📜

ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ

ལཀྑཎཱཏོ

བུདྡྷཐོམནཱགཱཐཱ

༡.

བྷཝཱབྷཝེསུ ¶ ནེཀེསུ,

པཱུརེསི ཏིཾསཔཱརམཱི;

ཙརིཡཱཡོཙ སམྦུདྡྷོ,

པརིཙྩཱགེཛཧཾསདཱ.

༢.

ཝེསྶནྟརཏྟབྷཱཝམྷི ¶ ,

ཋིཏོམདྡིཾ པིསོཨདཱ;

ནིཛཾཀཎྷཱཛིནཾཛཱལིཾ,

ཝིཡཾཝངྐཏཔབྦཏེ.

༣.

ཏཏོཙཝིཏྭཱཏུསིཏེ,

པུརེཨུཔྤཛྫིཔུཉྙཝཱ;

རཱུཔཱདིདསཋཱནེཧི ¶ ,

ཨཉྙེདེཝེཨཏིཀྐམི.

༤.

ཙཀྐཝཱལ༹སཧསྶེཧི,

དསཧཱགམྨསབྦསོ;

ཡཱཙིཏོདེཝབྲཧྨཱུཧི,

བུདྡྷབྷཱཝམནོནཏོ.

༥.

ཝིལོཀནཱནིསོཔཉྩ ¶ ,

ཝིལོཀེཏྭཱསིརིནྡྷརོ;

ཏཏོཙཝིཏྭཱམཱཡཱཡ,

ཨུཔྤཛྫིསཱཀིཡེཀུལེ.

༦.

ཝིསཱཁཔུཎྞམེསེཊྛེ ¶ ,

ཝིཛཱཡིལུམྦིནཱིཝནེ;

སཱིཧནཱདཾཔནཱདེནྟོ,

སཏྟཔཱདཾགཏོཏདཱ.

༨.

ཝིརོཙིཾསུཏདཱཀཱསེ ¶ ,

ཏཱརོཙནྡདིཝཱཀརཱ;

རཏནཱནིཙབྷཱུམཊྛཱ,

ནཱནཱཔུཔྥཱཙཔུཔྥརེ.

༨.

སཱིཏཱཡནྟི ཨཝཱིཙགྒཱི ¶ ,

ཁུཔྤིཔཱསཱཙསོཧིཏཱ;

ལོཀནྟརེམཧཱཔབྷཱ,

ཨནྡྷཱཔསྶནྟིཏཱཝདེ.

༩.

ཨགྷཊྚིཏཱཝཱདིཏཱནི ¶ ,

ཏཱུརིཡཱནིཙཨམྦརེ;

མདྷུརེནཔནཱདིཾསུ,

ཡསཾསརེནཏཱཝདེ.

༡༠.

ཐུཏིགཱིཏཱནིགཱཡནྟཱ,

དེཝཱཙཀམལཱསནཱ;

སམྨོདེནྟཱཝཨཊྛཾསུ ¶ ,

བུདྡྷངྐུརསྶསནྟིཀེ.

༡༡.

ཀུམཱརོཙཱརུདྷཱཏཱིཧི,

ཏོསིཏཱརཱཛམནྡིརེ;

ཝུདྡྷོསིསུསུཁཾཁེམཾ,

སཀྱཀཉྙཱནམནྟརེ.

༡༢.

སོལ༹སཝསྶིཀོསཀྱ ¶ ,

ནནྡནོཔིཏརཱསཏཱ;

རཱཛཏྟེཨབྷིསིཏྟོསི,

མོདེསིཏུཝནཏྟཡེ.

༡༣.

ནནྡནཱནཾསོཝཎྞ ¶ ,

ཝཎྞསོབྷཾཡསོདྷརཾ;

སོཀཱརེསིམཧེསིཏྟཾ,

ལོཀནེཏྟརསཱཡནཾ.

༡༤.

ཨེཀཱུནཏིཾསམེཝསྶེ,

ཝིསཱཁཔུཎྞམེཝརེ;

སཧསེནཱཡཨུཡྻཱསི,

ཡཱནེནུཡྻཱནམཎྜལཾ.

༡༥.

ནིམིཏྟེཙཏུརོདིསྭཱ ¶ ,

པུཏྟསྶཙཝིཛཱཡནཾ;

སུཏྭཱཨུབྦིགྒཙིཏྟེན,

ནརམིཏྠཔུརེཏཧིཾ.

༡༦.

པཙྩཱགམྨཔུརཾཏམྷཱ ¶ ,

པཏྟོཔཱསཱདམཎྜལཾ;

ནིཔྤཛྫིདེཝརཱཛཱཝ,

སཡནེསོམཧཱརཧེ.

༡༧.

སུནྡརཱིཏཾཔུརཀྑིཏྭཱ ¶ ,

ནཙྩགཱིཏེནཏོསཡུཾ;

ཨེཝཾཔིསོནརམིཏྭཱ,

ཨཱཧུནིཀྑམམཱནསོ.

༡༨.

པཐམཾརཱཧུལཾཔུཏྟཾ,

པསྶིཏྭཱནིཀྑམཱམཧཾ;

ཨིཏིཙིནྟིཡམཱནེསོ,

ཨགཱཛཱཡཱནིཝེསནཾ;

༡༩.

ཐཔེཏྭཱཔཱདདུམྨཱརེ ¶ ,

གཱིཝམནྟོཔཝེསཡཾ;

ཨོལོཀཡཾསཔསྶིཏྠ,

ནིཔྤནྣཾཏཾསམཱཏརཾ.

༢༠.

གཎྷེཡྻཾཏཾཨཔནེཏྭཱ ¶ ,

བཱཧུཾཙེདེཝིཡཱཨཧཾ;

ནདདེནིཀྑམོཀཱསཾ,

པབུཛ྄ཛྷིཏྭཱཡསོདྷརཱ.

༢༡.

བུདྡྷཔཏྟོཝཔསྶེཡྻཾ,

རཱཧུལཾཨིཏིཙིནྟིཡ;

ཀཎྜཀཾཨཱརུཧིཏྭཱན,

ཏམྷཱཚནྣེནནིཀྑམི.

༢༢.

དྭཱརཱསཡཱཝིཝརིཾསུ ¶ ,

དེཝཏཱདྭཱརམཎྜལཾ;

རཏནུཀྐཱསཧསྶཱནི,

ཛཱལཡིཾསུམརཱུཏཧིཾ.

༢༣.

མཱནིཀྑམསྶུསིདྡྷཏྠ,

ཨིཏོཏྭཾསཏྟམེདིནེ;

བྷཝིསྶསེཙཀྐཝཏྟཱི ¶ ,

ཨིཏིནཱིཝཱརིཔཱཔིམཱ.

༢༤.

ཏགྒྷཛཱནཱམིཏཾམཱར,

ཨིདྷམཱཏིཊྛཔཀྐམ;

ཨིཏིམཱརཾ པལཱཔེཏྭཱ,

ཝིསྶཊྛོསོཨབྷིཀྐམི.

༢༥.

པཏྭཱནོམནདཱིཏཱིརཾ ¶ ,

པུནཱགམེསིཏུརགཾ;

ཚནྣཉྩནགརཾ བིམྦཱ;

དེཝིལཱཔཊིཝེདིཏུཾ.

༢༦.

བནྡྷིཏཾཡསོདྷརཱཡ,

མོལི༹ཾསུགནྡྷཝཱསིཏཾ;

ཚེཏྭཱཁགྒེནཏིཎྷེན,

ཨུཀྑིཔིཏྠཏམམྦརེ.

༢༧.

ཨཊྛསེཊྛཔརིཀྑཱརེ ¶ ,

དྷཱརེཏྭཱབྲཧྨུནཱབྷཏེ;

ཧིཏྭཱརཱཛཱརཧཾདུསྶཾ,

སམཎཏྠམུཔཱགམི.

༢༨.

ཀརོནྟོདུཀྐརཾཀམྨཾ ¶ ,

ཚབྦསྶཱནིཔརཀྐམོ;

ཨོལཱ༹རིཀནྣཔཱནེཧི;

དེཧཾཡཱཔེསིཋཱིཏིཡཱ.

༢༩.

ཝིསཱཁཔུཎྞམེཧེམ,

པཱཏིཾཔཱཡསཔཱུརིཏཾ;

སུཛཱཏཱཡཱབྷཏཾགཡ྄ཧ,

ནེརཉྩརམུཔཱགམི.

༣༠.

ནེརཉྩརཱཡཏཱིརམྷི ¶ ,

སུཏྭཱཔཱཡཱསམུཏྟམཾ;

པཊིཡཏྠཝརམགྒེན,

བོདྷིམཎྜམུཔཱགམི.

༣༡.

ཛཡཱསནེཔལླངྐམྷི ¶ ,

ཋིཏོདྷིཊྛེསིདྷཱིཏིམཱ;

ནཝཱིརིཡཾཛཧིསྶཱམི,

ཨཔཏྟོཨིཏིབུདྡྷཏཾ.

༣༢.

དེཝིནྡོདྷམཡཾསངྑཾ ¶ ,

སེཏཙྪཏྟཾཔིཏཱམཧོ;

དྷཱརཡཾཝཱདེནྟོཝཱིཎཾ,

པཉྩསཱིཁོཋིཏོཏཧིཾ.

༣༣.

ཐུཏིགཱིཏཱནིགཱཡནྟཱི,

ཨཊྛཱསུཾདེཝསུནྡརཱི;

གཧེཏྭཱཧེམམཉྫཱུསཱ,

སུརཔུཔྥེཧིཔཱུརིཏཱ.

༣༤.

ཨནཏྠམེནྟེསཱུརིཡེ ¶ ,

མཱརསེནཾཔལཱཔཡཱི;

ཨརུཎུགྒམནེཀཱལེ,

པཏྟོསིབུདྡྷཏཾཝརཾ.

༣༥.

པཊྛཱནཾསམྨསནྟསྶ,

ནཱཐསྶདེཧཏོསུབྷཱ;

ཚབྦཎྞབྷཱནིཙྪདྷནྟི ¶ ,

ཝིདྷཱཝནྟི ཏཧིཾ ཏཧིཾ.

༣༦.

ནཱིལཱནཱིལཱཔིཏཱཔཱིཏཱ,

རཏྟཱརཏྟཱཙནིཙྪརེ;

སེཏཱསེཏཱཙམཉྩིཊྛཱ,

ཏམྷཱཏམྷཱཔབྷསྶརཱ.

༣༧.

བུདྡྷཔཏྟོཔིབོདྷེཡྻ ¶ ,

དྷམྨགམྦྷཱིརཏཾཛིནོ;

ནིསཱམེཏྭཱནདེསེཏུཾ,

ནིརུསྶཱཧམུཔཱགཏོ.

༣༨.

སཧམྤཏིཏདཱབྲཧྨཱ ¶ ,

དེསནཱཡཱབྷིཡཱཙཏི;

ཏེནསོཔཐམཾསེཊྛཾ,

དྷམྨཙཀྐམདེསཡི.

༣༩.

ཨེཀཝསྶོཝསམྦུདྡྷོ ¶ ,

ཝརེཕགྒུཎཔུཎྞམེ;

སཀྱཱནཾནགརཾགཉྪཱི,

སཱཝཀེཧིཔུརཀྑཏོ.

༤༠.

སམཱགམམྷིཉཱཏཱིནཾ,

ཝསྶཱཔེསིསུསཱིཏལཾ;

མཧཱམེགྷཉྩདེསེསི ¶ ,

ཝེསྶནྟརསྶཛཱཏཀཾ.

༤༡.

གནྟྭཱསཱཝཀཡུགེན,

ཡསོདྷརཱཡམནྡིརཾ;

ཏཾཏོསེཏྭཱནདེསེསི,

ཙནྡཀིནྣརཛཱཏཀཾ.

༤༢.

ཝསིཏྭཱསཏྟམེཝསྶེ ¶ ,

ཏཱཝཏིཾསེ སིལཱསནེ;

ཨབྷིདྷམྨེན ཏོསེསི,

དེཝབྲཧྨགཎཾབཧུཾ.

༤༣.

པཏྠརཾཉཱཎཛཱལེན,

ལོཀཾལོཀེསིསབྦདཱ;

བོདྷེཏུཾབོདྷིཡཱབྷཱཡ;

བོདྷེཡྻཛནཔངྐཛཾ.

༤༤.

བོདྷནེཡྻཾཛནཾདིསྭཱ ¶ ,

ཙཀྐཝཱལ༹པརཾཔརཱ;

གནྟྭཱཔིཝིབོདྷེསི,

བུདྡྷསེཊྛོསུབོདྷིམཱ.

༤༥.

བཀཱདིཀེཙབྲཧྨཱནོ,

ཡཀྑེཙཱལ༹ཝཀཱདིཀེ;

པུརིནྡདཱདིཀེདེཝེ,

སཱུཙིལོམཱདིརཀྑསེ.

༤༦.

ཛཱཎུསོཎཱདིཀེནེཀེ ¶ ,

བྲཱཧྨཎེཙཱཝིཀཀྑལེ༹;

ཙཱུལོ༹དརཱདིཀེནཱགེ,

དྷནཔཱལཱདིཀེགཛེ.

༤༧.

བུདྡྷཱམཡཾཏིམཉྙནྟེ,

ཏིཏྠིཡེནེཀལདྡྷིཀེ;

དམེསིདམཏཾསེཊྛོ,

པརཝཱདཔྤམདྡནོ.

༤༨.

ཨནུབྱཉྫནསམྤནྣོ ¶ ,

ཨེསབཱཏྟིཾསལཀྑཎོ;

བྱཱམཔྤབྷཱཔརིཀྑིཏྟོ,

ཀེཏུམཱལཱསིལངྑཏོ.

༤༩.

ཙཏུརཱསཱིཏིསཧསྶ ¶ ,

དྷམྨཀྑནྡྷེསདེསཡི;

པཉྩཏཱཐཱིསཝསྶཱནི,

ཏིལོཀསྶཧིཏཱཡཝེ.

༥༠.

བུདྡྷཀིཙྩཾཀརོནྟོསོ,

ཝཧཾལོཀཧིཏཾཝརཾ;

མོཙཡཾབནྡྷནཱསཏྟེ ¶ ,

ཀཱལཾཁེཔེཏིསབྦདཱ.

༥༡.

ཡཧིཾ ཨཱསཱིཏིཀོནཱཐོ,

ནིབྦུཏོཝརམཉྫཀེ;

མཧཱསཱལཝནེརམྨེ,

མལླཱནཾནིགམེཏཧིཾ.

༥༢.

ཨགྒིཀྑནྡྷོཝལོཀསྨིཾ ¶ ,

ཛཱལེཏྭཱནསསཱཝཀོ;

ནིབྦཱཡིཏྠསངྑཏཱནཾ,

པཀཱསེནྟོཨནིཙྩཏཾཏི.

‘‘ནམོཏེབྷགཝཱནཱཐ ¶ ,

ནམོཏེཛཡཏཾཛཡ;

ནམོཏེསིརིསམྤནྣ,

ནམོཏེལོཀནནྡན.’’

བུདྡྷཝནྡནཱ

༡.

དེཝལོཀཱ ཙཝིཏྭཱན ¶ ,

མཧཱམཱཡཱཡ ཀུཙྪིཡཾ;

ཨུཔྤཛྫི གུརུཝཱརམྷི,

ཝནྡེཏཾ སཀྱཔུངྒཝཾ.

༢.

དསམཱ སཙྩཡེ ནེསོ ¶ ,

ཝིཛཱཡི མཱཏུཀུཙྪིཏོ;

སུཀྐཝཱརེ ལུམྦིནིཡཾ,

ཝནྡེ ཏཾ ལོཀཔཱུཛིཏཾ.

༣.

ཙཀྐཝཏྟིསིརིཾ ཧིཏྭཱ,

མཧཱསིནིཀྑམཾ སུདྷཱི;

ནིཀྑམཱི ཙནྡཝཱརམྷི,

ནམེ ཏཾ མུནིཀུཉྫརཾ.

༤.

ཨསྶཏྠབོདྷིམཱུལམྷི ¶ ,

པལླངྐེ ཨཔརཱཛིཏེ;

པཏྟོ སབྦཉྙུཏཾ ནཱཐོ,

ནམེ ཏཾ བུདྷཝཱསརེ.

༥.

པཉྩཝགྒིཡམུཁཱནཾ ¶ ,

དེཝཱནཾ མིགདཱཝནེ;

སོརིཝཱརེ དྷམྨཙཀྐཾ,

ཝཏྟེསི ཏཾ ཛིནཾ ནམེ.

༦.

སབྦསངྑཏདྷམྨཱནཾ,

པཀཱསིཡཨནིཙྩཏཾ;

ནིབྦུཏཾཨངྒཝཱརམྷི,

ནམཱདྷིཨམཏནྡདཾ.

༧.

སཱུརིཡཝཱརེ སོཎྞཱཡ ¶ ,

དོཎིཡཱ ཛིནཝིགྒཧོ;

ཨགྒིནུཛྫལིཏོ ཏསྶ,

ནམེ དྷཱཏུསརཱིརཀཾ.

ཨུཎྞཱལོམིཀནཱཐ ཝནྡནཱ

ཨུཎྞཱལོདྷིཀནཱཐསྶ ¶ ,

ཨུཎྞཱཡ བྷམུཀནྟརེ;

ཝཛིརཱཝིཡ སོབྷནྟི,

ནིཀྑནྟི ཡོ སུཔཎྜརཱ.

ཝཛིརགྒྷནཀཱཡསྶ ¶ ,

ནཱཐསྶ དེཧཏོ སུབྷཱ;

ཝཛིརེཡྻཱ ནིཙྪརནྟི;

ཝིཛྫཱུཝ གགཎནྟརེ.

རིནིནྡམནྡཧཱསེན,

དཱཋཱཡ ནིཙྪརཱ པབྷཱ;

ཝིཔྥཱུརིསཱ དིསཱསབྦཱ,

ཝཛིརཱཡནྟི པཎྜརཱ.