ཨཉྙ > བུདྡྷ-ཝནྡནཱ གནྠ-སངྒཧོ

📜

ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ

ཀམལཱཉྫལི

༡.

ཀམལཱསན ཀམལཱཔཏི པམཐཱདྷིཔ ཝཛིརཱ,

ཡུདྷདཱནཝ མནུཛོརག བྷུཛགཱསན པཏིནཾ;

མཀུཊཱཧིཏ མནིདཱིདྷིཏི བྷམརཱཝལི བྷཛིཏཾ,

པཎམཱ’མཧཾ ཨནགྷཾ མུནི ཙརཎཱམལ ཀམལཾ.

༢.

ཀམལཱལཡ སདི’སངྐིཏ ཀལམངྒལ རུཙིརཾ,

ཛུཏིརཉྫིཏཾ ཨབྷིནིཛྫིཏ སུབྷཀཉྩན ནལིནཾ;

ཛནིཏཱ ཙིར སམཡེ ནིཛ པིཏུ བྷཱུཔཏི ནམིཏཾ,

པཎམཱ’མཧཾ ཨནགྷཾ མུནི ཙརཎཱམལ ཀམལཾ.

༣.

སརཎཱགཏ རཛནཱིཔཏི དིནསེཁར ནམིཏཾ,

བྷཛིཏཱཁིལ ཛནཔཱཝནཾ ཨབྷིཀངྑིཏ སུཁདཾ;

ཝསུདྷཱཏལ སཡམུགྒཏ སརསཱིརུཧ མཧིཏཾ,

པཎམཱ’མཧཾ ཨནགྷཾ མུནི ཙརཎཱམལ ཀམལཾ.

༤.

དིརདཱསན ཏརུཔནྟིཀ གྷཊིཏཱསནཾ ཨབྷཡཾ,

ཝིཛཡཱསན སམདྷིཊྛིཏ ཙཏུརངྒིཀ ཝིརིཡཾ;

དྷརམཱནཀ སུརིཡེཧནི ཝིཛིཏནྟཀ དྷཛིནིཾ,

པཎམཱ’མཧཾ ཨབྷིཔཱཏིཏ ནམུཙིདྡྷཛ ཝིབྷཝཾ.

༥.

སདཡོདིཏ པིཡབྷཱརཏི ཝིཛིཏནྟཀ སམརཾ,

དསཔཱརམི བལཀམྤིཏ སདྷརཱདྷར དྷརནིཾ;

གིརིམེཁལ ཝརཝཱརན སིརསཱནཏ ཙརཎཾ,

པཎམཱ’མཧཾ ཨབྷིནནྡིཏ སནརཱམར བྷུཝནཾ.

༦.

ནིཁིལཱསཝ ཝིགམེ’ནཏིཝིམལཱིཀཏ ཧདཡཾ,

ཏདནནྟར ཝིདིཏཱཁིལ མཏིགོཙར ཝིསཡཾ;

ཝིསཡཱིཀཏ བྷུཝནཏྟཡཾ ཨཏིལོཀིཡ ཙརིཏཾ,

པཎམཱ’མཧཾ ཨཔརཱཛིཏཾ ཨརཧཾ མུནིཾ ཨསམཾ.

༧.

མུདུབྷཱརཏི མདྷུཔཱསིཏ ནལིནོཔམ ཝདནཾ,

རུཙིརཱཡཏ ནལིནཱིདལ ནིབྷ ལོཙན ཡུགལཾ;

ཨུདཡོདིཏ རཝིམཎྜལ ཛལིཏཱམལ ནིཊིལཾ,

པཎམཱ’མཧ ཨཀུཏོབྷཡཾ ཨནགྷཾ མུནི པམུཁཾ.

༨.

ཨསིཏམྦུད རུཙིཀུཉྩིཏ མུདུ ཀུནྟལ ལལིཏཾ,

བྷུཝནོདར ཝིཏཏཱམིཏ ཛུཏིསཉྩཡ ཛལིཏཾ;

མདམོདིཏ དིརདོཔམ གཏིཝིབྦྷམ རུཙིརཾ,

པཎམཱ’མཧཾ ཨམཏནྡད མུནིཔུངྒཝཾ ཨསམཾ.

༩.

ཀརུཎཱརས པརིབྷཱཝིཏ སཝཎཱམཏ ཝཙནཾ,

ཝིརུདཱཝལི སཏགྷོསིཏ ཡསཔཱུརིཏ བྷུཝནཾ;

སུམནོཧར ཝརལཀྑཎ སིརིསཉྩཡ སདནཾ,

པཎམཱ’མཧཾ ཨུདིཏཱམལ སསིམཎྜལ ཝདནཾ.

༡༠.

ཝིནཡཱརཧ ཛནམཱནས ཀུམུདཱཀར སསིནཾ,

ཏསིནཱཔག པརིསོསན སཏདཱིདྷིཏི ཏུལིཏཾ;

ཏམནཱསཝ མུནིསེཝིཏཾ ཨཔལོཀིཏ སུཁདཾ,

པཎམཱ’མཧཾ ཨནིཀེཏནཾ ཨཁིལཱགཏི ཝིགཏཾ.

༡༡.

སཧིཏཱཁིལ བྷཡབྷེརཝཾ ཨབྷཡཱགཏ སརནཾ,

ཨཛརཱམར སུཁདཱཡཀཾ ཨནིརཱཀཏ ཀརུཎཾ;

ཏམུཔཱསཀ ཛནསེཝིཏ སུཔཏིཊྛིཏ ཙརཎཾ,

པཎམཱ’མཧཾ ཨཧིཏཱཔཧཾ ཨནགྷུཏྟམ ཙརཎཾ.

༡༢.

ཀརུཎཱམཏ རསཔུརིཏ ཝཱིམལཱཁིལ ཧདཡཾ,

ཝིཧིཏཱམིཏ ཛནཏཱཧིཏཾ ཨནུཀམྤིཏ བྷུཝནཾ;

བྷུཝནེ སུཏཾ ཨཝནཱིཔཏི སཏ སེཝིཏ ཙརཎཾ,

པཎམཱ’མཧཾ ཨནགྷཾ མུནིཾ ཨགྷནཱསན ཙཏུརཾ.

༡༣.

ཨརཏཱིརཏི པརིཔཱིལིཏ ཡཏིམཱནས དམནཾ,

ནིཛསཱསན ཝིནིཝཱརིཏ པུཐུཏིཏྠིཡ སམཎཾ;

པརཝཱདིཀ ཛནཏཱཀཏ པརིབྷཱསིཏ ཁམནཾ,

པཎམཱ’མཧཾ ཨཏིདེཝཏ ཝར གོཏམ སམཎཾ.

༡༤.

སརཎཱགཏ བྷཡནཱསན ཝཛིརཱལཡ པཎིབྷཾ,

བྷཝསཱགར པཏིཏཱམིཏ ཛནཏཱརན ནིརཏཾ;

སིརསཱཝཧཾ ཨམལཉྫལི པུཊཔངྐཛ མཀུལཾ,

པཎམཱ’མཧཾ ཨཁིལལཱཡ ཝིགཏཾ མུནིཾ ཨཏུལཾ.

༡༥.

ཝིམལཱིཀཏ ཛནམཱནས ཝིགཏཱསཝ བྷགཝཾ,

བྷཝཔཱརག ཝིབྷཝཱམཏ སུཁདཱཡཀ སཏཏཾ;

པརམཱདར གརུགཱརཝ ཝིནཏཾ ཛིན པཡཏཾ,

པདཔངྐཛ རཛསཱ མམ སམལངྐུརུ སིརསཾ.

༡༦.

པཝནཱཧཏ དུམཔལླཝཾ ཨིཝ ནཱརཏ ཙཔལཾ,

བྷཝལཱལས མལིནཱིཀཏཾ ཨཛིཏིནྡྲིཡ ནིཝཧཾ;

ཙིར སཉྩིཏ དུརིཏཱཧཏཾ ཨནིཝཱརིཏ ཏིམིསཾ,

ཝིམལཱིཀུརུ ཀརུཎཱབྷར སུཏརཾ མམ ཧདཡཾ.

༡༧.

ཨདཡེ དཡཾ ཨནཡེ ནཡཾ ཨཔི ཡོ གུཎཾ ཨགུཎེ,

ཨཧིཏེ ཧིཏཾ ཨཀརོ ཀྭཙིད ཨཔི ཀེནཙི ནཀཏཾ;

སདཡེ ཛིན སུནཡེ གུཎསདནེ ཏཡི ནིཏརཾ,

སུཧིཏེ ཧིཏཙརིཏེ’ནགྷ རམཏེ མམ ཧདཡཾ.

༡༨.

བྷཝསངྐཊ པཏིཏེནཔི བྷཝཏཱ ཙིར ཙརིཏཾ,

ཝིསམེ སམ ཙརཎཾ ཁལུ དསཔཱརམི བྷརཎཾ;

སརཏོ’ཧནི སརཏོ ནིསི སུཔིནེནཔི སཏཏཾ,

རམཏེ ཛིན སུམཏེ ཏྭཡི སདཡཾ མམ ཧདཡཾ.

༡༩.

ཨཏིདུདྡདཾ ཨདདཱི བྷཝཾ ཨཏིདུཀྐརཾ ཨཀརཱི;

ཨཏིདུཀྑམཾ ཨཁམཱི ཝཏ ཀརུཎཱནིདྷི’རསམོ,

ཨིཏི ཏེ གུཎཾ ཨནགྷཾ མུནི སརཏོ མམ ཧདཡཾ,

རམཏེ’ཧནི རམཏེ ནིསི རམཏེ ཏྭཡི སཏཏཾ.

༢༠.

ཨཏིདུཙྩརཾ ཨཙརཱི བྷཝཾ ཨཏིདུདྡམཾ ཨདམཱི,

ཨཏིདུདྡཡཾ ཨདཡཱི ཝཏ སདཡཱཔར ཧདཡོ;

ཨིཏི ཏེ གུཎཾ ཨནགྷཾ མུནི སརཏོ མམ ཧདཡཾ,

རམཏེ’ཧནི རམཏེ ནིསི རམཏེ ཏྭཡི སཏཏཾ.

༢༡.

ཨཏིདུགྒམཾ ཨགམཱི བྷཝཾ ཨཏིདུཛྫཡཾ ཨཛཡཱི,

ཨཏིདུསྶཧཾ ཨསཧཱི ཝཏ སམུཔེཀྑིཏ མནསོ;

ཨིཏི ཏེ གུཎཾ ཨནགྷཾ མུནི སརཏོ མམ ཧདཡཾ,

རམཏེ’ཧནི རམཏེ ནིསི རམཏེ ཏྭཡི སཏཏཾ.

༢༢.

ཨཏིདཱརུན པལཡཱནལ སདིསཱནལ ཛལིཏེ,

ནིརཡེ ཝིནིཔཏིཏོ ཙིརཾ ཨགྷཏཱཔིཏ མནསོ;

ན སརིཾ སཀིད ཨཔི ཏེ པིཏ བྷཛིཏུཾ པདནལིནཾ,

ཁམ གོཏམ ནརསཱརཐི ཏམིདཾ མམ ཁལིཏཾ.

༢༣.

ཏིརིཡགྒཏ-གཏིཡཾ ཙིརཾ ཨནཝཊྛིཏ ཙརིཏོ,

ཨཏིནིཊྛུར ཝདྷཏཛྫིཏ བྷཡཀམྤིཏ ཧདཡོ;

ན སརིཾ སཀིདཔི ཏེ པིཏ བྷཛིཏུཾ པདནལིནཾ,

ཁམ གོཏམ པུརིསུཏྟམ ཏམིདཾ མམ ཁལིཏཾ.

༢༤.

པརིདེཝན ནིརཏོ ཙིརཾ ཨཐ པེཏྟིཡ ཝིསཡེ,

སུཛིགྷཙྪིཏ སུཔིཔཱསིཏ པརིསོསིཏ ཛཋརེ;

ན སརིཾ སཀིདཔི ཏེ པིཏ བྷཛིཏུཾ པདནལིནཾ,

ཁམ གོཏམ དིཔདུཏྟམ ཏམིདཾ མམ ཁལིཏཾ.

༢༥.

ཝིཝསོ བྷུསཾ ཨགྷདཱུསིཏ མནསཱསུར ཝིསཡེ,

ཛནིཏོ གྷནཏིམིརེ ཙིརཾ ཨཏིདུཀྑིཏ ཧདཡོ;

ན སརིཾ སཀིདཔི ཏེ པིཏ བྷཛིཏུཾ པདནལིནཾ,

ཁམ གོཏམ ཝསིསཏྟམ ཏམིདཾ མམ ཁལིཏཾ.

༢༦.

མནསཱ ཙིར ཝིཧིཏཾ སརཾ ཨཏིཀིབྦིས ཙརིཏཾ,

སམཐེནཐ སུཝིརཱཛིཡ ཏཾ ཨསཉྙིཏཾ ཨུཔགོ;

ན སརིཾ སཀིད ཨཔི ཏེ པིཏ བྷཛིཏུཾ པད ནལིནཾ,

ཁམ གོཏམ ཝསིཔུངྒཝ ཏམིདཾ མམ ཁལིཏཾ.

༢༧.

ཝིཛིགུཙྪིཡ དུརིཏཾ ནིཛ ཝཔུསཱ ཀཏཾ ཨམིཏཾ,

ཏནུ ཝཛྫིཏཾ ཨུཔགོ བྷཝཾ ཨིཧ བྷཱཝིཏ སམཐོ;

ན སརིཾ སཀིདཔི ཏེ པིཏ བྷཛིཏུཾ པདནལིནཾ,

ཁམ གོཏམ ཡཏིཀུཉྫར ཏམིདཾ མམ ཁལིཏཾ.

༢༨.

རཏནཏྟཡ རཧིཏེ བྷུས བཧུལཱིཀཏ དུརིཏེ,

ཛནིཏོ པརཝིསཡེ བུདྷཛན ནིནྡིཡ ཙརིཏེ;

ན སརིཾ སཀིདཔི ཏེ པིཏ བྷཛིཏུཾ པདནལིནཾ,

ཁམ གོཏམ ཀརུཎཱནིདྷི ཏམིདཾ མམ ཁལིཏཾ.

༢༩.

ཛནིཏོ ཡདི མནུཛེསུཔི ཝིཀལིནྡྲིཡ ནིཝཧོ,

ཏནུནཱ ཀརཙརཎཱདིཧི ཝིཀཏེ’ནིཧ དུཁིཏོ;

ན སརིཾ སཀིདཔི ཏེ པིཏ བྷཛིཏུཾ པདནལིནཾ,

ཁམ གོཏམ མཏིསཱགར ཏམིདཾ མམ ཁལིཏཾ.

༣༠.

ཝིདྷིནཱཧིཏ མཏིབྷཱཝན རཧིཏོ ཏམཔིཧིཏོ,

ཝིསདེསུཔི ཀུསལཱདིསུ ཏཐདསྶན ཝིམུཁོ;

ན སརིཾ སཀིདཔི ཏེ པིཏ བྷཛིཏུཾ པདནལིནཾ,

ཁམ གོཏམ ནརཀེསརི ཏམིདཾ མམ ཁལིཏཾ.

༣༡.

སུཙིརེནཔི བྷུཝི དུལླབྷཾ ཨསམཾ ཁཎཾ ཨལབྷཾ,

སནརཱམར ཛནཏཱཧིཏ སུཁདཾ མུནི ཛནནཾ;

ན སརིཾ སཀིདཔི ཏེ པིཏ བྷཛིཏུཾ པདནལིནཾ,

ཁམ གོཏམ ཝདཏཾཝར ཏམིདཾ མམ ཁལིཏཾ.

༣༢.

ནིསིཏཱཡུདྷ ཝདྷསཛྫིཏ ཁལ༹ནིདྡཡ ཧདཡོ,

པརཧིཾསན རུཙི བྷིཾསན ཡམསོདར སདིསོ;

ན སརིཾ སཀིདཔི ཏེ པིཏ བྷཛིཏུཾ པདནལིནཾ,

ཁམ གོཏམ མུནིསཏྟམ ཏམིདཾ མམ ཁལིཏཾ.

༣༣.

པརསནྟཀ ཧརཎེ ཀཏམཏི བཉྩན བཧུལོ,

གྷརསནྡྷིཀ པརིཔནྠིཀ སཧསཱཀཏི ནིརཏོ;

ན སརིཾ སཀིདཔི ཏེ པིཏ བྷཛིཏུཾ པདནལིནཾ,

ཁམ གོཏམ མུནིཔུངྒཝ ཏམིདཾ མམ ཁལིཏཾ.

༣༤.

ནཝཡོབྦན མདགབྦིཏ པརིམུཙྪིཏ ཧདཡོ,

སུཙིསཛྫན ཝིཛིགུཙྪིཡ པརདཱརིཀ ནིརཏོ;

ན སརིཾ སཀིདཔི ཏེ པིཏ བྷཛིཏུཾ པདནལིནཾ,

ཁམ གོཏམ ཀརུཎཱབྷར ཏམིདཾ མམ ཁལིཏཾ.

༣༥.

མདིརཱསཝརཏ ནཱགརཛན སནྟཏ བྷཛིཏོ,

གརུགཱརཝ ཧིརིདཱུརིཏ ཏིརིཡགྒཏ ཙརིཏོ;

ན སརིཾ སཀིདཔི ཏེ པིཏ བྷཛིཏུཾ པདནལིནཾ,

ཁམ གོཏམ ཝིཧཏཱསཝ ཏམིདཾ མམ ཁལིཏཾ.

༣༦.

སཔིཏཱམཧ པཔིཏཱམཧ ནིཙིཏཾ དྷནཾ ཨམིཏཾ,

པིཏུསཉྩིཏམཔི ནཱསིཡ ཀིཏཝོ ཧཏཝིབྷཝོ;

ན སརིཾ སཀིདཔི ཏེ པིཏ བྷཛིཏུཾ པདནལིནཾ,

ཁམ གོཏམ ཝིཛིཏནྟཀ ཏམིདཾ མམ ཁལིཏཾ.

༣༧.

ཝིཏཐཱལིཀ ཝཙནོ པརཔིཡསུཉྙཏ ཀརཎོ,

ཕརུསཾ བྷཎཾ ཨཏིནིཔྥལ བཧུབྷཱསན ནིཔུཎོ;

ན སརིཾ སཀིདཔི ཏེ པིཏ བྷཛིཏུཾ པདནལིནཾ,

ཁམ གོཏམ བྷུཝནེསུཏ ཏམིདཾ མམ ཁལིཏཾ.

༣༨.

པརསམྤདཾ ཨབྷིཛྷཱཡན ནིརནྟར དུཁིཏོ,

ནབྷིརཛ྄ཛྷན པརམོ ཀྭཙི ཕལདསྶན རཧིཏོ;

ན སརིཾ སཀིདཔི ཏེ པིཏ བྷཛིཏུཾ པདནལིནཾ,

ཁམ གོཏམ གུཎསཱགར ཏམིདཾ མམ ཁལིཏཾ.

༣༩.

བྷཝཏོ བྷཝཾ ཨཔརཱཔརཾ ཨཡཏཱཙིརཾ ཨིཏི མེ,

ཝཔུསཱ ཨཐ ཝཙསཱཔི ཙ མནསཱ ཀཏཾ ཨམིཏཾ;

ཁམ གོཏམ དུརིཏཱཔཧ དུརིཏཾ བཧུཝིཧིཏཾ,

དད མེ སིཝཔདཾ ཨཙྩུཏཾ ཨམཏཾ བྷཝཝིགཏཾ.

༤༠.

ཏིམིརཱཝུཏ ཀུཎཔཱཀུལ ཝིཛིགུཙྪིཡ པཝནེ,

ཛནིཀཱསུཙི ཛཋརེ བཧུ ཀིམིསནྟཏི སདནེ;

ཨསཡིཾ བྷཝགཧཎེ ཙརཾ ཨཧཾ ཨཔྤཊིསརཎེ,

སརནཾ བྷཝ བྷགཝཾ མམ བྷཝནཱིརདྷི ཏརཎེ.

༤༡.

བཧི ནིཀྑམཾ ཨསཀིཾ བྷགཏིརིཡཾ པཐ པཏིཏོ,

ཨགདངྐར ཀཏ སལླཀ སཏཁཎྜིཏ ཀརཎོ;

ཨམརིཾ བྷཝགཧཎེ ཙརཾ ཨཧཾ ཨཔྤཊིསརཎེ,

སརཎཾ བྷཝ བྷགཝཾ མམ བྷཝནཱིརདྷི ཏརནེ.

༤༢.

པཏིཏོ བཧི རཏིཔིལླཀ ཏནུརཱམཡ མཐིཏོ,

ཝདིཏུཾ ཀིམུ ཝིདིཏུམྤི ཙ ན སཧཾ མཏིརཧིཏོ;

ཨམརིཾ བྷཝགཧཎེ ཙརཾ ཨཧཾ ཨཔྤཊིསརཎེ,