསལནྟི ཝཱ ཨཀུསལནྟི ཝཱ ཝཏྟབྦཾ ནཏྠི. ནཱནཱཙེཏསིཀེ ཧི ཡུཏྟཏྟཱ ཨེཝ ཏཐཱ ཝཏྟབྦཾ ཧོཏི. ཝུཏྟཾཧེཏཾ བྷགཝཏཱ. པབྷསྶརམིདཾ བྷིཀྑཝེ ཙིཏྟཾ. ཏཉྩ ཁོ ཨཱགནྟུཀེཧི ཨུཔཀྐིལེསེཧི ཨུཔཀྐིལིཊྛནྟི. ཏེནཱཧ ‘‘ཨུདཀཾ ཝིཡཙིཏྟ’’ནྟིཨཱདིཾ.

ཙེཏསིཀཝཎྞནཱ ནིཊྛིཏཱ.

༡༥. རུཔྤཏཱིཏི པདཾ ཀཏྟརིཝཱཧེཏུཀམྨནིཝཱསིདྡྷཾ. རུཔྤནཉྩཝིཀཱརཱཔཏྟི ཨེཝཱཏི དསྶེཏུཾ ‘‘སཱིཏུཎྷཱདཱིཧཱི’’ཏིཨཱདི ཝུཏྟཾ. ཏཏྠ ‘‘ཝིསམཔྤཝཏྟིཝསེནཱ’’ཏི དྷཱཏཱུནཾ ཝིསམཔྤཝཏྟིཝསེན. དྷཱཏུཀྑོ བྷཝསེནཱཏི ཝུཏྟཾ ཧོཏི, ‘‘ཀེནརུཔྤཏཱི’’ཏི ཨེཏྠ ‘‘ཀེནཱ’’ཏི ཧེཏུ ཨཏྠེཝཱ ཧེཏུ ཀཏྟརིཝཱ ཀརཎཝཙནཾ དཊྛབྦཾ. ཏཐཱ སཱིཏེནཱཏིཨཱདཱིསུཔི. ཌཾསམཀསཱ ནཱམ སཱུཙིམུཁཱ ཁུདྡཀམཀྑིཀཱཙེཝ མཧནྟ མཀྑིཀཱ ཙ. ཝཱཏཱ ནཱམ པུརཏྠིམཝཱཏཱདཡོ. ཨཱཏཔོ ནཱམ སཱུརིཡཱཏཔོ. སརིཾསཔཱནཱམ ཨཧི ཝིཙྪིཀ སཏཔདིཀཱདཡོ. ཏེསཾ སམྥསྶེཧིཔི རུཔྤཏི. མརཎཾ ཝཱ གཙྪཏི, མརཎ མཏྟཾ ཝཱ དུཀྑཾ. ‘‘ཡེ དྷམྨཱ’’ཏི དྭཱདསཝིདྷཱ སཔྤཊིགྷརཱུཔདྷམྨཱ. ‘‘ཨཉྙེས’’ནྟི སོལ༹སནྣཾ ཨཔྤཊིགྷརཱུཔཱནཉྩ ཨརཱུཔདྷམྨཱནཉྩ. ‘‘ཏེསཱུ’’ཏི ནིདྡྷཱརཎེབྷུམྨཾ. ཨིདཱནི པཱལི༹ཡཱ སདྡྷིཾ མུཁྱརུཔྤནཾ སཾསནྡེནྟོ ‘‘སམཱགམོ ཙཱ’’ཏིཨཱདིམཱཧ. སམཱགམོ ཙ ནཱམ ཨཉྙམཉྙཱབྷིགྷཊྚནཾ ཝུཙྩཏཱིཏི སམྦནྡྷོ. ཨཱཔཱཏཱགམནཉྩ ཨཱརམྨཎཀརཎཉྩ ཋཔེཏྭཱཏི ཡོཛནཱ. ‘‘མཧཱབྷཱུཏཱནམེཝ ཝཱ’’ཏི ཨཱཔོདྷཱཏུ ཝཛྫིཏཱནཾ ཏིཎྞཾ མཧཱབྷཱུཏཱནམེཝ ཝཱ. ‘‘ཝིཀཱརཾ ཨཱཔཛྫཏཱི’’ཏི ཝཏྭཱ ཏམེཝཏྠཾ ཝིཝརནྟོ ‘‘ཡསྨིཾ ཁཎེ’’ཏིཨཱདིམཱཧ. ‘‘སཡཾཔི ཝིཀཱརཔཏྟཱ ཧོནྟཱི’’ཏི ¶ ཏེམཧཱབྷཱུཏཱསཡཾཔི པཀཏིཾ ཝིཛཧིཏྭཱ ཨོམཏྟཱདྷིམཏྟབྷཱཝཾ པཱཔུཎནྟཱིཏི ཨཏྠོ. ‘‘ཨོམཏྟཱདྷིམཏྟརཱུཔསནྟཏཱིནཉྩཱ’’ཏི པརམྤརཏོ ཨུཔྤཛྫམཱནཱ རཱུཔསནྟཏིཡོ སནྡྷཱཡ ཝུཏྟཾ. ཨེཝཾ པཱལི༹ནཡེན ཝིཔཏྟིཝསེན རུཔྤནཾ ཝཏྭཱ ཨིདཱནི ཝིཔཏྟི ཝཱ ཧོཏུ, སམྤཏྟི ཝཱ. པུརིམཔཙྪི མསནྟཏཱིནཾ ཝིསདིསཔྤཝཏྟིབྷཱུཏོ ཝིཀཱརོཔི ཨེཀེན པརིཡཱཡེན རུཔྤནཾནཱམཱཏི ཀཏྭཱ པུན ཏཾ རུཔྤནཾ དསྶེནྟོ ‘‘ཨཔིཙེཏྠཱ’’ཏིཨཱདིམཱཧ. ‘‘གྷཊྚནཝསེན རུཔྤན དྷམྨཱན མེཝཱ’’ཏི ཨཱཔཱཏཱགམནཱདིཝསེན རུཔྤནདྷམྨེཧིཝིནཱ ཨབྷིགྷཊྚནཝསེནརུཔྤན སབྷཱཝཱནཾ རཱུཔདྷམྨཱནམེཝ སིདྡྷནྟི པུཙྪཱ. ‘‘སཝིགྒཧཱ ཧོནྟཱི’’ཏི དབྦ སཎྛཱནཱཀཱརསཧིཏཱ ཧོནྟི. ཀསྨཱ, ཨོལཱ༹རིཀསབྷཱཝཏྟཱ. བཧཱུནཉྩརཱུཔཀལཱཔཱནཾ ཨེཀཀྑཎེ ཨེཀཱབདྡྷབྷཱཝེནཔཝཏྟཏྟཱ. ཨརཱུཔདྷམྨཱཧི སཎྷསུཁུམསབྷཱཝཱ ཙ ཧོནྟི. སཙེ ཨནེཀསཏསཧསྶཱནིཔི ཨེཀཏོ པཝཏྟེཡྻུཾ. དབྦསཎྛཱནབྷཱཝཾ ནགམིསྶནྟིཡེཝ. ཨེཀསྨིཉྩ སཏྟསནྟཱནེ ཨེཀཀྑཎེ ཨེཀ ཀལཱཔོཝ པཝཏྟཏི. ཀསྨཱ, ཨནནྟར པཙྩཡཱུཔནིབནྡྷེན པཝཏྟཏྟཱ. ཏསྨཱཏེ སཝིགྒཧཱན ཧོནྟི. རཱུཔདྷམྨཱ པན ཨོལཱ༹རིཀ སབྷཱཝཱ ཙ ཧོནྟི. བཧཱུནཾ སནྣིཙཡེསཏི དབྦསཎྛཱནཏྠཱཡ སཾཝཏྟནྟི. ཨེཀཀྑཎེ ཙ བཧུཀལཱཔཱཔི ཨེཀཱབདྡྷཱཧུཏྭཱ པཝཏྟནྟི. ཏསྨཱ ཏེསཝིགྒཧཱཧོནྟཱིཏི.

‘‘སཱིཏཱདིགྒཧཎསཱམཏྠིཡེནཱ’’ཏི སཱིཏེནཔི རུཔྤཏི, ཨུཎྷེནཔི རུཔྤཏཱིཏིཨཱདིནཱ ལོཀསྶ པཙྩཀྑཏོ པཱཀཊསྶ སཱིཏཱདིཝཙནསྶསཱམཏྠིཡེན. ཏཉྷི ཝཙནཾ ལོཀསྶ ཨཔཱཀཊཾ ཨརཱུཔདྷམྨཱནཾ རུཔྤནཾ ཨིདྷནཱདྷིཔྤེཏནྟི དཱིཔེཏཱིཏི ཨདྷིཔྤཱཡོ. ‘‘ཝོཧཱརོ ནཱམཱ’’ཏི ནཱམསཉྙཱ ནཱམཱཏི ཝུཏྟཾ ཧོཏི. ‘‘ལོཀོཔཙཱརེནཱ’’ཏི བཧུཛནསྶ ཨུཔཙཱརེན ཝོཧཱརེན ཀཐནེན. ‘‘པཱཀཊ ནིམིཏྟཝསེནེཝཱ’’ཏི པཱཀཊསྶ སདྡཔྤཝཏྟིནིམིཏྟསྶ ཝསེནེཝ. ‘‘སཱིཏཱདིགྒཧཎེན ཝིནཱཔཱི’’ཏི པིསདྡེན སཱིཏཱདིགྒཧཎསཱམཏྠིཡེནཔཱིཏི དཱིཔེཏི. ཨེཝཾ སནྟེཔི པཱལི༹སཱདྷཀཾ ནཱམ ན སཀྐཱསབྦཏྠ ལདྡྷུཾ. པཱཀཊནིམིཏྟ ཝཙནམེཝ སབྦཏྠ སཱདྷཱརཎནྟི དཊྛབྦཾ. ‘‘ཏཔྤསངྒནིཝཏྟཱི’’ཏི ཏསྶ ཨརཱུཔདྷམྨཱནཾ རཱུཔཏཱཔསངྒསྶ ནིཝཏྟི. ‘‘ཨིདྡྷིཝིཀུབྦནཱཝསཔྤཝཏྟཱ’’ཏི ཨེཏྠ ཨིདྡྷིཝིཀུབྦནཱནཱམཨིདྡྷིཡཱནཱནཔྤཀཱརམཱཔནཾ. ‘‘རཱུཔཏཱ སིདྡྷཱི’’ཏི ¶ རཱུཔནྟི ནཱམ སཉྙཱསིདྡྷི. ‘‘ཨིདཾ པནཱ’’ཏི ཨིདཾ རཱུཔཾ པན. ‘‘ཨནུགྒཧཱནཾ སཱིཏཱདཱིནཾ ཝསེནཱ’’ཏི ཀིཉྩཱཔིཔཱལི༹ཡཾ སཱིཏཱདིཝཙནཾ ཨུཔགྷཱཏཀཱནཾ སཱིཏཱདཱིནཾ ཝསེན ཝུཏྟཾ. ཏེཙ བྲཧྨལོཀེ ནཏྠི. ཨནུགྒཱཧཀཱ ཨེཝ ཨཏྠི. ཏེསཾཝསེནཱཏི ཨདྷིཔྤཱཡོ. ‘‘པཱལི༹ཡཾ ནིདྡིཊྛཱནཱི’’ཏི སཉྫཱནཱཏཱིཏི ཁོ བྷིཀྑཝེ ཏསྨཱ སཉྙཱཏི ཝུཙྩཏི. ཀིཉྩ སཉྫཱནཱཏི. ནཱིལཾཔི སཉྫཱནཱཏི, པཱིཏམྤི སཉྫཱནཱཏཱི-ཏིཨཱདིནཱ ཙ, ཝིཛཱནཱཏཱིཏི ཁོ བྷིཀྑཝེ ཏསྨཱ ཝིཉྙཱཎནྟི ཝུཙྩཏི. ཀིཉྩ ཝིཛཱནཱཏི. མདྷུརཾཔི ཝིཛཱནཱཏི, ཨམྦིལཾཔི ཝིཛཱནཱཏཱི-ཏིཨཱདིནཱ ཙ-པཱལི༹ཡཾ ནིདྡིཊྛཱནི.

རཱུཔཔདཝཎྞནཱ ནིཊྛིཏཱ.

༡༦. ནིབྦཱནཔདེ. ‘‘ཁནྡྷཱཝཱ’’ཏི བྷཝནྟརེ ཨཔཱཡཱདཱིསུ བྷཝིསྶམཱནཱ ཁནྡྷཱཝཱ. ན ཧི ཨཏཱིཏ དྷམྨཱ, ནིབྦཱཡནྟི ནཱམ, སཏྟེ པཱིལེ༹ཏྭཱ ནིརུདྡྷཏྟཱཏི ཨདྷིཔྤཱཡོ. པཙྩུཔྤནྣཱ ཙ དྷམྨཱ ཨེཏརཧི པཱིལེ༹ནྟི, ཨཝསྶཾ ཨུཔྤཛྫམཱནཱ ཨནཱགཏདྷམྨཱ ཙ ཨནཱགཏེ པཱིལེ༹སྶནྟི, ཀཐཾ ཏེ ནིབྦཱཡནྟི ནཱམཱཏི ཨཱཧ ‘‘པཙྩུཔྤནྣེསུ…པེ… ཝཏྟབྦམེཝ ནཏྠཱི’’ཏི. ‘‘ཝིསཡེབྷུམྨ’’ནྟི ཝིསཡཱདྷཱརེབྷུམྨཾ. ཝིསཡཱདྷཱརོ ནཱམམནུསྶཱབྷཱུམིཡཾ གཙྪནྟཱིཏིཨཱདཱིསུ ཝིཡ མུཁྱཱདྷཱརོ ནཧོཏི. ཏེན པན ཝིནཱ ཨཉྙཏྠ ཏཾ ཀིརིཡཾ ཀཱཏུཾ ནསཀྐོཏི. ཏསྨཱ ཨཱདྷཱརབྷཱཝེན པརིཀཔྤིཏོ ཨཱདྷཱརོཏི དསྶེཏུཾ ‘‘ཡཐཱཨཱཀཱསེ’’ཏིཨཱདིཝུཏྟཾ. ཡཐཱ སཀུཎཱནཾ པཀྑན ཀིརིཡཱ ནཱམ ཨཱཀཱསེན ཝིནཱ ཨཉྙཏྠ ནསིཛ྄ཛྷཏི. ཏཐཱ ཝཊྚདུཀྑདྷམྨཱནཾ ནིབྦུཏི ཀིརིཡཱཔི ནིབྦཱནེན ཝིནཱ ཨཉྙཏྠ ནསིཛ྄ཛྷཏཱིཏི དསྶེཏུཾ ‘‘ཡེཧིཏེ’’ཏིཨཱདིམཱཧ. ཏཏྠ ‘‘ཡེ’’ཏི ཡེཏིཝིདྷཝཊྚདུཀྑསནྟཱཔདྷམྨཱ. ཧིསདྡོནིཔཱཏོ. ཏེསདྡོ ཝཙནཱལངྐཱརོ. ‘‘ཏབྦིནིམུཏྟ’’ནྟི ནིབྦཱནཝིནིམུཏྟཾ. ནིབྦུཏིཋཱནཾ ནཱམ ནཏྠི. ཏསྨཱ ནིབྦཱནཾ ཏེསཾ ནིབྦུཏི ཀིརིཡཱཡ ཝིསཡཱ དྷཱརོཧོཏཱིཏི ཨདྷིཔྤཱཡོ. ཡཐཱ ཨཡཾ པདཱིཔོ ནིབྦཱཡཏི. ཏཐཱདྷཱིརཱ ནིབྦནྟཱིཏི ཡོཛནཱ. ‘‘ཏཾ ཏཾ ཀིལེསཱནཾ ཝཱ’’ཏི ཏེ སཾཏེསཾཀིལེསཱནཾ ཝཱ. ‘‘ཁནྡྷཱནཾ ཝཱ’’ཏི ཨནཱགཏབྷཝེསུ ཁནྡྷཱནཾ ཝཱ. ‘‘པུནཨཔྤཊིསནྡྷིཀབྷཱཝ’’ནྟི སནྟཱནསྶ པུན པཊིསནྡྷཱནཱབྷཱཝཾ པཱཔུཎནྟི ¶ ཨརིཡཱ ཛནཱ. ཡཐཱ མགྒེ ཀརཎཝཙནཾ དིསྶཏི ཨདྡྷཱ ཨིམཱཡཔཊིཔཏྟིཡཱ ཛརཱམརཎམྷཱ པརིམུཙྩིསྶཱམཱིཏིཨཱདཱིསུ. ན ཏཐཱ ནིབྦཱནེཏི ཨཱཧ ‘‘མགྒེཝིཡཱ’’ཏིཨཱདིཾ. ནིབྦཱནེཔནབྷུམྨཝཙནམེཝ དིསྶཏི ཡཏྠནཱམཉྩརཱུཔཉྩ. ཨསེསཾ ཨུཔརུཛ྄ཛྷཏཱིཏིཨཱདཱིསུ. ཏསྨཱ ནིབྦཱནེ ཀརཎ ཝཙནཾ ན དིསྶཏི, ཀརཎ ལཀྑཎསྶེཝ ཨབྷཱཝཏོཏི དསྶེཏུཾ ‘‘ན ཙ ནིབྦཱན’’ནྟིཨཱདི ཝུཏྟཾ. ཀརཎ ལཀྑཎཾ ནཱམཀཏྟུནོ སཧཀཱརཱི པཙྩཡབྷཱཝོ. ནནུ ཨནུཔཱདིསེསཱཡ ནིབྦཱནདྷཱཏུཡཱ ནིབྦཱཡནྟཱིཏི དིསྶཏཱིཏི. སཙྩཾ, ཏཏྠ པན ཝིསེསནེ ཀརཎ ཝཙནཾ. ན ཀརཎཀཱརཀེ. ཏཉྷི སཨུཔཱདིསེསནིབྦཱནདྷཱཏུཡཱནིཝཏྟནཏྠཾ ཝུཏྟནྟི.

ནིབྦཱནཔདཝཎྞནཱ.

དུཏཱིཡགཱཐཱཝཎྞནཱ ནིཊྛིཏཱ.

༡༨. ཀཱམཱཝཙརཔདེ. ‘‘ཀཱམཱིཡཏཱི’’ཏི ཨིཙྪཱིཡཏི. ནིམིཏྟསྶཱདཝཏྠུ མཛ྄ཛྷིམཊྛཀཐཱཡཾ ཨཱགཏཾ. ‘‘ཏེཀཱམཱིཡནྟཱི’’ཏི ཏེ ཨཝཱིཙིནིརཡཱདཡོ ཨིཙྪཱིཡནྟི. ‘‘ཏཏྠ ཨུཔྤནྣཱནམྤཱི’’ཏི ཨཝཱིཙིནིརཡཱདཱིསུ ཨུཔྤནྣཱནཾཔི སཏྟཱནཾ. ‘‘བྷཝནིཀནྟི ནཱམ ཧོཏཱི’’ཏི བྷཝསངྑཱཏཾ ཨཏྟནོ ཁནྡྷཾ ཨེཏཾ མམ, ཨེསོཧམསྨི, ཨེསོམེ ཨཏྟཱཏི གཎྷནྟཱི ཏཎྷཱ བྷཝནིཀནྟི ནཱམ. སཱ ནེརཡིཀསཏྟཱནཾཔི ཨཏྠིཡེཝ. ‘‘ཀཱམེ ཨཝཙརཏཱི’’ཏི ཀཱམེཔརིཡཱཔནྣཾ ཧོཏི. ཀཱམེ ཨནྟོགདྷཾ ཧོཏི. རཱུཔཱརཱུཔབྷཱུམཱིསུ ཨུཔྤནྣཾཔི རཱུཔཱརཱུཔསངྑྱཾ ནགཙྪཏི. ཀཱམསངྑྱམེཝ གཙྪཏི. ཀཱམགཎནམེཝགཙྪཏཱིཏི ཨཏྠོ. ‘‘ཏཱིསུབྷཝེསུ ཨུཔྤནྣཱནིཔཱི’’ཏི ཀཱམརཱུཔཱརཱུཔསཏྟསནྟཱནེསུ ཨུཔྤནྣཱནིཔི ན ཏཏྲཔརིཡཱ པནྣཱནེཝ ཧོནྟི. ཏཏྲ ཨཔརིཡཱཔནྣཱནེཝ ཧོནྟཱིཏི ཨདྷིཔྤཱཡོ. ‘‘ཀཱམཱཝཙརཏཱཔཏྟིདོསོ’’ཏི ཀཱམཱཝཙར དྷམྨཱཏི ཝཏྟབྦཏཱ པཏྟིདོསོ. ‘‘རཱུཔཱཝཙརཏཱདིམུཏྟིདོསོ’’ཏི ཨིམེ རཱུཔཱཝཙར དྷམྨཱ ན ཧོནྟི, ཨརཱུཔཱཝཙར དྷམྨཱ ན ཧོནྟི, ལོཀུཏྟར དྷམྨཱ ན ཧོནྟཱིཏི ཨེཝཾ ཝཏྟབྦཏཱཔཏྟི དོསོཏི ཝུཏྟཾ ཧོཏི. ཨེསནཡོ ‘‘རཱུཔཱརཱུཔཱཝཙརཏཱཔཏྟི དོསོ ཀཱམཱཝཙརཏཱམུཏྟི དོསོ’’ ཏིཔདེསུ ¶ . ཨཝཙརསདྡསྶ ཨུཔྤནྣཏྠེ གཧིཏེཔི ཨེཏེདོསཱ ནཱཔཛྫནྟི. ཀསྨཱ, ལོཀེ ཡེབྷཱུཡྻནཡཏབྦཧུལནཡཱནཾཔི སབྦྷཱཝཱཏི ཨིམམཏྠཾ ཝདནྟོ ‘‘ནནུཡེབྷཱུཡྻ ཝུཏྟིཝསེནཔཱི’’ཏིཨཱདིམཱཧ. ཏཏྠ ‘‘ཀེསཉྩཱི’’ཏི ཀེསཉྩི པུགྒལཱནཾ ཝཱ དྷམྨཱནཾ ཝཱ. ཡཐཱམིགལུདྡཀོ གཱམེ ཙརནྟོཔི ཝནེ ཙརཎབཧུལཏྟཱ ཝནཙརཀོཏི ནཱམཾ ལབྷཏི. རཱཛཧཏྠཱི ཨཉྙཏྠ ཙརནྟོཔི སངྒཱམེ ཙརཎབཧུལཏྟཱ སངྒཱམཱཝཙརོཏི ནཱམཾ ལབྷཏི. ཨཡཾ ཡེབྷཱུཡྻནཡོ ནཱམ. ཡསྨིཾ ཝནེ ཨམྦརུཀྑཱཔི ཨཏྠི, ཨཉྙརུཀྑཱཔི ཨཏྠི. ཨམྦརུཀྑབཧུལཏྟཱ པན ཏཾ ཝནཾ ཨམྦཝནནྟི ནཱམཾ ལབྷཏི. ཨེཝཾ སིམྦལིཝནཱདཱིསུ. ཨཡཾ ཏབྦཧུལནཡོ. ཨིདྷ པན བྷཱུམིཡོ ཏབྦཧུལནཡེན ཀཱམརཱུཔཱརཱུཔ ནཱམཾ ལབྷནྟི, དྷམྨཱ ཡེབྷཱུཡྻནཡེན ཀཱམཱཝཙརཱདི ནཱམཾ ལབྷནྟཱིཏི. ཨེཝཾ གཧིཏེ སཏི, ཏེ དོསཱནཱ པཛྫནྟཱིཏི ཨིམམཏྠཾ དསྶེཏུཾ ‘‘ཏསྨཱ ཨིདྷཔི…པེ… དོསོཏཱི’’ཏིཨཱཧ. ‘‘ནཱ’’ཏི ན ཀོཙིདོསོ ནཏྠི. ཨཏྠི ཨེཝཱཏི ཨདྷིཔྤཱཡོ. ‘‘ཏསྨཱསྶཱ’’ཏི ཨེཏྠ ‘‘ཨསྶཱ’’ཏི ཨཝཙརསདྡསྶ. ‘‘ཏཐཱ ཨཏྠཾ ཨགྒཧེཏྭཱ’’ཏི ཨུཔྤཛྫནཏྠཾ ཨགྒཧེཏྭཱ. ‘‘པརིགྒཱཧིནིཡཱ ཀཱམཏཎྷཱཡ ཀཏོ’’ཏི ཏཐཱ པརིགྒཱཧིནིཡཱ ཀཱམཏཎྷཱཡ གོཙརཝིསཡཏྟཱཏཱཡཏཎྷཱཡ ཀཏོནཱམ ཧོཏི. ཨེཏེན ཀཱམེཏཱིཏི ཀཱམོ, ཀཱམཏཎྷཱ. ཨཝཙརཏི ཨེཏྠཱཏི ཨཝཙརཾ. ཀཱམསྶ ཨཝཙརནྟི ཀཱམཱཝཙརཾ. ཀཱམ ཏཎྷཱཡ གོཙརཝིསཡཏྟཱ ཀཱམཱཝཙརནྟི ཨཡམཏྠོཔི སིཛ྄ཛྷཏི.

རཱུཔེཨཝཙརཏཱིཏི རཱུཔཱཝཙརཾ. ‘‘རཱུཔེ’’ཏི སོལ༹སཝིདྷཱཡརཱུཔབྷཱུམིཡཱ. ‘‘ཨཝཙརཏཱི’’ཏི ཏཏྠ པརིཡཱཔནྣབྷཱཝེན པཝཏྟཏི. ཨརཱུཔེ ཨཝཙརཏཱིཏི ཨརཱུཔཱཝཙརཾ. ‘‘ཨརཱུཔེ’’ཏི ཙཏུབྦིདྷཱཡ ཨརཱུཔབྷཱུམིཡཱ. ‘‘ཨཝཙརཏཱི’’ཏི ཏཏྠ པརིཡཱཔནྣབྷཱཝེན པཝཏྟཏཱིཏི ཨིམམཏྠཾ ཝདཏི ‘‘རཱུཔཱརཱུཔཱཝཙརེསུཔི ཨཡཾནཡོ ནེཏབྦོ’’ཏི. རཱུཔེ བྷཝོ རཱུཔཾ. རཱུཔཏཎྷཱ. ཨརཱུཔེ བྷཝོ ཨརཱུཔཾ, ཨརཱུཔཏཎྷཱ. རཱུཔསྶ ཨཝཙརཾ རཱུཔཱཝཙརཾ. ཨརཱུཔསྶ ཨཝཙརཾ ཨརཱུཔཱཝཙརནྟི ཨིམམཏྠཾ དཱིཔེཏི ‘‘ཏེསུ པནཱ’’ཏིཨཱདིནཱ. ‘‘ཨཏྲཱ’’ཏི ཨིམསྨིཾ ཋཱནེ. ཡདིཔི ལོབྷོ, རཱགོ, ཀཱམོ, ཏཎྷཱ, ཏིསབྦམྤེཏཾ ལོབྷསྶཝེཝཙནཾ ཧོཏི. རཱུཔརཱགོ ཨརཱུཔརཱགོཏི པན ཝིསུཾ ཝིབྷཏྟཏྟཱ ཨིདྷ ཀཱམསདྡེན ཏཾ དཉྙོལོབྷོ ¶ གཡ྄ཧཏི. ‘‘སབྦོཔི ལོབྷོ’’ཏི ཨེཏེནསསྶཏུཙྪེད དིཊྛིསཧགཏོཔི སངྒཧིཏོཏི དཊྛབྦཾ.

༡༩. ‘‘རཱུཔཱརཱུཔསདྡཱ ཏཱསུ བྷཱུམཱིསུ ནིརུལ༹ྷཱ’’ཏི ཨནིམིཏྟཱ ཧུཏྭཱ ནིརུལ༹ྷཱཏི ཨདྷིཔྤཱཡོ. ཨིདཱནི སནིམིཏྟཾ ནཡཾ ཝདཏི ‘‘ཨཔིཙཱ’’ཏིཨཱདིནཱ. ‘‘ནིསྶཡོཔཙཱརོ’’ཏི ཋཱནཱུཔཙཱརོ, ཡཐཱ སབྦོགཱམོ ཨཱགཏོཏི. ‘‘ནིསྶིཏོ པཙཱརོ’’ཏི ཋཱནྱཱུཔཙཱརོ. ཡཐཱ དྷཛཱ ཨཱགཙྪནྟཱིཏི. ‘‘ཡཾ ཨེཏསྨིཾ ཨནྟརེ’’ཏི ཡེ ཨེཏསྨིཾ ཨནྟརེ ཁནྡྷདྷཱཏུ ཨཱཡཏནཱ. ཡཾ རཱུཔཾ, ཡཱ ཝེདནཱ, ཡཱསཉྙཱ, ཡེ སངྑཱརཱ, ཡཾཝིཉྙཱཎནྟི ཡོཛནཱ. ‘‘སུཝིསད’’ནྟི ཡེབྷཱུཡྻཱདི ནཡེཧི ཨནཱཀུལཏྟཱསུཝིསུདྡྷཾ. ‘‘ཀིཾ ཝིཀྑེཔེནཱ’’ཏི ཙིཏྟཝིཀྑེཔེན ཀིཾ པཡོཛནནྟི ཨཏྠོ.

༢༠. ‘‘ལུཛྫནཔྤལུཛྫནཊྛེནཱ’’ཏི བྷིཛྫནཔྤབྷིཛྫནཊྛེན. ‘‘ཡཏྠཱ’’ཏི ཡསྨིཾ ཏེབྷཱུམཀེ དྷམྨསམཱུཧེ. ‘‘ནིཝིསཏཱི’’ཏི ནིཙྩཾ ཝིསཏི, ཨུཔགཙྪཏི. ‘‘ཏསྶཱ’’ཏི མིཙྪཱགྒཱཧསྶ. ‘‘ཏེས’’ནྟི ལོཀུཏྟར དྷམྨཱནཾ. ‘‘ཡེས’’ནྟི ལོཀིཡ དྷམྨཱནཾ. ‘‘ལུཛྫན’’ནྟི ཁཎིཀབྷངྒེན བྷིཛྫནཾ. ‘‘པལུཛྫན’’ནྟི སཎྛཱནབྷེདེན སནྟཏིཙྪེདེན ནཱནཔྤཀཱརཏོ བྷིཛྫནཾ. ནིབྦཱནཾ པན ཨིདྷ ན ལབྦྷཏི ཙིཏྟསངྒཧཱདྷིཀཱརཏྟཱཏི ཨདྷིཔྤཱཡོ. སོ ཙ ཨཔརིཡཱཔནྣབྷཱཝོ, ཝིསུཾ ཨེཀཱཙཏུཏྠཱི ཨཝཏྠཱ བྷཱུམིནཱམཱཏི ཡོཛནཱ.

ཙཏུབྦྷཱུམིཝིབྷཱགཝཎྞནཱ ནིཊྛིཏཱ.

༢༡. ‘‘ཧཱིན’’ནྟི སདྡྷཱསཏིཨཱདཱིཧི སོབྷཎདྷམྨེཧི ཨཡུཏྟཏྟཱཧཱིནཾ. ‘‘སབྦཧཱིན’’ནྟི ལོབྷཱདཱིཧི པཱཔདྷམྨེཧི ཡུཏྟཏྟཱ སབྦ ཙིཏྟེཧི ཧཱིནཏརཾ. ‘‘ཏདཏྠོ’’ཏི ཨུཔརིམཱནཾ ཙིཏྟཱནཾ སོབྷཎསཉྙཱཀརཎསུཁཏྠོ. ‘‘ཨཱདིཏོ’’ཏིཨཱདིམྷི. ‘‘ཝཱིཐིཙིཏྟཝསེནཱཏི ཨེཏཾ མམ, ཨེསོཧམསྨི, ཨེསོམེ ཨཏྟཱཏི ཨེཝཾ པཝཏྟསྶ བྷཝནིཀནྟི ཛཝནཝཱིཐིཙིཏྟསྶ ཝསེན. ཨེཝཉྩསཏི, ཀིཾ ཀཱརཎཾ ལོབྷམཱུལཙིཏྟསྶཔཐམཾ ཝཙནེཏི ཨཱཧ ‘‘ཨཀུསལེསུ པནཱ’’ཏིཨཱདིཾ ¶ .‘‘དྭཱིཧིཝཊྚམཱུལེཧཱི’’ཏི ལོབྷམོཧསངྑཱཏེཧི དྭཱིཧི ཝཊྚམཱུལེཧི.

༢༢. ‘‘སིནིདྡྷཙིཏྟ’’ནྟི སཱཏཝེདནཱཡུཏྟཏྟཱལཱུཁཙིཏྟཾ ན ཧོཏཱིཏི ཨདྷིཔྤཱཡོ. སུམནསྶབྷཱཝོཏི ཝུཏྟེ ཀཱཡིཀསུཁཝེདནཱཡཔི པསངྒོ སིཡཱཏི ཝུཏྟཾ ‘‘མཱནསིཀ…པེ… ནཱམ’’ནྟི. ‘‘སུམནཱབྷིདྷཱནསྶཱ’’ཏི སུམནནཱམསྶ. ‘‘པཝཏྟིནིམིཏྟ’’ནྟི པཝཏྟིཡཱ ཨཱསནྣ ཀཱརཎཾ. ཀཐཾ པན བྷཱཝོ པཝཏྟིནིམིཏྟཾ ནཱམཧོཏཱིཏི ཨཱཧ ‘‘བྷཝནྟི…པེ… ཀཏྭཱ’’ཏི. ནིམིཏྟེ བྷུམྨཾ. ཏཐཱཧི བྷཱཝོ ནཱམ སདྡཔྤཝཏྟིནིམིཏྟནྟི ཝུཏྟཾ. ཨིདཱནི ནིམིཏྟ ལཀྑཎཾ དསྶེནྟོ ‘‘ཡཐཱཧཱི’’ཏིཨཱདིམཱཧ. ‘‘ཏཏྠཱ’’ཏི ཏསྨིཾ པཡོགེ. ‘‘དནྟ ནིམིཏྟ’’ནྟི དནྟཀཱརཎཱ. ‘‘ཏཾ ཝེདནཱ ནིམིཏྟ’’ནྟི ཏཾ ཝེདནཱཀཱརཎཱ. ཨེཏྠ སིཡཱ, ‘‘ཨེཏསྨིནྟི ནིམིཏྟེ བྷུམྨ’’ནྟི ཝུཏྟཾ, ནིམིཏྟཉྩནཱམ ཨཀཱརཀཾ ཨསཱདྷནཾ, ཏཾ ཀཐཾ སཱདྷནཝིགྒཧེ ཡུཛྫཏཱིཏི. ཨདྷིཀརཎ སཱདྷནཱནུརཱུཔཏྟཱ སདྡཔྤཝཏྟིནིམིཏྟསྶཱཏི དཊྛབྦཾ. ཨེཏེནཱཏི ཙ ཨེཏསྨཱཏི ཙ ཧེཏུ ཨཏྠེ ཨུབྷཡཝཙནནྟི ཝདནྟི. ཨཱསནྣཧེཏུ ནཱམསཱདྷནརཱུཔོ བྷཝཏཱིཏི ཏེསཾ ཨདྷིཔྤཱཡོ. སུཊྛུ ཀརོཏི, པཀཏིཔཙྩཡེན ཨནིཔྥནྣཾ ཀམྨཾ ཨཏྟནོ བལེན ནིཔྥཱདེཏཱིཏི སངྑཱརོ. ‘‘པུབྦཱབྷིསངྑཱརོ’’ཏི པུབྦབྷཱགེ ཨབྷིསངྑཱརོ. པཡོཛེཏི ནིཡོཛེཏཱིཏི པཡོགོ. ཨུཔེཏི ཕལསངྑཱཏོ ཨཏྠོ ཨེཏེནཱཏི ཨུཔཱཡོ. ‘‘ཨཱཎཏྟིཡཱཝཱ’’ཏི པེསནཱཡཝཱ. ‘‘ཨཛ྄ཛྷེསནེན ཝཱ’’ཏི ཨཱཡཱཙནེན ཝཱ. ‘‘ཏཛྫེཏྭཱ ཝཱ’’ཏི བྷཡཾ དསྶེཏྭཱ ཝཱ. ‘‘ཏཾ ཏཾ ཨུཔཱཡཾ པརེ ཨཱཙིཀྑ’’ནྟི. ཀཐཾ ཨཱཙིཀྑནྟཱིཏི ཨཱཧ ‘‘ཨཀརཎེ’’ཏིཨཱདིཾ. ‘‘ཏསྨིཾ ཏསྨིཾ ཀམྨེ པཡོཛེཏཱིཏིཀཏྭཱ ཨིདྷ སངྑཱརོ ནཱམཱ’’ཏི ཡོཛནཱ. ‘‘པཙྩཡ གཎོ’’ཏི པཀཏིཔཙྩཡགཎོ. ‘‘ཏེནཱ’’ཏི སངྑཱརེན. ‘‘སཱདྷཱརཎོ’’ཏི ཀུསལཱཀུསལཱབྱཱཀཏཱནཾ སཱདྷཱརཎོ. ‘‘དུཝིདྷེན སངྑཱརེནཱ’’ཏི པཡོགེན ཝཱ ཨུཔཱཡེན ཝཱ. ‘‘ཡོ པན ཏེནསཧིཏོ’’ཏིཨཱདིནཱ པུབྦེཝུཏྟམེཝཏྠཾ པཀཱརནྟརེནཔཱཀཊཾ ཀཱཏུཾ ‘‘སོཔན ཡདཱ’’ཏིཨཱདི ཝུཏྟཾ. ‘‘ཨིཏཱི’’ཏིཨཱདི ལདྡྷགུཎ ཝཙནཾ. ‘‘པཙྩཡགཎསྶེཝནཱམ’’ནྟི པཙྩཡགཎསྶེཝ ཝིསེས ནཱམནྟི ¶ ཝུཏྟཾ ཧོཏི. ཨུཔྤནྣཏྠེ ཨིཀཔཙྩཡོཏི ཀཐཾ ཝིཉྙཱཡཏཱིཏི ཨཱཧ ‘‘ཡསྨིཾ སམཡེ’’ཏིཨཱདིཾ. ‘‘པཱལི༹ཡ’’ནྟི དྷམྨསངྒཎིཔཱལི༹ཡཾ. ‘‘ཨསལླཀྑེཏྭཱ’’ཏི ཨཙིནྟེཏྭཱ ཨིཙྩེཝཏྠོ. སབྦམེཏཾ ནཡུཛྫཏིཡེཝ. ཀསྨཱ, པཱལི༹ཨཊྛཀཐཱཧི ཨསཾསནྡནཏྟཱ, ཨཏྠཡུཏྟིབྱཉྫནཡུཏྟཱིནཉྩ ཨཝིསདཏྟཱཏི ཨདྷིཔྤཱཡོ. ‘‘ཏ’’ནྟི ཙིཏྟཾ. ‘‘ཨེཏེནཱ’’ཏི པུབྦཔྤཡོགེན. ‘‘ཡཐཱཝུཏྟནཡེནཱ’’ཏི ཏིཀྑབྷཱཝསངྑཱཏམཎྜནཝིསེསེན. ‘‘སོ པནཱ’’ཏི པུབྦཔྤཡོགོ པན. ‘‘ཨིཏཱི’’ཏི ཏསྨཱ. ‘‘ཏཾ ནིབྦཏྟིཏོ’’ཏི ཏེན པུབྦཔྤཡོགེན ནིབྦཏྟིཏོ. ‘‘ཝིརཛ྄ཛྷིཏྭཱ’’ཏི ཨཡུཏྟཔཀྑེཔཏིཏྭཱ. ཨེཏེནཔཊིཀྑིཏྟཱ ཧོཏཱིཏི སམྦནྡྷོ. གཱཐཱཡཾ. ‘‘ཙིཏྟསམྦྷཝཱི’’ཏི ཙིཏྟསྨིཾ སམྦྷཱུཏོ. ཝིསེསོ སངྑཱརོ ནཱམཱཏི ཡོཛནཱ. སལོམཀོ, སཔཀྑཀོཏྱཱདཱིསུཝིཡཱཏི ཝུཏྟཾ. སཱསཝཱ དྷམྨཱ, སཱརམྨཎཱ དྷམྨཱཏྱཱདཱིསུཝིཡཱཏི པན ཝུཏྟེ ཡུཏྟཏརཾ. ‘‘པཱལི༹ཨཊྛཀཐཱ སིདྡྷ’’ནྟི པཱལི༹ཨཊྛཀཐཱཏོ སིདྡྷཾ. ཨཔིཙཡཏྠཝིསུདྡྷིམགྒཱདཱིསུ ཨསངྑཱརཾ ཙིཏྟཾ, སསངྑཱརཾ ཙིཏྟནྟི ཨཱགཏཾ. ཏཏྠ ཨཡཾ པཙྪིམནཡོ ཡུཏྟོ. ཨུཔཱཡསམུཊྛིཏསྶ ཨནེཀསཏསམྦྷཝཏོ ‘‘ཨིདཉྩ ནཡདསྶནམེཝཱ’’ཏི ཝུཏྟཾ. ‘‘ཨུདཱསིནབྷཱཝེནཱ’’ཏི མཛ྄ཛྷཏྟབྷཱཝེན. ‘‘ཡཏོ’’ཏི ཡསྨཱ. ཝིཀཱརཔཏྟོ ཧོཏི. ཏཏོ ཨདྷིམཏྟཔསྶནཾ ཝིཉྙཱཡཏཱིཏི ཡོཛནཱ.

༢༣. ཨིདཱནི སཧགཏཝཙན སམྤཡུཏྟཝཙནཱནི ཝིཙཱརེནྟོ ‘‘ཨེཏྠཙཱ’’ཏིཨཱདིམཱརབྷི. ‘‘ན པན ཏེ བྷེདཝནྟཱ ཧོནྟཱི’’ཏི ཀསྨཱ ཝུཏྟཾ. ན ནུ ཏེཔིཙཀྑུ སམྥསྶོ, སོཏསམྥསྶོ, ཏིཨཱདིནཱ ཙ, ཀཱམཝིཏཀྐོ, བྱཱཔཱདཝིཏཀྐོ, ཏིཨཱདིནཱ ཙ, དུཀྑེ ཨཉྙཱཎཾ, དུཀྑསམུདཡེ ཨཉྙཱཎ, ནྟིཨཱདིནཱཙ བྷེདཝནྟཱ ཧོནྟཱིཏི. སཙྩཾ. ཏེ པན བྷེདཱ ཨིམཾ ཙིཏྟཾ བྷིནྣཾ ན ཀརོནྟི. ཏསྨཱ ཏེ བྷེདཝནྟཱན ཧོནྟཱིཏི ཝུཏྟཱ. ན ཙ ཏེསཾ ཨཡཾ ཝིཀཔྤོ ཨཏྠཱིཏི སམྦནྡྷོ. ‘‘ཨིམསྨིཾ ཙིཏྟེ’’ཏི ལོབྷམཱུལཙིཏྟེ. ‘‘ཀཏྠཙཱི’’ཏི ཀིསྨིཉྩི ཙིཏྟེ. ཡེཝཱཔནཱཏི ཝུཏྟེ སུདྷམྨེསུ ཨཱགཏཱནིཡེཝཱཔནཀཱནི. ‘‘ཨཉྙེཧཱི’’ཏི དོསམཱུལམོཧམཱུལེཧི. ནནུཏཱནིཔི ཨིདྷ གཧེཏབྦཱནཱིཏི སམྦནྡྷོ. ‘‘ནཱ’’ཏི ན གཧེཏབྦཱནི. ཀསྨཱཏི ཨཱཧ ‘‘ཏེསུཧཱི’’ཏིཨཱདིཾ ¶ . ཏེཔི ཨིདྷ ནགཧེཏབྦཱ སིཡུཾ. ན པན ན གཧེཏབྦཱ. ཀསྨཱ, ཝེདནཱཡ ཙ སཡཾ བྷེདཝནྟཏྟཱ, དིཊྛིསངྑཱརཱནཉྩ ཝིཀཔྤསབྦྷཱཝཱཏི ཨདྷིཔྤཱཡོ.

༢༤. ‘‘སོམནསྶསྶཀཱརཎ’’ནྟི སོམནསྶུཔྤཏྟིཡཱ ཀཱརཎཾ. སོམནསྶུཔྤཏྟིཡཱ ཀཱརཎེ ཝུཏྟེ ཏཾ སཧགཏ ཙིཏྟུཔྤཏྟིཡཱཔིཀཱརཎཾ སིདྡྷཾ ཧོཏཱིཏི ཀཏྭཱ ཏམེཝ ཝུཏྟནྟི དཊྛབྦཾ. ཏེནཱཧ ‘‘སོམནསྶཔྤཊིསནྡྷིཀོཧཱི’’ཏིཨཱདིཾ. ཧཱིནེན ཝཱ…པེ… ཨཱརམྨཎེན སམཱཡོགོ, ཏེན སམཱཡུཏྟསྶཱཔི ཙིཏྟཾ ཨུཔྤཛྫམཱནནྟིཨཱདིནཱ ཝཏྟབྦཾ. ཏཐཱ བྱསནམུཏྟིཡཾཔི. ཨུཔེཀྑཱཀཱརཎེ ‘‘བྱསནམུཏྟཱི’’ཏི ཨིདཾ དོམནསྶཔྤསངྒཔརིཧཱརཝཙནཾ. ཨཛ྄ཛྷཱསཡོཝུཙྩཏི ཨཛ྄ཛྷཱཝུཏྟཾ གེཧཾ. དིཊྛིསངྑཱཏོ ཨཛ྄ཛྷཱསཡོཡསྶཱཏི དིཊྛཛ྄ཛྷཱསཡོ. ཏསྶ བྷཱཝོ དིཊྛཛ྄ཛྷཱསཡཏཱ. ‘‘ཨཡོནིསོ ཨུམྨུཛྫན’’ནྟི ཨནུཔཱཡཏོ ཨཱབྷུཛནཾ, མནསིཀརཎཾ. ‘‘ཙིནྟཱ པསུཏཝསེནཱ’’ཏི གམྦྷཱིརེསུ དྷམྨེསུ ཙིནྟཱཔསཝནཝསེན, ཝཱིམཾསཱ ཝཌྜྷནཝསེན. ‘‘དིཊྛཀཱརཎམེཝཱ’’ཏི དིཊྛཾ ཀཱརཎཔྤཊིརཱུཔཀམེཝ. ཏེནཱཧ ‘‘སཱརཏོསཙྩཏོ ཨུམྨུཛྫན’’ནྟི. ‘‘ཏབྦིཔརཱིཏེནཱ’’ཏི ཏཏོ ཝིཔརཱིཏེན. ཨདིཊྛཛ྄ཛྷཱསཡཏཱ, དིཊྛིཝིཔནྣཔུགྒལཔརིཝཛྫནཏཱ, སདྡྷམྨསཝནཏཱ, སམྨཱཝིཏཀྐབཧུལཏཱ, ཡོནིསོ ཨུམྨུཛྫནཉྩ དིཊྛིཝིཔྤཡོགཀཱརཎནྟི ཝཏྟབྦཾ.

‘‘ཨིམེསཾ པན ཙིཏྟཱནཾ ཨུཔྤཏྟིཝིདྷཱནཾ ཝིསུདྡྷིམགྒེགཧེཏབྦ’’ནྟི ཝིསུདྡྷི མགྒེཁནྡྷ ནིདྡེསཏོ གཧེཏབྦཾ. ཝུཏྟཉྷིཏཏྠ. ཡདཱ ཧིནཏྠིཀཱམེསུ ཨཱདཱིནཝོཏིཨཱདིནཱནཡེན མིཙྪཱདིཊྛིཾ པུརེཀྑིཏྭཱ ཧཊྛཏུཊྛོ ཀཱམེཝཱ པརིབྷུཉྫཏི, དིཊྛམངྒལཱདཱིནི ཝཱ སཱརཏོཔཙྩེཏི སབྷཱཝ ཏིཀྑེན ཨནུསྶཱཧིཏེནཙིཏྟེན. ཏདཱ པཐམཾ ཨཀུསལ ཙིཏྟཾ ཨུཔྤཛྫཏི. ཡདཱ མནྡེན སམུསྶཱཧིཏེན ཙིཏྟེན, ཏདཱདུཏཱིཡཾ. ཡདཱ མིཙྪཱ དིཊྛིཾ ཨཔུརེཀྑིཏྭཱ ཀེཝལཾ ཧཊྛཏུཊྛོ མེཐུནཾ ཝཱ སེཝཏི, པར སམྤཏྟིཾ ཝཱ ཨབྷིཛ྄ཛྷཱཡཏི, པརབྷཎྜཾ ཝཱ ཧརཏི སབྷཱཝཏིཀྑེནེཝ ཨནུསྶཱཧིཏེན ཙིཏྟེན. ཏདཱ ཏཏཱིཡཾ. ཡདཱ མནྡེན སམུསྶཱཧིཏེནཙིཏྟེན, ཏདཱ ཙཏུཏྠཾ. ཡདཱ པན ཀཱམཱནཾ ཝཱ ཨསམྤཏྟིཾ ཨཱགམྨ ཨཉྙེསཾ ཝཱ སོམནསྶཧེཏཱུནཾ ཨབྷཱཝེན ཙཏཱུསུཔི ཝིཀཔྤེསུ སོམནསྶརཧིཏཱཧོནྟི ¶ , ཏདཱསེསཱནི ཙཏྟཱརི ཨུཔེཀྑཱསཧགཏཱནི ཨུཔྤཛྫནྟཱིཏི.

ལོབྷམཱུལཙིཏྟཝཎྞནཱ ནིཊྛིཏཱ.

༢༥. དོསམཱུལཙིཏྟེ. ‘‘ཝིརཱུཔ’’ནྟི དུཊྛཾ, ལུདྡཾ. དུམྨནསྶ བྷཱཝོཏི ཝུཏྟེ ཀཱཡིཀདུཀྑཝེདནཱཡཔི པསངྒོ སིཡཱཏི ཝུཏྟཾ ‘‘མཱནསིཀ…པེ… ནཱམ’’ནྟི. པཊིཧཉྙཏི བཱདྷཏི. ‘‘སནྟཏྟེ’’ཏི སནྟཱཔིཏེ.

༢༦. ‘‘བྷེདཀརོ’’ཏི ཨཉྙམཉྙཝིསེསཀརོ. ‘‘བྷེདཀརཱན ཧོནྟཱི’’ཏི ཨིམསྶ ཙིཏྟསྶ ཨཉྙམཉྙཝིསེསཀརཱན ཧོནྟི. དོམནསྶགྒཧཎཾ པསངྒནིཝཏྟནཏྠཾ གཧིཏནྟི ཡོཛནཱ. པསངྒོཏི ཙནཱནཔྤཀཱརཏོ སཛྫནཾ ལགྒནཾ. ཀཐཾ པསངྒོཏི ཨཱཧ ‘‘ཡདཱཧཱི’’ཏིཨཱདིཾ. ‘‘ཏུཊྛིཾ པཝེདེནྟཱི’’ཏི ཏུཊྛཱམཡཾ ཨིམེསཾ མརཎེནཱཏིཨཱདི ཙིཀྑནྟི. ཨེཝཾ སཧགཏཔྤསངྒཾ ནིཝཏྟེཏྭཱ སམྤཡུཏྟཔྤསངྒཾ ནིཝཏྟེཏུཾ ‘‘པཊིགྷགྒཧཎཾཔཱི’’ཏིཨཱདི ཝུཏྟཾ. ཏིརཙྪཱནགཏཔཱཎཝདྷེ ཨཔུཉྙཾ ནཱམ ནཏྠི. ཨཱདིཀཔྤཏོ པཊྛཱཡ མནུསྶཱནཾ ཡཐཱཀཱམ པརིབྷོགཏྠཱཡ ལོཀིསྶརིཡེནཐཱཝརཊྛཱཡིནཱ ནིམྨིཏཏྟཱཏི ཨདྷིཔྤཱཡོ. ‘‘ཝིསྶཊྛཱ’’ཏི ཨནཱསངྐཱ. ‘‘ཨཉྙེཝཱ’’ཏི ཨཉྙེ ཝཱ ཛནེ. ཝིམཏི ཨེཝ ཝེམཏིཀཾ. ཝེམཏིཀཾ ཛཱཏཾ ཡེསཾ ཏེ ཝེམཏིཀཛཱཏཱ. པུརིམཙིཏྟསྶལོབྷསཧགཏབྷཱཝོ ཨིམཱནིཨཊྛཔི ལོབྷསཧགཏཙིཏྟཱནིནཱམཱཏི ཨིམིནཱ ཙཱུལ༹ནིགམནེ ནེཝ སིདྡྷོཝིཡཱཏི ཡོཛནཱ. ཙཱུལ༹ནིགམནེན པཊིགྷསམྤཡུཏྟ བྷཱཝེསིདྡྷེ དོམནསྶསཧགཏབྷཱཝོཔི ཏེནསིདྡྷོ ཡེཝཱཏི ཀཏྭཱ ‘‘ཏེསཾ གཧཎཾ’’ཏི ཝུཏྟཾ. ‘‘ཏེས’’ནྟི དོནསྶཔཊིགྷཱནཾ. ཨིམསྨིཾ ཙིཏྟེ ཨིསྶཱམཙྪརིཡཀུཀྐུཙྩཱནིཙཐིནམིདྡྷཱནི ཙ ཨནིཡཏཡོགཱིནི ཙ ཧོནྟི ཡེཝཱཔནཀཱནི ཙ. ཏེནཱཧ ‘‘པུརིམཙིཏྟེ’’ཏིཨཱདིཾ. དོམནསྶཾ ཨིམསྨིཾ ཙིཏྟེ ཨཏྠི, ཨཉྙཙིཏྟེསུ ནཏྠི, ཏསྨཱ ཨསཱདྷཱརཎ དྷམྨོ ནཱམ. ཨནཉྙསཱདྷཱརཎ དྷམྨོཏིཔི ཝུཙྩཏི. ‘‘ཡཐཱཏཾ’’ཏི ཏཾ ནིདསྶནཾ ཏདུདཱཧརཎཾ ཡཐཱ ཀཏམནྟི ཨཏྠོ. ‘‘ཨུཔལཀྑེཏཱི’’ཏི ¶ སཉྙཱཔེཏི. ཨཱཏཔཾཏཱཡཏིརཀྑཏཱིཏི ཨཱཏཔཏྟཾ. སེཏཙྪཏྟཾ. ལདྡྷཾ ཨཱཏཔཏྟཾ ཡེནཱཏི ལདྡྷཱཏཔཏྟོ. རཱཛཀུམཱརོ. སོ ཨཱཏཔཏྟཾ ལདྡྷོཏི ཝུཏྟེ སབྦཾ རཱཛསམྤཏྟིཾ ལདྡྷོཏི ཝིཉྙཱཡཏི. ཏསྨཱ ཨིདཾ ཨུཔལཀྑཎ ཝཙནཾ ཛཱཏནྟི དཊྛབྦཾ. ‘‘ཨུབྷིནྣ’’ནྟི དྭིནྣཾ དོམནསྶ པཊིགྷཱནཾ. པུབྦེ དོམནསྶསཧགཏནྟི ཝཏྭཱ ནིགམནེ པཊིགྷསམྤཡུཏྟཙིཏྟཱནཱིཏི ཝུཏྟཏྟཱ ‘‘ཨིམསྶ…པེ… སིདྡྷིཏོ’’ཏི ཝུཏྟཾ.

༢༧. ‘‘ཨནིཊྛལོཀདྷམྨེཧཱི’’ཏི ཨལཱབྷོ ཙ, ཨཡསོཙ, ནིནྡཱཙ, དུཀྑཉྩཱཏི ཙཏཱུཧི ཨནིཊྛལོཀདྷམྨེཧི. ‘‘ཏཾ ཀུཏེཏྠ ལབྦྷཱ’’ཏི ཨཧཾ ཨལཱབྷཱདཱིཧི མཱསམཱགཙྪཱིཏི པཏྠེནྟསྶཔི ཀུཏོམེཨེཏྠལོཀེཏཾ པཏྠནཱ པཱུརཎཾ སབྦཀཱལཾ ལབྦྷཱཏི ཨཏྠོ. ‘‘ལབྦྷཱ’’ཏི ཙ ཀམྨཏྠདཱིཔཀཾ པཱཊིཔདིཀཔདཾ. ཨིམེསཾ ཨུཔྤཏྟིཝིདྷཱནཾ ཝིསུདྡྷིམགྒེ སངྑེཔཏོཝ ཝུཏྟཾ ཏསྶ པཱཎཱཏི པཱཏཱདཱིསུ ཏིཀྑམནྡཔྤཝཏྟིཀཱལེ པཝཏྟིཝེདིཏབྦཱཏི.

དོསམཱུལཙིཏྟཝཎྞནཱ ནིཊྛིཏཱ.

༢༨. མོཧམཱུལཙིཏྟེ. ‘‘མཱུལནྟརཝིརཧེནཱ’’ཏི ཨཉྙམཱུལཝིརཧེན. སཾསཔྤཏཱིཏི སཾསཔྤམཱནཱ. ཨེཝཾ ནུ ཁོ, ཨཉྙཐཱནུ ཁོཏི ཨེཝཾ དྭིདྷཱ ཨེརཡཏི ཀམྤཏཱིཏི ཨཏྠོ. ཝིཀྑིཔཏཱིཏི ཝིཀྑིཔམཱནཾ. ‘‘ནིཡམནཏྠ’’ནྟི ཨིདཾ ཝིཙིཀིཙྪཱསམྤཡུཏྟཾ ནཱམཱཏི ནིཡམནཏྠཾ. ཨིདཉྷི པཊིགྷསམྤཡུཏྟཾ ཝིཡ ནིགམནེན སིདྡྷཾ ན ཧོཏི. ‘‘ཨིདྷ ལདྡྷོཀཱསཾ ཧུཏྭཱ’’ཏི མཱུལནྟར ཝིརཧཏྟཱ ཨེཝ ཨིདྷལདྡྷོཀཱསཾ ཧུཏྭཱ. པཀཏི སབྷཱཝབྷཱུཏཾ, ཨིཏི ཏསྨཱ ནཏྠཱིཏི ཡོཛནཱ. ‘‘ཨནོསཀྐམཱན’’ནྟི པཙྪཏོ ཨནིཝཏྟམཱནཾ. ‘‘ཨསཾསཱིདམཱན’’ནྟི ཧེཊྛཏོ ཨཔཏམཱནཾ. ཨུབྷཡེན ཨབྦོཙྪིནྣནྟི ཝུཏྟཾ ཧོཏི. ‘‘ཨཏིསམྨུལ༹ྷཏཱཡཱ’’ཏི མཱུལནྟར ཝིརཧེན མོཧེན ཨཏིསམྨུལ༹ྷཏཱཡ. ‘‘ཨཏིཙཉྩལཏཱཡཱ’’ཏི སཾསཔྤམཱནཝིཀྑིཔམཱནེཧིཝིཙིཀིཙྪུདྡྷཙྩེཧི ཨཏིཙཉྩལཏཱཡ. ‘‘སབྦཏྠཔཱི’’ཏི སབྦེསུཔི ཨཱརམྨཎེསུ. ཨཊྛཀཐཱཡཾ སངྑཱར བྷེདེན ཨཝིཛྫཱཡ དུཝིདྷབྷཱཝོཝ ཝུཏྟོ. ཀཐཾ ཝུཏྟོ. ཨཝིཛྫཱ ཨཔྤཊིཔཏྟི མིཙྪཱ པཊིཔཏྟིཏོ དུཝིདྷཱ ཏཐཱ སསངྑཱ རཱསངྑཱརཏོཏི ¶ ཝུཏྟོ. ‘‘ཏིཝིདྷབྷཱཝོཝཱ’’ཏི ཨིམསྨིཾ ཙིཏྟེསངྑཱརཝིམུཏྟཱཡ ཨཝིཛྫཱཡ སདྡྷིཾ ཏིཝིདྷབྷཱཝོཝ. ཨིམེསཾ དྭིནྣཾ ཙིཏྟཱནཾ ཨུཔྤཏྟིཝིདྷཱནཾ ཝིསུདྡྷིམགྒེསངྑེཔཏོཝཝུཏྟཾ ཏསྶཨསནྣིཊྛཱནཝིཀྑེཔཀཱལེཔཝཏྟི ཝེདིཏབྦཱཏི.

༢༩. ‘‘སབྦཐཱཔཱི’’ཏི ནིཔཱཏསམུདཱཡོ ཝཱ ཧོཏུ ཨཉྙམཉྙཝེཝཙནོ ཝཱ, ཝིསུཾ ནིཔཱཏོཝཱཏི ཨེཝཾ སབྦཔྤཀཱརཏོཔི. ཨཀུསལཔདེ ཨཀཱརོ ཝིརུདྡྷཏྠོ. ཡཐཱ ཨམིཏྟོ, ཨསུརོ, ཏིདསྶེཏུཾ ‘‘ཨཀུསལཱནཱི’’ཏིཨཱདིམཱཧ. ‘‘པཊིཝིརུདྡྷབྷཱཝོ’’ཏི མོཧཱདཱིཧི ཨཀུསལེཧི ཝིརུདྡྷབྷཱཝོ. བྷཱཝནཾནཱརཧནྟཱིཏི ‘‘ཨབྷཱཝནཱརཧཱ’’. ཀཐཾ པན བྷཱཝནཾནཱརཧནྟཱིཏི ཨཱཧ ‘‘པུནཔྤུན’’ནྟིཨཱདིཾ. ‘‘ནིཡཱམཾ ཨོཀྐམནྟཱཔཱི’’ཏི པཉྩཱནནྟརིཡ ཀམྨབྷཱཝེན ནིཡཏམིཙྪཱདིཊྛིབྷཱཝེན ཙ ནིཡཱམཾ ཨོཀྐམནྟཱཔི. ཨཔཱཡཾ བྷཛནྟཱིཏི ཨཔཱཡབྷཱགིནོ. ཀམྨཀཱརཀཱ. ཏེསཾ བྷཱཝོ. ཏཱཡ. ‘‘ཝཊྚསོཏནིཡཏེ’’ཏི སཾསཱརཝཊྚ སོཏསྨིཾ ནིཡཏེ. ‘‘ཐིརཏརཔཏྟཱ’’ཏི སམཱདྷིཝསེན ཐིརཏརབྷཱཝཾ པཏྟཱ. ཨིདཱནི ཏམེཝཏྠཾ པཀཱརནྟརེན ཝིབྷཱཝེཏུཾ ‘‘ཨཔིཙཱ’’ཏིཨཱདིམཱཧ. ‘‘སིཡུ’’ནྟི པདཾ དྷཱཏུཔཙྩཡེཧི སིདྡྷཾ ནིཔྥནྣཔདཾ ནཱམ ནཧོཏི. ཀསྨཱ, ཨིདྷཔརིཀཔྤཏྠསྶ ཨསམྦྷཝཏོ. ནིཔཱཏཔདཾ ཧོཏི. ཀསྨཱ, ཨནེཀཏྠཏཱ སམྦྷཝཏོ. ཨིདྷ པན བྷཝནྟི སདྡེན སམཱནཏྠོ. ཏེནཱཧ ‘‘ནིཔཱཏཔདཾ ཨིདྷ དཊྛབྦ’’ནྟི.

ཨཀུསལཝཎྞནཱ.

༣༠. ཨཧེཏུཀཙིཏྟེ. ‘‘སབྦནིཧཱིན’’ནྟི སབྦཙིཏྟེཧི ཧཱིནཾ. པུན ‘‘སབྦནིཧཱིན’’ནྟི སབྦཱཧེཏུཀེཧི ཧཱིནཾ. ‘‘ཏ’’ནྟི ཨཀུསལ ཝིཔཱཀཾ.

༣༡. སུཏྟཔཱལི༹ཡཾ, ‘‘ཀཊྛ’’ནྟི སུཀྑདཱརུཾ. ‘‘སཀལིཀ’’ནྟི ཚིནྡིཏཕཱལིཏཾ ཀཊྛཀྑཎྜཀཾ. ‘‘ཐུས’’ནྟི ཝཱིཧིསུངྐཾ. ‘‘སངྐཱར’’ནྟི ཀཙཝརཾ. ཙཀྑུཉྩརཱུཔེ ཙ པཊིཙྩ ཡཾཝིཉྙཱཎཾ ཨུཔྤཛྫཏི. ཏཾ ཙཀྑུཝིཉྙཱཎནྟྭེཝ ཝུཙྩཏཱིཏིཨཱདིནཱ ཡོཛེཏབྦཾ. ཏཏྠ ‘‘རཱུཔེ’’ཏི རཱུཔཱརམྨཎཱན ¶ . ‘‘སདྡེ’’ཏིཨཱདཱིསུཔི ཨེསནཡོ. ཨེཏྠ ཙ ཝིཉྙཱཎཱནི ཨེཀཝཏྠུ ནིསྶིཏཱནི ཧོནྟི. ཏསྨཱ ཝཏྠུ དྭཱརེསུ ཨེཀཝཙནཾ ཝུཏྟཾ. ཨཱརམྨཎཱནི པན ཨེཀཝིཉྙཱཎེནཱཔི བཧཱུནི གཧིཏཱནི. ཏསྨཱ ཨཱརམྨཎེསུ བཧུཝཙནཾ. ‘‘དུཀྑཡཏཱི’’ཏི དུཀྑཾ ཀརོཏི. ནཱམདྷཱཏུ པདཉྷེཏཾ. ཡཐཱ ཨཏྟཱནཾ སུཁེཏི ཝཱིཎེཏཱིཏི སདྡཝིདཱུ. དྷཱཏུཔཱཋེསུ པན སུཁདུཀྑཏཀྐིརིཡཱཡཾཏི ཝུཏྟཾ. ཏཀྐིརིཡཱཏི ཙ སུཁཀིརིཡཱ དུཀྑ ཀིརིཡཱཏི ཨཏྠོ. སཱཏཀིརིཡཱ ཨསྶཱཏཀིརིཡཱཏི ཝུཏྟཾ ཧོཏི. ཙ སདྡོ ཨོཀཱསཏྠོཏི ཀཏྭཱ ‘‘དུཀྐརཾ ཨོཀཱསདཱན’’ནྟི ཝུཏྟཾ.

༣༢. ‘‘ཙཀྑུསྶ ཨསམྦྷིནྣཏཱ’’ཏི ཙཀྑུཔསཱདརཱུཔསྶ ཨབྷིནྣཏཱ. ཏསྨིཉྷི བྷིནྣེསཏི ཨནྡྷསྶ ཙཀྑུསྶ རཱུཔཱནིནུཔཊྛཧནྟཱིཏི. ‘‘སོཏསྶཨསམྦྷིནྣཏཱ’’ཏིཨཱདཱིསུཔི ཨེསནཡོ. ‘‘ཨཱལོཀསནྣིསྶཡཔྤཊིལཱབྷོ’’ཏི ཙཀྑུ ཙ ཨཱལོཀེསཏི ཀིཙྩཀཱརཱི ཧོཏི. ཨསཏི ནཧོཏི. ཏཐཱ རཱུཔཉྩ. ཏསྨཱ ཨཱལོཀོ ཏེསཾ ཝིསཡཝིསཡཱིབྷཱཝཱུཔགམནེ སནྣིསྶཡོ ཧོཏི. ཏསྶ ཨཱལོཀསནྣིསྶཡསྶ པཊིལཱབྷོ. ཨེསནཡོ ཨཱཀཱསསནྣིསྶཡཱདཱིསུ. ཨིམེསཾ ཨངྒཱནཾ ཡུཏྟི དཱིཔནཱ ཨུཔརིརཱུཔསངྒཧེ ཨཱགམིསྶཏི. ‘‘ཨཊྛཀཐཱཡ’’ནྟི ཨཊྛསཱལིནིཡཾ. ཏཏྠ ‘‘ཏསྨིཾ པན ཨཱཔཱཏཾ ཨཱགཙྪནྟེཔི ཨཱལོཀསནྣིསྶཡེ ཨསཏི ཙཀྑུཝིཉྙཱཎཾ ནུཔྤཛྫཏཱི’’ཏི ཝཙནཾ ཨསམྦྷཱཝེནྟོ ‘‘ཏཾ ཝིནཱ ཨཱལོཀེནཱ’’ཏིཨཱདིམཱཧ. ‘‘ཨབྷཱཝདསྶན པར’’ནྟི ཨབྷཱཝདསྶནཔྤདྷཱནཾ.

༣༣. ཝིཔཱཀཝཙནཏྠེ. ཝིཔཙྩཏཱིཏི ཝིཔཱཀཾ. ཝིཔཙྩཏཱིཏི ཙ ཝིཔཀྐབྷཱཝཾ ཨཱཔཛྫཏི. པུབྦེ ཀཏཀམྨཾ ཨིདཱནི ནིབྦཏྟིཾ པཱཔུཎཱཏཱིཏི ཝུཏྟཾ ཧོཏི. ཨིདཱནི ཏདཏྠཾ པཱཀཊཾ ཀརོནྟོ ‘‘ཨཡཉྩ ཨཏྠོ’’ཏིཨཱདིམཱཧ. ཨཊྛཀཐཱཡཾ ཨཱཡཱུཧན སམངྒིཏཱཔི ཨཱགཏཱ. ཨིདྷ པནསཱ ཙེཏནཱ སམངྒིཏཱཡ སངྒཧིཏཱཏི ཀཏྭཱ ‘‘ཙཏསྶོ སམངྒིཐཱ’’ཏི ཝུཏྟཾ. སམངྒིཏཱཏི ཙ སམྤནྣཏཱ. ‘‘ཏཾ ཏཾ ཀམྨཱཡཱུཧན ཀཱལེ’’ཏི པཱཎཱཏི པཱཏཱདིཀསྶ ཏབྦིརམཎཱདིཀསྶ ཙ ཏསྶ ཏསྶ དུཙྩརིཏསུཙརིཏཀམྨསྶ ཨཱཡཱུཧནཀཱལེ. སམུཙྩིནནཀཱལེཏི ཨཏྠོ. ‘‘སབྦསོ ཨབྷཱཝཾ པཏྭཱན ནིརུཛ྄ཛྷཏཱི’’ཏི ཡཐཱ ཨབྱཱཀཏ ¶ དྷམྨཱནིརུཛ྄ཛྷམཱནཱ སབྦསོ ཨབྷཱཝཾ པཏྭཱ ནིརུཛ྄ཛྷནྟི. ཏཐཱ ནནིརུཛ྄ཛྷནྟཱིཏི ཨདྷིཔྤཱཡོ. ‘‘སབྦཱཀཱར པརིཔཱུར’’ནྟི པཱཎཱཏིཔཱཏཾ ཀརོནྟསྶ ཀམྨཱནུ རཱུཔཱབཧཱུཀཱཡ ཝཙཱིམནོ ཝིཀཱརཱ སནྡིསྶནྟི. ཨེསནཡོ ཨདིནྣཱདཱནཱདཱིསུ. ཨེཝརཱུཔེཧི སབྦེཧི ཨཱཀཱར ཝིཀཱརེཧི པརིཔཱུརཾ. ‘‘ནིདཧིཏྭཱ ཝཱ’’ཏི སཎྛཔེཏྭཱ ཨེཝ. ‘‘ཡཾསནྡྷཱཡཱ’’ཏི ཡཾཀིརིཡཱཝིསེསནིདྷཱནཾ སནྡྷཱཡ.

གཱཐཱཡཾ. ‘‘སཛྫཱུ’’ཏི ཨིམསྨིཾ དིཝསེ. ‘‘ཁཱིརཾ ཝམུཙྩཏཱི’’ཏི ཡཐཱ ཁཱིརཾ ནཱམ ཨིམསྨིཾ དིཝསེ མུཙྩཏི. པཀཏིཾ ཛཧཏི. ཝིཔརིཎཱམཾ གཙྪཏི. ན ཏཐཱ པཱཔཾ ཀཏཾ ཀམྨནྟི ཡོཛནཱ. ཀཐཾ པན ཧོཏཱིཏི ཨཱཧ ‘‘དཧནྟཾ བཱལམནྭེཏཱི’’ཏི. ‘‘བྷསྨཱཚནྣོཝཔཱཝཀོ’’ཏི ཚཱརིཀཱ ཚནྣོཝིཡ ཨགྒི. ‘‘སོ པནཱ’’ཏི ཀིརིཡཱ ཝིསེསོ པན. ‘‘ཝིསུཾ ཨེཀོ པརམཏྠ དྷམྨོཏིཔི སངྑྱཾ ན གཙྪཏཱི’’ཏི ཝིསུཾ སམྤཡུཏྟ དྷམྨ བྷཱཝེན སངྑྱཾ ན གཙྪཏཱིཏི ཨདྷིཔྤཱཡོ. སོ ཧི ཀམྨཔཙྩཡདྷམྨཏྟཱ པརམཏྠ དྷམྨོ ན ཧོཏཱིཏི ན ཝཏྟབྦོ. ཏེནཱཧ ‘‘ཨནུསཡདྷཱཏུཡོ ཝིཡཱ’’ཏི. ‘‘སོ’’ཏི ཀིརིཡཱཝིསེསོ. ‘‘ཏ’’ནྟི ཀམྨཾ ཝཱ, ཀམྨནིམིཏྟཾ ཝཱ, གཏིནིམིཏྟཾ ཝཱ. ‘‘ཏདཱ ཨོཀཱསཾ ལབྷཏཱི’’ཏི ཝིཔཙྩནཏྠཱཡ ཨོཀཱསཾ ལབྷཏི. ཨོཀཱསཾ ལབྷིཏྭཱ པཙྩུཔཊྛཱཏཱིཏི ཨདྷིཔྤཱཡོ. ‘‘ཏཏྠཱ’’ཏི ཏཱསུ ཙ ཏཱུསུསམངྒིཏཱསུ. ‘‘ཨིཏཱི’’ཏི ལདྡྷགུཎཝཙནཾ. ‘‘ཨེཝཉྩ ཀཏྭཱ’’ཏིཨཱདི པུན ལདྡྷགུཎཝཙནཾ. ‘‘པཱལི༹ཡ’’ནྟི དྷམྨསངྒཎི པཱལི༹ཡཾ. ‘‘ཀམྨསནྟཱནཏོ’’ཏི ཨརཱུཔསནྟཱནཾ ཨེཝ ཝུཙྩཏི. ‘‘ཡེ པནཱ’’ཏི གནྠཀཱརཱ པན. ‘‘ཏེས’’ནྟི གནྠཀཱརཱནཾ. ཨཱཔཛྫཏཱིཏི སམྦནྡྷོ. ཏེསཾ ཝཱདེཏི ཝཱ ཡོཛེཏབྦཾ. ཡཉྩཨུཔམཾ དསྶེནྟཱིཏི ཡོཛནཱ. ‘‘ཏཏྠཱ’’ཏི ཏསྨིཾ ཝཙནེ. ན ཙ ན ལབྷནྟཱིཏི ཡོཛནཱ. ‘‘ཏདཱ’’ཏི ཏསྨིཾ པརིཎཏཀཱལེ. ‘‘ནཱལ༹’’ནྟི པུཔྥཕལཱནཾ དཎྜཀཾ.

༣༤. ‘‘སམྦྷཝོ’’ཏི པསངྒཀཱརཎཾ. ཨབྷིཝིསེསེན ཙརཎཾ པཝཏྟནཾ ཨབྷིཙཱརོ. ཝིསེས ཝུཏྟི. ན ཨབྷིཙཱརོ བྱབྷིཙཱརོ. སཱམཉྙ ཝུཏྟི. པཀྑནྟརེན སཱདྷཱརཎཏཱཏི ཝུཏྟཾ ཧོཏི. པཀྑནྟརེན སཱདྷཱརཎཏཱ ནཱམཔཀྑནྟརསྶ ནཱནཔྤཀཱརཏོ སཛྫནམེཝ ལགྒནམེཝཱཏི ཝུཏྟཾ བྱབྷིཙཱརསྶཱཏི པསངྒསྶ ཨིཙྩེཝཏྠོཏི. ཨེཏྠཙཱཏིཨཱདིནཱ ¶ སམྦྷཝབྱབྷིཙཱརཱནཾ ཨབྷཱཝམེཝ ཝདཏི. ཨཀུསལཧེཏཱུཧི ཙ སཧེཏུཀཏཱ སམྦྷཝོ ནཏྠཱིཏི སམྦནྡྷོ. ‘‘ཏེས’’ནྟི ཨཀུསལཝིཔཱཀཱནཾ. ‘‘ཨབྱབྷིཙཱརོཡེཝཱ’’ཏི བྱབྷིཙཱརརཧིཏོཡེཝ.

༣༥. ‘‘པཉྩདྭཱརེ ཨུཔྤནྣ’’ནྟི པཉྩདྭཱརཝིཀཱརཾ པཊིཙྩ ཨུཔྤནྣཏྟཱ ཝུཏྟཾ. ཏེནཱཧ ‘‘ཏཉྷཱི’’ཏིཨཱདིཾ. ཨེསནཡོ མནོདྭཱརཱཝཛྫནེཔི.

ཡདི ཧི ཨཡམཏྠོསིཡཱ, ཨེཝཉྩསཏི, ཨཡམཏྠོ ཨཱཔཛྫཏཱིཏི སམྦནྡྷོ. ‘‘ཏེས’’ནྟི ཝཱིཐིཙིཏྟཱནཾ. ཨུཔྤཱདསདྡོནིཡཏཔུལླིངྒོཏི ཀཏྭཱ ‘‘ཊཱིཀཱསུ པན…པེ… ནིདྡིཊྛཾ’’ སིཡཱཏི ཝུཏྟཾ. ‘‘ཝུཏྟནཡེནཱ’’ཏི སམྤཡུཏྟཧེཏུཝིརཧཏོཏི ཝུཏྟནཡེན. ཝིཔཙྩན ཀིཙྩཾ ནཱམ ཝིཔཱཀཱནཾ ཀིཙྩཾ. ཝིཔཱཀུཔྤཱདནཀིཙྩཾ ནཱམ ཀུསལཱཀུསལཱནཾ ཀིཙྩཾ. ‘‘ཏཾ ཏཾ ཀིརིཡཱམཏྟབྷཱུཏཱནཱི’’ཏི ཨཱཝཛྫན ཀིརིཡཱ ཧསནཀིརིཡཱམཏྟབྷཱུཏཱནི. པཊིསནྡྷིབྷཝངྒཙུཏིཙིཏྟཱནི ནཱམ ཀེཝལཾ ཀམྨཝེགུཀྑིཏྟབྷཱཝེནསནྟཱནེཔཏིཏམཏྟཏྟཱ དུབྦལ ཀིཙྩཱནི ཧོནྟི. པཉྩ ཝིཉྙཱཎཱནི ཙ ཨསཱརཱནཾ ཨབལཱནཾ པསཱདཝཏྠཱུནཾ ནིསྶཱཡ ཨུཔྤནྣཏྟཱ དུབྦལཝཏྠུཀཱནི ཧོནྟི. སམྤཊིཙྪནཱདཱིནི ཙ པཉྩཝིཉྙཱཎཱནུབནྡྷ མཏྟཏྟཱ དུབྦལ ཀིཙྩཊྛཱནཱནི ཧོནྟི. ཏསྨཱ ཏཱནི སབྦཱནི ཨཏྟནོ ཨུསྶཱཧེནཝིནཱ ཀེཝལཾ ཝིཔཙྩནམཏྟེན པཝཏྟནྟི. ‘‘ཝིཔཱཀསནྟཱནཏོ’’ཏི པཉྩདྭཱརཱཝཛྫནཉྩ མནོདྭཱརཱཝཛྫནཉྩ བྷཝངྒཝིཔཱཀསནྟཱནཏོ ལདྡྷཔཙྩཡཾ ཧོཏི. ཝོཊྛབྦནཾ པཉྩཝིཉྙཱཎཱདི ཝིཔཱཀསནྟཱནཏོ ལདྡྷཔཙྩཡཾ. ‘‘ཨིཏརཱནི པནཱ’’ཏི ཧསིཏུཔྤཱདཙིཏྟ མཧཱཀིརིཡཙིཏྟཱདཱིནི. ‘‘ནིརནུསཡསནྟཱནེ’’ཏི ཨནུསཡརཧིཏེ ཁཱིཎཱསཝསནྟཱནེ. ‘‘ཨུསྶཱཧརཧིཏཱནི ཨེཝཱ’’ཏི ཡཐཱ རུཀྑཱནཾ ཝཱཏཔུཔྥཱནི ནཱམ ཨཏྠི. ཏཱནི ཕལུཔྤཱདཀསིནེཧརཧིཏཏྟཱ ཕལཱནི ན ཨུཔྤཱདེནྟི. ཏཐཱ ཏཱནི ཙ ཝིཔཱཀུཔྤཱདཀཏཎྷཱསིནེཧརཧིཏཏྟཱ ཨུསྶཱཧབྱཱཔཱར རཧིཏཱནི ཨེཝ.

༣༦. ཝེདནཱཝིཙཱརཎཱཡཾ. ‘‘པིཙུཔིཎྜཀཱནཾ ཝིཡཱ’’ཏི དྭིནྣཾ ཀཔྤཱསཔིཙུཔིཎྜཀཱནཾ ཨཉྙམཉྙསངྒྷཊྚནཾ ཝིཡ ཨུཔཱདཱརཱུཔཱནཉྩ ཨཉྙམཉྙསངྒྷཊྚནཾ དུབྦལམེཝཱཏི ཡོཛནཱ. ‘‘ཏེསཾ ཨཱརམྨཎབྷཱུཏཱན’’ནྟི ཏིཎྞཾ མཧཱབྷཱུཏཱནཾ. ‘‘ཀཱཡནིསྶཡབྷཱུཏེསཱུ’’ཏི ཀཱཡནིསྶཡམཧཱབྷཱུཏེསུ ¶ .‘‘ཏེཧཱི’’ཏི པཉྩཝིཉྙཱཎེཧི. ‘‘པུརིམཙིཏྟེནཱ’’ཏི སམྤཊིཙྪནཙིཏྟཏོ. ‘‘ཏ’’ནྟི ཨཀུསལཝིཔཱཀསནྟཱིརཎཾ. པཊིགྷེན ཝིནཱ ནཔྤཝཏྟཏི. ཀསྨཱ ནཔྤཝཏྟཏཱིཏི ཨཱཧ ‘‘ཨེཀནྟཱཀུསལབྷཱུཏེནཱ’’ཏིཨཱདིཾ. ‘‘ཨབྱཱཀཏེསུ ཨསམྦྷཝཏོ’’ཏི ཨབྱཱཀཏ ཙིཏྟེསུ ཡུཛྫིཏུཾ ཨསམྦྷཝཏོ. ཀམྨཱནུབྷཱཝཏོ ཙ མུཉྩིཏྭཱ ཡཐཱཔུརིམཾ ཝིཔཱཀསནྟཱནཾ ཀམྨཱནུབྷཱཝེན པཝཏྟཾ ཧོཏི. ཏཐཱ ཨཔྤཝཏྟིཏྭཱཏི ཨདྷིཔྤཱཡོ. ‘‘ཀེནཙཱི’’ཏི ཀེནཙི ཙིཏྟེན. ‘‘ཝིསདིསཙིཏྟསནྟཱན པརཱཝཊྚནཝསེནཱ’’ཏི པུརིམེནཝིཔཱཀ ཙིཏྟ སནྟཱནེན ཝིསདིསཾ ཀུསལཱདི ཛཝན ཙིཏྟསནྟཱནཾ པརཏོ ཨཱཝཊྚཱ པན ཝསེན. ཏཐཱཧིདཾ ཙིཏྟདྭཡཾ པཱལི༹ཡཾ ཨཱཝཊྚནཱ, ཨནྭཱཝཊྚནཱ, ཨཱབྷོགོ, སམནྣཱཧཱརོཏི ནིདྡིཊྛཾ. ‘‘སབྦཏྠཱཔཱི’’ཏི ཨིཊྛཱརམྨཎེཔི ཨནིཊྛཱརམྨཎེཔི. ‘‘ཨཏྟནོ པཙྪཱ པཝཏྟསྶ ཙིཏྟསྶ ཝསེནཱ’’ཏི ཨཏྟནོ པཙྪཱ པཝཏྟཾ ཙིཏྟཾ པཊིཙྩ ན ཝཏྟབྦོཏི ཨདྷིཔྤཱཡོ. ‘‘ཨཏྟནོ པཙྩཡེཧི ཨེཝ སོ སཀྐཱ ཝཏྟུ’’ནྟི ཨཏྟནོ པཙྩཡེསུ བལཝནྟེསུ སཏི, བལཝཱ ཧོཏི. དུབྦལེསུ སཏི, དུབྦལོ ཧོཏཱིཏི སཀྐཱཝཏྟུནྟི ཨདྷིཔྤཱཡོ. ‘‘ཝིསདིས ཙིཏྟསནྟཱན’’ནྟི ཝོཊྛབྦནཀིརིཡཙིཏྟསནྟཱནཾ.

༣༧. སངྑཱར ཝིཙཱརཎཱཡཾ ‘‘ཝིཔཱཀུདྡྷཱརེ’’ཏི ཨཊྛསཱལིནིཡཾ ཝིཔཱཀུདྡྷཱར ཀཐཱཡཾ. ‘‘ཨུབྷཡཀམྨེནཔཱི’’ཏི སསངྑཱརིཀ ཀམྨེནཔི, ཨསངྑཱརིཀ ཀམྨེནཔི. ‘‘ཐེརེནཱ’’ཏི མཧཱདཏྟཏྠེརེན. ‘‘ཏདུབྷཡབྷཱཝཱབྷཱཝོ’’ཏི སསངྑཱརིཀ ཨསངྑཱརིཀབྷཱཝཱནཾ ཨབྷཱཝོ. ‘‘ཏཱནིཔི ཧི ཨཔརིབྱཏྟཀིཙྩཱནིཡེཝཱ’’ཏི ཨེཏྠ ཨཱཝཛྫན དྭཡཾ ཛཝནཱནཾ པུརེཙཱརིཀ ཀིཙྩཏྟཱ ཨཔརིབྱཏྟཀིཙྩཾ ཧོཏུ. ཧསིཏུཔྤཱདཙིཏྟཾ པན ཛཝནཀིཙྩཏྟཱ ཀཐཾ ཨཔརིབྱཏྟཀིཙྩཾ བྷཝེཡྻཱཏི. ཏམྤི སབྦཉྙུཏཉྙཱཎཱདཱིནཾ ཨནུཙཱརིཀམཏྟཏྟཱ ཨཔརིབྱཏྟཀིཙྩཾ ནཱམ ཧོཏཱིཏི. ‘‘ཨཊྛམཧཱཝིཔཱཀེསུ ཝིཡ ཝཏྟབྦོ’’ཏི མཧཱཝིཔཱཀཱནཾ སསངྑཱརིཀཱ སངྑཱརིཀབྷཱཝོ པུརིམབྷཝེ མརཎཱསནྣཀཱལེ ཨཱརམྨཎཱནཾ པཡོགེན སཧ ཝཱ ཝིནཱ ཝཱ ཨུཔཊྛཱནཾ པཊིཙྩ ཝུཏྟོ, ཏཐཱ ཝཏྟབྦོཏི ཨདྷིཔྤཱཡོ.

༣༨. ‘‘དུབྦལ ཀམྨནིབྦཏྟེསཱུ’’ཏི པཊིསནྡྷི བྷཝངྒ ཙུཏིཀིཙྩཱནི སནྡྷཱཡ ¶ ཝུཏྟཾ. ‘‘དུབྦལཝཏྠུ ཀིཙྩཊྛཱནེསཱུ’’ཏི ཙཀྑཱདིཝཏྠུཀེསུ ཨཱཝཛྫནཱདི དུབྦལཀིཙྩ དུབྦལཊྛཱནིཀེསུ. ‘‘ཏཏྠཱ’’ཏིཨཱདིནཱ ཏདཏྠཾ ཝིཝརཏི. ཏཏྠ ‘‘ཝིཀྑེཔཡུཏྟ’’ནྟི ཝིཀྑེཔཀིཙྩེན ཨུདྡྷཙྩེནཡུཏྟཾ ཧུཏྭཱ. ‘‘ཀཔྤཊྛིཏིཀཾ’’ ནཱམ སངྒྷབྷེདཀམྨཾ. ཚསུཝཏྠུ རཱུཔེསུ ཧདཡཝཏྠུམེཝ སུཝཎྞརཛཏཾ ཝིཡ སཱརཝཏྠུ ཧོཏི. ཨིཏརཱནི ཕལིཀཱནིཝིཡ པསཱདམཏྟཏྟཱ ཨསཱརཱནི ཧོནྟཱིཏི ཝུཏྟཾ ‘‘ཙཀྑཱདཱིསུ དུབྦལཝཏྠཱུསཱུ’’ཏི. དསྶནཱདཱིནི ཙ ཀིཙྩཱནི ཛཝན ཀིཙྩསྶ པུརེཙརཏྟཱ ཁུདྡཀིཙྩཱནི ཧོནྟི. ཏེནཱཧ ‘‘དསྶནཱདཱིསཱུ’’ཏིཨཱདིཾ.

༣༩. ཨིདྷ དཱིཔནིཡཾ ཨིཙྩེཝནྟི པདཾ ཨཊྛཱརསཱཏིཔདསྶཝིསེསནནྟི ཀཏྭཱ ‘‘སབྦཐཱཔཱིཏི པདསྶ…པེ… ཝེདིཏབྦོ’’ཏི ཝུཏྟཾ. ཝིབྷཱཝནིཡཾ པན ཏཾ སབྦཐཱཔཱིཏི པདསྶ ཝིསེསནནྟི ཀཏྭཱ ‘‘སབྦཐཱ པཱིཏིཀུསལཱཀུསལཝིཔཱཀཀིརིཡཱབྷེདེནཱ’’ཏི ཝུཏྟཾ.

ཨཧེཏུཀཙིཏྟཝཎྞནཱ ནིཊྛིཏཱ.

༤༠. སོབྷཎཙིཏྟེསུ. ཨཝུཏྟཱཔི སིདྡྷཱ ཧོཏི. ཡཐཱ ཨཊྛཙིཏྟཱནི ལོཀུཏྟརཱནཱིཏི ཙ ཝུཏྟེ ཨཝུཏྟེཔིསིཛ྄ཛྷནྟི སེསཙིཏྟཱནི ལོཀིཡཱནཱིཏི ཙ སཨུཏྟརཱནཱིཏི ཙཱཏི ཨདྷིཔྤཱཡོ. ‘‘ཨཏྟསམངྒཱིནོ’’ཏི ཨཏྟནཱ པཱཔཀམྨེན སམནྣཱགཏེ. ‘‘ཨནིཙྪནྟེ ཡེཝཱ’’ཏི སཙེཔི ཨཝཱིཙིནིམིཏྟསྶཱདཝཏྠུ ཝིཡ ཀེཙི ཨིཙྪནྟུ. ཨཛཱནནྟཱནཾ པན ཨིཙྪཱ ཨཔྤམཱཎནྟི ཨདྷིཔྤཱཡོ. ‘‘སོབྷགྒ པཏྟིཡཱ’’ཏི ཨེཏྠ སུབྷགསྶ བྷཱཝོ སོབྷགྒནྟི ཝིགྒཧོ. སུབྷགསྶཱཏི ཙ སུསིརིཀསྶ.

༤༡. ‘‘ཡཱཐཱཝཏོ’’ཏི ཡཐཱ སབྷཱཝཏོ. ཨེཏྠ སིཡཱ ཛཱནཱཏཱིཏི ཉཱཎནྟི ཝུཏྟཾ, ཀིཾ སབྦཾ ཉཱཎཾ ཡཱཐཱཝཏོ ཛཱནཱཏཱིཏི. ཀིཉྩེཏྠ. ཡདི སབྦཾ ཉཱཎཾ ཡཱཐཱཝཏོ ཛཱནཱཏི. ཨེཝཾ སཏི, ཉཱཎེན ཙིནྟེནྟཱནཾ ཨཛཱནནཾ ནཱམ ནཏྠི, ཝིརཛ྄ཛྷནཾ ནཱམ ནཏྠཱིཏི ཨཱཔཛྫཏི. ཨཐ སབྦཾ ཉཱཎཾ ཡཱཐཱཝཏོ ན ཛཱནཱཏི, ཀཏྠཙི ཛཱནཱཏི, ཀཏྠཙི ན ཛཱནཱཏི. ཨེཝཉྩསཏི, ཡཏྠ ཛཱནཱཏི, ཏཏྠེཝ ཏཾ ཉཱཎཾ ཧོཏི. ཡཏྠ ན ཛཱནཱཏི, ཏཏྠ ཏཾ ཉཱཎམེཝ ན ཧོཏཱིཏི ཨཱཔཛྫཏཱིཏི. ཝུཙྩཏེ ¶ . ཉཱཎེན ཙིནྟེསྶཱམཱིཏི ཙིནྟེནྟཱནཾཔི ཡཏྠ ཡཏྠ ཡཱཐཱཝཏོ ཛཱནནཾ ན ཧོཏི, ཏཏྠ ཏཏྠ ཉཱཎ ཝིཔྤཡུཏྟ ཙིཏྟཾ ཧོཏི. ཉཱཎཔྤཊི རཱུཔཀཱ ཙ དྷམྨཱ ཨཏྠི ཙིཏྟཉྩ ཝིཏཀྐོ ཙ, ཝིཙཱརོ ཙ, དིཊྛི ཙ. ཨེཏེཧི ཙིནྟེནྟཱཔི ཨཧཾ ཉཱཎེན ཙིནྟེམཱིཏི མཉྙནྟི. ‘‘དེཡྻ དྷམྨཔཊིགྒཱཧཀ སམྤཏྟཱི’’ཏི དེཡྻདྷམྨ ཝཏྠུ སམྤཏྟི, པཊིགྒཱཧཀ པུགྒལ སམྤཏྟི. ‘‘ཨབྱཱཔཛྫལོཀཱུཔཔཏྟིཏཱ’’ཏི ཨེཏྠ ཨབྱཱཔཛྫལོཀོ ནཱམ ཀཱཡིཀདུཀྑ ཙེཏསིཀ དུཀྑ རཧིཏོ ཨུཔརིདེཝལོཀོ ཝཱ བྲཧྨལོཀོ ཝཱ. ཨུཔཔཛྫནཾ ཨུཔཔཏྟི. པཊིསནྡྷིཝསེན ཨུཔགམནནྟི ཨཏྠོ. ཨབྱཱཔཛྫལོཀཾ ཨུཔཔཏྟི ཡསྶ སོ ཨབྱཱཔཛྫ ལོཀཱུཔཔཏྟི. ཏསྶ བྷཱཝོཏི ཝིགྒཧོ. ‘‘ཀིལེས དཱུརཏཱ’’ཏི སམཱཔཏྟི བལེན ཝཱ, ཨཉྙཏརཔྤཊིཔཏྟིཡཱ ཝཱ, ཝིཀྑམྦྷིཏ ཀིལེསཏཱ ཝཱ, ཨརིཡམགྒེན སམུཙྪིནྣ ཀིལེསཏཱ ཝཱ.

ཏེསཾ ཨུཔྤཏྟི ཝིདྷཱནཾ ཝིསུདྡྷི མགྒེ ཁནྡྷནིདྡེསེ ཨེཝཾ ཝུཏྟཾ. ཡདཱཧི དེཡྻདྷམྨ པཊིགྒཱཧཀཱདི སམྤཏྟིཾ ཨཉྙཾ ཝཱ སོམནསྶཧེཏུཾ ཨཱགམྨ ཧཊྛཏུཊྛོ ཨཏྠིདིནྣནྟིཨཱདིནཡཔྤཝཏྟཾ སམྨཱདིཊྛིཾ པུརེཀྑིཏྭཱ ཨསཾསཱིདནྟོ ཨནུསྶཱཧིཏོཔརེཧི དཱནཱདཱིནི པུཉྙཱནི ཀརོཏི, ཏདཱསྶ སོམནསྶསཧགཏཾ ཉཱཎ སམྤཡུཏྟཾ ཙིཏྟཾ ཨསངྑཱརཾ ཧོཏི. ཡདཱ པན ཝུཏྟནཡེན ཧཊྛཏུཊྛོ སམྨཱདིཊྛིཾ པུརེཀྑིཏྭཱ ཨམུཏྟ ཙཱ གཏཱདིཝསེན སཾསཱིདམཱནོ ཝཱ པརེཧི ཝཱ ཨུསྶཱཧིཏོ ཀརོཏི, ཏདཱསྶ ཏདེཝ ཙིཏྟཾ སསངྑཱརཾ ཧོཏི. ཨིམསྨིཉྷི ཨཏྠེ སངྑཱརོཏི ཨེཏཾ ཨཏྟནོ ཝཱ པརེསཾ ཝཱ ཝསེན པཝཏྟསྶ པུབྦཔྤཡོགསྶཱདྷིཝཙནཾ. ཡདཱ པན ཉཱཏི ཛནསྶ པཊིཔཏྟི དསྶནེན ཛཱཏཔརིཙཡཱབཱལདཱརཀཱ བྷིཀྑཱུ དིསྭཱ སོམནསྶ ཛཱཏཱསཧསཱ ཀིཉྩི དེཝ ཧཏྠགཏཾ དདནྟི ཝཱ ཝནྡནྟི ཝཱ, ཏདཱ ཏཏཱིཡཾ ཙིཏྟཾ ཨུཔྤཛྫཏི. ཡདཱ པན དེཐཝནྡཐཱཏི ཉཱཏཱིཧི ཨུསྶཱཧིཏཱ ཨེཝཾ པཊིཔཛྫནྟི, ཏདཱ ཙཏུཏྠཾ ཙིཏྟཾ ཨུཔྤཛྫཏི. ཡདཱ པན དེཡྻདྷམྨ པཊིགྒཱཧཀཱདཱིནཾ ཨསམྤཏྟིཾ ཨཉྙེསཾ ཝཱ སོམནསྶཧེཏཱུནཾ ཨབྷཱཝཾ ཨཱགམྨ ཙཏཱུསུཔི ཝིཀཔྤེསུ སོམནསྶརཧིཏཱ ཧོནྟི. ཏདཱ སེསཱནི ཙཏྟཱརི ཨུཔེཀྑཱསཧགཏཱནི ཨུཔྤཛྫནྟཱིཏི.

༤༢. ཨཊྛཔཱིཏི ཨེཏྠ པིསདྡེན ཨིམཱནི ཙིཏྟཱནི ན ཀེཝལཾ ཨཊྛེཝ ཧོནྟི ¶ . ཨཐ ཁོ ཏཏོ བཧཱུནིཔི བཧུཏརཱནིཔི ཧོནྟཱིཏི ཨིམཾ སམྤིཎྜནཏྠཾ དཱིཔེཏཱིཏི དསྶེཏུཾ ‘‘ཏེནཱ’’ཏིཨཱདིཝུཏྟཾ. དསསུ པུཉྙཀིརིཡཱཝཏྠཱུསུ དིཊྛུཛུ ཀམྨཾ ནཱམ ཉཱཎ ཀིཙྩཾ. ཏཾ ཀཐཾ ཉཱཎ ཝིཔྤཡུཏྟ ཙིཏྟེཧི ཀརོནྟཱིཏི. ཝུཙྩཏེ. ཉཱཎ སམྤཡུཏྟ ཙིཏྟེཧི དིཊྛིཾ ཨུཛུཾཀརོནྟཱ ཏེསཾ ཨནྟརནྟརཱ ཉཱཎསོཏེ པཏིཏཝསེན ཉཱཎཝིཔྤཡུཏྟ ཙིཏྟེཧིཔི ཀརོནྟིཡེཝ. སབྦེསཏྟཱ ཀམྨསྶཀཱཏིཨཱདིནཱ, བུདྡྷོ སོབྷགཝཱ, སྭཱཀྑཱཏོ སོ དྷམྨོ, སུཔྤཊིཔནྣོ སོ སངྒྷོ, ཏིཨཱདིནཱ ཙཱཏི དཊྛབྦཾ. ཏེནཱཧ ‘‘ཨིམཱནི ཨཊྛ ཙིཏྟཱནཱི’’ཏིཨཱདིཾ. ཏཏྠ དསཔུཉྙཀིརིཡཝཏྠཱུནི ནཱམ ‘དཱནཾ, སཱིལཾ, བྷཱཝནཱ, ཨཔཙཱཡནཾ, ཝེཡྻཱཝཙྩཾ, པཏྟིདཱནཾ, པཏྟཱནུམོདནཾ, དྷམྨསྶཝནཱ, དྷམྨདེསནཱ, དིཊྛུཛུ ཀམྨཾ,. ཏེཧི གུཎིཏཱནི ཝཌྜྷིཏཱནི. ཏཱནི ཙ ཨཊྛཚསུ ཨཱརམྨཎེསུ ཨུཔྤཛྫནྟི. ཏཱིཎི ཙ ཀམྨཱནི ཀརོནྟཱ ཏེ ཧེཝ ཨཊྛཧི ཀརོནྟི. ཏཱནིཡེཝ ཙ སབྦཱནི ཨཏྠི ཧཱིནཱནི, ཨཏྠི མཛ྄ཛྷིམཱནི, ཨཏྠི པཎཱིཏཱནི. ཏསྨཱ པུན ཨནུཀྐམེན ཨཱརམྨཎཱདཱིཧི ཝཌྜྷནཾ ཀརོཏི. ཏཏྠ ‘‘ཏཱནི ཋཔེཏབྦཱནཱི’’ཏི སམྦནྡྷོ. ‘‘སུདྡྷིཀཱནཱི’’ཏི ཨདྷིཔཏཱིཧི ཨམིསྶིཏཱནི. ‘‘ཨིཏི ཀཏྭཱ’’ཏི ཨིཏི མནསི ཀརིཏྭཱ. ཏཐཱ ཉཱཎཝིཔྤཡུཏྟཱནི དྭེསཧསྶཱནི སཏཾ སཊྛི ཙ ཧོནྟཱིཏི ཡོཛནཱ. ‘‘ཝཱིམཾསཱཝཛྫིཏེཧཱི’’ཏི ཝཱིམཾསཱདྷིཔཏི ཝཛྫིཏེཧི. ‘‘ཏཐཱགུཎིཏཱནཱི’’ཏི སབྦཱནི པུཉྙཀིརིཡཱདཱིཧི སམཾ གུཎིཏཱནི. ‘‘ཀོསལླེནཱ’’ཏི ཀོསལླསངྑཱཏེན. ‘‘ནཱནཱཝཛྫནཝཱིཐིཡ’’ནྟི ཉཱཎཝིཔྤཡུཏྟ ཝཱིཐཱིཧི ཝིསུཾ བྷཱུཏཱཡ ཨཱཝཛྫནཱཡ ཡུཏྟ ཝཱིཐིཡཾ. ‘‘ཏེནེཝཱ’’ཏི ཝཱིམཾསཱདྷིཔཏིབྷཱུཏེན ཏེནེཝ ཨུཔནིསྶཡཉྙཱཎེན. ཨེཝཾ སནྟེཔི ན སཀྐཱབྷཝིཏུནྟི སམྦནྡྷོ.

༤༣. ཝཙནཏྠེ ‘‘རུཛྫནཊྛེནཱ’’ཏི ཏུདནཊྛེན. ‘‘ཨཧིཏཊྛེནཱ’’ཏི ཧིཏཝིརུདྡྷཊྛེན. ‘‘ཨནིཔུཎཊྛེནཱ’’ཏི ཨསཎྷཱ སུཁུམཊྛེན. ‘‘ཨནིཊྛཝིཔཱཀཊྛེནཱ’’ཏི ཨནིཊྛཾ ཝིཔཱཀཾ ཨེཏེསནྟི ཨནིཊྛ ཝིཔཱཀཱནི. ཏེསཾ བྷཱཝོ ཨནིཊྛ ཝིཔཱཀཊྛོ. ཏེན ཨནིཊྛ ཝིཔཱཀཊྛེན. ‘‘ཏཔྤཊི པཀྑཏྟཱ’’ཏི རཱགཱདཱིཧི པཊིཔཀྑཏྟཱ. ཨེཝཾ པརིཡཱཡཏྠ སངྑཱཏཾ ཨབྷིདྷཱནཏྠཾ དསྶེཏྭཱ ཨིདཱནི ཨཊྛཀཐཱསུ ཨཱགཏཾ ཝཙནཏྠཾ དསྶེཏི ཀུཙྪིཏེཏིཨཱདིནཱ. ཏཏྠ ‘‘ཀུཙྪིཏེ’’ཏི ཛེགུཙྪིཏབྦེ, ནིནྡི ཏབྦེ ¶ ཝཱ. ཙཱལེནྟི ཏདངྒཔྤཧཱནཝསེན, ཀམྤེནྟི ཝིཀྑམྦྷནཔྤཧཱནཝསེན, ཝིདྡྷཾསེནྟི སམུཙྪེདཔྤཧཱནཝསེན. ‘‘ཏནུཀརཎཊྛེནཱ’’ཏི སལླིཁནཊྛེན. ‘‘ཨནྟཀརཎཊྛེནཱ’’ཏི པརིཡོསཱནཀརཎཊྛེན. ‘‘ཨཔི ཙཱ’’ཏིཨཱདི དཱིཔནཱིནཡདསྶནཾ. ‘‘ཀོསལླ སམྦྷཱུཏཊྛེནཱ’’ཏི མཧཱཨཊྛཀཐཱནཡོ. ཏཏྠ, ཀུསལསྶ པཎྜིཏསྶ བྷཱཝོ ཨེཀཱསལླཾ. ཉཱཎཾ. ཏེན སམྦྷཱུཏཾ སཉྫཱཏཾ ཀོསལླ སམྦྷཱུཏཾ ཏིཝིགྒཧོ.

༤༤. ‘‘བལཝཀམྨེནཱ’’ཏི ཏིཧེཏུ ཀུཀྐཊྛ ཀམྨེན. ‘‘དུབྦལ ཀམྨེནཱ’’ཏི ཏིཧེཏུཀོམཀེན ཝཱ དྭིཧེཏུཀ ཀུསལ ཀམྨེན ཝཱ. ‘‘ཀེཧིཙི ཨཱཙརིཡེཧཱི’’ཏི མོརཝཱཔི ཝཱསཱི མཧཱདཏྟཏྠེརཾ སནྡྷཱཡ ཝུཏྟཾ. ‘‘སངྒཧཀཱརེནཱ’’ཏི བྷདྡནྟ བུདྡྷགྷོསཏྠེརེན. ‘‘སནྣིཧིཏ པཙྩཡཝསེནཱ’’ཏི ཨཱསནྣེ སཎྛིཏཔཙྩཡ ཝསེན. པཙྩུཔྤནྣ པཙྩཡཝསེནེཝཱཏི ཝུཏྟཾ ཧོཏི. ཨུཔཊྛིཏཱནི ཀམྨཱདཱིནི ཨཱརམྨཎཱནི. པཝཏྟཱནི མཧཱཝིཔཱཀཱནི. ‘‘ཨཝིཔཱཀ སབྷཱཝཏོ’’ཏི ཨཝིཔཙྩནསབྷཱཝཏོ. ཨཝིཔཱཀུཔྤཱདནསབྷཱཝཏོཏི ཝུཏྟཾ ཧོཏི. ‘‘ཨཊྛཀཐཱཡ’’ནྟི དྷམྨསངྒཎིཊྛཀཐཱཡཾ. ‘‘ཨིདྷཱ’’ཏི མཧཱཝིཔཱཀཙིཏྟེ. ‘‘ཏཐཱ ཨཔྤཝཏྟིཡཱ ཙཱ’’ཏི དཱནཱདིཝསེན ཨཔྤཝཏྟིཏོ ཙ.

༤༥. མཧཱཀིརིཡཙིཏྟེ. ‘‘ཨུཔརཱི’’ཏི ཝཱིཐིསངྒཧེ ཏདཱ རམྨཎ ནིཡམེ. ‘‘སཡམེཝཱ’’ཏི ཨནུརུདྡྷཏྠེརེནེཝ. ‘‘ཝཀྑཏཱི’’ཏི ཝུཙྩིསྶཏི. ‘‘ཡཐཱརཧ’’ནྟི ཁཱིཎཱསཝསནྟཱནེ ཨུཔྤནྣཱནཾ མཧཱཀིརིཡཱནཾ ཨརཧཱནུརཱུཔཾ. བྷཱུཏཀཐན ཝིསེསནཾ ཏེན ནིཝཏྟེཏབྦསྶ ཨཏྠསྶ ཨབྷཱཝཱཏི ཨདྷིཔྤཱཡོ. ‘‘ཏཾ’’ཏི སཧེཏུཀགྒཧཎཾ. ‘‘བྱཝཙྪེདཀཝིསེསན’’ནྟི ཨཧེཏུཀ ཝིཔཱཀཀིརིཡ ཙིཏྟཱནཉྩ སབྦྷཱཝཱཏཔྤསངྒསྶ ཨཝཙྪེདཀཾ ཝིསེསནཾ. ‘‘ཡཐཱ སཀྑར ཀཐལིཀཾཔི མཙྪགུམྦཾཔི ཏིཊྛནྟཾཔི ཙརནྟཾཔི པསྶཏཱི’’ཏི ཝཙནེ སཀྑར ཀཐལིཀཾ ཏིཊྛནྟཾ, མཙྪགུམྦཾ ཏིཊྛནྟཾཔི ཙརནྟཾཔི པསྶཏཱིཏི ཨེཝཾ ཡཐཱ ལཱབྷ ཡོཛནཱ ཧོཏི. ཏཐཱ ཨིདྷ པཱིཏི.

༤༦. ‘‘ཡདིད’’ནྟི ཡཱ ཨཡཾ དཱིཔན སམཏྠཏཱ, ‘‘ཨིདཾ སཱམཏྠིཡ’’ནྟི ཡོཛནཱ. ཨཡཾ སམཏྠ བྷཱཝོཏི ཨཏྠོ. བྷེདཝཙནེ ཙོདནཱཡཱཏི ¶ སམྦནྡྷོ. རཙནཱགཱཐཱཡཾ. ‘‘ཨེཏཱནཱི’’ཏི སོབྷཎ ཀཱམཱཝཙར ཙིཏྟཱནི. ‘‘པུཉྙ པཱཔ ཀྲིཡཱབྷེདཱ’’ཏི པུཉྙ པཱཔ ཀྲིཡབྷེདེན.

༤༧. ཀཏམེ དྷམྨཱ ཀཱམཱཝཙརཱ. ཧེཊྛཏོ ཨཝཱིཙིནིརཡཾ པརིཡནྟཾ ཀརིཏྭཱ ཨུཔརིཏོ པརནིམྨིཏ ཝསཝཏྟིདེཝེ ཨནྟོ ཀརིཏྭཱཏི ཨེཝཾ པཱལི༹ཡཾ ནིདྡིཊྛཏྟཱ ཨིདྷཀཱམསདྡེན སཧོཀཱསཱཀཱམབྷཱུམི ཝུཙྩཏཱིཏི ཨཱཧ ‘‘ཀཱམེ ཀཱམབྷཱུམིཡ’’ནྟི. པརིཡཱཔནྣཱཏི པཱཋསེསོ. ‘‘ཀྲིཡཱ ཙཱ’’ཏི ཨེཏྠ ཙ སདྡོ པན སདྡཏྠོ. ཨིཏི སདྡོ ཨིཙྩེཝཾ སདྡཏྠོ. ཨེཏེན པཊིསིདྡྷཱཏི སམྦནྡྷོ. ‘‘ཨིདྷཱ’’ཏི ཨིམསྨིཾ ཙིཏྟསངྒཧེ. ‘‘ཏསྶཱ’’ཏི སབྦཐཱསདྡསྶ. བྷཝོ ནཱམ ཨིནྡྲིཡ བདྡྷསནྟཱནགཏོ དྷམྨ སམཱུཧོ ཝུཙྩཏི. ཨིདྷ པན ཀཱམཱཝཙརཱ དྷམྨཱཏི པདེ ཀཱམསདྡོ. སོ ཙ པཐཝི པབྦཏཱདཱིཧི སདྡྷིཾ སབྦཾ ཀཱམབྷཱུམིཾ ཝདཏཱིཏི ཝུཏྟཾ ‘‘བྷཱུམིཔརིཡཱཡོ ཙཱ’’ཏིཨཱདི. ‘‘ཨིནྡྲིཡཱནིནྡྲིཡབདྡྷ དྷམྨ སམཱུཧོ’’ཏི ཨིནྡྲིཡབདྡྷ དྷམྨ སམཱུཧོ སཏྟསནྟཱནཱགཏོ, ཨནིནྡྲིཡབདྡྷ དྷམྨ སམཱུཧོ པཐཝི པབྦཏཱདི གཏོ. ཏཏྠ ཛཱིཝིཏིནྡྲིཡེན ཨནཱབདྡྷོ ཨནཱཡཏྟོ ཨནིནྡྲིཡབདྡྷོཏི.

ཨིཏིཀཱམཙིཏྟསངྒཧདཱིཔནིཡཱཨནུདཱིཔནཱ ནིཊྛིཏཱ.

༤༨. རཱུཔཱཝཙརཙིཏྟེ. ‘‘སམུདིཏེནཱ’’ཏི པཉྩངྒ སམུདིཏེན. པཉྩནྣཾ ཨངྒཱནཾ ཨེཀཏོ སཱམགྒིབྷཱུཏེནཱཏི ཨཏྠོ. པཉྩནྣཉྷི ཨེཀཏོ སཱམགྒིཡཾ སཏིཡེཝ ཨཔྤནཱ ཧོཏི, ནོ ཨསཏི. སཱམགྒིཡནྟི ཙ སུཊྛུ བལཝཏཱཡ སམགྒབྷཱཝེཏི ཨཏྠོ. ‘‘པཊིཔཛྫིཏབྦཏྟཱ’’ཏི པཏྟབྦཏྟཱ. ཛྷཱནཾ དུཝིདྷཾ ཨཱརམྨཎཱུཔནིཛ྄ཛྷཱནཉྩ ལཀྑཎཱུ པནིཛ྄ཛྷཱནཉྩཱཏི ཨཱཧ ‘‘ཀསིཎཱདིཀསྶཱ’’ཏིཨཱདིཾ. ཨིདྷ པན ཨཱརམྨཎཱུཔནིཛ྄ཛྷཱནཾ ཨདྷིཔྤེཏཾ. ཨུཔནིཛ྄ཛྷཱནནྟི ཙ ཀསིཎ ནིམིཏྟཱདིཀཾ ཨཱརམྨཎཾ ཙེཏསཱ ཨུཔགནྟྭཱནིཛ྄ཛྷཱནཾ ཨོལོཀནཾ. ཛྷཱནསདྡསྶཛྷཱཔནཏྠོཔི སམྦྷཝཏཱིཏི ཝུཏྟཾ ‘‘པཙྩནཱིཀ དྷམྨཱནཉྩ ཛྷཱཔནཏོ’’ཏི. ཨགྒིནཱ ཝིཡ ཀཊྛཱནཾ ཀིལེསཱནཾ དཡ྄ཧནཏོཏི ཨཏྠོ. ཨེཀགྒཏཱ ཨེཝ སཱཏིསྶཡ ཡུཏྟཱ ཨཔྤནཱཔཏྟཀཱལེཏི ཨདྷིཔྤཱཡོ. པུབྦབྷཱགེ པན པཐམཛ྄ཛྷཱནེ ¶ ཝིཏཀྐསྶ བལཝབྷཱཝོ ཨིཙྪིཏབྦོ. ‘‘སཱཧཱི’’ཏིཨཱདིནཱ ཏདཏྠཾ ཝིཝརཏི. སཱཧི ཨེཀགྒཏཱཏི ཙ ཝུཙྩཏཱིཏི སམྦནྡྷོ. ཨེཀོ ཨཏྟཱསབྷཱཝོ ཨསྶཱཏི ཨེཀཏྟཾ. ཨེཀཏྟཾ ཨཱརམྨཎམསྶཱཏི ཨེཀཏྟཱ རམྨཎཱ. ཨེཀགྒཏཱ. ཏསྶ བྷཱཝོཏི ཝིགྒཧོ.

ཨགྒསདྡོ ཀོཊི ཨཏྠོ. ཀོཊྛཱསཊྛོཝཱ. ‘‘ཏཐཱ པཝཏྟནེ’’ཏི ཙིཏྟསྶ ཨེཀགྒབྷཱཝེན པཝཏྟིཡཾ. ‘‘ཨཱདྷིཔྤཙྩགུཎཡོགེནཱ’’ཏི ཨདྷིཔཏིབྷཱཝགུཎཡོགེན. ཨིནྡྲིཡཔཙྩཡཏཱགུཎཡོགེནཱཏི ཝུཏྟཾ ཧོཏི. སཱཡེཝ ཨེཀགྒཏཱ ཨེཀགྒཏཱ, སམཱདྷཱི,ཏི ཙ ཝུཙྩཏཱིཏི སམྦནྡྷོ. ‘‘སམཱདྷཱི’’ཏི པདསྶ-སཾ-ཨཱདྷཱི-ཏི-ཝཱ, སམཨཱདྷཱིཏི-ཝཱ, དྭིདྷཱ པདཙྪེདོ. ཏཏྠ སཾཨུཔསགྒོ སམྨཱསདྡཏྠོ. སམསདྡོ པན དྷམྨེན སམེན རཛྫཾ ཀཱརེཏཱིཏིཨཱདཱིསུ ཝིཡ ནཱམིཀསདྡོཏི དྭིདྷཱ ཝིཀཔྤཾ དསྶེནྟོ ‘‘སཱཡེཝ ཙིཏྟ’’ནྟིཨཱདིམཱཧ. སཱཡེཝ ཙིཏྟཾ-སམྨཱ ཙ ཨཱདྷིཡཏཱིཏི སམཱདྷི, སཱཡེཝ ཙིཏྟཾ-སམཉྩ ཨཱདྷིཡཏཱིཏི སམཱདྷཱིཏི དྭིདྷཱ ཝིཀཔྤོ. ཏཏྠ སམྨཱ ཙཱཏི སུནྡརེན. ཨཱདྷིཡཏཱིཏི ཨཱདཧཏི. ཨཱདཧནཉྩ ཋཔནམེཝཱཏི ཝུཏྟཾ ‘‘ཋཔེཏཱི’’ཏི. སམཉྩཱཏི ཨཝིསམཉྩ. ‘‘ཏཏྠེཝཱ’’ཏི ཏསྨིཾ ཨཱརམྨཎེ ཨེཝ. ‘‘ལཱིནུདྡྷཙྩཱབྷཱཝཱ པཱདནེནཱ’’ཏི ལཱིནསྶ ཙ ཨུདྡྷཙྩསྶ ཙ ཨབྷཱཝོ ལཱིནུདྡྷཙྩཱབྷཱཝོ. ཏསྶ ཨཱཔཱདནཾ ཨཱཔཛྫཱཔནནྟི ཝིགྒཧོ. ཝིཝིདྷེན ཙིཏྟསྶ སཾཧརཎཾ ཝིསཱཧཱརོ. ན ཝིསཱཧཱརོ ཨཝིསཱཧཱརོ. སཱཡེཝ ཙ ནིདྡིཊྛཱ. ཨིཏི ཨེཝཾ ཨིམེསུ དྭཱིསུ ཨཏྠེསུ ཨེཀགྒཏཱ ཨེཝ སཱཏིསྶཡཡུཏྟཱཏི ཡོཛེཏབྦཾ. ཨེཝཾ པན སཏི, ཨེཀགྒཏཱ ཨེཝ ཛྷཱནནྟི ཝཏྟབྦཱ, ན ཝིཏཀྐཱདཡོཏི ཙོདནཾ པརིཧརནྟོ ‘‘ཝིཏཀྐཱདཡོཔནཱ’’ཏིཨཱདིམཱཧ. ཨཔིསདྡོ སམྤིཎྜནཏྠོ. པནསདྡོ པཀྑནྟརཏྠོ. ཏསྶཱ ཨེཀགྒཏཱཡ. ‘‘སཱ ཏིསྶཡ’’ནྟི ཨཏིསྶཡེན སཧ. ‘‘ཨོསཀྐིཏུ’’ནྟི སཾསཱིདིཏུཾ. ‘‘ནཾ’’ཏི ཙིཏྟཾ. ‘‘སཾསཔྤིཏུ’’ནྟི ཨེཝཾ ནུ ཁོ ཨཉྙཐཱནུ ཁོཏི དྭིདྷཱ ཙཉྩལིཏུཾ. ‘‘ཨུཀྐཎྛིཏུ’’ནྟི ཨཉྙཱབྷིམུཁཱི བྷཝིཏུཾ. ཨཱརམིཏུནྟི ཝུཏྟཾ ཧོཏི. ལདྡྷཾ སཱཏཾ ཡེནཱཏི ལདྡྷསྶཱཏཾ. ‘‘སཱཏཾ’’ཏི སཱརཏྟཾ. ‘‘ཨུཔབྲཱུཧིཏཾ’’ཏི བྷུསཾཝཌྜྷིཏཾ. ‘‘སནྟ སབྷཱཝཏྟཱ’’ཏི ཨུཔསནྟ སབྷཱཝཏྟཱ. ‘‘ཏཐཱ ཨནུགྒཧིཏཱ’’ཏི ཨཱརམྨཎཱབྷིམུཁཀརཎཱདིཝསེན ཨནུགྒ ཧིཏཱ ¶ . སམཱདྷིསྶ ཀཱམཙྪནྡནཱིཝརཎཔྤཊིཔཀྑཏྟཱ ‘‘སཡཾ…པེ… ནཱིཝཱརེཏྭཱ’’ཏི ཝུཏྟཾ. ‘‘ནིཙྩལཾཋཏྭཱ’’ཏི ཨཔྤནཱཀིཙྩམཱཧ.

ཨེཝཾ ཨུཔནིཛ྄ཛྷཱནཏྠཾ དསྶེཏྭཱ ཛྷཱཔནཏྠཾ དསྶེནྟོ ‘‘ཏེསུ ཙཱ’’ཏིཨཱདིམཱཧ. ‘‘ཏཔྤཙྩནཱིཀཱ’’ཏི ཏེསཾ ཛྷཱནངྒ དྷམྨཱནཾ པཙྩནཱིཀཱ པཊིཔཀྑཱ. ‘‘མནསྨིཾ པཱི’’ཏི མནོདྭཱརེཔི. པགེཝ ཀཱཡཝཙཱིདྭཱརེསཱུཏི ཨེཝཾ སམྦྷཱཝནཏྠོ ཙེཏྠ པིསདྡོ. ཨཔིསདྡོཔི ཡུཛྫཏི. ‘‘ཛྷཱཔིཏཱ ནཱམ ཧོནྟཱི’’ཏི ཛྷཱནངྒ དྷམྨགྒཱིཧི དཌྜྷཱནཱམ ཧོནྟི. ‘‘ཨེཝཾ སནྟེཔི ཏེསཾ སམུདཱཡེ ཨེཝ ཛྷཱན ཝོཧཱརོ སིདྡྷོ’’ཏི ཡོཛནཱ. ‘‘དྷམྨ སཱམགྒིཔདྷཱན’’ནྟི ཛྷཱནཊྛཱནེ ཛྷཱནངྒ དྷམྨཱནཾ མགྒཊྛཱནེ མགྒངྒ དྷམྨཱནཾ བོདྷིཊྛཱནེ བོཛ྄ཛྷངྒ དྷམྨཱནཾ སམགྒབྷཱཝཔྤདྷཱནཾ.

ཨེཝཾ སངྒཧཀཱརཱནཾ མཏིཡཱ ཛྷཱནཾ ཝཏྭཱ ཨིདཱནི ཨཔརེསཱནཾ མཏིཡཱ ཏཾ དསྶེཏུཾ ‘‘ཨཔརེ’’ཏིཨཱདིམཱཧ. ཨཔརེ པན ཝདནྟཱིཏི སམྦནྡྷོ. ཏཏྠ ‘‘ཡཐཱ སཀཾཀིཙྩཱནཱི’’ཏི སསྶ ཨིདཾ སཀཾ. སསྶཱཏི ཨཏྟནོ. ཨིདནྟི སནྟཀཾ. ཡཱནིཡཱནི ཨཏྟནོ སནྟཀཱནཱིཏི ཨཏྠོ. ‘‘ཨིཏཱི’’ཏི ཏསྨཱ. ‘‘པཊྛཱནེ ཛྷཱནཔཙྩཡཾ པཏྭཱ…པེ… སཱདྷེནྟིཡེཝ’’. ཝུཏྟཉྷི ཏཏྠ. ཛྷཱནཔཙྩཡོཏི ཛྷཱནངྒཱནིཛྷཱནསམྤཡུཏྟཀཱནཾ དྷམྨཱནཾ ཏཾ སམུཊྛཱནཱནཉྩ རཱུཔཱནཾ ཛྷཱནཔཙྩཡེན པཙྩཡོ. མགྒཔཙྩཡོཏི མགྒངྒཱནི མགྒསམྤཡུཏྟཀཱནཾ དྷམྨཱནཾ ཏཾ སམུཊྛཱནཱནཉྩ རཱུཔཱནཾ མགྒཔཙྩཡེན པཙྩཡོཏི. ‘‘པཉྩསམུདིཏཱདཱིནཱི’’ཏི པཉྩསམཱུཧ དསསམཱུཧཱནི. ‘‘པཐམཛ྄ཛྷཱནཱདིབྷཱཝསྶེཝཙཱ’’ཏི པཐམཛ྄ཛྷཱནཱདི ནཱམལཱབྷསྶེཝཙཱཏི ཨདྷིཔྤཱཡོ. ‘‘ཛྷཱནབྷཱཝསྶཱ’’ཏི ཛྷཱནནཱམལཱབྷསྶ. ‘‘ཏཐཱཝིདྷཀིཙྩཝིསེསཱབྷཱཝཱ’’ཏི ཏཐཱཝིདྷཱནཾ ཨཱརམྨཎཱབྷིནིརོཔནཱདཱིནཾ ཀིཙྩ ཝིསེསཱནཾ ཨབྷཱཝཏོ.

༤༩. ‘‘ཨེཏྠ སིཡཱ’’ཏི ཨེཏསྨིཾ ཋཱནེ པུཙྪཱསིཡཱ. ‘‘ཨངྒ བྷེདོ’’ཏི པཐམཛ྄ཛྷཱནེ པཉྩ ཨངྒཱནི, དུཏཱིཡཛ྄ཛྷཱནེ ཙཏྟཱརི ཨངྒཱནཱི ཏིཨཱདིཀོ ཨངྒབྷེདོ. ‘‘པུགྒལཛ྄ཛྷཱསཡེནཱ’’ཏི པུགྒལསྶ ཨིཙྪཱཝིསེསེན. ཨིཏི ཨཡཾ ཝིསཛྫནཱ. ‘‘སོ’’ཏི སོ པུགྒལོ. ‘‘ཧཱི’’ཏི ཝིཏྠཱར ཛོཏཀོ. ཝིཏཀྐོ སཧཱཡོ ཡསྶཱཏི ཝིཏཀྐསཧཱཡོ. ‘‘ཝིཏཀྐེ ནིབྦིནྡཏཱི’’ཏི ཨོལཱ༹རིཀོཝཏཱཡཾ ཝིཏཀྐོ, ནཱིཝརཎཱནཾ ཨཱསནྣེ ཋིཏོཏི ཨེཝཾ ཝིཏཀྐེ ཨཱདཱིནཝཾ དིསྭཱ ¶ ནིབྦིནྡཏི. ཏསྶ ཨཛ྄ཛྷཱསཡོཏི སམྦནྡྷོ. ཝིཏཀྐཾ ཝིརཱཛེཏི ཝིགམེཏི ཨཏིཀྐམཱཔེཏཱིཏི ཝིཏཀྐཝིརཱགོ. ཝིཏཀྐཝིརཱགོ ཙ སོ བྷཱཝནཱ ཙཱཏི སམཱསོ. ‘‘ཨུཏྟརུཏྟརཛ྄ཛྷཱནཱདྷིགམནེ’’ཏི ཨུཏྟརི ཨུཏྟརིཛྷཱནཔྤཊིལཱབྷེ. ཨཛ྄ཛྷཱསཡ བལེན པཱདཀཛ྄ཛྷཱནསདིསཾ ན ཧོཏཱིཏི སམྦནྡྷོ. ཙེཏོཔཎིདྷི ཨིཛ྄ཛྷཏཱིཏི སམྦནྡྷོ. ‘‘ཝིསུདྡྷཏྟཱ’’ཏི སཱིལཝིསུདྡྷཏྟཱ.

༥༠. སངྑཱར བྷེདཝིཙཱརཎཱཡཾ. ‘‘སངྑཱར བྷེདོ ན ཝུཏྟོ’’ཏི པཐམཛ྄ཛྷཱན ཀུསལ ཙིཏྟཾ ཨསངྑཱརིཀམེཀཾ, སསངྑཱརིཀམེཀནྟིཨཱདིནཱ ན ཝུཏྟོཏི ཨདྷིཔྤཱཡོ. ‘‘སོ’’ཏི སངྑཱར བྷེདོ. ‘‘སིདྡྷཏྟཱ’’ཏི སངྑཱར བྷེདསྶ སིདྡྷཏྟཱ. ཀཐཾ སིདྡྷོཏི ཨཱཧ ‘‘ཏཐཱཧཱི’’ཏིཨཱདིཾ. སུཁཱ པཊིཔདཱ ཡེསཾ ཏཱནི སུཁཔྤཊིཔདཱནི. ཏེསཾ བྷཱཝོཏི ཝིགྒཧོ. ‘‘ཡོ’’ཏི ཡོགཱིཔུགྒལོ. ‘‘ཨཱདིཏོ’’ཏིཨཱདིམྷི. ‘‘ཝིཀྑམྦྷེནྟོ’’ཏི ཝིམོཙེནྟོ ཝིཡོགཾ ཀརོནྟོ. དུཀྑེན ཝིཀྑམྦྷེཏཱིཏི སམྦནྡྷོ. ‘‘ཀཱམཱདཱིནཝདསྶནཱདིནཱ’’ཏི ཨངྒཱརཀཱསཱུ པམཱཀཱམཱབཧུདུཀྑཱབཧུཔཱཡཱསཱ, ཨཱདཱིནཝོ ཨེཏྠབྷིཡྻོཏིཨཱདིནཱ ཀཱམེསུཨཱདཱིནཝཾ དིསྭཱ. ཨཱདིསདྡེན ཝིཏཀྐཱདཱིསུ ཨཱདཱིནཝདསྶནཾ སངྒཡ྄ཧཏི. ‘‘ཏེནེཝཱ’’ཏི ཀཱམཱདཱིནཝདསྶནཱདིནཱ ཨེཝ. ཨེཏྠ ཨབྷིཉྙཱབྷེདེན སངྑཱར བྷེདོ ན ཝཏྟབྦོ, པཊིཔདཱ བྷེདེནེཝ ཝཏྟབྦོཏི དསྶེཏུཾ ‘‘ཁིཔྤཱབྷིཉྙཛ྄ཛྷཱནཱནཾཔཱི’’ཏིཨཱདི ཝུཏྟཾ. ཏཏྠ, ཨབྷིཛཱནནཾ ཨབྷིཉྙཱ. ཁིཔྤཱསཱིགྷཱ ཨབྷིཉྙཱ ཡེསཾ ཏཱནི ཁིཔྤཱབྷིཉྙཱནི. དནྡྷཱ ཨསཱིགྷཱ ཨབྷིཉྙཱ ཡེསཾ ཏཱནི དནྡྷཱབྷིཉྙཱནི. ཛྷཱནཱནི. ‘‘ཡདི ཨེཝ’’ནྟི ཨེཝཾ པཊིཔདཱ བྷེདེན སངྑཱར བྷེདོ ཡདི སིཡཱཏི ཨཏྠོ. ‘‘ཝལ༹ཉྫནཀཱལེ’’ཏི སམཱཔཏྟི སམཱཔཛྫནཀཱལེ. པཊིབནྡྷཀཱ ནཱམ ཨནྟརཱཡིཀཱ. ‘‘སནྣིཧིཏཱསནྣིཧིཏཝསེནཱ’’ཏི ཨཱསནྣེ སཎྛིཏཱསཎྛིཏཝསེན. སུདྡྷཾ ཝིཔསྶནཱཡཱནཾ ཡེསཾ ཏེ སུདྡྷཝིཔསྶནཱཡཱནིཀཱ. ‘‘སུདྡྷཾ’’ཏི སམཐཛ྄ཛྷཱནེན ཨསམྨིསྶཾ. ‘‘སཏྠེན ཧནིཏྭཱ’’ཏི པརེ ན སཏྠེན ཧནནཏོ ཚིནྡནཏོ. ‘‘སཧསཱ’’ཏི སཱིགྷཏརེན. ‘‘མརནྟཱནཾ ཨུཔྤནྣཾ’’ཏི མརཎཱསནྣཀཱལེ ཨུཔྤནྣཾཏི ཨདྷིཔྤཱཡོ. ཨནཱགཱམིནོ ཧི སུདྡྷ ཝིཔསྶནཱཡཱནིཀཱཔི སམཱནཱ ¶ སམཱདྷིསྨིཾ པརིཔཱུརཀཱརིནོ ནཱམ ཧོནྟི. ཨིཙྪནྟེ སུསཏི ཀིཉྩི ནིམིཏྟཾ ཨཱརབྦྷམནསིཀཱར མཏྟེནཔི ཛྷཱནཾ ཨིཛ྄ཛྷཏི. ཏེནཱཧ ‘‘ཏཾཔི མགྒསིདྡྷགཏིཀ’’ནྟི. ‘‘རཱུཔཱིབྲཧྨལོཀེ’’ཏི ཨིདཾ ཨཊྛནྣཾ སམཱཔཏྟཱིནཾཔི ཏཏྠ པཱཀཏིཀབྷཱཝཾ སནྡྷཱཡ ཝུཏྟཾ. ཨརཱུཔཱི བྲཧྨལོཀེ པན ཨེཀཱ ཨེཝ སམཱཔཏྟི པཱཀཏིཀཱསམྦྷཝཏི. ཨུཔཔཏྟིསིདྡྷཛ྄ཛྷཱནཱནཾ བྷཝནྟརེ སནྣིཧིཏ པཙྩཡབྷེདེན སངྑཱར བྷེདོ ཝུཏྟོ, སོ ཀཐཾ པཙྩེཏབྦོཏི ཨཱཧ ‘‘ཨེཀསྨིཾ བྷཝེཔི…པེ… ཡུཏྟཱནི ཧོནྟཱི’’ཏི. ཨེཀསྨིཾ བྷཝེསབྦཔྤཐམཾ ལདྡྷཀཱལེ སངྑཱར བྷེདསྶ ཨཱསནྣཏྟཱ ཝལ༹ཉྫནཀཱལེཔི སོ ཨེཝ སངྑཱར བྷེདོ སིཡཱཏི ཨཱསངྐཱསམྦྷཝཏོ ཨིདཾ ཝུཏྟཾ. ཏེན བྷཝནྟརེ ཨུཔཔཏྟི སིདྡྷཛ྄ཛྷཱནཱནཾ སནྣིཧིཏ པཙྩཡབྷེདེན སངྑཱརབྷེདེ ཝཏྟབྦམེཝ ནཏྠཱིཏི དསྶེཏི. ཨིདཱནི ཏཱནི མགྒ སིདྡྷཛ྄ཛྷཱན ཨུཔཔཏྟི སིདྡྷཛ྄ཛྷཱནཱནི སནྣིཧིཏཔཙྩཡཾ ཨནཔེཀྑིཏྭཱ མགྒཀྑཎ ཨུཔཔཏྟིཀྑཎེསུ སིདྡྷཀཱལེ ཛྷཱནུཔྤཏྟི པཊིཔདཱཡ ཨེཝ སབྦསོ ཨབྷཱཝཾ གཧེཏྭཱ ཨཔརཾ ཝིཀཔྤཾ དསྶེཏུཾ ‘‘ཛྷཱནུཔྤཏྟི པཊིཔདཱ རཧིཏཏྟཱ ཝཱ’’ཏིཨཱདི ཝུཏྟཾ. ཨེཝཾ མཧགྒཏཛྷཱནཱནཾ ཨཊྛཀཐཱཝསེན སིདྡྷཾ སངྑཱར བྷེདཾ ཝཏྭཱ ཨིདཱནི པཱལི༹ཝསེནཱཔི སོ སིདྡྷོ ཡེཝཱཏི དསྶེཏུཾ ‘‘ཨཔིཙཱ’’ཏིཨཱདི ཨཱརདྡྷཾ. དུཀྑཔྤཊིཔདཱཔུབྦཀཱནཾ དྭིནྣཾ དནྡྷཱབྷིཉྙཁིཔྤཱབྷིཉྙསམཱདྷཱིནཾ. ‘‘ཨེཏྟཱཝཏཱ’’ཏི ཨེཏཾ པརིམཱཎཾ ཨསྶཱཏི ཨེཏྟཱཝཾ. ཨེཏྟཱཝནྟེན. ཨེཏྠ སིཡཱ, ཀསྨཱ ཨིདྷ སངྑཱརབྷེདོ ན ཝུཏྟོཏིཨཱདིནཱ ཝཙནཀྐམེན སིདྡྷོ ཧོཏཱིཏི སམྦནྡྷོ. སེསཾ སུཝིཉྙེཡྻཾ.

༥༡. ཝིབྷཱཝནིཔཱཋེ. པརིཀམྨཾ ནཱམ པཐཝཱི, པཐཝཱི, ཨཱཔོ, ཨཱཔོ-ཏིཨཱདིཀཾ, རཱུཔཾ ཨནིཙྩཾ, རཱུཔཾ དུཀྑཾ, རཱུཔཾ ཨནཏྟཱ-ཏིཨཱདིཀཉྩབྷཱཝནཱཔརིཀམྨཾ ཨདྷིཀཱརོ ནཱམ པུབྦབྷཝེཀཏབྷཱཝནཱཀམྨཾ. པུབྦབྷཝེཛྷཱནམགྒཕལཱནིཔཏྠེཏྭཱ ཀཏཾ དཱནསཱིལཱདི པུཉྙཀམྨཉྩ. ‘‘ཨིདཾ ཏཱཝནཡུཛྫཏཱི’’ཏི ཨེཏྠ ཏཱཝསདྡོ ཝཏྟབྦནྟརཱཔེཀྑནེ ནིཔཱཏོ. ཏེན ཨཔརཾཔི ཝཏྟབྦཾ ཨཏྠཱིཏི དཱིཔེཏི. པུབྦཱབྷིསངྑཱརོ དུཝིདྷོ པཀཏི པུབྦཱབྷིསངྑཱརོ, པཡོགཔུབྦཱབྷིསངྑཱརོཏི. ཏཏྠ པརིཀམྨ པུབྦཱབྷིསངྑཱརོ པཀཏི པུབྦཱབྷིསངྑཱརོ ནཱམ, ཨཡཾ པཀཏི པཙྩཡགཎོ ཨེཝ. པུབྦེ ཝུཏྟོ པུབྦཔྤཡོགོ པཡོགཔུབྦཱབྷིསངྑཱརོ ནཱམ ¶ . སོ ཨེཝ ཨིདྷཱདྷིཔྤེཏོཏི དསྶེཏུཾ ‘‘ནཧཱི’’ཏིཨཱདིམཱཧ. ‘‘ཨནྟམསོ’’ཏི ཨནྟིམ པརིཙྪེདེན. ‘‘ཨཱལོཔབྷིཀྑཱ’’ ནཱམ ཨེཀཱ ལོཔབྷིཀྑཱ. སོ པརིཀམྨསངྑཱཏཔུབྦཱབྷིསངྑཱརོ. ཛྷཱནཱནི ཙ སབྦཱནི ཨུཔྤནྣཱནི ནཱམ ནཏྠཱིཏི སམྦནྡྷོ. ‘‘ཨིཏཱི’’ཏི ཏསྨཱ. ‘‘སོ’’ཏི བྷཱཝནཱབྷིསངྑཱརོ. ‘‘ཏེསཾ’’ཏི སབྦེསཾཔི ཛྷཱནཱནཾ. ན ཧི ལོཀིཡཛ྄ཛྷཱནཱནི ནཱམ…པེ… ཨཏྠི, ཨིམེསཾ སཏྟཱནཾ སབྦཀཔྤེསུཔི ཀཔྤཝིནཱསཀཱལེ ཛྷཱནཱནི བྷཱཝེཏྭཱ བྲཧྨལོཀ པརཱཡནཏཱ སབྦྷཱཝཱཏི ཨདྷིཔྤཱཡོ. ‘‘པུབྦེ སམཐཀམྨེསུ ཀཏཱདྷིཀཱརསྶཱ’’ཏི ཨཱསནྣབྷཝེཀཏཱདྷིཀཱརཾ སནྡྷཱཡ ཝུཏྟཾ. དཱུརབྷཝེ པན སམཐཀམྨེསུ ཨཀཏཱདྷིཀཱརོ ནཱམ ཀོཙི ནཏྠཱིཏི. ‘‘ཨེཝམེཝཱ’’ཏི ཨེཝཾ ཨེཝ. ཝིཔཱཀཛ྄ཛྷཱནེསུ སངྑཱར བྷེདསྶ པུབྦ ཀམྨཝསེན ཝཏྟབྦཏྟཱ ‘‘ཀུསལ ཀྲིཡཛ྄ཛྷཱནེསཱུ’’ཏི ཝུཏྟཾ. ‘‘ཨཐཝཱཏིཨཱདིཀོ པཙྪིམ ཝིཀཔྤོ ནཱམ’’ ཨཐཝཱ པུབྦཱབྷིསངྑཱརེནེཝ ཨུཔྤཛྫམཱནསྶ ནཀདཱཙི ཨསངྑཱརིཀབྷཱཝོ སམྦྷཝཏཱིཏི ཨསངྑཱརིཀནྟི ཙ, བྱབྷིཙཱརཱབྷཱཝཏོ སསངྑཱརིཀནྟི ཙ ན ཝུཏྟནྟི ཨཡཾ ཝིཀཔྤོ. ཏཏྠ ཨསངྑཱརིཀནྟི ཙ ན ཝུཏྟནྟི སམྦནྡྷོ. ‘‘བྱབྷིཙཱརཱ བྷཱཝཏོ’’ཏི ཨསངྑཱརིཀབྷཱཝེན པསངྒཱབྷཱཝཏོ. སསངྑཱརིཀནྟི ཙ ན ཝུཏྟཾ. ཡདི ཝུཙྩེཡྻ. ནིརཏྠ ཀམེཝཏཾབྷཝེཡྻ. ཀསྨཱ, སམྦྷཝ བྱབྷིཙཱརཱནཾ ཨབྷཱཝཏོ. སམྦྷཝེ བྱབྷིཙཱརེ ཙ. ཝིསེསནཾ སཱཏྠཀཾ སིཡཱཏི ཧི ཝུཏྟཾ. ན ཙ ནིརཏྠཀཝཙནཾ པཎྜིཏཱ ཝདནྟི. ཀསྨཱ, ཨཔཎྜིཏལཀྑཎཏྟཱ. སཏི པན སམྦྷཝེ ཙ བྱབྷིཙཱརེ ཙ, ཏཐཱ སཀྐཱ ཝཏྟུཾ. ཀསྨཱ, སཱཏྠཀཏྟཱ. སཱཏྠཀམེཝ པཎྜིཏཱ ཝདནྟི. ཀསྨཱ, པཎྜིཏ ལཀྑཎཏྟཱཏི ཨདྷིཔྤཱཡོ.

༥༢. པཊིཔདཱ ཨབྷིཉྙཱཝཝཏྠཱནེ. ‘‘ནིམིཏྟུཔྤཱདཏོ’’ཏི པཊིབྷཱགནིམིཏྟསྶ ཨུཔྤཱདཏོ. སུཁཱཔན པཊིཔདཱ, པཙྪཱདནྡྷཾ ཝཱ ཁིཔྤཾ ཝཱ ཨུཔྤནྣཾ ཛྷཱནཾ སུཁཔྤཊིཔདཾ ནཱམ ཀརོཏཱིཏི ཡོཛནཱ. ‘‘པུབྦབྷཝེ’’ཏི ཨཱསནྣེ པུབྦབྷཝེ. ཨནྟརཱཡིཀདྷམྨཱ ནཱམ ‘ཀིལེསནྟརཱཡིཀོ ཙ, ཀམྨནྟརཱཡིཀོ ཙ, ཝིཔཱཀནྟརཱཡིཀོ ཙ, པཉྙཏྟི ཝཱིཏིཀྐམནྟརཱཡིཀོ ཙ, ཨརིཡཱུཔཝཱདནྟརཱཡིཀོ ཙ. ཏཏྠ ཏིསྶོ ནིཡཏམིཙྪཱདིཊྛིཡོཀིལེསནྟརཱཡིཀོ ནཱམ. པཉྩཱནནྟརིཡ ཀམྨཱནི ¶ ཀམྨནྟརཱཡིཀོ ནཱམ. ཨཧེཏུཀ དྭིཧེཏུཀཔྤཊིསནྡྷིཝིཔཱཀཱ ཝིཔཱཀནྟརཱཡིཀོ ནཱམ. བྷིཀྑུ བྷཱཝེཋིཏཱནཾ ཝིནཡ པཉྙཏྟིཾ ཝཱིཏིཀྐམིཏྭཱ ཨཀཏཔྤཊིཀམྨོ ཝཱིཏིཀྐམོ པཉྙཏྟིཝཱིཏིཀྐམནྟརཱཡིཀོ ནཱམ. པཊིཀམྨེཔནཀཏེ ཨནྟརཱཡིཀོ ན ཧོཏི. ཨརིཡཔུགྒལཱནཾ ཛཱཏིཨཱདཱིཧི ཨུཔཝདིཏྭཱ ཨཀྐོསིཏྭཱ ཨཀཏཔྤཊིཀམྨཾ ཨཀྐོསནཾ ཨརིཡཱུཔཝཱདནྟརཱཡིཀོ ནཱམ. ཨིདྷཔི པཊིཀམྨེ ཀཏེ ཨནྟརཱཡིཀོ ན ཧོཏི. སེསེསུ ཏཱིསུ པཊིཀམྨཾ ནཱམ ནཏྠི. ཨིམེ དྷམྨཱ ཨིམསྨིཾ བྷཝེ ཛྷཱནམགྒཱནཾ ཨནྟརཱཡཾ ཀརོནྟཱིཏི ཨནྟརཱཡིཀཱ ནཱམ. ཏེཧི ཝིམུཏྟོ ཨནྟརཱཡིཀ དྷམྨ ཝིམུཏྟོ ནཱམ. ‘‘ཀལྱཱཎཔྤཊིཔཏྟིཡཾ ཋིཏོ’’ཏི སཱིལཝིསུདྡྷི ཨཱདིཀཱཡ ཀལྱཱཎཔྤཊིཔཏྟིཡཾ པརིཔཱུརཎ ཝསེན ཋིཏོ. ‘‘ཚིནྣཔལིབོདྷོ’’ཏི ཨཱཝཱསཔལིབོདྷཱདཱིནི དསཝིདྷཱནི པལིབོདྷཀམྨཱནི ཚིནྡིཏྭཱ ཋིཏོ. ‘‘པཧིཏཏྟོ’’ཏི, ཡནྟཾ པུརིསཐཱམེན པུརིསཔརཀྐམེན པཏྟབྦཾ, ན ཏཾ ཨཔཏྭཱ ཝཱིརིཡསྶ སཎྛཱནཾ བྷཝིསྶཏཱིཏི ཨེཝཾ པཝཏྟེན སམྨཔྤདྷཱན ཝཱིརིཡེན སམནྣཱགཏོ. སོ ཧི པཧིཏོ པེསིཏོ ཨནཔེཀྑིཏོ ཨཏྟབྷཱཝོ ཨནེནཱཏི པཧིཏཏྟོཏི ཝུཙྩཏི. ‘‘ནསམྤཛྫཏཱིཏི ནཏྠི’’. སཙེ པཉྩཔདྷཱནིཡངྒསམནྣཱགཏོ ཧོཏཱིཏི ཨདྷིཔྤཱཡོ. པཉྩཔདྷཱནིཡངྒཱནི ནཱམ སདྡྷཱསམྤནྣཏཱ, ཨསཱཋེཡྻཾ, ཨཱརོགྱཾ, ཨལཱིནཝཱིརིཡཏཱ, པཉྙཝནྟཏཱ,ཏི.

༥༢. ཝིཔཱཀཛ྄ཛྷཱནེ. ‘‘མུདུབྷཱུཏཾ’’ཏི བྷཱཝནཱ བལཔརིཏྟཏྟཱམནྡབྷཱུཏཾ. མནྡབྷཱུཏཏྟཱ ཙ དུབྦལཾ. ‘‘ནཱནཱ ཀིཙྩཊྛཱནེསུ ཙཱ’’ཏི དསྶནསཝནཱདཱིསུ. ‘‘ཧཱིནེསུཔི ཨཏྟབྷཱཝེསཱུ’’ཏི ཨཧེཏུཀ དྭིཧེཏུཀཔུགྒལེསུཔི. ‘‘ཨསདིསཾཔཱི’’ཏི ཏིཧེཏུཀུཀྐཊྛཾཔི ཀམྨཾ ཨཧེཏུཀཝིཔཱཀཾཔི ཛནེཏཱིཏིཨཱདིནཱ ཨསདིསཾཔི ཝིཔཱཀཾ ཛནེཏི. ‘‘བྷཝངྒཊྛཱནེསུ ཡེཝཱ’’ཏི ཨེཏྠ བྷཝངྒ སདྡེན པཊིསནྡྷིཊྛཱན ཙུཏིཊྛཱནཱནིཔི སངྒཡ྄ཧནྟི. ‘‘ཀུསལསདིསམེཝཱ’’ཏི པཐམཛ྄ཛྷཱནཀུསལཾ པཐམཛ྄ཛྷཱན ཝིཔཱཀམེཝ ཛནེཏི, དུཏཱིཡཛ྄ཛྷཱན ཀུསལཾ དུཏཱིཡཛ྄ཛྷཱན ཝིཔཱཀམེཝ ཛནེཏཱིཏིཨཱདིནཱ ཀུསལ སདིསམེཝ ཝིཔཱཀཾ ཛནེཏི. ‘‘ཀུསལམེཝ…པེ… ཀྲིཡཛ྄ཛྷཱནཾ ནཱམ ཧོཏི’’ ཨབྷེདཱུ པཙཱརེནཱཏི ཨདྷིཔྤཱཡོ. བྷེདམྤི ཨབྷེདཾ ཀཏྭཱ ཨུཔཙཱརོ ཝོཧཱརོ ཨབྷེདཱུ པཙཱརོ.

༥༤. སངྒཧགཱཐཱ ¶ ཝཎྞནཱཡཾ. ཛྷཱནཱནཾ བྷེདོ ཛྷཱནབྷེདོ. ཨཏྠཏོ པན ཛྷཱནེཧི སམྤཡོགབྷེདོ ཛྷཱནབྷེདོཏི ཝུཏྟོ ཧོཏཱིཏི ཨཱཧ ‘‘ཛྷཱནེཧི སམྤཡོགབྷེདེནཱ’’ཏི. པཐམཛ྄ཛྷཱནིཀཾ ཙིཏྟནྟིཨཱདིནཱ ཡོཛེཏབྦཾ. ‘‘ཏམེཝཱ’’ཏི རཱུཔཱཝཙར མཱནསམེཝ. ཝིབྷཱཝནིཡཾ པན ཨུཔརིསངྒཧགཱཐཱཡཾ ཛྷཱནངྒ ཡོགབྷེདེན, ཀཏྭེཀེཀནྟུ པཉྩདྷཱཏི ཝཙནཾ དིསྭཱ ཨིདྷ ཛྷཱན བྷེདེནཱཏི ཛྷཱནངྒེཧི སམྤཡོགབྷེདེནཱཏི ཝུཏྟཾ. ཨེཝཾ སནྟེཔི ཨིདྷ ཛྷཱནབྷེདསྶ ཝིསུཾ ཨདྷིཔྤེཏཏྟཱ ‘‘ཨཉྙོཧི ཛྷཱནབྷེདོ’’ཏིཨཱདི ཝུཏྟཾ.

རཱུཔཱཝཙརཙིཏྟདཱིཔནིཡཱཨནུདཱིཔནཱ ནིཊྛིཏཱ.

༥༥. ཨརཱུཔཙིཏྟདཱིཔནིཡཾ. ‘‘བྷུསོ’’ཏི ཨཏིརེཀཏརཾ. ‘‘སརཱུཔཏོ’’ཏི པརམཏྠ སབྷཱཝཏོ. ནཏྠི ཛཊཱ ཨེཏྠཱཏི ཨཛཊོ. ཨཛཊོ ཨཱཀཱསོཏི ཨཛཊཱཀཱསོ. ‘‘པརིཙྪིནྣཱཀཱསོ’’ཏི དྭཱརཙྪིདྡཝཱཏཔཱནཙྪིདྡཱདིཀོ ཨཱཀཱསོ, ཡཏྠ ཨཱཀཱས ཀསིཎ ནིམིཏྟཾ ཨུགྒཎྷནྟི. ཀསིཎ ནིམིཏྟཾ ཨུགྒྷཱཊེཏྭཱ ལདྡྷོ ཨཱཀཱསོ ཀསིཎུགྒྷཱཊིམཱཀཱསོ, ཀསིཎཾ ཨུགྒྷཱཊེན ནིབྦཏྟོ ཀསིཎུགྒྷཱཊིམོཏི ཀཏྭཱ. རཱུཔཀལཱཔཱནཾ པརིཙྪེདམཏྟབྷཱུཏོ ཨཱཀཱསོ རཱུཔཔརིཙྪེདཱཀཱསོ. ‘‘ཨནནྟབྷཱཝེན ཕརཱིཡཏཱི’’ཏི ཙཏུརངྒུལམཏྟོཔིསོ ཨནནྟ ནཱམཾ ཀཏྭཱ བྷཱཝནཱམནསིཀཱརེན ཕརཱིཡཏི. ‘‘དེཝཱནཾ ཨདྷིཊྛཱནཝཏྠཱུ’’ཏི མཧིདྡྷིཀཱནཾ གཱམནགར དེཝཱནཾ བལིཔྤཊིགྒཧཎཊྛཱནཾ ཝུཙྩཏི, ཡཏྠ མནུསྶཱ སམཡེ ཀུལ དེཝཏཱནཾ བལིཾ ཨབྷིཧརནྟི. ‘‘བལིཾ’’ཏི པཱུཛནཱིཡ ཝཏྠུ ཝུཙྩཏི. ‘‘ཏསྨིཾ’’ཏི ཀསིཎུགྒྷཱཊིམཱཀཱསེ. ‘‘ཏདེཝཱ’’ཏི ཏཾ ཨཱརམྨཎམེཝ. ཀུསལཛ྄ཛྷཱནཾ སམཱཔནྣསྶཝཱ, ཝིཔཱཀཛ྄ཛྷཱནེན ཨུཔཔནྣསྶཝཱ, ཀྲིཡཛ྄ཛྷཱནེན དིཊྛདྷམྨ སུཁ ཝིཧཱརིསྶཝཱ, ཏིཡོཛེཏབྦཾ. ཨནནྟནྟི ཝུཙྩཏི, ཡཐཱཔཐཝཱིཀསིཎེ པཝཏྟནཏོ ཛྷཱནཾ པཐཝཱིཀསིཎནྟི ཝུཙྩཏཱིཏི. ‘‘ཨེཀདེསེ’’ཏི ཨུཔྤཱདེཝཱ ཋིཏིཡཾ ཝཱ བྷངྒེཝཱ. ཨནྟརཧིཏཏྟཱ ཨནནྟནྟི ཝུཙྩཏི. ‘‘ཨནནྟ སཉྙིཏེ’’ཏི ཨནནྟ ནཱམཀེ. ‘‘ཨནནྟནྟི བྷཱཝནཱཡ ¶ པཝཏྟཏྟཱ’’ཏི ཨིདཾ པཐམཱ རུཔྤཝིཉྙཱཎཾ ཨནནྟནྟི ཨེཝཾ པུབྦབྷཱག བྷཱཝནཱཡ པཝཏྟཏྟཱ. ‘‘ཨཏྟནོ ཕརཎཱཀཱར ཝསེནཱ’’ཏི པུབྦབྷཱགབྷཱཝནཾ ཨནཔེཀྑིཏྭཱཏི ཨདྷིཔྤཱཡོ. ‘‘ནིརུཏྟི ནཡེནཱ’’ཏི སཀཏྠེ ཡཔཙྩཡཾ ཀཏྭཱ ནཀཱརསྶལོཔེན. ‘‘པཱལི༹ཡཱ ནསམེཏཱི’’ཏི ཝིབྷངྒ པཱལི༹ཡཱནསམེཏི. ‘‘ཨནནྟཾ ཕརཏཱི’’ཏི ཨནནྟཾ ཨནནྟནྟི ཕརཏི. ‘‘པཐམཱ རུཔྤཝིཉྙཱཎཱབྷཱཝོ’’ཏི ཏསྶ ཨབྷཱཝ པཉྙཏྟིམཏྟཾ. ‘‘ནེཝཏྠཱི’’ཏི ནཏྠི. ‘‘ཨསྶཱ’’ཏི ཙཏུཏྠཱ རུཔྤཛ྄ཛྷཱནསྶ. ཨཐཝཱཏིཨཱདཱིསུ ‘‘པཊུསཉྙཱ ཀིཙྩསྶཱ’’ཏི བྱཏྟསཉྙཱ ཀིཙྩསྶ. ‘‘སངྑཱརཱཝསེས སུཁུམབྷཱཝེན ཝིཛྫམཱནཏྟཱ’’ཏི ཨིམསྶ ཨཏྠཾ ཝིབྷཱཝེནྟོ ‘‘ཨེཏྠཙཱ’’ཏིཨཱདིམཱཧ. ‘‘མུདྡྷབྷཱུཏཾ’’ཏི མཏྠཀཔཏྟཾ. ‘‘དེསནཱསཱིསམཏྟཾ’’ཏི རཱཛཱ ཨཱགཙྪཏཱིཏིཨཱདཱིསུ ཝིཡ པདྷཱན ཀཐཱམཏྟནྟི ཝུཏྟཾ ཧོཏི. ‘‘ཏསྶེཝཱ’’ཏི པཐམཱ རུཔྤཝིཉྙཱཎསྶེཝ. ཀུསལབྷཱུཏཾ པཐམཱ རུཔྤཝིཉྙཱཎཾ པུཐུཛྫནཱནཉྩ སེཀྑཱནཉྩ ཀུསལབྷཱུཏསྶ དུཏཱིཡཱརུཔྤཝིཉྙཱཎསྶ ཨཱརམྨཎཾ ཧོཏི. ཨརཧཱ པན ཏིཝིདྷོ. ཏཏྠ, ཨེཀོཔཐམཱ རུཔྤེཋཏྭཱ ཨརཧཏྟཾ པཏྭཱ པཐམཱརུཔྤཾ ཨསམཱཔཛྫིཏྭཱཝ དུཏཱིཡཱ རུཔྤཾ ཨུཔྤཱདེཏི. ཏསྶ ཀུསལབྷཱུཏཾ པཐམཱ རུཔྤཾ ཀྲིཡབྷཱུཏསྶ དུཏཱིཡཱ རུཔྤསྶ ཨཱརམྨཎཾ. ཨེཀོཔཐམཱ རུཔྤེཋཏྭཱ ཨརཧཏྟཾ པཏྭཱ པུན ཏམེཝ པཐམཱ རུཔྤཾ སམཱཔཛྫིཏྭཱ དུཏཱིཡཱ རུཔྤཾ ཨུཔྤཱདེཏི. ཨེཀོ དུཏཱིཡཱ རུཔྤེཋཏྭཱ ཨརཧཏྟཾ གཙྪཏི. ཏེསཾ དྭིནྣཾ ཀྲིཡབྷཱུཏཾ པཐམཱ རུཔྤཝིཉྙཱཎཾ ཀྲིཡབྷཱུཏསྶེཝ དུཏཱིཡཱརུཔྤསྶ ཨཱརམྨཎཾ. ཏེནཱཧ ‘‘ཝིཉྙཱཎཾ ནཱམཱ’’ཏིཨཱདིཾ.

ཨརཱུཔཙིཏྟཱནུདཱིཔནཱ.

༥༧. ལོཀུཏྟརཙིཏྟེ. ‘‘ཛལཔྤཝཱཧོ’’ཏི ཨུདཀདྷཱརཱསངྒྷཱཊོ. ‘‘པབྷཝཏོ’’ཏིཨཱདིཔཝཏྟིཊྛཱནཏོ. ‘‘ཡཐཱཧཱ’’ཏི ཀཐཾ པཱལི༹ཡཾ ཨཱཧ. ‘‘སེཡྻཐིད’’ནྟི སོ ཀཏམོ. ‘‘ཨཡཾ པཱི’’ཏི ཨཡཾ ཨརིཡམགྒོཔི. ཨེཀཙིཏྟཀྑཎིཀོ ཨརིཡམགྒོ, ཀཐཾ ཡཱཝ ཨནུཔཱདིསེས ནིབྦཱནདྷཱཏུཡཱསཝཏི སནྡཏཱིཏི ཨཱཧ ¶ ‘‘ཨཱནུབྷཱཝཔྥརཎཝསེནཱ’’ཏི. པཱལི༹ཡཾ གངྒཱདཱིནི པཉྩནྣཾ མཧཱནདཱིནཾ ནཱམཱནི. ‘‘སམུདྡ ནིནྣཱ’’ཏི མཧཱསམུདྡཱབྷིམུཁཾ ནིནྣཱ ནམིཏཱ. ‘‘པོཎཱ’’ཏི ཨནུཔཏིཏཱ. ‘‘པབྦྷཱརཱ’’ཏི ཨདྷོཝཱཧིཏཱ. ‘‘ཀིལེསཱནཾ’’ཏི ཨནུཔགམནེ ཀམྨཔདཾ. པཱལི༹ཡཾ ‘‘གྷཊོ’’ཏི ཨུདཀ པུཎྞགྷཊོ. ‘‘ནིཀུཛྫོ’’ཏི ཨདྷོམུཁཾ ཋཔིཏོ. ‘‘ནོཔཙྩཱཝ མཏཱི’’ཏི པུན ནོགིལཏི. ‘‘ན པུནེཏཱི’’ཏི ན པུན ཨེཏི ནུཔགཙྪཏི ཨརིཡསཱཝཀོ. ‘‘ན པཙྩེཏཱི’’ཏི ན པཊི ཨེཏི. ཏདཏྠཾ ཝདཏི ‘‘ན པཙྩཱགཙྪཏཱི’’ཏི. ཨེཝཾ ཏཾ ཨནིཝཏྟགམནཾ པཱལི༹སཱདྷཀེཧི དཱིཔེཏྭཱ ཨིདཱནི ཡུཏྟིསཱདྷཀེཧི པཀཱསེཏུཾ ‘‘ཡཐཱ ཙཱ’’ཏིཨཱདིམཱཧ. ‘‘ཡཏོ’’ཏི ཡཾ ཀཱརཎཱ. ‘‘ཏེ’’ཏི པུཐུཛྫནཱ. ‘‘དུསྶཱིལཱ’’ཏི ནིསྶཱིལཱ. ‘‘ཨུམྨཏྟཀཱ’’ཏི པིཏྟུམྨཏྟཀཱ. ‘‘ཁིཏྟ ཙིཏྟཱ’’ཏི ཚཊྚིཏཔཀཏི ཙིཏྟཱཡཀྑུམྨཏྟཀཱ. ‘‘དུཔྤཉྙཱ’’ཏི ནིཔྤཉྙཱ. ‘‘ཨེལ༹མཱུགཱ’’ཏི དུཔྤཉྙཏཱཡ ཨེཝ པགྒྷརིཏལཱལ མུཁ མཱུགཱ. ‘‘ཏསྨིཾ མགྒེ ཨེཝཱ’’ཏི ཨཊྛངྒཱིཀེ ཨརིཡམགྒེ ཨེཝ. སོ པན མགྒོ པཐམ མགྒོ, དུཏཱིཡ མགྒོ, ཏཏཱིཡ མགྒོ, ཙཏུཏྠ མགྒོ,ཏི ཙཏུབྦིདྷོ ཧོཏི. ‘‘ཨཱདིཏོ པཛྫནཾ’’ཏི ཙཏཱུསུ མགྒེསུ ཨཱདིམྷི པཐམ མགྒསོཏསྶ པཛྫནཾ གམནཾ. པཊིལཱབྷོཏི ཝུཏྟཾ ཧོཏི. ‘‘སོཏཱཔཏྟིཡཱ’’ཏི སོཏསྶ ཨཱཔཛྫནེན. ‘‘ཨདྷིགམྨམཱནོ’’ཏི པཊིལབྦྷམཱནོ. སབྦེ བོདྷིཔཀྑིཡ དྷམྨཱ ཨནིཝཏྟ གཏིཡཱ པཝཏྟམཱནཱ སོཏོཏི ཝུཙྩནྟཱིཏི སམྦནྡྷོ. སམྦོདྷི ཝུཙྩཏི ཙཏཱུསུ མགྒེསུ ཉཱཎཾ. ཨུཔརིསམྦོདྷི ཨེཝ པརཱཡནཾ ཡེསཾ ཏེ ཨུཔརིསམྦོདྷི པརཱཡནཱ. པརཱཡནནྟི ཙ པཊིསརཎཾ. ཀཐཾ སོཏཱཔཏྟི ཝཙནཾ མགྒེན སམཱནཱདྷིཀརཎཾ ཧོཏཱིཏི ཝུཏྟཾ ‘‘པཐམ མགྒ སངྑཱཏཱཡ སོཏཱཔཏྟིཡཱ’’ཏིཨཱདི. ‘‘མགྒེཏཱི’’ཏི གཝེསཏི. མཱརེནྟ གམནོནིརུཏྟིནཡེན མགྒོཏི སིཛ྄ཛྷཏཱིཏི ཝུཏྟཾ ‘‘ཀིལེསེ མཱརེནྟོ གཙྪཏཱིཏི མགྒོ’’ཏི.

༥༨. སཀདཱགཱམི མགྒེ. ‘‘སཀིཾ ཨཱགཙྪཏཱི’’ཏི ཨིཏོགནྟྭཱ པུན ཨིདྷ ཨཱགཙྪཏཱིཏི ཨཏྠོ. ‘‘སཱིལེནཱ’’ཏི པཀཏིསབྷཱཝེན. ཀཱམལོཀཾ ཨཱགཙྪནྟི ཨེཏེཧཱིཏི ཀཱམལོཀཱགམནཱ. ཀིལེསཱ. ཏེསཾ སབྦྷཱཝེན ཝིཛྫམཱནབྷཱཝེན. པཱལི༹ཡཾ ‘‘ཨེཀཙྩསྶ པུགྒལསྶཱ’’ཏི ཀཏྟུ ཨཏྠེསཱམིཝཙནཾ. ཨེཀཙྩེན པུགྒལེན ཨཔྤཧཱིནཱ ནཱིཏི སམྦནྡྷོ ¶ . ‘‘སཧབྱཏཾ’’ཏི སཧཱཡབྷཱཝཾ. ‘‘ཨཱགཱམཱིཧོཏཱི’’ཏི ཝཏྭཱ ཏམེཝཏྠཾ ཝདཏི ‘‘ཨཱགནྟྭཱ ཨིཏྠཏྟ’’ནྟི. ཨཱགཙྪཏི སཱིལེནཱཏི ཨཱགནྟྭཱ. ཨིཏྠཾ བྷཱཝོ ཨིཏྠཏྟཾ. ཨིམཾ ཀཱམཏྟབྷཱཝཾ ཨཱགནྟྭཱ, ཏསྨཱ ཨཱགཱམཱི ནཱམ ཧོཏཱིཏི ཡོཛནཱ. ‘‘ཨཡཉྩ ཨཏྠོ’’ཏི པཊིསནྡྷིཝསེན སཀིཾ ཨིམཾ ལོཀཾ ཨཱགཙྪཏཱིཏིཨཱདིཀོ ཨཏྠོ. ‘‘ཀིལེས གཏིཝསེནཱ’’ཏི ཀཱམལོཀཱ གམན ཀིལེས གཏིཝསེན. མགྒསཧཱཡེན ཛྷཱནེན ཝིཀྑམྦྷིཏཱ ཀིལེསཱ མགྒེན སམུཙྪིནྣ གཏིཀཱ ཧོནྟི. ཨཡཾ མགྒསཧཱཡོཛྷཱནཱནུབྷཱཝོ ནཱམ. ཏེནཱཧ ‘‘ན ཧཱི’’ཏིཨཱདིཾ. ‘‘དེཝལོཀཏོ’’ཏི ཨེཏྠ བྲཧྨལོཀོཔི སངྒཧིཏོ. པཙྪིམསྨིཾ པན ཨཏྠེ སཏཱིཏི ཡོཛནཱ. ཨཱགམནསཱིལོ ཨཱགནྟྭཱ. ན ཨཱགནྟྭཱ ཨནཱགནྟྭཱ. ‘‘ཏེནཱ’’ཏི ཨནཱགམནེན. ‘‘ནཱནཏྠཱ སམྦྷཝཏོ’’ཏི དྭཱིསུ ཨིཏྠཏྟསདྡེསུ ཨེཀསྨིཾ ཨིམཾ ཀཱམཱཝཙར ལོཀནྟི ཨེཀསྨིཾ ཨིམཾ མནུསྶ ལོཀནྟི ཨེཝཾ ནཱནཏྠཱནཾ ཨསམྦྷཝཏོ. པཱལི༹ཡཾ ‘‘སབྱཱ བཛ྄ཛྷོ’’ཏི ཙེཏོདུཀྑ སངྑཱཏེན ཙེཏསིཀརོགཱ བཱདྷེན སཧིཏོ. ཏེནཱཧ ‘‘ཏེཧི པཊིགྷཱནུསཡསྶཱ’’ཏིཨཱདིཾ. ཏཏྠ ‘‘ཏེ’’ཏི པུཐུཛྫན སོཏཱཔནྣ སཀདཱགཱམིནོ. སབྱཱ བཛ྄ཛྷཱནཱམཱཏི སམྦནྡྷོ. ‘‘པཙྪིམསྶ ཝཱཀྱསྶཱ’’ཏི ཨཱགནྟྭཱ ཨིཏྠཏྟཾ སོཏཱཔནྣ སཀདཱགཱམིནོ ཏེན དཊྛབྦཱཏི ཝཱཀྱསྶ. ‘‘དྭཱིསུ སཀདཱགཱམཱིསཱུ’’ཏི ཨཱགནྟྭཱ ཨིཏྠཏྟནྟི ཝུཏྟཏྟཱ ཏེན ཨཏྠེན སཀདཱགཱམིནཱམཀེསུ དྭཱིསུ སོཏཱཔནྣ སཀདཱགཱམཱིསུ. ‘‘པུརིམསྶཱ’’ཏི སོཏཱཔནྣསྶ. ‘‘ཨནཉྙ སཱདྷཱརཎེ ནེཝཱ’’ཏི དུཏཱིཡ ཕལཊྛཱདཱིཧི ཨསཱམཉྙེནེཝ. བྲཧྨལོཀེཋིཏཱནཾ སོཏཱཔནྣཱནཾ སཏྟཀྑཏྟུ པརམ ཏཱདིབྷཱཝོ ནཏྠི ཝིཡ དུཏཱིཡ ཕལཊྛཱནཾ སཀདཱགཱམི བྷཱཝོཔི ནཏྠི. ཏེནཱཧ ‘‘པཐམ དུཏཱིཡ ཕལཊྛཱཔཱི’’ཏིཨཱདིཾ. ‘‘ཏསྨཱ’’ཏིཨཱདི ལདྡྷགུཎཝཙནཾ. ‘‘ཨིཏི ཀཏྭཱ’’ཏི ཨིམིནཱ ཀཱརཎེན. ‘‘ཧེཊྛཱུ པརཱུཔཔཏྟིཝསེནཱ’’ཏི ཨུཔརིཏོ ཨཱགནྟྭཱ ཧེཊྛཱུཔཔཏྟི ཙ, ཧེཊྛཏོ ཨཱགནྟྭཱ ཨུཔརཱུཔཔཏྟི ཙཱཏི ཨེཝཾ ཧེཊྛཱུཔརཱུཔཔཏྟིཝསེན. ‘‘ཨེཝཉྩ ཀཏྭཱ’’ཏིཨཱདི དུཏཱིཡ ལདྡྷ གུཎཝཙནཾ. ‘‘པཉྩནྣཾ ཨིདྷ ནིཊྛཱ’’ཏི པཉྩནྣཾ པུགྒལཱནཾ ཨིདྷ ཀཱམལོཀེ ནིཊྛཱ ཨནུཔཱདིསེས ནིབྦཱནཔཏྟཱིཏི ཝུཏྟཾ ¶ ཧོཏི. ‘‘སོ པནཱ’’ཏི སཀདཱགཱམི པུགྒལོ པན. ཡེསཾ པན ཨཊྛཀཐཱ ཙརིཡཱནཾ ཨཏྠོ, ཏེསཾ ཨཏྠེསོ སཀདཱགཱམི པུགྒལོ པཉྩཝིདྷོཝ ཝུཏྟོ, ན ཚཊྛོ པུགྒལོཏི ཡོཛནཱ. ཡེསཾ པན ཨིམཾ ལོཀནྟི ཨཏྠོ, ཏེསཾ ཨཏྠེ ཚཊྛོཔི ལབྦྷཏཱིཏི དསྶེཏུཾ ‘‘མཧཱཔརིནིབྦཱན…པེ… ཨཱགཏོ ཡེཝཱ’’ཏི ཝུཏྟཾ. ཏཏྠ ‘‘སཀིཾ ཨཱགམནཊྛེན ཨཱགཏོ ཡེཝཱ’’ཏི སཀིཾ ཨཱགམནཊྛེན སཀདཱགཱམཱིསུ ཨཱགཏོཡེཝ. སབྦཉྙུ བུདྡྷཱཔི པཐམ ཕལཊྛ བྷཱུཏཱ སཏྟཀྑཏྟུ པརམཏཱཡཾ སཎྛིཏཱ ཝིཡཱཏི ཡོཛནཱ. ཨེཏྠ ཙ ‘‘སཏྟཀྑཏྟུཔརམཏཱཡཾ’’ཏི སཏྟཀྑཏྟུ པརམབྷཱཝེ. ཨིདཉྩ ནིདསྶན ཝཙནམཏྟཾ. སབྦཉྙུ བུདྡྷཱཔི དུཏཱིཡ ཕལཊྛབྷཱུཏཱ སཀིཾ ཨཱགམནཔྤཀཏིཡཾ སཎྛིཏཱཡེཝ ཧོནྟི. ཀསྨཱ, ཏསྨིཾ ཁཎེ ཏཾ སབྷཱཝཱནཏི ཝཏྟནཏོཏི ཨདྷིཔྤཱཡོ. སབྦོཔི སོ ཚབྦཱིདྷོ པུགྒལོ ཨིདྷ…པེ… དཊྛབྦོ. ཨེཏེན ཡཾ ཝུཏྟཾ ཝིབྷཱཝནིཡཾ པཉྩསུ སཀདཱགཱམཱིསུ པཉྩམཀོཝ ཨིདྷཱདྷིཔྤེཏོཏི. ཏཾ པཊིཀྑིཏྟཾ ཧོཏི. ཀསྨཱ, པཉྩམཀོ ཨེཝ ཨིདྷ སཀདཱགཱམིཔདེ ཨདྷིཔྤེཏེསཏི ཨིཏརེ ཙཏྟཱརོ ཀཏྠ ཨདྷིཔྤེཏཱ སིཡུནྟི ཝཏྟབྦཏྟཱ. ཛནཀབྷཱུཏོ སམཱནོ. ‘‘ཉཱཡཱགཏཱ ཨེཝཱ’’ཏི ཡུཏྟིཏོ པརམྤརཱགཏཱ ཨེཝ. ཏེནཱཧ ‘‘ཡཐཱ’’ཏིཨཱདིཾ. ‘‘ཨཝིརུདྡྷོ’’ཏི ཉཱཡེན ཨཝིརུདྡྷོ.

༥༩. ཨོརམྦྷཱགོ ནཱམ ཧེཊྛཱབྷཱགོ ཀཱམལོཀོ. ཨོརམྦྷཱགཱཡ སཾཝཏྟནྟཱིཏི ཨོརམྦྷཱགིཡཱནི ཀཱམརཱག བྱཱཔཱད སཾཡོཛནཱདཱིནི. ‘‘སོ’’ཏི ཨནཱགཱམི པུགྒལོ.

༦༠. མཧཔྥལཾ ཀརོནྟི སཱིལེནཱཏི མཧཔྥལ ཀཱརིནོ. ཏེསཾ བྷཱཝོ ‘‘མཧཔྥལ ཀཱརིཏཱ’’. སཱིལཱདི གུཎོ. ‘‘ཨརཧཏཱི’’ཏི པཊིགྒཧིཏུཾ ཨརཧཏི. ‘‘ཨརཧཏོ’’ཏི ཨརཧནྟསྶ. ‘‘ནིབྦཙནཾ’’ཏི ནིརུཏྟི. ཝིགྒཧ ཝཱཀྱནྟི ཝུཏྟཾ ཧོཏི. སུདྡྷིཀསུཉྙཏཱཡ ཏཐཱ ན ཝཙིཏྟཱནི, སུཉྙཏཔྤཊིཔདཱཡ ཏཐཱ ན ཝཙིཏྟཱནཱིཏིཨཱདིནཱ ཡོཛེཏབྦཾ. ཏཏྠ ‘‘སུདྡྷིཀ སུཉྙཏཱཡཱ’’ཏི སུདྡྷིཀསུཉྙཏཝཱརེ. ‘‘སུཉྙཏཔྤཊིཔདཱཡཱ’’ཏི སུཉྙཏཔྤཊིཔདཱཝཱརེ. ‘‘སཙྩ སཏིཔཊྛཱན ཝིབྷངྒེསུ པནཱ’’ཏི སཙྩ ཝིབྷངྒ སཏིཔཊྛཱན ཝིབྷངྒེསུ པན, སབྦཾ ཙིཏྟ ཝཌྜྷནཾ པཱལི༹ ཨཊྛཀཐཱསུ དེསནཱཝཱརེ ཝིཙཱརེཏྭཱ ཝེདིཏབྦཾ.

༦༡. ཕལཙིཏྟེ ¶ . སོཏཱཔཏྟིཡཱ ཨདྷིགཏཾ ཕལཾ སོཏཱཔཏྟི ཕལཾ. ཏཏྠ ‘‘ཨདྷིགཏཾ’’ཏི པཊིལདྡྷཾ. ཨཊྛངྒཱིཀ ཕལཾ སནྡྷཱཡ ‘‘ཏེན སམྤཡུཏྟ’’ནྟི ཝུཏྟཾ. ‘‘ནིརུཏྟཱི’’ཏི ཝིགྒཧོ.

༦༢. ཏནུབྷཱུཏེཔི ཀཱཏུཾ ན སཀྐོཏི, ཀུཏོ སམུཙྪིནྡིཏུཾ. ‘‘ཏཱནཱི’’ཏི ཨིནྡྲིཡཱནི. ‘‘པཊཱུ ནཱི’’ཏིཏིཀྑཱནི. ‘‘སོ’’ཏི ཙཏུཏྠ མགྒོ. ‘‘ཏཱ ཙཱ’’ཏི རཱུཔརཱག, ཨརཱུཔརཱག, མཱན, ཨུདྡྷཙྩ, ཨཝིཛྫཱདཡོ ཙ. ‘‘ཨཉྙེ ཙཱ’’ཏི ཏེཧི དསཧི སཾཡོཛནེཧི ཨཉྙེ ཨཧིརིཀཱནོཏྟཔྤཱདིཀེ, སབྦེཔི པཱཔ དྷམྨེ ཙ.

༦༣. ཀིརིཡ ཙིཏྟ ཝིཙཱརཎཱཡཾ. ན གཧིཏཾ ཨིཏི ཨཡཾ པུཙྪཱ. ཨབྷཱཝཱ ཨིཏི ཨཡཾ ཝིསཛྫནཱཏིཨཱདིནཱ ཡོཛེཏབྦཾ. ‘‘ཨསྶཱ’’ཏི ཀིརིཡཱནུཏྟརསྶ. ‘‘ནིརནུསཡསནྟཱནེཔཱི’’ཏི ཨནུསཡ རཧིཏེ ཨརཧནྟ སནྟཱནེཔི. ‘‘ཨིཏཱི’’ཏི ཝཱཀྱ པརིསམཱཔནམཏྟཾ. ‘‘ཝུཙྩཏེ’’ཏི ཝིསཛྫནཱ ཀཐཱིཡཏེ. པུན ཨནུཔྤཛྫནཾ ཨནུཔྤཱདོ. ཨནུཔྤཱདོ དྷམྨོ སབྷཱཝོ ཡེསཾ ཏེ ཨནུཔྤཱད དྷམྨཱ. ཏེསཾ བྷཱཝོཏི ཝིགྒཧོ. ཝིཔཱཀཉྩ ཛནེཏཱིཏི སམྦནྡྷོ. ཀཐཾ ཛནེཏཱིཏི ཨཱཧ ‘‘ཀུསལ…པེ… ཀཏྭཱ’’ཏི. ཏཏྠ, ‘‘ཀཏྭཱ’’ཏི སཱདྷེཏྭཱ. སཙེཔི ཀརེཡྻཱཏི ཡོཛནཱ. ‘‘ཀོཙཱི’’ཏི ཨབྱཏྟོ ཀོཙི ཨརིཡསཱཝཀོ. ཏདཱ ཕལ ཙིཏྟམེཝ པཝཏྟེཡྻཱཏི སམྦནྡྷོ. ‘‘པཊིབཱཧིཏུཾ ཨསཀྐུཎེཡྻོ’’ཏི ཨཔྤཊིབཱཧིཡོ ཨཱནུབྷཱཝོ ཨསྶཱཏི སམཱསོ.

༦༤. ‘‘ཨཱདི ཨནྟ པདེསྭེ ཝཱ’’ཏིཨཱདིམྷི དྭཱདསཱ ཀུསལཱནཱིཏི ཙ, ཨནྟེ ཀྲིཡ ཙིཏྟཱནི ཝཱིསཏཱིཏི ཙ པདེསུ. རཱུཔེ པརིཡཱ པནྣཱནི ཙིཏྟཱནི. ཨརཱུཔེ པརིཡཱ པནྣཱནི ཙིཏྟཱནི. ‘‘པཐམཱཡ བྷཱུམིཡཱ པཏྟིཡཱ’’ཏི པཐམབྷཱུམིཾ པཱཔུཎིཏུཾ. ‘‘སཱམཉྙ ཕལཾ ཨདྷིཔྤེཏནྟི ཝུཏྟཾ’’ ཨཊྛསཱལིནིཡཾ. ཨཏྠཏོ པན དྷམྨ ཝིསེསོཏི སམྦནྡྷོ. མགྒ ཕལ ནིབྦཱན སངྑཱཏོ དྷམྨ ཝིསེསོ ལོཀུཏྟརབྷཱུམི ནཱམཱཏི ཡོཛནཱ. ཨཝཏྠཱ བྷཱུམི ཨེཝ ནིཔྤརིཡཱཡབྷཱུམི. ཀསྨཱ, ཨཝཏྠཱ ཝནྟཱནཾ དྷམྨཱནཾ སརཱུཔཏོ ལདྡྷཏྟཱ. ཨིཏརཱ ཨོཀཱསབྷཱུམི ནིཔྤརིཡཱཡ བྷཱུམི ན ཧོཏི. ཀསྨཱ, པཉྙཏྟིཡཱ མིསྶཀཏྟཱ. ‘‘དྷམྨཱནཾ ཏཾ ཏཾ ཨཝཏྠཱ ཝིསེསཝསེནེཝ སིདྡྷཱ’’ཏི ཨེཏེན ཨཝཏྠཱ བྷཱུམི ཨེཝ པདྷཱན བྷཱུམཱིཏི ¶ དསྶེཏི. ཀཱམཏཎྷཱཡ ཝིསཡབྷཱུཏོ ཨོལཱ༹རིཀཱཀཱརོ ཀཱམཱཝཙརཏཱ ནཱམ. བྷཝཏཎྷཱཡ ཝིསཡབྷཱུཏོ མཛ྄ཛྷིམཱཀཱརོ རཱུཔཱརཱུཔཱཝཙརཏཱ ནཱམ. ཏཱསཾ ཏཎྷཱནཾ ཨཝིསཡབྷཱུཏོ སཎྷ སུཁུམཱཀཱརོ ལོཀུཏྟརཏཱ ནཱམ. ཧཱིནཱནཾ ཨཀུསལ ཀམྨཱནཾ ཝསེན ཧཱིནཱ ཨཔཱཡབྷཱུམིཡོ. པཎཱིཏཱནཾ ཀུསལ ཀམྨཱནཾ ཝསེན པཎཱིཏཱ སུགཏི བྷཱུམིཡོ. ཏཏྠ ཙ ནཱནཱ ཨཀུསལ ཀམྨཱནཾ ཝཱ ནཱནཱ ཀུསལ ཀམྨཱནཾ ཝཱ ཨོལཱ༹རིཀ སུཁུམཏཱ ཝསེན ནཱནཱ དུགྒཏི བྷཱུམིཡོ ནཱནཱ སུགཏི བྷཱུམིཡོ ཙ སིདྡྷཱ ཧོནྟཱིཏི ཨིམམཏྠཾ དསྶེཏུཾ ‘‘ཨཔི ཙཱ’’ཏིཨཱདིམཱཧ.

༦༥. གཱཐཱཡ པུབྦདྡྷཾ ནཱམ-ཨིཏྠ མེཀཱུན ནཝུཏི, པྤབྷེདཾ པན མཱནསནྟི པཱདདྭཡཾ. ཨཔརདྡྷཾ ནཱམ ཨེཀཝཱིསསཏཾཝཱཐ, ཝིབྷཛནྟི ཝིཙཀྑཎཱཏི པཱདདྭཡཾ. ཏཾ ཨིམིནཱ ན སམེཏི. ཀཐཾ ན སམེཏི. ཨིམིནཱ ཝཙནེན སཀལམྤི གཱཐཾ ཨེཀཱུན ནཝུཏིཔྤབྷེདཾ མཱནསཾ ཨེཀཝཱིས སཏཾ ཀཏྭཱ ཝིབྷཛནྟཱི-ཏི ཨེཝཾ ཨེཀཝཱཀྱཾ ཀཏྭཱ ཡོཛནཾ ཉཱཔེཏི. ‘‘པཐམཛ྄ཛྷཱན སདིསཊྛེནཱ’’ཏི ལོཀིཡ པཐམཛ྄ཛྷཱན སདིསཊྛེན. ཡཾ ཙཏུརངྒཱིཀཾ, ཏཾ སཡམེཝ དུཏཱིཡཛ྄ཛྷཱནནྟི སིདྡྷཾ. ཡཾ ཏིཡངྒཱིཀཾ, ཏཾ སཡམེཝ ཏཏཱིཡཛ྄ཛྷཱནནྟི སིདྡྷཾ. ཡཾ དུཝངྒཱིཀཾ, ཏཾ སཡམེཝ ཙཏུཏྠཛ྄ཛྷཱནནྟི སིདྡྷཾ. ཡཾ པུན དུཝངྒཱིཀཾ, ཏཾ སཡམེཝ པཉྩམཛ྄ཛྷཱནནྟི སིདྡྷཾ. ‘‘ཨེཝཾ ཝུཏྟ’’ནྟི ཝིབྷཱཝནིཡཾ ཛྷཱནངྒཝསེན པཐམཛ྄ཛྷཱན སདིསཏྟཱ པཐམཛ྄ཛྷཱནཉྩཱཏི ཨེཝཾ ཝུཏྟཾ. ཝིཏཀྐཱདི ཨངྒཔཱཏུབྷཱཝེན པཉྩདྷཱ ཝིབྷཛནྟཱིཏི སམྦནྡྷོ. ན ཨིཏརཱནི ལོཀིཡཛ྄ཛྷཱནཱནི སཱཏིསྶཡཏོ ཛྷཱནཱནི ནཱམ སིཡུཾ. ཀསྨཱཏི ཨཱཧ ‘‘ཏཱནི ཧཱི’’ཏིཨཱདིཾ. ཏཏྠ ‘‘ཏཱནཱི’’ཏི ལོཀིཡཛ྄ཛྷཱནཱནི. ‘‘ཨུཔེཙྩཱ’’ཏི ཨུཔགནྟྭཱ. ‘‘ཛྷཱཔེནྟཱི’’ཏི དཧནྟི. པཀཏིཡཱ ཨེཝ སིདྡྷོ ཧོཏི, ན པཱདཀཛ྄ཛྷཱནཱདིཝསེན སིདྡྷོ. ‘‘ཀིཙྩ’’ནྟི པཉྩངྒཱིཀ བྷཱཝཏྠཱཡ ཀཏྟབྦ ཀིཙྩཾ. ‘‘ཏེན པཙྩཡ ཝིསེསེནཱ’’ཏི པཱདཀཛ྄ཛྷཱནཱདིནཱ པཙྩཡ ཝིསེསེན. ‘‘ཏསྨིཾ’’ཏི པཙྩཡ ཝིསེསེ. ཡཐཱལོཀིཡཛ྄ཛྷཱནེསུ ཨུཔཙཱརབྷཱུཏཱ བྷཱཝནཱ ཀཱཙི ཝིཏཀྐ ཝིརཱག བྷཱཝནཱ ནཱམ ཧོཏི…པེ… ཀཱཙི རཱུཔ ཝིརཱག བྷཱཝནཱ ནཱམ. ཨསཉྙི གཱམཱིནཾ པན སཉྙཱ ཝིརཱག བྷཱཝནཱ ནཱམ ཧོཏི. ཨེཝམེཝནྟི ཡོཛནཱ. ‘‘སཱ’’ཏི ཨུཔཙཱར བྷཱཝནཱ ¶ .‘‘ཨུཔེཀྑཱ སཧགཏཾ ཝཱ’’ཏི ཨེཏྠ ཝཱ སདྡེན རཱུཔསམཏིཀྐམཾ ཝཱ སཉྙཱ སམཏིཀྐམཾ ཝཱཏི ཨཝུཏྟཾ ཝིཀཔྤེཏི. ཨཱདིཀམྨིཀཀཱལེ ཨེཝཾ ཧོཏུ, ཝསིབྷཱུཏཀཱལེ པན ཀཐནྟི ཨཱཧ ‘‘ཛྷཱནེསཱུ’’ཏིཨཱདིཾ. ནཱནཱསཏྟིཡུཏྟཱ ཧོཏཱིཏི ཝཏྭཱ ནཱནཱསཏྟིཡོ དསྶེཏི ‘‘ཀཱཙཱི’’ཏིཨཱདིནཱ. ཡཱ ཨུཔཙཱར བྷཱཝནཱ. ‘‘ཝིཏཀྐཾ ཝིརཱཛེཏུཾ’’ཏི ཝིཏཀྐཾ ཝིགམེཏུཾ. ཨཏྟནོ ཛྷཱནཾ ཨཝིཏཀྐཾ ཀཱཏུནྟི ཝུཏྟཾ ཧོཏི. ཏེནཱཧ ‘‘ཨཏིཀྐཱམེཏུཾ’’ཏི. སཱ ཨུཔཙཱར བྷཱཝནཱ. སེསཱསུཔི ཨུཔཙཱར བྷཱཝནཱསུ.

༦༦. (ཀ) ‘‘སཱ ཝིཔསྶནཱ’’ཏི ཝུཊྛཱནགཱམིནི ཝིཔསྶནཱ. ‘‘ཝིཔསྶནཱ པཱཀཏིཀཱ ཨེཝཱ’’ཏིཀཱཙི ཝིརཱག བྷཱཝནཱ ནཱམ ན ཧོཏཱིཏི ཨདྷིཔྤཱཡོ. ‘‘ནིཡཱམེཏུཾ’’ཏི ཨཝིཏཀྐམེཝ ཧོཏཱུཏི ཝདམཱནཱ ཝིཡ ཝཝཏྠཔེཏུཾ. ‘‘ཨདྷིཔྤཱཡོ’’ཏི པཱདཀཝཱདིཏྠེརསྶ ཨདྷིཔྤཱཡོ. ‘‘སམྨསཱིཡཏཱི’’ཏི ཨིདཾ ཛྷཱནཾ ཨནིཙྩཾ ཁཡཊྛེན, དུཀྑཾ བྷཡཊྛེན, ཨནཏྟཱ ཨསཱརཀཊྛེནཱཏི སམྨསཱིཡཏི སམནུཔསྶཱིཡཏི. ཏཾ ཨཊྛཀཐཱཡ ན སམེཏི. ཝུཏྟཉྷི ཏཏྠ. ཡཏོ ཡཏོ སམཱཔཏྟིཏོ ཝུཊྛཱཡ ཡེ ཡེ སམཱཔཏྟི དྷམྨེ སམྨསིཏྭཱ མགྒོ ནིབྦཏྟིཏོ ཧོཏི. ཏཾ ཏཾ སམཱཔཏྟི སདིསོཝ ཧོཏི. སམྨསིཏསམཱཔཏྟི སདིསོཏི ཨཏྠོཏི. ཨེཏྠ ཧི ‘‘ཡཏོ ཡཏོ སམཱཔཏྟིཏོ ཝུཊྛཱཡཱ’’ཏི ཨེཏེན པཱདཀཛ྄ཛྷཱནཾ ཀཐིཏཾ ཧོཏི. ‘‘པཱདཀཛ྄ཛྷཱནེ སཏཱི’’ཏི ཨེཏེན ཨཡཾ ཝཱདོཔི པཱདཀཛ྄ཛྷཱནེན ཝིནཱ ནསིཛ྄ཛྷཏཱིཏི དསྶེཏི. ‘‘ཝིཔསྶནཱཔི…པེ… པཏྟཱ ཧོཏཱི’’ཏི ཨེཏེན ཨིམསྨིཾ ཝཱདེཔི ཝིཔསྶནཱ ནིཡཱམོ ཨིཙྪིཏབྦོཏི དསྶེཏི. ཏེནཱཧ ‘‘ཡཐཱལོཀིཡཛ྄ཛྷཱནེསཱུ’’ཏིཨཱདིཾ. ཀཱམཉྩེཏྠ…པེ… ཨཝིརོདྷོ ཝུཏྟོ ཝིཡ དིསྶཏི. ཀཐཾ. པཉྩམཛ྄ཛྷཱནཏོ ཝུཊྛཱཡ ཧི པཐམཛ྄ཛྷཱནཱདཱིནི སམྨསཏོ ཨུཔྤནྣམགྒོ པཐམཏྠེརཝཱདེན པཉྩམཛ྄ཛྷཱནིཀོ, དུཏཱིཡ ཝཱདེན པཐམཱདིཛ྄ཛྷཱནིཀོ ཨཱཔཛྫཏཱིཏི དྭེཔི ཝཱདཱ ཝིརུཛ྄ཛྷནྟི. ཏཏཱིཡ ཝཱདེན པནེཏྠ ཡཾ ཨིཙྪཏི, ཏཾ ཛྷཱནིཀོ ཧོཏཱིཏི ཏེ ཙ ཝཱདཱ ན ཝིརུཛ྄ཛྷནྟི, ཨཛ྄ཛྷཱསཡོ ཙ སཱཏྠཀོ ཧོཏཱིཏི ཨེཝཾ ཨཝིརུདྡྷོ ཝུཏྟོ ཧོཏཱིཏི. ཨེཏྠ པན ཡཾ ཨིཙྪཏི, ཏཾ ཛྷཱནིཀོ ཧོཏི. ཨིཙྪཱཡ པན ཨསཏི, ཝིརོདྷོཡེཝ. ཏེནཱཧ ‘‘ཨིམེ པན ཝཱདཱ. …པེ… ¶ . ཝིརོདྷོ པརིཧརིཏུཾ’’ཏི. པཱལི༹ཡཾ ‘‘ཨཛ྄ཛྷཏྟཾ སུཉྙཏཾ མནསི ཀརོཏཱི’’ཏི ཨཛ྄ཛྷཏྟསནྟཱནེཏཾ ཏཾ ཛྷཱནཉྩ ཛྷཱནསཧགཏཉྩ ཁནྡྷ པཉྩཀཾ ནིཙྩ སུཁ ཨཏྟ ཛཱིཝཏོ སུཉྙཏཾ མནསི ཀརོཏི. ‘‘ན པཀྑནྡཏཱི’’ཏི ན པཝིསཏི. ‘‘སནྣིསཱདེཏབྦཾ’’ཏི སནྣིསིནྣཾ ཀཱཏབྦཾ. ‘‘ཨེཀོདིཀཱཏབྦཾ’’ཏི ཨེཀམུཁཾ ཀཱཏབྦཾ. ‘‘སམཱདཧཱཏབྦཾ’’ཏི སུཊྛུ ཋཔེཏབྦཾ. ‘‘ནིསྶཱཡཱ’’ཏི པཱདཀཾ ཀཏྭཱཏི ཨདྷིཔྤཱཡོ.

༦༧. (ཀ) ཝཱདཝིཙཱརཎཱཡཾ. ཨུཔཙཱར བྷཱཝནཱ ཨེཝ ཨུཔརིཛ྄ཛྷཱནེ ཛྷཱནངྒཾ ནིཡཱམེཏཱིཏི ཝུཏྟཾ. ཧེཊྛཱ པན ཨཛ྄ཛྷཱསཡོ ཨེཝ ཨུཔརིཛ྄ཛྷཱནེ ཛྷཱནངྒཾ ནིཡཱམེཏཱིཏི ཝུཏྟཾ. ཏཏྠ ‘‘ཨཛ྄ཛྷཱསཡོ ཨེཝཱ’’ཏི ཨེཝ སདྡེན པཱདཀཛ྄ཛྷཱནཾ ནིཝཏྟེཏི. ‘‘ཨིདྷ ཨུཔཙཱར བྷཱཝནཱ ཨེཝཱ’’ཏི ཨེཝ སདྡེན ཨཛ྄ཛྷཱསཡཾ ནིཝཏྟེཏི. ཨེཏེསུ ཧི དྭཱིསུ སཧ བྷཱཝཱིསུ ཨུཔཙཱར བྷཱཝནཱ ཨེཝ པདྷཱནཾ ཧོཏི. ཨཛ྄ཛྷཱསཡོ པན ཏསྶ ནཱནཱ སཏྟིཡོགཾ སཱདྷེཏི. ‘‘ཨཛ྄ཛྷཱསཡ སཱམཉྙཾ སཎྛཱཏཱི’’ཏི མགྒེ ཡཾ ལདྡྷབྦཾ ཧོཏི, ཏཾ ལབྦྷཏུ, མཡ྄ཧཾ ཝིསེསོ ནཏྠཱིཏི ཨེཝཾ ཨཛ྄ཛྷཱསཡ སཱམཉྙཾ སཎྛཱཏི. ‘‘ཏསྨི’’ནྟི ཨཛ྄ཛྷཱསཡ ཝིསེསེ. ‘‘སོ’’ཏི ཨཛ྄ཛྷཱསཡ ཝིསེསོ. ཀསྨཱ ཡུཏྟནྟི ཨཱཧ ‘‘ཨིཙྪི ཏིཙྪིཏ…པེ… ནིབྦཏྟནཾ’’ཏི. ‘‘སབྦཛ྄ཛྷཱནེསུ ཙིཎྞཝསིབྷཱུཏཱནཾ’’ཏི ཨིདཾ སམཱཔཛྫནནྟི ཙ ནིབྦཏྟནནྟི ཙ པད དྭཡེ སམྦནྡྷ ཝཙནཾ. ‘‘ཝིཔསྶནཱ ཝིསེསཏྠཱཡ ཨེཝཱ’’ཏི ཝུཊྛཱན གཱམིནི ཝིཔསྶནཱ ཝིསེསཏྠཱཡ ཨེཝ. ཡསྨཱ པན ཨཊྛསུ སམཱཔཏྟཱིསུ ཨེཀེཀཱཡ སམཱཔཏྟིཡཱ ཝུཊྛཱཡ ཝུཊྛིཏ སམཱཔཏྟི དྷམྨ སམྨསནཾ ཨཱགཏཾ, ན པན ཨཉྙཛ྄ཛྷཱན སམྨསནཾ. ཏསྨཱ པཱདཀཛ྄ཛྷཱནམེཝ པམཱཎནྟི ཡོཛནཱ. པཱལི༹པདེསུ ‘‘གཧཔཏཱི’’ཏི ཨཱལཔན ཝཙནཾ. ‘‘ཝིཝིཙྩེཝཱ’’ཏི ཝིཝིཙྩིཏྭཱ ཨེཝ. ཝིཝིཏྟོ ཝིགཏོ ཧུཏྭཱ ཨེཝ. ‘‘ཨུཔསམྤཛྫཱ’’ཏི སུཊྛུ སམྤཱཔུཎིཏྭཱ. ‘‘ཨིཏི པཊིསཉྩིཀྑཏཱི’’ཏི ཨེཝཾ པཙྩཝེཀྑཏི. ‘‘ཨབྷིསཉྩེཏཡིཏ’’ནྟི སུསཾ སམྤིཎྜིཏཾ, སཾཝིདཧིཏཾ. ‘‘ཏཏྠ ཋིཏོ’’ཏི ཏསྨིཾ པཐམཛ྄ཛྷཱནེ ཨཔརིཧཱིནོ ཧུཏྭཱ ཋིཏོ. ‘‘མེཏྟཱཙེཏོ ཝིམུཏྟཱི’’ཏི མེཏྟཱཛྷཱནསངྑཱཏཱ ཙེཏོཝིམུཏྟི, ཨཉྙཏྠ ཨལགྒནཝསེན ཙིཏྟསྶ པཝཏྟི. ཏཐཱ ཀརུཎཱ ཙེཏོཝིམུཏྟི. མུདིཏཱ ཙེཏོཝིམུཏྟི. ‘‘ཝིཝེཀཛ’’ནྟི ཀཱཡཝིཝེཀ ཙིཏྟཝིཝེཀཱནཾ ཝསེན ཛཱཏཾ. ‘‘པཱིཏི སུཁཾ’’ཏི པཱིཏིཡཱ ཙ སུཁེན ཙ སམྤནྣཾ. ཨཐཝཱ, ཝིཝེཀེཧི ཛཱཏཱནི ¶ པཱིཏི སུཁཱནི ཨསྶཱཏི ཝིཝེཀཛཾ པཱིཏི སུཁཾ. མཛ྄ཛྷེ ནིགྒཧིཏཱགམོ. རཱུཔམེཝ རཱུཔགཏཾ, ཝེདནཱ ཨེཝ ཝེདནཱ གཏནྟིཨཱདིནཱ སམཱསོ. གཏསདྡོ ཙ པདཔཱུརཎམཏྟེ དཊྛབྦོ. ‘‘ཏེནེཝ དྷམྨ རཱགེན ཏཱཡདྷམྨནནྡིཡཱ’’ཏི ཝིཔསྶནཱནི ཀནྟིམཱཧ. སཧཏྠེ ཙ ཀརཎ ཝཙནཾ. ཨོཔཔཱཏིཀོ ཧོཏཱིཏི སམྦནྡྷོ. ‘‘ཏཏྠ པརིནིབྦཱཡཱི’’ཏི བྲཧྨལོཀེ ཨཝསྶཾ པརིནིབྦཱཡ ན དྷམྨོ. ཏེནཱཧ ‘‘ཨནཱཝཏྟི དྷམྨོ ཏསྨཱ ལོཀཱ’’ཏི. ‘‘པཱདཀཛ྄ཛྷཱནམེཝ པམཱཎ’’ནྟི པཱདཀཛ྄ཛྷཱནམེཝ མགྒེཛྷཱནངྒཾ ནིཡཱམེསྶཏི, ན སམྨསིཏཛ྄ཛྷཱནནྟི ཨདྷིཔྤཱཡོ. ‘‘པཱདཀཾ ཨཀཏྭཱ’’ཏི ཨཱསནྣེ ཨསམཱཔཛྫིཏྭཱཏི ཝུཏྟཾ ཧོཏི. ‘‘ཡཾ ཡཾ ཛྷཱནཾ ཨིཙྪནྟཱི’’ཏི མགྒེ ཨིཙྪནྟི.

༦༦. (ཁ) ‘‘ཏཐཱ ཝིདྷོ’’ཏི ཏཐཱ པཀཱརོ. ཨཱསནྣེ ཝུཊྛིཏསྶེཝ ཛྷཱནསྶ. ‘‘ཙིཏྟསནྟཱནཾ ཝིསེསེཏུཾ’’ཏི སཙེ པཱདཀཛ྄ཛྷཱནཾ པཐམཛ྄ཛྷཱནཾ ཧོཏི, ཏཏོ པརཾ པཝཏྟཾ ཙིཏྟསནྟཱནཾ ཝིཏཀྐེ ནིནྣཾ ཧོཏི, ཝིཏཀྐེ པཀྑནྡཏི. ཨཐ པཱདཀཛ྄ཛྷཱནཾ དུཏཱིཡཛ྄ཛྷཱནཾ ཧོཏི. ཏཏོ པརཾ པཝཏྟཾ ཙིཏྟསནྟཱནཾ ཝིཙཱརེ ནིནྣཾ ཧོཏི, ཝིཙཱརེ པཀྑནྡཏཱིཏིཨཱདིནཱ ནཡེན ཙིཏྟསནྟཱནཾ ཝིསེསེཏུཾ. ‘‘ཡཾ ཏཏྠ ཝུཏྟཾ’’ ཏིཡཾ ཝིབྷཱཝནིཡཾ ཝུཏྟཾ.

ཝེདནཱ ཝིཙཱརཎཱཡཾ. ‘‘ན སིདྡྷོ’’ཏི སིདྡྷོ ན ཧོཏི. ‘‘ཨཉྙཐཱ’’ཏི ཨཉྙེན པཀཱརེན. གཧིཏེ སཏཱིཏི ཡོཛནཱ. པཱདཀཛ྄ཛྷཱནཱདཱིནཾ ཝསེན སིདྡྷོཏི གཧིཏེ སཏཱིཏི ཝུཏྟཾ ཧོཏི. ‘‘ཡཱཡ ཀཱཡ ཙི ཝེདནཱཡ ཡུཏྟཱ ཧུཏྭཱ’’ཏི སོམནསྶ ཝེདནཱཡ ཝཱཡུཏྟཱ ཧུཏྭཱ ཨུཔེཀྑཱ ཝེདནཱཡ ཝཱ ཡུཏྟཱ ཧུཏྭཱ. ‘‘ཏེཧི ནིཡམིཏཱཡ ཨེཀེཀཱཡ མགྒ ཝེདནཱཡཱ’’ཏི པཱདཀཛ྄ཛྷཱནཱདཱིཧི ནིཡམིཏཱཡ མགྒེ སོམནསྶ ཝེདནཱཡ ཨེཝ ཝཱསདྡྷིཾ གྷཊིཡེཡྻ མགྒེ ཨུཔེཀྑཱ ཝེདནཱཡ ཨེཝ ཝཱཏི ཨཏྠོ. ཝེདནཱ ནཱམ ཨེཀཾ ཛྷཱནངྒཾ ཧོཏི. ཏསྨཱ མགྒེཛྷཱནངྒ ནིཡམེ སིདྡྷེ མགྒེ ཝེདནཱ ནིཡམོཔི སིདྡྷོ. ཏཱནི པན པཱདཀཛ྄ཛྷཱནཱདཱིནི མཛ྄ཛྷེ ཝུཊྛཱན གཱམིནི ཝིཔསྶནཱཡཾ ནཀིཉྩིནིཡཱམེནྟི. ཨེཝཉྩ སཏི, པཱདཀཛ྄ཛྷཱནཱདཱིཧི ནིཡམིཏཱཡ མགྒེ ཨེཀེཀཱཡ ཝེདནཱཡ སདྡྷིཾ དྭེ དྭེ ཝིཔསྶནཱ ཝེདནཱཡོ གྷཊིཡེཡྻུཾ. མགྒེ སོམནསྶ ཝེདནཱཡ ཝཱ སདྡྷིཾ དྭེ ཝིཔསྶནཱ ཝེདནཱཡོ གྷཊིཡེཡྻུཾ. མགྒེ ཨུཔེཀྑཱ ¶ ཝེདནཱཡ ཝཱ སདྡྷིཾ དྭེ ཝིཔསྶནཱ ཝེདནཱཡོ གྷཊིཡེཡྻུཾཏི ཝུཏྟཾ ཧོཏི. ཨེཝཉྩསཏི ཨེཀཝཱིཐིཡཾ ཛཝནཱནི བྷིནྣ ཝེདནཱནི སིཡུཾ. ཏཉྩ ན ཡུཛྫཏི. ཏསྨཱ མགྒེ ཝེདནཱ ནིཡམོ པཱདཀཛ྄ཛྷཱནཱདི ནིཡམེན སིདྡྷོ ན ཧོཏི, ཝིཔསྶནཱ ནིཡམེནེཝ སིདྡྷོཏི ཨདྷིཔྤཱཡོ. ཏཱནི པན པཱདཀཛ྄ཛྷཱནཱདཱིནི མཛ྄ཛྷེ ཝུཊྛཱན གཱམིནི ཝིཔསྶནཱཡཾ ན ཀིཉྩི ན ནིཡཱམེནྟི. ཝེདནཾ ནིཡཱམེནྟི ཡེཝཱཏི དསྶེཏུཾ ‘‘ཏཾཔི ན ཡུཛྫཏཱི’’ཏི ཝཏྭཱ ‘‘པཱདཀཛ྄ཛྷཱནཱདཱིནཾ ཝསེནེཝཱ’’ཏིཨཱདིམཱཧ. ‘‘ཚ ནེཀྑམྨསྶིཏཱ ཨུཔེཀྑཱ’’ཏི ཨེཀཱཝ ཙཏུཏྠཛ྄ཛྷཱནུ པེཀྑཱ ཚསུ ཨཱརམྨཎེསུ སོམནསྶཱནི པཛཧིཏྭཱ པཝཏྟཏྟཱ ཚ ནེཀྑམྨསྶིཏཱ ཨུཔེཀྑཱ ནཱམ ཧོཏི. ‘‘ཚ ནེཀྑམྨསྶིཏཱནི སོམནསྶཱནཱི’’ཏི ཨེཀཾ ཝཔཐམཛ྄ཛྷཱན སོམནསྶཾ ཚསུ ཨཱརམྨཎེསུ ཚ གེཧསྶིཏཱནི པཛཧིཏྭཱ པཝཏྟཏྟཱ ཚ ནེཀྑམྨསྶིཏཱནི སོམནསྶཱནི ནཱམ ཧོནྟི. ཨཊྛཀཐཱཡཉྩ ཝུཏྟནྟི སམྦནྡྷོ. ‘‘པཐམཱདཱིནི ཙ ཏཱིཎི ཛྷཱནཱནཱི’’ཏི ཙཏུཀྐནཡེ ཏཱིཎི སོམནསྶ ཛྷཱནཱནི པཱདཀཱནི ཀཏྭཱ. ‘‘སུདྡྷསངྑཱརེ ཙ པཱདཀེཀཏྭཱ’’ཏི ཨཱརམྨཎ བྷཱཝེན པཱདཀེཀཏྭཱཏི ཨདྷིཔྤཱཡོ. ཨཡཉྩ པཱདཀཛ྄ཛྷཱནཱདཱིནཾ ཝསེན ཝུཊྛཱན གཱམིནི ཝིཔསྶནཱཡཉྩ མགྒེ ཙ ཝེདནཱ པརིཎཱམོ ཨཊྛསཱལིནིཡཾཔི ཝིཏྠཱརཏོ ཝུཏྟོ. ‘‘ཨམཱནུསཱི རཏཱི ཧོཏཱི’’ཏི མནུསྶཱནཾ གེཧསྶིཏརཏིཾ ཨཏིཀྐམྨ ཋིཏཏྟཱ ཨམཱནུསཱི ནཱམ རཏི ཧོཏི. ‘‘སམྨདྷམྨཾ ཝིཔསྶཏོ’’ཏི སམྨཱ ཨནིཙྩ ལཀྑཎ དྷམྨཾ པསྶནྟསྶ བྷིཀྑུནོཏི སམྦནྡྷོ.

༦༧. (ཁ) ‘‘ཛྷཱནངྒཡོགབྷེདེནཱ’’ཏི ཝུཏྟཾ, ཛྷཱནཡོགབྷེདོ པན ཨདྷིཔྤེཏོ. ‘‘པཉྩ ཝིདྷེཛྷཱན ཀོཊྛཱསེ’’ཏི པཉྩཀ ནཡཝསེན ཝུཏྟཾ. ཨིདྷ ཙིཏྟ བྷེདསྶ ཨདྷིཔྤེཏཏྟཱ ཛྷཱནབྷེདེཏི ཙ ཛྷཱནནྟི ཙ ཝུཏྟེཔི ཙིཏྟམེཝ ཨདྷིཔྤེཏནྟི དཊྛབྦཾ.

གཱཐཱཡོཛནཱསུ. ‘‘ཨཔརཱཔི ཡོཛནཱ ཝུཏྟཱ’’ཏི ཨཐཝཱ རཱུཔཱཝཙརཾ ཙིཏྟཾ ཨནུཏྟརཉྩ པཐམཱདིཛ྄ཛྷཱན བྷེདེན ཡཐཱ གཡ྄ཧཏི, ཏཐཱ ཨཱརུཔྤཉྩཱཔི པཉྩམེཛྷཱནེ གཡ྄ཧཏཱིཏི ཨེཝཾ ཨཔརཱཔི ཡོཛནཱ ཝུཏྟཱ. ‘‘པཋིཏཏྟཱ’’ཏི ཨུཙྩཱརིཏཏྟཱ. ཨནྟིམགཱཐཱ ཝཎྞནཱཡཾ. ‘‘ཡཐཱ’’ཏི ཡེན པཀཱརེན. ‘‘ཏཾ སངྒཧཾ’’ཏི ཨེཀ ཝཱིསསཏསངྒཧཾ ¶ . བུཛ྄ཛྷནྟཱིཏི བུདྷཱ. ‘‘ཨཱཧཱ’’ཏི ཙ ‘‘ཨཱཧཱུ’’ཏི ཙ ཝཏྟམཱནཀཱལེཔི ཨིཙྪནྟི སདྡཝིདཱུཏི ཝུཏྟཾ ‘‘ཀཐེནྟི ཝཱ’’ཏི. ཨིདཉྩ ཝཙནཾ པུབྦེ ‘‘ཨིཏྠམེཀཱུན ནཝུཏི…པེ… ཝིབྷཛནྟི ཝིཙཀྑཎཱ’’ཏི གཱཐཱཡ ནིགམནནྟི ཉཱཔནཏྠཾ ‘‘ཝིབྷཛནྟི ཝིཙཀྑཎཱ’’ཏི ཝུཏྟཾ ཧོཏཱི’’ཏི ཝུཏྟཾ.

ཨིཏིཔརམཏྠདཱིཔནིཡཱནཱམཊཱིཀཱཡཨནུདཱིཔནིཡཾ

ཙིཏྟསངྒཧསྶཨནུདཱིཔནཱ ནིཊྛིཏཱ.

༢. ཙེཏསིཀསངྒཧཨནུདཱིཔནཱ

༦༨. ཨེཝཾ ¶ ཙིཏྟ སངྒཧསྶ དཱིཔནིཾ ཀཏྭཱ ཙེཏསིཀ སངྒཧསྶ དཱིཔནིཾ ཀརོནྟོ པཐམཾ པུབྦཱཔརཱནུ སནྡྷིཉྩ ཨཱདིགཱཐཱཡ པཡོཛན སམྦནྡྷཉྩ དསྶེཏུཾ ‘‘ཨེཝཾ’’ཏིཨཱདི མཱརདྡྷོ. ཏཏྠ ‘‘ཨནུཔཏྟ’’ནྟིཨཱདིམྷི ཙིཏྟཾ ཙེཏསིཀཾ རཱུཔཾ, ནིབྦཱནམིཏིསབྦཐཱཏི ཨེཝཾ ཨནུཀྐམོ ཝུཏྟོ. ཏེན ཨནུཀྐམེན ཨནུཔཏྟཾ. ཧེཏུ ཝིསེསནཉྩེཏཾ. ཡསྨཱ ཙིཏྟསངྒཧཱནནྟརཾ ཙེཏསིཀ སངྒཧོ ཨནུཔཏྟོ, ཏསྨཱ ཨིདཱནི ཏཾ སངྒཧཾ ཀརོཏཱིཏི དཱིཔེཏི. ཙཏྟཱརི སམྤཡོག ལཀྑཎཱནི ‘ཨེཀུཔྤཱདཏཱ, ཨེཀ ནིརོདྷཏཱ, ཨེཀཱ རམྨཎཏཱ, ཨེཀ ཝཏྠུཀཏཱ,ཏི. ‘‘ཙེཏསི ཡུཏྟཱ’’ཏི ཙིཏྟསྨིཾ ནིཡུཏྟཱ. ཙིཏྟཾ ནིསྶཱཡ ཨཏྟནོ ཨཏྟནོ ཀིཙྩེསུ ཨུསྶུཀྐཾ ཨཱཔནྣཱཏི ཨཏྠོ. ‘‘ཙེཏསཱ ཝཱཡུཏྟཱ’’ཏི ཙིཏྟེན ཝཱ སམྤཡུཏྟཱ. ཙིཏྟེན སཧ ཨེཀཱིབྷཱཝཾ གཏཱཏི ཨཏྠོ. ‘‘སརཱུཔདསྶན’’ནྟི སངྑྱཱསརཱུཔདསྶནཾ. སིདྡྷཔདཾ ནཱམ པཀཏི པཙྩཡེཧི ནིཔྥནྣ པདཾ. ‘‘པུབྦནྟཏོ’’ཏི ཨེཀསྶསངྑཏ དྷམྨསྶ པཐམ བྷཱགཏོ. ཨུདྡྷཾ པཛྫནཾ ནཱམ ཀཏམནྟི ཨཱཧ ‘‘སརཱུཔཏོ པཱཏུབྷཝན’’ནྟི. དྷཱཏུ པཱཋེསུ-ཛནིཔཱཏུབྷཱཝེ-ཏི ཝུཏྟཏྟཱ ཨཱཧ ‘‘ཛཱཏཱིཏི ཝུཏྟཾ ཧོཏཱི’’ཏི. ‘‘སརཱུཔ ཝིནཱསོ’’ཏི སརཱུཔཏོ པཱཏུབྷཝནྟསྶ བྷཱཝསྶ ཝིནཱསོ ཨནྟརདྷཱནཾ. ‘‘ཨེཝཾ པརཏྠ པཱི’’ཏི པརསྨིཾ ཨེཀཱལམྦཎཝཏྠུཀཱདིཔདེཔི. ‘‘ཨེཀ ཙིཏྟསྶཔི བཧུདེཝཱ’’ཏི ཙཀྑུ ཝིཉྙཱཎཾ རཱུཔཾ པསྶནྟཾ ཨེཀམེཝ རཱུཔཾ པསྶཏཱིཏི ནཏྠི. ཨནེཀཱནི ཨེཝརཱུཔཱནི ཨེཀཏོ ཀཏྭཱ པསྶཏི. སོཏཝིཉྙཱཎཱདཱིསུཔི ཨེསེཝ ནཡོ. ཨེཝཉྩ ཀཏྭཱ པཱལི༹ཡཾ. ཙཀྑུཉྩ པཊིཙྩ རཱུཔེ ཙ ཨུཔྤཛྫཏི ཙཀྑུ ཝིཉྙཱཎཾ. སོཏཉྩ པཊིཙྩ སདྡེ ཙ ཨུཔྤཛྫཏི སོཏཝིཉྙཱཎནྟིཨཱདིནཱ ཝཏྠུདྭཱརེསུ ཨེཀཝཙནཾ ཝཏྭཱ ཨཱརམྨཎེསུ བཧུཝཙནཾ ཀཏནྟི. ‘‘ཨེཀཏྟཾ ཨུཔནེཏྭཱ’’ཏི ཙཀྑུ ཝིཉྙཱཎེ བཧཱུནིཔི རཱུཔཱརམྨཎཱནི རཱུཔཏཱ སམཉྙེན ཨེཀཱིབྷཱཝཾ ཀཏྭཱ ཨེཀཾ ཨཱརམྨཎནྟྭེཝ ཝུཏྟནྟི ཨདྷིཔྤཱཡོ. སདྡཱརམྨཎཱདཱིསུཔི ཨེསེཝ ནཡོ. ཏཾ ན སུནྡརཾ. ཀསྨཱ. ཨཏྠ ཝིསེསསྶ ཨཝིཉྙཱཔནཏོ. ཀོཔནཱཡཾ ཨཏྠ ཝིསེསོཏི ¶ . ཡཱཙིཏྟསྶ ཛཱཏི, སཱཡེཝ ཕསྶཱདཱིནནྟིཨཱདིཀོ ཨཏྠོ. ཏེནཱཧ ‘‘ཨཐ ཁོ’’ཏིཨཱདིཾ. ཨདྷིཔྤེཏཱ ཨེཀུཔྤཱདཏཱ. ཨེས ནཡོ ཨེཀ ནིརོདྷཏཱདཱིསུ. ‘‘མཱུལཊཱིཀཱཡ’’ནྟི རཱུཔཀཎྜམཱུལཊཱིཀཱཡཾ. ‘‘སཧེཝཱ’’ཏི ཨེཀཏོ ཨེཝ. ‘‘ཨུཔྤཱདཱདིཔྤཝཏྟིཏོ’’ཏི ཨུཔྤཱདསྶ ཙ ཛཱིརཎསྶ ཙ ནིརོདྷསྶ ཙ པཝཏྟིཏོ. ‘‘ཨུཔྤཱདཱདཡོ’’ཏི ཨུཔྤཱད ཛཱིརཎ ནིརོདྷཱ. ཛཱཏིཛརཱམརཎཱནཱིཏི ཝུཏྟཾ ཧོཏི. ‘‘ཙེཏསིཀཱམཏཱ’’ཏི ཙེཏསིཀཱ ཨིཏི ཝིཉྙཱཏཱ. ‘‘བྷཱཝཔྤདྷཱནཾ’’ཏི ཨེཀུཔྤཱད བྷཱཝོ ཨེཀུཔྤཱདོཏི ཝུཏྟོ. ཏཐཱ ཨེཀ ནིརོདྷཱདཱིསུ. ཡཐཱ ཨིདཾཔི སངྒྷེརཏནཾ པཎཱིཏ-ནྟིཨཱདཱིསུ ཨཡཾ རཏན བྷཱཝོ པཎཱིཏོཏི ཧེཏྠ ཨཏྠོ. ‘‘ཡེ’’ཏི ཡེ དྷམྨཱ. ‘‘སཧཛཱཏ པཙྩཡུཔྤནྣ རཱུཔཱནི པཱི’’ཏི སཧཛཱཏཔཙྩཡཏོ ཨུཔྤནྣཱནི རཱུཔཱནིཔི. ཙེཏསིཀཱནི ནཱམ སིཡུནྟི སམྦནྡྷོ. ‘‘ཏདཱ ཡཏྟ ཝུཏྟིཏཱཡཱ’’ཏི ཙིཏྟཱཡཏྟཝུཏྟིཡཱཡ. ‘‘ཙེཏོཡུཏྟཱནཱི’’ཏི ཧེཏུ ཝིསེསནཾ. ཏདེཝ ཧེཏུམནྟ ཝིསེསནནྟི ཙ ཧེཏུ ཨནྟོ ནཱིཏཝིསེསནནྟི ཙ ཧེཏུ ཨནྟོ གདྷཝིསེསནནྟི ཙ ཝདནྟི. ‘‘ཏེས’’ནྟི ཙིཏྟསྶ སཧཛཱཏཔཙྩཡུཔྤནྣརཱུཔཱནཾ. ‘‘ནཱནུབྷོནྟཱི’’ཏི ནཔཱཔུཎནྟི. ‘‘ན ཧི སཀྐཱ ཛཱནིཏུཾ’’ཏི ཨེཏེན བྷཱུཏཀཐན ཝིསེསནཱནི ཨེཏཱནཱིཏི དཱིཔེཏི. བྷཱུཏཀཐནཾཔི སམཱནཾ ཝཏྟིཙྪཱཝསེན བྱཝཙྪེདཀཾཔི སམྦྷཝཏི. ‘‘ཝཡོཔཉྙཱཡཏཱི’’ཏི ཝིནཱསོ པཀཱསཏི. ‘‘ཋིཏཱཡཱ’’ཏི ཏིཊྛ མཱནཱཡ ཝེདནཱཡ. ཨཉྙོ པཀཱརོ ཨཉྙཐཱ. ཨཉྙཐཱ བྷཱཝོ ཨཉྙཐཏྟཾ. ཛརཱཝསེན པརིཎཱམོཏི ཝུཏྟཾ ཧོཏི. ཡོ པཐཝཱིདྷཱཏུཡཱ ཨུཔྤཱདོ, ཡཱ ཋིཏི, ཡཱ ཨབྷིནིབྦཏྟི, ཡོ པཱཏུབྷཱཝོ. ཨེསོ དུཀྑསྶ ཨུཔྤཱདོ, ཨེསཱ རོགཱནཾ ཋིཏི, ཨེསོ ཛརཱམརཎསྶ པཱཏུབྷཱཝོཏི ཡོཛནཱ. ‘‘ཨིཏརཐཱ’’ཏི ཨིཏོ ཨཉྙཐཱ གཧིཏེ སཏཱིཏི ཨཏྠོ. ཨེཀསྨིཾ རཱུཔཱརཱུཔཀལཱཔེ ནཱནཱ དྷམྨཱནཾ ཝསེན བཧཱུསུ ཨུཔྤཱདེསུ ཙ ནིརོདྷེསུ ཙ གཧིཏེསཱུཏི ཝུཏྟཾ ཧོཏི. ‘‘ཝིཀཱརརཱུཔཱནཾ’’ཏི ཝིཉྙཏྟི དྭཡ ལཧུཏཱདིཏྟཡཱནཾ. སབྦཱནིཔི ཨུཔཱདཱརཱུཔཱནི ཙཏུནྣཾ མཧཱབྷཱུཏཱནཾ ཨུཔཱདཱཡ པཝཏྟཏྟཱ མཧཱབྷཱུཏ གཎནཱཡ ཙཏྟཱརི ཙཏྟཱརི སིཡུཾཏི ཨིམིནཱ ཨདྷིཔྤཱཡེན ‘‘སབྦེསམྤི ཝཱ’’ཏིཨཱདིཝུཏྟཾ. སབྦེསམྤི ཝཱ ཙཀྑཱདཱིནཾ ཨུཔཱདཱརཱུཔཱནཾ ཨེཀེཀསྨིཾ ཀལཱཔེ ¶ བཧུབྷཱཝོ ཝཏྟབྦོ སིཡཱཏི ཡོཛནཱ. ཀསྨཱ བཧུབྷཱཝོ ཝཏྟབྦོཏི ཨཱཧ ‘‘ཙཏུནྣཾ མཧཱབྷཱུཏཱན’’ནྟིཨཱདིཾ.

ཡདི ཨེཝཾ, ཨེཀསྨིཾ ཙིཏྟུཔྤཱདེ ལཧུཏཱདཱིནིཔི ཨེཀེཀཱནི ཨེཝ སིཡུཾ, ཨཐ ཀིམཏྠཾ དྭེ དྭེ ཀཏྭཱ ཝུཏྟཱནཱིཏི ཨཱཧ ‘‘ཀཱཡལཧུཏཱ ཙིཏྟ ལཧུཏཱདཡོཔནཱ’’ཏིཨཱདིཾ. ‘‘ཨིམམཏྠཾ ཨསལླཀྑེཏྭཱ’’ཏི ཨཱིདིསཾ ཝིནིཙྪཡཏྟཾ ཨཙིནྟེཏྭཱཏི ཨདྷིཔྤཱཡོ. ཝིབྷཱཝནིཔཱཋེ ‘‘ཙིཏྟཱནུཔརིཝཏྟིནོ’’ཏི ཨེཏེན ཙིཏྟེན ཨུཔྤཛྫིཏྭཱ ཏེནེཝ ཙིཏྟེན སཧནིརུཛ྄ཛྷནཝསེན ཙིཏྟཾ ཨནུཔརིཝཏྟིསྶ. ‘‘པསངྒཱ’’ཏི ཙེཏསིཀཏཱ པསངྒོ. ‘‘པུརེཏརམུཔྤཛྫིཏྭཱ’’ཏི པུརེཏརཾ ཨེཀེན ཙིཏྟེན སཧ ཨུཔྤཛྫིཏྭཱཏི ཨདྷིཔྤཱཡོ. ‘‘ཙིཏྟསྶབྷངྒཀྑཎེ’’ཏི ཨཉྙསྶ སཏྟར སམ ཙིཏྟསྶ བྷངྒཀྑཎེ. ཏཐཱ རཱུཔདྷམྨཱནཾ པསངྒོ ན སཀྐཱ ནཱིཝཱརེཏུཾ ཏིཡོཛནཱ. ‘‘པསངྒོ’’ཏི ཙེཏསིཀཏཱ པསངྒོ. ‘‘ཨལམཏི པཔཉྩེནཱ’’ཏི ཨབྷིདྷམྨེ ཝེདནཱཏྟིཀེཊཱིཀཱསུ ཝིཡ ཨཏི ཝིཏྠཱརེན ནིརཏྠཀཾ ཧོཏཱིཏི ཨཏྠོ. ‘‘ནིརཏྠཀཾ’’ཏི ཝིབྷཱཝནིཡཾ པཔཉྩོ ནིརཏྠཀོ ཨེཝཱཏི ཨདྷིཔྤཱཡོ.

༦༩. ཕསྶཝཙནཏྠེ. ‘‘ཕུསཏཱི’’ཏི ཨཱརམྨཎཾ ཨཱཧནཏི, སངྒྷཊྚེཏི. ཏཉྩ སངྒྷཊྚ ནཾ ནདོསཔཊིགྷསྶ ཝིཡ ཨཱརམྨཎསྶ ཝིབཱདྷནཾ ཧོཏི, ཨཐ ཁོ བྷམརསྶ པདུམ པུཔྥེསུ པུཔྥར སགྒཧཎཾ ཝིཡ ཝིཛཱནན མཏྟེ ཨཋཏྭཱ ཨཱརམྨཎ རསཔཱཏུབྷཱཝཏྠཾ ཡཐཱརམྨཎཾ སཾཧནན མེཝཱཏི དསྶེཏུཾ ‘‘ཕུསནཉྩེཏྠཱ’’ཏིཨཱདིམཱཧ. ‘‘ཨཱཧཙྩཱ’’ཏི ཨཱཧནིཏྭཱ སམྤཱཔུཎིཏྭཱ. ‘‘ཨུཔཧཙྩཱ’’ཏི ཏསྶེཝ ཝེཝཙནཾ. ཨཡམཏྠོ ཀཐཾ པཱཀཊོཏི ཨཱཧ ‘‘ཡཏོ’’ཏིཨཱདིཾ. ཏཏྠ ‘‘ཡཏོ’’ཏི ཡཾ ཀཱརཎཱ. ‘‘ཏདནུབྷཝནྟཱི’’ཏི ཏཾ ཨཱརམྨཎ རསཾ ཨནུབྷཝནྟཱི, ཝེདནཱ པཱཏུབྷཝཏི, ཝེདནཱ པཱཏུབྷཱཝཾ དིསྭཱ ཨཱརམྨཎཔྥུསནཾ ཉཱཎེ པཱཀཊཾ ཧོཏཱིཏི ཨདྷིཔྤཱཡོ. སྭཱཡཾ ཕུསན ལཀྑཎོ, སངྒྷཊྚནརསོ, སནྣིཔཱཏཔཙྩུཔཊྛཱནོ, ཨཱཔཱཏཱ གཏཝིསཡ པདཊྛཱནོ. ཏཏྠ སནྣིཔཱཏོ ནཱམ ཏིཎྞཾ ཏིཎྞཾ དྭཱརཱ རམྨཎ ཝིཉྙཱཎཱནཾ སངྒཏི སམཱགམོ སམོདྷཱནཾ. ཏཐཱཧི ཝུཏྟཾ. ཙཀྑུཉྩ པཊིཙྩ རཱུཔེ ཙ ཨུཔྤཛྫཏི ཙཀྑུ ཝིཉྙཱཎཾ, ཏིཎྞཾ སངྒཏི ཕསྶོ ཏིཨཱདི. ‘‘སངྒྷཊྚནརསོ’’ཏི ཨཱརམྨཎེ སམྨདེཝ གྷཊྚན ¶ ཀིཙྩོ. སངྒྷཊྚན ཀིཙྩཏྟཱ ཨེཝ ཏིཎྞཾ སནྣིཔཱཏོ ཧུཏྭཱ དྷམྨ ཙིནྟཱཉཱཎསྶ པཊིམུཁཾ ཨུཔཊྛཱཏི པཀཱསཏཱིཏི. ‘‘སནྣིཔཱཏ པཙྩུཔཊྛཱནོ’’. པཙྩུཔཊྛཱནནྟི ཝཱ པཉྙཱཎཾ ཝུཙྩཏི དྷཛོརཐསྶ པཉྙཱཎནྟི ཨེཏྠ ཝིཡ. སནྣིཔཱཏཱཀཱརོ པཙྩུཔཊྛཱནཾ ཡསྶཱཏི སནྣིཔཱཏཔཙྩུཔཊྛཱནོ. ཝེདནཱཔཙྩུ པཊྛཱནོ ཝཱ. དྷཱུམོཝིཡ ཨགྒིསྶ. ཝེདནཱཕལཾ པཙྩུཔཊྛཱནཾ ཡསྶཱཏི ཝིགྒཧོ. ཨཊྛསཱལིནིཡཾ པན ཀསྨཱ པནེཏྠ ཕསྶོ པཐམཾ ཝུཏྟོ ཏིཔུཙྪིཏྭཱ མཧཱཨཊྛཀཐཱ ཝཱདོཏཱཝ དསྶིཏོ. ཙིཏྟསྶ པཐམཱབྷིནིཔཱཏཏྟཱ. ཨཱརམྨཎསྨིཉྷི ཙིཏྟསྶ པཐམཱབྷིནིཔཱཏོ ཧུཏྭཱ ཕསྶོ ཨཱརམྨཎཾ ཕུསམཱནོ ཨུཔྤཛྫཏི. ཏསྨཱ པཐམཾ ཝུཏྟོ. ཕསྶེན ཕུསྶིཏྭཱ ཝེདནཱཡ ཝེདཡཏི. སཉྙཱཡ སཉྫཱནཱཏི. ཙེཏནཱཡ ཙེཏཏི. ཏེན ཝུཏྟཾ ཕུཊྛོ བྷིཀྑཝེ ཝེདེཏི, ཕུཊྛོ སཉྫཱནཱཏི, ཕུཊྛོ ཙེཏེཏཱིཏི. ཨཔི ཙ ཨཡཾ ཕསྶོ ནཱམ ཡཐཱཔཱསཱདཾ པཏྭཱ ཐམྦྷོ ནཱམ སེསདབྦ སམྦྷཱརཱནཾ བལཝཔཙྩཡོ. ཨེཝམེཝ སཧཛཱཏ སམྤཡུཏྟ དྷམྨཱནཾ བལཝ པཙྩཡོ ཧོཏི. ཏསྨཱ པཐམཾ ཝུཏྟོཏི. སངྒཧཀཱརེན པན ཨིདཾ པན ཨཀཱརཎཾ, ཨེཀཀྑཎསྨིཉྷི ཨུཔྤནྣ དྷམྨཱནཾ ཨཡཾ པཐམཾ ཨུཔྤནྣོ ཨཡཾ པཙྪཱཏི ཨིདཾ ཝཏྟུཾ ན ལབྦྷཱ. བལཝཔཙྩཡབྷཱཝེཔི ཕསྶསྶཀཱརཎཾ ན དིསྶཏཱིཏི ཨེཝཾ ཏཾ ཝཱདཾ པཊིཀྑིཔེཏྭཱ ཨིདཾ ཝུཏྟཾ དེསནཱ ཝཱརེནེཝ ཕསྶོ པཐམཾ ཝུཏྟོཏི. ཏཏྠ ‘‘དེསནཱཝཱརེ ནེཝཱ’’ཏི དེསནཀྐམེནེཝ, ཏཏོ ཨཉྙཾ ཀཱརཎཾ ནཏྠཱིཏི ཨདྷིཔྤཱཡོ. ཏེསུ པན དྭཱིསུ ཝཱདེསུ མཧཱཨཊྛཀཐཱ ཝཱདོ ཨེཝ ཡུཏྟོ. ཡཉྷི ཏཏྠ ཝུཏྟཾ ཙིཏྟསྶ པཐམཱབྷིནིཔཱཏོ ཧུཏྭཱཏི. ཏཏྠ པཐམཱབྷིནིཔཱཏོཏི ཨིདཾ ཀིཙྩཔྤདྷཱནཏྟཱ ཝུཏྟཾ. ན པནཉྙེཧི ཙེཏསིཀེཧི ཝིནཱ ཝིསུཾ པཐམཾ ཨུཔྤནྣཏྟཱ. ཡཐཱ ཏཾ ཡེ ཀེཙི བྷིཀྑཝེ དྷམྨཱ ཨཀུསལཱ ཨཀུསལབྷཱགིཡཱ ཨཀུསལཔཀྑིཀཱ. སབྦེ ཏེ མནོཔུབྦངྒམཱ, མནོ ཏེསཾ དྷམྨཱནཾ པཐམཾ ཨུཔྤཛྫཏཱིཏི ཨིམསྨིཾ སུཏྟེ ཀིཙྩཔྤདྷཱནཏྟཱ མནོ ཏེསཾ དྷམྨཱནཾ པཐམཾ ཨུཔྤཛྫཏཱིཏི ཝུཏྟཾ. ན པན སབྦཙེཏསིཀེཧི ཝིནཱ ཝིསུཾ པཐམཾ ཨུཔྤནྣཏྟཱཏི དཊྛབྦཾ. བལཝཔཙྩཡ བྷཱཝེཔི ཕསྶསྶཀཱརཎཾ དིསྶཏིཡེཝ. ཕསྶོཧེཏུ ཕསྶོ པཙྩཡོ ཝེདནཱཀྑནྡྷསྶ པཉྙཱ པནཱཡ. ཕསྶོ ཧེཏུ ཕསྶོ པཙྩཡོ སཉྙཱཀྑནྡྷསྶ པཉྙཱ ནཱཡ ¶ . ཕསྶོ ཧེཏུ ཕསྶོ པཙྩཡོ སངྑཱརཀྑནྡྷསྶ པཉྙཱཔནཱཡཱཏི ཧི ཝུཏྟཾ. ཏསྨཱ སབྦེསཾ ཙེཏསིཀཱནཾ དྷམྨཱནཾ ཕསྶཔྤདྷཱནཏྟཱ ཨེཝ ཕསྶ བལཝཔཙྩཡཏྟཱ ཨེཝ ཙ ཕསྶོ པཐམཾ ཝུཏྟོཏི དཊྛབྦཾ. ཨེཏྠ ཙ ཙིཏྟཾ ཨཱརམྨཎ ཝིཛཱནནཊྛེན ཕསྶཱདཱིནཾ སབྦཙེཏསིཀ དྷམྨཱནཾ པུབྦངྒམཾ ཧོཏི, པདྷཱནཾ, ཛེཊྛཀཾ. ཕསྶོ པན ཨཱརམྨཎ སངྒྷཊྚནཊྛེན སབྦེསཾ ཙེཏསིཀ དྷམྨཱནཾ པུབྦངྒམོ ཧོཏི, པདྷཱནོ, ཛེཊྛཀོཏི ཨཡཾ དྭིནྣཾ ཝིསེསོཏི. ཨེཏྠ ཙོདཀོ ཕུསནཾ ནཱམ སཔྤཊིགྷརཱུཔཱནཾ ཨེཝ ཀིཙྩནྟི མཉྙམཱནོ ‘‘ནནུཙཱ’’ཏིཨཱདིནཱ ཙོདེཏི. ‘‘ནནུཙཱ’’ཏི ཙོདེདྷཱིཏི དཱིཔེཏི. ‘‘ཨཔྤཊིགྷསབྷཱཝཱ’’ཏི ཧེཏུཝིསེསནཾ. ‘‘ཀིཉྩཱི’’ཏི ཀིཉྩིཝཏྠུཾ. ཨཡཾ པན ཕསྶོ. ‘‘ཙིཏྟསྶ ཝིཀཱརཱ པཏྟིཾ’’ཏི ཙལན ཀམྤན ཐམྦྷན ཛེགུཙྪ བྷཡ ཏཱས ཚམྦྷིཏཏྟཱ དིཝསེན ཝིཀཱརཱ པཛྫནཾ. ‘‘ཝེདནཱ ཝིསེསུཔྤཏྟིཾ’’ཏི སུཁཝེདནཱིཡཾ ཕསྶཾ པཊིཙྩ སུཁཝེདནཱ, དུཀྑཝེདནཱིཡཾ ཕསྶཾ པཊིཙྩ དུཀྑ ཝེདནཱཏིཨཱདིནཱ ནཡེན ཕསྶ ཝིསེསཱནུརཱུཔཾ ཝེདནཱ ཝིསེསུཔྤཏྟིཾ སཱདྷེཏི. ཨེཏྠ ཙ ཕུསནཾ ནཱམ དུཝིདྷཾ རཱུཔཔྥུསནཾ, ནཱམཔྥུསན, ནྟི. ཏཏྠ རཱུཔཔྥུསནཾ ནཱམ ཕོཊྛབྦ དྷཱཏཱུནཾ ཀིཙྩཾ. ནཱམཔྥུསནཾ དུཝིདྷཾ ཕསྶཔྥུསནཾ, ཉཱཎཔྥུསན, ནྟི. ཏཏྠ ཉཱཎཔྥུསནཾ ནཱམ ཉཱཎཔྤཊིཝེདྷོ. ཨཔི ཙ ཛྷཱནམགྒ ཕལ ནིབྦཱནཱནཾ པཊིལཱབྷོཔི ཕུསནནྟི ཝུཙྩཏི. ཕུསནྟི དྷཱིརཱ ནིབྦཱནཾ. ཡོགཀྑེམཾ ཨནུཏྟརཾ. ཕུསཱམི ནེཀྑམཾ སུཁཾ. ཨཔུཐུཛྫན སེཝིཏནྟི-ཨཱདཱིསུ. ཨིདཾ ཨུཔམཱ མཏྟཾ སིཡཱ, ཀསྶཙི མནྡ པཉྙསྶཱཏི ཨདྷིཔྤཱཡོ. ‘‘ཨིད’’ནྟི ཁེལུ༹པྤཱད ཝཙནཾ. ཝིཉྙུསྶ པན ཨཏིཔཱཀཊ ཕསྶ ནིདསྶནེན ཨཔྤཱཀཊ ཕསྶ ཝིབྷཱཝནཾ ཡུཏྟམེཝ. ཏེནཱཧ ‘‘ཨཏིཔཱཀཊཱཡ པནཱ’’ཏིཨཱདིཾ.

༧༠. ཝེདནཱཝཙནཏྠེ. ‘‘ཏཾསམངྒཱིཔུགྒལཱནཾ ཝཱ’’ཏི ཝེདནཱ སམངྒཱིཔུགྒལཱནཾ ཝཱ. ‘‘སཱཏཾ ཝཱ’’ཏི སཱདྷུརསཾ ཝཱ. ‘‘ཨསྶཱཏཾ ཝཱ’’ཏི ཨསཱདྷུརསཾ ཝཱ. ‘‘ཀིཾ ཝེདཡཏཱི’’ཏི ཀཏམཾ ཝེདཡཏི. ‘‘སུཁམྤི ཝེདཡཏཱི’’ཏི སུཁམྤི ཝེདནཾ ཝེདཡཏི. ཨཐཝཱ ‘‘ཀིཉྩཝེདཡཏཱི’’ཏི ཀཐཉྩཝེདཡཏི. ‘‘སུཁམྤི ཝེདཡཏཱི’’ཏི སུཁཾ ཧུཏྭཱཔི ཝེདཡཏི. སུཁ བྷཱཝེན ཝེདཡཏཱིཏི ཝུཏྟཾ ཧོཏི. ཨེཝཾ སེསཔདེསུཔི. ‘‘ཀིཙྩནྟརབྱཱཝཊཱ’’ཏི ཨཉྙཀིཙྩབྱཱཝཊཱ. ཨདྷིཔཏི བྷཱཝོ ཨཱདྷིཔཙྩཾ. ཨིནྡྲིཡ ཀིཙྩཾ. ‘‘ཨེཝཉྩ ཀཏྭཱ’’ཏི ལདྡྷགུཎཝཙནཾ. རཱཛཱརཧ བྷོཛནཾ ¶ རཱཛགྒབྷོཛནཾ. ‘‘སཱུདསདིསཏཱ’’ཏི རཉྙོབྷཏྟཀཱརསདིསཏཱ. ཏཏྠ སཱུདོ རཉྙོབྷཏྟཾ པཙནྟོ རསཛཱནནཏྠཾ ཐོཀཾ གཧེཏྭཱ ཛིཝ྄ཧགྒེ ཋཔེཏྭཱ རསཾ ཝཱིམཾསཏི. ཡཐིཙྪིཏཾ པན བྷུཉྫིཏུཾ ཨནིསྶརོ. རཱཛཱ ཨེཝ ཡཐིཙྪིཏཾ བྷུཉྫིཏུཾ ཨིསྶརོ. རཱཛཱ ཝིཡ ཝེདནཱ. སཱུདོ ཝིཡ སེསཙེཏསིཀ དྷམྨཱ.

༧༡. སཉྙཱཝཙནཏྠེ. ‘‘སཉྫཱནཱཏཱི’’ཏི སུཊྛུ ཛཱནཱཏི. སུཊྛུཛཱནནཉྩ ནཱམ ན ཝིཉྙཱཎསྶ ཝིཡ ཝིཝིདྷཛཱནནཾ ཧོཏི. ན ཙ པཉྙཱཡ ཝིཡ ཡཐཱབྷཱུཏཛཱནནཾ ཧོཏི. ཨཐ ཁོ བྷཱུཏཾ ཝཱ ཧོཏུ, ཨབྷཱུཏཾ ཝཱ. ཡཾ ཡཾ ཚ ཧི ཝིཉྙཱཎེཧི ཝིཛཱནཱཏི, པཉྙཱཡ ཝཱ པཛཱནཱཏི. ཏསྶ ཏསྶ པཙྪཱ ཨཔྤམུསྶཀརཎ མེཝཱཏི ཝུཏྟཾ ‘‘པུནཛཱནནཏྠཾ སཉྙཱཎཾ ཀརོཏཱི’’ཏི. ཏཏྠ ‘‘སཉྙཱཎ’’ནྟི ནིམིཏྟ ཀརཎཾ. བྷཝནྟརཾ པཏྭཱཔི ཨཔྤམུཊྛབྷཱཝཾ སཱདྷེཏི ཨོཔཔཱཏིཀ པུགྒལཱནནྟི ཨདྷིཔྤཱཡོ. ཏེཧི པུརིམཾ ཨཏྟནོ བྷཝཾ ཛཱནནྟི. གབྦྷསེཡྻཀཱཔི ཀེཙི པུརིམཾ བྷཝཾ ཛཱནནྟི, ཡེཛཱཏིསྶར པུགྒལཱཏི ཝུཙྩནྟི. ཏཏྠ ‘‘ཨཔྤམུཊྛབྷཱཝ’’ནྟི ཨནཊྛབྷཱཝཾ. མིཙྪཱབྷིནིཝེས སཉྙཱ ནཱམ ཨནིཙྩེ ནིཙྩནྟིཨཱདིཔྤཝཏྟཱ སཉྙཱ. ‘‘བོདྷེཏུ’’ནྟི བུཛ྄ཛྷཱཔེཏུཾ. ‘‘དཱརུཏཙྪཀསདིསཱཏི ཙ ཝུཏྟཱ’’ཏི དཱརུཏཙྪཀོ ནཱམ ཀཊྛཝཌྜྷཀཱི. སོ ཀཊྛཀྑནྡྷེསུ ནིམིཏྟཀཱརཱིཧོཏི. སུཏཙྪིཏཚིནྡིཏེསུ ཀཊྛེསུ ནིམིཏྟཱནི ཀཏྭཱ ཋཔེཏི. པཙྪཱཏཱནི ཨོལོཀེཏྭཱ ཀཊྛཱནི ཀམྨེ ཨུཔནེཏི. ‘‘ཧཏྠི དསྶཀ ཨནྡྷསདིསཱ’’ཏི ཨེཏྠ ཨེཀོ ཀིར རཱཛཱ ཀེལི༹པྤསུཏོ ཧོཏི. སོ ཛཙྩནྡྷཱནཾཋཱནེ ཨེཀཾ ཧཏྠིཾ ཨཱནེཏྭཱཋཔེནྟོ ཛཙྩནྡྷེ ཨཱཧ ཛཱནཱཐ བྷོ ཏུམྷེ ཧཏྠིནྟི. ཏེ ཧཏྠིཾ ཛཱནིསྶཱམཱཏི པརཱམསིཏྭཱ ཨཏྟནོ པརཱམསིཏཾ ཏཾ ཏཾ ཨངྒམཝཧཏྠཱིཏི ཨབྷིནིཝིསནྟི. དལ༹ྷཾ སལླཀྑེནྟི. པུན རཱཛཱ ཏེ པུཙྪི ཀཱིདིསོ བྷོ ཧཏྠཱིཏི. ཏེ རཉྙོ ཧཏྠིསཎྛཱནཾ ཨཱཙིཀྑནྟཱ ཝིཝཱདཾ ཨཱཔཛྫནྟི. ཨཱཙིཀྑནམེཝ རཉྙོཧཏྠིདསྶནནྟི ཀཏྭཱ ཏེ ཧཏྠིདསྶཀ ཨནྡྷཱཏི ཝུཙྩནྟི. ‘‘ཨུཔཊྛིཏཝིསཡགྒཧཎེ’’ཏི རཏྟིཡཾ ཨནྡྷཀཱརེ རཛྫུཀྑཎྜཾ པསྶནྟསྶ སཔྤསཎྛཱནཾ ཨུཔཊྛཱཏི. སོ ཨུཔཊྛིཏཾ སཎྛཱནམཏྟཾ སཔྤོཏི གཎྷཱཏི. ཨེཝཾ ཨུཔཊྛིཏཝིསཡགྒཧཎཾ ཧོཏི. མིགཔོཏཀཱནཉྩ ཨརཉྙེཁེཏྟམཛ྄ཛྷེཔུརིསསཎྛཱནཾ ཏིཎ རཱུཔཾ པསྶནྟཱནཾ པུརིསསཎྛཱ ནཾ ¶ ཨུཔཊྛཱཏི. ཏེ ཨུཔཊྛིཏཾ སཎྛཱནམཏྟཾ པུརིསོཏི གཎྷིཏྭཱ སོ ཨམྷེ པཧརེཡྻཱཏི པལཱཡནྟི. ཝུཏྟཱ ཨཊྛསཱལིནིཡཾ.

༧༢. ཙེཏནཱཝཙནཏྠེ. ཙེཏེཏཱིཏི ཙེཏནཱ. ཙེཏནཉྩེཏྠ ཨབྷིསནྡྷཱནཾ ཝཱ ཝུཙྩཏི པཀཔྤནཾ ཝཱ ཨཱཡཱུཧནཾ ཝཱཏི ཨེཝཾ ཏིདྷཱ ཨཏྠཝིཀཔྤཾ དསྶེཏུཾ ‘‘སམྤཡུཏྟ དྷམྨེ’’ཏིཨཱདིམཱཧ. ཏཏྠ ‘‘ཨབྷིསནྡཧཏཱི’’ཏི ཨབྷིམུཁཾ སནྡཧཏི, སཾཡོགཾ ཀརོཏི. ཏེནཱཧ ‘‘པུནཔྤུནཾ གྷཊེཏཱི’’ཏི. ‘‘གྷཊེཏཱི’’ཏི སམྦནྡྷཏི. ‘‘པཀཔྤེཏི ཝཱཏེ’’ཏི ཨཐཝཱ ཏེ སམྤཡུཏྟ དྷམྨེ པཀཱརཏོ ཀཔྤེཏི, སཛྫེཏི. ཏེནཱཧ ‘‘སཾཝིདཧཏཱི’’ཏི. ‘‘སཾཝིདཧཏཱི’’ཏི ཏྭཾ ཕུསནཀིཙྩཾ ཀརོཧི, ཏྭཾ ཝེདཡིཏ ཀིཙྩཾ ཀརོཧི, ཏྭཾ སཉྫཱནནཀིཙྩཾ ཀརོཧཱིཏིཨཱདིནཱ ཝདམཱནཱ ཝིཡ སཾཝིདཧཏི. ‘‘ཨཱཡཱུཧཏིཝཱཏེ’’ཏི ཨཐཝཱ ཏེསམྤཡུཏྟ དྷམྨེ བྷུསོ བྱཱུཧཡཏི, རཱསིཾ ཀརོཏི. ཏེནཱཧ ‘‘ཨཱརམྨཎེ སམྤིཎྜེཏཱི’’ཏི. ‘‘སམོསརནྟེ’’ཏི ཨེཀཏོ ཨོསརནྟེ. སངྒམནྟེ. ‘‘སཱ’’ཏི ཙེཏནཱ. ‘‘ཏཱཡཱ’’ཏི ཙེཏནཱཡ. ‘‘ཏསྨིཾ’’ཏི རཱུཔཱདིཀེཝཱ ཨཱརམྨཎེ. པུཉྙཱཔུཉྙ ཀིཙྩེཝཱ. པཝཏྟམཱནཱཡ སཏིཡཱ. ཛེཊྛསིསྶོ ནཱམ བཧཱུསུ སིསྶེསུ ཛེཊྛབྷཱུཏོ སིསྶོ. ཏསྨིཾ སཛ྄ཛྷཱཡནྟེ སེསཱ སབྦེ སཛ྄ཛྷཱཡནྟིཡེཝ. ཏེན སོ ཨུབྷཡཀིཙྩ སཱདྷཀོ ཧོཏི. ཨེཝཾ མཧཱཝཌྜྷཀཱིཔི.

༧༣. ཨེཀགྒཏཱཝཙནཏྠེ. ཨེཀཏྟཱརམྨཎཾ ནཱམ ཨེཀཱརམྨཎསྶཔི བཧཱུསུ སབྷཱཝེསུ ཨེཀསབྷཱཝསངྑཱཏཾ ཨཱརམྨཎཾ. ‘‘ཏསྨིཾ’’ ཙིཏྟསྨིཾ. ‘‘ནིཝཱཏེ’’ཏི ཝཱཏརཧིཏེ པདེསེ. ‘‘དཱིཔཙྩཱིནཾ’’ཏི དཱིཔཛཱལཱནཾ.

༧༤. ཛཱིཝིཏིནྡྲིཡཝཙནཏྠེ. ‘‘ཨིསྶརབྷཱཝོ ཝུཙྩཏི’’ བྷཱཝཔྤདྷཱན ནཡེནཱཏི ཨདྷིཔྤཱཡོ. ‘‘ཨབྷིབྷཝིཏྭཱ’’ཏི ཛཱིཝན ཀིཙྩེ ཨཏྟནོ ཝསཾ ཝཏྟཱཔེཏྭཱཏི ཝུཏྟཾ ཧོཏི. ཙིཏྟ སནྟཱནཾ ཛཱིཝནྟཾ ཧུཏྭཱཏི སམྦནྡྷོ.

༧༥. མནསཱིཀཱརཝཙནཏྠེ. སམཱསམཛ྄ཛྷེ སཀཱརཱགམོ. ཀརདྷཱཏུཡོགེ ཨཱིཀཱརཱགམོ ཙ དཊྛབྦོ. ཨལུཏྟ སཏྟམཱི པདནྠི ཀེཙི. ཨེཝཾ སཏི ཨཱིདཱིགྷཏྟཾ ནསིཛ྄ཛྷཏི. ‘‘ཨསུཉྙཾ’’ཏི ཨརིཏྟཾ. ‘‘པཊིཔཱདེཏཱི’’ཏི ¶ པཊིཔཛྫནཾ ཀིཙྩསཱདྷནཾ ཀཱརཱཔེཏི. ཨཏྠཏོ ནིཡོཛེཏི ནཱམཱཏི ཨཱཧ ‘‘ཡོཛེཏཱི’’ཏི. ‘‘ཨིདམེཝ དྭཡཾ’’ཏི ཨཱཝཛྫན དྭཡཾ. ‘‘ཏཾ’’ཏི ཏཾ དྭཡཾ. ཨུཔཏྠམྦྷིཏཾ ཧུཏྭཱ ཨཱརམྨཎེ ནིནྣཾ ཀརོཏཱིཏི སམྦནྡྷོ. ‘‘ཡོནིསོ’’ཏི ཨུཔཱཡེན ཧིཏསུཁ མགྒེན. ‘‘ཨཡོནིསོ’’ཏི ཨནུཔཱཡེན ཨཧིཏ ཨསུཁ མགྒེན. ‘‘སམུདཱཙིཎྞནིནྣནིཡཱམིཏཱདཱིཧཱི’’ཏི ཨེཏྠ སམུདཱཙིཎྞཾ ནཱམ ཨཱཙིཎྞ ཀམྨཝསེན སུཊྛུ པུནཔྤུནཾ ཨཱཙརིཏཾ. ནིནྣཾ ནཱམ ཨིདཾ ནཱམ པསྶཱམི, ཨིདཾ ནཱམ ཀརིསྶཱམཱིཏི པུབྦེ ཨེཝ ཨཛ྄ཛྷཱསཡེན ནིནྣཾ. ནིཡཱམིཏཾ ནཱམ ཨིདཾ ནཱམ ཀཏྟབྦཾ, ཨིདཾ ནཱམ ན ཀཏྟབྦཾ, ཀཏྟབྦཾ ཀརོམི, ཨཀཏྟབྦཾ ནཀརོམཱིཏི ཨེཝཾ ནིཡཱམིཏཾ. ‘‘ཨསཏི ཀཱརཎ ཝིསེསེ’’ཏི བྷཝངྒ ཙིཏྟཾ ཝཱིཐིཙིཏྟུཔྤཏྟིཡཱ ཨསཏི, ཝཱིཐིཙིཏྟཱནི ཙ ཀཱཡཙིཏྟཱནཾ ཨཀལླཱདིཀེཝཱ ཨདྷིམཏྟསྶ ཨཱརམྨཎནྟརསྶ ཨུཔཊྛཱནེཝཱ ཨསཏི. ‘‘སཱདྷཱརཎཱ’’ཏི ཨེཏྠ སཾསདྡེ བིནྡུ ལོཔོ, དཱིགྷཏྟཉྩཱཏི ཨཱཧ ‘‘སམཾ དྷཱརེནྟཱིཏི སཱདྷཱརཎཱ’’ཏི.

༧༦. ཝིཏཀྐཝཙནཏྠེ. ‘‘ཏཐཱ ཏཐཱ སངྐཔྤེཏྭཱ’’ཏི ཀཱམསངྐཔྤཱདཱིནཾ ནེཀྑམྨསངྐཔྤཱདཱིནཉྩཝསེན ཏེན ཏེན པཀཱརེན སུཊྛུ ཙིནྟེཏྭཱ. ‘‘ཏཾ’’ཏི ཨཱརམྨཎཾ. ‘‘ཏེ’’ཏི སམྤཡུཏྟ དྷམྨེ. ‘‘ཨཝིཏཀྐམྤི ཙིཏྟཾ’’ཏི པཉྩཝིཉྙཱཎ ཙིཏྟཉྩ དུཏཱིཡཱ དིཛ྄ཛྷཱན ཙིཏྟཉྩ. ‘‘ཨཔིཙཱ’’ཏི ཀིཉྩི ཝཏྟབྦཾ ཨཏྠཱིཏི ཨཏྠོ. ‘‘དུཏཱིཡཛ྄ཛྷཱནཱདཱིནི ཙཱ’’ཏི དུཏཱིཡཛ྄ཛྷཱན ཙིཏྟཱདཱིནི ཙ. ‘‘ཨུཔཙཱར བྷཱཝནཱ ཝསེནཱ’’ཏི སམུདཱཙིཎྞ ཝསིབྷཱུཏཱཡ ཨུཔཙཱར བྷཱཝནཱཡ ཝསེན. ‘‘ཀིཾ ཝཱ ཨེཏཱཡཡུཏྟིཡཱ’’ཏི སཝིཏཀྐ ཙིཏྟསནྟཱནེཏིཨཱདིཀཱཡ ཡུཏྟིཡཱ ཀིཾ པཡོཛནཾ ཨཏྠཱིཏི ཨཏྠོ. ཀིཉྩི པཡོཛནཾ ནཏྠཱིཏི ཨདྷིཔྤཱཡོ. ཨཱརམྨཎཾ ཨཱརོཧཏིཡེཝ ཨཱརམྨཎེན ཨཝིནཱབྷཱཝཝུཏྟིཀཏྟཱ. ‘‘ཏཾ’’ཏི ཙིཏྟཾ. ནིཡཱམཀོ ནཱམ ནཱཝཾ ཨིཙྪིཏ དིསཱདེསནིཡོཛཀོ. ‘‘ཨཀུསལཾ པཏྭཱ’’ཏི ཝུཏྟཾ. ཀུསལཾ པཏྭཱ པན ཀཐཾཏི. ཀུསལཾ པཏྭཱཔི པཏིརཱུཔདེསཱཝཱསཱདིཝསེན སམུདཱ ཙིཎྞ ནིནྣཱདིཝསེན ཙ ལདྡྷ པཙྩཡེ སཏི ཙིཏྟམྤི སདྡྷཱསཏི ཨཱདཡོཔི ཨཱརམྨཎ རཱུཧནེ ཐཱམགཏཱ ཨེཝ. ཨལདྡྷ པཙྩཡེ པན སཏི ཨཀུསལ བྷཱཝེ ཋཏྭཱ ཐཱམགཏཾ ཧོཏི. ‘‘མནསིཀཱར ཝཱིརིཡ སཏཱིནཾ’’ཏི བྷཱཝནཱ བལཔཏྟཱ ནནྟི ཨདྷིཔྤཱཡོ ¶ . ཨེཝཾ པན སཏི, ཝིཏཀྐསྶ ཨོཀཱསོ ནཏྠཱིཏི. ཨཏྠི. སངྐཔྤན ཀིཙྩ ཝིསེསཏྟཱ. ཏཉྷི ཀིཙྩཾ ཨཉྙེསཾ ཨསཱདྷཱརཎཾ, ཝིཏཀྐསྶེཝ ཀིཙྩནྟི དསྶེནྟོ ‘‘ཝིཏཀྐོཔནཱ’’ཏིཨཱདིམཱཧ. ‘‘སཱརམྨཎ སབྷཱཝཱ’’ཏི ཧེཏུ ཝིསེསནམེཏཾ. ‘‘ཏཐཱ ཝུཏྟོ’’ཏི ཝིཏཀྐོཏི ཝུཏྟོ.

༧༧. ཝིཙཱརཝཙནཏྠེ. ‘‘ཝིཙརཏཱི’’ཏི ཨེཀམེཀསྨིཾ ཨེཝ ཨཱརམྨཎེ ཝིཝིདྷེན ཙརཏི, པཝཏྟཏི. སབྷཱཝཱཀཱརོ ནཱམ ནཱིལཔཱིཏཱདིཀོ ཨགམྦྷཱིརོ ཨཱརམྨཎ སབྷཱཝོ ཙ ཨཱརམྨཎསྶ ནཱནཱ པཝཏྟཱཀཱརོ ཙ. ‘‘ཨནུམཛྫནཝསེནཱ’’ཏི པུནཔྤུནཾ མཛྫནཝསེན སོདྷནཝསེན. ཝིཏཀྐོ ཨོལཱ༹རིཀོ ཙ ཧོཏཱིཏིཨཱདིནཱ ཡོཛེཏབྦཾ. ‘‘ཨོལཱ༹རིཀོ’’ཏི ཝིཙཱརཏོ ཨོལཱ༹རིཀོ. ཨེཝཾ སེསཔདེསུ. ‘‘གྷཎྜཱབྷིགྷཱཏོ ཝིཡཱ’’ཏི གྷཎྜཱབྷིགྷཱཏེན པཐམུཔྤནྣསདྡོ ཝིཡཱཏི ཝདནྟི. ཏཐཱཧི ཝིཙཱརོ གྷཎྜསྶ ཨནུརཝོ ཝིཡ ཝུཏྟོཏི. དཎྜཀེན གྷཎྜསྶ ཨབྷིགྷཱཏ ཀིརིཡཱ ཝཱ གྷཎྜཱབྷིགྷཱཏོ. ཏཐཱཧི ཨཱརམྨཎེ ཙེཏསོ པཐམཱབྷི ནིཔཱཏོ ཝིཏཀྐོཏི ཙ, ཨཱཧནན པརིཡཱཧནན རསོཏི ཙ ཝུཏྟཾ. ‘‘གྷཎྜཱནུརཝོ ཝིཡཱ’’ཏི གྷཎྜསྶ ཨནུརཝསདྡོ ཝིཡ.

༧༨. ཨདྷིམོཀྑཝཙནཏྠེ. ‘‘སཾསཔྤནཾ’’ཏི ཨནཝཏྠཱནཾ. ‘‘པཀྑཏོ མུཙྩནཝསེནཱ’’ཏི ཨེཝཾ ནུ ཁོཏི ཨེཀོ པཀྑོ, ནོནུ ཁོཏི དུཏཱིཡོ པཀྑོ. ཏཱདིསམྷཱ པཀྑཏོ མུཙྩནཝསེན.

༧༩. ཝཱིརིཡཝཙནཏྠེ. ‘‘ཝཱིརསྶཱ’’ཏི ཝིསྶཊྛསྶ. སོ ཙ ཀཱཡཝཙཱིམནོ ཀམྨེསུ པཙྩུ པཊྛིཏེསུ སཱིཏུཎྷཱདི དུཀྑ བྷཡཏོ ཨལཱིན ཝུཏྟིཝསེན པཝཏྟོཏི ཨཱཧ ‘‘ཀམྨསཱུརསྶཱ’’ཏི. ཨེཏེན ཨནོཏྟཔྤིཾ ནིཝཏྟེཏི. ཨནོཏྟཝྺཱིཧི པཱཔསཱུརོ, ཨཡཾ ཀམྨ སཱུརོཏི. ‘‘མཧནྟཾ པིཀམྨ’’ནྟི ཀུསཱིཏསྶ མཧནྟནྟི མཉྙིཏཾ ཀམྨཾ. ཨེཝཾ སེསེསུ. ‘‘ཨཔྤཀཏོ གཎྷཱཏཱི’’ཏི ཨཔྤཀབྷཱཝེན གཎྷཱཏི. ཨཔྤཀམེཝིདནྟི མཉྙཏཱིཏི ཝུཏྟཾ ཧོཏི. ‘‘ཨཏྟ ཀིལམཐཾ’’ཏི ཀཱཡཙིཏྟཀྑེདཾ. ‘‘ཏཾ’’ཏི ཝཱིརིཡཾ. ‘‘ཏཐཱཔཝཏྟིཡཱ’’ཏི ཀམྨསཱུརབྷཱཝེན པཝཏྟིཡཱ. ‘‘ཧེཏུཙེ ཝཱ’’ཏི ཨེཏེན བྷཱཝསདྡསྶ ཨཏྠཾ ཝདཏི. ‘‘ཀཱཡཙིཏྟ ཀིརིཡཱབྷཱུཏཾ’’ཏི ཨེཏེན ཀམྨསདྡསྶ ཨཏྠཾ. ‘‘ཝིདྷིནཱ’’ཏི ¶ ཏསྶ པཝཏྟིཡཱ པུབྦཱབྷིསངྑཱར ཝིདྷཱནེན. ཏམེཝ ཝིདྷཱནཾ ཀམྨེསུ ནེཏབྦཏྟཱ ནཡོཏི ཙ, ཨུཔེཏབྦཏྟཱ ཨུཔཱཡོཏི ཙ ཝུཙྩཏཱིཏི ཨཱཧ ‘‘ནཡེན ཨུཔཱཡེནཱ’’ཏི. ཏམེཝ ཝིདྷཱནཾ དསྶེཏི ‘‘ཝཱིརིཡཝཏོ’’ཏིཨཱདིནཱ. ‘‘ཨཱིརནྟཱི’’ཏི ཨེརཡནྟི. ‘‘ཀིཙྩ སམྤཏྟིཡཱ’’ཏི ཨཱརམྨཎ ཝིཛཱནན ཕུསནཱདི ཀིཙྩ སམྤཏྟི ཨཏྠཱཡ. བྱཱཝཊཱནི ཀཱཡཙིཏྟཱནི ཡེསནྟི ཝིགྒཧོ. ‘‘བྱཱཝཊཱནཱི’’ཏི ཨུསྶཱཧིཏཱནི. ‘‘ཐཱུཎཱུཔཏྠམྦྷན སདིསཾ’’ཏི ཛིཎྞསྶ གེཧསྶ ཨཔཏནཏྠཱཡ སཱརཏྠམྦྷེན ཨུཔཏྠམྦྷནསདིསཾ. ཨུཔཏྠམྦྷཀཏྠམྦྷསདིསནྟིཔི ཝདནྟི. ‘‘སབྦ སམྤཏྟཱིནཾ མཱུལཾ’’ཏི སབྦཱསཾ ལོཀིཡ སམྤཏྟཱིནཾ ལོཀུཏྟར སམྤཏྟཱི ནཉྩ མཱུལཾ. ཀསྨཱ, པུཉྙཀམྨ སམྤཏྟིཡཱ ཙ པཱརམི པུཉྙསམྤཏྟིཡཱ ཙ པཏིཊྛཱནཏྟཱ. སཏིཧི པུཉྙཀམྨསམྤཏྟིཡཱ སབྦཱ ལོཀིཡ སམྤཏྟི སིཛ྄ཛྷཏི. སཏི ཙ པཱརམི པུཉྙ སམྤཏྟིཡཱ སབྦཱལོཀུཏྟར སམྤཏྟི སིཛ྄ཛྷཏཱིཏི. ཨེཏེན ཧཱིན ཝཱིརིཡོ ནཱམ སབྦ སམྤཏྟིཏོ པརིབཱཧིཡོཏི དཱིཔེཏི.

༨༠. པཱིཏིཝཙནཏྠེ. ‘‘པིནཡཏཱི’’ཏི པིནེཏི, པིནཾ ཀརོཏཱིཏི ཨཱཧ ‘‘ཏཔྤེཏཱི’’ཏི. ཏོསེཏཱིཏི ཨཏྠོ. ‘‘ཏུཊྛིཾ’’ཏི ཏུསིཏཾ, པཧཊྛཾ. ‘‘སུཧིཏཾ’’ཏི སུདྷཱཏཾ, སུཔུཎྞཾ, ཝདྡྷིཏཾ. ཨནེཀཏྠཏྟཱ དྷཱཏཱུནཾ ‘‘ཝཌྜྷེཏཱི’’ཏི ཝུཏྟཾ. ‘‘པིནནྟཱི’’ཏི ཏཔྤནྟི, ཛོཏནྟི, ཝིརོཙནྟི, དིཝཱ ཏཔྤཏིཨཱདིཙྩོཏིཨཱདཱིསུ ཝིཡ. ཁུདྡིཀཱ པཱིཏི ནཱམ ལོམཧཾས ན མཏྟཀཱརིཀཱ པཱིཏི. ཁཎིཀཱ པཱིཏི ནཱམ ཁཎེ ཁཎེ ཝིཛྫུཔྤཱདསདིསཱ པཱིཏི. ཨོཀྐནྟིཀཱ པཱིཏི ནཱམ སརཱིརཾ ཨོཀྐམིཏྭཱ ཨོཀྐམིཏྭཱབྷིཛྫནྟཱི པཱིཏི. ཨུབྦེགཱཔཱིཏི ནཱམ ཀཱཡཾ ཨུདགྒཾ ཀཏྭཱ ཨཱཀཱསེ ཨུལླངྒྷཱཔེནྟཱི པཱིཏི. ཕརཎཱ པཱིཏི ནཱམ ཀཔྤཱསཝཏྟིཡཾ ཕརཎཀཏེལཾ ཝིཡ སཀལཀཱཡཾ ཕརཎཝསེན པཝཏྟཱ པཱིཏི.

༨༡. ཚནྡཝཙནཏྠེ. ‘‘ཨབྷིསནྡྷཱི’’ཏི ཨབྷིལཱསོ, ཨབྷིཀངྑནཾ. ‘‘ཀཏྟུསདྡོ’’ཏི ཀརདྷཱཏུ ཝསེན ཝུཏྟཾ. ‘‘སབྦཀིརིཡཱ པདཱནཱི’’ཏི སབྦཱནི ཏུམིཙྪཏྠ ཀིརིཡཱ པདཱནི. ‘‘ཨཏྠིཀོ’’ཏི ཨསིདྡྷོ ཧུཏྭཱ སཱདྷེཏུཾ ཨིཙྪིཏོ ཨཏྠོ ཨསྶཱཏི ཨཏྠིཀོ. ཨིཙྪནྟོཏིཔི ཝདནྟི. ‘‘ཨཱརཱདྷེཏུཀཱམཏཱ ཝསེནཱ’’ཏི སཱདྷེཏུ ཀཱམཏཱཝསེན, སམྤཱདེཏུ ཀཱམཏཱ ཝསེན. ཨུསུཾ སརཾ ཨ སནྟི ¶ ཁིཔནྟཱིཏི ཨིསྶཱསཱ. ཨིཀཱརསྶ ཨུཀཱརོ. དྷནུགྒཧཱ. ‘‘ཡསེན ཝཱ’’ཏི པརིཝཱརེན ཝཱ, ཀིཏྟི སདྡེན ཝཱ. ‘‘སརེ’’ཏི ཀཎྜེ. ཝིབྷཱཝནིཔཱཋེ ནཱནཱཝཱད སོདྷནཏྠཾ ཨཡཉྩཱཏིཨཱདིཝུཏྟཾ. ‘‘ཡདགྒེནཱ’’ཏི ཡེན ཀཱརཎ ཀོཊྛཱསེན. སངྒཧིཏཱཏི སམྦནྡྷོ. ‘‘ཝིསྶཛྫིཏབྦ ཡུཏྟཀེནཱ’’ཏི ཝིསྶཛྫིཏབྦ ཡོགྱེན. ‘‘ཏེན ཨཏྠིཀོ ཡེཝཱ’’ཏི པདུདྡྷཱརོ. ‘‘སོ ན ཡུཛྫཏཱི’’ཏི སོ ཨཏྠོ ན ཡུཛྫཏི. ‘‘ཁིཔིཏ ཨུསཱུནཾ’’ཏི པུབྦབྷཱགེ ཁིཔིཏ ཨུསཱུནཾ. ‘‘ཨཏྠཏོ པནཱ’’ཏི ཨདྷིཔྤཱཡཏྠཏོ པན. ‘‘ཧཏྠཔྤསཱརཎཾ ཝིཡཱ’’ཏི ལོཀེ ཀིཉྩི ཨིཙྪནྟསྶ ཛནསྶ ཧཏྠཔྤསཱརཎཾ ཝིཡཱཏི ཨདྷིཔྤཱཡོ. ‘‘ཐཱམཔཏྟོ’’ཏི ཨདྷིཔཏི བྷཱཝ པཏྟོཏི ཝུཏྟཾ ཧོཏི. ཏེནཱཧ ‘‘ཏཐཱཧེསཱ’’ཏིཨཱདིཾ. ‘‘ཏཎྷཱཡ ཧཏྠེ ཋིཏཱ’’ཏི ཨུཔཙཱར ཝཙནམེཏཾ. ཏཎྷཱཡ པརིགྒཧིཏཱཏི ཝུཏྟཾ ཧོཏི. ནསཀྑིསྶནྟིཡེཝ, ནོ ནསཀྑིསྶནྟི. ཏསྨཱ ཝེདིཏབྦམེཏཾ ཚནྡོཡེཝ ཏཎྷཱཡ བལཝཏརོཏི. ཀསྨཱ བལཝཏརོཏི. ཨཱདཱིནཝཱནིསཾས དསྶནཉྙཱཎེན ཡུཏྟཏྟཱཏི.

༨༢. ‘‘པཀིརནྟཱི’’ཏི པཏྠརནྟི. ‘‘སམཱནཱ’’ཏི སཱཝཛྫེཧི ཡུཏྟཱ སཱཝཛྫཱ, ཨནཝཛྫེཧི ཡུཏྟཱ ཨནཝཛྫཱཏི ཨེཝཾ སདིསཱ, སཱདྷཱརཎཱ.

ཨཉྙསམཱནརཱསིམྷིཨནུདཱིཔནཱ ནིཊྛིཏཱ.

༨༣. ཨཀུསལརཱསིམྷི. ‘‘མུཡ྄ཧཏཱི’’ཏི ཉཱཏབྦསྶཉེཡྻ དྷམྨསྶ ཨཉྙཱཎ ཝསེན སམྨུཡ྄ཧཏི, ཙིཏྟསྶ ཨནྡྷབྷཱཝོ ཧོཏི. ཙཏུརངྒཏམོ ནཱམ ‘ཀཱལ༹པཀྑ ཙཱཏུདྡསི དིཝསོ, ཨཌྜྷརཏྟི སམཡོ, ཏིབྦཝནསཎྜོ, བཧལམེགྷཙྪནྣོ,ཏི ཨཡཾ ཙཏུརངྒཏམོ. སོ ཙཀྑུསྶ ཨནྡྷབྷཱཝཾ ཀརོཏི. ཨེཝཾ ཏསྶ ཏམསྶ ཙཀྑུསྶ ཨནྡྷབྷཱཝཀརཎཾ ཝིཡ. ཉཱཎགཏིཀོ ཧོཏཱིཏི དཊྛབྦོ ཨཊྛཀཐཱ ནཡེན. ཏམེཝ ཨཊྛཀཐཱ ནཡཾ དསྶེཏུཾ ‘‘ཏཐཱ ཧེསཱ’’ཏིཨཱདི ཝུཏྟཾ. ཨབྷིདྷམྨཊཱིཀཱཡཾ པན མིཙྪཱ ཉཱཎནྟི མིཙྪཱ ཝིཏཀྐོ ཨདྷིཔྤེཏོ. སོ ཧི མིཙྪཱ སངྐཔྤོ ཧུཏྭཱ ནཱནཔྤཀཱར ཙིནྟཱ པཝཏྟི ཝསེན ཉཱཎགཏིཀོ ཧོཏི. མོཧོ པན ཙིཏྟསྶ ཨནྡྷཱི བྷཱུཏོ ¶ , ནཱནཱཙིནྟན ཀིཙྩ རཧིཏོ, ཀཐཾ ཉཱཎགཏིཀོ བྷཝེཡྻཱཏི ཏསྶ ཨདྷིཔྤཱཡོ. ‘‘པཱཔ ཀིརིཡཱསཱུ’’ཏི དུཙྩརིཏ ཀམྨེསུ. ‘‘ཨུཔཱཡ ཙིནྟཱཝསེནཱ’’ཏི ཀཏཀམྨསྶ སིདྡྷཏྠཱཡ སཏྠཱཝུདྷཱདིཝིདྷཱནེསུ ནཱནཱཨུཔཱཡ ཙིནྟཱཝསེན. ཨཔྤཊི པཛྫནཾ ཨཔྤཊི པཏྟི. ཉཱཎ གཏིཾ ཨགམནནྟི ཨཏྠོ. ཏེནཱཧ ‘‘ཨཉྙཱཎམེཝ ཝུཙྩཏཱི’’ཏི. ‘‘ཉཱཎགཏིཀཱ’’ཏི ཉཱཎཔྤཝཏྟིཡཱ སམཱནཔྤཝཏྟིཀཱ. ལོབྷོ ཉཱཎ གཏིཀོ མཱཡཱསཱཋེཡྻ ཀམྨེསུ ཝིཙིཏྟཔྤཝཏྟིཀཏྟཱ. ཝིཙཱརོ ཉཱཎ གཏིཀོ. ཏཐཱཧི སོ ཛྷཱནངྒེསུ ཝིཙིཀིཙྪཱཡ པཊིཔཀྑོཏི ཝུཏྟོ. ཙིཏྟསྶ ཉཱཎ གཏི ཀཏཱ ཝིཙིཏྟཏྠཝཱཙཀེན ཙིཏྟསདྡེན སིདྡྷོ. ཏེ ཙ དྷམྨཱ སབྦ སཏྟེསུ ཉཱཎ གཏིཀཱ ན ཧོནྟི. ཉཱཎཱུཔནིསྶཡཾ ལབྷིཏྭཱ ཨེཝ ཧོནྟཱིཏི དསྶེཏུཾ ‘‘ཏེཧཱི’’ཏིཨཱདིམཱཧ. ཏེ སཱདྷེནྟཱིཏི སམྦནྡྷོ. པཀཏིཡཱ ཝིཉྙུཛཱཏིཀཱ ནཱམ ཏིཧེཏུཀཔྤཊི སནྡྷིཀཱ. ཨཉྙཔྤཊི སནྡྷིཀཱཔི བོདྷིསཏྟ བྷཱུམིཡཾ ཋིཏཱ ཝཱ པཉྙཱཔསུཏ བྷཝཏོ ཨཱགཏཱ ཝཱ. སུཏཔརིཡཏྟི སམྤནྣཱ ནཱམ དྭིཧེཏུཀཔྤཊི སནྡྷིཀཱཔི ཨིམསྨིཾ བྷཝེ བཧུསྶུཏ སམྤནྣཱ ཙ པརིཡཏྟི ཀམྨ སམྤནྣཱ ཙ.

༨༤. ཨཧིརིཀཝཙནཏྠེ. ‘‘ན ཧིརཱིཡཏཱི’’ཏི ནཱམ དྷཱཏུ པདམེཏཾ. ཧརཱཡཏི ལཛྫཏཱིཏི ཧིརཱི. ཧརེ ལཛྫཱཡཾཏི དྷཱཏུ. ན ཧིརཱི ཨཧིརཱིཏི ཝཙནཏྠོ. ‘‘རུཙིཾ ཨུཔྤཱདེཏྭཱ’’ཏི གཱམསཱུ ཀརསྶ གཱུཐརཱསི དསྶནེ ཝིཡ ཙིཏྟརོཙན ཙིཏྟ ཁམནཾ ཨུཔྤཱདེཏྭཱ. ཨཏྟཱནཾ པཱཔཀམྨ ལིམྤཏོ ཙིཏྟསྶ ཨལཱིནཏཱ ཨཛིགུཙྪནཾ ནཱམ. ཨཏྟཱནཾ ཨསཔྤུརིས བྷཱཝཔཏྟིཏོ ཙིཏྟསྶ ཨལཱིནཏཱ ཨལཛྫཱ ནཱམ.

༨༥. ཨནོཏྟཔྤཝཙནཏྠེ. ‘‘ན བྷཱཡཏཱི’’ཏི པཱཔཀམྨཾ བྷཡཏོ ན ཨུཔཊྛཱཏི. ‘‘ན ཨུཏྲསཏཱི’’ཏི པཱཔཀམྨ ཧེཏུ ན ཀམྤཏི. ‘‘ཏཱསཱུ’’ཏི པཱཔཀིརིཡཱསུ. ‘‘ཨསཱརཛྫམཱནཾ ཀཏྭཱ’’ཏི སཱུརཾ ཝིསྶཊྛཾ ཀཏྭཱ. ཨསཱརཛྫཾ ནཱམ སཱུརབྷཱཝོ. ཨནུཏྟཱསོ ནཱམ པཱཔཀམྨ ཧེཏུ ཙིཏྟསྶ ཨཀམྤནཾ. གཱཐཱཡཾ. ཨཛིགུཙྪནསཱིལོ པུགྒལོ ཨཛེགུཙྪཱི. ‘‘པཱཔཱ’’ཏི པཱཔཀམྨཏོ. ‘‘སཱུཀརོ’’ཏི གཱམསཱུཀརོ. སོ གཱུཐཏོ ཨཛེགུཙྪཱི. ཨཧིརིཀོ པཱཔཏོ ཨཛེགུཙྪཱིཏི ཡོཛནཱ. ཨབྷཱཡནསཱིལོ ཨབྷཱིརཱུ. ‘‘སལབྷོ’’ཏི པཊངྒོ. ‘‘པཱཝཀཱ’’ཏི ¶ དཱིཔཛཱལམྷཱ. སལབྷོ པཱཝཀམྷཱ ཨབྷཱིརཱུ ཝིཡ ཨནོཏྟཝྺཱི པཱཔཏོ ཨབྷཱིརཱུཏི ཡོཛནཱ.

༨༦. ཨུདྡྷཙྩཝཙནཏྠེ. ‘‘ཨུདྡྷརཏཱི’’ཏི ཨུཀྑིཔཏི. ཨཱརམྨཎསྨིཾ ན སནྣི སཱིདཏི. ཝིཀྑིཔཏཱིཏི ཝུཏྟཾ ཧོཏི. ‘‘ཝཊྚེཏྭཱ’’ཏི ཨཱཝཊྚེཏྭཱ. ‘‘ཝིསྶཊྛགེཎྜུཀོ ཝིཡཱ’’ཏི ཝིསྶཛྫིཏོ སཱརགེཎྜུཀོ ཝིཡ. ‘‘དྷཛཔཊཱཀཱ ཝིཡཱ’’ཏི ཝཱཏེརིཏཱ དྷཛཔཊཱཀཱ ཝིཡ.

༨༧. ལོབྷཝཙནཏྠེ. ‘‘ལུབྦྷཏཱི’’ཏི གིཛ྄ཛྷཏི, ཨབྷིཀངྑཏི. ཨབྷིསཛྫནཾ ཨབྷིལགྒནཾ. མཀྐཊཾ ཨཱལིམྤཏི བནྡྷཏི ཨེཏེནཱཏི མཀྐཊཱ ལེཔོ. ‘‘ཏཏྟ ཀཔཱལེ’’ཏི ཨགྒིནཱསནྟཏྟེ གྷཊ ཀཔཱལེ. ཏེལསྶ ཝཏྠམྷི ཨཉྫནཾ ཨབྷིལགྒནཾ ཏེལཉྫནཾ. རཛྫནཾ པཊིསཛྫནཾ རཱགོ. ཏེལཉྫན བྷཱུཏོ རཱགོ ཏེལཉྫན རཱགོ. ན ཀིལེསརཱགོ. རཏྟི དིཝཾ པཝཏྟནཊྛེན ཏཎྷཱ ཨེཝ ནདཱིསོཏསདིསཏྟཱ ཏཎྷཱ ནདཱི. ‘‘སཏྟཱནཾ’’ཏི པུཐུཛྫན སཏྟཱནཾ. ‘‘སུཀྑཀཊྛསཱཁཱཔལཱསཏིཎཀསཊཱནཱི’’ཏི སུཀྑ ཀཊྛཀསཊཱནི, སུཀྑ སཱཁཱ ཀསཊཱནཱིཏིཨཱདིནཱ ཡོཛེཏབྦཾ. ཀསཊ སདྡེན ཨསཱརབྷཱཝཾ དཱིཔེཏི. ‘‘ནདཱི ཝིཡཱ’’ཏི པབྦཏེཡྻཱ ནདཱི ཝིཡ.

༨༨. དིཊྛིཝཙནཏྠེ. ‘‘དསྶནཾ’’ཏི པརིཀཔྤནཱ སིདྡྷེསུ མིཙྪཱ སབྷཱཝེསུ ཝིཔརཱིཏ དསྶནཾ. ཏེནཱཧ ‘‘དྷམྨཱནཾ’’ཏིཨཱདིཾ. ཏཏྠ ‘‘དྷམྨཱནཾ’’ཏི རཱུཔཱརཱུཔ དྷམྨཱནཾ, ཨནིཙྩཏཱདི དྷམྨཱནཉྩ. ‘‘ཡཱཐཱཝ སབྷཱཝེསཱུ’’ཏི བྷཱུཏསབྷཱཝེསུ. བྷཱུཏསབྷཱཝོ ཧི ཡཐཱ དྷམྨཾ ཨཝཏི རཀྑཏཱིཏི ཨཏྠེན ཡཱཐཱཝོཏི ཝུཙྩཏི. ཨཏྟཱནཾ པཎྜིཏཾ མཉྙནྟཱིཏི པཎྜིཏ མཱནིནོ. པཊིཝེདྷཉྙཱཎཾ ནཱམ ཨརིཡ མགྒཉྙཱཎཾ. པརམཾ ཝཛྫནྟི དཊྛབྦཱ ལོཀེ མཧཱསཱཝཛྫཊྛེན ཏཾ སདིསསྶ ཨཉྙསྶ ཝཛྫསྶ ཨབྷཱཝཏོཏི ཨདྷིཔྤཱཡོ.

༨༩. མཱནཝཙནཏྠེ. ‘‘མཉྙཏཱི’’ཏི བྷཱུཏསབྷཱཝཾ ཨཏིཀྐམྨ ཨདྷིཀཾ ཀཏྭཱ ཨཧམསྨཱིཏིཨཱདིནཱ ཏེན ཏེན ཨབྷཱུཏཱཀཱརེན མཉྙཏི. ཏེནཱཧ ‘‘ཨཧཾ ལོཀེ’’ཏིཨཱདིཾ. ཏཏྠ ‘‘ཀཊྛཀཐིངྒརོ ཝིཡཱ’’ཏི སུཀྑདཱརུཀྑནྡྷོ ཝིཡ. སོ པན ཨུཔཏྠམྦྷིཏོ མཉྙཏཱིཏི སམྦནྡྷོ. ‘‘ཨཏྟཱནཾ ཨཙྩུགྒཏཾ མཉྙཏཱི’’ཏི པུགྒལཾ མཱནེན ཨབྷིནྣཾ ཀཏྭཱ ཝུཏྟཾ. ‘‘ཨུནྣཏི ལཀྑཎོ’’ཏི ཨུནྣམན སབྷཱཝོ.

༩༠. དོསཝཙནཏྠེ ¶ . ཙཎྜེན ཀཱཡཝཙཱི མནོཀམྨེན སམནྣཱགཏོ ཙཎྜིཀོ. ཙཎྜིཀསྶ བྷཱཝོ ཙཎྜིཀྐཾ. ‘‘པཧཏཱསཱིཝིསོ ཝིཡཱ’’ཏི དཎྜེན པཧཏོ ཨཱསཱིཝིསོ ཝིཡ. ‘‘ཝིསཔྤནཊྛེནཱ’’ཏི སཀལཀཱཡེ ཝིཝིདྷེན སཔྤནཊྛེན, ཕརཎཊྛེན. ཨིདཉྩ ཏཾ སམུཊྛཱན རཱུཔཱནཾ ཕརཎ ཝསེན ཝུཏྟཾ. ‘‘ཨསནིཔཱཏོ ཝིཡཱ’’ཏི སུཀྑཱ སནིཔཏནཾ ཝིཡ. ‘‘དཱཝགྒིཝིཡཱ’’ཏི ཨརཉྙགྒི ཝིཡ. ‘‘སཔཏྟོ ཝིཡཱ’’ཏི དུཊྛཝེརཱི ཝིཡ. ‘‘ཝིསསཾསཊྛཔཱུཏིམུཏྟཾ ཝིཡཱ’’ཏི ཡཐཱ མུཏྟཾ ནཱམ པཀཏིཡཱ ཨེཝ དུགྒནྡྷཏྟཱ པཊིཀུལཏྟཱ དཱུརེ ཚཊྚནཱིཡནྟི ཨཧིཏམེཝ ཧོཏི. པུན པཱུཏིབྷཱཝེ སཏི, དཱུརཏརེ ཚཊྚེཏབྦཾ. ཝིསསཾསཊྛེཔན ཝཏྟབྦམེཝནཏྠི. སབྦསོ ཨཧིཏརཱསི ཧོཏི. ཨེཝཾ དོསོཔི ཏཾ སམངྒཱིནོ ཏསྨིཾ ཁཎེ པརེསཾ ཨམནཱཔིཡཏཾ ཨཱཔཱདེཏི. ཨཏྟཧིཏ པརཧིཏ ཝིནཱསཉྩ ཀཱརེཏི, པརམྨརཎཱ ཨཔཱཡཉྩ པཱཔེཏཱིཏི སབྦསོ ཨཧིཏརཱསི ཧོཏི. ཏེན ཝུཏྟཾ ‘‘ཝིསསཾསཊྛཔཱུཏི མུཏྟཾ ཝིཡ དཊྛབྦོ’’ཏི.

༩༡. ཨིསྶཱཝཙནཏྠེ. དུཝིདྷཱ ཨིསྶཱལདྡྷསམྤཏྟི ཝིསཡཱ ཙལབྷིཏབྦ སམྤཏྟི ཝིསཡཱ ཙ. ཏཏྠ ལདྡྷ སམྤཏྟི ཝིསཡཾ ཏཱཝདསྶེཏི ‘‘པརེསཾ པཀཏིཡཱ’’ཏིཨཱདིནཱ. ལདྡྷ སམྤཏྟིགྒཧཎེན ཨཏཱིཏ སམྤཏྟིཔི སངྒཧིཏཱཏི དཊྛབྦཱ. ཨིསྶཱཔཀཏིཀཱཧི ཀེཙི ཨསུཀོ ནཱམ པུབྦེ ཨེཝཾ སམྤཏྟིཀོ ཨཧོསཱིཏི ཝཱ, ཨཧཾ པུབྦེ ཨེཝཾ སམྤཏྟིཀོ ཨཧོསིནྟི ཝཱ སུཏྭཱ ནསཧནྟིཡེཝ. ཏཾ ཝཙནཾ སོཏུཾཔི ན ཨིཙྪནྟཱིཏི. ཨསུཀོཏིཨཱདིནཱ ལབྷིཏབྦསམྤཏྟི ཝིསཡཾ དསྶེཏི.

༩༢. མཙྪརིཡཝཙནཏྠེ. ‘‘མམ ཨེཝཱ’’ཏི མམཔཀྑེ ཨེཝཱཏི ཨདྷིཔྤཱཡོ. ‘‘གུཎཛཱཏཾ’’ཝཱཏི ཨཏྟནིཝིཛྫམཱནཾ སིཔྤཝིཛྫཱདི སམྤཏྟི གུཎཛཱཏཾ ཝཱ. ‘‘ཝཏྠུ ཝཱ’’ཏི དྷནདྷཉྙཱདིཝཏྠུ ཝཱ. ‘‘ཨཝིཔྥཱརིཀཏཱཝསེནཱ’’ཏི ཨཉྙེན ཏཾ སིཔྤཝིཛྫཱདིཀཾ ཝཱ དྷནདྷཉྙཱདིཀཾ ཝཱ མཡ྄ཧཾ དེཧཱིཏི ཝུཏྟེ པརཧིཏཏྠཱཡ དཱཏབྦ ཡུཏྟཀཾ དསྶཱམཱིཏི ཨེཝཾ ཙིཏྟེསཏི, པརཧིཏཔྥརཎཱཝསེན ཏཾ ཙིཏྟཾ ཝིཔྥཱརིཀཾ ནཱམ ཧོཏི. དེཧཱིཏི ཝཙནམྤི སོཏུཾ ཨནིཙྪནྟོ པརཧིཏཏྠཱཡ ཨཝིཔྥཱརིཀ ཙིཏྟོ ནཱམ ཧོཏི. ཨེཝཾ ཨཝིཔྥཱརིཀཏཱཝསེན ཙརཏི པཝཏྟཏཱིཏི མཙྪརཉྩ ཀཱརསྶ ཚ ཀཱརཾ ¶ ཀཏྭཱ. ཏཐཱ པཝཏྟཾ ཙིཏྟཾ. པུགྒལོ པན མཙྪརཱིཏི ཝུཙྩཏི. ‘‘ཏཾ’’ཏི ལདྡྷསམྤཏྟིཾ. ‘‘པརེཧི སཱདྷཱརཎཾ དིསྭཱ’’ཏིཨཱདིནཱ ཡོཛེཏབྦཾ. སཱདྷཱརཎནྟི ཙ དྭིསནྟཀཾ ཝཱཏི སནྟཀཾ ཝཱ བྷཝིསྶམཱནཾ, པརེཧི ཝཱ པརིབྷུཉྫིཡམཱནཾ. ‘‘ནིགྒུཧནལཀྑཎཾ’’ཏི རཀྑཱཝརཎགུཏྟཱིཧིསངྒོཔན སབྷཱཝཾ. ཨཏྟནཱ ལདྡྷ སམྤཏྟི ནཱམ ཨིསྶཱཡ ཨཝིསཡོ. ལབྷིཏབྦསམྤཏྟི པན ཨུབྷཡ སཱདྷཱརཎཾ. ཏསྨཱ ཏཏྠ ཨུབྷིནྣཾ ཝིསེསོ ཝཏྟབྦོཏི ཏཾ དསྶེཏུཾ ‘‘ཨེཏྠ ཙཱ’’ཏིཨཱདིམཱཧ. ‘‘ཡསྶ ལཱབྷཾ ན ཨིཙྪཏཱི’’ཏི ཨཏྟནཱ ལབྷཏུ ཝཱ མཱཝཱ, ཀེཝལཾ པར སམྤཏྟིཾ ཨསཧནྟོ ཡསྶ པརསྶ ལཱབྷཾ ན ཨིཙྪཏི. ‘‘ཙིཏྟ ཝིགྷཱཏོ’’ཏི ཙིཏྟ ཝིཧཉྙནཾ. ‘‘ཨཏྟནཱ ལདྡྷུཾ ཨིཙྪཏཱི’’ཏི པརོ སམྤཛྫཏུ ཝཱ མཱཝཱ, ཡཏྠ པརལཱབྷེསཏི, ཨཏྟནཱ ན ལབྷིསྶཏི, ཏཏྠ ཨཏྟནཱཝ ལདྡྷུཾ ཨིཙྪཏི. ཡཏྠ ཨཏྟནཱ ཙ ལབྷཏི, པརོ ཙ ལབྷཏི, ཏཏྠ ཝིགྷཱཏོ ནཏྠཱིཏི ཨདྷིཔྤཱཡོ. ‘‘ཨལབྦྷམཱནཀཾ ཙིནྟེཏྭཱ’’ཏི ཨཏྟནཱ ཨལབྷིསྶམཱནཾ སལླཀྑེཏྭཱ.

༩༣. ཀུཀྐུཙྩཝཙནཏྠེ. ‘‘ཀིརིཡཱ ཀཏཾ’’ཏི ཀཏ སདྡསྶབྷཱཝ སཱདྷནམཱཧ. ཨེཝཾ ཝཙནཏྠཾ དསྶེཏྭཱ ཨབྷིདྷེཡྻཏྠཾ དསྶེནྟོ ‘‘ཨཏྠཏོ པནཱ’’ཏིཨཱདིམཱཧ. ‘‘ཨནུསོཙན ཝསེནཱ’’ཏི པཙྪཱ པུནཔྤུནཾ ཙིཏྟསནྟཱཔཝསེན. སོ ཀུཀཏནྟི ཝུཙྩཏཱིཏི སམྦནྡྷོ. ‘‘ཀུསལ དྷམྨེསཱུ’’ཏི པུཉྙ ཀིརིཡཝཏྠུ དྷམྨེསུ ཙིཏྟ པརིཡཱདཱནཱཡ ཨེཝ སཾཝཏྟཏི. ཀུཀྐུཙྩ སམངྒཱི པུགྒལོ པུཉྙཀམྨཾ ཀརོནྟོཔི ཙིཏྟ སུཁཾ ན ལབྷཏི. བཧུཛན མཛ྄ཛྷེ ཝསིཏྭཱ ནཱནཱཀིཙྩཱནི ཀརོནྟོ ནཱནཱ ཏིརཙྪཱན ཀཐཾ ཀཐེནྟོ ཙིཏྟ སུཁཾ ལབྷཏི. ཏདཱ ཏསྶ པུཉྙཀམྨ ཀརཎཏྠཱཡ ཙིཏྟཾ པརིཡཱདཱིཡཏི, པརིཀྑིཡྻཏི. ཙིཏྟཝསཾ གཙྪནྟོ ཝིཙརཏི. ཨེཝཾ ཙིཏྟ པརིཡཱདཱནཱཡ ཨེཝ སཾཝཏྟཏི. ‘‘ཨཊྛཀཐཱཡཾ’’ཏི ཨཊྛསཱལིནིཡཾ. ‘‘ཀཏཱ ཀཏསྶ སཱཝཛྫཱནཝཛྫསྶཱ’’ཏི པུབྦེ ཀཏསྶ སཱཝཛྫཀམྨསྶ, ཨཀཏསྶ ཨནཝཛྫ ཀམྨསྶ. ཀམྨཏྠེསཱམིཝཙནཾ. ‘‘ཨབྷིམུཁགམནཾ’’ཏི ཨཱརམྨཎ ཀརཎཝསེན ཙིཏྟསྶ ཨབྷིམུཁཔྤཝཏྟནཾ. ཨེཏེན པཊིམུཁཾ སརཎཾ ཙིནྟནཾ པཊིསཱརོཏི དསྶེཏི. ‘‘ཨཀཏཾ ན ཀརོཏཱི’’ཏི ཨཀཏཾ ཀཱཏུཾ ན སཀྐོཏཱིཏི ཨདྷིཔྤཱཡོ. ཨེཝཾ ཀཏཾ ན ཀརོཏཱིཏི ཨེཏྠཔི. ‘‘ཝིརཱུཔོ’’ཏི ¶ ཝཱིབྷཙྪོ ཨསོབྷཎོ. ‘‘ཀུཙྪིཏོ’’ཏི གརཧིཏབྦོ. ནནུ པུབྦེ ཙིཏྟུཔྤཱདོ ཀུཙྪིཏོཏི ཝུཏྟོ. ཨཊྛཀཐཱཡཾ པན ཝིཔྤཊིསཱརོ ཀུཙྪིཏོཏི ཝུཏྟོ. ཨུབྷཡམེཏཾ ན སམེཏཱིཏི. ནོ ན སམེཏི, ཨཉྙཐཱནུ པཔཏྟིཏོཏི དསྶེཏུཾ ‘‘ཨེཏྠ ཙཱ’’ཏིཨཱདིམཱཧ. ‘‘ཡེན ཙ ཀཱརཎེནཱ’’ཏི ཀཏཱཀཏཾ པཊིཙྩ ནིརཏྠཀ ཙིཏྟཔྤཝཏྟི ཀཱརཎེན. སོ ཙིཏྟུཔྤཱདོཝ ཀུཀཏཔདེ གཧེཏུཾ ཡུཏྟོ, ནཝིབྷཱཝནིཡཾ ཝིཡ ཀཏཱཀཏ དུཙྩརིཏ སུཙརིཏནྟི ཨདྷིཔྤཱཡོ. ནནུ ཝིབྷཱཝནིཡམྤི སོ ཙིཏྟུཔྤཱདོཝ ཨུཔཙཱར ནཡེན གཧིཏོཏི ཙེ. ཡུཏྟི ཝསེན ཙ ཨཊྛཀཐཱགམེན ཙ མུཁྱཏོ སིདྡྷེ སཏི, ཀིཾ ཨུཔཙཱར ནཡེན. ཏེནཱཧ ‘‘ཝིབྷཱཝནིཡཾ པནཱ’’ཏིཨཱདིཾ. ཀུཀཏསྶབྷཱཝོ ཀུཀྐུཙྩཾ, ཨཀཱརསྶ ཨུཀཱརཾ ཀཏྭཱཏི ཨཡཾ ཨཊྛཀཐཱནཡོ. ཨིདཱནི སདྡསཏྠནཡེན ཨཔརཾ ཝཙནཏྠཉྩ ཨདྷིཔྤཱཡཏྠཉྩ དསྶེཏུཾ ‘‘ཨཔི ཙཱ’’ཏིཨཱདི ཨཱརདྡྷཾ. ཏཏྠ ‘‘དྷཱཏུཔཱཋེསཱུ’’ཏི ཨཀྑརདྷཱཏུཔྤཀཱསནེསུ ནིརུཏྟི པཱཋེསུ. པཋནྟིཡེཝ, ནོ ན པཋནྟི. ཏེ ཙ ཨཏྠཱ ཙེཏསོ ཝིཔྤཊིསཱརོ མནོ ཝིལེཁོཏི ཨེཝཾ པཱལི༹ཡཾ ཝུཏྟེཧི ཀུཀྐུཙྩཔརིཡཱཡེཧི སམེནྟིཡེཝ. ཏསྨཱ ཨཡཾ ཨཔརོནཡོ ཨིདྷ ཨཝསྶཾ ཝཏྟབྦོ ཡེཝཱཏི དཱིཔེཏི. ཝིཔྤཊི སཱརིཔུགྒལོ ཙ ཏཾ ཏཾ པུཉྙཀམྨཾ ཀརོནྟོཔི ཝིཔྤཊི སཱརགྒིནཱ དཡ྄ཧམཱན ཙིཏྟོ པུཉྙཀམྨེ ཙིཏྟཔྤསཱདཾ ནལབྷཏི. ཙིཏྟ སུཁཾ ན ཝིནྡཏི. ཀིཾ ཨིམིནཱ ཀམྨེནཱཏི ཏཾ པཧཱཡ ཡཏྠ ཙིཏྟ སུཁཾ ཝིནྡཏི, ཏཏྠ ཝིཙརཏི. ཨེཝཾ ཝིཔྤཊིསཱརོ པུཉྙཀམྨཏོ སངྐོཙནཾ ནཱམ ཧོཏཱིཏི. ཀིལེསསལླིཁནཾ ནཱམ སནྟུཊྛི སལླེཁཔྤཊིཔཏྟིཡཾ ཋིཏསྶ ཏདངྒཔྤཧཱནཱདིཝསེན ཏཾ ཏཾ ཀིལེསཔྤཧཱནཾ ཝུཙྩཏི. ‘‘ཨནུཏྠུནནཱཀཱརེནཱ’’ཏི པུནཔྤུནཾ ཝིལཔནཱཀཱརེན. སངྐོཙཏཱིཏི ཝཏྭཱ ཏསྶ ཨུབྷཡཾ ཨཏྠཾ དསྶེནྟོ ‘‘ཀུསལཀམྨ སམཱདཱནེ’’ཏིཨཱདིམཱཧ. ནམིཏུམྤི ན དེཏི. ཀུཏོ སམཱདཱཏུཾ ཝཱ ཝཌྜྷེཏུཾ ཝཱ དསྶཏཱིཏི ཨདྷིཔྤཱཡོ. ‘‘ཏནུཀརཎེནཱ’’ཏི དུབྦལཀརཎེན. ཝིསེསནཊྛེཀརཎ ཝཙནཾ. ‘‘སོ’’ཏི དྷམྨསམཱུཧོ. ཏཾ པན ཀུཀྐུཙྩཾ. ཀེཙི པན ཀུཀྐུཙྩཾ པཙྩུཔྤནྣ སུཙརིཏ དུཙྩརིཏཱ རམྨཎམྤི ཨནཱགཏ སུཙརིཏ དུཙྩརིཏཱ རམྨཎམྤི ཀཔྤེནྟི. ཏཾ པཊིཀྑིཔནྟོ ‘‘ཏེནཱ’’ཏིཨཱདིམཱཧ ¶ . མཧཱནིདྡེསཔཱཋེ དྭཱིཧཱཀཱརེཧི ཨུཔྤཛྫཏི ཀུཀྐུཙྩཾ ཙེཏསོ ཝིཔྤཊིསཱརོ མནོཝིལེཁོཏི པཱཋོ. ‘‘ཀཏཏྟཱ ཙཱ’’ཏི ཨཀཏྟབྦསྶ ཀཏཏྟཱ ཙ. ‘‘ཨཀཏཏྟཱ ཙཱ’’ཏི ཀཏྟབྦསྶ ཨཀཏཏྟཱ ཙ. ཀེཙི པན ཨཡཾ ཝིཔྤཊིསཱརོ ནཱམ ཀདཱཙི ཀསྶཙི ཀེནཙི ཀཱརཎེན པུབྦེཀཏ སུཙརིཏམྤི ཨཀཏ དུཙྩརིཏམྤི ཨཱརབྦྷ ཨུཔྤཛྫཏི. ཨུམྨཏྟཀསདིསཉྷི པུཐུཛྫན ཙིཏྟནྟི ཝདནྟི. ཏཾ པཊིཀྑིཔནྟོ ‘‘ཨེཏེནཱ’’ཏིཨཱདིམཱཧ. སོ པན ཀེསཉྩི ཝཱདེ ཝིཔྤཊིསཱརོ ནཱམ དོམནསྶཾ ཧོཏི, ན ཀུཀྐུཙྩནྟི ཨདྷིཔྤཱཡོ. སོཙ ཁོ དྭིདྷཱ བྷཱཝོ. ཨཔཱཡབྷཡེན ཏཛྫཱིཡནྟི ཏཱསཱིཡནྟཱིཏི ཨཔཱཡབྷཡ ཏཛྫིཏཱ. ‘‘ན ཨཉྙེསཾ’’ཏི སུཙརིཏ དུཙྩརིཏཾ ཨཛཱནནྟཱནཾ ཨམནསིཀརོནྟཱནཉྩ ན ཧོཏི. ཀཐཾ ཝིཉྙཱཡཏཱིཏི ཙེ. སུཙརིཏདུཙྩརིཏ ནཱམེན ཨནུསོཙནཱཀཱརསྶ དསྶིཏཏྟཱཏི ཝུཏྟཾ ‘‘ཨཀཏཾ མེ’’ཏིཨཱདི. ཡཱཐཱཝམཱནོ ནཱམ སེཡྻསྶ སེཡྻོ ཧམསྨཱིཏི སདིསསྶ སདིསོཧམསྨཱིཏི ཧཱིནསྶ ཧཱིནོཧམསྨཱིཏིཨཱདིནཱ པཝཏྟོ བྷཱུཏམཱནོ. ཡཉྩཀུཀྐུཙྩཾ ཨུཔྤཛྫཏཱིཏི སམྦནྡྷོ. ‘‘ཨཀཏྭཱ’’ཏི ཏཾ ཀལྱཱཎ ཀམྨཾ ཨཀཏྭཱ. ‘‘ཀཏྭཱ’’ཏི ཏཾ པཱཔཀམྨཾ ཀཏྭཱ. ཨིདཾ པན པུབྦེཀཏཱ ཀཏཀཱལེ ཨེཝ ཨཡཱཐཱཝཾ ཧོཏི. ཨནུསོཙན ཀཱལེཔན ཡཱཐཱཝམེཝ. ‘‘ཧཏྠ ཀུཀྐུཙྩཾ’’ཏི ཨེཏྠ སངྐོཙནཏྠོ ན ལབྦྷཏི. ཀུཙྪིཏ ཀིརིཡཏྠོ ཨེཝ ལབྦྷཏི. ཧཏྠལོལཏཱཧི ཧཏྠ ཀུཀྐུཙྩནྟི ཝུཙྩཏི. པཱདལོལཏཱ ཙ པཱདཀུཀྐུཙྩཾ. ཏེནཱཧ ‘‘ཨསཾཡཏ ཀུཀྐུཙྩཾ ནཱམཱ’’ཏི. ཡཾ པན ཀུཀྐུཙྩཾ. ‘‘ཏཾ’’ཏི ཏཾ ཝཏྠུཾ. ཀུཀྐུཙྩཾ ཀརོནྟཱིཏི ཀུཀྐུཙྩཱཡནྟཱ. ནཱམདྷཱཏུ པདཉྷེཏཾ. ཀཔྤཏི ནུ ཁོ, ན ནུ ཁོ ཀཔྤཏཱིཏི ཨེཝཾ ཝིནཡ སཾསཡཾ ཨུཔྤཱདེནྟཱཏི ཨཏྠོ. ‘‘ཀུཀྐུཙྩཔྤཀཏཏཱཡཱ’’ཏི ཀུཀྐུཙྩེན ཨཔཀཏཏཱཡ ཨབྷིབྷཱུཏཏཱཡ. ‘‘ཨཏྟནོ ཨཝིསཡེ’’ཏི ཨཱཎཱཙཀྐཋཱནེ. ཨཱཎཱཙཀྐ སཱམིནོ བུདྡྷསྶཝིསཡཏྟཱ ཨཏྟནོ སཱཝཀ བྷཱུཏསྶ ཨཝིསཡེཏི ཨཏྠོ. ཡེ པན ཀརོནྟིཡེཝ ཀུཀྐུཙྩཱཡནྟཱ པཱིཏི ཨདྷིཔྤཱཡོ. ‘‘ཨཱཔཏྟིཾ’’ཏི དུཀྐཊཱཔཏྟིཾ.

༩༤-༩༥. ཐིནམིདྡྷཝཙནཏྠེསུ. ‘‘ཙིཏྟཾ མནྡམནྡཾ ཀཏྭཱ’’ཏི ཙིནྟན ཀིཙྩེ ཨཏིམནྡཾ པརིདུབྦལཾ ཀཏྭཱ. ཙིཏྟཾ གིལཱནཾ མིལཱཏཾ ཀཏྭཱཏི ¶ ཝུཏྟཾ ཧོཏི. ‘‘ཨཛ྄ཛྷོཏྠརཏཱི’’ཏི ཨབྷིབྷཝཏི. ཨཱརམྨཎ ཝིཛཱནནེ ཝཱ ཛཝནཀིཙྩེ ཝཱ པརིཧཱིནཐཱམབལཾ ཀརོཏི. ‘‘ཐིཡཏཱི’’ཏི པདཾ པཱལི༹ཝསེན སིདྡྷནྟི ཨཱཧ ‘‘ཐིནཾ ཐིཡནཱ’’ཏིཨཱདིཾ. ‘‘ཨཀམྨཉྙབྷཱུཏེ ཀཏྭཱ’’ཏི ཀཱཡཀམྨཱདཱིསུ ཨཀམྨཀྑམེ པརིདུབྦལེ ཀཏྭཱ. [མུགྒརེན པོཐེཏྭཱ ཝིཡཱཏི ཝུཏྟཾ ཧོཏི ]. ‘‘ཏེ’’ཏི ཙིཏྟ ཙེཏསིཀེ སམྤཡུཏྟ དྷམྨེ. ‘‘ཨོལཱིཡཱཔེཏྭཱ’’ཏི ཨཝལཱིནེ ཨཝསཱིདནྟེ ཀཏྭཱ. ཏེནཱཧ ‘‘ཨིརིཡཱ པཐཾ པཱི’’ཏིཨཱདིཾ. ཐིནཾ ཙིཏྟཾ ཨབྷིབྷཝཏི, ཝིཛཱནན ཀིཙྩསྶ གེལཉྙཏྟཱ ཐིནསྶ. མིདྡྷཾ ཙེཏསིཀེ ཨབྷིབྷཝཏི, ཕུསནཱདི ཀིཙྩསྶ གེལཉྙཏྟཱ མིདྡྷསྶཱཏི ཨདྷིཔྤཱཡོ.

༩༦. ཝིཙིཀིཙྪཱཝཙནཏྠེ. ‘‘ཙིཀིཙྪནཾ’’ཏི རོགཱཔནཡ ནཏྠེ ཀིཏདྷཱཏུཝསེན སིདྡྷཾ སངྑཏ ཀིརིཡཱ པདནྟི ཨཱཧ ‘‘ཉཱཎཔྤཊིཀཱརོཏི ཨཏྠོ’’ཏི. ‘‘པཊིཀཱརོ’’ཏི ཙ རོགསྶ པཊིཔཀྑ ཀམྨཾ. ‘‘ཨེཏཱཡཱ’’ཏི ནིསྶཀྐཝཙནཾ. ཝིཙིནནྟི དྷམྨཾ ཝིཙིནནྟཱིཏི ཝིཙིནོ. དྷམྨ ཝཱིམཾསཀཱ. ཀིཙྪཏི ཀིལམཏི ཨེཏཱཡཱཏི ཀིཙྪཱ. ཝིཙིནཾ ཀིཙྪཱཏི ཝིཙིཀིཙྪཱཏི ཨིམམཏྠཾ དསྶེནྟོ ‘‘སབྷཱཝཾ’’ཏིཨཱདིམཱཧ. ‘‘ཝིཙིཀིཙྪཏཱི’’ཏི སངྑཏདྷཱཏུཔདཾ. ཏཉྩ ཀངྑཱཡཾ ཝཏྟཏཱིཏི དསྶེཏུཾ ‘‘ཝིཙིཀིཙྪཏི ཝཱ’’ཏིཨཱདི ཝུཏྟཾ. དྭིདྷཱ ཨེལ༹ཡཏི ཀམྤཏཱིཏི དྭེལ༹ཀཾ. ཏཐཱ པཝཏྟཾ ཙིཏྟཾ. དྭེལ༹ཀསྶ བྷཱཝོཏི ཝིགྒཧོ. ‘‘བུདྡྷཱདཱིསུ ཨཊྛསཱུ’’ཏི བུདྡྷེ ཀངྑཏི, དྷམྨེ ཀངྑཏི, སངྒྷེ ཀངྑཏི, སིཀྑཱཡ ཀངྑཏི, པུབྦནྟེ ཀངྑཏི, ཨཔརནྟེ ཀངྑཏི, པུབྦནྟཱ པརནྟེ ཀངྑཏི, ཨིདཔྤཙྩཡཏཱ པཊིཙྩ སམུཔྤནྣེསུ དྷམྨེསུ ཀངྑཏཱིཏི ཨེཝཾ ཝུཏྟེསུ ཨཊྛསུ སདྡྷེཡྻ ཝཏྠཱུསུ. ཏཏྠ ‘‘བུདྡྷེ ཀངྑཏཱི’’ཏི ཨིཏིཔི སོ བྷགཝཱ ཨརཧཾཏིཨཱདིནཱ ཝུཏྟེསུ བུདྡྷགུཎེསུ ཨསདྡཧནྟོ བུདྡྷེ ཀངྑཏི ནཱམ. སྭཱཀྑཱཏོ བྷགཝཏཱ དྷམྨོཏིཨཱདིནཱ ཝུཏྟེསུ དྷམྨ གུཎེསུ ཨསདྡཧནྟོ དྷམྨེ ཀངྑཏི ནཱམ. སུཔྤཊིཔནྣོ བྷགཝཏོ སཱཝཀསངྒྷོཏིཨཱདིནཱ ཝུཏྟེསུ སངྒྷགུཎེསུ ཨསདྡཧནྟོ སངྒྷེ ཀངྑཏི ནཱམ. ཏིསྶནྣཾ སིཀྑཱནཾ ཝཊྚ དུཀྑཏོ ནིཡྻཱནཊྛེསུ ཨསདྡཧནྟོ སིཀྑཱཡ ཀངྑཏི ནཱམ. ཨཏྟནོ ཨཏཱིཏ བྷཝསྶ ཨཏྠི ནཏྠིབྷཱཝེ ཀངྑནྟོ པུབྦནྟེ ཀངྑཏི ནཱམ. ཨཏྟནོ པརམྨརཎཱ ཨནཱགཏ བྷཝསྶ ཨཏྠི ནཏྠིབྷཱཝེ ཀངྑནྟོ ཨཔརནྟེ ཀངྑཏི ནཱམ. ཏདུབྷཡསྶ ཨཏྠི ནཏྠི བྷཱཝེ ¶ ཀངྑནྟོ པུབྦནྟཱ པརནྟེ ཀངྑཏི ནཱམ. ཨིམསྨིཾ བྷཝེ ཨཏྟནོ ཁནྡྷཱནཾ པཊིཙྩ སམུཔྤཱདེ ཙ པཊིཙྩ སམུཔྤནྣབྷཱཝེ ཙ ཀངྑནྟོ ཨིདཔྤཙྩཡཏཱ པཊིཙྩ སམུཔྤནྣེསུ དྷམྨེསུ ཀངྑཏི ནཱམ. ‘‘ཝིམཏི ཝསེནཱ’’ཏི ཝེམཏིཀབྷཱཝེན. པཝཏྟམཱནཱ ཝིཙིཀིཙྪཱ. ཝིཙིཀིཙྪཱ པཊིརཱུཔཀཱ ནཱམ སབྦ དྷམྨེསུ ཨཔྤཊིཧཏབུདྡྷཱིནཾ སབྦཉྙུ བུདྡྷཱནཾ ཨེཝ ནཏྠཱིཏི ཝུཏྟཾ ‘‘ཨསབྦཉྙཱུནཾ’’ཏིཨཱདི.

ཨཀུསལརཱསིམྷིཨནུདཱིཔནཱ ནིཊྛིཏཱ.

༩༧. སདྡྷཱཝཙནཏྠེ. ‘‘སནྣིསིནྣཾ’’ཏི ཨཙལིཏཾ. ‘‘སུཊྛཱུ’’ཏི ཨནསྶནྟཾ ཨཙལནྟཉྩ ཀཏྭཱ. ‘‘དྷཱརེཏཱི’’ཏི ཨེཝམེཝ ཧོཏཱིཏི སལླཀྑཎཝསེན དྷཱརེཏི. ཏཐཱ ཋཔེཏཱིཏི. སདྡཧནྟི ཝཱ སདྡྷཱ སམྤནྣཱ སཏྟཱ. སདྡྷཱཏུཾ ཨརཧནྟཱིཏི སདྡྷེཡྻཱནི. ཨཀཱལུསྶཾ ཝུཙྩཏི ཨནཱཝིལཾ ཙིཏྟཾ. ཨཀཱལུསྶཾ ཨེཝ ཨཀཱལུསྶིཡཾ. ཏསྶ བྷཱཝོཏི ཝིགྒཧོ. ‘‘ཨོཀཔྤནཱ’’ཏི ཨཧོསཱདྷུ ཨཧོསུཊྛཱུཏི ཨདྷིམུཙྩནཝསེན ཙིནྟནཱ. ‘‘མིཙྪཱདྷིམོཀྑོ ཡེཝཱ’’ཏི དིཊྛིསམྤཡུཏྟོ ཨདྷིམོཀྑོཡེཝ. ‘‘ཝིཏྟེ ཨསཏཱི’’ཏི དྷནེ ཨསཏི. དྷནཉྷི ཝིཏྟནྟི ཝུཙྩཏི. ཡཾ ཡཾ ཨིཙྪཏི, ཏཾ ཏཾ ཝིནྡནྟི ཨེཏེནཱཏི ཀཏྭཱ. ‘‘ཏེསཾ’’ཏི མནུསྶཱནཾ.

༩༨. སཏིཝཙནཏྠེ. ‘‘སརཏཱི’’ཏི ཨནུསྶརཏི. ‘‘ཀཏཱནཱི’’ཏི པུབྦེཀཏཱནི. ‘‘ཀཏྟབྦཱནཱི’’ཏི ཨིདཱནི ཝཱ པཙྪཱ ཝཱ ཀཏྟབྦཱནི. ཀལྱཱཎ ཀམྨཾ ནཱམཔཀཏིཡཱ ཙིཏྟསྶ རཏིཊྛཱནཾ ན ཧོཏི. པཱཔ ཀམྨམེཝ ཙིཏྟསྶ རཏིཊྛཱནཾ ཧོཏི. ཏསྨཱ ཀལྱཱཎ ཀམྨེ ཨེཝ ཨཔྤམཛྫིཏུཾ ཝིསུཾ སཏིནཱམ ཨིཙྪིཏབྦཱ. པཱཔཀམྨེ པན ཝིསུཾ སཏིཡཱ ཀིཙྩཾ ནཏྠི. སབྦེཔི ཙིཏྟཙེཏསིཀཱ དྷམྨཱ ཨཔམཏྟ རཱུཔཱ ཧོནྟི. ཏེནཱཧ ‘‘ཨིཏརཱཔནཱ’’ཏིཨཱདིཾ. ‘‘སཏིཡེཝ ན ཧོཏཱི’’ཏི ཝིསུཾ སཏི ནཱམཀོ ཨེཀོ ཙེཏསིཀོཡེཝ ན ཧོཏི. ཀཏམཱ པན སཱ ཧོཏཱིཏི ཨཱཧ ‘‘ཀཏསྶཱ’’ཏིཨཱདིཾ. ཏཏྠ ཀཏསྶ ཨཔྤམཛྫནཾ ནཱམ ཀེསཉྩི ཨནུམོདནཝསེན ཀེསཉྩི ཨནུསོཙནཝསེན ཨཔྤམཛྫནཾ. ཀཏྟབྦསྶ ཨཔྤམཛྫནཾ ནཱམ ནིཙྩཀཱལམྤི ཀཱཏུཾ ཨབྷིམུཁཏཱ. ‘‘ཀཏསྶཱ’’ཏི ¶ ཝཱ བྷུམྨཏྠེ སཱམིཝཙནཾ. ཏཐཱ སེསེསུ དྭཱིསུ པདེསུ. སབྦེསུ རཱཛཀམྨེསུ ནིཡུཏྟོ སབྦཀམྨིཀོ. ‘‘ནིཡུཏྟོ’’ཏི ཨཔྤམཏྟོ ཧུཏྭཱ བྱཱཝཊཀཱཡ ཙིཏྟོ. སབྦེསུ ཋཱནེསུ ཨིཙྪིཏབྦཱཏི སབྦཏྠིཀཱ. སཱ ཧི ཚསུ དྭཱརེསུ ཙིཏྟསྶ ཨཱརཀྑ ཀིཙྩཱ ཧོཏི ཨིནྡྲིཡ སཾཝརཎ དྷམྨཏྟཱ. ཏསྨཱ ཚསུ དྭཱརེསུ ཨིཊྛཱརམྨཎེ ལོབྷམཱུལཙིཏྟསྶ ཨནུཔྤཛྫནཏྠཱཡ སཱ ཨིཙྪིཏབྦཱ, ཨནིཊྛཱ རམྨཎེ དོསམཱུལ ཙིཏྟསྶ, མཛ྄ཛྷཏྟཱརམྨཎེ མོཧམཱུལ ཙིཏྟསྶཱཏི. ཨཔི ཙ, བོཛ྄ཛྷངྒ བྷཱཝནཱ ཋཱནེསུ ཨིདཾ སུཏྟ པདཾ ཝུཏྟཾ. ཏསྨཱ བྷཱཝནཱ ཙིཏྟསྶ ལཱིནཊྛཱནེཔི སཱ ཨིཙྪིཏབྦཱ ལཱིནཔཀྑཏོ ཙིཏྟསྶ ནཱིཝཱརཎཏྠཱཡཱཏིཨཱདིནཱ ཡོཛེཏབྦཱ.

༩༩-༡༠༠. ཧིརིཨོཏྟཔྤཝཙནཏྠེསུ. ‘‘ཀཱཡདུཙྩརིཏཱདཱིཧི ལཛྫཏཱི’’ཏི ཏཱནིཀཱཏུཾ ལཛྫཏི. ཏཱནི ཧཱིནཀམྨཱནི ལཱམཀཀམྨཱནཱིཏི ཧཱིལེ༹ཏྭཱ ཏཏོ ཨཏྟཱནཾ རཀྑིཏུཾ ཨིཙྪཏི. ཏེནཱཧ ‘‘ཛིགུཙྪཏཱི’’ཏི. ‘‘ཨུཀྐཎྛཏཱི’’ཏི ཝིརུཛ྄ཛྷཏི, ཝིཡོགཾ ཨིཙྪཏི. ‘‘ཏེཧི ཡེཝཱ’’ཏི ཀཱཡ དུཙྩརིཏཱདཱིཧིཡེཝ. ‘‘ཨུབྦིཛྫཏཱི’’ཏི ཨུཏྟསཏི, བྷཡཏོ ཨུཔཊྛཱཏི. གཱཐཱསུ. ‘‘ཨལཛྫིཡེསཱུ’’ཏི ཨལཛྫིཏབྦེསུ ཀལྱཱཎ ཀམྨེསུ. ‘‘ལཛྫརེ’’ཏི ལཛྫནྟི. ‘‘ཨབྷཡེ’’ཏི ཨབྷཱཡིཏབྦེ ཀལྱཱཎཀམྨེ. ཡསྨཱ པན སཔྤུརིསཱ ཨཏྟཱནཾ པརིཧརནྟཱིཏི སམྦནྡྷོ. ‘‘ཧིརིཡཱ ཨཏྟནི གཱརཝཾ ཨུཔྤཱདེཏྭཱ’’ཏི ཨཏྟནོ ཛཱཏིགུཎཱདིཀཾ ཝཱ སཱིལ གུཎཱདིཀཾ ཝཱ གརུཾ ཀཏྭཱ མཱདིསསྶ ཨེཝ རཱུཔཾ པཱཔཀམྨཾ ཨཡུཏྟཾ ཀཱཏུཾ. ཡདི ཀརེཡྻཾ, པཙྪཱ ཨཏྟཱནཾ ཨསུདྡྷཾ ཉཏྭཱ དུཀྑཱིདུམྨནོ བྷཝེཡྻནྟི ཨེཝཾ ཧིརིཡཱ ཨཏྟནི གཱརཝཾ ཨུཔྤཱདེཏྭཱ. ‘‘ཨོཏྟཔྤེན པརེསུ གཱརཝཾ ཨུཔྤཱདེཏྭཱ’’ཏི པརཱནུཝཱདབྷཡཾ བྷཱཡིཏྭཱཏི ཨདྷིཔྤཱཡོ. ཏཏྠ པརཱནུཝཱདབྷཡཾ ནཱམ པརེསཾ སཱདྷུ ཛནཱནཾ གརཧཱ བྷཡཾ. ཨཉྙམྤི ཨཔཱཡབྷཡཾ སཾསཱར ཝཊྚབྷཡཉྩ ཨེཏྠ སངྒཡ྄ཧཏིཡེཝ. ལོཀཾཔཱལེནྟཱིཏི ལོཀཔཱལཱ. ‘‘ལོཀཾ’’ཏི སཏྟལོཀཾ. ‘‘པཱལེནྟཱི’’ཏི ཨཔཱཡ བྷཡཏོ རཀྑནྟི.

༡༠༡. ཨལོབྷཝཙནཏྠེ. ཨཀཱརོ ཝིརུདྡྷཏྠོཏིཨཱཧ ‘‘ལོབྷཔྤཊིཔཀྑོ’’ཏི. ལོབྷསྶ པཊིཝིརུདྡྷོཏི ཨཏྠོ. པཊིཝིརུདྡྷཏཱ ཙ པཧཱཡཀ པཧཱཏབྦ བྷཱཝེན ཝེདིཏབྦཱཏི དསྶེཏུཾ ‘‘སོཧཱི’’ཏིཨཱདིམཱཧ ¶ . ཏཏྠ སོ ནེཀྑམྨདྷཱཏུཝསེན ཧུཏྭཱ པཝཏྟཏཱིཏི སམྦནྡྷོ. ‘‘ཧིཏ སཉྙིཏེསཱུ’’ཏི ཨིདཾ མེ ཨཏྠཱཡ ཧིཏཱཡ སུཁཱཡཱཏི ཨེཝཾ སཉྙིཏེསུ. ‘‘ལགྒནཝསེནཱ’’ཏི ཨམུཉྩིཏུཀཱམཏཱཝསེན. ཏེསྭེཝ པཝཏྟཏཱིཏི སམྦནྡྷོ. ‘‘བྷཝབྷོག སམྤཏྟིཡོ གཱུཐརཱསིཾ ཝིཡ ཧཱིལེ༹ཏྭཱ’’ཏི ཨིདཾ བོདྷིསཏྟཱནཾ ཝསེན ནིདསྶན ཝཙནཾ. ཏཏྠ ‘‘ཧཱིལེ༹ཏྭཱ’’ཏི གརཧིཏྭཱ. ནིཀྑམནྟི ཨེཏེནཱཏི ནེཀྑམྨོ. སོ ཨེཝ དྷཱཏཱུཏི ནེཀྑམྨདྷཱཏུ.

༡༠༢. ཨཡཾ ནཡོ དོསཔྤཊིཔཀྑོ, མོཧཔྤཊིཔཀྑོཏིཨཱདཱིསུཔི ནེཏབྦོ.

༡༠༣. ཏཏྲ མཛ྄ཛྷཏྟཏཱཡཾ. ‘‘ལཱིནུདྡྷཙྩཱནཾ’’ཏི ཙིཏྟསྶ ལཱིནཏཱ ཨེཀོ ཝིསམཔཀྑོ. ཨུདྡྷཊཏཱ དུཏཱིཡོ ཝིསམཔཀྑོ. ལཱིནཾ ཙིཏྟཾ ཀོསཛྫེ ཝིསམཔཀྑེ པཏཏི. ཨུདྡྷཊཾ ཙིཏྟཾ ཨུདྡྷཙྩེ ཝིསམཔཀྑེ པཏཏི. ཏདུབྷཡམྤི ཨཀུསལ པཀྑིཀཾ ཧོཏི. ཏཐཱ ཙིཏྟསྶ ཨཏི ལཱུཁཏཱ ཨེཀོ ཝིསམ པཀྑོ. ཨཏིཔཧཊྛཏཱ ཨེཀོཏིཨཱདིནཱ སབྦཾ བོཛ྄ཛྷངྒཝིདྷཱནཾ ཝིཏྠཱརེཏབྦཾ. ཏཏྲ མཛ྄ཛྷཏྟཏཱ པན སམྤཡུཏྟ དྷམྨེ ཨུབྷོསུ ཨནྟེསུ པཱཏེཏུཾ ཨདཏྭཱ སཡཾ མཛ྄ཛྷིམཔྤཊིཔདཱཡཾ དལ༹ྷཾ ཏིཊྛཏི.

༡༠༤. པསྶདྡྷཱདཱིསུ. ‘‘ཏཏྠ ཏཾ ཝཱིནྡནྟཱི’’ཏི ཏེསུ པུཉྙ ཀམྨེསུ ཏཾ ཙིཏྟ སུཁཾ པཊིལབྷནྟི.

༡༠༥. ལཧུཏཱ དྭཡེ. ‘‘ཏཏྟཔཱསཱཎེ’’ཏི སནྟཏྟེ པཱསཱཎཔིཊྛེ. ‘‘ཏཏྠཱ’’ཏི པུཉྙཀམྨེསུ.

༡༠༦-༡༡༠. མུདུཏཱ དྭཡཱདཱིསུ སབྦཾ སུཝིཉྙེཡྻཾ.

༡༡༡. ཝིརཏིཏྟཡེ. ‘‘ཀཐཱ, ཙེཏནཱ, ཝིརཏི, ཝསེནཱ’’ཏི ‘ཀཐཱསམྨཱཝཱཙཱ, ཙེཏནཱ སམྨཱཝཱཙཱ, ཝིརཏི སམྨཱཝཱཙཱ, ཝསེན. ཏཾ ཀཐཱཝཱཙཾ སམུཊྛཱཔེཏཱིཏི ཏཾ སམུཊྛཱཔིཀཱ. ཡཱ པན པཱཔ ཝིརམཎཱཀཱརེན ཙིཏྟསྶ པཝཏྟཱིཏི ཡོཛནཱ. ‘‘སམཱདིཡནྟསྶ ཝཱ’’ཏི མུསཱཝཱདཱ ཝིརམཱམཱིཏིཨཱདིནཱ ཝཙཱིབྷེདཾ ཀཏྭཱ སམཱདིཡནྟསྶ ཝཱ. ‘‘ཨདྷིཊྛཧནྟསྶ ཝཱ’’ཏི ཝཙཱིབྷེདཾ ཨཀཏྭཱ ཙིཏྟེནེཝ ཏཐཱ ཨདྷིཊྛཧནྟསྶ ཝཱ. ཨིམེཧི དྭཱིཧི པདེཧི སམཱདཱན ཝིརཏིཔྤཝཏྟིཾ ཝདཏི ¶ . ‘‘ཨཝཱིཏིཀྐམནྟསྶ ཝཱ’’ཏི ཨེཏེན སམྤཏྟ ཝིརཏིཔྤཝཏྟིཾ ཝདཏི. ‘‘ཨེཏཱཡཱ’’ཏི སམྨཱཝཱཙཱ ཝིརཏིཡཱ. སཱ པན ཀཏྟུནཱ ཙ ཀྲིཡཱཡ ཙ སཧབྷཱཝིནཱི ཧུཏྭཱ སམཱདཱན ཀྲིཡཾ སུཊྛུཏརཾ སཱདྷེཏི. ཏསྨཱ སཱ ཀརཎ སཱདྷནཾ ནཱམ ཧོཏི. ཏེནཱཧ ‘‘ཀརཎཏྠེཝཱཀརཎ ཝཙན’’ནྟི. བཧཱུསུཛཝནཝཱརེསུ པཝཏྟམཱནེསུ པུརིམ པུརིམ ཛཝནཝཱརཔརིཡཱཔནྣཱ སམྨཱཝཱཙཱ པཙྪིམ པཙྪིམ ཛཝནཝཱརསམུཊྛིཏཱཡ སམཱདཱན ཀྲིཡཱཡ པཙྩཡོ ཧོཏི. སཱ པན ཏཱཡ ཀྲིཡཱཡ ཨསཧབྷཱཝིཏྟཱ ཀརཎལཀྑཎཾ ན སམྤཛྫཏི. ཧེཏུ ལཀྑཎེ ཏིཊྛཏི. ཏེནཱཧ ‘‘ཧེཏུ ཨཏྠེཝཱ ཀརཎཝཙན’’ནྟི. ཨིདཉྩ ཨཏྠཏོ ལབྦྷམཱནཏྟཱ ཝུཏྟཾ. སམྨཱཝཱཙཱཏི པདཾ པན ཀིཏསཱདྷན པདཏྟཱཀརཎཏྠེ ཨེཝསིདྡྷཾ. ན ཧི ཨཀཱརཀ བྷཱུཏོ ཧེཏུ ཨཏྠོ སཱདྷནཾ ནཱམ སམྦྷཝཏི. ‘‘སམཱདཱན ཝཙནཱནཱི’’ཏི སམྨཱཝཱཙཱ སམུཊྛིཏཱནི སམཱདཱན ཝཙནཱནི. ‘‘ཏཏོ’’ཏི ཏཏོཔརཾ. ‘‘ཏེསཾ’’ཏི ཏེ སཾཝདམཱནཱནཾ. ཨིདཉྩ སབྦཾ སམྨཱཝཱཙཱཏི ཝཙནེ ཝཙཱིབྷེདཝཱཙཾ པདྷཱནཾ ཀཏྭཱ ཝུཏྟཾ. སམྤཏྟཝིརཏི སམུཙྪེད ཝིརཏིབྷཱུཏཱཡ པན སམྨཱཝཱཙཱཡ ཝཙཱིབྷེདེན ཀིཙྩཾ ནཏྠི. ཝིརཏི ཀིཙྩ མེཝཔདྷཱནནྟི དསྶེཏུཾ ‘‘ཨཔིཙཱ’’ཏིཨཱདི ཝུཏྟཾ. ‘‘པཝཏྟམཱནཱ’’ཏི པཝཏྟམཱནཏྟཱ. ཝིསེསན ཧེཏུ པདམེཏཾ.

༡༡༢-༡༡༣. སམྨཱཀམྨནྟེཔི སམྨཱཨཱཛཱིཝེཔི ཝཏྟབྦཾ ནཏྠི.

༡༡༤. ‘‘སམྤཏྟཾ ཝཏྠུཾ’’ཏི པཱཎཱཏི པཱཏཱདིཀམྨསྶ ཝཏྠུཾ. སཱཔཙྩུཔྤནྣཱརམྨཎཱཡེཝ. ཀསྨཱ, ཨཏྟནོ པཙྩཀྑེ སམྤཏྟ ཝསེནཝཏྠུསྶདྷརམཱནཏྟཱ. ‘‘སམཱདིཡནྟསྶ ཝཱ ཨུཔྤནྣཱ’’ཏི པཱཎཱཏི པཱཏཱཔཊིཝིརམཱདྷཱིཏིཨཱདིནཱ སམཱདིཡནྟསྶཡཱ སམཱདཱནཀྑཎེ ཨུཔྤནྣཱ ཝིརཏི. ‘‘སཱ པན པཙྩུཔྤནྣཱརམྨཎཱ ཧོཏཱི’’ཏི ཨེཏྠ ཀཐཾ པཙྩུཔྤནྣཱ རམྨཎཱ ཧོཏཱིཏི. པཱཎཱཏི པཱཏཱཔཊིཝིརམཱདྷཱིཏི ཝདནྟསྶ ཙིཏྟཾ ཨནུཀྐམེན པཱཎསདྡཱདཱིནཾ ཨཏྠཾ ཨཱརམྨཎཾ ཀཏྭཱ པཝཏྟཏི. ཏཏྠ ‘‘པཱཎོ’’ཏི ཝོཧཱརཏོ སཏྟོ. པརམཏྠཏོ ཛཱིཝིཏིནྡྲིཡཾ. སོ ཙ སཏྟོ ཏཉྩཛཱིཝིཏིནྡྲིཡཾ ལོཀེ སབྦཀཱལམྤི སཾཝིཛྫཏིཡེཝ. ཨེཝརཱུཔཾ ཛཱིཝིཏིནྡྲིཡ སཱམཉྙཾ སནྡྷཱཡ པཙྩུཔྤནྣཱརམྨཎཱཏི ཝུཏྟཾ. ཨདིནྣཱདཱནཱ པཊིཝིརམཱདྷཱིཏིཨཱདཱིསུཔི ཨེསེཝ ནཡོ. ‘‘ཨནཱགཏཱ རམྨཎཱཝཱ’’ཏི ¶ ཨེཏྠ ཨེཀདིཝསཾ ནིཡམེཏྭཱ སམཱདིཡནྟསྶ ཏསྨིཾ དིཝསེ དྷརམཱན སཏྟཱཔི ཨཏྠི. ཨུཔྤཛྫིསྶམཱནསཏྟཱཔི ཨཏྠི. ཏདུབྷཡམྤི པཱཎཝཙནེ སངྒཧིཏམེཝ. པཱཎུཔེཏཾ ཀཏྭཱ སམཱདིཡནྟསྶ ཝཏྟབྦམེཝ ནཏྠི. ཨཔི ཙ ཨནཱགཏཀཱལིཀམྤི སམཱདཱནཾ ཨཏྠིཡེཝ. ཨཧཾ ཨསུཀདིཝསཏོ པཊྛཱཡ ཡཱཝཛཱིཝམྤི པཱཎཱཏིཔཱཏཱ ཝིརམཱདྷཱིཏིཨཱདི. ཨེཝཾ སམཱདཱན ཝིརཏི ཨནཱགཏཱ རམྨཎཱཔི ཧོཏཱིཏི. ‘‘པཙྩཡསམུཙྪེདཝསེནཱ’’ཏི ཏཾ ཏཾ ཀིལེསཱནུསཡ སངྑཱཏསྶ པཙྩཡསྶ སམུཙྪེདཝསེན. སེསམེཏྠ སུཝིཉྙེཡྻཾ.

༡༡༥-༡༡༦. ཨཔྤམཉྙཱདྭཡེ. ཨཔིཙཱཏིཨཱདཱིསུ. ‘‘ཀལིསམྦྷཝེབྷཝེ’’ཏི དུཀྑུཔྤཏྟིཔཙྩཡབྷཱུཏེ སཾསཱརབྷཝེ. ‘‘པཱཔེཀལི པརཱཛཡེ’’ཏི ཀལིསདྡོ པཱཔེ ཙ པརཱཛཡེ ཙ ཝཏྟཏཱིཏི ཨཏྠོ. སཏྟེཧི ཀལིཾ ཨཝནྟི རཀྑནྟི ཨེཏཱཡཱཏི ཀརུཎཱ. སཏྟེཧཱིཏི ཙ རཀྑཎཏྠཡོགེ ཨིཙྪིཏསྨིཾ ཨཏྠེ ཨཔཱདཱན ཝཙནཾ. ཡཐཱ-ཀཱཀེ རཀྑནྟི ཏཎྜུལཱ-ཏི. སཏྟེཝཱ ཀལིཏོ ཨཝནྟི རཀྑནྟི ཨེཏཱཡཱཏི ཀརུཎཱ. ཀལིཏོཏི ཙ རཀྑཎཏྠ ཡོགེ ཨནིཙྪིཏསྨིམྤི ཨཔཱདཱནཝཙནཾ. ཡཐཱ-པཱཔཱཙིཏྟཾ ནིཝཱརཡེཏི. ཨེཀསྨིཾ སཏྟེ པཝཏྟཱཔི ཨཔྤམཉྙཱ ཨེཝ ནཱམ ཧོནྟི. ཡཐཱ ཏཾ སབྦཉྙུཏཉྙཱཎཾ ཨེཀསྨིཾ ཨཱརམྨཎེ པཝཏྟམྤི སབྦཉྙུཏཉྙཱཎམེཝ ཧོཏཱིཏི.

༡༡༧. པཉྙིནྡྲིཡེ ཝཏྟབྦཾ ནཏྠི.

སོབྷཎརཱསིམྷིཨནུདཱིཔནཱ ནིཊྛིཏཱ.

༡༡༨. ཨེཏཾ པརིམཱཎཾ ཨསྶཱཏི ཨེཏྟཱཝཾ. ‘‘ཨེཏྟཱཝཏཱ’’ཏི ཨེཏྟཱཝནྟེན-ཕསྶོ, ཝེདནཱ, སཉྙཱ,ཏིཨཱདིཝཙནཀྐམེན. ‘‘ཙིཏྟུཔྤཱདེསཱུ’’ཏི ཨེཏྠ-ཀཏམེ དྷམྨཱ དསྶནེན པཧཱཏབྦཱ. ཙཏྟཱརོ དིཊྛིགཏསམྤཡུཏྟ ཙིཏྟུཔྤཱདཱ-ཏིཨཱདཱིསུ ཙིཏྟཙེཏསིཀ སམཱུཧོ ཙིཏྟུཔྤཱདོཏི ཝུཙྩཏི. ཨིདྷ པན ཙིཏྟཱནི ཨེཝ ཙིཏྟུཔྤཱདཱཏི ཝུཙྩནྟཱིཏི ཨཱཧ ‘‘ཙིཏྟུཔྤཱདེསཱུཏི ཙིཏྟེསུ ཨིཙྩེཝ ཨཏྠོ’’ཏི. ‘‘སབྦདུབྦལཏྟཱ’’ཏི སབྦཙིཏྟེཧི དུབྦལཏརཏྟཱ. ‘‘བྷཱཝནཱ བལེནཱ’’ཏི ཝིཏཀྐ ཝིརཱགསཏྟི ¶ ཡུཏྟེན ཨུཔཙཱར བྷཱཝནཱ བལེན, ཝུཊྛཱན གཱམིནི ཝིཔསྶནཱ བྷཱཝནཱ བལེན ཙ. ‘‘བལནཱཡཀཏྟཱ’’ཏི བལ དྷམྨཱནཾ ནཱཡཀཏྟཱ, ཛེཊྛཀཏྟཱ.

༡༡༩. ཨཀུསལ ཙེཏསིཀེསུ. ‘‘པཙྪིམཾ’’ཏི སབྦེསུཔི དྭཱདསཱ ཀུསལ ཙིཏྟེསཱུཏི ཝཙནཾ. ‘‘པུརིམསྶཱ’’ཏི སབྦཱ ཀུསལ སཱདྷཱརཎཱ ནཱམཱཏི ཝཙནསྶ. ‘‘སམཏྟན ཝཙནཾ’’ཏི-ཀསྨཱ སབྦཱཀུསལ སཱདྷཱརཎཱ ནཱམཱཏི. ཡསྨཱ སབྦེསུཔི. ལ. ཙིཏྟེསུ ལབྦྷནྟི, ཏསྨཱ སབྦཱ ཀུསལ སཱདྷཱརཎཱ ནཱམཱ-ཏི ཨེཝཾ སཱདྷན ཝཙནཾ. ཡསྨཱ པན ཨིམེཧི ཙཏཱུཧི ཝིནཱནུཔྤཛྫནྟི, ཏསྨཱ ཏེ སབྦེསུ ཏེསུ ལབྦྷནྟཱིཏི ཡོཛནཱ. ཀསྨཱ ཝིནཱ ནུཔྤཛྫནྟཱིཏི ཨཱཧ ‘‘ན ཧིཏཱནཱི’’ཏིཨཱདིཾ. ‘‘ཏེཧཱི’’ཏི པཱཔེཧི. སབྦ པཱཔ དྷམྨཏོཏི ཨཏྠོ. ‘‘ཏཐཱ ཏཐཱ ཨཱམསིཏྭཱ’’ཏི དིཊྛི ཁནྡྷེསུ ནིཙྩོ དྷུཝོ སསྶཏོཏིཨཱདིནཱ ཨཱམསཏི. མཱནོ ཨཧནྟི ཝཱ སེཡྻོ སདིསོཏིཨཱདིནཱ ཝཱ ཨཱམསཏི. ཨེཝཾ ཏཐཱ ཏཐཱ ཨཱམསིཏྭཱ. ‘‘ཏེསཱུ’’ཏི དིཊྛིམཱནེསུ. ནིདྡྷཱརཎེ བྷུམྨཾ. དིཊྛི པརཱམསནྟཱི པཝཏྟཏཱིཏི ཡོཛནཱ. ‘‘ཏཾ གཧིཏཱཀཱར’’ནྟི ཏཾ ཨཧནྟི གཧིཏཾ ནིམིཏྟཱཀཱརཾ. སཀྐཱཡ དིཊྛི ཨེཝ གཏི ཡེསཾ ཏེ དིཊྛི གཏིཀཱ. ཨཝིཀྑམྦྷིཏ སཀྐཱཡ དིཊྛིཀཱ. ‘‘ཨཧནྟི གཎྷནྟཱི’’ཏི མཱནེན གཎྷནྟི. ‘‘ན ཧི མཱནསྶ ཝིཡཱ’’ཏི ཡཐཱ མཱནསྶ ཨཏྟསམྤགྒཧཎེ བྱཱཔཱརོ ཨཏྠི, ན ཏཐཱ དིཊྛིཡཱ ཨཏྟསམྤགྒཧཎེ བྱཱཔཱརོ ཨཏྠཱིཏི ཡོཛནཱ. ཨེཏྠ ཙ ཨཏྟསམྤགྒཧཎཾ ནཱམ པརེཧི སདྡྷིཾ ཨཏྟཱནཾ སེཡྻཱདིཝསེན སུཊྛུཔགྒཧཎཾ. ‘‘ན ཙ དིཊྛིཡཱ ཝིཡཱ’’ཏི ཡཐཱ དིཊྛིཡཱ དྷམྨཱནཾ ཨཡཱཐཱཝཔཀྑཔརིཀཔྤནེ བྱཱཔཱརོ ཨཏྠཱིཏི ཡོཛནཱ. ཏཏྠ ཨཡཱཐཱཝཔཀྑོ ནཱམ ཨཏྟཱ སསྶཏོ ཨུཙྪིནྣོཏིཨཱདི. མཙྪརིཡཾ ཨཏྟསམྤཏྟཱིསུ ལགྒནལོབྷསམུཊྛིཏཏྟཱ ལོབྷསམྤཡུཏྟམེཝ སིཡཱཏི ཙོདནཾ པརིཧརནྟོ ‘‘མཙྪརིཡཾ པནཱ’’ཏིཨཱདིམཱཧ. ཏཏྠ ‘‘ཏཱསཾ’’ཏི ཨཏྟསམྤཏྟཱིནཾ. སེསམེཏྠ སུཝིཉྙེཡྻཾ.

༡༢༠. སོབྷཎཙེཏསིཀེསུ. ‘‘ཏཱིསུ ཁནྡྷེསུ’’ཏི སཱིལཀྑནྡྷ སམཱདྷིཀྑནྡྷ པཉྙཱཀྑནྡྷེསུ ཙ. ‘‘སམྨཱདིཊྛི པཙྪིམཀོ’’ཏི སམྨཱདིཊྛིཡཱ པཙྪཏོ ཨནུབནྡྷཀོཏི ཨཏྠོ. སམྨཱདིཊྛིཡཱ པརིཝཱ རམཏྟོཏི ¶ ཝུཏྟཾ ཧོཏི. ‘‘ཏསྨིཾ ཨསཏི པཱི’’ཏི དུཏཱིཡཛ྄ཛྷཱནིཀ མགྒཱདཱིསུ ཏསྨིཾ སམྨཱསངྐཔྤེ ཨསནྟེཔི. ‘‘སཱིལསམཱདྷིཀྑནྡྷ དྷམྨེསུ པནཱ’’ཏི ‘སམྨཱཝཱཙཱ, སམྨཱཀམྨནྟོ, སམྨཱཨཱཛཱིཝོ,ཏི ཨིམེ ཏཡོ དྷམྨཱ སཱིལཀྑནྡྷ དྷམྨཱ ནཱམ. སམྨཱ ཝཱཡཱམོ, སམྨཱསཏི, སམྨཱསམཱདྷཱི,ཏི ཨིམེ ཏཡོ དྷམྨཱ སམཱདྷིཀྑནྡྷཱ ནཱམ. ཨིམེསུ སཱིལཀྑནྡྷ སམཱདྷིཀྑནྡྷེསུ. ‘‘ཨེཀོ ཨེཀསྶ ཀིཙྩཾ ན སཱདྷེཏཱི’’ཏི ཏེསུ སམྨཱཝཱཙཱ སམྨཱཀམྨནྟསྶ ཀིཙྩཾ ན སཱདྷེཏི. སམྨཱ ཨཱཛཱིཝསྶ ཀིཙྩཾ ན སཱདྷེཏི. སམྨཱཀམྨནྟོ ཙ སམྨཱཝཱཙཱཡ ཀིཙྩཾ ན སཱདྷེཏཱིཏིཨཱདིནཱ སབྦཾ ཝཏྟབྦཾ. ‘‘སཱིལེསུ པརིཔཱུརཀཱརིཏཱ ཝསེནཱ’’ཏི སཱིལཔྤཊིཔཀྑ དྷམྨཱནཾ སམུཙྪིནྡཀཱརིཏཱ ཝསེནཱཏི ཨདྷིཔྤཱཡོ. མུསཱཝཱད ཝིརཏི མུསཱཝཱདམེཝ པཛཧིཏུཾ སཀྐོཏི. ན ཨིཏརཱནི པིསུཎཝཱཙཱདཱིནཱིཏི ཡོཛནཱ. ཨེཏྠ སིཡཱ. མུསཱཝཱདཝིརཏི ནཱམ ཀུསལ དྷམྨོ ཧོཏི. ཀུསལ དྷམྨོ ཙ ནཱམ སབྦསྶ ཨཀུསལ དྷམྨསྶ པཊིཔཀྑོ. ཨེཀསྨིམྤི ཀུསལ དྷམྨེ ཨུཔྤཛྫམཱནེ ཏསྨིཾ སནྟཱནེ སབྦཱནི ཨཀུསལཱནི པཛཧིཏུཾ སཀྐོནྟཱིཏི ཝཏྟབྦཱནི. ཨཐ ཙ པན མུསཱཝཱད ཝིརཏི མུསཱཝཱདམེཝ པཛཧིཏུཾ སཀྐོཏི, ན ཨིཏརཱནཱིཏི ཝུཏྟཾ. ཀཐམིདཾ དཊྛབྦནྟི. ཝུཙྩཏེ. པཛཧིཏུཾ སཀྐོཏཱིཏི ཨིདཾ པཉྩསུ པཧཱནེསུ ཏདངྒཔྤཧཱན ཝཙནཾ. ཏདངྒཔྤཧཱནནྟི ཙ ཏེན ཏེན ཀུསལངྒེན ཏསྶ ཏསྶ ཨཀུསལངྒསྶ པཧཱནཾ ཏདངྒཔྤཧཱནཾ ནཱམ. ཨིདཾ ཝུཏྟཾ ཧོཏི, ཨིདྷ སཔྤུརིསོ པཱཎཱཏིཔཱཏཱ པཊིཝིརམཱམཱིཏིཨཱདིནཱ ཝིསུཾ ཝིསུཾ སིཀྑཱཔདཱནི སམཱདིཡིཏྭཱ པཱཎཱཏི པཱཏཝིརཏི སངྑཱཏེན ཀུསལངྒེན པཱཎཱཏིཔཱཏ སངྑཱཏཾ ཨཀུསལངྒཾ པཛཧཏི. ཨདིནྣཱདཱན ཝིརཏི སངྑཱཏེན ཀུསལངྒེན ཨདིནྣཱདཱན སངྑཱཏཾ ཨཀུསལངྒཾ པཛཧཏཱིཏིཨཱདིནཱ ཝིཏྠཱརེཏབྦཾ. ཨེཀསྨིམྤི ཀུསལ དྷམྨེ ཨུཔྤཛྫམཱནེ ཏསྨིཾ སནྟཱནེ སབྦཱནི ཨཀུསལཱནི ན ཨུཔྤཛྫནྟཱིཏི ཨེཏྠ པན ཨནོཀཱསཏྟཱ ཨེཝ ན ཨུཔྤཛྫནྟི, ན པཧཱནཏྟཱ. ན ཧི ཏསྨིཾ སནྟཱནེ ཏསྨིཾ ཁཎེ ཏཱནི ཨཀུསལཱནི ཨེཝ ན ཨུཔྤཛྫནྟི. ཨཐཁོ སབྦཱནི ཨཉྙཱནི ཀུསལ ཙིཏྟཱནི ཙ ན ཨུཔྤཛྫནྟི. སབྦཱནི ཨབྱཱཀཏ ཙིཏྟཱནི ཙ ན ཨུཔྤཛྫནྟི. ཏཱནི ཨནོཀཱ སཏྟཱ ཨེཝ ན ཨུཔྤཛྫནྟི. ན པཧཱནཏྟཱ ན ཨུཔྤཛྫནྟི. ཏདངྒཔྤཧཱནཱདི ཝསེན པན པཧཱནཾ སནྡྷཱཡ ཨིདྷ ¶ པཛཧིཏུཾ སཀྐོཏི-ན སཀྐོཏཱིཏི ཝུཏྟཾ. ཨེཏྟཱཝཏཱ ཏདངྒཔྤཧཱནཾ ནཱམ སུཔཱཀཊཾ ཧོཏི. མུསཱཝཱད ཝིརཏི མུསཱཝཱདམེཝ པཛཧིཏུཾ སཀྐོཏི. ན ཨིཏརཱནཱིཏི ཨིདཉྩ སུཊྛུ ཨུཔཔནྣཾ ཧོཏཱིཏི. ‘‘ཨེཏྠ ཙཱ’’ཏིཨཱདཱིསུ ཀཱཡངྒཙོཔནཏྠཱཡ ཝཱཙངྒཙོཔནཏྠཱཡ ཙ པཝཏྟཱནི ཀཱཡཝཙཱིཙོ པན བྷཱགིཡཱནི ནཱམ. ཀཱམཱཝཙར ཀུསལེསྭེཝ ཝིརཏིཡོ སནྡིསྶནྟི. ‘‘ཀཱམཱཝཙར ཀུསལེསུ པཱི’’ཏི ནིདྡྷཱརཎེ བྷུམྨཝཙནཾ. ཀཱམབྷཱུམིཡཾ ཨུཔྤནྣེསུ ཨེཝ ཀཱམཱཝཙར ཀུསལེསུ སནྡིསྶནྟི. ཏིཝིདྷ ཀུཧནཝཏྠཱུནི ཙ ཝིརམིཏབྦཝཏྠུཊྛཱནེཋིཏཱནི. ཨེཏྠ ཙ ཀུཧནཾ ནཱམ ཝིམྷཱཔནཾ ལཱབྷསཀྐཱར སིལོཀཏྠཱཡ མནུསྶཱནཾ ནཱནཱམཱཡཱསཱཋེཡྻ ཀམྨཱནི ཀཏྭཱ ཨཙྪརིཡབྦྷུཏ བྷཱཝཀརཎནྟི ཝུཏྟཾ ཧོཏི. ཏཾ པན ཏིཝིདྷཾ ‘པཙྩཡཔྤཊིསེཝནཀུཧནཉྩ, སཱམནྟཛཔྤན ཀུཧནཉྩ, ཨིརིཡཱ པཐསཎྛཱ པན ཀུཧནཉྩ. ཏཏྠ མཧིཙྪོཡེཝ སམཱནོ ཨཔྤིཙྪཱཀཱརཾ དསྶེཏྭཱ ཨཱདིཏོ ཨཱགཏཱ གཏེ ཙཏུཔཙྩཡེ པཊིཀྑིཔིཏྭཱ པཙྪཱ བཧུཾ བཧུཾ ཨཱགཏེ པཙྩཡེ པཊིགྒཎྷཱཏི. ཨིདཾ པཙྩཡཔྤཊིསེཝན ཀུཧནཾ ནཱམ. པཱཔིཙྪོཡེཝ སམཱནོ ཨཡཾ ཛྷཱནལཱབྷཱིཏི ཝཱ ཨབྷིཉྙཱལཱབྷཱིཏི ཝཱ ཨརཧཱཏི ཝཱ ཛནོ མཾ སམྦྷཱཝེཏཱུཏི སམྦྷཱཝནཾ ཨིཙྪནྟོ ཨཏྟཱནཾ ཨུཏྟརི མནུསྶ དྷམྨཱནཾ སནྟིཀེ ཏེ ཝཱ ཨཏྟནོ སནྟིཀེ ཀཏྭཱ ཝཉྩེཏི. ཨིདཾ སཱམནྟཛཔྤན ཀུཧནཾ ནཱམ. པཱཔིཙྪོཡེཝ སམཱནོ ཨཡཾ སནྟཝུཏྟི སམཱཧིཏོ ཨཱརདྡྷཝཱིརིཡོཏི ཛནོ མཾ སམྦྷཱཝེཏཱུཏི སམྦྷཱཝནཾ ཨིཙྪནྟོ ཨིརིཡཱ པཐ ནིསྶིཏཾ ནཱནཱཝཉྩནཾ ཀརོཏི. ཨིདཾ ཨིརིཡཱ པཐ སཎྛཱཔན ཀུཧནཾ ནཱམ. ‘‘སིཀྑཱཔདསྶ ཝཏྠཱུནཱི’’ཏི སུརཱ པཱན ཝིཀཱལ བྷོཛན ནཙྩགཱིཏཝཱདིཏ དསྶན སཝནཱདཱིནི. སུརཱམེརཡཔཱནཱ ཝིརམཱདྷཱིཏི སམཱདིཡནྟསྶ སུརཱམེརཡཔཱན ཙེཏནཱ ཝིརམིཏབྦ ཝཏྠུ ནཱམ. ཝིཀཱལ བྷོཛནཱ ཝིརམཱམཱིཏི སམཱདིཡནྟསྶ ཝིཀཱལེ ཡཱཝཀཱལིཀ ཝཏྠུསྶ པརིབྷུཉྫན ཙེཏནཱ ཝིརམིཏབྦ ཝཏྠུ ནཱམ. སེསེསུཔི ཨེསེཝ ནཡོ. ལོཀུཏྟར ཙིཏྟེསུ. ‘སབྦཐཱཔཱི,ཏི ཙ ‘ནིཡཏཱ’ཏི ཙ ‘ཨེཀཏོ ཝཱ’ཏི ཙ ཏཱིཎི ཝིསེསནཱནི. ལོཀིཡེསུ པན ‘ཀདཱཙཱི’ཏི ཙ ‘ཝིསུཾ ཝིསུཾ’ཏི ཙ དྭེ དྭེ ཝིསེསནཱནི. ཏཏྠ ལོཀུཏྟརེསུ ‘སབྦཐཱཔཱི’ཏི ཨིདཾ སམུཙྪེདཔྤཧཱན དསྶནཾ ¶ ལོཀིཡེསུཔི ཏབྦིཔརཱིཏཾ ཏདངྒཔྤཧཱན དསྶནཾ ཨདྷིཔྤེཏནྟི ཀཏྭཱ ‘‘ཨེཀེཀ དུཙྩརིཏཔྤཧཱནཝསེནེ ཝཱ’’ཏི ཝུཏྟཾ.

༡༢༡. ཨཔྤམཉྙཱསུ. ‘‘ཝིབྷངྒེ’’ཏི ཨཔྤམཉྙཱ ཝིབྷངྒེ. ‘‘ཀཱརུཉྙཔྤཀཏིཀསྶཱ’’ཏི ཀཱརུཉྙསབྷཱཝསྶ. ‘‘ཨནིསྶུཀིནོ’’ཏི ཨིསྶཱདྷམྨརཧིཏསྶ. ཐཱམགཏཱ ཀརུཎཱ དོས སམུཊྛིཏཾ ཝིཧིཾསཾ པཛཧཏི. ཐཱམགཏཱ མུདིཏཱ དོསསམུཊྛིཏཾ ཨརཏིཾ པཛཧཏཱིཏི ཝུཏྟཾ ‘‘ཝིཧིཾསཱ ཨརཏཱིནཾ ནིསྶརཎ བྷཱུཏཱ’’ཏི. ཨེཏྠ ཙ ཨརཏི ནཱམ སུཉྙཱགཱརེསུ ཙ བྷཱཝནཱ ཀམྨེསུ ཙ ནིབྦིདཱ. དོས ནིསྶརཎེ སཏི དོམནསྶནིསྶརཎམྤི སིདྡྷམེཝ. ནིསྶརཎཉྩ ནཱམ པཊིཔཀྑ དྷམྨ སཎྛཱནེན ཧོཏི. ཏསྨཱ པུབྦབྷཱགེཔི ཨཔྤམཉྙཱསུ ནིཙྩཾ སོམནསྶ སཎྛཱནཾ ཝེདིཏབྦནྟི ཨདྷིཔྤཱཡེན ‘‘དོམནསྶཔྤཊིཔཀྑཉྩཱ’’ཏིཨཱདིམཱཧ. ‘‘ཨཊྛཀཐཱཡཔི སཧ ཝིརུདྡྷོ’’ཏི ཨཊྛསཱལིནིཡཾ ཨུཔེཀྑཱ སཧགཏ ཀཱམཱཝཙར ཀུསལ ཙིཏྟེསུ ཀརུཎཱ མུདིཏཱ པརིཀམྨཀཱལེཔི ཧི ཨིམེསཾ ཨུཔྤཏྟི མཧཱཨཊྛཀཐཱཡཾ ཨནུཉྙཱཏཱ ཨེཝཱ-ཏི ཝུཏྟཾ. ཏཱཡ ཨཊྛཀཐཱཡཔི སཧ ཝིརུདྡྷོ. སེསམེཏྠ སུཝིཉྙེཡྻཾ. ‘‘པཊིཀཱུལཱ རམྨཎེསུ པན…པེ… ཝཏྟབྦམེཝ ནཏྠཱི’’ཏི པཊིཀཱུལཱ རམྨཎཱནི ནཱམ སོམནསྶེན དཱུརེ ཧོནྟི, ཏཐཱ དུཀྑིཏ སཏྟཱ ཙ, ཏསྨཱ ཏདཱ རམྨཎཱནི ཨསུབྷ བྷཱཝནཱ ཙིཏྟཱནི ཙ ཀརུཎཱ བྷཱཝནཱ ཙིཏྟཱནི ཙ ཨཱདིཏོ ཨུཔེཀྑཱ སཧགཏཱ ནེཝཱཏི ཝཏྟབྦམེཝ ནཏྠི. ‘‘སཱཧིཝེདནུཔེཀྑཱ ནཱམཱ’’ཏི ཀཱམཱཝཙར ཝེདནུཔེཀྑཱ ཝུཏྟཱ. ཝིབྷཱཝནིཔཱཋེ, ‘‘ཨཉྙཝིཧིཏསྶ པཱི’’ཏི ཨཉྙཾ ཨཱརམྨཎཾ མནསིཀརོནྟསྶཔི. སཛ྄ཛྷཱཡནཾ སམྤཛྫཏི, སམྨསནཾ སམྤཛྫཏཱིཏི པཱཋསེསོ. ཨིཏི ཏསྨཱ. ཨེཏྠ སིཡཱ ‘‘ཏཾ པཊིཀྑིཏྟཾ ཧོཏཱི’’ཏི ཀསྨཱ ཝུཏྟཾ. ན ནུ ཏམྤི ཨུཔེཀྑཱ སཧགཏ ཙིཏྟེསུ ཀརུཎཱ མུདིཏཱནཾ སམྦྷཝཾ སཱདྷེཏི ཡེཝཱཏི. སཙྩཾ སཱདྷེཏིཡེཝ. ཏེན པན པརིཙཡ ཝསེན ཏེསུ ཏཱསཾ སམྦྷཝཾ དཱིཔེཏི. ཨིདྷ པན ‘‘ཨེཏྠ ཙཱ’’ཏིཨཱདིནཱ ‘‘པཊིཀཱུལཱ རམྨཎེསཱུ’’ཏིཨཱདིནཱ ཙ པརིཙཡེན ཝིནཱ པཀཏིཡཱ ཏཱསཾ ཨུཔེཀྑཱ ཝེདནཱཡ ཨེཝ སཧ པཝཏྟི བཧུལཏཱ ཝུཏྟཱཏི. ‘‘ཡོགཀམྨ བལེནཱ’’ཏི ཡུཉྫན ཝཱིརིཡ ཀམྨ བལེན.

༡༢༢. ཙེཏོ ¶ ཡུཏྟཱནཾ ཙིཏྟ ཙེཏསིཀཱནཾ. ‘‘ཨེཏྠ ཙཱ’’ཏིཨཱདཱིསུ. ཧེཊྛཱ ཙ ཝུཏྟོ ‘ཀདཱཙི སནྡིསྶནྟི ཝིསུཾ ཝིསུཾ, ཀདཱཙི ནཱནཱ ཧུཏྭཱ ཛཱཡནྟཱི’ཏི. ཨུཔརི ཙ ཝཀྑཏི ‘ཨཔྤམཉྙཱ ཝིརཏིཡོ པནེཏྠ པཉྩཔི པཙྩེཀམེཝ ཡོཛེཏབྦཱ’ཏི. ཨིསྶཱདཱིནཉྩ ནཱནཱ ཀདཱཙི ཡོགོ ཨུཔརི ‘ཨིསྶཱམཙྪེར ཀུཀྐུཙྩཱནི པནེཏྠ པཙྩེཀམེཝ ཡོཛེཏབྦཱནཱི’ཏི ཝཀྑཏི. མཱནཐིན མིདྡྷཱནཾ པན ནཱནཱ ཀདཱཙི ཡོགོ ཨིདྷ ཝཏྟབྦོ. ‘‘ཀདཱཙཱི’’ཏི ཝཏྭཱ ཏདཏྠཾ ཝིཝརཏི ‘‘ཏེསཾ’’ཏིཨཱདིནཱ. ‘‘ཏེསཾ’’ཏི དིཊྛི ཝིཔྤཡུཏྟཱནཾ. ‘‘ནིདྡཱབྷིབྷཱུཏ ཝསེནཱ’’ཏི ནིདསྶན ཝཙནམེཏཾ. ཏེན ཀོསཛྫཱདཱིནམྤི གཧཎཾ ཝེདིཏབྦཾ. ‘‘ཨཀམྨཉྙཏཱཡཱ’’ཏི ཨཀམྨཉྙབྷཱཝེན. ཏེཧི ཨིསྶཱམཙྪརིཡ ཀུཀྐུཙྩེཧི. ཏེན ཙ མཱནེན. ཀིཙྩ ཝིརོདྷེ ཝཱ ཨཱརམྨཎ ཝིརོདྷེ ཝཱ ནཱནཱབྷཱཝོ. ཨཝིརོདྷེ སཧབྷཱཝོ.

༡༢༣. ‘‘ཡོགཊྛཱནཔརིཙྪིནྡན ཝསེནཱ’’ཏི སབྦཙིཏྟ སཱདྷཱརཎཱ ཏཱཝ སབྦེསུཔི ཨེཀཱུནནཝུཏིཙིཏྟུཔྤཱདེསུ, ཝིཏཀྐོ པཉྩཔཉྙཱ སཙིཏྟེསཱུཏིཨཱདིནཱ ཡུཏྟཊྛཱན བྷཱུཏཱནཾ ཙིཏྟཱནཾ གཎནསངྑྱཱཔརིཙྪེདཝསེན. ‘‘ཡུཏྟ དྷམྨརཱསི པརིཙྪིནྡན ཝསེནཱ’’ཏི ཨནུཏྟརེ ཚཏྟིཾས, མཧགྒཏེ པཉྩཏིཾསཱཏིཨཱདིནཱ ཡུཏྟ དྷམྨརཱསཱིནཾ གཎན སངྑྱཱ པརིཙྪེད ཝསེན. སེསཾ སུཝིཉྙེཡྻཾ. ‘‘པཱལི༹ཡཾ’’ཏི དྷམྨསངྒཎི པཱལི༹ཡཾ. ‘‘ཏེསཾ ནཡཱནཾ’’ཏི ཙཏུཀྐ པཉྩཀ ནཡཱནཾ.

༡༢༤. ‘‘ཀཱཡཝཙཱི ཝིསོདྷན ཀིཙྩཱ’’ཏི ཀཱཡདྭཱརཝཙཱིདྭཱར སོདྷན ཀིཙྩཱ.

༡༢༥. ལོཀུཏྟར ཝིརཏཱིནཾ ལོཀུཏྟར ཝིཔཱཀེསུཔི ཨུཔྤཛྫནཏོ ‘‘ཨིདཉྩ…པེ… དཊྛབྦ’’ནྟི. ཏཱསཾ ཨཔྤམཉྙཱནཾ. ཏེསུ མཧཱཝིཔཱཀེསུ. སཏྟཔཉྙཏྟཱདཱིནི ཨཱརམྨཎཱནི ཡསྶཱཏི ཝིགྒཧོ. ‘‘ཏེནཱ’’ཏི ཀུསལེན. ‘‘ཝིཀཔྤ རཧིཏཏྟཱ’’ཏི ཝིཝིདྷཱཀཱར ཙིནྟན རཧིཏཏྟཱ. ཨཔྤནཱཔཏྟ ཀམྨ ཝིསེསེཧི ནིབྦཏྟཱ ཨཔྤནཱཔཏྟཀམྨ ཝིསེས ནིབྦཏྟཱ. པཉྙཏྟི ཝིསེསཱནི ནཱམ པཐཝཱིཀསིཎ ནིམིཏྟཱདཱིནི. ‘‘ཨཔི ཙཱ’’ཏིཨཱདཱིསུ. ན པཉྙཏྟི དྷམྨེཧི ཨཏྠི. ཨེཝཉྩ སཏི, ཀཱམཝིཔཱཀཱནི ཀཱམཏཎྷཱཡ ཨཱརམྨཎབྷཱུཏཱ པཉྙཏྟིཡོཔི ཨཱལམྦེཡྻུནྟི. ‘‘སངྒཧནཡབྷེདཀཱརཀཱ’’ཏི པཐ མཛ྄ཛྷཱནིཀ ¶ ཙིཏྟེསུ ཚཏྟིཾས. དུཏཱིཡཛ྄ཛྷཱནིཀ ཙིཏྟེསུ པཉྩཏིཾསཱཏིཨཱདིནཱ སངྒཧནཡབྷེདསྶ ཀཱརཀཱ.

༡༢༦. ‘‘ཨེཏྠ ཙཱ’’ཏིཨཱདཱིསུ. ‘‘པཉྩསུ ཨསངྑཱརིཀེསཱུ’’ཏི ནིདྡྷཱརཎེ བྷུམྨཝཙནཾ. ཏཐཱ པཉྩསུ སསངྑཱརིཀེསཱུཏི. སེསམེཏྠ སུཝིཉྙེཡྻཾ.

༡༢༨. ‘‘བྷཱུམི ཛཱཏི སམྤཡོགཱདིབྷེདེནཱ’’ཏི ཕསྶོཏཱཝ ཙཏུབྦིདྷོ ཧོཏི ཀཱམཱཝཙརོ, རཱུཔཱཝཙརོ, ཨརཱུཔཱཝཙརོ ཙཱཏི. ཨཡཾ བྷཱུམིབྷེདོ.

དྭཱདསཱཀུསལཱ ཕསྶཱ, ཀུསལཱ ཨེཀཝཱིསཏི;

ཚཏྟིཾསེཝ ཝིཔཱཀཱ ཙ, ཝཱིསཏི ཀྲིཡཱ མཏཱ.

ཨིཏི ཨཡཾ ཛཱཏིབྷེདོ. སོམནསྶ སཧགཏོ, དིཊྛིགཏ སམྤཡུཏྟོ, ཨསངྑཱརིཀོ ཙ, སསངྑཱརིཀོ ཙཱཏིཨཱདིནཱ སམྤཡོགཱདིབྷེདོ ཝཏྟབྦོ. ‘‘ཙིཏྟེན སམཾ བྷེད’’ནྟི ཨཏྟནཱ ཝཱ སམྤཡུཏྟེན ཙིཏྟབྷེདེན སམཾ བྷེདཾ. ཨེཀཱུནན ཝུཏིཡཱ ཙིཏྟེསུ ཝཱ. ཨེཏྠ ཙ ཝིཙིཀིཙྪཱ ཙེཏསིཀཾ ཨེཀསྨིཾ ཙིཏྟེ ཡུཏྟནྟི ཨེཀམེཝ ཧོཏི. དོསོ, ཨིསྶཱ, མཙྪརིཡཾ, ཀུཀྐུཙྩནྟི ཨིམེ ཙཏྟཱརོ དྭཱིསུ ཙིཏྟེསུ ཡུཏྟཱཏི ཝིསུཾ ཝིསུཾ དྭེ དྭེ ཧོནྟི. ཏཐཱ དིཊྛིམཱནཱ པཙྩེཀཾ ཙཏྟཱརོ. ཐིནམིདྡྷཾ པཙྩེཀཾ པཉྩཱཏིཨཱདིནཱ སབྦཾ ཝཏྟབྦནྟི.

ཙེཏསིཀསངྒཧདཱིཔནིཡཱཨནུདཱིཔནཱ ནིཊྛིཏཱ.

༣. པཀིཎྞཀསངྒཧཨནུདཱིཔནཱ

༡༢༩. པཀིཎྞཀསངྒཧེ ¶ . ཨུབྷིནྣཾ ཙིཏྟ ཙེཏསིཀཱནཾ. ‘‘ཏེཔཉྙཱསཱ’’ཏི ཏེཔཉྙཱསཝིདྷཱ. ‘‘བྷཱཝོ’’ཏི ཝིཛྫམཱནཀིརིཡཱ. ཡོ ལཀྑཎ རསཱདཱིསུ ལཀྑཎནྟི ཝུཙྩཏི. ཏེནཱཧ ‘‘དྷམྨཱནཾ’’ཏིཨཱདིཾ. པཝཏྟོཏི པཱཋསེས པདཾ. ཨེཏེན ‘ཝེདནཱ བྷེདེན ཙིཏྟཙེཏསིཀཱནཾ སངྒཧོ’ཏིཨཱདཱིསུཔི ཝེདནཱ བྷེདེན པཝཏྟོ ཙིཏྟཙེཏསིཀཱནཾ སངྒཧོཏིཨཱདིནཱ སམྦནྡྷཾ དསྶེཏི. ‘‘ཝཙནཏྠོ དསྶིཏོ’’ཏི, ཀཐཾ དསྶིཏོཏི ཨཱཧ ‘‘ཝེདནཱ བྷེདེན ཙིཏྟཙེཏསིཀཱནཾ སངྒཧོ’’ཏིཨཱདི. ‘‘ཏེསཾ དཱནི ཡཐཱརཧཾ’’ཏི ཨེཏྠ ‘‘ཏེསཾ’’ཏི ཙིཏྟཙེཏསིཀཱནཾ, སངྒཧོ ནཱམཱཏི སམྦནྡྷོ. ཨེཏེན ཨཡཾ སངྒཧོ ཙིཏྟ ཙེཏསིཀཱནཾ ཨེཝ སངྒཧོཏི སིདྡྷཾ ཧོཏི. ཝེདནཱ ཧེཏུཏོ. ལ. ལམྦཎཝཏྠུཏོ སངྒཧོ ནཱམཱཏི སམྦནྡྷོ. ཨེཏེན ཨུཔརི ཝེདནཱ སངྒཧོཏིཨཱདཱིསུ ཝེདནཱཏོ སངྒཧོ ཝེདནཱ སངྒཧོ. ལ. ཝཏྠུཏོ སངྒཧོ ཝཏྠུ སངྒཧོཏི སིདྡྷཾ ཧོཏི, ཝེདནཱཏོཏིཨཱདཱིསུ ཙ ཝེདནཱ བྷེདཏོཏིཨཱདི ཨཏྠཏོ སིདྡྷཾ ཧོཏི. ཨེཝཾ ཚནྣཾ པཀིཎྞཀསངྒཧཱནཾ ཝཙནཏྠོ དསྶིཏོ. ཏེནཱཧ ‘‘ཝེདནཱ བྷེདེནཱ’’ཏིཨཱདིཾ. ཨཱདིནཱ དསྶིཏོཏི སམྦནྡྷོ. ‘‘སངྒཧོ ནཱམ ནིཡྻཏེ’’ཏི ཝུཏྟཏྟཱ ‘‘ནཱིཏོ ནཱམ ཨཏྠཱི’’ཏི ཝུཏྟཾ. ‘‘ནིཡྻཏེ’’ཏི ཙ པཝཏྟཱིཡཏེཏི ཨཏྠོ. ནནུ ཏེསཾ ‘‘སངྒཧོ ནཱམ ནིཡྻཏེ’’ཏི ཝུཏྟཏྟཱ དྭཱིཧི ཙིཏྟ ཙེཏསིཀེཧི ཨེཝ ཨཡཾ སངྒཧོ ནེཏབྦོཏི. ན. ཙིཏྟེན ནཱིཏེ ཙེཏསིཀེཧི ཝིསུཾ ནེཏབྦ ཀིཙྩསྶ ཨབྷཱཝཏོཏི དསྶེཏུཾ ‘‘ཙིཏྟེ པན སིདྡྷེ’’ཏིཨཱདི ཝུཏྟཾ.

༡༣༠. ཝེདནཱ སངྒཧེ. ཝེདནཱ བྷེདཾ ནིསྶཱཡ ཨིམསྶ སངྒཧསྶ པཝཏྟཏྟཱ ‘‘ནིསྶཡ དྷམྨ པརིགྒཧཏྠ’’ནྟི ཝུཏྟཾ. ‘‘སཾཡུཏྟཀེ’’ཏི ཝེདནཱ སཾཡུཏྟཀེ. ‘‘ཨཱརམྨཎཾ ཨནུབྷོནྟཱི’’ཏི ཨཱརམྨཎ རསཾ ཨནུབྷོནྟི. ‘‘ཏེ’’ཏི ཏེཛནཱ. ‘‘ཏཾ’’ཏི ཏཾ ཨཱརམྨཎཾ. ‘‘སཱཏཏོ’’ཏི སུཁཱཀཱརཏོ. ‘‘ཨསྶཱཏཏོ’’ཏི དུཀྑཱ ཀཱརཏོ ¶ . ཏཏོ ཨཉྙོཔཀཱརོ ནཏྠི, ཏསྨཱ ཝེདནཱ ཨནུབྷཝན ལཀྑཎེན ཏིཝིདྷཱ ཨེཝ ཧོཏཱིཏི ཡོཛནཱ. ‘‘དྭེ’’ཏི དྭེ ཝེདནཱཡོ. ཨུཔེཀྑཾ སུཁེ སངྒཧེཏྭཱ སུཁདུཀྑཝསེན ཝཱ དྭེ ཝེདནཱ ཝུཏྟཱཏི ཡོཛནཱ. ‘‘སནྟསྨིཾ ཨེསཱ པཎཱིཏེ སུཁེ’’ཏི ཛྷཱནསམྤཡུཏྟཾ ཨདུཀྑམ སུཁཾ སནྡྷཱཡ ཝུཏྟཾ. པཉྩ བྷེདཱདཱིསུ ཝིཏྠཱརོ ཝེདནཱ སཾཡུཏྟེ གཧེཏབྦོ. ཝེདཡིཏནྟི ཙ ཝེདནཱཏི ཙ ཨཏྠཏོ ཨེཀཾ. ‘‘སབྦཾ ཏཾ དུཀྑསྨིཾ’’ཏི སབྦཾ ཏཾ ཝེདཡིཏཾ དུཀྑསྨིཾ ཨེཝ པཝིཊྛཾ ཧོཏི. སངྑཱར དུཀྑཏཾ ཨཱནནྡ མཡཱ སནྡྷཱཡ བྷཱསིཏཾ སངྑཱར ཝིཔརིཎཱམཏཉྩ, ཡཾ ཀིཉྩི ཝེདཡིཏཾ, སབྦཾ ཏཾ དུཀྑསྨིཾཏི པཱལི༹. ‘‘ཨིནྡྲིཡབྷེདཝསེནཱ’’ཏི སོམནསྶ སཧགཏཾ, ཨུཔེཀྑཱསཧགཏཾ, དོམནསྶ སཧགཏཾ, སུཁསཧགཏཾ, དུཀྑ སཧགཏནྟི ཨེཝཾ ཨིནྡྲིཡ བྷེདཝསེན. ‘‘ཡེསུ དྷམྨེསཱུ’’ཏི སམྤཡུཏྟ དྷམྨེསུ. ‘‘ཏེསཾ’’ཏི སམྤཡུཏྟ དྷམྨཱནཾ. ཏཏྠ སུཁསམྤཡུཏྟཱ དྷམྨཱ ཀཱཡིཀ སུཁ སམྤཡུཏྟ ཙེཏསིཀ སུཁ སམྤཡུཏྟ ཝསེན དུཝིདྷཱ. ཨེཝཾ ཨིསྶརཊྛཱནབྷཱུཏཱནཾ སམྤཡུཏྟ དྷམྨཱནཾ དུཝིདྷཏྟཱ ཨནུབྷཝན བྷེདེ ཏཱིསུ ཝེདནཱསུ ཨེཀཾ སུཁ ཝེདནཾ དྭིདྷཱ བྷིནྡིཏྭཱ སུཁིནྡྲིཡཾ སོམནསྶིནྡྲིཡནྟི ཝུཏྟཾ. དུཀྑསམྤཡུཏྟ དྷམྨེསུཔི ཨེསེཝནཡོ. ‘‘ཨཔི ཙཱ’’ཏི ཀིཉྩི ཝཏྟབྦཾ ཨཏྠཱིཏི ཨཏྠོ. ‘‘ཏེཔཱི’’ཏི ཨུཔེཀྑཱ སམྤཡུཏྟཱཔི དྷམྨཱ. ཙཀྑཱདི པསཱདཀཱཡཱ ནཱམ ཙཀྑུ སོཏ གྷཱན ཛིཝ྄ཧཱ པསཱདཀཱཡཱ. ཏེསུ ནིསྶིཏཱ ནཱམ ཙཀྑུ ཝིཉྙཱཎ ཙིཏྟུཔྤཱདཱདཡོ. ‘‘སབྦྷཱཝཱ’’ཏི སནྟབྷཱཝཏོ སཾཝིཛྫམཱན བྷཱཝཏོ དུཝིདྷཱ ཧོནྟཱིཏི ཡོཛནཱ. ‘‘ཨེཀ རསཏྟཱ’’ཏི མཛ྄ཛྷཏྟབྷཱཝེན ཨེཀརསཏྟཱ. ‘‘ཨིཏརཱནཱི’’ཏི སོམནསྶ དོམནསྶ ཨུཔེཀྑིནྡྲིཡཱནི. སེསམེཏྠ སུཝིཉྙེཡྻཾ.

༡༣༡. ཧེཏུསངྒཧེ. ‘‘སུཔྤཏིཊྛིཏབྷཱཝསཱདྷནཾ’’ཏི སུཊྛུ པཏིཊྛཧནྟཱིཏི སུཔྤཏིཊྛིཏཱ. སུཔྤཏིཊྛིཏ བྷཱཝསཱདྷནཾ ཧེཏུ ཀིཙྩཾ ནཱམཱཏི ཡོཛནཱ. ‘‘ཨིམེཔི དྷམྨཱ’’ཏི ཨིམེཔི ཚ ཧེཏུ དྷམྨཱ. ‘‘ཏཏྠཱ’’ཏི ཏེསུ ཨཱརམྨཎེསུ, སཱདྷེནྟི. ཏསྨཱ སུཔྤཏིཊྛིཏ བྷཱཝསཱདྷནཾ ཧེཏུཀིཙྩཾ ནཱམཱཏི ཝུཏྟཾ. ‘‘ཨཔརེ པནཱ’’ཏི པཊྛཱནཊྛ ཀཐཱཡཾ ¶ ཨཱགཏོ རེཝཏཏྠེར ཝཱདོ. ‘‘དྷམྨཱནཾ ཀུསལཱདི བྷཱཝསཱདྷནཾ’’ཏི སཧཛཱཏདྷམྨཱནཾ ཀུསལབྷཱཝསཱདྷནཾ ཨཀུསལབྷཱཝསཱདྷནཾ ཨབྱཱཀཏབྷཱཝསཱདྷནཾ. ‘‘ཨེཝཾ སནྟེ’’ཏིཨཱདི ཏཾ ཝཱདཾ པཊིཀྑིཔནྟཱནཾ པཊིཀྑེཔཝཙནཾ. ‘‘ཡེས’’ནྟི མོཧམཱུལ ཙིཏྟ དྭཡེ མོཧོ ཙ ཨཧེཏུཀ ཙིཏྟུཔྤཱད རཱུཔ ནིབྦཱནཱནི ཙ. ‘‘ན སམྤཛྫེཡྻཱ’’ཏི སཧཛཱཏ ཧེཏུནོ ཨབྷཱཝཱ ཏསྶ མོཧསྶ ཨཀུསལ བྷཱཝོ, ཨིཏརེ སཉྩ ཨབྱཱཀཏ བྷཱཝོ ན སམྤཛྫེཡྻ. ཨིདཾ ཝུཏྟཾ ཧོཏི. ཧེཏུ ནཱམ སཧཛཱཏ དྷམྨཱནཾ ཀུསལཱདིབྷཱཝཾ སཱདྷེཏཱིཏི ཝུཏྟཾ. ཨེཝཾ སཏི, སོ མོཧོ སམྤཡུཏྟ དྷམྨཱནཾ ཨཀུསལ བྷཱཝཾ སཱདྷེཡྻ. ཨཏྟནོ པན ཨཀུསལ བྷཱཝཾ སཱདྷེནྟོ སཧཛཱཏོ ཨཉྙོ ཧེཏུ ནཏྠི. ཏསྨཱ ཏསྶ ཨཀུསལབྷཱཝོ ན སམྤཛྫེཡྻ. ཏཐཱ ཨཧེཏུཀ ཙིཏྟུཔྤཱད རཱུཔ ནིབྦཱནཱནཉྩ ཨབྱཱཀཏབྷཱཝཾ སཱདྷེནྟོ ཀོཙི སཧཛཱཏོ ཧེཏུ ནཱམ ནཏྠཱིཏི ཏེསམྤི ཨབྱཱཀཏ བྷཱཝོ ན སམྤཛྫེཡྻ. ན ཙ ན སམྤཛྫཏི. ཏསྨཱ སོ ཐེརཝཱདོ ན ཡུཏྟོཏི. ཨེཏྠ སིཡཱ. སོཙ མོཧོ ཨཏྟནོ དྷམྨཏཱཡ ཨཀུསལོ ཧོཏི. ཏཱནི ཙ ཨཧེཏུཀ ཙིཏྟུཔྤཱདརཱུཔ ནིབྦཱནཱནི ཨཏྟནོ དྷམྨཏཱཡ ཨབྱཱཀཏཱནི ཧོནྟཱིཏི. ཨེཝཾ སནྟེ, ཡཐཱ ཏེ དྷམྨཱ. ཏཐཱ ཨཉྙེཔི དྷམྨཱ ཨཏྟནོ དྷམྨཏཱཡ ཨེཝ ཀུསལཱ ཀུསལཱ བྱཱཀཏཱ བྷཝིསྶནྟི. ན ཙེཏྠ ཀཱརཎཾ ཨཏྠི, ཡེནཀཱརཎེན ཏེ ཨེཝ དྷམྨཱ ཨཏྟནོ དྷམྨཏཱཡ ཨཀུསལཱ བྱཱཀཏཱ ཧོནྟི. ཨཉྙེ པན དྷམྨཱ ཨཏྟནོ དྷམྨཏཱཡ ཀུསལཱ ཀུསལཱ བྱཱཀཏཱ ན ཧོནྟི, ཧེཏཱུཧི ཨེཝ ཧོནྟཱིཏི. ཏསྨཱ ཏེསཾ སབྦེསམྤི ཀུསལཱདི བྷཱཝཏྠཱཡ ཧེཏཱུཧི པཡོཛནཾ ནཏྠི. ཏསྨཱ སོ ཐེརཝཱདོ ན ཡུཏྟོ ཡེཝཱཏི. ན ཀེཝལཉྩ ཏསྨིཾ ཐེརཝཱདེ ཨེཏྟཀོ དོསོ ཨཏྠི. ཨཐ ཁོ ཨཉྙོཔི དོསོ ཨཏྠཱིཏི དསྶེཏུཾ ‘‘ཡཱནི ཙཱ’’ཏིཨཱདིམཱཧ. ཏཏྠཱཡཾ ཨདྷིཔྤཱཡོ. སཙེ དྷམྨཱནཾ ཀུསལཱདི བྷཱཝོ སཧཛཱཏ ཧེཏུཔྤཊིབདྡྷོ སིཡཱ. ཨེཝཾ སཏི, ཧེཏུ པཙྩཡེ ཀུསལ ཧེཏུཏོ ལདྡྷ པཙྩཡཱནི རཱུཔཱནི ཀུསལཱནི བྷཝེཡྻུཾ. ཨཀུསལ ཧེཏུཏོ ལདྡྷ པཙྩཡཱནི རཱུཔཱནི ཨཀུསལཱནི བྷཝེཡྻུཾ ¶ . ན ཙ བྷཝནྟི. ཏསྨཱ སོ ཝཱདོ ཨཡུཏྟོ ཡེཝཱཏི. ཨིདཱནི པུན ཏཾ ཐེརཝཱདཾ པགྒཧེཏུཾ ‘‘ཡཐཱཔནཱ’’ཏིཨཱདིམཱཧ. ‘‘དྷམྨེསཱུ’’ཏི ཙཏུསྶཙྩ དྷམྨེསུ. མུཡ྄ཧནཀིརིཡཱ ནཱམ ཨནྡྷཀཱར ཀིརིཡཱ. དྷམྨཙྪནྡོ ནཱམ དཱནཾ དཱཏུཀཱམོ, སཱིལཾ པཱུརེཏུཀཱམོ, བྷཱཝནཾ བྷཱཝེཏུཀཱམོ ཨིཙྩཱདིནཱ པཝཏྟོ ཚནྡོ. ‘‘ཨཀྑནྟཱི’’ཏི ཨཀྑམནཾ, ཨརོཙནཾ, ཨམནཱཔོ. པཱཔ དྷམྨ པཱཔཱ རམྨཎ ཝིརོདྷོ ནཱམ ཀཱམརཱགཊྛཱནཱིཡེཧི སཏྟཝིདྷ མེཐུན དྷམྨཱདཱིཧི པཱཔ དྷམྨེཧི ཙེཝ པཉྩཀཱམགུཎཱ རམྨཎེ ཧི ཙ ཙིཏྟསྶ ཝིརོདྷོ, ཛེགུཙྪོ པཊིཀཱུལོ. མུཡ྄ཧནཀིརིཡཱ པན ཨེཀནྟ ཨཀུསལ ཛཱཏིཀཱ ཨེཝ ཧོཏི. ཨེཏྟཱཝཏཱ མོཧམཱུལ ཙིཏྟ དྭཡེ མོཧོ ཨཏྟནོ དྷམྨཏཱཡ ཨཀུསལོ ཧོཏཱིཏི ཨིམམཏྠཾ པཏིཊྛཱཔེཏི. ‘‘ཨེཝཾ སནྟེ’’ཏིཨཱདིཀཾ ཏཏྠ དོསཱརོཔནཾ ཝིདྷམཏི. ཨིདཱནི ཨཧེཏུཀ ཙིཏྟུཔྤཱད རཱུཔ ནིབྦཱནཱནི ཨཏྟནོ དྷམྨཏཱཡ ཨབྱཱཀཏཱནི ཧོནྟཱིཏི ཨིམམཏྠཾ པཏིཊྛཱཔེཏུཾ ‘‘ཡོཙ དྷམྨོ’’ཏིཨཱདིམཱཧ. ‘‘ཨེཏྟཀམེཝཱ’’ཏི ཨཉྙཾ དུཀྐར ཀཱརཎཾ ནཏྠཱིཏི ཨདྷིཔྤཱཡོ. ‘‘ཨཧེཏུཀ ཙིཏྟཱནཾ’’ཏི ཨཧེཏུཀ ཙིཏྟུཔྤཱདཱནཾ. ཨཏྟནོ དྷམྨཏཱཡ ཨེཝ སིདྡྷོ. ཨེཏྟཱཝཏཱ-ཨཧེཏུཀ. ལ. ནིབྦཱནཱནི ཨཏྟནོ དྷམྨཏཱཡ ཨབྱཱཀཏཱནི ཧོནྟཱི-ཏི ཨིམམཏྠཾ པཏིཊྛཱཔེཏི. ‘‘ཨེཝཾ སནྟེ’’ཏིཨཱདི ཏཏྠ དོསཱརོཔནཾ ཨཔནེཏི. ཨིདཱནི སབྦོཔི མོཧོ ཨཏྟནོ དྷམྨཏཱཡ ཨཀུསལ བྷཱཝེཋཏྭཱ ཨཉྙེསཾ ཨིཙྪཱ ནཱམ ཨཏྠི, ཨཀྑནྟི ནཱམ ཨཏྠཱིཏི ཨེཝཾ ཝུཏྟཱནཾ ཨིཙྪཱ ཨཀྑནྟི དྷམྨཱནམྤི ཨཀུསལ བྷཱཝཾ སཱདྷེཏཱིཏི དསྶེཏུཾ ‘‘ཏཏྠ མོཧོ’’ཏིཨཱདིམཱཧ. ‘‘མུཡ྄ཧན ནིསྶནྡཱནི ཨེཝཱ’’ཏི མུཡ྄ཧནཀིརིཡཱཡ ནིསྶནྡཔྥལཱནི ཨེཝ. ན ཀེཝལཾ སོ ལོབྷཱདཱིནཾ ཨཀུསལབྷཱཝཾ སཱདྷེཏི, ཨཐ ཁོ ཨལོབྷཱདཱིནམྤི ཀུསལབྷཱཝཾ སོ ཨེཝ སཱདྷེཏཱིཏི དསྶེཏུཾ ‘‘ཨལོབྷཱདཱིནཉྩཱ’’ཏིཨཱདི ཝུཏྟཾ. ‘‘ཨཝིཛྫཱནུསཡེན སཧེཝ སིདྡྷོ’’ཏི ཏཱནི སཏྟསནྟཱནེ ཨཝིཛྫཱནུསཡེ ཨཔྤཧཱིནེ ཀུསལཱནི ཧོནྟི. པཧཱིནེ ཀིརིཡཱནི ཧོནྟཱིཏི ཨདྷིཔྤཱཡོ. ཨིདཱནི ལོབྷ དོསཱནཾ ཨལོབྷཱདཱིནཉྩ ཧེཏུ ཀིཙྩཾ དསྶེཏུཾ ‘‘ཏཱནི པན ལོབྷཱདཱིནཱི’’ཏིཨཱདི ཝུཏྟཾ. རཛྫན དུསྶནཱནཾ ནིསྶནྡཱནི རཛྫནཱདིནིསྶནྡཱནི. ‘‘དིཊྛི མཱནཱདཱིནཱི’’ཏི ¶ དིཊྛི མཱན ཨིསྶཱ མཙྪརིཡཱདཱིནི. ཨརཛྫན ཨདུསྶན ཨམུཡ྄ཧནཱནཾ ནིསྶནྡཱནི ཨརཛྫནཱདི ནིསྶནྡཱནི. ‘‘སདྡྷཱདཱིནཱི’’ཏི སདྡྷཱ སཏི ཧིརི ཨོཏྟཔྤཱདཱིནི. ‘‘ཧེཏུམུཁེནཔཱི’’ཏི ཨཧེཏུཀ ཙིཏྟུཔྤཱད རཱུཔ ནིབྦཱནཱནཾ ཨབྱཱཀཏབྷཱཝོ ཨཏྟནོ དྷམྨཏཱཡ སིདྡྷོཏི ཝུཏྟོ. སཧེཏུཀ ཝིཔཱཀ ཀྲིཡཱནཾ ཨབྱཱཀཏ བྷཱཝོ པན ཨཏྟནོ དྷམྨཏཱཡ སིདྡྷོཏིཔི སཧཛཱཏ ཧེཏཱུནཾ ཧེཏུ ཀིཙྩེན སིདྡྷོཏིཔི ཝཏྟུཾ ཝཊྚཏཱིཏི ཨདྷིཔྤཱཡོ. ཝིབྷཱཝ ནིཔཱཋེ. ‘‘མགྒིཏབྦོ’’ཏི གཝེསིཏབྦོ. ཨཐ ཏེསཾ ཀུསལཱདི བྷཱཝོ སེསསམྤཡུཏྟ ཧེཏུཔྤཊི བདྡྷོ སིཡཱཏི ཡོཛནཱ. ‘‘ཨཔྤཊི བདྡྷོ’’ཏི ཧེཏུནཱ ཨཔྤཊི བདྡྷོ. ‘‘ཀུསལཱདིབྷཱཝོ’’ཏི ཀུསལཱདིབྷཱཝོ སིཡཱ. ‘‘སོ’’ཏི ཀུསལཱདིབྷཱཝོ. ‘‘ཨཧེཏུཀཱནཾ’’ཏི ཨཧེཏུཀ ཙིཏྟུཔྤཱད རཱུཔ ནིབྦཱནཱནཾ. ཨིདཱནི ‘ཡཱནི ཙ ལདྡྷཧེཏུ པཙྩཡཱནཱི’ཏིཨཱདི ཝཙནཾ པཊིཀྑིཔནྟོ ‘‘ཡཐཱཙཱ’’ཏིཨཱདིམཱཧ. ‘‘རཱུཔཱརཱུཔ དྷམྨེསཱུ’’ཏི ནིདྡྷཱརཎེ བྷུམྨ ཝཙནཾ. ‘‘ཨརཱུཔ དྷམྨེསུ ཨེཝཱ’’ཏི ནིདྡྷཱརཎཱིཡཾ. ན རཱུཔ དྷམྨེསུ ཕརནྟི. ཨེཝཾ སཏི, ཀསྨཱ ཏེ རཱུཔ དྷམྨཱ ཛྷཱནཔཙྩཡུཔྤནྣེསུ ཝུཏྟཱཏི ཨཱཧ ‘‘ཏེ པནཱ’’ཏིཨཱདིཾ. སེསམེཏྠ སུཝིཉྙེཡྻཾ. ‘‘ཏཾ པན ཏེསཾ’’ཏི ཏེསཾ ཧཾསཱདཱིནཾ ཏཾ ཝཎྞཝིསེསཾ. ‘‘ཡོནིཡོ’’ཏི མཱཏཱཔིཏུ ཛཱཏིཡོ. ‘‘ཨབྱཱཀཏཱནཾ པནཱཏི སབྦཾ’’ཏི ཨབྱཱཀཏཱནཾ པན ཨབྱཱཀཏབྷཱཝོ ནིརནུསཡ སནྟཱནཔྤཊི བདྡྷོ, ཀམྨཔྤཊི བདྡྷོ, ཨཝིཔཱཀབྷཱཝཔྤཊི བདྡྷོ ཙཱཏི དཊྛབྦནྟི ཨིདཾ སབྦཾ. ‘‘ཝུཏྟ པཀྑེཔཏཏི ཡེཝཱ’’ཏི ཏསྨིཾ པཀྑེ ཨནྟོགདྷམེཝཱཏི ཨདྷིཔྤཱཡོ.

༡༣༢. ཀིཙྩསངྒཧེ. ཏསྨིཾ པརིཀྑཱིཎེཏི སམྦནྡྷོ. ‘‘ཀམྨསྶཱ’’ཏི ཀམྨནྟརསྶ. ཙུཏསྶ སཏྟསྶ ཨབྷིནིབྦཏྟཱིཏི སམྦནྡྷོ. ‘‘བྷཝནྟརཱདིཔྤཊི སནྡྷཱན ཝསེནཱ’’ཏི བྷཝནྟརསྶ ཨཱདིཀོཊིཡཱ པཊིསནྡྷཱན ཝསེན. བྷཝསནྟཱནསྶ པཝཏྟཱིཏི སམྦནྡྷོ. ཀཐཾ པཝཏྟཱིཏི ཨཱཧ ‘‘ཡཱཝ ཏཾ ཀམྨཾ’’ཏིཨཱདིཾ. ‘‘ཨཝིཙྪེདཔྤཝཏྟི པཙྩཡངྒབྷཱཝེནཱ’’ཏི ཨཝིཙྪེདཔྤཝཏྟིཡཱ པདྷཱན པཙྩཡ སངྑཱཏེན ཨངྒབྷཱཝེན. ཨེཏེན བྷཝངྒཔདེ ཨངྒསདྡསྶ ཨཏྠཾ ཝདཏི ¶ . ཏེནཱཧ ‘‘ཏསྶཧཱི’’ཏིཨཱདིཾ. ‘‘ཏསྶཱ’’ཏི བྷཝངྒསྶ. ཨཱཝཛྫནཾ ཨཱཝཊྚནནྟི ཨེཀོ ཝཙནཏྠོ. ཏཾ ཝཱ ཨཱཝཛྫེཏཱིཏི ཨེཀོ. ‘‘ཏཾ’’ཏི ཙིཏྟ སནྟཱནཾ. ཨཱཝཊྚཏི ཝཱ ཏཾ ཨེཏྠཱཏི ཨེཀོ. ཨཱཝཊྚཏི ཝཱ ཏཾ ཨེཏེནཱཏི ཨེཀོ. ‘‘ཏཾ’’ཏི ཙིཏྟ སནྟཱནཾ. ཨཱཝཛྫེཏི ཝཱཏི ཨེཀོ. ‘‘ཝོཊྛབྦནཾ’’ཏི ཝི-ཨཝ-ཋཔནཾཏི པདཙྪེདོ. ཝིབྷཱཝནི ཝིཙཱརཎཱཡཾ. ‘‘ཨེཀཱཝཛྫན པརིཀམྨ ཙིཏྟཏོ’’ཏི མགྒེན ཝཱ ཨབྷིཉྙཱཡ ཝཱ ཨེཀཾ སམཱནཾ ཨཱཝཛྫནཾ ཨསྶཱཏི ཝིགྒཧོ. ཏསྶཾ ཝཱིཐིཡཾ ‘ཨཱཝཛྫནཾ, པརིཀམྨཾ, ཨུཔཙཱརོ, ཨནུལོམཾ, གོཏྲབྷཱུ,ཏི ཨེཏྠ པརིཀམྨ ཛཝནཙིཏྟཾ ཨིདྷ པརིཀམྨ ཙིཏྟནྟི ཝུཏྟཾ. ‘‘ཏཱནཱི’’ཏི མགྒཱ བྷིཉྙཱཛཝནཱནི. ‘‘ཏཏྠཱ’’ཏི ཏསྨིཾ ཝིབྷཱཝནི པཱཋེ. ‘‘དཱིགྷཾ ཨདྡྷཱནཾ’’ཏི སཀལརཏྟིཡཾ ཝཱ སཀལ དིཝསཾ ཝཱ ནིདྡོཀྐམན ཝསེན དཱིགྷཾ ཀཱལཾ. སེསམེཏྠ སུཝིཉྙེཡྻཾ. ‘‘པཊིསནྡྷིཡཱཋཱནཾ’’ཏི པཊིསནྡྷིཀིཙྩསྶ ཋཱནཾ. ཀཱལོཧི ནཱམ ཝིསུཾ ཙིཏྟསྶ ཨཱརམྨཎ བྷཱུཏོ ཨེཀོ པཉྙཏྟི དྷམྨོཏི ཨེཏེན ཀཱལོ ནཱམ སབྷཱཝཏོ ཨཝིཛྫམཱནཏྟཱ ཀཐཾ ཀིཙྩཱནཾ པཝཏྟིཊྛཱནཾ ནཱམ སཀྐཱ བྷཝིཏུནྟི ཨིམཾ ཨཱསངྐཾ ཝིསོདྷེཏི. ‘‘ཨིཏརཐཱ’’ཏི ཏཐཱ ཨགྒཧེཏྭཱ ཨཉྙཐཱ ཀིཙྩཊྛཱནཱནཾ ཨབྷེདེ གཧིཏེ སཏཱིཏི ཨཏྠོ. ‘‘སཡཾ སོམནསྶ ཡུཏྟཾཔཱི’’ཏི ཀདཱཙི སཡཾ སོམནསྶ ཡུཏྟཾཔི. ‘‘ཏཾ’’ཏི སོམནསྶ སནྟཱིརཎཾ. ‘‘ལདྡྷཔཙྩཡ བྷཱཝེནཱ’’ཏི ལདྡྷཨནནྟར པཙྩཡབྷཱཝེན. ‘‘ཨཱསེཝན བྷཱཝ རཧིཏཾ པཱི’’ཏི ཨཱསེཝན གུཎ རཧིཏམྤི. ཏཉྷི ཨཱསེཝན པཙྩཡེ པཙྩཡོཔི ན ཧོཏི, པཙྩཡུཔྤནྣམྤི ན ཧོཏཱིཏི. ‘‘པརིཀམྨ བྷཱཝནཱ བལེན ཙ པཝཏྟཏྟཱ’’ཏི ཨིདཾ ཕལསམཱཔཏྟི ཝཱིཐིཡཾ ཕལཛཝནེསུ པཱཀཊཾ. སེསམེཏྠསུབོདྷམེཝ.

༡༣༣. དྭཱརསངྒཧེ. ‘‘ཨཱདཱསཔཊྚམཡོ’’ཏི ཨཱདཱསཔཊྚེན པཀཏོ. ‘‘དྭེ ཨེཝཱ’’ཏི དྭེ ཨེཝ དྭཱརཱནི. ‘‘དྭཱར སདིསཏྟཱ’’ཏི ནགར དྭཱར སདིསཏྟཱ. ‘‘ཀམྨཝིསེས མཧཱབྷཱུཏ ཝིསེས སིདྡྷེནཱ’’ཏི ཨེཏྠ ཀམྨཝིསེསེན ཙ མཧཱབྷཱུཏ ཝིསེསེན ཙ སིདྡྷོཏི ཝིགྒཧོ. ཨཱཝཛྫནཱདཱིནི ཙ ཝཱིཐི ཙིཏྟཱནི གཎྷནྟི. ‘‘ཡམྷཱི’’ཏི ཡསྨིཾ ¶ ཙཀྑུམྷི. ཏདེཝ ཙཀྑུ ཙཀྑུདྭཱརཾ ནཱམཱཏི སམྦནྡྷོ. ‘‘ཏེསཾ དྭིནྣཾ’’ཏི རཱུཔ ནིམིཏྟཱནཉྩ ཨཱཝཛྫནཱདི ཝཱིཐིཙིཏྟཱནཉྩ. ‘‘ཝིསཡ ཝིསཡཱི བྷཱཝཱུཔགམནསྶཱ’’ཏི ཨེཏྠ རཱུཔ ནིམིཏྟཱནཾ ཝིསཡབྷཱཝསྶ ཨུཔགམནཾ ནཱམ ཙཀྑུ མཎྜེ ཨཱཔཱཏཱགམནཾ ཝུཙྩཏི. ཨཱཝཛྫནཱདཱིནཾ ཝིསཡཱི བྷཱཝསྶ ཨུཔགམནཾ ནཱམ ཏེསཾ ནིམིཏྟཱནཾ ཨཱརམྨཎ ཀརཎཾ ཝུཙྩཏི. ‘‘མུཁཔྤཐབྷཱུཏཏྟཱ’’ཏི མུཁམགྒབྷཱུཏཏྟཱ. ཨེཝཾ དྭཱར སདྡསྶ ཀརཎ སཱདྷནཡུཏྟིཾ དསྶེཏྭཱ ཨིདཱནི ཨདྷིཀརཎ སཱདྷན ཡུཏྟིཾ དསྶེཏི ‘‘ཨཐཝཱ’’ཏིཨཱདིནཱ. ‘‘རཱུཔཱནཾ’’ཏི རཱུཔ ནིམིཏྟཱནཾ. ‘‘ཙཀྑུམེཝ ཙཀྑུ དྭཱར’’ནྟི ཨེཏེན ཙཀྑུམེཝ དྭཱརཾ ཙཀྑུ དྭཱརནྟི ཨཝདྷཱརཎ སམཱསཾ དསྶེཏི. ‘‘ཀཱརཎཾ ཝུཏྟམེཝཱ’’ཏི ཧེཊྛཱ ཙིཏྟསངྒཧེ མནོདྭཱརཱཝཛྫནཔདེ ཝུཏྟམེཝ. སབྦཾ ཨེཀཱུན ནཝུཏིཝིདྷཾ ཙིཏྟཾ མནོདྭཱརམེཝ ནཱམ ཧོཏི. ཏཐཱཧི ཝུཏྟཾ ཨཊྛསཱལིནིཡཾ ཨཡཾ ནཱམམནོ མནོདྭཱརཾ ནཱམ ན ཧོཏཱིཏི ན ཝཏྟབྦོཏི. ‘‘ཨུཔཔཏྟི དྭཱརམེཝཱ’’ཏི ཨུཔཔཏྟིབྷཝ པརིཡཱཔནྣཾ ཀམྨཛདྭཱརམེཝ. ‘‘ཨིདྷ ཙཱ’’ཏི ཨིམསྨིཾ སངྒཧགནྠེ ཙ. ཡཉྩ སཱདྷཀ ཝཙནནྟི སམྦནྡྷོ. ‘‘ཏཏྠཱ’’ཏི ཝིབྷཱཝནིཡཾ. ‘‘ཏཏྠེཝ ཏཾ ཡུཏྟཾ’’ཏི ཏསྨིཾ པཱལི༹པྤདེསེ ཨེཝ ཏཾ སཱདྷཀ ཝཙནཾ ཡུཏྟཾ. ཨིཏརེ དྭེ པཙྩཡཱཏི སམྦནྡྷོ. ‘‘མནཉྩཱཏི ཨེཏྠཱ’’ཏི མནཉྩ པཊིཙྩ དྷམྨེ ཙ ཨུཔྤཛྫཏི མནོཝིཉྙཱཎཾཏི ཝཱཀྱེ མནཉྩཱཏིཔདེ. ཏཏྠ པན ཛཝན མནོཝིཉྙཱཎསྶ ཨུཔྤཏྟིཡཱ ཙཏཱུསུ པཙྩཡེསུ མནཉྩཱཏི ཨེཏྠ དྭཱརབྷཱུཏཾ བྷཝངྒམནོ ཙ ཨཱཝཛྫན མནོ ཙཱཏི དྭེ པཙྩཡཱ ལབྦྷནྟི. དྷམྨེ ཙཱཏི པདེ དྷམྨཱརམྨཎ སངྑཱཏོ ཨེཀོ པཙྩཡོ ལབྦྷཏི. ཙ སདྡེན མནོཝིཉྙཱཎ སམྤཡུཏྟཀྑནྡྷཱ གཡ྄ཧནྟི. ཨེཝཾ ཙཏྟཱརོ པཙྩཡཱ ཧོནྟི. ‘‘ཨེཏྠ ཙཱ’’ཏི ཨིམསྨིཾ ཨཊྛཀཐཱ ཝཙནེ. ‘‘སནྣིཧིཏ པཙྩཡཱནཾ ཨེཝ ཏཏྠ ཨདྷིཔྤེཏཏྟཱ’’ཏི པཊིཙྩ སདྡསཱམཏྠིཡེན ཨཱསནྣེ དྷརམཱནཔཙྩཡཱནཾ ཨེཝ ཏསྨིཾ པཱལི༹ཝཱཀྱེ ཨདྷིཔྤེཏཏྟཱ. ‘‘དྭཱརབྷཱཝཱརཧསྶཱ’’ཏི ཝིསཡ ཝིསཡཱིནཾ ཝུཏྟ ནཡེན པཝཏྟི མུཁབྷཱཝཱརཧསྶ. ཨེཏེན ཨཱརམྨཎཱནི ཨཱཔཱཏཾ ཨཱགཙྪནྟུ ཝཱ, མཱཝཱ, ཝཱིཐི ཙིཏྟཱནི པཝཏྟནྟུཝཱ, མཱཝཱ, ཨཔྤམཱཎཾ. པབྷསྶརཔྤསནྣབྷཱཝེན དྭཱརབྷཱཝཱ རཧཏཱ ཨེཝ པམཱཎནྟི དཱིཔེཏི. ‘‘ནིཊྛམེཏྠ གནྟབྦཾ’’ཏི སནྣིཊྛཱནཾ ཨེཏྠ གནྟབྦཾ. དྭཱརཝིཀཱར ¶ མཱུལཀཱནི ཏཱདིསཱནི ཀིཙྩཱནི ཡེསཾ ཏཱནི ཏཾ ཀིཙྩཝནྟཱནི. ‘‘ཀམྨཝསེན སིཛ྄ཛྷནྟཱི’’ཏི སཏྟསནྟཱནེ པཝཏྟནྟཱིཏི ཨདྷིཔྤཱཡོ. ཏཾ ཀིཙྩཝནྟཱནི ཙིཏྟཱནི. ཝིབྷཱཝནི པཱཋེ ‘‘མནོདྭཱར སངྑཱཏ བྷཝངྒཏོ’’ཏི མནོདྭཱར སངྑཱཏ བྷཝངྒ བྷཱཝཏོ ཙ. ‘‘ཨཱརམྨཎནྟརགྒཧཎཝསེན ཨཔྤཝཏྟིཏོ’’ཏི པཊིསནྡྷི ཙིཏྟེན ཡཐཱ གཧིཏཾ ཀམྨཀམྨནིམིཏྟཱདིཀཾ ཨཱརམྨཎཾ མུཉྩིཏྭཱ པཝཏྟིཀཱལེ ཚསུ དྭཱརེསུ ཨཱཔཱཏཱགཏསྶ ཨཱརམྨཎནྟརསྶ གཧཎ ཝསེན ཨཔྤཝཏྟིཏོ ཙ. ཧེཊྛཱཔི པཉྩདྭཱརཱ ཝཛྫན ཙཀྑུ ཝིཉྙཱཎ སམྤཊིཙྪན སནྟཱིརཎ ཝོཊྛབྦན ཀཱམཱཝཙརཛཝན ཏདཱ རམྨཎ ཝསེནཱཏིཨཱདིནཱ ཀིཙྩསཱིསེནེཝ. ལ. ཝུཏྟོ. ཨེཏྠཧི ཨཱཝཛྫན སམྤཊིཙྪནཱདཱིནི ཀིཙྩ ཝིསེསཱནཾ ནཱམཱནི ཧོནྟི. ‘‘ཙེ’’ཏི ཙེ ཝདེཡྻ. ‘‘ནཱ’’ཏི ན ཝཏྟབྦཾ. ‘‘ཏཐཱ ཨསྶུཏཏྟཱ’’ཏི ཨེཀཱུན ཝཱིསཏི དྭཱར ཝིམུཏྟཱནཱིཏི ཙ, ཚ དྭཱརིཀཱནི ཙེཝ དྭཱར ཝིམུཏྟཱནཱིཏི ཙ, མཧགྒཏ ཝིཔཱཀཱནི དྭཱར ཝིམུཏྟཱནེ ཝཱཏི ཙ, སུཏཾ. ན པན དྭཱརིཀ ཝིམུཏྟཱནཱིཏི སུཏཾ.

༡༣༤. ཨཱརམྨཎ སངྒཧེ. ‘‘དུབྦལ པུརིསེནཱ’’ཏི གེལཉྙཱབྷིབྷཱུཏཏྟཱ ཝཱ ཛརཱབྷིབྷཱུཏཏྟཱ ཝཱ དཎྜེན ཝཱ རཛྫུཀེན ཝཱ ཝིནཱ ཨུཊྛཱཏུམྤི པཏིཊྛཱཏུམྤི ཨཔརཱཔརཾ གནྟུམྤི ཨསཀྐོནྟེན དུབྦལ པུརིསེན དཎྜཀཾ ཝཱ རཛྫུཀཾ ཝཱ ཨཱལམྦིཡཏི. ཨཱལམྦིཏྭཱ ཨུཊྛཱཏི. པཏིཊྛཱཏི. ཨཔརཱཔརཾ གཙྪཏི. ཨེཝམེཝ. ཨམུཉྩ མཱནེཧི ཧུཏྭཱཏི པཱཋསེསོ. ‘‘ཨཱགནྟྭཱ’’ཏི ཨཱརམྨཎ ཀརཎ ཝསེན ཏཏོ ཏཏོ ཨཱགནྟྭཱ. ‘‘ཝིསུཾ སིདྡྷཱནཱི’’ཏི ཨཱལམྦིཡཏཱིཏི ཨེཏསྨིཾ ཨཏྠེ སཏི, ཨཱལམྦཎནྟི སིཛ྄ཛྷཏི. ཨཱརམྨཎནྟི ན སིཛ྄ཛྷཏི. ཏཱནི ཨེཏྠ ཨཱགནྟྭཱ རམནྟཱིཏི ཨེཏསྨིཾ ཨཏྠེ སཏི, ཨཱརམྨཎནྟི སིཛ྄ཛྷཏི. ཨཱལམྦཎནྟི ན སིཛ྄ཛྷཏི. ཨེཝཉྩ སཏི ཨེཀཾ པདཾ དྭཱིཧིཝཱཀྱེཧི དསྶནཾ ན སུནྡརནྟི. ‘‘ཨཉྙཱནི ཨཱརམྨཎཱནཱི’’ཏི རཱུཔཱརམྨཎཏོ ཨཉྙཱནི སདྡཱརམྨཎཱདཱིནི. ‘‘ཨཱགཙྪཏཱི’’ཏི ཨཱཝིབྷཱཝཾ གཙྪཏི, ཨུཔྤཱདཔྤཝཏྟི ཝསེན པཙྩཀྑབྷཱཝཾ པཱཔུཎཱཏི. ‘‘ཨཱགཙྪིཏྠཱ’’ཏི ཨཱཝིབྷཱཝཾ གཙྪིཏྠ, ཨུཔྤཱདཔྤཝཏྟི ཝསེན པཙྩཀྑབྷཱཝཾ པཱཔུཎིཏྠ. ‘‘ཨནཱགཏཾ’’ཏི ཨེཏྠ ན ཀཱརོ ཨཝཏྠཱ ཝསེན པཊིསེདྷོ. ཡོ དྷམྨོ ¶ པཙྩཡ སཱམགྒིཡཾ སཏི ཨཱགམན ཛཱཏིཀོ ཨུཔྤཛྫན སཱིལོ. སོ ཨེཝ ཨིདཱནི ཨཱགཙྪཏི, ཨིདཱནི ཨཱགཙྪིཏྠ, ཨིདཱནི ཨཱགམན ཛཱཏིཡཾ ཋིཏོ, ནཱགཙྪཏི ནཱགཙྪིཏྠཱཏི ཨིམིནཱ ཨཏྠེན སོ ཨནཱགཏོ ནཱམ. ནིབྦཱན པཉྙཏྟིཡོ པན ཨཱགམན ཛཱཏིཀཱ ན ཧོནྟི. ཏསྨཱ ཨཱགམནཔྤསངྒཱབྷཱཝཏོ ཨནཱགཏཱཏི ན ཝུཙྩནྟཱིཏི. ཏེནཱཧ ‘‘ཨུཔྤཱད ཛཱཏིཀཱ’’ཏིཨཱདིཾ. ‘‘ཏཾ ཝིཙཱརེཏབྦཾ’’ཏི ཝཏྭཱ ཝིཙཱརཎཱཀཱརཾ དསྶེཏི ‘‘སབྦེཔིཧཱི’’ཏིཨཱདིནཱ. ཏེ ཡདཱ ཝཏྟབྦ པཀྑེ ཏིཊྛནྟཱིཏི སམྦནྡྷོ. ཨུཔྤཱད ཛཱཏིཀཱནཉྙེཝ སངྑཏ དྷམྨཱནཾ. ཏཱསཾ ནིབྦཱན པཉྙཏྟཱིནཾ. ‘‘ན ཏཐཱ ཨིམེསཾ’’ཏི ཨིམེསཾ དྭཱར ཝིམུཏྟཱནཾ ཨཱརམྨཎཾ པན ཏཐཱ ན ཧོཏཱིཏི ཡོཛནཱ. ‘‘ཏཏྠཱ’’ཏི ཏསྨིཾ བྷཝ ཝིསེསེ. ཝིབྷཱཝནིཔཱཋེ ‘‘ཨཱཝཛྫནསྶཝིཡཱ’’ཏི ཨཱཝཛྫནསྶ ཨཱརམྨཎཾ ཝིཡ. ཨགྒཧིཏམེཝ ཧུཏྭཱ. ‘‘ཨེཀཝཛྫན ཝཱིཐིཡཾ ཨགྒཧིཏ བྷཱཝོ ཨིདྷ ན པམཱཎ’’ནྟི ཚ དྭཱརགྒཧིཏནྟི ཨིདྷ ཨཔྤམཱཎཾ. བྷཝནྟརེ གཧིཏསྶ ཨདྷིཔྤེཏཏྟཱ. ‘‘ཀཱལཝིམུཏྟ སཱམཉྙཾ’’ཝཱཏི ཡཾ ཀིཉྩིཀཱལ ཝིམུཏྟཾ ཝཱ ན ཧོཏཱིཏི ཨདྷིཔྤཱཡོ. ཨཱགམསིདྡྷི ཝོཧཱརོ ནཱམ ‘‘ཀམྨནྟི ཝཱ, ཀམྨནིམིཏྟནྟི ཝཱ, གཏི ནིམིཏྟནྟི ཝཱ, པསིདྡྷོ ཝོཧཱརོ ཝུཙྩཏི. ཨཛཱཏ སཏྟུརཱཛཱ སངྐིཙྩཛཱཏཀེཔི པིཏརཾ མཱརེཏི. ཏསྨཱ ‘‘དྭཱིསུབྷཝེསཱུ’’ཏི ཝུཏྟཾ. ‘‘ཚ ཧི དྭཱརེཧཱི’’ཏི ཀརཎ བྷཱུཏེཧི ཚཧི ཙཀྑཱདི དྭཱརེཧི. ‘‘མརཎཱསནྣ ཛཝནེཧཱི’’ཏི ཀཏྟུ བྷཱུཏེཧི མརཎཱསནྣེ པཝཏྟེཧི ཚ དྭཱརིཀ ཛཝནེཧི. ‘‘ཨནེཀཾ སབྷཱཝཾ’’ཏི ཨནེཀནྟ བྷཱཝཾ. ཡཉྷི ཨཱརམྨཎནྟི སམྦནྡྷོ. ‘‘ཀེནཙི དྭཱརེན ཨགྒཧིཏམེཝ ཧོཏཱི’’ཏི ཨེཏྠ ཨསཉྙཱི བྷཝཏོ ཙུཏཱནཾ སཏྟཱནཾ ཀཱམཔཊིསནྡྷིཡཱ ཀམྨཱདི ཨཱརམྨཎཾ བྷཝནྟརེ ཀེནཙི དྭཱརེན ཨགྒཧིཏནྟི ཡུཏྟཾ. ཀསྨཱ, ཏསྨིཾ བྷཝེ ཀསྶཙིདྭཱརསྶེཝ ཨབྷཱཝཏོ. ཨརཱུཔབྷཝཏོ ཙུཏཱནཾ པན ཀཱམཔཊིསནྡྷིཡཱ གཏི ནིམིཏྟ སམྨཏཾ ཨཱརམྨཎཾ ཀཐཾ བྷཝནྟརེ ཀེནཙི དྭཱརེན ཨགྒཧིཏཾ བྷཝེཡྻ, མནོདྭཱརགྒཧིཏམེཝ བྷཝེཡྻཱཏི ཨིམཾ ཙོདནཾ ཝིསོདྷེཏུཾ ‘‘ཨེཏྠ ཙ ཡསྨཱ པཊྛཱནེ’’ཏིཨཱདི ཝུཏྟཾ. ཏཏོ ཙུཏཱནཾ སཏྟཱནཾ ཡཱ ཀཱམཔཊིསནྡྷི, ཏསྶཱཀཱམཔཊི སནྡྷིཡཱ. པཙྩུཔྤནྣཾ གཏིནིམིཏྟཾ ¶ ཨཱརམྨཎཾ ཨེཏིསྶཱཏི ཝིགྒཧོ. ཀཱམཔཊིསནྡྷི. པརེསཾ པཡོག བལེནཱཔི ཀམྨཱདཱིནཾ ཨུཔཊྛཱནཾ ནཱམ ཧོཏཱིཏིཨཱདིནཱ ཡོཛེཏབྦཾ. ‘‘སུཊྛུ ཨཱསེཝིཏཱནཾ’’ཏི ཙིརཀཱལཾ སངྒྷ ཝཏྟ ཙེཏིཡཝཏྟ ཀརཎཱདིཝསེན ཏཾ ཏཾ བྷཱཝནཱ ཀམྨཝསེན ཙ སུཊྛུ ཨཱསེཝིཏཱནཾ ཀམྨཀམྨནིམིཏྟཱནཾ. ‘‘ཧོཏི ཡེཝཱ’’ཏི ཀམྨཱདཱིནཾ ཨུཔཊྛཱནཾ ནཱམ ཧོཏིཡེཝ. ‘‘ཨཱགནྟྭཱ’’ཏི ཨིམཾ མནུསྶ ལོཀཾ ཨཱགནྟྭཱ གཎྷནྟིཡེཝ. ཏདཱཔི ནིརཡཔཱལེཧི དསྶིཏཾ ཏཾ ཏཾ གཏི ནིམིཏྟཾ ཨཱརམྨཎཾ ཀཏྭཱ ཙཝནྟི. ‘‘ཏཾ’’ཏི རེཝཏིཾ ནཱམ ཨིཏྠིཾ. ནནུ ནིརཡཔཱལཱ ནཱམ ཏཱཝཏིཾསཱ བྷཝནཾ གནྟུཾ ན སཀྐུཎེཡྻུནྟི. ནོ ནསཀྐུཎེཡྻུཾ. ཀསྨཱ, མཧིདྡྷིཀ ཡཀྑ ཛཱཏིཀཏྟཱཏི དསྶེཏུཾ ‘‘ཏེཧཱི’’ཏིཨཱདི ཝུཏྟཾ. ‘‘ཝེསྶཝཎ དཱུཏཱ’’ཏི ཝེསྶཝཎམཧཱརཱཛསྶ དཱུཏཱ. ‘‘ཨུཔཙཱརཛ྄ཛྷཱནེཋཏྭཱ’’ཏི ཨཔྤནཱཛྷཱནཾ ཨཔཏྟཏཱཡ ཨུཔཙཱརབྷཱཝནཱབྷཱུཏེ ཀཱམཱཝཙརཛ྄ཛྷཱནེཋཏྭཱ. ‘‘ཏཱནེཝ ནིམིཏྟཱནཱི’’ཏི པཐཝཱིཀསིཎ ནིམིཏྟཱདཱིནི པཊིབྷཱག ནིམིཏྟཱནི. ‘‘ཀཱམཔཊིསནྡྷིཡཱ ཨཱརམྨཎཾ’’ཏི ཏེཧི ནིམིཏྟཱརམྨཎེཧི ཨཉྙཾ ཨུཔཙཱར བྷཱཝནཱ ཀམྨཾ ཝཱ ཡཾ ཀིཉྩི ཨནུརཱུཔཾ གཏི ནིམིཏྟཾ ཝཱ. ‘‘ཏཱནེཝ ནིམིཏྟཱནི གཧེཏྭཱ’’ཏི ཝཙནེན ཏཱནི ནིམིཏྟཱནི མརཎཱསནྣ ཛཝནེཧི གཧིཏཱནཱིཏི དསྶེཏི. ཏཱནི ཙ པཉྙཏྟི དྷམྨཏྟཱ ཀཱམཔཊིསནྡྷིཡཱ ཨཱརམྨཎཾ ན ཧོནྟཱིཏི. ‘‘པཙྩུཔྤནྣགཏི ནིམིཏྟེ སིདྡྷེ སིདྡྷམེཝཱ’’ཏི ཏསྨིཾ བྷཝེ གཏསྶ ཏཏྠ ཡཱཝཛཱིཝམྤི ཨནུ བྷཝིཏབྦཾ ཨཱརམྨཎཾ ནཱམ ཏསྨིཾ ཁཎེ དྷརམཱནཾ པཙྩུཔྤནྣམྤི ཨཏྠི. ཏཏོ ཝཌྜྷམཱནཾ ཨནཱགཏམྤི ཨཏྠི. ཏཏྠ པཙྩུཔྤནྣེ ཨུཔཊྛཧནྟེ པཊིསནྡྷིཡཱ ཨཱརམྨཎཾ སམྤཛྫཏི. ཨནཱགཏཾ པན ཨནུཔཊྛཧནྟམྤི པཙྩུཔྤནྣེ ཨནྟོགདྷསདིསཾ ཧོཏཱིཏི ཨདྷིཔྤཱཡོ. ཝིབྷཱཝནི པཱཋེན ཙ པཙྩུཔྤནྣ གཏིནིམིཏྟཾ ཝིཡ ཨཱཔཱཏམཱགཏཾ, ཀསྨཱ, པཙྩུཔྤནྣ གཏི ནིམིཏྟེནེཝ ཀིཙྩ སིདྡྷིཏོ-ཏི ཨདྷིཔྤཱཡོ. སེསམེཏྠ སུབོདྷཾ. ‘‘ཏཱནིཧཱི’’ཏིཨཱདཱིསུ. ཀེཙི ཝདནྟི. ཨནེཛོསནྟི མཱརབྦྷ. ཡཾ ཀཱལམཀརཱིམུནཱིཏི ཝུཏྟཏྟཱ སབྦཉྙུ བུདྡྷཱདཱིནཾ པརིནིབྦཱན ཙུཏི ཙིཏྟཾ སནྟི ལཀྑཎཾ ནིབྦཱནཾ ཨཱརམྨཎཾ ཀརོཏཱིཏི. ཏཾ སབྦཐཱཔི ཀཱམཱཝཙརཱ ལམྦཎཱ ནེཝཱཏི ཨིམིནཱ ཨཔནེཏབྦནྟི དསྶེཏུཾ ‘‘ཏཱ ནིཧི ¶ སབྦཉྙུ བུདྡྷཱནཾ ཨུཔྤནྣཱནི པཱི’’ཏིཨཱདི ཝུཏྟཾ. ‘‘ལོཀུཏྟར དྷམྨཱ’’ཏིཨཱདཱིསུ. ‘‘ཏཱནཱི’’ཏི དྭཱདསཱ ཀུསལ ཙིཏྟཱནི ཨཊྛཉཱཎ ཝིཔྤཡུཏྟ ཀུསལ ཀྲིཡ ཛཝནཱནི ཙ. ཨཛ྄ཛྷཱན ལཱབྷིནོ པུཐུཛྫནཱ མཧགྒཏཛ྄ཛྷཱནཱནིཔི ཨཱལམྦིཏུཾ ན སཀྐོནྟཱིཏི ཝུཏྟཾ ‘‘པཉྙཏྟིཡཱ སཧ ཀཱམཱཝཙརཱ རམྨཎཱནཱི’’ཏི. ‘‘ཏཱནེ ཝཱ’’ཏི ཉཱཎ སམྤཡུཏྟ ཀཱམ ཀུསལཱནི ཨེཝ. ཛྷཱནལཱབྷཱིནཾ ཏཱནེཝ ཉཱཎ སམྤཡུཏྟཀཱམ ཀུསལཱནི. ཧེཊྛིམ ཕལཊྛཱནཾ ཏཱནེཝ ཨཏྟནཱ ཨདྷིགཏ མགྒཕལ ནིབྦཱནཱ རམྨཎཱནི. ‘‘ཛྷཱནཱནི པཏྠེནྟཱི’’ཏི ཨཱཡཏིཾ ཛྷཱནལཱབྷིནོ བྷཝེཡྻཱམཱཏི པཏྠནཾ ཀརོནྟི. ‘‘ཏེསཾ པཱི’’ཏི ཏེསཾ པུཐུཛྫནཱནམྤི. ‘‘ཏེ’’ཏི ཏེ ལོཀུཏྟར དྷམྨཱ. ‘‘ཨནུབྷོནྟཱི’’ཏི སམྤཱཔུཎནྟི. ‘‘ནཝནིཔཱཏེ’’ཏི ཨངྒུཏྟར ནིཀཱཡེ ནཝནིཔཱཏེ. སེསཾ སབྦཾ སུཝིཉྙེཡྻམེཝ.

༡༣༥. ཝཏྠུསངྒཧེ. ‘‘ཝཏྠཱུ’’ཏི ནིསྶཡ ཝིསེསོ ཝུཙྩཏི. ཏཱནི ནིསྶཡ ཝཏྠཱུནི ཡེསཾ ཏཱནི ཏབྦཏྠུཀཱནི. ‘‘ཏེསཉྩ སདྡོ ན ཡུཛྫཏཱི’’ཏི ཏེསཾ ཝཱདེ ཙ སདྡོ ན ཡུཛྫཏི. ན ཧི ཨལུཏྟ ཙ ཀཱརཾ དྭནྡ པདཾ ནཱམ ཨཏྠཱིཏི. ‘‘པུབྦཔདེསུ ཨཱནེཏབྦོ’’ཏི ཙཀྑུ ཝཏྠུ ཙ སོཏཝཏྠུ ཙཱཏིཨཱདིནཱ ཨཱནེཏབྦོ. སམཱས པདཾ ན ཡུཛྫཏི. ན ཧི སམཱས པདཏོ ཨེཀ དེསཾ ཨཉྙཏྠ ཨཱནེཏུཾ ཡུཛྫཏཱིཏི. ཨཝིབྷཏྟིཀ ནིདྡེསོ ནཱམ ཙཀྑུཾ, སོཏཾ, གྷཱནཾ, ཛིཝ྄ཧཱ, ཀཱཡོ, ཧདཡཾ, ཝཏྠུ ཙཱཏི ཝཏྟབྦེ པུབྦཔདེསུ ཨཝིབྷཏྟིཀ ནིདྡེསོ. ཨེཝཉྩསཏི ཝཏྠུ སདྡོ ཙ སདྡོ ཙ པུབྦཔདེསུ ཨཱནེཏུཾ ལབྦྷནྟཱིཏི. ཀཱམཏཎྷཱཡ ཨདྷཱིནེན ཨཱཡཏྟེན ཀཱམཱཝཙར ཀམྨེན ནིབྦཏྟཱ ཀཱམཏཎྷཱདྷཱིན ཀམྨ ནིབྦཏྟཱ. ‘‘རཱུཔཱདཱིནཾ པརིབྷོགོ’’ཏི རཱུཔཱདཱིནཾ པཉྩཀཱམགུཎཱནཾ པརིབྷོགོ. ‘‘པརིཏྟཀམྨཾ པཱི’’ཏི སབྦཾ ཀཱམཱཝཙར ཀམྨམྤི. ‘‘པཱུརཡམཱནཾ’’ཏི པརིཔཱུརེནྟཾ. ཙཀྑུ དསྶནཱནུཏྟརིཡཾ ནཱམ. སོཏཾ སཝནཱནུཏྟརིཡཾ ནཱམ. སབྦེསཾ དསྶན ཀིཙྩཱནཾ མཛ྄ཛྷེ བུདྡྷ དསྶནཱ དིཝསེན ཨནུཏྟརཾ དསྶནཾ ཛནེཏཱིཏི དསྶནཱནུཏྟརིཡཾ. ཨེཝཾ སཝནཱནུཏྟརིཡེཔི ཙཏུསཙྩ དྷམྨསྶཝནཱ དིཝསེནཱཏི ཝཏྟབྦཾ. ‘‘ཨཛ྄ཛྷཏྟ བཧིདྡྷ སནྟཱ ནེསུ པཱི’’ཏི ¶ ཨཛ྄ཛྷཏྟ སནྟཱནེཔི བཧིདྡྷ སནྟཱནེཔི. ‘‘སུདྡྷེ’’ཏི ཀེནཙི ཨཱལོཀེན ཙ ཨནྡྷཀཱརེན ཙ ཝིརཧིཏེ. ཨཱལོཀོ ཧི ཨེཀོ རཱུཔ ཝིསེསོ. ཏཐཱ ཨནྡྷཀཱརོ ཙ. ཏེ ཙ ཏཏྠ ནཏྠི. ‘‘ཨིམསྨིཾ སངྒཧེ’’ཏི ཝཏྠུ སངྒཧེ. ཝིསིཊྛཾ ཛཱནནཾ ཝིཛཱནནཾ. ཏཉྩ ཝིཛཱནནཾ ཏཱིསུ མནོདྷཱཏཱུསུ ནཏྠཱིཏི ཝུཏྟཾ ‘‘ཝིཛཱནན ཀིཙྩཱབྷཱཝཏོ’’ཏི. ཨཱཝཛྫན ཀིཙྩཾ ཀིམེཏནྟི, མནསིཀཱར མཏྟཾ ཧོཏི. སམྤཊིཙྪན ཀིཙྩཉྩ པཉྩཝིཉྙཱཎེཧི ཡཐཱ གཧིཏཱནེཝ པཉྩཱརམྨཎཱནི སམྤཊིཙྪན མཏྟཾ ཧོཏི. ཏེནཱཧ ‘‘ཝིསེསཛཱནན ཀིཙྩཱནི ན ཧོནྟཱི’’ཏི. དསྶནཾ, སཝནཾ, གྷཱཡནཾ, སཱཡནཾ, ཕུསན, ནྟི ཨིམཱནི ཀིཙྩཱནི ཐོཀཾ ཝིསེས ཛཱནན ཀིཙྩཱནི ཧོནྟཱིཏི ཝུཏྟཾ ‘‘པཙྩཀྑཏོ དསྶནཱ དིཝསེནཱ’’ཏིཨཱདིཾ. ཐོཀཾ ཝིསེས ཛཱནན ཀིཙྩཱནི ཧོནྟི. ཏསྨཱ ཏཱནི པཉྩཝིཉྙཱཎཱནཱིཏི ཝུཏྟཱནི. ཨཝསེསཱ པན སནྟཱིརཎཱདཡོ མནོཝིཉྙཱཎདྷཱཏུཡོ ནཱམཱཏི སམྦནྡྷོ. ནནུ མནནཊྛེན མནོ ཙ ཏཾ ཝིཛཱནནཊྛེན ཝིཉྙཱཎཉྩཱཏི ཝུཏྟེཔི པཉྩཝིཉྙཱཎེཧི ཝིསེསོ ནཏྠཱིཏི ཨཱཧ ‘‘ཨཏིསྶཡ ཝིསེས ཛཱནན དྷཱཏུཡོཏི ཨཏྠོ’’ཏི. ཨེཝཾ སནྟེཔི སོ ཨཏྠོ སདྡཡུཏྟིཡཱ སིདྡྷོ ན ཧོཏི. ཡདིཙྪཱ ཝསེན ཝུཏྟོ ཧོཏཱིཏི ཨཱཧ ‘‘པརིཡཱཡ པདཱནཾ’’ཏིཨཱདི. ཨེཏེན སོ ཨཏྠོ སདྡཡུཏྟིཡཱ ཨེཝ སིདྡྷོ. ན ཡདིཙྪཱཝསེན ཝུཏྟོཏི དསྶེཏི. ‘‘ཝིསེསན སམཱསེ’’ཏི མནོ ཙ ཏཾ ཝིཉྙཱཎཉྩཱཏི མནོཝིཉྙཱཎནྟི ཨེཝརཱུཔེ ཀམྨདྷཱརཡ སམཱསེ. ‘‘པདཊྛཱནཾ’’ཏི ཨེཏྠ པདནྟི ཙ ཋཱནནྟི ཙ ཀཱརཎཏྠ ཝཙནཱནི, ཏསྨཱ པརིཡཱཡ སདྡཱ ནཱམ. པདཉྩ ཏཾ ཋཱནཉྩཱཏི ཝུཏྟེ ཨཏིསྶཡ ཀཱརཎནྟི ཨཏྠོ ཝིཉྙཱཡཏི. ཏཐཱ དུཀྑ དུཀྑཾ, རཱུཔ རཱུཔཾ, རཱཛ རཱཛཱ, དེཝདེཝོཏིཨཱདཱིནི. ‘‘ཀཏྠཙི དིསྶཏི ཡུཛྫཏི ཙཱ’’ཏི ན ཧི ཀཏྠཙི དིསྶཏི ཙ. སཙེཔི ཀཏྠཙི དིསྶེཡྻ, ན ཧི ཡུཛྫཏི ཙཱཏི ཨཏྠོ. ‘‘མནསོ ཝིཉྙཱཎཾ’’ཏི ཨེཏྠ པཊིསནྡྷི ཙིཏྟཏོ པཊྛཱཡ ཡཱཝཙུཏི ཙིཏྟཱ ཨནྟརེ སབྦཾ ཙིཏྟ སནྟཱནཾ སཏྟ ཝིཉྙཱཎ དྷཱཏཱུནཾ ཝསེན ཝིབྷཱགཾ ཀཏྭཱ ཨཏྠོ ཝཏྟབྦོ. པཉྩདྭཱརཱ ཝཛྫནཉྩ སམྤཊིཙྪན དྭཡཉྩ མནོདྷཱཏུ མཏྟཏྟཱ མནོ ནཱམ. པཉྩཝིཉྙཱཎཱནི ཝིཉྙཱཎ མཏྟཱནི ནཱམ. ཨཝསེསཱནི སབྦཱནི ཝིཉྙཱཎཱནི མནསྶ ཝིཉྙཱཎནྟི ¶ ཨཏྠེན མནོཝིཉྙཱཎཱནི ནཱམ. ཏཏྠ ‘‘མནསྶ ཝིཉྙཱཎཾ’’ཏི ཨནནྟར པཙྩཡ བྷཱུཏསྶ ཝཱ མནསྶ པཙྩཡུཔྤནྣ བྷཱུཏཾ ཝིཉྙཱཎཾ. ཨེཏྠ སམྤཊིཙྪན དྭཡཾ པཙྩཡམནོ ནཱམ. སནྟཱིརཎཏོ པཊྛཱཡ ཡཱཝ དྭཱརནྟརེ པཉྩདྭཱརཱ ཝཛྫནཾ ནཱགཙྪཏི, ཏཱཝ ཨནྟརེ སབྦཾ མནོཝིཉྙཱཎ སནྟཱནཾ པཙྩཡུཔྤནྣ ཝིཉྙཱཎཾ ནཱམ. པུན ‘‘མནསྶ ཝིཉྙཱཎ’’ནྟི པཙྩཡུཔྤནྣ བྷཱུཏསྶ མནསྶ པཙྩཡ བྷཱུཏཾ ཝིཉྙཱཎཾ. ཨེཏྠ པཉྩདྭཱརཱ ཝཛྫནཾ པཙྩཡུཔྤནྣ མནོ ནཱམ. ཏཏོ པུརེ སབྦཾ མནོཝིཉྙཱཎ སནྟཱནཾ པཙྩཡ མནོ ནཱམ. སེསཾ སུཝིཉྙེཡྻཾ. ཨཝསེསཱཔནཱཏིཨཱདཱིསུ. ‘‘མནོཝིཉྙཱཎདྷཱཏུ བྷཱཝཾ སམྦྷཱཝེཏཱི’’ཏི ཨཝསེསཱ པན དྷམྨཱ མནོཝིཉྙཱཎདྷཱཏུ ཙ ནཱམ ཧོནྟི, ཧདཡ ཝཏྠུཉྩ ནིསྶཱཡཡེཝ ཝཏྟནྟཱིཏི ཨེཝཾ ཏེསཾ དྷམྨཱནཾ མནོཝིཉྙཱཎདྷཱཏུ བྷཱཝཉྩ སམྦྷཱཝེཏི, ཝཎྞེཏི. སུཊྛུ པཀཱསེཏཱིཏི ཨཏྠོ. ཨེཏྠ པནཱཏིཨཱདཱིསུ. ‘‘པཱལི༹ཡཾ’’ཏི ཨིནྡྲིཡ སཾཡུཏྟ པཱལི༹ཡཾ. དུཏཱིཡཛ྄ཛྷཱནེ ཨེཝ ཨཔརིསེས ནིརོདྷ ཝཙནཾ ཝིརུདྡྷཾ སིཡཱ. ཀཐཾ, སཙེ པཊིགྷོ ཨནཱིཝརཎཱ ཝཏྠོ ནཱམ ནཏྠི. པཐམཛ྄ཛྷཱནཏོ པུབྦེ ཨེཝ སོ ནིརུདྡྷོ སིཡཱ. ཨཐ དུཏཱིཡཛ྄ཛྷཱནུཔཙཱརེཔི སོ ཨུཔྤཛྫེཡྻ, པཐམཛ྄ཛྷཱནམྤི པརིཧཱིནཾ སིཡཱ. ཏསྨིཾ པརིཧཱིནེ སཏི, དུཏཱིཡཛ྄ཛྷཱནམྤི ནུཔྤཛྫེཡྻ. ཨེཝཾ ཝིརུདྡྷཾ སིཡཱ. ‘‘པུརིམ ཀཱརཎམེཝཱ’’ཏི ཨནཱིཝརཎཱ ཝཏྠསྶ པཊིགྷསྶ ཨབྷཱཝཏོཏི ཀཱརཎཾ ཨེཝ. པརཏོགྷོསོ ནཱམ སཱཝཀཱནཾ སམྨཱདིཊྛིཔྤཊིལཱབྷཱཡ པདྷཱན པཙྩཡོ ཧོཏི. སོ ཙ ཨརཱུཔབྷཝེ ནཏྠི. དྷམྨཱབྷིསམཡོ ནཱམ ཙཏུསཙྩ དྷམྨཔྤཊིཝེདྷོ, བུདྡྷཱ ཙ པཙྩེཀ སམྦུདྡྷཱ ཙ སཡམྦྷུནོ པརཏོ གྷོསེན ཝིནཱ དྷམྨཾ པཊིཝིཛ྄ཛྷནྟི. ཏེ ཙ ཏཏྠ ནུཔྤཛྫནྟི. ‘‘རཱུཔཝིརཱག བྷཱཝནཱཡཱ’’ཏི རཱུཔཝིརཱག བྷཱཝནཱ བལེན. ཏེསཾ རཱུཔཱཝཙར ཙིཏྟཱནཾ. ‘‘སམཏིཀྐནྟཏྟཱ’’ཏི ཏེསུ ནིཀནྟིཔྤཧཱནཝསེན སུཊྛུ ཨཏིཀྐནྟཏྟཱ. སེསཾ སབྦཾ སུཝིཉྙེཡྻཾ.

པཀིཎྞཀསངྒཧདཱིཔནིཡཱཨནུདཱིཔནཱནིཊྛིཏཱ.

༤. ཝཱིཐིསངྒཧཨནུདཱིཔནཱ

༡༣༦. ཝཱིཐིསངྒཧེ ¶ . ‘‘ཏེསཉྙེ ཝཱ’’ཏི ཙིཏྟ ཙེཏསིཀཱནཾ ཨེཝ. ‘‘ཝུཏྟཔྤཀཱརེནཱ’’ཏི ‘ཏཏྠ ཙིཏྟཾ ཏཱཝ ཙཏུབྦིདྷཾ ཧོཏི ཀཱམཱཝཙརཾ རཱུཔཱཝཙརཾ, ཏིཨཱདིནཱ ཨིཙྩེཝཾ ཝུཏྟཔྤཀཱརེན. ‘‘པུབྦཱ པརནིཡཱམིཏཾ’’ཏི ཝཱ དྭཏྟིཾས སུཁ པུཉྙམྷཱཏིཨཱདིནཱ ནཡེན པུབྦཱ པརནིཡཱམིཏཾ. ‘‘ཨཱརབྦྷགཱཐཱཡཱ’’ཏི.

ཝཱིཐི ཙིཏྟཝསེནེཝཾ, པཝཏྟིཡ མུདཱིརིཏོ;

པཝཏྟི སངྒཧོ ནཱམ, སནྡྷིཡཾ དཱནི ཝུཙྩཏཱི.ཏི

ཨེཝཾ པཝཏྟིཀཱལེ པཝཏྟི སངྒཧོ, པཊིསནྡྷིཀཱལེ པཝཏྟི སངྒཧོཏི སིདྡྷོ ཧོཏི. ཀེཙི ཝཱདེ ‘‘པཊིསནྡྷི པཝཏྟིཡཾ’’ཏི ནིདྡྷཱརཎེ གཧིཏེ དྭཱིསུ པཊིསནྡྷི སངྒཧ པཝཏྟི སངྒཧེསུ ཨིདཱནི པཝཏྟི སངྒཧཾ པཝཀྑཱམི, པཙྪཱ པཊིསནྡྷི སངྒཧཾ པཝཀྑཱམཱིཏི ཨཏྠོ ཧོཏི. ཏཏྠ ‘‘པཊིསནྡྷི སངྒཧོ’’ཏི པཊིསནྡྷིཀཱལེ སངྒཧོ. ‘‘པཝཏྟི སངྒཧོ’’ཏི པཝཏྟིཀཱལེ སངྒཧོ. སོ ཙ ཨུཔརིགཱཐཱཡ ན སམེཏཱིཏི དསྶེཏུཾ ‘‘ཨེཝཾ སཏཱི’’ཏིཨཱདིམཱཧ. ‘‘ཏཱནི ཏཱིཎི ཚཀྐཱནི ནིཀྑིཏྟཱནཱི’’ཏི ཚཀྐམཏྟཱནི ནིཀྑིཏྟཱནི, ན སཀལཾ. ཝཏྠུ དྭཱརཱ ལམྦཎ སངྒཧོཏི ཨདྷིཔྤཱཡོ. ‘‘སཱ པནཱ’’ཏི སཱཝིསཡཔྤཝཏྟི པན. ‘‘ཀཱཙི སཱིགྷཏམཱ’’ཏི ཀཱཙི ཨཏིརེཀཏརཾ སཱིགྷཱ. ‘‘དནྡྷཱ’’ཏི སཎིཀཱ, ཙིརཱཡིཀཱ. ‘‘ཨནུཔཔནྣཱ’’ཏི ཨསམྤནྣཱ. ཨསམྤནྣ དོསོ ཨཱགཙྪཏཱིཏི ཝུཏྟཾ ཧོཏི. ‘‘དྷཱཏུབྷེདཾ’’ཏི སཏྟ ཝིཉྙཱཎ དྷཱཏཱུནཾ ཝིབྷཱགཾ. ‘‘དྷཱཏུནཱནཏྟཾ’’ཏི དྷཱརཎ ཀིཙྩནཱནཏྟཾ. ཨིཏི ཏསྨཱ མནོདྷཱཏུ ཝིསུཾ ཝུཏྟཱཏི སམྦནྡྷོ. ‘‘མནནཾ’’ཏི ཝིཛཱནནབྷཱཝཾ ཨཔཏྟཾ. ཨཱཝཛྫནམཏྟ སམྤཊིཙྪནམཏྟ སངྑཱཏཾ ཛཱནནམཏྟཾ. ‘‘ཡཾ ཀིཉྩི མནནཾ’’ཏི ཨནྟམསོ ཨཱཝཛྫནམཏྟ སམྤཊིཙྪནམཏྟཾ པཱིཏི ཨདྷིཔྤཱཡོ. ‘‘སུདྡྷོ པན མནོཝིཉྙཱཎཔྤབནྡྷོ’’ཏི མནོདྭཱར ཝིཀཱརཾ པཊིཙྩ པཝཏྟོ མནོཝིཉྙཱཎཔྤབནྡྷོ. ན བྷཝངྒ མནོཝིཉྙཱཎཔྤབནྡྷོ. སོ ཧི ཝཱིཐིམུཏྟཏྟཱ ཨིདྷ ཨཔྤསངྒོཏི ¶ . མནོདྭཱརེ པན དྭིདྷཱཏི སམྦནྡྷོ. བུདྡྷསྶ བྷགཝཏོ པཐམཱབྷིནཱིཧཱརཀཱལོ ནཱམ སུམེདྷཏཱཔསཀཱལེ བུདྡྷ བྷཱཝཱཡ ཀཱཡ ཙིཏྟཱནཾ ཨབྷིནཱིཧཱརཀཱལོ. ཨཱདིསདྡེན པཙྪིམ བྷཝེ པཊིསནྡྷིགྒཧཎཱདིཾ སངྒཎྷཱཏི. ‘‘ཛཱཏི ཕལིཀཀྑནྡྷཱ ཝིཡ སམྤཛྫནྟཱི’’ཏི ཏེན ཨོབྷཱསེན ཨཛ྄ཛྷོཏྠཊཏྟཱ ཛཱཏིཕལིཀཀྑནྡྷ སདིསཱ ཧོནྟཱིཏི ཨདྷིཔྤཱཡོ. ‘‘ཨུཔཔཏྟི དེཝ བྲཧྨཱནཾ པནཱ’’ཏི ཨུཔཔཏྟིཔྤཊིསནྡྷིཀཱནཾ ཨོཔཔཱཏིཀ དེཝ བྲཧྨཱནཾ པན. ‘‘པསཱད ནིསྶཡ བྷཱུཏཱནཾ’’ཏི ཙཀྑཱདཱིནཾ པསཱད ཝཏྠཱུནཾ ནིསྶཡ མཧཱབྷཱུཏཱནཾ.

‘‘ཡཱནི པནཱ’’ཏིཨཱདཱིསུ. དྭཏྟི ཙིཏྟཀྑཎཱནི ཨཏིཀྐམྨ ཨཱཔཱཏཾ ཨཱགཙྪནྟཱིཏི ཡོཛནཱ. ཨེཝཾ པརཏྠཔི. ཝིབྷཱུཏསྶཱཏི ཙ ཨཝིབྷཱུཏསྶཱཏི ཙ ཨིདཾ ཨཱདིམྷི མནོདྭཱརེ པན ཝིབྷཱུཏསྶཱཏི ཙ ཨཝིབྷཱུཏསྶཱཏི ཙ པདཱནཾ ཨུདྡྷརཎཾ. ‘‘རཱུཔཱ རཱུཔཱནཾ’’ཏི རཱུཔ དྷམྨཱནཉྩ ཨརཱུཔ དྷམྨཱནཉྩ. ‘‘ཏཱཝཱ’’ཏི ཝཱིཐི ཙིཏྟཔྤཝཏྟི དསྶནཏོ པཐམཏརཾ ཨེཝཱཏི ཨཏྠོ. ‘‘ཨདྡྷཱན པརིཙྪེདཾ’’ཏི ཁཎཀཱལ པརིཙྪེདཾ. ཝིབྷཱཝནིཔཱཋེ ‘‘ཨཏིམཧནྟཱ དིཝསེན ཝིསཡ ཝཝཏྠཱནཾ ཧོཏཱི’’ཏི ཝཙནེན ཨཱདིམྷི ‘ཚཝཏྠཱུནི, ཚ དྭཱརཱནི, ཚ ཨཱརམྨཎཱནི, ཚ ཝིཉྙཱཎཱནི, ཚ ཝཱིཐིཡོ, ཚ དྷཱཝིསཡཔྤཝཏྟཱི,ཏི ཨེཝཾ ཝུཏྟེསུ ཚསུ ཚཀྐེསུ ཚདྷཱཝིསཡཔྤཝཏྟཱིཏི པདམཏྟཾ སངྒཎྷཱཏི. ཏཾ ཨནུཔཔནྣཾ ཧོཏི. ཏེནཱཧ ‘‘ཨེཝཉྷི སཏཱི’’ཏིཨཱདིཾ. ‘‘ཝིསཡ ཝཝཏྠཱནཏྠ མེཝཱ’’ཏི ཨཏིམཧནྟཱདི ཝིསཡ ཝཝཏྠཱནཏྠམེཝ ཝུཏྟནྟི ན ཙ སཀྐཱ ཝཏྟུཾ. རཱུཔཱ རཱུཔ དྷམྨཱནཾ ཨདྡྷཱན པརིཙྪེདོ ནཱམ ཨབྷིདྷམྨེ སབྦཏྠ ཨིཙྪིཏབྦོ. ཏསྨཱ ཏསྶ དསྶནཏྠམྤི ཏཾ ཝུཏྟནྟི དཊྛབྦཾ. ‘‘སབྷཱཝཔྤཊིལཱབྷོ’’ཏི ཙིནྟན ཕུསནཱདཱིནཾ པཱཏུབྷཱཝོ ཝུཙྩཏི. ‘‘ཨནིཝཏྟཱི’’ཏི ཨནནྟརདྷཱནཾ ཝུཙྩཏི. ‘‘པརིཧཱཡིཏྭཱ’’ཏི ཛརཱ ཀིཙྩཾ ཨཱཧ. ‘‘ཨཙྪརཱསངྒྷཱཊཀྑཎསྶཱ’’ཏི ཨངྒུལཱིནཾ སངྒྷཊྚནཀྑཎསྶ. ཨཱཙརིཡཱནནྡཏྠེརོ ནཱམ ཨབྷིདྷམྨ ཊཱིཀཱཀཱརོ ཝུཙྩཏི. ‘‘ཨསྶཱ ཝིཛྫུཡཱཋིཏི ནཱམ ཝིསུཾ ན པཉྙཱཡཏཱི’’ཏི ཝིཛྫུཔྤཱདཾ པསྶནྟཱནཾ ན པཉྙཱཡཏི. ཏཐཱ ཙིཏྟམྤི ཝཌྜྷནཱནནྟརམེཝ བྷིཛྫཏཱིཏི ཡོཛནཱ. ཏེནཱཧ ‘‘ཏཾ པཱི’’ཏིཨཱདིཾ. ཨུདཡབྷཱགོ ནཱམ ཝཌྜྷནབྷཱགོ, ཝཡབྷཱགོ ནཱམ ཨནྟརདྷཱནབྷཱགོ. ‘‘ཨེཝཉྩ ཀཏྭཱ’’ཏི ལདྡྷགུཎ ཝཙནཾ. ‘‘ཨེཀཾཙིཏྟཾ ¶ དིཝསཾ ཏིཊྛཏཱི’’ཏི པུཙྪཱ ཝཙནཾ. ‘‘ཨཱམནྟཱ’’ཏི པཊིཉྙཱ ཝཙནཾ. ‘‘ཝཡཀྑཎོ’’ཏི པུཙྪཱ. ‘‘ན ཧེཝཾ ཝཏྟབྦེ’’ཏི པཊིཀྑེཔོ. པཙྩཏྟ ཝཙནསྶ ཨེཀཱརཏྟཾ. ཨེཝཾ ནཝཏྟབྦནྟི ཨཏྠོ. ‘‘མཧཱཐེརེནཱ’’ཏི མོགྒལི པུཏྟཏིསྶ མཧཱཐེརེན. ནནུ སུཏྟནྟེསུ ཝུཏྟནྟི སམྦནྡྷོ. ‘‘ནཱ’’ཏི ན ཨུཔལབྦྷཏི. ‘‘ཨིམསྶ ཝུཏྟཏྟཱ’’ཏི ཨིམསྶ ཝཙནསྶ ཝུཏྟཏྟཱ. སངྑཏ ལཀྑཎཾ ཝིསཡོ ཡེསཾ ཏཱནི སངྑཏ ཝིསཡ ལཀྑཎཱནི. སངྑཏ དྷམྨམེཝ ཨཱཧཙྩ ཏིཊྛཏི. ཨཡཾ ཨབྷིདྷམྨེ དྷམྨཏཱཏི ཨདྷིཔྤཱཡོ. ‘‘སངྒཧ ཀཱརེནཱ’’ཏི ཨཱཙརིཡ བུདྡྷགྷོསཏྠེརཾ ཝདཏི. ‘‘ཨཏྠིཀྑཎཾ’’ཏི ཁཎདྭཡམེཝ ཝུཙྩཏི. ཨིཏི ཝཏྭཱ ཏམཏྠཾ སཱདྷེནྟཱིཏི སམྦནྡྷོ. གཱཐཱཡཾ. ‘‘ཏསྶེཝཱ’’ཏི ཏསྶཱ ཋིཏིཡཱ ཨེཝ བྷེདོ. སབྦདཱ སབྦཔཱཎིནཾ མརཎཾ ནཱམ ཝུཙྩཏཱིཏི ཡོཛནཱ. ‘‘ཏམཏྠཾ’’ཏི ཏཱནི ཨཏྠིཀྑཎཾ ཨུཔཱདཱཡ ལབྦྷནྟཱིཏི ཨཏྠཾ. ‘‘ཨཐཝཱ’’ཏི ཨེཀོ ཐེརཝཱདོ. ‘‘སནྟཏི ཝསེན ཋཱནཾ’’ཏི ཋིཏཱཡ ཨཉྙཐཏྟཾ པཉྙཱཡཏཱིཏི ཨེཏྠ ཋིཏབྷཱཝསངྑཱཏཾ ཋཱནཾ སནྟཏི ཋིཏིཝསེན ཝེདིཏབྦནྟི ཝདནྟི. ‘‘ཨིམསྨིཾ པན སུཏྟེ’’ཏི ཝེདནཱཡ ཨུཔྤཱདོ པཉྙཱཡཏི, ཝཡོ པཉྙཱཡཏི, ཋིཏཱཡ ཨཉྙཐཏྟཾ པཉྙཱཡཏཱིཏི ཨིདཾ སུཏྟཾ ཝདཏི. ‘‘ཨཔྤཊིབཱཧེཏྭཱ’’ཏི ཨནཱིཝཱརེཏྭཱ. ཡཱཝཌྜྷནསྶ ནིཝཏྟི ནཱམ ཨཏྠི. ཨུདཡ པརིཡནྟ མཏྟབྷཱུཏཱ སཱ ཨེཝ ནིཝཏྟི. ‘‘དྭཱིཧི ཁནྡྷེཧཱི’’ཏི རཱུཔ ཛརཱ རཱུཔཀྑནྡྷེན སངྒཧིཏཱ. ཨརཱུཔ ཛརཱ སངྑཱརཀྑནྡྷེནཱཏི ཨེཝཾ དྭཱིཧི ཁནྡྷེཧི. ཡཉྩ ཏཏྠ ཝུཏྟནྟི སམྦནྡྷོ. རཱུཔསྶ ཨུཔྤཱདོ དྭིདྷཱབྷིནྡིཏྭཱ དེསིཏོ. ཀཐཾ, ཨུཔཙཡོ སནྟཏཱི ཏིཡོཛནཱ. ‘‘ཝིབྷཱགཱ རཧསྶཱ’’ཏི ཨུཔྤཱདོ ཨུཔྤཛྫ ནཊྛེན ཨེཀོ སམཱནོ རཱུཔཱནཾ ཝཌྜྷན སམཡེ ཨུཔྤཱདོ. ཨུཔརི ཝཌྜྷནཊྛེན ཨུཔཙཡོཏི ཝུཏྟོ. ཨཝཌྜྷིཏྭཱ ཋིཏ སམཡེ ཨུཔྤཱདོ ཡཐཱ ཋིཏ ནཱིཧཱརེན ཙིརཀཱལཾ པཝཏྟི ཨཏྠེན སནྟཏཱིཏི ཝུཏྟོ. ཨེཝཾ ཝིབྷཱགཱ རཧསྶ. ‘‘ཡཐཱནུལོམ སཱསནཾ’’ཏི ཝིནེཏབྦ པུགྒལཱནཾ ཨཛ྄ཛྷཱསཡཱནུལོམ སཱསནཾ.

‘‘ཨརཱུཔ’’ནྟིཨཱདཱིསུ. ‘‘ཨརཱུཔཾ’’ཏི སབྦསོ རཱུཔསཎྛཱན རཧིཏཏྟཱ ཙིཏྟ ཙེཏསིཀཾ ནཱམཾ ཝུཙྩཏི. ‘‘ཨརཱུཔི སབྷཱཝཏྟཱ’’ཏི ཨརཱུཔ དྷམྨ སབྷཱཝཏྟཱ ཨིཙྩེཝཏྠོ. ཏཏྠ ཨརཱུཔ དྷམྨ སབྷཱཝོ ནཱམ རཱུཔ དྷམྨཏོ སཏགུཎེནཝཱསཧསྶགུཎེནཝཱསཎྷསུཁུམསབྷཱཝོ ¶ . ཝིབྷཱཝ ནིཔཱཋེ. ‘‘གཱཧཀ གཧེཏབྦ བྷཱཝསྶ ཏཾ ཏཾ ཁཎཝསེན ནིཔྥཛྫནཏོ’’ཏི ཨེཏྠ པཉྩདྭཱར ཝཱིཐཱིསུ ཝཱིཐི ཙིཏྟཱནཉྩ ཨཱརམྨཎཱནཉྩ ཝིསཡཱི ཝིསཡབྷཱཝོ གཱཧཀ གཧེཏབྦ བྷཱཝོ ནཱམ. ‘‘ཏཾ ཏཾ ཁཎཝསེན ནིཔྥཛྫནཏོ’’ཏི ཝཱིཐི ཙིཏྟཱནི ཙ ཨེཀསྨིཾ ཨཱརམྨཎེཔི ཨཱཝཛྫནཱདཱིཧི ནཱནཱ ཀིཙྩེཧི གཎྷནྟཱ ཨེཝ གཧཎ ཀིཙྩཾ སམྤཱདེནྟི. ནཱནཱ ཀིཙྩཱནི ཙ ནཱནཱ ཙིཏྟཱནཾ ཝསེན སམྤཛྫནྟི. ཨཱརམྨཎཱནི ཙ པུརེཛཱཏཱནི ཧུཏྭཱ ཡཱཝ ཏཱནི ཀིཙྩཱནི སམྤཛྫནྟི, ཏཱཝ པཙྩུཔྤནྣབྷཱཝེན དྷརམཱནཱནི ཨེཝ གཧཎཾ སམྤཱདེནྟི. ཨེཝཾ སཏི, གཱཧཀཱནཾ ཝཱིཐི ཙིཏྟཱནཉྩ ཁཎཏྟཡཱཡུཀཏྟཱ ཨེཝ གཱཧཀ ཀིཙྩཾ ནིཔྥཛྫཏི, སིཛ྄ཛྷཏི. གཧེཏབྦཱནཾ ཨཱརམྨཎཱནཉྩ སཏྟརས ཙིཏྟཀྑཎཱཡུཀཏྟཱ ཨེཝ གཧེཏབྦ ཀིཙྩཾ ནིཔྥཛྫཏི, སིཛ྄ཛྷཏི. ཨེཝཾ ཏཾ ཏཾ ཁཎ ཝསེན ནིཔྥཛྫནཏོ. ཝིཉྙཏྟི དྭཡཾ ཨེཀ ཙིཏྟཀྑཎིཀཾ. ཀསྨཱ, ཙིཏྟཱནུ པརིཝཏྟི དྷམྨཏྟཱ. ‘‘ཨུཔྤཱདམཏྟཱ’’ཏི ནིཔྥནྣ རཱུཔཱནཾ ཨུཔྤཱདམཏྟཱ. ‘‘བྷངྒམཏྟཱ’’ཏི ཏེསམེཝ བྷངྒམཏྟཱ. ‘‘རཱུཔ དྷམྨཱནཾ’’ཏི ནིཔྥནྣ རཱུཔ དྷམྨཱནཾ. ‘‘ཨུཔྤཱདནིརོདྷ ཝིདྷཱནསྶཱ’’ཏི ཨུཔྤཱད ནིརོདྷ ཝིདྷཱནབྷཱུཏསྶ མཧཱཨཊྛཀཐཱཝཱདསྶ པཊིསིདྡྷཏྟཱཏི སམྦནྡྷོ. ‘‘ཏཾ’’ཏི ཏཾ མཧཱཨཊྛཀཐཱ ཝཙནཾ. ‘‘ཏསྨིཾ ཝཱདེ’’ཏི ཏསྨིཾ མཧཱཨཊྛཀཐཱཝཱདེ. ‘‘ཏཏྠ ཨཱགཏཱ’’ཏི ཏསྨིཾ ཝཱདེ ཨཱགཏཱ. ཡཾ པན ཝིབྷཱཝནིཡཾ ཀཱརཎཾ ཝུཏྟནྟི སམྦནྡྷོ. ‘‘ཏཾ ཊཱིཀཱནཡཾ’’ཏི ཏཾ སོལ༹ས ཙིཏྟཀྑཎཱཡུཀ དཱིཔཀཾ མཱུལཊཱིཀཱནཡཾ. ཏདཏྠཾ སཱདྷེནྟེན ཝིབྷཱཝནི ཊཱིཀཱཙརིཡེན ཝུཏྟནྟི སམྦནྡྷོ. སངྒཧཀཱརསྶ ཨཊྛཀཐཱ ཙརིཡསྶ. ‘‘ཨུཔཙརཱིཡཏཱི’’ཏི ཨུཔཙཱར ཝསེན ཝོཧརཱིཡཏི. ཝིབྷཱཝནིཔཱཋེ. ‘‘ཨེཏཱནཱི’’ཏི ཨཱརམྨཎཱནི. ‘‘ཏཾ’’ཏི ཏཾ ཨེཀ ཙིཏྟཀྑཎཾ. ‘‘ཏེ ཙཱ’’ཏི རཱུཔ དྷམྨཱ ཙ. ‘‘པརིཔུཎྞ པཙྩཡཱུཔལདྡྷཱ’’ཏི པརིཔུཎྞཾ པཙྩཡཾ ཨུཔལདྡྷཱ. ‘‘སོ’’ཏི ཊཱིཀཱཀཱརོ. ‘‘ཨིཏརཱནཱི’’ཏི གནྡྷརས ཕོཊྛབྦཱནི. ‘‘གོཙརབྷཱཝཾ’’ཏི པཉྩདྭཱརིཀ ཙིཏྟཱནཾ གོཙརབྷཱཝཾ. ‘‘པུརིམཱནི དྭེ’’ཏི རཱུཔསདྡཱ རམྨཎཱནི. ‘‘ནིམིཏྟ ཝསེན གྷཊྚེནྟཱི’’ཏི ཨཱདཱསཾ པསྶནྟསྶ མུཁསདིསཾ མུཁནིམིཏྟཾ མུཁཔྤཊིབིམྦཾ ཨཱདཱསེ ཨུཔཊྛཱཏི. ཨེཝཾ རཱུཔཱརམྨཎཾ ཙཀྑུཔསཱདེ སདྡཱརམྨཎཉྩ སོཏཔསཱདེ ཏཾ སདིས ནིམིཏྟ ཝསེན གྷཊྚེནྟི ¶ . ནཝཏྠུ ཝསེན གྷཊྚེནྟི. སཡཾ གནྟྭཱ ན གྷཊྚེནྟཱིཏི ཨདྷིཔྤཱཡོ. ཨསམྤཏྟཱནཉྙེཝ ཨཱརམྨཎཱནཾ. ‘‘ནིམིཏྟུ པཊྛཱན ཝསེནཱ’’ཏི ནིམིཏྟསྶ ཨུཔཊྛཱནཝསེན. ‘‘ནིམིཏྟ ཨཔྤནཱཝསེནཱ’’ཏི ནིམིཏྟསྶ པཝེསན ཝསེན. མནོདྭཱརེ པན ཨསམྤཏྟཱནིཡེཝ ཧུཏྭཱཏི པཱཋསེསོ. ‘‘ཨཱཔཱཏཱ གམནཉྩེཏྠཱ’’ཏིཨཱདཱིསུ. ‘‘ལཉྪཀཱནཾ’’ཏི ལཉྪནཀཱརཱནཾ. ‘‘ལཉྪནཀྑནྡྷཾ’’ཏི ཨཡོམཡཾ ལཉྪནཀྑནྡྷཾ. སོ ཙ ལཉྪནཀྑནྡྷོ ཏཱལཔཎྞེ ཨཱཔཱཏེཏྭཱ ཨཀྑརཾ ཨུཔཊྛཱཔེཏི. ཏཏྠ ‘‘ཨཱཔཱཏེཏྭཱ’’ཏི ཨཛ྄ཛྷོཏྠརིཏྭཱ. ‘‘ཙཀྑཱདིཔྤཐེ’’ཏི ཙཀྑཱདཱིནཾ ཝིསཡཀྑེཏྟེ. ན ཀེཝལཾ ཨཏྟནོ དྭཱརེསུ ཨེཝ ཨཱཔཱཏ མཱགཙྪནྟི. ཨཐ ཁོ མནོདྭཱརེཔི ཨཱཔཱཏ མཱགཙྪནྟི. ན ཀེཝལཾ བྷཝངྒ མནོདྭཱརེ ཨེཝ ཨཱཔཱཏ མཱགཙྪནྟཱིཏི ཡོཛནཱ. ‘‘ཏེསུ པནཱ’’ཏི ཏེསུ ཨཱརམྨཎེསུ པན. ཏཱནི ཨཱརམྨཎཱནི ཡེསཾ ཏཱནི ཏདཱ རམྨཎཱནི. ན ཨེཀཀྑཎེ པཉྩསུ ཨཱརམྨཎེསུ ཝཱིཐི ཙིཏྟཱནི པཝཏྟནྟི, ཨེཀེཀསྨིཾ ཨཱརམྨཎེ ཨེཝཱཏི ཝུཏྟཏྟཱ ན དྭཱིསུ, ན ཏཱིསུ, ན ཙཏཱུསཱུཏིཔི ཝཏྟབྦཾ. བཧུཙིཏྟཀྑཎཱཏཱིཏཱནི པཉྩཱརམྨཎཱནི བཧུཙིཏྟཀྑཎཱཏཱིཏེ པཉྩདྭཱརེཏི ཡོཛནཱ. པཉྩདྭཱརེཏི ཙ པཉྩདྭཱརེསཱུཏི ཨཏྠོ. ‘‘ཨེཝཾ སཏཱི’’ཏི ཏེསཾ པསཱདཱནཾ ཨཱཝཛྫནེན སདྡྷིཾ ཨུཔྤཏྟིཡཱ སཏི. ‘‘ཨཱདིལཀྑཎཾ’’ཏི པཉྩཱརམྨཎཱནཾ པཉྩདྭཱརེསུ ཨཱཔཱཏཱ གམན སངྑཱཏཾ ཝིསཡཔྤཝཏྟིཡཱ ཨཱདིལཀྑཎཾ. ཙལནཉྩ དཊྛབྦནྟི སམྦནྡྷོ. ‘‘ཡཐཱ གཧིཏཾ’’ཏི པཊིསནྡྷིཏོ པཊྛཱཡ གཧིཏཔྤཀཱརཾ. ཝིབྷཱཝནིཔཱཋེ ‘‘ཡོགྱ དེསཱཝཊྛཱན ཝསེནཱ’’ཏི ཨཱཔཱཏཾ ཨཱགནྟུཾ ཡུཏྟཊྛཱནེ ཨཝེཙྩཊྛཱན ཝསེན. ཡུཛྫནཉྩ, མནྠནཉྩ, ཁོབྷཀརཎཉྩ, གྷཊྚནནྟི ཙ ཨཱཔཱཏཱ གམནནྟི ཙ ཝུཙྩཏཱིཏི ཡོཛནཱ. ཧེཊྛཱ ཝུཏྟོཡེཝ ཨཱཔཱཏཱ གམནཉྩེཏྠཱཏིཨཱདིནཱ. ‘‘ནཱནཱ ཋཱནིཡེསཱུ’’ཏི ནཱནཱ ཋཱནེསུ ཋིཏེསུ. ‘‘ཨེཀོ དྷམྨནིཡཱམོ ནཱམཱ’’ཏི ཡཐཱ བོདྷིསཏྟེ མཱཏུཀུཙྪིམྷི པཊིསནྡྷིཾ གཎྷནྟེ དྷམྨནིཡཱམ ཝསེན སཀལེ ཛཱཏིཀྑེཏྟེ པཐཝིཀམྤནཾ ཨཧོསི. ཏཐཱ ཨིདྷཔི པཉྩདྭཱརེསུ ཨེཀེཀསྨིཾ དྭཱརེ ཨཱརམྨཎེ གྷཊྚེནྟེ དྷམྨནིཡཱམ ཝསེན བྷཝངྒ ཙལནཾ ཧོཏི. ཨཡཾ དྷམྨནིཡཱམོ ནཱམ. ‘‘སཧེཝཱ’’ཏི ཨེཀཏོཡེཝ. ཀཐཾ ¶ ཧདཡ ཝཏྠུ ནིསྶིཏསྶ བྷཝངྒསྶ ཙལནཾ སིཡཱཏི ཡོཛནཱ. ཨེཏྠ ཙ པཉྩཝིཉྙཱཎསྶ ཙལནཾ སིཡཱཏི ཨིདཾ ན ཝཏྟབྦཾ. ཀསྨཱ, ཏདཱ པཉྩཝིཉྙཱཎསྶ ཨཝིཛྫམཱནཏྟཱ. ཡདཱ ཙ ཏཾ ཝིཛྫཏི, ཏདཱ ཏཾ ན ཙལཏཱིཏི ན ཝཏྟབྦཾ. སབྦམྤི ཧི ཝཱིཐིཙིཏྟཾ ནཱམ ཙལཏི ཡེཝཱཏི. སནྟཏི ནཱམ པུབྦཱ པརཔྤབནྡྷོ. སཎྛཱནཾ ནཱམ སཧཔྤཝཏྟཱནཾ ཨེཀཏོ ཋིཏི. ཨིདྷ སཎྛཱནཾ ཨདྷིཔྤེཏཾ. པཉྩནིསྶཡ མཧཱབྷཱུཏེཧི སདྡྷིཾ ཧདཡ ཝཏྠུ ནིསྶཡབྷཱུཏཱནཾ ཨེཀ སཎྛཱན བྷཱཝེན ཨེཀཱབདྡྷཏྟཱཏི ཝུཏྟཾ ཧོཏི. ཏེནཱཧ ‘‘སཎྛཱན ཝསེནཱཏི པན ཝཏྟབྦཾ’’ཏི. ‘‘ཏཱདིསསྶ ཨནུཀྐམ ཙལནསྶཱ’’ཏི ཝིབྷཱཝནིཡཾ བྷེརིསཀྑརོཔམཱཡ སདྡྷིཾ རཱུཔཱདིནཱ པསཱདེ གྷཊྚིཏེ ཏནྣིསྶ ཡེསུ མཧཱབྷཱུཏེསུ ཙལིཏེསུ ཨནུཀྐམེན ཏཾ སམྦནྡྷཱནཾ སེསརཱུཔཱནམྤི ཙལནེན ཧདཡ ཝཏྠུམྷི ཙལིཏེ ཏནྣིསྶིཏསྶ བྷཝངྒསྶ ཙལནཱ ཀཱརེན པཝཏྟིཏོཏཱིཏི ཨེཝཾ ཝུཏྟསྶ ཨནུཀྐམ ཙལནསྶ. ‘‘བྷཝངྒཔྤཝཱཧཾ’’ཏི བྷཝངྒ སནྟཏིཾ. ‘‘ཀུརུམཱནཾ’’ཏི ཀརོནྟཾ. སལླཀྑེནྟཾ’’ཏི ཨིདམེཝཱཏི སནྣིཊྛཱཔེནྟཾ. ‘‘ཡོནི སོམནསིཀཱརཱདིཝསེནཱ’’ཏི ཡོནི སོམནསིཀཱརོ ཀུསལ ཛཝནུཔྤཏྟིཡཱ པཙྩཡོ. ཨཡོནི སོམནསིཀཱརོ ཨཀུསལ ཛཝནུཔྤཏྟིཡཱ པཙྩཡོ. ནིརནུསཡ སནྟཱནཏཱ ཀྲིཡཛཝནུཔྤཏྟིཡཱ པཙྩཡོ. ཏེསུ ཙ སོམནསྶ ཛཝནཱདཱིནཾ ཨུཔྤཏྟི པཙྩཡོཔི ཧེཊྛཱ ཙིཏྟ སངྒཧེ ཝུཏྟནཡེན ཝེདིཏབྦོ.

‘‘བྷཝངྒཔཱཏོ’’ཏིཨཱདཱིསུ. ‘‘ཨཱཝཛྫནཏོ པཊྛཱཡ ཨུཊྛིཏཾ’’ཏི ཀམྨ ཝིཔཱཀསནྟཱནཏོ ཙ ཏདཱརམྨཎཏོ ཙ མུཉྩིཏྭཱ ཝིསུཾ ཀྲིཡཱམཡ བྱཱཔཱརེན ཨཱརམྨཎནྟརཾ གཧེཏྭཱ ཨུཊྛིཏཾ སམུཊྛིཏཾ. བྷཝངྒ ཙལནམྤི ཨུཊྛཱནསྶ ཨཱདི ཧོཏི. ཏསྨཱ ཏམྤི ཨུཊྛིཏེ ཙིཏྟ སནྟཱནེ སངྒཎྷནྟོ པཐམ བྷཝངྒ ཙལནཏོཡེཝ ཝཱཏི ཝུཏྟཾ. ‘‘ཨིམསྨིཾ ཋཱནེ’’ཏི ཝཱིཐི ཙིཏྟཱནཾ ཨནུཀྐམེན ཨཏྟནོ ཀིཙྩེཧི ཨཱརམྨཎཔྤཝཏྟིཊྛཱནེ. ‘‘དོཝཱརིཀོཔམཱ’’ཏི བདྷིརདོཝཱརིཀོཔམཱ. ‘‘གཱམིལློཔམཱ’’ཏི གཱམདཱརཀོཔམཱ. ‘‘ཨམྦོཔམཱ’’ཏི ཨམྦཔྥལོཔམཱ. ཨཉྙཱཔི ཨུཔམཱ ཨཏྠི. མཀྐཊསུཏྟོཔམཱ, ཨུཙྪུཡནྟོཔམཱ, ཛཙྩནྡྷོཔམཱ. ཏཱསབྦཱཔི ཨཊྛསཱལིནིཡཾ ཝིཔཱཀུདྡྷཱར ཀཐཱཏོ ¶ གཧེཏབྦཱ. ‘‘ཡཏྠཧཱི’’ཏིཨཱདཱིསུ. ‘‘ཀཐཾ ཚ ཚཀྐ ཡོཛནཱ ཧོཏཱི’’ཏི. ཙཀྑུ ཝཏྠུ ཝཙནཉྩ, ཙཀྑུདྭཱར ཝཙནཉྩ, རཱུཔཱ རམྨཎ ཝཙནཉྩ, ཙཀྑུ ཝིཉྙཱཎ ཝཙནཉྩ, ཙཀྑུདྭཱར ཝཱིཐི ཙཀྑུ ཝིཉྙཱཎ ཝཱིཐི ཝཙནཉྩ, ཨཏིམཧནྟཱ རམྨཎ ཝཙནཉྩཱ,ཏི ཨེཏཱནི ཚཝཙནཱནི. ཏེཧི ཚཚཀྐེཧི ཨཱཧརིཏྭཱ ཨིམིསྶཾ ཝཱིཐིཡཾ དསྶིཏཱནི. སེསཝཱིཐཱིསུཔི ཡཐཱལཱབྷཾ དསྶིཏབྦཱནི. ཨེཝཾ ཚཚཀྐཡོཛནཱ ཧོཏི. ‘‘ཨེཏྠ ཙ ཡཏྟཀཱནཱི’’ཏིཨཱདཱིསུ. ‘‘ཨེཀཱུན པཉྙཱས པརིམཱཎེསཱུ’’ཏི ཨེཀསྶནིཔྥནྣ རཱུཔདྷམྨསྶ ཨེཀཔཉྙཱས མཏྟེསུ ཁུདྡཀཀྑཎེསུ ཨུཔྤཱདཀྑཎཉྩ བྷངྒཀྑཎཉྩ ཋཔེཏྭཱ མཛ྄ཛྷེ ཨེཀཱུན པཉྙཱས མཏྟཱནི ཋིཏིཀྑཎཱནི སནྟི. ཏེསུ ཁཎེསུ ཨནུཀྐམེན ཨུཔྤནྣཱ ཨེཀཱུན པཉྙཱས ཙཀྑུ པསཱདཱ ཙ སནྟི. ‘‘ཀིསྨིཉྩཱི’’ཏི ཏེསུ ཀཏརསྨིཾ ནཱམ ཙཀྑུ པསཱདེ ན གྷཊྚེནྟཱིཏི ན ཝཏྟབྦཱནི. ‘‘ཏེསུ པནཱ’’ཏི ནིདྡྷཱརཎེ བྷུམྨཝཙནཾ. ‘‘ཡདེཝ ཨེཀཾ ཙཀྑཱུ’’ཏི ནིདྡྷཱརཎཱིཡཾ. ཏཾ པན ཀཏམནྟི. ཨཏཱིཏ བྷཝངྒེན སདྡྷིཾ ཨུཔྤཛྫིཏྭཱ ཏཾ ཨཏིཀྐམྨ བྷཝངྒ ཙལནཀྑཎེ ལདྡྷགྷཊནཾ ཨེཀཾ ཙཀྑུ. ཏཾ པན ཙཀྑུ ཝིཉྙཱཎསྶ ཝཏྠུ བྷཱཝཉྩ དྭཱརབྷཱཝཉྩ སཱདྷེཏི. སེསཝིཉྙཱཎཱནཾ དྭཱརབྷཱཝཾ སཱདྷེཏཱིཏི. ཏེནཱཧ ‘‘ཡཐཱརཧཾ’’ཏི. ཨེཏདེཝ ཨེཏཾ ཨེཝ ཙཀྑུ ཀིཙྩ སཱདྷནཾ ནཱམ ཧོཏི ཝཱིཐི ཙིཏྟུཔྤཏྟིཡཱ ཝཏྠུ ཀིཙྩདྭཱར ཀིཙྩཱནཾ སཱདྷནཏོ. ‘‘ཡཾ མཛ྄ཛྷིམཱཡུཀཾ’’ཏི མནྡཱཡུཀ ཨམནྡཱཡུཀཱནཾ མཛ྄ཛྷེ པཝཏྟཏྟཱ ཡཾ མཛ྄ཛྷིམཱཡུཀནྟི ཝདནྟི. ཏཾ ཀིཙྩ སཱདྷནཾ ནཱམཱཏི ཡོཛནཱ. ‘‘ཨིཏརཱནི པནཱ’’ཏི ཨེཀཱུན པཉྙཱས པརིམཱཎེསུ ཙཀྑུ པསཱདེསཱུཏི ཝུཏྟཱནི, ཏེསུ ཨེཀཾ ཀིཙྩ སཱདྷནཾ ཋཔེཏྭཱ སེསཱནི ཨིཏརཱནི ཨཊྛ ཙཏྟཱལཱིས ཙཀྑཱུནི མོགྷཝཏྠཱུནི ནཱམ ཧོནྟི. རཱུཔཱ རམྨཎེཧི སདྡྷིཾ ལདྡྷ གྷཊྚནཱནམྤི སཏཾ ཝཱིཐི ཙིཏྟུཔྤཏྟིཡཱ ཝཏྠུ ཀིཙྩདྭཱར ཀིཙྩརཧིཏཏྟཱ. ཏེསུ ཀཏམཱནི མནྡཱཡུཀཱནི ནཱམཱཏི ཨཱཧ ‘‘ཏཱནི པནཱ’’ཏིཨཱདིཾ. ཀིཙྩ སཱདྷནཏོ པུརིམཱནི ནཱམ ཨཏཱིཏ བྷཝངྒཏོ པུརེ ཏེརསསུ བྷཝངྒེསུ ཨཱདི བྷཝངྒསྶ བྷངྒཀྑཎཏོ པཊྛཱཡ ཁཎེ ཁཎེ ཨུཔྤནྣཱ སཏྟཏིཾས ཙཀྑུ པསཱདཱ. ཏཱནི མནྡཱཡུཀཱནཱིཏི ཝདནྟི. ཀསྨཱ, ཀིཙྩ སཱདྷནཏོ ཨཔྤཏརཱཡུཀཏྟཱ. ཀིཙྩ སཱདྷནཏོ པཙྪིམཱནི ནཱམ ཨཏཱིཏ བྷཝངྒསྶ ཋིཏིཀྑཎཏོ ¶ པཊྛཱཡ ཁཎེ ཁཎེ ཨུཔྤནྣཱ ཨེཀཱདས ཙཀྑུ པསཱདཱ, ཏཱནི ཨམནྡཱཡུཀཱནཱིཏི ཝདནྟི. ཀསྨཱ, ཀིཙྩ སཱདྷནཏོ བཧུཏརཱཡུཀཏྟཱ. ཏདུབྷཡཱནིཔི ཨཊྛ ཙཏྟཱལཱིས མཏྟཱནི ཝེདིཏབྦཱནཱིཏི སམྦནྡྷོ. ‘‘ཏཏོ’’ཏི ཏེཧི ཨཊྛཙཏྟཱལཱིས མཏྟེཧི. ‘‘པུརིམཏརཱནཱི’’ཏི སཏྟཏིཾས མནྡཱཡུཀེཧི པུརིམཏརཱནི. ཏཱནི ཧི ཙཀྑུ ཝིཉྙཱཎསྶ ཨུཔྤཱདཀྑཎེ ཋིཏི བྷཱཝེན ཨནུཔལདྡྷཏྟཱ ཨིདྷ ན གཧིཏཱནི. ‘‘པཙྪིམཏརཱནཱི’’ཏི ཨེཀཱདས ཨམནྡཱཡུཀེཧི པཙྪིམཏརཱནི. ཏཱནི ཙ ཙཀྑུ ཝིཉྙཱཎསྶ ཨུཔྤཱདཀྑཎེ ཨུཔྤནྣཱནིཔི ཏསྨིཾ ཁཎེ ཋིཏི བྷཱཝེན ཨནུཔལདྡྷཏྟཱ ཨིདྷ ན གཧིཏཱནི. ཀསྨཱ པན ཙཀྑུཝིཉྙཱཎསྶ ཨུཔྤཱདཀྑཎེ ཋིཏི བྷཱཝེན ཨནུཔལདྡྷཱནི ཏདུབྷཡཱནི ཨིདྷ ན གཧིཏཱནཱིཏི. ཙཀྑུ ཝིཉྙཱཎསྶ ཨུཔྤཱདཀྑཎེ ཋིཏི བྷཱཝེན དྷརམཱནཱནཾ ཨཊྛཙཏྟཱལཱིས མཏྟཱནཾ ཙཀྑཱུནཾ མཛ྄ཛྷེ ཨེཝ ཀཏམཾ ཙཀྑུ ཙཀྑུ ཝིཉྙཱཎསྶ ཝཏྠུ ཀིཙྩ དྭཱར ཀིཙྩཾ སཱདྷེཏཱིཏི ཨཱསངྐིཏབྦཾ ཧོཏི. ཨེཏྠ ཙ པཉྩ ཝཏྠཱུནི ནཱམ ཨཏྟནོ ཋིཏིཀྑཎེ ཨེཝ པཉྩཝིཉྙཱཎཱནཾ ཝཏྠུདྭཱར ཀིཙྩ སཱདྷཀཏྟཱ ཙཀྑུ ཝིཉྙཱཎསྶ ཨུཔྤཱདཀྑཎེ ཋིཏི བྷཱཝེན ཨནུཔལདྡྷཏྟཱ ཨིདྷ ན གཧིཏཱནཱིཏི ཙ, ཙཀྑུ ཝིཉྙཱཎསྶ ཨུཔྤཱདཀྑཎེ ཋིཏི བྷཱཝེན དྷརམཱནཱནནྟི ཙ, ཝུཏྟནྟི དཊྛབྦཾ.

‘‘ཨེཏྠ སིཡཱ’’ཏིཨཱདཱིསུ. ‘‘ཨིམཱཡ ཝཱིཐིཡཱ’’ཏི ཨིམཱཡ ཨཏིམཧནྟཱ རམྨཎ ཝཱིཐིཡཱ. ‘‘སམུདཱཡགྒཱཧིཀཱ’’ཏི རཱུཔཱ རམྨཎཱནཾ སམཱུཧགྒཱཧིཀཱ. ‘‘ཝཎྞསལླཀྑཎཱ’’ཏི ཝཎྞཝཝཏྠཱནིཀཱ. ‘‘ཝཏྠུགྒཱཧིཀཱ’’ཏི དབྦ སཎྛཱནགྒཱཧིཀཱ. ‘‘ནཱམགྒཱཧིཀཱ’’ཏི ནཱམ པཉྙཏྟིགྒཱཧིཀཱ. ‘‘ཨལཱཏཙཀྐསྶ གཱཧིཀཱ ཝིཡཱ’’ཏི རཏྟནྡྷཀཱརེ ཨེཀོ ཨལཱཏཾ གཧེཏྭཱ པརིབྦྷམཏི. ཨཉྙོ ཏཾ པསྶནྟོ ཙཀྐཾ ཝིཡ མཉྙཏི. ཏཏྠ ཨལཱཏསྶ གཏགཏཊྛཱནེ པཙྩུཔྤནྣཾ རཱུཔཾ ཨཱརབྦྷ ཙཀྑུདྭཱར ཝཱིཐིཡོ ཨུཔྤཛྫནྟི. མནོདྭཱར ཝཱིཐིཡོ པན པུརིམ པུརིམཱཧི ཙཀྑུདྭཱར ཝཱིཐཱིཧི གཧིཏཱནི ཨཏཱིཏ རཱུཔཱནི ཨམུཉྩིཏྭཱ ཨེཀཏོ སཎྛཱནཉྩ སནྟཏིཉྩ ཀཏྭཱ གཎྷནྟི. ཏདཱ པསྶནྟསྶ ཙཀྐཾ ཝིཡ ཨུཔཊྛཱཏི. ཨེཝཾ ཨཡཾ སམུདཱཡགྒཱཧིཀཱ དཊྛབྦཱ. ‘‘ནཏྠི ཏདཱརམྨཎུཔྤཱདོ’’ཏིཨཱདཱིསུ. ‘‘ཡསྶཱ’’ཏི ཡསྶ ཨཱརམྨཎསྶ. ཙིཏྟཱནཱིཏི ཙ ནཱནཱརམྨཎཱནཱིཏི ཙ ཀམྨཔདཱནི. ཨཝསེསེ ཏསྨིཾ ¶ ཨཱརམྨཎེ. ‘‘སངྒཧ ཀཱརེནཱ’’ཏི པོརཱཎ ཨཊྛཀཐཱཡོ ཨེཀཏོ སངྒཧེཏྭཱ ཀཏཏྟཱ བུདྡྷགྷོསཏྠེརེན ཀཏཱ སབྦཱ ཨཊྛཀཐཱཡོ སངྒཧཊྛཀཐཱ ནཱམ. སོ ཙ སངྒཧ ཀཱརོཏི ཝུཙྩཏི. ‘‘ཨིདྷ པཱི’’ཏི ཨིམསྨིཾ ཨབྷིདྷམྨཏྠ སངྒཧེཔི. ‘‘ཐེརེནཱ’’ཏི ཨནུརུདྡྷཏྠེརེན. ‘‘ཨེཀམྤི ཨིཙྪཏི ཡེཝཱ’’ཏི. ‘‘ཡསྶ ཧི ཙཏྟཱརཱི’’ཏིཨཱདཱིསུ ཡསྶ ཨཱརམྨཎསྶ ཙཏྟཱརི ཝཱ པཉྩཝཱ ཚཝཱཏིཨཱདིནཱ ཡོཛེཏབྦཾ. ‘‘ཛཝནམྤི ཨནུཔྤཛྫིཏྭཱ’’ཏིཨཱདཱིསུ. ‘‘ཨཏྟནོ པདྷཱན ཀྲིཡཱཡཱ’’ཏི ཨནུཔྤཛྫིཏྭཱཏི པདསྶ པརཏོ ‘ཡཾ པཝཏྟཏཱི’ཏི ཨཏྟནོ པདྷཱན ཀྲིཡཱཔདཾ ཨཏྠི. ཏེན ཨཏྟནོ ཀྲིཡཱཔདེན སདྡྷིནྟི ཨཏྠོ. ‘‘ཀཏྠཙི ཝུཏྟཱ’’ཏི ཀཏྠཙི སདྡགནྠེསུ ཝུཏྟཱ. ཨཔི ཙ, ཧེཏུམྷི ཏྭཱཔཙྩཡོ ལཀྑཎེ ཧེཏུམྷི ཙ མཱནནྟ པཙྩཡཱ ཛོཏནཱིཡཊྛེན ཝུཏྟཱ, ན ཝཙནཱིཡཊྛེནཱཏི དཊྛབྦཱ. ‘‘པཀཏི ནིཡཱམེནཱ’’ཏི ཨེཏེན པཙྩཡ ཝིསེསེསཏི, ཙཏྟཱརི ཝཱ པཉྩཝཱ ཚཝཱ ཛཝནཱནི ཨུཔྤཛྫནྟཱིཏི དཱིཔེཏི. ཏེནཱཧ ‘‘ཨེཏྠཔནཱ’’ཏིཨཱདིཾ. ‘‘དྭཏྟིཀྑཏྟུཾ’’ཏི ཝཱསདྡཏྠེ ཨཉྙཔདཏྠ སམཱསཔདནྟི ཝུཏྟཾ ‘‘དྭིཀྑཏྟུཾ ཝཱ ཏིཀྑཏྟུཾ ཝཱ’’ཏི. ‘‘ཝོཊྛབྦནསྶ ཨཱསེཝནཏཱ’’ཏི ཨཱསེཝན པཙྩཡཏཱཝཱ པཙྩཡུཔྤནྣཏཱཝཱ. ‘‘ཨཱཝཛྫནཱཡཱ’’ཏི ཨེཏྠ ཝོཊྛབྦན ཀིཙྩཾ ཨཱཝཛྫནམྤི སངྒཎྷཱཏི. ཨིདྷཔི ཨཱརམྨཎ དུབྦལཏཱཡ ཙཏུཔྤཉྩ ཛཝནུཔྤཏྟི ཨིཙྪི ཏབྦཱཏི ཡོཛནཱ. ཏཏྠ ‘‘ཨིདྷ པཱི’’ཏི ཨིམསྨིཾ པརིཏྟཱ རམྨཎ ཝཱརེཔི. ཏིཝོཊྛབྦནིཀཱ པཉྩ པརིཏྟཱ རམྨཎ ཝཱིཐིཡོཏི ཡོཛནཱ. ‘‘ཨིཏརཱནཱི’’ཏི པརིཏྟ མཧནྟཱཏི མཧནྟཱ རམྨཎཱནི. ‘‘ཨུབྷཡཐཱཔཱི’’ཏི ཨཱཔཱཏཱ གམན ཝསེནཔི ཨཱརམྨཎ ཀརཎ ཝསེནཔི. ཨིམསྶ པདསྶ.

༡༣༧. ‘‘མནོདྭཱརེ པནཱ’’ཏིཨཱདཱིསུ. ‘‘པརིཏྟཀྑཎཱ པཱི’’ཏི ཙིཏྟ ཕསྶཱདཡོ ཨཔྤཏརཀྑཎཱཔི. ‘‘ཨཏཱིཏཱནཱགཏཱ པཱི’’ཏི ཨཏཱིཏཱནཱགཏ དྷམྨཱཔི. ‘‘གྷཊྚནེནཱ’’ཏི རཱུཔཱདཱིནཾ གྷཊྚནེན. ‘‘ཡཏྠཱ’’ཏི ཡསྨིཾ བྷཝངྒེ. ‘‘པཉྩདྭཱརཱནུ བནྡྷཀཾ’’ཏི པཉྩདྭཱར ཝཱིཐི ཨནུགཏཾ. ཨཏཱིཏཾ ཨཱལམྦཎཾ པཝཏྟེཏི ཡེཝཱཏི སམྦནྡྷོ. ‘‘ཡཐཱཔཱཏཱ གཏམེཝཱ’’ཏི པཀཏིཡཱ ཨཱཔཱཏཱ གཏཔྤཀཱརམེཝ. ‘‘ཏཐཱ ཏཐཱ’’ཏི དིཊྛ སམྦནྡྷཱདིནཱ ཏེན ཏེན པཀཱརེན. ‘‘ཀིཉྩཱི’’ཏི ¶ ཀིཉྩི ཨཱརམྨཎཾ. ‘‘དིསྭཱ’’ཏི པཙྩཀྑཾ ཀཏྭཱ. པཉྩདྭཱརགྒཧིཏཉྷི ཨཱརམྨཎཾ པཙྩཀྑཀཏཊྛེན དིཊྛནྟི ཝུཙྩཏི. ཡཾ ཀིཉྩི ཨཱརམྨཎཾ. ‘‘ཨནུམཱནེནྟསྶཱ’’ཏི ཨེཝམེཝ བྷཝིཏྠ, བྷཝིསྶཏི, བྷཝཏཱིཏི ཨནུམཱནཉྙཱཎེན ཙིནྟེནྟསྶ. ཏཾ སདིསཾ ཨཱརམྨཎཾ. ‘‘པརསྶ སདྡཧནཱ’’ཏི པརཝཙནཾ སུཏྭཱ ཡཐཱ ཨཡཾ ཝདཏི, ཏཐེ ཝེཏནྟི སདྡཧནཱ. ‘‘དིཊྛི’’ ཝུཙྩཏི ཉཱཎཾ ཝཱ ལདྡྷི ཝཱ. ‘‘ནིཛ྄ཛྷཱནཾ’’ཏི སུཊྛུ ཨོལོཀནཾ. ‘‘ཁནྟཱི’’ཏི ཁམནཾ སཧནཾ. ཨཉྙཐཏྟཾ ཨགམནཾ. དིཊྛིཡཱ ནིཛ྄ཛྷཱནཾ དིཊྛིནིཛ྄ཛྷཱནཾ. དིཊྛིནིཛ྄ཛྷཱནསྶ ཁནྟི དིཊྛིནིཛ྄ཛྷཱནཀྑནྟི. ‘‘སེསཾ’’ཏི ནཱནཱཀམྨ བལེནཱཏིཨཱདིཀཾ. ‘‘དེཝཏོ པསཾཧཱརཝསེནཱ’’ཏི དེཝཏཱ ཀདཱཙི ཀེསཉྩི སུཔིནནྟེ ནཱནཱརམྨཎཱནི ཨུཔསཾཧརིཏྭཱ དསྶེནྟི. ཨེཝཾ དེཝཏོ པསཾཧཱར ཝསེནཱཔི. ཨནུབོདྷོ ནཱམ ལོཀིཡཉྙཱཎ ཝསེན ཙཏུསྶཙྩ དྷམྨཱནཾ ཨནུབུཛ྄ཛྷནཾ. པཊིཝེདྷོ ནཱམ ལོཀུཏྟརཉྙཱཎ ཀིཙྩཾ. ཨནནྟ རཱུཔ ནིསྶཡ པཙྩཡགྒཧཎེན པཀཏཱུ པནིསྶཡ པཙྩཡམྤི ཨུཔལཀྑེཏི. ཙིཏྟ སནྟཱནསྶ ཨནནྟརཱུཔནིསྶཡ པཙྩཡབྷཱཝོ ནཱམཱཏི སམྦནྡྷོ. ཨནནྟ རཱུཔ ནིསྶཡ པཙྩཡསཏྟི ནཱམ ཨནནྟར པརམྤར ཝིཔྥརཎཝསེན མཧཱགཏིཀཱ ཧོཏཱིཏི ཝུཏྟཾ ཧོཏི. ཨནནྟ རཱུཔ ནིསྶཡ པཙྩཡཱནུ བྷཱཝོཏིཔི ཡུཛྫཏི. ཀཐཾ མཧཱཝིཔྥཱརོཏི ཨཱཧ ‘‘སཀིཾ པཱི’’ཏིཨཱདིཾ. ‘‘སུཊྛུ ཨཱསེཝིཏྭཱ’’ཏི ཨེཏྠ པཙྪཱ ཨཔྤམུསྶམཱནཾ ཀཏྭཱ པུནཔྤུནཾ སེཝནཾ སུཊྛུ ཨཱསེཝནཾ ནཱམ. ན ཀེཝལཾ པུརིམ ཙིཏྟ སནྟཱནསྶ སོ ཨུཔནིསྶཡ པཙྩཡཱནུབྷཱཝོ ཨེཝ མཧཱཝིཔྥཱརོ ཧོཏི. པཀཏིཡཱ ཙིཏྟསྶ ཝིཙིཏྟ བྷཱཝ སངྑཱཏཾ ཙིནྟནཱ ཀིཙྩམྤི མཧཱཝིཔྥཱརཾ ཧོཏཱིཏི དསྶེཏུཾ ‘‘ཙིཏྟཉྩ ནཱམཱ’’ཏིཨཱདིཝུཏྟཾ. ཀཐཾ མཧཱཝིཔྥཱརཾ ཧོཏཱིཏི ཨཱཧ ‘‘ཀིཉྩི ནིམིཏྟཾ’’ཏིཨཱདིཾ. ‘‘ཀིཉྩི ནིམིཏྟཾ’’ཏི དིཊྛཱདཱིསུ ནཱནཱ རམྨཎེསུ ཀིཉྩི ཨཔྤམཏྟཀཾ དིཊྛཱདིཀཾ ཨཱརམྨཎ ནིམིཏྟཾ. ‘‘ཏེཧི ཙཀཱརཎེཧཱི’’ཏི ཏེཧི ཀཏྟུབྷཱུཏེཧི དིཊྛཱདཱིཧི ཀཱརཎེཧི. ‘‘ཙོདཱིཡམཱནཾ’’ཏི པཡོཛཱིཡམཱནཾ. ‘‘ཨཛ྄ཛྷཱསཡ ཡུཏྟཾ’’ཏི ཨཛ྄ཛྷཱསཡེན སཾཡུཏྟཾ. བྷཝངྒ ཙིཏྟསྶ ཨཱརམྨཎཾ ནཱམ ཨཝིབྷཱུཏཾ ཧོཏི. བྷཝངྒཾ ཙཱལེཏྭཱ ཨཱཝཛྫནཾ ནིཡོཛེཏཱིཏི སམྦནྡྷོ. ‘‘ལདྡྷ པཙྩཡེསཱུ’’ཏི ཨཱལོཀཱདིཝསེན ཝཱ ¶ དིཊྛཱདིཝསེན ཝཱ ལདྡྷ པཙྩཡཝནྟེསུ. ཏདབྷིནིནྣཱཀཱརོ ནཱམ ནིཙྩཀཱལམྤི ཏེསུ ཨཱརམྨཎེསུ ཨབྷིམུཁཾ ནིནྣཱཀཱརོ. ཏེན ཨཱཀཱརེན པཝཏྟོ མནསིཀཱརོ. ཏེན སམྤཡུཏྟསྶ. ཨེཏེཧི ཝཙནེཧི སུདྡྷམནོདྭཱརེ ཨཱརམྨཎཱནཾ ཨཔཱཏཱགམནཉྩ བྷཝངྒ ཙལནཉྩ ན ཀེཝལཾ ལདྡྷ པཙྩཡཱནཾ ཨཱརམྨཎཱནཾ ཝསེནེཝ ཧོཏི. ཏཱདིསེན པན མནསིཀཱརེན ཡུཏྟསྶ སཡཉྩ ཝཱིཐི ཙིཏྟ ཙིནྟནཱ ཀིཙྩསྶ ཙིཏྟསྶ ཝསེནཱཔི ཧོཏཱིཏི སིདྡྷཾ ཧོཏི. ན ཧི ཨཱརམྨཎནྟརེ ཨབྷིནིནྣཱཀཱརོ ནཱམ ནཏྠཱིཏི སཀྐཱ ཝཏྟུཾ. ཀསྨཱ, ཨབྷཱཝིཏ ཙིཏྟཱནཾ པམཱད བཧུལཱནཾ ཛནཱནཾ ཀདཱཙི ཀརཧཙི བྷཱཝནཱ མནསིཀཱརེ ཀརཱིཡམཱནེཔི ཝཱིཐི ཙིཏྟ སནྟཱནསྶ བཧིདྡྷཱ ནཱནཱརམྨཎེསུ ཨབྷིནིནྣཱཀཱརསྶ སནྡིསྶནཏོཏི. ‘‘ཡཐཱ ཙེཏྠཱ’’ཏི ཡཐཱ ཨེཏྠ མནོདྭཱརེ རཱུཔཱརཱུཔ སཏྟཱནཾ ཝིབྷཱུཏཱ རམྨཎེཔི ཏདཱ རམྨཎུཔྤཱདོ ནཏྠི, ཨེཝནྟི ཡོཛནཱ. ཉཱཎཝིབྷངྒཊྛཀཐཱཡཾ པན ཝོཊྛབྦནཝཱརོཔི ཨཱགཏོ. ཡཐཱཧ སུཔིནེནེཝ དིཊྛཾ ཝིཡ མེ, སུཏཾ ཝིཡ མེཏི ཀཐནཀཱལེཔི ཨབྱཱཀཏོ ཡེཝཱཏི. ཏཏྠ ཧི ‘‘ཨབྱཱཀཏོ ཡེཝཱ’’ཏི སུཔིནནྟེ མནོདྭཱརེ དྭཏྟིཀྑཏྟུཾ ཨུཔྤནྣསྶ ཨཱཝཛྫནསྶ ཝསེན ཨབྱཱཀཏོཡེཝ. ཏཏོ པརཾ བྷཝངྒཔཱཏོ. ཨཊྛསཱལིནིཡམྤི ཝུཏྟཾ ཨཡཾ པན ཝཱརོ དིཊྛཾ ཝིཡ མེ, སུཏཾ ཝིཡ མེ ཏིཨཱདཱིནི ཝདནཀཱལེ ལབྦྷཏཱིཏི. ཏཾ པན པཉྩ དྭཱརེ པརིཏྟཱརམྨཎེ དྭཏྟིཀྑཏྟུཾ ཨུཔྤནྣསྶ ཝོཊྛབྦནསྶ ཝསེན ཝུཏྟཾ. ‘‘སོཔི ཨིདྷ ལདྡྷུཾ ཝཊྚཏི ཡེཝཱ’’ཏི སོཔི ཝཱརོ ཨིམསྨིཾ མནོདྭཱརེ ལདྡྷུཾ ཝཊྚཏིཡེཝ. ‘‘བྷཝངྒེ ཙལིཏེ ནིཝཏྟནཀཝཱརཱནཾ’’ཏི དྭིཀྑཏྟུཾ བྷཝངྒ ཙལནམཏྟེ ཋཏྭཱ ཝཱིཐི ཙིཏྟཱནི ཨནུཔྤཛྫིཏྭཱ བྷཝངྒཔཱཏཝསེན ནིཝཏྟནཀཱནཾ མོགྷཝཱརཱནཾ མནོདྭཱརེཔི པམཱཎཾ ན བྷཝིསྶཏིཡེཝ. ཨཐ ཨིམསྨིཾཝཱརེ ཝཱིཐི ཙིཏྟཔྤཝཏྟི ནཏྠི. ཨེཝཾ སཏི, ཨིམསྨིཾ ཝཱིཐི སངྒཧེ སོ ཝཱརོ ན ཝཏྟབྦོཏི ཙེ. ཝཏྟབྦོཡེཝ. ཀསྨཱ, ཚདྷཱ ཝིསཡཔྤཝཏྟཱིཏི ཨིམསྨིཾ ཚཀྐེ སངྒཧིཏཏྟཱཏི དསྶེཏུཾ ‘‘ཝིསཡེ ཙ ཨཱཔཱཏཱགཏེ’’ཏིཨཱདི ཝུཏྟཾ. ཨཱརམྨཎབྷཱུཏཱ ཝིསཡཔྤཝཏྟི. ཨེཀེཀསྨིཾ ཨནུབནྡྷཀཝཱརེ. ‘‘ཏདཱརམྨཎ ཝཱརཱདཡོ’’ཏི ཏདཱརམྨཎ ཝཱརོ ཛཝནཝཱརོ ཝོཊྛབྦན ཝཱརོ ¶ མོགྷཝཱརོ. ཏེསུ པན ཏདཱ རམྨཎཝཱརོ ཝཏྠུགྒཧཎེ ཙ ནཱམགྒཧཎེ ཙ ན ལབྦྷཏི. ‘‘ཝཏྠཱུ’’ཏི ཧི སཎྛཱན པཉྙཏྟི. ‘‘ནཱམཾ’’ཏི ནཱམ པཉྙཏྟི. ན ཙ ཏདཱ རམྨཎཾ པཉྙཏྟཱ རམྨཎཾ ཧོཏཱིཏི. ཏེན ཝུཏྟཾ ‘‘ཡཐཱརཧཾ’’ཏི. ‘‘ཏཏྠཱ’’ཏི ཏེསུ དིཊྛཝཱརཱདཱིསུ ཚསུ ཝཱརེསུ. ཨེཏརཧི པན ཀེཙི ཨཱཙརིཡཱཏི པཱཋསེསོ. ‘‘ཨཏཱིཏ བྷཝངྒ ཝསེནཱ’’ཏི ཨེཀཾ བྷཝངྒཾ ཨཏིཀྐམྨ ཨཱཔཱཏཱ གཏེ ཨཱརམྨཎེ ཨེཀོ ཝཱརོ, དྭེ བྷཝངྒཱནི ཨཏིཀྐམྨ ཨཱཔཱཏཱ གཏེ ཨེཀོཏིཨཱདིནཱ ཨཏཱིཏ བྷཝངྒ བྷེདཝསེན. ‘‘ཏདཱ རམྨཎ ཝསེནཱ’’ཏི ཏདཱ རམྨཎསྶ ཨུཔྤནྣཝཱརོ ཨནུཔྤནྣ ཝཱརོཏི ཨེཝཾ ཏདཱ རམྨཎ ཝསེན. ཀཔྤེནྟི ཙིནྟེནྟི, ཝིདཧནྟི ཝཱ. ‘‘ཁཎ ཝསེན བལཝདུབྦལཏཱ སམྦྷཝོ’’ཏི ཡཐཱ པཉྩདྭཱརེ ཨཏིམཧནྟཱ རམྨཎེསུཔི ཨཱརམྨཎ དྷམྨཱ ཨུཔྤཱདཾ པཏྭཱ ཨཱདིཏོ ཨེཀཙིཏྟཀྑཎམཏྟེ དུབྦལཱ ཧོནྟི. ཨཏྟནོ དྭཱརེསུ ཨཱཔཱཏཾ ཨཱགནྟུཾ ན སཀྐོནྟི. ཨེཀ ཙིཏྟཀྑཎཾ པན ཨཏིཀྐམྨ བལཝནྟཱ ཧོནྟི. ཨཏྟནོ དྭཱརེསུ ཨཱཔཱཏཾ གནྟུཾ སཀྐོནྟི. མཧནྟཱ རམྨཎཱདཱིསུ པན དྭི ཙིཏྟཀྑཎིཀམཏྟེ དུབྦལཱ ཧོནྟཱིཏིཨཱདིནཱ ཝཏྟབྦཱ. ན ཏཐཱ མནོདྭཱརེ ཨཱརམྨཎཱནཾ ཁཎ ཝསེན བལཝདུབྦལཏཱ སམྦྷཝོ ཨཏྠི. ཀསྨཱ ནཏྠཱིཏི ཨཱཧ ‘‘ཏདཱ’’ཏིཨཱདིཾ. ཏཏྠ ‘‘ཏདཱ’’ཏི ཏསྨིཾ ཝཱིཐི ཙིཏྟཔྤཝཏྟིཀཱལེ. ‘‘ཏཏྠཱ’’ཏི མནོདྭཱརེ.

‘‘ཨེཏྠ སིཡཱ’’ཏིཨཱདཱིསུ. ‘‘སིཡཱ’’ཏི ཀེསཉྩི ཝིཙཱརཎཱ སིཡཱ. ཨེཀཾ ཨཱཝཛྫནཾ ཨསྶཱཏི ཨེཀཱཝཛྫནཱ. ‘‘ཝཱིཐཱི’’ཏི ཝཱིཐིཙིཏྟཔྤབནྡྷོ. ཨེཀཱཝཛྫནཱ ཙ སཱ ཝཱིཐི ཙཱཏི ཝིགྒཧོ. ‘‘ཨཱཝཛྫནཾ’’ཏི ཨཱཝཛྫན ཙིཏྟཾ. ཏཾ ཝཱ ཨཱཝཛྫཏཱིཏི སམྦནྡྷོ. ‘‘ཏཾ ཏཾ ཛཝནེནཱ’’ཏི ཏེན ཏེན ཛཝནེན སཧུཔྤནྣཾ ཝཱ པརསྶ ཙིཏྟཾ ཨཱཝཛྫཏི ཀིནྟི ཡོཛནཱ. ‘‘ཀིཉྩེཏྠཱ’’ཏི ཨེཏྠ ཝཙནེ ཀིཉྩི ཝཏྟབྦཾ ཨཏྠཱིཏི ཨཏྠོ. ཡདི ཏཱཝ ཨཱཝཛྫནཉྩ ཛཝནཱནི ཙཱཏི ཨདྷིཀཱརོ. ‘‘ཏཉྷི ཙིཏྟཾ’’ཏི པརསྶ ཙིཏྟཾ. ‘‘ཨེཝམྤི བྷིནྣམེཝཱ’’ཏི ཛཝནཱནཾ དྷམྨཏོ བྷིནྣམེཝ. ཨེཏྠ ཨཊྛཀཐཱཡཾ ཝིནིཙྪིཏནྟི སམྦནྡྷོ. ཏཾ ཙིཏྟཾ ནིརུདྡྷམྤི ཛཝནཱནམྤི པཙྩུཔྤནྣམེཝ ཧོཏཱིཏི ཡོཛནཱ. ‘‘ཨདྡྷཱཝསེན གཧིཏཾ’’ཏི ཨདྡྷཱ པཙྩུཔྤནྣ ཝསེན གཧིཏཾ. ‘‘སནྟཏིཝསེན གཧིཏཾ’’ཏི སནྟཏི ¶ པཙྩུཔྤནྣཝསེན གཧིཏཾ. ཨཱཙརིཡཱནནྡམཏེ. སབྦེསམྤི ཨཱཝཛྫན ཛཝནཱནཾ. ཙིཏྟམེཝ ཧོཏི, ཏསྨཱ དྷམྨཏོ ཨབྷིནྣཾ. པཙྩུཔྤནྣཉྩ ཧོཏི, ཏསྨཱ ཀཱལཏོ ཨབྷིནྣནྟི ཝུཏྟཾ ཧོཏི. ཨནནྟརཔཙྩཡེ ཨཏཱིཏོ ཙ པཙྩུཔྤནྣོ ཙ ཁཎ ཝསེན ཡུཛྫཏི. ཡདི ཨདྡྷཱསནྟཏི ཝསེན ཡུཛྫེཡྻ, པཙྩུཔྤནྣོ དྷམྨོ པཙྩུཔྤནྣསྶ དྷམྨསྶ ཨནནྟར པཙྩཡེན པཙྩཡོཏི ཝུཏྟོ བྷཝེཡྻ. ཀསྨཱ, ཨེཀཱཝཛྫན ཝཱིཐིཡཉྷི སབྦཱནི ཙིཏྟཱནི ཨདྡྷཱསནྟཏི ཝསེན པཙྩུཔྤནྣཱནི ཨེཝ ཧོནྟཱིཏི.

༡༣༨. ཨཔྤནཱཝཱརེ. ‘‘ཨཔྤནཱ ཛཝནཾ’’ཏི ཀམྨཔདཾ. ‘‘ཏདཱ རམྨཎཾ’’ཏི ཀཏྟུཔདཾ. ‘‘ཨིནྡྲིཡ སམཏཱདཱིཧཱི’’ཏི སདྡྷཱདཱིནཾ པཉྩནྣཾ ཨིནྡྲིཡཱནཾ ཨཉྙམཉྙཾ ཨནཏི ཝཏྟནཝསེན སམཏཱདཱིཧི. ‘‘པརིཏོ’’ཏི སམནྟཏོ. ‘‘ཨུཔེཙྩཱ’’ཏི ཨུཔགནྟྭཱ. ཨཔྤནཾ ཝཧིཏུཾ ཛནེཏུཾ སམཏྠ བྷཱཝོ ཨཔྤནཱཝཧསམཏྠབྷཱཝོ. ‘‘ཡསྶ པཝཏྟིཡཱ’’ཏི ཡསྶ ཨུཔཙཱར ཛཝནསྶ པཝཏྟིཏོ. ‘‘ཨཙིརཾ ཀཱལཾ’’ཏི ཨཙིརེཀཱལེ. པརིཏྟ ཛཱཏིཀཱ ནཱམ ཀཱམཱཝཙརཛཱཏི. ‘‘གོཏྟཾ’’ཏི ཀམྨཀཏྟུ པདཾ. ‘‘ཨབྷིབྷུཡྻཏཱི’’ཏི བྷཱཝནཱ བལེན ཨབྷིབྷུཡྻམཱནཾ ཧོཏི. ཨབྷིམདྡཱིཡམཱནཾ ཧོཏཱིཏི ཨཏྠོ. ‘‘ཚིཛྫཏཱི’’ཏི ཨིདཾ པན ཨབྷིབྷཝནསྶ སིཁཱཔཏྟ དསྶནཾ. ཡཱཝ ཏཾ གོཏྟཾ ཚེདཾ པཱཔུཎཱཏི, ཏཱཝ ཨབྷིབྷུཡྻཏི, མདྡཱིཡཏཱིཏི ཝུཏྟཾ ཧོཏི. གོཏྟཾ ཨབྷིབྷཝཏཱིཏི གོཏྲབྷཱུཏིཔི ཡུཛྫཏི. ‘‘པཉྩམཾ’’ཏི པཉྩམེ ཙིཏྟཝཱརེ. ‘‘ཏདཱཧི ཛཝནཾ པཏིཏཾ ནཱམ ཧོཏཱི’’ཏི པཀཏིཡཱ ཛཝནཔྤཝཏྟིནཱམ སཏྟཀྑཏྟུ པརམོ ཧོཏི. ཙཏུཏྠཉྩ མུདྡྷཔཏྟཾ. པཉྩམཏོ པཊྛཱཡ པཏིཏཾ. ཏསྨཱ ཏསྨིཾ པཉྩམཝཱརེ ཛཝནཾ པཏིཏཾ ནཱམ ཧོཏི. ‘‘དུཏཱིཡེནཱ’’ཏི དུཏཱིཡེན ཨེཝ སདྡེན. ‘‘དུཏཱིཡཾ’’ཏི དུཏཱིཡེ ཙིཏྟཝཱརེ. ཏདཱ ཨནུལོམཾ པཐམཛཝནཾ ཧོཏཱིཏི ཝུཏྟཾ ‘‘ཨལདྡྷཱ སེཝནཾ ཨནུལོམ’’ནྟི. ‘‘ཨེཏེནེཝཱ’’ཏི ཨེཏེན ཨེཝ སདྡ དྭཡེ ནེཝ. ཨཊྛསཱལིནིཡཾ པན ཨནུཉྙཱཏཱ ཝིཡ དིསྶཏི. ཝུཏྟཉྷི ཏཏྠ. མནྡཔཉྙསྶ ཙཏྟཱརི ཨནུལོམཱནི ཧོནྟི, པཉྩམཾ གོཏྲབྷུ, ཚཊྛཾ མགྒཙིཏྟཾ, སཏྟམཾ ཕལནྟི. ‘‘ཨིཏརཊྛཀཐཱསཱུ’’ཏི ཝིནཡཊྛ ཀཐཱདཱིསུ. ‘‘པཊིསིདྡྷཏྟཱ’’ཏི པཉྩམཾ གོཏྲ བྷུཔྤཝཏྟིཡཱ པཊིསིདྡྷཏྟཱ ¶ ཨཱདིམྷི ཨཊྛནྣཾ ཨཉྙཏྲསྨིཾཏི ཝུཏྟཏྟཱ ཨིདྷ ནིརུདྡྷེཏི པདཾ ཨཝསྶཾ ཨིཙྪིཏབྦམེཝཱཏི ཝུཏྟཾ ‘‘ནིརུདྡྷེ ཨནནྟརམེཝཱཏི པདཙྪེདོ’’ཏི. ཨནནྟར སདྡསྶ ཙ ནིཙྩཾ སམྦནྡྷཱཔེཀྑཏྟཱ ཏམེཝཔདཾ ཝིབྷཏྟི པརིཎཱམེན ཨདྷིཀཏནྟི ཨཱཧ ‘‘ནིརུདྡྷསྶཱཏི ཨཏྠཏོ ལདྡྷམེཝཱ’’ཏི. ‘‘ཝསིབྷཱུཏཱཔཱི’’ཏི ཝསིབྷཱུཏཱཔི སམཱནཱ. ‘‘ཨེཀཝཱརཾ ཛཝིཏྭཱ’’ཏི ཨིདཾ ལོཀིཡཔྤནཱཝསེན ཝུཏྟཾ. ལོཀུཏྟར ཨཔྤནཱཔན སཏྟམམྤི ཨུཔྤཛྫཏིཡེཝ. མཱུལཊཱིཀཱ པཱཋེ ‘‘བྷཱུམནྟརཔཏྟིཡཱ’’ཏི གོཏྲབྷུ ཙིཏྟཾ ཀཱམབྷཱུམི ཧོཏི. ཨཔྤནཱཔན མཧགྒཏབྷཱུམི ཝཱ ལོཀུཏྟརབྷཱུམི ཝཱ ཧོཏི. ཨེཝཾ བྷཱུམནྟརཔཏྟིཡཱ. ‘‘ཨཱརམྨཎནྟར ལདྡྷིཡཱ’’ཏི ཕལསམཱཔཏྟི ཝཱིཐིཡཾ ཕལཛཝནཾ སནྡྷཱཡ ཝུཏྟཾ. ཏཏྠཧི པུརིམཱནི ཨནུལོམ ཛཝནཱནི སངྑཱརཱ རམྨཎཱནི ཧོནྟི. ཕལཛཝནཾ ནིབྦཱནཱརམྨཎཾ. ཨིདཉྩ ཀཱརཎམཏྟམེཝ. ཡཐཱཝུཏྟ ལེཌྜུཔམཱ ཨེཝ ཨིདྷ ཡུཏྟརཱུཔཱཏི དཊྛབྦཾ. ‘‘ན ཁོ པནེཏཾ ཨེཝཾ དཊྛབྦ’’ནྟི ཨེཏཾ ཨཏྠཛཱཏཾ ན ཁོ ཨེཝཾ དཊྛབྦཾ. ‘‘ཨནདྡྷནཱིཡཱ’’ཏི ཨདྡྷཱནཾ དཱིགྷཀཱལཾ ནཁ མནྟཱིཏི ཨནདྡྷནཱིཡཱ. ཨསཱརཱ. ཨསཱརཏྟཱ ཨེཝ སཱིགྷཏརཾ རུཧནྟི. སཱིགྷཏརཾ ཝུདྡྷིཾ ཝིརུལ༹ྷིཾ ཨཱཔཛྫནྟི. སཱརཝནྟཱ པན སཱརེན སཧ ཝཌྜྷམཱནཏྟཱ སཱིགྷཏརཾ ནརུཧནྟི. སཱིགྷཏརཾ ཝུདྡྷིཾ ཝིརུལ༹ྷིཾ ནཱ པཛྫནྟི. ཏེནཱཧ ‘‘ཨེཀཝསྶཛཱིཝིནོ’’ཏིཨཱདིཾ. ‘‘ཨེཝམེཝཱ’’ཏིཨཱདཱིསུ ‘‘པཏིཏཛཝནེསཱུ’’ཏི པཉྩམ ཚཊྛ སཏྟམ ཛཝནེསུ. ‘‘ཨེཏྠ ཙཱ’’ཏིཨཱདཱིསུ. ‘‘སུཔཀྐསཱལིབྷཏྟ སདིསཱནཱི’’ཏི ཡཐཱ སཱལིབྷཏྟཱནི སུཔཀྐཏྟཱ ཨེཝ མུདུཏརཱནི ཧུཏྭཱ དུབྦལཱནི ཨཙིརཊྛིཏིཀཱནི. ཏསྨིཾ དིཝསེཔི པཱུཏིབྷཱཝཾ གཙྪནྟི. ཨེཝཾ ཨཔྤནཱ ཛཝནཱནི. ‘‘ཡསྨཱ ཙཱ’’ཏིཨཱདཱིསུ. ‘‘དུཝིདྷསྶ ནིཡམསྶཱ’’ཏི ཛཝནནིཡམསྶ ཙ ཀཱལནིཡམསྶ ཙ. ‘‘པཊིསནྡྷིཡཱ ཨནནྟར པཙྩཡ བྷཱཝིནོ’’ཏི སཏྟམ ཛཝན ཙེཏནཱ ཨནནྟར པཙྩཡོ, ཏདནནྟརེ པཝཏྟཾ ཝིཔཱཀ སནྟཱནཾ པཙྩཡུཔྤནྣོ, ཏམེཝ ཙ ཨཝསཱནེ ཙུཏི ཙིཏྟཾ ཧུཏྭཱ བྷཝནྟརེ པཊིསནྡྷི ཙིཏྟསྶ ཨནནྟར པཙྩཡོ. ཨེཝཾ པཊིསནྡྷི ཙིཏྟསྶ ཨནནྟར པཙྩཡ བྷཱཝེན ཨཝསྶཾ བྷཝིསྶམཱནསྶཱཏི ཨཏྠོ. ཨིདཉྩ ཀཱརཎ མཏྟམེཝ. མཧཱཊཱིཀཱཝཙནཾ པན ཀིཉྩི ཝཏྟབྦ རཱུཔནྟི ན པཊིཀྑིཏྟཾ. ‘‘ནིརནྟརཔྤཝཏྟཱནཾ’’ཏི ¶ ཨཱདཱིསུ. བྷིནྣཱ ཨསདིསཱ ཝེདནཱ ཡེསཾ ཏཱནི བྷིནྣཝེདནཱནི. ‘‘ཨཱསེཝན པཙྩནཱིཀཱནཾ’’ཏི ཨཱསེཝན པཙྩཡཔྤཊི པཀྑཱནཾ. ཨབྷིནྣཱ ཝེདནཱ ཡེསནྟི ཝིགྒཧོ. ཀྲིཡཛཝནཱནནྟརཾ ཨརཧཏྟཕལཾ ཕལསམཱཔཏྟི ཝཱིཐིཡཾ དཊྛབྦཾ. སེསམེཏྠསུཝིཉྙེཡྻཾ.

༡༣༩. ‘‘སབྦཐཱ པཱི’’ཏིཨཱདཱིསུ. ལོཀེ མཛ྄ཛྷིམཀེ ཧི མཧཱཛནེཧི ཨིཙྪིཏམྤི ཀིཉྩི ཨཱརམྨཎཾ ཨཏིཨུཀྐཊྛེཧི མནྡྷཱཏུ རཱཛཱདཱིཧི ཨིཙྪིཏཾ ན ཧོཏི. ཏཐཱ ཏེཧི མཧཱཛནེཧི ཨནིཙྪིཏམྤི ཀིཉྩི ཨཱརམྨཎཾ ཨཏིདུགྒཏེཧི པཙྩནྟ ཝཱསཱིཧི ཨིཙྪིཏཾ ཧོཏི. ཏསྨཱ ཨཱརམྨཎཱནཾ ཨིཊྛཱནིཊྛ ཝཝཏྠཱནཾ པཏྭཱ ཨཏིཨུཀྐཊྛེཧི ཙ ཨཏིདུགྒཏེཧི ཙ ཝཝཏྠཱནཾ ན གཙྪཏི, མཛ྄ཛྷིམཀེཧི ཨེཝ ཝཝཏྠཱནཾ གཙྪཏི. ཏེནཱཧ ‘‘ཏཏྠ ཙཱ’’ཏིཨཱདིཾ. ‘‘ཨཱརམྨཎཾ’’ཏི ཀཏྟུཔདཾ. ‘‘ཝིཔཱཀཙིཏྟཾ’’ཏི ཀམྨཔདཾ. ‘‘ཀིཉྩཱི’’ཏི ཀིཉྩི རཱུཔཾ. ‘‘ཀིསྨིཉྩཱི’’ཏི ཀསྨིཾཙི ཨེཀསྨིཾ པུཔྥེ. ‘‘ཏེན ཝཱ’’ཏི ཏེན ཝཱ སུཁསམྥསྶེན ཝཏྠེན. སེསམེཏྠ སུཝིཉྙེཡྻཾ.

‘‘ཝེདནཱནིཡམོཔནཱ’’ཏིཨཱདཱིསུ. ‘‘ཨཱདཱསེ མུཁནིམིཏྟསྶ ཝིཡཱ’’ཏི ཡཐཱ ཨཱདཱསེ མུཁ ནིམིཏྟསྶ ཙལན ཙཝནཱདིཡོགོ ནཱནཱཝཎྞཡོགོ ཙ ཡཐཱམུཁམེཝ སིདྡྷོ. ཏཐཱ ཝིཔཱཀཱནཾ. ཝེདནཱ ཡོགོ པན ཡཐཱརམྨཎམེཝ སིདྡྷོཏི ཡོཛནཱ. ཏཏྠ ‘‘ཝེདནཱཡོགོ’’ཏི ནཱནཱཝེདནཱཡོགོ. ‘‘ཀཔྤེཏྭཱ’’ཏི ཙིནྟེཏྭཱ. ‘‘པཀཔྤེཏྭཱ’’ཏི ནཱནཔྤཀཱརཏོ ཙིནྟེཏྭཱ. ན ཀེཝལཉྩ ཝིཔཱཀཱནཾ ཨེཝ ཡཐཱརམྨཎཾ ཝེདནཱ ཡོགོ ཧོཏཱིཏི ཡོཛནཱ.

‘‘ཨཡཉྩཱ’’ཏིཨཱདཱིསུ. ‘‘ཨཊྛཀཐཱཡཾ པཱི’’ཏི པཊྛཱན ཨཊྛཀཐཱཡམྤི. ‘‘ཏདཱརམྨཎ ཝསེནཱ’’ཏི ཏདཱརམྨཎཝསེན པཝཏྟཱནནྟི པཱཋསེསོ. ‘‘པཉྩནྣཾ’’ཏི སོམནསྶ སནྟཱིརཎེན སདྡྷིཾ ཙཏྟཱརི མཧཱཝིཔཱཀ སོམནསྶཱནི སནྡྷཱཡ ཝུཏྟཾ. ‘‘པཀཏི ནཱིཧཱརེནཱ’’ཏི པཀཏིཡཱ ནིཙྩཀཱལཾ པཝཏྟཔྤཀཱརེན. པཱལི༹པཱཋེ. བྷཱཝིཏཱནི ཨིནྡྲིཡཱནི ཡེནཱཏི བྷཱཝིཏིནྡྲིཡོ. ‘‘མནཱཔཾ’’ཏི མནོརམྨཾ. ‘‘ཨམནཱཔཾ’’ཏི ཨམནོརམྨཾ. ཝིཧརེཡྻནྟི སཙེ ཀངྑཏཱིཏི སམྦནྡྷོ. ‘‘པཊིཀཱུལེ’’ཏི ¶ ཨམནཱཔེ. ‘‘ཨཔྤཊིཀཱུལ སཉྙཱི’’ཏི མནཱཔསཉྙཱི. ཨེཝཾ སེསེསུ. ‘‘ཏེསཾ’’ཏི ཁཱིཎཱསཝཱནཾ. པཱལི༹པཱཋེ. ‘‘སུམནོ’’ཏི སོམནསྶིཏོ. ‘‘དུམྨནོ’’ཏི དོམནསྶིཏོ. པཱལི༹པཱཋེ. ‘‘མེཏྟཱཡཝཱ ཕརཏཱི’’ཏི ཨཡཾ སཏྟོ ཨཝེརོཧོཏཱུཏིཨཱདིནཱ མེཏྟཱཙིཏྟེན ཝཱ ཕརཏི. ‘‘དྷཱཏུསོ ཨུཔསཾཧརཏཱི’’ཏི ཡཐཱ མ མ ཀཱཡོཔི ཙཏུདྷཱཏུ སམུསྶཡོ ཧོཏི. ཏཏྠ ཨེཀཱཔི དྷཱཏུ ནཱམ པཊིཀཱུལཱ ཝཱ ཨཔྤཊིཀཱུལཱ ཝཱ ན ཧོཏི. ཀེཝལཾ ཏུཙྪ སུཉྙ སབྷཱཝམཏྟཱ ཧོཏི. ཨེཝམེཝ ཨིམསྶ སཏྟསྶ ཀཱཡོཔཱིཏིཨཱདིནཱ དྷཱཏུ སོ ཨུཔསཾཧརཏི. ‘‘ཨསུབྷཱཡ ཝཱ’’ཏི ཨསུབྷ བྷཱཝནཱཡ ཝཱ. ཨསུབྷ བྷཱཝནཱ ཙིཏྟེན ཝཱཏི ཝུཏྟཾ ཧོཏི. ‘‘ཨསུབྷཱཡཱ’’ཏི ཝཱ ཏསྶ ཨསུབྷབྷཱཝཏྠཱཡ. དེཝནཱཊཀཱ དེཝཙྪརཱ ནཱམ. ཀུཐིཏཱནི ཀུཊྛཱནི ཡེསཾ ཏཱནི ཀུཐིཏ ཀུཊྛཱནི. ‘‘སརཱིརཱནཱི’’ཏི ཀཱཡངྒཱནི. ཀུཐིཏ ཀུཊྛཱནི སརཱིརཱནི ཡསྶ སོ ཀུཐིཏཀུཊྛསརཱིརོ. ‘‘ཀུཐིཏཱནཱི’’ཏི ཨབྦྷུཀྐིརཎཱནི. ཝེདནཱ ཡུཏྟཱནི ཧོནྟི ཨིཏི ཨཔརེ ཝདནྟཱིཏི ཡོཛནཱ. ཏསྨཱ པཙྩཡོ ཧོཏཱིཏི སམྦནྡྷོ. ཀཐཾ པཙྩཡོ ཧོཏཱིཏི ཨཱཧ ‘‘ཡཐཱ ཨཱནིསཾས དསྶནེནཱ’’ཏིཨཱདིཾ. ཏཏྠ ‘‘ཨཊྛཀཐཱཡཾ’’ཏི ཝིསུདྡྷི མགྒཊྛཀཐཱཡཾ. ‘‘བུདྡྷསུབུདྡྷཏཱ དསྶནེནཱ’’ཏི ཨཏྟནོ སཏྠུབྷཱུཏསྶ བུདྡྷསྶ སུབུདྡྷཏཱ དསྶནེན. ‘‘ཨཏྟསམྤཏྟི དསྶནེནཱ’’ཏི མཡཾ པན ཨེཝརཱུཔཱ དུཀྑཱ མུཏྟཱམྷཱཏི ཨེཝཾ ཨཏྟནོ སམྤཏྟི དསྶནེན. ‘‘ཨཊྛིཀངྐལིཀཔེཏརཱུཔེ’’ཏི ནིམྨཾ སལོཧིཏེ ཨཊྛིཔུཉྫཔེཏསརཱིརེ. ‘‘ཀུཊྛིནོ’’ཏི ཀུཊྛསརཱིརསྶ. ‘‘ཨཊྛཀཐཱཡཾ’’ཏི དྷམྨཔད ཨཊྛཀཐཱཡཾ. ཨཏི ཨིཊྛེ དེཝཙྪར ཝཎྞཱདིཀེ. ཨཏི ཨནིཊྛེ ཀུཐིཏཀུཊྛསརཱིརཱདིཀེ. ‘‘ཝཏྠུ བྷཱུཏོ’’ཏི ཨུཔྤཏྟིཊྛཱན བྷཱུཏོ. ‘‘ཏེསཾ ཏེསཾ སཏྟཱནཾ’’ཏི ཀཏྟུ ཨཏྠེསཱམིཝཙནཾ. ‘‘ཏདུབྷཡཾ པཱི’’ཏི ཨུབྷཡཾ ཏཾ གཧཎཾཔི. ‘‘ཏེསཾ’’ཏི ཏེསཾ ལོཀིཡ མཧཱཛནཱནཾ. ‘‘ཝིཔལླཱསཝསེནེཝ ཧོཏཱི’’ཏི དེཝཙྪརཝཎྞཱདཱིསུ ཨཏིཨིཊྛེསུ ཨཏིཨིཊྛཱཀཱརཏོ གཧཎམྤི ཝིཔལླཱས ཝསེནེཝ ཧོཏི. ཀསྨཱ, དེཝཙྪར ཝཎྞཱདཱིསུ ཨཏི ཨིཊྛ སཉྙཱཡ ཝིཔལླཱས སཉྙཱབྷཱཝཏོ.

ཝིབྷཱཝནིཔཱཋེ ¶ . ‘‘པཝཏྟིཡཱ’’ཏི པཝཏྟནཏོ. ཨཊྛཀཐཱདྷིཔྤཱཡེ ཋཏྭཱ ཝུཏྟཏྟཱ ཨཊྛཀཐཱགཱརཝེན’’ཏཾ ཝིཙཱརེཏབྦ མེཝཱ’’ཏི ཝུཏྟཾ. ཨཏྠཏོ པན ཨཡུཏྟམེཝཱཏི ཝུཏྟཾ ཧོཏི. ཨེསནཡོ ཨཉྙཏྠཔི. ‘‘དྷམྨ ཙཀྑུརཧིཏཱ’’ཏི དྷམྨ ཝཝཏྠཱནཉྙཱཎ ཙཀྑུ རཧིཏཱ. ‘‘ཀུསལཱཀུསལཱནི ཡེཝཱ’’ཏི ཏེསཾ དྷམྨ ཙཀྑུ རཧིཏཱནཾ ཨུཔྤནྣཱནི ཀུསལཱཀུསལཱནིཡེཝ. གཱཐཱཡཾ. ‘‘རཱུཔཱ’’ཏི རཱུཔཏོ ནཔྤཝེདྷནྟཱིཏི སམྦནྡྷོ. ‘‘སདྡཱ’’ཏིཨཱདཱིསུཔི ཨེསེཝནཡོ. ནཔྤཝེདྷནྟཱིཏི ཙ ན ཙལནྟི, ན ཀམྤནྟི, ཙིཏྟཉྙཐཏྟཾ ན གཙྪནྟི. ཏཐཱ ཨུཔེཀྑཱ ཀྲིཡཛཝནཱནནྟརམྤི ཏདཱརམྨཎཱནི སོམནསྶུ པེཀྑཱཝེདནཱ ཡུཏྟཱནི ཨེཝ སིཡུནྟི ཡོཛནཱ. མཱུལཊཱིཀཱཔཱཋེ. ‘‘ཏདཱརམྨཎཏཱ’’ཏི ཏདཱརམྨཎཏཱཡ ཏདཱརམྨཎབྷཱཝེན. ‘‘ཀཏྠཙཱི’’ཏི ཀཏྠཙི ཨབྷིདྷམྨ པཱལི༹ཡཾ. ‘‘ཝིཛྫམཱནེ ཙ ཏསྨིཾ’’ཏི ཏསྨིཾ ཀྲིཡཛཝནཱནུ བནྡྷཀེ ཏདཱ རམྨཎེ ཝིཛྫམཱནེ སཏི. ཨེཏཾ བྷཝངྒཉྩ ནཱམ ཨནུབནྡྷཏཱིཏི སམྦནྡྷོ. ནདཱིསོཏོ པཊིསོཏགཱམིནཱཝཾ ཨནུབནྡྷཏི ཝིཡཱཏི ཡོཛནཱ. ‘‘སཝིཔྥཱརིཀཾ ཨེཝཛཝནཾ’’ཏི ཀིལེས དྷམྨཱནཾ ཝིཔལླཱས དྷམྨཱནཉྩ ཝསེན ཁཎམཏྟེཔི ཨནེཀསཏེསུ ཨཱརམྨཎེསུ ཝིཝིདྷཱཀཱརེན ཕརཎཝེགསཧིཏཾ ཀུསལཱཀུསལ ཛཝནམེཝ ཨནུབནྡྷཏཱིཏི ཡུཏྟཾ. ན པན ཀྲིཡཛཝནཾ ཨནུབནྡྷཏཱིཏི ཡུཏྟནྟི ཡོཛནཱ. ‘‘ཚལ༹ངྒུ པེཀྑཱཝཏོ’’ཏི ཙཀྑུནཱ རཱུཔཾ དིསྭཱ ནེཝ སུམནོ ཧོཏི, ན དུམྨནོ, ཨུཔེཀྑཀོ ཝིཧརཏཱི-ཏིཨཱདིནཱ ཝུཏྟཱཡ ཚ དྭཱརིཀཝསེན ཚལ༹ངྒ སམནྣཱགཏཱཡ ཨུཔེཀྑཱཡ སམྤནྣསྶ. ཝཏྟནཾ ཝུཏྟི. སནྟཱ ཝུཏྟི ཨསྶཱཏི སནྟ ཝུཏྟི. ཏཾ ཝིཙཱརེནྟོ ‘‘པཊྛཱནེ པནཱ’’ཏིཨཱདིམཱཧ. ‘‘ཡདི ཙེཏཾ ཝུཙྩེཡྻཱ’’ཏི ཨེཏྠ ‘‘ཨེཏཾ’’ཏི ཀྲིཡཱ བྱཱཀཏེཏིཨཱདིཀཾ ཨེཏཾ ཝཙནཾ. ‘‘ཏསྨིཾ’’ཏི ཏསྨིཾ ཝཙནེ. ‘‘ཨེཝམཱདིནཱ’’ཏི ཨེཝམཱདིནཱ ནཡེན. ཝིབྷཱཝནིཔཱཋེ. ‘‘ཨུཏྟརཾ’’ཏི པརིཧཱརཾ. ‘‘ཝིཔསྶནཱཙཱར ཝསེནཱ’’ཏི ཝིཔསྶནཱ པཝཏྟི ཝསེན. ‘‘ཏེསཾ’’ཏི སོམནསྶ དོམནསྶཱནཾ. ‘‘ཨིཏརཱིཏརཱནནྟར པཙྩཡཏཱ’’ཏི ཨཉྙམཉྙཱནནྟར པཙྩཡཏཱཏི ཨཏྠོ. ‘‘ཐེརེནཱ’’ཏི ཨནུརུདྡྷཏྠེརེན. སབྦཱནི ཏདཱ རམྨཎཱནི, སབྦཱནི བྷཝངྒཱནི ཙ. ‘‘སམུདཱ ཙརནྟཱི’’ཏི ཙིརཀཱལཾ སཉྩརནྟི ¶ . ‘‘ཨེཏཱནིཧཱི’’ཏིཨཱདིནཱ ཏེསཾ ཨཊྛཱརསནྣཾ ཛཝནཱནཾ ཨནནྟརཾ ཏདཱརམྨཎཱནཾ ཨནིཡམཏོ པཝཏྟིཡཱ ཀཱརཎཡུཏྟིཾ དསྶེཏི. སམྦྷཝཏི ཨུཔྤཛྫཏི ཨེཏེནཱཏི སམྦྷཝོ. ཏདཱ རམྨཎསྶ སམྦྷཝོ ཏདཱ རམྨཎ སམྦྷཝོ. ཨཐཝཱ, སམྦྷཝནཾ ཨུཔྤཛྫནཾ སམྦྷཝོཏི ཨིམེ དྭེ ཨཏྠེ དསྶེཏུཾ ‘‘ཏདཱ རམྨཎ སམྦྷཝོ’’ཏིཨཱདི ཝུཏྟཾ. ‘‘ཡེསཾ པནཱ’’ཏིཨཱདཱིསུ. ‘‘ཡེསཾ’’ཏི ཡེསཾ པུགྒལཱནཾ. ‘‘ཨིཏརཱནཱི’’ཏི ཨུཔེཀྑཱ སནྟཱིརཎ དྭཡཏོ ཨཉྙཱནི. ‘‘ན ཧོནྟཱིཏི ན ཝཏྟབྦཱནཱི’’ཏི ཝུཏྟཾ. ཨེཝཾསཏི, ཀསྨཱ ཐེརེན ཨིདྷ ན ཝུཏྟཱནཱིཏི. ཨཊྛསཱལིནིཡཾ ཨཝུཏྟཏྟཱ ཨིདྷ ན ཝུཏྟཱནཱིཏི. ཨཊྛསཱལིནིཡཾ པན ཀསྨཱ ན ཝུཏྟཱནི. ཡེབྷཱུཡྻ ནིཡམསོཏེ པཏིཏཏྟཱ ན ཝུཏྟཱནི. ན པན ཨལབྦྷམཱནཏྟཱ ན ཝུཏྟཱནཱིཏི ཨིམམཏྠཾ དསྶེནྟོ ‘‘ཨཊྛཀཐཱཡཾ པནཱ’’ཏིཨཱདིམཱཧ. ‘‘ཨུཔེཀྑཱསཧགཏ སནྟཱིརཎ དྭཡམེཝ ཝུཏྟཾ’’ཏི ཨཱགནྟུཀ བྷཝངྒབྷཱཝེན ཝུཏྟཾ. ཡཐཱཧ ཨཐསྶ ཡདཱ སོམནསྶ སཧགཏཔྤཊིསནྡྷིཀསྶ པཝཏྟེ ཛྷཱནཾ ནིབྦཏྟེཏྭཱ པམཱདེན པརིཧཱིནཛ྄ཛྷཱནསྶ པཎཱིཏ དྷམྨོ མེ ནཊྛོཏི པཙྩཝེཀྑཏོ ཝིཔྤཊིསཱརི ཝསེན དོམནསྶཾ ཨུཔྤཛྫཏི, ཏདཱ ཀིཾ ཨུཔྤཛྫཏི. སོམནསྶཱནནྟརཉྷི དོམནསྶཾ, དོམནསྶཱནནྟརཉྩ སོམནསྶཾ པཊྛཱནེ པཊིསིདྡྷཾ. མཧགྒཏ དྷམྨཾ ཨཱརབྦྷ ཛཝནེ ཛཝིཏེ ཏདཱ རམྨཎམྤི ཏཏྠེཝ པཊིསིདྡྷནྟི. ཀུསལ ཝིཔཱཀཱཝཱ ཨཀུསལཝིཔཱཀཱཝཱ ཨུཔེཀྑཱ སཧགཏཱ ཧེཏུཀམནོཝིཉྙཱཎ དྷཱཏུ ཨུཔྤཛྫཏི. ཀིམསྶཱ རམྨཎནྟི. རཱུཔཱདཱིསུ པརིཏྟ དྷམྨེསུ ཨཉྙཏརཾ. ཨེཏེསུ ཧི ཡདེཝ ཏསྨིཾ སམཡེ ཨཱཔཱཏམཱགཏཾ ཧོཏི. ཏཾ ཨཱརབྦྷ ཨེཏཾ ཙིཏྟཾ ཨུཔྤཛྫཏཱིཏི ཝེདིཏབྦཾ-ཏི. ཨེཝཾ དོམནསྶསཧགཏ ཛཝནཱནུརཱུཔཾ ཨུཔེཀྑཱསཧགཏ སནྟཱིརཎ དྭཡམེཝ ཨཱགནྟུཀ བྷཝངྒབྷཱཝེན ཨཊྛཀཐཱཡཾ ཝུཏྟནྟི. ‘‘ཨེཏམྤི ཡུཛྫཏི ཡེཝཱ’’ཏི ཨཀུསལ ཛཝནཱཝསཱནེ ཨེཏཾ སཧེཏུཀཾ ཨཱགནྟུཀ བྷཝངྒཾཔི ཡུཛྫཏིཡེཝ. ‘‘དོམནསྶ ཛཝནཱནནྟརཾ བྷཝངྒ པཱཏོཝ ཧོཏཱི’’ཏི ཨུཔེཀྑཱ སཧགཏ མཱུལབྷཝངྒ པཱཏོཝ ཧོཏི. ཨཱགནྟུཀ བྷཝངྒེན ཀིཙྩཾ ནཏྠི. ཀསྨཱ, ཨུཔེཀྑཱ པཊིསནྡྷིཀཏྟཱ. ནེཝཏདཱརམྨཎ སམྦྷཝོ ཨཏྠི. ཀསྨཱ, ཏེསུ ཨཱརམྨཎེསུ ཏདཱརམྨཎཝཱརསྶ ཨསམྦྷཝཏོ. ན ¶ ཧི མཧནྟཱརམྨཎེསུ ཙ ཨཝིབྷཱུཏཱརམྨཎེསུ ཙ ཏདཱརམྨཎཝཱརོ སམྦྷཝཏི. ན ཙ མཱུལབྷཝངྒ སམྦྷཝོ ཨཏྠི. ཀསྨཱ, མཱུལབྷཝངྒབྷཱུ ཏསྶ སོམནསྶ བྷཝངྒསྶ དོམནསྶ ཛཝནེན སཧ ཝིརུདྡྷཏྟཱ. ‘‘ཨིཏི ཀཏྭཱ’’ཏི ཨིམིནཱ ཀཱརཎེན. ‘‘ཨེཀཾ’’ཏི ཨེཀཾ ཨུཔེཀྑཱསཧགཏ ཝིཔཱཀཾ. ཏཐཱ ཏསྶེཝ དོམནསྶཾ ཨུཔྤཱདེནྟསྶ ནེཝ ཏདཱརམྨཎ སམྦྷཝོ ཨཏྠི. ན ཙ མཱུལབྷཝངྒ སམྦྷཝོཏི ཀཏྭཱ དོམནསྶཱནནྟརཾ ཚསུ…པེ… པཝཏྟཏཱིཏི ཡོཛནཱ. ཏཏྠ ‘‘ཏསྶེཝཱ’’ཏི སོམནསྶཔྤཊིསནྡྷིཀསྶེཝ. ནེཝཏདཱརམྨཎ སམྦྷཝོ ཨཏྠི. ཀསྨཱ, ཨཱརམྨཎཱནཾ ཨཏིམཧནྟཏྟེཔི ཨཏིཝིབྷཱུཏཏྟེཔི སཏི སོམནསྶ ཏདཱརམྨཎསྶ ཛཝནེན སཧ ཝིརུདྡྷཏྟཱ. ཨུཔེཀྑཱ ཏདཱ རམྨཎསྶ ཙ ཨཱརམྨཎེན སཧ ཝིརུདྡྷཏྟཱ. ན ཧི ཨཏི ཨིཊྛཱརམྨཎེ ཨུཔེཀྑཱ ཏདཱརམྨཎཾ པཝཏྟཏི. མཧགྒཏ པཉྙཏྟཱ རམྨཎེསུ པན ཨུབྷཡམྤི ཏདཱརམྨཎཾ ནུཔྤཛྫཏིཡེཝ. ན ཙ མཱུལབྷཝངྒ སམྦྷཝོ ཨཏྠི. ཀསྨཱ, ཛཝནེན སཧ ཝིརུདྡྷཏྟཱཏི.

‘‘ཨེཏྠ ཙཱ’’ཏིཨཱདཱིསུ. ‘‘སབྦ དྷམྨེསཱུ’’ཏི སབྦེསུ ཨཱརམྨཎ དྷམྨེསུ. ‘‘པཐམ སམནྣཱཧཱརོ’’ཏི ཨཱཝཛྫན ཀིཙྩཾ ཨཱཧ. སུཏྟནྟ པཱཋེ. ‘‘ཏཛྫོ’’ཏི ཏེན ཨཱརམྨཎཱནཾ ཨཱཔཱཏཱ གམནེན ཛཱཏོ. ‘‘ཏཛྫོ’’ཏི ཝཱ ཏདནུརཱུཔོཏིཔི ཝདནྟི. ‘‘ཝིཉྙཱཎབྷཱགསྶཱ’’ཏི ཙཀྑུ དྭཱརིཀ ཝིཉྙཱཎ ཀོཊྛཱསསྶ. ‘‘ཡཏོ’’ཏི ཡསྨིཾ ཀཱལེ. ཀཐཾ ཨཱཝཛྫནེན ཝིནཱ ནུཔྤཛྫཏཱིཏི ཨཱཧ ‘‘སཙེ ཨཱཝཛྫནེནཱ’’ཏིཨཱདིཾ. ‘‘ཨེཏྠ སིཡཱ’’ཏིཨཱདཱིསུ. ཡཐཱ པན ནིརཱཝཛྫནཾ ཧོཏི བྷིནྣཱ རམྨཎཉྩ, ཨེཝཾ ཏཐཱཏི ཡོཛནཱ. ‘‘ཨེཀསྶཔཱི’’ཏི ཨེཀསྶ ཨཱགནྟུཀ བྷཝངྒསྶཔི ནཏྠི དོསོ. མཧཱཨཊྛཀཐཱཡཉྩ ནཏྠི. ཨཊྛསཱལིནིཡཾ པན ཨཏྠིཡེཝ. ‘‘སཝིཔྥནྡནཏྟཱ’’ཏི ཨེཏྠ ཨཏྠོ སཝིཔྥཱརིཀནྟི པདེ ཝུཏྟནཡེན ཝེདིཏབྦོ. ‘‘ཨིཏརེ སཉྩཱ’’ཏི མཧགྒཏལོཀུཏྟར ཛཝནཱནཉྩ. ཀཱནི ཙི པརིཏྟཱརམྨཎཱནིཔི སམཱནཱནི. ཡདི ཏདཱརམྨཎཱུ པནིསྶ ཡསྶ ཀཱམབྷཝངྒསྶ ཨབྷཱཝཏོ ཏདཱརམྨཎཱནི རཱུཔཱརཱུཔ བྲཧྨཱནཾ ནུཔྤཛྫནྟི. ཨེཝཾ སཏི, ཙཀྑུསོཏ དྭཱརིཀ ཙིཏྟཱནིཔི རཱུཔ བྲཧྨཱནཾ ནུཔྤཛྫེཡྻུནྟི ཨཱཧ ‘‘ཙཀྑུ སོཏཝིཉྙཱཎཱནི པནཱ’’ཏིཨཱདིཾ. ‘‘ཨིནྡྲིཡཔྤཝཏྟི ¶ ཨཱནུབྷཱཝཏོ’’ཏི ཙཀྑུ ཝཏྠུ སོཏཝཏྠུ སངྑཱཏཱནཾ ཨིནྡྲིཡ ཝཏྠཱུནཾ རཱུཔ བྲཧྨ སནྟཱནེ པཝཏྟཏྟཱ ཏེསཾ པཝཏྟི ཨཱནུབྷཱཝཏོ ཙཀྑུ སོཏཝིཉྙཱཎཱནི རཱུཔབྲཧྨཱནཾ པཝཏྟནྟིཡེ ཝཱཏི དསྶེཏུཾ ‘‘སམྤཊིཙྪན སནྟཱིརཎཱནཱི’’ཏིཨཱདི ཝུཏྟཾ. ‘‘ཝིཀཔྤབལེཝཱ’’ཏི ཀཱམཀུསལཱ ཀུསལཱནཾ ཝིཡ ཝིཝིདྷེན ཨཱཀཱརེན ཀཔྤེཏྭཱ པཀཔྤེཏྭཱ ཨཱརམྨཎགྒཧསཱམཏྠིཡེཝཱསཏི. ‘‘ཨཔྤནཱཔཏྟ བྷཱཝནཱ ཀམྨཝིསེསེ ཝཱ’’ཏི ཨེཏྠ ཨབྷིཉྙཱ ཛཝནཱནི ཝིཡ མཧགྒཏ ཝིཔཱཀ ལོཀུཏྟར ཝིཔཱཀཱནི ཝིཡ ཙཱཏི ཝཏྟབྦཾ. ‘‘ཨཊྛཀཐཱཡཾ’’ཏི པཊིཙྩ སམུཔྤཱད ཝིབྷངྒཊྛཀཐཱཡཾ. ‘‘ཝིབྷཱཝནིཡཾ ཝུཏྟ ཀཱརཎཱནཱི’’ཏི ཨཊྛཀཐཱཏོ ཨཱཧརིཏྭཱ ཝིབྷཱཝནིཡཾ ཝུཏྟཱནི ‘ཨཛནཀཏྟཱ ཛནཀ སམཱནཏྟཱ བྷཱཝཏོ’ཏིཨཱདཱིནི ཀཱརཎཱནི.

༡༤༠. ཛཝན ནིཡམེ. ཨཊྛཀཐཱཡམྤི ཚཀྑཏྟུཾ པཝཏྟི ཝུཏྟཱ. ཡཐཱཧ སཙེ པན བལཝཱ རམྨཎཾ ཨཱཔཱཏཱགཏཾ ཧོཏི. ཀྲིཡམནོདྷཱཏུཡཱ བྷཝངྒེ ཨཱཝཊྚིཏེ ཙཀྑུཝིཉྙཱཎཱདཱིནི ཨུཔྤཛྫནྟི. ཛཝནཊྛཱནེ པན པཐམཀཱམཱཝཙར ཀུསལ ཙིཏྟཾ ཛཝནཾ ཧུཏྭཱ ཚསཏྟཝཱརེ ཛཝིཏྭཱ ཏདཱརམྨཎསྶ ཝཱརཾ དེཏཱིཏི. ‘‘མུདུཏར བྷཱཝེནཱ’’ཏི མཱཏུཀུཙྪིམྷི ཋིཏཀཱལེཝཱ སམྤཏི ཛཱཏཀཱལེ ཝཱ ཝཏྠུསྶ ཨཏིམུདུབྷཱཝེན. ‘‘ཀེནཙིཨུཔདྡུཏ བྷཱཝེནཱ’’ཏི བཱལ༹ྷགེལཉྙཛཱཏཀཱལེ ཀེནཙི ཝཱཏཔིཏྟསེམྷཱདིནཱ ཨུཔདྡུཏ བྷཱཝེན. ‘‘ཨཛ྄ཛྷོཏྠཊ བྷཱཝེནཱ’’ཏི ཏསྶ ཝེཝཙནམཏྟཾ. མནྡཱིབྷཱུཏོ ཝེགོ ཡེསཾ ཏཱནི མནྡཱིབྷཱུཏ ཝེགཱནི. ‘‘ཨསཡ྄ཧ རཱུཔེཧཱི’’ཏི དུཀྑམསབྷཱཝེཧི. ཨབྷིབྷཱུཏཱནཾ སཏྟཱནཾ. ཏཉྩ ཁོ ཝཙནཾ པཱཀཏིཀ སཏྟཱནཾ ཝསེནེཝ ཝུཏྟཾ. ན སཏྟཝིསེསཱནཾ ཝསེན. ཨེཝཾ སཏི, སཏྟཝིསེསཱནཾ ཝསེན ཀཐཾ དཊྛབྦནྟི ཨཱཧ ‘‘ཡེ པནཱ’’ཏིཨཱདིཾ. ‘‘ཨུཔརཱི’’ཏི མརཎུཔྤཏྟིཊྛཱནེ. ‘‘ཝུཏྟཉྷཱི’’ཏི ཝིསུདྡྷི མགྒེ ཝུཏྟམེཝ. ‘‘ཡམཀཔྤཱཊིཧཱརིཡཾ’’ཏི ཡུགལ༹ཝཏྠཱུནཾ ཨེཀཏོ པཝཏྟ ཨཙྪརིཡ ཀམྨཾ. ‘‘དྭེ ཛྷཱནངྒཱནཱི’’ཏི ཨུཔེཀྑེཀགྒཏཱ ཛྷཱནངྒཱནི.

‘‘ཡོགཀམྨསིདྡྷིཡཱ’’ཏི བྷཱཝནཱནུ ཡོགཀམྨསིདྡྷསྶ. ཨིདྡྷི ཝིཀུབྦནཾ ནཱམ ཨིདྡྷིཡཱ ནཱནཱཀམྨཀརཎཾ. ‘‘སིདྡྷིཡཱ ཨེཝཱ’’ཏི སིཛ྄ཛྷ ནཏྠཱཡ ཨེཝ ¶ . ཨཏྟནོ ཨནནྟརེ ཨེཝ ཨུཔྤནྣཾ ཕལཾ ཨེཏིསྶཱཏི ཨཱནནྟརིཀཔྥལཱ. མགྒཙེཏནཱ. ‘‘ཨིཏཱི’’ཏི ཏསྨཱ. ‘‘མནྡསྶཱ’’ཏི མནྡ པུགྒལསྶ. ‘‘ཏིཀྑསྶཱ’’ཏི ཏིཀྑ པུགྒལསྶ. ཏཱིཎི ཕལཙིཏྟཱནི. ‘‘པཡོགཱབྷིསངྑཱརསྶཱ’’ཏི པཐམཛ྄ཛྷཱནཏོ པཊྛཱཡ སམཐ ཝིཔསྶནཱཡུགནནྡྷཔྤཝཏྟི སངྑཱཏསྶ པུབྦཔྤཡོགཱབྷིསངྑཱརསྶ. ‘‘ཨཀཏཱདྷིཀཱརསྶཱ’’ཏི ཨཱསནྣེ པུརིམབྷཝེ ཨཀཏ ཛྷཱནཔརིཀམྨསྶ པུགྒལསྶ. སབྦེསམྤི ཕལཊྛཱནཾ ཙིཎྞཝསིབྷཱཝཱནེཝ ཧོནྟཱིཏི ཡོཛནཱ.

ཛཝནནིཡམོནིཊྛིཏོ.

༡༤༡. དུཧེཏུཀཱདཱིསུ. ཛཱཏི དྭིཧེཏུཀཱདཡོ ཨེཝ ཨདྷིཔྤེཏཱཏི ཝུཏྟཾ ‘‘པཊིསནྡྷིཝིཉྙཱཎ སཧགཏཱ’’ཏིཨཱདིཾ. ‘‘ཏེསཾ དྭིནྣཾ པཱི’’ཏི དྭིཧེཏུཀཱནམྤི ཨཧེཏུཀཱནམྤི. བྷུསོཛྷཱན མགྒཕལཱནི ཝཱརེནྟི ནཱིཝཱརེནྟཱིཏི ཨཱཝརཎཱནི. ཝིཔཱཀཱནི ཙ ཏཱནི ཨཱཝརཎཱནི ཙཱཏི ཝིགྒཧོ. ‘‘ཝིཔཱཀཱནཱི’’ཏི ཨཧེཏུཀ དྭིཧེཏུཀ ཝིཔཱཀཱནི. ཏེཧི གཧིཏཔྤཊིསནྡྷིཀཱནཾ ཨིམསྨིཾ བྷཝེཛྷཱན མགྒཕལཔྤཊིལཱབྷོ ནཱམ ནཏྠི. ཏེནཱཧ ‘‘ཝིཔཱཀཱཝརཎ སབྦྷཱཝཏོ’’ཏིཨཱདིཾ. ‘‘ཏེསཾ’’ཏི དུགྒཏི ཨཧེཏུཀ པུགྒལཱནཾ. པུགྒལཱནནྟི ཝུཏྟཾ ཧོཏི. ན ལབྦྷནྟཱིཏི སམྦནྡྷོ. ‘‘ཨིཏརེསཾ’’ཏི ཏཏོ ཨཉྙེསཾ སུགཏི ཨཧེཏུཀ པུགྒལཱནཾ.

‘‘ཨེཏྠ སིཡཱ’’ཏིཨཱདཱིསུ. དུགྒཏི པརིཡཱཔནྣཱནཉྩ ཨཧེཏུཀཱནཾ. ‘‘མཱུལབྷཝངྒེ’’ཏིཨཱདིམྷི པཊིསནྡྷི ཙིཏྟཾ ཧུཏྭཱ ཨཱགཏེ མཱུལབྷཝངྒེ. ‘‘ཡཾ ཀིཉྩཱི’’ཏི ཡཾ ཀིཉྩི བྷཝངྒཾ. ‘‘ཝུཙྩཏེ’’ཏི ཝིསཛྫནཱ ཝུཙྩཏེ. ‘‘སབྦ ཨཊྛཀཐཱསུ པཊིཀྑིཏྟོ’’ཏི ཨཊྛསཱལིནིཡཾ ཏཱཝ ཝིཔཱཀུདྡྷཱརཀཐཱཡཾ སོལ༹སསུ ཀཱམཱཝཙར ཀུསལ ཝིཔཱཀེསུ ཨཊྛནྣཾ ཨཧེཏུཀ ཝིཔཱཀཱནཾ ཨེཝ ཨཱཔཱཡིཀེསུ སཏྟེསུ ཨུཔྤཏྟིཾ དསྶེཏི. ན ཨཊྛནྣཾ སཧེཏུཀ ཝིཔཱཀཱནཾ. ཏཐཱ པཊིཙྩ སམུཔྤཱདཊྛ ཀཐཱསུ ཙ ཝིཉྙཱཎ པདཝཎྞནཱསུ ཨཉྙཱསུ ཙ ཨབྷིདྷམྨཱཝཏཱརཱདཱིསཱུཏི ཨེཝཾ སབྦཊྛཀཐཱསུ པཊིཀྑིཏྟཱ ནཱམ ཧོཏི. ‘‘ཡོགསཱ དྷནཱིཡཏྟཱ’’ཏི ¶ པཡོགེན སཱདྷེཏབྦཏྟཱ. ཀུསལཱཀུསལཱནི ཧི ཝཌྜྷེཏུཾ ཝཱ ཧཱཔེཏུཾ ཝཱ པཡོགེ ཀཏེ ཝཌྜྷནྟི ཙེཝ ཧཱཡནྟི ཙ. ཉཱཎཝིཔྤཡུཏྟབྷཱུཏཾ གཧེཏུཾ ཡུཏྟཾ. ཀསྨཱ, ཨཧེཏུཀསྶ བྷཝངྒསྶཱཏི ཝུཏྟསྶ མཱུལབྷཝངྒསྶ ཨཧེཏུཀཏྟཱ. ‘‘དྭིནྣམྤི ཨཧེཏུཀཱནཾ’’ཏི དུགྒཏི ཨཧེཏུཀཱནཉྩ སུགཏི ཨཧེཏུཀཱནཉྩ. ‘‘ཨཔརེཔནཱ’’ཏིཨཱདི ཝིབྷཱཝནིཡཾ ཨཱགཏོ ཨཔརེ ཝཱདོ. ཝུཏྟཉྷི ཏཏྠ ‘ཨཔརེཔན ཡཐཱ ཨཧེཏུཀཱནཾ སཧེཏུཀ ཏདཱརམྨཎཾ ཧོཏི, ཨེཝཾ དྭིཧེཏུཀཱནཾ ཏིཧེཏུཀ ཏདཱརམྨཎཾཔཱི’ཏི ཝཎྞེནྟི. ཏེསཾམཏཱནུརོདྷེན ཙ ཨིདྷཔི ཉཱཎསམྤཡུཏྟ ཝིཔཱཀཔྤཊིཀྑེཔོ ཨཧེཏུཀེཡེཝ སནྡྷཱཡཱཏི ཝདནྟཱིཏི. ཏཾ པན ཝིཔཱཀུདྡྷཱརཀཐཱཡཾ ‘ཨེཏྠེཝ དྭཱདས ཀམགྒོཔཱི’ཏི ཙ, ཨེཏྠེཝ དསཀམགྒོཔཱི’ཏི ཙ ཨཱགཏེཧི ན སམེཏི. ཏཏྠ ཧི སོལ༹སསུཀུསལཝིཔཱཀེསུ དྭིཧེཏུཀ ཀམྨནིབྦཏྟཱནཾ དྭིནྣཾ དྭིཧེཏུཀཱཧེཏུཀ པུགྒལཱནཾ ཙཏྟཱརི ཉཱཎསམྤཡུཏྟ ཝིཔཱཀཱནི ཝཛྫེཏྭཱ དྭཱདས ཀམགྒོ ནཱམ ཧོཏི. པུན སེསེསུ དྭཱདས ཝིཔཱཀེསུཔི ཨསངྑཱརིཀ ཀམྨནིབྦཏྟཱནཾ དྭེ ཉཱཎཝིཔྤཡུཏྟ སསངྑཱརིཀ ཝིཔཱཀཱནི, སསངྑཱརིཀ ཀམྨནིབྦཏྟཱནཉྩ དྭེ ཉཱཎཝིཔྤཡུཏྟ ཨསངྑཱརིཀ ཝིཔཱཀཱནི ཝཛྫེཏྭཱ དུཏིཡཏྠེར ཝཱདེ དསཀམགྒོ ནཱམ ཧོཏཱིཏི. ཨེཏྠ པན དྭི ཧེཏུཀོཔི པུགྒལོ ཨདྷིཀེན ཚནྡེན ཝཱ ཝཱིརིཡེན ཝཱ ཙིཏྟེན ཝཱ ཡུཏྟོ པརིཡཏྟི དྷམྨཾ ཝཱ ནཱནཱཝིཛྫཱསིཔྤཱནི ཝཱ བཧུཾ གཎྷེཡྻ, སུཎེཡྻ, དྷཱརེཡྻ, ཝཱཙེཡྻ, ཙིནྟེཡྻ. ཨཐསྶ ཉཱཎསམྤཡུཏྟ ཛཝནཾ བཧུལཾ སམུདཱ ཙརེཡྻ. ཏདཱ ཏསྶ ནཱནཱཀམྨེན ཛཝནཱནུ རཱུཔཾ ཉཱཎསམྤཡུཏྟ ཏདཱརམྨཎཾ ན ན སམྦྷཝཏཱིཏི ཝུཏྟཾ. ཏཾ ཡུཏྟཾ ཝིཡ དིསྶཏཱིཏི. ‘‘ཨཊྛཀཐཱཡཾ པིཧི. ལ. ཝུཏྟཱ’’ཏི ཀཐཾ ཝུཏྟཱ. ཨེཏཱནི ཧི མནུསྶེསུ ཙ ཀཱམཱཝཙར དེཝེསུ ཙ པུཉྙཝནྟཱནཾ དྭིཧེཏུཀཏི ཧེཏུཀཱནཾ པཊིསནྡྷིཀཱལེ པཊིསནྡྷི ཧུཏྭཱ ཝིཔཙྩནྟཱིཏིཨཱདིནཱ ཝུཏྟཱཏི. ཏེ པན ཏིཝིདྷཱ, ནཝཝིདྷཱཏི སམྦནྡྷོ. ‘‘ཏེསཾ ཏབྦྷཱཝོ’’ཏི ཀུསལཱནཾ ཀུསལབྷཱཝོ, ཨཀུསལཱནཾ ཨཀུསལབྷཱཝོ. ‘‘སིཀྑན དྷམྨཡུཏྟཱ’’ཏི ཏཱིཧི སིཀྑཱཧི པཧཱཏབྦཱནཾ ཀིལེསཱནཾ ཨཏྠིཏཱཡ སིཀྑིཏབྦཏཱ པཀཏིཡཾ ཋིཏཱཏི ཨདྷིཔྤཱཡོ ¶ .‘‘ཧེཊྛིམཱནཉྩཱ’’ཏི ཧེཊྛིམ ཕལཱནཉྩ. ཡཱནིཡཱནིསཀཱནི ཡཐཱསཀཾ. ‘‘ཨུཔརིམཱནཾ’’ཏི ཨུཔརིམཱནཾ པུགྒལཱནཾ. ‘‘པརིནིཊྛིཏ སིཀྑཱ ཀིཙྩཏྟཱ’’ཏི སིཀྑཱ ཀིཙྩཾ ནཱམ ཀིལེས དྷམྨཱནཾ པཧཱནཏྠཱཡ ཨེཝ ཧོཏཱིཏི ཏེསུ སབྦསོ པཧཱིནེསུ སིཀྑཱ ཀིཙྩཾ པརིནིཊྛིཏཾ ཧོཏི. ཨེཝཾ པརིནིཊྛིཏ སིཀྑཱ ཀིཙྩཏྟཱ. སུཊྛུ བྷབྦོཏི སམྦྷཝོ. སམྦྷཝོཏི ཝིསེསན པདམེཏནྟི ཨཱཧ ‘‘ཡཐཱ སམྦྷཝཾ’’ཏི.

༡༤༢. ‘‘ཨེཏྠེཝཱ’’ཏི ཨེཏསྨིཾ ཀཱམལོཀེ ཨེཝ. ‘‘ཏཾ ཏཾ པསཱདརཧིཏཱནཾ’’ཏི ཏེནཏེན པསཱདེན རཧིཏཱནཾ. ཏསྨིཾ ཏསྨིཾ དྭཱརེ ཨུཔྤནྣཱནི ཏཾ ཏཾ དྭཱརིཀཱནི. ཙཏུསཊྛིཝཱིཐི ཙིཏྟཱནི. དྭེ ཙཏྟཱལཱིས ཝཱིཐི ཙིཏྟཱནི. ‘‘བྲཧྨལོཀེ ཝཱ’’ཏིཨཱདཱིསུ. ཨིདཾ ཨཊྛཀཐཱ ཝཙནཾ. ཡཐཱཧ རཱུཔབྷཝེ ཙཏུནྣཾ ཝིཉྙཱཎཱནཾ, ཏཐེཝ པཙྩཡོ. པཝཏྟེ, ནོཔཊིསནྡྷིཡཾ. སོཙ ཁོ ཀཱམཱཝཙརེ ཨནིཊྛ རཱུཔདསྶན སདྡསཝནཝསེན, བྲཧྨལོཀེ པན ཨནིཊྛཱ རཱུཔཱདཡོ ནཱམ ནཏྠི. ཏཐཱ ཀཱམཱཝཙར དེཝལོཀེ པཱིཏི. ཏཱནི ཙཏྟཱརི ཙིཏྟཱནི. ‘‘ཏཏྠཱ’’ཏི ཏསྨིཾ རཱུཔལོཀེ. ཝིབྷཱཝནིཔཱཋེ. ‘‘ཨིདྷཱ’’ཏི ཨིམསྨིཾ ཝཙནེ. ‘‘ཏཾ ཏཾ བྷཱུམི པརིཡཱཔནྣེ’’ཏི ཏིསྶཾ ཏིསྶཾ བྷཱུམིཡཾ པརིཡཱཔནྣེ. སེསམེཏྠ སུཝིཉྙེཡྻཾ.

ཝཱིཐིསངྒཧདཱིཔནིཡཱཨནུདཱིཔནཱ ནིཊྛིཏཱ.

༥. ཝཱིཐིམུཏྟསངྒཧཨནུདཱིཔནཱ

༡༤༣. ཝཱིཐིམུཏྟསངྒཧེ ¶ . ‘‘པཝཏྟིསངྒཧཾ’’ཏི ཙིཏྟུཔྤཱདཱནཾ པཝཏྟཱཀཱརཀཐནསངྒཧཾ. ‘‘པཊིསནྡྷིཡཾ’’ཏི པཊིསནྡྷིཀཱལེ. ‘‘ཏེསཾ’’ཏི ཙིཏྟ ཙེཏསིཀཱནཾ. ཝིབྷཱཝནིཔཱཋེ. ‘‘ཏདཱསནྣཏཱཡཱ’’ཏི ཏཱཡཔཊིསནྡྷིཡཱ ཨཱསནྣཏཱཡ. ‘‘ཏཾ གཧཎེནེ ཝཱ’’ཏི སནྡྷིགྒཧཎེན ཨེཝ སནྡྷིཝཙནེན ཨེཝ. ‘‘ཝིསཡཔྤཝཏྟི ནཱམཱ’’ཏི ཀམྨ ཀམྨནིམིཏྟཱདཱིནཾ ཝིསཡཱནཾ དྭཱརེསུ ཨཱཔཱཏཱ གམན ཝསེན པཝཏྟི ནཱམ. ‘‘མརཎུཔྤཏྟིཡཾ ཨེཝ སིདྡྷཱ’’ཏི མརཎུཔྤཏྟིཡཾ ཛཝནེསུ ཨེཝ སིདྡྷཱ. ཨེཏེན མརཎུཔྤཏྟི ཝིདྷཱནཾ ཛཝནཔྤདྷཱནཾ ཧོཏི, ན ཙུཏིཔྤདྷཱནནྟི དཱིཔེཏི. ན ཧི ཏསྨིཾ ཝིདྷཱནེ ཏསྶཾ ཙུཏིཡཾ ཝིསཡཔྤཝཏྟི ཝཙནཾ ནཱམ ཨཏྠི. ཛཝནེསུ ཨེཝ ཨཏྠི. སཱ པན ཙུཏི ཏསྨིཾ བྷཝེ ཨཱདིམྷི པཊིསནྡྷི པཝཏྟིཡཱ སིདྡྷཱཡ སིཛ྄ཛྷཏི ཡེཝཱཏི. ‘‘ཏེསཾ’’ཏི ཝཱིཐིམུཏྟཱནཾ. ‘‘བྷཝནྟཱི’’ཏི པཱཏུབྦྷཝནྟི. ‘‘ཏཏོ’’ཏི ཨཡཏོ. ‘‘གནྟབྦཱ’’ཏི པཊིསནྡྷིགྒཧཎཝསེན ཨུཔཔཛྫིཏབྦཱ. ‘‘གཙྪནྟཱི’’ཏི པཝཏྟནྟི. ‘‘ཏིརོ’’ཏི ཏིརིཡཏོ. ‘‘ཨཉྪིཏཱ’’ཏི གཏཱ པཝཏྟཱ, ཨཱཡཏཱ ཝཱ. ‘‘སམཱནཛཱཏིཏཱཡཱ’’ཏི ཏིརཙྪཱན གཏཛཱཏི ཝསེན སམཱནཛཱཏི བྷཱཝེན. ‘‘ཡུཝནྟཱི’’ཏི མིསྶཱི བྷཝནྟི. ‘‘སུཁསམུསྶཡཏོ’’ཏི སུཁསམུདཱཡཏོ. ‘‘དིབྦནྟཱི’’ཏི ཝིཛྫོཏནྟི. ‘‘ཨིཏི ཀཏྭཱ’’ཏི ཨིཏི ཝཙནཏྠཾ ཀཏྭཱ ཨུཔརིདེཝཱ སུརཱཏི ཝུཙྩནྟཱིཏི ཡོཛནཱ. ‘‘ཝེཔཙིཏྟིཔཧཱརཱདཱདཡོ’’ཏི ཝེཔཙིཏྟི ཨསུརིནྡ པཧཱརཱདཨསུརིནྡཱདིཀེ དེཝཱསུརེ. ‘‘སུརཔྤཊི པཀྑཱ’’ཏི ཏཱཝཏིཾསཱདེཝཔྤཊིཔཀྑཱ. ‘‘སུརསདིསཱ’’ཏི ཏཱཝཏིཾསཱདེཝ སདིསཱ. ‘‘ཝེམཱནིཀཔེཏེ’’ཏི ཝེམཱནིཀ ནཱམཀེ པེཏེ. ‘‘ཝིནིཔཱཏིཀེ’’ཏི ཝིནིཔཱཏིཀ ནཱམཀེ དུགྒཏ དེཝཛཱཏིཀེ. ཏེསཾ པཝཏྟི ཨུཔརི ‘ཝིནིཔཱཏིཀཱསུརཱནཉྩཱ’ཏི པདེ ཨཱཝི བྷཝིསྶཏི. ‘‘ཏེཔཱི’’ཏི ལོཀནྟརིཀ ནེརཡིཀ སཏྟཱཔི. ‘‘ཀཱལཀཉྩིཀཔེཏེ’’ཏི ཀཱལཀཉྩིཀ ནཱམཀེ པེཏེ. ཨེཝཾ ཀཐཱཝཏྠུ པཱལི༹ཡཾ ཨཱགཏཱ ཝེསྶབྷུ ཨཱདཡོ ཡམརཱཛཱནོཔནཱཏི སམྦནྡྷོ. ཝེསྶབྷཱུ ¶ ཙ ནོཏྟི ཙ སོམོ ཙ ཡམོ ཙ ཝེསྶཝཎོ ཙ ཨིཏི ཨིམེ པེཏྟི རཱཛཱནོ. ‘‘རཛྫ’’ནྟི རཱཛབྷཱཝཾ རཱཛཀིཙྩཾ. ཡེ ཙ ཡཀྑརཀྑསཱ ནཱམ ཀརོནྟཱ ཝིཙརནྟཱིཏི སམྦནྡྷོ. ‘‘ཀུརཱུརཀམྨཀཱརིནོ’’ཏི ལུདྡཀམྨཀཱརིནོ. ‘‘རེཝཏི ཝིམཱནེ’’ཏི རེཝཏི ཝིམཱན ཝཏྠུམྷི. ‘‘ཨིཏོ’’ཏི མནུསྶ ལོཀཏོ, སུགཏིབྷཝཏོ ཝཱ. ཏེཧི ཡཀྑ རཀྑསཱ ནཱམ བྷཱུམཊྛཀཱཔི སནྟི, ཨཱཀཱསཊྛཀཱཔི. ‘‘ནཱནཱཀམྨཀཱརཎཱཡོ’’ཏི དྭཏྟིཾས ཝིདྷཱནི ཀམྨཀརཎ ཀིཙྩཱནི. ཏེསམྤི ནིརཡཔཱལཱནནྟི སམྦནྡྷོ. ‘‘ཏིསྶནྣཾ’’ཏི ཏིསྶནྣཾ ཨཔཱཡབྷཱུམཱིནཾ. ཨཔཱཡབྷཱུམི.

ཨུསྶིཏོ མནོ ཨེཏེསནྟི ཝཱ, ཨུསྶནྣོ མནོ ཨེཏེསནྟི ཝཱ, དྭིདྷཱཝིགྒཧོ. ‘‘ཨུསྶིཏོ’’ཏི ཨུགྒཏོ. ‘‘ཨུསྶནྣོ’’ཏི ཝིཔུལོ. ཀསྨཱ ཏིཀྑཏར ཙིཏྟཱ ཧོནྟཱིཏི ཝུཏྟནྟི ཨཱཧ ‘‘པརིཔུཎྞཱནཾ’’ཏིཨཱདིཾ. པུབྦཝཱཀྱེ ཨནནྟ ཙཀྐཝཱལ༹སཱདྷཱརཎ ཝསེན ཝུཏྟཏྟཱ པུན ‘‘ཨིམསྨིཾ’’ཏིཨཱདི ཝུཏྟཾ. ཝཏྟབྦཾ ནཏྠི. ཨིདྷེཝ སབྦཉྙུ བུདྡྷཱདཱིནཾ ཨུཔྤནྣཏོཏི ཨདྷིཔྤཱཡོ. ‘‘ཨདྷིགྒཎྷནྟཱི’’ཏི ཨདྷིཀཾ ཀཏྭཱ གཎྷནྟི. ‘‘སཱུརཱ’’ཏི པཱཔཀལྱཱཎ ཀམྨེསུ སཱུརཙིཏྟཱ. ‘‘སཏིམནྟོ’’ཏི ཝིཔུལསྶཏིཀཱ. ‘‘ཨིདྷ བྲཧྨཙརིཡཝཱསོ’’ཏི ཨིདྷེཝ སིཀྑཏྟཡཔཱུརཎ སངྑཱཏསྶ བྲཧྨཙརིཡཝཱསསྶ ཨཏྠིཏཱ. ‘‘མརིཡཱདདྷམྨེསཱུ’’ཏི ལོཀཙཱརིཏྟ དྷམྨེསུ. ‘‘དྷཏརཊྛོ’’ཏི དྷཏརཊྛོ མཧཱརཱཛཱ. ཨེཝཾ ཝིརུལ༹ྷཀོཏིཨཱདཱིསུ. ‘‘གནྡྷརུཀྑཱདྷི ཝཏྠཱ’’ཏི གནྡྷརུཀྑེསུ ཨཛ྄ཛྷཱཝུཏྠཱ. ‘‘ཀུམྦྷཎྜཱ’’ཏི ཀུཝུཙྩཏི པཐཝཱི. པཐཝི གཏཱནི རཏནབྷཎྜཱནི ཡེསཾ ཏེཏི ཝིགྒཧོ. ‘‘དཱནཝརཀྑསཱ’’ཏི དནུནཱམདེཝདྷཱིཏཱཡ ཨཔཙྩནྟི ཨཏྠེན དཱནཝ ནཱམཀཱ རཀྑསཱ. ཨཝརུཛ྄ཛྷནྟི ཨནྟརཱཡཾ ཀརོནྟཱིཏི ཨཝརུདྡྷཀཱ. ‘‘ཝིགཙྪརཱུཔོ’’ཏི ཝིཔནྣཝཎྞོ. ‘‘ནིཧཱིནཀམྨཀཏཱ’’ཏི ནིཧཱིནཱནིཔཱཔཀམྨཱནི ཀཏྭཱ ཨཱགཏཱ. ཀཱཙིགནྡྷཔྤིཡོ ཛཱཡནྟཱིཏི སམྦནྡྷོ. ཡཱགནྡྷཔྤིཡོ ཛོགིནཱིཏི ཙ ཝུཙྩནྟི, ཛུཎྷཱཏི ཙ ཝུཙྩནྟཱིཏི སམྦནྡྷོ. ‘‘ཨབྷིལཀྑིཏརཏྟཱིསཱུ’’ཏི ཨབྷིཉྙཱཏརཏྟཱིསུ. ཨུཔོསཐརཏྟཱིསཱུཏི ཝུཏྟཾ ཧོཏི. ‘‘གོཙརཔྤསུཏཀཱལེ’’ཏི གོཙརཏྠཱཡ ཝིཙརིཏཀཱལེ. ‘‘ཛུཏིཨཏྠེནཱ’’ཏི ཝིཛྫོཏནཊྛེན. ཝསཱུནི ¶ དྷནཱནི དྷཱརེནྟཱིཏི ཝསུནྡྷརཱ. ཝསུནྡྷརཱ ཙ ཏེ དེཝ ཡཀྑཱ ཙཱཏི ཝིགྒཧོ. ‘‘ནཱགཱཏྭེཝ ཝུཙྩནྟཱི’’ཏི པཱལི༹ཡཾ ནཱགེསུ སངྒཡ྄ཧནྟཱིཏི ཨདྷིཔྤཱཡོ. ‘‘ཡཱ’’ཏི ཡཱ བྷུམྨདེཝཡཀྑ ཛཱཏིཡོ. ‘‘ཡཱསཾ’’ཏི ཡཱསཾ བྷུམྨདེཝ ཡཀྑཛཱཏཱིནཾ. ‘‘ཀཱིལཱ༹པསུཏཝསེནཱ’’ཏི བོདྷིསཏྟཱནཉྩ བུདྡྷཱནཉྩ ཨཙྪརིཡ དྷམྨཛཱཏཀཱལེ ཨུགྒྷོསན ཀཱིལཱ༹ཀམྨཝཌྜྷནཝསེན. ‘‘ཡཱསཉྩ མནྟཔདཱནཱི’’ཏི ཡཱསཾ ནིགྒཧ པགྒཧཔཱུཛནཱདི ཝསེན པཝཏྟཱནི མནྟཔདཱནི. ‘‘ཏེསཱུ’’ཏི + ཏེསུ ཙཏཱུསུ ཨཝརུདྡྷཀེསུ. ‘‘ཀཱིལཱ༹སོཎྜཝསེནཱ’’ཏི ཀཱིལཱ༹དྷུཏྟཝསེན. ‘‘གྷཱསསོཎྜཝསེནཱ’’ཏི ཁཱདནབྷུཉྫན དྷུཏྟཝསེན. སོཎོ ཝུཙྩཏི སུནཁོ. ‘‘སཏྟེ’’ ནེརཡིཀེ ཝཱ པེཏེཝཱ. ‘‘ཀཱམཉྩ ཧོཏཱི’’ཏི ཀིཉྩཱཔི ཧོཏཱིཏི ཨཏྠོ. ‘‘ནིབནྡྷནོཀཱསོ’’ཏི ནིཙྩསམྦནྡྷནོཀཱསོ. ‘‘སམུདཱགཏེསཱུ’’ཏི པརམྤརཏོ ཨཱགཏེསུ. ‘‘དེཝརཱཛཊྛཱནེསཱུ’’ཏི ཨིམསྨིཾ ཙཀྐཝཱལེ༹ ཏཱཝཏིཾསཱབྷཝནེ དེཝརཱཛཊྛཱནེསཱུཏི ཨདྷིཔྤཱཡོ. ‘‘པཱལི༹ཡཾ ཨེཝཱ’’ཏི དཱིགྷནིཀཱཡེ ཛནཝསབྷསུཏྟཔཱལི༹ཡཾ ཨེཝ. ཡཙྪནྟི ནིཡཙྪནྟི ཨེཏྠཱཏི ཡཱམོ. ‘‘ནིཡཙྪནྟཱི’’ཏི ཨཉྙམཉྙཾ ཨིསྶཱམཙྪརིཡ མཱུལཀེཧི ཀལཧབྷཎྜནཱདཱིཧི ཝིགཙྪནྟཱིཏི ཨཏྠོ. ‘‘ཏཾ སཧཙརིཏཏྟཱ’’ཏི ཏེན ཡཱམ ནཱམཀེན ཨིསྶརདེཝཀུལེན ནིཙྩཀཱལཾ སཧ པཝཏྟཏྟཱ. ‘‘ཝསཾ ཝཏྟེནྟཱི’’ཏི ཨིཙྪཾ པཱུརེནྟཱིཏི ཝུཏྟཾ ཧོཏི.

‘‘པུརེ’’ཏི སམྨུཁཊྛཱནེ. ཏཾ པན ཋཱནཾ ཨུཙྩཊྛཱནཾ ནཱམ ཧོཏཱིཏི ཨཱཧ ‘‘ཨུཙྩེཋཱནེ’’ཏི. ‘‘སཧསྶོ བྲཧྨཱ’’ཏིཨཱདཱིསུ ཨཏྟནོ སརཱིརོབྷཱསེན སཧསྶཾ ཙཀྐཝཱལ༹ ལོཀཾ ཕརནྟོ སཧསྶོནཱམཱཏི ཨཊྛཀཐཱཡཾ ཨདྷིཔྤེཏཾ. ཀུལདེཝཏཱཡོ ནཱམ ཀུལ པརམྤར པཱུཛིཏ དེཝཏཱཡོ ནཱམ. ‘‘ཨུཔཊྛཧནྟཱི’’ཏི ཡུཏྟཊྛཱནེ དེཝཝཏྠུ དེཝམཱལཀཱནི ཀཏྭཱ སམཡེ སམཡེ ཏཏྠ གནྟྭཱ གནྡྷམཱལཱདཱིཧི པཱུཛེནྟི, ཝནྡནྟི, ཐོམེནྟི, ཝརཾ པཏྠེནྟཱིཏི ཨཏྠོ. ‘‘ཨུཔཊྛཀཱ ཨེཝསམྤཛྫནྟཱི’’ཏི ཨུཔཊྛཀམཏྟཱཝཧོནྟཱིཏི ཨདྷིཔྤཱཡོ. ‘‘ཀསྶཙཱི’’ཏི ཀསྶཙི ཧེཊྛིམསྶ. ‘‘ཏཏྠཱ’’ཏི ཏཱསུ བྲཧྨབྷཱུམཱིསུ. པུན ‘‘ཏཏྠཱ’’ཏི ཏསྨིཾ དུཏཱིཡཏལེ. ‘‘ཨཱབྷཱ’’ཏི སརཱིརཱབྷཱ. ནིཙྪརནྟི ཨངྒཔཙྩངྒེཧི ནིགྒཙྪནྟི. ‘‘ཨཙལ སཎྛིཏཱ’’ཏི དུཏཱིཡ ཏལེ ¶ ཝིཡ ཙལིཏཱ ན ཧོཏི. ཨཐ ཁོ ཨཙལ སཎྛིཏཱ. ‘‘ཏེསཾ’’ཏི ཏེསཾཝཱདཱིནཾ པཱཋེ. བྲཧྨཔཱརིསཛྫཱཏིཨཱདིཀཾ ནཱམཾ ནསིདྡྷཾཏི ཡོཛནཱ. ‘‘ཨིཉྫནཛཱཏིཀེཧཱི’’ཏི ཙལནཛཱཏིཀེཧི. ‘‘ཧེཊྛིམཏལཱནཾ ཨིཉྫིཏཾ པུཉྙཔྥལཾ ཨཏྠཱིཏི སམྦནྡྷོ. ‘‘ཨཱནེཉྫ ཛཱཏིཀེནཱ’’ཏི ཨཙལནཛཱཏིཀེན ཨུཔེཀྑཱཛྷཱནེན ནིབྦཏྟཱནཾ ཙཏུཏྠཏལཱནཾ. ‘‘ཀེནཙི ཨནྟརཱཡེནཱ’’ཏི ཏེཛོསཾཝཊྚཱདིཀེན ཨནྟརཱཡེན. ‘‘ཨེཏྠཔཱི’’ཏི ཨེཏསྨིཾ ཙཏུཏྠཏལེཔི. ‘‘ཨཱཡུ ཝེམཏྟཏཱཡཱ’’ཏི ཨཱཡུཔྤམཱཎནཱནཏྟསྶ. ‘‘ཨོལཱ༹རིཀཱནཾ’’ཏི ཨིདཾ པཀཏིཡཱ ཨོལཱ༹རིཀ སབྷཱཝཏཱཡ ཝུཏྟཾ. ན སུཁུམཱནཾ ཨཏྠིཏཱཡ. ནཏྠི ཝིཧཉྙནཾ ཨེཏེསནྟི ཨཝིཧཱ. ཀིཾ ཝིཧཉྙནཾ ནཱམཱཏི ཨཱཧ ‘‘སམཐཝིཔསྶནཱ ཀམྨེསུ ཨཝིཔྥཱརིཀཏཱ པཏྟཱི’’ཏི. ཙིཏྟསྶ ཨཝིཔྥཱརཏཱ པཛྫནཾ ནཱམ ནཏྠཱིཏི ཝུཏྟཾ ཧོཏི. ‘‘པསཱད དིབྦ དྷམྨ པཉྙཱ ཙཀྑཱུཧཱི’’ཏི ‘པསཱད ཙཀྑུ, དིབྦཙཀྑུ, དྷམྨཙཀྑུ, པཉྙཱ ཙཀྑཱུ, ཧི. ཏཏྠ པསཱདཙཀྑུ ཨེཝ ཨིདྷ དིབྦཙཀྑཱུཏིཔི ཝུཙྩཏི. ‘‘དྷམྨ ཙཀྑཱུ’’ཏི ཧེཊྛིམམགྒཉྙཱཎཾ. ‘‘པཉྙཱ ཙཀྑཱུ’’ཏི ཝིཔསྶནཱ ཉཱཎཔཙྩཝེཀྑནཱཉཱཎེཧི སདྡྷིཾ ཨཝསེསཾ སབྦཉྙཱཎཾ. ‘‘རཱུཔཱིནཾ སཏྟཱནཾ’’ཏི རཱུཔཀཱཡཝནྟཱནཾ སཏྟཱནཾ. ‘‘ཀནིཊྛབྷཱཝོ’’ཏི ཨཔྤཏརབྷཱཝོ. ‘‘ཨནཱགཱམིམགྒཊྛསྶཔི པཊིཀྑེཔོ’’ཏི སཀདཱགཱམིབྷཱཝེཋཏྭཱ བྷཱཝེནྟསྶེཝ ཨནཱགཱམིམགྒོ ཨུཔྤཛྫཏི. ནོ ཨཉྙཐཱཏི ཨཱཧ ‘‘སཀདཱགཱམཱིནཾ པཊིཀྑེཔེནཱ’’ཏིཨཱདིཾ.

བྷཱུམིཙཏུཀྐཾ ནིཊྛིཏཾ.

༡༤༤. བྷཝནྟརེ ཨོཀྐམནྟི ཨེཏཱཡཱཏི ཨོཀྐནྟཱིཏི པིཡུཛྫཏི. ‘‘སོཏརཧིཏོ’’ཏི པསཱདསོཏརཧིཏོ. ཨེཝཾ སེསེསུཔི. ‘‘ཨཱསིཏྟཀཱདིབྷཱཝེནཱ’’ཏི ཨཱསིཏྟཀཔཎྜཀཱདི བྷཱཝེན. ‘‘དྭཱིཧི བྱཉྫནེཧཱི’’ཏི དྭཱིཧི ནིམིཏྟེཧི. ‘‘ཝིབཙྪཝཙནོ’’ཏི ཝིཔནྣཝཙནོ. ‘‘ཝཏྠུ ཝིཔནྣསྶཱ’’ཏི ཨེཏྠ ‘‘ཝཏྠཱུ’’ཏི སམྦྷཱར ཙཀྑུ ཝུཙྩཏི. ཏསྶ ཨཱདིཏོ པཊྛཱཡ ཝིཔནྣཏྟཱ ཏེན སམནྣཱགཏོ པུགྒལོ ཝཏྠུཝིཔནྣོཏི ཝུཙྩཏི. ‘‘ཏསྶ ཏསྶཱ’’ཏི ཙཀྑུསོ ཏཱདིཀསྶ ¶ .‘‘པསཱུཏིཡཾ ཡེཝཱ’’ཏི ཝིཛཱཡམཱནཀཱལེཡེཝ. ‘‘པཉྙཱཝེཡྻཏྟིཡབྷཱཝསྶཱ’’ཏི ཨེཏྠ བྱཏྟསྶ བྷཱཝོ ཝེཡྻཏྟིཡཾ. ‘‘བྱཏྟསྶཱ’’ཏི ཕརཎཉྙཱཎསྶ པུགྒལསྶ. པཉྙཱ སངྑཱཏཾ ཝེཡྻཏྟིཡཾ ཨསྶཱཏི ཝིགྒཧོ. དྭིཧེཏུཀ ཏིཧེཏུཀཱནཾཔི ན སཀྐཱ ནིཡམེཏུནྟི སམྦནྡྷོ. ཀཐཾ ན སཀྐཱཏི ཨཱཧ ‘‘མཱཏུཀུཙྪིམྷི ཝིཔཏྟི ནཱམ ནཏྠཱི’’ཏི. ཀཏམེསཾ ཝིཔཏྟཱིཏི. ཨུཔྤནྣཱནམྤི ཙཀྑུ སོཏཱནཾ ཝིཔཏྟི. ཀེནཀཱརཎེན ཝིཔཏྟཱིཏི. པརཱུཔཀྐམེནཝཱ མཱཏུཡཱ ཝིསམ པཡོགེན ཝཱ ནཱནཱབཱདྷེན ཝཱ ཝིཔཏྟཱིཏི ཡོཛནཱ. དྷཱཏུཔཱཋེ ཡཀྑ པཱུཛཱཡཾཏི པཋིཏཏྟཱ ‘‘པཱུཛནཱིཡཊྛེནཱ’’ཏི ཝུཏྟཾ. ཨེཏེན ཡཀྑིཏབྦཱ པཱུཛིཏབྦཱ ཡཀྑཱཏི དསྶེཏི. ཡེ པན ཀིཙྪཛཱིཝིཀཔཏྟཱ ཝིཙརནྟི, ཏེ བྷཱུམསྶིཏཱ ནཱམ ཧོནྟཱིཏི ཡོཛནཱ. ‘‘བྷཱུམིསྶིཏཱ’’ཏི པཱཋེ བྷཱུམིཡཾ སིཏཱ ནིསྶིཏཱཏི ཨིམམཏྠཾ དསྶེཏུཾ ‘‘པུཉྙནིབྦཏྟསྶཱ’’ཏིཨཱདི ཝུཏྟཾ. ‘‘ཝིརཱུཔཱ ཧུཏྭཱ’’ཏི ཏེ ཝཎྞཏོཔི དུབྦཎྞཱ ཧོནྟི. སཎྛཱནཏོཔི དུསྶཎྛཱནཱ. ཛཱིཝིཀཏོཔི ཀིཙྪཛཱིཝིཀཱཏིཨཱདིནཱ ཝིཔནྣརཱུཔཱ ཧུཏྭཱ. ‘ཝིཝསཱ ཧུཏྭཱ ནིཔཏནྟཱི’ཏི ཝིནིཔཱཏིཀཱཏིཔི ཝདནྟི. ཝིཝསཱཏི ཙ ཨཏྟནོ ཝསེན ཨིཙྪཱཡ ཝིནཱཏི ཨཏྠོ. ‘‘ཝིཝིཏྟཊྛཱནེསཱུ’’ཏི ཛནཝིཝིཏྟེསུ ཋཱནེསུ. པརིཡེསིཏྭཱ ཝཱ ཛཱིཝིཏཾ ཀཔྤེནྟི. པཱིལེ༹ཏྭཱ ཝཱ ཛཱིཝིཏཾ ཀཔྤེནྟི. ཏཱསེཏྭཱ པཱིལེ༹ཏྭཱ ཝཱ ཛཱིཝིཏཾ ཀཔྤེནྟཱིཏི ཡོཛནཱ. ‘‘ཝེམཱནིཀཔེཏཱཔཱི’’ཏི ཨཏྟནོ པུཉྙནིབྦཏྟཾ དིབྦཝིམཱནཾ ཡེསཾ ཨཏྠི, ཏེ ཝེམཱནིཀཱ. ཏེ པན པུཉྙཱཔུཉྙམིསྶཀ ཀམྨེན ནིབྦཏྟཏྟཱ ཀེཙི དིཝཱ དིབྦསུཁཾ ཨནུབྷཝནྟི, རཏྟིཾ པེཏདུཀྑཾ. ཀེཙི རཏྟིཾ དིབྦསུཁཾ ཨནུབྷཝནྟི, དིཝཱ པེཏདུཀྑནྟི. པརེཧི དཏྟཾ དིནྣཾ པུཉྙཔྥལཾ ཨུཔནིསྶཱཡ ཛཱིཝནྟཱིཏི པརདཏྟཱུཔཛཱིཝིནོ. ‘‘པརེཧི དིནྣཾ པུཉྙཔྥལཾ’’ཏི ཉཱཏཀེཧི པུཉྙཾ ཀཏྭཱ ཨིདཾ མེ པུཉྙཾ པེཏཱནཾ ཀཱལངྐཏཱནཾ ཉཱཏཱིནཾ དེདྷཱིཏི ཨེཝཾ དིནྣཾ པུཉྙཔྥལཾ. ‘‘སཀལཙཀྐཝཱལ༹པརིཡཱཔནྣཱ ཨེཀབྷཱུམཀཱ’’ཏི ཡཐཱ ཏཱཝཏིཾསཱབྷཱུམི ནཱམ སབྦ ཙཀྐཝཱལེ༹སུཔི ཨཏྠི. སབྦཱཔི དིབྦེན ཝསྶསཧསྶེན ཨེཀཨཱཡུ པརིཙྪེདོ ཧོཏི. ཨིམསྨིཾ ཙཀྐཝཱལེ༹ ཝཏྟབྦཾ ནཏྠི. ན ཏཐཱ ནིརཡེསུ ཝཱ ཏིརཙྪཱན ཡོནིཡཾ ཝཱ པེཏྟིཝིསཡེཝཱ ཨསུརཀཱཡེཝཱ མནུསྶེསུཝཱ བྷུམྨདེཝེསུ ཝཱ ¶ ཨེཀཔརིཙྪེདོ ནཱམ ཨཏྠི. ཙཏུནྣཾ ཨཔཱཡཱནཾ ཨཱཡུཔྤམཱཎ གཎནཱཡ ནིཡམོ ནཏྠཱིཏི ཝུཏྟཾ, ན ནུ བྲཧྨ སཾཡུཏྟེ ཀོཀཱལིཀཾ བྷིཀྑུཾ ཨཱརབྦྷ བྷགཝཏཱ ཝུཏྟོ དསནྣཾ ནིརཡཱནཾ ཝིསུཾ ཝིསུཾ ཨཏྠཱིཏི. སཙྩཾ ཨཏྠི. ཏེ པན དསནིརཡཱ ཨཝཱིཙིནིརཡེ པརིཡཱཔནྣཱ ཧུཏྭཱ ཏསྶ པདེསམཏྟཱ ཧོནྟི. ན ཏེཧི པདེ སམཏྟེཧི སཀལོ ཨཝཱིཙིནིརཡོ ནིཡཏཱཡུ པརིམཱཎོཏི སཀྐཱ ཝཏྟུཾ. ཨཔི ཙ སོཔི ཏེསཾ ཨཱཡུཔརིཙྪེདོ ཨཝཱིཙིབྷཱུམིཡཱ ནིཡཱམེན སིདྡྷོ ན ཧོཏི. ཏེན ཏེན ཀམྨཝིསེསེནེཝ སིདྡྷོ. ཏསྨཱ ཡཾ ཝུཏྟཾ ‘‘ཏཏྠ ཡེབྷཱུཡྻེན ཀམྨཔྤམཱཎཏྟཱ’’ཏི, ཏཾ སུ ཝུཏྟཾ ཧོཏི. ཏེནཱཧ ‘‘ཏཏྠ ནིརཡེསཱུ’’ཏིཨཱདིཾ. ‘‘ཨེཝཾ སནྟེ’’ཏི ན ཨིཏར དཱིཔཝཱསཱིནཾ ཨཱཡུཀཔྤསྶ ཨཱརོཧཎཉྩ ཨོརོཧཎཉྩ ཨཏྠཱིཏི ཝུཏྟེ སཏཱིཏི ཨཏྠོ. སམཱཙཱརོ ནཱམ དསསུཙརིཏཱནི. ཝིསམཱཙཱརོ ནཱམ དསདུཙྩརིཏཱནི. ཏེསཾ ནིསྶནྡབྷཱུཏཱ སམྤཏྟིཝིཔཏྟིཡོཏི སམྦནྡྷོ. ‘‘ཏེསཾ པཱི’’ཏི ཨིཏར དཱིཔཝཱསཱིནཾཔི. སོ ཨེཝཔརིཙྪེདོཏི ཨཱཔཛྫཏི. ན ཙ སཀྐཱ ཏཐཱ བྷཝིཏུཾ. ཨཱདིཀཔྤཀཱལེ སབྦེསམྤི ཙཏུདཱིཔ ཝཱསཱིནཾ ཨསངྑྱེཡྻཱཡུཀཏཱ སམྦྷཝཏོཏི. ཨཐ ཨིཏརདཱིཔཝཱསཱིནམྤི ཨཱཡུཀཔྤསྶ ཨཱརོཧཎཾ ཨོརོཧཎཉྩ ཨཏྠི. ཨེཝཾ སཏི, ཨེཏརཧིཔི ཏེསཾ ཨཱཡུཀཔྤོ ཛམྦུདཱིཔཝཱསཱིནཾ ཨཱཡུཀཔྤེན ཨེཀགཏིཀོ སིཡཱཏི ཙོདནཱ. ནིསྶནྡམཏྟཏྟཱཏིཨཱདི པརིཧཱརོ. ནཏྠི ཨིདཾ མམ ཨིདཾ མམཱཏི པཝཏྟཱ པཱཊིཔུགྒལིཀཏཎྷཱ ཨེཏེསནྟི ‘‘ཨམམཱ’’. ‘‘ཨཔརིགྒཧཱ’’ཏི པུཏྟདཱརཱདིཔརིགྒཧརཧིཏཱ. ‘‘ཨུཔརིམེ ཙཱཏུམཧཱརཱཛིཀེ’’ཏི ཨཱཀཱསཊྛཀཙཱཏུམཧཱརཱཛིཀེ. དིཝེ དེཝལོཀེ སིདྡྷཱནི དིབྦཱནི. ‘‘ཡཱཝ ནིམིརཱཛཀཱལཱ’’ཏི ཡཱཝ ཨམྷཱཀཾ བོདྷིསཏྟབྷཱུཏསྶ ནིམིརཉྙོ ཨུཔྤནྣཀཱལཱ. ཀསྶ པབུདྡྷོ པུརིམེ ཨནྟརཀཔྤེ ཨུཔྤནྣོ. ནིམིརཱཛཱ པན ཨིམསྨིཾ ཨནྟར ཀཔྤེ ཨུཔྤནྣོ. ‘‘མནུསྶ ལོཀེཧི པཉྙཱསཝསྶཱནི ཙཱཏུམཧཱརཱཛིཀེ ཨེཀོདིབྦརཏྟིདིཝོ ཧོཏཱི’’ཏིཨཱདི ཨབྷིདྷམྨེ དྷམྨ ཧདཡ ཝིབྷངྒེ ཨཱགཏནཡེན ཝུཏྟོ. ཙཏུགྒུཎཝཙནེ. ‘‘ཨུཔརིམཱནཾ’’ཏི ཨུཔརིམཱནཾ དེཝཱནཾ. ཨེཀཾ ཝསྶསཧསྶཾ ཨཱཡུཔྤམཱཎཾ ཧོཏཱིཏི ¶ སམྦནྡྷོ. ‘‘དྭེ’’ཏི དྭེ ཝསྶསཧསྶཱནི. ‘‘ཨཊྛཱ’’ཏི ཨཊྛཝསྶསཧསྶཱནི. ‘‘ཧེཊྛིམཱནཾ’’ཏི ཧེཊྛིམཱནཾ དེཝཱནཾ. ‘‘ཨུཔརིམཱནཾ’’ཏི ཨུཔརིམཱནཾ དེཝཱནཾ. ཡཱམེ ཨེཀོ རཏྟིདིཝོཏིཨཱདིནཱ ཡོཛེཏབྦཾ. ‘‘ཙཏྟཱརཱི’’ཏི མནུསྶལོཀེ ཙཏྟཱརི ཝསྶསཏཱནི. ཨེཝཾ སེསེསུ. ‘‘ཨཱདིཨནྟ དསྶནཝསེནཱ’’ཏི ཙཱཏུམཧཱརཱཛིཀེ མནུསྶཝསྶགཎནཱ དསྶནཾ ཨཱདིདསྶནཾ ནཱམ. ཨིདཱནི ཝསཝཏྟིཡཾ མནུསྶཝསྶགཎནཱ དསྶནཾ ཨནྟ དསྶནཾ ནཱམ.

ན ཨཏིདུབྦལཾཏི ནཱཏིདུབྦལཾ. ‘‘ཏཾ’’ཏི ཏཾ ཨཝིཏཀྐ ཨཝིཙཱརམཏྟཛྷཱནཾ. ‘‘བྷཱུམནྟརེ’’ཏི པཐམཛ྄ཛྷཱནབྷཱུམིཏོ ཨཉྙིསྶཾ དུཏཱིཡཛ྄ཛྷཱནབྷཱུམིཡཾ. ཀཔྤཝཙནེ. ཀཔྤཱིཡཏི ཝསྶ, ཨུཏུ, མཱས, པཀྑ, རཏྟི, དིཝཱ, དིཝསེན པརིཙྪིཛྫཱིཡཏཱིཏི ཀཔྤོ. ཀཔྤཱིཡནྟི ཝཱ ནཱནཱདྷམྨཔྤཝཏྟིཡོ ཨཏཱིཏཱ དིཝསེན པརིཙྪིཛྫཱིཡནྟི ཨེཏེནཱཏི ཀཔྤོ. ཀཱལོ. མཧནྟོ ཀཔྤོཏི མཧཱཀཔྤོ. ཝསྶཱནཾ སཏབྷཱགེཧིཔི སཧསྶབྷཱགེཧིཔི སཏསཧསྶབྷཱགེཧིཔི སངྑཱཏུཾ ཨསཀྐུཎེཡྻོཏི ཨསངྑྱེཡྻོ. ཨེཀསྶ ཨསངྑྱེཡྻསྶ ཨནྟརེ དིསྶམཱནོ ཀཔྤོ ཨནྟརཀཔྤོ. སཏྟཱནཾ ནཱནཱཨཱཡུཔརིཙྪེདོ ཨཱཡུཀཔྤོ. སོ པན མནུསྶཱནཾ དསཝསྶཱཡུཀཀཱལེ དསཝསྶེན པརིཙྪིནྣོ. ནེཝསཉྙཱ དེཝཱནཾ ནིཙྩཀཱལཾ ཙཏུརཱསཱིཏི ཀཔྤསཧསྶེཧི པརིཙྪིནྣོ. ཨནྟརཀཔྤོ ནཱམ ཙཱུལ༹ཀཔྤཱ ཝུཙྩནྟཱིཏི སམྦནྡྷོ. ཝཱིསཏིཔྤབྷེདཱ ཙཱུལ༹ཀཔྤཱ ཝུཙྩནྟཱིཏི ཀེཙི ཝདནྟཱིཏིཨཱདིནཱ ཡོཛནཱ. ‘‘ཡེ’’ཏི ཡེ ཙཏུསཊྛིཡཱདིབྷེདཱ ཨནྟརཀཔྤཱ. ‘‘ཡཐཱཝིནཊྛཾ’’ཏི ཝིནཊྛཔྤཀཱརེན ཝིནཊྛཔྤཀཏིཡཱ. ཝཌྜྷམཱནོ ཀཔྤོ ཝིཝཊྚོ. ‘‘ཡཐཱཝིཝཊྚཾ’’ཏི ཝིཝཊྚཔྤཀཱརེན ཝིཝཊྚཔྤཀཏིཡཱ. ཨཙྩཡེན ཨཏིཀྐམནེན. ཧརཎེན ཨཔནཡནེན. ‘‘ཏཏྠཱ’’ཏི ཏསྨིཾ ཀཔྤཝཙནེ. ཨཊྛཀཐཱཡཾ ཝུཏྟཏྟཱཏི སམྦནྡྷོ. ‘‘ཏེཛེནཱ’’ཏི ཨགྒིནཱ. ‘‘སཾཝཊྚཏཱི’’ཏི ཝིནསྶཏི ཏདཱ. ‘‘ཧེཊྛཱ’’ཏི ཧེཊྛཱལོཀོ. ‘‘ཙཏུསཊྛིཝཱརེསཱུ’’ཏི ནིདྡྷཱརཎེ བྷུམྨཝཙནཾ.

གཱཐཱསུ. ‘‘སཏྟསཏྟགྒིནཱཝཱརཱ’’ཏི སཏྟསཏྟཝཱརཱ ཨགྒིནཱ ཝིནསྶནྟི. ཨཐཝཱ, བྷུམྨཏྠེ པཙྩཏྟཝཙནཾ. སཏྟསུསཏྟསུཝཱརེསུ ལོཀོ ¶ ཨགྒིནཱ ཝིནསྶཏཱིཏི ཡོཛནཱ. ཏེནཱཧ ‘‘ཨཊྛམེ ཨཊྛམེ’’ཏི. ‘‘དཀཱ’’ཏི ཨུདཀེན. ཨཊྛམེ ཨཊྛམེཝཱརེ ལོཀོ དཀེན ཝིནསྶཏཱིཏི ཡོཛནཱ. ཡདཱ ཙཏུསཊྛིཝཱརཱ པུཎྞཱ, ཏདཱ ཨེཀོ ཝཱཡུཝཱརོ སིཡཱ. ཏཏྠ ‘‘ཏདཱ’’ཏི ཏསྨིཾ ཙཏུསཊྛིཝཱརེ. ‘‘ཝིཝཊྚམཱནཾ’’ཏི སཎྛཧམཱནཾ. ‘‘ཝིཝཊྚཏཱི’’ཏི སཎྛཧཏི. ‘‘སཾཝཊྚམཱནཾ’’ཏི ཝིནསྶམཱནཾ. ‘‘སཾཝཊྚཏཱི’’ཏི ཝིནསྶཏི. ‘‘དྭེ ཨསངྑྱེཡྻཱནཱི’’ཏི ཨཌྜྷདྭཡཾ ཨེཀཾ ཨསངྑྱེཡྻནྟི ཀཏྭཱ ཨུཔཙཱརེན ཝུཏྟཾ. ཡཐཱཏཾ-ཨཱབྷསྶརཱནཾ ཨཊྛཀཔྤཱནཱིཏི. ‘‘ཨུཔཌྜྷེནཱ’’ཏི ཨུདཀཝཱརེ ཧེཊྛིམབྷཱུམཱིསུ ཨུདཀེན ཝིནསྶམཱནཱསུ དུཏཱིཡཛ྄ཛྷཱནབྷཱུམི ན ཏཱཝ ཝིནསྶཏི. སཾཝཊྚཀཔྤེཔི ཙིརཀཱལཾ ཏིཊྛཏེཡེཝ. ཨིདཾ སནྡྷཱཡ ཝུཏྟཾ. སབྦཉྩེཏཾ ལབྦྷམཱནཏྟཱ ཝུཏྟཾ. ཨསངྑྱེཡྻཀཔྤཾ སནྡྷཱཡ ཝུཏྟནྟི. ཨིདམེཝ པམཱཎནྟི.

པཊིསནྡྷིཙཏུཀྐཾ ནིཊྛིཏཾ.

༡༤༥. ཀམྨཙཏུཀྐེ. ‘‘ཛནེཏཱི’’ཏི ཨཛནིཏཾ ཛནེཏི. པཱཏུབྷཱཝེཏི. ‘‘ཨུཔཏྠམྦྷཏཱི’’ཏི ཛནིཏཾ ཨུཔཏྠམྦྷཏི. ཙིརཊྛིཏིཀཾ ཀརོཏི. ‘‘ཨུཔཔཱིལེ༹ཏཱི’’ཏི ཛནིཏཾ ཨུཔཔཱིལེ༹ཏི, པརིཧཱཔེཏི. ‘‘ཨུཔགྷཱཏེཏཱི’’ཏི ཨུཔཙྪིནྡཏི. ‘‘ཀཊཏྟཱ རཱུཔཱནཾ’’ཏི ཀཊཏྟཱནཱམཀཱནཾ ཀམྨཛརཱུཔཱནཾ. ‘‘ཀམྨཔཐཔཏྟཱཝཱ’’ཏི ཨེཏྠ པཊིསནྡྷིཛནེན སཏི, སབྦམྤི ཀམྨཾ ཀམྨཔཐཔཏྟཾ ནཱམ ཧོཏཱིཏི དཊྛབྦཾ. ཝིཔཙྩིཏྠཱཏི ཝིཔཀྐཾ. ཝིཔཀྐཾ ཝིཔཱཀཾ ཡེསནྟི ཝིཔཀྐ ཝིཔཱཀཱ. ཨུཔཏྠམྦྷམཱནཱ པཝཏྟཏི. སཡཾཔི པཙྩཡལཱབྷེ སཏཱིཏི ཨདྷིཔྤཱཡོ. ‘‘ཨལདྡྷོཀཱསསྶཱ’’ཏི ཨིདཾ ནིདསྶན མཏྟཾ. ལདྡྷོཀཱསསྶཔི ཨུཔཏྠམྦྷནཾ ནཱམ ཨིཙྪིཏབྦམེཝ. ཨཉྙཾ ཨཀུསལཀམྨཾ ཨོཀཱསཾ ལབྷཏཱིཏི ཡོཛནཱ. ‘‘ཙཱཡཾ’’ཏི ཙེ ཨཡཾ. ‘‘ཀཱལངྐརིཡཱ’’ཏི ཀཱལཾཀརེཡྻ. ‘‘ཨསྶཱ’’ཏི ཨིམསྶ པུགྒལསྶ. ‘‘པསཱདིཏཾ’’ཏི པསནྣཾ. ‘‘པདཱུསིཏཾ’’ཏི པདུཊྛཾ. པུབྦེ ‘མརཎཱསནྣ ཀཱལེ’ཏི ཝུཏྟཏྟཱ ཨིདྷ ‘པཝཏྟིཀཱལེཔཱི’ཏི ཝུཏྟཾ. ‘‘ཨེཏཾ’’ཏི ཀམྨནྟརསྶ ཨུཔཏྠམྦྷནཾ. ‘‘ཛཱིཝིཏཔརིཀྑཱརེ’’ཏི ཛཱིཝིཏཔརིཝཱརེ པཙྩཡེ. ‘‘སམུདཱནེཏྭཱ’’ཏི སམཱཧ རིཏྭཱ ¶ .‘‘ཨེཏྠཱ’’ཏི ཨུཔཏྠམྦྷཀ ཀམྨཊྛཱནེ. ཁནྡྷསནྟཱནསྶ ཨུཔབྲཱུཧནནྟི སམྦནྡྷོ. ‘‘ཝུཏྟནཡེནཱ’’ཏི ‘ཛཱིཝིཏནྟརཱཡེ ཨཔནེཏྭཱ’ཏིཨཱདིནཱ ཝུཏྟནཡེན. ཁནྡྷསནྟཱནསྶ ཙིརཏརཔྤཝཏྟིནྟི སམྦནྡྷོ. ‘‘ཝུཏྟཔྤཀཱརཱ’’ཏི ‘ཝིཔཙྩིཏུཾ ཨལདྡྷོཀཱསཱཝཱ ཝིཔཀྐ ཝིཔཱཀཱ ཝཱ སབྦཱཔི ཀུསལཱ ཀུསལ ཙེཏནཱ’ཏི ཨེཝཾ ཝུཏྟཔྤཀཱརཱ. ‘‘དུབྦལཏརཾ ཀཏྭཱ ཝཱ ཝིབཱདྷམཱནཱ’’ཏི ཨུཔཔཱིལ༹ཀ ཀམྨཀིཙྩཾ ཝུཏྟཾ. ‘‘ཛནཀ ཀམྨསྶ དུབྦལ ཨཱཡཱུཧནཀཱལེ’’ཏི སམུཙྩཡནཀཱལེ. ‘‘ཝིཧཏ སཱམཏྠིཡཾ’’ཏི ཝིནཱསིཏསཏྟིཀཾ. ‘‘མཧེསཀྑེསཱུ’’ཏི མཧཱནུབྷཱཝེསུ. ‘‘ཨུཔཏྠམྦྷཀམྤི ཏབྦིཔརིཡཱཡེན ཝེདིཏབྦཾ’’ཏི ཨུཔཔཱིལ༹ཀ ཀམྨཏོ ཝིཔརིཡཱཡེན ཝེདིཏབྦཾ. ‘ཨུཔརིབྷཱུམི ནིབྦཏྟཀམྤི སམཱནཾ ཧེཊྛཱབྷཱུམིཡཾ ནིབྦཏྟེཏཱི’ཏིཨཱདཱིསུ ‘ཧེཊྛཱབྷཱུམི ནིབྦཏྟཀམྤི སམཱནཾ ཨུཔརིབྷཱུམིཡཾ ནིབྦཏྟེཏཱི’ཏིཨཱདིནཱ ཝཏྟབྦནྟི ཨདྷིཔྤཱཡོ. ཨཛཱཏསཏྟུརཱཛཝཏྠུམྷི ཏསྶ རཉྙོ པིཏུགྷཱཏཀམྨཾ མཧཱཨཝཱིཙིནིརཡེ ནིབྦཏྟནཀམྤི སམཱནཾ པཙྪཱ བུདྡྷུ པཊྛཱན ཀམྨེན བཱདྷཱིཡམཱནཾ ཝིཧཏསཱམཏྠིཡཾ ཧུཏྭཱ ཏཾ ཨུསྶདནིརཡེ ནིབྦཏྟེཏི. ཁནྡྷསནྟཱནསྶ ཝིབཱདྷནཾ ནཱམ སཏྟསྶ དུཀྑུཔྤཏྟི ཀརཎནྟི སམྦནྡྷོ. ཀཐཾ གོམཧིཾསཱདཱིནཾ པུཏྟདཱརཉཱཏིམིཏྟཱནཉྩ ཝིཔཏྟིཀརཎཾ ཏསྶ སཏྟསྶ ཨུཔཔཱིལ༹ཀ ཀམྨཀིཙྩཾ བྷཝེཡྻ. ཨཉྙོཧི སོ པུགྒལོ, ཨཉྙེ གོམཧིཾསཱདཡོ. ན ཙ ཨཉྙེན ཀཏཾ ཀམྨཾ ཨཉྙེསཾ སཏྟཱནཾ དུཀྑུཔྤཏྟིཾ ཝཱ སུཁུཔྤཏྟིཾ ཝཱ ཀརེཡྻཱཏི ཙོདནཱ. དུཝིདྷནྟིཨཱདིནཱ ཏཾ ཝིསྶཛྫེཏི. ཨཱནནྡ སེཊྛིཝཏྠུམྷི. སོསེཊྛི མཧཱམཙྪརིཡོ ཨཧོསི. ཨཉྙེཔི དཱནཾ དེནྟེ ནཱིཝཱརེསི. སོ ཏཏོ ཙཝིཏྭཱ ཨེཀསྨིཾ གཱམཀེ ཨེཀིསྶཱ ཨིཏྠིཡཱཀུཙྪིམྷི ཛཱཏོ. ཏསྶ ཛཱཏཀཱལཏོ པཊྛཱཡ ཏསྶ པཱཔཀམྨེན མཱཏརཾ ཨཱདིཾ ཀཏྭཱ སཀལགཱམིཀཱནཾ ཛནཱནཾ དུཀྑུཔྤཏྟི ཧོཏཱིཏི དྷམྨཔད ཨཊྛཀཐཱཡཾ ཝུཏྟཾ. ཏསྨཱ ནིསྶནྡཕལཝསེན ཨཉྙེན ཀཏཾ ཀམྨཾ ཨཉྙེསཾ སཏྟཱནཾ དུཀྑུཔྤཏྟིཾ ཝཱ སུཁུཔྤཏྟིཾ ཝཱ ཀརོཏི ཡེཝཱཏི དཊྛབྦཾ. [‘‘ཀམྨཛསནྟཏི སཱིསེསཱུ’’ཏི པཊིསནྡྷིཀཱལཏོ པཊྛཱཡ ཨུཔྤནྣཱ ཨེཀེཀཱ ཀམྨཛརཱུཔསནྟཏི ནཱམ ཨཏྠི. སཱ པཙྪཱ ཨཔརཱཔརཾ ཏཱདིསཱཡ ཀམྨཛརཱུཔསནྟཏིཡཱ པཝཏྟཏྠཱཡ སཱིསབྷཱུཏཏྟཱ ¶ སནྟཏི སཱིསནྟི ཝུཙྩཏི. ཡཾ ཀིཉྩི ཨེཀཾ ཝཱཀམྨཛསནྟཏི སཱིསཾ. དྭེ ཝཱཀམྨཛསནྟཏི སཱིསཱནི ]. ཝིསུདྡྷིམགྒཔཱཋེ. ‘‘ཏདེཝཱ’’ཏི ཏཾ ཨུཔགྷཱཏཀ ཀམྨམེཝ. ‘‘ཨིདྷ ཙཱ’’ཏི ཨིམསྨིཾ ཨབྷིདྷམྨཏྠསངྒཧེ. ‘‘ཨིམསྶ པཱི’’ཏི ཨིམསྶ ཨུཔགྷཱཏཀ ཀམྨསྶཔི. དུཊྛགཱམཎི རཉྙོ ཝཏྠུམྷི ཙ སོཎཏྠེར པིཏུནོ ཝཏྠུམྷི ཙ ཏེསཾ མརཎཱསནྣཀཱལེ པཐམཾ དུགྒཏི ནིམིཏྟཱནི ཨུཔཊྛཧནྟི. པཙྪཱ རཉྙོ ཨེཀཾ པུབྦཀཏཾ ཀལྱཱཎ ཀམྨཾ ཨནུསྶརནྟསྶ ཐེརཔིཏུ ཙ ཏངྑཎེ ཨེཝ ཨེཀཾ ཀལྱཱཎ ཀམྨཾ ཀརོནྟསྶ ཏཱནི དུགྒཏི ནིམིཏྟཱནི ཨནྟརདྷཱཡནྟི. སགྒནིམིཏྟཱནི པཱཏུབྦྷཝནྟི. ཨུབྷོཔི ཙཝིཏྭཱ སགྒེ ནིབྦཏྟནྟཱིཏི. ཀུསལཱ ཀུསལ ཀམྨཱནཾ ཁཡཾ ཀརོཏཱིཏི ཀུསལཱ ཀུསལ ཀམྨཀྑཡཀརོ. ‘‘ཨཱཡུ ཀམྨེསུ ཝིཛྫམཱནེསཱུ’’ཏི ཏསྶ སཏྟསྶ ཨཱཡུ པརིཙྪེདོ ཙ པརིཡནྟ གཏོ ན ཧོཏི, ཀམྨཱནུབྷཱཝོ ཙ པརིཀྑཱིཎོ ན ཧོཏི. ཨེཝཾ ཨཱཡུ ཀམྨེསུ ཝིཛྫམཱནེསུ. ‘‘ཨཔརཱདྷ ཀམྨསྶཱ’’ཏི མཱཏཱཔིཏཱུསུཝཱ དྷམྨིཀསམཎ བྲཱཧྨཎེསུ ཝཱ ཨཔརཛ྄ཛྷནཝསེན ཀཏསྶ ཨཔརཱདྷཀམྨསྶ. ‘‘སོ པནཱ’’ཏི མཛ྄ཛྷིམཊྛཀཐཱཝཱདོ པན. ‘‘ཨརུཙྩམཱནོ ཝིཡཱ’’ཏི ཨནིཙྪིཡམཱནོཝིཡ. ‘‘སོ’’ཏི མཛ྄ཛྷིམཊྛཀཐཱ ཝཱདོ. ‘‘ཏཏྠ པནཱ’’ཏི མཛ྄ཛྷིམཊྛཀཐཱཡཾ པན. ‘‘སབྦཉྩེཏཾ’’ཏི སབྦཉྩ ཨེཏཾ སུཏྟཝཙནཾ, ཝསེན ཝུཏྟནྟི སམྦནྡྷོ. ཨནིཙྪནྟེཧི ཊཱིཀཱ ཙརིཡེཧི. ‘‘ཝིཔཱཀཾ པཊིཨིཙྪིཏབྦོ’’ཏི ཝིཔཱཀཾ པཊིཙྩ ཨིཙྪི ཏབྦོ. ཨེཏྠ ‘‘ཝིཔཱཀཾ’’ཏི ཀམྨནིབྦཏྟཀྑནྡྷ སནྟཱནཾ ཝུཙྩཏི. ཏསྶ ཛནཀཾ ཀམྨཾ ཛནཀ ཀམྨནྟི ཝུཙྩཏི. ཏསྶེཝ ཁནྡྷསནྟཱནསྶ ཨུཔཏྠམྦྷཀཾ ཏསྶེཝ ཨུཔཔཱིལ༹ཀཾ ཏསྶེཝ ཨུཔགྷཱཏཀཾ ཀམྨཾ ཨུཔགྷཱཏཀ ཀམྨནྟི ཝུཙྩཏཱིཏི ཨདྷིཔྤཱཡོ. ‘‘སཱཀེཏ པཉྷེ’’ཏི ཝིཔཱཀུདྡྷཱརེ ཨཱགཏེ སཱཀེཏ པཉྷེ. དྷམྨདིནྣཱཡ ནཱམ ཨུགྒསེན རཉྙོ དེཝིཡཱ ཝཏྠུམྷི སཱདེཝཱི པུབྦེ ཨེཀཾ ཨཛཾ གྷཱཏེསི, ཏེན ཀམྨེན ཨཔཱཡེསུ པཏིཏྭཱ པཙྪཱ པཝཏྟི ཝིཔཱཀཝསེན བཧཱུསུ བྷཝེསུ ཨཛསརཱིརེ ལོམགཎནཱམཏྟཾ ཨཏྟནོ སཱིསཙྪེདན དུཀྑཾ ཨནུབྷོསཱིཏི. ‘‘སཱ པནཱ’’ཏི སཱ ཨེཀཱ པཱཎཱཏིཔཱཏ ཙེཏནཱ པན. མཧཱམོགྒལཱན ཝཏྠུ ནཱམ པཉྩསཏ ཙོརཱནཾ ཐེརསྶ གྷཱཏ ན ཝཏྠུ ¶ . ཐེརོཧི ཨཏྟནཱ པུབྦཀཏེན ཨུཔཙྪེདཀ ཀམྨེན ཙོརགྷཱཏནཾ ལབྷིཏྭཱ པརིནིབྦུཏོ. སཱམཱཝཏིདེཝཱི ཙ ཝགྒུམུདཱནདིཏཱིརཝཱསིནོ པཉྩསཏ བྷིཀྑཱུ ཙ ཨཏྟནོ པུབྦཀཏེཧི ཨུཔཙྪེདཀ ཀམྨེཧི ཏཱདིསཾ པརཱུཔཀྐམཾ ལབྷིཏྭཱ སགྒེསུ ནིབྦཏྟཱ. དུསྶིམཱརོ ནཱམ ཀཀུསནྡྷ བུདྡྷཀཱལེ མཱརདེཝ པུཏྟོ ཝུཙྩཏི. ཀལཱབུརཱཛཱནཱམ ཁནྟི ཝཱདིཏཱ པསསྶ གྷཱཏཀོ ཝུཙྩཏི. ཏེ པན ཏངྑཎེ ཨཏྟནཱ ཀཏེན ཨུཔཙྪེདཀ ཀམྨེན ཏངྑཎེ ཨེཝ ཙཝིཏྭཱ ཨཝཱིཙིམྷི ནིབྦཏྟཱ. ཏཏྠ པུརིམ ཝཏྠཱུསུ ཨུཔཙྪེདཀ ཀམྨཾ ཨུཔཙྪིནྡན མཏྟཾ ཀརོཏི. ན ཨཏྟནོ ཝིཔཱཀཾ དེཏི. པཙྪིམཝཏྠཱུསུ པན ཨུཔཙྪིནྡནཉྩ ཀརོཏི, ཝིཔཱཀཉྩ དེཏཱིཏི. ཝིབྷཱཝནིཔཱཋེ. ‘‘ཨུཔཙྪེདན པུབྦཀཾ’’ཏི ཨུཔཙྪེདན པུབྦཀཾ ཝིཔཱཀཾ ཛནེཏཱིཏི ཡོཛནཱ. ཀམྨནྟརསྶ ཝིཔཱཀཾ ཨུཔཙྪིནྡིཏྭཱཝ ཨཏྟནོ ཝིཔཱཀཾ ཛནེཏཱིཏི ཨདྷིཔྤཱཡོ. ཏཏྠ ‘‘ཨཏྟནོ ཝིཔཱཀཾ ཛནེཏཱི’’ཏི ཨིདྷ ཀདཱཙི ཛནེཏི, ཀདཱཙི ན ཛནེཏཱིཏི ཨེཝཾ ཝིབྷཱགསྶ ཨཀཏཏྟཱ ‘‘ཏཾ ན སུནྡརཾ’’ཏི ཝུཏྟཾ. ཏེནཱཧ ‘‘ཨིདྷ པུབྦཀཏེནཱ’’ཏིཨཱདིཾ. ‘‘ཨཊྛཀཐཱསུཡེཝ ཨཱགཏཏྟཱ’’ཏི ཏེསུ ཝཏྠཱུསུ ཏེཛནཱ ཨུཔཙྪེདཀ ཀམྨེན མརནྟཱིཏི ཨེཝཾ ཝཏྭཱ ཨཱགཏཏྟཱ. ཝིཔཱཀཾ ནིབྦཏྟེཏཱིཏི ཝིཔཱཀ ནིབྦཏྟཀཾ. ཏསྶ བྷཱཝོ ཝིཔཱཀ ནིབྦཏྟཀཏྟཾ. ཝིཔཱཀ ནིབྦཏྟཀཏྟསྶ ཨབྷཱཝོཏི ཝིགྒཧོ.

ཛནཀཙཏུཀྐཾ ནིཊྛིཏཾ.

༡༣༦. ‘‘ནིཀནྟི བལེན ཝཱ པཊིབཱཧིཡམཱནཾ ཝིཔཱཀཾ ན དེཏཱི’’ཏི ཛྷཱནལཱབྷིནོ ཧུཏྭཱཔི མརཎཀཱལེ ཨུཔྤཛྫིཏུཾ ནིཀནྟིཡཱ སཏི, ཏཾ ཛྷཱནཾ ཝིཔཱཀཾ ན དེཏཱིཏི ཨདྷིཔྤཱཡོ. ‘‘ཨེཀསྶཱ’’ཏི ཨེཀསྶ པུགྒལསྶ. ‘‘ཏེསཾ’’ཏི མཧགྒཏཀམྨ ཨཱནནྟརིཡ ཀམྨཱནཾ. ཨནྟིམ ཛཝནཝཱིཐིཡཾ ཀཏཾ ནཱམ ཝཏྠུ དུབྦལཏྟཱ སཡམྤི དུབྦལཾ ཧོཏི. པཊིསནྡྷིཾ ན ཛནེཏི. ཏེནཱཧ ‘‘ཨནྟིམ ཛཝནཝཱིཐིཏོ པུབྦབྷཱགེ ཨཱསནྣེ ཀཏཾ’’ཏི. ཨིདཉྩ ཀམྨསཱམཉྙ ཝསེན ཝུཏྟཾ. ཀམྨཝིསེསེ པན སཏི, ན དེཏཱིཏི ན ཝཏྟབྦནྟི དསྶེཏུཾ ‘‘མིཙྪཱདིཊྛིཀམྨཾ པནཱ’’ཏིཨཱདི ¶ ཝུཏྟཾ. ཀཏཾ ཨཱསནྣ ཀམྨཾ ནཱམཱཏི གཧེཏབྦནྟི ཡོཛནཱ. པཱལི༹པཱཋེ. ཨསྶཔུགྒལསྶ མརཎཀཱལེཝཱ སམྨཱདིཊྛི སམཏྟཱ སམཱདིནྣཱ, མིཙྪཱདིཊྛི སམཏྟཱ སམཱདིནྣཱཏི ཡོཛནཱ. པརཏོ པརིཔུཎྞཾ ཨཱགམིསྶཏི. སོམནསྶ ཛནཀཾ པརཙེཏནཱ པཝཏྟིཝསེན. སནྟཱཔ ཛནཀཾ ཀུཀྐུཙྩཝིཔྤཊིསཱརཔྤཝཏྟིཝསེན. ཨིདཾ གརུཀ ཙཏུཀྐཾ ནཱམ ཨནནྟརེ བྷཝེ ཝིཔཙྩནཀཱནཾ ཀམྨཱནཾ ཝསེན ཝུཏྟནྟི ཨཱཧ ‘‘ཨུཔཔཛྫཝེདནཱིཡ ཀམྨཱནི ཨེཝཱ’’ཏི. ཀམྨཾ ནཱམ ཀུསལཾ ཝཱ ཧོཏུ, ཨཀུསལཾ ཝཱ. པུནཔྤུནཾ ལདྡྷཱ སེཝནེ སཏི, ཝིཔཱཀཾ དེཏི. ཨསཏི ན དེཏི. ཀཱམཱཝཙརསྶ ཀུསལསྶ ཀམྨསྶ ཀཏཏྟཱ ཨུཔཙིཏཏྟཱ ཝིཔཱཀཾ ཨུཔྤནྣཾ ཧོཏི ཙཀྑུ ཝིཉྙཱཎནྟི ཙ, ཨཀུསལསྶ ཀམྨསྶ ཀཏཏྟཱ ཨུཔཙིཏཏྟཱ ཝིཔཱཀཾ ཨུཔྤནྣཾ ཧོཏི ཙཀྑུ ཝིཉྙཱཎནྟི ཙ, པཱལི༹ཡཾ ཝུཏྟཾ. ཨེཏྠཧི ཀཏཏྟཱཏི ཝཏྭཱ པུན ཨུཔཙིཏཏྟཱཏི ཝཙནཾ པུནཔྤུནཾ ཝཌྜྷནསངྑཱཏེ ཨཱསེཝནེ སཏི ཨེཝ ཝིཔཱཀཾ དེཏཱིཏི ཉཱཔེཏི. ཏསྨཱ ཀཏམཏྟ ཀམྨཏྟཱ ཀཊཏྟཱ ཀམྨཾ ནཱམཱཏི ཝུཏྟེཔི ཨནནྟརབྷཝེ ཝིཔཙྩནཀ ཀམྨསྶེཝ ཨིདྷ ཨདྷིཔྤེཏཏྟཱ པུནཔྤུནཾ ལདྡྷཱ སེཝནམེཝ ཨིདྷ གཧེཏབྦནྟི དསྶེཏུཾ ཨཊྛཀཐཱཡཾ ‘‘པུནཔྤུནཾ ལདྡྷཱསེཝནཾ’’ཏི ཝུཏྟཾ.

‘‘ཨེཝཉྩ ཀཏྭཱ’’ཏིཨཱདཱིསུ. ‘‘ཡཏྠ ཏཾ པུབྦཀཏཾ ཀམྨནྟི ཨཱགཏཾ’’ཏི ཡསྨིཾ ཨཊྛཀཐཱ པདེསེ ཏཾ ཀཊཏྟཱ ཀམྨཾ པུབྦཀཏཾ ཀམྨཾཏི ཨཱགཏཾ. ‘‘ཀསྨཱ ཨིདྷཱ’’ཏིཨཱདཱིསུ. ‘‘ཨིདྷཱ’’ཏི ཨིམསྨིཾ ཨབྷིདྷམྨཏྠ སངྒཧེ. པཱལི༹ཡཾ. ཡཾ གརུཀཾ, ཏཾ ཝིཔཱཀཾ དེཏི. ཏསྨིཾ ཨསཏི, ཡཾ བཧུལཾ. ཏསྨིཾ ཨསཏི, ཡཾ ཨཱསནྣཾ. ཏསྨིཾ ཨསཏི, ཡཾ ཀཊཏྟཱ ཝཱ པན ཀམྨཾ, ཏཾ ཝིཔཱཀཾ དེཏཱིཏི ཨཏྠོ. སེསམེཏྠ སུཝིཉྙེཡྻཾ.

སུཏྟནྟཔཱཋེ. སུཁཝེདནཾ ཛནེཏཱིཏི སུཁཝེདནཱིཡཾ. ‘‘སམཏྟཱ’’ཏི སུཊྛུགཧིཏཱ. ‘‘སམཱདིནྣཱ’’ཏི ཏདཏྠཝིཝརཎཾ. ‘‘པརིཡཏྟཾ’’ཏི སམཏྠཾ. ཏམྦདཱདྷིཀསྶ ཡཱཝཛཱིཝཾ བཧཱུནི པཱཔཀམྨཱནི ཨཱཙིཎྞཱནི. མརཎ དིཝསེ པན སཱརིཔུཏྟཏྠེརསྶ དྷམྨདེསནཾ སུཏྭཱ ཙཝིཏྭཱ ཏེན ཨཱསནྣ ཀམྨེན སགྒེ ནིབྦཏྟི. ཝཱཏཀཱལསྶ ཡཱཝཛཱིཝཾ བཧཱུནི ཀལྱཱཎ ཀམྨཱནི ཨཱཙིཎྞཱནི. མརཎ དིཝསེཔན བུདྡྷསཱསནེ ¶ ཝིཔརཱིཏ སཉྙཾ ཀཏྭཱ ཏེན ཨཱསནྣ ཀམྨེན ཨཔཱཡེ ནིབྦཏྟི.

གརུཀཙཏུཀྐཾ ནིཊྛིཏཾ.

༡༤༧. དིཊྛདྷམྨཙཏུཀྐེ. པསྶིཏབྦོཏི དིཊྛོ. ‘‘དྷམྨོ’’ཏི ཁནྡྷཱཡཏན དྷམྨ སམཱུཧོ. དིཊྛོ དྷམྨོཏི དིཊྛ དྷམྨོ. ཝཏྟམཱནོ དྷམྨསམཱུཧོ. ཡོ ཨཏྟབྷཱཝོཏི ཝུཙྩཏི. ཨཏྟསངྑཱཏསྶ དིཊྛིཡཱ པརིཀཔྤིཏསཱརསྶ བྷཱཝོ པཝཏྟི ཀཱརཎནྟི ཀཏྭཱཏི ཨིམམཏྠཾ དསྶེནྟོ ‘‘དིཊྛ དྷམྨོ ཝུཙྩཏཱི’’ཏིཨཱདིམཱཧ. ‘‘ཝིཔཱཀཾ པཊིསཾཝེདེཏཱི’’ཏི ཨེཏེན ཀཐཾ ཀམྨསཱདྷནཾ དསྶེཏི. པཊིསཾཝེདན ཀྲིཡཱཔདེ ཝིཔཱཀནྟི ཀམྨཔདཾ དིསྭཱ ཝིཔཱཀཾ ནཱམ ཝེདིཏབྦཾ ཝེདནཱིཡཾ. པཊིསཾཝེདིཏབྦཾ པཊིསཾཝེདནཱིཡནྟི ཝིཉྙཱཏཏྟཱ. ‘‘ཨུཔེཙྩཱ’’ཏི ཨུཔགནྟྭཱ. ‘‘ཨུཔཔཛྫིཏྭཱ’’ཏི ཨུཔེཙྩ པཛྫིཏྭཱ. པཱཔུཎིཏྭཱཏི ཨཏྠོ. ཝིབྷཱཝནིཔཱཋེ. ‘‘དིཊྛ དྷམྨཏོ’’ཏི དིཊྛ དྷམྨསྶ. སཱམིཨཏྠེ པཉྩམཱི. པཱལི༹ཡཾ ཝུཏྟཾ. ‘‘ཨེཏྠཧཱི’’ཏིཨཱདི པུབྦཝཱཀྱེ ཝུཏྟ ནཡམེཝ. ཨཔརསདྡོ ནིཙྩཾ ཨཔཱདཱནཱ པེཀྑོ. ཏཉྩ ཨཔཱདཱནཾ ནཱམ ཨནནྟརེ ཝུཏྟཔདེཧི. ‘‘དིཊྛདྷམྨཱ ནཱགཏཱནནྟར བྷཝེཧཱི’’ཏི དིཊྛདྷམྨཏོ ཙ ཨནཱགཏཱནནྟར བྷཝཏོ ཙཱཏི ཨཏྠོ. ‘‘པརིཝཏྟོ’’ཏི པབནྡྷོ. ཨཔརཱཔརིཡོཏི ཝཱ, ཨཔརོ ཙ ཨཔརོ ཙ ཨཔརཱཔརོ. ཨཔརཱཔརེ པཝཏྟོ ཨཔརཱཔརིཡོཏི ཨཏྠོ. ‘‘ཨུཔཔཛྫབྷཝཾ’’ཏི ཨནཱགཏཱནནྟརབྷཝཾ. ཨཧོསི ཀམྨེ ‘‘ཨཧོསཱི’’ཏི པདཾ ཨཉྙཱསི ཀོཎྜཉྙོཏི པདེཝིཡ རུལ༹ྷཱིནཱམཔདནྟི ཨཱཧ ‘‘ཨཧོསི ནཱམཀཾ’’ཏི. ཏཾ པན རུལ༹ྷིཔདཾ ཀུཏོཔཝཏྟཾཏི ཨཱཧ ‘‘ཨཧོསི ཀམྨཾ’’ཏིཨཱདིཾ. ‘‘ཨེཝཾ ཝུཏྟ པཱཋཝསེནཱ’’ཏི ཨེཏྠ ཨིདྷ ཝུཏྟོ པཱཋོ སཱ ཝསེསོ. པརིཔུཎྞཔཱཋོ པན ཨཧོསི ཀམྨཾ ཨཧོསི ཀམྨ ཝིཔཱཀོ, ཨཧོསི ཀམྨཾ ནཱཧོསི ཀམྨ ཝིཔཱཀོ, ཨཧོསི ཀམྨཾ ཨཏྠིཀམྨ ཝིཔཱཀོ, ཨཧོསི ཀམྨཾ ནཏྠི ཀམྨཝིཔཱཀོ, ཨཧོསིཀམྨཾ བྷཝིསྶཏི ཀམྨ ཝིཔཱཀོ, ཨཧོསི ཀམྨཾ ན བྷཝིསྶཏི ཀམྨ ཝིཔཱཀོཏིཨཱདིནཱ པཊིསམྦྷིདཱ མགྒེ ཨཱགཏོ. ‘‘སཱ’’ཏི པཐམ ཛཝན ཙེཏནཱ. ‘‘ཨཔྤཏར ཝིཔཱཀཱ ཙཱཏཱི’’ཏི ཨེཏྠ ‘‘ཨིཏཱི’’ཏི ཧེཏུ ¶ ཨཏྠེ ནིཔཱཏོ, ཏསྨཱ ཨཙིརཊྛིཏི ཀཏྟཱ དིཊྛ དྷམྨེ ཨེཝ ཕལཾ དཏྭཱ ཝིགཙྪཏི, ཏསྨཱ ཨཔྤཏར ཝིཔཱཀཏྟཱ ཨཧེཏུཀམཏྟཾ ཕལཾ དཏྭཱ ཝིགཙྪཏཱིཏི ཡོཛནཱ. ‘‘པཙྩཡོཏི ཙཱ’’ཏི པཙྩཡཾ ལདྡྷཱཏི ཝུཏྟོ པཙྩཡོཏི ཙ. ‘‘སོ’’ཏི མཧནྟཾ ཝུཏྟོ པཙྩཡོ. ‘‘ཀཱཀཝལིཡཱདཱིནཾ ཝིཡཱ’’ཏི ཀཱཀཝལིཡཱདཱིནཾ པུགྒལཱནཾ དིཊྛཝེདནཱིཡ ཀམྨཾ ཝིཡ. ‘‘པཱཀཊཏརཔྥལདཱནཾ’’ཏི སཏྟཱཧབྦྷནྟརེ ཨེཝ སེཊྛིཊྛཱནཔྤཊི ལཱབྷཱདིཝསེན པཱཀཊཏརཔྥལདཱནཀཾ ཀམྨཝིསེསཾ. ཀམྨ པཐཛཝནསནྟཱནེ པཝཏྟཱ པཐམཛཝན ཙེཏནཱ ཝཱ ཨིཏརཱཔི པཐམ ཛཝན ཙེཏནཱ ཝཱཏི ཡོཛནཱ. ‘‘ཀཱཙཱི’’ཏི ཨེཀཙྩཱ པཐམཛཝན ཙེཏནཱ. སེསཱནི དིཊྛདྷམྨ ཝེདནཱིཡ ཀམྨཱནི.

ཨུཔཔཛྫཀམྨེ. ‘‘ཨཏྠ སཱདྷིཀཱ’’ཏི སནྣིཊྛཱནཏྠསཱདྷིཀཱ. པཱཎགྷཱཏཱདི ཀིཙྩསཱདྷིཀཱཏི ཝུཏྟཾ ཧོཏི. སུཊྛུ ནིཊྛཱཔེཏཱིཏི སནྣིཊྛཱཔིཀཱ. ‘‘སེསཱནི པཱི’’ཏི སེསཱནི ཨུཔཔཛྫ ཝེདནཱིཡ ཀམྨཱནིཔི. ‘‘ཨིདྷཱ’’ཏི ཨིམསྨིཾ མནུསྶ ལོཀེ. ‘‘མིསྶཀཀམྨཱནཱི’’ཏི ཀུསལཱ ཀུསལམིསྶཀཱནི ཀམྨཱནི. ཝེམཱནིཀཔེཏཝཏྠཱུནི ཝིམཱནཝཏྠུ པཱལི༹ཡཾ ཨཱགཏཱནི. ‘‘སུགཏིཡཾ ཝིཔཏྟིཾ ཨནུབྷཝནྟཱནི ཝཏྠཱུནཱི’’ཏི ཨེཏྠ ‘‘ཝིཔཏྟིཾ’’ཏི ཙཀྑུ སོཏཱདཱིནཾ ཨངྒ པཙྩངྒཱནཾ ཝཱ ཝིཔཏྟིཾ. ནཱནཱ དུཀྑུཔྤཏྟིབྷཱུཏཾ ཝཱ ཝིཔཏྟིཾ. ‘‘དུགྒཏིཡཾ སམྤཏྟིཾ’’ཏི མཧིདྡྷཱིནཾ ནཱགསུཔཎྞཱདཱིནཾ སམྤཏྟིཾ. ‘‘ཡཐཱ ཝུཏྟ ཝཏྠཱུཧཱི’’ཏི ཝེམཱནིཀ པེཏཝཏྠཱདཱིཧི. ཨཊྛཀཐཱཔཱཋེ. ‘‘ཏེསཾ སངྐམནཾ ནཏྠཱི’’ཏི ཏེསཾ ཀམྨཱནཾ ཝིཔཙྩནཀཱལ སངྐནྟི ནཱམ ནཏྠི. ‘‘ཡཐཱཋཱནེཡེཝ པཏིཊྛནྟཱི’’ཏི ཏཱནི དིཊྛ དྷམྨཊྛཱནཱདིཝསེན བྷགཝཏཱ ཡཐཱ ཝུཏྟཊྛཱནེ ཨེཝ ཏིཊྛནྟི. ‘‘ཨེཝཾ ཝུཏྟཾ’’ཏི ཏེསཾ སངྐམནཾ ནཏྠཱིཏིཨཱདིནཡེན ཝུཏྟཾ. ‘‘ཡུཏྟིཡཱ ཝཱ ཨབྷཱཝཏོ’’ཏི ཨེཏྠ དིཊྛ དྷམྨ ཝེདནཱིཡསྶ པཊིསནྡྷི ཝིཔཱཀཱདི ཡུཏྟིཡཱ ཨབྷཱཝཏོ.

དིཊྛདྷམྨཙཏུཀྐཾ.

༡༤༨. པཱཀཊྛཱནཙཏུཀྐེ. ‘‘ཀཱཡཱདཱིནཾ’’ཏི ཙོཔནཀཱཡཱདཱིནཾ. ཀཱཡ ཝིཉྙཏྟཱདཱིནནྟི ཝུཏྟཾ ཧོཏི. ‘‘ཨཏིཔཱཏེནྟཱི’’ཏི ཨཏིཀྐམྨ ¶ པཡོགེན ཨབྷིབྷཝིཏྭཱ པཱཏེནྟི. ཏེནཱཧ ‘‘ཨཏིཔཱཏནཉྩེཏྠཱ’’ཏིཨཱདིཾ. ‘‘ཨདིནྣཾ’’ཏི སཱམིཀེནཨདིནྣཾ པརསནྟཀཾ. ཨགམནཱིཡཝཏྠཱུནི ནཱམ ཨཝཱིཏིཀྐམནཏྠཱཡ ཨནུཔགནྟབྦཱནི མཱཏུརཀྑིཏཱདཱིནི ཨིཏྠི པུརིསསརཱིརཱནི. ‘‘ཏསྶཱ’’ཏི པརཔཱཎསྶ. ‘‘ཏཏོ’’ཏི པརཔརིགྒཧིཏ བྷཱཝཏོ. ‘‘ཨཙྪིནྡཀ ཙེཏནཱ’’ཏི པརསནྟཀསྶ ཨཏྟནོ སནྟཀཀརཎཝསེན བྷུསཾ པརསནྟཀཱ བྷཱཝཙྪིནྡཀ ཙེཏནཱ. ཝིལུཔྤན ཙེཏནཱཏི ཝུཏྟཾ ཧོཏི. ‘‘མགྒེན མགྒཔྤཊིཔཱདཀསྶཱ’’ཏི ཨཏྟནོ མགྒེན པརམགྒ སམྤཡོཛཀསྶ. ‘‘ཨེཏྠཔཱི’’ཏི ཡཐཱ ཨདིནྣཱདཱནེ པརཔརིགྒཧིཏ སཉྙིནོཏི དུཏཱིཡཾ ཨངྒཔདཾ ཝུཏྟཾ. ཨེཝཾ ཨེཏྠཔི. ཨེཏྠ ཝདནྟི ཨགམནཱིཡ ཝཏྠུ ཝསེན ཙིཏྟནྟི ཨཝཏྭཱ ཏསྨིཾ སེཝན ཙིཏྟནྟི ཝུཏྟཾ. ཏསྨཱ ཨགམནཱིཡ ཝཏྠུ སཉྙིཏཱཏི ཨཝུཏྟམྤི ཝུཏྟསདིསཾ ཧོཏཱིཏི. ན ཧོཏི. ན ཧི ཏསྨིནྟི ཝཙནཾ སཉྙཱཝིསེས སཧིཏཾ ཨཏྠཾ ཝདཏི. ཨཱིདིསེསུ ཙ ཋཱནེསུ སཙེ སཉྙཱཔདྷཱནཾ ཧོཏི. པཱཎསཉྙིཏཱ, པརཔརིགྒཧིཏ སཉྙིཏཱ,ཏི ཨངྒ པདཾ ཝིཡ ཨིདྷཔི ཨགམནཱིཡ ཝཏྠུ སཉྙིཏཱཏི དུཏཱིཡཾ ཨངྒཔདཾ ཨཝསྶཾ ཝཏྟབྦཾ ཧོཏི. ཀསྨཱ, ཨངྒནིཡམཊྛཱནཏྟཱ. ཏེནཱཧ ‘‘ཨེཏེནཱ’’ཏིཨཱདིཾ. ‘‘ཙཏུརངྒཱིཀོཝ ཝུཏྟོ’’ཏི ཏསྶ ཙཏྟཱརོ སམྦྷཱརཱ. ཨགམནཱིཡ ཝཏྠུ, ཏསྨིཾ སེཝན ཙིཏྟཾ, སེཝནཔྤཡོགོ, མགྒེན མགྒཔྤཊིཔཏྟི ཨདྷིཝཱསནནྟི. ‘‘སཱ’’ཏི བྷིཀྑུནཱི. ‘‘རཀྑིཏཱསུ སངྒཧིཏཱ’’ཏི མཱཏུརཀྑིཏ པིཏུ རཀྑིཏཱདཱིསུ སངྒཧིཏཱ. ‘‘ཊཱིཀཱསུ པནཱ’’ཏི སུཏྟནྟཊཱིཀཱསུ པན. ‘‘སཱ’’ཏི བྷིཀྑུནཱི. པཱསཎྜཱ ཝུཙྩནྟི དྭཱསཊྛི དིཊྛིགཏཱདཱིནི. ཏཾ ཝཱདིནོ པཱསཎྜིཡཱ ནཱམ. ཏེསཾ དྷམྨོ པཱསཎྜིཡ དྷམྨོ ནཱམ. མིཙྪཱཙཱརོཔི དུསྶཱིལཱཡ ཨིཏྠིཡཱ ཝཱིཏིཀྐམོ ཨཔྤསཱཝཛྫོ. ཏཏོ གོརཱུཔ སཱིལིཀཱཡ མཧཱསཱཝཛྫོ. ཏཏོ སརཎངྒཏཱཡ, པཉྩ སིཀྑཱ པདིཀཱཡ, སཱམཎེརིཡཱ, པུཐུཛྫན བྷིཀྑུནིཡཱཏིཨཱདི. ཨཊྛཀཐཱ པཱཋེ. ‘‘ཨེཏྠཱ’’ཏི ཨིམསྨིཾ ཨཀུསལཀཱཡཀམྨེ. ‘‘ན གཧིཏཾ’’ཏི ཐེརེན ཝཱ ཨཊྛཀཐཱཙརིཡེཧི ཝཱ ན གཧིཏཾ. སུརཉྩ མེརཡཉྩ པིཝནྟི ཨེཏེནཱཏི སུརཱམེརཡ པཱནཾ. ཏདཛ྄ཛྷོཧརཎ ཙེཏནཱ ཀམྨཾ. ‘‘སབྦ ལཧུཀོ’’ཏི སབྦེསཾ སུརཱཔཱན ཀམྨ ཝིཔཱཀཱནཾ མཛ྄ཛྷེ ¶ ཡོ ཝིཔཱཀོ ལཧུཀཏརོ, པཝཏྟིཝིཔཱཀམཏྟོཏི ཝུཏྟཾ ཧོཏི. ‘‘ཨུམྨཏྟཀསཾཝཏྟནིཀོ’’ཏི ཨུམྨཏྟབྷཱཝ སཾཝཏྟནིཀོ. ‘‘པཉྩཔཱི’’ཏི སུརཱཔཱན ཀམྨེན སཧ པཉྩཔི. མཱུལཊཱིཀཱ ཝཙནེ. ‘‘ཏསྶཱ’’ཏི སུརཱཔཱན ཀམྨསྶ. པཊིསམྦྷིདཱ མགྒཊཱིཀཱཡཾ ཨིམསྶ ཝཱཀྱསྶ སཾཝཎྞནཱཡཾ ཝུཏྟནྟི སམྦནྡྷོ. ཏཏྠ ‘‘ཏབྦི རམཎཱདཡོ ཙཱ’’ཏི ཏཏོ སུརཱཔཱནཏོ ཝིརམཎཱདཡོ ཙ. ‘‘མདསྶཱ’’ཏི མཛྫནསྶ. ‘‘ཨཔུཉྙཔཐསྶཱ’’ཏི ཨཀུསལ ཀམྨ པཐསྶ. ‘‘ཏབྦིརཏི པཱི’’ཏི ཏཏོ སུརཱཔཱནཏོ ཝིརཏིཔི. ‘‘ནིམྨདཏཱཡཱ’’ཏི མཛྫནརཧིཏ བྷཱཝསྶ. ‘‘སཱ’’ཏི ནིམྨདཏཱ. ‘‘པུཉྙཔཐསྶཱ’’ཏི ཀུསལཀམྨ པཐསྶ. ‘‘ཨིཏཱི’’ཏི ཏསྨཱ. ‘‘ཏཱནཱི’’ཏི སུརཱཔཱན ཀམྨཏབྦིརཏི ཀམྨཱནི. ‘‘ན ཨིཏརཾ’’ཏི ཀམྨཔཐེཧི ཨསམྦནྡྷཾ. སུརཱཔཱནཾ ཝིསུཾ པཊིསནྡྷིཾ ན དེཏཱིཏི ཡོཛནཱ. ཏབྦིརཏི ཀམྨེ པན སཙེ ཨིདཾ སུརཱཔཱནཾ ནཱམ པཱཔཀམྨཾ དུཙྩརིཏནྟི ཉཏྭཱ སམཱདཱན ཝིརཏི སམྤཏྟཝིརཏི ཝསེན ཏཾ སིཀྑཱཔདཾ རཀྑཏི. ཏཾ སཱིལཾ ཨཉྙེཧི པུཉྙཔཐེཧི ཨསམྦནྡྷམྤི ཝིསུཾ པཊིསནྡྷིཾ ན དེཏཱིཏི ན ཝཏྟབྦཾ. ‘‘ཨེཝམིདཾ པཱི’’ཏི ཨེཝཾ ཨིདམྤི སུརཱཔཱན ཀམྨཾ ཀམྨ པཐཔཏྟསྶ ཀམྨསྶ པརིཝཱརབྷཱུཏཾ ཨེཝ པཊིསནྡྷིཾ ཛནེཏཱིཏི ཡོཛནཱ. ‘‘ཏཏྠཱ’’ཏི ཀམྨཔཐསུཏྟེསུ. སརཱུཔཏོ ན ཝུཏྟནྟི ཙ སཀྐཱ ཝཏྟུནྟི སམྦནྡྷོ. ‘‘ཡཾ’’ཏི ཡཾ སུརཱཔཱན ཀམྨཾ. ‘‘ཏཏྠཱ’’ཏི ཏེསུ ཀམྨཔཐསུཏྟེསུ. ཀམྨ ཛནནཾ ནཱམ དུཙྩརིཏ ཀམྨཱནཾ ཛནནཾ. སཀྐེན དེཝཱན མིནྡེན ཏསྶ ཨཔཱཡགཱམིཏཱ ཝུཏྟཱཏི སམྦནྡྷོ. ཏསྶཱསུརཱཡ པུཎྞཾ ཨིམཾ སུརཱཀུམྦྷཾཀིཎཱཐ. མཱུལཾ དེཐ གཎྷཱཐཱཏི ཨཏྠོ. ‘‘ཏསྶཱ’’ཏི སུརཱཔཱན ཀམྨསྶ. ཨཔཱཡཾ གམེཏི སམྤཱཔེཏཱིཏི ཨཔཱཡ གཱམཱི. ‘‘ཡདིདཾ’’ཏི ཡཱ ཨཡཾ ཡཐཱལཱབྷ ཡོཛནཱ ཨཏྠི. མཱུལཊཱིཀཱ ཝཙནེ. ‘‘ཀམྨསཧཛཱཏཱ’’ཏི ཨཀུསལ ཀམྨསཧཛཱཏཱ ཏཎྷཱ. ‘‘ཏེསཾ’’ཏི ཏེསཾ པཉྩནྣཾ ཀམྨཱནཾ. ‘‘ཀོཊྛཱསཏོ’’ཏི དྷམྨསངྒཎིཡཾ ཕསྶོ ཧོཏི, ཝེདནཱ ཧོཏཱིཏིཨཱདིནཱ ཝུཏྟེ དྷམྨུདྡེསཝཱརེ ཛྷཱནཱདིཀོཊྛཱསཱ ནཱམ ཨཱགཏཱ. ཏེསུ པཉྩ སིཀྑཱཔདཱ ཀོཊྛཱསཏོ ཀམྨཔཐ ཀོཊྛཱསིཀཱ ཨེཝ. ཀམྨཔཐ ཀོཊྛཱསེ ཨནྟོགདྷཱཏི ཨཏྠོ. ‘‘པུརིམཱནཾ ཙཏུནྣཾ’’ཏི པཱཎཱཏི པཱཏཱདཱིནཾ ¶ ཙཏུནྣཾ ཀམྨཱནཾ. ‘‘པཊིཀྑིཏྟོ’’ཏི ཏསྶ ཀམྨཔཐབྷཱཝོ པཊིཀྑིཏྟོ. ‘‘ཏཏཱིཡཾ’’ཏི ཏཏཱིཡ སུཏྟཾ. ཨེཏཱསུཔི ཙ ཨཊྛཀཐཱསུ.

ཀཱཡཀམྨཱདཱིསུ. སསམྦྷཱརཀཱཡོ ནཱམ སཀལོ རཱུཔཀཱཡོ. པསཱདཀཱཡོ ནཱམ ཀཱཡཔསཱདོ ཨེཝ. ཀཱཡ ཝིཉྙཏྟི ཙོཔནཀཱཡོ ནཱམ. ‘‘ཙོཔན’’ནྟི ཙ ཙལནཾ ཝུཙྩཏི. ‘‘སོ ཡེཝཱ’’ཏི ཙོཔནཀཱཡོཡེཝ. ཀཱཡཀམྨ ནཱམ ལཱབྷོ ཙ ཧོཏི, ཏསྨཱ སོ ཀམྨཱནཾ པཝཏྟི མུཁནྟི ཝུཙྩཏཱིཏི ཡོཛནཱ. ‘‘ཀམྨཱནི ཝིསེསེཏུཾ’’ཏི ཨིདཾ ཀཱཡཀམྨཾ ནཱམ, ཨིདཾ ཝཙཱིཀམྨཾ ནཱམཱཏི ཝིསེསེཏུཾ ནིཡམེཏུཾ. ‘‘སཀྐོནྟཱི’’ཏི ཀམྨཱནི ཝིསེསེཏུཾ སཀྐོནྟི. ཏསྨཱ ཀཱཡདྭཱརེ ཝུཏྟིཏོཏི ཙ ཝཙཱིདྭཱརེ ཝུཏྟིཏོཏི ཙ ཝུཏྟནྟི ཨདྷིཔྤཱཡོ. མིཙྪཱཙཱརསྶ ཝཙཱིདྭཱརེ ཨཔྤཝཏྟིཏོ ‘‘པུརིམཱནི དྭེ’’ཏི ཝུཏྟཾ. ‘‘མཛ྄ཛྷིམཱནི ཙཏྟཱརཱི’’ཏི མུསཱཝཱདཱདཱིནི ཙཏྟཱརི ཝཙཱིཀམྨཱནི. ‘‘ཚབྦིདྷཱནི ཏཱནི ཝཛྫཱནཱིཏི’’ཏི ‘ཀཱཡཀམྨཾ ཛཧེཡྻུ’ནྟིཨཱདཱིནི ཚབྦིདྷཱནི ཏཱནི ཝཛྫཱནི. ཀཐཾ ཨེཀམེཀེན བཱཧུལླ སདྡེན ཚབྦིདྷཱནི ཏཱནི ཝཛྫེཏཱིཏི. ཨནྭཡཏོ ཙ བྱཏིརེཀཏོ ཙ ཝཛྫེཏི. ཀཐཾ, པཱཎཱཏིཔཱཏ ཀམྨཾ ཀདཱཙི ཨཔྤཀེན ཝཙཱིདྭཱརེ ཨུཔྤནྣམྤི ཀཱཡདྭཱརེ ཨེཝ པཝཏྟི བཧུལཏྟཱ ཀཱཡཀམྨམེཝ ཧོཏི. ཝཙཱིཀམྨ སངྑྱཾ ན གཙྪཏི. དྭེ ཝཱ ཨསྶ ནཱམཱནི ན བྷཝནྟི. ཝཙཱིདྭཱརེ པན ཨཔྤཀཝུཏྟིཏྟཱ ཝཙཱིཀམྨཾ ནཱམ ན ཧོཏི. ཀཱཡཀམྨནྟི ནཱམཾ ན ཛཧཏི. དྭེ ཝཱ ཨསྶ ནཱམཱནི ན བྷཝནྟཱིཏི ཨེཝཾ ཨེཀེན ཀཱཡདྭཱརེ བཱཧུལླ ཝུཏྟིཝཙནེན པཱཎཱཏིཔཱཏ ཀམྨེ ཚབྦིདྷཱནི ཝཛྫཱནི ཝཛྫེཏཱིཏི. ཨེཝཾ སེསེསུ. ཝནཙརཀོ ནཱམ ཝནལུདྡཀོ. སོ པན ཀདཱཙི ཨཔྤཀེན གཱམེ ཙརནྟོཔི ཝནེ བཱཧུལླ ཙཱརིཏྟཱ ཝནཙརཀོ ཨེཝ ཧོཏི. གཱམཙརཀོཏི ནཱམཾ ན ལབྷཏི. དྭེ ཝཱ ཨསྶ ནཱམཱནི ན བྷཝནྟི. ཨེཝཾ སངྒཱམཱཝཙརཀཱཔི. སངྒཱམཱཝཙརོ ནཱམ སངྒཱམེ བཱཧུལླཱཝཙརོ ཧཏྠཱི ཝུཙྩཏི. ཨེཏྠ མནོདྭཱརཾ སབྦ ཀམྨ སཱདྷཱརཎཏྟཱ ཀམྨཱནི ཝིསེསེཏུཾ ན སཀྐོཏཱིཏི ཝུཏྟཾ. ཨེཝཉྩསཏི, ‘ཨབྷིཛ྄ཛྷཱ བྱཱཔཱདོ མིཙྪཱདིཊྛི ཙེཏི མནསྨིཾ ཝུཏྟིཏོ མནོཀམྨཾ ནཱམཱ’ཏི ཨིདཾ ན ཝཏྟབྦནྟི. ནོ ན ཝཏྟབྦཾ. ཀམྨ སིདྡྷིཾ པཊིཙྩ ཨཉྙདྭཱརེཧི ཨསཱདྷཱརཎཏྟཱ ¶ . ཏེནཱཧ ‘‘མནོཀམྨཱནི པནཱ’’ཏིཨཱདིཾ. ‘‘སིདྡྷཾ’’ཏི ནིབྦཏྟཾ. ‘‘ཀཱཡཀམྨདྭཱརཾ’’ཏི ཨེཏྠ ཏཏྠ ཙོཔནཀཱཡོ ཀཱཡཀམྨཱནཾ པཝཏྟི བཧུལཏྟཱ ཀཱཡཀམྨ དྭཱརཾ ནཱམ. ཙོཔནཝཱཙཱ ཏཏྠ ཝཙཱིཀམྨཱནཾ པཝཏྟི བཧུལཏྟཱ ཝཙཱིཀམྨདྭཱརཾ ནཱམ. ཀུསལཱ ཀུསལ ཛཝན ཙིཏྟཾ པན མནོཀམྨཱནཾ ཏཏྠེཝ ཀམྨ ཀིཙྩ སིདྡྷིཏོ མནོཀམྨ དྭཱརཾ ནཱམཱཏི ཨེཝཾ ཀམྨེན དྭཱར ཝཝཏྠཱནཾ ཝེདིཏབྦཾ. ‘‘ཏསྶ དྭཱརསྶ ནཱམཾ བྷིནྡིཏུཾ ཝཱ’’ཏི ཀཱཡོཏི ནཱམཾ བྷིནྡིཏུཾ ཝཱ. ‘‘ཨཏྟནོ ནཱམཾ དཱཏུནྟི ཝཱ’’ཏི ཝཙཱིཏི ནཱམཾ ཏསྶ དཱཏུཾ ཝཱ. ‘‘བྲཱཧྨཎ གཱམཱདཱིནཾ བྲཱཧྨཎ གཱམཱདིབྷཱཝོ ཝིཡཱ’’ཏི ཏསྨིཾ ཨཉྙཀུལེསུ ཝསནྟེསུཔི བྲཱཧྨཎ ཀུལབཧུལཏྟཱ བྲཱཧྨཎ གཱམོཏྭེཝ ནཱམཾ ཧོཏི. ཏསྨིཾ ཝནེ ཨཉྙརུཀྑེསུ སནྟེསུཔི ཁདཱིརརུཀྑ བཧུལཏྟཱ ཁདཱིརཝནནྟྭེཝ ནཱམཾ ཧོཏཱིཏི ཝཏྟབྦནྟི. ཀཱཡཀམྨཾ ནིཊྛིཏཾ.

༡༤༩. ཝཙཱིཀམྨེ. ‘‘མུསཱ ཝདནྟཱི’’ཏི ཨབྷཱུཏཏོ ཝདནྟི. པིསཏི ཨེཏཱཡཱཏི པིསུཎཱ. ‘‘ནིརུཏྟི ནཡེནཱ’’ཏི ཨེཏྠ པིཡསུཉྙ ཀརཎཱཏི ཝཏྟབྦེ ཨཀྑར ལོཔཀརཎཾ ནིརུཏྟི ནཡོ ནཱམ. ‘‘ཡེནཱ’’ཏི ཡེནཛནེན. ‘‘སམྥཾ’’ཏི ཨེཏྠ སཾསདྡོ སམྨཏི དུཀྑཾ ཨེཏེནཱཏི ཨཏྠེན སུཁེ ཧིཏེ ཝཏྟཏཱིཏི ཨཱཧ ‘‘སཾ སུཁཾ ཧིཏཉྩཱ’’ཏི. ཀཱིདིསཾ སུཁཾ ཧིཏཉྩཱཏི ཨཱཧ ‘‘སཱདྷུཛནེཧི ཨདྷིགནྟབྦཾ’’ཏི. ཨེཏེན པཱཔཛནེཧི ཨདྷིགནྟབྦཾ ཧིཏསུཁཾ པཊིཀྑིཔཏི. ཧིཏསུཁསྶ ཝིནཱསནཾ ནཱམ ཏསྶ ཨཱགམན མགྒབྷིནྡནནྟི ཨཱཧ ‘‘ཧིཏསུཁ མགྒཾ བྷིནྡཏཱི’’ཏི. ‘‘ཏཾ ཝཱ’’ཏི ཨེཏྠ ‘‘ཏཾ’’ཏི ཧིཏསུཁཾ. ‘‘ཨཏྠ དྷམྨཱ པགཏསྶཱ’’ཏི ཨཏྠཏོ ཙ དྷམྨཏོ ཙ ཨཔགཏསྶ. ‘‘པཊིབྷཱཎ ཙིཏྟསྶཱ’’ཏི སུཎནྟཱནཾ ཙིཏྟརཏི ཙིཏྟཧཱསཝཌྜྷནཏྠཱཡ པཊིབྷཱཎཉྙཱཎེན ཙིཏྟཱིཀཏསྶ. ‘‘ཡཏྠཱ’’ཏི ཡསྨིཾ ཀཐཱ མགྒེ. ‘‘ཨཏྠ དྷམྨ ཝིནཡཔདཾ’’ཏི ཨཏྠ པདཉྩ དྷམྨཔདཉྩ ཝིནཡ པདཉྩ. ཏཏྠ ཨཏྠོ ནཱམ ཨཱརོགྱསམྤཏྟི, མིཏྟསམྤཏྟི, པཉྙཱསམྤཏྟི, དྷན སམྤཏྟི, བྷོགསམྤཏྟིཡོ. ཏཱསུ ཀོསལླཛནཀཾ ཝཱཀྱཔདཾ ཨཏྠཔདཾ ནཱམ. ཨིདཾ སུཙརིཏཾ ནཱམ སགྒསཾཝཏྟནིཀཾ, ཨིདཾ དུཙྩརིཏཾ ནཱམ ཨཔཱཡ སཾཝཏྟནིཀནྟི ཨེཝཾ སབྷཱཝ དྷམྨེསུ ཀོསལླ ཛནཀཾ ཝཱཀྱ པདཾ དྷམྨ པདཾ ནཱམ. ཨེཝཾ ཙིཏྟཾ དམིཏབྦཾ, ཨེཝཾ ཨིནྡྲིཡཱནི དམིཏབྦཱནི, ཨེཝཾ ¶ རཱགོ ཝིནེཏབྦོ, ཨེཝཾ དོསོ ཝིནེཏབྦོཏིཨཱདིནཱ ཝིནེཏབྦེསུ ཝིནཡ ཀོསལླཛནཀཾ ཝཱཀྱཔདཾ ཝིནཡ པདཾ ནཱམ. ཡཏྠ ཨེཝརཱུཔཾ ཨཏྠ པདཉྩ དྷམྨ པདཉྩ ཝིནཡ པདཉྩ ཀིཉྩི ནཏྠི. ཏསྶ ཝཱཙཱ ཝཏྠུམཏྟསྶ ཨེཏཾནཱམཾ ཧོཏཱིཏི ཡོཛནཱ. ‘‘སམྥཾ’’ཏི ཝུཏྟཔྤཀཱརཾ ནིརཏྠཀཝཙནཾ. ‘‘ཏཏྠཱ’’ཏི ཏེསུ ཝཙཱིཀམྨེསུ. ཝིསཾཝཱདནཾ ནཱམ ཝིརཛ྄ཛྷཱ པནཾ. ཝིསཾཝཱདཀོ ནཱམ ཝིརཛ྄ཛྷཱཔནཀོ. ཨཏྠཾ བྷཉྫཏི ཝིནཱསེཏཱིཏི ཨཏྠ བྷཉྫནཀོ. ‘‘ཀམྨཔཐབྷེདོ’’ཏི པཊིསནྡྷི ཛནཀོ ཀམྨཔཐཝིསེསོ. ‘‘ཨིཏརོ’’ཏི ཨཏྠ བྷཉྫནཀཏོ ཨཉྙོ མུསཱཝཱདོ. ‘‘ཀམྨ མེཝཱ’’ཏི པཝཏྟི ཝིཔཱཀ ཛནཀཾ ཝཙཱིཀམྨམེཝ. ‘‘རཛཱནཾ’’ཏི དྷཱུལཱིནཾ. ཏཱསུ སུགཏི དུགྒཏཱིསུ ཨུཔྤཛྫནྟཱིཏི ཏདུཔྤཛྫནཀཱནི. ‘‘པཐབྷཱུཏཏྟཱ’’ཏི ཨུཔྤཏྟིམགྒབྷཱུཏཏྟཱ. ‘‘བྷེད པུརེཀྑཱརེནཱ’’ཏི མིཏྟབྷེདཔུརེཀྑཱརེན. མིཏྟཾ བྷིནྡཏཱིཏི བྷེདཀོ. ‘‘སཾཀིལིཊྛ ཙེཏནཱ’’ཏི ཨཏྠ པུརེཀྑཱར དྷམྨ པུརེཀྑཱར ཝིནཡ པུརེཀྑཱར ཨནུསཱསནི པུརེཀྑཱར རཧིཏཱ ཀེཝལཾ བྷེདཔུརེཀྑཱར ཙེཏནཱ སཾཀིལིཊྛ ཙེཏནཱ ནཱམ. ‘‘པརེ བྷིནྣེ ཡེཝཱ’’ཏི པརཛནེ པརཛནེན མིཐུབྷེདཝསེན བྷིནྣེཡེཝ. ‘‘ཡཾ ཀིཉྩཱི’’ཏི ཡཾ ཀིཉྩི ཨཀྐོསཝཏྠུ. ‘‘ཨཡཾ པཱི’’ཏི ཨཡཾ ཕརུསཝཱཙཱཔི. ཨེཝཾ ཨཀྐོསན ཀམྨཾཔི ཨཀྐོསིཏབྦསྶ དཱུརེ ཋིཏསྶཔི མཏསྶཔི སམྤཛྫཏཱིཏི ཡོཛནཱ. ཨནཏྠཾ ནིརཏྠཀཝཱཙཱ ཝཏྠུ མཏྟཾ ཝིཉྙཱཔེཏཱིཏི ཨནཏྠཝིཉྙཱཔནཀོ. ‘‘སཙྩཏོ གཎྷནྟེ ཡེཝཱ’’ཏི ཡཐཱ སོ ཀཐེཏི, ཏཐཱ ཏཾ ཝཏྠུ ཨུཔྤནྣ པུབྦནྟི ཨེཝཾ སཙྩཏོ གཎྷནྟེཡེཝ. ཀེཙི སཙྩཏོ གཎྷིཏྭཱ ཀིཉྩི ཝཏྠུཾ པཱུཛནཱིཡ ཋཱནེ ཋཔེཏྭཱ ཐོམེནྟཱ པཱུཛེནྟཱ ཝནྡནྟཱ པརིཧརནྟི. སམྤརཱཡི ཀཏྠཱཡ ཏཾ སརཎཾ གཙྪནྟི. སབྦམེཏཾ ནིརཏྠཀཾ ཧོཏི. ‘‘ཏདསྶཱདཝསེནཱ’’ཏི ཏཾ རཱཛཀཐཱདིཾ ཏཏྠ ཙིཏྟརཏིཾ ལབྷིཏྭཱ ཨསྶཱདཝསེན ཀཐེནྟསྶེཝ ཀམྨཾ ཧོཏི. ཨནིཙྩ ལཀྑཎ ཝིབྷཱཝནཏྠཱཡ ཝཱ རཏནཏྟཡ གུཎཝིབྷཱཝནཏྠཱཡ ཝཱ པཱཔ གརཧ ཀལྱཱཎ སམྦྷཱཝནཱཡ ཝཱ ཀཐེནྟསྶ པན སཏྠཀམེཝ ཧོཏཱིཏི ཨདྷིཔྤཱཡོ. ཏེནཱཧ ‘‘ཨཏྠ དྷམྨ ཝིནཡ ནིསྶིཏཾ’’ཏིཨཱདིཾ. སེསམེཏྠ ཀཱཡདྭཱརེ དཱིཔིཏམེཝ.

༡༥༠. མནོཀམྨེ ¶ . ‘‘ཨབྷིཛྷཱཡནྟཱི’’ཏི ཨཏིརེཀཏརཾ ཛྷཱཡནྟི, ཙིནྟེནྟི, ཨོལོཀེནྟི ཝཱཏི ཨིམམཏྠཾ དསྶེནྟོ ‘‘ཨསྶཱདམཏྟེ ཨཋཏྭཱ’’ཏིཨཱདིམཱཧ. ‘‘བྱཱཔཱདེནྟཱི’’ཏི ཝིགཏབྷཱཝཾ ཨཱཔཱདེནྟི སམྤཱཔེནྟི. ཏཉྩ ཨཱཔཱདནཾ ན ཀཱཡཝཱཙཱཧི. ཨཐ ཁོ ཙིཏྟེནེཝཱཏི ཝུཏྟཾ ‘‘ཙིནྟེནྟཱི’’ཏི. ‘‘ཏབྦི པརཱིཏཏོ’’ཏི སཔྤུརིས པཉྙཏྟིཏོ ཝིཔརཱིཏེན. ‘‘ཏཏྠཱ’’ཏི ཏེསུ མནོཀམྨེསུ. ‘‘ཨིདཾ མམསྶཱ’’ཏི ཨིདཾ སནྟཀཾ མམསནྟཀཾ བྷཝེཡྻ, ཨཧོ སཱདྷུ ཝཏཱཏི ཡོཛནཱ. ‘‘ཨཏྟནོ ཀཏྭཱ’’ཏི ཨཏྟནོ སནྟཀཾ ཀཏྭཱ. ‘‘ལཱབྷཱཝཏིམེ’’ཏི ཨེཏྠ སུལཱབྷཾ ལབྷནྟཱིཏི ལཱབྷཱ. ‘‘ཨཏྟནོ ཀརེཡྻཾ’’ཏི ཨཏྟནོ སནྟཀཾ ཀརེཡྻཾ. པརབྷཎྜཾ ཝཏྠུ ཡསྶཱཏི པརབྷཎྜ ཝཏྠུཀོ. ‘‘ཝཏྠཱུ’’ཏི ཨཱརམྨཎབྷཱུཏཾ ཝཏྠུ. ཡཱཝ ན པརིཎཱམེཏི, ཏཱཝ ན ཀམྨཔཐབྷེདོ ཧོཏཱིཏི ཡོཛནཱ. ‘‘ཝུཏྟཉྷེཏཾ ཨཊྛཀཐཱསཱུ’’ཏི ཨདྷིཀཱརོ. ‘‘ཨཡཾ’’ཏི ཨཡཾ སཏྟོ. ‘‘ཏསྶཱ’’ཏི ཏསྶ སཏྟསྶ. དསཝཏྠུཀཱམིཙྪཱདིཊྛི ནཱམ ‘ནཏྠིདིནྣཾ, ནཏྠིཡིཊྛཾ, ནཏྠིཧུཏཾ’ཏིཨཱདིཀཱ མིཙྪཱདིཊྛི. དྭཱསཊྛི དིཊྛིགཏེསུ ཀཱཙིདིཊྛིཡོ ནཏྠིཀཱདི སབྷཱཝཱ ཧོནྟི. ཨིདྷ པན ཏབྦཧུལནཡེན ཀམྨམེཝཱཏི ཝུཏྟཾ. ཡཐཱཝུཏྟོཏི སམྦནྡྷོ. གཙྪནྟསྶ པུགྒལསྶ. ‘‘ཙིཏྟུཔྤཱདོ’’ཏི མགྒཙིཏྟུཔྤཱདེ. ‘‘པསྶནྟོ’’ཏི ཏཱིཎི ལཀྑཎཱནི པསྶནྟོ. ཝུཏྟོཏི སམྦནྡྷོ. ‘‘ནིཡཱམཾ’’ཏི སམྨཏྟ ནིཡཱམཾ. ཨཝིཔརཱིཏནིཡཱམནྟི ཨཏྠོ. པུན ‘‘ནིཡཱམཾ’’ཏི མིཙྪཏྟནིཡཱམཾ. ཝིཔརཱིཏ ནིཡཱམནྟི ཨཏྠོ. ཏིཀིཙྪིཏུཾ ཨསཀྐུཎེཡྻོཏི ཨཏེཀིཙྪོ. ཨེཀནྟེན ཨཔཱཡགཱམཱི ཧོཏཱིཏི ཨཏྠོ. ‘‘ཨཔསྶིཏྭཱ’’ཏི དིཊྛིཊྛཱནཱནཾ ཨཔསྶིཏྭཱ. ‘‘མིཙྪཱདྷིམོཀྑམཏྟེནཱ’’ཏི ཏིཏྠཱ ཙརིཡེསུ སདྡཧན མཏྟེནཱཏི ཨདྷིཔྤཱཡོ. ‘‘སཀཾ ཨཱཙརིཡཀཾ’’ཏི ཨཏྟནོ ཨཱཙརིཡསྶ སནྟཀབྷཱུཏཾ. ཋིཏོ པུགྒལོ. ཨཊྛཀཐཱཡཾ ཝུཏྟོ, ཡཐཱཧ མིཙྪཏྟཏིཀེ མིཙྪཱསབྷཱཝཱཏི མིཙྪཏྟཱ. ཝིཔཱཀདཱནེ སཏི, ཁནྡྷབྷེདཱནནྟརམེཝ ཝིཔཱཀདཱནཏོ ནིཡཏཱ. མིཙྪཏྟཱ ཙ ཏེ ནིཡཏཱ ཙཱཏི མིཙྪཏྟནིཡཏཱ. སམྨཱས བྷཱཝཱཏི སམྨཏྟཱ. སམྨཏྟཱ ཙ ཏེ ནིཡཏཱ ཙ ཨནནྟརམེཝ ཕལདཱན ནིཡམེནཱཏི སམྨཏྟནིཡཏཱཏི ¶ . ‘‘ཏསྶཱ’’ཏི མིཙྪཱདིཊྛིཡཱ. ‘‘ཨཙོཔེཏྭཱ’’ཏི ཨཙཱལེཏྭཱ. ‘‘ཨེཏེནཱ’’ཏི ཨེཏེནཔི སདྡེན. ‘‘ཨིམེསཾ’’ཏི མནོཀམྨཱནཾ. ‘‘ཨེཏེནཱ’’ཏི མནསྨིཾ ཨེཝཱཏི ཝཙནེན. ‘‘ཨུཔཔནྣཾ’’ཏི པརིཔུཎྞཾ. ‘‘ཨུཔལཀྑཎཱདིཝསེནཱ’’ཏི ཨུཔལཀྑཎནཡ ནིདསྶནནཡ པདྷཱནནཡཱདིཝསེན. ‘‘ཨཏྠནྟརཔྤསངྒོ ཧོཏཱི’’ཏི ཀཐཾ ཧོཏི. ཨེཝསདྡེན ཝིནཱ པཱཎཱཏིཔཱཏ ཀམྨཾ ཀཱཡདྭཱརེ བཱཧུལླ ཝུཏྟིཏོ ཀཱཡཀམྨཾ ནཱམཱཏི ཝུཏྟེ ཨིདཾ ལདྡྷཱཏཔཏྟོ རཱཛཀུམཱརོཏི ཝིཡ ཨུཔལཀྑཎནཡམཏྟཾ. ཏེན སེསདྭཱརེསུཔི བཱཧུལླ ཝུཏྟིཾ ཨུཔསལླཀྑེཏཱིཏི ཨཏྠནྟརཔྤསངྒོ སིཡཱཏི. ཨེཝཾ སེསནཡེསུཔཱིཏི. ‘‘ཨཔིཙཱ’’ཏི ཀིཉྩི ཝཏྟབྦཾ ཨཏྠཱིཏི ཛོཏེཏི. ‘‘ཏེསཱུ’’ཏི པཱཎཝདྷཱདཱིསུ. ‘‘ཨེཀཾ ཨངྒཾ’’ཏི ཨུཔཀྐམོཏི ཙཏུཏྠཾ ཨངྒཾ. ‘‘ཏཾ སཧཛཱཏཱ ཙཱ’’ཏི ཙེཏནཱ སཧཛཱཏཱ ཙ. ཙེཏནཱ པཀྑེ བྷཝཱཏི ཙེཏནཱ པཀྑིཀཱ. ཙེཏནཱ ཝིཡ ཀཱཡཀམྨབྷཱཝཾ གཙྪནྟཱིཏི ཝུཏྟཾ ཧོཏི. ‘‘ཨབྦོཧཱརིཀཏྟཾ གཙྪནྟཱི’’ཏི མནོཀམྨནྟི ཝོཧརིཏུཾ ཨཔྤཧོནཀཏྟཾ གཙྪནྟཱིཏི ཨཏྠོ. ཨཏྟཱ པདྷཱནཾ ཡེསཾ ཏེ ཨཏྟཔྤདྷཱནཱ. ཨབྷིཛ྄ཛྷཱདཡོ. ཨཏྟཔྤདྷཱནཱ ན ཧོནྟི. ཙེཏནཱ པདྷཱནཱ ཧོནྟི. ཨིདྷེཝ ཏེ ཨཏྟཔྤདྷཱནཱ ཧོནྟཱིཏི ཨཏྠོ. ‘‘ཏཐཱ ཏཐཱ’’ཏི ཨཧོཝཏ ཨིདཾ མམསྶཱཏིཨཱདིནཱ ཏེན ཏེན པཀཱརེན. ‘‘ཏཏྠཱ’’ཏི ཏེསུ མནོཀམྨེསུ. ‘‘སབྦེན སབྦཾ’’ཏི པཱཊིཔདིཀཔདམེཏཾ. སབྦཔྤཀཱརཏོཏི ཨཏྠོ. ‘‘ཨིདྷཱ’’ཏི མནོཀམྨཊྛཱནེ. ‘‘མནོཀམྨ ཀིཙྩཝིསེསེནཱ’’ཏི ཨཧོཝཏ ཨིདཾ མམསྶཱཏིཨཱདིཀེན ཀིཙྩ ཝིསེསེན. མནོཀམྨ དཱིཔནཱ ནིཊྛིཏཱ.

༡༥༡. ‘‘ཨེཏྠ ཙ དསནྣཾ པཱི’’ཏིཨཱདཱིསུ. ‘‘ཏཱཔཱི’’ཏི ཏཱ པུབྦཱཔརཙེཏནཱཡོཔི. ཨཱདིཏོ པཊྛཱཡ པཝཏྟཱ ཏཱཔཱིཏི སམྦནྡྷོ. ‘‘ཡཱནིཔནཱ’’ཏིཨཱདཱིསུ. ཨེཀོ ཨེཀསྶ ཝདཏི ཨཧཾ ཨིམཾ སཏྟཾ མཱརེམི, ཏྭཾ ཨསུཀཾསཏྟཾ མཱརེཧཱིཏི. ཨེཝཾ ཝཏྭཱ ཨུབྷོཔི ཨུཔཀྐམཾ ཀརོནྟི. ཀམྨཾ པན ཨུབྷིནྣམྤི ན སིཛ྄ཛྷཏི. ཏཏྠ ཨཱཎཱཔཀསྶ ཏྭཾ ཨསུཀཾ སཏྟཾ མཱརེཧཱིཏི ཨཱཎཱཔན ཀམྨཾ སཙེ སིཛ྄ཛྷཏི. ཝཙཱིདྭཱརེ པཝཏྟཾ ཀཱཡཀམྨནྟི ཝུཙྩཏི. ཨིདྷ པན ཨསིདྡྷཏྟཱ ཝཙཱིདྭཱརེ དིསྶ མཱནཾ ¶ ཝཙཱིཀམྨནྟི ཝུཙྩཏི. ཝཙཱིདུཙྩརིཏམཏྟནྟི ཝུཏྟཾ ཧོཏི. ཨེསནཡོ སེསེསུཔི.

‘‘དོསམཱུལེནཱ’’ཏིཨཱདཱིསུ. དོསོ ཨེཝ མཱུལཾ དོསམཱུལཾ. དོསོ མཱུལཾ མསྶཱཏི དོསམཱུལཾ. ཏཾ སམྤཡུཏྟ ཙིཏྟནྟི དྭིདྷཱ ཨཏྠོ. བྱཱཔཱདོ ནཱམ དོསོ ཨེཝ. སོ ཀཐཾ དོསེན མཱུལེན ཛཱཡེཡྻཱཏི ཝུཏྟཾ ‘‘པུརིམོ བྱཱཔཱདཝཛྫེཧཱི’’ཏི. པརཏོ ཨབྷིཛ྄ཛྷཱཡམྤི ཨེསནཡོ. ཝིབྷཱཝནིཔཱཋེ. ནིདྷིཔཱཋཀཱ ནཱམ རཱཛནིདྷི ཝིདྷཱཡཀཱ. ཏཏྠ ཙཎྜོ ནིགྒཧེཏབྦོཏི ཨཱགཏཏྟཱ དུཊྛནིགྒཧཏྠནྟི ཝུཏྟཾ. རཱཛཱུནཾ ཨདིནྣཱདཱནཾ མོཧམཱུལེན ཛཱཡཏཱིཏི ཡོཛནཱ. ‘‘བྲཱཧྨཎཱནཉྩཱ’’ཏི སཀསཉྙཱཡ ཨེཝ ཡཾ ཀིཉྩི ཧརནྟཱནཾ བྲཱཧྨཎཱནཉྩ ཀམྨཕལསམྦནྡྷཱཔཝཱདཱིནཉྩ. ‘‘ཨཱཧརཎཾ’’ཏི ཨདིནྣཱདཱནཝསེན ཧརཎཾ. ཨཝཧརཎནྟི ཝུཏྟཾ ཧོཏི. ཡོ པན མོཧོ རཱཛཱུནཾ ཨུཔྤནྣོ, ཡོ ཙ བྲཱཧྨཎཱནཾ ཨུཔྤནྣོ, ཡོ ཙ ཀམྨ ཕལསམྦནྡྷཱ པཝཱདཱིནཾ ཨུཔྤནྣོཏི སམྦནྡྷོ. ‘‘ལོབྷོ ནིདཱནཾ ཀམྨཱནཾ སམུདཡཱཡཱ’’ཏི ལོབྷོ ཀམྨཱནཾ སུཊྛུཝཌྜྷནཱཡ ནིདཱནཾ ཀཱརཎཾ ཧོཏཱིཏི ཡོཛནཱ. སཉྫཱཏཱ ཀངྑཱཡེསཾ ཏེ སཉྫཱཏཀངྑཱ. པརིཏོ ཨུཊྛཱཏི ཨེཏྠཱཏི པརིཡུཊྛཱནཾ. ཀངྑཱཡ པརིཡུཊྛཱནཾ ཀངྑཱཔརིཡུཊྛཱནཾ. ཛནཱནཾ ཏཱནིཀམྨཱནཱིཏི སམྦནྡྷོ.

ཨཀུསལཀམྨདཱིཔནཱནིཊྛིཏཱ.

༡༥༧. ཀུསལཀམྨེ. ཨཡཾ པན ཨེཝམཱདཱིསུ སུཏྟཔདེསུ ཨཱགཏོཏི སམྦནྡྷོ. ‘‘མེཏྟཾ ཀཱཡཀམྨཾ’’ཏི མེཏྟཱསཧགཏཾ ཀཱཡཀམྨཾ. ཨེཝཾ ཝཙཱིཀམྨེཔི. ཙེཏནཱ ཧེཏྠ ཀམྨནྟི ཨདྷིཔྤེཏཱ. མནོཀམྨེ པན ཙེཏནཱཔི ཡུཛྫཏི. ཨབྱཱཔཱདོཔི ཡུཛྫཏི. ཉཱཎཾ ཨནུཔརིཝཏྟཱིཏི ཉཱཎཱནུཔརིཝཏྟཾ. ཉཱཎཱནུཔརིཝཏྟཱིཏིཔི པཱཋོ, སོ ཡེཝཏྠོ. ‘‘པདཀྑིཎཾ’’ཏི པཝཌྜྷིཏཾ. ཨཔརཾ པརིཡཱཡཾ དསྶེཏི ‘‘ཡསྨིཾ པནཱ’’ཏིཨཱདིནཱ. དུསྶཱིལསྶ བྷཱཝོ དུསྶིལྱཾ. པཱཎཱཏིཔཱཏཱདིཀམྨཾ. ‘‘པཝཏྟམཱནེ’’ཏི ཀཱཡདྭཱརེ པཝཏྟམཱནེ. ‘‘ཡཾ པན ཀུསལཾ’’ཏི པཱཎཱཏི པཱཏཱདིཏོ ཝིརཏི ཀུསལཾ ¶ . ‘‘པཝཏྟམཱནཾ’’ཏི ཙིཏྟེ པཝཏྟམཱནཾ. ‘‘ཀིཙྩ སཱིསེནཱ’’ཏི ཀིཙྩཔྤདྷཱནེན. ཀིཙྩཾ པདྷཱནཾ ཀཏྭཱཏི ཨདྷིཔྤཱཡོ. སེསམེཏྠ ཀཱཡཀམྨེ སུཝིཉྙེཡྻཾ.

‘‘ཝཙཱིཀམྨེཔི ཨེསེཝནཡོ’’ཏི ཡསྨིཾ དུསྶིལྱེ པཝཏྟམཱནེ ཝཱཙཱ ཨཔརིསུདྡྷཱ ཧོཏི. ཝཙཱི སཾཝརོ བྷིཛྫཏཱིཏིཨཱདིནཱ ཝཏྟབྦཾ. ‘‘ཨཝསེསཾ པནཱ’’ཏི ཏཱིཧི ཀཱཡཀམྨེཧི ཙཏཱུཧི ཝཙཱིཀམྨེཧི ཨཝསེསཾ. ཏཏྠ ‘‘ཏཱིཧི ཀཱཡཀམྨེཧཱི’’ཏི ཏཱིཧི ཀཱཡདུཙྩརིཏ ཝིརཏི ཀམྨེཧི. ‘‘ཙཏཱུཧི ཝཙཱིཀམྨེཧཱི’’ཏི ཙཏཱུཧི ཝཙཱིདུཙྩརིཏ ཝིརཏི ཀམྨེཧི. ‘‘སབྦཾཔི ཀལྱཱཎ ཀམྨཾ’’ཏི སབྦམྤི དཱནཀམྨཾ, སབྦམྤི བྷཱཝནཱ ཀམྨཾ, ཨཔཙཱཡན ཀམྨཾ, ཝེཡྻཱཝཙྩཀམྨཾ, པཏྟིདཱནཀམྨཾ, པཏྟཱནུམོདནཱཀམྨཾ, དྷམྨསཝན ཀམྨཾ, དྷམྨ དེསནཱ ཀམྨཾ, སབྦམྤི དིཊྛིཛུཀམྨཾ ཏཱིསུདྭཱརེསུ པཝཏྟམྤི མནོཀམྨཾ ནཱམཱཏི ཡོཛནཱ. ཨིམེསུ པན དྭཱིསུ པརིཡཱཡེསུ པཙྪིམོཡེཝ པདྷཱནནྟི སམྦནྡྷོ. ‘‘ཡཱཝ དེཝཱ’’ཏི ཨནྟིམ པརིཙྪེད ཛོཏཀོ ནིཔཱཏོ. མཏྠཀཔརིཙྪེདེནཱཏི ཨཏྠོ.

སཱིལཔདེ. ‘‘སཱིལཡཏཱི’’ཏི སམྨཱ དཧཏི ཙ ཨུཔདྷཱརེཏི ཙཱཏི དྭིདྷཱ ཨཏྠོ. ‘‘སུསམཱཧིཏཱནཱི’’ཏི སུཔྤཏིཊྛིཏཱནི. ‘‘ཨུཔརིམེ ཀུསལ དྷམྨེ’’ཏི མཧགྒཏ ལོཀུཏྟར ཀུསལདྷམྨེ. སཏྟསུ ཝིསུདྡྷཱིསུ ཨུཔརིམེ ཙིཏྟ ཝིསུདྡྷཱདི ཀུསལདྷམྨེ. ‘‘ཨདྷིཀུསལ དྷམྨེ’’ཏི ཨདྷིཀེ བོདྷིཔཀྑིཡ ཀུསལ དྷམྨེ. པརེཧི དིནྣཾ, ཏདེཝ པཏྟིཾ. སབྦཱནི པན ཏཱནི དཱནཱདཱིནི ཀུསལཱནི. སོདྷེནྟི སཔྤུརིསཱཛནཱ. ཏཱནི ཨེཝཔུཉྙཱནི. ཨེཀམེཀཾ པུཉྙཀྲིཡཝཏྠུ. ‘‘ཨིམིནཱ པཙྩཡེནཱ’’ཏི ཙཱིཝརཱདི པཙྩཡེན, ཨནྣཔཱནཱདི པཙྩཡེན, དྷན དྷནཉྙཱདིཔཙྩཡེན ཝཱ. ‘‘སབྦཾཔི ཙེཏཾ’’ཏི སབྦམྤི ཨེཏཾ དསཝིདྷཾ པུཉྙཾ. ‘‘ཧཱིནེན ཚནྡེནཱ’’ཏི ཡསཀཱམཏཱདིཝསེན ཧཱིནེན ཚནྡེན, ཧཱིནེན ཙིཏྟེན, ཧཱིནེན ཝཱིརིཡེན, ཧཱིནཱཡ ཝཱིམཾསཱཡ. ‘‘མཛ྄ཛྷིམེནཱ’’ཏི པུཉྙཔྥལཀཱམཏཱདིཝསེན མཛ྄ཛྷིམེན. ‘‘པཎཱིཏེནཱ’’ཏི ཀཏྟབྦམེཝིདནྟི ཨརིཡཝཾསཱནུ བྲཱུཧནཝསེན པཎཱིཏེན ཚནྡཱདིནཱ པཝཏྟི ཏཾ པཎཱིཏནྟི ཡོཛནཱ. ‘‘ཡསཀཱམཏཱཡཱ’’ཏི ཀིཏྟི སདྡཀཱམཏཱཡ ཝཱ, པརིཝཱརཀཱམཏཱཡ ཝཱ. ‘‘པུཉྙཔྥལཀཱམཏཱཡཱ’’ཏི ¶ བྷཝསམྤཏྟི བྷོགསམྤཏྟིཀཱམཏཱཡ. ‘‘ཨརིཡབྷཱཝཾ ནིསྶཱཡཱ’’ཏི ཨིདཾ དཱནཾ ནཱམ ཨརིཡཱནཾ ཝཾསོ. ཨཧམྤི ཨརིཡོ. ཏསྨཱ མཡཱཔི ཀཏྟབྦམེཝིདནྟི ཨེཝཾ ཨརིཡབྷཱཝཾ ནིསྶཱཡཱཏི ཨཏྠོ. ཨེཏྠ ཙ ‘‘ཨརིཡོ’’ཏི ཨཱཙཱར ཨརིཡོཔི ཡུཛྫཏི དསྶན ཨརིཡོཔི. ཏཏྠ ཨཱཙཱར ཨརིཡོ ནཱམ སཔྤུརིསོ པུཐུཛྫན ཀལྱཱཎཀོ ཝུཙྩཏི. དསྶན ཨརིཡོ ནཱམ པརམཏྠ ཨརིཡོ. ‘‘པཱརམིཏཱ དཱནཾ’’ཏི སབྦདཱནེཧི ཨགྒཔཏྟཾ མཧཱབོདྷི སཏྟཱནཾ པཱརངྒཏདཱནཾ. ཏཉྷི སབྦ སཏྟཝིམོཀྑཏྠཱཡ པཝཏྟི ཏཏྟཱ ཨགྒཔཏྟཾ ཧོཏི, པཱརངྒཏཾ. ཏཏོ ཨུཏྟརིཏརསྶ ཀསྶཙིདཱནསྶ ཨབྷཱཝཏོ. སེསེསུཔི པུཉྙ ཀྲིཡཝཏྠཱུསུ. ‘‘ཏིཀདྭཡཾ’’ཏི པུརིམཱདི ཧཱིནཱདི ཏིཀདྭཡཾ. ‘‘ཨནྟིམ ཝཏྠུནཱ’’ཏི ཨནྟིམ ཝཏྠུ ཨཛ྄ཛྷཱཔཛྫནེན ཝཱ. ‘‘དུསྶཱིལོ ནཱམཱ’’ཏི དུསྶཱིལ བྷིཀྑུ ནཱམ. སོ ཧི ཡཱཝབྷིཀྑུཔྤཊཱིཉྙཾ ན ཝིཛཧི. ཏཱཝ བྷིཀྑུ ཨེཝ. ན སཱམཎེརོ, ན གིཧཱི. ཏཾ ཙེ ཨཉྙོ བྷིཀྑུ ཨམཱུལཀེན ཨནྟིམ ཝཏྠུནཱ ཨནུདྡྷཾསེཏི. ཨནུདྡྷཾསེནྟསྶ སངྒྷཱདི སེསོ. ཨོམསཝཱདེ པཱཙིཏྟིཡཾ. སཧསེཡྻཊྛཱནེ ཏེན སཧ ཨཏིརེཀ རཏྟིཾ སཡནྟསྶཱཔི ཨཱཔཏྟི ནཏྠི. ཏསྨཱ སོ དུསྶཱིལ བྷིཀྑུཏྭེཝ ཝཏྟབྦོཏི. ‘‘པུན ཀམྨཝཱཙཱཡ སམཱདཱཏབྦནྟི ནཏྠཱི’’ཏི ཡཐཱ སིཀྑཾ པཙྩཀྑནྟསྶ སབྦཾ སམཱདཱནཾ བྷིཛྫཏི. པུན བྷིཀྑུབྷཱཝཾ ཨིཙྪནྟེན པུན ཀམྨཝཱཙཱཡ སམཱདཱཏབྦཾ ཧོཏི. ཨེཝཾ པུན ཀམྨཝཱཙཱཡ སམཱདཱཏབྦནྟི ནཏྠི. ‘‘ཨིཏརེསུ པནཱ’’ཏི ལིངྒནཱསནངྒཏོ ཨཉྙེསུ དཎྜཀམྨངྒེསུ. ནིཙྩསཱིལཱདཱིསུ. ‘‘ཡཾ ནིཙྩམེཝ ཝཊྚཏཱི’’ཏི ཡཾ པཱཎཱཏིཔཱཏ ཝིརཏི སཱིལཾ ནིཙྩམེཝ རཀྑིཏུཾ ཝཊྚཏི. ཨནིཙྩཾ ན ཝཊྚཏི. ཀསྨཱ, པཱཎགྷཱཏཱདིཾ ཀརོནྟསྶ སབྦཀཱལམྤི དུཙྩརིཏ སམྦྷཝཏོ. ཏེནཱཧ ‘‘ཨནིཙྩཾ སཱཝཛྫཾ ཧོཏཱི’’ཏི. དུཙྩརིཏཾ ཧོཏཱིཏི ཨཏྠོ. ‘‘ཡཾ ནིཙྩམྤི ཝཊྚཏཱི’’ཏི པཀཏི གཧཊྛཱནཾ ཡཾ ཝིཀཱལ བྷོཛནཱདི ཝིརཏི སཱིལཾ ནིཙྩམྤི ཝཊྚཏི. ‘‘ཨནིཙྩམྤི ཝཊྚཏཱི’’ཏི སམཱདཱན དིཝསཾ ཨཏིཀྐམིཏྭཱ ཝིཀཱལ བྷོཛནཱདིཾ ཀརོནྟསྶ ཝཱིཏིཀྐམ དོསོཝཱ དུཙྩརིཏ དོསོ ཝཱ ནཏྠཱིཏི ཨདྷིཔྤཱཡོ. ཏེནཱཧ ‘‘སཱཝཛྫཾ ན ཧོཏཱི’’ཏི. དུཙྩརིཏཾ ན ཧོཏཱིཏི ཨཏྠོ. ཏཐཱ དསསཱིལཉྩ པཀཏི གཧཊྛཱནཾ ¶ ཨནིཙྩསཱིལཾ ནཱམཱཏི ཡོཛནཱ. ‘‘ཨནིཙྩསཱིལམེཝ ཧོཏཱི’’ཏི པཀཏི གཧཊྛཱནཾ ཏཾ དསསཱིལཾ ཡཱཝཛཱིཝཾ ནིཙྩཾ ཀཏྭཱ སམཱདིཡིཏྭཱ རཀྑནྟཱནམྤི ཨཔབྦཛིཏཏྟཱ པབྦཛིཏེསུ ཛཱཏི སབྷཱཝེནེཝ སིདྡྷཾ ནིཙྩསཱིལཾ ནཱམ ན ཧོཏི. ཡཱཝཛཱིཝཾ ཀཏྭཱ སམཱདཱན ཝསེནེཝ ནིཙྩཾ ཧོཏཱིཏི ཨདྷིཔྤཱཡོ. ‘‘ཝེསདྷཱརཎེན སཧ སིདྡྷཏྟཱ’’ཏི ཨེཏྠ ཀཐཾ ཝེསདྷཱརཎེན སིདྡྷཾ ཧོཏཱིཏི. ཝེསདྷཱརཎཾ ནཱམ གིཧིཝཏྠཾ པཧཱཡ ཀཱསཱཡ ཝཏྠ དྷཱརཎཾ. ཀཱསཱཡཝཏྠཉྩ ནཱམ ཨརཧཏྟདྷཛོ ཧོཏི. ན ཙ ཨརཧཏྟདྷཛཾ དྷཱརེནྟསྶ སིཀྑཱཔདཾ ཨསམཱདིཡནྟསྶཔི ཝིཀཱལེ བྷུཉྫིཏུཾ ཝཊྚཏི. ཏཐཱ ནཙྩཱདཱིནི པསྶིཏུཾ, མཱལཱདཱིནི དྷཱརེཏུཾ, ཨུཙྩཱསཡནཱདཱིསུ ཝསིཏུཾ, ཛཱཏརཱུཔཱདཱིནི སཱདིཏུཾ. ཀསྨཱ ཨིཏི ཙེ, ཏེསཉྷི ཏཾ ཏཾ ཡཐཱསཀཾ སཱིལཾ ནིཙྩཾ སུདྡྷཾ ཀཏྭཱ རཀྑིཏུམེཝ ཝཊྚཏཱིཏིཨཱདིནཱ ཀཱརཎཾ ཧེཊྛཱ ཝུཏྟམེཝཱཏི. ‘‘ཨཔྤནཾ ཨཔཏྟཱཝ ཨདྷིཔྤེཏཱ’’ཏི ཨཔྤནཱཔཏྟཱནཾ མཧགྒཏབྷཱཝནཱནཾ ཝིསུཾ ཨུཔརི ཝཀྑམཱནཏྟཱཏི ཨདྷིཔྤཱཡོ. ‘‘ཨེཏྠེཝཱ’’ཏི ཨིམསྨིཾ བྷཱཝནཱ ཀམྨེ ཨེཝ. ‘‘ཏེ སཉྙེཝཱ’’ཏི རཏནཏྟཡཱདཱིནཾ ཨེཝ ཙ. གནྟུཾ ཨཱརདྡྷོ གམིཀོ. ཨདྡྷཱནཾ དཱིགྷམགྒཾ གཙྪནྟོ ཨདྡྷིཀོ. ‘‘པརིསུདྡྷེནཱ’’ཏི ལཱབྷསཀྐཱརཱདི ནིརཔེཀྑཏཱཡ ཨཏྟུཀྐཾ སན པརཝམྦྷནཱདི རཧིཏཏཱཡ ཙ པརིསུདྡྷེན. ‘‘ཧིཏཔྥརཎ ཙིཏྟེནཱ’’ཏི མཡི ཀརོནྟེ ཨིམསྶ ཨེཏྟཀཾ ཧིཏསུཁཾ བྷཝིསྶཏཱིཏི ཨེཝཾ ཏེསཾ ཧིཏསུཁེསུ ཕརཎ ཙིཏྟེན. མེཏྟཙིཏྟེནཱཏི ཝུཏྟཾ ཧོཏི. ‘‘ཨཏྟནོ ཀིཙྩེསུ ཝིཡཱ’’ཏི ཨེཏེན ཏེསཾ སབྦཾ ཀིཙྩཾ ཨཏྟནོབྷཱརཾ ཀརོཏཱིཏི དཱིཔེཏི. ‘‘སཱདྷཱརཎ ཀརཎཾ’’ཏི ཨཏྟནོ པུཉྙཾ པརེསཾ དཱནཾ. ཨཏྟ མནཏཱཔཝེདནིཡཱདྷུསཱདྷཱུཏི ཝཙཱིབྷེདཀརཎཾ. ཏཉྷིདིནྣཉྩཱནུམོདིཏཉྩ དིཊྛདྷམྨཝེདནཱིཡཾ ཛཱཏནྟི སམྦནྡྷོ. ‘‘ཡོནིསོམནསིཀཱརེ ཋཏྭཱཏི ཨེཏྠ སིལོཀཱདིཔཀྑིཀཾ ཨཡོནིསོམནསིཀཱརཾ ཛཧིཏྭཱ སུཎནྟསྶ ཨིམཾ དྷམྨཾ སུཏྭཱ ཨཏྠརསདྷམྨརསཔྤཊིསཾཝེདཱི བྷཝིསྶཱམཱིཏི, དེསེནྟསྶ ཨིམཾ དེསེནྟོ དྷམྨསྶ ཙ སུཎནྟཱནཉྩ ཨནུགྒཧཾ ཀརིསྶཱམཱིཏི ཡོནིསོམནསིཀཱརེ ཋཏྭཱ. ལཱབྷ སཀྐཱརཱདི པཀྑིཀོ མནསིཀཱརོ ཨཡོནི སོམནསིཀཱརོ ¶ ནཱམ. ནིཡྻཱནཏྠ ནིསྶརཎཏྠ པཀྑིཀོ ཡོནིསོམནསིཀཱརོ ནཱམ. ནིརཝཛྫ ཀམྨཱནི ནཱམ ཀསིགོརཀྑཱདི ཀམྨཱནི. ནིརཝཛྫསིཔྤཱནི ནཱམ ཝཌྜྷཀིསིཔྤཱདཱིནི ཝེཛྫསིཔྤཱདཱིནི ཙ. ནིརཝཛྫ ཝིཛྫཱཋཱནཱནི ནཱམ པརཱུཔརོདྷར ཧིཏཱནི ཨངྒཝིཛྫཱ ཝེདཝིཛྫཱ མནྟཝིཛྫཱདཱིནི. ‘‘ཝོདཱན ཀརཎཾ’’ཏི ཝིསེསེན ཝིསུདྡྷཀརཎཾ. ‘‘ཏཾ སབྷཱཝཏྟཱ’’ཏི དཱནསབྷཱཝཏྟཱ. ‘‘ཙཱརིཏྟ སཱིལཏྟཱ’’ཏི སཔྤུརིསཱནཾ པཀཏི ཙཱརིཏྟ སཱིལཏྟཱ. པུན ‘‘ཏཾ སབྷཱཝཏྟཱ’’ཏི བྷཱཝནཱ སབྷཱཝཏྟཱ. ཏཐཱཧི དེསེནྟསྶ ཙ སུཎནྟསྶ ཙ དེསནཱསོཏཱནུསཱརེན ཙིཏྟབྷཱཝནཱ ཉཱཎབྷཱཝནཱཝཧཏྟཱ དེསནཱསཝནཱ སབྷཱཝཱ ཧོནྟི. ཨཏྟནོ དིཊྛིཾ སཡམེཝ ཨུཛུཾ ཀརོནྟསྶ ཙ ཉཱཎབྷཱཝནཱ ཀམྨམེཝ. ཏཐཱ པརསྶ དྷམྨདེསནཾ སུཏྭཱ ཨུཛུཾ ཀརོནྟསྶཱཔཱིཏི. ‘‘དྷམྨོ ནཱམ ནཏྠཱི’’ཏི དེསནཱ དྷམྨོ ནཱམ ནཏྠི. ཀསྨཱ, དཱནསཱིལཱནི དེསེནྟེནཔི ཨནྟེ ལཀྑཎཏྟཡེན སཧསཙྩཔྤཀཱསནསྶ ཀཏྟབྦཏྟཱ. ཨེཏེན དེསནཱསཝནཱ ཨནྟེ ལཀྑཎཏྟཡཱནུཔསྶནཱ བྷཱཝནཱ ཀམྨཊྛཱནེ པཏིཊྛིཏཏྟཱ ཏཾ སབྷཱཝཱ ཧོནྟཱིཏི དསྶེཏི. ‘‘མནོཀམྨ མེཝཱ’’ཏི པདུདྡྷཱརོ. ‘‘མནསྨིཾ ཨེཝཱ’’ཏི མནོདྭཱརེ ཨེཝ. ‘‘ཀིཙྩསིདྡྷིཏོ’’ཏི ཨཔྤནཱཀིཙྩསྶ སིཛ྄ཛྷནཏོ. ‘‘ཨངྒབྷཱཝཱ སམྦྷཝཏོ’’ཏི ཨཔྤནཱ ཀིཙྩསིདྡྷིཡཾ ཨངྒབྷཱཝཱ སམྦྷཝཏོ. ‘‘ཏཉྩབྷཱཝནཱ མཡ’’ནྟི པདུདྡྷཱརོ. ‘‘དཱནཱདིཝསེནཱ’’ཏི དཱནསཱིལཝསེན. དཱནཝསེན ཨཔྤཝཏྟནཏོཏི ཨིདཾ ཏཱཝ ཡུཛྫཏི. སཱིལཝསེན ཨཔྤཝཏྟནཏོཏི ཨིདཾ པན པཱལི༹ཡཱ ན སམེཏི. པཱལི༹ཡཉྷི མཧགྒཏཛ྄ཛྷཱནེསུཔི པཧཱནཾ སཱིལཾ ཝེརམཎི སཱིལནྟིཨཱདི ཝུཏྟནྟི ཙོདནཱ. ཏཾ པརིཧརནྟོ ‘‘ཡཾ པནཱ’’ཏིཨཱདིམཱཧ. ‘‘པརིཡཱཡེན ཝུཏྟཾ’’ཏི ཀེནཔརིཡཱཡེན ཝུཏྟནྟི. པཀཏི ཙཱརིཏྟཾ སཱིལནྟི ཝུཙྩཏི. ཨུཔྤནྣེ ཙ པཐམཛ྄ཛྷཱནེ ནཱིཝརཎཱནཾ པཧཱནཾ ནཱམ པཀཏིཙཱརིཏྟམེཝ པཀཏི ནིཡཱམེན པཝཏྟམེཝ. ཨིཏི པཀཏིཙཱརིཏྟཏྟཱ སཱིལནྟི ཝུཏྟཾ. པུན ནཱིཝརཎཱནཾ པཧཱནམེཝ ཏེཧི ཝིགམནཊྛེན ཝེརམཎཱིཏི ཙ, པིདཧནཊྛེན སཾཝརོཏི ཙ, པཧཱན ཀིཙྩཾ ཨཝིཛཧནཊྛེན ཨཝཱིཏིཀྐམོཏི ཙ, ཝུཏྟཾ. ཙེཏནཱསཱིལནྟི ཨེཏྠ པན ཛྷཱནསམྤཡུཏྟ ཙེཏནཱ ཨེཝ ཝུཙྩཏི. སཱ ཙ སཱིལཛཱཏི ཀཏྟཱ ¶ སཱིལནྟི ཝུཏྟཱཏི དཊྛབྦཾ. ‘‘ཨཔྤནཱཔཏྟ’’ནྟི པདུདྡྷཱརོ. ‘‘ཛྷཱནབྷེདེནཱ’’ཏི པན ཝཏྟབྦཾ. རཱུཔཱཝཙརཀུསལཉྷི ཛྷཱནབྷེདེན པཉྩཝིདྷཾ, ཛྷཱནམེཝ པན ཛྷཱནངྒབྷེདེན པཉྩཝིདྷནྟི.

ཀུསལཀམྨདཱིཔནཱ ནིཊྛིཏཱ.

༡༥༣. ‘‘ཨེཏྠཱ’’ཏིཨཱདཱིསུ. ‘‘དྷམྨསངྒཧེ’’ཏི དྷམྨསངྒཎི པཱལི༹ཡཾ. ‘‘དསྶནེནཱ’’ཏི སོཏཱཔཏྟི མགྒཉྙཱཎེན. ‘‘ཏཾ’’ཏི ཨུདྡྷཙྩ ཙེཏནཾ. ‘‘བྷཱཝནཱཡཱ’’ཏི ཨུཔརིམགྒཏྟཡསངྑཱཏཱཡ བྷཱཝནཱཡ. པཱལི༹པཱཋེ. ‘‘ཙིཏྟུཔྤཱདཱ’’ཏི ཙིཏྟཙེཏསིཀཱ ཝུཙྩནྟི. ‘‘སིཡཱ’’ཏི ཨེཀཙྩེཏི ཨཏྠེ ནིཔཱཏ པདཾ. ཨིམེསུ ཚསུ ཙིཏྟུཔྤཱདེསུ ཨེཀཙྩེ ཚ ཙིཏྟུཔྤཱདཱ སོཏཱཔཏྟི མགྒེན པཧཱཏབྦཱ, ཨེཀཙྩེ ཚ ཙིཏྟུཔྤཱདཱ ཏཱིཧི ཨུཔརི མགྒེཧི པཧཱཏབྦཱཏི ཨཏྠོ. ཏཏྠ པཐམཔདེ ‘‘ཨེཀཙྩེ ཚ ཙིཏྟུཔྤཱདཱ’’ཏི ཀམྨཔཐཔཏྟཀམྨསཧཛཱཏཱ ཚ ཙིཏྟུཔྤཱདཱ. དུཏཱིཡ པདེ ‘‘ཨེཀཙྩེ ཚ ཙིཏྟུཔྤཱདཱ’’ཏི ཨཀམྨཔཐ པཏྟཱ དྷམྨིཀེསུ ཋཱནེསུ ཨསྶཱདནཱབྷི ནནྡཱདིཝསེན པཝཏྟཱ ཚ ཙིཏྟུཔྤཱདཱ. ‘‘ཏཏྠཱ’’ཏི དྷམྨསངྒཧེ. ‘‘ཨིཏརཏྠཱ’’ཏི ཨིཏརེསུ བྷཱཝནཱཡ པཧཱཏབྦེསུ. ‘‘ཏསྶཱ’’ཏི ནཱནཀྑཎིཀ ཀམྨཔཙྩཡསྶ. པཱལི༹པཱཋེ. ‘‘སཧཛཱཏཱ’’ཏི ཨཏྟནོ པཙྩཡུཔྤནྣེཧི སཧཛཱཏཱ. ‘‘ནཱནཀྑཎིཀཱ’’ཏི ཨཏྟནོ པཙྩཡུཔྤནྣེཧི ཨསཧཛཱཏཱ ཨཏཱིཏཀཱལབྷཱུཏེ ནཱནཀྑཎེ པཝཏྟཱ པཱཎཱཏིཔཱཏཱདི ཙེཏནཱ. ‘‘ཡདི ཨེཝཾ’’ཏི ཨེཝཾ ཡདི སིཡཱཏི ཨཏྠོ. ཡདི ཨུདྡྷཙྩ ཙེཏནཱ དསྶན པདེ ཨནུདྡྷཊཏྟཱ པཊིསནྡྷིཾ ནཱཀཌྜྷཏཱིཏི ཝིཉྙཱཡེཡྻ. ཨེཝཾ སཏཱིཏི པཱཋསེསོ. ‘‘ཙེ’’ཏི ཙེ ཝདེཡྻ. ‘‘ནཱ’’ཏི ན སཀྐཱ ཝཏྟུཾ. ‘‘ཏསྶཱ ཝིཔཱཀསྶཱ’’ཏི ཏསྶཱ ཨུདྡྷཙྩ ཙེཏནཱཡ ཝིཔཱཀསྶ. པཱལི༹པཱཋེ. ‘‘ཨིམེསུ དྷམྨེསུ ཉཱཎཾ’’ཏི ཨིམེ དྷམྨེ ཨཱརམྨཎཾ ཀཏྭཱ ཨུཔྤནྣཉྙཱཎཾ. ‘‘ཏེསཾ ཝིཔཱཀེ’’ཏི ཨུདྡྷཙྩ སཧགཏཱནཾ ཝིཔཱཀེ. ‘‘ཉཱཎཾ’’ཏི ཏཾ ཝིཔཱཀཾ ཨཱརམྨཎཾ ཀཏྭཱ ཨུཔྤནྣཉྙཱཎཾ. ‘‘སབྦ དུབྦལནྟི ཙ སཀྐཱ ཝཏྟུཾ’’ཏི སམྦནྡྷོ. ‘‘ཨཏིཝིཡ ཀཱལ༹ཀདྷམྨཏྟཱ’’ཏི བུདྡྷཱདཱིསུ མཧནྟེསུ ཋཱནེསུ སདྡྷཱརཏནསྶ ¶ ཨནྟརཱཡཾ ཀཏྭཱ པཝཏྟནཏོ ཨཏིཡེཝཀཎྷ དྷམྨཏྟཱ. ཏསྶཱ ཝིཙིཀིཙྪཱ ཙེཏནཱཡ པཊིསནྡྷི ཨཱཀཌྜྷནམྤི ཝིཉྙཱཏབྦནྟི ཡོཛནཱ. ‘‘སབྷཱཝ ཝིརུདྡྷཏྟཱ ཡེཝཱ’’ཏི ཝིཙིཀིཙྪཱ ཨསནྣིཊྛཱན སབྷཱཝཱ. ཨདྷིམོཀྑོ སནྣིཊྛཱན སབྷཱཝོཏི ཨེཝཾ སབྷཱཝ ཝིརུདྡྷཏྟཱཡེཝ.

‘‘སབྦཏྠཱ’’ཏིཨཱདཱིསུ. ‘‘ཝིཔཙྩཏཱིཏི ཝིཔཱཙེཏཱི’’ཏི ཝདནྟི. ཏཾ པན པདརཱུཔེན ན སམེཏཱིཏི ཨཉྙཾ ཨཏྠཾ ཝདནྟོ ‘‘སབྦམྤི ཝཱ’’ཏིཨཱདིམཱཧ. ‘‘མཧཱསམྤཏྟིཡོ སམུཊྛཱཔེཏྭཱ’’ཏི དེཝལོཀེ དེཝསམྤཏྟི སདིསཱ དིབྦཝིམཱནཱདིཀཱ མཧཱསམྤཏྟིཡོ སམུཊྛཱཔེཏྭཱ. ཨིདཾ ‘‘ཨོཀཱསཾ ཀཏྭཱ’’ཏི པདེ ཝིསེསནཾ. ཏཏྠ ‘‘སུཁ ཝིཔཱཀཾ’’ཏི ཨིདཾ ཨཊྛ ཨཧེཏུཀ ཝིཔཱཀཱནི སནྡྷཱཡ ཝུཏྟཾ. རཱུཔལོཀེ བྲཧྨཱནཾ རཱུཔཀཱཡོ རཱུཔཱཝཙར ཀམྨེན ནིབྦཏྟོ. སོ ཙ ཀཱམཱཝཙར དྷམྨ སམཱུཧོ ཨེཝ. ཨེཝཾ སནྟེ ཏསྨིཾ ལོཀེ པཉྩ ཨཧེཏུཀ ཝིཔཱཀཱནིཔི རཱུཔཱཝཙར ཀམྨེན ནིབྦཏྟཱནི སིཡུནྟི ཙོདནཱ. ཏཾ པརིཧརནྟོ ‘‘རཱུཔཱཝཙར ཀུསལཾཧཱི’’ཏིཨཱདིམཱཧ. ‘‘ཏཱནཱི’’ཏི ཨཔཱཡབྷཱུམིཡཾ ཨུཔྤནྣཱནི ཨཊྛ ཨཧེཏུཀ ཝིཔཱཀཱནི. ‘‘སབྦསྨིཾ ཀཱམལོཀེ’’ཏི ཨེཀཱདསཝིདྷེ ཀཱམལོཀེ. ‘‘ཏེསུ ཙཱ’’ཏི ཏེསུ ཨཊྛ ཨཧེཏུཀ ཝིཔཱཀེསུ ཙ. ‘‘ཨཱརམྨཎནྟརེ’’ཏི ཀསིཎ ནིམིཏྟཱདིཏོ ཨཉྙསྨིཾ ཨཱརམྨཎེ. ‘‘ནིམིཏྟཱ རམྨཎེ’’ཏི ཀསིཎ ནིམིཏྟཱདིཀེ ནིམིཏྟ པཉྙཏྟཱ རམྨཎེ. ‘‘ཏཱནི པཉྩཝིཔཱཀཱནཱི’’ཏི ཙཀྑུ ཝིཉྙཱཎཱདཱིནི པཉྩ ཨཧེཏུཀ ཝིཔཱཀཱནི ཀཱམཱཝཙར ཀུསལ ཀམྨསྶེཝ ཝིཔཱཀཱནི ཧོནྟཱིཏི ཡོཛནཱ. ‘‘སོལ༹སཀ མགྒོ’’ཏི སོལ༹སཀཐཱ མགྒོ ཀཐཱཔབནྡྷོ. ཨེཝཾ དྭཱདས ཀམགྒོ. ‘‘ཨཧེཏུཀཊྛཀ’’ནྟི ཨཧེཏུཀ ཝིཔཱཀཊྛཀཾ. སམྨཱ པཀཱརེན ཛཱནཱཏཱིཏི སམྤཛཱནཾ. ཉཱཎཾ. སམྤཛཱནེན ཀཏནྟི ཝིགྒཧོ. ན སམྤཛཱནཀཏཾ ཨསམྤཛཱནཀཏཾ. ‘‘སདྡཧིཏྭཱ’’ཏི ཨེཏེན དིཊྛུཛུ ཀམྨཉཱཎ སམྤཏྟིཾ དཱིཔེཏི. ན ཧི ཏེན ཉཱཎེན ཨསམྤནྣོ ཀམྨཉྩ ཀམྨཕལཉྩ སདྡཧཏཱིཏི. ཛཱནིཏྭཱཏི ཝཱ པཱཋོ སིཡཱ. ‘‘ཨེཀམེཀཾ’’ཏི ཨེཀམེཀཾ ཀུསལཀམྨཾ. ‘‘ཀུསལ སམཡེ’’ཏི ཀུསལ ཀམྨ ཀརཎཀཱལེ. ཀུསལུཔྤཏྟིཀཱལེ ཝཱ. ཡསྶམེ ཨཱིདིསཾ པུཉྙཾ ¶ པསུཏཾ. ཏསྶམེ བྷཝལཱབྷོ བྷོགལཱབྷོ མིཏྟལཱབྷོ སབྦེལཱབྷཱ ཨེཀནྟེན སུལཱབྷཱཏི ཨཏྠོ. ‘‘སུལདྡྷཾ’’ཏི ཨིདཾ པུཉྙཾ སུལདྡྷཾ. དེཝེསུ ཙ མནུསྶེསུ སཾསརིཏྭཱཏི པཱཋསེསོ. ‘‘སེསེནཱ’’ཏི ཏསྶཀམྨསྶ ཝིཔཱཀཱཝསེསེན. ཨཊྛཀཐཱ པཱཋེ. ‘‘ཨེཀཔིཎྜཔཱཏསྨིཾ’’ཏི ཨེཀཝཱརཾ པིཎྜཔཱཏདཱནེ. སཾཡུཏྟཊྛཀཐཱཡཾ ཝུཏྟཾ. ཏསྨཱ ཡཾ ཝུཏྟཾ ‘ཨེཀཱ ཙེཏནཱ ཨེཀམེཝ པཊིསནྡྷིཾ དེཏཱི’ཏི, ཏཾ སུཝུཏྟནྟི ཨདྷིཔྤཱཡོ. ‘‘པཊིཔཀྑེཧཱི’’ཏི པཊིཔཀྑེཧི ཨཀུསལེཧི. ཝིསེསེན བྷུསཾ མུལ༹ྷོ བྱཱམུལ༹ྷོ. ཨཏིཝིཡ བྱཱམུལ༹ྷོ ཨཏིབྱཱམུལ༹ྷོ. ཨཏིབྱཱམུལ༹ྷཏྠཱཡ པཙྩཡབྷཱུཏནྟི ཝིགྒཧོ. ཨཏིདུཔྤཉྙཱཡ པཙྩཡབྷཱུཏནྟི ཨཏྠོ. སོ ཧི ཐེརོ ཝདཏཱིཏི སམྦནྡྷོ. ‘‘ཨིཏི ཀཏྭཱ’’ཏི ཨེཝཾ མནསིཀརིཏྭཱ. ‘‘སནྣིཧིཏཔཙྩཡམཏྟེནཱ’’ཏི ཨཱསནྣེ སཎྛིཏཔཙྩཡ མཏྟེན. ‘‘པུབྦཔཡོག པཙྩཡམཏྟེནཱ’’ཏི ཝུཏྟཾ ཧོཏི. བལཝཀམྨཝསེན ཨུཔྤནྣཏྟཱ ཏིཀྑཏརཾ ཝིཔཱཀཾ. ཡདཱ པཡོག རཧིཏེན པཙྩཡགཎེན ཨུཔྤཛྫཏི, ཏདཱ ཨསངྑཱརིཀཾ ནཱམ. ཡདཱ པཡོགསཧིཏེན, ཏདཱ སསངྑཱརིཀཾ ནཱམ. ཏཏྠ ཨསངྑཱརིཀཾ ཏིཀྑཾ ནཱམ. སསངྑཱརིཀཾ མནྡཾ ནཱམ. ཏཐཱ དུབྦལ ཀམྨེན ཨུཔྤནྣེ མནྡཝིཔཱཀེཔི ཡོཛེཏབྦཾ. ཨེཝཾ ཏིཀྑམནྡཱནཾ མནྡཏིཀྑཏཱཔཏྟི ནཱམ སིཡཱ. ན ཙ ཏཐཱ སཀྐཱ བྷཝིཏུནྟི ཨདྷིཔྤཱཡོ. ཨེཏྠ སིཡཱ, ཡདི པུབྦཀམྨཝསེན ཨཊྛནྣཾ མཧཱཝིཔཱཀཱནཾ སངྑཱརབྷེདོ སིདྡྷོ སིཡཱ, ཨཊྛནྣཾ ཨཧེཏུཀ ཝིཔཱཀཱནམྤི སོསངྑཱརབྷེདོ སིདྡྷོ བྷཝེཡྻ. ཏཱནིཔི ཧི ཀཱནིཙི ཨསངྑཱརིཀེན ཀམྨེན ནིབྦཏྟཱནི, ཀཱནིཙི སསངྑཱརིཀེནཱཏི ཙོདནཱ. ཏཾ པརིཧརནྟོ ‘‘ཨཧེཏུཀ ཝིཔཱཀཱནཾ པནཱ’’ཏིཨཱདིམཱཧ. ‘‘ཨུབྷཡཀམྨ ནིབྦཏྟནཾ’’ཏི ཏེསཾ སངྑཱར བྷེདརཧིཏཏྟཱ ཨསངྑཱརིཀ ཀམྨེནཔི ཝིརོདྷོ ནཏྠི. སསངྑཱརིཀ ཀམྨེནཔི ཝིརོདྷོ ནཏྠི. ཨསངྑཱརིཀ ཀམྨེནཔི ནིབྦཏྟནྟི. སསངྑཱརིཀ ཀམྨེནཔི ནིབྦཏྟནྟི. ཨེཝཾ ཨུབྷཡཀམྨ ནིབྦཏྟནཾ ཡུཏྟཾ. ‘‘ཨིཏི ཨདྷིཔྤཱཡོ’’ཏི ཏསྶ ཐེརསྶ ཨདྷིཔྤཱཡོ. ‘‘ན ཀམྨཱགམན ཝསེནཱ’’ཏི ཀམྨསངྑཱཏསྶ ཙིརཀཱལཏོ ཨཱགམན པཙྩཡསྶ ཝསེན. ‘‘ཨཱགམནཾ’’ཏི ཙ ཨཱགཙྪཏི ཨེཏེནཱཏི ཨཱགམནནྟི ཝིགྒཧོ. ‘‘ཀམྨབྷཝེ’’ཏི ཨཏཱིཏེ ¶ ཀམྨཀརཎབྷཝེ. ‘‘ཀེཙནཱ’’ཏི ཀེཙི. ཨཊྛསཱལིནིཡཾ པན ཨཱགཏཱཏི ཙ. པཊིསམྦྷིདཱ མགྒེ པན དྭིཧེཏུཀཱ ཝུཏྟཱཏི ཙ སམྦནྡྷོ. ཨིམསྨིཾ ཋཱནེ པཊིསམྦྷིདཱ མགྒཊྛཀཐཱ ཝཙནམྤི ཝཏྟབྦནྟི ཝདནྟོ ‘‘ཏཏྠ པནཱ’’ཏིཨཱདིམཱཧ. ‘‘ཏཱིསུཁཎེསཱུ’’ཏི ཀམྨཀྑཎེ ནིཀནྟིཀྑཎེ པཊིསནྡྷིཀྑཎེཏི ཏཱིསུཁཎེསུ. ‘‘ཊཱིཀཱཀཱརཱཔནཱ’’ཏི ཨབྷིདྷམྨཊཱིཀཱཀཱརཱཔན. ‘‘སཱཝསེསཔཱཋོ’’ཏི པཱལི༹ཡཾ ཏིཧེཏུཀེན ཀམྨེན དྭིཧེཏུཀ པཊིསནྡྷི, དྭིཧེཏུཀེན ཀམྨེན ཨཧེཏུཀ པཊིསནྡྷི ཨཝསེསཱ ཧོཏི. ཨེཝཾ ཨཝསེས ཝཱཀྱ སཧིཏོ པཱཋོ. སརིཀྑམེཝ སརིཀྑཀཾ. ཀམྨེན སརིཀྑཀཾ སདིསཾ ཀམྨསརིཀྑཀཾ. ཝིཔཱཀཾ. ‘‘མཧཱཐེརེནཱ’’ཏི སཱརིཔུཏྟ མཧཱཐེརེན. ཨེཝཉྩ ཀཏྭཱཏིཨཱདིནཱ ཊཱིཀཱཀཱརཱནཾ ཝཙནཾ ཨུཔཏྠམྦྷེཏི.

ཀཱམཱཝཙརཀམྨཾ ནིཊྛིཏཾ.

༡༥༤. རཱུཔཱཝཙརཀམྨེ. ‘‘ཨཔྤགུཎཏཱཡཱ’’ཏི ཨཔརིཙིཏཏཱཡ. ཨཝཌྜྷཏཱཡ. ‘‘ཧཱིནེཧི ཚནྡཱདཱིཧཱི’’ཏི ལཱབྷསཀྐཱར སིལོཀཱདི སཱཔེཀྑཏཱཡ ཧཱིནེཧི ཚནྡཱདཱིཧི. ‘‘ཏེ དྷམྨཱ’’ཏི ཚནྡཱདཡོ དྷམྨཱ. ཏཱནི ཨིདྷ ནཱདྷིཔྤེཏཱནི. ཀསྨཱ, ཨུཔཔཏྟིཔྤབྷེདསྶ ཨསཱདྷཀཏྟཱཏི ཨདྷིཔྤཱཡོ. ‘‘ཨིམཱནེཝཱ’’ཏི ཨིམཱནི ཨེཝ ཛྷཱནཱནི. ‘‘ཏིཝིདྷཱསཱུ’’ཏི ཨེཀསྨིཾཏལེ བྲཧྨཔཱརིསཛྫཱདི ཝསེན ཏིཝིདྷཱསུ. ‘‘ཨཊྛཱརསཔྤབྷེདེན ཝིབྷཛིཏྭཱ’’ཏི ཏཱིསུ ཧཱིན མཛ྄ཛྷིམཔཎཱིཏེསུ ཨེཀེཀསྨིཾ ཧཱིན ཧཱིནཾ ཧཱིན མཛ྄ཛྷིམཾ ཧཱིན པཎཱིཏནྟིཨཱདིནཱ ཝིབྷཏྟེན ནཝཝིདྷཱནི ཧོནྟི. པུན ཏེསུ ཏཱིཎི མཛ྄ཛྷིམཱནི. མཛ྄ཛྷིམཧཱིནཾ མཛ྄ཛྷིམམཛ྄ཛྷིམནྟིཨཱདིནཱ ཝིབྷཏྟཱནི ནཝཝིདྷཱནི ཧོནྟི. ཨེཝཾ ཨཊྛཱརསབྷེདེན ཝིབྷཛིཏྭཱ. ‘‘ཀམྨདྭཱརཱནི ནཱམཱ’’ཏི ཀམྨཔྤཝཏྟི མུཁཱནི ནཱམ. ‘‘ཨིམེཧི པབྷཱཝིཏཏྟཱ’’ཏི ཨིམེཧི པབྷཱཝེཧི མཱུལཀཱརཎེཧི པབྷཱཝིཏཏྟཱ པཝཏྟཱཔིཏཏྟཱ. ‘‘ཨཊྛཱརསཁཏྟིཡཱ’’ཏི ཧཱིནམཛ྄ཛྷིམཱདིབྷེདེན ཨཊྛཱརས ཁཏྟིཡཱ. ཏཐཱ ཨཊྛཱརས བྲཱཧྨཎཱདཡོ. ཨཊྛ ཙཏྟཱལཱིས གོཏྟཱནི ནཱམ ཧཱིནམཛ྄ཛྷིམཱ དིཝསེན ¶ ཝིབྷཏྟཱནི གོཏམགོཏྟཱདཱིནི ཨཊྛཙཏྟཱལཱིས གོཏྟཱནི. ཏེསཾ ཙཱརིཏྟ པཊིཔཏྟིབྷཱུཏཱནི ཙརཎཱནིཔི ཨཊྛཙཏྟཱལཱིས ཧོནྟཱིཏི. ཨེཏྠ སིཡཱ. པུརིམ ཝཙནེ ཧཱིནཱདཱིནི བྲཧྨལོཀེ, ཨཊྛཀཐཱ ཝཙནེཧཱིནཱདཱིནི མནུསྶལོཀེཏི སཱདྷེཏབྦཾ ཨཉྙཾ, སཱདྷཀཾ ཨཉྙནྟི ཙོདནཱ. ཏཾ པརིཧརཏི ‘‘ཨེཏེནཧཱི’’ཏིཨཱདིནཱ. ‘‘ཨུཔལཀྑེཏཱི’’ཏི པཙྩཀྑཏོ པཱཀཊཾ ཨེཀདེསཾ དསྶེཏྭཱ ཨཔཱཀཊེ ཏཱདིསེཔི ཛཱནཱཔེཏཱིཏི ཨཏྠོ. ‘‘སམཏྠཱ སམཏྠཾ ཝཱ’’ཏི སམཏྠཱ སམཏྠབྷཱཝཾ ཝཱ. ‘‘ཏཐཱ ཧཱནེནཱ’’ཏི ཏཐཱཧི ཨནེན ཨཱཙརིཡེན. ཨནུརུདྡྷཱ ཙརིཡེནཱཏི ཝུཏྟཾ ཧོཏི. ནཱམ རཱུཔ པརིཙྪེདེ ཝུཏྟནྟི སམྦནྡྷོ. སམཱནཱསེཝནེ ལདྡྷེ སཏི, མཧབྦལེ ཝིཛྫམཱནེ མཧགྒཏཀམྨཾ ཝིཔཱཀཾ ཛནེཏི. ཏཱདིསཾ ཧེཏུཾ ཨལདྡྷཱ ཨལབྷིཏྭཱ ཨབྷིཉྙཱ ཙེཏནཱ ཝིཔཱཀཾ ན པཙྩཏཱིཏི ཡོཛནཱ. ཏཏྠ ‘‘སམཱནཱ སེཝནེ’’ཏི བྷཱུམིསམཱནཏཱ ཝསེན སམཱནཱསེཝནེ. ཀཱམཛཝནཾ ཀཱམཛཝནེན སམཱནཱསེཝནཾ. རཱུཔཛཝནཾ རཱུཔཛཝནེན. ཨརཱུཔཛཝནཾ ཨརཱུཔཛཝནེནཱཏི དཊྛབྦཾ. ཏེན ཝུཏྟཾ ‘‘སམཱནབྷཱུམིཀཏོ’’ཏིཨཱདི. ཏཏྠ ‘‘ཏདབྷཱཝཏོ’’ཏི ཏཱདིསསྶ བལཝབྷཱཝསྶ ཨབྷཱཝཏོ. ཨེཀཝཱརམཏྟབྷཱུཏཱ མཧགྒཏ ཙེཏནཱ ཙ. ‘‘སབྦ པཐམབྷཱུཏཱ’’ཏི སམཱཔཏྟི ཝཱིཐཱིསུ གོཏྲབྷུསྶ ཨནནྟརེ མཧགྒཏ ཛཝནཾ སནྡྷཱཡ ཝུཏྟཾ. ལོཀུཏྟར མགྒཙེཏནཱ ཀདཱཙིཔི སམཱནཱ སེཝནཾ ན ལབྷཏི. ཨེཝཾ སནྟེཔི ཨཏྟནོ ཨནནྟརཏོ པཊྛཱཡ ཡཱཝཛཱིཝམྤི བྷཝནྟརེཔི ཨརིཡཕལཾ ཛནེཏིཡེཝ. ཨེཝམེཝཱཏི ཝུཏྟཾ ཧོཏི. ཨིདཾ པཝཏྟིཕལཾ ནཱམ ཧོཏི, ཨིདྷ པན པཊིསནྡྷི ཕལཾ ཝིཙཱརིཏཾ, ཏསྨཱ ཨསམཱནཾ ཨིདཾ ནིདསྶནནྟི ཙེ. ཝུཙྩཏེ. མགྒཙེཏནཱ ནཱམ ཏཎྷཱ སཧཱཡཀཾ ཝཊྚགཱམི ཀམྨཾ ན ཧོཏི. ཨཏཎྷཱ སཧཱཡཀཾ ཝིཝཊྚགཱམི ཀམྨཾ ཧོཏི. ཏསྨཱ པཊིསནྡྷིཾ ན དེཏི. སཙེ པན ཏཾ ཏཎྷཱ སཧཱཡཀཾ ཝཊྚགཱམིཀམྨཾ བྷཝེཡྻ. པཊིསནྡྷི ཀཱལེཔི ཕལཾ དདེཡྻ. ཨསམཱནཱ སེཝནཏཱ པམཱཎཾ ན བྷཝེཡྻ. ཨེཝཾ ཨཉྙཀཱརཎཏྟཱ ཨསམཱནཾ ནིདསྶནཾ ཧོཏི. ན ཨསམཱནཱ སེཝནཏཱཡཱཏི དཊྛབྦཾ. ‘‘ཨུཔཙིཏཏྟཱ’’ཏི པུནཔྤུནཾ ཨཱསེཝན ལཱབྷེན ཝཌྜྷིཏཏྟཱ. ‘‘སཱ ཙེཏནཱ’’ཏིཨཱདིཀམྨིཀམཧགྒཏ ཙེཏནཱ ཙ. ‘‘ནཱ’’ཏི ཙོདནཱ ¶ , ན སིཡཱཏི ཨཏྠོ. ན ཙ སཱཔི སམཱནབྷཱུམཀ དྷམྨཏོ ལདྡྷཱ སེཝནཱ ཧོཏི. ཨེཝཾ སནྟེཔི ཀཏཏྟཱ བྷཱཝིཏཏྟཱཏི ཝུཏྟཾ. བྷཱཝིཏཏྟཱཏི ཙ པུནཔྤུནཾ ཨཱསེཝན ལཱབྷེན ཝཌྜྷིཏཏྟཱ ཨིཙྩེཝཏྠོ. ཏསྨཱ ཝིཉྙཱཡཏི ཨསམཱནབྷཱུམིཀེཧི པུབྦབྷཱགཔྤཝཏྟེཧི ཀཱམཛཝནེཧི པརམྤརཏོ པུནཔྤུནཾ ལདྡྷཱ སེཝནཏཱཡ ཨེཝ ཨིདྷ ཨུཔཙིཏཏྟཱཏི ཝུཏྟནྟི. ཏེན ཝུཏྟཾ ‘‘ཨུབྷཡཏྠ པནཱ’’ཏིཨཱདི. ཏཏྠ ‘‘ཨུབྷཡཏྠཱ’’ཏི ཨུབྷཡེསུ ཀཏཏྟཱ ཨུཔཙིཏཏྟཱཏི ཙ ཀཏཏྟཱ བྷཱཝིཏཏྟཱཏི ཙ ཝུཏྟེསུ པཱཋེསུ. ‘‘པཐམ སམནྣཱཧཱརཏོ པཊྚཱཡཱ’’ཏི མཧགྒཏཛ྄ཛྷཱནེ ཨཔྤནཱཝཱིཐིཏོ པུརེ དྭཱིསུ པརིཀམྨ བྷཱཝནཱ ཨུཔཙཱར བྷཱཝནཱསུ པརིཀམྨ བྷཱཝནཾ བྷཱཝེནྟསྶ པཐཝཱི པཐཝཱིཏིཨཱདིནཱ པཐམ སམནྣཱཧཱརཏོ པཊྛཱཡ. ལོཀུཏྟར མགྒེཔན དསསུ ཝིཔསྶནཱ ཉཱཎེསུ སབྦཔཐམཾ སམྨསནཉྙཱཎཾ བྷཱཝེནྟསྶ རཱུཔཾ ཨནིཙྩཾ ཝེདནཱ ཨནིཙྩཱཏིཨཱདིནཱ པཐམ སམནྣཱཧཱརཏོ པཊྛཱཡཱཏི ཨཏྠོ. ཨུཔཙིནིཏྭཱཏི ཙ བྷཱཝེཏྭཱཏི ཙ ཝཌྜྷེཏྭཱ ཨིཙྩེཝ ཨཏྠོ. ‘‘ཨབྦྷུཎྷཱ’’ཏི ཨབྷིནཝཱཏི ཝུཏྟཾ ཧོཏི. ‘‘ཨཡཾ ཝཱདོ’’ཏི ཨནུརུདྡྷཱ ཙརིཡསྶ ཝཱདོ. ཡདི ཨེཝཾ, ཨཊྛཀཐཱསུ སངྑཱར པཙྩཡཱ ཝིཉྙཱཎ པད ནིདྡེསེསུ ཨབྷིཉྙཱ ཙེཏནཱ པནེཏྠ པརཏོ ཝིཉྙཱཎསྶ པཙྩཡོ ན ཧོཏཱིཏི ན གཧིཏཱཏི ཝུཏྟཾ. ཏཏྠ ཨཉྙཾ ཡུཏྟཾ ཀཱརཎཾ ཝཏྟབྦནྟི, ཏཾ ཝདནྟོ ‘‘ཙཏུཏྠཛ྄ཛྷཱན སམཱདྷིསྶ པནཱ’’ཏིཨཱདིམཱཧ. ‘‘ཊཱིཀཱཀཱརཱ’’ཏི ཨབྷིདྷམྨཊཱིཀཱཀཱརཱ. ‘‘ཏསྶཱ པནཱ’’ཏིཨཱདི ཨཏྟནོཝཱད དསྶནཾ. སཱདྷེནྟིཡཱ ཨབྷིཉྙཱ ཙེཏནཱཡ. ཨཙིཏྟཀབྷཝ པཏྠནཱསཧིཏཾ སཉྙཱ ཝིརཱགནྟི སམྦནྡྷོ. ‘‘ཨིདྷཱ’’ཏི མནུསྶ ལོཀེ.

‘‘ཨནཱགཱམིནོ པནཱ’’ཏིཨཱདཱིསུ. ‘‘ཨེཏེནཱ’’ཏི ཨེཏེན ཨཏྠ ཝཙནེན. ‘‘སདྡྷཱདྷིཀོ’’ཏི སནྡྷིནྡྲིཡཱདྷིཀོ. ཨེཝཾ ཝཱིརིཡཱདྷིཀཱདཱིསུཔི. ‘‘ཨཏྟནཱ ལདྡྷ སམཱཔཏྟཱིནཾ’’ཏི ཨེཀསྶཔི པུགྒལསྶ བཧཱུནཾ ཨཏྟནཱ ལདྡྷ སམཱཔཏྟཱིནཾ. ཏེསུ པུཐུཛྫན སོཏཱཔནྣ སཀདཱགཱམཱིསུ. ‘‘པུཐུཛྫནོ’’ཏི ཛྷཱནལཱབྷི པུཐུཛྫནོ. ‘‘ནིཀནྟིཡཱསཏཱི’’ཏི ཀཱམབྷཝནིཀནྟིཡཱ སཏི. ‘‘ཨིཏརེ པནཱ’’ཏི སོཏཱཔནྣ ¶ སཀདཱགཱམིནོ པན. པརིཧཱིནཛ྄ཛྷཱནཱ ཨེཝ ཏཏྠ ནིབྦཏྟནྟི. ན ནིཀནྟི བལེནཱཏི ཨདྷིཔྤཱཡོ. ཝིབྷཱཝནིཔཱཋེ ‘‘ཏེསཾ པཱི’’ཏི ཛྷཱནལཱབྷི སོཏཱཔནྣ སཀདཱགཱམཱིནམྤི. ཨིཙྪནྟེན ཊཱིཀཱཙརིཡེན. ཏཐཱ ནིཀནྟིཡཱ སཏི པུཐུཛྫནཱདཡོ ཀཱམཱཝཙར ཀམྨ བལེན ཀཱམབྷཝེཔི ནིབྦཏྟནྟཱིཏི ཡོཛནཱ. ཙེཏོཔཎིདྷི ཨིཛ྄ཛྷཏི. ཀསྨཱ, ཝིསུདྡྷཏྟཱ. སཱིལཝིསུདྡྷཏྟཱཏི ཨདྷིཔྤཱཡོ. ‘‘ཏེ’’ཏི ཛྷཱནལཱབྷི སོཏཱཔནྣ སཀདཱགཱམིནོ. ཨངྒུཏྟར པཱཋེ. ‘‘སཧདསྶནུཔྤཱདཱ’’ཏི སོཏཱཔཏྟི མགྒཉྙཱཎཾ དསྶནནྟི ཝུཙྩཏི. དསྶནསྶ ཨུཔྤཱདཀྑཎེན སདྡྷིཾ. ནཏྠི ཏསྶ ཏཾ སཾཡོཛནནྟིཔི པཱཋོ. ‘‘ཨིམཾ ལོཀཾ’’ཏི ཨིམཾ ཀཱམལོཀཾ. ‘‘ཝིཔསྶནཱ ནིཀནྟི ཏཎྷཱ’’ཏི ཏེནེཝ དྷམྨརཱགེན ཏཱཡ དྷམྨ ནནྡིཡཱཏི ཨེཝཾ ཝུཏྟཱ ཝིཔསྶནཱ སུཁེ ནིཀནྟི ཏཎྷཱ. པཙྩཡེ སཏི ཀུཔྤནྟི ནསྶནྟཱིཏི ཀུཔྤཱ. ཀུཔྤཱ དྷམྨཱ ཡེསཾ ཏེ ཀུཔྤ དྷམྨཱ. ‘‘དྷམྨཱ’’ཏི མཧགྒཏ དྷམྨཱ. ཨིམེ དྭེ སོཏཱཔནྣ སཀདཱགཱམིནོ སཱིལེསུ པརིཔཱུརཀཱརིནོ ནཱམ. སཱིལཔྤཊི པཀྑཱནཾ ཀིལེསཱནཾ སབྦསོ པཧཱིནཏྟཱ. ཏསྨཱ ཏེ སཱིལེསུ ཨཀུཔྤ དྷམྨཱཏི ཝུཙྩནྟི. སམཱདྷིསྨིཾ པན ཀུཔྤ དྷམྨཱ ཨེཝ. ‘‘མཧཱབྲཧྨེསུ ན ནིབྦཏྟནྟཱི’’ཏི མཧཱབྲཧྨཏྟཾ ན ལབྷནྟཱིཏི ཨདྷིཔྤཱཡོ. ‘‘ཧཱིནཛ྄ཛྷཱསཡཏྟཱ’’ཏི ཨེཏྠ ཨིཏྠིཡོ ནཱམ པཀཏིཡཱཝ ཧཱིནཛ྄ཛྷཱསཡཱ ཧོནྟི ནཱིཙ ཚནྡཱ ནཱིཙ ཙིཏྟཱ མནྡཝཱིརིཡཱ མནྡཔཉྙཱ. ཀསྨཱ, ཧཱིནལིངྒཏྟཱ. ཀསྨཱ ཙ ཏཱ ཧཱིནལིངྒཱ ཧོནྟི. དུབྦལ ཀམྨནིབྦཏྟཏྟཱ. དུབྦལ ཀམྨནྟི ཙ པུརིསཏྟ ཛནཀཾ ཀམྨཾ ཨུཔཱདཱཡ ཝུཙྩཏི. བྲཧྨཔུརོཧིཏཱནམྤི སངྒཧཎཾ ཝེདིཏབྦཾ. ཀསྨཱ, བྲཧྨཔཱརིསཛྫཱནནྟི ཨཊྛཀཐཱ ཝཙནསྶ ཡེབྷཱུཡྻཝཙནཏྟཱ. ཏེནཱཧ ‘‘ན མཧཱབྲཧྨཱནཾ’’ཏི. ཨིཏརཐཱ ན བྲཧྨཔུརོཧིཏཱནཾ ན ཙ མཧཱབྲཧྨཱནནྟི ཝུཏྟཾ སིཡཱ. ན ཙ ཏཐཱ སཀྐཱ ཝཏྟུཾ ‘བྲཧྨཏྟནྟི མཧཱབྲཧྨཏྟ’ནྟི ཨིམིནཱ ཝཙནེན ཝིརུཛ྄ཛྷནཏོ. ཨཡཉྩ ཨཏྠོ ན ཀེཝལཾ ཡེབྷཱུཡྻནཡམཏྟེན སིདྡྷོ. ཨཐ ཁོ བྱཉྫན སཱམཏྠིཡེནཱཔི སིདྡྷོཏི དསྶེཏུཾ ‘‘ཏེཧཱི’’ཏིཨཱདིམཱཧ. ཏཏྠ ‘‘ཏེ’’ཏི བྲཧྨཔུརོཧིཏཱ. སཾཡུཏྟཔཱཋེ. ‘‘པཊིབྷཱཏུཏཾ’’ཏི ཨེཏྠ ‘‘ཏཾ’’ཏི ཏུཡ྄ཧཾ. དྷམྨཱིཀཐཱ ཏུཡ྄ཧཾ པཊིབྷཱཏུ, པཱཏུབྦྷཝཏུ. ཀཐེཏུ ཨིཙྩེཝ ཝུཏྟཾ ཧོཏི ¶ . ‘‘བྲཱཧྨཎཱ’’ཏི ཨབྷིབྷུཾ བྷིཀྑུཾ ཨཱལཔཏི. ‘‘བྲཧྨུནོ’’ཏི མཧཱབྲཧྨུནོ ཨཏྠཱཡ. ཨེཝཾ སེསེསུ དྭཱིསུ. ‘‘ཏེསཾ’’ཏི བྲཧྨཔུརོཧིཏཱནཾ. ཝིབྷཱཝནིཔཱཋེ ‘‘ཨིཏི ཨཏྠོ དཊྛབྦོ’’ཏི ‘‘བྲཧྨཔཱརིསཛྫེསུ ཡེཝཱ’’ཏི པུལླིངྒ ཝཙནཏྟཱ པུགྒལཔྤདྷཱནཾ ཧོཏི. ནབྷཱུམིཔྤདྷཱནཾ. ཏསྨཱ ཨཡམཏྠོ ཡུཏྟིཝསེན དཊྛབྦོཏི. ‘‘ཏཱིསུབྷཝགྒེསཱུ’’ཏི ཝེཧཔྥལབྷཱུམི པུཐུཛྫནབྷཝགྒོ ནཱམ ཧོཏི རཱུཔལོཀེ. ཏཏོ ཨུཔརི པུཐུཛྫནབྷཱུམིཡཱ ཨབྷཱཝཏོ. ཨཀནིཊྛབྷཱུམི ཨརིཡབྷཝགྒོ ནཱམ. ཏཏྠ ཋིཏཱནཾ ཨརིཡཱནཾ ཏཏྠེཝ ནིཊྛཱནཏོ. ནེཝསཉྙཱབྷཱུམི ལོཀབྷཝགྒོ ནཱམ. ཏཏོ ཨུཔརི ལོཀསྶེཝ ཨབྷཱཝཏོཏི.

ཀམྨཙཏུཀྐཱནུདཱིཔནཱ ནིཊྛིཏཱ.

༡༥༥. མརཎུཔྤཏྟིཡཾ. ‘‘ཨཱཡུཔརིམཱཎསྶཱ’’ཏི ཨཱཡུཀཔྤསྶ. ‘‘ཏདུབྷཡསྶཱ’’ཏི ཨཱཡུཀཔྤསྶ ཙ ཀམྨསྶ ཙ. ‘‘ཨུཔགྷཱཏཀ ཀམྨེནཱ’’ཏི བལཝནྟེན པཱཎཱཏིཔཱཏཀམྨེན. ‘‘དུསྶིམཱར ཀལཱབུརཱཛཱདཱིནཾ ཝིཡཱ’’ཏི ཏེསཾ མརཎཾ ཝིཡ. ཨུཔརོདྷིཏཾ ཁནྡྷ སནྟཱན མསྶཱཏི ཝིགྒཧོ. ‘‘ཨུཔརོདྷིཏཾ’’ཏི ཨུཔགནྟྭཱ ནིརོདྷཱཔིཏཾ. ཀམྨཾ ཁིཡྻཏིཡེཝ. ཨེཝཾ སཏི, སབྦཾཔི མརཎཾ ཨེཀེན ཀམྨཀྑཡེན སིདྡྷཾ. ཏསྨཱ ཨེཀཾ ཀམྨཀྑཡ མརཎམེཝ ཝཏྟབྦནྟི ཝུཏྟཾ ཧོཏི. ‘‘ཨིཏརེཔི ཝུཏྟཱ’’ཏི ཨིཏརཱནིཔི ཏཱིཎི མརཎཱནི ཝུཏྟཱནཱིཏི ཙོདནཱ. ཝུཙྩཏེ པརིཧཱརོ. ‘‘སརསཝསེནེཝཱ’’ཏི ཨཏྟནོ དྷམྨཏཱཝསེནེཝ. ནཱནཱ ཨཱཡུ ཀཔྤཾ ཝིདཧནྟི སངྑརོནྟཱིཏི ནཱནཱཨཱཡུཀཔྤ ཝིདྷཱཡཀཱ. ‘‘སཏྟནིཀཱཡེ’’ཏི སཏྟསམཱུཧེ. ནིཙྩཀཱལཾ ཋིཏིཾ ཀརོནྟཱིཏི ཋིཏིཀརཱ. ཀདཱཙི ཝུདྡྷིཾ ཀརོནྟི, ཀདཱཙི ཧཱནིཾ ཀརོནྟཱིཏི ཝུདྡྷིཀརཱ ཧཱནིཀརཱ ཙ. ‘‘ཏེསཾ ཝསེནཱ’’ཏི ཏེསཾ ཨུཏུ ཨཱཧཱརཱནཾ ཝསེན. ‘‘ཏཡོཔི ཙེཏེ’’ཏི ཨེཏེཏཡོཔི ཋིཏིཀརཱདཡོ. ཀམྨཾ ཝིཔཙྩམཱནཾ དཏྭཱ ཁིཡྻཏཱིཏི སམྦནྡྷོ. ཨེཏེན ཨེཝརཱུཔེཋཱནེ ཀམྨཾ ཨཔྤདྷཱནནྟི དཱིཔེཏི. ‘‘ཏདནུརཱུཔཾ ཨེཝཱ’’ཏི ཏཾ དསཝསྶཀཱལཱནུ རཱུཔཾ ཨེཝ. ‘‘བྷོ གཉྩཱ’’ཏི ¶ དྷནདྷཉྙཱདིཔརིབྷོགཉྩ. ཏེསཾ ཨུཏུཨཱཧཱརཱནཾ གཏི ཨེཏེསནྟི ཏགྒཏིཀཱ. ཏེསཾ ཨུཏུཨཱཧཱརཱནཾ གཏིཾ ཨནུཝཏྟནྟཱིཏི ཝུཏྟཾ ཧོཏི. ཏེནཱཧ ‘‘ཏདནུཝཏྟིཀཱ’’ཏི. སངྑཱརཝིདཱུཧི ཨཉྙཏྲཱཏི སམྦནྡྷོ. སངྑཱརཝིདུནོ ཋཔེཏྭཱཏི ཨཏྠོ. ཨིདྡྷིཡཱ པཀཏཱཏི ཨིདྡྷིམཡཱ. ‘‘ཨིདྡྷིཡཱ’’ཏི དེཝིདྡྷིཡཱཝཱ བྷཱཝནཱམཡིདྡྷིཡཱཝཱ. ཝིཛྫཱཡ པཀཏཱཏི ཝིཛྫཱམཡཱ. ‘‘ཝིཛྫཱཡཱ’’ཏི གནྡྷཱརིཝིཛྫཱཡ. ཨཊྛི ནྷཱརུ མཾས ལོཧིཏཱདིཀཱ རསདྷཱཏུཡོ ཨཡནྟི ཝཌྜྷནྟི ཨེཏེཧཱིཏི རསཱཡནཱནི. ཏཱནི ཝིདཧནྟི ཨེཏེཧཱིཏི རསཱཡན ཝིདྷཡོ. ནཡཱུཔདེསཱ. ཙིརཊྛིཏི ཀཏྠཱཡ ཛཱིཝིཏཾ སངྑརོནྟི ཨེཏེཧཱིཏི ཛཱིཝིཏ སངྑཱརཱ. ཨིདྡྷིམཡ ཝིཛྫཱམཡ ཛཱིཝིཏ སངྑཱརེསུ ཙ རསཱཡན ཝིདྷིསངྑཱཏེསུ ཛཱིཝིཏ སངྑཱརེསུ ཙ ཝིདུནོཏི སམཱསོ. ‘‘དྭི སམུཊྛཱནིཀ རཱུཔདྷམྨེསཱུ’’ཏི ཨུཏུསམུཊྛཱནིཀ རཱུཔདྷམྨེསུ ཙ ཨཱཧཱར སམུཊྛཱནིཀ རཱུཔདྷམྨེསུ ཙ. ‘‘པརིཎམནྟེསཱུ’’ཏི ཝིཔརིཎམནྟེསུ. ཏེནཱཧ ‘‘ཛིཡྻམཱནེསཱུ’’ཏིཨཱདིཾ. ‘‘ཡཱཝམཧནྟཾ པཱིཏི’’ སབྦཉྙུབུདྡྷཱནཾ ཀམྨཾ ཝིཡ ཀོཊིཔཏྟཝསེན ཨཏིམཧནྟམྤི. ‘‘ཨསྶཱ’’ཏི ཀམྨསྶ. ‘‘ཨུཔཙྪེདཀ མརཎེཔི ནེཏབྦོ’’ཏི བལཝནྟེ ཨུཔཙྪེདཀ ཀམྨེ ཨཱགཏེ ཡཱཝམཧནྟམྤི ཛནཀ ཀམྨཾ ཨཏྟནོ ཝིཔཱཀཱདྷིཊྛཱན ཝིཔཏྟིཡཱ ཁིཡྻཏིཡེཝ. སོ ཙསྶཁཡོ ན སརསེན ཧོཏི, ཨཐ ཁོ ཨུཔཙྪེདཀ ཀམྨ བལེན ཧོཏཱིཏི ཨིདྷ ཨུཔཙྪེདཀ མརཎཾ ཝིསུཾ གཧིཏནྟི ཨེཝཾ ཨུཔཙྪེདཀ མརཎེཔི ནེཏབྦོ. ‘‘ཨཀཱལ མརཎཾ’’ཏི ཨཱཡུཀྑཡམརཎཱདཱིནི ཏཱིཎི མརཎཱནི ཀཱལམརཎཱནི ནཱམ, མརཎཱ རཧཀཱལེ མརཎཱནཱིཏི ཝུཏྟཾ ཧོཏི. ཏཏོ ཨཉྙཾ ཡཾ ཀིཉྩི མརཎཾ ཨཀཱལ མརཎནྟི ཝུཙྩཏི. ཏེནཱཧ ‘‘ཏཉྷི པཝཏྟམཱནཾ’’ཏིཨཱདིཾ. ‘‘མཱུལབྷེདཏོ’’ཏི མཱུལཀཱརཎཔྤབྷེདཏོ. ཡསྨཱ པན མིལིནྡ པཉྷེ ཝུཏྟནྟི སམྦནྡྷོ. སནྣིཔཏནྟཱིཏི སནྣིཔཱཏཱ. སནྣིཔཱཏེཧི ཨུཔྤནྣཱ སནྣིཔཱཏིཀཱཏི ཨཏྠཾ སནྡྷཱཡ ‘‘སནྣིཔཏིཏཱནཾ’’ཏི ཝུཏྟཾ. ཨཐཝཱ. སནྣིཔཏནཾ སནྣིཔཱཏོ. དྭིནྣཾ ཏིཎྞཾ ཝཱ དོསཱནཾ མིསྶཀབྷཱཝོ. སནྣིཔཱཏེན ཨུཔྤནྣཱ སནྣིཔཱཏིཀཱཏིཔི ཡུཛྫཏི. ‘‘ཨནིསམྨཀཱརཱིནཾ’’ཏི ཨནིསཱམེཏྭཱ ཨནུཔདྷཱརེཏྭཱ ཀརཎ སཱིལཱནཾ. པཝཏྟཱ ཨཱབཱདྷཱ ¶ ཝིསམཔརིཧཱརཛཱནཱམཱཏི ཡོཛནཱ. ‘‘ཨཏྟནཱ ཝཱཀཏཱནཾ པཡོགཱནཾ’’ཏི སཏྠཧརཎ, ཝིསཁཱདན, ཨུདཀཔཱཏནཱདིཝསེན ཀཏཱནཾ. ‘‘ཝིནཱསེནྟཱི’’ཏི སཏྠཝསྶ ཝཱལུཀཝསྶཱདཱིནི ཝསྶཱཔེཏྭཱཝཱ སམུདྡ ཝཱིཙིཡོ ཨུཊྛཱཔེཏྭཱཝཱ ཨེཝརཱུཔེ མཧནྟེ བྷཡུཔདྡཝེ ཀཏྭཱ ཝིནཱསེནྟི. ‘‘མནུསྶ པཐེ’’ཏི མནུསྶ པདེསེ. ‘‘ཏེ’’ཏི ཙཎྜཱ ཡཀྑཱ. ‘‘ཛཱིཝིཏཀྑཡཾ པཱཔེནྟཱི’’ཏི མནུསྶཱནཾ ཝཱ གོམཧིཾསཱནཾ ཝཱ མེདལོཧིཏཱནི པཱཏབྱཏྠཱཡ ཏེསུ ནཱནཱརོགནྟར ཀཔྤཱནི ཨུཔྤཱདེཏྭཱ ཛཱིཝིཏཀྑཡཾ པཱཔེནྟཱིཏི ཨཏྠོ. ‘‘ཝཏྟབྦམེཝ ནཏྠཱི’’ཏི སཀལཾ རཛྫཾ ཝཱ རཊྛཾ ཝཱ དཱིཔཀཾ ཝཱ ཝིནཱསེནྟཱིཏི ཝུཏྟེ སཀལཾ ཛནཔདཾ ཝཱ ནགརཾ ཝཱ ནིགམཾ ཝཱ གཱམཾ ཝཱ ཏཾ ཏཾ པུགྒལཾ ཝཱ ཝིནཱསེནྟཱིཏི ཝིསུཾ ཝཏྟབྦཾ ནཏྠཱིཏི ཨདྷིཔྤཱཡོ. ‘‘སཏྠདུབྦྷིཀྑརོགནྟར ཀཔྤཱཔཱི’’ཏི སཏྠནྟར ཀཔྤོ དུབྦྷིཀྑནྟར ཀཔྤོ རོགནྟར ཀཔྤོཏི ཨིམེ ཏཡོ ཨནྟར ཀཔྤཱཔི ཨིདྷ ཝཏྟབྦཱཏི ཨཏྠོ. ཏེསུ པན རོགནྟར ཀཔྤོ ཡཀྑཱ ཝཱལེ༹ ཨམནུསྶེ ཨོསྶཛྫནྟི, ཏེན བཧཱུ མནུསྶཱ ཀཱལངྐརོནྟཱིཏི ཨིམིནཱ ཨེཀདེསེན ཝུཏྟོཡེཝ. ‘‘ཨུཔཔཱིལ༹ཀོ པགྷཱཏཀཱནཾ ཀམྨཱནཾ ཝིཔཙྩནཝསེནཱ’’ཏི ཨེཏྠ ཏེསཾ ཀམྨཱནཾ ཨོཀཱསཔྤཊིལཱབྷེན སཏྟསནྟཱནེ སུཁསནྟཱནཾ ཝིབཱདྷེཏྭཱ མརཎཾ ཝཱ པཱཔེཏྭཱ མརཎ མཏྟཾ ཝཱ དུཀྑཾ ཛནེཏྭཱ པཱིལ༹ནཉྩ གྷཱཏནཉྩ ཨིདྷ ཝིཔཙྩན ནཱམེན ཝུཏྟནྟི དཊྛབྦཾ. ཝིཔཱཀཾ པན ཛནེནྟུཝཱ, མཱཝཱ, ཨིདྷ ཨཔྤམཱཎནྟི. ཨེཏྠ སིཡཱ. ཨཊྛསུ ཀཱརཎེསུ ཨོཔཀྐམིཀཊྛཱནེ ‘ཀུཔྤིཏཱཧི དེཝཏཱ སཀལཾ རཛྫཱདིཀཾ ཨསེསཾ ཀཏྭཱ ཝིནཱསེནྟཱི’ཏི ཝུཏྟཾ. ཏཏྠ ཝིནཱསིཏཱ ཛནཱ ཀིཾ ནུ ཁོ ཨཏྟནོ ཨཏྟནོ ཀམྨ ཝིཔཱཀཛེཧི ཨཱབཱདྷན དཎྜེཧི ཝཱ ཝིནསྶནྟི, ཨུདཱཧུ ཝིསུཾ ཨོཔཀྐམིཀེཧི ཨཱབཱདྷན དཎྜེཧི ཝཱ ཝིནསྶནྟི. ཡཉྩེཏྠ ཝུཏྟཾ ‘ཨེཝཾ ཨཀཱལ མརཎཾ ཨུཔཙྪེདཀ ཀམྨུནཱ ཝཱ ཨཉྙེཧི ཝཱ ཨནེཀ སཧསྶེཧི ཀཱརཎེཧི ཧོཏཱི’ཏི. ཏཏྠ ཡསྶ ཨུཔཙྪེདཀ ཀམྨཾ ནཱམ ནཏྠི. ཀིཾ ཏསྶ ཨཉྙེན ཀཱརཎེན ཨཀཱལ མརཎཾ ནཱམ བྷཝེཡྻཱཏི. ཨེཏྠ ཝདེཡྻུཾ, ཏསྶ ཨཉྙེན ཀཱརཎེན ཨཀཱལ མརཎཾ ནཱམ ན བྷཝེཡྻ. སབྦེ སཏྟཱ ཀམྨསྶཀཱ, ཀམྨདཱཡཱདཱ, ཀམྨཡོནཱི, ཀམྨ བནྡྷཱུ, ཀམྨཔྤཊིསྶརཎཱཏིཧི ཝུཏྟཾཏི ¶ . ཏེསཾ ཏཾ ཝཱདཾ བྷིནྡནྟོ ‘‘ཡེཧིཀེཙི ལོཀེ དིསྶནྟཱི’’ཏིཨཱདིམཱཧ. པུན ཏདཏྠཾ དལ༹ྷཾ ཀརོནྟོ ‘‘ཡཐཱཧཱ’’ཏིཨཱདིཾ ཝདཏི. ཏཏྠ དུཝིདྷཾ ཀམྨཕལཾ, ཝིཔཱཀ ཕལཉྩ ནིསྶནྡ ཕལཉྩ. ཏཏྠ ཝིཔཱཀ ཕལཾ ནཱམ ཝིཔཱཀཀྑནྡྷཱ ཙ ཙཀྑུ སོཏཱདཱིནི ཀཊཏྟཱ རཱུཔཱནི ཙ. ཏཾ ཡེན པུབྦེ ཀམྨཾ ཀཏཾ, ཏསྶེཝ སཱདྷཱརཎཾ ཧོཏི. ཏསྶ སནྟཱནེ ཨེཝ པཝཏྟཏི. ནིསྶནྡ ཕལཾ ནཱམ ཏསྶ སུཁུཔྤཏྟིཡཱ ཝཱ དུཀྑུཔྤཏྟིཡཱ ཝཱ ཨཏྟནོ ཀམྨཱནུབྷཱཝེན བཧིདྡྷཱ སམུཊྛིཏཱནི ཨིཊྛཱརམྨཎཱནི ཝཱ ཨནིཊྛཱ རམྨཎཱནི ཝཱ. ཏཾ པན ཨཉྙེསམྤི སཱདྷཱརཎཾ ཧོཏི. ཏཾ སནྡྷཱཡ ཝུཏྟཾ ‘‘སཀཀམྨསམུཊྛིཏཱ ཨེཝ. ལ. པརེསཾ སཱདྷཱརཎཱ ཨེཝཱ’’ཏི. ལོཀེ ཨཊྛལོཀ དྷམྨཱ ནཱམ སབྦེ ཀམྨ ཝིཔཱཀཛཱ ཨེཝཱཏི ན ཝཏྟབྦཱ. ཨིམེ ཙ སཏྟཱ སཾསཱརེ སཾསརནྟཱ ཨཊྛསུལོཀ དྷམྨེསུ ནིམྨུཛྫནྟཱ སཾསརནྟི, ཏསྨཱ ཏེ ཝིནཱཔི ཨུཔཔཱིལ༹ཀ ཀམྨེན ཨཉྙེཧི ཀཱརཎེཧི ནཱནཱདུཀྑཾ ཕུསནྟིཡེཝ. ཏཐཱ ཝིནཱཔི ཨུཔཙྪེདཀ ཀམྨེན མརཎ དུཀྑཾ པཱཔུཎནྟིཡེཝ. ཏེན ཝུཏྟཾ ‘‘ཀམྨེན ཝིནཱ ཡཏོཀུཏོཙི སམུཊྛིཏཱ’’ཏིཨཱདི.

‘‘ཏེ ཨུཔྤཛྫནྟཱི’’ཏི ཏེ ནཱནཱརོགཱདཡོ ཨུཔྤཛྫནྟི. ‘‘ན ཨུཔཱཡ ཀུསལཱ ཝཱ’’ཏི ཏཏོ ཨཏྟཱནཾ མོཙེཏུཾ ཀཱརཎ ཀུསལཱ ཝཱ ན ཧོནྟི. ‘‘ན ཙ པཊིཀཱར ཀུསལཱ ཝཱ’’ཏི ཨུཔྤནྣཾ རོགཱདིབྷཡཾ ཨཔནེཏུཾ ཝཱུཔསམེཏུཾ པཊིཀཱར ཀམྨེཏི ཀིཙྪཀམྨེ ཀུསལཱ ཝཱ ན ཧོནྟི. ‘‘ནཱཔི པརིཧཱར ཀུསལཱ ཝཱ’’ཏི ཏཏོ མོཙནཏྠཾ པརིཧརིཏུཾ དེསནྟརཾ གནྟུཾ ཀུསལཱ ཝཱ ན ཧོནྟཱིཏི ཨཏྠོ. སེསམེཏྠ སུཝིཉྙེཡྻཾ. ‘‘རོགཱདཡོ ཨེཝ ཏཾ ཁེཔེནྟཱ པཝཏྟནྟཱི’’ཏི ཀཐཾ ཏེ པུབྦཀམྨཾ ཁེཔེནྟཱིཏི. ཏསྶ ཝིཔཱཀབྷཱུཏཾ ཛཱིཝིཏ སནྟཱནཾ ཝིནཱསེནྟཱ ཁེཔེནྟི. ཝིནཊྛེཧི ཛཱིཝིཏ སནྟཱནེ ཏཾ བྷཝཾ ཛནེནྟཾ ཁིཡྻཏི ཡེཝཱཏི. ཏེནཱཧ ‘‘ཡཐཱཧཱི’’ཏིཨཱདིཾ. ‘‘ཀམྨསྶཔི ཏཐེཝཱ’’ཏི ཏཐེཝ པུབྦཀམྨསྶཔི ཏིཎགྒེ ཨུསྶཱཝ བིནྡུསྶེཝ པརིདུབྦལཏཱ སིདྡྷཱ ཧོཏི. ཛཱིཝིཏེ པརིཀྑཱིཎེ ཏཾ བྷཝཾ ཛནེནྟསྶ པུབྦཀམྨསྶཔི པརིཀྑཱིཎཏྟཱ. ‘‘ཨེཝཉྩེཏཾ’’ཏི ཨེཏཾ ཀམྨཔྤཊི སཾཡུཏྟ ཝཙནཾ ཨིདྷ ཨམྷེཧི ཝུཏྟནཡེན སམྤཊིཙྪིཏབྦཾ. སབྦཾ པུབྦེཀཏཧེཏུདིཊྛི ནཱམ སབྦཾ སུཁཾ ཝཱ དུཀྑཾ ཝཱ སུཙརིཏཾ ཝཱ དུཙྩརིཏཾ ཝཱ པུབྦབྷཝེ ཨཏྟནཱ ¶ ཀཏེན པུབྦཀམྨཧེཏུནཱ ཨེཝ ཨུཔྤཛྫཏཱིཏི ཨེཝཾ པཝཏྟཱ དིཊྛི. ‘‘ཡཾ ཀིཉྩཱཡཾ’’ཏི ཡཾ ཀིཉྩི ཨཡཾ. མཧཱབོདྷིསཏྟཱནཾ ཨདྷིམུཏྟིཀཱལངྐརིཡཱ ནཱམ ཨིདྷ མེ ཙིརཀཱལཾ ཋིཏསྶ པཱརམིཔཱུརཎ ཀིཙྩཾ ནཏྠི, ཨིདཱནེཝ ཨིཏོ ཙཝིཏྭཱ མནུསྶལོཀེ ཨུཔྤཛྫིསྶཱམི, ཨུཔརུཛ྄ཛྷཏུ མེ ཨིདཾ ཛཱིཝིཏནྟི ཨདྷིམུཉྩིཏྭཱ དལ༹ྷཾ མནསིཀརིཏྭཱ ཀཱལངྐརིཡཱ. ‘‘སཡམེཝ སཏྠཾ ཨཱཧརིཏྭཱ’’ཏི སཡམེཝ ཨཏྟནོ གཱིཝཾ སཏྠེན ཧནིཏྭཱཏི ཨཏྠོ. ‘‘ཨེཏྠེཝཱ’’ཏི ཨཀཱལམརཎེ ཨེཝ.

‘‘ཏཐཱ ཙཱ’’ཏིཨཱདཱིསུ. ‘‘སམཱཔཏྟི ལཱབྷཱིནཾ’’ཏི ནིདྡྷཱརཎེབྷུམྨ ཝཙནཾ. ‘‘ཛཱིཝིཏ སམསཱིསཱིནཾ’’ཏི ཨརཧཏྟ མགྒཾ ལབྷིཏྭཱ མགྒཔཙྩཝེཀྑནཝཱིཐི ཨེཝ མརཎཱསནྣཝཱིཐིཾ ཀཏྭཱ པརིནིབྦཱནཏྟཱ སམཾ སཱིསཾ ཨེཏེསནྟི སམསཱིསིནོ. ‘‘སམཾ སཱིསཾ’’ཏི ཛཱིཝིཏ སནྟཱན པརིཡནྟེན སམཾ ཝཊྚདུཀྑ སནྟཱན པརིཡནྟཾ ཝུཙྩཏི. ‘‘སབྦེསཾ པཱི’’ཏི སབྦེསམྤི ཁཱིཎཱསཝཱནཾ. ‘‘ཨིམཾ སུཏྟཔདཾ’’ཏི མཧཱཔརིནིབྦཱནསུཏྟེ ཨཱགཏཾ སུཏྟཔདཾ. ‘‘ཏེ’’ཏི ཏེ ཝཱདིནོ. ‘‘ཏེནཱ’’ཏི ཏེན ཝཱདཝཙནེན. ཀྲིཡམནོདྷཱཏུ ནཱམ པཉྩདྭཱརཱཝཛྫནཾ. ཀྲིཡཱཧེཏུཀམནོ ཝིཉྙཱཎདྷཱཏུ ནཱམ ཧསིཏུཔྤཱདཙིཏྟཾ. ‘‘ཨསྶཱ’’ཏི པརིནིབྦཱཡནྟསྶ བུདྡྷསྶ. ‘‘ན སམེཏི ཡེཝཱ’’ཏི སནྟིཾ ཨནུཔཱདིསེསཾ ནིབྦཱནཾ ཨཱརམྨཎཾ ཀཏྭཱཏི ཨེཏྠ པརིནིབྦཱན ཛཝནེཧི ཨཱརམྨཎཾ ཀཏྭཱཏི ཝུཏྟེཔི ན སམེཏིཡེཝ. ཏེནཱཧ ‘‘ཏཐཱཧཱི’’ཏིཨཱདིཾ. ‘‘བྷཝངྒཾ ཨོཏརིཏྭཱ པརིནིབྦཱཡཏཱི’’ཏི ཨེཏྠ པརིནིབྦཱན ཙུཏིཙིཏྟམེཝ བྷཝངྒནྟི ཝུཏྟཾ. ཙུཏིཙིཏྟནྟི ཙ བྷཝནྟརཾ གཙྪནྟསྶེཝ ཝུཙྩཏི. ཨིདྷ པན ཝོཧཱར མཏྟནྟི དཊྛབྦཾ. ཝིབྷཱཝནིཔཱཋེ. ཙུཏིཔརིཡོསཱནཱནཾ མརཎཱསནྣ ཙིཏྟཱནཾ. ཡཐཱ པན བུདྡྷཱནཾ བྷགཝནྟཱནཾ ཡཱཝཛཱིཝཾ ཨུཔྤནྣཾ མཧཱབྷཝངྒཙིཏྟཾ ཀམྨཀམྨནིམིཏྟཱདཡོ ཨཱརམྨཎཾ ཀརོཏིཡེཝ. ཏཐཱ པརིནིབྦཱན ཙུཏིཙིཏྟཾ པཱིཏི ཨཱཧ ‘‘ན ཧཱི’’ཏིཨཱདིཾ. ནནུ མརཎཀཱལེ ཀམྨཀམྨནིམིཏྟཱདཱིནཾ གཧཎཾ ནཱམ བྷཝནྟར གམནཏྠཱཡ ཧོཏི, བུདྡྷཱ ཙ བྷཝནྟརཾ ན གཙྪནྟི. ཏསྨཱ ‘‘ན ཧི. ལ. ན ཀརོཏཱི’’ཏི ཨིདཾ ན ཡུཏྟནྟི. ནོ ན ཡུཏྟཾ. བྷཝནྟར གམནཏྠཱཡཱཏི ཨིདཾ ཛཝནེཧི གཧཎེ དཊྛབྦཾ. ཨིདྷ པན ཙུཏིཙིཏྟེན གཧཎེཏི དསྶེནྟོ ‘‘ནཙཙུཏིཡཱགཧིཏཱནཱི’’ཏིཨཱདིམཱཧ. ‘‘ཀམྨསིདྡྷིཡཱ’’ཏི ཀམྨསིཛ྄ཛྷནཏྠཱཡ ¶ .‘‘ཨེཏྠ ཙཱ’’ཏིཨཱདཱིསུ. ‘‘ཏསྶཱ’’ཏི སོཎཏྠེར པིཏུནོ. ‘‘ཀམྨབལེནཱ’’ཏིཨཱདཱིསུ. ‘‘ཨཉྙེནཔི ཀཱརཎ བལེནཱ’’ཏི ཨཱཙིཎྞབྷཱཝཱདིཀེན ཀཱརཎབལེན. གཏིནིམིཏྟཾ པན ཀམྨབལེནེཝཱཏི ཡུཏྟཾ སིཡཱ. ‘‘ཏཐོཔཊྛིཏཾ’’ཏི ཨནྟིམཝཱིཐིཏོ པུབྦེ བཧཱུསུཝཱིཐཱིསུ ཨུཔཊྛིཏཔྤཀཱརནྟིཨཏྠོ. པཱཔཔཀྑིཡེསུ དུགྒཏིནིམིཏྟེསུ. ཀལྱཱཎཔཀྑིཡཱནི སགྒནིམིཏྟཱནི. དྷམྨཱསོཀརཉྙོ མརཎཀཱལེ པཱཔཔཀྑིཡཱནཾ ཨུཔཊྛཱནཾ ཀཏྠཙི སཱིཧལ༹གནྠེ ཝུཏྟཾ.

སཀལཾ པཐཝིཾ བྷུཏྭཱ,

དཏྭཱ ཀོཊིསཏཾ དྷནཾ;

ཨནྟེ ཨཌྜྷཱམལཀམཏྟསྶ;

ཨསོཀོ ཨིསྶརཾ གཏོ; ཏི ཙ;

ཨསོཀོ སོཀ མཱགཏོ; ཏི ཙ;

‘‘ཏཾ’’ཏི ཝིཔཙྩམཱནཀཾ ཀམྨཾ. ‘‘ནིཡཱམཀ སཧཀཱརི པཙྩཡབྷཱུཏཱ’’ཏི ཨེཏྠ ཡཐཱ ནཱཝཱཡཾ ནིཡཱམཀོ ནཱམ ནཱཝཾ ཨིཙྪིཏདིསཱབྷིམུཁཾ ནིཡཱམེཏི, ནིཡོཛེཏི. ཏཐཱ ཨཡཾ ཏཎྷཱཔི བྷཝནིཀནྟི ཧུཏྭཱ ཙིཏྟསནྟཱནཾ གནྟབྦབྷཝཱབྷིམུཁཾ ནིཡཱམེཏི, ནིཡོཛེཏི. ཀམྨསྶ ཙ ཨཙྩཱཡཏྟ སཧཱཡབྷཱཝེན སཧཀཱརཱི པཙྩཡོ ཧོཏཱིཏི དཊྛབྦཾ. ‘‘ཀུསལཱཀུསལ ཀམྨནིམིཏྟཱནི ཝཱ’’ཏི ཨཉྙཱནི ཀུསལཱ ཀུསལཀམྨནིམིཏྟཱནི ཝཱ. ‘‘ཏདུཔཏྠམྦྷིཀཱ’’ཏི ཏསྶ ཀམྨསྶ ཨུཔཏྠམྦྷིཀཱ. ‘‘ནིམིཏྟསྶཱདགདྷིཏཾ’’ཏི མུཁནིམིཏྟཱདཱིསུ ཨསྶཱདེནྟཾ གིཛ྄ཛྷནྟཾ. ‘‘ཏིཊྛམཱནཾ ཏིཊྛཏཱི’’ཏི ཏིཊྛམཱནཾ ཧུཏྭཱ ཏིཊྛཏི. ཨམུཉྩིཏྭཱ ཏིཊྛཏཱིཏི ཝུཏྟཾ ཧོཏི. ཨནུབྱཉྫནཾ ནཱམ པིཡསཱཏརཱུཔོ ཀཐིཏལཔིཏཱདི ཀྲིཡཱཝིསེསོ. ‘‘ཨསྶ པུགྒལསྶཱ’’ཏི ཨཱསནྣ མརཎསྶ པུགྒལསྶ. ཨཊྛཀཐཱ པཱཋེ. ‘‘ཀིལེས བལཝིནཱམིཏཾ’’ཏི ཨཝིཛྫཱ ཏཎྷཱདཱིནཾ ཀིལེསཱནཾ བལེན ཝིནཱམིཏཾ. པཊིཙྪཱདིཀཱ ཨཱདཱིན ཝཱ ཡསྶཱཏི ཝིགྒཧོ. ‘‘ཏཾ’’ཏི ཙིཏྟསནྟཱནཾ. ‘‘ཏསྨིཾ’’ཏི ཀམྨཱདིཝིསཡེ. ཨཊྛཀཐཱཡ ན སམེཏི. ཏསྨིཾ ཝིསཡེཏིཧི ཏཏྠ ཝུཏྟཾ. ན ཝུཏྟཾ ཏསྨིཾ བྷཝེཏི. ‘‘ཏསྨིཾ ཝུཏྟཱ ནཾ’’ཏི ¶ ཏསྨིཾ ‘ཡེབྷཱུཡྻེན བྷཝནྟརེ ཚ དྭཱརགྒཧིཏཾ’ཏི ཋཱནེ ཊཱིཀཱསུ ཝུཏྟཱནཾ. ཏཾ སདིས ཛཝནུཔྤཏྟི ནཱམ ཀམྨཀརཎཀཱལེ པཝཏྟ ཛཝནེཧི སདིསཱནཾ ཨིདཱནི ཛཝནཱནཾ ཨུཔྤཏྟི. བྷཝཔྤཊིཙྪནྣཉྩ ཀམྨཾ ཨཔཱཀཊཉྩ ཀམྨཾ ན ཏཐཱ ཨུཔཊྛཱཏི. ཀེཝལཾ ཨཏྟཱནཾ ཨབྷིནཝཀརཎ ཝསེན དྭཱརཔཏྟཾ ཧུཏྭཱ ཨུཔཊྛཱཏཱིཏི ཨདྷིཔྤཱཡོ. ‘‘ཝིསཱིད པཏྟཱ’’ཏི ཝིསཉྙཱིབྷཱཝེན ཝིརཱུཔཾ ཧུཏྭཱ སཱིདནཔཏྟཱ. ‘‘ཏབྦིཔརཱིཏེན པཱཔཀམྨ བཧུལཱཔི ཝཏྟབྦཱ’’ཏི ཏེཔིཝིསཱིདནྟརེ ཨཱཝུདྷ ཧཏྠཱ པཱཎགྷཱཏཾ ཀརོནྟཱ གཎྷཐབནྡྷཐཱཏི ཨུགྒྷོསནྟཱ དུཊྛཙིཏྟཱ ཧོནྟཱིཏིཨཱདིནཱ ཝཏྟབྦཱ. ཨཊྛཀཐཱ པཱཋེསུ. ཨུཀྑིཏྟོ ཨསི ཡསྶཱཏི ཨུཀྑིཏྟཱ སིཀོ. པཏུདནྟི ཝིཛ྄ཛྷནྟི ཨེཏེནཱཏི པཏོདནཾ. པཱཛནདཎྜོ. ཏསྶ ཨགྒེ ཀཏཱ སཱུཙི པཏོདན སཱུཙི. ‘‘པཏོདན དུཀྑཾ’’ཏི ཝིཛ྄ཛྷན དུཀྑཾ. ཀཐཾ པན ཨུཀྑིཏྟཱསིཀཱདིབྷཱཝེན ཨུཔཊྛཱནཾ ཀམྨུཔཊྛཱནཾ ནཱམ ཧོཏི. ཀཐཉྩ ཏཾ པཊིསནྡྷིཡཱ ཨཱརམྨཎབྷཱཝཾ ཨུཔེཏཱིཏི ཨཱཧ ‘‘སོ ཙཱ’’ཏིཨཱདིཾ. ཨུཔྤཛྫམཱནཱནཾ སཏྟཱནཾ. ‘‘ཨིཏརེསཾ པནཱ’’ཏི རཱུཔཱརཱུཔ བྷཝེསུ ཨུཔྤཛྫམཱནཱནཾ པན. ‘‘པརིཔུཎྞཾ ཀཏྭཱ’’ཏི ཏདཱརམྨཎ པརིཡོསཱནཱཡཝཱ སུདྡྷཱཡ ཝཱ ཛཝནཝཱིཐིཡཱཏི ཨེཝཾ པརིཔུཎྞཾ ཀཏྭཱ. ཨཡཾ པན བྷཝངྒཱཝསཱནེ ཙུཏིཙིཏྟུཔྤཏྟི ནཱམ ཨཊྛཀཐཱསུ ནཏྠི. ཡཉྩ བྷཝངྒཾ ཨོཏརིཏྭཱ པརིནིབྦཱཡཏཱིཏིཨཱདི ཏཏྠ ཏཏྠ ཝུཏྟཾ. ཏཏྠཔི ‘‘བྷཝངྒཾ’’ཏི ཙུཏིཙིཏྟམེཝ ཊཱིཀཱསུ ཝཎྞེནྟི. ཏསྨཱ ‘‘བྷཝངྒཀྑཡེཝཱ’’ཏི ཨིདཾ ཀཐཾ ཡུཛྫེཡྻཱཏི ཨཱཧ ‘‘ཨེཏྠ ཙཱ’’ཏིཨཱདིཾ. ཨནུརཱུཔཾ སེཏཱིཏི ཨནུསཡོ. ཨནུབནྡྷོ ཧུཏྭཱ སེཏཱིཏི ཨནུསཡོ. ཨནུ ཨནུ ཝཱ སེཏཱིཏི ཨནུསཡོ. ཨེཏྠ ཙ ཨནུསཡོ ནཱམ ཛཝནསཧཛཱཏོ ན ཧོཏི. ཨིདྷ ཙ ཨནུསཡ ནཱམེན ཝུཏྟཾ. ནཱནཱཛཝན སཧཛཱཏཱ ཙ ཨཝིཛྫཱ ཏཎྷཱ པཊིསནྡྷིཡཱ ཝིསེས པཙྩཡཱ ཧོནྟེཝ. ཀཐཾ ཏཱ ཨིདྷ གཧིཏཱ སིཡུནྟི ཨཱཧ ‘‘ཨེཏྠ ཙཱ’’ཏིཨཱདིཾ. ཨེཝཾ སནྟེ ཨཝིཛྫཱ པརིཀྑིཏྟེན ཏཎྷཱམཱུལཀེནཱཏི ཝུཏྟེསུ སུཊྛུ ཡུཛྫཏི. ཨནུསཡེཧི སཧ ཛཝནསཧཛཱཏཱནམྤི ལདྡྷཏྟཱ. ཏསྨཱ ཨིདྷ ཨནུསཡ ཝཙནཾ ན ཡུཏྟནྟི ཙོདནཱ. ཡུཏྟམེཝཱཏི དསྶེནྟོ ‘‘ཨཔི ཙཱ’’ཏིཨཱདིམཱཧ. ‘‘པརིཡཏྟཱ’’ཏི སམཏྟཱ. ‘‘སོ པཱི’’ཏི ཕསྶཱདི དྷམྨ སམཱུཧོཔི ¶ .‘‘ཏཐཱ རཱུཔཱ ཡེཝཱ’’ཏི ཨགྒམགྒེན ཨཔྤཧཱིན རཱུཔཱཡེཝ, ཨནུསཡབྷཱུཏཱཡེཝཱཏི ཝུཏྟཾ ཧོཏི. ‘‘ཏཾ’’ཏི ཙིཏྟ སནྟཱནཾ. ‘‘ཏཏྠཱ’’ཏི ཏདུབྷཡསྨིཾ. ཀཐཾ ཏཾ ཏཏྠ ཁིཔནྟཱིཏི ཨཱཧ ‘‘ཏསྨིཾ’’ཏིཨཱདིཾ. ‘‘ཝིཛཱནནདྷཱཏུཡཱ’’ཏི ཝིཉྙཱཎ དྷཱཏུཡཱ. སངྐནྟཱ ནཱམ ནཏྠི. ཡཏྠ ཡཏྠ ཨུཔྤཛྫནྟི. ཏཏྠ ཏཏྠེཝ བྷིཛྫནྟཱིཏི ཨདྷིཔྤཱཡོ. ཀུཏོ མརཎཀཱལེ སངྐནྟཱ ནཱམ ཨཏྠི ཝིཛྫནྟཱིཏི ཡོཛནཱ. ཨེཝཾ སནྟེ ཨིདཾ ཝཙནཾ ཨནམཏགྒིཡ སུཏྟེན ཝིརུདྡྷཾ སིཡཱཏི. ན ཝིརུདྡྷཾ. ཨིདཉྷི ཨབྷིདྷམྨ ཝཙནཾ, མུཁྱཝཙནཾ, ཨནམཏགྒིཡ སུཏྟཾ པན སུཏྟནྟ ཝཙནཾ པརིཡཱཡ ཝཙནནྟི དསྶེནྟོ ‘‘ཡཉྩཱ’’ཏིཨཱདིམཱཧ. པརིཡཱཡེན ཝུཏྟནྟི ཝཏྭཱ ཏཾ པརིཡཱཡཾ དསྶེཏི ‘‘ཡེསཉྷཱི’’ཏིཨཱདིནཱ. ‘‘སོ’’ཏི སོ པུགྒལོ. ‘‘ཏེསཾ’’ཏི ཨཝིཛྫཱ ཏཎྷཱ སངྑཱརཱནཉྩ པཊིསནྡྷི ནཱམ རཱུཔ དྷམྨཱནཉྩ. ‘‘ཧེཏུཔྥལསམྦནྡྷེན བྷཝནྟརཾ སནྡྷཱཝཏི སཾསརཏཱིཏི ཝུཙྩཏཱི’’ཏི པུབྦེ ཀམྨཀརཎཀཱལེཔི ཏེ ཨཝིཛྫཱ ཏཎྷཱ སངྑཱརཱ ཨེཝ སོ སཏྟོཏི ཝུཙྩནྟི. པཙྪཱ ཏེསཾ ཕལབྷཱུཏཱཡཾ པཊིསནྡྷིཡཱ པཱཏུབྷཝནཀཱལེཔི སཱཔཊིསནྡྷི ཨེཝ སོ སཏྟོཏི ཝུཙྩཏི. མཛ྄ཛྷེ དྷམྨཔྤབནྡྷོཔི སོ སཏྟོཏི ཝུཙྩཏི. ཨེཝཾ ཧེཏུདྷམྨེཧི སདྡྷིཾ ཕལདྷམྨེ ཨེཀཾ སཏྟཾ ཀརོནྟསྶ ཧེཏུཔྥལ སམྦནྡྷོ ཧོཏི. ཨེཝཾ ཧེཏུཔྥལ སམྦནྡྷེན སོ ཨེཝ ཀམྨཾ ཀརོཏི. ཏེན ཀམྨེན སོ ཨེཝ བྷཝནྟརཾ སནྡྷཱཝཏི སཾསརཏཱིཏི ཝུཙྩཏི. ཨེཏྠ ཙ ཨནམཏགྒོ ཡཾ བྷིཀྑཝེ. ལ. ཨཝིཛྫཱནཱིཝརཎཱནཾ སཏྟཱནཾཏི ཨེཝཾ སཏྟཝོཧཱརེན ཝུཏྟཏྟཱ སཱདྷམྨདེསནཱ པརིཡཱཡདེསནཱ ཧོཏི. པརིཡཱཡདེསནཏྟཱ ཙ སནྡྷཱཝཏཾ སཾསརཏནྟི པརིཡཱཡོཔི སིཛ྄ཛྷཏི. ཡསྶཾ པན དྷམྨ དེསནཱཡཾ དྷམྨདེསནཱཏི ཝཙནཱནུ རཱུཔཾ དྷམྨམེཝ དེསེཏི, ན སཏྟཾ, ན པུགྒལཾ. ཨཡཾ དྷམྨདེསནཱ ཨེཝ མུཁྱདེསནཱ ནཱམ ཧོཏི. ཏཏྠ དེསིཏ དྷམྨཱ པན པཀཏིཀཱལེཔི དེསནྟརཾ ཀཱལནྟརཾ ཁཎནྟརཾ སངྐནྟཱ ནཱམ ནཏྠི. ཡཏྠ ཡཏྠ ཨུཔྤནྣཱ, ཏཏྠ ཏཏྠེཝ བྷིཛྫནྟི. ཁཡཝཡཾ གཙྪནྟི. ཏེན ཝུཏྟཾ ‘ན ཧི ཨུཔྤནྣུཔྤནྣཱ དྷམྨཱ. ལ. སངྐནྟཱ ནཱམ ཨཏྠཱི’ཏི. པཊིགྷོསོ ཙ, པདཱིཔོ ཙ, མུདྡཱ ཙ. ཨཱདིསདྡེན པཊིབིམྦཙྪཱཡཱ ཙ, བཱིཛསངྑཱརོ ཙ, པཱཊིབྷོགོ ཙ, བཱལཀུམཱར སརཱིརེསུ ཨུཔཡུཏྟཱ ཝིཛྫཱསིཔྤོསདྷཱ ཙཱཏི ཨེཝཾ ཨཊྛཀཐཱ ཡཾ ¶ ཨཱགཏཱནི ནིདསྶནཱནི སངྒཡ྄ཧནྟི. ‘‘ནིདསྶནཱ’’ནཱིཏི ཙ ཨུཔམཱཡོ ཝུཙྩནྟི. ཏཏྠ ‘‘པཊིགྷོསོ’’ཏི གམྦྷཱིརལེཎ དྭཱརེ ཋཏྭཱ སདྡཾ ཀརོནྟསྶ ཨནྟོལེཎེ པཊིགྷོསོ པཝཏྟཏི. ཏཏྠ དྭཱརེ ཨུཔྤནྣོ མཱུལསདྡོ ཨནྟོལེཎཾ ན གཙྪཏི, ཨུཔྤནྣཊྛཱནེ ཨེཝ ནིརུཛ྄ཛྷཏི. པཊིགྷོསོ ཙ ཏཏོ ཨཱགཏོ ན ཧོཏི. ན ཙ ཝིནཱ མཱུལསདྡ + པཙྩཡེན ཨཉྙཏོ པཝཏྟཏི. མཱུལསདྡཔཙྩཡཱ ཨེཝ ཏཏྠ པཝཏྟཏཱིཏི. ཏཏྠ མཱུལསདྡོ ཝིཡ ཨཏཱིཏ ཀམྨཾ. པཊིགྷོསོ ཝིཡ ཨནནྟརེ པཊིསནྡྷི. ཨེསནཡོ པདཱིཔ མུདྡཱ པཊིབིམྦཙྪཱཡཱསུ. ཏཏྠ ‘‘པདཱིཔོ’’ཏི པཐམཾ ཨེཀཾ པདཱིཔཾ ཛཱལེཏྭཱ ཏེན ཨཉྙཾ པདཱིཔསཏམྤི པདཱིཔ སཧསྶམྤི ཛཱལེཏི. ‘‘མུདྡཱ’’ཏི ལཉྪནལེཁཱ. ཏཏྠ ཨེཀེན ལཉྪནཀྑནྡྷེན, ཏེན ལཉྪནལེཁཱསཏམྤི ལཉྪནལེཁཱ སཧསྶམྤི ཀརོཏི. ‘‘པཊིབིམྦཙྪཱཡཱ’’ཏི པསནྣེསུ ཨཱདཱསཔཊྚེསུཝཱ ཨུདཀེསུཝཱ ཨུཔྤནྣཱ སརཱིརཙྪཱཡཱ. ཨེཏེཧི ནིདསྶནེཧི ཕལཾ ནཱམ ཧེཏུཏོ ཨཱགཏཾ ན ཧོཏི. ཧེཏུནཱ ཙ ཝིནཱ ན སིཛ྄ཛྷཏཱིཏི ཨེཏྟཀམཏྠཾ དཱིཔེཏི. ‘‘བཱིཛསངྑཱརོ’’ཏི ཀཱལནྟརེ ཨུཔྤནྣེསུ པུཔྥཕལེསུ ཨིཙྪིཏཝཎྞ གནྡྷརསཔཱཏུབྷཱཝཏྠཱཡ རོཔནཀཱལེ ཨམྦབཱིཛཱདཱིསུ ཨིཙྪིཏཝཎྞ གནྡྷརསདྷཱཏཱུནཾ པརིབྷཱཝནཱ. ཏཏྠ ཏཔྤཙྩཡཱ ཀཱལནྟརེ པུཔྥཕལེསུ ཨུཔྤནྣེསུ ཏེཝཎྞགནྡྷརསཱ པཱཏུབྦྷཝནྟི. ‘‘པཱཊིབྷོགོ’’ཏི ཀིཉྩི ཨཏྠཾ སཱདྷེཏུཾ པརསྶ སནྟིཀེ ཨིཎཾ གཎྷནྟསྶ ཏཝདྷནཾ སཾཝཙྪརེན ཝུཌྜྷིཡཱ སཧ དསྶཱམི, སཙེ ནདདེཡྻཾ. ཨསུཀཾ ནཱམ མམཁེཏྟཾ ཝཱ ཝཏྠུཝཱ ཏུཡ྄ཧཾ ཧོཏཱུཏི པཊིཉྙཱཋཔནཾ. ཏཏྠ ཏཔྤཙྩཡཱ དྷནཾ ལབྷིཏྭཱ ཏཾ ཨཏྠཉྩ སཱདྷེཏི. ཀཱལེ སམྤཏྟེ ཝུཌྜྷིཡཱ སཧ ཨིཎཉྩ སོདྷེཏི. ‘‘ཝིཛྫཱསིཔྤོསདྷཱ’’ཏི ལོཀེ པུཏྟཀེ ཡཱཝཛཱིཝཾ ཧིཏཏྠཱཡ དཧརཀཱལེ ཀིཉྩི ཝིཛྫཾཝཱ སིཔྤཾཝཱ སིཀྑཱཔེནྟི. ཡཱཝཛཱིཝཾ ཁརརོགཱནཾ ཨནུཔྤཱདཏྠཱཡ དཧརཀཱལེ ཨོཛཝནྟཾ ཀིཉྩི ཨོསདྷཾ ཝཱ ཨཛ྄ཛྷོཧཱརེནྟི. ཏཏྠ ཏཔྤཙྩཡཱ པུཏྟཱནཾ ཡཱཝཛཱིཝཾ ཧིཏཔྤཊིལཱབྷོ ཝཱ ཏཱདིསཱནཾ རོགཱནཾ ཨནུཔྤཱདོ ཝཱ ཧོཏིཡེཝ. ཨེཏེཧི ཡཐཱ ཀཱལནྟརེ ཨསནྟེསུཡེཝ པཱཊིབྷོགཱདཱིསུ མཱུལཀམྨེསུ པུབྦབྷཱགེ ཀཏཔཙྩཡཱ ཨེཝ པཙྪཱ ཨཏྠ སཱདྷནཱདཱིནི སིཛ྄ཛྷནྟི. ཏཐཱ ཀུསལཱ ཀུསལ ཀམྨཱནི ¶ ཀཏྭཱ ཀཱལནྟརེ ཏེསུ ཨསནྟེསུཔི པུབྦེ ཀཏཏྟཱ ཨེཝ པཙྪཱ པཊིསནྡྷཱདཱིནི ཕལཱནི པཱཏུབྦྷཝནྟཱིཏི དཱིཔེཏི. ཏེནཝུཏྟཾ ‘‘པཊིགྷོས པདཱིཔམུདྡཱདཱིནི ཙེཏྠ ནིདསྶནཱནཱི’’ཏི. ‘‘ཀམྨདུབྦལབྷཱཝེནཱ’’ཏི ཏདཱ ཛཱིཝིཏིནྡྲིཡསྶ དུབྦལཏྟཱ ཀམྨམྤི དུབྦལམེཝ ཧོཏཱིཏི ཀཏྭཱ ཝུཏྟཾ. ཀཱམཉྩེཏྠ ཨཊྛཀཐཱཡཾ ཝཏྭཱ དསྶིཏཾ, ཏཐཱཔི སམྦྷཝཏཱིཏི སམྦནྡྷོ. ཏཏྠ ‘‘ཏཾ པཱི’’ཏི གཏིནིམིཏྟམྤི. ‘‘ཏཐཱ ཙཝནྟཱནཾ’’ཏི དིབྦརཐཱདཱིནི གཏིནིམིཏྟཾ ཀཏྭཱ ཙཝནྟཱནཾ. ‘‘དཡ྄ཧམཱནཀཱཡེནཱ’’ཏི ཨིཏྠམྦྷཱུཏལཀྑཎེ ཀརཎཝཙནཾ. གཱཐཱཡཾ. པཉྩདྭཱརེ པཊིསནྡྷིཀམྨཾ ཝིནཱ དྭིགོཙརེ སིཡཱཏི ཡོཛནཱ. ཏཏྠ ‘‘དྭིགོཙརེ’’ཏི ཀམྨནིམིཏྟ གཏིནིམིཏྟབྷཱུཏེ དྭིགོཙརེ. ཏཏྠ པཉྩདྭཱརེ པཊིསནྡྷི ནཱམ པཉྩདྭཱརིཀ མརཎཱསནྣ ཝཱིཐིཙིཏྟཱནཾ ཨནྟེ ཙ ཝནྟཱནཾ པཊིསནྡྷི. སཱཔི གཏིནིམིཏྟབྷཱུཏེ གོཙརེ སིཡཱཏི ཝུཏྟེ པཉྩདྭཱརིཀ ཝཱིཐིཙིཏྟཱནི པཉྩཱརམྨཎབྷཱུཏཱནི གཏིནིམིཏྟཱནི ཨཱརམྨཎཾ ཀརོནྟཱིཏིཔི སིདྡྷཾ ཧོཏི. ཨེཝཉྩ སཏི. ཏེསཾ ཝཱིཐིཙིཏྟཱནཾ ཨནྟེ ཨཙཝིཏྭཱ ཏདནུབནྡྷཀ མནོདྭཱརིཀཝཱིཐིཙིཏྟེཧིཔི ཀདཱཙི ཀེསཉྩི ཙ ཝནཾ ནནསམྦྷཝཏཱིཏི སཀྐཱ ཝཏྟུཾ. ཏེསུ པན ཨནུབནྡྷཀ ཝཱིཐཱིསུ ཨཏཱིཏགྒཧཎ སམུདཱཡགྒཧཎེཧི ཙ ཝནྟཱནཾ ཨཏཱིཏཱནིཔི གཏིནིམིཏྟཱནི ལབྦྷནྟི. ཝཏྠུགྒཧཎནཱམགྒཧཎེཧི ཙ ཝནྟཱནཾ དྷམྨཱ རམྨཎཾཔི ལབྦྷཏིཡེཝ. ཏསྨཱ ཡཾ ཝུཏྟཾ ཨཱཙརིཡེན ཀཱམཱཝཙར པཊིསནྡྷིཡཱ ཚ དྭཱརགྒཧིཏཾ ཀམྨནིམིཏྟཾ གཏིནིམིཏྟཉྩ པཙྩུཔྤནྣམཏཱིཏཱ རམྨཎཾ ཨུཔལབྦྷཏཱིཏི. ཏཾ སུཝུཏྟམེཝཱཏི དཊྛབྦཾ. ཡཾ པན ‘ཏམེཝ ཏཐོཔཊྛིཏཾ ཨཱརམྨཎཾ ཨཱརབྦྷ ཙིཏྟསནྟཱནཾ ཨབྷིཎྷཾ པཝཏྟཏཱི’ཏི ཨེཝཾ ཨནྟིམཝཱིཐིཏོ པུབྦབྷཱགེ བཧཱུནཾ ཝཱིཐིཝཱརཱནཾ པཝཏྟནཾ ཨཱཙརིཡེན ཝུཏྟཾ. ཏཾ ཏཐོཔཊྛིཏཾ གཏིནིམིཏྟཾ ཨཱརབྦྷཱཏིཔི ལདྡྷུཾ ཝཊྚཏིཡེཝ. ཨེཝཉྩསཏི, གཏིནིམིཏྟཾཔི ཨཏཱིཏཾ ལབྦྷཏཱིཏི དསྶེཏུཾ ‘‘ཡདཱཔནཱ’’ཏིཨཱདི ཝུཏྟཾ. ‘‘སནྟཏི ཝསེནཱ’’ཏི སནྟཏི པཙྩུཔྤནྣ ཝསེན. ‘‘ཏསྶཱ’’ཏི གཏིནིམིཏྟསྶ. ཡེབྷཱུཡྻེན ཝུཏྟོ, ན སབྦསངྒཱཧིཀེན ཝུཏྟོཏི ཨདྷིཔྤཱཡོ. ‘‘མནོདྭཱརིཀ མརཎཱསནྣ ཛཝནཱནཾཔི ཨིཙྪིཏབྦཏྟཱ’’ཏི པུརེཛཱཏཔཙྩཡ བྷཱཝེན ཨིཙྪིཏབྦཏྟཱཏི ཨདྷིཔྤཱཡོ. ‘‘ཏདནུབནྡྷཱཡཱ’’ཏི ཏཱནི མནོདྭཱརི ཀམརཎཱསནྣ ¶ ཛཝནཱནི ཨནུགཏཱཡ. ‘‘པཊིསནྡྷིཡཱཔི སམྦྷཝཏོ’’ཏི ཏསྶ པུརེཛཱཏ པཙྩཡསྶ པཊིསནྡྷིཡཱཔི པུརེཛཱཏ པཙྩཡཏཱ སམྦྷཝཏོ. ནནུ ཐེརེན བྷིནྡིཏྭཱ ཨཝུཏྟེཔི བྷིནྡིཏབྦེ སཏི, བྷིནྡནམེཝ ཡུཏྟནྟི ཙེ. ན ཡུཏྟཾ. ཀསྨཱ, ཀམྨནིམིཏྟེན སམཱནགཏིཀཏྟཱ. ཏེནཱཧ ‘‘ནཙཏཾ’’ཏིཨཱདིཾ. ཝིབྷཱཝནིཡཾ ཡཐཱསམྦྷཝཾ ཡོཛེཏབྦཾཏི ཝཏྭཱ ཨཔརེཔན ཨཝིསེསཏོཝ ཝཎྞེནྟཱིཏི ཨཔརེཝཱདོཔི ཝུཏྟོ. ཏཏྠ ‘‘ཨཝིསེསཏོ ཝཎྞེནྟཱི’’ཏི ཨབྷིནྡིཏྭཱཝ ཝཎྞེནྟཱིཏི ཝུཏྟཾ ཧོཏི. པུན ཏཾ ཨཔརེཝཱདཾ ཨསམྤཊིཙྪནྟོ ‘‘ཨཊྛཀཐཱཡཾ པནཱ’’ཏིཨཱདིམཱཧ. ཨིདྷ པན ཏཾ ཨཔརེཝཱདཾ པགྒཎྷནྟོ པུན ‘‘ཡཉྩ ཏཏྠཱ’’ཏིཨཱདིམཱཧ. ཏཏྠ ‘‘ཏདཱརམྨཎཱཡཱ’’ཏི ཏཾ གཏིནིམིཏྟཱ རམྨཎཱཡ. ‘‘ཏེསཾ ཝཙནཾ’’ཏི ཨཔརེསཾ ཝཙནཾ. ‘‘ཨཉྙཏྲ ཨཝིཙཱརཎཱཡཱ’’ཏི ཀསྨཱ ཝུཏྟཾ. ནནུ ཨཊྛཀཐཱཡཾ པནཱཏིཨཱདི སབྦཾ ཝིཙཱརཎཱ ཝཙནམེཝ ཧོཏཱིཏི. སཙྩཾ ཡཐཱ དིཊྛཔཱཋཝསེན, སཱཝསེས པཱཋབྷཱཝཾ པན ན ཝིཙཱརེཏིཡེཝ. ཏསྨཱ ‘‘ཨཉྙཏྲ ཨཝིཙཱརཎཱཡཱ’’ཏི ཝུཏྟཾ. ཨེཏྠ སིཡཱ. ཨཊྛཀཐཱཔཱཋོ སཱཝསེསོ ཧོཏུ, མཱུལཊཱིཀཱཔཱཋོ པན མནོདྭཱརེ ཡེཝཱཏི ནིཡམེཏྭཱ ཝུཏྟཏྟཱ ཀཐཾ སཱཝསེསོ སིཡཱཏི. ནིཡམེཏྭཱ ཝུཏྟོཔི ཨིདྷ ཨདྷིཔྤེཏཏྠེ ཨཔརིཔུཎྞེ སཱཝསེསོ ཨེཝ ཧོཏཱིཏི. ཏེན ཝུཏྟཾ ‘‘ཨཉྙཾ ཀཱརཎཾ ནཏྠི ཨཉྙཏྲ ཨཝིཙཱརཎཱཡཱ’’ཏི. ‘‘པཙྩུཔྤནྣམཏཱིཏཾ’’ཏིཨཱདཱིསུ. ཏདཱརམྨཎཱཝསཱནཱཡ པཉྩདྭཱརིཀ ཛཝནཝཱིཐིཡཱ ཙ ཝནཾ ཧོཏཱིཏི ཡོཛནཱ. ཨེཝཾ ཨཔརཏྠཔི. བལཝནྟེཔི སཏི. ཏདཱརམྨཎཱཝསཱནཱཡ ཨེཝ ཝཱིཐིཡཱ. ‘‘ཝུཏྟཏྟཱ པནཱ’’ཏི ཨཊྛཀཐཱཡཾ ཨེཝ ཝུཏྟཏྟཱ པན. ‘‘པུརིམབྷཱགེ ཨེཝཱ’’ཏི པཉྩདྭཱརིཀ ཨནྟིམ ཝཱིཐིཏོ པུབྦབྷཱགེ ཨེཝ. ‘‘ཏཱཧཱི’’ཏི དེཡྻདྷམྨཝཏྠཱུཧི. ‘‘ཡཐཱཏཾ’’ཏི ཏཾ ཨཏྠཛཱཏཾ ཀཏམཾ ཝིཡཱཏི ཨཏྠོ. ‘‘ཨིཏོ’’ཏི མནུསྶ བྷཝཏོ. ནིམིཏྟ སདིསཾ སདྡཾ ཝཎྞནྟི སམྦནྡྷོ. ‘‘ནཊྛཙཀཱརཾ’’ཏི པཏིཏཙཀཱརཾ. ཨཊྛཀཐཱཔཱཋེ ཉཱཏཀཱ མཱཏཱདཡོ པཉྩདྭཱརེ ཨུཔསཾཧརནྟཱིཏི སམྦནྡྷོ. ‘‘ཏཝཏྠཱཡཱ’’ཏི ཏཝཨཏྠཱཡ. ‘‘ཙཱིནཔཊསོམཱརཔཊཱདིཝསེནཱ’’ཏི ཙཱིནརཊྛེ པཝཏྟོ པཊོ ¶ ཙཱིནཔཊོ. ཏཐཱ སོམཱརཔཊེཔི. ‘‘ཏཱནཱི’’ཏི རསཕོཊྛབྦཱནི. ཕོཊྛབྦཾ པན ཨཉྙཾཔི ཡུཛྫཏེཝ. ཨཏྠིདཱནཱིཏི མནསིཀཏཏྟཱ པཙྩུཔྤནྣབྷཱུཏཱནཱིཏི ཝུཏྟཾ. ‘‘ཨརཱུཔཱིནཾ’’ཏི ཨརཱུཔབྲཧྨཱནཾ. ‘‘ཏེ’’ཏི ཨརཱུཔིནོ. ‘‘ཏཱནཱི’’ཏི ཧེཊྛིམཛ྄ཛྷཱནཱནི. ཝིསྶཊྛཾ ལདྡྷཛྷཱནཾ ཡེསཾ ཏེ ཝིསྶཊྛཛ྄ཛྷཱནཱ. ‘‘ཏཏོཡེཝ ཙཱ’’ཏི ཝིསྶཊྛཛ྄ཛྷཱནཏྟཱཡེཝ ཙ. ཨཱཀཌྜྷིཏཾ མཱནསཾ ཙིཏྟཾ ཨེཏེསནྟི ཝིགྒཧོ. ཨིདཉྩ ཧེཏུཝིསེསན པདཾ. ཨཱཀཌྜྷིཏམཱནསཏྟཱ ཀཱམབྷཝེ ཨུཔྤཛྫམཱནཱནནྟི དཱིཔེཏི. ཏེསཾ ཨརཱུཔཱིནཾ. ‘‘ཨཉྙཾ དུབྦལ ཀམྨཾ’’ཏི ཨུཔཙཱརཛ྄ཛྷཱནཀམྨཏོ ཨཉྙཾ ཏིཧེཏུཀོམཀཾ ཀམྨཾ. ‘‘ཏེསཾ’’ཏི རཱུཔལོཀཏོ ཙ ཝནྟཱནཾ. ‘‘སཏོ’’ཏི སནྟསྶ སམཱནསྶ. ‘‘ཨུཔཏྠམྦྷནེ ཀཱརཎཾ ནཏྠཱི’’ཏི ཨིདཾ ཨུཔཙཱརཛ྄ཛྷཱན ཀམྨསྶ གརུཀ ཀམྨགཏིཀཏྟཱ ཝུཏྟཾ. ཨེཀནྟ གརུཀཀམྨབྷཱུཏཾཔི པན མཧགྒཏཛ྄ཛྷཱན ཀམྨཾ ནཱམ ནཱནཱནིཀནྟི བལེན པཊིབཱཧཱིཡམཱནཾ པཊིསནྡྷིཾ ན དེཏིཡེཝ. ཨུཔཙཱརཛ྄ཛྷཱན ཀམྨེ ཝཏྟབྦཾ ནཏྠཱིཏི དཊྛབྦཾ. ‘‘ཏཱདིསཱནཱི’’ཏི ཏཐཱ རཱུཔཱནི དྭིཧེཏུཀོམཀ ཀམྨཱནི ཏེསཾ ཨོཀཱསཾ ན ལབྷནྟི. ནཱིཝརཎཱནཾ སུཊྛུཝིཀྑམྦྷིཏཏྟཱཡེཝ. ‘‘ཡེནཱ’’ཏི ཡེན ཚནྡཱདཱིནཾ པཝཏྟི ཀཱརཎེན. ‘‘ནཱནཱཀམྨཱནི པཱི’’ཏི ཨུཔཙཱརཛ྄ཛྷཱན ཀམྨཏོ ཨཉྙཱནི པཙྩུཔྤནྣ ཀམྨཱནིཔི ཨཏཱིཏབྷཝེསུ ཀཏཱནི ཨཔརཔརིཡཱཡ ཀམྨཱནིཔི. ‘‘ཡེན ཙཱ’’ཏི ཡེན ནཱནཱཀམྨཱནམྤི ཨོཀཱས ལཱབྷཀཱརཎེན ཙ. ‘‘ཏེ’’ཏི རཱུཔཱི བྲཧྨཱནོ. ‘‘ཝུཏྟནཡེནེ ཝཱ’’ཏི སུཊྛུཝིཀྑམྦྷིཏནཱིཝརཎཱནཾ ཏེསཾ ཨཔྤནཱ པཏྟཛ྄ཛྷཱནཝིསེསེན [ ཡསྨཱ པནཱཏིཨཱདིནཱ ཙ ] པརིབྷཱཝིཏ ཙིཏྟསནྟཱནཏྟཱ’ཏི ཙ ཝུཏྟནཡེནེཝ. ‘‘ཏཾ ཀཱརཎཾ’’ཏི ཨཧེཏུཀ པཊིསནྡྷིཡཱ ཨབྷཱཝ ཀཱརཎཾ. པརམྤར བྷཝེསུཙ ཝཱིཐིམུཏྟཙིཏྟཱནཾ པཝཏྟཱཀཱརཾ དསྶེཏུནྟི སམྦནྡྷོ. ‘‘ཡཐཱ ཏཱནིཡེཝ ཨོསདྷཱནཱི’’ཏི ལོཀེ ཨེཀཾ ཨོསདྷཾ ལབྷིཏྭཱཏཾ དེཝསིཀཾ བྷུཉྫཏི. ཨེཀོཔཐམདིཝསེ བྷུཉྫནྟཾ དིསྭཱ ཀཏམཾ ནཱམ ཏྭཾ ཨོསདྷཾ བྷུཉྫསཱིཏི པུཙྪི. ཨིདཾ ནཱམ ཨོསདྷཾ བྷུཉྫཱམཱིཏི ཝདཏི. པུནདིཝསེསུཔི ཨོསདྷཾ བྷུཉྫནྟཾ དིསྭཱ ཏཐེཝ པུཙྪི. ཏམེཝ ཨོསདྷཾ བྷུཉྫཱམཱིཏི ཝདཏི. ཏཏྠ ‘‘ཏམེཝ ཨོསདྷཾ’’ཏི ཡཾ པཐམདིཝསེ ཨོསདྷཾ ཏཡཱཙ པུཙྪིཏཾ. མཡཱ ཙ ཀཐིཏཾ. ཏམེཝ ཨཛྫ བྷུཉྫཱམཱིཏི ཨཏྠོ. ཏཏྠ ¶ པན པཐམདིཝསེ བྷུཏྟཾ ཨོསདྷཾ ཨཉྙཾ. ཨཛྫ བྷུཏྟཾ ཨཉྙཾ. ཏཾསདིསཾ པན ཨཉྙཾཔི ཏམེཝཱཏི ལོཀེ ཝོཧརནྟི ཏཱནིཡེཝ ཨོསདྷཱནི བྷུཉྫཱམཱིཏི. ཨེཝཾ ཨིདྷཔི ཏསྶདིསེ ཏབྦོཧཱརོ དཊྛབྦོ. ‘‘ཏསྨིཾ’’ཏི བྷཝངྒཙིཏྟེ. ཨཝཏྟམཱནེ ཨུཔཔཏྟིབྷཝོ ཨོཙྪིཛྫཏི. ཝཏྟམཱནེ ན ཨོཙྪིཛྫཏི. ཏསྨཱ ཏསྶ ཨུཔཔཏྟི བྷཝསྶ ཨནོཙྪེད ཨངྒཏྠཱཡ ཀཱརཎཏྟཱ བྷཝངྒནྟི ཝུཙྩཏཱིཏི ཨདྷིཔྤཱཡོ. ‘‘ཨུཔཔཏྟི བྷཝོ’’ཏི ཙ ཀམྨཛཀྑནྡྷསནྟཱནཾ ཝུཙྩཏི. ‘‘པརསམཡེ’’ཏི ཨུཙྪེད དིཊྛཱིནཾ ཝཱདེ. ‘‘ཝཊྚམཱུལཱནཱི’’ཏི ཨཝིཛྫཱཏཎྷཱ ཝུཙྩནྟི. ཝཊྚམཱུལཱནི སུཊྛུཨུཙྪིཛྫནྟི ཨེཏྠཱཏི ཝིགྒཧོ. ‘‘ཡསྶ ཨཏྠཱཡཱ’’ཏི སཨུཔཱདིསེསཱདིཀསྶ ནིབྦཱནསྶ པཊིལཱབྷཏྠཱཡ. ‘‘པཊྛཔཱིཡནྟཱི’’ཏི པཝཏྟཱཔཱིཡནྟི. པཛྫནྟི པཱཔུཎནྟི ཨརིཡཱ ཛནཱ ཨེཏྠཱཏི པདཾ. པརཏོ སམནྟིཔདེ ཨནུཔཱདིསེསསྶ གཡ྄ཧམཱནཏྟཱ ཨིདྷ སཨུཔཱདིསེསནྟི ཝུཏྟཾ. བུཛ྄ཛྷནྟཱིཏི བུདྷཱ. སུཊྛུ སདྡྷིཾ ཨུཙྪིནྣཾ སིནེཧབནྡྷནཾ ཡེཧི ཏེ སུསམུཙྪིནྣསིནེཧབནྡྷནཱ. ཀཐཉྩ སུཊྛུཨུཙྪིནྣཾ, ཀེཧི ཙ སདྡྷིཾ ཨུཙྪིནྣནྟིཨཱཧ ‘‘ཨནུསཡམཏྟཾ པཱི’’ཏིཨཱདིཾ. ‘‘སེསཀིལེསེཧཱི’’ཏི ཏཎྷཱསིནེཧ བནྡྷནཏོ ཨཝསེས ཀིལེསེཧི. ‘‘ཨདྷིསཡིཏཾ’’ཏི ཝིཀྑམྦྷིཏུཾཔི ཨསཀྐུཎེཡྻཾ ཧུཏྭཱ ཨཏིརེཀཏརཾ སཡིཏཾ. ‘‘ཨདྷིགམཱཝཧཾ’’ཏི ཨདྷིགམོ ཝུཙྩཏི ནཝཝིདྷོ ལོཀུཏྟར དྷམྨོ. ཏཾ ཨཱཝཧཏཱིཏི ཨདྷིགམཱཝཧཾ. ‘‘སཱིལཾ’’ཏི ཙཏུཔཱརིསུདྡྷིསཱིལཾ. ‘‘དྷུཏངྒཾ’’ཏི ཏེརསདྷུཏངྒཾ. སེསམེཏྠ སུཝིཉྙེཡྻཾ.

ཝཱིཐིམུཏྟསངྒཧདཱིཔནིཡཱཨནུདཱིཔནཱ ནིཊྛིཏཱ.

༦. རཱུཔསངྒཧཨནུདཱིཔནཱ

༡༥༦. རཱུཔསངྒཧེ ¶ . ‘‘ཙིཏྟཙེཏསིཀེ’’ཏི ཙིཏྟཙེཏསིཀ དྷམྨེ. ‘‘དྭཱིཧི པབྷེདཔྤཝཏྟཱིཧཱི’’ཏི དྭཱིཧི པབྷེདསངྒཧཔཝཏྟི སངྒཧེཧི. ‘‘ཡེ ཝཏྟནྟཱི’’ཏི ཡེ དྷམྨཱ ཝཏྟནྟི པཝཏྟནྟི. ‘‘ཨེཏྟཱཝཏཱ’’ཏི ཨེཏྟཀེན ‘ཏཏྠ ཝུཏྟཱབྷིདྷམྨཏྠཱ’ཏིཨཱདིཀེན ཝཙནཀྐམེན. ནིཔཱཏཾ ཨིཙྪནྟཱ ཨེཏྟཀེཧི པཉྩཧི པརིཙྪེདེཧཱིཏི ཝཎྞེནྟི. ཝཙནཝིཔལླཱསཾ ཨིཙྪནྟཱཏིཔི ཡུཛྫཏི. ‘‘སམུཊྛཱཏཱི’’ཏི སུཊྛུ ཨུཊྛཱཏི, པཱཏུབྦྷཝཏི, ཝིཛྫམཱནཏཾ གཙྪཏི. ‘‘ཀམྨཱདཱི’’ཏི ཀམྨཱདིཔཙྩཡོ. ‘‘པིཎྜཱི’’ཏི ཨེཀགྒྷནཏཱ ཝུཙྩཏི. ཨུཔཱདཱཡ མཧནྟཱནི ཨེཝ ཧུཏྭཱཏི སམྦནྡྷོ. ཨིནྡྲིཡབདྡྷསནྟཱནཾ སཏྟསནྟཱནཾ. ཨཛ྄ཛྷཏྟ སནྟཱནཾཏིཔི ཝུཙྩཏི. ‘‘ཝིསཾཝཱདཀཊྛེནཱ’’ཏི ཝིརཱདྷཀཊྛེན. བྷཱུཏཉྩ ཨབྷཱུཏཾ ཀཏྭཱ ཨབྷཱུཏཉྩ བྷཱུཏཾ ཀཏྭཱ སནྡསྶཀཊྛེནཱཏི ཝུཏྟཾ ཧོཏི. བྷཱུཏཝཛྫཔྤཊིཙྪཱདནཀམྨཾ མཧཱམཱཡཱ ནཱམ. མཱཡཾ ཀརོནྟཱིཏི མཱཡཱཀཱརཱ. ཨཱཝིསནཾ ནཱམ སཏྟཱནཾ སརཱིརེསུ ཨཱཝིསནཾ. གཧཎཾ ནཱམ སཏྟཱནཾ ཨཏྟནོཝསཾ ཝཏྟཱཔནཾ. ཏདུབྷཡཾ ཀརོནྟཱ ཀཏྠ ཋཏྭཱ ཀརོནྟི. ཨནྟོཝཱཋཏྭཱ ཀརོནྟི, བཧིཝཱ ཋཏྭཱ ཀརོནྟཱིཏི པཱཀཏིཀེཧི མནུསྶེཧི ཛཱནིཏུཾ པསྶིཏུཾ ཨསཀྐུཎེཡྻཏྟཱ ཨཙིནྟེཡྻཊྛཱནཾ ནཱམ. ‘‘ཝཉྩཀཊྛེནཱ’’ཏི ཨེཏཱ པཀཏིཡཱ ཨཏིདུབྦཎྞཾ ཨཏྟཱནཾ དེཝཙྪརཱཝཎྞཾ ཀཏྭཱ ཝཉྩེནྟི. ཝསནརུཀྑགུམྦཾཔི དིབྦཝིམཱནཾ ཀཏྭཱ ཝཉྩེནྟི. ཨེཝརཱུཔེན ཝཉྩཀཊྛེན. ‘‘ཏེནེཝཊྛེནཱ’’ཏི ཝིསཾཝཱདཀཊྛཱདིནཱ ཏིཝིདྷེནེཝ ཨཏྠེན. ཏཱནིཔིཧི ཨསཏྟབྷཱུཏཾཡེཝ ཨཏྟཱནཾ སཏྟོཏི ཝིསཾཝཱདེནྟི. ཨརུཀྑཾཡེཝ ཨཏྟཱནཾ རུཀྑོཏི ཝིསཾཝཱདེནྟི. ཨནིཊྛཾ, ཨཀནྟཾ, ཨམནཱཔཾཡེཝ ཨཏྟཱནཾ ཨིཊྛོ, ཀནྟོ, མནཱཔོཏི ཝཉྩེནྟི, ཏཐཱ སཧཛཱཏཱནཉྩ ཏེསཾ ཨཉྙམཉྙསྶ ཨནྟོ ཝཱ ཏིཊྛནྟི. ཨུདཱཧུབཧིཝཱཏིཊྛནྟཱིཏི ཛཱནིཏུཾ པསྶིཏུཾ ཨསཀྐུཎེཡྻཾ ཋཱནཾ ཧོཏཱིཏི. ‘‘ཨུབྷཡཏྠཔཱི’’ཏི མཱཡཱཀཱརཱདི མཧཱབྷཱུཏེསུ ཙ པཐཝིཡཱདིམཧཱབྷཱུཏེསུ ཙ. ‘‘ཨབྷཱུཏཱནཱི’’ཏི ཨསནྟཱནི, ཨསཙྩཱནི ¶ .‘‘ཨབྦྷུཏཱནཱི’’ཏི ཨཙྪརིཡཀམྨཱནི. ‘‘ཨིམསྨིཾ པཱཋེ’’ཏི ཙཏུནྣཾ མཧཱབྷཱུཏཱནནྟི ཨེཝཾ སམྦནྡྷ པདསཧིཏེ པཱཋེ. ཨཉྙཏྠ པན ཨུཔཱདཱརཱུཔཾ ཨནུཔཱདཱརཱུཔནྟིཨཱདཱིསུ ཡཀཱར ཝིརཧོ དིཊྛོཏི ཨདྷིཔྤཱཡོ. དྷཱཏཱུནཾ ཨནེཀཏྠཏྟཱ ‘‘པཐཡཏི པཀྑཱཡཏཱི’’ཏི ཝུཏྟཾ. ‘‘པུཐཱུ’’ཏི པཱཊིཔདིཀཔདཾ. ཏམེཝ ཛཱཏཏྠེ ནིརུཏྟིནཡེན པཐཝཱིཏི སིདྡྷནྟི དསྶེཏུཾ ‘‘པུཐུམཧནྟཱི’’ཏིཨཱདི ཝུཏྟཾ. པཀཱརེན ཐཝཱིཡཏཱིཏི ཨཏྠེ པཐཝཱིཏི ཨིདཾ ཨུཛུཀམེཝ. ‘‘ཨཱཔེཏཱི’’ཏི བྱཱཔེཏི. ‘‘ཨཔྤཱཡཏཱི’’ཏི བྷུསཾ པཱཡཏི, ཝཌྜྷེཏི. ཏེནཱཧ ‘‘སུཊྛུ བྲཱུཧེཏཱི’’ཏིཨཱདིཾ. ནིསཱནཏྠཝསེནེཝ པརིཔཱཙནཏྠོཔི ལབྦྷཏཱིཏི ཨཱཧ ‘‘པརིཔཱཙེཏིཝཱ’’ཏི. ‘‘སམཱིརེཏཱི’’ཏི སུཊྛུ ཨཱིརེཏི ཀམྤེཏི. ཝཱཡཏི ཝཧཏཱིཏི ཝཱཡོ ཨཏྠཱཏིསྶཡ ནཡེན. ‘‘ཝིཏྠམྦྷནཾ’’ཏི ཝིཝིདྷེན ཨཱཀཱརེན བྷཱུཏསངྒྷཱཊཱནཾ ཐམྦྷནཾ ཝཧནཾ ཨབྷིནཱིཧརཎཾ. ཀཀྑལ༹ཏཱ ནཱམ ཁརཏཱ ཕརུསཏཱ. སཧཛཱཏརཱུཔཱནཾ པཏིཊྛཱནཏྠཱཡ ཐདྡྷཏཱ ཐཱུལཏཱ. སཱ སེསབྷཱུཏེསུ ནཏྠཱིཏི ཨཱཧ ‘‘སེསབྷཱུཏཏྟཡཾ ཨུཔཱདཱཡཱ’’ཏི. ‘‘ཨནཝཊྛཱནཏཱ’’ཏི ཨེཏྠ ཨཝཊྛཱནཾ ནཱམ ཨཙལཊྛཱནཾ. ན ཨཝཊྛཱནནྟི ཨནཝཊྛཱནཾ. ཙལནནྟི ཝུཏྟཾ ཧོཏི. ཏེནཱཧ ‘‘མུདུབྷཱུཏཱཔཱི’’ཏིཨཱདིཾ. ཨཱབནྡྷཀཾ ནཱམ ཨཱབནྡྷིཏབྦེ ཝཏྠུམྷི མུདུམྷི སཏི, དལ༹ྷཾ ན བནྡྷཏི. ཐདྡྷེསཏི, དལ༹ྷཾ བནྡྷཏཱིཏི ཨིདཾ ལོཀཏོཝ སིདྡྷནྟི ཨཱཧ ‘‘ཨཱབནྡྷིཏབྦཱཡཱ’’ཏིཨཱདིཾ. ‘‘ཏབྦྷཱཝཾ’’ཏི པརིཎཏབྷཱཝཾ. ‘‘པརིཔཱཙཀཏཱ དསྶནཏོ’’ཏི ཧེམནྟེ ཨཛ྄ཛྷོཧཊཱཧཱརཱནཾ སུཊྛུཔརིཔཱཙཀཏཱ དསྶནཏོཏི ཝདནྟི. ཨུསཏི དཧཏཱིཏི ཨུཎྷཾ. ‘‘དཧཏཱི’’ཏི ཙ ཨུཎྷཏེཛོཔི ཨུཎྷབྷཱཝེན དཧཏི, སཱིཏཏེཛོཔི སཱིཏབྷཱཝེན དཧཏི. ཨུཎྷེན ཕུཊྛཾ ཝཏྠུ ཨུཎྷཏྟཾ གཙྪཏི, སཱིཏེན ཕུཊྛཾ ཝཏྠུ སཱིཏཏྟཾ གཙྪཏི. ཡཉྩ ཨུཎྷཏྟཾ གཙྪཏི, ཏཾ ཨུཎྷཏེཛོ ཨུཎྷབྷཱཝེན དཧཏིནཱམ. ཡཉྩ སཱིཏཏྟཾ གཙྪཏི, ཏཾ སཱིཏཏེཛོ སཱིཏབྷཱཝེན དཧཏིནཱམ. ཨེཝཾ སཱིཏཏེཛོཔི ཨུསཏིདཧཏཱིཏི ཨཏྠེན ཨུཎྷཏྟ ལཀྑཎོནཱམ ཧོཏཱིཏི. ཨེཝཾསནྟེ ནཱིལེནཝཎྞེན ཕུཊྛཾ ཝཏྠུ ནཱིལཾ ཧོཏི. པཱིཏེན ཕུཊྛཾ པཱིཏཾ ཧོཏི. ནཱིལཾཔི པཱིཏཾཔི ཏཾ ཝཏྠུཾ དཧཏིནཱམཱཏི ཙེ. ནཱིལེན ཝཎྞེན ཕུཊྛཾནཱམ ནཏྠི. ཏཐཱ པཱིཏེན ¶ . ཀསྨཱ, ནཱིལཱདཱིནཾ ཨུཔཱདཱརཱུཔཱནཾ ཕུསན ཀིཙྩཱ བྷཱཝཏོ. སམྨིསྶིཏཾ ནཱམ ཧོཏི. ན ཙ སམྨིསྶནམཏྟེན དཧཏི. ཕུསནྟོ ཨེཝ དཧཏི. ཕུསནྟཱནཾཔི པཐཝིཝཱཏཱནཾ དཧནཀིཙྩཾ ནཏྠི. པརིཔཱཙནཀིཙྩཾ ནཏྠཱིཏི ཨདྷིཔྤཱཡོ. སཙེ གྷནཐདྡྷེ སིལཱཐམྦྷེ ཝིཏྠམྦྷནཾ ཨཏྠི, སཀལོ སིལཱཐམྦྷོ ཀཔྤཱསཔིཙུགུལ༹ྷོཝིཡ སིཐིལོ ཙ ལཧུཀོ ཙ བྷཝེཡྻ. ནཙ བྷཝཏི. ཏསྨཱ ཏཏྠ ཝིཏྠམྦྷནཾ ནཏྠཱིཏི ཨདྷིཔྤཱཡེན ‘‘སོ པན གྷནཐདྡྷེསུ སིལཱཐམྦྷཱདཱིསུ ན ལབྦྷཏཱི’’ཏི ཙོདེཏི. ཏཏྠ པན ཝིཏྠམྦྷནཾ ལབྦྷམཱནཾ ཨདྷིམཏྟེན ན ལབྦྷཏི, སཧཛཱཏབྷཱུཏཱནཾ ཨུཔཏྠམྦྷནམཏྟེན ལབྦྷཏཱིཏི དསྶེནྟོ ‘‘ནཱ’’ཏི ཝཏྭཱ ‘‘ཏཏྠཧཱི’’ཏིཨཱདིམཱཧ. ཏཏྠ ‘‘ཝཧཏཱི’’ཏི ཐདྡྷཀཀྑལ༹ ཀིཙྩཾ ཝཧཏི.

པསཱདརཱུཔེསུ. ‘‘སམཝིསམཾ’’ཏི སམཊྛཱནཉྩ ཝིསམཊྛཱནཉྩ, སམདེསཉྩ ཝིསམདེསཉྩ, སམཔཐཉྩ ཝིསམཔཐཉྩཱཏི ཨེཝམཱདིཾ སམཝིསམཾ. ‘‘ཨཱཙིཀྑཏཱི’’ཏི ཨཱཙིཀྑནྟཾ ཝིཡ ཏཾ ཛཱནན ཀིཙྩཾ སམྤཱདེཏི. ཏེནཱཧ ‘‘སམཝིསམཛཱནནསྶ ཏཾ མཱུལཀཏྟཱ’’ཏི. ‘‘ཨནིརཱཀརཎཏོ’’ཏི ཨཔྤཊིཀྑིཔནཏོ. ‘‘ཏཾ ཝཱ’’ཏི རཱུཔཾ ཝཱ. སུཎནྟི ཛནཱ. སུཡྻནྟི ཛནེཧི. ཨེཝཾ གྷཱཡནྟཱིཏིཨཱདཱིསུ. ‘‘ཛཱིཝིཏ ནིམིཏྟཾ’’ཏི ཛཱིཝིཏཔྤཝཏྟིཀཱརཎབྷཱུཏོ. ‘‘ནིནྣཏཱཡཱ’’ཏི ཝིསཡཝིསཡཱིབྷཱཝཱུཔགམནེན ནིནྣཏཱཡ. ‘‘ཛཱིཝིཏཝུཏྟི སམྤཱདཀཏྟཱ’’ཏི ནཱནཱཝཙཱིབྷེདཝཙཱིཀམྨཔྤཝཏྟནེནཱཏི ཨདྷིཔྤཱཡོ. ཨིམེ པན པཉྩ ཙཀྑུ པསཱདཱདཡོཏི སམྦནྡྷོ. ‘‘དཊྛུཀཱམཏཱ’’ཏི རཱུཔཏཎྷཱ ཝུཙྩཏི. ཨཱདིསདྡེན སོཏུཀཱམཏཱ གྷཱཡིཏུཀཱམཏཱ སཱཡིཏུཀཱམཏཱ ཕུསིཏུཀཱམཏཱཡོ སངྒཡ྄ཧནྟི. ཨཏྠཏོ སདྡཏཎྷཱ གནྡྷཏཎྷཱ རསཏཎྷཱ ཕོཊྛབྦཏཎྷཱ ཨེཝ. ‘‘ནིདཱནཾ’’ཏི ཀཱརཎཾ. དཊྛུཀཱམཏཱདཡོ ནིདཱན མསྶཱཏི ཝིགྒཧོ. ཀུསལཱ ཀུསལཀམྨཾ. སམུཊྛཱཏི ཨེཏེནཱཏི སམུཊྛཱནཾ. ཀམྨམེཝ. དཊྛུཀཱམཏཱདིནིདཱནཀམྨཾ སམུཊྛཱནཾ ཡེསནྟི སམཱསོ. པཐཝིཨཱདཱིནི བྷཱུཏཱནི. ཏེསཾ པསཱདོ ལཀྑཎཾ ཨེཏེསནྟི ཝིགྒཧོ. དུཏཱིཡ ཝིཀཔྤེ. རཱུཔཱདཱིནཾ པཉྩཱརམྨཎཱནཾ ཨབྷིགྷཱཏཾ ཨརཧཏཱིཏི རཱུཔཱདིཨབྷིགྷཱཏཱརཧོ. བྷཱུཏཱནཾ པསཱདོ བྷཱུཏཔྤསཱདོ. སོ ལཀྑཎཾ ཨེཏེསནྟི ཝིགྒཧོ. ཙཀྑུ ཨཱུཀཱསིརཔྤམཱཎེ དིཊྛ མཎྜལེ ¶ ཏིཊྛཏཱིཏི སམྦནྡྷོ. ‘‘དིཊྛམཎྜལེ’’ཏི མཧཱཛནེཧི པཀཏི ཙཀྑུནཱ དིཊྛེ པསནྣམཎྜལེ. ཏེལཾ སཏྟཔིཙུཔཊལཱནི བྱཱཔེཏྭཱ ཏིཊྛཏིཝིཡཱཏི ཡོཛནཱ. ‘‘སོཏབིལཾ’’ ནཱམ སོཏཀཱུཔོ. ‘‘ཨངྒུལིཝེཋནཱ’’ ནཱམ ཨངྒུལིམུདྡིཀཱ. ‘‘ཨུཔཙིཏཏནུཏམྦལོམཾ’’ཏི རཱསཱིཀཏཉྩ ཝིརལ༹ཉྩ ཏམྦལོཧཝཎྞཉྩ སུཁུམལོམཾ. ཨུཔཙིཏཾ རཱསཱིཀཏཾ ཏནུཏམྦལོམཾ ཨེཏྠཱཏི ཝིགྒཧོ. ‘‘ཨཛཔདསཎྛཱནཾ’’ཏི ཨཛསྶ པཱདེན ཨཀྐནྟཔདསཎྛཱནཝནྟཾ. ‘‘ཨུཔྤལདལཾ’’ ནཱམ ཨུཔྤལཔཎྞཾ. ཨུཔྤལདལསྶ ཨགྒསཎྛཱནཝནྟཾ. ‘‘ཝཊྚི’’ ནཱམ ཨིདྷ མནུསྶཱནཾ སརཱིརཱཀཱརསཎྛིཏཱ ཨཱཡཏཔིཎྜི. ‘‘སུཀྑཙམྨཱནི ཙ ཋཔེཏྭཱ’’ཏི སམྦནྡྷོ. ཏེ པན པཉྩཔྤསཱདཱ. སམུདཱིརཎཾ ཙཉྩལནཾ. ‘‘ཡཐཱཏཾ’’ཏི ཀཏམཾ ཝིཡ ཏཾ. ཨིམེ པསཱདཱ ཝིཙིཏྟཱ, ཀཐཾཝིཙིཏྟཱཏི ཨཱཧ ‘‘ཨཉྙམཉྙཾ ཨསདིསཱ’’ཏི. ཀཐཾ ཨསདིསཱཏི ཨཱཧ ‘‘ཏེཧཱི’’ཏིཨཱདིཾ.

གོཙརརཱུཔེསུ. ‘‘ཝཎྞཝིསེསཾ’’ཏི ཝཎྞཝིསེསཏྠཾ. ཝཎྞཝིཀཱརནྟི ཝུཏྟཾ ཧོཏི. ཧདཡེ གཏོ པཝཏྟོ བྷཱཝོ ཧདཡངྒཏབྷཱཝོ. ‘‘བྷཱཝོ’’ཏི ཙ ཨདྷིཔྤཱཡོ ཝུཙྩཏི. ཏཾ པཀཱསེཏི, མུཁེ ཝཎྞཝིཀཱརཾ དིསྭཱ ཨཡཾ མེ ཏུསྶཏི, ཨཡཾ མེ རུཙྩཏི, ཨཡཾ མེ ཀུཔྤཏི, ཨཡཾ སོམནསྶིཏོ, ཨཡཾ དོམནསྶིཏོཏི ཨེཝཾ ཛཱནནཔཙྩཡཏྟཱ. ‘‘པཀཏིཡཱ པཱི’’ཏི ཝཎྞཝིསེསཾ ཨནཱཔཛྫིཏྭཱཔཱིཏི ཨདྷིཔྤཱཡོ. ‘‘ཡཾ ཀིཉྩིདབྦཾ’’ཏི སཝིཉྙཱཎཀཝཏྠུཾ. སམཝིསམཾ པུབྦེ པཀཱསིཏཾ. ཏཾ ཏཾ ཨཏྠཾ ཝཱ ཨཱཙིཀྑཏི ཏཾ སུཏྭཱ ཏསྶ ཏསྶ ཨཏྠསྶ ཛཱནནཏོ. ཨཏྟནོ ཝཏྠུཾ ཝཱ ཨཱཙིཀྑཏི ཏཾ སུཏྭཱ ཏསྶ ཝཏྠུསྶཔི ཛཱནནཏོ. ‘‘ཨཏྟནོ ཝཏྠུཾ སཱུཙེཏཱི’’ཏི ཨིདྷ ཨིདཾ ནཱམ ཨཏྠཱིཏི པཀཱསེཏི. ‘‘ཕུསཱིཡཏཱི’’ཏི ཕུསིཏྭཱ ཝིཛཱནཱིཡཏི. ‘‘ཏཾ’’ཏི ཕུསནཾ. ‘‘ཏསྶཱ’’ཏི ཨཱཔོདྷཱཏུཡཱ. ‘‘དྲཝཏཱཝཱ’’ཏི ཨདྡཏིནྟརསཏཱཝཱ. ཕུསིཏྭཱ གཡ྄ཧཏི, སཱ ཙ ཨཱཔོདྷཱཏུ སིཡཱཏི ཙོདེཏི. ཝུཙྩཏེ པརིཧཱརོ. ཨེཝཾ པན ན ལབྦྷཏི, ཏསྨཱ སཱ ཏེཛོཡེཝ. ན ཨཱཔོཏི. ཨེཏྠ ཨེཝཾ ཨལབྦྷམཱནཱཔི སཱསཱིཏཏཱ ཨཱཔོཡེཝ, ན ཏེཛོ. ཀསྨཱ, ཨཱཔསྶཔི སཱིཏུཎྷཝསེན དུཝིདྷཏཱ སམྦྷཝཏོ ¶ . ཏསྨིཉྷི ལོཧརསེ ཨུཎྷཏཱ ཨུཎྷཨཱཔོ, སཱིཏཝཏྠཱུསུ སཱིཏཏཱ སཱིཏཨཱཔོཏི ཙེ. ཨེཝཾ པན སཏི ཏེཛོ ནཱམ ནཏྠཱིཏི ཨཱཔཛྫཏཱིཏི པརིཧཱརོ. ‘‘སཧ ཨཔྤཝཏྟནཏོ’’ཏི ཨེཀཏོ ཨཔྤཝཏྟནཏོ. ‘‘ཨོརཔཱརཱནཾ ཝིཡཱ’’ཏི ནདིཡཾ ཏཱིརཾ ནཱམ ཨིདཾ ཨོརིམཏཱིརཾ, ཨིདཾ པཱརིམནྟི ནིཡམཏོ ནཏྠི. ཡཏྠ སཡཾ ཏིཊྛཏི, ཏཾ ཨོརིམནྟི, ཨིཏརཾ པཱརིམནྟི ཝོཧརཏི. ཨེཝཾ ཨོརཔཱརཱནཾ ཨནཝཊྛཱནཾ ཧོཏཱིཏི. ཨེཏྠ ཙ ‘‘སཱིཏུཎྷཱནཾ སཧ ཨཔྤཝཏྟནཏོ’’ཏི ཨེཏེན ཡདི ཏེ སཧ པཝཏྟེཡྻུཾ. ཏཏྠ སཱིཏཏཱ ཨཱཔོནཱམ, ཨུཎྷཏཱ ཏེཛོནཱམཱཏི ཝཏྟབྦཱ སིཡུཾ. ན པན ཏེ སཧ པཝཏྟནྟི, ཏསྨཱ ཏཐཱ ན ཝཏྟབྦཱ ཧོནྟཱིཏི དསྶེཏི. ན ན ཝཏྟབྦཱ. ཀསྨཱ, ཨུཎྷཏེཛེན ཡུཏྟོཧི ཨཱཔོ ཨུཎྷཏྟམེཝ གཙྪཏི. ཡཐཱཏཾ ཨུཎྷཏེཛེན ཡུཏྟཱ པཐཝཱིཔི ཝཱཡོཔི ཨུཎྷཏྟམེཝ གཙྪནྟཱིཏི. ཏསྨཱ ཏེ སཧ ན པཝཏྟནྟི. སཧ ཨཔྤཝཏྟེསུཔི ཏེསུ ཨཉྙཏྠ སཱིཏཝཏྠཱུསུ སཱིཏཏཱ ཨཱཔོནཱམཱཏི ཝཏྟབྦམེཝ ཧོཏཱིཏི ཙོདནཱ. ཨེཝཾསནྟེ ཏསྨིཾ ལོཧརསེ སབྦེཔི རཱུཔདྷམྨཱ ཨུཎྷཏྟཾ གཙྪནྟཱིཏི སབྦེཔི ཏེཛོབྷཱཝཾ པཱཔུཎནྟི. ‘ཨུཎྷཏྟ ལཀྑཎོ ཏེཛོ’ཏིཧི ཝུཏྟཾ. ཡདི ཙ སཱིཏཝཏྠཱུསུ སཱིཏབྷཱཝོ ནཱམ སིཡཱ. ཏཏྠཔི ཏེན ཡུཏྟཱ སབྦེཔི རཱུཔདྷམྨཱ སཱིཏཏཾ གཙྪནྟིཡེཝ. ཏཏྠཔི ཏཝམཏིཡཱ སབྦེཔི ཨཱཔོབྷཱཝཾ པཱཔུཎནྟི. ན པན སཀྐཱ ཏཐཱ བྷཝིཏུཾ. ན ཧི ཨེཝརཱུཔཾ ལཀྑཎཉྙཐཏྟཾ ནཱམ ཏེསཾ ཨཏྠི. བྷཱཝཉྙཐཏྟམེཝ ཨཏྠི. ཏཏྠ ‘‘ལཀྑཎཉྙཐཏྟཾ’’ ནཱམ པཐཝཱི ཨཱཔོབྷཱཝཾ གཙྪཏི. ཨཱཔོ པཐཝིབྷཱཝཾ གཙྪཏཱིཏིཨཱདི. ‘‘བྷཱཝཉྙཐཏྟཾ’’ ནཱམ པཐཝཱི ཀདཱཙི ཀཀྑལཱ༹ ཧོཏི. ཀདཱཙི མུདུཀཱ. ཨཱཔོ ཀདཱཙི ཨཱབནྡྷནམཏྟོ ཧོཏི. ཀདཱཙི པགྒྷརཎཀོ. ཏེཛོ ཀདཱཙི ཨུཎྷོ, ཀདཱཙི སཱིཏོ. ཝཱཡོ ཀདཱཙི ཝིཏྠམྦྷནམཏྟོ, ཀདཱཙི སམུདཱིརཎོཏི. ཨེཝཾ ཨེཀམེཀསྶཱ དྷཱཏུཡཱ ཏིཀྑ མནྡ ཨོམཏྟཱདྷིམཏྟཝསེན ཀྲིཡཱསངྐནྟི ནཱམ ཨཏྠཱིཏི. ཏསྨཱ ཡཾ ཝུཏྟཾ ‘ཨུཎྷཏེཛེན ཡུཏྟོཧི ཨཱཔོ ཨུཎྷཏྟམེཝ གཙྪཏི, ཡཐཱ ཏཾ ཨུཎྷཏེཛེན ཡུཏྟཱ པཐཝཱིཔི ཝཱཡོཔི ཨུཎྷཏྟམེཝ གཙྪནྟཱི’ཏི. ཏཾ ལཀྑཎཉྙཐཏྟཝཙནཾ ཧོཏི. ན ཡུཛྫཏི. ན ཧི ཨུཎྷཏེཛེན ཡུཏྟཱ སབྦེཏེདྷམྨཱ ¶ ཨུཎྷཏྟཾ གཙྪནྟི. ཨཏྟནོ ཨཏྟནོ སབྷཱཝཾ ན ཝིཛཧནྟི. ཏཐཱཧི ཏསྨིཾ པཀྐུཐིཏེ སནྟཏྟེ ལོཧརསེ བྷཱཝོ ཨུཎྷཏྟཾ ན གཙྪཏི. ཨཱབནྡྷན སབྷཱཝཾ ཝཱ པགྒྷརཎ སབྷཱཝཾ ཝཱ ན ཝིཛཧཏི. ཡདི ཨུཎྷཏྟཾ གཙྪེཡྻ, ཏཾ སབྷཱཝཾ ཝིཛཧེཡྻ. ཨེཝཾསཏི, ཏསྨིཾ ལོཧརསེ ཨཱབནྡྷནཱཀཱརོ ཝཱ པགྒྷརཎཱཀཱརོ ཝཱ ན པཉྙཱཡེཡྻ. སབྦེརཱུཔ དྷམྨཱ ཝིཀྐིརེཡྻུཾ. ཝིཀྐིརིཏྭཱ ཨནྟརདྷཱརེཡྻུཾ. ན ཙ ན པཉྙཱཡཏི. ནཱཔི ཝིཀྐིརནྟི. ནོཙ ཏཏྠ ཨཱབནྡྷནཱཀཱརོ ཨུཎྷཏྟཾ གཙྪཏི. ཨཉྙོཧི ཨཱབནྡྷནཱཀཱརོ, ཨཉྙཾ ཨུཎྷཏྟཾ. ཨཱབནྡྷནཱཀཱརོ ཨཱཔོ, ཨུཎྷཏྟཾ ཏེཛོ. ཏཏྠ པཐཝིཝཱཡེསུཔི ཨེསེཝནཡོ. ཏསྨཱ ཡཾ ཝུཏྟཾ ‘‘ཡདི ཏེ སཧ པཝཏྟེཡྻུཾ. ཏཏྠ སཱིཏཏཱ ཨཱཔོནཱམ, ཨུཎྷཏཱ ཏེཛོ ནཱམཱཏི ཝཏྟབྦཱ སིཡུཾ. ན པན ཏེ སཧ པཝཏྟནྟི. ཏསྨཱ ཏཐཱ ན ཝཏྟབྦཱ ཧོནྟཱིཏི དསྶེཏཱི’’ཏི. ཏཾ སུཝུཏྟམེཝཱཏི དཊྛབྦཾ. ‘‘ཏེསཾ ཨནཝཊྛཱནཏོ’’ཏི ཨེཏེན སཙེ ཏེ སཱིཏུཎྷཱ ཨཝཊྛིཏཱ སིཡུཾ. ཨཐ སབྦཀཱལེཔི སཱིཏཏཱ ཨཱཔོནཱམ, ཨུཎྷཏཱ ཏེཛོནཱམཱཏི ཝཏྟབྦཱ སིཡུཾ. ན པན ཏེ ཨཝཊྛིཏཱ ཧོནྟི. ཨནཝཊྛིཏཱ ཨེཝ ཧོནྟི. ཏསྨཱ ཏཐཱ ན ཝཏྟབྦཱ ཧོནྟཱིཏི དསྶེཏི. ཨེཏྠ ཙ ཨནཝཊྛིཏེསུ སནྟེསུ ཡདི སཱིཏཏཱ ཨཱཔོ ནཱམ, ཨུཎྷཏཱ ཏེཛོནཱམཱཏི ཝདེཡྻུཾ. ཨེཝཉྩསཏི, ཨཱཔཏེཛཱཔི ཨནཝཊྛིཏཱ སིཡུཾ. ཡོ ཨིདཱནི ཨཱཔོ, སོཡེཝ ཁཎནྟརེ ཏེཛོ ནཱམ. ཡོ ཝཱ ཨིདཱནི ཏེཛོ, སོཡེཝ ཁཎནྟརེ ཨཱཔོ ནཱམཱཏི ཨཱཔཛྫེཡྻུཾ. ན ཙ སཀྐཱ ཏཐཱ བྷཝིཏུཾ. ལཀྑཎཉྙཐཏྟེ ཨསནྟེ ཝོཧཱརཉྙཐཏྟསྶཔི ཨསམྦྷཝཏོ. ཏེན ཝུཏྟཾ ‘‘ཨོརཔཱརཱནཾ ཝིཡ ཏེསཾ ཨནཝཊྛཱནཏོ ཙ ཝིཉྙཱཡཏཱི’’ཏི. ཏཏྠ ‘‘ཝིཉྙཱཡཏཱི’’ཏི སཱསཱིཏཏཱ ཏེཛོཡེཝ, ན ཨཱཔོཏི ཝིཉྙཱཡཏཱིཏི.

‘‘ཨཐ པནཱ’’ཏིཨཱདཱིསུ. ཡཾ པུབྦེ པརེན ཝུཏྟཾ ‘ནནུ དྲཝཏཱ ཝཱ ཕུསིཏྭཱ གཡ྄ཧཏཱི’ཏི. ཏཾ ཝིཙཱརེཏུཾ ‘‘ཨཐ པནཱ’’ཏིཨཱདི ཝུཏྟཾ. ཏཏྠ ‘‘ཨཐ པནཱ’’ཏི ཡདི པན གཡ྄ཧཏི, ཨེཝཾསཏཱིཏི ཙ. ཨེཝཉྩསཏི ཨཱརམྨཎ བྷཱུཏོ ཨེཝ སིཡཱཏི སམྦནྡྷོ. ཨཡཾ པནེཏྠཱ དྷིཔྤཱཡོ. སཙེ དྲཝབྷཱཝབྷཱུཏོ ཨཱཔོ ཕུསིཏྭཱ གཡ྄ཧེཡྻ. ཨེཝཾ སཏི ¶ , ཨཡོཔིཎྜཱདཱིསུ ཨཱབནྡྷནམཏྟབྷཱུཏོ ཨཱཔོཔི ཕུསིཏྭཱ གཧེཏབྦོ སིཡཱ. ཀསྨཱ, ཨཱཔབྷཱཝེན ཨེཀཏྟཱ. ཨེཝཉྩསཏི, ཏེསུ ཨཡོཔིཎྜཱདཱིསུ སོ ཨཱཔོ ཏཱནི ཧཏྠེན ཝཱ པཱདེན ཝཱ ཕུསནྟསྶ པཧརནྟསྶ ཝིནཱ ཨིཏར མཧཱབྷཱུཏེཧི ཝིསུཾ ཀཱཡིཀ སུཁདུཀྑཱནཾ ཨཱརམྨཎ པཙྩཡོ སིཡཱ. ཡཐཱཏཾ, ཏེསྭེཝ ཨཡོཔིཎྜཱདཱིསུ པཐཝིམཧཱབྷཱུཏཾ ཝིནཱ ཨིཏརམཧཱབྷཱུཏེཧི ཝིསུཾ ཀཱཡིཀསུཁདུཀྑཱནཾ ཨཱརམྨཎ པཙྩཡོ ཧོཏི. ཨེཝཾ ཏེཛོཝཱཡེསུཔཱིཏི. ན པན སོ ཝིསུཾ ཀཱཡིཀསུཁདུཀྑཱནཾ ཨཱརམྨཎ པཙྩཡོ ཧོཏི. ཏསྨཱ སོ ཕོཊྛབྦ སབྷཱཝོ ན ཧོཏི. ཡཐཱ ཙ སོ ཕོཊྛབྦསབྷཱཝོ ན ཧོཏི. ཏཐཱ པཀཏི ཨུདཀཱདཱིསུ དྲཝབྷཱཝབྷཱུཏོཔི ཨཱཔོ ཏཱནི ཕུསནྟསྶ པཧརནྟསྶ ཀཱཡིཀསུཁདུཀྑཱནཾ ཨཱརམྨཎ པཙྩཡོ ན ཧོཏི. ན ཙ ཕོཊྛབྦ སབྷཱཝོཏི. ཨེཝཉྩསཏི, ཀཐཾ ཨཡོཔིཎྜཱདཱིསུ ཨཱབནྡྷནམཏྟབྷཱུཏོ ཨཱཔོ ཀཱཡིཀསུཁདུཀྑཱནཾ པཙྩཡོ ན ཧོཏི. ཀཐཉྩ ཏེསུ ཨིཏརམཧཱབྷཱུཏཱནི ཝིསུཾ ཝིསུཾ ཀཱཡིཀསུཁདུཀྑཱནཾ པཙྩཡཱ ཧོནྟཱིཏི. ཏཾ དསྶེཏུཾ ‘‘ཡཉྷཱི’’ཏིཨཱདིམཱཧ. ཏཏྠ ‘‘སཎྷཐདྡྷཏཱཝསེནཝཱ’’ཏི ཏེསུ ཋིཏཱཡ པཐཝིདྷཱཏུཡཱ སཎྷཐདྡྷཏཱཝསེན ཝཱ. སཎྷཔཐཝཱིསུཁཝེདནཱཡ ཐདྡྷཔཐཝཱིདུཀྑཝེདནཱཡ ཨཱརམྨཎ པཙྩཡོཏི ཝུཏྟཾ ཧོཏི. ཨེཝཾ སེསེསུ. ‘‘ཨབྦྷནྟརཏྠམྦྷནསྶཱ’’ཏི ཏེསཾ ཨཡོཔིཎྜཱདཱིནཾ ཨབྦྷནྟརེ ཋིཏསྶ ཝིཏྠམྦྷན སབྷཱཝསྶ. ‘‘ནོ ཨཉྙཐཱ’’ཏི ཏཱནིཏཱིཎི ཀཱརཎཱནི ཋཔེཏྭཱ ཨཱབནྡྷན ཀྲིཡཾ པཊིཙྩ ཀཱཡིཀསུཁདུཀྑུཔྤཏྟི ནཱམ ནཏྠཱིཏི ཨདྷིཔྤཱཡོ. ཨིདཱནི པཀཏི ཨུདཀཱདཱིསུ དྲཝབྷཱཝབྷཱུཏཾ ཨཱཔོདྷཱཏུམྤི ཕུསིཏྭཱ ཛཱནནྟཱིཏི མཧཱཛནཱ མཉྙནྟི. ཏབྦིསོདྷནེན སཧ ལདྡྷགུཎཾ དསྶེཏུཾ ‘‘ཏསྨཱ’’ཏིཨཱདིམཱཧ. ཏཏྠ ‘‘པཐམཾ དྲཝཏཱ སཧིཏཱནི. ལ. ཛཱནནྟཱི’’ཏི ཨིདཾ པདྷཱན ཝཙནཾ. ལོཀེ ཧཏྠེན པརཱམསིཏྭཱ ཝཱ ཙཀྑུནཱ དིསྭཱ ཝཱ ཨིདཾ རསྶཾ, ཨིདཾ དཱིགྷཾ, ཨིདཾ ཝཊྚཾ, ཨིདཾ མཎྜལནྟིཨཱདིནཱ སཎྛཱནཾ ཛཱནནྟཱ ཧཏྠ ཕུསནེན ཝཱ ཙཀྑུ དསྶནེན ཝཱ སཧེཝ ཏཾ ཛཱནནྟཱིཏི མཉྙནྟི. ཏཏྠ པན པུརིམབྷཱགེ ཀཱཡདྭཱརཝཱིཐི ཙིཏྟེན པཙྩུཔྤནྣཱནི ཏཱིཎིབྷཱུཏཱནི ཕུསིཏྭཱ ཝཱ ཙཀྑུདྭཱར ཝཱིཐིཙིཏྟེན པཙྩུཔྤནྣཾ ¶ རཱུཔཾ དིསྭཱ ཝཱ པཙྪཱ ཝཏྠུགྒཧཎཝཱིཐིཡཱ ཨུཔྤནྣཱཡ ཨེཝ སཎྛཱནཾ ཛཱནནྟི. ཨེསེཝནཡོ རཏྟིཡཾ ཨལཱཏཙཀྐསཎྛཱནཾ ཛཱནནྟསྶཔི. ཏཏྠ པན བཧཱུནིཔི པུབྦཱཔརཝཱིཐིཙིཏྟསནྟཱནཱནི ཨིཙྪིཏབྦཱནི. ཏཐཱ ལོཀེ ཙཀྑུནཱ དིསྭཱ དྭཱརཝཱཏཔཱནཱདཱིནཾ ཚིདྡཝིཝརཱནི ཛཱནནྟཱ ཙཀྑུནཱ དསྶནེན སཧེཝ ཏཱནི ཛཱནནྟཱིཏི མཉྙནྟི. ཏཏྠ པན པུརིམབྷཱགེ ཙཀྑུདྭཱརིཀཝཱིཐི ཙིཏྟེན པཙྩུཔྤནྣཱནི ཀཝཱཊརཱུཔབྷིཏྟི རཱུཔཱནི པུནཔྤུནཾ དིསྭཱ པཙྪཱ ཨལཱཏཙཀྐསྶ མཛ྄ཛྷེ ཝིཝརཾཔི ཛཱནནྟཱ ཝིཡ ཝིསུཾ ཨུཔྤནྣཱཡ མནོདྭཱརིཀ ཝིཉྙཱཎཝཱིཐིཡཱ ཨེཝ ཏཾ ཚིདྡཝིཝརབྷཱུཏཾ ཨཱཀཱསཾ ཛཱནནྟི. ཏཐཱ ཧཏྠེན ཨུདཀཾ ཕུསནྟསྶ པཐམཾ དྲཝསཧིཏཱནི ཝིལཱིནཱནི མུདཱུནི ཏཱིཎིཕོཊྛབྦ མཧཱབྷཱུཏཱནི ཝིསུཾ ཝིསུཾ ཀཱཡདྭཱརིཀ ཝཱིཐི ཙིཏྟེཧི ཕུསནཀིཙྩེན ཨཱརམྨཎཾ ཀརིཏྭཱ པཙྪཱ ཝིསུཾ སུདྡྷཱཡ མནོདྭཱརིཀ ཝཱིཐིཡཱ ཨེཝ དྲཝབྷཱཝསངྑཱཏཾ པགྒྷརཎཀ ཨཱཔོདྷཱཏུཾ ཛཱནནྟི. ཨེཝཾ སནྟེཔི ཏཾ དྲཝབྷཱཝཾཔི ཧཏྠེན ཕུསནེན སཧེཝ ཛཱནནྟཱིཏི མཉྙནྟཱིཏི ཨདྷིཔྤཱཡོ.

གཱཝོ ཙརནྟི ཨེཏྠཱཏི ཨཱཧ ‘‘གུནྣཾ ཙརཎཊྛཱནཾ’’ཏི. ཨཀྑར ཝིདཱུ པན གོསདྡཾ ཨིནྡྲིཡཏྠེཔི ཨིཙྪནྟཱིཏི ཨཱཧ ‘‘གོཏི ཝཱ’’ཏིཨཱདིཾ. ཏཱནི ཙཀྑཱདཱིནི ཨེཏེསུ རཱུཔཱདཱིསུ ཙརནྟི, ཨེཏཱནི ཝཱ རཱུཔཱདཱིནི ཏེསུ ཙཀྑཱདཱིསུ ཙརནྟི. ཏཏྠ པུརིམེན གཱཝོ ཨིནྡྲིཡཱནི ཙརནྟི ཨེཏེསཱུཏི གོཙརཱནཱིཏི དསྶེཏི. པཙྪིམེན གོསུཨིནྡྲིཡེསུ ཙརནྟཱིཏི གོཙརཱནཱིཏི. ཨིམཱནི པན པཉྩ རཱུཔཱདཱིནི.

བྷཱཝདྭཡེ. ཨིཙྪནཊྛེན ཋཱནཊྛེན ཋཔནཊྛེན ཙ ཨིཏྠཱི. སཱཧིཀཱམརཏི ཨཏྠཱཡ སཡཾཔི ཨཉྙཾཀཱམིཀཾ ཨིཙྪཏི. སཡཉྩ ཀཱམིཀེན ཨིཙྪཱིཡཏི. ཨཉྙོ ཙ ཀཱམིཀོ གྷརཱཝཱས སུཁཏྠཱཡ ཏཏྠ ཋཱནཾ ཨུཔེཏི, པཏིཊྛཱཏི. ཨཱཡཏིཉྩ ཀུལཝཾསཔྤཏིཊྛཱནཏྠཱཡ ཏཏྠ ཀུལཝཾས བཱིཛཾ ཋཔེཏཱིཏི. པཱུརཎཊྛེན ཨིཙྪནཊྛེན ཙ པུརིསོ. སོཧི ཨཏྟཧིཏཉྩ པཱུརེཏི, པརཧིཏཉྩ ཨིཙྪཏི. ཨིདྷལོཀཧིཏཉྩ པཱུརེཏི, པརལོཀཧིཏཉྩ ཨིཙྪཏི. ཨུབྷཡལོཀཧིཏཉྩ པཱུརེཏི, ལོཀུཏྟརཧིཏཉྩ ཨིཙྪཏི, ཨེསཏི, གཝེསཏཱིཏི. པུམསྶསཀཾ པུཾསཀཾ. པུརིསལིངྒཱདི. ནཏྠི པུཾསཀཾ ཨེཏསྶཱཏི ནཔུཾསཀཾ. ‘‘ཡསྶ པན དྷམྨསྶཱ’’ཏི བྷཱཝརཱུཔདྷམྨསྶ. ‘‘ཏཾ’’ཏི ཁནྡྷཔཉྩཀཾ. མཧཱསཎྛཱནཾ ¶ སཏྟཱནཾ ཛཱཏིབྷེདཾ ལིངྒེཏི ཉཱཔེཏཱིཏི ལིངྒཾ. ལཀྑཎཔཱཋཀཱ ནིམིནནྟི སཉྫཱནནྟི ཀལྱཱཎ པཱཔཀཾ ཀམྨཝིཔཱཀཾ ཨེཏེནཱཏི ནིམིཏྟཾ. ཀིརིཡཱ ཀུཏྟཾ. ཨཱཡུཀནྟཾ ཀཔྤཱིཡཏི སངྑརཱིཡཏཱིཏི ཨཱཀཔྤོ. སབྦེཔེཏེལིངྒཱདཡོ. སོཙ ཨཝིསདཱདིབྷཱཝོ. ‘‘ཝཙནེསུཙཱ’’ཏི ཨིཏྠིསདྡཔུརིསསདྡཱདཱིསུ ཙ. ‘‘ཝཙནཏྠེསུ ཙཱ’’ཏི ཨིཏྠི སཎྛཱན པུརིསསཎྛཱནཱདི ཨཏྠེསུ ཙ. ‘‘ནིམིཏྟསདྡོ ཝིཡཱ’’ཏི ནིམིཏྟ སདྡོ ཨངྒཛཱཏེ པཱཀཊོ ཝིཡཱཏི. ན པཱཀཊོ དིཊྛོ. ཨཔཱཀཊོ པན ཀཏྠཙི དིཊྛོཏི ཨདྷིཔྤཱཡོ. ‘‘བྷཝནྟི སདྡབུདྡྷིཡོ’’ཏི སདྡསཏྠནཡོ. ‘‘བྷཝནྟི ལིངྒཱདཱིནཱི’’ཏི ཨཊྛཀཐཱནཡོ. ཏཏྠ ཧི ཨིཏྠིལིངྒཱདཱིནཾ ཧེཏུབྷཱཝ ལཀྑཎནྟི ཝུཏྟཾ. ‘‘ཨེཏསྨིཾ སཏཱི’’ཏི ཙ ཛཱཏིཡཱ སཏི, ཛརཱམརཎཾ ཧོཏི. ཨསཏི ན ཧོཏཱིཏི ཨེཏྠཝིཡ ཧེཏུ ཕལབྷཱཝཔཱཀཊཏྠཾ ཝུཏྟཾ.

ཝཏྠུརཱུཔེ. ནིརུཏྟིནཡེན ཝཙནཏྠཱ བྷཝནྟི. དྷཱཏུ དྭཡཾ ནཱམ མནོདྷཱཏུ མནོཝིཉྙཱཎདྷཱཏུ དྭཡཾ. ‘‘ཨཝཏྭཱ’’ཏི ཧདཡ ཝཏྠུཾ ཨཝཏྭཱ. ‘‘ཏཾ’’ཏི ཧདཡ ཝཏྠུ རཱུཔཾ. ‘‘པཉྩཱ’’ཏི པཉྩཝཏྠཱུནི. ‘‘ཏེསཾ’’ཏི ཏེསཾ ཀུསལཱདཱིནཾ. ‘‘ཏཏྠ ཝུཏྟཾ’’ཏི པཊྛཱནེ ཝུཏྟཾ. ‘‘ཡཾ རཱུཔཾ ནིསྶཱཡཱ’’ཏི ཡཾ རཱུཔཾ ནིསྶཱཡ མནོདྷཱཏུ ཙ མནོཝིཉྙཱཎདྷཱཏུ ཙ ཝཏྟནྟཱིཏི ཨིམཾ པཱཋཾ ནིདྡིསཏི. ‘‘ཨནཉྙ སཱདྷཱརཎེསུ ཋཱནེསཱུ’’ཏི ཙཀྑུ ཝཏྠཱདཱིཧི ཨཉྙཝཏྠཱུཧི ཨསཱདྷཱརཎེསུ ཀུསལཱཀུསལཊྛཱནེསུ.

ཛཱིཝིཏརཱུཔེ. ‘‘ཨཱདྷིཔྤཙྩཡོགེནཱ’’ཏི ཨདྷིཔཏིབྷཱཝཡོགེན. ‘‘ཨདྷིཔཏིབྷཱཝོ’’ཏི ཙ ཨིནྡྲིཡཔཙྩཡ ཀིཙྩཾ ཝུཙྩཏི. ན ཨདྷིཔཏི པཙྩཡཀིཙྩཾ. ‘‘ཛཱིཝནྟཱི’’ཏི ཧརིཏབྷཱཝཾ ན ཝིཛཧནྟཱིཏི ཝུཏྟཾ ཧོཏི. ན ཧི ཏཱནི ཨེཀནྟེན ཛཱིཝནྟཱནི ནཱམ ཧོནྟི. ཛཱིཝིཏ རཱུཔསྶ ཨེཀནྟ ཀམྨཛསྶ བཧིདྡྷཱ ཨནུཔལདྡྷཏྟཱ. ཀམྨཛརཱུཔཱནི ཛཱིཝནྟི ཡེཝཱཏི སམྦནྡྷོ. ‘‘ཀམྨེ ཨསནྟེཔཱི’’ཏི ཀམྨཙེཏནཱཡ པུབྦེ ནིརུདྡྷཏྟཱ ཝུཏྟཾ. ཏདཏྠཾ བྱཏིརེཀཏོ པཱཀཊཾ ཀརོནྟོ ‘‘ཏཐཱཧཱི’’ཏིཨཱདིམཱཧ. ‘‘ཨིཏར རཱུཔཱནཱི’’ཏི ཙིཏྟཛརཱུཔཱདཱིནི. ཨེཀཝཱིཐིཝཱརོ ནཱམ པཉྩདྭཱརཝཱིཐིཝཱརོ. མནོདྭཱརཝཱིཐིཝཱརོ ཨེཀཛཝན ཝཱརོཏི ¶ ཝུཏྟོ. པརིཙྪིནྣཾ ཧོཏི. ཀསྨཱ, ཨེཀེཀསྨིཾ ཝཱིཐིཝཱརེ ནིརུདྡྷེ བྷཝངྒ སམཡེ ཨསདིསསྶ རཱུཔསནྟཱནསྶ པཱཏུབྦྷཱཝཏོཏི ཨདྷིཔྤཱཡོ. ཏཉྩ ཁོ རཱུཔཝིསེསཾ ཛཱནནྟསྶེཝ པཱཀཊཾ ཧོཏི. ཨཛཱནནྟསྶ པན ཏངྑཎམཏྟེ ཨཔཱཀཊཾ. ཀསྨཱ, ཏཱདིསསྶཔི ཨུཏུཛརཱུཔསནྟཱནསྶ ཐོཀཾ པཝཏྟནཏོ. ཡསྶཧི དོས སམུཊྛིཏེན རཱུཔསནྟཱནེན མུཁརཱུཔཾ དུབྦཎྞཾ ཧོཏི. ཏསྶ དོསེ ནིརུདྡྷེཔི ཏཾ རཱུཔཾ ཐོཀཾ དུབྦཎྞམེཝ ཁཱཡཏཱིཏི. ‘‘ཨུཏུཛཱཧཱརཛཱནཉྩ སནྟཏི པཙྩུཔྤནྣཾ’’ཏི ཨདྷིཀཱརོ. ཨེཀཾ ཨདྡྷཱཔཙྩུཔྤནྣམེཝ ཧོཏཱིཏི ཝུཏྟཾ. ན ནུ ཙཀྑུསོཏཱདཱིནི ཀམྨཛརཱུཔསནྟཱནཱནིཔི པཝཏྟིཀཱལེ ཀདཱཙི སུཔྤསནྣཱནི, ཀདཱཙི པསནྣཱནི, ཀདཱཙི ཨཔྤསནྣཱནི དིསྶནྟཱིཏི. སཙྩཾ, ཏཐཱ པཝཏྟི པན སནྟཱན ཝིཙྪེདེན ན ཧོཏི, ནཱནཱཝིཙྪིནྣེ ཙ ཨེཀེཀསྨིཾ སནྟཱནེ ཏེསཾ པུནགྷཊནཾ ནཱམ ནཏྠི. སཀིཾ ཨནྡྷོ ཨནྡྷོཡེཝ ཧོཏི. བདྷིརོཙ བདྷིརོཡེཝཱཏི ཨདྷིཔྤཱཡོ. ‘‘ཡདི ཨེཝཾ’’ཏི ཨེཝཾ ཡདི སིཡཱཏི ཨཏྠོ. ‘‘ཨརཱུཔ དྷམྨཱནཾ སནྟཏི པཙྩུཔྤནྣཾ’’ཏི ཨདྷིཀཱརོ. ‘‘ཝིཔཱཀཱནཱི’’ཏི བྷཝངྒབྷཱུཏཱནི ཝིཔཱཀཱནི. ཨེཀསནྟཏིཝསེན པཝཏྟིསྶནྟིཡེཝ, ཏསྨཱ ཏེསཾ ནཱནཱསནྟཏི པཙྩུཔྤནྣཾ ནཱམ ན ཝཏྟབྦཾ. ཀསྨཱ, ཡཱཝཛཱིཝམྤི ཨེཀ ཀམྨནིབྦཏྟཏྟཱཏི ཨདྷིཔྤཱཡོ. ‘‘ཨིཏརཱནི པནཱ’’ཏི ཀུསལཱ ཀུསལ ཀྲིཡཙིཏྟཱནི པན. ‘‘ཏདཱརམྨཎཱ’’ཏི ནིརུདྡྷཱརམྨཎཱ. ཨདྡྷཱནཔྥརཎཱནུབྷཱཝེན པཝཏྟནྟིཡེཝ. ན པན ཙིཏྟཛརཱུཔཱདཱིནི ཝིཡ ཨཏྟནོ ཛནཀཔཙྩཡེ ནིརུདྡྷེ ནིརུཛ྄ཛྷནྟི. ཨཡཾ ཨརཱུཔདྷམྨཱནཾ ཛཱིཝནྟཏྟེ ཝིསེསོཏི ཨདྷིཔྤཱཡོ. ‘‘ཨཡམཏྠོ ཝཏྟབྦོ’’ཏི ཨརཱུཔ དྷམྨཱནཾ ཛཱིཝནྟཏཱཝིསེསོ ཝཏྟབྦོ. ཡཐཱ རཱུཔསནྟཏིཡཾ ཨནནྟར པཙྩཡོ ནཱམ ནཏྠི. ཙུཏིཀཱལེ བྷཝནྟརརཱུཔསནྟཱནསྶ ཀིཉྩི པཙྩཡཏྟཾ ཨནུཔགནྟྭཱ ནིརུཛ྄ཛྷཏི. ཏེན བྷཝནྟར པཱཏུབྦྷཱཝོ ནཱམ ཏེསཾ ནཏྠི. ན ཏཐཱ ཨརཱུཔསནྟཏིཡཾ. ཏཏྠ པན ཙུཏིཙིཏྟམྤི པཊིསནྡྷིཡཱ ཨནནྟར པཙྩཡོ ཧུཏྭཱ ནིརུཛ྄ཛྷཏི. ཏེན བྷཝནྟརཔཱཏུབྦྷཱཝོ ནཱམ ཏེསཾ ཨཏྠི. ཨཡམྤི ཨརཱུཔདྷམྨཱནཾ ཛཱིཝནྟཏྟེ ཝིསེསོ. ཏསྨཱ ཨརཱུཔདྷམྨཱནཾཔི ཀམྨཛརཱུཔཱནཾ ཝིཡ ནིཙྩཾ ཛཱིཝིཏཡོགེན ཛཱིཝནྟཏྟཱ སནྟཏི པཙྩུཔྤནྣཾ ནཱམ ན བྷཝེཡྻཱཏི ན ཙོདེཏབྦནྟི. ཀུསལཱ ཀུསལ ཀྲིཡཙིཏྟཱནི ནཱམ ¶ ཨཀམྨཛཱནི ཧོནྟི. ཙིཏྟཛརཱུཔཱདཱིནི ཝིཡ ཨཏཱིཏཾ ཀམྨཾ ཨནཔེཀྑིཏྭཱ ཏངྑཎིཀེཧི ནཱནཱཔཙྩཡེཧི ཨུཔྤཛྫནྟི. ཏསྨཱ ཏེསཾ ཛཱིཝནྟཱནཾཔི སཏཾ ཨཛཱིཝནྟཱནཾ ཙིཏྟཛརཱུཔཱདཱིནཾ ཝིཡ ནཱནཱསནྟཏི པཙྩུཔྤནྣཾ ནཱམ ཨཏྠི. ཛཱིཝནྟཏཱ ཝིསེསོཔི ཨཏྠཱིཏི ཨདྷིཔྤཱཡོ. ཨེཏྠ ཀེཙི ཝདནྟི. རུཀྑཱདཱིསུཔི ཛཱིཝིཏཾ ནཱམ ཨཏྠི. ཡཏོ ཏེསཾ ཧརིཏཏཱ ཙ ཨཧརིཏཏཱ ཙ རཱུཧནཉྩ-ཨརཱུཧནཉྩ དིསྶཏཱིཏི. ཝུཙྩཏེ, ཡདི ཏེསཾ ཛཱིཝིཏཾ ནཱམ ཨཏྠི, ཨརཱུཔཛཱིཝིཏཾ ཝཱ སིཡཱ, རཱུཔཛཱིཝིཏཾ ཝཱ. ཏཏྠ སཙེ ཨརཱུཔཛཱིཝིཏཾ ཧོཏི. ཡཐཱ ཏེན སམནྣཱགཏོ སཏྟོ པུནཔྤུནཾ མརིཏྭཱ པུནཔྤུནཾ བྷཝནྟརེ པཱཏུབྦྷཝནྟི. ཏཐཱ རུཀྑཱཔི མརིཏྭཱ བྷཝནྟརེ པཱཏུབྦྷཝེཡྻུཾ. ཨཐ རཱུཔཛཱིཝིཏཾ སིཡཱ. ཡཐཱ སཏྟཱནཾ ཙཀྑཱདི ཨངྒེསུ ཛཱིཝིཏ སནྟཱནེ བྷིནྣེ ཏཱནི ཨངྒཱནི པུན ཛཱིཝནྟཱནི ཀཱཏུཾ ན སཀྐོནྟི. ཏཐཱ རུཀྑཱཔི ཁནྡྷེསུ ཝཱ སཱཁཱསུཝཱ ཚིནྣེསུ ཛཱིཝིཏསནྟཱནེ བྷིནྣེ ཏེཁནྡྷཱཝཱ སཱཁཱཡོ ཝཱ པུན ཨཉྙཏྠ རོཔེཏུཾ ན སཀྐཱ བྷཝེཡྻུཾ. སཀྐཱ ཨེཝ བྷཝནྟི. ཏསྨཱ ཏདུབྷཡཾཔི ཛཱིཝིཏཾ ནཱམ ཏེསཾ ནཏྠཱིཏི དཊྛབྦཾ. ཝིབྷཱཝནིཔཱཋེ. ན ཧི ཏེསཾ ཀམྨཾཡེཝ ཋིཏིཀཱརཎཾ ཧོཏཱིཏི ཨེཏྠ ཀམྨཾ ཋིཏིཀཱརཎཾ ཨེཝ ན ཧོཏཱིཏི ཡོཛེཏབྦཾ. ཏེནཱཧ ‘‘ཨཱཧཱརཛཱདཱིནཾ’’ཏིཨཱདིཾ. ཨེཀཀལཱཔེ གཏཱ པཝཏྟཱ སཧཛཱཏ པཙྩཡཱ, ཏེཧི ཨཱཡཏྟཱ པཊིབདྡྷཱཏི ཝིགྒཧོ. ཀམྨཱདཱིནཾ རཱུཔཛནཀཔཙྩཡཱནཾ ཛནཀཱནུབྷཱཝོ ནཱམ རཱུཔཀལཱཔཱནཾ ཨུཔྤཱདཀྑཎེ ཨེཝ ཕརཏི, ན ཋིཏིཀྑཎེ. ཨུཔཙཡསནྟཏིཡོ ཙ ཨུཔྤཱདཀྑཎེ ལབྦྷནྟི, ན ཋིཏིཀྑཎེ. ཏསྨཱ ཏཱ ཛནཀཔཙྩཡཱནུབྷཱཝཀྑཎེ ལདྡྷཏྟཱ ཀུཏོཙིཛཱཏནཱམཾ ལབྷནྟི. ཛརཏཱཔན ཋིཏིཀྑཎེ ཨེཝ ལབྦྷཏི, ན ཨུཔྤཱདཀྑཎེ. ཏསྨཱ སཱ ཀུཏོཙིཛཱཏ ནཱམཾ ན ལབྷཏི. ཡདི པན ཨཱཧཱརཛཱདཱིནཾ རཱུཔདྷམྨཱནཾ ཋིཏི ནཱམ ཨཱཧཱརཱདི ཛནཀཔཙྩཡཱཡཏྟཱ བྷཝེཡྻ. ཛརཏཱཔི ཛནཀཔཙྩཡཱནུབྷཱཝཀྑཎེཝ ལབྦྷམཱནཱ སིཡཱ. ཨེཝཉྩསཏི, སཱཔི ཀུཏོཙིཛཱཏ ནཱམཾ ལབྷེཡྻ. ན པན ལབྷཏི. ཏསྨཱ ཏེསཾ ཋིཏི ནཱམ ཛནཀཔཙྩཡཱཡཏྟཱ ན ཧོཏཱིཏི ཨིམམཏྠཾ དསྶེནྟོ ‘‘ཨིཏརཐཱ’’ཏིཨཱདིམཱཧ. ‘‘ཨུཔཏྠམྦྷམཱནཱ’’ཏི ཀལཱཔནྟརེ ཋཏྭཱ ཨུཔཏྠམྦྷམཱནཱ. ‘‘ན ཁཎཋིཏིཔྤཝཏྟིཡཱ’’ཏི ཁཎཋི ཏིབྷཱཝེན ¶ པཝཏྟིཨཏྠཱཡ ཨུཔཏྠམྦྷནྟི, ཨནུཔཱལེཏཱིཏི ཡོཛནཱ. སབྦེསཾཔི རཱུཔཱརཱུཔདྷམྨཱནཾ. ‘‘ཏཾ’’ཏི ཝིབྷཱཝནིཝཙནཾ. ‘‘ཨིདཾ པནཱ’’ཏི ཛཱིཝིཏརཱུཔཾ པན.

ཨཱཧཱརརཱུཔེ. ‘‘སཝཏྠུཀཝཙནཾ’’ཏི བྷོཛནཱདི ཝཏྠུནཱ སཧ པཝཏྟཏཱིཏི སཝཏྠུཀཾ. ཝཙནཾ. ན ཧི ནིབྦཏྟིཏཾ ཨཱཧཱར རཱུཔཾ ནཱམ ཀབལ༹ཾ ཀཱཏུཾ སཀྐཱ ཧོཏཱིཏི. ‘‘ཝིཝེཙིཏཱནཱི’’ཏི པཱཙན ཀིཙྩེན ཝིབྷཛིཏཱནི. ཝིསུཾ ཝིསུཾ ཀཏཱནི. ‘‘པཉྩདྷཱ ཝིབྷཱགཾ གཙྪནྟཱི’’ཏི ཨེཀཾ བྷཱགཾ པཱཎཀཱ ཁཱདནྟི. ཨེཀཾ བྷཱགཾ ཨུདརགྒི ཛྷཱཔེཏི. ཨེཀོ བྷཱགོ མུཏྟཾ ཧོཏི. ཨེཀོབྷཱགོ ཀརཱིསཾ. ཨེཀོབྷཱགོ རསབྷཱཝཾ ཨཱཔཛྫིཏྭཱ སོཎིཏམཾསཱདཱིནི ཨུཔབྲཱུཧཡཏཱིཏི ཨེཝཾ ཝུཏྟནཡེན པཉྩདྷཱ ཝིབྷཱགཾ གཙྪནྟི. ‘‘ལོཀེ’’ཏི ལོཀིཡ གནྠེ. ‘‘ཏཏོ’’ཏི ཨཱམཱསཡཏོ. ཨནུཕརནྟོ ཧུཏྭཱ. ‘‘ཏསྶཱ’’ཏི རསབྷཱགསྶ. ‘‘བྷཱུཏེསཱུ’’ཏི མཧཱབྷཱུཏེསུ. སཧ ཨིནྡྲིཡེན ཝཏྟཏཱིཏི སེནྡྲིཡོ. ཀཱཡོ. ཨུདཡཏཱིཏི ཨོཛཱ. དཀཱརསྶ ཛཀཱརོ. ཨཝཏི ཛནེཏཱིཏི ཨོཛཱ. ཨཝསདྡསྶ ཨོཀཱརོ. ‘‘ཨཏྟནོཝཏྠུཾ’’ཏི ཨཏྟནོནིསྶཡབྷཱུཏཾ རཱུཔཀཱཡཾ.

‘‘ཨཉྙཱཔདེསོ’’ ནཱམ རཱུཔསྶ ལཧུཏཱཏིཨཱདཱིསུ ཨཉྙསྶ རཱུཔསྶ ཀྲིཡཱམཏྟབྷཱཝེན ཨཔདིསནཾ ཝུཙྩཏི. ‘‘ཨུཛུཀཏོཝ ནིཔྥཱདིཏཾ’’ཏི མུཁྱཏོཝ ཛནིཏཾ. ཡཐཱཧི སབྦཾ ཨནིཔྥནྣརཱུཔཾ ཨཛཱཏི དྷམྨཏྟཱ ཨུཛུཀཏོ ཀམྨཱདཱིཧི ཛཱཏཾ ནཱམ ན ཧོཏི. ཀམྨཱདཱིཧི ཛཱཏཾ པན ནིཔྥནྣརཱུཔཾ ནིསྶཱཡ དིསྶམཱནཏྟཱ ཋཱནཱུཔཙཱརེན ཝིཉྙཏྟི དྭཡཾ ཙིཏྟཛཾཏིཨཱདིནཱ ཝུཙྩཏི. ན ཏཐཱ ཨིདཾ ནིཔྥནྣརཱུཔཾ. ཨིདཾ པན ཛཱཏིདྷམྨཏྟཱ ཨུཛུཀཏོཝ ཀམྨཱདཱིཧི པཙྩཡེཧི ནིཔྥཱདིཏཾ ཛནིཏནྟི ཝུཏྟཾ ཧོཏི. ‘‘རཱུཔཾ’’ཏི ཝུཏྟེ ཨནིཔྥནྣརཱུཔཾཔི ལབྦྷཏཱིཏི ཏཏོ ཝིསེསནཏྠཾ རཱུཔརཱུཔནྟི ཝུཙྩཏཱིཏི ཨཱཧ ‘‘རུཔྤནལཀྑཎ སམྤནྣཾ’’ཏིཨཱདིཾ. ཏཏྠ ‘‘རུཔྤནལཀྑཎཾ’’ ནཱམ སཱིཏུཎྷཱདཱིཧི ཝིཀཱརཔཏྟིལཀྑཎཾ. ཏམྤན ཨནིཔྥནྣ རཱུཔེ མུཁྱཏོ ན ལབྦྷཏི. ནིཔྥནྣརཱུཔེ ཨེཝ ལབྦྷཏི. ཀསྨཱ, ནིཔྥནྣརཱུཔསྶཧི ནཱནཱཝིཀཱརོ ཝིཀཱརརཱུཔནྟི ཝུཙྩཏི. ལཀྑཎཾ ལཀྑཎ རཱུཔནྟི ཝུཙྩཏི. ཝིཀཱརསྶ པན ཝིཀཱརོ ནཱམ ནཏྠི. ལཀྑཎསྶ ཙ ལཀྑཎཾ ¶ ནཱམ ནཏྠི. ཡདི ཨཏྠཱིཏི ཝདེཡྻ. ཝིཀཱརསྶ ཝིཀཱརོ, ཏསྶ ཙ ཝིཀཱརོ, ཏསྶ ཙ ཝིཀཱརོཏི ཨཔརིཡནྟམེཝ སིཡཱ. ཏཐཱ ལཀྑཎེཔཱིཏི.

ཨཱཀཱསདྷཱཏུཡཾ. ‘‘པཀཱསནྟཱི’’ཏི ཨིདཾ ཨེཀཾ ཨིདཾ ཨེཀནྟི པཉྙཱཡནྟི. ‘‘པརིཙྪིནྡཏཱི’’ཏི ཨཱཧ ‘‘པརིཏོ’’ཏིཨཱདིཾ. ‘‘ཨསམྨིསྶཾ’’ཏི ཝཏྭཱ ཏདཏྠཾ ཝིཝརཏི ‘‘ཨེཀཏྟཾ ཨནུཔགམནཾ’’ཏི. པརིཙྪིནྡཱིཡཏཱིཏི པརིཙྪེདོཏི ཨཱཧ ‘‘ཏེཧི ཝཱ’’ཏིཨཱདིཾ. ‘‘ཏེཧི ཝཱ’’ཏི ཀལཱཔནྟརབྷཱུཏེཧི ཝཱ. ‘‘ཨཏྟནོ ཝཱ པརེསཾ ཝཱ ཨཀཏྭཱ’’ཏི ཨཏྟནོཔཀྑིཀཾ ཝཱ པརེསཾ པཀྑིཀཾ ཝཱ ཨཀཏྭཱ. པརིཙྪེད ཀྲིཡཱམཏྟཾ པརིཙྪེདོཏི ཨཱཧ ‘‘ཏེསཾ ཝཱ’’ཏིཨཱདིཾ. ‘‘ཏེསཾ ཝཱ’’ཏི ཀལཱཔནྟརབྷཱུཏཱནཾ ཝཱ. ‘‘ཨཡཾ པནཱ’’ཏི ཨཡཾ པརིཙྪེདོ པན. ‘‘ཏསྶཱ’’ཏི པརིཙྪེདསྶ. སོ པཱལི༹ཡཾ ཝུཏྟོཏི སམྦནྡྷོ. ‘‘ཨིཏི ཀཏྭཱ’’ཏི ཨེཝཾ མནསིཀཏྭཱ. ‘‘ཨེཏེཧཱི’’ཏི ཨེཏེཧི མཧཱབྷཱུཏེཧི. ‘‘ཨཉྙམཉྙ ཨབྱཱཔིཏཏཱ’’ཏི དྭིནྣཾ ཏིཎྞཾ ཝཱ རཱུཔཀལཱཔཱནཾ ཨེཀཀལཱཔཏྟཱུཔགམནཾ ཨཉྙམཉྙ བྱཱཔིཏཱ ནཱམ, ཏཐཱ ཨནུཔགམནཾ ཨཉྙམཉྙ ཨབྱཱཔིཏཏཱ ནཱམ. ཏེནཱཧ ‘‘ཨེཀཏྟཾ’’ཏིཨཱདིཾ. ‘‘ཏཏྠཱ’’ཏི ཏིསྶཾ པཱལི༹ཡཾ. ‘‘ནཱནཱཀལཱཔགཏཱནཾ བྷཱུཏཱནཾ’’ཏི ཨེཏེན ཀལཱཔཔརིཡནྟཏཱ ཨེཝ ཝུཏྟཱ ཧོཏི.

ཝིཉྙཏྟི དྭཡེ. ‘‘སཡཉྩཱ’’ཏི ཝིཉྙཏྟི སངྑཱཏཾ སཡཉྩ. ‘‘ཏེནཱ’’ཏི ཙལམཱནེན ཀཱཡངྒེན. ‘‘ཏེཧཱི’’ཏི པཙྩཀྑེ ཋིཏེཧི ཛནེཧི. ཏཏྠཱཏིཨཱདཱིསུ. ‘‘ཀཱཡངྒཝིཀཱརཾ ཀརོནྟསྶཱ’’ཏི ཨབྷིཀྐམནཱདི ཨཏྠཱཡ ཧཏྠཔཱདཱདཱིནཾ ཀཱཡངྒཱནཾ ཙལན སངྑཱཏཾ ཝིཀཱརཾ ཀརོནྟསྶ. ཨུཔྤཛྫནྟཱ ཙ སབྦེཏེ ཙིཏྟཛཝཱཏཀལཱཔཱ ཡཐཱདྷིཔྤེཏ དིསཱབྷིམུཁཱ ཨེཝ ཨུཔྤཛྫནྟཱིཏི ཡོཛནཱ. ‘‘ཡཐཱ ཝཱ ཏཐཱ ཝཱ ཨནུཔྤཛྫིཏྭཱ’’ཏི ཨནིཡམཏོ ཨནུཔྤཛྫིཏྭཱཏི ཝུཏྟཾ ཧོཏི. ཡསྶ ཙོཔན ཀཱཡསྶ. ‘‘ཏེཧཱི’’ཏི ཙིཏྟཛཝཱཏཀལཱཔེཧི. ནིཡཱམཀོ ནཱཝཱནིཡོཛཀོ. ‘‘ཏེ ཙཱ’’ཏི ཏེཙིཏྟཛཝཱཏཀལཱཔསངྒྷཱཊཱ. ཨེཏེན སཀལཾ ཀཱཡངྒཾ ནིདསྶེཏི. སཀལཀཱཡངྒཾ ནཱཝཱསདིསནྟི ཝུཏྟཾ ཧོཏི. ‘‘ཙཱརེཏྭཱ’’ཏི ཝིཡཱུཧིཏྭཱ. ཀཐཾ པན སཱ ནིཡཱམཀསདིསཱི ཧོཏཱིཏི ཨཱཧ ¶ ‘‘ཡཐཱཧཱི’’ཏིཨཱདི. ཡདེཏཾ སཀྐོཏཱིཏི ཝཙནཾ ཝུཏྟནྟི སམྦནྡྷོ. ‘‘ཀཏཱིཔཡཛཝན ཝཱརེཧཱི’’ཏི དྭཏྟི ཛཝནཝཱརེཧི. ‘‘ཏཏོ’’ཏི ཡསྨིཾ ཝཱརེ ཙལན སངྑཱཏཾ དེསནྟར པཱཔནཾ ཛཱཡཏི. ཏཏོ ཙལནཝཱརཏོ. སནྠམྦྷན སནྡྷཱརཎཱནི ཨེཝ སམྤཛྫནྟི, ན ཙལནསངྑཱཏཾ དེསནྟར པཱཔནཾ. ‘‘ཨེཏྠཱ’’ཏི ཨེཏིསྶཾ ཨཊྛཀཐཱཡཾ. ནཱནཱཛཝནཝཱིཐཱིསུ. ལ. ཨུཔཏྠམྦྷནེ ཙ ཡུཛྫཏིཡེཝ. ན ཨེཀིསྶཱཡ ཛཝནཝཱིཐིཡཾ ཨེཝ ཡུཛྫཏཱིཏི ཨདྷིཔྤཱཡོ. ཡདི ནཱནཱཛཝནཝཱིཐཱིསུ ཏཐཱ ཨུཔཏྠམྦྷནཉྩ གཡ྄ཧེཡྻ. ཨེཝཾསཏི, ཨནྟརནྟརཱ བཧཱུ བྷཝངྒཝཱརཱཔི སནྟི. ཏཏྠ ཀཐཾ ཏདུཔཏྠམྦྷནཾ སམྤཛྫེཡྻཱཏི ཨཱཧ ‘‘ཏཐཱཧཱི’’ཏིཨཱདིཾ. ཏཏྠ ‘‘ཨུཏུཛརཱུཔསངྒྷཱཊཱནི པཱི’’ཏི བྷཝངྒསམཡེ པཝཏྟཱནི ཨུཏུཛརཱུཔཀལཱཔསནྡྷཱནཀཱནི. ‘‘ཏདཱཀཱར ཝནྟཱནཱི’’ཏི ཏསྶཱ ཙིཏྟཛརཱུཔསནྟཏིཡཱ ཨཱཀཱར ཝནྟཱནི. པཙྪིམ པཙྪིམཱནཾ རཱུཔཀལཱ པསངྒྷཱཊཱནཾ ཨཔརཱཔརཾ ཨུཔྤཛྫནནྟི སམྦནྡྷོ. པུརིམཔུརིམཱནཾ རཱུཔཀལཱཔསངྒྷཱཊཱནཾ ཁཎིཀདྷམྨཏཱ ཙ ཏེསཾ ན སིཡཱ. ན ཙ ཏེ ཁཎིཀདྷམྨཱ ན ཧོནྟི. ཨཉྙཐཱ དེསནྟར སངྐམནསངྑཱཏཾ ཙལནཾ ཨེཝ ན སིཡཱ. ཙལནཾ ཏིཧི ནཱནཱཀྲིཡཱནཾ པཱཏུབྦྷཱཝོ ཝུཙྩཏི. ནཱནཱཀྲིཡཱ ཙ ནཱམ ནཱནཱདྷམྨཱ ཨེཝ. ཡསྨཱ ཙ ཨངྒཔཙྩངྒཱནཾ ཁཎེཁཎེ ཙལནཾ ནཱམ ལོཀེ པཙྩཀྑཏོ དིཊྛཾ. ཏསྨཱ ཏེསཾ ཁཎིཀདྷམྨཏཱཔི དཊྛབྦཱ ཧོཏཱིཏི. ཨེཏེན ཏེསཾ ཁཎིཀམརཎཾ དསྶེཏི, ཡཾ རཱུཔཱརཱུཔདྷམྨཱནཾ ཨནིཙྩལཀྑཎནྟི ཝུཙྩཏི. ཨབྱཱཔཱར དྷམྨཏཱ ཙ ཨཝསཝཏྟིཏཱ ཙ ཏེསཾ ན སིཡཱ. ན ཙ ཏེ ཨབྱཱཔཱར དྷམྨཱ, ན ཨཝསཝཏྟི དྷམྨཱ ཙ ན ཧོནྟི. ཨཉྙཐཱ པཙྩཡཱཡཏྟ ཝུཏྟིཏཱ ཨེཝ ཏེསཾ ན སིཡཱ. པཙྩཡཱཡཏྟ ཝུཏྟིཏཱཏི ཙ པཙྩཡེ སཏི, ཏེ ཝཏྟནྟི, ཨསཏི ན ཝཏྟནྟཱིཏི ཨེཝཾ པཝཏྟཱ པཙྩཡཱཡཏྟ ཝུཏྟིཏཱ ཡསྨཱ ཙ པཙྩཡསཱམགྒིཡཾ སཏི, ཏེ ཝཏྟནྟིཡེཝ. ཏེསཾ ཝཏྟནཏྠཱཡ ཀེནཙིབྱཱཔཱརེན ཀིཙྩཾ ནཏྠི. ཏེ མཱཝཏྟནྟཱུཏི ཙ ཨཏྟནོ ཝསེན ཝཏྟནྟི. པཙྩཡེ ཨསཏི, ན ཝཏྟནྟིཡེཝ. ཏེསཾ ཨཝཏྟནཏྠཱཡ ཀེནཙིབྱཱཔཱརེན ཀིཙྩཾ ནཏྠི. ཏེམཱཝཏྟནྟཱུཏི ཙ ཨཏྟནོ ཝསེནཝཏྟནྟི. ཡསྨཱ ཙ ཏེསཾ པཙྩཡཱཡཏྟ ཝུཏྟིཏཱ ནཱམ ལོཀེ ཝིཉྙཱུནཾ པཙྩཀྑཏོདིཊྛཱ. ཏསྨཱ ཏེསཾ ཨབྱཱཔཱརཏཱ ཙ ¶ ཨཝསཝཏྟིཏཱ ཙ དཊྛབྦཱ ཧོཏི. ཨེཏེན ཏེསཾ སབྦེཧི སཏྟཔུགྒལ ཨཏྟཱཀཱརེཧི སབྦསོ སུཉྙཾ དསྶེཏི, ཡཾ རཱུཔཱརཱུཔདྷམྨཱནཾ ཨནཏྟལཀྑཎནྟི ཝུཙྩཏཱིཏི.

‘‘ཝཙཱིབྷེདཾ’’ཏི ཨཀྑར པདབྷཱཝཔཏྟཾ ཝཙཱིམཡསདྡཔྤཀཱརཾ. ཨུཔཱདིནྣཀཔཐཝཱིདྷཱཏུཡོ ནཱམ ཀམྨཛ པཐཝཱིདྷཱཏུཡོ. ཏཱསུ སངྒྷཊྚནནྟི སམྦནྡྷོ. ཨཏྟནཱ སཧཛཱཏེནཡེན ཨཱཀཱརཝིཀཱརེན ཨུཔགཙྪཏི, ཡེན ཙ ཨུཔལབྦྷཏཱིཏི སམྦནྡྷོ. ཨཛ྄ཛྷཏྟ སནྟཱནགཏཱ སབྦེ ཙཏུཛརཱུཔདྷམྨཱཔི ཀཏྠཙི ཨུཔཱདིནྣཀཱཏི ཝུཙྩནྟཱིཏི ཨཱཧ ‘‘ཙཏུཛབྷཱུཏཱཡ ཨེཝ ཝཱ’’ཏི. དྭཱིསུཋཱན ཀརཎེསུ ཀརཎཔཀྑེ ཙལནཱཀཱརཔྤཝཏྟཱ ཙིཏྟཛཔཐཝཱིདྷཱཏུ ཋཱནཔཀྑེ པཐཝིདྷཱཏུཡཾ སངྒྷཊྚཡམཱནཱ ཀམྨཛཔཐཝིཡཾ ཨེཝ གྷཊྚེཏི. ཨིཏར པཐཝིཡཾ ན གྷཊྚེཏཱིཏི ན སཀྐཱ ཝཏྟུཾཏི ཀཏྭཱ ཨིདྷ ཨེཝགྒཧཎཾ ཀཏཾ. ‘‘ཝིཀཱར དྭཡཉྩཱ’’ཏི ཀཱཡཝིཀཱར ཝཙཱིཝིཀཱར དྭཡཉྩ. ཀཐཾ པན ཨསམྨིསྶཾ ཀཏྭཱ ཝེདིཏབྦནྟི ཨཱཧ ‘‘ཨེཏྠཙཱ’’ཏིཨཱདིཾ. ཡཾ པན ཏཱསཾ གྷཊྚནཔྤཀཱརཝིདྷཱནཾ ཨཏྠཱིཏི སམྦནྡྷོ. ‘‘ཏཱསཾ’’ ཙིཏྟཛཔཐཝཱིནཾ. ‘‘ཏཾ ཏཾ ཝཎྞཏྟཔཏྟིཡཱ’’ཏི ཀ, ཁཱ, དིཝཎྞཏྟཔཏྟཏྠཱཡ. ཡཾ པན ཀཱཡཝིཉྙཏྟིཊྛཱནེ ‘ཨཡཉྩ ཨཏྠོ ཨུཔརི ཨཀྑརུཔྤཏྟི ཝིཙཱརཎཱཡཾ པཱཀཊོ བྷཝིསྶཏཱི’ཏི ཝུཏྟཾ. ཏཾ ཨིདྷ པཱཀཊཾ ཀརོནྟོ ‘‘ཨེཏྠ ཙཱ’’ཏིཨཱདིམཱཧ. ཏེནེཝ ཧི མཱུལཊཱིཀཱཡཾ ཝུཏྟནྟི སམྦནྡྷོ. ‘‘ཨེཏྠ ཙཱ’’ཏི མཱུལཊཱིཀཱཔཱཋེ. ‘‘པུབྦབྷཱགེ’’ཏི པརིབྱཏྟ ཨཀྑརཔྤཝཏྟཝཱིཐིཏོ པུབྦབྷཱགེ. ‘‘ནཱནཱཛཝནཝཱིཐཱིཧཱི’’ཏི ནཱནཔྤཀཱརེཧི ཛཝནཝཱིཐིཝཱརེཧི. ‘‘པཐམཛཝནཙིཏྟསྶཔཱི’’ཏི པརིབྱཏྟ ཨཀྑརཔྤཝཏྟིཝཱིཐིཡཾ ཨུཔྤནྣཔཐམཛཝན ཙིཏྟསྶཔི. ཏསྶ ཨཱསེཝནཉྩ ནཱམ ཏཏོ པུརིམེཧི ཝཱིཐིཝཱརེཧི ཨེཝ ལདྡྷཾ སིཡཱཏི ཨདྷིཔྤཱཡོ. ‘‘ཨཱསེཝནཾ’’ཏི ཙ ཨུཔཙཱར ཝཙནཾ དཊྛབྦནྟི ཧེཊྛཱ ཝུཏྟམེཝ. ‘‘ཏསྶཱ’’ཏི པརིབྱཏྟཀྑརསྶ. ཝུཏྟཉྩ སདྡསཏྠེསུ. ‘‘དཱིགྷམུཙྩརེ’’ཏི པཉྩདཱིགྷཱ ཝུཙྩནྟི. མིཐིནྡ པཉྷཱཔཱཋེ. ‘‘སཱདྷིཀེ ཝཱིཧིཝཱཧསཏེ’’ཏི ཝཱིཧིདྷཉྙཔཱུརོ སཀཊོ ཝཱིཧིཝཱཧོ ནཱམ. ཝཱིཧིཝཱཧཱནཾ སཱདྷིཀེ སཏསྨིཾ. ཨབྷིམཉྙནཾ ཨབྷིམཱནོ. ‘‘སེསམེཏྠ ཀཱཡཝིཉྙཏྟིཡཾ ཝུཏྟནཡེ ནཱ’’ཏི ¶ ཏཐཱཧི ཙལནཙིཏྟཛརཱུཔསནྟཏིཡཾ པཝཏྟཱནཱིཏིཨཱདིནཱ ཝུཏྟ ནཡེནཱཏི ཨཏྠོ. ཨིདྷ པན ཝཙཱིབྷེདཀར ཙིཏྟཛསདྡསནྟཏིཡཾ པཝཏྟཱནི ཨུཏུཛརཱུཔསངྒྷཱཊཱནཱིཏིཨཱདིནཱ ཝཏྟབྦཾ. ཏེནཱཧ ‘‘ཡཐཱསམྦྷཝཾ’’ཏི. ‘‘པཝཏྟནཏྠོ’’ཏི ཨབྷིཀྐམནཱདི སཛ྄ཛྷཱཡནཱདཱིནཾ པཝཏྟཱཔནཏྠོ. ‘‘ཨེཏྠ ཙཱ’’ཏིཨཱདཱིསུ. ‘‘བོདྷེཏུ ཀཱམཏཱ རཧིཏེསཱུ’’ཏི ཨབྷིཀྐམནཔཊིཀྐམནཱདཱིསུ ཀཱཡཝིཉྙཏྟི ཙ, སུཏྟནྟ སཛ྄ཛྷཱཡནཱདཱིསུ ཝཙཱིཝིཉྙཏྟི ཙ པརཾ བོདྷེཏུཀཱམཏཱ རཧིཏཱཏི དཊྛབྦཱ. ‘‘དྭཱིསུ བོདྷཀཝིཉྙཏྟཱིསཱུ’’ཏི བོདྷཀཀཱཡཝིཉྙཏྟི བོདྷཀཝཙཱི ཝིཉྙཏྟཱིསུ. པུརིམཱ ཀཱཡཝིཉྙཏྟི, པཙྪིམཱ ཙ ཝཙཱིཝིཉྙཏྟི. པཙྪཱ སུདྡྷེན མནོདྭཱརིཀ ཛཝནེན ཨེཝ ཝིཉྙཱཡཏི, ན པཉྩདྭཱརིཀ ཛཝནེནཱཏི ཡོཛནཱ. ཙཀྑུཝིཉྙཱཎ ཝཱིཐིཡཱ གཧེཏྭཱཏི སམྦནྡྷོ. ‘‘ཀཱཡཝིཉྙཱཎ ཝཱིཐིཡཱ’’ཏི ཝཙཱིབྷེདཾ ཨཀཏྭཱ ཧཏྠགྒཧཎཱདི ཝསེན ཨདྷིཔྤཱཡ ཝིཉྙཱཔནེ ཨཡཾ ཀཱཡཝིཉྙཱཎཝཱིཐི དཊྛབྦཱ. ཀསྨཱ པན སཡཉྩཝིཉྙཱཡཏཱིཏི ཝིཉྙཏྟཱིཏི ཨཡཾ ཝིཀཔྤོ ཝུཏྟོཏི ཨཱཧ ‘‘སཱཧི ཨཏྟཱནཾ’’ཏིཨཱདིཾ. ‘‘མཛ྄ཛྷེ’’ཏི ཝིཉྙཏྟིགྒཧཎཝཱིཐི ཨདྷིཔྤཱཡགྒཧཎཝཱིཐིནཾ མཛ྄ཛྷེ. ཀཐཾ པཝཏྟཀཝིཉྙཏྟཱིསུ ཨདྷིཔྤཱཡཾ ཝིཉྙཱཔེཏི, སཡཉྩཝིཉྙཱཡཏཱིཏི དྭེ ཨཏྠཱ ལབྦྷནྟཱིཏི ཨཱཧ ‘‘དྭཱིསུ པནཱ’’ཏིཨཱདིཾ. ཨཡཾ ཨབྷིཀྐམཏི, ཨཡཾ པཊིཀྐམཏཱིཏི ཛཱནནྟཱ ཨབྷིཀྐམནཔཡོགཉྩ ཏཔྤཡོག ཛནཀཙིཏྟཉྩ ཛཱནནྟི. ‘‘པརསྶཀཐཾ’’ཏི བོདྷེཏུཀཱམཏཱརཧིཏམྤི པརསྶཝཙནསདྡཾ. རཱགཙིཏྟཉྩ ཛཱནནྟི. ཏེན ཝུཏྟཾ མཱུལཊཱིཀཱཡཾ པརཾ བོདྷེཏུཀཱམཏཱཡ ཝིནཱཔི ཨབྷིཀྐམནཱདིཔྤཝཏྟནེན སོཙིཏྟསཧབྷུཝིཀཱརོ ཨདྷིཔྤཱཡཾ. ལ. དྭིདྷཱཔི ཝིཉྙཏྟི ཡེཝཱཏི.

ཝིཀཱརརཱུཔེསུ. ‘‘ཀམྨཡོགྱཾ’’ཏི ཨབྷིཀྐམནཱདིཀམྨེསུ ཡོཛེཏུཾ ཡུཏྟཾ. ཨདནྡྷཏཱ ཝུཙྩཏི སཱིགྷཔྤཝཏྟི. སཱ ལཀྑཎཾ ཨསྶཱཏི ཝིགྒཧོ. སརཱིར ཀྲིཡཱནུཀུལོ ཀམྨཉྙབྷཱཝོ ལཀྑཎཾ ཡསྶཱཏི སམཱསོ. ‘‘དྷཱཏུཡོ’’ཏི མཧཱབྷཱུཏདྷཱཏུཡོ ཝཱ, པིཏྟསེམྷཱདིདྷཱཏུཡོ ཝཱ. པཱུཏིམུཁསཔྤསངྑཱཏསྶ ཨཱཔསྶ པརིཡུཊྛཱནནྟི ཝཱཀྱཾ. ཨསཡ྄ཧབྷཱརོ ནཱམ ཝཧིཏུཾ ¶ ཨསཀྐུཎེཡྻབྷཱརོ. ‘‘སཱ པཝཏྟཏཱི’’ཏི ཀཱཡལཧུཏཱ པཝཏྟཏི. ཐདྡྷཾ ཀརོནྟི སརཱིརགཏཱ དྷཱཏུཡོཏི ཨདྷིཀཱརོ. བྷུསཾ མཱརེཏཱིཏི ཨཱམརིཀོ. དཀཱརོ ཨཱགམོ. གཱམནིགམཝིལུཔྤཀོ ཙོརགཎོ. ཏསྶ བྷཡེན པརིཡུཊྛིཏཾ. ‘‘ཝིཝཊྚམཱནཾ’’ཏི ཝིརཱུཔཾ ཧུཏྭཱ ཝཊྚནྟཾ. ‘‘མཱུལབྷཱུཏཱ ཧོཏཱི’’ཏི ཨསཔྤཱཡ སེཝནེ སཏི, སཱ པཐམཾ པརིཡུཊྛཱཏི. སཱིཏཱདྷིཀཱཝཱ ཧོཏི, ཨུཎྷཱདྷིཀཱཝཱ. ཏཱཡ པརིཡུཊྛིཏཱཡ ཨེཝ སབྦཔརིཡུཊྛཱནཱནི པཝཏྟནྟཱིཏི ཝུཏྟཾ ཧོཏི. ‘‘ཨིམཱཔནཏིསྶོ རཱུཔཛཱཏིཡོ རཱུཔཀཱཡསྶ ཝིསེསཱཀཱརཱ ཧོནྟི. ཨིཏི ཏསྨཱ ཝིཀཱརརཱུཔཾ ནཱམཱཏི ཡོཛནཱ.

ལཀྑཎརཱུཔེསུ. ‘‘ཙཡནཾ’’ཏི སཉྩིཏབྷཱཝགམནཾ. ‘‘ཨཱདིཏོ’’ཏིཨཱདིམྷི. ‘‘ཨུཔརིཏོ’’ཏི ཨུཔརིབྷཱགེ. ‘‘ཨཱཙཡོ’’ཏིཨཱདིམྷི ཙཡོ. ‘‘ཨུཔཙཡོ’’ཏི ཨུཔརཱུཔརིཙཡོ. ‘‘ཨདྡྷཱནཔཱུརཎཝསེནཱ’’ཏི ཝསྶསཏམྤི ཝསྶསཧསྶམྤི དཱིགྷཀཱལཾ ཨཏྟབྷཱཝཾ པཱུརཎཝསེན. ‘‘ཏེན པརིཡཱཡེནཱ’’ཏི ཨུཔསདྡསྶ ཨཏྠནཱནཏྟཾ ཨཙིནྟེཏྭཱ ནིབྦཏྟིཾ ཝཌྜྷིཡཾ ཨནྟོགདྷཾ ཀཏྭཱ ཝུཏྟེན ཏེནཔརིཡཱཡེན. ཏསྶ ཙ ཨེཀེཀསྶ སནྟཏི པཙྩུཔྤནྣསྶ. ཏཏྠ ཙིཏྟཛརཱུཔེསུ ཨསྶཱས པསྶཱསཱནཾ ཝཱ པདཝཱརཧཏྠཝཱརཱདཱིནཾ ཝཱ ཨཀྑརཱནཾ ཝཱ ནིབྦཏྟི ཝཌྜྷི པཝཏྟིཡོ དིསྶནྟིཡེཝ. ཏཐཱ ནཱནཱཙིཏྟསམུཊྛིཏཱནཾ ནཱནཱརཱུཔསནྟཏཱིནཾ པཱིཏི. ཨུཏུཛརཱུཔེསུ ཨིརིཡཱ པཐནཱནཏྟཾ པཊིཙྩ སུཁདུཀྑཛནཀཱནཾ ནཱནཱརཱུཔསནྟཏཱིནཾ ནིབྦཏྟིཝཌྜྷིཔཝཏྟིཡོ དིསྶནྟིཡེཝ. ཏཐཱ བཧིདྡྷཱ ཁཱཎུཀཎྚཀཱདིསམྥསྶེན སཱིཏུཎྷཱདིསམྥསྶེན ཝཱཏཱཏཔཱདིསམྥསྶེན ཝཱ སརཱིརེ ཨུཔྤནྣཱནཾ ནཱནཱརཱུཔསནྟཏཱིནམྤི ཙཀྑུརོགཱདིརཱུཔཱནམྤཱིཏི. ཨཱཧཱརཛརཱུཔེསུ ཨཱཧཱརནཱནཏྟཾ པཊིཙྩ སརཱིརེ ཨུཔྤནྣཱནཾ སམཝིསམརཱུཔསནྟཏཱིནཾཏི. ‘‘ཨཡཾ ནཡོ’’ཏི བཧིདྡྷཱསནྟཱནེ ནིདསྶན ནཡོ. ཏེན ཨཛ྄ཛྷཏྟསནྟཱནེཔི སཏྟསནྟཱནཱནཾ ཧཏྠཔཱདཱདིསནྟཱནཱནཾ ཀེསལོམཱདི སནྟཱནཱནཉྩ ནིབྦཏྟི ཝཌྜྷིཔཝཏྟིཡོ ནིདསྶེཏི. ‘‘ཛཱིརཎཾ’’ཏི ཨབྷིནཝཱཝཏྠཏོ ཧཱཡནཾ. པཱལི༹པཱཋེ. ‘‘ཋིཏསྶ ཨཉྙཐཏྟཾ’’ཏི ཨཉྙོ པཀཱརོ ཨཉྙཐཱ. ཨཉྙཐཱ བྷཱཝོ ཨཉྙཐཏྟཾ ¶ . ཨེཏེན ཛརཱཝསེནཝཱ ནཱནཱརོགཱབཱདྷཱདིཝསེན ཝཱ ཝིཔརིཎཱམོ ཝུཏྟོ. ‘‘ཏཐཱ ཨཝཏྠཱབྷེདཡོགཏོ’’ཏི ཛཱཏིརཱུཔམེཝ ཨཱདིམྷི ནིབྦཏྟི ཧོཏི. ཏཏོཔརཾ ཏམེཝ ཝཌྜྷི ཧོཏི. ཏཏོ པརཾ ཏམེཝ པཝཏྟི ཧོཏཱིཏི ཨེཝཾ ཏཐཱ ཨཝཏྠཱབྷེདཡོགཏོ. ཏེནཱཧ ‘‘སཱཧཱི’’ཏིཨཱདིཾ. ‘‘པབནྡྷཡཏཱི’’ཏི པབནྡྷཾ ཀརོཏི. སངྒཧགཱཐཱདཱིསུ པན སུཝིཉྙེཡྻཱ. ‘‘ཨེཏྠ ཙ པཙྪིམཱནཱི’’ཏིཨཱདཱིསུ. ཝོཧཱརསིདྡྷམཏྟབྷཱཝཾ’’ཏི པུགྒལོ སཏྟོ ཨཏྟཱ ཛཱིཝོཏིཨཱདིཀཱ པཉྙཏྟི ནཱམ ཝོཧཱར སིདྡྷམཏྟཱ ཧོཏི. སབྷཱཝསིདྡྷཱ ན ཧོཏི. སཱཧི མཧཱཛནེཧི ཁནྡྷ པཉྩཀཾ ཨུཔཱདཱཡ པུགྒལོ ནཱམ ཨཏྠཱིཏི སམྨཏཏྟཱ ཝོཧརིཏཏྟཱ ཝོཧཱརསིདྡྷཱ ནཱམ. སབྷཱཝསིདྡྷཱ པན ན ཧོཏི. ཏསྨཱ ཨརིཡཱནཾ ཝོཧཱརེ པུགྒལོ ནཱམ ནཏྠཱིཏི སིཛ྄ཛྷཏི. ཨིམཱནི པན རཱུཔཱནི སབྷཱཝསིདྡྷཏྟཱ ཨརིཡཱནཾ ཝོཧཱརེཔི ཨཏྠཱིཏི སིཛ྄ཛྷནྟི. ཏེནཱཧ ‘‘ཏཱདིསེནཱ’’ཏིཨཱདིཾ. ‘‘སུདྡྷདྷམྨགཏིཡཱ སིདྡྷེནཱ’’ཏི པཐཝཱིདྷཱཏུ ནཱམ སུདྡྷདྷམྨོ ཧོཏི. སཱ ཨུཔྤཱདམྤི གཙྪཏི, ཛརམྤི གཙྪཏི, བྷེདམྤི གཙྪཏི. ཏསྨཱ ཏསྶཱ ཨུཔྤཱདོཔི ཛརཱཔི བྷེདོཔི སུདྡྷདྷམྨགཏིཡཱ སིདྡྷོ ནཱམ. ཨེཝཾ ལཀྑཎརཱུཔཱནཾ སུདྡྷདྷམྨགཏིསིདྡྷཾ པརམཏྠལཀྑཎཾ ཝེདིཏབྦཾ. ཏཐཱ ཝིཉྙཏྟི དྭཡསྶཔི ཝིཀཱརརཱུཔཏྟཡསྶཔི པརིཙྪེད རཱུཔསྶཔཱིཏི. ཡཐཱ ཙ ཨིམེསཾ རཱུཔཱནཾ. ཏཐཱ ནིབྦཱནསྶཔི སུདྡྷདྷམྨགཏིསིདྡྷཾ པརམཏྠལཀྑཎཾ ཨཏྠིཡེཝ. ཀིལེསདྷམྨཱཧི ཨརིཡམགྒེ ཨབྷཱཝིཏེ བྷཝཔརམྤརཱཡ ཨུཔྤཱདཾ གཙྪནྟིཡེཝ. བྷཱཝིཏེཔན ཨནུཔྤཱདཾ ནིརོདྷཾ གཙྪནྟིཡེཝ. ཏསྨཱ ཀིལེསདྷམྨཱནཾ ཨནུཔྤཱདནིརོདྷོཔི སུདྡྷདྷམྨགཏིཡཱ སིདྡྷོ ནཱམ. ཨེཝཾ ནིབྦཱནསྶཔི སུདྡྷདྷམྨགཏིསིདྡྷཾ པརམཏྠལཀྑཎཾ ཝེདིཏབྦཾ. ཨཏྠི བྷིཀྑཝེ ཨཛཱཏཾ ཨབྷཱུཏནྟི ཨིདཾ སུཏྟཾཔི ཨེཏྠ ཝཏྟབྦཾ. ཨེཏེན ཨརིཡཝོཧཱརེ ནིབྦཱནསྶ ཨེཀནྟེན ཨཏྠིཏཱ བྷགཝཏཱ ཝུཏྟཱ ཧོཏི. ཏེནཱཧ ‘‘ཨིཏརཐཱ’’ཏིཨཱདིཾ. ‘‘ནསབྷཱཝཏོ ཨནུཔལདྡྷཏྟཱ ཨནིཔྥནྣཱནི ནཱམ ཧོནྟཱི’’ཏི ཨེཏེན ཨེཏཱནི ཨསབྷཱཝརཱུཔཱནཱིཏི ཙ ཨལཀྑཎ རཱུཔཱནཱིཏི ཙ ཨསམྨསནརཱུཔཱནཱིཏི ཙ ན སཀྐཱ ཝཏྟུཾཏིཔི དཱིཔེཏི. ཀསྨཱ, ཡཐཱསཀཾ སབྷཱཝེཧི སབྷཱཝཝནྟཏྟཱ ཡཐཱསཀཾ ལཀྑཎེ ཧི སལཀྑཎཏྟཱ ¶ པཊིསམྦྷིདཱམགྒེ སམྨསནཉྙཱཎ ཝིབྷངྒེ ཛཱཏིཛརཱམརཎཱནམྤི སམྨསིཏབྦདྷམྨེསུ ཨཱགཏཏྟཱཏི. ཨཊྛསཱལིནིཡམྤི ཨཡམཏྠོ ཝུཏྟོཡེཝ. ཡཐཱཧ པརིནིཔྥནྣནྟི པནྣརསརཱུཔཱནི པརིནིཔྥནྣཱནི ནཱམ. དསརཱུཔཱནི ཨཔརིནིཔྥནྣཱནི ནཱམ. ཡདི ཨཔརིནིཔྥནྣཱནི ནཱམ. ཨེཝཾསཏི, ཨསངྑཏཱནི ནཱམ སིཡུཾ. ཏེསཾཡེཝ པནརཱུཔཱནཾ ཀཱཡཝིཀཱརོ ཀཱཡཝིཉྙཏྟི ནཱམ. ཝཙཱིཝིཀཱརོ ཝཙཱིཝིཉྙཏྟི ནཱམ. ཚིདྡཾ ཝིཝརཾ ཨཱཀཱསདྷཱཏུ ནཱམ. ལཧུབྷཱཝོ ལཧུཏཱ ནཱམ. མུདུབྷཱཝོ མུདུཏཱ ནཱམ. ཀམྨཉྙབྷཱཝོ ཀམྨཉྙཏཱ ནཱམ. ནིབྦཏྟི ཨུཔཙཡོ ནཱམ. པཝཏྟི སནྟཏི ནཱམ. ཛཱིརཎཱཀཱརོ ཛརཏཱ ནཱམ. ཧུཏྭཱ ཨབྷཱཝཱཀཱརོ ཨནིཙྩཏཱ ནཱམཱཏི སབྦཾ པརིནིཔྥནྣཾ སངྑཏམེཝཱཏི. ཏཏྠ ‘‘ཏེསཾཡེཝ རཱུཔཱནཾ’’ཏི ནིདྡྷཱརཎེ བྷུམྨཾ. ཏེསཾཡེཝ དསནྣཾ རཱུཔཱནཾ མཛ྄ཛྷེཏི ཝུཏྟཾ ཧོཏི. ‘‘ཨིཏིསབྦཾ’’ཏི ཨིདཾ སབྦཾ དསཝིདྷཾ རཱུཔཾ པརིནིཔྥནྣམེཝ སངྑཏམེཝཱཏི ཨཏྠོ. ཁནྡྷཝིབྷངྒཊྛཀཐཱཡམྤི ཝུཏྟོཝ. ཡཐཱཧ པཉྩཝིཔནཁནྡྷཱ པརིནིཔྥནྣཱཝ ཧོནྟི, ནོ ཨཔརིནིཔྥནྣཱ. སངྑཏཱཝ, ནོ ཨསངྑཏཱ. ཨཔིཙ ནིཔྥནྣཱཔི ཧོནྟིཡེཝ. སབྷཱཝདྷམྨེསུཧི ནིབྦཱནམེཝེཀཾ ཨཔརིནིཔྥནྣཾ ཨནིཔྥནྣཉྩཱཏི ཙ. ནིརོདྷསམཱཔཏྟི ཙ ནཱམ པཉྙཏྟི ཙ ཀཐནྟི. ནིརོདྷསམཱཔཏྟི ལོཀིཡལོཀུཏྟརཱཏི ཝཱ སངྑཏཱསངྑཏཱཏི ཝཱ པརིནིཔྥནྣཱཔརིནིཔྥནྣཱཏི ཝཱ ན ཝཏྟབྦཱ. ནིཔྥནྣཱ པན ཧོཏི. སམཱཔཛྫནྟེན སམཱཔཛྫིཏབྦཏོ. ཏཐཱ ནཱམཔཉྙཏྟི, སཱཔིཧི ལོཀིཡཱདིབྷེདཾ ནལབྷཏི. ནིཔྥནྣཱ པན ཧོཏི. ནོ ཨནིཔྥནྣཱ. ནཱམགྒཧཎཉྷི གཎྷནྟོཝ གཎྷཱཏཱིཏི ཙ. ཨེཏེན ལཀྑཎརཱུཔཱནམྤི ནིཔྥནྣཏཱ སིདྡྷཱ ཧོཏི. ཝིསུདྡྷི མགྒེཔན ནིཔྥནྣཾ ཨནིཔྥནྣཾཏིདུཀསྶ ནིདྡེསེ. ཨཊྛཱརསཝིདྷཾ རཱུཔཾ པརིཙྪེདཝིཀཱར ལཀྑཎབྷཱཝཾ ཨཏིཀྐམིཏྭཱ སབྷཱཝེནེཝ པརིགྒཧེཏབྦཏོ ནིཔྥནྣཾ, སེསཾ ཏབྦིཔརཱིཏཏཱཡ ཨནིཔྥནྣནྟི ཙ. ནིཔྥནྣརཱུཔཾ པན རཱུཔརཱུཔཾ ནཱམཱཏི ཙ. ཡཾ ཙཏཱུཧི ཀམྨཱདཱིཧི ཛཱཏཾ, ཏཾ ཙཏུཛཾ ནཱམ. ཏཾ ལཀྑཎ རཱུཔཝཛྫཾ ཨཝསེསརཱུཔཾ. ལཀྑཎརཱུཔཾ པན ན ཀུཏོཙིཛཱཏནྟི ཙ ཝུཏྟཾ. སབྦཉྩེཏཾ ཨཱཙརིཡེཧི གཧིཏནཱམམཏྟཏྟཱ ཝཏྟིཙྪཱནུགཏཾ ཧོཏི. ཡཾ རུཙྩཏི, ཏཾ གཧེཏྭཱ ཀཐེཏབྦནྟི.

རཱུཔསམུདྡེསཱནུདཱིཔནཱ ནིཊྛིཏཱ.

༡༩༧. རཱུཔཝིབྷཱགེ ¶ .‘‘ཨེཀཝིདྷནཡཾ ཏཱཝ དསྶེཏུཾ’’ཏི རཱུཔཝིབྷཱགཏོ པཐམཾ དསྶེཏུཾ. ཨེཏེན ཨེཀཝིདྷནཡོ རཱུཔཝིབྷཱགོ ནཱམ ན ཏཱཝ ཧོཏཱིཏི དསྶེཏི. ཏཾ ན སམེཏི. ཀེན ན སམེཏཱིཏི ཨཱཧ ‘‘ཝཀྑཏིཧཱི’’ཏིཨཱདིཾ. ‘‘ཨཛ྄ཛྷཏྟིཀཱདིབྷེདེན ཝིབྷཛནྟི ཝིཙཀྑཎཱ’’ཏི ཨེཏེན སབྦཾརཱུཔཾ ཨཛ྄ཛྷཏྟིཀབཱཧིརཝསེན དུཝིདྷནྟིཨཱདིཀོ དུཝིདྷནཡོ ཨེཝ རཱུཔཝིབྷཱགནཡོ ནཱམཱཏི ཝིཉྙཱཡཏི. ཏསྨཱ ཏེན ན སམེཏཱིཏི ཝུཏྟཾ ཧོཏི. ཨཔིཙ པཱལི༹ཡཾ. སཧེཏུཀཱ དྷམྨཱ, ཨཧེཏུཀཱ དྷམྨཱཏིཨཱདི དུཀེསུ སབྦཾརཱུཔཾ ཨཧེཏུཀམེཝ, ན སཧེཏུཀནྟིཨཱདི ནིཡམཀརཎམྤི རཱུཔཝིབྷཱགོ ཨེཝཱཏི ཀཏྭཱ ཏཐཱ ཝུཏྟནྟི གཧེཏབྦཾ. ‘‘ཨིཏརཱནི པནཱ’’ཏི ཀཱམཱཝཙརནྟིཨཱདཱིནི པན. ‘‘ཛནཀེན པཙྩཡེནཱ’’ཏི པདྷཱནཝཙནམེཏཾ. ཨུཔཏྠམྦྷཀཱདི པཙྩཡཱཔི གཧེཏབྦཱ ཨེཝ. ‘‘སངྒམྨཱ’’ཏི སམཱགནྟྭཱ. ‘‘ཀརཱིཡཏཱི’’ཏི ནིཔྥཱདཱིཡཏི. ཡོདྷམྨོཏིཨཱདཱིསུ. ‘‘པཧཱིནོ པཱི’’ཏི ཚིནྡནབྷིནྡནཱདིཝསེན པཧཱིནོཔི. ‘‘ཏསྨིཾ སཏཱི’’ཏི སམུདཡཔྤཧཱནེ སཏི. ཀིཙྩཔཙྩཡཱནཾ ཨརཧཏྠསྶ ཙ སཀྐཏྠསྶ ཙ དཱིཔནཏོ དུཝིདྷཾ ཨཏྠཾ དསྶེཏུཾ ‘‘ཨཊྛཱནཏྟཱ’’ཏིཨཱདི ཝུཏྟཾ. ‘‘ཏབྦིསཡསྶཱ’’ཏི རཱུཔཝིསཡསྶ. ‘‘ཨེཝཾ’’ཏི ཨེཝཾསནྟེ. ‘‘པཧཱིནཾ བྷཝིསྶཏཱི’’ཏི ཨནཱགཏབྷཝེ པུན ཨནུཔྤཱདཏྠཱཡ ཨིདྷེཝ པཧཱིནཾ བྷཝིསྶཏཱིཏི ཨཏྠོ. ཏེནཱཧ ‘‘ཨུཙྪིནྣམཱུལཾ’’ཏིཨཱདིཾ. ‘‘ཏཱལཱཝཏྠུཀཏཾ’’ཏི ཚིནྣཏཱལཀྑཱཎུཀཾ ཝིཡ ཀཏཾ བྷཝིསྶཏི. ‘‘ཨནབྷཱཝཾ ཀཏཾ’’ཏི པུན ཨབྷཱཝཾ ཀཏཾ. ‘‘པཱཀཊོ’’ཏི དསྶནཱདིཀིཙྩཝིསེསེཧི པཉྙཱཏོ. ‘‘ཏདུཔཱདཱཡཱ’’ཏི ཏཾ ཨུཔནིདྷཱཡ. ཝིབྷཱཝནིཔཱཋེ. ‘‘ཨཛ྄ཛྷཏྟིཀརཱུཔཾ’’ཏི པདུདྡྷཱརཎཾ. ཨཏྟཱནཾ ཨདྷིཀིཙྩ པཝཏྟཾ ཨཛ྄ཛྷཏྟཾ. ཨཛ྄ཛྷཏྟམེཝ ཨཛ྄ཛྷཏྟིཀནྟི དསྶེཏི ‘‘ཨཏྟབྷཱཝསངྑཱཏཾ’’ཏིཨཱདིནཱ. ཏཾ ན སུནྡརཾ. ཀསྨཱ, ཨཛ྄ཛྷཏྟདྷམྨ ཨཛ྄ཛྷཏྟིཀ དྷམྨཱནཉྩ ཨཝིསེསོ ཨཱཔཛྫཏཱིཏི ཝཀྑམཱནཀཱརཎཏྟཱ. ‘‘དྭཱརརཱུཔཾ ནཱམཱ’’ཏི པདུདྡྷཱརཔདཾ. ཀསྨཱ དྭཱརརཱུཔཾ ནཱམཱཏི ཨཱཧ ‘‘ཡཐཱཀྐམཾ’’ཏིཨཱདིཾ. པརཏོཔི ཨེསནཡོ. ‘‘དེསནཱབྷེད རཀྑཎཏྠཾ’’ཏི དུཀདེསནཱབྷེདཏོ རཀྑཎཏྠཾ. ཏཏྠ དེསནཱབྷེདོ ནཱམ རཱུཔཀཎྜེ པཉྩཝིཉྙཱཎཱནཾ ཝཏྠུ རཱུཔཉྩ, ན ཝཏྠུ རཱུཔཉྩ ¶ , ཨཱརམྨཎ རཱུཔཉྩ, ན ཨཱརམྨཎ རཱུཔཉྩ ཝཏྭཱ མནོཝིཉྙཱཎསྶ ན ཝུཏྟཾ. ཡདི ཝུཙྩེཡྻ, ཨཱརམྨཎདུཀེ མནོཝིཉྙཱཎསྶ ཨཱརམྨཎ རཱུཔཾ, ན ཨཱརམྨཎ རཱུཔནྟི དུཀཔདཾ ན ལབྦྷེཡྻ. ཨཡཾ དེསནཱབྷེདོ ནཱམ. ཝཏྠུདུཀེསུ ཧདཡཝཏྠུཝསེན ལབྦྷམཱནཾ མནོཝིཉྙཱཎདུཀཾ ན ཝུཏྟནྟི. ‘‘ཐཱུལསབྷཱཝཏྟཱ’’ཏི སུཁུམརཱུཔཾ ཨུཔཱདཱཡ ཝུཏྟཾ. ‘‘དཱུརེ པཝཏྟསྶཔཱི’’ཏི ཡཐཱ སུཁུམརཱུཔཾ ཨཏྟནོ སརཱིརེ པཝཏྟམྤི ཉཱཎེན སཱིགྷཾ པརིགྒཧེཏུཾ ན སཀྐཱ ཧོཏི, ཏཐཱ ཨིདཾ. ཨིམསྶ པན དཱུརེ པཝཏྟསྶཔི. ‘‘གཧཎཡོགྱཏྟཱ’’ཏི ཉཱཎེན པརིགྒཧཎཔཏྟཏྟཱཏི ཨདྷིཔྤཱཡོ. ཝིབྷཱཝནིཔཱཋེ. ‘‘སཡཾནིསྶཡཝསེན ཙཱ’’ཏི སཡཉྩ ནིསྶཡ མཧཱབྷཱུཏཝསེན ཙ. ཏཏྠ སཡཾ སམྤཏྟཱ ནཱམ ཕོཊྛབྦདྷཱཏུཡོ. ནིསྶཡཝསེན སམྤཏྟཱ ནཱམ གནྡྷརསཱ. ཨུབྷཡཐཱཔི ཨསམྤཏྟཱ ནཱམ ཙཀྑུ རཱུཔ, སོཏ སདྡཱ. ཡོ པཊིམུཁབྷཱཝོ ཨཏྠི, ཡཾ ཨཉྙམཉྙཔཏནཾ ཨཏྠཱིཏི ཡོཛནཱ. ན ཙ ཏཱནི ཨཉྙཔྤཀཱརཱནི ཨེཝ སཀྐཱ བྷཝིཏུནྟི སམྦནྡྷོ. ‘‘ཨནུགྒཧ ཨུཔགྷཱཏཝསེནཱ’’ཏི ཝཌྜྷནཏྠཱཡ ཨནུགྒཧཝསེན, ཧཱཡནཱདི ཨཏྠཱཡ ཨུཔགྷཱཏཝསེན. ‘‘ཡཾ ཀིཉྩཱི’’ཏི ཙཏུསམུཊྛཱནིཀརཱུཔཾ གཎྷཱཏི. ‘‘ཨཱདིནྣཔརཱམཊྛཏྟཱ’’ཏི ཏཎྷཱམཱནེཧི ཨེཏཾ མམ ཨེསོཧམསྨཱིཏིཨཱདིནྣཏྟཱ, དིཊྛིཡཱ ཨེསོ མེ ཨཏྟཱཏི པརཱམཊྛཏྟཱ ཙ. ‘‘ནིཙྩཀཱལཾ པཝཏྟིཝསེནཱ’’ཏི ཨེཀེན ཛནཀཀམྨེན པཊིསནྡྷིཀྑཎཏོ པཊྛཱཡ ནིཙྩཀཱལཾ པཝཏྟིཝསེན. ‘‘ཨུཔཙརཱིཡཏཱི’’ཏི ཝོཧརཱིཡཏི. ‘‘ཨཏྠཝིསེསབོདྷོ’’ཏི རཱུཔཱརམྨཎསྶ ཀིཙྩཝིསེསབོདྷོ. ‘‘ཨསམྤཏྟཝསེནཱ’’ཏི ཝིསཡཊྛཱནཾ སཡཾ ཨསམྤཛྫནཝསེན. ཨཏྟནོཋཱནཾ ཝཱ ཝིསཡསྶ ཨསམྤཛྫནཝསེན. ཏཏྠ ཝིསཡསྶ ཨསམྤཏྟཾ དསྶེནྟོ ‘‘ཏཏྠཱ’’ཏིཨཱདིམཱཧ. ཏཐཱ སོཏསདྡེསུ ཙ ཨཉྙམཉྙཾ ལགྒིཏྭཱ ཨུཔྤཛྫམཱནེསུ. ‘‘སམྤཏྟིཡཱ ཨེཝཱ’’ཏི སམྤཛྫནཏྠཱཡ ཨེཝ. ཏཐཱ ཨཱཔོ ཙ སམྤཏྟིཡཱ ཨེཝ པཙྩཡོཏི ཡོཛནཱ. དུབྦལཔཐཝཱི ཨེཝ སནྣིསྶཡོ ཡསྶཱཏི ཝིགྒཧོ. ‘‘ཨསྶཱ’’ཏི ཙཀྑུསྶ. ‘‘སོཏསྶཔནཀཐཾ’’ཏི སོཏསྶ ཨསམྤཏྟགྒཧཎཾ ཀཐཾ པཱཀཊཾ. སམྤཏྟགྒཧཎཾ ཨེཝ པཱཀཊནྟི དཱིཔེཏི. ཏེནཱཧ ‘‘ཏཏྠཧཱི’’ཏིཨཱདིཾ ¶ . དཀྑིཎཔསྶཏོ ཝཱ སུཡྻཏི, ཙེཏིཡཱདིཀསྶ པུརཏྠིམདིསཱབྷཱགེ ཋིཏཱནནྟི ཨདྷིཔྤཱཡོ. ‘‘པཊིགྷཊྚནཱནིགྷཾསོ’’ཏི སོཏེསུ པཊིགྷཊྚནཝེགོ. ‘‘ཏེསཾ’’ཏི ཨཱསནྣེཝཱ དཱུརེ ཝཱ ཋིཏཱནཾ. ཧོཏུ དཱུརེ ཋིཏཱནཾ ཙིརེན སུཏོཏི ཨབྷིམཱནོ. ཀསྨཱ པན ཨུཛུཀཾ ཨསུཏྭཱ དཀྑིཎཔསྶཏོཝཱ ཨུཏྟརཔསྶཏོ ཝཱ སུཎེཡྻ, ཨསུཡྻམཱནོ བྷཝེཡྻཱཏི པུཙྪཱ. ཏཾ ཀཐེནྟོ ‘‘ཨཔིཙཱ’’ཏིཨཱདིམཱཧ. ཝིབྷཱཝནིཔཱཋེ. ‘‘གནྟྭཱ ཝིསཡདེསཾ ཏཾ, ཕརིཏྭཱ གཎྷཏཱིཏི ཙེ’’ཏི ཏཾ ཙཀྑུསོཏ དྭཡཾ དཱུརེཝིསཡཱནཾ ཨུཔྤནྣདེསཾ ཕརིཏྭཱ གཎྷཏཱིཏི ཙེཝདེཡྻཱཏི ཨཏྠོ. དཱུརེཋཏྭཱ པསྶནྟོ སུཎནྟོ ཙ མཧནྟམྤིཔབྦཏཾ ཨེཀཀྑཎེ པསྶཏི, མཧནྟཾཔི མེགྷསདྡཾ ཨེཀཀྑཎེ སུཎཱཏི. ཏསྨཱ ཨུབྷཡཾ ཨསམྤཏྟགོཙརནྟི ཝིཉྙཱཡཏི. ཨིམསྨིཾ ཝཙནེ ཋཏྭཱ ཨིདཾ པརིཀཔྤཝཙནཾ དསྶེཏི ཏཾ དྭཡཾ ཝིསཡཔྤདེསཾ གནྟྭཱ མཧནྟཾཔི པབྦཏཾ ཝཱ མེགྷསདྡཾ ཝཱ ཕརིཏྭཱ གཎྷཱཏི. ཏསྨཱ མཧནྟཾཔི པསྶཏི, སུཎཱཏི. ན ཨསམྤཏྟགོཙརཏྟཱ མཧནྟཾ པསྶཏི སུཎཱཏཱིཏི ཀོཙི ཝདེཡྻཱཏི ཝུཏྟཾ ཧོཏི. ཨདྷིཊྛཱནཝིདྷཱནེཔི ཏསྶ སོ གོཙརོ སིཡཱཏི. ཨེཝཾསཏི, དིབྦཙཀྑུ དིབྦསོཏཱབྷིཉྙཱནཾ ཨདྷིཊྛཱནཝིདྷཱནེཔི སོ རཱུཔསདྡཝིསཡོ ཏསྶ པསཱདཙཀྑུསོཏསྶ གོཙརོ སིཡཱཏི ཨབྷིཉྙཱདྷིཊྛཱན ཀིཙྩཾ ནཱམ ནཏྠི. ཙཀྑུསོཏཾ དེཝལོཀམྤི གནྟྭཱ དིབྦརཱུཔམྤི དིབྦསདྡམྤི གཎྷེཡྻ. ན པན གཎྷཱཏི. ཏསྨཱ ཏསྶ ཝིསཡདེསགམནཉྩ མཧནྟདེསཕརཎཉྩ ན ཙིནྟེཏབྦནྟི ཝུཏྟཾ ཧོཏི.

རཱུཔཝིབྷཱགཱནུདཱིཔནཱ ནིཊྛིཏཱ.

༡༥༨. རཱུཔསམུཊྛཱནེ. སུཏྟནྟེསུ ཙེཏནཱསམྤཡུཏྟཱ ཨབྷིཛ྄ཛྷཱདཡོཔི ཀམྨནྟི ཝུཏྟཱ. ཏེ པན པཊྛཱནེ ཀམྨཔཙྩཡཾ པཏྭཱ ཏཔྤཙྩཡཀིཙྩཾ ན སཱདྷེནྟི, ཙེཏནཱ ཨེཝ སཱདྷེཏཱིཏི ཨཱཧ ‘‘སཱ ཡེཝཱ’’ཏིཨཱདིཾ. ‘‘ཏཾ སམུཊྛཱནཱནཉྩ རཱུཔཱནཾ’’ཏི ཧེཏཱུཧི ཙ ཧེཏུསམྤཡུཏྟཀདྷམྨེཧི ཙ སམུཊྛཱནཱནཉྩ རཱུཔཱནནྟི ཨཏྠཝསེན ཙེཏསིཀདྷམྨཱནམྤི ¶ རཱུཔསམུཊྛཱཔཀཏཱ སིདྡྷཱ ཧོཏི. སོ ཧི ཨུདཡཏི པསཝཏཱིཏི སམྦནྡྷོ. ‘‘ཀཔྤསཎྛཱཔནཝསེནཱ’’ཏི ཀཔྤཔྤཏིཊྛཱཔནཝསེན. ཨཛ྄ཛྷཏྟིཀསདྡོ ཚསུ ཙཀྑཱདཱིསུ ཨཛ྄ཛྷཏྟིཀཱཡཏནེ སྭེཝ པཝཏྟཏི. ཨིདྷ པན སཀལཾ ཨཛ྄ཛྷཏྟསནྟཱནཾ ཨདྷིཔྤེཏནྟི ཨཱཧ ‘‘ཨཛ྄ཛྷཏྟ སནྟཱནེཏི པན ཝཏྟབྦཾ’’ཏི. ‘‘ཁཎེ ཁཎེ’’ཏི ཝིཙྪཱཝཙནཾ. ‘‘ཝིཙྪཱ’’ཏི ཙ བཧཱུསུཁཎེསུ བྱཱཔནནྟི ཨཱཧ ‘‘ཏཱིསུཏཱིསུཁཎེསཱུ’’ཏི.

ཡམཀཔཱཋེསུ. ཡསྶ ཝཱ པན པུགྒལསྶ. ‘‘ནིརུཛ྄ཛྷཏཱི’’ཏི བྷངྒཀྑཎ སམངྒིཏམཱཧ. ‘‘ཨུཔྤཛྫཏཱི’’ཏི ཨུཔྤཱདཀྑཎ སམངྒིཏཾ. ‘‘ཨིཏཱི’’ཏི ཨཡཾ པུཙྪཱ. ‘‘ནོ’’ཏི པཊིཀྑེཔོ. སམུདཡསཙྩསྶ བྷངྒཀྑཎེ དུཀྑསཙྩབྷཱུཏསྶ རཱུཔསྶཝཱ ནཱམསྶཝཱ ཨུཔྤཱདོ ནཱམ ནཏྠཱིཏི ཝུཏྟཾ ཧོཏི. ཡསྶ ཀུསལཱ དྷམྨཱ ཨུཔྤཛྫནྟི, ཡསྶ ཨཀུསལཱ དྷམྨཱ ཨུཔྤཛྫནྟཱིཏི དྭེ པཱཋཱགཧེཏབྦཱ. ‘‘ནོ’’ཏི ཀུསལཱཀུསལ དྷམྨཱནཾ ཨུཔྤཱདཀྑཎེ ཨབྱཱཀཏབྷཱུཏཱནཾ རཱུཔཱནཾ ཝཱ ནཱམཱནཾ ཝཱ ནིརོདྷོ ནཱམ ནཏྠཱིཏི ཝུཏྟཾ ཧོཏི. ཏེསུཔཱཋེསུ ཀེསཉྩིཝཱདཱིནཾ ཝཙནོཀཱསཾ དསྶེཏུཾ ‘‘ཨརཱུཔབྷཝཾ’’ཏིཨཱདི ཝུཏྟཾ. ‘‘ཙེ’’ཏི ཀོཙིཝཱདཱི ཙེཝདེཡྻ. ‘‘ནཱ’’ཏི ན ཝཏྟབྦཾ. ‘‘ཨུཔྤཛྫཏཱི’’ཏི ཙ ཨུདྡྷཊཱ སིཡུནྟི སམྦནྡྷོ. ‘‘ཨིཏརཏྠ ཙཱ’’ཏི ཏཏོ ཨིཏརསྨིཾ ཡསྶ ཀུསལཱ དྷམྨཱཏིཨཱདིཔཱཋེ ཙ. ‘‘ཏམྤི ནཱ’’ཏི ཏམྤི ཝཙནཾ ན ཝཏྟབྦནྟི ཨཏྠོ. ‘‘པུརིམཀོཊྛཱསེ’’ཏི ཨསཉྙསཏྟཱནཾ ཏེསཾ ཏཏྠཱཏི ཨིམསྨིཾ པུརིམཔཀྑེཏི ཨདྷིཔྤཱཡོ. ‘‘པཙྪིམཀོཊྛཱསེ’’ཏི སབྦེསཾ ཙཝནྟཱནཾ པཝཏྟེ ཙིཏྟསྶབྷངྒཀྑཎེཏི ཨིམསྨིཾ པཙྪིམ པཀྑེ. ཙཝནྟཱནཾ ཨིཙྩེཝ ཝུཏྟཾ སིཡཱ, ན པཝཏྟེ ཙིཏྟསྶ བྷངྒཀྑཎེཏི, ནོ ཙ ན ཝུཏྟཾ, ཏསྨཱ ཝིཉྙཱཡཏི པཝཏྟེ ཙིཏྟསྶ བྷངྒཀྑཎེ རཱུཔཛཱིཝིཏིནྡྲིཡམྤི ན ཨུཔྤཛྫཏཱིཏི. རཱུཔཛཱིཝིཏིནྡྲིཡེ ཙ ཨནུཔྤཛྫམཱནེ སཏི, སབྦཱནི ཀམྨཛརཱུཔཱནི ཨུཏུཛརཱུཔཱནི ཨཱཧཱརཛརཱུཔཱནི ཙ ཙིཏྟསྶ བྷངྒཀྑཎེ ནུཔྤཛྫནྟཱིཏི ཝིཉྙཱཏབྦཾ ཧོཏཱིཏི ཨདྷིཔྤཱཡོ. ‘‘པཙྪིམཀོཊྛཱསེ’’ཏི སབྦེསཾ ཙཝནྟཱནཾ པཝཏྟེ ཙིཏྟསྶ བྷངྒཀྑཎེཏི ཨིམསྨིཾ པཙྪིམཔཀྑེ. ཏཏྠ ཙ པཝཏྟེ ཙིཏྟསྶ བྷངྒཀྑཎེཏི ཨིདཾ ཨདྷིཔྤེཏཾ. ཨེཝཾ པཱལི༹སཱདྷཀཾ དསྶེཏྭཱ ཨིདཱནི ཡུཏྟིསཱདྷཀཾ དསྶེནྟོ ¶ ‘‘ཡསྨཱ ཙཱ’’ཏིཨཱདིམཱཧ. ‘‘ཏསྶཱ’’ཏི ཨཱནནྡཱ ཙརིཡསྶ མཱུལཊཱིཀཱཀཱརསྶ. ཝིབྷཱཝནིཡཾ. བྷངྒེ རཱུཔསྶ ནུཔྤཱདོ, ཙིཏྟཛཱནཾ ཝསེན ཝཱ. ཨཱརུཔྤཾ ཝཱཔི སནྡྷཱཡ, བྷཱསིཏོ ཡམཀསྶ ཧི. ན ཙིཏྟཊྛིཏི བྷངྒེ ཙ, ན རཱུཔསྶ ཨསམྦྷཝོ. ཏི ཝུཏྟཾ. ཏཏྠ ‘‘ན ཧི ན ཙིཏྟཊྛིཏཱི’’ཏི ཙིཏྟསྶཋིཏི ནཱམ ན ཧི ནཏྠི. ‘‘བྷངྒེཙཱ’’ཏི ཙིཏྟསྶབྷངྒཀྑཎེ ཙ. ཏཾ ཨསམྦྷཱཝེནྟོ ‘‘ཡམཀཔཱལི༹ཡོ པནཱ’’ཏིཨཱདིམཱཧ. ‘‘ནཱནཏྠཱ ནཱནཱབྱཉྫནཱ’’ཏི ཨེཏེན པཱལི༹སཾསནྡནཱ ནཱམ གརུཀཏྟབྦཱཏི དཱིཔེཏི. ‘‘གམྦྷཱིརོ ཙ སཏྠུ ཨདྷིཔྤཱཡོ’’ཏི ཨེཏེན ཨཏྟཱནཾ སཏྠུམཏཉྙུཾ ཀཏྭཱ ཨིདཾ སནྡྷཱཡ ཨེཏཾ སནྡྷཱཡཱཏི ཝཏྟུཾ དུཀྐརནྟི དཱིཔེཏི. ‘‘སུདྡྷཾ ཨརཱུཔམེཝཱ’’ཏི སུདྡྷཾ ཨརཱུཔཔྤཊིསནྡྷིཾ ཨེཝ. ཚ ཙཏྟཱལཱིསཙིཏྟཱནི རཱུཔཾ ཛནེཏུཾ ན སཀྐོནྟི. ཨེཝཾ སཏི ཨརཱུཔཝིཔཱཀཝཛྫིཏནྟི ཀསྨཱ ཝུཏྟནྟི ཨཱཧ ‘‘ཨརཱུཔཝིཔཱཀཱཔནཱ’’ཏིཨཱདིཾ. ཝིབྷཱཝནིཔཱཋེ. ‘‘ཧེཏུནོ’’ཏི རཱུཔཝིརཱགབྷཱཝནཱ ཀམྨསངྑཱཏསྶ ཧེཏུསྶ. ‘‘ཏབྦཱིདྷུརཏཱཡཱ’’ཏི རཱུཔཝིརུདྡྷཏཱཡ. རཱུཔཱརཱུཔཝིརཱགབྷཱཝནཱབྷཱུཏོ མགྒོ. ཏེན ནིབྦཏྟསྶ. རཱུཔོཀཱསོ ནཱམ ཀཱམརཱུཔབྷཝོ. ཝིབྷཱཝནིཔཱཋེ. ‘‘ཨེཀཱུན ན ཝུཏིབྷཝངྒསྶེ ཝཱ’’ཏི པཝཏྟིཀཱལེ རཱུཔཛནཀསྶ ཨེཀཱུན ན ཝུཏིབྷཝངྒ ཙིཏྟསྶཱཏི ཨཏྠོ. ཏཏྠ པན ཨརཱུཔཝིཔཱཀཾ པཝཏྟིཀཱལེཔི རཱུཔཛནཀཾ ན ཧོཏཱིཏི ཨཱཧ ‘‘ཏཏྠཱ’’ཏིཨཱདིཾ. ཀེཙི པན པཊིསནྡྷི ཙིཏྟསྶ ཨུཔྤཱདཀྑཎེ རཱུཔཾ པཙྪཱཛཱཏ པཙྩཡཾ ན ལབྷཏི. ཋིཏིཀྑཎེ རཱུཔཾ པརཏོ བྷཝངྒཙིཏྟཏོ པཙྪཱཛཱཏཔཙྩཡཾ ལབྷཏཱིཏི ཝདནྟི. ཏཾ ན གཧེཏབྦནྟི དསྶེཏུཾ ‘‘ན ཧི ཨཏྟནཱ’’ཏིཨཱདི ཝུཏྟཾ. སཡཾ ཝིཛྫམཱནོ ཧུཏྭཱ ཨུཔཀཱརཀོ པཙྩཡོ ཨཏྠིཔཙྩཡོ. པཙྪཱཛཱཏོ ཙ ཏསྶ ཨེཀདེསོ. ‘‘ཨཱཡུསངྑཱརཱནཾ’’ཏི ཨུསྨཱདཱིནཾ. ‘‘ཏཾ’’ཏི ཁཱིཎཱསཝཱནཾ ཙུཏིཙིཏྟཾ. ‘‘ཡཐཱཧཱ’’ཏི སོ ཐེརོ ཀིཾ ཨཱཧ. ‘‘ཝུཏྟཾ’’ཏི ཨཊྛཀཐཱཡཾ ཝུཏྟཾ. ཨིཏི པན ཝཙནཏོ ཨཉྙེསཾཔི ཙུཏིཙིཏྟཾ རཱུཔཾ ན སམུཊྛཱཔེཏཱིཏི ཝིཉྙཱཡཏཱིཏི པདྷཱནཝཙནཾ. པན སདྡོ ཨརུཙི ཛོཏཀོ. ‘‘ཏཐཱ ཝུཏྟེཔཱི’’ཏི ཛོཏེཏི. ཝཙཱིསངྑཱརོ ནཱམ ཝིཏཀྐཝིཙཱརོ. ཀཱཡསངྑཱརོ ནཱམ ཨསྶཱསཔསྶཱསཝཱཏོ. སོ སབྦེསཾཔི ཀཱམསཏྟཱནཾ ཙུཏི ཙིཏྟསྶ ¶ ཨུཔྤཱདཀྑཎེ ཙ ཏཏོ པུརིམཙིཏྟསྶ ཨུཔྤཱདཀྑཎེ ཙ ནནིརུཛ྄ཛྷཏཱིཏི ཝཙནེན ཙུཏིཙིཏྟཏོ པུབྦབྷཱགེཡེཝ ཨསྶཱསཔསྶཱསཱནཾ ཨབྷཱཝཾ ཉཱཔེཏི. ནནུ ཨིམིསྶཾ པཱལི༹ཡཾ ཙུཏིཀཱལེ ཨསྶཱསཔསྶཱསསྶ ཨབྷཱཝཾ ཝདཏི. ཨཉྙེསཾ ཙིཏྟཛརཱུཔཱནཾ ཨབྷཱཝཾ ན ཝདཏི. ཏསྨཱ ཨིམཱཡ པཱལི༹ཡཱ སབྦེསམྤི ཙུཏིཙིཏྟཾ ཨསྶཱསཔསྶཱསཾ ན ཛནེཏཱིཏི ཝིཉྙཱཡཏི. ན ཨཉྙཱནི ཙིཏྟཛརཱུཔཱནཱིཏི ཙོདནཱ. ཏཾ པརིཧརནྟོ ‘‘ན ཧཱི’’ཏིཨཱདིམཱཧ. ན ཧི རཱུཔསམུཊྛཱཔཀཙིཏྟསྶ ཀཱཡསངྑཱར སམུཊྛཱཔནཾ ཨཏྠཱིཏི སམྦནྡྷོ. ‘‘གབྦྷགམནཱདིཝིནིབདྡྷཱབྷཱཝེ’’ཏི མཱཏུཀུཙྪིམྷི གཏསྶ ཨསྶཱསཔསྶཱསོ ན ཨུཔྤཛྫཏི, ཏཐཱ ཨུདཀེ ནིམུགྒསྶ. བཱལ༹ྷཾ ཝིསཉྙཱིབྷཱུཏསྶ. ཙཏུཏྠཛ྄ཛྷཱནཾ སམཱཔཛྫནྟསྶ. ནིརོདྷསམཱཔཏྟིཾ སམཱཔཛྫནྟསྶ. རཱུཔཱརཱུཔབྷཝེ ཋིཏསྶཱཏི. ཏསྨཱ ཨེཏེགབྦྷགམནཱདཡོ ཨསྶཱསཔསྶཱསཾ ཝིནིབདྡྷནྟི ནཱིཝཱརེནྟཱིཏི གབྦྷགམནཱདིཝིནིབདྡྷཱ. ཏེསཾ ཨབྷཱཝོཏི ཝིགྒཧོ. ཝིནཱ ཨིམེཧི ཀཱརཎེཧི ཨསྶཱསཔསྶཱསསྶ ཙ ཨཉྙཙིཏྟཛརཱུཔཱནཉྩ ཝིསེསོ ནཏྠཱིཏི ཝུཏྟཾ ཧོཏི. ཨཉྙཾཔི ཡུཏྟིཾ དསྶེཏི ‘‘ཙུཏོ ཙཱ’’ཏིཨཱདིནཱ. ཙུཏོ ཙ ཧོཏི, ཨསྶ ཙིཏྟསམུཊྛཱན རཱུཔཉྩ པཝཏྟཏཱིཏི ན ཙ ཡུཏྟནྟི ཡོཛནཱ. སོ ཙ སུཊྛུ ཨོལཱ༹རིཀོ རཱུཔདྷམྨོ. ཨིཏི ཏསྨཱ ན སཀྐཱ ཝཏྟུཾཏི སམྦནྡྷོ. ‘‘ཨིམསྶ ཨཏྠསྶཱ’’ཏི ཝཏྭཱ ཏཾ ཨཏྠཾ ཝདཏི ‘‘ཨོལཱ༹རིཀསྶཱ’’ཏིཨཱདིནཱ. ‘‘ཀཏཱིཔཡ ཁཎམཏྟཾ’’ཏི པནྣརསཁཎསོལ༹སཁཎམཏྟཾ. ‘‘ཙིཏྟཛརཱུཔཔྤཝཏྟིཡཱ’’ཏི ཙིཏྟཛརཱུཔཔྤཝཏྟནཏོ. དུབྦལཱ ཧོནྟི, ཏདཱ པཉྩཱརམྨཎཱནིཔི པཉྩདྭཱརེསུ ཨཱཔཱཏཾ ནཱགཙྪནྟི. ‘‘པཙྩཡཔརིཏྟཏཱཡ ཝཱ’’ཏི ཏདཱ པཙྪཱཛཱཏཔཙྩཡསྶ ཨལཱབྷཏོ ཝུཏྟཾ. དུབྦལཱ ཧོནྟི. ཏདཱ དུབྦལཏྟཱ ཨེཝ པཉྩཱརམྨཎཱནི པཉྩདྭཱརེསུ ཨཱཔཱཏཾ ནཱགཙྪནྟི. པརིཡོསཱནེཔི ཨེཀཙིཏྟཀྑཎམཏྟེ. ཝཏྠུསྶ ཨཱདིཨནྟནིསྶིཏཱནི པཊིསནྡྷིཀྑཎེ ཨཱདིམྷི ནིསྶིཏཱནི. མརཎཱསནྣཀཱལེ ཨནྟེ ནིསྶིཏཱནི. སམདུབྦལཱནི ཨེཝ ཧོནྟི. ཏསྨཱ ཡཐཱ སབྦཔཊིསནྡྷིཙིཏྟམྤི རཱུཔཾ ན ཛནེཏི, ཏཐཱ སབྦཙུཏིཙིཏྟམྤི རཱུཔཾ ན ཛནེཏཱིཏི སཀྐཱ ཝིཉྙཱཏུནྟི. ‘‘པཱལི༹ཝིརོདྷཾ’’ཏི པུབྦེ དསྶིཏཱཡ སངྑཱར ཡམཀཔཱལི༹ཡཱ ཝིརོདྷཾ ¶ .‘‘ཀཱརཎཾ ཝུཏྟམེཝཱ’’ཏི ཙིཏྟཉྷི ཨུཔྤཱདཀྑཎེ ཨེཝ པརིཔུཎྞཾ པཙྩཡཾ ལབྷིཏྭཱ བལཝཾ ཧོཏཱིཏི ཝུཏྟམེཝ. ‘‘ཏཾ’’ཏི ཨཔྤནཱཛཝནཾ. ཨཙལམཱནཾ ཧུཏྭཱ. ‘‘ཨབྦོཀིཎྞེ’’ཏི ཝཱིཐིཙིཏྟ ཝཱརེན ཨཝོཀིཎྞེ. ན ཏཐཱ པཝཏྟམཱནེསུ ཨངྒཱནི ཨོསཱིདནྟི, ཡཐཱ ཋཔིཏཱནེཝ ཧུཏྭཱ པཝཏྟནྟི. ‘‘ན ཏཏོཔརཾ’’ཏི ཏཏོ ཨཏིརེཀཾ རཱུཔཝིསེསཾ ན ཛནེཏི. ‘‘ཀིཉྩཱི’’ཏི ཀིཉྩིཙིཏྟཾ. ‘‘ཨུཏྟརཀིཙྩཾ’’ཏི ཨུཔརཱུཔརིཀིཙྩཾ. ‘‘ཨཊྛ པུཐུཛྫནཱནཾ’’ཏི ཨཊྛ སོམནསྶ ཛཝནཱནི ཧསནཾཔི ཛནེནྟི. ཚ ཛཝནཱནི པཉྩཛཝནཱནཱིཏི ཨདྷིཀཱརོ. ཏེསཾ བུདྡྷཱནཾ. སིཏཀམྨསྶཱཏི སམྦནྡྷོ. སིཏཀམྨཾ ནཱམ མིཧིཏཀམྨཾ. ‘‘ཀཱརཎཾ ཝུཏྟམེཝཱ’’ཏི ‘རཱུཔསྶ པན ཨུཔཏྠམྦྷཀབྷཱུཏཱ ཨུཏུཨཱཧཱརཱ པཙྪཱཛཱཏཔཙྩཡ དྷམྨཱ ཙ ཋིཏིཀྑཎེ ཨེཝ ཕརནྟཱི’ཏི ཨེཝཾ ཀཱརཎཾ ཝུཏྟམེཝ. ‘‘ཨུཏུནོ བལཝབྷཱཝོ’’ཏི རཱུཔུཔྤཱདནཏྠཱཡ བལཝབྷཱཝོ. སནྟཏིཋིཏིཡཱ བལཝབྷཱཝོ པན པཙྪཱཛཱཏཔཙྩཡཱཡཏྟོ ཧོཏི. རཱུཔཾ ན སམུཊྛཱཔེཡྻ. ནོ ན སམུཊྛཱཔེཏཱིཏི ཨཱཧ ‘‘ཝཀྑཏི ཙཱ’’ཏིཨཱདིཾ. ཨཛ྄ཛྷཏྟ སནྟཱནགཏོ ཙ བཧིདྡྷཱསནྟཱནགཏོ ཙ དུཝིདྷཱཧཱརོཏི སམྦནྡྷོ.

ཨེཏྠཙཱཏིཨཱདཱིསུ. ཨུཏུ པཉྩཝིདྷོ. ཨཛ྄ཛྷཏྟསནྟཱནེ ཙཏུཛཝསེན ཙཏུབྦིདྷོ, བཧིདྡྷཱ སནྟཱནེ ཨུཏུཛཝསེན ཨེཀོ. ཏཐཱ ཨཱཧཱརོཔི པཉྩཝིདྷོ. ཏེསུ ཋཔེཏྭཱ བཧིདྡྷཱཧཱརཾ ཨཝསེསཱནཾ ཨཛ྄ཛྷཏྟ སནྟཱནེ རཱུཔསམུཊྛཱཔནེ ཝིཝཱདོ ནཏྠི. བཧིདྡྷཱཧཱརསྶ པན ཨཛ྄ཛྷཏྟསནྟཱནེ རཱུཔསམུཊྛཱཔནེ ཝིཝཱདོ ཨཏྠཱིཏི ཏཾ དསྶེཏུཾ ‘‘ཨེཏྠ ཙཱ’’ཏིཨཱདིམཱཧ. ‘‘ཨུཏུཨོཛཱནཾ ཝིཡཱ’’ཏི ཨུཏུཨོཛཱནཾ ཨཛ྄ཛྷཏྟསནྟཱནེ རཱུཔསམུཊྛཱཔནཾ ཝིཡ. ཨཊྛཀཐཱཔཱཋེ. ‘‘དནྟཝིཙུཎྞིཏཾ པནཱ’’ཏི དནྟེཧི སངྑཱདིཏྭཱ ཝིཙུཎྞཾ ཀཏཾ པན. ‘‘སིཏྠཾ’’ཏི བྷཏྟཙུཎྞསིཏྠཾ. ཊཱིཀཱཔཱཋེ. ‘‘སཱ’’ཏི བཧིདྡྷཱ ཨོཛཱ. ‘‘ནསངྑཱདིཏོ’’ཏི ན སུཊྛུཁཱདིཏོ. ‘‘ཏཏྟཀེནཔཱི’’ཏི མུཁེཋཔིཏམཏྟེནཔི. ‘‘ཨབྦྷནྟརསྶཱ’’ཏི ཨཛ྄ཛྷཏྟཱཧཱརསྶ. ‘‘ཨཊྛཨཊྛརཱུཔཱནི སམུཊྛཱཔེཏཱི’’ཏི ཨུཔཏྠམྦྷནཝསེན སམུཊྛཱཔེཏི, ཛནན ཝསེན པན ཨཛ྄ཛྷཏྟིཀཱཧཱརོ ཨེཝ སམུཊྛཱཔེཏཱིཏི ཨདྷིཔྤཱཡོ. ‘‘ཨུཔཱདིནྣཀཱ’’ཏི ཨཛ྄ཛྷཏྟ སམྦྷཱུཏཱ ཝུཙྩནྟི. བཧིདྡྷཱ ཨོཛཱཔི རཱུཔཾ སམུཊྛཱཔེཏི ¶ ཡེཝཱཏི སམྦནྡྷོ. ‘‘ཏེནཨུཏུནཱ’’ཏི ཨཛ྄ཛྷཏྟ ཨུཏུནཱ. ‘‘སེདིཡམཱནཱ’’ཏི ཨུསྨཱཔིཡམཱནཱ. ‘‘ཏཱཡ ཙ ཨོཛཱཡཱ’’ཏི ཨཛ྄ཛྷཏྟ ཨོཛཱཡ. ‘‘མེདསིནེཧུཔཙཡ ཝསེནཱ’’ཏི མེདཀོཊྛཱསརསསིནེཧ ཀོཊྛཱསཱནཾ ཝཌྜྷནཝསེན. ཨིཏརཱནི པན ཏཱིཎིརཱུཔསམུཊྛཱནཱནི. པཱལི༹པཱཋེ. ‘‘ཨིནྡྲིཡཱནཱི’’ཏི ཙཀྑཱདཱིནི ཨིནྡྲིཡ རཱུཔཱནི. ‘‘ཝིཧཱརོ’’ཏི སམཱཔཏྟི ཨེཝ ཝུཙྩཏི. སམཱཔཏྟི ཙིཏྟེན ཛཱཏཏྟཱ ཏཱནི ཨིནྡྲིཡཱནི ཝིཔྤསནྣ ནཱིཏི ཀཏྭཱ ཀསྨཱ ཝུཏྟནྟི པུཙྪཏི. ‘‘ཨུཔཙརིཏཏྟཱ’’ཏི ཋཱནཱུཔཙཱརེན ཝོཧརིཏཏྟཱ. ‘‘ཏེསཾ ན ཝནྣཾ’’ཏི ཨིནྡྲིཡརཱུཔཱནཾ. ནིདྷིཀཎྜཔཱཋེ. སུནྡརོ ཝཎྞོ ཡསྶཱཏི སུཝཎྞོ. སུཝཎྞསྶ བྷཱཝོ སུཝཎྞཏཱ. ཏཐཱསུསྶརཏཱ. ‘‘སརོ’’ཏི ཙ སདྡོ ཝུཙྩཏི. ‘‘སུསཎྛཱནཾ’’ཏི ཨངྒཔཙྩངྒཱནཾ སུཊྛུསཎྛཱནཾ. ‘‘སུརཱུཔཏཱ’’ཏི སུནྡརརཱུཔཀཱཡཏཱ. ‘‘ཡཐཱ’’ཏི ཡེནཨཱཀཱརེན སཎྛིཏེ སཏི. ཏཐཱ ཏེན ཨཱཀཱརེན སཎྛིཏཱ ཧོཏཱིཏི ཡོཛནཱ.

ལཧུཏཱདིཏྟཡེ. དནྡྷཏྟཱདིཀརཱནཾ དྷཱཏུཀྑོབྷཱནཾ པཊིཔཀྑེཧི པཙྩཡེཧི སམུཊྛཱཏཱིཏི ཝིགྒཧོ. ‘‘ཨེཏསྶཱ’’ཏི ལཧུཏཱདིཏྟཡསྶ ཝུཏྟཱ. ཏསྨཱ ཨེཏཾ ལཧུཏཱདིཏྟཡཾ ཀམྨསམུཊྛཱནནྟི ཝཏྟབྦནྟི ཨདྷིཔྤཱཡོ. ‘‘ཡམཀེསུཔི ཨདྡྷཱཔཙྩུཔྤནྣེནེཝ གཧིཏོ’’ཏི ཡསྶ ཙཀྑཱཡཏནཾ ཨུཔྤཛྫཏི, ཏསྶ སོཏཱཡཏནཾ ཨུཔྤཛྫཏཱིཏི. སཙཀྑུཀཱནཾ ཨསོཏཀཱནཾ ཨུཔཔཛྫནྟཱནཾ ཏེསཾ ཙཀྑཱཡཏནཾ ཨུཔྤཛྫཏཱིཏིཨཱདཱིསུ ཨུཔྤཱདཝཱརེ པཊིསནྡྷིཝསེན, ནིརོདྷཝཱརེ ཙུཏིཝསེན ཨདྡྷཱཔཙྩུཔྤནྣཾཝ ཝུཏྟནྟི ཨདྷིཔྤཱཡོ. ཨཀམྨཛཱནཾ པཝཏྟིཀཱལེ ཀཱལབྷེདོ ཝུཏྟོཏི. ‘‘ཀམྨཝིཔཱཀཛཱ ཨཱབཱདྷཱཏི ཝུཏྟཾ’’ཏི ཝཱིཐིམུཏྟསངྒཧེ ཨུཔཙྪེདཀཀམྨདཱིཔནིཡཾ ‘ཨཏྠི ཝཱཏ སམུཊྛིཏཱ ཨཱབཱདྷཱ. ལ. ཨཏྠི ཀམྨཝིཔཱཀཛཱ ཨཱབཱདྷཱ’ཏི ཝུཏྟཾ. ཏཱནི ཨུཔཔཱིལ༹ཀུཔགྷཱཏཀ ཀམྨཱནིཔི ཝིཔཏྟིཡོ ལབྷམཱནཱནི ཨེཝ ཁོབྷེཏྭཱ ནཱནཱབཱདྷེ ཨུཔྤཱདེནྟཱིཏི སམྦནྡྷོ. སརཱིརེ ཋནྟི ཏིཊྛནྟཱིཏི སརཱིརཊྛཀཱ. ‘‘ཏདནུགཏིཀཱནི ཨེཝ ཧོནྟཱི’’ཏི ཀམྨཛཱདཱིནིཔི ཁུབྦྷིཏཱནི ཨེཝ ཧོནྟཱིཏི ཨདྷིཔྤཱཡོ. ཨེཏེན ཨཊྛསུ ཀཱརཎེསུ ཡེནཀེནཙིཀཱརཎེན ཙཀྑུརོགཱདིཀེ ཨཱབཱདྷེ ¶ ཛཱཏེ ཏསྨིཾ ཨངྒེ པཝཏྟཱནི སབྦཱནི རོགསམུཊྛཱནཱནི ཨཱབཱདྷབྷཱཝཾ གཙྪནྟིཡེཝ. ཨེཝཾ སནྟེཔི ཏཔྤརིཡཱཔནྣཱནི ཀམྨཛརཱུཔཱནི ཏདནུགཏིཀབྷཱཝེན ཨཱབཱདྷབྷཱཝཾ གཙྪནྟི, ན ཨུཛུཀཏོ ཀམྨཝསེནཱཏི དཱིཔེཏི. ཀམྨསམུཊྛཱནོ ཨཱབཱདྷོ ནཱམ ནཏྠི. ཏཐཱཔི ཨཊྛསུ ཨཱབཱདྷེསུཔི ཨཏྠི ཝཱཏསམུཊྛཱནཱ ཨཱབཱདྷཱཏིཨཱདཱིསུ ཝིཡ ཨཏྠི ཀམྨསམུཊྛཱནཱ ཨཱབཱདྷཱཏི ཨཝཏྭཱ ཨཏྠི ཀམྨཝིཔཱཀཛཱ ཨཱབཱདྷཱཏི ཝུཏྟཾ. ཏཏྠ ཨུཔཔཱིལ༹ཀོ པགྷཱཏཀཀམྨཱནཾཝསེན ཨུཔྤནྣོ ཡོཀོཙིདྷཱཏུཀྑོབྷོ སུཏྟནྟཔརིཡཱཡེ ན ཀམྨཝིཔཱཀོཏི ཝུཙྩཏིཡེཝ. ཏཏོ ཛཱཏོ ཡོཀོཙི ཨཱབཱདྷོ ཀམྨཝིཔཱཀཛོཏི ཝུཏྟོཏི. སུགམྦྷཱིརམིདཾཋཱནཾ. སུཊྛུཝིཙཱརེཏྭཱ ཀཐེཏབྦཾ. ‘‘ཡཏོ’’ཏི ཡསྨཱ ཀམྨསམུཊྛཱནཱ བཱདྷཔཙྩཡཱ. ལ. ལབྦྷམཱནོ སིཡཱ. ཀེཝལཾ སོ ཀམྨསམུཊྛཱནོ ཨཱབཱདྷོ ནཱམ ནཏྠཱིཏི ཡོཛནཱ. ‘‘ཨཝིཧིཾསཱ ཀམྨནིབྦཏྟཱ’’ཏི མེཏྟཱཀརུཎཱཀམྨནིབྦཏྟཱ. སུཝིདཱུརཏཱཡཙེཝ ནིརཱབཱདྷཱ ཧོནྟཱིཏི སམྦནྡྷོ. ‘‘སཎྛིཏིཡཱ’’ཏི དུཀྑོབྷནཱིཡེ ཝིསེསནཔདཾ. ཧེཏུཔདཾ ཝཱ དཊྛབྦཾ. ཁོབྷེཏུཾ དུཀྐརཱ དུཀྑོབྷནཱིཡཱ. ‘‘ཀཱམཾ’’ཏི ཀིཉྩཱཔཱིཏི ཨཏྠེ ནིཔཱཏཔདཾ. སེསམེཏྠ སུཝིཉྙེཡྻཾ.

‘‘ཝུཙྩཏེ’’ཏིཨཱདཱིསུ. རཱུཔཔཙྩཡདྷམྨཱནཾ པཙྩཡཀིཙྩཾ ཏིཝིདྷཾ. ཛནནཉྩ ཨུཔཏྠམྦྷནཉྩ ཨནུཔཱལནཉྩ. ཏཏྠ ཛནནཀིཙྩཾ ཛནེཏབྦཱནཾ ཛཱཏིཀྑཎེ ཨེཝ ལབྦྷཏི. སེསདྭཡཾ པན ཋིཏིཀྑཎེཔི ལབྦྷཏི. བྷངྒཀྑཎེ པན སབྦཾ པཙྩཡཀིཙྩཾ ནཏྠི. ཏཏྠ ཛནནཀིཙྩཝསེན ཝིཙཱརེནྟོ ‘‘རཱུཔཛནཀཱནཾ’’ཏིཨཱདིམཱཧ. ‘‘ཨཔིཙཱ’’ཏིཨཱདཱིསུ. ‘‘ཏཱསཾ’’ཏི ཨུཔཙཡསནྟཏཱིནཾ, ཛརཏཱ ཨནིཙྩཏཱནཉྩ. ‘‘ཏེསཱུ’’ཏི ཀུཏོཙི སམུཊྛཱནེསུ. ཨིདྷ པན ཨབྷིདྷམྨཏྠ སངྒཧེཔན. ‘‘ཨེཝཾ སནྟེཔཱི’’ཏི པཙྩཡཝིསེསེན ཨདིསྶམཱནཝིསེསཏྠེཔི. ‘‘སཱརཏར’’ནྟི ཨཏིསཱརབྷཱུཏཾ. ‘‘སེཡྻོ’’ཏི སེཊྛོ.

རཱུཔསམུཊྛཱནཱནུདཱིཔནཱ ནིཊྛིཏཱ.

༡༦༩. ཀལཱཔཡོཛནཱཡཾ ¶ . ‘‘སངྑཱནེ’’ཏི གཎནེ. ‘‘ཏེནཱ’’ཏི སངྑཱནཊྛེན ཨེཀསདྡེན དསྶེཏཱིཏི སམྦནྡྷོ. ‘‘པིཎྜཱི’’ཏི ཨེཀགྒྷནོ. མཱུལཊཱིཀཱཔཱཋེ. ‘‘ཨུཔྤཱདཱདིཔྤཝཏྟིཏོ’’ཏི ཨུཔྤཱདཱདིཝསེན པཝཏྟནཏོ. ‘‘ཨིཏཱི’’ཏི ཏསྨཱ. ཨུཔཱདཱརཱུཔཱནི ཏྭེཝ ཝུཙྩནྟི. ‘‘ཨེཝཾ ཝིཀཱརཔརིཙྪེད རཱུཔཱནི ཙ ཡོཛེཏབྦཱནཱི’’ཏི པཉྩཝིཀཱརརཱུཔཱནི ཀལཱཔསྶེཝ ཙོཔནཱདིསབྷཱཝཱ ཧོནྟི, ན ཨེཀམེཀསྶ རཱུཔསྶ. ཏསྨཱ ཏཱནི ཨེཀེཀསྨིཾ ཀལཱཔེ ཨེཀེཀཱནི ཨེཝ ཧོནྟི. པརིཙྪེདརཱུཔཾ པན ཀལཱཔཔརིཡཱཔནྣཾ རཱུཔཾ ན ཧོཏི. ཏསྨཱ དྭིནྣཾ དྭིནྣཾ ཀལཱཔཱནཾ ཨནྟརཱ ཏཾཔི ཨེཀེཀམེཝ ཧོཏཱིཏི དཊྛབྦཾ. ‘‘ཙཏུནྣཾ མཧཱབྷཱུཏཱནཾ ནིསྶཡཏཱ སམྦྷཝཏོ’’ཏི ཨེཏྠ ཙཏུནྣཾ མཧཱབྷཱུཏཱནཾཔི ལཀྑཎམཏྟེན ནཱནཏྟཾ ཧོཏི, པཝཏྟིཝསེན པན ཨེཀགྒྷནཏྟཱ སངྑཱནཊྛེནཔི ཨེཀོ ནིསྶཡོཏི ཝཏྟབྦམེཝ. ཨེཝཉྷིསཏི ཨེཀསདྡསྶ ཨཏྠ ཙལནཾ ནཏྠཱིཏི. ‘‘ཏེན སདྡེནཱ’’ཏི ཙིཏྟཛསདྡེན. ཨཏྟཱནཾ མོཙེནྟོ ‘‘ཨདྷིཔྤཱཡེནཱ’’ཏི ཨཱཧ. ཐེརསྶ ཨདྷིཔྤཱཡེནཱཏི ཝུཏྟཾ ཧོཏི. ཨཏྟནོ ཨདྷིཔྤཱཡཾ དསྶེནྟོ ‘‘ཨེཏྠ པནཱ’’ཏིཨཱདིམཱཧ. ཏཏྠ ‘‘སདྡེནཱ’’ཏི ཙིཏྟཛསདྡེན. ‘‘ཏཱཡཝཱཙཱཡཱ’’ཏི ཝཙཱིམཡསདྡེནཱཏི ཨཏྠོ. ‘‘ཝིཉྙཏྟཱི’’ཏི ཝིཉྙཱཔནཾ ཨིཙྩེཝཏྠོ. ཝིཉྙཱཔེཏཱིཏི ཝིཉྙཱཔིཏོ. ཏསྶ བྷཱཝོ ཝིཉྙཱཝིཏཏྟཾ. ཝིཏཀྐཝིཔྥཱརསདྡོ ནཱམ ཀསྶཙི མཧནྟཾ ཨཏྠཾ ཙིནྟེནྟསྶ སོཀཝསེན ཝཱ ཏུཊྛིཝསེན ཝཱ བལཝཝིཏཀྐོ པཝཏྟཏི. སོ སོཀཾ ཝཱ ཏུཊྛིཾ ཝཱ སནྡྷཱརེ ཏུཾ ཨསཀྐོནྟོ དུཏཱིཡེན སདྡྷིཾ མནྟེནྟོ ཝིཡ ཨཏྟནོ མུཁེཡེཝ ཨབྱཏྟཾ སདྡཾ ཀཏྭཱ སམུདཱིརཏི. པཀཏིཛནོ ཏཾ སདྡམཏྟཾ སུཎཱཏི ཝཱ ན ཝཱསུཎཱཏི. སུཎནྟོཔི ཨཀྑརཾ ཝཱ ཨཏྠཾ ཝཱ ཨདྷིཔྤཱཡཾ ཝཱ ན ཛཱནཱཏི. དིབྦསོཏེན ཝཱ ཝིཛྫཱསོཏེན ཝཱསུཎནྟོ ཨཀྑརཾཔི ཨཏྠཾཔི ཨདྷིཔྤཱཡཾཔི ཛཱནཱཏི. ཛཱནིཏྭཱ ཨེཝཾཔི ཏེ མནོ, ཨིཏྠཾཔི ཏེ མནོཏིཨཱདིསཏི. ཨཡཾ ཝིཏཀྐཝིཔྥཱརསདྡོ ནཱམ. སོ ཝིཉྙཏྟིརཧིཏོ སོཏཝིཉྙེཡྻོཏི མཧཱཨཊྛཀཐཱཡཾ ཝུཏྟོ. སངྒཧཀཱརོཔན ཝཙཱིམཡསདྡོནཱམ ཝིཉྙཏྟིརཧིཏོཏི ཝཱ ཨསོཏཝིཉྙེཡྻོཏི ཝཱ ནཏྠཱིཏི པཊིཀྑིཔཏི. ‘‘ཨཱགཏེ’’ཏི ཨཊྛཀཐཱསུ ¶ ཨཱགཏེ. ‘‘པཙྩེཏབྦཱ’’ཏི སདྡྷཱཏབྦཱ. ‘‘ཊཱིཀཱསུཔནསྶཱ’’ཏི ཨསྶསཙྩསངྑེཔསྶ དྭཱིསུཊཱིཀཱསུ. ཨཀྑརཉྩ པདཉྩ བྱཉྫནཉྩ ཨཏྠོ ཙཱཏི དྭནྡོ. ཨཔྤཉྙཱཡམཱནཱ ཨཀྑརཔདབྱཉྫནཏྠཱ ཡསྶཱཏི ཝིགྒཧོ. ‘‘ཨནྡྷདམིལཱ༹དཱིནཾ’’ཏི ཨནྡྷཛཱཏིཀདམིལ༹ཛཱཏིཀཱདཱིནཾ མིལཀྑཱུནཾ. ‘‘ཨུཀྐཱསིཏསདྡོ ཙ ཁིཔིཏསདྡོ ཙ ཝམིཏསདྡོ ཙ ཚཌྜིཏསདྡོ ཙཱཏི དྭནྡོ. ཨཱདིསདྡེན ཏཱདིསཱ ཨུགྒཱར ཧིཀྐཱར ཧསིཏ རོདིཏཱདཡོ སངྒཎྷཱཏི. སེསམེཏྠསུཝིཉྙེཡྻཾ.

ཀལཱཔཡོཛནཱནུདཱིཔནཱ ནིཊྛིཏཱ.

༡༦༡. རཱུཔཔྤཝཏྟིཀྐམེ. ནཔུགྒལཝསེན ཝིསེསནཾ ཧོཏི. བྷཱུམིཝསེན ཝིསེསནཾ ཧོཏི. ཏཉྩ ཁོ པཝཏྟིཀཱལཝསེནཱཏི ཨདྷིཔྤཱཡོ.

ཨེཏྠཙཱཏིཨཱདཱིསུ. པུརིམེསུ དྭཱིསུ ཡོནཱིསུ པཱལི༹ནཡེན ཝེདིཏབྦཱཏི སམྦནྡྷོ. ནིཀྑནྟཱ, ཨིཏི ཏསྨཱ ཨཎྜཛཱཏི ཙ ཛལཱབུཛཱཏི ཙ ཝུཙྩནྟི. ཀཐཾ ཨཡཾ ནཡོ པཱལི༹ནཡོ ནཱམ ཧོཏཱིཏི. པཱལི༹ཡཾ ཨཎྜཀོསཾ ཝཏྠིཀོསཾ ཨབྷིནིབྦྷིཛྫ ཨབྷིནིབྦྷིཛྫ ཛཱཡནྟཱིཏི ཝཙནེན ཨཎྜཏོ ཛལཱབུཏོ ཛཱཏཱ ཝིཛཱཏཱ ནིཀྑནྟཱཏི ཨཏྠོ ཝིཉྙཱཡཏི. ཨཊྛཀཐཱཡཾ པན ཨཎྜེཛཱཏཱ ཛལཱབུམྷིཛཱཏཱཏི ཝུཏྟཾ. གབྦྷཔལིཝེཋནཱསཡོ ནཱམ ཡེན པལིཝེཋིཏོ གབྦྷོ ཏིཊྛཏི. ཝིབྷཱཝནིཔཱཋེ ‘‘ཨུཀྐཾསགཏི པརིཙྪེདཝསེནཱ’’ཏི ཨུཀྐཊྛཔྤཝཏྟིནིཡམནཝསེན. ཨུཀྐཊྛནཡཝསེནཱཏི ཝུཏྟཾ ཧོཏི. ཨབྷིརཱུཔསྶ ཀཉྙཱ དཱཏབྦཱཏི ཨེཏྠ ཀཉྙཱ དཱཏབྦཱཏི སཱམཉྙཏོ ཝུཏྟེཔི ཨབྷིརཱུཔསྶ པུརིསསྶཱཏི ཝུཏྟཏྟཱ ཀཉྙཱཔི ཨབྷིརཱུཔཀཉྙཱ ཨེཝ ཝིཉྙཱཡཏི. ཨཡཾ ཨུཀྐཊྛནཡོ ནཱམ. ‘‘ཏཏྠ ཏཱནི སབྦཱནཱི’’ཏིཨཱདཱིསུ. ཏཱནིསབྦཱནིཔི ཙཀྑུ སོཏ གྷཱན བྷཱཝ དྭཡཱནི ན ཨོམཀེན ཀམྨེན ལབྦྷཏི. ཨུཀྐཊྛེན ཀམྨེན ཨེཝ ལབྦྷཏཱིཏི ཨདྷིཔྤཱཡོ. ཝིབྷངྒཔཱཋེ. སདྡཱཡཏནཾ ནཱམ པཊིསནྡྷིཀཱལེ ན ལབྦྷཏཱིཏི ཝུཏྟཾ ‘‘ཨེཀཱདསཱཡཏནཱནཱི’’ཏི. ཙཀྑུཝེཀལླསྶ དས, སོཏཝེཀལླསྶ ཨཔརཱནིདས, ཙཀྑུ སོཏཝེཀལླསྶནཝ ¶ , གབྦྷསེཡྻསྶཝསེན སཏྟཱཡཏནཱནི. པཱལི༹ཡཾ ཨོཔཔཱཏི ཀགབྦྷསེཡྻཀཱནཾ ཨེཝ ཝུཏྟཏྟཱ ‘‘པཱལི༹ཡཾ ཨཝུཏྟཾཔིཔནཱ’’ཏི ཝུཏྟཾ. ཨཝུཏྟམྤི ཙཀྑཱདིཝེཀལླཾ. ‘‘ཨཉྙམཉྙཾ ཨཝིནཱབྷཱཝཝུཏྟིཏཱ ཝུཏྟཱ’’ཏི ཀཐཾ ཝུཏྟཱ ཡསྶ གྷཱནཱཡཏནཾ ཨུཔྤཛྫཏི, ཏསྶ ཛིཝ྄ཧཱཡཏནཾ ཨུཔྤཛྫཏཱིཏི, ཨཱམནྟཱ. ཡསྶ ཝཱ པན ཛིཝ྄ཧཱཡཏནཾ ཨུཔྤཛྫཏི, ཏསྶ གྷཱནཱཡཏནཾ ཨུཔྤཛྫཏཱིཏི, ཨཱམནྟཱཏིཨཱདིནཱ ཝུཏྟཱ པེཡྻཱལམུཁེན. ཨཱཙརིཡཱནནྡཏྠེརེ ན པན ཨིཙྪིཏནྟི སམྦནྡྷོ. ‘‘ཛིཝ྄ཧཱཝེཀལླཏཱཝིཡཱ’’ཏི ཛིཝ྄ཧཱཝེཀལླཏཱནཱམ ནཏྠི ཝིཡ. ‘‘གྷཱནཝེཀལླཏཱཔི ཨཏྠཱིཏི ཡུཏྟཾ’’ཏི ཨེཏྠ པཱལི༹ཡཾ ཨགྷཱནཀཱནཾ ཨིཏྠཱིནཾ པུརིསཱནཾཏི ཨིདཾ མཱཏུགབྦྷེ གྷཱནཱཡཏནེ ཨནུཔྤནྣེཡེཝ པུརེཏརཉྩ ཝནྟཱནཾ ཨིཏྠིཔུརིསཱནཾ ཝསེན ཝུཏྟཾ. ན གྷཱནཝེཀལླཱནཾ ཨཏྠིཏཱཡཱཏིཔི ཝདནྟི. གབྦྷེ སེནྟཱིཏི གབྦྷསཡཱ. གབྦྷསཡཱ ཨེཝ གབྦྷསེཡྻཱ.

པཝཏྟིཀཱལེཏིཨཱདཱིསུ. མཱུལཊཱིཀཱཔཱཋེ. ‘‘ཨོརཏོ’’ཏི པཊིསནྡྷིཾ ཨུཔཱདཱཡ ཝུཏྟཾ. ཨེཀཱདསམསཏྟཱཧེ ཨནཱགཏེཏི ཝུཏྟཾ ཧོཏི. རཱུཔཱཡཏནཾ ནུཔྤཛྫིསྶཏི. ནོ ཙ ཙཀྑཱཡཏནཾ ནུཔྤཛྫིསྶཏཱིཏི ཨིདཾ ཨདྡྷཱཔཙྩུཔྤནྣཝསེན ཝུཏྟཾ. ཏསྨཱ པཊིསནྡྷིཏོ པཊྛཱཡ ཨུཔྤནྣཾ རཱུཔཱཡཏནཾ ཡཱཝཛཱིཝཾཔི ཨུཔྤནྣནྟྭེཝ ཝུཙྩཏི. ན ཨུཔྤཛྫིསྶམཱནནྟི. ཙཀྑཱཡཏནཾ པན ཨེཀཱདསམསཏྟཱཧཱ ཨོརཏོ ཋིཏསྶ ན ཨུཔྤནྣཾ. ཏདཱ ཨནུཔྤནྣཏྟཱ ཨེཀཱདསམེ སཏྟཱཧེ སམྤཏྟེ ཨུཔྤཛྫིསྶཏཱིཏི ཝཏྟབྦཾ ཧོཏི. པཙྪིམ བྷཝིཀཏྟཱ པན ཏདུབྷཡམྤི བྷཝནྟརེ ནུཔྤཛྫིསྶཏིཡེཝཱཏི. གྷཱནཱཡཏནཾ ནིབྦཏྟེཏཱིཏི གྷཱནཱཡཏནཱནིབྦཏྟཏཾ, ཀམྨཾ. ཏེན ཀམྨེན གཧིཏཔྤཊིསནྡྷིཀཱནཾ. ཨིདཉྩ ཡདི ཏནྣིབྦཏྟཀེན ཀམྨེན པཊིསནྡྷིཾ གཎྷེཡྻུཾ. གྷཱནཱཡཏནེ ཨནུཔྤནྣེ ཨནྟརཱ ན ཀཱལངྐརེཡྻུནྟི ཀཏྭཱ ཝུཏྟཾ. ཏནྣིབྦཏྟཀེན ཀམྨེན པཊིསནྡྷིཾ གཎྷནྟཱཔི ཏཏོ བལཝནྟེ ཨུཔཙྪེདཀཀམྨེ ཨཱགཏེ སཏི. གྷཱནཱཡཏནུཔྤཏྟིཀཱལཾ ཨཔཏྭཱ ཨནྟརཱ ནཀཱལངྐརོནྟཱིཏི ནཏྠི. ‘‘ཙཀྑུགྷཱནེསུ ཝུཏྟེསཱུ’’ཏི ཊཱིཀཱཡཾ ཝུཏྟེསུ. ‘‘ཨཏྠཏོ སིདྡྷཱ ཨེཝཱ’’ཏི ཨེཀཱདསམསཏྟཱཧེ ཨུཔྤནྣཱཏི སིདྡྷཱ ཨེཝ. ‘‘ཨཱིདིསེསུཋཱནེསཱུ’’ཏི སབྷཱཝཾ ཝིཙཱརེ ཏུཾ དུཀྐརེསུ ¶ ཋཱནེསུ. ཨཊྛཀཐཱཡེཝ པམཱཎཾ ཀཱཏུཾ ཡུཏྟཱཏི ཨདྷིཔྤཱཡོ. ཨཊྛཀཐཱཔཱཋེ. ‘‘པུརིམཾ བྷཝཙཀྐཾ’’ཏི ཨཝིཛྫཱམཱུལཀཾ ཝེདནཱཝསཱནཾ བྷཝཙཀྐཾ. ‘‘ཨནུཔུབྦཔྤཝཏྟིདཱིཔནཏོ’’ཏི ཡཐཱ པཙྪིམེ ཏཎྷཱམཱུལཀེ བྷཝཙཀྐེ ཨུཔཔཏྟིབྷཝཔྤཝཏྟིཾ ཝདནྟེན བྷཝཔཙྩཡཱཛཱཏཱིཏི ཨེཝཾ ཨེཀཏོ ཀཏྭཱ ཝུཏྟཱ, ན ཏཐཱ པུརིམེ བྷཝཙཀྐེ. ཏཏྠ པན སངྑཱརཔཙྩཡཱ ཝིཉྙཱཎཾ, ཝིཉྙཱཎ པཙྩཡཱ ནཱམ རཱུཔནྟིཨཱདིནཱ ཨནུཔུབྦཔྤཝཏྟིདཱིཔནཏོ. ‘‘སོ པཊིཀྑིཏྟོཡེཝཱ’’ཏི ཨཱཡཏནཱནཾ ཀམཏོ ཝིནིཙྪཡཊྛཱནེ དེསནཱཀྐམོཝ ཡུཏྟོཏི ཝཏྭཱ སོ ཨུཔྤཏྟིཀྐམོ པཊིཀྑིཏྟོ.

སཾཡུཏྟཀེ ཡཀྑསཾཡུཏྟཔཱལི༹ཡཾ. གཱཐཱསུ. ‘‘ཀལལཱ’’ཏི ཀལལཏོ. ‘‘ཨབྦུདཱ’’ཏི ཨབྦུདཏོ. ‘‘པེསིཡཱ’’ཏི པེསིཏོ. ‘‘གྷནཱ’’ཏི གྷནཏོ. ‘‘ཛཱཏིཨུཎྞཾསཱུཧཱི’’ཏི སུདྡྷཛཱཏིཀསྶ ཨེལཀསྶ ལོམཾསཱུཧི. ‘‘པརིཔཀྐསམཱུཧཀཾ’’ཏི ཀལལཏོ པརཾ ཐོཀཾ པརིཔཀྐཉྩ སམཱུཧཱཀཱརཉྩ ཧུཏྭཱ. ‘‘ཝིཝཏྟམཱནཾ ཏབྦྷཱཝཾ’’ཏི ཀལལབྷཱཝཾ ཝིཛཧིཏྭཱ ཝཏྟམཱནཾ. ‘‘ཝིལཱིནཏི པུསདིསཱ’’ཏི ཨགྒིམྷི ཝིལཱིནཏིཔུརསསདིསཱ. ‘‘མུཙྩཏཱི’’ཏི ཀཔཱལེ ནལགྒཏི. ཨེཏཱནིཛཱཡནྟཱིཏི ཨེཝཾ ཨཊྛཀཐཱཡཉྩ ཝུཏྟཾ. ‘‘དྭཱ ཙཏྟཱལཱིསམེ སཏྟཱཧེ’’ཏི ནཝམཱསེ ཨཏིཀྐམྨ ཝཱིསཏིམེདིཝསེ. ཡདི ཨེཝཾ, པཉྩམེསཏྟཱཧེ པཉྩཔྤསཱཁཱ ཛཱཡནྟི, ཨེཀཱདསམེསཏྟཱཧེ ཙཏྟཱརི ཨཱཡཏནཱནི ཛཱཡནྟི, མཛ྄ཛྷེཔན པཉྩསཏྟཱཧཱ ཨཏྠི. ཏཏྠ ཀཐནྟི ཨཱཧ ‘‘ཨེཏྠ ཙཱ’’ཏིཨཱདིཾ. ‘‘ཚསཏྟཱཧཱ’’ཏི ཨེཀཱདསམེན སདྡྷིཾ ཚསཏྟཱཧཱ. ཨེཀཱདསམེཔི ཧི པཙྪིམདིཝསེ ཛཱཏཏྟཱ ཚདིཝསཱནི ཨཝསིཊྛཱནི ཧོནྟི. ‘‘པརིཎཏཀཱལཱ’’ཏི པརིཔཀྐཀཱལཱ. པརིཔཱཀགཏཱ ཨེཝ ཧི ཀམྨཛམཧཱབྷཱུཏཱ སུཔྤསནྣཱ ཧོནྟི. ཏེསཉྩ པསཱདགུཎཱ པསཱདརཱུཔཱ ཧོནྟཱིཏི. ‘‘ཏསྶཱ’’ཏི ཀལལསྶ. ཝཎྞཛཱཏཾ ཝཱ སཎྛཱནཾ ཝཱཏི སམྦནྡྷོ. ‘‘ཨཱཀཱསཀོཊྛཱསིཀོ’’ཏི མནུསྶེཧི ཨཱཀཱསཀོཊྛཱསེ ཋཔིཏོ. ཧུཏྭཱཏི པཱཋསེསོ. ཀཐཾ པརམཱཎུཏོ པརིཏྟཀཾ སིཡཱཏི ཨཱཧ ‘‘སོཧཱི’’ཏིཨཱདིཾ. ‘‘སོ’’ཏི པརམཱཎུ. པཊིསནྡྷིཀྑཎེ ཀལལརཱུཔཾ ཀལཱཔཏྟཡཔརིམཱཎཾ. པརམཱཎུ པན ¶ ཨེཀཱུནཔཉྙཱསཀལཱཔཔརིམཱཎོ. ཏསྨཱ ཏཾ ཏཏོ པརིཏྟཀནྟི ཝུཏྟཾ ཧོཏི. པཊིསནྡྷིཀྑཎཏོ པརཾ པན ཏཾཔི ཁཎེཁཎེ ཨུཔཙིཏམེཝ ཧོཏི. ‘‘དྷཱཏཱུནཾ’’ཏི ཙཏུདྷཱཏུཝཝཏྠཱནེ ཨཱགཏཱནཾ ཙཏུནྣཾ མཧཱབྷཱུཏཱནཾ. ཀལལསྶཝཱ ཨུཔཙིཏཔྤམཱཎཾ གཧེཏྭཱ ཝུཏྟནྟིཔི ཡུཛྫཏི. ‘‘ཝཏྠུསྨིཾ’’ཏི ཨབྦུདཱདིཝཏྠུམྷི. ‘‘ཛལཱབུམཱུལཱནུསཱརེནཱ’’ཏི ཛལཱབུཛཱཏཀཱལེ ཏསྶ མཱུལཱནུ སཱརེནཱཏི ཨདྷིཔྤཱཡོ. གཱཐཱཡཾ. ‘‘མཱཏུཏིརོ ཀུཙྪིགཏོ’’ཏི ཝཏྟབྦེ གཱཐཱབནྡྷཝསེན ‘‘མཱཏུཀུཙྪིགཏོ ཏིརོ’’ཏི ཝུཏྟཾ. ཏེནཱཧ ‘‘མཱཏུཡཱ ཏིརོཀུཙྪི གཏོ’’ཏི. ‘‘ཚིདྡོ’’ཏི སུཁུམེཧི ཚིདྡེཧི སམནྣཱགཏོ. ལདྡྷཾཝཱ པཱནབྷོཛནཾ. ‘‘ཏཏོ པཊྛཱཡཱ’’ཏི སཏྟརསམབྷཝངྒཙིཏྟཏོ པཊྛཱཡ. ‘‘རཱུཔསམུཊྛཱནེ ཝུཏྟམེཝཱ’’ཏི རཱུཔསམུཊྛཱནེ མཱུལཊཱིཀཱཝཱད ཝིཙཱརཎཱཡཾ ‘ཡཾ པིཏཏྠ ན ཙ ཡུཏྟ’ནྟིཨཱདིནཱ ཝུཏྟམེཝ. ‘‘ཨཛ྄ཛྷོཧཊཱཧཱརཱབྷཱཝཏོ’’ཏི བཧིདྡྷཱཧཱརཱབྷཱཝཏོཏི ཨདྷིཔྤཱཡོ. ‘‘ཏཏྠཱ’’ཏི རཱུཔབྲཧྨལོཀེ. ཨབྷཱཝཾ ཝཎྞེཏི. ཀསྨཱཔན ཝཎྞེཏི, ནནུ ཝཎྞེནྟསྶ ཨཊྛཀཐཱ ཝིརོདྷོ སིཡཱཏི. ཝིརོདྷོ ཝཱ ཧོཏུ, ཨཝིརོདྷོ ཝཱ. པཱལི༹ཡེཝ པམཱཎནྟི དསྶེནྟོ ‘‘རཱུཔདྷཱཏུཡཱ’’ཏིཨཱདིནཱ ཝིབྷངྒེ པཱལི༹ཾ ཨཱཧརི. ཏཏྠ ‘‘རཱུཔདྷཱཏུཡཱ’’ཏི རཱུཔལོཀདྷཱཏུཡཱ. རཱུཔ བྲཧྨལོཀེཏི ཝུཏྟཾ ཧོཏི. ‘‘ཨུཔཔཏྟིཀྑཎེ’’ཏི པཊིསནྡྷིཀྑཎེ. ཨཱཙརིཡསྶ ཨདྷིཔྤཱཡཾ ཝིབྷཱཝེནྟོ ‘‘ཨེཏྠཙཱ’’ཏིཨཱདིམཱཧ. ‘‘ཕོཊྛབྦེ པཊིཀྑིཏྟེཔཱི’’ཏི པཉྩཱཡཏནཱནཱིཏི ཝཱ པཉྩདྷཱཏུཡོཏི ཝཱ པརིཙྪེདཀརཎམེཝ པཊིཀྑི པནཾ དཊྛབྦཾ. ‘‘ཀིཙྩནྟར སབྦྷཱཝཱ’’ཏི ཕོཊྛབྦཀིཙྩཏོ ཀིཙྩནྟརསྶ ཝིཛྫམཱནཏྟཱ. ཀིམྤན ཀིཙྩནྟརནྟི. རཱུཔཀཱཡསྶ པཝཏྟིཡཱ ཧེཏུཔཙྩཡཀིཙྩཾ. མཧཱབྷཱུཏཱ ཧེཏཱུ མཧཱབྷཱུཏཱ པཙྩཡཱ རཱུཔཀྑནྡྷསྶ པཉྙཱཔནཱཡཱཏི ཧི བྷགཝཏཱ ཝུཏྟཾ. ཏཏྠ ཧེཏུཀིཙྩཾ ནཱམ རཱུཔཛནནཀིཙྩཾ. པཙྩཡ ཀིཙྩཾ ནཱམ རཱུཔཱུཔཏྠམྦྷན ཀིཙྩཾ. ཀིཙྩནྟརམེཝནཏྠཱིཏི གྷཱནཱདཱིནཾ ཝིསཡ གོཙརབྷཱཝཀིཙྩཾ ཏེསཾ ཀིཙྩཾ ནཱམ, ཏཏོ ཨཉྙཾ ཀིཙྩཾ ནཱམ ནཏྠི. ‘‘ཡེནཱ’’ཏི ཀིཙྩནྟརེན. ‘‘ཏེ’’ཏི གནྡྷཱདཡོ. ཨིདཱནི ཨཊྛཀ ཏཱནུགཏཾ ¶ ཝཱདཾ དསྶེནྟོ ‘‘ཡཐཱཔནཱ’’ཏིཨཱདིམཱཧ. ‘‘ཡེན ཀིཙྩཝིསེསེནཱ’’ཏི ཝིསཡགོཙརབྷཱཝཀིཙྩཝིསེསེན. རཱུཔཛནནརཱུཔཱུཔཏྠམྦྷན ཀིཙྩཝིསེསེན ཙ. ‘‘སབྦཏྠཱ’’ཏི སབྦསྨིཾ པཱལི༹པྤདེསེ. ‘‘ཏེསཾ’’ཏི གནྡྷཱདཱིནཾ. ‘‘ཏཏྠཱ’’ཏི རཱུཔལོཀེ. ‘‘ནིསྶནྡ དྷམྨམཏྟབྷཱཝེནཱ’’ཏི ཨེཏྠ ཡཐཱ ཨགྒིམྷི ཛཱཏེ ཏསྶ ནིསྶནྡཱ ནཱམ ཨིཙྪནྟསྶཔི ཨནིཙྪནྟསྶཔི ཛཱཡནྟིཡེཝ. ཝཎྞོཔི ཛཱཡཏི, ཨོབྷཱསོཔི, གནྡྷོཔི, རསོཔི, དྷཱུམོཔི, པུཔྥུལླཱནིཔི ཀདཱཙི ཛཱཡནྟིཡེཝ. ཏེཧི ཝཎྞཱདཱིཧི ཀརཎཱིཡེ ཀིཙྩཝིསེསེ སཏིཔི ཨསཏིཔི. ཏཐཱ མཧཱབྷཱུཏེསུ ཛཱཏེསུ ཏེསཾ ནིསྶནྡཱ ནཱམ ཨིཙྪནྟསྶཔི ཨནིཙྪནྟསྶཔི ཀིཙྩཝིསེསེ སཏིཔི ཨསཏིཔི ཛཱཡནྟིཡེཝ. ཨེཝཾ ནིསྶནྡདྷམྨམཏྟབྷཱཝེན. ཨནུཔྤཝེསོ ཡུཏྟོ སིཡཱ ཨཛ྄ཛྷཏྟ སནྟཱནེཏི ཨདྷིཔྤཱཡོ. བཧིདྡྷཱ སནྟཱནེ པན ཝཏྠཱ བྷརཎ ཝིམཱནཱདཱིསུ ཏེསཾ བྷཱཝོ ཨིཙྪི ཏབྦོ སིཡཱ. ཨཛ྄ཛྷཏྟེཔི ཝཱ ཀཱཡཾ ཨོལཱ༹རིཀཾ ཀཏྭཱ མཱཔིཏཀཱལེཏི. ཨེཏྠ ཙ ‘‘དྷམྨཱཡཏན དྷམྨདྷཱཏཱུསུ ཨནུཔྤཝེསོ’’ཏི ཨེཏྠ ཨཊྛསཱལིནིཡཾ ཏཱཝ. ཡེ པན ཨནཱཔཱཏཱགཏཱ རཱུཔཱདཡོཔི དྷམྨཱརམྨཎམིཙྩེཝ ཝདནྟཱིཏི ཝུཏྟཾ. ཏཾ ཏཏྠ པཊིཀྑིཏྟཾ. ཨནཱཔཱཏཱགམནཾ ནཱམ ཝིསཡགོཙར ཀིཙྩརཧིཏཏཱ ཝུཙྩཏི. ཏཉྩ མནུསྶཱནམྤི དེཝཱནམྤི བྲཧྨཱནམྤི པསཱདརཱུཔེསུ ཨནཱཔཱཏཱ གམནམེཝ ཨདྷིཔྤེཏཾ. ཏཾ པན ཨཏྠིནཏྠཱིཏི ཝིཙཱརེཏྭཱ ཀཐེཏབྦཾ. ཨཔི ཙ ནིསྶནྡདྷམྨཱ ནཱམ ཨོལཱ༹རིཀཱནཾ མཧཱབྷཱུཏཱནཾ ཝིཝིདྷཱཀཱརཱཔི བྷཝེཡྻུཾ. བྲཧྨཱནཾ པན ཨཛ྄ཛྷཏྟ རཱུཔཾ ཨཔྤནཱ པཏྟཀམྨཝིསེསེན པཝཏྟཾ ཨཏིསུཁུམཾ ཧོཏི. ཏསྨཱ ཀཱམསཏྟ སནྟཱནེ ཝིཡ ཏཏྠ པརིཔུཎྞཾ ནིསྶནྡརཱུཔཾ ནཱམ ཝིཙཱརེཏབྦམེཝ. དྷམྨཱ རམྨཎཉྩ མུཁྱདྷམྨཱརམྨཎཾ ཨནུལོམ དྷམྨཱཡཏནནྟི པཱལི༹ཡཾ ཝུཏྟཾ ནཏྠི ཡེཝཱཏི. ‘‘ཛཱིཝིཏ ཚཀྐཉྩཱ’’ཏི ཝཏྟབྦཾ རཱུཔལོཀེ. ‘‘ཏཏྠཱ’’ཏི ཨསཉྙསཏྟེ. ཀཱམལོཀེ ཛཱིཝིཏནཝཀཾ ཀསྨཱ ཝིསུཾ ན ཝུཏྟནྟི. པཊིསནྡྷིཀྑཎེ ཀསྨཱ ན ཝུཏྟཾ. པཝཏྟིཀཱལེཔི ཝིསུཾ ན ཝུཏྟམེཝ. ‘‘ཨཱཧཱརཱུཔཏྠམྦྷཀསྶཱ’’ཏི ཨཱཧཱརསངྑཱཏསྶ རཱུཔཱུཔཏྠམྦྷཀསྶ. ‘‘སཀལསརཱིར བྱཱཔིནོ ཨནུཔཱལཀཛཱིཝིཏསྶཱ’’ཏི ཀཱཡདསཀབྷཱཝདསཀེསུ པརིཡཱཔནྣསྶ ཛཱིཝིཏསྶ. ‘‘ཨེཏ དེཝཱ’’ཏི ¶ ཛཱིཝིཏནཝཀམེཝ. ‘‘ཏཏྠཱ’’ཏི རཱུཔལོཀེ. ཨུདཡབྷཱུཏསྶཱ’’ཏི ཝཌྜྷིབྷཱུཏསྶ. ‘‘དྭཱིསུ ཨགྒཱིསཱུ’’ཏི པཱཙཀགྒིསྨིཉྩ ཀཱཡགྒིསྨིཉྩ. ཨཱཏངྐོ ཝུཙྩཏི རོགོ. བཧུཀོ ཨཱཏངྐོ ཡསྶཱཏི ཝིགྒཧོ. ‘‘ཝིསམཝེཔཱཀིནིཡཱ’’ཏི ཝིསམཾ པཱཙེནྟིཡཱ. ‘‘གཧཎིཡཱ’’ཏི ཨུདརགྒིནཱ. ‘‘པདྷཱནཀྑམཱཡཱ’’ཏི པདྷཱན སངྑཱཏཾ བྷཱཝནཱརབྦྷཀིཙྩཾ ཁམནྟིཡཱ. ‘‘ཨེཏཾ’’ཏི ཛཱིཝིཏནཝཀཾ. ‘‘ཐེརེན ཙཱ’’ཏི ཨནུརུདྡྷཏྠེརེན ཙ. ‘‘ཨེཏཾ’’ཏི ཛཱིཝིཏ ནཝཀཾ. ‘‘ནིརོདྷཀྐམོ’’ཏི མརཎཱསནྣཀཱལེ ནིརོདྷཀྐམོ. ‘‘ཨེཏྠཱ’’ཏི རཱུཔལོཀེ. ཀལེ༹ཝརཾ ཝུཙྩཏི མཏསརཱིརཾ. ཏསྶ ནིཀྑེཔོ ཀལེ༹ཝརནིཀྑེཔོ. ཨཉྙེསཉྩ ཨོཔཔཱཏིཀཱནཾ ཀལེ༹ཝརནིཀྑེཔོ ནཱམ ནཏྠི. ཀསྨཱ པན ཏེསཾ ཀལེ༹ཝརནིཀྑེཔོ ནཱམ ནཏྠཱིཏི ཨཱཧ ‘‘ཏེསཉྷཱི’’ཏིཨཱདིཾ. ཝིབྷཱཝནིཔཱཋེ. སབྦེསཾཔི རཱུཔབྲཧྨཱནཾ. ཨཱཧཱརསམུཊྛཱནཱནཾ རཱུཔཱནཾ ཨབྷཱཝཏོ ཏིསམུཊྛཱནཱནཱིཏི ཝུཏྟཾ. ཨསཉྙསཏྟེ ཙིཏྟསམུཊྛཱནཱནམྤི ཨབྷཱཝཏོ དྭིསམུཊྛཱནཱནཱིཏི ཝུཏྟཾ. ‘‘ཏཱནཱི’’ཏི མརཎཱསནྣ ཙིཏྟསམུཊྛཱནཱནི. ཏཾ པརིམཱཎཾ ཨསྶཱཏི ཏཱཝཏྟཀཾ. ‘‘ལཧུཀགརུཀཏཱདིཝིཀཱརོ’’ཏི སཀལརཱུཔཀཱཡསྶ ལཧུཀགརུཀཱདིཝིཀཱརོ. ཨཔི ཙ ཏཏྠ དནྡྷཏྟཱདིཀར དྷཱཏུཀྑོབྷཔཙྩཡཱནཾ སབྦསོ ཨབྷཱཝཏོ ནིཙྩཀཱལམྤི སཀལསརཱིརསྶ ལཧུཏཱདིགུཎོ ཝཏྟཏིཡེཝ. ཀིཾ ཏཏྠ པཊིཔཀྑ དྷམྨཔྤཝཏྟི ཙིནྟཱཡ. ཏཐཱ ཨསཉྙསཏྟེཔི རུཔྤནཝིཀཱར ཙིནྟཱཡཱཏི.

རཱུཔཔྤཝཏྟིཀྐམཱནུདཱིཔནཱ ནིཊྛིཏཱ.

༡༦༡. ནིབྦཱནསངྒཧེ. དྭཱིསུ ནིབྦཱནཔདེསུ པཐམཔདཾ ཨཝིཉྙཱཏཏྠཾ སཱམཉྙ པདཾ. དུཏཱིཡཾ ཝིཉྙཱ ཏཏྠཾ ཝིསེསཔདཾ. ཀིལེསེ སམེཏཱིཏི སམཎོ. ཨརིཡཔུགྒལོ. སམཎསྶ བྷཱཝོ སཱམཉྙཾ. ཨརིཡམགྒོ. སཱམཉྙསྶ ཕལཱནི སཱམཉྙཕལཱནི. ལོཀཏོ ཨུཏྟརཏི ཨཏིཀྐམཏཱིཏི ལོཀུཏྟརཾ. ལོཀེ ན པཉྙཱཝཱིཡཏཱིཏི པཉྙཏྟཱིཏི ཨིམམཏྠཾ སནྡྷཱཡ ‘‘ནཧཱི’’ཏིཨཱདིམཱཧ ¶ . ཙཏྟཱརིམགྒཉྙཱཎཱནི ཙཏུམགྒཉྙཱཎནྟི ཨེཝཾ སམཱསཝསེན ཨེཀཝཙནནྟཾ པདཾ ཝཱཀྱཾ པཏྭཱ བཧུཝཙནནྟཾ ཧོཏཱིཏིཨཱཧ ‘‘ཙཏཱུཧི ཨརིཡམགྒཉྙཱཎེཧཱི’’ཏི. ‘‘ཏཱདིསམྷཱ’’ཏི ཨརིཡམགྒསདིསམྷཱ. ‘‘ཝིམུཁཱནཾ’’ཏི པརམྨུཁཱནཾ. ‘‘ཛཙྩནྡྷཱནཾ ཝིཡཱ’’ཏི ཛཙྩནྡྷཱནཾ ཙནྡམཎྜལསྶ ཨཝིསཡབྷཱཝོ ཝིཡ. ‘‘ཏསྶཱ’’ཏི ནིབྦཱནསྶ. ཏཏྠ ‘‘ཛཙྩནྡྷཱནཾ’’ཏི ཨཝིསཡཔདེ སཱམིཔདཾ. ‘‘ཏསྶཱ’’ཏི བྷཱཝཔདཾ. ‘‘ཡཾ ཀིཉྩཱི’’ཏི ཀིཉྩིཡཾ ཨཏྠཛཱཏཾ. ཨསྶནིབྦཱནསྶ སིདྡྷཏནྟི སམྦནྡྷོ. ཨཔཱཀཊསྶ དྷམྨསྶ. ཝཱཡཱམོཔི ནཱམ ན ཨཏྠི. ཀུཏོ ཏསྶ སཙྪིཀརཎཾ བྷཝིསྶཏཱིཏི ཨདྷིཔྤཱཡོ. ‘‘ཡེནཱ’’ཏི ཝཱཡཱམེན. ‘‘ནིབྦཱནེན ཝིནཱ’’ཏི ནིབྦཱནཱརམྨཎཾ ཨལབྷིཏྭཱཏི ཝུཏྟཾ ཧོཏི. ‘‘ཨཀིཙྩསིདྡྷིཾ’’ཏི ཀིལེསཔྤཧཱན ཀིཙྩསྶ ཨསིདྡྷིཾ. ‘‘ཏཏོ’’ཏི ཏསྨཱ. ‘‘ཝདྷཱཡཱ’’ཏི ཝདྷིཏུཾ. ‘‘པརིསཀྐནྟཱ’’ཏི ཝཱཡམནྟཱ. གཱཐཱཡཾ. ‘‘ཨནྟོཛཊཱ’’ཏི ཨཛ྄ཛྷཏྟསནྟཱནེ ཏཎྷཱཛཊཱ, ཏཎྷཱཝིནདྡྷཱ. ‘‘བཧིཛཊཱ’’ཏི བཧིདྡྷཱསནྟཱནེ ཏཎྷཱཛཊཱ, ཏཎྷཱཝིནདྡྷཱ. ‘‘ཏསྶཱ’’ཏི ཏཎྷཱཡ. ‘‘ཝཏྠུཏོ’’ཏི ཝིསུཾཝིསུཾ ཛཱཏསརཱུཔཏོ. པརིནིབྦཱཡིཾསུ, པརིནིབྦཱཡནྟི, པརིནིབྦཱཡིསྶནྟཱིཏི པརིནིབྦུཏཱ. ཏཀཱརཔཙྩཡསྶ ཀཱལཏྟཡེཔི པཝཏྟནཏོ. ཡཐཱ དིཊྛཱ, སུཏཱ, མུཏཱ, ཝིཉྙཱཏཱ,ཏི. ཝིསིཊྛཾ ཀཏྭཱ ཛཱནིཏབྦནྟི ཝིཉྙཱཎཾ. ན ནིདསྶིཏབྦནྟི ཨནིདསྶནཾ. ནཏྠི ཨནྟོ ཨེཏསྶཱཏི ཨནནྟཾ. སབྦཏོ པཝཏྟཱ གུཎཔྤབྷཱ ཨེཏསྶཱཏི སབྦཏོཔབྷཾ. ‘‘བྷགཝཏཱ ཝུཏྟཾ’’ཏི དཱིགྷནིཀཱཡེ ཀེཝཊྚསུཏྟེ ཝུཏྟཾ. ‘‘སཝནྟིཡོ’’ཏི མཧཱནདིཡོ ཝཱ ཀུནྣདིཡོ ཝཱ. ‘‘ཨཔྤེནྟཱི’’ཏི པཝིསནྟི. ‘‘དྷཱརཱཏི’’ མེགྷཝུཊྛིདྷཱརཱ. བུདྡྷེསུ ཨནུཔྤཛྫནྟེསུ ཨེཀསཏྟོཔི པརིནིབྦཱཏུཾ ན སཀྐོཏཱིཏི ཨིདཾ བུདྡྷུཔྤཱདཀཔྤེ ཨེཝ པཙྩེཀ སམྦུདྡྷཱཔི ཨུཔྤཛྫནྟཱིཏི ཀཏྭཱ ཝུཏྟཾ. ཨཔདཱན པཱལི༹ཡཾ པན བུདྡྷསུཉྙཀཔྤེཔི པཙྩེཀསམྦུདྡྷཱནཾ ཨུཔྤཏྟི ཨཱགཏཱ ཨེཝ. ‘‘ཨེཀསཏྟོཔཱི’’ཏི ཝཱ སཱཝཀསཏྟོ གཧེཏབྦོ. ཨེཝཉྷི སཏི ཨཔདཱནཔཱལི༹ཡཱ ཨཝིརོདྷོ ཧོཏི. ‘‘ཨཱརཱདྷེནྟཱི’’ཏི སཱདྷེནྟི པཊིལབྷནྟི. སབྦཏོ པཝཏྟཱ གུཎཔྤབྷཱ ཨེཏསྶཱཏི ཨཏྠཾ སནྡྷཱཡ ‘‘སབྦཏོཔབྷཱ སམྤནྣཾ’’ཏི ¶ ཝུཏྟཾ. ‘‘ཛོཏི ཝནྟ ཏརོཝཱ’’ཏི ཨོབྷཱསཝནྟཏརོ ཝཱ. སབྦཏྠ པབྷཝཏི སཾཝིཛྫཏཱིཏི སབྦཏོཔབྷནྟི ཨིམམཏྠཾ སནྡྷཱཡ སབྦཏོ ཝཱ པབྷུཏམེཝ ཧོཏཱིཏི ཝུཏྟཾ. ཏེནཱཧ ‘‘ན ཀཏྠཙི ནཏྠཱི’’ཏི. ‘‘ཨེཝཾསནྟེ པཱི’’ཏི ཨེཝཾ ཝུཏྟནཡེན ཨེཀཝིདྷེ སནྟེཔི. ‘‘ཨུཔཙརིཏུཾ’’ཏི ཨུཔཙཱརཝསེན ཝོཧརིཏུཾ. ‘‘ཡཐཱཧཱ’’ཏི ཏསྨིཾ ཡེཝསུཏྟེ པུན ཀིཾ ཨཱཧ. བྷཝཾ ནེཏཱིཏི བྷཝནེཏྟི. བྷཝཏཎྷཱ ཨེཝ. ‘‘སམྤརཱཡིཀཱ’’ཏི ཙུཏིཨནནྟརེ པཏྟབྦཱ. དྭིནྣཾ ཁཱིཎཱསཝཱནཾ ཨནུཔཱདིསེསཏཱ ཝུཏྟཱཏི སམྦནྡྷོ. ཨེཏྠ ‘‘ཨནུཔཱདིསེསཏཱ’’ཏི ཨནུཔཱདིསེསནིབྦཱནཾ ཝུཙྩཏི. སེཀྑེསུ ཨརཧཏྟམགྒཊྛསྶ སེཀྑསྶ ཀིལེསུཔཱདིསེས ཝསེན ཨནུཔཱདིསེསཏཱ ཝུཏྟཱ. ‘‘ཀིལེསུཔཱདིསེསོ’’ཏི ཙ ཀིལེས སངྑཱཏོ ཨུཔཱདིསེསོ. ཏཐཱ ཁནྡྷུཔཱདིསེསོཔི. ཨནྟརཱཔརིནིབྦཱཡཱིཏིཨཱདཱིསུ པརིནིབྦཱནཾ ནཱམ ཀིལེསཔརིནིབྦཱནཾ ཝུཏྟཾ. ཨུབྷཏོ བྷཱག ཝིམུཏྟཱདཱིནཾ པདཏྠོ ནཝམཔརིཙྪེདེ ཨཱགམིསྶཏི. ‘‘ཀིལེསཀྑཡེན སཧེཝ ཁིཡྻནྟཱི’’ཏི པཙྩུཔྤནྣབྷཝེ ཨརཧཏྟམགྒཀྑཎེ ཀིལེསཀྑཡེན སདྡྷིཾ ཨེཝ ཁིཡྻནྟི. ཨནུཔྤཱད དྷམྨཏཾ གཙྪནྟི. ཏཐཱ ཨནཱགཱམི པུགྒལསྶ ཀཱམཔཊིསནྡྷིཀྑནྡྷཱཔི ཨནཱགཱམིམགྒཀྑཎེ, སོཏཱཔནྣསྶ སཏྟབྷཝེཋཔེཏྭཱ ཨཝསེས ཀཱམཔཊིསནྡྷིཀྑནྡྷཱ སོཏཱཔཏྟི མགྒཀྑཎེ ཏཾ ཏཾ ཀིལེསཀྑཡེ ན སཧེཝ ཁིཡྻནྟཱིཏི. པཙྩུཔྤནྣཀྑནྡྷཱ པན ཀིལེསཀྑཡེན སཧཁིཡྻནྟི. ཁནྡྷུཔཱདིསེསཱ ནཱམ ཧུཏྭཱ ཡཱཝམརཎཀཱལཱ ཁཱིཎཱསཝཱནམྤི པཝཏྟནྟི. ཀསྨཱ པཝཏྟནྟཱིཏི ཨཱཧ ‘‘ཡཱཝཙུཏིཡཱ པཝཏྟམཱནཾ’’ཏིཨཱདིཾ. པཙྩུཔྤནྣཀྑནྡྷསནྟཱནཾ པན དྷམྨཏཱསིདྡྷནྟི སམྦནྡྷོ. ‘‘ཕལནིསྶནྡབྷཱུཏཾ’’ཏི ཝིཔཱཀཕལབྷཱུཏཉྩ ནིསྶནྡཕལབྷཱུཏཉྩ ཧུཏྭཱ. ‘‘ཏེནསཧེཝཱ’’ཏི ཀིལེསཀྑཡེན སཧེཝ. ‘‘ཡསྨཱཔནཱ’’ཏིཨཱདཱིསུ. པརིསམནྟཏོ བུནྡྷནྟི ནཱིཝཱརེནྟི, སནྟིསུཁསྶ ཨནྟརཱཡཾ ཀརོནྟཱིཏི པལིབོདྷཱ. ཀིལེསཱབྷིསངྑརཎ ཀིཙྩཱནི, ཀམྨཱབྷིསངྑརཎཀིཙྩཱནི, ཁནྡྷཱབྷིསངྑརཎ ཀིཙྩཱནི ཙ. པལིབོདྷེཧི སཧ ཝཏྟནྟཱིཏི སཔལིབོདྷཱ. སངྑཱར ནིམིཏྟེཧི སཧ ཝཏྟནྟཱིཏི སནིམིཏྟཱ. ཏཎྷཱཔཎིདྷཱིཧི སཧ ཝཏྟནྟཱིཏི སཔཎིཧིཏཱ ¶ .‘‘ཏཏོ’’ཏི པཱཔཀམྨཏོ, ཨཔཱཡདུཀྑཏོ ཙ. ‘‘ཀོཙཱི’’ཏི ཀོཙིདྷམྨོ. ‘‘ནིརོདྷེཏུཾ སཀྐོཏཱི’’ཏི སཀྐཱཡདིཊྛིཡཱ ནིརུདྡྷཱཡ ཏེ ནིརུཛ྄ཛྷནྟི. ཨནིརུདྡྷཱཡ ནནིརུཛ྄ཛྷནྟི. ཏསྨཱ སཀྐཱཡདིཊྛི ནིརོདྷོ ནིབྱཱཔཱརདྷམྨོཔི སམཱནོ ཏེ པལིབོདྷེ ནིརོདྷེཏི ནཱམ. ‘‘ནིརོདྷེཏུཾ སཀྐོཏཱི’’ཏི ཙ ཨབྱཱཔཱརེ བྱཱཔཱརཔརིཀཔྤནཱཏི དཊྛབྦཾ. སཀྐཱཡདིཊྛིནིརོདྷོཡེཝ ཏེ པལིབོདྷེ ནིརོདྷེཏུཾ སཀྐོཏཱིཏི ཨེཏྠ དྭིནྣམྤི ནིརོདྷོ ཨེཀོཡེཝ. ཨེཝཾ སནྟེཔི ཨཝིཛྫཱ ནིརོདྷཱ སངྑཱར ནིརོདྷོཏིཨཱདཱིསུ ཝིཡ ཨབྷེདེ བྷེདཔརིཀཔྤནཱ ཧོཏཱིཏི. ཨུཔྤཱདོ ཙ པཝཏྟོ ཙ ཨུཔྤཱདཔྤཝཏྟཱ. ཏེ མཱུལཾ ཡསྶཱཏི ཝིགྒཧོ. ཡེན ཨོལཱ༹རིཀཱཀཱརེན. མཱརེནྟཱིཏི མཱརཱ. ཝདྷཀཔཙྩཏྠིཀཱཏི ཝུཏྟཾ ཧོཏི. ཀིལེསམཱརཱདཡོ. མཱརཱ དཧནྟི ཏིཊྛནྟི ཨེཏེསཱུཏི མཱརདྷེཡྻཱ. མཱརེཏི ཙཱཝེཏི ཙཱཏི མཙྩུ. མརཎམེཝ. མཙྩུདཧཏི ཏིཊྛཏི ཨེཏེསཱུཏི མཙྩུདྷེཡྻཱ. ‘‘ནཏྠི ཏསྨིཾ ནིམིཏྟཾ’’ཏི ཝུཏྟེ པཉྙཏྟིདྷམྨེསུཔི ཨུཔྤཱདཔྤཝཏྟམཱུལཾ ནིམིཏྟཾ ནཱམ ནཏྠི. ཨེཝཾསཏི, ཏེཧི ནིབྦཱནསྶ ཨཝིསེསོ ཨཱཔཛྫཏཱིཏི ཙོདནཱ. ཏཾ པརིཧརནྟོ ‘‘ཏཉྷཱི’’ཏིཨཱདིམཱཧ. ཝིདྡྷཾསེཏྭཱཏི ཙ སཱདྷེནྟནྟི ཙ ཨཏྠཝིསེས པཱཀཊཏྠཱཡ ཨབྱཱཔཱརེ བྱཱཔཱར པརིཀཔྤནཱ ཨེཝ. པཎཱིཏཱདིབྷེདེ. ཨིདཾ བུདྡྷཱནཾ ནིབྦཱནཾ པཎཱིཏཾ. ཨིདཾ པཙྩེཀབུདྡྷཱནཾ ནིབྦཱནཾ མཛ྄ཛྷིམཾ. ཨིདཾ བུདྡྷསཱཝཀཱནཾ ནིབྦཱནཾ ཧཱིནནྟི བྷིནྣཾ ན ཧོཏཱིཏི ཡོཛེཏབྦཾ. ནཱནཔྤཀཱརེན ཙིཏྟཾ ནིདྷེཏི ཨེཏེནཱཏི པཎིཧིཏཾ. ‘‘ནིདྷེཏཱི’’ཏི ཨཱརམྨཎེསུ ནིནྣཾ པོཎཾ པབྦྷཱརཾ ཀཏྭཱ ཋཔེཏཱིཏི ཨཏྠོ. ཏཐཱ པཎིདྷཱནཔཎིདྷཱིསུ. ཨཏྠཏོ ཨེཀཾ ཨཱསཱཏཎྷཱཡ ནཱམཾ. ‘‘ལབྦྷམཱནཱཔཱི’’ཏི བྷཝསམྤཏྟི བྷོགསམྤཏྟིཡོ ལབྦྷམཱནཱཔི. ‘‘པིཔཱསཝིནཡ དྷམྨཏྟཱ’’ཏི པཱཏུཾ པརིབྷུཉྫིཏུཾ ཨིཙྪཱ པིཔཱསཱ. པིཔཱསཾ ཝིནེཏི ཝིགམེཏཱིཏི པིཔཱསཝིནཡོ. ‘‘ཝེདཡིཏསུཁཾ’’ཏི ཝེདནཱསུཁཾ. ‘‘ཀཏམཾ ཏཾ ཨཱཝུསོ’’ཏི པཱལི༹པཱཋེ ‘‘ཏཾ’’ཏི ཏསྨཱ. ‘‘ཡདེཏྠ ཝེདཡིཏཾ ནཏྠཱི’’ཏི ཡསྨཱ ཨེཏྠ ཝེདཡིཏཾ ནཏྠི. ཏསྨཱ ནིབྦཱནེ སུཁཾ ནཱམ ཀཏམནྟི ཡོཛནཱ. ‘‘ཨེཏྠཱ’’ཏི ཨེཏསྨིཾ ནིབྦཱནེ. ‘‘ཨེཏདེཝེཏྠཱ’’ཏིཨཱདིམྷི. ‘‘ཨེཏ དེཝཱ’’ཏི ¶ ཨེསོཨེཝ. ཡསྨཱ ཨེཏྠ ཝེདཡིཏཾ ནཏྠི. ཏསྨཱ ཨེསོ ཝེདཡིཏསྶ ནཏྠིབྷཱཝོ ཨེཝ ཨེཏྠནིབྦཱནེ སུཁནྟི ཡོཛནཱ.

‘‘ཨེཏྠ ཙཱ’’ཏིཨཱདཱིསུ. ཡདེཏཾ ཁིཡྻནཾ ནིརུཛ྄ཛྷནཾ ཨཏྠཱིཏི སམྦནྡྷོ. ཀེཙི པན ཏཾཁིཡྻན ནིརུཛ྄ཛྷན ཀྲིཡཱམཏྟཾ ནིབྦཱནཾ ན ཧོཏི. ཨབྷཱཝ པཉྙཏྟིམཏྟཾ ཧོཏཱིཏི ཝདནྟི. ཏཾ པཊིསེདྷེནྟོ ‘‘ན ཧིཏཾ’’ཏིཨཱདིམཱཧ. ‘‘པཉྙཏྟིརཱུཔཾ’’ཏི པཉྙཏྟིསབྷཱཝོ. པཱལི༹པཱཋེ. ‘‘པདཧཏཱི’’ཏི ཝཱིརིཡཾ དལ༹ྷཾ ཀརོཏི. པཧིཏོ ཨཏྟཱ ཨནེནཱཏི པཧིཏཏྟོ. ‘‘པཧིཏོ’’ཏི པདཧིཏོ. ཨནིཝཏྟབྷཱཝེ ཋཔིཏོ. པེསིཏོཏིཔི ཝཎྞེནྟི. ‘‘ཀཱཡེནཱ’’ཏི ནཱམཀཱཡེན. ཏཎྷཱཝསེ ཝཏྟནྟཱིཏི ཏཎྷཱཝསིཀཱ. ‘‘ཏེསཾ པཱི’’ཏི ཏེསཾ ཝཱདེཔི. ཏསྨིཾ ཁཡ ནིརོདྷམཏྟེ ཨནནྟགུཎཱ ནཱམ ནཏྠཱིཏི ཨིམཾ ཝཱདཾ ཝིསོདྷེཏུཾ ‘‘ནིབྦཱནསྶ ཙཱ’’ཏིཨཱདི ཝུཏྟཾ. ‘‘པཊིཔཀྑཝསེན སིཛ྄ཛྷནྟཱི’’ཏི ཨེཏེན ཝཊྚདྷམྨེསུ མཧནྟཾ ཨཱདཱིནཝཾ པསྶནྟཱ ཨེཝ ཏེསཾ ནིརོདྷེ མཧནྟཾ གུཎཱནིསཾསཾ པསྶནྟཱིཏི དཱིཔེཏི. ཡེ པན ཡཐཱཝུཏྟཾ ཁཡནིརོདྷཾ པརམཏྠནིབྦཱནནྟི ན ཛཱནནྟི, ཏེསཾ ཝཏྟབྦམེཝ ནཏྠི. ཨེཝཾ གུཎཔདཱནཾ གམྦྷཱིརཏྟཱ ཏཾཁཡནིརོདྷམཏྟཾ ཨནནྟགུཎཱནཾ ཝཏྠུ ན ཧོཏཱིཏི མཉྙནྟི. ཨིདཱནི ནིབྦཱནཾ པརམཾ སུཁནྟི ཝུཏྟཾ. ཀཐཾ ཏཾ ཁཡནིརོདྷམཏྟཾ པརམསུཁཾ ནཱམ བྷཝེཡྻཱཏི ཨིམཾ ཝཱདཾ ཝིསོདྷེཏུཾ ‘‘སནྟིསུཁཉྩནཱམཱ’’ཏིཨཱདི ཝུཏྟཾ. ཨཏྠིབྷིཀྑཝེཏི སུཏྟེ. ‘‘ནོཙེཏཾ ཨབྷཝིསྶཱ’’ཏི ཨེཏཾ ཨཛཱཏཾ ནོཙེ སནྟཾ ཝིཛྫམཱནཾ ན བྷཝེཡྻ. ‘‘ནཡིམསྶཱ’’ཏི ན ཨིམསྶ. པཙྩཀྑབྷཱུཏཾ ཁནྡྷཔཉྩཀཾ དསྶེནྟོ ‘‘ཨིམསྶཱ’’ཏི ཝདཏི. ནིསྶཀྐཏྠེ ཙ སཱམིཝཙནཾ. ཨིམསྨཱ ཛཱཏཱ བྷཱུཏཱ ཀཏཱ སངྑཏཱ སཏྟཱནཾ ནིསྶརཎཾ ནཱམ ན པཉྙཱཡེཡྻཱཏི ཡོཛནཱ. པརཏྠཔི ཨེསནཡོ. ཨེསནཡོ སབྦེསཱུཏིཨཱདཱིསུ. དུཙྩརིཏ དྷམྨཱ ནཱམ པཙྩཡེ སཏི, ཛཱཡནྟི. ཨསཏི, ན ཛཱཡནྟཱིཏི ཨེཝཾ ཛཱཏཾ ཝིཡ ཨཛཱཏམྤི ཏེསཾ ཨཏྠི. ཡདི ཙ ཨཛཱཏཾ ནཱམ ནཏྠི. ཛཱཏམེཝ ཨཏྠི. ཨེཝཾསཏི, ཨཏྟནི དུཙྩརིཏཱནཾ ཨཛཱཏཏྠཱཡ སམྨཱཔཊིཔཛྫནྟཱནཾཔི སབྦེ དུཙྩརིཏ དྷམྨཱ ཨཏྟནི ཛཱཏཱཡེཝ སིཡུཾ, ནོ ཨཛཱཏཱ. ཀསྨཱ, ཨཛཱཏསྶ ནཱམ ནཏྠིཏཱཡཱཏིཨཱདིནཱ ཡོཛེཏབྦཾ.

‘‘ཨེཏྟཱཝཏཱ’’ཏི ¶ , ཨཏྠི བྷིཀྑཝེ ཨཛཱཏཾཏིཨཱདིནཱ པཱལི༹ཝཙནེན. སབྦེསངྑཱརཱ སམནྟི ཝཱུཔསམནྟི ཨེཏྠཱཏི སབྦསངྑཱར སམཐོ. སབྦེ ཨུཔདྷཡོ ཨེཏྠ ནིསྶཛྫནྟི ཨརིཡཱཛནཱཏི སབྦུཔདྷིནིསྶགྒོ. ‘‘ཨུཔལབྦྷམཱནོ’’ཏི སནྟིལཀྑཎེན ཉཱཎེན ཨུཔལབྦྷམཱནོ. ‘‘ཨེསིཾསཱུ’’ཏི ཀཏྭཱ ཨེསནཀིཙྩསྶ སིཁཱཔཏྟཾ ཨཏྠཾ དསྶེཏུཾ ‘‘ཨདྷིགཙྪིཾསཱུ’’ཏི ཝུཏྟཾ.

ནིབྦཱནསངྒཧཱནུདཱིཔནཱ ནིཊྛིཏཱ.

རཱུཔསངྒཧདཱིཔནིཡཱཨནུདཱིཔནཱ ནིཊྛིཏཱ.

༧. སམུཙྩཡསངྒཧཨནུདཱིཔནཱ

༡༦༢. སམུཙྩཡསངྒཧེ ¶ . ཨཏྟནོ ཨཱཝེཎིཀབྷཱུཏེན སཱམཉྙ ལཀྑཎེནཏི ཙ སམྦནྡྷོ. ཨཉྙཱཔདེསེན ཨེཝ ཏདུབྷཡལཀྑཎེན སལཀྑཎཱནི ནཱམ ཝུཙྩནྟཱིཏི ཨདྷིཔྤཱཡོ. ‘‘ནིབྦཱནསྶཔི སརཱུཔཏོ ལབྦྷམཱནསབྷཱཝཏཱ’’ཏི ཨཉྙནིསྶཡ རཧིཏེན ལབྦྷམཱནསབྷཱཝཏཱ. ནནུ ནིབྦཱནམྤི རཱགཀྑཡོ དོསཀྑཡོ མོཧཀྑཡོཏིཨཱདིནཱ ཨཉྙནིསྶཡདསྶནཾ ཨཏྠི ཡེཝཱཏི. དསྶནམཏྟཾ ཨཏྠི. ནིབྦཱནཾ པན རཱགཱདཱིཧི པཊིབདྡྷཾ ན ཧོཏི. ཨཐ ཁོ ཏེཧི དཱུརཏརཾ ཧོཏི. པཊིཔཀྑཏརཾ, པཊིཝིརུདྡྷཏརཾ. ཡཉྷི རཱུཔསྶ ཁཡོ ཝཡོ བྷེདོ ཨནིཙྩཱཏི ཝུཏྟཾ. ཏཏྠ རཱུཔསྶ ཨུཔྤཛྫིཏྭཱ ཁཡོ ཝུཏྟོཏི སོ རཱུཔསྶ ནིསྶིཏོ ཨེཝ ཧོཏི. ཨིདྷ པན རཱགཱདཱིནཾ པུན ཨུཔྤཱདསྶཔི ཨབྷཱཝོ ཝུཏྟོཏི སོ རཱགཱདཱིསུ ཨནིསྶིཏོ ཨེཝ. ན ཀེཝལཾ ཨནིསྶིཏོ. ཨཐ ཁོ ཏེཧི དཱུརཏརོ ཙ པཊིཔཀྑཏརོ ཙ ཏེསཾ པཊིཔཀྑགུཎེཧི ཨིམསྶསིདྡྷཏྟཱཏི. ཨནིཔྥནྣརཱུཔཱནིཔི ཨདྷིཔྤེཏཱནི ཨེཝ ཏེསམྤི ཁནྡྷཱཡཏནདྷཱཏུ སཙྩེསུ སངྒཧིཏཏྟཱ.

ཨཱསཝཱདཱིསུ. ‘‘པཱརིཝཱསིཡཊྛེནཱ’’ཏི པརིཝཱསཀརཎཊྛེན. ‘‘མདནཱིཡཊྛེནཱ’’ཏི མདནཛནཀཊྛེན. ‘‘པརིཝཱསཾ གཎྷནྟཱི’’ཏི དོསཝེཔུལླཾ ཨཱཔཛྫནྟཱིཏི ཝུཏྟཾ ཧོཏི. པུན ‘‘པརིཝཱསཾ’’ཏི དུགྒནྡྷཏཱདིཔརིཝཱསཾ. ‘‘ཨཱསཝབྷརིཏམེཝཱ’’ཏི ཨཱསཝེཧི པཱུརིཏམེཝ. ‘‘ཚལཱ༹རམྨཎཱནི དཱུསེནྟཱི’’ཏི ཏཱནི སཱསཝཱདིབྷཱཝཾ པཱཔེནྟཱིཏི ཨདྷིཔྤཱཡོ. ‘‘བྷཝཏོ’’ཏི བྷཱུམིཏོ ཨིཙྩེཝཏྠོ. ཨཝདྷཱིཡཏི པརིཙྪིནྡཱིཡཏི ཨེཏསྨཱཏི ཨཝདྷི. ཨཔཱདཱནཾ ཝུཙྩཏི. མརིཡཱདོ ནཱམ པརིཡནྟཔརིཙྪེདོ. མརིཡཱདམཏྟབྷཱུཏོ ཀྲིཡཱཝིསཡོ མརིཡཱདཝིསཡོ. ཨཝདྷི ནཱམ བྱཱཔན ཝིདྷཱནཾ, ཀྲིཡཱ བྱཱཔནསྶ ཝིསཡོ ཨབྷིཝིདྷིཝིསཡོ. ‘‘ཡསྶཱ’’ཏི ཨཝདྷི ཝཏྠུསྶ. ‘‘ཨཏྟཱནཾ’’ཏི ཨཝདྷིཝཏྠུཾ. ‘‘བཧིཀཏྭཱ’’ཏི སམྤཏྟམཏྟཾ ཀཏྭཱཏི ཨདྷིཔྤཱཡོ. ཨཝདྷིཝིཙཱརཎཱཡཾ. ‘‘སདྡསྶཱ’’ཏི ¶ བྷགཝཏོ ཀིཏྟིསདྡསྶ. ‘‘ཏཾ’’ཏི ཨཝདྷིབྷཱུཏཾ ཨཏྠཾ. ‘‘ཡསོ’’ཏི ཀིཏྟིསདྡོ. ‘‘ཨིཏརཾ’’ཏི ཨནབྷིཝིདྷིཝིསཡཾ བཧི ཀཏྭཱ པཝཏྟཏི.

ཀཱམཱསཝཱདཱིསུ. ‘‘ཏནྣཱམེནཱ’’ཏི ཀཱམནཱམེན. ‘‘ཏདཱརམྨཎཱ’’ཏི ཀཱམདྷམྨཱརམྨཎཱ. ‘‘ཨཡམཏྠོ ཝཱ’’ཏི ཀཱམཱིཡཏཱིཏིཨཱདིནཱ ཝུཏྟོ པཙྪིམཏྠོཝ. ‘‘མཧགྒཏཀུསལདྷམྨཱ’’ཏི ཨིདྷཱདྷིཔྤེཏཾ ཀམྨབྷཝཾ སནྡྷཱཡ ཝུཏྟཾ. ‘‘ཏཾ ནིབྦཏྟཱ’’ཏི ཏེན ནིབྦཏྟཱ. ‘‘ཏདཱརམྨཎཱ’’ཏི དུཝིདྷབྷཝཱརམྨཎཱ. ‘‘ཏཎྷཱ ཨེཝཱ’’ཏི བྷཝཏཎྷཱ ཨེཝ. ‘‘བྷཝོ ཨེཝཱ’’ཏི བྷཝཱརམྨཎཏཱཡ བྷཝནཱམིཀཱ ཏཎྷཱ ཨེཝ. ‘‘ཨིམེ ཨེཝཱ’’ཏི ཏཎྷཱདིཊྛི ཨཝིཛྫཱ ཨེཝ. ‘‘པརིཝུཏྠེ སཏཱི’’ཏི པརིཝསིཏེ སཏི. ‘‘ཀཱམཝིསཡཱ’’ཏི ཀཱམདྷམྨཝིསཡཱ. ‘‘ཏསྨིཾ’’ཏི ཀཱམཱསཝེ. བྷཝཝིསཡཱ མཱནཱདཡོ པརིཝུཏྠཱ ཨེཝཱཏིཨཱདིནཱ ཡོཛེཏབྦཾ. ཏཐཱ དིཊྛིཝིསཡཱཏི པདེཔི.

‘‘ཨནསྶཱསིཀཾ ཀཏྭཱ’’ཏི ཨསྶཱསཔསྶཱསརཧིཏཾ ཀཏྭཱ. ‘‘ཨཝཧནནཊྛེནཱ’’ཏི ཨཛ྄ཛྷོཏྠརིཏྭཱ མཱརཎཊྛེན. ཨདྷོཀཏྭཱ མཱརཎཊྛེནཱཏིཔི ཡུཛྫཏི. ‘‘དུཏྟརཊྛེནཱ’’ཏི ཏཏྠ པཏནྟསྶ ཏརིཏུཾ དུཀྐརཊྛེན. ‘‘ཝུཏྟནཡེནཱ’’ཏི ཨཱསཝེསུ ཝུཏྟནཡེན.

‘‘ཝཊྚསྨིཾ’’ཏི ཏིཝིདྷཝཊྚསྨིཾ. ‘‘བྷཝཡནྟཀེ’’ཏི ཨཝིཛྫཱསངྑཱརཱདིཀེ བྷཝཙཀྐེ. ‘‘ཨཱམསནཾ’’ཏི པདསྶ ཨཏྠཾ དསྶེཏི ‘‘ཏཐཱ ཏཐཱ ཀཔྤེཏྭཱ གཧཎ’’ནྟི. ‘‘སཱསནེ’’ཏི པརིཡཏྟིསཱསནེ ཏསྨིཾ ཏསྨིཾ སུཏྟནྟེ. ‘‘དིཊྛིཡོ དིཊྛུཔཱདཱནཾ’’ཏི དིཊྛིཝཏྠཱུསུ དལ༹ྷགྒཱཧཊྛེན དིཊྛིཡོ ཨེཝ དིཊྛུཔཱདཱནཾ. ཨཏྟཝཱདུཔཱདཱནེ. པརིཀཔྤ བུདྡྷི ནཱམ མིཙྪཱཉཱཎཾ ཝུཙྩཏི. ‘‘ཨིསྶར ནིམྨིཏཾ’’ཏི སཀལལོཀིསྶརེན མཧཱབྲཧྨུནཱ ཨཱདིཀཔྤཀཱལེ ནིམྨིཏཾ. ‘‘ཨདྷིཙྩ སམུཔྤནྣཾ’’ཏི ཨཧེཏུ ཨཔཙྩཡཱ སམུཔྤནྣཾ. ‘‘ཨཙྩནྟསསྶཏཾ’’ཏི བྷཝཔརམྤརཱསུ སསྶཏཾ. ‘‘ཨེཀཙྩསསྶཏཾ’’ཏི བྷཝཝིསེསཾ པཏྭཱ ཨེཀཙྩཱནཾ སཏྟཱནཾ སསྶཏཾ. ‘‘ཨུཙྪིནྣཾ’’ཏི ཡཏྠཀཏྠཙི པརམྨརཎཱ ཨུཙྪིནྣཾ. པུརཱཎཉྩཀམྨཾ པརིཀྑཱིཎཾ, ནཝཉྩཀམྨཾ ཨཀཏཾ. ཨེཝཾ སཾསཱར སུདྡྷཱིཏིཨཱདིནཱ ¶ གཧཎནྟི ཨཏྠོ. སནྟོ ཀཱཡོ སཀྐཱཡོ. ‘‘སནྟོ’’ཏི པརམཏྠཏོ ཝིཛྫམཱནོ. ‘‘ཀཱཡོ’’ཏི རཱུཔཀཱཡོ, ནཱམཀཱཡོ. ཨཏྟནོ ཨཏྟནོ ཀཱཡོ ཝཱ སཀྐཱཡོ. པཙྩཏྟཀཱཡོ, པཱཊིཔུགྒལིཀ ཀཱཡོཏི ཝུཏྟཾ ཧོཏི. ཡཐཱཝུཏྟཀཱཡ དྭཡམེཝ. སཀྐཱཡེ དིཊྛི སཀྐཱཡདིཊྛི. ཏཏྠ ‘‘སཀྐཱཡེ དིཊྛཱི’’ཏི པུབྦནྟཱཔརནྟ ཀཔྤིཀཱནཾ ཝིཡ པུབྦནྟཱ པརནྟེཨཙིནྟེཏྭཱ སབྦསཏྟཱནཾཔི ཨཏྟནོ ཁནྡྷེསུ ཨེཝ ‘རཱུཔཾ མེ ཨཏྟཱཏི ཝཱ’ ཨཏྟཱ མེ རཱུཔཝཱཏི ཝཱ, ཨཏྟནི མེ རཱུཔནྟི ཝཱ, རཱུཔསྨིཾ མེ ཨཏྟཱཏི ཝཱ, ཨེཝམཱདིནཱ དྷམྨཏཱ སིདྡྷཱ དིཊྛཱིཏི ཝུཏྟཾ ཧོཏི. ‘‘ཨསྶུཏཝཱ’’ཏི ཁནྡྷདེསནཱདིཀེ སུཉྙཏདྷམྨཔྤཊིསཾ ཡུཏྟེ དེསནཱ དྷམྨེ ཨསྶུཏ པུབྦཏྟཱ ནཏྠི སུཏཾ ཨེཏསྶཱཏི ཨསྶུཏཝཱ. ‘‘པུཐུཛྫནོ’’ཏི ལོཀིཡམཧཱཛནོ. ཏཏྠ པརིཡཱཔནྣོ པན ཨེཀཔུགྒལོཔི པུཐུཛྫནོཏྭེཝ ཝུཙྩཏི. སོ སུཏཝཱཔི ཨཏྠི, ཨསྶུཏཝཱཔི ཨཏྠི. ཨིདྷ ཨསྶུཏཝཱ ཨདྷིཔྤེཏོ. ཨརིཡ པུགྒལོ པན ཏཏྠ པརིཡཱཔནྣོ ན ཧོཏི. ཨཧནྟིཝཱ, མམཱཏི ཝཱ, མཡཱིཏི ཝཱ, མེཏི ཝཱ, པརཱམསན པདཱནི ནཱམ. ‘‘སེསདྷམྨེཝཱ གཧེཏྭཱ’’ཏི རཱུཔཏོ ཨཝསེསེ ནཱམཀྑནྡྷ དྷམྨེ ཨཏྟཱ མེཏི གཧེཏྭཱ ཝཱ. ‘‘དྷམྨ མུཏྟཀཾ ཝཱ ཨཏྟཱནཾ གཧེཏྭཱ’’ཏི པཉྩཀྑནྡྷདྷམྨཝིམུཏྟཾ པརིཀཔྤསིདྡྷཾ ཨཏྟཱནཾ ཝཱ གཧེཏྭཱ. ཙཏསྶོ ཨཝཏྠཱ ཡསྶཱཏི ཙཏུརཱཝཏྠིཀཱ. ཝེདནཱཡ སམྦྷོགརསཏྟཱ ‘‘སཾབྷུཉྫིཾ’’ཏི ཝུཏྟཾ. ‘‘སུཁིཏོ’’ཏི སུཁཝེདནཱཡ སམངྒཱིཔུགྒལོ. དྷམྨཏོ ཁནྡྷ པཉྩཀམེཝ. ཏཏྠ པན སུཁཝེདནཱཔདྷཱནཏྟཱ ཏཐཱ སམནུཔསྶནྟོ ཝེདནཾ ཨཏྟཱཏི སམནུཔསྶཏི ནཱམ. ‘‘སམཱུཧཏོ གཧེཏྭཱ’’ཏི ཨཧམསྨི, ཨཧཾ ཨེཀོ སཏྟོཏིཨཱདིནཱ སམཱུཧཏོ. ‘‘ཝཏྠཱུ’’ཏི པཉྩཀྑནྡྷཱ ཝུཙྩནྟི. ཉཱཏཔརིཉྙཱདིཝསེན ཨཔརིཉྙཱཏཱནི ཝཏྠཱུནི ཨེཏེཧཱིཏི ཨཔརིཉྙཱཏཝཏྠུཀཱ. ཨེཀམུཧུཏྟམཏྟེཔི ཀཱལེ. རཱུཔཾ ཨཏྟཏོ སམནུཔསྶཏཱིཏིཨཱདིཀཾ ཙཏུརཱཝཏྠཾ སནྡྷཱཡ ‘‘ཀདཱཙི ཨཏྟཏོ’’ཏིཨཱདི ཝུཏྟཾ. ‘‘ཨཏྟནིམིཏྟཾ’’ཏི ཨབྷིཀྐམནཱདཱིསུ ཀཱཡཝཙཱིམནོ ཀྲིཡཱསུ ཨཧཾ ཨབྷིཀྐམཱམི, ཨཧཾ པཊིཀྐམཱམཱིཏིཨཱདིནཱ ཙིཏྟེ དིསྶམཱནཱ ཨཏྟཙྪཱཡཱ ཝུཙྩཏི.

‘‘ཀཱམནཊྛེནཱ’’ཏི ¶ ཨིཙྪནཊྛེན. ‘‘ཚནྡནཊྛེནཱ’’ཏི པཏྠནཊྛེན. ལཱིནབྷཱཝོ ནཱམ ཙིཏྟཙེཏསིཀཱནཾ པཊིཀུཊནཾ. ཨཱཔཱདཱིཡཏེ ཨཱཔཱདནཾ. ལཱིནབྷཱཝསྶ ཨཱཔཱདནནྟི ཝིགྒཧོ. ‘‘ཏནྡཱི’’ཏི ཨཱལསྱཾ ཝུཙྩཏི. ‘‘ཝིཛམྦྷིཏཏཱ’’ ནཱམ ཀིལེསཝསེན ཀཱཡངྒཱནཾ ཝིཛམྦྷནཾ སམིཉྫནཔྤསཱརཎཱདིཀརཎཾ. སཱ ཨེཝ པཙྩཡོ ཨེཏསྶཱཏི ཝིགྒཧོ.

ཨནུསཡཔདཏྠེ. ‘‘ཨུཔྤཛྫནྟཱི’’ཏི ཨུཔྤཛྫིཏུཾ སཀྐོནྟི. ན པན ཨེཀནྟཏོ ཨུཔྤཛྫནྟི. སནྟེསུཧི ཨེཀནྟཏོ ཨུཔྤཛྫནྟེསུ ཨནུསཡཱ ནཱམ ན ཧོནྟི སཡནཀིཙྩསྶེཝ ཨབྷཱཝཏོ. ‘‘ཨུཔྤཛྫནྟཱི’’ཏི ཝཱ ཨུཔྤཛྫིཏུཾ པཧོནྟི. པཏྠོདནོ བཧཱུནཾ ཛནཱནཾ པཧོཏཱིཏིཨཱདཱིསུ ཝིཡ. པཉྙཏྟིཡོཧི ཨསབྷཱཝདྷམྨཛཱཏིཀཏྟཱ ཀཱརཎ ལཱབྷེཔི ཨུཔྤཛྫིཏུཾ ནཔྤཧོནྟི. ཨིམེ པན སབྷཱཝདྷམྨཛཱཏིཀཏྟཱ ཀཱརཎ ལཱབྷེ སཏི ཨུཔྤཛྫིཏུཾ པཧོནྟཱིཏི. ཨེཝཉྷིསཏི, ཨུཔྤཱདཾ ཨཔཏྟཱནཾཔི ཏེསཾ པརམཏྠཛཱཏིཀཏཱ སིདྡྷཱ ཧོཏཱིཏི. ‘‘སཧ ཨནུསེནྟཱི’’ཏི ཨེཀཏོ ཨནུསེནྟཱིཏི ཝུཏྟཱ ཀཱམརཱགཱནུསཡོ ཙ པཊིགྷཱནུསཡོ ཙ མཱནཱནུསཡོ ཙ དིཊྛཱནུསཡོ ཙ ཝིཙིཀིཙྪཱནུསཡོ ཙ. ཨིམེསཾ སཏྟཱནཾ སཏྟསནྟཱནེ ཨནུསཡཀིཙྩམཏྟཾ ཋཔེཏྭཱ ཨེཀཏོ ཨུཔྤཏྟི ནཱམ ནཏྠི. ཡདི ཨེཀཏོ ཨུཔྤཛྫེཡྻུཾ. དྭཱདསཱ ཀུསལཙིཏྟཱནི སཏྟསནྟཱནེ ནིཙྩཀཱལམྤི ཨེཀཏོ ཨུཔྤཛྫེཡྻུཾ. ན ཙ ཨུཔྤཛྫནྟི. ཏསྨཱ ཝིཉྙཱཡཏི ཨུཔྤཛྫནཾ ནཱམ ཨཔྤཧཱིནཊྛེན ཨུཔྤཛྫནཱརཧབྷཱཝོ ཝུཏྟོཏི. སེནྟཱིཏི ཝཏྭཱ ཏདཏྠཾ དསྶེཏི ‘‘ཝིསུཾ’’ཏིཨཱདིནཱ. ‘‘ཨཝུཊྛིཏཱ’’ཏི ཨུཔྤཱདཾ ཨཔཏྟཱ. ‘‘ཏཐཱཔཝཏྟཱ’’ཏི ཙཱལནཱཀཱརེན པཝཏྟཱ. པུན ‘‘ཏཐཱཔཝཏྟཱ’’ཏི ཛཝནསཧཛཱཏཱཀཱརེན པཝཏྟཱ. ‘‘ཡེསཾ’’ཏི ཀཱམརཱགཱནུསཡཱདཱིནཾ. ‘‘ཨཱཝཛྫནཾ’’ཏི ཨཱཝཛྫནཙིཏྟཾ. ‘‘དམཐཾ’’ཏི སུདནྟབྷཱཝཾ. ‘‘ཏཐཱ པཝཏྟཱ’’ཏི ཙིཏྟསནྟཱནཱནུསཡནཱཀཱརེན པཝཏྟཱ. ཏཱཨཝཏྠཱ ཡེསཾ ཏེ ཏདཝཏྠིཀཱ. ཡདི ཏེ ཨུཔྤཱདཾ ཨཔཏྟཱ. ཨེཝཾསཏི, ཏེ པརམཏྠཱཔི ནཱམ ན བྷཝེཡྻུནྟི ཙོདནཾ པརིཧརཏི ‘‘ཏེ པནཱ’’ཏིཨཱདིནཱ. སཙེ ཏེ ཀུསལཱབྱཱཀཏ ཙིཏྟསནྟཱནམྤི ཨནུགཏཱ. ཨེཝཾསཏི, ཏེ ཀུསལཱབྱཱཀཏཱནི ནཱམ ¶ སིཡུནྟི ཙོདནཾ པརིཧརཏི ‘‘ན ཙཱ’’ཏིཨཱདིནཱ. ཨཐ ཏེ ཨེཀནྟ ཨཀུསལཱ སིཡུཾ. ཨེཝཾསཏི, ཀུསལཱབྱཱཀཏེཧི ཝིརུདྡྷཱ བྷཝེཡྻུཾཏི ཙོདནཾ པརིཧརཏི ‘‘ནཱཔཱི’’ཏིཨཱདིནཱ. ཡདི ཨུཔྤཱདཾ ཨཔཏྟཱ. ཨེཝཾསཏི, ཀཱལཝིམུཏྟཱ སིཡུནྟི ཨཱཧ ‘‘ནཱཔིཀཱལཏྟཡ ཝིནིམུཏྟཱ’’ཏིཨཱདིཾ. ‘‘སཱནུསཡེ ཙིཏྟསནྟཱནེ’’ཏི སེཀྑཔུཐུཛྫནཱནཾ ཙིཏྟསནྟཱནེ. ‘‘སཧ མགྒུཔྤཱདཱ’’ཏི མགྒུཔྤཱདེན སཧེཝ. ‘‘ཏཏྠ ཏཏྠ ཝུཏྟོ’’ཏི ཨཊྛཀཐཱཊཱིཀཱསུ ཝུཏྟོ. ‘‘ཨནཱགཏསཱམཉྙཾ’’ཏི ཨནཱགཏསདིསཾ. ན ཨེཀནྟ ཨནཱགཏནྟིཔི ཝདནྟི. ཀཐཾ ཏེ སངྑཏཛཱཏིཀཱ ཧོནྟཱིཏི ཨཱཧ ‘‘ཏེཧི མགྒེ’’ཏིཨཱདིཾ. ཝིབྷཱཝནིཔཱཋེ. ‘‘ཨཔྤཧཱིནཱ’’ཏི མགྒེན ཨཔྤཧཱིནཱ. ‘‘ཏདཝཏྠཱ’’ཏི ཨུཔྤཛྫནཱརཧཱཝཏྠཱ. ‘‘ཏཾ སབྷཱཝཏྟཱ’’ཏི ཀཱམརཱགཱདི སབྷཱཝཏྟཱ. ‘‘ཏཐཱ ཝུཙྩནྟཱི’’ཏི ཨནུསཡཱཏི ཝུཙྩནྟི. ཨནཱགཏཱ ནཱམ ན ཧོནྟི. ཙིཏྟསནྟཱནེ ཝཏྟམཱནབྷཱཝེན སིདྡྷཏྟཱ. ‘‘ཧཉྩི པཛཧཏཱི’’ཏི ཡདིཔཛཧཏི. ‘‘ཏེནཧཱི’’ཏི ཏཏོ ཨེཝ. ‘‘རཏྟོ’’ཏི རཱགསམངྒཱི ཧུཏྭཱ. ‘‘དུཊྛོ’’ཏི དོསསམངྒཱི ཧུཏྭཱ. ‘‘མུལ༹ྷོ’’ཏི མོཧསམངྒཱི ཧུཏྭཱ པཛཧཏཱིཏི དོསོ ཨཱཔཛྫཏཱིཏི ཝུཏྟཾ ཧོཏི. པརིཡུཊྛཱན པཏྟཱནཾ རཱགཱདཱིནཾ. ‘‘མགྒཝཛ྄ཛྷཾ’’ཏི མགྒེན ཝདྷིཏབྦཾ. ‘‘ཨུཔྤནྣཾ’’ཏི པཙྩུཔྤནྣཾ. ཝཏྟམཱནཉྩ ཏཾ ཨུཔྤནྣཉྩཱཏི ཝཏྟམཱནུཔྤནྣཾ. ‘‘བྷུཏྭཱ’’ཏི ཨཱརམྨཎཾ པརིབྷུཉྫིཏྭཱ. ཝིགཙྪཏཱིཏི ཝིགཏཾ. བྷུཏྭཱ ཝིགཏཉྩ ཏཾ ཨུཔྤནྣཉྩཱཏི བྷུཏྭཱ ཝིགཏུཔྤནྣཾ. ཝིཔཙྩནཏྠཱཡ ཨོཀཱསཾ ཀརོནྟཱིཏི ཨོཀཱསཀཏཾ. ཨོཀཱསཀཏཉྩ ཏཾ ཨུཔྤནྣཉྩཱཏི ཨོཀཱསཀཏུཔྤནྣཾ. སམུདཱཙཱརོ ཝུཙྩཏི བྷིཡྻོ པཝཏྟནཾ. སམུདཱཙཱརོ ཙ སོ ཨུཔྤནྣཉྩཱཏི སམུདཱཙཱརུཔྤནྣཾ. ཁནྡྷཔཉྩཀ སངྑཱཏཾ བྷཱུམིཾ ལབྷཏཱིཏི བྷཱུམིལདྡྷཾ. བྷཱུམིལདྡྷཉྩ ཏཾ ཨུཔྤནྣཉྩཱཏི བྷཱུམིལདྡྷུཔྤནྣཾ. ཨཱརམྨཎཾ ཨདྷིཀཏརཾ གཎྷཱཏཱིཏི ཨཱརམྨཎཱདྷིགྒཧིཏཾ. ཨཱརམྨཎཱདྷིགྒཧིཏཉྩ ཏཾ ཨུཔྤནྣཉྩཱཏི ཨཱརམྨཎཱདྷིགྒཧིཏུཔྤནྣཾ. མཧགྒཏཛ྄ཛྷཱནེན ཨཝིཀྑམྦྷིཏཉྩ ཏཾ ཨུཔྤནྣཉྩཱཏི ཨཝིཀྑམྦྷིཏུཔྤནྣཾ. མགྒེན ཨསམུགྒྷཱཊིཏཉྩ ཏཾ ཨུཔྤནྣཉྩཱཏི ཨསམུགྒྷཱཊིཏུཔྤནྣཾ. ཨེཝཾ མགྒཝཛ྄ཛྷཱནཾ ཨནུསཡཱནཾ ཨུཔྤནྣབྷཱཝེན ཝུཏྟཏྟཱ པཙྩུཔྤནྣཏཱ ¶ པརིཡཱཡོཝ ཏེསཾ ཝཏྟབྦོཏི. ‘‘སེཀྑཱ’’ཏི སཏྟསེཀྑཔུགྒལཱ.

ཨོརམྦྷཱགོ ཝུཙྩཏི ཀཱམལོཀོཙེཝ པུཐུཛྫནབྷཱཝོ ཙ. ཨོརམྦྷཱགེ སནྡིསྶནྟཱིཏི ཨོརམྦྷཱགིཡཱནི. ཨུདྡྷཾབྷཱགོ ཝུཙྩཏི མཧགྒཏབྷཱཝོཙེཝ ཨརིཡབྷཱཝོ ཙ. ཨུདྡྷཾབྷཱགེ སནྡིསྶནྟཱིཏི ཨུདྡྷཾབྷཱགིཡཱནི. ཏཏྠ. ཀཱམཙྪནྡོ, བྱཱཔཱདོ,ཏི ཨིམཱནི དྭེསཾ ཡོཛནཱནི ཀཱམལོཀསངྑཱཏེ ཨོརམྦྷཱགེ ཨེཝ སནྡིསྶནྟི. དིཊྛི, ཝིཙིཀིཙྪཱ, སཱིལབྦཏཔརཱམཱསོ,ཏི ཨིམཱནི ཏཱིཎི པུཐུཛྫནབྷཱཝ སངྑཱཏེ. སེསཱནི པན པཉྩ མཧགྒཏབྷཱཝསངྑཱཏེ ཙ ཨརིཡབྷཱཝསངྑཱཏེཙ ཨུདྡྷཾབྷཱགེཔི སནྡིསྶནྟི. ཨཐཝཱ. པུརིམཱནི པཉྩཡསྶ ཏཱནི མགྒེན ཨཔྤཧཱིནཱནི, ཏཾ ཨུཔརིབྷཝགྒེ ཋིཏཾཔི ཀཱམལོཀསངྑཱཏཾ ཨོརམྦྷཱགཾ ཨཱཀཌྜྷནྟི, ཏསྨཱ ཨོརམྦྷཱགཱཡ སཾཝཏྟནྟཱིཏི ཨོརམྦྷཱགིཡཱནི. པཙྪིམཱནི པཉྩ ཡསྶ ཏཱནི ཨཔྤཧཱིནཱནི, ཏཾ ཀཱམལོཀེ ཋིཏཾཔི ཨུདྡྷཾབྷཱགཾ ཨཱཀཌྜྷནྟི, ཏསྨཱ ཨུདྡྷཾབྷཱགཱཡ སཾཝཏྟནྟཱིཏི ཨུདྡྷཾབྷཱགིཡཱནི. ཏཏྠཧི དྭེརཱུཔཱརཱུཔརཱགཱ ཨེཀནྟེན མཧགྒཏབྷཱཝཾ ཨཱཀཌྜྷནྟིཡེཝ. མཱནོ ཙ ཨུདྡྷཙྩཉྩ ཨཝིཛྫཱཙཱཏི ཨིམཱནི ཙ རཱུཔཱརཱུཔརཱགསཧགཏཱནི ཧུཏྭཱ ཨཱཀཌྜྷནྟི. ཨོརཾ ཧེཊྛིམཾ ཀཱམལོཀཾ བྷཛནྟཱིཏི ཨོརམྦྷཱགིཡཱནི. ཨུདྡྷཾ རཱུཔཱརཱུཔལོཀཾ བྷཛནྟཱིཏི ཨུདྡྷཾབྷཱགིཡཱནཱིཏིཔི ཝཎྞེནྟི. ‘‘ཨིཏརཱནི པནཱ’’ཏི དྭེ ཨིསྶཱ སཾཡོཛན མཙྪརིཡསཾཡོཛནཱནི. ‘‘ཀམོཔན དྭིནྣཾ པཱི’’ཏི ཨིདྷ སངྒཧེ དྭིནྣཾཔི ཨནུཀྐམོཔན.

‘‘ཝིབཱདྷེནྟཱི’’ཏི ཝིཧིཾསནྟི. ‘‘ཨུཔཏཱཔེནྟིཙཱ’’ཏི ཨུཔགནྟྭཱ སནྟཱཔེནྟི. སེསམེཏྠ སུཝིཉྙེཡྻཾ.

ཨཀུསལསངྒཧཱནུདཱིཔནཱ ནིཊྛིཏཱ.

༡༦༣. མིསྶཀསངྒཧེ. ‘‘ཙིཏྟཔྤཊིཔཱདནཾ ཙིཏྟནིཡོཛནཾ. ‘‘སུགཏི དུགྒཏི ཝིཝཊྚསངྑཱཏཱསུ ཙཱ’’ཏི སུགཏིབྷཝ དུགྒཏི བྷཝནིབྦཱནསངྑཱཏཱསུ ཙ. ནིབྦཱནཉྷི ཝཊྚཏོ གིགཏཏྟཱ ཝིཝཊྚནྟི ཝུཙྩཏི. ‘‘དསྶནཱདཱིཧི ཨེཝཱ’’ཏི དསྶནསངྐཔྤནཱདཱིཧི ཨེཝ. ཨུཛུགཏི ནཱམ ¶ ཧིཏསུཁསཾཝཏྟནིཀཱ པཝཏྟི ཝུཙྩཏི. ཝངྐགཏིནཱམ ཨཧིཏ དུཀྑསཾཝཏྟནིཀཱ པཝཏྟི. ‘‘པཐངྒཱནཱི’’ཏི པཐསྶམགྒསྶ ཨངྒཱནི. མགྒོཏི ཙ ཨུཔཱཡོ ཝུཙྩཏཱིཏི ཨཱཧ ‘‘ཨུཔཱཡངྒཱནཱི’’ཏི. ‘‘ཨིཏརཱནཱི’’ཏི སམྨཱདིཊྛི སམྨཱསངྐཔྤཱདཱིནི ཨངྒཱནི. ཨུཛུགཏིཡཱ གམནསྶ ཨུཔཱཡངྒཱནི. ཨིམེཔི ཙཏྟཱརོ མགྒངྒ དྷམྨཱ དྷམྨཱ ནཱམ ཨཱགཏཱ. ‘‘ཏཐཱ ཏཐཱ པཝཏྟཱནཾ’’ཏི མུསཱཝཱདཱདིཝསེན པཝཏྟཱནཾ. ‘‘ནཱ ནཱམགྒོཝཱ’’ཏི མིཙྪཱམགྒོ ཙ སམྨཱམགྒོ ཙ.

‘‘ཨཏྟཱདྷཱིནཝུཏྟིཀེ’’ཏི ཨཏྟཱཡཏྟཔྤཝཏྟིཀེ. ཨཏྟནོ གཏི ནཱམ ཙཀྑུནྡྲིཡཱདཱིནཾ དསྶནཱདི ཀིཙྩམེཝ ཝུཙྩཏི. ‘‘ཨིསྶརཱ ཨདྷིཔཏིནོ’’ཏི ཨིདཾ ཨཱདྷིཔྤཙྩཏྠཔཱཀཊཏྠཾ ཝུཏྟཾ. ཨཏྠོ པན བྷཱཝཔྤདྷཱནཝསེན གཧེཏབྦོ. ཨིནྡྲིཡཾ ཨིསྶརིཡཾ ཨཱདྷིཔྤཙྩནྟིཧི ཨིམེ ཨེཀཏྠཱཏི. ‘‘ཨིཏྠཱཀཱརཱནི’’ ནཱམ ཨིཏྠིལིངྒཔུརིསལིངྒཱདི. ‘‘ཨཉྙཐཱ ཨཔྤཝཏྟིཡཾ’’ཏི ཨིཏྠིསཎྛཱནེ པུརིསལིངྒཱདཱིནཾ, པུརིསསཎྛཱནེ ཨིཏྠིལིངྒཱདཱིནཾ ཨཔྤཝཏྟིཡཾ. ཏེནཱཧ ‘‘ཏཐཱཧཱི’’ཏིཨཱདིཾ. མནོ ཝིཛཱནནཀིཙྩེ སམྤཡུཏྟདྷམྨཱནཾ ཨིསྶརོ ཧོཏི ཨནཉྙཱབྷིབྷཝནཱིཡབྷཱཝེན པཝཏྟནཏོཏི སམྦནྡྷོ. ཨེཝཾ པརཏྠ. ‘‘ཨཱརམྨཎཱདྷིམུཙྩནེ’’ཏི ཨཱརམྨཎེ ནིརཱསངྐཔྤཝཏྟིཡཾ. ‘‘ཨཱརམྨཎུཔཊྛཱནེ’’ཏི ཙིཏྟེ བུདྡྷགུཎཱདྷིཀསྶ ཨཱརམྨཎསྶ ཨུཔཊྛཱནེ. ‘‘ཙཏུསཙྩདྷམྨོ’’ཏི ཏེན པུགྒལེན ཨནཉྙཱཏ པུབྦོ ཙཏུསཙྩ དྷམྨོ. ཨནཉྙཱཏ པུབྦཾ ཨམཏཾ ཝཱ པདཾ. ཨནཉྙཱཏཾ ཉསྶཱམི ཨིཏི པཝཏྟཾ ཨིནྡྲིཡནྟི སམཱསོ. པཊིཔནྣསྶཱཏི པན ཨཏྠཏོ སིདྡྷཏྟཱ ཝུཏྟཾ. ‘‘ཝིཔྤཀཏབྷཱཝེནཱ’’ཏི ཨནིཊྛངྒཏབྷཱཝེན. པུནཔྤུནཾ ཛཱནནཀིཙྩཡུཏྟཱནཾ མཛ྄ཛྷེ ཚནྣཾསེཀྑཱནཾ. ཨེཏེན ཨཝསདྡསྶཡཱཝ སབྦཀིལེསཔྤཧཱནཱ ཛཱནནནྟི ཨཏྠཾ དཱིཔེཏི. པཐམ མགྒེན ཉཱཏཾ མརིཡཱདཾ ཨནཏིཀྐམྨ ཛཱནནནྟིཔི ཝཎྞེནྟི. ཨཱཛཱནིཏཏྠཱཏི ཨཉྙཱཏཱཝཱི. ཨརཧཱ ཁཱིཎཱསཝོ ཀཏཀིཙྩོ ཝུསིཏ བྲཧྨཙརིཡོ. ཨཉྙཱཏཱཝིནོ ཨིནྡྲིཡནྟི ཨཉྙཱཏཱཝིནྡྲིཡནྟི ཨཏྠཾ དསྶེཏུཾ ‘‘པརིནིཊྛིཏ ཨཱཛཱནནཀིཙྩསྶཱ’’ཏིཨཱདི ཝུཏྟཾ. ‘‘ཏབྦིམུཏྟཱི’’ཏི ཨཏྟགྒཱཧ ཝིམུཏྟི. ‘‘ཏསྨིཾ ཝཱ’’ཏི ཏསྨིཾ ཨཏྟནིཝཱ. ‘‘སཾཀིལིཊྛོ’’ཏི ནཱནཱཀིལེསེཧི སཾཀིལེསིཏོ. ‘‘ཝིཔྥནྡིཏོ’’ཏི ནཱནཱསུཁདུཀྑེཧི ¶ སཾཀམྤིཏོ. ‘‘ཝོདཱནཔཏྟིཡཱ’’ཏི ཝིསུདྡྷིཔཏྟཏྠཱཡ. ‘‘ཏཱཡཔཊི པཏྟིཡཱ’’ཏི ཀརཎཏྠེ, ཧེཏུ ཨཏྠེ ཝཱ ཀརཎཝཙནཾ. ‘‘ཝོདཱནཔཏྟིཡཱ’’ཏི སཱམིཨཏྠེ སཱམིཝཙནཾ.

‘‘བལཱིཡནྟཱི’’ཏི ནཱམདྷཱཏུནིདྡེསོ. ཏེནཱཧ ‘‘བལསཱ ཀརོནྟཱི’’ཏི. ‘‘བལསཱ’’ཏི བལེན. པརིཏོ སམནྟཏོ སེནྟི པརིཝཱརེནྟཱིཏི པརིསྶཡཱ. ཨསྶདྡྷསྶ བྷཱཝོ ཨསྶདྡྷིཡཾ. ཀོསཛྫསངྑཱཏེན པཊིཔཀྑདྷམྨེན. མུཊྛཱ ནཊྛཱ སཏི ཡསྶཱཏི མུཊྛསྶཏི. མུཊྛསྶཏིསྶ བྷཱཝོ མུཊྛསྶཙྩཾ. ‘‘སེསདུཀ དྭཡཾ’’ཏི ཨཧིརིཀདུཀཾ ཧིརིདུཀཉྩ.

གཧཔཏི, ཛཱཡམྤཏཱི, ཏིཨཱདཱིསུ ཝིཡ པཏིསདྡོ སཱམིཨིསྶར པརིཡཱཡོཏི ཨཱཧ ‘‘པཏཱིཏི སཱམིཨིསྶརོ’’ཏི. ‘‘པརེསཾ’’ཏི སཧཛཱཏེསུ པརེསཾ ཨིནྡྲིཡཱནཾ. ‘‘པརེཧཱི’’ཏི ཀམྨཏྠེ ཀརཎཝཙནཾ. པརེ སཧཛཱཏེ ཨིནྡྲིཡ དྷམྨེཏི ཨཏྠོ. ‘‘ཨདྷིཀོ’’ཏི ཨདྷིཀཏརོ. ‘‘ཨཏྟཱདྷཱིན ཝུཏྟཱིནཾ’’ཏི ཨཏྟཱཡཏྟཝུཏྟཱིནཾ. ‘‘ཚནྡཱགམནཝསེན ཝཱ’’ཏི ཨེཏྠ ཨཱགཙྪཏི ཕལཾ ཨེཏེནཱཏི ཨཱགམནཾ. ཨཱདིཀཱརཎཾ, མཱུལཀཱརཎཾ, པབྷཝཀཱརཎཾ. ཚནྡོ ཨེཝ ཨཱགམནཾ ཚནྡཱགམནཾ. ཏེནཱཧ ‘‘པུབྦེ ཨཏཱིཏབྷཝེསཱུ’’ཏིཨཱདིཾ. སམྤཡུཏྟ དྷམྨེ ཨཏྟཔརཱདྷཱིནེ ཀཏྭཱཏི སམྦནྡྷོ. མཧོགྷོ ཏིཎཔཎྞཀསཊེ ཨཏྟཔརཱདྷཱིནེ ཀརོནྟོ ཝིཡཱཏི ཡོཛནཱ. ཏཏྠ ‘‘ཨཏྟཔརཱདྷཱིནེ’’ཏི ཨཏྟསངྑཱཏོཔརོ ཨཏྟཔརོ. ཨཏྟཔརེན ཨདྷཱིནཱ ཨཏྟཔརཱདྷཱིནཱཏི ཨཏྠོ. ‘‘སེསེསུཔཱི’’ཏི སེསེསུ ཝཱིརིཡ ཙིཏྟ ཝཱིམཾསཱདྷིཔཏཱིསུཔི. ཨེཏེན ‘ཝཱིརིཡམེཝ ཨདྷིཔཏི ཝཱིརིཡཱདྷིཔཏི. ཝཱིརིཡཝཏོ ཀིཾ ནཱམ ཀམྨཾ ན སིཛ྄ཛྷཏཱིཏི ཨེཝཾ པུབྦཱབྷིསངྑཱརཝསེན ཝཱ པུབྦེ ཨཏཱིཏབྷཝེསུ སུཊྛུ ཨཱསེཝིཏཝཱིརིཡཱགམནཝསེན ཝཱ ཏེསུ ཏེསུ ཀལྱཱཎ པཱཔཀམྨེསུ སམྤཡུཏྟ དྷམྨེ མཧོགྷོ ཝིཡ ཏིཎཔཎྞཀསཊེ ཨཏྟཔརཱདྷཱིནེ ནིཙྩཾ པགྒཧིཏདྷུརེཀཏྭཱ པཝཏྟཾ ཝཱིརིཡ’ནྟིཨཱདིནཡཾ ཨཏིདིསཏི. ‘‘པཙྪིམཱ ཏཡོ དྷམྨཱ’’ཏི ཝཱིརིཡ ཙིཏྟ ཝཱིམཾསཱ དྷམྨཱ. པརཝསེཔི ཝཏྟནྟི, ཏདཱ ཏེསཾ ཨདྷིཔཏིབྷཱཝོ ནཏྠཱིཏི ཙོདནཱ. ཨདྷིཔཏི ཀིཙྩཾ ནཱམ དྷུརཝཱཧིཏཱཏི སམྦནྡྷོ. ‘‘ཏཾ ཏཾ ཀིཙྩ ཝིསེསཾ ¶ ཨནཔེཀྑིཏྭཱ’’ཏི ཙཀྑུནྡྲིཡཾ དསྶན ཀིཙྩེ ཨིསྶརོ, སོཏིནྡྲིཡཾ སཝན ཀིཙྩེཏིཨཱདཱིསུ ཏཾ ཏཾ ཀིཙྩཝིསེསཾ ཨཔེཀྑཏི, ཏཐཱ ཨནཔེཀྑིཏྭཱ. ‘‘ཝིཛཱནནཱདི ཀིཙྩཾ’’ཏི ‘མནོ ཨཱརམྨཎ ཝིཛཱནནེ’ཏིཨཱདིནཱ ཝུཏྟཾ སབྦཾ ཨིནྡྲིཡ ཀིཙྩཾ.

བྷུསོ ཧརནྟི ཝཧནྟཱིཏི ཨཱཧཱརཱ. ‘‘བྷུསོ’’ཏི ཨཏིརེཀཏརནྟི ཨཏྠོ. ཀཐཾ པན བྷུསོ ཧརནྟཱིཏི ཨཱཧ ‘‘སཧཛཱཏཱདཱི’’ཏིཨཱདིཾ. ཏེཏེ པཙྩཡ དྷམྨཱ ཏེཏེ པཙྩཡུཔྤནྣ དྷམྨཱ ཙཱཏི ཡོཛནཱ. ‘‘ཨེཏྠཱ’’ཏི ཨིམིསྶཾ པཱལི༹ཡཾ. ‘‘པཙྩཡཱཧཱརོ ཝཱ’’ཏི ཨེཏྠ ཧེཏུ ཨཱརམྨཎཱདིཀོ སབྦོཔཙྩཡོ པཙྩཡཱཧཱརོ ནཱམ. ཨཱཧཱར པཙྩཡོཔན ཝིསུཾ ཨེཀོ པཙྩཡཝིསེསོ. ‘‘པཙྩཡཊྛེནཱ’’ཏི ཧེཏུ ཨཱརམྨཎཱདི པཙྩཡཊྛེན. ‘‘ཨཱཧཱརབྷཱུཏཱ’’ཏི ཨུཔཏྠམྦྷནཀིཙྩཝིསེསབྷཱུཏཱཏི ཝུཏྟཾ ཧོཏི. ‘‘ཀལཱི༹རངྐུརཱནཾ’’ཏི ཀམྨཏྠེ སཱམིཝཙནཾ. ‘‘ཝཌྜྷིཡཱ’’ཏི ཝཌྜྷནཏྠཱཡ. ‘‘ཋིཏིཡཱ’’ཏི ཋིཏཏྠཱཡ. ཨིམེསཏྟཱ ཝཊྚེ པཝཏྟནྟཱིཏི སམྦནྡྷོ. སེསམེཏྠ སུཝིཉྙེཡྻཾ. ‘‘པཀྑེ ཝིཡཱུཧིཏྭཱ’’ཏི པཀྑེ སཉྩཱལེཏྭཱཏི ཝུཏྟཾ ཧོཏི. ‘‘པཀྑེ’’ཏི ཝཱ པཀྑེཧི ཝཱཏཾ བྱཱུཧིཏྭཱ. ‘‘ཏདནུསཡིཏསྶཱ’’ཏི ཏསྨིཾ ཝིཔཱཀ སནྟཱནེ ཨནུསཡི ཏསྶ. ‘‘ཝིབྷཱཝེཏྭཱ’’ཏི པཙྩཀྑཏོ ཝིབྷཱུཏཾ པཱཀཊཾ ཀཏྭཱ. ‘‘ཨལབྷིཏྭཱ’’ཏི ཙཀྑུམྷི ཨལབྷིཏྭཱ. ཨཔསྶིཏྭཱཏི ཝུཏྟཾ ཧོཏི. ‘‘ཏཏྠེཝཱ’’ཏི ནིཝཱསཊྛཱནེ ཨེཝ. ‘‘སམྤཡུཏྟཱ’’ཏི ཝིཉྙཱཎེན སམྤཡུཏྟཱ. བྷཝིཾསུ ཝཌྜྷིཾ སཱུཏི བྷཱུཏཱ. སམྦྷཝཾ ཝུཌྜྷིཀཱརཎཾ ཨེསནྟི གཝེསནྟཱིཏི སམྦྷཝེསིནོ. ‘‘ཝུཏྟནཡེནཱ’’ཏི ‘ཡཐཱ ཡཝབཱིཛཱནཾ ཝཱ སཱལིབཱིཛཱནཾ ཝཱ’ཏིཨཱདིནཱ ཝུཏྟནཡེན. ‘‘ཨཱཧཱརེཏཱི’’ཏི པཝཏྟེཏི. ‘‘མནོསཉྩེཏནཱཧཱརོ’’ཏི ཀུསལཱཀུསལ ཀམྨབྷཱུཏོ མནོསཉྩེཏནཱཧཱརོ. ‘‘ཏཡོ བྷཝེ’’ཏི ཏཡོ ཀཱམབྷཝཱདིཀེ ཨུཔཔཏྟིབྷཝེ. ཋིཏིཡཱཏི ཙ ཨནུགྒཧཱཡཱཏི ཙ ཝུཏྟཾ. ཨིཏརཐཱ ཨུཔྤཏྟིཡཱཏི ཙ ཝུཏྟཾ སིཡཱཏི ཨདྷིཔྤཱཡོ.

‘‘དུབྦལཀིཙྩཊྛཱནཝཏྠུཀཏྟཱ’’ཏི དུབྦལཀིཙྩཏྟཱ དུབྦལཊྛཱནཏྟཱ དུབྦལཝཏྠུཀཏྟཱ. ‘‘ཨབྷིནིཔཱཏ མཏྟཱནི ཧོནྟཱི’’ཏི དསྶན སཝནཱདི མཏྟཱནི ¶ ཧོནྟཱིཏི ཨདྷིཔྤཱཡོ. ‘‘ཝིཏཀྐ པཙྪིམཀཾ ཛྷཱནཾ’’ཏི ཛྷཱནཱནི ནཱམ ཝིཏཀྐསྶ པཙྪཱནུགཏཾ ཧོཏཱིཏི ཨཏྠོ. ‘‘ཏཏྠཱ’’ཏི ཏེསུཔཉྩཝིཉྙཱཎེསུ. ‘‘ཏཱ’’ཏི ཝེདནཱ ཨེཀགྒཏཱ. ‘‘ཏཾ’’ཏི ཛྷཱནཀིཙྩཾ. ཨེཀགྒཏཱ བལཝཏཱི ན ཧོཏཱིཏི སམྦནྡྷོ. ‘‘མགྒིནྡྲིཡ བལབྷཱཝཱཡཱ’’ཏི མགྒིནྡྲིཡ བལབྷཱཝཏྠཱཡ. ལོཀུཏྟརཝིཔཱཀཱནི ཛཝནཀིཙྩཱནི ཙ སཱདྷིཔཏིཀཱནི ཙ ཧོནྟཱིཏི ཝུཏྟཾ ‘‘ཏིབྷཱུམཀཱནཱི’’ཏིཨཱདི. སེསམེཏྠ སུབོདྷཾ.

མིསྶཀསངྒཧཱནུདཱིཔནཱ ནིཊྛིཏཱ.

༡༦༤. བོདྷིཔཀྑིཡསངྒཧེ. ‘‘སཏིཔཊྛཱནཱ’’ཏི ཨེཏྠ པསདྡོ པམུཁཏྠོ པདྷཱནཏྠོཏི ཨཱཧ ‘‘པམུཁཱ པདྷཱནཱ ཧུཏྭཱ’’ཏི. ཋཱསདྡོ གཏིནིཝཏྟི ཨཏྠོཏི ཨཱཧ ‘‘ཙིཏྟགམནཾ ནིཝཏྟེཏྭཱ པཝཏྟནྟཱི’’ཏི. ‘‘ཀཱཡེ ཨནུཔསྶནཱ’’ཏི ཀཱཡེ པཝཏྟཱ ཨནུཔསྶནཱ. པུནཔྤུནཾ པསྶནྟི ཡོགིནོ ཨེཏཱཡཱཏི ཨནུཔསྶནཱ. ཀཏམཾ པསྶནྟཱིཏི ཨཱཧ ‘‘ཨསྶཱསཔསྶཱསཱདིཀསྶཱ’’ཏིཨཱདིཾ. ཀཐཉྩཏཾ པསྶནྟཱིཏི ཝུཏྟཾ ‘‘ཏཾ ཏཾ ཀཱཡབྷཱཝེནཱ’’ཏིཨཱདི. ཨིདཱནི པུནཔྤུན སདྡསྶ ཨཏྠཾ དསྶེནྟོ ‘‘ཡཱཝཱ’’ཏིཨཱདིམཱཧ. ཝེདནཱནུ པསྶནཱདཱིསུཔི ཨེསེཝནཡོ. ཏཾ ན སུནྡརཾ. ཀསྨཱ, སཀལསྶ རཱུཔཀཱཡསྶ ཨདྷིཔྤེཏཏྟཱ. སེསམེཏྠ སུཝིཉྙེཡྻཾ. ཡདི ཨེཝནྟིཨཱདཱིསུ. ‘‘ཨིཏརཱཔི སིདྡྷཱ’’ཏི ཀཱཡཱནུཔསྶནཱདཡོཔི སིདྡྷཱ. ཀསྨཱ, དྷམྨཱནུཔསྶནཱཡ ཨནྟོགདྷཏྟཱ. ‘‘ཏཐཱ ཨནུཔསྶནྟསྶཱ’’ཏི རཱུཔྤནལཀྑཎཏོ ཨནུཔསྶནྟསྶ. ‘‘ཏཾ ཏཾ སམཱུཧབྷཱུཏརཱུཔདྷམྨཝསེནཱ’’ཏི ཨསྶཱསཔསྶཱསཱདི སམཱུཧབྷཱུཏསྶ རཱུཔ དྷམྨསྶ ཝསེན. ‘‘སུབྷཱདིཝིཔལླཱསསྶཱ’’ཏི སུབྷ སུཁ ནིཙྩཝིཔལླཱསསྶ. ‘‘ཨོལཱ༹རིཀསྶཱ’’ཏི སུཔཱཀཊཝསེན ཨོལཱ༹རིཀསྶ. ‘‘ཨཏྟཱུཔནིབནྡྷཱ’’ཏི ཨཏྟེན ཨུཔནིབནྡྷཱ, པཊིབདྡྷཱ.

‘‘ཀཱམཾ’’ཏི ཨེཀནྟེན. ཨུཔསུསྶཏཱུཏི སམྦནྡྷོ. ‘‘ཡནྟཾ’’ཏི ཛྷཱནཱབྷིཉྙཱ མགྒཕལནིབྦཱནཾ. ‘‘ཝཱིརིཡསྶ སཎྛཱནཾ’’ཏི ཝཱིརིཡགམནསྶ ཝཱིརིཡཔྤཝཏྟནསྶ ནིཝཏྟིཝསེན སཎྛཱནཾ. ཨུཔྤནྣསདྡེན ཨཏཱིཏ ཀིལེསཱཔི ¶ པཙྩུཔྤནྣ ཀིལེསཱཔི གཧེཏབྦཱ ཧོནྟཱིཏི ཨཱཧ ‘‘ཨསུཀསྨིཾ ཀཱལེ’’ཏིཨཱདིཾ. ‘‘མཡ྄ཧཾ ཨུཔྤནྣཾ’’ཏི ཨིདཱནི ཨུཔྤནྣཾ. ‘‘པཧཱནཱཡཱ’’ཏི ཨེཏྠ སམུཙྪེདཔྤཧཱནཾ ཨདྷིཔྤེཏནྟི ཨཱཧ ‘‘ཨནུཔྤཱད དྷམྨཏཱཔཱདནཀརཎཏྠཾ’’ཏི. ཏཏྠ ཨནུཔྤཱདོ དྷམྨོ ཡེསཾ ཏེ ཨནུཔྤཱད དྷམྨཱ. མགྒེན པཧཱིནཱ ཨཀུསལ དྷམྨཱ. ཨནུཔྤཱད དྷམྨཱནཾ བྷཱཝོཏི ཝིགྒཧོ. ཨནུཔྤཱད དྷམྨཏཱཡ ཨཱཔཱདནཾ. ཏསྶ ཀརཎནྟི སམཱསོ. ‘‘དིསྭཱ’’ཏི ཏེསཾ ཨུཔྤཏྟི ཝཏྠུཾ དིསྭཱ. ‘‘པཙྩཡསམུཙྪིནྡནཏྠཾ’’ཏི པཙྩཡབྷཱུཏསྶ ཨནུསཡསྶ སམུཙྪིནྡནཏྠཾ. ‘‘ཨཔཏྟཱ’’ཏི ཨིདཱནི ཨཔཏྟཱ. ‘‘སམཡེ’’ཏི བུདྡྷུཔྤཱདནཝམཀྑཎེ. ‘‘ནིཡཱམཾ ན ཨོཀྐམནྟཱི’’ཏི ཨརིཡམགྒསངྑཱཏཾ སམྨཏྟནིཡཱམཾ ན ཨོཀྐམནྟི. ནཔྤཝིསནྟི. ཀིལེསེཧི ཨཀོཔེཏབྦཏཱཡ ཨཀུཔྤོ དྷམྨོ ཡསྶཱཏི ཨཀུཔྤ དྷམྨོ. ཁཱིཎཱསཝོ. ཨཀུཔྤ དྷམྨསྶ བྷཱཝོ ཨཀུཔྤ དྷམྨཏཱ. ཨརཧཏྟ ཕལཾ. ‘‘ཏེསཾ’’ཏི ཀུསལཱནཾ དྷམྨཱནཾ. ཨུཔྤནྣཱནཾ པཱཔཀཱནཾ པཧཱནཱཡཱཏི ཀཏྭཱ ཝིསུདྡྷིདྷམྨེསུ ཡོགཾ ཀརོནྟསྶ ཨནུཀྐམེན བྷཱཝནཱ ཀམྨེ མཏྠཀཾ པཏྟེཨཱདིཏོ པཊྛཱཡ ཨུཔྤནྣཱཔི པཱཔཀཱ པཧིཡྻནྟི. ཨནུཔྤནྣཱཔི ནུཔྤཛྫནྟི. ཨནུཔྤནྣཱཔི ཀུསལཱ ཨུཔྤཛྫནྟི. ཨུཔྤནྣཱཔི བྷཱཝནཱ པཱརིཔཱུརིཾ གཙྪནྟི. ཨེསནཡོ ཨནུཔྤནྣཱནཾ པཱཔཀཱནཾ ཨནུཔྤཱདཱཡཱཏིཨཱདཱིསུ. ཨེཝཾ ཙཏཱུསུ མུཁེསུ ཨེཀེཀམུཁེནཔི སམྨཱ པདཧནྟསྶ སམྨཔྤདྷཱནཾ ཙཏུཀིཙྩསཱདྷཀཾ ཧོཏི. ཏེནཱཧ ‘‘ཨེཏེསུ པནཱ’’ཏིཨཱདིཾ.

ཨབྷིཝིསིཊྛེན དྷམྨཝཝཏྠཱནཉྙཱཎེན ཉཱཏབྦཱ སབྦེ པརམཏྠ དྷམྨཱ ཨབྷིཉྙེཡྻཱ ནཱམ. ‘‘ཨབྷིཉྙཱ སིདྡྷཱི’’ཏི ཨབྷིཛཱནན ཀིཙྩསིདྡྷི. ཝིསུཾ ཝིསུཾ པརིཙྪིནྡིཏྭཱ ཉཱཏབྦཱ ཙཏུསཙྩ དྷམྨཱ པརིཉྙེཡྻཱ ནཱམ. ཏེཧི དུཀྑསཙྩ དྷམྨཱ པརིཉྙཱཏབྦབྷཱཝེན, སམུདཡ སཙྩ དྷམྨཱ པཧཱཏབྦ བྷཱཝེན, ནིརོདྷསཙྩ དྷམྨཱ སཙྪིཀཱཏབྦ བྷཱཝེན, མགྒསཙྩ དྷམྨཱ བྷཱཝེཏབྦབྷཱཝེན ཉཱཏབྦཱ ཧོནྟཱིཏི. ‘‘བྷཱཝནཱསིདྡྷཱི’’ཏི བྷཱཝནཱཀིཙྩ སིདྡྷི. ཏཾ སཾཡུཏྟཀེ ཨིམཱཡཔཱལི༹ཡཱ སམེཏཱིཏི སམྦནྡྷོ. ‘‘ཝིབྷངྒེ པནཱ’’ཏི ཨིདྡྷིཔཱདཝིབྷངྒེ པན. ‘‘ཙིཏྟ ཙེཏསིཀརཱསཱི’’ཏི སཧ པུབྦབྷཱགབྷཱཝནཱཡ ཨུཏྟརི མནུསྶ དྷམྨཔརིཡཱ པནྣཱ ¶ ཙིཏྟཙེཏསིཀརཱསི. ‘‘ཏཏྠ པནཱ’’ཏི ཝིབྷངྒེ ཏསྨིཾ ཨུཏྟརཙཱུལ༹བྷཱཛནཱིཡེ པན. ‘‘ཨིདྷཱ’’ཏི ཨིམསྨིཾ སངྒཧེ.

ཙཏྟཱརི སོཏཱཔཏྟིཡངྒཱནི ནཱམ བུདྡྷེ ཨཝེཙྩཔྤསཱདེན སམནྣཱགཏོ. དྷམྨེ, སངྒྷེ, ཨརིཡཀནྟེཧི སཱིལེཧི སམནྣཱགཏོཏི ཨེཝཾ ཝུཏྟཱནི སོཏཱཔཏྟིཡཱ ཨངྒཱནི. ཏཏྠ ‘‘ཨརིཡཀནྟེཧཱི’’ཏི ཨརིཡཛནེཧི ཀཱམིཏེཧི ཨིཙྪིཏེཧི. ‘‘སཱིལེཧཱི’’ཏི པཉྩནིཙྩསཱིལེཧི, ཨཱཛཱིཝཊྛམཀསཱིལེཧི ཝཱ. ‘‘སམྨཔྤདྷཱནེསཱུ’’ཏི སམྨཔྤདྷཱནཀིཙྩེསུ.

‘‘སོལ༹སཧིཀིཙྩེཧཱི’’ཏི ཨེཀེཀསྨིཾ སཙྩེ ཙཏྟཱརི ཙཏྟཱརི ཀཏྭཱ སོལ༹སཧི ཀིཙྩེཧི. པཱིལ༹ནཊྛོ, སངྑཏཊྛོ, ཏིཨཱདཱིཧི སོལ༹སཧི ཨཏྠེཧཱིཏི ཝུཏྟཾ ཧོཏི. ཏེ ཙ ཨཏྠཱ པརཏོ ཨཱགམིསྶནྟི. སཏི ཨེཝ སམྦོཛ྄ཛྷངྒོཏི ཝུཏྟཾ, ཀཐཾ པན སཱསཏི སམྦོདྷིཾ སམུཊྛཱཔེཏཱིཏི ཨཱཧ ‘‘སཱཧཱི’’ཏིཨཱདིཾ. ཨེསནཡོ སེསབོཛ྄ཛྷངྒེསུཔི. ‘‘ཏེསུ དྷམྨེསཱུ’’ཏི ཨཛ྄ཛྷཏྟབཧིདྡྷཱ དྷམྨེསུ. ‘‘ལཱིནསངྐོཙ ཀོསཛྫཔཀྑཾ’’ཏི ལཱིནཔཀྑ སངྐོཙ པཀྑཀོསཛྫ པཀྑཾ. དྷུརཾ སུཊྛུ པགྒཎྷཱཏི ཨུཀྑིཔཏཱིཏི དྷུརསམྤགྒཧོ. ‘‘དྷུརཾ’’ཏི སམཐདྷུརཾ ཝིཔསྶནཱ དྷུརཉྩ. ‘‘ཨརཏི ཨུཀྐཎྛ པཀྑཾ’’ཏི ཨརཏིཔཀྑ ནིབྦིདཱཔཀྑཾ. དྷམྨེ རཏི དྷམྨརཏི. དྷམྨེ ནནྡཱི དྷམྨནནྡཱི. དྷམྨེ ཨཱརཱམོ དྷམྨཱརཱམོ. ‘‘སཱརམྦྷོ’’ ནཱམ ཙིཏྟཝིཧེསཱ. ‘‘དརཐོ’’ ནཱམ ཙིཏྟསནྟཱཔོ. སམཱཧིཏོ བྷིཀྑཝེ ཡཐཱབྷཱུཏཾ པཛཱནཱཏི པསྶཏཱིཏི ཝཙནཏོ པཉྙཱཡ སམཱདྷི པཱདཀཏཱ པཱཀཊཱཏི ཝུཏྟཾ ‘‘ཏསྶཱ’’ཏིཨཱདིཾ. སམཾ ཨཝིསམཾ ཨཏྟནོ ཀིཙྩཾ ཝཧཏི སཱིལེནཱཏི སམཝཱཧཱི. སམཝཱཧིསྶ བྷཱཝོ སམཝཱཧིཏཱ.

སཱ པན ཙཏུབྦིདྷཱ ཧོཏཱིཏི སམྦནྡྷོ. ‘‘ཏསྶཱ’’ཏི སམྨཱདིཊྛིཡཱ. ‘‘ཝིསཱཁཱ’’ཏི ཨཱལཔན པདཾ. ‘སབྦེ ལོཀུཏྟརེ ཧོནྟཱི’ཏི ཝཙནསྶ སམྦནྡྷཾ དསྶེཏུཾ ‘‘ཏེ པན སཏྟཏིཾསཔྤབྷེདཱ’’ཏིཨཱདིམཱཧ. ན ཝཊྛཱནཱནི ཨསྶ ཨཏྠཱིཏི ནཝཊྛཱནིཀཾ. ‘‘ལོཀུཏྟརེ’’ཏི ལོཀུཏྟར ཙིཏྟེ. ‘‘ཨཏྟཔྤཊིཔཀྑཱནཾ’’ཏི ཨཏྟནཱ ཨུཛུཔྤཊིཔཀྑཱནཾ. ‘‘ཏེ’’ཏི བོདྷིཔཀྑིཡ དྷམྨཱ. ཨེཏེན དསྶེཏཱིཏི ¶ སམྦནྡྷོ. ‘‘ཀུཎྜལིཡཱ’’ཏི ཨེཝཾ ནཱམཀཾ བྲཱཧྨཎཾ ཨཱལཔཏི. ‘‘ཝིཛྫཱ’’ཏི མགྒཝིཛྫཱ. ‘‘ཝིམུཏྟཱི’’ཏི ཕལཝིམུཏྟི.

བོདྷིཔཀྑིཡཱནུདཱིཔནཱ ནིཊྛིཏཱ.

༡༦༥. སབྦསངྒཧེ. ‘‘པཉྩརཱསཡོ’’ཏི པཉྩསངྒཧཱ. ‘‘ཨཏཱིཏཱདིབྷེདབྷིནྣཱནཾ’’ཏི ཨཏཱིཏཱནཱགཏཔཙྩུཔྤནྣབྷེདེན, ཨཛ྄ཛྷཏྟ བཧིདྡྷཱབྷེདེན, ཨོལཱ༹རིཀསུཁུམབྷེདེན, ཧཱིནཔཎཱིཏབྷེདེན, དཱུརསནྟིཀབྷེདེན ཙ བྷིནྣཱནཾ. ‘‘ཨུཔཔཏྟི དྭཱརེསཱུ’’ཏི ཙཀྑཱདི དྭཱརེསུ. ‘‘ཀམྨདྭཱརེསཱུ’’ཏི ཀཱཡཀམྨདྭཱརཱདཱིསུ. ‘‘སངྒམྨཱ’’ཏི སངྒནྟྭཱ. ‘‘སམཱགམྨཱ’’ཏི སམཱགནྟྭཱ. ‘‘སཱདྷཱརཎ ཀིཙྩཱནི ཝཱ’’ཏི སབྦིརིཡཱཔཐེཧི སཱདྷཱརཎ ཀིཙྩཱནིཝཱ. པཱལི༹པཱཋེ. ‘‘ཀིཉྩཱ’’ཏི ཀསྨཱ ཙ. ‘‘སངྑཱརེཝདེཐཱ’’ཏི སངྑཱརཱ སངྑཱརཱ ཨིཏི ཏུམྷེ ཝདེཐ. ‘‘ཀིཉྩསངྑཏཾ’’ཏི ཀཏམཉྩསངྑཏཾ. ‘‘རཱུཔཾ རཱུཔཏྠཱཡཱ’’ཏི རཱུཔཝིཀཏིཡཱ ཛཱཏཏྠཱཡ རཱུཔསངྑཱཏཾ སངྑཏཾ ཨབྷིསངྑརོནྟཱིཏི ཨཏྠོ. ཨུཔབྷོགོ ནཱམ ཝཏྠཱབྷརཎཱདིཀོ ཨནྟོབྷོགོ. པརིབྷོགོ ནཱམ མཉྩཔཱིཋཱདིཀོ བཱཧིར པརིབྷོགོ. སམྤརཱཡིཀཉྩ ཝེདནནྟི ཨདྷིཀཱརོ. སེསེསུཔི སཉྙཱསངྑཱར ཝིཉྙཱཎེསུཔི. ‘‘དཱནཾ དཱནཏྠཱཡཱ’’ཏི དཱནཔུཉྙསྶ ཛཱཏཏྠཱཡ. དཱནསངྑཱཏཾ སངྑཏཾ ཨབྷིསངྑརོནྟཱིཏི ཨཏྠོ. ཨཐཝཱ དཱནསྶ ཨཏྠོ དཱནཏྠོ. ‘‘ཨཏྠོ’’ཏི ཙ ཝིཔཱཀཏྠོ ཕལཏྠོ. དཱནཝིཔཱཀཏྠཱཡ དཱནཕལཏྠཱཡ དཱནཔུཉྙསངྑཱཏཾ སངྑཏཾ ཨབྷིསངྑརོནྟཱིཏི ཨཏྠོ. ཨེཝཾ སེསེསུཔི. ‘‘ཨནུཡུཉྫནྟཱ’’ཏི ཝིཔསྶནཱ ཀམྨཾ ཨནུཡུཉྫནྟཱ. ‘‘ཏཱིསུ དྷམྨེསུ ཀིལམིསྶནྟཱི’’ཏི ཝུཏྟཾ. ཀཐཾ ཀིལམིསྶནྟཱིཏི ཨཱཧ ‘‘ཏཐཱཧི ཡཐཱ’’ཏིཨཱདིཾ. ‘‘སུཁསཉྙིཏེསུ པཊིསརཎེསཱུ’’ཏི ཙིཏྟསཱཏཙིཏྟརཏི པཊིལཱབྷཏྠཱཡ པཊིསརཎེསུ ཨཱརམྨཎེསུ. ‘‘ཏཱཧཱི’’ཏི སམྤཏྟཱིཧི. ‘‘ཏཱ’’ཏི སམྤཏྟིཡོ. པརམུཀྐཾསགཏཾ སུཁསཉྙིཏཊྛཱནཾ ཧོཏི. ཏསྨཱ ཏཏྠ དུཀྑཱནུཔསྶནཱཉཱཎཾ ཨཏིརེཀཏརཾ པཝཏྟེཏབྦནྟི ཏདཏྠཱཡ བྷགཝཱ ཏཾ ཝེདནཾ ཝིསུཾ ཨེཀཾ ཁནྡྷཾ ཀཏྭཱ ཁནྡྷ ¶ དེསནཾ དེསེཏཱིཏི ཨདྷིཔྤཱཡོ. ཨེསནཡོ པརཏྠཔི. ‘‘ཉཱཎསམྨཏཾ’’ཏི པུཐུཛྫནེཧི ཉཱཎསམྨཏཾ. ‘‘པརམཾ ཨཏྟཱནཾ ཀཏྭཱ’’ཏི ལོཀེ ཝིཉྙུཏྟཾ པརམཾ ཧོཏི, ཏསྨཱ ཝིཛཱནནཾ པརམཾ ཨཏྟཱནཾ ཀཏྭཱ. སེསམེཏྠ སུཔཱཀཊཾ. ‘‘ཡཏྠབྷུཉྫཏཱི’’ཏིཨཱདཱིསུ. ‘‘ཡཏྠ བྷུཉྫཏཱི’’ཏི ཡསྨིཾ བྷཱཛནེ བྷུཉྫཏི. ‘‘ཡཉྩ བྷུཉྫཏཱི’’ཏི ཡཉྩ བྷོཛནཾ བྷུཉྫཏི. ‘‘ཡེན ཙ བྷུཉྫཏཱི’’ཏི ཡེནབྱཉྫནེན བྷུཉྫཏི. ‘‘ཡོ ཙ བྷོཛཀོ’’ཏི སམཱིཔེ ཋཏྭཱ པརིཝེསཀོ. ‘‘ཡོ ཙ བྷུཉྫིཏཱ’’ཏི ཡོ ཙ བྷུཉྫཀོ.

‘‘སཱསཝཱ ཨེཝཱ’’ཏི སཱསཝཱ ནཱམ ལོཀིཡ དྷམྨཱ. ‘‘ཨུསྶཱཧནྟཱ ཝིཡ ཧོནྟཱི’’ཏི ཨབྱཱཔཱར དྷམྨཏྟཱ ཝུཏྟཾ. ན ཧི ཨབྱཱཔཱར དྷམྨཱནཾ ཨེཀནྟེན ཨུསྶཱཧོ ནཱམ ཨཏྠི. ཕལསྶ ནིབྦཏྟནཏོ ཕལཏྠཱཡ ཨུསྶཱཧནྟཱ ཝིཡ ཧོནྟཱིཏི. ‘‘ཨཱཀིརིཏྭཱ’’ཏི པཏྠརིཏྭཱ. སེསམེཏྠ སུབོདྷཾ.

དྷཱཏུསངྒཧེ. ‘‘ཨཏྟནོ ཨེཝ སབྷཱཝཾ’’ཏི ཨཏྟནོ སབྷཱཝཾ ཨེཝཱཏིཔི ཡུཛྫཏི. ‘‘ཨཱིཧཱ ཙ བྱཱཔཱརོ ཙཱ’’ཏི ཨབྷིཀྐམཱམི པཊིཀྐམཱམཱིཏིཨཱདིནཱ ཨུསྶཱཧོ ཙ, ཨབྷིཀྐམནཱདི བྱཱཔཱརོ ཙ. ‘‘ན ཙ ཛཱིཝཡོགཱ’’ཏི ན ཙ ལོཀིཡམཧཱཛན སམྨཏེན ཛཱིཝེན ཡུཏྟཱ. ཨཊྛཀཐཱཔཱཋེ. ཡཱཡཏི ཨེཏྠཱཏི ཡནྟཾ. ཨུདུཀྑལཾ. ཡནྟ ཙཀྐཡཊྛིནཱམ ཡནྟ ཙཀྐསམྦནྡྷཱ མུསལཡཊྛི. ཨརཎཱི ཝུཙྩཏི ཨགྒིནིབྦཏྟཀཏྠཱཡ ཀཏཱ དྭེ སཱརགྷཊིཀཱ. ཨདྷརཱརཎཱི ནཱམ ཧེཊྛཱརཎཱི. ཨུཏྟརཱརཎཱི ནཱམ ཨུདྡྷཱརཎཱི. ‘‘སལླམིཝཱ’’ཏི ཀཎྜོཝིཡ. ‘‘སཱུལམིཝཱ’’ཏི ཝིཛ྄ཛྷནཀདཎྜོ ཝིཡ. ‘‘ཨཱཏུརཱཝིཡཱ’’ཏི ཏེཧིསལླསཱུལེཧི ཝིདྡྷགིལཱནཱ ཝིཡ. ཨཡཐཱབྷུཙྩ ནིམིཏྟཾ ནཱམ ཨཡཐཱབྷཱུཏཾ སཏྟཔུགྒལཱདིནིམིཏྟཾ. ‘‘ཝནམིགོ ཝིཡཱ’’ཏི ཏིཎ རཱུཔེ པུརིས སཉྙཱལཱབྷོ ཝནམིགོ ཝིཡ. ‘‘ཨངྒཱརཀཱསུཡཾ’’ཏི ཨངྒཱརཀཱུཔེ. ‘‘ནཱནཱཝིདྷུཔདྡཝ ནིམིཏྟཏོ’’ཏི ནཱནཱཝིདྷཱནཾ ཨུཔདྡཝཱནཾ ཨུཔྤཏྟི པཙྩཡཏོ. ‘‘ཝནམཀྐཊོ ཝིཡཱ’’ཏི ཝནཝཱནརོ ཝིཡ. དུཀྑེན དམནཾ ཨསྶཱཏི དུདྡམནོ. ‘‘ཨསྶཁལུ༹ངྐོ’’ཏི དུཊྛ ཨསྶོ. ‘‘ཡཏྠ ཀཱམནིཔཱཏིཏོ’’ཏི ཡསྨིཾ ཡསྨིཾ ཨཱརམྨཎེ པཏིཏུཾ ཀཱམེཏི ཨིཙྪཏི, ཏཏྠ ཏཏྠ ནིཔཱཏིཏོ. པུགྒལཝསེ ¶ ཨཝཏྟིཏྭཱ ཨཱརམྨཎེསུ ཡདིཙྪཀཾ ནིཔཏནཏོཏི ཝུཏྟཾ ཧོཏི. ‘‘རངྒནཊོ ཝིཡཱ’’ཏི སམཛྫནཊཀོ ཝིཡ. སབྷཱཝཏོ ཨཏྠི སཾཝིཛྫཏཱིཏི སནྟོ. ཏཐོཏི ཙ ཨཝིཏཐོཏི ཙ ཨཏྠཏོ ཨེཀཾ. ཨཉྙོ པཀཱརོ ཨཉྙཐཱ. ནཏྠི ཨཉྙཐཱ ཨསྶཱཏི ཨནཉྙཐཾ. དུཀྑདུཀྑཾ ནཱམ ཀཱཡིཀདུཀྑ ཙེཏསིཀདུཀྑཾ. ‘‘ཀམྨཛཱནཾ’’ཏི ཝིཔཱཀཀྑནྡྷཀཊཏྟཱ རཱུཔཱནཾ. ‘‘ཨུཔྤཏྟིཡཱ’’ཏི ཨུཔྤཱདཏྠཱཡ. ‘‘པགེཝཱ’’ཏི པུརེཏརམེཝ. ‘‘ཨུཔྤནྣཾ པཱི’’ཏི ཨུཔྤནྣམྤི ཙཀྑུ. ‘‘པཝཏྟིཡཱ’’ཏི སནྟཱནཊྛིཏིཡཱ ཋིཏཏྠཱཡ. ‘‘པཊིཛགྒན དུཀྑཾ’’ཏི སོདྷན དུཀྑཾ. པཙྩཡཝེཀལླཾ ནཱམ ཨཱཧཱརཙྪེདཱདིཀཾ. ནནུ བྷིཛྫནབྷཡེན པགེཝ པཙྩཡསམྤཱདནཾ ནཱམ སངྑཱར དུཀྑམེཝ སིཡཱཏི. སཙྩཾ. ཨིདྷ པན ཨཱསནྣེ བྷིཛྫནནིམིཏྟཾ དིསྭཱ ཀཏཾ པཙྩཡ སམྤཱདནཾ ཨདྷིཔྤེཏཾ. ‘‘རཀྑཱཝརཎགུཏྟི སཾཝིདྷཱན དུཀྑཾ’’ཏི ནཱནཱབྷཡཏོ རཀྑཎསྶ ཙ ཨཱཝརཎསྶ ཙ གོཔནསྶ ཙ སཾཝིདྷཱན དུཀྑཾ. ‘‘ཏདུབྷཡེན སཧེཝ སིཛ྄ཛྷཏཱི’’ཏི ཀསིགོརཀྑཱདཱིནི སངྑཱར ཀམྨཱནི ཝཱ རཀྑཱཝརཎ གུཏྟིསཾ ཝིདྷཱནཱདཱིནིཝཱ ཀརོནྟཱནཾ ཏཾ དུཀྑ དུཀྑཾ ཏདུབྷཡེན དུཀྑེན སཧེཝ སིཛ྄ཛྷཏི. ‘‘ཏེསཾ’’ཏི ཙཀྑཱདཱིནི ཨསྶཱདེནྟཱནཾ ན མུཙྩཏཱིཏི སམྦནྡྷོ. ‘‘པཝཏྟི ནིརོདྷ བྷཱུཏསྶཱ’’ཏི པཝཏྟིཡཱ ནིརོདྷ བྷཱུཏསྶ. ‘‘ཏཾ པཛཧཏི ཡེཝཱ’’ཏི ཏཾ ལོབྷཾ པཛཧཏིཡེཝ. ‘‘ཡཱཝདེཝཱ’’ཏི ཨུཔརིམཔརིཡནྟེན. ཨཧཾ ཨསྨཱིཏི པཝཏྟོ མཱནོ ཨསྨིམཱནོ. ཏསྶ སམུགྒྷཱཏནཾ སམུཙྪིནྡནཾ. ‘‘པརིཉྙཱཏེསཱུ’’ཏི ཏེསུ ཨནུསཡིཏཱཡ ཏཎྷཱཡ པཧཱནཝསེན པརིཉྙཱཏེསུ. ‘‘ཏབྦིཔརཱིཏེན པནཱ’’ཏི ཏཏོ ཝིཔརཱིཏེན པན. ཨསྨིམཱནསྶ ཨནདྷིཊྛཱནབྷཱུཏཱཏིཨཱདི ཨཏྠེན. ཨནིནྡྲིཡབདྡྷ དྷམྨཱ ནཱམ པཐཝཱིཔབྦཏཱདཱིསུ པཝཏྟཱ རཱུཔ དྷམྨཱ.

སཏྟེ ཨནུཀྐཎྛམཱནེ ཀརོཏཱིཏི སམྦནྡྷོ. ‘‘ཨིཏཱི’’ཏི ཏསྨཱ. ཏེསཾ སཏྟཱནཾ. དུཛྫཧོ ནཱམ ནཏྠི. ཏསྨཱ ལོབྷོཡེཝ དུཀྑསམུདཡཱརིཡ སཙྩཾ ནཱམཱཏི ཡོཛནཱ. སཱསཝཱ ཀུསལཱ ཀུསལ དྷམྨཱ སམུདཡསཙྩཾ ནཱམ, དུཀྑ སཙྩབྷཱུཏཱནཾ ཝིཔཱཀཀྑནྡྷཀཊཏྟཱ རཱུཔཱནཾ སམུདཡཏྟཱ སཾཝཌྜྷནཏྟཱ. མཱུལབྷཱཝེན ཝུཏྟཱ ¶ ‘ཨཝིཛྫཱ པཙྩཡཱ སངྑཱརཱ’ཏིཨཱདཱིསུ. ‘‘ནནྡནསདིསཾ’’ཏི དེཝལོཀེ ནནྡནཝནུཡྻཱནསདིསཾ. ‘‘ཨཱདིཔབྷཝཔདྷཱནབྷཱུཏཱ’’ཏི དུཀྑ དྷམྨཱནཾ ཨཱདིབྷཱུཏཱ, པབྷཝབྷཱུཏཱ, པདྷཱནབྷཱུཏཱ. ‘‘པབྷཝབྷཱུཏཱ’’ཏི ཙ པཐམུཔྤཏྟིཧེཏུབྷཱུཏཱ. ‘‘ཏེསཾ’’ཏི དུཀྑ དྷམྨཱནཾ.

‘‘ཀཏྠཙཱི’’ཏི ཀཱམབྷཝཱདཱིསུ ཀིསྨིཉྩིབྷཝེ. ‘‘ཀདཱཙཱི’’ཏི ཨཏཱིཏཱདིཀཱལེསུ ཀིསྨིཉྩིཀཱལེ. ‘‘ཀེསཉྩཱི’’ཏི དེཝམནུསྶཱདཱིསུ སཏྟེསུ ཀེསཉྩིསཏྟཱནཾ. ‘‘ཀུཏོཙཱི’’ཏི བཧཱུསུཀཱརཎེསུ ཀུཏོཙིཀཱརཎཱ. ‘‘ཀཐཉྩཱི’’ཏི ཀེནཙིཔཀཱརེན.

‘‘པརིཎཱམོ’’ཏི པརིཎམནཾ ཨཉྙཐཱབྷཱཝོ. ‘‘ཏཾ སམངྒཱིནཾ’’ཏི ཏེཧི ཙཀྑཱདཱིཧི སམངྒཱིནཾ པུགྒལཾ. པཱལི༹པཱཋེ. ‘‘ཨཱདིཏྟཾ’’ཏིཨཱདཱིཔིཏཾ སམུཛྫལནྟཾ. ‘‘ཀེནཱ’’ཏི ཀརཎབྷཱུཏེན ཀེན ཨགྒིནཱ. ཏཐཱ ཨརིཡམགྒོ ཝིཔརིཎཱམ དྷམྨོ ཙ ཧོཏི. སོཝིཔརིཎཱམ དུཀྑེནཔི པུགྒལཾ བྷུསཾ པཱིལེ༹ཏིཡེཝཱཏི ཡོཛནཱ. ‘‘ནཱ’’ཏི ན སིཡཱ. སམནཾ ཝཱུཔསམནཾ སནྟི. སབྦདུཀྑཱནཾ སནྟཱིཏི ཝིགྒཧོ. སབྦཾ ཝཊྚདུཀྑནྟི སམྦནྡྷོ. ‘‘ཏསྶཱ’’ཏི ཨརིཡམགྒསྶ. ‘‘པཝཏྟམཱནཱ ཙཱ’’ཏི སནྟཏིཋིཏིཝསེན ཝཏྟམཱནཱ ཙ. ‘‘མཧནྟཾ པརིལཱ༹ཧདུཀྑཾ’’ཏི སོཀ པརིདེཝ དུཀྑ དོམནསྶུཔཱཡཱསཱནཾ པཝཏྟིཝསེན མཧནྟཾ པརིལཱ༹ཧ དུཀྑཾ. ནིབྦཱནསྶ ཨནུཔྤཱད དྷམྨཏྟཱ ཨུཔྤཱདཏྠཱཡ པཙྩཡོ ནཱམ ནཏྠི. ཏཐཱ ཨཔྤཝཏྟི དྷམྨཏྟཱ པཝཏྟཏྠཱཡ. སམྤཱཔུཎིཏབྦཏྟཱ པན སམྤཱཔནཏྠཱཡ པཙྩཡོ ཨཏྠཱིཏི ཨཱཧ ‘‘སམྤཱཔཀ པཙྩཡཱབྷིསངྑརཎལེསཾ’’ཏི. སམྤཱཔཀ པཙྩཡཱ ནཱམ ཨརིཡ མགྒོ ཙ ཏསྶ པཙྩཡཱ ཙ.

བྷཝཱབྷཝསངྑཱཏསྶ དུཀྑཀྑནྡྷསྶཱཏི སམྦནྡྷོ. ‘‘ཏདེཝཱ’’ཏི ཏཾ དུཀྑཀྑནྡྷཾ ཨེཝ. ཨནུཔུནཔྤུནཾ པདཱིཡཏེ ཨནུཔྤདཱནཾ. ‘‘ནིཡྻཱཏནཊྛོ’’ཏི ཧནྡ གཎྷཱཏི སམྤཊིཙྪཱཔནཊྛོ. ‘‘ཏཏོ’’ཏི ཝཊྚདུཀྑཏོ. ‘‘མུཙྩནཱུཔཱཡསྶཱ’’ཏི དཱནསཱིལནིཀྑམཱདིཀསྶ མུཙྩནཱུཔཱཡསྶ. ‘‘ནིསྶརཎཝིམུཏྟིཡཱ’’ཏི ནིསྶརཎ སངྑཱཏཱཡ ཝིམུཏྟིཡཱ. སངྑཱར དུཀྑསྶ ཨབྷཱཝཊྛོ. ‘‘སམྨོཧསྶ པཧཱནཝསེནཱ’’ཏི ཨེཏེན ཨིདྷ དསྶནཾ ནཱམ ཨིཏོ པཊྛཱཡ ཙཏཱུསུ སཙྩེསུ ཨསམྨོཧ བྷཱཝཔཏྟི ཨེཝ ཨཱལོཀཔཏྟི ཨེཝ ཝུཙྩཏཱིཏི དསྶེཏི ¶ . ཏེནཱཧ ‘‘པཊིཝིཛ྄ཛྷནཊྛོ’’ཏི. ཏཎྷཱཡ དཱསོ ཏཎྷཱདཱསོ. ཏཎྷཱདཱསསྶ བྷཱཝོ ཏཎྷཱདཱསབྱཾ. པརཝསཏོ ཝིམུཏྟིཝསེན ཨཔརཱདྷཱིནཏཱ བྷུཛིསྶབྷཱཝོ ནཱམ. ལོཀིཡམགྒཱཧི ཏཎྷཱདཱསབྱཾ ནཱཏིཝཏྟནྟི. ཏཎྷཱཝསཾ པཱུརཡམཱནཱ ཏཎྷཱཝིསཡཾ ཝིཔཱཀཾ ཛནེནྟི. ཨཡཾ ཨརིཡམགྒོ ཨེཝ ཏཎྷཱཡ ཨནཱརམྨཎབྷཱཝེ ཋིཏོ ཏཎྷཱདཱསབྱཾ ཨཏིཝཏྟཏི. ཏཎྷཱཝསཾ བྷིནྡམཱནོ ཏཎྷཱཡ ཨཝིསཡཾ ཝིཔཱཀཾ ཛནེཏཱིཏི ཨདྷིཔྤཱཡོ. ‘‘དུཀྑམུཏྟིཡཱ’’ཏི དུཀྑཏོ མུཙྩནཏྠཾ. ‘‘དུཀྑཝཌྜྷིཡཱ’’ཏི དུཀྑཝཌྜྷནཏྠཱཡ. སེསམེཏྠ སུབོདྷཾ. ‘‘ཁཡཝིརཱག ནིརོདྷ བྷཱུཏོ’’ཏི ཨེཏྠ ཀིལེས དྷམྨཱནཾ ཝིརཛྫནཾ ཝིགམནཾ ཨནྟརདྷཱནཾ ཝིརཱགོ. ‘‘ཨནཏྠ པདཱནཱི’’ཏི ཨཧིཏཔདཱནི. བྷཡཱདཱིནཝཔདཱནི. ‘‘དྭཱརཚཀྐཨཱརམྨཎ ཚཀྐབྷེདེནཱ’’ཏི དྭཱརཚཀྐཾ དྷམྨཱརམྨཎཾ ཧོཏི. ཨེཝཾསཏི, ཨཱརམྨཎ ཚཀྐནྟི ན ཝཏྟབྦཾ དྷམྨཱརམྨཎསྶ ཝིསུཾ གཧིཏཏྟཱཏི. ནོ ནཝཏྟབྦཾ. ཀསྨཱ, དྭཱརཚཀྐཏོ སེསཱནཾ དྷམྨཱརམྨཎཱནཾ ཨཏྠིཏཱཡཱཏི དསྶེཏུཾ ‘‘ཨེཏྠ ཙཱ’’ཏིཨཱདི ཝུཏྟཾ. པརཏོ ‘‘ཨེཏྠཔཱི’’ཏིཨཱདཱིསུ ཨེསེཝནཡོཏི.

སབྦསངྒཧཱནུདཱིཔནཱ ནིཊྛིཏཱ.

སམུཙྩཡསངྒཧདཱིཔནིཡཱཨནུདཱིཔནཱ ནིཊྛིཏཱ.

༨. པཙྩཡསངྒཧཨནུདཱིཔནཱ

༡༦༦. ཡེཧིཔཀཱརེཧི ¶ ཡཐཱ. ཏེསཾ ཝིབྷཱགོ ཏཾ ཝིབྷཱགོ. ཨཡཉྩནིདྡེསོ ཨེཀསེསནིདྡེསོ, ཝིཙྪཱལོཔནིདྡེསོཝཱཏི དསྶེཏུཾ ‘‘ཏེསཾ’’ཏིཨཱདིམཱཧ. ན སམེཏི. གཱཐཱཡཾ ‘ཡེསཾ’ཏིཨཱདིནཱ ཏཱིཧི-ཡ-སདྡེཧི དསྶིཏཱནཾ ཏིཎྞཾ ཨཏྠཱནཾ-ཏ-སདྡཏྠ སམྦྷཝཏོ. ཏ-སདྡཏྠཱནཉྩ ཨནུསནྡྷིཡཾ པརིཔུཎྞཾ ཀཏྭཱ ཝཏྟབྦཏོ. ‘‘སམུཔྤཛྫཏཱི’’ཏི སུཊྛུ པརིཔུཎྞཾ ཀཏྭཱ ཨུཔྤཛྫཏི, པཱཏུབྷཝཏི. ‘‘ཨཝིནཱ’’ཏི ཨཝིནཱ ཧུཏྭཱ. ‘‘སཧཛཱཏ དྷམྨེཧཱི’’ཏི ཨཝིཛྫཱ པཙྩཡཱ སངྑཱརཱཏིཨཱདཱིསུ སངྑཱརཱདཱིནཾ སཧཛཱཏ དྷམྨེཧི སཧེཝ ཨུཔྤཛྫནཾ. ‘‘ཀལཱཔཝསེནཱ’’ཏི སུདྡྷ དྷམྨ ཀལཱཔཝསེན. ‘‘སཱམཉྙ ལཀྑཎཾ’’ཏི སཱདྷཱརཎ ལཀྑཎཾ. ‘‘ཨཏྠོ’’ཏི ཨིདཔྤཙྩཡཏཱ སདྡསྶ ཨཏྠོ. ‘‘ཨཡམཏྠོ པཊིཀྑིཏྟོ’’ཏི ‘སམུཔྤཛྫནཾ སམུཔྤཱདོ’ཏི ཨཡཾབྷཱཝསཱདྷནཏྠོ པཊིཀྑིཏྟོ. ‘‘ཨཡམེཝཱ’’ཏི ཨཡཾ བྷཱཝསཱདྷནཏྠོ ཨེཝ. ཛརཱམརཎཾ སམྦྷཝཏཱིཏི ཡོཛནཱ. ‘‘ཨུཔྤཱདཱཝཱ ཏཐཱགཏཱནཾ’’ཏི སམྨཱསམྦུདྡྷཱནཾ ཨུཔྤཱདེཝཱ སཏི. ‘‘ཨནུཔྤཱདཱཝཱ’’ཏི ཨནུཔྤཱདེཝཱ སཏི. ‘‘ཋིཏཱཝ སཱདྷཱཏཱུ’’ཏི ཛཱཏིཡཱ སཏི ཛརཱམརཎསྶ པཝཏྟིསབྷཱཝོ ལོཀེ ཋིཏོཡེཝ. ཀཏམཱ པན སཱདྷཱཏཱུཏི ཨཱཧ ‘‘དྷམྨཊྛིཏཏཱ’’ཏིཨཱདིཾ. ཏཏྠ ‘‘དྷམྨཊྛིཏཏཱ’’ཏི ཀེནཙི ཨཀཏཱ སབྷཱཝཊྛིཏཏཱ. ‘‘དྷམྨནིཡཱམཏཱ’’ཏི སབྷཱཝནིཡཱམཏཱ. ‘‘ཏཏྲ ཏཐཏཱ’’ཏི ཏསྨིཾ སཱམཉྙལཀྑཎེ སངྑཏ དྷམྨཱནཾ ཏཐཏཱ. སཱམཉྙ ལཀྑཎམེཝ པཊིཙྩསམུཔྤཱདོ ནཱམཱཏི དསྶེཏི, ན ཨཝིཛྫཱདིཀོ པཙྩཡ དྷམྨོ. ཀསྨཱ, ཏེཧི ཝཙནེཧི དྷམྨནིཡཱམཏཱ མཏྟསྶ དསྶིཏཏྟཱ. ཨཝིཛྫཱདཱིནཾ དྷམྨ སརཱུཔཱནཾ ཨདསྶིཏཏྟཱ. ‘‘དྷམྨནིཡཱམཏཱམཏྟཾ’’ཏི ཙ ཡཐཱ ཝུཏྟསཱམཉྙ ལཀྑཎམེཝ ཝུཙྩཏི. ཡདི བྷཱཝསཱདྷནཾ ཨིཙྪེཡྻ, བྷཱཝསཱདྷནཾ ནཱམ ཀཏྟུརཧིཏཾ བྷཝེཡྻ. ཀཏྟུརཧིཏེ ཙ སཏི, ཀཐཾ པཊིཙྩ ཀྲིཡཱཡ སམཱནཀཏྟུཀཏཱ ལབྦྷཏི. ཨལདྡྷེ ཙ སམཱནཀཏྟུཀཏྟེ ཀཐཉྩ པུབྦཀཱལེཏྭཱ ¶ པཙྩཡསམྦྷཝོཏི. ཨཡཾ བྷཱཝསཱདྷནཾ ཨིཙྪནྟསྶ བྱཉྫནཡུཏྟིཝིརོདྷོ. ཏཾ པརིཧརནྟོ ན ཙེཏྠཱཏིཨཱདིམཱཧ. གམྦྷཱིརོཙཱནནྡ པཊིཙྩསམུཔྤཱདོ གམྦྷཱིརཱཝ བྷཱསོཙཱཏི བྷགཝཏཱ ཝུཏྟཾ. བྷཱཝསཱདྷནེ ཙ ཀཏེ ཨུཔྤཛྫན ཀྲིཡཱམཏྟཾ ནཱམ ཝིསུཾ ཨེཀོ དྷམྨོ ན ཧོཏཱིཏི ཀཐཾ ཏཾ གམྦྷཱིརཾ སིཡཱཏི. ཨཡཾ བྷཱཝསཱདྷནཾ ཨིཙྪནྟསྶ གམྦྷཱིརཝཙན ཝིརོདྷོ. ཏཾ པརིཧརནྟོ ‘‘སངྑཏ དྷམྨེསུ ཙཱ’’ཏིཨཱདིམཱཧ. ཨཔི ཙ སངྑཏ ལཀྑཎཾ ནཱམ སངྑཏ དྷམྨཏོཔི གམྦྷཱིརཾ ཧོཏི. ཏཐཱཧི ཙིཏྟཾ ནཱམ སངྑཏ དྷམྨོ. ཏཉྩ ཨཏྠི མེཙིཏྟཾ ནཱམཱཏི སཏྟཱནཾ པཱཀཊཾ ཧོཏི. ཏསྶ པན ཨནིཙྩཏཱ སངྑཱཏཾ སངྑཏ ལཀྑཎཾ ཨཔཱཀཊཾ ཧོཏི སུཊྛུ སནྟཏིཡཱ པཊིཙྪནྣཾ. ཏཐཱ ཝེདནཱ ནཱམ སུཁཱཝཱ དུཀྑཱཝཱ སངྑཏ དྷམྨོ. སཱ ཙ ཨཏྠི མེཝེདནཱཏི སཏྟཱནཾ པཱཀཊཱ ཧོཏི. ཏསྶཱ པན ཨནིཙྩཏཱ སངྑཱཏཾ སངྑཏ ལཀྑཎཾ ཨཔཱཀཊཾ ཧོཏི སུཊྛུ སནྟཏིཡཱ པཊིཙྪནྣཾ. ཨེཝཾ སེསེསུ ནཱམདྷམྨེསུ ཙ རཱུཔདྷམྨེསུ ཙ. ཡཏོ སཏྟསུ ཝིསུདྡྷཱིསུ སངྑཏ དྷམྨ ཝཝཏྠཱན སངྑཱཏཾ དིཊྛིཝིསུདྡྷིཉཱཎཉྩ ཨཝིཛྫཱདིཔཙྩཡ པརིགྒཧ སངྑཱཏཾ ཀངྑཱཝིཏརཎ ཝིསུདྡྷིཉཱཎཉྩ པཐམཾ སམྤཱདེཏྭཱ པཙྪཱ དསཝིདྷཱནི སངྑཏ ལཀྑཎཱནུཔསྶནཱ ཉཱཎཱནི སམྤཱདེཏབྦཱནི ཧོནྟཱིཏི. ཡཐཱ ཙ ཨནིཙྩཏཱ སངྑཱཏཾ སངྑཏ ལཀྑཎཾ སངྑཏ དྷམྨཏོ གམྦྷཱིརཾ ཧོཏི. ཏཐཱ ཨིདམྤི པཊིཙྩསམུཔྤཱད སངྑཱཏཾ སངྑཏ ལཀྑཎཾ སངྑཏ དྷམྨཏོ གམྦྷཱིརཾ ཧོཏཱིཏི དཊྛབྦཾ.

‘‘ཏབྦྷཱཝབྷཱཝཱིབྷཱཝོ’’ཏི ཨེཏྠ བྷཝཏི སཾཝིཛྫཏཱིཏི བྷཱཝོ. སོ སོ ཨཝིཛྫཱདིཀོ བྷཱཝོ ཏབྦྷཱཝོ. ཏབྦྷཱཝེ བྷཝནྟི སམྦྷཝནྟི སཱིལེནཱཏི ཏབྦྷཱཝབྷཱཝིནོ. སངྑཱརཱདཡོ. ‘‘བྷཱཝོ’’ཏི ཨུཔྤཏྟིཀཱརཎཾ. ཏབྦྷཱཝབྷཱཝཱིནཾ བྷཱཝོཏི ཏབྦྷཱཝབྷཱཝི བྷཱཝོཏི ཨིམམཏྠཾ དསྶེནྟོ ‘‘ཏསྨིཾ ཏསྨིཾ’’ཏིཨཱདིམཱཧ. ཨཔི ཙ ‘‘བྷཱཝོ’’ཏི ཝིཛྫམཱནཏཱ ཝུཙྩཏི. ཏསྶ ཏསྶ པཙྩཡ དྷམྨསྶ བྷཱཝོཏི ཏབྦྷཱཝོ. ཏབྦྷཱཝེ སཏི བྷཝནྟི སམྦྷཝནྟི དྷམྨཏཱཡཱཏི ཏབྦྷཱཝབྷཱཝིནོ. ཏེསཾ བྷཱཝོཏིཔི ཡུཛྫཏིཡེཝ. ‘‘ཧེཏྭཱདི པཙྩཡ སཏྟིནིཡཱམཾ’’ཏི ཧེཏུཔཙྩཡོ, ཨཱརམྨཎ པཙྩཡོ, ཏིཨཱདཱིསུ ཧེཏུསདྡ ཨཱརམྨཎ སདྡཱདཡོ ལོབྷཱདཱིནཾ རཱུཔཱརམྨཎཱདཱིནཉྩ ¶ དྷམྨཱནཾ ཏཾ ཏཾ པཙྩཡ སཏྟིཝིསེསཾ དཱིཔེནྟི. ཏེསཉྩ སོ སོ པཙྩཡ སཏྟིཝིསེསོ ཝིསུཾ དྷམྨནིཡཱམོ ཧོཏི, ཨེཝཾ ཧེཏྭཱདི པཙྩཡསཏྟིནིཡཱམཾ ནིཝཏྟེཏི. ‘‘ཏཐཱ ཏཐཱ’’ཏི མཱུལཊྛགོཙརཝིསཡཊྛཱདིཀེན ཏེན ཏེན པཙྩཡཱཀཱརེན. སོ ཧི ཝུཙྩཏཱིཏི སམྦནྡྷོ. ‘‘པཙྩཡ དྷམྨུདྡྷཱར མཏྟེ ཨཋཏྭཱ’’ཏི པཙྩཡ དྷམྨཱནཾ ནཱམ སཉྙཱཝསེན ཨུདྡྷརཎམཏྟཾ ཨཀཏྭཱཏི ཨདྷིཔྤཱཡོ. ‘‘ཨཱཧཙྩཱ’’ཏི ཨཱཧནིཏྭཱ ཏཾ ཏཾ པཙྩཡསཏྟི ཝིསེསཾ པཱཔེཏྭཱཏི ཨཏྠོ. ཏེནཱཧ ‘‘མཏྠཀཾ པཱཔེཏྭཱ’’ཏི. པཙྩཡསཏྟི ཝིསེསོ ཧི ཧེཏུཕལདཱིཔནེ ཏཏོ ཨུཏྟརི ཝཏྟབྦ ཀིཙྩཱབྷཱཝཏོ མཏྠཀཾ ནཱམ ཧོཏཱིཏི. ‘‘ཨནོསཀྐམཱནཱ’’ཏི ཨནིཝཏྟམཱནཱ. ‘‘ཨེཏཱཡཱ’’ཏི པཙྩཡ སཏྟིཡཱ. པཔཉྩེནྟེ ཨཱཙརིཡེ.

ཨེཏསྨཱ ཀཱརཎཱ ཕལཾ ཨེཏདེཝ པཊིཙྩ ཨནཱགཏཔཀྑཏོ པཙྩུཔྤནྣཔཀྑཾ ཨཱགཙྪཏི པཱཏུབྦྷཝཏཱིཏི པཙྩཡོ. ཨུཔྤཏྟིཀཱརཎཾ པཝཏྟིཀཱརཎཉྩ. ཏཏྠ ཨུཔྤཏྟིཀཱརཎཾ ཛནཀཔཙྩཡོ. པཝཏྟིཀཱརཎཾ ཨུཔཏྠམྦྷཀ པཙྩཡོ. ‘‘ཨེཏེནཱ’’ཏི ཧེཏུནཱ. ‘‘ཀཱཡཝཙཱི མནོཀམྨཾ’’ཏི ཨེཏྠ ‘‘ཀམྨཾ’’ཏི ཀྲིཡཱཝུཙྩཏི, གམན ཋཱན ནིསཛྫསཡནཱདིཀཾ ཀཱཡིཀ ཀྲིཡཉྩ. ཨཱལཱཔ སལླཱཔ ཀཐན སཛ྄ཛྷཱཡན གཱཡནཱདིཀཾ ཝཱཙསིཀ ཀྲིཡཉྩ. ཝིཛཱནན ཙིནྟན ཝཱིམཾསནཱདིཀཾ མཱནསིཀ ཀྲིཡཉྩ. ‘‘ཨབྷིསངྑརོནྟཱི’’ཏི ཨབྷིནིཔྥཱདེནྟི. ‘‘ཨེཏེཧཱི’’ཏི ཨེཏེཧི ལོཀིཡཀུསལཱ ཀུསལ ཙེཏནཱ དྷམྨེཧི. ཨཔི ཙ སངྑརོནྟི སཏྟཱ ཨེཏེཧཱིཏི སངྑཱརཱ. ‘‘སངྑརོནྟཱི’’ཏི ཀིཾ སངྑརོནྟི. ཨཏྟབྷཱཝཾ སངྑརོནྟི. བྷཝཱབྷཝཾ སངྑརོནྟི. དིཊྛདྷམྨིཀམྤི ཨཏྠཾ ཝཱ ཨནཏྠཾ ཝཱ སངྑརོནྟི. སམྤརཱཡིཀམྤི ཨཏྠཾ ཝཱ ཨནཏྠཾ ཝཱ སངྑརོནྟཱིཏིཨཱདིནཱ. ཙཀྑུམྤི སངྑརོནྟི, སོཏཾཔི སངྑརོནྟཱིཏིཨཱདིནཱ. དསྶནམྤི སངྑརོནྟི, སཝནམྤི སངྑརོནྟཱིཏིཨཱདིནཱ ཙ ཝཏྟུཾ ཝཊྚཏིཡེཝ. ‘‘ཝིཛཱནཱཏཱི’’ཏི ཝིཝིདྷེན ཛཱནཱཏི. བྷཱུཏེནཔི ཛཱནཱཏི, ཨབྷཱུཏེནཔི ཛཱནཱཏི. ‘‘ནམཏཱི’’ཏི གོཙར ཝིསཡཏྠཱཡ ནམཏི. ‘‘རུཔྤཏཱི’’ཏི ཀུཔྤཏི, ཁོབྷཏི. ‘‘ཕུསཏཱི’’ཏི སཾཧནཏི. ‘‘ཝེདཡཏཱི’’ཏི ཝིདིཏཾ ཀརོཏི. ཏཾ ཏཾ ཨཱརམྨཎཾ ལགྒནཝསེན བྷུསཾ ནཧཏི བནྡྷཏི, མུཉྩིཏུཾ ན དེཏཱིཏི ཏཎྷཱཏིཔི ཡུཛྫཏི. ‘‘ཨུཔཱདིཡཏཱི’’ཏི ¶ དལ༹ྷཾ གཎྷཱཏི. ཏེནཱཧ ‘‘ཨམུཉྩགྒཱཧཾ གཎྷཱཏཱི’’ཏི. བྷཝཏཱིཏི བྷཝོ. ཨུཔཔཏྟིབྷཝོ. བྷཝནྟི ཨེཏེནཱཏི བྷཝོ. ཀམྨབྷཝོ. ‘‘ཛནནཾ’’ཏི ཨབྷིནཝསྶ པཱཏུབྦྷཝནཾ. ‘‘ཛཱིརཎཾ’’ཏི ཨབྷིནཝབྷཱཝཏོ ཧཱཡནཾ. ‘‘སོཙནཾ’’ཏི ཙིཏྟསནྟཱཔནཾ. ‘‘པརིདེཝནཾ’’ཏི རོདནཾ. ‘‘དུཀྑཾ’’ཏི ཀཱཡརུཛྫནཾ. ‘‘དོམནསྶཾ’’ཏི ཙིཏྟརུཛྫནཾ. ‘‘ཝིསཱིདནཾ’’ཏི བཱལ༹ྷཾ ཙིཏྟཀིལམཐབྷཱཝེན ཝིརཱུཔཾ ཧུཏྭཱ ཙིཏྟསྶསཱིདནཾ. ཐཱམབལཁིཡྻནཾ. ཡཏོ ཨསྶཱསཔསྶཱསཱནཾ ཝིརཱུཔཔྤཝཏྟིཝཱ ཏངྑཎེ སབྦསོ ཨུཔརུཛ྄ཛྷནཾ ཝཱ ཧོཏཱིཏི. ‘‘ཀེནཙི སུཁེནཱ’’ཏི དུཀྑསཙྩཏོ ཝིམུཏྟེན ཀེནཙི སནྟིསུཁེན.

‘‘དུཀྑཔྤཊིཙྪཱདིཀཱ’’ཏི བྷཡཊྛེན དུཀྑབྷཱུཏཱནཾ ཏེབྷཱུམིཀ དྷམྨཱནཾ དུཀྑབྷཱཝཔྤཊིཙྪཱདིཀཱ. ‘‘སམུདཡཔྤཊིཙྪཱདིཀཱ’’ཏི ཏཎྷཱཡ དུཀྑ སམུདཡ བྷཱཝཔྤཊིཙྪཱདིཀཱ. ‘‘ནིརོདྷཔྤཊིཙྪཱདིཀཱ’’ཏི ཏཎྷཱནིརོདྷསྶེཝ དུཀྑནིརོདྷ བྷཱཝཔྤཊིཙྪཱདིཀཱ. ‘‘མགྒཔྤཊིཙྪཱདིཀཱ’’ཏི ཨཊྛངྒཱིཀ མགྒསྶེཝ དུཀྑནིརོདྷ མགྒབྷཱཝཔྤཊིཙྪཱདིཀཱ. པུབྦནྟོ ཝུཙྩཏི ཨཏཱིཏེཀཱལེ བྷཝཔརམྤརཱ. ཨཔརནྟོ ཝུཙྩཏི ཨནཱགཏེ བྷཝཔརམྤརཱ. པུབྦནྟཱ པརནྟོ ཝུཙྩཏི ཏདུབྷཡཾ. ‘‘པཊིཙྩསམུཔྤཱདཔྤཊིཙྪཱདིཀཱ’’ཏི པཙྩུཔྤནྣབྷཝེ ཁནྡྷཱནཾ པཊིཙྩསམུཔྤཱདཔྤཊིཙྪཱདིཀཱ. ‘‘སུཏྟནྟིཀནཡེནཱ’’ཏི ཨབྷིདྷམྨེཔི ཝིབྷངྒེ སུཏྟནྟ བྷཱཛནཱིཡཾ ནཱམ ཨཱགཏཾ. ཏེན སུཏྟནྟ བྷཱཛནཱིཡནཡེན. སཱསཝཱ ཀུསལཱ ཀུསལ ཙེཏནཱ སངྑཱརཱ ནཱམཱཏི ཡོཛནཱ. ‘‘ཨབྷིདྷམྨནཡེནཱ’’ཏི ཝིབྷངྒེ ཨབྷིདྷམྨབྷཱཛནཱིཡནཡེན. ཨཊྛཀཐཱཔཱཋེ. ཨཝིཛྫཱ ཀིརིཡ དྷམྨཱནཾ ནེཝ ཨུཔནིསྶཡ པཙྩཡཏྟཾ ལབྷཏི. ཀུསལཱ ཀུསལམཱུལཱནི ཀིརིཡ དྷམྨཱནཾ ན ཨུཔནིསྶཡ པཙྩཡཏྟཾ ལབྷནྟཱིཏི ཡོཛནཱ. ཀིརིཡ དྷམྨཱ ཨཝིཛྫཱཏོ ཙ ཀུསལཱ ཀུསལ མཱུལེཧི ཙ ཨུཔནིསྶཡ པཙྩཡཾ ན ལབྷནྟཱིཏི ཝུཏྟཾ ཧོཏི. ‘‘པཙྩཡཱཀཱརོ’’ཏི པཊིཙྩ སམུཔྤཱདོ. ‘‘ཨཝིཛྫཱཝིརཱགཱ’’ཏི ཨཝིཛྫཱ ཝིགམནཏོ. ཏེསཾཔིཀིརིཡ དྷམྨཱནཾ. ཝིཉྙཱཎཱདཱིསུཔི ཀིརིཡ ཝིཉྙཱཎཾ, ཀིརིཡ ནཱམཾ, ཀིརིཡ མནཱཡཏནཾ, ཀིརིཡཕསྶོ, ཀིརིཡ ཝེདནཱཏི ཨཏྠིཏཱཡ ‘‘ཨེསནཡོ ཝིཉྙཱཎཱདཱིསུཔཱི’’ཏི ཝུཏྟཾ. ‘‘ཀུསལཱ ཀུསལ ཝིཔཱཀསམྤཡུཏྟཾ’’ཏི ཀུསལ ཝིཉྙཱཎ སམྤཡུཏྟཾ, ཨཀུསལཝིཉྙཱཎསམྤཡུཏྟཾ ¶ , ཝིཔཱཀ ཝིཉྙཱཎ སམྤཡུཏྟཾ. ‘‘ཏཾ ཨནུཔཔནྣཾ’’ཏི པཝཏྟིཝིཔཱཀཝིཉྙཱཎ སཧགཏསྶ ཁནྡྷཏྟཡསྶ ཏཾ སཧཛཱཏསྶ ཙིཏྟཛརཱུཔསྶ ཙ ཨཝསིཊྛཏྟཱ ཏཾ ན སམྤནྣཾཏི ཨཏྠོ. ཏཏྠ ཧི ཝིཉྙཱཎཔདེ པཝཏྟིཝསེན དྭཏྟིཾསཝིདྷཾ ཝིཔཱཀཙིཏྟཾ ཝིཉྙཱཎཾ ནཱམཱཏི ཝུཏྟཾ. ཨེཝཉྩསཏི, ནཱམ རཱུཔཔདེཔི པཝཏྟིཝསེན ཏདུབྷཡཾ པཝཏྟིཝིཉྙཱཎསཧགཏཾཔི གཧེཏབྦམེཝཱཏི. ‘‘ཏཾ ཏཾ ཝིཉྙཱཎ སམྤཡུཏྟཱ’’ཏི པཊིསནྡྷིཝིཉྙཱཎ པཝཏྟི ཝིཉྙཱཎསམྤཡུཏྟཱ. ‘‘ཏཎྷུཔཱདཱནཱནིཔཱཀཊཱནཱི’’ཏི ཚ ཏཎྷཱ རཱུཔཏཎྷཱ སདྡཏཎྷཱདིཝསེན. ཙཏྟཱརི ཨུཔཱདཱནཱནི ཀཱམུཔཱདཱནཱདིཝསེནཱཏི ཨེཝཾ པཱཀཊཱནིཡེཝ. ‘‘ལཀྑཎམཏྟཱནཱི’’ཏི སངྑཏ དྷམྨཱནཾ སངྑཏབྷཱཝསལླཀྑཎ ནིམིཏྟམཏྟཱནི. ‘‘ཉཱཏིབྱསནཱདཱིཧཱི’’ཏི ཉཱཏིཝིནཱསནཱདཱིཧི. ‘‘ཉཱཏིབྱསནཱདིནིམིཏྟཾ’’ཏི ཉཱཏིཝིནཱསནཱདིཀཱརཎཱ.

‘‘ཁནྡྷདུཀྑེ’’ཏི པཙྩཀྑནྡྷསངྑཱཏེ དུཀྑསཙྩེ. ཁནྡྷཔྤཝཏྟི མགྒོ ནཱམ ཏཎྷཱསམུདཡོ ཨེཝ. ཁནྡྷནིརོདྷ མགྒོ ནཱམ ཨརིཡམགྒོ. ‘‘ཁནྡྷ སམུདཡབྷཱུཏཱ’’ཏི ཁནྡྷཔྤཝཏྟིཡཱ ཀཱརཎབྷཱུཏཱ. ‘‘ཨཝིཛྫཱནི ཝུཊཱནཾ’’ཏི ཨཝིཛྫཱཡནཱིཝཱརིཏཱནཾ པིཧིཏཱནཾ. ‘‘ཨཔྤཧཱིན བྷཝཱབྷིལཱསཱནཾ’’ཏི མགྒེན ཨཔྤཧཱིན བྷཝཔཏྠནཱནཾ. ཨཔྤཧཱིནབྷཝཏཎྷཱནནྟི ཝུཏྟཾ ཧོཏི. ‘‘ཝིབནྡྷོ’’ཏི ཨནྟརཱཡོ. ‘‘ཨུདཡབྷཱུཏཱནཾ’’ཏི ཝཌྜྷིབྷཱུཏཱནཾ. ‘‘ཨཝསྶཡོ’’ཏི ནིསྶཡོ. སུཁཝེདནཱ ཝིསེསཏོ ཏཎྷཱཡ པཙྩཡོ ཧོཏཱིཏི ཝུཏྟཾ ‘‘སུཁཝེདནཱསདིསོ’’ཏིཨཱདི. དོམནསྶཱནཾ པན ཏསྶཱ པཙྩཡབྷཱཝོ པརཏོ པརིཡེཊྛིཏཎྷཱཡཾ པཱཀཊོ བྷཝིསྶཏི. ཨུཔེཀྑཱ ཝེདནཱཔི དུཀྑེན པཱིལི༹ཏསྶ སུཁཋཱནེ ཏིཊྛཏི. སུཁཾ ཝིཡ ཏཾ པཏྠེཏཱིཏི. སམུདཱ ཙརིཏྭཱ པརིཙཡིཏྭཱ. ‘‘ཏཎྷཱ ཨེཝཱ’’ཏི ཀཱམཏཎྷཱ ཨེཝ. ‘‘ཨཏྟནི ཙཱ’’ཏི དིཊྛིཡཉྩཱཏི ཨདྷིཔྤཱཡོ. ‘‘ཨཏྟནོ ཨཱརམྨཎེསཱུ’’ཏི ཨཏྟ ཛཱིཝ ལོཀཱདཱིསུ དིཊྛིཡཱགཧིཏཱ རམྨཎེསུ. ‘‘ཨསྶཱདན ཁམནརོཙནབྷཱུཏཱཡཱ’’ཏི སཱདྷུཝཏཱཡཾ མམདསྶནནྟི ཨེཝཾ རཛྫན ཏུསྶན ཀནྟིབྷཱུཏཱཡ. ‘‘ཨུཔཱདཱནཱིཡསྶཱ’’ཏི དལ༹ྷཾ གཧེཏབྦསྶ. ‘‘ཨཏྠསྶཱ’’ཏི ཨཏྟནོ ཨཏྟཱདིཀསྶ ཨཏྠསྶ. གཱཐཱཡཾ ¶ .‘‘བྷཝཾ ཧོཏཱི’’ཏི བྷཝནྟོ ཝཌྜྷནྟོ ཧོཏི. ‘‘པརཱབྷཝོ’’ཏི ཝིནཱསནྟོ.

‘‘ཨདྡྷཱནཝནྟེ དྷམྨེ’’ཏི ཏེཀཱལིཀསངྑཏ དྷམྨེ. ཨཔཏམཱནེ ཀཏྭཱཏི པཱཋསེསོ. ཡཐཱ ཨུཔཱདཱནཾཏི དིསྭཱ ཨུཔཱདཱརཱུཔཾཏི པདེ ཨཱདཱསདྡོ ཝིཉྙཱཡཏི. ན ཨུཔུབྦ པདསདྡོ. ཨིཏརཐཱ ཨུཔཱདཱནནྟི ནསིཛ྄ཛྷཏི. ཨེཝཾ ཨདྡྷཱ, ཨདྡྷཱན, པདེསུཔི. ཏེནཱཧ ‘‘ཨདྡྷཱནཾ’’ཏི ནསིཛ྄ཛྷཏཱིཏི. སཾཁིཔནྟི ཝཱིསཏཱཀཱརཱ ཨེཏེསཱུཏི སངྑེཔཱ. སངྒཧཱ. ‘‘ཝཊྚདྷམྨཱ’’ཏི སངྑཱརཱདཡོ དྷམྨཱ. ‘‘ཨེཏྠཱ’’ཏི ཨེཏཱསུ ཨཝིཛྫཱཏཎྷཱསུ. ཀཐཾ ཏིཊྛནྟཱིཏི ཨཱཧ ‘‘ཏདཱཡཏྟཝུཏྟིཏཱཡཱ’’ཏི. ‘‘པཏིཊྛཱ’’ཏི སུཔྤཏིཊྛིཏཊྛཱནཱནི. ‘‘པབྷཝཱ’’ཏི ཝཊྚདྷམྨཔརམྤརཔྤཝཏྟིཡཱ མཱུལ པདྷཱན ཀཱརཎཱནི. ཏཏྠ ཧེཏུ ཙ དེསེཏབྦོ ཧོཏི. ཨིཏརཐཱ ཨིསྶརནིམྨཱནདིཊྛི ཨཧེཏུཀ དིཊྛཱིནཾ ཨོཀཱསོ སིཡཱཏི. ཕལཉྩ དེསེཏབྦཾ ཧོཏི. ཨིཏརཐཱ ཨུཙྪེདདིཊྛིཡཱ ཨོཀཱསོ སིཡཱཏི. ‘‘ཨདྡྷུནོ’’ཏི དཱིགྷཀཱལསྶ. ‘‘ནིཝཏྟེཏཱི’’ཏི སམུཙྪིནྡཏི. ‘‘ཨཧེཏཱུ ཨཔཙྩཡཱ སཏྟཱ པཝཏྟནྟཱི’’ཏི པུབྦཧེཏུརཧིཏཱ པུབྦཔཙྩཡརཧིཏཱ ཧུཏྭཱ ཨིམེསཏྟཱ པཝཏྟནྟི. ‘‘ཨཝིཛྫཱདཱིཧི སཱདྷེཏབྦོ ན ཧོཏཱི’’ཏི བྷཝཔརམྤརཱསུ ནིཙྩོ ཧུཏྭཱ སནྡྷཱཝནྟསྶ ཨཝིཛྫཱདཱིཧི ཀཏྟབྦ ཀིཙྩཾ ན ཧོཏཱིཏི ཨདྷིཔྤཱཡོ. ‘‘ཀེསཉྩི ན སམྦྷཝནྟིཡེཝཱ’’ཏི ཨནཱགཱམཱིནཾ ཨརཧནྟཱནཉྩ ན སམྦྷཝནྟིཡེཝ. མཧཱཨཱདཱིནཝརཱསིདསྶནཏྠཾ སོཀཱདིཝཙནཾ ཧོཏཱིཏི ཡོཛནཱ. ‘‘ཏེསཾ’’ཏི ཨཉྙེསཾ པཙྩཡཱནཾ. ‘‘ལདྡྷཱ’’ཏི ཨཏྠཏོ ལདྡྷཱ. ‘‘ཏདཝིནཱབྷཱཝིབྷཱཝལཀྑཎེནཱ’’ཏི ཨེཏྠ ཏེན ཏེན པཙྩཡེན ཨཝིནཱབྷཱཝཱིནཾ བྷཱཝོ, སོ ཨེཝ ལཀྑཎནྟི ཝིགྒཧོ. ‘‘པརཏྠ པཱི’’ཏི ཨིཏོ པརེསུ ཏཎྷུཔཱདཱན བྷཝགྒཧཎེནཱཏིཨཱདཱིསུཔི. ‘‘ཨཱདིཏོ’’ཏིཨཱདིམྷི. ཝིབྷཱཝནིཔཱཋེ. ‘‘ཀིལེསབྷཱཝསཱམཉྙཏོ’’ཏི ཀིལེསབྷཱཝེན སམཱནཏྟཱ སདིསཏྟཱ. ‘‘ལཀྑིཏབྦ དྷམྨེཧཱི’’ཏི ཝིཉྙཱཎཱདཱིཧི. ‘‘པཐམེན དུཏཱིཡསྶཱ’’ཏི པཐམསངྑེཔེན སདྡྷིཾ དུཏཱིཡསྶ སངྑེཔསྶ ཨེཀཱ སནྡྷཱིཏིཨཱདིནཱ ཡོཛེཏབྦཾ. ‘‘ལོཀསྶ པཱཀཊ ཝོཧཱརེནཱ’’ཏི ¶ ཀིལེསདྷམྨཱ ཀམྨདྷམྨཱ ཙ ལོཀེ ཧེཏཱུཏི པཱཀཊཱ ཧོནྟི. ཝིཔཱཀདྷམྨཱ པན ཕལནྟི པཱཀཊཱ. ཨེཝཾ ལོཀེ པཱཀཊ ཝོཧཱརེན. ཨིདྷ པན ཀིལེསདྷམྨཀམྨདྷམྨཱ ཝཱ ཧོནྟུ, ཝིཔཱཀདྷམྨཱ ཝཱ, ཡོ ཡོ པཙྩཡཔཀྑེ ཋིཏོ, སོ སོ ཧེཏཱུཏིཔི ཝཏྟབྦོཡེཝ. ཡོ ཡོ པཙྩཡུཔྤནྣ པཀྑེ ཋིཏོ, སོ སོ ཕལནྟིདསྶེནྟོ ‘‘ཧེཏུཕལསདྡཱཔནཱ’’ཏིཨཱདིམཱཧ. ཨཊྛཀཐཱ པཱཋེ. ‘‘སཛྫནྟསྶཱ’’ཏི སཾཝིདཧནྟསྶ. ‘‘ཨཱཡཱུཧན སངྑཱརཱ ནཱམཱ’’ཏིཨཱདིཏོ པཊྛཱཡ སམུཙྩཡནསངྑཱརཱ ནཱམ. ‘‘དཀྑིཎཾ’’ཏི དཱནཝཏྠུཾ. དཀྑིཎོདཀཾ ཝཱ. ‘‘ཨེཏྠ ཙཱ’’ཏི ཨིམསྨིཾ ཏཏཱིཡཔཉྩཀེ ཙ. ‘‘ཝུཏྟནཡེནེ ཝཱ’’ཏི པཐམཔཉྩཀེ ཝུཏྟནཡེནེཝ. ཝིབྷཱཝནིཔཱཋེ. ‘‘ཨཱཡཏིཾ པཊིསནྡྷིཡཱ པཙྩཡཙེཏནཱ བྷཝོ ནཱམཱ’’ཏི ཨིདཾ ཨུདྡེསཔཱལི༹ཡཾ ཡཐཱདིཊྛཔཱཋཝསེནེཝ ཝུཏྟཾ. ཏཐཱ པུརིམཀམྨབྷཝསྨིཾ ཨིདྷ པཊིསནྡྷིཡཱ པཙྩཡཙེཏནཱ སངྑཱརཱ ནཱམཱཏི ཨིདཉྩ. ཨིདྷ པན པུབྦེཡེཝ དྭཱིསུཧེཏུཔཉྩཀེསུ དྭིནྣཾ སངྑཱར ཀམྨབྷཝཱནཾ སངྒཧིཏཏྟཱ ཨཊྛཀཐཱཡཾ ཝུཏྟནཡེནེཝ དྭིནྣཾ སངྑཱར ཀམྨབྷཝཱནཾ ཝིསེསོ ཡུཏྟོ. ཏེནཱཧ ‘‘ཏཾ ཨིདྷ ན ཡུཛྫཏཱི’’ཏི. ‘‘སངྒཧིཏཏྟཱ’’ཏི པུབྦེཡེཝ སངྒཧིཏཏྟཱ. ‘‘ཨེཏཾ’’ཏི ཝིབྷཱཝནི ཝཙནཾ. ‘‘དྷམྨཝིབྷཱགརཀྑཎཏྠཾ’’ཏི ཝིབྷངྒེ བྷཝཔདེ ཨུཔཔཏྟིབྷཝསྶཔི ཝིབྷཏྟཏྟཱ ཨེཝཾ ཝིབྷཏྟསྶ དྷམྨཝིབྷཱགསྶ རཀྑཎཏྠཾ. ཕལཔཉྩཀཏོ ཨནཉྙཾཔི ཨུཔཔཏྟིབྷཝཾ ཨཉྙཾཝིཡ ཀཏྭཱ ‘ཨུཔཔཏྟིབྷཝསངྑཱཏོ བྷཝེཀདེསོ’ཏི ཝུཏྟཾ. སོ ཙ ཨུཔཔཏྟིབྷཝོ ནཱམ པཙྩུཔྤནྣཧེཏཱུཧི ནིབྦཏྟཏྟཱ ཙཏུཏྠེ ཕལཔཉྩཀེ ཨེཝ སངྒཧིཏོ. ཏསྨཱ ཏེན ཨུཔཔཏྟིབྷཝསདྡེན ཙཏུཏྠ པཉྩཀམེཝ གཧིཏནྟི ཡུཏྟཾ. ཨིཏརཐཱ དྭེ ཕལཔཉྩཀཱནི ཝིཔཱཀཝཊྚནྟི ཝུཏྟེ སིདྡྷམེཝ ཧོཏི. ཨེཝཉྩསཏི ཨཝསེསཱ ཙཱཏི ཨེཏྠ དུཏཱིཡཕལཔཉྩཀམེཝ ཨཝསིཊྛཾ ཧོཏཱིཏི དཊྛབྦཾ. ‘‘ཨཝིཛྫཱ ནཱམ མོཧོ, སོ ཙ ཨཀུསལ མཱུལ’’ནྟིཨཱདི ཨབྷིདྷམྨེ མཱུལཡམཀེ མཱུལནཱམེན ཨཱགཏཏྟཱ ཝུཏྟཾ. དྭཱིསུཔནབྷཝ ཙཀྐེསུ པུརིམཙཀྐེ ཨཝིཛྫཱ ཨཱདི ཧོཏི. པཙྪིམཙཀྐེ ཏཎྷཱ. ཨཱདི ཙ ནཱམ མཱུལནྟི ཙ སཱིསནྟི ཙ ཝཏྟུཾ ཝཊྚཏཱིཏི པརིཡཱཡཾ དསྶེཏུཾ ‘‘ཨཐཝཱ’’ཏིཨཱདི ཝུཏྟཾ ¶ .‘‘ཨཱགམནསམྦྷཱརེསཱུ’’ཏི ཨཏཱིཏབྷཝཏོ ཨིམཾབྷཝཾ ཨཱགམནསམྦྷཱརེསུ. ཏཎྷཱ ཨེཝ སཱིསཾ ཀཏྭཱ ཝུཏྟཱཏི ཡོཛནཱ. ‘‘ཏེསཾ ཨནྟརེ’’ཏི ཨཝིཛྫཱསངྑཱརཱནཾ ཨནྟརེ. ཏཎྷཱཡ ཨོཀཱསོ ནཏྠཱིཏི ཀསྨཱ ཝུཏྟཾ. ནནུ ཨཝིཛྫཱཡ སཏི, ཏཎྷཱ ནཱམ ཨེཀནྟེན སམྦྷཝཏིཡེཝ. སཱ ཙ སངྑཱརཱནཾ བལཝཔཙྩཡོ ཧོཏི. ཏསྨཱ སཱ ཨཝིཛྫཱ པཙྩཡཱ ཏཎྷཱ, ཏཎྷཱ པཙྩཡཱ སངྑཱརཱཏི ཝཏྟབྦཱ སིཡཱཏི. ཏཾ པརིཧརིཏུཾ ‘‘ཨཡཉྷཱི’’ཏིཨཱདིཝུཏྟཾ. པཊིལོམཔཊིཙྩསམུཔྤཱདོ ནཱམ ཨཝིཛྫཱནིརོདྷཱ སངྑཱརནིརོདྷོཏི ཨེཝཾ པཝཏྟོ པཊིཙྩསམུཔྤཱདོ. ‘‘ཛརཱམརཎམུཙྪཡཱཏིཨཱདི ནཝཏྟབྦཾ སིཡཱ’’ཏི ཛརཱམརཎམུཙྪཱཡཱཏིཨཱདིཝཙནཾ ཨནུལོམཔཊིཙྩསམུཔྤཱད སམྦནྡྷ ཝཙནནྟི ཀཏྭཱ ཝུཏྟཾ. ‘‘ཨུཔརིཝཊྚམཱུལ དྷམྨཔྤཊིཔཱདཀཱནཾ’’ཏི ཨུཔརི དུཏིཡཱནཱགཏབྷཱཝཱདཱིསུ ཨཝིཛྫཱཏཎྷཱ སངྑཱཏཱནཾ ཝཊྚམཱུལདྷམྨཱནཾ ནིཡོཛཀཱནཾ. ‘‘ཏེ པཱི’’ཏི སོཀཱདཡོ དུཀྑདྷམྨཱཔི. ‘‘ཨཱསཝསམྦྷཱུཏཱ’’ཏི ཨཱསཝེཧི སམྦྷཱུཏཱ སཉྫཱཏཱ. ‘‘ཏེསཾ’’ཏི སོཀཱདཱིནཾ དུཀྑདྷམྨཱནཾ. ‘‘ཛརཱམརཎངྒེ གཧཎཾ’’ཏི དྭཱདསསུ ཨངྒེསུ ཛརཱམརཎངྒེ སངྒཧཎཾ. ‘‘པཝཌྜྷཏཱི’’ཏི བྷུསཾ ཝཌྜྷཏི. ‘‘ཨཱསཝསམུདཡཱ’’ཏི ཨཱསཝསམུཔྤཱདཱ. ‘‘ཨཝིཛྫཱསམུདཡོ’’ཏི ཨཝིཛྫཱསམུཔྤཱདོ. ‘‘ཨཝིཛྫཱཔཙྩཡཱསངྑཱརཱཏཱི’’ཏི ཨེཏྠ ཨིཏིསདྡོ ཨཱདིཨཏྠོ. ‘‘ནཱནཱབྱསན ཕུཊྛསྶཱ’’ཏི ཉཱཏིབྱསནཱདཱིཧི ནཱནཱབྱསནེཧི ཕུཊྛསྶ, ཝིཧིཾསིཏསྶ. ‘‘ཡཏོ’’ཏི ཡཾ ཀཱརཎཱ, ཨཝིཛྫཱཏཎྷཱནཾ ཝཌྜྷནཀཱརཎཱ. ‘‘ཝཊྚཾ’’ཏི སངྑཱརཱདིཀཾ བྷཝཙཀྐཾ. སཾམུཡ྄ཧནཾ སམྨོཧོ. པརིཡེསནཾ པརིཡེཊྛི. ཝིཔཙྩཏཱིཏི ཝིཔཱཀོ. ཝིཔཱཀོ ཨེཝ ཝེཔཀྐཾ. སམྨོཧོ ཝེཔཀྐཾ ཨསྶཱཏི སམྨོཧཝེཔཀྐཾ. ཏཐཱ པརིཡེཊྛིཝེ པཀྐཉྩཱཏི ཨིམམཏྠཾ དསྶེཏི ‘‘ཏདུབྷཡཾ’’ཏིཨཱདིནཱ. ཏདུབྷཡཾ ཝིཔཱཀཾ ཨེཏསྶཱཏི ཀཏྭཱ དུཀྑཾ སམྨོཧཝེཔཀྐནྟི ཙ པརིཡེཊྛིཝེཔཀྐནྟི ཙ ཝུཙྩཏཱིཏི ཡོཛནཱ. ཨཔི ཙ, སམྨོཧཾ ཝིཔཱཙེཏི སཉྫནེཏཱིཏི སམྨོཧ ཝེཔཀྐཾ. ཨེཝཾ པརིཡེཊྛིཝེཔཀྐནྟིཔི ཡུཛྫཏི. ‘‘ཀིཙྪཾ’’ཏི ཀསིརཾ དུཀྑཾ ཨཱཔནྣོ. ‘‘མིཡྻཏཱི’’ཏི མརཏི. ‘‘ཙ ཝཏཱི’’ཏི སངྐམཏི. ‘‘ཨུཔཔཛྫཏཱི’’ཏི བྷཝནྟརཾ ཨུཔེཏི. ‘‘ཨཐ ཙ པནཱ’’ཏི ཨེཝཾབྷཱུཏསྶ ¶ སཏོ. ‘‘ཛརཱམརཎསྶཱ’’ཏི ཛརཱམརཎ སངྑཱཏསྶ ཨིམསྶ དུཀྑསྶཱཏི སམྦནྡྷོ. ‘‘ནིསྶརཎཾ’’ཏི ནིགྒམནཾ. ‘‘ནཔྤཛཱནཱཏཱི’’ཏི ཨཡཾ ལོཀོ ནཔྤཛཱནཱཏི. ‘‘ཨཱགཏིཡཱ’’ཏི ཨིམསྨིཾ བྷཝེ པཊིསནྡྷིཝིཉྙཱཎུཔྤཏྟིཝསེན ཨཱགམནེན. ‘‘གཏིཡཱ ཙཱ’’ཏི ཨནཱགཏབྷཝེ ཛཱཏིཔཱཏུབྦྷཱཝཝསེན གམནེན ཙ. ཨཱདིསངྑཱཏོ པུབྦཔརིཡནྟོ ཡསྶ ཨཏྠཱིཏིཨཱདིམནྟཾ. ན ཨཱདིམནྟཾ ཨནཱདིམནྟཾ. ‘‘ཝཊྚཔྤཝཏྟསྶཱ’’ཏི ཏིཝིདྷཝཊྚསངྑཱཏསྶ པབནྡྷཔྤཝཏྟསྶ. ཛཱཏིཡཱ ཝུཏྟཱཡ སབྦཱནི ཏསྶཱ ནིདཱནཱནི ཝུཏྟཱནི ཨེཝ ཧོནྟཱིཏི ཀཏྭཱ ‘‘ཛཱཏིཡཱ ཨེཝ ཝཱ’’ཏི ཝུཏྟཾ. ‘‘ཨིཙྩེཝཾ’’ཏི ཨིཏི ཨེཝཾ. ཏཏྠ ཨཝིཛྫཱཔཙྩཡཱ སངྑཱརཱཏིཨཱདིནཱ ནཡེན པཊྛཔེསི མཧཱམུནཱིཏི སམྦནྡྷོ. ཨཱཙརིཡ ཝཱདེཔན ‘‘ཨིཙྩེཝཾ’’ཏི ཛརཱམརཎ མུཙྪཱཡཱཏིཨཱདིནཱནཡེན. ཨཱབནྡྷཾ ཨནཱདིཀནྟི སམྦནྡྷོ. ཨིདྷཔི ཏམེཝ སམྦནྡྷཾ གཧེཏྭཱ ཡོཛེཏི ‘‘ཨིཙྩེཝཾ ཨཱབནྡྷནྟི. ལ. པུནཔྤུནཾ ཨཱབནྡྷཾ’’ཏི. ཨཝིཛྫཱ ཨཱདིམྷི ཝུཏྟཱ. ཏསྨཱ སཱ སཡཾ ཨཧེཏུ ཨཔཙྩཡཱ ཧུཏྭཱ ཝཊྚསྶ ཨཱདིཔཙྩཡབྷཱུཏཱ ཧོཏཱིཏི ཙོདནཱ. ཏཾ པརིཧརཏི ‘‘ཝཊྚསྶཱ’’ཏིཨཱདིནཱ. ‘‘ཝཊྚཀཐཱཡ སཱིསབྷཱུཏཏྟཱ’’ཏི ཝཊྚསྶ ཨཱདིནཱམ ནཏྠི. ཏསྶ པན པཝཏྟི ནིཝཏྟིཡོ ཨཏྠི. ཛཱནནྟེཧི ཏཱསཾ པཀཱསནཏྠཱཡ པཊིཙྩསམུཔྤཱདཀཐཱནཱམ ཝཊྚཀཐཱ ཨེཀནྟེན ཀཐེཏབྦཱ ཧོཏི. ཀཐེནྟེཧི ཙ ཝཊྚདྷམྨཱནཾ མཛ྄ཛྷེ ཀཏམསྶ དྷམྨསྶ ཀིཙྩཾ ཝཊྚཔྤཝཏྟཏྠཱཡ པདྷཱནཏརཾ ཧོཏཱིཏི ཛཱནིཏབྦཾ ཧོཏི. ཏདཱ ཀིཙྩཝསེན པདྷཱནཏརཾ ཨེཀཾ དྷམྨཾ མཱུལཾ སཱིསཾ ཀཏྭཱ ཝཊྚཀཐཱ ཀཐེཏབྦཱཏི. ཨིདཾ ཝཊྚཀཐཱཡ སཱིསཾ ནཱམ. ཏཏྠ ཨཝིཛྫཱ ནཱམ མོཧོ. སོ ཙ མུཡ྄ཧནཀིརིཡཱ. ཨནྡྷབྷཱཝཀརཎཉྩསྶ ཀིཙྩཾ. ན ཙ པཉྙཱ ཙཀྑུསྶ ཨནྡྷབྷཱཝཀརཎ སདིསཾ ཨཉྙཾ ཝཊྚསྶ པཝཏྟཏྠཱཡ པདྷཱནཀིཙྩཾ ནཱམ ཨཏྠི. ཏསྨཱ ཨཝིཛྫཱ ཨེཝེཏྠ སབྦཔྤདྷཱན ཀིཙྩཏྟཱ ཝཊྚཀཐཱཡ སཱིསབྷཱུཏཱ ཧོཏི. ཨེཝཾ ཝཊྚཀཐཱཡ སཱིསབྷཱུཏཏྟཱ སཱ ཨཱདིམྷི ཝུཏྟཱཏི. ‘‘ཨནཱདིཀབྷཱཝོ ཨེཝ དསྶིཏོ’’ཏི ཨནཱདིཀབྷཱཝོ དསྶིཏོ ཨེཝ. ནོ ན དསྶིཏོཏི ཨཏྠོ. ཨིཏི ཨེཏཾ ཨཏྠཛཱཏཾ པཙྩཀྑཏོ སིདྡྷཾ. ‘‘ཨིདྷཱ’’ཏི ཨིམསྨིཾབྷཝེ. ‘‘ཏསྶཱ’’ཏི ཨཏཱིཏ བྷཝཔརིཡཱཔནྣཱཡ ¶ ཨཝིཛྫཱཡ. ‘‘ཨཉྙཱཡ ཨཝིཛྫཱཡ ཨེཝཱ’’ཏི ཨཏཱིཏབྷཝཏོཔི པུརིམབྷཝེ སིདྡྷཱཡ ཨཉྙཱཡ ཨཝིཛྫཱཡ ཨེཝ. ‘‘ཏསྶཱཔཱི’’ཏི པུརིམཏརབྷཝེ ཨཝིཛྫཱཡཔི. ‘‘ཨཏྟབྷཱཝོ’’ཏི པུརིམཏརོ ཨཏྟབྷཱཝོ. ‘‘པདྷཱན པཙྩཡབྷཱུཏཏྟཱ’’ཏི པུབྦེ ཝུཏྟནཡེན ཨནྡྷབྷཱཝཀརཎ ཀིཙྩཏྟཱ ཝཊྚཔྤཝཏྟིཡཱ པདྷཱན པཙྩཡབྷཱུཏཱ ཧོཏི. ཨེཝཾ པདྷཱནཔཙྩཡབྷཱུཏཏྟཱ. ‘‘ཏསྶ ཏསྶཱཏི ནིཊྛཱནམེཝ ན པཉྙཱཡེཡྻཱ’’ཏི ཏསྶ པཙྩཡསྶ པཙྩཡོ ཝཏྟབྦོ. ཏསྶཔི པཙྩཡསྶ པཙྩཡོ ཝཏྟབྦོཏི ཨེཝཾ ཝསྶསཏམྤི ཝསྶསཧསྶཾཔི ནིཊྛཱནམེཝ ན པཉྙཱཡེཡྻ. ‘‘ཝུཏྟོཡེཝཱ’’ཏི ཨཝིཛྫཱཡ པཙྩཡོ ཝུཏྟོཡེཝ. ‘‘པཉྩནཱིཝརཎཱཏིསྶཝཙནཱིཡཾ’’ཏི པཉྩནཱིཝརཎ དྷམྨཱ ཨཝིཛྫཱཡ ཨཱཧཱརོཏི ཝཙནཱིཡཾ བྷཝེཡྻ. ཏཏྠ ‘‘ཨཱཧཱརོ’’ཏི བལཝཔཙྩཡོ ཝུཙྩཏཱིཏི.

པཊིཙྩསམུཔྤཱདནཡཱནུདཱིཔནཱ ནིཊྛིཏཱ.

༡༦༧. པཊྛཱནནཡེ. ‘‘ཧེཏུ ཙ སོ པཙྩཡོ ཙཱ’’ཏི ཨེཏྠ ལོབྷོ ཧེཏུཛཱཏིཀཏྟཱ ཧེཏུ ཙ ཧོཏི. ཨཱརམྨཎཱནནྟརཱདི པཙྩཡེན ཨཉྙདྷམྨསྶ པཙྩཡོ ཙ ཧོཏཱིཏི ཨཏྠསྶ སམྦྷཝཏོ ‘‘ཧེཏུ ཧུཏྭཱ པཙྩཡོ’’ཏི ཝཎྞེཏི. ཨེཝཾ ཝཎྞིཏེཔི ‘‘ཧེཏུ ཧུཏྭཱ པཙྩཡོ’’ཏི ཧེཏུ ཧོནྟོ པཙྩཡོཏི ཨཏྠེ སཏི, སོ ཡེཝཏྠོ སམྦྷཝཏཱིཏི ‘‘པུན ཧེཏུབྷཱཝེན པཙྩཡོ’’ཏི ཝཎྞེཏི. ཨེཏྠ སིཡཱ, ཧེཏུ ཙ སོ པཙྩཡོ ཙཱཏི ཨེཏྠ པད དྭཡཾ ཨེཀདྷམྨཱདྷིཀརཎཏྟཱ ཏུལྱཱདྷིཀརཎཾ ཧོཏི. ཧེཏུབྷཱཝེན པཙྩཡོཏི ཨེཏྠ པན པདདྭཡཾ ཏུལྱཱདྷིཀརཎཾ ན ཧོཏི. པུརིམ པདཉྷི དྷམྨ བྷཱཝཔྤདྷཱནཾ, པཙྪིམཾ དྷམྨཔྤདྷཱནནྟི. ཨེཝཾ སནྟེ ཏུལྱཱདྷིཀརཎཾ ཝཱཀྱཾ བྷིནྣཱདྷིཀརཎཾ ཀཏྭཱ ཝཎྞེཏཱིཏི ན ཡུཏྟམེཏནྟི. ནོ ན ཡུཏྟཾ. མུཁྱོཔཙཱརམཏྟེན ནཱནཏྠཏྟཱ. པཙྪིམཝཱཀྱཾཧི མུཁྱཝཙནཾ. པུརིམཝཱཀྱཾ ཨུཔཙཱར ཝཙནཾ. ཨུཔཙཱརཝཙནེ ཙ ཨུཔཙཱརཏྠོ ཡུཛྫཏི. མུཁྱཝཙནེ མུཁྱཏྠོཏི. ‘‘ཧེཊྛཱཝུཏྟམེཝཱ’’ཏི པཀིཎྞཀསངྒཧེ ཝུཏྟམེཝ. ཧིནོནྟི ཨེཏྠཱཏི ཧེཏུ. ཧིནོནྟི ཨེཏེནཱཏི ཧེཏུ. ¶ ཏཏྠ ‘‘ཧིནོནྟཱི’’ཏི སུཊྛུཔཏིཊྛཧནྟི. ཀེ པཏིཊྛཧནྟཱིཏི ཨཱཧ ‘‘སཧཛཱཏ དྷམྨཱ’’ཏི. ཀཐཉྩ སུཊྛུཔཏིཊྛཧནྟཱིཏི ཨཱཧ ‘‘ཝུདྡྷི ཝིརུལ༹ྷི ཝེཔུལླཔཏྟཝསེནཱ’’ཏི. ཀསྨཱ ཏེ སུཊྛུ པཏིཊྛཧནྟཱིཏི. པཏིཊྛིཏཊྛཱནསྶ པཏིཊྛིཏཀཱརཎསྶ ཝཱ ཐཱམབལསམྤནྣཏྟཱཏི དསྶེཏུཾ ‘‘ཨཱརམྨཎེ དལ༹ྷནིཔཱཏིནཱ ཐཱམབལསམྤནྣེནཱ’’ཏི ཝུཏྟཾ. ཧེཏུཝིསེསནཉྩེཏཾ. ཨཱརམྨཎེ དལ༹ྷནིཔཱཏིམྷི ཐཱམབལསམྤནྣེ ཨེཏྠ དྷམྨེཏིཔི ཡོཛེཏབྦཾ. ཨུཔཀཱརཀོཏི ཙ ཨུཔལདྡྷིཡེཝཱཏི སམྦནྡྷོ. ‘‘ཡཱདིསེནསབྷཱཝེནཱ’’ཏི ཧེཏུབྷཱཝཱདིསབྷཱཝེན. ‘‘ཨུཔལདྡྷིཡེཝཱ’’ཏི ཀསྨཱ ཝུཏྟཾ. ནནུ ཨུཔཀཱརཀ སདྡོ ཀཏྟཱརཾ ཝཱ ཀཱརེཏཱརཾ ཝཱ ཝདཏཱིཏི. ཝོཧཱརམཏྟེན ཝདཏི. དྷམྨཏོ པན ཀཏྟཱ ཝཱ ཀཱརེཏཱ ཝཱ ནཏྠཱིཏི དསྶེཏུཾ ‘‘ན ཧི སབྷཱཝ དྷམྨེསཱུ’’ཏིཨཱདིམཱཧ. ཡདི དྷམྨཏོ ཀཏྟཱཝཱ ཀཱརེཏཱཝཱ ནཏྠི. ཀསྨཱ ཨུཔཀཱརཀོཏི ཝུཙྩཏཱིཏི ཨཱཧ ‘‘ཏཐཱ ཨུཔལདྡྷིཡཾ པནཱ’’ཏིཨཱདིཾ.

ཨཱརམྨཎཔཙྩཡེ. ‘‘ཨཛ྄ཛྷོལམྦམཱནཱ’’ཏི ཨཱརམྨཎ ཀརཎཝསེན ཨདྷིཨོལམྦམཱནཱ. ‘‘ཨཱརམྨཎབྷཱཝེནཱ’’ཏི གོཙརཝིསཡབྷཱཝེན.

ཨདྷིཔཏིཔཙྩཡེ. ‘‘གརུཀཏཱ’’ཏི ཨསྶཱདནཱབྷིནནྡནཱདིཝསེན ཝཱ སདྡྷཱཔསཱདཱདིཝསེན ཝཱ གརུཀཏཱ. ‘‘སཱམིནོ ཝིཡ དཱསེ’’ཏི སཱམིནོ ཨཏྟནོདཱསེ ཨཏྟནོཝསེ ཝཏྟཡམཱནཱ ཝིཡ. སཧཛཱཏཱདྷིཔཏི པན ཧེཊྛཱ སམུཙྩཡ སངྒཧེ ཝུཏྟོཏི ཨིདྷ ན ཝུཏྟོ.

ཨནནྟརཔཙྩཡདྭཡེ. ‘‘ཨནྟརཾ’’ཏི ཚིདྡཾ ཝིཝརཾ. ‘‘སནྟཱནཾ’’ཏི ཙིཏྟསནྟཱནཾ. ‘‘སནྟཱནཱནུབནྡྷཝསེནཱ’’ཏི ཙིཏྟསནྟཱནཾ པུནཔྤུནཾ བནྡྷནཝསེན. ཨུཔྤཱདནནྟི སམྦནྡྷོ. ‘‘དྷམྨནྟརསྶཱ’’ཏི ནཱམཀྑནྡྷ དྷམྨནྟརསྶ. ‘‘ཨནནྟར པཙྩཡཏཱ’’ཏི ཨནནྟརཔཙྩཡ ཀིཙྩནྟི ཝུཏྟཾ ཧོཏི. ཡཾ ཀིཉྩི དྷམྨནྟརཾ. ‘‘པུརིམཔཙྪིམབྷཱགཔྤཝཏྟཱནཾ’’ཏི ནིརོདྷསྶ ཨསཉྙཱིབྷཝསྶ ཙ པུརིམབྷཱགེ ཙ པཙྪིམབྷཱགེ ཙ པཝཏྟཱནཾ. ‘‘ཙིཏྟུཔྤཱདཱནཾ པཱི’’ཏི ནིརོདྷསྶ པུབྦབྷཱགེ ནེཝསཉྙཱནཱསཉྙཱཡཏན ཀུསལ ཀྲིཡ ཙིཏྟུཔྤཱདཱནཾ. པཙྪཱབྷཱགེ ཨནཱགཱམིཕལ ཨརཧཏྟཕལཙིཏྟུཔྤཱདཱནཾ ¶ . ཨསཉྙཱིབྷཝསྶ པུབྦབྷཱགེ ཀཱམབྷཝེ ཙུཏི ཙིཏྟུཔྤཱདཱནཾ. པཙྪཱབྷཱགེ ཀཱམབྷཝེ ཨེཝ པཊིསནྡྷི ཙིཏྟུཔྤཱདཱནཾ. ཏེསུ པན ཀཐཾ ཨནནྟརཾ ནཱམ སིཡཱ. དྭིནྣཾ དྭིནྣཾ པུརིམབྷཱག པཙྪིམ བྷཱགཱནཾ མཛ྄ཛྷེ ཨཙིཏྟཀསྶ ཀཱལསྶ ཨཙིཏྟཀསྶ རཱུཔསནྟཱནསྶ ཙ ཨནྟརིཀཏྟཱཏི ཙོདནཱ. ཏཾ པརིཧརིཏུཾ ‘‘ན ཧི ཨབྷཱཝབྷཱུཏོ’’ཏིཨཱདི ཝུཏྟཾ. ‘‘ཏེསཾ’’ཏི དྭིནྣཾ དྭིནྣཾ ཙིཏྟུཔྤཱདཱནཾ. རཱུཔདྷམྨོ ཨནྟརཾ ན ཙ ཀརོཏི ནཱམ. ཨརཱུཔདྷམྨཱནཾ ཨནནྟརཏཱ ནཱམཱཏིཨཱདིནཱ ཡོཛནཱ ཧོཏི. ‘‘ཏཐཱཔཝཏྟན སམཏྠཏཱ’’ཏི ཨེཀཱིབྷཱུཏཱནཾ ཝིཡ ཨཏྟནོ ཨནནྟརེ དྷམྨནྟརཾ ཨུཔྤཱདནེ སམཏྠཏཱ.

སཧཛཱཏཔཙྩཡེ. ‘‘ཡེ པན དྷམྨཱ’’ཏི པཙྩཡུཔྤནྣ དྷམྨཱ. ‘‘ཨཏྟནཱི’’ཏི པཙྩཡ དྷམྨོ ཝུཙྩཏི.

‘‘ཨཉྙམཉྙཾ ཨུཔཏྠམྦྷནྟཾ ཏིདཎྜཾ ཝིཡཱ’’ཏི བྷཱུམིཡཾ ཨཉྙམཉྙཾ ནིསྶཱཡ ཨུསྶིཏཱ ཏཡོདཎྜཱ ཨཉྙམཉྙཾ ཨུཔཏྠམྦྷནྟཱ ཝིཡ. ‘‘པུརིམེནཱ’’ཏི པུརིམེན སཧཛཱཏ པཙྩཡེན. ‘‘ཨིཏརཱིཏརོ པཏྠམྦྷནཾ’’ཏི ཨཉྙམཉྙོ པཏྠམྦྷནཾ.

‘‘སཱུདོ’’ཏི བྷཏྟཀཱརཀོ. ‘‘ཨུཀྑལཱི’’ཏི བྷཏྟཔཙནཀུམྦྷཱི. ‘‘ཝུཊྛིདྷཱརཱ’’ཏི མེགྷཝུཊྛིདྷཱརཱ. ‘‘ཨུཔནིསྶཡོ’’ཏི བྷཏྟུཔྤཏྟིཡཱ ཨུཔནིསྶཡོ. ‘‘ཏཱསུ ཨསཏཱི’’ཏི སཱལིཀྑེཏྟ ཝུཊྛིདྷཱརཱསུ ཨསཏི. ‘‘བལཝཏརཊྛེནཱ’’ཏི བལཝཏརནིསྶཡཊྛེན. ‘‘པཀཏཱུཔནིསྶཡོ’’ཏི ཨེཏྠ ‘‘པཀཏོ’’ཏི བྷུསཾ ཀཏོ. ཏེནཱཧ ‘‘སུཊྛུཀཏོ’’ཏི. ཀརཎཉྩ ཨཏྟནོ སནྟཱནེ སུཊྛུཨུཔྤཱདནཉྩ སུཊྛུཨུཔསེཝནཉྩ དཊྛབྦནྟི སམྦནྡྷོ. ‘‘ཝུཏྟཔྤཀཱརེནཱ’’ཏི ‘ཡཐཱ ཀཏེ སཏཱི’ཏིཨཱདིནཱ ཝུཏྟཔྤཀཱརེན.

‘‘ནིསྶཡཱརམྨཎ དྷམྨཱ ཨེཝཱ’’ཏི ནིསྶཡ པཙྩཡ དྷམྨ ཨཱརམྨཎ པཙྩཡ དྷམྨཱ ཨེཝ. ‘‘པུརེཛཱཏཏཱམཏྟཝིསིཊྛཱ’’ཏི ཨེཏྠ མཏྟསདྡེན ནིསྶཡཱརམྨཎསཏྟིཏོ ཝིསུཾ པུརེཛཱཏསཏྟི ནཱམ ནཏྠཱིཏི དསྶེཏི. ཝིསུཾ པུརེཛཱཏསཏྟི ནཱམ ཨཏྠཱིཏིཔི ཝདནྟི. ཏཾ ཝཱདཾ དསྶེཏུཾ ‘‘ཨཱཙརིཡཱནནྡཏྠེརེནཱ’’ཏིཨཱདིམཱཧ. ཨེཏྠ པཉྩཝཏྠཱུནི ཙ པཉྩཱརམྨཎཱནི ཙ པུརེཛཱཏཏྟཱ ཨེཝ སུཊྛུབལཝཏཱཡ པཉྩཝིཉྙཱཎཱནཾ ཝཏྠུ ཀིཙྩ ཨཱརམྨཎ ཀིཙྩཱནི སཱདྷེནྟི. ཏཐཱ ཧདཡཝཏྠུ ཙ མནོདྷཱཏུ ¶ མནོཝིཉྙཱཎདྷཱཏཱུ ནནྟི. ཨཡཾ ཝིསུཾ པུརེཛཱཏསཏྟི ཝིསེསོཏི ཝདེཡྻ. སཙྩཾ. སུདྡྷམནོ དྭཱརེཔན ཨིདྷ ཋཏྭཱ ནིརཡེསུ ཨེཝརཱུཔཱནི ནིརཡགྒིརཱུཔཱནི ཨཏྠི. ཨིདཱནི དེཝེསུ ཙ ཨེཝརཱུཔཱནི དིབྦརཱུཔཱནི ཨཏྠཱིཏི ཙིནྟཡནྟཱནམྤི, ཏེསུ པུརེ ཨེཝརཱུཔཱནི ཨུཔྤཛྫིཾསཱུཏི ཝཱ, ཏེསུ ཨནཱགཏེ ཨེཝརཱུཔཱནི ཨུཔྤཛྫིསྶནྟཱིཏི ཝཱ ཙིནྟཡནྟཱནཾཔིཏཱནི རཱུཔཱནི ནིབྦིསེསཱནི ཧུཏྭཱ མནོཝིཉྙཱཎཱནཾ ཨཱརམྨཎ པཙྩཡཏྟཾ གཙྪནྟི. ཏཏྠ པུརེ ཛཱཏཱནི ཧུཏྭཱ ཏདཱ ཝིཛྫམཱནཱནི པཙྩུཔྤནྣརཱུཔཱནི ཨཱརམྨཎ པུརེཛཱཏཔཙྩཡོ. ཨིཏརཱནི ཨཱརམྨཎ པཙྩཡོ ཨེཝ. ན ཙེཏྠ པུརེཛཱཏཱནཾ པཙྩུཔྤནྣརཱུཔཱནཾ པུརེཛཱཏཏྟེན ཝིསེསོ ཨཏྠི. ན ཙ ཏཱནི པུརེཛཱཏཔཙྩཡོ ན ཧོནྟི. ཡདི ཝིསུཾ པུརེཛཱཏསཏྟིཝིསེསོ པུརེཛཱཏཔཙྩཡོཏི ཝདེཡྻ. ཏཱནི པུརེཛཱཏཔཙྩཡོ ནཱམ ན བྷཝེཡྻུཾ. ཀསྨཱ, ཏཱདིསསྶ ཝིསེསསྶ ནཏྠིཏཱཡ. ན ཙ ནབྷཝནྟི. ཀསྨཱ, པུརེཛཱཏམཏྟཝིསེསསྶ ཨཏྠིཏཱཡ. ཨེཏྠ ཝདེཡྻུཾ, པཉྩདྭཱརེསུ པན པུབྦེ ཝུཏྟནཡེན ཝིསུཾ པུརེཛཱཏསཏྟིཝིསེསོ དིསྶཏཱིཏི. ཀིཉྩཱཔིདིསྶཏི. སོ པན བཧུཝིདྷཱནཾ ནིསྶཡ པཙྩཡ ཨཱརམྨཎཔཙྩཡཱནཾ མཛ྄ཛྷེ ནིསྶཡ སཏྟིཝིསེསོ ཨེཝ, ཨཱརམྨཎ སཏྟིཝིསེསོ ཨེཝ ཙཱཏི. ཨཔི ཙ ཝིསུཾ པུརེཛཱཏ སཏྟིཝིསེསོ ནཱམ ནཏྠཱིཏི ཨིདཾ ཡཐཱཝུཏྟེ སུདྡྷམནོདྭཱརེ ཏབྦིསེསཱབྷཱཝཾ སནྡྷཱཡ ཝུཏྟཾ. ཝིསུཾ པུརེཛཱཏ སཏྟིཝིསེསོ ནཱམ ཨཏྠཱིཏི ཨིདཾ པཉྩདྭཱརེསུ ཏབྦིསེསསྶ ཨཏྠིབྷཱཝཾ སནྡྷཱཡ ཝུཏྟནྟི. ཡཾ རུཙྩཏི, ཏཾ གཧེཏབྦཾ.

པཙྪཱཛཱཏཔཙྩཡེ. ‘‘རུཀྑཔོཏཀཱནཾ ཝིཡཱ’’ཏི པཙྪཱ ཨཱསིཉྩིཡམཱནཾ ཨུདཀཾ རུཀྑཔོཏཀཱནཾ ཝུདྡྷཝིརུལ༹ྷབྷཱཝཾ པཱཔེཏྭཱ ཨུཔཏྠམྦྷནཝསེན ཨུཔཀཱརཀོ ཝིཡཱཏི ཡོཛནཱ. ཨཱཧཱརཾ ཨཱསིཾ སཏཱིཏི ཨཱཧཱརཱསཱ. ཛིགྷཙྪཱ, པིཔཱསཱ, ཏཎྷཱ. ཏཱཡ སམྤཡུཏྟཱ ཙེཏནཱཏི ཝིགྒཧོ. སཱ པན ཨཱཧཱརཱསཱ ཙེཏནཱ ཨུཔཏྠམྦྷཏི ཡེཝཱཏི སམྦནྡྷོ. ‘‘ཨཡམཏྠོ’’ཏི ‘སུཔཱཀཊེནཱ’ཏིཨཱདིནཱ ཝུཏྟོ ཨཡམཏྠོ. སབྦཱཙེསཱཝིཙཱརཎཱ གིཛ྄ཛྷོཔམཱཡ ཨུཔམཱམཏྟབྷཱཝཾ ནཱིཝཱརེཏཱ ཧོཏཱིཏི.

ཨཱསེཝནྟི ¶ ཏཾ པཙྩཡ དྷམྨཾ པཙྩཡུཔྤནྣཱ དྷམྨཱཏི ཨཱསེཝནཾ. ཨེཏེན བྷུསོ པཙྩཡུཔྤནྣ དྷམྨེཧི ཨཱསེཝིཏབྦཏྟཱ ཨཱསེཝནནྟི ཝུཙྩཏཱིཏི དསྶེཏཱིཏི. ‘‘ཏཾ’’ཏི ཏཾ པུརིམཾ པུརིམཾ པཙྩཡ དྷམྨཾ. ‘‘བྷཛནྟཱི’’ཏི ཨུཔེནྟི. ཀེ བྷཛནྟཱིཏི ཨཱཧ ‘‘ཨཔརཱཔརཾ ཨུཔྤཛྫམཱནཱ དྷམྨཱ’’ཏི. ‘‘དྷམྨཱ’’ཏི ཙ ཨནནྟརུཔྤནྣཱ ཙིཏྟཙེཏསིཀཱ དྷམྨཱ. ཀཐཉྩ ཏཾ ཏེབྷཛནྟཱིཏི ཨཱཧ ‘‘སུཊྛུསེཝམཱནཱ ཝིཡ བྷཛམཱནཱ ཝིཡ པཝཏྟནྟཱི’’ཏི. ཝིཡ སདྡེན ལོཀེ ཀིཉྩིཛནཾ ཀེཙིཛནཱ ཀེནཙི ཨཏྠེན སུཊྛུསེཝནྟཱ ཝིཡཱཏི དསྶེཏི. ཀཐཾ སུཊྛུསེཝིཡམཱནཱ ཝིཡ ཧོནྟཱིཏི ཨཱཧ ‘‘ཏསྶ པུརིམསྶཱ’’ཏིཨཱདིཾ. པུརིམསྶ ཨནནྟརསྶ ཙིཏྟུཔྤཱདསྶཱཏི ཨཏྠོ. ‘‘སབྦཔརིཔཱུརཾ ཨཱཀཱརཾ’’ཏི ཛཝཝེགསཧིཏེཧི ཝིཛཱནན ཕུསནཱདཱིཧི སཱཝཛྫཱན ཝཛྫཱདཱིཧི ཙ སབྦེཧི ཛཝནགུཎེཧི པརིཔཱུརཾ ཨཱཀཱརཾ. ‘‘ཨཱསེཝེཏཱི’’ཏི མཾ སུཊྛུ སེཝཐཱཏི ནིཡོཛེནྟཾ ཝིཡ ཧོཏི. ཏེནཱཧ ‘‘ཨཏྟནོ ཝཱསཾ’’ཏིཨཱདིཾ. ཏཏྠ ‘‘ཝཱསཾ’’ཏི ཝཱསནཾ. ‘‘སུཊྛུ གཱཧཱཔེཏཱི’’ཏི པརིཔུཎྞཾ དེཏཱིཏི ཝུཏྟཾ ཧོཏི. ཨེཏེན ཡཐཱ ལོཀེ ཨེཀོ པརེསཾ ཡཐིཙྪིཏཾ དེཏི. ཨེཝཾ དེནྟཾ པན པརེ བྷཛནྟིཡེཝ. མཾ བྷཛཐཱཏི ནིཡོཛནཀིཙྩཾ ནཏྠི. ཨེཝམེཝ ཨིདྷཔི སུཊྛུཝཱསདཱནམེཝ བྷཛཱཔནཾ ནཱམཱཏི དསྶེཏི. ‘‘ཝཌྜྷེཏི ཝཱ’’ཏི ཨེཏེན ཨཱསེཝནཱ བྷཱཝནཱ ཝཌྜྷནཱཏི ཨིམཾཔརིཡཱཡཏྠཾ ཝདཏི. པུརིམཱབྷིཡོགོ ནཱམ ཨཱདིཏོ པཊྛཱཡ སཛ྄ཛྷཱཡནཱདིཀམྨེསུ ཡཐཱསཏྟི ཡཐཱབལཾ ཝཱ ཡཱམཀརཎཾ. ཏཐཱ ཀརོནྟསྶ ཏཾ ཨུགྒཧཎ ཀམྨཾ ཨུཔརཱུཔརི པགུཎབྷཱཝཾ གཙྪཏཱིཏི. ‘‘ཨཱསེཝནཊྛེནཱ’’ཏི ཝཌྜྷཱཔནཊྛེན, ཨུཔཀཱརཀོཏི སམྦནྡྷོ. ‘‘སཛཱཏིཡཱནཾ’’ཏི ཀུསལཱདིབྷཱཝེན སམཱནཛཱཏིཀཱནཾ.

ཀཱཡངྒཱབྷིསངྑརཎཾ ནཱམ ཀཱཡསཉྩེཏནཱཀིཙྩཾ. ཝཱཙངྒཱབྷིསངྑརཎཾ ཝཙཱིསཉྩེཏནཱཀིཙྩཾ. ཙིཏྟངྒཱབྷིསངྑརཎཾ མནོསཉྩེཏནཱཀིཙྩཾ. ‘‘ཀིརིཡཱབྷཱཝེནཱ’’ཏི དསྶནསཝནཱདིཀིཙྩེསུ གམནཋཱན ནིསཛྫཱདིཀིཙྩེསུ སཾཝིདྷཱནཀིརིཡཱབྷཱཝེན. ‘‘ཝཏྠུམྷཱི’’ཏི གབྦྷཝཏྠུམྷི. ཡཐཱཝུཏྟཱབྷིསངྑརཎཀིཙྩཾ ནཱམ ཀཱཡངྒཝཱཙངྒ ཙིཏྟངྒཱབྷིསངྑརཎ ཀིཙྩཾ. ‘‘ཏདབྷིསངྑརཎཝེགཛནིཏཾ’’ཏི ཏསྶ ཀཱཡངྒཱདིཀསྶ ¶ ཨབྷིསངྑརཎཝེགེན ཛནིཏཾ ཀིརིཡཱཝིསེས ནིདྷཱནཀིཙྩནྟི སམྦནྡྷོ. ‘‘སནྟཱནེ’’ཏི ཙིཏྟསནྟཱནེ.

ཝིཔཙྩནབྷཱཝོ ཙ ནཱམ པཱཏུབྷཱཝོཏི སམྦནྡྷོ. ནིརུསྶཱཧ སནྟབྷཱཝོ ནཱམ ཀུསལཱ ཀུསལཱནཾ ཝིཡ ཀཱཡངྒཝཱཙངྒཱབྷིསངྑརཎ ཀིཙྩེསུ ཙ ཨཱཡཏིཾ ཝིཔཙྩན ཀིཙྩེསུ ཙ ནིརུསྶཱཧབྷཱཝེན སནྟབྷཱཝོ. ན ཀིལེསུ པསནྟབྷཱཝེན. ཙིཏྟཱབྷིསངྑརཎ ཀིཙྩེསུཔན སམྤཡུཏྟཙེཏནཱཝསེན ཡཐོཔཊྛིཏེསུ ཨཱརམྨཎེསུ སམྤཡུཏྟདྷམྨཱནཾ ཨེཀཏོ སནྣིཔཱཏགམནུསྶཱཧམཏྟཾ ཨཏྠི. ཏཏོཔརཾ པན སུཔིན དསྶན ཀིཙྩཾཔི ནཏྠཱིཏི. ‘‘མནྡམནྡཱཀཱརེནཱ’’ཏི མནྡཏོ ཨཏིམནྡཱཀཱརེན. ཀིཉྩིཛཱནན ཙིཏྟཾ ནཱམ ཀམྨཱདི ཨཱརམྨཎཾ ཨཔྤམཏྟཀཾཔི ཛཱནནཾ ཝཱིཐིཙིཏྟཾ. ཏསྶ པཝཏྟིཡཱ.

‘‘ཨརཱུཔིནོ’’ཏི ཨརཱུཔལཀྑཎ སམངྒིནོ. ནཱམལཀྑཎ སམངྒཱིནོཏི ཝུཏྟཾ ཧོཏི. ‘‘ཛནཡནྟཱཔཱི’’ཏི སཧཛཱཏ དྷམྨེ ཛནེནྟཱཔི. ‘‘སནྟཱནཊྛིཏིཡཱ’’ཏི པབནྡྷཔྤཏིཊྛཱནསྶ.

‘‘ཀསྨཱཔནེཏྠཱ’’ཏིཨཱདཱིསུ. ‘‘བྷཱཝིནྡྲིཡ དྭཡཾ’’ཏི ཨིཏྠིནྡྲིཡ པུརིསིནྡྲིཡ དྭཡཾ. ‘‘ཨིདྷཱ’’ཏི ཨིམསྨིཾ ཨིནྡྲིཡཔཙྩཡེ. ཀསྨཱ ན གཧིཏཾ. ནནུ ཨིཏྠིལིངྒཱདཱིནཾ པཝཏྟིཀཱརཎཏྟཱ ཨིདྷ གཧེཏབྦམེཝཱཏི ཨདྷིཔྤཱཡོ. ཛནཀཏྟཾ ནཱམ ཛནཀ ཀིཙྩཾ. ཨེཝཾ སེསེསུཔི. ‘‘ཨེཏཾཏཡཾཔི ནཏྠཱི’’ཏི ཛནཀཏྟཱདིཀིཙྩཏྟཡཾཔི ནཏྠི. ཨེཝཾསནྟེཀཐཾ ལིངྒཱདཱིནཾ པཝཏྟིཀཱརཎཾ ཧོཏཱིཏིཨཱཧ ‘‘ཀེཝལཾ པནཱ’’ཏིཨཱདིཾ. ‘‘དྭཡཾ’’ཏི ཨིཏྠིབྷཱཝཔུམྦྷཱཝ དྭཡཾ. ན ཨིནྡྲིཡ པཙྩཡཏྟེན ཨིནྡྲིཡཾ ནཱམ ཧོཏི. ཡཐཱཧི ཨེཀོ རཱཛཱ ཨཏྟནོ ཝིཛིཏེ གེཧཱནི ཀརོནྟི. ཨེཝཾ ཀརོནྟཱུཏི གེཧསཎྛཱནཾ པཊྛཔེཏི. སབྦེཛནཱ ཏཐེཝ ཀརོནྟི, ནོ ཨཉྙཐཱ. ཏཏྠ རཱཛཱ གེཧུཔྤཏྟིཡཱ ཙ གེཧཊྛིཏིཡཱ ཙ ཀིཉྩི ཀིཙྩཾ ན ཀརོཏི. གེཧསཱམིཀཱཝཱ གེཧཝཌྜྷཀིནོ ཝཱ ཀརོནྟི. ཀརོནྟཱ པན རཉྙཱ པཊྛཔིཏཾ སཎྛཱནཾ ཨནཏིཀྐམིཏྭཱཝ ཀརོནྟི. ཨེཝམེཝ མིདཾ དཊྛབྦཾ. ཨུཔགནྟྭཱ ཛྷཱཡནཊྛེནཱཏི སམྦནྡྷོ. ཨུཔསདྡོ ཨུཔནིསྶཡ པདེཝིཡ ཨུཔརི ཨཏྠོ. ‘‘ཨུཔརཱི’’ཏི ཙ ཐཱམབལཝུདྡྷིཝསེནཱཏི ཨཱཧ ‘‘ཏསྨིཾ ཝཱ’’ཏིཨཱདིཾ. ‘‘ཏསྨིཾ’’ཏི ཨཱརམྨཎེ.

‘‘སུགཏི ¶ དུགྒཏི ནིབྦཱན སམྤཱཔཀཊྛེནཱ’’ཏི ཝུཏྟཾ. སོ ཨཏྠོ ཨབྱཱཀཏམགྒངྒེསུ ནཏྠི. ཨེཝཉྩསཏི ཏཱནི ཀཐཾ མགྒཔཙྩཡཏྟཾ གཙྪནྟཱིཏི ཨཱཧ ‘‘ཨེཏྠ ཙཱ’’ཏིཨཱདིཾ. ‘‘སམྨཱདསྶནཱདིནཱ’’ཏི སམྨཱདསྶན སངྐཔྤནཱདིནཱ. ‘‘ཏེསཾ’’ཏི སམྨཱདིཊྛཱིནཾ. ‘‘ཏེསཾ པཱི’’ཏི ཨབྱཱཀཏ བྷཱུཏཱནཾ སམྨཱདིཊྛཱིནམྤི. ‘‘ཏེནེཝཊྛེནཱ’’ཏི སམྨཱདསྶནཱདིནཱ ལཀྑཎཊྛེན. ཨཐཝཱ. ‘‘ཏེནེཝཊྛེནཱ’’ཏི སུགཏི ནིབྦཱན སམྤཱཔཀཊྛེནེ ཝཱཏི ཨཏྠོ. ཨེཝཉྩསཏི སཧེཏུཀཱ ཝིཔཱཀ ཀྲིཡཱ བྱཱཀཏདྷམྨཱཔི ཏེནེཝཊྛེན སབྦསོ ཀུསལསདིསཱ སིཡུནྟི. ན སིཡུཾ, པཙྩཡ ཝེཀལླཏྟཱ. ཝིཔཱཀཱབྱཱཀཏཱཧི ཀམྨཝེགེན སནྟཱནེ པཏིཏམཏྟཏྟཱ ནིརུསྶཱཧསནྟསབྷཱཝཏོ ཏཾ སམྤཡུཏྟཱ ཙེཏནཱ ནཱནཀྑཎིཀ ཀམྨཔཙྩཡཏྟཾ ན གཙྪཏི. ཀིརིཡཱབྱཱཀཏཱ ཙ ནིརནུསཡསནྟཱནེ ཨུཔྤནྣཏྟཱ ཏཾ སམྤཡུཏྟཙེཏནཱཔི ཏཔྤཙྩཡཏྟཾ ན གཙྪཏིཡེཝ. ཏསྨཱ ཏེསུ ཝིཔཱཀ ཀྲིཡཱབྱཱཀཏེསུ སམྨཱདིཊྛཱདཱིནིཔི སུགཏི སམྤཱཔཀཊྛཾ ན སཱདྷེནྟི. ཀིལེསཔྤཧཱན ཀིཙྩསྶ ཨབྷཱཝཏོ ནིབྦཱན སམྤཱཔཀཊྛམྤི ནསཱདྷེནྟི. སབྷཱཝ ལཀྑཎཝེཀལླཏཱཔན ཏེསཾ སམྨཱདིཊྛཱདཱིནཾ ནཏྠིཡེཝ. ཏསྨཱ ཏཱནི མགྒཔཙྩཡེ སངྒཧིཏཱནཱིཏི. ཨིནྡྲིཡ དྷམྨེསུ ཨརཱུཔིནྡྲིཡཱནཾ ཨཱདྷིཔྤཙྩ ཀིཙྩཾ ཨརཱུཔདྷམྨེ སྭེཝ ཕརཏི. རཱུཔདྷམྨཱ པན ཏཾ སམུཊྛིཏཏྟཱ ཨེཝ ཏཔྤཙྩཡུཔྤནྣེསུ ཝུཏྟཱ. ཏཐཱ ཧེཏུ ཀམྨ མགྒ ཛྷཱནེསུ. ཏེན ཝུཏྟཾ ‘‘ཨེསནཡོ ཀམྨིནྡྲིཡཛྷཱནཔཙྩཡེསུཔཱི’’ཏི. ཏཏྠ ཀམྨསདྡེན ནཱནཀྑཎིཀ པཙྩཡོ གཧེཏབྦོ.

‘‘སམྤཡུཏྟཱསངྐཱ སམྦྷཝཏཱི’’ཏི སཧཛཱཏཱ ནཱམདྷམྨཱ ཏཾ སམུཊྛཱན རཱུཔེཧི, པཙྪཱཛཱཏཱ ཙ ཨཏྟནོ ཨཏྟནོ པཙྩཡུཔྤནྣརཱུཔེཧི, ཝཏྠུ དྷམྨཱ ཙ ཏནྣིསྶིཏནཱམདྷམྨེཧི ཀཱལཏོ ཙ ཋཱནཏོ ཙ ཨེཀ སམྦནྡྷཏྟཱ ཏེསུ སམྤཡུཏྟཱསངྐཱ སམྦྷཝཏི. ‘‘ཝིཔྤཡུཏྟཔཙྩཡཔྤསངྒོ ནཏྠཱི’’ཏི ཨཱརམྨཎཱནནྟརཱདིཔཙྩཡཱཔི ཨཏྟནོ པཙྩཡུཔྤནྣེཧི སམྤཡུཏྟཱ ན ཧོནྟི. ཏསྨཱ ཏེཔི ཝིཔྤཡུཏྟཔཙྩཡ བྷཱཝེན ཝཏྟབྦཱཏི ཨེཝརཱུཔོ ཝིཔྤཡུཏྟཔཙྩཡཔྤསངྒོ ཏེསུ ཨཱརམྨཎ པཙྩཡཱདཱིསུ ནཏྠཱིཏི ཨདྷིཔྤཱཡོ.

‘‘ཧེཊྛཱཝུཏྟཔྤཀཱརེསུ ཨེཝཱ’’ཏི ཨེཏྠ ཨེཝསདྡེན པཙྩཡནྟརཾ ན ཧོཏཱིཏི ¶ དསྶེཏི. ཡདི པཙྩཡནྟརཾ ན ཧོཏི, ན ཝཏྟབྦོཡེཝ. ཀསྨཱ, དེསཀསྶ པུནརུཏྟིནིརཏྠཀཝཱདིཏཱ པཏྟིཏོཏི. ནོ ན ཝཏྟབྦོ. ཀསྨཱ, ལོཀེ ཡོ སཡཾ ནཏྠི, ཝིགཏོ ཧོཏི. སོ ཀསྶ པཙྩཡོ བྷཝིཏུཾ ཨརཧཏཱིཏི ཨེཝརཱུཔསྶ མིཙྪཱབྷིནིཝེསསྶ པཧཱནཏོ. ཏེན ཨིམམཏྠཾ ཉཱཔེཏི, ལོཀེ ཀེཙིདྷམྨཱ སཡཾ ཨཏྠིཀཱལེ ཨེཝ ཨཉྙེསཾ པཙྩཡཱ ཧོནྟི, ནོ ནཏྠིཀཱལེ. ཀེཙི དྷམྨཱ སཡཾ ནཏྠིཀཱལེ ཨེཝ ཨཉྙེསཾ པཙྩཡཱ ཧོནྟི, ནོ ཨཏྠིཀཱལེཏི ཨཡཉྩཝིབྷཱགོ ཨཝསྶཾ ཨིཙྪིཏབྦོ ཡེཝཱཏི. ‘‘ཨོཀཱསདཱནསངྑཱཏེནཱ’’ཏི ཏསྶ ཨཉྙསྶ ཙིཏྟུཔྤཱདསྶ ཨུཔྤཏྟིཡཱ ཨོཀཱསདཱནསངྑཱཏེན.

སུཏྟནྟེ, ཨཏྠཱིཏི ཨཡ མེཀོ ཨནྟོཏི སཏྟཱནཾ སེཊྛསཱརབྷཱུཏོ ཨཏྟཱནཱམ ཨནམཏགྒེ སཾསཱརེ ནིཙྩཀཱལཾ ཨཏྠི. ཨུཙྪེདོ ཝཱ ཝིམོཀྑོ ཝཱ སབྦསོ ནཏྠི. ཨཡཾ སསྶཏཝཱདོ ནཱམ ཨེཀོཝིསམནྟོ ཨེཀཱཝིསམཱཀོཊི. ནཏྠཱིཏི སཏྟོནཱམ ཨེཀབྷཝཔརམོ ཧོཏི, མརཎཏོ པརཾ ནཏྠི. ཨེཀནྟེན ཨུཙྪིཛྫཏི. ཨཡཾ ཨུཙྪེདཝཱདོ ནཱམ དུཏཱིཡོ ཝིསམནྟོ དུཏཱིཡཱཝིསམཀོཊི. ཨིམེ པཊིཙྩ སམུཔྤཱདཾ ཨཛཱནནྟཱནཾ ཨུབྷོཝིསམནྟཱ ནཱམ. ཛཱནནྟཱནཾ པན ཏཱདིསོ ཨཏྟཱནཱམ ནཏྠི, ཡོ ཨཏྠཱིཏི ཝཱ ནཏྠཱིཏི ཝཱ ཝཏྟབྦོ བྷཝེཡྻ. སུདྡྷདྷམྨཔྤབནྡྷོ ཨེཝ ཨཏྠི. ཏསྶ ཙ ཡཱཝ ཨཝིཛྫཱ ཨཔྤཧཱིནཱ ཧོཏི, ཏཱཝ ཨུཙྪེདོ ནཱམ ནཏྠི. ཨཝིཛྫཱཡ པན པཧཱིནཱཡ ཏཏོཔརཾ ན པཝཏྟཏི. ཨཏྠི ནཱམ ན ཧོཏི. ཨཡཾ ཨནྟདྭཡམུཏྟོ མཛ྄ཛྷིམཉཱཡོ ནཱམ. བཧུཾ ནཱནཏྠ སམྦྷཝཾ ཝཎྞེནྟིཡེཝ. ཝཎྞེནྟཱནཾཔི ཏེསཾ བཧུ པཡོཛནཾ ནཏྠི ཡེཝཱཏི ཨདྷིཔྤཱཡོ.

པཙྩཡུདྡེསཱནུདཱིཔནཱ ནིཊྛིཏཱ.

༡༦༨. པཙྩཡནིདྡེསེ. ‘‘པཉྩདྷཱ’’ཏི པཉྩཝིདྷེཧི པཙྩཡེཧི. ‘‘ཨེཀདྷཱ’’ཏི ཨེཀཝིདྷེན པཙྩཡེན. ཨེཝཾ སེསེསུཔི. ‘‘ཨཝིཙྪེདཱཡཱ’’ཏི ཨཝིཙྪེདཏྠཱཡ. ‘‘པཊིཔཱདནཱཡཱ’’ཏི ཡོཛནཏྠཱཡ. ཡོ ཀོཙི ཙིཏྟུཔྤཱདོ ཨཝིརུདྡྷསྶ ཡསྶ ཀསྶཙི ཙིཏྟུཔྤཱདསྶ ¶ པཙྩཡོ ན ན ཧོཏཱིཏི ཡོཛནཱ. ‘‘པུནུཔྤནྣཱནཾ’’ཏི ནིརུཛ྄ཛྷིཏྭཱ པུན ཨུཔྤནྣཱནཾ. ‘‘པུརིམཱནི ཛཝནཱནཱི’’ཏི ཨེཏྠ མགྒོ གོཏྲབྷུཏོ ཨཱསེཝན པཙྩཡཾ ལབྷཏི. ཕལསྶ པན སོ བྷིནྣཛཱཏིཀཏྟཱ ཨཱསེཝན པཙྩཡོ ན ཧོཏི. ཕལཾ པན སབྦསོ ཨཱསེཝན མུཏྟཾ ཧོཏི. ཏསྨཱ ཏདུབྷཡཾ ཨིདྷ པུརིམཛཝནསངྑྱཾ ན གཙྪཏཱིཏི ཝུཏྟཾ ‘‘མགྒ ཕལཛཝནཝཛྫཱནཱི’’ཏི. ཕལཛཝནཝཛྫཱནཾ པཙྪིམཱནཾ ཛཝནཱནཾ. ‘‘སབྦཱཀཱརཔཱརིཔཱུརཾ’’ཏི ཨེཏྠ ཀུསལཱདིཛཱཏིཔི སངྒཧིཏཱཏི ཝུཏྟཾ ‘‘ཛཱཏིམཏྟེནཔཱི’’ཏི. ཨབྷིནྣཱ ཨེཝ སིཡུཾ. ན པན བྷིནྣཱ ཧོནྟི. ཀདཱཙི ཀེཙིབྷིནྣཱ ཨེཝ ཧོནྟི. ཏསྨཱ བྷིནྣཛཱཏིཀཱ དྷམྨཱ. ལ. ན སཀྐོནྟཱིཏི ཡོཛནཱ. ‘‘ཀཱམཱཝཙརབྷཱཝཏོ མཧགྒཏཱནུཏྟརབྷཱཝཔཏྟི ནཱམཱ’’ཏི ཙིཏྟསནྟཱནསྶཱཏི ཨདྷིཔྤཱཡོ. གོཏྲ བྷུཙིཏྟཾ ཀཱམབྷཱུམི. ཛྷཱནཙིཏྟཾ མཧགྒཏབྷཱུམི. མགྒཙིཏྟཾ ལོཀུཏྟར བྷཱུམི. ཀམྨཙེཏནཱཡ ནིརུདྡྷཱཡཔི ཏསྶཱ པཝཏྟཱཀཱརོ ནནིརུཛ྄ཛྷཏི. ཙིཏྟསནྟཱནཾ ཨནུགཙྪཏི. སོ ཨེཝ ཨཱཡཏིཾ ཝིཔཱཀདྷམྨརཱསི ཧུཏྭཱ པཱཏུབྦྷཝཏི. ཏསྨཱ སོ ཝིཔཱཀསྶ བཱིཛསངྑྱཾ གཙྪཏི. སོ ཙ ཡཱཝ ན ཝིཔཙྩཏི. ཏཱཝ སཾསཱརཔྤཝཏྟིཡཱ སཏི, ཨནྟརཱ ཝིནཊྛོ ནཱམ ན ཧོཏི. ཏསྨཱ ཀམྨཙེཏནཱ ཨུཔྤཛྫམཱནཱ ཙིཏྟསནྟཱནེ ཏསྶ བཱིཛསྶ ནིདྷཱནཏྠཱཡ ཨུཔྤཛྫཏི, ནིརུཛ྄ཛྷམཱནཱ ཙ ནིདཧིཏྭཱ ཨེཝ ནིརུཛ྄ཛྷཏཱིཏི ཝུཏྟཾ ‘‘ཨཏྟནོ པཝཏྟཱཀཱརསངྑཱཏ བཱིཛནིདྷཱནཉྩཱ’’ཏི. ‘‘ཙེཏནཱཡ ཧོཏཱི’’ཏི ཙེཏནཱཡ སཱདྷཱརཎཾ ཧོཏི. པུརེཛཱཏཱ སཱལརུཀྑཔོཏཀཱ པཙྩཡཱ ཧོནྟཱིཏི སམྦནྡྷོ. པུརིམཙིཏྟཀྑཎེསུ ཨུཔྤནྣཱ ཙཏུསམུཊྛཱནིཀརཱུཔདྷམྨཱཏི སམྦནྡྷིཏབྦཾ. ‘‘ཨཱཧཱརཛཀཱཡོ’’ཏི ཨེཝཾ ཝུཏྟཱཏི པཱཋསེསོ. ‘‘པཙྪཱ ཛཱཏེནཱ’’ཏི པཙྪཱཛཱཏཔཙྩཡེན པཡོཛནཾ ནཏྠི. ཛིཎྞཔཏརུཀྑསྶ ཨུདཀཱསིཉྩནཾ ཝིཡ ཧོཏཱིཏི ཨདྷིཔྤཱཡོ. ‘‘ཡདགྒེནཱ’’ཏི ཡེནཀཱརཎ ཀོཊྛཱསེན. ‘‘ཝཏྠུ རཱུཔཾ’’ཏི ནིརོདྷཱསནྣཾ ཧདཡཝཏྠུ རཱུཔཾ. ‘‘ཨེཝམཡཾ པཱི’’ཏི ཨེཝཾ ཨཡཾ པཙྪཱཛཱཏཔཙྩཡོཔི. ཝིཝིདྷེན ཨཱཀཱརེན ཕརཎཾ ཀཱལནྟར དེསནྟར གམནཾ ཝིཔྥཱརོ. མཧནྟོ ཝིཔྥཱརོ ཡསྶཱཏི སམཱསོ. ‘‘ཝཏྠུམྷཱི’’ཏི ཧདཡཝཏྠུམྷི. པཉྩཧི ཁནྡྷེཧི ཝོཀིཎྞོ སམྨིསྶོཏི པཉྩཝོཀཱརོ. ཀཱམ རཱུཔབྷཝོ ¶ . ཝིནཱ ཨུཔྤཛྫིཏུཾ ན སཀྐོཏི. རཱུཔཝིརཱགབྷཱཝནཱབལེན རཱུཔསྶ ཨཝིཀྑམྦྷིཏཏྟཱཏི ཨདྷིཔྤཱཡོ. ‘‘པུརེཛཱཏཾ ཝཱ’’ཏི ཨེཀཙིཏྟཀྑཎཱཏཱིཏེ པུརེཛཱཏཾ ཝཱ. ‘‘ཝཌྜྷནཔཀྑེ ཋིཏཾ ཝཱ’’ཏི ཏཏོ པཙྪཱ ཡཱཝ ཨཊྛམ ཙིཏྟཀྑཎཱ ཝཌྜྷནཔཀྑེ ཋིཏཾ ཝཱ. ‘‘ཨུཔྤནྣཾ ཝཏྠཱུ’’ཏི ཨུཔྤནྣཾ ཝཏྠུརཱུཔཾ. ‘‘ཨེཏྠཱ’’ཏི ཨིམསྨིཾ པུརེཛཱཏ པཙྩཡེ. ཀིཉྩཱཔི དིསྶཏཱིཏི སམྦནྡྷོ. ‘‘པཙྩནཱིཡེ’’ཏི པཙྩནཱིཡ ཝཱརེ. ‘‘ཏཾ’’ཏི ཨཱརམྨཎཔུརེཛཱཏཾ. ཏསྶ ཨཱརམྨཎསྶ ཨཔརིབྱཏྟཏྟཱཝཱཏི སམྦནྡྷོ. ཀཱརཎཾ ཝདནྟི པཊྛཱནཊཱིཀཱཙརིཡཱ. ཨརཱུཔབྷཝེ མརཎཱསནྣཀཱལེ ཀསྶཙི གཏིནིམིཏྟུ པཊྛཱནཾ ཨཊྛཀཐཱསུ ཝུཏྟམེཝ. ཨེཝཉྩསཏི, ཏཏྠ ཨཱརམྨཎ པུརེཛཱཏཾ ལདྡྷབྦམེཝ. པཊྛཱནེཔན ཏསྨིཾབྷཝེ སབྦཾ པུརེཛཱཏཔཙྩཡཾ པཊིཀྑིཔཏི. ཀསྨཱ ཨིཏི ཙེ, ཝཏྠུ པུརེཛཱཏཔཙྩཡསྶ ཏཏྠ ཨལདྡྷབྦཏྟཱཏི ཨིམིནཱ ཨདྷིཔྤཱཡེན ‘‘ཨཱརུཔྤེཝིཡཱ’’ཏི ཝུཏྟཾ. ཨེཏྠ ཙ པཊྛཱནེ ཨརཱུཔབྷཝེ དྭེཔི པུརེཛཱཏཔཙྩཡཱ པཊིཀྑིཏྟཱ, ཏསྨཱ སབྦེཔི ཨརཱུཔ པུགྒལཱ སབྦཾཔི རཱུཔདྷམྨཾ ཨཱརམྨཎཾ ན ཀརོནྟཱིཏིཔི ཝདནྟི. ཨེཝཉྩ ཀཏྭཱ ཨཱརམྨཎ སངྒཧདཱིཔནིཡཾ ‘ཨསཉྙཱིབྷཝཏོ ཙུཏཱནཾ ཝིཡ ཨརཱུཔབྷཝཏོ ཙུཏཱནཾཔི གཏིནིམིཏྟབྷཱུཏཾ ཀཱམཔཊིསནྡྷིཡཱ ཨཱརམྨཎཾ བྷཝནྟརེ ཀེནཙིདྭཱརེན ཨགྒཧིཏཾ, ཀེཝལཾ ཀམྨབལེནེཝ ཨུཔཊྛཱཔིཏ’ནྟི ཝུཏྟཾ. ‘‘གཱུཐཀུཎཔཱདཱིནཱི’’ཏི གཱུཐཉྩ མཏཔཱུཏིསརཱིརཱནི ཙ. ‘‘ཨེཝཾ ཝུཏྟེཧཱི’’ཏི པཊྛཱནེ ཝུཏྟེཧི. ཏེ པན ཨཀུསལཱ དྷམྨཱ ཀཐཾ ཙཏུབྷཱུམིཀ ཀུསལཱནཾ ཨུཔནིསྶཡ པཙྩཡཱ ཧོནྟཱིཏི ཨཱཧ ‘‘ཏཏྠ ཨཱནནྟརིཡ ཝཛྫཱནཱི’’ཏིཨཱདིཾ. ཏཏྠ ཨཱནནྟརིཡ ཀམྨཀཏཱནཾ ཀིལེསཱཝརཎ ཀམྨཱཝརཎེཧི སམནྣཱགཏཏྟཱ ཛྷཱནམགྒཔྤཊིལཱབྷོ ནཱམ ནཏྠཱིཏི ཝུཏྟཾ ‘‘ཨཱནནྟརིཡ ཝཛྫཱནཱི’’ཏི. ‘‘ཏཱནཱི’’ཏི རཱགཱདཱིནི ཨཀུསལཱནི ཙཏུབྷཱུམིཀ ཀུསལཱནཾ ཨུཔྤཏྟིཡཱ བལཝནིསྶཡཱ ཧོནྟཱིཏི ཡོཛནཱ. ‘‘སམཏིཀྐམམུཁེནཱ’’ཏི པཊྛཱནེ ཨཀུསལོ དྷམྨོ ཀུསལསྶ དྷམྨསྶ ཨུཔནིསྶཡ པཙྩཡེན པཙྩཡོཏི ཨེཏསྶ པཉྷསྶ ཝིབྷངྒེ པཱཎཾ ཧནྟྭཱ ཏསྶ པཊིགྷཱ ཏཏྠཱཡ དཱནཾ དེཏི, སཱིལཾ སམཱདིཡཏི, ཨུཔོསཐཀམྨཾ ཀརོཏི, ཛྷཱནཾ ཨུཔྤཱདེཏི, མགྒཾ ཨུཔྤཱདེཏི, ཨབྷིཉྙཾ ཨུཔྤཱདེཏཱིཏི ཝུཏྟཾ. ཏཏྠ ‘‘ཏསྶ ¶ པཊིགྷཱཏཏྠཱཡཱ’’ཏི ཏསྶ པཱཎཱཏིཔཱཏཀམྨསྶ པཊིཧནནཏྠཱཡ པཧཱནཏྠཱཡ སམཏིཀྐམནཏྠཱཡཱཏི ཝུཏྟཾ ཧོཏི. སོ ཙེ པཱཎཱཏིཔཱཏཱི པུགྒལོ པུན སཾཝེགཾ ཨཱཔཛྫིཏྭཱ ཏསྶ ཀམྨསྶ སམཏིཀྐམནཏྠཱཡ དཱནཾ དེཏི, སཱིལཾ སམཱདིཡཏི, ཨུཔོསཐ ཀམྨཾ ཀརོཏི. ཏདཱ ཏཾ པཱཎཱཏི པཱཏཀམྨཾ ཏཾ པུགྒལཾ དཱནཀམྨེནིཡོཛེཏི ནཱམ. ཏཐཱ སཱིལཀམྨེ ཨུཔོསཐ ཀམྨེཏི. ཡཐཱཧི རཱཛཱ ཨེཝཾ ཝདེཡྻ ཨིམསྨིཾ དིཝསེ ཡོ ཨུཔོསཐཾ ནུཔཝསཏི, ཏཾ གྷཱཏེསྶཱམཱིཏི. ཏདཱ སབྦེཔི ནཱགརཱ ཨུཔོསཐཾ ཨུཔཝསེཡྻུཾ. ཨེཝམིདཾ དཊྛབྦཾ. རཱཛཱཝིཡ ཧི ཏསྶ པཱཎཱཏིཔཱཏཀམྨཾ. ནཱགརཱ ཝིཡ སོ པཱཎགྷཱཏཀོ. ཨུཔོསཐ ཀམྨ ཀུསལཱནི ཝིཡ ཏསྶ དཱནསཱིལ ཨུཔོསཐ ཀམྨ ཀུསལཱནཱིཏི. ‘‘ཛྷཱནཾ ཨུཔྤཱདེཏི, མགྒཾ ཨུཔྤཱདེཏི, ཨབྷིཉྙཾ ཨུཔྤཱདེཏཱི’’ཏི པདེསུཔི ཨེསེཝནཡོ. ཨེཝཾ སམཏིཀྐམམུཁེན ཨེཀཾཔི ཨཀུསལཾ སབྦཱནི ཙཏུབྷཱུམིཀ ཀུསལཱནི ཨུཔནིསྶཡ སཏྟིཡཱ ཛནེཏི པཝཏྟེཏཱིཏི ཝེདིཏབྦཾ. ‘‘ཏཱནིཡེཝ སབྦཱནཱི’’ཏི ཨཱནནྟརིཡ ཀམྨསཧིཏཱནིསབྦཱནི ཨཀུསལཱནིཡེཝ སབྦེསཾ ཨཀུསལཱནཾ ཨབྱཱཀཏ དྷམྨཱནཾ ཨུཔྤཏྟིཡཱ བལཝནིསྶཡཱ ཧོནྟཱིཏི ཡོཛནཱ. དཱནསཱིལཱདཡོ ཀུསལཱ དྷམྨཱ. སུཊྛུ བལཝཾ ཀམྨཾ ཨདྷིཔྤེཏཾ, ན དུབྦལཾ. ཨུཔནིསྶཡཊྛཱནཏྟཱ. ཏེསཾཔི རཱུཔདྷམྨཱནཾ བལཝནིསྶཡཱ ནནུཧོནྟཱིཏི སམྦནྡྷོ. ཀཐཾ ཧོནྟཱིཏི ཨཱཧ ‘‘བཧིདྡྷཱརུཀྑཏིཎཱདཱིནཾ’’ཏིཨཱདིཾ. ཏཏྠ པཐཝཱིརས ཨཱཔོརསཝསྶོདཀ བཱིཛཱནི རུཀྑཏིཎཱདཱིནཾ བལཝནིསྶཡཱ ཧོནྟི. མཱུལབྷེསཛྫཱདཱིནི ཨཛ྄ཛྷཏྟཾ སནྟཱནཾ བལཝནིསྶཡཱ ཧོནྟཱིཏི ཡོཛནཱ. ‘‘པཀཏསྶེཝཱ’’ཏི པཐམཏརཾ ཀཏསྶ ཨུཔྤཱདནཱདིཀམྨསྶེཝ. ‘‘ན ཨེཝཾ རཱུཔསནྟཱནེནཱ’’ཏི ཨེཝཾ རཱུཔསནྟཱནེན ཨུཔྤཱདིཏཱ ཨུཔསེཝིཏཱ དྷམྨཱ ནཏྠི. ‘‘ཏཾ’’ཏི ཨུཏུབཱིཛཱདིཀཾ. ཀམྨཱདིཀཉྩ. ‘‘པཀཏཾ’’ཏི པུརེཏརཾ ཨུཔྤཱདིཏཉྩ ཨུཔསེཝིཏཉྩ. སཙེཏནསྶེཝ ཙེཏནཾ པཀཔྤནཾ པཀརཎནྟི སམྦནྡྷོ. ཙེཏནཾ པཀཔྤནཾ པཀརཎཾ ནཱམཱཏི ཨཏྠོ. ‘‘པཀཔྤནཾ’’ཏི ཙ སཾཝིདྷཱནཾ. ‘‘ཀིཉྩཱི’’ཏི ཀིཉྩིཀམྨཱདིཀཾ ཨུཏུབྷོཛནཱདིཀཉྩ. ཨཏྟནོ ཙ ཨུཔྤནྣཱ རཱགཱདཡོ པརསྶ ཙ སནྟཱནེ པརསྶ ཙ ཨུཔྤནྣཱ རཱགཱདཡོ ཨཏྟནོ ཙ སནྟཱནེཏི ཡོཛནཱ ¶ . ‘‘ནིདསྶནཾ’’ཏི ཨུདཱཧརཎཾ ཧོཏི. མནོཔདོསིཀདེཝཱ ཨཉྙམཉྙཾ དིསྭཱ ཨཏྟནོ མནཾ པདཱུསེནྟི. བཱལ༹ྷཾ ཨིསྶཱདྷམྨཾ ཨུཔྤཱདེནྟི. ཏསྨིཾཡེཝ ཁཎེ ཙཝནྟི. ཏེསཾ དྭེ ཨིསྶཱདྷམྨཱ ཨཉྙམཉྙསྶ བལཝནིསྶཡཱ ཧོནྟཱིཏི. ཀཱམཱཝཙར ཀུསལསྶ བལཝནིསྶཡཱ ཧོནྟཱིཏིཨཱདིནཱ ཡོཛེཏབྦཾ. ཝིབྷཱཝནིཔཱཋེ. ཛྷཱན མགྒ ཕལ ཝིཔསྶནཱདིབྷེདཾ ཨཱལམྦཎཾ པཙྩཝེཀྑན ཨསྶཱདནཱདི དྷམྨེ ཨཏྟཱདྷཱིནེ ཀརོཏཱིཏི ཡོཛནཱ. ‘‘ཨཏྟཱདྷཱིནེ’’ཏི ཨཏྟཱཡཏྟེ ཨཏྟཱབདྡྷེ. པཊྛཱནེ པཉྷཝཱརེ དཱནཾ དཏྭཱ སཱིལཾསམཱདིཡིཏྭཱ ཨུཔོསཐཀམྨཾ ཀཏྭཱ ཏཾ གརུཾ ཀཏྭཱ པཙྩཝེཀྑཏི. པུབྦེ སུཙིཎྞཱནི གརུཾ ཀཏྭཱ པཙྩཝེཀྑནྟཱིཏིཨཱདིནཱ ཨཱགཏཏྟཱདཱན སཱིལ. ལ. ནིབྦཱནཱནི ཙེཝཱཏི ཝུཏྟཾ. རཱགཾ གརུཾཀཏྭཱ ཨསྶཱདེནྟི, ཨབྷིནནྡཏཱིཏིཨཱདིནཱ, ཙཀྑུཾ གརུཾ ཀཏྭཱ ཨསྶཱདེནྟཱིཏིཨཱདིནཱ ཙ ཨཱགཏཏྟཱ ‘‘རཱག དིཊྛི ཙཀྑུ སོཏཱདཱིནིཙཱ’’ཏི ཝུཏྟཾ. ‘‘པརཏྠ པཱི’’ཏི པརཏོ ནིསྶཡ པཙྩཡཱདཱིསུཔི. ‘‘སོ ཨེཝཱ’’ཏི པཙྩུཔཏྠམྦྷཀོ ཨེཝ. ‘‘ཀིཉྩཱི’’ཏི ཀིཉྩིམཏྟཾཔི. མཧཱབྷཱུཏེ ཀིཉྩི ཨུཔཏྠམྦྷེཏུཾ ན སཀྐོནྟཱིཏི ཡོཛནཱ. ནནུ ཨཱཧཱར རཱུཔཾ མཧཱབྷཱུཏེ ཨུཔཏྠམྦྷེཏུཾ སཀྐོཏི. ཛཱིཝིཏརཱུཔཉྩ ཀམྨཛམཧཱབྷཱུཏེ ཨནུཔཱལེཏུནྟི. སཙྩཾ. ཨིདྷ པན སཧཛཱཏཔཙྩཡ ཀིཙྩཾ ཨདྷིཔྤེཏཾ. ཏེསཉྩ དྭིནྣཾ སཧཛཱཏཔཙྩཡ ཀིཙྩཾ ནཏྠི. ཏཾ པརཏོ ཨཱཝཱི བྷཝིསྶཏཱིཏི. ‘‘ཝཏྠུ ཝིཔཱཀཱནཾ’’ཏི ཝཏྠུརཱུཔཾ ཝིཔཱཀཱནཾ. པཊྛཱནཔཱཋེ. ཨཱརམྨཎཉྩ, ནིསྶཡོ ཙ, པུརེཛཱཏཉྩ, ཝིཔྤཡུཏྟོ ཙ, ཨཏྠི ཙ, ཨཝིགཏོ ཙཱ,ཏི ཚསུཔཙྩཡེསུ གྷཊིཏེསུ ཏཱིཎི ཝིསཛྫནཱནི ལབྦྷནྟཱིཏི ཡོཛནཱ. ཏཱིཎི ཝིསཛྫནཱནི ནཱམ ཝཏྠུ ཀུསལཱནཾ ཁནྡྷཱནཾ ཚ ཧི པཙྩཡེཧི པཙྩཡོ. ཝཏྠུ ཨཀུསལཱནཾ, ཝཏྠུ ཨབྱཱཀཏཱནནྟི. ཨེཏྠ ཙ ཨཏྟནོ ཨཛ྄ཛྷཏྟཾ ཝཏྠུཾ ཨཱརབྦྷ ཝཏྠུ མེ ཨནིཙྩནྟིཨཱདིནཱ སམྨསནྟསྶ ཝཏྠུརཱུཔཾ ཀུསལཱནཾ ཁནྡྷཱནཾ ཚཧི པཙྩཡེཧི པཙྩཡོ. ཨེཏཾ མམ, ཨེསོ ཧམསྨི, ཨེསོ མེ ཨཏྟཱ,ཏི ཨུཔཱདིཡནྟསྶ ཝཏྠུ རཱུཔཾ ཨཀུསལཱནཾ. ཨུབྷཡཏྠཔི ཨཱཝཛྫནཀྑཎེ ཨབྱཱཀཏཱནཾ. ཨརཧཏོ པན ཏཾ ཨནིཙྩནྟིཨཱདིནཱ སམྨསནྟསྶ ཀྲིཡཱབྱཱཀཏཱནཾ ཁནྡྷཱནནྟི. ཏེནཱཧ ‘‘པཙྩུཔྤནྣཾ ཝཏྠུཾ’’ཏིཨཱདིཾ. ཏཏྠ ‘‘པཙྩུཔྤནྣཾ ཝཏྠུཾ’’ཏི ¶ ཨཏྟནོ པཙྩུཔྤནྣཾ ཝཏྠུཾ. ཨདྷིཊྛཱནཝིདྷཱནེ པན ཨཱཀཱས གམནེ རཱུཔཀཱཡཾ ཨཱརབྦྷཙིཏྟཾ ཝིཡ ཀཱཡཾ ལཧུཀཾ ཨདྷིཊྛཧནྟསྶ ཏཔྤརིཡཱཔནྣཾ ཝཏྠུ ཨབྷིཉྙཱཙིཏྟ དྭཡསྶཱཏི ཡོཛེཏབྦཾ. ‘‘ཨནིཊྛེཋཱནེ’’ཏི ཛཝནཙིཏྟསྶ ཨཱཝཛྫནེན ཝིནཱ ཨུཔྤཛྫནཾ ནཱམ ཀཏྠཙི ཨིཙྪིཏབྦཾ ཧོཏི. ཀཏྠཙི ཨནིཙྪིཏབྦཾ. ཏཏྠ ནིརོདྷསམཱཔཏྟིཏོ ཝུཊྛཱནེ, མགྒཝཱིཐཱིསུ གོཏྲབྷུཝོདཱནཊྛཱནེ, ཨཱགནྟུཀ བྷཝངྒཊྛཱནེཏི ཨིདཾ ཨིཙྪིཏབྦཊྛཱནཾ ནཱམ. ཨིཏོ ཨཉྙཾ ཨནིཙྪིཏཊྛཱནཾ ནཱམ. ཨེཝཾ ཨནིཙྪིཏབྦེ ཋཱནེཏི ཨཏྠོ. ‘‘པཀཏིཀཱལེ’’ཏི མརཎཱསནྣཀཱལཏོ ཨཉྙསྨིཾཀཱལེ. ‘‘ཏཱནིཝཱ’’ཏི ཨཏྟནོ ཨཏྟནོ ནིསྶཡཝཏྠཱུནིཝཱ. ‘‘ཨཉྙཾ ཝཱ’’ཏི ཝཏྠུཏོ ཨཉྙཾ རཱུཔཱདིཀཾ ཝཱ. ‘‘བྷིནྣཱརམྨཎཱནི ནཱམཱ’’ཏི ཨཉྙཾ ཨཱཝཛྫནསྶ ཨཱརམྨཎཾ, ཨཉྙཾ ཛཝནཱནནྟི ཨེཝཾ ཛཝནཱནི ཨཱཝཛྫནེན བྷིནྣཱརམྨཎཱནི ཝཱ. ཏེན ཝུཏྟཾ ‘‘པཙྪཱཨུཔྤནྣཱནཱི’’ཏིཨཱདི. ‘‘ཏེསཾ’’ཏི ཝཱིཐིཙིཏྟཱནཾ. ‘‘ཏདེཝཱ’’ཏི ཏཾ ཨེཝཝཏྠུ རཱུཔཾ. ‘‘ཝཏྠུ ཙཱ’’ཏི ནིསྶཡོ ཙ. ‘‘ཏེསཾ’’ཏི ཨཊྛཀཐཱཙརིཡཱནཾ. ན ཧི གཧེཏུཾ སཀྐོནྟཱིཏི སམྦནྡྷོ. སེསམེཏྠ སུབོདྷཾ. ‘‘ཀསྨཱ ཝུཏྟཾ’’ཏིཨཱདཱིསུ. ‘‘ཏསྶ ཡཀྑསྶཱ’’ཏི ཨིནྡཀནཱམསྶ ཏསྶཡཀྑསྶ. ‘‘ཨིཏརེསཾཔཱི’’ཏི སཾསེདཛོཔཔཱཏིཀཱནཾཔི. ‘‘དུཝིདྷེནཱ’’ཏི རཱུཔཛནན ཀིཙྩཾ རཱུཔཱུཔཏྠམྦྷན ཀིཙྩནྟི ཨེཝཾ དུཝིདྷེན. ཨཐཝཱ ‘‘དུཝིདྷེནཱ’’ཏི ཨཛ྄ཛྷཏྟཱཧཱརསྶ ཨུཔཏྠམྦྷནཾ བཧིདྡྷཱཧཱརསྶ ཨུཔཏྠམྦྷནནྟི ཨེཝཾ དུཝིདྷེན. ‘‘ཏཐཱརཱུཔཱནཉྩཱ’’ཏི ཨཔྤནཱཔཏྟཀམྨཝིསེསེན སིདྡྷཱནཉྩ. ‘‘ཨཛ྄ཛྷཏྟཱཧཱརོཔཱི’’ཏི པིསདྡེན ཡཐཱཝུཏྟཛཱིཝིཏིནྡྲིཡཉྩ ཨརཱུཔཱཧཱརེ ཙ སམྤིཎྜེཏི. ‘‘ཝཏྠུཝིཔཱཀཱནཾ’’ཏི ཝཏྠུརཱུཔཾ ཝིཔཱཀཱནཾ. ‘‘སབྦཐཱ’’ཏི ཨབྱཱཡཔདཾ. ཏཉྩ སབྦཝིབྷཏྟིཡུཏྟཾ. ཨིདྷ པན པཙྩཏྟཝཙནནྟི ཨཱཧ ‘‘སབྦཐཱ’’ཏི སབྦཔྤཀཱརནྟི. པཀཱརོ ཙ ཝེདིཏབྦོཏི སམྦནྡྷོ. ཀཐཾ ཝེདིཏབྦོཏི ཨཱཧ ‘‘ཏིཝིདྷོ’’ཏིཨཱདིཾ. ‘‘སཧཛཱཏེ སངྒཧེཏབྦཾ’’ཏི པཙྩཡབྷཱཝེན སངྒཧེཏབྦཾ. སཧཛནནཾ ནཱམ ཨཏྟནཱ སཧ ཛནེནྟསྶ སཧཛནནཾ. ཏཉྩ ཀམྨཙིཏྟཱདཱིནཾ ཝིཡ ཝིསུཾ ཛནནཀིཙྩཾ ན ཧོཏི. ཨཏྟནི ཨུཔྤཛྫནྟེ ཨེཝ ཨིཏརཱནི རཱུཔཱནི ཨུཔྤཛྫནྟི. ཨནུཔྤཛྫནྟེ ན ཨུཔྤཛྫནྟཱིཏི ཨེཝརཱུཔཾ ཛནནཀིཙྩཾ ཝེདིཏབྦཾ ¶ .‘‘ཝིནཱཝ སཧུཔྤཱདནཀིཙྩེནཱ’’ཏི ཨཏྟནཱ སཧུཔྤཱདནཀིཙྩེ ཨཱཧཱརསྶ བྱཱཔཱརོ ནཏྠཱིཏི ཨདྷིཔྤཱཡོ. ཏེནེཝ སཧཛཱཏཱནི ཨུཔཏྠམྦྷནྟོཔི སཧཛཱཏཔཙྩཡཏྟཾ ན གཙྪཏཱིཏི. ཨེསནཡོ རཱུཔཛཱིཝིཏིནྡྲིཡེཔི. ཏེན ཝུཏྟཾ ‘‘ཛཱིཝིཏཾཔཱི’’ཏིཨཱདི. ‘‘ཏཱིསཱུ’’ཏི ཨཱརམྨཎཉྩ ཨུཔནིསྶཡོ ཙ ཨཏྠིཙཱཏི ཨིམེསུ ཏཱིསུ. ཨཱརམྨཎཱདྷིཔཏིམྷི པུརེཛཱཏཱ རམྨཎཱདྷིཔཏིཔི ཨཏྠི. སོ པུརེཛཱཏཏྠི པཙྩཡོ ཨེཝཱཏི ཨཏྠིཔཙྩཡེ སངྒཧིཏོ. ‘‘ཏསྨིཾ ཀཏེ པཝཏྟམཱནཱནཾ’’ཏི ཏསྨིཾ ཀམྨེ ཀཏེ ཏསྶ ཀཏཏྟཱ ཨེཝ པཝཏྟམཱནཱནཾ. ཨཱརམྨཎཱཀཱརོ གོཙརཝིསཡཱཀཱརོ. ‘‘སནྟཱནཝིསེསཾ ཀཏྭཱ’’ཏི བཱིཛནིདྷཱནཾ ཀཏྭཱཏི ཨདྷིཔྤཱཡོ. ‘‘ཏེ’’ཏི ཨཱརམྨཎཔཙྩཡ ཀམྨ པཙྩཡཱ. ‘‘ཨཀཱལིཀོ’’ཏི མགྒཙེཏནཱཝསེན ཨཀཱལིཀོ. སོཧི ཨཏྟནོ ཨནནྟརེཕལཾ ཛནེཏི. ཏསྨཱ ཨཱགམེཏབྦསྶ ཨཱཡཏིཀཱལསྶ ཨབྷཱཝཱ ཨཀཱལིཀོཏི ཝུཙྩཏི. ཨཝསེསོ ནཱནཀྑཎིཀཔཙྩཡོ ཀཱལིཀོ. ‘‘པཙྩཡཊྛེནཱ’’ཏི པཙྩཡཀིཙྩེན. ལོཀཔྤཝཏྟིཡཱ ཀམྨཧེཏུཀཏྟཱཏི སམྦནྡྷོ. ‘‘ཕལཧེཏཱུ པཙཱརེནཱ’’ཏི ཕལབྷཱུཏཱཡ སབྦལོཀཔྤཝཏྟིཡཱ ཧེཏུབྷཱུཏསྶ ཀམྨསྶ ནཱམཾ ཕལམྷི ཨཱརོཔེཏྭཱ ཝོཧཱརེན སབྦེཔི ཏེཝཱིསཏིཔཙྩཡཱ ཀམྨསབྷཱཝཾ ནཱཏིཝཏྟནྟཱིཏི ཡོཛནཱ. ཀམྨཔཙྩཡ སངྑྱཾ གཙྪནྟཱིཏི ཝུཏྟཾ ཧོཏི. ‘‘ཝིཛྫམཱནཱ ཡེཝཱ’’ཏི ཨཏྠིཔཙྩཡཱ ཨེཝཱཏི ཝུཏྟཾ ཧོཏི. ‘‘སཱསནཡུཏྟིཡཱ ཝིརུདྡྷམེཝཱ’’ཏི ཨེཏྠ སཱསནཡུཏྟི ནཱམ ཏཱིཎིཔིཊཀཱནི. ‘‘ཝིརུདྡྷམེཝཱ’’ཏི ཨཱརམྨཎ པཙྩཡབྷཱུཏཱ སབྦེ པཐཝཱི པབྦཏ ནདཱིསམུདྡ ཨཛཊཱཀཱསཱདཡོ ཙ སབྦཱཔཉྙཏྟིཡོ ཙ ནིབྦཱནཉྩ ཀམྨསངྑྱཾ གཙྪནྟཱིཏི ཝདནྟོ ཙ, སབྦེ ཨཏཱིཏཱནཱགཏ དྷམྨཱ ཨཏྠིཔཙྩཡཱ ཨེཝཱཏི ཝདནྟོ ཙ, ཏཱིཧི པིཊཀེཧིཔི ཝིརུཛ྄ཛྷཏིཡེཝ. པཊྛཱནཔཱལི༹ཡཱ པན ཝཏྟབྦམེཝ ནཏྠི. ཨཏྠི སདྡོཧི པཊྛཱནེ པཙྩུཔྤནྣབྷཱཝེན ཝིཛྫམཱནཏྠོ. ན པརམཏྠ དྷམྨ བྷཱཝེན. ནཱཔིལོཀ སམྨུཏིཝསེན. ན ཧི པརམཏྠ དྷམྨ བྷཱུཏཱཔི ཨཏཱིཏཱནཱགཏདྷམྨཱ ཨིདྷ ཨཏྠི སངྑྱཾ གཙྪནྟི. ནཱཔིཔཉྙཏྟི ཧོཏི. ‘‘ཨཉྙམཉྙཔྤཊིབདྡྷཨོཀཱསེ’’ཏི ཨཉྙམཉྙཾ ནིསྶཡནིསྶིཏབྷཱཝེ ན པཊིབདྡྷེ ¶ ཀཱམརཱུཔབྷཝོཀཱསེ. ‘‘ཡཏོ’’ཏི ཡམྷཱཔཊིསནྡྷི ཝིཉྙཱཎཏོ. ‘‘ཡཏོ’’ཏི ཝཱ ཡམྷཱསཱིསཏོ, ཡམྷཱབཱིཛཏོ ནིབྦཏྟཱིཏི ཡོཛནཱ. ‘‘བཱིཛཏོ ཝིཡ མཧཱརུཀྑསྶཱ’’ཏི བཱིཛཔཙྩཡཱ ཀལཱི༹རངྐུརཱདིཀསྶ མཧཱརུཀྑསནྟཱནསྶ ནིབྦཏྟིཝིཡ. པཱལི༹པཱཋེ. ‘‘ན ཨོཀྐམིསྶཐཱ’’ཏི སཙེ ན ཨོཀྐམེཡྻ. ‘‘སམུཙྩིསྶཐཱ’’ཏི ཨཔིནུཁོ སམུཙྩེཡྻ, ཝཌྜྷེཡྻ. ‘‘ཝོཀྐམིསྶཐཱ’’ཏི སཙེ ཝིགམེཡྻ, ཝིནཱསེཡྻ. ‘‘ཨབྷིནིབྦཏྟིསྶཐཱ’’ཏི ཨཔིནུཁོ ཨབྷིནིབྦཏྟེཡྻ, པཱཏུབྷཝེཡྻ. ‘‘ཝོཙྪིཛྫིསྶཐཱ’’ཏི སཙེཨུཙྪིཛྫེཡྻ. ‘‘ཨཱཔཛྫིསྶཐཱ’’ཏི ཨཔིནུཁོ ཨཱཔཛྫེཡྻ. ‘‘ཡདིདཾ’’ཏི ཡཾ ཨིདཾ. ‘‘ཨིདཾ’’ཏི ནིཔཱཏམཏྟཾ. ‘‘ཝིཉྙཱཎཾ’’ཏི པཊིསནྡྷིཝིཉྙཱཎཾ. ཡཾ ཝིཉྙཱཎཾ ཨཏྠི. ཨེསེཝ ཝིཉྙཱཎ དྷམྨོཏི ཡོཛནཱ. ‘‘རཱུཔུཔྤཏྟིཡཱ’’ཏི རཱུཔུཔྤཱདསྶ. ཝིཉྙཱཎཾ པཙྩཡོ ཨེཏསྶཱཏི ཝིཉྙཱཎ པཙྩཡཱ. རཱུཔུཔྤཏྟི. ‘‘རཱུཔཔྤཝེཎིཡཱ’’ཏི ཀམྨཛརཱུཔསནྟཏིཡཱ. ‘‘ཨུཏུཨཱཧཱརཱཔཱི’’ཏི ཨཛ྄ཛྷཏྟ ཨུཏུཨཛ྄ཛྷཏྟ ཨཱཧཱརཱཔི. ཨིདཉྩ སམྦྷཝཡུཏྟི ཝསེན ཝུཏྟཾ. ཨཏྠཏོ པན པུརིམུཔྤནྣཱཡ རཱུཔཔྤཝེཎིཡཱ ཨསཏི, ཨཛ྄ཛྷཏྟཾ ཏེ ཨུཏུཨཱཧཱརཱཔི ནཏྠིཡེཝ. བཧིདྡྷཱ ཨུཏུཔན ཨསཏིཔི པུརིམུཔྤནྣཱཡ རཱུཔཔྤཝེཎིཡཱ རཱུཔཾ ན ཛནེཏཱིཏི ན ཝཏྟབྦཾ. ཊཱིཀཱཔཱཋེ. ‘‘ཨརཱུཔཾ པནཱ’’ཏི ཨརཱུཔབྷཱུམིཔན. ‘‘ཡསྨིཾརཱུཔེ’’ཏི ཀམྨཛརཱུཔེ. ‘‘པཙྩཡབྷཱཝོ ཨཏྠཱི’’ཏི པཙྪིམརཱུཔུཔྤཏྟིཡཱ པཙྩཡསཏྟི ཨཏྠི. ཀསྨཱ ཝིཉྙཱཡཏཱིཏི ཙེ. ‘‘པུཏྟསྶཱ’’ཏིཨཱདིམཱཧ. ‘‘བཱིཛབྷཱཝསངྑཱཏཾ’’ཏི ཨམྦབཱིཛཱདཱིནཾ བཱིཛབྷཱཝསངྑཱཏཾ. ‘‘ནིཡཱམརཱུཔཾ ནཱམཱ’’ཏི ཨུཏུཝིསེསམཱཧ. ‘‘ཡཐཱ ཝཱ ཏཐཱ ཝཱ’’ཏི ཨནིཡམཏོཏི ཝུཏྟཾ ཧོཏི. ‘‘ཡོནིབྷཱཝསངྑཱཏཾ’’ཏི ཏཾ ཏཾ གོཏྟཀུལཛཱཏཱིནཾ ཛཱཏིབྷཱཝསངྑཱཏཾ. ‘‘ནིཡཱམརཱུཔཾ’’ཏི ཨུཏུཝིསེས སངྑཱཏཾ ནིཡཱམརཱུཔཾ. སདིསཱནི རཱུཔསཎྛཱནཱནི ཡེསནྟི ཝིགྒཧོ. ‘‘པཊིསནྡྷིརཱུཔསྶེཝ ཨཱནུབྷཱཝོ’’ཏི ཀལལཀཱལཱདཱིསུ ཨུཔྤནྣསྶ པཊིསནྡྷིརཱུཔསྶེཝ ཨཱནུབྷཱཝོ. པུན ཏམེཝཏྠཾ ཝིསེསེཏྭཱ དསྶེཏུཾ ‘‘ཨཔིཙཱ’’ཏིཨཱདིམཱཧ. ‘‘སམུདཱགཏཾ’’ཏི སུཊྛུ ཨུཔརཱུཔརིཨཱགཏཾ. ཨིཏྠིབྷཱཝཱདིརཱུཔཾ བཱིཛརཱུཔཉྩ ནིཡཱམེཏཱིཏི སམྦནྡྷོ. ‘‘ནིཡཱམཀཾ’’ཏི ནཱནཱཝཎྞསཎྛཱནཱདཱིནཾ ནིཡཱམཀཾ. ‘‘ཏཏྠ ¶ ཨིམསྨིཾ བྷཝེ’’ཏིཨཱདཱིསུ. དྷནཉྩ དྷཉྙཉྩ ཏཏོ ཨཝསེསཱ སབྦེཨུཔབྷོགཔརིབྷོགཱཙཱཏི ཝིགྒཧོ. ཝིཛྫཱ ཙ སིཔྤཉྩ ནཱནཱབཧུསྶུཏཉྩ པརིཡཏྟི ཙཱཏི དྭནྡོ. ‘‘ཨནཱགཏཱནཾ ཏཱསཾ’’ཏི ཏཱསཾ ཨབྷིནཝདྷནདྷཉྙཱདིསམྤཏྟཱིནཾ. ‘‘ཨུཔནིསྶཡ པཙྩཡཏཱ’’ཏི པུབྦཡོགཀམྨསྶ ཨུཔནིསྶཡ པཙྩཡཏཱ. ཏཏྠ དྷནདྷཉྙབྷོགཱནཾ པཊིལཱབྷཏྠཱཡ པུབྦཡོགཀརཎཾ ནཱམ ཀསིཀམྨ ཝཱཎིཛྫཀམྨཱདཱིནཾ ཀརཎཾ. ཏཏྠ ཀསིཀམྨེ ཏཱཝ དྷནདྷཉྙབྷོགཱནཾ པཊིལཱབྷཏྠཱཡ ཀསིཀམྨཀརཎེ དྷནདྷཉྙབྷོགཱ ཨནཱགཏཱུཔནིསྶཡ པཙྩཡོ. ཨིདཱནི ཀསིཀམྨཀརཎཾ ཏསྶ པཙྩཡུཔྤནྣཾ. དྷནདྷཉྙ བྷོགཱནཾ པཊིལཱབྷཔརིབྷོགཀཱལེསུ ཀསིཀམྨཀརཎཾ ཨཏཱིཏཱུཔནིསྶཡ པཙྩཡོ. ཏེསཾ པཊིལཱབྷོ ཙ པརིབྷོགོ ཙ ཏསྶ པཙྩཡུཔྤནྣོ. ཀསིཀམྨཀརཎཀྑཎེ པན ཁེཏྟ, ཝཏྠུ, བཱིཛ, མེགྷཝུཊྛིཡོ ཙ ནངྒལཱདཱིནི ཀསིབྷཎྜཱནི ཙ གོམཧིཾསཱ ཙ ཀམྨཀཱརཀ པུརིསཱ ཙ པཙྩུཔྤནྣཱུཔནིསྶཡོ. ཀསིཀམྨཀརཎཾ ཏསྶ པཙྩཡུཔྤནྣཾ. ཀམྨསཱདྷིཀསྶ མཱཏཱཔིཏཱདཡོ པུབྦཔུརིསཱ ཏསྶ ཀམྨསྶ ཨཏཱིཏཱུཔནིསྶཡ པཙྩཡོ. ཏཾ ཀམྨཾ ཏསྶ པཙྩཡུཔྤནྣནྟི. ཨེཝཾ སེསེསུཔི. སེསཾ སུཝིཉྙེཡྻཾ.

‘‘པཉྩཝིདྷ’’ནྟིཨཱདཱིསུ. ‘‘སཎྛཱནཏྟཾ’’ཏི ཨཎུ, ཏཛྫཱརཱི, རཐརེཎུ, ལིཀྑཱདཱིནི ཨུཔཱདཱཡ སབྦེསཾ རཱུཔསཎྛཱནཱནཾ བྷཱཝོ སཎྛཱནཏྟཾ. ‘‘བྷཱཝོ’’ཏི ཙ ཏེསཾ པཝཏྟི ཝུཙྩཏི. ‘‘པཝཏྟི ཧེཏཱུ’’ཏི ཙ པརམཏྠ རཱུཔ དྷམྨཱ ཨེཝ. ‘‘ཨནུཔགམནཏོ’’ཏི ཨེཏྠ སབྷཱཝཏོ ཨཏིསུཁུམཏྟཱ ཨནུཔགམནཾ ཝེདིཏབྦཾ. ཨདྷིཝཙནསངྑཱཏཾ ནཱམཱབྷིདྷཱནནྟི ཝིགྒཧོ. ‘‘ཨདྷིཝཙནཾ’’ཏི ཙ ཨཏྠཔྤཀཱསཀཏྟཱ ཨདྷིཀཾ ཝཙནཾ ཨདྷིཝཙནཾ. ‘‘ནཱམཱབྷིདྷཱན’’ནྟི ཙ ནཱམཔཉྙཏྟི ཝུཙྩཏི. ‘‘གཧེཏབྦ བྷཱཝོ’’ཏི ཨིདཾ ཙིཏྟཾ ནཱམ, ཨཡཾ ཕསྶོནཱམཱཏིཨཱདིནཱ ཀཐེནྟཱནཾ སནྟིཀཱ ནཱམཱབྷིདྷཱནཾ སུཏྭཱ ཏདནུརཱུཔསྶ སབྷཱཝཏྠསྶ ཛཱནནཝསེན ཉཱཎེན གཧེཏབྦབྷཱཝོ. ནཱམ པཉྙཏྟཱནུསཱརེན ཛཱནིཏབྦཏྟཱ ནཱམནྟི ཝུཙྩཏཱིཏི ཝུཏྟཾ ཧོཏི. ཨཱརམྨཎེ ནམཏཱིཏི ནཱམཾ. ཨཱརམྨཎིཀ དྷམྨཱ ཝཱ ཨེཏྠ ནམནྟཱིཏི ནཱམནྟིཔི ཡུཛྫཏི.

ཨིམསྨིཾ ¶ པཙྩཡསངྒཧེ པཙྩཡདྷམྨེསུ པཉྙཏྟཱིནཾཔི སངྒཧིཏཏྟཱ པཉྙཏྟི སངྒཧོཔི ཐེརེན ཨིདྷ ནིཀྑིཏྟོ. ཏཏྠ ‘‘པཉྙཱཝཱིཡཏཱི’’ཏི ཨེཏྠ པཉྙཱཔནཾ ནཱམ ཝོཧཱརཊྛཔནཾ. ཏཉྩཋཔནཾ དྭཱིཧིཀཱརཎེཧི སིཛ྄ཛྷཏི ཝདནྟཱནཾ ཝོཧཱརེན ཙ, སུཎནྟཱནཾ སམྤཊིཙྪནེན ཙཱཏི དསྶེཏུཾ ‘‘ཨཡཾ པཱི’’ཏིཨཱདིམཱཧ. ‘‘སམྤཊིཙྪཱིཡཏཱི’’ཏི ཡཐཱ པུབྦཔུརིསེཧི ཝོཧརཱིཡཏི, ཏཐཱ པཙྪིམ ཛནཔརམྤརཱཧི ཝོཧརཱིཡཏཱིཏི ཝུཏྟཾ ཧོཏི. པཀཱརེན ཉཱཔཱིཡཏཱིཏི པཉྙཏྟཱིཏིཔི ཡུཛྫཏི. ‘‘བྱཉྫནཏྠོ’’ཏི མནུསྶ, དེཝ, པཐཝཱི, པབྦཏཱདིཀོ སདྡཏྠོ. ‘‘པཉྙཱ པཱིཡནྟཱི’’ཏི པཀཱརེན ཋཔཱིཡནྟི. སདྡཔཉྙཏྟིཾ ཨཱཧཱཏི ཨདྷིཀཱརོ. ཨདྷིམཏྟབྷཱཝཔྤཀཱརོ ནཱམ པཐཝཱིཔབྦཏཱདཱིསུ པཐཝཱིདྷཱཏུཡཱ ཨདྷིམཏྟ བྷཱཝཝིསེསོ. ནདཱི སམུདྡོདཀཱདཱིསུ ཨཱཔོདྷཱཏུཡཱ. ཨགྒིཀྑནྡྷེསུ ཏེཛོདྷཱཏུཡཱ. ཝཱཏཀྑནྡྷེསུ ཝཱཡོདྷཱཏུཡཱཏི ཨེཝཾ ཨདྷིམཏྟ བྷཱཝཝིསེསོ. ཝིཝིདྷེན པཀཱརེན པརིཎམནཾ ཝིཔརིཎཱམོཏི ཨཱཧ ཏཐཱ ཏཐཱ ཝིཔརིཎཱམཱཀཱརནྟི. པཐཝཱིཔབྦཏཱདིཝོཧཱརོ སཎྛིཏཱཀཱརཾ ནིསྶཱཡ པཝཏྟོ ན ཧོཏི. པཐཝཱི ནཱམ ཨེཝཾ སཎྛཱནཱ, པབྦཏོ ནཱམ ཨེཝཾ སཎྛཱནོཏི སཎྛཱནནིཡམོ ནཏྠི. པཾསུསིལཱནཾ རཱསིཔུཉྫཔྤཝཏྟིམཏྟེན ཝོཧཱརོ སིདྡྷོཏི ཝུཏྟཾ ‘‘ན ཧི ཨིདྷ སཎྛཱནཾ པདྷཱནཾ’’ཏི. ‘‘ཀཊྛཱདཡོ ཨེཝ ཝུཙྩནྟཱི’’ཏི ཏེ ཨེཝསཎྛཱནནཱནཏྟཾ པཊིཙྩ ནཱནཱཝོཧཱརེན ཝུཙྩནྟི. པཐཝཱི པབྦཏ ནདཱི སམུདྡཱདཱིསུ ཝིཡ བྷཱུཏཱནཾ པཝཏྟིཝིསེསཱཀཱརེནཱཏི ཝུཏྟཾ ‘‘ན ཧི ཨིདྷ སམཱུཧོ པདྷཱནཾ’’ཏི. ‘‘ཨུཔཱདཱཔཉྙཏྟཱི’’ཏི པཉྩཀྑནྡྷ དྷམྨེ ཨུཔཱདཱཡ ཏེཧི ཨནཉྙཾ ཨེཀཱིབྷཱུཏཾ ཀཏྭཱ པཉྙཏྟི. ན ཨཱཀཱས པཉྙཏྟི དིསཱདེསཔཉྙཏྟིཡོ ཝིཡ ཏེཧི ཁནྡྷེཧི མུཉྩིཏྭཱ པཉྙཏྟི. ‘‘ཡཏོ’’ཏི ཡམྷཱདིསཏོ. ‘‘ལདྡྷཔྤཀཱསཏྟཱ’’ཏི ལདྡྷཔྤབྷཱསཏྟཱ. ‘‘ཨཧསྶཱ’’ཏི དིཝསསྶ. ཨུདྡྷུམཱཏཀཱདཱིནི ‘ཨུདྡྷུམཱཏཀཾ པཊིཀཱུལཾ’ཏིཨཱདིནཱ པཊིཀཱུལཝསེན མནསིཀརོནྟསྶཔི ནིམིཏྟཾ ཨུཔཊྛཧནྟཾ བྷཱུཏཝིཀཱརཔྤཀཱརེན ཨུཔཊྛཧཏཱིཏི ཀཏྭཱ བྷཱུཏནིམིཏྟེ སངྒཎྷཱཏི. ‘‘ཨཊྛཀཐཱཡཾ’’ཏི པུགྒལཔཉྙཏྟི ཨཊྛཀཐཱཡཾ. ‘‘ཏཱསཾ’’ཏི བྷཱུམིཔབྦཏཱདིཀཱནཾ ཨཏྠ པཉྙཏྟཱིནཾ. ‘‘ཏཐཱ ཏཐཱ’’ཏི ¶ ཨཡཾ བྷཱུམི, ཨཡཾ པབྦཏོ, ཏིཨཱདིནཱ ཏེན ཏེན ཝོཧཱརེན. ཨཏྠཱནཾ པརམཏྠཱནཾ ཚཱཡཱཏི ཨཏྠཙྪཱཡཱ. ‘‘ཚཱཡཱ’’ཏི ཙ ནིམིཏྟཙྪཱཡཱཡོ ཝུཙྩནྟི. ཨཏྠཙྪཱཡཱནཾ ཨཱཀཱརོ ཨཏྠཙྪཱཡཱཀཱརོ. ‘‘ཨཱཀཱརོ’’ཏི ཙ ནཱནཱསམཱུཧ ནཱནཱསཎྛཱནཱདིཀོ ཨཱཀཱརོ. ཨཏྠོཏི ཝཱ སདྡཱབྷིདྷེཡྻོ ཝཙནཏྠོ. སོཡེཝ སམཱུཧཱཀཱརཱདི ནིམིཏྟ མཏྟཏྟཱ ཨཏྠཙྪཱཡཱཀཱརོཏི ཝུཙྩཏཱིཏི ཨིམམཏྠཾ དསྶེཏི ‘‘སདྡཱབྷིདྷེཡྻ སངྑཱཏེནཱ’’ཏིཨཱདིནཱ. ‘‘དབྦཔྤཊིབིམྦཱཀཱརེནཱ’’ཏི དབྦསངྑཱཏེན པཊིབིམྦཱཀཱརེན. ‘‘ཨོལམྦིཡཱ’’ཏི ཨཝལམྦིཏྭཱ. ‘‘གཎནཱུཔགཾ ཀཏྭཱ’’ཏི ཨཡ མེཀོ ཨཏྠོ, ཨིདམེཀཾ ཝཏྠཱུཏི ཨེཝཾ གཎནཱུཔགཾ ཀཏྭཱ. ‘‘ཨིམེཚཱ’’ཏི ཨིམེ ཚསདྡཔཉྙཏྟི ཝོཧཱརཱ ནཱམ ནཱམཀམྨཱདི ནཱམ. ‘‘ཨཏྟནཱི’’ཏི ནཱམཔད སངྑཱཏེ ཨཏྟནི. ཨཏྠ ཝིསཡཾ ཨེཝ ཧུཏྭཱ པཝཏྟཏི བྷཱསཉྙཱུནནྟི ཨདྷིཔྤཱཡོ. ‘‘ནཱམེ སཏཱི’’ཏི ཨཀྑརསམཱུཧོ པདཾ, པདསམཱུཧོ ཝཱཀྱནྟི ཨེཝཾ ཝུཏྟེ ནཱམཔདེ ཝིཛྫམཱནེ སཏི. ‘‘ཏདུགྒཎྷནྟཱནཾ’’ཏི ཏཾ ཏཾ ནཱམཔདཾ ཝཱཙུགྒཏཀརཎ ཝསེན ཨུགྒཎྷནྟཱནཾ ཛནཱནཾ. ‘‘ཏདཏྠཱ’’ཏི ཏསྶ ཏསྶ ནཱམ པདསྶ ཨཏྠཱ. ‘‘ཨཱགཙྪནྟི ཡེཝཱ’’ཏི བྷཱསཉྙཱུནཾ ཉཱཎཱབྷིམུཁཾ ཨཱགཙྪནྟིཡེཝ. ཨེཏེན ཨཏྟནི ཨཏྠསྶ ནཱམནཾ ནཱམ ཨཏྠཛོཏན ཀིཙྩམེཝཱཏི དཱིཔེཏི. ‘‘སུཎནྟཱནཾ ཉཱཎཾ’’ཏི ཨེཏྠ ‘‘ཉཱཎཾ’’ཏི ཨུཔལཀྑཎ ཝཙནཾ, ཨཀུསལ ཝིཉྙཱཎསྶཔི ཨདྷིཔྤེཏཏྟཱ. ‘‘ཏཾ ཏཾ ཨཏྠཱབྷིམུཁཾ ནཱམེཏཱི’’ཏི ཨཱརམྨཎ ཀརཎཝསེན ནཱམེཏི. ‘‘ནཱམགྒཧཎ ཝསེནཱ’’ཏི ཨཡཾ ཨསུཀོནཱམ ཧོཏཱུཏི ཨེཝཾ ནཱམགྒཧཎཝསེན. ‘‘དྷཱརཱིཡཏཱི’’ཏི ཡཱཝཛཱིཝཾཔི ཨཔྤམུསྶམཱནཾ ཀཏྭཱ དྷཱརཱིཡཏི. ནཱིཧརིཏྭཱ ཝུཙྩཏི ཨཏྠོ ཨེཏཱཡཱཏི ནིརུཏྟི. ‘‘ཨེཏཱཡཱ’’ཏི ཀརཎབྷཱུཏཱཡ ཨེཏཱཡནཱམཛཱཏིཡཱ. ‘‘ཨཝིདིཏཔཀྑེ’’ཏི ནཱམཔདཾ ཨསྶུཏཀཱལེ ཨཝིཉྙཱཏཔཀྑེ. ‘‘ཏཏོ ནཱིཧརིཏྭཱ’’ཏི ཨཝིདིཏཔཀྑཏོ ཉཱཎེན ནཱིཧརིཏྭཱ. ‘‘ཀཐཱིཡཏཱི’’ཏི ཏཾ སུཏཀཱལེ ཝདནྟེན སུཎནྟསྶ ཨཱཙིཀྑཱིཡཏི ཛཱནཱཔཱིཡཏི. ‘‘ཨཏྠསྶཱ’’ཏི ཨཝིདིཏཔཀྑེ ཋིཏསྶ ཨཏྠསྶ. ‘‘ཨེཏསྶེ ཝཱ’’ཏི ནཱམཔདསྶེཝ. ནཱམཔདནྟི ཙ ཀྲིཡ པདཾཔི ¶ , ཨུཔསགྒཔདམྤི, ནིཔཱཏཔདམྤི, པཱཊིཔདིཀཔདཾཔི, ཨིདྷ ནཱམཔདནྟྭེཝ ཝུཙྩཏི. ‘‘ཝིསེསནབྷཱུཏཱནཾ’’ཏི ཨཉྙཔདཏྠསམཱསེ སམཱསཔདཱནཾ ཨཏྠཱ ཝིསེསནཱ ནཱམ. ཨེཝཾ ཝིསེསནབྷཱུཏཱནཾ. ‘‘པུགྒལསྶཱ’’ཏི ཨཉྙཔདཏྠབྷཱུཏསྶ ཨབྷིཉྙཱལཱབྷཱི པུགྒལསྶ. ‘‘ཝདནྟཱི’’ཏི ཨཱནནྡཱཙརིཡཾ སནྡྷཱཡ ཝུཏྟཾ. སོ ཧི དྷམྨསངྒཎིཡཾ པཉྙཏྟིདུཀནིདྡེསེ མཱུལཊཱིཀཱཡཾ ཏཐཱ ཝདཏི. ‘‘ཏབྦྷཱཝཾ’’ཏི ཨཀྑར པདབྱཉྫནབྷཱཝཾ. ‘‘ཨསྶཱ’’ཏི ནཱམཔཉྙཏྟིཡཱ. ཨཀྑརཔདབྱཉྫནཾ གོཙརོ ཨཱརམྨཎཾ ཨསྶཱཏི ཝིགྒཧོ. ‘‘ཨནུསཱརེནཱ’’ཏི ཨནུགམནེན. ‘‘ལོཀསངྐེཏ ནིམྨིཏཱ’’ཏི ལོཀསངྐེཏཉྙཱཎེན པཝཏྟིཏཱ. ‘‘ལོཀསངྐེཏཉྙཱཎཾ’’ཏི ཙ ཨིདཾ ནཱམཾ ཨིམསྶཏྠསྶ ནཱམཾ, ཨཡམཏྠོ ཨིམསྶ ནཱམསྶ ཨཏྠོཏི ཨེཝཾ པུརེཏརཾ ལོཀསཉྙཱཎ ཛཱནནཀཉྙཱཎཾ. ‘‘ཨཏཱིཏ སདྡམཏྟཱརམྨཎཱ’’ཏི སོཏཝིཉྙཱཎ ཝཱིཐིཡཱ ཨཱརམྨཎཾ ཧུཏྭཱ ནིརུདྡྷཾ ཨཏཱིཏ སདྡམཏྟཾ ཀུརུམཱནཱ. ‘‘ཏེན ཝུཏྟཝཙནེ’’ཏི ཏེན སིཀྑཾ པཙྩཀྑནྟེན བྷིཀྑུནཱ སིཀྑཾ པཙྩཀྑཱམཱིཏི ཝུཏྟཝཙནེ. པཙྩུཔྤནྣཾ སདྡཾ སོཏཝིཉྙཱཎ ཝཱིཐིཡཱ, ཨཏཱིཏཉྩ སདྡཾ མནོཝིཉྙཱཎ ཝཱིཐིཡཱཏི ཡོཛནཱ. ‘‘ཏཱནི ཨཀྑརཱནཱི’’ཏི སིཀྑཾ པཙྩཀྑཱམཱིཏི ཝཱཀྱེ ཨཝཡཝཀྑརཱནི. ‘‘ཨཡཾ ཨཀྑར སམཱུཧོ’’ཏི ཨིདཾ ནཱམཔདནྟི ཝུཏྟཾ ཧོཏི. ཨེཏསྶ ཨཏྠསྶ. ‘‘ཝིནིཙྪཡཝཱིཐིཾ’’ཏི ཨཀྑར པདསལླཀྑཎཝཱིཐིཉྩ. ‘‘ཨེཀཀྑརེ སདྡེ’’ཏི ‘གོ’ ཨིཙྩཱདིཀེ ཨེཀཀྑརེ པཉྙཏྟི སདྡེ. ‘‘ཡཱ’’ཏི ནཱམ པཉྙཏྟི. ‘‘ཝདནྟསྶ མནསཱ’’ཏི སམྦནྡྷོ. ‘‘པུབྦབྷཱགེ’’ཏི ཡཾ ཀིཉྩི ཨཏྠཾ པརེསཾ ཝཏྟུཀཱམོ ཝདནྟོ ཏསྶ ཏསྶ ཨཏྠསྶ ནཱམཾ པཐམཾ མནོདྭཱརཝཱིཐིཡཱ ནིཡམེཏྭཱ ཨེཝ ཝདཏི, ཏཾ ནཱམཾ པུབྦབྷཱགེ ཝདནྟེན མནསཱ ཝཝཏྠཱཔིཏཱ ནཱམཔཉྙཏྟཱིཏི ཝུཙྩཏི. པཊིཔཱཊིཀཐནཾ པཝཏྟིཀྐམཀཐནཾ. ‘‘ཝུཏྟཾ’’ཏི ཨཊྛཀཐཱསུ ཝུཏྟཾ. ཏཐཱ ཨདྡྷམཏྟིཀནྟི ཙ ཝུཏྟནྟི སམྦནྡྷོ. ‘‘ཝུཏྟཾ’’ཏི ཙ སདྡསཏྠེསུ ཝུཏྟཾ.

གཱཐཱཡཾ. ‘‘མཏྟཱ’’ཏི ཨེཀཝིཛྫུཔྤཱདཀྑཎཾ ཝུཙྩཏི. ཨེཀཱ མཏྟཱཡསྶཱཏི ཨེཀམཏྟོ. ‘‘དཱིགྷམུཙྩཏེ’’ཏི དཱིགྷོ ནཱམ ཝུཙྩཏེ. ‘‘པླུཏོ’’ཏི ནཱནཔྤཀཱརེན རུཏོ གཱཡིཏོཏི པརུཏོ ¶ . སོ ཨེཝ རཀཱརསྶ ལཀཱརཾ ཀཏྭཱ པཀཱརེ ཙ སརལོཔཾ ཀཏྭཱ པླུཏོཏི ཝུཙྩཏི. གཱིཏནྟི ཝུཏྟཾ ཧོཏི. ‘‘པརམཏྠ སདྡསངྒྷཱཊཱནཾ’’ཏི པརམྤརཱ པཝཏྟཱནཾ པརམཏྠ སདྡརཱསཱིནཾ. ‘‘ཨནེཀཀོཊིསཏསཧསྶཱནི ཙིཏྟཱནཱི’’ཏི ཛཝནཝཱིཐཱིནཾ ཨནྟརནྟརཱ བྷཝངྒཙིཏྟེཧི སདྡྷིཾ ཨནེཀཀོཊིསཏསཧསྶཱནི ཙིཏྟཱནི.

པཊྛཱནནཡཱནུདཱིཔནཱ ནིཊྛིཏཱ.

པཙྩཡསངྒཧཱནུདཱིཔནཱ ནིཊྛིཏཱ.

༩. ཀམྨཊྛཱནསངྒཧཨནུདཱིཔནཱ

༡༧༠. ཀམྨཊྛཱནསངྒཧེ ¶ . ཝིདིཏོ ཝིཉྙཱཏོ ནཱམརཱུཔ ཝིབྷཱགོ ཡེནཱཏི ཝིགྒཧོ. ཡོགཱི པུགྒལོ. ‘‘ཀིལེསེ སམེཏཱི’’ཏི ཀཱམཙྪནྡཱདིཀེ ནཱིཝརཎཀིལེསེ ཨུཔསམེཏི. ‘‘ཏཐཱ པཝཏྟོ’’ཏི བྷཱཝནཱཝསེན པཝཏྟོ. ཝཱུཔསམནཝསེན ཝཱ པཝཏྟོ. ‘‘ཏཱཡཱ’’ཏི ཏཱཡབྷཱཝནཱ པཉྙཱཡ, པསྶནྟཱིཏི སམྦནྡྷོ. ‘‘པསྶིཏཾ’’ཏི སམནུཔསྶིཏཾ. ཀཐཾ ཀསིཎབྷཱཝནཱདིཀཾ ཡོགཀམྨཾ ཨཏྟཱཝ ཨཏྟནོ ཋཱནཾ ཧོཏཱིཏི ཝུཏྟཾ ‘‘ཨཱདིམཛ྄ཛྷཔརིཡོསཱནཱནཾཧཱི’’ཏིཨཱདི. ཝིབྷཱཝནིཔཱཋེ. ‘‘པདཊྛཱནཏཱཡཱ’’ཏི ཨེཏེན ཏིཊྛཏི ཨནིཝཏྟམཱནཾ པཝཏྟཏི ཨེཏེནཱཏི ཋཱནནྟི ཨཏྠེན པདཊྛཱནམེཝ ཋཱནནྟི ཝུཙྩཏཱིཏི དཱིཔེཏི. ‘‘སུཁཝིསེསཱནཾ’’ཏི ཛྷཱནསུཁ མགྒསུཁ ཕལསུཁཱནཾ. ‘‘དསཀསིཎཱནཱི’’ཏིཨཱདཱིསུ མུཁྱཏོ ཝཱ ཨུཔཙཱརཏོ ཝཱ དྭིདྷཱཔི ཨཏྠཾ དསྶེཏུཾ ‘‘དསཀསིཎཱནཱི’’ཏིཨཱདི ཝུཏྟཾ. ‘‘སེསཱནིཔཱི’’ཏི ཨཔྤམཉྙཱདཱིནི སེསཀམྨཊྛཱནཱནིཔི. ཡཾ ཡཾ ཨནུརཱུཔཾ ཡཐཱནུརཱུཔཾ. ‘‘སམུདཱཙརཎཾ’’ཏི པུནཔྤུནཾ བྷུསཾ པཝཏྟནཾ. ‘‘སཾསགྒ བྷེདོ’’ཏི ཨེཀམེཀསྶ པུགྒལསྶ ཀསྶཙི དྭེཙརིཡཱ, ཀསྶཙི ཏིསྶོཏིཨཱདིནཱ སམྨིསྶ ཝིབྷཱགོ. ཨཊྛཀཐཱཡཾ’’ཏི ཝིསུདྡྷིམགྒ ཨཊྛཀཐཱཡཾ. ‘‘སབྦཱཡཔི ཨཔྤནཱཡཱ’’ཏི ཛྷཱནཔྤནཱཡ ཙ མགྒཔྤནཱཡ ཙ ཕལཔྤནཱཡ ཙ. ‘‘ཡཱ ཨཱསནྣེ པཝཏྟཱ དཱུརེ པཝཏྟཱཏི ཨདྷིཀཱརོ. ‘‘ཨིཏརཱ པནཱ’’ཏི དཱུརེ པཝཏྟཱཔན. ‘‘ཏཱསཾ པནཱ’’ཏི ཏིསྶནྣཾ བྷཱཝནཱནཾ པན. ‘‘ཏེསཾ པཱི’’ཏི དྭིནྣཾ ནིམིཏྟཱནཾཔི. ‘‘ཝིདཏྠིཙཏུརངྒུལཾ’’ ནཱམ ཝིཏྠཱརཏོ ཙཏུརངྒུལཱདྷིཀཾ ཝིདཏྠིཔྤམཱཎཾ. ཝིདཏྠིཔྤམཱཎཾ ཝཱ ཙཏུརངྒུལཔྤམཱཎཾ ཝཱཏིཔི ཡུཛྫཏི. ཏཐཱཧི ཝིསུདྡྷིམགྒེ ཝཱཡོཀསིཎ ཝིདྷཱནེ ཙཏུརངྒུལཔྤམཱཎཾ སཱིསཾ ཝཱཏེན པཧརིཡམཱནཾ དིསྭཱཏི ཝུཏྟཾ. ཁལམཎྜལཾ ནཱམ ཀསྶཀཱནཾ ཀསྶམདྡནབྷཱུམིབྷཱགམཎྜལཾ. ‘‘ཀཏཾ ཝཱ’’ཏི ནཱིལཱདིཝཎྞཝིསེསརཧིཏཾ ཨརུཎཝཎྞཾ མཏྟིཀཀྑཎྜཾ ཨུདཀེན མདྡིཏྭཱ ཙཀྐམཎྜལཾ ཝིཡ པརིམཎྜལཾ སུམཊྛཏལཾ ¶ པཐཝིམཎྜལཾ ཀརོནྟི. ཨེཝཾ ཀཏཾ ཝཱ. ‘‘ཨཀཏཾ ཝཱ’’ཏི ཀཏྠཙི བྷཱུམིབྷཱགེ ཀེནཙི ཨཀཏཾ སཡཾ ཛཱཏཾ ཝཱ. ‘‘ཀསིཎེན ཛམྦུདཱིཔསྶཱ’’ཏི ཨེཏྠ.

བུདྡྷོཏི ཀིཏྟཡནྟསྶ, ཀཱཡེ བྷཝཏི ཡཱ པཱིཏི;

ཝརམེཝ ཧི སཱཔཱིཏི, ཀསིཎེནཔི ཛམྦུདཱིཔསྶཱཏི.

གཱཐཱསེསོ. ཏཏྠ ཛམྦུདཱིཔསྶ ཀསིཎཏོ སཱཔཱིཏིཝརཱ ཨེཝཱཏི ཡོཛནཱ. ‘‘ཀསིཎཏོ’’ཏི ཙ སཀལམཎྜལཏོ. སཀལསྶ ཛམྦུདཱིཔམཎྜལསྶ ཨིསྶརིཡཱདྷིཔཏིཏོ པཱིཏི ཝུཏྟཾ ཧོཏི. ‘‘སནྣིཝིཊྛཱ’’ཏི སམཾ སཎྛིཏཱ. ‘‘སཎྛཱན པཉྙཏྟཱི’’ཏི མཎྜལསཎྛཱནེན ཨུཔཊྛིཏཱ ནིམིཏྟཔཉྙཏྟི ཨེཝ ཝུཙྩཏི. ‘‘ཕུཊྛཊྛཱནེ’’ཏི ཀཱཡེཝཱ རུཀྑགྒཱདཱིསུཝཱ ཝཱཏེན པཧཏཊྛཱནེ. ‘‘ཝཱཡུ ཝཊྚཱི’’ཏི ཝཱཏཔརིམཎྜལཾ. ཙནྡསཱུརིཡཱནཾ ཨགྒིསྶ ཙ ཨོབྷཱསེན ཝིསིཊྛཱཏི སམཱསོ. ‘‘ཝིསིཊྛཱ’’ཏི ཝིསེསིཏཱ.

‘‘དྷཱུམཱཏཾ’’ཏི དྷཱུམཱཡིཏཾ. དྷཱུམཔཱུརིཏཔཊཾ ཝིཡཱཏི ཝུཏྟཾ ཧོཏི. ཏེནཱཧ ‘‘སཱུནབྷཱཝཾ གཏཾ’’ཏི. ཨནྟེ ཀཀཱརོ ནིནྡཏྠཛོཏཀོཏི ཝུཏྟཾ ‘‘ཀུཙྪིཏཏྟཱ’’ཏི. ཛེགུཙྪི ཏབྦཏྟཱཏི ཨཏྠོ. ‘‘ཚཝསརཱིརསྶཱ’’ཏི ལཱམཀསརཱིརསྶ. ‘‘ཏདེཝཱ’’ཏི ཚཝསརཱིརམེཝ. ཝིཔུབྦཀཾ ཝིཙྪིནྣཀཾ ནཱམཱཏི སམྦནྡྷོ. ཏཏྠ ཝིསེསེན ནཱིལནྟིཝིནཱིལཾ. ཏམེཝ ཀུཙྪིཏཏྟཱ ཝིནཱིལཀཾ. ‘‘ཏདེཝ པུན པཙྩིཏྭཱ’’ཏི ཝིནཱིལཀསརཱིརམེཝ པུན ཀཱལཱཏིཀྐམེ པཙྩིཏྭཱ. པཱུཏིལོཧིཏཱནཾ པརིཔཀྐབྷཱཝཾ པཏྭཱཏི ཨཏྠོ. ཏཏོ ཏཏོ དྭཱརཙྪིདྡཏོ. ཡུཏྟཾ ཏདེཝ སརཱིརནྟི སམྦནྡྷོ. ཝིཙྪིནྣཀཾ ནཱམ, ཝིཙྪིདྡཀནྟིཔི པཋནྟི. ‘‘ཨཔཀཌྜྷིཏྭཱ’’ཏི ཁཎྜཱནི སརཱིརཏོ མོཙེཏྭཱ ཏཾ ཏཾ པདེསཾ ཀཌྜྷིཏྭཱ. ‘‘པགྒྷརིཏལོཧིཏ སརཱིརཾ’’ཏི ཚིནྣཝིདྡྷཊྛཱནེསུ ཝཎམུཁེཧི པགྒྷརིཏལོཧིཏསརཱིརཾ.

‘‘བུདྡྷཱནུསྶཏཱི’’ཏི ཨེཏྠ བུདྡྷསདྡོ གུཎྱཱུཔཙཱར ཝཙནཾ ཧོཏི. གུཎིནོ དབྦསྶ ནཱམེན གུཎཱནཾ གཧེཏབྦཏྟཱཏི ཝུཏྟཾ ‘‘བུདྡྷགུཎསྶ ཨནུསྶཏི བུདྡྷཱནུསྶཏཱི’’ཏི. ཨེསནཡོ དྷམྨཱནུསྶཏཱདཱིསུ. ‘‘ཨརཧཏཱདཱི’’ཏི ཨརཧཏཱདིགུཎོ. ཝིགཏཱནི དུསྶིལྱཱདི མལཱནི ¶ ཙ མཙྪེརཉྩ ཡསྶ ཏཾ ཝིགཏམལམཙྪེརཾ. ཏསྶ བྷཱཝོཏི ཝིགྒཧོ. ‘‘ཨཏྟནཱ ཨདྷིགཏནིབྦཱནཉྩཱ’’ཏི ཨེཏེན ཨརིཡཔུགྒལཱནཾ ཀིལེསཱནཾ ཨཙྩནྟཝཱུཔསམོ ཝུཏྟོ. ‘‘ཡཾ ཨཱརབྦྷཱ’’ཏི ཡཾ པུགྒལཾ ཨཱརབྦྷ. ཧིཏཱུཔསཾཧཱརོ ནཱམ ཨཡཾ པུགྒལོ ཨཝེརོ ཧོཏུ, ཨབྱཱཔཛྫོ ཧོཏཱུཏིཨཱདིནཱ ཨཝེརཏཱདཱིནི ཧིཏསུཁཱནི ཏསྨིཾ པུགྒལེ ཙིཏྟེན ཨུཔསཾཧརཎཾ. ཀརུཎཱ, མུདིཏཱ, ཧེཊྛཱ ཙེཏསིཀསངྒཧེ ཝུཏྟཏྠཱ ཨེཝ. ཧིཏཱུཔསཾཧཱརོ ཙ ཧིཏམོདནཱ ཙ ཨཧིཏཱཔནཡནཉྩཱཏི དྭནྡོ. ཏཏྠ ཧིཏཱུཔསཾཧཱརོ མེཏྟཱཡ ཀིཙྩཾ. ཧིཏམོདནཱ མུདིཏཱཡ. ཨཧིཏཱཔནཡནཾ ཀརུཎཱཡ ཀིཙྩཾ. ཏཏྠ པརཾ ཧིཏསུཁསམྤནྣཾ དིསྭཱ ཏེན པརཧིཏེན ཨཏྟནི པཱིཏིཔཱམོཛྫཝཌྜྷནཾ ཧིཏམོདནཱ ནཱམ. པརཾ དུཀྑིཏཾ དིསྭཱ ཨཡཾ ཨིམམྷཱདུཀྑཱ མུཙྩཏུ, མཱཀིལམཏཱུཏི ཨེཝཾ ཙིཏྟེན པརསྨིཾ ཨཧིཏསྶ དུཀྑསྶ ཨཔནཡནཾ ཨཧིཏཱཔནཡནཾ ནཱམ. ‘‘ཏེསཾ’’ཏི པརསཏྟཱནཾ. སསྶ ཨཏྟནོ ཨིདནྟི སཀཾ. ‘‘ཨིདཾ’’ སུཁདུཀྑཀཱརཎཾ. ཨཏྟནཱ ཀཏཀམྨཾ ཨེཝ སཀཾ ཡེསཾ ཏེ ཀམྨསྶཀཱ. པརསཏྟཱ ཨེཝ. ཏེསཾ བྷཱཝོ. ཏསྶ ཨནུབྲཱུཧནནྟི ཝིགྒཧོ. ‘‘སཱིམསམྦྷེདོ’’ཏི ཨཏྟཱ ཙ པིཡཔུགྒལོ ཙ མཛ྄ཛྷཏྟཔུགྒལོ ཙ ཝེརིཔུགྒལོ ཙཱཏི ཙཏསྶོ སཱིམཱ. སམྦྷིནྡནཾ སམྦྷེདོ. སམྨིསྶནཾ ཨནཱནཏྟཀརཎནྟི ཨཏྠོ. སཱིམཱནཾ སམྦྷེདོ སཱིམསམྦྷེདོ. སབྦཱ ཨིཏྠིཡོ, སབྦེཔུརིསཱཏིཨཱདིནཱ ཨོདྷིསོ པརིཙྪེདཏོ ཕརཎཾ ཨོདྷིསོཕརཎཾ ནཱམ. སབྦེསཏྟཱ, སབྦེཔཱཎཱ, སབྦེབྷཱུཏཱཏིཨཱདིནཱ ཨནོདྷིསོ ཨཔརིཙྪེདཏོ ཕརཎཾ ཨནོདྷིསོཕརཎཾ ནཱམ. པུརཏྠིམཱཡདིསཱཡ སབྦེསཏྟཱ ཨཝེརཱཧོནྟཱུཏིཨཱདིནཱ དིསཱཝིབྷཱགཝསེན ཕརཎཾ དིསཱཕརཎཾ ནཱམ. ‘‘ཏཾ སམངྒཱིནོ ཙཱ’’ཏི ཏཱཧི ཨཔྤམཉྙཱཧི སམངྒཱིནོ པུགྒལཱ. ‘‘ནིཙྩཾ སོམྨཧདཡབྷཱཝེནཱ’’ཏི སབྦཀཱལཾ སནྟསཱིཏལ ཧདཡབྷཱཝེན. བྲཧྨསདྡོ ཝཱ སེཊྛཔརིཡཱཡོ ‘བྲཧྨཾ པུཉྙཾ པསཝཏཱི’ཏིཨཱདཱིསུ ཝིཡ. ཨསིཏབྦཾ བྷུཉྫིཏབྦནྟི ཨསིཏཾ. པཉྩབྷོཛནཾ. པཱཏབྦནྟི པཱིཏཾ. ཨཊྛཝིདྷཾ པཱནཾ. དནྟེན ཁཱཡིཏབྦཾ ཁཱདིཏབྦནྟི ཁཱཡིཏཾ. པཱུཝཀྑཛྫཕལཀྑཛྫཱདིཀཾ ནཱནཱཁཱདནཱིཡཾ ¶ . ཨངྒུལཱིཧིཔི གཧེཏྭཱ སཱཡིཏབྦཾ ལེཧིཏབྦནྟི སཱཡིཏཾ. མདྷུཔྥཱཎིཏཱདིཀཾ སཱཡནཱིཡཾ. སརསཔྤཊིཀཱུལཏཱ ནཱམ ཨཏྟནོ སབྷཱཝཏོ པཊིཀཱུལཏཱ. ཙཏུབྦིདྷོཔི ཧི ཨཱཧཱརོ བྷཱཛནེསུ ཝཱ ཧཏྠམུཁཱདཱིསུ ཝཱ ཡཏྠ ཡཏྠ སམྨཀྑེཏི, ལགྒཏི, ལིམྤཏི. ཏཾ ཨུདཀེན དྷོཝིཏབྦཾ ཧོཏི. ཨདྷོཏཾ པན ཏམྤི ཛེགུཙྪནཱིཡཾ ཧོཏི. ཨཱསཡཏོ པཊིཀཱུལཏཱ ནཱམ ཏསྶ ཨཛ྄ཛྷོཧརཱིཡམཱནསྶ ཀཎྛཱདཱིསུ ཋིཏེཧི པིཏྟསེམྷཱདཱིཧི ཨཱསཡེཧི སམྨིསྶནཝསེན པཊིཀཱུལཏཱ. ནིདྷཱནཏོ པཊིཀཱུལཏཱ ནཱམ ནིདྷཱནཏོ པཊིཀཱུལཏཱ. ‘‘ནིདྷཱནཾ’’ཏི ཙ ཨཱམཱསཡོ ཝུཙྩཏི. པཀྐཏོ པཊིཀཱུལཏཱ ནཱམ ཏསྶ ནིདྷཱནགཏསྶ པརིཔཀྐཀཱལེ གཱུཐམུཏྟཱདིབྷཱཝཔཏྟིཏོ པཊིཀཱུལཏཱ. ཨཔཀྐཏོ པཊིཀཱུལཏཱ ནཱམ ཏསྨིཾ ཨཔརིཔཀྐེ ཨཛིཎྞེ སཏི སརཱིརེ ནཱནཱརོགུཔྤཏྟིཝསེན པཊིཀཱུལཏཱ. ཕལཏོ པཊིཀཱུལཏཱ ནཱམ ཏསྶ པརིཔཀྐཀཱལཏོ པཊྛཱཡ སརཱིརེ ཀེསལོམཱདཱིནཾ པཊིཀཱུལརཱསཱིནཾ ཝཌྜྷནཝསེན པཊིཀཱུལཏཱ. ནིསྶནྡཏོ པཊིཀཱུལཏཱ ནཱམ ཏསྶ ན ཝཧིདྭཱརེཧི ཝཱ ལོམཀཱུཔེཧིཝཱ ཨཉྙེཧི ནཱནཱཝཎམུཁེཧི ཝཱ ཨུགྒྷརཎ པགྒྷརཎཱདིཝསེན པཊིཀཱུལཏཱ. ‘‘ཏཏྠཱ’’ཏི ཏསྨིཾ ཙཏུབྦིདྷེ ཨཱཧཱརེ. ‘‘ནིཀནྟིཔྤཧཱནསཉྙཱ’’ཏི ཀནྟཱརམགྒེ མཱཏཱཔིཏཱུནཾ ཀནྟཱརནིཏྟརཎཏྠཱཡ པུཏྟ མཾསཁཱདནེ ཝིཡ ཨཏི མནུཉྙེཔི ཨཱཧཱརེ རསཏཎྷཱ པཧཱནཝསེན པཝཏྟཱ སཉྙཱ. ‘‘སལཀྑཎཱདིཝསེནཱ’’ཏི སལཀྑཎསསམྦྷཱརཱདིཝསེན. ‘‘རཱགེན ཙརཏཱི’’ཏི ཨེཏྠ ‘‘རཱགེནཱ’’ཏི ཀརཎཏྠེ, ཨིཏྠམྦྷཱུཏལཀྑཎེཝཱ ཀརཎ ཝཙནཾ. ཏཏྠ ཀརཎཏྠེཏཱཝ ‘‘རཱགེན ཙརཏཱི’’ཏི ཙཏཱུསུ ཨིརིཡཱཔཐེསུ ཡེབྷཱུཡྻེན རཱགཙིཏྟེན ཙརཏི. རཱགཙིཏྟེན ནིཡྻམཱནོ ཝིཙརཏཱིཏི ཝུཏྟཾ ཧོཏི. ཨིཏྠམྦྷཱུཏ ལཀྑཎེ པན ‘‘རཱགེན ཙརཏཱི’’ཏི ཏེསུ རཱགཀེཏུ རཱགདྷཛོ ཧུཏྭཱ ཝིཙརཏཱིཏི ཝུཏྟཾ ཧོཏི. ‘‘ཨསྶཱ’’ཏི ཏསྶཔུགྒལསྶ. ‘‘ཨུསྶནྣོ’’ཏི ཨུགྒཏོ པཱཀཊཏརོ. བཧུཏརོཏིཔི ཝདནྟི. ‘‘པཧཱནཱཡཱ’’ཏི ཨེཏྠ ཨིཏིསདྡོ ཨཱདི ཨཏྠོ. ཏེན ཀརུཎཱ བྷཱཝེཏབྦཱ ཝིཧིཾསཱཡ པཧཱནཱཡ. མུདིཏཱ ¶ བྷཱཝེཏབྦཱ ཨརཏིཡཱ པཧཱནཱཡཱཏི ཨིམཾ པཱལི༹སེསཾ སངྒཎྷཱཏི. ‘‘ནིསྶརཎཏཱཝཙནཏོ’’ཏི ནིསྶརཎཉྷེཏཾ བྱཱཔཱདསྶ ཡདིདཾ མེཏྟཱཙེཏོ ཝིམུཏྟི. ནིསྶརཎཉྷེཏཾ ཝིཧེསཱཡཡདིདཾ ཀརུཎཱ ཙེཏོཝིམུཏྟི. ནིསྶརཎཉྷེཏཾ ཨརཏིཡཱ ཡདིདཾ མུདིཏཱ ཙེཏོ ཝིམུཏྟཱིཏི ཨེཝཾ ནིསྶརཎ བྷཱཝཝཙནཏོ ཙ. ཙཏསྶོ ཨཔྤམཉྙཱཡོ. ལ. དོས ཙརིཏསྶཱཏི ཝུཏྟཾ. ‘‘དོས ཝཏྠུཏྟཱབྷཱཝཏོ ཙཱ’’ཏི དོསུཔྤཏྟིཡཱ ཝཏྠུ བྷཱཝསྶཀརཎ བྷཱཝསྶ ཨབྷཱཝཏོ ཙ. ནཱིལཱདཱིནི ཙཏྟཱརི ཀསིཎཱནི དོས ཙརིཏསྶཱཏི ཝུཏྟཾ. ཀསྨཱཔནེཏྠ དོས ཙརིཏསྶ ཨུཔེཀྑཱ སཔྤཱཡཀཱརཎཾ ཝིསུཾ ན ཝུཏྟནྟི. ཨཉྙཀཱརཎཏྟཱ ན ཝུཏྟནྟི དསྶེནྟོ ‘‘ཨེཏྠ ཙཱ’’ཏིཨཱདིམཱཧ. ‘‘ཏིསྶོ’’ཏི ཏིསྶོ ཨཔྤམཉྙཱཡོ. ‘‘མནཱཔིཡརཱུཔཱནཱི’’ཏི མནཱཔིཡཝཎྞཱནི. ཝིཀྑིཏྟཙིཏྟོ ཙ ཧོཏཱིཏི ཨདྷིཀཱརོ. ‘‘ཏསྶཱ’’ཏི པམཱད བཧུལསྶ ཝིཀྑིཏྟཙིཏྟསྶ ཙ པུགྒལསྶ. ཝུཏྟཾ སིཡཱ. ཝིསུདྡྷི མགྒེ པན ཨེཝཾ ཝུཏྟཾ ནཏྠཱིཏི ཨདྷིཔྤཱཡོ. ཝིབྷཱཝནིཔཱཋེ. ‘‘བུདྡྷིཝིསཡ བྷཱཝེནཱ’’ཏི ཝུཏྟཾ. ཡདི བུདྡྷིཝིསཡཏྟཱ མོཧཙརིཏསྶ སཔྤཱཡཾ. བུདྡྷིཝིསཡབྷཱུཏཱནི མརཎ ཨུཔསམསཉྙཱ ཝཝཏྠཱནཱནིཔི མོཧཙརིཏསྶ སཔྤཱཡཱནི སིཡུནྟི ཝུཏྟཾ ‘‘ཨེཝཉྷིསཏཱི’’ཏིཨཱདིཾ. ‘‘བྷཱུཏཀསིཎཱནཱི’’ཏི པཐཝཱིཀསིཎཱདཱིནི མཧཱབྷཱུཏཀསིཎཱནི. ‘‘ཏཏྠཱཔཱི’’ཏི ཝཱ ཏེསུ ཙཏྟཱལཱིས ཀམྨཊྛཱནེསུཔི. ཨེཝཾསཏི ཝཎྞཀསིཎཱནཾ པུཐུལཁུདྡཀཏཱཔི ཨེཏྠ སངྒཧིཏཱ ཧོཏཱིཏི. ‘‘མཧནྟཾ’’ཏི ཝིདཏྠི ཙཏུརངྒུལཏོ མཧནྟཾ. ཡདི ཨེཝསདྡོ ཡཐཱརུཏམེཝ ཡུཛྫེཡྻ. ཨེཝཾསཏི ཁུདྡཀཾ ཝིཏཀྐཙརིཏསྶེཝ སཔྤཱཡཾ, ན བུདྡྷིཙརིཏཱདཱིནནྟི ཨེཝམཏྠོཔི གཎྷེཡྻ. ཨཐ བུདྡྷིཙརིཏསྶ པན ཨསཔྤཱཡཾ ནཱམ ནཏྠཱིཏི ཨཊྛཀཐཱཝཙནེན ཝིརུཛ྄ཛྷེཡྻཱཏི ཨིམིནཱ ཨདྷིཔྤཱཡེན ‘‘ཁུདྡཀནྟི པདེཡུཛྫཏཱི’’ཏི ཝུཏྟཾ. ཨཐཝཱ, པུཐུལཾ མོཧཙརིཏསྶ, ཁུདྡཀཾ ཝིཏཀྐཙརིཏསྶེཝ, ནམོཧཙརིཏསྶཱཏི ཨཏྠེ སཏི, བུདྡྷིཙརིཏཱདཱིནཾ པན པུཐུལཾཔི ཁུདྡཀཾཔི ཨནུཉྙཱཏཾ ཧོཏཱིཏི དཊྛབྦཾ. ‘‘སབྦཉྩེཏཾ’’ཏི སབྦཉྩ ཨེཏཾཙརིཏཝིབྷཱགཝཙནཾ. ཨུཛུཝིཔཙྩནཱིཀཝསེན ཏཱིསུ ཨཀུསལ ཙརིཏེསུ པུགྒལེསུ. ཝིཏཀྐ ཙརིཏེ ¶ ཙ ཨཏིསཔྤཱཡཏཱཡ སདྡྷཱབུདྡྷི ཙརིཏེསཱུཏི ཨདྷིཔྤཱཡོ. ཏེནཱཧ ‘‘རཱགཱདཱིནཾ པན ཨཝིཀྑམྦྷིཀཱ’’ཏིཨཱདིཾ.

‘‘བུདྡྷདྷམྨ. ལ. གུཎཱནཾ’’ཏི ཨེཏྠ གུཎསདྡོ པུབྦཔདེསུ ཡོཛེཏབྦོ བུདྡྷགུཎཱནཉྩ དྷམྨགུཎཱནཉྩཱཏིཨཱདིནཱ. ‘‘ཏཏྠཱ’’ཏི ཏསྨིཾ གུཎཔདེ. ན ཏཔྤེཏཱིཏི ཨཏཔྤནཱིཡོ. ཏཔྤནཾ སནྟུཊྛིཾ ན ཛནེཏཱིཏི ཨཏྠོ. སཾཝེཛནཾ སཾཝེགཾ ཛནེཏཱིཏི སཾཝེཛནིཡོ. ‘‘དྷམྨོ’’ཏི སབྷཱཝོ. སཾཝེཛནིཡོ དྷམྨོ ཡསྶཱཏི སཾཝེཛནིཡ དྷམྨཾ. མརཎཾ. ‘‘པཉྩམཛ྄ཛྷཱནསམཱདྷིསྶཱ’’ཏི རཱུཔཱཝཙར པཉྩམཛ྄ཛྷཱན སམཱདྷིསྶ. ‘‘ཨུདཡམཏྟཱནཱི’’ཏི ཝཌྜྷིཏམཏྟཱནི. ‘‘ཏཏྠཱ’’ཏི པཊིཀཱུལཱརམྨཎེསུ. ‘‘པུབྦཙྪཊྚཀསྶཱ’’ཏི པུརཱཎཙྪཊྚཀསྶ. གཱུཐམུཏྟཝིསྶཛྫན ཀསྶཱཏི ཝུཏྟཾ ཧོཏི. ཏེནཱཧ ‘‘གཱུཐརཱསི དསྶནེ ཝིཡཱ’’ཏི. ན ཏེ ཀདཱཙི སོམནསྶེན ཝིནཱ ཨཔྤནཾ པཱཔུཎནྟི. བྱཱཔཱདཝིཧིཾསཱ ཨརཏཱིནཾ དཱུརིབྷཱཝེན སོམནསྶུཔྤཏྟིཡཱ ཨཏིསུཀརཏྟཱ པཉྩམཛ྄ཛྷཱནེ ཝིཡ སུཁསོམནསྶཱནཉྩ ཨཝིཀྑམྦྷནཏོ. ‘‘ཨུདཱསིནཔཀྑེ’’ཏི ཨཛ྄ཛྷུཔེཀྑནཔཀྑེ. ‘‘དལ༹ྷཾ’’ཏི བྷུསཾ. ‘‘ཝིབྷཱུཏཾ’’ཏི པཱཀཊཾ. ནིམིཏྟཾ དལ༹ྷཝིབྷཱུཏཾ ཀཏྭཱ གཧཎཾ དལ༹ྷ ཝིབྷཱུཏགྒཧཎཾ. ‘‘ཀསྶཙི ཨཱརམྨཎསྶཱ’’ཏི བུདྡྷགུཎཱདི ཨཱརམྨཎསྶ. ‘‘པཊིབྷཱགནིམིཏྟཾ’’ཏི ཨེཏྠ པཊིབྷཱགསདྡོ ཏསྶ དིསེ པཝཏྟོཏི ཨཱཧ ‘‘ཏཱདིསེ’’ཏིཨཱདིཾ. ‘‘ཏཾསཎྛཱནེ’’ཏི ཨེཏེན པཐཝིམཎྜལཱདཱིསུ ཝིཡ སཎྛཱནཱཀཱརེན ཋིཏེསུ སབྷཱཝ དྷམྨ པུཉྫེསུ ཨེཝ ཏསྶདིསཾ པཊིབྷཱགནིམིཏྟཾ ནཱམ སིཛ྄ཛྷཏཱིཏི དསྶེཏི. ‘‘ཨེཝ’’ནྟི སམཐསངྒཧེ ཏཱཝ དསཀསིཎཱནི, དསཨསུབྷཱཏིཨཱདིནཱ ཝུཏྟེན ཝཙནཀྐམེན. ‘‘ཨུགྒཧཀོསལླཾ’’ཏི བྷཱཝནཱཀམྨཾ ཨཱརབྷིཏུཀཱམེན བྷིཀྑུནཱ ཨཱཙརིཡསྶ སནྟིཀེ སབྦསྶ ཀམྨཊྛཱན ཝིདྷཱནསྶ ཨུགྒཧཎཾ ཨུགྒཧོ. ཏསྨིཾ ཀོསལླཾ ཨུགྒཧཀོསལླཾ. ཨཔིཙེཏྠ. སབྦཾ ཨུགྒཧིཏུཾ ཨསཀྐོནྟེན ཡཾ ཨཏྟནཱ ཨཱརབྷིསྶཏི. ཏསྶ ཨེཀསྶ ཝིདྷཱནཾ པརིཔུཎྞཾ ཨུགྒཧེཏབྦཾ. ‘‘ཨུགྒཎྷནྟསྶཱ’’ཏི ཨེཏྠ ཨུཀཱརོ ཨུཔརི ཨཏྠོ. ‘‘གཧཎཾ’’ཏི ཙ ཡཐཱ ཙིཏྟེ ཨཝིནསྶམཱནཾ ཧུཏྭཱ ལབྦྷཏི, ཏཐཱ ཀཏྭཱ ཙིཏྟེན གཧཎནྟི དསྶེཏུཾ ‘‘ཨུཔརཱུཔརཱི’’ཏིཨཱདི ཝུཏྟཾ. ‘‘སམནུཔསྶནྟསྶཱ’’ཏི ¶ སམྨཱ པུནཔྤུནཾ ཙཀྑུནཱ དསྶནསདིསཾ ཀརོནྟསྶ. པརིཏོ སམནྟཏོ ཀརཎཾ པརིཀམྨཾ. ཏསྨིཾ ནིམིཏྟགྒཧཎཀམྨེ ཡཾ ཡཾ ཀཏྟབྦཝིདྷཱནཾ ཨཏྠི, ཏཾ ཏཾ པརིཔུཎྞཾ ཀཏྭཱ གཧཎནྟི ཝུཏྟཾ ཧོཏི. བྷཱཝནཱཏི ཝཌྜྷནཱཏི ཨིམམཏྠཾ དསྶེནྟོ ‘‘པུནཔྤུན’’ནྟིཨཱདིམཱཧ. ‘‘ནིརནྟརཾ པདཧནྟསྶཱ’’ཏི རཏྟིདིཝཾ ནིརནྟརཾ ཨཱརབྷནྟསྶ. ཨུགྒཧ ནིམིཏྟེ སཎྛཱནཾ གཎྷནྟོཔི ཝཎྞརཱུཔཱདིནཱ སབྷཱཝ དྷམྨེན སཧེཝ གཎྷཱཏི. པཊིབྷཱགནིམིཏྟེ པན སབྷཱཝདྷམྨཾ མུཉྩིཏྭཱ ཏསྶ དིསཾ ནིམིཏྟ པཉྙཏྟི སངྑཱཏཾ སུདྡྷསཎྛཱནམེཝ གཎྷཱཏི. ཨེཏྠ སིཡཱ, པཊིབྷཱགནིམིཏྟེཔི ཝཎྞོ ནཱམ སནྡིསྶཏི ཡེཝཱཏི. སཙྩཾ. སོ པན པཊིབྷཱགམཏྟཾ ཧོཏི. ན ཨེཀནྟཝཎྞོ. ཏེནཱཧ ‘‘ཏཔྤཊིབྷཱགཾ ཝཏྠུ དྷམྨཝིམུཙྩིཏཾ’’ཏི. ‘‘སནྣིསིནྣཾ’’ཏི ཨཙལཾ. ‘‘པཝེསིཏཾ’’ཏི བྷཱཝནཱཙིཏྟསྶ ཨབྦྷནྟརེ པཀྑིཏྟཾ ཝིཡ ཧོཏཱིཏི ཨདྷིཔྤཱཡོ. ཨོབྷཱསཏཱིཏི ཨོབྷཱསོ. ཨོབྷཱསོ ཧུཏྭཱ ཛཱཏནྟི ཨོབྷཱསཛཱཏཾ. ཨོབྷཱསནཾ ཝཱ ཨོབྷཱསོ. ཛཱཏོ ཨོབྷཱསོ ཨསྶཱཏི ཨོབྷཱསཛཱཏཾ. ‘‘པཱཏེནྟཱི’’ཏི པཊིཔཱཏེནྟི. པུན ཨུཔྤཛྫནཝསེན ཨུཊྛཱཏུཾ ན དེནྟི. ‘‘ཨེཏཱཡཱ’’ཏི ཀཏྟུ ཨཏྠེ ཀརཎཝཙནཾ. ‘‘ནིམིཏྟརཀྑཎཝིདྷཱནཾ’’ཏི སམུཔྤནྣསྶ ནིམིཏྟསྶ ཨནསྶནཏྠཱཡ སཏྟཝིདྷེཧི པལིབོདྷ དྷམྨེཧི རཀྑཎཏྠཾ. ཀཏམེ པན ཏེསཏྟཝིདྷཱ པལིབོདྷདྷམྨཱ ནཱམཱཏི. ཨིདྷ ཨམྷེཧི ཝཏྟབྦཾ ནཏྠི. ཝིསུདྡྷི མགྒེ ཨེཝ ཏེ ཝུཏྟཱཏི དསྶེཏུཾ གཱཐམཱཧ. ‘‘ཨཱཝཱསོ’’ཏི ཨསཔྤཱཡཱཝཱསོ. ‘‘གོཙརོ’’ཏི ཨསཔྤཱཡགོཙརགཱམོ. ‘‘བྷསྶཾ’’ཏི ཨསཔྤཱཡཝཙནཾ. ཨེཝཾ པུགྒལཱདཱིསུ. ‘‘སེཝེཐཱ’’ཏི སེཝེཡྻ. ‘‘ཨེཝཉྷིཔཊིཔཛྫཏོ’’ཏི ཨེཝཾཧིཝཛྫིཏབྦེ ཝཛྫནཝསེན སེཝིཏབྦེ སེཝནཝསེན པཊིཔཛྫནྟསྶ. ‘‘ཀཱམཏཎྷཱཡ ཝིསཡབྷཱཝཾ ཨཏིཀྐམིཏྭཱ’’ཏི ཨེཏེན ཀཱམབྷཱུམི ཀཱམབྷཝསམཏིཀྐམོ, རཱུཔབྷཱུམིརཱུཔབྷཝ ཨོཀྐམོ ཙ ཝུཏྟོ. ཝསནཾ ཝསཱི. སཏྟི. སཱམཏྠིཡནྟི ཨཏྠོ. ཝསིཾ བྷཱུཏཾ པཏྟནྟི ཝསིབྷཱུཏཾ. ཝསཱི ཨེཝ ཝསིཏཱ. ཡཐཱ པཱརམིཏཱཏི. ‘‘ཏཏོ ཝིཙཱརནྟི’’ ཨེཏྠ ཨིཏིསདྡོ ཨཱདིཨཏྠོ. ཏེན ཏཏོ པཱིཏིཾཏིཨཱདིཾ སངྒཎྷཱཏི. ཨིཙྪནྟཱནཾ ཏེསཾ སབྦཉྙུབུདྡྷཱནཾ. ‘‘ཡཏྠཱ’’ཏི ¶ ཡེསུདྭཱིསུབྷཝངྒེསུ. ‘‘བྷཝངྒཙཱརེ’’ཏི བྷཝངྒཔྤཝཏྟིཡཾ. ‘‘དནྡྷཱཡིཏཏྟཾ’’ཏི དནྡྷཾ ཧུཏྭཱ ཨཡཏི པཝཏྟཏཱིཏི དནྡྷཱཡིཏཾ. ཏསྶ བྷཱཝོ དནྡྷཱཡིཏཏྟཾ. ‘‘ཋཔེཏུཾ’’ཏི ཨདྷིཊྛཱནཾ ཀཏྭཱ ཋཔེཏུཾ. ཏཏོ ཨནཏིཀྐམིཏུཾ. ‘‘ཡཏྠིཙྪཀཾ’’ཏིཨཱདཱིནི ཀྲིཡཱཝིསེསནཔདཱནི. ‘‘ཡཏྠིཙྪཀཾ’’ཏི ཡཏྠ ཡཏྠ ཋཱནེ ཨིཙྪཱནུ རཱུཔཾ. ཡདིཙྪཀནྟིཡསྨིཾ ཡསྨིཾ ཁཎེ ཨིཙྪཱནུ རཱུཔཾ. ‘‘ཡཱཝཏིཙྪཀཾ’’ཏི ཡཏྟཀེན པམཱཎེན ཨིཙྪཱནུ རཱུཔཾ. ‘‘ཝིཏཀྐཱདིཀཾ ཨོལཱ༹རིཀངྒཾ པཧཱནཱཡཱ’’ཏི ཨེཏྠ ཀསྶ བལེན པཧཱནཾ ཧོཏི. ཏཾ ཏཾ ཝིརཱག བྷཱཝནཱ བལེན པཧཱནཾ ཧོཏི. ཀཱཙ ཏཾ ཏཾ ཝིརཱགབྷཱཝནཱ ནཱམ ཧོཏི. ཨཛ྄ཛྷཱསཡ ཝིསེས པརིགྒཧིཏཱ ཨུཔཙཱརབྷཱཝནཱ ཨེཝཱཏི ཨིམམཏྠཾ དསྶེཏུཾ ‘‘པཐམཛ྄ཛྷཱནཾ ཏཱཝཱ’’ཏིཨཱདི ཝུཏྟཾ. ‘‘ཨཱཏཱཔཝཱིརིཡཾ’’ཏི ཡེནཝཱིརིཡེན ཡོགིནོ ཨཏྟཱནཾ ཝཱ ཀིལེས དྷམྨེ ཝཱ ཨཱཏཱཔེནྟི པརིཏཱཔེནྟི. ཏཾ ཨཱཏཱཔཝཱིརིཡཾ ནཱམ. ཨུགྒྷཱཊཱིཡམཱནམྤི ཨཱཀཱསམེཝ ཧོཏི. ཏཾ ཨཱརབྦྷ ཨུཔརིཛྷཱནནྟརུཔྤཏྟིཡཱ བྷཱཝནཾ ཀརོནྟསྶཔི པུནཔྤུནཾ ཏམེཝ པཉྩམཛ྄ཛྷཱནཾ ཨུཔྤཛྫཏི. ཨཱརམྨཎེ ཙ ཨནཏིཀྐནྟེ ཛྷཱནཾཔི ཨནཏིཀྐནྟམེཝ ཧོཏཱིཏི. ‘‘ཏཏྠཱ’’ཏི ཏསྨིཾ ཨཱཀཱསཀསིཎེ. ‘‘ཏདཏིཀྐམནསམྦྷཝོ’’ཏི ཀསིཎ ནིམིཏྟཱཏིཀྐམནསམྦྷཝོ. ‘‘ཡཐཱདིཊྛེ’’ཏི ཛྷཱནཙཀྑུནཱ དིཊྛཔྤཀཱརེ. ‘‘སམྦྷཱཝེཏྭཱ’’ཏི ཐོམེཏྭཱ. སམྨཱ ཨནུསྶརཎཾ སམནུསྶརཎཾ. ‘‘ཨིཏརེསཾཔི ཝཱ’’ཏི པུཐུཛྫན པཎྜིཏཱནཾཔི ཝཱ. མརཎ སཉྙཱ ཝཝཏྠཱནེསུ པརིཀམྨཉྩ སམཱདྷིཡཏི, ཨུཔཙཱརོ ཙ སམྤཛྫཏཱིཏི ཡོཛནཱ ཏིཀྑཔཉྙཱནཾ པན པུཐུཛྫནཱནཾཔི སཏཾ བུདྡྷགུཎཱདཱིསུཔི ཨུཔཙཱར སམྦྷཝོ ཨཊྛཀཐཱཡཾ ཝུཏྟོཡེཝ. ‘‘སམཐཛ྄ཛྷཱནེསཱུ’’ཏི ཨིདཾ ཨདྷིཀཱརཝསེན ཝུཏྟཾ. ཝིཔསྶནཱ ཀམྨཾཔི གཧེཏབྦམེཝཱཏི དཊྛབྦཾ. པུབྦེདཱནཾ དཏྭཱ ཨིམིནཱ པུཉྙེན ཨཱཡཏིཾ ཛྷཱནཱབྷིཉྙཱཡོ ཝཱ མགྒཕལཱནི ཝཱ པཊིལབྷིསྶཱམཱིཏི པཏྠནཾ ཀཏྭཱ ཨཱགཏོཔི ཀཏཱདྷིཀཱརོ ཨེཝཱཏིཔི ཝདནྟི. ཀཏམོ པན ཀཏཱདྷིཀཱརོ ནཱམཱཏི ཨཱཧ ‘‘ཨཱསནྣབྷཝེ’’ཏིཨཱདིཾ. ཨཊྛཝིདྷེསུ ཙཏུཀྐནཡཝསེན, ནཝཝིདྷེསུ པཉྩཀནཡཝསེན ཝུཏྟོཏི ཏེསཾ ཝཱདཱིནཾ སཱདྷཀཝཙནཾ. ཝིཙཱརེཏྭཱ པན གཧེཏབྦཾ. ཨཱཀཱས ཀསིཎེན ¶ ཝིནཱ ཨརཱུཔཛ྄ཛྷཱནཱནི ལབྷིཏྭཱ པུན ཨབྷིཉྙཏྠཱཡ པརིཀམྨེཀཏེ ཨཱཀཱསཀསིཎེཔི ཀཏྟབྦཏྟཱ ཏསྶ ཨབྷིཉྙཱཔཱདཀཏཱ སམྦྷཝོ ཝུཏྟོཏི ཨཏྠསྶ སམྦྷཝཏོ. པུབྦེ ཨབྷཱཝིཏ བྷཱཝནོཏི ཙ ཨཀཏཱདྷིཀཱརོཏི ཙ ཨཏྠཏོ ཨེཀཾ. ‘‘ཨཱདིཀམྨིཀོ’’ཏི ཨབྷིཉྙཱཀམྨེ ཨཱདིཀམྨིཀོ. ‘‘ཏཱདིསཱནཾ’’ཏི པུབྦེ ཨཀཏཱདྷིཀཱརཱནཾ ཨབྷཱཝིཏབྷཱཝནཱནཾ ཨིདཱནི ཨིདྡྷིཝིཀུབྦནཾ ཀརིསྶཱམཱིཏི ཨཱརབྷནྟཱནཾ ཨབྷིཉྙཱཀམྨེ ཨཱདིཀམྨིཀཀུལཔུཏྟཱནནྟི སམྦནྡྷོ. ‘‘ཨིདྡྷིཝིཀུབྦནཾ’’ཏི ཙ ཨུཔལཀྑཎཝཙནཾ. དིབྦཱཡ སོཏདྷཱཏུཡཱ སདྡཾ སཝནཾ ཀརིསྶཱམཱིཏིཨཱདིཀཾཔི གཧེཏབྦཾ. ཨིདཉྩ ཨཱདིཀམྨིཀཝིདྷཱནཱདྷིཀཱརཏྟཱ ཝུཏྟཾ. ཨབྷིཉྙཱསུ ཝསིཔཏྟཱནམྤི ཏཾ པཉྩམཛ྄ཛྷཱནཾ ཚསུཨཱརམྨཎེསུ ཡཐཱརཧཾ ཨཔྤེཏིཡེཝ. ‘‘ཨདྷིཊྛཱཏབྦཾ’’ཏི ཡཐིཙྪིཏ ནིཔྥཏྟཏྠཱཡ སཏཾ ཧོཏུ སཧསྶཾ ཧོཏཱུཏིཨཱདིནཱ ཙིཏྟེན ཨབྷིཝིདྷཱཏབྦཾ. ཨབྷིནཱིཧརིཏབྦནྟི ཝུཏྟཾ ཧོཏི. ‘‘སཏཾ ཧོམི, སཧསྶཾ ཧོམཱིཏི ཝཱ’’ཏི ཨཏྟཱནཾ སཏཾ ཝཱ སཧསྶཾ ཝཱ ནིམྨིནནཝསེན ཝུཏྟཾ. སེསཾ པན ཨཉྙཐཱནིམྨིནནཝསེན. སོཏུཾ ཝཱ སདྡཾ, པསྶིཏུཾ ཝཱ རཱུཔཾ, ཛཱནིཏུཾ ཝཱ པརཙིཏྟཾ. ཨནུསྶརིཏུཾ ཝཱ པུབྦེནིཝུཏྠཾ. ཨཊྛཀཐཱཔཱཋེ. ‘‘ཨདྷིཊྛཱཏཱི’’ཏི ཨབྷིཉྙཱཡ ཨདྷིཊྛཱཏི. ཨབྷིཝིདྷཱཏི ནིབྦཏྟེཏཱིཏི ཝུཏྟཾ ཧོཏི. དུཝིདྷཾཧི ཨདྷིཊྛཱནཾ པརིཀམྨེན ཨདྷིཊྛཱནཾ ཨབྷིཉྙཱཡ ཨདྷིཊྛཱནནྟི. ཨིདྷ པན ཨབྷིཉྙཱཡ ཨདྷིཊྛཱནཾ ཝུཏྟཾ. ‘‘ཨདྷིཊྛཱན ཙིཏྟེནཱ’’ཏི ཨབྷིཉྙཱཙིཏྟེནཱཏི ཝུཏྟཾ ཧོཏི. ‘‘པརིཀམྨཙིཏྟསྶཱ’’ཏི པུབྦབྷཱགེ ཨཱཝཛྫན པརིཀམྨ ཨདྷིཊྛཱནཔརིཀམྨཙིཏྟསྶ. པཙྪིམཾ པན པཱདཀཛ྄ཛྷཱན སམཱཔཛྫནཾ. པརིཀམྨཙིཏྟསྶ སམཱདྷཱནཏྠཱཡཱཏི ཝུཏྟཾ. པརིཀམྨཙིཏྟེ སམཱཧིཏེ ཀིཾ པཡོཛནནྟི ཨཱཧ ‘‘ཏཐཱཧཱི’’ཏིཨཱདིཾ. ‘‘སེསཱབྷིཉྙཱསུཔི ཡཐཱརཧཾ ཝཏྟབྦོ’’ཏི དིབྦསོཏཔརིཀམྨེ ཏེནེཝཔརིཀམྨ སམཱདྷིཉྙཱཎསོཏེན ཨཱསནྣེ དིབྦཝིསཡཾཔི སདྡཾ སུཎཱཏཱིཏིཨཱདིནཱ ཝཏྟབྦོ. ‘‘ཨིཏི ཀཏྭཱ’’ཏི ཨིཏི མནསིཀཏྭཱ. ‘‘ཏཾ’’ཏི པཙྪིམཾ པཱདཀཛ྄ཛྷཱན སམཱཔཛྫནཾ. ‘‘ཨིདྷ ནགཧིཏནྟི དཊྛབྦཾ’’ཏི ཐེརསྶ མཏེན དཊྛབྦནྟི ཨདྷིཔྤཱཡོ. ཨིདྷ པན ཨཱདིཀམྨིཀཝིདྷཱནཔྤདྷཱནཏྟཱ པཙྪིམཾཔི པཱདཀཛ྄ཛྷཱན སམཱཔཛྫནཾ ¶ ཝཏྟབྦམེཝཱཏི. ‘‘ཀཱཡགཏིཀཾ ཨདྷིཊྛཧིཏྭཱ’’ཏི ཨཡཾ ཀཱཡོ ཝིཡ ཨིདཾ ཙིཏྟཾཔི དནྡྷགམནཾ ཧོཏཱུཏི ཨེཝཾ ཙིཏྟཾ ཀཱཡགཏིཀཾ ཀརཎེན ཨདྷིཊྛཧིཏྭཱ. ‘‘དིསྶམཱནེན ཀཱཡེནཱ’’ཏི དནྡྷགམནེན གཙྪནྟཏྟཱ བཧུཛནཱནམྤི དིསྶམཱནེན རཱུཔཀཱཡེན. ཏབྦི པརཱིཏེན སཱིགྷགམནཾ ཝེདིཏབྦཾ. ‘‘ཨཱརམྨཎམཏྟཾ ཧོཏཱི’’ཏི ཨནིཔྥནྣརཱུཔཾ སནྡྷཱཡ ཝུཏྟཾ. ‘‘ཨཱརམྨཎ པུརེཛཱཏཾ’’ཏི ནིཔྥནྣརཱུཔཾ. ཨིཏརཾ པན ཧདཡ ཝཏྠུརཱུཔཾ སནྡྷཱཡ ཝུཏྟནྟི དཊྛབྦཾ. པརཙིཏྟ ཝིཛཱནནཊྛཱནེ ཨཊྛཀཐཱཊཱིཀཱཙརིཡཱནཾ ཝིཙཱརཎཱ ཨཏྠཱིཏི ཏཾ དསྶེཏུཾ ‘‘ཨེཏྠ ཙ ཨཊྛཀཐཱཡཾ ཏཱཝཱ’’ཏིཨཱདི ཝུཏྟཾ. ‘‘ཨཊྛཀཐཱཡཾ’’ཏི དྷམྨསངྒཎི ཨཊྛཀཐཱཡཾཔི ཝིསུདྡྷིམགྒ ཨཊྛཀཐཱཡཾཔི. ‘‘ཁཎིཀཝསེནཱ’’ཏི ཁཎིཀཔཙྩུཔྤནྣཝསེན. ཨཱཝཛྫནེ ནིརུདྡྷེཏི སམྦནྡྷོ. ‘‘ཨེཀཾ ཙིཏྟཾ’’ཏི པརསྶ ཙིཏྟཾ. ཏདེཝ ཨཏཱིཏཾ ཙིཏྟཾ གཎྷནྟི. ‘‘ཏཱནཱི’’ཏི ཛཝནཱནི. ‘‘ཏེསཾ’’ཏི ཛཝནཱནཾ. ‘‘ཏེནཱ’’ཏི ཨཱཝཛྫནེན. ‘‘ཨིཏརཐཱ’’ཏི ཨཉྙཐཱ སནྟཏི ཨདྡྷཱཝསེན ཝུཏྟནྟི གཧིཏེ སཏི. ཝུཏྟོ སིཡཱ. ཀསྨཱ, སནྟཏི ཨདྡྷཱཝསེན པཙྩུཔྤནྣེ གཧིཏེ སཏི, སབྦཱཡ ཨེཀཛཝནཝཱིཐིཡཱ ཨེཀཔཙྩུཔྤནྣཏྟཱ. ‘‘སབྦཱནི ཙིཏྟཱནཱི’’ཏི ཛཝནཙིཏྟཱནི. ‘‘སཧུཔྤནྣཱནཱི’’ཏི ཨིདཾ སཧུཔྤནྣཱནཾཔི ཨཏྠིཏཱཡ ཝུཏྟཾ. ཨཱཝཛྫནཱདཱིནི པན ཁཎབྷེདཾ ནགཎྷནྟི. སབྦཾ པརསྶ ཙིཏྟཾ ཨེཀཙིཏྟམིཝ གཎྷནྟི. ཏསྨཱ ཀཱལབྷེདོཔི ནཏྠཱིཏི དཊྛབྦཾ. ‘‘ནིབྦཱནཉྩཱ’’ཏི ཝུཏྟཾ, ཀཐཾ ནིབྦཱནཾ པུབྦེནིཝུཏྠཾ ནཱམ སིཡཱཏི. ཨཏཱིཏེ པརིནིབྦུཏཱནཾ མགྒཕལཱནི ཨནུསྶརཎཀཱལེ ཏེསཾ ཨཱརམྨཎབྷཱུཏཾ ནིབྦཱནཾཔི ཨནུསྶརཏིཡེཝ. ཏཏྠ ཏེསཾ མགྒཕལཱནཾ ཨཏཱིཏཏྟཱ ནིབྦཱནཾཔི པུབྦེནིཝུཏྠཾ ནཱམ ཧོཏཱིཏི.

‘‘ཡཾ ཡཾ ཨདྷིཊྛཱཏཱི’’ཏི ཡཾ ཡཾ སཏཱདིཀཾ སཾཝིདྷཱཏི. ‘‘ཡཐཱ ཡཐཱ ཨདྷིཊྛཱཏཱི’’ཏི ཡེན ཡེན ཨཱཝིབྷཱཝཱདིཀེན པཀཱརེན སཾཝིདྷཱཏི. ‘‘པཀཏིཝཎྞཾ’’ཏི པཀཏིསཎྛཱནཾ. ‘‘ཏསྶེཝཱ’’ཏི པཀཏིཝཎྞསྶེཝ. དེཝཱནཾ པསཱདསོཏནྟི སམྦནྡྷོ. ‘‘ཨཱརམྨཎ སམྤཊིཙྪན སམཏྠཾ’’ཏི ཨཱརམྨཎསྶ ཨུཔཊྛཱནཾ སམྤཊིཙྪན སམཏྠཾ. ཏདེཝ ཙེཏོཔརིཡཉཱཎནྟིཔི ཝུཙྩཏཱིཏི སམྦནྡྷོ. ‘‘ཙེཏོ’’ཏི ཙིཏྟཾ. ‘‘པརིཙྪིཛྫཱ’’ཏི ཨིདཾ སརཱགཙིཏྟཾ, ཨིདཾ ཝིརཱགཙིཏྟནྟིཨཱདིནཱ ¶ པརིཙྪིནྡིཏྭཱ. ‘‘གོཙར ནིཝཱསཝསེནཱ’’ཏི གོཙརཾ ཀཏྭཱ ནིཝསནཝསེན. སབྦཉྙུཏཉྙཱཎགཏིཀཾ སབྦཉྙུབུདྡྷཱནཾ ཨནཱགཏཾ སཉྙཱཎནྟི ཨདྷིཔྤཱཡོ. ཨནཱགཏེ སཏྟདིཝསཏོ ཨོརིམཱ ཙིཏྟཙེཏསིཀ དྷམྨཱ ཙེཏོཔརིཡཉྙཱཎསྶ ཝིསཡོཏི ཀཏྭཱ ཨནཱགཏེ སཏྟདིཝསཏོཏི ཝུཏྟཾ. པཊྛཱཡ པཝཏྟམཱནཱཏི པཱཋསེསོ. ཨིམསྨིཾ དིཝསེ ཙ ཨནཱགཏཔཀྑེ སབྦཾཔི ཨཱརམྨཎཾ པཀཏིཉཱཎསྶ ཝིསཡོཏི ཀཏྭཱ ‘‘དུཏཱིཡདིཝསཏོ པཊྛཱཡཱ’’ཏི ཝུཏྟཾ. ‘‘ཨེཏཾ’’ཏི ཨེཏཾ ཨནཱགཏཾ སཉྙཱཎཾ. ‘‘ཡཐཱ ཙེཏཾ’’ཏི ཡཐཱ ཙ ཨེཏཾ ཨིམསྨིཾ བྷཝེ ཨནཱགཏ དྷམྨེ ཛཱནཱཏི. ‘‘ཨསཱདྷཱརཎཀཱལཝསེནཱ’’ཏི ཨཉྙེནཉཱཎེན ཨསཱདྷཱརཎ ཀཱལཝསེན. པཙྩུཔྤནྣབྷཝོཧི ཨཉྙཉྙཱཎསཱདྷཱརཎོཏི.

སམཐཀམྨཊྛཱནཱནུདཱིཔནཱ ནིཊྛིཏཱ.

༡༧༡. ཝིཔསྶནཱཀམྨཊྛཱནེ. ‘‘ཡཐཱདིཊྛཾ’’ཏི སཀྐཱཡདིཊྛིཡཱ ཡཐཱདིཊྛཾ. ནིཙྩནིམིཏྟཾ ནཱམ སཏྟཔུགྒལཱདིནིམིཏྟམེཝ. སཏྟནིམིཏྟཉྷི པཉྙཏྟི དྷམྨཏྟཱ ཁཎེཁཎེ ཁཡཝཡབྷེདཱབྷཱཝཏོ སོ ཨེཝགཙྪཏི སོ ཨེཝ ཏིཊྛཏཱིཏིཨཱདིནཱ ནིཙྩཱཀཱརསཎྛིཏཾ ཧོཏཱིཏི. ‘‘དྷུཝནིམིཏྟཾ’’ཏི ཐིརནིམིཏྟཾ. ཨིདམྤི སོ གཙྪནྟོཔི ནནསྶཏི, ཏིཊྛནྟོཔི ནནསྶཏཱིཏིཨཱདིནཱ ཐིརཱཀཱརསཎྛིཏཾ སཏྟནིམིཏྟམེཝ. ‘‘སུཁནིམིཏྟཾ’’ཏི ཁཎེཁཎེ ཁཡཝཡབྷེད དུཀྑཱནཾ ཨབྷཱཝཏོ སུཁིཏོ ནིདྡུཀྑོ ནིབྦྷཡོཏིཨཱདིནཱ སུཁཱཀཱརསཎྛིཏཾ སཏྟནིམིཏྟམེཝ. ‘‘ཨཏྟནིམིཏྟཾ’’ཏི གནྟུཾ ཨིཙྪནྟོ གཙྪཏི, ཋཱཏུཾ ཨིཙྪནྟོ ཏིཊྛཏཱིཏིཨཱདིནཱ ཝསཝཏྟནཱཀཱར སཎྛིཏཾ སཏྟནིམིཏྟམེཝ. ‘‘ཀིརིཡཱ’’ཏི བྷཱཝནཱཀིརིཡཱ.

ཝིསུཛ྄ཛྷཏཱིཏི ཝིསུདྡྷི. ཝིསོདྷེཏཱིཏི ཝཱ ཝིསུདྡྷི. སཱིལམེཝ ཝིསུདྡྷི སཱིལཝིསུདྡྷཱིཏི ཨིམམཏྠཾ དསྶེནྟོ ‘‘ནིཙྩསཱིལམེཝཱ’’ཏིཨཱདིམཱཧ. ཏཏྠ ནིཙྩསཱིལམེཝ ཨུཔརིཛྷཱནཱདིཝིསེསཱནཾ ཨདྷིཊྛཱན ཀིཙྩསཱདྷཀཏྟཱ ཨིདྷ ཨདྷིཔྤེཏནྟི ཝུཏྟཾ ‘‘ནིཙྩསཱིལམེཝཱ’’ཏི. སམཱདྷི ཨདྷིཔྤེཏོ ¶ . ཝཀྑཏིཧི ‘‘དུཝིདྷོཔི སམཱདྷི ཙིཏྟཝིསུདྡྷི ནཱམཱ’’ཏི. ཨེཏེན ཝིསུཛ྄ཛྷཏི ཨེཏཱཡཱཏི ཝིསུདྡྷི. ཙིཏྟསྶ ཝིསུདྡྷི ཙིཏྟཝིསུདྡྷི. སམཱདྷི ཨེཝཱཏིཔི དཱིཔེཏི. ཝིསུཛ྄ཛྷནཾ ཝཱ ཝིསུདྡྷི. ཙིཏྟསྶ ཝིསུདྡྷི ཙིཏྟཝིསུདྡྷི. ཨཏྠཏོཔན ཝིསུདྡྷཙིཏྟམེཝ ཝུཙྩཏཱིཏིཔི ཡུཛྫཏི. ཝིསུདྡྷིསདྡ སམྤནྣེ ཧི སཏི, ཙིཏྟཝིསུདྡྷི ཨིཙྩེཝ ཝུཙྩཏི. ན སམཱདྷིཝིསུདྡྷཱིཏི. ‘‘སོལ༹སཝིདྷཾ ཀངྑཾ’’ཏི ཨཧོསིཾ ནུ ཁོ ཨཧ མཏཱིཏམདྡྷཱནནྟིཨཱདིནཱ སུཏྟནྟེཨཱགཏཾ སོལ༹སཝིདྷཾ ཝིཙིཀིཙྪཾ. ‘‘ཨཊྛཝིདྷཾ ཝཱ ཀངྑཾ’’ཏི སཏྠརིཀངྑཏཱིཏིཨཱདིནཱ ཨབྷིདྷམྨེ ཨཱགཏཾ ཨཊྛཝིདྷཾ ཝིཙིཀིཙྪཾ. ཝིསམཧེཏུདིཊྛི ནཱམ སཏྟཱནཾ ཨུཔྤཏྟིཡཱ ཨཀཱརཎམེཝ ཀཱརཎཾ ཀཏྭཱ གཧཎདིཊྛི. ‘‘མནསིཀཱརཝིདྷཱི’’ཏི ཨནིཙྩལཀྑཎཱདཱིསུ མནསིཀཱརཝིདྷི. ཨནུཔཱཡབྷཱུཏོ མནསིཀཱརོ ནཱམ ནིཙྩཱདིཝསེན མནསིཀཱརོ. ཨདྷིམཱནཝཏྠུ ནཱམ ཨོབྷཱསཱདཱིནི. ‘‘མགྒཏོ’’ཏི མགྒབྷཱཝེན. ‘‘ཨམགྒཏོ’’ཏི ཨམགྒབྷཱཝེན. ‘‘དསྶནཉྩཱ’’ཏི ཏེསཾཨདྷིམཱནཝཏྠཱུནཾ ཨནིཙྩཏཱདིདསྶནཉྩ. ཏམེཝ ཝིསུདྡྷིནཱམཱཏི སམྦནྡྷོ. ‘‘སམྨོཧམལཏོ’’ཏི ཙཏུསཙྩཔྤཊིཙྪཱདཀ སམྨོཧམལཏོ. ནནུ དསྶནནྟི ཉཱཎམེཝ. ཨེཝཾསཏི, ཉཱཎནྟི ཝུཏྟེ སིདྡྷེ ཀཏྭཱ དསྶནསདྡེན སཧ ཉཱཎདསྶནནྟི ཝུཏྟནྟི ཨཱཧ ‘‘ཨེཏྠཙཱ’’ཏིཨཱདིཾ. ‘‘སུཏམཡཱདིཝསེནཱ’’ཏི སུཏམཡ ཙིནྟཱམཡཝསེན. ཏཏྠ ཡཐཱསུཏསྶ པཱལི༹དྷམྨསྶ ཨཏྠམཏྟཛཱནནཾ སུཏམཡཉྙཱཎཾ ནཱམ. ཨཏྠཾ ཉཏྭཱ ཨཏྠཱནུརཱུཔསྶ སབྷཱཝལཀྑཎསྶ ཙིནྟནཱཝསེན ཨུཔྤནྣཾ ཉཱཎཾ ཙིནྟཱམཡཉྙཱཎཾ ནཱམ. ‘‘ཨནུམཱནཱདིཉཱཎཾཔཱི’’ཏི ནཱམརཱུཔ དྷམྨེསུ སབྷཱཝཱནུམཱནཉྙཱཎ སབྷཱཝཛཱནནཉྙཱཎཾཔི. ‘‘ཨཏྟཔཙྩཀྑཉྙཱཎམེཝཱ’’ཏི ཨཏྟནཱ པཙྩཀྑཀརཎཉྙཱཎམེཝ. ‘‘སབྦཏྠཱ’’ཏི མགྒཱམགྒཉྙཱཎདསྶནཱདཱིསུ སབྦེསུ ཋཱནེསུ. ཨེཏྠ ཙ དསསུ ཝིཔསྶནཱཉཱཎེསུཔི ཝིཔསྶནཱ ཝཙནེན པཙྩཀྑདསྶནམེཝ ཨདྷིཔྤེཏནྟི ཀཏྭཱ སབྦཏྠགྒཧཎཾ ཀཏནྟི དཊྛབྦཾ. སམྨསནཉྙཱཎཏོ པཊྛཱཡ ཧི དསྶནམེཝ ཨདྷིཔྤེཏཾ. ན སབྷཱཝཛཱནནམཏྟཾ. ཡཏོ ཙཀྑུནཱ པསྶནྟསྶེཝ སུཊྛུ པཙྩཀྑཏོ དསྶནཏྠཱཡ པུནཔྤུནཾ བྷཱཝནཱ ཀམྨཾ ནཱམ ཏཏྠ ཨིཙྪིཏབྦཾ ཧོཏི.

‘‘དྷམྨཱ’’ཏི ¶ སངྑཏ དྷམྨཱ. ཨནིཙྩཏཱ ཨེཝ ལཀྑཎནྟི ཨནིཙྩལཀྑཎཾ. ཨནིཙྩཱནཾ ཝཱ སངྑཏ དྷམྨཱནཾ ལཀྑཎནྟི ཨནིཙྩལཀྑཎནྟིཔི ཡུཛྫཏི. ‘‘ཨབྷིཎྷསམྤཊིཔྤཱིལ༹ནཱཀཱརོ’’ཏི ཡཐཱ སཱིགྷསོཏཱཡཾ ནདིཡཾ ནཱཝཱཡ ཨུདྡྷཾ གཙྪནྟཾ སཱནཱཝཱ ཨབྷིསངྑརཎདུཀྑེན ཨབྷིཎྷཾ སུཊྛུ པཊིཔྤཱིལེ༹ཏི. ཀསྨཱ, ཨསཏི ཨབྷིསངྑཱརེ ཏངྑཎེ ཨེཝ ཨདྷོཝུཡ྄ཧནཏོ. ཨདྷོཝུཡ྄ཧནཉྷི ནཱཝཱཡ པཀཏི ཀིཙྩཾ. ཨུདྡྷཾ ཨཱརཱུཧནཾ ཨབྷིསངྑཱར སིདྡྷཾ. ཨེཝམེཝཾ སཱིགྷསོཏེ སཾསཱརེ ཨཏྟབྷཱཝེན ཨུདྡྷཾ ཁཎཏོ ཁཎཾ དིཝསཏོ དིཝསཾ གཙྪནྟཾ པུགྒལཾ ཨཡཾ ཨཏྟབྷཱཝོ ཨབྷིསངྑརཎ དུཀྑེན ཨབྷིཎྷཾ སུཊྛུ པཊིཔྤཱིལེ༹ཏི. ཀསྨཱ, ཨསཏི ཨབྷིསངྑཱརེ, པཙྩཡཝེཀལླེ ཙ སཏི, ཏངྑཎེ ཨེཝ ཝིཔརིཎམནཏོ. ཝིཔརིཎམནཉྷི ཨཏྟབྷཱཝསྶ པཀཏི ཀིཙྩཾ. ཨུདྡྷཾགམནཾ ཨབྷིསངྑཱར སིདྡྷཾ. ཨེཝཾ ཨབྷིཎྷ སམྤཊིཔྤཱིལ༹ནཾ ཝེདིཏབྦཾ. ཨེཏྠ ཙ སཾསཱརསྶ སཱིགྷསོཏཏཱ ནཱམ ཨཏྟབྷཱཝཔརིཡཱཔནྣཱནཾ ནཱམ རཱུཔདྷམྨཱནཾ པཝཏྟིནིཝཏྟི སཱིགྷཏཱ ཝུཙྩཏི. ཨེཏྠ ཙ མརཎཾ དུཝིདྷཾ སམྨུཏི མརཎཉྩ པརམཏྠ མརཎཉྩ. ཏཏྠ སམྨུཏི མརཎཾ ནཱམ སམྨུཏི སཙྩབྷཱུཏསྶ སཏྟསྶ མརཎཾ. ཏཾ ཨེཀབྷཝཔརིཡནྟེ སནྡིསྶཏི. པརམཏྠ མརཎཾ ནཱམ པརམཏྠ སཙྩབྷཱུཏཱནཾ ནཱམརཱུཔ དྷམྨཱནཾ མརཎཾ. ཨིདམེཝ ཨེཀནྟམརཎཾ, སཙྩམརཎཾ, སབྷཱཝམརཎཾ ཧོཏི. ཨིམསྨིཾ ཝིཔསྶནཱ ཀམྨེ ཨིདཾ པརམཏྠ མརཎཾ ཨེཝ ཨནིཙྩཏཱཏི ཙ ཝུཙྩཏི. དྷམྨཱནཾ སུསཱནཀྑེཏྟནྟི ཙ སུསཱནབྷཱུམཱིཏི ཙ ཝུཙྩཏཱིཏི. སཱ ཙ སུསཱནབྷཱུམིནཱམ སཏྟཱནཾ པཊིསནྡྷིཏོ པཊྛཱཡ སནྟཱནཾ ཨནུབནྡྷཏིཡེཝ. ཨནུབནྡྷཏྟཱ ཙ སཏྟཱནཾ པཊིསནྡྷིཏོ པཊྛཱཡ སོ ནཱམ སམཡོ ནཏྠི, ཡཏྠ སཏྟཱ ན མརནྟཱིཏི. ཨིདཉྩ ཨནུབནྡྷནཾ སཏྟཱནཾ ཨབྷིཎྷསམྤཊིཔྤཱིལ༹ནམེཝ ཧོཏི. ཏེསཾ སབྦིརིཡཱཔཐེསུ ཛཱིཝིཏསྶ ཙ ཨངྒཔཙྩངྒཱནཉྩ ཀཱཡཝཙཱིམནོ ཀམྨཱནཉྩ སམྦཱདྷཔཏྟིཏོ. ཨཝསཝཏྟནཱཀཱརོ པན ཨབྷིསངྑཱར དུཀྑཾ ཨབྷིཎྷཾ པཙྩནུབྷཝནྟཱནཾ པཱཀཊོཡེཝ. ཝསཝཏྟནེཧི སཏི, ཨབྷིསངྑརཎ ཀིཙྩསྶ ཨོཀཱསོ ནཏྠི. ཝསཝཏྟནེནེཝ ཡཐིཙྪི ཏསྶ ཀིཙྩསྶ སམྤཛྫནཏོ. ལོཀསྨིཉྷི སབྦཾཔི ཨབྷིསངྑཱར ཀིཙྩཾ ནཱམ ཨནྟམསོ ཨསྶཱསནཔསྶཱསན ཀིཙྩཾ ཨུཔཱདཱཡ དྷམྨཱནཾ ཝསཝཏྟནཱབྷཱཝཏོ ཀརོནྟཱིཏི.

ཨནིཙྩསྶ ¶ དྷམྨསྶ ཨནུཨནུཔསྶནཱཏི སམྦནྡྷོ. ‘‘ཨནུཨནུཔསྶནཱ’’ཏི ཙ ཉཱཎཙཀྑུནཱ པུནཔྤུནཾ ནིཛ྄ཛྷཱཡནཱ ཨོལོཀནཱ. ‘‘དྷམྨཱནཾ’’ཏི པཉྩཀྑནྡྷ དྷམྨཱནཾ. ‘‘ཡཏྠ ཡཏྠཱ’’ཏི ཡསྨིཾ ཡསྨིཾ སརཱིརངྒེ. ‘‘པུརཱཎ དྷམྨཱནཾ’’ཏི པུརཱཎཱནཾ པཱཏུབྦྷཱུཏཱནཾ, ཝཌྜྷིཏཱནཉྩ དྷམྨཀོཊྛཱསཱནཾ ཨནྟརདྷཱནཾ ཝཡོ ཝུཙྩཏི. ཝིཔསྶནཱ ཀམྨཾ པཏྭཱ ཁཎིཀཝསེན ཨེཀེཀདྷམྨཝིབྷཱགཝསེན ཙ ཨནུཔསྶནཱ ཀིཙྩཾ ནཏྠཱིཏི ཨཱཧ ‘‘སམཱུཧ སནྟཏིཝསེན པནཱ’’ཏི. ཨེཀེཀདྷམྨཝིབྷཱགཝསེན ཨནུཔསྶནཱཔི པན པཀཏིཡཱ སུཔཱཀཊེསུ ཙིཏྟཝེདནཱདཱིསུ ཨིཙྪིཏབྦཱཡེཝ. ‘‘ཨནིཙྩཏཱཡ པརམཱཀོཊཱི’’ཏི ཏཏོ ཨུཏྟརི ཨནིཙྩཏཱ ནཱམ ནཏྠཱིཏི ཨདྷིཔྤཱཡོ. དྷམྨཱནཾ ཏཐཱ ཏཐཱ བྷཱཡིཏབྦཔྤཀཱརོ ནཱམ པཉྩཀྑནྡྷེ ‘ཨནིཙྩཏོ, དུཀྑཏོ, རོགཏོ, གཎྜཏོ, སལླཏོ, ཨགྷཏོ, ཨཱབཱདྷཏོ, ཏིཨཱདིནཱ ཝུཏྟོ བྷཱཡིཏབྦཔྤཀཱརོ. ཏསྶ སམནུཔསྶནཱཉཱཎཾ བྷཡཉཱཎཾ. ཨེཏེན ཨཔཱཡདུཀྑ སཾསཱར དུཀྑབྷཱིརུཀེཧི ཛནེཧི བྷཱཡིཏབྦནྟི བྷཡཾ. ཏེ ཝཱ བྷཱཡནྟི ཨེཏསྨཱཏི བྷཡཾ. བྷཡསྶ སམནུ པསྶནཱཉཱཎཾ བྷཡཉཱཎནྟི ཨིམམཏྠཾ དསྶེཏི. ‘‘ཀིཉྩིབྷཡཝཏྠུཾ’’ཏི སཱིཧབྱགྒྷཱདིཀཾ བྷཡཝཏྠུཾ. ‘‘པཊིསྶརཎེ’’ཏི གུཧཱལེཎཱདིཀེ པཊིསྶརཎེ. ‘‘ཏེསཾ’’ཏི བྷིཛྫནསབྷཱཝཱནཾ དྷམྨཱནཾ. ‘‘ཏེཧཱི’’ཏི བྷིཛྫནསབྷཱཝེཧི. ཨུཀྐཎྛཏཱ ནཱམ ཙིཏྟསྶ ཝིརུདྡྷཏཱ ནིཀྑམཱབྷིམུཁཏཱ. ‘‘ཙཏྟཱལཱིསཱཡ ཨཱཀཱརེཧཱི’’ཏི པཉྩཀྑནྡྷེ ‘ཨནིཙྩཏོ, དུཀྑཏོ, རོགཏོ, གཎྜཏོ, སལླཏོ, ཨགྷཏོ, ཨཱབཱདྷཏོ, པརཏོ, པལོཀཏོ, ཨཱིཏིཏོ,. ཨུཔདྡཝཏོ, བྷཡཏོ, ཨུཔསགྒཏོ, ཙལཏོ, པབྷངྒུཏོ, ཨདྡྷུཝཏོ, ཨཏཱཎཏོ, ཨལེཎཏོ, ཨསྶརཎཏོ, རིཏྟཏོ,. ཏུཙྪཏོ, སུཉྙཏོ, ཨནཏྟཏོ, ཨཱདཱིནཝཏོ, ཝིཔརིཎཱམ དྷམྨཏོ, ཨསཱརཀཏོ, ཨགྷམཱུལཏོ, ཝདྷཀཏོ, ཝིབྷཝཏོ, སཱསཝཏོ,. སངྑཏཏོ, མཱརཱམིསཏོ, ཛཱཏིདྷམྨཏོ, ཛརཱདྷམྨཏོ, བྱཱདྷིདྷམྨཏོ, མརཎདྷམྨཏོ, སོཀཔརིདེཝདྷམྨཏོ, དུཀྑདོམནསྶ དྷམྨཏོ, ཨུཔཱཡཱས དྷམྨཏོ, སཾཀིལེསིཀ དྷམྨཏོ, པསྶནྟོ སུཉྙཏོ ལོཀཾ ཨཝེཀྑཏཱིཏི ཨེཝཾ མཧཱནིདྡེསེ ¶ མོགྷཔཉྷནིདྡེསེ ཨཱགཏེཧི ཙཏྟཱལཱིསཱཡ ཨཱཀཱརེཧི. ཏཏྠ པཉྩཀྑནྡྷེ ཨནིཙྩཏོ པསྶནྟོཏིཨཱདིནཱ ཡོཛེཏབྦཾ. ‘‘ཨནིཙྩཏོ’’ཏི ཙ ཨནིཙྩབྷཱཝེནཱཏི ཨཏྠོ. སབྦེཔི པཉྩཀྑནྡྷཱ ཨནིཙྩཱ ཨེཝཱཏི པསྶནྟོཏི ཝུཏྟཾ ཧོཏི. ཀཐཾ པན ཨནིཙྩཏོ པསྶནྟོ སུཉྙཏོ ལོཀཾ ཨཝེཀྑཏཱིཏི. ནིཙྩགུཎ སུཉྙཏཱཡ སུཉྙཏོ པཉྩཀྑནྡྷབྷཱུཏཾ ལོཀཾ ཨཝེཀྑཏི. སེསཔདེསུཔི ཨེསེཝནཡོ. ཏཏྠ ‘‘ཨནིཙྩཱ ཨེཝཱ’’ཏི པཊིསནྡྷིཀྑཎཏོ པཊྛཱཡ ཡདཱཀདཱཙི མརཎ དྷམྨཏྟཱ ཨནིཙྩཱ ཨེཝ. ‘‘དུཀྑཱ ཨེཝཱ’’ཏི ཨནིཙྩ དྷམྨཏྟཱཡེཝ དུཀྑཱ ཨེཝ. ཡདནིཙྩཾ, ཏཾ དུཀྑཾཏིཧི ཝུཏྟཾ. དུཀྑ སཙྩདྷམྨཏྟཱ ཝཱ. ‘‘རོགཱ ཨེཝཱ’’ཏི རོགཛཱཏིཀཏྟཱ རོགཱ ཨེཝ. ཡེཧི ཀེཙི ལོཀེ ཙཀྑུ རོགཱདིཀཱ ཨནེཀསཧསྶཱ རོགཱ ནཱམ སནྡིསྶནྟི. སབྦེཏེ ཨིམེཔཉྩཀྑནྡྷཱ ཨེཝ. ཨིཏོ ཨཉྙོཀོཙི རོགོ ནཱམ ནཏྠི. ཏསྨཱ ཏེ ཨེཀནྟེན རོགཛཱཏིཀཱ ཨེཝཱཏི. ཨཔི ཙ, དུཀྑསཙྩ དྷམྨཏྟཱཏཱིཧི དུཀྑཏཱཧི ཙཏཱུཧི དུཀྑཊྛེཧི ཙ ཨབྷིཎྷསམྤཊིཔྤཱིལ༹ནཏོ རུཛྫནཊྛེན རོགཱ ཨེཝ. ཏཏྠ ‘‘ཏཱིཧི དུཀྑཏཱཧཱི’’ཏི དུཀྑདུཀྑཏཱ སངྑཱར དུཀྑཏཱ ཝིཔརིཎཱམ དུཀྑཏཱཏི ཨིམཱཧི ཏཱིཧིདུཀྑཏཱཧི. ‘‘ཙཏཱུཧི དུཀྑཊྛེཧཱི’’ཏི དུཀྑསྶ པཱིལ༹ནཊྛོ, སངྑཏཊྛོ, སནྟཱཔཊྛོ, ཝིཔརིཎཱམཊྛོ,ཏི ཨིམེཧི ཙཏཱུཧི དུཀྑཊྛེཧི. དུཀྑ ཀིཙྩེཧཱིཏི ཨཏྠོ. ཨེསནཡོ གཎྜཱདཱིསུ. ཏཏྠ གཎྜོནཱམ པཱིལ༹ཀཱབཱདྷོ. སལླཾ ནཱམ ཝིཛ྄ཛྷནཊྛེན ཀིལེས སལླཉྩ དུཀྑསལླཉྩ. ཨགྷནྟི ནིརཏྠཀཾ. ཨིམེ ཙ ཁནྡྷཱ ཝིཔཏྟིཔརིཡོསཱནཏྟཱ ནིརཏྠཀཱ ཨེཝ ཧོནྟི. སབྦཱསམྤཏྟིཡོ ཝིཔཏྟིཔརིཡོསཱནཱཏི ཧི ཝུཏྟཾ. ཨཝིསྶཱསིཀཊྛེན པརེ ཨེཝ. ན ཧི ཏེ ཨེཏཾ མམ, ཨེསོ ཧམསྨི, ཨེསོ མེ ཨཏྟཱཏི ཨེཝཾ ཝིསྶཱསཾ ཨརཧནྟི. ཏཐཱ ཝིསྶཱསཾ ཀརོནྟསྶ ནཱནཱདུཀྑེཧི ནིཙྩཾ ཝིཧིཾསནཏོ. པཊིསནྡྷིཏོ པཊྛཱཡ ཡདཱཀདཱཙི པལུཛྫནདྷམྨཏྟཱ པལོཀདྷམྨཱ ཨེཝ. ‘‘ཨཱིཏཱི’’ཏི ཨནྟརཱཡོ ཝུཙྩཏི. ཁནྡྷཱ ཨནྟརཱཡ ཛཱཏིཀཱ ཨེཝཱཏི ཝུཏྟཾ ཧོཏི. ཨཛ྄ཛྷཏྟབྷཱཝཾ ཨུཔགནྟྭཱ དུཏཏྟཱ ཝིབཱདྷཀཏྟཱ ཨུཔདྡཝཱ ཨེཝ. བྷཱཡིཏབྦཏྟཱ བྷཡཱ ཨེཝ. ཨནཏྟཱ ཨེཝ སམཱནཱ ཨཛ྄ཛྷཏྟབྷཱཝཾ ཨུཔགནྟྭཱ སཛྫནཏོ ལགྒནཏོ དུམྨོ ཙཡཏོ ¶ ཨུཔསགྒཱ ཨེཝ. ནིཙྩཀཱལཾ ལོཀདྷམྨེཧི ཙལནཏྟཱ ཝིཔྥནྡནཏྟཱ ཙལཱཨེཝ. ནཱནཔྤཀཱརེན བྷཉྫནདྷམྨཏྟཱ པབྷངྒུནོ ཨེཝ. ཁཎམཏྟམྤི ཨཐིརཏྟཱ ཨདྡྷུཝཱ ཨེཝ. ཛརཱམརཎཱདིཏོ ཨཔཱཡཝིནིཔཏནཱདིཏོ བྷཡཏོ ཏཱཡཏི རཀྑཏཱིཏི ཏཱཎཾ. ཏེ ཙ ཁནྡྷཱ ཀསྶཙིཏཱཎཱ ན ཧོནྟི. ཏེསཉྩ ཀིཉྩིཏཱཎཾ ནཱམ ནཏྠི. ཏསྨཱ ཨཏཱཎཱ ཨེཝ. བྷཡཏོ བྷཱིརུཀཱ ཛནཱ ལཱིཡནྟི ནིལཱིཡནྟི ཨེཏྠཱཏི ལེཎཾ. ཏེ ཙ ཀསྶཙིལེཎཱ ན ཧོནྟི. ཏེསཉྩ ཀིཉྩིལེཎཾ ནཱམ ནཏྠི. ཏསྨཱ ཨལེཎཱ ཨེཝ. བྷཡཾ སརཏིཧིཾསཏཱིཏི སརཎཾ. ཏེ ཙ ཀསྶཙིསརཎཾ ན ཧོནྟི. ཏེསཉྩ ཀིཉྩིསརཎཾ ནཱམ ནཏྠི. ཏསྨཱ ཨསྶརཎཱ ཨེཝ. ནིཙྩཏཱདཱིཧི སབྦེཧི སོབྷཎགུཎེཧི སབྦསོ རཧིཏཏྟཱ ཏུཙྪཏྟཱ སུཉྙཏྟཱརིཏྟཱ ཨེཝ. ཏུཙྪཱ ཨེཝ. སུཉྙཱ ཨེཝ. ཨཏྟཱ ཝུཙྩཏི ཡསྶཀསྶཙི ཀོཙི སཱརབྷཱུཏོ པཊིསྶརཎོ. ཏེ སཡཉྩ ཀསྶཙི ཨཏྟཱན ཧོནྟི. ཨཏྟནོ ཙ ཀོཙི ཨཏྟཱནཱམ ནཏྠི. ཏསྨཱ ཨནཏྟཱ ཨེཝ. ཨནིཙྩཏཱདཱིཧི ཨཱདཱིནཝེཧི དོསེཧི སམྤུཎྞཏྟཱ ཨཱདཱིནཝཱ ཨེཝ. ཝིཔརིཎཱམ སབྷཱཝཏྟཱ ཝིཔརིཎཱམཱ ཨེཝ. སཱརབྷཱུཏསྶ ཀསྶཙི ཨདྷིཊྛཱནསྶ ཨབྷཱཝཱ ཨསཱརཱཨེཝ. ཨགྷསྶ སབྦནིརཏྠཀསྶ པཏིཊྛཱནཏྟཱ ཨགྷམཱུལཱ ཨེཝ. ཏེ སཡཾ མརཎ དྷམྨསམངྒཱིནོ ཧུཏྭཱ ཏེན མརཎསཏྠེན མརཎཱཝུདྷེན སཾསཱརེ སཏྟཱནཾ ནིཙྩཾ མཱརཀཏྟཱ ཛཱིཝིཏིནྡྲིཡུཔཙྪེདཀཏྟཱ ཝདྷཀཱ ཨེཝ. ནིཙྩསུཁཧིཏ ཝུཌྜྷིཝིགཏཏྟཱ ཝིབྷཝཱ ཨེཝ. ཨཱསཝེཧི པརིགྒཧིཏཏྟཱ སཱསཝཱ ཨེཝ. ནིཙྩཀཱལཾ པཙྩཡཱཡཏྟཝུཏྟིཀཏྟཱ སངྑཏཱ ཨེཝ. ཀིལེསམཱརམཙྩུམཱརཱནཾ ཨཱམིསཱཧཱརཏྟཱ མཱརཱམིསཱ ཨེཝ. ཨནིཙྪནྟསྶེཝ སཏོ ཙཀྑུརོགཱདིབྷཱཝེན ཨཔཱཡབྷཝཱདིབྷཱཝེན ཛཱཏསབྷཱཝཏྟཱ ཛཱཏིདྷམྨཱ ཨེཝ. ཨནིཙྪནྟསྶེཝ སཏོ ཧཱཡནམརཎསབྷཱཝཏྟཱ ཛརཱམརཎ དྷམྨཱ ཨེཝ. སོཀཱདཱིནཾ ཝཏྠུབྷཱཝེན དྷཱརཎཏྟཱ སོཀཱདི དྷམྨཱ ཨེཝ. ཏཎྷཱ སཾཀིལེས དིཊྛིསཾཀིལེས དུཙྩརིཏ སཾཀིལེསེཧི ནིཡུཏྟཏྟཱ སཾཀིལེསིཀ དྷམྨཱ ཨེཝཱཏི. ཏེན ཝུཏྟཾ ‘‘ཙཏྟཱལཱིསཱཡ ཨཱཀཱརེཧཱི’’ཏི. ‘‘པཊིསངྑཱནཝསེནཱ’’ཏི པརིཝཱིམཾསནཝསེན ¶ .‘‘ནིཀནྟིཡཱ’’ཏི ནིཀནྟིཏཎྷཱཡ. ‘‘པརིཡཱདིནྣཱཡཱ’’ཏི སུཀྑབྷཱཝཔཏྟཱཡ. ‘‘བྷཡཉྩཱ’’ཏི བྷཡཉཱཎཝསེན ཨུཔྤནྣཾ ཨོཏྟཔྤབྷཡཉྩ.

ལོཀེ ཨཏྟཛཱིཝཱ ནཱམ སཏྟཱནཾ ཨཛ྄ཛྷཏྟ དྷམྨེསུ སཱརདྷམྨཱ ཧོནྟི. ཏེསུ ཝིགཏེསུ སེསདྷམྨཱ ནིསྶཏྟ ནིཛྫཱིཝབྷཱཝཾ པཏྭཱ ཕེགྒུབྷཱུཏཱ ཀཙཝརབྷཱུཏཱཏི ལོཀསྶ ཨབྷིམཱནོ. ཏེ ཙ ཨཏྟཛཱིཝཱ ནཱམ སབྦསོ ནཏྠཱིཏི དིཊྛེ ཁནྡྷེསུ ཀཙཝརབྷཱཝདསྶནཾ ཨཏྟཛཱིཝ སུཉྙཏཱ དསྶནཾ ནཱམ. ‘‘ཝིམུཙྩམཱནོ’’ཏི ཨེཏེན ཝིམུཙྩཏཱིཏི ཝིམོཀྑོཏི ཨཏྠཾ དསྶེཏི. ཝིམུཙྩནྟི ཨེཏེནཱཏི ཝིམོཀྑོཏིཔི ཡུཛྫཏི. ‘‘ནིམིཏྟཱནཱི’’ཏི ཝིཔལླཱསདྷམྨེཧི ནིམྨིཏཱནི ནིཙྩནིམིཏྟ སུཁནིམིཏྟ ཨཏྟནིམིཏྟ ཛཱིཝནིམིཏྟཱནི. སཏྟ པུགྒལ ཨིཏྠི པུརིས ཧཏྠ པཱད སཱིས གཱིཝཱདཱིནི ནིམིཏྟཱནི ཙ. ཏཏྠ སངྑཱརཱནཾ ཁཎིཀ དྷམྨཏྟཱ ཨནིཙྩཱནཾཡེཝ སཏཾ སནྟཏི གྷནེན པཊིཙྪནྣཏྟཱ ཧིཡྻོཔི སོ ཨེཝ, ཨཛྫཔི སོ ཨེཝཱཏིཨཱདིནཱ ནིཙྩཱཀཱརེན ཨུཔཊྛཱནཾ ནིཙྩནིམིཏྟཾ ནཱམ. ཀིལེསམལེཧི པརིགྒཧིཏཏྟཱ ཨསུབྷཱནཾཡེཝ སཏཾ ཨཝིཛྫཱཡ པཊིཙྪནྣཏྟཱ ཨིདཾ ཨིཊྛཾ, ཀནྟཾ, མནཱཔཾ, པིཡརཱུཔ, ནྟིཨཱདིནཱ སུབྷཱཀཱརེན ཨུཔཊྛཱནཾ སུབྷནིམིཏྟཾ ནཱམ. བྷཡཊྛེན ཨཁེམཊྛེན དུཀྑཱནཾཔི སཏཾ ཏཱཡེཝ པཊིཙྪནྣཏྟཱ ཨིདཾ སུཁཾ, ནིབྦྷཡཾ, ཁེམཾ, སཱཏརཱུཔ, ནྟིཨཱདིནཱ སུཁཱཀཱརེན ཨུཔཊྛཱནཾ སུཁནིམིཏྟཾ ནཱམ. པཙྩཡཱ ཡཏྟཝུཏྟིཀཏྟཱ པཙྩཡེན ཝིནཱ ཀེཝལཾ ཨཏྟནོ ཝསཱཡཏྟཝུཏྟིཏཱ བྷཱཝཏོ ཨནཏྟཱནཾཡེཝ སཏཾ ཨཏྟནོ ཨིཙྪཱཝསེན ཀརོཏི, ཀཐེཏི, ཙིནྟེཏི, གནྟུཾ ཨིཙྪནྟོ གཙྪཏི, ཋཱཏུཾ ཨིཙྪནྟོ ཏིཊྛཏཱི, ཏིཨཱདིནཱ ཝསཝཏྟནཱཀཱརེན ཨུཔཊྛཱནཾ ཨཏྟནིམིཏྟཾ ནཱམ. ཏཐཱ སཏྟོནཱམ སཏྟཱཧཾཔི ཛཱིཝཏི, མཱསཾཔི ཛཱིཝཏི, སཾཝཙྪརཾཔི ཛཱིཝཏཱིཏིཨཱདིནཱ ཛཱིཝཱཀཱརེན ཨུཔཊྛཱནཾ ཛཱིཝནིམིཏྟཾ ནཱམ. ནནུ ཙེཏྠ ཨཏྟནོ ཨིཙྪཱཝསེན ཀརོཏཱིཏིཨཱདཱིསུ ཨིཙྪཱནཱམ ཏཎྷཱཝཱཚནྡོ ཝཱ. ཏདུབྷཡམྤི ཙིཏྟསམྤཡུཏྟཾ. ཀརཎཉྩ ནཱམ ཀཱཡིཀཀྲིཡཱབྷཱུཏཱནཾ ཙིཏྟཛརཱུཔཀལཱཔཱནཾ པཝཏྟིཝིསེསོ. ཨེཝཉྩསཏི ཏེསཾ ཙིཏྟཝསེན པཝཏྟཏྟཱ ཨཏྟནོ ཨིཙྪཱཝསེན ཀརོཏཱིཏི ཨིདཾ ཨབྷིདྷམྨཝིརུདྡྷཾ ན ཧོཏཱིཏི. ན ན ཧོཏི. ཨཏྟནོཏི ཙ ཀརོཏཱིཏི ཙ ¶ ཝུཏྟཏྟཱ. ན ཧི ཨཏྟཱནཱམ ཨཏྠི, ཡོ ཨཏྟནོཏི ཝུཙྩེཡྻ. ན ཙ ཀཏྟཱནཱམ ཨཏྠི, ཡོ ཀརོཏཱིཏི ཝུཙྩེཡྻ. ཨིདྷ པན ཏསྨིཾ སམཡེ པཝཏྟཾ ཁནྡྷཔཉྩཀམེཝ ཨཏྟཱཏི ཙ ཀཏྟཱཏི ཙ གཧེཏྭཱ ཨཏྟནོཏི ཙ ཀརོཏཱིཏི ཙ ཝུཏྟཾ. ‘‘ཨཝསྶཡོ ཧོཏཱི’’ཏི པཏིཊྛཱ ཧོཏི. ‘‘ཝིདྷམིཏྭཱ’’ཏི ཉཱཎེན ཨནྟརདྷཱཔེཏྭཱ. སབྷཱཝཏོ ཝིཛྫམཱནཱནི ན ཧོནྟཱིཏི དསྶནཉཱཎེན ཝིནིཙྪཡཾ པཱཔེཏྭཱཏི ཝུཏྟཾ ཧོཏི. བྷཱཝདསྶནཾ ནཱམ སོཀདུཀྑཱདཱིནཾ ཨབྷཱཝདསྶནཾ.

‘‘ཏཾ ཏཾ གྷནཝིནིབྦྷུཛྫནཝསེནཱ’’ཏི སམཱུཧསནྟཏི གྷནཱདཱིནཾ བྷིནྡན ཚིནྡནཝསེན. ཏཏྠ སམཱུཧགྷནབྷིནྡནཾ ཨཱདིཏོ དྷམྨཝཝཏྠཱནཉཱཎཀིཙྩཾ. ཏདཱ ཨཏྟདིཊྛི ཝིཀྑམྦྷིཏཱ ཧོཏི. ཛཱིཝདིཊྛི ཙ ནཱམ སུཁུམཏརཱ ཨཏྟདིཊྛི ཨེཝ ཝུཙྩཏི. མགྒཀྑཎཾ པཏྭཱ ཨེཝ ཏདུབྷཡཾཔི སབྦསོ སམུཙྪིནྡཏཱིཏི དཊྛབྦཾ. ‘‘པཎིཧིཏགུཎསྶཱ’’ཏི པཏྠིཏགུཎསྶ.

‘‘པཱཏིམོཀྑ’’ནྟི ཨེཏྠ ‘‘པཏཱི’’ཏི ཛེཊྛཀོ ཝུཙྩཏི. ‘‘མུཁཾ’’ཏི མཱུལཀཱརཎཾ. པཏི ཙ སོ མུཁཉྩཱཏི པཏིམུཁཾ. པཏིམུཁམེཝ པཱཏིམོཀྑནྟི ཨིམམཏྠཾ དསྶེནྟོ ‘‘ཏཾ ཧཱི’’ཏིཨཱདིམཱཧ. སབྦལོཀིཡསཱིལཱནི ནཱམ ཙཏུཔཱརིསུདྡྷིསཱིལཱནི. ཏེསཾ མཛ྄ཛྷེ. ‘‘ཛེཊྛཀཏྟཱ’’ཏི ཛེཊྛཀསཱིལཏྟཱ. ‘‘ཏམེཝཱ’’ཏི ཝིནཡཔཉྙཏྟིསཱིལམེཝ +. ‘‘ཡེསཾ དྷམྨཱནཾ’’ཏི ཨུདྡྷཙྩ མུཊྛསྶཙྩཱདི དྷམྨཱནཾ. ‘‘ཝིཔྥནྡིཏཱནི ནཱམཱ’’ཏི ཝིཔྤཀིཎྞཱནི ནཱམཱཏི ཨདྷིཔྤཱཡོ. ཏེནཱཧ ‘‘ལོལཱནི ནཱམཱ’’ཏི. ‘‘ཏདནུབནྡྷཱ’’ཏི ཏཱནིཝིཔྥནྡིཏཱནི ཨིནྡྲིཡཱནི ཨནུགཏཱ. ‘‘བུདྡྷཔྤཊིཀུཊྛེཧཱི’’ཏི བུདྡྷེནབྷགཝཏཱ པཊིཀྐོསིཏེཧི ནཱིཝཱརིཏེཧི. ‘‘མིཙྪཱཔཡོགེཧཱི’’ཏི ཨཊྛཀུལདཱུསནཀམྨེཧི ཙེཝ ཨེཀཝཱིསཏིཨནེསནཀམྨེཧི ཙ. ‘‘ཏིཝིདྷཀུཧནཝཏྠཱུཧཱི’’ཏི པཙྩཡཔྤཊིསེཝནཉྩ, སཱམནྟཛཔྤནཉྩ, ཨིརིཡཱ པཐ སནྣིསྶིཏཉྩཱཏི ཨིམེཧི ཏིཝིདྷེཧི ཀུཧནཝཏྠཱུཧི. ཏིཝིདྷེཧི ཨཙྪརིཡ ཀམྨཝིདྷཱནེཧཱིཏི ཝུཏྟཾ ཧོཏི. པརིསུཛ྄ཛྷཏཱིཏི པརིསུདྡྷི. པརིསུདྡྷི ཨེཝ པཱརིསུདྡྷི. ‘‘སམྨོཧསྶཱ’’ཏི དྷཱཏུམནསིཀཱརཱདཱིསུ སམྨུཡ྄ཧནསྶ. ‘‘གེདྷསྶཱ’’ཏི སམྨོཧཏྟཱཡེཝ པཙྩཡེསུ བྷཏྟནིཀྑིཏྟཀཱ ཀསྶཝིཡ གེདྷསྶ, ཨབྷིཀངྑསྶ. ‘‘མདསྶཱ’’ཏི ལཱབྷསཀྐཱརཱ དིམཱུལཀསྶ ¶ མཱནམདསྶ. ‘‘པམཱདསྶཱ’’ཏི ཀུསལེསུ དྷམྨེསུ པམཱདསྶ མུཊྛསྶཙྩསྶ. ཏཾ ཏཾ པཡོཛན མརིཡཱདོ ནཱམ ཙཱིཝརཔཙྩཡེ ཏཱཝ སཱིཏཔྤཊིགྷཱཏཱདིཀོ པཡོཛནམརིཡཱདོ. ‘‘མརིཡཱདོ’’ཏི ཙ ཡཱཝདེཝཱཏི པདེན དསྶིཏོ སཱིཏཔྤཊིགྷཱཏཱདིཀོ ཙཱིཝརཔྤཡོཛན པརིཙྪེདོ. སོ ཙ ཙཱིཝརཔཙྩཡེ སམྨོཧཱདིཀེ སཱཝཛྫཔཀྑེ ཨཔཏནཏྠཱཡ ཋཔིཏོ. ཏེན ཝུཏྟཾ ‘‘སམྨོཧསྶ གེདྷསྶ མདསྶ པམཱདསྶ པཧཱནཏྠཾ’’ཏི. ཨེསནཡོ པིཎྜཔཱཏཔཙྩཡཱདཱིསུཔི. ཨེཏེན པཙྩཝེཀྑནཱཔཱཋེསུ ཨཡམཏྠོ དསྶིཏོ. ཨིདྷ བྷིཀྑུ ཙཱིཝརཾ པཊིསེཝཏི ཡཱཝདེཝ སཱིཏསྶ པཊིགྷཱཏཱཡ ཨུཎྷསྶ པཊིགྷཱཏཱཡཱཏིཨཱདཱིསུ ཡཱཝདེཝ སཱིཏསྶ པཊིགྷཱཏཱཡ པཊིསེཝཏི. ན ཏཏོ ཨུཏྟརི སམྨོཧཏྠཱཡ གེདྷཏྠཱཡ མདཏྠཱཡ པམཱདཏྠཱཡ པཊིསེཝཏཱིཏིཨཱདི. ཨེཝཉྩསཏི, ཡཾ ཙཱིཝརཾ པཊིསེཝནྟསྶ སམྨོཧགེདྷམདཔྤམཱདཱ ཨུཔྤཛྫནྟི. ཏཾ ན སེཝིཏབྦཾ. ཨིཏརཾ སེཝིཏབྦནྟི དསྶིཏཾ ཧོཏཱིཏི.

‘‘པཙྩཏྟསབྷཱཝོ’’ཏི པཙྩེཀསབྷཱཝོ. ‘‘ཀཱརིཡསངྑཱཏཾ’’ཏི ཀཱཏབྦཾ ཨབྷིནིཔྥཱདེཏབྦནྟི ཀཱརིཡཾ. ཨཱསནྣཔྥལཾ. ཏེནཱཧ ‘‘ཨགྒིསྶདྷཱུམོཝིཡཱ’’ཏི. ཨཱསནྣཀཱརཎཾ པདཊྛཱནཾ ནཱམ ཨགྒིཀཱརཀོ ཝིཡ. པཛྫཏི གཙྪཏི པཝཏྟཏི ཕལཾ ཨེཏེནཱཏི པདཾ. ཏིཊྛཏི ཕལཾ ཨེཏྠཱཏི ཋཱནཾ. ཨུབྷཡཾཔི ཀཱརཎ པརིཡཱཡོ ཨེཝ. ཏེན ཨཏིསྶཡཏྠོཔི སིཛ྄ཛྷཏཱིཏི ཨཱཧ ‘‘ཨཱསནྣཀཱརཎཾ’’ཏི. ‘‘སདྡྷིཾ སཉྙཱ ཙིཏྟ ཝིཔལླཱསེཧཱི’’ཏི དིཊྛིསམྤཡུཏྟེཧཱིཏི ཨདྷིཔྤཱཡོ. དིཊྛིཝིཔྤཡུཏྟཱ པན སཉྙཱ ཙིཏྟ ཝིཔལླཱསཱ ཝིཀྑམྦྷིཏུཾ སཀྐོཏཱིཏི ན ཝཏྟབྦཱ. ‘‘སཱསན དྷམྨེ’’ཏི ཨནཏྟལཀྑཎ སུཏྟནྟཱདིཀེ སུཉྙཏ དྷམྨཔྤཊིསཾཡུཏྟེ དེསནཱདྷམྨེ. ‘‘དིཊྛིཝིཔལླཱསོ ཝིཀྑམྦྷིཏོ’’ཏི ཏཱདིསཾ དྷམྨདེསནཾ སུཏྭཱ དེསཀེ སཏྠརི ཙ དེསིཏེ དྷམྨེ ཙ སདྡྷཾ པཊིལབྷིཏྭཱ སཙྩམེཝ བྷགཝཱ ཨཱཧ, ཨཧཾ པན ཨེཏཾ མམ, ཨེསོཧམསྨི, ཨེསོ མེ ཨཏྟཱ,ཏི གཎྷཱམི, མིཙྪཱཝཏཱཡཾ མམགཱཧོཏི ཨེཝཾ ཝིཀྑམྦྷིཏོ ཧོཏི. ཏཏོ པཊྛཱཡ ཨེསོ མེ ཨཏྟཱཏི ཝདནྟོཔི དིཊྛིསམྤཡུཏྟཙིཏྟེན ན ཝདཏི. དིཊྛིཝིཔྤཡུཏྟཙིཏྟེན ཨེཝ ཝདཏཱིཏི ཨདྷིཔྤཱཡོ. ཨིདམྤན དལ༹ྷགྒཱཧ ཝིཀྑམྦྷནམཏྟཾ ཨེཝ ¶ . ན ཨཏྟདསྶན ཝིཀྑམྦྷནཾ. ཏཾ པན དྷམྨཝཝཏྠཱནཉྙཱཎེ སིདྡྷེ ཨེཝ སིཛ྄ཛྷཏཱིཏིཔི ཝདནྟི. ཙཏུནྣཾ ཨཱཧཱརཱནཾ ཝསེན ཙཏུདྷཱ ནཱམརཱུཔཾ པརིགྒཧེཏབྦམེཝ. ཀསྨཱ, ཙཏྟཱརོ ཨཱཧཱརེ པརིགྒཧེཏྭཱ ཏེསྭེཝ ལཀྑཎཏྟཡཾ སམནུཔསྶནྟསྶ ཨནྟེ ལོཀུཏྟརཉྙཱཎདསྶནཔྤཊིལཱབྷཀིཙྩསྶ སིདྡྷཏྟཱཏི ཨདྷིཔྤཱཡོ. པཉྩདྷཱཏིཨཱདཱིསུ ཨེསནཡོ. ཨཱདིཀམྨིཀཱནཾ ཨཝིསཡོ, ཝིསུཾ ཝིསུཾ ལཀྑཎ རསཱདཱིཧི པརིགྒཧེཏུཾ ཨསཀྐུཎེཡྻཏྟཱ. པརིགྒཧཎེ སཀྐོནྟསྶཔི ཝིཔསྶནཱ ཀམྨེ ཝིསུཾ ཝིསུཾ པསྶིཏུཾ ཨསཀྐུཎེཡྻཏྟཱ ཙ. ཏཐཱཧི ཝཀྑཏི ‘‘ཀལཱཔཝསེན སཾཁིཔིཏྭཱ’’ཏི. ‘‘ཨཉྙསྶ ཀསྶཙཱི’’ཏི ཨཏྟཛཱིཝཱདིཀསྶ. སོ ཀརོཏི ཀུསལཱཀུསལཾ ཀམྨཾ. སོ པཊིསཾཝེདེཏི བྷཝནྟརཾ པཏྭཱ ཏབྦིཔཱཀཾ. སཾསརཏི བྷཝཏོ བྷཝཾ. སནྡྷཱཝཏི ཀམྨཝེགེན ཁིཏྟོ. སུདྡྷེ ནཱམེ ཨེཝ ཝཱ རཱུཔེ ཨེཝ ཝཱ ཨཱིཧཱབྱཱཔཱརཱནཾ ཨབྷཱཝདསྶནཏོཏི ཡོཛནཱ. པུགྒལསཏྟཱནཾ ཀྲིཡཱཡོཏི སཉྙིཏཱཏི ཝིགྒཧོ. ‘‘ཨཏྟཱཏི པཝཏྟཱ དིཊྛཱི’’ཏི ཀཱརཀ དིཊྛི. ‘‘ཏདཏྠཱ བྷིནིཝེསཝསེནཱ’’ཏི སཏྟོ, པུགྒལོ, ཏིཨཱདི ཝོཧཱརསྶ སབྦྷཱཝཏོ ཏསྶ ཨཏྠབྷཱུཏོ སཏྟཔུགྒལཱདིཀོཔི སབྷཱཝཏོ ཨཏྠིཡེཝ. ནོ ནཏྠཱིཏི ཨེཝཾ དལ༹ྷཾ ཧདཡེ སནྣིདྷཱནཀརཎ ཝསེན. ‘‘ཨཏིདྷཱཝནཉྩཱ’’ཏི ཝོཧཱར པཉྙཏྟིམཏྟེ ཨཊྛཏྭཱ ཏཾ ཨཏིཀྐམིཏྭཱ པཉྩཀྑནྡྷེ སཏྟཱདིབྷཱཝེན གཧཎཉྩཱཏི ཨདྷིཔྤཱཡོ.

‘‘ཀམྨཙིཏྟོཏུཀཱཧཱརཝསེནཱ’’ཏི ཨེཏྠ ཀཀཱརོ སནྡྷི ཝསེན ཨཱགམོ. ཀམྨཝསེན ཙིཏྟཝསེན ཨུཏུཝསེན ཨཱཧཱརཝསེནཱཏི ཨཏྠོ. ཨནུརཱུཔཱནཾ པཙྩཡཱནཾ སཱམགྒཱིཏི ཝིགྒཧོ. ‘‘ཨཉྙཐཱ པཝཏྟིཡཱ’’ཏི ཨཉྙེན པཀཱརེན པཝཏྟནསྶ. ‘‘ཧེཏུསམྦྷཱརཔཙྩཡེཧཱི’’ཏི ཧེཏུཔཙྩཡ སམྦྷཱརཔཙྩཡེཧི. ཛནཀ པཙྩཡཱ ཧེཏུཔཙྩཡཱ ནཱམ. པརིཝཱརཔཙྩཡཱ སམྦྷཱརཔཙྩཡཱ ནཱམ. ‘‘ཀམྨཔྤཝཏྟིཡཱ’’ཏི ཀམྨཔྤཝཏྟིཏོ. ‘‘ཝིཔཱཀཔྤཝཏྟིཡཱ’’ཏི ཝིཔཱཀཔྤཝཏྟིཏོ. ཨེཀསྶ སཏྟསྶ ཨནམཏགྒེ སཾསཱརེ སཾསརནྟསྶ རཱུཔཀཱཡོཔི ཨཏྠི ནཱམཀཱཡོཔི ཨཏྠི. ཏཏོ ཨཉྙོ ཀོཙིསབྷཱཝོ ¶ ནཱམ ནཏྠི. དྭེ ཙ ཀཱཡཱ པཉྩཝོཀཱརེ སཾསརནྟསྶ ཨེཀཏོ པཝཏྟནྟི. ཨསཉྙསཏྟེ སཾསརནྟསྶ རཱུཔཀཱཡོ ཨེཝ པཝཏྟཏི. སོ ཨེཝ ཏཏྠ ཨེཀོསཏྟོཏི སངྑྱཾ གཙྪཏི. ཨརཱུཔེ སཾསརནྟསྶ ནཱམ ཀཱཡོ ཨེཝ པཝཏྟཏི. སོ ཨེཝ ཏཏྠ ཨེཀོ སཏྟོཏི སངྑྱཾ གཙྪཏི. ‘‘སངྑྱཾ གཙྪཏཱི’’ཏི ཙ པཉྙཏྟིམཏྟཾ གཙྪཏཱིཏི ཨདྷིཔྤཱཡོ. ཏེསུ ཙ ཀཱཡེསུ རཱུཔཀཱཡེ ཙུཏི པཊིསནྡྷཱིནཾ ཨཉྙམཉྙཾ ཨནནྟར པཙྩཡཏཱ ནཱམ ནཏྠི. ཨེཀམེཀསྨིཾ བྷཝེ ཨེཀམེཀོ ཧུཏྭཱ ཙུཏིཀཱལེ བྷིཛྫཏི. རཱུཔསནྟཏི ཚིཛྫཏི. པཊིསནྡྷིརཱུཔེན སཧ པཙྩཡ པཙྩཡུཔྤནྣཏཱ པབནྡྷོ ནཔྤཝཏྟཏི. ནཱམ ཀཱཡེ པན ཙུཏི པཊིསནྡྷཱིནཾ ཨཉྙམཉྙཾ ཨནནྟརཔཙྩཡཏཱ ཨཏྠི. ཙུཏིཀཱལེཔི ནཱམསནྟཏི ན ཚིཛྫཏི. པཊིསནྡྷི ནཱམེན སཧ པཙྩཡ པཙྩཡུཔྤནྣཏཱ པབནྡྷོ པཝཏྟཏིཡེཝ. ཏཏྠ པཊིཙྩསམུཔྤཱད ཀུསལོ བྷིཀྑུ པཊིཙྩསམུཔྤཱདཉྙཱཎེ ཋཏྭཱ ཨེཀསྨིཾབྷཝེ ཨེཀསྶ སཏྟསྶ པཝཏྟིཾ པསྶནྟོ སཏྟཾ ནཱམ ན པསྶཏི. པུགྒལཾ ནཱམ ན པསྶཏི. ཨཧནྟིཔི ན པསྶཏི. པརོཏིཔི ན པསྶཏི. ཨཧཾ ཨཏཱིཏེསུ བྷཝེསུ ཨཧོསིནྟིཔི ན པསྶཏི. ཨིམསྨིཾབྷཝེ ཨསྨཱིཏིཔི ན པསྶཏི. ཨནཱགཏེསུ བྷཝིསྶཱམཱིཏིཔི ན པསྶཏི. ཨཐ ཁོ ཨཝིཛྫཱ པཙྩཡཱ སངྑཱརཱ པཝཏྟནྟི. སངྑཱར པཙྩཡཱ བྷཝནྟརེ ཝིཉྙཱཎཾ པཝཏྟཏཱིཏིཨཱདིནཱ ནཡེན ནཱམརཱུཔ དྷམྨཱནཾ ཧེཏུཕལ པརམྤརཱཝསེན ཨཝིཙྪེདཔྤཝཏྟིམེཝ པསྶཏི. ཨེཀསྨིཾབྷཝེ པཝཏྟིཾ པསྶནྟེ སཏི, ཨནམཏགྒེསཾསཱརེ ཨནནྟེསུ བྷཝེསུ ཏསྶ སཏྟསྶ པཝཏྟི དིཊྛཱ ཨེཝ ཧོཏི ཏཏྠཔི ཨེཝམེཝ, ཏཏྠཔི ཨེཝམེཝཱཏི. ཏདཱ ཏསྶ སོལ༹སཝིདྷཱ ཀངྑཱ པཧཱིཡཏཱིཏི ཨིམམཏྠཾ ‘‘དསྶེནྟོ ཨནམཏགྒེ སཾསཱརེ’’ཏིཨཱདིམཱཧ. ཏཏྠ ཀཏམཱ སོལ༹སཝིདྷཱ ཀངྑཱཏི. ཨཧོསིཾ ནུ ཁོ ཨཧཾ ཨཏཱིཏམདྡྷཱནཾ. ན ནུ ཁོ ཨཧོསིཾ. ཀིཾ ནུ ཁོ ཨཧོསིཾ. ཀཐཾ ནུ ཁོ ཨཧོསིཾ. ཀིཾ ཧུཏྭཱ ཀིཾ ཨཧོསིཾ ནུ ཁོ ཨཧཾ ཨཏཱིཏམདྡྷཱནནྟི ཨེཝཾ པུབྦནྟེ པཉྩཝིདྷཱ ཀངྑཱཝུཏྟཱ. བྷཝིསྶཱམི ནུ ཁོ ཨཧཾ ཨནཱགཏམདྡྷཱནཾ. ན ནུ ཁོ བྷཝིསྶཱམི. ཀིཾ ནུ ཁོ བྷཝིསྶཱམི. ཀཐཾ ནུ ཁོ བྷཝིསྶཱམི. ཀིཾ ཧུཏྭཱ ཀིཾ བྷཝིསྶཱམི ནུ ཁོ ཨཧཾ ཨནཱགཏམདྡྷཱནནྟི ཨེཝཾ ཨཔརནྟེ པཉྩཝིདྷཱ ཀངྑཱ ཝུཏྟཱ ¶ . ཨཧཾ ནུ ཁོ སྨི. ནོ ནུ ཁོ སྨི. ཀིནྣུ ཁོ སྨི. ཀཐཾ ནུ ཁོ སྨི. ཨཧཾ ནུ ཁོ སཏྟོ ཀུཏོ ཨཱགཏོ. སོ ཀུཧིཾ གཱམཱི བྷཝིསྶཱམཱིཏི ཨེཝཾ པཙྩུཔྤནྣེ ཚབྦིདྷཱ ཀངྑཱ ཝུཏྟཱ. ཨིམཱ སོལ༹སཝིདྷཱ ཀངྑཱཏི. ཏཏྠ ཨཧོསིཾ ནུ ཁོ, ན ནུ ཁོ ཨཧོསིནྟི ཨིམིནཱ པདདྭཡེན ཨཏཱིཏཀཱལེ ཨཏྟནོ ཨཏྠི ནཏྠིབྷཱཝེ ཀངྑཏི. སཙེ ཨཏྠི, ཀིཾ ནུ ཁོ ཨཧོསིནྟི ཀངྑཏི. ཀེནཙི ཧེཏུནཱ པཙྩཡེན ཝཱ ཨཧོསིཾ. ཀེནཙི ཨིདྡྷིམནྟེན ཝཱ ནིམྨིཏོ ཨཧོསིཾ. ཨཧེཏུ ཨཔཙྩཡཱ ཝཱ ཨནིམྨིཏོ ཝཱ སཡཾཛཱཏོ ཨཧོསིནྟི ཨཏྠོ. ཡདི ཏེསུཔཀཱརེསུ ཨཉྙཏརེན ཨཧོསིཾ. ཀཐཾ ནུ ཁོ ཨཧོསིཾ. ཨཔཱདཀོཝཱ ཨཧོསིཾ. དྭིཔཱདཀོ ཝཱ. ཙཏུཔྤཱདཀོཝཱ. བཧུཔྤཱདཀོཝཱ. རཱུཔཱིཝཱ. ཨརཱུཔཱིཝཱ. སཉྙཱིཝཱ. ཨསཉྙཱིཝཱ ཨིཙྩཱདི. ཨཐ ཏེསུ ཨཔཱདཀཱདཱིསུ ཨཉྙཏརོ ཨཧཾ ཨཧོསིཾ. ཀིཾ ཧུཏྭཱ ཀིཾ ཨཧོསིཾ. པཐམབྷཝེ ཀིཾ ཧུཏྭཱ དུཏཱིཡ བྷཝཱདཱིསུ ཀིཾ ཨཧོསིནྟི ཨིདཾ བྷཝཔརམྤརཱཝསེན ཝུཏྟཾ. ཨེསནཡོ ཨཔརནྟེཔི. པཙྩུཔྤནྣེ ‘‘ཨཧཾ ནུ ཁོ སྨི, ནོ ནུ ཁོ སྨཱི’’ཏི ཡཐཱ ཁུདྡཀཝཏྠུ ཝིབྷངྒེ ཨཊྛསཏཏཎྷཱཝིཙརིཏེསུ. སཏསྨཱིཏི ཧོཏི. སཱིཏསྨཱིཏི ཧོཏཱིཏི ཝུཏྟཾ. ཏཏྠ ‘‘སཏསྨཱི’’ཏི ཨཧཾ སསྶཏོ ཝཱ བྷཝཱམི. ‘‘སཱིཏསྨཱི’’ཏི ཨཧཾ ཨུཙྪིནྣོཝཱ བྷཝཱམཱིཏི ཨཏྠོ. ཡཐཱ ཙ. ཨཏྠཱིཏི ཁོ ཨེཀོ ཨནྟོ. ནཏྠཱིཏི ཁོ དུཏཱིཡོ ཨནྟོཏི ཝུཏྟཾ. ཏཏྠ ‘‘ཨཏྠཱི’’ཏི ཨཏྟཱནཱམ བྷཝཱབྷཝེསུ ནིཙྩཀཱལཾ ཨཏྠི. ‘‘ནཏྠཱི’’ཏི ཏཐཱ ནཏྠི, ཨུཙྪིཛྫཏི. ན ཧོཏི པརམྨརཎཱཏི ཨཏྠོ. ཏཐཱ ཨིདྷཱཔི ཨཧཾ ནུ ཁོ སྨི. ནོ ནུ ཁོ སྨཱིཏི ཀངྑཏི. ཏཏྠ ‘‘ཨཧཾ ནུ ཁོསྨཱི’’ཏི ཨཡཾ ཨཧཾ ནཱམ བྷཝཱབྷཝེསུ ནིཙྩཀཱལཾ ཨསྨི ནུ ཁོ, མམ ཨཏྟཱནཱམ སསྶཏོ ཧུཏྭཱ སབྦཀཱལཾ ཨཏྠི ནུ ཁོཏི ཝུཏྟཾ ཧོཏི. ‘‘ནོ ནུ ཁོ སྨཱི’’ཏི ཏཐཱ ནོ ཨསྨི ནུ ཁོ. མམ ཨཏྟཱ ཏཐཱ ནཏྠི ནུ ཁོཏི ཨཏྠོ. ཨེཏྠ ཙ ‘‘བྷཝཱབྷཝེསཱུ’’ཏི པཝཏྟེཔི པཙྩུཔྤནྣེ ཝཏྟམཱནཾ ཨཏྟཱནཾ གཧེཏྭཱ པཝཏྟཱ པཙྩུཔྤནྣེ སངྒཧིཏནྟི དཊྛབྦཾ. ‘‘ཀིཾ ནུ ཁོ སྨཱི’’ཏི ཨཧཾ ནཱམ སནྟོ ཛཱཏོ ཀིཾ ནུ ཁོ ཨསྨི. ཀེནཙི ཧེཏུནཱ པཙྩཡེན ཝཱ ཨསྨི ནུ ཁོ. ཀེནཙི ཨིདྡྷིམནྟེན ཝཱ ནིམྨིཏོ བྷཝཱམི ནུ ཁོ. ཨུདཱཧུ ཨཧེཏུ ཨཔཙྩཡཱ ཝཱ ¶ ཀེནཙི ཨནིམྨིཏོ ཝཱ སཡཾ ནུ ཁོ བྷཝཱམི ནུ ཁོཏི ཨཏྠོ. ‘‘ཀཐཾ ནུ ཁོ སྨཱི’’ཏི ཨེཏྠ པན ཨཔདཱདཱིཧི ཨཡོཛེཏྭཱ ཨཧཾ ནུ ཁོ ཀིཾ གོཏྟོ བྷཝཱམི. གོཏམགོཏྟོ ཝཱ ཝཱསེཊྛ གོཏྟོ ཝཱ ཏིཨཱདིནཱ ཡོཛེཏབྦཾ. ཨཱདི ཀཔྤཀཱལེ ཏཱནི གོཏྟཱནི ཨེཏརཧི སམྦྷེདཾ གཙྪནྟི. ཏསྨཱ ཏེསུ ཀངྑནྟོ ཀངྑཏིཡེཝ. ‘‘ཨཧཾ ཀུཏོ ཨཱགཏོ’’ཏི ཨཧཾ ཨཏཱིཏེ ཀུཏོབྷཝཏོ ཨཱགཏོ ཨསྨི. ‘‘སོཀུཧིཾགཱམཱི བྷཝིསྶཱམཱི’’ཏི སོ ཨཧཾ ཨཱཡཏིཾ བྷཝེ ཀུཧིཾ གཱམིཀོ བྷཝིསྶཱམཱིཏི ཀངྑཏི. ‘‘ཀངྑཱཡ ཨཏིཀྐམོ’’ཏི སོ བྷིཀྑུ པཊིཙྩསམུཔྤཱདེ ཨཝིཛྫཱདིཀཾ ཨཏཱིཏཧེཏུ པཉྩཀཾ པསྶནྟོ ཏསྨིཾབྷཝེ སབྦཾཔི པཊིཙྩསམུཔྤཱདཾ པསྶཏིཡེཝ. ཨེཝཾ པསྶནྟོ ན ཏཏྠ ཨཧཾ ནཱམ ཀོཙི ཨཏྠི, ཡཾ པཊིཙྩ ཨཏཱིཏ ཝིསཡཱ པཉྩཝིདྷཱ ཀངྑཱ ཨུཔྤཛྫཏི. དྷམྨ མཏྟམེཝ ཏཏྠ ཨཏྠཱིཏི ཨེཝཾ ཨཏཱིཏེ ཀངྑཱ ཝཏྠུསྶ ཨབྷཱཝདསྶནེན པཉྩཝིདྷཱཡ ཀངྑཱཡ ཨཏིཀྐམོ ཧོཏི. ནནུ ཏཐཱ པསྶནྟསྶཔི ཀཐཾ ནུ ཁོ སྨི, ཀིཾ ཧུཏྭཱ ཀིཾ ཨཧོསིཾ ནུ ཁོཏི ཨཡཾ ཀངྑཱ ཨཏྠིཡེཝ. ཏཐཱ པསྶནྟོཔི ཧི ཝིནཱ པུབྦེནིཝཱསཉྙཱཎེན ཨཏཱིཏེ བྷཝེ ཨཧཾ དྭིཔཱདཀོ ཨཧོསིནྟིཝཱ ཙཏུཔྤཱདཀོ ཨཧོསིནྟི ཝཱ ཏཏོ ཙུཏོ ཨསུཀབྷཝེ ཨུཔྤནྣོཏི ཝཱ ན ཛཱནཱཏི ན པསྶཏཱིཏི. ཝུཙྩཏེ. སཱ པན ཀངྑཱ དྷམྨ མཏྟཔྤཝཏྟི དསྶནཏོ པཊྛཱཡ ཨནྟརཱཡིཀ ཀངྑཱ ན ཧོཏི. ཝིཙིཀིཙྪཱ པཊིརཱུཔིཀཱ ཨེཝ. སཱ ཧི ཨརིཡཱནཾཔི ལབྦྷཏི ཡེཝཱཏི. ཏཐཱ ཨནཱགཏེ ཕལཔཉྩཀཾ པསྶནྟོ ཨཔརནྟེ པཉྩཝིདྷཾ ཀངྑཾ ཨཏིཀྐམཏི. པཙྩུཔྤནྣེ ཕལཔཉྩཀཉྩ ཧེཏུཔཉྩཀཉྩ པསྶནྟོ པཙྩུཔྤནྣེ ཀངྑཱ ཚཀྐཾ ཨཏིཀྐམཏི. སེསཾ སབྦཾ པུབྦནྟེ ཝུཏྟནཡམེཝཱཏི. ཨཊྛཝིདྷཱཡ ཀངྑཱཡ ཨཏིཀྐམནེ པན པཊིཙྩསམུཔྤཱདཾ ཨནུལོམཔྤཊིལོམཾ པསྶནྟོ དེསནཱ དྷམྨེ ཙ ལོཀུཏྟར དྷམྨེསུ ཙ ཀངྑཾ ཨཏིཀྐམཏི. དྷམྨེ ཀངྑཱཏིཀྐམནེན སཧེཝ དེསེནྟེ སཏྠརི ཙ, ཡཐཱནུསིཊྛཾ པཊིཔནྣེ སངྒྷེ ཙ, ཏཱིསུ སིཀྑཱསུ ཙ, ཡཐཱཝུཏྟེ པུབྦནྟེ ཙ, ཨཔརནྟེ ཙ, པུབྦནྟཱ པརནྟེསུ ཙ, པཊིཙྩསམུཔྤཱདེན སཧ པཊིཙྩསམུཔྤནྣེསུ དྷམྨེསུ ཙ སབྦཾ ཀངྑཾ ཨཏིཀྐམཏིཡེཝ. ཏེནཱཧ ‘‘སབྷཱཝ ¶ དྷམྨཔྤཝཏྟིཡཱ’’ཏིཨཱདིཾ. ཏཏྠ ‘‘སབྷཱཝདྷམྨཔྤཝཏྟིཡཱ ཙཱ’’ཏི པཙྩཡཔརམྤརཱཝསེན སབྷཱཝདྷམྨཱནཾ པརམྤརཔྤཝཏྟིཡཱ ཙ. དྷམྨསུ དྷམྨཏཱ ནཱམ དེསནཱ དྷམྨསྶ སྭཱཀྑཱཏཏཱདིབྷཱཝེན སུནྡར དྷམྨཏཱ. ཨནཝཛྫདྷམྨཏཱ. བུདྡྷསུབུདྡྷཏཱ ནཱམ ཏཾ དྷམྨཾ དེསེནྟསྶ བུདྡྷསྶ སབྦཉྙུབུདྡྷཏཱ.

པརིཡུཊྛིཏཱནཾ དིཊྛིཝིཙིཀིཙྪཱནཾ ཝིཀྑམྦྷནཾ ནཱམ ཧེཊྛཱ དྷམྨཝཝཏྠཱན ཝསེན པཙྩཡཔརིགྒཧཝསེན ཙ སིཛ྄ཛྷཏི. ཝིཔསྶནཱ ཀམྨཾ པན ཨནུསཡབྷཱུཏཱནཾ དིཊྛིཝིཙིཀིཙྪཱནཾ སལླིཁནཏྠཱཡ ཀརཱིཡཏཱིཏི ཝུཏྟཾ ‘‘ཨནུསཡ སམཱུཧནནཏྠཉྩཱ’’ཏིཨཱདི. ‘‘ཏཏྠ པནཱ’’ཏི ཏསྨིཾ པཊིསམྦྷིདཱ མགྒེ པན. ཝིབྷཏྟེསཱུཏི པཱཋསེསོ. ‘‘ཡསྶཱ’’ཏི ཡོགཱི པུགྒལསྶ. ‘‘ཡཾ དཱུརེ སནྟིཀེཝཱ’’ཏི ཡཾ དཱུརེ པཝཏྟཾ རཱུཔཾ ཝཱ, སནྟིཀེ པཝཏྟཾ རཱུཔཾཝཱཏི པཱཋསེསོ. ‘‘ཏདཏྠསྶ པནཱ’’ཏི སམྨསིཏདྷམྨུདྡྷཱརཏྠསྶ. ‘‘ཉཱཎེན དལ༹ྷཾ གཧེཏྭཱ’’ཏི དྷམྨཝཝཏྠཱནཉྙཱཎེན སུཊྛུཝིབྷཱུཏཾ ཀཏྭཱཏི ཨདྷིཔྤཱཡོ. ཨིདཱནི ཡཾ ཡཾ དལ༹ྷཾ གཧེཏབྦཾ. ཏཾ ཏཾ སརཱུཔཏོ དསྶེཏུཾ ‘‘ཏཏྠཱ’’ཏིཨཱདིམཱཧ. པུན དལ༹ྷཾ གཧིཏསྶ རཱུཔསྶ ཨནིཙྩལཀྑཎཾ དསྶེཏུཾ ‘‘སཱ ཙ ཀྲིཡཱ’’ཏིཨཱདི ཝུཏྟཾ. ‘‘ནསྶནྟཱི’’ཏི བྷིཛྫནྟི. ཨནིཙྩཏཾ གཙྪནྟི. ‘‘ཝིཏྠམྦྷན ཀྲིཡཱ’’ཏི ཨེཏྠ ཝིཝིདྷེན ཐམྦྷནཾ ཝིཏྠམྦྷནཾ. ནཱནཱདིསཱབྷིམུཁཝསེན ཐམྦྷནཾ ཝཧནནྟི ཨཏྠོ. ‘‘ཨིམཱསཉྩཱ’’ཏི ཙཏུནྣཾ མཧཱབྷཱུཏཱནཉྩ. ཝིསུཾ ཝིསུནྟི ཝུཏྟཏྟཱ ཏཱསཾ ཨཉྙམཉྙཉྩ སཧཛཱཏེསུ གཧཎཾ སམྦྷཝཏཱིཏི ཝུཏྟཾ ‘‘ཨཱཔཱདཱིནཾ’’ཏི. ཨཱཔཱདཱིནཾ སེསམཧཱབྷཱུཏཱནཉྩཱཏི ཨཏྠོ. སནྟཏིཡཱ སརཱིརཱནི སནྟཏི སརཱིརཱནི. ‘‘ཏཐཱ ཏཐཱ ཀཔྤེཏྭཱ’’ཏི རཱུཔདྷམྨཱནཾ སནྟཏི པརིཝཏྟི ནཱམ ཨབྷིཀྐམནྟསྶ ཨེཝཾ བྷཝེཡྻ, པཊིཀྐམནྟསྶ ཨེཝཾ བྷཝེཡྻ, ཏཐཱ སམིཉྫནྟསྶ པསཱརེནྟསྶཱཏིཨཱདིནཱ པརིཀཔྤེཏྭཱ. ‘‘སེསཁནྡྷེསུཔི ཏཾ ཏཾ སནྟཏི ནཱནཏྟཾ’’ཏི ཝེདནཱཀྑནྡྷེ ཏཱཝ ཀཱཡེ ཀཱཡིཀསུཁསནྟཏི དུཀྑསནྟཏཱིནཾ ནཱནཏྟཾ. ཙིཏྟེ སོམནསྶ དོམནསྶ སནྟཏཱིནཾ. ཨུཔེཀྑཱ སནྟཏི པན ཨཝིབྷཱུཏཱ ཧོཏི. ཀཔྤེཏྭཱ གཧེཏབྦཱ. ཡདཱ ཙིཏྟེ སོམནསྶ དོམནསྶཱནི ན སནྡིསྶནྟི, ཏདཱ ཨིདཱནི ཨུཔེཀྑཱ མེ ཝེདནཱ པཝཏྟཏཱིཏི ཝཱ, ཡདཱ ཏཱནི སནྡིསྶནྟི ¶ , ཏདཱ སཱ ནིརུཛ྄ཛྷཏཱིཏི ཝཱ ཨེཝཾ ཏཀྐེཏྭཱ སམྨསིཏབྦཱཏི ཝུཏྟཾ ཧོཏི. སཉྙཱཀྑནྡྷེ རཱུཔསཉྙཱསདྡསཉྙཱདཱིནཾ ཝསེན. སངྑཱརཀྑནྡྷེ རཱུཔསཉྩེཏནཱ སདྡསཉྩེཏནཱདཱིནཾ ཝསེན, ནཱནཱཝིཏཀྐ ཝིཙཱརཱདཱིནཾ ཝསེན, ལོབྷཱལོབྷ དོསཱདོས མོཧཱམོཧཱདཱིནཾ ཝསེན ཙ. ཝིཉྙཱཎཀྑནྡྷེ ཙཀྑུཝིཉྙཱཎཱདཱིནཾ, ཀུསལཱ ཀུསལཝིཉྙཱཎཱདཱིནཉྩ ཝསེན སནྟཏི ནཱནཏྟཾ ཝེདིཏབྦཾ. ཝིསྶཱསཾ ཀརོཏཱིཏི ཝཏྭཱ ཏདཏྠཾ ཝིཝརཏི ‘‘ཨེཏཾ མེ’’ཏིཨཱདིནཱ. ཏཏྠ ཏཡོཝིསྶཱསཱ ཏཎྷཱཝིསྶཱསོ, མཱནཝིསྶཱསོ, དིཊྛིཝིསྶཱསོ. ཏཏྠ ཨེཏཾ མམཱཏི ཏཎྷཱཝིསྶཱསོ. ཨེསོཧམསྨཱིཏི མཱནཝིསྶཱསོ. ཨེསོ མེ ཨཏྟཱཏི དིཊྛིཝིསྶཱསོ. ‘‘པརིཧརཏཱི’’ཏི བྷཝཱབྷཝེསུ པརིགྒཧེཏྭཱ ཧརཏི ཝཧཏི. ‘‘པརམཛ྄ཛྷཏྟབྷཱཝེནཱ’’ཏི པདྷཱནཨཛ྄ཛྷཏྟབྷཱཝེན. ཨཛ྄ཛྷཏྟསཱརབྷཱཝེནཱཏི ཝུཏྟཾ ཧོཏི. ‘‘པརིགྒཧིཏོ’’ཏི ཨེསོ མེ ཨཏྟཱཏི དིཊྛིཔརིགྒཧེན པརིགྒཧིཏོ. ཏཡོ ཧི པརིགྒཧཱ ཏཎྷཱ པརིགྒཧོ, མཱནཔརིགྒཧོ, དིཊྛིཔརིགྒཧོཏི. ཝསེ སབྦསོ ཝཏྟནྟོ ནཱམ ཀེཝལཾ ཝསཱཡཏྟཝུཏྟིཀོ ཨེཝ སིཡཱ, ན པཙྩཡཱཡཏྟཝུཏྟིཀོཏི དསྶེནྟོ ‘‘ཡཐཱཝུཏྟེཧཱི’’ཏིཨཱདིམཱཧ. ཏཏྠ ‘‘ཡཐཱཝུཏྟེཧཱི’’ཏི སབྦསངྒཧེ ཝུཏྟཔྤཀཱརེཧི ཀམྨཱབྷིསངྑརཎཱདཱིཧི. ‘‘ཏཐཱཔརིགྒཧེཏབྦོ’’ཏི ཨེསོ མེ ཨཏྟཱཏི ཨེཝཾ པརམཛ྄ཛྷཏྟབྷཱཝེན པརིགྒཧེཏབྦོ. ཏཐཱ ཧི ཡོ ཨཏྟནོ ཝསེན ཝཏྟཏི, ཏསྨིཾ ཨཏྟནོ སཱམིབྷཱཝོ ནཏྠི. ཡསྨིཉྩ སཱམིབྷཱཝོ ནཏྠི, ཏསྨིཾ རཱུཔཱདིཀེ དྷམྨེ ཨཏྟཱནཾ སཱམིཀཾ ཀཏྭཱ ཨེསོ མམ ཨཏྟཱཏི པརིགྒཧོ ནཱམ མིཙྪཱ ཨེཝ. ཏཐཱ ཡོ ཙ ཁཎིཀ དྷམྨོ ཧོཏི, ཁཎེ ཁཎེ བྷིཛྫཏི, ཏཾ རཱུཔཱདིཀཾ ཁནྡྷཔཉྩཀཾ ཨཏྟནོ སཱརཾ ཀཏྭཱ ཏཐཱ པརིགྒཧོཔི མིཙྪཱ ཨེཝ. ཨེཏྠ ཙ ‘‘མིཙྪཱ ཨེཝཱ’’ཏི པརམཏྠ སཙྩཾ པཏྭཱ མིཙྪཱ ཨེཝ. ཝིཔལླཱསོ ཨེཝཱཏི ཝུཏྟཾ ཧོཏི. ‘‘སུཁཾ ཝིདྡྷཾསེཏཱི’’ཏི ཀཱཡིཀསུཁཉྩ ཙེཏསིཀ སུཁཉྩ ཝིདྡྷཾསེཏི. ཝིནཱསེཏི. ‘‘ནཱནཱདུཀྑཾ ཛནེཏཱི’’ཏི ཀཱཡིཀདུཀྑཉྩ ཙེཏསིཀ དུཀྑཉྩ ཛནེཏི ཨུཔྤཱདེཏི. ‘‘ཨིདཉྩ རཱུཔཾ ཨེདིསམེཝ ཧོཏཱི’’ཏི ཀཐཾ ཧོཏི. མནུསྶཏྟབྷཱཝེ ཋིཏཱནཾ སཏྟཱནཾ ཡཐཱཔཝཏྟཾ ¶ མནུསྶ སུཁཾ ཝིདྡྷཾསེཏི, ཛིཎྞབྷིནྣབྷཱཝཾ པཱཔེཏི, ནཱནཱདུཀྑཾ ཛནེཏི. སཡཾ ཨཔཱཡཏྟབྷཱཝཾ གཧེཏྭཱ ཏེསཾ ནཱནཱཨཔཱཡ དུཀྑཾ ཛནེཏི. ཏཐཱ དེཝཏྟབྷཱཝེ སཀྐཏྟབྷཱཝེ བྲཧྨཏྟབྷཱཝེ ཋིཏཱནནྟིཨཱདིནཱ ཝཏྟབྦཾ. ཏཐཱ མནུསྶཏྟབྷཱཝེ ཋིཏཱནཾ ནཱནཱཝིཔརིཎཱམ ཀིཙྩེཧི ཡཐཱཔཝཏྟཾ སུཁཾ ཝིདྡྷཾསེཏི, ནཱནཱཔཙྩཡཱབྷིསངྑརཎཀིཙྩེཧི ནཱནཱདུཀྑཾ ཛནེཏི. ཏེན ཝུཏྟཾ ‘‘ཨིདཉྩ རཱུཔཾ ཨེདིསམེཝཱ’’ཏི. ‘‘སཱརོནཱམ ཐཱམབལཝིསེསོ ཝུཙྩཏཱི’’ཏི ཨེཏེན ཐཱམབལཝིསེསེན སམྤནྣཾ ཝཏྠུཾཔི སངྒཎྷཱཏི. ‘‘ཨསཱརཀཊྛེནཱ’’ཏི ཨེཏྠ སཱརོ ཨེཝ སཱརཀཾ, ན སཱརཀཾ ཨསཱརཀནྟི ཨིམམཏྠཾ སནྡྷཱཡ ‘‘རཱུཔཾ པན སཡཾཔི ཨེཝརཱུཔོ སཱརོ ན ཧོཏཱི’’ཏི ཝུཏྟཾ. སཏྟཱནཾ ཨཏྟསཱརོ ཛཱིཝསཱརོ ན ཧོཏཱིཏི ཨཏྠོ. ནཏྠི སཱརོ ཨེཏསྶཱཏི ཨསཱརཀནྟི ཨིམམཏྠཾ སནྡྷཱཡ ‘‘ན ཙ ཨེཝརཱུཔེན སཱརེན ཡུཏྟཾ’’ཏི ཝུཏྟཾ. ཨཏྟསཱརེན ཛཱིཝསཱརེན སཾཡུཏྟཾ ཧོཏཱིཏི ཨཏྠོ. ཏཏྠ པུརིམོ ཨཏྠོ རཱུཔཾ ཨཏྟཏོ སམནུཔསྶཏཱིཏི ཨིདཾ སནྡྷཱཡ ཝུཏྟོ. པཙྪིམོ རཱུཔཝནྟཾ ཝཱ ཨཏྟཱནཾ, ཨཏྟནི ཝཱ རཱུཔཾ, རཱུཔསྨིཾ ཝཱ ཨཏྟཱནཾཏི ཨིམཱནི སནྡྷཱཡ ཝུཏྟོ. ཨེཏེན ཨསཱརཀཊྛེནཱཏི ཨསཱརབྷཱཝེན, ཨསཱརཡུཏྟབྷཱཝེན ཝཱཏི ཙ. ཨནཏྟཱཏི ཨེཏྠཔི ན ཨཏྟཱ ཨནཏྟཱ, ནཏྠི ཨཏྟཱ ཨེཏསྶཱཏི ཝཱ ཨནཏྟཱཏི ཙ དྭིདྷཱ ཨཏྠོ སིཛ྄ཛྷཏི. ‘‘ཡཉྩཱ’’ཏི ཡཉྩ རཱུཔཾ. ‘‘པཱིལེ༹ཏཱི’’ཏི ཏཾ སམངྒཱི པུགྒལཾ པཱིལེ༹ཏི. ཨེཏེན ཨནཏྟབྷཱཝེ སིདྡྷེ དུཀྑབྷཱཝོཔི སིདྡྷོཏི དསྶེཏི. ‘‘ཏིཎྞཾ ཝཡཱནཾ ཝསེན ཨདྡྷཱབྷེདོ ཡོཛེཏབྦོ’’ཏི པཐམཝཡེ པཝཏྟཾ རཱུཔཾ དུཏཱིཡཝཡཾ ན པཱཔུཎཱཏི, པཐམཝཡེ ཨེཝ ནིརུཛ྄ཛྷཏཱིཏིཨཱདིནཱ ཨདྡྷཱཔཙྩུཔྤནྣེ ཨནྟོགདྷབྷེདོ ཡོཛེཏབྦོ. ‘‘སབྷཱགེཀསནྟཱནཝསེནཱ’’ཏི སབྷཱགཱནཾ དྷམྨཱནཾ སབྷཱགཊྛེན ཨེཀཱིབྷཱུཏཱ སནྟཏི སབྷཱགེཀསནྟཏི. ‘‘སབྷཱགཱནཾ དྷམྨཱནཾ’’ཏི ཙ ཙིཏྟཛེསུཏཱཝ ནིརནྟརཔྤཝཏྟེན ལོབྷསམྤཡུཏྟཙིཏྟེན སཧཛཱཏཱ རཱུཔདྷམྨཱ སབྷཱགརཱུཔདྷམྨཱ ནཱམ. ཏཐཱ ནཱམ དྷམྨཱ ཙ. ཨེཝཾ དོསསམྤཡུཏྟཱདཱིསུཔི. ཨུཏུཛེསུ ནིརནྟརཔྤཝཏྟེན སཱིཏཨུཏུནཱ སམུཊྛིཏཱ རཱུཔདྷམྨཱ སབྷཱགརཱུཔ དྷམྨཱ ནཱམ. ཏཐཱ ཨུཎྷཨུཏུནཱ སམུཊྛིཏཱ. ཨེསནཡོ ཨཱཧཱརཛེསུཔཱིཏི ¶ ཨེཝཾ སབྷཱགེཀསནྟཏིཝསེན. ‘‘སམྤཱཔུཎིཏུཾ’’ཏི ཉཱཎེན སམྤཱཔུཎིཏུཾ. ‘‘ཨདྡྷཱསནྟཏིཝསེནཱ’’ཏི ཨེཏྠ སནྟཏིཝསེན སམྨསནཾ ཝིསེསཏོ ཨདྷིཔྤེཏཾ. ཨེཝཉྩ ཀཏྭཱ ཧེཊྛཱ ཨནིཙྩཾ ཁཡཊྛེནཱཏི པདེ ཙཏུནྣཾ མཧཱབྷཱུཏཱནཾ སནྟཏི ཝིབྷཱགནཡོ སུཊྛུ དསྶིཏོཏི. ‘‘ཨནིཙྩལཀྑཎ དསྶནམེཝ པདྷཱནཾ’’ཏི ཨིམསྨིཾ ཉཱཎེཔི ཨུདཡབྦཡཉྙཱཎེཔི བྷངྒཉྙཱཎེཔི ཨནིཙྩལཀྑཎ དསྶནམེཝ པདྷཱནཾ. བྷཡཉྙཱཎེ ཙ ཨཱདཱིནཝཉྙཱཎེ ཙ ནིབྦིདཱཉཱཎེ ཙ དུཀྑལཀྑཎ དསྶནཾ པདྷཱནཾ. ཨུཔརི ཙཏཱུསུ ཉཱཎེསུ ཨནཏྟལཀྑཎ དསྶནཾ པདྷཱནནྟི. ‘‘སམུདིཏེསཱུ’’ཏི ཨཉྙམཉྙཾ ཨཝིནཱབྷཱཝསཧཱཡབྷཱཝེན སམུཔྤནྣེསུ. ཨིདཉྩ ཨཝིཛྫཱསམུདཡཱ རཱུཔསམུདཡོ. ཏཎྷཱསམུདཡཱ ཨུཔཱདཱན སམུདཡོ. ཨཱཧཱར སམུདཡཱ རཱུཔསམུདཡོཏི པཱལི༹ཝསེན ཝུཏྟཾ. ཨཔྤཧཱིན ཝསེནཱཏི པཱལི༹པདེ པན ཨཝིཛྫཱ ཏཎྷཱ དིཊྛཱནུསཡཱནཾ ཨཔྤཧཱིནཊྛེན སནྟཱནེ ཝིཛྫམཱནཏཱ ཨེཝ པམཱཎནྟི དཊྛབྦཾ. ‘‘སམུདེནྟཱི’’ཏི པཊིསནྡྷིཏོ པཊྛཱཡ ཨེཀཏོ ཨུདེནྟི. ཨུཔརཱུཔརི ཨེནྟི. ཨཱགཙྪནྟཱིཏི ཨཏྠོ. ཨེཀབྷཝབྷཱཝེན པཱཏུབྦྷཝནྟཱིཏི ཨདྷིཔྤཱཡོ. ཏེནཱཧ ‘‘ཡཱཝམརཎཀཱལཱ’’ཏིཨཱདིཾ. ‘‘པསཝནྟཱི’’ཏི པཝཌྜྷམཱནཱ སཝནྟི, པཝཏྟནྟི, སནྡནྟི. ‘‘ཏེསུ པནཱ’’ཏི ཨཝིཛྫཱ ཏཎྷུཔཱདཱན ཀམྨེསུ. ‘‘ནིརུཛ྄ཛྷནྟཱི’’ཏི ཏསྨིཾབྷཝེ ཨེཝ ནིརུཛ྄ཛྷནྟི. ཏསྨིཾ བྷཝེ ནིརོདྷོ ནཱམ བྷཝནྟརེ པུན ཨནུཔྤཱདོ ཡེཝཱཏི ཝུཏྟཾ ‘‘བྷཝནྟརེ’’ཏིཨཱདི. ‘‘ཏཾ སནྟཏིཡཾ’’ཏི ཏསྨིཾ པཙྩུཔྤནྣ བྷཝེཏི ཝུཏྟཾ ཧོཏི. ‘‘པུན ཨནུཔྤཱདསངྑཱཏཾ ནིརོདྷཾ’’ཏི སནྟཏི ནིརོདྷོ ནཱམ ཝུཏྟོ. ན ནིབྦཱན ནིརོདྷོ. ཨེཏཱཧི པཙྩཡེ སཏི, བྷཝནྟརེ ཨུཔྤཛྫཱིསྶནྟི ཡེཝཱཏི. ཨིདཱནི ཡཐཱཔཝཏྟ སནྟཏཱིསུ པརིཡཱཔནྣཱནཾ སབྦཔཙྪིམཱནཾ ནཱམརཱུཔཱནཾ ཁཎིཀནིརོདྷཝསེན ཨཏྠཾ ཝདནྟོ ‘‘ཡཐཱཔཝཏྟ སནྟཏིཡོ ཝཱ ཚིཛྫནྟི བྷིཛྫནྟཱི’’ཏི ཝུཏྟཾ. ‘‘ཨུདཡབྦཡཾ སམནུཔསྶནྟསྶ ཙཱ’’ཏི ཨེཏྠ ཀཏམོ ཨུདཡོ ནཱམ, ཀཏམོ ཝཡོ ནཱམ, ཀཐཉྩ ཏདུབྷཡཾ སམནུཔསྶཏཱིཏི ཨཱཧ ‘‘ཨུདཡབྦཡཾ པསྶནྟསྶཱཏི ཨེཏྠ ཡཐཱ ནཱམཱ’’ཏིཨཱདིཾ. ཏཏྠ ‘‘ཏམོ ཁནྡྷོ’’ཏི ཏམོརཱསི. ‘‘ཝེཏཱི’’ཏི ཝིགཙྪཏི. ཨནྟར དྷཱཡཏི ¶ .‘‘ཨུདཡོ’’ཏི ཨུཔྤཱདོ ཙེཝ ཝཌྜྷི ཙ. ‘‘ཝཡོ’’ཏི ཝིགམནཾ, ཨནྟརདྷཱནཾ. ‘‘ནཱནཱཔཡོགཝསེནཝཱ’’ཏི སམིཉྫནཔྤསཱརཎཱདི ནཱནཱཔཡོགཝསེན ཝཱ. ཨུདཡཔཀྑཱནཾ ནཱནཱསནྟཏཱིནཾ ཨུདཡཉྩ ཨུདཡཏོ. ཝཡཔཀྑཱནཾ ནཱནཱསནྟཏཱིནཾ ཝཡཉྩ ཝཡཏོཏི ཡོཛནཱ.

བོཛ྄ཛྷངྒ དྷམྨེཧི སམྤནྣཏྟཱ ཨཱརཱདྷེཏི ཨཏྟནོ ཙིཏྟཾཏི ཨཱརདྡྷོ. ཏུཊྛཙིཏྟོཏི ཨཏྠོ. ཝིཔསྶཏཱིཏི ཝིཔསྶཀོ. ཨཱརདྡྷོ ཧུཏྭཱ ཝིཔསྶཀོ ཨཱརདྡྷཝིཔསྶཀོ. དུཝིདྷོཧི ཝིཔསྶཀོ ཏརུཎ ཝིཔསྶཀོ ཙ ཨཱརདྡྷ ཝིཔསྶཀོ ཙ. ཏཏྠ ཁནྡྷཱནཾ ཨུདཡབྦཡཾ སུཊྛུ ཨཔསྶནྟོ དུབྦལཝིཔསྶཀོ ཏརུཎ ཝིཔསྶཀོ ནཱམ. ཁནྡྷཱནཾ ཨུདཡབྦཡཾ སུཊྛུ པསྶནྟོ ཝིཔསྶནཱ ཀམྨེ ཨཱརཱདྷིཏ ཙིཏྟོ བལཝཝིཔསྶཀོ ཨཱརདྡྷཝིཔསྶཀོ ནཱམ. ཡཾ སནྡྷཱཡ ཝུཏྟཾ.

[ཀ]

‘སུཉྙཱགཱརེ པཝིཊྛསྶ, སནྟཙིཏྟསྶ བྷིཀྑུནོ;

ཨམཱནུསཱི རཏཱི ཧོཏི, སམྨ དྷམྨཾ ཝིཔསྶཏོ,ཏི ཙ.

[ཁ]

‘ཡོ ཙ ཝསྶསཏཾ ཛཱིཝེ, ཨཔསྶཾ ཨུདཡབྦཡཾ;

ཨེཀཱཧཾ ཛཱིཝིཏཾ སེཡྻོ, པསྶཏོ ཨུདཡབྦཡཾ,ཏི ཙ.

ཨཡམིདྷ ཨདྷིཔྤེཏོ. ཝིཔསྶནཾ ཨུཔེཙྩ ཀིལེསེནྟི, མལཱིནབྷཱཝཾ གམེནྟཱིཏི ཝིཔསྶནུཔཀྐིལེསཱ. པརིབནྡྷནྟི ནཱིཝཱརེནྟཱིཏི པརིབནྡྷཀཱཏི ཧེཊྛཱ ཝུཏྟམེཝ ཨནྟརཱཡིཀ དྷམྨཱནཾ ནཱམཾ. ‘‘སརཱིརོབྷཱསོ’’ཏི སཀལསརཱིརཏོ ནིཀྑནྟོ ཨོབྷཱསོ. ‘‘པཉྩཝིདྷཱ པཱིཏཱི’’ཏི ཁུདྡིཀཱ པཱིཏི, ཁཎིཀཱ པཱིཏི, ཨོཀྐནྟིཀཱ པཱིཏི, ཨུབྦེགཱ པཱིཏི, ཕརཎཱ པཱིཏཱིཏི. ‘‘དུཝིདྷཱ པསྶདྡྷཱི’’ཏི ཨཏིབལཝནྟཱི ཀཱཡཔསྶདྡྷིཙེཝ ཙིཏྟཔསྶདྡྷི ཙ. ཝིཔསྶནཱ ཀམྨེ ཨོཀཔྤནཱཀཱརཔྤཝཏྟཱ སདྡྷཱཨེཝ ཨདྷིམུཙྩནཊྛེན ཨདྷིམོཀྑོ སདྡྷཱདྷིམོཀྑོ. ‘‘ཝཱིརིཡཾ’’ཏི ཏསྨིཾ ཀམྨེ ཨནིཀྑིཏྟདྷུརཾ པགྒཧིཏསཱིསཾ ཝཱིརིཡཾ. ‘‘སུཁཾ’’ཏི ཙིཏྟསུཁཾ. ཏེནཱཧ ‘‘སོམནསྶཾ’’ཏི. ‘‘ཝིཔསྶནཱཉཱཎཾ’’ཏི ཨིནྡཝིསྶཊྛཝཛིརསདིསཾ བལཝཝིཔསྶནཱཉཱཎཾ. ‘‘སཏཱི’’ཏི ཏསྨིཾ ཀམྨེ ཨཔྤམུཊྛཱ སཏི. ‘‘ཏཏྲམཛ྄ཛྷཏྟུཔེཀྑཱ’’ཏི ཙིཏྟསྶ ¶ ལཱིནུདྡྷཙྩཱདཱིཧི ཝིསམནྟེཧི ཝིམུཏྟཱ ཏཏྲམཛ྄ཛྷཏྟཏཱསངྑཱཏཱ ཨུཔེཀྑཱ. ‘‘ཨཱཝཛྫནུཔེཀྑཱ’’ཏི ཝསིབྷཱཝཔཏྟཱ ཨཱཝཛྫནསངྑཱཏཱ ཨུཔེཀྑཱ. ‘‘ཨཱལཡཾ’’ཏི ཏཎྷཱལཡཾ. ‘‘ཀུརུམཱནཱ’’ཏི ཀརོནྟཱི. ‘‘སུཁུམཱ ཏཎྷཱ’’ཏི ཀུསལེཧི མིསྶཀཏྟཱ ཨིདཾ ཨཀུསལནྟིཔི ཛཱནིཏུཾ ཨསཀྐུཎེཡྻཱ སུཁུམཏཎྷཱ. ‘‘ན ཝཏམེ’’ཏི མམ ན ཨུཔྤནྣཔུབྦོཝཏཱཏི ཡོཛནཱ. ‘‘ཨསྶཱདསཧིཏཱ’’ཏི ཨོབྷཱསཱདཱིསུ ཨསྶཱདཏཎྷཱ སཧིཏཱ. ‘‘ཨདྷིམཱན ཝསེནཱ’’ཏི ཨདྷིཀཏརཾ མཉྙནཱཝསེན. ‘‘ཏཱཝདེཝཱ’’ཏི ནིཀནྟིཡཱ ཨུཔྤཏྟིཀྑཎེཡེཝ. ‘‘ནིཀཱམནཱཀཱརོ’’ཏི ཨིཙྪནཱཀཱརོ. ཨསྶཱདནཱཀཱརོ. ‘‘ནིཀཱམནསྶཝཏྠཱུ’’ཏི ནིཀནྟིཡཱ ཝཏྠུ. ‘‘ཨདྡྷཱ’’ཏི ཨེཀནྟེན. ‘‘ཧནྡཱ’’ཏི ཙིཏྟཝིསྶཊྛཀརཎེ ནིཔཱཏཔདཾ. ཨིདཱནེཝ ནཾ ཝིསོདྷེམི, ན ཙིརཾ པཝཏྟིཏུཾ དསྶཱམཱིཏི ཨིམམཏྠཾ དཱིཔེཏི. ‘‘ཏེསྭེཝཱ’’ཏི ཏེསུཨོབྷཱསཱདཱིསུ ཨེཝ. ཨཊྛཀཐཱཡ ན སམེཏི. ཨཊྛཀཐཱཡཾ ནིཀནྟི ཝིཀྑམྦྷནསྶ ཝིསུཾ ཝུཏྟཏྟཱཏི ཨདྷིཔྤཱཡོ. ཝིཔསྶནཱཔརིཔཱཀོ ནཱམ ཝིསེསནྟརཔྤཝཏྟེན པཱཀཊོཏི དསྶེཏུཾ ‘‘སངྑཱརུཔེཀྑཱབྷཱཝཾ པཏྟཱ’’ཏིཨཱདིམཱཧ. ཝུཊྛཱནགཱམིནི ཝིཔསྶནཱབྷཱཝཔཏྟེནཱཏི ཝུཏྟཾ ཧོཏི. ‘‘དྭེ ཝིཔསྶནཱ ཙིཏྟཱནཱི’’ཏི ཨུཔཙཱརཱནུལོམཙིཏྟཱནི. སོ ཧི ཝུཊྛཱནནྟི ཝུཙྩཏཱིཏི སམྦནྡྷོ. སངྑཱར ནིམིཏྟཏོ ཝཱ ཝུཊྛཱཏི. ནིབྦཱནཾ ཨཱརབྦྷ པཝཏྟིཏོ. ཡདི ཨེཝཾ གོཏྲབྷུཔི ཝུཊྛཱནཾ ནཱམ སིཡཱཏི. ན སིཡཱ. མགྒསྶ ཨཱཝཛྫནམཏྟེ ཋིཏཏྟཱ. པཊིཝེདྷཀིཙྩསྶཙ སམྨོཧ སམུཙྪེདཀིཙྩསྶ ཨབྷཱཝཏོ. ‘‘སཡཾ’’ཏི མགྒསངྑཱཏོ སཡཾ. ‘‘ཏཾ སམངྒཱིཔུགྒལཾ ཝཱ’’ཏི ཏེན མགྒེན སམངྒཱིཔུགྒལཾ ཝཱ. ‘‘ཝཊྚཔྤཝཏྟཏོ ཙཱ’’ཏི ཨཱཡཏིཾ བྷཝེསུ ཨཔཱཡཝཊྚཔྤཝཏྟཏོ ཝཱ, ཨཊྛམ བྷཝཏོ པཊྛཱཡ ཀཱམསུགཏི ཝཊྚཔྤཝཏྟཏོ ཝཱ. ཨཝསྶཾ ཝུཊྛཱནཾ གམེཏི སམྤཱཔེཏཱིཏི ཝུཊྛཱནགཱམིནཱིཏི ཝཙནཏྠོ. ‘‘ཨཝསྶཾ ཝུཊྛཱནཾ གཙྪནྟཱི’’ཏི ཨིདྷ ཋིཏཱནཾ ཝུཊྛཱནཏོ ནིཝཏྟི ནཱམ ནཏྠཱིཏི ཨདྷིཔྤཱཡོ. ཨིདཉྩ པཙྩེཀབུདྡྷཱནཾ བུདྡྷསཱཝཀཱནཉྩ ཝསེན དཊྛབྦཾ. སབྦཉྙུ བོདྷིསཏྟཱ པན པུབྦབུདྡྷཱནཾ སཱསནེ པབྦཛིཏྭཱ ཝིཔསྶནཱ ཀམྨཾ ཨཱརབྷནྟཱ ཨནུལོམཉྙཱཎཾ ཨཱཧཙྩ ཋཔེནྟཱིཏི ཨཊྛཀ ཐཱསུ ¶ ཝུཏྟཾ. ཏཏྠ ‘‘ཨཱཧཙྩཱ’’ཏི ཨིདཾ སངྑཱརུཔེཀྑཱཉཱཎསྶ མཏྠཀཔཏྟིདསྶནཏྠཾ ཝུཏྟནྟི དཊྛབྦཾ. ‘‘ཨཱཝཛྫནཊྛཱནིཡཾ’’ཏི ཏཏོ པུབྦབྷཱགེ ཀེནཙི ཙིཏྟེན ཨགྒཧིཏེ ནིབྦཱནཱ རམྨཎེ ཨཱཝཛྫནཊྛཱནིཡཾ. ‘‘ཏཾ’’ཏི གོཏྲབྷུཉྙཱཎཾ. གོཏྟཾ བྷཝཏི ཨབྷིབྷཝཏི ཚིནྡཏཱིཏི གོཏྲབྷུ. གོཏྟཾ ཝཱ ཨབྷིསམྦྷུཎཱཏི པཱཔུཎཱཏཱིཏི གོཏྲབྷཱུཏི ཝཙནཏྠོ. ཀཐཾ པན གོཏྲབྷུ ཙིཏྟཾ གོཏྲབྷུཉྙཱཎཾ པུཐུཛྫནགོཏྟཾ ཚིནྡཏི, ཨརིཡགོཏྟཾ པཱཔུཎཱཏཱིཏི ཡུཛྫེཡྻ, སོཧི པུགྒལོ ཏསྨིཾཁཎེ པུཐུཛྫནགོཏྟཔརིཡཱཔནྣོཨེཝཱཏི. སཙྩཾ. ཨཏྟནི པན ཚིནྣཏྟཱ སཡཾ ཚིནྡཏི ནཱམ. ནིབྦཱནསྶ ཙ ཨརིཡགོཙརཏྟཱ ཏཾ ཨཱརམྨཎ ཀརཎཝསེན ཨརིཡགོཏྟཾ པཱཔུཎཱཏི ནཱམཱཏི དཊྛབྦཾ. པཙྩཡསཏྟིཝིསེསེན ཨཏྟནོ ཨནནྟརེ ཨརིཡགོཏྟཾ བྷཱཝེཏི, པཱཏུབྷཱཝེཏཱིཏི གོཏྲབྷཱུཏིཔི ཡུཛྫཏི. ‘‘པརིཙྪིཛྫཱ’’ཏི པརིཙྪིནྡིཏྭཱ. དིཊྛིཝིཙིཀིཙྪཱདཱིཧི སབྦཝིཔྥནྡནེཧི མུཉྩིཏྭཱཏི ཝུཏྟཾ ཧོཏི. སམྨོཧསྶ པཧཱནམེཝ དཊྛབྦཾ. ན ཏེ དྷམྨེ ཨཱརམྨཎ ཀརཎ ཝསེན ཛཱནནཾ. ཀཐཾ ཏེ དྷམྨེ ཨཱརམྨཎཾ ཨཀརོནྟོ མགྒོ ཏེ དྷམྨེ པརིཛཱནཱཏི ནཱམཱཏི. ཀིཙྩསིདྡྷི ཝསེན. སོ ཧི སམྨོཧཾ པཛཧནྟོ ཨཱརམྨཎཾ ཀརོནྟཱནིཔི ཧི པུབྦབྷཱགཉྙཱཎཱནི ཏཔྤཧཱནཀིཙྩསྶ ཨསཱདྷཀཏྟཱ དུཀྑ སཙྩཾ པརིཛཱནནྟཱནཱིཏི ན ཝུཙྩནྟི. མགྒོ པན ཨཱརམྨཎཾ ཨཀརོནྟོཔི ཏཔྤཧཱནཀིཙྩསྶ སཱདྷཀཏྟཱཏཾ སཙྩཾ པརིཛཱནཱཏཱིཏི ཝུཙྩཏི. ཀསྨཱ. ཏཏོ པཊྛཱཡ ཏསྶཔུགྒལསྶ སབྦཀཱལཾ ཏསྨིཾསཙྩེ པརིཛཱནན ཀིཙྩསྶ སིདྡྷཏྟཱ. ཡཐཱཧི ཨེཀོ པུརིསོ ཙཀྑུམྷི པིཏྟསེམྷཱདིདོསེཧི པལིབུདྡྷཏྟཱ ཨནྡྷོ ཧོཏི. ན ཀིཉྩི པསྶཏི. ཡདཱ པན སོ ཨེཀཾ ཏེཛཝནྟཾ ཨཉྫནཾ ལབྷིཏྭཱ ཙཀྑུཾ ཨཉྫཡནྟོ སབྦརཏྟིཾ ནིདྡཱཡཏི. ཏསྶ ནིདྡཱཡནྟསྶེཝ ཙཀྑུམྷི སབྦདོསཱ ནསྶནྟི. ཙཀྑུ ཝིཔྤསནྣཾ ཧོཏི. ཏངྑཎཏོ པཊྛཱཡ སོ ནིདྡཱཡནྟོཔི རཱུཔཱནི པསྶཏཱིཏི ཝུཙྩཏི. ཀསྨཱ, ཨནྡྷབྷཱཝཝིགམེན དསྶནཀིཙྩསྶ སིདྡྷཏྟཱ. ཨེཝམེཝམིདཾ དཊྛབྦནྟི. ཨེཀདེསེན ཝཱ ཧེཊྛིམམགྒེསུ, ཨནཝསེསེན ཝཱ ཨརཧཏྟམགྒེ. ‘‘ཨཔཙྪཱཝཏྟིཀཾ’’ཏི ཨེཏྠ པཙྪཏོ ཨཱཝཏྟནཾ པཙྪཱཝཏྟཾ. ནཏྠི པཙྪཱཝཏྟཾ ཨསྶཱཏི ཨཔཙྪཱཝཏྟིཀནྟི ¶ ཝིགྒཧོ. ‘‘པུན ཨནུཔྤཱདདྷམྨཏཱཔཏྟིཝསེན ནིརོདྷསངྑཱཏཾ’’ཏི མགྒཀྑཎེ ཨེཝ ཏཱནིཝཊྚཱནི པུན ཨནུཔྤཱདསབྷཱཝཾ ཨཱཔཛྫནྟི, ནིརུཛ྄ཛྷནྟི. ཏཐཱ ནིརོདྷསངྑཱཏཾ. ‘‘ཨུཔྤཱདནསངྑཱཏཱཡ བྷཱཝནཱཡཱ’’ཏི ཨེཏེན མགྒསྶ ཨེཀཙིཏྟཀྑཎིཀཏྟཱ ཝཌྜྷནསངྑཱཏཱཡ བྷཱཝནཱཡ ཨོཀཱསོ ནཏྠཱིཏི ཀཏྭཱ ཝུཏྟཾ. ཨརིཡམགྒཾ པཊིལཱབྷཏྠཱཡ པན པཝཏྟིཏཱ པུབྦབྷཱགབྷཱཝནཱཔི མགྒབྷཱཝནཱ ཨེཝ. སཱ ཙ ཨརིཡམགྒཾ པཏྭཱ མཏྠཀཔཏྟཱ ཧོཏི. ཏསྨཱ ཨརིཡམགྒོ ཨེཝ མཏྠཀཔཏྟོ བྷཱཝནཱནུཏྟརོ ཧོཏཱིཏི ཨིམིནཱཔརིཡཱཡེན ཝཌྜྷན སངྑཱཏཱཡ བྷཱཝནཱཡཱཏིཔི ཡུཛྫཏིཡེཝ. ཨཏྟནོ ཨནནྟརེ པཝཏྟཾ ཨཱནནྟརིཀཾ. ཨཱནནྟརིཀཾ ཕལཾ ཨེཏསྶཱཏི ཝིགྒཧོ. ཏསྶ ཙ ཏཏོཔརཾ དྭེ ཝཱ ཏཱིཎི ཝཱ ཕལཙིཏྟཱནི པཝཏྟནྟཱིཏི ཨིམིནཱ སམྦནྡྷོ. ཨཔནཱིཏོ ཨགྒི ཨེཏསྨཱཏི ཨཔནཱིཏགྒིཀོ. ‘‘ནིབྦཱཔེནྟོ ཝིཡཱ’’ཏི ཨེཏེན པཊིཔྤསྶམྦྷནཔྤཧཱནཀིཙྩེན མགྒཱནུཀུལཔྤཝཏྟིཾ དསྶེཏི. ‘‘ཏེསཾ’’ཏི ཏེསཾ ཙཀྑཱུནཾ. ཏཾ རཱུཔཾ ཏསྶ པཱཀཊཾ ན ཏཱཝ ཧོཏཱིཏི སམྦནྡྷོ. ‘‘ཏསྶཱ’’ཏི ཏསྶ པུགྒལསྶ. ‘‘པཙྩཝེཀྑནཝཱརེསཱུ’’ཏི ཨེཏྠ པསཱདཙཀྑུནཱ དིཊྛེ པཝཏྟཱ ཨནུབནྡྷཀ ཝཱིཐིཡོཔི སངྒཡ྄ཧནྟི.

ཨུཔརིམགྒེཧི ཝདྷིཏབྦཱ མཱརེཏབྦཱཏི ཨུཔརིམགྒཝཛ྄ཛྷཱ. ‘‘ཀིལེསཝིབྷཱགེསཱུ’’ཏི ཨསུཀམགྒེན ཨསུཀཱཀིལེསཱ པཧཱིཡནྟཱིཏི ཨེཝཾ ཀིལེསཝིབྷཱགེསུ. ‘‘པཱལི༹ཡཾ’’ཏི པཊིསམྦྷིདཱ མགྒཔཱལི༹ཡཾ. ཝུཙྩམཱནེ པན ཝཏྟབྦནྟི སམྦནྡྷོ. མགྒངྒབོཛ྄ཛྷངྒཱདཱིནཾ པཙྩཝེཀྑནཾ ནཱམ མགྒཔཙྩཝེཀྑནམེཝ. ཏཐཱ པཙྪཱ ཝཱ པཝཏྟཏཱིཏི སིདྡྷཾ. ‘‘ཨཝིརུདྡྷཱ ཧོཏཱི’’ཏི ཝིསུདྡྷིམགྒེན ཨསམེནྟཱཔི པཙྩཝེཀྑནྟཱནཾ ཨིཙྪཱནུརཱུཔསམྦྷཝཏོཏི ཨདྷིཔྤཱཡོ. ‘‘ཨདྷིམཱནནིདྡེས ཨཊྛཀཐཱསཱུ’’ཏི ཝིནཡེ ཙཏུཏྠཔཱརཱཛིཀེ ཨདྷིམཱནཔདནིདྡེས ཨཊྛཀཐཱསུ. ‘‘སོ’’ཏི ཨརིཡབྷཱུཏོ བྷིཀྑུ. ‘‘ནོ ལདྡྷུཾ ན ཝཊྚཏཱི’’ཏི ཨལདྡྷུཾ ན ཝཊྚཏཱིཏི ཨཏྠོ. ལདྡྷུཾ ནོ ན ཝཊྚཏཱིཏི ཝཱ ཡོཛནཱ. ཙཏུབྦིདྷཾ མགྒཉྙཱཎཾ གཧིཏཾ. ཉཱཎདསྶནཝིསུདྡྷི ནཱམཱཏི ཝུཏྟཏྟཱ.

‘‘ཨབྷིནིཝིསནཾ’’ཏི ཨཛ྄ཛྷཏྟཾ དལ༹ྷཏརཾ པཏིཊྛཱནཾ. ‘‘ནིཁཱཏསིནེརུཔཱ དསྶཝིཡཱ’’ཏི ¶ ཏསྶ པཝཏྟནཾ ཝིཡ. ‘‘ཀེཝལཾ པཙྩཡཱཡཏྟ ཝུཏྟིཏཱཡ ཨདིཊྛཏྟཱ’’ཏི ཨེཏེན ཨེསོ མེ ཨཏྟཱ, ན པརསྶ ཨཏྟཱཏི ཨེཝཾ ཨཏྟཱནཾ ཨཏྟསྶ སཱམིཀཾ ཀཏྭཱ གཧཎཀཱརཎཾ ཝདཏི. ཏཏྠ ཀེཝལསདྡེན པརམཏྠ སཙྩཾ པཏྭཱ ཨཏྟསྶེཝ ཨབྷཱཝཏོ ཁནྡྷཔཉྩཀསྶ ཨཏྟནོཝསཱཡཏྟ ཝུཏྟིཏཾ ནིཝཏྟེཏི. སམྨུཏི སཙྩཾ པན པཏྭཱ ཨཏྟསྶ ཝིཛྫམཱནཏྟཱ མཧཱཛནོ ཨཏྟནོ ཁནྡྷཔཉྩཀཾ ཨཏྟནོ ཝསཱཡཏྟ ཝུཏྟིཾ མཉྙམཱནོ ཨེསོ མེ ཨཏྟཱཏི གཎྷཱཏི. ‘‘ཁཎབྷངྒསྶ ཙ ཨདིཊྛཏྟཱ’’ཏི ཨེཏེན ཨེསོ མེ སཱརཊྛེན ཨཏྟཱ. ཨེསོ མམ སཱརོ. ཨེཏཾ མམ སརཱིརཾ. ཡཱཝ ཝསྶསཏཾཔི ཝསྶསཧསྶམྤི ཨེཏཾ ཁནྡྷཔཉྩཀཾ ན བྷིཛྫཏི, ན ཝིནསྶཏི. ཏཱཝ ཨཧཾ ན མརཱམི. ཡདཱ ཨེཏཾ བྷིཛྫཏི, ཝིནསྶཏི. ཏདཱ ཨཧཾ མརཱམི. ཨཧཉྩ མམ ཁནྡྷཔཉྩཀཉྩ ཨདྭཡཾ ཨནཱནཏྟནྟི ཨེཝཾ གཧཎཀཱརཎཾ ཝདཏི. ཏཏྠ ‘‘ཁཎབྷངྒསྶཱ’’ཏི ནཱམརཱུཔདྷམྨཱནཾ ཁཎེ ཁཎེ བྷཉྫནསྶ བྷིཛྫནསྶ མརཎསྶ. ཨིདམྤནམརཎཾ སམྨུཏི སཙྩེ ནཏྠི. པརམཏྠ སཙྩེ ཨེཝ ཨཏྠི. ཏསྨཱ ཏཾ ཨཔསྶནྟོ མཧཱཛནོ ཨཏྟནོ ཁནྡྷཔཉྩཀཾ ཨཏྟནོསཱརཾ མཉྙམཱནོ ཨེསོ མེ ཨཏྟཱཏི གཎྷཱཏཱིཏི. ‘‘ཏཾ དྭཡཾ སུདིཊྛཾ ཀཏྭཱ’’ཏི ཁནྡྷཔཉྩཀསྶ ཀེཝལཾ པཙྩཡཱཡཏྟ ཝུཏྟིཏཉྩ ཁཎབྷངྒཉྩ ཉཱཎ ཙཀྑུནཱ སུཊྛུདིཊྛཾ ཀཏྭཱ. ཏཏྠ པཉྩནྣཾ ཁནྡྷཱནཾ པཊིཙྩསམུཔྤཱདཾ སུཊྛུཔསྶནྟོ ཀེཝལཾ པཙྩཡཱཡཏྟ ཝུཏྟིཏཉྩ ཨཝསཱཡཏྟ ཝུཏྟིཏཉྩ སུཊྛུ པསྶཏི. ཡོ ཙ ཨཏྟནོ ཝསཱཡཏྟཝུཏྟི ན ཧོཏི. སོ པརམཏྠསཙྩཾ པཏྭཱ ཨེསོ མམ སནྟཀནྟིཔི ཝཏྟུཾ ནཱརཧཏི. ཀུཏོ མམ ཨཏྟཱཏི. ཨཔི ཙ, སཏྟོ ནཱམ སབྷཱཝཏོ ནཏྠི. པཉྙཏྟིམཏྟཾ ཧོཏི. ཡོ ‘ཨཧནྟི ཝཱ, མེཏི ཝཱ, མམཱཏི ཝཱ, གཡ྄ཧེཡྻ. ཨསནྟེ ཙ ཨཏྟསྨིཾ ཀོ མམ ཨཏྟཱ ནཱམ བྷཝེཡྻཱཏི. ཁཎབྷངྒོ ཧོཏི. ཁཎེ ཁཎེ བྷིཛྫཏི. སཏྟོ ཙ ནཱམ ཨེཀསྨིཾབྷཝེ ཨཱདིམྷི སཀིཾ ཨེཝ ཛཱཡཏི. ཨནྟེ སཀིཾ ཨེཝ མརཏི. ཨནྟརཱ ཝསྶསཏཾཔི ཝསྶསཧསྶཾཔི མརཎཾ ནཱམ ནཏྠི. ཨཉྙཱཧི ཁཎིཀདྷམྨཱནཾ གཏི. ཨཉྙཱ སཏྟསྶ. ཨེཝཾསནྟེ ཀཐཾ ཁཎིཀདྷམྨཱ སཏྟསྶ སཱརཊྛེན ཨཏྟཱནཱམ བྷཝེཡྻུནྟི. ཏསྨཱ ཏེ ཨཝསཝཏྟནཊྛེན ཨསཱརཀཊྛེན ཙ ཨནཏྟཱ ཨེཝ. ཨཔིཙ ¶ ‘‘ཨཝསཝཏྟནཊྛེནཱ’’ཏི ཨེཏྠ ཝསོ ནཱམ སཏྟསནྟཱནེ ཨེཀོ པདྷཱནདྷམྨོ. སཙེ ཨཏྟཱནཱམ ཨཏྠི. སོ ཨེཝ པདྷཱནབྷཱུཏསྶ ཝསསྶཔི ཨཏྟཱ བྷཝེཡྻ. ཨེཝཾསཏི, ཡོ ཝསོ, སོ ཨཏྟཱ. ཡོ ཨཏྟཱ, སོ ཝསོཏི བྷཝེཡྻ. ཏཐཱ ཙ སཏི, རཱུཔཾ ཨཏྟཱཏི གཎྷནྟོ རཱུཔཉྩ ཝསཉྩ ཨཏྟཱནཉྩ ཨེཀཏྟཾ ཀཏྭཱ གཎྷཱཏི ནཱམ. ཏཐཱ ཝེདནཾ ཨཏྟཱཏི. སཉྙཾ, སངྑཱརེ, ཝིཉྙཱཎཾ ཨཏྟཱཏི གཎྷནྟེཔི. ཨེཝཉྩསཏི, སཏྟོ ཙ ཁནྡྷཔཉྩཀཉྩ ཝསོ ཙ ཨཏྟཱ ཙ སབྦམེཏཾ ཨེཀཏྟཾ གཙྪཏི, ཨེཀོ སཏྟོཏི སངྑྱཾ གཙྪཏི. ན ཧི ཨིམསྨིཾ ཝསཝཏྟནཊྛེ ཨེཀསྶསཏྟསྶ དྭེ ཨཏྟཱ ཏཡོ ཨཏྟཱ བཧཱུཨཏྟཱཏི སཀྐཱ བྷཝིཏུཾ. ཨཐ ཡཐཱ ཡཐཱ སཏྟསྶ ཝསོ ཝཏྟཏི, ཨིཙྪཱ པཝཏྟཏི. ཏཐཱ ཏཐཱ ཁནྡྷཔཉྩཀམྤི ནིཙྩཀཱལཾ སཏྟསྶཝསཾ ཨནུགཙྪེཡྻ. ཀསྨཱ, སཏྟསྶ ཙ ཁནྡྷཔཉྩཀསྶ ཙ ཝསསྶ ཙ ནཱནཏྟཱབྷཱཝཏོ. ཨེཝཾ ཨནུགཙྪནྟེ སཏི. རཱུཔཾ མེ ཨཏྟཱ, ཝེདནཱ མེ ཨཏྟཱཏིཨཱདིགྒཧཎཾ ཝཊྚེཡྻ. སབྷཱཝཏོ ཨཝིརུདྡྷཾ བྷཝེཡྻ. ན པན ཏཐཱ ཨནུགཙྪཏི. ན ཧི དུབྦཎྞོ དུརཱུཔོ པུརིསོ ཨཏྟནོ རཱུཔཀཱཡཾ ཨཏྟནོ ཝསེནེཝ སུཝཎྞཾ སུརཱུཔཾ ཀཱཏུཾ སཀྐོཏི. ཏཐཱ དུསྶདྡོཝཱ སུསདྡཾ, དུགྒནྡྷོཝཱ སུགནྡྷཾ. ན ཙ ཨནྡྷོཝཱ ཨནནྡྷཾ. བདྷིརོཝཱ ཨབདྷིརཾ. རོགཱིཝཱ ཨརོགཾ. ཀུཊྛཱིཝཱ ཨཀུཊྛཾ. གཎྜཱིཝཱ ཨགཎྜཾ. ཛིཎྞོཝཱ ཏརུཎཾ. ཨཛརཾ ཝཱ ཨམརཎཾ ཝཱ ཀཱཏུཾ སཀྐོཏི. ནཱཔི ཨཔཱཡེསུ ཙ ཨཔཏནྟཾ. པཏིཏྭཱ ཝཱ ཏཏོ ཝིམུཏྟཾ ཀཱཏུཾ སཀྐོཏི. ཏཐཱ དེཝོ ཝཱ དེཝཏྟཱ ཨཙཱཝེཏུཾ. སཀྐོཝཱ སཀྐཏྟཱ, མཱརོ ཝཱ མཱརཏྟཱ, བྲཧྨཱ ཝཱ བྲཧྨཏྟཱཏི. ཨེསནཡོ སེསཁནྡྷེསུཔི. ཏཐཱ པན ཨཝསཱནུགམནཏོ པརམཏྠ སཙྩཾ པཏྭཱ ཁནྡྷཔཉྩཀེ ཨཏྟནོ སཱམིཀིཙྩཾ ཨིསྶརཀིཙྩཾ ནཱམ ནཏྠི. ཨསཱམིཀམེཝ ཏཾ ཧོཏི, ཨནིསྶརཾ. ཏཐཱ ཙ སཏི, ཨཏྟཱནཾ ཏསྶ སཱམིཾ ཨིསྶརཾ ཀཏྭཱ རཱུཔཾ མེ ཨཏྟཱཏི གཧཎཾ མིཙྪཱགཧཎཾ ནཱམ ཧོཏཱིཏི. ལོཀེ པན མཧཱཛནོ དྷམྨཱནཾ པཊིཙྩསམུཔྤཱདཾ ན ཛཱནནྟི, ན པསྶནྟི, ན པཊིཝིཛ྄ཛྷནྟི. ཏེསཾ པརམྤར པཙྩཡཝསེན པཝཏྟམཱནེ ཁནྡྷསནྟཱནེ སམྨུཏི སཙྩཝསེན ནཱནཱཝསཝཏྟནཱཀཱརཱ ནཱམ སནྟི. ནཱནཱསཱམི ཨིསྶརཱདྷིཔཏིཝོཧཱརཱ ཙ ལོཀེ སནྡིསྶནྟི. ཏེ ¶ སམྨུཏི སཙྩཝསེན ཨུཔྤནྣེསུ ཏེསུ སཱམིཨིསྶརཱདྷིཔཏི ཝོཧཱརེསུ ཝོཧཱརམཏྟེ ཨཋཏྭཱ སབྷཱཝསཙྩཾ མཉྙནྟཱ མིཙྪཱགཧཎཾ གཎྷནྟི. ཨེཏྠ སིཡཱ. ན ནུ ཝསོནཱམ ཨིཙྪཱ. སཏྟོ ཙ གནྟུཾ ཨིཙྪནྟོ གཙྪཏི. ཋཱཏུཾ ཨིཙྪནྟོ ཏིཊྛཏི. ཨེཝཾསཏི. ཏསྶ ཁནྡྷཔཉྩཀཾ ཏསྶ ཝསཱཡཏྟ ཝུཏྟི ཨེཝ ཧོཏཱིཏི. ན ཧོཏི. ཀསྨཱ, པཙྩཡཱཡཏྟ ཝུཏྟིཏྟཱ ཨེཝ. ཏཐཱཧི གནྟུཾ ཨིཙྪཱནཱམ བཧིདྡྷཱ དྷནཧེཏུཝཱ ཨུཔྤཛྫེཡྻ. ནཱནཱབྷོགཧེཏུ ཝཱ. ཨཉྙེན ཝཱ ནཱནཱཀཱརཎེན. ཏཏྠ ཡེསཾ དྷནེ ཨསཏི, ཡཾ ཡཾ དུཀྑཾ ཨཱགཙྪེཡྻ ཀཱཡིཀཾ ཝཱ ཙེཏསིཀཾ ཝཱ. ཏེསཾ ཏཾ ཏཾ དུཀྑཔཙྩཡཱ དྷནིཙྪཱ ནཱམ ཨུཔྤཛྫཏི. དྷནིཙྪཱ པཙྩཡཱ གནྟིཙྪཱདཡོ ཨུཔྤཛྫནྟི. ཏཐཱ ནཱནཱབྷོགིཙྪཱ ནཱནཱཀམྨིཙྪཱསུ ཙཱཏི. ནཱནཱདུཀྑབྷཡུཔདྡཝམཱུལིཀཱསུ ཨིཙྪཱསུ ཝཏྟབྦ མེཝ ནཏྠི. ཏཐཱ ནཱནཱརམྨཎཱནཾ པལོབྷན དུཀྑམཱུལིཀཱསུ ཙ ནཱནཱཝིཏཀྐཱནཾ ཝིཔྥནྡནམཱུལིཀཱསུ ཙ ཨིཙྪཱསུ. ཨེཝཾ ཝསོཔི པཙྩཡཱཡཏྟ ཝུཏྟིཀོ ཨེཝ ཧོཏི. ‘‘གམནཾ’’ཏི གམནཱཀཱརེན པཝཏྟཾ ཁནྡྷཔཉྩཀཾ. ཡེནཡེནདྷནཱདིཧེཏུནཱ སོ སོ ཝསོ ཨུཔྤཛྫཏི. གམནམྤི ཏེན ཏེནེཝ ཨུཔྤཛྫཏི ཨཱཧཱརུཔཏྠམྦྷནཱདིཔཙྩཡེན ཙ. ཝསོ པན གམནསྶ པཙྩཡེཀ དེསམཏྟཾ ཧོཏི. སོ ཧི ཏདཉྙཔཙྩཡེཧི ཝིནཱ སཡཾ ཨུཔྤཛྫིཏུཾ ན སཀྐོཏི. ཀུཏོ གམནཾ ཨུཔྤཱདེཏུཾ. ཨེཝཾ ཋཱནཱདཱིསུ. ཨེཝཉྩ སཏི, ཨིདཾ ཁནྡྷཔཉྩཀཾ པཙྩཡཱཡཏྟ ཝུཏྟིཀནྟིཙྩེཝ ཝཏྟུཾ ཨརཧཏི. ནོ ཝསཱཡཏྟ ཝུཏྟིཀནྟི. ཨཔི ཙ གནྟུཾ ཨིཙྪནྟོ གཙྪཏཱིཏི པཉྙཏྟི མཏྟབྷཱུཏོ སཏྟོ གཙྪཏི. ཁནྡྷཔཉྩཀཾ པན ཁཎིཀ དྷམྨཏྟཱ ན གཙྪཏི. ཨུཔྤནྣུཔྤནྣཾ ཏཏྠ ཏཏྠེཝ བྷིཛྫཏི. སནྟཏི ཝསེན གམནཱཀཱར ནིམིཏྟཾ པཉྙཱཡཏི. ཨེཝཾ ཨཝསཝཏྟནཾ ཧོཏཱིཏི. ཧོཏུ ཏཏྠ ཏཏྠེཝ བྷིཛྫནཾ. ཨཝིཙྪེདཔྤཝཏྟིཡཱ སཏི, གམནཾ སམྤཛྫཏིཡེཝ. གམནེ ཙ སམྤཛྫམཱནེ ཁཎིཀབྷིཛྫནེན དོསོ ནཏྠཱིཏི ཙེ. ཨཏྠི. ཁཎིཀམརཎཉྷི སཏྟསྶ སུསཱནབྷཱུམི ནཱམ ཧོཏི. ཨནྟརཱཡེཝཱ ཨཱགཏེ པཀྑལནྟེ ཝཱ སཏི, གཙྪནྟོ སཏྟོ ཡདཱ ཀདཱཙི མརཎཾ ཝཱ ནིགཙྪཏི མརཎ མཏྟཾ ཝཱ དུཀྑནྟི. ཀིལེསེ ནིམིནཱཏི པཝཏྟེཏཱིཏི ནིམིཏྟནྟི ཝཙནཏྠོ. ‘‘ཝིཔལླཱསནིམིཏྟཾ’’ཏི ཙ ཝིཔལླཱས དྷམྨཱནཾ ཝསེན ཨུཔཊྛིཏཾ ཀིཙྩ ནིམིཏྟཾ. ཏཎྷཱ ཨེཝ པཎིདྷཱིཏི ¶ སམྦནྡྷོ. མཧནྟཱནཾ ཨཱདཱིནཝཱནཾ རཱསི མཧཱཨཱདཱིནཝརཱསི. ཁནྡྷེསུ སུཉྙཏལཀྑཎཾ ནཱམ ཨཏི གམྦྷཱིརཾ ཧོཏི. ཉཱཎསྶེཝ ཝིསཡབྷཱུཏཾ. སུཉྙཏ དསྶནཉྩ དིཊྛིཡཱ ཨུཛུཔྤཊིཔཀྑནྟི ཨཱཧ ‘‘སངྑཱརེསུ སུཉྙཏདསྶནཝསེནཱ’’ཏིཨཱདིཾ. ཏཏྠ ‘‘ཨཏྠ སིདྡྷི ནཱམཱ’’ཏི མགྒཕལཔྤཊིལཱབྷསངྑཱཏསྶ ཨཏྠསྶ སིདྡྷི ནཱམ. ཨཏྟཱཏི ཨབྷིནིཝེསོ ཨཏྟཱབྷིནིཝེསོ. གཎྷཱཏཱིཏི གཱཧོ. ཨུཔཱདཱིཡཏཱིཏི ཨཏྠོ. དིཊྛིསངྑཱཏོ གཱཧོ དིཊྛིགྒཱཧོ. ཨཏྠཱབྷིནིཝེསོ ཙ སོ དིཊྛིགྒཱཧོ ཙཱཏི ཝིགྒཧོ. ཏསྶ པཊིཔཀྑཾ ཨནཏྟཱནུཔསྶནཱཉཱཎཾ. ཨནུ ཨནུ བྷཝནཾ ཨཱནུབྷཱཝོ. པརམྤརཏོ ཝཌྜྷནནྟི ཨཏྠོ. ‘‘ཏཐཱ སམནུཔསྶིཏྭཱ’’ཏི སུཉྙཏཱ ཀཱརེན སམནུཔསྶིཏྭཱ. ཝིམུཉྩནྟསྶ ཨརིཡཔུགྒལསྶ. ‘‘ཨནིཙྩལཀྑཎཾ ནཱམ ནཱཏི གམྦྷཱིརཾ ཧོཏི. སདྡྷཱཡཔི ཝིསཡབྷཱུཏཾ. ཨུནྣཏིལཀྑཎོ ཙ ཨཧཾ མཱནོ ཁནྡྷེསུ ནིཙྩདྷུཝཝིཔལླཱསམཱུལཀོ སདྡྷཱཡ ཙ པཊིཔཀྑོཏི ཨཱཧ ‘‘ཨནིཙྩདསྶནཝསེནཱ’’ཏིཨཱདིཾ. ‘‘ནིམིཏྟཱབྷིནིཝེསབྷཱུཏསྶཱ’’ཏི ནིཙྩདྷུཝནིམིཏྟཱབྷིནིཝེསབྷཱུཏསྶ. ‘‘མཱནགྒཱཧསྶཱ’’ཏི མཱནསངྑཱཏསྶ གཱཧསྶ. ‘‘སདྡྷཱཡ པཱི’’ཏིཔིསདྡེན ཉཱཎཾ སམྤིཎྜེཏི. དུཀྑལཀྑཎཾ ནཱམ བྷཡསཾཝེག ཛནཀཾ ཧོཏི. ཨཱརམྨཎེསུ ཏཎྷཱལོལསྶ ཏཎྷཱཝིཔྥནྡནསྶ པཊིཔཀྑཾ. ཝིསེསཏོ སམཱདྷིསྶ ཨནུརཱུཔནྟི ཨཱཧ ‘‘དུཀྑདསྶན ཝསེནཱ’’ཏིཨཱདིཾ. ‘‘ཏིཎྞཾ དྷམྨཱནཾ’’ཏི པཉྙིནྡྲིཡ སདྡྷིནྡྲིཡ སམཱདྷིནྡྲིཡ སངྑཱཏཱནཾ ཏིཎྞཾ ཨིནྡྲིཡ དྷམྨཱནཾ. ‘‘ཝིཔསྶནཱ གམནཝསེནེ ཝཱ’’ཏི ཝུཊྛཱནགཱམིནི ཝིཔསྶནཱ སངྑཱཏསྶ ཨཱགམན ཀཱརཎསྶ ཝསེནེཝ.

ཨིདཱནི པུབྦེ ཡཾ ཝུཏྟཾ ‘སཏྟཨརིཡ པུགྒལཝིབྷཱགསྶ པཙྩཡབྷཱཝཔཏྟིཡཱ ཙཱ’ཏི. ཏཏྠ སཏྟ ཨརིཡཔུགྒལཝིབྷཱགཾ དསྶེཏུཾ ‘‘ཏཏྠཱ’’ཏིཨཱདི ཝུཏྟཾ. དྷམྨཱནུསཱརཱི ནཱམཱཏི ཨེཏྠ ‘‘དྷམྨོ’’ཏི པཉྙཱ ཝུཙྩཏི ‘སཙྩཾ, དྷམྨོ, དྷཱིཏི, ཙཱགོ,ཏི ཨེཏྠ ཝིཡ. ཏིཀྑཏརཾ དྷམྨཾ ཨནུསྶརཏཱིཏི དྷམྨཱནུསཱརཱི. པཉྙཱབལཱནུསཱརེན ཨཱདིམྷི མགྒཾ ལབྷཏཱིཏི ཝུཏྟཾ ཧོཏི. ཨཐཝཱ. ‘‘དྷམྨོ’’ཏི ནིསྶཏྟནིཛྫཱིཝཊྛེན སངྑཱར དྷམྨོ ཝུཙྩཏི. སུཉྙཏདསྶནཉྩ ནཱམ ཝིསེསཏོ སུདྡྷདྷམྨ དསྶནཾ ནཱམ. ཨིཏི སུདྡྷདྷམྨཾ ¶ ཨནུསྶརཏི, ཉཱཎགཏིཡཱ ཨནུགཙྪཏཱིཏི དྷམྨཱནུསཱརཱི. དིཊྛིཔཏྟོཏི ཨེཏྠ དིཊྛིནཱམ དསྶནཉྙཱཎཾ ཝུཙྩཏི. ཨཱདིཏོ པཊྛཱཡ པརིསུདྡྷ དསྶནསམྤནྣཏྟཱ དིཊྛིབལེནེཝ སུཁེན ཏཾ ཏཾ མགྒཕལཾ པཏྟོཏི དིཊྛིཔཏྟོ. ཏེནེཝ དསྶན པཉྙཱབལེན ཀིལེསབནྡྷནཏོ ཝིམུཏྟོཏི པཉྙཱཝིམུཏྟོ. སངྑཱར དྷམྨཱནཾ ཁཎིཀ དྷམྨབྷཱཝེ སུཊྛུ སདྡཧནཾ ཨཝེཙྩཔྤསཱདོ སདྡྷཱ ནཱམ. ཏཏྠ ‘‘ཨཝེཙྩཔྤསཱདོ’’ཏི ཉཱཎསམྤཡུཏྟཔྤསཱདོ. ‘‘ཉཱཎཾ’’ཏི ཙ སངྑཱར དྷམྨཱནཾ ཁཎིཀབྷཱཝནིམིཏྟཱནཾ དསྶནཉྙཱཎཾ. ཏཱདིསེ ཧི ཉཱཎེ སཏི, ཏཏྠ ཨཝེཙྩཔྤསཱདོ ནཱམ ཛཱཡཏི, ནོ ཨཉྙཐཱཏི. སདྡྷཾ ཨནུསྶརཏཱིཏི སདྡྷཱནུསཱརཱི. སདྡྷཱབལེནེཝ ཨཱདིམྷི ཨརིཡམགྒཾ པཱཔུཎཱཏཱིཏི ཝུཏྟཾ ཧོཏི. སདྡྷཱབལེན ཝིམུཏྟོཏི སདྡྷཱཝིམུཏྟོ. ‘‘ཀཱཡསཀྑི ནཱམཱ’’ཏི ཨེཏྠ སཀྑཾཏི སནྡིཊྛཾ. ཡཾ སཱདྷཀནྟིཔི ཝུཙྩཏི. ཨཏྟནོ ཀཱཡེ ཨེཝ ལདྡྷཾ སཀྑཾ ཡསྶཱཏི ཀཱཡསཀྑཱི. དུཀྑཱནུ པསྶཱི པུགྒལོ ཧི སཾཝེག བཧུལོ ཧོཏི. སཾཝེགོ ཙ པདྷཱན ཝཱིརིཡསྶ པདཊྛཱནཾ. སཾཝིགྒོ ཡོནིསོ པདཧཏཱིཏི ཧི ཝུཏྟཾ. ཏསྨཱ སོ སཾཝེགཝསེན བྷཱཝནཾ ཨནུཡུཉྫནྟོ ཡཾ ཡཾ པུརིསཐཱམེན པཏྟབྦཾ ཧོཏི. ཏཾ ཏཾ པཱཔུཎཱཏི. པཱཔུཎནྟོ ཙ ཨཏྟནོ ཀཱཡེ ཨེཝ སཀྑཾ ལབྷཏི. སནྡིཊྛཾ ཛྷཱནསུཁཾ ཝཱ མགྒཕལསུཁཾ ཝཱ ལབྷཏཱིཏི ཝུཏྟཾ ཧོཏི. ‘‘ཨུབྷཏོབྷཱག ཝིམུཏྟོ’’ཏི ཨརཱུཔཛ྄ཛྷཱནེཧི རཱུཔཀཱཡཏོ ཨརཧཏྟམགྒཕལེཧི ནཱམཀཱཡཏོཏི ཨེཝཾ ཨུབྷོཧི ཀཱཡབྷཱགེཧི ཝིམུཏྟོ. ཨེཏྠ ཙ ཏཡོ ཨརིཡཔུགྒལཱ པཉྙཱདྷིཀོ ཙ སདྡྷཱདྷིཀོ ཙ ཝཱིརིཡཱདྷིཀོ ཙ. ཏཏྠ དྷམྨཱནུསཱརཱི ཙ དིཊྛིཔཏྟོ ཙ པཉྙཱཝིམུཏྟོ ཙ པཉྙཱདྷིཀོ ནཱམ. སདྡྷཱནུསཱརཱི ཙ སདྡྷཱཝིམུཏྟོ ཙ སདྡྷཱདྷིཀོ ནཱམ. ཀཱཡསཀྑཱི ཙ ཨུབྷཏོབྷཱགཝིམུཏྟོ ཙ ཝཱིརིཡཱདྷིཀོ ནཱམཱཏི དཊྛབྦཾ. ཨཡཉྩ པུགྒལཝིབྷཱགནཡོ པཊིསམྦྷིདཱམགྒནཡེན ཝུཏྟོ. ཨབྷིདྷམྨེ པན པུགྒལ པཉྙཏྟིཡཾ སདྡྷཱཝིམུཏྟོ ཙ ཀཱཡསཀྑཱི ཙ དྭེཔུགྒལཱ སེཀྑེསུ ཨེཝ ཝུཏྟཱ. ཨརཧཏྟཾ པཏྟཱ པན ཨེཏེ དྭེཔི པཉྙཱཝིམུཏྟཱ ཨེཝཱཏི དཊྛབྦཱ. ཨེཏྠ སིཡཱ, སངྑཱར དྷམྨཱནཾ ཁཎིཀ དྷམྨབྷཱཝེ སུཊྛུ སདྡཧནཾ ཨཝེཙྩཔྤསཱདོ སདྡྷཱ ནཱམཱཏི ཝུཏྟཾ. ཀིཾ པན ཏཱདིསེན སདྡྷཱམཏྟེན སོཏཱཔཏྟི མགྒཾ ¶ པཱཔུཎཱཏཱིཏི. ཨེཏྠ ཨམྷེཧི ཝཏྟབྦཾ ནཏྠི. བྷགཝཏཱ ཨེཝ ཝུཏྟཾ. ཡཐཱཧ མཧཱཝགྒེ ཨོཀྐནྟ སཾཡུཏྟེ ཙཀྑུ བྷིཀྑཝེ ཨནིཙྩཾ ཝིཔརིཎཱམཱི ཨཉྙཐཱབྷཱཝཱི, ཡོ ཨེཝཾ སདྡཧཏི, ཨེཝཾ ཨདྷིམུཙྩཏི. ཨཡཾ ཝུཙྩཏི སདྡྷཱནུསཱརཱི. ཨོཀྐནྟོ ཨརིཡབྷཱུམིཾ. ཨཏིཀྐནྟོ པུཐུཛྫནབྷཱུམིཾ. སོ ཡེནཀམྨེན ཨཔཱཡཾ དུགྒཏིཾ ཝིནིཔཱཏཾ ཨུཔྤཛྫེཡྻ. ན ཏཾ ཀམྨཾ ཀརོཏཱིཏི. སོཏཾ བྷིཀྑཝེ ཨནིཙྩཾ. ཝིཔརིཎཱམཱི ཨཉྙཐཱབྷཱཝཱིཏིཨཱདིནཱ དྭཱདསཱཡཏནཱནི ཝིཏྠཱརེ ཏབྦཱནི. ཏཏྠ ‘‘ཝིཔརིཎཱམཱི’’ཏི ཝིཔརིཎཱམོ ཡསྶ ཨཏྠཱིཏི ཝིཔརིཎཱམཱི. ཝིཔརིཎཱམོཏི ཙ ཁཎེ ཁཎེ ཛཱིརཎཏཱ བྷིཛྫནཏཱ ཝུཙྩཏི. ‘‘ཨཉྙཐཱབྷཱཝཱི’’ཏི ཏསྶེཝ ཝེཝཙནཾ. ‘‘ཨེཝཾ ཨདྷིམུཙྩཏཱི’’ཏི ཨེཏེན ཉཱཎསམྤཡུཏྟསདྡྷཾ དཱིཔེཏི. སཱ ཨེཝ སོཏཱཔཏྟིཡངྒེསུ བུདྡྷེ ཨཝེཙྩཔྤསཱདེན སམནྣཱགཏོ, དྷམྨེ, སངྒྷེ ཨཝེཙྩཔྤསཱདེན སམནྣཱགཏོཏི ཝུཏྟཱ. ཏཏྠ ཉཱཎསམྤཡུཏྟསདྡྷཱ ནཱམ ཙཀྑཱདཱིནཾ ཨནིཙྩནིམིཏྟ དསྶནཉྙཱཎེན སམྤཡུཏྟཱ ཨོཀཔྤནསདྡྷཱ. ཨནིཙྩནིམིཏྟཉྩ ནཱམ རཱུཔཾ ཨནིཙྩཾ ཁཡཊྛེནཱཏིཔདེ ཝུཏྟནཡེན ཙཀྑཱདིནིསྶཡཱནཾ མཧཱབྷཱུཏཱནཾ སནྟཏི པརིཝཏྟནཱདིཀཾ ཝུཙྩཏི. ཏཉྷི པསྶནྟོ ཙཀྑཱདཱིནཾ ཨནིཙྩབྷཱཝེ སདྡཧཏི, ཨདྷིམུཙྩཏི. ཏཱནིཔི ཁཎེ ཁཎེ ཨེཀནྟེན བྷིཛྫཏི ཡེཝཱཏི སདྡྷཱདྷིམོཀྑཾ སདྡྷཱཝིནིཙྪཡཾ པཊིལབྷཏཱིཏི ཨཏྠོ. ‘‘བུདྡྷེ ཨཝེཙྩཔྤསཱདེནཱ’’ཏི ཨེཏྠ པན ཨརཧཏཱ སམྨཱསམྦུདྡྷཏཱདཱིནཾ བུདྡྷགུཎཱདཱིནཾ དསྶནཉྙཱཎེན སམྤཡུཏྟོ པསཱདོ ཨཝེཙྩཔྤསཱདོ ནཱམ. ཨརིཡབྷཱུམི ནཱམ དིཊྛཱནུསཡ ཝིཙིཀིཙྪཱནུསཡེཧི པརིསུདྡྷཱ ཨཝཏྠཱབྷཱུམི ཝུཙྩཏི. ཏེཧི སཧིཏཱ ཨཝཏྠཱབྷཱུམི པུཐུཛྫནབྷཱུམི ནཱམ. ཀཐཾ པན ཏསྶ པུགྒལསྶ པུཐུཛྫནབྷཱུམིཾ ཨཏིཀྐནྟཏཱ ཨརིཡབྷཱུམིཾ ཨོཀྐནྟཏཱ ཙ ཝིཉྙཱཡཏཱིཏི ཨཱཧ ‘‘སོ ཡེནཱ’’ཏིཨཱདིཾ. ཡོ ཨཏྟནོ ཛཱིཝིཏཧེཏུཔི ཀིཉྩི ཀམྨཔཐཔཏྟཾ ཨཔཱཡགཱམི ཀམྨཾ ན ཀརོཏི. སོ ཨེཀནྟེན པུཐུཛྫནབྷཱུམིཾ ཨཏིཀྐནྟོ, ཨརིཡབྷཱུམིཾ ཨོཀྐནྟོཏི ཝིཉྙཱཡཏཱིཏི ཝུཏྟཾ ཧོཏི. ཨིདཾ སདྡྷཱནུསཱརིསུཏྟཾ. ཨཔརཾཔི ཝུཏྟཾ ཙཀྑུ བྷིཀྑཝེ ཝིཔརིཎཱམཱི ཨཉྙཐཱབྷཱཝཱི. ཡསྶ ཨེཝཾ མཏྟསོ ནིཛ྄ཛྷཱནཾ ཁམཏི. ཨཡཾ ཝུཙྩཏི དྷམྨཱནུསཱརཱི ཏིཨཱདི. ཏཏྠ ‘‘མཏྟསོ ¶ ནིཛ྄ཛྷཱནཾ ཁམཏཱི’’ཏི སདྡྷཱནུསཱརཱིཝིཡ སདྡཧནམཏྟེ ཨཊྛཏྭཱ ཙཀྑཱདཱིནཾ ཏཱདིསཾ ཨནིཙྩཏཾ སམནུཔསྶནྟོ ཐོཀཾ ཐོཀཾ དསྶནཾ ལབྷཏིཡེཝ. ཨེཝཾསཏི, ཙཀྑཱདཱིནི ཏསྶ པུགྒལསྶ ནིཛ྄ཛྷཱནཾ ཨོལོཀནཾ མཏྟསོ ཁམནྟི ནཱམ. ཨིདཾ དྷམྨཱནུསཱརིསུཏྟཾ. ཨཔརཾཔི ཝུཏྟཾ ཙཀྑུ བྷིཀྑཝེ ཨནིཙྩཾ ཝིཔརིཎཱམཱི ཨཉྙཐཱབྷཱཝཱི. ཡོ ཨེཝཾ པཛཱནཱཏི པསྶཏི. ཨཡཾ ཝུཙྩཏི སོཏཱཔནྣོ ཏིཨཱདི. ཏཏྠ ‘‘པཛཱནཱཏི པསྶཏཱི’’ཏི དྷམྨཱནུསཱརཱིཝིཡ མཏྟསོ ནིཛ྄ཛྷཱནཀྑམམཏྟེ ཨཊྛཏྭཱ པཉྙཱཡ པཛཱནཱཏི, ཉཱཎཙཀྑུནོ པཙྩཀྑཏོ པསྶཏཱིཏི ཨཏྠོ. ཨིདཾ དིཊྛིཔཏྟཱདཱིནཾ སུཏྟཾ.

‘‘ཡཐཱ སཀཾ ཕལཾ’’ཏི ཨེཏྠ སསྶ ཨཏྟནོ ཨིདཾ སཀཾ. ཡཾ ཡཾ སཀཾ ཡཐཱསཀནྟི ཨཏྠཾ དསྶེཏི སོཏཱཔནྣསྶཱཏིཨཱདིནཱ. ཕལསམཱཔཏྟི ཝཱིཐིཡཾ པན ཨནུལོམཛཝནཱནི ཨེཝ ཕལཱནཾ ཨཱསནྣཀཱརཎཱནི, ན མགྒཛཝནཱནཱིཏི ཨཱཧ ‘‘ན མགྒཱགམནཝསེནཱ’’ཏི. ‘‘སོ’’ཏི མགྒོ. སནྟོ སཾཝིཛྫམཱནོ སབྦྷཱཝོ. ‘‘ཨསྶཱ’’ཏི མགྒསྶ.

ཨནིཙྩཱནུཔསྶནཱ ཀིཙྩཏོ ཨནིམིཏྟཱ ཧོཏི. སབྷཱཝཏོ སནིམིཏྟཱཨེཝ. ནིཙྩནིམིཏྟསཧིཏཱཨེཝ. ཡཏོ སཱ ཨེསོཧམསྨཱིཏིགྒཧཎཾ ལབྷཏི. ཨིདཾཔི ཝིཔསྶནཱཉཱཎཾ ཨནིཙྩཾ ཁཡཊྛེནཱཏི སམནུཔསྶིཏབྦཱ ཙ ཧོཏཱིཏི. ཏཏྠ ཙ ཨབྷིདྷམྨཾ པཏྭཱ སབྷཱཝཔྤདྷཱནཾ ཧོཏི, ན ཀིཙྩཔྤདྷཱནཾ. ཏསྨཱ ཨབྷིདྷམྨ ནཡེན ཝིཔསྶནཱ ཨཏྟནོ ནིམིཏྟ ནཱམཾ མགྒསྶ དཱཏུཾ ན སཀྐོཏི. ཨཡཾ ཨཊྛཀཐཱཡ ཨདྷིཔྤཱཡོ. ཀིལེས དྷམྨཱ ནཱམ ཡསྶ ཨུཔྤཛྫནྟི, ཏཾ པུགྒལཾ པལིབུནྡྷནྟི. སམྦཱདྷཾ ཀརོནྟི. ཏསྨཱ པལིབོདྷཀརཱནཱམ. ཏཾ པུགྒལཾ ནིཙྩནིམིཏྟ སུབྷནིམིཏྟ སུཁནིམིཏྟ ཨཏྟནིམིཏྟཱནི གཱཧེནྟི. ཏསྨཱ ནིམིཏྟཀརཱནཱམ. ཏཾ པུགྒལཾ ཨཱརམྨཎེསུ བྷུསཾ ནིཧིཏཾ ནིཝིཊྛཾ ཀརོནྟི. ཏསྨཱ པཎིདྷིཀརཱནཱམ. ཏེ ཙ མགྒཕལཱནི ཨཱརམྨཎཾ ན ཀརོནྟི. མགྒཕལེཧི ཙ སམྤཡོགཾ ན གཙྪནྟི. ཨེཝཾ ཨཱརམྨཎཀརཎཱ དིཝསེན མགྒཕལེསུ ཏེསཾ ཨབྷཱཝོ. ཨབྷཱཝཏྟཱཨེཝ ཙ ཏཱནི མགྒཕལཱནི ཨཏྟནོ དྷམྨཏཱཡ ཏཱིཎིནཱམཱནི ལབྷནྟཱིཏི དསྶེཏུཾ ‘‘ཨཱརམྨཎ ཀརཎཝསེནཝཱ’’ཏིཨཱདི ¶ ཝུཏྟཾ. ‘‘ཨཏྟནོ སབྷཱཝེནཱ’’ཏི ཨཏྟནོ དྷམྨཏཱཡ.

‘‘ཨཏྟདིཊྛིཡཱ ཨུཔྤནྣཱཡ ཨུཔྤཛྫནྟཱི’’ཏི ཨིདཾ ཏཱསཾ དིཊྛིཝིཙིཀིཙྪཱནཾ ཨཏྟདིཊྛིཡཱ ཨཝིནཱབྷཱཝཾ དཱིཔེཏི. ན པན ཨཏྟདིཊྛིཡཱ ཏཱཧི ཨཝིནཱབྷཱཝནྟི དཊྛབྦཾ. ཝིཔཙྩནྟཱིཏི ཨཔཱཡེསུ ཝིཔཙྩནྟི. ཨཔཱཡཔཊིསནྡྷིཾ ཛནེནྟི. དིཊྛསཙྩཱནཉྩ ཨརིཡཔུགྒལཱནཾ. དིཊྛིཝིཙིཀིཙྪཱསམྤཡུཏྟཱ ཨཀུསལདྷམྨཱ དིཊྛིཝིཙིཀིཙྪཱགྒཧཎེན གཧིཏཱཏི ཨཱཧ ‘‘དིཊྛིཝིཙིཀིཙྪཱ ཝིཔྤཡུཏྟཱ’’ཏི. ‘‘ཨཀུསལདྷམྨཱཙེ ཝཱ’’ཏི པཙྩུཔྤནྣབྷཱུཏཱ དསཱཀུསལཀམྨཔཐ དྷམྨཱ ཙེཝ. ‘‘སཏྟཧི བྷཝེཧཱི’’ཏི ཀྲིཡཱཔཝགྒེ ཀརཎཝཙནཾ. ཡཐཱ སཏྟཧི མཱསེཧི ཝིཧཱརཾ ནིཊྛཱཔེཏཱིཏི. ཀྲིཡཱཔཝགྒོཏིཙ ཀྲིཡཱཡསཱིགྷཏརཾ ནིཊྛཱཔནཾ ཝུཙྩཏི. ‘‘སཏྟཀྑཏྟུཾ’’ཏི སཏྟཝཱརཱ. ཏཱིཎི སཾཡོཛནཱནིནཱམ ‘སཀྐཱཡདིཊྛི, ཝིཙིཀིཙྪཱ, སཱིལབྦཏཔརཱམཱསསཾཡོཛནཱནི,. ‘‘ཨཝིནིཔཱཏ དྷམྨོ’’ཏི ཝིརཱུཔཾ ཧུཏྭཱ པཏནཾ ཝིནིཔཱཏོ. ཨཔཱཡནིཔཱཏོཏི ཝུཏྟཾ ཧོཏི. ‘‘དྷམྨོ’’ཏི སབྷཱཝོ. ནཏྠི ཝིནིཔཱཏོ དྷམྨོ ཡསྶཱཏི ཝིགྒཧོ. ‘‘ནིཡཏོ’’ཏི སུགཏིབྷཝེསུ ནིཡཏ གཏིཀོ. སམྨཱ བུཛ྄ཛྷཏཱིཏི སམྦོདྷི. མགྒཉྙཱཎཾ. ‘‘པརཱཡནཾ’’ཏི པརབྷཱགེ གནྟབྦཊྛཱནཾ ཝུཙྩཏི. སམྦོདྷིསངྑཱཏཾ པརཱཡནཾ ཨསྶཱཏི སམྦོདྷིཔརཱཡནོ. ‘‘ཨནིཡམཏྠོ’’ཏི ཝཱསདྡཏྠོཏི ཝུཏྟཾ ཧོཏི. ཝཱ སདྡཏྠེསུ ཙ ཨནིཡམཏྠོ. ན ཝིཀཔྤཏྠོ. ཝིཀཔྤཏྠེཧི སཏི དྭེ ཨེཝ སཏྟཀྑཏྟུཔརམཱ ལབྦྷནྟི. མིསྶཀབྷཝོན ལབྦྷཏི. ཨནིཡམཏྠེ ཏཡོཔི ལབྦྷནྟི. ཨཊྛཀཐཱཡཾ པན སམུཙྩཡཏྠསྶ གཧིཏཏྟཱ ཨེཀོ མིསྶཀབྷཝོ ཨེཝ ལབྦྷཏི. ནནུ ཙ སདྡོ ནཱམ སམུཙྩཡཏྠེ པཱཀཊོ, ན ཨནིཡམཏྠེ. ཏསྨཱ སམུཙྩཡཏྠོཝ ཨིདྷ ཡུཏྟོཏི ཙེ. ན ཡུཏྟོ. ཀསྨཱ. དྭིནྣཾ ཨསངྒཧིཏཏྟཱ. ཨཊྛཀཐཱཡཾ པན སམུཙྩཡཏྠཾ གཧེཏྭཱ ཏེ དྭེ པུགྒལཱ ཨིམསྨིཾ པཱཋེ ཨསངྒཧིཏཱཏི ཝུཏྟཾ. ཡདི ཏེ ཨིམསྨིཾ པཱཋེ ཨསངྒཧིཏཱ. ཀཏྠཏེ སངྒཧིཏཱ བྷཝེཡྻུཾ. ན ཧི ཀོཙི སཏྟཀྑཏྟུ པརམོ ནཱམ ཨིདྷ ཨསངྒཧིཏོཏི ཡུཏྟོཏི. ‘‘ཨསྶཱ’’ཏི ཏསྶཔཱལི༹པཱཋསྶ. ‘‘ཨེཏྠ ཙ ཡསྨཱ. ལ. པརམོ ནཱམ ཝུཏྟོ’’ཏི ཨིདཾ ཨུཔརི ‘ཡེ ཀཱམབྷཝེ ཡེཝཱ’ཏིཨཱདིནཱ ¶ ‘ཡེདིཊྛ དྷམྨེ ཝཱ’ཏིཨཱདིནཱ ཙ ཡོཛེཏབྦཾ. སོ ཙ སུཀྑཝིཔསྶཀོ ཝཱ པརིཧཱིནཛ྄ཛྷཱནོ ཝཱ དཊྛབྦོཏི སམྦནྡྷོ. ‘‘པཱལི༹ཡཾ’’ཏི པུགྒལཔཉྙཏྟི པཱལི༹ཡཾ. ‘‘ཨིདྷ ནིཊྛཱ’’ཏི ཨིམསྨིཾ ཀཱམལོཀེ ཨཱསཝཀྑཡཾ པཏྭཱ ཁནྡྷཔརིནིབྦཱནཔཏྟི ཝསེན ནིཊྛཱ. ནིཊྛཱནཾ པརིཡོསཱནནྟི ཨཏྠོ. ཀུལཏོ ཀུལཾ གཙྪཏཱིཏི ཀོལཾཀོལོ. བྷཝཏོ བྷཝཾ གཙྪཏཱིཏི ཨཏྠོ. ཨེཀམེཝ པཊིསནྡྷིསངྑཱཏཾ བྷཝབཱིཛཾ ཨསྶ ཨཏྠཱིཏི ཨེཀབཱིཛཱི. ཡོ ཙ དིཊྛེཝ དྷམྨེ ཨརཧཱ. ཏསྶ ཙ ཨིདྷ ནིཊྛཱཏི ཡོཛནཱ. ཀེན པན ཏིཎྞཾ སོཏཱཔནྣཱནཾ ཝིསེསོ ཀཏོཏི. སཏྟཀྑཏྟུ པརམོ ཏཱཝ ཀེཝལཾ པཐམམགྒ སམྤཡུཏྟེཧི ཨིནྡྲིཡེཧི ཀཏོ. ཨིཏརེ དྭེ ཨུཔརིམགྒཏྠཱཡ པཝཏྟིཏེཧི ཝིཔསྶནིནྡྲིཡེཧི ཀཏོཏི. ཏཏྠ སཏྟཀྑཏྟུ པརམོ སབྦམུདུཀོ ཧོཏི. ཏཏོ ཀོལཾཀོལོ ཏིཀྑོ. སོ པན ཚ བྷཝིཀོ, པཉྩབྷཝིཀོ, ཙཏུབྷཝིཀོ, ཏིབྷཝིཀོ, དྭིབྷཝིཀོཏི པཉྩཝིདྷོ. ཏཏྠ པཉྩབྷཝིཀོ ཏིཀྑོ. སེསཱ ཨནུཀྐམེན ཏིཀྑཏརཱཏི དཊྛབྦཱ. ཨེཀབཱིཛཱི པན ཨེཀབྷཝིཀོ སབྦཏིཀྑོ. ཏཏྠ སཏྟཀྑཏྟུ པརམོ ཀེཝལེན པཐམམགྒཱནུབྷཱཝེན སིདྡྷཏྟཱ སབྦམུདུཀོ ཧོཏི. ཨིཏརེ དྭེཔཀཏིཡཱ སཏྟཀྑཏྟུ པརམབྷཱཝེ ཋཏྭཱ ཨུཔརིམགྒཏྠཱཡ ཝིཔསྶནཱ ཀམྨཾ པཊྛཔེནྟི. ཏདཱ ཏེསཾ ཨིནྡྲིཡཱནི པུན ཝིསེས པཏྟཱནི ཧོནྟི, ཏིཀྑཱནི. ཏསྨཱ ཏེ སཏྟཀྑཏྟུ པརམཏོ ཏིཀྑཱནཱམ ཧོནྟཱིཏི. ‘‘སཏྟཝཱརཏོ ཨོརཾ ཝཱ’’ཏི ཨིདཾ ཀོལཾཀོལ ཨེཀབཱིཛིནོ སནྡྷཱཡ ཝུཏྟཾ. ‘‘ཨུཔརི ཏིཎྞཾ མགྒཱནཾ ཝིཔསྶནཱ ནིཡཱམེཏཱི’’ཏི ཨིདཾ ཨུཔརིམེ དྭེསོཏཱཔནྣེ སནྡྷཱཡ ཝུཏྟཾ. སཏྟཀྑཏྟུ པརམོཔན པཐམམགྒེནེཝ ནིཡམིཏོཏི དཊྛབྦཾ. ཏཐཱཧི སོཡེཝ སངྒཧཔཱཋེ སརཱུཔཏོ ཨཱགཏོ སོཏཱཔཏྟི མགྒཾ བྷཱཝེཏྭཱ དིཊྛིཝིཙིཀིཙྪཱཔཧཱནེན པཧཱིནཱཔཱཡགམནོ སཏྟཀྑཏྟུ པརམོ སོཏཱཔནྣོ ནཱམ ཧོཏཱིཏི. ཨིཏརེ པན དྭེ པཱལི༹ཡཾ སོཏཱཔནྣ པུགྒལཝིབྷཱགཊྛཱནེསྭེཝ ཨཱགཏཱཏི. ‘‘ཡེ པནཱ’’ཏི ཡེ སོཏཱཔནྣ པུགྒལཱཔན. གཱཐཱཡཾ ‘‘ཨིཏོསཏྟཱ’’ཏི ཨིམསྨིཾ མནུསྶལོཀེ སཏྟ སཾསརཱནི. ‘‘ཏཏོསཏྟཱ’’ཏི ཏསྨིཾ དེཝལོཀེ ¶ སཏྟཱཏི ཨཏྠོ. ཨངྒུཏྟརཔཱཋེ ‘‘ཏེནཙིཏྟཔྤསཱདེནཱ’’ཏི མཧཱསཧསྶིལོཀདྷཱཏུཾ སརེན ཝིཉྙཱཔེཏུཾ སམཏྠསྶ སཏྠུགུཎེ ཙིཏྟཔྤསཱདོ ཛཱཡཏི. ཏེན ཙིཏྟཔྤསཱདེན. ‘‘ཏེན པརིཡཱཡེནཱ’’ཏི སཙེ སོ དེཝེསུ ཨེཝ སཾསརཏི. སཏྟཀྑཏྟུཾ ཨོཔཔཱཏིཀ པཊིསནྡྷིཡོ གཎྷིཏྭཱ ཏཏྠེཝ པརིནིབྦཱཡིསྶཏི. ཡདི མནུསྶེསུ ཨེཝ སཾསརཏི. སཏྟགབྦྷསེཡྻཀ པཊིསནྡྷིཡོ གཎྷིཏྭཱ ཨེཏྠེཝ པརིནིབྦཱཡིསྶཏི. ཨེཝཾ དེསནཱ ཝཱརེན ཙུདྡས ཀཏྭཱ དེསིཏེན པརིཡཱཡེནཱཏི ཨཏྠོ. ‘‘ཏཾ ཝཱིམཾསིཏབྦཾ’’ཏི ཝདནྟེན ཊཱིཀཱཙརིཡེན སཡཾ ཙུདྡསཔཊིསནྡྷིཡོཝ ཨིཙྪཏཱིཏི དཱིཔེཏི. ཨིདཱནི ཏཾ ཙུདྡསཔཊིསནྡྷིཝཱདཾ པཊིཀྑིཔནྟོ ‘‘ཝིབྷངྒེ པནཱ’’ཏིཨཱདིམཱཧ. ‘‘ཝིབྷངྒེ’’ཏི ཨབྷིདྷམྨེ ཉཱཎཝིབྷངྒེ. ནཏྠི ཋཱནམསྶཱཏི ཨཊྛཱནཾ. ‘‘ཋཱནཾ’’ཏི མཱུལཀཱརཎཾ. ནཏྠི ཨཝཀཱསོ ཨསྶཱཏི ཨནཝཀཱསོ. ‘‘ཨཝཀཱསོ’’ཏི པཙྩཡཀཱརཎཾ. ‘‘ཡཾ’’ཏི ཀྲིཡཱཔརཱམསནཾ. ཡཾ ནིབྦཏྟེཡྻ, ཏཾ ནིབྦཏྟནཾ ཨཊྛཱནཾ. སོ ནིབྦཏྟན དྷམྨོ ཨནཝཀཱསོཏི ཡོཛནཱ. ‘‘ཨབྷིསངྑཱར ཝིཉྙཱཎསྶཱ’’ཏི སཏྟབྷཝཏོ ཨུདྡྷཾ ཀཱམབྷཝེ པཊིསནྡྷིཛནཀསྶ ཀུསལཱ ཀུསལཀམྨ ཝིཉྙཱཎསྶ. ‘‘ནིརོདྷེནཱ’’ཏི སོཏཱཔཏྟི མགྒཀྑཎེ ཨེཝ ནིརོདྷནེན. ནིརུཛ྄ཛྷནྟཱིཏི སམྦནྡྷོ. ‘‘ནཱམཉྩ རཱུཔཉྩཱ’’ཏི ཡེ ནཱམ རཱུཔདྷམྨཱ ཨུཔྤཛྫེཡྻུཾ. ཨེཏེ ནཱམ རཱུཔདྷམྨཱ ཨེཏྠ ཨེཏསྨིཾ ཨབྷིསངྑཱར ཝིཉྙཱཎ ནིརོདྷཀྑཎེ ནིརུཛ྄ཛྷནྟཱིཏི ཡོཛནཱ. ‘‘ཡཐཱཝུཏྟནཡེནེཝཱ’’ཏི ཏེན པརིཡཱཡེནཱཏི ཝུཏྟཔྤཀཱརནཡེནེཝ. ‘‘ཏདེཀཊྛམོཧསྶཱ’’ཏི ཏེན རཱགེན ཏེན དོསེན ཨེཀསྨིཾ ཙིཏྟེ ཨེཀཏོ ཋིཏསྶ མོཧསྶ. ན དིཊྛིཝིཙིཀིཙྪཱ སམྤཡུཏྟསྶ མོཧསྶ. ཏསྶ པཐམམགྒེ ཨེཝ པཧཱིནཏྟཱ. ནཱཔི ཨུདྡྷཙྩཙིཏྟསམྤཡུཏྟསྶ མོཧསྶ. ཏསྶ ཙཏུཏྠམགྒེ ཨེཝ པཧཱཏབྦཏྟཱ. ཨུཔྤཛྫནྟཱ རཱགདོསམོཧཱ. ‘‘དྷམྨིཀེསཱུ’’ཏི དྷམྨེན སམེན ཨུཔྤནྣེསུ. ‘‘ཡཏོ’’ཏི ཡཾཀཱརཎཱ. བལཝནྟཀཱརཎཱཏི ཨཏྠོ. ‘‘ཏེསཾ’’ཏི སོཏཱཔནྣཱནཾ. ‘‘སལླིཁན ཝསེནཱ’’ཏི བཧལཔཀྑཾ ཐཱུལབྷཱགཾ སུཊྛུལིཁནཝསེན. ཨདྷིཙྩུཔྤཏྟི ནཱམ པུབྦེ ཡཐཱཔཝཏྟཾ ཀཱལཾ ཨདྷིཙྩ ཨཏིཀྐམྨ ཨུཔྤཏྟི ¶ . ཨུཔྤཛྫནྟཱནམྤི རཱགདོསམོཧཱནཾ. ‘‘ཏེསཾ པཱི’’ཏི སཀདཱགཱམཱིནམྤི. ‘‘མེཐུནཝཏྠུ སམཱཡོགོ ཨིཙྪིཏོ’’ཏི ཛཱཡམྤཏཱིནཾ མེཐུནཀམྨསམཱཡོགོ ནཱམ སཀདཱགཱམཱིནཾ ཨཏྠཱིཏི ཨིཙྪིཏོ. ཐེརོཧི ཨདྷིཙྩུཔྤཏྟིམཏྟཾ ཨིཙྪཏི. པརིཡུཊྛཱནམནྡཏཾ ན ཨིཙྪཏི. སཀདཱགཱམཱིནཾ པུཏྟདྷཱིཏརོཔི སནྡིསྶནྟཱིཏི ཝདཏི. ‘‘མཧཱཨཊྛཀཐཱཡཾ པཊིཀྑིཏྟོ’’ཏི ཐེརསྶ མནོརཐམཏྟཾཏི ཝཏྭཱ པཊིཀྑིཏྟོ. ཨིདཾ སབྦཾ ཨཊྛསཱལིནིཡཾ ཝུཏྟཾ. ‘‘ཚཀྐནིཔཱཏེ’’ཏི ཨངྒུཏྟརེ ཚཀྐནིཔཱཏེ. ‘‘མིགཱསཱལ༹ཝཏྠུམྷཱི’’ཏི མིགཱསཱལ༹ནཱམིཀཱཡ ཨུཔཱསིཀཱཡ ཝཏྠུམྷི. ཀེཙི ཨིམཾ ཝཏྠུཾ དིསྭཱ མཧཱཨཊྛཀཐཱཝཱདཾ ན རོཙེནྟི. མཧཱསིཝཏྠེརཝཱདཾ རོཙེནྟི. ‘‘ཨབྲཧྨཙཱརིནོ’’ཏི མེཐུན དྷམྨཱ ཨཔྤཊིཝིརཏསྶ. ‘‘སཀདཱགཱམིཏྟཾ བྱཱཀཏཾ’’ཏི ཏསྨིཾ ཀཱལངྐཏེ སོ བྲཱཧྨཎོ ཨིདྷ སཀདཱགཱམིབྷཱཝཾ པཏྭཱ ཏུསིཏཱཀཱཡཾ ཨུཔཔནྣོཏི ཨེཝཾ ཏསྶ ཡཾ སཀདཱགཱམིཏྟཾ བྷགཝཏཱ བྱཱཀཏཾ. ‘‘ཨདྷིགམཝསེནཱ’’ཏི སཀདཱགཱམིབྷཱཝཾ པཊིལཱབྷཝསེན. ན པན ཨབྲཧྨཙཱརིནོ སཏོ ཨདྷིགམཝསེནཱཏི ཨདྷིཔྤཱཡོ. མརཎཱསནྣཀཱལེཔི ཧི སིཀྑཱཔདཱདྷིཊྛཱནེན སཧ ཨུཔརིམགྒཕལཱདྷིགམནཾ ནཱམ ཏིཀྑཔཉྙསྶ ཨརིཡསཱཝཀསྶ ན དུཀྐརནྟི. ཨེཏེན ཀེསཉྩི ཐེརཝཱདརོཙནཾ པཊིཀྑིཏྟཾ ཧོཏི. ‘‘སཀིཾདེཝ ཨིམཾལོཀཾ ཨཱགནྟྭཱ’’ཏི ཨེཏེན ཨིཏོ པརལོཀཾ གམནསྶ ཙ ཏཏོ པུན ཨིདྷཱགམནསྶ ཙ སིདྡྷཏྟཱ ཨཡཾ པུགྒལོ སུདྡྷེན མགྒནིཡཱམེན ཀཱམབྷཝེ དྭིཀྑཏྟུ པརམོནཱམ ཧོཏཱིཏི སིདྡྷོ. ཀཐཾ. ཨིདྷ པཏྭཱ ཏཏྠ ནིབྦཏྟིཏྭཱ ཨིདྷ པརིནིབྦཱཡཱི, ཏཏྠ པཏྭཱ ཨིདྷ ནིབྦཏྟིཏྭཱ ཏཏྠ པརིནིབྦཱཡཱིཏི. སེསཱཔན ཙཏྟཱརོ ཝིཔསྶནཱནིཡཱམེན སིདྡྷཱ ཧོནྟཱིཏི ཝིཉྙཱཡཏི. ཀཏམེ ཙཏྟཱརོ. ཨིདྷ པཏྭཱ ཨིདྷ པརིནིབྦཱཡཱི. ཏཏྠ པཏྭཱ ཏཏྠ པརིནིབྦཱཡཱི. ཨིདྷ པཏྭཱ ཏཏྠ པརིནིབྦཱཡཱི. ཏཏྠ པཏྭཱ ཨིདྷ པརིནིབྦཱཡཱིཏི. ཨེཏྠ ཙ ཏཱིསུ སོཏཱཔནྣེསུ ཨེཀོསཏྟཀྑཏྟུ པརམོ ཨེཝ མགྒནིཡཱམེན སིདྡྷོ. སེསཱ པན དྭེ སོཏཱཔནྣཱ ཝིཔསྶནཱནིཡཱམེན སིདྡྷཱ. ཚ སཀདཱགཱམཱིསུ དྭེ ཨེཝ མགྒནིཡཱམེན སིདྡྷཱ. སེསཱ པན ཙཏྟཱརོ ཝིཔསྶནཱནིཡཱམེན སིདྡྷཱ. ཏཏྠ མགྒསིདྡྷེསུ སོཏཱཔནྣ སཀདཱགཱམཱིསུ ¶ སངྐརོ ནཏྠི. ཝིཔསྶནཱསིདྡྷེསུ པན སངྐརོ ཨཏྠི. ཨཏྠཏོ ཨཝིརུདྡྷེ སཏི, ཝོཧཱརམཏྟེན སངྐརེ དོསོ ནཏྠཱིཏི དཊྛབྦཾ. ཨཱགནྟྭཱཏི པཱཋཝསེན ཨཱགམནཏོཏི ཝུཏྟཾ. ཨཱགནྟཱཏི པན པཱཋོ ཡུཏྟོ. ཨཱགམནསཱིལོ ཨཱགམན དྷམྨོ ཧུཏྭཱ སཀདཱགཱམཱི ནཱམཱཏི ཨཏྠོ. ཨནཱགནྟྭཱ ཨིཏྠཏྟནྟི ཨེཏྠཔི ཨེསེཝནཡོ. ཨརཧཏོ བྷཱཝོ ཨརཧཏྟཾ. ཨརཧཏྟ མགྒཾ. དཀྑིཎཱཡ ཝིཔཏྟིཀརཱནཱམ ཨཔྤཔྥལ ཨཔྤཱནིསཾསཀརཱ. སམྤཏྟིཀརཱ ནཱམ མཧཔྥལ མཧཱནིསཾསཀརཱ. སཱིལཀྑནྡྷཱདིགུཎཱ ནཱམ སཱིལཀྑནྡྷ སམཱདྷིཀྑནྡྷ པཉྙཱཀྑནྡྷ ཝིམུཏྟིཀྑནྡྷ ཝིམུཏྟིཉྙཱཎ དསྶནཀྑནྡྷགུཎཱ. ‘‘དཀྑིཎེཡྻེསཱུ’’ཏི དཀྑིཎཱརཧ པུགྒལེསུ. ‘‘དྷུརཾ’’ཏི པདྷཱནསཱིསཊྛཱནིཡཾ ཝུཙྩཏི. སདྡྷཱ ཨེཝ དྷུརཾ ཨསྶཱཏི སདྡྷཱདྷུརོ. ཨེཝཾ པཉྙཱདྷུརོ. ཀསྨཱ པནེཏྠ ཝཱིརིཡདྷུརོ ན གཧིཏོཏི. པཱལི༹ཡཾ སདྡྷཱཝཱཧཱི མགྒཾ བྷཱཝེཏི, པཉྙཱཝཱཧཱི མགྒཾ བྷཱཝེཏཱིཏི ཝུཏྟཾ. ན པན ཝུཏྟཾ ཝཱིརིཡཝཱཧཱི མགྒཾ བྷཱཝེཏཱིཏི. ཏསྨཱ ན གཧིཏོཏི. ཀསྨཱ པན ཝཱིརིཡཝཱཧཱི མགྒཾ བྷཱཝེཏཱིཏི ན ཝུཏྟནྟི. ཝུཙྩཏེ. མགྒཾ བྷཱཝེནྟསྶ ནཱམ ཨཱདིམྷི དིཊྛིཝིཙིཀིཙྪཱནཾ པཧཱནཱཡ ཀམྨཾ མཧནྟཾ ཧོཏི. ཀསྨཱ, ཨཔཱཡམཱུལཀཏྟཱ. ཏཏྠ སདྡྷཱ ཙ ཝིཙིཀིཙྪཱ ཙ དྭེ ཨུཛུཔྤཊིཔཀྑཱ ཧོནྟི. ཡསྨིཾ ཨཱརམྨཎེ སདྡྷཱ ནིཝིསཏི, ཏསྨིཾ ཝིཙིཀིཙྪཱ ནཏྠི. ཡསྨིཾ ཝིཙིཀིཙྪཱ ནིཝིསཏི, ཏསྨིཾ སདྡྷཱ ནཏྠི. ཏཐཱ པཉྙཱདིཊྛིཡོ ཙ ཨུཛུཔྤཊིཔཀྑཱ. ཡཏྠ པཉྙཱ, ན ཏཏྠ དིཊྛི. ཡཏྠ དིཊྛི, ན ཏཏྠ པཉྙཱཏི. ཨཔི ཙ སདྡྷཱ ཨཏྟནོ ཝིསཡེ དིཊྛིཾ ཝིདྷམཏིཡེཝ. པཉྙཱཡ ཝིཙིཀིཙྪཱཝིདྷམནེ ཝཏྟབྦམེཝ ནཏྠི. ཏསྨཱ ཨཱརདྡྷ ཝིཔསྶཀོ ཨནིཙྩཱདཱིསུ ཨཝེཙྩཔྤསཱདམཏྟེནཔི དིཊྛིཝིཙིཀིཙྪཱཡོ པཛཧིཏྭཱ སདྡྷཱནུསཱརིབྷཱཝཉྩ སུཊྛུཏརཾ པསཱིདིཏྭཱ སདྡྷཱཝིམུཏྟབྷཱཝཉྩ པཱཔུཎཱཏི. པཉྙཱཡ ཨནིཙྩཱདཱིནི ནིཛ྄ཛྷཱནཀྑམཾ ཀཏྭཱ དྷམྨཱནུསཱརིབྷཱཝཉྩ སུཊྛུཏརཾ པསྶིཏྭཱ དིཊྛིཔཏྟཔཉྙཱ ཝིམུཏྟབྷཱཝཉྩ པཱཔུཎཱཏི. ཝཱིརིཡཾ པན དིཊྛིཝིཙིཀིཙྪཱནཾ པཊིཔཀྑམཏྟམྤི ན ཧོཏི. ཨཐ ཁོ ཏཱསཾ སཧཱཡོཔི ཧོཏི, དྷུརབྷཱུཏཉྩ. པགྒཧལཀྑཎཉྷི ཝཱིརིཡཾ. ཏཾ སདྡྷཾཔི པགྒཎྷཱཏི, པཉྙཾཔི པགྒཎྷཱཏི, དིཊྛིཾཔི པགྒཎྷཱཏི, ཝིཙིཀིཙྪམྤི པགྒཎྷཱཏིཡེཝ. ཀུཏོཔན ཨཏྟནོ སབྷཱཝེན དིཊྛིཝིཙིཀིཙྪཱཡོ ¶ པཛཧིཏུཾ སཀྑིསྶཏི. ཏསྨཱ ཨིམསྨིཾ ཋཱནེ ཝཱིརིཡཝཱཧཱིཏི ཙ ཝཱིརིཡདྷུརོཏི ཙ ན ཝུཏྟོཏི. ཀཱཡསཀྑིམྷི པན སདྡྷཱ ཙ པཉྙཱ ཙ སམབལཱ ཧོནྟི. ཝཱིརིཡཉྩ སཡཾ སམྨཔྤདྷཱནཊྛཱནེ ཋཏྭཱ ཏདུབྷཡཾ ཨུཔབྲཱུཧེཏི. སོ ཙ པུགྒལོ ཏདུབྷཡབལེན དིཊྛིཝིཙིཀིཙྪཱདཡོ པཛཧིཏྭཱ ཀཱཡསཀྑིབྷཱཝཾ པཱཔུཎཱཏི. ཨཊྛཝིམོཀྑེ ཝཱ ཨུཔྤཱདེཏྭཱ ཨུབྷཏོབྷཱག ཝིམུཏྟབྷཱཝཾ པཱཔུཎཱཏི. ཨིམེསུ པན དྭཱིསུ པུགྒལེསུ ཝཱིརིཡསྶ ཐཱམོ སུཊྛུ པཱཀཊོ. ཏསྨཱ ཨིམེ དྭེ ཝཱིརིཡཱདྷིཀཱཏྭེཝ ཝཏྟབྦཱ. ན ཝཱིརིཡདྷུརོཏི. ཙཏུཔྤཊིཔདཱ ནཱམ དུཀྑཱཔཊིཔདཱ དནྡྷཱབྷིཉྙཱ. དུཀྑཱཔཊིཔདཱ ཁིཔྤཱབྷིཉྙཱ. སུཁཱཔཊིཔདཱ དནྡྷཱབྷིཉྙཱ. སུཁཱཔཊིཔདཱ ཁིཔྤཱབྷིཉྙཱ. ཏིཝིདྷཝིམོཀྑོ ནཱམ སུཉྙཏོ ཝིམོཀྑོ. ཨནིམིཏྟོ ཝིམོཀྑོ. ཨཔྤཎིཧིཏོ ཝིམོཀྑོ. ‘‘ཏཡོ ཨནྟརཱ པརིནིབྦཱཡིནོ’’ཏི ཨེཏྠ ཨཱཡུཀཔྤསྶ པརིཡནྟཾ ཨཔཏྭཱ ཨནྟརཱ ཨེཝ ཀིལེསཔརིནིབྦཱནཔཏྟཱ ཨནྟརཱཔརིནིབྦཱཡཱི ནཱམ. སོ ཏིཝིདྷོ. ཨཱཡུཀཔྤསྶ པཐམབྷཱགེ པརིནིབྦཱཡཱི, དུཏཱིཡབྷཱགེ, ཏཏཱིཡབྷཱགེཏི. ཨིམེ ཏཡོ ཨནྟརཱ པརིནིབྦཱཡིནོ ནཱམ. ཨུཔཧཙྩཔརིནིབྦཱཡཱི ནཱམ ཨཱཡུཀཔྤ པརིཡནྟེ པརིནིབྦཱཡཱི. ཨུདྡྷཾ མུཁོ ཝཊྚསོཏོ ཨེཏསྶཱཏི ཨུདྡྷཾསོཏོ. ཨཀནིཊྛཾ ཨཝསྶཾ གམིསྶཏཱིཏི ཨཀནིཊྛགཱམཱི. ཝིཔསྶནཱ ཀམྨཾ སསངྑཱརཾ སཔྤཡོགཾ ཀཏྭཱ པརིནིབྦཱཡཱི སསངྑཱར པརིནིབྦཱཡཱི. སངྑཱརརཧིཏེན སུཁེན ཝིཔསྶནཱ ཀམྨེན པརིནིབྦཱཡཱི ཨསངྑཱར པརིནིབྦཱཡཱི. ‘‘དྭཱདས སོཏཱཔནྣཱ’’ཏི ཨེཀབཱིཛིཀཱ ཏཡོ. ཏེ ཨེཝ ཙཏཱུཧི པཊིཔདཱཧི གུཎིཏཱ དྭཱདས. དྭཱདས སཀདཱགཱམིནོ པུབྦེ ཝུཏྟནཡཱ ཨེཝ.

ཨེཀཙྩཱནཾ ཨེཝ ཨནཱགཱམི ཨརཧནྟཱནཾ ཨེཝ. ‘‘ཨཛ྄ཛྷོསིཏསྶཱ’’ཏི ཨདྷིཨོསིཏསྶ. མམེཝིདནྟི ནིཊྛཱནཾ ཀཏྭཱ ཋཔིཏསྶ. གིལིཏྭཱ ཋཔིཏསྶཱཏི ཝུཏྟཾ ཧོཏི. བཧལེན ཐཱུལེན ཀཱམརཱགེན ཝིམུཏྟཱ བཧལརཱགཝིམུཏྟཱ. ཨཱརུཔྤེསུ ཙ ཏསྶོ ཨརཱུཔསམཱཔཏྟིཡོ ཨེཝ ཨཏྠི. ན ཙཏསྶོ རཱུཔསམཱཔཏྟིཡོ. ཏསྨཱ ཏཏྠ ཨནུཔུབྦནིརོདྷོ ན ལབྦྷཏི. ‘‘ཨཱདིཏོ པཊྛཱཡཱ’’ཏི ཨཊྛསུ སམཱཔཏྟཱིསུ པཐམཛ྄ཛྷཱན སམཱཔཏྟིཨཱདི. ཏཏོ པཊྛཱཡ. ཨནུཔུབྦནིརོདྷོ ནཱམ ¶ པཐམཛ྄ཛྷཱནེ པཊིགྷསཉྙཱནཱནཏྟསཉྙཱནཾ ནིརོདྷོ. པཊིགྷསཉྙཱ ནཱམ པཉྩཝིཉྙཱཎསཉྙཱ. ནཱནཏྟསཉྙཱ ནཱམ ཀསིཎ ནིམིཏྟཏོ ཨཉྙེསུ ནཱནཱརམྨཎེསུ པཝཏྟམནོཝིཉྙཱཎ སཉྙཱ. དུཏཱིཡཛ྄ཛྷཱནེ ཝིཏཀྐ ཝིཙཱརཱནཾ ནིརོདྷོཏིཨཱདིནཱ ཨནུཔུབྦ ནིརོདྷོ. ‘‘ཏཏོ པཉྩམཛ྄ཛྷཱནཾ’’ཏི པཉྩཀནཡེན ཝུཏྟཾ. ཨཊྛསམཱཔཏྟི ཝཙནཾ པན ཙཏུཀྐནཡེན ཝུཏྟཾ. ཏདུབྷཡཾཔི པུགྒལཱནུརཱུཔཾ ལབྦྷཏིཡེཝ. ཡུགནནྡྷཾ ནཱམ དྭནྡབནྡྷནཾ, སམཐཝིཔསྶནཱནཾ ཡུགནནྡྷནྟི ཝིགྒཧོ. ‘‘སམཱཔཛྫན ཝུཊྛཱན ཝིཔསྶནཱཝསེནཱ’’ཏི ཨེཏྠ ཝསིབྷཱཝཔཏྟཾ སམཱཔཛྫནཉྩ ཝུཊྛཱནཉྩ གཧེཏབྦཾ. ཨཏྟནོ སརཱིརཱ བདྡྷེསུ པརིཀྑཱརེསུ སམཱཔཏྟིབལེནེཝ ཨནྟརཱཡཱབྷཱཝཏོ ཝིསུཾ ཨདྷིཊྛཱཏབྦ ཀིཙྩཾ ནཏྠཱིཏི ཝུཏྟཾ ‘‘ཨཏྟནོ སརཱིརཱབདྡྷེ པརིཀྑཱརེ ཋཔེཏྭཱ’’ཏི. ‘‘ནཱནཱབདྡྷཱནཱི’’ཏི ནཱནཱཋཱནེཧི ཨཱབདྡྷཱནི. ནཱནཱཋཱནེསུ ཋཔིཏཱནཱིཏི ཝུཏྟཾ ཧོཏི. ‘‘པརིསྶཡེནཱ’’ཏི ཨནྟརཱཡེན. མཱཝིནསྶནྟཱུཏི ཝཱ ནཱནཱབདྡྷ ཨཝིཀོཔནཾ ཨདྷིཊྛཱཏབྦཾ. ཏདཱ ཝུཊྛཧཱམཱིཏིཝཱ སངྒྷཔྤཏིམཱནནཾ ཨདྷིཊྛཱཏབྦཾ. ཨེཝཾ སཏྠུཔཀྐོསནཾཔི. ‘‘ཨདྡྷཱནཔརིཙྪེདོ’’ཏི ཨཏྟནོ ཛཱིཝིཏཀཱལསྶ ཨུཔཔརིཀྑཎཾ. མརཎཉྷི ནཱམ སམཱཔཏྟིབལེནཔི པཊིབཱཧིཏུཾ ན སཀྐཱཧོཏི. ཨནྟོ སམཱཔཏྟིཡཉྩ མརཎེ སཏི སབྲཧྨཙཱརཱིསུ ཀཏྟབྦཝཏྟཾ ན ཀརེཡྻ. ཨེཏཉྷི ཝཏྟཾ ཡཾ ཨརིཡསཱཝཀཱནཾ མརཎཱསནྣེ སབྲཧྨཙཱརཱིནཾ ཝཱ ཨུཔཊྛཱཀཱནཾ ཝཱ ཨཔྤམཱདཀཐཱནུ སཱསནིཀམྨཾ. སམཱཔཏྟིཡཾ ཝཱ ཨཉྙཏིཏྠིཡཱནཾ གརཧཱ ཝིཝཛྫནཏྠཾ. ཨེཝཉྷི ཏེ གརཧེཡྻུཾ. གོཏམསཱཝཀཱནཾ ནིརོདྷསམཱཔཏྟི ནཱམ ཨེཀཾ མརཎམུཁཾ. ཡཾ སམཱཔཛྫནྟོ ཨསུཀོ བྷིཀྑུ མརཎཾ གཙྪཏི. ཨནརིཡ ཀམྨཾ ཧེཏནྟི.

‘‘ཡདཏྠཾ’’ཏི པཊིཔཏྟི རསསྶཱདཏྠཾ. ‘‘ཏདཏྠེ’’ཏི ཏསྨིཾ ཨཏྠེ. ནིརཱམིས སུཁཾ ནཱམ ཨཱམིསརཧིཏ སུཁཾ. དུཝིདྷཉྷི སུཁཾ སཱམིསསུཁཉྩ ནིརཱམིསསུཁཉྩ. ཏཏྠ ཡེ ལོཀེ ཨིཊྛ ཀནྟ མནཱཔིཡཱ པཉྩཀཱམགུཎཱ ནཱམ ཨཏྠི. ཏེ ཀིལེསེཧི ཨཱམསིཏབྦཏྟཱ ཨཱམིསཱ ནཱམ. ཡཉྩསུཁཾ ཏེ ཨཱམིསེ པཊིཙྩ ཨུཔྤཛྫཏི, ཏཾ སཱམིསསུཁཾ ནཱམ. ཡཾ ལོཀེ དིབྦཾ སུཁཾ མཱནུསཀཾ སུཁནྟི མམཱཡནྟི. ཡཉྩ ཨནུབྷཝནྟཾ ¶ མཧཱཛནཾ སབྦཱནི ཨཔཱཡབྷཡ ཝཊྚབྷཡཱནི སམྤརིཝཱརེནྟི. ཛྷཱནསུཁ མགྒསུཁ ཕལསུཁ ནིབྦཱནསུཁཾ པན ནིརཱམིསསུཁཾ ནཱམ. ཡཾ ནེཀྑམྨསུཁནྟི ཙ པཝིཝེཀསུཁནྟི ཙ ཨུཔསམསུཁནྟི ཙ སམྦོདྷིསུཁནྟི ཙ ཝིམུཏྟིསུཁནྟི ཙ ཨརིཡསུཁནྟི ཙ ཨནཝཛྫསུཁནྟི ཙ ཝུཙྩཏི. ཡཉྩ ཨནུབྷཝནྟཾ ཨརིཡཛནཾ སབྦཱནི ཨཔཱཡབྷཡ ཝཊྚབྷཡཱནི སམྤརིཝཛྫནྟི. ‘‘ཨསྶཱདིཏབྦཊྛེནཱ’’ཏི ཀིལེསཔལིབོདྷེཧི ཝིམུཏྟཏྟཱ ཝིཔུལ གམྦྷཱིར སནྟ པཎཱིཏརསཏྟཱ ཙ ཨཧོསུཁཾ ཨཧོསུཁནྟི ཨུདཱཧརནྟེནཔི ཨསྶཱདིཏབྦཊྛེནཱཏི.

ཀམྨཊྛཱནསངྒཧཱནུདཱིཔནཱ ནིཊྛིཏཱ.

ནིགམགཱཐཱསུ.

༢༦༢. ཙརིཏབྦནྟི ཙཱརིཏྟཾ. དསཀུསལཀམྨཔཐདྷམྨཛཱཏཾ. ‘‘ཀུལཱཙཱརེནཱ’’ཏི ཀུལཔརམྤརཏོ ཨཱགཏེན ཨཱཙཱརེན. ‘‘ཉཱཏི མིཏྟ དྷན བྷོགསམྤཏྟིཡཱ’’ཏི ཧེཏུཨཏྠེ ཀརཎཝཙནཾ. ‘‘ཝིསཱལེ’’ཏི ཝིཔུལེ. ‘‘ཏེནཱ’’ཏི ཏསྶཔདསྶ ཝིབྷཏྱནྟ དསྶནཾ. ‘‘སདྡྷཱཡཱ’’ཏི རཏནཏྟཡེ ཨཝེཙྩཔྤསཱདསདྡྷཱཝསེན. ‘‘ཨབྷིཝུཌྜྷཱནཾ’’ཏི ཧཱནབྷཱགིཡ ཋིཏིབྷཱགིཡབྷཱཝཾ ཨཏིཀྐམྨཝིསེསབྷཱགིཡ ནིབྦེདྷབྷཱགིཡ བྷཱཝཔཏྟིཝསེན ཨཏིསྶཡ ཝུཌྜྷཱནཾ. ‘‘པརིསུདྡྷཱནཉྩཱ’’ཏི ཨཏྟུཀྐཾསན པརཝམྦྷནཱདི དོསེཧི པརིསུདྡྷཱནཉྩ. ནཾ ནཾ ཛནཾ པཱཏིརཀྑཏཱིཏི ནམྤོ. དིཊྛདིཊྛེསུ མེཏྟཱཝིཧཱརཱིཏི ཝུཏྟཾ ཧོཏི. ཨཱཝ྄ཧཱཏབྦོཏི ཨཝ྄ཧཡོ. ནཱམཾ. ནམྤོ ཨིཏི ཨཝ྄ཧཡོ ཨསྶཱཏི ནམྤཝ྄ཧཡོཏི ཝཙནཏྠོ. ‘‘པཎིདྷཱཡཱ’’ཏི པཏྠེཏྭཱཏི ཨཏྠཾ ནིཝཏྟེཏི ‘‘བྷུསཾ ནིདྷཱཡཱ’’ཏིཨཱདིནཱ. ‘‘ཨུཔཱདཱཡ པཊིཙྩཱ’’ཏི ཏསྶ པདསྶ པརིཡཱཡདསྶནམེཏཾ. ‘‘ཨཏྟནོ མནྡབུདྡྷཱིནཾ’’ཏི པཙྩཀྑེ དྷརམཱནཱནནྟི ཨདྷིཔྤཱཡོ. ཏེནཱཧ ‘‘པཙྪིམ ཛནཱནཾ ཝཱ’’ཏི. ཨནུཀམྤནཾ ཨནུཀམྤོ. ཀཐཾ ནུ ཁོ ཨིམེ ཛནཱ ཨབྷིདྷམྨཏྠེསུ སུཁེན ཨཱཛཱནེཡྻུནྟི ཨེཝཾ པཝཏྟོ ཙིཏྟབྱཱཔཱརོ. ཨཏྠཏོ ཨནུདཡསངྑཱཏཱ ཀརུཎཱཡེཝ. ཏེནཱཧ ‘‘ཨནུདཡཾ ¶ ཀཱརུཉྙཾ’’ཏི. ‘‘པཏྠིཏཾ’’ཏི ཝཱ སཱདྷུཝཏསྶ ཡཾ ཐེརོ ཨེཝརཱུཔཾ པཀརཎཾ ཀརེཡྻཱཏི ཨེཝཾ ཙིརཀཱལཾ པཏྠིཏཾ ཨཱསིཾསིཏནྟི ཨཏྠོ. ‘‘ཁུདྡསིཀྑཱཊཱིཀཱཡཾ’’ཏི པོརཱཎཊཱིཀཾ སནྡྷཱཡ ཝུཏྟཾ. སོམཝིཧཱརོཏྭེཝ པཉྙཱཡིཏྠ ཏསྨིཾ དཱིཔེཏི ཨདྷིཔྤཱཡོ. གཱཐཱཡཾ ‘‘ཨཐཱ’’ཏི ཏསྨིཾཀཱལེ. ‘‘ཨེཏྠཱ’’ཏི ཨེཏསྨིཾ ནགརེ. ‘‘སདྡོ’’ཏི ཀསྨཱ རཱཛཱ ཨེཝརཱུཔཾ མངྒལཧཏྠིཾ བྲཱཧྨཎཱནཾ ཨདཱསི. ནེཏཾ པཏིརཱུཔཾ ཡཾ རཉྙཱ ཀཏནྟི ཨེཝཾ པཝཏྟོ ཨམནཱཔསདྡོ. ‘‘བྷེརཝོ’’ཏི བྷཱིརུཏཱཛནཀོ བྷཡཱནཀོ. ‘‘སིཝཱིནཾ’’ཏི སིཝིརཊྛཝཱསཱིནཾ. ‘‘རཊྛཝཌྜྷནེ’’ཏི རཊྛཾ ཝཌྜྷེཏཱིཏི རཊྛཝཌྜྷནོ. ཧཏྠིནཱགོ. སོ ཧི ལཀྑཎསམྤནྣོ ཨཱཛཱནིཡོ ཧོཏི. ཡསྨིཾ རཊྛེ ཏཾ ཨབྷིམངྒལཾ ཀརོནྟི, ཏསྨིཾ རཊྛེ དེཝོ སམྨཱ ཝསྶཏི, ནཱནཱབྷཡུཔདྡཝཱ ཏསྨིཾ ནུཔྤཛྫནྟཱིཏི ལོཀསམྨཏོ མངྒལཧཏྠཱི ཧོཏི. ཏེན ཝུཏྟཾ ‘‘སིཝཱིནཾ རཊྛཝཌྜྷནེ’’ཏི. ‘‘ཝིཏྠིཎྞོ’’ཏི ཝིཏྠཱརིཏོ. ཨཏིཝིཏྠཱརོཏི ཝུཏྟཾ ཧོཏི. དྷནཱིཡནྟི མཧཱཛནེཧི དཊྛུཾ པཏྠཱིཡནྟཱིཏི དྷཉྙཱ. མཧིདྡྷིཀཱ. ཨདྷིཝསནྟི ཨེཏྠཱཏི ཨདྷིཝཱསོ. དྷཉྙཱནཾ ཨདྷིཝཱསོཏི སམཱསོ. ཨཛ྄ཛྷཱཝསིཾསུ ཨེཏྠཱཏི ཨཛ྄ཛྷཱཝུཏྠཾ. ཀིཏྟིགུཎཝསེན ཨུདེནྟི ཨུགྒཙྪནྟཱིཏི ཨུདིཏཱ. ཨུདིཏཱནཾཔི ཨུདིཏོཏི ཝིགྒཧོ. ཏེནཱཧ ‘‘ནབྷམཛ྄ཛྷེ’’ཏིཨཱདིཾ. སཱརཛྫནཾ སཱརདོ. ཝིགཏོ སཱརདོ ཡསྶཱཏི ཝིསཱརདོ. ཝིསཱརདསྶ བྷཱཝོ ཝེསཱརཛྫཾ. པརིཡཏྟིཡཾ ཝེསཱརཛྫཾ པརིཡཏྟིཝེསཱརཛྫཾ. ཏེཔིཊཀཔརིཡཏྟིཡཾ ཝེཡྻཏྟིཡཉྙཱཎཾ. ཏཾ ཨཱདི ཨེཏིསྶཱ པཉྙཱཡཱཏི པརིཡཏྟིཝེསཱརཛྫཱདི པཉྙཱ. པཱཔཏོ ལཛྫནསཱིལཱཏི ལཛྫིནོཏི ཨཱཧ ‘‘པཱཔགརཧིནོ’’ཏི. པཱཔཾ དྷམྨཾ གརཧནྟིཨཱདཱིནཝཾ ཀཐཡནྟི སཱིལེནཱཏི པཱཔགརཧིནོ. ‘‘ཨནུསྶརནྟཱུ’’ཏི པུནཔྤུནཾ སརནྟུ. ཝིསེསེན བྷཝནྟི ཝེཔུལླཾ གཙྪནྟཱིཏི ཝིབྷཝཱ. པུཉྙཱནི ཙ ཏཱནི ཝིབྷཝཱཙཱཏི པུཉྙཝིབྷཝཱ. ཝིཔུལཔུཉྙཱནཱིཏི དསྶེཏུཾ ‘‘ཝིཔུལཱནཾ’’ཏིཨཱདིམཱཧ. ཨནུཏྟརིཡ དྷམྨཱ ནཱམ དསྶནཱནུཏྟརིཡ སཝནཱནུཏྟརིཡཱདཡོ. ལོཀེ བཧཱུསུ དསྶནེསུ ཨིཏོ ཨུཏྟརཾ ཨཉྙཾ དསྶནཾ ནཱམ ནཏྠཱིཏི དསྶནཱནུཏྟརིཡཾ. རཏནཏྟཡདསྶནཾ. ཙཏུསཙྩདསྶནཉྩ. རཏནཏྟཡགུཎཀཐཱསཝནཾ ¶ , ཁནྡྷཱཡཏན དྷཱཏུ སཙྩཔཊིཙྩསམུཔྤཱདཀཐཱསཝནཉྩ སཝནཱནུཏྟརིཡཾ ནཱམ. ཏེསུ རཏནཏྟཡཱདཱིསུ སདྡྷཱ པཊིལཱབྷོ ལཱབྷཱནུཏྟརིཡཾ ནཱམ. ཏེསམེཝ པུནཔྤུནཾ སརཎཾ ཨནུསྶཏཱནུཏྟརིཡཾ ནཱམ. རཏནཏྟཡེ ཙཏཱུཧི པཙྩཡེཧི ཝཱ ཝཏྟཔྤཊིཝཏྟཀརཎེན ཝཱ པརིཙརཎཾ པཱརིཙརིཡཱནུཏྟརིཡཾ ནཱམ. བུདྡྷཔཉྙཏྟཱསུ ཏཱིསུ སིཀྑཱསུ སམཱདཱཡ སིཀྑནཾ སིཀྑཱནུཏྟརིཡཾ ནཱམ. ཏཱདིསེ པཉྙཱཝདཱཏགུཎསོབྷཱདིཀེ གུཎེ ཨཝསྶཾ བྷཛནྟི པཱཔུཎནྟཱིཏི ཏཱདིསགུཎབྷཱགིནོ. ‘‘བྷཝིསྶཱམཱ’’ཏི བྷཝིཏུཾ ཨུསྶཱཧཾ ཀརིསྶཱམཱཏི ཝུཏྟཾ ཧོཏི.

དཱིཔནིཡཱ ནིགམགཱཐཱསུ.

‘‘བསྷྱུསུཉྙཙམྨེཀམྷཱི’’ཏི ཨེཏྠ ‘‘བསྷྱཱུ’’ཏི ཨཊྛསངྑྱཱཡ སངྐེཏ ཝཙནཾ. ‘‘ཙམྨཾ’’ཏི དྭིསངྑྱཱཡ. ཨེཀཉྩ དུཀཉྩ སུཉྙཉྩ ཨཊྛཙཱཏི གཎནཀྐམོ. སཧསྶ དྭིསཏ ཨཊྛསངྑཱཏེ སཱཀེཏི ཨཏྠོ. ཨེསནཡོ པརཏོ ‘‘ནཝཔཉྩ ཙམྨེཀམྷཱི’’ཏི པདེཔི. གཱཐཱཝཎྞནཱསུ. ནགརཏི ན ཙཝཏཱིཏི ནགརཾ. ཐཱཝརིཡནྟི ཝུཏྟཾ ཧོཏི. ‘‘རཉྫེཏཱི’’ཏི རམེཏི. ཁེམསུབྷིཀྑཏཱདིགུཎེཧི ཨནཱགཏེ ཛནེ གམཱཔེཏི, ཨཱགཏེ ཨཉྙཏྠ གནྟུཾ ན དེཏཱིཏི ཝུཏྟཾ ཧོཏི. རོཧིཏམིགཱ ནཱམ སུཝཎྞཝཎྞམིགཱ. ‘‘སཱཀེ’’ཏི སཱཀནཱམེན རཉྙཱ པུན སངྑཏཏྟཱ ཨིམཾ ཀལིཡུགཾ སཱཀནྟི ཝུཙྩཏི. ཡཾ ཨེཏརཧི སཱཀྲརཱཛནྟིཔི ཝོཧརནྟི. སཱཀརཱཛཱ ཙ ནཱམ ཨུཏྟརཱཔཐེསུ ཨེཀོ གནྡྷཱརརཱཛཱ. ཡཾ ཛེཊྛཀཾ ཀཏྭཱ བྷིནྣལདྡྷིཀཱ ཝཛྫཱིབྷིཀྑཱུ ཨིམཾ དྷམྨ ཝིནཡཾ མཧཱསངྒྷཱིཀཾ ནཱམ སངྒཧཾ ཨཱརོཔེནྟི. སོ ཙ དྷམྨཝིནཡསངྒཧོ ཨུཏྟརཱཔཐེསུ ཝཏྟཏི. ཝེསཱལིཡཾ ཡསཏྠེར སངྒཧོ པན དཀྑིཎཱཔཐེསཱུཏི. ཙཏྟཱརིཡུགཱནི ནཱམ ལོཀེ པཉྙཔེནྟི སཏྱཡུགཾ, དྭཱཔརཡུགཾ, ཏེཏྲཡུགཾ, ཀལིཡུག,ནྟི. ཡུགནྟི ཙ ཨཱཡུཔརིམཱཎཾ ཝུཙྩཏི. ཨིདཱནིཔན ཀལིཡུགཾ ཝཏྟཏི. ཏེན ཝུཏྟཾ ‘‘སཱཀེཏི ཀལིཡུགེ’’ཏི. པཱཔཡུགེཏི ཨཏྠོ. ‘‘ལ ཏཱི’’ཏི སཱལིཀྑེཏྟཱནཾ སོདྷནཊྛཱནཏྟཱ ཨེཝཾ མྲམྨདེསཝོཧཱརེན ལདྡྷནཱམཾ ¶ ཨརཉྙཾ. ཏཾ པན མུཾརྭཱནགརསྶ ཨེསནྣེ པཉྩདྷནུསཏིཀེ པདེསེ ཛཱཏཾ. ‘‘ཝིསྶུཏེ’’ཏི ཝིསེསེན ཀིཏྟིཏེ. སཱརཉྩ ཨསཱརཉྩ ཝིཝེཙེནྟི ཝིཙཱརེཏྭཱ ཛཱནནྟིསཱིལེནཱཏི སཱརཱསཱར ཝིཝེཀིནོཏི ཝཙནཏྠོཏི.

ཨིཏི པརམཏྠདཱིཔནིཡཱ ཨནུདཱིཔནཱ ནིཊྛིཏཱ.

༡. པརམཏྠདཱིཔནཱི ནཱམ, ཡེན ཐེརེན སཱ ཀཏཱ.

ཏེནེཝེ སཱ ཀཏཱ ཧོཏི, ཨཡཾ ཏསྶཱནུ དཱིཔནཱི.

༢. ཨཊྛསཏྟདྭཡེཀམྷི, སཱཀེ སཱ ཛེཊྛམཱསཀེ.

ཀཱལེ༹ ནཝམིཡཾ དིཝཱ, མཛ྄ཛྷནྷིཀེ ནིཊྛཾ གཏཱ.

ཨནུདཱིཔནཱི ནིཊྛིཏཱ.