📜

ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ

མོགྒལླཱན པཉྩིཀཱ ཊཱིཀཱ

སཱརཏྠཝིལཱསིནཱིནཱམ

པཉྩིཀཱཊཱིཀཱ

པཎཱམཱདིཀཐཱ

ཝིཛྫཱདྷནསྶ ¶ སམནུསྶརཎམྤི ཡསྶ,

པཉྙཱཝིསུདྡྷརཏནཱནཡནེཀཧེཏུ;

ཏཾ དྷམྨརཱཛམམལུཛྫལཀིཏྟིམཱལཾ,

སཱམོདམཱདརམཡེ ཧདཡེ ནིདྷཱཡ.

ལདྡྷམྨཧོདཡ མཧཱདཡ (སམྤསཱདཱ) [ཛཔསོ (པོཏྠཀེ)],

སཀྐཱ(དི) སཀྐཏགུཎཾ རཏན (དྭཡཉྩ) [ཏྟཡཏཱ (པོཏྠཀེ)];

(ཡཱཔཉྩིཀཱ) གུརུཝརཔྤ(བྷཝཱཏྱགཱཧཱ) [ཧཔཱ ཏྱ གཱཡཱ (པོཏྠཀེ)],

ཏཾ སཱདྷུ སིསྶཛན མཛྫཝགཱཧ ཡཱམ.

ཛཡཏཱིཧ མཧཱཔཉྙོ, སོ མོགྒལླཱཡནོ མུནི;

ཡསྶ སཱདྷུགུཎུབྦྷཱུཏ,ཀིཏྟི སབྦཏྠ པཏྠཊཱ.

ཨིཙྩེཝ མནཝསེས མཏྟནོ བྷཡཱདྱཱུཔདྡཝོཔགྷཱབྷཀརསཱམཏྠིཡ ཡོགེན སཀལཛ྄ཛྷཏྟིཀབཱཧིཡནྟརཱཡ ནིཝཱརཎ མདྷིཔྤེཏསིདྡྷི ཝིསེས མབྷིཀངྑིཡ རཏནཏྟཡ ཝིསཡབྷཱུཏཾ ཏཾསཱདྷནེ ཀནྟནིདཱན བྷཱུཏསྶ ¶ ཨཱལོཀིཡཡཱཏིསཡགུཎཝིསེསཡུཏྟསྶ མཧཏོ པྱཏིམཧནཱིཡསྶ རཏནཏྟཡསྶ སཔྤསཱདཱནུརཱུཔཾ པཱུཛཱཝིསཡཾ ཏདནུསྶ(རཎཾ ཀཏྭཱ) གུརུསནྣིཡོགམནུཊྛཱཏུཾ–

ཀིནྟེཧི པཱདསུསྶཱུསཱ, ཡེསཾ ནཏྠི གུརཱུནིཧ;

ཡེ ཏཔྤཱདརཛོཀིཎྞཱ, ཏེཝ སཱདྷཱུ ཝིཝེཀིནོཏི.

ཝཙནཏོ ཨཏྟནོ གུརུཔཱུཛཱ པུརསྶརཾ པཉྩིཀཱཝིཝརཎཾ པཐི’ཡཱ པཉྩིཀཱ’ཏིཨཱདིནཱ ཀཏཔཊིཉྙཏྟཱ སམྤཏི མཧཱདཡོཏིཨཱདིནོ གནྠསྶ སཱདྷུཛནཝཎྞནཾ ཝཎྞནམཱརབྷིསྶཱམ.

ནནུ ཙ ཝུཏྟིགནྠསྶ ཝཎྞནཱཡཾ ཀཏཱབྷིནིཝེསོ-ཡམཱཙརིཡོཏི ཀཐམིཧཱནདྷིཀཏེ མཧཱདཡོཏིཨཱདིཀེ པཊིཔནྣོཏི རཏནཏྟཔྤཎཱམགནྠཀཏྟུགནྠནིསྶཡགནྠཱརམྦྷཕལཨབྷིདྷེཡྻསངྑཱཏ- པཡོཛནསོཏུཛནསམུསྶཱཧནཱནཾ སནྡསྶནཏྠཾ. ཏཏྠ རཏནཏྟཡཔྤཎཱམ ཀརཎཾ ཨནྟརཱཡཀརཱཔུཉྙཝིགྷཱཏཀརཔུཉྙཝིསེསུཔྤཱདནེན ཀཏྟུ མིཙྪིཏསྶ གནྠསྶ ཨནནྟརཱཡེནཾ པརིསམཱཔནཏྠཾ. ཝཙཱིཔཎཱམོ པནེཏྠ སོཏཱུནམྤི ཡཐཱཝུཏྟཏྠནིཔྥཱདནཀོ ཨཱཙརིཡེནཱཔྱཡ མཏྠོ དསྶིཏོཡེཝ’ཏཏྠ རཏནཏྟཡཔྤཎཱམསནྡསྶན’ནྟིཨཱདིནཱ, ཝཱཙསིཀསཏྠཱདྷིཀཱརཏོཔི ཝཙཱིཔཎཱམོཏི ཀཱཡཔྤཎཱམོ མནོཔཎཱམོ ཙ. ན ཀཏོ, གནྠཀཏྟུསནྡསྶནཾ གནྠསྶ པམཱཎ བྷཱཝཝིབྷཱཝནཏྠཾ, གནྠནིསྶཡསནྡསྶནཾ ཨཏྟནིཡབྷཱཝསནྡྷསྶནེན ཏབྦིསུདྡྷིདསྶནཏྠཾ, གནྠཱརམྦྷཕལདསྶནཾ ཏཔྤཊིཀྑེཔཀཛནནིསེདྷཱཡ, ཨབྷིདྷེཡྻསངྑཱཏཡཡོཛནསནྡསྶནཾ ཝཱིམཾསཱཔུབྦཀཱརཱིནཾ པཡོཛནོ པཱལམྦྷཔུབྦིཀཱ སཏྠེ པཝཏྟཏཱིཏི སོཏུཛནསམུསྶཱཧནཾ (ཀཏྭཱ) ཨཱདརེན གནྠེ པཝཏྟནཏྠཾ, ཡདཱཧུ –

སབྦསྶེཝ ཧི སཏྠསྶ, ཀམྨསྶཱཔི ཙ ཀསྶཙི;

ཀེནེཏཾ གཡ྄ཧཏེ ཏཱཝ, ཡཱཝ-ཝུཏྟམྤཡོཛནཾཏི.

ནནུ ¶ སཏྠཔྤཡོཛནཱནཾ སམྦནྡྷོཔི ཝཏྟབྦོ ཨིདམསྶ པཡོཛནནྟི ཡཏོ–

སིདྡྷཔྤཡོཛནཾ སིདྡྷ,སམྦནྡྷཾ སོཏུམིཙྪཏི;

སོཏཱདོ ཏེན ཝཏྟབྦོ, སམྦནྡྷོ སཔྤཡོཛནོཏི.

ཏཏྲེདམུཏྟརཾ–

སཏྟཾ པཡོཛནཉྩེཝ, ཨུབྷོ སམྦནྡྷནིསྶཡཱ;

ཏཾ ཝུཏྟནྟོགདྷཏྟཱ ན, བྷིནྣོ ཝུཏྟོ པཡོཛནཱཏི.

པཡོཛནཔྤཡོཛནམྤན སཱམཏྠིཡལདྡྷབྦཾ སཡམཱཙརིཡེན ‘‘ཀོ པན སདྡལཀྑཎསྶ ཨཛཱནནེ དོསོ’’ཏིཨཱདིནཱ ཝུཏྟནཡེན ཝིཉྙཱཏབྦཾ.

ཏཏྠ‘མཧཱདཡོ’ཏྱཱདིནཱ གཱཐཱདྭཡེན རཏནཏྟཡཔཎཱམོ དསྶིཏོ, ‘ཡོ ཨིདྡྷིམནྟེསཱུ’ཏིཨཱདིནཱ གནྠཀཏྟཱ, ‘སདྡསཏྠ’ནྟིཨཱདིནཱ གནྠནིསྶཡོ, ‘སངྑེཔནཡེནཱ’ཏིཙ ‘སཱརབྷཱུཏཾ ཝིཔུལཏྠགཱ ཧིཾ ཨནཱཀུལ’ནྟི ཙ ཨིམེཧི གནྠཱརམྦྷཕལཾ སོཏུཛནསམུསྶཱཧནཉྩ, ཨབྷིདྷེཡྻསངྑཱཏཔྤཡོཛནམྤན‘སཾཝཎྞན’ནྟི ཨིམིནཱ དསྶིཏཾ ཨནྭཏྠ བྱཔདེསེན སཾཝཎྞཱིཡཏི ཝིཝརིཏྭཱ ཝིཏྠཱརེཏྭཱ ཀཐཱིཡཏི ཨཏྠོ ཨེཏཱཡཱཏི སཾཝཎྞནཱབྷི ཀཏྭཱ, ཏམྤན ཝིཝརིཏྭཱ ཀཐནཾ སདྡཱནུསཱསནསཏྠསནྣིསྶཡཏྟཱ ཨབྷིདྷེཡྻོ ནཱམ སམུདིཏེན སཏྠེན ཝཙནཱིཡཏྠོ ཏཾ [ཝཙནཱིཡཏྠོཏི (པོཏྠཀེ)] ཝུཏྟསདྡཱནུསིཊྛིསངྑཱཏཔཡོཛནམེཝཱཏི ཨཡམེཏྠ སམུདཱཡཏྠོ.

ཨཡམྤནེཏྠ ཨཝཡཝཏྠོ-ཡོཏི ཨནིཡམཝཙནཾ དྷམྨརཱཛསདྡཱ པེཀྑཱཡ ཙེཏྠ པུལླིངྒཏཱ, ཏེནེཏྠ ཝུཙྩམཱནགུཎཝིསེསཱ དྷཱརཔུགྒལཝིསེསནིདསྶནཾ, དཡཏི དུཀྑཾ ཨཔནེཏྭཱ པརེསཾ སུཁཾ དདཱཏི, དཡཱིཡཏི ཝཱ སཔྤུརིསེཧི གམིཡ(ཏི ས) སནྟཱནེ པཝཏྟཱིཡཏི, དཡཏི ཝཱ པརདུཀྑཾ ཧིཾསཏི, དཡཏི ཝཱ པརདུཀྑཾ གཎྷཱཏི ཏཾཝསེན ཨཏྟནོ ཧདཡཁེདཾ ཀརོཏཱིཏི དཡཱ, ‘‘དཡ=དཱནགཏི ཧིཾསཱདཱནེསུ’’ ཨིཙྩསྨཱ ‘‘ཨིཏྠིཡམཎཏྟིཀཡཀྱཱཙེ’’ཏི (༥-༤༩) ཨཔྤཙྩཡོ, ཝིསཡམཧནྟཏཱཡ ¶ མཧཏཱི པསཏྠཱ ཝཱ དཡཱ ཨསྶཱཏི མཧཱདཡོ, ཝིསེསན སམཱསེ ‘‘སདྡྷཱདིཏྭ’’ (༤-༨༤) ཝཀྑམཱནཔཱརམིཏཱསམྦྷརཎདུཀྑཱནུབྷཝ ནཱནམིདཾ ཧེཏུཝཙནཾ, ཀམྨཀིལེསེཧི ཛནིཏཱཏི ཛནཱ སཏྟལོཀོ, ཨིམིནཱ ཁཱིཎཱསཝཱཔི སངྒཡ྄ཧནྟི ཏེསམྤི དིཊྛདྷམྨིཀསུཁཝིཧཱརསངྑཱཏ ཧིཏསྶ དཱནཏོ, ཛནཱནཾ སམཱུཧོ ཛནཏཱ ཏསྶཱ ཧིཏཱཡ ཨབྷིཝཌྜྷིཡཱ སཀལཝཊྚ དུཀྑནིསྶཊནིབྦཱནསུཁབྷཱགིཡཀརཎཱཡཱཏི ཝུཏྟཾ ཧོཏི, ཨསྶཙ’སམྤཱུརཡ’ནྟི ཨིམིནཱ’དུཀྑམནུབྷཝཱི’ཏི ཨིམིནཱ ཙ སམྦནྡྷོ, སམྦོདྷཱིཏི ཨེཏྠ སཾསདྡོ སཱམནྟི ཨིམམཏྠཾ དཱིཔེཏི, ཏསྨཱ སཾསཡམེཝ ཨནཉྙབོདྷིཏོ ཧུཏྭཱ ཙཏྟཱརི སཙྩཱནི བུཛ྄ཛྷཏི པཊིཝིཛ྄ཛྷཏི ཨེཏཱཡཱཏི སམྦོདྷི, སཾཔུབྦཱ བུདྷདྷཱཏུཏོ ‘‘ཨི’’ཨིཏི ཎྭཱདི (ཀོ) ཨིཔྤཙྩཡོ, སཝཱསནསཀལསཾཀིལེསཔྤཧཱཡཀཾ བྷགཝཏོ ཨརཧཏྟམགྒཉྙཱཎཾ སབྦཉྙུཏཉྙཱཎནྟིཔི ཝདནྟི, སམྤཱཔཡཏཱིཏི སམྤཱཔཀཾ, སམྦོདྷིཡཱ སམྤཱཔཀནྟི ཚཊྛཱིསམཱསོ, ཀིནྟི དྷམྨཛཱཏཾ དྷམྨསདྡེནེཏྠ པཱརམིདྷམྨཱ པཉྩམཧཱཔརིཙྩཱགཱདཡོ ཙ ཨདྷིཔྤེཏཱ, ཏེཔི ཧི ཨཏྟཱནཾ དྷཱརེནྟཾ དྷཱརེནྟི སམྦོདྷི སམྤཱཔནསཱམཏྠིཡཡོགེན པརེཔི དྷཱརེནྟི ནཱམཱཏི དྷམྨཱཏི ཝུཙྩནྟི, ‘དྷར=དྷཱརཎེ’ཨིཙྩསྨཱ ཁཱིསུ, ཝིཡཱདིསུཏྟེན ཎྭཱདི(ཀོ) མཔྤཙྩཡོ, དྷམྨཱནཾཛཱཏཾ, དྷམྨཱཨེཝཝཱ ཛཱཏཾ, སམྦོདྷིསམྤཱཔཀཉྩ ཏཾ དྷམྨཛཱཏཾ ཙེཏི ཝིསེསནསམཱསོ, ‘སམྤཱུརཡ’ནྟི མསྶེཏཾ ཀམྨཾ, སམྤཱུརཡནྟི པཡོགསམྤཏྟིཡོགཱ དཱིཔངྐར (པཱད)མཱུལེ ཧཏྠོཔགཏམྤི ནིབྦཱནམྤཧཱཡ ཡཐཱཝུཏྟཀརུཎཱགུཎཡོགསཱིཏལཱིབྷཱུཏཧདཡཏཱཡ ‘‘ཀཐནྣཱམེཏེ ཨཙྩནྟ དུསྶཧཝཊྚདུཀྑོཔགཏེ སཏྟེ ཏཾམཧཱདུཀྑཱ མོཙེསྶཱམཱི’’ཏི ཝཊྚདུཀྑནིསྶརཎེཀཧེཏུཏཱཡ སམྨཱ པཱུརེནྟོ ཝཌྜྷེནྟོ ཝུཌྜྷིཾ ཝིརཱུལ༹ྷཾ ཝེཔུལླཾ གམེནྟོཏི ཝུཏྟཾ ཧོཏི, ཧེཏུཡེཝེདམཔི དུཀྑཱནུབྷཝནསྶ, མཧཱདཡཏཱ པནསྶ པརམྤརཧེཏུ, དུཊྛུ ཁནཏི ཀཱཡིཀཾ ཨསྶཱདནྟི’དུཔུབྦཱ ཁནིསྨཱ’ ‘‘ཀྭཱི’’ཏི (༥-༤) ཀྭི, དུཀྑཾ ཀཱཡིཀདུཀྑ ཝེདནཱ, ཀཱིདིསནྟི ཨཱཧ-’ཨནནྟརཱུཔ’ནྟི, སབྷཱཝཝཙནོ ཡཾ རཱུཔསདྡོ ‘‘པིཡརཱུཔ’’ནྟིཨཱདཱིསུཝིཡ, ཏེ ཙ དུཀྑསབྷཱཝཱ (ཨནནྟཱ) ཨནནྟཀཱརཎཱནཾ ཝསེན, ཏསྨཱ ཨནནྟཾ རཱུཔཾ སབྷཱཝོ ཨསྶཱཏི ཨནནྟརཱུཔཾ, ཏཾ དུཀྑཾ ཨནུབྷཝཱི ཝིནྡཱི, ཀིམིཝཱཏི ཨཱཧ-‘སུཁཾ ཝཱ’ཏི, སུཊྛུ ཁནཏི ཀཱཡིཀཾ ཨཱབཱདྷནྟི ¶ སུཁཾ, ཨིཝསདྡོ སདྷམྨཏྟསངྑཱཏོཔམཱཛོཏཀོ, སདྷམྨཏྟཉྷི ཨུཔམཱ, ཝུཏྟཉྷི ‘‘ཨུཔམཱནོཔམེཡྻཱནཾ, སདྷམྨཏྟཾ སིཡོ པམཱ’’ཏི, ཀིཾ ཝུཏྟཾ ཧོཏི ‘‘ཨནིཊྛཱནུབྷཝནསབྷཱཝཱཡཱཔི དུཀྑཝེདནཱཡ ཨནུབྷཝནསབྷཱཝསཱམཉྙེན ཨཛ྄ཛྷཱསཡསམྤཏྟིཝིསེསཡོགཱ མཧཱཀཱརུཎིཀསྶ སུཁེན སདིསཏཱཔཏྟིཧོཏཱིཏི དུཀྑམྤི སམཱནཾ ཏཾ སུཁམིཝ ཝིནྡཱི’’ཏི. ཀཐམཉྙཐཱ ཝཊྚདུཀྑཏོ སཀལལོཀསྶ སམུདྡྷརཎཾ སིཡཱཏི, ཨཐཝཱ སུཁམིཝ སུཁཾ ཝིནྡནྟོ ཝིཡ ཨནཉྙཝིནྡིཡམཔི ཏཱདིསཾ དུཀྑཾ སཀལལོཀཧིཏཱཝ ཧིཏམནཏཱཡ ཝིནྡཱིཏི ཨཏྠོ, ཏེནཱཧ ‘ཨཁིནྣརཱུཔོ’ཏི, ཨཁིནྣཾ པརིསྶམམཔྤཏྟཾ རཱུཔཾ སབྷཱཝོ ཨསྶཱཏི ཝིགྒཧོ.

ཏཾ དྷམྨརཱཛནྟི ཡོཏི ཨནིཡམནིདྡིཊྛསྶ ཝུཏྟགུཎཝིསེསཱདྷཱར པུགྒལསྶནིཡམནཝཙནཾ, དྷམྨེན རཱཛཏི ནོ ཨདྷམྨེནཱཏི ཝཱ, ཨཏྟནཱ པཊིཝིདྡྷསྶ སཱམིབྷཱཝེན དྷམྨསྶ རཱཛཱ སཱམཱིཏི ཝཱ, ཨཏྟནཱ པཊིཝིཛ྄ཛྷིཡམཱནེ དྷམྨེ པཊིཝིཛ྄ཛྷནྟོཝ ཏཏྠ རཱཛཏི དིཔྤཏཱིཏི ཝཱ, པརཱུཔཀཱརཝསེན ཏདཏྠཱཡེཝ པཊིཔནྣཏྟཱ པརེསཾ དྷམྨཾ རཱཛེཏི པཀཱསེཏཱིཏི ཝཱ དྷམྨརཱཛཱ, ཏཾ དྷམྨརཱཛཾ ནམིཏྭཱཏི སམྦནྡྷོ, ནམསྶིཏྭཱཏི ཨཏྠོ, ཀཱིདིསནྟི ཨཱཧ-‘ཛིཏམཱརཝཱིརཾ སུདྷནྟ སོཝཎྞནིབྷ’ནྟི. ཏཏྠ མཱརོ ཙ སོ ཝཱིརོཙཱཏི མཱརཝཱིརོ ཛིཏོ ཝིདྟེདྷསྟབལོ མཱརཝཱིརོ ནཱཏི ཛིཏམཱརཝཱིརོ, ཏཾ, ཀིཉྩཱཔི དེཝཔུཏྟཀིལེསཱབྷིསངྑཱརམཙྩུཀྑནྡྷ མཱརཱ-ནེན ཛིཏཱ ཨེཝ, ཏཐཱཔི ཝཱིརསདྡསནྣིདྷཱནེན དེཝཔུཏྟམཱརེ གཧིཏེ ཏཾཝིཛཡཱ ཨཉྙེཔི ཛིཏཱ ཨེཝ ནཱམ ཧོནྟཱིཏི ཝིཉྙེཡྻཾ, སུཊྛུ དྷནྟཾ དྷམིཏཾ ཨུདྡྷརིཏཾ སུདྷནྟཾ, སུཝཎྞམེཝ སོཝཎྞཾ, སུདྷནྟ ཙ ཏཾ སོཝཎྞཉྩ, ཏསྶེཝ ནིབྷཱ སོབྷཱ ཨསྶེཏི སམཱསོ, ཨཐཝཱ སུདྷནྟཉྩ ཏཾ སུཝཎྞཾ ཙེཏི སམཱསེ ཏསྶིདནྟི ‘‘ཎོ’’ཏི (༤-༣༤) ཎཔྤཙྩཡེ ‘‘མཛ྄ཛྷེ’’ཏི (༤-༡༢༦) མཛ྄ཛྷཝུདྡྷིཡཾ སུདྷནྟསོཝཎྞཾ པཊིམཱརཱུཔཾ, ཏེན ནིབྷོ སདིསོ, ཏཾ.

ཨེཏྟཱཝཏཱ ཙ –

ཧེཏུ ཕལཾ པརཏྠོ ཙ, སབྦོཔི ཐུཏིསངྒཧོ;

ཧེཏུ སམྦོདྷིཏོ, པུབྦེཝ, ཡམཉྙཾ ཏཏོཔརཱིཏི.

ཝུཏྟཧེཏུཕལསཏྟོཔཀཱརཝསེན ¶ བུདྡྷརཏནསྶ ཐུཏིཔུབྦཀམྤཎཱམཾ དསྶེཏྭཱ ཨིདཱནི དྷམྨརཱཛེན ཏེནཱཔི པཱུཛནཱིཡསྶ དྷམྨརཏནསྶ ནིཔཙྩཀཱརཾ དསྶེཏུཾ‘དྷམྨཉྩ མོཧནྡྷཏམཔྤདྷཾསི’ནྟི ཨཱཧ, ཏཏྠ ཙ སདྡོ ‘དྷམྨཉྩ ནམིཏྭཱ’ཏི [ནམསྶིཏྭཱ (པོཏྠཀེ)] ནམསྶནཀྲིཡཱཡ དྷམྨཾ སམྤིཎྜེཏི, ཀིམྦྷཱུཏནྟི ཨཱཧ, ‘མོཧནྡྷཏམཔྤདྷཾསི’ནྟི, མུཡ྄ཧཏཱིཏི མོཧོ=ཨཉྙཱཎཾ, ཨནྡྷཡཏི སམཏྠཙཀྑུཝིཉྙཱཎཔརིཧཱནེནཱཏི ཨནྡྷཾ, ཨནྡྷཉྩ ཏཾ ཏམཉྩེཏི ཨནྡྷཏམཾ=བཱལ༹ྷཏིམིརཾ, མོཧོཡེཝ ཏཾསདིསཏཱཡ ཨནྡྷཏམནྟི མོ ཧནྡྷཏམཾ, ཏཾ པདྷཾསེཏི པཀཱརེན ནཱསེཏི སཱིལེནཱཏི མོཧནྡྷཏམཔྤདྷཾསཱི, པསདྡསྶཔཀཱསནཏྠཾ ཧིཏྭཱ པཀཱརཏྠསྶེཝ གཧཎཏོ པརིཡཏྟིཡཱ སཧ–

སོཏཱཔཏྟཱདཡོ མགྒཱ,ཙཏྟཱརོ ཏཔྥལཱནིཙ;

ཙཏྟཱརི ཨཐ ནིབྦཱནཾ, དྷམྨཱ ལོཀུཏྟརཱ ནཝཱཏི.

ཝུཏྟནཝལོཀུཏྟརམྨོ གཧིཏཱཏི ཝིཉྙཱཏབྦཾ, ཨཉྙཐཱ ཨརཧཏྟམགྒོཝ གཡ྄ཧེཡྻ, ཀསྨཱ པནེཏྠ མོཧསྶེཝ པཧཱནཾ ཝུཏྟཾ, ནེཏརེསནྟི ཏམྨཱུལཀཏྟཱ སབྦཀིལེསཱནཾ, ཏཔྤཧཱནསྨིཉྷི ཝུཙྩམཱནེ ཏམྨུཁེནེཏརེསམྤི པཧཱནཾ ཝུཏྟམེཝ ཧོཏཱིཏི.

ཨེཝཾ དྷམྨརཏནསྶ ནམཀྐཱརཾ དསྶེཏྭཱ ཨིདཱནི ཏདཱདྷཱརབྷཱུཏསངྒྷརཏནཾ ནམསྶིཏུཾ ‘སངྒྷཾ ཏཐཱ སངྒྷཊིཏཾ གུཎེཧཱི’ཏི ཝུཏྟཾ, ཏཏྠ ཏཐཱསདྡོ སམུཙྩཡེ ཝཱ, ཝཙོཡུཏྟིཡཾ ཝཱ, ཝཙོཡུཏྟིཔཀྑེ ཙ སདྡོ ཨཱནེཏྭཱ སམྦནྡྷིཏབྦོ, ཀིལེསཱདཡོ སཾཧནཏི ཧིཾསཏཱིཏི སངྒྷོ, སཾཔུབྦཏོ ཧནཏིསྨཱ ཀྭིམྷི ‘‘ཀྭིམྷི གྷོཔརིཔཙྩསམོ ཧཱི’’ཏི (༥.༡༠༠) ཧནསྶ གྷོ, ཀིལེསཧིཾསནཉྩེཏྠ ཏདངྒཱདིཝསེན གཧིཏཾ, གུཎེཧཱིཏི སཱམཉྙནིདྡེསཏོ སམྨུཏིསངྒྷེན སདྡྷིཾ

ཙཏྟཱརོ ཙ པཊིཔནྣཱ, ཙཏྟཱརོ ཙ ཕལེཋིཏཱ;

ཨེས སངྒྷོ ཨུཛུབྷཱུཏོ, པཉྙཱསཱིལསམཱཧིཏོཏི.

ཝུཏྟཨཊྛཨརིཡཔུགྒལཱ ¶ གཡ྄ཧནྟི, གུཎེཧཱིཏི ལོཀིཡལོཀུཏྟརེཧི སཱིལཱདིགུཎེཧི, སངྒྷཊིཏནྟི སཾཧཏཾ.

ཨེཝམནནྟརཱཡེན གནྠཔརིསམཱཔནཏྠམནནྟ གུཎཝིསིཊྛལོཀཏྟཡགྒསཱིཁཱམཎིབྷཱུཏསྶ རཏནཏྟཡསྶ པཎཱམཾ དསྶེཏྭཱ ཨིདཱནི གནྠ ཀཏྟཱདིཡཐཱཝུཏྟཏྠོཔདསྶན པུབྦངྒམམཏྟནཱ སམཱརབྷིཏབྦཾ གནྠ ཀརཎཾ པཊིཉྙཱཏུཀཱམོ’ཡོ ཨིདྡྷིམནྟེསཱུ’ཏིཨཱདིམཱཧ, ཏཏྠ ‘ཡོ’ཏི ཨིམསྶ ‘ཏནྣཱམདྷེཡྻེནཱ’ཏི ཨིམིནཱ སམྦནྡྷོ, ཨེཏཱཡ སཏྟཱ ཨིཛ྄ཛྷནྟི ཨིདྡྷཱ ཝུདྡྷཱ ཨུཀྐཾསགཏཱ ཧོནྟཱིཏི ཨིདྡྷི=ཨིདྡྷིཝིདྷཱདཡོ ལོཀིཡཱ ལོཀུཏྟརཱ ཙ སཱ ཨེཏེསམཏྠཱིཏི ཨིདྡྷིམནྟོ, ཏེསུ ཨིདྡྷིམནྟེསུ, ཨིདྡྷིམནྟཱནཾ མཧཱསཱཝཀཱནཾ མཛ྄ཛྷེཏི ཨཏྠོ, མཧཏྟཔྤཏྟོཏི མཧཏྟཾ མཧནྟབྷཱཝཾ གཏོ, ཏནྣཱམདྷེཡྻེནཱཏི ཏསྶེཝ ནཱམདྷེཡྻམསྶཱཏི ཏནྣཱམདྷེཡྻོ, ཏེན, ཏཔོདྷནེནཱཏི མུནིནཱ, ཀིཾ ཝུཏྟཾ ཧོཏི- ‘‘ཨེཏདགྒཾ བྷིཀྑཝེ མམ སཱཝཀཱནཾ བྷིཀྑཱུནཾ ཨིདྡྷིམནྟཱནཾ ཡདིདཾ མོགྒལླཱནོ’’ཏི བྷགཝཏཱ ཨིདྡྷིམནྟེསུ ཨེཏདགྒེ ཋཔིཏོ མཧཱམོགྒལླཱནཏྠེརོ ནཱམ ཡོ དུཏིཡོ ཨགྒསཱཝཀོ… (ཏེན སམཱནནཱམདྷེཡྻེནཱཏི) ཏམཔདིསནྟོ-ཡམཱཙརིཡོ ཨནུདྡྷཏབྷཱཝེན ཨུཛུནཱཀྐམེན ནཱམཱདིཀམཝཏྭཱ ཝངྐཝུཏྟིཡཱ ཨཏྟནོ མོགྒལླཱནོཏི ནཱམཾ མཧཱསཱམིཊྛཱནནྟརཔྤཏྟིཾ ཀཱལོཙིཏཔཉྙཱ ཝེཡྻཏྟིཡཾ བུདྡྷསཱསནོཔཀཱརིཏཱདིཉྩ ཝིབྷཱཝེཏི. ‘ཡཾ རཙིཏ’ནྟི སམྦནྡྷོ, རཙིཏནྟི ཀཏཾ, ཀིནྟི ཨཱཧ སདྡསཏྠ’ནྟི, སདྡསཏྠཾ ནཱམ སུཏྟ, སདྡལཀྑཎབྱཱཀརཎཱདྱཔརནཱམདྷེཡྻཾ, སུཏྟཾ(ཧི) ‘སདྡཱ (ལཀྑཱིཡནྟི) སཱསཱིཡནྟི ཨནུསཱསཱིཡནྟི པཀཏིཔྤཙྩཡཱདིཝིབྷཱགཀཔྤནཱཡ ཨེཏེནཱ’ཏི སདྡལཀྑཎནྟི ཙ ‘བྱཱཀརཱིཡནྟི སདྡནིཔྥཱདནཝསེན ཀཐཱིཡནྟི ཨེཏེནཱ’ཏི བྱཱཀརཎནྟི ཙ ཝུཙྩཏི, ཨཔརམྤན ཝུཏྱཱདི ཏདུཔཀརཎབྷཱཝེན སདྡསཏྠཾ སདྡལཀྑཎཾ བྱཱཀརཎནྟི ཙ ཝུཙྩཏཱིཏི དཊྛབྦཾ, ཨནུནནྟི ཏབྦིསེསནཾ, ཨསེསལཀྑིཡོཔསངྒཱཧཀབྷཱཝེན ཝཏྟབྦསྶཱཔརསྶཱབྷཱཝཱ སམྤུཎྞནྟི ཨཏྠོ, ཨཐཱཏི ཨནནྟརཏྠེ ནིཔཱཏོ, སདྡསཏྠརཙནཱནནྟརནྟི ཨཏྠོ, ཏསྶེཏི སདྡསཏྠསྶ, ཝུཏྟི ཙ ¶ སམཱསཱ ཀཏཱཏི སམྦནྡྷོ, སུཏྟཾ ཝིཝརཱིཡཏི ཨེཏཱཡཱཏི ཝུཏྟི, སམསྶཏེ སངྑིཔཱིཡཏཱིཏི སམཱསཱ.

ཏསྶཱཔཱིཏི ཝུཏྟིཡཱཔི, སངྒཧེཏྭཱ སདྡཝསེན སངྐུཙིཏཾ ཝིཡ ཀཏྭཱ ཁིཔནཾ སངྑེཔོ, ཏསྶ ནཡོ ཀམོ སངྑེཔནཡོ, ཏེན, བྷོཝཱཏི ཡོ སདྡསཏྠསྶ ཝུཏྟིཡཱ ཙ ཀཏྟཱ སོ ཨེཝ, ཨིདཱནི སུཏྟཝུཏྟིརཙནཱནནྟརམཝསརཔྤཏྟེ ཨིམསྨིཾ ཀཱལེ, སམཱརབྷེཡྻ སམྨཱ ཨཱརམྦྷཾ ཀརེཡྻ བཧུནྣཾ ཀྲིཡཱཀྑཎཱནམཱདིབྷཱུཏཾ ཀྲིཡཱཀྑཎམནུཏིཊྛེཡྻ, ཀིནྟི སཾཝཎྞནཾ, སཾཝཎྞཱིཡཏི ཨཏྠོ ཨེཏཱཡཱཏི སཾཝཎྞནཱ, པཉྩཱིཡཏི ཝིཔཉྩཱིཡཏི བྱཏྟཱི ཀརཱིཡཏི ཝུཏྟི ཨཏྠོ ཨེཏཱཡཱཏི ཝཱ, ཏཾ པཉྩཡཏཱིཏི ཝཱ ལདྡྷནཱམཔཉྩིཀཱ, ཏཾ.

ཨེཝམཏྟནཱ ཀརཎཱིཡསཏྠམྤཊིཛཱནིཏྭཱ ཏདནནྟརཾ ‘‘དྭེ མེ བྷིཀྑཝེ པཙྩཡཱ སམྨཱདིཊྛིཡཱ ཨུཔྤཱདཱཡ (ཀཏམེ དྭེ) པརཏོ ཙ གྷོསོ (ཨཛ྄ཛྷཏྟཉྩ) ཡོནིསོ མནསིཀཱརོ’’ཏི ཝཙནཏོ སམྨཱསཝནཔཊིབདྡྷཱ སབྦཱཔི སཱསན (པྤཊི) སམྤཏྟཱིཏི སཱསནཔྤཊིཔཏྟིཡཱ བྱཱཀརཎསྶ མཱུལཀཱརཎཏྟཱ ཏཾ སཝནེ སཱདྷུཛནེ ནིཡོཛེནྟོ ‘ཏཾ སཱརབྷཱུཏ’ནྟིཨཱདིམཱཧ, ཏཏྠ ཏནྟི ཡསདྡཝིརཧེཔི ཨདྷིཀཏཏྟཱ སཾཝཎྞནཾ པརཱམསཏི, ཏཾ སུཎནྟཱུ’ཏི སམྦནྡྷོ, སཱདྷཱུཏི སཝནཀྲིཡཱཝིསེསནཾ, ཨཏྠཱནུརཱུཔཾ བྱཉྫནཾ, བྱཉྫནཱནུརཱུཔཉྩ ཨཏྠཾསལླཀྑེཏྭཱ ཨནཉྙམནཱ ཧུཏྭཱ སཀྐཙྩཾ སུཎནྟཱུཏི ཨཏྠོ སུཝཎྞབྷཱཛནེ ནིཀྑིཏྟསཱིཧཝསཱཝིཡ ཨཝིནསྶམཱནཾ ཀཏྭཱ ཧདཡེ ཋཔནཝསེན, སཀྐཙྩསཝནམེཝ ཧི སོཏཱུནམཏྠཱཝཧཾ ཧོཏཱིཏི, སནྟོཏི སཝནཀྲིཡཱཡ ཀཏྟཱརོ དསྶེཏི, ཏཐཱ སཱཏིསཡབྱཱཀརཎཾ… ཏཐཱཝིདྷཱ ཨེཝ སཔྤུརིསཱ སཱདྷུཀཾ སོཏུཀཱམཱ ཧོནྟཱིཏི, ཀིམྦྷཱུཏནྟི ཨཱཧ ‘སཱརབྷཱུཏ’ནྟིཨཱདི, བྷཱུཏསདྡོ ཨེཏྠ ‘‘བྷཱུཏསྨིཾ པཱཙིཏྟིཡ’ནྟིཨཱདཱིསུ ཝིཡ ཝིཛྫམཱནཏྠོ, ཕེགྒུཏྟཱབྷཱཝེན ཨཔརིཙྩཛནཱིཡཏཱཡ སཱརོ ཐིརཾ སོ ཨཏྠོ བྱཉྫནཉྩ ཨསྶཱ ཨཏྠཱིཏི སཱརཱ ཙ སཱ བྷཱུཏཱཙ, ཨཐ ཝཱ ལོཀིཡལོཀུཏྟརགུཎཱཏིསཡསཱདྷནེཀསཱདྷནབྷཱཝཏོ སེཊྛཊྛེན སཱརཉྩ སཱ བྷཱུཏཱཙཱཏི སཱརབྷཱུཏཱ, ཏཾ གནྠོ ཡེཝེཏྠ སངྑེཔིཏོ, ཨཏྠོ པན ནཡགྒཱཧིཏཏཱཡཔི སབྦཐཱ དསྶིཏོཡེཝཱཏི ¶ ཝིཔུལཾ ཨཏྠཾ གཎྷཱཏཱིཏི ཝིཔུལཏྠགཱཧཱི, ཏཾ, ཝིདྷཱིཡམཱནཝཎྞནཱཀྐམཝིསེསེན བྱཱཀུལསྶ ཝཎྞནཱཀྐམསྶ ནིརསནཏོ ནཏྠི ཨཱཀུལཾ ཀིཉྩི ཨསྶཱཏི ཨནཱཀུལཾ, ཏཾ, ཨིམིནཱ ཙ ཀཙྩཱཡནཝུཏྟིཝཎྞནཱསུ ན ཏཐཱབྷཱཝཾ དསྶེཏི.

ཏདེཝམདྷིཀཏཏྟཱཡེཝཱཡམཱཙརིཡོ གནྠཱརམྦྷེ’མཧཱདཡོ ཡོ’ཏིཨཱདིཀེ པཊིཔཛྫིཏྭཱ དཱནི ཨཏྟནཱ ཝཎྞནཱིཡསྶ གནྠསྶཱདི བྷཱུཏཾ ཝཱཀྱམནདྷིཀཏཔརིཧཱརམུཁེནེཝོཔནྱསྱ བྱཱཁྱཱཏུམཱཧ- ‘ཨིདྷཱ’ཏིཨཱདི, ཏཏྠ ཨིདྷཱཏི ཨིམསྨིཾ མཱགདྷིཀསདྡལཀྑཎཝིརཙནཱདྷིཀཱརེ, མཱགདྷཱནཾ སདྡཱནཾ ཨིདནྟི མཱགདྷིཀཾ, མཱགདྷིཀཾ སདྡལཀྑཎནྟི ཝིསེསན སམཱསོ, ཝིརཙཡིཏུཀཱམོཏི ཀཏྟུཀཱམོ, རཏིཾཛནེཏཱིཏི རཏནཾ, རམཡཏཱི [ར ཏཡཏཱི (པོཏྠཀེ)] ཏི (ཝཱ) རཏནཾ ཨནཔྤཙྩཡེན, ཨཐཝཱ ཡཾ ལོཀེ ཙིཏྟཱིཀཏཱདིཀཾ རཏནནྟི ཝུཙྩཏི, ཨིདམྤི ཏཾ སདིསཏཱཡ རཏནནྟི ཝུཙྩཏི, ཏཐཱཙཱཧུ–

ཙིཏྟཱིཀཏཾ མཧགྒྷཉྩ, ཨཏུལཾ དུལླབྷདསྶནཾ;

ཨནོམསཏྟཔརིབྷོགཾ, རཏནཾ ཏེན ཝུཙྩཏཱིཏི.

བུདྡྷཱདཱིནམེཏམདྷིཝཙནཾ, ཏཡོ ཨཝཡཝཱ ཨསྶཱཏི ཏཡཾ, སམུདཱཡོ, རཏནཱནཾ ཏཡཾ རཏནཏྟཡཾ, ཨཝཡཝཝིནིམྨུཏྟསྶ པན སམུདཱཡསྶ ཨབྷཱཝཏོ ཏཱིཎི ཨེཝ རཏནཱནི ཝུཙྩནྟི, པཎམནཾ པཎཱམོ, རཏནཏྟཡགུཎནིནྣཏཱ, པཎམནྟི ཨེཏཱཡཱཏི ཝཱ པཎཱམོ, པཎཱམཀྲིཡཱནིཔྥཱདིཀཱ ཀུསལཙེཏནཱ, རཏནཏྟཡསྶ པཎཱམོཏི ཚཊྛཱིསམཱསོ, ཨབྷིདྷཱིཡཏི པཊིཔཱདཱིཡཏཱིཏྱབྷིདྷེཡྻོ སམུདིཏེན སཏྠེན ཝཙནཱིཡཏྠོ, ཡེན ཙ ཡོ པཊིཔཱདཱིཡཏི སོ ཏསྶ ཨཏྠོ ཧོཏཱིཏི, སོ ཙ པཀཏིཔྤཙྩཡཱདིཝིབྷཱགཀཔྤནཱཡ སདྡཱནཾ སངྑརཎཾ, སདྡསཏྠེན ཧི སདྡསངྑརཎམེཝ པཊིཔཱདཱིཡཏི, (རཏནཏྟཡཔྤཎཱམོ ཙ ཨབྷིདྷེཡྻོ ཙ) རཏནཏྟཡཔྤཎཱམཱབྷིདྷེཡྻནྟི ཙཏྠསམཱསོ, ཏསྶ སནྡསྶནཾ ཨཏྠོ ཡསྶཱཏི ཨཉྙཔདཏྠོ, ཀིནྟཾ ཝཱཀྱཾ, ཏཱ ཝཱཏི ཝཱཀྱཱལངྐཱརེ, ནནུཙེཝམདྷིཀཏཏྟེཔི ཨབྷིདྷེཡྻམཏྟམེཝདསྶེཏབྦཾ ¶ སིཡཱ ཀིཾ ཝཱཙཱཔཎཱམེན, ཀཱཡམནོམཡེནཱཔི པུཉྙཱཏི སཡཔྤཏྟིཡཱ ཨབྷིསམཱིཧིཏཏྠསིདྡྷི ཧོཏེཝཱཏི ཙོདནཾ མནསི ནིདྷཱཡ ཝཙཱིཔཎཱམསྶ པརཏྠསནྣིསྶཡཏཉྩ ཏསྶེཝ ཝིབྷཱགེན པཡོཛནཉྩ དསྶེཏུམཱཧ- ‘ཏཏྠ’ཨིཙྩཱདི, གུཎསདྡོ ཨེཏྠ ‘‘སཏགུཎཱ དཀྑིཎཱ པཱཊིཀངྑཱ’’ཏིཨཱདཱིསུ ཝིཡ ཨཱནིསཾསཊྛོ, གུཎཱནམཱནིསཾསཱནཾ ཨནུཀཱུལཾ ཨནུགུཎཾ, ཧེཏུམནྟཝིསེསནམེཏཾ, པདྷཱནབྷཱཝཾ ནཱིཏཾ པཎཱིཏཾ ཨཏིཨུཏྟམནྟི ཨཏྠོ, ཨཏཱིསཡེན པཎཱིཏཾ པཎཱིཏཏརཾ, ཙིཏྟསྶསནྟཱནཾ པབནྡྷོ ཙིཏྟསནྟཱནཾ, པཎཱིཏཏརཉྩ ཏཾ ཙིཏྟསནྟཱནཉྩ, ཨནུགུཎཉྩ ཏཾ པཎཱིཏཏརཙིཏྟསནྟཱནཉྩཱཏི ཝིསེསནསམཱསོ, ཏཔྤཎཱམཀརཎེན ཨནུགུཎ…པེ… སནྟཱནཾ ཡེསནྟི ཨཉྙཔདཏྠོ, ཏེསཾ, ཡཐཱ ཏེ སོཏཱརོ རཏནཏྟཡསྶ པཎཱམཀརཎེན པུཉྙཱཏིསཡཔྤཊིལཱབྷཱ ཨནེཀཱནིསཾསཱཏིསཡཔྤཊིལཱབྷཱནུཀཱུལ ཙིཏྟསནྟཱནཏཱཡ པདྷཱནཏརཙིཏྟསནྟཱནཱ ཧོནྟི, ཏཐཱ པཝཏྟཱནནྟི ཨདྷིཔྤཱཡོ, ཨིདམྤི ཨདྷིགཏཱ…པེ… ནྟརཱདྷཱནནྟཱིམེསཾ ཧེཏུབྷཱཝེན ཏིཊྛཏི, ཨདྷིགཏཱ པཏྟཱ ཨནེཀེ བཧཱུ ཨཱནིསཾསཝིསེསཱ ཨཱཡུ ཝཎྞསུཁབལཔཊིབྷཱནཱདཡོ ཡེསནྟི ཝིགྒཧོ, ཝིསོསིཏཱ སུཀྑཱཔིཏཱ ཨནྟརཱཡཱ བྷཡཱདཡོ ཨཛ྄ཛྷཏྟིཀཱ བཱཧིཡཱ ཝཱ ཡེསཾ ཏཐཱཝིདྷཱནཾ སོཏཱུནཾ, ཨེཏེཔི ཨབྷི,པེ,དྡྷཏྠནྟི ཨིཙྩསྶ ཧེཏཱུ, ཨབྷིསམཱིཧིཏསྶ ཨནུཊྛིཏསྶ ཀཏནིཊྛིཏསྶ གནྠསྶ ཨཝབོདྷོཡེཝ ཕལཾ, ཏསྶ སིཛ྄ཛྷནཏྠཾ, ཀིནྟཾ རཏནཏྟཡཔྤཎཱམསནྡསྶནཾ.

སཙྩཾ པུནཔི སཙྩནྟི, བྷུཛམུཀྑིཔྤ ཝུཙྩཏེ;

སཀཏྠོ ནཏྠཱི ནཏྠེཝ,པརསྶཏྠམཀུབྦཏོཏི.

ཝཙནཏོ པརཏྠོཝ སཔྤུརིསེཧི ཀཏྟབྦོ, པརཏྠེ སམྤཱདིཏེ པན སཀཏྠོ སམྤནྣོཝ ནཱམ སིཡཱཏི མནསི ཀཏྭཱ ཨཱཧ- ‘ཨེཏདེཝཱ’ཏིཨཱདི. ཀཱཡམནོསམཱཙརཎེན སམྤཛྫམཱནཉྩ ཝཙཱིསམཱཙརཎེན སམྤཛྫཏེཝཱཏི ཨནེནེཝ ཝཱཀྱེན ཝིཉྙཱཡཏཱིཏི ཨཝགནྟབྦཾ, བུདྡྷི པུབྦཱ ཡསྨིཾ ཀརཎེ ཏཾ བུདྡྷི པུབྦཾ, ཏཾ སཱིལེན ཀརོནྟཱ བུདྡྷིཔུབྦཀཱརིནོ, ཨབྷིདྷེཡྻསྶ ཨདྷིགམོ ཛཱནནཾ པུབྦོ ཡསྶ སོ ཨབྷིདྷེཡྻཱདྷིགམཔུབྦཀོ ¶ , ཨཝཏཱརོ པཝཏྟི, ཨེཀདེསདསྶནེ ‘‘སམུདྡོ དིཊྛོ’’ཏི ཝིཡ ཨེཀདེསེཔི སམུདཱཡཝོཧཱརདསྶནཏོ པཙྪིམ པཱདེནཱཏི ཝུཏྟཾ, པཙྪིམཔཱདསྶེཀདེསབྷཱུཏེན ‘སདྡལཀྑཎ’མིཙྩནེནཱཏི ཨཏྠོ, སཱདྷིཡཾ སདྡཱནཾ སངྑརཎཾ, སཱདྷནཾ བྱཱཀརཎཾ, ཏཾ ལཀྑཎཾ སབྷཱཝོ ཨསྶཱཏི སཱདྷིཡསཱདྷནལཀྑཎོ, སཱདྷིཡསྶེདཾ སཱདྷནཾ, སཱདྷནསྶ ཙེདཾ སཱདྷིཡནྟི ཨེཝམསྶེདམྦྷཱཝཧེཏུསབྷཱཝོ སམྦནྡྷོཏི ཝུཏྟཾ ཧོཏི, པཡོཛནཾ ཨབྷིདྷེཡྻསདྡོཔདསྶིཏཾ སདྡསངྑརཎཾ, ཏཏྠ སམྦནྡྷསྶནྟོགདྷཏྟཾ… སཱདྷིཡོཔདསྶནམུཁེན སཱདྷནསྶཱཔི དསྶིཏཏྟཱ ནིསྶཡོཔདསྶནཏོ, ཨུསྶུཀྐཾ སམྨཱཝཱཡཱམཾ, བུདྡྷཏྟཾ སབྦཉྙུཏཉྙཱཎཾ, པཱུརེཏྭཱཏི–

མནུསྶཏྟཾ ལིངྒསམྤཏྟི, ཧེཏུ སཏྠཱརདསྶནཾ;

པབྦཛྫཱ གུཎསམྤཏྟི, ཨདྷིཀཱརོ ཙ ཚནྡཏཱ;

ཨཊྛདྷམྨསམོདྷཱནཱ, ཨབྷིནཱིཧཱརོ སམིཛ྄ཛྷཏཱིཏི.

ཝུཏྟཨཊྛདྷམྨསམནྣཱགཏེན ཨབྷིནཱིཧཱརེན སམནྣཱགཏཱ ཧུཏྭཱ ཡཐཱཝུཏྟེ པཱརམིཏཱདཡོ དྷམྨེ པཱུརེཏྭཱཏི ཨཏྠོ, ཨཱགཏཱཏི སཏྟཏྟིཾསབོདྷིཔཀྑིཡདྷམྨཱནུབྲཱུཧནེན ཨཱགཏཱ, ཨིདྷཱཏི ཨིམསྨིཾ ལོཀེ, ཨཱགཏཱཏི པཏྟཱ ཨུཔྤནྣཱ, ཏཐཱགཏོཏི ཡཐཱ སམྤཏི ཛཱཏཱ ཏེ བྷགཝནྟོ སཏྟཔདཝཱིཏིཧཱརེན གཏཱ, ཏཐཱ ཨཡམྤི ཨུཏྟརཱབྷིམུཁཾ གཏོཏི ཨཏྠོ, མུཧུཏྟཛཱཏོཝཱཏི སམྤཏིཛཱཏོ ཨེཝ, ཛཱཏསམནནྟརམེཝཱཏི ཝུཏྟཾ ཧོཏི, ཝིཀྐམཱིཏི ཨགམཱསི, སཏྟ པདཱནི གནྟྭཱན དིསཱ ཝིལོཀེསཱིཏི ཨིདཾ ‘‘དྷམྨཏཱ ཨེསཱ བྷིཀྑཝེ སམྤཏི ཛཱཏོ བོདྷིསཏྟཱ སམེཧི པཱདེཧི པཏིཊྛཧིཏྭཱ’’ཏི ཨེཝ མཱདིཀཱཡ པཱལི༹ཡཱ སཏྟཔདཝཱིཏིཧཱརཱུཔརིཋིཏསྶ སབྦདིསཱནུཝིལོཀནསྶ ཝུཏྟཏྟཱ ཝུཏྟཾ, དིསཱ ཝིལོཀེསི སམནྟཏོཏི ཨིདམྤན ‘སམེཧི པཱདེཧི ཕུསཱི ཝསུནྡྷར’ནྟི ཨེཏསྶ ཨནནྟརཾ དཊྛབྦཾ… པཱདེཧི ཝསུནྡྷརཱཕུསནཱནནྟརམེཝ དསདིསཱཝལོཀིཏཏྟཱ, ཨཊྛངྒཱནི ནཱམ–

ཝིསཊྛཾ མཉྫུ ཝིཉྙེཡྻཾ, སཝནཱིཡཱ-ཝིསཱརིནོ;

བིནྡུ གམྦྷཱིརནིནྣཱདི,ཙྩེཝམཊྛངྒིཀོ སརོཏི.

ཝུཏྟཱནི ¶ ཨཊྛངྒཱནི, ཏཐཱགཏོཏི ཨིམསྶེཝ ཝིསུཾ ཨཏྠཔརིཡཱཡཾ དསྶེཏུཾ ‘ཨཐཝཱ’ཏིཨཱདིམཱཧ, ཨརིཡེན སེཏུནཱཏི སམཐཝིཔསྶནཱསངྑཱཏེན ཨུཏྟམེན མགྒེན, ཨེཝམཱདིནཱཏིཨཱདིསདྡེན ཏེསཾ ཏེསཾ དྷམྨཱནཾ སབྷཱཝསརསལཀྑཎཾ ཏཐཾ ཨཱགཏོ ཡཐཱཝཏོ ཨདྷིགཏོ’ཡེགཏྱཏྠཱ ཏེ བུདྡྷྱཏྠཱ, ཡེ བུདྡྷྱཱ ཏེ གཏྱཏྠཱ’ཏིཏཐཱགཏོཏི ཨེཝམཱདིཾ སངྒཎྷཱཏི, ཏཏྠཏཏྠཱཏི ཏེསུ ཏེསུ དཱིགྷཱགམཱདཱིསུ, ཏཐཱགཏབྷཱཝོཏི ཏཐཱགཏོཏི བྷཝནཾ ནིཔྥཏྟི ནམསྶནཀིརིཡཱབྷིསམྦནྡྷཱཏི’ནམསྶིཏྭཱ’ཏི ཨེཏྠ ནམསྶནཀིརིཡཱཡ ཨབྷིསམྦནྡྷཱ ཨིམིནཱ ཏཐཱགཏཱདཱིནཾ ཀམྨཏྟཾ ཝིབྷཱཝེཏི, ནམསྶནཀིརིཡཱཝིསེསནཏྟཱཏི ‘ནམསྶིཏྭཱ’ཏི ནམསྶནཾ ཀཏྭཱཏི ཝུཏྟཾ ནཱམ སིཡཱཏི ནམསྶནནྟི ཝུཏྟནམསྶནཀིརིཡཱཡ ཝིསེསནཏྟཱ, བོདྷིཡཱཏི བོདྷིཝུཙྩཏི ཙཏཱུསུ མགྒེསུ ཉཱཎཾ, ཏཾ བྷགཝཱ ཨེཏྠ པཏྟོཏི (བོདྷི, ཏསྶཱ) བོདྷིརུཀྑསྶཱཏི ཨཏྠོ, མཱུལེཏི མཱུལསམཱིཔེ ‘‘ཡཱཝ མཛ྄ཛྷནྷིཀེ ཀཱལེ ཚཱཡཱ ཕརཏི ནིཝཱཏེ པཎྞཱནི པཏནྟི ཨེཏཱཝཏཱ རུཀྑམཱུལཾ’’ཏིཨཱདཱིསུ ཝིཡ, ནནུ ཨཉྙེཔི ཁཱིཎཱསཝཱ ‘ཨགྒམགྒེནེ’ཙྩཱདིནཱ ཝཀྑམཱན ནཡེན ནིཔྥནྣཱ ཨེཝཱཏི ཨནུཡོགཾ མནསིཀཏྭཱ ཝུཏྟཾ ‘སཧེཝ ཝཱསནཱཡཱ’ཏི, ན ཧི བྷགཝནྟཾ ཋཔེཏྭཱ ཨཉྙེ སཧ ཝཱསནཱཡ ཀིལེསེ པཧཱཏུཾ སཀྐོནྟི, ཨེཏེན ཨཉྙེཧི ཨསཱདྷཱརཎཾ བྷགཝཏོ ཨརཧཏྟནྟི དསྶེཏི, ཏེནེཝ ཨིདྡྷསདྡསྶ ཨཏྠཾ དསྶེནྟོ’ཏེཔི ཧི’ཙྩཱདིཀཾ ཝཀྑཏི, ཀཱཔནཱཡཾ ཝཱསནཱ ནཱམ པཧཱིནཀིལེསསྶཱཔི ཨཔྤཧཱིནཀིལེསསྶ པཡོགསདིསཔཡོགཧེཏུབྷཱུཏོ ཀིལེསནིཧིཏོ སཱམཏྠིཡཝིསེསོ’ཨཱཡསྨཏོ པིལིནྡཝཙྪསྶ ཝསལསམུདཱཙཱརནིམིཏྟཾ ཝིཡ’, ཨགྒམགྒེནཱཏི ཨརཧཏྟམགྒེན, སབྦཀིལེསེ རཱགཱདིཀེ, ཨརཧཏྟཾ ཨགྒཕལཾ, སམྨུཏི ཨུཔཔཏྟིདེཝབྷཱཝཏོ ཨཉྙེན ཝིསུདྡྷི དེཝབྷཱཝེནཱཏིནིཔྥནྣཏྟཱ ཨཱཧ-‘ཝིསུདྡྷིདེཝབྷཱཝེནཱ’ཏི, སཀལཀིལེསཀཱལུསྶིཡཱཔགམེན ཝིསུདྡྷིཔྤཏྟིཡཱ སབྦཉྙུགུཎཱ ལངྐཱརེན ཝིསུདྡྷིདེཝབྷཱཝེནཱཏི ཨཏྠོ.

‘ཨིདྷ=སཾསིདྡྷིཡཾ’ ཨིདྡྷཝནྟོ ཨིདྡྷཱཏྟཔྤཙྩཡེན, ‘གུཎ=ཨཱམནྟཎེ’ བྷཱུཝཱདིསེསོ, གུཎཱིཡནྟི པརིཙཱིཡནྟི སེཡྻཏྟིཀེཧཱིཏི གུཎཱ ཀཔྤཙྩཡེན, ཏེཔཱིཏི སཱཝཀཔཙྩེཀབུདྡྷཱཔི, ཧི སདྡོ ཧེཏུམྷི, ཡསྨཱ ཨགྒཾ…པེ… ཨནཱུནགུཎཱ ¶ , ཏསྨཱཏི ཨཏྠོ, སབྦཉྙུཏཱདཱིནནྟིཨཱདིཀཾ ཏེསཾ སབྦཉྙུབུདྡྷེཧི ཨཱུནགུཎཏཱཡ ཧེཏུཝཙནཾ, ཀེཙི ‘སིདྡྷོ མིདྡྷགུཎོ ཨསྶཱཏི སིདྡྷམིདྡྷགུཎནྟི དུཊྛམཏྠཾ པརིཀཔྤེཏྭཱ ཝཱཀྱམིདཾ དཱུསེནྟི, ཏེ པན ‘མིདྡྷོ ནཱམ ཀོཙི གུཎོ ནཏྠཱི’ཏི ཙ, ‘ཏཐཱགཏོ ནཱམ མིདྡྷ གུཎོ ན ཧོཏཱི’ཏི ཙ, ‘ཏཱདིསོ ཙེ སིཡཱ ན ཉཱཎནིསྶིཏཔཱུཛཱ པཀཏོཔཡོགིནཱི བྷཝཏཱི’ཏི ཙ ཨཛཱནིཏྭཱ ཝདཐ ཏུམྷེཧི ཝཏྭཱ ཨུཡྻོཛེཏབྦཱ, མངྒལཏྠཉྩེཏྠཱདོ སིདྡྷསདྡོཔཱདཱནཾ, མངྒལཱདཱིནི ཧི སཏྠཱནྱབྱཱཧཏཔྤསརཱནི ཧོནྟྱཱཡསྨནྟབྱཱཁྱཱཏུསོཏུཀཱནི ཙ, དྷམྨསངྒྷཱནམྤཱིཏི ཨིམིནཱ ཨཝཡཝེན ཝིགྒཧེཔི སམུདཱཡསྶ སམཱསཏྠཏྟཱ ཨཉྙཔདཏྠསམཱསོཡཾ ཏགྒུཎསཾཝིཉྙཱཎོཏི དཱིཔེཏི, ཏེནཱཧ- ‘ཨཉྙཔདཏྠེ’ཙྩཱདི, གུཎཱིབྷཱུཏཱནམྤཱིཏི ཨཔྤདྷཱནབྷཱུཏཱནམྤི ཝིསེསནབྷཱུཏཱནམྤི ཨཉྙཔདཏྠསྶ པདྷཱནཏྟཱ, ཀིརིཡཱཏིསམྦནྡྷོ ཝགམྱཏེ དྷམྨསངྒྷཱནཾ གུཎཱིབྷཱུཏཱནམྤི ཏདཝིནཱབྷཱཝིཏྟེན ནམསྶནཱཏིསམྦནྡྷཱ, ཏདེཝ སམཏྠེཏི ‘ཏཐཱཧ’ཙྩཱདིནཱ, པུཏྟེན སཧ ཝཏྟམཱནོཏི ཏགྒུཎསཾཝིཉྙཱཎཨཉྙཔདཏྠསམཱསཏྟཱ ཏུལྱམུབྷིནྣམྤི ཨཱགམནནྟི པུཏྟོཔི ཨཱགཏོཏི པཏཱིཡཏེ, ཏཏྠཱཏི ནིདྡྷཱརཎེ སཏྟདྷཱི, ཨཏྟཱནནྟི དྷམྨཾ དསྶེཏི, དྷཱརེནྟེཏི ཨཏྟནི ཋཔེནྟེ པཝཏྟེནྟེ ཨུཔྤཱདེནྟེ, ཙཏྟཱརོཔི ཨཔཱཡཱ སཱམཉྙཝསེན’ཨཔཱཡེ’ཏི ཝུཏྟཱ, ཀིལེསཝཊྚ ཀམྨཝཊྚ ཝིཔཱཀཝཊྚཝསེན ཏཡོ ཝཊྚཱ, ཏེསུ དུཀྑཾ, ཏསྨིཾ, དྷཱརེཏཱིཏི ཝུཏྟདྷཱརཎཾ ནཱམ ཨཏྠཏོ ཨཔཱཡཱདིནིབྦཏྟཀཀིལེསཝིདྡྷཾསནཾ, ཏཉྩ ཡཐཱརཱུཔཾ ཀིལེསསམུཙྪིནྡནཏཔྤཊིཔྤསྶདྡྷི ཨཱལམྦནབྷཱཝེན ཧོཏཱིཏི ཨཱཧ- ‘སོ…པེ… ཝསེནཱ’ཏི, ནཝནྣམྤི, ཏེ སམདྷིགམཧེཏུཏཱཡ དྷམྨོཡེཝ ནཱམཱཏི ‘དསཱ’ཏིཨཱདི ཝུཏྟཾ, ཏཏྠ ཀཱརཎམཱཧ- ‘ཏམྨཱུལཀཏྟཱ’ཏིཨཱདི, ཏམྨཱུལཀཏྟཱཏི ཏཾ ཀཱརཎཏྟཱ, སཱིལདིཊྛིསཱམཉྙེནཱཏི ཨརིཡེན སཱིལེན ཨརིཡཱཡ ཙ དིཊྛིཡཱ སམཱནབྷཱཝེན, ཨརིཡཱནཉྷི སཱིལདིཊྛིཡོ མགྒེནཱགཏཏྟཱ སབྦཐཱ སམཱནཱཝ, ཏེན ཏེ ཡཏྠཀཏྠཙི ཋིཏཱཔི སཧགཏཱཝཱཏི སཾཧཏོཏི ཨིམསྨིཾ ཨཏྠེ སངྒྷོཏི པདསིདྡྷི དཊྛབྦཱ, ཨདྷིཔྤེཏཝསེན པནེཏཾ ཝུཏྟཾ, ལོཀིཡསཱིལདིཊྛིཡཱ སཱམཉྙེན སཾཧཏཏྟཱ སམྨུཏིསངྒྷོཔི པཎཱམཱརཧོཡེཝཱཏི དཊྛབྦཾ.

ཨཐ ¶ ཀེཏེ སདྡཱ, ཡེསམིདཾ ལཀྑཎཾ བྷཱསིསྶནྟི པཊིཉྙཱཏནྟི ཨཱཧ-‘སདྡཱ གྷཊཔཊཱདཡོ’ཏི, ཨཱདིསདྡེན རུཀྑཱདཡོ, ནནུ སནྟི མེགྷསདྡསམུདྡསདྡཱདཡོཔཱིཏི ན ནིརཏྠཀཱནམིདྷཱནུཔཡོགིཏྟཱ, ཡེ ལོཀསངྐེཏཱནུརོདྷེནཱཏྠཔྤཀཱསཀཱ ཏེསཾ སཱཏྠཀཱནམེ ཝིདཾ ལཀྑཎནྟི, ཨཔིཙ ‘སདྡཱ གྷཊཔཊཱདཡོ’ཏི ཝདནྟོ ཝེདིཀཱནཾ ཝིཡ ཨུནྟི [ཉཏྠི (པོཏྠཀེ)] ཨཱདཱིནཾ ཨནུཔུབྦཱིནིཡམཱཝཏྠཱནམསམྦྷཝཱ ཏདནུཀྐམེན ནིཔྥཱདིཡམཱནནམྤི སདྡཱནཾ ལོཀིཡཏྟཱནབྷིཝཏྟནཉྩ བོདྷེཏཱིཏི དཊྛབྦཾ, ནུ ཏཏྠ པཀཱསཀཏྠཾ སདྡསྶ སམུདཱཡཝསེན ཝཱ སིཡཱ པཙྩེཀཝཎྞཝསེན ཝཱ, ཏཏྠ ཡདི པཙྩེཀཝཎྞཱ པཀཱསཡེཡྻུཾ, གྷཊསདྡེ གྷཀཱརོཡེཝ གྷཊཏྠཾ, པཀཱསཡེཡྻ, ཏཐཱ ཙཱཉྙེསམཀཱརཱདཱིནམནཏྠ ཀཏཱ སིཡཱ, ཨཐ སམུདིཏཱ པཀཱསཡེཡྻུཾ, ཏདཱ ཝཎྞཱནམུཙྩཱརཎཱནནྟརཝིནཱསིཏྟཱ སམུདཱཡོཡེཝ ན སིཡཱ, ཏཐཱ སཏི ཀཐ མཏྠཾ སདྡོ པཀཱསཡཏཱིཏི ཙེ ཀམེན སོཏཙིཏྟཱདིགཧིཏཀྑར པཱལི༹ཡཱ ཙ ཡོ སདྡོཏི ཝིཉྙེཡྻོ སཱཏྠཀོ ཙིཏྟགོཙརོ, ཙིཏྟགོཙརསྶཱཔི སདྡསྶ པན བཱལཛནཔྤབོདྷཱཡ ཀཔྤནཱམཏྟེན པཀཏྱཱདིཝིབྷཱགཏོ, ན སབྷཱཝེནཱནྭཱཁྱཱནཾ, ཏེནཱཧ-‘པཀཏྱཱ’དི ཨཱདི, ནནུ གོཨིཙྩཱདིསཱདྷུསདྡནིཡམེ སཏི གོཏཱདཡོ ཨསཱདྷུ སདྡཱཏི ཝིཉྙཱཡནྟི གནྟབྦམགྒནིཡམེ ཨགནྟབྦམགྒོ ཝིཡ, གོཏཱདི ཨསཱདྷུསདྡནིཡམེ ཝཱ གོཨིཙྩཱདཡོ སདྡཱ སཱདྷཝོཏི ཨགནྟབྦམགྒནིཡམེ གནྟབྦམགྒོ ཝིཡ, ཀིཾ སདྡཱནམནྭཱཁྱཱནེནཱ ཏིདམཱསངྐིཡ པཡོཛནམཱཧ- ‘ལཀྑཎཱབྷིདྷཱནཾཙེ’ཙྩཱདི, སདྡཱནམྤཊིཔཏྟིཡཾ པཊིཔདཔཱཋསྶཱནཱུཔཱཡཏྟཾ དསྶེཏུམཱཧ- ‘ཨཉྙཐེ’ཙྩཱདི, ཨཉྙཐཱཏི ཨསཏི ལཀྑཎཱབྷིདྷཱནེ, སཀྐཏཱདཱིཏིཨཱདིསདྡེན པཱཀཏཱདིཾ སངྒཎྷཱཏི, བཧུཝིདྷཏྟཾ སཀྐཏཔཱཀཏཔེསཱཙིཀཨཔབྦྷཾསཝསེན, མགདྷེསུ ཝིདིཏཱཏི ཨིམསྨིཾ ཨཏྠེ ‘‘ཨཉྙསྨི’’ནྟི (༤-༡༢༡) མཱགདྷཱནཾ ཨིདནྟི ཨཏྠེ ‘‘ཎོ’’ཏི (༤-༣༤) ཎཔྤཙྩཡེ མཱགདྷཱ མཱགདྷནྟི ཙ པདནིཔྥཏྟི ཝེདིཏབྦཱཏི དསྶེཏུམཱཧ- ‘མགདྷེསྨི’ཙྩཱདི, མགདྷེསུ ཝིདིཏཱཏིཨཱདིནོ ཨདྷིཔྤཱཡཾ ཝིཝརིཏུམཱཧ- ‘ཨིདཾ ཝུཏྟཾ ཧོཏཱི’ཏིཨཱདི, ཏཏྠ ཨིདནྟི ཨིདཱནི ཝཀྑམཱནཾ མཱགདྷཾ…པེ… ཧོཏཱིཏི ཨེཏཾ ཝུཏྟཾ ཧོཏཱིཏི མགདྷེསུ…པེ… ལཀྑཎཾ མཱགདྷནྟི ¶ ཝདཏཱ པཀཱསིཏཾ ཧོཏཱིཏི ཨཏྠོ, ཧིསདྡོ’མགདྷེསྭི’ཙྩཱདིནཱ ཝུཏྟཾ སམཏྠཡཏི, ལཀྑཎཾ ཝིསེསཡཏཱཏི སདྡལཀྑཎ སདྡསྶ ཨུཏྟརཔདཏྠཔྤདྷཱནཏྟཱ མཱགདྷནྟི ཨིམིནཱ ལཀྑཎཾ ཝིསེསཡཏཱ བྱཝཙྪེདཡཏཱ ཝུཏྟིཀཱརེན, ཨཏྠཏོཏི སཱམཏྠིཡཏོ, སདྡེ ཙ ཝིསེསིཏོ ཧོཏཱིཏི སདྡལཀྑཎསདྡོ མཱགདྷེ ཨེཝ [སདྡེཨེཝ (པོཏྠཀེ)] བྱཝཙྪེདིཏོ ཧོཏི, ཨཡམེཏྠཱདྷིཔྤཱཡོ ‘མགདྷེསུ ཝིདིཏཱ མཱགདྷཱཏི སདྡེ གཧེཏྭཱ ཏེསམིདཾ མཱགདྷནྟི མཱགདྷསདྡེན ཡསྨཱ སདྡལཀྑཎསདྡེ ལཀྑཎཾ ཝིསེསིཏཾ, ཏསྨཱ སདྡལཀྑཎསདྡེ སདྡོ ཡདི ཨམཱགདྷོ ཀཐཾ ལཀྑཎཾ མཱགདྷཾ སིཡཱཏི སཱམཏྠིཡཱ སདྡོཔི ཝིསེསིཏོ ཧོཏཱི’ཏི, ནནུ མཱགདྷནྟི ལཀྑཎསྶ མཱགདྷ སདྡསམྦནྡྷིཏྟཛྷཱཔནཏོ སདྡལཀྑཎནྟི ཨེཏྠ སདྡསདྡསྶ ནིརཏྠཀ ཏཱཔཏྟི ཧོཏཱིཏི, ན ཧོཏི གམྨམཱནཏྠསྶ སདྡསྶ པཡོགམྤཏི ཀཱམཙཱརཏྟཱ སདྡལཀྑཎསདྡསྶ ཝཱ སམཱསཏྠེ ནིརུལ༹ྷཏྟཱ ‘‘ཏཏྲིདཾ སུགཏསྶ སུགཏཙཱིཝརཔྤམཱཎ’’ནྟིཨཱདཱིསུ ཝིཡ, ཀོཔནཱཏིཨཱདིསདྡལཀྑཎནྟི ཨིམིནཱ ཨབྷིདྷེཡྻསངྑཱཏཔཡོཛནསྶ དསྶིཏཏྟཱ ཏཔྤཡོཛནཔུཙྪནཔརཱ ཙོདནཱ, ཝུཙྩཏེཙྩཱདི པརིཧཱརོ, ཡཐཱ སབྦཐཱཏྟཔརཧིཏཀཱམེན.

པིཡོ ཙ གརུ བྷཱཝནཱིཡོ, ཝཏྟཱ ཙ ཝཙནཀྑམོ;

གམྦྷཱིརཉྩ ཀཐཾ ཀཏྟཱ,ནོཙཱ ཋཱནེ ནིཡོཛཀོཏི.

ཝུཏྟེཧི ཏཏོ པརེཧི ཙ པསཏྠཏརེཧི གུཎཝིསེསེཧི སམུཔེཏཾ གུརུཾ.

ཏསྨཱ ཨཀྑརཀོསལླཾ, སམྤཱདེཡྻ ཧིཏཏྠིཀོ;

ཨུཔཊྛཧཾ གུརུཾ སམྨཱ, ཨུཊྛཱནཱདཱིཧི པཉྩཧཱིཏི.

ཝཙནཏོ ཨུཊྛཱན-ཨུཔཊྛཱན-པརིཙརིཡཱ-སུསྶཱུསཱ སཀྐཙྩསིཔྤཔཊིགྒཧཎེཧི སམྨཱ ཨུཔཊྛཧནྟེན སཝན,ཨུགྒཧན-དྷཱརཎ-པརིཔུཙྪཱ-བྷཱཝནཱ ཧི ཀངྑཱཝིཙྪེདཾ ཀཏྭཱ ཝིཉྙཱཏབྦཾ སདྡལཀྑཎཾ, ཏཐཱ ཨཝིཉྙཱཏཾ སདྡལཀྑཎམནེནཱཏི ¶ ཨཝིཉྙཱཏསདྡལཀྑཎོ པུགྒལོ, ཧིསདྡོ ཨཝདྷཱརཎེ, སོ ‘དྷམྨཝིནཡེསུ ཀུསལོ ན ཧོཏཱི’ཏི ཨེཏྠ དཊྛབྦོ, ཀུསལོ དཀྑོ ན ཧོཏི, ཏཏྠ དྷམྨཝིནཡེསུ སུཏྟནྟཱཏཱབྷིདྷམྨསངྑཱཏེསུ དྷམྨེསུ ཙེཝ ཝིནཡེ ཙ, ཀསྨཱ–

ཡོ ནིརུཏྟིཾ ན སིཀྑེཡྻ, སིཀྑནྟོ པིཊཀཏྟཡཾ;

པདེཔདེ ཝིཀངྑེཡྻ, ཝནེ ཨནྡྷགཛོ ཡཐཱཏི.

ཝཙནཏོ, ཨཡམེཏྠཱདྷིཔྤཱཡོ ‘‘ཡཐཱ ཝུཏྟནཡེན སམྦྷཱུཏཔད བྱཱམོཧཝསེན པདཏྠེཔི བྱཱམོཧསམྦྷཝཏོ སུཏྟནྟོཔདསྶིཏཱཡ དིཊྛིཝིནིཝེཊྛནཱཡ ཙ ཨབྷིདྷམྨཱགཏེ ནཱམརཱུཔཔརིཙྪེདེ ཙ ཝིནཡ ནིདྡིཊྛེ སཾཝརཱསཾཝརེ ཙ ཨཀོསལླཾ སིཡཱ’’ཏི, ཡཐཱདྷམྨནྟི དྷམྨཝིནཡ སདྡསྶ ཡོ-ཏྠོ ཝིནཡསུཏྟཱབྷིདྷམྨསངྑཱཏོ, ཏསྶ སོ-ཏྠོ, ཏདནཏིཀྐམེན, པཊིཔཛྫིཏུམསཀྐོནྟོཏི ཏཏྠཏཏྠེཝ ཝུཏྟཱསུ ཨདྷིསཱིལ ཨདྷིཙིཏྟ ཨདྷིཔཉྙཱསིཀྑཱསུ པཝཏྟིཏུཾ ཨསམཏྠོ, ཀུསལོ པན སམཏྠོ པཉྙཱཝིསེསཱལོཀཔཊིལཱབྷཏོ, ཝུཏྟཾ ཧི–

ཡཱཝ ཏིཊྛནྟི སུཏྟནྟཱ, ཝིནཡོ ཡཱཝ དིཔྤཏི;

ཏཱཝ དཀྑནྟི ཨཱལོཀཾ, སཱུརིཡེ ཨབྦྷུགྒཏེ ཡཐཱཏི.

པཊིཔཏྟིནྟི པཊིཔཛྫཱིཡཏཱིཏི པཊིཔཏྟཱིཏི ཡཐཱཝུཏྟཾ ཏིཝིདྷམྤི པཊིཔཏྟིཾ, ཝིརཱདྷེཏྭཱཏི ནཱསེཏྭཱ, ནསྶཏི ཧི པཊིཔཏྟི ཏེསུཡེཝཱ ཀོ སལླཏམགཏཏྟཱ, ཏཐཱ ཙཱཧུ–

སུཏྟནྟེསུ ཨསནྟེསུ, པམུཊྛེ ཝིནཡམྷི ཙ;

ཏམོ བྷཝིསྶཏི ལོཀེ, སཱུརིཡེ ཨཏྠངྒཏེ ཡཐཱཏི.

སཾསཱརདུཀྑསྶེཝ བྷཱགཱི ཧོཏི… ཡཐཱཝུཏྟཱ-ནུཀྐམཔརིཙྩཱགེན ཨནུརཱུཔཔཊིཔཏྟིཡཱ པཊིལབྷིཏབྦཏྟཱ ཨདྷིགམཝིསཡསྶ [ཝིསཐཏྟཱ (པོཏྠཀེ)] ཡོ གཀྑེམསྶ, ཝུཏྟཉྷི ཏསྶཱནུལོམཔཊིཔཏྟིམཱུལཀཏྟཾ–

སུཏྟནྟེ རཀྑིཏེ སནྟེ, པཊིཔཏྟི ཧོཏི རཀྑིཏཱ;

པཊིཔཏྟིཡཾ ཋིཏོ དྷཱིརོ, ཡོགཀྑེམཱ ན དྷཾསཏཱིཏི.

ཨེཏཱཝཏཱ ¶ ཨཝིཉྙཱཏསདྡལཀྑཎསྶ སཀཏྠཔརིཧཱནིཾ དསྶེཏྭཱ ཨིདཱནི སཀཏྠསམྤཏྟིམཱུལིཀཱ པརཏྠསམྤཏྟཱིཏི ཏདབྷཱཝཱ ཏཱདིསོ པུགྒལོ པརེསམྤི པཙྩཡོ བྷཝིཏུཾ ན སཀྐོཏཱིཏི དསྶེཏུཾ ‘ནཙཱ’ཏིཨཱདི ཝུཏྟཾ, པཏིཊྛཱཏི དྷཱརཎཾ, ཏཉྩེཏྠ ཏེསཾ ཏེསཾ ཀུལ པུཏྟཱནཾ དྷམྨཝིནཡསིཀྑཱཔནཾ ཏཾཏཾ ཀམྨཏོ ནིཏྠརཎཱདི ཙ, ཏདུབྷཡ མེཝཱ-ནྷསངྒིཀཾ པཏིཊྛཾ, མུཁྱབྷཱུཏམྤན ཏམྨཱུལཀེ སུཔརིསུདྡྷསཱིལེ པཏིཊྛཱཔནམེཝ, ཏདུཔཀརཎཏྠོ སིཀྑཱཔནཱདི, ཨིདྷ པན ཏཾ སཱདྷནབྷཱུཏོ པུགྒལོ ཨུཔཙཱརཏོ པཏིཊྛཱཏི གཧེཏབྦོ, ཧིསདྡོ ཡཐཱཝུཏྟ སམཏྠནཏྠེ ནིཔཱཏོ, སདྡལཀྑཎཉྙཱུཡེཝཱཏི ཨཝདྷཱརཎམྤན ཏེསུ ཏབྦིདཱུཡེཝ སམཏྠོཏི དསྶནཏྠཾ པཀརཎཝསེན ཝུཏྟཾ, ཨཏྟནོ པན སུགུཏྟསཱིལཀྑནྡྷཝིརཧེན ཀདཱཙི ཀོཙི ཡཐཱཝུཏྟཱནཾ པཏིཊྛཱབྷཝིཏུཾ ན སཀྐོཏི… ཏམྨཱུལཀཏྟཱ སདྡྷམྨཊྛིཏིཡཱ སཔརཔཏིཊྛཱ བྷཱཝསྶ ཙ, ཏེནེཝ ཝིནཡདྷརེ ཨཱནིསཾསཾ དསྶེནྟེན བྷགཝཏཱ ཏཔྤདྷཱནཾ ཏཔྤམུཁཾཝ ཀཏྭཱ ‘‘པཉྩིམེ བྷིཀྑཝེ ཨཱནིསཾསཱ ཝིནཡདྷར པུགྒལེ, ཀཏམེ པཉྩ ཨཏྟནོ སཱིལཀྑནྡྷོ སུགུཏྟོ ཧོཏི སུ རཀྑིཏོ, ཀུཀྐུཙྩཔཀཏཱནཾ པཊིསརཎཾ ཧོཏི, ཝིསཱརདོ སངྒྷ མཛ྄ཛྷེ ཝིཧརཏི, པཙྩཏྟྠིཀེ སཧདྷམྨེན སུནིགྒཧིཏཾ ནིགྒཎྷཱཏི, སདྡྷམྨཊྛིཏིཡཱ པཊིཔནྣོ ཙ ཧོཏཱི’’ཏི ཝུཏྟཾ, ཨཏྠཱནུརཱུཔནྟི ཨཏྟནོ ཝཙནཱིཡསྶཏྠསྶ ཝཱཙཀཏྟེན ཡོགྱཾ, བྱཉྫནཱནུརཱུཔནྟི ཨཏྟནོ ཝཱཙཀསྶ ཝཙནཱིཡཏྟེན ཡོགྱཾ, པརིཝཱསཱདཱིསཱུཏིཨཱདིསདྡེན ཨབྦྷཱནཱདིཾ སངྒཎྷཱཏི, ཏཾཏཾཀམྨནྟི པརིཝཱསཱདིཀཾ ཏཾཏཾཀམྨཾ, ཨཉྙོཏི ཨསདྡལཀྑཎཉྙཱུ, ན ཀེཝལམནེན སཀཏྠཔརཏྠཱཝ ནཱསིཏཱ, ཨཐ ཁོཏི ཝིདྷོ སདྡྷམྨོཔི ནཱསིཏོཡེཝཱཏི ཝཏྠུམཱཧ ‘ཨཛཱནནྟོ པནཱ’ཏིཨཱདི, ཨཡཐཱཔཊིཔཛྫམཱནོཏི སདྡལཀྑཎཉྙུནཱ ཡཐཱ ཡེན པཀཱརེན ཨཏྠཱནུརཱུཔཾ བྱཉྫནེ བྱཉྫནཱནུརཱུཔཉྩ ཨཏྠེ པཊིཔཛྫིཏབྦཾ, ཏཐཱ ཨཔྤཊིཔཛྫམཱནོ, ཏཐཱ ཙ ཝཀྑཏི– ཏཐཱ ཧི སོ སདྡལཀྑཎ མཛཱནནྟོ’ཏིཨཱདི. ཏིཝིདྷམྤི སདྡྷམྨནྟི པརིཡཏྟིཔཊིཔཏྟིཨདྷིགམཝསེནཏི ཝིདྷམེཝ སདྡྷམྨཾ, ཏཏྠ ཏིཔིཊཀབུདྡྷཝཙནཾ པརིཡཏྟིསདྡྷམྨོ ནཱམ, ཏེརས དྷུཏགུཎཱ ཙུདྡས ཁནྡྷཀཝཏྟཱནི དྭེ ཨསཱིཏི མཧཱཝཏྟཱནཱིཏི ཨཡཾ པཊིཔཏྟིསདྡྷམྨོ ནཱམ, ཙཏྟཱརོ མགྒཱ ཙཏྟཱརི ཙ ཕལཱནི ཨཡཾ ཨདྷིགམསདྡྷམྨོ ¶ ནཱམ, ཏཐཱཧིཙྩཱདིནཱ ཝུཏྟམཏྠཾ སམཏྠེཏི, ཏམྤི པཱལི༹ཡཱ ཐིརཱིཀཱཏུཾ ‘ཝུཏྟཾ ཧེཏ’ནྟིཨཱདིམཱཧ, ཏཏྠ དྷམྨཱཏི ཧེཏཱུ, སདྡྷམྨསྶཱཏི ཡཐཱཝུཏྟསྶ ཏིཝིདྷསྶ སདྡྷམྨསྶ, པདབྱཉྫནནྟི པདཉྩ བྱཉྫནཉྩ ཏཾ, ཏཏྠ པདཾ ནཱམ སྱཱདྱནྟཾ ཏྱཱདྱནྟཉྩ, བྱཉྫཱིཡཏི ཨཏྠོ ཨེཏེནཱཏི བྱཉྫནཾ-ཝཱཀྱཾ ཨཐཝཱ པཛྫཏེ གམྱཏེ ཨཏྠོ ཨེཏེནཱཏི པདཾ-སྱཱདྱནྟཱདི, ཝཱཀྱཾཝ བྱཉྫནཾ, སིཐིལདྷནིཏཱདིཔདམེཝཝཱ ཝུཏྟནཡེན བྱཉྫནནྟི པདབྱཉྫནཾ, ཏཾ, དུནྣིཀྑིཏྟཾ དུཊྛུ ནིཀྑིཏྟཾ ཋཔིཏཾ ཝིརཱདྷེཏྭཱ ཀཐིཏཾ, ཨཏྠོ ཙ དུནྣཱིཏོཏི དུནྣིཀྑིཏྟཏྟཱཡེཝ པདབྱཉྫནསྶ ཏབྦཙནཱིཡོཔི དུཊྛུཝིཉྙཱཏོ ཧོཏི, ཝུཏྟཔཊིཔཀྑཏོཏི ‘ཨཝིཉྙཱཏསདྡལཀྑཎོཧི’ཙྩཱདིནཱ ཝུཏྟསྶ ཝིཉྙཱཏསདྡལཀྑཎཏྟཱདིནཱ པཊིཔཀྑབྷཱཝཏོ, བྷཱཝཔྤདྷཱནོ ཧི ཨཡཾ ནིདྡེསོ,ཏྟཔྤཙྩཡལོཔོ ཝཱ, ན ཧི ཨཏྟཱཝ ཨཏྟནཱ ཝེདིཏབྦོཏི ཡུཏྟནྟི.

ཏདེཝནྟིཨཱདིནཱ ཡཐཱཝུཏྟཾ ནིགམེཏྭཱ སཉྙཱཝིདྷཱནེ པཡོཛནཾ དསྶེཏི, ཏནྟི ཧེཏྭཏྠེ ནིཔཱཏོ, ཡསྨཱ སདྡལཀྑཎསྶ ཛཱནནཾསཱནི སཾསཾ ཏསྨཱཏི ཨཏྠོ, ཨེཝནྟི ནིདསྶནཏྠེ ནིཔཱཏོ, ཨེཝཾ སཔྤཡོཛནནྟི སམྦནྡྷོ, ཏདེཝནྟི ཝཱ ནིཔཱཏསམུདཱཡོ ཡཾ, ཝུཏྟེན པཀཱརེནེཏྱསྨིཾ ཨཏྠེ ཝཏྟཏེ. ནནུཙ སཉྙཱིནཾ སཉྙཱནཾ ཝཏྟབྦཏྟེ ‘‘ཨཨཱདཡོ ཏིཏཱལཱིསཝཎྞཱ’’ཏིཨཱདཱིནཾ ཝཱཀྱཱནཾ ཝིསུཾཝིསུཾ མཧནྟཏྟཱ ཀུཏོ ལཱགྷཝཾ སཏྠསྶཱཏི མཉྙམཱནོ ‘ཏཐཱཧི’ཙྩཱདིནཱ སཉྙཱཝིདྷཱནེ ལཱགྷཝསབྦྷཱཝཾ སམཏྠེཏི, ཧོཏེཝཱཏི ཨཝདྷཱརཎེན ཀཏྠཙི པརསཏྠེ ཝིཡ ནོ ན ཧོཏཱིཏི དསྶེཏི, པཊིཔཏྟིལཱགྷཝམྤི ཙེཏྠ ཧོཏེཝ, ཏཐཱཧི ‘‘ཝཎྞཔརེན སཝཎྞོཔི’’ཙྩཱདོ (༡-༢༤) ཝཎྞཱདིསཉྙཱསམུདྡྷརིཏཱ ནཱཏྟཱནམཏྟཱཝགམེཏུམལནྟི པརེ པུཙྪིཏྭཱ ཛཱནིཏབྦཱ ཨསྶ, ཏཏོ སཉྙཱ-ཝསེཡཱ, ཏཏོསྶ སཉྙཱཏི སཉྙཱསཉྙཱིཝིཝེཙནཾ ཏདནུཊྛཱནནྟི པརམྤརཱཔེཀྑཱཡ བྷཝིཏབྦཾ པཊིཔཏྟི གཱརཝཱབྷཱཝཱ. ཨིདཱནི སངྑེཔཏོ སཏྠཀྐམཾ དསྶེཏུམཱཧ-ཨེཝཾ ཏཱཝི’ཙྩཱདི, ཏཱཝཱཏི པཋམཾ, ཨུཔཡུཛྫམཱནཏྟཱཏི བྱཱཔཱརིཡམཱནཏྟཱ, ཝིསཡོ གོཙརོ ཡཏྠེཏེ སྱཱདཡོ ཝིདྷཱི ཡནྟེ, སཧ ཝིསཡེནཱཏི སཝིསཡཱ, པཋམཾ ཀརཱིཡཏཱིཏི པཀཏི ཡཏོ སྱཱདཡོ ཝིདྷཱིཡནྟེ, སཧ པཀཏིཡཱཏི སཔྤཀཏིཀཱ, ལིངྒཱདིཀནྟི ¶ ཨཱདིསདྡེན‘སལབྷཙྪཱཡ’མིཙྩཱདོ ཨེཀཏྟཱདི, ལིངྒེབྷཝཱ ལིངྒིཀཱ-ཨིཏྠིཝིདྷཡོ, ཨེཀཏྠཱིབྷཱཝོ སམཱསོ, ཏེན, སཱམཉྙཏོ སམཱནཏྟཱ, སམཱནཏྟནྟུཎཱདིཝུཏྟིཡཱ ‘‘རཱཛཱདིཝིསིཊྛེ པུརིསཱ དོཝིཡ’ཝསིཊྛཱདིཝིསིཊྛེ ཨཔཙྩཱདིམྷི ཨཏྠེ པཝཏྟནཏོ.

ཨིཏི མོགྒལླཱནཔཉྩིཀཱཊཱིཀཱཡཾ སཱརཏྠཝིལཱསིནིཡཾ

རཏནཏྟཡཔཎཱམཱདིཀཐཱ སམཏྟཱ.

༡. པཋམཀཎྜཝཎྞནཱ

སཉྙཱདྷིཀཱར

༡. ཨ ཨཱདཡོ

སབྦཝཙནཱནཾ སཱཏྠཀནིརཏྠཀཏྟབྱབྷིཙཱརིཏྟཱ ‘ཨིད’ནྟིཨཱདིནཱ སདིཊྛནྟེན སཾསཡམུཔདསྶིཡ སཱཏྠཀཏྟམསྶ དསྶེཏུཉྩ ‘ན ཏཱཝ…པེ… སཱཏྠཀཏྟཱ’ཏི ཝུཏྟཾ, ཨུམྨཏྟཀཱདིཝཱཀྱམིཏི ‘དས དཱལི༹མཱ, ཚ ཨཔཱུཔཱ, ཀུཎྜམཛཱཛིནཾ, པལཱལཔིཎྜོ’ཨིཙྩཱདིཀཾ, ཨཝཡཝཏྠཱན མཉྙམཉྙནཱཏི སམྦནྡྷཱ སམུདཱཡཏྠཱབྷཱཝཏོ ཨནཏྠཀཏྟཾ, ཨཱདིཝཱཀྱནྟི ‘‘མནོསེཊྛཱ མནོམཡཱ’’ཏིཨཱདིཝཱཀྱཾ, སཱཏྠཀཏྟཾ པནསྶ པདཏྠཱན མཉྙམཉྙཱབྷིསམྦནྡྷསྶ པཏཱིཏིཏོ.

ཨཐ ཨཨཱདྱཱདིསདྡཱནཾ སཱདྷུཏྟཱནྭཱཁྱཱནཱཡ ཨིདཾ ཝཙནམིཙྩཱདིཝིཀཔྤནྟརསམྦྷཝེ ཀཐཾ ནིཡམོ ཝུཏྟིཡཾ ཝུཏྟེནཏྠེན སཱཏྠཀཏྟམིཙྩཱསངྐིཡ ཏེསམིཧཱནུཔཡོགིཏྟཾ ཀམེན པཊིཔཱདཡིཏུམཱཧ ‘ཝཀྑམཱནཏྠམེཝིད’མིཙྩཱདི,’ ཨཱཀཱརཱདཡོ ནིགྒཧཱིཏནྟཱ’ཨིཙྩཱདིནཱ ཝུཏྟིཡཾ ཝཀྑམཱནོ ཨཏྠོ ཡསྶ ཏཾ ཏཐཱ ཝུཏྟཾ, སཱདྷཱུནཾ སཱདྷུསདྡཱནཾ ཨནུསཱསནཾ ཨཱཁྱཱནཾ ཨཏྠོ པཡོཛནཾ ཡསྶ ཏནྟི ཝིགྒཧོ.

སཱདྷུསདྡཱནུསཱསནསངྐཱཔེཏྠ ‘‘ཀཏྠེཏྠ ཀུཏྲཱཏྲཀྭེཧིདྷཱ’’ཏི (༤-༡༠༠) ཨཱདིནཱ ཀཏྠཱདིསདྡཱནཾ སཱདྷུཏྟཱནུསཱསནསྶ དསྶནཏོ, ལཀྑཎནྟརེན སཱདྷུབྷཱཝསྶ ཨནྭཱཁྱཱཏཏྟཱཏི ཨཱཔུབྦཱདཱཨིཙྩསྨཱ ‘‘དཱདྷཱཏྭཱི’’ཏི (༥-༤༥) ཨིཔྤཙྩཡེ ཨཱཀཱརལོཔེ ཙ ཨཱདཱིཏི ¶ ཨཨཱདིཡེསནྟི ཨཉྙཔདཏྠསམཱསེ ཡོམྷི ‘‘ཡོསུ ཛྷིསྶ པུམེ’’ཏི (༢-༩༣) ‘ཊེ ཨཨཱདཡོ’ཏི, ཏཡོ ཙ ཙཏྟཱལཱིསཱ ཙཱཏི ཙཏྠ སམཱསེ ‘‘ཏདམིནཱདཱིནི’’ཏི ཙཏ ལོཔེཙ རསྶེ ཙ ཏིཏཱལཱིསཱཏི, ‘ཝཎྞ-ཝཎྞནེ’ཨིཙྩསྨཱ ‘‘བྷཱཝཀཱརཀེསྭ གྷཎ གྷཀཱ’’ཏི (༥-༤༤) ཨཔྤཙྩཡེཡོམྷི ཊཱདེསེ ཝཎྞཱཨིཏི ཙ སིཛ྄ཛྷནཏོ, པཡོགནིཡམཏྠནྟི ཏིཏཱལཱིསཝཎྞསདྡེསུ པརེསུ ཨེཝ ཨཨཱདིསདྡོ པཡུཛྫཱིཡཏཱིཏི ཨེཝཾ པཡོགནིཡམཏྠཾ, ཨཡམྤི ཝིཀཔྤནྟར སམྦྷཱཝནཱ ‘‘ཨབྷཱུཏཏབྦྷཱཝེ ཀརཱསབྷཱུཡོགེ ཝིཀཱརཱ ཙཱི’’ཏི (༤-༡༡༩) པཡོགནིཡམསྶཱ ཛྷཱཡམཱནསྶ དིཊྛཏྟཱ, ཋཱནྱཱདེསཏྠནྟི ཨཨཱདིསདྡསྶ ཋཱནེ ཏིཏཱལཱིསཝཎྞསདྡཱ ཨཱདེསཱ ཧོནྟི ཏེསཾ ཝཱ སོ ཨིཏི, ཏདནུརཱུཔཱཡཱཏི ཋཱནྱཱདེསཱནུརཱུཔཱཡ ཚཊྛཱི ཝིབྷཏྟིཡཱ, ཨཏོཡེཝཱཏི ཨགམཱགམིཨནུརཱུཔཱཡ ཚཊྛིཡཱ ཨབྷཱཝཏོ ཡེཝ, ཨགམཱགམི བྷཱཝཏྠནྟི ཨཨཱདིསདྡསྶ ཏིཏཱལཱིས ཝཎྞསདྡཱ ཨཱགམཱ ཧོནྟི ཏེསཾ ཝཱ སོ ཨིཏི, ཨེཏེསུཔི སངྐཱ, ‘‘ཡཝཱསརེ’’ (༡-༣༠) ‘‘སུཉ སསྶ’’ཨིཏི (༢-༥༣) ཨཱདེསཱགམཱནཾ དསྶནེན, ཨཱགམ ལིངྒཱབྷཱཝཏོཏི ཨུཀཱར ཀཀཱར མཀཱརཱནཾ ཨབྷཱཝཏོ, ཝིསེསནཝིསེསྶ བྷཱཝཏྠནྟི ཏིཏཱལཱིསཝཎྞསདྡཱནཾ ཨཨཱདིསདྡོ ཝིསེསནཾ, ཏེ ཝཱ ཏསྶེ-ཏི, ཨེཏྠཱཔི སངྐཱ ‘ནཱིལུཔྤལ’མིཙྩཱདཱིནམཉྙཏྠ ཝིསེསནཝིསེསྶ བྷཱཝདསྶནཱ, སདྡལཀྑཎཱ ནུཔཡོགཏོཏི སདྡལཀྑཎེན སདྡསངྑརཎསྶ པཀཏཏྟཱ ཝུཏྟཾ, ཏཏྠ ཀཱརཎམཱཧ- ‘རཱུཔཝིསེསཱུཔ ལཀྑཎཱབྷཱཝཱ’ཏི, རཱུཔཝིསེསསྶ ཨུཔལཀྑཎ ནིམིཏྟཾ ཏསྶཨབྷཱཝཱཏི ཨཏྠོ, ན ཧི ཝིསེསན ཝིསེསྶབྷཱཝེ པཊིཔཱདིཏེ ཨཨཱདྱཱདིསདྡཱནཾ རཱུཔཝིསེསསྶ སངྑརཎཾ ཀཏཾ སིཡཱཏི, ཡདི ཨེསོཝ སདྡསངྑརཎནྟི གཡ྄ཧེཡྻ, ཏཐཱ སཏི ‘ནཱིལུཔྤལ’མིཙྩཱདཱིནམྤི ཝཏྟབྦཏཱ ཨཱཔཛྫེཡྻཱཏི ནཱསྶ ཏདཏྠ ཏཱཔི སམྦྷཱཝཱིཡཏེ, ལོཀེ སཱིཧགུཎསྶ མཱནཝཀེ དསྶནཏོ ཨུཔཙཱརེན ‘སཱིཧོ-ཡཾ མཱནཝཀོ’ཏི ཏགྒུཎཛ྄ཛྷཱརོཔོཔི དིསྶཏི, ཏདཏྠམྤེཏཾ ན ཧོཏཱིཏི དསྶནཏྠཾ ‘ཏགྒུཎཛ྄ཛྷཱརོཔནཏྠམྤེཏཾ ན ཧོཏཱི’ཏི ཝུཏྟཾ, ཏསྶ ཨཨཱདིསདྡསྶ, ཏེསཾ ཏིཏཱལཱིསཝཎྞསདྡཱནཾ ཝཱ གུཎོ ཨཨཱདིཏྟཱདི, ཏསྶ ཨཛ྄ཛྷཱརོཔནཾ-ཏིཏཱལཱིསཝཎྞསདྡེསུ ¶ ཝཱ ཨཨཱདིསདྡེཡེཝ ཝཱ ཨཱརོཔནཾ, ཏདཏྠམྤེཏཾ སུཏྟཾ ན ཧོཏཱིཏི ཨཏྠོ, ཏཏྠ ཀཱརཎམཱཧ- ‘ཨཏོཡེཝཱ’ཏིཨཱདི, ཨཏོཡེཝ རཱུཔཝིསེསཱུཔལཀྑཎཱ བྷཱཝཏོཡོ, པཀཏཾ སདྡསངྑརཎཾ, ཡཐཱཝུཏྟ ཝིཀཔྤནྟརཱབྷཱཝེ ཨུབྷཡཏྠམིདཾ སིཡཱ, ཏཏྠ པརིབྷཱསཏྠཾ ན ཧོཏི… ཏལླཀྑཎཏྟཱབྷཱཝཱ ཨུཔརིཝཀྑམཱནཏྟཱ ཙཱཏི པཱརིསེསམཱལམྦིཡཱཧ ‘སཉྙཱསཉྙི’ཙྩཱདི.

མརིཡཱདཱཡམྤཀཱརེཙ, སམཱིཔེ ཝཡཝེ ཏཐཱ;

ཙཏུབྦིདྷཔྤཀཱརོཡཾ, ཨཱདིསདྡསྶ དིསྶཏེཏི.

མརིཡཱདཏྠོ ཨེཏྠ ཨཱདིསདྡོཏི ཨཱཧ-‘ཨཱདིམརིཡཱདཱ བྷཱུཏོ’ཏི, ཨུཔལཀྑཎཏྟཱཏི ཨུཔལཀྑིཡམཱནཱནམཱཀཱརཱདཱིནཾ གཧཎེ ཀཱརཎབྷཱཝེན ཨཔྤདྷཱནཏྟཱ, ཏེནཱཧ-‘ཨུཔལཀྑཎསྶུཔསཛྫནཱིཡབྷཱུཏསྶཱ’ཏི, ཀཱརིཡེནཱཏི ཝཎྞསཉྙཱབྷཝནཱདིནཱ, ན གུནྣམྤི ཨཱནཡནཾ བྷཝཏི..གུནྣམུཔསཛྫནཱིཡ བྷཱུཏཏྟཱ ཨཉྙཔདཏྠསྶེཝ པདྷཱནཏྟཱ, སཉྙཱཡཱ བྷཱཝེཏི ཨཀཱརསྶ ཝཎྞསཉྙཱཡ ཨབྷཱཝེ, རཱུཔནྟིཏི ཏཱལཱིསཱརཱུཔཾ, ཏིཏཱལཱིསཱ+ཝཎྞཱཏིཔདཙྪེདོ, ཏིཏཱལཱིས+ཝཎྞཱཏིཝཱ, སུཏྟཱཝཡཝསྶཱཔི སུཏྟསམྦནྡྷིཏྟཱ ‘‘བྱཉྫནེ དཱིགྷརསྶཱ’’ཏི (༡-༣༣) པན ཝུཏྟཾ, རསྶཏྟནྟུ ‘‘དཱིགྷརསྶཱ’’ཏི ཡོགཝིབྷཱགེན, ཨིཏརཐཱ བྱཉྫནཔརསྶེཝ རསྶཏྟེ དསྶིཏེ ཏིཏཱལཱིསཨིཏི ཨབྱཉྫནེ པདཾ ན སམྤཛྫེཡྻཱཏི ཝིཉྙཱཡཏི, ཨིཏརཱིཏརཡོགཙཏྠེ བཧུཝཙནེན བྷཝིཏབྦནྟི ཨཱཧ-‘ཨེཀཝཙནམྤནཱ’ཏིཨཱདི, ཝིཔྤཊིཔཏྟི ཨཉྙཐཱབྷཱཝོ, རསྶ ཨེ ཨོཀཱརེཧི ཏེཙཏྟཱལཱིསཀྑརཱནནྟི སམྦནྡྷོ, ཨེ ཨོཀཱརེ ཧཱིཏི སཧཏྠེ ཏཏིཡཱ, སཀྐཏཱནུསཱརེནཱཏི སཀྐཏེ ‘‘སནྡྷི ཡཀྑརཱནཾ རསྶཱ ན སནྟཱི’’ཏི ཝུཏྟསྶ ཨནུསཱརེན, ཀོཙཱིཏི སཱ སནཔྤསཱདཀཙོལི༹ཡབུདྡྷཔྤིཡཱཙརིཡཾ དསྶེཏི, ན ཧིཙྩཱདིཾ ཝདཏོ-ཡམདྷིཔྤཱཡོ ‘རསྶཱཨིཝཱཏི ཨིཝསདྡོ སཱདྷམྨོཔམཱཛོཏཀོ ཝཱ སིཡཱ ཝེདྷམྨོཔམཱཛོཏཀོ ཝཱ, ཡདི ཏཱཝ ཝེདྷམྨོཔམཱཛོཏཀོ, རསྶདྷམྨསྶ ཨེ ཨོཀཱརེསྭ སམྦྷཝཱ ཏེསཾ དཱིགྷཀཱལཔྤཝཏྟིཏོ ཏེ དཱིགྷཱཡེཝ སིཡུཾ, ཡདི པན སཱདྷམྨོཔམཱཛོཏཀོ ¶ , ཏེསུ རསྶདྷམྨསྶསམྦྷཝཱ རསྶཀཱལཔྤཝཏྟིཏོ རསྶཱཨེཝ ཏེ སིཡུནྟི ‘ཨེཏྠཱཏིཨཱདཱིསུ ཨེ ཨོཀཱརཱནཾ ཨུཙྩཱརཎཀཱལཀཏཾ རསྶཏྟམེཝ ཧོཏཱི’ཏི, རསྶཀཱལཝནྟོཡེཝཱཏི ཨེཝསདྡོ སོགཏེ ཝཎྞཝིནིམྨུཏྟསྶ ཀཱལསྶེཝཱབྷཱཝཱ ཝཎྞཱནཉྩ པཙྩཀྑ སིདྡྷཏྟཱ པམཱཎསིདྡྷཾ པཱརམཏྠིཀ མེ ཨོཀཱརཱནཾ རསྶཀཱལཝནྟཏཾ དཱིཔེཏི, ཨཏྠཱཏི ཝདཏོ པནཱཡམདྷིཔྤཱཡོ ‘ཨེཏྠཱཏིཨཱདཱིསུ ཡདི ཨེཀཱརཱདཡོ དཱིགྷཱཨེཝ སཾཡོགཔུབྦཏྟཱ རསྶཱཝ སིཡུཾཏཐཱ སཏི ཨཏྠཱཏི ཨེཏྠཱཔི དཱིགྷོཝ ཨཱཀཱརོ སཾཡོགཔུབྦཏྟཱརསྶོ ཨིཝ ཨུཙྩཏཱིཏི ཨཱཔཛྫེཡྻ, ཏསྨཱ ཨུཙྩཱརཎཀཱལཀཏོཝ རསྶདཱིགྷབྷཱཝོ གཧེཏབྦོ’ཏི, ཀཙྩཱཡནཝུཏྟིཝཎྞནཱ ཉཱསོ, ཏཉྙཱཔནེཏི བཧིདྡྷཱ ཨཉྙེསམཀྑརཱནཾ ཉཱཔནེ, པཡོཛནཱབྷཱཝཱཏི ཏེན སཱདྷེཏབྦསྶ ཀསྶཙི ཨིཊྛསྶ ཨབྷཱཝམཱཧ, ཀིམེཏྠ སམུདཱཡེ ཝཱཀྱཔརིསམཏྟི, ཨུདཱཧུ ཨཝཡཝེཏི ཨཱཧ- ‘པཙྩེཀ’ནྟི, ཨཉྙཐཱ ‘རུཀྑཱ ཝན’ནྟིཨཱདཱིསུ ཝིཡ སམུདཱཡེ ཝཱཀྱཔརིསམཏྟིཡཾ ‘‘ཨིཡུཝཎྞཱ ཛྷལཱ ནམསྶནྟེ’’ (༡-༩) ཨིཙྩཱདིཀཾ ན སིཛ྄ཛྷཏཱིཏི, པཙྩེཀཾ ཝཎྞཱ ནཱམཧོནྟཱིཏི ཨཀཱརོ ཝཎྞོ ནཱམ ཧོཏི ཨཱཀཱརོ ཝཎྞོ ནཱམ ཧོཏཱིཏིཨཱདིནཱ, ཨཝཡཝེཙྩཱདིནཱ ཝུཏྟིཡཾ ཨཝུཏྟེཔི ‘པཙྩེཀ’ནྟི ཝཙནེ སདིཊྛནྟཾ ཀཱརཎམཱཧ, དིཊྛནྟོཔནཱིཏོ ཏྱཏྠོ སུཁེན པཊིཔཏྟུཾ སཀྐཱཏི, ཨེཏྠ ཧི པཙྩེཀནྟི ཨཝུཏྟེཔི དེཝདཏྟོ བྷོཛཱིཡཏཱུཏིཨཱདིནཱ པཙྩེཀཾ བྷུཉྫིཀིརིཡཱ པརིསམཱཔཱིཡཏེ, ཏེནཱཧ-‘ན ཙོཙྩཏེ’ ཨིཙྩཱདི, ཨཐཝཱ སམུདཱཡེཔི ཝཱཀྱཔརིསམཱ པཏྟིཡཾ སཏི སམུདཱཡེ པཝཏྟཱ སདྡཱ ཨཝཡཝེསུཔི ཝཏྟནྟཱིཏི ‘སམུདྡེཀདེསདསྶནེཔི སམུདྡོ དིཊྛོ, ཁནྡྷེཀདེས བྷཱུཏཱཡཔི པཉྙཱཡ པཉྙཱཀྑནྡྷོཏིཨཱདཱིསུ ཝིཡ ན དོསོ, ཏེནེཝ ཝུཏྟིཡཾ ‘པཙྩེཀ’ནྟི ན ཝུཏྟཾ, ཝཎྞསདྡསྶ གུཎཱདྱནེཀཏྠཏྟེཔི པཀརཎཏོ ཨཀཱརཱདཡོཝེཏྠ ཝུཙྩནྟཱིཏི ཨཱཧ-‘ཝཎྞཱིཡཏི’ཙྩཱདི, པཀརཎཏོཔི ཨཏྠོ ཝིབྷཛྫཏེ, ཝུཏྟཾ ཧི–

ཨཏྠཱ པཀརཎཱ ལིངྒཱ, ཨོཙིཏྱཱ དེསཀཱལཏོ;

སདྡཏྠཱ ཝིབྷཛཱིཡནྟེ, ན སདྡཱཡེཝ ཀེཝལཱཏི.

ནནུ ¶ ཛྷལཱདིསཉྙཱ ཝིཡ ལཧུསཉྙཾ ཨཀཏྭཱ ཀསྨཱ གུརུསཉྙཱ ཀཏཱཏི ཙོདནཾ མནསི ནིདྷཱཡ རུལ༹ྷི ཨནྭཏྠཝསེན དྭིཔྤཀཱརཱསུ སཉྙཱསུ ཛྷཱལཱཏི རུལ༹ྷི སཉྙཱཏྠཱབྷཱཝེན ཝོཧཱརསུཁམཏྟཔཡོཛནཱ, ཨནྭཏྠསཉྙཱ པན ཏཔྤཡོཛནཱཔི ཧོཏི ཏདཉྙཔྤཡོཛནཱ པཱིཏི དསྶེཏུམཱཧ- ‘ཨེཝ’མིཙྩཱདི, ཝཎྞཱིཡཏཱི ཨཏྠོ ཨེཏེཧཱིཏི ཝུཏྟམཏྠཾ ཨནུགཏཱ ཨནུགཏཏྠཱ ཝཎྞསཉྙཱ ཏཾ, སདྡཱདྷིགམནཱིཡསྶཱཏི སདྡེན ཝིཉྙཱཏབྦསྶ, ཝཎྞཾ མཱུལམསྶཱཏི ཝཎྞམཱུལཀོ-ཨཏྠོ, ཏསྶ བྷཱཝོ ཝཎྞམཱུལཀཏཱ, ཨཏྠསྶ ཝཎྞམཱུལཀཏཾ སཱདྷེཏི ‘སཱཔི’ཙྩཱདིནཱ, ཝཎྞཾ རཱུཔཾ སབྷཱཝོ ཨེཏེསནྟི ཝཎྞརཱུཔཱནི-པདཱནི, སམུདཱཡོ པཱདཱནཾ རཱུཔམསྶཱཏི སམུདཱཡརཱུཔཾ ཝཱཀྱཾ, ཝིབྷཏྱནྟམཏྠཛོཏཀཾ པདཾ, པདསམུདཱཡོ ཝཱཀྱཾ, སབྦཉྩེཏམུཔཙཱརེན ཝཎྞསདྡཝཙནཱིཡཏྟཾ གཙྪཏི ཝཎྞམཡཏྟཱཏི སབྦོཔི སམྨུཏིཔརམཏྠབྷེདབྷིནྣོ ཨཏྠོ ཝཱཀྱཱདྷིགམནཱིཡོ ཝཎྞེནེཝ ཝིཉྙཱཡཏི ནཱམ ཏསྨཱ ཡཐཱ ཝུཏྟམཏྠ ཝིསེསདསྶནཾལཧུསཉྙཱཡ ན སཀྐཱཏི ཏདཏྠམཀཱརཱདཱིནཾ གུརུབྷཱུཏཱ ཝཎྞསཉྙཱ ཀཏཱཏི ཨདྷིཔྤཱཡོ, སམྨུཏི སངྐེཏཝསེན པཝཏྟོ ཝོཧཱརོ, པརམཏྠོ སནིབྦཱནོ པཉྩཀྑནྡྷོ. ཨུབྷོཧི པནེཏེཧི བྷིནྣོ ཏཏིཡོ ཀོཊྛཱསོ ནཱམ ནཏྠི, ཏཐཱཙ ཝུཏྟཾ–

དུཝེ སཙྩཱནི ཨཀྑཱསི, སམྦུདྡྷོ ཝདཏཾ ཝརོ,

སམྨུཏིཾ པརམཏྠཉྩ, ཏཏིཡཾ ནུཔལབྦྷཏཱིཏི.

ནནུ ཙ–

ཨཔྤཀྑརམསནྡིདྡྷཾ, སསཱརཾ གཱུལ༹ྷནིཎྞཡཾ;

པསནྣཏྠཉྩ སུཏྟནྟི, ཨཱཧུ ཏལླཀྑཎཉྙུནོཏི.

‘‘ཨཱདཡོ ཏིཏཱལཱིས ཝཎྞཱ’’ ‘‘ཏིཏཱལཱིསཱདཡོ ཝཎྞཱ’’ཏི ཝཱ ཝཏྟབྦནྟི ན ཏཐཱ སཏི སནྡིདྡྷཾ སུཏྟཾ སིཡཱཏི, ནནུ སཏྠཱདོ མངྒལཝཙནེན བྷཝིཏབྦཾ, ཨཀཱརོ པཊིསེདྷཏྠོཔི ཧོཏཱིཏི (ན) སཏྠཱདོ སིདྡྷསདྡསྶོཔཧིཏཏྟཱ, ཨཐ ཧོཏྭ པུབྦཱ ཛྷཱལཱདི སཉྙཱ, སདྡསཱདྷནམཏྟཔྤཡོཛནཏྟཱ པན སབྦཝིདྷཱནསྶ པུབྦཱཙརིཡ སཉྙཱཝཱལམེཏྠཱཏི ཀིཾ པུནཱཔི ཝཎྞཱདིསཉྙཱཝིདྷཱནེན གནྠགཱརཝ ཀརཎེནཱཏི སཙྩམེཏཾ, པུབྦཱཙརིཡེསུ པན གཱརཝཾ ཏདནུགམནཉྩ དཱིཔེཏུཾ ཀཱཙི ¶ སཉྙཱཡོཔྱནྭཱཁྱཱཡནྟེ, ཡཛྫེཝཾ སཾཡོགསབྦནཱམལོཔཱདཡོཔི སཉྙཱ པུབྦཱཙརིཡེཧི ཝུཏྟཱ ཝཏྟབྦཱཏི ནནུ བྷོ ཝུཏྟམེཝཱམྷེཧི’ཀཱཙི སཉྙཱཡོ ཨཱཁྱཱཡནྟེ’ཏི, ཀིནྟདཱཁྱཱནདྭཱརེན བྷཝཏཱ ཏཱཔི ཝིཉྙཱཏུཾ ན སཀྐཱཏི, ཀེསཉྩི སཱཏྠཀཏྟོཔི པཏིཝཎྞམཏྠཱནུཔལདྡྷིཏོ ཝཎྞཱནམདིཊྛཱནམཀཱརཱདཱིནམནུཀཏིཡོ ཨིཧོཔདིཊྛཱཨིཏྱནུཀཱརིཡེནཱཏྠེནཱཏྠཝནྟཏཱཡ ཧོཏེཝཱཀཱརཱདིཏོ ཝིབྷཏྟི, ལོཔེན ནིདྡིཊྛཏྟཱ པནསྶཱ ཨསྶཝནཾ སནྣིཀཾསཝཙནིཙྪཱབྷཱཝཱ སཾཧིཏཱཡཱནིདྡེསོ, ཨནུཀྐམོཏི ཨཱདོནིསྶཡཱ སརཱཝུཏྟཱ, ཏཏོ ནིསྶིཏཱ བྱཉྫནཱ, སརེསུཔི ཨེཀཊྛཱནིཡཱ ཨཀཱརཱདཡོ བཧུཏྟཱ པཋམཾ ཝུཏྟཱ ཋཱནཱནུཀྐམེན, ཏཏོ དྭིཛཱ ཋཱནཱནུཀྐམེན, ཏེསུཔི རསྶཱཝ ལཧུཏྟཱ པཋམཾ ཝུཏྟཱ, ཏཏོ དཱིགྷཱ, བྱཉྫནེསུཔི ཝགྒཱ བཧུཏྟཱ ཋཱནཔྤཊིཔཱཊིཡཱ པཋམཾ ཝུཏྟཱ, ཏཏོ ཡཀཱརཱདཡོ, ཝགྒེསུ ཙ ཨགྷོསཱ པཋམཾ ཝུཏྟཱ, ཏཏོ གྷོསཱ, ཏེསུ ཙ སིཐིལཱ པཋམཾ ཝུཏྟཱ, ཏཏོ དྷནིཏཱ, ཏཏྠཱཔི ཨཔྤཀཏྟཱ དྭིཛཱ པཉྩམཱ ཝུཏྟཱ, ཏཏོ ཡརལཝཱ གྷོསབྷཱུཏཱ ཋཱནཱནུཀྐམེན, ཏཏོ དྷནིཏཱ སཀཱརཧ ཀཱརཱ, ཏེསུཔིཧཀཱརོ ཀེསཉྩི ཨོརསོཔི ཧོཏཱིཏི དྭིཛཏྟཱ པཙྪཱ ཝུཏྟོ, ཀེཧིཙི ‘‘ལལཱ༹ནམཝིསེསོ’’ཏི དྭིནྣམཝིསེསེ ཝུཙྩམཱནེཔི ལིཔིབྷེདེན ཋཱནབྷེདེན ཙ བྷིནྣཏྟཱ ལ༹ཀཱརོ ཝིསུཾ ཨཀྑརབྷཱཝེན གཧིཏོ, སོཔི གྷོསབྷཱཝེན ཋཱནཱནུཀྐམེནཙ ཧཀཱརཏོ པརཾ ཝུཏྟོ ནིགྒཧཱིཏཾ པན སརཏྟཱདིསབྦཝིནིམྨུཏྟཏྟཱ སབྦཔཙྪཱ ཝུཏྟནྟི ཨཀཱརཱདཱིནམཡམནུཀྐམོ, ཨིམསྶེཝཱནུཀྐམསྶ མནསི ཝིཔསྶ ཝཏྟམཱནཏྟཱ ཏིཏཱལཱིསཱཏི གཎནཱཔརིཙྪེདསྶ དསྶིཏཏྟཱ ཙ ‘ནིགྒཧཱིཏནྟཱ’ཏི ཝུཏྟིཡཾ ཝུཏྟཾ, པཀཏཾ སཱདྷུསདྡཱནྭཱཁྱཱནཾ, ན ཝཎྞཱིཡཏེ, ཏི སདྡསངྑརཎ སངྑཱཏ མུཁྱཔྤཡོཛནཱབྷཱཝཱ, ཀིཉྩཱཔི ན ཝཎྞཱིཡཏེ, ཨམྷེཧི པན ཀཐམཀཱརཱདཱིནམཡམནུཀྐམོ ཨུཔྤནྣོཏི སིསྶཱནཾ ཀངྑཱ ཝིཙྪེདཔྤཡོཛནམྤཏི ཨནུཀྐམསདྡསྶ ཨཏྠཀཐནབྱཱཛེན ཝཎྞིཏོ ཡེཝཱཏི, ཀརཱིཡནྟེ ཨུཙྩཱརཱིཡནྟེ ཨེཏེནཱཏི ཀརཎཾ, ཏཏྠ ཛིཝ྄ཧཱམཛ྄ཛྷཾ ཏཱལུཛཱནཾ, ཛིཝ྄ཧོཔགྒཾ མུདྡྷཛཱནཾ, ཛིཝ྄ཧགྒཾ, དནྟཛཱནཾ སེསཱནཾ སཀཊྛཱནཾ ཀརཎཾ, པཡཏྟི པཡཏནཾ, ཏམྤན ཝཎྞུཙྩཱརཎཏོ ཨབྦྷནྟརོ བཱཧིཡོ ཙ ཨུསྶཱཧོ, ཏཏྠ ཨབྦྷནྟརཔཡཏནཾ-སཾཝུཏཏྟམཀཱརསྶ, ཝིཝཊཏྟཾ སརཱནཾ ¶ སཀཱརཧཀཱརཱནཉྩ ཕུཊྛཏྟཾ ཝགྒཱནཾ, ཨཱིསཾཕུཊྛཏྟཾ ཡརལཝཱནཾ, བཱཧིཡཔཡཏནནྟུ སཾཝུཏཀཎྛཏཱདི, ཋཱནཏོ པཙྩཱསཏྟིཡཱ ཝིདྷཱིཡམཱནཀཱརིཡསམྦྷཝེན པཡོཛནསམྦྷཝཱ ཨཱཧ-‘ཋཱནམྤནཱ’ཏིཨཱདི, ཏིཊྛནྟི ཨེཏྠ ཨུཔྤཏྟིཝསེན ཝཎྞཱཏི ཋཱནཾ, ‘‘ཨེ ཨོནམ ཝཎྞེ’’ཏི (༡-༣༧) སུཏྟེ ཝཎྞེཏི ཀཐནམེཝ ཝཎྞསཉྙཱཀརཎེ པཡོཛནཾ, ཡཐཱཝུཏྟམཏྠམཉྙཏྲ བྱཱཔདིསཏི’ ཨེཝ’མིཙྩཱདིནཱ, ཏསྨཱ ‘‘དསཱདོ སརཱ’’ཨིཙྩཱདོ ‘ཏེནཱ’ཏིཨཱདཱིསུ ‘ཏེན སརཨིཙྩནེན ཀྭཏྠོ ཀསྨིཾ སུཏྟེ པཡོཛནཾ ཏཾ དསྶེཏི ‘‘སརོལོཔོ སརེ’’ཙྩཱདཱི’ཏི ཨེཝམཱདིནཱ ཨཏྠོ དཊྛབྦོ, ཉཱཔེཏི ཝཎྞལོཔནྟི ཉཱཔཀཾ, ཀསྨཱ པན’སོ ཙེམིནཱཝ ཉཱཔཀེན སིདྡྷོ’ཏི ཝུཙྩཏི ནནུ ‘ཏདམིནཱདཱིནི’’ཏི (༡-༤༧) སུཏྟཾ དིསྶཏཱིཏི, (སཙྩཾ) ཏཐཱཔི པཀཱརནྟརོཡམྤི ཝཎྞལོཔེ དསྶིཏོཏི ཝིཉྙཱཏབྦཾ, ཨེཝསདྡོ པན ‘ཡདི ཉཱཔཀེན ཝཎྞལོཔོ སིཡཱ སོ ཨིམིནཱཝ ཉཱཔཀེན སིདྡྷོ, ནཱཉྙེནཱ’ཏི ཨཝདྷཱརེཏི.

༢. དསཱ

ནནུ ཨཨཱདཡོཏི པཋམནྟེནུཝཏྟནྟེ ཀཐམེཏྠ’ཏཏྠཱ’ཏི སཏྟམཱིནིདྡིཊྛཏཱཏི ཨཱཧ-‘ཏཉྩཱ’ཏིཨཱདི, ཨཏྠཝསཱཝིབྷཏྟིཝིཔརིཎཱམེནཱཏི ཨཨཱདཡོཏི པཋམནྟསྶ‘ཨཱདོ དསཱ’ཏྱནེན སམྦནྡྷཱ སམྦཛ྄ཛྷམཱནེ ཙཱདྷཱརཏྠེན བྷཝིཏབྦནྟི ཨཱདྷཱརཏྠཝསེན སཏྟམཱི ཝིབྷཏྟིཡཱ པརིཝཏྟནེནཱཏི ཨཏྠོ, ཨཏྠཝསཱ སཏྟམིཡཱ ཝིཔརིཎཱམསམྦྷཝཱཡེཝསུཏྟེ ཨཝིཛྫམཱནེཔི‘ཏཏྠཱ’ཏི ཝུཏྟིཡཾ ཝུཏྟཾ, ཨཱདོདསནྣམནཉྙཏྠཔཝཏྟིསམྦྷཝཏོ ཏེསཾ ཨཨཱདཡོ ཝིསཡབྷཱཝེནཔི སཀྐཱ པརིཀཔྤེཏུནྟི ཝུཏྟཾ-‘ཏེསུ ཝིསཡབྷཱུཏེསཱུ’ཏི, ནིདྡྷཱརཎཏྠོཔི ཡུཛྫཏེཝ… ཝཎྞསམུདཱཡཏོ ཏདེཀདེསབྷཱུཏཱན མཱདོ ཝཎྞཱནཾ དསསངྑྱཱགུཎེན ནིདྡྷཱརིཡམཱནཏྟཱ, ཨཱདིམྷི དས ཝཎྞཱཏི ཝུཏྟེ ཨཝུཏྟཱནམྤི ཨཝསྶཾ ཝཏྟབྦཱནཾ ཨཱུནཔཱུརཎཏྠམཛ྄ཛྷཱཧཱརོ ཧོཏཱིཏི ཝུཏྟཾ- ཨཝཊྛིཏཱ ནིདྡིཊྛཱ ཝཱ’ཏི, ཨེཀཱདཱིན མཊྛཱརསནྟཱནཾ སངྑྱཱནཾ སངྑྱེཡྻེ ཝཏྟནཏོ ཨཱཧ-‘དསསངྑྱཱཡ པརིཙྪིནྣཏྟཱ’ཏི, གཡ྄ཧུཔགཱནཾ རསྶཨེ ཨོཝཎྞཱནམྤི ཀཙྩཱཡནེ ཝིཡ ཨཔརིཙྩཱགཱ ཨནཱུནཱ, ཨགཡ྄ཧུཔགཱནཾ ཏདཉྙེསཾ ཀེསཉྩི སརཱནཾ པརིཙྩགཱ ཨནདྷིཀཱ, དསསདྡསྶ སངྑྱེཡྻ ཝུཏྟིཏྟཱ ¶ དསནྣམྤི ཨདྷིཀཏཝཎྞཱནཉྙཏྟཱ ཝུཏྟཾ-‘དསནྣམྤཱི’ཏིཨཱདི, སཡཾ པུབྦཱ’རཱཛ=ཙིཏྟིཡཾ’ཏཱིསྨཱ ཀྭིམྷི ཨནྟལོཔེ སམཱསེ ཙ ཏདམིནཱདིཏྟཱ ནིརུཏྟིནཡེན ཝཱ སརསདྡོ ནིཔྥཛྫཏཱིཏི, ‘སར-གཏིཧིཾ སཱཙིནྟཱསུ’ ཨིཙྩསྨཱ ཨཔྤཙྩཡེན ཝཱ ནིཔྤཛྫཏཱིཏི དསྶེཏུམཱཧ=‘སཡཾ རཱཛནྟཱི’ཏིཨཱདི.

༣. དྭེདྭེ

ཏེཏི’ཨཱདོ’ཏི སཏྟམྱནྟཏྟཱ ཨཔརེ དྭེ པརཱམསཏི, ཧེཊྛཱ ཝིཡཱཏི ཧེཊྛཱ ཝུཏྟཾ ཨཏྠཝསཱ ཝིབྷཏྟིཝིཔརིཎཱམཾ ཨུཔམེཏི, ཨཏོཝ ཝིཉྙཱཡམཱནཏྠཝསེན ཏེསུ’ཏི ཝུཏྟཾ, ཏེསུཏི པན ནིདྡྷཱརཎཏྟཝིཝཙྪཱཡཾ ཏམྤི སམྦྷཝཏཱིཏི ཏེསཾ ཝཎྞཱནཾ མཛ྄ཛྷེ དྭེདྭེཏི དྭིསངྑྱཱཡ ནིདྡྷཱརཎཏྠོཔི ཝེདིཏབྦོ, ཝིཙྪཱཡཾ ཝུཏྟི ཡསྶ སོ ཝིཙྪཱཝུཏྟི-དྭིསདྡོ, ཝིཙྪཱཝུཏྟིཏཱ ཙཱསྶ སཝཎྞཏྟགུཎེན དྭིནྣཾ (‘བྱཱཔིཏུ) མིཊྛཏྟཱ, ཀམེནཱཝཊྛིཏེཏི ཨིམིནཱ ཨཀཱརཱདིཝཎྞཔྤབནྡྷསྶ ཨནཱདིཀཱལསིདྡྷཾ ཀམསིདྡྷཏྟམཱཧ. ནནུ སམཱནཱ ཝཎྞཱ སཝཎྞཱཏྱནྭཏྠེ སཝཎྞསདྡེ སཏི ཀཏཾ རསྶདཱིགྷཱནཾ སཝཎྞསཉྙཱ སིཡཱ… ཨསམཱནཏྟཱ ཨེཏེསནྟི, ནེཏདཏྠིཝཎྞཔྤབནྡྷསྶ ཀམསིདྡྷཏྟཱ ཝཙནབལེནེཝཱསམཱནཱནམྤི ཧོཏེཝཱཏི, ནེཝམྤི ཝཏྟུཾ ཡུཏྟཾ‘‘དྭེདྭེ སཝཎྞཱ’’ཏི སུཏྟསྶ ཏཱདིསསཱམཏྠིཡསབྦྷཱཝེ [སབྦྷཱཝེན (པོཏྠཀེ)] ཝིསེསཀཱརཎཱབྷཱཝཱཏི ཨཱཧ‘སམཱནཏྟམྤནཱ’ཏིཨཱདི. ཏིཊྛནྟི ཨེཏྠ ཝཎྞཱ ཙིཏྟཛཏྟེཔི ཨབྷིབྱཏྟི ཝསེནཱཏི ཋཱནཾ ཀཎྛཱདི, ཏེན ཀཏནྟི སམཱསོ, ཀཎྛཏཱཏུ ཨིཏི ཙཏྟེ པཱཎྱངྒཏྟཱ ནཔུཾསཀཏྟཾ. པཉྩམེཧི ཝགྒཔཉྩམེཧི. ཨནྟཊྛཱཀཱིཏི ཝགྒཱནམནྟེ ཏིཊྛནྟཱིཏི ཨནྟཊྛཱ, ཏཱཧི, ཡུཏྟསྶཱཏི བྲཧྨཙརིཡཱ, གུཡ྄ཧ’ནྟིཨཱདཱིསུ ཡུཏྟསྶ. ཀེཙཱིཏི ཨནིཡམེན ཝུཏྟཾ, ཏེ པན–

‘‘ཧཀཱརོ པཉྩམེཧེཝ, ཨནྟཊྛཱཧི ཙ སཾཡུཏོ;

ཨོརསོ ཨིཏི ཝིཉྙེཡྻོ, ཀཎྛཛོ ཏདསཾཡུཏོ’’ཏི ཝདནྟི.

༤. པུབྦོ

ཝཏྟཏེཏི ཨཏྠཝསཱ ཝིབྷཏྟིཝིཔརིཎཱམེན ཝཏྟཏེ, ནནུ ཙེཏྱཱདིཙོདནཱ, ནེསདོསོཙྩཱདི པརིཧཱརོ, དོསཱབྷཱཝེ ཀཱརཎ མཱཧ-‘ཡོཡོ…པེ… ¶ པཏཱིཡཏེ’ཏི, ཝུཏྟཾ སམཏྟེཏི-‘ནཧི’ཙྩཱདིནཱ, ནནུ ཙ པུབྦསདྡོ ཡམེཀཏྟཱ ཨེཀཾ པུབྦམཱཙིཀྑཏི ན སཀལནྟི ཀཐཾ ‘‘པུབྦོ’ཏི ཝུཏྟེ ཡོཡོཏི ཉཱཡཏི ‘ཡོཡོ པུབྦོ’ཏི ཙ ཝུཏྟེ ‘ཏེསུ དྭཱིསུ’ཏི ཨེཏྠ’དྭཱིསུ དྭཱིསུ’ཏི ཨིདཾ ཀཐཾ སུཁེནེཝ པཏཱིཡཏེ ཏདིདམསིདྡྷེནཱསིདྡྷསཱདྷནནྟི ཨཱསངྐིཡ ཏདབྷཱཝམུབྦྷཱཝཱིཡ པུབྦ སདྡསྶ ཝིཙྪཱགམཀཏྟམཝགམཡིཏུམཱཧ-‘ནཙེད’མིཙྩཱདི. ཏཾཡོགཱཏི ཨུཔཙཱརཝསེནཱཧ, ཏབྦནྟཏཱཡཝཱཏི ཨཏྠིཡཏྠེ ཨཔྤཙྩཡཝསེན, ཨེཝམུཔརིཔི.

༥. པརོ

སེསམིཙྩཱདིནཱ‘ཏེསུ དྭཱིསཱུཏི སཝཎྞསཉྙཀེསུ དྭཱིསུ’ ཨིཙྩཱདི ཀམཏིདིསྶཏི. ལཧུསཉྙཱ རསྶསྶ, སཾཡོགཔུབྦསྶ རསྶསྶ དཱིགྷསྶ ཙ གུརུསཉྙཱ ན ཝཏྟབྦཱ… ཨུཙྩཱརཎཝསེནེཝཱནྭཏྠསཉྙཱཏི ཝིཉྙཱཡཏི, པུབྦཱཙརིཡཝསེན ཝཱ ཨིཧཱཝུཏྟཱཝསེསསཉྙཱཝིཡ.

༦. ཀཱདཡོ

ཀེཝལ བྱཉྫནཱནམཏྠཔྤཀཱསཏྟཱབྷཱཝཱ སརཱནམཏྠཔྤཀཱསནེ ཨཙྩནྟོཔཀཱརཱ བྱཉྫནཱཏི ‘ཨེཏེཧཱི’ཏི ཀརཎཏྟེན ཝུཏྟཾ, ཏེནཱཧ ‘སརཱན’མིཙྩཱདི. ཝིཔུབྦཱ ‘ཨཉྫ-བྱཏྟིཡཾ’ཏཱིམསྨཱ ཀརཎེ ཨནཔྤཙྩཡེ རཱུཔཾ, ནཔུཾསཀཏྟམྤིསྶཱཝགམཡིཏུཾ ‘ཨུཔཀཱརཀཱནཱི’ཏི ཝུཏྟཾ, བྱཉྫནཏྟཾ དིཊྛནྟེན ཕུཊཡཏི ‘ཡཐཱ’ཨིཙྩཱདིནཱ, ཡཐཱ ཨོདནསྶུཔཀཱརཀཱནི སཱུཔཱདཱིནི བྱཉྫནཱནི, ཏཐཱ སརཱནམུཔཀཱརཀཱནཱིཏི ཨདྷིཔྤཱཡོ, བྱཉྫནམྤན ཨདྡྷམཏྟིཀཾ, ཝུཏྟཾ ཧི–

ཨེཀམཏྟོ བྷཝེ རསྶོ, དཱིགྷོ མཏྟདྭཡཱཡུཏོ;

པླུཏོ ཏིམཏྟོ ཝིཉྙེཡྻོ, བྱཉྫནཾ ཏྭདྡྷམཏྟིཀཾཏི.

ཨནྭཏྠཱཏི ཨནྭཏྠཏོ, ‘ཨནྭཏྠཱ བྱཉྫནཱ’ཏི སམྦནྡྷོ.

༧. པཉྩ

སཛཱཏྱཔེཀྑཱཡ སམུདཱཡཝཱཙིཏྟེཔི ཀཱདཡོཏཱི ཨནུཝཏྟནཏོ ཝགྒསདྡེན ཀཁགགྷཉཱདཡོཝ གཡ྄ཧནྟི, པཉྩ པརིམཱཎམསྶ པཉྩཀོཝགྒོ, ‘‘ཏམསྶ པརིམཱཎཾ ཎིཀོ ཙཱ’’ཏི (༤-༤༡) ཀོ, སུཏྟེ ཨཱདིབྷཱུཏོ ¶ པཉྩསདྡོ པཉྩསངྑྱཱཔརིཙྪེདཾ ཀུརུམཱནོ མཱཝསཱནཱནཾ ཝགྒཱནཾ བཧུཏྟཾ གམེཏཱིཏི ‘པཉྩཀཱ’ཏི ཝུཏྟཾ, ཝགྒཱཏི བཧུཝཙནཏོ པཙྩེཀནྟི ཝིཉྙཱཡཏི, ཝཛྫེནྟི ཡཀཱརཱདཡོབྷི ཝགྒཱ, པཋམཀྑརཝསེན པན ཀཝགྒཱདིཝོཧཱརོ.

༨. བིནྡུ

ཨནེཀཏྠཏྟཱ དྷཱཏཱུན མུཙྩཱརཎཏྠོཔེཏྠ གཎྷཱཏཱིཏི ནིཔུབྦཱ ཏཏོ ཀམྨནྟི ཏྟཔྤཙྩཡེ ཉྙིམྷི པཱདིསམཱསེ དཱིགྷེཙ རཱུཔཾ དསྶེནྟོ ‘རསྶཱ’ཏིཨཱདཱིམཱཧ, པཱིལ༹ནཏྠཏོ ནིགྒཧནཾ ནིགྒཧོ, ‘ཨི-ཨཛ྄ཛྷེན གཏཱིསུ’ཨིཙྩསྨཱ ཀཏྟརི [ཀམྨནི-ཨིཏི ཝཏྟབྦཾ, ཨིཏཾ ཨུཙྩཱརིཏནྟི ཨཏྠོ] ཏྟཔྤཙྩཡེ ཨིཏཾ, ནིགྒཧེན ཨིཏནྟི ཨམཱདིས མཱསེ རཱུཔཾ དསྶེནྟོ ‘ཀརཎཾ ནིགྒཧེན ཝཱ’ཏིཨཱདིམཱཧ, པཙྪིམཔཀྑཾ སཱདྷེཏུམཱཧ-‘ཝུཏྟཾ ཧཱི’ཏི.

༩. ཨིཡུ

ཙཏྠསམཱསོཏི ཨིཏརཱིཏརཡོགདྭནྡསམཱསོ. ཨཏྟེཏི མུནི སདྡཱདིཝཙནཱིཡེ ཨཏྠེ, ནམཏཱིཏཱིམསྶེཏཾ ཀམྨཾ,

ཡཾ སབྦཝཙནཾ སབྦ, ལིངྒཾ སབྦཝིབྷཏྟིཀཾ;

ཏཾ སབྦཏྠེ ནམནཏོ, ཝིདུཾ ནཱམནྟི ཏབྦིདཱུ.

ཨིདྷ ནཱམསཉྙཱཡཱབྷཱཝེཔི ཨནྭཏྠབལཱཡེཝ ནཱམསཉྙཱ སིདྡྷཱཏི (ཨཱཧ) ‘ཨནྭཏྠབྱཔདེསེནཱ’ཏི, སྱཱདྱནྟཔཀཏིརཱུཔནྟི པཙྩཡཱ པཋམཾ ཀརཱིཡཏཱིཏི པཀཏི, སཱ ཨེཝ རཱུཔནྟི པཀཏིརཱུཔཾ, སྱཱདྱནྟསྶ པཀཏི རཱུཔཾ མུནིསདྡཱདི སྱཱདྱནྟཔཀཏིརཱུཔཾ, ཨཏྠཝནྟམདྷཱཏུཀམཔྤཙྩཡམྤཱཊིཔདིཀཾ, པདཾ པདཾ པཏི པཊིཔདེ, པཊིཔདཾ ནིཡུཏྟཾ པཱཊིཔདིཀཾ. ཝིསེསནེནཱཏི སུཏྟེ ‘ནམསྶནྟེ’ཏི ཝུཏྟེན ཨིཝཎྞུཝཎྞཱནཾ ཝིསེསནེན. ཨཱཁྱཱཏསྶཱཏི པཙཏིཨཱདིནོ. ཨཱདིམཛ྄ཛྷཝཏྟིནོཏི ཨིནྡ ཨུདཀསདྡཱདཱིནཾ ཨཱདོ, པཁུམཱདཱིནཾ མཛ྄ཛྷེཙ ཝཏྟིནོ. པདེསེསཱུཏི ‘‘ཛྷལཱ སསྶ ནོ’’ཏི (༢-༨༣) ཨཱདིཀེསུ སུཏྟཔྤདེསེསུ, ཨནིཊྛཔསངྒ (སངྐཾ) ནིཝཏྟེཏཱིཏི སམྦནྡྷོ, ཨནིཊྛཔྤསངྒོནཱམ [ནཱམཱཏི (པོཏྠཀེ)] པཙཏི-ཨིནྡ (ཨུདཀ པཁུམ) སདྡཱདཱིན མནྟ ཨཱདིམཛ྄ཛྷབྷཱུཏཨིཝཎྞཱདཱིནཾ ¶ ཛྷལསཉྙཱ ཝིདྷཱཡ ཏཏོ པརཱསཾ སཱདི ཝིབྷཏྟཱིནཾ ‘‘ཛྷལཱ སསྶ ནོ’’ཏི (༢-༨༡) ཨཱདཱིཧི ‘ནོ’ ཨཱདེསཱདིམྷི ཀཏེ ‘པཙཏིནོ, ཨིནྡནོ, ཨུདཀནོ, པཁུམནོ’ཏིཨཱདི རཱུཔཔྤསངྒོ, ནནུཙཱདིཨཱདི ཙོདནཱ. ཝཏྟབྦནྟི སུཏྟེ ཝཏྟབྦཾ. བྱཱསནིདྡེསེནཱཏི ཨསམཱསནིདྡེསེན. ཏདཡུཏྟནྟིཨཱདི པརིཧཱརོ, ཏནྟི ཏཾ ཙོདྱཾ, སཏིཧཱིཏིཨཱདིནཱ ཨཡུཏྟཏྟཾ སམཏྠེཏི, དྭཱིསུཏྟརེསུ ཡོགེསཱུཏི ཨུཔརིམེསུ ‘‘པིཏྠིཡཾ’’ ‘‘གྷཱ’’ཏི དྭཱིསུ སུཏྟེསུ. ཨིཏྠིཡནྟི ཨིདནྟི ‘‘པིཏྠིཡ’’ནྟི སུཏྟེ ཨིཏྠིཡནྟི ཨིདཾ པདཾ. ཝཎྞཝིསེསནཾ སིཡཱཏི ‘‘པིཏྠིཡ’’ནྟི སུཏྟེ ‘ཨིཡུཝཎྞཱ’ཏི ཨནུཝཏྟནཏོ ‘ཨིཏྠིཡཾ ཨིཝཎྞུཝཎྞཱ’ཏི ཨེཝཾ ཨིཝཎྞུ ཝཎྞཱ ‘‘གྷོ’’ཏི སུཏྟེ ‘ཨིཏྠིཡཾ ཨཱ’ཏིཨེཝཾ ཨཝཎྞསྶ ཙ ཝིསེསནཾ བྷཝེཡྻ. ཝཎྞཝིསེསནེ ཝིརོདྷམཱཧ ‘ཨེཝཉྩེ’ཙྩཱདི, ནཱམསྶནྟེཏི ཨསམཱསནིདྡེསེ ཏྭཝིརོདྷམཱཧ- ‘བྱཱསེ’ཙྩཱདི. སཀྐཱནཱམཝིསེསནཾ ཀཱཏུནྟི དྭཱིསུ སུཏྟེསུ ཨིཏྠིཡནྟིཨཱདིནཱ ཝཀྑམཱནཀྐམེན. ནཱམསྶ ཨནྟོ ནཱམནྟོཏི སམཱསསྶ ཨུཏྟརཔདཏྠཔྤདྷཱནཏྟཱ སམཱསེ གུཎཱིབྷཱུཏསྶ ནཱམསྶ ཨིཏྠིཡནྟི ཨིདཾ ཝིསེསནཾ ཀཱཏུཾ ན སཀྐཱཏི ཨདྷིཔྤཱཡོ, ཝཙནམནྟརེནཱཏི པཱཎིནིཡཱནམིཝ ‘‘ཡཐཱསངྑྱམནུདེསོ སམཱནཾ’’ཏི (༡-༣-༡༠) སུཏྟཾ ཝིནཱ, སམཱསངྑྱ ཨེཏེསནྟི སམསངྑྱཀཱ, ཨིཏིསདྡོ ཨཱདྱཏྠོ, ཏེན–

‘‘ཨཱལཱཔཧཱསལཱིལཱཧི, མུནིནྡ ཝིཛཡཱ ཏཝ;

ཀོཀིལཱ ཀུམུདཱནཱི ཝོ, པསེཝནྟེ ཝནཾ ཛལཾ’’ (༢༦༠).

ཨིཙྩཱདིཾ སངྒཎྷཱཏི.

༡༠. པིཏྠི

ཨིཏྠིཡཾ ནཱམསྶཱཏི ཙ, ཨནྟེ ཨིཝཎྞུཝཎྞཱཏི ཙ ཝུཏྟེ ཏེསམཱ དྷཱརཱདྷེཡྻསམྦནྡྷོ ཨཱདྷེཡྻསྶཱདྷཱརེ པཝཏྟིཾ ཝིནཱ ན སམྦྷཝཏཱིཏི ཨཛ྄ཛྷཱཧཱརཝསེན ‘ཝཏྟམཱནཱ’ཏི ཝུཏྟིཡཾ ཝུཏྟཾ. ཨིཝཎྞུ ཝཎྞཱཏི ཨཔེཀྑིཡ‘ཝིསེསཱིཡནྟཱི’ཏི བཧུཝཙནམེཏཾ སམྦནྡྷསྶ པུརིསཱདྷཱིནཏཱཡ ནཱམནྟཱིམིནཱ སམྦནྡྷེ སཏི‘ཝིསེསཱིཡཏཱི’ཏེཀཏྟེན པརིཎམཏི.

༡༡. གྷཱ

ཨིཏྠིཡཾ ¶ ནཱམསྶནྟེཏི ཙ ཝཏྟཏེ. ཧེཊྛཱ སབྦཏྠ སཉྙིནོ ནིདྡིསིཡ སཉྙཱཡ ནིདྡིཊྛཏྟཱ ཏཏྠ ཝིཡ ཝིསུཾ སཉྙིནོ པཋམམནིདྡེསེ ཨསནྟོ ཝིཡཱཏི དོསལེསམཱལམྦིཡ ཙོདཡཏི ནནྷཙེ’ཏྱཱདིནཱ. ཏཏྠ སེཏོཏི ཝིཛྫམཱནསྶ སཉྙིནོ. ཀཱརིཡེནཱཏི སཉྙཱཀཱརིཡེན. པརིཧརཏི ‘ནཱཡཾ དོསོ’ཏིཨཱདིནཱ. པཙྪཱཝུཏྟམཏྟེནཱཏི ‘‘གྷཱ’’ཏི སུཏྟེ ཀཱརིཡིནོ ཨཱཀཱརསྶ པཙྪཱ ཝུཏྟམཏྟེན. ནཙཱཏི ཨེཏྠ ཙསདྡོ ཝཏྟབྦནྟརསམུཙྩཡེ, ཨཔརམྤི ཀིཉྩི ཝཏྟབྦམནིཡམརཱུཔམཏྠཱིཏི ཨཏྠོ. ཨནིཡམརཱུཔམཱཙརིཡཔྤཝཏྟིཏོ སཱདྷེཏུམཱཧ ‘ཨུབྷཡཐཱཔི’ཙྩཱདི.

༡༢. གོསྱཱ

ཨཱསདྡོ ཨཱབྷིམུཁྱེ, ཨནབྷིམུཁམབྷིམུཁཾ ཀཏྭཱ ལཔནཾ ཀཐནམཱལ པནཾ, ཏསྨིཾ ཨཱལཔནེ, ཨཱལཔནཏྠེ ཝིཧིཏོ སཱིཏི ཨཏྠོ.

ཨིཏི མོགྒལླཱནཔཉྩིཀཱཊཱིཀཱཡཾ སཱརཏྠཝིལཱསིནིཡཾ

སཉྙཱདྷིཀཱརོ སམཏྟོ.

པརིབྷཱསཱདྷིཀཱར

༡༣. ཝིདྷི

ཝཙནཱརམྦྷཡོཛནམཱཧ–‘ཡཾ ཝིསེསནབྷཱཝེནེ’ཙྩཱདི, ཡནྟི ཨནིཡམེན ‘‘ཨཏོ ཡོནཾ ཊཱཊེ’’ཏི (༢-༤༣) ཨཱདཱིསུ ཨཏོཏིཨཱདིཀཾ ཝིསེསནབྷཱཝེན ཝཏྟུམིཙྪིཏཾ པརཱམསཏི, ཏེནཱཏི ཝིསེ སནཏྟེནུ-པཱདིཡམཱནེན ཡཾ སདྡནིདྡིཊྛེན ཨཏོཏིཨཱདིཀེན ཀརཎབྷཱུཏེན, ཡཐཱཀཐཉྩིཏབྦཏོཏི ཨཱདོ མཛ྄ཛྷེ-ནྟེ ཝཱ སབྦྷཱཝཏོ ཡེནཀེནཙི ཨཱཀཱརེན ཨབྷེདོཔཙཱརེན ཨཀཱརཱདིཝིསེསནཝཏོ ནཱམཱདིནོ, ཏདནྟཏྠནྟི ཏཾ ཨཏོཏྱཱདི ཝིསེསནམནྟེ, ནཱདོ ན མཛ྄ཛྷེ ཡསྶ ཏཾ ཏདནྟཾ, ཏཾ ཨཏྠོ པཡོཛནཾ ཡསྶཱཏི ཨཉྙཔདཏྠོ, ཝཏྟཱཡཏྟཱཏི ཝཏྟུནོ ཨཱཡཏྟཱ… ཨཏྟཱཝཱཏྟནོ ཝཙནེ པདྷཱནནྟི, ཏསྶཱཏི ཝཏྟུནོ, སཱཏི ཝཙནིཙྪཱ, པཡོགཱནུསཱ རེནཱཏི ¶ ཛིནཝཙནཱནུསཱརེན, ཨིཏཱིཏི ཀཱརཎཏྠེ ནིཔཱཏོ, ཨིམིནཱ ཀཱརཎེནཱཏི ཨཏྠོ, ན སབྦཏྠཔྤསངྒོཏི སཾཧིཏཱདིཝིདྷིམྷི སབྦཏྠ ཏདནྟ ཝིདྷིཔྤསངྒོ ན ཧོཏི, ཏཐཱཧི ‘‘སརོ ལོཔོ སརེ’’ཏི (༡-༢༦) ཨེཏྠ སརོཏི ཝིསེསནབྷཱཝེན ཝཙནིཙྪཱཡ སབྦྷཱཝེ སརོཏི ཏཏྲཱ’དཱིནཾ ཝིསེསནནྟི ཡཐཱཀཐཉྩིསརཱདིསརམཛ྄ཛྷསརནྟཱནཾ ཏཏྲཱདཱིནཾ ལོཔཔྤསངྒེ ‘‘ཝིདྷིབྦིསེསནནྟསྶཱ’’ཏི (༡-༡༣) སརནྟསྶཔསངྒོ སིཡཱ, ན ‘‘ཚཊྛིཡནྟསྶཱ’’ཏི (༡-༡༣) ཨནྟསྶ… ཚཊྛཱིནིདྡེསཱབྷཱཝཱ, ཏཐཱ སཏི ‘ཏཏྲིམེ’ཏིཨཱདིམྷི ‘ཨིམེ’ཏིཨཱདིནཱ ཝཏྟབྦཏཱ ཨཱཔཛྫེཡྻཱཏི པཡོགཾ ནཱནུསཊཱ ནཱམསིཡུནྟི ན སབྦཏྠ ཏདནྟ ཝིདྷིཔྤསངྒོ, ཏཐཱ ‘‘གཏིབོདྷཱ’’ (༢-༤) དིསུཏྟཱདིམྷིཔི ‘གམཡཏི མཱཎཝཀཾགཱམཾ ཏྱཱདིཔྤསངྒོཏིཨཱདི ཙ ཡཐཱཡོགམཝགནྟབྦཾ, ཝུཏྟིཡཾ ‘‘ཨཏོ ཡོནཾ ཊཱཊེ’’ཏི སུཏྟོདཱཧརཎཾ དསྶིཏཾ, ‘‘ནརཱ ནརེ’’ཏི ལཀྑིཡོདཱཧརཎཾ.

༡༤. སཏྟདྷཱི

ཝཙནཕལམུཔདསྶེཏི‘ཡཏྠེ’ཙྩཱདིནཱ, ཡཏྠ ཡསྨིཾ ‘‘སརོ ལོཔོ སརེ’’ཏྱཱདིཀེ སུཏྟེ, སཏྟམིཡཱཏི ‘སརེ’ཏིཨཱདིནཱ སཏྟམིཡཱ, ཡསྶཱཏི སརོཏིཨཱདིནཱ ནིདྡིཊྛསྶ, ཀཱརིཡཾ ལོཔཱདི, སམྦནྡྷཱ ཝིསེསཱཏི སརེཏྱཱདོ ཨོཔསིལེསིཀམདྷིཀརཎཾ, ཏཉྩོཔསིལེསེ བྷཝམདྷིཀརཎཾ པུབྦསྶ ཝཱ པརཾ སིཡཱ པརསྶ ཝཱ པུབྦནྟི པུབྦཔརོཔསི ལེསསྶཱཝིསིཊྛཏྟཱ པུབྦཔརཱནཾ སམྦནྡྷསྶ ཨཝིསེསཱ, པརསྶཱཔཱིཏི ན ཀེཝལཾ པུབྦསྶེཝ, སཏཱིཏྱསྨིཾ ཨཏྠེ ཛོཏནཱིཡེ སཏྟམཱི སཾསཏྟམཱི སནྟསདྡསྶ སམཱདེསེན, སཏྟཉྩེཏྱཱདིཝཙནམེཝཾ སཏི གྷཊཏེ, སནྟི ཝཱ སནྟསདྡཏྠེ པཱདི, སུཏྟེ ཨཝུཏྟེཔི ཝུཏྟིཡཾ ‘ནིདྡེསེ’ཏི ཝཙནེ ཀཱརཎམཱཧ-སཏྟཉྩཱ’ཏིཨཱདི, ནིདྡེསམནྟརེན སཏྟཾ ན སམྦྷཝཏཱིཏི སམྦནྡྷོ, སཏྟམིཡཱ ནིདྡེསེ སཏིཡེཝ ཏཾ སམྦནྡྷཱཡ སཏྟཱཡ སམྦྷཝོ, ཨཉྙཐཱ ཀིམཉྙནྟསྶཱ པཏིཊྛཱཏི ཨདྷིཔྤཱཡོ, པུབྦསདྡསྶ སམྦནྡྷིསདྡཏྟཱ ཀིནྣིསྶཱཡ པུབྦཏྟམིཙྩཱཧ-‘སཏྟམི’ཙྩཱདི, ཏནྟི ‘‘སརོ ལོཔོ སརེ’’ཏི སུཏྟཾ, ཨུཀཱརསྶཱཏི ‘ཝེལུ༹’ཨིཙྩཏྲ ཨུཀཱརསྶ, པུབྦསྶ…པེ… ཀརིཏྭཱ ཏཾམནསིཀཏཉྩོདནཾ དསྶེཏུམཱཧ-‘ཏམཧ’ནྟི ¶ ཙྩཱདིཏི ཨེཝམེཏྠ སཱཛ྄ཛྷཱཧཱརོ སམྦནྡྷོ ཝེདིཏབྦོ. པུབྦསྶཱཏི སཏྟམཱི ནིདྡིཊྛཏོ པུབྦསྶ, ཨནནྟརསྶཱཏི ཨབྱཝཧིཏསྶ, ཝུཏྟཾ ཀིཉྩི ནཏྠཱིཏི སམྦནྡྷོ, ཨཡམདྷིཔྤཱཡོ ‘‘ཏསྨིནྟི ནིདྡིཊྛེ པུབྦསྶཱ’’ཏི (༡-༡-༦༦) པཱཎིནིཡཝཙནེ ‘‘དིསིརཡམུཙྩཱརཎཀྲིཡོ ནིསདྡོཔྱཡ མིཧ ནེརནྟརིཡཾ ཛོཏེཏི, ཏཏྠ‘ནིརནྟརཾ དིཊྛོ’ཏི པཱདིསམཱསེ ཀཏེ ཕུཊམེཝཱནནྟརམུཙྩཱརིཏེཏྱམཏྠོ-ཝགམྱཏེཏི ‘‘པུབྦསདྡསྶ བྱཝཧིཏེཔི པཡོགདསྶནེ བྱཝཧིཏེཔི ཀཱརིཡཾ པཔྤོཏཱི’’ཏི བྷསྶཀཱརཱདཡོ ཝཎྞེནྟི, ཨིཧ ཏཱདིསཝཙནཱབྷཱཝེན ཝཎྞཱདི བྱཝདྷཱནེཔི སིཡཱ’’ཏི, སརེཙྩཱདིཔརིཧཱརཝཙནེ-དྷིཔྤཱཡ མུབྦྷཱཝཡཏི ‘ཡདིཔི’ཙྩཱདིནཱ, མཐུརཱཡ པཱཊལིཔུཏྟཀསྶ ཙཱནྟརཱལེ༹ གཱམཱདཱིནཾ སབྦྷཱཝཱ བྱཝདྷཱནེཔི པུབྦསདྡསྶ པཝཏྟིཡཱ དིཊྛནྟམཱཧ-‘མཐུརཱ’ ཨིཙྩཱདི, ཡསྨཱ སརེཏི ཨོཔསིལེསིཀཱདྷཱརེ སཏྟམྱནྟཾ པདཾ, ཏསྨཱ བྱཝདྷཱནེ སརལོཔོ ན ཧོཏཱིཏི ཨེཝཾ སངྑེཔབྱཱཁྱཱནེན ཝུཏྟིཡ མཏྠོ ཝེདིཏབྦོ, ན ཀེཝལཾ སརེཏི ཨེཏྠེཝཱཏི ཨཱཧ- ‘ཀཱརིཡེ’ཙྩཱདི, ཨོཔསིལེསིཀེཡེཝཱདྷཱརེ བྷཝཏཱིཏི སེསོ, ཀཱརཎམཱཧ-‘ཝཏྟིཙྪཱནྷཝིདྷཱནཏོ སདྡསྶཱ’ཏི, ཝཏྟུནོ ཡཱ ཨིཙྪཱ ཝཙནིཙྪཱ ཏསྶཱ ཨནུཏཱུལེན ཝིདྷཱནཏོ ཨཏྠསྶ ཀཐནཏོཏི ཨཏྠོ,ཡེན ཧི ཡམཏྠཾ ཝཏྟཱཏིདྷཱཏུམིཙྪཏི སཏཱིཔྱབྷིདྷཱནསཱ མཏྠིཡེ ན ཏཏོ-ཉྙམཏྠཾ སདྡོབྷིདདྷཱཏཱིཏྱདྷིཔྤཱཡོ, ཝཏྟིཙྪཱ ཝསཱཡེ ཀཱརཎམཱཧ’ཝཏྟིཙྪཱཔི’ཙྩཱདི, ཝཏྟུནོ སུཏྟཀཱརསྶ ཨིཙྪཱ ཝཏྟིཙྪཱ, ཀཐམུཔདེསཏོ ཝཏྟིཙྪཱ-ཝསཱིཡཏེ’ ཀཐཉྩ སཱམཏྠིཡཏོཏི ཨཱསངྐིཡ ཏམུཔདསྶེཏུམཱཧ-‘ཨཏོཙེཏྱཱདི, ཨཏོ ཝཀྑམཱནཀཱརཎཱ ཨུཔདེསཏོ ཝསཱིཡཏེཏི སམྦནྡྷོ, ཀིནྟཾ ཀཱརཎ མིཙྩཱཧ-‘ཡསྨཱ’ཨིཙྩཱདི, ཨནྭཡསདྡེནེཏྠ གུརུཔཱརམྤརིཡོ-པདེསོ ཝིཝཙྪིཏོ, ཡསྨཱ ཀཱརཎཱ ཨནྭཡོ གུརུཔཱརམྤརིཡོ པདེསོ གུརུཀུལམུཔགམྨ པཉྷཀརཎཱདིནཱ ཨནྭིཙྪཱིཡཏེ གཝེསཱིཡཏི, ཨཏོ ཀཱརཎཱ གུརུཔརམྤརཱ གཏཨུཔདེསཏོ ཝསཱིཡཏོཏི ཨཏྠོ, སཱམཏྠིཡཏོ-ཝསཱཡཔྤཊིཔཱདཡིཏུམཱཧ- ‘སཱམཏྠིཡམྤི’ཙྩཱདི, སཱམཏྠིཡམྤི ཝུཙྩཏེཏིསེསོ, ལགྷུནོཔཱཡེན སདྡཱནམུཔལཀྑཎེ པཝཏྟཱིཏི བྱཝཧིཏནིཝཏྟིཡཱ ཝཙནནྟརཀ-རཎམནུཔནྣཾ ¶ , ཨུཔཔནྣཾ ཝཙནནྟརཀརཎཾ, ཏསྶ ཙ ཨོཔསིལེསིཀཱདྷཱར མནྟརེན ཨཉྙཐཱནུཔཔཏྟིཡཱ ཨཱདྷཱརཝིསེསཔྤཊིཔྤཏྟཱིཏི ཨིདམེཏྠ སཱམཏྠིཡཾ, ཨཱདྷཱརནྟརེཙྩཱདིནཱ ཡཐཱཝུཏྟཾ སཱམཏྠིཡཾ ཝིབྷཱཝེཏི, ཨཱདྷཱརནྟརེཔཱིཏི སབྦཏྠ པཱཋོ དིསྶཏི, པསངྒཱབྷཱཝཏོ ཨཏྠནྟ-རེནཱཔི ཨཱདྷཱརནྟརེཔི ཨོཔསིལེསིཀཱདྷཱརེཔི ཝཙནནྟརཔྤསངྒོ སིཡཱཏི སམྦནྡྷསམྦྷཝཱ ཨོཔསིལེསིཀཱདྷཱརནིསྶཡནེཔི ཨཱནིསཾསོ ན དིསྶཏཱིཏི སམུཙྩཡཏྠེནཱཔི ནཏྠི པཡོཛནནྟི ཝཛྫེཏབྦོ ཡམྤི སདྡོཏི, ནནུ ཀིམེཝཾ ཝཎྞཱིཡཏེ པུབྦསྶེཝེཏི ཝཙན མེཝོཔསིལེསིཀམདྷིཀརཎཾ ཝིཉྙཱཔཡཏི… ཏཏྠེཝ པུབྦཔརཏྟ སམྦྷཝཱཏི ཡོམཉྙཏེ, ཏསྶེསཱ ཀཔྤནཱ ན སངྒཏཱཏི དསྶེཏུམཱཧ-‘པུབྦསྶཱཏི’ཙྩཱདི, ཨཡུཏྟཏྟེ ཀཱརཎམཱཧ-‘སཱམཱིཔིཀེཔི ཏསྶ སམྦྷཝཱ’ཏི, ‘གངྒཱཡཾ གྷོསོ’ཏི ཝུཏྟེ གྷོསོ གངྒཱཡཾ པུབྦོ ཝཱ པརོ ཝེཏི གམྨམཱནཏྟཱ སཱམཱིཔིཀེཔྱདྷིཀརཎེ པུབྦཔརཏྟསྶ སམྦྷཝཱཏི ཨཏྠོ, ཨེཏཱཝཝུཙྩཏེཏི པུབྦསྶེཝ ཧོཏི ན པརསྶཱཏི ཨེཏྟཀམེཝ ཝུཙྩཏེ, ཏཐཱཙ ཝཀྑཏི-‘ཀིནྟ’ནྟིཨཱདི, ཨདྷིཀཾ བྱཝཧིཏནིཝུཏྱཱདི ན ཝུཙྩཏེཏི སམྦནྡྷོ, ཨཱདིསདྡེནེཏྠ ཚཊྛཱིཔཀཔྤནཱ གཧིཏཱ, ཚཊྛཱིཔཀཔྤནཱཔི སཱམཏྟིཡཱ ཀཏཱཏི སམྦནྡྷོ, པཀཔྤནཾ པཀཔྤནཱཝིདྷཱནཾ, ཨེཝཾ མཉྙཏེ ‘པཱཎིནིཡཱ ‘‘ཚཊྛཱིཊྛཱནེཡོགཱ’’ཏྱཏོ (༡-༡-༤༩) ‘‘ཏསྨིནྟི ནིདྡིཊྛེ པུབྦསྶ’’ (༡-༡-༦༦) ‘‘ཏསྨཱ ཏྱུཏྟརསྶ’’ ཨིཏི (༡-༡-༦༧) པརིབྷཱསཱསུཏྟདྭཡེ ཚཊྛཱིགཧཎམནུཝཏྟིཡ ‘ཏསྨིནྟི ནིདྡིཊྛེ པུབྦསྶ ཚཊྛཱི’ ‘ཏསྨཱཏྱུཏྟརསྶ ཚཊྛཱི [ནིདྡིཊྛེ པུབྦསྶ ཚཊྛཱིཏི པུབྦསྶ ཀཱརིཡིཏྟཔཊིཔཱདནཡོགྒོ ཚཊྛཱི ཏབྦོདྷཀཔདེ བྷཝཏིཏྱཏྠོ, ཨེཝ དྷུཏྟརསྶེཏུ ཝི. ཨུཛྫོཏཊཱིཀཱ] ཏི ཚཊྛཱིཔཀཔྤནཾ པཊིཔཱདེནྟི ‘ཡསྨིཾ སུཏྟེ ཚཊྛཱིནིདྡེསོ ནཏྠི, ཏཏྠ ཚཊྛཱིཔཀཔྤནཱཡཐཱ སིཡཱ’ཏི, ཨིདྷ པན ཝཙནནྟརཱབྷཱཝེཔི ཡཏྠ ཚཊྛཱིནིདྡེསོ ནཏྠི, ཏཏྠ སཱམཏྠིཡེནེཝ ཚཊྛཱིཔཀཔྤནཱ སིདྡྷཱ’ཏི, སཱམཏྠིཡམུཔདསྶེཏི ‘སཏྟམཱིནིདྡེསེ’ཙྩཱདིནཱ, ཨཉྙཝིབྷཏྟིནིདྡིཊྛོཔི པཊིཔཛྫཏེཏི སམྦནྡྷོ, ཀཱརིཡཡོ གནྟི ཀཱརིཡསམྦནྡྷཾ, ཡཐཱ ‘‘ཝགྒེ ཝགྒནྟོ’’ཏི ཨེཏྠཱནུཝཏྟམཱནཾ ནིགྒཧཱིཏ’ནྟིདཾ ཚཊྛཱིཡནྟཾ ཝིཉྙཱཡཏེ, ཀཐཾ ཝགྒེཏེསཱ སཏྟམྱཀཏཏྠཱ ‘‘ནིགྒཧཱིཏ’’ནྟི (༡-༣༨) པུབྦསུཏྟེ ཀཏཏྠཏཱཡ པཋམཱ ཝིབྷཏྟིཡཱ ¶ ཚཊྛཱིཝིབྷཏྟིམྤཀཔྤེཏི སཏྟམིཡཾ པུབྦསྶེ’ཏི ཏཐེཏྱཝགནྟབྦཾ. ཨེཏཱཝ ཝུཙྩཏེཏི ཝུཏྟེ ཨིདནྟི ན ཝིཉྙཱཡཏེཏི ཨཱཧ ‘ཀིནྟ’ནྟིཨཱདི, ཡདཱཧིཙྩཱདིནཱ པརིཡཱཡཔསངྒཀྐམཾ དསྶེཏི. ཀིམིདམུཙྩཏེ པརིཡཱཡཔྤསངྒེ ནིཡམཏྠཾ ཝཙནནྟི ནནུ པུབྦཔརཱནཾ ཡུགཔདུཔྤཏྟིཡ མཱཙརིཡཝཙནཔྤམཱཎེནཱཔྤཊིཔཏྟིཡཾ ཝིཛ྄ཛྷནཏྠཾ ཝཙནནྟི ཀསྨཱ ནོཙྩ ཏེཙྩཱཧ- ‘ཡུགཔདུཔསིལིཊྛཱན’ནྟྱཱདི, ཡུགཔདུཔསིལིཊྛཱནམསམྦྷཝོཏི སམྦནྡྷོ, ཀུཏོཙྩཱཧ-‘ཨཔརསྶཱུཔསིལེསིཀསྶཱབྷཱཝཏོ’ཏི, ཨཏོཏི ཡུགཔདུབྷིནྣམྤཏྟིཡཱ ཨབྷཱཝཏོ, ཝཙནཾ ‘‘སརོ ལོཔཱསརེ’’ཙྩཱདིཀཾ (༡-༢༦) སུཏྟཾ.

༡༥. པཉྩ

ཨཝདྷིབྷཱཝེནཱཏི ‘ཨཏོ’ཙྩཱདིནཱ ཨཝདྷིཏྟེན, ཡསྶཱཏི ཡོ ཨཱདིནོ, ཀཱརིཡནྟི ‘ཊཱཊེ’ཨཱདིཀཾ, པུབྦཔརཱཔེཀྑཏྟེནཱཝིསེསཱཏི ཡཐཱ- ‘གཱམཱ དེཝདཏྟོ’ཏི ཝུཏྟེ སོ ཏཏོ པུབྦོ པརོགེཏི ཝིཉྙཱཡཏཱིཏྱཝདྷིབྷཱཝསྶ པུབྦཔརཱཔེཀྑཏྟེནཱཝིསེསོ, ཏཐེཧཱཔི ‘‘ཨཏོ ཡོནཾ ཊཱཊེ’’ཏི (༢-༤༡) ཝུཙྩམཱནེ ཨཏོ པུབྦེསཾ ཡོནཾ ཨཐཝཱ པརེསནྟི པུབྦཔརཱཔེཀྑཏྟེནཱཝདྷིབྷཱཝསྶཱཝིསེསཱཏི མཉྙཏེ, པུརེ ཝིཡཱཏྱནེན སཏྟམིཡནྟི ཨེཏྠ ཝུཏྟཾ ནིདྡེསཝཙནེ ཀཱརཎམཏིདིསཏི, ཝུཏྟིཡཾ ‘ནརཱནམེརེ’ཏི ཨེཏྠ ཨཔཝཱདཝིཔྤཊིསེདྷེ སཏིཔརཏྟཱ ཊཱཊེཨཱདེསཱནཾ པཝཏྟིཾ ‘‘ཨཱདིསྶཱ’’ཏི ཨེཏྠ ཝཎྞཡིསྶཱམ, ཨཐ ཀིམིམིནཱ ཝཙནེན ནནུ ཡཏོ ཡཏྠ པཉྩམཱི ནིདྡེསོ ཏཏྠ སབྦཏྠ ‘‘མཱནུབནྡྷོ སརཱནམནྟཱ པརོ’’ (༡-༢༡) ཏྱཏོ ‘པརོ’ཏྱནུཝཏྟེཏུཾ སཀྐཱཏི ཏསྶཱནུཝཏྟིཏསྶ ཡོནམིཙྩནེན སཱམཱནཱདྷིཀརཎྱཱ‘པརེསཾ ཡོནཾ’ཏྱཡམཏྠོ ཝིཉྙཱཡཏེ, ཏཏོ པུབྦེསཾ པསངྒོཡེཝ ནཏྠཱིཏི, ནེཏདཏྠི, པརོཏི ཏྱནུཝཏྟམཱནཾ ‘ཨཏོ’ཏི པཉྩམྱནྟེན སམྦཛ྄ཛྷམཱནཾ ན ཀོཙི ཝཱརེཏཱ ཨཏྠཱིཏི པརཏོ-ཀཱརཏོ པུབྦེསམྤི ཡོནཾ ཊཱཊེཨཱདེསཱ པཔྤོནྟཱིཏི ཝཙནེནེམིནཱ བྷཝིཏབྦམེཝཱཏི དསྶེཏུམཱཧ-‘ཝཙནེ’ཙྩཱདི, ཨེཝཉྩརཧི ཏདེཝོདཱཧརིཏབྦཾ, ཀིཾ ‘ནརཱནརེ’ ཏྱུདཱཧཊནྟི ཙེ, ནེསདོསོ, ཨཉྙདཏྠཾ ཀཱརཱིཡམཱནམིཧཱ-པྱཏྠཝནྟཾ ཧོཏཱིཏི, པུབྦཀོ པརིཧཱརོཏི བྱཝ ཧིཏནིཝཏྟིཡཱ ¶ པུབྦསུཏྟེ ཝུཏྟོ ‘‘སརེཏོཔསིལེསིཀཱདྷཱརོ’’ཏི པརིཧཱརོ, ན སམྦྷཝཏཱིཏི ཨིཧ སཏྟམིཡཱ ཨབྷཱཝཱ ན སམྦྷཝཏི, ཝཙནཱནནྟརནྟི པཱཎིནིཡཱནཾ ནིདྡིཊྛགྒཧཎམིཝ བྱཝཧིཏནིཝཏྟིཡཱ སུཏྟནྟརཾ, ཏེ ཧི ‘‘ཏསྨཱཏྱུཏྟརསྶཱ’’ཏྱེཏྠ (༡-༡-༦༧) ནིདྡིཊྛགྒཧཎམནུཝཏྟིཡ ཏེན པུབྦེ ཝིཡ བྱཝཧིཏནིཝཏྟིམྤཊིཔཱདེནྟི. ཨནནྟརེཏིཝཙནཱ པཙྩཱསཏྟིཡཱ ནིསྶཡནཾ ཝིཉྙཱཡཏེ, ཀཏཏྠཏཱཡཱཏི ཝཙནཱ ཛཱཏིཡཱཏྱཱཧ- ‘པཙྩཱསཏྱཱ ཛཱཏིཾ སནྣིསྶཱཡཱ’ཏི ཛཱཏིཾ སནྣིསྶཱཡ པཙྩཱསཏྱཱ ཀརཎབྷཱུཏཱཡ ནིཝཏྟིམཱཧེཏི སམྦནྡྷོ, ཨིམིནཱ པཙྩཱསཏྟི ཉཱཡབྱཱཔནཉཱཡཛཱཏིཔདཏྠབྱཏྟིཔདཏྠེསུ པཙྩཱསཏྟིཉཱཡོ ཛཱཏིཔདཏྠོཙེཧ ནིསྶཱིཡཏེཏི དསྶེཏི, ན ཧི ཀེཝལཾ ཛཱཏིཾ ནིསྶཱཡ བྱཝཧིཏནིཝཏྟི ཝཏྟུཾ སཀྐཱ, ཏཐཱཧི ཡདེཏྠ པཙྩཱསཏྟིཉཱཡོ ན ནིསྶིཏོ, ཏདཱ བྱཱཔནཉཱཡེན བྱཝཧིཏེ ཙཱབྱཝཧིཏེ ཙཱསཛྫཏཱིཏི ཛཱཏིཡཱ ནིསྶཡནེ སཏྱཔི བྱཝཧིཏེཔི བྱཱཔྱམཱནཱ ཛཱཏི ཀེན ནིཝཱརཱིཡཏེ ནཱཔི ཀེཝལཾ པཙྩཱསཏྟིནྣིསྶཱཡ བྱཝཧིཏནིཝཏྟི ཝཏྟུཾ སཀྐཱ, ཏཐཱཧྱསཏི ཛཱཏིསནྣིསྶཡེན བྱཏྟིནིསྶཱིཡཏེ, བྱཏྟིཡཉྩ པདཏྠེ པཊིལཀྑིཡཾ ལཀྑཎཾ པཝཏྟཏཱིཏི པཙྩཱསཏྟི ཉཱཡནིསྶཡནེཔྱབྱཝཧིཏམྤཏི ཡཾ ལཀྑཎཾ བྷིནྣཾ ཏདབྱཝཧིཏེ པཝཏྟཾ, ཡམྤན བྱཝཧིཏམྤཏི བྷིནྣཾ ལཀྑཎཾ, ཏཉྩ ཝཙནཔྤམཱཎཏོ མཱབྷཝཏྭསྶ བྱཏྠཏཱཏི བྱཝཧིཏེཔི པཝཏྟཏེ, ཏསྨཱ ཨུབྷོཔི ནིསྶཱཡ ནཱིཡཱཏི. ཝིསཡདསྶནཔྤསངྒེ ཝིསཡིདསྶནམཏྠབྱཏྟིཀཱརཎནྟི ཝཱཀྱནྟོགདྷཔདཱནམཏྠམྤཋམཾ དསྶེཏྭཱ པཙྪཱ སམཱསཱདིཀཾ དསྶེཏུཾ ‘ཀཏོ’ཏྱཱདིཀམཱརདྡྷཾ, ཛཱཏིལཀྑཎོཏི ཨབྱཝཧིཏཏྟཛཱཏིསབྷཱཝོ, ‘ཨོསདྷྱོ’ཏི ཨེཏྠ སཀཱརེ ཨཀཱརཱ པརསྶ དྷཀཱརེན བྱཝཧིཏསྶ ཡོསྶ ཝིཡཱཝསེསཱནམྤི སབྦྷཱཝཏོ ཝུཏྟཾ-‘ཡོཔྤབྷུཏཱིན’ནྟི, ཛཱཏི སཱམཉྙཾ, ཡཱཝཏི ཝིསཡེཏི གཝཱདིཀེ ཡཏྟཀེ ཝིསཡེ, ཀཱམཙཱརཏོ ཝིསཡ པརིསམཏྟིཡཱ དིཊྛནྟམཱཧ-‘ཏཾ ཡཐེ’ཏི, བྷོཛཡེཏཱིཏི ཨེཏྠ བྷོཛཡེཨིཏཱིཏི པདཙྪེདོ, ཀཏོཧི ཛཱཏྱཏྠོ ཀསིཎོཏི ཡསྨཱ སཀལོ བྲཱཧྨཎ ཛཱཏིསངྑཱཏོ ཨཏྠོ པརིསམཏྟོ, ཏསྨཱཏི ཨཏྠོ, ཨིདཾ ཝུཏྟཾ ཧོཏི- ¶ ‘ཡཱཝ དིཊྛམྦྷོཛཡེ’ཏི ཝུཏྟེ [ཝུཏྟེན (པོཏྠཀེ)] སནྟཱཡ སཱམཉྙཝུཏྟི བྲཱཧྨཎསདྡཔྤཡོགསཱམཏྠིཡཱ པཙྩེཀམྦྷོཛནཀིརིཡཱ ཀཏཱ ནཱམ ཧོཏི, ཡཏོ ཀསིཎོཔི ཛཱཏྱཏྠོ པརིསམཏྟོ ནཱམཱཏི. ‘‘བྱཉྫནེ དཱིགྷརསྶཱ’’ཏི (༡-༣༣) སུཏྟེ བྱཉྫནེཏི སཏྟམཱི པུབྦསྶ དཱིགྷཱདིཝིདྷིམྷི ཙརིཏཏྟཱ ‘‘སརམྷཱ དྭེ’’ཏི (༡-༣༤) ཨེཏྠ སརམྷཱཏི པཉྩམྱཀ ཏཏྠཱ, ཏཏོ པཉྩམཱིནིདྡེསསྶ བལཱིཡཏྟཾ, ཏཏོ ‘‘སཏྟམིཡཾ པུབྦསྶ’’ ‘‘པཉྩམིཡཾ པརསྶཱ’’ཏི དྭིནྣཾ པརསྶ སམུཊྛཱཔནེ ‘བྱཉྫནེ’ཏི སཏྟམཱི པརསྶ ཀཱརིཡ ཡོགིཏཱཡ ཨཏྠཏོ ཝིབྷཏྟིཝིཔརིཎཱམེན ཚཊྛཱིབྷཱཝེན པརིཎམཏཱི… དྭིནྣཾ སུཏྟཱནཾ ཝིཔྤཊིསེདྷེ པརསྶ བལཱི ཡཏྟཱཝཱཏི ཨེཏཱདིསསཱམཏྠིཡསབྦྷཱཝཏོ ཝུཏྟཾ-‘ཚཊྛཱིཔཀཔྤནཱཔི པུརེཝིཡ སཱམཏྠིཡཱ’ཏི.

༡༦. ཨཱདིསྶ

ཀིཉྩི ཨནྟསྶ སམྤཏྟནྟི ཡཾ ཊཱནུབནྡྷམནེཀཝཎྞཾ ན ཧོཏི, ཏཾ ‘‘ཚཊྛིཡནྟསྶེ’’ (༡-༡༧) ཏྱནྟསྶ པཏྟཾ, ཀིཉྩི སབྦསྶེཏི ‘‘ཊཱནུབནྡྷཱནེཀཝཎྞཱ སབྦསྶེཏི’’ (༡-༡༩) ཊཱནུབནྡྷམནེཀཝཎྞཉྩ ཀཱརིཡཾ སབྦསྶ པཏྟཾ. ཡདནྟབྷཱཝིཀཱརིཡཾཏྱཱདིནཱ ཝཙནཕལམུཔདསྶེནྟོ ‘ཚཊྛཱིཡནྟསྶེ’ཏཱིམསྶཱཔཝཱདོ ཡཾ ཡོགོཏི དསྶེཏི, ཏསྶཱཡམ པཝཱདོ ཧོཏུ ཊཱནུབནྡྷཱདིཀཱརིཡཾ ཀཐནྟི ཨཱཧ-‘ཊཱནུབནྡྷེ’ཙྩཱདི, ཝིཔྤཊིསེདྷཱཏི ཨཔཝཱདཝིཔྤཊིསེདྷཱ, ‘‘ཚཊྛིཡནྟསྶེ’ཏི ཧི ཨུསྶགྒོ, ཏསྶཱཔཝཱདཱ ‘‘ཨཱདིསྶ’’ ‘‘ཊཱནུབནྡྷཱནེཀཝཎྞཱ སབྦསྶེ’’ཏྱེཏེ, ‘‘ཨཱདིསྶཱ’’ཏཱིམསྶཱཝཀཱསོ ‘ཏེརསཱ’ཏི, ‘‘ཊཱནུབནྡྷཱནེཀཝཎྞཱ སབྦསྶཱ’’ཏཱིམསྶཱཝཀཱསོ ‘ཨེསུ, ཨནེནཱ’ཏི, ཨིཧོབྷཡམྤཔྤོཏི ‘‘ཨཏོ ཡོནཾ ཊཱཊེ’’ (༢-༤༡) ‘‘ནརཱནརེ’’ ‘‘ཨཏེན’’ (༢-༡༠༨) ‘‘ཛནེནཱ’’ཏི (ཏཏྠ) ‘‘ཊཱནུབནྡྷཱནེཀཝཎྞཱ སབྦསྶེ’’ཏཱིདམྤཝཏྟཏཱིཏི ཏེསམཔཝཱདཱནཾ ཝིཔྤཊིསེདྷཱ སབྦཱདེསོ བྷཝཏི. ‘‘ཚཊྛིཡནྟསྶཱ’’ཏི དསསདྡེ-ནྟསྶ པཏྟོཔི ཏདཔཝཱདཏྟཱ ‘‘ཨཱདིསྶཱ’’ཏིཨཱདིབྷཱུཏསྶ དཀཱརསྶ ཧོཏཱིཏི ཨཱཧ ‘དཀཱརསྶརོ’ཏི.

༡༧. ཚཊྛཱི

ཀོཏྠོནྟ ¶ སདྡསྶེཙྩཱཧ-‘ཨནྟོཝསཱན’མིཙྩཱདི, ‘‘ཝཎྞསྶནྟསྶ’’ཏི (༡-༡-༥༢) སུཏྟེ ཝཎྞགྒཧཎམནྟཝིསེསནཱཡོཔདིཊྛཾ པཱཎིནིནཱ-ཨནྟསྶ པདསྶ ཝཱཀྱསྶ ཝཱ མཱབྷཝཱི’ཏི, ཨིཧ ཏྭནཏྠཀཾ ཝཎྞགྒཧཎཾ བྱཝཙྪེཛྫཱབྷཱཝཱཏི དསྶེཏུམཱཧ-‘སོ ཙེ’ ཏྱཱདི, ནནུ བྲཧྨསྶཱཏི ཝིསེསནཏྠེན ཝཏྟུམིཙྪིཏོ མཧཱབྲཧྨསདྡོ ཚཊྛཱིནིདྡིཊྛོ ནཱམཱཏི ‘‘བྲཧྨསྶུ ཝཱ’’ཏི (༢-༡༩༤) ཨུཨཱདེསོ ‘‘ཚཊྛིཡནྟསྶཱ’’ཏི ཨནྟབྲཧྨསདྡསྶ པཔྤོཏི, ཏཐཱ སཏི ‘ན ཧི ཚཊྛཱི ནིདྡིཊྛསྶ ཨནྟཾ པདཾ ཝཱཀྱཾ ཝཱ སམྦྷཝཏཱི’ཏི ཀསྨཱ ཝུཏྟནྟི, ཝུཙྩཏེ- ན ཝིསེསནཏྠེནཱཀྑེཔམཏྟེན མཧཱབྲཧྨསདྡོ ཚཊྛཱི ནིདྡིཊྛོ ནཱམ བྷཝཏཱིཏི ན བྲཧྨསདྡསྶ སབྦསྶཱདེསཔྤསངྒོ, མཧཱབྲཧྨསདྡེ ཝཱ བྲཧྨསདྡོ ཨཏྠཱིཏི ཏསྶཱནྟསྶ ཨུཏྟཾ ཝིདྷཱིཡཏེ.

༡༨. ཝཱནུ

‘‘ཚཊྛིཡནྟསྶེ’’ཏྱནེནེཝཱཝིསེསེན ཝཱནུབནྡྷཀཱརིཡེཔྱནྟསྶ སིདྡྷེ ཀིམཏྠོཡམཱརམྦྷོཏྱཱསངྐིཡ ཊཱནུབནྡྷཱཏྱཱདིནཱ ཝཙནཕལམུཔདསྶེནྟོ ‘བཱདྷཀབཱདྷནཏྠོ-ཡམཱརམྦྷོ’ཏི-ཝདཏི, ཏཐཱཧི ‘‘ཚཊྛིཡནྟསྶེ’’ཏྱསྶ བཱདྷཀོ ‘‘ཊཱནུབནྡྷཱནེཀཝཎྞཱ སབྦསྶེ’’ཏི, ཏསྶ ཙ ‘‘ཝཱནུབནྡྷོ’’ཏྱཡཾ ཡོགོ བཱདྷཀོཏི བཱདྷཀབཱདྷནཏྠོ སམྤཛྫཏེ, ཨཔཨིཙྩཡམུཔསགྒོ ཝཛྫནེ ནཱིཝཱརཎེ, པནཡནེ ཝཱ ཝཏྟཏེཏི ཨཔོདྱནྟེ ཨུསྶགྒལཀྑཎཱནི ཝཛྫཱིཡནྟེ ནཱིཝཱརཱིཡནྟེ ཨཔནཱིཡནྟེ ནེནེཏྱཔཝཱདོ, སུཏྟེཀདེསེན སུཏྟམེཝོཔལཀྑིཏནྟི ཨནྟསྶ‘ཚཊྛིཡནྟསྶཱ’ཏི སུཏྟསྶ ཨཔཝཱདོ ཨནྟཱཔཝཱདོ, ཨུསྶཛྫཏེ ནིཝཏྟཱིཡཏྱཔཝཱདེནེཏྱུསྶགྒོ, ཨུསྶགྒཱཔཝཱདཀྐམོ པནེཏྠ ཨེཝཾ ཝེདིཏབྦོ ‘‘ཚཊྛིཡནྟསྶེ’’ཏྱུསྶགྒོ, ཏདཔཝཱདཱ ‘‘ཊཱནུབནྡྷཱནེཀཝཎྞཱ སབྦསྶ’’ ‘‘ཨུཀཱནུབནྡྷཱདྱནྟཱ’’ ‘‘མཱནུབནྡྷོ སརཱ ནམནྟཱ པརོ’’ཏི, ‘‘ཊཱནུབནྡྷཱནེཀཝཎྞཱ སབྦསྶེ’’ཏྱུསྶགྒོ, ཏད པཝཱདཱ ‘‘ཝཱནུབནྡྷོ’’ ‘‘མཱནུབནྡྷོ སརཱནམནྟཱ པརོ’’ཏི.

༡༩. ཊཱནུ

ཚཊྛཱིནིདྡིཊྛསྶེཙྩཱདིནཱ ¶ ཝཙནཱརམྦྷཔྤཡོཛནཱཁྱཱནེནཱནྟཱདེསཱཔཝཱདོ ཡཾ ཡོགོཏི བྲཝཱིཏི, པཙྩེཀམབྷིསམྦནྡྷོཏི སོ ཊཀཱརཱནུབནྡྷོ ཙཱདེསོཏིཨཱདིནཱ, ཀསྶ སབྦསྶ བྷཝཏིཙྩཱཧ-‘ཚཊྛཱི ནིདྡིཊྛསྶེ’ཙྩཱདི, ནནུ ཙ ཊེཨཱདེསོཔྱནེཀཝཎྞོཨེཝ དྭིཝཎྞསམུདཱཡཏྟཱཏྱཱསངྐིཡཱཧ-‘ཨུཔལཀྑིཡེ’ཙྩཱདི, ཨནུབདྷྱཏེ པཡོགེ ཨསུཡྻམཱནེཔི པཡོཛནཝསེནཱནུསརཱིཡཏཱིཏྱནུབནྡྷོ, ཨུཔདེསེ ཡེཝོཔལཀྑིཡ ནིཝཏྟཏེཏྱནེནེཏཾ དསྶེཏི ‘ཨུཙྩཱརིཏཝིནཱསིནོནུབནྡྷཱ’ཏི, ཨུཔདེསེ པཋམུཙྩཱརཎེ.

༢༠. ཉཀཱ

ཨཱདྱནྟཱཏི ཝུཏྟེ ཀཐམཝཡཝཱཏྱཡམཏྠོ ལབྦྷཏཱི ཏྱཱཧ-‘ཨཱདྱནྟསདྡཱནམི’ཙྩཱདི, ཨཱདྱནྟསདྡཱནཾ ནིཡཏཝཡཝཝཱཙིཏྟཱ ཨཝཡཝསྶ ཙཱཝཡཝིནཱམནྟརེནཱ སམྦྷཝཏོ སཱམཏྠིཡཱཝཡཝཱི ལཀྑཱིཡཏི, ཚཊྛིཡཱཏྱནུཝུཏྟིཏོ ཝཱཝཡཝཱཝཡཝིསམྦནྡྷེསཱ ཚཊྛཱི, ཏཱཡ ནིདྡིཊྛསྶཱཏྱཡམཏྠོ ཝིཉྙཱཡཏེཏི ཝུཏྟིཡཾ-‘ཚཊྛཱིནིདྡིཊྛསྶཱ’ཏི (ཝུཏྟཾ), ཏེནེཝ པཙྩཡཝིདྷིམྷི ཀཱུཔྤཙྩཡཱདཡོ ན དོསཱ བྷཝནྟཱིཏི, ཨཏོཡེཝཱཏི ཏདཝཡཝཱཙིཏྟཏོཡེཝ, ཏགྒཧཎེནེཏི ཨཝཡཝགྒཧཎེན, ཀཏཱཀཏཔྤསངྒིཏྟཱཏི ཨོཏྟེ ཀཏེཔི ཨཀཏེཔི ཝུཀཱགམསྶ པསངྒཏོ, བྷཱུཡཏྟཏྟཱ ཧི ཨོཏྟསྶ བྷཱུགྒཧཎེ སཏི ཀཏེཔི ཨོཏྟེ ཝུཀཱགམེན བྷཝིཏབྦམཀཏེཔི ཏཏོཝ ‘‘ཀཏཱཀཏཔྤ སངྒཱི ཡོ ཝིདྷི སནིཙྩོ’’ཏི ནིཙྩཏྟཱ ཨོཏྟཾ བཱདྷིཏྭཱ ཝུཀཱགམོ ཧོཏི, ཨཐ ཝུཀཱགམེ པཙྪཱ ཏེན ན བྷཝིཏབྦནྟི ཨཱཧ-‘ཨནྟཱཝཡཝེ’ཙྩཱདི.

༢༡. མཱནུབནྡྷོ

ཡདིནིདྡྷཱརཎེ ཚཊྛཱི ཨནྟསྶཱཝིསེསིཏཏྟཱ ཨཝིསེསེན ཡཏོ ཀུཏོཙི ཨནྟཏོ བཱནུབནྡྷོ པརོ སིཡཱ, ན ཧི དུཏིཡཾ སརགྒཧཎམཏྠི, ཡེནཱནྟོ ཝིསེསཱིཡཏེཙྩཱཧ-‘ནིདྡྷཱརཎ’མིཙྩཱདི, ཀཱརཎམཱཧ-‘སུཏཏྟཱ’ཏི, ‘སརཱན’ནྟི སུཏཏྟཱཏི ཨཏྠོ, ཏེན ‘‘སུཏཱནུམིཏེསུསུཏསམྦནྡྷོབལཝཱ’’ཏི རུནྡྷཏཱིཏེཏྠདྷཀཱརསྶཱ ནུམིཏསྶ ¶ མཾ ན ཧོཏཱིཏི དཱིཔེཏི, སམཱན ཛཱཏིཡསྶེཝ ལོཀེ ནིདྡྷཱརཎཔྤཏཱིཏི ཧོཏིཙྩཱཧ-‘ཏཐཱ ཧི’ཙྩཱདི, ཡཐཱ’ཀཎྷཱ གཱཝཱིནཾ སམྤནྣཁཱིརཏམཱ’ཏི ཝུཏྟེ ཨཝིསེསིཏཏྟེཔི ཀཎྷཱཡ ཀཎྷཱགཱཝཱིཡེཝ པཏཱིཡཏེ, ཏཐེཧཱཔི སརཱནཾ མཛ྄ཛྷེ ཨནྟཱཏྱནྟཏྟེན ནིདྡྷཱརིཡམཱནོ སམཱནཛཱཏིཡོ སརོཡེཝ པཏཱིཡཏེ, ཏེན སརཱནཾ ཡེཝཱནྟཱཔརོ བྷཝིསྶཏཱིཏི བྷཱཝོ, ཝིསེསནཏྟོཏི ‘‘ཉིལཏསྶེ’’ཏི (༥-༡༦༣) སུཏྟེ ཨསྶཱཏི ཝུཏྟེ ཨཡམེཝེཏི ནིཡམཱབྷཱཝཱ ཡསྶཀསྶཙི ཨཀཱརསྶ ཉིཔྤཏྟི, ཏེནཱནིཊྛཔྤཏྟཱིཏི ལཱནུསངྒིསྶེཝ ཨསྶཱཏི ལསྶ ཡཾ ཝིསེསནཏྟཾ ཏཾ ཨཏྠོ པཡོཛནམསྶ ‘‘ཀཏྟརིལོ’’ཏི (༥-༡༨) ལཀཱརསྶཱཏི ཝིསེསནཏྠོ ལཀཱརོ, ཨིདྷེཝཱཏི ཨིམསྨིཾ ‘‘མཱནུབནྡྷོ’’ཏིཨཱདིསུཏྟེཡེཝ.

༢༢. ཝིཔྤཊི

པརོཏི ཝཏྟཏེ, སོ ཙཱཉྙཱདྷིཀྱཨིཊྛཱདྱནེཀཏྠོཔི ཨིདྷ ཨིཊྛ ཝཱཙཱི དཊྛབྦོ, ཀམྨབྱཏིཧཱརེགྷཎིཏི ཀམྨབྱཏིཧཱརོ ཀིརིཡཱཔརིཝཏྟནཾ བྷཱཝཝིསེསོ ཏསྨིཾ ‘བྷཱཝཀཱརཀེསྭགྷཎྒྷཀཱ’’ཏི (༥-༤༤) སཱམཉྙེན ཝིཧིཏཏྟཱ ཝིཔྤཊིསེདྷནནྟི ཨཏྠེ གྷཎི ཝིཔྤཊཱི སེདྷོ, ཏེནཱཧ-‘སཱམཉྙེ’ཙྩཱདི, ཝིཔྤཊིསེདྷསདྡསྶ ཨཏྠམཱཧ-‘ཨཉྙམཉྙཔཊིསེདྷོ’ཏི, སཾསིདྡྷིཡཾ ཝཏྟམཱནོཔི སིདྷི ཨུཔསགྒསམྦནྡྷེ ནཱཏྠནྟརེཔི ཧོཏཱིཏི ཨཉྙམཉྙཝིརོདྷོཏྱཏྠོ, ཝིཔྤཊིསེདྷསདྡསྶ ལོཀེ ཝིརོདྷཝཱཙིཏྟེན པསིདྡྷཏྟམཱཧ ‘ཏཐཱ ཧི’ཙྩཱདིནཱ, ཀཐམྤན པམཱཎབྷཱུཏསྶཱཙརིཡསྶ ཝཙནེསུ ཨཉྙམཉྙཝིརོདྷོ སམྦྷཝཏཱིཙྩཱསངྐིཡ ཨུབྷིནྣཾ སཱཝཀཱསཏྟེ སཏི སམྦྷཝཏི ནཱཉྙཐཱཏི ‘དྭིནྣ’མིཙྩཱདི ཝུཏྟིགནྠོ པཝཏྟོཏི ཝཏྟུཾ ‘སོཙཱ’ཏིཨཱདིམཱཧ ཨཉྙམཉྙཱནཛ྄ཛྷཱསིཏེཏི ཨཉྙམཉྙེནཱནཀྐནྟེ ཨཔརིགྒཧིཏེཏི ཝུཏྟཾ ཧོཏི, ཨནུབྷཡཏཱགིནཱིཏི ཡོ ཝིསཡེཀདེསོ ཨུབྷཡནྣ བྷཛཏེ ཏསྨིཾ ཨནུབྷཡབྷཱགིནི ཝིསཡེཀདེསེ, སཱམཉྙཝིསཡོ དྭིནྣཾ ཝིདྷཱིནཾ སཱདྷཱརཎོ ཝིསཡོ, ཏཏྠ པཝཏྟིཔྤསངྒེ སཏི སོཙ ཝིཔྤཊིསེདྷོ ཛཱཡཏཱིཏི སམྦནྡྷོ, ཨིམིནཱ ཝིཔྤཊིསེདྷསྶ ཝིསཡོ པཝཏྟིཔྤསངྒོ ཝིསཡཝིསཡཱིནམབྷེདེན སུཏྟེ ‘ཝིཔྤཊིསེདྷོ’ཏིཝུཏྟོཏི ¶ ‘དྭིནྣ’མིཙྩཱདིནཱ ཝུཏྟིགནྠོ རཙིཏོཏི དཱིཔེཏི, པརོ ཧོཏཱི ཏིཝིདྷིདསྶིཏོཏི ཨིམིནཱ ཡདི ནིཡམོ-བྦྷཱུཔགཏོ སིཡཱ, ཏདཱ ‘པརོཝཧོཏཱི’ཏི ཝདེཡྻཱཏི དསྶེཏི, པཱཎིནིཡཱ ཧི ཛཱཏིཡཾ པདཏྠེ སཀིམེཝ ལཀྑཎཾ པཝཏྟཏཱིཏི ཙརིཏཏྠཏྟཱ ཝིསཡནྟརེ དྭིནྣམྤི ལཀྑཎཱནམཔྤཝཏྟིཡཾ པརཾ པཙྪིམཾ ཀཱརིཡནྟི ཝིདྷྱཏྠམིདཾ ཝཙནཾ, བྱཏྟིཡནྟུ པདཏྠེ ལཏྭཱདཱིནམིཝ པརིཡཱཡཔྤསངྒེ ནིཡམཏྠནྟི པཊིཔནྣཱ, ཨིདྷ པན ཛཱཏིཡཾ བྱཏྟིཡཉྩ དྭིནྣམྤི སུཏྟཱནམཔྤཝཏྟིཡམེཝ ཝིདྷྱཏྠམེཝིདཾ ཝཙནཾ, ན ནིཡམཏྠམྤཱིཏི པཊིཔཱདེཏུམཱཧ-‘ཏཐཱཧི’ཙྩཱདི, ཀཱམཙཱརཏོ པརིསམཱཔཱིཡཏེཏི སམྦནྡྷོ, ཀཱམཏོ པརིསམཱཔནཉྩེཏིསྶཱ སབྦསྨིཾ ཨཏྟནོ གོཙརེ ཨཝིཙྪེདབྱཱཔནེན པཝཏྟིསབྦྷཱཝཏོ. ཀཐམྤནེཀསྶཱཔི པཝཏྟི ན བྷཝེཡྻཱཏྱཱསངྐིཡ ཀཱརཎམཱཧ‘ཨུབྷཡམྤི’ཙྩཱདི, ཧིསདྡོ ཡསྨཱཏྠེ, ཡསྨཱ ཨུབྷཡམྤིདམཱཙརིཡཝཙནཾ, ཏཏོཡེཝ པམཱཎཾ, ཨབྷིམཏཀཱརིཡཝིདྷཱནེ ལིངྒབྷཱཝེན སདྡིཀཱནུམཏཏྟཱ(ཏེསཾ) ཝིདྷཱིནཾ ཝིདྷཱཡཀཉྩ ཏསྨཱཏི ཨཏྠོ. པམཱཎཏྟཱ དྭིནྣམྤི ཨཔྤཏྟིཡཾ ཀཱརཎམཱཧ-‘ཨནུབྷཡབྷཱགིམྷི’ཙྩཱདི, ཡཏོ ལདྡྷཱཝཀཱསཱ ཏཏོ སམཱནབལཱཏི, ཨིཏིསདྡོ ཧེཏུམྷི, ཝིརུདྡྷཱཙཱཏི ཨེཏྠ ཨིཏིསདྡཾ དཏྭཱ ‘ཨནུབྷཡབྷཱགིམྷི…པེ… ཝིརུདྡྷཱཙཱཏི དྭིནྣཾ ཝཙནཱནཾ པམཱཎཏྟཱ ཨུབྷིནྣམྤི ཨཔྤཝཏྟཱིཏི སམྦནྡྷོ ཝེདིཏབྦོ. སམཱནབལཱནཾ དྭིནྣཾ ལོཀེཔི ཝིརོདྷིཏྟཾ ཨེཀཀྑཎེཡེཝ ཨུབྷིནྣམྤི ཀཱརིཡེ ཨཔྤཝཏྟི ཙ དིསྶཏཱིཏི དིཊྛནྟམཱཧ ‘ལོཀེཙེ’ཏྱཱདི, ཨེཏྠ ཙ པེསྶསྶ (ཨ)ཝིརོདྷཏྠིནོ ཀཱརིཡེ ཨཔྤཝཏྟིརིཝ [ཨཔྤཝཏྟིཡེཝ (པོཏྠཀེ)] སམཱནབལཱན མུབྷིནྣཾ ཝཙནཱནཾ ཀཱརིཡེ ཨཔྤཝཏྟཱིཏི སུཁེནོ པམཱསཾསནྡནཾ ཝིཉྙཱཏབྦཾ.

ཛཱཏིཔཀྑེཡེཝ བྷསྶཀཱརེན དྭིནྣཾ ཡུགཔདིཔྤཏྟིཡཾ ‘ལཏྭཱདཱིནམིཝ’ པརིཡཱཡཔྤསངྒོ ཝཎྞིཏོ, ཏསྶཱཡུཏྟཏྟམུཔདསྶེནྟོ ཨཱཧ ‘ནཙཱཔི’ཙྩཱདི, བྷིནྣཝིསཡཏྟཱཏི དྭིནྣཾ ཝིདྷཱིནཾ བྷིནྣཝིསཡཏྟཱ. ཨབྷིནྣཝིསཡཏྟེ ཧི པརིཡཱཡཀཔྤནཱ ཡུཏྟིམཏཱི, ཨཏོཙ ལཏྭཱདཱིནམབྷིནྣཝིསཡཏྟམྤཊིཔཱདཡིཏུམཱཧ- ‘ལཏྭཱདཡོ ཧི’ཙྩཱདི, ཨནཝཡཝེནེཏི དྷཱཏུ མཏྟཏོ ཝིདྷཱནེནཱཝཡཝབྱཏིརེཀསབྦྷཱཝཏོ སབྦདྷཱཏུཔརིགྒཧེན, ཡཏྠ ཡསྨིཾ དྷཱཏྭཏྠེཀདེསེ པཝཏྟཱ སམཱནཱ པཝཏྟཱ སནྟོ ལདྡྷཱཝཀཱསཱ ¶ སིཡུཾ ཏསྶེཀདེསསྶ པརིཧཱརེནཱཔི པརིཙྩཱགེནཱཔི ན ཝིདྷཱིཡནྟེཏི སམྦནྡྷོ, ལཏྭཱདཱིན མེཀཀྑཎེ ཨསམྦྷཝཱ ཨེཀསྨིཾ ཀཏེ སཏཱིཏརཝཙནཱན མཱནཏྠཀྱཔྤསངྒཱཙ པརིཡཱཡེན བྷཝནྟཱིཏི ཡནྟཾ ཡུཏྟནྟི སམྦནྡྷོ. ཨིཧཱཏི ཨིམསྨིཾ ཡུགཔདིཔྤཏྟིཡཾ, ཨིཧ ཏཐཱབྷཱཝསྶ ཀཱརཎམཱཧ-‘སཱཝཀཱ…པེ… ཝཙན’ནྟི, ཏཏྠཱཏི ཡུགཔདིཔྤཏྟིཡཾ. ཛཱཏིཡམྤདཏྠེ ‘‘པུནཔྤསངྒཝིཛཱནནཱ སིདྡྷཾ, ཝིཔྤཊིསེདྷེ ཡཾ བཱདྷིཏཾ ཏམྦཱདྷིཏམེཝཱ’’ཏཱིམཱསམུབྷིནྣཾ པརིབྷཱསནམྤཝཏྟིཾ པཊིཔཱདེནྟོ ཨཱཧ- ‘པརསྨིཾ ཙེ’ཏྱཱདི, པརསྨིནྟི ཨིཊྛེ, པརིབྷཱསནམྤན ཨཡམཏྠོ ‘པུནཔྤསངྒཝིཛཱནནཱཏི དྭིནྣཾ སུཏྟཱནམེཀཏྠཔྤ སངྒསངྑཱཏེ ཝིཔྤཊིསེདྷེ སཏིཔརམིཊྛཾ པཋམཾ ཧོཏི, ཧོནྟེན ཏེན ཡདཱིཏརསྶ ནིམིཏྟོཔགྷཱཏོ ན ཀཏོ ཏདཱ ཏསྶཱཔི པུནཔྤསངྒོ ཏསྶ ཝིཛཱནནཱ སིདྡྷནྟི, ཝིཔྤཊིསེདྷེ ཡཐཱཝུཏྟེ སཏི པཋམཾ ཧོནྟེན ཡཾ སུཏྟཾ བཱདྷིཏཾ ཏསྶ པུནཔྤཝཏྟིཡཱ ཡདི ནིམིཏྟཾ ནཏྠི ཏཾ བཱདྷིཏམེཝེ’ཏི. བྱཏྟིཡམྤི ཝིདྷྱཏྠམེཝིདཾ ཝཙནཾ, ན ནིཡམཏྠནྟི དསྶེཏུམཱཧ-‘བྱཏྟིཡ’མིཙྩཱདི, ཨེཝཾ མཉྙཏེ ‘བྱཏྟིཡཾ པཊིལཀྑིཡཾལཀྑཎཔྤཝཏྟིཡཾ དྭིནྣཾ སཱདྷཱརཎཾ ཋཱནམྤཏི ཡཱནི ཝཙནཱནི བྷིནྣཱནི ཏེསམྤི ནིརཝཀཱསཏྟེན ཏུལྱབལཏྟཱ དྭིནྣམྤཊིཔཏྟིཡེཝསིཡཱ, ནཏུ པརིཡཱཡཔྤསངྒོ’ཏི. བྱཏྟིཡམྤི ཡཐཱཝུཏྟཱནཾ པརིབྷཱསཱནཾ པཝཏྟི ཝུཏྟཝིདྷིནེཝཱཏི དསྶེནྟོ ‘པརིབྷཱསཱནམྤི’ཙྩཱདིམཱཧ.

ཛཱཏིཡམྤདཏྠེ ‘‘ཝཏྟམཱནེཏི ཨནྟི, སི ཐ, མི མ, ཏེ ཨནྟེ, སེ ཝ྄ཧེ, ཨེ མྷེ’’ཙྩཱདཱིནཾ ལཀྑཎཱནམེཀམེཀཏྠེཔི ཝཏྟམཱནེཏི ཨནྟི, ཝཏྟམཱནེ སི ཐ ཨིཙྩཱདཱིནཾ ཝཱཀྱེཀདེསཱནཾ གཙྪཏིཙྩཱདོ གཙྪ སིཙྩཱདོ ཙ ལཀྑིཡེ སཀིམྤཝཏྟིཡཱ སབྦསྨིཾ སཀེ ཝིསཡེ པཋམ མཛ྄ཛྷིམཔུརིསེཀཝཙནཛཱཏི པརིསམཏྟཱཏི ཙརིཏཏྠཏྟཱ ཏུམྷེ གཙྪཐཱཏི ཨེཏྠ དྭཱིཧི དྭིནྣཾ པུརིསཱན མེཀཀྑཎེ པཝཏྟིཡཾ ན ཀསྶཙི, བྱཏྟིཡམྤི པཊིལཀྑིཡཾ ལཀྑཎཱནི བྷིཛྫནྟཱིཏི སཱདྷཱརཎཾ ཋཱནཾ པཏིབྷིནྣེཧི ལཀྑཎེཧི དྭིནྣམྤེཀཏྠེ-ཀཀྑཎེ པཝཏྟིཡཾ ན ཀསྶཙི, ཏཐཱ ཝུཏྟནཡེནེཝ ཏིཎྞཾ པུརིསཱནམེཀཀྑཎེ པཝཏྟིཡནྟི སབྦཐཱ ཨཔྤཝཏྟིཡཾ སམྤཏྟཱཡཾ ཝཙནམིདཾ, པརོ ཧོཏཱིཏི མཛ྄ཛྷིམུཏྟམཾ བྷཝཏཱིཏི ཨདྷིཔྤཱཡེན ‘ཡཐེ’ཙྩཱདིནཱ ཝུཏྟཾ ཝུཏྟིགནྠམྤཉྷམུཁེནཱ ཧརིཏྭཱ ¶ དསྶེཏུཾ ‘ཀྭཔནཱ’ཏིཨཱདིམཱཧ, ནེདམུདཱཧརཎམམྷཾ མནཾ བྷོསེཏི-ཡཏོ ཝིཔྤཊིསེདྷཝིསཡམེཝེདཾ ན ཧོཏི, ཀུཏོ ཡཏོ ‘‘ཝཏྟམཱནེཏི ཨནྟི’’ཙྩཱདིཔྤབྷུཏཱིནཾ ཝཏྟམཱནེཏི ཨནྟིཙྩཱདཱིཧི ཝཱཀྱེཀདེསེཧི ནིདྡིཊྛཱནམེཝ པུབྦཔརཙྪཀྐཱནཾ པུརིསཝཙནཝིསེསཝིདྷཱཡཀེན ‘‘པུབྦཔརཙྪཀྐཱན མེཀཱནེཀེསུ ཏུམྷཱམྷ སེསེསུ དྭེདྭེ མཛ྄ཛྷིམུཏྟམཔཋམཱ’’ (༦-༡༤) ཏཱིམིནཱ ཝཱཀྱཱཝཡཝེན ཏུམྷཱམྷསེསེསུ པཡུཛྫམཱནེསུ ཨཔྤཡུཛྫམཱནེསུ ཝཱ ཡཐཱཀྐམཾ པུབྦཙྪཀྐཱནཾ པརཙྪཀྐཱནཉྩ མཛ྄ཛྷིམུཏྟམཔཋམཱནཾ པཙྩེཀཾ དྭེདྭེ ཝཙནཱནི ཡཐཱཀྐམཾ བྷཝནྟཱིཏི ‘གཙྪཐ གཙྪཱམཱ’ཏི ཨེཏྠ ཨེཀཀྑཎེ པཝཏྟིཡེཝ ནཏྠི, དྭིནྣམྤན སཱཝཀཱསཱན མེཀཀྑཎེ པཝཏྟིཡེཝ ཧི ཝིཔྤཊིསེདྷོཏི, ཏཐཱཔི ཝུཏྟནཡེན ཝིཔྤཊིསེདྷཔྤཀཔྤནཱཔི སཀྐཱ ཀཱཏུནྟཱིདམུདཱཧཊཾ སིཡཱཏི དཊྛབྦཾ, ཨིམིསྶཱ པན པརིབྷཱསཱཡ ནིརཱཀུལཔྤཝཏྟི ‘‘ཨཱདིསྶཱ’’ ཏཱིམིསྶཱ ཝུཏྟནཡེན ཝེདིཏབྦཱ, ཀཏཱཀཏཔྤསངྒཱི ཡོ ཝིདྷི, སོ ནིཙྩོ, ཡོཏྭཀཏེཡེཝཱཡམནིཙྩོཏི ཝུཏྟནིཙྩཱནིཙྩེསུ ཨནྟརངྒབཧིརངྒེསུ ཙཱཏུལྱབལཏྟཱ ནཱསྶ ཡོགསྶ བྱཱཔཱརོ, ཏཐཱཧི ནིཙྩཱནིཙྩེསུ ནིཙྩམེཝ བལཝནྟི ནིཙྩཱནིཙྩཱནམཏུལྱབལཏཱ, ཨནྟརངྒབཧིརངྒཔྤཀཱར(མྤན) ཨུཔརི ‘‘ལོཔོ’’ཏི (༡-༣༩) སུཏྟེ པཀཱསིསྶཱམ.

༢༣. སངྐེཏོ

ཝཙནཱརམྦྷསྶ ཕལམཱཧ-‘ཨནུབནྡྷོཏི ཡཾ ཝུཏྟཾ’ཏྱཱདི, ཝུཏྟིཡཾ ‘‘ཡོནཝཡཝབྷཱུཏོ སངྐེཏོ’’ཏི སཱམཉྙེན ཝུཏྟེཔི ‘‘བྷཱསིསྶཾ མཱགདྷཾ སདྡལཀྑཎ’’ནྟི སདྡལཀྑཎཱ བྷིདྷཱནཔྤཀརཎཏོ སདྡསྶཱནཝཡཝབྷཱུཏོཏི ཝིཉྙཱཡཏེཏི དསྶེཏུམཱཧ-‘ཀསྶ’ཏྱཱདིལྟུཔྤཙྩཡེ ལཀཱརོ ཨུདཱཧརཎཾ, པཀཏིཡཱདི སམུདཱཡསྶཱཏིཨཱདིཝཱཀྱསྶ སཱཔྤཱཡམཏྠཾ ཝིཝརིཏུཾ ‘ཨེཝམཉྙཏེ’ཙྩཱདི ཝུཏྟཾ, ཀེཙི སདྡསཏྠཀཱརཱཏི པཱཎིནིཾ སནྡྷཱཡཱཧ, ཝཙནནྟི ‘‘ཏསྶ ལོཔོ’’ཏི (༡-༣-༩) ཝཙནཾ, པཡོགཱསམཝཱཡིཏཱཏི ཀཏྟཱཨིཙྩཱདིཔྤཡོགེ ཨསམཝཱཡིཏཱ ཨཔྤཡོགིཏཱཏི ཨདྷིཔྤཱཡོ, ཨེཝམྤིསྶ ལོཔོ ཝསེཡོ… ཨནུཔུབྦོ བནྡྷིཝིནཱསཏྠོཏི ཨཱཧུ ཨུཙྩཱརིཏཔདྷཾསིཏྟཱ ¶ ཨནུབནྡྷྱཏེ ཝིནསྶཏེཏྱནུབནྡྷོཏི ཨིམཱཡ སདྡ བྱུཔྤཏྟིཡཱཝསེན.

༢༤. ཝཎྞ

‘ཨཏེནཱ’ཏི (༢-༡༠༨) ཨེཏྠ ཨཏོཏི རསྶབྱཏྟིནིདྡེསོ ཝཱ སིཡཱ རསྶཛཱཏིནིདྡེསོ ཝཱ སཀལནིསྶཡབྱཱཔཱི ཨཏྠཛཱཏི ནིདྡེསོཝཱ, ཏཏྠ རསྶབྱཏྟིནིདྡེསེ སཏི བུདྡྷསིདྡྷཱདཱིསུ ཡཏྠཀཏྠཙི ཨཀཱརོ གཡ྄ཧཏེཏི ནེཊྛཔྤསིདྡྷི… ཀེསཉྩི ཨསིཛ྄ཛྷནཏོ, རསྶ ཛཱཏིནིདྡེསེ པན བུདྡྷསིདྡྷཱདིསབྦཱཀཱརནྟཱནཾ ལཀྑཎིཀགཝཱདྱཀཱ རནྟཱནཉྩཱཀཱརོ གཡ྄ཧཏཱིཏི སབྦཐཱ ཨིཊྛཔྤསིདྡྷི, ནཱཉྙོ དཱིགྷོ བྱཏྟནྟརཏྟཱཏི ནཱནིཊྛཔྤཏྟི ཨཱཀཱརཏོ ནཱསྶེནཱབྷཱཝཱ, ཏསྨཱ ཨཏོཏི རསྶཛཱཏིནིདྡེསེ ནིསྶིཏེ སབྦམིདམིཊྛཾ ནིཔྥཛྫཏཱིཏི ནཱཏྠཛཱཏི ནིསྶཱིཡཏེ, ན རསྶབྱཏྟིཙ, ‘‘ཡུཝཎྞཱནམེ ཨོལུཏྟཱ’’ཏི (༡-༢༩) ཨཱདཱིསུ པན རསྶབྱཏྟིཡཱ རསྶཛཱཏིཡཱ ཝཱ ནིདྡེསེ ‘ཏསྶེདཾ ནོཔེཏི’ཙྩཱདཱིསུ ཨེཨོཨཱདིཀམིཊྛཾ ཀཏྠཙི བྷཝེཡྻ, ན སབྦཏྠ, སབྦཏྠ ཝཱ བྷཝེཡྻ ‘ཝཱཏེརིཏཾ སམོནཱ’ཏིཨཱདཱིསུ བྱཏྟནྟ རཏྟཱ, ཏསྨཱ སབྦཐཱ ཨིཊྛཔྤསིདྡྷིཡཱ ཨིཏྟཛཱཏྱཱདི ནིསྶཱིཡཏེ, ཨཐཝཱ ཝཎྞུཙྩཱརཎམྤཏི ཀེསཉྩི ཝཎྞུཔྤཏྟིཊྛཱནཱནཾ ཨུཙྩནཱིཙཏདུབྷཡ སཾཧཱརཝསེན ཝཎྞཝིསེསུཔྤཏྟི དསྶནཏོ ཏེསཾ ཝསེན རསྶ བྱཏྟིནིདྡེསེ རསྶཛཱཏིནིདྡེསེ ཝཱ ཝུཏྟནཡེན ཨིཊྛཱནིཊྛཔྤཏྟིཡཾ སབྦཐཱ སབྦཐཱ ཨིཊྛཔྤསིདྡྷིཡཱ ཨིཏྟཛཱཏྱཱདི ནིསྶཱིཡཏེ, ཏཏྠ ཝཎྞ པརེན སཝཎྞགྒཧཎཾ ནིཡམིཏུཾ ཝཙནམིདམཱརདྡྷནྟི ‘སབྦཏྠེཝཱ’ཏིཨཱདིནཱ ཝཙནཱརམྦྷཕལམཱཧ, སབྦཏྠེཝཱཏི སབྦསྨིཾཡེཝ སུཏྟཔྤདེསེ. ནནུ སཡཉྩཱཏི ཝུཏྟེཔི པརིཡཏྟཾ, ན ཧྱཉྙཾ རཱུཔཱ སཡམཏྠི, ཨཉྙཾ ཝཱ (སཡ)ཏོ རཱུཔནྟི སིདྡྷེཔྱེཝཾ སཏི ཨཏྠེཏྠ པརོ ཀོཙི ཝིསེསོཏི ཉཱཔེཏུཾ སཉྩ རཱུཔ’ནྟི ཝུཏྟིཀཱརོ ཨཱཧཱཏི སམྦནྡྷོ, རཱུཔསྶ ཝིསེསིཏབྦཏྟཱ ‘སཉྩ རཱུཔ’ནྟི ཝུཏྟིཡཾ ནིདྡིསཱིཡམཱནཏྟཱ ཙ རཱུཔནྟི ཝིཉྙཱཡཏཱིཏི ‘སཉྩ གཡ྄ཧཏཱི’ཏི ཝུཏྟཾ, སཾརཱུཔགྒཧཎཱཡཱཔིསདྡཾ ཀརོཏོ-དྷིཔྤཱཡོ-ཡནྟི ཝཏྟུམཱཧ-‘ཨཉྙཐེ’ཙྩཱདི, ཨཉྙཐཱཏི ཨཉྙེནཔྤཀཱརེན སཾརཱུཔགྒཧཎཱཡ ཨཔིསདྡཱབྷཱཝེཏི ཨདྷིཔྤཱཡོ, ཨཉྙཔདཏྠེཏི ¶ ཨཉྙཔདཏྠ སམཱསཝིསཡེ, གུཎཱིབྷཱུཏསྶཱཏི ཨཔྤདྷཱནབྷཱུཏསྶཱཀཱརེ ཀཱརཱདིནོ, སམཱསེན ཝུཏྟཏྟཱ པདྷཱནཏཱུ ཏཏྟེཔི གུཎོ བྷཝཏི ཨཉྙཔདཏྠོ-ཀཱརེཀཱརཱདི ཝིདྷཱཡ ཀཏྟཱ, ཝིདྷཱིཡམཱནོ སཝཎྞོཝ པདྷཱནཾ… ཨིདམཏྠིཏཱཡ ཏཔྤཝཏྟིཡཱཏི. ནནུ ཝུཏྟིཡམཔིསདྡསྶཱཏྠཾ ཝདཏཱ སཡཉྩེཏི ཝཏྟབྦཾ, ‘‘ཏཐཱ སཡམཏྟནཱི’’ཏི ནིགྷཎྜུཏོ སཡཉྩ-ཏྟཱཀཱརེཀཱརཱདིཉྩ གཡ྄ཧཏཱིཏྱམཏྠོ སམྦྷཱཝཱིཡཏཱིཏི ཙོདནམྤནསི ནིདྷཱཡ ‘སཉྩ རཱུཔ’ནྟི ཝདནྟོ སཱདྷིཔྤཱཡཱརུལ༹ྷཾ ཀིཉྩི ཨཏྠཝིསེསཾ པཀཱསེཏུཾ ཏཐེཝཱཧཱཏི དསྶེཏུཾ ཝུཏྟཾ-‘སཡཉྩེ’ཏྱཱདི, ‘‘དྷནཉྙཱཏཱིསུ སཾསདྡོ, ཏཐཱཏྟཏྟནིཡེསུཔཱི’’ཏི ནིགྷཎྜུཝཙནཏོ ‘ས’ནྟི ཨཏྟཱཔི གཡ྄ཧཏི, ཀོ སོ སདྡརཱུཔཾ སཱདྷཱརཎཾ, ‘ས’ནྟི ཨཏྟནིཡམྤི, ཀིནྟཾ སདྡཱན མསཱདྷཱརཎཾ སདྡརཱུཔཾ, ཏཐཱ སཏི ཨཏྟནིཡཾ རཱུཔཾ ནཱམཱཏྟསངྑཱཏསདྡསམྦནྡྷཱིཏི ཨཱཧ-‘སཾརཱུཔཾ སདྡཱནམསཱདྷཱརཎཾ རཱུཔ’ནྟི, ཨེཏཉྩ ཨིདནྟཱིམིནཱ སམྦནྡྷིཏབྦཾ, ཨསཱདྷཱརཎནྟི ཨསཱདྷཱརཎཾ སདྡརཱུཔཾ, སཏི སམྦྷཝེ བྱབྷིཙཱརེ ཙ ཝིསེསནསྶ སཱཏྠཀཏཱཡ ཨསཱདྷཱརཎནྟི རཱུཔཾ ཝིསེསཏཱ སཱདྷཱརཎསྶཱཔི སམྦྷཝོ ཝུཏྟོཡེཝ ནཱམཱཏི ཨཱཧ-‘དུཝིདྷཾ ཧི’ཙྩཱདི, ཀིནྟཾ སཱདྷཱརཎམསཱདྷཱརཎཉྩརཱུཔནྟི སཱམཉྙེན རཱུཔཾ ནིདྡིསིཏུམཱཧ-‘ཏཏྠཱ’ཏིཨཱདི, ཏཏྠཱཏི ནིདྡྷཱརཎེ སཏྟམཱི, སདྡཱནནྟི སཱཏྠཀནིརཏྠཀཱནཾ ཡེསཾཀེསཉྩི སདྡཱནཾ, ཏཾཏཾ སདྡཏྟཱདཱིཧི ཏེསཾཏེསཾ བུདྡྷ ཨཨིཨཱདཱིནཾ སདྡཱནཾ སདྡཏྟཱདི, ཨུབྷཡཏྠ ཨཱདིསདྡེན ཨཏྠོ སངྒཧིཏོ, ཏེན སཱདྷཱརཎཾ སདྡརཱུཔམཏྠརཱུཔཾ ཏཐཱ-སཱདྷཱརཎནྟི ཙཏུབྦིདྷཾ སཾརཱུཔནྟི དསྶེཏི, ཙཏཱུསུཔི ཙེཏེསྭསཱདྷཱརཎསྶ སདྡརཱུཔསྶེཝོཔཱནཾ དསྶེཏུམཱཧ-‘ཏཏྠཱ’ཏིཨཱདི, སཱདྷཱརཎརཱུཔབྱུདཱསེནཱཏི སཱདྷཱརཎརཱུཔསྶ པརིཙྩཱགེན, ཨུཔཱདིཡནྟོ རཱུཔམེཝ སདྡསྶསཾ, ནཱཏྠོཏི ཙ དསྶེཏཱིཏི སམྦནྡྷོ, ཙ སདྡོ པནེཏྠ ‘ཨིདཾ དསྶེཏཱི’ཏི ཧེཊྛཱ ཝུཏྟཾ སམུཙྩིནོཏི, ཨསཱདྷཱརཎསྶེཝོཔཱདིཡནེ ཀཱརཎམཱཧ-‘ཏནྟ’མིཙྩཱདི, ཨིཏརནྟི ཡེ སཾཀེསཉྩི སདྡཱནཾ སདྡཏྟཱདི, པརསྶཱཔཱིཏི ཨཉྙསྶ ཡསྶཀསྶཙི སདྡསྶཱཔི, ཨིཏི ཨིདཾ, པཏིཏཾ པསིདྡྷཾ, ཨེཏྠ པན ཨིཏིསདྡོ ཧེཏུམྷི, ཡསྨཱ ཨིདཾ ཡཐཱཝུཏྟཾ པསིདྡྷཾ ཏསྨཱ པུབྦཱཙརིཡཔརམྤརཱཡཱགཏོ པདེསཏོ ¶ ཨུཔཱདིཡནྟོཏི པཀཏཾ, སཾསདྡཝིསེསནསཱམཏྠིཡེན ཨསཱདྷཱརཎརཱུཔོཔཱདིཡནེཔི ཨསཱདྷཱརཎཾ སདྡརཱུཔམེཝོཔཱདཱིཡཏི ནཱསཱདྷཱརཎམཏྠརཱུཔཾ… ཨིམིནཱ ཝཀྑམཱནཀཱརཎཏཱ [ཏཱཡ (པོཏྠཀེ)] ཝསེནཱཏི ཨཱཧ-‘སདྡསྶེ’ཙྩཱདི, ཨཱསནྣཾ…སདྡཏོ སདྡབྷཱཝསཱ ནཉྙཏྟཱ, ཝིཔརིཡཡཏོཏི ཝིཔརིཡཱསེན ཨནཱསནྣ བྷཱཝེནཱཏི ཨཏྠོ, ཙཀྑུཝིསཡོཔི ཧི ཨཏྠོ ཀཐཾ སོཏཝིསཡསདྡསྶ ན ཨཱསནྣོ སཾརཱུཔམྦྷཝིཏུམརཧཏཱིཏི, ཀཱརཎནྟརམཱཧ-‘ཨཧེཡྻཏྟཱཙཱ’ཏིཨཱདི, ཨཧེཡྻཏྟཱཏི ཨཔརིཙྩཛནཱིཡཏྟཱ, ཨིདམྤི ནིཙྩསམྦནྡྷིཏྟེ ཀཱརཎཝཙནཾ, ཏཾ སདྡརཱུཔཾ, ནིཙྩསམྦནྡྷཱིཏི ནིརནྟརསཾཡོགཱི, ཝིཔརིཡཡཏོཏི ཧེཡྻཏྟཱ, ཏཐཱཧིཙྩཱདིནཱ ཨཏྠསྶ ཧེཡྻཏྟཾ བོདྷེཏི, ཨཔརཾ ཀཱརཎམཱཧ-‘ཨསཱདྷཱརཎཉྩ རཱུཔཾ’ཏྱཱདིནཱ, སཱདྷཱརཎོ པརིཡཱཡ སདྡཱནཾ, པཙྩེཏབྦཏྟཱཏི ཝིཉྙཱཏབྦཏྟཱ, ཨིདཱནི ཀཱརཎཏྟཡཾ སམོདྷཱནེཏྭཱ ཨིམེཧི ཀཱརཎེཧི རཱུཔམེཝ སདྡསྶ སཾནཱམ, ནཱཏྠོཏི ནིཡམེཏྭཱ དསྶེཏུཾ ‘ཏདེཝ’ནྟིཨཱདི ཨཱརདྡྷཾ, ཏདེཝནྟི ཡསྨཱ ཨེཝཾ, ཏཾ ཏསྨཱཏི ཨཏྠོ, སརཱུཔཔྤདྷཱནེཏི ‘‘གོསྶཱ ཝང’’ (༡-༣༢) ཏྱཱདོ གོསྶཱཏྱཱདིཀེ སརཱུཔཔྤདྷཱནེ.

༢༥. ནྟུ

ནྟུསུཏིཡཱ ཛནྟྭཱདཱིནམྤི ‘‘ནྟནྟཱུནཾནྟོ ཡོམྷི པཋམེ’’ (༢-༢༡༥) ཏྱཱདིནཱ གཧཎཔྤསངྒེ ཛཱཏིཡམབྷིཔྤསངྒབཱདྷནཏྠཾ བྱཏྟིཡཾ ཝནྟྭཱདི སམྦནྡྷཱིནམུཔཱདཱནཏྟམིདམཱརདྡྷཾ ‘‘ཝནྟྭཝཎྞཱ’’ (༤-༧༩) ‘‘ཏམེཏྠསྶཏྟཱིཏི མནྟུ’’ (༤-༧༨) ‘‘ཀཏྟརི བྷཱུཏེ ཀྟཝནྟུ ཀྟཱཝཱི’’ (༥-༥༥) ཏི ཝིཧིཏཱ ཝནྟྭཱདཡོ ནཱམ.

ཨིཏི མོགྒལླཱནཔཉྩིཀཱཊཱིཀཱཡཾ སཱརཏྠཝིལཱསིནིཡཾ

པརིབྷཱསཱདྷིཀཱརོ སམཏྟོ.

སརལོཔཱདི ཝཎྞནཱ

༢༦. སརོ

ཨཱདྷཱརཝིསེསཱཔསྶཡནནྟི ཨོཔསིལེསིཀཱདྷཱརཝིསེསསྶ ནིསྶཡནཾ, ཨོཔསིལེསིཀཱདྷཱརཾ ཝིནཱ ཨཱདྷཱརནྟརེ གཧིཏེ སཏི ཝཙནནྟརཾ ¶ སུཏྟནྟརཾ ཝིནཱ བྱཝཧིཏནིཝཏྟི ཀཱཏུཾ ན ཙ སཀྐཱཏི སམྦནྡྷོ, ཀེཙཱིཏི བུདྡྷཔྤིཡཱཙརིཡཱདཡོ དསྶེཏི, ཏེ ཧི ཡདི ཝཎྞེན ཀཱལེན ཝཱ བྱཝདྷཱནེཔི སནྡྷི བྷཝེཡྻ ཏདཱ སརེཏི ནིམིཏྟསྶོ པཱདཱནཾ ནིརཏྠཀཾ བྷཝེཡྻཱཏི སརེཏི ནིམིཏྟོཔཱདཱནསཱམཏྠིཡེནཱནེན ཝཎྞཱདིབྱཝདྷཱནེ ནོ སནྡྷཱིཏི མཉྙམཱནཱ ‘ནིམིཏྟོ’ཙྩཱདིཀཾ ཝཱཀྱམཱཧུ, ཏདཡུཏྟནྟི ཏེཧི’ནིམིཏྟོ’ཙྩཱདིནཱ ཡཾ ཝུཏྟཾ, ཏཾ ཨཡུཏྟནྟི ཨཏྠོ, ཨཡུཏྟཏྟེ ཀཱརཎཾ བྱབྷིཙཱརསབྦྷཱཝེན སཱམཏྠིཡཱབྷཱཝོཡེཝཱཏི བྱབྷིཙཱརནྡསྶེཏྭཱ སཱམཏྠིཡཱབྷཱཝནྡསྶེཏུམཱཧ-‘ཨཝསཱནེ,ཙྩཱདི, ཀཱརིཡཱབྷཱཝེཔཱིཏི ཨེཏྠ ན ཀེཝལཾ ‘ཨིདམེཝ སཙྩཾ, སུམནཱ བྷཝནྟུ ཨཐོཔི’ཏྱཱདོ ཝཎྞཀཱལབྱཝདྷཱནེཡེཝ, ཨཐ ཁོ ‘ཨེཏེ ན སཙྩེན སུཝཏྠི ཧོཏཱུ’ཏྱཱདོ ཨཝསཱནེ ‘པམཱདོ མཙྩུནོ པདཾ’ ཏྱཱདོ ཨནྟ བིནྡུ སངྑཱཏནིམིཏྟནྟརེ ཝཱ ཀཱརིཡཱབྷཱཝེཔི ནིམིཏྟོ པཱདཱནསྶ སཱཏྠཀཏོཏི ཨཔིསདྡསྶཏྠོ, སཱཏྠཀཏོཏི བྷཱཝཔྤཙྩཡལོཔེན བྷཱཝཔྤདྷཱནཝསེན ཝཱ ཝུཏྟཾ, སཱཏྠཀཏྟཏོཏི ཝུཏྟཾ ཧོཏི, ཨཉྙཐཱ ནིམིཏྟོཔཱདཱནམེཝ སཱཏྠཀཾ ནཱམཱཏི ‘ནིམིཏྟོ པཱདཱནསྶ སཱཏྠཀཏོ’ཏི ན ཡུཛྫཏི, ཨཡམེཏྠཱདྷིཔྤཱཡོ ‘ཨཝསཱནེ ནིམིནྟརེ ཝཱ ཀཱརིཡཱབྷཱཝེན བྱབྷིཙཱརསབྦྷཱཝཱ ཨཉྙཐཱནུཔཔཏྟིལཀྑཎཾ སཱམཏྠིཡཾ ནཏྠི, ནིམིཏྟནྟུབྱཝདྷཱནེཔི ཙཏྠི, ཡཐཱ’དཱརུནིམིཏྟཾ ཝནོཔསངྐམན’ནྟི ཏསྨཱ ཝཎྞཀཱལབྱཝདྷཱནེཔི སརེཏི ནིམིཏྟེ སཏི ལོཔཀཱརིཡཾ པཔྤོཏེ ཝཱ’ཏི. ལུཔྤཏཱིཏི ‘ཏཏྲིམེ’ཙྩཱདིནཱ ཀཐནཀཱལེ ན དིསྶཏཱིཏི ཨཏྠོ, ཨདསྶནམཏྟམེཝ ཧི ལོཔོ, ཨཉྙཐཱ ‘ཏཏྲཱ’དིསདྡརཱུཔཱབྷཱཝཔྤཏྟིཡཱ ཨཏྠཔྤཏཱིཏི ཀཱརིཏྟམེསཾ ན སིཡཱཏི, པཋམཱཡ ནིདྡིཊྛོ… ཝུཏྟཏྟཱ ཀམྨསྶ, སརསྶཱཏི ཝདེཡྻ… བྷཱཝེ ཁཱདིཔྤཙྩཡེན ཨཝུཏྟཀམྨཏྟཱ, ཨིཧཱཏི ཨིམིནཱ སཏྠནྟརེ བྷཱཝསཱདྷནཝསེན གཧཎཾ ཝིབྷཱཝེཏི, གནྠ ལཱགྷཝོ… སརསྶ ལོཔོཏི ཝཱ ལོཔཾ པཔྤོཏཱིཏི ཝཱ ཨཝཏྟབྦཏྟཱ, སརོཏི པཋམཱཡ ནིདྡིཊྛཏྟཱ སརོ ལོཔོ ནཱམ ཧོཏཱིཏི སངྐཱཔི སིཡཱཏི ཨཱཧ-‘ན ཙེ’ཙྩཱདི, ཨིཧཱཏི ཨིམསྨིཾ སུཏྟེ, ཧོནྟིཙྩཱདོཔི པུབྦསརལོཔེ ཧནྟིཙྩཱདིཀམྤི སིཡཱཏྱཱསངྐིཡཱཧ-‘སོཙེ’ཙྩཱདི, ཨུསྶགྒཏོ ཨཱགཏོ སམྦྷཱུཏོ ཏསྶ ཝཱ ཨཡཾཏི ཨོསྶགྒིཀོ པུབྦལོཔོ ¶ , ཏསྶ བྷཱཝོ ཨོསྶགྒིཀཏྟཾ, ཨོསྶགྒིཀཏྟཱ པུབྦལོཔསྶ ཀཱརིཡནྟརེཧི པརལོཔཱདཱིཧི ཨཔཝཱདཝིདྷཱིཧི ཨཱབཱདྷིཏོ ཨེཝ, སོ ཙ པུབྦལོཔོ ཧོཏཱིཏི སམྦནྡྷོ, ‘‘པརོ ཀྭཙཱི’’ཏི (༩༡-༢༧) ཀྭཙིགྒཧཎེན པུབྦཔརལོཔཱནཾ ཏུལྱབལཏྟཱབྷཱཝཱ ཡཐཱ གམཔྤཏྟིཏོ པརལོཔསྶཱཔཝཱདརཱུཔཏྟཾ, ཨཛ྄ཛྷཱསིཏེཏི པཝིཊྛེ, ན ཧོཏི… པརལོཔཱཔཝཱདེན བཱདྷིཏཏྟཱ, ཏེཧཱིཏི པརལོཔཱདཱིཧི, སབྦཐཱ མུཏྟཝིསཡོ སདྡྷིནྡྲིཡནྟི, ཝིཀཔྤེན མུཏྟཝིསཡོ ལཏེ ཝཱཏི.

༢༧. པརོ

ཨིཏིསདྡོ ཨིདམཏྠེ, ཀྭཙི ལོཔནཱིཡོ ཧོཏཱིཏི ཨིདཾ ཝཙནཾ དཱིཔེཏཱིཏི སམྦནྡྷོ, ཀིནྟི ཨཱཧ-‘པཡོགཱནུསཱརིཏ’ནྟི, ཀསྶཱཏི ཨཱཧ-‘ཀཱརིཡསྶ པརལོཔསྶཱ’ཏི, ཀེན ཧེཏུནཱཏི ཨཱཧ ‘ཀྭཙིགྒཧཎེནཱ’ཏི, ཀཏྠཱཏི ཨཱཧ-‘ཨིཧ ཨིམསྨིཾ སུཏྟེ’ཏི, ཏེནཱཏི ཏེན པཡོགཱནུསཱརིཏཱདཱིཔནེན, ཡཐཱཔཡོགནྟི ཨཱགམཔཡོགཱནཏིཀྐམེན, ནིཙྩཾ པཀྑེཝཱ པརལོཔོ སིཡཱཏི ཧོནྟིཙྩཱདོ ནིཙྩཾ, ལཏཱཝཱཏིཨཱདཱིསུ པཀྑེ ཝཱ པརལོཔོ བྷཝེཡྻ, ཨེཝཾ མཉྙཏེ ‘‘ཀསྨིནྟི ཨཏྠེ ཀྭཱཏི ནིཔྥནྣེནཱནིཡམཝུཏྟིནཱ ཨནིཡམཏྠསྶེཝ ཝིསེསཀཏོ ཝཙནེ སབྦཏྠེཝཱནིཡཏཏྠཝུཏྟིཏྟཱ ཀྭཙིསདྡོ-ཡཾ ཡཐཱགམཾ ནིཙྩམནིཙྩམསནྟཉྩ ཝིདྷིཾ དཱིཔེཏི, ཏཏྠ ཧོནྟིཙྩཱདིཀོ ནིཙྩ པཀྑོ པརལོཔསྶེཝ ཝིསཡོ, ལཏཱཝཱཏིཨཱདིཀོ ཨནིཙྩཔཀྑོ ཨུབྷཡསཱདྷཱརཎཏྟཱ པུབྦལོཔསྶཱཔི ཝིསཡོཏི ཨིམིནཱ ནིཙྩཾ པཀྑེ ཝཱ པརལོཔོ ཧོཏི, ཨསནྟཔཀྑོ པན སདྡྷིནྡྲིཡནྟིཨཱདིཀོ པུབྦལོཔསྶེཝ ཝིསཡོ སབྦཐཱནེན པརིཙྩཏྟཏྟཱ’’ཏི, ཏཱིསུཔི ཙེཏེསུ པན པཀྑེསུ ནིཙྩཱནིཙྩཔཀྑེསུ ཡེཝསྶཱཔཝཱདརཱུཔཏཱ… པུབྦལོཔསྶ སབྦཐཱ ཧོནྟིཙྩཱདོ ནིཝཱརཀཏྟཱ ཝཱ ཝིདྷཱཡཀཏྟཱ ཝཱ པརལོཔསྶ, ན ཏྭསནྟཔཀྑེ… པུབྦལོཔསྶེཝ སབྦཐཱནེན དིནྣཱ ཝསརཏྟཱ, ལོཀགྒོཏིཨཱདི ཏུ ཀྭཙིསདྡསྶ པཡོགཱནུསཱརིཏཱ དཱིཔཀཏྟཱ ནིཙྩེ ཨསནྟེཝཱཔི ཝིདྷིམྷི དཱིཔིཏེ པརལོཔེན ཝཱ ནིཔྥཛྫཏཱིཏི ནེཊྛབྱཱགྷཱཏོ, ཨེཝཾ ཏཱཝ ཀྭཙིགྒཧཎེ སབྦཐཱནིཊྛཔརིཧཱརེན ཨིཊྛཔྤསིདྡྷི ¶ སིཡཱ, ཏདབྷཱཝེཀཐནྟི ཏདབྷཱཝེ ཝིརོདྷམཱཧ-‘ཨཉྙཏེ’ཙྩཱདི, པརིཡཱཡེན བྷཝནྟཱིཏི ཀྭཙིགྒཧཎཱབྷཱཝེ ‘པརོ’ཏི སུཏྟཾ སིཡཱ ཏཐཱ སཏི སུཏྟདྭཡམེཀཝིསཡཾ ཏུལྱབལཉྩ སིཡཱ, ཏཏྠ ཝིཔྤཊིསེདྷཱབྷཱཝཱ པམཱཎབྷཱུཏཱནམཱཙརིཡ (ཝཙནཱ)ནཾ ནིརཏྠཀཏཱ མཱ བྷཝཱིཏི ཝཱརེན བྷཝནྟཱིཏི ཨཏྠོ, ཨིཏཱིཏི ཨིམིནཱ པརིཡཱཡབྷཝནཀཱརཎེན, པཀྑེཡེཝ སིཡཱཏི ལཏཱཝཱཏིཨཱདཱིསུ པུབྦལོཔེ པརིཡཱཡཔྤཝཏྟེ པརིཡཱཡེན པརལོཔསྶཱཔྤཝཏྟིཏོ ལཏཱཝཱཏི པཀྑེཡེཝ པརལོཔོ བྷཝེཡྻ, ཧོནྟིཙྩཱདོ ནིཙྩཾ ན སིཡཱཏི སམྦནྡྷོ, ཏཉྩཱཏི ཏཾ པརིཡཱཡབྷཝནཉྩ, ཁོ ཝཱཀྱཱལངྐཱརེ, པཊིཔདནྟི པདམྤ དམྤཏི ཧོཏི, ནེཀདེསཔརིཧཱརེནཱཔི, ཏེནཱཧ ‘ན ཀཏྠཙཱི’ཏི, ཨིམིནཱ ཨིདཾ དཱིཔེཏི ‘‘སབྦཏྠ ཝིཀཔྤཔྤསཏྟིཡཱ ཧནྟི, སདྡྷནྡྲིཡཾཏྱཱདིཀཾ ‘‘ན དྭེཝཱ’’ཏི (༡-༢༨) སུཏྟེཔི ཧནྟིཙྩཱདིཀཉྩཱནིཊྛརཱུཔམྤི སམྤཛྫཏཱི’’ཏི. ནཙེཝམིཊྛནྟི ཨེཝམིདཾ ཡཐཱཝུཏྟཾ ཝིཀཔྤཝིདྷཱནཾ སདྡལཀྑཎཉྙཱུཧི ནེཝཱབྷིམཏནྟི ཨཏྠོ, ཏམེཝ སཱདྷེཏི ‘པརལོཔོ ཧི’ཙྩཱདིནཱ, ཨཐཱ ནིཙྩཔཀྑེ ཝཱ པརལོཔེ ཀཏེ-ནེན པརིཙྩཏྟཊྛཱནེ ཨུསྶགྒཔྤཝཏྟིཡཱ ལཏཱཝ ལཏེཝཱཏི རཱུཔདྭཡཾ སམྤཛྫཏི ཏསྨཱ པཡོགཱནུསཱརིཏཱདཱིཔཀེན ཀྭཙིསདྡེནེཝ ཧོནྟི སདྡྷིནྡྲིཡཾ ལཏཱཝ ལཏེཝཱཏི པཡོག སམྦྷཝོཔི, ཏཐཱཔི ཨནིཙྩཔཀྑེ ལཏཱཨིཝཱཏི ཏཏིཡརཱུཔཔྤསིདྡྷིཡཱ པརིཡཱཡེན བྷཝིཏབྦནྟི པརིཀཔྤེཏི ‘ནནུ ཙེཏྱཱདིནཱ, ཨཐ ‘‘པརོ ཀྭཙཱི’ཏི ཀྭཙིགྒཧཎེ སཏི ཨཔ(ཝཱདརཱུཔ)ཏྟཱ ཀཐམྤརིཡཱཡཔྤཝཏྟཱིཏི མནསི ནིདྷཱཡཱནིཙྩཔཀྑེ པརིཡཱཡཔྤཝཏྟིདཱིཔནཏྠཾ ‘‘ན དྭེཝཱ’’ཏི སུཏྟིཏནྟི ཨཔཝཱདེ རཱུཔཏྟཡེཔི པརིཡཱཡཔྤཝཏྟིཡཾ དོསཱབྷཱཝམཱཧ-‘ནཱཡཾ དོསོ’ཙྩཱདི, ཏཐཱཧིཙྩཱདིནཱ ‘‘ན དྭེཝཱ’’ཏི སུཏྟེནེཝ པརིཡཱཡསྶཱཔི དཱིཔིཏཏྟཾ སཱདྷེཏི, སཱ ཙ ཨེཀཏྠཔྤཝཏྟི པརིཡཱཡཾ ཝིནཱ ན སམྦྷཝཏི… ཨེཀཀྑཎེ པཝཏྱསབྦྷཱཝཱཏི ཨདྷིཔྤཱཡོ, ནནུ ཙ ཀྭཙཱབྷཱཝེ པརིཡཱཡཔྤཝཏྟིཡཾ ཡཐཱཝུཏྟ དོསསྶེཝཱཔྤསངྒཏོ མཱ ཧོཏུ པརིཡཱཡོ, བྷིནྣཝིསཡེ པན པུབྦཔརལོཔཔྤཝཏྟིཡཱ ‘‘ན དྭེཝཱ’ཏི ནིསེདྷེ ལཏེཝ ལཏཱཝ ལཏཱཨིཝཱཏི རཱུཔཏྟཡཾ ནིཔྥཛྫཏཱིཏི ཙོདནཾ མནསི ནིདྷཱཡཱཧ-‘ནཙེ’ཙྩཱདི, ཏཏྠ དོསམཱཧ-‘ཏཐཱ ཙ སཏི’ཙྩཱདིནཱ, ཀཏྠཙི དེམིཙྩཱདོ ནིཙྩཾ པུབྦལོཔསྶེཝ, ཀཏྠཙི ཧོནྟིཙྩཱདོ ནིཙྩཾ པརལོཔསྶེཝ ¶ , ཝིཀཔྤེན ཝཱ ཀཏྠཙི ཡཐོདཀཾ ཡཐཱཨུདཀཾ ཏྱཱདོ པུབྦལོཔསྶེཝ ཀཏྠཙི ཨིཏིཔི ཨིཙྩཔིཙྩཱདོ པརལོཔསྶེཝ ཀཏྠཙི ལཏེཝ ལཏཱཝ ལཏཱཨིཝཱཙྩཱདོ པརིཡཱཡེནུབྷཡལོཔསྶེཝ དསྶནཏོཏི སམྦནྡྷོ, ཨེཏྠཙ ཨིཏིཔཱིཏི ཝཝཏྠིཏཝིབྷཱསཏྟ དཱིཔནེན ཀྭཙིསདྡེན པརལོཔེ ཀཏེ-ཉྙཏྲ པུབྦ ལོཔེ སམྤཏྟེ ‘‘ན དྭེཝཱ’’ཏི ཨེཏྠཱནུཝཏྟམཱན ཀྭཙཱནུབྷཱཝེན ནིཙྩཾ ནིསེདྷེ ཨིཙྩཔིཙྩེཝ བྷཝཏི. སམྦཛ྄ཛྷཏི ཏེསུ ཏེསུ སུཏྟེསུ. པརིཙྪེདོཏི ཀམྨཏྠཝསེན ཨཱདྷཱརཝསེན ཝཱཏི ཨཱཧ-‘པརིཙྪིཛྫཏི’ཙྩཱདི.

༢༨. ནདྭེ

ཏཏྠཙཱཏི ཙསདྡེན བྷཝིཏབྦཾ, ཏཐཱ ཙ སཏི ཨཉྙོཉྙཱནཛ྄ཛྷཱསི ཏཾ ཡཐོདཀཾ ཡཐཱཨུདཀཾཏྱཱདི ཨིཏིཔི ཨིཙྩཔིཙྩཱདིཙ སངྒཧིཏཾ བྷཝཏཱིཏི, པུབྦལོཔེ པརལོཔེ ཙ པརིཡཱཡེན སམྤཏྟེ དྭིནྣམྤི པཀྑེ ཨབྷཱཝེ སཏི ཀཐམིདཾ ཡུཛྫཏཱིཏི ཙོདེཏི‘ཡཛྫེཝ’མིཙྩཱདིནཱ, ཡཛྫེཝནྟི ཧི ཨཡཾ ནིཔཱཏསམུདཱཡོ ཨནིཊྛཱཔཱདནཱརམྦྷ ཝཏྟཏེ, ཨེཝཉྩེ གཡ྄ཧཏཱིཏི ཨཏྠོ, ཏདེཏི ཨཏྠཏོ ཝིཉྙཱཡཏི, ནིཙྩཾ སནྡྷིཀཱརིཡཱབྷཱཝེ ཀཱརཎམཱཧ-‘ཨུཔསིལེསཱ བྷཱཝཏོ’ཏི, ཏདེཝ སམཏྠེཏི ཨཱིདིསེསུ ཧི’ཙྩཱདིནཱ, ཝཏྟུམིཊྛཏྟཱཏི ཨིམིནཱ སནྣིཀཾསོ ཝཎྞཱན མདྡྷམཏྟཀཱལབྱཝདྷཱནཱ པཙྩཱསཏྟི, སནྣིཀཾསསྶེཏསྶ ཝཙནིཙྪཱཡཾ སཏིཡེཝ སནྡྷིཀཱརིཡཾ ཧོཏཱིཏི དཱིཔེཏི, ཨུཔསིལེསཱབྷཱཝོ ཝཱཏི ཨུཔསིལེསཱབྷཱཝོ ཨེཝ བྷཝཏི, ནཱཉྙཐཱཏི ཨདྷིཔྤཱཡོ, ཏདབྷཱཝེཙཱཏི ཏསྶ ཨུཔསིལེསསྶ ཨབྷཱཝེ ཙ, སནྡྷིཀཱརིཡཱབྷཱཝེ ཀཱརཎམཱཧ-‘ཀཱལནྟརེན བྱཝདྷཱནཱ’ཏི, ཀཱལནྟརེནཱཏི ཨུབྷཡཏྠ ཋིཏཝཎྞཱན མུཙྩཱརཎཀཱལཏོ ཨཉྙེན མཛ྄ཛྷཔྤཏིཏཀཱལེན, སནྡྷི ཧོཏེཝ… སནྣིཀཾསཝཙནིཙྪཱཝསེན ཨུཔསིལེསབྷཱཝཏོ, བུདྡྷ ཝཱིར ཨཏྠུརཱཛཔུཏྟཾ ཨཛརཱམརོཏི ཚེདོ, ཡདིཔི སབྦམྤེཏཾ ཡཛྫེཝཾཏྱཱདིནཱ ཝུཏྟཾ ཀྭཙི སདྡཔྤབྷཱཝེནེཝ སིཛ྄ཛྷཏི, ཏཐཱཔི པཀཱརོ-ཡམྤི སཏྠེ ཡོཛེཏབྦོ ཝཱཏི དསྶེཏུཾ ཝུཏྟོ.

༢༩. ཡུཝ

ནནུ ¶ སུཏྟེ ‘ལུཏྟཱ’ཏི པཉྩམཱི ནིདྡེསཱ ‘པརེས’ནྟི ཧོཏུ, ‘ཡཐཱཀྐམཾ’ཏི ཏུ ཝཙནཱབྷཱཝེ ཀཐཾ ཡཐཱཀྐམནྟཱིདཾ ཝུཏྟནྟི ཨཱཧ-‘སམེ’ཙྩཱཏི, སམཱ སངྑྱཱ གཎནཱ ཡེསུ ཏེ སམསངྑྱཱ-ཨུདྡེསིནོ ཨནུདེསིནོ ཙ, ཨུདྡིསནཾ པཋམཾ ནིདྡིསནཾ ཨུདྡེསོ, ཨནུདིསནཾ པཙྪཱ ཀཐནཾ ཨནུདེསོ, ཨུདྡེསོ ཨནུདེསོ ཨེསམཏྠཱིཏི ཨུདྡེསིནོ ཨནུདེསིནོ, ཏེསཾ སམསངྑྱཱནམུདྡེསཱིནཾ ཨནུདེསཱིནཉྩ, ཨིཝཎྞུཝཎྞཱཧི ཨུདྡེསིནོ དྭེ, ཨེ ཨོཀཱརཱ ཨནུདེསིནོ ཙ དྭེཏི ཨུདྡེསཱིནམནུདེསཱིནཉྩ ཋཱནྱཱདེསཱནཾ སམསངྑྱཱ སིཡཱ, སཏིཡཉྩ ཏསྶཾ ཡཐཱཀྐམ མཱདསཱ ཝིདྷཱིཡནྟེ, ལོཀཏོ སིདྡྷིམུཔདསྶེཏི ‘ཏཐཱཧི’ཙྩཱདིནཱ. ཨཝ…པེ… ཨེ ཨོཏི པརེསཾ མཏཾ, ཝིཔྤཊིཔཏྟཱིཏི ཝིརུདྡྷཱ པཊིཔཏྟི པཊིཛཱནནཾ, པརེ ‘‘སཏིཔི ཧེཊྛཱ ཝཱགྒཧཎེ‘ཀྭཙཱསཝཎྞཾ ལུཏྟེ’ཏི སུཏྟེ ཀྭཙིགྒཧཎཀརཎཏོ ཨཝཎྞེ ཨེཝ ལུཏྟེ ཨསཝཎྞོ ཝིདྷི ཧོཏི, ཏཏོ ཨིདྷ ན ཧོཏི དིཊྛུཔཱདཱན’’ནྟི ཝདནྟི, ཀྭཙཱིཏི ཨདྷིཀཱརོ ཨིདྷ ན ཧོཏི མཧུསྶཝོ མཱཏཱུཔཊྛཱནནྟི, པཏིསདྡོ ཨཱདྷཱརཏྠོ, ཏེན སམཱནཱདྷིཀརཎོ ཨུརསདྡོཔཱིཏི ཨུརསྨིནྟི ནིཙྩ སམཱསཏྟཱ ཨསཀཔདེན ཝིགྒཧེ ཀཏེ ‘‘ཨསངྑྱཾ ཝིབྷཏྟི’’ཙྩཱདིནཱ (༣-༢) སུཏྟེན ཨསངྑྱསམཱསོཏི དསྶེཏུམཱཧ-‘ཝིབྷཏྱཏྠེསངྑྱསམཱསོ’ཏི, ཨེཏྠ པན ཡུཝཎྞཱནནྟི སཾསཱམི སམཱིཔསམཱུཧ ཝིཀཱརཱཝཡཝཱདཱིསུ ཋཱནྱཱདེསསམྦནྡྷེ ཚཊྛཱི, ཏསྨཱ ཨིཝཎྞུཝཎྞཱནཾ ཋཱནེ ཨེ ཨོཨཱདེསཱ ཧོནྟཱིཏི ཨཏྠོ, ཋཱནམྤན ཏིདྷཱ ཨཔཀཾསོ ནིཝཏྟི པསངྒོ ཙེཏི, ཏཏྠ གུནྣཾ ཋཱནེ ཨསྶཱ སམྦནྡྷཱིཡནྟུ [བཛ྄ཛྷནྟུ (ཛིནིནྡབུདྡྷི)] ཏི ཨཔཀཾསོ ཋཱནསདྡསྶཏྠོ, ‘‘སེམྷསྶ ཋཱནེ ཀཊུཀམོསདྷཾ དཱཏབྦ’’ནྟི ནིཝཏྟི ‘‘དབྦྷཱནཾ ཋཱནེ སརེཧི ཨཏྠརིཏབྦ’’ནྟི པསངྒོ, ཏེསུ ཨིདྷ པཋམདུཏིཡཱ ན ཡུཛྫནྟི… ནིཙྩཏྟཱ སདྡཏྠསམྦནྡྷསྶ ཨཔནཡནཝིནཱསཱ ན ཡུཛྫནྟཱིཏི, ཏཏིཡོ ཏུ (ཡུཛྫཏི)… སུཏྟེ ཨཏྠཱབྷིདྷཱནཱཡ ཨིཝཎྞུཝཎྞཱནཾ པཝཏྟིཔྤསངྒེ ཏདཏྠཱབྷིདྷཱནཱཡེཝ ཨེཨོཨཱདེསཱ བྷཝནྟཱིཏི.

༣༠. ཡཝཱ

‘‘སཏྟམིཡཾ ¶ པུབྦསྶེ’’ཏི (༡-༡༤) པུབྦསྶ ཀཱརིཡཝིདྷཱནཏོ སཏྟམཱི ནིདྡིཊྛསྶ པརཏཱ ཝིཉྙཱཡཏཱིཏི ཝུཏྟིཡཾ ‘པརེ’ཏི ཝུཏྟཾ, ཨེཝམུཔརིཔི, པརེཧི ཨིཙྩསྶ ཨཛ྄ཛྷིཎམུཏྟོ’ཏི སཱདྷེཏུཾ ‘‘སབྦོཙནྟི’’ ‘‘ཨཛ྄ཛྷོ ཨདྷཱི’’ཏི ཙ སུཏྟིཏཾ, ཏེསམིདྷ པཙྩཀྑཱཏབྷཱཝདསྶནཏྠམཱཧ-‘ཨིད’མིཙྩཱདི, ཨབྦྷཀྑཱནནྟི [ཨབྦྷུགྒབྷོ] ཨིམིནཱཝ སིདྡྷནྟི ‘‘ཨབྦྷོ ཨབྷཱི’’ཏི ཙ ན ཝཏྟབྦཾ, ཨིཏི+ཨསྶ ཨིཏི ཋིཏེ པརལོཔོཏི དསྶནཏྠཾ ‘ཨིཏི ཨསྶ པརལོཔོ’ཏི ཨཱཧ, ཨནྭགམཱཏིཨཱདཱིསུ ནིཙྩཾ.

༣༡. ཨེཨོ

པུཏྟཱ མེ+ཨཏྠི, ཨསནྟོ+ཨེཏྠཱཏི པདཙྪེདོ.

༣༢. གོསྶ

ཨནྟཱདེསཏྠོཏི ‘‘ཚཊྛིཡནྟསྶཱ’’ཏི (༡-༡༧) བཱདྷཀསྶ ‘‘ཊཱནུབནྡྷཱནེཀཝཎྞཱ སབྦསྶཱ’’ཏི (༡-༡༩) བཱདྷཀེན ‘‘ཝཱནུབནྡྷོ’’ཏི (༡-༡༨) སུཏྟེན ཨནྟཱདེསཏྠོ, ཏེནེཝ ཝུཏྟཾ-‘བཱདྷཀབཱདྷནཏྠོཡམཱརམྦྷོ’ཏི, ཨཝཝཱདེསེ པུབྦསརལོཔེ དཱིགྷེཙ གཝཱསྶཾ, གཝཙྪནྟི ནིཙྩཾ. ཨིདཾ ཀཐཾ སིཛ྄ཛྷཏཱིཏི སམྦནྡྷོ, ཨིདནྟི ཡཐརིཝེཙྩཱདིཀཾ, ཀིཾ ཝིནཱ སིཛ྄ཛྷཏཱིཏི ཨཱཧ-‘ཨེཝཱདིསྶཱ’ཏིཨཱདི, ཨེཝསྶ ཨཱདིཨེཀཱརོ ཨེཝཱདི, ཏསྶ, རིཨཱདེསམནྟརེནཱཏི སམྦནྡྷོ, ཙསདྡོ ཨཊྛཱནཔྤཡུཏྟོ, རསྶཝིདྷཱནཉྩཱཏི ཡོཛནཱིཡོ, ཀཏེཔི ཏསྨིནྟི ཏསྨིཾ སུཏྟེ ཝིཧིཏེ ཙ, ན སིཛ྄ཛྷཏཱིཏི ཨེཝཱདིསྶ རིཨཱདེསོ ན ཀཏོཏི ཀཏྭཱ ཝུཏྟཾ, བྷུསཾ+ཨེཝཱཏི (པན) ཋིཏེ མཧཱཝུཏྟིནཱ ཨེཝཱདིསྶ ཨིཨཱདེསེ རཱུཔསིདྡྷི ཧོཏེཝ, ཨིདྷ པན པཀཱརནྟརེན ‘བྷུསཱམིཝེ’ཏི སཱདྷེཏུམཱཧ ‘ཏམྤི’ཙྩཱདི.

༣༣. བྱཉྫ

རསྶདཱིགྷཱནནྟི སུཏྟེ ཨཝུཏྟེ ཀཐཾ རསྶདཱིགྷཱནནྟི ལབྷཏི ཨུདྡེསིནོཏི ཨཱཧ-‘དཱིགྷསྶཱ’ཏིཨཱདི, དཱིགྷསྶཱཏི རསྶསྶཱཏི ཙ ཋཱནསམྦནྡྷེ ཚཊྛཱི, པཙྩཱསཏྱཱཏི ཋཱནསོ པཙྩཱསཏྱཱ, ཨིདཉྩ ནིསྶཡ ཝསེན ¶ ཝུཏྟཾ, ནིསྶཡཀརཎམེཀོ སཏྠཱགཏོ ཉཱཡོཏི, ཨིདྷ ནིཙྩཾ-ཝཱིཏིནཱམེཏི ཐུལླཙྩཡཾ, ཨིདྷ ན ཧོཏི-ཛནོ སཱཡཾ.

༣༤. སར

ཋཱནསམྦནྡྷེཏི ཋིཏི ཋཱནཾ པསངྒོ, སམྦནྡྷནཾ-སམྦནྡྷོ, ཋཱནྱཱདེསབྷཱཝལཀྑཎོ ཋཱནེཡོགནིམིཏྟབྷཱུཏོ སམྦནྡྷོ ཋཱནསམྦནྡྷོ ཏསྨིཾ, དྭེ རཱུཔཱནི ཧོནྟཱིཏི ཨིམིནཱ ན སརཱུཔཔྤདྷཱནོཏི དསྶིཏཾ ཧོཏཱིཏི སམྦནྡྷོ, ཧེཏུམཱཧ-‘བཧུཝཙནནིདྡེསཱ’ཏི, དྭེ རཱུཔཱནིཧོནྟཱིཏྱཱདི ཝཙནམིདཾ [པདམིདཾ (པོཏྠཀེ)] དསྶེཏི ‘‘སརཱུཔཔྤདྷཱནེཔི དྭིསདྡེ དྭིསདྡསཱམཉྙེན སངྑྱཱདྭིསདྡཱནུསིཊྛཾ ནཔྤཡུཛྫཏེ, ཏསྶ (པན) སངྑྱེཡྻཝཙནསངྑྱཱབྷཱཝཱ ཨེཀཝཙནམེཝ ( ) [(པན) (པོཏྠཀེ)] ཧོཏཱི’’ཏི, ཨིམིནཱ ཙ-ཏྠཔྤདྷཱནོ-ཡཾ ནིདྡེསོ ན སརཱུཔཔྤདྷཱནོཏི དསྶེཏི, ཨདྷིཔཏིཔཙྩཡོ ཨདྷིཔཏིཔྤཙྩཡོཏི ཨནིཙྩཾ, ཨིདྷ ན ཧོཏི ཨིདྷ མོདཏཱིཏི, ཏཾ ཁཎནྟི ཨེཏྠ ཨེཀངྒཝིཀལཾ པཙྩུདཱཧརཎནྟི སརམྷཱ པརཏྟཱབྷཱཝཱ ན དྭིཏྟཾ.

༣༥. ཙཏུ

ཏབྦགྒེ ཏཏིཡཔཋམཱཏི ཀསྨཱ ཝུཏྟཾ ཙཏུཏྠ (དུཏིཡ) སདྡེཧི ཝགྒཀྑརེསྭེཝ གཡ྄ཧམཱནེསུ ཏཐཱ ནིདྡེསོ ཡུཏྟོ, ན ཧི ཙཏུནྣམྤཱུརཎོ ཙཏུཏྠོ དྭིནྣམྤཱུརཎོ དུཏིཡོཏི ཨཀྑརཱཡེཝ ཝུཙྩནྟཱིཏི ཨཱསངྐིཡ ‘ཝིནཱཔཱི’ཏིཨཱདིམཱཧ, ཨཀྑརེ ཨཀྑརཝིསཡེ ཙཏུཏྠཱདི ཝོཧཱརོ ཀརཱིཡམཱནོ ཝགྒགྒཧཎཾ ཝིནཱཔི ཝགྒཀྑརེཡེཝ རུལ༹ྷོ པསིདྡྷོཏི སམྦནྡྷོ, ཧེཏུམྷི ཨིཏིསདྡོ, ཡཏོ ཨེཝཾ, ཏསྨཱ ཀཱརཎཱ ‘ཏབྦགྒེ ཏཏིཡཔཋམཱ’ཏི ཝུཏྟནྟི ཨདྷིཔྤཱཡོ, ཏབྦགྒེཏི ཙཏུཏྠདུཏིཡཱ ཡསྨིཾ, ཏསྨིཾཡེཝ ཝགྒེཏི ཨཏྠོ, པཙྩཱསཏྟཱིཏི པཏི ཨཱཔུབྦཱ ‘སད-ཝིསརཎགཏྱཝསཱདནེསུ’ཨིཙྩསྨཱ ཨིཏྠིཡཾ བྷཱཝེཏྟིམྷི ནིཔྥཛྫཏཱིཏི དསྶེཏུམཱཧ-‘པཙྩཱསཱིདན’མིཙྩཱདི, ཡཐཱཡོགྒནྟི ཙཏུཏྠཀྑརེ ཙཏུཏྠསྶ ཏཏིཡོ དུཏིཡཀྑརེ དུཏིཡསྶ པཋམོཏི ཨེཝཾ ཡོགྒམནཏིཀྐམྨ, དྷསྶ དབྷཱཝོཏི ཨིམིནཱཝ པུབྦསྶ དྷསྶ དཏྟམུཔལཀྑེཏི, ཏཐཱ ཡསཏྠེརོཏི. ཐེརོཏི ཨེཏྠ ཨེཀཱརོ ཝགྒཀྑརོ ¶ ན ཧོཏཱིཏི ཏསྨིཾ ཏཝགྒདུཏིཡཀྑརསྶ ཏསྶ ཏོ པཋམོ ན ཧོཏི. པནྠོཏི ཨེཏྠ ཏཝགྒ དུཏིཡཀྑརེན ཐཀཱརེན ཏབྦགྒབྷཱུཏེ ནཀཱརེ སཏཱིཔི ན སོ ཏབྦགྒདུཏིཡཀྑརོཏི ན ཏསྶ པཋམོ ཏོ, ཨེཏྠ ནིགྒྷོསོ ནིགྷོསོཏིཨཱདི ཨནིཙྩཾ, དཌྜྷོ ནིཊྛཱནནྟི ནིཙྩཾ.

༣༦. ཝིཏིསྶ

ཨིཏིསདྡོ-ནུཀརཎཾ. ནིཔཱཏསྶ པཀཏིཝིཡཱ-ནུཀརཎཾ བྷཝཏི, ཨནུཀརཎཉྩ དྭིདྷཱ ཨསཱདྷུསདྡརཱུཔཾ སཱདྷུསདྡརཱུཔནྟི, ཏེསུ བྷཱརཝཱཧཀོ ཀོཙི ཏེན པཱིལི༹ཏོ ‘ཨཧོ བྷཱརོ’ཏི ཝཏྟབྦེ སཏྟིཝེཀལླཱ ‘ཨཧོ བཱལ’ ཨིཙྩཱཧ, ཏཾསམཱིཔཝཏྟཱི ‘ཀིམཡམཱཧེ’ཏི ཀེནཙི པུཊྛོ སམཱནོ ‘ཨཧོ བཱལ ཨིཙྩཡམཱཧེ’ཏི ཝདཏི, ཨིདྷམསཱདྷུསདྡརཱུཔཾ, ཨིཏཱིཏི པན སཱདྷུསདྡརཱུཔཾ, ཏསྨཱ ཏཏོ-ནུཀཱརིཡེནཱཏྠེན སཱཏྠཀཏྟཱ ཋཱནསམྦནྡྷེ ཚཊྛཱི.

༣༧. ཨེཨོ

ནནུ ‘‘ཝིཏིསྶེཝེ ཝཱ’’ཏི (༡-༣༦) ཝོཏྱནུཝཏྟིཡ ཨཝཎྞེ ཨེཨོནཾ ཝོ ཧོཏཱིཏི ཙ སཀྐཱ ཝིཉྙཱཏུཾ, ཏཐཱ སཏི ‘ཨཝཎྞེ ཀྭཙི ཝོ ཧོཏཱི’’ཏི ཝཏྟབྦཾ ‘ཨཧོཏི ཝཱ’ཏི ཀསྨཱ ཝུཏྟནྟི ཙོདནམཱསངྐིཡཱཧ-‘ཨོཀཱརསྶཔི’ཙྩཱདི, ཋཱནིབྷཱཝེན ནིདྡིཊྛཏྟཱཏི ‘‘ཨེཨོན’’ནྟི (༡-༣༡) ཝཀཱརཱདེསསྶ ཝིཛྫམཱནཏྟཱ ཝཀཱརཱདེསམྤཏི པུན ཨོཀཱརོ ཋཱནིབྷཱཝེན ནིདྡིསིཏབྦོ ན སིཡཱཏི ཨདྷིཔྤཱཡེནཱཧ, ན ནིམིཏྟནྟི ཨེཨོནཾ ཝཀཱརཱདེསཏྠཾ ཨཝཎྞོ ཀཱརཎཾ ན ཧོཏཱིཏི ཨཏྠོ, ཨཉྙཐཱཏི ཨཝཎྞསྶ ནིམིཏྟཏྟེ, ཨོཀཱརཾ ན པཋེཡྻཱཏི སམྦནྡྷོ, མཀཱརཱགམེ’ཡཱཙ ཀམཱགཏེ ཨགྒམཀྑཱཡཏཱི’ཏི, སྭེ བྷཝནྟི ཝིགྒཡ྄ཧ ཏནཔྤཙྩཡེ ཏདྡྷིཏཝུཏྟིཡཾ ཝིབྷཏྟིཡཱ ‘‘ཨེཀཏྠཏཱཡཾ’’ཏི (༢-༡༡༩) ལོཔེ ཨཀཱརཱདེསེ དཱིགྷེཙ སྱཱདིམྷི སྭཱཏནཾ དྭིཏྟེ ཧིཡྻཏྟནཾ. སྭཱཏནནྟིཨཱདཱིསུ ནིཙྩཾ, ཨིདྷ ནཧོཏི པརེཙ ན ཝིཛཱནནྟཱིཏི.

༣༨. ནིགྒ

ཀཐ‘མཱགམོ ¶ ཧོཏཱི’ཏི ཝུཏྟཾ ཡདི ནིགྒཧཱིཏམཱགམོ སིཡཱ སུཏྟེ ཨཱགམགྒཧཎེན ཝཱ བྷཝིཏབྦཾ ཉ-མ-ཀཱདྱ ནུབནྡྷཝིསེསེན ཝཱ ཏྱཱསངྐིཡཱཧ-‘ཨསཏི པི’ཙྩཱདི, ཨཱགམཱཝསཱཡེ ཀཱརཎམཱཧ-‘ཨཱདེསཏྟཱཡོགཱ’ཏི, ཨཱདེསཏྟཱཡོགོ ཀཐཾ ཝིཉྙཱཡཏི ཙྩཱཧ-‘ཋཱནིནིདྡེསཱབྷཱཝཏོ’ཏི, ཏཐཱ སཏི ཨཱགམིནིདྡེསཱབྷཱཝཱ ཨཱགམཏྟམྤི ན སིཡཱཏི ཙོདེཏི ‘ཡཛྫེཝ’མིཙྩཱདིནཱ, ན-ཨིཏི ཙོདནཾ པཊིཀྑིཔིཏྭཱ ཏསྶ ཨཱགམཏྟམེཝ སཱདྷེཏུམཱཧ-‘ཏསྶཱ’ཏིཨཱདི, ཏསྶཱཏི ནིགྒཧཱིཏསྶ, རསྶཱནུཔྤཝཏྟིཏོ རསྶསརམེཝ ཨནུགནྟྭཱ པཝཏྟིཏོ, ཨཡམེཝཏྠོ ཝུཏྟིཡམྤི དསྶིཏོཡེཝཱཏི ཝཏྟུམཱཧ-‘ཨེཏདེཝེ’ཙྩཱདི, པུརིམཱ ཛཱཏཱིཏི ཝིསེསནསམཱསེཀཏེ རསྶེ ཙ བིནྡྭཱགམོ, པརནིམིཏྟསྶཱནིདྡིཊྛཏྟཱ བཧུསདྡེ-ནྟསྶ བིནྡྭཱགམེ བཧུཾ, སཏིཔི པཡོགཱནུསཱརིཏྟདཱིཔཀསྶ ཀྭཙིསདྡསྶཱཔི ཝཝཏྠིཏཝིབྷཱསཏྟེ ཝཱསདྡསྶཱཔི ཏཱདིསཏྟསྶེཝ པཊིཔཱདཀཏྟ སབྷཱཝཾ དསྶེཏུཾ ‘ཝཝཏྠིཏཝིབྷཱསཏྟཱ ཝཱདྷིཀཱརསྶཱ’ཏི ཝུཏྟིཡཾ ཝུཏྟཾ, ཝཝཏྠིཏསྶ ལཀྑིཡསྶ ཨནུརོདྷེན ལཀྑཎཔྤཝཏྟིཀཱ ཝིབྷཱསཱ ཝཝཏྠིཏཝིབྷཱསཱ, ཨབྷེདེན ཏུ ཝཱདྷིཀཱརོ ཝཝཏྠིཏ ཝིབྷཱསཱ, ཏསྶཱ བྷཱཝོ ཝཝཏྠིཏཝིབྷཱསཏྟཾ, ཏསྨཱ, ཨིདྷ ན ཧོཏི ཨིདྷ མོདཏི, ཨིམསྨིཾ ཋཱནེ ཨཱགམཏྟཔྤཀཱསཀོ ཋཱནིནིདྡེ སཱབྷཱཝཱ ཨཱདེསཏྟཱཡོགསངྑཱཏོ ཀཱརཎཝིསེསོ སམཏྠོ, ཏསྶ བྷཱཝོ སཱམཏྠིཡཾ-ཨཏྠབལ-མཉྙཐཱནུཔཔཏྟིལཀྑཎཾ, སཙཱཏི སོ ཨཱགམོ ཙ.

༣༩. ལོཔོ

ལོཔསདྡསྶ བྷཱཝསཱདྷནམཏྟམེཝ སཱདྷེཏུམཱཧ-‘ཏེནེ’ཙྩཱདི, ལོཔོཏི ཡདི ཀམྨསཱདྷནོ སིཡཱ ཏདཱ ཏེན སམཱནཱདྷིཀརཎཾ ཀཏྭཱ ཨུཔརི ‘‘པརསརོ’’ཏི སུཏྟམཱརབྷཱིཡེཡྻཱཏི བྱཏིརེཀམཱཧ ‘ན པརསརོ’ཏི, ཨིདྷ ན ཧོཏི སངྒརོ.

༤༠. པར

ཏྭཾསི ¶ ཏྭམསཱིཏི ཝིཀཔྤོ, ཨིདྷ ན ཧོཏི ཏཱསཱཧཾ.

༤༡. ཝགྒེ

ནནུ ཝགྒེཝགྒནྟོཏི ཨེཏྟཀེཡེཝ ཝུཏྟེ ཡསྨིཾ (ཀིསྨི)ཉྩི ཝགྒཀྑརེ པརེ བིནྡུནོ ཡོཀོཙི ཝགྒནྟོ ཨནིཡམེན བྷཝེཡྻ ཏཐཱ སཏི ཨནིཊྛམྤི སིཡཱཏྱཱསངྐིཡ པཙྩཱསཏྟིཾ སནྣིསྶཱཡཱནིཊྛ ནིཝཏྟིནྡསྶེཏུམཱཧ-‘ཝགྒེ ཝགྒནྟོ’ཏིཙྩཱདི, སོཝཱཏི ཝགྒནྟོཝ, ཏསྨིནྟི ཝགྒཀྑརེ.

༤༢. ཡེཝ

ནནུ སདྡཏྟཱ བྱབྷིཙཱརིཏྟཱ ཨེཝསྶ ཏཱཝ སདྡོ ཧོཏུ, སཾཡཏོ, སཾཧིཏོཏི སདྡེཀདེསབྷཱུཏཱནམྤི སམྦྷཝཱ ཏེཔི གཧེ ཏབྦཱ སིཡུནྟི ‘ཡཨེཝཧི སདྡེསུ’ཏི ཡཧཱིནམྤི ཀཐཾ སདྡཝོཧཱརོ ཀཏོཏི ཨཱཧ ‘ཨེཝཱ’ཏིཨཱདི, ཨེཏྠཱཡམདྷིཔྤཱཡོ ‘ཨབྱབྷིཙཱརིནཱ བྱབྷིཙཱརཱི ནིཡམྱཏེ’ཏི.

༤༣. ཡེསཾ

ཡསདྡེ པུབྦསུཏྟེནེཝ སཾསྶཔྱཱདེསེ སིདྡྷེ སོ ( ) [(ཏསྶ) (པོཏྠཀེ)] ཡ ཀཱརམཏྟེཡེཝ པརེ སཾསྶེཝ (ཡཐཱ) སིཡཱཏི སུཏྟམིདམཱརདྡྷཾ.

༤༤. ཝན

ཋཱནིནམཱསིལིསྶ གཙྪཏི པཝཏྟཏཱིཏི ཨཱགམོ ནཱམ, ཀོ-ཡམེཏྠ ཋཱནཱིཏི ཨཱཧ-‘སརསྶཱཏི, སུཏྟེ ཨནུཝཏྟསྶ ཙ ཨཝིཛྫམཱནཏྟཱ ‘སརསྶཱ’ཏི ཀུཏོ ལབྦྷཏཱིཏི ཙོདེཏི ‘ནནུ ཙེ’ཏྱཱདིནཱ. ཨཱགམསུཏིཡཱ ཝནཱདཱིནཾ ཋཱནིསུཏིཡཱ ཨབྷཱཝེཔི སཱམཏྠིཡཱ བྱཉྫནསྶ ཝཱ ཨཱགམོ སིཡཱ སརསྶ ཝཱ, ཡདི བྱཉྫནསྶ ཝཱ སིཡཱ (ན) ‘‘པདཱདཱིནཾ ཀྭཙཱི’’ཏི (༥-༩༢) སུཏྟིཏ མཱཙརིཡེན, ཏསྨཱ ཏདེཝ ཉཱཔེཏི ‘སརོ ཡེཝེཏྠ ཋཱནཱི བྷཝིཏུམརཧཏཱི’ཏི. ཝུཙྩཏེཙྩཱདིནཱ པརིཧཱརམཱཧ, ནིཔུབྦཱ པདིསྨཱ ཨནཔྤཙྩཡེ ‘‘པདཱདཱིནཾ ཀྭཙཱི’’ཏི ཡུཀཨནྟཱཝཡཝོ ¶ ‘‘ཏཝགྒཝརནཱ’’དིནཱ (༡-༤༨) ཡེ དསྶ ཛོ ‘‘ཝགྒལ སེཧིཏེ’’ཏི (༡-༤༩) (ཡསྶ ཛོ) ནིཔཛྫནཾ, མཱནནྟཏྱཱདཱིསཱུཏི ཨདྷིཀཱརཱཏི ‘‘ཀྱོ བྷཱཝཀམྨེསྭཔརོཀྑེསུ མཱནནྟཏྱཱདཱིསཱུ’’ཏི (༥-༡༧) ཨིཏོ མཱནནྟཏྱཱདཱིསུཏི ཨདྷིཀཱརཱ, པཙྩཡནྟརེཏི མཱནནྟཏྱཱདཱིཏོ ཨཉྙསྨིཾ པཙྩཡེ, ཀཙྩཱཡནེན ‘ཨཏིཔྤགོཁོཏཱཝཱ’ཏི སཱདྷནཏྠཾ ‘‘ཀྭཙི ཨོ བྱཉྫནེ’’ཏི ཨོཀཱརཱགམོ གཀཱརཱགམོ ཙ སུཏྟནྟརེན ཝིཧིཏོ, ཏཾ པཀཱརནྟརེན སཱདྷེཏུཾ ཝུཏྟིཡཾ-‘ཨཏིཔྤགོ ཁོ ཏཱཝཱ’ཏི ཡཾ ཝུཏྟཾ ཏཾ དསྶེཏུཾ ‘ཨཏིཔྤཱ’ཏིཨཱདི ཝུཏྟཾ.

༤༦. ཚ

དྭཱདཡོ ཨཊྛཱརསནྟཱ བཧུཝཙནནྟཱཏི ‘ཚཀཱི’ཏི ཝཏྟབྦེ ‘ཚཱ’ཏི ཨེཀཝཙནཾ ན ཡུཛྫཏཱིཏི ཙོདེཏི ‘ནནུཙཱ’ཏིཨཱདིནཱ, པརིཧརཏི ནཙྩཱདིནཱ, ནེཏི ‘ཚལོ༹’ཏི ཨཡུཏྟོ-ཡཾ ནིདྡེསོ ན ཧོཏཱིཏི ཨཏྠོ, ཚསདྡསྶ ཨནུཀརཎཏྟཱ ཚསདྡཱནུཀརཎཏྟཱ, ཧེཊྛཱ ཝུཏྟསཱདྷུསདྡརཱུཔཱ སཱདྷུསདྡརཱུཔམནུཀརཎཾ ཝིབྷཛཏི ‘ཨནུཀརཎཉྩ དུཝིདྷ’མིཙྩཱདིནཱ, པརིཙྩཏྟོ ཛཧིཏོ ཨཏྠོ ཝིདྷིནིསེདྷརཱུཔོ ཡསྶ ཏཾ པརིཙྩཏྟཏྟཾ, ཨེཏྠ པན ཚསདྡེན ཚསངྑྱཱཝིསེསོ པརིཙྩཏྟོ, ཨབྷིདྷཱཡཏོ ཧོཏཱིཏི ཨིམིནཱ ཚསདྡསྶ ཨནུཀཱརིཡེནཱཏྠེནཱཏྠཝནྟཏྠམཱཧ, ཨེཀཝཙནནྟསྶ ནིདྡེསོ ཀཏོ… ཚསདྡཝཙནཱིཡསྶ ཚསྶ ཨེཀཏྟཱ, ཨནུཀཱརིཡསྶཱཏི ཨེཀཱདིནོ སངྑྱཱ སདྡསྶ ཏདཉྙསྶ ཝཱ ཡདནུཀཱརིཡམེཀཱདིཀཾ ཏདཉྙཾ ཝཱ སདྡརཱུཔཾ ཏསྶ. སངྑྱཱདིཝིསེསནྟི ཨེཀཏྟཱདིསངྑྱཱཝིསེསཾ ཏདཉྙཾ ཝཱ, ‘‘ཡོམྷི དྭིནྣཾ དུཝེ དྭེ’’ཏི (༢-༢༡༩) སུཏྟེ དྭིསདྡོ-ནུཀཱརིཡཾ དྭིསདྡརཱུཔཾ ཏབྦཙནཱིཡཉྩ དྭིསངྑྱཱཝིསེསམྤརཱམསཏཱིཏི ཏབྦཱཙཀཾ དྭིནྣནྟི བཧུཝཙནཾ, ཨཐ ‘ལ༹ཉི’ཏི ཀསྨཱ ན ཝུཏྟཾ ཨེཝཉྷི སཏི ཉཱནབནྡྷཏྟཱལ༹ཀཱརོ ཨཱདྱཝཡཝོ བྷཝིཏུམརཧཏཱིཏི ཙོདནམྨནསི ནིདྷཱཡ ‘ཚསདྡཱ’ཏིཨཱདིམཱཧ, ཨནྟཱཔཝཱདེན ཝིདྷཱིཡམཱནོ ལ༹ཀཱརོ ཚ སདྡཱ པརསྶཱདིསྶ ཨཱགམཏྟཱ…པེ… ཧོཏཱིཏི སམྦནྡྷོ, ཨནྟཱཔཝཱདེནཱཏི ཨིམིནཱ ‘སརསྶཱ’ཏི ཚཊྛཱིནིདྡེསཏོ ‘‘ཚལཱི༹ཡནྟསྶཱ’’ཏཱི-མསྶ ¶ ཝིསཡབྷཱཝཾ དཱིཔེཏི, པརསྶཱཏི ཨིམིནཱ ‘ཚཱ’ཏི པཉྩམཱིནིདྡེསཏོ ‘‘པཉྩམིཡཾ པརསྶཱ’’ཏཱིམསྶ ཝིསཡབྷཱཝཾ, ཨཱདིསྶཱཏི ཨིམིནཱ ལ༹སྶེཀཝཎྞཏྟཱ ཨནྟཱཔཝཱདེན ‘‘ཨཱདིསྶཱ’’ཏི སུཏྟེ ན ཨཱདྱནྟོ ཝིཡེཀོཔི སརོཏི སརསྶཱདིསྶ པཏྟིཾ དསྶེཏི, ཨཡམེཏྠཱདྷིཔྤཱཡོ ‘ཚཱ’ཏི པཉྩམཱིནིདྡེསཱ ‘‘པཉྩམིཡཾ པརསྶཱ’’ཏི (༡-༡༥) པརསྶ སམྤཏྟཾ ཀཱརིཡཾ ཨེཀཝཎྞཏྟཱ ‘‘ཚཊྛིཡནྟསྶཱ’’ཏི (༡-༡༧) ཨནྟསྶ སམྤཏྟཾ ‘‘ཨཱདིསྶཱ’’ཏི (༡-༡༦) ཨཱདིཝཎྞསྶ པཔྤོཏཱི’’ཏི. ཨཱདིབྷཱུཏོཝ ཧོཏཱིཏི ཨསཏིཔི ཉཀཱརེ ཨཱགམགྒཧཎཱནུཝཏྟིཡཱ ཨཱགམིནཾ སརཾ ཨཝིནཱསེནྟོ ཏསྶ ཨཱདྱཝཡཝབྷཱུཏོཝ ཧོཏཱིཏི ཨཏྠོ, ལཀཱརཾ ཀརོནྟི ‘‘ཡཝམདནཏརལཱཙཱགམཱ’’ཏི སུཏྟེན, ཏནྟི ལཀཱརཀརཎཾ ཨུབྷིནྣམཝིསེསཝཙནཉྩ ཨཡུཏྟཏཾ དསྶེཏི ‘ཏེསམྤི’ཙྩཱདིནཱ, ཏེསམྤཱིཏི ཀཙྩཱཡནཱནམྤི, ཨཀྑརསཉྙཱཡནྟི ‘‘ཨཀྑརཱཔཱདཡོ ཨེཀཙཏྟཱལཱིས’’ནྟི ཝིདྷཱིཡམཱནཨཀྑར སཉྙཱཡཾ. ཨཝིསེསེ ལལཱ༹ནཾ ནཱནཏྟཱབྷཱཝེ, པཱཀཊོ ཝཱཏི ཨིམིནཱ སུཏིལིཔིབྷེདསྶ པཙྩཀྑསིདྡྷཏནྡསྶེཏི, ཏཏྠ ཧི སོཏཝིཉྙཱཎཝཱིཐིཡཱ ལལཱ༹ནཾ ཝིསུཾཝིསུཾ གཧཎཾ སུཏི, ཏཾཏཾ དེསཝཱསཱིནཾ ལེཁཱ ཝ ཝཏྠཱནཾ ལིཔི, ཏེསཾ བྷེདོ སོཏཙཀྑུཝིཉྙཱཎགཡ྄ཧཏྟཱ པཙྩཀྑསིདྡྷོ, ཚལ༹བྷིཉྙཱཏི ཝིཀཔྤེན ལ༹ཀཱརཱགམཔཀྑེ རཱུཔཾ.

༤༧. ཏད

ཨིསྶ ཨཏྟཾ ནིཔཱཏནཱ, དཀཱརོ པན ‘‘མཡདཱ སརེ’’ཏི (༡-༤༤), པདནྟརེནཱཏིཨཱདཱིཏི ཨིམིནཱ ཨཉྙེན པདེན, སཱདྷཱུནི བྷཝནྟཱིཏི ཝུཏྟི པཱཋསྶ ཨཏྠཾ ཝཏྟུཾ ‘སཱདྷཱུནི བྷཝནྟཱིཏི ནིཔཱཏནཏོ’ཏི ཨཱཧ, ཏཏྠ ཀཱརཎམཱཧ-‘ཡ’མིཙྩཱདི, ཨཔྤཏྟསྶ པཱཔནམྤཏྟསྶ པཊིསེདྷོ ཙ ནིཔཱཏནཾ, ཏེསཾ ཨིདྷ པཱཋཱཏི ཏེསཾ ཏཐཱ ཨིཙྪནྟཱནཾ ཨིདྷཱཏི ནིཔཱཏསྶ ཨིམསྨིཾ ཏདམིནཱདིསུཏྟེ པཱཋཱ, ཨུདྡྷསྶ ཨུདཱུཏི ཨུདྡྷཾ ཁམསྶཱཏི ཨཉྙཔདཏྠསམཱསེ ཨུདྡྷཾཁ ཨིཏི ཋིཏེ ཨུདྡྷཾསདྡསྶ ཨུདུཨཱདེསོ, ཨས-བྷོཛནེ ཨིཙྩསྨཱ ‘‘ཀྭཙཎ’ ཨིཏི (༥-༤༡) སུཏྟེན ཨཎྤཙྩཡེ ཨསསདྡོ ནིཔྥཛྫཏཱིཏི ཨཱཧ-‘པིསིཏམསནཱ’ཏི ‘‘ཀྭཙཎ’’ ཨིཏི མཧིཡཾ ¶ རཝཏཱིཏི ཋིཏེ ཨིམིནཱཝ གཎནིཔཱཏནེན སམཱསེ ཀཏེ མཡཱུརསདྡོ ནིཔྥཛྫཏཱིཏི དསྶེཏུམཱཧ ‘མཧིསདྡསྶེ’ཙྩཱདི, ཨསྶ ཏདམིནཱདིགཎསྶ ཨཱགཏིགཎཏྟཱ ཨེཝམཉྙེཔཱིཏི སམྦནྡྷོ, ཝུཏྟནྟི པཱཋསེསོ. དཱིགྷནིཀཱཡཱདཱིསུ པཉྩསུ ནིཀཱཡེསཱུཏི–

‘‘དཱིགྷམཛ྄ཛྷིམསཾཡུཏྟ, ཨངྒུཏྟརིཀཁུདྡཀཱ;

ནིཀཱཡཱ (པཉྩ) གམྦྷཱིརཱ, དྷམྨཏོ ཨཏྠཏོཙིམེ’’ཏི.

ཝུཏྟེསུ དཱིགྷཱགམཱདཱིསུ པཉྩསུ ནིཀཱཡེསུ, ཉཱཏབྦཱཏི ཝཎྞཱ གམཱདིདྭཱརེན ཛཱནིཏབྦཱ, པཉྩཝིདྷཾ པཉྩཔྤཀཱརཾ ནིརུཏྟམུཙྩཏེཏི སམྦནྡྷོ, ནིབྦཙནཾ ནིརུཏྟཾ, ནཔུཾསཀེ བྷཱཝེ ཏྟོ, ཨཏྠཀཐནཝཱཀྱ པུབྦཀམུཙྩཱརཎམིཙྩཏྠོ, ཏདབྷིདྷཱཡི སཏྠམཔྱབྷིདྷཱནེ-བྷིདྷེཡྻོ པཙཱརཱ ཏདཏྠཏཱཡ ཝཱ ནིརུཏྟམུཙྩཏེ, ཝུཏྟནིརུཏྟི ལཀྑཎེན…པེ… ཝེདིཏབྦཱཏི ཨིམིནཱ ནིརུཏྟསཏྠེ ཡེ སདྡཱ པཊིཔདཾ ནིཔྥཱདིཡནྟི ཏེསམིདཾ སཱམཉྙེན ནིཔྥཱདནནྟི དཱིཔེཏི, དྭཱརེ ནིཡུཏྟོ དོཝཱརིཀོཏི ཨེཏྠ ཎིཀེ དཀཱརཝཀཱརཱནཾ མཛ྄ཛྷེ ཨོཀཱརཱགམོ, ཧིཾསིསྨཱཏི ‘ཧིཾས-ཧིཾསཱཡ’ མིཙྩསྨཱ, ཨཔྤཙྩཡེཏི ‘‘སཱཝཀཱརཀེསྭ གྷཎྒྷཀཱ’’ཏི (༥-༤༤) ཨཔྤཙྩཡེ, ནིཛཀོཏི ཨེཏྠ ཛཀཱརསྶ ཡཀཱརེ ནིཡཀོ. ཨཐ ཝཎྞཝིཀཱརོཏི ཝུཏྟཏྟཱ ཛཝཎྞསྶ ཡཱདེསེ ནིཡཀཱདཡོ ཏཱཝ སིཛ྄ཛྷནྟུ, སུསཱནཱདཡོ ཀཐཾ ཚཝཔདཱདིཝིཀཱརཏྟཱ སུསཱནཱདཱིནནྟི ཨཱཧ ‘པདཝིཀཱརོཔི’ཙྩཱདི. ཨཉྙཐཱ ཝཎྞསམུདཱཡཱདེསསྶ ཝིསུཾགཧཎེ ཚབྦིཏོཔཏྟིཡཱ ‘པཉྩཝིདྷཾ ནིརུཏྟ’ནྟི སངྑྱཱནིཡམོ ན ཡུཛྫེཡྻཱཏི བྷཱཝོ. ཡོགོ སམྦནྡྷོ, ཏཐཱཧིཙྩཱདིནཱ དྷཱཏུསྶ ཨཏྠཱཏིསཡེན ཡོགམྤཱཀཊཱིཀརོཏི, རཝནཀིརིཡཱཏི སམྦནྡྷོཏི ཀེཀཱཡིཏཱནྱསདྡནཀིརིཡཱབྷིསམྦནྡྷོ. མཡཱུརོཏི ཨེཏྠ རཝཏི མཡཱུརརཱཝེ ཨེཝ ཝཏྟཏེ, ན སཱམཉྙེན རཝནཀིརིཡཱམཏྟེཏི བྷཱཝོ.

༤༨. ཏཝ

ཝཎྞམཏྟསྶེ ཝཱཏི ཝཎྞསཱམཉྙསྶེཝ, མཏྟསདྡོ ཨེཏྠ སཱམཉྙ ཝཙནོ. ཡཀཱརསྶཙ ཙཱདེསོཏི སམྦནྡྷོ, དཡཀཱརཱནཾ ཛཏྟནྟིསྶ ¶ ཨིམིནཱ, ཡསྶ ‘‘ཝགྒལསེཧི ཏེ’’ཏི (༡-༤༩) ཛཏྟཾ, ཨཏྟཱནམདྷིཀིཙྩ པཝཏྟནྟི ཨཏྠེ ཨསངྑྱསམཱསོ.

༤༩. ཝགྒ

ཡནྟཾ སདྡཱནཾ ནིཙྩསམྦནྡྷིཏྟེཔི པཀྐནྟཝིསཡཏྟཱ ཏཾསདྡོ ཡཾསདྡཾ ནཱཔེཀྑཏེཏྱཱཧ-‘ཏེཏི ཨནནྟར’ཨིཙྩཱདི, ཏཾ སདྡོ ཧི པཀྐནྟ ཝིསཡོ ཏཐཱ པསིདྡྷཝིསཡོ ཨནུབྷཱུཏཝིསཡོ ཙ ཡཾསདྡཾ ནཱཔེཀྑཏེ, ཡཐཱ ཙེསོ ཡཾསདྡནྣཱ པེཀྑཏེ, ཏཾ སབྦཾ མཧཱསཱམིནཱདྷིཀཱཡཾ སུབོདྷཱལངྐཱརཊཱིཀཱཡཾ–

མུནིནྡཙནྡསཉྫཱཏ, ཧཱསཙནྡནལིམྤིཏཱ;

པལླཝཱདྷཝལཱཏསྶེ, ཝེཀོ ནཱདྷརཔལླཝོཏི (༡༢༢).

ཨེཏིསྶཱ གཱཐཱཡ ཨམྷེཧི ཝིཏྠཱརིཏནཡེན གཧེཏབྦཾ, ཡཐཱ རཧནྟི སཀམྨཱཀམྨདྷཱཏཱུནམནུརཱུཔཾ.

༥༠. ཝེཝཱ

ཀིཉྩཱཔཱིདཾ [ཨིདཾཀིཉྩཱཔི (པོཏྠཀེ)] ཝིཀཔྤནཏྠཾ ཀཏནྟི ཧེཊྛིམེན ནི(ནྣཱན)ཏྟཾ ཝིཉྙཱཡཏི, ཏཐཱཔི ཨིམིནཱ ཝཱཀཱརེན ཝིཀཔྤོཝ, ཧེཊྛིམེ པན ཀྭཙཱདྷིཀཱརཱ ཧཀཱརནྟདྷཱཏུཏོ དྷྱཎྤཙྩཡེ མེཧྱཾ, དོཧྱཾ སིནེཧྱཾ, ལེཧྱནྟིཔི བྷཝཏྭེཝ.

༥༣. སཾཡོ

ཝཏྟུནོ-ཏྟཔྤདྷཱནཏྟམཏྟཝཙསཱིཏི ནིཡཏཱཝཡཝཝཱཙིནོ ཨུཔཱདཱནཱཏི ཝུཏྟམནེཀཏྠཏྟེཔྱཱདིསདྡསྶ, ཨཱདིཡཏཱིཏྱཱདཱིཏི ཀམྨསཱ དྷནོཙཱཡམཱདིསདྡོ, སོཡམཏྠོ སུམངྒལཔྤསཱདནིཡཱ ཁུདྡསིཀྑཱ ཊཱིཀཱཡ‘ཨཱདིཏོ ཨུཔསམྤནྣཱ’ཏི ཨེཏྠ ཨམྷེཧི ཝུཏྟནཡེན ཝེདིཏབྦོ, སཾཡུཛྫཏཱིཏི སཾཡོགོ-ཨེཀཏྲཱཝཊྛིཏབྱཉྫནཱ.

༥༤. ཝིཙྪཱ

ཡཾཝཏྟཏེཏི ཝུཏྟིཝཙནཾ ནིཀྑིཔིཏྭཱ ཏསྶ ཨཏྠཾ ཝཏྟུམཱརབྷཏེ ‘སམྦྷཝཱཔེཀྑཱཡེ’ཙྩཱདི, ཡཾཝཏྟཏེཏི ཙ སུཏྟེ ཨཝིཛྫམཱནེཔི གམྨམཱནཏྠསྶ ¶ སདྡསྶ པཡོགམྤཏི ཀཱམཙཱརོཏི ཝུཏྟིཡཾ ཝུཏྟཾ, ཡསདྡསྶཱནིཡམཏྠཝུཏྟིཏྟེཔི པདཝཱཀྱཏོ ནཱཉྙཾ སམྦྷཝཏི ཝིཙྪཱཡམཱབྷིཀྑཉྙེ ཙ ཝཏྟམཱནནྟི ཨཱཧ ‘སམྦྷཝཱཔེཀྑཱཡཔདཾ ཝཱཀྱཾཝཱ’ཏི, སམྦྷཝཏཱིཏི སམྦྷཝོ-པདཾ ཝཱཀྱཾ ཝཱ, ཏསྨིཾ ཨཔེཀྑཱཡ པདཾ ཝཱཀྱཾ ཝཱ ཝཏྟཏེཏི སམྦནྡྷོ, ཝཏྟཏེཏི ཝིཙྪཱཡམཱབྷིཉྙེ ཙཱཏྠེ ཝཏྟཏེ, ནནུ པདསྶ ཝཱཀྱསྶ ཝཱ ཝིསུཾཡེཝ དབྦཱདཡོ ཨཏྠཱ, ཏཾ ཀཐམིད མེཏསྨིཾ ཝཏྟུདྷམྨེ ཀིརིཡཱདྷམྨེ ཙ ཝིཙྪཱབྷིཀྑཉྙཏྠེ ཝཏྟཏེཏི ཨནུཡོགཾ སནྡྷཱཡཱཧ-‘ཝིསཡབྷཱཝེནཱ’ཏིཨཱདི, ཝིཙྪཱཡ ཝཏྟུདྷམྨསྶ ཀིརིཡཱདྷམྨསྶ ཙཱབྷིཀྑཉྙསྶ ཝིསཡོ པདཾ ཝཱཀྱཾ ཝཱ… ཨནཉྙཏྠཝུཏྟིཝསེན ཏཏྠཔྤཝཏྟིཡཱ, ཏཾ ཝསེནཙ, ཨབྷིདྷཱཡཀཏྟེན ཙེཏི གོཙརཏྟེན པཀཱསཀཏྟེན ཙཱཏི ཨཏྠོ, ཡཾཝཏྟཏེཏི ཨཛ྄ཛྷཱཧཊསྶ ཡནྟི པཋམནྟསྶ ཝིབྷཏྟིཝིཔརིཎཱམཾ དསྶེཏི (ཏསྶཱཏི) ཨཱདིནཱ, ཨིམིནཱ ཨིདཾ དཱིཔེཏི ‘‘ཡཛྫཔི ‘ཝིཙྪཱབྷིཀྑཉྙེསྭི’ ཏྱཏྲ ཚཊྛཱིནོཙྩཱརཱིཡཏེ, ཏཐཱཔི ཚཊྛཱིཔསིདྡྷི ཧོཏེཝ, ཀཐཾ དྭེ ཨིཙྩཱདེསནིདྡེསཱ ཨཱདེསོ ཙ སམྦནྡྷཱིནམཔེཀྑཏེ, ‘ཝིཙྪཱབྷིཀྑཉྙེསཱུ’ཏི ཙཱཏྠནིདྡེསོ, ན ཙཱཏྠསྶཱདེསེན སམྦནྡྷོ ཨུཔཔཛྫཏེ, ཏསྨཱ ཝིཙྪཱབྷིཀྑཉྙེསུ ཡཾ པདཾ ཝཱཀྱཾ ཝཱ ཝཏྟཏེ ཏསྶ དྭེ བྷཝནྟིཙྩེཝཾ ཚཊྛཱིཡཏྠོ སཀྐཱ ཝཏྟུ’’ནྟི, དྭེ རཱུཔཱནི ཧོནྟཱིཏི དསྶིཏཾ ཧོཏཱིཏི སམྦནྡྷོ, སདྡརཱུཔེ སངྑྱཡྻེཏི དུཏིཡཱ བཧུཝཙནནྟཾ པཊིཔཱདཡམཱནོཏི ཨེཏྠ པཊིཔཱདནཀིརིཡཱཡ སམྦནྡྷེནོཔདིཊྛཾ, ‘‘ཝཱཀྱནྟརཊྛོཔི སདྡོ ཏདཉྙསྨིམྤི སམྦནྡྷམུཔཡཱཏཱི’’ཏི དྭིསདྡོཏི ཨིདཾ ཨུཔརི ཝཱཀྱདྭཡེཔྱུཔཡུཛྫཏི ‘དྭིསདྡོ ཝུཏྟོ, དྭིསདྡོ ན སརཱུཔཔྤདྷཱནོ’ཏི, ཨཐ སརཱུཔཔྤདྷཱནོ ཀསྨཱ ན ཝུཏྟོཏི ཨཱཧ-‘བཧུཝཙནེན ནིདྡེསཱ’ཏི, ཨཐ དྭེཏི སཱམཉྙེན ཝུཏྟཏྟཱ པདཝཱཀྱཱནཾ ཋཱནེ དྭིབྦཙནཾ ཝཱ སིཡཱ, ཏཱནེཝཱ ཝཏྟནྟཱིཏི དྭིཔྤཡོགོ ཝཱ, ཏཐཱ སཏི ‘ཡཾཝཏྟཏེ ཏསྶཱ’ཏི ཀསྨཱ པཋམམེཝ ནིསྶཱཡ ཝུཏྟིཡཾ ཝིཝརཎཾ ཀཏནྟི ཨཱཧ-‘ཨེཝཉྩཱ’ཏིཨཱདི, ཨིདཱནི དྭིཔྤཡོགཔཀྑསྶ སདོསཏྟཱ ཨགཧིཏབྷཱཝཾ དསྶེཏུམཱཧ-‘ཡདཱཏྭི’ ཏྱཱདི, ཏུསདྡོ པུབྦསྨཱ པཀྑཱ ཝིསེསསྶ པདསྶཀོ [ཝིསེསནཏྠོ (པོཏྠཀེ)], ཏཏྠ ཧི དྭེ [དྭེརཱུཔ (པོཏྠཀེ)] སདྡརཱུཔཱནྱཱདིསཱིཡནྟེ ¶ , ཨིཧ ཏུ སོཝ སདྡོ དྭིརཱཝཏྟཏེ, ཨཱཝུཏྟཱི སངྑྱེཡྻཱཏི ཨེཝཾ མཉྙཏེ ‘‘དྭིསདྡོ-ཡཾ ‘‘ཨཱདསཧི སངྑྱཱ སངྑྱེཡྻེ ཝཏྟནྟེ’’ཏི ཝཙནཏོ སངྑྱེཡྻཝཙནོ, ཏསྨེཧ སངྑྱེཡྻཾ སདྡརཱུཔཾ ཝཱ སིཡཱ ཨཱཝུཏྟི ཝཱ, ཨིཙྩཔི ནིདྡེསོ ཏདུབྷཡམཔེཀྑིཡ ནཔུཾསཀལིངྒེན ཝཱ སིཡཱ ཨིཏྠིལིངྒེན ཝཱ, ཏཏྠ ཡདཱ ནཔུཾསཀལིངྒེན ནིདྡེསོ, ཏདཱ སདྡརཱུཔཱནི སངྑྱེཡྻཱནི བྷཝནྟི, ཡདཱ ཏུ ཨིཏྠིལིངྒེན, ཏདཱ སདྡསྶཱཝུཏྟཱི ཨུཙྩཱརཎལཀྑཎཱ ཀིརིཡཱ སངྑྱེཡཱ བྷཝནྟི, ཏཏོ ཙེཏྠ ཨཱཝུཏྟཱིཨཔི སངྑྱེཡཱ ཧོནྟཱི’’ཏི, ཏདཱ དྭིཔྤཡོགོ དྭིབྦཝཙནནྟི ཨེས པཀྑོཏི ཨཡམེཏྠ བྷཱཝོ’’ ཡདཱ དྭེ ཨཱཝུཏྟིཡོ ཝིདྷཱིཡནྟེ ཏདཱ དྭིཔྤཡོགོ དྭིབྦཙནནྟེ སོཔེཀྑོ, (ཨཏྲ ཋཱནྱཱདེསབྷཱཝོ ནཏྠི) [ནཏུཊྛཱནེ དྭིབྦཙནཔཀྑོ (པོཏྠཀེ)] ཨཱཝུཏྟི ཧི ཀིརིཡཱ, ཏསྶཱ ཙེཧ སདྡོ སཱདྷནཾ, ན ཙ ཀིརིཡཱཡ སཱདྷནསྶ ཙ ཋཱནྱཱདེསབྷཱཝོ ཨུཔཔཛྫཏེ, ཏསྨཱ ཡདཱཝུཏྟཱི ཝིདྷཱིཡནྟེ, ཏདཱ དིཔྤཡོགོ དྭིབྦཙནནྟེ-སོ པཀྑོ བྷཝཏཱི’’ཏི, ཨཡམྤི པཀྑོ པཱཎིནཱིཡེཧི པརིགྒཧཱིཏོ, ཏདཡུཏྟཾ དོསདུཊྛཏྟཱཏི སནྡསྶཡམཱཧ-‘སོ པནེ’ཏྱཱདི, ཏེ ཧི དུཏིཡམྤི པཀྑམབྦྷུཔགམྨ ཨུཔཙཱརམཏྟཏོ བྷེདོ, ཝཏྠུཏོཏྭབྷེདོ ཝཱཏི པོནོཔུཉྙེན ཏཾ སཱདྷེནྟི. ཀཐམྤན སདོསཏྟཾ ཡེནཱཡཾ ན གཧིཏོཏྱཱཧ- ‘ཏཐཱཧི’ཙྩཱདི, ཎྱོ ནསིཡཱཏི ‘‘ཏསྶ བྷཱཝཀམྨེསུ ཏྟ ཏཱ ཏྟན ཎྱ ཎེཡྻ ཎིཡ ཎིཡཱ’’ཏི (༤-༥༩) བྷཱཝེ ཝིདྷཱིཡམཱནོ ཎྱོ དྭིཔྤཡོགཔཀྑེ སདྡབྷེདསབྦྷཱཝཱ པུན པུནེཏི སམུདཱཡསབྷཱཝཏོ པུནཔུན བྷཱཝོཏི ཨཏྠེ པུནཔུན སམུདཱཡཏོ ན བྷཝེཡྻཱཏི ཨཏྠོ, ན ཀེཝལཾ ཎྱོཝ, ཨཐ ཁོ ཨེཀཔདནྟོགདྷཱནཾ སརཱནཾ སརཱནམཱདིབྷཱུཏསྶུཀཱརསྶ བྷཝནྟོ ཨོཀཱརོཔི ‘‘སརཱནམཱདིསྶཱ ཡུཝཎྞསྶཱ ཨེཨོ ཎཱནུབནྡྷེ’’ཏི (༤-༡༢༤) ན སིཡཱ, ‘‘མནཱདྱཱཔཱདཱིནམོམཡེ ཙ ‘‘ཨིཏི (༣-༥༩) ཨོཀཱརོ པན པཀྑདྭཡེཔི ཧོཏེཝ… ཨུཏྟརཔདསྶ ནིམིཏྟབྷཱཝེན གཧིཏཏྟཱ, པུབྦཔཀྑེཔི ཧི དྭེ སདྡརཱུཔཱནྱེཝཱདིསཱིཡནྟེཏི ཧོཏེཝ པད བྷེདོ, ཝཀྑཏི ཧི ‘སཏཱིཔི ཨཏྟགཏེ བྷེདེ’ཏི. ནནུ ཨཱཝུཏྟིདྷམྨབྷེད སདྡསྶུཔཙརིཏོ བྷེདོ, སརཱུཔཏོ ཏྭབྷེདོཝ, ཨཉྙཐཱ ཨཱཝུཏྟིཡེཝ ¶ ན སིཡཱ, ཨེཀསྶ ཧི ཝཏྠུནོ ཨཱཝུཏྟི ཧོཏིཙྩཱཧ‘ནཱནྟརེནེ’ཙྩཱདི, ཨཉྙཐེཏི ཨུཔཙརིཏོ བྷེདོ ན སབྷཱཝཏོཏི ཙེ, ཀཱརིཡམྦྷཝཏཱིཏི ཨེཝི ན སཀྐཱ ཝཏྟུནྟི སམྦནྡྷོ, སབྷཱཝཏོ ཏྭབྷེདོ ཝཱཏི ཨུཔཙཱརཱབྷཱཝེན ཝཏྠུཏོ ཝིཛྫམཱནབྷེདམཝདྷཱརཡཏི, ཨཉྙཐཱཏི ཡདི བྷེདོ སིཡཱ, ཨཱཝུཏྟིཡེཝ ན སིཡཱཏི ཨེཏྠཱཡམདྷིཔྤཱཡོ ‘‘ཡདི སབྷཱཝཏོཝ བྷེདོ བྷིནྣསྶ པན ཀཐམཱཝུཏྟི སིཡཱ’’ཏི, ཋཱནིསདིསཏྟཱཏི ‘‘ཋཱནཱིཝིཡཱདེསོ’’ཏི པརིབྷཱསམུཔལཀྑེཏི.

ཀིརིཡཱཡཱཏིཨཱདཱིསུ སཧཏྠེ ཏཏིཡཱ… ཀིརིཡཱདཱིཧི དབྦཱདྱཏྠཱནཾ ཝཏྟུ [ཀཏྟུ] བྱཱཔནིཙྪཱཔཝཏྟིཏོ, དེསཱདཱིཏི ( ) [(ཧི) (པོཏྠཀེ)] ཨཱདིསདྡེན ཀཱལཱཝཏྠཱདིཾ སངྒཎྷཱཏི, ནཱནཱཀཱརཡུཏྟམེཝ བྷིནྣཾ ནཱམ ཧོཏཱིཏི ཨཱཧ-‘ཨནེཀཔྤཀཱརཡུཏྟེ’ཏི, བཧུཝཙནནིདྡེསཏོ ཝུཏྟཾ ཧོཏཱིཏི སམྦནྡྷོ, ཏེནཱཏི ཡེན བཧུཝཙནནིདྡེསེན སཀིཾ བྱཱཔནིཙྪཱ ཛོཏཱིཡཏི ཏེན ཀརཎབྷཱུཏེན ཧེཏུབྷཱུཏེན ཝཱ, ཀམེན བྱཱཔིཏུམིཙྪཱཡཾ ཛཱཏིཨཱདཱིནཉྩ བྱཱཔིཏུམིཙྪཱཡནྟི སམྦནྡྷོ, ཏཏྠ ཨཡཉྩ གཱམོ རམཎཱིཡོ ཨཡཉྩ གཱམོ རམཎཱིཡོཏི ཀམེན བྱཱཔིཏུམིཙྪཱ, ཨེཏྠ ཀིཉྩཱཔི རམཎཱིཡགུཎེན གཱམདབྦཡོགོ ཨཏྠི, ཏཐཱཔི གཱམཱནཾ གུཎེན ཡོགོ, སབྦོ གཱམོ རམཎཱིཡོཏི བཱཧུལླེན, ནཏྠི སཱཀལླེན [ཀམེན (པོཏྠཀེ)] བྱཱཔིཏུམིཊྛཏྟནྟི སཀལབྱཱཔནིཙྪཱཡཱབྷཱཝོཏི ན དྭིབྦཙནཾ, ཨེཝམུཔརི ཡོཛེཏྭཱ ཨཏྠོ དཊྛབྦོ, སམྤནྣོ ཡཝོཏི སམྤནྣགུཎེན ཡཝཛཱཏིཡཱ བྱཱཔིཏུམིཙྪཱ, ཨེཀཏྠཱ ཛཱཏི, ཨནེཀཏྠ ནིསྶཡཱ ཝིཙྪཱ [ཨེཀཏྠཱཛཱཏི, ཨེཀམཏྠཾ ཉཱཔཡིསྶཱམཱིཏི ཛཱཏིསདྡོ པཡུཛྫཏེ ཨནེ ཀཏྠནིསྶཡཱཙ ཝིཙྪཱ, ཨནེཀཏྠཾ སཉྙཱཔཡིསྶཱམཱིཏི ཝིཙྪཱཔཡུཛྫཏེ-ཏི མཧཱབྷསྶེ], སོབྷནཾ དྷཝཁདིརནྟི སོབྷནགུཎེན དྷཝཱདིདབྦཱནཾ བྱཱཔིཏུམིཙྪཱ, ཨཏྠསདྡེནེཏྠ དབྦཱདཡོ ཝཏྟུམིཊྛཱཏི ཨཱཧ-‘དབྦགུཎཀིརིཡཱལཀྑཎེ’ཏི, ཝིསདྡོ པནེཏྠ བྱཱཔནཏྠོཏི ཨཱཧ-‘བྱཱཔིཏུཾ སམྦནྡྷིཏུ’ནྟི, སཱཏི ཝིཙྪཱ, ཝཏྟུདྷམྨོཏི ‘རུཀྑཾརུཀྑ’མིཙྩཱདིཀཾ ཡོ ཝདཏི, ཏསྶ ཝཏྟུནོ དྷམྨོ… ཨིཙྪཱལཀྑཎསྶ དྷམྨསྶ ཏཔྤཊིབདྡྷཏྟཱ ¶ , སདྡོཏི རུཀྑམིཙྩཱདིཀོ, ཏསྶ སདྡསྶ ཡཾ རཱུཔཾ ཨཏྟ བྷཱཝོ, ཏམེཝ པཙྩཱསཏྱཱ ‘‘སུཏཱནུམིཏེསུ སུཏསམྦནྡྷོཝ བལཝཱ’’ཏི ཝིཙྪཱ བྷིཀྑཉྙེསུ ཝཏྟམཱནསྶ སུཏསྶེཝ ཏསྶ རཱུཔསྶ པཙྩཱསནྣབྷཱཝཏོ དྭིསངྑྱཱ ཡུཏྟཾ དྭིསངྑཱཏཱཡ སངྑྱཱཡ ‘རུཀྑཾ རུཀྑ’མིཙྩེཝཾ ཡུཏྟཾ ཨཏིདིསཱིཡཏེ སུཏྟེ དྭེཨིཙྩནེན, དྭིབྦཙནསྶེཝ [དྭིབྦཙནམེཝ (པོཏྠཀེ)] ཧི དྭིསངྑྱཱཡུཏྟཏཱ, ཨཐ ཀཏམེཀཝཙནནྟསྶ དྭིབྦཙནཾ, ཏཐཱཧི སབྦེཡེཝེཏེཏྠ ཝིཙྪཱཡཾ དྭིཏྟེཧྱབྷིདྷཡནྟེཏི བཧཏྟཱ བཧུཝཙནཾ པཔྤོཏི, ཨེཀཝཙནནྟུ ན སིཛ྄ཛྷཏི ‘རུཀྑཾ རུཀྑཾ སིཉྩཏཱི’ཏི ཨེཀཏྠཱབྷིདྷཱནབྷིནྣསབྦརུཀྑཔྤཏཱིཏཱིཏི ཀཐམེཀཝཙནནྟསྶ དྭིབྦཝཙནནྟཱི ཨཱསངྐིཡཱཧ-‘ཏཏྠེ’ཙྩཱདི, ཨཏྠསཱམཏྠིཡཱཏི ‘བཧུཝཙནནྟཔྤཡོགེཧི’ཙྩཱདིནཱ ཝཀྑམཱནནཡེན བཧུཝཙནནྟཔྤཡོགེནེཝ ཝིཙྪཱཏྠཛོཏནཏོ ན ཏཏྠ དྭཱིབྦཙནཾ སིཡཱ, བྷཝིཏབྦཉྩ དྭིབྦཙནེ (ན, ཨེ) ཀཝཙནཏྟམནྟརེན ན ཙཱཏྠི དྭིབྦཙནཱཝཀཱ སོཏི པཏཱིཏི བལཱཝགཏོ ཡོ-ཏྠོ, ཏསྶ ཨཏྠསྶ ཨཉྙཐཱནུཔཔཏྟིལཀྑཎཾ སཱམཏྠིཡཾ ཨཏྠསཱམཏྠིཡཾ, ཨཏྠསཱམཏྠིཡཱ ཨེཀཝཙནནྟསྶ དྭཱིབྦཙནནྟི སམྦནྡྷཱ, ཀིརིཡཱདིཡོགནྟི ཀིརིཡཱགུཎཱདི སམྦནྡྷོ, མནྟྭཱཏི བྱཱཔིཏུམིཙྪཱཡནྟཱིམསྶ པུབྦཀིརིཡཱཝཙནཾ, ཨབྷིསཾཧརིཏྭཱཏི ཨེཀཏོཀཏྭཱ. སདྡསྶ ཏཱདིསཏྠཔཙྩཱཡཀཏྟེ སཱམཏྠིཡཾ སདྡསཏྟི [སདྡསྶ]. ཡུགཔདཱདྷིཀརཎཏཱཡཾ སཧཝཙནིཙྪཱཡཾ བཧུཝཙནཔྤཝཏྟིཡེཝ, ན ཏཏྠ དྭིབྦཙནནྟི དསྶེཏུམཱཧ-‘ཨཏོཡེཝེ’ཙྩཱདི, ཨཏོ ཡེཝཱཏི བཧུཝཙནནྟསྶ སདྡསཏྟིཡཱ ཝིཙྪཱཛོཏནཏོ དྭིབྦཙནཱབྷཱཝཱཡེཝ, ཨེཝམཉྙཏེ- ‘ཨིདྷ པན ཡོགཔཛྫཾ དུཝིདྷཾ སདྡཡོགཔཛྫཾ ཨཏྠཡོགཔཛྫཉྩ, ཏཏྠ ཀིཉྩི སཱཏྠཀཱནཾ སདྡཡོགཔཛྫམཏྠཡོག པཛྫཾ ན སམྦྷཝཏཱིཏི, ཡུགཔདི ཨདྷིཀརཎཾ དྷཝཱདི ཨཏྠོ ཡསྶ སོདྷཝཁདིརཔལཱསསདྡོ ཡུགཔདཱདྷིཀརཎོ, ཏསྶ བྷཱཝོ ཏཐཱ, ཏསྶཉྩ སཏི, སདྡཡོགཔཛྫམནྟརེན བྷིནྣཏྠཱནམེཀསདྡཝཙནཱིཡཱན མེཀཏོ པཔཏྟི ཨཏྠཡོགཔཛྫཾ, ཏཾ སཧཝཙནིཙྪཱཡནྟི ཨིམིནཱ དསྶིཏནྟི ཏསྶཾ སཧཝཙནིཙྪཱཡཉྩ སཏི, སོབྷནཱ དྷཝཁདིརཔལཱསཱ སོབྷནཱ རུཀྑཱཏི སོབྷནགུཎཡོགེཔི བཧུཝཙནེནེཝ ཝིཙྪཱཛོཏནཏོ ¶ དྭིབྦཙནཱབྷཱཝོཏི, སོབྷནཾ དྷཝཁདིརནྟི པན སཏཱིཔི སདྡཡོགཔཛྫེ སམཱཧཱརཏྟཱ ནཏྠཏྠཡོགཔཛྫ [ནཱཏྭཡཱགཔཛྫ (པོཏྠཀེ)] ནྟི ཨེཀཝཙནནྟཏྟཱ དྭིཏྟཔྤསངྒེཔི སོབྷནཾ དྷཝཁདིརནྟི སདྡཱནཾ སཀིཾ བྱཱཔནིཙྪཱཡཱབྷཱཝཱ ན དྭིབྦཙནནྟི ཧེཊྛཱ ཝུཏྟཾ.

ཝཱཏྟིཀཀཱརེན ‘‘ཨཱནུཔུབྦིཡེ དྭེ བྷཝནྟཱིཏི ཝཏྟབྦ’’ནྟི (༨-༡-༡-ཝཱ) ཝུཏྟཾ, ཏདཱཧ-‘ཨཱནུཔུབྦིཡེཔི’ཙྩཱདིནཱ, ཨཏྠེཝཱནུཔུབྦིཡེཔི ཝིཙྪཱ ཏཏོཝ དྭིཏྟནྟི པཊིཔཱདཡ ‘མཱནུཔུབྦིཡ’མིཙྩཱདིནཱ ‘ཨཏྠིཡེཝེཙྩཱདིནོ ཝུཏྟིཝཱཀྱསྶ ཝིཝརཎམཱཧ. གཱམཛཱཏིཡཱ ཏུལྱཛཱཏིཡཱནཾ དིསཱ དེསཱདིབྷེདེན བྷིནྣཱནམིཝ གཱམཱནཾ, ན ཨེཏྠ ཝིཙྪཱ, མཱུལམགྒཾ ཝཱ ཧི མུཁྱ མེཀམེཝ… ཧེཊྛུདྡྷབྷཱགནྟརཱབྷཱཝེནེཀཏྟཱ, ཡེནུཔརིཡདྷོ བྷཱགཱཔེཀྑཱཡ ཀཏམཱུལགྒབྱཔདེསེན བྷིནྣཛཱཏིཡཱ མཱུལགྒབྷཱགཱ, ཏེ བྷིནྣཛཱཏིཡཱ, ན ཙ བྷིནྣཛཱཏིཡཱནཾ ཝིཙྪཱ ཧོཏི, ན ཧི གོགོཏི ཝུཏྟེ (ཝཱཧཱིཀ)གཏཱ ཝིཙྪཱཝགམྱཏེཏི ཨཱཙརིཡཛིནིནྡབུདྡྷིནཱ ཨཱནུཔུབྦིཡེ ཝིཙྪཱཡཱབྷཱཝཾ པཊིཔཱདིཏཾ, ཏཾ ཝིགྷཊཡིཏུཾ ‘ཡདི ཧི’ཙྩཱདིནཱ ཡཾ ཝུཏྟིཡཾ ཝུཏྟཾ, ཏཾ ཝིཔཉྩིཏུམཱཧ- ‘ཡཐེ’ཙྩཱདི, ནསནྣིཝིཊྛོཏི ན པཏིཊྛིཏོ, ནཏྠཱིཏི ཝུཏྟཾ ཧོཏི, ཡསྶཱུཔརིབྷཱགོ ཨཏྠི ཏམྤི མཱུལནྟི མཱུལ བྱཔདེསསྶཱཔེཀྑཱ ཀཏཏྟམཱཧ, ཨུབྷཡནྟི མཱུལམགྒཉྩ, ཏཐཱ ཨཉྙེཔི མཱུལགྒབྷཱགཱཏི ཨིམིནཱ མཱུལགྒབྷེདཱནཾ ཧེཊྛཱ ཝིཡ གཧཎེ སཏི བཧུཏྟམཱཧ, པུབྦཀཐིཏེནཱཏི ‘རུཀྑཱདཱིནཾ བཱཧུལླེནཱ’ཏིཨཱདིནཱ པུབྦེ ཝུཏྟནཡེན, ཨིདཾ ཝུཏྟཾ ཧོཏི ‘‘མཱུལཱདཱིནཾ བཱཧུལླེན ཐཱུལཱདི གུཎཡོགམྨནྟྭཱ སཏྟམཱིཝིབྷཏྟིཡུཏྟེན མཱུལཱདིསདྡསཧིཏེན སབྦ སདྡེན མཱུལཱདིཀམཏྠམབྷིསཾཧརིཏྭཱ སབྦསྨིཾ མཱུལེ ཐཱུལཱ སབྦསྨིཾ ཨགྒེ སུཁུམཱཏི ཨེཝཾ (ཝཏྟུནོ) བྱཱཔིཏུམིཙྪཱཡམེཀཝཙནནྟསྶ ཝིཙྪཱཡནྟྭེཝ དྭིབྦཙན’’ནྟི.

ཛེཊྛཱནཾ ཝིཙྪཱསམྦྷཝེ སབྦཀནིཊྛསྶ ཛེཊྛཏྟཱབྷཱཝཱནུཔྤཝེསོ ན སིཡཱཏི ཨཱནུཔུབྦིཡམཏྟཝཙནིཙྪཱཡཾ ཏེནེཝ དྭིཏྟམབྷིཧིཏཾ ‘ཛེཊྛཾ ཛེཊྛམནུཔྤཝེསཡཱ’ཏི ཏེནེཝཱཙརིཡེན, ཏདདྷུནཱ ཝིགྷཊཱིཡཏི ‘ཛེཊྛ’ མིཙྩཱདིནཱ ¶ , ཀནིཊྛོཔི པཝེསཱིཡཏཱིཏི ཀནིཊྛསྶཔི ཝིཙྪཱསམྦྷཝམཱཧ, ཏཏྠ ཀཱརཎམཱཧ-‘ཡཐེཝ ཧི’ཙྩཱདི, པརསྶཱཏི མཛ྄ཛྷིམསྶཱཏི ཨེཏྠ ཝིསེསནཾ, ཀནིཊྛསྶཱཔི ཛེཊྛབྱཔདེསོཏི སམྦནྡྷོ, ཡཐཱཝུཏྟམེཝ སམཏྠེཏི ‘ཝཏྟིཙྪཱནིབནྡྷནེ ཧི’ཙྩཱདིནཱ, ཝཏྟིཙྪཱདིབནྡྷནེཏི ཝཏྟུནོ ཨིཙྪཱ ནིབནྡྷནཾ ཀཱརཎམསྶཱཏི སམཱསོ, ཝཏྠུསབྷཱཝེ ཝཏྠུ ཏཏྠེ, ཨབྷིནིཝེསོ པཝཏྟི, ནཱབྷིསམྦྷུཎཱཏི ན པཔྤོཏི.

‘‘སཀཏྠེ ཝདྷཱརིཡམཱནེ ནེཀསྨིཾ དྭེ བྷཝནྟཱིཏི ཝཏྟབྦ’’ནྟི (༨-༡-༡༢-ཝཱ) ཝཱཏྟིཀཀཱརེན ཝུཏྟཾ, ཏདཱཧ ‘སཀཏྠེ’ཨིཙྩཱདི, ཨཏྠཔྤཀཱརཎཱདྱནཔེཀྑསྶ པདསྶ ཨཏྠེ སཀཏྠེ ཨཝདྷཱརིཡམཱནེ ཨེཏྟཀམེཝེཏི གམྨམཱནེ ཨནེཀསྨིཾ དིཡྻམཱནེ དྭིབྦཙནམིཊྛཾ མཏཾ པཱཎིནིཡཱནནྟི ཨཏྠོ, ཨཡམྤནེསམདྷིཔྤཱཡོ ‘མཱསཀཾ མཱསཀཾ ཨིམམྷཱ ཀཧཱཔཎཱ བྷཝནྟཱནཾ དྭིནྣཾ དེཧཱི ཏྱཏྲ དྭེ ཨེཝ མཱསཱ དཱཏུམིཙྪིཏཱ, ཀཧཱཔཎཾ ནཱམ–

ཙཏྟཱརོ ཝིཧཡོ གུཉྫཱ, དྭེགུཉྫཱ མཱསཀོ བྷཝེ;

དྭེ ཨཀྑཱཝ མཱསཀཱཔཉྩ,ཀྑཱནཾ དྷརཎམཊྛཀཾཏི.

ཝུཏྟཝིདྷིནཱནེཀམཱསཀསམུདཱཡོ, ཏཏྠ ན སབྦེ ཀཧཱཔཎ སམྦནྡྷིནོ མཱསཱ དཱནཀིརིཡཱཡ བྱཱཔིཏཱ, དྭེཡེཝཱཏི ནེཏྠཏྠ ཝིཙྪཱཏི ཡཐཱཝུཏྟཝཏྟབྦེན དྭིབྦཙན’’ནྟི, ཏཾ དསྶེཏྭཱཏི ཏཾ དྭིབྦཙནོདཱཧརཎཾ དསྶེཏྭཱ, པཊིཔཱདཡིཏུཾ ཝིཙྪཱཡམེཝ དྭིཏྟཾ དསྶེཏུཾ… མཱསཀཾ མཱསཀམིཙྩཱདོཏྭཡམདྷིཔྤཱཡོ-‘‘དེཧཱིཏི དཱནཀིརིཡཱཡ མཱསྶ བྱཱཔིཏུམིཊྛཱཏི ཝིཙྪཱཡམེཝེཏྠ དྭིབྦཙནཾ, ཏཐཱཧྱཏོ དྭིརུཏྟཱ ཝིཙྪཱཝ གམྱཏེ’’ཏི, སདྡནྟརཏོཙྩཱདིཀཾ ཀིམཱསངྐིཡ ཝུཏྟནྟི ཨཱཧ‘དེཧཱི’ཏིཨཱདི, ཨཝདྷཱརཎེ པཏཱིཡམཱནེཏི ཀཧཱཔཎསམྦནྡྷིནི བཧུམྷི མཱསཀསམུདཱཡེ མཱསཀདྭཡནིཙྪཡེ ཝིཉྙཱཡམཱནེ སཏི, ཨཝིསེསེན སཱམཉྙེན མཱསཱནཾ དེཧཱིཏི དཱནཀིརིཡཱཡ བྱཱཔནཱ བྷཱཝཱཏི སམྦནྡྷོ, སདྡནྟརཏོཙྩཱདིནོ སཱདྷིཔྤཱཡམཏྠམབྷིདྷཱཏུམཱརབྷཏེ ‘པདེནེ’ཙྩཱདི, ཨེཏྠ པདེནཱཏི མཱསཀམིཙྩནེན པདེན, ཨིམམྷཱ ཀཧཱཔཎཱཏི ཨིདམེཏྠ སདྡནྟརཾ, ཀཏཱབྷིསངྑརཎསྶཱཏི མཱསཀཾ མཱསཀམིཙྩེཝཾ ¶ ནིཔྥཱདིཏསྶ, སདྡནྟརཏོཏི ཨིམིནཱ པདནྟརཡོགོ གཧིཏོཏི ཨཱཧ-‘པདནྟརེན ཡོགཏོ’ཏི ཨཡམེཏྠཱདྷིཔྤཱཡོ ‘‘དྭིཏྟཀརཎཀཱལེ སདྡནྟརཝཙནཱིཡསྶཏྠསྶཱནཔེཀྑིཏཏྟཱ མཱསཀཾམཱསཀནྟི ཨཝིསེསེན མཱསཀཝིཙྪཱཡཾ དྭིཏྟཾ, ཏདནུ པན ཨིམམྷཱ ཀཧཱཔཎཱཏིསདྡནྟརསམྦནྡྷེ སཏི ཡདི ཀཧཱཔཎསམྦནྡྷྱ ན ཝསེསམཱསཀཝིཙྪཱ པརིགྒཡ྄ཧཏི ཏདཱ ཨིམསྶ ཀཧཱཔཎསྶཱཏི ཚཊྛིཡཱ བྷཝིཏབྦཾ, ཨིམམྷཱ ཀཧཱཔཎཱཏི པན ཨཝདྷིཔཉྩམཱིནིདྡེསཏོ ཀཧཱཔཎཏོ དྭཡམེཝ གཧེཏྭཱ བྷཝནྟཱནཾ དྭིནྣཾ དེཧཱིཏི ཨིམམྷཱ ཀཧཱཔཎཱཏི སདྡནྟརཏོཝདྷཱརཎཾ གམྱཏེ’’ཏི.

‘‘པུབྦཔཋམཱནམཏྠཱཏིསཡཝཙནིཙྪཱཡཾ དྭེ བྷཝནྟཱིཏི ཝཏྟབྦ’’ནྟི (༨-༡-༡༢-ཝཱ) ཝུཏྟཾ, ཏདཱཧ-‘པུབྦཔཋམཱནཾ མིཙྩཱདི, པུབྦཔཋམཱནཾ པུབྦཔཋམ སདྡཱནཾ ཨཏྠཱཏིསཡོ ཡོ ཨཏྠསྶ པཀཾསོ, ཏསྶ ཝཙནིཙྪཱཡཾ, སབྦཔཋམབྷཱཝསངྑཱཏ ཨཏྠཱཏིསཡམཏྟཱཝ ཝཙནིཙྪཱཏི ན ཨེཏྠ ཝིཙྪཱཏི ཏེསམདྷིཔྤཱཡོ, ཝིཀསནཀིརིཡཱཡ པཱཀཀིརིཡཱཡཱཏི ཝུཏྟེཔི ཝིཀཱསཀརཎཀིརིཡཱཡ པཱཀཀརཎཀིརིཡཱཡཱཏི ཨཏྠསམྦྷཝཏོ ‘པུབྦཾ པུབྦཾ པུཔྥ’ནྟི ཏྱཱདོ, པུབྦཾ པུབྦཾ ཝིཀསནཾ ཀརོནྟི, པཋམཾ པཋམཾ ཝཙནཾ ཀརོནྟཱིཏི ཀིརིཡཱཝིསེསནཝསེན ཨཏྠོ དཊྛབྦོ, པུབྦཱཏི མཏཱ པཋམཱབྷིམཏཱཏི ཨིམིནཱ པུབྦཔཋམབྷཱཝེནཱབྷིམཏཱནཾ བཧུཏྟ བྱཱཔནེན ཝིཙྪཱསབྦྷཱཝེ ཀཱརཎམཱཧ.

‘‘ཌཏར ཌཏམཱནཾ སམསམྤདྷཱརཎཱཡམིཏྠཱིནིགདེ བྷཱཝེ དྭེ བྷཝནྟཱིཏི ཝཏྟབྦ’’ནྟི (༨-༡-༡༢-ཝཱ) ཝུཏྟཾ, ཨེཏྠ ཨིཏྠིལིངྒསདྡོ ཨིཏྠིལིངྒཡོགཱ ཨིཏྠཱིཏི ཝུཏྟོ, ནིགདྱཏེནེནེཏི ནིགདོ, ཨིཏྠཱི ནིགདོ ཡསྶ སོ ཨིཏྠིནིགདོབྷཱཝོ, ཏསྨིཾ ཨིཏྠཱིནིགདེ བྷཱཝེ, ཏདཱཧ-རཏརརཏ མནྟཱན’མིཙྩཱདི, ཨིཏྠིལིངྒེཏི ཨིཏྠིལིངྒཾ ཡསྶ སོ ཨིཏྠིལིངྒོབྷཱཝོ, ཏསྨིཾ ཨིཏྠིལིངྒེ བྷཱཝེ ཝཏྟམཱནཱནཾ རཏརརཏམནྟཱནཾ དྭིབྦཙནམབྷིམཏནྟི སམྦནྡྷོ, ཀསྨིཾ ཝིསཡེཏི ཨཱཧ-‘སམསམྤདྷཱརཎ ཝིསཡེ’ཏི, སམེན ཨཌྜྷཏཱདིནཱ གུཎེན ཨིམེ ཨུབྷོ ཨཌྜྷཱ ཨིཏྭེཝཾ རཱུཔཱ སམྤདྷཱརཎཱ ནིརཱུཔནཱ ཨཝབོདྷོ སམསམྤདྷཱརཎཱ, སཱཨེཝ ཝིསཡོ, ཏསྨིཾ སཏི, ཨཌྜྷཏཱཡ བཧུཝིདྷཏྟཱབྷཱཝཱ ཀིརིཡཱདིཡོ གཱབྷཱཝཱ ¶ ཙ ནཏྠེཏྠ ཝིཙྪཱཏི ཏེསམདྷིཔྤཱཡོ, པུཙྪིཡམཱནཱཏི ཨིམིནཱ ཨིམེ ཨུབྷོ’ ཨིཙྩཱདཱིནཾ པུཙྪཱཝཱཀྱཏཾ དསྶེཏི.

པརབྱཝཧཱརེནཱཧ-‘ཨཱཁྱཱཏཱདཱིནཾ ཝིསཡཏྟ’ནྟི, ཨིམིནཱ ཨཱཁྱཱཏཱདཱིནམེཝ ཀིརིཡཱཛོཏཀཔདབྷཱཝེན པོནོཔུཉྙསངྑཱཏཀིརིཡཱ དྷམྨསྶ དྷནསམེཝ ཝིསཡཏྟཾ དཱིཔེཏི, ཨཏིསཡཝིསིཊྛནྟི ཨིམིནཱ པཔཙཏིསདྡེཔཀཱརོ པཀཾསཏྠ ཛོཏཀོ ཨུཔསགྒོཏི དསྶེཏི, ཧིཝིདྷིམྷཱིཏི’ལཱུ-ཙྪེདནེ’ཨིཙྩསྨཱ ཝིདྷིམྷི ཧིཔྤཙྩཡོ ‘‘པཉྷཔཏྟནཱཝིདྷཱིསུ’’ཏི (༦-༩) ཨིམིནཱ སུཏྟེནཱཏི ཨཏྠོ, ཨོསྶཱཏི ‘‘ཡུཝཎྞཱནམེཨོཔཙྩཡེ’’ཏི (༥-༨༢) ཨོཀཱརསྶ, ‘པུབྦེཀ-ཀཏྟུཀཱན’’ (༥-༦༢) མིཙྩེཝཱཏི ཨེཝཀཱརེན པརེསམིཝཱཡམཔྱཱབྷིཀྑཉྙེ པཙྩཡོ ཙེ ཝིདྷཱིཡཏེ, ཏདཱ པཔཙཏིཨིཙྩཏྲ ཝིཡ ཨཱབྷིཀྑཉྙེ ཝིདྷཱིཡམཱནེན པཙྩཡེནེཝ ཨཱབྷིཀྑཉྙཏྠསྶ པཀཱསིཏཏྟཱ ན དྭིབྦཙནེན བྷཝིཏབྦནྟི དསྶེཏི, ཡདཱ ཏུ བྷུསཾ པུནཔྤུནཾ པཙཏཱིཏི ཝཙནིཙྪཱ ཏདཱཔི པཔཙཏཱིཏི བྷཝཏྱེཝ.

ཨིཧ ཨིམསྨིཾ ཨུདཱཧརཎེ, ཨཱབྷིཀྑཉྙེ ཨིཙྩེཝཱཏི ཨིམིནཱ ཨནུཀརཎམཏྟམེཝེཏཾ ནཏྠེཏྠཱབྷིཀྑཉྙནྟི པཱཎིནིཡཱ སུཏྟནྟརེན དྭིཏྟམྤཊིཔཱདེནྟི, ནཏྠེཏྠ ཏཱདིསེན ཝཙནེན པཡོཛནཾ, ཨཱབྷིཀྑཉྙེཡེཝ དྭིབྦཙནནྟི དསྶེཏི, ཨེཝམཉྙཏེ ‘‘པཊཨིཙྩེཏམནུཀརཎཾ བྷཝན ཀིརིཡམྤཏི ཝཏྟཏཱིཏི [བྷཝནཀིརིཡཱམཏཱི ཝུཏྟཱིཏི (པོཏྠཀེ)] ཀིརིཡཱདྷམྨཾ པོནོཔུཉྙམེཏྠ ཨཏྠེཝཱ’’ཏི, ཏེནེཝ ཝཀྑཏི-‘པཊཔཊཱ བྷཝཏཱིཏི ཨཱབྷིཀྑཉྙེ དྭིབྦཙན’ནྟི, ཨནིཏིསྨིནྟི ཨིཏིསདྡེ ཨཝིཛྫམཱནེ, རཱཔྤཙྩཡོཏི པཋམཾ དྭིཏྟེ ཀཏེ པཙྪཱ རཱཔྤཙྩཡོ, རཱཔྤཙྩཡམཀཏྭཱཔི པཀཱརནྟརེན སཱདྷེཏུམཱཧ- ‘ཨཐཝཱ’ ཨིཙྩཱདི, དཱིགྷོ ནིཙྩནྟི པཋམཾ དྭིཏྟེ པཊཔཊཀརོཏཱིཏི ཋིཏེ ནིཙྩཾ དཱིགྷོ, པཊཔཊཱ ཀརོཏཱིཏི ཨེཏྠ ནིཔྥཏྟིཾ དསྶེཏྭཱ ཨིདཱནི པཊཔཊཱཡཏཱིཏི ཨེཏྠ དསྶེཏུཾ པཊཔཊཱཡཏཱིཏིཨཱདི ཨཱརདྡྷཾ.

༥༥. སྱཱདི

ཨེཀསྶ ཨེཀསྶ ཨིཏི ཋིཏེ པུབྦཝིབྷཏྟིཡཱ ལུཏྟེ སཾཧིཏཱཡཉྩ ཀཏཱཡཾ ཨེཀེཀསྶ, ཨེཝཾ མཏྠཀེན མཏྠཀེནཱཏི ཋིཏེ མཏྠཀ མཏྠཀེནཱཏི.

༥༦. སབྦཱ

ཨཉྙཾ ¶ ཨཉྙནྟི ཋིཏེ ཨིམིནཱ ཝིབྷཏྟིཡཱ ལོཔེ ཨཀཱརསྶ ‘‘ཏདམིནཱ’’ (༡-༤༧) དིནཱ ཨོཀཱརེ ཨཉྙོཉྙནྟིཔི ཧོཏི.

༥༧. ཡཱཝ

ཡཱཝབོདྷནྟི ‘‘ཡཱཝཱཝདྷཱརཎེ’’ཏི (༣-༤) ཨསངྑྱསམཱསོ.

༥༨. བཧུལ

ཀྭཙི པཝཏྱཔྤཝཏྟི, ཀྭཙཉྙཾ ཀྭཙི ཝཱ ཀྭཙི;

སིཡཱ བཧུལསདྡེན, ཝིདྷི སབྦོ ཡཐཱགམཾཏི.

ཨིཏི མོགྒལླཱནཔཉྩིཀཱཊཱིཀཱཡཾ སཱརཏྠཝིལཱསིནིཡཾ

པཋམཀཎྜཝཎྞནཱ སམཏྟཱ.

༢. དུཏིཡཀཎྜ ཝཎྞནཱ

༡. དྭེདྭེ

ཨཝཡཝསམྦནྡྷེཏི སྱཱདྱཝཡཝཱིསམུདཱཡེན དྭེདྭེཏི ཝུཏྟཱནམཝཡཝཱནཾ སམྦནྡྷེ, ཨཏེཏྠ ཝུཏྱནུཀཱུལཱཡ པཉྩིཀཱཡ ཝཱ བྷཝིཏབྦཾ, པཉྩིཀཱནུ ཀཱུལཱཡ ཝུཏྟིཡཱ ཝཱ, ན ཙེཏྠ དྭིནྣམཉྙོཉྙཱནུཀཱུལཏཱ དིསྶཏི, ཏཐཱཧི ཝུཏྟིཡཾ-‘ཨེཀཱནེཀཏྠེསུ ཝཏྟམཱནཏོ ནཱམསྨཱ’ཏི ཨེཏྟཀམེཝ པཀཏིཝིསེསནཝསེན ཝུཏྟཾ, པཉྩིཀཱཡནྟུ ཏབྦིསེསན ཝསེན ཙ པཙྩཡཏྠཝིསེསནཝསེན ཙ ཨཏྠོ དསྶིཏོ, ཏདེཝ མུབྷིནྣནྣཱཉྙམཉྙཱནུཀཱུལཏཱ དིསྶཏི, ཏཏོ ཨེཏྠ ཡཐཱ དྭིནྣམཉྙོཉྙཱནུཀཱུལཏཱ སམྤཛྫཏི, ཏཐཱ བྱཱཙིཀྑིསྶཱམ ‘‘ཡདི པནེཏྠ ཝུཏྱཱནུཀཱུལཱ པཉྩིཀཱ བྷཝེཡྻ པཙྩཡཏྠཔཀྑོ ཛཧིཏབྦོ སིཡཱཏི ‘ཏེ…པེ… ཨེཀཱནེཀཏྠེསུ’ཏི ཙ, ཏེན…པེ… ཡོཛནིཡ’ནྟི ཙ ཨེཏེསཾ ཛཧིཏབྦཏཱཡ བཧུཔཱཋཝིལོཔོ ཨཱཔཛྫཏི, ཡདི པན པཉྩིཀཱནུཀཱུལཱ ཝུཏྟི བྷཝེཡྻ ཝུཏྟིཡཾ ཀིཉྩིམཏྟཾ པཀྑིཔིཏབྦ མཏྟམེཝ སིཡཱཏི བཧུཝིལོཔཱཔཏྟི (ན) ཧོཏཱིཏི ཨེཏེསཾ དྭེདྭེ ཧོནྟི ཨེཀཱནེ ཀཏྠེསུ ཝཏྟམཱནཏོ ནཱམསྨཱ’ཏི ཝུཏྟིཡཱ བྷཝིཏབྦ’’ནྟི, ཨེཝཉྷི སཏི སཏྠནྟརེནཱཔི སཧ གྷཊཏེ, སུཏྟེ ‘དྭེདྭེཀཱནེཀེསུ ནཱམསྨཱ’ཏི ཝུཏྟཏྟཱ ‘ཨེཀཱནེཀེསཱུ’ཏི ཨིདཾ པཙྩཡཝིསེསནཾ ཝཱ ཡུཛྫཏི

པཀཏིཝིསེསནཝསེན ¶ ཝཱ ཡདེཏཾ པཙྩཡཝིསེསནཾ, ཏདཱ སཱམཏྠིཡཱ ཨེཀཱནེཀེསཱུཏི པཀཏིཝིསེསནམྤི ལབྦྷཏི, ཏཏྠ སཱམཏྠིཡམཏྠ བལཾ, ཏཐཱཧྱེཀཱདཱིསུ བྷཝནྟཱ པཀཏིཝཱཙྩཱནམེཝེཀཏྟཱདིཨབྱཏི རིཏྟཨཏྠམཏྟཱདཱིརཱུཔཱནཾ ཛོཏཀཱ སྱཱདཡོ ཀཐམེཀཏྟཱདཱིསུ ཝཏྟམཱནཏོ ནཱམསྨཱ ཨཉྙཏོ སིཡུནྟི ཡཐཱཝུཏྟནཱམཝིསེསཱཀྑེཔོ, ཏཐཱ ཨིཏྠིཎཱདིཔྤཙྩཡཱདཱིནམྤི པན པཀཏིཝིསེསཱནུཔཱདཱནེཔི ཡཏོ དྷཱཏྭཱདི ཝཱཙྩོཏྠོ ནཏྠི, སཱམཏྠིཡཱ ཏཏོ, དྷཱཏུཏྱཱདྱནྟེཧི [ཏྱཱདྱནྟ ཝཱཙྩེཧི (པོཏྠཀེ)] ན ཧོནྟེ ཝིཏྟིཔཙྩཡཱ, ཏཐཱ ཎཱདིཔཙྩཡཱཔི… ཝིབྷཏྱནྟཱ ཝིདྷཱནཏོ, ཡདེཏམྤཀཏིཝིསེསནཾ ཏདཱཔི སཱམཏྠིཡེནེཝ ཨེཀཏྟཱདཱིསུ ཝཏྟམཱནཏོ ནཱམསྨཱ ཏཛྫོཏནཱཡ བྷཝནྟཱ སྱཱདཡོ ཀཐམཉྙཏྠ ཧོནྟི ཨསམྦྷཝཱཏི ཨེཀཱནེཀེསུ དྭེདྭེཏི ལབྦྷཏི, ཨཐཝཱ སརཱུཔེན ཨཝུཏྟམྤི སཱམཏྠིཡེནེཀཱནེཀཏྠེསཱུཏི གམྨམཱནཾ ཝུཏྟམེཝ ཧོཏཱིཏི ཀཏྭཱ‘ཏེཙཱ’ཏིཨཱདིཀཾ ཝུཏྟནྟི གཧེཏབྦཾ, ཨེཀཱནེཀེསུ ཝཏྟམཱནཏོ ནཱམསྨཱཏི ཀིམཏྠཾ ཨསཏྭབྷཱུཏཱཡ ཀིརིཡཱཡེཀཏྟཱདིསམྦནྡྷཱབྷཱཝཱ ཀྲིཡཏྠཱཙ ཏྱཱདཱིཧི ཡེཝེཀཏྟཱདཱིནཾ ཝུཏྟཏྟཱ ཏྱཱདྱནྟེཧི ཙ ན བྷཝེཡྻུནྟི པཡོཛནནྟརམཱཧ-‘ཡམྤནཱ’ཏིཨཱདི, པཉྩཀནཱམཏྠསྶཱདྷིཔྤེཏབྷཱཝོ ཙེཏྠ པཀྑསྶེཏསྶེཝ ཡུཏྟཏྟཱ. ཏཐཱཧི སངྑྱཱཀམྨཱདཡོ ནཱམ ཝཱཙྩསྶ དབྦསྶ དྷམྨོ སཀཏྠོ-པསཛྫནོ ཙ སདྡོ དབྦེཡེཝ ཝཏྟཏེ… དབྦེཡེཝཱནྱནཡཱདིཝོཧཱརཱ, ཏཏྠ དབྦཝཱཙིནཱ སདྡེན དབྦདྷམྨཱནམབྦྷནྟརཱིཀརཎནྟི ནཱཡུཏྟམེཏཾ ནཱམེན པཉྩནྣམབྷིདྷཱནཾ, ཝིབྷཏྟིཡོ པན ཛོཏིཀཱ, ཨིཏྠིཔཙྩཡཱ ཙ ཨིཏྠིལིངྒསྶ, ཏཐཱ ཙཱམྷེཧི ཝུཏྟཾ སམྦནྡྷཙིནྟཱཡཾ–

སདྡོ སཀཏྠཾ ཝཏྭཱན, པདཏྠཾ དབྦསཉྙིཏཾ;

སམཝེཏཾ ཝདེ ལིངྒཾ, སངྑྱཾ ཀམྨཱདིཀམྨི ཙེཏི.

ཨེཀཱནེཀེསུ སྱཱདཱིནཾ ཡཐཱཀྐམཾ དསྶེཏུཾ ‘ཏེནཱ’ཏིཨཱདི ཝུཏྟཾ, ཏེནཱཏི ཡེན པཉྩཀོ ནཱམཏྠོ ཨདྷིཔྤེཏོ ཨེཀཱདཱིསུ ཙ ཨཏྠེསུ ཛོ-ཏནཱིཡེསུ སྱཱདཡོ ཝིདྷིཡིསྶནྟི ཏེན, སབྦཏྠཱཏི ‘ཨཾཡོ’ཨཱདཱིསུ ¶ སབྦཏྠ, སབྷཱཝཏོཏྱཱདིཀསྶཱཡམདྷིཔྤཱཡོ ‘‘ཡདྱཔི སྱཱདཡོ ཨེཀཱནེཀེསུ ཧོནྟི ཏཐཱཔི ཨེཀཱདཡོ སངྑྱཱཡ པརིཙྪིནྣེ ཨཏྠེ ཝཏྟནྟི ན སངྑྱཱམཏྟེ, སངྑྱཱཡ སམྦྷཝཱབྷཱཝཱ སངྑྱེཡེ བྷཝཏཱིཏི ན སངྑྱཱཔི སྱཱདཱིནམཏྠོ’’ཏི (ན) ཀེཝལཾ སཀཏྠ དབྦཱདིཡེཝ སྱཱདཱིནམཏྠོ ན བྷཝཏི, ཨཔི ཏུ སངྑྱཱཔཱིཏྱཔིསདྡཏྠོ, ཨནེན སངྑྱཱ ཝིབྷཏྱཏྠོ ཙཏུཀྐོ ནཱམཏྠོཏྱཡམྤཀྑོ ནིརཱཀཏོ པཉྩཀོ ནཱམཏྠོཏི དསྶནེ སངྑྱཱཀམྨཱདཱིནཾ ཝིབྷཏྟིཡོ ཛོཏིཀཱ ཧོནྟི, ཏིཀོ ནཱམཏྠོཏི དསྶནེ ཏུ སངྑྱཱཀམྨཱདཡོ ཝིབྷཏྟིཝཱཙྩཱ ཧོནྟི, ཨིདཱནི ཨདྷིཔྤེཏཔཉྩཀནཱམཏྠེ སཀཏྠཱདིཀཾ སརཱུཔཏོ དསྶེཏུཾ ‘ཏཏྠཱ’ཏིཨཱདིམཱཧ, ཏཏྠ སཀཏྠོ ཝིསེསནནྟི སརཱུཔཱདི ཡཾ ཀིཉྩི ཝིསེསནཏྟེན ཝཏྟུམིཙྪིཏཾ ཏཾ སཀཏྠོ ནཱམཏི ཨཏྠོ, ཏཾ དསྶེཏི ‘སརཱུཔཛཱཏིགུཎདབྦཱནི’ཏི.

བལེན ཡསྶཱ བྷིནྣེསུ, པཝཏྟནྟེ གགཱདཱིསུ;

སཱ ཛཱཏྱབྷིནྣདྷཱིསདྡཱ, སུཏྟཾ པུཔྥེསྭིཝཱནྭཱིཏཾ.

དབྦཱདྷཱརོ ཏཏོ བྷིནྣོ, ནིམིཏྟཾ ཏཔྤཏཱིཏིཡཱ;

བྷཱཝཱབྷཱཝསབྷཱཝོ ཡོ, སོ གུཎོ ནིགྒུཎོ མཏོ.

སརཱུཔཾ སདྡརཱུཔཾཝ, ཛཱཏིཡཱ ཡཾ ཝིསེསནཾ;

ཝིསེསཱིཡཏི ཡཾཀིཉྩི, དབྦཾ ཏཾ སམུདཱིརིཏཾ.

ཨིདཱནི སརཱུཔཱདིནོ ཝིསེསནསྶ སཀཏྠབྷཱཝཾ ཛཱཏྱཱདིཝིསེསསྶ དབྦབྷཱཝཉྩ དསྶེཏུཾ ‘ཏཏྠཱ’ཏིཨཱདིམཱཧ, སརཱུཔེ ཝཏྟཏེ སདྡོཏི ཝིཡབྷེདོཔཙཱརེནཱཧ-‘སདྡསྶ སརཱུཔེནཱ’ཏི, ཨེཏྠ པན གོཏི ཛཱཏིམཏྟཝཱཙིནི གོསདྡེ པཡུཏྟེ གོསདྡོ ཛཱཏིམཏྟམཱཧེཏི སོ ཛཱཏིཾ ཝིསེསེཏི ནཱམ. ཡཊྛིཨཱདིསདྡེཧི ཡཊྛིཨཱདིསཧཙརིཏཱ ཨུཔཙཱརཏོ གཧིཏཱཏི ཡཊྛིཨཱདིདབྦེཧི ཡཊྛིཨཱདིསཧཙརིཏཱ པུརིསཱ ཝིསེསཱིཡནྟཱིཏི ཨཱཧ-‘དབྦམྤི དབྦནྟརསྶ ཝིསེསནབྷཱུཏམྦྷཝཏཱི’ཏི, ཡཊྛིཡོཔཝེསཡཱཏི ཡཊྛིསདྡཝཙནཱིཡ ཡཊྛིདབྦཝིསིཊྛེ པུརིསེ པཝེསཡཱཏི ཨཏྠོ, ཀུནྟེཔཝེསཡཱཏི ཨེཏྠཱཔི ཨེསེཝནཡོ, ཡཐཱཝུཏྟཙཏུབྦིདྷསཀཏྠཏོ པརོཔི ཨཏྠི སཀཏྠོཏི ཨཱཧ-‘ཀཏྠཙཱི’ཏིཨཱདི, སམྦནྡྷནིམིཏྟོཏི སམྦནྡྷོ ནིམིཏྟཾ ཀཱརཎཾ ¶ པཙྩཡཔྤཝཏྟིཡཱ ཨསྶ པཙྩཡསྶ སོཏི སམཱསོ, ཨེཏྠ ཧི དཎྜོ ཨསྶ ཨཏྠཱིཏི ཨསྶཱཏི སཱམིནོ པུརིསསྶ སཾསངྑཱཏདཎྜཱདིདབྦེན སཧཡོ སསྶཱམིསམྦནྡྷོ, སོཔི པཙྩཡསྶ ནིམིཏྟཾ, ཏཐཱ ཙ ཝཀྑཏི-‘དཎྜཔུརིསསམྦནྡྷཱ དཎྜཱིཏི པཙྩཡོ’ཏི, (ཀིརི)ཡཱ པདཏྠསྶཱཔི ཝིསེསནཏྟེན སཀཏྠབྷཱཝོ ཛཱཏིཔདཏྠཱདཱིནཾ ཝུཏྟ ཋཱནེཡེཝ ཝཏྟབྦོཏི པཱཙཀོཏི ཨེཏྠ ཀིརིཡཱཀཱརཀསམྦནྡྷསངྑཱཏཾ པརཱབྷིམཏཾ སཀཏྠམྤི པརོཔདེསེནོཔདིསིཏུཀཱམོ ཨིདྷ སམྦནྡྷསཀཏྠསྶ ཝུཏྟཊྛཱནེཡེཝ ཀིརིཡཱསཀཏྠཾ དསྶེཏུཾ ‘ཀཏྠཙི ཀིརིཡཱཔཱི’ཏིཨཱདིམཱཧ. ནཱམསབྷཱཝེན ཝིཉྙཱཡམཱནཾ པཉྩམཾ ནཱམསངྑཱཏམཏྠཾ དབྦཔདཏྠེན སངྒཧེཏྭཱ ཛཱཏིགུཎཀིརིཡཱདབྦཱནཱིཏི ཧི ཙཏུབྦིདྷོ ནཱམཏྠོ, ནཱམམྤི ཨནྭཏྠརུལ༹ྷིཝསེན དུཝིདྷཾ པུམིཏྠིནཔུཾསཀ ལིངྒཝསེན ཏིཝིདྷམྤི ཙཏུབྦིདྷཾ ཧོཏི… ཡཐཱཝུཏྟེ ཙཏུབྦིདྷེ ཨཏྠེ ནམཏི, ཏེ ཝཱ ཨཏྟནི ནཱམེཏཱིཏི ཨིམིནཱ ཀཱརཎེན. སཱམཉྙགུཎ ཀིརིཡཱཡདིཙྪཱཝསེནཱཉྙཐཱཔི ཙཏུབྦིདྷཏྟཾ ནཱམསྶ ཝདནྟི, ཏཏྠཱཔི ཡདིཙྪཱནཱམསྶ དབྦནཱམེནེཝ སངྒཧོ ཝེདིཏབྦོ, ཨིཏྠཏྟཾ ཨེསཱཏི པསིདྡྷིམཱ ཨཏྠོ, ཡམྤནཱཏིཨཱདིནཱ ཝུཏྟམེཝཏྠཾ སཱདྷེཏི ‘ཏཏྠེ’ཙྩཱདིནཱ, ཨབྷིདྷཱཡཀཏྟེན ཛོཏཀཏྟེན, ཨིཀཱརནྟཏོཏི མུནིསདྡཏོ, ཨཉྙཐཱཏི ཨིཀཱརནྟཏོ ན བྷཝཏི ཙེ, ཨཏོཏི ཨཱདེས བྷཝནཏོ ཕལཾ དསྶིཏཾ ན སིཡཱཏི སམྦནྡྷོ, ཝུཏྟིཡཾ ‘ཨེཝཾ ཀུམཱརཱི ཀུམཱརིཡོ’ཏིཨཱདཱིསུ ཨེཝནྟི ཡཐཱ པུལླིངྒེ ཨིཀཱརནྟཏོ སྱཱདཱིནམུདཱཧརཎམནཱདེསཏྠཾ ཝུཏྟཾ ཨེཝམིཏྠིཡམྤི ཨནཱཀཱརནྟཏོཏི དསྶེཏི, ཨུཔལཀྑཎཾ ཙེཏམིནཱི-ནཱི-ཨཱུ-ཏི-པཙྩཡནྟཱདཱིནཾ, ཨསཏི…པེ… ཝཙནེཏི ཨིམིནཱ པཱཎིནིཡཱནཾ ཝིབྷཏྟིསཉྙཱཝིདྷཱཡཀསྶ སུཏྟནྟརསྶ ཨཏྠིབྷཱཝཾ དསྶེཏི, ‘‘ཝིབྷཏྟིཙ’’ (༡-༤-༡༠༤) ཨིཏི ཧི ཏེསཾ སུཏྟཾ, ཏསྶཏྠོ ‘སྱཱདཱིནཾ ཏྱཱདཱིནཉྩ ཝིབྷཏྟིསཉྙཱ ཧོཏཱི’ཏི, བྷཝནྟཱིཏི ཨནྭཏྠཝསེན ཝིབྷཏྟིསདྡཝཙནཱིཡཱནི བྷཝནྟི, སོ (ཡེཝཏྠོ) ཝིབྷཏྟིཙྩནེན ཝིབྷཛཱིཡཏཱིཏི ཝིབྷཏྟི, ཀམྨེ ཀྟིཔྤཙྩཡནྟོཡཾ ཝིབྷཏྟི སདྡོཏི དསྶེཏི, ཀཐམྤནེཏེསུ སྱཱདཱིསུ ཝིབྷཛཱིཡཏིཙྩསྶ ཝཱཀྱཏྠཱསྶཱནུགམོ ཡེནེཝཾ ཝུཙྩཏིཙྩཱསངྐིཡ ཡེན ཡཐཱ ཙ ཝིབྷཛཱིཡཏི ཏམུཔདསྶེནྟོ ཨཱཧ-‘ཏཐཱ ཧི’ཙྩཱདི.

༢. ཀམྨེ

ཝུཏྟིཡཾ ¶ ཀཏྟུཀིརིཡཱཡཱཏི ཀཏྟུསཱདྱཏཱཡ ཏཾ སམྦནྡྷིནིཡཱ ཀཏྟུཀམྨཊྛཱཡཔི དུཝིདྷཱཡ ཀིརིཡཱཡ, ཨནེཀཏྠཏྟཱ དྷཱཏཱུནཾ ཀརོཏི ཨེཏྠ སམྦནྡྷནཏྠོཏི ཨཱཧ-‘ཀརཱིཡཏི ཨབྷིསམྦནྡྷཱིཡཏཱི’ཏི, ཡཾཀིཉྩི པདཏྠརཱུཔཾ སམྦཛ྄ཛྷཏཱིཏི ཨཏྠོ, ཨིམིནཱ ཙཱནྭཏྠཝསེནེཝཱཡཾ ཀམྨཝོཧཱརོ སིདྡྷོཏི དསྶེཏི, སབྦཀཱརཀཱནམྤི པན ཀིརིཡཱསམྦནྡྷ སབྦྷཱཝེཔི ཀིརིཡཱབྷིསམྦནྡྷཱིཡམཱནཏྟེནེཝ ཡཾ ཝཏྟུམིཙྪིཏཾ ཏདེཝ ཀམྨཾ ཝིཉྙེཡྻཾ, ཀཏྟཱདི ཀཏྟུ ཀིརིཡཱཡཱབྷིསམྦནྡྷཱིཡམཱནཏྟེཔི ཀཏྟཱདིཏྟཝཙནིཙྪཱཡེཝ ཀམྨཾ ན ཧོཏི… ཡསྨཱ ཝཙནིཙྪཱཡེཝ ཀཱརཀཱནི བྷཝནྟི, ཨེཝཾ སབྦཀཱརཀཱནམྤི ཀཱརཀནྟརཔྤཏྟིཡཾ ཏདབྷཱཝོ ཡཐཱཡོགཾ ཝཏྟབྦོ, ཝཱཀྱེཀདེསེནེཏྱནེན ‘‘དྭེདྭེཀཱ’’དིནོ ཝཱཀྱསྶ ‘‘ཀམྨེ དུཏིཡཱ’’ཨིཙྩཱདིནོ ཙ ཨེཀཝཱཀྱཏྟཾ སཱུཙེཏི, པཀརཎསྶ མཧཱཝཱཀྱརཱུཔཏྟཱ ཝིཔྤཀཊྛཱནིཔི ཝཱཀྱཱནི ཨཱཀངྑཱདིསབྷཱཝེ ཨཉྙམཉྙསམྦནྡྷཱནུབྷཝནེནེཀཝཱཀྱབྷཱཝམྤཊཱིཔཛྫནྟེ, ཝུཏྟཱི ཧི–

‘‘ཨཱཀངྑཱཡོགྒཏཱ སཏྟཱ, བཱིཛཾ སནྣིདྷིནོ ཡཏོ;

ཝིཔྤཀཊྛཱནི ཝཱཀྱཱནི, མཧཱཝཱཀྱཾ ཀརོནྟྱཏོཏི.

སཱམཉྙེནཱཏི ཀམྨཱདྱཝིསེསེན, པུབྦཱཙརིཡསམཉྙཱཝསེནཱཧ ‘དུཏིཡཱདིཀཱ’ཏི, ཏེན ཡདྱཔི ཏྱཱདིནོཔི དྭིནྣཾ པཱུརཎིཡཱ དུཏིཡཱཏི སཀྐཱ ཝོཧརིཏུཾ, ཏཐཱཔི སྱཱདཱིནཾ དུཀེཡེཝ དུཏིཡཱཏཏིཡཱ རུལ༹ྷཱིཏི ནཏྱཱདཱིནཾ དུཀཱནི དུཏིཡཱདིསདྡེན གཡ྄ཧནྟི, ཝིསིཊྛེསཱུཏི ཀམྨཱདིནཱ ཝིསེསིཏེསུ, ཏིཝིདྷཾ ཀམྨནྟི སཀསམཡཔྤསིདྡྷིཡཱ ཀམྨསྶ ཏིཝིདྷཏྟམཱཧ, ཨཉྙེ ཏུ སཏྟཝིདྷམིཙྪནྟི, ཀཐཾ–

ནིབྦཏྟིཝིཀཏིཔྤཏྟི, བྷེདེན ཏིཝིདྷཾ མཏཾ,

ཏཏྠེཙྪིཏཏམཾ ཀམྨཾ, ཀམྨཾཏྭཉྙཾ ཙཏུབྦིདྷཾ;

ཨིཙྪིཏཉྩཱནིཙྪིཏཉྩ, ནེཝིཙྪིཏམནིཙྪིཏཾ,

ཏཐཱཉྙཔུབྦཾ ནཱཉྙཔུབྦནྟི, ཨེཝམཉྙཾ ཙཏུབྦིདྷནྟི.

ཏཏྠ ཨིཙྪིཏཱདཱིནི ཨུཔརིཡེཝཱཔི བྷཝིསྶནྟི, ཏཏྲེཙྩཱདིནཱ ཏིཝིདྷཾ ཀམྨཾ སརཱུཔཏོ དསྶེཏི, ཏཏྠ ནིབྦཏྟིཀམྨམེཀེ-ནེཀདྷཱ པརིཀཔྤེནྟི, ཏདིཧ པཀཱསཡིསྶཱམ–

སཏཱི-སཏཱི ¶ ཝཱ པཀཏི, ན ཡཏྠ པརིཎཱམིནཱི,

ནིསྶཱིཡཏེ ཏཾ ནིབྦཏྟི, ཀམྨམཉྙེསམཉྙཐཱ;

ཨསནྟཾ ཛཱཡཏེ ཡཾ ཝཱ, ཡཾ སནྟམཔྤཀཱསཏི,

ཨུཔྤཏྱཱ-བྷིབྱཏྟིཡཱ ཝཱ, ཏནྣིབྦཏྟཱིཏི ཝུཙྩཏཱིཏི.

ཨཡམེཏྠ ཨཏྠོ ‘‘ཀཊཝིཀཱརསྶ ཀཱསསངྑཱཏཱ ཝིཛྫམཱནཱ པཀཏི པརིཎཱམིནཱི ཀཊཝིཀཱརམྤཏི པརིཎམནྟཱི ཡཏྠཔྤཡོགེ ན ནིསྶཱིཡཏེ… ཀཊཾ ཀརོཏཱིཏེཏྠ ཀེཝལམཏྠཱཝགམམཏྟསྶ ཝཏྟུམིཙྪིཏཏྟཱ ཀཱསེཏི ཨསུཡྻམཱནཏྟཱ ཙ, པཀཏིཡཱ ཏུ སུཡྻ མཱནཏྟེ ཝིཀཱརིཡཾ སིཡཱ, ཏེནེཝ ཀཱསེ ཀཊཾ ཀརོཏི, ཏཎྜུལེ ཨོདནཾ པཙཏཱིཏི དྭཡཏྠོ ཀརོཏི པཙཏི ཙ, ཏསྨཱ ཀཱསེ ཀརོཏི ཏཎྜུལེ པཙཏཱིཏི ཝིཀཱརཱིཡཏི, ཀཊཾ ཀརོཏི ཨོདནམྤཙཏཱིཏི ནིབྦཏྟཱི ཡཏཱིཏི ཨཏྠོ, ཨསཏཱི ཝཱ པཀཏི ཨཝིཛྫམཱནཏྟཱཡེཝ ཡཏྠ ན ནིསྶཱིཡཏེ… [(ཡཐཱ) (པོཏྠཀེ)] ( ) སཾཡོགཾ ཛནཡཏི ཝིབྷཱགམུཔྤཱདཡཏཱིཏི སཾཡོགཝིབྷཱགཱནཾ ཀསྶཱཔི པཀཏིཡཱ ཨཝིཀཱརཏྟཱ སཾཡོགཝིབྷཱགཝནྟེ ཧྱཝིཀཏེཧེཝ ཏེསཾ ཛནནཏོ, ཏམེཝམྦྷཱུཏམནིསྶིཏཔཀཏིཀཾ ཨཝིཛྫམཱན (པཀཏི) ཀཾ ཝཱ ཀཱརིཡཾ ནིབྦཏྟིཀམྨཾ ནཱམཱཏི ཨེཀོ, ཨཉྙེསམཉྙཐཱཏི ཝཏྭཱ ཏནྡསྶེཏི ‘ཨསནྟ’མིཙྩཱདིནཱ, ཡཾ ཨསནྟམཝིཛྫམཱནཾ ཛཱཡཏེ, ཏནྣིབྦཏྟིཀམྨཾ, ཡཐཱ སུཁཾ ཛནཡཏི བུདྡྷིམུཔྤཱདཡཏཱིཏི, སནྟཾ ཝིཛྫམཱནམེཝ ཝཱ ཀེཝལམཔྤཀཱསིཏཔུབྦཾ ཡཾ ཨུཔྤཏྟིཡཱ ཨབྷིབྱཏྟིཡཱ ཝཱ པཀཱསཏི, ཏམྤི ནིབྦཏྟིཀམྨཾ, ཡཐཱ པུཏྟཾ ཝིཛཱཡཏིསཱམཉྙམབྷིབྱཉྫཡཏཱི’’ཏི, ཏདེཝཾ ཀེསཉྩི མཏེན ཨནིསྶིཏཔཀཏིཀཾ ཨཝིཛྫམཱནཔཀཏིཀནྟི དུཝིདྷཾ ནིབྦཏྟིཀམྨམྤི ཨཉྙེསམྨཏེན ཨསནྟཾ ཛཱཡམཱནཾ སནྟམཔྤཀཱསམཱནནྟི དུཝིདྷཾ ནིབྦཏྟིཀམྨམྤཱིཏིསབྦམྤི ཨཊྛིཏཔུབྦམེཝ ཛཱཡཏཱིཏྱསཏོ ཛཱནནཱ ན བྱཏིརིཙྩཏིཙྩཱཧ-‘ཨསཏོ ཛནནཾ ཀརཱིཡཏཱི’ཏི, ཨཝཏྠནྟརནྟི ཨོདནཱདིནོ ཀླེདནཱདིལཀྑཎམཉྙམཝཏྠཾ.

པཀཏྱུཙྪེདསམྦྷཱུཏཾ, ཝིཀཱརིཡཾ ཀིཉྩི ཀིཉྩི ཏུ;

གུཎནྟརསམུཔྤཏྱཱ, ཨེཝཾ སཱ ཝིཀཏི དྭིདྷཱ.

ཀིཉྩི ཝིཀཱརིཡཾ ཀམྨཾ པཀཏིཡཱ ཀཱརཎསྶ ཨུཙྪེདེན སམྦྷཱུཏཾ, ཡཐཱ ¶ ཀཊྛཾ བྷསྨཾ ཀརོཏཱིཏི ཀཊྛསྶཱཙྩནྟཔརཱཝཏྟི [པརཱཝཏྟིཡཱ (པོཏྠཀེ)], ཀིཉྩི པན གུཎནྟརཱནམུཔྤཏྟིཡཱ, ཡཐཱ སུཝཎྞཾ ཀཊཀཾ ཀེཡུརཾ ཝཱ ཀརོཏཱིཏི ཨེཝཾ དྭཱིདྷཱ སཱ ཝིཀཏི ཧོཏཱིཏི ཨཏྠོ, ན ཝིབྷཱཝཱིཡནྟེཏི ན གམྱནྟེ, སཱ པཏྟི‘པཱཔཱིཡཏི ཝིསཡཱིཀརཱིཡཏཱི’ཏི ཀཏྭཱ.

ཡཏྲ ཀྲིཡཱཀཏོ ཀོཙི, ཝིསེསོ ནཱཝགམྱཏེ;

དསྶནཱ ཝཱནུམཱནཱ ཝཱ, སཱ པཏྟཱིཏི པཀིཏྟིཏཱ.

ཡཏྠ ཀིརིཡཱཀཏོ ཀིརིཡཱསམྤཱདིཏོ ཝིསེསོ ཨཏིསཡོ ཀོཙི ནཱཝགམྱཏེ ནཔྤཏཱིཡཏེ དསྶནཱ ཝཱ པཙྩཀྑཔྤམཱཎེན ཨནུམཱནཔྤམཱཎེན ཝཱ ཡཐཱ ནིབྦཏྟིཝིཀཏཱིནམཏིསཡོ པཙྩཀྑཱནུམཱནཱ ཝགམནཱིཡོ, ཏཏྲ ཧི ནིབྦཏྟིཡཾ ཝིསེསསིདྡྷིརཏིཔསིདྡྷཱ… ཨཏྠལཱབྷཱཁྱསྶ ཝིསེསསྶཱཝིཛྫམཱནསྶ ཀིརིཡཱཀཏྟཱ, ཝིཀཱརིཡེ ( ) [(ཨེཝ) (པོཏྠཀེ)] ཏུ ཀྭཙི པཙྩཀྑཝིསཡོ… ཀཊྛཾ ཌཧཏཱིཏི ཀཎྷཏྟཱདིབྷཱཝསྶ པཙྩཀྑེནེཝོཔལབྦྷནཏོ, ཀྭཙིདནུམཱནགམྨོ… དེཝདཏྟཾ རོསེཏི པསཱདཡཏི ཝེཏི ཝིསིཊྛམུཁཝཎྞཱདིཀཱརིཡཱནུམེཡྻཏྟཱ རོསཱདིནོ, ཨེཝཾ ཡཏྠ ན ཝིསེསསིདྡྷི ཨཔི ཏུ པཏྟིམཏྟཾ, སཱ པཏྟཱིཏི པཀིཏྟིཏཱ ཀཐིཏཱ, ཨཱདིཙྩམྤསྶཏི དྷམྨམཛ྄ཛྷེཏཱིཏི ཨཡམེཏྠ ཨཏྠོ, ཀཐཉྩརཧི ཨསནྟསྶ [སནྟསྶ (པོཏྠཀེ)] པཏྟིཀམྨསྶ ཀིཉྩི (ཨཀརོནྟ)སྶ ཀཱརཀཏྟཾ, ན ཧི ཀིཉྩི ཨཀརོནྟཾ ཀཱརཀམྦྷཝིཏུམརཧཏཱིཏི ཨུཙྩཏེ-

དསྶནཀྑམཏཱབྷཱསོ, པགམབྱཏྟིཨཱདཡོ;

ཝིསེསཱ པཏྟིཀམྨསྶ, ཀྲིཡཱསིདྡྷིཡམིཙྪིཏཱ.

ཨཏྲ དཊྛུཾ སཀྐཱ ཨིཏི དསྶནེ ཁམཏཱ ཨཱབྷཱསོཔགམོ ཝིསཡཏྟོཔགམོ ཝིསཡཏྟོཔགམནཾ བྱཏྟི ཙེཏི ཨེཝམཱདཡོ ཝིསེསཱ ཡཐཱཡོགཾ པཏྟིཀམྨསྶ ཀིརིཡཱནིཔྥཏྟིཡཾ ཨིཙྪིཏཱ, ཏཏོ ཏསྶ ཀཱརཀཏྟནྟི ཨཏྠོ, ཨཱདིཙྩཾ པསྶཏཱིཏི ཨེཏྠ ཧི ཨཱདིཙྩོ དཊྛུཾ སཀྐཱ, ཏཏོཝ སོ དིསྶཏི ཨབྷིབྱཏྟིཉྩོཔཡཱཏཱིཏི དསྶནཀིརིཡཱནིཔྥཱདཀཏྠེནཱསྶ ཀཱརཀཏྟམུཔཔཛྫཏེ, ཏཐཱ ཉྙཏྲཱཔྱཱདིསདྡགཧིཏཝིསེསཝསེན ཀིརིཡཱསིདྡྷིཏོ ཀཱརཀཏྟཾ ཝེདིཏབྦཾ ¶ , ནནུ ཝིཀཱརིཡམྤི ནིབྦཏྟིཀམྨམེཝ… ཏེན རཱུཔེནཱསཏོཡེཝ ཛནནཏོ, པཏྟིཀམྨམྤི ཀིརིཡཱསམྦནྡྷརཱུཔེནཱསནྟམེཝ པཙྪཱ ཏཐཱ བྷཝཏཱིཏི ནིབྦཏྟིཡེཝཱཏི སཙྩཾ-

ཨཏྠེསཱ ཝཏྠུཊྛིཏི, སུཁུམབུདྡྷིགོཙརཔཏཱིཏྱནུརོདྷེན,

ཏཏྲ ཡམྤེཏཾ གྷཊཏེ, ཡཐཱ པཏཱིཏི སདྡཏྠཱཝཏྟཱནཏོ.

ཝིསེསཱནུཔཱདཱནཏོཏི ‘‘ཀམྨེ དུཏིཡཱ’’ཏི སཱམཉྙེན ཝུཏྟཏྟཱ ཝུཏྟཾ. ཀརཱིཡཏི ཀཊོ, ཀཏོ ཀཊོ ཙྩེཝམཱདཱིསུ ཏྱཱདིཔྤབྷུཏཱིཧི ཨཏིཧིཏཀམྨཱདིནིསྶཡེསུཔི ཨེཀཏྟཱདཱིསུ དུཏིཡཱདཡོ པཔྤོནྟི ནིཡམཱབྷཱཝཱ, ཏཐཱཧི པཉྩཀེ ནཱམཏྠེ ཀཊཱདིཝཙནཱིཡསྶ སམྦནྡྷཱི ཀམྨཱདྱཏྠོ, ཏྱཱདིཔྤབྷུཏཱིཏི ཨནབྷི ཧིཏསྶ སངྑྱཱཁྱསྶཱཔརསྶ ཝིབྷཏྱཏྠསྶཱབྷིདྷཱནཱཡ ཨབྷིཧིཏེསུཔི ཀཊཱདཱིསུ ཀམྨཱདཱིསུ དུཏིཡཱདཡོ སིཡུནྟི པཱཎིནིཡཱ ‘‘ཀམྨེ དུཏིཡཱ’’ཙྩཱདཱིསུ (༢-༣-༢) ‘‘ཨནབྷིཧིཏེ’’ཏི (༢-༣-༡) ཝཙནམདྷིཀརོནྟི, ཝེཡྻཏྟིཡཱཡེཝ དུཏིཡཱདཱིནཔྤསངྒེཔི ཏནྣིསྶཡབྷཱུཏེ-ཀཏྟཱདྱཏྠེ ཛོཏནཱཡཱབྷིཧིཏེསུ དུཏིཡཱདཡོ སིཡུཾ, ཏིཀེ པན སངྑྱཱཀམྨཱདཡོ ཝིབྷཏྟི ཝཙནཱིཡཱ, ཏཏྠ ཡཛྫཔི ཀམྨཱདིནོ པཙྩཡེནཱབྷིདྷཱནཾ, ཏཐཱཔྱེཀཏྟཱདཡོ ནཱབྷིཧིཏཱཏི ཏསྶ སངྑྱཱཁྱསྶཱཔརསྶ ཝིབྷཏྱཏྠསྶཱཏི དྷཱནཱཡ ཨབྷིཧིཏེསུཔི ཀམྨཱདཱིསུ དུཏིཡཱདཡོ སིཡུནྟི པཱཎིནིཡཱ ‘‘ཀམྨེ དུཏིཡཱ’’ཏི ‘‘ཨནབྷིཧིཏེ’’ཏི ཝཙནམདྷིཀརོནྟི, ཏམུཔདསྶེནྟོ ཨཱཧ-‘ཏཏྲིདཾ སིཡཱ’ཏིཨཱདི, ཏཏྲ ཏསྨིཾ དུཏིཡཱདི ཝིབྷཏྟིཝིདྷཱནེ ཨིདཾ ཙོདྱཾ སིཡཱ, ཀིནྟི ཨཱཧ-‘པཉྩཀེ’ཨིཙྩཱདི, ཨནབྷིཧིཏཀམྨཱདིནིསྶཡེསུཏི ཨནབྷིཧིཏཱ ཀམྨཱདཡོ ནིསྶཡཱ ཡེསམེཀཏྟཱདཱིནཾ, ཏེསཱུཏྱཏྠོ, དུཏིཡཱདཡོ ཝིབྷཏྟིཡོ ཡཐཱ སིཡུནྟི ཛོཏནཱཡཱབྷིདྷཱནཱཡ ཙཱཏི ཡུཛྫམཱནཝསེན ཨཏྠོ ཝེདིཏབྦོ, ཨབྷིཧིཏཀམྨཱདིནིསྶཡེསུཔཱིཏི ཨཔིསདྡེན ཨནབྷིཧིཏཀམྨཱདིནིསྶཡམེཀཏྟཱདིཾ སམུཙྩིནོཏི, ཨཱསངྐིཡཱཏི པུབྦཀིརིཡཱཡ ཝུཏྟནྟི ཨཔརཀིརིཡཱ ཝེདིཏབྦཱ, པཉྩཀེ ཏིཀེ ཙཱ བྷིཧིཏཀམྨཱདིནིསྶཡེ སེཀཏྟཱདཱིསུ དུཏིཡཱདིཔྤཏྟིམཱསངྐཱཝསེན དསྶེཏྭཱ ཙཏུཀྐཝཱདཱིནམྤི པཀྑམུབྦྷཱཝིཡ པརིཧརིཏུཾ ‘ཡདིཙྩཱ’དིམཱཧ, ཨཡནྟེསམདྷིཔྤཱཡོ ¶ ‘‘ཡདེསཱ སངྑྱཱ པཱཊིཔདིཀཏྠོ ཏཔྤཊིཔཛྫནེ ཀམྨཱདཡོ ཝིབྷཏྟིཝཙནཱིཡཱ, ཏདཱ ‘ཨནབྷིཧིཏེ ཀམྨེ’ཏིཨཱདིནཱ ཨནབྷིཧིཏགྒཧཎཾ ཀམྨཱདིཝིསེསཱནམནུབྷཝནྟམནཏྠཀཾ… ཨབྷིཧིཏེ ཝིབྷཏྟིཝཱཙྩཱབྷཱཝཏོ, ཡདཱ པནཱཡཾ པཀྑོ ‘སངྑྱཱ ཝིབྷཏྟིཝཙནཱིཡཱ’ཏི ཏདཱ ‘‘ཀམྨེ དུཏིཡཱ’’ ཏྱེཝམཱདཡོ ནིདྡེསཱ ཝིསཡསནྡསྶནམཏྟཱཡེཝ ཝེདིཏབྦཱ’’ཏི, སབྦཐཱཏི པཉྩཀཏིཀཝཱདཱིནཾ ཙཏུཀྐཝཱདཱིནཉྩ མཏཝསེན སབྦཔྤཀཱརེན, སདྡཏྠཱབྱཏིརིཏྟཏྠམཏྟོཡེཝཱཏི བྱཏིརེཀོ བྱཏིརིཏྟཾ, ནཔུཾསཀེ བྷཱཝེ ཀྟོ, ན ཝིཛྫཏེ བྱཏིརིཏྟཾ བྱཏིརེཀོ བྷེདོ ཡསྶ ཏཾ ཨབྱཏིརིཏྟཾ, ཨབྱཏིབྷིནྣནྟི ཨཏྠོ, སདྡཏྠཏོ སཀཏྠཏོ ཨབྱཏིརིཏྟཾ ཨཏྠམཏྟཾ ཨཏྠསཱམཉྙཾ ཡསྶ ཨོདནཱདིསདྡསྶ སོ ཏཐཱ ཝུཏྟོ.

ཀིཉྩཱཔི ཝུཏྟིཡཾ ཏབྦཱདིཎཱདིསམཱསེཧི ཨབྷིཧིཏམཝུཏྟཾ, ཏཐཱཔི ཏེཧི ཨབྷིཧིཏེཔྱེཝམེཝ དཊྛབྦནྟི ནིདསྶེནྟོ ཨཱཧ-‘ཨེཝ’མིཙྩཱདི, ཀར-ཀརཎེ ཀརཱིཡིཏྠཱཏི ཀཏོ‘ཀྟོ བྷཱཝཀམྨེསུ’ཏི (༥-༥༦) ཀམྨེ ཀྟོ, སཏིཀོཏི ཨེཏྠ ཀཱིཏོཏི ཀམྨཏྠེ ‘‘དིསྶནྟཉྙེཔི པཙྩཡཱ’’ཏི (༤-༡༢༠) ཨིཀོ, ཀམྨཏཱགམྱཏེ ཀིཏཔྤཙྩཡཱདཱིནཾ ཀམྨེ ཝིཧིཏཏྟཱ, ཨེཝཉྩ དྷུཧི ཀིམེཀམུདཱཧརཎཾ དཏྟམཱཙརིཡེནེ ཏྱཏོ ཨཱཧ- ‘ཨུདཱཧརཎ’ཨིཙྩཱདི, ཨནབྷིཧིཏེཏི ཝཙནཾ ཝིནཱཔཱིཏི ཝཙནཾ ཝིནཱ ཨེཝཱཏི ཨཝདྷཱརཎེ-ཨཔིསདྡོ, སམྦྷཱཝནེཝཱ, ཡདྱབྷིཧིཏེཧི ཝཙནཾ ཝིནཱཔི དུཏིཡཱདཱིནམཔྤཝཏྟི བྷཝེཡྻ, ཝཙནསབྦྷཱཝེ ཏུ ཀཐཱཡེཝ ནཏྠཱིཏི ཨཏྠོ, ཨེཝཉྩ པནེཏྠ དུཏིཡཱདཱིནམབྷིཧིཏེ པསངྒཱབྷཱཝོ ཛཱནིཏབྦོ ‘‘པཙྩཏེ ཨོདནོ, ཀཏོ ཀཊོཙྩཱདོཔི ཡདི དུཏིཡཱདཡོ སིཡུཾ པཋམཱཝིདྷཱནསྶཱཝཀཱསོ ན བྷཝེཡྻ ཏཏོ སཱམཏྠིཡཱནབྷིཧིཏེཡེཝ ཀམྨཱདོ དུཏིཡཱདཡོ སཀིརིཡཱ (ཡཾ ཏད)བྷིབྱཏྟིཡཱ བྷཝིསྶནྟི, པཋམེཝཏྭབྷིཧིཏེ’’ཏི, ན ནུཙ པཋམཱཡཱཀཱརཀམཝཀཱསོ རུཀྑོ པིལཀྑོཏི [རུཀྑོ པིལཀྑོཏི ཀྲིཡཱཔདཾ ན སཱུཡཏེཏི ཝིབྷཏྱནྟརསྶཔྤཏྟི མཉྙཏེབྷསྶཱཔདཱིཔ] ཀིམིདམུཙྩཏེ ཨཀཱརཀནྟི ཡདྱ ཀཱརཀཾ ནེདམྤཡོགམརཧཏི ཏཏོ ཡཏྠ ཝིསེསཀིརིཡཱན མསྶཝནཾ ཏཏྠ པདཏྠསཧཙརིཏཱཡ སཏྟཱཡ པཏཱིཏིཡཱ ‘རུཀྑོ ཨཏྠི ¶ པིལཀྑོ ཨཏྠཱི’ཏི ཨཔེཀྑཱིཡཏཱིཏི ཀཱརཀཏྟཾ རུཀྑཱདཱིན མཏྠེཝེཏི [ཨཏྠེཝེཏི ཉྙཏཾ ཝཏྠུཾ པརཾ པཏིཔཱདཡིཏུཾ སདྡོ པཡུཛྫཏེ ཉྙཎཉྩ སཏོཨིཏི ཡཏྲ ཀྲིཡཱཔདནྟརསྶ ཨཔྤཡོགོ ཏཏྲ ཨུསྶགྒཏོ སཏྟཱ པཏཱིཏིཏུཏྠཱིཏི ཀྲིཡཱཔདཱནུསངྒར ཀཏྟརི ཏཏིཡཔྤསངྒརནཝཀཱསཱ པཋམཱ ཏྱཏྠོ-བྷསྶཔདཱིཔ], ན ཙ ཨུཙྩཾ ནཱིཙཾཏྱདྷིཀརཎཝཱཙིཏྟེ [ཝཱཙིཀཱ] ནིཔཱཏསྶ ཨཏྠཱིཏྱནེན ནཏྠི སམྦནྡྷོཏི ཨུཙྩམཏྠཱིཏྱཱདྷེཡྻསྶེཝ ཀཏྟུཏྟཾ ནཱདྷཱརསྶཱཏྱ ཀཱརཀཏྟམཱདྷཱརསྶཱཏྱཝཀཱསོ-ཏྠི པཋམཱཡཱཏི ‘‘པཋམཱཝིདྷཱ ནསྶཱཝཀཱསོ ན བྷཝེཡྻཱ’’ཏི ཡཐཱཝུཏྟོ-ཡཾ ཧེཏུ ཨསིདྡྷོཏི ཙ སཀྐཱ ཝཏྟུཾ, ཨསངྑྱཏོ པཋམཱཏྱཝཏྭཱ ‘‘པཋམཱཏྠ མཏྟེ’’ཏི (༢.༣༩) སཱམཉྙཝིདྷཱནཏོ སིདྡྷོཡེཝ, ཡཾ ཧེཏུཏྟཱནབྷིཧིཏཝཙནམནཏྠཀམིཙྩེཝ ཋིཏཾ.

ཡཉྩཱཏི ཙསདྡོ ཝཏྟབྦནྟརསམུཙྩཡེ ཨཔརམྤི ཀིཉྩི ཝཏྟབྦམཏྠཱིཏི ཨཏྠོ, ཡཉྩ ཕལཾ མཉྙཏེཏི སམྦནྡྷོ, ཡདེཏྠཱན བྷིཧིཏཱདྷིཀཱརོ ནཏྠི ཏདཱ ཡཐཱ ‘ཀཏོ ཀཊོ’ཙྩཏྲཏྟེན ཀམྨསྶཱབྷིཧིཏཏྟཱ དུཏིཡཱ ན ཧོཏི ཏཐཱ ‘ཀཊཾ ཀརོཏི ཝིཔུལཾ དསྶནཱིཡ’ནྟི ཀཊསདྡཏོ ཨུཔྤནྣཱཡ དུཏིཡཱཡ (ཝིཔུལཱདིགཏསྶ) ཀམྨསྶཱ བྷིཧིཏཏྟཱ ཝིཔུལཱདཱིཧི ཝིསེསནེཧི དུཏིཡཱ ན སིཡཱ, ཏཏོ ཏྱཱདི ཏབྦཱདིཎཱདིསམཱསེཧི ཀམྨསྶཱན བྷིཧིཏཏྟམཏྟེཝཱཏི ཝིཔུལཱདཱིཧིཔི དུཏིཡཱཝིདྷཱནསངྑཱཏཾ ཨནབྷིཧིཏེ’’ཏི (༢-༣-༡) ཨནབྷིཧིཏ ཝཙནསྶ ཨདྷིཀཱརེ ཡཉྩ ཕལཾ ཙིནྟཡཏཱིཏི ཨཏྠོ, ཡུཏྟསྶཱཏིམསྶ ཨཏྠོ སམྦནྡྷསྶཱཏི, པཙྩེཀཾ ཀརོཏྱབྷིསམྦནྡྷཏཱཡཱཏི ‘ཀཊཾ ཀརོཏི ཝིཔུལཾ ཀརོཏི དསྶནཱིཡཾ ཀརོཏི’ཙྩེཝཾ པཙྩེཀཾ པཙྩེཀཾ ཀརོཏིསྶཱབྷིསམྦནྡྷཏཱཡཱཏི ཨཏྠོ, ཀམྨཏཱ ཨཏྠཱིཏི སེསོ, ཨེཝཾ མཉྙཏེ-‘‘ཀཊཾ ཀརོམཱིཏི པཝཏྟོ ཝིཔུལཾ ཀརོམཱི དསྶནིཡཾ ཀརོམཱིཏི ཙ པཝཏྟོཝཱཏི ཝིཔུལཱདཱིནམྤི པཙྩེཀཾ ཀམྨཏཱ ཨཏྠེཝ, ཏཏྠེཀསྶཱབྷིདྷཱནེ པརེཀསྶ སུཁམཝལོཀཡནྟཱིཏི ཏདབྷིདྷཱནཱཡཔི དུཏིཡཱ བྷཝིསྶཏཱི’’ཏི, པཀཱརནྟརཱཝཏཱརོ ནཱཙརིཡེ ནོཔརོདྷིཏོཏི ཏམྤི པནེཏྠ དསྶཡིསྶཱམ-‘‘ཀཊསདྡཱ ཨུཔྤཛྫམཱནཱ དུཏིཡཱ ¶ ཀཊཛཱཏི ཀམྨམབྷིཧིཏཝཏཱི, ན ཝིཔུལཱདིགུཎཀམྨཾ, ཏཏོ ཏདབྷིདྷཱནཱཡ ཙ དུཏིཡཱཡེཝ བྷཝཏི, ཨཐཝཱ ཀཊོཝ ཀམྨཾ, ཏཾ སཱམཱནཱདྷིཀརཎྱེན ཝིཔུལཱདཱིཧིཔི དུཏིཡཱ བྷཝིསྶཏི, ཀཊཾ ཀརོཏི ཝིཔུལོ དསྶནཱིཡོཏི ཧི ཝུཙྩམཱནེ ཝིཔུལཱདཡོ ཀཏྟུསམཱནཱདྷིཀརཎཏཱཡེཝ པཏཱིཡེཡྻུཾ ཏསྨཱ ཀཊསདྡསཱམཱནཱདྷིཀརཎྱམྤཊིཔཱདཡཏཱ ཝསྶམེཏྠ དུཏིཡཱ ཀརཎཱིཡཱ’’ཏི. ནནྭེམིཙྩཱདིཙོདྱཾ, ཨེཝནྟི ཨེཝཾ གུཎཡུཏྟསྶ ཀམྨཏཱཡ སཏི, པཔྤོཏཱིཏི ཀཊ ཀམྨེ-བྷིདྷཱནིཡེ (ཀཏོ) ཏི ཀྟཔྤཙྩཡསྶ ཀཏཏྟཱ ཨུདཱརཱདིཏོ ཀརོཏྱབྷིསམྦནྡྷཱ དུཏིཡཱ པཔྤོཏཱིཏི ཨཏྠོ, ཨེཝཾ མཉྙཏེཙྩཱདི པརིཧཱརོ, ཨཝཡཝེན ཀམྨཾ ན ཝདཏཱིཏི སམྦནྡྷོ, ཨཝཡཝེནཱཏི ཝིསུཾཝིསུཾ, ཀིཉྩརཧཱིཏི ཨཱཧ-‘སབྷཱཝཏོ སབྦཾ ཀམྨཾ ཝདཏཱི’ཏི. ཧོཏུ ཀཱམཾ ཨུདཱརཱདིཏོཔི ཝུཏྟེན ཝིདྷིནཱ པཋམཱ, ཀཏསདྡཏོ ཀཱ པཝཏྟཏཱིཏི ཨཱཧ-‘ཀཏསདྡཏོ པི’ཙྩཱདི, ཨནྟོབྷཱུཏོ ཨནྟོགདྷོ ནཱམསྶ སདྡསྶ ཨཏྠོ ཡསྨིཾ ཀམྨལཀྑཎཏྠེསོ ཨཏྠོ ཀམྨལཀྑཎོ ཨབྷིཧིཏོ ཀཐིཏོ སམྤནྣོ སམྤཛྫཏཱིཏི ཨཏྠོ, ནནུ ‘ཀཏོ ཀཊོ’ཙྩཱདོ སབྷཱཝཏོ སབྦཀམྨཝུཏྟིཡཱ ཨནྟོབྷཱུཏནཱམཏྠཝུཏྟིཡཱ ཙཱཏྠམཏྟེ ཧོཏི སབྦཏྠ པཋམཱཏི ‘ཀཊཾ ཀརོཏི ཨུལཱ༹རཾ སོབྷནཾ དསྶནཱིཡ’ནྟི ཀཊཱདིཏོཔི ཨུཔྤནྣཱཡ དུཏིཡཱཡ ཀམྨསྶཱབྷིཧིཏཏྟཱ ཨུལཱ༹རཱདཱིཧི པཋམཱཔྤསངྒོ སིཡཱཏི ཨབྷིཧིཏཱབྷིདྷཱནཔྤསངྒོཔགཏཾ ཙོདནཾ མནསི ནིདྷཱཡཱཧ-‘ཀཊཱདིསདྡོ ཏྭི’ཙྩཱདི, སཱམཉྙེནཱཏི ཝིསུཾ ཝིསུཾ ཀཊཱདིསཱམཉྙེན.

‘‘ཀཏྟུརིཙྪིཏཏམ’’ནྟྱནེན (༡-༤-༤༩) ཀཏྟུནོ ཀིརིཡཱཡ སམྦནྡྷི ཏུམིཊྛཏམཾ ཏསྨིཾ ཨིཙྪིཏཏམེ ཀམྨསཉྙཾ ཝིདྷཱཡ ནིབྦཏྱཱདིཀེསུཏཱིསུ ཀམྨེསུ དུཏིཡཱ ཝིདྷཱིཡཏེ པཱཎིནཱིཡེཧི, ཨིཙྪིཏཏམཏྟཉྩ ཏདཏྠཏྟཱ ཀིརིཡཱཡ, ཨོདནཾ པཙཏི གཱཝུམྤཡོ དོཧཏིཏྱཱདོ(ཧི) ཨོདནཱདྱཏྠཱ པཙནཱདིཀིརིཡཱརབྦྷཏེཏི ཨོདནཔཡཱདཱིནམིཙྪིཏཏམཏྟཾ, ཏདུཔདསྶེནྟོ ཨཱཧ-‘ཡཾ ཀཏྟུ’ཙྩཱདི, ཝིབྷཏྟིཾ ཝིདྷཱཡ དུཏིཡཱབྷིམཏཱཏི སམྦནྡྷོ, པུན པཡཱདིནིཔྥཏྟིནིམིཏྟཾ ཡཾཀིཉྩི དོཧནཱདིཀིརིཡཱ ཡུཏྟཾ ¶ ཀརཎཱདིརཱུཔེན ཨཀཐིཏཾ གཝཱདིཀམིཙྪིཏཾ ཀཱརཀཾ, ཏཏྠཱཔི ‘‘ཨཀཐིཏཉྩཱ’’ཏི (༡-༤-༥༡) ཀམྨསཉྙཾ ཝིདྷཱཡ ཏེནེཝ དུཏིཡཱ ཝིདྷཱིཡཏེ, ཏདུཔདསྶེཏུམཱཧ-‘ཨུཔཡུཛྫམཱནེ’ཙྩཱདི, ཨཏྲ ཙེཝམཀཐིཏནིཡམོ ཀཏོ ཝཱཏྟིཀཀཱརེན-

པུཙྪིཙིབྷིཀྑཱིནཾ དུཧི,ཡཱཙཱིནཾ ནིམིཏྟམུཔཡོགེ;

པུབྦཝིདྷིམྷི-ཀཐིཏཾ, བྲཱུསཱསཱིནཉྩ གུཎཱསཏྟནྟི.

ཨུཔཡུཛྫཏེ ཨིཊྛཏྠསིདྡྷིཡཾ བྱཱཔཱརཱིཡཏཱིཏྱུཔཡོགོ-པཡོཔྤབྷུཏི, ཏསྨིཾ, ནིམིཏྟཾ གཝཱདི, ཨཔུབྦཝིདྷིམྷི ཨཔཱདཱནཱདྷིཀརཎཱདི པུབྦསཉྙཱ ཝིདྷཱནཱབྷཱཝེ, ཝིདྷཱནེ ཧི མཱཎཝཀཱ མགྒཾ པུཙྪཏི, རུཀྑཱ ཕལཱནྱཝཙིནཱཏྱཱདི ཡཐཱརཧཾ བྷཝཏི, གུཎཱསཏྟནྟི གུཎེན སཏྟཾ སམྦནྡྷཱི, གུཎསདྡེནེཏྠ པདྷཱནསཱདྷནཾ དྷམྨཱདིཀཾ ཝཏྟུམིཙྪིཏཾ པདྷཱནསཱདྷནཉྷི ཀིརིཡཱཡོཔཀཱརཀམུཔཀཱརིཡཾ པདྷཱནབྷཱུཏཾ ཀིརིཡམཔེཀྑིཡ གུཎོ བྷཝཏི, ཙོ-ནུཏྟསམུཙྩཡེ, པདྷཱནནྟུ དྷམྨཱདིནོ པཝཏྟིཡཱ ཏདཏྠཏྟཱ, ཨུཔཡུཛྫམཱནཉྩ ཏཾ པཡོཔབྷུཏིཙེཏི ཝིསེསནསམཱསཾ ཀཏྭཱ ཨུཔཡུཛྫམཱནཔཡོཔྤབྷུཏིནོ ནིམིཏྟནྟི ཚཊྛཱིསམཱསོ, པབྷུཏི སདྡེན གཝཱདིནོ གཧཎཾ, ཨཱདིསདྡེན གོམནྟཱདིནོ, དུཏིཡེནཱདི སདྡེན ཨདྷིཀརཎཱདིནོ, ཙཏུཏྠེན ཝིནཡཱདིནོ, ཝིདྷཱནནྟི དུཏིཡཱ ཝིདྷཱནཾ, དུཏིཡཱཝིདྷཱནམབྷིམཏནྟི ཡོཛནཱིཡཾ. པཱཎིནིཡེཧི ‘‘ཏཐཱ ཡུཏྟཉྩཱནིཙྪིཏཾ’’ (༡-༤-༥༠) ཨིཙྩནེན ཀམྨསཉྙཾ ཝིདྷཱཡ ‘‘ཀམྨེ དུཏིཡཱ’’ (༢-༣-༢) ཏྱནེནེཝ དུཏིཡཱ ཝིདྷཱིཡཏེ, ཏནྡསྶེཏུམཱཧ-‘ཡེནེ’ཙྩཱདི, ‘‘ཏཐཱ ཡུཏྟཉྩཱནིཙྪིཏ’’ནྟཱིམསྶ ཨཏྠོ ཡེནེཝེཙྩཱདིཔཉྩིཀཱཔཱཋཱནུསཱརེན ཝེདིཏབྦོ, ཡུཛྫཏེཏི ཀིརིཡཱབྷིསམྦཛ྄ཛྷཏེ, ཡུཏྟནྟི ཀིརིཡཱབྷིསམྦནྡྷཾ, ཨཏྲ ཏུ–

ཡདྱབུདྡྷྱཱཧིལངྒྷཱདི, ཏདཱཧྱཱདིམནིཙྪིཏཾ;

ཡདཱ ལཛྫཱབྷཡཱདཱིཧི, ཏདེཙྪི ཏཏམཾ མཏཾ.

‘‘ཏཐཱ ཡུཏྟཉྩཱནིཙྪིཏ’’ནྟི སུཏྟེནསྶ པརིཡུདཱསཝུཏྟིཏོ ཨིཙྪིཏཱ ཨཉྙམནིཙྪིཏམནབྷིམཏམིཏརཉྩ, ཏཏོཡེཝ‘གཱམཾ གཙྪནྟོ རུཀྑམཱུལམུཔསཔྤཏཱི’ཏྱཏྲ ནེཝིཙྪིཏནཱནིཙྪིཏསྶཔི རུཀྑམཱུལསྶ ཀམྨ སཉྙཱ ¶ སིདྡྷཱཏི ཏཏྠ ‘‘ཀམྨེ དུཏིཡཱ’’ཏི དུཏིཡཱ ཝིདྷཱིཡཏེ, ཏནྡསྶེཏི’ནེཝིཙྪིཏནཱནིཙྪིཏསྨཱ’ཨིཙྩཱདི, རུཀྑམཱུལཾ ནེཝིཙྪིཏཾ པུབྦམནབྷིམཏཏྟཱ, ནཱཔྱནིཙྪིཏཾ ཨཔྤཊིཀཱུལཏྟཱ, གཱམགམེན ཧྱསྶ ཏཔྤརཏཱ, རུཀྑམཱུལོཔསཔྤནནྟུ པསངྒཱགཏནྟི རུཀྑམཱུལཱནམྤི ཀིརིཡཱབྷིསམྦནྡྷོ ཨཏྠེཝ, ཨཏྲཱཔི-

ནེཝིཙྪིཏཱནིཙྪིཏནྟུ, མབུདྡྷིཡུཔསཔྤནེ;

མཱུལཾ ཝིསྶམནཏྠནྟུ, ཏམིཙྪིཏཏམཾ སིཡཱ.

བྲཱུསཱསིནཉྩཱཏི ཙསདྡོཔསངྒཧིཏེ དསྶེཏུམཱཧ-‘ཨེཝ’མིཙྩཱདི, ཨེཏྠ གཱམདེཝདཏྟགགྒཱནམཀཐིཏསཉྙཱ, ཨཛཱདཡོ ཏྭིཙྪིཏཏམཱ, ཨཱདིསདྡེན ‘པཏྠེཏི གཱཝུཾ པུརིསཾ དྭིཛོ’ཏྱཱདཡོ སངྒཧིཏཱ, ནཡཏིནཱི=པཱཔུཎནེ, ཝཧཏི ཝཧ=པཱཔུཎནེ, ཧརཏི ཧར=ཧརཎེ, ཛཡཏིཛི=ཛཡེ, སབྦཏྠལེཙ ཨེཏྟེ ཨཡཱདེསེ ཙ རཱུཔཾ, དཎྜ=དཎྜནེ ཙུརཱདིཏྟཱ ཎིམྷི རཱུཔཾ, ཨཐ ‘‘ཨདྷིསཱིཊྛཱསཱནཾ ཀམྨཾ’’ཏྱཱདིནཱ (༡-༤-༤༦) ཏེན ཏེན ཀམྨསཉྙཾ ཝིདྷཱཡ ‘པཋཝིཾ ཨདྷིསེསྶཏཱི’ཏི ཨཱདོ (ཏཏྠ) ཏཏྠ ‘‘ཀམྨེ དུཏིཡཱ’’ཏི (༢-༣-༢) དུཏིཡཱ ཝིདྷཱིཡཏེ ཏེཧི ཏེཧི སཏྠ ཀཱརེཧི, སབྦཏྠེཝེཏྠ ལོཀསྶ ཀམྨཝཙནིཙྪཱཏི ཀམེནེཏཾཉྙསཉྙཱཔུབྦཀཾ ཀམྨམུཔདསྶེནྟོ ཨཱཧ-‘ཨདྷིཔུབྦ’ཨིཙྩཱདི, ཡཱཡ ཝཏྟིཙྪཱཡ དུཏིཡཱ སིཡཱ ཏཱཡ ཝཏྟིཙྪཱཡ ཀམྨཏཱ ཀཐཾཧིནཱམཱཏི སམྦནྡྷོ, ནེཝ ཨུཔལབྦྷནྟཱིཏི ཀདཱཙིཀསྶཙི སིཡཱཏི སམྦནྡྷོ, པཡཏིཏབྦནྟི སུཏྟནྟརམཱརབྦྷནཱིཡཾ, ཏཏྠེཝཾ ཀིཾ བྷཝཏོ མནསི དོསདྷིཛམྦྷནེནཱཏི ཨཏྠོ, དྷམྨེཏི ཨེཏྠཱཔི ཨེཝཾ སདྡཾ ཡོཛེཏྭཱ ཨཏྠོ ཝེདིཏབྦོ, ཡཐཱ ཨཱདྷཱརེ ཀམྨཝཙནིཙྪཱ, ཏཐེཧཱཔི ཨཱདྷཱརཝཙནིཙྪཱཏི ཨཏྠོ, ཏེནེཝཱཧ-‘དྷམྨེཏི ཨཱདྷཱརཝཙནིཙྪཱ’ཏི, དྷམྨེ ཨབྷིནིཝིསཏེཏི སམྦནྡྷོ, ཨེཝཾསདྡསམཱནཏྠཏྟཱ ཏཐཱ སདྡསྶ ཏདཏྠཱནུསཱརེནེཝ ཝིཉྙཱཡཏཱིཏི ཏཐཱསདྡསྶ ཨཏྠོ ཝིསུཾ ན ཝུཏྟོ, པཱནཉྩ ཨཱཙཱརོཙ པཱནཱཙཱརཾ, ཏཾཔཱནཱཙཱརམསྶ ཨཱདྷཱརསྶ ཏསྨིཾ ཏཔྤཱནཱཙཱརེ, པཱནཏྠཱཙཱརཏྠདྷཱཏུསམྦནྡྷཱི ཡོ ནདྱཱདི ཀོ ཨཱདྷཱརོ སོ པཱནཱཙཱརཝཱཡེཝཱཏི ཨཱཧ- ‘པཱནཏྠཱཙཱརཏྠཱནཾ དྷཱཏཱུནམཱདྷཱརེ’ཏི ¶ , ཀེསཉྩཱིཏི ཨནིཡམེན ཀེསཉྩི སདྡསཏྠཀཱརཱནཾ, ཨེཏྠཱཏི ཨེཏསྨིཾ ཨཱདྷཱརཝཙནིཙྪཱཔཀྑེ, པཏིཔརཱིཧི བྷཱགེཙེཏྱཝསིདྡྷཱཏི ཨིམིནཱ པཏིསདྡསྶ དྷཱཏུནཱ ཨཡུཏྟཏཾ དསྶེཏི… ཡདི ཡུཛྫེཡྻ ཚཊྛིཡཱབྷཱཝཱ, ཏེནཱཧ-‘ཡདཱཏྭི’ཙྩཱདི, ཝུཏྟིཡཾ ཏེནཱཏི ཏསདྡེན, ཨཔིསདྡོཔསངྒཧིཏཾ ཏཏིཡམྤི གཧེཏྭཱ ཝཱཙཱཏི བཧུཝཙནནིདྡེསོ.

༣. ཀཱལ

ཡདཱ ཀཱལདྡྷཱནམིཙྩཱདིནཱ‘མཱསམཱསཏེ ཀོསཾ སཡཏི’ཙྩཱདོ ཨཀམྨཀེཧིཔི ཡོགེ ཀཱལབྷཱཝདྡྷདེསཱནཾ པརེཧི ཀམྨཏྟམནུཉྙཱཏནྟི ཙ, ཡདཱཏྭིཙྩཱདིནཱ ཏུ ཀིརིཡཱཝ སབྦེནསབྦཾ ན སཱུཡཏི, ཏཐཱ སཏི ཀུཏོ ཙ ཀམྨཏྟནྟི ཏེཧེཝ ཝུཏྟནྟཱི ཙ དསྶེཏི, གམྨ མཱནཀིརིཡཱཡོགོཔི ན ནིསྶིཏོ… མཱསམཱསཏེཙྩཱདཱིསུ ཨཱསནཱདི [ཨཱསནཱདཱིསུ (པོཏྠཀེ)] ཀིརིཡཱནཾ མཱསཱདིཡོགོ ཝིཡ ཀལྱཱཎིཏྟགུཎཱདིཡོགོ ཙ ལོཀསྶ པཏཱིཏིཔཐམུཔཡཱཏཱིཏི, ན སིཛ྄ཛྷཏཱིཏི ཀིརིཡཱ ན ཧོནྟི གུཎདབྦཱནཱིཏི ཀིརིཡཱསམྦནྡྷཱབྷཱཝཱ ཀམྨཏྟཱབྷཱཝོཏི ན སིཛ྄ཛྷཏི, གུལེ༹ན མིསྶཱ དྷཱནཱ བྷཛྫིཏཡཝཱ གུལ༹དྷཱནཱ. ཨཛ྄ཛྷཡནཀིརིཡཱཡ པབྦཏེན ཙ མཱསཀོསཱནཾ སཱཀལླེན སམྦནྡྷཱབྷཱཝཱ ཨཙྩནྟསཾཡོགཱབྷཱཝོཏི མཱསསྶཱཏིཨཱདཱིསུ ན དུཏིཡཱ. པུབྦཎྷེ སམཡནྟི ཨིམིནཱ པུབྦཎྷེ སམཡོཏི སཏྟམཱིཨཱམཱདིསམཱསཾ དསྶེཏི, ཨཙྩནྟ མེཝཱཏི ཨིམིནཱ སམཡསྶ སཱཀལླེན ཝིཧརཎཀིརིཡཱཡ སམྦནྡྷམཱཧ, ཡཾསམཡཾ ཀརུཎཱཝིཧཱརེན ཝིཧཱསི, ཏཾ ཨེཀཾསམཡནྟི སམྦནྡྷོ, ཨུཔསངྐམནཀིརིཡཱཡཙྩནྟམེཝ ཡུཏྟོཏི ཨིམིནཱ ནིཝཱསནཝིཧརཎ ཀིརིཡཱཧིཔི པུབྦཎྷསམཡཱདཱིནམཙྩནྟམེཝ ཡུཏྟཏཾ ཨུཔལཀྑེཏི, པཀཱརནྟརེནཱཔི སིདྡྷིཡམཱསངྐམུབྦྷཱཝཡཏི ‘ཡདཱ ཏྭི’ཙྩཱདིནཱ, ཝིབྷཏྟིཡཱ ཝིཔལླཱསོ ཡཐཱཔཀཏམཏིཀྐམྨ ཨཉྙཐཱ བྷཝནཾ, ཨིདྷ པན སཏྟམི ཡམྤཏྟཱཡཾ སཏྟམྱཏྠེ བཱཧུལཀེན ‘‘ཀམྨེ དུཏིཡཱ’’ཙྩེཝ དུཏིཡཱཔྤཏྟི.

ཏཏིཡཱབྷིམཏཱཏི ‘‘ཨཔཝགྒེ ཏཏིཡཱ’’ཏི (༢-༣-༦) ཝཙནེན པཱཎིནིཡཱནཾཔཔཉྩཏྟམབྷིམཏཱ, ཀཐམྤན ཀཱལདྡྷཱནཾ ཀརཎཏྟམིཙྩཱསངྐིཡ ཀརཎཏྟམེསམྤཊིཔཱདེནྟོ ¶ ཨཱཧ-‘ཏཐཱཔི’ཙྩཱདི, ཏཐཱཔཱིཏི ཝུཏྟཀྐམེན ཀརཎཏྟསམྦྷཝཱ ཏཏིཡཱཡ ཝིཛྫམཱནཱཡཔི, སིཡཱཏི ཏཏིཡཱ སིཡཱ, ཏཉྩཱཏི ཏཾ ཀརཎཉྩ. ཀཱརཀམཛ྄ཛྷེཏི ཨེཏྠ ཚཊྛཱི སམཱསོ ཀཱརཀསདྡེན ཙ སཏྟིཀཱརཀཾ གཧིཏནྟི (ཨཱཧ) ‘དྭིནྣཾ ཀཏྟུསཏྟཱིནཾ མཛ྄ཛྷེ’ཏི, ཨབྷིནྣསྶཱཔི ཧི ཨེཀསྶ དེཝདཏྟཱདིཀཏྟུནོ བྷིནྣཱནཾ ཏཾསམཝེཏཱནཾ ཀཏྟུསཏྟཱིནཾ མཛ྄ཛྷེ ཀཱལདྡྷཱནཱནི, སཏྟིབྷེདམེཝ བྱཉྫཡམཱཧ-‘ཏཐཱཧི’ཙྩཱདི, ཨེཀཏྠཱཏི ཨེཀསྨིཾ དེཝདཏྟེ, དྭཱིཧེཏཱིཏེ (བྷུཉྫིཀྲིཡཱ) སཱདྷནནྟི སམྦནྡྷོ, དྭིནྣཾ ཨཧཱནཾ སམཱཧཱརོ དྭཱིཧཾ ཏསྨིཾ. ཨིསུམསཏཱིཏི ཝཱ, ཨིསུམྷི ཨཱསོ ཨསྶེཏི ཝཱ ནིཔྥནྣེན ཨིསྶཱསསདྡེན གམྨམཱནཾ ཀིརིཡཾ དསྶེཏི ‘ཨིསྭསནེ’ཏི, ནནྭིཙྩཱདི ཙོདྱཾ, དྷནུཔཉྩསཏཾ ཀོསོ, ཨེཝམཉྙཏེཙྩཱདི པརིཧཱརོ, ཚཊྛིཡཱསམྤཏྟཱཡནྟི ཀོསསྶེཀདེསེཏི ཨེཝཾ ཚཊྛིཡཱ སམྤཏྟཱཡཾ, མུཏྟསཾསཡེནེདཾ སམཱནནྟི མུཏྟོ སཾསཡོ ཡསྨིཾ ཨཝདྷྱཱདོ ཏེནེཏཾ ཏུལྱནྟི ཨཏྠོ. ཝུཏྟིཡཾ ཨབྷིམཏཱཏི ‘‘སཏྟམཱི པཉྩམིཡོ ཀཱརཀམཛ྄ཛྷེ’’ཏི (༢-༣-༧) ཝཙནེན སཏྟམཱིཔཉྩམིཡོ པཔཉྩཏྟམབྷིམཏཱ, དྭཱིཧེ བྷུཉྫིསྶཏཱིཏི དྭཱིསུ དིཝསེསུ གཏེསུ བྷུཉྫིསྶཏཱིཏི ཨཏྠོ, ‘‘ཡབྦྷཱཝོ བྷཱཝལཀྑཎ’’ནྟི (༢-༣༦) སཏྟམཱི, སཀསཀཀཱརཀཝཙནིཙྪཱཡེཝཱཏི ཧི ཨིདཾ བཱཧུལླཾ ནིསྶཱཡ ཝུཏྟཾ, དྭཱིཧཱ བྷུཉྫིསྶཏི ཀོསཱ ཝིཛ྄ཛྷཏཱིཏི དྭཱིཧཱ ནིཀྑམྨ བྷུཉྫིསྶཏི, ཀོསཱ ནིཀྑམྨ ཋིཏཾ ལཀྑཾ ཝིཛ྄ཛྷཏི ཨུཔཱཏྟཝིསཡོ-ཡམཝདྷི, ཀོསེ ཝིཛ྄ཛྷཏཱིཏི ཀོསེ ཋིཏཾ ལཀྑཾ ཝིཛ྄ཛྷཏཱིཏི ཨཏྠོ.

༤. གཏི

ཀཏཙཏྠསམཱསཱཏི ཀཏོ ཙཏྠསམཱསོ ཡེསུ ཏེ ཏཐཱ ཝུཏྟཱ, ཨཉྙཔདཏྠཝུཏྟཡོཏི ཨཉྙཔདཏྠེ ཝུཏྟི ཡེསནྟི བྱདྷིཀརཎཉྙཔདཏྠསམཱསོ, ཙཏྟསམཱསེ གཏྱཱདཱིནཾ ཝིསུཾཝིསུཾ པདྷཱནཏྟཱ ཏེཧི པརཾ པཡུཛྫམཱནོ ཨཏྠསདྡོ གཏྱཱདཱིཧི པཙྩེཀམབྷིསམྦཛ྄ཛྷཏཱིཏི མཉྙཏེ, ཨཐ སུཏྟེ ‘པཡོཛྫེ’ཨིཙྩེཏཱཝཏྱུཙྩམཱནེ པཡོཛྫོ སཡཾ ཀཏྟཱཏི ཀཐཾ ཝིཉྙཱཡཏི ཡེན ‘པཡོཛྫེ ཀཏྟརཱི’ཏི ཝིཝརཎཾ ཀཏམིཙྩཱསངྐིཡཱཧ-‘གཏྱཱདྱཏྠ’མིཙྩཱདི, ཨཱདིསདྡེན བོདྷཱ དཱིནཾ ¶ གཧཎཾ, ཏཀྐིརིཡཱསམཏྠོཝཱཏི ཏསྶཱ གཏྱཱདིཀཱཡ ཀིརིཡཱཡ སམཏྠོ ཨེཝ ནིཡུཛྫཏེཏི སམྦནྡྷོ, ཀིརིཡཱཀརཎེ སམཏྠོ ནཱམ ཀཏྟཱཝཱཏི ཨཱཧ-‘སོཙ ཀཏྟཱ’ཏི. དུཏིཡཱཡ སིདྡྷཱཡཱཏི ཝཀྑམཱནནཡེན པཡོཛྫསྶ ཀཏྟུནོ ཀམྨཏྟསིདྡྷིཡཱ ‘‘ཀམྨེ དུཏིཡཱ’’ཏི སུཏྟེནེཝ ཀམྨེ དུཏིཡཱཡ སིདྡྷཱཡ. ཀིཾ ལཀྑཎོ-ཡཾ ནིཡམོ ཡདཏྠམི དམཱརབྷཱིཡཏིཙྩཱཧ-‘གཏྱཱདྱཏྠཱན’མིཙྩཱདི, པཙྩུདཱཧརཱིཡིསྶཏེ ‘ཨེཏེསམེཝེ’ཙྩཱདིནཱ, ཏཐཱཙཱབྦྷུཔགམེ, པཡོཛྫོ ཀཏྟཱ ན ཀམྨཾ ཏྱབྦྷུཔགམྨ པཡོཛྫེ ཀཏྟརཱི’ཏི ཝིཝརིཏནྟི ཨཏྠོ, སཱམཏྠིཡམྤནཨིཙྩཱདིནཱ སཱམཏྠིཡསརཱུཔམཱཧ, གཏི ཨཱདྱཏྠཱནནྟི པདཙྪེདོ, ནིཡུཛྫམཱནོ པཡོཛཀབྱཱཔཱརསངྑཱཏཱཡ ཀིརིཡཱཡ སམྦནྡྷཱིཡམཱནཏྟཱ ཀམྨབྷཱུཏོཝ བྷཝཏཱིཏི ཨཏྠོ, ཨཡམེཏྠཱདྷིཔྤཱཡོ ‘‘གམནཱདིཀིརིཡཱཡ སཱདྷནཏྟཱ ཡདིཔི པཡོཛྫོ ཀཏྟཱ, ཏཐཱཔི སོ པཡོཛཀེན གམནཱདཱིསུ བྱཱཔཱརིཡམཱནོ པཡོཛཀསྶ བྱཱཔཱརལཀྑཎཱཡ ཀིརིཡཱཡ སམྦནྡྷཱིཡམཱནོ ཡདི ཀམྨཾ ན ཧོཏི ཨཉྙཐཱ ཀིཾ ཧོཏཱིཏི ཨཉྙཐཱནུཔཔཏྟིལཀྑཎེན སཱམཏྠིཡེན ཀམྨབྷཱུཏོཝ ཧོཏཱི’’ཏི [(ཨཏྠོ) (པོཏྠཀེ)] ( ), པཏཱིཡཏེཏི ཨིམིནཱ པཏཱིཏིཝསེནེཝཱསྶ ཀམྨཏཱ, སབྷཱཝཏོ ཏུ པཡོཛྫོ ཀཏྟཱཝཱཏིཔི ཉཱཔེཏི, པཡོཛཀོཏི སབྦཏྠ དེཝདཏྟཱདིཀོ ཝིཉྙེཡྻོ, ཨཏྠགཧཎསྶཱཏི ‘‘སདྡཱཀམྨཀབྷཛྫཱདཱིན’’ནྟི ཨཝཏྭཱ ‘‘སདྡཏྠཱཀམྨཀབྷཛྫཱདཱིན’’ནྟི ཨཏྠགྒཧཎསྶ, བོདྷཏྠསྶ ཨུདཱཧརཎནྟི སེསོ, ནནུ ཝཙནཔྤཡོཛནཾ དསྶཡཏཱ ཝཙནམེཝོཔདསྶིཡ པཉྷོ ཀཱཏབྦོ, ཨཐ ‘ཨེཏེསམེཝཱ’ཏྱཝིཛྫམཱནེནེཝ ཀཐཾ ཏྱཱསངྐིཡཱཧ ‘ཨེཏེསམེཝེ’ཙྩཱདི, ཧེཊྛཱ ཝུཏྟཀྐམེན ནིཡམཏྠཏྟཱ ཝཙནསྶ ཨེཝཀཱརོ ལབྦྷཏི, སམྦནྡྷིཝཙནཏྟཱ ཨེཏསདྡསྶ ཏེན ཡཐཱཔཋིཏཱ གཏྱཱདཡོཝ ཝིསེསྶབྷཱུཏཱ སངྑེཔེན པརཱམསཱིཡནྟཱིཏི ཨེཏེ སམེཝཱཏི ཀཏནྟི མཉྙཏེ [ཨེཝོསཉྩཱཏི མཉྙཏེ (པོཏྠཀེ)], (གཙྪཏི དེཝདཏྟོཏི…པེ… ནཧོཏཱིཏི) ཨིམིནཱ ཨིམམཏྠཉྩ ཛོཏེཏི ‘‘ཡདིཔི ཀིརིཡཱབྷིསམྦནྡྷཱ པཡོཛྫསྶ ཝིཡ ཀཏྟུནོཔི ཀམྨཏྟམྤསཛྫཏི, ཏཐཱཔི པཡོཛྫེཏི ཝུཏྟཏྟཱ ཀཏྟརི དེཝདཏྟེ དུཏིཡཱ ནཔྤསཛྫཏཱི’’ཏི, ཨབྷིམཏཱཏི ‘‘གཏིབུདྡྷྱཱ’’དི (༡-༤-༥༢) སུཏྟེན ¶ པཡོཛྫསྶ ཀཏྟུནོ ཀམྨསཉྙཾ ཝིདྷཱཡ ཏསྨིཾ པཡོཛྫེདུཏིཡཱབྷིམཏཱ, ཙརཧིསདྡོ པུཙྪཱཡཾ, པཡོཛེཏཱིཏི ཨསྨིཾ ཨུདྡེསེ ཏདཱ ཀཐཾ བྷཝིཏབྦནྟི སེསོཏི ཡདཱཙརཧིཙྩཱདིཝཱཀྱསྶཱཝསཱནེ པཡོཛེཏཱིཏི ཨསྨིཾ ཨུདྡེསེ ཝཙནསམཱིཔེ’ཏདཱ ཀཐམྦྷཝིཏབྦ’ནྟི པཱཋསེསོ ཧོཏཱིཏི ཨཏྠོ ཝེདིཏབྦོ, ཡཱཝཏཱཏི ཏཏིཡནྟཔཊཱིརཱུཔཀོ ནིཔཱཏོ, ཡསྨཱ དཏྠོ ཝཏྟཏེ, ཡསྨཱ དུཏིཡཱ པཔྤོཏི ཏསྨཱ ‘ཡཉྙདཏྟེནེ’ཏི བྷཝིཏབྦནྟི སམྦནྡྷོ.

༥. ཧརཱ

ནིཡམེནེཙྩཱདིནཱ ཝཙནཱརམྦྷསྶ པཡོཛནམཱཧ, སཱཔི ཏཏིཡཱཔི [དུཏིཡཱཔིཏི ཝཏྟབྦ] ཡདཱཏྭིཙྩཱདིནཱ ཧརཏི ནཱཧཱརཏྠེ [ནཧརཏྱཏྠེ (པོཏྠཀེ)] ཏིཔི ཝིཉྙཱཔེཏི, ཨུབྷཡཏྠཱཏི དུཏིཡཱཡ པཏྟཱཡ ཨཔྤཏྟཱཡ ཙ, ཝིབྷཱསཱ ཝིཀཔྤོཏི ཨཏྠོ, ཀཱརེཏིཀར-ཀརཎེ, ལེཏྟཱཡཱདེསཱཏིལཏྟ ཨེཏྟཨཡཱདེསྶ, ཝད-ཝཙནེ, ཨབྷིཝདནམབྷིཝཱདོ ཏཾ ཀརོཏཱིཏི ‘‘དྷཱཏྭཏྠེནཱམསྨཱི’’ཏི (༥-༡༢) ཨིམྷི ནཱམདྷཱཏུ ‘ཨབྷིཝཱདི’ཏིསུཏྟེ ནིདྡིཊྛོཏི ཨཱཧ-‘ཨབྷིཝཱདིསྨཱ’ཨིཙྩཱདི.

༦. ནཁཱ

ཁཱདཡཏི ཨཱདཡཏི ཁཱད, ཨད=བྷཀྑཎེ, ཨཝ྄ཧཱཔཡཏི ཝ྄ཧེ=ཨཝ྄ཧཱནེ ཨཱཔུབྦོ, ‘‘པཡོཛཀབྱཱཔཱརེ ཎཱཔིཙེ’’ཏི (༥-༡༦) ཎཱཔིམྷི པུབྦསརལོཔོ, ཀནྡཡཏི ཀནྡ=ཨཝ྄ཧཱནརོདནེསུ.

‘‘ཝཧིསྶཱནིཡནྟུཀེ’’ཏི གཎསུཏྟེ ཨཡམེཏྠོ ‘‘ཝཧིསྶདྷཱཏུསྶ པཡོཛྫེ ཀཏྟརི ནིཡནྟུརཧིཏེ དུཏིཡཱ ན བྷཝཏཱི’’ཏི, ནིཡནྟཱ སཱརཐི ཀིརིཡཱསིདྡྷིཾ ནིཡཱམཀོཏི ཝཏྭཱ ཏམེཝ པཀཱསེཏུམཱཧ-‘ཀིརིཡངྒ’མིཙྩཱདི, ཀིརིཡངྒ ཀིརིཡོཔཀརཎབྷཱུཏཾ བལཱི བདྡཱདིཾ ཀིརིཡཱཀཱརཎཾ, ནིཡམེཏྭཱཏི ཨེཀསྨིཾ ཀརཎཱིཡེ ཀིརིཡཱ ཝིསཡེ པཏིཊྛཔེཏྭཱ, ཝཱཧཡཏི བྷཱརཾ དེཝདཏྟེནེཏྱཏྲ ཧི དེཝདཏྟོ པཉྙཝཱ པུརིསོ ནིཡནྟཱརམནྟརེནེཝ བྷཱརཾ ཝཧཏཱིཏྱནིཡནྟུཀོ ཀཏྟཱ, ཝཱཧཡཏི བྷཱརཾ བལཱིབདྡེ ཨིཙྩཏྲ ཏུ བལཱིབདྡཱ ནིཡནྟཱ རམནྟརེན ན ཝཧནྟཱིཏི སནིཡནྟུཀཱ.

‘‘བྷིཀྑིསྶཱཧིཾསཱཡ’’ནྟི ¶ གཎསུཏྟསྶཱཡམཏྠོ ‘‘བྷཀྑིསྶཱཧིཾསཏྠསྶ པཡོཛྫེ ཀཏྟརི དུཏིཡཱ ན བྷཝཏཱི’’ཏི, ཨཐ ཀཐམེཏྠ ཧིཾསཏྠཏཱ བྷཀྑིསྶ ཧིཾསཱ ཧི ཙེཏནཱཝཏི སམྦྷཝཏི, ན ཙེཏྠསསྶཾ ཙེཏནཱཝནྟནྟི ཨཱཧ-‘སབྦེ’ཨིཙྩཱདི, སབྦེཏི རུཀྑཱདཡོ, བྷཱཝཱ པདཏྠཱ, ཨིདཱནི སབྦདསྶནཱནུཀཱུལཧིཾསཏྠཏམུཔདསྶེཏུམཱཧ-‘ཡདིཝེ’ཙྩཱདི, ནནུ བུདྡྷཝཙན ནིསྶིཏམིདཾ བྱཱཀརཎཾ, ཏཐཱ སཏི སམྨཏམེཝེ-ཏྠོ-པདསྶེཏྭཱ གནྟབྦཾ ཀིནྣཱམཱཉྙདསྶནོཔགཱཏཱདྷིརེནཱཏི ཏུཎྷཱི ཧོཏི ནིཀྐཱརཎིསྶཱ [ནིཀྐམྨིསྶཱ (པོཏྠཀེ)] བྷཝཏོ-པཱཡོཏི ཝིཉྙཱཡཏི, པརཏྠཱནུབདྡྷཀིཙྪཾ པན མཧཱཔུཉྙཔཉྙཱ ན ཀིཉྩི ཝིཡ མཉྙནྟི, ཧོཏི (ཧི) ཨེཏེན པརཏྠོ ‘‘མཏནྟརེཔི སིདྡྷི སིསྶཱནཾ, ཏཾཏཾ མཏཉྙུནོ ཝཱ ཀདཱཙི ཀརཧཙི ཡདིདམཝལོཀེཡྻུཾ ཏེ ཙེཏྠཱཝཏཱརཾ [ཙེཏྠཀཱརཾ (པོཏྠཀེ)] ལབྷེཡྻུཾ ཨེཏཱདིསོ ཙ པཉྙཝཱ པཊིལདྡྷབུདྡྷཝཙནཔྤསཱདོ’ཏི ཏདཝཏཱརེན ཙ བུདྡྷེ བྷགཝཏི ཀམེན དལ༹ྷཾ པསཱདཾ པཊིལབྷེཡྻུ’’ནྟི, ཨེཝམེཝཾ ཏཏྠ ཏཏྠ ཏཾཏཾབྱཱཀརཎོདཱཧརཎཔྤསངྒེཔི ཏདནུསཱརེནེཝ ཏནྟཾཔཡོཛནཾ ཝེདིཏབྦཾ, ན ནིརཏྠཀཀཐཱཔསུཏོ-ཡམཱཙརིཡོཏི.

དུཧཱདཱིནཾ ཏྱེཝམཱདོ ཨམྷཱཀམྤརམགུརུནཱ རཏནམཏིཔཉྩིཀཱལངྐཱརཱདིཀཱརེན ནཱནཱཀཱརསཱརཏྠཝེདཝེདིཏུ [ཝེདཱཝེདིཏ (པོཏྠཀེ)] མཧཱཔཉྙཱཔཱཊཝཱནཾ པཉྙཝནྟཱནཾ སཱམིནཱ མཧཱསཱམིནཱ སམྦུདྡྷསཱསནརཏནཝརོཔཀཱརཀེན ‘ཨིདམེཏྠ ཝིཙཱརཎཱིཡཾ’ཏྱབྷིདྷཱཡ ནཱནཱམཏནྟརམཱཀཌྜྷིཡ བཧུཾ སམྤཝེདིཏམཏྠི, མཡམྤནེཏྠ ཨཱཙརིཡེནཱདྷིཔྤེཏམཏྟམེཝཱལམྦ ཨཏྠམྤ ཀཱསཡིསྶཱམ. སཏྱཔྱནེཀདསྶནབྷེདེ སིཊྛཔྤཡོགཱནུསཱརེན ཡཏྠ པདྷཱནེཀམྨནིཏྱཱདིཔྤབྷུཏཡོདིསྶནྟི, ཡཏྲ ཏྭཔྤདྷཱནེཏྱཱདཱི, ཡཏྲོབྷཡཏྲཔི, ཏཾསབྦམིཧ བྷསྶཀཱརཱདྱནུམཏཀྐམེན པཊིཔཱདཡམཱཧ-དུཧཱདཱིན’མིཙྩཱདི, ཨེཏྠཱདིསདྡོ པཀཱརཝཱཙཱི, ཏེན ཡཱཙིཔྤབྷུཏཡོ གཡ྄ཧནྟི, ཀམྨདྭཡཡུཏྟཱནནྟི ནིདྡྷཱརཎེ ཚཊྛཱི, ཏེན ཀམྨདྭཡཡུཏྟཱནཾ མཛ྄ཛྷེ དུཧཱདཱིནམཔྤདྷཱནེཔི གཝཱདོ ཀམྨེ ཏྱཱདིཔྤབྷུཏཡོཏི ཡོཛནཱ ¶ . ཨིཙྩཱདིཏིཨཱདིསདྡེན ‘ཨཝརུནྡྷཏི ཝཛཾ གཱཝཾ ཨཝརུནྡྷཱིཡཏེ ཝཛཾ གོ’ཨིཙྩཱདཱིནཾ པརིགྒཧོ, གམནཱདྱཏྠཱན མིཏྱཱདིསདྡེན བོདྷཏྠཱདཱིནཾ གཧཎཾ. གམཱིཡཏེ གཱམོ དེཝདཏྟནྟི ཨེཏྠ ཀཐཾ པཡོཛྫཏྟསམྦྷཝོཏི ཨཱཧ-‘པུརིསེ’ཙྩཱདི, ཡཛྫཔི གཱམོ ཏུཎྷཱི ཧོཏི ནིབྱཱཔཱརཏྟཱ པུརིསོཝ ཏུ གམནཀིརིཡཾ ནིཔྥཱདེཏི, ཏཐཱཔི པུརིསསྶ གམནཀིརིཡཱཡ ཡཾཕལཔྤཏྟིལཀྑཎཾ, ཏམུབྷིནྣམྤི གཱམཔུརིསཱནཾ སམཱནནྟི པུརིས ཀིརིཡཱཏུལྱཕལཏྟཱ གཱམོཔི གམནཀིརིཡཱཡ ཀཏྟུབྱཔདེསེ ཀཱརཎཾ བྷཝཏཱིཏི ཨདྷིཔྤཱཡོ, ཏཐཱཧི གཱམཾ གཙྪནྟོ ཀོཙི གཱམེ ཨཱསནྣེ སཏི ཝདཏི ‘ཨཱགཏོ གཱམོ པཏྟོ གཱམོ’ཏི, ཨཏོཉྙེསནྟི ཡེ ཀམྨདྭཡཡུཏྟཱ དུཧཱདཡོ གམནཱདྱཏྠཱཙོདཱཧཊཱ, ཨེཏེཧི ཨཉྙེསཾ, པདྷཱནེ ཀམྨེབྷི ཨཛཱདིམྷི པདྷཱནེ ཀམྨེ, པདྷཱནཏྟམྤན ཨཛཱདཱིནཾ ཀིརིཡཱཡ པཡོཛནཏྟཱ, ཨཛཱདྱཏྠཱ ཧྱཱནཡནཀིརིཡཱརབྷྱཏེ. ཨཡམྤནེཏྠ སངྒཧོ-

‘‘དུཧི ཡཱཙི རུདྷི པུཙྪི, བྷིཀྑི ཙི བྲུཝི སཱསི ཙ;

ཛི དཎྜི པཏྠི མནྠཱི ཙ, དྷཱཏཱུ ཧོནྟི དུཧཱདཡོ.

གཏྱཱདིསུཏྟཔཊྛིཏཱ, གཏྱཱདྱཏྠཱ བྷཝནྟི ཏེ;

ནཱིཝཧཧརཀསཱཙ, ནཱིཝཧཱདཱི བྷཝནྟི ཏེ.

དྭིཀམྨཀེསུ ཙེཏེསུ, ཨཔྤདྷཱནེ དུཧཱདིནཾ;

ཏྱཱདིཔྤབྷུཏཡོ ཧོནྟི, པདྷཱནེ ནཱིཝཧཱདིནཾ;

ཨུབྷཡཏྠ པཡོགཱནུ, སཱརཱ གཏྱཏྠཨཱདིནཾ’’ཏི.

པཡོགོ པན སམྦནྡྷཙིནྟཱཡམིཧ ཙ ཝུཏྟཱནུསཱརེན སབྦཐཱ ཝིཉྙེཡྻཱ.

༧. དྷྱཱདི

པུབྦེ ཀིརིཡཱནིསྶཡེན [ཀཱརཀནིསྶཡེན (པོཏྠཀེ)] དུཏིཡཱཡ ཝིཧིཏཏྟཱ ཨཱཧ ‘ཨིདཱནི’ཙྩཱདི, དྷིསདྡསྶ ཨཏྠཔྤདྷཱན ནིདྡེསེན ཝཱ ཨཱདིསདྡེན ཝཱ ‘ཧཱ དེཝདཏྟ’ནྟིཔི ཧོཏི, ཧཱ དེཝདཏྟདུཀྑནྟི ཏུ དུཀྑེན ཡོགཱ དེཝདཏྟེན ན ཡུཏྟོ ཧོཏཱིཏི པཋམཱཝཱམནྟཎེ. ནནུཙ ཨནྟརཱསདྡེན ཡོགེ ཡཐཱརཱཛགཧནཱལནྡཱཧི ¶ དུཏིཡཱ [(ཏཐཱ)] ཨནྟརཱ ཙ རཱཛགཧཾ ཨནྟརཱ ཙ ནཱ ལནྡ(ནྟི ཏཐཱ) ཨནྟརཱམགྒེཏི ཨེཏྠ མགྒཏོཔི [ཨནྟརཱམགྒཏོཔི] ཀསྨཱ ན དུཏིཡཱཏི ཏེནཱཡོགཱ, ཡེསཉྷི ཏཾམཛ྄ཛྷཾ ཏེ ཏེན ཡུཛྫནྟཱིཏི ཏེཧིཡེཝ དུཏིཡཱ, ཨཐཝཱབྦྷུཔགཏེཔི ཏཾཡོགེ ཏཾསམྦནྡྷཱིཡེཝ མགྒོཏི མུཁྱཏྟཱ ཏཏོ [སབྦསྶ (པོཏྠཀེ)] ན དུཏིཡཱ, ཨཏྲཱཔི ཚཊྛཱིཡེཝ པཔྤོཏི ཨནྟརཱ ཏཉྩ མཉྩ ཀམཎྜལུཨིཏི, ཏཝ མམ མཛ྄ཛྷེ ཀམཎྜལུཏྱཏྠོ, ཨཐ ཀམཎྜལུསདྡཏོ དུཏིཡཱ ཀསྨཱ ན བྷཝཏི སཏཱིཔྱནྟརེན ཡོགེ ཏསྶ པདྷཱནཏྟཱ, ཏཐཱཧི ཀམཎྜལུནོ སཀཏྠཱ པཝཏྟི, ཏུམྷམྷཱནནྟུ པརཏྠཱ-ཀམཎྜལུཝིསེསནཏྟེན ཏེསཾ པཝཏྟཏྟཱ, ཏཏྲ ཀམཎྜལུནོ སཀཏྠེ ཝཏྟམཱནཏྟཱ པདྷཱནཏྟེནཱཝཏཏྟཱ པཱཊིཔདིཀཏོ ཨཙྩུཏཏྟཱ པརཏྟཱ པཋམེཝ བྷཝཏཱིཏི ཛཱིནིནྡབུདྡྷིནྱཱས. ནིནྡཱདི ལཀྑཎསྶ སམྦནྡྷསྶ སབྦྷཱཝཱ སབྦཏྠ སམྦནྡྷཚཊྛིཡཱ སམྤཏྟཱཡཾ ཝཙནཾ, ཨཱཀཏིགཎོ-ཡཾ.

༨. ལཀྑཎི

ལཀྑཎཱདཱིསྭཏྠེསུཏི ནཱམསྶཱ [ཀསྶཱ (པོཏྠཀེ)] ཡམཏྠནིདྡེསོཏི ཨཱཧ ‘ཨབྷིནཱཡོ ཡུཏྟོ’ཙྩཱདི, ཏེནཱཏི ཨབྷིནཱ ཡུཏྟསྶཱཏྠནིདྡེས ཀཱརཎེན, ལཀྑཎསདྡེན ཧེཏུ ཝཏྟུམིཙྪིཏོཏི ཨཱཧ-‘ཏཏྠེ’ཙྩཱདི, དུཝིདྷོ ཧེཏུ, ཝུཏྟཉྷི སུབོདྷཱལངྐཱརེ ‘‘ཛནཀོ ཉཱཔཀོ ཙེཏི, དུཝིདྷཱ ཧེཏཝོ སིཡུ’’ནྟི (༢༥༢), སམུཔལཀྑཡཏཱིཏི སམུཔལཀྑཎཾ, སངྐེཏམཏྟཾ ཉཱཔཀཾ, ན ཏུ ཛནཀཾ, སངྐེཏོཔི ལཀྑཎམུཙྩཏེ ལཀྑཱིཡཏེ ཀཱརིཡམཱནེནཱཏི ཀཏྭཱ, ཛནཀསྶཱཔྱཏྲ ལཀྑཎཏྟེན གཧཎེ པཡོཛནཾ ‘‘ཨནུནཱ’’ (༢-༡༠) ཨིཙྩཏྲ དཊྛབྦཾ. ཀཉྩིཔཀཱརནྟི ཨིམིནཱ ཨིཏྠཾསདྡསྶ ཨཏྠཾ ཝདཏི. པཏྟོཏི ཨིམིནཱ བྷཱུཏསདྡསྶ, ཨེཏྠ ཧི བྷཱུདྷཱཏུ པཏྟིཡཾ ཝཏྟཏེ, རུཀྑོལཀྑཎནྟི རུཀྑོ ཉཱཔཀཧེཏཱུཏི ཨཏྠོ… རུཀྑེན ཝིཛྫུཡཱ ཉཱཔཱིཡམཱནཏྟཱ, ཨཱཙརིཡཛིནིནྡབུདྡྷི པན ཨཉྙཐཱ ཝཎྞཡཏི, ཏསྶེདཾ མཏཾ-

ཀྲིཡཱཡ ཛོཏཀོ ནཱཡཾ, སམྦནྡྷསྶ ན ཝཱཙཀོ;

ནཱཔི ཀྲིཡནྟརཱཔེཀྑཱི, སམྦནྡྷསྶ ཏུ བྷེདཀོཏི.

ཨཡམེཏྠ ¶ ཨཏྠོ ‘‘ཨཡམབྷི ཨབྷིནནྡཏིཏྱཱདཱིསུ ཝིཡ ཀིརིཡཱཡ ཛོཏཀོ ན ཧོཏི, ཚཊྛཱི ཝིཡ སམྦནྡྷསྶ ཝཱཙཀོ ན ཧོཏི, ནིཀྐོསམྦཱིཏྱཏྲ གམནཀིརིཡཱཔེཀྑཱི ནིསདྡོ ཝིཡ ནཱཔི ཀིརིཡནྟརཱ པེཀྑཱི, ཀིཉྩརཧི སམྦནྡྷསྶ ཏུ བྷེདཀོ ཝིསེསཀོ བྷཝཏཱི’’ཏི ཏམུཔདསྶེཏུམཱཧ-‘ཨཉྙེ ཏྭི’ཙྩཱདི, ཨེཏྠ ཨིཏིསདྡོ ནིདསྶནེ, རུཀྑམྤཏྭཱ ཝིཛྫོཏཏེ ཨིཏིཨེཝཾ པཏྟིཀིརིཡཱཡ པཏྭཱཏིཝུཏྟརུཀྑཔཱཔནཀིརིཡཱཡ ཛནིཏོཏི ཨཏྠོ, ཏཐཱཧི རུཀྑསྶ ཝིཛྫུཡཱ པཱཔནཱབྷཱཝེ ཝིཛྫུཡཱ ལཀྑིཡཱཡ ཏལླཎསྶ ཙ རུཀྑསྶ ཡོ ལཀྑིཡལཀྑཎབྷཱཝོ སམྦནྡྷོ, སོ ཀེན སམྤཱདིཏོ བྷཝེཡྻ, ནནུ སམྦནྡྷེ ཨབྷིནཱ ཛོཏཱིཡམཱནེ རུཀྑསྶ ལཀྑཎཝུཏྟིཏཱ ཀཐཾ ཛོཏཱིཡཏཱིཏི ཨཱཧ-‘ལཀྑཎཏྠོཙ ཝིསཡབྷཱཝེནཱ’ཏི, ཏཐཱཙེཏྱཱདིནཱ ཏསྨིཾ པཀྑེ སམྦྷཱཝིཏཾ དོསམུབྦྷཱཝཡཏི, ཏཏྲཱཡ མིཙྩཱདིནཱ ཡཐཱཝུཏྟདོསཔརིཧཱརཱཡ པརེཧེཝཱབྷིདྷཱིཡམཱནམྤརིཧཱརམཱཧ, པརིཧཱརོཔདསྶནེནཱསྶཱཔི པཀྑསྶཱདུཊྛཏཱཁྱཱཔནེནེསོཔི པཀྑོ-བྦྷུཔགཏོཏྱཝསེཡོ, ཨཏོཡེཝུཔརི ཡཐཱཝུཏྟ པཀྑནིསྶཡེནེཝ བྱཱཁྱཱཡཏེ, དེཝདཏྟསྶ སཱདྷུཏྟསངྑཱཏཨིཏྠམྤཀཱརཔྤཏྟིཡཱ ཝིསཡབྷཱཝེནཱཝཊྛིཏཱ མཱཏཱ ཏཏྠ ཝཏྟཏི ནཱམཱཏི ཨཱཧ-‘མཱཏུཡཱ’ཏིཨཱདི, མཱཏཱ ཙ ཨིཏྠམྦྷཱུཏེ པཝཏྟཱ ཝིསཡ བྷཱཝེན དེཝདཏྟོ ཙ ཏཏྠ ཝིསཡཱིབྷཱཝེན, ཏེསཉྩ ཝིསཡཝིསཡཱིབྷཱཝལཀྑཎོ སམྦནྡྷོ ཨིཏྠམྤཏྟིལཀྑཎཱཡ ཀིརིཡཱཡ ཛཱཏོ, སོ མཱཏུསམྦནྡྷོ ཧོཏི ཀཱརཎཝསེན, སོཙཱཏིནཱ ཛོཏཱིཡཏཱིཏི མཱཏུ ཏེནཱབྷིནཱ ཡོགོཏི ཨཱཧ-‘ཡྭཱཡ’ཙྩཱདི, མཱཏུསམྦནྡྷོཨིཏི ཡོཛནཱ, ཨིཏྠམྤཏྟིཡཱཏི ཨིཏྠམྤཏྟིལཀྑཎཱཡ ཀིརིཡཱཡ ཀརཎབྷཱུཏཱཡ, ཨེཝཾ མཉྙཏེ ‘‘ཀིཉྩཱཔི སོ སམྦནྡྷོ དེཝདཏྟེནཱཔྱཝིནཱབྷཱཝཱིཏི ཏསྶ སོབྷིནཱ ཛོཏཱིཡཏེ, ཏཐཱཔི མཱཏུསམྦནྡྷོབྷིནཱ ཛོཏཱིཡཏཱིཏི ‘མཱཏུ ཏེན ཡོགོ’ཏི ཙ (ཝུཙྩཏི)… སདྡསཏྟིཡཱ ཏགྒཏཱཡེཝ དུཏིཡཱཡ ཨུབྷཡགཏསྶཱཔི སམྦནྡྷསྶ ཛོཏནཏོ’’ཏི རུཀྑོ རུཀྑོ ཏིཊྛཏཱིཏི སམྦནྡྷོ, ཋིཏིམྤཊིཙྩཱཏི ཋིཏིནྣིསྶཱཡ ཨེསཾ རུཀྑཱནཾ ཡོ ཙ སམྦནྡྷོཏི ཡོཛནཱ, རུཀྑཱནནྟི ཨིམིནཱ རུཀྑཱ ཀིརིཡཱཡ པརེ སམྦནྡྷིནོཏི ཉཱཔེཏི, ཋིཏིམྤཊིཙྩཱཏི ¶ ཨིམིནཱ པན ཏིཊྛཏིསདྡཝཙནཱིཡཱ སཱདྷྱརཱུཔཱ ཋིཏིཀིརིཡཱ རུཀྑཏོ པརེ སམྦནྡྷཱིཏི, ཨཙེཏནཱནཾ རུཀྑཱནམཔེཀྑཱཝིརཧེཔི ལོཀམྤཏཱིཏིཝསེན ‘པིཔཏཱིསཱ’དཱིནཾ ཝིཉྙཱཡམཱནཏྟཱ ཝིཉྙཱཡམཱནཋཱནཱཔེཀྑཎཀིརིཡཱཡསཱདྷྱསཱདྷནལཀྑཎོ སམྦནྡྷོ ཛཱཏོཏི ཝིཉྙེཡྻཾ, སོ ཙ རུཀྑསམྦནྡྷོ-བྷིནཱ ཛོཏཱིཡཏཱིཏི ཨཱཧ-‘སོ’ཏིཨཱདི, དྭིབྦཙནེནེཝ ཛོཏནཱིཡཱཏི ཝིཙྪཱཏྠེ ཝུཏྟིམཏྟེ སཏཱིཔི ཝིབྷཏྟིཡཱ [ཝིཙྪཏྠེ ཝུཏྐིམཏྟེཏྱཱདིཝཙནཾ ཝིཙཱརེརེཏབྦཾཝིཏཏྟིཡཱ ཨབིསདྡསྶཙ ཝིཙྪཏྠེ ཝུཏྟིཡཱ ཨབྷཱཝཱ, ལཀྑཎིཏྠམྦྷཱུཏི ཧི པཀཏིཝིསེསནཾ] ཛོཏེཏུམསམཏྠཏྟཱ ཝིཙྪཱཡ ཛོཏནཱཡ དྭིབྦཝཙནཾ ཀཏྟབྦམེཝཱཏི ཨདྷིཔྤཱཡོ.

༩. པཏི

ཨུཔཱདིཡམཱནོཏི ཨབྦྷུཔགམྨམཱནོ, ཡདི པན ཨུཔཱདིཡམཱནོ བྷཱགོ, ཨནུཔཱདིཡམཱནོ ཀཐནྟི ཨཱཧ-‘ཡོ པནཱ’ཏིཨཱདི, ཏགརཀུཊྛཱ གནྡྷབྦཝིསེསཱ, མམཱབྷཛཏཱིཏི མཾ ཨཱབྷཛཏི, མམ ཀོཊྛཱསོ ཧོཏཱིཏི ཨདྷིཔྤཱཡོ.

༡༠. ཨནུ

ནཏུལཀྑཎནྟི སཙྩཀིརིཡཱ ཝུཊྛིཡཱ ཧེཏུ ཧོཏི, ན ཏུ སངྐེཏོཏི ཨཏྠོ, ཧེཏུཏྟཱ ལཀྑཎཏྟཱབྷཱཝེ སཙྩཀིརིཡཱཡ ཀཐཾ ལཀྑཎེ དུཏིཡཱཏི ཧེཏུཏྟེཔི ལཀྑཎཏྟམསྶ སཱདྷེནྟོ སཱདྷམྨཔཡོགེནཱནྭཡམཱཧ-‘ཡཾ སཀིམྤི’ཙྩཱདི, ཨེཏྠ ཧི ལཀྑཎཾ སཙྩ ཀིརིཡཱཏི པཊིཉྙཱ, [པཀྑོ (པོཏྠཀེ)] སཀིམྤི ནིམིཏྟཏཱཡ ཀཔྤནཏྟཱཏི ཧེཏུ, ཡཾ སཀིམྤི ནིམིཏྟཏཱཡ ཀཔྤཏེ ཏམྤི ལཀྑཎཾ བྷཝཏི, ཡཐཱ’ཨཔི བྷཝཾ ཀམཎྜལུཔཱཎིཾ སིསྶམདྡཀྑཱི’ཏི སཱདྷམྨཔཡོགེནཱནྭཡོ དཊྛབྦོ, ཀཔྤཏེཏི སམཏྠོཏི ཨཏྠོ, ཀམཎྜལུ པཱཎིམྷི ཨསྶེཏི ཀམཎྜལུཔཱཎཱི, ཨཔཱིཏི པཉྷེ, ཀདཱཙི ཀེནཙི ཀམཎྜལུཔཱཎཱིསིསྶོ དིཊྛོ སོ ཏམེཝ དསྶནཾ ལཀྑཎཾ ཀཏྭཱ པུཙྪཏི ‘ཨཔི’ཏྱཱདིནཱ, ཨཐ ཡཐཱ ཝུཏྟེན ཧེཏུནོཔི ལཀྑཎཏྟམཏྟུ ཏཐཱཔི པརཝིཔྤཊིསེདྷེན ཧེཏུམྷི ཏཏིཡཱ ཀསྨཱ ན སིཡཱཏི ཙོདཡམཱཧ ‘ན ནྭེཝམྤི’ཙྩཱདི, པུབྦཝིཔྤཊིསེདྷེནཱཏི ཨཔཝཱདཔུབྦཝིཔྤཊིསེདྷེན, ཏཐཱཧི ཚཊྛིཡཱ ¶ པཝཱདོ ཧོཏི ཧེཏུམྷི ཏཏིཡཱཝིདྷི… སམྦནྡྷཚཊྛིཡཱ པཏྟཱཡ ཧེཏུཏཏིཡཱཝིདྷཱནཏོ ཨུཔཔདཝིབྷཏྟིཝིདྷིཔི ཚཊྛིཡཱཔཝཱདོ… སམྦནྡྷཝིསེསཱབྷིབྱཏྟིཧེཏུནོཔཔདེན ཡོགེ ཏསྨིཾཡེཝ སམྦནྡྷེ ཝིདྷཱནཏོ, ཏཏྠ ཧེཏུཏཏིཡཱཝཀཱསོ ‘དྷནེན ཀུལ’ནྟི, ཨུཔཔདཝིབྷཏྟིཡཱཝཀཱསོ ‘རུཀྑམནུཝིཛྫོཏཏེ’ཏི, སཙྩཀིརིཡམནུ པཱཝསྶཱིཏི ཏུ ཧེཏུམྷི ལཀྑཎེ-པཝཱདཝིཔྤཊིསེདྷེ སཏི པུབྦཝིཔྤཊིསེདྷེན དུཏིཡཱ བྷཝཏི.

༡༡. སཧ

སཧཏྠེ-ནུནོ ཝཏྟནེ པབྦཏེན ཡོགོ ཀཐནྟི ཨཱཧ‘པབྦཏེནེ’ཙྩཱདི.

༡༢. ཧཱིནེ

ཝིསཡབྷཱཝེནཱཏིཨཱདིནཱ ཧཱིནཏྠེཏི ཝིསཡསཏྟམིཏྟམཱཧ, ཝིཛཱནནཔྤཀཱརམཱཧ-‘ཧཱིནེ’ཙྩཱདི, ཏེནཱཏི ཨནུནཱ, ཀཐཾ ཏེན ཡུཏྟཏྟཾ ཨུཀྐཊྛསྶཱཏི ཧཱིནུཀྐཊྛསམྦནྡྷམུཁེན ཝིབྷཱཝེནྟོ’ཏཏྠཱ’ཏིཨཱདིམཱཧ, ཏཏྠཱཏི ཧཱིནེཙྩཱདིནཱ ཝུཏྟེ ཏསྨིཾ, ཡཏོཏི ཨུཀྐཊྛསཱརིཔུཏྟཱདིཀོ, ཧཱིནོཏི པཉྙཝཏྟཱདི(ཏོ ནིཀྐཊྛོ, སོ སཱརིཔུཏྟཱདིཀོ ཨུཀྐཊྛོ) ཧཱིནཏྠཝིསཡོ ཛཱཡཏེ… ཏབྦིསཡེ ཏསྶ ཨུཀྐཊྛཏཱ པཏྟིཏོ, ཧཱིནུཀྐཊྛསམྦནྡྷོ པན ཨཏིསཱཡནཱདིཀཱཡ ཀཱཡཙི ཀིརིཡཱཡ ཀཏོཏི དཊྛབྦཾ.

༡༤. སཏྟ

ཀིནྟཾ ཨཱདྷིཀྱམིཙྩཱཧ- ‘ཨདྷིཀཱདྷིཀཱིསམྦནྡྷོ’ཏི, ཨདྷིཀོ ཨསྶ ཨཏྠཱིཏི ཨདྷིཀཱི=ཁཱརཱི, ཨཐཱདྷིཀཱིཝིནིམུཏྟེ ཨདྷིཀཱདྷིཀིསམྦནྡྷོ ཀཐམཝསཱིཡཏེ ནཧྱཏྲཱདྷིཀཱི ཀོཙི སཱུཡཏིཙྩཱཧ-‘ནཝིནེ’ཙྩཱདི, ཨིཏི སདྡོ ཧེཏུམྷི ཡཐཱཝུཏྟསམྦནྡྷསཱདྷནོ, ཏདོཔསདྡེནཡོགོཏི ཏདཱ ཨུཔསདྡེནཱདྷིཀིནོཡོགོཏི ཨཏྠོ. དྭིཊྛཏྟཱ སམྦནྡྷསྶ ཨདྷིཀསྶཱཔྱུཔསདྡེན ཡོགཱ ཏཏོཔི ཀསྨཱ ན སཏྟམཱིཏྱཱཧ-‘ཨདྷིཀམྷཱཏྭི’ཙྩཱདི, ཡཐཱ ཨེཀཱཡེཝ ཝིབྷཏྟིཡཱ ཨུབྷཡགཏསྶཱཔི སམྦནྡྷསྶ ཛོཏིཏཏྟཱ ཝིཛྫུསངྑཱཏལཀྑིཡཱ སཏྟམྱབྷཱཝོ, ཨེཝམིདྷཱ པཱིཏི པུབྦེ ཝུཏྟསམཱདྷིམཏིདིསནྟོ ཨཱཧ-‘ལཀྑིཏཱ ཝིཡ སཏྟམྱ བྷཱཝོ’ཏི, ‘‘མཱཎིཀཱ ཙཏུརོདོཎཱ, ཁཱརིཏྠཱི ཙཏུམཱཎིཀཱ’’.

༡༥. སཱམི

ཀིནྟཾ ¶ སཱམིཏྟམིཙྩཱཧ-‘སསྶཱམིསམྦནྡྷོ’ཏི, ཀཱཡ ཀིརིཡཱཡ ཛནིཏོཏི ཨཱཧ-‘པརིཔཱལནཱདིཀིརིཡཱཡ ཛནིཏོ’ཏི, ཏཉྩཱཏི སཱམིཏྟཱཔེཀྑོ ནཔུཾསཀནིདྡེསོ, སམྦནྡྷསྶཱནེཀཝིདྷཏྟཱ ཨཱཧ‘སབྦཏྠ སམྦནྡྷེ’ཏི, ཨཱཁྱཱཡཏེཏཱིམསྶ ཨཏྠོ ཝིདྷཱིཡཏེ ཉཱཔཱིཡཏེཏི, དིཊྛནྟོ-པནཱིཏོཏྠོ སུཁེན པཊིཔཏྟུཾ སཀྐཱཏི པསིདྡྷམནུཝདིཡམཱནམཔྤསིདྡྷཉྩ ཝིདྷཱིཡམཱནཾ དིཊྛནྟམཱཧ-‘ཡཐཱ ཡོ ཀུཎྜལཱི སོ དེཝདཏྟོ’ཏི, ཀུཎྜལིཏྟམྤསིདྡྷཾ, དེཝདཏྟཏྟམཔྤསིདྡྷམིཙྩཱཧ-‘ཀུཎྜལིཏྟཱནུཝཱདེནེ’ཙྩཱདི. ཡཐེཝོབྷཡཱདྷིཊྛཱནཏྟེཔྱུཔསཛྫནཏོཝ ཚཊྛཱི ‘རཉྙོ པུརིསོ’ཏི, ན ཝིསེསྶཏོ ‘པུརིསསྶ རཱཛཱ’ཏི, ཏཐཱ སམྦནྡྷཱབྷིབྱཉྫནཀེནཱདྷིནཱ ཡོགེཔི ཝིསེསནཏོཝ བྷཝཏི, ནཱཉྙཏོཏི ཨཱཧ-‘ཏཏྠཱ’ཏིཨཱདི. བྱཏིརེཀམཱཔཱདཱིཡཏཱིཏི ཀཱརཀཚཀྐཏོ བྱཏིརིཏྟཏྟཱ སམྦནྡྷོ བྱཏིརེཀོ ཏཾ ཨཱཔཱདཱིཡཏི པཱཔཱིཡཏཱིཏི ཨཏྠོ, ཨུབྷཡཏོཏི སཾཏོ སཱམིཏོ ཙ, ཨདྷིབྲཧྨདཏྟེ པཉྩཱལཱཏི བྲཧྨདཏྟསྶ པཉྩཱལཱ སནྟཀཱ [སཱམིནོ (པོཏྠཀེ)] ཏི ཨཏྠོ, སནྟཀཱ [སཱམིནོ (པོཏྠཀེ)] ཧི པཉྩཱལཱ, ན སཱམི [ནསཾ (པོཏྠཀེ)], ཨདྷིཔཉྩཱལེསུ བྲཧྨདཏྟོཏི པཉྩཱལཱནཾ བྲཧྨདཏྟོ སཱམཱིཏྱཏྠོ.

༡༦. ཀཏྟུ

ཀིཾ ལཀྑཎོ-ཡཾ ཀཏྟཱཨིཙྩཱཧ-‘ཀཏྟརི’ཙྩཱདི, གཙྪཏི དེཝདཏྟོཙྩཱདོ ཀཏྟརི པཏིཊྛིཏཾ, པཙཏྱོདནཾ དེཝདཏྟོཙྩཱདོ ཀམྨེ པཏིཊྛིཏཾ ཀིརིཡཾ ཀརོཏཱིཏི སམྦནྡྷོ, ཀརོཏཱིཏི ཙ ཨིམིནཱ ཨནྭཏྠ བྱཔདེསོཝ སིདྡྷོ-ཡཾ ཀཏྟུ ཝོཧཱརོཏི ཉཱཔེཏི, ཀེནཙི པཡུཛྫམཱནོཔི སཀེ ཀམྨེ སཡམེཝ པདྷཱནཏྟམནུབྷཝཏཱིཏི‘པཡུཏྟོ ཝཱ པདྷཱནབྷཱཝེནཱ’ཏི ཝུཏྟཾ ཧོཏི ཙེཏྠ-

པདྷཱནཏཱཡ ཡོ ཀཏྟུ, ཀམྨཊྛཾ ཀུརུཏེ ཀྲིཡཾ;

སཱ ཀཏྟཱ ནཱམཔྤཡུཏྟོ, པཡུཏྟོ ཝཱཏྱཡཾ དྭིདྷཱཏི.

ཏཏྠ པུརིསེན ཀཏནྟི ཨཔྤཡུཏྟོ, པུརིསེན ཀརོཏི དེཝདཏྟོཏི པཡུཏྟོ, ནནུ ཀིརིཡཱ-ཡམབྱཝདྷཱནེན ཀརཎཱདྷིཀརཎེ ཧེཝ ¶ སཱདྷྱཏེ ཀཏྟཱརཱ ཏུ དཱུརཊྛེན, ཏཐཱསཏི ཀཐམནེཀསཱདྷནསཱདྷནཱིཡཾ ཀིརིཡཾ ཀཏྟཱཝ ཀརོཏི མུཁྱབྷཱཝེནཱཔརེཏྭམུཁྱབྷཱཝེནཱཏི ཝུཙྩཏེ-

ཀཏྟུཏོཉྙེསམུབྦྷཱུཏྱཱ, ཝིཝིཏྟཱལོཙནཱདིནཱ [ཝཝིཝེཀེཙ དསྶནཱཏི ཝཱཀྱཔདཱིཡེ, པཝིཝེཀེཙ ཀཱརཀནྠརཱམབྷཱཝེདིསྶབྷེ ཀཏྟརིཀྲིཡཱ ཨཏྠི བྷཝཏི ཝིཛྫཏིཙྩཱདོ ཏིཏཊཱིཀཱ, ཏཏིཡཔཱཐཱནཾཔཱཏ ༡༠༠, ནཾཔཱཏ ༢༤༣];

དཱུརཱདཔྱུཔཀཱརིཏྟེ, ཀཏྟུ ཝཱཏྟཔྤདྷཱནཏཱ.

ཨཡམེཏྠ ཨཏྠོ ‘‘ཀཏྟུནོ སཀཱསཱ ཨཉྙེསཾ ཀརཎཱདཱིནཾ ཨུབྦྷཱུཏྱཱ སམྦྷཝེནཙ, ཏཐཱཧི པསིདྡྷཀརཎསབྷཱཝོཔི ཕརསུ ཀཏྟཱཡཏྟཝུཏྟིཏཱཡཱདྷིཀརཎམྦྷ ཝཏི‘ཕརསུམྷི ཋཔེཏྭཱ ཚིནྡཏཱི’ཏི, ཝིཝིཏྟསྶ ཀརཎཱདཱིཧི པུཐབྦྷཱུཏསྶ, ཀཏྟུནོ ཀིརིཡཱཡ ཨཱལོཙནེན དསྶནེན ཙ ‘དེཝདཏྟོ ཨཏྠི བྷཝཏི ཝིཛྫཏཱི’ཏི [ཝུཐབྦྷཱུཏསྶཱནེན ཨཱལོཙནེན དསྶནེནཙ ཀཏྟུནོདེཝདཏྟེནདེཝདཏྟཾ བྷཝཏི ཝིཛྫཏཱིཏི (པོཏྠཀེ)], ཨཱདིསདྡེན ཀརཎཱདིནོ (ཏདདྷཱིན) པཝཏྟིཨཱདཱིནཾ གཧཎཾ, ཨིམིནཱ ཀཱརཎེན དཱུརཏོ ཨུཔཀཱརིཏྟེཔི ཀཏྟུཡེཝ སཔྤདྷཱནཏཱ སིཡཱ’’ཏི, པུནཔི-

ཐཱལྱཱདཱིནནྟུ ཀཏྟུཏྟཾ, ཧོཏེཝཱཙེཏནཱནཔི;

ཡཏོ སདྡསྶ ཝུཏྱཏྠེ, མིཙྪཱཏྱཱསེན-ནཱདིནཱ.

ཨཡམེཏྠ ཨཏྠོ ‘‘ཨཙེཏནཱནམྤི ཐཱལཱིཨསིཨཱདཱིནཾ ཀཏྟུཏྟམྦྷཝཏི ཡཐཱཝཎྞིཏསཔྤདྷཱནཏྟནིམིཏྟཱབྷཱཝེཔི, ཀསྨཱཏི ཙེ ཡཏོ ཀཱརཎཱ ཨཏྠེ ཨཏྟནོ ཨབྷིདྷེཡྻེསདྡསྶ ཝུཏྟི པཊིཔཏྟི ཨནཱདིནཱ མིཙྪཱབྷྱཱསེནབྷཝཏི ཏསྨཱ ཐཱལྱཱདཱིནནྟིཨཱདི པཀཏཾ, ཀིཾ ཝུཏྟཾ ཧོཏི ‘‘ཨཉྙཐཱ སདྡཏྠོ, ཨཉྙཐཱ སབྷཱཝཏྠོ, ན ཧི སདྡོ བཱཧྱེ ཝཏྠུམྷི བྱཱཔཱརམཱཔཛྫཏི, ཏཐཱཧི–

ཨཉྙཐེ ཝཱགྒི སཾསགྒཱ, དཱཧཾ དཌྜྷོཏི མཉྙཏི;

ཨཉྙཐཱ དཱཧསདྡེན, དཱཧཏྠོ སམྤཏཱིཡཏེ.

བཱཧྱཔདཏྠསྶ སབྷཱཝོ ཝིཡ ཧུཏྭཱ མིཙྪཱབྷྱཱསེན ཨནཱདིནཱ པན པཝཏྟེན བཱཧྱེ ཝཏྠཱུནི ཨཝིཛྫམཱནེན ཀརཎབྷཱུཏེན ཐཱལྱཱདཱིནཾ ཀཏྟུཏྟཾ ཧོཏཱི’’ཏི. ཨཐ ཙ པན–

ཝཏྟིཙྪཱདོ ¶ པཝཏྟེཧི, སཔྤདྷཱནཏྟ ཧེཏུཧི;

ཀཏྟུདྷམྨེཧི ཝུཏྟེཧི, ཀཏྟཱ སདྡཱཝ ཉཱཡཏེ.

ཨེཀསྶཱམུཁྱཝཏྠཱཧི, བྷེདེན པརིཀཔྤནེ;

ཀམྨཏྟཾ ཀརཎཏྟཉྩ, ཀཏྟུཏྟཾ ཙོཔཛཱཡཏེ.

ཝུཏྟེཧཱིཏི ‘ཀཏྟུཏོཉྙེསམུབྦྷཱུཏྱཱ’ཙྩཱདིནཱ, སདྡཱཝཱཏི སདྡེ ཏེདྷམྨཱ ཧོནྟུ ཝཱ མཱ ཝཱ ཀཏྟུསམྦནྡྷིཡཐཱཝུཏྟདྷམྨཝཙནིཙྪཱཡ སདྡཏོཝ ཀཏྟཱ པཏཱིཡཏེ, ནིཡམེན ན ཝཏྠུཏོཏི ཨཏྠོ, ཨམུཁྱཱ ཝཏྠཱཧཱིཏི བུདྡྷིཡཱ ཏདཱཀཱརཏཱཡ པརིཎཱམཱཝཏྠཱཧི, ཧནྟྱཏྟ ནཱཝཏྟཱནནྟི ཨེཀསྶེཝཱཏྟནོ ཀམྨཏྟཱདི ཛཱཡཏེ, ཨཏོཡེཝཱཙྩནྟམསནྟོཔི ཨངྐུརོ ཛནནཀིརིཡཱཡ ཀཏྟཱ བྷཝཏི ‘ཨངྐུརོ ཛཱཡཏེ’ཏི, ཝུཏྟཾ ཧི–

པུརཱསཉྫནིཏོ [པུརཱསཉྫཱཏིཏོ] བྷཱཝཱ, བུདྡྷཡཝཏྠཱནི བནྡྷནོ;

ཨཝསིཊྛོ སཏཱཉྙེན, ཀཏྟཱ བྷཝཏི ཛཱཏིཡཱཨིཏི.

སཏཱ ཨཉྙེན དེཝདཏྟཱདིནཱ.

ཀིནྟཾ ཀརཎཾ ནཱམཱཏི ཨཱཧ-‘ཡོ པནཱ’ཏིཨཱདི, ཡོཏི ཡོ པདཏྠོ, ཨིམིནཱ ཨིདཾ དཱིཔེཏི ‘‘ཀརཎབྱཔདེསཱཡ སུཏྟནྟརཱབྷཱཝེཔི ཀརོཏྱནེནེཏི ཀརཎནྟྱནྭཏྠཏོ པསིདྡྷོ-ཡཾ ཀརཎཝོཧཱརོ’’ཏི, ཨཏྲེདཾ པཊིབྷཱནཾ–

ཡཾ ཝཏྟུམིཙྪིཏཾ ཀཏྟུ, ཀྲིཡཱཡཙྩནྟསཱདྷནཾ;

ཀརཎནྟཾ དྭིདྷཱ ཧོཏི, བཱཧྱབྦྷནྟརབྷེདཏོཏི.

ཏཏྠ ཡཾཝཏྟུམིཙྪིཏཾཏྱཱདིནཱ ཨིདཾ དསྶེཏི-‘‘ན ཝཏྠུཏོ ཀིཉྩི ཀརཎཾ ནཱམ ཨཏྠི, ཝཙནིཙྪཱཝསེན པན པསིདྡྷཀརཎཱནམྤི ཕརསུཨཱདཱིནཾ ‘ཕརསུ ཚིནྡཏི, ཕརསུམྷི ཚིནྡཏཱི’ཏི ཀཏྟུཨདྷིཀརཎཏྟསྶཔི, པསིདྡྷཱདྷིཀརཎཱནམྤི ཏདནུཏྟཱདིཝིསེསསམྦྷཝེ ཐཱལྱཱ པཙཏཱི’ཏི ཀརཎཏྟསྶཔི དསྶནཏོ ཝཙནིཙྪཱཏོཡེཝ ཀརཎཾ ཀཱརཀཾ ཝིཉྙེཡྻ’’ནྟི, ཏཉྩ དུཝིདྷནྟི ཨཱཧ-‘དྭིདྷཱ ཧོཏཱི’ཏིཨཱདི, ཏཏྠ ཨསིནཱ ཚིནྡཏཱིཏི བཱཧྱཾ, ཙཀྑུནཱ པསྶཏཱིཏྱབྦྷནྟརཾ. ཀིརིཡཱནིམིཏྟཏྟཱ ཀཱརཀནྟི ཨིམིནཱ ཀཱརཀསདྡསྶ ནིམིཏྟཔརིཡཱཡཏྟམཱཧ. པཀཏི ཡཱབྷིརཱུཔོཙྩཱདོ ¶ ཀིརིཡཱཡཱཝིཛྫམཱནཏྟཱ སམྦནྡྷམཏྟཾ ཝིཉྙཱཡཏཱིཏི སམྦནྡྷལཀྑཎཱ ཚཊྛཱི སིཡཱ, སམེན དྷཱཝཏཱིཏྱཱདོ ཏུ ཀིརིཡཱཡ ཝིཛྫམཱནཏྟེཔི ཀམྨཏྟཾ ཝཏྟུམིཙྪིཏནྟི དུཏིཡཱ སིཡཱ, སམཾ དྷཱཝཏི ཝིསམཾ དྷཱཝཏཱིཏྱཏྠོ, ཏཐཱ དྭིདོཎེནཱཏི དྭེདོཎེ ཀིཎཱཏཱིཏྱཏྠོ, པཉྩཀེནཱཏི པཉྩ པརིམཱཎསྶ པཉྩཀོ པཉྩཀཾ ཝགྒཾ ཀཏྭཱ པསཝོ ཀིཎཱཏི པཉྩཔཉྩ ཀཏྭཱ ཀིཎཱཏཱིཏྱཏྠོཏི ཝཱཏྟིཀཀཱརེན ‘ཏཏིཡཱ ཝིདྷཱནཱཡོཔསངྑྱཱནཾ’ཀཏཾ, ཏཾ དསྶེཏུམཱཧ- ‘པཀཏིཨཱདཱིཧཱི’ཏིཨཱདི, ཡཏྠེསཾཀརཎབྷཱཝོཏི ཡསྶཾ ཀིརིཡཱཡམེ སམྤཀཏྱཱདཱིནཾ ཀརཎཏྟཾ, ཏཾ ཀིརིཡཾ ཀཐཡཏཱིཏི སམྦནྡྷོ, སབྦསྶེཝ པདཏྠསྶ སཏྟཱབྱབྷིཙཱརཏོ ཨཱཧ-‘བྷཱུ’ཨིཙྩཱདི, པཀཏིཡཱབྷིརཱུཔོཏི སབྷཱཝེནཱཡམབྷིརཱུཔོ བྷཝཏི, ན ཏུ ཝཏྠཱལངྐཱརཱདིནེཏྱཏྠོ, ཀརོཏིསྶ གམྨམཱནཏྟེ པན པཀཏིཡཱབྷིརཱུཔོ ཀཏོཏིཨཱདི, ཏདཱ ཀཏྟརིཡེཝ ཏཏིཡཱ, ཡཾ ཡསྨཱ ཨཉྙགོཏྟོ གོཏམོ ན ཧོཏི ཨཏོཙ གོཏམོ བྷཝཏཱིཏི སམྦནྡྷོ, ནནུཙ དྭིདོཎ པཉྩཀཱ ཀཡམྤཊིཙྩ ཀམྨབྷཱུཏཱ ཧོནྟི དྭིདོཎཱདིནཱ ཀེཡཏྟཱ ཏཏོ ཀིམུཙྩཏེ‘ཀཡམྤཊིཙྩ དྭིདོཎཔཉྩཀཱ ཀརཎཱནི བྷཝནྟཱི’ཏྱཱ སངྐཱིཡཱཧ-‘ཏཐཱཧི’ཙྩཱདི, ཨིདཾ ཝུཏྟཾ ཧོཏི-‘‘དྭིདོཎཱདིསདྡེན ཧི ན གཡ྄ཧུཔགཾ ཝཏྠུམུཙྩཏི, ཏེཧི པན དྭིདོཎཱདྱཏྠཾ མཱུལཾ ཏཱདཏྠིཡཱ བྷིཧིཏནྟི ན ཝུཏྟདོསཱཝསརོ’’ཏི.

༡༧. སཧ

ཡཐཱཀྐམམཱགམནཀིརིཡཱཡ ཐཱུལཏྟགུཎེན གོམནྟདབྦེན ཙ སམྦནྡྷཾ དསྶེཏུཾ ‘ཏཾ ཡཐེ’ཙྩཱདིམཱཧ, ཨུདཱཧརཎམཏྟཾ དསྶེནྟོཔི ཨིམིནཱ ཨདྷིཔྤཱཡེནཱཔི དསྶེཏཱིཏི ཝུཏྟཾ ‘སབྦཏྠེཝ ཝཱ’ཏིཨཱདི, པུཏྟེན སཧཱགཏོཏིཨཱདཱིསུ ཨཱགམནཱདིཀིརིཡམྤཊིཙྩ དྭེ ཀཏྟཱརོ པདྷཱནཱཔྤདྷཱནཝསེན, ཏེསུ པདྷཱནེ ཀཱརིཡསམྤཙྩཡཉཱཡེན ཝཱ བཧུལཾཝཙནེན ཝཱ པདྷཱནེ ཀཏྟརི པཙྩཡོ, ཨིཏརེ’ཀཏྟརི ཏཏིཡཱ’ཏྱེཝ ཏཏིཡཱ སིདྡྷཱ, ཏཏོ-ཡཾ ཝཙནཱརམྦྷོ-ནཏྠཀོཏི མཉྙམཱནོཙོ དེཏི ‘ནནྭི’ཙྩཱདིནཱ, ཏྟེནཱབྷིདྷཱིཡཏེ པིཏེཏི པདྷཱནཀཏྟཱ, ཏུལྱོཔི ཀིརིཡཱསམྦནྡྷེ པིཏཱཔུཏྟཱནཾ པིཏཱཏྲ པདྷཱནཾ སདྡཙོདིཏཏྟཱ, པུཏྟོ-པྤདྷཱནམསདྡཙོདིཏཏྟཱ ¶ , སདྡབྱཱཔཱརཱཔེཀྑཱཡ ཧི པདྷཱནཱཔྤདྷཱནཱཡ ཝཝཏྠཱནཾ, པིཏུརེཝཱཏྲཱགཏཱདིསདྡསཱམཱནཱདྷིཀརཎྱཱ ཨཱགམནཀིརིཡཱ སམྦནྡྷོ སདྡེནོཙྩཏེ, ནེཏརསྶ སདྡསཏྟིསབྷཱཝཏོ, ཏཐཱ ཝིདྷཱ ཧི སདྡསྶ སཏྟི ཡཏོ པིཏུརེཝཱཏྲ ཀིརིཡཱ སམྦནྡྷཾ སཀྐོཏི པཊིཔཱདེཏུཾ, ན པུཏྟསྶ, ཨེཝཉྩཱགཏོཙྩཱདོ ཨེཀཝཙནམུཔཛྫཏེ, ཨཉྙཐཱ ཧི བཧུཝཙནཾ སིཡཱ, ‘པིཏཱ པུཏྟཱ ཨཱགཏཱ’ཏི. (ཡདི) ཝུཏྟནཡེན ཏཏིཡཱ སིདྡྷཱ ‘སིདྡྷེ སཏྱཱརམྦྷོ ནིཡམཱཡ ཝཱ ཝིཀཔྤཱཡ ཝཱ’ ན ཙེཏྠ ནིཡམོ, ནཱཔི ཝིཀཔྤོ, ཏཏོ ཀིམནེན ཡོགེནཱ ཏྱཱསཡེནཱཧ-‘ཨཔྤདྷཱནེཡེཝ’ཙྩཱདི. ནཡིདམེཝམིཙྩཱདི པརིཧཱརོ. སཧབྷཱཝམཏྟཾ ཝཏྟུམིཊྛཾ ཝཱཏི ཡོཛནཱ, སཱམཏྠིཡཱཏི བྷེདཱདྷིཊྛཱནཏྟཱ སཧཏྠཡོགསྶ པུཏྟསྶཱཔི ཀིརིཡཱབྷིསམྦནྡྷོ ཝིཉྙཱཡཏི ཀཐམཉྙཐཱ སཧཏྠཡོགོ སིཡཱཏི ཨིམིནཱ ཨཏྠ བལེན. ཨཏྠགྒཧཎནྟི སུཏྟེ ‘‘སཧཏྠེནེ’’ཏི ཨཏྠགྒཧཎཾ. པརིཡཱཡཏྠནྟི པརིཏོ ཨཡནྟི ཨཝགཙྪནྟི ཨཏྠམནེནེཏི པརིཡཱཡོ ཨཏྠོ པཡོཛནཾ ཡསྶཱཏི ཝིགྒཧོ, ཨེཏྠ ཙ པརིཡཱཡཏྠམེཝཱཏི ནཱཝདྷཱརཎཾ, ཨཏོཡེཝ ཝིནཱཔི སཧསདྡཔྤཡོགཾ ཏཔྤརིཡཱཡཔྤཡོགཾ ཝཱ སཧཏྠེན ཡོགེ ཝིདྷཱནཏོ ཨསཏྱཔི སཧཱདིསདྡཔྤཡོགེ ཡཏྠ ཏདཏྠོ གམྱཏེ ཏཏྠཱཔི བྷཝཏྱེཝ ཏཏིཡཱ… གམྱམཱནེན སཧཏྠེན ཡོགཱ, ཡཐཱ‘‘སྱཱདི སྱཱནེ’’ཏི. (༣-༡) སཧ པརིཡཱཡེནཱཏི སཧསདྡསྶ པརིཡཱཡཏོ. ཝིསེསཱནུཔཱདཱནཏོཏི ‘‘སཧཡུཏྟེ-པྤདྷཱནེ’’ཏི (༢-༣-༡༩) པཱཎིནཱིཡ སུཏྟེ ཝིཡ ཨཔྤདྷཱནེཏི ཝིསེསསྶཱནུཔཱདཱནཏོ.

༡༨. ལཀྑཎེ

ལཀྑཱིཡཏྱནེནཱཏི ལཀྑཎཾ སངྐེཏོ, ཀིནྟཾ ཀམཎྜལུཔྤབྷུཏི, ཨཏྠེ ཀཱརིཡསྶཱསམྦྷཝཱ ཏཾཝཱཙཱིཧི ཝིབྷཏྟཱིཏི མཉྙམཱནེན ཡཾཝིཝརཎཾ ཀཏཾ ‘ལཀྑཎེ ཝཏྟམཱནཏོ’ཏི, ཏམུལླངྒིཡཱཏྠཾ ཝདཏི ‘ཡོ ཨཏྠོ’ཨིཙྩཱདི, ཝཏྟམཱནཏོཏི ཝིཉྙཱཡཏི… ནཱམསྨཱ པཙྩཡཝིདྷཱནཔྤ སངྒཏོ, ཨུཔཱཏྟོཏི གཧིཏོ. ཀཉྩིཔྤཎརམཱཔནྣསྶ ལཀྑཎེ ཏཏིཡཱ ཡཐཱ སིཡཱ ‘རུཀྑམྤཏི ཝིཛྫོཏན’མིཙྩཏྲ ལཀྑཎམཏྟེ མཱ ¶ བྷཝཱིཏི པཱཎིནཱིཡེཧི ‘‘ཨིཏྠམྦྷཱུཏལཀྑཎེ’’ཏི (༢-༣-༢༡) ཨིཏྠམྦྷཱུཏགྒཧཎཾ ཀཏཾ, ཏམྨནསི ནིདྷཱཡ ཙོདཡམཱཧ–‘ནནྭི’ཙྩཱདི, ཨིཏྠམྦྷཱུཏསྶ ལཀྑཎནྟི ཚཊྛཱིསམཱསོ, ཨཱཔནྣསྶཱཏི བྷཱུཏསྶ, སཱམཉྙསྶ བྷེདཀོ ཝིསེསོ པཀཱརོ ཝུཙྩཏེ, ཏཐཱཧི ‘ཏིདཎྜཀེན པརིབྦཱཛཀམདྡཀྑཱི’ཏི མནུསྶཏྟསཱམཉྙསྶ པརིབྦཱཛཀཏྟམྤཀཱརོ, ཏམྤརིབྦཱཛཀོ པཏྟོ, ཏསྶ ཏིདཎྜཀཾ ལཀྑཎཾ. ཨུཔལཀྑཎཏྟེཏི ཨིམིནཱ ཨིཏྠམྦྷཱུཏསྶ ལཀྑཎཏྟཱབྷཱཝམཱཧ, ཨུཔལཀྑཎནྟི སངྐེཏོ. ནཡིདམཏྠིཙྩཱདི པརིཧཱརོ, རུཀྑམྤཏི ཝིཛྫོཏནནྟི ཨེཏྠ ཀསྶཙི ཨིཏྠམྦྷཱུཏསྶཱབྷཱཝཱ ཨིཏྠམྦྷཱུཏགྒཧཎེ པཡོཛནཾ ན དིསྶཏི ཏནྣིཝཏྟནཏོ, རུཀྑམྤཏི ཝིཛྫོཏཏེཏི ཨེཏྠཏུ ཨིཏྠམྦྷཱུཏསྶ ཝིཛྫུསངྑཱཏསྶ ཨཏྠསྶ སབྦྷཱཝཱ ཏཏིཡཱཔྤཏྟིཡཾ ཏཾནིཝཏྟིཡཱ ཡཐཱཝུཏྟཾ ཉཱཡམནྟརེན ནཱཉྙཾ ཀིཉྩི པཊིསརཎམཏྠཱིཏི སཉྙཱཔཡམཱཧ-‘ཨཝསྶ’མིཙྩཱདི, ཨཉྙཐཱཏི ཨེཝམནབྦྷུཔགམྨ ‘ཨིཏྠམྦྷཱུཏལཀྑཎེ’ཏི ཝཙནེ ཀརཱིཡམཱནེ སཏི, ཨིཏྠམྦྷཱུཏཝཱདིནོ ཨུཏྟརམཱསངྐིཡཱཧ-‘ནཙཱ’ཏིཨཱདི, ཝཏྟུནྟི ཝཙནསེསོ, ཙོ-ཝདྷཱརཎེ, ནེཝ སཀྐཱཏི ཝུཏྟཾ ཧོཏི, དུཏིཡཱཝིདྷཱནསཱམཏྠིཡཱཏི ‘‘པཏིཔརཱིཧི བྷཱགེ ཙཱ’’ཏི (༢-༩) ཀསྨཱ ན སཀྐཱཏི ཨཱཧ-‘ཨཏྠི’ཙྩཱདི, ཨསཏི ཧི པཡོཛནེ སཱམཏྠིཡནྟི བྷཱཝོ. ཨཐ ཀམཎྜལུ པཱཎིམྷི ཨསྶཱཏི ཨཱདོ ཏཏིཡཱ ཀསྨཱ ན སིཡཱ ཏྱཱཧ-‘ཀམཎྜལུ’ཨིཙྩཱདི, ཀམཎྜལུསྶ སེཏསྶ ཙ ཨུཔལཀྑཎ བྷཱཝེནཱནུཔཱདཱནཏོཏི སམྦནྡྷོ, ཨིམིནཱ ཨུཔཱདཱཏུནོ སཝཙསི སཏནྟཏམཱཧ, ཝིསིཊྛཱཝཡཝཱདྷེཡྻེནཱཏི པཱཎི ཀམཎྜལུནཱ ཝིསིཊྛོཝཡཝོ, ཏསྶཱདྷེཡྻོ ཀམཎྜལུ ཏེནཱཏི ཨཏྠོ. ཡེནཱངྒེན ཝིཀཏེན ཨངྒིནོ ཝིཀཱརོ ལཀྑཱིཡཏེ ཏཏོ ཏཏིཡཱ ཡཐཱསིཡཱཏི པརེཧི ‘‘ཡེནཱངྒཝིཀཱརོ’’ཏི (༢-༣-༢༠) ཨཱརདྡྷཾ, ཏདཱཧ-‘ཡེནེ’ཙྩཱདི, ཏཏྠ ཡསདྡེན ཝིཀཏཱཝཡཝོ ཧེཏུཏྟེན ནིདྡིཊྛོ ཨངྒསདྡོ ཙ སམུདཱཡཝཙནོ ཨུཔཱཏྟོ ཏེནཱཧ-‘ཡེནེཙྩཱདི, ནནུཙ ཀཱཎཱདཱིནཾ ནིཡཏགུཎཱིནམབྷིདྷཱཡིཏྟཱ ཨཀྑིསདྡསྶ པཡོགོ ན ཡུཏྟོ བྱཱཝཏྟིཡཱབྷཱཝཱཏི, ནེས དོསོ, ལོཀིཡོ-ཡཾ སདྡསྶ ཝོཧཱརོ, ལོཀསྶ ཙ སདྡཔྤཡོགེ གུརུལགྷུམྤཏྱདཡོ ནཏྠི, ཏཐཱཧི ལོཀེན ‘སཱིསཔཱཏི’པི ཝུཙྩཏེ, རུཀྑོ ¶ སཱིསཔཱཏིཔི, ཡསྶ ཏུ ཏཏྠཱདརོ, སོ-ཀྑིསདྡཾ པཡུཛྫཏེཝ, ཨཐཝཱ སཱམཉྙུཔཀྐམེ ཝིསེསོ པཡོགམརཧཏི, ཨཀྑི(ནཱཏི) ཧི ཝུཏྟེ སནྡེཧོ སིཡཱ ‘ཀིམསྶ ཝཏྟུམིཙྪིཏ’ནྟི ཏཏོ ཀཱཎོཏི ཝུཙྩཏེ, ནཱཀྑིནཱ ནིརཱུཔཡཏི སོབྷནོཏི, ཀིཉྩརཧི ཀཱཎོཏི, ཨཀྑིཀཱཎམསྶེཏྱཱདོ ཀསྨཱ ན སིཡཱཏི ཨཱསངྐིཡ‘ཀམཎྜལུ པཱཎིམྷི ཨསྶཱ’ཏྱཏྲ ཡོ ཝུཏྟོ པརིཧཱརོ, ཏ མེཏྠོཔདིསནྟོ ཨཱཧ-‘ཧེཊྛཱ ཝིཡ ཨཔྤསངྒོ’ཏི.

༡༩. ཧེཏུ

ཀིསྨིཉྩི ཕལེ དིཊྛསཱམཏྠིཡེཏྠེ ཧེཏུ ནིརུལ༹ྷོ. ཨེཀཏྲ ཧི དིཊྛསཱམཏྠིཡོཏྠོ ཏཾཡོགྒཏཱཡ ཀཱརིཡ (མ)ཀརོནྟོཔི ཧེཏུ ཝུཙྩཏེ སཏི སཧ ཀཱརིནྱསཏི ཙ ཝིདྷུརཔྤཙྩཡོ པཔཱ(ཏ) ཏོ, ཏེན ཀཱརིཡསྶ བྱབྷིཙཱརོ, ཏེནེཝཱཧ- ‘ཨནིཔྥཱདཡནྟོཔཱི’ཏི, ཀཱརཎེ ཏཏིཡཱཡཱབྷཱཝེ ཀཱརཎམཱཧ- ‘ཏཀྐིརིཡཱཡོགྒཏཱམཏྟེ’ཙྩཱདི.

༢༡. གུཎེ

ཨུཔཱདྷི ཝིསེསནཾ, པརཱངྒབྷཱུཏེཏི པརསྶ བནྡྷཏྟཱ(དིནོ) ཝིདྷཱནཱ ཡཱངྒབྷཱུཏེ ཛལ༹ཏྟཱདིཧེཏུམྷཱིཏི ཨཏྠོ, ཨིམིནཱ གུཎསདྡོ ཡམཔྤདྷཱནཝཙནོཏི ཝདཏི, ཡཉྩཱཔྤདྷཱནཾ ཏམྤརཱངྒབྷཱུཏནྟི གུཎེཏཱིམསྶ ‘པརཱངྒབྷཱུཏེ’ཏི ཨཏྠམཱཧ, ཡཉྷི པརཏྠམུཔཱདཱིཡཏེ ཏདཔྤདྷཱནམནུ ཝཱདརཱུཔེནོཔཱདཱིཡམཱནཏྟཱ, ཡཐཱ ‘ཛལ༹ཏྟཱ བདྡྷོ, རུཀྑོ ཡཾ སཱིས པཏྟཱ, ཨགྒི ཨེཏྠ དྷུམཏྟེ’ཙྩཱདི, ཏེནེཝཱཧ-‘པརཏྠརཱུཔཱཔནྣ’ནྟི, ཝཱཝིདྷཱནནྟི ‘‘ཝིབྷཱསཱ གུཎེ-ཐིཡཾ’’ནྟི (༢-༣-༢༥) ཨེཝཾ ཝིདྷཱནཾ, ཨིཏྠིཡནྟིཨཱདིནཱ པཉྩམཱིརཱུཔསྶཔི ཨབྷིམཏབྷཱཝཾ དསྶེཏི, ཏེནེཝཱཧ-‘ཨུབྷཡཏྠཱ’ཏིཨཱདི, ནནུ ‘ཏོ པཉྩམྱཱ’’ཏི (༤-༩༥) སུཏྟེན ཏདྡྷིཏཔཙྩཡནྟསྶ ཀཐཾ པཉྩམྱནྟཏཱ ཏྱཱསངྐིཡཱཧ-‘པཉྩམིནིདྡེསེ’ ཨིཙྩཱདི, ཨིམིནཱ སུཏྟེན པཉྩམིཡཱ ཝིནཱཏི ཡོཛནཱ, ཝཱ པཉྩམིཡཱ ཝིདྷཱནཏོ ཏཏིཡཱརཱུཔེནཔི བྷཝིཏབྦནྟི ཙོདནམནསི ནིདྷཱཡ པཉྩམྱུ དཱཧརཎེཡེཝ ཀཱརཎཾ ཏཏིཡོདཱཧརཎསྶ ཙ པཋམོདཱཧརཎཱནུསཱརེནཱནུ མནྟབྦཏཉྩདསྶེནྟོ ཨཱཧ ‘པཉྩམྱཱཡེཝི’ཙྩཱདི, ཨབྷཱཝེན སངྑཱརནིརོདྷེནཱཏི ཏཏིཡནྟརཱུཔཱནི.

༢༢. ཚཊྛཱི

སམྦནྡྷཝཙནིཙྪཱཡེཝེཏྠ ¶ ཚཊྛཱི སིདྡྷཱཏི ཨཱསངྐིཡཱཧ-‘ཧེཏུམྷི’ཙྩཱདི, ཧེཏུམཱཧ-‘ཏཾ ཡོགྒཏཱ’ ཨིཙྩཱདི, སདྡསཏྟིསཱམཏྠིཡཱཏི སདྡསཏྟིསངྑཱཏཱཡ སཱམཏྠིཡཱ, ཏམེཝ ཕུཊཡཏི ‘ཡཏྠ’ཨིཙྩཱདིནཱ, ཧེཏྭཏྠཝཱཙཀེཧི ཨནྟརེནཱཏི སམྦནྡྷོ, སམཱནཱདྷིཀརཎེཧཱིཏི ཧེཏྭཏྠསམཱནཱདྷིཀརཎེཧི ཨུདརཱདཱིཧི, ཏཛྫོཏནཱཡཱཏི ཧེཏྭཏྠཛོཏནཱཡཱལནྟི སམྦནྡྷོ, བྱཏིརེཀེན ཏུ ཧེཏྭཏྠཏོ ཏཔྤཝཏྟིམཱཧ-‘ཡཏྠ པནི’ཙྩཱདི, ཧེཏྭཏྠེཧིཔིཙྩཱདིནཱ སཱམཏྠིཡམུཔདསྶིཏཾ ‘ཝསེ དྷམྨསྶ ཧེཏུནོ’ཏི ཏཏྠོདཱཧརཎཾ.

༢༣. སབྦཱ

ནཱམབྷཱུཏེཧཱིཏི སབྦཱདཱིསུ ཀེཙི ཀེསཉྩི ཡདི ནཱམཱནི སིཡུཾ ཏེཧི, ཨཔྤདྷཱནབྷཱུཏེཧཱིཏི པིཡསབྦཱདཱིཧི, ཀིམྤཡོཛནནྟིཨཱདོ པཡོཛནསདྡོ ‘‘པཡོཛནཾ ཀཱརིཡཧེཏཱུསུ’’ཏི ནིགྷཎྜུཏོ ཧེཏུཝཙནོ.

༢༤. ཙཏུ

ཡསྶ སཙེཏནཱཡཱཙེཏནཱཡ ཝཱ ཀསྶཙི, པཱུཛཱནུགྒཧཀཱམཏྟ མནྟརེན སམྨཱཔདཱནཾ ན སམྦྷཝཏཱིཏི ཨཱཧ-‘པཱུཛཱ’ ཨིཙྩཱདི, ཏེནཱཏི ཡཐཱཝུཏྟེནཏྠེན, ཙཱགངྒནྟི དདཱཏིནོ དཱནཀིརིཡཱཡ ཀམྨེན སམྦཛ྄ཛྷམཱནཉྩཱགཀཱརཎཾ, ཨིདཱནི སམྤདཱནལཀྑཎཾ སཔྤབྷེདམཱཝིཀཱཏུཀཱམོ ཨཱཧ-‘ཏདིད’མིཙྩཱདི, ནནིརཱཀརོཏཱིཏྱ ནིརཱཀརཎཾ, ཨཱརཱདྷཡཏཱིཏྱཱརཱདྷནཾ, ཨབྦྷནུཛཱནཱཏཱིཏྱབྦྷནུཉྙཾ, ཏེསཾ ཝསེན, ཨིདྷ སམྤདཱནནྟིདྷཱ ཝུཏྟཾ ཀཐིཏཾ, ཀེཏེཏི ཨཱཧ-‘རུཀྑཡཱཙཀབྷིཀྑཝོ’ཏི, རུཀྑཱདིཀཾ ཏཾ སམྤདཱནཾ ཝིབྷཱགེན དསྶེཏུམཱཧ-‘ཏཏྠ ཧི’ཙྩཱདི, ཨཛ྄ཛྷེསནེནཱརཱདྷནེན སམྤདཱནཾ བྷཝཏཱིཏི སམྦནྡྷོ, ཨནུམཏིཡཱ ཨབྦྷནུཛཱནེན, ཝིཛྫམཱནེཔྱནིརཱཀརཎེ བྷིཀྑུནོ-དྷིཀམནུམཏནྟྱདྷིཔྤཱཡེནཱཧ-‘སོ’ ཨིཙྩཱདི.

༢༥. ཏཱད

པཡོཛནཔརིཡཱཡེ ཨཏྠསདྡེ སཏི ཨིདནྟི པཡོཛནཾ པརཱམཊྛུཾ སཀྐཱཏི ‘ཏསྶེད’ནྟིཨཱདི ཝུཏྟཾ, ཏསདྡེནེཏྠ ཝིཀཏིཡཱཏིསམྦནྡྷོ, ཨཏྠསདྡེན ¶ ཏུ པཀཏིཡཱ, ཨཏྠ ཀཐནམེཏནྟི ཨིམིནཱ ཝཙནིཙྪཱཡ མེཏིསྶཾ ནཏྠི སམཱསོཏི དཱིཔེཏི, ཝིགྒཧེ ཝཱསྨིམིམསྨཱཡེཝ ནིཔཱཏནཱ སམཱསོ དཊྛབྦོ,སོ ཝིཀཏིསངྑཱཏོ ཨཏྠོ, པཀཏིཏྭཉྙཔདཏྠེནཱཀྑིཔཱིཡཏེ, ཏཏོ ཏདཏྠསདྡཏོ, ཀོཡཾ ཏདཏྠ བྷཱཝོ ཙྩཱཧ-‘ཏདཏྠབྷཱཝོ ནཱམཱ’ཏིཨཱདི, ནིམིཏྟཾ ཡཱུཔཱདིཝིཀཏི, ནིམིཏྟཱིདཱརུཨཱདིཔཀཏི ཏསདྡེནཱཏྠསདྡེན ཙ གཧིཏཱ, ཏེསཾ སམྦནྡྷོ ཏདཏྠསདྡསྶ པཝཏྟིནིམིཏྟཾ ཏདཏྠབྷཱཝོ ནཱམཱཏི ཨཏྠོ, ཧེཏུ ཧེཏུམནྟབྷཱཝལཀྑཎོ སམྦནྡྷོ ནཱམཱཏི ཝུཏྟཾ ཧོཏི, པདྷཱནཱཝཙྪེདགུཎསྨཱཏི ཝིདྷཱིཡམཱནཏྟེན པདྷཱནསྶ པུརིསསྶ ཨཱཙྪེདཀཱ ཝིསེསཀཱ གུཎཱ, ཡཉྷི ཝིདྷཱིཡཏེ ཉཱཔཱིཡཏེ ཏམྤདྷཱན, མིཏརམཔྤདྷཱནམནུཝཛྫམཱནཏྟཱ, ཡདཱ ཨུཔཱདཱིཡཏེཏི ཝཏྭཱ ཨུཔཱདཱིཡམཱནཔྤཀཱརཾ དིཊྛནྟེན ཕུཊཡིཏུམཱཧ-‘ཡཐཱ’ཨིཙྩཱདི, ཡཱུཔོ ནིམིཏྟཾ ཡསྶ དཱརུནོ ཏཾ ཏཐཱ ཝུཏྟཾ ནཱཉྙནིམིཏྟནྟི ཡདཱ ནིམིཏྱཝཙྪེདཀཏྟེནུཔཱདཱིཡཏེ ཏདཱ ནིམིཏྟསདྡཏོཝ ཙཏུཏྠཱི སམྦནྡྷོ, ཏཏོ ཨཉྙནིམིཏྟཏོ, ནིམིཏྟནིམིཏྟཱིནཾ སམྦནྡྷསྶ ཨབྷིམུཁབྷཱཝེན ཏཏྠེཝ ནིམིཏྟེ པཝཏྟཱིཏི སམྦནྡྷོ, ནིམིཏྟསདྡཏོ ཧེཏུཏཏིཡཱཔི ནཱསངྐནཱིཡཱཏི སམྦནྡྷོ, ཀཱརཎམཱཧ-‘ནིམིཏྟ’ [ཧེཏུ] ཨིཙྩཱདི. ཨུབྷཡཏྠཱཏི ཡཱུཔཱཡ པཱཀཱཡཱཏི ཨུབྷཡཏྠ.

པིཎིཡམཱནཱ ཀིཾ སདྡཱདིཝཙནཱིཡཱ པརོ སཱདུཨཱདིཀོ ཡོ-ཏྠོ སོ ཨཉྙོ ཀཏྟཱ ཡསྶ སོ ཨཉྙཀཏྟུཀོ-བྷིལཱསོ, ཨབྷིལཱསོ རུཙཱིཏི ཨིམིནཱ དིཏྱཱདྱནེཀཏྠནྟོཔི རུཙིསདྡོ-བྷིལཱསེ རུལ༹ྷོཝ གཡ྄ཧཏཱིཏི ཝདཏི, སཱ རུཙི ཨཏྠོ-བྷིདྷེཡྻོ ཡེསཾ བྷེ ཏདཏྠཱ, ཏེསཾ སམྦནྡྷིནོ པིཎིཡམཱནསྶ, ཨིམིནཱ ཙ ཀིཉྩཱཔི རུཙིརཡཾ ཡསྶུཔྤཛྫཏེཡོ ཝཱ ཏསྶཱ ཛནཀོ, ཏེསམུབྷིནྣམྤི ཨཏྠི, ཏཐཱཔི ཡསྶུཔྤཛྫཏེ སོཝ ཏསྶཱདྷིཀརཎཾ, ཨཛནཀོཔི སོ ཏཱཡ སཾསཏྟོཏི ཏསྶེཝ པིཎིཡམཱནསྶ སམྤདཱནསཉྙཱ, ནཏུཛནཀསྶ ཏཱཡཱསཾསཏྟསྶཱཏི དཱིཔེཏི, ཨིདྷཱཏི ཨིམིནཱ སཀྐཏེ ཨུདཱཧརཎཱནམསམཱནརཱུཔཀཾ དསྶེཏི, ཨིམིནཱ ཙ ཨུདཱཧརཎཱནམསམཱན རཱུཔཏྟམེཝ ¶ ཙཏུཏྠཱིཝིདྷཱནེ ཀཱརཎཾ, ཨཉྙཐཱ ཚཊྛཱིཡེཝ ཏེཧིཔི ཝིདྷཱིཡེཡྻ ཀཱརཎཱསམྦྷཝཱ [ཀཱརཎསབྦྷཱཝཱ] ཧི དཱིཔེཏི, ཨཱིདིསསྶ པཙྩུདཱཧརཎ(སྶ) བྷཱཝེ ཀཱརཎམཱཧ-‘ཨནཉྙཀཏྟུ ཀཏྟཱ-བྷིལཱསསྶཱ’ཏི, པརེསམིདམྤཙྩུདཱཧརཎམྦྷཝཏུ ཨིདྷ ཀཐནྟི ཨཱཧ-‘ཨིཧཏྭི’ཙྩཱདི, ཏྭནྟི ཨཏྟམཏྟེ པཋམཱཡེཝ, སམྦྷཝེ ཀཱརཎནྟརམཱཧ-‘ཨཐཝཱ’ཏིཨཱདི, ནཏྠི ཨཉྙོ ཀཏྟཱ ཡསྶཱ སཱ ཨནཉྙཀཏྟུཀཱ རུཙི, བྷཱཡ རུཙིཡཱ སམྦནྡྷིནོ པིཎིཡམཱནསྶ སམྤདཱནསཉྙཾ ཡེ པན ཨིཙྪནྟཱིཏི སམྦནྡྷོ, ཡེ པན ཨཱཧུ ཙཱཏིསམྦནྡྷོ, ཨུཔྤཛྫནམུཔྤཏྟི, ཀསྶ ཨུཔྤཏྟི, རུཙིཡཱ, ཨུཔྤཏྟིཡཱ ཨཱདྷཱརོ ཨུཔྤཏྱཱདྷཱརོ‘དེཝདཏྟཱཡ རོཙཏེ’ཙྩཱདོ དེཝདཏྟཱདིཾ ཨུཔལཀྑེཏཱིཏི ཨུཔྤཏྱཱདྷཱརོཔལཀྑཎཾ ཝཙནཾ, ཨེཏྠ རུཙིཡཱ ཨུཔྤཏྱཱདྷཱརོཔལཀྑཎམེཝ ཝཙནནྟི སཱཝདྷཱརཎ མཏྠོ དཊྛབྦོ… སབྦེསཾ ཝཱཀྱཱནམཝདྷཱརཎཕལཏྟཱ, ཏེན པིཎིཡ མཱནཝཙནམབྷིལཱསསྶ ཨཉྙཀཏྟུཀཏཱསནྡསྶནཔརཾ ན ཧོཏཱིཏི བྱཝཙྪིནྣམྦྷཝཏི, ཏེསཾ ཀཙྩཱཡནསྶ ཙེཧཱཔི པསཛྫཏཱིཏི སམྦནྡྷོ, ཨིཧཱཔཱིཏི ཏྭམིཏི ཨེཏྠཱཔི, ཨཉྙཐཱསིདྡྷཏྟཱཏི ཨཏྠམཏྟེ པཋམཱཡ ཨེཝ སིདྡྷཏྟཱ, ཝཙནསྶཱཏི ཨུབྷིནྣམྤི ཙཏུཏྠཱིཝིདྷཱནཝཙནསྶ, ཨཏིཔྤསངྒོཙཱཏི ‘‘ཀསྶ ཝཱ ཏྭཾ དྷམྨཾ རོཙེསཱི’’ཏིཨཱདོ ཏཝཱཏི ཨནབྷིམཏཊྛཱནཔྤཏྟིཙ.

དྷཱརིཔྤཡོགེཏི དྷཱརིདྷཱཏུནོ པཡོགེ, ཨུཏྟམཱིཎོ ཨདྷམཱིཎོཏི དྷནིཀགཧེཏཱུནཾ རུལ༹ྷཱིཏྱཱཧ-‘ཨུཏྟམཱིཎོ དྷནསཱམཱི’ཏི, ཨུཏྟམཱིཎམསྶཱཏི ཨུཏྟམཱིཎོ, དྷཱརཡཏཱིཏིམསྶཏྠམཱཧ-‘ཝཧཏཱི’ཏི, དྷཱརིཏོཏི དྷཱརཾདྷཱཏུཏོ. སུཏྟནྟརེན (ཏཾ ཏཾ) ནིཡམེན ནིཡམིཏཱནཾ ཏེསཾཏེསཾ སམྤདཱནསཉྙཾ ཝིདྷཱཡ ཙཏུཏྠཱི ཝིཧིཏཱ པརེཧི, ཏདཱཧ ‘སིལཱགྷ ཧནུཊྛཱསཔཱན’མིཙྩཱདི, སབྦཏྠ ཡོགསམྦནྡྷེ ཚཊྛཱི, ཉཱཔེཏུནྟི སིལཱགྷཱདིཀེ བོདྷེཏུཾ, ཨིཙྪིཏོཏི ཨཏིམཏོ. ཏདཏྠཝཱཙཱིནཉྩ དྷཱཏཱུནཾ སངྒཧཎཏྠཾ ‘ཀུདྷདུཧིསྶོསཱུཡཏྠཱན’ནྟི ཝུཏྟཾ, ཡམྤཏི ཀོཔོཏི ཨིམིནཱ ཀོཔསྶ ཝིསཡམཱཧ, ཡསྶཱཏི ཨིམིནཱ ཡཾཀཱརཀནྟི ཝུཏྟམེཝ པརཱམསཏི, ཡསྶཱཏི རཱཛཱདིནོ, པུཙྪཏཱིཏི པུཙྪིཡཏེ ¶ , ཏེནེཝ ཝཀྑཏི-‘ཡསྶ སམྦནྡྷིཾ སུབྷཱསུབྷཾ པུཙྪཏི ནེམིཏྟིཀོ’ཏི, ཡོཙཱནུཀཱུལཏྟམྦྷ ཛཏཱིཏི ཨིམིནཱ ཨིདཾ དསྶེཏི ‘‘པཏིཔུབྦཀོ ཨཱཔུབྦཀོཙ སུཎོཏི ཨབྦྷུཔགམེ པཊིཛཱནནེཙ ཝཏྟཏེ, ཡདཱཡམབྦྷུཔགམོ པཏྠནཱ པུབྦཏོ བྷཝཏི ཏདཱ པཏྠནཱཡ ཀཏྟུ པཏྠཡིཏུནོ ཙཏུཏྠཱི རཱུཔམྦྷཝཏི, ཡདཱཏྭཔཏྠཏམྤི ཀེཝལམཱནུཀཱུལྱེན ཝཏྟམཱནཾདིསྭཱ དེཡྻམབྦྷུཔགཙྪནྟི ཨིདམིདཾ ཝོདསྶཱམཱཏི [ཀོཔིསྶསཱམཱཏི (པོཏྠཀེ)] ཏདཱནུཀཱུལྱེན པཝཏྟནསངྑཱཏཱཡ ཀིརིཡཱཡ ཀཏྟུནོ ཙཏུཏྠཱིརཱུཔམྦྷཝཏཱི’’ཏི, ཨིམིནཱ ཙ པཱཎིནིཡཝུཏྟིཀཱརསྶ ཛཡཱདིཙྩསྶམཏེ བྱབྷིཙཱརམཱཧ, སོ ཧི ‘‘ཨབྦྷུཔགམོ ནཱམ པརེན པཏྠིཏསྶ བྷཝཏི ཏཏྠ པཏྠཡིཏུཡེཝ ཙཏུཏྠཱིརཱུཔམྦྷཝཏཱི’’ཏི ཝདཏི, པུབྦསྶཱཀིརིཡཱཡ ཡོ ཀཏྟཱཏི ཝེདཝཱཀྱེན ཝིཧིཏཐུཏིཀཀརཎ སངྑཱཏཱཡ ཨུསྶཱཧཱནུཛཱནནཏོ པུབྦབྷཱུཏཱཡ ཀིརིཡཱཡ ཡོ ཀཏྟཱ ཧོཏཱ པོཏཱ ཙ, སབྦཏྠཱཔི‘ཏསྶཱ’ཏི ཨིདཾ ‘ཙཏུཏྠཱིཡཱཡདབྷིམཏཾ རཱུཔ’ནྟིཨིམིནཱ སམྦནྡྷིཏབྦཾ, ཚཊྛིཡཱ སབྦབྱཱཔིབྷཱཝམཱལམྦ ཨེཝནྟི ཨཏིདེསོཏི ཨཱཧ ‘ཨེཝནྟཱི’ཏིཨཱདི, རཱུཔསཱམྱཏོ པན ཏཱདཏྠིཡཏྠསབྦྷཱཝཱཙ ཡཐཱཡོགཾ ཏཱདཏྠྷ ཙཏུཏྠཱིཔི ན ཝིརུཛ྄ཛྷཏི, ཝཀྑཏི ཧི‘ཏཱདཏྠྷ ཝཙནིཙྪཱཡནྟུ ‘ཨིཙྩཱདིནཱ, ཨིཙྪིཏོ རཱཛཱ, ཀམྨ ཝཙནིཙྪཱཏི ཨིམིནཱ ཝཙནིཙྪཱཡ པདྷཱནཏྟམཱཧ… ཝཙནིཙྪཱབྷིམུཁཏྟཱ སབྦེསཾ ཀཱརཀཱནཾ, ཨཔྤཙུརཔྤཡོགཏྟཱཏི ཨབཧུཔྤཡོགཏྟཱ, ཧནུཏེ ཨཔནཡཏི, ཨུཔཏིཊྛཏེ ཨུཔཊྛཱནཾ ཨུཔགམནཾ ཀརོཏི, པིཧཡནྟི པཏྠེནྟི, ཀུཛ྄ཛྷ ཨམརིསཾ ཀརོཏི, དུཧནཱདཡོ ཀོཔཔྤབྷཝཱ ནཱནནྟརེན ཏེ སམྦྷཝནྟཱིཏི དཱུབྷཱདཡོཔྱུདཱཧཊཱ ‘‘བྱཉྫནེ དཱིགྷརསྶཱ’’ཏི (༡-༣༣) རསྶེ ཨཔརཛ྄ཛྷཱམི, ཨིསྶཡནྟི ནསཧནྟི, ཨཱརཛ྄ཛྷཏི པུཙྪིཏོ ནེམིཏྟིཀོ ཨུཔཔརིཀྑཏི, བྷཱདཏྠྷཾ ཝིབྷཱཝེཏི ‘ཡསྶེ’ཙྩཱདིནཱ, པརིཡཱ ལོཙེཏི ཨུཔཔརིཀྑཏི, ཀིཾ ལཀྑཎོ-ཡམནིཡམོཙྩཱཧ-‘ནཱཝསྶ’མིཙྩཱདི, ཡཱཙིཏུསྨཱཡེཝ [ཡཱཙིཏུཡེཝ (པོཏྠཀེ)] ཚཊྛཱིཏི ནཱཝསྶམཡནྣིཡམོཏི ཨཏྠོ, ཀུཏོཙྩཱཧ-‘སམྦནྡྷེ’ཙྩཱདི, ཨཉྙསྨཱཔཱིཏི ཨཡཱཙིཏུཏོཨཔི, ཐུཏིཀརཎསྶ ཀཏྟུབྷཱུཏཱ ཧོཏཱཔོཏཱརོ ཨུསྶཱཧནཱནུཛཱནནཱནཾ ཀམྨཾ ཧོཏཱིཏི ཨཱཧ-‘པཙྩནུཔུབྦསྶ གིཎཱཏིསྶ ཀམྨེ’ཏི. ཧོཏུཔོཏུསདྡེཧིཙྩཱདིནཱ ¶ པོཏུསདྡསྶཔི ཚཊྛིརཱུཔཾ དསྶིཏཾ, ཝུཏྟིཡནྟུ ‘ཧོཏུ པཏིགིཎཱཏི’ཙྩེཝ པཱཋོ དིསྶཏི, ཧོཏྭེཝམྤིཏྱམྷཱཀམཏྲོཔེཀྑཱ, ཨུསྶཱཧཡཏཱིཏྱཏྠེ གིཎཱཏི ཨནྟོགཏཎྱཏྠོ. ཨནཱཝཱདོཏི ནཱཝཱཨནྣཱདིཝཛྫིཏེ. ཨེཏྠ པན ཏཐཱ པཊིསེདྷཱབྷཱཝེཔི བཧུལཱདྷིཀཱརཏོ ‘ན ཏཾ ནཱཝམྨཉྙེ ནཏཾ ཨནྣམྨཉྙེ’ཙྩཱདི བྷཝཏི, ཨཏྠེཝ ཧི བཧུལཱདྷིཀཱརཏོཝཱ ཏིཔྤསངྒཱབྷཱཝོ, པཋམནྟཾ རཱུཔནྟི མཉྙམཱནོཏི པཋམནྟཾ རཱུཔཾ, ཨེཏྠཙ ཡདཱ ཏིཎཱདིཏོཔི ཁིཀཾསཱིཡཏེ ཏདཱ ནིནྡཱཝགམོ, ཏཏྠ ཙ ནིཡོགཏོཝ ནཉྤཡོགོ ཉཱཐཱནུཔ པཏྟིཡཱཏི སཔྤཊིསེདྷམུདཱཧཊཾ ‘ན མཉྙམཱནོ’ཏི, ཨཝདྷིམྷིཡེཝ པཉྩམཱིཏིཎཱཏི, ནཉྤཡོགེཝ ནིཡོགཏོ ནིནྡཱཝགམཱ ཏིཎནྟི ཀམྨེཡེཝ དུཏིཡཱ, ཨཐཝཱ སཏཱིཔི ནིནྡཱཝགམེ ཝཙནིཙྪཱཏོ སཝིསཡེཡེཝ དུཏིཡཱ, སམྨུཏིཔྤཡོགེཏི སམྨུཏིསདྡསྶ པཡོགེ, ཙཏུཏྠིཾ ཨིཙྪནྟཱིཏི མཏྟཱཡཱཏི ཨེཏྠ ཙཏུཏྠིཾ ཨིཙྪནྟི, པུན རུཏྟཏྟེ ཀཱརཎམཱཧ-‘ཨཐ སོཏིཝིཛྫམཱནཏྟཱ’ཏི, ཙཎྜསྶ ཀུཀྐུརསྶཱཏིཨཱདིསུཏྟེ ‘‘ཨཐ སོ’’ཏི པཱཋསྶ ཝིཛྫམཱནཏྟཱ ‘བྷིཡྻོསོ མཏྟཱཡཱ’ཏི ཨེཏྠ སོཀཱརོ པུནརུཏྟོཏི ཨདྷིཔྤཱཡོ, ཙགྒཧཎེནཱཏི ‘‘སིལཱགྷཧནུ…པེ… སཏྟམྱཏྠེསུཙཱ’’ཏི སུཏྟེ ཙགྒཧཎེན, ཙཏུཏྠཱིབྷིམཏཱཏི ‘‘ནམོ ཡོགཱདིསྭཔིཙཱ’’ཏི སུཏྟེན.

༢༦. པཉྩ

ཨཝདྷཱིཡཏེ ཝིསིལིསྶཏེ ཨེཏསྨཱཏྱཝདྷི, ཨཝཔུབྦཱཡ དྷཱདྷཱཏུཏོ ཨཝདྷིམྷི‘‘དཱདྷཱཏྭཱི’’ཏི (༥-༤༥) ཨི.

ཡཏོ-ཝདྷཱིཡཏེ ཀིཉྩི, ཀྲིཡཱཔུབྦཾ ཀུཏོཙིཔི;

ཙལཉྩཱཙལམཉྙཉྩ, ཏཾ ཝདནྟྱ ཝདྷིམྦུདྷཱ.

ཨེཏྠཱཡམཏྠོ ‘‘ཡཏོཀུཏོཙིཔི ཨཏྠོ ཀིཉྩི ཝཏྠུཨཝདྷཱིཡཏེ སཾཡོགསྶ ཝཱ ཀིརིཡཱནིམིཏྟཾ གམནདཱནཱདིཀིརིཡཱཔུབྦཾ ཝིསིལིསྶཏེ སཡཾ ཝཱ ཨཔེཏི ཨཉྙེན ཝཱ ཝིསུཾ ཀརཱིཡཏེ, ཏམེཝཾཝིདྷཾ ཙལཉྩཱ ཙལཉྩ ཝིསིལེསཔརིཙྪེདབྷཱུཏཾ པདཏྠམཝདྷིཾ ཝདནྟི བུདྷཱ ཏབྦིདུནོ’’ཏི, ཏཾ ཡཐཱ དྷཱཝཏཱསྶཱ པུརིསོ པཏཏི, པུརིསཾ པཱཏེཏི ཝཱ, རུཀྑཱ པཎྞཾ ¶ པཏཏི, པཎྞཾ པཱཏེཏི ཝཱཏི, སོཙ ཏིདྷཱཔྱུཙྩཏེ ཝིསཡབྷེདེན, ཡཐཱ–

ནིདྡིཊྛཝིསཡོ ཀོཙི, ཨུཔཱཏྟཝིསཡོ ཏཐཱ;

ཨནུམེཡྻཝིསཡོ ཙཱཏི, ཏིདྷཱཝདྷི སམཱིརིཏོཏི.

ཏཏྠ ནིདྡིཊྛཱ ཝཙནོཔནཱིཏཱ ཀིརིཡཱ ཝིསཡོ ཡཏྠ སོ ནིདྡིཊྛ ཝིསཡོ ཝདྷི, ཡཐཱ-‘གཱམསྨཱ ཨཱགཏོ’ཏི, ཨུཔཱཏྟཱཛ྄ཛྷཱཧཊཱ ཀིརིཡཱ ཝིསཡོ ཡཏྠ སོ ཨུཔཱཏྟཝིསཡོ, ཡཐཱ-‘ཝལཱཧཀཱ ཝིཛྫོཏཏེ’ཏི, ཝལཱཧཀཱ ནིཀྑམྨ ཝིཛྫོབྷཏེཏི ཨཏྠོ, ཨནུམེཡྻཱ ཀིརིཡཱ ཝིསཡོ ཡཏྠ སོ ཨནུམེཡྻཝིསཡོ, ཡཐཱ‘མཱཐུརཱ པཱཊལིཔུཏྟཀེཧི ཨབྷིརཱུཔཏརཱ’ཏི, ཨེཏྠ ཨབྷིརཱུཔགུཎེན ཨུཀྐཾསནམནུམེཡྻཾ, ཨཏོཡེཝེཏྠཱཡམེཝ སཉྙཱ པརིཔྥུཊཱ ཝིཉྙཱཡཏཱིཏི ན ཀཱཙིདིཧ སཉྙཱ པརིབྷཱསཱིཡཏེ བྱཱམོཧཀཱརིཎཱི, ཨཐཱཝདྷིསྨཱཏི ཝུཙྩམཱནེ ‘པདཏྠཱཝདྷིསྨཱ’ཏི ཀུཏོ-ཝསཱིཡཏེ ཡེནེཝཾ ཝིཝརཎཾ ཀཏནྟྱཱསངྐིཡཱཧ-པདཱན’མིཙྩཱདི. ཡཐཱ གཱམསྨཱཏིཨཱདིནཱ ཨིདཾ དཱིཔེཏི ‘‘ན ཀེཝལཾ ཀཱཡསཾསགྒཔུབྦཀོཝ ཝིསིལེསོ, ཀིཉྩརཧི བུདྡྷིསཾསགྒཔུབྦཀོཔི, ཨཏྠི ཙེཧ བུདྡྷིསཾསགྒ པུབྦཀོ, ཏཐཱཧི ཙོརེཧི བྷཱཡཏིཏྱཱདོ ཡོ (བྷཡ)པེཀྑཎ སཱིལོ བྷཝཏི, སོ ཡདི མཾ ཙོརཱ པསྶེཡྻུཾ, དྷུཝཾ མེ མརཎནྟི ཝིཙཱརེནྟོ ཏེ བུདྡྷིཡཱ པཔྤོཏི པཔྤུཡྻ ཙ ཏཏོ ནིཝཏྟཏེ, ཏཐཱ ཙོརེཧི ཏཱཡཏིཏྱཱདོ ཡོ ཨེཀསྶ མིཏྟོ བྷཝཏི སོ ཡདྱེཏཾ ཙོརཱ པསྶེཡྻུཾ དྷུཝམསྶ མརཎནྟི པསྶནྟོ ཏེ བུདྡྷིཡཱ པཏྭཱ ཏཏོ ནིཝཏྟཡཏཱིཏྱཝདྷིཏྟཱ ཨཝདྷིསྨཱཝ སབྦཏྠ པཉྩམཱི’’ཏི, པརེཧི པན ཨེཏཱདིསེསུ སབྦཏྠ པཊིཔཏྟུཝིསེསཱནུགྒཧཱཡ སུཏྟེཧེཝ པཔཉྩོ ཀཏོ, ཨིདྷ པན སཱམཉྙཝཙནེནེཝ སིདྡྷཏྟཱ ཏདནུགྒཧཱཡ ཨུདཱཧརཎེཧེཝ པཔཉྩིཏཾ, བྷཱིཏིབྷཱཡནཏྠཱནནྟི བྷཱིཏི ཏཱཡནཱནཾ ཨཏྠོ ཡེསཾ ཏེ བྷཱིཏིཏཱཡནཏྠཱ ཏེསནྟི ཨཏྠོ, ནནུ བྷཱིཏྱཏྠཱནཾ པཡོགེ བྷཡཧེཏུ སམྦྷཝཏི ནཏུ ཏཱཡནཏྠཱནནྟི, ནེས དོསོ, ཏཱཡནཉྷི རཀྑནམུཙྩཏེ [སཱཡནཱཧི རཀྑནམུཔྤཛྫབྷེ (པོཏྠཀེ)] ཏཉྩ བྷཡཧེཏུཏོ ཝེཏྱཱཧ-‘ཡོ ¶ བྷཡཧེཏུ’ཏིཨཱདི, ཨིམིནཱ ཙ ‘‘བྷཱིཏྱཏྠཱནཾ བྷཡཧེཏུ’’ཏི (༡-༤-༢༥) པཱཎིནིཡཱནམཔཱདཱནསཉྙཱ སུཏྟམྤཊིཀྑིཔཏི, ཏཏོཏི བྷཡཧེཏུཏོ, ཏེསནྟི བྷཡཏཱཡནཱནཾ, བྷཡམནིཊྛཔཱཏསངྐཱ, ཨུཏྟཱསོཏྱཏྠོ, ཏཱཡན མནིཊྛཔཱཏཏོ པརིརཀྑནཾ, ཡཐཱ དསྶནཾ ཧོནྟེཝཱཏཱིམིནཱ ཝཙནིཙྪཱཡེཝ པདྷཱནཏྟམཱཧ, ཀོ ཧི ལོཀིཡཾ ཝཙནིཙྪམཏིཝཏྟིཏུཾ སཀྐོཏི, ཏཐཱཧི སབྦེཝ དབྦཱདཡོ སབྦཀཱརཀསཏྟིཡུཏྟཱཝ, ཏཏྠཱཡཾ ཀཱརཀཝིབྷཱགོ ཝཙནིཙྪཱཝསེནེཝ, ཏཾ ཡཐཱ ‘ཝལཱཧཀོ ཝིཛྫོཏཏེ, ཝལཱཧཀེན ཝིཛྫོཏཏེ, ཝལཱཧཀེ ཝིཛྫོཏཏེ’ཏི. པརཱཔུབྦསྶཱཏིཨཱདིནཱ ‘‘པརཱཛིསྶཱསཡ྄ཧོ’’ཏི (༡-༤-༢༦) སཉྙཱསུཏྟཾ པཙྩཀྑཱཏི, ཨསཡ྄ཧོ ཨཏྠོཏི སཧིཏུཾ ཨབྷིབྷཝིཏུམསམཏྠོ ཨཏྠོ, ཨཛ྄ཛྷེནསཀཱསཱཨིཙྩཱདིནཱ ཨུདཱཧརཎཏྠམཱཙིཀྑཏི, ནནུཙེཝམཏྠཾ ཝདཏཱ ཡཉྙདཏྟསྶཱསཡ྄ཧཏྟཾ ཝུཏྟཾ, ཏཾ ཀཐཾ ཨཛ྄ཛྷཡནསྶཱསཡ྄ཧཏྟཾ, ཡེནཱསཡ྄ཧཏྟསྶཱཝདྷིཏྟཾ པཊིཔཱདཡཏི ཏྱཱསངྐིཡཱཧ-‘ཡཉྙདཏྟཱནབྷིབྷཝོ’ཙྩཱདི, ཨསཡ྄ཧོཏཱིམསྶ པཙྩུདཱཧརཎཾ པཊིཔཱདཡཏི ‘ཡོ པནི’ཙྩཱདི. ‘‘ཝཱརཎཏྠཱནམིཙྪིཏོ’’ཏི (༡-༤-༢༧) སུཏྟིཏཾ, ཏདཱཧ ‘ཝཱརཎཏྠཱན’མིཙྩཱདི, ཝཱརཎམཏྠོ ཡེསཾ ཏེ ཝཱརཎཏྠཱ, ཨཝདྷིམཏྟཝཙནིཙྪཱཡནྟི ཝིསེསཏོ ཝིདྷཱནམནྟརེནཱ ཝདྷིམཏྟ ཝཙནིཙྪཱཡཾ, ཝིསེསཝིདྷཱནེཏི ཨིཙྪིཏོཏི ཝིསེསཝིདྷཱནེ, ཙིཏྟསྶཱཝདྷིཝཙནིཙྪཱཡམྤན ཙིཏྟཏོ པཱཔཾ ནིཝཱརཡེཏི བྷཝཏི. ‘‘རཀྑནཏྠཱནམིཙྪིཏ’’ནྟི (༢-༦-༣) སུཏྟིཏཾ, ཏདཱཧ-‘རཀྑནཏྠཱན’མིཙྩཱདི, ཀེསཉྩཱིཏི ཀཙྩཱཡནཱདིཀེ དསྶེཏི. ‘‘ཨནྟརདྷཱནེ ཡེནཱདསྶནམིཙྪཏཱི’’ཏི (༡-༤-༢༨) སཉྙཱསུཏྟམཱརདྡྷཾ, ཏདཱཧ-‘ཨནྟརདྷཱནེ’ཙྩཱདི, ཨཡམུཔཛ྄ཛྷཱཡོ ཡདི མཾ པསྶཏཱིཏི སམྦནྡྷོ, དསྶནེ དོསཾ ཏཀྐེཏི ‘ནུན’མིཙྩཱདིནཱ, པེསནམསཀྐཱརཔུབྦཀོ ནིཡོགོ, ཨཛ྄ཛྷེསནཾ སཀྐཱརཔུབྦཀོ, མཉྙམཱནོ སིསྶཱ ཨཧཾ ཀཐནྣཱམ བྱཝཧིཏོ བྷཝཱམཱིཏི ཨནྟརདྷཱནེ བྱཝདྷཱན ནིམིཏྟཾ, ཡེན ཨཏྟནོ ཨདསྶནམིཙྪཏཱིཏི སམྦནྡྷོ, ཨནྟརདྷཱནེཏི ནིམིཏྟསཏྟམཱིཙཱཡཾ, ཨཏོ ཨཱཧ-‘བྱཝདྷཱནནིམིཏྟ’ནྟི, བྱཝཧིཏོཏི ཨནྟརཧིཏོ, མཱམཾ ཨུཔཛ྄ཛྷཱཡོཏྱཱདིནཱ ཨུདཱཧརཎཏྠམཱཧ, བྱཝདྷཱནཏྠཾ བྱཝཧིཏཏྠཾ, ‘‘ཨནྟརདྷཱནེཏི ཀིཾ ཙོརེ ན དིདིཀྑཏཱི’’ཏི པཙྩུདཱཧཊཾ ¶ པརེཧི, ཏམྤཊིཔཱདཡམཱཧ-‘ཡཏྠཱདསྶན’མིཙྩཱདི, ཙོརེ ན དིདིཀྑཏཱི (ཏྱ), ཏྲ ཧི ཡོ ཙོརེ ན དིདིཀྑཏི ཏེཧི ཨཏྟནོ ཨདསྶནམིཙྪཏཱིཏི ན ཨནྟརདྷཱནནིམིཏྟཾ, ཀིནྟུཔགྷཱཏནིཝཏྱཏྠཾ, ཀིནྟུཔགྷཱཏནིཝཏྟིཡཱཏི ཨེཝཾ མཉྙཏེ ‘‘ནཱཏྲཱནྟརདྷཱནམེ (ཝཱཝསེཡཾ), ཀིནྟུ ཏནྣིམིཏྟོ པགྷཱཏནིཝཏྟིཔི, ‘ཨུཔཛ྄ཛྷཱཡཱ ཨནྟརདྷཱཡཏཱི’ཏྱཏྲ ཝིནཱཔྱུཔགྷཱཏསམྦྷཝམནྟརདྷཱནསམྤཱདནམེཝ སམྦྷཝཏཱི’’ཏི. ཨིཙྪཏིགྒཧཎཾ ཀིམཏྠཾ ཨདསྶནིཙྪཱཡཾ སཏི སཏྱཔི དསྶནེ ཡཐཱསིཡཱ’’ཏི ཝུཏྟཾ, (ཏཾ) པཊིཔཱདཡམཱཧ-‘ཨདསྶནིཙྪཱཡམྤནི’ཙྩཱདི, སཏཱིཔི དསྶནེཏི ཨུཔཛ྄ཛྷཱཡེན དསྶནེ སཏཱིཔི, ཏཏོཏི ཨུཔཛ྄ཛྷཱཡཏོ, ཨཝདྷིརཱུཔཏཱ ཨེཝཱཏི ཨུཔཛ྄ཛྷཱཡསྶཱཝདྷིརཱུཔཏཱ ཨེཝ. ‘‘ཨཱཁྱཱཏོ པཡོགེ’’ཏི (༡-༤-༢༩) པརཝཙནཾ, ཏདཱཧ ‘ཨུཔཡོགེ’ཙྩཱདི, ནིཡམཔུབྦཀཾ ཝིཛྫཱགཧཎམུཔཡོགོ ཏྲཱདྷིཔྤེཏོ, ཨུཔཡོགཝཙནསཱམཏྠིཡཱ ཝིཛྫཱགཧཎཏྠཾ སིསྶཝཏྟཾ ནིཡམོ, ཏཏོཏི ཨཱཁྱཱཏུཏོ. ‘‘ཛནིཀཏྟུནོ པཀཏཱི’’ཏི (༡-༤-༣༠) སཉྙཱསུཏྟཾ ཀཏཾ, ཏདཱཧ-‘ཛནྱཏྠསྶཱ’ཏིཨཱདི, ཛནིནོ ཨཏྠོ ཛནྱཏྠོ, ཀིནྟཾ ཛནནཾ, ཏཏོཏི ཛནིཀཏྟུཧེཏུཏོ, པཀཏིསདྡེན ཀཱརཎམཏྟཾ གཧིཏཾཔརེཧི ‘པུཏྟཱ པམོདཱ ཛཱཡཏེ’ཙྩཱདོ པུཏྟཱདིཏོཔི ཡཐཱ སིཡཱ’ཏི, དུཝིདྷཾ (ཧི) ཀཱརཎཾ ཨུཔཱདཱནཀཱརཎཾ སཧཀཱརིཀཱརཎཉྩ, ཏཏྠ ཀཱརིཡེནཱབྷིནྣདེསོ གྷཊསྶ མཏྟིཀཱཔིཎྜོ ཨུཔཱདཱནཀཱརཎཾ, ཏསྶེཝ པན དཎྜཙཀྐཱདི (ཀཱརིཡེན བྷིནྣདེསོ) སཧཀཱརིཀཱརཎཾ, ཏེསཱུཔཱདཱནཀཱརཎསྶེཧ གཧཎེ’སིངྒཱ སརོ ཛཱཡཏེ’ཙྩཏྲེཝ སིཡཱ, ན ཏུ ‘པུཏྟཱ པམོདཱ ཛཱཡཏེ’ཙྩཱདོ, ཀཱརཀནྟརཝཙནིཙྪཱཡནྟི ཨེཏྠ ཀཱརཀནྟརཱདིཝཙནིཙྪཱཡནྟི པཱཋེན བྷཝིཏབྦཾ… ཨེཏྠནྟརེ སམྦནྡྷ ཝཙནིཙྪཱཡཔི སམྦྷཝཏོ, ཏཏྲ ཏིཊྛནྟཱིཏི ཏཏྲཊྛཱ, ཏེསཾ, ལོཀོ-ནཉྙཐཱཝཱདཱི ཝོཧཱརིཀཛནོ, ཏཏྠ བྷཝཱ ལོཀིཡཱ, ནཝཏྟུ པཊིབདྡྷཱཏི ལོཀཝཙནིཙྪམུལླངྒིཡ ཨཧམེཝ ཝདཱམཱིཏི སཀཛ྄ཛྷཱསཡེན ཝདནྟོ ཝཏྟཱ, ཏཔྤཊིབདྡྷཱ ན ཧོཏཱིཏི ཨཏྠོ. ‘‘པབྷཝོ བྷཝཏིསྶཱ’’ཏི (༡-༤-༣༡) སུཏྟིཏཾ, ཏདཱཧ-‘བྷཝཏིསྶཱ’ཏིཨཱདི, པཋམཏོ ཨུཔལབྦྷཏཱིཏི ཨཏྠཀཐནེན ཛནྱཏྠོ-ཏྲ ན སམྦྷཝཏཱིཏི ཝདཏི, ནཧི ཧིམཝཱ གངྒཱཡ ཀཱརཎཾ, སཱ ཧི ཨཉྙེཧི ཨེཝཀཱརཎེཧི ཨུཔྤནྣཱ ¶ , ཧིམཝཏི ཏུ ཀེཝལཾ པཋམཏོ ཨུཔལབྦྷཏི. ‘‘ཛིགུཙྪཱཝིརཱམཔམཱདཏྠཱནུམུཔསངྑྱཱནཾ’’ཏི (༡-༤-༢༤ཝཱ) ཝུཏྟཾ, ཏདཱཧ-‘ཝིརམཎཏྠེ’ཏྱཱདི, ཛིགུཙྪཱཔམཱདཏྠདྷཱཏུཡོགེ པན ཀམྨཱདྷིཀརཎཝཙནིཙྪཱ དིསྶཏཱིཏི ཝུཏྟཾ, ཨཝདྷིཝཙནིཙྪཱཔི པན དིསྶཀེ ‘ཛིགུཙྪཏི ནཱཧིརིཀོ པཱཔཱ’ཏི, དྷམྨཱ པམཛྫཏཱིཏིཔི ཧོཏེཝ པཊིསེདྷཱབྷཱཝཱ. ‘‘ཨཉྙཱརཱདིཏརརིཏེ དིསཱསདྡཱཉྩུཏྟརཔདཱཙཱཧི ཡུཏྟེ’’ཏི (༢-༣-༢༩) སུཏྟིཏཾ, ཏདཱཧ-‘ཨཉྙསདྡཡོགེ’ཙྩཱདི, ཡཏོཏི དེཝདཏྟཱདིཏོ, ‘‘ཨཉྙཨིཏྱཏྠགྒཧཎཾ, ཏེན པརིཡཱཡཔྤཡོགེཔི བྷཝཏཱི’’ཏི ཨཉྙེཧི བྱཱཁྱཱཏཏྟཱ ཨཱཧ-‘བྷིནྣོ དེཝདཏྟཱ’ཏི, ཨཱརཱསདྡསྶ དཱུརཏྠཏྟཱ ཨཱསཝཀྑཡཏོ ཨཱརཱ དཱུརོ བྷཝཏཱི(ཏྱཏྠོ ཨུ) པཱདཱིཡཏེཏྱཱཧ‘ཨཱརཱསདྡོ དཱུརཏྠོ’ཏི, ནིདྡིསྶམཱནཔཊིཡོགཱིཏི ‘དེཝདཏྟོ སཱུརོ’ཏི ནིདྡིསྶམཱནསྶ ཀསྶཙི ཡོ སོ དུཏིཡོ, སོ པཊིཡོགཱི. དིསཱདེསཀཱལཝུཏྟཱིནཾ དིསཱསདྡཏྟེན པརིགྒཧཏོ ཨཱཧ‘དིསཱ དེསཀཱལཝཱཙཱིནཾ ཡོགེ’ཏི, པུབྦེཝ སམྦོདྷཱཏིཨཱདཱིནི ཀཱལཝཱཙཱིཡོགེ ཨུདཱཧརཎཱནི, ཨཉྩུཏྟརཔདཨཱཙཨཱཧིཔཙྩཡཡོ གེཏྭིཧ ནོདཱཧཊཾ. ‘‘པཉྩམཱིཝིདྷཱནེ ལྱཔློཔེ ཀམྨནྱུཔསངྑྱཱནཾ ‘‘ཨདྷིཀརཎེ ཙོཔསངྑྱཱན’’མིཏི (༢-༣-༢༨-ཝཱ) ཝཱཏྟིཀཾ, ཏདཱཧ‘ཡཏྠ’ཙྩཱདི, ལྱཔྤཙྩཡསྶ ཡཏྲཱཔྤཡོགོ, ཏསྶཏྠོ ཙེ གམྱཏེ, སོ ལྱཔློཔོ, ཏྭཱལོཔོ ལྱཔལོཔོཏྱཝིསེསོ, པཱསཱད མཱརུཡ྄ཧ པེཀྑཏི ཨཱསནེ ཨུཔཝིསིཏྭཱ པེཀྑཏཱིཏི ཨིདཾ ཝིསཡོ པདསྶནཾ པུབྦཾ ཡསྶཱཏི ཀིརིཡཱཝིསེསནེ སམཱསོ, ཝཀྑམཱནསབྦདསྶནེསུཔི པཱསཱདཏོ-པཀྐམནལེསསབྦྷཱཝཱ པཱསཱདོ (ཡེཝཱ) ཝདྷིརཱུཔེན ཝཏྟུམིཊྛོཏི དསྶེཏུམཱཧ-‘ཏཐཱཧི’ཙྩཱདི, ཨཔཀྐམཏི ཏཏོ ཏཾ དསྶནནྟི ཏཏོ པཱསཱདཏོ ཏསྶ དཊྛུནོ དསྶནཾ ཙཀྑུནྡྲིཡཾ ཨཔཀྐམཏྱཔཡཱཏཱིཏྱཏྠོ, ཨཝདྷིབྷཱཝོ པཱསཱདསྶཱཏི ཝིཉྙཱཡཏི, ཡེསནྟི ཝེསེསིཀཱནཾ, ཏེ ཧྱེཝམཱཙིཀྑནྟི ‘‘ཨིནྡྲིཡེསུ ཙཀྑུནྡྲིཡཾ ཙཀྑུགོལ༹ཀཏོ-ཙྩནྟསུཁུམབྷཱཝེན ནིཀྑམྨ ཝིསཱལཱིབྷཝནྟཾ ཝིསཡདེསམུཔགམྨ སཀལམཏྟནཱ དིཊྛཾ པསྶཏི རཾསིརཱུཔེན, ཡཐཱ ཀཱཧལཱ མཱུལེ ཀིསཱ ཨགྒེམཧཏཱི, ཏཐཱ ཉཱཎིནྡྲིཡཱནཱི’’ཏི, ཨདྷིཊྛཱནདེསནྟི ཨིནྡྲིཡཱདྷིཊྛཱནབྷཱུཏཾ ཙཀྑུགོལ༹ཀདེསཾ, ཝིསཡཔྤཝཏྟཱིཏི གོཙརེ ¶ པཝཏྟི, སནྟཏིཡཱཏི ཨིནྡྲིཡཔབནྡྷསྶ, ཨདྷིཊྛཱན མནིནྡྲིཡཾ ནཱཔཛྫཏེཏི སམྦནྡྷོ, ཏཏོཏི པཱསཱདཏོ, ཨཔཀྐནྟྱཱཏི ཨཔགམནེན, ཡཛྫཔི ཙཀྑུནྡྲིཡཾ ཙཀྑུགོལ༹ཀཏོ བཧི ནིགྒཙྪཏི, ཏཐཱཔིཔཱསཱདཊྛསྶཙཀྑུགོལ༹ཀཱ ནིགྒཙྪཏཱིཏི པཱསཱདསྶཱཔྱཝདྷིབྷཱཝོ, ཡེསནྟཱུཏི ཁཎིཀཝཱདཱིནནྟུ, ཨིནྡྲིཡཱདྷིཊྛཱནམྤཏྟེ ཝིསཡེ ཝིཉྙཱཎལཀྑཎཾ ཀཱརིཡཾ ཀརོནྟི སཱིལེནཱཏི པཏྟཀཱརཱིནི, ཨནིནྡྲིཡཱདྷིཊྛཱནདོསོ ནེཏི སམྦནྡྷོ, ཏཏོཏི པཱསཱདཏོ, ཡེསམྤནཱཏི ཁཎིཀཝཱདིནོཝ དསྶེཏི, ཨཏྲ ཧི ཙཏྟཱརོ པཀྑཱ པཏྟཀཱརཱིནིནྡྲིཡཱནི, ཨཔྤཏྟཀཱརཱིནི, ཙཀྑུསོཏཱནི ཨཔྤཏྟཀཱརཱིནི སེསཱནི ཝུཏྟཝིཔརིཏཱནི, ཙཀྑུཡེཝ པཏྟཀཱརཱི སེསམཉྙཐེཏི, ཙཏུསྭེཝ ཏེསུ པཋམཔཀྑདྭཡམུཔནྱསྱ པཊིཔཱདིཏཾ… ཏཔྤཊིཔཱདནེནེཏརེསམྤི པཊིཔཱདིཏཏྟཱ, སབྦསཱམཡིཀསཱདྷཱརཎཏྟཱསདྡསཏྠསྶཱཏི ཨིདཾ ཨཡུཏྟམིཝ དིསྶཏི… སདྡསཏྠསྶིམསྶ བུདྡྷཝཙནོཔཡོགིཏྟེན སོགཏསམཡཱནུགུཎཔྤཝཏྟིཏོ, ཁཎིཀཝཱདིནོ པན ནིསྶཱཡེདཾ སུནྡརམེཝ, མནསིཀཱརཱདཱིཏིཨཱདིསདྡེན ཙཀྑུཏོ [ཙཀྑུནཱ (པོཏྠཀེ)] ཨབྷེདོ རཱུཔཱཔཱཐགམོ ཙ དསྶིཏོ, ཡོགྒདེསེཏི དསྶནཡོགྒེ པདེསེ. ‘‘པུཙྪནཱཁྱཱནེསུ ཙ པཉྩམཱི ཝཏྟབྦཱ’’ཏི (༢-༣-༢༨ཝཱ) ཝུཏྟཾ, ཏདཱཧ-‘པུཙྪནསདྡཏོ’ཙྩཱདི, པུཙྪནཱཁྱཱནེསུ སཱམཉྙེན པཉྩམཱིཝིདྷཱནེ-ཏིཔྤསངྒཾ དསྶེཏུམཱཧ-‘ཨཝསྶ’མིཙྩཱདི, ཀསྶཱཏི པཉྷོ, དེཝདཏྟསྶེཏྱཱཁྱཱནཾ, ཀོསོ ཡཉྙ དཏྟོཏི པཉྷོ ཝིདྷིརཱུཔོཝཱཡཾ, ཡོ-ངྒདཱིཏྱཱདྱནུཝཱདརཱུཔམཱཁྱཱནཾ, ཨངྒདཱིཀེཡཱུརཱི. ‘‘ཡཏོཙཱདྡྷཀཱལནིམྨཱནཾ ཏཏོ པཉྩམཱི ཝཏྟབྦཱ’’ཏི (༢-༣-༢༨ཝཱ) ཝུཏྟཾ, ཏདཱཧ-‘ཨདྡྷ’ཙྩཱདི, ནིམཱིཡཏེ པརིཙྪིཛྫཏེ ཡེན ཏཾ ནིམཱནཾ, ཏདེཝ ནིམྨཱནཾ. ‘‘ཨདྡྷསྶ པཋམཱ སཏྟམཱི ཙ ཝཏྟབྦཱ’’ཏི (༢-༣-༢༨) ཝུཏྟཾ, ཏཏྠཱཡམཏྠོ ‘‘ཏཾ ཡུཏྟཱཏི ཝཏྟཏེ, ཏཾ ཡུཏྟཱ པཉྩམིཡུཏྠཱ པརསྶཱདྡྷསྶ པཋམཱ ཙ སཏྟམཱི ཙ ཝཏྟབྦཱ’’ཏི, པཱཊལིཔུཏྟསྨཱཏི པཉྩམི ཡུཏྟཾ, ཨེཏཱཔི ན ཝཏྟབྦཱཏི དསྶེཏུམཱཧ-‘སཏྟཡོཛནཱནཱི’ཏིཨཱདི, ཨཏྲ ཧི ཡདཱ རཱཛགཧསྶ ཡོཛནཉྩཱབྷེདོ ཝཏྟུམིཙྪཱིཡཏེ, ཏདཱ པཱཊལིཔུཏྟསྨཱ རཱཛགཧཾ སཏྟཡོཛནཱནཱིཏི, བྷེདཝཙནིཙྪཱཡནྟུ ‘‘སབྦྷཱཝོ’’ཏྱཱདིནཱ (༢-༣༤) སཏྟམཱི སིདྡྷཱ‘སཏྟསུ ཡོཛནེསུ’ཏི. ཏཐཱཧི ¶ པཱཊལིཔུཏྟསྨཱ སཏྟསུ ཡོཛནེསུ སཏི རཱཛགཧཾབྷཝཏཱིཏྱཡམཏྠོ པཏཱིཡཏེ, སཏྟཡོཛནསམྦནྡྷིབྷཝནཾ རཱཛགཧ (བྷཝན)སྶ ལཀྑཎམྦྷཝཏི. སམྦནྡྷེ ཚཊྛཱིཏི ཨིམིནཱ ‘‘ཏཾ ཡུཏྟཱ ཀཱལེ སཏྟམཱི ཝཏྟབྦཱ’’ཏི (༢-༣-༢༨ཝཱ) ཝཙནམྤཊིཀྑིཔཏི. ‘‘ཀརཎེཙ ཐོཀཔྤཀིཙྪཀཏིཔཡསྶཱ སཏྟཝཙནསྶེ’’ཏི (༢-༣-༣༣) སུཏྟིཏཾ, ཏདཱཧ-‘ཡདཱ ཨིཙྩཱདི, ཀིཙྪཱདཡོཏིཨཱདིསདྡེན ཐོཀཨཔྤཀཏིཔཡེ སངྒཎྷཱཏི, ཨསཏྟརཱུཔནྟི ཨདྡབྦརཱུཔཾ, གུཎེ ཧེཏུམྷཱིཏི གུཎཔདཏྠེ ཧེཏུབྷཱུཏེ ‘‘གུཎེ’’ཏི (༢-༢༡) པཉྩམཱིཏི ཨཏྠོ, ཡཐཱཝུཏྟཝིདྷཱནེནེཏི ‘‘གུཎེ’’ཏི སུཏྟེ ཝུཏྟཝིདྷཱནེན, ‘‘གུཎེ’’ཏི སུཏྟེ ཝུཏྟཝིདྷཱནེན, ཡདཱཏྭིཙྩཱདིནཱ པརེསཾ ཝིཡ ཀརཎེ ཝིསུཾ ཝིདྷཱནེ པཡོཛནཾ ནཏྠཱིཏི དསྶེཏི. ཀཏྟབྦརཱུཔསྶ ཙལནསྶཱཏི སམྦནྡྷོ, སམཱནཱདྷིཀརཎཏྟེན ཝིསེསནནྟི ཡོཛནཱ, སམཱནཱདྷིཀརཎཏྟེནཱཏི ཙ ‘རཉྙོ པུརིསོ’ཏྱཱདོ ཨསམཱནཱདྷིཀརཎསྶཱཔི ཝིསེསནཏྟདསྶནཏོ ཝུཏྟཾ, སམཱནཱདྷིཀརཎཏྟེན ཝིསེསནབྷཱཝོ ཙཱསྶ ཐོཀགུཎཱནྭིཏེ ཙལནེ ཝཏྟམཱནོ ཐོཀསདྡོ ཨསཏྟཝཙནོཝ ཝིསེསནནྟི, ཏེནེཝཱཁྱཱཡཏེ ‘ཐོཀསྶ ཀམྨཏྟཱ ཀམྨེ དུཏིཡཱ’ཏི. པཉྩམཱིཏྱནུཝཏྟམཱནེ ‘‘དཱུརནྟིཀཏྠེཧི ཚཊྛཱི ཝཱ’’ཏི (༢-༣-༣༤) ཝུཏྟཾ, ཏདཱཧ‘དཱུརནྟི ཀཏྠེཧི’ཙྩཱདི, ཨཝདྷིསམྦནྡྷལཀྑཎཱཏི ཨཝདྷིསམྦནྡྷཱཝ ལཀྑཎཾ ནིམིཏྟམཱསཾ པཉྩམཱིཚཊྛཱིནཾ ཏཱ ཏཐཱ ཝུཏྟཱ, ཝཏྟུམིཊྛོཏི ཨིམིནཱ ཝཙནིཙྪཱཡེཝ པདྷཱནཏྟམཱཧ, ཨེཝཾ ཙརཧི ཏཾཏཾ ཀཱརཀཝཙནིཙྪཱཡམཉྙཱཔི ཝིབྷཏྟིཡོ ཀསྨཱ ནཔྤཡུཛྫེཡྻུནྟི ཨཱཧ-‘ལོཀིཡཱ ཙེཏྠཱ’ཏིཨཱདི, ཨེཏྠ ཝིབྷཏྟཱིནཾ ནིཡམེ ལོཀིཡཱ ཨེཝ ཝཙནིཙྪཱ ནིབནྡྷནཾ ཀཱརཎནྟི ཨཏྠོ, པཉྩམཱིཙཱཏྱནུཝཏྟམཱནེ ‘‘དཱུརནྟི ཀཏྠེཧི དུཏིཡཱ ཙེ’’ཏི (༢-༣-༣༥) ཝུཏྟཾ, ‘‘པཉྩམྱདྷིཀརཎེཙ’’ (༢-༣-༣༦) ཨིཙྩཏྲ ཙ ཀཱརེན དཱུརནྟི ཀཏྠེཧི སཏྟམཱི ཙ ཝུཏྟཱ པཱཊི པདིཀཏྠེ སཱརསངྒཧཀཱརཱདཱིཧི, ཏདཀྑིཔྤ ཨཉྙཱཔདེསེན པཊིཀྑིཔིཏུཾ ཀེཙིཏྱཱདི ཡཾ ཝུཏྟཾ ཝུཏྟིཡཾ, ཏཾ དསྶེཏུམཱཧ’ཀེཙཱིཏི སཱརསངྒཧཱདཡོ’ཏིཨཱདི. དཱུརཱཔཱདཱཝསེཙནནྟི ཨཡཾ ཏེསམྤཊིཀྑེཔན ཡོཏི སམྦནྡྷོ, ཨིཏིསདྡོ པནེཏྠ པརིཧཱིནོ, ནཧིཏནྟིཨཱདཱིསུ ཏསདྡེནཱསཏྟརཱུཔཾ དཱུརཱདི ཝཏྟུམིཙྪིཏནྟྱཝསེཡཾ, ན ཧི ཏཾ གམྱཏེ, ན ཧི ཏཏོ གམྱཏེ, ན ཧི ཏེན གམྱཏེ, ན ཧི ཏསྨིཾ ཋཱིཡཏེ’ཏི ཝིསུཾ སམྦནྡྷོ ¶ ཝསེཡོ. པཏཱིཡནྟེཙཱཏི ཙོ ཝཏྟབྦནྟརསམུཙྩཡེ, ཨཏོཙེཏི ཝཀྑམཱནཧེཏུཔརཱམཱསོ, ཡནྟི ཡསྨཱ ཨཏྠེ ནིཔཱཏོ, ཝཱཀྱཀཱརོ ཝརརུཙི, ཏཾསཱམཱནཱདྷིཀརཎྱཏོཏི དཱུརཱདིསཱ མཱནཱདྷིཀརཎྱཏོ, ཏཾཡུཏྟཏོཔཱིཏི དཱུརཱདིཡུཏྟཱ གཱམཱདིསདྡཏོཔི, པཙྩཀྑནྟོཏི ཝཱཀྱཀཱརཝཙནཾ པཙྩཱཙིཀྑནྟོ, ཏཐཱཧྱཏྲཱཡཾ མཧཱབྷཱསྶ པཱཋོ ‘‘དཱུརནྟིཀཏྠེཧི པཉྩམཱིཝིདྷཱནེ ཏཾཡུཏྟཱ པཉྩམཱིཔཊིསེདྷོ ཝཏྟབྦོ དཱུརཱ གཱམསྶ, ཏཏྲཱཔི དསྶནཱ ཨནཏྠཀོ-ཡམྤཊིསེདྷོ, ཏཏྲཱཔི ཧི པཉྩམཱི དིསྶཏི–

དཱུརསྨཱཝསཐཱ མུཏྟཾ, དཱུརཱཔཱདཱཝསེཙནཾ;

གུརུཏོ ཀུཔིཏཱ དཱུརཱ,བྷཱབྱཾ དཱུརཱ ཙ དསྶུཧིཏི.

ཨཏྲ དཱུརནྟིཀེཏྱཱདི ཝཏྟབྦཾ ཝཱཀྱཀཱརཝཙནཾ, དཱུརཱ གཱམསྶཱཏི ཏསྶོདཱཧརཎཾ, ཏཏྲཱཔིཙྩཱདི པཙྩཀྑཱནབྷཱསྶཾ, དཱུརསྨཱཝསཐཱཏི ཨཱཝསཐསྶ དཱུརེཏི ཨཏྠོཧི བྷཱསྶཔདཱིཔེ ཀེཡྻཊོ, པཋམོ པུརིསོ ཡསྶ སོ པཋམཔུརིསོ བྷཝཏི ‘‘དཱུརནྟིཀཱ’’དི (༢-༦-༥) ཀཙྩཱཡནསུཏྟེ སུདྡྷཱདིཡོགོཔི སངྒཧིཏོ, ཏེནཱཧ–‘སུདྡྷཔྤ མོཙནཝིཝིཏྟཔྤམཱཎཡོགེ’ཏི, ‘‘དྷཱཏུནཱམཱནམུཔསགྒཡོགཱདཱིསྭཔིཙ’’ ཨིཏི (༢-༦-༢) སུཏྟེ ཙགྒཧཎཏོ པབྷུཏིཡོགོ ཙ གཧིཏོ, ཏེནཱཧ–‘པབྷུཏི ཡོགེཙཱ’ཏི, པབྷུཏིཡོགེཙཱཏི ཨིམིནཱ པབྷུཏྱཏྠཡོགོཔི སངྒཧིཏོ, ཏེནེཝ ‘ཡཏོསརཱམི ཨཏྟཱན’ནྟི ཨུདཱཧཊཾ.

༢༧. ཨཔ

ནནུ ཕུཊོཝ ཏེསཾ སཱལཱདཱིནཾ ཡོགོཏི ཀིམེཏྠ པཉྷེན ཀསྶ པནེཏེཧི ཡོགོ’ཏྱཱསངྐིཡཱཧ-‘ཝཛྫནཾ ཧིཙྩཱདི, ཝཛྫནཱནནྟི ཀཏྟརི ཨནོ, ཝཛྫནེ སམྦནྡྷེ ཝཏྟམཱནེཧཱིཏི ཝཛྫནསངྑཱཏེ སམྦནྡྷེ ཝཏྟ མཱནེཧི ཨཔཔརཱིཧི, ཡུཏྟསྨཱཏི ཡུཏྟཏོཝ ཨེཀསྨཱ, ནཱཉྙཏོ, ཀིམེཏྠ ཝཏྟབྦནྟི ཨིམིནཱ ཨཔཔརཱིཧི ཡུཏྟསྨཱཝ པཉྩམཱིབྷཝནེ པསིདྡྷཏྟམཱཧ, པསིདྡྷམྤེཏམཱཧརིཏྭཱ པཀཱསེཏུམཱཧ-‘ཀཏྟུནོ’ཙྩཱདི, ཡདཏྠོཏི ཡོསཱལཱདི ཨཏྠོ པཡོཛནཾ ཡསྶ ཝཛྫནཀིརིཡཱ རམྦྷསྶ ¶ སོ ཡདཏྠོ. ‘‘པཉྩམྱཔཱཔརཱིཧཱི’’ཏི (༢-༣-༡༠) ཨཱཡུཏྟེཔི པཉྩམཱི ཝིདྷཱིཡཏེ པརེཧི, ཏདཱཧ-‘མརིཡཱདཱཡ’མིཙྩཱདི, ཨཝདྷིམཱ ཨེཏྠ ཝསྶནཾ.

༢༨. པཊི

དིཊྛསམྦནྡྷསྶཱཏི པསིདྡྷཝསེན དིཊྛཀཱརིཡཀཱརཎསྶ མུཁྱསྶ, ཏསྶ ཀཱརིཡཏྠནྟི ཏསྶ མུཁྱསྶ ཡཾ ཀཱརིཡཾ, ཏདཏྠཾ མུཁྱཀཱརིཡ ཀརཎཏྠནྟི ཝུཏྟཾ ཧོཏི, ཏསྨིཾ པཊིནིདྷིམྷི ཝཏྟམཱནེན པབྷིནེཏི སམྦནྡྷོ, ཝིནིམཡེཏི པརིཝཏྟན ནིམིཏྟཾ པཊིདཱནེཙཱཏི ཙ སདྡསྶཱཊྛཱནཔྤཡུཏྟི དཊྛབྦཱ, པཏིནཱ ཏསྶ ཡོགོཏི སམྦནྡྷོ.

༢༩. རིཏེ

ཡདི ཝཛྫནཀིརིཡཱཡ སམྦཛ྄ཛྷམཱནསྶ ཀམྨཏྟཱ ཀམྨེ དུཏིཡཱ, ཀིམཏྠཾ ཙརཧི པུན དུཏིཡཱཝཙནནྟི ཨཱཧ-‘པཊིཔདཝིདྷཱནེ’ཙྩཱདི, པཊིཔདཾ ཨུཛུཀམེཝོཙྩཱརིཏཾ ཝིདྷཱནཾ ཡསྶཱ སཱ པཊིཔདཝིདྷཱནཱ, ཝིསེསཝིདྷཱན ཝཏཱིཏྱཏྠོ, ཡཛྫཏྲ དུཏིཡཱཝཙནཾ ན སིཡཱ ཏདཱ རིཏེསདྡེན ཡོགེ ཨུཛུཀཾ ཝིདྷཱིཡམཱནཱཡ པཉྩམིཡཱ དུཏིཡཱ བཱདྷཱིཡེཐཱཏི མཉྙཏེ. ཡདྱཏྲ པཉྩམིཡཱ དུཏིཡཱཡ བཱདྷཱབྷཱཝོ ཨེཝ པཡོཛནཾ, ཨེཝཉྩརཧི ‘རིཏེ ཝཱ’ཏི སུཏྟཡིཏབྦཾ ཨེཝཾ སཏི པཀྑེ དུཏིཡཱ ཙ བྷཝིསྶཏི, ལཧུ ཙ སུཏྟམྤཎཱིཏམྦྷཝཏཱི ཏྱཱསངྐིཡ པཡོཛནནྟརམཱཧ-‘ཨུཏྟརཏྠཉྩེ’ཏི, ཨཏོཡེཝཱཏི ཨུཏྟརཏྠཏྟཱཡེཝ, པུན པཡོཛནནྟརཾདུཏིཡཱ གཧཎསྶ དསྶཡམཱཧ-‘ཝིབྷཏྱནྟརེ’ཙྩཱདི, ཨཱཧཙྩ ཀཎྛཱདིཊྛཱནེ ཝཱཡུནཱཨཱཧནིཏྭཱ ཨཱཧརིཏྭཱ ཝཱ ཝཙནཾ ཨཱཧཙྩཝཙནཾ, ཨུཛུཀཝཙནནྟི ཝུཏྟཾ ཧོཏི, ཝིབྷཏྱནྟརཾ ཚཊྛཱིཝིབྷཏྟི, ཏསྶ བྱུདཱསཏྠཾ, ནིརཱསཏྠནྟུཏྠོ, ཨཉྙཱཔཱིཏི དུཏིཡཱཡ ཨཉྙཱ ཚཊྛཱིཔི, པཀཏཱཡ པཉྩམིཡཱ སམྦནྡྷནཏྠོ པཀཏསམྦནྡྷནཏྠོ.

༣༡. པུཐ

ན དུཏིཡཱཔི ཡོགཝིབྷཱགཏོཏི ཨེཝཾ མཉྙཏེ ‘‘ཏཏིཡཱ ཙེཏི ཝཏྟམཱནེ ཏཏྠ ཡདི ཙཀཱརེན ‘དུཏིཡཱ ཙེ’ཏི སམྦནྡྷཱིཡེཡྻ, ཏཏྲཱཔི ཙ ཀཱརེན པཉྩམཱིཏྱེཝཾ ན ཀསྶཱཔྱཔཀཾསོཏི‘ཝིནཱཉྙཏྲཔུཐནཱནཱཧི ¶ ཏཏིཡཱ ཙེ’ཏྱེཀཡོགམཀཏྭཱ ཡོགཝིབྷཱགསཱམཏྠིཡཱ ‘ཏཏིཡཱ ཙེ’ཏི ཙ ཀཱརེན ཛཱཏུ པཉྩམཱི’’ཏི, ཨསཧཱཡཏྠཏྟེ སཏི ‘ཝིནཱཏྠེ ཧཱི’ཏྱེཝམཝཏྭཱ ཀིཾ ཝིསུཾ སུཏྟརཙནཱཡེཏྱཱཧ-‘བྷེདོ པཱདཱནནྟྭི’ཙྩཱདི.

༣༢. སཏྟ

ཡནྟཾ སདྡཱནཾ ནིཙྩཏྟཱ སམྦནྡྷསྶ ཡཏྠཱཏི པརཱམཊྛཾ སོཏི, ཡོཏི པརཱམཊྛཾ ཏསྶཱཏི ཙ ནིདྡིསཏི, ཡོ ཡཏྠེཏྱཱདིཀཉྩ ‘ཀིརིཡཱདྷཱརབྷཱུཏེ’ཙྩཱདིཝུཏྟིགནྠ ཝིཝརཎནྟི ཡོཏི ཀིརིཡཱདྷེཡྻབྷཱུཏཱདྷིཔྤེཏཱ, ཨེཏནེཝཱཧ‘ཀིརིཡཱ ཙཱ’ཏིཨཱདི, ཏེནཱཡམཱདྷཱརཱིཡཏི ཀཏྟུཀམྨ སམཝེཏཱ ཀིརིཡཱསྨིནྟྱདྷིཀརཎེ ཝཱ ཏཾ ཨཱདྷཱརཡཏཱིཏི ཀཏྟརི ཝཱ གྷཎནྟེན དཊྛབྦོ, ཀཏྟཱརཾ ཀམྨཉྩ ཀིརིཡཱནིསྶཡབྷཱུཏམཱདྷཱར ཡཏཱིཏྱཱདྷཱརོཏི ཝཱ ཀཏྟརི གྷཎ, ཝུཏྟཾ ཧི–

ཨཱདྷཱརཡཏི ཡོ ཀཏྟུ, ཀམྨཾ ཀིརིཡནིསྶཡཾ;

ཨཱདྷཱརཾ ཀཱརཀཉྩཱཧུ, ཏཾ ཙཏུབྦིདྷམེཝ ཙེཏི.

ནནུ ཙ ཀིརིཡཱདྷཱརཎེནཱདྷཱརོཏྱུཙྩཏེ, ཏཾ ཀིམེཝམུཙྩཏེཏི ཙེ, ནེསདོསོ ཡདེཝ ཧི ཀིརིཡཱདྷཱརཎམསྶ, ཏནྟནྣིསྶཡབྷཱུཏ ཀཏྟུཀམྨདྷཱརཎཾ, ནཧྱཉྙཏཱ ཏདྡྷཱརཎཾ སམྦྷཝཏི ཏཏོ ཀིརིཡཱ ཀཱརཎེནཱདྷཱརཎེནཱདྷཱརོཏྱ ཡམེཝཏྠོ, ན ཀཏྟུཀམྨཔརིཙྩཱགེནཱདྷཱརེན ཨུཛུཀཾ ཀིརིཡཱ གཡ྄ཧཏེ, ཏེནེཝ ཝཀྑཏི-‘ཀིརིཡཱཡཡོ ཨཱདྷཱརོ’ཙྩཱདི, ནནུ ཡདྱཔྱུཛུཀམེཝ ཀིརིཡཾ དྷཱརཡཏི ཀཏྟཱ ཀཏྟུསམཝཱཡིནིཾ, ཀམྨསམཝེཏཉྩ ཝིཀྟེདནཱདིཾ ཀིརིཡཾ ཀམྨཾ… ཏཐཱ སཏི ཏཱནེཝཱདྷཱརོཏི, ན… ལོཀེ སཏྠེ ཙ ཏེསམཱདྷཱརཏྠེ ནཱཔྤཏཱིཏིཏོ, ཀཏྟུཀམྨཏཱཡེཝ ཧི ཏེསམྤཏཱིཏཱིཏི དསྶེཏུམཱཧ-‘ཀིརིཡཱ ཙེ’ཏྱཱདི, ཏཐཱ ཙ ཝུཏྟཾ–

ཀཏྟུཀམྨ བྱཝཧིཏཾ, དྷཱརེནྟམནུཛུ ཀྲིཡཾ;

ཀྲིཡཱསིདྡྷུཔཀཱརི ཙ, སཏྠེ-དྷིཀརཎཾ མཏནྟི.

ཀཏྟུཀམྨབྱཝཧིཏནྟི ཀཏྟུཀམྨེཧི ཏཾསམཝེཏབྷཱཝེན བྱཝཧིཏཾ, ཨནུཛུ པཱརམྤརིཡེན, ཀྲིཡཱསིདྡྷུཔཀཱརིཏི ཀཏྟུཀམྨསམཝེཏཱཡ ཀིརིཡཱཡ པསིདྡྷིཡཾ ཨུཔཀཱརཱི ཨུཔཀུབྦནྟཾ, ནནུ ཙ ན ཀིརིཡཱ དྷཱརཎེནེཝཱཡམཱདྷཱརོ, ཀཏྟུཀམྨཱནཾ དྷཱརཎེནཱཔྱཱདྷཱརོཏི སཀྐཱ ¶ ཝཝཏྠཔེཏུནྟི ཙོདནམྨནསི ནིདྷཱཡཱཧ-‘ན ཙེ’ཏྱཱདི, ཀིརིཡཱ ནིམིཏྟསྶེཝཱཏི ཀཏྟུཀམྨསམཝཱཡིནིཡཱ ཀིརིཡཱཡ ནིམིཏྟསྶེཝ, ཏདེཝཾཝིདྷམཱདྷཱརཾ ཙཏུབྦིདྷམྨཏནྟི དསྶེཏུམཱཧ-‘ཨཱདྷཱརོ ཙཱཡ’མིཙྩཱདི, ཙཏྟཱརོ ཝིདྷཱཔཀཱརཱ ཨསྶཱཏི ཙཏུབྦིདྷོ, ཨཱདྷེཡྻེན སཧོཔསིལེསོ སཾཡོགལཀྑཎོ-སྶ ཨཏྠཱིཏི ཨོཔསིལེསིཀོ ཨཱདྷཱརོ-‘ཀཊེནིསཱིདཏི ཐཱལིཡཾ པཙཏི’ཏྱཱདོ ཀཊཱདི, ཏཐཱཧི དེཝདཏྟསམཝེཏཾ ནིསཱིདནཀིརིཡཾ ཀཊོ དེཝདཏྟཾ དྷཱརཡཾ དྷཱརཡཏི དེཝདཏྟབྱཝཧིཏཾ, ཨེཝཾ ཐཱལཱིཔི ཏཎྜུལསམཝེཏཾ ཝིཀླེདནཱདིཀིརིཡཾ ཏཎྜུལེ དྷཱརཡཾ དྷཱརཡཏཱིཏྱོཔསིལེསིཀཱདྷཱརཏྟཾ ཀཊཱདིནོ. ཡཏོ-ཉྙཏྲཱདྷེཡྻཾ ན ཝཏྟཏེ སབྦཐཱ བྷིཡྻོ ཝཱ, སོ ཝེསཡིཀོ, ཝིསཡོཧྱཱདྷེཡྻསྶཱནཉྙཏྲབྷཱཝོ, ཡཐཱ ཙཀྑཱདིཔྤཝཏྟཱིནམཉྙཏྲཱབྷཱཝཱ ཙཀྑཱདཱིནཾ རཱུཔཱདཡོ ཝིསཡཱཏི ཝུཙྩནྟེ, ཨེཝམཱཀཱསེ སཀུནཡོཏྱཱདོ སཀུནྱཱདཱིནམཱཀཱསཱདིཏོ-ཉྙཏྲཱབྷཱཝཱཏེ ཏེསཾ ཝིསཡཱཏྱུཙྩནྟེ, ཝིསཡོ ཨེཝ ཝེསཡིཀོ. ཡོ ཨཱདྷཱརཱདྷེཡྻཱནམབྷིབྱཱཔེཏྱཱདྷེཡྻམིཏྱབྷིབྱཱཔཀོ, ཏཐཱ ཧི‘ཏིལེསུ ཏེལཾ, དདྷིམྷི སཔྤི,ཏྱཏྲ ཏིལཱདིཀཾ ཏེལཱདིཀམཱདྷེཡྻཾ བྱཱཔེཏྭཱ ཏིཊྛཏཱིཏི ཏིལཱདི བྱཱཔཀཱདྷཱརོ. སམཱིཔེ བྷཝོ, སམཱིཔོ ཨེཝ ཝཱ སཱམཱིཔིཀོ, ཡསྶ སམཱིཔདེསེ ཨཱདྷེཡྻཾ ཝཏྟཏེ སོ ཨེཝམུཙྩཏེ, ཨཏྲོདཱཧརཎཾ ‘གུརཱུསུ ཝསཏི གངྒཱཡཾ གྷོསོ’ཏི. ནནུ ཙཱཏྲཱཔྱཱདྷཱརེ སཏྟམཱི ཝིདྷཱིཡཏེ ཨཱདྷཱརོ ཙ ནིསྶཡོ ཝུཙྩཏེ, ནིསྶཡོ ཙ སཾཡོགསམཝཱཡེཧི ཧོཏི, ན ཙ སིསྶཱདཱིནཾ གུརུཔྤབྷུཏཱིཏི དེཝདཏྟསཀུནྱཱདཱིནམིཝ ཀཊཱཀཱསཱདཱིཧི སཾཡོགོ, ཏེལཱདཱིནམིཝ ཙ ཏིལཱདཱིཧི སམཝཱཡོ ཝཱ ཨཏྠི, ཏེནཱཡུཏྟཾ ཏེ སམཱདྷཱརཏྟནྟི, ནེཏདཏྠི, ཡདཱཡཏྟཱ ཧི ཡསྶ ཋིཏི སོ ཝིནཱཔི སཾཡོགསམཝཱཡེཧི ཏསྶ ནིསྶཡོ བྷཝཏི, ཏཐཱཧི པུརིསསྶ ན རཉྙཱ སཧ སཾཡོགོསམཝཱཡོ ཝཱཏྠི, ཨཐ པན ཏདདྷཱིནཊྛིཏིཏྟཱ རཱཛནིསྶཡོ པུརིསོཏི བྱཔདིསྶཱིཡཏེ, སིསྶཱདཱིནཉྩ གུརུཔྤབྷུཏིན མཱཡཏྟཱ ཋིཏཱིཏི ཏེསམཡཾ [ཏེནསྶཱཡཾ (པོཏྠཀེ) ཡུཏྠོ ཏེ པཏི གུརུཔབྷུཏཱིནཾ ནིསྶཡབྷཱཝོ (ཛིནིནྡབུདྡྷི)] ཡུཏྟོ གུརུཔྤབྷུཏིནཾ ནིསྶཡབྷཱཝོཏི, ཨེཏྠ ¶ པན ཡཛྫཔི ཝེསཡིཀཱབྷིབྱཔཀཱནམཱདྷཱརཱདྷེཡྻོཔསིལེསོ ཨཏྠི, ཏཐཱཔི པཀཱརནྟརསྶེཝ པརིཔྥུཊཏྟཱ ཏཐེཝ ཝཙནིཙྪཱ, ནཱཉྙཐཱ ཨོཔསིལེསིཀེན ཝཱ [ཨོཔསིལེསིཀེཝ] ཝིསཡཱབྷིབྱཱཔཀཱནམགྒཧཎཏོ ཨུཔསིལེསསྶེ ཝཱ [ཨུཔསིལེསསྶེཝ] པརིབྱཏྟཏྟཱ ཏཐེཝ ཝོཧཱརོཏི ན སངྐརོ སངྐནཱིཡོཏི.

༣༣. ནིམིཏྟ

ནིམིཏྟབྷཱཝམཏྟེཏཱིམིནཱ ཀམྨསཾཡོགཱབྷཱཝེཔི སཏྟམིཡཱ པཝཏྟི མཱཧ, ན པརེསཾ ཝིཡ ཀམྨསཾཡོགེ ཨེཝ, ཏེནེཝ ཝཀྑཏི-‘ཨེཝམཉྙཏེ’ཙྩཱདི, བཱཧིརཱནཾ ཧི-‘ནིམིཏྟཱ ཀམྨེན’’ (ཙཾ, ༢-༡-༨༩) ཨིཏི སུཏྟཾ, ཏཏྠ ཀམྨེན ཡོགེ པཡོཛནཱ སཏྟམཱིབྷཝཏཱིཏྱཏྠོ, ཨཛིནམྷི ཧཉྙཏེ དཱིཔཱིཏིདཱིཔིནོཧནནསྶ པཡོཛནཾ ཙམྨཾ, ཏསྶ དཱིཔིནཾཧནྟཱིཏི ཀམྨེན ཡོ གོ, སུཏྟེ ཀམྨེནཱཏྱཝཙནེ པཡོཛནཾ ཝཏྟུམཱརབྷཏེ ‘ན པནེ’ཙྩཱདི.

༣༤. ཡབྦྷཱ

ཡསྶ ཀིརིཡཱཏི ཡསྶ གཝཱདྱཏྠསྶ སམྦནྡྷིནཱི དོཧནཱདིཀིརིཡཱ, ཀིརིཡནྟརསྶཱཏི གམནཱདིཀིརིཡནྟརསྶ, ཨེཏེནཱཏི ལཀྑཎནྟི ཨེཏེན, ཏཏོ-ཙྩསྶ ཝིཝརཎཾ ཀིརིཡཱཝཏཱཏི, ‘‘ཀཱལབྷཱཝེསུ ཙེ’’ཏི (༢-༦-༤༣) ཀཙྩཱཡནེཧི སུཏྟིཏཾ, ཏདཱཧ-‘ཀཱལཏྠེཧི ཙཱ’ཏིཨཱདི.

༣༥. ཚཊྛཱི

སཱམིསྶརཱདིཡོགེ ཚཊྛཱིསཏྟམིཡོ ཡཐཱ སིཡུནྟི ‘‘སཱམིསྶརཱདྷིཔཏིདཱཡཱདསཀྑིཔཏིབྷཱུཔསུཏེཧི ཙ ‘‘ཨིཏི (༢-༣-༣༩) ཨཱརདྡྷཾ པརེཧི, ཏདཱཧ-‘སཱམི’ཙྩཱདི, ཨཏྲ ཙ ཛིནིནྡབུདྡྷིནཱ ‘‘སཱམྱཱདཱིནཾ བྷེདེནོ པཱདཱནཾ པརིཡཱཡནྟརནིཝཏྱཏྠམིཧ མཱ ཧོཏུ གཱམསྶ རཱཛཱ’’ཏི ཝུཏྟཾ ཝཱཀྱམུཔནྱསྱ ཧསྶཱཔྱ ཡུཏྟཏྟམུཔདསྶཡམཱཧ-‘སཱམིསྶརེ’ཙྩཱདི, ཀེན ནིཝཱརཱིཡཏེ, ན ཀེནཱཔཱིཏྱཏྠོ, ཝིསཡཝཙནིཙྪཱཡཾ ‘གཱམེ རཱཛཱ’ཏྱཔི བྷཝིཏབྦམིཏྱནེནཱཧ, ‘‘ཨཱཡུཏྟཀུསལེཧྱཱསེཝཱཡ’’མཱིཏི (༢-༣-༤༠) ཨཱརདྡྷཾ, ཏདཱཧ-‘ཨཱཡུཏྟེ’ཙྩཱདི, ཨཱསཝཱ ཏཔྤརཏཱ, བྱཱཝཊོ ནིཡུཏྟོ, ཏཏྠེདཾ སིཡཱ ‘‘ཨཱསེཝཱཡནྟི ཝཀྑཱམཱི ཏྱཝསྶཾ ¶ ཝཙནམིདམཱརབྦྷནཱིཡམཉྙཐཱ ཨཱིསཾཡུཏྟེཔི ‘ཨཱཡུཏྟོ གོ སཀཊསྶཱ’ཏི པསཛྫཏཱི’’ཏྱཱསངྐིཡ ནཏྠེཝེཏམྤི པཡོཛནནྟི དསྶེཏུམཱཧ-‘ཝིནཱཔི’ཙྩཱདི, ‘‘སཱམིསྶརཱ’’ཏྱདིཀཾ ཀཙྩཱཡནསུཏྟཾ, ཏེནེཝཱཏི ཀཙྩཱཡནསུཏྟེ པསཱུཏསདྡཱནནྟརཾ ཀུསལསདྡནིདྡེསེནེཝ, ཨིདྷཱཏི མོགྒལླཱནཝུཏྟིཡཾ. ཀཙྩཱཡནེན ‘‘ཀམྨཀརཎ ནིམིཏྟཏྠེསུ སཏྟམཱི’’ (༢-༦-༤༠) ‘‘པཉྩམྱཏྠེ ཙ’’ (༢-༦-༤༡) ཨིཏི ཙ སུཏྟིཏཾ, ཏེནཱཧ-‘ཀམྨེ’ཙྩཱདི, གཧཎསྶ བཱཧཱ ཝིསཡོཏི སམྦནྡྷོ, ཀཙྩཱཡནཱནཾ‘བྷིཀྑཱུསཱུ’ཏིཨཱདཱིནི ཀམྨཏྠེ ཨུདཱཧརཎཱནི, ཧཏྠེསཱུཏིཨཱདཱིནི ཀརཎཏྠེ, ཀདལཱིསཱུཏི པཉྩམྱཏྠེ. ‘‘མཎྜིཏུསྶུཀྐེསུ ཏཏིཡཱ ཙེ’’ཏི (༢-༦-༤༥) ཀཙྩཱཡནསུཏྟཾ, ཏདཱཧ ‘པསནྣཏྠེ’ཙྩཱདི, པསནྣཏྠེཏི མཎྜིཏཏྠེ, ཨུསྶུཀྐཏྠེཏི ཨུསྶཱཧཏྠེ.

༣༦. ཡཏོ

ཝིསུཾ ཀརཎཾ ནིདྡྷཱརཎཾ, ཛིནིནྡབུདྡྷཱཙརིཡེན ‘‘ཀིམཏྠམྤུནརིདཾ ཝཙནཾ ཡཱཝཏཱ ནིདྡྷཱརིཡམཱནོ-ཝཡཝོ སམུདཱཡབྦྷནྟརོ, ཏཏྠ ཡདཱ སམུདཱཡསྶཱ-དྷིཀརཎཏྟཾ ཝཏྟུམིཙྪཱིཡཏེ, ཏདཱ སཏྟམཱི སིདྡྷཱཝ, ཡཐཱ རུཀྑེ སཱཁཱཏི, ཡདཱ ཏྭཝཡཝསམྦནྡྷོ ཏདཱ ཚཊྛཱི, ཡཐཱ རུཀྑསྶ སཱཁཱཏི སཙྩམེཏཾ པཔཉྩཏྠནྟུ ཝཙན’’ནྟི ཝུཏྟཾ, ཏཉྩེཏ མཡུཏྟནྟིདསྶེནྟོ ཨཱཧ-‘ན སཱལཡོ’ཙྩཱདིསཱུཀཡུཏྟཱནིདྷཉྙཱནི སཱུཀདྷཉྙཱནི, ཨཱཧིཏཱ ཨཝཊྛིཏཱ, ཨཱདྷེཡྻ བྷཱུཏཱཏི ཝུཏྟཾ ཧོཏི. ཡཏོཏི ཨཱཧིཏཏྟཀཱརཎཱ, ཏཏོཏི ཡཏོ ཛིནིནྡབུདྡྷིཝཙནམེཝམཡུཏྟཾ, ཏསྨཱ ཀཱརཎཱ. ‘པཉྩམཱི ཝིབྷཏྟེ’’ཏི (༢-༣-༤༢) པཱཎིནཱིཡ སུཏྟཾ, ཏདཱཧ-‘སམུདཱཡཏོ’ཙྩཱདི, སུཏཏོ སཀཱསཱ སཱིལཾ ཨཏིསཡེན སེཡྻོཏི སམྦནྡྷོ, ‘‘ནིདྡྷཱརཎེ ཚཊྛཱི སཏྟམཱིསུ པཏྟེསུ ཏདཔཝཱདོ, ཡཾ ཡོགོ’’ཏི པརེཧཱཁྱཱཡཏེ, ཏཏྠ ཏཱཝ ནིདྡྷཱརཎམེཝེཏྠ ནཏྠི ཀུཏོ ཚཊྛཱིསཏྟམཱིནཾ ཏཏྠཔྤཝཏྟི, ཡཏོ ཏཱསཾ བཱདྷནཏྠམིདམཱརབྦྷཏེཏི དསྶཡམཱཧ-‘ནཱཏྲ ཛཱཏྱཱདཱིཧི’ཙྩཱདི, ནཧིཙྩཱདིནཱ ཛཱཏྱཱདཱིཧི ནིདྡྷཱརཎཱབྷཱཝཾ དསྶེཏི, ཛཙྩཱདཱིནནྟི ནིདྡྷཱརཎེ ཚཊྛཱི, ཀུཏོ ན བྷཝཏིཙྩཱཧ-‘ཛཙྩཱདིསམྦནྡྷེནེ’ཙྩཱདི, ཨཏཾ བྱཔདེསཏོཏི སཱིལཏྟཱདིབྱཔདེསཱབྷཱཝཏོ, པུན ནིདྡྷཱརཎཱབྷཱཝེ ཧེཏྭནྟརམཱཧ-‘ཏུལྱཱནཉྩེ’’ཙྩཱདི ¶ . སཱདྷུནིཔུཎེཧི ཡོགེ པཱུཛཱཡཾ གམྨམཱནཱཡཾ སཏྟམཱི, ཏཐཱ ཨསཱདྷུཡོགེ, ཏཐཱ པསིཏཨུསྶུཀྐེཧི ཡོགེ ཏཏིཡཱསཏྟམིཡོ, ཏཐཱ ལོཔནྟནཀྑཏྟསདྡཱ ཙ ཏེན ཏེན ཝཙནནྟརེན པཱཎིནིཡེཧི ཝིཧིཏཱ, ཏཾ སབྦཾ ཏཾཏཾཀཱརཀཝཙནིཙྪཱཡམེཝ སཱདྷེཏུཾ ‘མཱཏརི སཱདྷུ’ ཨིཙྩཱདཡོ ཨུདཱཧཊཱ ཀེསེསུ པསིཏོ པསཏྟོ, ཨཝབདྡྷོཏི ཨཏྠོ, ཀེསེཧི ཀརཎབྷཱུཏེཧི པསིཏོ བྷཝཏི, ཀཏྟུབྷཱུཏེཧི ཝཱ པསིཏོ ཀཏོཏི ཨཏྠོ, ཕུསྶེནིནྡུཡུཏྟེན ལཀྑིཏོ ཀཱལོ སོཡམིཏྱབྷེདེན སམྦནྡྷཱ ཕུསྶེ, ཏེན ཀརཎབྷཱུཏེན.

༣༧. པཋམཱ

པཋམཱཏྠམཏྟེཏི ཨེཏྟཀེ ཝུཏྟེཔི ཝཱཀྱཏྠོ པདཏྠོ ཝཱ ན ཝིཉྙཱཡཏེ ནཱམགྒཧཎཱནུཝཏྟིཏོཏི དསྶེཏུམཱཧ-‘དྭེདྭེཀཱནེཀཱདི སུཏྟཏོ’ཏིཨཱདི, ནཱམེནཱཏྠོ པཊིཔཱདིཡམཱནོ ནཱམསངྑཱཏེ-ཏྟནི ཨབྷིདྷེཡྻཏྟེནཱཛ྄ཛྷཱརོཔྱ པཊིཔཱདཡཏྱནཔེཀྑིཏ ཝིབྷཏྟིཝིསེསནྟི ཨཱཧ-‘ཨབྷིདྷཱིཡཏི’ཙྩཱདི, པཀཏིརཱུཔེནཱཏི ནཱམེན, ཏསྶ ཨབྷིདྷེཡྻསྶ, མཏྟསདྡསྶཱཏིཨཱདིནཱ སཱམཉྙནྟཱིདཾ མཏྟསདྡསྶཏྠཝཙནནྟི དསྶེཏི, ཨིདཾ ཝུཏྟཾ ཧོཏཱིཏི ནཱམསྶཱབྷིདྷེཡྻམཏྟེཏི ཨིམིནཱ ཨིདཾ ཝཀྑམཱནཾ ཝུཏྟཾ ཧོཏི. ‘‘པཱཊིཔདིཀཏྠལིངྒཔརིམཱཎཝཙནམཏྟེ པཋམཱ’’ཏི (༢-༣-༤༦) ལིངྒཱདཱིསུ བྷེདེན པཋམཱཝིདྷཱནམྤཊིཔནྣཱ, ཏདཱཧ-‘ལིངྒཔརིམཱཎེ’ཙྩཱདི, ལིངྒཾ ཨིཏྠིཔུནྣཔུཾསཀཱནི, པརིམཱཎཾ པརིཙྪེདོ, སངྑྱཱ ཨེཀཏྟབཧུཏྟཱནི, ཏབྦནྟོཔི སདྡཏྠོཨེཝཱཏི ལིངྒཱདིཝནྟོཔི སརཱུཔཱ བྱཏིརིཏྟོ སདྡཏྠོ ཨེཝ, ཨུཙྩཏྟནཱིཙཏྟསཱམཉྙམྤུརོདྷཱཡ པཝཏྟིཡཱ ཨུཙྩནཱིཙསདྡེཧི པཋམཱ ཧོཏེཝ, ཏཾཡུཏྟསྶཱཔི སདྡཏྠབྷཱཝཏོ ‘ཨུཙྩཾ གྷརཱནི’ཏྱཱདཱིནིཔི ཨུཙྩཏྟཾ གུཎཾ ནིམིཏྟཾ ཀཏྭཱ སོཡམིཏྱབྷེདསམྦནྡྷ གྷརེསུ ཝཏྟནྟཱིཏི. པལམྦཏེ ཨཛ྄ཛྷཱགཙྪཏིཏྱཱདོ ‘‘ཨསངྑྱེཧི སབྦཱསཾ’’ཏི (༢-༡༡༩) ལོཔཝིདྷཱནསཱམཏྠིཡཱ པཱདཱིཧྱནཏྠཀེཧིཔི པཋམཱ སིདྡྷཱཡེཝ.

༣༨. ཨཱམནྟ

ཨབྷིམུཁཾ ཀཏྭཱཏིཨཱདིནཱ ཡོགཱརམྦྷསྶ ཕལཾ དསྶེཏི, ནཱམཏྠེཏི ¶ སདྡཏྠེ, པདཏོཏི ཨཱམནྟཎཱདྷིཀཨཏྠམཏྟཔྤཀཱསཀཔདཏོ, ཧོནྟི ཙེཏྠ…

སིདྡྷསྶཱབྷིམུཁཱིཀཱར [བྷིམུཁཱིབྷཱཝ (པོཏྠཀེ)], མཏྟམཱམནྟཎཾ སིཡཱ;

ཨཏྠོ ཀཏཱབྷིམུཁོ ཧི, ཀྲིཡཱཡཾ ཝིནིཡུཛྫཏེ;

ཨཱམནྟཎཾ ན ཝཱཀྱཏྠོ, པདཏོཝ པཏཱིཏིཏོ;

ནཏྠེཝཱམནྟཎཾ ལོཀེ, ཝིདྷཱཏབྦེན ཝཏྠུནཱ;

ཏཾ ཡཐཱ བྷཝ རཱཛེཏི, ནིཔྤནྣཏྠོ བྷཝེཏི ཙ.

སིདྡྷསྶཱཏི དེཝདཏྟཏྟཱདིནཱ སིདྡྷསྶ, ཨཏྠོཏི དེཝདཏྟཱདི, ཀཏཾ ཨཱབྷིམུཁྱཾ སམཱདྷཱནཾ ཡེནཱཏི ཝིགྒཧོ, ཀྲིཡཱཡཾ ཝིནིཡུཛྫཏེ གཙྪ བྷུཉྫཱཏི, ཨཱམནྟཎཾ ནཏྠི… ཨིདཱནི ཝིདྷཱིཡམཱནཏྟེནཱལདྡྷསཏྟིཀསྶཱབྷིམུཁཡིཏུམསཀྐརཱུཔཏྟཱ, ཝིདྷཱཏབྦེནཱཏི ནིཔྥཱདེཏབྦེན.

༣༩. ཚཊྛཱི

ཀིརིཡཱཀཱརཀེཙྩཱདིཝུཏྟིགནྠསྶ ཨཏྠསཾཝཎྞནཾ ཀཏྟུམཱརབྷཏེ ‘ཨེཀཱཡཾ སམྦནྡྷོ ནཱམེ’ཙྩཱདི, ཀིརིཡཱཡ ཀཱརཀེཧི ཙ ནིཔྥཱདིཏོཏི ཨིམིནཱ སམྦནྡྷསྶ ཀིརིཡཱཀཱརཀསམྦནྡྷ པུབྦཀཏྟམཱཧ, ཏཏོཡེཝཱཡཾ ནཱཀསྨཱིཀོཏི ན ཡེསཾཀེསཉྩི དྭིནྣཾ བྷཝཏི, ཝིསིཊྛཱནཾཡེཝ ཏུ དྭིནྣཾ བྷཝཏཱིཏྱཏིཔྤསངྒཱབྷཱཝོ, ཀིརིཡཱཀཱརཀསམྦནྡྷཔུབྦཀོ ཧི ཀཱརཀེཧི ཨཉྙོ སསྶཱམིབྷཱཝཱདིཀོ སམྦནྡྷོ, ཏཐཱ ཙ ཝུཏྟཾ–

‘‘སམྦནྡྷོ ཀཱརཀེཧཉྙོ, ཀྲིཡཱཀཱརཀཔུབྦཀོ;

སུཏཱཡམསྶུཏཱཡཾཝཱ, ཀྲིཡཱཡཾ སོ-བྷིདྷཱིཡཏེཏི.

ཏཏྠ ཨསྶུཏཱཡཾ ཀིརིཡཱཡཾ ‘རཉྙོ པུརིསོ’ཙྩཱདོ ཀིརིཡཱ ཀཱརཀསམྦནྡྷཔུབྦཀོ-ཉྙོ ཨེཝ སསྶཱམིབྷཱཝཱདིཀོ སམྦནྡྷོ པཏཱིཡཏེཏི, ‘སརཏི རཛྫསྶ’ཏྱཱདོ ཏུ སུཡྻམཱནེ ཀིརིཡཱསདྡེ, ཨེཏྠ པན སནྟམཔི ཀམྨཾ ཝཏྟུམནིཙྪིཏཾ, ཝིསེསནབྷཱཝོཡེཝ སརཎམྤཏི རཛྫསྶ པཊིཔཱདཱིཡཏེ’རཛྫསམྦནྡྷིསརཎ’ནྟི, ཀིརིཡཱཀཱརཀ སམྦནྡྷོ ཧི སབྦཏྠ ཝཏྠུཊྛིཏིཝསེནེཝཏྠི, ཏནྣིམིཏྟོ ཙ སསྶཱམི བྷཱཝཱདི, ཏཏྠ སསྶཱམིབྷཱཝཝིཝཙྪཱཡཾ ཝིཛྫམཱནོཔི ཀིརིཡཱཀཱརཀ སམྦནྡྷོ ¶ ན ཝཏྟུམིཙྪིཏོ, ཡཐཱ ‘ཨནུདརཱ ཀཉྙཱ’ཏི, སོ ཙཱཡཾ སམྦནྡྷོ སསྶཱམིབྷཱཝཛཉྙཛནཀབྷཱཝཱ-ཝཡཝཱཝཡཝཝིབྷཱཝཱདིལཀྑཎོ བཧུཝིདྷོཏི ཝེདིཏབྦོ, ཏཏྠ སསྶཱམིསམྦནྡྷེ རཉྙོ པུརིསོ, ཛཉྙཛནཀསམྦནྡྷེ ནིགྲོདྷསྶ བཱིཛཾ, ཨཝཡཝཱཝཡཝིསམྦནྡྷེ རུཀྑསྶ སཱཁཱ, ཨིདཱནི སམྦནྡྷསྶེཏསྶ ཀིརིཡཱཀཱརཀསམྦནྡྷསཉྫཱཏཏྟཾ ཡཐཱཡོགམཉྙཏྲཱཔྱཝགམཡིཏུཾ ཀིཉྩི ཨུདཱཧརཎམཱཧ-‘ཏཐཱ ཧི’ཙྩཱདི, པརིཔཱལནཀིརིཡཱཀཏོ ནེསཾ སམྦནྡྷོཏི ཨིམིནཱ པརིཔཱལྱཔརིཔཱལནལཀྑཎོ-ཡཾ སམྦནྡྷོཏི དསྶེཏི, སཱ ཨཡམྤརི པཱལནལཀྑཎཱ ཀིརིཡཱ སམྦནྡྷམསྶེདམྦྷཱཝཧེཏུཾ ཛནཡིཏྭཱ ནིཝཏྟཏི, ཨཏྠཔྤཀརཎཱདིནཱ ཏྭིམཱཡ ཀིརིཡཱཡཱཡཾ སམྦནྡྷོཏི ཝིསེསོ ཝསཱིཡཏེ, ན ཚཊྛིཡཱ ཝིསེསཱཝགམནེ སཱམཏྠིཡཾ… ཏསྶཱ སབྦཏྠེཀརཱུཔཏྟཱ, སུཡྻམཱནེ ཨེཝ ཝཱ ཀིརིཡཱསདྡེ ཀཱརཀབྷཱཝསྶ ཧེཏུནོ ཝཙནིཙྪཱཡཱབྷཱཝེ ཨསྶེདམྦྷཱབྷཱཝསངྑཱཏསྶེཝ ཕལསྶ ཝཏྟུམིཙྪིཏཏྟཱ ཏཐེཝ སམྦནྡྷོ ཛཱཏོ ཚཊྛིཡཱབྷིདྷཱིཡཏེ ‘རཛྫསྶ སརཏཱི’ཏི, ཝུཏྟཾ ཧི–

ཛནཡིཏྭཱན སམྦནྡྷཾ, ཀྲིཡཱ ཀཱཙི ནིཝཏྟཏི;

སུཡྻམཱནེ ཀྲིཡཱསདྡེ, སམྦནྡྷོ ཛཱཡཏེ ཀྭཙཱིཏི.

པརིཔཱལཡཏཱིཏི པུརིསམྤརིཔཱལཡཏི, ཏཏོ པཱལནཱདིཀཱ ཨུཔཀཱར སབྷཱཝཱ ཀིརིཡཱདྭིནྣམྤི ཏེསཾ སམྦནྡྷིནཱི བྷཝཏི, རཉྙཱ ཧི ཀཱརིཡམཱནཱ ཏཾསམྦནྡྷིནཱིཔུརིསཝིསཡཏྟཱཝཔུརིསཡོགིནཱིཏྱུབྷིནྣམྤིཀིརིཡཱསམྦྷཝཏི, ཏཏོཡེཝཏསྶཱ ཨུབྷཡསམྦནྡྷིནིཡཱ ཀིརིཡཱཡ སམྦྷཝེཨསྶེདནྟི བུདྡྷིཡཱ ཧེཏུབྷཱུཏསྶ ཨཉྙམཉྙཱཔེཀྑསབྷཱཝསྶ སམྦནྡྷསྶ བྷཱཝཏོ ཀིརིཡཱཛནིཏཏྟམསྶ, ཨཉྙམཉྙཱཔེཀྑཱལཀྑཎོ… སབྦཐཱ ནིརཔེཀྑཏྟེ སམྦནྡྷཱབྷཱཝཱ, སམྦནྡྷི བུདྡྷིསབྦྷཝསྶཱཏི སམྦནྡྷཱིསུ རཱཛཔུརིསཱདཱིསུ ཨསྶེདནྟི ཨེཝམྤཝཏྟཱཡ བུདྡྷིཡཱ སབྦྷཝསྶ. པརེསཾ ཝིཡ ‘‘གུཎེ ཚཊྛཱི’’ཏི ཝཙནནྟརཱབྷཱཝེ ཨུབྷཡཏྠཔི (ཙེཏྠ) [(ཡེཝ) (པོཏྠཀེ)] ཚཊྛིཔྤ- སངྒོཏི བོདྷེཏུམཱཧ-‘ནནུ ཙེ’ཙྩཱདི, སཙྩནྟི ཡཐཱ ཝུཏྟཾ ཙོདནམབྦྷུཔགམྨ ཙོདཀམྤཏི ཡཐཱཝུཏྟཾ སམྦནྡྷརཱུཔཾ ཏཏོ-ཉྙཏྲཱཔྱུཔསཾ ཧརིཏྭཱ ¶ ཏཏྠ ཚཊྛིཔྤསངྒཾ ཙོདེཏུམཱཧ-‘དེཝདཏྟོ’ཙྩཱདི, ཨཐེཝ མིཙྩཱདིནཱསཏཱིཔིཨཉྙམཉྙཱཔེཀྑཱལཀྑཎེ སམྦནྡྷེ ཝཙནིཙྪཱཡེཝེཏྠ ཀཱརཎནྟི ཙོདཀཱདྷིཔྤཱཡམཏྲོཔནེཏྭཱ ཏདེཝ ཝིསེསཏོ ཚཊྛིཡཱ ཨབྷཱཝེ སམུཔནེཏུཾ‘ཡཛྫེཝམིཧཱཔི’ཙྩཱདིཀམཱཧ, ཏཏྠ ཨཐཱཏི ཙོདཀཱདྷིཔྤཱཡཔྤཀཱསནཱརམྦྷེ ནིཔཱཏོ, ཨེཝཾ ཝཏྟབྦནྟི ཨེཝཾ ཡདིཔིཙྩཱདིནཱ ཝཀྑམཱནནཡེན ཝཏྟབྦཾ, པཊིཔཱདེཏབྦཏཱཡཱཏྱཱདིནཱ ཨིདནྡཱིཔེཏི ‘‘ཝིསེསྶཾ ཝིདྷེཡཏཱཡ ན པརཱདྷཱིནནྟི ཨཔྤདྷཱནབྷཱཝཏོ བྱཏིརིཙྩཏེ ཏཏོ-ཏྟནིཊྛམེཝ, ན རཱུཔནྟརམྦྷཛཏི‘པུརིསསྶེ’ཏི, ཝིསེསནནྟུ རཱཛཱདིཀཾ ཏདངྒཏཱཡཱནུཝདིཡམཱནམཔྤདྷཱནཏྟཱ ཀཱརཀརཱུཔཏོ བྱཏིརིཙྩཏེ, ཏཏོ རཱུཔནྟརཾ བྷཛཏི ‘རཉྙོ’ཏི, ཏཏོ བྱཏིརེཀ ལཀྑཎོ སམྦནྡྷོ ཧོཏི, ཨེཀསྶ སམྦནྡྷིཏྟཱསམྦྷཝཱ ཝཏྠུཏོ དྭིཊྛོ ཝིསེསནགཏཏྟེན པཏཱིཡཏེ ཏཏོ ཚཊྛཱི ཝིསེསནམེཝཱནུདྷཱཝཏི པཏཱིཏིཝིསཡེ སདྡཔྤཝཏྟཱི’’ཏི, ཡོ ཧི ཝིཀཔྤནཾ ཝིསཡོ སོ སདྡཱནནྟི, ཨཏོཡེཝ སམྦནྡྷོ ནིཡམེན ཝིསེསནབྷེདམནུཝིདདྷཱཏི… ཝཏྠུཏོ དྭིཊྛསྶཱཔི ཏགྒཏཏྟེན པཏཱིཏིཡཱ ཡཐཱ བྷཱཏཱུནཾ དྷནནྟི, ནཱཝསྶམྦྷཱཏཱུནཾ དྷནནྟིཙྩེཝ བྷཝཏི, ཏཐཱ སཏྱཔི ཝིསེསྶ བྷེདེ ཝིསེསནགཏམེཝ བྷེདམནུ(ཝིདདྷཱ)ཏི ‘དེཝདཏྟསྶ ཨསྶཱ’ཏི, ཏདེཏཾ སབྦཾ ཝིསེསནགཏཏྟེན སམྦནྡྷཔཏཱིཏིཏོ-ཝཀཔྤཱིཡཏེ, ཝིསེསྶགཏཏྟེནཱཔི ཏཔྤཏཱིཏིཡཾ ནིཡམེན ཏགྒཏབྷེདཱནུཝིདྷཱནཾ སིཡཱ ཝིསེསནགཏབྷེདཱནུཝིདྷཱནམིཝ, དྭིཊྛཏྟནྟུ ཝཏྠུཏོ [ཙཏྟུནོ] ན ཝིརུཛ྄ཛྷཏེ, ཝཏྟུཔཊིབདྡྷམེཝ ཙ དྭིཊྛཏྟཾ མནསིཀཏྭཱ ཏཾཝཱདཱིཧི དྭིཊྛོ སམྦནྡྷོབྷིདྷཱིཡཏེ, ཨཏོཡེཝཱཡཾ བྱཏིརེཀཝིབྷཏྟི (ཡཱགམྱཏེ)… བྱཏིརིཙྩམཱནཝིསེསནབྷཱུཏསམྦནྡྷིགཏབྱཏིརེཀལཀྑཎསམྦནྡྷཱབྷི- དྷཱནཔྤཝཏྟིཏོཏི, ནཱིལཱདིཝིསེསནནྟུ པརཏྠཏྟེནཱཔྤདྷཱནམྤི ན ཀཱརཀབྷཱཝཏོ བྱཏིརིཙྩཏི… ནཱིལཱདིསདྡེནུཔྤལཱདིདབྦཱབྷིདྷཱནཏོ, ཡཐཱ ‘ནཱིལམུཔྤལམྤསྶ, ནཱིལེནུཔྤལེན ཋིཏཾ, ནཱིལསྶུཔྤལསྶ གནྡྷོ’ཏི, ཡདཱ ཏུ ན ཝིསེསྶཔཝཏྟི ཏདཱ བྱཏིརིཙྩཏེཝ ‘ནཱིལསྶ གུཎསྶ ཨུཔྤལནྣིསྶཡོ’ཏི ཀཱརཀབྷཱཝལཀྑཎཱ པདྷཱནབྷཱཝཱ བྱཏིརིཙྩཏེ ཨེཝ ནཱིལཱདི, ཏཏོ ཝིསེསནམེཝཱནེཀཔྤཀཱརཏཱཡཱཝ ཏིཊྛཏེ, ཏཏོ ཝིསེ- སནཾ ¶ ཀིཉྩིདེཝ ཀཱརཀརཱུཔཏོ པདྷཱནབྷཱཝཱ བྱཏིརིཙྩཏེཏི ཝིསེསན མཏྟེནཱཔི སེསཾ སབྦཾ ཏཐཱ སིཡཱཏི ནཱསངྐནཱིཡནྟི.

དྭེཔཱིཏི རཱཛཔུརིསཱ དྭེཔི, ཏཏིཡེ གེཧསངྑཱཏེ སམྦནྡྷིནཱི. སཧཡུཏྟམྤཊིཙྩ ཨེཝནྟི ཨིམིནཱ པུརིསསྶ ཨཔྤདྷཱནཏྟམེཝ དཱིཔེཏི, ཨབྷིམཏཱཏི པཱཎིནིཡཱནཾ སུཏྟནྟརེན ཨབྷིམཏཱ, ཡཏོ ཚཊྛཱིཡ-མཏྟནོ མཏེ སམྦནྡྷནིསྶཡཱ, ཏེནཱཧ- ‘སམྦནྡྷམེཝི’ཙྩཱདི, སམྦནྡྷོ ཙེཏྠ མཱཏུ སརཎཱནམཝཊྛཱནཱདིཀིརིཡཱནིམིཏྟོཏི ཀེཙི, ཨཉྙེ ཏུ སརཎསྶ ཀིརིཡཱརཱུཔཏྟཱ ཀིརིཡནྟརམནྟརེནེཝ དབྦེན སམྦནྡྷོཔཔཏྟིམཱཧུཡཐཱ དྭིནྣཾ ཛཏུཀཏོ སཾསིལེསོ, ཛཏུནོ ཏུ ཀཊྛེནཱཏྟནཱཡེཝ, ན ཛཏྭནྟརཀཏོ སཾསིལེསོཏི. པརེསཾ ཏཏིཡཏྠེ དུཏིཡཏྠེ ཙ ཀིཏཀཔྤཡོགེ ཉྙཏྲཱཔི (པཉྩམྱཏྠེ) སཏྟམྱཏྠེ ཙ (‘‘ཚཊྛཱི ཙཱ’’) ཏི (༢-༦-༢༠) དུཏིཡཱ པཉྩམཱིནཉྩཱ’’ཏི (༢-༦-༢༩) ཙ སུཏྟནྟརེཧི ཚཊྛཱིཏིམཏཱ, ཏསྶཱཔི ཝཏྟིཙྪཱཏོཝ སཱདྷིཏབྷཱཝཾ དསྶེཏུམཱཧ-ཡཐཱཙེཏྠཱཏིཨཱདི, ཨེཏྠཱཔྱཱདོ ཨུདཱཧརཎདྭཡེ སུཏྟནྟརམནྟརེན སམྤདཱནཏྟཱབྷཱཝཱ སམྦནྡྷཝཙནིཙྪཱཡམེཝ པརེསམྤི ཚཊྛཱི, ཏེནཱཧ-‘ཨེཏྠཱ’ཏིཨཱདི, བཧུལནྟཱིམསྶ ཨཏྠཾ དསྶེཏི ‘ཡཐཱ དསྶན’ནྟི, ཨཝིསཾཝཱདཀཱལོཀསྶཏྱཱདིཀཾ ཀམྨེ ཨུདཱཧརཎཾ, པཉྩམྱཏྠེ པན ཝཏྟིཙྪཱཏོཝ སབྦེ ཏསནྟི དཎྜསྶཱཏྱཱདཱིནི ཨུདཱཧརཎཱནི ཝེདིཏབྦཱནི.

༤༠. ཏུལྱ

ཨནབྷིམཏཱཏི ‘ཏུལྱཏྠེཧྱཏུལོཔམཱཧི ཏཏིཡཱཉྙཏརིསྶ’ནྟི (༢-༣-༧༢) སུཏྟེན ཏུལོཔམཱཧི ཨཉྙེཧི ཏུལྱཏྠེཧི ཡོགེ ཏཏིཡཱཡ ཝིདྷཱིཡམཱནཏྟཱ པཱཎིནིཡཱནཾ ཨནབྷིམཏཱ, ཡསྨཱ སདིསཱ བྷཱཝཱ ཏེསཾ ནོཔམཱཏི ‘ཨཛྫུནསྶ ཏུལཱ ནཏྠཱི’ཏྱཱདིཀམུཙྩཏེ, ཏསྨཱ ཨེཝཾ ཡཐཱཝུཏྟནཡེནཱཏི ཏདེཝནྟཱིམསྶ ཨཏྠོ ཝེདིཏབྦོ, ཏདེཝནྟི ཝཱ ནིཔཱཏསམུདཱཡོ ཡཐཱཝུཏྟནིདསྶནཏྠོ, ཏུལྱེསཱུཏི སདིསེསུ, ཏཐཱཝུཏྟཱཏི ཨཛྫུནསྶཏུལཱནཏྠཱིཏྱཱདིནཱ ཏེན པཀཱརེན ཝུཏྟཱ.

༤༡. ཨཏོ

སུཏྟེ ¶ ‘ཨཏོ’ཏི ཝུཏྟཾ ‘ཨཀཱརནྟཏོ’ཏི ཀཐཾ ཝུཏྟཱིཏི ཨཱཧ ‘ཨཏོ’ཏིཨཱདི, ཨཱདེསཱ ཧོནྟཱིཏི སེསོ, ཡཀཱརཱནཾཡེཝ སིཡུཾ… ཨཱཨེཨཱདེསཱནམེཀཝཎྞཏྟཱ, ལོཔེ ཀཏེཏི ཨོཀཱརསྶ ལོཔེ ཀཏེ, ཏནྣེཏི ཡཐཱཝུཏྟཾ དྷཙཱདྱཔྤཊིཀྑིཔཏི, པཊིཀྑེཔེ ཀཱརཎམཱཧ-‘པརལོཔསྶཱ’ཏིཨཱདི, ཀཱརཎནྟརཾ ཝཏྟུམཱརབྷཏེ ‘ཀིཉྩཱ’ཏིཨཱདི, ནིཙྩམྤརལོཔོཝ སིཡཱ, ན པུབྦལོཔོཔི ཨཱགམཔྤཡོགཱནུཀཱུལྱེནཱཏིཔི སཀྐཱ ཝཏྟུནྟི ཨཱཧ-‘ནཙཱ’ཏིཨཱདི, ནིཙྩམྤརལོཔོཡེཝཱཏི ན ཙ སཀྐཱ མནྟུནྟི སམྦནྡྷོ, ཨེཝཾ སནྟེཏྱཱདིནཱ ཏཏྠ ཝིརོདྷམཱཧ, ཨཏོསམྦྷཝཱཏི ཨཱདེསཱཀཱརཏོ སམྦྷཝཱ, ཛྷིསྶཱཀཱརཝིདྷཱནཾ ‘‘ཡོསུ ཛྷིསྶ པུམེ’’ཏི (༢-༩༣) ཨེཏདེཝཔཡོཛནནྟིཨཱདིནཱ ཝུཏྟཔྤཡོཛནཱབྷཱཝེ ཀཱརཎམཱཧ-‘ཨནིཊྛཏྟཱ’ཏི, ཨནབྷིམཏཏྟཱཏི ཨཏྠོ, པཡོཛནཱབྷཱཝཱནབྷིམཏཏྟམེཝ དསྶེསུམཱཧ-‘ཨེཏདཏྠམེཝཱ’ཏིཨཱདི, ཨིམསྶཱཏི ‘‘ཨཏོ ཡོནཾ ཊཱཊེ’’ཏཱི མསྶ སུཏྟསྶ, ཛྷིསྨཱཏྭེཝཱཏི ‘ཛྷིསྨཱ’ ཨིཏི ཨེཏཱདིསཾ སུཏྟམེཝ, ཛྷིསྨཱ ཡོནཾ ཊཱཊེཏིཝཱཏི ‘‘ཛྷིསྨཱ ཡོནཾ ཊཱཊེ’’ཏི སུཏྟཾ ཝཱ, ཨཏོཏི ‘ཨཏོ’ ཨིཏི སུཏྟཾ, ཏཱདིསསྶཔཡོགསྶཱཏི ཨགྒཱ, ཨགྒེ ཨིཏི པཡོགསྶ.

༤༢. ནཱིནཾ

ཡསྨཱ ཨེཀམེཝ རཱུཔམུདཱཧཊཾ, ཏསྨཱ རཱུཔཱརཱུཔཱནི རཱུཔེརཱུཔཱནཱིཏི བྷེདོ ཝེདིཏབྦོ, ཏེན ཧི བཧུཝཙནེ [བཧུཝཙནེན (པོཏྠཀེ)] པཋམཱདུཏིཡཱསུ ‘ཨཊྛཱིནཱི’ཏི ཨེཀམེཝ རཱུཔམུདཱཧཊནྟི དསྶེཏི.

༤༤. སསྶཱཡ

སུཉིཏི ཉཀཱརོ ཀིམཏྠོཏི ཨཱཧ-‘ཉཀཱརོ’ཏིཨཱདི, ཨསཏི ཧི ཉཀཱརེ‘ཉཱནུབནྡྷོ’ཏི ཉཀཱརེན ཝིསེསནེན སུཀཱརོ ན ཝིསེསཱི ཡེཡྻ སཏིཡེཝ ཏསྨིཾ ཏེན སོ ཝིསེསཱིཡེཡྻ, ཏསྨཱ ‘‘ཉཀཱནུབནྡྷཱདྱནྟཱ’’ཏི སུཏྟེ ‘ཉཀཱནུབནྡྷཱ’ཏི ཝིསེསནཾ ¶ ཝིསེསནབྷཱཝོ ཨཏྠོ པཡོཛནཾ ཡསྶ སོ ཝིསེསནཏྠོ, བཧུལཾ ཝཙནེནཱནབྷིམཏམནཝསེསཾ ཝཝཏྠཱཔཱིཡཏཱིཏི ཝུཏྟིཡཾ ‘‘བྷིཡྻོ’’ཏྱཱདིཀམུཔདིཊྛནྟི དསྶེཏུམུཔཀྐམཏེ ‘སཱམཉྙེནཱ’ཏིཨཱདིནཱ, ཚཊྛཱི བྷཝཏཱིཏི (སེ)སོ, ནནུཙ ཨཏྠསདྡེནཱཉྙཔདཏྠསམཱསེ ཀཐཾ ཙཏུཏྠྱཏྠོ-ཝསཱིཡཏཱིཏི ཝུཙྩཏེ, ཙཏུཏྠཱིཨེཀཝཙནེ ཨཏྟཏྠ’ནྟི ཨེཏྠ སདྡྷམྨསཝནཱདིཀམཏྟནིམིཏྟནྟི ཡོ-ཏྠོ, སོ ཙཏྠོ-ཉྙ པདཏྠེཔི, ཏསྶཱ-ཉྙཔདཏྠབྷཱུཏསྶཱཔི ཨཏྟཱ ཨཏྠོ པཡོཛནམྦྷཝཏི ནིམིཏྟབྷཱཝེནཱཏི ནཱཏྠབྷེདོཏི ཏ ཨེཏ ཨིམཝཛྫིཏཱནཾ སབྦཱདཱིནནྟི ཏ ཨེཏཨིམསདྡེཧི ཨེཝ ཝཛྫིཏཱནམཉྙེསཾ སབྦཱདཱིནཾ, པཊིསིདྡྷེསུཔི ཀསྶཙི ཨཱདེསོ དིསྶཏཱིཏི དསྶེཏུམཱཧ‘ཏསདྡསྶ ཙཱ’ཏི.

༤༥. གྷཔ

ཨིཏྠིཡཱ ཝདྷུཡཱཏི པསཉྙཱནམཱི ཨཱུནམུདཱཧརཎཱནི.

༤༦. སྶཱཝཱ

གྷཔསཉྙེཧཱིཏི ཨིདཾ ཏེཏིམཱམཱུཧི ཏཱིམསྶ ཨཉྙཔདཏྠསམཱསེན ཝཱ ཝིསེསནཾ དཊྛབྦཾ, ཝུཏྟིཡཾ ཀཏནྟི ཨཱདིཀཾ ཀཏྟཱདིཔྤཀཱསནཏྠཾ ཀཏཾ, ཏཱཡཱཏི སབྦཏྠ ཝིཀཔྤོདཱཧརཎཾ.

༤༧. ནམྷི

‘‘ཨཱགམཱ ཏགྒུཎཱིབྷཱུཏཱ ཏགྒཧཎེན གཡ྄ཧནྟཱི’’ཏི པརིབྷཱསཱ ཝཙནམེཏཾ ཏཏྠ ཏགྒུཎཱིབྷཱུཏཱཏི ཏསྨིཾ ཨཱགམིམྷི གུཎཱིབྷཱུཏཱ, ཨཝཡཝཝསེན པཙྪཱ བྷཝནྟོ ཨམུཁྱབྷཱུཏཱ, ཏགྒཧཎེནཱཏི ཨཱགམིགྒཧཎེན ཏགྒཧཎེན གཧཎཏོཏི ཨཱགམིབྷཱུཏསྶ ནཾ ཨིཙྩསྶ གཧཎེན གཧཎཏོ, ‘ནམྷི ཝིབྷཏྟིམྷི’ཏི ཏུ ཝཏྟབྦཾ, ཝིཔལླཱསོ ཝཱ ཨེཏྠ དཊྛབྦོ.

(༤༩) ཨིཀཱརསྶེཝཝཱཏིཨཱདིནཱ ཝུཏྟམེཝ ཝིཝརཏི ཏིསྶ ཨིཙྩཱདིནཱ, ཏསྶ ཏིསྶ, ནིདྡིཊྛཏྟཱཏི ཏིསྶ ནིདྡིཊྛཏྟཱ, ‘‘ནམྷི ཏིཙཏུནྣམིཏྠིཡཾ ཏིསྶ ཙཏསྶཱ’’ཏི (༢-༢༠) ཏིསྶཱདེསོ ‘‘ནམྷི ནུཀ དྭཱདཱིནཾ སཏྟརསནྣ’’ནྟི (༢-༤༧) ནུཀ, ཏིསྶནྣཾ.

༥༡. སུཉ

ཝིབྷཏྟིསུཏྟེཏི ¶ ‘‘དྭེདྭེཀཱནེཀེསྭི’’(༢-༡) ཙྩཱདིསུཏྟེ, སྶནནྟི བཧུཝཙནེན སཧིཏམེཀཝཙནམཱཧ, སུཏྟམིདནྟི ‘‘སུཉྶསྶཱ’’ཏི ཨིདཾ སུཏྟཾ, སུཏྟེ པན སཏཱིཏི ‘‘སུཉ སསྶཱ’’ཏི སུཏྟེ སཏི.

༥༥. རཏྱཱ

རཏྟི ཙ ཨཱདི ཙ རཏྱཱདཡོ, ཏེཧི.

༥༦. སུཧི

ཨནུཀརཎཝསེནཱཏི ཨནུསདིསཾ ཀརཎཾ ཝཙནམནུཀརཎཾ.

༥༧. ལྟུ

ཏེནཱཏི ཡཏོ ལྟུཨིཏི ཝིསེསནཏྟེན ཝཏྟུམིཙྪིཏསྶ པཙྩཡསྶ གཧཎཾ, ཏེནཱཏི ཨཏྠོ, པཙྩཡསྶ གཧཎཱ ཏདཱདིགཧཎཾ ལབྦྷཏེ… ‘‘པཙྩཡགྒཧཎེ ཡཏོ སོ ཝིཧིཏོ, ཏདཱདིནོ གཧཎ’’ནྟི ཉཱཡཱ, ཝིསེསནཏྟེན ཝཏྟུམིཙྪིཏཏྟཱ ཏདནྟགྒཧཎཾ… ‘‘ཝིདྷིབྦིསེསནནྟསྶཱ’’ཏི (༡-༡༣) ཝཙནཏོཏི མནསི ནིདྷཱཡཱཧ- ‘ཡཏོ’ཨིཙྩཱདི, སོ ཀྲིཡཏྠོ ཨཱདི ཡསྶ སོ ཏདཱདི, སོ པཙྩཡོ-ནྟོ ཡསྶ སམུདཱཡསྶ སོ ཏདནྟོ, ཏཱདིསསྶ ཏདཱ དིཏདནྟསམུདཱཡཝིསེས(སྶ) གཧཎཾ, ན ཏུ ཏདནྟམཏྟསྶེཏྱཏྠོ, ནནུ ཙ ‘ལྟྭཱི’ཏི ཝིསེསནཏྟེན ཝཏྟུམིཙྪིཏེ བྷཝཏུ ‘‘ཝིདྷིབྦིསེསནནྟསྶཱ’’ཏི ཏདནྟསྶ གཧཎཾ, པཙྩཡགྒཧཎེན པན ཏདཱདིནོ གཧཎཾ ཀཐཾ སིཡཱ ཝཙནཱབྷཱཝཱཏྱཱཧ-‘ཏདཝིནཱབྷཱཝིཏྟཱ’ཏི, ཡཏོ ཝིཧིཏོ, ཏེན ཝིནཱ ན བྷཝཏི སཱིལེནཱཏི ཏདཝིནཱབྷཱཝཱི, ཏསྶ བྷཱཝོ ཏསྨཱ. ‘‘པཙྩཡགྒཧཎེ ཡཏོ སོ ཝིཧིཏོ ཏདཱདིནོ གཧཎ’’ནྟི ཉཱཡསྶ ཡཏྠ པཙྩཡགྒཧཎཾ ཏཏྠ སཱདྷཱརཎཏྟཱ ‘ཏདཱདིནོ’ཏི ཝུཏྟཾ, ཏདཱདིསམུདཱཡསྶ གཧཎེ པནེཏྠ ཝིསེསོ ན དིསྶཏི… ཨདྷིཀཏྟཱཏི [ཨདྷིགཏནྟཱཝཱཏི (པོཏྠཀེ)] ཨཱདཱིསུ ཝིསེསདསྶནཱསམྦྷཝཱ, ‘ཏུཾསྨཱ ལོཔོ ཙིཙྪཱཡཾ ཏེ’’ ཏྱཏྲ (༥-༤) ཏུ དིསྶཏི ཝིསེསོ, ཝཀྑཏིཧི ཏཏྠ ‘‘ཏུཾཏཱཡེཏཝེ བྷཱཝེ བྷཝིསྶཏི ཀྲིཡཱཡཾ ཏདཏྠཱཡ’’ནྟི (༥-༦༡) ཏུཾཔཙྩཡཾ ཝཀྑཏི’’ཙྩཱདི.

༥༨. གེ

ཨཨིཏྱེཝཝཏྟབྦནྟི ¶ ‘གེཨ’ཨིཏྱེཝ ཝཏྟབྦནྟི ཝུཏྟཾ ཧོཏི, པཀྑེ དཱིགྷཝིདྷཱནེནེཝཱཏི ཨིམིནཱ ཨཀཱརཱདེསེ ཀཏེ པཀྑེ དཱིགྷཝིདྷཱནེནེཝ, ཨཉྙཏྠཙརིཏཏྠཏཱཡཱཏི ལྟྭནྟཱདིཏོ ཨཉྙཏྠ བྷོཔུརིསཱ བྷོཔུརིསཨིཙྩཱདོ ཛཱཏིཔདཏྠནིསྶཡནེན ཀཏཏྠཏཱཡ, པརིས མཏྟཏྠཏཱཡཱཏི ཝུཏྟཾ ཧོཏི, ཨཝསྶཾ དཱིགྷབྷཱཝེ ཀཱརཎམཱཧ ‘ཡདིཙཱཀཱརོ’ཨིཙྩཱདི, ཡདིཙ ཨཱཀཱརོཏི པདཙྪེདོ.

༦༠. གྷབྲཧྨཱ

གྷཨིཏིསཉྙཱ གྷསཉྙཱ ཏཱསཾ, ཀཉྙཱསཉྙཱཏིཨཱདཱིསུ གྷསཉྙཱནཾ བཧུཏྟཱ བཧུཝཙནེན ནིདྡེསོ, གྷརཱུཔསྶཱཏི གྷསྶཱཏི གྷསདྡརཱུཔསྶ, ཏཐཱ བྷོ བྲཧྨཱཏི ཨེཏྠ ཏཐཱཏི ཨིམིནཱ བྲཧྨཱཏིརཱུཔསྶ ནིརུཏྟིཡཾ ནིདྡིཊྛཏྟཱཝ ཨེཏྠ སངྒཧིཏབྷཱཝཾ དསྶེཏི. ཨེཝཾ ཝིཝརནྟཱིཏི ཏསྨཱ ས སཁཏོ གསྶ ཨཀཱརཨཱཀཱརཱ’’ཏིཨཱདིནཱ ཨེཝཾ ཝིཝརནྟི, ཏེ ཧི ཨཙ ཨཱཙ ཨིཙ ཨཱིཙ ཨེཙཱཏི དྭནྡེ པུབྦསརཱནཾ ལོཔཾ ཀཏྭཱ ཨེཏྟུཔསིལེསནིདྡེསཾ ཝཎྞེནྟི, སཱམཉྙཝིདྷཱནནྟི ‘བྲཧྨཀཏྟུཨིསི སཁཏོ’ཙྩེཝམཝིསེསེཏྭཱ སཱམཉྙེན ཀཐནཾ, ཀིམཏྠནྟི ཀིཾ ཨཏྠོ པཡོཛནཾ ཡསྶ ཏཾ ཀིམཏྠཾ. སཱམཉྙཝིདྷཱནཾ ཀིམཏྠམྤནེཝཾ པཡོཛནཱསངྐཱཡཾ པཡོཛནཱསངྐཱཝིཙཱརཎཾ མནསི ནིདྷཱཡ ‘ཨཱགཏི གཎོཡ’ནྟི ཝུཏྟཏྟཱ ཨཱཧ– ‘ཨཏྠཏོ’ཙྩཱདི, ཨཏྠཏོཏི སཱ མཏྠིཡཏོ, ཨནེནཱཏི‘ཨཱགཏིགཎོཡ’ནྟི ཨིམིནཱ ཝཙནེན, ཨིདཾ ཝུཏྟཾ ཧོཏི ‘ཨཱགཏིགཎོཡནྟི ཨིམིནཱ ཏདཱཀཱརསངྑཱཏཛཱཏིཔྤདྷཱནགཎཏྟཔྤཀཱསནེན ཡདི སམྦོདྷནེ ཨེཀཱརནྟཱཀཱརནྟལཱབྷཱིནཾ ཀཏྟུ ཨིསི སཁ མུནི བྷདནྟཱདཱིནཾ གཧཎཾ པཡོཛནཾ ན སིཡཱ, ཨཉྙཐཱ ཨནུཔཔཛྫནཾ སིཡཱཏི ཨེཝམཉྙཐཱནུཔཔཏྟིལཀྑཎསཱམཏྠིཡཏོ སཱམཉྙཝིདྷཱནེ པཡོཛནམཱཧེ’’ཏི, སོཡནྟི ཨིམིནཱ ཝུཏྟིཡཾ ‘ཨཱགཏི གཎོཡ’ནྟི ཝུཏྟཾ ཝཙནཾ ནིདསྶེཏི.

༦༣. གྷོསྶཾ

སྶཉྩ སྶཱཙ སྶཱཡོཙ ཨཉྩ ཏིཉྩཱཏི ཨིཏརཱིཏརཡོགེ ཙཏྠ སམཱསོ,སྶཾ སྶཱ སྶཱཡཾ ཏིཾསུ.

༦༤. ཨེཀ

གྷོཙ ¶ ཨོཙ གྷོ གྷཱནྟཨོཀཱརནྟཱ, ནཏྠི གྷོ ཡེསནྟེ ཨགྷོ, ཏེསཾ, སཱམཉྙཝིདྷཱནཏོཏི ཀསྶཙི ལིངྒསྶ ཨཔརཱམཱསཱ སཱམཉྙེན ཝིདྷཱནཏོ, ནཱདེཀཝཙནེསཱུཏི ནཱདཱིསུ ཨེཀཝཙནེསཱུཏི ཨཏྠོ, ཧི ཧེཏུམྷི, ཡསྨཱ ཀསྶཙི ཨེཝཾ དུཊྛཱདྷིཔྤཱཡོ སིཡཱ, ཏསྨཱ དུཏིཡམུདཱཧརཎནྟི ཨཏྠོ, དུཏིཡོཔི ཧེཏུམྷི, ཡསྨཱ སབྦེསཾ སངྒཧཎཏྠཾ, ཏསྨཱ ན ཙ ཏཐཱདྷིཔྤེཏནྟི ཨཏྠོ, སབྦེསམེཀཝཙནཱནཾ སངྒཧཎཱབྷཱཝེ སུཏྟཱནཾ ཝིརཙནཔྤཀཱརམཱཧ-‘ཨཉྙཐཱ’ཏིཨཱདི, ཨུཔརིཙཱཏྱཱདཱིསྭཡམདྷིཔྤཱཡོ ‘‘སུཏྟསྶ ‘ཨཾཡོསྭགྷོན’ནྟི ཝིརཙིཏཏྟཱ སཱམཉྙེནེ-ཀཝཙནེསྭགྷསྶ ནརསྶཏྟཔྤཏཱིཏི ཏཔྤཊིསེདྷཱབྷཱཝཱ’དཎྜི ཀུལ’ནྟི རསྶཏྟཾ ‘སིསྨིཾ ནཔུཾསཀེ’ཏི ཝིདྷིསུཏྟཾ ཝདེཡྻཱ’’ཏི, ཨོཀཱརནྟཔྤཊིསེདྷནྟི ‘ཨགྷོན’ནྟི ཨོཀཱརནྟཔྤཊིསེདྷཾ, ཨཱདེསནྟརཾ ‘‘གོསྶཱ གསིཧིནཾ སུགཱཝགཝཱ’’ཏྱཱདིནཱ (༢-༦༧) ཀརཱིཡམཱནཾ གཱཝཱདེསཱདིཀཾ, ཨེཏྠ པན ནཔུཾསཀེ ཨེཀཝཙནནྟཾ དཎྜི ཀུལནྟི ཝཀྑམཱནཏྟཱ ནོདཱཧཊཾ, ཡོསུ པན ‘‘ཡོལོཔནིསུདཱིགྷོ’’ཏི (༢-༨༨) ཨདཱིགྷསྶཱཔི དཱིགྷཝིདྷཱནསཱམཏྠིཡཱ པཋམམེཝ དཱིགྷསྶ རསྶཱབྷཱཝེཀཱཝ ཀཐཱཏི ནོདཱཧཊཾ, དཎྜཱིདཎྜཱིནི ཨིཙྩེཝ ཏུ བྷཝཏི, ནོསྶཝཱཏི པཱཋོ དིསྶཏི, ཨེཏྠ ཝིཛྫམཱནེ གེ པརེ ཨོཀཱརནྟསྶ ཝཱ རསྶཱཔཛྫནདོསམྤསངྒཏོ ནོསྶཱ’ཏི པཱཋེན བྷཝིཏབྦཾ.

༦༧. གོསྶཱ

གཱཝེན གཝེནཱཏི ཀརཎེཔི སམཱནཾ, གཱཝསྶ གཝསྶཱཏི ཚཊྛིཡཱཔི.

༦༩. གཝཾ

སེནཱཏི སུཏཏྟཱ སེཨིཏི ཝུཏྟིཡཾ ནིམིཏྟཾ པརིཀཔྤིཏཾ.

༧༢. གཱཝུ

སདྡནྟརཏྟེན ཀོཙི དོསོཏི སམྦནྡྷོ, ཨཱདིསིཏབྦཱ ཨཱདེསཱ ཀཱཏབྦཱ.

༧༣. ཡཾ

པེན ¶ པསཉྙཱཡ ཡུཏྟཱ ཨཱིཔཱི, པཙ སོ ཨཱིཙཱཏི ཝཱཔཱི ཨབྷེདགྒཧཎེན, ཨཉྙསྶཱཏི ཨིཀཱར ཨུཀཱརཨཱུཀཱརསྶ.

༧༧. སྨི

ལོཀེ དེཝདཏྟོ དཏྟོཏི ཨེཀདེསེན སམུདཱཡཝོཧཱར དསྶནཏོ སྨིནོཏཱིམསྶ སྨིཾ ཝཙནསྶཱཏྱཡམཏྠོ དསྶིཏོཏྱཱཧ-‘སྨིཏི ཨིམིནཱ’ཏིཨཱདི.

༨༡. ཛྷལཱ

བྲཧྨཱདཱིསུ ‘ཨིཏོ ཀྭཙི སསྶ ཊཱནུབནྡྷོ’ཏི པཱཋཱཏི སམྦནྡྷོ, བྲཧྨཱདཱིསཱུཏི ‘‘གྷབྲཧྨཱདིཏེ’’ཏི (༢-༦༠) སུཏྟེ ཝུཏྟབྲཧྨཱདཱིསུ, པཱཋཱཏི ‘ཨིཏོ’ཏྱཱདིནོ གཎསུཏྟསྶ པཱཋཱ, ཊཱནུབནྡྷོཏི ཨིམིནཱ (ཨེཊཱདེསཾ) ནིདྡིསཏི.

༨༥. ཀཱུ

སོ [བྷསྨཱ] ཨནྟོ ཡསྶ སོ ཏདནྟོ སམུདཱཡོ, ཏསྶ, ‘‘ཙཱནུཀཌྜྷིཏཾ ནོཏྟརཏྲཱནུཝཏྟཏཱི’’ཏི ཝིཉྙཱུཝཙནཾ, ཝིདུནོ ཝིདཱུཏི ཀཱུཔཙྩཡནྟསྶ ཨུདཱཧརཎཾ, ཝིཉྙུནོ ཝིཉྙཱུཏི ‘‘ཝིཏོ ཉཱཏོ’’ཏི (༥-༣༩) སབྦཉྙུནོ སབྦཉྙཱུཏི ‘‘ཀམྨཱ’’ཏི (༥-༤༠).

༨༦. ལོ

ལོཔོཏྭེཝ སིདྡྷཏྟཱཏི ཝོམུཏྟཔཀྑེ ལོཔོཏཱིམིནཱཝ སིདྡྷཏྟཱ.

༨༧. ནནོ

ཨམུཡཱཏི ཨིཏྠིཡཾ ཡཱདེསོ, ནནོཏཱིམསྶིདཾ པཙྩུདཱཧརཎཾ.

༨༨. ཡོལོ

པཋམཱདུཏིཡཱཡོནམེཀཏོ ཨུདཱཧརཎཱནི ཨཊྛཱི ཨཊྛཱིནིཏི, ཏཱནིཙ ཡོལོཔནིལཱཏིསྶེཝ དསྶིཏཱནི, ཏཐཱཡེཝཱཉྙཱནིཔི ཉཱཡནྟཱིཏི.

༩༢. ནྟསྶ

ཊམུཏྟཔཀྑོཏི ¶ ཨསནྟཾ ཀུབྦནྟསྶཱཏི ཊཱདེསེན མུཏྟཔཀྑོ,ནྟུསྶཙེཝནྟི པསིདྡྷཏྟཱཝ ཊཱདེསམུཏྟཔཀྑཾ ཨུཔམེཏི, ‘‘སཉྫཱཏཾ ཏཱརཀཱདིཏྭིཏོ’’ཏི (༥-༤༥) ཨིཏོ ཨནྡྷིཏཱ.

༩༣. ཡོསུ

ཊཱདེསོ-ཏིཔྤསཛྫཏཱིཏི ཀསྨཱ ཝུཏྟཾ ནནུ ཏདནྟསྶ སམུདཱཡསྶ པཏྟེ ‘‘ཚཊྛིཡནྟསྶཱ’’ཏི (༡-༡༧) ཨནྟསྶེཝ ཧོཏི, ཏཐཱསཏི ནེཝཱཏིཔྤསངྒོ, ཏསྨཱ ཀསྨཱཏིཔྤསཛྫཏཱིཏི ཝུཏྟནྟི, སཙྩཾ, ཏཐཱཔི ‘ཛྷིསྶཱ’ཏི ཝཏྟུཾ སཀྐུཎེཡྻཏྟེ ཨིསྶཱཏི ཝུཏྟཏྟ [ཝུཏྟནྠི] སཱམཏྠིཡཏོ ཏདནྟསྶ ཊཱདེསོ-ཏིཔྤསཛྫཏཱིཏི ཏཐཱ ཝུཏྟནྟི, ནནུ ‘ཛྷིསྶཱ’ཏི ཝུཏྟེཔི སོཝཱཏིཔྤསངྒོ ཏདཝཏྠོཡེཝཱཏི སཙྩཾ, ཏཐཱཔི ཡདི སམུདཱཡསྶ ཊཱདེསོ-བྷིམཏོ སིཡཱ ‘ཏཐཱ སཏི ཀིཾ ཛྷགྒཧཎེན ཨིསྶཏྭེཝ ཝདེཡྻཱཏི ནཱཏིཔྤསཛྫཏཱིཏི, ཛྷགྒཧཎེ ནཱམནྟེ ཨིཀཱརསྶེཝ ཛྷསཉྙཏྟཱཏི ཨིདཾ པན ཝིསེསནཏྟེན ཝཏྟུ མནིཙྪིཏེ ཡུཛྫཏི.

༩༤. ཝེཝོ

སཧཙརིཏཉཱཡསྶཱཏི ‘‘ཏཾསཧཙརིཏཱ ཏགྒཧཎེན གཡ྄ཧནྟཱི’’ཏི ཉཱཡསྶ.

༩༥. ཡོམྷི

ཧེཏུཀུརུསདྡེཧི ཡོསུ ཨིམིནཱ ཊཱདེསེ ‘‘ལོཔོ’’ཏཱིམིནཱ ཡོལོཔེ ཝཱ སམྤཏྟེ ‘‘པཙྩཡནིསྶིཏཾ བཧིརངྒ’’ནྟི ཡོལོཔཏོ ‘‘པཀཏིནིསྶིཏམནྟརངྒ’’ནྟི ‘‘ཨནྟརངྒབཧིརངྒསུ ཨནྟརངྒཝིདྷི བལཝཱ’’ཏི པཋམཾ ཊཱདེསེ ནིམིཏྟཱབྷཱཝཱཝ ལོཔཱ བྷཱཝོཏི དསྶེཏུམཱཧ-‘ཧེཏུཀུརུསདྡེཧི’ཙྩཱདི.

༩༩. སབྦཱ

ནནུ ཀཏརཱདཡོཝ སབྦཱདིསདྡཝཙནཱིཡཱ ཧོནྟི སམཱསེནཱབྷིཧིཏཏྟཱ, ན ཏུ སབྦསདྡོ [སདྡསྶེ (པོཏྠཀེ)] ཏྱཱཧ-‘ཨཝཡཝེནེ’ཏྱཱདི,ཡདིཔི ‘སབྦ སདྡོ ¶ ཨཱདི ཡེས’ནྟི ཨཝཡཝེན ཝིགྒཧོ, ཏཐཱཔི སམུདཱཡོཝཱསྶཏྠོ བྷཝཏི… ཡེསནྟྱནེན སམུདཱཡསྶ པརཱམཱསཱཏི བྷཱཝོ, ཨིཏཱིཏི ཧེཏུམྷི, ཀོ བྷཝནྟཱནཾ དྭིནྣཾ བཧུནྣཾ ཝཱ ཨེཀོ དེཝ དཏྟོ ཀཋཱདཱིཧི ཝཱ ཨཏྠེ དྭཱིཧི བཧཱུཧི ཝཱ ཨེཀསྶ ནིདྡྷཱརཎེ སཏི ཀིམྷཱ ནིདྡྷཱརཎེ རཏར རཏམེསུ ཎཱདིཝུཏྟིཡཾ ‘‘ཨེཀཏྠཏཱཡ’’ནྟི (༢-༡༡༩) ཝིབྷཏྟིལོཔེ ‘‘རཱནུབནྡྷེནྟསརཱདིསྶཱ’’ཏི (༤-༡༣༢) ཨནྟསརཱདིལོཔེ ཀིཾསདྡསྶ རཱུཔསིདྡྷཱིཏི དསྶེཏུམཱཧ ཀཏམཱ’ཏིཨཱདི, ཨུབྷོ ཨཾསཱ ཨསྶཱཏི ཨཏྠེ ‘‘ཨཡུབྷདྭིཏཱིཧཾསེ’’ཏི (༤-༤༩) ཨཡེ‘‘སརོ ལོཔོ སརེ’’ཏི (༡-༢༦) སརལོཔེ རཱུཔསིདྡྷཱིཏི ཨཱཧ-‘ཨུབྷོ ཨཾསཱ’ཨིཙྩཱདི, ཀཱཡཾ ཝཝཏྠཱ ནཱམེ ཏྱཱཧ-‘སཱབྷིདྷེཡྻཱ’ཏྱཱདི, ཨཝདྷིཙྩཱདིནཱ ཏསྶེཝཱཏྠཾ ཝིབྷཱཝེཏི, ཨདྷཾསོ ཨབྷཊྛཏཱ ཨཝདྷིབྷཱཝེཡེཝཱཝཊྛཱནཾ, སཱབྷིདྷེཡྻཱ པེཀྑཱཏི ཨེཏྠ སོ སཀོ ཨབྷིདྷེཡྻོ ཨཏྠོ དིསཱདི སཱབྷིདྷེཡྻོཏི གཧིཏོཏི ཨཱཧ-‘པུབྦཱདཱིན’ནྟིཨཱདི, སཱབྷིདྷེཡྻནྟི ཀམྨཏོ པརཱ ཨཔཔུབྦཱ ‘ཨིཀྑ=དསྶནེ’ཏཱིམསྨཱ ‘‘ཀྭཙཎ’’ཨིཏི (༥-༤༡) ཨཎྤཙྩཡེ སཱབྷིདྷེཡྻཱཔེཀྑོ, སོ ཝཱཝདྷིནིཡམོཏི དསྶེཏུམཱཧ-‘ཏམཔེཀྑཏི’ཙྩཱདི, ཏཏྠཱདྷིཔྤཱཡཾ ཝིཝརཏི ‘ཏཐཱཧི’ཙྩཱདིནཱ, ཨེཏྠ ཙ པརཱདིསདྡཱབྷིདྷེཡྻོ-ཏྠོ དིསཱདེསཱདི པུབྦཱདིསདྡཱབྷིདྷེཡྻསྶཱཏྠསྶ དིསཱཡ དེསཱདིནོ ཝཱཝདྷིབྷཱཝེན ནིཡམཝསེན པཝཏྟཏི, ཡོ ཙཱཝདྷིབྷཱཝོ ནིཡམཝསེན པཝཏྟཏི, སོཙཱཝདྷིབྷཱཝོ ནིཡམཝསེན པཝཏྟོ པུབྦཱདིསདྡཝཙནཱིཡཾ དིསཱདེསཱདི མཔེཀྑཏཱིཏི སཱབྷིདྷེཡྻཱཔེཀྑོཝདྷིནིཡམོཡེཝ ཝཝཏྠཱཏི ཝུཙྩཏཱིཏྱཡམདྷིཔྤཱཡོ, ན ཏུ ཨབྷིདྷེཡྻཱཡནྟི ཨསམྦྷཝཱ, ཨསམྦྷཝམེཝ དསྶེནྟོ ཨཱཧ-‘ཡོ ཧི’ཙྩཱདི, ཀོསལླེན ནིམིཏྟེནཱཏི ཀུསལ སདྡསྶ པཝཏྟིནིམིཏྟེན ཀོསལླེན, ཨུཏྟརཱཀུརཝོ ཨུཏྟརཀུརུདཱིཔ ཝཱསིནོ, དེསོ ཝཱ, ‘ནཱཉྙཉྩ ནཱམཔྤདྷཱནཱ’’ཏི (༢-༡༣༦) ཨནེནེཝ སཉྙཱཡཾ སབྦཱདིཀཱརིཡསྶ ནིསིདྡྷཏྟེ ཀིམསཉྙཱཡཾབྷྱནེནེཏྱཱཧ ‘ནཱཉྙཉྩེ’ཏྱཱདི, ཀིཉྩི པུབྦཏྟཱདིཀམུདྡིསྶ ཀེསཉྩི པུབྦོཔརོཏྱཱདིཀཱ ཨཏྠཱནུགཏཱ སཉྙཱ ཨནྭཏྠསཉྙཱ.

༡༠༤.ཏི

‘‘ཝཱནེཀཉྙཏྠེ’’ཏི (༣-༡༧) ¶ ཝིཀཔྤཱནུཝཏྟནཏོ ཨཡུཏྟཏྟཱབྷཱཝཾ དསྶེཏི‘ནཡིདམཡུཏྟ’ནྟི, ཡུཏྟཏཱ ཙཱསྶ པཱཋེ བྱབྷིཙཱར དསྶནཏོཏི ཝཏྟུམཱཧ-‘ནཔུཾསཀེ’ཙྩཱདི, པཱཋཱནུགཏཱ ཧི སུཏྟརཙནཱ, ཝིཀཔྤཱནུཝཏྟིཡཱ ཨནཔུཾསཀམིདམེཝ ཝཙནཾ ཏསྶ ཀྭཙི བྱབྷིཙཱརཏྟེ ཉཱཔཀནྟི ཝཏྟུམཱཧ-‘ཏསྶ ཙཱ’ཏིཨཱདི, ཨཝསྶམེཝམེཏྠ ཨཏྠོ གཧེཏབྦོ, ཨཉྙཐཱ ཡཐཱཝཊྛིཏཔཱཋཱནུཀྐམེནཱཏྠགྒཧཎེ སཏི སུཏྟསྶ [སུཏྟསྶཱ (པོཏྠཀེ)] མུཁྱཏྟཔྤཏཱིཏིཏོ ཀཐནྟམཉྙསྶ ཉཱཔཀཾ བྷཝེཡྻ, མུཁྱབྷཱཝེ ཧི ཉཱཔཀཏྠཾ ན ཡུཛྫེཡྻ.

༡༠༨. ཨཏེ

ནནུ ཙ ‘‘ལཀྑཎཔཊིཔདཝུཏྟེསུ པཊིཔདཝུཏྟསྶེཝ གཧཎ’’ནྟཱིམཱཡ པརིབྷཱསཱཡ ལཀྑཎིཀསྶཱཀཱརསྶ གཧཎཾ ན པཔྤོཏཱིཏྱཱསངྐིཡ པཊིཔཱདཡམཱཧ-‘རསྶཱཀཱརེ’ཙྩཱདི, པརིབྷཱསཱཡ ཙསྶཱཡམཏྠོ ‘‘ལཀྑཱིཡཏེནེནེཏི ལཀྑཎཾ, སཱདྷྭསཱདྷུཛཱནན ཧེསུཏྟཱ སུཏྟ [སཏྠ] མུཙྩཏེ, པཊིགཏམྤདཾ པཊིཔདཾ, ཨུཙྩཱརིཏམཉྫསེཏྱཏྠོ, ལཀྑཎཉྩ པཊིཔདཉྩ ལཀྑཎཔཊིཔདཱནི, ཏེཧི ཝུཏྟཱནི རཱུཔཱནི ལཀྑཎཔཊིཔདཝུཏྟཱནི, ཏེསུ, ཝུཏྟསདྡོ པཙྩེཀམྤརིསམཱཔཱིཡཏེ ‘ལཀྑཎཝུཏྟེསུ པཊིཔདཝུཏྟེསཱུ’ཏི, ཏཏྲཱཉྩསཱ ཡམནིདྡིཊྛཾ, ཀེཝལཾ ལཀྑཎདསྶནེནཱསྨིཾ ལཀྑཎེ སཏྱཝསྶམནེན རཱུཔེན བྷཝིཏབྦནྟི ལཀྑཎེན པཊིཔཱདིཏཾ, ཏཾ ལཀྑཎཝུཏྟམིཏྱུཙྩཏེ, ཡནྟྭཉྫསཱ སདྡེནེཝ པཊིཔཱདིཏཾ, ཏཾ པཊིཔདཝུཏྟནྟི ཝུཙྩཏེ, ཏསྨིཾ ལཀྑཎཝུཏྟེ པཊིཔདཝུཏྟེ ཙ རཱུཔེ སཏི པཊིཔདཝུཏྟསྶེཝ གཧཎཾ, ནེཏརསྶེ’’ཏི, པཊིཔདཝུཏྟསྶེཝེཏྱཝདྷཱརཎེན ནིཡམརཱུཔབྷཱསྶཱ པརིབྷཱསཱཡཱཝགམྱཏེ, སོ ཙ ནིཡམོ ཨནིཡམཔུབྦཀེ སནྡེཧེ སཏྱཝཏིཊྛཏེ, ཏསྨཱ ཡཏྲ ལཀྑཎཝུཏྟམེཝ ཀེཝལཾ, ན པཊིཔདཝུཏྟཾ, ཏཏྲ ནཱཡཾ པརིབྷཱསཱ ཝཏིཊྛཏེ, ཡཏྲཱཔི པཊིཔདཝུཏྟམེཝ ཀེཝལཾ, ན ལཀྑཎཝུཏྟཾ, སོཔྱེཏིསྶཱ ཨཝིསཡོ, ཡཏྲ དྭེ རཱུཔཱནི སམྦྷཝནྟི ཏཏྲེཝཱ ཡམྤརིབྷཱསཱ སནྡེཧཱཔཱཀརཎམུཁེན པཝཏྟཱཏི ཉཱཡཔྤཏྟོཡེཝཱ མཏྠོ ¶ ཨིམཱཡ པརིབྷཱསཱཡཱནུཝཱདྱཏེ, ཏཐཱཧི སནྡེཧཋཱནེསུ ཡདྱཔྱེཀརཱུཔམེཝམབྷིནྣམུབྷིནྣཾ, ཏཐཱཔི ལཀྑཎཝུཏྟཾ རཱུཔཾ ལཀྑཎེ ནོནྣཱིཡམཱནཾ དྷཱུམགྒི ཝིཡ ཛལབལཱཀཱ ཝིཡ ཙཱནུ མཱནིཀཾ, ཡནྟུ པཊིཔད ཝུཏྟཾ རཱུཔཾ, ཏཾ པཙྩཀྑསིདྡྷཾ, པཙྩཀྑཱནུམཱནེསུ ཙ པཙྩཀྑམྦལཝནྟརཾ པམཱཎནྟི ཨཏོ པཊིཔདཝུཏྟམེཝ གཡ྄ཧཏཱིཏི.

༡༡༠. ཀྭཙེ

ནཔུཾསཀལིངྒེ ཨེཀཱརེན ན བྷཝིཏབྦནྟི སམྦནྡྷོ.

༡༡༤. ལོཔོ

ཨཀཱརསྶནྟརངྒཏྟེ ཀཱརཎམཱཧ-‘པཀཏིནིསྶིཏཏྟཱ’ཏི, པཀཏིཡཱ ཨིདཾ པཱཀཏཾ ‘‘ཎོ’’ཏི (༤-༣༤) ཎོ, ལོཔསྶ བཧིརངྒཏྟེ ཀཱརཎམཱཧ-‘པཙྩཡནིསྶིཏཏྟཱ’ཏི, ཨནྟརངྒེཙྩཱདིནཱ ‘‘ཨནྟརངྒབཧིརངྒེསྭནྟརངྒཝིདྷི བལཝཱ’’ཏི པརིབྷཱསམུཔལཀྑེཏི, ཨངྒསདྡོ-ཝཡཝཝཱཙཱི, ཨནྟེ སདྡོ སཏྟམྱཏྠེ, ཨངྒེ བྷཝམནྟརངྒཾ ཝིབྷཏྠྱཏྠེ-སངྑྱསམཱསོ ‘‘ཨེཨོནམ ཝཎྞེ’’ཏི (༡-༣༧) ཨཏྟཾ རཱགམོ, ཨངྒཏོ བཧི བཧིརངྒཾ ‘‘པཡྻཔཱབཧིཏིརོ པུརེཔཙྪཱ ཝཱ པཉྩམྱཱ’’ཏི (༣-༥) ཨསངྑྱསམཱསོ, ཨཏྲ ཙཱནྟརངྒཾ བཧིརངྒནྟི ནཱངྒེབྷཝམནྟརངྒཾ, ཨཔིཏྭནྟརངྒནིསྶིཏཾ ཀཱརིཡམནྟརངྒཾ, ནཱཔྱངྒཏོ བཧིབྷཱུཏོ སམུདཱཡོ བཧིརངྒཾ, ཀིནྟུ བཧིརངྒནིསྶིཏཾ ཀཱརིཡམྦཧིརངྒཾ ཡཐཱ མཉྩནིསྶིཏེསུ སདྡཱཡནྟེསུ ‘མཉྩཱ སདྡཱཡནྟཱི’ཏྱུཙྩཏེ ཏཾ ཝིཡེཏི ཨཏོཡེཝཱ སངྑྱསམཱསེཔི ལིངྒཝིབྷཏྟིཝཙནནྟརཡོགོ ‘ཨནྟརངྒོ ཨནྟརངྒཱ’ཏི, སངྐེཏིཀོ ཧྱཡམསངྑྱསམཱསོ, ན པུབྦཔདཏྠཔྤདྷཱནོ, ཡཐཱ-པཙྩཀྑསྶཱཀྑནིསྶིཏཏྟཱཝབོདྷཏྠཾ ‘ཨཀྑམཀྑམྤཏི ཝཏྟཏེ’ཏི ཝིཙྪཱཡ-མསངྑྱསམཱསེཔི ཀཏེ པཙྩཀྑ ཉཱཎསྶཱཀྑནིསྶིཏཏྟཉཱཔནཏྠཾ སངྐེཏཝསེན ཀཏོ-ཡམསངྑྱ སམཱསོ, ན པུབྦཔདཏྠཔྤདྷཱནོཏི‘པཙྩཀྑོ པཙྩཀྑཱ’ཏི ལིངྒཝིབྷཏྟི ཝཙནནྟརཡོགོ, ཏཐེཝཱཡ-མནྟརངྒནིསྶིཏོ-ཡཾ སམུདཱཡནིསྶིཏོཏི ཉཱཔནཏྠཾ སངྐེཏཝསེན ཀཏོ-ཡམསངྑྱསམཱསོཏི ལིངྒཝིབྷཏྟིཝཙནནྟརཡོགོ ན ཝིརུཛ྄ཛྷཏེ, ཨཐཝཱ ཨནྟརམངྒམསྶ ཀཱརིཡསྶཱཏྠཱིཏི ‘‘སདྡྷཱདིཏྭ’’ (༤-༨༤) ཏཐཱ བཧིརངྒནྟི, ཨནྟརངྒཉྩ བཧིརངྒཉྩ ¶ ཨནྟརངྒབཧིརངྒཱནི, ཏེསྭནྟརངྒོ བལཝཱཏི. ཨནྟརངྒ ཀཱརིཡསྶ བལཝཏྟཾ སཱདྷེཏུཾ ‘སབྦཔཋམཾ ཝིདྷེཡྻཏྟཱ’ཏིཨཱདི ཝུཏྟཾ, ཨིདམྤན ཨནྟརངྒཀཱརིཡསྶ བལཝབྷཱཝསཱདྷནེ ཀཱརཎཾ ན ཧོཏི, ཨནྟརངྒཏྟཱ བལཝབྷཱཝོཡེཝ ཧི སབྦཔཋམཾ ཝིདྷེཡྻཏྟ ཀཱརཎཾ, ཏཐཱ ཙཱཧ-‘ཡོ ལོཔཏོ ཨཀཱརསྶ པཋམམེཝ བྷཝནེ ཀཱརཎམཱཧ ཨནྟརངྒཏྟཱ ཨཀཱརསྶཱ’ཏི, ཏསྨཱ ནཱཡཾ པཱཋོ གྷཊཏེ, ཨནྟརངྒབལཝབྷཱཝསཱདྷནསྶ པན ལོཀཏོ ཨིཙྪིཏཏྟཱ ཨཡམེཝཏྠེ པཱཋོ གྷཊཏེ’’ཨནྟརངྒམེཝ ཀཱརིཡམྦལཝཾ ལོཀེ ཏཐཱདིཊྛཏྟཱ, ཏཐཱ ཧི ལོཀོ པཱཏོཝཱ’’ཏྱཱདི, ལོཀེ ཏཐཱདིཊྛཏྟཱཏི ཨནྟརངྒབལཝབྷཱཝསྶ ལོཀེ ཨེཝཾ ཝཀྑམཱནནཡེན དིཊྛཏྟཱ, ཨཐཝཱ ཀེནཙི ཝིདྷུརཔྤཙྩཡོཔནིཔཱཏེན ཀཱརཎཝེ ཀལླེན ཝཱ ཀདཱཙི ཀཏྟུམསཀྐུཎེཡྻཏྟེཔི ཨནྟརངྒསྶ ཨཝསྶཾ ཝིདྷེཡྻཏྟཾ དསྶེཏུམཱཧ སབྦཔཋམཾ ཝིདྷེཡྻཏྟཱ’ཏི, སཏིསམྦྷཝེཏི ནིམིཏྟསྶཱནུཔཧཏཏྟཱ ཀཱརིཡསྶ སམྦྷཝེ སཏི.

༡༡༦. ཡེ

ཨིཝཎྞསྶཱཏི ཝུཏྟཏྟཱཏི ‘ཡེ པསྶིཝཎྞསྶཱ’’ཏི ཨེཏྠ ཨིཝཎྞསྶཱཏི ཝུཏྟཏྟཱ.

༡༡༨. ཨསཾ

ལིངྒཝཙནབྷེདེཔི བྱཡརཧིཏཏྟཱ ཨབྱཡཝནྟཨུཔསངྒནིཔཱཏཱནཾ པུབྦཱཙརིཡསཉྙཱ, ཨསཏཱི སངྑྱཱ ཡེསནྟྱཱནྱསངྑྱཱནཱིཏྱཱཧ- ‘ཨེཀཏྟེ’ཙྩཱདི, ཨེཀཱནེཀེསཱུཏི ཝུཏྟཏྟཱ སངྑྱཱཝིསེསེ ཝིདྷཱིཡམཱནཱསྱཱདཡོ ཀཐམསངྑྱེཧི ཨུཔྤཛྫིཏུམུསྶཧནྟེ ཨིཙྩཱསཡེནཱཧ- ‘ཀཐམསངྑྱེཧི སྱཱདཱིནཾ སམྦྷཝོ’ཏི. ཨཐ ནིསྶངྑྱེཧི ཧོཏུསྱཱདཱིནམསམྦྷཝོ ཨུཙྩཾ རུཀྑསྶིཙྩཱདོཏུ སངྑྱཱསམྦྷཝེ བྷཝིཏབྦམེཝ སྱཱདཱིཧིཙྩཱཧ-‘སངྑྱཱསམྦྷཝེཝེ’ཙྩཱདི. ཝུཏྟིགནྠསྶཱདྷིཔྤཱཡཾ ཝིཝརཏི ‘ཨཉྙཐེ’ ཏྱཱདིནཱ, ཀིམེསམུཔྤཏྟིཡམྤཡོཛནཾ ཡེནཱསངྑྱེཧི ཏདུཔྤཏྟི ནོ-ནུམཱིཡཏེ ཙྩཱསངྐིཡཱཧ-‘ཏསྶཉྩ སཏིཡ’ནྟྱཱདི, ཨསཏི ཧི སྱཱདཱིནམུཔྤཏྟིཡམུཙྩམཱདཱིནམསངྑྱཱནམྤདཏྟཾ ནཏྠཱིཏི ཡོ ཨཱདཱིསུ པདསྨཱ པརེསཾ ཏུམྷཱམྷསདྡཱནཾ སཝིབྷཏྟཱིནཾ ཝོནོཨཱདིཀཾ པདནིམིཏྟཾ ¶ ཀཱརིཡཾ ན སིཡཱཏི ‘ཨུཙྩཾ ཝོ, ཨུཙྩཾ ནོ’ཏིཨཱདཡོ པཡོགཱ ན སིཛ྄ཛྷནྟི, སཏི ཏུ སྱཱདུཔྤཏྟིཡཾ ལུཏྟེསུཔི ཏེསུ པདཏྟནིཔྥཏྟིཡཱཡེཝ ཏདུཔྤཏྟིཏོ པདཏྟེ སིདྡྷེ པདལཀྑཎཾ ཀཱརིཡཾ སིཛ྄ཛྷཏེཝཱཏི བྷཱཝོ. པརེཧི ཨེཏྠ ‘ཏསྶཾ སཱལཱཡ’ནྟི ཝཙནིཙྪཱཡཾ ‘ཏཏྲ སཱལཱཡ’ནྟི ཡཐཱ སིཡཱཏི ‘‘ཨབྱཡཏྭཱ སྱཱདིནོ’’ཏི (པཱ, ༢-༤-༨༢) ཨབྱཡཏོ པརསྶིཏྠིཡམཱཔྤཙྩཡསྶཱཔི ལོཔོ ཝིཧིཏོ, ཏེནཱཧ- ‘ཨསངྑྱེཧི’ཙྩཱདི, ཏདཡུཏྟནྟི ཨཱཔྤཙྩཡསྶ ལོཔཝིདྷཱན མཡུཏྟཾཏྱཏྠོ. ཨཐ ཀེནཱཏྲ ཨཱཔྤཙྩཡོ ཝིདྷཱིཡཏེ ཡེནཱསྶཱཔི ལོཔོ-ནུསཱསཱིཡཏེ ‘‘ཨིཏྠིཡམཏྭཱ’’ཏི (༣-༢༦) ཙེ ནེཏདཏྠི, ཨིཏྠིཡམཱཔྤཙྩཡསྶ ཝིདྷཱནཏོ-སངྑྱཱནཉྩཱལིངྒཏྟཱ, ཏསྨཱ ཨསངྑྱེཧི ཨཱཔྤཙྩཡསྶ སམྦྷཝོཡེཝ ནཏྠཱིཏྱནཏྠཀམཱཔྤཙྩཡསྶ ལོཔཝཙནནྟི ནཱནཏྠཀཾ ཨིཏྠིཡནྟི (༣-༢༦) ཧི གུཎིཔྤདྷཱནོ ནིདྡེསོ ཨིཏྠཏྟཝཏི ཨཱཔྤཙྩཡཱདཡོ ཝིདྷཱིཡནྟེ ‘ཏསྶཾ སཱལཱཡ (མིཙྩེ ཏསྨིཾ པདཏྠེ) ཏཏྲེ’ཏི ཨསངྑྱམིདམིཏྠཏྟཝཏི ཝཏྟཏེ, ཏསྨཱ སིཡཱཡེ ཝེཏསྨཱ ཨཱཔྤཙྩཡོཏྱཝསྶམཱཔྤཙྩཡསྶ ལོཔོ ཝིདྷེཡྻོཏི ཡོ མཉྙཏེ, ཏམྤཏི ཨཱཧ-‘ཡདཱིཔི’ཙྩཱདི, ཝིསེསཱབྷིདྷཱནཱཏྱུཔགམེ ཝཏྟ མཱནོཡམསངྑྱསམུདཱཡོ‘ནིདྡེསོ ཝཏྟཏེ’ཏི ཙོབྷཡམིཀྑཏེ, ཨིཏྠིཡནྟི ནིདྡེསསྶ གུཎིཔྤདྷཱནཏྟཾ སཱདྷེཏུཾ ‘ཨིཏྠཏྟཝཏི ཧི ཨཱཔྤཙྩཡཱདཡོ’ཏིཨཱཧ, ཏཏྲེཏཱིམསྶཱསངྑྱསྶ སཱལཱཡཾ ཝཏྟནཏོ ཨཱཧ- ‘ཨིཏྠཏྟཝཏི ཙཱ’ཏི, ཨཡམྤསིདྡྷིརཱུཔེན ན ཝཏྟཏེཏི སམྦནྡྷོ, ཡདི ཨཡམྤསིདྡྷིརཱུཔེན ཝཏྟཏེ, ཀུཏོ ཙརཧི ཨིཏྠཏྟཱཝསཱཡོཏྱཱཧ- ‘ཨིཏྠཏྟཱཝསཱཡོ’ཙྩཱདི. ཨིདཱནི ཛིནིནྡབུདྡྷིཝཙནམཱནཱིཡ ཏསྶཱ ཡུཏྟཏྟམུབྦྷཱཝཡིཏུམཱཧ- ‘ཡོཔྱཱཧི’ཙྩཱདི, ཡདཱིཔིཙྩཱདི ཛིནིནྡབུདྡྷིཝཙནཾ, ཏསྶཱཏི ཨིཏྠཏྟསྶ, པདཏྠོ ཙ ཨིཏྠཏྟཾ སིཡཱཏི ཡོཔྱཱཧེཏི སམྦནྡྷོ, གམྨམཱནཏྠཏྟཱ ཨིཏིསདྡཱཔྤཡོགོ, ཏསྶཱཡུཏྟནྟི ཏསྶེཝཾ ཝཱདིནོ ཛིནིནྡབུདྡྷིནོ ཝཙནམཡུཏྟཾཏྱཏྠོ, ཀུཏོཙྩཱཧ- ‘ཨེཝཾ ཧི’ཙྩཱདི, ཡདི ཨིཏྠཏྟསྶ ཝཱཀྱཏྠཏཱ ཨིཏྠིཔྤཙྩཡནིཝཏྟིཀཏཱ, ཨེཝཾ སཏི སཱལཱཡམིཙྩཱདིསདྡནྟརཱཔེཀྑཱ ཨིཏྠཏྟཔྤཏཱིཏི ཏཏྲེཏྱཱདཱིསུ སིཡཱཏི ཨཏྠོ, ནེཝ ཏཐཱ པཏཱིཡཏཱིཏི བྷཱཝོ, ཝུཏྟམེཝཏྠཾ ཕུཊཡིཏུམཱཧ- ‘ཏཐཱཧི’ཙྩཱདི, ཨཝིདྡསུཨཡནྟི དིཊྛནྟོ པཉྙཱསོ, ཨཝིདྡསུ ¶ ཨཡནྟི ཨུབྷཡཏྲཱཔྱཏྲེཀཝཙནསིསྶ ནིཝཏྟིཡཱ ཀཏཾ ཡམེཀཏྟཾ, ཏཾ སདྡནྟརཱདྱནཔེཀྑམེཝ པཏཱིཡཏེཏྱཏྠོ, ཨིཏྠཏྟ ཝུཏྟིནཱ སཱལཱདིསདྡེན སཱམཱནཱདྷིཀརཎྱཾ ཏཏྲེཏྱེཏསྶཱཏི ཨེཏཱཝཏཱ ཨཱཔྤཙྩཡོ ཨུཔྤཛྫཏཱིཏི ཙ ན སཀྐཱ ཝཏྟུནྟི དསྶེནྟོ ཨཱཧ-‘སམཱནཱདྷིཀརཎཏྟམྤི’ཙྩཱདི, སམཱནཱདྷིཀརཎཏྟམྤཱིཏི (ཨིཏྠི) ཝུཏྟིནཱ སཱལཱདིསདྡེན སཱམཱནཱདྷིཀརཎྱམྤི, ཨཱཔྤཙྩཡཱདཱིནཾ ནཱངྒནྟི སམྦནྡྷོ.

༡༡༩. ཨེཀ

ཨེཝཱཏི ཨནུཝཏྟཏེཨེཝ, ཨེཀོཏྠོ ཡསྶ པཀཏྱཱདིསམུདཱཡསྶ སོ ཨེཀཏྠོ ‘ཨསྶ ཙེཀཏྠསདྡསྶ པཝཏྟིནིམིཏྟཾ ཨཱིཡཱདི ཝིདྷཱནནྟྱཱཧ- ‘ཨེཀཏྠཏཱ ཨཱིཡཱདིཝིདྷཱན’ནྟི, ཨཱིཡཱདིཝུཏྟིཡནྟི ཝཏྟནཾ ཝུཏྟི ཨཱིཡཱདཱིནཾ ཝུཏྟི, ཨཱིཡཱདིཝིདྷཱནེ སཏིཏྱཏྠོ, སམཱསཏོཏི སམཱསིཏཱ, ཏེནེཝཱཏི ‘‘དིསྶནྟཉྙེཔི པཙྩཡཱ’’ཏི (༤-༡༢༠) སུཏྟེནེཝ.

༡༢༠. པུབྦ

ཡདཱ ཙཱཏྲཱདྷིསདྡཔྤཡོགོ ཏདཱ ཏེནེཝ ཝིབྷཏྱཏྠསྶ ཝུཏྟཏྟཱ ན སཏྟམཱི པཡུཛྫཏེ, ཡདཱ སཏྟམཱི, ན ཏདཱདྷིསདྡོ, ཏེནཱ སཀཔདེནེཝ ཝིགྒཧོ ཨེཝཾ དསྶནཱིཡོཏི ཨཱཧ- ‘ཨིཏྠཱིསུ ཀཐཱ པཝཏྟཱ’ཏི, ཨིཏྠིསདྡཏོ སཏྟམཱིབྷཝནེ ཀཱརཎམཱཧ- ‘ཏཾསམཱནཱདྷིཀརཎཏྟཱ’ཏི, ཏེན ཨདྷིསདྡེན སམཱནཏྠཏྟཱཏི ཨཏྠོ.

༡༢༡. ནཱཏོ

སོ ཙ ཨམཱདེསོ, ཨཱདེསསྶེཝཱཏི ཨཾཨཱདེསསྶེཝ, ཨཔཉྩམིཡཱཏི པཉྩམིཾ ཝཛྫེཏྭཱ. ཨཉྙཏྲ ཝིདྷཱིཡམཱནོ-ཡམམཱདེསོ པཉྩམིཡམྤཊིསིདྡྷཏྟཱ པཉྩམིཡཱ པཊིསེདྷེན སཡམྤི པཊིསིདྡྷོ ནཱམ ཧོཏཱིཏྱཱཧ ‘ཨཱདེསསྶེཝཱཡཾ པཊིསེདྷོ’ཏི, ལོཔཔཊིསེདྷསྶ ‘ནཱཏོ’ཏི པུབྦཝཱཀྱེན ཝུཏྟསྶ ཨཡམྤཊིསེདྷོ ནེཏི སམྦནྡྷོ, ཨཐ ཀཐམིདམཔཉྩམྱཱཏྱམཱདེསེནེཝཱཏིསམྦནྡྷཏི ན ལོཔ པཊིསེདྷེནཱཏི པརིབྷཱསམཱཧ-‘ཨནནྟརསྶ ཝིདྷི ཝཱ ཧོཏི པཊིསེདྷོ ¶ ཝཱ’ཏི, ཨེཏྠ ཨནྟརསདྡསྶཱནེཀཏྠཏྟེཔཱིཧཱནྟརཱལ༹ཝཱཙཱིཏི ན ཝིཛྫཏེ ཨནྟརམྨཛ྄ཛྷམསྶེཏྱནནྟརོ, ཨནྟརཱལ༹མཏྟཔཊིསེདྷེ པཡོཛནཾ ནཏྠཱིཏྱནྟརཱལ༹གཏསྶ ཝིདྷིནོ པཊིསེདྷསྶ ཙཱབྷཱཝཱནནྟརོཏྱུཔ ཙརཱིཡཏེ ཨནནྟརཱ གཱམཱཏྱཱདི ཝིཡ, དིཊྛཏྟེ པན མཛ྄ཛྷསྶ ན ཝིཛྫཏེ-ནྟར མེསནྟི ཝིགྒཧེ སུཏྟེཔྱནནྟརསྶ ཝིདྷཱནནྟརསྶཱཔི དིཊྛཏྟཱ དྭིནྣམེཀོཔྱནནྟརོཏྱུཙྩཏེ, ཏེནེཝཱནནྟརསྶཱཏི པརིབྷཱསཱཡམེཀ ཝཙནཾ, ཨིཏིསདྡོ ཨིདམཏྠེ, ཨིཏི ཨིམཱཡ པརིབྷཱསཱཡཱདེསེནཱབྷིསམྦནྡྷཏཱིཏྱཏྠོ, ཏེནཱཏི ཡཐཱཝུཏྟཔརིབྷཱསཱཡ ཝསེན, ཡེན ཀཱརཎེནཱདེསེནཱབྷིསམྦནྡྷཏི ཏེནཱཏྱཏྠོ, ཨལོཔོཏི ལོཔ པཊིསེདྷོ, སཱམཏྠིཡཱལདྡྷནྟི དྭིནྣམཏྠཱནཾ ཝིདྷཱནཱཡ དྭེ ཝཱཀྱཱནི བྷཝནྟི, ཏཏྲ ‘ནཱཏོ’ཏཱིདཾ པཊིསེདྷཝིདྷཱཡཀམེཀཾ ཝཱཀྱཾ, ‘ཨམཔཉྩམིཡཱ’ཏི དུཏིཡམམཱདེསསྶ, ཏཏྲཱཔཉྩམིཡཱཏྱཱདེསེནེཝཱཏི སམྦནྡྷཏི, ཝུཏྟཝིདྷཱནཱ ན ལོཔཔཊིསེདྷེན, ཏཐཱསཏྱམཔཉྩམིཡཱཏིདཾ ཝཱཀྱཾ ཡདི ན ཝིསེསཏྠམཱལམྦཏེ ཏམནྟརེནཱནུཔཔཏྟིཏོ-ཉྙཐཱ ཀིནྟྱནེནཱཏྠབལེན ལདྡྷནྟི ཨཏྠོ, ཨལོཔོཏི ཛོཏེཏཱིཏི སམྦནྡྷོ, ཝཱཀྱབྷེདེན ཝིཝརཎཾ ཀཏཾ, ན ཨེཀཝཱཀྱཏྟེནཱཏི བྱཏིརེཀོ ཨེཀཝཱཀྱཏཱཡཉྷི ཀཱརིཡ དྭཡསྶཔི པཉྩམིཡམྤཊིསེདྷོ སིཡཱ ‘པཉྩམིཾ ཝཛྫེཏྭཱ ཏཾ ཀཱརིཡདྭཡཾ ཝེདིཏབྦ’ནྟི, ཡདིཔི སིདྡྷཱཏི སམྦནྡྷོ, ཡེན ནཱཔྤཏྟིཡཱཏྱནེན ‘‘ཡེན ནཱཔྤཏྟེ ཝིདྷིརཱརབྦྷཏེ, ཏསྶ བཱདྷནམྦྷཝཏཱི’’ཏི མམྤརིབྷཱསམུཔལཀྑེཏི, ཀིམཏྠམིཧཱཡཾ པརིབྷཱསཱ པཋྱཏེ ཨིཧ སཏྠེ-པཝཱདཱ ཨུསྶགྒེ བཱདྷནྟེཏི ནིཡམོ, ཏཏྲ ཙུསྶགྒཱ དུཝིདྷཱ ནིཡཏཔྤཏྟཡོ ཨནིཡཏཔྤཏྟཡོ ཙེཏི, ཡེ སབྦཏྠཱཔཝཱདཝིསཡམྤཝིསནྟི, ཏེ ནིཡཏཔྤཏྟཡོ ཝུཙྩནྟེ, ཡེ ཀྭཙིདེཝཱཔཝཱདཝིསཡམཝགཱཧནྟེ, ཏེ ཨནིཡཏཔྤཏྟཡོ ཝུཙྩནྟེ, ཨེཝཾ དུཝིདྷེསུསྶགྒེསུ ཡེ-ནིཡཏཔྤཏྟཡོ, ཏེསམེཝ བཱདྷནམིཙྪཱིཡཏེ, ན ནིཡཏིཀཱནཾ, ཏེན ཏཔྤདསྶནཏྠམཡམྤརིབྷཱསཱ པཋྱཏེཏི, ཡེནེཏྱུསྶགྒསྶ ནིདྡེསོ, ནེཏི པཊིསེདྷཝཱཙཱི ནིཔཱཏོ, ཨཔྤཏྟེ ཨསམྥུཊྛེ ཝིསཡེ ཨིཏྱཛ྄ཛྷཱཧཱརིཡཾ, ཡེན ཨུསྶགྒེན ནཱཔྤཏྟེ པཏྟེཨེཝ སམྥུཊྛེཨེཝ ཝིསཡེཏྱཏྠོ… ‘དྭེ པཊིསེདྷཱ པཱཀཏམཏྠཾ གམེནྟཱི’ཏི ཀཏྭཱ, ཝིདྷཱིཡཏཱིཏི, པཊིསེདྷོ ཝིདྷཱནཉྩ, ཨཱརབྦྷཏེ ཝིདྷཱི

ཡཏེ ¶ པཋྱཏེཏྱཏྠོ, ཨནེནཱཔཝཱདཝིདྷིནྡསྶེཏི, ཏསྶེཏི ཨཱདོཡེནེཏི ནིདྡིཊྛསྶཨུསྶགྒསྶབཱདྷནམྦྷཝཏྱཔཝཱདེན, ཡེན ཏྭཔྤཏྟེ ཝིསཡེ ཨཱརབྦྷཏེ ཏསྶ བཱདྷནཾ ན བྷཝཏཱིཏྱཏྠོ, ཀུཏོཏི ཙེ ཨནཝཀཱསཏྟཱ, ཏཐཱཧི ཡདི ཨུསྶགྒེན སབྦོ ཝིསཡོ གཧིཏོ སིཡཱ, ཀོ-པཝཱདསྶཨཉྙོ ཝིསཡོ སིཡཱ, ཏསྨཱ ཨནཝཀཱསཏྟཱ (ན) ཨཔ (ཝཱདེ) པན ཏསྶ བཱདྷནམྦྷཝཏཱིཏྱཝསེཡཾ, ཡེན ཏུསྶགྒེན ཀོཙི དེཝཱཔཝཱདཝིསཡོ-ནུཔྤཏྟོསིཡཱ, ནསབྦོ, ཏམྤཏི སཱཝཀཱ སཏྟཱ ཏམྦཱདྷཏེཏི ཝུཏྟཾ ཧོཏི, ‘པཉྩཔཱུལིམཱནཡེ’ཏྱཏྲ པཉྩནྣཾ པཱུལཱནཾ སམཱཧཱརོཏི ཝིསེསནསམཱསོ ‘‘ནདཱདིཏོཝཱི’’ (༣-༢༧) སམཱཧརཎཾ སམཱཧཱརོཏི སམཱཧཱརསྶཔི བྷཱཝརཱུཔཏྟཱ ཨཱཧ ‘བྷཱཝཔྤདྷཱནཏྟེཔཱི’ཏི, གུཎབྷཱུཏདབྦཱནི པཱུལཱནི.

༡༢༥. ཨིམ

སུཏྟེ ཨནིཏྠིཡནྟི ཀིམཏྠིཡ (མནེན) པཊིསེདྷཝཙནེན, ཡཏོ ཨིམསྶེཏྭེཝཱནིཏྠིལིངྒེན ནིདྡེསོཏི མནསིཀཏྭཱ ཨཱཧ-ནཱམགྒཧཎེ’ཨིཙྩཱདི, ‘‘ནཱམགྒཧཎེ ལིངྒཝིསིཊྛསྶཱཔི གཧཎ’’ནྟི པརིབྷཱསཱཡཾ, ཏཏྠ ལིངྒེན སུཏྟེ ནིདྡིཊྛཏོ ཨཉྙེན ཀེནཙི ཝིསིཊྛཾ ནཱམཾ ལིངྒཝིསིཊྛཾ, ཏསྶ, ཡཏྠ སདྡསཱམཉྙསནྣིསྶཡནཾ, ཏཏྠ ནཱམགྒཧཎེ སཏིལིངྒཝིསིཊྛསྶཱཔི གཧཎཾ ཧོཏི… སཱམཉྙེ སབྦཝིསེསཱནུཔྤཝེ སཏོཏྱདྷིཔྤཱཡོ, ཨིདམེཝཱཏི ཨནིཏྠིཡནྟི ཝཙནམེཝ, ཉཱཔཀནྟི པཏྟི པུབྦཀོ པཊིསེདྷོ, སོ ཨིཏྠིཡམྤཏྟིཡཾ སཏི ཨནིཏྠིཡནྟི ཀཏོ སིཡཱཏི ཨནིཏྠིཡནྟི པཊིསེདྷཝཙནམེཝེམཾ པརིབྷཱསཾ ཉཱཔེཏཱིཏི ཨཏྠོ, ཨིམིནཱ ཨིམིསྶཱ པརིབྷཱསཱཡ སཱམཏྠིཡལདྡྷཏཾ དསྶེཏི.

༡༢༧. སིམྷ

ཨནཔུཾསཀསྶཱཏི པརིཡུདཱསོཏི ཨནཔུཾསཀསྶཱཏི ཨེཏྠ ནཉྶདྡསྶ པརིཡུདཱསོ-ཏྠོཏྱཏྠོ.

༡༢༩. མསྶཱ

ཏནྣེཏིཨཱདིནཱ ཀཏྠཙི པརིབྷཱསཱཝཏིརནིཙྩཱཏི སཱུཙེཏི.

༡༣༠. ཀེཝཱ

ཧོཏུ ¶ སིཏོ-ཉྙཏྲཀེ སཏི སཱདེསོ, སིམྷི ཏུ ཀཔྤཙྩཡཱ པཋམམེཝ ཀཏོ མསྶ སཱདེསོཏི ཏཔྤཙྩཡེ སཏི ‘ཀེཝཱ’ཏི ཀིཾ སཱམཉྙེན སཱདེསཝིདྷཱནེནེ ཏྱཱསངྐིཡ སུཏྟསྶ སཱམཉྙ ཝིདྷཱནེ ཕལཾ དསྶེཏུཾ ‘ཀེནེཀཏྠཏཱཡཾ’ཏྱཱདིམཱཧ, ཀེནེཀཏྠཏཱཡནྟི ཀཔྤཙྩཡེན སཧ ཎཱདིཝུཏྟིཡཾ, པུབྦབྷཱགསྶཱཏི ཨསུབྷཱགསྶ པདཏྟཱབྷཱཝཱཏི ‘‘ཨེཀཏྠཏཱཡཱ’’ཏི (༢-༡༡༩) ཝིབྷཏྟིཡཱ པདཏྟསཱདྷིཀཱཡཱཔགམེན པདཏྟཱབྷཱཝཱ, པདསངྑཱརནིབནྡྷནོཏི པད སིདྡྷི ཧེཏུཀོ, ‘‘ནིམིཏྟཱབྷཱཝེ ནེམིཏྟིཀསྶཱཔྱབྷཱཝོ’’ཏི ཉཱཡསྶཱཡམཏྠོ ‘‘ནིམིཏྟཾ ཀཱརཎཾ ཧེཏཱུཏྱནཏྠནྟརཾ, ནིམིཏྟསྶ ཨབྷཱཝོ ནིམིཏྟཱབྷཱཝོ, ཏསྨིཾ ནིམིཏྟཱབྷཱཝེ ཧེཏུཝིནཱསེཏྱཏྠོ, ནིམིཏྟཱ ཨཱགཏོ ནེམིཏྟིཀོ, ཕལབྷཱུཏོ དྷམྨོ, ནིམིཏྟེ བྷཱཝོ ཝཱ ནེམིཏྟིཀོ, ནིམིཏྟསྶཱབྷཱཝེ ཏཾ ཧེཏུཏོ པཝཏྟསྶ ནེམིཏྟིཀསྶ ཕལསྶཱཔྱབྷཱཝོ བྷཝཏཱི’’ཏི, ཏཐཱཧི ཚཏྟནིམིཏྟཚཱཡཱ ཚཏྟཱཔཱཡེན བྷཝཏི, པདཱིཔནིམིཏྟདསྶནཾ པདཱིཔཱཔཱཡེ ན བྷཱཏི, ཏཐེཧཱཔི ནིམིཏྟཏོ པཝཏྟཱནཾ ནིམིཏྟཱབྷཱཝེ ཨབྷཱཝོཡེཝ ཡུཏྟི མཱཏི མཉྙཏེ, ཨཉྙཏྲཙཱཏི སིཏོ ཨཉྙཏྲ ཙ.

༡༣༡. ཏཏ

ཏྱཨེཏཱནཾ ཏཀཱརསྶ པརིཙྩཱགཱཡ ‘ཏཏསྶཱ’ཏི ཝུཏྟཾ.

༡༣༢. ཊས

ཨིམིསྶཱཡཱཏྱཱདཱིསུ ‘‘སྶཾ སྶཱ སྶཱཡེ’’ཏྱཱདིནཱ (༢-༥༢) ཨི, ‘‘ཏདཱདེསཱ ཏེ ཝིཡ ཧོནྟཱི’’ཏི པརིབྷཱསཏོ སཱདྱཱདེསཱིནཾ གཧཎཱསྶཱཡཱདེསཱདཱིནཾ གཧཎསམྦྷཝེཔི ཀིཾ སྶཱཡཱདིགྒཧཎེ ན སུཏྟགུརུཀརཎེནེ ཏྱཱསངྐིཡ‘སྶཱཡཱདིགྒཧཎ’མིཙྩཱདི, ཝུཏྟི གནྠོ ཝུཏྟོཏི དསྶེཏུམཱཧ-‘ནནུ ཙེ’ཏྱཱདི, ཊསསྨཱདིཀཾ ‘ཊསསྨཱསྨིནྣནྣཱསྭིམསྶ ཙཱ’ཏི ཝཏྟབྦཾ, ནམཱདཱིནམྤི ཝིདྷིགྒཧཎཱཡ [ནཱདཱིནམྤཝིགྒཧཱཡ (པོཏྠཀེ)], ཏསྶཱ

དེསིནོ ¶ ཨཱདེསོ ཏདཱདེསོ, ཏསྶ, ཏསྶ ཨཱདེསིནོ གཧཎཾ ཏགྒཧཎཾ, ཏེན.

༡༣༤. དུཏི

ཨཉྙཐཱཏི གུརུནིདྡེསམཀཏྭཱ ཨཉྙེན ལཧུཔྤཀཱརེན ནིདྡིསནེ སཏི, ཨེཀཝིབྷཏྟིནིདྡིཊྛཏྟཱཏི‘དུཏིཡཱཡོསྶཱ’ཏི ཨེཀཝིབྷཏྟིཡཱ ནིདྡིཊྛཏྟཱ, ཨཉྙཐཱཏིཨཱདིནཱ ནེཀདེསོཏིཝཙནཔརིཡནྟེནེཏེན ‘ན ཏྭེཀཝིབྷཏྟིཡུཏྟཱན’ནྟི པརིབྷཱསེཀདེསསྶ ཨདྷིཔྤཱཡོ པཀཱསིཏོཏི ཉཱཏབྦཾ, ཨེཏདེཝཱནུཝཏྟཏཱིཏྱནེན ཏུ ‘‘ཨེཀཡོག ནིདྡིཊྛཱནམྤེཀདེསོ-ནུཝཏྟཏེ’’ཏཱིམསྶ, ཨེཀཝིབྷཏྟིཡུཏྟཱནཾ ཨེཀདེསོ ནཱནུཝཏྟཏེཏི ཡོཛནཱ པརིབྷཱསཱཡཾ, ཉཱཔེཏཱིཏི པུབྦེ ཝིཡ སཱམཏྠིཡེན ཉཱཔེཏི.

༡༣༩. ནཱཉྙཾ

ཨཔྤདྷཱནཔྤཊིསེདྷཏོ སབྦཱདཱིནཾ ཏདནྟཝིདྷིནཱ བྷཝིཏབྦཾ, ཨཉྙཐཱ ཧི སབྦཱདིགྒཧཎེ ཀོ པསངྒོ པིཡསབྦཱདཱིནཾ, ཡཏོ ཨཔྤདྷཱནཔྤཊིསེདྷོ, ཀརཱིཡཏེ ཏེན པརམསབྦེཨིཙྩཱདི ཧོཏཱིཏི དསྶེཏུམཱཧ-‘ཨཔྤདྷཱནཔྤཊིསེདྷོ’ཨིཙྩཱདི.

༡༤༠. ཏཏི

ཡཏྠཱཏི ཡསྨིཾ ཀཏྟརི ཀརཎེ ཝཱ, ཀཏྟརི ཏཏིཡཱསིདྡྷིམཱཧ-‘ཀརོཏི’ཙྩཱདི, ཀརོཏིམྷི ཀརདྷཱཏུམྷི གམྨམཱནེ, མཱསེན ཀཏཱཏི པཱཋེན བྷཝིཏབྦཾ… མཱསེན ཀཏཱནཾ པུབྦཱནནྟི ཝཏྟབྦཏྟཱ, པུབྦབྷཱཝེཏི པུབྦབྷཝནེ མཱསསྶ ཀརཎཏྟཾ, ཨེཏྠ ཏུ མཱསེན ཀརཎབྷཱུཏེན པུབྦབྷཱུཏཱནནྟི ཨཏྠོ, ཏེནེཝེཏྠཱཔི བྷཝནྟཱིཏི པཱཋེན བྷཝིཏབྦཾ.

༡༤༡. ཙཏྠ

ཙསྶ ཨཏྠོ ཙཏྠོ, སོཡེཝཱཏི ཨེཏྠ སམཱསསྶ པརཱམཱསོ, ཙཏྠོ ཨེཏྠ སམྦྷཝཏི ཀིནྟུ སབྦཱདི ན ཙཏྠསམཱསཝིསཡོཏི པཱཋེན བྷཝིཏབྦཾ.

༡༤༤. མནཱ

ཀིཾ བཧུལཾཝིདྷཱནཱ ‘ཝུདྡྷྱབྷཱཝོ’ [ཨོཏྠཱབྷཱཝོ (པཉྩིཀཱཡཾ)] ཏི པཱཋེན པཡོཛནཾ ཡེནེ ཏདཏྠམེཝ ¶ ‘‘སུམེདྷཱདཱིནམཝུདྡྷི ཙེ’’ཏི གཎཔཱཋོ ཀཏོ, ཧེམསདྡེན ཧེམམཡཱནི གཧིཏཱནྱབྷེདེནཏྱཱཧ- ‘ཧེམམཡཱནཱི’ཏི, ཀཔྤན སདྡེན སཱིསཱལངྐཱརཛཱལཱནི གཡ྄ཧནྟི, ཏཱནིཡེཝ ཝཱསསཱནི པཊཱ ཏཾསརིཀྑཏཱཡ, སཀཏྠེཔི ཡཐཱགམམྦྷཝནྟཱིཏི སམྦནྡྷོ, བཱཎཱདཱིསུ ཨབྷིདྷེཡྻེསུ མནཱདཱིསུ ན པཊྛཱིཡནྟཱིཏི ཡོཛནཱ, བཱཎཱདཱིསུཏི བཱཎ སདྡཀྑཡཱདཱིསུ, ཨཧསདྡསྶ མནཱདིཀཱརིཡཱསམྦྷཝཱ ཨཧསདྡོ མནཱདཱིསུ ན དཊྛབྦོ, རཧསཱིཏི ནིཔཱཏཏྟཱ ཨིཀཱརསྶ ཙ ཨསབྦྷཝཱ རཧསདྡོ ཙ མནཱདཱིསུ ན དཊྛབྦོཏི སཛ྄ཛྷཱཧཱརོ སམྦནྡྷོ ཝེདིཏབྦོ, ཨིཀཱརསྶ ཀཙྩཱཡནེ སྨིནོ ཀརཱིཡམཱནསྶ ཨིཀཱརཱདེསསྶ ཙ, རཧཏིསདྡསྶ ནིཔཱཏཏྟཾ སབྷཱཝཏོ པཀཱསེཏུཾ ‘རཧསཱིཏྱཱདི’མཱཧ, རཧོསདྡེཏི ཨེཏྠ རཧསདྡོཏི པཱཋོ-ཝགནྟབྦོ, ཏེནཱཏི ཡེན ཨཧསདྡསྶ མནཱདིཀཱརིཡཱསམྦྷཝོ རཧསཱིཏིཙ ནིཔཱཏོ, ཏེན, ཨིཧམནཱདཱིསུ.

༡༤༦. བྷཝ

གེཏི གསཉྙེ པརེ, ཀུཏོ-ནུཨིཙྩཱདོ བྷོ’ཨིཏི བཧུཝཙནནྟོ ནིཔཱཏོ, ཏཐཱསཏི ‘ཏཡོཛནཱ’ཏི ཡུཛྫཏི, ཏཉྩ ནིཔཱཏཏྟཾ སམཏྠེཏཱིཏི [ནིཔཱཏམཏྟེཏི] དསྶེཏུམཱཧ- ‘བཧུཏྟེ’ཙྩཱདི.

༡༤༨. ནྟསྶཾ

སཏྟམྱནྟཾ བྷཝཏཱིཏི སེསོ, ནནུཙནྟསྶཱཏི ཝུཏྟེ ནྟནྟུཔྤཙྩཡོཝཱཝསཱིཡཏི, ན ཏདནྟཝིདྷཱིཏི [ནྟནྟུཔྤཙྩཡོཝ ནཱཝསཱིཡཏི, ཏདནྟཝིདྷིཔཱིཏི པཱཋེན བྷཝིཏབྦཾ] ཨཱཧ- ‘ནྟཔྤཙྩཡ སྶེཝེ’ཙྩཱདི, སུཏཏྟཱཏི སོཏཝིཉྙཱཎེན གཧིཏཏྟཱ པཙྩཀྑཏྟཱཏི ཝུཏྟཾ ཧོཏི, ཨནུམིཏསྶ ‘‘ཝིདྷིབྦིསེསནནྟསྶཱ’’ཏི (༡-༢༦) ལིངྒཏོ ཏདནྟསངྑཱཏ ཨཏྠདསྶནསངྑཱཏཨནུམཱནཉྙཱཎེན ཝིཉྙཱཏསྶཱཏི ཨཏྠོ.

༡༥༤. རཱཛ

དལ༹ྷོ དྷམྨོ དྷནུ ཨསྶ དལ༹ྷདྷམྨཱ. རཱཛཱདཱིསྭིམཔྤཙྩཡེ པཋིཏེ

ཏདནྟོ ¶ པཙྩཡགྒཧཎ པརིབྷཱསཱཡ གཡ྄ཧཏཱི ཏྱཱཧ- ‘ཨིམིནཱ ཨིཙྩཱདི.

༡༦༢. ལྟུ

པཙྩཡཨིཙྩཱདིནཱ ‘‘པཙྩཡགྒཧཎེ ཡསྨཱ སོ ཝིཧིཏོ ཏདཱདིནོ ཏདནྟསྶ ཙ གཧཎ’’ནྟི ཉཱཡཾ དསྶེཏི, ཏཏྠ ཡཏོ ཝིཧིཏོ ཏཾ ཝིནཱ ན བྷཝཏི པཙྩཡོཏྱནེན ཉཱཡེན པཏྟོཡེཝཱཏྠོ ཨཱཁྱཱཡཏེ ‘པཙྩཡགྒཧཎེ ཡསྨཱ སོ ཝིཧིཏོ, ཏདཱདིནོ གཧཎ’ནྟི, ‘‘ཝིདྷིབྦིསེསནནྟསྶེ’’ཏི ཏདནྟགྒཧཎཾཏྱཱཁྱཱཡཏེ ‘ཏདནྟསྶ ཙ གཧཎ’ནྟི, སོ པཀཏིཝིསེསོ ཨཱདི ཡསྶ སམུདཱཡསྶ སོ ཏདཱདི, སོ པཙྩཡོ-ནྟེ ཡསྶ སམུདཱཡསྶ སོ ཏདནྟོ, ཏཱདིསསྶ ཏདཱདིཏདནྟསམུདཱཡཝིསེསསྶ གཧཎཾ, ན ཏུ ཏདནྟམཏྟསྶེཏྱཏྠོ, ཨིཧ ཏུ ཏདནྟགྒཧཎམེཝཱནུརཱུཔནྟི’ དསྶེཏུམཱཧ-‘‘ཀཏྟརི ལྟུཎཀཱ’’ཏི ཨིམིནཱ ཏྱཱདི, ཏདཱདིཏདནྟ སམུདཱཡསྶ ཏུ གཧཎེ ཕལཾ ‘བྱཛིགིསཱི’ཏིཨཱདཱིསུ དཊྛབྦཾ, ཏཉྩ ‘‘ཏུཾསྨཱ ལོཔོཙིཙྪཱཡཾ ཏེ’’ཏི (༥-༤) སུཏྟེ སཡམེཝ ཝཀྑཏི.

༡༦༥. སལོ

ཀཙྩཱཡནེ ‘‘སཀམནྡྷཱཏཱདཱིནཉྩེ’’ཏི (༢-༣-༤༤) སུཏྟིཏཾ, སོཔི ལྟྭནྟོཡེཝཱཏྱབྷིམཏསིདྡྷཱིཏི དསྶེཏུཾ ཝུཏྟིཡམུདཱཧཊཾཏྱཱཧ- ‘སཀམནྡྷཱཏུ’ཨིཙྩཱདི, ལྟྭནྟོ མནྡྷཱཏུསདྡོ ཨཏྠཱིཏི ‘སཀམནྡྷཱཏུ’ སདྡོཔི ལྟྭནྟོཏི སཛ྄ཛྷཱཧཱརོ པདསམྦནྡྷོ དཊྛབྦོ, ཏཏོཔཱིཏི ན ཀེཝལཾ ཀཏྟུཏོཝ, མནྡྷཱཏུསདྡསྶ ལྟྭནྟཏཾ སཱདྷེཏྭཱ སཀམནྡྷཱཏུསདྡམྤཊིཔཱདེཏུཾ ‘སབྦེས’ནྟིཨཱདིམཱཧ.

༡༦༩. ཊཔ

སངྑྱཱསདྡོ ཡདཱིཔི སངྑྱཱནེ ཝཏྟཏེ, ཏཐཱཔི སངྑྱཱནདྭཱརེནིདྷསངྑྱེཡྻེ ཝཏྟཏཱིཏྱཱཧ-‘ཙུདྡསཧི སངྑྱཱཧཱི’ཏི པཱཋེན བྷཝིཏབྦཾ, ཙུདྡསསདྡཝཙནཱིཡཱཝ པཉྩཱདིསངྑྱཱ, ཡཏོ སངྑྱཱསདྡོ ནེཧ པརིགྒཧིཏོཏི.

༡༧༥. དིཝཱ

དིཝསཏོ སྨིནོ ཊིམྷི པུབྦསརལོཔེ དིཝི.

༡༨༡. ཡོནཾ

དུཏིཡཱགྒཧཎེནཱཏི ¶ ‘དུཏིཡཱཡོསྶ ནེ ཝཱ’ཏྱེཝཾ སུཏྟ རཙནཱཡཾ དུཏིཡཱགྒཧཎེན.

༡༨༥. ནཱམྷི

ཨེནཱདེསསྶཱསམྦྷཝཱཏི ནཱསྶ སྨཱདེསཏྟཱ.

༡༨༧. གསྶཾ

ཨུབྷཡཝིཀཔྤོཏི སམཱསཱསམཱསཔཀྑདྭཡཝིདྷཱནཾ, ཀཙྩཱཡནཝུཏྟི ཀཱརསྶ ཝིཔྤཊིཔཏྟིམཱཝཱིཀཏྟུམཱཧ-‘ཀཙྩཱཡནེ’ཙྩཱདི, ཨིཏྠིཔུམནྣཔུཾསཀ སམཱུཧོཏི ཨེཏྠཱཡནྟེསཾ སཱདྷནཀྐམོ ‘དྭནྡཚཊྛཱིཧི སམཱསེ ཨིཏྠིཔུམནཔུཾསཀསམཱུཧོ’ཏི ཋིཏེ ‘‘སམཱསེ ཙ ཝིབྷཱསཱ’’ཏི (༢-༢-༣༥) པུམནྟསྶ ཨམཱདེསེ ‘‘ཝགྒནྟཾ ཝཱ ཝགྒེ’’ཏི (༡-༤༢) ནིགྒཧཱིཏསྶ ཝགྒནྟོ.

༡༩༢. པུམ

ཀམྨཱདིཏྟཱ ཨེནསྶཱཔི ཨབྷཱཝཔཀྑེཏི ‘‘ནཱ སྶེ ནོ’’ཏི (༢-༨༠) ཀམྨཱདིཏོ ནཱསྶ ཨེནཱདེསཀརཎཏོ ཝུཏྟཾ.

༡༩༧. ཨིམེ

ཨཱདེསོ ཀཐནཾ, ཨནྭཱདེསོ-ནུཀཐནམིཙྩཱཧ-‘ཨནྭཱདེསོ ཀཐིཏཱནུཀཐན’མཱིཏི, ཀཐིཏསྶཱནུཀཐནཾ ཀཐིཏཱནུཀཐནཾ, ཨནེན ཙ ནེཧ པཙྪཱ ཨུཙྩཱརཎམཏྟམནྭཱདེསོ, ཀིཉྩརཧི ཨེཀསྶཱབྷིདྷེཡྻསྶ པུབྦསདྡེན པཊིཔཱདིཏསྶ དུཏིཡམྤཏིཔཱདནམནྭཱདེསོཏི ཝདཏི, ཏེནེཧ ན བྷཝཏི ‘དེཝདཏྟཾ བྷོཛཡ, ཨིམཉྩ ཡཉྙདཏྟ’ནྟི, ཀེནཙི ཝིསེསནྟརཡོགེན ཀཐིཏསྶཱནུཀཐནཾ ཨནྭཱདེསོཏི སམྦནྡྷོ. ཀཐམྤན ཝིསེསནྟརཡོགོ གམྱཏེཙྩཱཧ- ‘སཱམཏྠིཡཱ’ཏི, ཀེནཙི ཝིསེསེནཱཡོགེ ཝུཏྟསྶེཝ པུནབྦཙནཱནུཔཔཛྫནཾ སཱམཏྠིཡཾ, ཏེནེཝཱཧ- ‘ཨཉྙཐེ’ཙྩཱདི.

༡༩༨. ཀིསྶ

ནཝིརུཛ྄ཛྷཏཱིཏི ཨིམིནཱ ‘‘ཨིཏྠིཡམཏྭཱ’’ཏི (༣-༢༦) སཱམཉྙེན ཝིདྷཱནཏོ སྱཱདྱནྟམཛ྄ཛྷེཔི ཨིཏྠིཡམྤཙྩཡོ ནཝིརུཛ྄ཛྷཏཱིཏི ཝདཏི.

༢༠༤. ནམྷི

ནནུ ¶ ཡཐཱཀྐམཾ ནཾཝིབྷཏྟིཀྐམེནཱཔི སམྦྷཝཏི, ཏཐཱསཏི ‘དྭིནྣཾ སདྡཱནཾ དྭེཨཱདེསཱ ཀམེནེ’ཙྩེཝ ཀསྨཱ ཝུཏྟཾ ཏྱཱསངྐིཡཱཧ ‘ན ནཾཝིབྷཏྟིཀྐམེནཱཔཱི’ཏི. ཀཱརཎམཱཧ- ‘ཏསྶཱནཔེཀྑིཏཏྟཱ’ཏི, ཨིམིནཱ ནིསྶཡཀརཎམེཀཱ སཏྠིཡཱ ཡུཏྟཱིཏི དསྶེཏི, ཨཔེཀྑིཏེ ཀཐཾ བྷཝེཡྻཱ ཏྱཱཧ- ‘ཡདི ཧི’ཙྩཱདི, ཨཔེཀྑིཏི ཡཐཱཀྐམཾ, ཨེཝམཉྙཏེ ‘‘ཀིཉྩཱཔི ཛཱཏིནིདྡེསེན དྭེཔི ནཾ རཱུཔཱནི གཡ྄ཧནྟི, ཏཐཱཔི ‘ཏིཙཏུནྣ’ནྟི ཝིཡ བྱཏྟིནིདྡེསོཝ ཡཐཱཀྐམོཔཀཱརཱིཡམཱནཱན, མནུདེསསྶ ཏཐཱ ཝིཉྙཡམཱནཏྟཱཏི ནཾསུཨིཙྩེཝ ཝདེཡྻ, ན ཏཐཱ ཝུཏྟཾ, ཏཏོ-ཝསཱིཡཏེ ‘ན ཡཐཱཀྐམམེཏྠཱཔེཀྑིཏ’ནྟི.

༢༠༥. ནྟ

ནནུ ནྟནྟཱུནནྟི ཏདནྟཱ གཡ྄ཧནྟི པཙྩཡགྒཧཎཔརིབྷཱསཱཡ, ཏཐཱ སཏི ཀཱརིཡིཏྟེན ཏདནྟཱཝ གཡ྄ཧནྟི ཀཐཾ ནྟནྟཱུཡེཝཱ ཏྱཱསངྐིཡཱཧ- ཏེཡེཝེ’ཙྩཱདི, པཙྩཀྑཏཱཡཱཏི [སུཏཐཱཡ-པཉྩིཀཱ] སུཏཏྟཱ, བལཝཏྟཱ ཏེཡེཝ ཀཱརིཡིཏྟེན གཡ྄ཧནྟཱིཏི སམྦནྡྷོ, ན ཏདནྟཱ, དུབྦལཱཏི བྱཏིརེཀཾ ཝཏྭཱ དུབྦལཏྟེ ཀཱརཎམཱཧ- ‘ཨནུམིཏཏྟཱ’ཏི, ཨནུམིཏཏྟཾ སཱདྷེཏུམཱཧ- ‘ཨནུམིཏཱཧི’ཙྩཱདི, བྷཝིབྷཏྟཱིནནྟི པཱཋོ ཡུཏྟ ཏརོ, ཏསྶ ཨནྟཱདེསེ ཨཀཱརེཏི སམྦནྡྷོ.

༢༡༩. ཡོམྷི

ཡོམྷཱིཏི སཏྟམྱནྟཛཱཏིནིདྡེསཱ ལབྦྷམཱནཏྠཝསེན ‘པཙྩེཀ’ནྟི ཝུཏྟིཡཾ ཝུཏྟཾ, ཏེནེཝཱཧ པཉྩིཀཱཡཾ- ‘ཀཐམིདམཝསཱིཡཏེ ཡོམྷཱིཏི ནིདྡེསཱ’ཏི, ཏསྶདཱནི ཨཏྠམྤཀཱསེཏུཾ ‘པཙྩེཀནྟི ཨེཀེཀསྨི’ནྟིཨཱདི ཝུཏྟཾ. ཨེཀེཀསྨིཾ ཡོམྷི དྭིནྣཾ ཨཱདེསཱནཾ སམྦྷཝཱ ཨཱདེསཱིནམྤི བཧུཏྟསམྦྷཝོཏི སུཏྟེ ‘དྭིནྣ’ནྟི བཧུཝཙནནིདྡེསོ, ཝུཏྟིཡམྤན པཙྩེཀཾ ཡོམྷི པཙྩེཀཾ དྭིསདྡསམྦྷཝཱ ‘དྭིསྶཱ’ཏི ཝུཏྟཾ, དུཏིཡཱཡམྤི དུཝེ དྭེ.

༢༢༨. ནཱསྨཱ

པཀཏཝསེནཱཏི ¶ ཏུམྷཱམྷཱནམཱདེསཱནམདྷིཀཏཝསེན, ཀམམནཏིཀྐམྨ ན བྷཝནྟཱིཏི སམྦནྡྷོ.

༢༣༠. ཙཾཝཱ

ཀཙྩཱཡནཱཙརིཡོ ཏུམྷཱམྷེཧི པརཱཡ ཙཏུཏྠཱི ཚཊྛཱི སཝིབྷཏྟིཡཱ ‘‘སསྶཾ’’ཏི (༢-༣-༣) སུཏྟེན ཨམཱདེསཾ ཝིདྷཱཡ ‘ཏུམྷཾ ཨམྷ’ནྟི བཧུཝཙནརཱུཔཱནི སཱདྷེཏི… ཨེཀསྨིམྤི ཨཏྟནི གུརུཨཱདིཀེ ཙ གཱརཝ ཝསེན བཧུཝཙནརཱུཔདསྶནཏོཏི དསྶེཏུམཱཧ-ཏུམྷཾ ཨམྷ’ནྟིཨཱདི, ཏསྶཱཡུཏྟཏྟཱ ‘ཏམཡུཏྟ’ནྟི ཝཏྭཱ ཨཡུཏྟཏཾ སཱདྷེཏི ‘ཨེཝཾ ཧི’ཙྩཱདིནཱ, ཨིམསྨིམྤན སཏྠེ ཨེཀསྨིམྤི སབྦཐཱ བཧུཝཙན རཱུཔསཱདྷནཀྐམཾ དསྶེཏུཾ ‘ཨིདྷ པནཱ’ཏིཨཱདིམཱརདྡྷཾ.

༢༣༢. ཨཔཱ

ནེནཱཏི ནཀཱརེན, པདསཉྙཱཝིདྷཱཡ ཀཝཙནཱབྷཱཝེཔཱིཏི པཱཎིནི ཡཱནམིཝ སྱཱདིཏྱཱདྱནྟཱནཾ པདསཉྙཱཝིདྷཱཡཀསྶ སུཏྟསྶ ཨབྷཱཝེཔི, ཨནྭཏྠཝསེན པདནྟི གཡ྄ཧམཱནེ ཨཏིཔྤསངྒོཔི སིཡཱཏི ཨཱཧ-‘རུལ༹ྷིཡཱཝཱཏིཔྤསངྒཱ བྷཱཝོ’ཏི, ཨཱཁྱཱཏཾ སཱབྱཡཀཱརཀ ཝིསེསནཾ ཝཱཀྱནྟི ཀེཙི, ཨེཀཱཁྱཱཏིཀཾ ཝཱཀྱནྟྱཔརེ, ཏཾ སབྦཾ ཨེཀཏོ སངྒཧེཏྭཱ ‘པདསམཱུཧོ ཝཱཀྱ’ནྟི ཝུཏྟིཀཱརེན ཝུཏྟནྟི དསྶེཏུམཱཧ- ‘སཱབྱཡེ’ཙྩཱདི, ཨཱཁྱཱཏཾ ཏྱཱདྱནྟམཱཧུ, ཨབྱཡམསངྑྱཾ, ཨཱཁྱཱཏཾ སཱབྱཡཾ སཀཱརཀཾ སཝིསེསནཉྩ ཝཱཀྱེསཉྙཾ བྷཝཏཱིཏྱཏྠོ, ཝིསེསནནྟི ཀཱརཀཝིསེསནསྶ ཀིརིཡཱ ཝིསེསནསྶ ཙ སཱམཉྙེན གཧཎཾ, སཱབྱཡཾ-སདྡྷིཾ ཝཙཏི, སཀཱརཀཾ ཨོདནཾ པཙཏི དེཝདཏྟོ པཙཏི, སཀཱརཀཝིསེསནཾ-མུདུཾ ཝིསདམོདནམྤཙཏི, དསྶནཱིཡོ དེཝདཏྟོ པཙཏི, སཀིརིཡཱཝིསེསནཾ- མུདུཾ པཙཏི, མནྡཾ པཙཏི, པདསམཱུཧོ ཝཱཀྱནྟི ཝུཏྟེ ཨཡམྤི ཨདྷིཔྤཱཡཝིསེསོཝསཱིཡཏཱིཏི ཝཏྟུམཱཧ-ཝཏྟུ’མིཙྩཱདི, ཡཐེཙྩཱདིནཱ ཨནེཀཱཁྱཱཏི ཀམྤི གུཎཔྤདྷཱནབྷཱཝེ ནོཔཀཱརཏོ ཝཱཀྱམེཀམྦྷཝཏི… པད སམཱུཧོ ཝཱཀྱནྟི ཝུཏྟཏྟཱཏི ཝདཏི, ཡཐཱ ཝཱཀྱནཱནཏྟནྟི སམྦནྡྷོ. ཨིཧཱཔཱིཏི ཝཏྟུམིཙྪིཏཏྠེཏྱཱདོཔི.

༢༣༣. ཡོནཾ

ཧིགྒཧཎེ ¶ པཉྩམཱིཧིསྶཱཔི གཧཎམྦྷཝེཡྻཱཏི སུཏྟེ ‘ཨཔཉྩམྱཱ’ཏི ཝུཏྟཾ, ཏུམྷེཧི པུཉྙཾ པསུཏཾ ཨནཔྤཀནྟི གཱཐཱཔཱདེ ཏུམྷེཧིཏིཨཱདིསཱུ ཏཏྟཱ ན ཝོཨཱདེསོ, ཏུམྷེ ཏིཊྛཐ ནགརེཏི པུབྦཝཱཀྱཏོ ཝཱཀྱནྟརཏྟཱ ཨེཀཝཱཀྱཏཱ ནཏྠི, ཏུམྷེ ཝིཡ དིཡ དིསྶནྟི ཨམྷེ ཝིཡ དིསྶནྟཱིཏི ཝིགྒཡ྄ཧ ‘དིས-པེཀྑཎེ’ ཨིཙྩསྨཱ ‘‘སམཱནཉྙབྷཝནྟཡཱདི ཏཱུཔམཱནཱ དིསཱ ཀམྨེ རཱིརིཀྑཀཱ’’ཏི (༥-༤༣) ཀཔྤཙྩཡེ ‘‘ནཏེ ཀཱནུབནྡྷནཱགམེསཱུ’’ཏི (༥-༨༥) ཨེཏྟཱབྷཱཝེ ‘‘སྱཱདིསྱཱདིནེཀཏྠ’’ནྟི (༣-༡) སམཱསེ ཙ ‘ཨེཀཏྠཏཱཡཾ’’ཏི (༢-༡༡༩) ཝིབྷཏྟིལོཔེ ཙ ‘‘སབྦཱདཱིནམཱ’’ཏི (༣-༨༦) ཨཱ ‘ཏུམྷཱདིསཱན’མིཙྩཱདི.

༢༣༥. ཨནྭཱ

པཙྪཱ ཨཱདེསོ ཨནྭཱདེསོཏི གཧིཏེ ཀཐིཏཱནུཀཐནནྟི ཀཐཾ ཉཱཡཏཱིཏི ཨཱཧ- ‘པཙྪཱ ཀཐནཉྩ ཀཐིཏཱཔེཀྑནྟི ཀཏྭཱ’ཏི.

༢༣༦. སཔུ

སཧ ཝིཛྫམཱནོ པུབྦོ ཡསྶ སོ སཔུབྦོ.

༢༣༧. ནཙ

ཨཔརམྤརཡོགཔྤཏིཔཏྱཏྠནྟི ‘གཱམནགརཱནཾ ཙེནཱ’ཏིཨཱདིནཱ ཝུཏྟསྶ པརམྤརཡོགསྶ ཨགྒཧཎཏྠཾ.

༢༤༠. ནསཱ

ཛཊཱ ཨསྶ ཨཏྠཱིཏི ཛཊིལོ, སོཝ ཛཊིལཀོ, ཛཊིལཀཱཏི ཨེཀཏྠེ ནིདསྶིཏཝིསེསཝཙནཾ, མཱཎཝཀཱཏི ཝིཡ ན སཱམཉྙཝཙནཾ, ཨསཏྟེ སམྤཏྟེཏི ཨིདཾ ‘‘ཨཱམནྟཎཾ པུབྦམསནྟཾ ཝཱ’’ཏི (༢-༢༣༩) སུཏྟསྶ སཱམཉྙཏཱ ཝུཏྟཾ, སཱམཉྙཝཙནསྶ པཊིསེདྷོཏི ཨིམིནཱ ཝིསེསཝཙནེ ཛཊིལཀཨིཙྩཏྲ ‘ཨཱམནྟཎཾ པུབྦམསནྟཾ ཝཱ’’ཏཱིམསྶ པཏྟིནྡསྶེཏི, དེཝདཏྟཱདིསཱམཉྙཝཙནེཏི དེཝདཏྟོ དེཝདཏྟསདྡོ ཨཱདི ཡསྶ, ཏཉྩ ཏཾ སཱམཉྙཝཙནཉྩ, ཏསྨིཾ དེཝདཏྟཱདིསཱམཉྙཝཙནེ མཱཎཝཀེ མཱཎཝཀསདྡེ པརབྷཱུཏེ སཏི, ཨུབྷིནྣམྤི ཨསཏྟེཏི ཨིམིནཱ ¶ ཨིདཾ དཱིཔེཏི ‘‘དེཝདཏྟཱཏི ཝིསེསཝཙནཏྟཱ པཊིསེདྷཱབྷཱཝཱ པུབྦཔརཱནམུབྷིནྣམྤི ‘‘ཨཱམནྟཎཾ པུབྦམསནྟཾ ཝཱ’’ཏཱིདཾ པཔྤོཏཱི’’ཏི.

ཨིཏི མོགྒལླཱནཔཉྩིཀཱཊཱིཀཱཡཾ སཱརཏྠཝིལཱསིནིཡཾ

དུཏིཡཀཎྜཝཎྞནཱ ནིཊྛིཏཱ.

༣. ཏཏིཡཀཎྜཝཎྞནཱ

༡. སྱཱདི

ཡསྶཱཏིཀམཱཝཊྛིཏསྶཡོཨཱདིཨཀྑརསམུདཱཡསྶ, ཀིནྟནྟི ཨཱཧ- ‘ཨིད’མིཙྩཱདི, ཨིདནྟི ཡཐཱཝུཏྟཾ སྱཱདིསམུདཱཡརཱུཔཾ, ཨཝཡཝེན ཝིགྒཧོ སམུདཱཡོ སམཱསཏྠོ, སམུདཱཡེ པཝཏྟཱ སདྡཱ ཨཝཡཝེསུཔི ཝཏྟནྟཱིཏི སྱཱདིསདྡོ སིཨཱདིཀེ ཨཝཡཝེཔི ཝཏྟཏེ, ཝིདྷིགྒཧཎཉཱཡེནཱཏི ‘‘པཙྩཡགྒཧཎེ ཡསྨཱ ས ཝིཧིཏོ ཏདཱདིནོ ཏདནྟསྶ ཙ གཧཎ’’ནྟི ཉཱཡེན. སྱཱདི ཨནྟེ ཡསྶ ཏཾ སྱཱདྱནྟཾ. ནནུ ཙ ‘‘སྱཱདིསྱཱདིནེཀཏྠ’’ནྟི སཱམཉྙེན ཝུཙྩམཱནེ ཡཾཀིཉྩི སྱཱདྱནྟཾ ཡེནཀེནཙི སྱཱདྱནྟེན སཧེཀཏྠཱིབྷཱཝམརཧཏི, ཏཐཱཧི ཡཐཱ གཱམགཏོཏིཨཱདོ, ཏཐཱ པསྶ དེཝདཏྟེ གཱམཾ, གཏོ ཡཉྙདཏྟོ གུརུཀུལནྟི ཨཱདོཔི སམཱསོ ཏྱཱསངྐིཡཱཧ-‘སཱམཉྙེན ཝུཏྟེཔི’ཙྩཱདི, ཡསྶ སྱཱདྱནྟསྶཡེན སྱཱདྱནྟེན སམྦནྡྷོ, ཏེན སྱཱདྱནྟེན སཧཏཾ སྱཱདྱནྟམེཀཏྠམྦྷཝཏཱིཏི སམྦནྡྷཏོ ཝིཉྙཱཡཏི ཨཝསཱིཡཏཱིཏི ཡསྶཱཏྱཱདིསྭཏྠོ, ཏཐཱ ཙ གཱམགཏོཏྱཏྲཏྠཱིམེས-མཉྙམཉྙཱཔེཀྑཱལཀྑཎོ སམྦནྡྷོཏྱེཀཏྠཱིབྷཱཝོ, ཏཏོཡེཝེཏྠཱཧུ-

ནིཡཏཾ སཱདྷནཾ སཱདྷྱེ, ཀྲིཡཱ ནིཡཏསཱདྷནཱ;

སནྣིདྷཱནེན མེཏེསཾ [ཙེཐིསྶཱ (པོཏྠཀེ)], ནིཡམོ-ཡམྤཀཱསཏཱིཏི.

ཨཡམེཏྠ ཨཏྠོ ‘‘ཡཏོ གཱམམིཙྩེཏཾ སཱདྷནཾ སཱདྷྱཾ ཀིརིཡཾ ཏཾབྱཔདེསཛཱནནཡོགྱམཔེཀྑཏེ གཏོཏི, ཨཏོ སཱདྷནཾ ཀཱར ཀཾ ¶ སཱདྷྱེ ཀིརིཡཱཡ ནིཡཏཾ, ཡཏོ ཙ ཀིརིཡཱ སཡཾ སཱདྷནམཔེཀྑཏེ ཀིཾ གཏོཏི, ཨཏོ ཀིརིཡཱཔི ནིཡཏཾ སཱདྷནམེཏིསྶཱཏི ནིཡཏསཱདྷནཱ ཧོཏི ཨཡཾ ཡཐཱཝུཏྟོ ནིཡམོ ཨཉྙམཉྙཱཔེཀྑཱཝསེན ཝཏྟམཱནོ ཨེཏེསཾ སཱདྷྱསཱདྷནཱནཾ སནྣིདྷཱན མཏྟེན ཨཉྙམཉྙཏོ པཀཱསཏཱི’’ཏི. པསྶ དེཝདཏྟ གཱམཾ, གཏོ ཡཉྙདཏྟོ གུརུཀུལཾཏྱཏྲ ཏུ གཱམནྟི སཱདྷནཾ པསྶེཏི སཱདྷྱམཔེཀྑཏེ, གཏོཏི གམནཀིརིཡཱ ཏུ གུརུཀུལམཔེཀྑཏེ, ཏཏོ ཙ གཱམགཏཱནཾ ཝཱཀྱནྟརཱཝཡཝཱནཾ ནཏྠེཝཱཔེཀྑཱཏི ན བྷཝཏི སམཱསོ, སབྦཏྠེཝམཱུཧནཱིཡཾ, སམྦནྡྷོ ཧི ཨཉྙམཉྙཱཔེཀྑཱལཀྑཎོ སམྦནྡྷྱནྟརཏོ-ནཝཊྛིཏཾ ནིཝཏྟེཏྭཱ ཝིསེསེ ནིཝེསེཏི, ཏཐཱཙ ཝུཏྟཾ–

ཏསྶ ཏྭཱཀངྑཏོ བྷེདེ, ཡཱ པརིཔླཝམཱནཏཱ;

ཝིསེསེ ཏཾ ནིཝེསེནྟོ, སམྦནྡྷོཝཱཝཚིནྡཏཱིཏི.

བྷེདེ ཝིསེསེ གཱམནྟེཏཾ སཱམཉྙཾ ཝིསེསཱཔེཀྑཾ ‘གཱམམཱསཱིསཏི, ཛཧཱཏི, གཏོ’ཏི, ཏཐཱ ‘གཏོ གཱམཾ, ཝནཾ, གུརུཀུལ’ནྟི ཝེཝམཱཀངྑཏོ-བྷིལསཏོ ཏསྶ ཏུ པདྷཱནཔདསྶུཔསཛྫནཔདསྶ ཙ ཡཱ པརིཔླཝམཱནཏཱ ཨནཝཊྛིཏཏཱ ཏཾ ཝིསེསེ ཝིསིཊྛེ སམྦནྡྷིནི ནིཝེསེནྟོ པཏིཊྛཔེནྟོ སམྦནྡྷོཝཱནེཀཔྤཀཱརོ ཀྭཙི སཱདྷྱསཱདྷནབྷཱཝལཀྑཎོ ཀྭཙི པཀཏིཝིཀཱརབྷཱཝསབྷཱཝོ ཀྭཙི སསྶཱམི སམྦནྡྷརཱུཔོ ཨཝཚིནྡཏི སམྦནྡྷྱནྟརཏོ ནིཝཏྟེཏཱིཏི ཨཏྠོ, ཡཏོ-ཡམཔེཀྑཱ ཝཱཀྱཀཱལེཡེཝ ནིརཱུཔྱཏེ, ཏཏོ ཡཏྠཱཏྠི པདཱནམཔེཀྑཱ, ཏཏྠ སམཱསཱཝགམོ, ཡཏྲ ཏུ ནཏྠི, ཏཏྲ ན བྷཝཏཱིཏྱནུཔདིཊྛོ ཝིསཡཝིབྷཱགོ ཉཱཡཏེཏི བྷཱཝོ, བཱལེ ཨབུདྷེཏུ ནིསྶཱཡ ཝིཙིཏྟོ སམཱསཝིདྷཱནལོཔཱདིནཱནེཀཔྤཀཱརོ པཊིཔཏྟིཡཱ སཱདྷུསདྡཔརིཛཱནནཏྠམུཔཱཡོ སམྦྷཝཏི, པརམཏྠཏོ ཏུ སདྡནྟརཏྟཱ ཨཙྩནྟཾ [ཨཉྙཏྟཾ] ཝཱཀྱསམཱསཱནཾ བྷེདོ, ན ཧི ཝཱཀྱེ དིཊྛཔདཱནི སམཱསེ སནྟི, ཏཐཱ ཙ ཝུཏྟཾ–

བཱལེ ནིསྶཱཡུཔཱཡོ-ཡཾ, ཝིཙིཏྟོ པཊིཔཏྟིཡཱ;

བྷེདོ ཝཱཀྱསམཱསཱནཾ, ཙྩནྟཾ [ཉྙཏྟཾ (པོཏྠཀེ)] སདྡནྟརཾ ཡཏོཏི.

ཨཏོཡེཝཱཏི ¶ ཡཏོ སཱམཉྙེན ཝུཏྟེཔིཡསྶཡེན སམྦནྡྷོཏེན སཧ ཏདེཀཏྠམྦྷཝཏཱིཏི སམྦནྡྷཏོ ཝིཉྙཱཡཏཱིཏི ནཱནིཊྛཾ ཀིཉྩིཔཱིཧ ཧོཏི, ཨཏོཡེཝ ཧེཏུཏོཏི ཨཏྠོ. བྱཔེཀྑཱ སཱམཏྠིཡཔརིགྒཧཱཡེཏི པདཱནམཉྙོཉྙཱཀངྑཱ བྱཔེཀྑཱ, སཱཝ སཱ མཏྠིཡཾ, ཏསྶ པརིགྒཧཱཡ. སམཏྠཝཙནཾ ན ཀཏནྟི པཱཎིནིཡེཧི ཝིཡ ‘‘སམཏྠོ པདཝིདྷཱི’’ཏི (པཱ, ༢-༡-༡) སམཏྠཝཙནཾ ན ཀཏཾ. སམཏྠོ པད ཝིདྷཱིཏི པརིབྷཱསཱཡམཡམཏྠོ ‘‘ཝིདྷཱིཡཏེ [ཝིདྷཱིཡཏཱིཏི (པོཏྠཀེ)] ཝིདྷི, པདཱནཾ ཝིདྷི པདཝིདྷིསམཱསཱདི, ཡོཀོཙཱིཧ སཏྠེ པདཝིདྷི,སོ སམཏྠོ ཝིགྒཧ ཝཱཀྱཏྠཱབྷིདྷཱནེ (སཏྟི) ཝེདིཏབྦོ’’ཏི, ཏཱདིསཔརིབྷཱསཱཡ བྱཱཔཱརཏོ ཏེསཾ ‘པསྶ དེཝདཏྟ གཱམཾ, གཏོ ཡཉྙདཏྟོ གུརུཀུལཾ’ ཏྱཱདོ ནཱནིཊྛཔྤཏྟི, སཱམཏྠིཡཉྩེཏྠ དྭིདྷཱཏྱུཔགམྱཏེ ཝཱཀྱེ བྱཔེཀྑཱཝུཏྟིཡམེཀཏྠཱིབྷཱཝོ ཙེཏི [ཝུཏྟིཡམེཀཏྠཱིབྷཱཝོ ཝཱཀྱེ བྱཔེཀྑཱཙེཏི (པོཏྠཀེ)]. ཏཏྠ པཋམསྶ པརིགྒཧཾ ཝཙནམནྟརེན པཊིཔཱདིཡ དུཏིཡསྶ པརིགྒཧམིདཱནི ཝཙནེན པཊིཔཱདཡམཱཧ- ‘ཨེཀཏྠཱི བྷཱཝོ’ཙྩཱདི, ཨེཀཏྠཱིབྷཱཝོ བྷིནྣཏྠཱནཾ སཱདྷཱརཎཏྠཏཱཝསེན པཝཏྟིཝིསེསོ, ཝཱཀྱེ ཧི སཱདྷཱརཎཏྠཏཱ ནཏྠི བྷིནྣཏྠཏྟཱ, ཨཏོཡེཝེཏྠ བྷེདནིབནྡྷནཱ ཚཊྛྱུཔཛཱཡཏེ ‘རཉྙོ པུརིསོ’ཏི, ཝུཏྟིཡནྟཱུབྷཡཔདབྱཝཙྪིནྣཏྠཱབྷིདྷཱནཏོ སཱདྷཱརཎཏྠཏཱ བྷཝཏི, ཨིདཾ ཝུཏྟཾ ཧོཏི ‘‘སམཱསེ ཝིསེསནཾ ཝིསེསྶམནུཔཝཱིསཏི ཨེཀཱིབྷཝཏི ཝིསེསནཾ, ཝཱཀྱེ ཏུ ཝིསེསནཾ ཝིསེསྶཏོ ཝིསུཾཡེཝཱ ཝཏིཊྛཏེ’’ཏི. དྭནྡསམཱསསྶ ཏུ པདཱནཾ ཝིསེསནཝིསེསྶཱབྷཱཝེཔི སཀལཔདཏྠཔྤདྷཱནཏྟཱ ‘རཉྙོ གོ ཙ ཨསྶོ ཙ པུརིསོ ཙཱ’ཏི ཝཱཀྱཏོ ‘རཉྙོ གཝཱསྶ པུརིསཱ’ཏི སམཱསསྶ ཝིསེསོ ཨེཀཏྠཱི བྷཱཝལཀྑཎོ བྷཝཏྱེཝ, ཏཐཱཧི ཏཏྠ ཝཱཀྱེ བྷིནྣཏྠནིབནྡྷན སམུཙྩཡཔཊིཔཱདནཱཡ ཙསདྡོ པཡུཛྫཏེ, སམཱསེ ཏུ ནཔྤཡུཛྫཏེ, ཨེཀཏྠ ཝཙནེནེཝཱཏི ‘‘སྱཱདིསྱཱདིནེཀཏྠ’’ ཏྱེཀཏྠཝཙནེནེཝ, ཨེཀཏྟཱིབྷཱཝོཡེཝ བྷཝཏཱིཏི སེསོ, ཨེཝཀཱརོ ན ཝཱཀྱེ ཏཐཱཧི དཱིཔེཏི. ཝཱཀྱེ ཀཐནྟི ཨཱཧ- ཝཱཀྱེ’ཏིཨཱདི.

ཝཱཀྱེཏི ཝིགྒཧཝཱཀྱེ, ཝིསེསེན གཡ྄ཧཏི ཉཱཡཏྱནེནེཏི ཝིགྒ- ཧོ ¶ , སོ ཙ ཏཾ ཝཱཀྱཾ ཙེཏི ཝིགྒཧཝཱཀྱཾ, ཝིསེསེན ཝཱ གཧཎཾ ཝིགྒཧོ, ཏདཏྠཾ ཝཱཀྱཾ ཝིགྒཧཝཱཀྱཾ, ཏསྨིཾ, ཀཱཡཾ བྱཱཔེཀྑཱཏི ཨཱཧ-‘བྷེདཱདིལཀྑཎཱ’ཏི, ཨཱདིསདྡེན སཾསགྒ བྷེད སཾསགྒཱནཉྩ གཧཎཾ.

ཏཏྠ སཱནྟརེཧི སཱམྱནྟརེཧི ཙ བྱཱཝུཏྟི ཚེདོ, སཾཝིསེས སཱམིཝིསེསཱནཾ སམྦནྡྷོ སཾསགྒོ, ཏདཱཧ- ‘ཏཐཱཧི’ཙྩཱདིནཱ, བྷེདཀོ བྱཱཝཏྟཀོ, ཨཏྠགཧིཏོཏི ཀཱརཎཝསེན བྷེདཝཱདིནཱ གཧིཏོ, ཡདེཙྩཱདིནཱ སཾསགྒཝཱདིནོ-དྷིཔྤཱཡམཱཧ ཡདཱ ཏཱུབྷཡམྤིཙྩཱདིནཱ ཨུབྷཡཝཱདིནོ, ཨབྷིམཏོཏི ‘‘པཱཀྐཌཱརཱསམཱསོ’’ཙྩནེན (༢-༡-༣) པཱཎིནིནཱ ཨིཙྪིཏོ. པཱཀྐཌཱརཱཏི ‘‘ཀཌཱརཱ ཀམྨདྷཱརཡེ’’ཙྩནེན (༢-༢-༣༨) ཀཌཱརཱསཾསདྡནཱ པགེཝཱཏི ཨཏྠོ.

‘པུཐ བྷིནྣོ ཨཏྠོ ཡེསཾ པདཱནཾ ཏཱནི པུཐགཏྠཱནི, ཝཱཀྱེ ཧི རཉྙོ པུརིསོ ཏེཏྠ རཱཛསདྡོ རཱཛཏྠམེཝ ཝདཏི, པུརིསསདྡོ པུརིསཏྠམེཝ, ཝུཏྟིཡནྟུ རཱཛཔུརིསོཏེཏྠ རཱཛསདྡོཔི པུརིསཏྠམེཝ ཝདཏཱིཏི དྭིནྣམེཀཏྠཱིབྷཱཝོ བྷཝཏི, ཨཉྙོཡེཝཱཝཡཝཏྠཱནྭིཏོ སམུདཱཡཏྠོ པཱཏུབྷཝཏཱིཏི ཏདཔེཀྑཱཡ ཙེཀཏྠཱིབྷཱཝོ ཝུཙྩཏེ, ཛཧམཱནསཀཏྠཝུཏྟིམབྷྱུཔགམྨ ཝུཏྟཾ- ‘ཝིསེསནསྶ སཀཏྠ པརིཙྩཱགེནེ’ཙྩཱདི, ཨཏོཡེཝ པརོ ཙོདེསྶཏི ‘ནནུ ཙེ’ཙྩཱདིནཱ. ཨེཀཏྠཱིབྷཝནཾ སམསནནྟི ཨིམིནཱ ཨེཀཏྠནྟི སམཱསོཏི ནཱཏྠནྟརནྟི དཱིཔེཏི.

ཛཧམཱནཱནི པདཱནི སཀཏྠཾ ཡསྶཾ (སཱ) ཏཐཱ ཝུཏྟཱ, ནཱཙྩནྟཱཡ ཛཡཱཏཱིཏི ཨེཝམྨཉྙཏེ ‘‘པརིཙྩཱགམཏྟམབྷིསནྡྷཱཡ ཛཧམཱནསཀཏྠཾཏྱུཙྩཏེ, ན ཏུ སབྦཐཱ པརིཙྩཱགོཔརོཔཀཱརཱཡ ཏསྶོཔཱདཱནཏོ, སབྦཐཱ ཙ སཀཏྠཔརིཙྩཱགེ པརོཔཀཱརཱསམྤཱདནཏོ-ནུཔཱདཱནམེཝ པཡོཛནཱབྷཱཝཱ ཏསྶ སིཡཱ’’ཏི, ཐཔཏི ཝཌྜྷཏཱི. ཨཏྠནྟི རཱཛསདྡཝཱཙྩཾ. ཨཙྩནྟཔརིཙྩཱགེཔི ན དོསོ… ཝཱཀྱེ དིཊྛསྶུཔསཛྫནསྶ ཝུཏྟིཡཾ སོཡེཝཱཡནྟྱནྭཡཱཝསཱཡཏོ ཏདཏྠཱཝ གཏིཡཱཏི དསྶེནྟོ ཨཱཧ- ‘ཨཐ ཝེ’ཙྩཱདི.

སོཡེཝཱཡནྟྱཛ྄ཛྷཝསཱཡོ-ནྭཡོ, སོཡེཝཱཡཾ རཱཛསདྡོ ཡོ ཝཱཀྱཏཱལེ དིཊྛོཏི ཝོཧཱརཱིནམེཀཏྟཱཝསཱཡེནཱསཏྱཔི (རཱཛསདྡསྶ)ཏྠེ ¶ པུརིསསྶ ཝིསེསནམྦྷཝིསྶཏཱིཏི བྷཱཝོ, ཨེཏྠེཝ དིཊྛནྟམཱཧ- ‘ཡཐེ’ཙྩཱདི.

༢. ཨསཾ

ཨབྱཡནྟི ཡདཉྙེསཾ པསིདྡྷནྟི ལིངྒཝཙནབྷེདེཔི བྱཡརཧིཏཏྟཱ ཨུཔསགྒནིཔཱཏཱནཾ པརེཧི ཨབྱཡསཉྙཱཀརཎཏོ ཨབྱཡནྟི པརེསཾ པསིདྡྷཾ, ཏེསནྟྭཡཾ སམཱསོ ཨབྱཡཏྠཔུབྦངྒམཏྟཱ ཨནབྱཡཾ ཨབྱཡམྦྷཝཏཱིཏི ཨབྱཡཱིབྷཱཝོ པསིདྡྷོ, ཨསངྑྱསྶ སུཏཏྟཱ ཏསྶེཝ ཝིབྷཏྱཏྠཱདཡོ ཝིསཡབྷཱཝེན ཝིསེསནཱནཱིཏི ཝིཉྙཱཡནྟཱིཏྱཱཧ- ‘ཨསངྑྱེ’ཙྩཱདི, ཨིམིནཱ ནེམེསམཱསཏྠཱཏི དཱིཔེཏི.

ཏཱཝསདྡསྶ ཀམཝུཏྟིཡཾ ཡོ-ཏྠོ སམྤཛྫཏེ ཏམཱཧ- ‘ཝིབྷཏྱ’ཙྩཱདི, ཝིབྷཏྱཏྠེ ཨུདཱཧརིཏྭཱཏི ཝིབྷཏྱཏྠཝིསཡེ ཝཏྟམཱནསྶཱསངྑྱསྶ ཨིཏྠིསདྡེན སམཱསམདྷིཏྠཱིཏི ཨུཝཱཧརིཏྭཱ, ནིཙྩཡམཱསཱན མཝིགྒཧོ, ཨསཀཔདཝིགྒཧོ ཝཱ ཡུཏྟོ, ཨཉྙཐཱ ཨནིཙྩཏཱཔཏྟཱིཏྱཱཧ- ‘ནིཙྩསམཱསཏྟཱ’ཨིཙྩཱདི.

ཨསཀཔདེན ཨནཏྟནིཡཔདེན ཨཉྙཔདེན ཝིགྒཧོ ཨསཀཔདཝིགྒཧོ, ཏེན, ཨེཏྠ ཧི ཡཐཱ ཀུམྦྷསྶ སམཱིཔཾཏྱཉྙཔདཝཱཀྱེ སམཱིཔ སདྡེནུཔསདྡཝཙནཱིཡསྶ ཝུཏྟཏྟཱ ཨུཔསདྡོ ནཔྤཡུཛྫཏེ, ཡཐཱ ཨིཏྠཱི སཱུཏི ཨེཏྠཱདྷིསདྡཝཙནཱིཡསྶཱ (དྷཱ)རཏྠསྶ སཏྟམིཡཱ ཝུཏྟཏྟཱ ནཱདྷིསདྡོཏི ‘ཨིཏྠཱིསཱུ’ཏི ཨཉྙཔདཝཱཀྱཾ ཝུཏྟཾ, ཀཐཱཔཝཏྟཱཏི ཏྭཱདྷེཡྻོ པདསྶནཾ, ཨེཝཾ སབྦཏྠོནྣེཡཾ, ཨསཀཔདཝིགྒཧེནཱཏྠོཝ ཝུཏྟོ,

ཨདྷིསདྡསྶ པན པུརཏོཝཊྛིཏསྶཱདྷཱརེ ཝཏྟམཱནསྶ ཏཾསམཱནཱདྷིཀརཎེན སཏྟམྱནྟེནིཏྠིསདྡེན སཧ སམཱསོཏི དསྶེཏུམཱཧ-‘ཨདྷིསདྡོ’ཙྩཱདི.

སྱཱདིལོཔོཏི ཨདྷིསདྡཏོ ཨིཏྠིསདྡཏོ ཙ པརེསཾ སཏྟམཱི བཧུཝཙནཱནཾ ལོཔོཏི ཨཏྠོ. ཨཏྟ (བྷཱཝ) སམྤཏྟཱིཏི སརཱིརསམྤཏྟི ཨདྷིཔྤེཏཱཏི བྲཧྨསདྡསྶ སརཱིརཾ ཨཏྠོཏི ཨཱཧ- ‘བྲཧྨཾ སརཱིརནྟི, ཀཏྠཙཱི ཨུཏྟརཔདཏྠཔྤདྷཱནཏྟཱཝཱསངྑྱསམཱསསྶ ‘སམྤནྣཾ བྲཧྨ’ནྟི ཝིགྒཧོ ཝུཏྟོ.

སམཱསཝིབྷཏྟིཡཱཏི ¶ སམཱསཏོ ཨུཔྤནྣཝིབྷཏྟིཡཱ, སཀལོ པདེསསཀལོ, པརིགྒཧཱཔེཀྑཱཏི ཨབྷྱུཔགམཱཔེཀྑཱཡཱཏི ཨཏྠོ, ཨབྷྱུཔགམེཔི ཧི པརིགྒཧསདྡོ–

སཔཐེ པརིཝཱརེ ཙ, མཱུལཱབྷྱུཔགམེསུ ཙ;

རཝིམྷི རཱཧུགཧིཏེ, དཱརེསུ ཙ པརིགྒཧོ’’ཏི ནིགྷཎྚུ.

སཀལསྶ བྷཱཝོ སཱཀལྱཾ-སཀལསདྡཔྤཝཏྟིནིམིཏྟཾ, ཏམྤན ནིསྶེས [མཏནིསྶེས (པོཏྠཀེ)] གྒཧཎཱ པུཐུ བྷཝཏཱིཏྱཱཧ- ‘ཨསེསགྒཧཎ’ནྟི, ཏིཎཱནཾ སཱཀལྱནྟི ཝིགྒཧོ, ཏིཎསདྡེན ཧི ཏིཎསཧིཏཱནི གཧིཏཱནི, ཏེནེཝ ཝཀྑཏི བྱཏིརེཀནཡེ- ‘ཏཾ སབྦཾ ཏིཎསཧིཏམཛ྄ཛྷོ- ཧརཏཱི’ཏི, སཏིཎམཛ྄ཛྷོཧརཏཱིཏེཏྠཱདྷིཔྤཱཡཏྠ མཱཧ-‘ཡཱཝཱ’ཏིཨཱདི.

ཏིཎསདྡོ ཨུཔལཀྑཎཾ སེསཱ-ནཛ྄ཛྷོཧཱརིཡཱནཾ, ཏེནཱཧ ‘ཏིཎཱདིཀམྤཱི’ཏི. པརིགྒཧཱཔེཀྑཱཡནྟབྷཱུཏསྶ གཧཎཏྠཾ ‘‘ཨབྱཡཾ ཝིབྷཏྟིསམཱིཔཱ’’དིསུཏྟེ ‘སཱགྱདྷཱིཏེ’ཏི ནིཔྥཱདནཏྠམནྟཝཙན མུདཱཧཏམྤཱཎིནིནཱ, ཏམྤི སཱཀལྱེཡེཝཱཧརིཏུཾ [སཱཀལླེནོདཱཧརིཏུཾ] སཱགྱདྷཱིཏེཏྱཱུདཱཧཊནྟི དསྶེཏུཾ ‘ཏཏོ’ཏྱཱདི ཝུཏྟཾ.

ཏཏོཏི ཡཏོ སཀལསཀལེ ན ཝཏྟཏི, པརིགྒཧཱཔེཀྑཱཡ སམཏྟིཡཱ ཨནྟཏོ སཀཱསཱ སཱཀལྱཾ ན བྷིཛྫཏེཏི སམྦནྡྷོ, སམཏྠིཡམྤི ཨནྟེ ཨུདཱཧརཎནྟི སེསོ.

ཨགྒིཔརིཡནྟནྟི ཨགྒིཨཏྠོ གནྠོ ཏཱདཏྠིཡཱ ཨགྒི, སོཔརིཡནྟོ-སྶ ཨཛ྄ཛྷེཡསྶཱཏི ཨགྒིཔརིཡནྟཾ, ཡཏྟཀསྶཱཛ྄ཛྷེཡསྶ པརིགྒཧོ, ཏསྶ ཨགྒི པརིཡནྟོ, ཨགྒིནཱ པརིཡནྟབྷཱུཏེན སཧིཏོ སཀལོཏི ཝིགྒཧོ, ཨགྒིནོ སཱཀལྱནྟི ཝཱ.

སདྡིཀཱནནྟི བྱཱཀརཎཉྙཱུནཾ. ཨཏྠཱབྷཱཝེཨིཏྱཏྠགྒཧཎཾ ཨིཏརེཏརཱབྷཱཝེ དྷམྨཱབྷཱཝེ ཙ མཱ སིཡཱཏི, ཨཏོཡེཝ ཙོཙྩཏེ ‘ཨཐེཏརེཏརཱབྷཱཝེ’ཨིཙྩཱདི, ཨིཏརསྨིཾ ཨིཏརསྶ ཨབྷཱཝོ ཨིཏརེཏརཱབྷཱཝོ, གོ ཨསྶོ ན བྷཝཏཱིཏི ཧི ཨཏྠནྟརཏྟཾ ནིསེདྷཱིཡཏེ, ན ཝཏྠུབྷཱཝོ, བྲཱཧྨཎོ ན བྷཝཏཱིཏྱཏྲཔིབྲཱཧྨཎཏྟདྷམྨོ ¶ ནིསེདྷཱིཡཏེ, ན ཝཏྠུབྷཱཝོ, པརཏྟཱཏིཨཱདིནཱ ཝིཔྤཊིསེདྷ ཝིསཡམཱཧ.

ཨཏིཀྐམཱབྷཱཝེཏཱི ཨེཏྠ ཨཏིཀྐམཱཏི པཉྩམིཡཱ ཨསམཱསནིདྡེསོཏི ཨཱཧ- ‘ཨཏིཀྐམཱ’ཏི, ན པནུཔྤནྣསྶ པཙྪཱཏི ཨིམིནཱ ཨཏིཀྐམཱབྷཱཝོ ནཱམ ཨུཔྤནྣསྶ པཙྪཱ ཨབྷཱཝོཏི དསྶེཏི.

ནིཏྟིཎནྟི ཨུཏྟརཔདཏྠཔྤདྷཱནོ-སངྑྱསམཱསོ. སམྤཏིསདྡསྶ སཱམཉྙཝཙནཏྟེཔི ཨིདྷཱདྷིཔྤེཏཾ ཀཱལཾ དསྶེཏུམཱཧ- ‘ཨུཔབྷོགསྶེ’’ཙྩཱདི, ཨུཔབྷོགོ ཀམྨསཱདྷནོ ལཧུཔཱཝུརཎསྶ ནཱཡམུཔབྷོགཀཱལོཏི ཝིགྒཧོ, (ཨཏི) ལཧུཔཱཝུརཎནྟི རཱུཔསིདྡྷཱིཏི དསྶེཏུཾ ལཧུཔཱཝུརཎསྶཱཏིཨཱདི ཝུཏྟིཡཾ ཝུཏྟཾ.

ཡོགྒཾ རཱུཔནྟི ཝིགྒཧེ ཨནུརཱུཔཾ, ནནུ ཙཱཏྲ ནིཙྩསམཱསཏྟཱསཔདཝིགྒཧེན བྷཝིཏབྦཾཏྱཱསངྐིཡཱཧ-‘ཝིཙྪཱཡ’མིཙྩཱདི, ཨནུསདྡེན ཧི ཡོགེ ཝིཙྪཱཡཾ ‘‘ཨནུནཱ’’ཏི (༢-༡༠) དུཏིཡཱ ཝིདྷཱིཡཏེ, ཝཱཀྱེཡེཝཱསྶ ཙ པཡོགོ ནཱཉྙཏྲེཏི ཝཱཀྱམྤི བྷཝཏཱིཏི མཉྙཏེ. སཀིཁཱིཏི ཨེཏྠཱཔི ‘‘ཨཀཱལེ སཀཏྠེ’’ཏི (༣-༨༡) སཧསྶ སོ.

སདིསོ ཀིཁིཡཱཏི ཨེཏྠ ཀིཁིཡཱ པསིདྡྷབྷཱུཏཱཡ སཱདྷིཡསྶ སཱདྷནབྷཱཝེན གཧིཏཱཡ སདྷམྨཏྟེན ཀོཙི སཱདྷིཡོ སདིསོཏི ཝུཏྟོཏི ཀིམིདྷ སདིསོ ཨཔྤདྷཱནཾ [པདྷཱནམེཝཱཏི ཨཏྠོ] ཏཐཱ སཏི པུཔྤཔདཏྠཔྤདྷཱནེནཱསངྑྱསམཱསེན སཀིཁཱིཏི ཨེཏྠ ན བྷཝིཏབྦནྟི ཨཱཧ-‘ནནུཙེ’ཏྱཱདི, ཀིཁིཡཱཏི སམྦནྡྷེ ཚཊྛཱི, ཨེཏྠ པན སདིསཏྟསྶ ཀིཁཱིཡཱ-པྤཊིབདྡྷཏྟཱཔྤདྷཱནཏྟཾ. ནེཏདཏྠཱིཏིཨཱདིནཱ ཡཐཱཝུཏྟཾ ཙོདནཾ པརིཧརཏི.

ཡཐཱ དེཝདཏྟོཏི ཨེཏྠ ཡདི སམཱསོ བྷཝེཡྻ, དེཝདཏྟེན སདིསོ ཡཐཱདེཝདཏྟནྟི བྷཝེཡྻ, པཊིསིདྡྷཏྟཱ པན (ན) སམཱསོཏི, ཀིཁཱིཏི མཀྐཊསྶཱབྷིདྷཱནཾ. ཛེཊྛཱནུཀྐམེནཱཏི ཝུཏྟཏྟཱ ཨནུཛེཊྛནྟི ཏཏིཡནྟཏཱ གམྱཏེ. ཙཀྐེན ཡུགཔདི སཙཀྐཾ.

༤. ཡཱཝཱཝདྷཱརཎེ

ཨམཏྟཱནཾ ཡཏྟཀོ པརིཙྪེདོ ཡཱཝཱམཏྟཾ.

༥. པཡྻཔཱབཧིཏིརོ པུརེཔཙྪཱཝཱཔཉྩམྱཱ

པཉྩམྱཱཏི ¶ ཀསྨཱ ཝུཏྟཾ ནནུ ཨཝུཏྟེཔི ཏསྨིཾ ཝཀྑམཱནནཡེན པཉྩམྱནྟཏྟཱ པཉྩམྱནྟེཧེཝ སམཱསོ ཝིཉྙཱཡཏཱིཏྱཱསངྐིཡཱཧ‘ཡདིཔི’ཙྩཱདི. ཏཐཱཔིཙྩཱདིནཱ པརིཧརཏི, ཧོཏུ ཀཱམཾ ‘པརིཔབྦཏཾ ཝིཛྫོཏཏེ’ཏི དུཏིཡཱནིསེདྷཱཡ, ཨཉྙཏྲ ཀཐནྟི ཨཱཧ ‘ཨིཧ ཙེ’ཏྱཱདི.

ཨཱཙཏྟཱརོ ཝཱཏི ཨཱསདྡོ ཝཱཀྱེ, སརཎེ ཝཱ, གཱམོ བཧི ཏིཊྛཏཱིཏྱཏྠོ, པུརཏོ གཱམམྤསྶཱཏི ཝདནྟོ པུརེཏྱཏྠཔྤགྷཱནོཡནྣིདྡེསོ, ནསརཱུཔཔྤདྷཱནོཏི དསྶེཏི, ཨབྷིམུཁེ གཱམམྤསྶཱཏྱཏྠོ. ཨཝུཏྟཱནམེཏཱནྱུཔལཀྑཎཱནི, ཏསྨཱ ‘ཏིརོ གཱམམྤསྶཱ’ཏིཔི ཝུཏྟཾ ཧོཏི, ཏིརིཡཏོ གཱམམྤསྶ, པཙྪཏོ གཱམམྤསྶཱཏི ཨཏྠོ.

ཨཔསདྡཡོགེ ནིཙྩཔཉྩནྟསྶ ཝིཀཔྤེན སམཱསཝིདྷཱནཱཝཱབྷཝནེནོདཱཧརཎཾ དིནྣཾ (ཨེཏྠ) པཉྩམྱཱཏི པཡོཛནཱབྷཱཝེཔི ཨཉྙདཏྠཾ ཀརིཡམཱནམིཧཱཔྱཏྠཝནྟཾ ཧོཏི.

༦. སམཱི

‘‘ཨནུ ཡཾ སམཡཱ’’ཏི (༢-༡-༡༥) ཙ ‘‘ཡསྶ ཙཱཡཱམོ’’ཏི (༢-༡-༡༦) ཙ པཱཎིནིནོ ཝཙནདྭཡཾ, ཨཡམེཏེསམཏྠོ ‘‘ཡསྶ སམཡཱ སམཱིཔཝཱཙཱི ཨནུསདྡོ, ཏེན སཧ སམསྶཏེཏི ཙ, ཨནུ ཡསྶཱཡཱམཝཱཙཱི, ཏེན སྱཱདྱནྟེན སཧ སམསྶཏེ’’ཏི ཙ. ཝཏྠུཏོ ཏུ སཱམཱིཔྱཱཡཱམཝནྟཱནམནིདྡེསེཔི སཱམཏྠིཡཱ ཏདཱཀྑེཔོཏི དསྶེནྟོ ཨཱཧ-‘སམཱིཔཱཡཱམཱན’མིཙྩཱདི.

སམྦནྡྷིཏྟཱཏི སམྦནྡྷིསདྡཱ སཀཏྠམིཝ ནིཡཏཔཊིཡོགིནམཱཀྑཔནྟི… ཏེན ཝིནཱ ཏེསཾ སཀཏྠཱབྷཱཝཱ. ཨཱཡཱམོ དཱིགྷཏཱ, ‘‘ཡསྶ སམཱིཔཱཡཱམེསྭནུ’’ཏི ཡཐཱཝུཏྟསུཏྟདྭཡམཱཀྑེཔེནུཔདིསཏི, ཝནསྶ སཱམིཔྱམནུཝནཾ, ‘‘ཨསངྑྱཾ ཝིབྷཏྟིསམྤཏྟིསམཱིཔ’’ ཨིཙྩེཝ (༣-༢) སིདྡྷེཔུན སམཱིཔགྒཧཎཾ ཝིཀཔྤཏྠཾ, ཏེན ཝནསྶཱནུཏི ཝཱཀྱེནཱཔི བྷཝིཏབྦཾ.

གངྒཱཡ ¶ ཨཱཡཱམོ ཨནུགངྒཾ, བྷཱགཝུཏྟིཀཱརོ ‘‘ལཀྑཎེནེ’’ཏི ཝཏྟཏེ. ཡསྶཱཡཱམཝཱཙཱི ཨནུ, ཏེན ལཀྑཎེན སམསྶཏེ ཨནུགངྒཾ བཱརཱཎསཱི, གངྒཱཡ ལཀྑཎབྷཱུཏཱཡ པསིདྡྷཱཡཱམགུཎཱཡ བཱརཱཎསཱི ལཀྑཱིཡཏེ ཡཱཝཱཡཏཱཡཱམཱ གངྒཱ ཏཱཝཱཡམྤཱིཏི སབྷཱཝཏོ ཏཱུཔམཱནོཔམེཡྻབྷཱཝོ སམཱསེ པཏཱིཡཏེ གངྒཱ ཝིཡ དཱིགྷཱ’’ཏི ལཀྑིཡལཀྑཎབྷཱཝཾ ཝཎྞེཏི. ཨེཝཾ སཏི བཱརཱཎསཱིཏི པཋམཱ ནོཔཔཛྫཏེཏི མཉྙམཱནོ ཨཱཧ-‘གངྒཱཡཱ མེན ཡུཏྟཱ ‘‘ཏྱཱདི. ཨནུགངྒཾ བཱརཱཎསིཡཱཏི བཱརཱཎསིཡཱ གངྒཱཡཱམོ ལཀྑཎནྟི ཨཏྠོ.

༧. ཏིཊྛ

ཨཀཏསམཱསཱཙཱཏི ཨནེན ཨིམིནཱ ཀཏསམཱསཏཾ དཱིཔེཏི, ཏིཊྛནྟཱིཏི ཨིདཾནྟཔྤཙྩཡནྟསྶཱཏྠཔདནྟི དསྶེཏུམཱཧ-‘‘ནྟོཀཏྟརི ཝཏྟམཱནེ’’ཏིཙྩཱདི, (༥-༦༤) ཨཱཡཏཱིཏཱིམསྶཱཏྟཔདཾ ཨཱཡནྟཱིཏི, པུམྦྷཱཝཱབྷཱཝོ ནཱིཔཱཏནཱ, ཨཀཱརོ ཙ ནིཔཱཏནཱ ‘‘གོཏྭ ཙཏྠེ ཙཱ ལོཔེ’’ཏྱཏྲ (༣-༤༦) ‘ནཱཉྙཱསངྑྱཏྠེསཱུ’ཏྱནུཝཏྟནཏོ.

ལཱུནཡཝཱདཱིནམེཏྠ ནིཔཱཏནཱ ཀཱལེཔི ནཔུཾསཀལིངྒཏྟཾ, སཾཧཊཱཡཝཱ ཡསྨིཾ ཀཱལེ སཾཧཊཡཝཾ, ཨུམྨཏྟགངྒནྟི སཉྙཱཡམཉྙཔདཏྠེ ཝཱདྷིཀཱརེཔི ནིཙྩསམཱསོ, ན ཧི ཝཱཀྱཾ སཉྙཱཏི, ཨཱདིསདྡེན‘སམསྶ སོབྷནཏྟཾ སུསམ’མིཙྩཱདཱིནཉྩ སངྒཧོ, པབྷཱཝནཾ པཀཱསནཾ.

༨. ཨོརེ

ཨོརཾ གངྒཱཡ, པཱརཾ ཡམུནཱཡཱཏི སམཱསེ ཀཏེ ནིཔཱཏནཱ ཨེཀཱརོ, ཏེནེཝ ཝུཏྟིཡཾ ཝུཏྟཾ ‘ཨེཀཱརནྟཏྟཾ ནིཔཱཏནཏོ’ཏི, ཝུཏྟིཝིཀཔྤནཏྠཏོཏི ཝུཏྟིཡཱ ཝིཀཔྤོ ཨཏྠོ ཡསྶཱཏི ཝིགྒཧོ.

༡༠. ཨམཱ

སོཙེཀཏྠཱིབྷཱཝོ ཝིསིཊྛོ-བྷིམཏོཏི སམྦནྡྷོ, མུཧུཏྟནྟི ཨཙྩནྟསཾཡོགེ དུཏིཡཱ, པཱདིསམཱསཾ ཀཏྭཱཏི ཨཱསདྡསྶ ཧརསདྡེན ཝུཏྟིསདྡེན [ཝུཏྟིཔདེན (པཉྩིཀཱ)] ཀིརིཡཱཁྱཱཔྱཏེཏི ཨསཏྱུཔསེཙནཱདིཀིརིཡཱཡཾ ¶ སངྑཱརཀཾ སངྑཱརིཡཾ ཝཱ ན བྷཝཏི, ཨཏྠིཙེཧ ཏདུབྷཡཾ, ཏཏོ ཏེསཾ སམྦྷཝཱཡེཝ སམཱསནྟོབྷཱུཏཀིརིཡཱ གམྱཏེཏི མཉྙཏེ, ཏཐཱཧི དདྷིབྷོཛནཾཏྱཱདོ ཝུཏྟེ ཨདྷྱཱདིནོ སངྑཱརཀཏྟཾ བྷོཛནཱདིནོ ཙ སངྑཱརིཡཏྟཾ པཏཱིཡཏེ, ན ཙོཔསེཀཱདིམནྟརེན སངྑཱརིཡསངྑཱརཀབྷཱཝོ-ཏྠཱིཏི སཱམཏྠིཡཱཡེཝུཔསེཀཱདིཔྤཏཱིཏི.

ཏདཔེཀྑཱཡཱཏི གམྨམཱནོཔསེཙནཱདིཀིརིཡཱཔེཀྑཱཡ. པཱཎིནིཡེཧི ཨཏྠེན ‘ཨེཏསྶིད’ནྟི ཨཏྠེ ནིཙྩསམཱསོ-བྷིམཏོ སབྦལིངྒཏཱ ཙ, ཏཐཱ ཝཙནཱབྷཱཝམིཧ མནསིཀཏྭཱ ‘ཀཐ’མིཙྩཱདིནཱ ཝུཏྟི ཡཾཝུཏྟཾཙོདཀཝཙནམཱཧརིཏྭཱ ཏཏྠཱདྷིཔྤཱཡཾཝིཝརཏི ‘ཨེཝམཉྙཏེ’ཙྩཱདིནཱ, ཝིདྷཱནཾ ཀཏནྟི ཨེཝམཉྙཏེཏི སམྦནྡྷོ, ཏཏྠེཙྩཱདིནཱ ཨཉྙ པདཏྠེ བྷཝིསྶཏཱིཏྱེཏྠཱདྷིཔྤཱཡཾ ཝིཝརནྟོ ནིཙྩསམཱསཏཾ སབྦལིངྒཏཉྩ པཊིཔཱདཡཏི, ཝཱཀྱནིཝཏྟིསིདྡྷཱཡེཝཱཏི.

ཨཏྠསདྡེནཱཝགཏཏྠཏཱཡ ཨེཏསྶཱཏི ཝཏྟུམཡུཏྟནྟི ‘ཨེཏསྶ ཨཏྠོ’ཏི ཝཱཀྱནིཝཏྟི སིདྡྷཱཡེཝ, ཀཐཉྩིཔི ཙཏུཏྠྱནྟཱ བྷིནྣཏྠསྶ སམཱསེ ཀཏེཔི ཏཏྠ ཝིརོདྷམཱཧ- ‘ཙཏུཏྠྱནྟསྶེ’ཏྱཱདི.

ཝཙནམྤཱིཏི ‘‘ཨཏྠེན ནིཙྩསམཱསོ སབྦལིངྒཏཱཙ’’ཨིཏི (༣-༡-༣༦) ཝཱཀྱཀཱརེན པཏིཊྛིཏཝཙནམྤི, པཱཎིནཱིཡཱནཾ ‘ཨེཏསྶ ཨིད’ནྟི ཨཏྠེ སམཱསེ ཀཏེ ཡོ-ཏྠོ སམྤཛྫཏི, ཨཉྙཏྠསམཱསེཔི སོཡེཝཏྠོཏི དསྶེཏི ‘ཡོ’ ཨིཙྩཱདིནཱ, ཨནུཔཱདཱཔརིནིབྦཱནནིམིཏྟཾ ཝཱཡཱམོཙྩཱདིནཱ ཡོཛེཏབྦཾ… ཏཾནིམིཏྟཏྟཱ ཝཱཡཱམཱདཱིནཾ, ཏེསཾ ཀཐཱདཱིནནྟི ཨེཏྠ ཏེསཾ ཝཱཡཱམཱདཱིནནྟི ཝཏྟབྦཾ… ཝཱཡཱམོཏྱཱདིནཱ ཝུཏྟཏྟཱ སོ ཙ ཏནྣིམིཏྟཾ ཧོཏེཝ, ཨཡམེཏྠཱདྷིཔྤཱཡོ ‘‘ཨེཏསྶ ཨིདནྟི ཝཱཀྱེ ཨཏྠེན སམཱསེ སབྦལིངྒཏཱ ཙ ‘ཨེཏདཏྠོ ཨེཏདཏྠཱ ཨེཏདཏྠ’ནྟི ཝཱཡཱམཱདཡོ ཙ སམཱསཏྠཱ ཧོནྟི, ཨེཏཾ ཨནུཔཱདཱཔརིནིབྦཱནམཏྠོ པཡོཛནམེཏསྶ ཨེཏིསྶཱ ཨེཏསྶཱཏི ཨཉྙཔདཏྠེཔི ཨེསཾ པདཱནཾ སོཡེཝཏྠོཏི ནཱཏྠབྷེདོ’’ཏི.

ཨིདཉྩ ‘‘ཨཝིཔྤཊིསཱརཏྠཱནི ཁོ ཨཱནནྡཾ ཀུསལཱནི, ཨཝིཔྤཊིསཱརོ པཱམོཛྫཏྠཱཡ…པེ… ཝིམུཏྟིཉཱཎདསྶནཾ ཨནུཔཱདཱཔརིནིབྦཱནཏྠཱཡ ཨེཏདཏྠོ ¶ ཝཱཡཱམོ ཨེཏདཏྠཱ ཀཐཱ ཨེཏདཏྠཱ མནྟནཱ ཨེཏདཏྠཾ སོཏཱཝདྷཱན’’ནྟིཨཱདི (ཏིཀངྒུཏྟར, ཨཱནནྡཝགྒ) པཱལི༹ཾ ནིསྶཱཡ ཝུཏྟཾ.

པཱཎིནིཡེཧི ‘‘ཀཏྟུཀརཎེ ཀིཏནྟེན བཧུལ’’ནྟི (༢-༡-༣༢) ཀིཏནྟེན ཏཏིཡཱསམཱསཝིདྷཱནཱ ཏཏྠེཝ བཧུལགྒཧཎེན ‘གཱམནིགྒཏཱ’དཱིསུ སམཱསོ ཝུཏྟོ, ཏེནེཏྠཱནྟོདཱཧརཎཱནཾ དྭིནྣམདྷིཀཏྟཾ, སམཱསཱབྷཱཝོ-བྷིམཏོཏི པཱཎིནཱིཡེཧི ‘‘པཱུརཎགུཎསུཧིཏཏྠསདབྱཡཏབྦསམཱནཱདྷིཀརཎེནེ’’ཏི (༢-༢-༡༡) སུཏྟེ གུཎ ཨིཏིཝཙནེནཱབྷིམཏོ, སདིཏི སཉྙཱ ཏེསཾ ནྟམཱནཱནཾ.

སོ ཀཐནྟི ཨིཧ ‘བྷཱཝཏིཏྟཏྠེཧཱི’ཏི བྷཱཝཔྤཙྩཡནྟེནེཝ སམཱསཔཊིསེདྷཝིདྷཱནཱ ‘བྲཱཧྨཎསྶ སུཀྐཱ’ ཨིཙྩཱདོ སོ སམཱ སཔྤཊིསེདྷོ ཀཐཾ སིཛ྄ཛྷཏཱིཏི ཨཏྠོ.

གུཎཏྟནིཡེཝཱཏི གུཎསབྷཱཝེ ཨེཝ, ཨབྷིམཏོཏི ཝཱཏྟིཀཀཱརསྶཱབྷིམཏོ ‘‘ཏདཝཊྛེཧི ཙ གུཎེཧཱི’’ཏི, ཏསདྡེནཱསྶ གུཎསྶ པརཱམཱསོ ཏསྨིཾཡེཝ གུཎེ ཨཝཏིཊྛནྟཱིཏི ཏདཝཊྛཱ, གུཎེཡེཝ གུཎཱཏིཊྛནྟི ན ཀདཱཙིཔི སོཡམིཏྱབྷེདཱ དབྦཝུཏྟཡོ སུཀྐཱདཡོ ཝིཡ ཏེ ཏདཝཊྛཱ གུཎཱ གནྡྷཱདཡོ, ཏདཝཊྛིཏེཧི གུཎེཧི ཚཊྛཱི སམསྶཏེཏི ཝཏྟབྦནྟི ཨཏྠོ.

ཨཱབྷིམཏོཏི ‘‘པཱུརཎཱ’’དིསུཏྟེ ཨབྱཡགྒཧཎེན, དེཝདཏྟསྶཱཏི ཚཊྛིཡཱ གུརུམྷི སཱཔེཀྑཏྟེཔི གུརུསདྡསྶ སམྦནྡྷིསདྡཏྟཱ སཀཏྠེ [ཝཱཀྱེ] ཝིཡ ཝུཏྟིཡཾ བྱཔེཀྑཱ-ཡཱཧཱནིཏོ ཝུཏྟིསབྦྷཱཝཾ ཝཙནནྟརེན སཱདྷེཏུམཱཧ- ‘ཏཐཱཙཱཧཱུ’ཏི.

སཱཏྠེཝཱཏི སཀཏྠེ ཝིཡ, ཨསྶཱཏི སམྦནྡྷིསདྡསྶ, སཱམཏྠིཡཾ གམཀཏྟཉྩཏྠཱིཏི པདཱནམཉྙོཉྙཱཔེཀྑཱལཀྑཎཾ སཱམཏྠིཡཾ སཱམཏྠིཡཱབྷཱཝེཔི ཝིགྒཧཝཱཀྱཏྠསྶ གམཀཏྟཾ ཝཱ ཨཏྠཱིཏི ཨཏྠོ, གུརུནོ ཀུལཾ དཱསསྶ བྷརིཡཱཏི ཝིགྒཧོ, ཨཐཱཏྲ བྲཱཧྨཎསྶ ཨུཙྩེ’ཨིཙྩཱདོ སཱམཏྠིཡཾ གམཀཏྟཾ ཝཱ ནཏྠཱིཏི ཀུཏོ-ཝསིཏཾ, ཡེན ཏདཱབྷཱཝཱཏྲ ¶ སམཱསཱབྷཱཝོ ཝཎྞཱིཡཏེཙྩཱཧ-‘སཱམཏྠྱཱདིནོཏྭི’ཙྩཱདི.

སམཱསཱབྷཱཝོ-བྷིམཏོཏི ‘‘པཱུརཎཱ’’དིསུཏྟེ སམཱནཱདྷིཀརསྶཱཔི ཨུཔཱདཱནཏོ. སེཧཱིཏི ཨཏྟནིཡེཧི, ནཱབྷིམཏོཏི ‘‘ཙཡུཏྟེཧི སེཧི ཨསམཱསིཏེཧི ཚཊྛཱིསམཱསཔྤཊིསེདྷོཝཏྟབྦོ’’ (ཝཱ) ཏྱནེན, པུཐགཏྠཏཱཡ [བྷིནྣཏྠཏཱཡཾ-ཝུཏྟི] མིཙྩསྶཝིཝརཎཾ གཝཱདཱིནམསམཱསེཏི, ཨེཝམསྶཱདཱིནཾ སམཱསེནཱལནྟི སམྦནྡྷོ.

ཡོགཱིནནྟི ཨིཏརཱིཏརཡོགཱིནཾ, ཨནེནེཏརེཏརཡོགཙཏྠསམཱསཾ ཝདཏི. ཝུཏྟིཧོཏཱིཏྱསྶ ཝིཝརཎཾ ཚཊྛཱིསམཱསོ བྷཝཏཱིཏི, ཨེཀཏྠཱིབྷཱཝེཨིཙྩསྶ ཝིཝརཎཾ གཝཱདཱིནཉྩ ཙཏྠསམཱསེ སཏཱིཏི.

རུལ༹ྷིཏྟཱཏི སམཱསསྶེཝ ཀཱིལཱ༹ཝཱཙཀཏྟེན ཛཱིཝིཀཱཡ ཙ པཙྩཱཡ ཀཏྟེན པསིདྡྷཏྟཱ, ན ཝཱཀྱསྶཱཏི ‘ཨུདྡཱལཔུཔྥབྷཉྫིཀཱ’ཏྱཱདོ རུལ༹ྷཱིཝསེན ནིཙྩསམཱསོ བྷཝིསྶཏཱིཏི ཏཏྲ ཀིཾ ཝཙནེནེཏི མཉྙཏེ, སརསི རུལ༹ྷནྟི ཝིགྒཧོ.

ཨཡམྤན ཨམཱདིསམཱསོ ཀམྨདྷཱརཡདིགུསམཱསཱཏི སབྦེཔི པརེསཾ ཏཔྤུརིསསདིསཏྟཱ ཏཔྤུརིསཱ, ཡཐཱ ཧི ཏསྶ པུརིསོ ཏཔྤུརིསོཏི ཨུཏྟརཔདཏྠཔྤདྷཱནོ, ཏཐཱ ཏེ སིཡུཾ, སངྑྱཱཔུབྦཏྟ ནཔུཾསཀཏྟསངྑཱཏེཧི དྭཱིཧི ལཀྑཎེཧི གཙྪཏི པཝཏྟཏཱིཏིདིགུ.

༡༡. ཝིསེ

ཀིནྟཾ ཝིསེསན མིཙྪཱཧ-‘ཡམི’ཙྩཱདི, ཡཾ ཨཝཏྠཱཔཡཏི ཏཾ ཝུཙྩཏཱིཏི སམྦནྡྷོ, ཀིནྟཾ ཝིསེསྶམིཙྩཱཧ-‘ཡདནེཀེ’ཙྩཱདི, ཡཾ ཨཝཏྠཱ པཱིཡཏེ ཏམབྷིདྷཱིཡཏེཏི སམྦནྡྷོ, ནནྭེཀཏྠེནེཏྱུཙྩམཱནེ ཝིསེསྶེནེཏི ཀཐམཝགམྱཏེ, ཡཏོ ཨེཝཾ ཝིཝརིཏཝཱ ཏྱཱསངྐིཡཱཧ- ‘ཡདིཔི’ཙྩཱདི.

སམྦནྡྷིསདྡཏྟཱཏི ཨེཝཾ མཉྙཏེ ‘‘སམྦནྡྷིསདྡཱ སཀཏྠམིཝ ནིཡཏམྤཊི-ཡོགིནམཱཀྑིཔནྟི… ཏེན ཝིནཱ ཏེསཾ སཀཏྠསྶཱསམྦྷཝཱཏི, ཝིཝརིཏཝཱཏི ཝིཝརིཏྠ, ཨེཀཏྠེནེཏཱིམསྶ སམཱནཱདྷིཀརཎེན སཧ སམཱསོ ¶ ཧོཏཱིཏི ཨེཝཾ སཱཛ྄ཛྷཱཧཱརོ ཨཏྠོ ཝེདིཏབྦོ, ཨཏྠསདྡསྶཱནེཀཏྠཏྟཱ ཝིསེསེཏི ‘ཨཏྠོ ཨབྷིདྷེཡྻོ’ཏི. ཀཐཾ ཏེནཏྠོ ཝུཙྩཏཱིཏྱཱཧ- ‘ཨདྷིཀརཱིཡཏི’ཙྩཱདི.

ཝིསེསྶསྶ སམཱནཱདྷིཀརཎཏྟཉྩ ཝིསེསནཱཔེཀྑནྟི སམྦནྡྷོ. ཝིསེསྶསདྡསྶ ཝིསེསནེན སཧ སམཱནཱདྷིཀརཎཏྟཾ ཝིསེསན སདྡཱཔེཀྑནྟི ཨེཝམེཏྠ ཨཏྠོ དཊྛབྦོ, ཏཏྠ ཀཱརཎམཱཧ- ‘སམྦནྡྷཱ’ཏི, ཨདྷིཀརཎསྶ སམཱནཏྟཾ ནཱམ བྷིནྣཱནཾ སམྦནྡྷཱིནཾ བྷཝཏི, སམྦནྡྷིནོ ཙ སམྦནྡྷམནྟརེན ན ཧོནྟཱི [ཧོཏི (པོཏྠཀེ)] ཏི ཝིསེསནཝིསེསྶཱནཾ སམྦནྡྷོ ཝིཉྙཱཡཏེ, ཨེཝཾ ཝིཉྙཱཏཱ ཏསྨཱ སམྦནྡྷཱཏི ཨཏྠོ.

སདྡབྱཏིརེཀེན ཧེཏྠ ཨཏྠཱནཾ ཝིསེསནཝིསེསྶབྷཱཝོ ན སམྦྷཝཏི, ཏཐཱ ཧི ‘ནཱིལམུཔྤལ’ནྟི པཉྩ ཝཏྠཱུནི སནྣིཧིཏཱནི ནཱིལནྟི ནཱིལཏྟཾ གུཎསཱམཉྙཾ, ནཱིལོ གུཎོ, ཏདཱདྷཱརོ དབྦནྟི ཏཱིཎི, ཨུཔྤལནྟི ཨུཔྤལཏྟཾ ཨུཔྤལཛཱཏི, དབྦཉྩ ཏནྣིསྶཡོཏི དྭེ.

ཏཏྠ ཨུཔྤལཛཱཏི གུཎཛཱཏཱིནཾ [ནཱིལཛཱཏིཨུཔྤལཛཱབྷདྷནཾ (ཀཱཏནྟཊཱིཀཱ)] ཏཱཝ ན སམྦྷཝཏི ཝིསེསནཝིསེསྶབྷཱཝོ ཛཱཏིཡཱ ནིགྒུཎཏྟཱ, ནཱིལཏྟསྶ ཙ ནཱིལགུཎེ སམཝཱཡིནོ, ཨུཔྤལཏྟསྶ ཙ ཨུཔྤལདབྦེ སམཝཱཡིནོ སམཱནཱདྷིཀརཎཏྟམྤི ནཏྠི, ཨུཔྤལཛཱཏིཡཱ ནཱིལསྶ ཙ གུཎསྶ ཨཏྠི སམཱནཱདྷིཀརཎཏྟཾ… ནཱིལ མུཔྤལནྟི པཝཏྟིནིམིཏྟཱནཾ ཨུཔྤལཛཱཏིནཱིལགུཎཱནམེཀམདྷི ཀརཎཾནིསྶཡོཏི, ཝིསེསན ཝིསེསྶབྷཱཝོ ཏུ ནཏྠི ཛཱཏིཡཱ ཨནཱིལཏྟཱ, གུཎདབྦཱནནྟུ སམྦྷཝཏིཝིསེསནཝིསེསྶཏྟཾ དབྦསྶཱནེཀགུཎཏྟཱ, སམཱནནྟུ ཏེསམྤརམདྷིཀརཎཾ ཏཏིཡཾ ནཏྠི, ཡེན སམཱནཱདྷིཀརཎཏྟཾ སིཡཱ, ཨེཝཾ ནཱིལདབྦ ཨུཔྤལདབྦཱནམྤི ཨཉྙམཉྙཔརིཧཱརེན ཝཏྟུམིཙྪིཏཱནཾ ན ཝིསེསན ཝིསེསྶབྷཱཝོ, ནཱཔི སམཱནཱདྷིཀརཎཏྟཾ, ཀསྨཱ ཨཉྙམཉྙཱསམྦནྡྷཏོ ཨཔེཀྑཱབྷཱཝཏོ, ཝུཏྟཔཊིཔཀྑཏོ པན ཝཀྑམཱནནཡེན སདྡཱནམེཝ སཱམཱནཱདྷིཀརཎྱཾ ཝིསེསནཝིསེསྶཏྟཉྩ ཝེདིཏབྦཾ, ཏེནེཝཱཧ-‘ཨཏོཡེཝེ’ཙྩཱདི.

ཨཏོཡེཝཱཏི ཡཏོ ཝིསེསྶསྶ སམཱནཱདྷིཀརཎཏྟཾ ཝིསེསནཱཔེཀྑཾ, ཨཏོཡེཝ ཧེཏུཏོཏི ཨཏྠོ, བྷིནྣནིམིཏྟཔྤ ཡུཏྟཱནམེཝཱཏི ¶ སཱམཉྙེན ནཱིལགུཎཱདྷཱརེ དབྦེ གུཎེཡེཝ ཝཱ ནཱིལསདྡསྶ, ཨུཔྤལསདྡསྶ ཙ སཱམཉྙེན གུཎཝཏི དབྦེ ཝཏྟམཱནཏྟཱ ཨཉྙམཉྙེསུ བྷིནྣེསུ སདྡཔྤཝཏྟིཡཱ ཀཱརཎེསུ པཡུཏྟཱནཾ སདྡཱནམེཝ [ནིཊྛཱནམེཝ (པོཏྠཀེ)].

སམཱནཱདྷིཀརཎཏྟནྟི ནཱིལུཔྤལསདྡཱནཾ ཝིསུཾཝིསུཾ ཡོགེ ཝིསིཊྛདབྦ ཝཱཙིཏྟསྶཱསམྦྷཝཱ, ནཱིལཉྩ ཏཾ ཨུཔྤལཾ ཙེཏི སཱམཱནཱདྷིཀརཎྱེ སནྣིཔཏིཏེ སཏི སམྦྷཝཱ ཨེཝཾ ཏཏྠ ཝིསིཊྛེ ཝཏྠུམྷི པཝཏྟཱནཾ ཏེསཾ སམཱནཏྠཏཱ, ཨེཝཀཱརེན བྱཝཙྪིནྣམཏྠཾ དསྶེཏུམཱཧ-‘ནཏྭབྷིནྣེ’ཙྩཱདི.

ནནུཙེཏྱཱདི ཙོདྱཾ, སཱིསམྤཱཏཱིཏི སཱིསཔཱ རུཀྑཝིསེསོ, ནཡིད མེཝམིཙྩཱདི པརིཧཱརོ.

ཨཐ ཏུཙྩཏེཨིཙྩཱདིནཱ པརསྶ ཝཙནཱཝཀཱསམཱསངྐཏེ, ཝིསེསཝུཏྟཱིཏི ཕལསྶ རུཀྑསྶ ཙ སཱམཉྙསདྡཏྟཱ བྷཱཝེན ཝིསེསེ ཝུཏྟི, ཨིམེསནྟི སཱིསཔཱདཱིནཾ ན སམོདྷཱརིཏཱཏི ན ནིཙྪིཏཱ, སཱམཉྙཝུཏྟིཡེཝ སམོདྷཱརིཏཱཏི ཨདྷིཔྤཱཡོ, ཨཝསིཏཱ ནིཙྪིཏཱ ཝུཏྟི ཡེསཾ སཱིསཔཱདཱིནཾ ཏེ ཨཝསིཏཝུཏྟཡོ, པཡཏནཾ ཝིནཱ ཏདཱ པཔྤོཏི ཙཱཏི སམྦནྡྷོ, པཡཏནནྟི ‘སཱམཏྠིཡལདྡྷེཔིཝིསེསྶེ’ཏིཝཙནཾ. ཏཉྩནཏྠིཙྩཱདི པརིཧཱརོ, སརཱུཔམཏྟཀཐནཱཡཱཏི ཝུཏྟཏྠཱནམྤི སརཱུཔམཏྟཀཐནཱཡ ‘པཱུཔེ བཧཱུ ཨཱནཡེ’ཏི ཡཐཱ, ཨེཝཾ ཛཱཏཱིཡཀནྟི སརཱུཔཀཐནཔྤཀཱརཡུཏྟཾ. ཨུཔསཾཧརམཱཧ-‘ཏདེཝ’མིཙྩཱདི, ནིཔཱཏསམུདཱཡོཝཱཡཾ ཝུཏྟེན པཀཱརེནེཏྱསྶ ཨཏྠེ ཝཏྟཏེ.

ཨཉྙཏརསམྦྷཝེཔི ཏནྣིཝཏྟིཡཱ ཝཙནསབྦྷཱཝཾ དསྶེཏུམཱཧ- ‘ཨཐཔི’ཙྩཱདི, ཨཉྙཏརསམྦྷཝེཔཱིཏི ཝིསེསནསྶ ཝིསེསྶསྶ ཝཱ སམྦྷཝེཔི, ཡཏྲཔྱུབྷིནྣམཏྠི ཝིསེསནཝིསེསྶབྷཱཝསམྦྷཝོ ཏཏྠཔིཏཱཝ བཧུལཾཝཙནཏོཝ ནིཝཏྟི ཧོཏི, ཀིམྤནཱ-ཉྙཏརསམྦྷཝེཏི དསྶེཏུམཱཧ-‘ཡཐཱ པུཎྞོ’ཨིཙྩཱདི, ཨེཏྠ པན ཨཉྙེཔི པུཎྞནཱམཀཱ སནྟཱིཏི བྱབྷིཙཱརསམྦྷཝཱ ཨུབྷིནྣམྤི ཝིསེསནཝིསེསྶབྷཱཝསམྦྷཝེ བཧུལཾཝཙནམེཝ སམཱསཾ ནིཝཏྟེཏི, ཨེཝཾ ཝིདྷེཔཱིཏི ཨཉྙཏརསམྦྷཝེཔི, ན ¶ ཀེཝལཾ ཝིསེསནཝིསེསྶབྷཱཝསམྦྷཝེ, ཨཐ ཁོ ཨེཝཾ ཝིདྷེཔྱཉྙ ཏརསམྦྷཝེཔིཏྱཝིསདྡསྶ ཨཏྠོ.

ཡཛྫེཝམིཙྩཱདི པཙྩེཀཾ ཝིསེསནཝིསེསྶབྷཱཝེ སཏི ཨནིཊྛཱ པཱདནཙོདནཱ, པཙྩེཀཾ ཝིསེསནཾ སིཡཱ ཨུབྷིནྣམྤི ཝིསེསནཏྟཱ, ཏཏྠ དོསམཱཧ-‘ཝིསེསྶསྶཙ པུབྦནིཔཱཏོ’ཏི, ཙོ-ཝདྷཱརཎེ, ཝཏྟབྦནྟརསམུཙྩཡེ ཝཱ, ཀུཏོཙྩཱཧ- ‘ནཱགྒཧིཏེ’ཙྩཱདི, ཨིཏི ཀཱརཎེ, ཨཏོ ཀིམནིཊྛམཱཡཱཏ མིཙྩཱཧ- ‘ཨུཔྤལནཱིལནྟིཔི སིཡཱ’ཏི, ཨིཏྠཉྩརཧི ཀིནྟྱཱཧ- ‘ནཱིལུཔྤལནྟི ཙེ’ཙྩཱདི. པརིཧཱརམཱཧ-‘ནེསདོསོ’ཙྩཱདི, ཨུཔཔཏྟྱནྟརམཱཧ- ‘ཨཐ ཙེ’ཙྩཱདི.

ཨཉྙམཉྙཱནུཔཀཱརིཏྟཱཏི ཨཉྙམཉྙསྶ ཝིསེསནཝིསེསྶཏྟེ ནཱནུཔཀཱརིཏྟཱ སཔྤདྷཱནཏྟཱཏི ཨཏྠོ, ཨཐ དྭིནྣམྤི ཨཔྤདྷཱནཏྟཾ ཀསྨཱ ན སིཡཱ ཏྱཱཧ- ‘ཨཔྤདྷཱནཏྟེཔི’ཙྩཱདི, སཀསཀཔྤདྷཱནཱཔེཀྑཱཝནྟཱནནྟི སཀེསཀེ པདྷཱནེ ཨཏྟནི ཨཔེཀྑཱཝནྟཱནཾ. ཨཐ ཀུཏོ དབྦསྶེཝ པདྷཱནཏྟམསིཏཾ, ན ཏུ གུཎསྶེཏྱཱསངྐིཡ ཉཱཡམུཔནིསྶཡཏི ‘ཨཐ ཙེ’ཏྱཱདིནཱ. ཚཱགོཏྱཛོ ཝུཙྩཏེ, ཏཾ སེཏཝཎྞམཱལབྷེཐ མཱརེཡྻ, ཕུསནཾ ཝཱ ཀརེཡྻཱཏི ཨཏྠོ, ཨཱཔུབྦོ ལབྷི ཧི མཱརཎེ ཕུསནེ ཙ ཝཏྟཏེ, དེསནཱཡནྟི [ཙོདནཱཡནྟི ཙོདནཱཝཱཀྱ (པོཏྠཀེ)] ཝེདཝཱཀྱེཏི ཨཏྠོ, ཀུཏོ ཚཱགཏོ-ཉྙོ ནཱལབྦྷཏེཙྩཱཧ- ‘ན ཧི’ཙྩཱདི.

ཚཱགཱབྷཱཝེཏི སེཏགུཎཡུཏྟསྶ ཚཱགསྶཱབྷཱཝེ, པིཊྛཔིཎྜིམཱལབྦྷཱཏི སེཏགུཎཡོགེན ཝིཊྛཔིཎྜིཾ ཨཱལམྦྷ, ན ཙ ནཱལམྦྷཏེ ཏསྨཱ གུཎོ ཨཔྤདྷཱནནྟི ཨཛ྄ཛྷཱཧརིཏབྦཾ.

པུན ཙོདེནྟོ ཨཱཧ- ‘ནནུ ཙེ’ཙྩཱདི, ཨཐེཏྱདྷིཔྤཱཡམཱསངྐཏེ, ཨནིཊྛམཱཔཱདཡཏི ནཱིལསདྡེཔི པསངྒོ’ཏི, ཀུཏོཙྩཱཧ- ‘སོཔིཧི’ཙྩཱདི, ཨིདཾ ཝུཏྟཾ ཧོཏི- ‘‘ཨུཔྤལསདྡོ ཛཱཏིཝཱཙཱི, ན ཏུ དབྦཝཱཙཱི, ཛཱཏི ཝིསིཊྛདབྦཝཱཙིཏྟཱ ཡདི དབྦཝཱཙཱིཏི ཝུཙྩཏེ, ཏདཱ ནཱིལསདྡོཔི གུཎཝིསིཊྛ དབྦཝཱཙིཏྟཱ དབྦཝཙནམཱཔཛྫཏཱིཏི ཨིམེསཾ ན ཀོཙི ཝིསེསོ’’ཏི, པརིཧརནྟོ ཨཱཧ ‘ནེདམཏྠི’ཙྩཱདི, ཨཔཱཡིནོ ཨཔགནྟཱརོ དབྦཱཏི གམྱཏེ, ཀུཏོཙྩཱཧ- ‘སཏཱིཔི’ཙྩཱདི, ཨིཏི ཀཱརཎེ.

ཝིསེསནམེཀཏྠེནེཏི ¶ སིདྡྷེཔི པཔཉྩཏྠཾ པརིཔྥུཊཏྠཉྩ ཨུདཱཧརཎབཧུཏྟཾ དསྶེཏུཾ པཱཎིནིཡེཧི བཧུཾ སུཏྟིཏཾ, སབྦསྶེཏསྶ པཙྩཀྑཱཏབྷཱཝཾ དསྶེཏུཾ ཝུཏྟིཡམུདཱཧརཎམཏྟཾ དསྶིཏཾ, ཏདིདཱནི བྱཱཁྱཱཏུཀཱམོ ཨཱཧ- ‘པུབྦཀཱལེ’ཙྩཱདི, ཚིནྣོཙ ཝིསེསནནྟཱི སམྦནྡྷོ ‘‘པུབྦཀཱལེཀ སབྦདྷུརཔུརཱཎནཝཀེཝལཱནི སམཱནཱདྷིཀརཎེནེ’’ཏི (༢-༡-༤༩) ཏེ སམེཏྠ སུཏྟཾ, ཏཏྠེཀཱདཱིནཾ ཝུཏྟིཡམུདཱཧརཎཱནི ན དསྶིཏཱནྱུཔལཀྑཎཏོཝ ཝིཉྙཱཡནྟཱིཏི དསྶེཏུམཱཧ- ‘ཨེཀེ’ཙྩཱདི, ཨེཀོ ཙ སོ པུརིསོཙཱཏྱཱདིནཱ ཝིགྒཧོ ཨུཔལཀྑཎཏྟཱཡེཝ ཙ ‘སཏྟ ཙ ཏེ ཨིསཡོ ཙ སཏྟིསཡོ’ཙྩཱདིཀཉྩ དཊྛབྦཾ.

ཨུཔམཱིཡཏེ པརིཙྪིཛྫཏེ-ནེནེཏྱུཔམཱནཾ, ཨུཔམཱིཡཏཱིཏྱུཔམེཡྻཾ, ཏེསཾ ཨུཔམཱནོཔམེཡྻཱནཾ སཱདྷཱརཎོ ཡོ དྷམྨོ སཱམཏཱཏེན ཝིསིཊྛཾ ཡདུཔམེཡྻཾ, ཏཾ ཝཙནེནེཏྱཏྠོ ཨུཔམཱནོཔམེཡྻཙྩཱདི ཀསྶ, སམཱསོ བྷཝཏཱིཏི སེསོ, ཀཱརཎམཱཧ- ‘ཝིསེསེ’ཙྩཱདི, ཝིསེསཱཔརིགྒཧཱཏི ཝིསེསནནྟྱེཝ སཱམཉྙེན པརིགྒཧཱ, ཨེཝམྦྷཱུ ཏསྶཱཔཱིཏི ཨུཔམཱནརཱུཔསྶཱཔི. ནནུ སཏྠཱིསདྡསྶསཏྠིཡཾ ཝུཏྟི སཱམཱསདྡསྶ ཏུ དེཝདཏྟཱཡ, ཨཏོ བྱདྷིཀརཎཏྟཱ ཀཐམེཏྠ སམཱསོཙྩཱསངྐཱིཡཱཧ- ‘ཡདེ’ཙྩཱདི, སམཱནོ དྷམྨོ སཱམཏྟཱདི ཡསྶ སོ སདྷམྨོ, ཏསྶ བྷཱཝོ སཱདྷམྨིཡཾ སཱམཏྟཾ, ཏསྨཱ དེཝདཏྟཱཏྠེ ཝཏྟཏེ ཨུཔཙཱརཝསེན, སཱམཱསདྡོཔི གུཎཝཙནོཔི སཱམཏྟཾ ཝཏྭཱ སདྡྷཱདིཏྟཝསེནཱབྷེདོཔཙཱརེན ཝཱ དེཝདཏྟཱཡཾ ཝཏྟཏེ, ནནུ ཙ སཱམཱསདྡསྶ དེཝདཏྟཱབྷིདྷཱནེ ཙརིཏཏྠཏཱཡ སཏྠཱི གུཎེན ནིདྡིཊྛཱཏྱནིཡཏགུཎཔྤཏཱིཏིཔྤསངྒོ ནེཀགུཎཱདྷཱརཏྟཱ སཏྠིཡཱཏྱཱསངྐིཡཱཧ- ‘ཡདིཔི’ཙྩཱདི.

ཨིཧཱཏི ནིདྡྷཱརཎེ, ཨེཏེསཾ གུཎཱནཾ མཛ྄ཛྷེཏི ཨཏྠོ, ཨིཧ ཝཱ སཏྠིཡཾ, སཱམགུཎཝནྟཏཱཡ སཱམཱཡཱཏི གམྱཏེ, པསིདྡྷིཝསེནཱཏི སཏྠིསཱམཱཏྱཏྲོཔམཱནཾ སཏྠཱི, ཨུཔམེཡྻཱ དེཝདཏྟཱ, པསིདྡྷནྟུཔམཱནཾ བྷཝཏི ནཱཔྤསིདྡྷཾ… པསིདྡྷསཱདྷམྨིཡཱ སཱདྷྱུ སཱདྷནམུཔམཱནནྟི ཀཏྭཱ སཏྠིཡེཝ སཱམངྒུཎེན པསིདྡྷཱ ན དེཝདཏྟཱ, ཏསྨཱ སཱམགུཎཔྤསིདྡྷིཡཱཏི ཨཏྠོ. སཱདྷྱུཏེ ཨུཔམཱིཡཏེནེནེཏི སཱདྷནམུཔམཱནཾ, སཱདྷྱཏེ ¶ ཨུཔདྷཱིཡཏེཏི སཱདྷྱམུཔམེཡྻཾ, པསིདྡྷསྶ སཱདྷམྨིཡཾ ཏེན, སཱདྷྱསྶཱཔྤསིདྡྷསྶ ཀསྶཙི སཱདྷནཾ སཱདྷྱསཱདྷནཾ. ཡཏྲཏྭིཙྩཱདིནཱ བཧུལཾཝཙནསཱམཏྠིཡཱ སཱམཉྙཝཙནེནེཝ སམཱསསབྦྷཱཝཾ ཝཏྭཱ ཨཉྙེནཱསབྦྷཱཝམུདཱཧརཎེན ཕུཊཡིཏུཾ ‘ཕཱལཱ ཨིཝ ཏཎྜུལཱ’ཏྱཱདི ཨཱརདྡྷཾ.

ཏཎྜུལསདྡོཏི ཨུཔམེཡྻབྷཱུཏཏཎྜུལསདྡོ, ཏཎྜུལཏྟམྤི ཝཏྭཱ དབྦེ པཝཏྟོ སཱམཉྙཝཙནོ ནཏུ བྷཝཏཱིཏི སམྦནྡྷོ, དབྦེཏི ཏཎྜུལདབྦེ ཕཱལདབྦེ ཙ.

ཨུཔམཱནོཔམེཡྻསཱདྷཱརཎསཱུརཏྟཱདིདྷམྨཝཙནཱཔྤཡོགེཏི ཨུཔམཱནོཔམེཡྻཱནཾ སཱདྷཱརཎོ ཡོ ཝིསཱརདཏྟཱདིདྷམྨོ ཏབྦཙནསྶ ‘མུནི ཨཡཾ སཱིཧོ ཝིཡ ཝིསཱརདོ’ཏྱཱདོ ཝིསཱརདཱདིསདྡསྶཱཔྤཡོགེཏི ཨཏྠོ, ཀེསཉྩིཏི ཀེསཉྩི སདྡཱནཾ མཛ྄ཛྷེ, ཝིསེསྶཏྟམེཝ ཕུཊཡཏི. ‘ཏཐཱ ཙེ’ཏྱཱདིནཱ, ཝིསེསནཝིསེསྶཱནཾ ཡཐིཊྛཏྟཱ ནིཙྩཾ སཱིཧཱདཱིནཾ ཝིསེསྶཏཱཡེཝ ཝཙནིཙྪཱཏི པུབྦནིཔཱཏཏྟཱཔྤསངྒོཏི བྷཱཝོ, ཨུཔཔཏྱནྟརམཱཧ-‘ཝིསེསནསྶེཝེ’ཙྩཱདི, ཡདིཔི སཱིཧོ ཝིསེསནམེཝ ན ཝིསེསྶཾ, ཏཐཱཔི བཧུལཱདྷིཀཱརཱ ཝིསེསནསྶཱཔི པརནིཔཱཏོཏི བྷཱཝོ.

ཨཐཱཏྲཱཔི ཝིསེསནནྟེཝ སམཱསཔྤཊིཔཱདནེ’མུནི ཨཡཾ སཱིཧོཝ ཝིསཱརདོ’ཙྩཱདོ སཱམཏྠིཡཏོཝ སམཱསཱཔྤསངྒེཔི ཨུཔམཱནོ པམེཡྻཱནཾ སཱདྷཱརཎཝིསཱརདཏྟཱདིདྷམྨཝཙནཱཔྤཡོགེ སཏི ཏཔྤསངྒཱབྷཱཝཏྠཾ ཝཙནམཱརབྦྷནཱིཡནྟི ཙོདེཏི ‘ནནུཙེ’ཏྱཱདིནཱ, སཱམཏྠིཡཏོཏི སཱམཉྙཝཙནཔྤཡོགེ སཱཔེཀྑཏྟཱ སམཱསཱཔྤསངྒོཏི སཱམཏྠིཡཾ ཏསྨཱཏི ཨཏྠོ. སཱམཉྙཔྤཡོགཏྠནྟི སམཱསཝཱཀྱེ སཱམཉྙཝཙནསྶ སཱུརཏྟཱདི(ནོ), ཨཔྤཡོགཏྠཾ, ཏཐཱ ཧིཙྩཱདིནཱ སཱམཉྙསདྡཔྤཡོགེ སཱམཏྠིཡཏོ སམཱསཱསབྦྷཱཝཱ སུཏྟནྟརསྶཱནཱརབྦྷནཱིཡབྷཱཝཾ སཱདྷེཏི.

ཝིསེསཱནནྟབྦྷཱཝཱཏི སཱམཉྙསྶ སམཱསེ ཨནྟོབྷཱཝེཔི ཏིཁཱིཎཏྟཱདིཏོ ཝིསིཊྛསྶ སཱུརསྶཱདིཝཙནཱིཡསྶ ཝིསེསསྶ སམཱསེ ཨནནྟོགདྷཏྟཱ ཨཔྤསངྒོ སཱཔེཀྑམསམཏྠནྟི. ཨཐེཏི ‘སཙྩམེཏ’ནྟིཨཱདིཾ ¶ པརཝཙནམཱསངྐིཡ ཝདཏི, ཨེཝམཱདིསིཛ྄ཛྷནཏྠཾ སམཱསོཏི (ཉཱཔནཏྠཾ) ཨཱརབྦྷནཱིཡམྦྷཝཏཱིཏི སམྦནྡྷོ.

པདྷཱནསྶཱཏི ‘རཉྙོཔུརིསོ-བྷིརཱུཔོ’ཏེཏྠ ཨབྷིརཱུཔསཱཔེཀྑསྶ པུརིསསྶ ཝིསེསནཏྟེནེཝཱ [ཝིསེསནཾ ཏེནེཝཱ (པོཏྠཀེ)] པྤདྷཱནཾ, སམཱསཱཝཡཝབྷཱུཏཾ རཱཛཱནཾ པཏི ཝིསེསྶབྷཱཝེནཱཝིཕལིཏསཀཏྠཏཱཡ པདྷཱནབྷཱུཏསྶ པུརིསསྶ. ཨཱདིསདྡེན ‘རཱཛཔུརིསསྶ དསྶནཱིཡསྶ གེཧ’ནྟི སངྒཎྷཱཏི.

ཨེཏྠ ཧི གེཧམྤཏི ཝིསེསནབྷཱཝེནཱཔྤདྷཱནཏྟེཔི རཱཛཱནམྤཏི པདྷཱནབྷཱུཏསྶ པུརིསསྶ སཱཔེཀྑསྶཱཔི སམཱསོ ཧོཏེཝ. ཨིདཉྩཉཱཔནཏྠཾ ཝཙནཱརམྦྷཔྤཡོཛནཉྩ, ཀཱརཎམཱཧ- ‘གམཀཏྟཱ’ཨིཙྩཱདི.

གམཀཏྟཱཏི ཝིགྒཧཝཱཀྱཏྠསྶ ཝུཏྟིཡམྤཏཱིཡམཱནཏྟཱ གམཀཏྟཾ ཏསྨཱ, ནཙེཧ གམཀཏྟམཏྠཱིཏི ‘མུནི སཱིཧོཝ སཱུརོ’ཏྱཏྲ ཏུ ཝཱཀྱཏོ ཡོཏྠོ པཏཱིཡཏེ, ནཱཡཾ ‘མུནི སཱིཧོ སཱུརོ’ཏྱཏོ གམྱཏེཏི གམཀཏྟཾ ནཏྠཱི-ཏི ཨཏྠོ, ཏཐཱཧི མུནིསཱིཧསདྡེནེཝོ པམཱནོཔམེཡྻབྷཱཝནིམིཏྟསྶ ཝིསཱརདཏྟསྶ སབྷཱཝེནེཝོཔཱདཱནཏོ ཝིསཱརདསདྡསྶ ཏེན སམྦནྡྷཱབྷཱཝོ.

ཨཔཝགྒོ ནིབྦཱནཾ, ཝཱཀྱམེཝེཏི ཨེཝཀཱརེན བྱཝཙྪིནྣམཏྠམྤདསྶཡམཱཧ- ‘ཝུཏྟིནིཝཏྟེཏཱི’ཏི བཧུལཱདྷིཀཱརཏོ ཝིཉྙཱཡཏི, ནནུ ཙཱཏྲ ཝིསེསྶབྷཱཝཱསམྦྷཝཱཔྤསངྒོཡེཝ ཝུཏྟིཡཱཏི ཙོདེཏི. ‘ནནུཙེ’ཏྱཱདིནཱ.

པུཎྞཏཱབྱབྷིཙཱརཱཏི པུཎྞཏཱསངྑཱཏསྶ བཱལཱདིཨཝཏྠཱཝིསེསསྶ ཨཝིནཱཔྤཝཏྟིཏོ བྱབྷིཙཱརཱི ཧི ཝིསེསྶམྦྷཝཏི ཡཐཱ ནཱིལཏཱཡུཔྤལཾ, པརིཧརཏི ‘ནེདམཏྟི’ཙྩཱདིནཱ, མནྟཱཎིཔུཏྟཱནཾ ཨནེཀཏྟཱཏི ཀེཝལཾ མནྟཱཎིཡཱ པུཏྟོ པུཎྞོཡེཝཱཏི ཨབྷཱཝཱ ཏེསཾ བཧུབྷཱཝཏོ, ཨཏྟནོ ཨཏྟནོ གཧསྶ པཏཡོཏི གཧཔཏཱིནཾ བཧུཏྟཾ པཱཀཊམེཝ.

ཝུཏྟིཡེཝེཏི ཨེཝཀཱརེན བྱཝཙྪིནྣམཏྠམཱཧ-‘ཝཱཀྱཾ ནིཝཏྟེཏཱི’ཏི. ཝིསིཊྛཛཱཏིཝཙནཱཏི ཝུཏྟཾ ཀཎྷསཔྤཛཱཏིཡཱ ལོཧིཏསཱལིཛཱཏིཡཱ ཙ ཝིསིཊྛཏྟཱ.

ཏཙྪཀོ ¶ སཔྤོཏི བྱཱཁྱེཡམུཔནིཀྑིཔྤཙོདཡམཱཧ- ‘ནནུ ཙེ’ཙྩཱདི. ཏཙྪཀབྷཱཝཱནཔེཏོཏི བཱལཡུཝཏྟཱདིསངྑཱཏཏཙྪཀབྷཱཝཏོ ཨབྱཱཝུཏྟོ, ཨཏྠིནཱམདྷེཡྻོཏི ཏཙྪཀོ ནཱམ ཀོཙི ཏནྣཱམོ ཨཏྠི, ཀིརིཡཱསདྡོཏི ཏཙྪཏཱིཏི ཏཙྪཀོཏི ཨེཝཾ ཀིརིཡཱཡ པཝཏྟིནིམིཏྟཏྟེནོཔཱདིནྣོ ཝཌྜྷཀཱིཝཱཙཱི ཏཙྪཀསདྡོ, ཨེཝཾ མཉྙཏེ ‘‘ཡཐཱཝུཏྟནཡེན ཝིསེསནཝིསེསྶསབྦྷཱཝཱ སམཱསེན བྷཝིཏབྦཾ, ཏཐཱ སཏི ཀིམིདཾ པཙྩུདཱཧརཎཾ ཀཏ’’ནྟི. ཨཏྲ ཀེནཙི ན ནཱམདྷེཡྻསྶེཏྱཱདི ནོཔཛཱཡཏེཝཱཏྱེཏདཝསཱནཾ ཝུཙྩམཱནམནུདྱཏཾ ནིརཱཀཏྟུཀཱམོ ཨཱཧ-‘ཡོཔཱ ཧེ’ཙྩཱདི.

ཨིམསྶཱཡམདྷིཔྤཱཡོ ‘‘ཝུཏྟནཡེན ཏཙྪཀསདྡསྶ ཀིརིཡཱ སདྡསྶཱཏྠཝིསཡཱཔེཀྑཱཡཱབྷཱཝཏོ ཝིསེསྶཏྟཱབྷཱཝཱ པཙྩུདཱཧརཎམིདཾ ཀཏ’’ནྟི.

ཀསྨཱ ཨཡུཏྟམིཙྩཱཧ-‘ཡཏོ’ཙྩཱདི, ནཱམདྷེཡྻསྶ ཀིརིཡཱཝཱཙིནོ ཙ ཨཏྠཱབྷིདྷཱནསཱམཏྠིཡཾ ཏུལྱཾ ཝཱ ན ཝཱ, ཨཝཡཝཔྤསིདྡྷིཡཱ སམུདཱཡཔྤསིདྡྷི བལཝཏི ཝཱ ནཝེཏྱེཏཾ ཝིཙཱརེཏུཾ ཡཏོ ནཱདྷིཀཏནྟྱཏྠོ, ཀིཉྩརཧི ཨདྷིཀཏནྟྱཱཧ- ‘ཨཔིཏྭི’ཙྩཱདི, ཏཙྪཀསདྡོནེཀཏྠཝུཏྟི ནཱནེཀཏྠོཏི ཝིཙཱརེཏུམདྷིཀཏནྟི ཡོཛནཱ.

ཨེཝཾ མཉྙཏེ- ‘‘ཝིསེསནཝིསེསྶབྷཱཝཙིནྟཱཡཾ སདྡཱནམཏྠཱབྷིདྷཱནསཱམཏྠིཡཙིནྟཱ ན ཡུཛྫཏེ ‘སཏི སམྦྷཝེ བྱབྷིཙཱརེ ཙ ཝིསེསནཾ སཱཏྠཀཾ ཧོཏཱི’ཏི ཝིསེསནཾ མགྒཱིཡཏེ, ནཱསམྦྷཝེ ནཱབྱབྷིཙཱརེ ཡཐཱ སཱིཏཾ (ཧིམཾ) ཨུཎྷོགྒཱིཏི, ཏསྨཱ སམྦྷཝབྱབྷིཙཱརཙིནྟཱ ཝིསེསནཝིསེསྶབྷཱཝཙིནྟཱཡམུཔཡུཛྫཏཱིཏི ཏཙྪཀསདྡོ-ནེཀཏྠཝུཏྟིཝཱ ན ཝེཏྱེཏདེཝ ཝིཙཱརེཏུམདྷིཀཏནྟི ཀཏྠཙིཔི ཝིསེསནཝིསེསྶ སབྦྷཱཝེ སམཱསོ ཧོཏེཝཱ’’ཏི, ཡདིཔི ནཱམདྷེཡྻཀིརིཡཱཝཱཙཱིནམཏུལྱམཏྠཱབྷིདྷཱནཾ སམུདཱཡཔྤསིདྡྷིཡཱ ཙ བལཝཏིཏྟཾ, ཏཐཱཔི ཝཀྑམཱནནཡེན སམཱསསབྦྷཱཝཱ ན ཀཱཙི ཧཱནཱིཏི དསྶེཏུམཱཧ- ‘ཨེཏྠ ཙཱ’ཏིཨཱདི.

ཨེཏྠཙཱཏི ཀེཙི པཀྑེ ཙ, ཀཉྩི པཱིལ༹མཱཝཧཏཱིཏི སམྦནྡྷོ, ཀུཏོཙྩཱཧ ‘ཏཐཱཧི’ཙྩཱདི. ཨེཝཾ མཉྙཏེ- ‘‘ཡདཱིཔི སམུདཱཡཔྤསིདྡྷིཡཱ སཏི ཀིརིཡཱསདྡཏྠཝིསཡཱཔེཀྑཱ ¶ ནོཔཛཱཡཏེ, ཏཐཱཔི ནཱམདྷེཡྻསྶེཝ ཏཙྪཀསདྡསྶཱཔྱནེཀཏྠཝུཏྟིཏྟམཏྠེཝ… སཔྤཝིསེསེ མནུསྶེ ཙ ཏནྣཱམཀེ ནཱམདྷེཡྻསྶ ཏཙྪཀསདྡསྶ པཝཏྟིསབྦྷཱཝཱ(ཏི) ཝིསེསནཝིསེསྶསབྦྷཱཝཏོ སམཱསཔྤསངྒོ ཏདཝཏྠོ ཡེཝཱ’’ཏི, ན ཀེཝལཾ སཔྤཝིསེསསྶེཝ ཏཙྪཀསདྡོ ནཱམདྷེཡྻམཔིཏུ མནུསྶཱནམྤཱིཏི པིསདྡཏྠོ. ཏཙྪཀསདྡསྶཱནེཀཏྠཝུཏྟིཏྟེཔི ན སམུདཱཡཔྤསིདྡྷིཡཱ ཨཝཡཝཔྤསིདྡྷཱིབཱདྷཱཏི དསྶེཏུམཱཧ- ‘ནཙཱ’ཏིཨཱདི. ཙོ-ཝདྷཱརཎེ, ཀུཏོཙྩཱཧ ‘ཀིརིཡེ’ཙྩཱདི. ཀམེནཏྠཔྤསིདྡྷཱིཏི ཡཾ, ཨེཏམྤན སཀྐཱ ཝིཉྙཱཏུནྟི ཡོཛནཱ.

ཡནྟི ཡཾ པསིཛ྄ཛྷནཾ, ཀམེནཱཏི བཱདྷཱབྷཱཝཏོ ཨནུཀྐམེན. ཨེཝཉྩེཏི ཨིམིནཱ ནཙེཏྱཱདིནཱ ཝུཏྟཾ པཙྩཱམསཏི… ཀིམྤཊིཝིཧིཏཾ སིཡཱ པརིཧཊཾ སིཡཱཏི ཨཏྠོ, ཨིཏི ཨིམིནཱ ཀཱརཎེན ‘ཏཙྪཀོ སཔྤོ’ཏི པཙྩུདཱཧརཎཾ ན ཡུཏྟཾ… ཏཙྪཀསཔྤོཏི སམཱསསབྦྷཱཝཏོཏི ཨདྷིཔྤཱཡོ, ནེདམེཝམིཙྩཱདིནཱ པརིཧརཏི, ཡདཱ ཙརཏི ཡཐཱ ཝུཏྟེན ཝིསེསནཝིསེསྶབྷཱཝསམྦྷཝོ, ཏདཱ ཀཐཾཏྱཱཧ- ‘ཡདཱ ཝིསེསནེ’ཙྩཱདི. ཏདཱཔི ཀཐཾ ཝཱཀྱེན བྷཝིཏབྦམིཙྩཱཧ- ‘ཨིདཉྩེ’ཙྩཱདི. བཧུལཾཝཙནཏོཡེཝཱཏི ཨདྷིཔྤཱཡོ.

ཨཉྙསྶཱཏི ཀམྨནི སམྦནྡྷཝཙནིཙྪཱཡཾ ཚཊྛཱི. ཨཝཙྪེདཀཏྟཱཏི ཨེཏྠ ཀཏྟུནཱ བྷཝིཏབྦནྟི ཀཱལ༹སྶཱཏི ཀཏྟརི བྷཱཝཡོགེ ཚཊྛིཡཱ ཨཛ྄ཛྷཱཧརིཏབྦཾ. པཏྟཱཔནྣེཧི དུཏིཡནྟསྶ ཛཱིཝིཀམྤཏྟོ ཛཱིཝིཀཱ པནྣོཏི སམཱསོ ‘ཀཱརཀཾ བཧུལ’’ནྟེཝ (ཙཾ-༢-༢-༡༩) ཝིཧིཏོ དུཏིཡནྟེན ཏུ ཏེསཾ སམཱསཏྠཾ སུཏྟནྟརཾ ཀཏཾ པརེཧི, ཨཏྠཉྩ ཏེསམིཏྠིལིངྒཱནམྤི སམཱསེནེཝ, ཀཱརནིཝཏྟིཡཱ, ཏཐཱ མཱསོ ཛཱཏསྶཱཏི ཝིགྒཧེ པརིམཱཎིཝཱཙིནཱ ཚཊྛིཡནྟེན པརིམཱཎཝཙནཱནཾ ཀཱལསདྡཱནཾ, ཏདཱཧ- ‘པཏྟཱཔནྣཱན’མིཙྩཱདི, པརིམཱཎཾ མཱསཱདི པརིཙྪེདོ ཏམསྶཏྠཱིཏི པརིམཱཎཱི ཛཱཏཱདི.

ཨེཏྠ ཧི མཱསོ པརིམཱཎཾ པརིཙྪེདཀཏྟཱ, ཛཱཏོ པརིམཱཎཱི པརིཙྪེཛྫཏྟཱ, པཏྟཱ ཛཱིཝིཀཱནེནཱཏི [པཏྟོ ཛཱིཝིཀནྟི པཱཋེན བྷཝིཏབྦཾ] ཝཙནིཙྪཱཡཾ ཡོ-ཏྠོ སོ- ཉཱཔདཏྠསམཱསེཔྱཏིནྣོ ¶ ཝཙནིཙྪཱབྷེདམནྟརེནཱཏིདསྶེཏུཾ ‘ཨཉྙཔདཏྠེ བྷཝིསྶཏཱི’ཏི ཡཾ ཝུཏྟིཡཾ ཝུཏྟཾ, ཏཾ བྱཱཁྱཱཏུཀཱམོ ཨཱཧ- ‘ཝཱནེཀཉྙཏྠེ ཨིཙྩེཝཱ’ཏིཨཱདི. ཨཉྙཏྠ སམཱསེ ཀཏེ སབྦཏྠ ‘‘ཨིཏྠིཡཾ བྷཱསིཏེ’’ཙྩཱདིནཱ (༣-༦༧) པུམྦྷཱཝོ. མཱསོ ཛཱཏསྶཱཏི ཝཙནིཙྪཱཡཾ ཡོ-ཏྠོ, སོ-ཉྙཏྠསམཱསེཔྱབྷིནྣོ ཝཙནིཙྪཱབྷེད མནྟརེནཱཏི དསྶེཏུམཱཧ- ‘ཡསྶ ཛཱཏཱདིནོ’ཙྩཱདི.

ཛཱཏསདྡསྶཏྠམཱཧ སམྤནྣོཏི, སམྤུཎྞོཏྱཏྠོ, ཨིམིནཱ ཙ མཱསོ ཛཱཏོ-སྶཱཏི ཝིགྒཧསྶ ཨཏྠོ དསྶིཏོ, ཨཉྙཐཱཏི ཡདི མཱསོ ཏསྶ ཨཉྙཔདཏྠསྶ ཛཱཏཱདིནོ སམྤུཎྞོ ན བྷཱཏཱིཏི ཨཏྠོ. ཏྟཏྟཝནྟཱུནཾ ནིཊྛཱསཉྙཾ ཝིདྷཱཡ ཏདནྟསྶཉྙཏྠསམཱསེ ‘‘ནིཊྛཱ’’ཏི (༢-༢-༣༦) སུཏྟེན པུབྦནིཔཱཏོ ཝུཏྟོ, ཏདཱཧ- ‘ནཙེ’ཙྩཱདི, པུབྦནིཔཱཏཔྤསངྒོ ནཙ སིཡཱཏིསམྦནྡྷོ, ཀུཏོཙྩཱཧ- ‘ཛཱཏི’ཙྩཱདི. ཀེསཉྩིཏི ཝཱཀྱཀཱརམཱཧ, ནཙ ཡུཏྟནྟི སམྦནྡྷོ, ཀཱརཎམཱཧ- ‘ཝིསེསན’མེཙྩཱདི, ཏཐཱཧིཙྩཱདིནཱ ཝིསེསནསྶ སཱཏྠཀཏྟེ སམཱསབྦྷཱཝམབྷཱཝེ ཙཱབྷཱཝཾ སཱདྷེཏི… ཚཊྛཱིསམཱསེ ‘སཏི སམྦྷཝེ བྱབྷིཙཱརེ ཙ ཝིསེསནསྶ སཱཏྠཀམྦྷཝཏཱིཏི ཝིསེསནསྶ སཱཏྠཀཏྟཱ.

ཨཝཙནེཔཱིཏི ནིཡམཝཙནེ (ཨ)སཏཱིཔི, ཚཊྛཱིསམཱསཔྤསངྒོ ཙརཧི ཝུཏྟནཡེན བྱཝཙྪེཛྫ བྱཝཙྪེདཀཏྟཱབྷཱཝེན ཝིསེསནཱནཏྠཀྱཱ ན བྷཝེཡྻ ཙེ ཝཱཀྱེནཱཔི ན བྷཝིཏབྦནྟི ཨཱཧ- ‘ཝཱཀྱཾ ཏྭི’ཙྩཱདི. ཨཡམྤན ཝིསེསནསམཱསོ པརེཧི ཀམྨདྷཱརཡོཏི ཉཱཡཏི… ཡཐཱ ཀམྨཾ ཀིརིཡཾ པཡོཛནཉྩ དྷཱརེཏི ཨེཝམཡཾ སམཱསོ ཀམྨམིཝ དྭཡཾ དྷཱརཡཏཱིཏི.

༡༢. ནཉ

ཨེཏྠེཝཱཏི ‘‘ཊ ནཉྶྶ’’ཨིཏི (༣-༧༤) སུཏྟེཨེཝ. པཱམནཔུཏྟོཏིཔཱམཱ ཀུཊྛཝིསེསོ ཨསྶ ཨཏྠཱིཏི པཱམསདྡཱ ‘‘དིསྶནྟཉྙེཔི པཙྩཡཱ’’ཏི (༤-༡༢༠) ནཔྤཙྩཡོ, པཱམནསྶ པུཏྟོ, ཡདི ཧེཏྠ ཉཀཱརོ ཝིསེསནཏྠོ ན ཀརཱིཡེཐ, ཏདཱ ‘‘ཊ ནསྶཱ’’ཏི སུཏྟཾ ཀརཱིཡེཐ, ཏཐཱ ཙ སཏྱུཏྟརཔདེ པརཏོ པཱམནསདྡེ ནཀཱརསྶཱཔི ཊོ

སིཡཱཏི ¶ བྷཱཝོ, ནནུ ཙིཧ སམཱསཝིདྷིམྷི ཉ ཀཱརོཙྩཱརཎཱ ཉ ལོཔ རཧིཏསྶ སམཱསོ ན བྷཝཏཱིཏི ཝཏྟུམུཙིཏཾ, ན ཏུ ‘‘ཊ ནཉྶྶཱ’’ཏི ཝིསེསནཏྠོཏི [ཉྙཀཱརོ ཨེཏྠོཝ ཝིསེསནཏྠོ, ཏི བྷཝིཏབྦ] སཙྩཾ, ཀིནྟྭིཧ སམཱསཝིདྷིམྷི ཉ ཀཱརསྶ བྱཝཙྪཛྫཾ ན དིསྶཏེ.

པརིཡུདཱསཝུཏྟཱིཏི པརི ཏུལིཏམུགྒཡ྄ཧ ནིསེདྷནཱིཡསྶ ཨསནཾ ཁེཔནཾ ཝཛྫནཾ པརིཡུདཱསོ, ཏེན པརིཡུདཱསེན ཝིསིཊྛེ-ཏྠེ ཝུཏྟི ཨསྶེཏི པརིཡུདཱསཝུཏྟི, པསཛྫཔྤཊིསེདྷཝུཏྟཱིཏི པཊིསེདྷནཱིཡམེཝ པསཛྫ པཏྭཱ ཏཾསདིསམནཔེཀྑིཡ ནིསེདྷོ, ཏེན ཝུཏྟི ཨསྶེཏི པསཛྫཔྤཊིསེདྷ ཝུཏྟི.

ཡཏྠ བྲཱཧྨཎཱ ཨཉྙོཝ བྷཝཏཱིཏྱེཝཾ ཝཱཀྱེནཱཏྠནྟརཝིདྷཱནཱ ཝིདྷིནོ པདྷཱནཏྟཾ, ཨཏྠནྟརཝིདྷཱནསཱམཏྠིཡེནེཝ བྲཱཧྨཎསྶ པཊིསེདྷོ པཏཱིཡཏེ, བྲཱཧྨཎསྶ [བྲཱཧྨཎསྶཱ (པོཏྠཀེ)] ནིཝཏྟནེ ཏདཔེཀྑཱཡཱཉྙསྶ ཝིདྷཱནཡོགཏོ སཀཔདེན ནཉྑྱེན ཝིདྷིབྷཱགཱི ན ཝུཙྩཏེ, ཀིཉྩརཧི ཨཉྙསདྡེན… པརིཡུདཱསནིསྶཡིནོཉྙསདྡསྶེཝ ཝཱཀྱེ པཡོགཏོ’ ཨཉྙོ བྲཱཧྨཎཱ ཨབྲཱཧྨཎོ’ཏི, ནཉྶྶཙ སྱཱདྱནྟེན སཱམཏྠིཡཾ, ན ཏྱཱདྱནྟེནེཏྱེཀཝཱཀྱཏཱ… ཨཉྙོ བྲཱཧྨཎཱ ཨབྲཱཧྨཎོཏི ཏཏྠ ཏཏྠ པརིཡུདཱསཝུཏྟིཏྟཱ.

པསཛྫཔྤཊིསེདྷེཏུ པཊིསེདྷསྶ པདྷཱནཏྟཱ བྲཱཧྨཎོ ན བྷཝཏཱིཏི ཝཱཀྱེན བྲཱཧྨཎསྶ པཊིསེདྷོ ཝིདྷི ཨཏྠགམྨོ ཝཱཀྱབྷེདོ, སཀཔདེན ཙ ནཉྑྱེན པཊིསེདྷབྷཱགིཝཱཙཱི སམྦཛ྄ཛྷཏེ. ཀོ སོ བྲཱཧྨཎཱ ཨཉྙོཏི ཨཱཧ- ‘བྲཱཧྨཎཏྟཱནཛ྄ཛྷཱསིཏོ’ཙྩཱདི.

ཨིཏརསྨིནྟི པསཛྫཔྤཊིསེཔེཀྑེ, ཀེནཙི སཾསཡནིམིཏྟེནཱཏི ཨུཔཝཱིཏདསྶནཱདིནཱ ཀེནཙི སཾསཡཀཱརཎེན, སབྦམྤི པདཾ སཀཏྠེ པཡོགམྤཏི ཉཱཎམཔེཀྑཏེ, ཏཉྩ ཉཱཎཾ དྭིདྷཱ སམྨཱཉཱཎཾ མིཙྪཱ ཉཱཎཉྩ. ཨུབྷཡམྤེཏབྲཱཧྨཎསདྡཾ པཝཏྟཡཏི. ཏཏྠ སམྨཱཉཱཎ པུབྦཀེ ཨབྲཱཧྨཎསདྡཔྤཡོགེ ནཏྠི ནཉྶྶ བྱཱཔཱརོ, ན ཧི ཏཏྠ ཏེན ཀིཉྩི ཀརཱིཡཏི. མིཙྪཱཉཱཎཔུབྦཀེ ཏུ ཝིཛྫཏེ ཏསྶ བྱཱཔཱ རོ ¶ ཏཏྠ ཧི ཏེན མིཙྪཱཉཱཎཔྤབྷཝཏཱ པརསྶཱཁྱཱཡཏེ, མིཙྪཱཉཱཎཾ ཙེནྡྲིཡཧེཏུཀཾ, ཝིནཱ སདིསཏྟཾ ན བྷཝཏཱིཏི པཊིསེདྷེ སཏི ཨུཏྟརཔདཏྠསདིསོ སམཱསཏྠོ ཛཱཡཏེཙྩཱཧ- ‘ཏཏྠ སདིསཏྟཾ ཝིནེ’ཙྩཱདི. རཛྫུཡཾ ཧི སཔྤབུདྡྷི སདིསཏྟཱ.

པཡོགསཱམཏྠིཡཱཙེཏི ཨབྲཱཧྨཎམཱནཡེཙྩཱདིཔཡོགསཱམཏྠིཡཱ ཙ. ཨེཝམྨཉྙཏེ- ‘‘ཡདྱཏྲ བྲཱཧྨཎམཏྟསྶཱནཡནཾ སིཡཱ པུབྦཔདསྶུཙྩཱརཎམནཏྠཀཾ སིཡཱ, ཨཐ ན ཀསྶཙི ཨཱནཡནཾ ཨེཝམྤི སབྦསྶེཝཱ བྲཱཧྨཎསདྡསྶཱནཏྠཀཏྟཾ, ཏསྨཱ པཡོགསཱམཏྠིཡཱཔི སདིསཔྤཊིཔཏྟཱི’’ཏི.

ཏགྒཏཱཏི སདིསཏྠགཏཱ. ཡཐཱཝུཏྟསྶེཝཱ-ཏྠསྶུཔབྲཱུཧནཱཡ ཝིཉྙཱུཝཙནམུཔཉྙསྶཏི ‘ཨཏོཡེཝ ཝུཙྩཏེ’ཙྩཱདི. ཨཡཉྩེཏྠ ཨཏྠོ ‘‘ནཉྭཙནེན ཨིཝསདྡེན ཙ ཡཾ ཡུཏྟཾ ཏདཉྙསྨིཾ ཏཔྤདཏྠསདིསེ-ཏྠེ པཊིཔཏྟིཾ ཛནེཏི, ཏཐཱཧྱཏྠསམྤཙྩཡོ ལོཀེ དིསྶཏི ‘ཨབྲཱཧྨཎམཱནཡཱ’ཏི བྲཱཧྨཎསདིསོ ཁཏྟིཡཱདི ཨཱནཱིཡཏཱིཏི, ཨདྷིཀརཱིཡཏི ནིཡུཛྫཏེ སདྡོ-སྨིནྟྱདྷིཀརཎཾ. ཡཐཱཝུཏྟེན ཙ བྱཱཁྱཱནེན ཀིམིཊྛཾ སིདྡྷནྟྱཱཧ- ‘ཏདེཝ’མིཙྩཱདི. ཀེཙི པན ཨུཏྟརཔདཏྠཔྤདྷཱནཏྟམིཧ ཝཎྞེནྟི.

སམཏྠཝཱདཱིནནྟི ‘‘སམཏྠོ པདཝིདྷི’’ (པཱ ༢-༡-༡) ཏྭེཝཾ ཝཱདཱིནཾ. སམཏྠ ཝཱདཱིནཾ སམཱསོ ཝིདྷེཡྻོཏི སམྦནྡྷོ, ཝིདྷེཡྻོཏི ཝཙནནྟརེན ཝིདྷེཡྻོ, ཏཐཱཧི ཨཔུནགེཡྻཱཏི གཱཡནེན ནཉྶྶ སམྦནྡྷོ, ན ཏུ པུནསདྡཏྠེན. ཨནོཀཱསཾ ཀཱརེཏྭཱཏི ཀརཎེན སམྦནྡྷོ ན ཨོཀཱསེན. ཨམཱུལཱམཱུལཾ གནྟྭཱཏི གམནེན, ན མཱུལེནཱཏི ཨསཱམཏྠིཡཾ. གམཀཏྟཝཱདིནོཏི ཨསཱམཏྠིཡེཔི ཡཏྲ གམཀཏྟཾ ཏཏྠ སམཱསོ ཧོཏེཝ, ཏཏོ གམཀཏྟཉྩ སམཱསསྶ ནིབནྡྷནནྟི ཡོ ཝདཏི ཏསྶེཏྱཏྠོ. ཨེཏྠཱཔཱིཏི ཨཔུནགེཡྻཱཏྱཱདོཔི, ནནྭཡམཔྱཱཙརིཡོ གམཀཏྟཝཱདཱི, ཏཐཱསཏི གམཀཏྟཱཨིཙྩནབྷིདྷཱཡ བཧུལཱདྷིཀཱརཱཏི ཀསྨཱཝུཏྟནྟི ཨཱཧ-‘སོ ཙེ’ཙྩཱདི.

ཀེཧིཙཱིཏི ཝུཏྟིགྒནྠེན བྱཝཙྪིནྣམཏྠཾ དསྶེནྟོ ཨཱཧ- ‘ཀེཧིཙིཡེཝ ¶ ན སབྦེཧཱི’ཏི, ཨཔུནགེཡྻཱཏི ‘‘ཊ ནཉྶྶཱ’’ཏི (༣-༧༤) ནསྶཊོ, ཨཏིཔྤསངྒཱབྷཱཝཏོཏི སུཏྟནྟརེན སམཱསེ ཨཝིཧིཏེཔི ཨནབྷིམཏཏྠཱནམྤཏཱིཏིཡཱ ཨབྷཱཝཏོ.

༡༣. ཀུཔཱ

སྱཱདིཝིདྷིནོཏི ཀཱརཀཝིབྷཏྟིཝིདྷཱནཏོ ཝིསུཾ ཨིཏྠམྦྷཱུཏཱདཱིསུཝིདྷཱནཱ སྱཱདིཝིདྷཱིཏིསངྑཾ གཏསྶ སྱཱདིཝིདྷིནོ, ཨསྱཱདིཝིདྷིམྷཱིཏི པརིཡུདཱསོ-ནཏྠཀོཏི ཙོདེནྟོ ཨཱཧ ‘ནནྭི’ཙྩཱདི, ཨནཏྠཀཾ བྷཝེཡྻ… ལཀྑཎཱདྱཏྠཱནཾ སམཱསེ གུཎཱིབྷཱུཏཏྟཱ སམཱསཏོ ཀིརིཡཱསམྦནྡྷཱནུརཱུཔཝིབྷཏྟིཡཏྠསྶ པདྷཱནབྷཱཝཏོ, པརིཧརཏི ‘ནཡིདམེཝ’མིཙྩཱདིནཱ. ‘‘ཨནུནཱ’’ཏི (༢-༡༠) ཝིཙྪཱཡམནུནཱ ཡོགེ དུཏིཡཱ ཝིདྷཱནསཱམཏྠིཡཱ ཝཱཀྱམྤི ཧོཏི, ཨཉྙཐཱ ནིཙྩསམཱསེ དུཏིཡཱ ཝིདྷཱནམནཏྠཀནྟི བྷཱཝོ, ནིགམཡཏི ཏསྨཱཨིཙྩཱདིནཱ, ‘‘ཀུ པཱཔཏྠེ’’ཏི པརེསཾ གཎཔཱཋོ, ཨེཝམུཔརིཔི ‘‘དུནིནྡཱཡཾ’’ཏྱཱདི ཝེདིཏབྦཾ.

༡༤. ཙཱིཀྲི

ཙཱིསདྡོཏི ཨེཏྠ ཙཱིཏི ཨིམིནཱ ཙཱིཔྤཙྩཡནྟཾ པརཱམསཏི, ཙཱིཔྤཙྩཡནྟ སདྡོཏི ཨཏྠོ.

༡༥. བྷཱུས

པཱིཏིསམྦྷམོཏི པཱིཏིཡཱ སམྦྷམོ པཱིཏིཔུབྦིཀཱ པཙྩུཊྛཱནཱསན དཱནཱདིཝིསཡཱ ཏུརིཏཏཱ, ཨལཾབྷུཏྭཱ པརིཡཏྟཾ སམྤུཎྞཾ བྷུཏྭཱ.

༡༦. ཨཉྙེ

པུརོབྷཱུཡ ཨགྒཏོབྷཱུཡ. ཏིརོབྷཱུཡ ཨནྟརདྷཱནཱིབྷཱུཡ. ཨནཙྩཱདྷཱནེཏི ཨིམསྶ ཨཏྠོ ‘ཨུཔརིཡཱདྷཱནཏོ ཨཉྙཏྲཱ’ཏི, ཨཱདྷཱནཾ པཏིཊྛཱཔནཾ, ཨིཙྪནྟཱིཏི པཱཎིནིཡཱདཡོ ཨིཙྪནྟི, ཨུརསི ཀཏྭཱ པཱཎིནྟི པཱཎིཾ ཨུརསི ཀཏྭཱ.

༡༧. ཝཱནེ

ཨནེཀགྒཧཎསྶ པཡོཛནཾ ཝཏྟུམུཔསཀྐཏི ‘ཨིདྷེ’ཙྩཱདི, ཝིཝཙྪིཏེཀསངྑྱཱསཱམཉྙནྟི ཝིཝཙྪིཏཾ ཨེཀསངྑྱཱཡ སཱམཉྙཾ, ཨེཝཾ མཉྙཏེ ‘‘ཡདི‘སྱཱདི ¶ སྱཱདིནེ’ཏི ཝཏྟུམིཙྪིཏེཀསངྑྱཱསཱམཉྙསྶ པརིགྒཧོ ན སིཡཱ ཏདཱ ཨིཧཱནཏྠཀ (མནེཀ)གྒཧཎཾ སིཡཱ ཏེནེཧཱནེ ཀགྒཧཎསཱམཏྠིཡཱཡེཝ ‘སྱཱདིསྱཱདིནེ’ཏི ཝཏྟུམིཙྪིཏེཀསངྑྱཱ སཱམཉྙམྤརིགྒཧིཏནྟི ཝིཉྙཱཡཏེ’’ཏི ཏེནེཙྩཱདིནཱ ཨིདཾ དསྶེཏི ‘‘ཏེན ཡཐཱཝུཏྟེན པུབྦེ ཝུཏྟོ སབྦོཔི སམཱསོ པུབྦཔརཱནཾ དྭིནྣཾཡེཝ སྱཱདྱནྟཱནཾ ཧོཏཱི’’ཏི.

ཡཛྫེཝཾ ཀཐཾ ‘ཏདཧུཛཱཏོ’ཏི བཧུལཱདྷིཀཱརེན ཝིསེསན སམཱསགབྦྷཀཱརཀསམཱསེན ཝཱ སིཛ྄ཛྷཏི, ཨཡཾ ཨཉྙཔདཏྠསམཱསོ. ཙཏྠེ བཧུནྣམིཊྛཏྟཱ ཏདཏྠཉྩཱནེཀགྒཧཎཾ, ཏེན ‘ཧོཏུ པོཏུ པིཏཱ པུཏྟཱ’ཏི ཧོཏི ཨུཏྟརཔདེ (ཡོནི) སམྦནྡྷེ པརཏོ པུབྦཔདསྶ ‘‘པུཏྟེ’’ཏི (༣-༦༥) སུཏྟེནཱཏྟེན, ཨཉྙཐཱ དྭིནྣཾདྭིནྣཾ སམཱསེ སབྦཏྠ ཨུཏྟརཔདསམྦྷཝེན ‘‘ཝིཛྫཱཡོནིསམྦནྡྷཱནམཱ ཏཏྲ ཙཏྠེ’’ཏི (༣-༦༤) ‘‘པུཏྟེ’’ཏི ཙ སུཏྟདྭཡེནཱཏྟེན‘ཧོཏཱ པོཏཱ པིཏཱ པུཏྟཱ’ཏི ཨཱཔཛྫེཡྻ. ཨནེཀནྟི པཋམནྟཏྟཱ སྱཱདཱིཏཱིདམེཝཱནུཝཏྟཏེ, ཏེནེཝཱནེཀཾ སྱཱདྱནྟམིཙྩེཝ ཝུཏྟཾ. ཨཐཱཉྙཏྠེཏི ཝུཏྟེ-ཉྙསྶ ཝཱཀྱསྶཏྠེཏི ཨཝཏྭཱ པདསྶེཙྩེཝ ཀསྨཱ ཝུཏྟནྟྱཱསངྐིཡཱ ཧ- ‘སྱཱདྱནྟསྶེ’ཙྩཱདི, ཏསྶེཝཱཏི སཱམཏྠིཡལདྡྷསྶ སྱཱདྱནྟ པདསྶེཝ སམཱསོ ཝིཉྙཱཡཏཱིཏི སམྦནྡྷོ.

ཏསྶ གུཎཱ ཏགྒུཎཱ ཏསྶེཙྩནེནཱཉྙཔདཏྠོ ནིདྡིསཱིཡཏེ, ཏསྶ ཨཉྙཔདཏྠསྶ ཡེ གུཎཱ ཡཱནི ཝིསེསནཱནི, ཏེསཾ སཾཝིཉྙཱཎཾ གཧཎཾ ཏགྒུཎསཾཝིཉྙཱཎཾ, ཨཐཝཱ སོ གུཎོ ཡསྶ སོ ཏགྒུཎོ, ཏགྒུཎསྶ ཏགྒུཎཡུཏྟསྶཱཉྙཔདཏྠསྶསཾཝིཉྙཱཎཾ, ན གུཎཝིརཧིཏསྶཱ(ཏི) ཏགྒུཎསཾཝིཉྙཱཎཾ, ཨེཏྠ པན ‘ཨཉྙཔདཏྠེ ཏགྒུཎསཾཝིཉྙཱཎཾ པྱཏྠཱི’ཏི པརིབྷཱསཱིཡཏི, ཏཏྠཱཡམཏྠོ ‘‘ཨཉྙཔདཏྠེ སམཱསེ-ཉྙཔདཏྠོ ཝིསེསནེན སཧ ཝིཉྙཱཡཏི ནཝིསེསནརཧིཏོ’’ཏི, ཀྭཙི ཨཏགྒུཎསཾཝིཉྙཱཎསྶཱཔི དསྶནེ ནཱཔིསདྡོ, ཡཏྲཱཝཡཝེན ཝིགྒཧོ སམུདཱཡོ སམཱསཏྠོ ཏཏྠེཝ ཏགྒུཎསཾཝིཉྙཱཎཾ བྷཝཏི, ཏགྒུཎསཾཝིཉྙཱཎཏོ ཨཉྙཾ ཨཏགྒུཎསཾཝིཉྙཱཎཾ, ཏསྨིཾ, ཡཏྲཱཝཡཝོཡེཝ སམཱསཏྠོ ཏཏྲཱཏགྒུཎསཾཝིཉྙཱཎཾ.

ཨེཏྠ ¶ པན བཧུདྷནསདྡོ པུརིསསྶ ཨུཔལཀྑཎབྷཱཝེན ཀཏཏྟཱ. ཨབྷིམཏོཏི པཱཎིནཱིཡཱནཾ ཨབྷིམཏོ དསནྣཾ སམཱིཔེ ཨཱསནྣཱ དསནྣམིཙྩཱདིཝཱཀྱེ.

པརིམཱཎམེཝསངྑྱེཡནྟི པརིམཱཎལཀྑཎམེཝ སངྑྱེཡཾ, ཏཉྩ པརིམཱཎལཀྑཎཾ སངྑྱེཡཉྩ.

སངྑྱཱནརཱུཔནྟི སངྑྱཱནསབྷཱཝཾ.

པརིམཱཎེནཱཏི པཉྩསངྑྱཱཡ པརིཙྪིཛྫམཱནེན སངྑྱེཡསངྑཱཏེན པརིམཱཎེན.

སངྑྱཱནཝུཏྟཱིཏི ཏེན ཨནཏིཝཏྟིཡམཱནཏཔྤརིཙྪེདཀ སངྑྱཱནརཱུཔ སངྑཱཏེ སངྑྱཱནེ ཝུཏྟི ཡསྶཱ སཱ སངྑྱཱནཝུཏྟི-པཉྩསངྑྱཱ.

དིཊྛནྟེནིམིནཱ ཨིམཾ དཱིཔེཏི ‘‘ཡཐཱ པཉྩ པརིམཱཎམེསནྟི པཉྩཀཱཏི ཨེཏྠ པརིམཱཎརཱུཔོ-ཝཡཝབྷེདསམུདཱཡསབྷཱཝོ པཀཏིཡཏྠོ སམུདཱཡིནོ སཀུནཱ པཙྩཡཏྠོ, ཏཐཱ ཏིདསཱཏི ཨེཏྠཱཔི’’ཏི, ཀཔྤཙྩཡོ པཀཏིཔྤཙྩཡཏྠབྷེདསམྦྷཝེན.

ཀེཙི པནཱཏི ཨིམིནཱ པཱཎིནཱིཡེ དསྶེཏི.

པཀཏིཔྤཙྩཡཏྠབྷེདསམྦྷཝཱཏི ཨིམིནཱ པརེསཾ པཀཏིཔྤཙྩཡཏྠཱནཾ བྷེདཱབྷཱཝསྶ ཨིཙྪིཏཏྟཱ སཉྙཱཡཾ སཀཏྠེ ཀཔྤཙྩཡསྶ ཝིདྷཱནཾ དསྶེཏི.

སྱཱདྱནྟསྶཱཏི ཨིམིནཱ ཝཱསདྡསྶ པདཏྟཾ དསྶེཏི.

ཏདཏྠེཔཱིཏི ཏསྶ ཝཱཨིཏི ཨཉྙཔདསྶ ཨཏྠེཔི, ཏདཏྠོ ཙེཏྠ ཝིཀཔྤཏྠོ ཝཱ སིཡཱ ཏདཱ པན དྭིནྣཾ གཧཎེ ན ཏིཎྞཾ, ཏེསནྟུ གཧཎེ ན དྭིནྣཾ, སཾསཡོ ཝཱ, ཏདཱ ཏུ སཾསཡསྶོབྷཡཱ ལམྦནརཱུཔཏྟཱ དྭེཝཱཏི ཝུཏྟེ ཏཡོ, ཏཡོཝཱཏི ཝུཏྟེ དྭེ ཨཔེཀྑཱིཡནྟཱིཏི བུདྡྷིཝིསཡཱ པཉྩ ཨཏྠཱ སམཱསཱབྷིདྷེཡྻོ ཧོནྟི.

ནཱམཏྟེནཱཏི རུལ༹ྷིནཱམཏྟེན, ཨབྷིམཏོ པཱཎིནིཡཱནཾ, ཝིཀཔྤིཏཾ སུཏྟནྟརེན ཝིབྷཱསཱ སབྦནཱམསཉྙཱཝིདྷཱནེན.

ཨཝཡཝདྷམྨེནཱཏི ཨཝཡཝསངྑཱཏེན སབྷཱཝེན.

ནནུ ¶ ཙ སམཱནཱདྷིཀརཎཱནཾ བཧུབྦཱིཧི ཝུཏྟོ པཱཎིནིཡེཧི ‘པཉྩཧི བྷུཏྟམསྶེཏི བྱདྷིཀརཎཱནཾ ན སིཡཱ’ཏི, ཏཐཱ པཋམཏྠཾ ཝཛྫེཏྭཱ སབྦཝིབྷཏྱཏྠེསུ ཨིཊྛོ ‘ཝུཊྛེ དེཝེགཏོཙྩཏྲ ཝུཊྛདེཝོཏི ན སིཡཱ’ཏི ཏསྨཱ ཀཐམཏྲ བྱདྷིཀརཎཱནཾ པཋམཏྠེ སམཱསོ ཝཎྞཱིཡཏེཙྩཱསངྐིཡཱཧ-‘བྱདྷིཀརཎཱནམྤི’ཙྩཱདི, བྱདྷིཀརཎཱནམྤི ཡཐཱབྷིདྷཱནཾསམཱསསབྦྷཱཝཏོ པཉྩཧི བྷུཏྟམསྶེཏྱཱདོ བཧུལཱདྷིཀཱརཱ ཨནབྷིདྷཱནཏོ ཝཱ ན བྷཝིསྶཏི, ཏཏོཡེཝ ཙ པཉྩ བྷུཏྟ ཝནྟོ-སྶེཏི སམཱནཱདྷིཀརཎཱནམྤི ཀྭཙི ན བྷཝིསྶཏི, ཏཐཱ པཋམཏྠེཔི ཀྭཙི ན བྷཝིསྶཏི ཝུཊྛེ དེཝེ གཏོ’ཏི. ཏུལྱཡོགེ གམྱམཱནེཏི ཨཏྠོ.

ཨཉྙཏྲཙཱཏི ཏུལྱཡོགཏོ-ཉྙཏྲ སལོམཀོཏྱཱདཱིསུ ཙ, ཝིཛྫམཱནཱནི ལོམཱནྱསྶ, ཝིཛྫམཱནཱ པཀྑཱ ཨསྶཱཏི ཝིགྒཧོ. ཨུཔསངྑྱཱཏོ ‘‘སྱཱདྱདྷིཀཱརེ-ཏྠིཁཱིརཱདཱིནམུཔསངྑྱཱན’’ནྟི (༢-༢-༢༤-ཝཱ) སབྷཱཝཏོ ཨེཝ ནིཝཏྟོ ན སུཏྟནྟརཏོ, གཏཏྠསྶཱཔི ཧི པཡོགེ ཨནཝཊྛཱནཾ སིཡཱ པིཊྛཔེསནེ ཝིཡ, ཀཐཉྩརཧི བྲཱཧྨཎེ བཧཱུ ཨཱནཡ, ཨཧཾ པཙཱམཱིཏི ནཱཝསྶམེཝཾ པཡོགོ, ཀཏྠཙི པན ཝཙནསིལིཊྛཏཱདིཔྤཡོཛནེ སཏི ཧོཏེཝ.

ཀཎྛེ སམྦྷཝོཏི ཀཱལ༹སྶ ཀཎྛེ སམྦྷཝོ. ཊྛསདྡཏྠོཏི ཀཎྛཊྛསདྡེ ཊྛསདྡཏྠོ. ཨོཊྛསདྡོཝ མུཁཝུཏྟཱིཏྱནེན གམྨམཱནཏྠཏྟཱ དུཏིཡསྶ མུཁསདྡསྶཱཔྤཡོགམཱཧ, ཏསྨཱ ཨོཊྛོཝ མུཁམསྶཱཏི ཝིགྒཡ྄ཧ ཨོཊྛམུཁོཏི སམཱསོ, ན ཙ པཱཎི པཱཎྱནྟརསྶ མུཁཾ, མུཁེནེཝ ཙ པཱཎིམུཁསྶ སདིསཏྟཾ པསིདྡྷནྟི སཱམཏྠིཡཱ ཨོཊྛམུཁམིཝ མུཁམསྶེཏྱཏྠེཝ ཏིཊྛཏེ, ཨུཔནྱསྱནྟེཏྱུཔནྱཱསཱ, ཝིསཡདསྶནཏྠཱཏི ཨིམིནཱ’ཀཎྛེ ཀཱལོ༹ ཡསྶཱ’ཏྱཱདཱིཀམེཝ ཝཱཀྱནྟི དསྶེཏི. སམུདཱཡེ ཝིཀཱརེཙཱཏི སམུདཱཡསམྦནྡྷེ ཝིཀཱརསམྦནྡྷེ ཙ. ཏཾསམཱསསྶཱཏི ཏསྶཱ ཚཊྛིཡཱ སམཱསསྶ, ཏདབྷིདྷཱཡིནནྟི སངྒྷཱཏ ཝིཀཱརཱབྷིདྷཱཡཱིནཾ, ཀེསཱནཾ སངྒྷཱཏོ ཨིཙྩཱདི པརེསཾ ཝཱཀྱཾ. དྷཱཏུཏོ ཛཱཏཾ དྷཱཏུཛཾ, ཨུཏྟརཔདཾ པཏིཏསདྡཱདི, ཏསྶ པཡོགོཏི པཏིཏསདྡསྶ པཡོགོ.

‘‘ནཉྶྨཱཏྠྱཏྠཱན’’ནྟི (༢-༢-༢༤) ¶ ཝཱཏྟིཀཾ, ཨེཏནཱཧ-‘ཉ ཀཱརཱནུ བནྡྷཱ’ཨིཙྩཱདི. པཱཎིནིཡཱ ཏུ ཨཝིཛྫམཱནསདྡོ ནཉྶམཱསོ, པདནྟརེ ནཱསྶ བཧུབྦཱིཧི ཝོཏྟརཔདལོཔོ, ཨཝིཛྫམཱནཱ པུཏྟཱསྶ ཨཔུཏྟོཝིཛྫམཱནཔུཏྟོཏི སཱདྷེནྟི, ཨིཙྪཏེ པཱཎིནཱིཡེཧི… དཀྑིཎཔུབྦཱ སདྡཱནཾ ནཱནཏྠཏྟཱ བྱདྷིཀརཎཏྟཱ, ཝཙནེཔཱིཏི སུཏྟེ ཝིཛྫམཱནེཔི, ཨཡ མཉྙཔདཏྠསམཱསོ པརེཧི བཧུབྦཱིཧཱིཏི ཝུཙྩཏི ཏཐཱཧི བཧཝོ ཝིཧཡོ ཡསྶ སོ བཧུབྦཱིཧི, ཡཐཱ བཧུབྦཱིཧཱིཏི ཨཉྙཔདཏྠཔྤདྷཱནོ ཏཐཱ ཨཡམྤི.

༡༩. ཙཏྠེ

སམུཙྩཱིཏི པིཎྜཱིཀརཎཾ, ཀོ སོཏི ཨཱཧ- ‘སཱདྷནམེཀ’མིཙྩཱདི. ཨེཀཾ སཱདྷནཾ ཨེཀཾ ཀིརིཡཾ ཝཱ པཊིཙྩ ཙཱིཡམཱནཏཱཏི སམྦནྡྷོ, ཀེསནྟི ཨཱཧ- ‘ཀིརིཡཱསཱདྷནཱན’ནྟི, ཀེནཱཏི ཨཱཧ- ‘ཨཏྟརཱུཔབྷེདེནཱ’’ཏི. ཏཏྠ དེཝདཏྟོ བྷུཉྫཏི ཏིཊྛཏི པཙཏིཙཱཏི སཱདྷནམྤཊིཙྩ ཀིརིཡཱནཾ ཨཏྟརཱུཔབྷེདེན ཙཱིཡམཱནཏཱ ཝེདིཏབྦཱ, དྷཝེ ཙ ཁདིརེ ཙ པལཱསེ ཙ ཚིནྡཱཏི ཀིརིཡམྤཊིཙྩ ཨཏྟརཱུཔབྷེདེན སཱདྷནཱནཾ ཙཱིཡམཱནཏཱ ཝེདིཏབྦཱ.

སོཏི སམུཙྩཡོ བྷཝཏཱིཏི སེསོ, ཀེསནྟི ཨཱཧ- ‘ཏུལྱ བལཱན’མིཙྩཱདི.

ཏུལྱབལཱནནྟི ཨིམིནཱ ཝིསུཾ པདྷཱནབྷཱཝེན ཀིརིཡཱབྷིསམྦནྡྷཱ ཨཉྙམཉྙཱནཔེཀྑཏྟམཱཧ.

ཨནིཡཏཀྐམཡོགཔཛྫཱནནྟི ཀམོ ཙ ཡོགཔཛྫཉྩ, ཨནིཡཏཾ ཀམཡོགཔཛྫཾ ཡེསཾ སདྡཱནཾ ཏེསཾ, ཡཐེཏྱཱདིནཱ ཏཏྠོདཱཧརཎཾ དསྶེཏི, ཨེཏྠཱཡམདྷིཔྤཱཡོ ‘‘ཨེཏྠ གཝཱདཱིནཾ ཝིསུཾ པདྷཱནབྷཱཝེནཱནཡནཀིརིཡཱབྷིསམྦནྡྷཱ ཏུལྱབལཏཱ གཝཱདཱིནཾ ཝུཏྟཀྐམེནེཝ ནཡནཱབྷཱཝཱ ཨནིཡཏཀྐམཏཱ གཝཱདཱིནཾ ཡུགཔདི ནཡནཱབྷཱཝཱ ཨནིཡཏ ཡོགཔཛྫཏཱ ཙ ཧོཏི, ཏཐཱ ཨཉྙཾ ཏཱདིསམྤཱི’’ཏི. ཨནུ པཙྪཱ པདྷཱནཱནུརོདྷེན (ཙཡནཾ) ཨནྭཱཙཡོ, ཏཾ བྱཉྫཡཏི ‘ཡཏྠེ’ཙྩཱདི, ཏདནུརོདྷེནཱཏི ཏདནུགུཎེན, ཨུདཱཧརཏི ‘ཡཐེ’ཙྩཱདི, བྷིཀྑཱགམནམེཏྠ པདྷཱནམནྟརངྒཏྟཱ ¶ , ནེཏརཾ བཧིརངྒཏྟཱ, ཏཾ ཀརཎེ ཡདི གཱཝོཔི པསྶཏི ཏཱཔྱཱནཡཏི, ཨེཏྠ ཏུ གོསྶཱནཡནཾ བྷིཀྑཱཊནམཔེཀྑཏེ, ནེཏརམིཏརསྶ… ཝིནཱཔི ཏེན ཏདནུཊྛཱནཏོ. ཨིཏརསྶ ཨིཏརེན ཡོ གོ ཨིཏརེཏརཡོགོ, སོ ཙ ཨེཏཱདིསོཏི ཨཱཧ- ‘ཨཉྙམཉྙེ’ཙྩཱདི.

ཨཝཡཝཔྤདྷཱནོ ཙཱཏི སཱབྷཱཝིཀཱབྷིདྷཱནསཱམཏྠིཡེནཱཔུཐུབྷཱུཏོ ཙ, ཝུཏྟིཝཡེན སཱརིཔུཏྟསདྡོ མོགྒལླཱནཏྠོ ཧོཏི མོགྒལླཱནསདྡོ སཱརིཔུཏྟཏྠོཔཱིཏི ཨཉྙམཉྙཏྠེ པདྷཱནཏོ ཡུགཔདྱདྷིཀརཎཝཙནེ སཏི ཙཏྠ སམཱསོཏི སོ-ཡམདྷིཀརཎ སམུདཱཡོ ཨུབྷཡཔདཱནུགཏཨུབྷཡཏྠཝསེན ཙཏུབྦིདྷོཔི ཡུགཔདི བུདྡྷིཡཱ གཡ྄ཧམཱནོ ཀདཱཙི ཨུབྦྷཱུཏཱཝཡཝབྷེདོ ཏེནེཝ སཱབྷཱཝིཀཱབྷིདྷཱནསཱམཏྠིཡེནེཙྩེཝམཝཡཝཔྤདྷཱནོ ཙ, ནནུ ཙ ཛནནམརཎཱནཱིཏི ཝིརུདྡྷཱནཾ ཀཐམེཀེནཱབྷིདྷཱནནྟི ཝུཙྩཏེ- སབྦོཔི སདྡོ པཡུཛྫམཱནོ (ཨིཏརཱི) ཏརེནཱཝདྷཱརཎཾ ཝཏྟཏེ, ཏེན ཨེཀེཀོ སདྡོ ཨེཀེཀསྶཏྠསྶ ཝཱཙཀོ, ཏཐཱཔི ཡཐཱ སཱརིཔུཏྟམོགྒལླཱནཱཏི ཨེཏྠ བཧུཝཙནསྶཉྙཐཱནུཔཔཏྟིཡཱ ཡུགཔདྱདྷིཀརཎཝཙནཏཱ ཧོཏཱི, ཏཐཱཏྲཱཔི བཧུཝཙནསྶཉྙཐཱནུཔཔཏྟིལཀྑཎེན སཱམཏྠིཡེན ཨེཀེནཱཔྱབྷིདྷཱནཾ ཧོཏི. ཨིཏི ཧེཏུམྷི, ཡཏོ ཨེཝམཝཡཝཔྤདྷཱནོ ཏཏོཏི ཨཏྠོ.

བཧུཏྟཱཏི ཀིཉྩཱཔི ཝཱཀྱེ ནེསཾ [ཝཱཀྱེནེཝེསཾ (པོཏྠཀེ)] ཝིསུཾ བཧྭཏྠཏཱ, ན ཧི སཱརིཔུཏྟམཱནཡཱཏི ཝུཏྟེ མོགྒལླཱནསྶཱཔི སམྤཙྩཡོ བྷཝཏི, ཏཐཱཔི ཡཏོ ཝུཏྟིཝིསཡེ སཧབྷཱུཏཱནམེཝེསཾ ཝིསུཾ བཧྭཏྠཏཱ, ཏཏོ ཏཏྠ ཝཙནཱིཡསྶ ཨཏྠསྶ སངྑྱཱཏེདེན བཧུཏྟཾ. སམཱཧརཎཾ པིཎྜཱིཀརཎཝསེན སཾཧརཎཾ སམཱཧཱརོ, སོ ཙེཝཾ ཝེདིཏབྦོཏི དསྶེཏུམཱཧ ‘ཨཉྙམཉྙེ’ཙྩཱདི.

ཨེཏྠ ཙ ཀིཉྩཱཔི ཨིཏརཱིཏརཡོགསྶ སམཱཧཱརསྶ ཙ བྷཱཝརཱུཔཏྟཱ ཨདབྦརཱུཔཏཱ, ཏཐཱཔཱིཏརཱིཏརཡོགེ ཏུ ཡཐཱ གུཎཝཙ ནཱནཾ ¶ སུཀྐཾ ཝཏྠཾ སུཀྐོ ཀམྦལོ སུཀྐཱ གཱཝཱིཏི ནིསྶཡབྷེདཏོ ལིངྒཝཙནསིདྡྷི, ཏཐཱ ཏདྡྷམྨཱནམབྷིདྷཱནཏོ ནིསྶཡཏོ ལིངྒཝཙན སིདྡྷི ཝེདིཏབྦཱ, སཾཧཏིཔྤདྷཱནཏྟཱཙེཀཝཙནནྟི ཡདཱ བཧུནྣཾ སམུདཱཡོ ཏིརོཧིཏཱཝཡཝབྷེདོ སཾགྷཱཏོ པཀྐམཱིཡཏེ, ཏདཱ སམཱཧཱརོཙྩེཝ སཾཧཏིཔྤདྷཱནཏྟཱ ཨེཀཝཙནཾ ཧོཏཱིཏི ཨཏྠོ. ཏདནུཊྛཱནཏོཏི ཏསྶ ཀརཎཏོ. བྱཏིཀརོ མིསྶཏཱ, བྱཏིཀརཾ དསྶེཏི པཱཎིཙྩཱདིནཱ, པཙྩེཀཾ པརིསམཏྟིཡཾ ཝཱཀྱབཧུཏྟཾ དསྶེཏི ‘ཏཏྠ ཧིཙྩཱདི.

ཙཀྑུཉྩ སོཏཉྩ, མུཁཉྩ ནཱསིཀཱ ཙ, ཧནུ ཙ གཱིཝཱ ཙ, ཚཝི ཙ མཾསཉྩ ལོཧིཏཉྩ, ནཱམཉྩ རཱུཔཉྩ, ཛརཱ ཙ མརཎཉྩཱཏི ཝིགྒཡ྄ཧ སམཱསོ, ‘‘སམཱཧཱརེ ནཔུཾསཀ’’ནྟི (༣-༢༠) སབྦཏྠ ནཔུཾསཀལིངྒཾ, སྱཱདིམྷི མུཁ ནཱསིཀནྟིཨཱདཱིསུ ‘‘སྱཱདཱིསུ རསྶོ’’ཏི (༣-༢༣) རསྶོ. ཨལབྷཏཱ གོམུཁཾ ཌིཎྜིམོ བྷེརིཝིསེསཱ, ཨཱལ༹མྦརཾ པཎཝོ, མུརཛོ མུདངྒོ, མདྡཝོ མུདངྒོ. མདྡཝཝཱདནཾ པཎཝཝཱདནཉྩ སིཔྤམསྶ མདྡཝིཀོ པཱཎཝིཀོ, སམྨཾ ཀཾསཏཱལ༹ཾ, ཏཱལ༹ཾ ཧཏྠཏཱལ༹ཾ, ཨལསཏཱ ཙ ཨཱལ༹མྦརོ ཙ, མུརཛོ ཙ, གོམུཁོ ཙ, སངྑོ ཙ ཌིཎྜིམོ ཙ, མདྡཝིཀོ ཙ, པཱཎཝིཀོ ཙ, གཱིཏཉྩ ཝཱདིཏཉྩ, སམྨཉྩ ཏཱལ༹ཉྩཱཏི ཝིགྒཧོ. ཡུགསྶ ཧིཏཱ ཡོགྒཱ གོཎཱ, ཏེསམིདཾ ཡོགྒཾ ཀསིཀམྨཾ, ཏསྶ ཨངྒཾ. ཏེནཱཧ- ‘ཀསིབྷཎྜཱན’ནྟི, ཕཱལོཀསཀོ, པཱཙནཾ པཏོདོ, ཡུགོ ཙ ནངྒལཉྩཱཏི ཝིགྒཧོ. པིཎྜམཱཡུདྷཝིསེསོ, ཨསི ཙ སཏྟི ཙ ཏོམརཉྩ པིཎྜཉྩཱཏི ཝིགྒཧོ. ཙམྨཾ སརཝཱརཎཕལཀཾ, ཀལཱཔོ ཏཱུཎཱིརཾ, པཧརཎཉྩ ཨཱཝརཎཉྩཱཏི ཝིགྒཧོ. ཨཧི ཙ ནཀུལོ ཙ, བཱིལཱ༹རོ ཙ མཱུསིཀོ ཙ, ཀཱཀོ ཙ ཨུལཱུཀོ ཙ, ནཱགོ ཙ སུཔཎྞོཙཱཏི ཝིགྒཧོ. སངྑྱཱ ཙ པརིམཱཎཉྩ སངྑྱཱཔརིམཱཎཾ, ཏཏྠ པརིམཱཎསཉྙཱནཾ ཡཐཱདཱིགྷོ ཙ མཛ྄ཛྷིམོ ཙ དཱིགྷམཛ྄ཛྷིམཾ. ཨེཀཀཉྩ དུཀཉྩཱཏི ཝིགྒཧོ, དུཀཏིཀཱདཱིསུཔི ཨེསེཝནཡོ.

ཁུདྡཛནྟུ སིཡཱ- ནཊྛི, ཨཐཝཱ ཁུདྡཀོཝ ཡོ;

སཏཾ ཝཱ པསཏེ ཡེསཾ, ཀེཙི ཨཱནཀུལཱ ཨཔི.

ཀཱིཊོ ཙ པཏངྒོ ཙ, ཀུནྠོ ཙ ཀིཔིལླིཀོ ཙ, ཌཾསོ ཙ མཀསོ ཙ, མཀྑིཀཱ ཙ ཀིཔིལླིཀཱཙཱཏི ཝིགྒཧོ. པཙནཙཎྜཱལཱཏི ཨོ རབྦྷིཀཱདཱིནཾ ¶ རུལ༹ྷཱིསཉྙཱ. ཨུརབྦྷེ ཧནྟྭཱ ཛཱིཝཏཱིཏི ཨོརབྦྷིཀོ, ཨེཝཾ སེསེསུ. སཱནཾ སུནཁཾ པཙཏཱིཏི སཔཱཀོ, ཝེནཱ ཏཙྪཀཱ, རཐཀཱརཱ ཙམྨཀཱརཱ. སཱདྷཱརཎཱ སམཱནཱ, ཙརཎསདྡོ- ཡཾ ཨིདྷ གཡ྄ཧཏཱིཏི སམྦནྡྷོ, ཡཐཱ སཀམཛ྄ཛྷཡནཱཡ ཙརཱིཡནྟི ཝཏཱནྱེཏེསཱུཏི ཙརཎཱནི, ཀཋཱདིཝཱཛྷཱནྱཛ྄ཛྷཡནཱནི སཱཁཱསཉྙཀཱནི. ཡསྨཱ ཨེཏེཧི ཙརཏི ཨརིཡསཱཝཀོ གཙྪཏི ཨམཏཾ དིསཾ, ཏསྨཱ ཙརཎཱནི སཱིལཱདཡོ པཎྞརས དྷམྨཱ. ཏེནཱཧ- ‘ཀཋཱདཱིཧཱི’ཏིཨཱདི, ཀཋཱདཱིཧཱིཏི པསིདྡྷིཝསེན ཀམཱཏིཀྐམེནཱཔི ཝུཏྟཾ, ཏཏོ ཨཱདིསདྡེན ཨཏིསཱདཡོ གཡ྄ཧནྟི. ཨཏིསེན བྷཱརདྭཱཛེན ཀཋེན ཝུཏྟཾ ཝིདནྟྱདྷཱིཡནྟི ཝཱཏི ‘‘ཨཉྙསྨི’’ཏི (༤-༡༢༡) ཎོ, ‘‘ལོཔོ’’ཏི (༤-༡༢༣) ལོཔོ ཨཏིསཱ བྷཱརདྭཱཛཱ ཀཋཱ. ཀལཱཔིནཱ ཝུཏྟཾ ཝིདནྟྱདྷཱིཡནྟི ཝཱཏི, ཏེནེཝ ཎོ, ཀལཱཔཱ, ཀཋཱ ཨཱདི ཡེསཾ ཏེ ཀཋཱདཡོ, ཏེཧི ཨཛ྄ཛྷེནཝིསེསེ ཙ པུརིསེ ཙ ཨུཔཙཱརཱཏི སམྦནྡྷོ.

སཱིལཱདཡོཏིཨཱདིསདྡེན ཨིནྡྲིཡསཾཝརཱདཡོ གཡ྄ཧནྟི. སཱིལཉྩ པཉྙཱཎཉྩ, སམཐོ ཙ ཝིཔསྶནཱ ཙ ཝིཛྫཱ ཙ ཙརཎཉྩཱཏི ཝིགྒཧོ. ཨེཀཏོ ཨཛ྄ཛྷཡནམེཏེསཱུཏི ཨེཀཛ྄ཛྷཡནཱནི, པཀཋཱནི ཝཙནཱནི པཱཝཙནཱནི སདྡྷམྨོ, ཨེཀཛ྄ཛྷཡནཱནི ཙ ཏཱནི པཱཝཙནཱནི ཙ ཏེསཾ, དཱིགྷོ ཙ དཱིགྷཱགམོ ཙ མཛ྄ཛྷིམོ ཙ མཛ྄ཛྷིམཱགམོ ཙ, ཨེཀུཏྟརོ ཙ ཨངྒུཏྟརཱགམོ ཙ སཾཡུཏྟཱགམོ ཙ, ཁནྡྷཀོ ཙ ཝིབྷངྒོཙཱཏི ཝིགྒཧོ.

ཏེསནྟི ཨིམིནཱ ལིངྒཝིསེསཱནནྟི ཚཊྛིཡནྟཏཾ དཱིཔེཏི, ཨིཏྠཱི ཙ པུམཱ ཙ, དཱསཱི ཙ དཱསོ ཙ, ཙཱིཝརཉྩ པིཎྜཔཱཏོ ཙ སེནཱསནཉྩ གིལཱནཔཙྩཡོ བྷེསཛྫཔརིཀྑཱརོ ཙ, ཏིཎཉྩ ཀཊྛོ ཙ སཱཁཱ ཙ པལཱསོ ཙཱཏི ཝིགྒཧོ. ཚེཀོ དཀྑོ, པུབྦཱ ཙ པརཱཙཱཏིཨཱདིནཱ ཝིགྒཧོ.

པུབྦདཀྑིཎནྟིཨཱདཱིསུ ‘‘བྱཉྫནེ དཱིགྷརསྶཱ’’ཏི (༡-༣༣) རསྶོ. ཀཱསོ ཙ ཀུསོ ཙ ཨུསིརོ ཙ བཱིརཎཉྩ, མུཉྫཉྩ བབྦཛཉྩཱཏི ཝིགྒཧོ. ཁདིརོ ཙ པལཱསོཙཱཏིཨཱདིནཱ ཙ, གཛོ ཙ གཝཛོ ཙཱཏིཨཱདིནཱ ཙ, ཧཏྠཱི ཙ གོཙ ཨསྶོ ཙ ཝལ༹ཝཱཙཱཏི ཙ, ཧཾསོ ཙ བལཱཝཱ ཙཱཏིཨཱདིནཱ ཙ, བཀོ ཙ བལཱཀཱཙཱཏི ཙ. ཧིརཉྙཉྩ སུཝཎྞོ ཙ, མཎི ཙ སངྑོ ཙ མུཏྟཱ ཙ ཝེལུ༹རིཡོ ཙ ཛཱཏརཱུཔཉྩ རཛཏཉྩཱཏི ཙ, སཱལི ཙ ¶ ཡཝཀོཙཱཏིཨཱདིནཱ ཙ, སཱཀཉྩ སུཝཉྩཱཏིཨཱདིནཱཙ, ཀཱསིཡོ ཙ ཀོསལཱཙཱཏིཨཱདིནཱ ཙ ཝིགྒཧོ, ཛནཔདཝཱཙིནཱ ཙ བཧུཝཙནནྟཱ.

ཨེཀཝཱིསཏིཙྩཱདིནོ ཨེཀཉྩ ཏཾ ཝཱིསཏིཙཱཏི ཝིསེསནསམཱསོ ཝཱ སིཡཱ, ཨེཀཉྩ ཝཱིསཏི ཙ ཨེཀཝཱིསཏཱིཏི ཙཏྠསམཱསོ ཝཱ, སམཱཧཱརེ ནཔུཾསཀཏྟནྟུ ན པཔྤོཏི, ‘‘ནཱནུསཱསནཱིཡཾ ལིངྒཾ སོཀནིསྶཡཏྟཱ ལིངྒསྶེ’’ཏི ལོཀེ ནཔུཾསཀལིངྒསྶེཧཱནབྷིདྷཱནཏོ ནཔུཾསཀལིངྒཾ ན བྷཝིསྶཏཱིཏྱདྷིཔྤཱཡོ, སབྷཱཔརིསཱཡཱཏི ཉཱཔཀཏོ ཝཱ སམཱཧཱརེ ནཔུཾསཀལིངྒམཏྲ བྱབྷིཙརཏཱིཏི དཊྛབྦཾ.

པུབྦཔྤཡོགོ-བྷིམཏོཏི ཨུཔསཛྫནསཉྙཀསྶ སྱཱདཱིཏི པཋམཱཡ ནིདྡིཊྛསྶ སམཱསེ པུབྦནིཔཱཏོ ‘‘ཨུཔསཛྫནཾ པུབྦ’’མིཙྩནེན (༢-༢-༣༡) ཨིཊྛོ ཀམསྶ པདྷཱནབྷཱཝེན ཝཏྟུམིཊྛཏྟཱཏི ‘‘སྱཱདིསྱཱདིནེཀཏྠ’’ནྟི (༣-༡) ཨེཏྠ སྱཱདཱིཏི པཋམཱནིདྡིཊྛསྶཱསངྑྱཱདིནོ པུབྦམཝཊྛཱནཏོ སྱཱདིནེཏི ཏཏིཡཱནིདྡིཊྛསྶ པཙྪཱཝཊྛཱནཏོ ‘‘སྱཱདིསྱཱདིནཱ’’ཏི སུཏྟེ པཊིཔཱཊིཡཱ པདྷཱནབྷཱཝེན ཝཏྟུམིཊྛཏྟཱ.

པརཔྤཡོགོ-བྷིམཏོཏི ཧེཊྛཱ ཝུཏྟསུཏྟེན པུབྦནིཔཱཏེ པཏྟེ ‘‘རཱཛདནྟཱདཱིསུ པར’’ནྟཱིམིནཱ (༢-༢-༣༠) པརནིཔཱཏོ-བྷིམཏོ, ཝཙནེནཱཏི- ‘‘བཧུལ’’ནྟི ཝཙནེན, པུབྦཀཱ ལཡུཏྟསྶ པརཔྤཡོགོ-བྷིམཏོཏི རཱཛདནྟཱདིཔཱཋཏོ ཨེཝཱ-བྷིམཏོ.

ཀམམྤཙྩནཱདརཱཏི ཨིམིནཱ པདྷཱནབྷཱཝེནཱ-ཀྐམསྶ ཝཏྟུམིཊྛཏྟམཱཧ. སརོ ཨཱདི ཡསྶ ཏཾ སརཱདི, སངྑོ ཙ དུནྡུབྷི ཙ ཝཱིཎཱ ཙ, ཨུདུཀྑལཉྩ མུསལོ ཙ, དྷནཔཏི ཙ རཱམོ ཙ ཀེསཝོཙཱཏི ཝིགྒཧོ. ཛཾདཾསདྡཱ ཛཱཡཱསདྡསམཱནཏྠཱ ཨསངྑྱཱ-ཛཉྩ པཏི ཙ, དཉྩ པཏིཙཱཏི ཝིགྒཧོ, ཨཝནྟཡོ ཙ ཨསྶཀཱཙ, ཨགྒི ཙ ཨིནྡོཙཱཏི ཝིགྒཧོ, ཏཾནིཝཱསིམྷི གཧིཏེ ཨཝནྟི ཙ ཨསྶཀོཙཱཏི ཨེཀཏྟེནཔི ཝིགྒཧོ ཝཏྟཏི. དྭནྡསམཱསོ- ཡཾ དྭནྡསདིསཏྟཱ དྭནྡོ, དྭེ ཙ དྭེ ཙ པདཱནི དྭནྡཱནཱིཏི ཧི ཨུབྷཡཏྠཔྤདྷཱནོ- ཡཾ དྭནྡསདྡོ.

༢༡. སངྑྱཱ

ཨཐ ‘‘སམཱཧཱརེ ནཔུཾསཀ’’ནྟི (༣-༢༠) ཝིཛྫམཱནེ ཀིཾ ‘‘སངྑྱཱདཱི’’ ཏི ཨིམིནཱ ¶ སཏྠགཱརཝཀརེནཱཏི ཨཱསངྐིཡ ཙོདེཏི ‘ནནུཙེ’ཙྩཱདི. ཏཐཱཧིཙྩཱདིནཱ ‘‘སམཱཧཱརེ ནཔུཾསཀ’’ནྟེཝ སིཛ྄ཛྷནཾ སམཏྠེཏི. ཡཐཱཝུཏྟཙོདནཱཙཱལནེ པརཱདྷིཔྤཱཡཾ པརིཀཔྤེནྟོ’ཙཏྠེ’ཏིཨཱདིམཱཧ.

ནེཏི ཨིམིནཱ ཙཏྠེཏིཨཱདིནཱ ཀཏཔརིཀཔྤནཱ ན སིཛ྄ཛྷཏཱིཏི དསྶེཏི, ཏཏྠ ཧེཏུམཱཧ- ‘སམྦནྡྷསྶ པུརིསཱདྷཱིནཏྟཱ’ཏི, སཏིཙེཙྩཱདིནཱ ‘སམཱཧཱརེ ནཔུཾསཀ’ནྟེཏྠ ཝིསེསནགྒཧཎེ པཡོཛནཾ ཝཏྭཱ ‘སངྑྱཱདཱི’ཏི ཨིམསྶ ནིརཏྠཀཏྟམེཝ ཐིརཱིཀརོཏི.

པཡོཛནེཏི ལཱགྷཝཔྤཡོཛནེ;

སམྦནྡྷཱིཡཏཱིཏི ཝིསེསནགྒཧཎཾ སམྦནྡྷཱིཡཏི;

ཨེཏྠཱཏི ཨེཏསྨིཾ ‘སངྑྱཱདཱི’སུཏྟེ;

ཏནྣེཏི ཨིམིནཱ ཡཐཱཝུཏྟཾ ཙོདནཾ ནིཝཏྟེཏི.

‘སངྑྱཱདཱི’ཏི སུཏྟསྶ སཱཏྠཀཏྟམཱཧ- ‘ཙཏྠསམཱསཱནནྟར’མིཙྩཱདིནཱ. ཨེཀཏྟབྱཔདེསོ ཀཱཏབྦོཏི ‘‘སངྑྱཱཔུབྦོ དིགཱུ’’ཏི (༢-༡-༥༢) སངྑྱཱཔུབྦསྶ སམཱསསྶ དིགུསཉྙཾ ཝིདྷཱཡ ཏདཏྠསྶ ‘‘དིགུརེཀཝཙན’’ནྟཱིམིནཱ (༢-༤-༡) ཨེཀཏྟབྱཔདེསོ པརེཧི ཝིཡ ཀཱཏབྦོ.

སམཱཧརཎཾ སམཱཧཱརོཏི ཨིམིནཱ བྷཱཝསཱདྷནོ-ཡཾ སམཱཧཱརསདྡོ. ཡདི སམཱཧརཱིཡཏཱིཏི སམཱཧཱརོཏི ཀམྨསཱདྷནོ སིཡཱ, ཏདཱ པཉྩ ཀུམཱརིཡོ སམཱཧཊཱཏི ཝཱཀྱསྶཱཏྠེ ཝུཏྟི སིཡཱ པཉྩཀུམཱརཱིཏྱེཏྠ སཀཔདཏྠཔྤདྷཱནཏྟཱ བཧུཝཙནཾ སིཡཱ ‘‘གྷཱཔསྶཱནྟསྶཱཔྤདྷཱནསྶཱ’’ཏི (༣-༢༤) ཨཔྤདྷཱནརསྶཏྟཉྩ ན སིཡཱ… སམཱཧཊཱནམེཝ ཀུམཱརཱིནཾ པདྷཱནཏྟཱ, ཏསྨཱ པཉྩ གཱཝོ ས མཱཧཊཱཏྱེཏསྨིཾ ཝཱཀྱེ སམཱསོཝ ནཏྠི ཀམྨསཱདྷནསྶཱནུཔགམཏོ. པཉྩནྣཾ གུནྣཾ སམཱཧཱརོ, ཙཏུནྣཾ པཐཱནཾ སམཱཧཱརོཏི ཝཱཀྱེ པན ཨཏྠི, སམཱཧཱརསྶེཀཏྟཱ ཏུ སཏཾ ཡཱུཐཾ ཝནནྟི ཨེཏྠ ཝིཡ སཱབྷཱཝིཀམེཀཝཙནཾ སིདྡྷམེཝེཏི ཝིཉྙཱཔེཏི.

༢༢. ཀྭཙེ

ཀྭཙིསདྡསྶ ¶ པཡོགནིཡམནཏྠོ ‘‘པརོ ཀྭིཙཱི’’ཏི (༡-༢༧) ཨེཏྠ ཝུཏྟནཡེན ཝེདིཏབྦོ. ཨཝིསེསེན ཨུདཱཧརཎེཔཱིཏི པརེསཾ ཝིཡ ‘‘ཚཱཡཱ’’ཏི (༢-༢-༧༣) སུཏྟཡིཏྭཱ ཝིཀཔྤེན ‘(ཀུཌྜཙྪཱཡ) ཀུཌྜཙྪཱཡཱཏི ཙ ‘‘བཱཧུལླེ’’ཏི (ཙཾ, ༢-༢-༧༤) སུཏྟཡིཏྭཱ ནིཙྩཾ ‘ཨུཙྪུཙྪཱཡཾ སལབྷཙྪཱཡ’ནྟི ཙ ནོདཱཧརིཏྭཱ སཱམཉྙེན ‘སལབྷཙྪཱཡཾ སཀུནྟཙྪཱཡ’ནྟི ཨུདཱཧརཎེ དསྶིཏེཔི. ཨཉྙཏྠཱཏི བཧུལབྷཱཝཏོ ཨཉྙཏྠ. ཝིགྒཧསམཏྟསྶཱཏི ཝིགྒཧསཱམཉྙསྶ, ཡཐཱསམྦྷཝནྟི པཱསཱདསྶ ཚཱཡཱཨིཙྩཱདིནཱ སམྦྷཝཱནཏིཀྐམེན, སདྡཱཏི སདྡཏོ པརཱཡ.

༢༣. སྱཱདི

ནནུཙེཙྩཱདིནཱ ཝུཏྟཾ ཙོདནཾ ནིསེདྷེཏི ‘ཏནྣེ’ཏི. ཏཏྠ ཀཱརཎམཱཧ- ‘གྷསཉྙཏྟཱ’ཏྱཱདི. ཨགྷོནནྟི གྷཨོཀཱརཝཛྫིཏཱནཾ, ནནུ ཨིཏྠི ཡམཱཀཱརོ གྷོ, ཏཐཱསཏི ནཔུཾསཀེ སོ (ན སིཡཱཏི) པརིཀཔྤེཏི ‘ནཔུཾསཀཏྟཱ གྷཏྟམེཝ ནཏྠཱིཏི ཙེདི’ཏི. ཏམྤི ནེཏི ཡཐཱ ཝུཏྟམྤཊིཀྑིཔིཏྭཱ ཨཏྠེཝ ནཔུཾསཀེ གྷཏྟནྟི [ནཔུཾསཀཏྟནྟི (པོཏྠཀེ)] དསྶེཏུམཱཧ-ཚཊྛཱིསམཱསསྶེ’ཙྩཱདི. ནཔུཾསཀེ གྷཏྟསྶ [ནཔུཾསཀཏྟསྶ (པོཏྠཀེ)] སབྦྷཱཝམེཝ སམཏྠེཏི ནཔུཾསཀཏྟཾ ཧི’ཙྩཱདིནཱ, པཱརིབྷཱསིཀནྟི ཨེཏྠ སུཏྟམེཝཱདྷིཔྤེཏཾ, པརིབྷཱསཱཡ ནིབྦཏྟཾ པཱརིབྷཱསིཀཾ སུཏྟིཀནྟི ཨཏྠོ. ཨཱརབྷིཏབྦམེཝིདཾ སུཏྟཾ (ནཔུཾསཀསྶཱཔི) རསྶཏྟཝིདྷཱནཱཡཱཏི ཨདྷིཔྤཱཡོ. གྷནིསྶིཏམྤི ཀཱརིཡནྟི ‘‘གྷབྲཧྨཱདཱིཏེ’’ཏྱཱདིནཱ (༢-༦༠) ཝིདྷིཡམཱནམེཀཱརཱདིཀཱརིཡམྤི. ཨེཏཾ གྷནིསྶིཏཾ ཀཱརིཡཾ ནཙ ཡུཏྟནྟི སམྦནྡྷོ. ཨཡུཏྟཏྟེཔི དོསོ-ཡམཱཔཏཏེཝཱཀྱཱསངྐིཡཱཧ-‘ནཱཡམྤིདོསོ’ཙྩཱདི, ན རསྶསྶ ཨེཏྠེཝ ལདྡྷཱཝསརཏྟཱ པཋམཾ ཏེན པཝིཊྛེ… (གྷནི)སྶིཏཾ ཀཱརིཡནྟི ནཱཡམྤི དོསོ པརིབྷཱསཱཝ སེནཱཏི མནྟབྦཾ. སལབྷཙྪཱཡེ ཨིཏི པདཙྪེདོ.

༢༤. གྷམ

ཨཏོཨེཝཙཱཏིཨཱདི ¶ ཧེཊྛཱ ཝུཏྟནཡཱཝལམྦེན ཝུཏྟཾ.

༢༥. གོསྶུ

སཀཏྠཔརིཙྩཱགེན ཀུལེ པཝཏྟཏྟཱཏི ཨིམིནཱ ཚཊྛཱིསམཱསསྶ ཨུཏྟརཔདཏྠཔྤདྷཱནཏྟམཱཧ.

༢༦. ཨིཏྠི

ཨིཏྠིཝིདྷཱིསུ ‘‘པུཐུསྶ པཐཝཔུཐཝཱ’’ཏི (༣-༣༩) སུཏྟཔརིཡནྟེསུ. ཨིཏྠིཡནྟི ཨིདཾ ནཱམཝིསེསནཾ ཝཱ སིཡཱ པཙྩཡཏྠཝིསེསནཾ ཝཱ, ཏཏྠ ནཱམཝིསེསནམེཝིདཾ ན པཙྩཡཏྠཝིསེསནནྟི དསྶེཏུམཱཧ- ‘ནཱམེ’ཙྩཱདི. ཨཀཱརནྟཏོ ནཱམསྨཱཏི ཨེཀཏྟཱདིམཧནྟཏྠཝཱཙིཏོ ཨཀཱརནྟཏོ ནཱམསྨཱ. ཨིཏྠཏྟནྟི ཨེཏྠ ཨིཏྠཱིཏི ཨིཏྠིལིངྒཾ ཝུཙྩཏི. ཨིཏྠིཡེཝ ཧི ཨེསཱཏི ལིངྒཱིཡཏི སངྐེཏཱིཡཏཱིཏི ལིངྒཾ. ཨིཏྠིཡཱ ཨེསཱཏི པསིདྡྷིམཏོ ཨཏྠསྶ བྷཱཝོ སཱམཉྙཾ བཱལཡུཝཏྟཱདི ལཀྑཎཾ ཨིཏྠཏྟཾ. ཀིམེཏྠ ལིངྒཾ ནཱམ–

ཨེསེསོ ཨེཏམིཏི ཙ,

པསིདྡྷི ཨཏྠེསུ ཡེསུ ལོཀསྶ;

ཐཱིཔུཾ ནཔུཾསཀཱནཱིཏི,

ཝུཙྩནྟེ ཏཱནི ནཱམཱནི.

ཨཏྠེསུ ཡེསུ ཨེསཱ ཨེསོ ཨེཏནྟི པསིདྡྷི ལོཀསྶ ཧོཏི ཨེཏཱནི ཡཐཱཀྐམཾ ཨིཏྠིཔུརིསནཔུཾསཀལིངྒཱནཱིཏི ལོཀེན ཝུཙྩནྟཱིཏི ཨཏྠོ. ཨེཝཉྩཀཏྭཱ ཝུཙྩཏེ ‘‘ལིངྒཾ ནཱནུསཱསནཱིཡཾ ལོཀནིསྶ ཡཏྟཱ ལིངྒསྶཱ’’ཏི. ཏཏྠ གོཨིཙྩཱདཱིསྭེསཱ ཨེསོཏི པསིདྡྷིཡཱ ཨིཏྠིལིངྒཏྟཾ, ཨཙྩིཨཱདཱིསྭེསཱ ཨེཏནྟི པསིདྡྷིཡཱ ཨིཏྠིནཔུཾསཀཏྟཾ, ཏཊོབྷཊཱི ཏཊམིཙྩཱདཱིསྭེསོ ཨེསཱཨེཏནྟི པསིདྡྷིཡཱ པུམིཏྠིནཔུཾསཀཏྟཾ, མཱལཱཨིཙྩཱདཱིསྭེསཱཏི པསིདྡྷིཡཱ ཨིཏྠཏྟཾ, རུཀྑོཙྩཱདཱིསྭེསོཏི པསིདྡྷིཡཱ པུལླིངྒཏྟཾ, ཀུལམིཙྩཱདོ ཨེཏནྟི པསིདྡྷིཡཱ ནཔུཾསཀཏྟཾ. སམཱསསྶཱཔྱེཝཾ དཊྛབྦཾ, ཛོཏཀཱཏི དསྶེཏཱིཏི སམྦནྡྷོ. ཛོཏཀཱ ¶ ཨིཏྠཏྟསྶེཏི པཀརཎཏོ ཝིཉྙཱཡཏི. ཏཏོ ཝེཙྩཱདིནཱ པཙྩཡཏྠབྷཱཝིནོ ཡེ དོསཱ ཏེསམེཏྠནཱཝཀཱསོཏི དསྶེཏི. སམཱནཱདྷིཀརཎཏྟཾ བཧུཝཙནམྤི ཧོཏཱིཏིསམྦནྡྷོ. ཨིམིནཱ ཨིདཾ དཱིཔེཏི ‘‘ཨིཏྠཏྟསྶ པཙྩཡཏྠཏྟེ སཏི པདྷཱནཏྟཱསྶ བྱཏིརེཀལཀྑཎཱཡ ཚཊྛིཡཱ ‘ཀུམཱརིཏྟཾ (དེཝདཏྟཱཡཱ’ཏིབྷཝིཏབྦཾ, ཏཏོ ཙ ན སིཡཱ ཀུམཱརཱི) དེཝདཏྟཱ’ཏི སམཱནཱདྷིཀརཎཏྟཾ, ཏཐཱ ཀུམཱརིཡོཏི བཧུཝཙནམྤི ཨིཏྠཏྟསྶེཀཏྟཱ. པཀཏིཡཏྠ ཝིསེསནཔཀྑེ ཏུ པཀཏིཡཱ ཨིཏྠཏྟཝིསིཊྛཾ དབྦམེཝོཙྩཏེ, ཨཱཨཱདཡོ ཏུ ཛོཏཀཏཱཏི ཏཏྠ བྱཏིརེཀཱབྷཱཝཱ ཚཊྛིཡཱ ཨཔྤསངྒོ ཙ བཧུཝཙནམྤི ཨནེཀཏྟཱཝ དབྦསྶ ཡུཏྟནྟི ཡཐཱཝུཏྟདོསཱཝསརཱབྷཱཝཱ ཨིཊྛཏྠསིདྡྷཱི’’ཏི. ཨཉྙེཏི ཛཡཱདིཙྩ ཛིནིནྡབུདྡྷྱཱཙརིཡཱདཡོ དསྶེཏི.

ཨིཏྠིཡམབྷིདྷེཡྻཱཡནྟི ཨིཏྠིལིངྒསངྑཱཏེ ཨིཏྠཏྟེ ཨཏྠབྷཱུཏེ, ཡཐེཝཧཱིཏིཨཱདིནཱ ཨུཔམཱཝསེན ཡཐཱཝུཏྟམེཝཏྠཾ ཝིབྷཱཝེཏི. ཏཏྠ ཨིཏྠཏྟམིཙྩཱདིནཱ པརོཔཝཎྞིཏཔཀྑསྶཱཡུཏྟཏྟནྣིཙྪིནྡེཏི, ནོ པཔཛྫཏེ [ནོཔཔཛྫེཡྻ (པཉྩིཀཱ)] དེཝདཏྟཱསདྡཝཙནཱིཡསྶཱཔི ཨིཏྠཏྟཏོ ཨབྱཏིརིཏྟཏྟཱ ‘ཨིཏྠཏྟཾ དེཝདཏྟཱཡཱ’ཏི བྷིནྣཱདྷིཀརཎཏཱ ན ཡུཛྫཏེ, ཨནུཔཔཏྟིམེཝ སམཏྠེཏི ‘དེཝདཏྟཱཡཱཏི’ཙྩཱདིནཱ. སམཱནཱདྷིཀརཎཏྟམེཝ སིཡཱ ཨིཏྠིསདྡཝཙནཱིཡཏོ ཨནཉྙཏྟཱ དེཝདཏྟཱ སདྡཝཙནཱིཡསྶ ཨིཏྠཱི དེཝདཏྟཱཏི.

ཨཏོཨེཝཱཏི ཨིཏྠཏྟེ ཨཱཝིདྷཱནཏོཡེཝ. ཏབྦཏོཏྠསྶཱཏི ཨིདཾ ཛཡཱདིཙྩཱདིམཏཱནུགཱམིནཱ [ནུགཱམཱི པན (པོཏྠཀེ)] ཝུཏྟཾ, ཏཐཱ ཧི ཏེ ཨེཝཾ ལིངྒལཀྑཎ མཱཧུ (པཱ, ༤-༡-༣ ཀཱསིཀཱཡཾ) ‘‘སཱམཉྙཝིསེསཱ ཨིཏྠཏྟཱདཡོ གོཏྟཱདཡོ ཝིཡ བཧུཔྤཀཱརབྱཏྟིཡོཏི [སཱམཉྙཱནི ཙ ཏུལྱཛཱཏིཡཔདཏྠསཱདྷཱརཎཏྟཱ ཏཱནི ཝིསེསཱ ཙ ཨཉྙ མཉྙེཧི ཝིཛཱཏིཡེཏི ཙ ཝིསིསྶནྟེ བྱཱཝཏྟནྟེཏི སཱམཉྙཝིསེསཱ. བྱཉྫཱིཡནྟིཨཱ ཨེཏེཧཱིཏི བྱཏྟིཡོ སཱམཉྙཝིསེསཱནཾ ནིསྶཡཱ, བཧུཔྤཀཱརཱ བྱཏྟི ཡོ ཡེསཾ སཱམཉྙཝིསེསཱནཾ ཏེ ཏཐཱཝུཏྟཱཏི– (ཀཱསིཀཱཝིཝརཎ པཉྫིཀཱ.)] ཏེ ཧྱེཝཾ མཉྙནྟེ ‘‘ཡཐཱ ¶ གོཏྟཱདཡོ སམཱནཛཱཏིཡེསུ སབྦེསྭནུཝཏྟནྟེ, ཝིཛཱཏིཡེཧི པན ནིཝཏྟནྟེ, ཏཐཱ ཨིཏྠཏྟཱདཡོཔི. ཝིཙིཏྟཏྟཱ པན སཱམཉྙཝིསེསནིསྶཡཱནཾ བྱཉྫཀཱནཾ ཀོཙིཡེཝ སཱམཉྙཝིསེསོ ཀེནཙིདེཝ ནིསྶཡེན བྱཉྫཏེ, ན སབྦོ སབྦེན (པཏི) ནིཡཏཝིསཡཏྟཱ བྷཱཝསཏྟཱིནཾ, ཏཏྠ ཡེནཏྠེན ཨིཏྠཏྟམེཝ བྱཉྫཏེ ན པུམཏྟཾ ནཱཔི ནཔུཾསཀཏྟཾ, སཱ ཨིཏྠིཡེཝ བྷཝཏི ན པུམཱ ནཱཔི ནཔུཾསཀཾ. ཡེན པུམཏྟམེཝ བྱཉྫཏེ, སོ པུམཱཡེཝ. ཡེན ཏུ ནཔུཾསཀཏྟཾ ཏཾ ནཔུཾསཀམེཝ. ཡོ ཏུ དྭིནྣཾ ཏིཎྞཾ (ཝཱ) བྱཉྫཀོ, སོ དྭིལིངྒོ ཏིལིངྒོ ཝེ’’ཏི (པཱ, ༤-༡-༣ ཀཱསིཀཱཝིཝརཎཔཉྫིཀཱ) ཏསྨཱ པབྦཏོ ཡཐཱ ཝུཏྟཨིཏྠཏྟཝཏོ ཨཏྠསྶ ཨབྷིདྷེཡྻསྶཱཏི ཨེཝམེཏྠ ཨཏྠོ དཊྛབྦོ.

ཨཐེཙྩཱདིནཱ ཡཐཱཝུཏྟདོསཔརིཧཱརཱཡ ཛིནིནྡབུདྡྷིནཱ ཡདུཔཝཎྞི ཏཾ ཏཾ པརིཀཔྤེཏི. སོ ཨེཝ ཙརཧིཙྩཱདིནཱ ཨུཔཧཱསཔུབྦཀམུཏྟར མཱཙིཀྑཏེ. མསིམཀྑིཏཀུཀྐུཊོཝིཡཱཏི ཡདཱ ཀོཙི ཨཉྙཀུཀྐུཊོ ཨཉྙསྨཱ བྷཱིཏོ སིཡཱ, ཏདཱ ཝིཛཡིནོ ཀུཀྐུཊསྶ མུཁཾ མསིཡཱ མཀྑེཏྭཱ ཨུཔནེནྟི སོ པཋམཾ ཏཏོ བྷཱིཏོཔི པུན ཨཉྙོཏི མནྟྭཱ ཡུཛ྄ཛྷིཏུམུསྶཧཏེ. ཡཐཱཏྲ སོཝ ཀུཀྐུཊོ བྱཱཛེ ནོཔདསྶིཏོ, ཏཐཱ ཏྲཱམཱིཏྱཏྠོ.

༢༩. ཨཱརཱ

པུཾཡོགེན བྷརིཡཱཡཾ ཝཏྟམཱནཏོཝ ནིཡམེན ‘‘མཱཏུལཱདིཏྭཱནཱི བྷརིཡཱཡཾ’’ (༣-༣༣) ཏྱཱནཱི, ཨིམིནཱ ཏྭནིཡམེན བྷརིཡཱཡམབྷརིཡཱཡཉྩ ཨིནཱིཏྱནིཡམེན ཝཏྟུམཱཧ- ‘ཨཱརཱམིཀསྶ བྷརིཡཱ’ཨིཙྩཱདི.

༣༡. ཀྟི

ཏྟིམྷཱཏི ཨེཏྟཀེ ཝུཏྟེཔི ཏྟིཔྤཙྩཡནྟཏོཏི ཝཙནེ ཀཱརཎམཱཧ-ཀེཝལསྶ ཨཉྙཔདཏྠེ པཡོགཱབྷཱཝཱ’ཏི. ཨིམིནཱ པཙྩཡགྒཧཎཔརིབྷཱསམནྟརེནཱཔི སཱམཏྠིཡེནེཝཱཡམཏྠཝིསེསོ ལབྦྷཏཱིཏི དཱིཔེཏི.

༣༢. གྷར

ཏཾསནྣིཡོགཱཏི ¶ ཏེན ནཱིཔྤཙྩཡེན སནྣིཡོགཱ ཨེཀཱིབྷཱཝཱ, ཨཡམེཏྠཱདྷིཔྤཱཡོ ‘ཡཏྠ ནཱིཔྤཙྩཡོ ཏཏྠེཝ ཡལོཔོ’ཏི.

༣༣. མཱཏུ

བྷརིཡཱཡནྟི པཀཏིཝིསེསནཏྟཱ མཱཧ- ‘བྷརིཡཱཡ’ནྟིཨཱདི. པུནྣཱམདྷེཡྻཱཏི པུརིསསྶ སམཉྙཱབྷཱུཏཱ, པུཾཡོགེནཱཏི པུརིསེན སཧ སམྦནྡྷེན ཧེཏུནཱ. ཨིཏྠིཡཾ ཝཏྟནྟཱིཏི སོཡམིཏྱབྷེདཝཙནིཙྪཱཡཾ ཡདཱ བྷརིཡཱསངྑཱཏཱཡམིཏྠིཡཾ ཝཏྟནྟེ, ནདཱདིཔཱཋཱཏི ཝུཏྟེ ཝིཉྙཱཡཏི ‘ཨཱཀཏིགཎཏྟཱ ནདཱདིཔཱཋོ ཧོནྟོ ཨེཝཾ ཧོཏཱི’ཏི དསྶེཏི, པུནྣཱམསྨཱཡོགཱཨཔཱལཀནྟཱཏི ནདཱདིཔཱཋཏོཏི ཨཏྠོཏི སེསོ. ཨིདཉྩ ནདཱདཱིསུ གཎསུཏྟནྟི ཝེདིཏབྦཾ, ཏསྶ ཨཏྠཾ ཝདཏི-‘པུམུནོ’ཨིཙྩཱདི, ཨཔཱལཀནྟཱཏི ཀིཾཔསུཔཱལིཀཱ ཁེཏྟཔཱལིཀཱ.

༣༩. པུཐུ

པུཐུསདྡཏོ སཉྙཱཡཾ ཝཱིཔྤཙྩཡཾ སམཏྠེཏི‘པུཐུབྷཱུཏཱ པཐཝཱིཏི ཧི མཧཱི ཝུཙྩཏཱི’’ཏི, པུཐུབྷཱུཏཱཏི ཧི ཨིམིནཱ པཐཝཱིསདྡསྶ པུཐུསདྡབྷཱུཏཏྟཾ ཝིཉྙཱཔེཏི, མཧཱི ཝུཙྩཏཱིཏི ཨིམིནཱ ནདཱདིཔཱཋཱ སཉྙཱཡཾ ཝཱིཔྤཙྩཡཏྟཾ, པུཐུབྷཱུཏཱ པཏྠཊཱཏི ཨཏྠོ.

༤༠. སམཱ

པརཱདྷིཀཱརཏོ པཙྩཡསྶ པརཝིདྷིནཱཝ སཱམཱིཔྱསྶ སིདྡྷཏྟཱ སཱདྷཱིཔྱཝཙནསྶནྟསདྡསྶ གཧཎམནཏྠཀཾ སིཡཱཏི མནྟྭཱཝཡཝཝཙནོ ཡམནྟསདྡོ གཡ྄ཧཏཱིཏི དསྶེནྟོ ཨཱཧ- ‘ཏསྶ ཨནྟོ’ཨིཙྩཱདི. ཨཝསཱནཝཏི+ཨཝཡཝོཏི པདཙྪེདོ, སམཱསགྒཧཎེན གཧཎེ ཀཱརཎམཱཧ-‘ཨཝཡཝཏྟཱ’ཏི. ཡཐཱཝུཏྟཙོདནཱཡ ནིདྡོསཏྟམུཔམཱཝསེན དསྶེཏུམཱཧ-‘ནཱཡཾ དོསོ’ཙྩཱདི. པལླཝིཏསྶ རུཀྑསྶ པལླཝཱནམཝཡཝཏྟཾ ཝིཡ སམཱསཏོ ཨུཏྟརཀཱལཾ ཝིདྷཱིཡ མཱནསྶ ཨཀཱརསྶ སམཱསཱཝཡཝཏྟཾ ན ཝིརུཛ྄ཛྷཏཱིཏི ཨཏྠོ.

༤༤. ཨསཾ

ཨཏིཀྐནྟམངྒུལིཡོཏི ¶ ཝིགྒཧོ. དྭེ ཨངྒུལིཡོ སམཱཧཊཱཏི པརཝིགྒཧེནཱཏྠམཱཧ, དྭེ ཨངྒུལིཡོ པམཱཎམསྶཱཏི ཝིགྒཧེནེཝཾ སམཱསོ ཏཏོ མཏྟཔྤཙྩཡེ ཏགྒྷཔྤཙྩཡེ ཝཱ ཏསྶ ‘‘ལོཔོ’’ཏི (༤-༡༢༣) ཨིམིནཱ ལོཔེ ཀཏེ ཝིསེསནསམཱསཱ ཨཀཱརོཏི དསྶེཏུཾ ‘ཀཐ’མིཙྩཱདིནཱ ཡཾ ཝུཏྟཾ ཏཾ དསྶེཏུཾ ‘ཨཉྙཔདཏྠེ’ཙྩཱདི ཝུཏྟཾ. སམཱསཝིདྷཱནཾ ཨཏོཔཱིཏི མཏྟཱདིཔྤཙྩཡལོཔཾ ཀཏྭཱ ‘‘ཝིསེསནམེཀཏྠེནེ’’ཏི (༣-༡༡) སམཱསཝིདྷཱནཱ, ཨཐ ནཱཡམངྒུལིསདྡེནེཝཾ སམཱསོ, མཱནེ པཙྩཡལོཔཝསེན ཝིནཱཝ ཨཔྤཙྩཡེན ནིཊྛཔྤཏྟཱིཏི མནྟྭཱ ‘ཨངྒུལསདྡོ ཝཱ’ཙྩཱདིནཱ ཡཾ ཝུཏྟིཡཾ ཝུཏྟཾ ཏཏྠ ཨཱསངྐཾ ཝིརཙཡཏི ‘ཨཐེ’ཙྩཱདི. དྭངྒུལསདྡསྶ པམཱཎིནིཝཏྟནཏོ ཀཐཉྩིཔི ཨཉྙཔདཏྠཏཱ སིཡཱཏི ‘ཡཐཱ ཏཐཱ ཨཉྙཔདཏྠེ ཝཏྟཏཱུ’ཏིཝུཏྟཾ. ནནུ ནིརངྒུལནྟྱཱདི སབྦམངྒུལསདྡེན སཱདྷེཏུཾ སཀྐཱ, ཏཐཱ སཏི ཀིམངྒུལི སདྡཱ ཨཔྤཙྩཡཝིདྷཱནེནེཏྱཱསངྐིཡ པཡོཛནནྟརཾ ཨཔདིསིཏུམཱཧ- ‘སབྦཏྠེ’ཙྩཱདི. ཨངྒུལིསདྡཏོ ཨཔྤཙྩཡེ ཨཝིཧིཏེ ནིརངྒུལིཙྩཱདིཔི སིཡཱ ཏནྣིཝཏྟནམེཏྠ པཡོཛནནྟི དསྶེཏི ‘ཨངྒུལིསདྡནིཝཏྟནཏྠ’ནྟི.

༤༥. དཱིགྷཱ

དཱིགྷརཏྟནྟྱཱདོ ནཱནུསིཊྛཏྟཱ ལིངྒཝིསེསསྶ ཀཐཾ ནཔུཾསཀཏྟམེཝིཙྩཱསངྐིཡ ཙོདེཏི ‘ནནུཙེ’ཙྩཱདི. ནཱཡཾདོསོཙྩཱདིནཱ པརིཧརཏི. ‘‘ལིངྒཾ ནཱནུསཱསནཱིཡཾ ལོཀནིསྶཡཏྟཱ ལིངྒསྶཱ’’ཏཱིདམཱལམྦ ཝདཏི ‘ལོཀེ’ཏིཨཱདི. ཨཐཝཱཏི པཀྑནྟརོཔདསྶནཏྠེ ནིཔཱཏོ, ཝིབྷཛྫཱཏི ཝིབྷཛིཏྭཱ. ཀྭཙཱིཏི ཡོགཝིབྷཱགེནཱཏི ཨདྷིཔྤཱཡོ.

ཨཧོརཏྟནྟི སམཱཧཱརེ (ཙཏྠ) སམཱསཱ ནཔུཾསཀཏྟཾ. ཨཏིརཏྟོཏི པུལླིངྒེ པཱདིསམཱསོ, སམུདཱཡསདྡསྶཱཔྱཝཡཝེ ཝུཏྟི སབྦྷཱཝཏོ ཨེཀདེསཝཙནོ པུབྦརཏྟཱདོ རཏྟིསདྡོཙྩཱཧ-‘པུབྦཱ ཙ སཱ རཏྟི ཙཱ’ཏིཨཱདི. ཨེཝམེཀརཏྟནྟི པཱཋེན ན བྷཝིཏབྦཾ… ཏསྶ སམཱཧཱརེན སམཱསཏྟཱབྷཱཝཱ. ནཔུཾསཀལིངྒམྤན ལོཀསནྣིསྶ ཡཏྟཱ ཝིཉྙེཡྻཾ.

ཨསམཱསནྟཔཀྑེཏི ¶ སམཱསནྟཨཔྤཙྩཡསྶཱབྷཱཝཔཀྑེ. པུབྦཱ ཨཏིཀྐནྟཱ རཏྟི པུབྦརཏྟཱི(ཏི རཏྟི སདྡོ) ནེཀདེསཝཙནོཏི སམཱསནྟཱབྷཱཝོ.

༤༦. གོཏྭ

ནནུཙེཙྩཱདིནཱ ཡཐཱཔཱདིཏདོསཾ ནཱཡཾ དོསོཏི པརིཧརཏི. སྱཱདིལོཔསྶིཙྩཱདིནཱ སུལབྷསྱཱདི ལོཔཏོ པྱསུལབྷཏདྡྷིཏ ལོཔོཝ ཨལོཔེཏཱིམིནཱ པརཱམཊྛུཾ ཡུཏྟོཏི དསྶེཏི.

༤༧. རཏྟི

རཏྟིནྡིཝཾ བྷུཉྫཏཱིཏི པཡོགེ ཨཱདྷེཡྻེ བྷོཛནསངྑཱཏེ ཨཔེཀྑིཏེ རཏྱཱདཡོ ཨཱདེཡྻསཱཔེཀྑཱ, ཏེསམྤི ཨིམིནཱ ནིཔཱཏ ནེནེཝཱཏིམཏཱ སམཱསསྶ སིདྡྷཱིཏི དསྶེནྟོ ཨཱཧ- ‘རཏྟནྡིཝ’ནྟིཨཱདི, རཏྟི ཙ དིཝཱཙཱཏི ཝིགྒཧོ, ཙཏྠསམཱསེ ཏུ ར(ཏྟིནྡི) ཝཱ.

༥༠. དཱརུ

སམཱསཏྠོ (ཨེཏྠ) དཱརུ, ནཱསྶ མུཁྱཱཧི ཨངྒུལཱིཧི སམྦནྡྷོ ཡུཛྫཏི, ནནུ དྭེ ཨངྒུལཱི པམཱཎམསྶ དཱརུནོཙྩཱདིཾ མུཁྱོ ཨངྒུལིསདྡོགཧིཏོཏི སམྦནྡྷོ སམྦྷཝཏི ཀིམེཝཾ ཝུཙྩཏེཙྩཱསངྐིཡཱཧ-‘ཡདིཔི’ཙྩཱདི, པམཱཎཝཙནེནཱཏི མཏྟཱདིཔཙྩཡཏྠབྷཱུཏཔམཱཎཝཱཙཀེན, ཨངྒུལི སདྡསྶ དཱརུནོ པམཱཎཝཱཙཀཏྟཱ ཝུཏྟཾ- ‘དཱརུནོ སམྦནྡྷོ ཨཏྠཱི’ཏི. ཝིསེསནསམཱསཏོ པརཾ ཏདཏྠཝིསཡེ ཏསྨིཾཔམཱཎཏྠཝིསཡེ ‘‘མཱནེམཏྟོ’’ཏིཨཱདིནཱ (༤-༤༦) མཏྟཱདིཔྤཙྩཡེནབྷཝིཏབྦནྟིཨཏྠོ, ལོཔེནབྷཝིཏབྦནྟི སམྦནྡྷོ, ‘‘ཨསངྑྱེཧི ཙཱངྒུལྱཱ ནཉྙཱསངྑྱཏྠེསུ’’ཨིཙྩཏྲ (༣-༤༤) ཡདཱཁྱཱཏཾ, ཏདིཧཱཔྱཏིདིསམཱཧ-‘པུབྦེ ཝིཡསིདྡྷ’ནྟི, ཨནཀཱརནྟཱནནྟི བྷཱུམིཨཱདཱིནཾ, ཏབྦིདྷཱནེ ཏསྶ ཨཔྤཙྩཡསྶ ཝིདྷཱནེ པཡོཛནཾསིསྶོཀཱརོཏིསམྦནྡྷོ. ཨིམིནཱ ཀཙྩཱཡནཱནཾ པཀརཎེ པཡོཛནཾ དསྶིཏཾ. ཨཐཙ པནེཏྠ ‘‘ཀྭཙི སམཱསནྟགཏཱནམཀཱརནྟོ’’ཏི (ཀ, ༢-༧-༢༢) ཨིམིནཱ ཨཀཱརནྟསྶ སམཱསནྟེ ཀཏེ སཱམཏྠིཡཱ ‘སྱཱཙ’ཨིཏི (ཀ, ༢-༣-༢༩) སིསྶཱཀཱརཱདེསཱབྷཱཝཱ ནིཙྩམོཀཱརནྟརཱུཔཾ སམྤཛྫཏཱིཏི པརིཀཔྤིཡཏསྶཱཡུཏྟབྷཱཝཾ དསྶེཏུཾ ཡཾ ¶ ཝུཏྟཾཝུཏྟིཀཱརེན, ཏཾ དསྶེཏུམཱཧ‘ཨཀཱརནྟསྶཔི’ཙྩཱདི, ཡཾ-ཝུཏྟཾ སིསྶཱཀཱརཱ དེསནིཝཏྟནེ ཨཀཱརཀརཎེ སཱམཏྠིཡཾ, ཏདབྷཱཝཱ སིསྶཱཀཱརཱདེསོ ན ནིཝཱརཱིཡཏཱིཏི དསྶེཏུམཱཧ-‘ནཙེ’ཙྩཱདི. ཙརིཏཏྠཏཱཡ ནིཊྛིཏཔྤཡོཛནཏཱཡ, ཏེནེཝ ཀཙྩཱཡནཝུཏྟིཀཱརེནེཝ ཨཔྤཙྩཡནྟ མུདཱཧཊཾ སཀྐཏགནྠཱནུསཱརེན, ཨབྱཉྫནནྟཏྟཱཏི ཨིམིནཱ ཏིཎྞམེསཾ སདྡཱནཾ སཀྐཏེ བྱཉྫནནྟཏྟམེཝ བོདྷེཏི, ནིརཏྠཀནྟི པུབྦེཝ ཨཀཱརནྟཏྟཱ ནིརཏྠཀཾ, ཨཱཀཱརཝིདྷཱནེནེཝཱཏི (ཀ, ༢-༧-༢༥) ‘‘དྷནུམྷཱཙ’’ ཨིཏྱཱཀཱརཝིདྷཱནེནེཝ.

༥༡. ཙིཝཱི

ཨཉྙམཉྙཀིརིཡེཏི ཀིརིཡཱཔརིཝཏྟནམཱཧ, ཨིམིནཱ སུཏྟེ ཀིརིཡ སདྡཱབྷཱཝེཔི ཝཱིཏིཧརཎསདྡེནེཝ ཀིརིཡཱབྱཏིཧཱརེཏི ལབྦྷཏཱིཏི དསྶེཏི.

༥༢. ལཏྭཱི

པཊིམུཀྐཀམྦཱུ ཨཱམུཀྐཝལཡཱ.

༥༣. ཝཱཉྙ

ཀཱཔེཀྑེཧཱིཏི ཀཔྤཙྩཡམཔེཀྑིཏེཧི.

༥༤. ཨུཏྟ

ཨཱཔརིཙྪེདཱཝསཱནཱ ན པརེ [པརེན (པོཏྠཀེ)] ཏཏོ པརཾ ཎཱདིཀཱརིཡཝིདྷཱནཱ.

༥༧. ཊནྟ

ཊཱདེསེ པུབྦསརལོཔོ, ཨཏིསཡེན མཧནྟཱིཏི ཝིགྒཧེ ‘‘ཏརཏམིསྶིཀིཡིཊྛཱཏིསཡེ’’ཏི (༤-༦༤) ཏརཔྤཙྩཡོ ཎཱདིཝུཏྟིཡཾ ཝིབྷཏྟིལོཔོ. མཧཏྟརསདྡཱ ‘ནདཱདིཏོཝཱི’’ (༣-༢༧) མཧཏོ བྷཱཝོཏི ཝཱཀྱེ‘‘ཏསྶ བྷཱཝཀམྨེསུཏྟཏཱ ཏྟན ཎྱ ཎེཡྻ ཎིཡ ཎིཡཱ’’ཏི (༤-༥༦) ཏྟོ, ཝིབྷཏྟིལོཔོ, ཚཊྛཱིསམཱསོ, ཏེནཱཧ ‘རཏྟཉྙཱུན’མིཙྩཱདི.

༥༨. ཨ

ནྟོ ¶ ནེཏི སམྦནྡྷོ.

༦༠. པར

པརཱསདྡོ ཨེཏྠ ཨདྷིཀཏྠོཏི ཨཱཧ-‘ཨདྷིཀཱ’ཏི.

༦༣. ཀླུ

ཨཔཝཱདཝིསཡེཔཱིཏི ‘‘ཝིཛྫཱཡོནིསམྦནྡྷཱནམཱ ཏཏྲ ཙཏྠེ’’ཏི (༣-༦༤) ཨིམསྶ ཨཔཝཱདསུཏྟསྶ ཝིསཡེཔི.

༦༤. ཝིཛྫཱ

ཨཐ ཝིཛྫཱཡོནིསམྦནྡྷཱནམིཏྱུཙྩམཱནེ ཝིཛྫཱསམྦནྡྷཱིནཾ ཡོནིསམྦནྡྷཱིནནྟི ཀཐཾ ཝིཝརཎམིཙྩཱཧ-‘ཝིཛྫཱཡོནི’ཙྩཱདི, ཝིཛྫཱ ཙ ཡོནི ཙ ཝིཛྫཱ ཡོནཱི ཏཱསཾ སམྦནྡྷོ, སོ ཡེསཾ ཨཏྠི ཏེ ཧོཏཱདཡོ མཱཏཱདཡོ ཙ ཨབྷེདོཔཙཱརེནེཧ ཝིཛྫཱཡོནིསམྦནྡྷིསདྡེན གཡ྄ཧནྟཱིཏི ཨདྷིཔྤཱཡོ, ཏསདྡེནཱཏི ཏཏྲེཏྱཏྲ. ཏེ ཙ ལྟུཔིཏཱདཡོཏི ཏསདྡེན པརཱམཊྛཱ ལྟུཔིཏཱདཡོ ཙ, ཨཏྠེ ཀཱརིཡཱ སམྦྷཝཱ ཏཾཝཱཙཀོ སདྡོ གཡ྄ཧཏི.

༦༥. པུཏྟེ

ལྟུཔིཏཱདཱི (ཏི པུབྦ) སུཏྟེ ཏཏྲེཏི གཧིཏལྟུཔིཏཱདི.

༦༦. ཙིསྨིཾ

པཙྩཡགྒཧཎཔརིབྷཱསཱཡ ཙིཔྤཙྩཡནྟེཏི ཝུཏྟཾ.

༦༧. ཨིཏྠི

ཨིཏྠིསདྡེན ཨིཏྠིལིངྒཾ གཧིཏཾ ན ཨིཏྠཱི, ཏགྒཧཎེ སཏི ‘ཨིཏྠིཡཾ ཝཏྟམཱནེ’ཏི ཝུཏྟིགནྠསྶ ཨིཏྠིསངྑཱཏེ ཨཏྠེ ཝཏྟམཱནེཏི ཨཏྠོ གཡ྄ཧེཡྻ, ཨེཝཾ སཏི ‘ཀལྱཱཎིཔྤདྷཱནཱ’ཏི ཨེཏྠཱཔི པུམྦྷཱཝོ པསཛྫེཡྻ… པདྷཱནསདྡསྶ ཀལྱཱཎིཡཾ ཝཏྟམཱནཏྟཱཏི ཨཱཧ- ‘ཨིཏྠིཡནྟི ཨིཏྠིལིངྒེ’ཏི. ཨཐ ཨིཏྠིཡནྟི ཨེཏྟཀེ ཝུཏྟེ ཀཐཾ ཏགྒཧཎཾ ¶ སིཡཱཏི ཨཱཧ-‘ཝིསེསནེ’ཙྩཱདི, ཨེཀཏྠེཏི ཝུཏྟེཔི ཨིཏྠིཡཾ ཝཏྟམཱནེཏི ཨཡམཏྠོ ཝིཉྙཱཡཏཱིཏི ཨིཏྠིཡནྟི ཝཙནམནཏྠཾ སིཡཱཏི སམཏྠམཉྙཐཱནུཔཔཏྟིཡནྟི ཨིཏྠིཡནྟི ཝིསེསནམིཏྠིལིངྒསྶེཝ གཧཎེཏི ཨཱཧ- ‘ཝིསེསནེ’ཙྩཱདི, ཨིཏྠིཡནྟི ཨིཏྠིལིངྒསྶེཝ གཧཎནྟི སམྦནྡྷོ. བྱཝཙྪེཛྫཱབྷཱཝཱ ཝིསེསནམནཏྠཀཾ སིཡཱཏི ཨེཀཏྠེཨིཙྩནེནེཝ ཨིཏྠིཡཾ ཝུཏྟིཡཱ (གམྨ) བྷཱཝཏོཏི བྷཱཝོ. པུམེ པུལླིངྒེ ཝཏྟམཱནོ སདྡོ པུམཱསདྡོ, སཀལོཏི པདེསསཀལོ ཧི གཡ྄ཧཏི… ཀསྶཙི སུཏྟཏྠསྶ པུཐབྷཱུཏཏྟཱ, ཏེནེཝཙཱཧ- ‘ཨིཏྠིཡནྟུ ན ཝཏྟཏྟེ’ཏི.

༦༩. སབྦཱ

ཝཏྟནཾ ཨེཀསྨིཾ ཨཏྠེ ཨདྷིཏྠིཙྩཱདོ ཨིཏྠིཝིསིཊྛེ སཏྟམིཡཏྠཱདོ, ཝཱསིཊྛོཙྩཱདོ ཝསིཊྛཱདིཝིསིཊྛེ ཨཔཙྩཱདོ, པུཏྟཱིཡཏིཙྩཱདོ པུཏྟཱདིཝིསིཊྛེ ཨིཙྪཱདྱཏྠེ པཝཏྟི, ཏེནཱཧ-‘ཨེཀཏྠཱིབྷཱཝོ’ཏི. སཱམཉྙ གཧཎཏྠནྟི ཨིམིནཱ མཏྟསདྡསྶ ཀསིཎཏྠེ པཝཏྟིམཱཧ.

༧༠. ཛཱཡཱ

ཨེཝནྟི ཨིམིནཱ ཨིཏརཱིཏརཡོགེ ཙཏྠསམཱསཾ ཝིབྷཱཝེཏི. ཛཱནིཛཱཡཱ, སདྡནྟརེནཱཏི ཛཱནིསདྡེན ཏཐཱསདྡོཔདིཊྛེན དཾ ཛཾ སདྡནྟརེན ཙ, ཀེསཉྩིཏི ཁརཱིགཏནྟིཨཱདཱིསུ ‘ཁརཱི’ཏིཨཱདཱིནཾ ཀེསཉྩི, ཁརཱིཏི ཁརཏྠེ ཝཏྟམཱནོ-ཡཾ སདྡོ ནིཡཏཝིསཡོ… གཏསདྡཾ ཝིནཱ ཨཉྙཏྠ ཨདིཊྛཏྟཱ, ནཱཡམྤཡོགོཏི ཏུདམྤཏིཔྤཡོགཾ ནིཝཏྟེཏྭཱ ཧེཏུམཱཧ- ‘ཨཱགམེ’ཙྩཱདི, ཨཉྙེཧི ཙཱཏི ཨིམིནཱ རཱུཔསིདྡྷིཾ གཎྷཱཏི.

༧༥. ཨན

ནནུ སུཏྟེ‘སརེ’ཏི ཨེཏྟཀཾ ཝུཏྟཾ‘སརཱདོ’ཏི ཀཐཾ ལདྡྷནྟི ཨཱཧ-‘སརེ’ཏིཨཱདི, ཝཎྞེ ཡནྟནྟདཱདོཏི སིཊྛཝཙནཾ, ཝཎྞེ པརབྷཱུཏེ ཡཾ ཀཱརིཡཾ ཝིདྷཱིཡཏེ ཏཾ སོ ཝཎྞོ ཨཱདི ཡསྶ ཏཾ ཏདཱདི, ཏསྨིཾ ཏདཱདོ ཨུཏྟརཔདེ སམྤཛྫཏཱིཏི ཨཏྠོ, ཁཱདྷཱཏུཏོ ཀྟཔྤཙྩཡེ ཝིཧིཏེ རསྶེནཱཀཱརེནེཝཱཡམྤཡོགོ, ན ཝིསུཾ ཨཀཱརེནཱཏི དསྶེཏུཾ ན ཨཱཀྑཱཏཾ ཨནཀྑཱཏ ‘‘བྱཉྫནེ དཱིགྷརསྶཱ’’ཏི ཨུཏྟརཔདཱདི སརསྶ རསྶཏྟ’ནྟི ཝུཏྟཾ.

༧༦. ནཁཱ

སཉྙཱསདྡེསུཙཱཏིཨཱདིནཱ ¶ ཨཝཡཝཏྠནིརཔེཀྑཱནམྤི ཡཐཱཀཐཉྩི ནིཔྥཏྟིཾ དསྶེནྟོ སབྦེསམེཝ སདྡཱནཾ ནིཔྥནྣཝཱཙིཏཉྩཱཏྟནོ དཱིཔེཏི, ཡཐཱཀཐཉྩི ནིཔྥཏྟི, རུལ༹ྷིཡཱ ཨཏྠནིཙྪཡོ, ཏེན སཉྙེཙྩཱདོ-དྷིཔྤཱཡཾ ཝིཝརཏི ‘ཡཾཀིཉྩི’ཏྱཱདིནཱ, ཨིཏྠཱི ཙ པུམཱ ཙ ཨིཏྠིཔུམཾ, ན ཨིཏྠི པུམནྟི སམཱསེ ནིཔཱཏནེནིམིནཱ ནཔུཾསཀཱདེསོ [ནཔུཾསཀནིདྡེསོ (པོཏྠཀེ)] ཏི དསྶེཏི ‘ན ཨིཏྠི’ཙྩཱདིནཱ. ཁཱི-ཁཡེ, ཁར-ཝིནཱསེ ཙཱཏི ཧི ཨེཏེཧི ‘ན ཁཱིཡཏི ན ཁརཏཱི’ཏི ཨཏྠེ ‘‘བྷཱཝཀཱརཀེསྭ གྷཎ གྷཀཱ’’ཏི (༥-༤༤) ཨཔྤཙྩཡེ’ ན ཁཡ ན ཁར’ཨིཏི ཋིཏེ ཁཏྟཱདེསོཏི ཨཱཧ- ན ཁཱིཡཏི’ཙྩཱདི.

༧༧. ནགོ

ཨེཝནྟི ཨིམིནཱ གཙྪཏཱིཏི ཝཱཀྱེ ཀྭིཔྤཙྩཡཱདིཾ དསྶེཏི, ཝིསེསོ པནེཏྠ ནཉྶྶ(ཊོ) ཝསལོ ཙཎྜཱལོ, སཱིཏེན ཀརཎབྷཱུཏེན.

༧༨. སཧ

ཏཏྠ ཏསྨིཾ པརབྷཱུཏེ, ཡསྶ ཙ ཛྷཏྟནྟི སམྦནྡྷོ.

༨༠. ཨཔ

ཨཔྤཙྩཀྑཾ པཙྩཀྑཉཱཎེནཱནུཔལབྦྷནཱིཡཾ ཏམྤནཱཏྠཏོ-ནུམེཡྻམེཝ. ཏསྨིཾ གམྨམཱནེ ཡམཱདེསོཏི ཀེནཙི ལིངྒེནཱདྷིགཏེནཱནུམཱནཉཱཎེནཱནུམེཡུཏྟམགྱཱདིནོཏི དསྶེཏུམཱཧ- ‘ཀཔོཏེ’ཙྩཱདི. ཀཔོཏཱདིབྷཱཝེཏི ཀཏྠཙི གྷརཱདོ ཀཔོཏཝཱཏམཎྜལིཀཱདཱིནཾ དསྶནཝསེན སབྦྷཱཝེ སཏི. ཨགྱཱདིདསྶནཏོཏི ཨགྒིཔིསཱཙཱདིདསྶནཏོ, ཨཉྙཏྲཱཔཱིཏི གྷརཱདིཏོ ཨཉྙཏྲ, ཀཔོཏཝཱཏམཎྜལིཀཱདིནོ ལིངྒསྶ, ཨགྱཱདིཡོགནྟི ཨགྒིཨཱདཱིཧི ཨནུམེཡྻེཧི སམྦནྡྷཾ. མནྟྭཱཏི ཨནུམཱནཉཱཎེན ཛཱནིཏྭཱཔཡོགོཏི སཱགྒིསཔིསཱཙཱཏི པཡོགོ.

༨༡. ཨཀཱ

སཀཏྠེ ¶ ཝཏྟམཱནསྶ སཧསདྡསྶཱཏི ཝཏྟབྦེ ཝཏྟམཱནོ ཏཔྤདྷཱནོཡེཝཱཏི ཨཱཧ- ‘སཀཏྠཔྤདྷཱནསྶ སཧསདྡསྶཱ’ཏི, ཝུཏྟི བྷཝཏཱིཏི སམྦནྡྷོ, ཡུགཔདི དྷུརཱ སདྷུརཾ. ཨཔརཎྷེན སཧིཏཾ སཧཱ པརཎྷཾ.

༨༢. གནྠ

‘‘ཨཊྛཱདས ནིམེསཱ ཏུ, ཀཊྛཱ ཏིཾསནྟུ ཏཱཀལཱ’’ཏི ཝཙནཏོ ཨཱཧ- ‘ཀལཱ ཀཱལཝིསེསོ’ཏི. ཀལཱདིསངྑཱཏགནྠསྶཱནྟེ སཧསདྡོ ཝཏྟཏཱིཏིསམཱསཝཱཀྱཾ ནིདྡིསཏི ‘ཀལནྟ’མིཙྩཱདི. གནྠནྟེཙྩཱདིནཱ ཨཱསངྐཏོཡམདྷིཔྤཱཡོ ‘‘ཀཱལཏྠཔརིཙྩཱགེན གནྠནྟེ ཝཏྟམཱནཏྟཱ ཨཀཱལཏྠོ’’ཏི. གནྠཝུཏྟིཔི ཀལཱདི ཀཱལསདྡཏྠཾ ནཱཏིཀྐམཏཱིཏི ཨདྷིཔྤཱཡེནཱཧ- ‘གནྠཝུཏྟིཔི’ཙྩཱདི. ཨདྷིཀོ མཱསཀོ ཨསྶཱཏི སམཱསཀོ, ཝིཀཔྤེན སིདྡྷེཏི ‘‘སཧསྶ སོ-ཉྙཏྠེ’’ཏི (༣-༧༨).

༨༣. སམཱ

སམཱནོ པཏི ཡསྶཱ སཔཏྟིནཱི སཔཏྟཱི ཨིཏི ནིཔྥནྣཱནམེཀདེསོ ‘པཏྟིནཱི པཏྟཱི’ཏི དསྶིཏོཏི ཝཏྟུམཱཧ- ‘ཡཀྑཱདི ཏྭིནི’ཙྩཱདི. ཝཡསདྡསྶ ‘‘སརཝཡཱཡཝཱསཙེཏཱ ཛལཱསཡཱཀྑཡལོཧཔཊམནེསཱུ’’ཏི གཎཔཱཋཏོ ཨཀྑཡེ ཝཏྟམཱནསྶོ མནཱདིཏྟཱ ཨོཀཱརནྟཏྟནྟི དསྶེཏུམཱཧ- ‘ཝཡོ’ཏིཨཱདི. ཡཔྤཙྩཡནྟོཏི ཨིམིནཱ ནིཔཱཏནེན ཏཀཡཔྤཙྩཡནྟོ.

༨༤. ཨུད

‘‘ཨཉྙསྨི’’ནྟི (༤-༡༢༡) ཨིཡཔྤཙྩཡཝིདྷཱཡཀཾ སུཏྟཾ.

༨༨. ཏུམྷཱ

ཏུམྷེ ཝིཡ དིསྶནྟཱིཏི ཏུམྷཱདཱི ཨམྷཱདཱིཙྩཱདིཾ ‘‘སབྦཱདཱིནམཱ’’ཏི (༣-༨༦) ཨཱ.

༩༠. ཝིདྷཱ

གབྦྷེནཱཏི ཨིམིནཱ ཀུཙྪིགཏེན གབྦྷེན སཧ དྭིཧདཡཏྟམསྶཱཏི དསྶེཏི, པུབྦཔདེཏི དུསདྡེ.

༩༢. དིགུ

གུཎཱ ¶ པཊལཱ [དྭེ པདཱནི ཨསྶ ཨིཏི བྷཝིཏབྦཾ] དྭེ པཱདཱ ཨེསཾ དྭེ སཏཱནི ཨསྶ, དྭེ སཧསྶཱནི ཨསྶ, དྭིནྣཾ སཏཱནཾ དྭིནྣཾ སཧསྶཱནཾ ཝཱ སམཱཧཱརོཏི ཝིགྒཧོ.

༩༣. ཏཱིསྭ

དྭཏྟིཔཏྟཱཏི པཋམནྟཱ‘པཱུར-པཱུརཎེ’ཨིཙྩསྨཱ ཀརཎཏྠེ ‘‘བྷཱཝ ཀཱརཀེསྭ གྷཎ གྷཀཱ’’ཏི (༥-༤༤) ཨཔྤཙྩཡེ སྱཱདིསམཱསོཏི དསྶེཏུ མཱཧ- ‘དྭཏྟིཔཏྟ’ཨིཙྩཱདི.

༩༤. ཨཱསཾ

དྭེ ཙ ཏིཾསཱ ཙ, དྭཱིཧི ཝཱ ཨདྷིཀཱ ཏིཾསཱཏི ཝིགྒཧོ.

༩༦. ཙཏྟཱ

སམྤཏྟཝིབྷཱསཱཡནྟི ཨཡཾཡོགོ (སམྤཏྟཝིབྷཱསཱཏི) དསྶེཏི, སམྤཏྟེ ཝིབྷཱསཱ ཝིཀཔྤོཏི ཨཏྠོ, ཏཡོ ཙ ཙཏྟཱལཱིསཱ ཙ, ཏཱིཧི ཝཱ ཨདྷིཀཱ ཙཏྟཱལཱིསཱཙྩཱདིནཱ ཝིགྒཧོ, ཏིསྶོ ཙཏྟཱལཱིསཱ ཨསྶ ཏིཙཏྟཱལཱིསཾ གཎོ.

༩༧. དྭིསྶཱ

སམྤཏྟཝིབྷཱསཏྟཱཏི ‘‘ཨཱསངྑྱཱཡེ’’ཙྩཱདིནཱ (༣-༩༤) ཨཱཀཱརེ སམྤཏྟེ ཝིབྷཱསཏྟཱ.

ཨིཏི མོགྒལླཱནཔཉྩིཀཱཊཱིཀཱཡཾ སཱརཏྠཝིལཱསིནིཡཾ

ཏཏིཡཀཎྜཝཎྞནཱ ནིཊྛིཏཱ.

ཙཏུཏྠཀཎྜ

༡. ཎོ ཝཱཔཙྩེ

ནནུ ¶ ཙ ‘ཎོ ཝཱཔཙྩེ’ཏི ཝཙནཏོ ཀཐཾ པཀཏིཝིསཡཱཝགམོ སིཡཱ. ཡཐཱཀཐཉྩི པཀཏིཝིསཡཱཝགམེཔི སཱམཉྙཝཙནཏོ པན དྷམྨེནཱཔཙྩནྟྱཱདོ ཡཏོ ཀུཏོཙི དྷམྨེནིཙྩཱདིཏོཔི སིཡཱ ཎཱ དིཔཙྩཡོཏྱཱསངྐིཡཱཧ ‘ཨཔཙྩཝཏཱ’ཙྩཱདི. ཨཔཙྩསྶཱཏི ཨཔཙྩཏྠསྶ, ཨཔཙྩཝཏཱཏི ‘‘ཎོ ཝཱཔཙྩེ’’ཏི ཝསིཊྛཱདྱཏྠསྶེཝ པརིགྒཧཎཱཡ སཱམཉྙཝཙནཏོ ཡོ ཨཔཙྩཝཱ ཏཏོ, ཨཏྠཏོ པན ཨསམྦྷཝཱ དབྦཱཙཀསདྡཱཝ སཱམཏྠིཡེན ཚཊྛིཡནྟཱ སབྦལིངྒཝཙནཱ ཛཱཡཏེཏི ཝིཉྙཱཏབྦཾ. དྷམྨསྨཱཔཙྩཾཏྱཱདཱིསུ ཎཱདིཔྤཙྩཡོ (ན ཛཱཡཏེ) ཏི སམྦནྡྷོ.

དྷམྨེནཱཏི དྷམྨེན ཀརཎབྷཱུཏེན. དྷམྨཱཡཱཏི དྷམྨཏྠཾ, དྷམྨསྨཱཏི དྷམྨཧེཏུནཱ, ཏཏོ ཨསམྦྷཝེ ཀཱརཎམཱཧ ‘སཱཔེཀྑཏྟཱ’ཏི. སཱཔེཀྑཏྟམེཝ སམཏྠེཏི ‘ཨཔཙྩཝཱཧི’ཙྩཱདིནཱ, དྷམྨེནཱཔཙྩཾ ཀསྶཱཏི པུཙྪིཏྭཱ དེཝདཏྟསྶཱཏི ཨཔེཀྑིཡམཱནཾ ཝདཏི. དེཝདཏྟསྶཱཏི ཨཔཙྩཝཱ དེཝདཏྟཱདི ཨཔེཀྑཱིཡཏེཏི སམྦནྡྷོ, ཧིསདྡོ ཧེཏུམྷི. ན ཧེཏྠ ཎཱདིཝུཏྟི ཨཉྙཏྠ [ནཧེཏཀཱམནྟཏྠ (པོཏྠཀེ)] སཱཔེཀྑཏྟཱ ཀམྦལོ ཝསིཊྛསྶཱཔཙྩཾ དེཝདཏྟསྶཱཏི ཨེཏྠ པན ཝསིཊྛོ-པཙྩཝཱཏི ཏཏོ ཚཊྛིཡནྟཱ ཧོཏིཙྩཱསངྐིཡཱཧ- ‘ན ཙེ’ཙྩཱདི. ན ཙ ཧོཏཱིཏི སམྦནྡྷོ.

ཀཱརཎམཱཧ- ‘ཨསམྦནྡྷཱ’ཏི. ན ཧེཏྠ སམྦནྡྷོ ཝསིཊྛསྶ ཀམྦལཱཔེཀྑཏྟེན ཨཔཙྩསྶ ཙ དེཝདཏྟཱཔེཀྑཏྟེནཱཏྠནྟརཱཔེཀྑཱཡ ཝསིཊྛསྶཱཔཙྩེན སམྦནྡྷཱབྷཱཝཱཡེཝ ཝསིཊྛསྶ ཨཔཙྩཾ ཝཱསིཊྛོཏི ཎཱདིཝུཏྟིཡཱ བྷཱཝེ སཱམཏྠིཡཾ ནཏྠི, སམཏྠཉྷི ཝསིཊྛཾ རཱཛཔུརིསཱདི སམཱསཝུཏྟིཡམེཀཏྠཏྟམིཝ ཝཱསིཊྛཱདིཎཱདིཝུཏྟིཡཾ ཎཱདིཔྤཙྩཡམུཔཛནཡཏི, ནཱསམཏྠཾ, ཏཏོ སབྦམེཝེཏམྨནསི ནིདྷཱཡ ཝུཏྟཾ- ‘ཨསམྦནྡྷཱ’ཏི.

ཡདི ¶ པནེཏྠ ཎཱདིཔྤཙྩཡོ སབྦཐཱ སམྦནྡྷམཔེཀྑཏེ, ཏདཱ ཝིསེསཏོ ཡསྶཱཔཙྩེན སམྦནྡྷོ ཏཏོཝ ཛནཀཏོ སོ སིཡཱཏི དསྶེཏུམཱཧ- ‘ཡཛྫེཝ’མིཙྩཱདི.

ཡོ ཛནཀོཏི ཡོཡོ ཡསྶ ཡསྶ ཨཔཙྩསྶ ཛནཀོ. ཏཏོཡེཝཱཏི ཏསྨཱཏསྨཱ ཛནཀཏོཡེཝ. སིཡཱཏི ཏསྨིཾ ཏསྨིཾ ཨཔཙྩཏྠེ ཎཱདིཔྤཙྩཡོ སིཡཱ. ཏཏྠ ཧེཏུམཱཧ- ‘ཏསྶེཝཱཔཙྩེན ཡོགཱ’ཏི. ཡོགཱཏི ཨཔཙྩསམྦནྡྷཏོ, ན མཱུལཔྤཀཏིཏོཏི པརམཔྤཀཏིཏོ ན ཧོཏཱིཏི ཝུཏྟཾ ཧོཏི. ཧེཏུམཱཧ- ‘ཨཡོགཱ,ཏི, ཝཙནཱབྷཱཝམྤེཏྠ དསྶེཏུཾ ཙེ’ཏྱཱདི ཝུཏྟཾ.

ཝཙནནྟི སུཏྟཾ, སམྦནྡྷཱབྷཱཝཱ (ཏཱདིསཝཙནཱབྷཱཝཱ) ཙ མཱུལཔྤཀཏིཏོ ཎཱདིཔྤཙྩཡསྶཱབྷཱཝཾ དསྶེཏྭཱ ཨིདཱནི མཱུལཔྤཀཏིཏོཝཱསྶཱབྷིམཏབྷཱཝཾ དསྶེཏུཾ ‘མཱུལཔྤཀཏིཏོ’ཙྩཱདི ཝུཏྟཾ.

ཀཐམྤནིདཾ ཝིཉྙཱཡཏིཙྩཱདིནཱ ཛནཀསྶེཝཱབྱཱཧིཏསྶཱཔཙྩེན མུཁྱ སམྦནྡྷམཱནཱིཡ ཨིདམཡུཏྟནྟྱཱདིནཱ བྱཝཧིཏཛནིཏསྶཱཔྱཔཙྩཡསྶ པརམཔྤཀཏིཡཱབྷིསམྦནྡྷསབྦྷཱཝཾ ཝཏྭཱ ཏཾ སཱདྷཡིཏུམཱརབྷཏེ ‘ཀཐ’མིཙྩཱདི, ཨེཝཾ ཧིཙྩཱདི ཀཐཾཔནིདམིཙྩཱདིནཱ ཡཐཱཝུཏྟསྶ སམཏྠ ནཝཱཀྱཾ, ཧིཡསྨཱ ཏཾ དིསྭཱ ཏཐཱ པུཙྪིཏོ དེཝདཏྟསྶཝཱཏིཨཱདིནཱ ཨུཔྤཱདེཏཱརམེཝ ནིདྡིསཏི, ནཱཏྟཱནཾ པིཏཱམཧོ, ཏསྨཱ ཨུཔྤཱདེཏཱཡེཝཱཔཙྩེན སམྦཛ྄ཛྷཏི ན པིཏཱམཧོཏི ཡོཛེཏྭཱ ཨདྷིཔྤཱཡོ ཝེདིཏབྦོ. ཨིདཾ ཡཐཱཝུཏྟམུཔྤཱདེཏུནིདྡིསནཾ, ཏེན ཨཔཙྩེན སདྡྷིཾ ཨུཔྤཱདེཏུཡེཝ ཛནཀསྶེཝ ཡོགོ སམྦནྡྷོ པཊིཔཱདེཏུཾ ན སཀྐཱཏི སམྦནྡྷོ.

ཏནྟིཏཾ [ཏཏྠ-ཨིཏི (པཉྩིཀཱཡཾ)] པུཙྪཱནིམིཏྟཾ, ཏེནཱཏི ཨཔཙྩེན. ཨཔཏནནྟི ནརཀེ ཨཔཏནཾ བྷཝཏི, སོཏི ཡོསོ ཡསྶཱཏྱནིཡམནིདྡིཊྛོ སོ ཉཱཏུཾ ན ཨིཙྪིཏོཏི སམྦནྡྷོ. ཨིམིནཱ ཨིདཾ དཱིཔེཏི- ‘‘ནཔཏཏྱནེན ནརཀེཏྱཔཙྩནྟི ཝུཙྩཏི ཨཔཙྩེནཱནེན ཡསྶཀསྶཙི ཨཝིསེསེནཱཔཏནམྦྷཝཏི ནརཀེ སོསོ ཏཱཡ པུཙྪཱཡ ཉཱཏུཾ ན ཨིཙྪིཏོ’’ཏི. སོ ཝཱཏི ¶ ཀསྶཱཡཾ པུཏྟོཏི པུཙྪཱཡཱནུརོདྷནེ སོ ཨུཔྤཱདེཏཱཡེཝ ཉཱཏུམིཙྪིཏོཏི སམྦནྡྷོ. ཏུསདྡོ ཙེཏྠཱཔཙྩེན ནརཀཱཔཱཏསབྦ ཛནཛཱནནིཙྪཱཝིསེསཛོཏཀོ, ཡདི སིཡཱཏི སམྦནྡྷོ, ཨཏྟཱནམྤི ནིདྡིསེཡྻ ན ཀེཝལམུཔྤཱདེཏཱརཾ, ཨཏྠིཙྩཱདི པིཏཱམཧསྶ ཨཏྟནོཔི ནིདྡེསེ ཀཱརཎཝཙནཾ, ཏཾ ཨཔཙྩཾ ནིམིཏྟཾ ཀཱརཎཾ, ཡསྶ ཏཾ ཏཾནིམིཏྟཾ ཏསྨཱ [ཀཏྭཱ (པོཏྠཀེ)] ཨེཝཾ དིཊྛིཀོ ཧིཙྩཱདིནཱ ཡཐཱཝུཏྟཾ སམཏྠེཏི.

བྱཝཧིཏཛནིཏེནཱཔཱིཏི བྱཝཧིཏེན ཀཏྟུནཱ ཛནིཏེནཱཔི, ཀརཎེ ཙཱཡཾ ཏཏིཡཱ, ཧེཏུམྷི ཝཱ. ཀསྨཱ ཨེཝཾ དིཊྛིཀོཏི ཨཱཧ ‘ཡཾ ནིམིཏྟཾ ཧི’ཙྩཱདི. ཧིསདྡོ ཡསྨཱདཏྠེ. ཡསྶཱཏི པུབྦཛསྶ, ཏེན ཨཔཙྩེན ཨཔཏནཾ ཏདཔཏནཾ ཏཏོ, ཨིདཾ ཝུཏྟཾ ཧོཏི ‘‘ཏེན བྱཝཧིཏཛནིཏེནཱཔི པུམུནཱ པུབྦཛོཔི ནརཀཾ ན པཏཏི སོ པུབྦཛསྶཱཔྱ པཙྩཾ བྷཝཏི ཡཐཱཝུཏྟེན ནིབྦཙནེནཱ’’ཏི. ཏསྨཱཙྩསྶ པུབྦེ ཝུཏྟཡསྨཱཏྱནེནཱབྷིསམྦནྡྷོ ཝེདིཏབྦོ. ཨུཔཔཏྱནྟརམཱཧ-‘ཨུཔཙཱརཏོཝེ’ཙྩཱདི. པུབྦ པུབྦབྷཱཝེ སཏཱིཏི པུབྦསྶ པུབྦསྶ ཝིཛྫམཱནཏྟེ སཏི. བྱཝཧིཏེན ཛནིཏེ ཨཔཙྩེཔི ནིམིཏྟཾ ཨཔཱཡཱཔཏཀཱརཎབྷཱཝོ ཨཏྠིཡེ ཝཱཏི སམྦནྡྷོ. ཀེསནྟི ཨཱཧ-‘པུབྦེསནྟི པུབྦཛཱནནྟི ཨཏྠོ, ཀེ ནཱཏི ཨཱཧ- ‘པཱརམྤརིཡེནཱ’ཏི. ཨབྷེདོཔཙཱརེནཱཏི པུབྦཔུབྦབྷཱཝེ སཏིཙྩཱདིནཱ ཝུཏྟནཡེན ཛནཀསྶ ཝིཡ པཱརམྤརིཡེནཔུབྦེསམྤིནིམིཏྟཏཱ ཝཏོ ཛནཀསདིསཏྟཱ ཛནཀཱཝ ནཱམ ཏེ སིཡུནྟི ཨེཝམབྷེདེན ཨུཔཙརཎཏོ ཙིནྟནཏོཏི ཨཏྠོ. ཨུབྷཡཐཱཏི ཉཱཡེན ཨུཔཙཱརེནཙཱཏི ཨུབྷཡེན པཀཱརེན, ཨེཝམུབྷཡཐཱཔི མཱུལཔྤཀཏིཡཱ པཙྩེནཱབྷིསམྦནྡྷཱ ཀཐམནནྟར [མནནྟརཱདི (པོཏྠཀེ) (ཏཏྠ) པོཏྠཀེ] ཛནིཏེནཱཔཙྩེནཱདིཔུརིསསམྦནྡྷོཡེན ཏཏོ ཎཱདིཔྤཙྩཡོ སིཡཱཏི ནཱསངྐྣཱིཡཾ.

ཏཏོ ཙཱཏི མཱུལཔྤཀཏིཏོ ཙ, ཨཔཙྩསཱམཉྙཝཙནིཙྪཱཡནྟི ཨིཏྠི པུནྣཔུཾསཀཏྟཝིསེསོཔགྒཱཧི ཨཔཙྩསཱམཉྙསྶ ཝཙནིཙྪཱཡཾ.

ཨེཝམྨཱུལཀཏིཏོ- པཙྩསཱམཉྙེན ཎཱདིཔྤཙྩཡཾ ཝཝཏྠཔེཏྭཱ ཨིདཱནི ཨཔཙྩཱདིཏོཔི ཧོཏེཝ ཎཱདི སཱམཉྙཝིདྷཱནཱ. སོ ཙ བཧུལཱདྷིཀཱརཏོ ¶ གུརུཛནཱཡཏྟཏྟཱ ཏནྣིཡོགཱཙརཎེན པསཏྠེ ཡེཝཱཔཙྩེ བྱཝཧིཏཛནིཏེཔི ཨིཏྠིཝཛྫིཏེ སིཡཱཏི དསྶེཏུམཱཧ ‘ནཏྟཱདཱིཧི’ཙྩཱདི. སཏིཡེཝ གུརུཛནེ སཔྤདྷཱནབྷཱཝེན ཀུཙྪིཏེ-པཙྩེཏུ ནཏྟཱདཱིཝུཏྟཱིཧི ཝསིཊྛཱདཱིཧི ཎཱདིཔྤཙྩཡོ ཧོཏི ཝཱསིཊྛོཏིཨཱདི, ཨིཏྠིཡཉྩ ན ཧོཏི ཝཱསིཊྛཱིཏིཨཱདི.

ཨཏྠཏོཏི སཱམཏྠིཡཏོ. ཨཔཙྩེ ཝིདྷཱིཡམཱནོ པཙྩཡོ ཨཔཙྩཝཏཱ ཛཱཡམཱནོ ཏསྶཱཔཙྩནྟི ཨཏྠེ ཛཱཡཏི. སོཙཱཡ མཏྠཝིསེསོ ཚ(ཊྛིཡནྟ) ཏཱབྷཱཝེ ཀཐཾ སིཡཱཏི ཨིདམེཏྠ སཱམཏྠིཡཾ. ཨནནྟརེ ཝཱཔཙྩེ པུཏྟེ-བྷིདྷེཡྻ ནཏྟཱདོ ཝཱཔཙྩེ-བྷིདྷེཡྻཱཏི སསམྦནྡྷོ. ཀུཏོཙི ཨཔཙྩཝཏཱ ནཏྟཱདོ ཨེཝ. ཨིདཉྩ སབྦམྦཧུལཝཙནེཝ སམྤཛྫཏཱིཏི ཨཱཧ- ‘བཧུལཱདྷིཀཱརཱ’ཏི. ཨཔཙྩེཏི ཨེཀཝཙནེན ནིདྡེསེ པུམུནཱ ནཔུཾསཀེན ཀརིཡཏི, ཏེནེ ཀསྨིཾ ཡེཝཱཔཙྩེ སིཡཱ, ན བཧཱུསུ ཝསིཊྛསྶཱཔཙྩཱནི ཝཱསིཊྛཱནི, ན ཙིཏྠི ཝཱསིཊྛཱནི, ན ཙིཏྠིཡཾ ཝཱསིཊྛཱིཏྱཱསངྐིཡཱཧ-‘ཨིདཉྩེ’ཙྩཱདི. ཨིདཉྩ ཨཔཙྩཝཙནཉྩ. ཨིམིནཱ ཙེཏྠ ཏཐཱ ནིསྶཡཀརཎཾ དསྶེཏི. ཏསྶ ཝཙནིཙྪཱབྷཱཝཏོཏི ཏསྶ ལིངྒཝཙནསྶ སུཏྟེ ཝཏྟུམིཙྪཱཡཱབྷཱཝཏོཏི ཨཏྠོ.

ཀིཾ པན ཀཱརཎཾ སུཏྟེ ལིངྒཝཙནཱཝཙནིཙྪཱཡཾ ཏསྶཱཔྤདྷཱནཏྟཱ ཡེནཀེནཙི ལིངྒཱདིནཱ ནིདྡེསོ-ཝསྶཾ ཀཏྟབྦོཏི ནཱནནྟརིཡཀཏྟཱ ཏསྶེཧོཔཱདཱནཾ, ཡཐཱདྷཉྙཏྠིནོཔལཱལཱདིནོཔྱཔྤདྷཱནསྶོཔཱདཱནནྟི. ཏཏོཡེཝཱཧ-‘ཨུཔལཀྑཱིཡསྶེཏྠ པདྷཱནཏྟཱ’ཙྩཱདི. ཨིཏྠིཔུམཏྟཡུཏྟཛཉྙཝིསེསོ ཨུཔལཀྑཱིཡོ, ཨཔཙྩེཏཱིདམུཔལཀྑཎཾ, སཡནྟི ཡཐཱཝུཏྟམུཔལཀྑཎཾ སཡཾ. ཀཱརིཡཔྤཊིཔཏྟིཡཱཏི པུམེ ནཔུཾསཀེཔཙྩེ-བྷིདྷེཡྻེ ཝིདྷི ཧོཏིཙྩེཝཾ ཀཱརིཡཔྤཊིཔཏྟིཡཱ ཝཏྟུཾ ན ཨིཊྛཾ.

ཝཙནནྟརེཔི ཨཉྙསྨིཾ ཝཙནེ. ཨཱཎཱིཏི ཎིཔྤཙྩཡསུཏྟཾ ཝདཏི. ཨགོཏྟཱདིཏོཏི ཡོགོཏྟསྶཱདིབྷཱུཏོ ན ཧོཏི, ཏཏོ, ཏེནེཝ ‘‘ཨཱཎཱི’’ཏི སུཏྟེ (༤-༥) ཝཀྑཏི-‘ཨཀཱརནྟམཏྟཏོཝཱཡཾཎིན གོཏྟཱདིབྷཱུཏཏོ’ཏི. ཝཱཀྱསམཱསཱཔཱིཏི ཡཐཱསངྑྱེནཱཧ. ཏསྨིཾ ཨཏྠེཏི ཏསྨིཾ ཝཱཀྱོཔདསྶིཏེ ཨཏྠེ, ཏནྟི ཝཱཀྱཾ. སམཱསཝུཏྟིཉྩ ནིཝཏྟེཡྻུནྟི སམྦནྡྷོ.

སཏིཔནཱཏི ¶ ཝཱཀཱརེ སཏི ཏུ ཨནིཙྩཏྟཱ ཎཔྤཙྩཡསྶ. སོཔཱིཏི སམཱསོཔི, སམཱསོཏིཨཱདིནཱ པཀྑནྟརམཱཧ. ཏེན ཝཱཀྱསིཛ྄ཛྷནེན. པཀྑེ ཝཱཀྱསམཱསཱཔི སིཡུནྟི པཀྑེ སམཱསཝུཏྟིཡཱ ཨེཝ བཱདྷིཏཏྟཱ པཀྑནྟརེ ཎཱདིཝུཏྟི ན བཱདྷཱིཡཏཱིཏི ཝཱཀྱཝུཏྟིཡོཔི སིཡུནྟི ཨཏྠོ.

༢. ཝཙྪཱ

ཝཙྪཀཙྩཱདིནཱ ཀཙྩཱདིགཎཾ དསྶེཏྭཱ ཏསྶ ཝིབྷཱགེན ནིཔྥཏྟིཾ དསྶེཏུཾ ‘ཝཙྪཱདཱིཧཱི’ཏིཨཱདིམཱཧ. ‘‘ཀཎྷོ བྲཱཧྨཎེ’’ཏི གཎསུཏྟཾ. ཏཏྠ ཀཎྷསདྡོ བྲཱཧྨཎེ ཝཏྟམཱནོ ཎཱནཎཱཡ ནཔྤཙྩཡེ ཨུཔྤཱདཡཏཱིཏི ཨཏྠོ. ཨེཝམཱདཱིཧིཙྩཱདིནཱ ཨཱཀཏིགཎཏྟམསྶ དསྶེཏི. ‘‘ཀཏཱཎིཡོཝེ’’ཏི གཎསུཏྟཾ, དིཙྩཱདཱིསཱུཏི ཡཏོཎྱོ དིསྶཏི ‘‘ཎྱ དིཙྩཱདཱིཧཱི’’ཏི (༤-༤), ཏེ དིཙྩཱདཡོ, ཏེསུ པཱཋཱཏི ཏཾསུཏྟཔྤདེསེ ‘‘ཀཏཱ ཎིཡོཝེ’’ཏི པཱཋཱབྷཱཝེཔི དིཙྩཱ དཱིནམཱཀཏིགཎཏྟཱ པཋིཏམེཝ ནཱམ ཏནྟི ཝུཏྟཾ.

ཎྱེཏི ཎྱཔྤཙྩཡེ ཀཏེ. གོཏྟཱདིསདྡཱཏི གོཏྟེ ཝཾསེ ཨཱདིབྷཱུཏཱ སདྡཱ. ཝཾསོཏི ཨནྭཡོ. སོཡེཝ གཱཝཾ སཛཱཏི སཱདྷཱརཎཾ ཝིཛཱཏིཝིནིཝཏྟནཾ སཀཊཱདིཝཙནཾ ཏཱཡཏཱིཏི གོཏྟནྟི ཝུཏྟཾ, ཏེནཱཧ-‘གོཏྟཾ ཝཾསོ’ཏི. ཏསྶཱཏི གོཏྟསྶ, ཏསྶཱདཡོ གོཏྟཱདཡོཏི སེསོ. ཀེཏེ གོཏྟཱདཡོཙྩཱཧ- ‘སཉྙཱཀཱརིནོ’ཙྩཱདི. ཝཙྪཱདཡོ ནཏྟཱདིནོ ཨཔཙྩསྶ ཨཔཙྩཾ ཏདཔཙྩཱདི ཙཱཏི དསྶེཏུམཱཧ-‘ནཏྟཱདིནོ’ཙྩཱདི.

༣. ཀཏྟི

གྷཔསཉྙནྟཱཝེཏྠ བྷཱིཡྻོ ཀཏྟིཀཱདཡོཏི གཡ྄ཧནྟི. ཡདི པནེཏྠ ཨཉྙེཔི གཡ྄ཧནྟི, ཨཏྠི པཎྷིཨཱདཡོ ཀེཙིཡེཝ ཀཏྟིཀཱདཱིསུ ཨནྟོགདྷཱ ཧོནྟཱིཏི ཝཏྟུམཱཧ- ‘ཨེཏྠཱ’ཏིཨཱདི. ཝིནཏཱ སུཔཎྞམཱཏཱ, ཏེཧཱིཏི ཝིདྷཝཱདཱིཧི. ཝིདྷཝཱདིགཎཾ དསྶེཏི ‘བནྡྷཀ’ཙྩཱདི. ཝིགཏོ དྷཝོ པཏི ཨསྶཱཏི ཝིདྷཝཱ, བནྡྷཀཱི ཨབྷིསཱརིཎཱི.

༤. ཎྱདི

ཡསྶ ¶ ཙ ཙཝགྒོཏི སམྦནྡྷོ, ཀེཝལཾ གགྒྱོཏི ཨེཏྟཀམེཝཱ དསྶེཏྭཱ པརསཏྠཱགཏགགྒཱདིགཎེཀདེསབྷཱུཏཀུཎྜནཱིསདྡཏོཔི ཀོཎྜཉྙོཏི མུདཱཧརནྟོ སོ གགྒཱདིགཎོཔྱཏྲཱབྷྱུཔགཏོཏི ཝིཉྙཱཔེཏི. ཏསྨཱ ཏསྨིཾ གགྒཱདིཀེཔི པརསཏྠཔཋིཏེ ཡོཡོ པཡོགོ ཨཱགམེ དིསྶཏི ཝཙྪོ ཨགྒིཝེསྶོཙྩཱདི. སོཔཱིཧ ཝེདིཏབྦོཏི དསྶེཏུམཱཧ-‘གགྒཱདི’ཙྩཱདི. གགྒཱདཱིཏི གགྒཱདི ཨཡཾ. གོཏྟསྶ གགྒཝཾསསྶ ཨཱདིབྷཱུཏེན གགྒེན ཨུཔལཀྑིཏོ གཎོ གོཏྟཱདིགཎོ, ཏེན གགྒོ ནཱམ ཀོཙི, ཏསྶཏྭཔཙྩཾ གགྒཱིཏི བྷཝཏི. པཔུཏྟཱདོཝཱཏི ཨཝདྷཱརཎཾ གགྒསྶཱཔཙྩཾ གགྒིཙྩེཝ ཡཐཱསིཡཱཏི.

༥. ཨཱཎི

པཀཏསྶཱཏི ‘‘མཱགདྷཾ སདྡལཀྑཎ’’ནྟི ཝཱ ‘‘ནཱམསྨཱ’’ཏི ཝཱ པཀཏསྶ. ཨཱཏི ནཱམཝིསེསནེསཏི ‘‘ཝིདྷིབྦིསེསནནྟསྶཱ’’ཏི ཏདནྟ ཝིདྷིནཱ ཨཀཱརནྟོ གཡ྄ཧཏཱིཏི ཨཱཧ-‘ཝིསེསནེན ཙཱ’ཏིཨཱདི. ཨནནྟརམཔཙྩནྟི སམྦནྡྷོ.

༦. རཱཛ

པཙྩཡནྟེནཱཏི རཱཛཉྙོཏི པཙྩཡནྟེན. རཱཛཉྙོཏཱིམསྶཏྠོ ཁཏྟིཡཛཱཏཱིཏི, རཱཛཉྙཛཱཏཱིཏི ཨཏྠོ. རཉྙོ ཨཔཙྩཾ རཱཛཱཔཙྩཾ.

༨. མནུ

སམུདཱཡེནཱཏི པཙྩཡནྟསམུདཱཡེན, ཛཱཏིཡནྟི མནུསྶཛཱཏིཡཾ. ཛཱཏིསདྡཱཨེཏེཏི ཨིདཾ མནུསྶོ མཱནུསོཏི ཨེཏྠ ཨཔཙྩཏྠཱབྷཱཝེ ཧེཏུཝཙནཾ. ཨཔཙྩཏྠོ ཨེཏྠ ནཏྠེཝཱཏི ཙ ཨིདཾ ཝིསུཾ མནུསྶམཱནུས སངྑཱཏསྶ པཙྩཏྠསྶཱབྷཱཝདསྶནཏྠཾ ཝུཏྟཾ. ཎོཝཱཏི མནུནོ ཨཔཙྩནྟི ཨཏྠེ‘‘ཎོ ཝཱཔཙྩེ’’ཏི (༤-༡) ཎཔྤཙྩཡོཝ. ན ཛཱཏཱིཏི བྱཏིརེཀམཱཧ.

༩. ཛན

རཱཛསམྦནྡྷེཏི ¶ རཉྙེཏི ཝུཏྟརཱཛསམྦནྡྷེ. པཉྩཱལཱནཾ ཁཏྟིཡཱནཾ ཨཔཙྩཾ, པཉྩཱལཱནཾ ཛནཔདཱནཾ རཱཛཱཏི ཝཱ ཨེཝམེཏྠ ཝི(བྷཱགོ) ཝེདིཏབྦོ ཨོཀྐཱཀཱནཾ ཨཔཙྩཾ རཱཛཱ ཝཱ ཨོཀྐཱཀོ.

༡༡. ཎརཱ

སཱམཉྙེན རཏྟསདྡསྶཱཏྠམཱཧ- ‘ཀུངྐུམཱདིནཱ’ཏི. ཨཉྙཐཱ ‘རཱགོ ཀུསུམྦྷཱདཱི’ཏི ཝུཏྟཏྟཱ ཀུསུམྦྷཱདིནཱཏི (ཝུཏྟཾ) སིཡཱ, རཉྫི ཨཡ མཏྠི ཨབྷིསངྒེ‘བྷོཛནེ རཏྟོ’ཏི. ཨཏྠི ཝཎྞཝིསེསེ ‘རཏྟོགོ’ཏི, ལོཧིཏོཏྱཏྠོ, ཨཏྠི སུཀྐསཛ ཝཎྞནྟརཱཔཱདནེ‘རཏྟོ པཊོ’ཏི. ཨིཧ ཏུ ཏཏིཡེ-ཏྠེ ཝཏྟམཱནོ གཡ྄ཧཏཱིཏི ཝུཏྟཾ- ‘ཝཎྞནྟརམཱཔཱདིཏ’ནྟི. རཱགཱཏི.

ཨཏྠགྒཧཎནྟི ཨཏྠཔྤདྷཱནཏྟཱ ནིདྡེསསྶ ཝུཏྟཾ. ཏཉྩཱཙརིཡཱན མུཔདེསཏོ ཨཝིཙྪིནྣཱ (ཙརིཡ) པཱརམྤརིཡཱཝགམྱཏེ, རཱགཱཏི ཀསཱཝ སངྑཱཏཨཏྠནིདྡེསོ. ཏེནཱཏི པཊསྶ རཏྟབྷཱཝེ རཱགསྶ ཀརཎནིདྡེསོ, རཏྟནྟི པཙྩཡཏྠནིདྡེསོ, པཙྩཡོ ཙཱཡཾ ཀསཱ ཝཏྠཏོ བྷཝཏྱསམྦྷཝཱ, ཏེན སུཏྟེ རཱགཱཏི ཝུཏྟེཔི ཏབྦཱཙཀཱ ཀསཱཝསདྡཱཏི ཝིཉྙཱཡཏི, རཱགཱཏི པན ཏེནཱཏི རཱགསྶེཝ ནིདྡིཊྛེཔི ཏབྦྷཱཝེནཱ [ཏབྦཱཝཀབྷཱཝེནཱ-ཏི བྷཝིཏབྦཾ] ཏྠོ ནིདྡིཊྛོ, ཏབྦཱཙཀཱ ཙ ཧོནྟོ‘ཏེན རཏྟ’ནྟི ཨཏྠེ ཧོཏཱིཏི ཀསཱཝེན རཏྟནྟི ཝིཉྙཱཡཏཱིཏི རཱགཝཱཙིནོ ཏཏིཡནྟཏྟཾ སམྤཛྫཏི, ཏེན ‘ཎ རཱགཱ ཏེན རཏྟ’ནྟི ཝུཏྟེཔི ལབྦྷམཱནཏྠཝསེན ཝུཏྟཾ- ‘རཱགཝཱཙིཏཏིཡནྟཏོ’ཏི. སུཏྟེ པན རཱགེན རཏྟནྟེཏསྨིཾ ཨཏྠེ རཱགཱ རཱགཝཱཙཱིསདྡཱ ཏཏིཡནྟཱ ཎཔྤཙྩཡོ ཧོཏཱིཏི ཨཏྠོ. ཨབྷིདྷཱནཏོཏི ཨུཔཙཱརཝསེན ཀཐནཏོ. ཝིནཱཔི ཏེནཱཏི ཏཾཔཙྩཡཾ ཝིནཱཔི.

༡༢. ནཀྑ

ཏཏིཡནྟཏོ ཝིཛ྄ཛྷཏྠཾ ཏེནཱཏི ཨནུཝཏྟཏེཏི སམྦནྡྷོ. སུཏྟེ ཨཡམཏྠོ ‘‘ཨིནྡུཡུཏྟེན ནཀྑཏྟེན ལཀྑིཏོ ཙེ ཀཱལོ, ཏདཱ ཏེན ¶ ལཀྑིཏེ ཀཱལེཏྱསྨིཾ ཨཏྠེ ཏཏིཡནྟཏོ ནཀྑཏྟཱ ཎོ ཧོཏཱི’’ཏི. སུཏྟཝིཝརཎེ ཏུ ཏཉྩེཏྱཱདིཀམདྷིཔྤཱཡཝསེན ཝུཏྟཾ. ཏེནཱཏྱནུཝུཏྟིཡཱ ཏཏིཡནྟཏོཏི ལབྦྷཏི ནཀྑཏྟེནཱཏི སུཏཏྟཱཏི, ཀཱལེཏི པན ཨཏྠནིདྡེསཏོ ཎཔྤཙྩཡཱདྷེཡྻསྶ ཀཱལོ ཨཱདྷཱརོཏི ཝིཉྙཱཡཏཱིཏི ‘ལཀྑིཏེ ཀཱལེ’ཏི ཝུཏྟཾ, ཝིསེསྶགཏཝིབྷཏྟིཡཱ ཝིཙཱརིཏཱཡ ཝིསེསན གཏཱ ཙ (ཝིཙཱརིཏཱ) ནཱམཱཏི ཨཱཧ- ‘ནཀྑཏྟེནེ’ཏིཙྩཱདི, ཨིཧ ཀེཙི ཁནྡྷཔཉྩཀསངྑཱཏཾ ཀིརིཡཱསབྷཱཝམིཙྪནྟི ཨནིཙྩཾ, ཨཔརེ ཏུ དབྦསབྷཱཝཾ ནིཙྩཾ. ཏསྶོ བྷཡསྶཔི ཀཱལསྶ ཙནྡཡུཏྟེན ཕུསྶཱདིནཱ ལཀྑིཡབྷཱཝཱ ལཀྑཎེ ཏཏིཡཱ ཡུཏྟནྟི ཝཏྟུམཱཧ- ‘ཀིརིཡཱ རཱུཔོ ཀཱལོ’ཙྩཱདི.

ཝིསེསཱཝསཱཡོཏི ཀཱལསྶ ཝིསེསཱཝདྷཱརཎཏྠམེཝ ཧི ‘ཕུསྶཱི རཏྟི’ཙྩཱདི. ལོཀེ པཡུཛྫཏེ. གུརུནཱཏི ཨེཏྠ གུརུ ཛཱིཝོ, ན ནཀྑཏྟཾ, ཙནྡཡུཏྟཏཱ པནེཏྠ ཨཏྠི… ཙནྡཡུཏྟེན གུརུནཱ རཏྟིཡཱ ལཀྑིཏཏྟཱ. ཀཏྟིཀཱཡ ལཀྑིཏོ མུཧུཏྟོཏི ཨེཏྠ ཙནྡཾ ཝིནཱ ཀཏྟིཀཱཡ ཏུ ཀེཝལཱཡ མུཧུཏྟོ ཀཱལོ ལཀྑིཏོ ‘ཀཏྟིཀཱ མུཧུཏྟོ’ཏི. ཕུསྶེན ལཀྑིཏཱ ཨཏྠསིདྡྷཱིཏི ཨེཏྠ ཕུསྶེནིནྡུཡུཏྟེན ཨཏྠསིདྡྷི ལཀྑིཏཱ ན ཀཱལོ ཕུསྶོཏི. ནཀྑཏྟཡུཏྟསྶ ཀཱལསྶ རཏྱཱདིཝིསེསཱཔརཱམཱསེན ནཀྑཏྟཝཱཙིཏོ ཨུཔྤནྣསྶ པཙྩཡསྶ སུཏྟནྟརེན ལོཔཾ ཝིདྷཱཡ པུན ཨཉྙེན སུཏྟེན ཡུཏྟཱཏི དེསཝིདྷཱནེན སཀལིངྒསངྑྱཱཡུཏྟེཧི-ཊྛམབྷིདྷཱནཾ པརེཧི, ཏདཱཧ- ‘ཨཧོ རཏྟོ’ཙྩཱདི.

རཏྱཱདིཝིསེསཱཔརཱམཱསེནཱཏི ཕུསྶཱི རཏྟི ཕུསྶོ ཨཧོཏི ཨེཝཾ རཏྱཱདིཝིསེསསྶ ཨཔརཱམཱསེན ཨསམྨསྶེན ཨགྒཧཎེན. སཀལིངྒསངྑྱཱཡུཏྟེནཱཏི ཕུསྶཀཏྟིཀཱདཱིནཾ ཡཾཡཾ ལིངྒཾ ཡཱཡཱ སངྑྱཱ, ཨཏྟནིཡེཧི ཏེཧི ཏེཧི ལིངྒེཧི ཏཱཧིཏཱཧི ཙ སངྑྱཱཧི ཡུཏྟེན ནཀྑཏྟསདྡེན. ན ཏདུཔལཀྑིཏོ ཀཱལོཏི ཀཏྟིཀཱ སདྡོབཧུཝཙནནྟོ བཧུཏཱརཀཏྟཱ ཀཏྟིཀཱཡ, ཏཱཡཀཏྟིཀཱཡ ལཀྑིཏོཀཱལོཔརེཧིཝིཡ ན ཀཐཱིཡཏཱིཏི ཨཏྠོ. ཨཐ ཏདུཔལཀྑིཏསྶཀཱལསྶེཝཀཏྟིཀཱསདྡེནཱབྷིདྷཱནེ ཀོ དོསོ ཡེ ནེཝམུཙྩཏེཙྩཱཧ- ¶ ‘ཨཛྫེཏི’ཙྩཱདི. ཨིམིནཱ ཙ པརམཏེ དོསོ ཨུབྦྷཱཝིཏོ, ཏདཏྠཏྟེ སཏཱིཏི ཏདུཔལཀྑིཏཀཱལཏྠཏྟེ སཏི.

སཏྟམཱི སིཡཱཏི ནཀྑཏྟསདྡཱ ཏདྡྷིཏལོཔནྟཱ ཕུསྶེན པཱཡསཾ བྷུཉྫེཡྻ, ཕུསྶེ པཱཡསཾ བྷུཉྫེཡྻཱ’ཏྱཱདོ ཨཱདྷེཡྻནྟརཱཔེཀྑཱ སིཡཱ སཏྟམཱི, ཡཱ སུཏྟནྟརེན ཝིདྷཱིཡཏི པཱཎིནཱིཡེཧི, ཏཏོ ‘ཨཛྫཀཏྟིཀཱ’ཏེཏྠཱཔྱཱདྷེཡྻནྟརཱཔེཀྑཱ སཏྟམཱི སིཡཱ ལོཔནྟཏྟཱ ‘ཨཛྫཀཏྟིཀཱསཱུ’ཏི, ན པཋམཱ. པཋམཱཡེཝ པནཱཡཾ པཡོགོ ‘ཨཛྫཀཏྟིཀཱ,ཏི. ཨཛྫེཏྱདྷིཀརཎཔྤདྷཱནོ ཨཧོརཏྟཀཱལཝཱཙཱི སདྡོ, ཀཏྟིཀཱསདྡོཔི ཏདྡྷིཏལོཔེན ཏཀྐཱལཱབྷིདྷཱཡཀོ, ཏཏོ ཡེཝཨུབྷིནྣམྤིསཱམཱནཱདྷིཀརཎྱཱ ཀཏྟིཀཱཡོཔྱདྷིཀརཎཾ སམྤཛྫནྟེ, ཏཉྩ ན ཝིནཱདྷེཡྻེན ཧོཏཱིཏྱཱདྷེཡྻནྟརཱཔེཀྑཱཡཾ ཏེསུ སཏྟམཱིཡེཝ སིཡཱ, ན པཋམཱ (ཨུཔ) པཛྫེཡྻཱཏྱདྷིཔྤཱཡོ. ཨཏྟནོདཱནི དསྶནེ སཏྟམིཡཱ ཨཔྤསངྒཾ པཋམཱཡེཝོཔཔཏྟིཾ དསྶེཏུམཱཧ- ‘ཙནྡེ པནཱུཔཙཱརེནེ’ཙྩཱདི, ནཱདྷེཡྻནྟརཱཔེཀྑཱཙྩནེན སཏྟམིཡཱ ཨཔྤསངྒམཱཧ. ཨེཝཉྩརཧི ཝཙནམནྟརེན པརེསཾ ཝིཡ སཏྟམཱིཝིདྷཱཡཀཾ ཀཐཾ ཀཏྟིཀཱཡ ཛཱཏོཙྩཱསངྐིཡ ཏམྤཊིཔཱདེཏུམཱཧ- ‘ཀཏྟིཀཱཡ ཛཱཏོ’ཙྩཱདི. བཧུཝཙནནྟཏྟེཔི ཀཏྟིཀཱཡ ཛཱཏིཡམེཀ ཝཙནནྟཾ. པཀཱརནྟརམཱཧ- ‘ལོཔོཏི’ཙྩཱདི. ལོཔེནཱཏི ཀཏྟིཀཱཧི ཨིནྡུཡུཏྟཱཧི ལཀྑིཏོ ཀཱལོཏི ཝིགྒཡ྄ཧ ཀཏཎཔྤཙྩཡསྶ ལོཔེན.

༡༣. སཱསྶ

སེཏི པཋམནྟཱཏི སཱཏི ནིདྡིཊྛཔཋམནྟཱ, ཡཾ པཋམནྟནྟི སཱཙེཏི དསྶིཏཾ པཋམནྟམཱཧ. པཋམནྟསྶ དེཝཏཱཔུཎྞམཱསིཏྟབྷཱཝཏོ ཏདཏྠམབྷེདེནཱཧ- ‘སཱ’ཏི. ཀཱ སཱ དེཝཏཱཙྩཱཧ- ‘ལོཀཔྤསིདྡྷཱཡེཝ དེཝཏཱ’ཏི. ཡཱགསམྤདཱནམྤི ལོཀེ དེཝཏཱཏི པསིདྡྷནྟི ཡཱགསྶ ཡཛིཏབྦསྶ པུརོཌཱསཱདིནོ སམྤདཱནམྤི པཊིགྒཱཧཀོ པིནྡཱདི ལོཀེ དེཡྻསྶ པུརོཌཱསཱདིནོ དེཝཏཱ སཱམཱིཏི པསིདྡྷནྟྱཏྠོ, ཨིནྡོ དེཝཏཱ ཨསྶ ཨིནྡཾ, ཨཱདིཙྩོ དེཝཏཱ ཨསྶ ཨཱདིཙྩཾ, ཧཝི པུརོཌཱསཱདི ཡཱགདབྦཾ.

མནྟཐོམནཱིཡམྤི ¶ དེཝཏཱཏི པསིདྡྷནྟི ཡེན མནྠེན ཡོ ཐཱུཡཏེ སོ ཏསྶ མནྟསྶ དེཝཏཱ སཱམཱིཏི ལོཀེ པསིདྡྷནྟྱཏྠོ མཧིནྡོ ཡམོ ཝརུཎོ དེཝཏཱ ཨསྶཱཏི ཝིགྒཧོ. ཝུཏྟནཡ མེཝཱཏི ‘‘ནཀྑཏྟེནིནྡུཡུཏྟེན ཀཱལེ’’ཏི སུཏྟེ ཝུཏྟནཡམེཝ. ཛཱཏྱེཀཝཙནཾ མགྷཱཡཱཏི, ཏཱརཀརཱུཔཱནམྤན བཧུཏྟཱ མགྷཱསདྡོ བཧུཝཙནནྟོ. པཱཎིནཱིཡཱ ‘‘སཱསྨིཾ པུཎྞམཱསཱིཏི སཉྙཱཡ’’ནྟི (༤-༢-༢༡) སུཏྟཡིཏྭཱ ཕུསྶཱི པུཎྞམཱསཱི ཨསྨིཾ ཕུསྶོ མཱསོ ཕུསྶོ ཨདྡྷམཱསོ ཕུསྶོ སཾཝཙྪརོཏི སཉྙཱཡཾ པཊིཔཱདེནྟི, ཏེན ཏེསཾ ཕུསྶཱི པུཎྞམཱསཱི ཨསྨིཾ པཉྩདསརཏྟེཏི ཨེཏྠ ཙ བྷཏཀམཱསེ ཙ ཏདྡྷིཏོ ན བྷཝཏི. ཨིདྷ པན ‘སཉྙཱཡ’ནྟི ཝཙནཱབྷཱཝེ བྷཏཀམཱསེཔི ཚཊྛྱཏྠེ བྷཝཏཱིཏྱཱསངྐ ཝིརཙཡཏི ‘བྷཏཀམཱསེཔི’ཙྩཱདི. པུཎྞོ མཱ ཨིཙྩཏྲ མཱསདྡོ ཙནྡཔརིཡཱཡོཏི ཨཱཧ- ‘མཱསདྡེནེ’ཙྩཱདི. པུཎྞོ མཱ ཨསྶནྟི ནིབྦཙནཱཏི ཨེཏྠ པུཎྞམཱསཱིསདྡསྶ པུཎྞོ མཱ ཨསྶནྟི ནཱིཧརིཏྭཱ ཝཙནཱཏི ཨཏྠོ. ཝུཏྟིཡཱ ཨཏྠསྶ ཕུཊཱིཀརཎཱཡ ཝུཏྟཾ- ‘སོ པུཎྞོ ཏིཨཱདི. ཏསྶནྟི པུཎྞམཱསིཡཾ. སཱཔུཎྞམཱསཱི, བྷཏཀསྶ བྷཏིཡཱ ཀམྨཀཱརཀསྶ ཡོ ཏིཾསཏི རཏྟོ མཱསོ པརིབྦཡནིཡམིཏོ, ཏསྶ སམྦནྡྷིནཱི ནེཏི སམྦནྡྷོ.

ཡསྶཉྩཏིཐཱིཡནྟི ཨནིཡམེན པཊིཔདཱདིམཱཧ. ཨཏོཨེཝ ཙ ནིཔཱཏནཱཏི ཨིམསྨཱཝ ནིཔཱཏནཱ, ཏེནེཝཱཧ- ‘སུཏྟེ ཝཙནམེཝ ནིཔཱཏན’ནྟི. མཱསསུཏིཡཱཙྩཱདོ སཱདྷིཔྤཱཡམཏྠཾ ཝིཝརཏི ‘ཡདིཔི’ཙྩཱདིནཱ. ཨསྶཱཏི སཱམཉྙཝཙནེཔི ‘སཱསྶ དེཝཏཱ པུཎྞམཱསཱི’ཏི སུཏྟེ ཨསྶཱཏི ཨཝིསེསཝཙནེཔི སོཡེཝ པུཎྞམཱསཱིསདྡེ སཱུཡམཱནོ མཱསོཡེཝ ཚཊྛྱཏྠོ ཝིཉྙཱཡཏཱིཏི སམྦནྡྷོ.

པཉྩདསརཏྟཱདོཏི པརེསཾ སཉྙཱགཧཎེན ནིཝཏྟིཏཔཉྩདསརཏྟཱདོ. ཨཐ ཨདྡྷམཱསསཾཝཙྪརཱནམྤི ཨུདཱཧརཎཏྟེ ནོཔཉྙཱསོ ཀསྨཱ ན ཀཏོཙྩཱཧ- ‘ཨདྡྷམཱསསཾཝཙྪརཱན’མིཙྩཱདི. ཨེཝམྨཉྙཏེ ‘‘ཨདྡྷམཱསསཾཝཙྪརཱནཾ ན པཙྩཡེནོཛུཀམབྷིདྷཱནམཔི ཏུ སཾཝཙྪརེཔི ཕུསྶཱདིམཱསསམྦྷཝཱསྨིཾ སཾཝཙྪརེ ཕུསྶེན མཱསེན སམྦནྡྷཱ ཕུསྶོཏྱུཔཙཱརཱིཡཏེ, ཡཐཱ ཙ ཕུསྶཱདིམཱསསྶ སམྦནྡྷཱི ཨདྡྷམཱསོ ཕུསྶོ ཨདྡྷམཱསོཏྱུཔཙཱརཱིཡཏེ ¶ , ན པནོཛུཀནྟི ཏེསམུདཱཧརཎཏྟེ ནཱནུཔཱདཱན’’ནྟི.

༡༤. ཏམ

ནཱཀཌྜྷནཏྠོཏི ཎསྶཱཀཌྜྷནཏྠོ ན ཧོཏི. ཡདྱཱཀཌྜྷནཏྠོ ཨསྶ, ཏདཱ ཙཱནུཀཌྜྷིཏཾ ནོཏྟརཏྲཱནུཀཌྜྷེཡྻཱཏི མཉྙཏེ, ཀོཙིཡེཝ ཧོཏཱིཏི ཧོནྟཱིཏི ཨིཏོ བྷིནྡིཏྭཱ ཨཱནེཏབྦཾ. ཏདཱ དེསསྶཱཏི ཨིམིནཱ ‘‘ཏདཱདེསཱ ཏགྒཧཎེན གཡ྄ཧནྟཱི’’ཏི པརིབྷཱསམུཔལཀྑེཏི. ཀཏཡཱདེསསྶཱཔཱིཏི ཀཏོ ཡཱདེསོ ཡསྶ ཏསྶ ཀཏཡཱདེསསྶཱཔཱིཏི. ཨིཀཱརསྶཱཏི ཡཱདེསཏོ པུབྦེ ཨིཀཱརསྶ, ཨིམིནཱ ཙཱདེསཱདེསཱིནམབྷེདོ དསྶིཏོ. ཏསདྡེ ནེཀེནཱཔི པཙྩེཀཱབྷིསམྦནྡྷེ སིདྡྷེཏི ཨེཝམཉྙཏེ- ‘‘ཡཐཱ’ཏེན ཀཏཾཀཱིཏ’ (༤-༢༩) ནྟྱཱདིསུཏྟེ ཨེཀོཝ ཏསདྡོ བཧཱུཧི པཙྩཡཏྟེཧི སམྦཛ྄ཛྷཏེ, ཏཐིཧཱཔི ཨེཀམེཝ ཏསདྡགྒཧཎཾ ‘ཏམདྷཱིཏེ ཏཾཛཱནཱཏཱི’ཏི པཙྩེཀམབྷིསམྦཛ྄ཛྷཏེ, ཏསྨཱ ཀིམེཏདཏྠེན དྭིཏགྒཧཎེནེ’’ཏི. དྭིཏགྒཧཎེ པཡོཛནཏྟཡཾ ཝུཏྟཾ, ཏཏྠ པཋམཾ དསྶེནྟོ ཛཱནནིཙྩཱདིནཱདྷིཔྤཱཡམཱཝཱིཀཏྭཱ དྭིཏགྒཧཎམིཙྩཱདིནཱ པདཏྠམཱཧ.

ཏཏྠ-‘ཡོ ཡམདྷཱིཏེ ཛཱནཱཏི ཙཱ’ཏི ཨིམིནཱ དྭིཏགྒཧཎཱབྷཱཝེ པཙྩཡཏྠཱཝཡཝསྶ སམུཙྩཡཔྤསངྒམཱཧ. སམུཙྩཡེ སཏི(ཡོ) ཡམདྷཱིཏེ ཛཱནཱཏི ཙ, ཏཏྠེཝ སིཡཱ, ཡོ པནཱདྷཱིཏེ ཀེཝལཾ, ན (ཛཱནཱཏི) ཏཏྠ ན སིཡཱཏི བོདྷཡིཏུཾ བྱབྷིཙཱརམཱཧ‘ན པཙྩེཀཱཏི སམྦནྡྷེནེ’ཏི. ཡཐཱ ‘‘ཏེན ཀཐཾ ཀཱིཏ’’མིཙྩཱདོ ‘‘ཏེན ཛིཏཾ ཛཡཏི’’ཙྩཱདི པཙྩེཀསམྦནྡྷེན བྷཝཏི ཨེཝམྨཱཝིཉྙཱཡཱིཏི ཡཐེཙྩཱདི ཀསྶཱཏྠོ. ‘ཏེན ཀཏཾ ཀཱིཏ’’མིཙྩཱདཱིཧི ཨཝཏྭཱ ‘‘ཏེན ཛིཏཾ ཛཡཏི’’ཙྩཱདིསུཏྟེཀདེསཝཙནམཏྠབྱཏྟི ཏཐཱ ཝུཏྟེ ཧོཏཱིཏི ཝུཏྟཾ, ཏེན ཛིཏམིཙྩཱདོ ཛཡནཱདིཀཱ ཀིརིཡཱནེ ཀདབྦསམཝཱཡིཏྟེན པསིདྡྷཱཏི ཡུཏྟོ ཏཏྠ པཙྩེཀཱབྷིསམྦནྡྷོ, ནེཝམཛ྄ཛྷེན ཝེདནཱ པྱེཀདབྦསམཝཱཡིཏྟཱབྷིཡྻོཏྱདྷིཔྤཱཡོ.

ཨིདཱནི ¶ དུཏིཡཾ དསྶེཏི ‘ཛཱནན’མིཙྩཱདི, ནིམིཏྟ མིཊྛཱནིཊྛབོདྷཀཱརཎཾ མུཧུཏྟོ ཀཏྟིཀཱདི, ཨུཔྤཱཏོ ཨིཊྛཱནིཊྛསཱུཙཀཾ པཐཝིསམུདྡཱདཱིནཾ སབྷཱཝཔརིཙྩཱགེནཱཉྙཏཏྟགམནཾ. ཛཱནནསཱམཉྙེཏི ནིམིཏྟཱདཱིནཾ ཛཱནན སཱམཉྙེ. ‘ཡཐཱཝུཏྟཛཱནནསྶ ཨཛ྄ཛྷེན ཝིསཡཏྟེ ཧེཏུམཱཧ- ‘ཏཾ ཛཱནཱཏཱིཏི ཏསདྡེན ཨདྷཱིཡམཱནཔརཱམསཏོ’ཏི. ཏཏིཡཾ དསྶེཏི ‘ཡཏོ ཙེ’ཙྩཱདིནཱ. ཡཏོ ཙ ཨུཔྤནྣེན ཝིདྷིནཱ ཨཛ྄ཛྷེན ཉཱཏུ ཨབྷིདྷཱནམྤསིདྡྷནྟི སམྦནྡྷོ, པོཏྠཀེསུ པན ཨཛ྄ཛྷེཏུཉཱཏཱུསུཏི པཱཋོ དིསྶཏི, ཨེཏྠཱཡམདྷིཔྤཱཡོ ‘‘ཀཏྠཙི པསིདྡྷིཝིསཡོ ཧོཏི ཏསདྡོ, ཏཐཱ ཙ ཝུཏྟཾ སུབོདྷཱལངྐཱརཊཱིཀཱཡཾ པཀྐནྟཝིསཡོ ཏཐཱ པསིདྡྷཝིསཡོ ཨནུབྷཱུཏཝིསཡོ ཙ ཏཾསདྡོ ཡཾ སདྡཾ ནཱ པེཀྑཏེ’ཏི, ཏསྨཱ པསིདྡྷིཝིསཡེན ཏསདྡེན པུཐགེཝ པསིདྡྷིཡཱ ཨུཔསངྒཧཏྠཾ དྭིཏགྒཧཎཾ ཀཏྟབྦ’’ནྟི. ཨཏྠཏྟཡེ ཝཏྟམཱནསྶ ཏུ ཏསདྡསྶ སཝིསཡོ ཝིསེསོ ཏཏོཝཱཏྠིཀེཧི ཝེདིཏབྦོ.

༡༥. ཏསྶ

ཝིསཡསདྡོ གཱམསམུདཱཡེཔི ཝཏྟཏེ, གཱམསམུདཱཡོ ཙ ནཱམ དེསོཡེཝ, ཏེནཱཧ ཝིསཡོཔི གཱམསམུདཱཡཏྟཱ དེསོཡེཝཱ’ཏི, ཨིམིནཱ ཝིསཡདེསསདྡཱནཾ སམཱནཱདྷིཀརཎཏྟམཱཧ. ཝསཱཏི དེསཝཱསིནོ ཝསཱཏཡོ, ཨནུཝཱཀོ གནྠཝིསེསོ.

༡༦. ནིཝཱ

ཏནྣཱམེཙྩཱདིནཱ ན ཀེཝལཾ ནིཝཱསེཡེཝ, ཨཐཁོ ཝཀྑམཱནེསུ པཱིཏི དསྶེཏི. པཙྩཡནྟཾ སེབྦཱདི. དེསནཱམམྦྷཝཏི ཙཏཱུསུ ཨཏྠེསཱུཏི ཝིཉྙཱཡཏི, ཏེནཱཧ-‘ནིཝཱསཱདོ ཝིདྷཱི’ཏི. ནིཝཱསཱདོཏི ནིཝཱས ཨདཱུརབྷཝནིབྦཏྟཨཏྠིཨཏྠེསུ. སཾཧིཏནཱམཾ ནཱམ ལོཀིཡསདྡཝོ ཧཱརཱཔྤསངྒམཉྙསདྡཝོཧཱརེནུཔཱཏྟནཱམཾ.

༡༧. ཨདཱུ

ནགརམྤི དེསོཡེཝཱཏི ཨཱཧ- ‘ཨདཱུརབྷཝ’ནྟི.

༡༨. ཏེན

ཡཐཱཡོགཏྠོཏི ཝུཏྟིཡཾ ཝུཏྟཡཐཱཡོགསདྡསྶ ཨཏྠོ.

༡༩. ཏམི

པཙྩཡནྟནཱམེཏི ¶ པཙྩཡནྟནཱམཾ ཡསྶ སཏྟམྱཏྠབྷཱུཏསྶ དེསསྶ ཧསྨིནྟི ཨཏྠོ, ནཱཉྙསྶེཏི བྷཱུམཱདིཝིསིཊྛཏྠཡུཏྟཏོ ཨཉྙསྶ པཙྩཡནྟནཱམཾ ན ཧོཏཱིཏི ཨཏྠོ. བདརཱ བབྦཛཱ ཨསྨིཾ དེསེ སནྟཱིཏི ཝིགྒཧོ.

༢༡. ཨཛྫཱ

ཧཱིཡྻཏྟནོཏི ‘‘སརམྷཱ དྭེ’’ཏི (༡༣༤) དྭིཏྟཾ.

༢༣. ཨམཱ

ཨམཱསཧ བྷཝོ ཨམཙྩོ.

༢༤. མཛ྄ཛྷཱ

མཛ྄ཛྷེ བྷཝོ མཛ྄ཛྷིམོ, ཨནྟེ བྷཝོ ཨནྟིམོ ཨིཙྩཱདི.

༢༥. ཀཎ

མགདྷེསུ ཨརཉྙེ གངྒཱཡཾ པབྦཏེ ཝནེ ཀུལེ བཱརཱཎསིཡཾ ཙམྤཱཡཾ མིཐིལཱཡཾ སམྦྷཝོཏི ཝིགྒཧོ. ‘‘དིསྶནྟཉྙེཔི པཙྩཡཱ’’ཏི (༤-༡༢༠) ཨེཡྻཀོཏི སེསོ. པཙྩཡནྟརདསྶནེ སཏི ཨིམིནཱཝ སུཏྟེན ཨིཏོ ཨཉྙཏྲཱཔི པཙྩཡནྟརཱནི ཧོནྟཱིཏི སེསོ, གཱམེ བྷཝོ ཨུདརེ བྷཝོ པཉྩཱལེསུ བྷཝོ བོདྷིཔཀྑེ བྷཝོཏི ཝིགྒཧོ.

༢༦. ཎིཀོ

སརདེ བྷཝོ, བྷཝཱ ཝཱཏི ཝིགྒཧོ.

༢༧. ཏམསྶ

སིཔྤསདྡཏྠམཱཧ-‘ལོསལླ’ནྟི. ཏམེཝ བྱཉྫཡཏི ‘ཀིརིཡེ’ཙྩཱདིནཱ, ཀརཎཾ ཀིརིཡཱ ཝཱདནཱདིཀསྶ ཨབྷྱཱསོ, སོ པུབྦོ ཡསྶཱཏི སམཱསོ, ཝཱིཎཱདིསདྡེཧི ཀིམུཙྩཏེཙྩཱཧ- ‘ཝཱིཎཱདི’ཙྩཱདི, དབྦཾ ཏཾཏཾསམུདཱཡརཱུཔཾ. སིཔྤཉྩཱཏི ཝཏྭཱ ཏདཏྠཾ ཝིབྷཱཝེཏི ‘ཀིརིཡཱ ཝིསེསོ’ཏི. ཝཱདནཱདིཀིརིཡཱཡ ཝིསིཊྛོ ཛཱནནཀིརིཡཱཝིསེསོཏི ཨཏྠོ, ཨིམིནཱ ཝཱིཎཱདིསདྡཱ དབྦཏྠཝུཏྟིནོ ཝཱདནཱདིཀིརིཡཾ ཀིརིཡཱ ཝིསེསཉྩ ¶ སིཔྤམུཔཙཱརེན ཝདནྟཱིཏི དཱིཔེཏི. ཨིཏིསདྡོ ཧེཏུམྷི. སཱཡེཝེཏི ཨབྷྱཱསིཏབྦཱ ཛཱནནཀིརིཡཱཝིསེསསྶ པུབྦབྷཱུཏཱ ཝཱདནཀིརིཡཱ, ཝིསེསེཏུཾ ཡུཏྟཱ ཝཱིཎཱདིསདྡེནཱཏི ཨདྷིཔྤཱཡོ.

ཡུཏྟཏཱ ཙེཏྠ… ཝཱིཎཱདིཝཱདནཝསེན སིཔྤསྶ གཧེཏབྦབྷཱཝཏོ, ཀཐཾ ཝཱིཎཱདིསདྡེཧི དབྦཝུཏྟཱིཏི ཝཱདནཱ ཝུཙྩཏཱིཏི ཨཱཧ- ‘ཝཱིཎཱདི ཝིསཡཏྟཱ’ཏི, ཝཱདནཝུཏྟིཝཱིཎཱདིསདྡཱནཾ སིཔྤཝུཏྟིཏྟཾ ཡཐཱཝུཏྟསྶོ པམཱཝསེན ཝཏྟུམཱཧ- ‘ཡཐེ’ཙྩཱདི. ཝཱིཎཱདིཝཱདནནྟི ཡཐེཏི སམྦནྡྷོ. ཝུཏྟམེཝ ཕུཊཡནྟོ ཝུཏྟིགནྠསྶ མུཁཾ ཝིཝརཱིཡཏི ‘ཀིརིཡེ’ཙྩཱདིནཱ. ཀིརིཡཱཏྱཱསཔུབྦཀཾ ཉཱཎཀྑམཾ ཀོསལླཾ ཝཱདནཀིརིཡཱ ཝིསཡཏྟཱ ཝཱིཎཱཝཱདནམིཙྩནེན ཀིརིཡཱསདྡེན ཝུཙྩཏཱིཏྱཏྠོ. མུདངྒཾ མུདངྒཝཱདནཾ སིཔྤམསྶ, ཝཾསོ སིཔྤམསྶཱཏི ཝིགྒཧོ. སཱིལམདྡབྦཾ ཀཐཾ པཾསུཀཱུལཱདི(ནོ) སཱིལཏྠསམཱནཱདྷིཀརཎཏྟེནཱབྷིདྷཱནནྟྱཱཧ- ‘པཾསུཀཱུལཱདིདྷཱརཎ’མིཙྩཱདི. ཏཉྩ སཱིལནྟི སམྦནྡྷོ.

ཨཔྤིཙྪཏཱཡཱཏི པཙྩཡཔྤིཙྪཏཱཡ. སནྟུཊྛིཏཱཡཱཏི ཙཏཱུསུ པཙྩཡེསུ དྭཱདསཝིདྷསནྟུཊྛིཡཱ. ཨནུཝིདྷཱིཡམཱནཾ ཀརཱིཡམཱནཾ. ཕལནིརཔེཀྑནྟི ཨིམིནཱ ཨིདྷ ལོཀེ ཙཱིཝརཱདིཧེཏུ པཎིདྷཱཡ པཾསུཀཱུལ དྷཱརཎཱདིཾ པཊིཀྑིཔཏི, སཱིལཾ ཏཔྤརབྷཱཝེན སེཝནཱ. ཨིདཾ ཝུཏྟཾ ཧོཏི ‘‘པཾསུཀཱུལཱདིདྷཱརཎཾ པཾསུཀཱུལཱདིཝིསཡནྟི པཾསུཀཱུལཱདིསདྡེནོཔཙཱརེནཱབྷིདྷཱིཡཏེ, སཱིལཾ པཾསུཀཱུལདྷཱརཎཝིསཡནྟི པཾསུཀཱུལཱདི སདྡེནོཔཙཱརེནོཙྩཏཱི’’ཏི. ཏིཙཱིཝརཾ སཱིལམསྶཱཏི ཝིགྒཧོ ཏེསཾ གུལོ༹ པཎྱམསྶཱཏི ཝིགྒཧོ ཏོམརཾ, མུགྒརོ པཧརཎམསྶཱཏི ཝིགྒཧོ, ཨུཔདྷཱིཡཏྱུཔརིཨཱདྷཱིཡཏཱིཏི རཐངྒཾ ཝུཙྩཏི. ཀཱམཀྑནྡྷཀིལེསཱབྷིསངྑཱརཱ ཝཱ ཨུཔདྷི ཨུཔདདྷཱཏི སུཁཾ དུཀྑཾཝཱཏི ཀཏྭཱ.

༢༨. ཏཾཧནྟི

བཧུམྷི བྷཱུཏཱནགཏེསུཔི པཙྩཡབྷཱཝེ ཀཱརཎམཱཧ-‘སངྑྱཱཀཱལཱནམཝིཝཙྪིཏཏྟཱ’ཏི, སུཏྟེ ཝུཏྟཱཡ ཨེཀསངྑྱཱཡ ཝུཏྟམཱནཀཱ ལསྶེཝ ཙ ཝཏྟུམནིཙྪིཏཏྟཱཏི ཨཏྠོ.

ཏདུཔཱདཱནནྟཱུཏི ¶ ཏེསམེཀཝཙནཱདཱིནམུཔཱདཱནནྟུ. ཏཾ ནཱནནྟརཱིཡ ཀཏྟཱཏི ཨུཔལཀྑཎཝསེན ཏེསཾ ཝཙནཀཱལནྟརཱནམཝིནཱབྷཱཝིཏྟཱཏི ཨདྷིཔྤཱཡོ. ཧནྟིཙྩཱདིཏྱཱདྱནྟསྶ ཀིརིཡཱཔྤདྷཱནཏྟེ ཀཐཾ ཎཱདཱིནཾ ཏདཏྠེ ཛཱཡམཱནཱནཾ སཱདྷནཔྤདྷཱནཏྟ མིཙྩཏྲ ཧེཏུམཱཧ ‘སབྷཱཝཏོ’ཏི. མཱིནེ ཧནྟཱིཏི མེནིཀོ. ཨཛིཝ྄ཧཱ ཨནིམིསཱ ཙ མཙྪཱ, དིཊྛོཝ སནྡིཊྛནྟི ཨིམིནཱ སཾསདྡསྶ ཝིསུཾ ཨཏྠབྷཱཝཾ དསྶེཏི. ལོཀུཏྟརདྷམྨོཏི ནཝཝིདྷོ ལོཀུཏྟརདྷམྨོ, ཕལདྷམྨོཔི ཧེཊྛིམོ སཀདཱགཱམིཝིཔསྶནཱདཱིནཾ པཙྩཡབྷཱཝེན ཨུཔརིམགྒཱདྷིགམསྶ ཨུཔནིསྶཡབྷཱཝཏོ པརིཡཱཡཏོ དིསྶམཱནོཝ ཝཊྚབྷཡཾ ནིཝཏྟེཏི, བྷཱཝནཱབྷིསམཡཝསེན མགྒདྷམྨོ སཙྪིཀིརིཡཱབྷིསམཡཝསེན ནིབྦཱནདྷམྨོ.

ཝཊྚབྷཡནྟི ཀམྨཀིལེསཝིཔཱཀསངྑཱཏཾ ཏིཝིདྷཝཊྚབྷཡཾ. ཝིདྷཱན ཝཙནནྟི ཨཔྤཏྟེ-ཏྠེ ནིཡོགསངྑཱཏཝིདྷིནོ པཀཱསཏཾ ཨེཧིཔསྶ ཝཙནཾ. པརིསུདྡྷཏྟཱཏི ཀིལེསམལཝིརཧེན སབྦཐཱ ཝིསུདྡྷཏྟཱ. ཨམནུཉྙམྤི ཀདཱཙི སཔྤཡོཛནཾ ཡཐཱསབྷཱཝཔྤཀཱསནེན དསྶེཏབྦཾ བྷཝེཡྻཱཏི ཏདབྷཱཝཾ དསྶེཏི. ཏེནཱཧ ‘ཝིཛྫམཱནམྤི ཙེ’ཙྩཱདི. ནནུ ཙ ཨེཧིཔསྶཱཏི ཏྱཱདྱནྟཱ, ཏསྨཱ ནེཏེཏི པཙྩཡོ པཔྤོཏི, ཏཐཱཧི པཱཊིཔདིཀཏོ པཙྩཡཝིདྷཱནམྤཊིཔཱདིཏཾ, ན ཏྱཱདྱནྟཏོ ནཱཔི ཝཱཀྱཏོ, ཏསྨཱ ཀཐམེཧིཔསྶིཀོཏི ཧོཏཱིཏི ཨཱཧ-‘ཨེཧིཔསྶསདྡོཙཱཡ’མིཙྩཱདི. པདསམུདཱཡསྶཱནུཀརཎོཏི པདསམཱུཧསྶ ཨནུཀརཎབྷཱུཏོ ཨེཀོ ཨེཧིཔསྶསདྡོ. ཨཐཝཱ ཨེཧི ཨཱགཙྪ ཨིམཾ དྷམྨཾ པསྶཱཏི ཡོ ཨཔྤཏྟེ-ཏྠེ ནིཡོགསངྑཱཏོ ཝིདྷི, ཏབྦཱཙཀོ ཡནྣིཔཱཏོ ཨེཧིཔསྶཱཏི, ཨེཧིཔསྶཝིདྷིཾ ཨརཧཏཱིཏི ཨེཧིཔསྶིཀོ, ཨཐཝཱ ཨེཧིཙྩེཝ ནིཔཱཏོ, དསྶནཾ ཉཱཔནཾ པསྶོ, ཨེཧཱིཏི པསྶོ ཉཱཔནཾ ཨེཧིཔསྶོ, ཨེཧིཔསྶཾ ཨརཧཏཱིཏི ཨེཧིཔསྶིཀོ.

༢༩. ཏེན

ཨེཀཱིབྷཱཝོཏི མུགྒེཧི སཾསཊྛཱནཾ མཱསཱནམིཝ མིསྶཱིབྷཱཝོ. ཨེསོཏི སཾསགྒོ, ཨུཀྐཾསེནཱཏི ཨུཀྐཾསཱདྷཱནེན [ཨུཏྐཾསསཱདྷནེན (པོཏྠཀེ)] ཙ བྷཝིཏབྦནྟི སམྦནྡྷོ ¶ . སཾསགྒཨུཀྐཾསཱནཾ སཧབྷཱཝསྶ ཨནེཀནྟི ཀཏྟེ ཀཱརཎམཱཧ- ‘ཨསུཙིདབྦེ’ཙྩཱདིནཱ. བྱཏིརེཀམཱཧ- ‘ནུཀྐཾསོ’ཏི ཡཏྠ སཾསགྒརཧིཏཾ ཀེཝལམབྷིསངྑཏྟམཏྠི, ཏཏྠ པཙྩཡམུདཱཧརཎེན དསྶེཏྭཱ ཝིཛྫཱཡ སཧ སཾསགྒསྶཱཝིཛྫམཱནཏྟེ ཀཱརཎཾ ཝདཏི ‘རཱུཔཱི དྷམྨཏྟཱ’ཏིཨཱདི. རཱུཔཾ བྷཱུཏོཔཱདཱཡབྷེདམསྶ ཨཏྠཱིཏི རཱུཔཱི, གྷཏཱདི སཾསཊྛཾ བྷཏྟཱདི. ཏསྶ དྷམྨོ སབྷཱཝོ སཾསགྒོ, ཏསྶ བྷཱཝོ ཏཏྟཾ, ཏསྨཱ, ཏསྶཱཏི སཾསགྒསྶ, ཝིཛྫཱཏྭརཱུཔཱི… ཡཐཱཝུཏྟ རཱུཔསབྷཱཝཱབྷཱཝཱ, ཏེནཱཧ- ‘ཝིཛྫཱཡ ཙ ཨརཱུཔིཏྟཱ’ཏི ཙརཨིཙྩནྡྷཱཏུཡེཝ ཙརཏི.

ཝཱཙསིཀཾ མཱནསིཀནྟི ‘‘མནཱདཱིནཾ སཀ, ཡཾཀིཉྩཱིཏི སཏཱདིཀཾ ཡཾཀིཉྩི. བཱཧུལཀེནེཝེཏྠཱཝདྷཱརཎཾ ལབྦྷཏཱིཏི ཝུཏྟཾ- ‘ཏཏོ ཝཱ’ཏི, དེཝདཏྟེན ཀཱིཏོཏི སོ ཨཏྠོ ཏདཏྠོ, ཏསྶ ཨཔྤཏཱིཏི ཨབྷིདྷཱནསཏྟིཝེཀལླེན ཝུཏྟིཡམནཝགམོ, དེཝདཏྟིཀོཏི ཧི ཝུཏྟེ དེཝདཏྟེན ཀཱིཏོཏྱཡམཏྠོ ནཔྤཏཱིཡཏེ… ཏཱདིས སདྡསཏྟིཝེཀལླེན ཏདཏྠསྶཱནམིདྷཱིཡམཱནཏྟཱ, ཨཝགམོ ཙ ནཱམ སཏི སཱམཏྠིཡེ སིཡཱཏི ཨིམམཏྠཾ སངྑེཔཏོ དསྶེཏུམཱཧ- ‘ཏདཏྠཱཔྤཏཱིཏིཡཱ’ཏིཨཱདི.

ཨབྷིདྷཱནལཀྑཎཏྟནྟི ཨབྷིདྷཱནཾ སཏི སཱམཏྠིཡེ ཝཱཀྱེ ཝཙནཱིཡསྶཱཏྠསྶ ཝུཏྟིཡཱ ཀཐནཾ ལཀྑཎཾ སབྷཱཝོ ཡེསནྟེ ཨབྷིདྷཱནལཀྑཎཱ, ཏེསཾ བྷཱཝོ ཏཏྟཾ, ཏབྦཱདིསམཱཔྱེཝམེཝ དཊྛབྦཱ. མརིཙེན ཨབྷིསངྑཏཾ སཾསཊྛཾ ཝཱཏི, སལཱཀཱཡ ཛིཏནྟི ཝིགྒཧོ.

༣༠. ཏསྶ

ཡོ ‘‘དིསྶནྟཉྙེཔི པཙྩཡཱ’’ཏི (༤-༡༢༠)

༣༤. ཎོ

པཝུཏྟེཔཱིཏི ཀཙྩཱཡནེན པཝུཏྟནྟི ཨཏྠེ ‘‘ཨཉྙསྨིཾ’’ཏིསྨིཾཎོ ཧོཏེཝཱཏི ཨདྷིཔྤཱཡོ.

༣༥. གཝཱ

དུནོ རུཀྑསྶ.

༣༨. མཱཏཱ

མཱཏཱཔིཏུནྣཾ ¶ མཱཏཱཔིཏརོཏི མཱཏུཡཱ མཱཏཱཔིཏརོ པིཏུསྶ མཱཏཱཔིཏརོ, ན ཨེཀམེཀཏོ དྭཱིསཱུཏི ཨེཀཏོ ཨེཀཏོ ཝུཏྟནཡེན དྭཱིསུདྭཱིསུ ཨཏྠེསུ ན བྷཝཏཱིཏི ཨཏྠོ.

༣༩. ཧིཏེ

མཱཏུ ཧིཏོ, པིཏུ ཧིཏོཏི ཝིགྒཧོ.

༤༠. ནིནྡ

སེན རཱུཔེན ཉཱཏེཔི ཝིསེསརཱུཔེན ཨཉྙཱཏོ ཨཉྙཱཏཝིསེསོ. ཀཊྛཱདིམཡཱ ཡཱ པཊིམཱ ཏམྤཊིཙྪནྡཀཾ. སམྦནྡྷོ སསྶཱམཱིལཀྑཎོ ཨསྶ ཨཏྠཱིཏི སམྦནྡྷི ཀསྶཱཏི ཀིཾ སདྡནིདྡིཊྛོ, སོཝ ཝིསེསོ, སམྦནྡྷིཝིསེསོ ཝིསཡོ ཨསྶ ཨཉྙཱཎསྶཱཏི སམཱསོ. པཡོགཱསམྦྷཝཱཏི ཨཡམསྶོཏི ཝུཏྟ ཨསྶཔྤཀཏིཡཱཔི པཡོགཱ སམྦྷཝཱ. ཏཐཱཧི ཡདི ཡསྶཱཙྩནྟམཛཱནནཾ སིཡཱ ཏཐཱ སཏི སབྦཐཱ ཝཏྠུཛཱནནཱབྷཱཝེ པཀཏིཡེཝ ན སིཡཱ, ན ཧི སབྦཐཱ ཨཝིཉྙཱཏཏྠོ སདྡོ པཡོགམཧརཏི, ཏསྨཱ སརཱུཔེན ཉཱཏསྶ ཡསྶ ཝིསེསོ ཨཝིཉྙཱཏོ, སོཡེཝིདྷ ཨཉྙཱཏོ-ཏིམཏོཏི ཝིཉྙཱཡཏེ, ཨཉྙཱཏོ-སྶོཀསྶ [ཨཉྙཱཏོ སེསཉྙསྶ (པོཏྠཀེ)] ཝཱ ཀུཏོཏིཝཱ ཀིཾ སབྷཱཝོ ཝེཏི ཧི ཨསྶཀོཏི. ཀཔྤཙྩཡནྟོ ཧཏྠིཀཨིཙྩཡནྣཱམདྷེཡྻཾ ནཱམཾ ཡསྶ ཧཏྠིཝིཡཱཏི དསྶིཏཔཊིབྷཱགསྶ སོ ཀཔྤཙྩཡནྟནཱམདྷེཡྻོ. ཨབྷིནིཝེསེན ཝཱ སིཛ྄ཛྷནྟི ཡཐཱ ཨཛྫུནཱདིཝེསདྷཱརིནི ཨཛྫུནཱདིསདྡེནཱཏི ཨདྷིཔྤཱཡོ.

པཊིམཱཡཱཏི ཨེཏྠ པཱུཛནཏྠཱ ཨེཝ པཊིམཱ གཧིཏཱ, མོརསམཱན ནཱམཏྟཱ མོརོཝིཡཱཏི ཡོཛནཱ, ཙཉྩཱ ཏིཎཔུརིསོ, ཨིདྷ པན ཏཾ སདིསོ པུརིསོ མནུསྶོ ཙཉྩཱ. ཨཀསྨཱ ཨེཝ ཨཱཀསྨིཀཾ ‘‘སཀཏྠེ’’ཏི (༤-༡༢༢) ཎིཀོ. ཡཾཀིཉྩི ཨབུདྡྷིཔུབྦཀཾ, ཏམཱཀསྨིཀཾ, ཏསྨིཾ ཨཱཀསྨིཀེབྷིདྷེཡྻོ སཏི ཨིཝསདྡཏྠེ ཝཏྟམཱནཏོ ཨཱིཡོ ཧོཏཱིཏི ཨཏྠོ. ཀཱཀོ ཙ ཏཱལཉྩ ཕལཾ ཀཱཀཏཱལཱནི, ཏེསམིཝ མིལནཾ. ཨཛཱཁགྒཱནམིཝ མིལནཾ ཡདཱཀསྨིཀཾ, ཀིཉྩི ཏམ ཛཱཁགྒཱིཡཾ ¶ , ཎོ ཨིཝཏྠེ. སཀྐརནྟི ‘‘སཾཡོགེ ཀྭཙཱི’’ཏི (༤-༡༢༥) ཝུདྡྷྱབྷཱཝོ. མུནཱིཝ, བཱལོཝ, ཀུལིསམིཝ, ཨེཀསཱལཱཨིཝཱཏི ཝིགྒཧོ, ལོཧིཏོཝ ལོཧིཏིཀོ ཕཊིཀམཎི.

༤༡. ཏམསྶ

དོཎཱདཱིཏྱཱདིསདྡེན ཁཱརསཏཱདཡོཔི པརིམཱཎཝིསེསཱ གཡ྄ཧནྟི. སངྑྱཱ ཨསཱིཏིཔཉྩཱདཡོ, ཨཉྙཾ ཝཱ ཡཾཀིཉྩཱིཏི ཨུཔཌྜྷཀཱཡཱདི, སོལ༹ས དོཎཱ ཨེཀཱ ཁཱརཱི. ནནུ པཉྩཀཾ གནྠཛཱཏནྟི ཝཏྭཱ ཨཉྙཾ ཝཱ སངྒྷཱདིཀནྟི ཝུཏྟཾ ཏཾ ཀཐཾ པཱཎིནིཡེཧི ཝིཡ ‘‘སངྑྱཱཡ སཉྙཱསངྒྷསུཏྟཱཛ྄ཛྷཡནེསཱུ’’ཏི (༥-༡-༥༨) སུཏྟིཏཏྟཱབྷཱཝཱཏི མནསི ནིདྷཱཡ ‘སངྑྱཱཝཱཙཱིཧི’ཙྩཱདི ཝུཏྟཾ. ‘‘ཨཱདསཧི སངྑྱེཡེ ཝཏྟནྟཱི’’ཏི པཉྩསདྡསྶ སངྑྱེཡེ ཝུཏྟཏྟཱ ཨཱཧ- ‘པཉྩཱཝཡཝཱ’ཏི. པརིམཱཎསདྡསནྣིདྷཱནེ སངྑྱཱནེཔི པཉྩསདྡོཏི མཉྙམཱནོ ཨཱཧ- ‘པཉྩསངྑྱཱནཉྩེ’ཏི. པཉྩཱ ཝུཏྟཡོཏི པཉྩཝཱརཱ, རཱུཔཱནཱིཏི ཙ པརིཡཱཡནྟརེན ཨཱཝུཏྟིསདྡསྶེ ཝཱཏྠཾ བྱཏྟཾ ཀརོཏི.

༤༤. ཀིམྷཱ

ནནུ སུཏྟེ སངྑྱཱཡནྟི ན ཝུཏྟཾ ཀཏྱཱདཡོ ཙ པཡོགཱ སངྑྱཱ པརིམཱཎེཡེཝ དིསྶནྟི ཀཐཾ ནཱམེཏྠཱཡཾ ཝིདྷཱིཏི ཨཱཧ- ‘བཧུལེ’ཙྩཱདི. སངྑྱཱཔརིམཱཎེཡེཝཱཡཾ ཝིདྷཱིཏི ཀིཾ སདྡེ སངྑྱཱཔརིམཱཎ ཝིསཡེཡེཝ ཝཏྟམཱནེ ཨཡཾ རཏྱཱདིཀོ ཝིདྷཱིཏི ཨཏྠོ, ནནུ ཙེཏྠ ཀིཾ སདྡོ པཉྷེ ཝཏྟམཱནོ ཀཐཾ སངྑྱཱཔརིམཱཎེ ཝཏྟཏེཏི ཝུཙྩཏེ, ཡཛྫཔི སངྑྱཱཔརིམཱཎེ ན ཝཏྟཏེ, ཏཐཱཔི སངྑྱཱཔརིམཱཎསྶ པུཙྪིཡམཱནཏྟཱ སངྑྱཱཔརིམཱཎཝིསཡེ ཝཏྟཏེ ཝཱཏི. བཧུལཱདྷིཀཱར པཡོགསཱམཏྠིཡཧེཏུནིདསྶནེ ཕལམཱཧ- ‘ཡཏྲཏྭི’ཙྩཱདི, པརིཙྪེདཀཏྟེན པརིམཱཎཀཏྟེན. ཨཡམེཏྠཱདྷིཔྤཱཡོ ‘‘ཡདཱཀིམིདཾ སངྑྱཱ པརིམཱཎམེསཾ དསནྣཾ ན ཀིཉྩི ཨཔྤཀམེཝེཏནྟི སངྑྱཱཔརིམཱཎམེཝ ཀིཾ སདྡེན ནིནྡཱིཡཏེ, ཏདཱཔི སངྑྱཱ པརིམཱཎསྶ ནིནྡཱིཡམཱནཏྟཱ སངྑྱཱཔརིམཱཎཝིསཡཏྟམེཝེཏི ཁེཔེ ཝཏྟམཱནཱཔི ཀིཾ སདྡཱ རཏིཙྩཱདི སིཡཱ, བཧུལཱདྷིཀཱརཱདིཏོཝ པནེཏྠ ན སིཡཱ’’ཏི. རཀཱརཱནུབནྡྷཱ ཨིསདྡལོཔཏྠཱཏི ཡོཛནཱ.

༤༥. སཉྫཱཏཾ

བུབྷུཀྑཱཔིཔཱསཔྤཀཏཱིཧི ¶ ཁསནྟཱཧི ཨཀམྨཝཙནིཙྪཱཡཾ ‘‘གམནཏྠཱ ཀམྨཀཱདྷཱརེ ཙཱ’’ཏི (༥-༥༩) ཀཏྟརི ཀྟེ ཉིམྷི ཙ བུབྷུཀྑིཏོ པིཔཱསིཏོཏི སིདྡྷེཔི ཝཏྟམཱནེ པཡོགཏྠཾ བུབྷུཀྑཱཔིཔཱསཱཏི པཱཋོ.

༤༦. མཱནེ

སབྦམྤརིཙྪེདརཱུཔནྟི ཨུམྨཱནཔརིམཱཎཱདིཀཾ སབྦཾ པརིཙྪེདརཱུཔཾ. ཏཏྲ ཙ ཨུཙྩཏྟེན མཱནམུམྨཱནཾ, སབྦཏོ མཱནཾ པརིམཱཎཾ.

༤༧. ཏགྒྷོ

‘‘པམཱཎཔརིམཱཎེཧི སངྑྱཱཡཙཱཔི སཾསཡེ མཏྟོཝཏྟབྦོ’’ཏི (༥-༢-༣༧) པཱཎིནིཡཝཏྟབྦཀཱརཝཙནཾ, ཏཏྠ པམཱཎ མཱཡཱམོ. སངྑྱཱཡཱཏི པཉྩམཱི. ཨེཏེཧི སཾསཡེ མཏྟོ ཝཏྟབྦོཏི ཨཏྠོ. ཝིདཏྠིམཏྟཾ རཏནམཏྟཾ ཝཱཏིཨཱདཱིནི ཀམེན ཏཏྠོདཱཧརཎཱནི.

ན ཝཏྟབྦནྟི ཡཐཱཝུཏྟཝཏྟབྦཝཙནཾ པཊིཀྑིཔཏི. པཊིཀྑིཏྟེ ཏསྨིཾ ཝིདཏྠིམཏྟཾ རཏནམཏྟཾ ཝཱཏིཨཱདི(ནཱ) ཡཾཀིཉྩི དཎྜཔུབྦཎྞཱདིཀཾ [པཎྞཱདིཀཾ (པོཏྠཀེ)] སཾསཡིཏཾ, ཏེན མཱནསངྑཱཏསྶ པརིཙྪེདསྶཱབྷཱཝཱ ཀཐམེཏེ པཡོགཱ སིཡུནྟི ཨཱསངྐིཡ ཏཏྠ ཀཱརཎམཱཧ- ‘ཏཐཱབྷྱཱུཧནཏོ སིདྡྷཏྟཱ’ཏི. ཏཐཱབྷྱཱུཧནཏོཏི ཝིདཏྠིམཱནམྤམཱཎམསྶ རཏནམྨཱན མསྶཱཏྱཱདིནཱ ཏེནཔྤཀཱརེན ཨབྷྱཱུཧནཏོ ཨབྷྱུཔགམཏོཏི ཨཏྠོ. སཾསཡོ ཙ ནཱམ ཨུབྷཡཔཀྑཔརཱམསནེ སཏི སིཡཱཏི ཡཐཱཝུཏྟམབྦྷཱུཧནཾ སཱདྷེཏུམཱཧ-ནཱནྟརེནེ’ཙྩཱདི. པཀྑདྭཡེཧཱིཏི ཝིདཏྠི མཱནམསྶ རཏནམྨཱནམསྶཱཏི ཨེཝམཱདིཀེཧི པཀྑདྭཡེཧི. ཨབྷྱཱུཧནཾ སཾསཡསྶཱཏི གམྱཏེ. ཛཎྞུ མཱནམསྶ ཛཎྞུཏགྒྷཾ.

༤༨. ཎོཙ

པུརིསོ པམཱཎམསྶཱཏི ཝིགྒཧོ.

༤༩. ཨཡཱུ

ཨུཔཱདྷྱནྟརོཔཱདཱནཱཏི ‘ཨཾསེ’ཏི ནིམིཏྟནྟརོཔཱདཱནཱ ནིཝཏྟཏཱིཏི ཡོཛནཱ.

༥༠. སངྑྱཱ

སཙྩུཏཱིསཱསདསནྟཱཡ ¶ སངྑྱཱཡ པཋམནྟཱཡ ཨསྨིཾ སཏསཧསྶེ ཨདྷིཀཱ སངྑྱཱཏི ཨཏྠེ ཌོ བྷཝཏཱིཏི སུཏྟཏྠོ. སཙྩུཏཱིསཱ སདསནྟཱཏི པཋམཱཝཙནཾ པཋམནྟཏོ ཝིདྷིཉཱཔནཏྠཾ. ནནུ ཙ སུཏྟེ ‘སཏསཧསྶ སཏསཧསྶེ ཌོ’ཏི ན ཝུཏྟཾ, ཏཐཱ སཏི ཝུཏྟིཡཾ ཀཐཾ ‘སཏཾ སཧསྶཾ སཏསཧསྶཾ ཝཱ’ཏི ཝུཏྟནྟྱཱསངྐིཡཱཧ-ཨུབྷཡཐཱཝགམཱ’ཏིཨཱདི. ཨུབྷཡཐཱཝགམཱཏི སཏཾ སཧསྶནྟི ཙ སཏསཧསྶནྟི ཙ ཨུབྷཡཔྤཀཱརེནཱཝགམཱ, ཨུབྷཡཐཱཝགམོ པཡོག དསྶནཉྩེཏྠ ཨེཝཾ ཝིཝརཎེ ཀཱརཎནྟི ཨདྷིཔྤཱཡོ. པཙྩཡཏྠེན སམཱནཛཱཏིཡེ པཀཏྱཏྠེ སཏཱིཏི ཡེནཀེནཙི སུཝཎྞཀཧཱཔཎཱདིནཱ པཙྩཡཏྠེན སམཱནཛཱཏིཡེ. སུཝཎྞམཱསཀདཱིན [སུཝཎྞཀཧཱཔཎཱདཱིནཾ (པོཏྠཀེ)] མསམཱན ཛཱཏིཡཱནཾ. ཨཀེཝལཾ ཙོདཱཧརཎཾ དསྶེཏུཾ ‘ཨེཀཝཱིས’ནྟི ཝུཏྟཾ. ཨནིཔྥནྣཏྟཱ སདྡཱནམིདྷ པཙྩཡགྒཧཎཔརིབྷཱསཱཝཏཱརོ ནཏྠི.

༥༡. ཏསྶ

ནནུ ཙ སངྑྱཱསདྡོ སངྑྱཱནེ སངྑྱེཡྻེ ཙ ཝཏྟཏེ, ཀཐམེཏྠ སངྑྱཱནེཝསིཏཱ ཝུཏྟི ཡེནེཝཾ ཝིཝརཎཾ ཀཏམིཙྩཱཧ- ‘ཡདིཔི’ཙྩཱདི, པཙྩཱསནྣཾ སངྑྱཱསདྡསྶཱཏི ཨདྷིཔྤཱཡོ. ཨིམིནཱ ཙ ཀརཎསཱདྷནོ-ཡཾ པཱུརཎསདྡོཏི ཝིཉྙཱཔེཏི. ཡཏོཏི ཝུཏྟཡཾ སདྡསམྦནྡྷིནཱ ཏཾསདྡེན སེཏི ཨུལླིངྒིཏསྶ སངྑྱཱཏིཨཏྠམུཔདསྶིཡ སཱཡེཝ པཱུརཱིཡཏེཏཱིམསྶ ཀམྨབྷཱཝེན ཏིཊྛཏཱིཏི དསྶེཏུཾ ཏེན པཱུརཎེན པཱུརཱིཡཏེ’ཏི ཨཱཧ.

སམྤཛྫཏེཏི པཱུརཱིཡཏེཏྱསྶཏྠམཱཙིཀྑཏི. ཨནེནེཏཾ དསྶེཏི ‘‘(ན) གྷཊིཀཱདཱིནམིཝ དབྦཱནཾ དབྦནྟརེ ནཱཏིརིཏྟཱིཀརཎཾ སངྑྱཱཡ པཱུརཎཾ ཀིཉྩརཧི ཏསྶ སམཔྤཏྟིཡེཝཱ’’ཏི. ཨཐ ཀཱཡཾ ཝཙོཡུཏྟི ‘སཱསངྑྱཱ པཱུརཱིཡཏེ ཡེནེ’ཏི, ཡཱཝཏཱ སཱཏི ཡསྨཱ པཙྩཡོ ཝིཧིཏོ ཏསྶ སངྑྱཱསདྡསྶ པརཱམཱསོ ཏསྶ ཙ པཱུརཎེན ཨབྷེདོཙྩཱསངྐིཡཱཧ- ‘ཨབྷེདེནོཙྩཏེ སངྑྱཱ པཱུརཱིཡཏེ ཡེནེཏཱི’ཏི ཨབྷིདྷཱནཱབྷིདྷེཡྻཱནམབྷེདོཔཙཱརེན ཝུཙྩཏཱིཏྱཏྠོ, སངྑྱེཡྻཔཱུརཎེ ¶ ཌོ ན ཧོཏཱིཏི ཝཏྭཱ ཏདཏྠཾ ཝིབྷཱཝེཏུམཱཧ- ‘དྭཱདསནྣ’མིཙྩཱདི. སོ གྷཊོ ཏཱསཾ གྷཊིཀཱནཾ པཱུརཎོ དབྦཱནཾ དབྦནྟརེ ནཱཏི རིཏྟཱིཀརཎཝསེན. ཝཱིསཏིཡཱ པཱུརཎོཏིཨཱདིནཱ ཝིགྒཧོ.

༥༤. ཚཱ

ཀཙྩཱཡནེན ‘‘དྭིཏཱིཧི ཏིཡོ’’ཏི (༢-༨-༤༢) སུཏྟེན དྭིཏིསདྡེཧི ཏིཡཔྤཙྩཡཾ ཝིདྷཱཡ ‘‘ཏིཡེ དུཏཱཔི ཙཱ’’ཏི (༢-༨-༤༣) དྭིཏཱིནཾ དུཏཱདེསེན དུཏིཡཾ ཏཏིཡནྟི ཙ ‘‘ཙཏུཚེཧི ཐཋཱ’’ཏི (༢-༨-༤༡) སུཏྟེན ཙཏུཏོ ཐཔྤཙྩཡཾ ཝིདྷཱཡ དྭིཏྟེན ཙཏུཏྠནྟི ཙ ནིཔྥཱདིཏཾ. ཨིདྷ ཏཐཱ བྷཱཝེན ཀཐཾ ཏེ སིཛ྄ཛྷནྟཱིཏི ཨཱསངྐིཡ ཝུཏྟིཡཾ ‘ཀཐ’མིཙྩཱདི ཝུཏྟནྟི དསྶེཏུམཱཧ ‘སངྑྱེ’ཙྩཱདི. ཝུཏྟིཡཾ ‘དུཏིཡསྶཱ’ཏིཨཱདིནཱ སུཏྟེཀདེསཱ དསྶིཏཱཏི ཏཱནི སམྤུཎྞཾ ཀཏྭཱ དསྶེཏུཾ ‘དུཏིཡསྶཱ’ཏིཨཱདིནཱ ‘ཙཏུཏྠཏཏིཡཱན’མིཙྩཱདིནཱ ཙ ཝུཏྟཱནི.

༥༥. ཨེཀཱ

སངྑྱཱཝཙནསྶ གཧཎེ ཀོ དོསོཙྩཱཧ-‘སངྑྱཱཝཱཙི’ཙྩཱདི. བཧུཏྟཝིསཡེ པཡོགོ ན སིཡཱཏི སངྑྱཱཝཙནསྶ ཨེཀཏྠེ ནིཡཏཏྟཱ ཝུཏྟཾ. ཨེཀཱཀཱིཧིཙྩསྶ ཨཏྠམཱཙིཀྑཏི པདྷཱནབྷཱུཏེཧེཝ’ཙྩཱདིནཱ. ཨུཔཔཛྫཀེ བཧུཏྟཝིསཡེ པཡོགོཏྱཔེཀྑཏེ.

༥༦. ཝཙྪཱ

ཏརོ ཧོཏཱིཏི ཝུཏྟེཔི ཏེཧི ཏརོ ཧོཏཱིཏི ཝིཉྙཱཡཏི, ཝཙྪཱདཱིཧཱིཏི སུཏཏྟཱ པན ཝཙྪཱདཱིནནྟི ཙ ཝིཉྙཱཡཏཱིཏི ཝཙྪཱདཱིནནྟིཨཱདིནཱ ཝུཏྟིགནྠོཔདསྶནཾ. ནནུ ཏནུཏྟེ ཝཝཙྪཱདཱིཧི པཙྩཡོ ཝིདྷཱིཡཏེ, ཡེ ཙ སརཱིརེན ཀིསཱཝཙྪཱདཡོ, ཏཏྲཱཔྱཝིསེསེན པཡོགོ པསཛྫཏི [པཡོཔསཛྫནེ (པོཏྠཀེ)] ཝིསེསཱནུཔཱདཱནཏོ, ཏསྨཱ ཀཐམཏྲ སབྷཱཝསྶེཝ ཏནུཏྟཾ ཝིཉྙཱཡཏེ ཡེནེཝཾ ཝིཝཊམིཙྩཱཧ- ‘ཝཙྪཱདིསདྡཱན’ མིཙྩ-དི, ཝཙྪཱདཱིཧི པཀཏཱིཏི པཙྩཡེ ཝིདྷཱིཡམཱནེ ཏཱསཾ པཝཏྟིནིམིཏྟཾ ཝཡོཝིསེསཱདི, ཡསྨིཾ སཏི ཝཙྪཱདཡོ སདྡཱ དབྦེ-བྷིནིཝིསནྟེ, ཏཾ པཙྩཡཱ-སནྣཾ, ན ཙ ཀིསཏྟསྶ བྷཱཝཱ དབྦེ ཝཙྪཱདིསདྡཱ པཝཏྟནྟེ. ཨཏོ ¶ ཏསྶེཝ སདྡཔྤཝཏྟིནིམིཏྟསྶ ཏནུཏྟེ ཡུཏྟཾ པཙྩཡེན བྷཝིཏུཾ, (ན) ཏནུཏྟམཏྟེཏི མཉྙཏེ. པཝཏྟིནིམིཏྟཾ སམྦནྡྷི ཨཱསནྣནྟི སམཱནཱདྷིཀརཎཱནི.

ཝཙྪོ པཋམཝཡོ, ཏསྶ ཏནུཏྟཾ དུཏིཡཝཡཔྤཏྟི. དུཏིཡཉྷི ཝཡཾ པཔྤོནྟསྶ ཝཙྪསྶ པཋམོ ཝཡོ ཝཙྪསདྡསྶ པཝཏྟིནིམིཏྟཾ ཀིཉྩིམཏྟཱཝསེསཾ བྷཝཏི ཨམུམེཝཱཧ-‘སུསུཏྟསྶེ’ཙྩཱདིནཱ. ཨུཀྑོཏརུཎོདུཏིཡཝཡཔྤཏྟོ ཝུཙྩཏེ, ཏསྶ ཏནུཏྟཾ ཏཏིཡཝཡཔྤཏྟི. ཏཏིཡཉྷི ཝཡཔྤཏྟཀཱལེ དུཏིཡསྶ ཝཡསྶ ཨུཀྑསདྡཔྤཝཏྟི ནིམིཏྟསྶ ཀིཉྩིམཏྟཱ ཝསེསཏོ [ཝསིསྶཏེ (པོཏྠཀེ)] ཛཱཏིསངྐརཏྟཱ གདྡབྷཛཱཏིཡཱ ཝལ༹ཝཱཛཱཏིཡཱ ཙ མིསྶཏྟཱ. བྷཱརཝཱཧཀཏྟམྤཏི ཡོ སམཏྠོ, སོ ཨུསབྷོཏྱུཙྩཏེ, ཡདཱཏུ ཏསྶ བྷཱརཝཱཧཀཏྟེ སཱམཏྠིཡཾ མནྡཾ བྷཝཏི པརིཀྑཱིཎཾ, ཏདཱ ཏནུཏྟམྦྷཝཏཱིཏྱཱཧ- ‘སཱམཏྠིཡསྶ ཏནུཏྟཾ ཨཔྤབལཏཱ’ཏི.

༥༧. ཀིམྷཱ

སམུདཱཡོ ནཱམ དྭྱཝཡཝོ ཝཱ སིཡཱ བཧུཀཱཝཡཝོ ཝཱ, ཏཏྠ དྭྱཝཡཝསམུདཱཡཱ ནིདྡྷཱརཎེ སཱམཏྠིཡཱ ཨེཀསྶེཝ ནིདྡྷཱརཎཾ ཝིཉྙཱཡཏི ཏམེཝཱནུསརཏི. བཧུཀཱཝཡཝསམུདཱཡཱཔྱེ ‘ཀསྶ ནིདྡྷཱརཎེ’ཏི སུཏྟེ ཨེཀསྶཱཏི ཝཙནཱབྷཱཝེཔི ཨེཀསྶེཝ ནིདྡྷཱརཎཾ ཝིཉྙཱཏབྦཾ ཏེནེཝ ཀཏརོ བྷཝཏཾ དེཝདཏྟོ’ཏྱཱདིཀམུདཱཧརཎམདཱསི. ཀཏརོ བྷཝཏཾ དེཝདཏྟོ ཀཏརོ བྷཝཏཾ ཀཋོཏྱཱདྱུདཱཧརཎབཧུཏྟེན ནིདྡྷཱརཎཝཱཙཱིནམབཧུཏྠེཔི ནིདྡྷཱརིཡམཱནཝཱཙཱིཧཱི’ཏི བཧུཏྟེན ཝུཏྟཾ. ཨཔཙྩཔརཾཔརཱཡ པཝཏྟཾ གོཏྟཾ ཝཾསོ, ཏདབྷི དྷཱཡིནོ ཨཔཙྩཔྤཙྩཡནྟཱཔི ཨབྷེདོཔཙཱརེན གོཏྟཾ, ཏེཝཱཔཙྩཱ པཙྩཝནྟསམྦནྡྷདྭཱརེནཱཔཙྩེ པཝཏྟཱཏི སམྦནྡྷིསདྡཱ བྷཝནྟི, ཙརཎསདྡཱ ཙ ཀཋཱ ཡོ ཀིརིཡཱསདྡཱ བྷཝནྟི ཀཋཱདཱིཧི ཝུཏྟཛ྄ཛྷཡནཏྠཾ ཡཐཱ སཀཾཝཏཙརཎཀིརིཡཱནིམིཏྟཏྟེནཱཛ྄ཛྷེཏཱུསུ པཝཏྟཱཏི ཏེསཾ སམྦནྡྷིསདྡཱནཾ ཀེསཉྩི ཨཏྠསྶ ཀིརིཡཱསདྡཱནཾ ཙཱཏྠསྶ ཨསཏྱཔི ཛཱཏིཏྟེ ཛཱཏིནིབནྡྷནཾ ལོཀེ ཀཱརིཡམིཊྛཾ ཏདུཏྟཾ ‘‘གོཏྟཉྩ ཙར- ཎེཧི ¶ སཧཱ’’ཏི. ཏཏྠཱཔི ཛཱཏིཏྟམྤརིབྷཱསིཏཾ, ཏེནཱཧ- ‘ཀཋསྶ ཙརཎཏྟཱ ཛཱཏིཏྟཾ གོཏཏྟཱ ཛཱཏིཏྟ’ནྟི ཙ.

༥༨. ཏེན

ལོཀིཡཱཏི པརསདྡསཏྠཀཱརེ སནྡྷཱཡཱཧ. ཨིཧ ཏུ ཨཝིསེསེན ཝུཏྟནྟི སམྦནྡྷོ. ནིརུཏྟིཡཾ སཱམཉྙེན ཝུཏྟཏྟཱཏི ཡོཛནཱ. སཱམཉྙེན ཝུཏྟཱཀཱརཾ དསྶེཏུཾ ‘ཀཐ’ནྟིཨཱདི ཝུཏྟཾ. དེཝེཧི དཏྟོ བྲཧྨུནཱ དཏྟོཏིཨཱདཱིནི ཀཏྟརི ཀརཎེ ཝཱ ཝིགྒཧཝཱཀྱཱནི. དེཝདཏྟོ དེཝདཏྟིཀོ དེཝིཡོ དེཝལོཏིཨཱདཱིནི ཝུཏྟིཔདཱནི.

ཏཏྠ ནིརུཏྟིཔིཊཀཱགཏཱནཾ ‘དེཝདཏྟཱ དེཝདཏྟིཀོ’ཏིཨཱདཱིནཾ ཝུཏྟིཔདཱནམཉྙཐཱ ནིཔྥཏྟིམུཔདསྶིཡ དེཝལོ དེཝིཡོཏིཨཱདཱིནམྤན ཝཙནནྟརེནེཝ ནིཔྥཏྟིཾ དསྶེཏུཾ ‘དེཝེཧི དཏྟོ’ཏིཨཱདི ཝུཏྟཾ. པརསདྡསཏྠཀཱརཱནམྤི དེཝལོ དེཝིཡོཏི ཝཙནནྟརེནེཝ སཱདྷནཾ སཱདྷནཱཀཱརཉྩ ཏེསཾ དསྶེཏུཾ ‘ཀེཙཱིཧཱི’ཏིཨཱདི ཝུཏྟཾ. ཨེཀདེསཏོཡེཝ པཙྩཡམིཙྪནྟི ཏེན ཏེསཾ དེཝལོ དེཝིཡོ དཏྟི ལོཙྩཱདི བྷཝཏི. ཀཔྤནཱགཱརཝོཏི དཏྟསདྡལོཔནཱམེཀདེསཝསེན ཀཔྤནཱགཱརཝོ.

༥༩. ཏསྶ

ན ཙ སབྦེཏིཨཱདིནཱ བཧུལཱདྷིཀཱརེ ཕལཾ ཝུཏྟཾ. བྷཱཝསདྡོ ཀཏྠཙི ཀིརིཡཱཡཾ ཝཏྟཏེ ‘བྷཱཝེ ཨཡཾ ཝིདྷཱི’ཏི. ཀཏྠཙི ཨདྷིཔྤཱཡེ ‘ཨཡམེཏེསཾ བྷཱཝོ [བྷཱཝོདྷིཔྤཱཡོ]’ཏི. ཀཏྠཙི པདཏྠེ ‘ཨིམེ བྷཱཝཱ’ཏི. ཀཏྠཙི སཏྟཱམཏྟེ‘ཏིཎཱནཾ བྷཱཝོ’ཏི. ཏེནཱཧ-‘བྷཱཝསདྡསྶེ’ཙྩཱདི. རཱུཔསཱདྷན དྭཱརེནཱཏི བྷཱཝསདྡསྶ རཱུཔསཱདྷནདྭཱརེན, སཔྤནྟི པཀཱསེནྟི ཨཏྠ མནེནཱཏི སདྡོ. སོཝ ཨབྷིདྷཱནཾ ཨབྷིདྷཱིཡཏེ-ནེནཏྠོཏི ཀཏྭཱ. བུཛ྄ཛྷཏི ཨཏྠསརཱུཔནྟི བུདྡྷི, སཱཝ པཏཱིཡཏེ-ནེནཱཏྠོ པཙྩེཏི ཨཏྠ མིཏི ཝཱ པཙྩཡོཏི ཝུཙྩཏི.

ནནུ ཙ ‘བྷཝནྟི ཨེཏསྨཱ བུདྡྷིསདྡཱ’ཏི ཝུཏྟཾ ཏསྨཱ པཝཏྟིནིམིཏྟམུབྷིནྣམྤི བྷཝཏི, ཏཐཱསཏི ‘སདྡཔྤཝཏྟིནིམིཏྟ’ནྟི སདྡསྶེཝ པཝཏྟིནིམིཏྟཏཱ ཀསྨཱ ¶ ཝུཏྟཱཏི ཝུཙྩཏེ. པཱཀཊབྷཱཝེན ཨབྷིདྷཱནཱབྷིདྷེཡྻསམྦནྡྷསྶ སདྡསྶེཝ པཝཏྟིནིམིཏྟཏཾ ཝཏྭཱ ཝིསུཾ བུདྡྷིཡཱ ནིམིཏྟསྶ རཱུཔཱནུགཏཏྟཾ ཝིསེསེཏྭཱ པཝཏྟིནིམིཏྟཏམསྶཱ དཱིཔེཏུཾ ‘ནིམིཏྟཝསཱཧི’ཙྩཱདིམཱཧ. དབྦེགུཎོཏི དབྦེ ཝུཏྟིཡཾ གུཎོ ནིམིཏྟནྟི སམྦནྡྷོ. གུཎསདྡསྶེཝ ཛཱཏིསདྡཏྟེནོདཱཧརཎདྭཡཾ དཏྟཾ… གུཎསྶ ཛཱཏིཡཱ ཝིསུཾ ཛཱཏིནིམིཏྟསྶཱབྷཱཝཏོ [ནིདྷིཏྟསྶ བྷཱཝཏོ]. ཀིརིཡཱདཱིཏིཨཱདིསདྡེན དབྦཱདཱིནཾ གཧཎཾ, ཀེཙི པན ཀིརིཡཱསདྡཱནཾ ཀིརིཡཱ པཝཏྟིནིམིཏྟནྟྱཱཧུ. ཏེསཾ དེཝདཏྟཱདཱིནཾ ཨཝཏྠཱཝིསེསེན ཨཝཏྠཱབྷེདེན སཱམཉྙཾ ཏདཝཏྠཱ ཝིསེསསཱམཉྙཾ. ཏེནཱཧ- ‘དེཝདཏྟསྶཱ’ཏིཨཱདི. ཝིཛྫམཱནོ པདཏྠོ ཝིསཡོ ཡེསཾ དེཝདཏྟཱདཱིནཾ སཉྙཱསདྡཱནཾ ཏེསཾ པཝཏྟིནིམིཏྟཾ ཛཱཏིལཀྑཎམཱཙིཀྑིཏམྤཊིཔཱདིཏནྟི ཨཏྠོ.

ཨནེན ཙ དེཝདཏྟཱདཡོ སཉྙཱསདྡཱཔི སམཱནཱ ཛཱཏིསདྡཱཏི ཝུཏྟཾ ཧོཏི. ཡདི ཙརཧི སཉྙཱསདྡཱཔི ཛཱཏིཝཙནཱ སིཡུཾ, པཉྩཝིདྷཏྟམེསཾ པརིཧཱཡཏཱིཏི. ནེདམེཝཾ ཝིཉྙེཡྻཾ… པསིདྡྷཏརཛཱཏྱཱབྷིདྷཱན ཀཋགོཝཱིཧིཡཝཱདིསདྡཱ ཛཱཏིསདྡཏྟེན ཝིསུཾ པརིགྒཡ྄ཧནྟི.

སམྦནྡྷིབྷེདཏོཏི གྷཊཱདིསམྦནྡྷཱིནཾ བྷེདཏོ. ཨབྷཱཝསྶབྷེདཏོཏི གྷཊཔཊཱདཱིནཾ སམྦནྡྷཱིནཾ བྷེདེན ཨབྷཱཝསྶ བྷེདཏོ ཨབྷེདེཔི བྷེདཱ ཨུཔཙརིཏཱ སནྟཱིཏི ཡོཛནཱ. ཡསྶ སཱམཉྙསྶ ཝསཱ, ཏེསུ ཨུཔཙརིཏབྷེདེསྭཱཀཱསཱདཱིསུ. ནིརཝཡཝཱཝིཛྫམཱནཝིསཡཱནནྟིཡེ ཨཱཀཱསོ ཝིཡ ནིརཝཡཝཱ ཨབྷཱཝོ ཝིཡ ཨསནྟཱ ཙ, ཏེ ཝིསཡོ ཡེསཾ སདྡཱནཾ ཏེསནྟི ཨཏྠོ. སཱམཉྙཾ བྷཱཝོཏི པུཐུཛྫནཱདིསཱམཉྙཾ བྷཱཝོཏི ཨཏྠོ. ཨལསསྶ བྷཱཝོ ཀིརིཡཱསམྦནྡྷིཏྟཾ, བྲཧྨཉྙཾ ཛཱཏི ཙཱཔལྱཾ ནེཔུཉྙཾ གུཎོ ཝཱ. ཝུཏྟིཡཾ སཀཏྠེཀནྟཱཏི ‘‘སཀཏྠེ’’ཏི (༤-༡༢༢) ཨིམིནཱ སཀཏྠེ ཀཏཀཔྤཙྩཡནྟཱཏི ཨཏྠོ. ན དཊྛབྦནྟི སམྦནྡྷོ. པཏྟཀཱལོཝ པཏྟཀལླཾ. ཀརུཎཱ ཨེཝ ཀཱརུཉྙཾ.

༦༢. ཨཎྭཱ

‘‘ཨེཀཡོགནིདྡིཊྛཱནཾ སཧཝཱཔཝཏྟི སཧཝཱ ནིཝཏྟཱི’’ཏི ‘བྷཱཝ ཀམྨེསཱུ’ཏི ¶ ཨནུཝཏྟཏེ. ཏཐཱཔི བྷཱཝེཏཱིམིནཱཝེཏྠ སཔྤཡོཛནཏྟཾ དསྶེཏུམཱཧ- ‘བྷཱཝཀམྨེསུ’ཙྩཱདི.

༦༤. ཏར

ཡཛྫཔི སཱིདྷཱཏུསྶ ཀེཝལསྶ སུཔནེ པཝཏྟི, ཏཐཱཔྱཏིཔུབྦསྶ ཨུཀྐཾསེ པཝཏྟཱིཏི ཨཱཧ- ‘ཨཏིསཡོ ཨུཀྐཾསོ’ཏི. སོ ཙ ཨཏིསཡོ ཀསྶ སམྦྷཝཏིཙྩཱཧ- ‘སོ ཙ ཀིརིཡཱགུཎཱན’ནྟི. ཀཐཾ ཏེསམཏིསཡོཙྩཱཧ- ‘ཨཱདྷཱརབྷཱུཏདབྦཝསཱ’ཏི. ཀུཏོཙྩཱཧ- ‘ཨནཔེཀྑིཏེ’ཙྩཱདི. ཨནཔེཀྑིཏོ ཀིརིཡཱགུཎཱནཾ ནིསྶཡོ དབྦསངྑཱཏོ ཡེསནྟི ཝིགྒཧོ, དབྦསྶ ནིསྶཡབྷཱུཏསྶཱ-ཏིསཡཏྟཾ ཧོནྟམྤི ནིསྶིཏཱནཾ ཀིརིཡཱ གུཎཱནཾ ཝསེནེཝ སིཡཱ ནཱཉྙཐཱཏི ཝཏྟུམཱཧ-‘པཙྩདྷིཀརཎ’ནྟིཨཱདི.

ནནུ ཙ ཡདི ཀིརིཡཱགུཎཱནམེཝཱཏིསཡོ, ཏདཱ ན སིཛ྄ཛྷཏི ‘གོཏརོ’ཏི ནེས དོསོ, ནོ ཙེཏྠ ཛཱཏིཡཱཏིསཡོ, ཀསྶ ཙརཧི གུཎསྶ གོ ཨཡཾ ཡོ སཀཊཾ ཝཧཏི, གོཏརོ-ཡཾ ཡོ སཀཊཾ ཝཧཏི སིརཉྩཱཏི, ཛཱཏིཡཱ ཧི ནིཙྩཱཡེཀརཱུཔཱཡ ནོཀྐཾསཱཔཀཾསཡོགོ སམྦྷཝཏཱིཏི དབྦསྶཱཔི ནཱཏིསཡསམྦྷཝོ. ཏཐཱཧི ཏུལྱཔྤམཱཎསྶ གུཎཀཏོཝ མཱུལཏོ ཨུཀྐཾསོ དིསྶཏི སམཱནེཔི ཧི ཨཱཡཱམེ ཝིཏྠཱརེ ཙ པཊསྶ ཀཱསིཀསྶཱཉྙོཝཱགྒྷོ བྷཝཏི མཱཐུརསྶཱཉྙོ ཝཱཏི. དབྦསྶཱཔི སཱཏིསཡེཧི ཡུཏྟཏཱམཏྟེན སཱཏིསཡཏྟསྶུཔཊྛཱཔིཏཏྟཱ ཝུཏྟཾ- ‘ཏེནེཝཱཧཱ’ཏིཨཱདི. ཡདགྒེན ཀིརིཡཱགུཎཱནཾ ནིསྶིཏཱནམཏིསཡཝསེན ནིསྶཡབྷཱུཏམྤི དབྦཾ ཀཐཉྩིདཔྱཏིསཡེ ཝཏྟཏི ནཱམ, ཏདགྒེ ཏབྦཱཙིཀཱཔི པཀཏི ཨཏྟནོ ཝཙནཱིཡཏྠཝསེན ཏཏྠ ཝཏྟཏིཡེཝ ནཱམཱཏི ‘ཨཏིཡཡེ ཝཏྟམཱནཏོ’ཏི པཀཏིཝིསེསནཝསེན ཝུཏྟཾ, ཏེནེཝཱཧ- ‘ཨིམིནཱ པཀཏི ཝིསེསནཏྟཉྩཱཧཱ’ཏི. སཀཏྠིཀཱནཾ པཀཏིཨཏྠོ ཛོཏནཱིཡོ ཧོཏཱིཏི སམྦནྡྷོ.

སཀཏྠིཀཱནནྟི ཀཏྟརི ཚཊྛཱི སམྦནྡྷཝཙནིཙྪཱཡ, སཀཏྠིཀེཧཱིཏི ཨཏྠོ. ཧེཏུམཱཧ- ‘པཀཏིཝིསེསནནྟཱི’ཏི. ཨིཏིསདྡོ ཧེཏུམྷི, ཡསྨཱ ¶ ‘ཨཏིསཡེ ཝཏྟམཱནཏོ’ཏི, པཀཏིཝིསེསནཾ, ཏཏོ པཀཏྱཏྠབྷཱུཏེ-ཏིསཡེ ཛཱཏཏྟཱ སཀཏྠིཀེཧི ཡཐཱཝུཏྟནཡེན པཀཏྱཏྠབྷཱུཏེཏིསཡོ ཛོཏནཱིཡོ ཧོཏཱིཏི ཨཏྠོ. ཏཏྠ ནཱབྷིདྷེཡྻོཏི བྱཏིརེཀམཱཧ, ཏཐཱ ཙ ཝཀྑཏི- ‘ཨཏིསཡཛོཏཀཱཏརཱདཡོ’ཏི.

ཨཐ པཀཏིཝིསེསནཏྟེ ཀསྨཱ ནཱབྷིདྷེཡྻོ ཛོཏནཱིཡོཙྩཱཧ ‘པཀཏིཡཱཡེཝ’ཙྩཱདི. ཨུཀྐཾསོ སམཱནགུཎཝིསཡེཡེཝ ལོཀེ དིཊྛོ [པཝིཊྛོ (པོཏྠཀེ)] ཏེན སཱམཉྙཝཙནེཔི ཏཱདིཐཝིསཡེཡེཝ [སོཡེཝ] ཀཱརཎ ཝསེན ཧོཏཱིཏི དསྶེཏུམཱཧ- ‘ཨཏིསཡེནེ’ཙྩཱདི. དྭིནྣམེཀསྶཱ-ཏིསཡེཙྩཱདིནཱ ‘དྭིབཧཱུསུཀྐཾསེ ཏརཏམཱ’’ཏི (ཙཾ ༤-༣-༤༥) སཀྐཏསུཏྟཏྠསྶཱདྷིཔྤཱཡཾ ཝིཝརཏི. ཏརཨིཡཱཏི སཀཝོཧཱརེན ཝུཏྟཾ, ཏེསནྟུ ཨཱིཡཔྤཙྩཡོ. ཨེཝམིཧཱཝིདྷཱནཾ སུཁསཱནེཏྟནྟི སམྦནྡྷོ.

ཨཡམེཏྠཱདྷིཔྤཱཡོ ‘ཡཐཱཝུཏྟསུཏྟཏྠཝསེན དྭིནྣམེཀསྶ ཨུཀྐཾསཱབྷཱཝཱ ‘མཱཐུརཱ པཱཊལིཔུཏྟཀེཧི སུཀུམཱརཏརཱ’ཙྩཱདོ ཏརཔྤཙྩཡོ ན ཧོཏཱིཏི ཨེཀོ མཱཐུརོ དུཏིཡོ པཱཊལིཔུཏྟཀོ ཨིམེསཾ སུཀུམཱརཱནཾ དྭིནྣམེཀོ མཱཐུརོ-ཏིསཡེན སུཀུམཱརོ སུཀུམཱརཏརོ, ཨེཀམཉྙེསཾ དྭིནྣམུཀྐཾསེཏཐཱཉྙེསཾ དྭིནྣམེཀསྶཱཏི ཨེཝཾ དྭིནྣཾདྭིནྣམེཀེཀསྶ ཨུཀྐཾསེ ཏརཔྤཙྩཡོ བྷཝཏི, ཨུབྷཡཏྲ ཏྭཝཡཝཱཔེཀྑམྦཧུཝཙནཾ, ཏཐཱཧི སུཀུམཱརཏྟེནུཀྐཾསིཡམཱནཱནཾ སམུདཱཡཱནམཝཡཝཱ མཱཐུརཱ བཧཝོ པཱཊལིཔུཏྟཀཱཔི ནིཀྐཾསིཡམཱནཱ ཏཐེཝཱཝཡཝཱ བཧཝོ ཧོནྟི, ཨེཝཾ མཱཐུརཱ པཱཊལི པུཏྟཀེཧི སུཀུམཱརཏརཱ’ཏི ཏརཔྤཙྩཡེན སིཛ྄ཛྷཏི. ཨིམསྨིཾ གཱམེ ཨཌྜྷཏརཱ ཝཱཎིཛྫཱཙྩཱདོཔི ཀཐིཏེན ཉཱཡེན དྭིནྣཾདྭིནྣམེཀེཀསྶ ཨུཀྐཾསེ ཏརཔྤཙྩཡོ བྷཝཏི, བཧུཝཙནནྟུ ཀཏྠཙི ཨཝཡཝཱཔེཀྑནྟི སབྦཾ སཀྐཏེ ཀིཙྪེན སཱདྷེནྟི. ཨིཧ ཏུ ཏཐཱཝིདྷསྶ སུཏྟསྶཱ ཝིདྷཱནཱ ‘‘ཏརཏམིསྶིཀིཡིཊྛཱཏིསཡེ’’ཏི ཏརཱདཱིནམཏིསཡེ སཱམཉྙེན ཝིདྷཱནཱ སབྦཏྠ ཏརཔྤཙྩཡེན སུཁསཱདྷནཾ ཧོཏཱི’’ཏི.

ཨཝཏྠཱབྷེདེནཱཏི ¶ པཊུཏརཱཝཏྠཱཝཏོ པཊུཨཝཏྠཱཡ བྷིནྣཏྟཱ ཝུཏྟཾ, ཏཐཱཧི ཏམེཝཱཝཏྠནྟརཡུཏྟཾ ཝཏྟཱརོ བྷཝནྟི ཨཉྙེ ‘བྷཝཾསཱུཨཝཏྠོ’ཏི. པཀཱརནྟརེནཔི སཱདྷནེ ཧེཏུམཱཧ- ‘ཨཏིསཡམཏྟེ ཝཱ ཝིདྷཱནཏོ’ཏི. ཨནཝཊྛིཏཏྟམཱཧ- (‘ཨཏིསཡཝཱཔི’ཙྩཱདི). པཉྩསྭེཏེསཱུཏི ཨེཏེསཾ ཡཐཱཝུཏྟཱནཾ ཏརཱདཱིནཾ པཉྩནྣཾ མཛ྄ཛྷེ, རཱུཔཱནི གུཎཝཙནསྶ ཝུཏྟིཡམུདཱཧརིཏཱནི. ཀིརིཡཱཝཙནསྶ ཏུ ‘ཨཏིསཡེན པཱཙཀཏརོ པཱཙཀཏམོ’ཏི. ཨིསྶིཀ ཨིཡཨིཊྛཱ སརཱདཱི ཏཏོ (ཨཉྙཏོ) ན ཧོནྟི བཧུལཱདྷིཀཱརཱ.

༦༦. ཏསྶ

ཏསྶཱཏི སཱམཉྙེན ཝུཏྟེཔི ཝིཀཱརསམྦནྡྷཱིཡེཝ ཚཊྛིཡནྟོ གཡ྄ཧཏི, ཚཊྛིཡནྟསམྦནྡྷཱིཡེཝ ཙ ཝིཀཱརོ གཡ྄ཧཏི སམྦནྡྷཝསཱཏི དསྶེཏུམཱཧ ‘ཡསྶཱ’ཙྩཱདི. ཀོསཀཱརཀཔཱཎཝིསེསེཧི ཀཏོ ཀོསོ. པཱཎཡོ སཏྟཱ, ཨོསདྷྱོཕལཔཱཀནྟཱ, རུཀྑཱ པུཔྥཕལཱུཔགཱཏི རུཀྑོསདྷཱིནཾ ལཀྑཎཾ ཝདནྟི ཏལླཀྑཎེནེཏྠ རུཀྑོ སདྷཡོ ན གཡ྄ཧནྟི, ཀིཉྩརཧི ཨོསདྷིསདྡེན ལཏཱདིཔི གཡ྄ཧཏི, རུཀྑསདྡེན (ཝནཔྤ)ཏཡོཔི, ཝནཔྤཏཡོ ཧི ཕལཝནྟཱ ན པུཔྥཝནྟཱ. ཀཐཾ གཱཝསྶ ཝིཀཱརེ པུརིསེ མཡོཙྩཱཧ- ‘ཨཉྙསྨི’ནྟིཨཱདི. གཱཝསྶ ཨིདཾ གོམཡཾ.

༦༧. ཛཏུ

ཨུཔཔཏྱནྟརནྟི པཙྩཡལོཔཏོ ཡུཏྱནྟརཾ.

༦༨. སམཱུ

ཏཱིསུཏྟརེསུ ཙ ཝཏྟཏེཏི སམྦནྡྷོ. རཱཛཉྙམནུསྶཱནམྤི ཛཱཏིཡམཔཙྩེ ཉྙསྶཔྤཙྩཡཱནཾ ཝིདྷཱནཱ ཝུཏྟཾ ‘གོཏྟཔྤཙྩཡནྟཱ’ཏི ཨཱཧ- ‘རཱཛཉྙཱནཾ སམཱུཧོ’ཙྩཱདི. ཨུཀྑོ ཨུསབྷོ. ཨོཊྛོ ཁརཏོ, ཨུརབྦྷོ མེསོ, ཨེཝམིཙྩཱདིནཱ ‘ཨུཀྑཱནཾ སམཱུཧོ’ཙྩཱདི. ཝཱཀྱམཔདིསཏི. ཀཱཀཱནཾ སམཱུཧོཏི ཝིགྒཧོ, ཎིཀཨཙིཏྟཱཏི ཨིམིནཱ ཎིཀོ ཨཙིཏྟཝཱཙ ཀེཧེཝ དིསྶཏཱིཏི ཉཱཔེཏི. ཨཔཱུཔོ པིཊྛཔཱུཔོ, སཾཀུལནྟི (གུལ༹) མིསྶཀཁཛྫཀཝིསེསོ.

༦༩. ཛནཱ

‘‘ཏདསྶཊྛཱནམཱིཡོ ¶ ཙཱ’’ཏི (༢-༨-༡༣) ཀཙྩཱཡནསུཏྟསྶཱཡ མཏྠོ ‘‘ཏདསྶཊྛཱནམིཙྩེཏསྨིཾ ཨཏྠེ ཚཊྛིཡནྟཏོ ཨཱིཡཔྤཙྩཡོ ཧོཏཱི’ཏི. ཏེན མདནསྶ ཋཱནཾ མདནཱིཡཾ བནྡྷནསྶ ཋཱནཾ བནྡྷནཱིཡཾཏྱཱདིཀཾ སཱདྷེནྟི. ཨིདྷ པན ཏཐཱཝིདྷསྶཱབྷཱཝཱ ཀཐཾ ཏཾ སིཛ྄ཛྷཏཱིཏྱཱསངྐིཡ ‘མདནཱིཡ’ནྟིཨཱདིཀཾ ཝུཏྟཾ, ཏཾ དསྶེཏུམཱཧ- ‘མདནཱིཡཱདིཔྤསིདྡྷིཡཱ’ཙྩཱདི. སཱདྷནཀྐམཾ དསྶེཏུམཱཧ- ‘ཨེཝམཉྙཏེ’ཙྩཱདི.

ཋཱནནྟི ཀཱརཎཾ. ‘‘ཨུཔམཏྠཱཡིཏཏྟ’’ནྟི (༢-༨-༡༤) ཀཙྩཱཡནསུཏྟསྶཱཡམཏྠོ ‘‘ཨུཔམཏྠེ ཨཱཡིཏཏྟཔྤཙྩཡོ ཧོཏཱི’’ཏི ཏེན དྷཱུམོ ཝིཡ དིསྶཏཱིཏི དྷཱུམཱཡིཏཏྟཾ ཏིམིརམིཝ དིསྶཏཱིཏི ཏིམིརཱཡིཏཏྟཾཏྱཱདིཀཾ སཱདྷེནྟཱིཏི ཝུཏྟནཡམེཝ. ཏམྤིཧཙྩཱདིཀཾ དྭཱིསུ སཱདྷནཀྐམདསྶནཾ, དྷཱུམོ ཝིཡ དིསྶཏཱིཏི དསྶིཏོ ཡོ ཀམྨཏྠོ སོཔི དྷཱུམཱཡཱིཏི ཀཏྟུཝསེན སཀྐཱ པརིཀཔྤེཏུནྟི ཀཏྟུསཱདྷནཏོ དྷཱུམཱཡིཏསདྡཱ སཀཏྠེཏྟཔྤཙྩཡེཔི དྷཱུམོ ཝིཡ དིསྶཏཱིཏི ཨཏྠེ ཨཱཡིཏཏྠཔྤཙྩཡེཔི ནཱཏྠབྷེདོ-ཉྙཏྲཝཙནིཙྪཱབྷེདཱཏི དཊྛབྦཾ, བྷཱཝཏྠོ པན ཏེསཾ བྷཱཝཔྤདྷཱནཝསེན ལབྦྷཏི, དྷཱུམསྶེཝ དསྶནནྟི ཝིགྒཧེ ཨཱཡིཏཏྟེན ཝཱ.

༧༠. ཨིཡོ

ཨཉྙསྨིནྟི ཨཉྙསྨིམྤི ཨཏྠེ ཨིཡོཏི ཡོཛནཱ.

༧༤. ཀཐཱ

པཝཱསེ དཱུརགམནེ སཱདྷུ པཝཱསིཀོ, ཨུཔཝཱསེ རཏྱབྷོཛནེ སཱདྷུ ཨུཔཝཱསིཀོ.

༧༥. པཐཱ

པཐེ སཱདྷུ ཨུཔཱཀཱརཀཾ པཱཐེཡྻཾ, མགྒོཔཀརཎཾ, སཔཏིམྷི དྷན པཏིམྷི སཱདྷུ ཨུཔཀརཎཾ སཱཔཏེཡྻཾ དྷནཾ.

༧༧. རཱཡོ

ཏུམནྟཀིརིཡཱཡཱཏི གྷཱཏེཏུཾ (ཏྱཱདཱིཏུ) མནྟཀིརིཡཱཡ. ཝཱ སདྡོ སམུཙྩཡོ, གྷཱཏེཏུཾ ཝཱཏིཨཱདིནཱ ཡོཛེཏབྦོ.

༧༨. ཏམེ

ཨིཏིསདྡེན ¶ བྱཝཙྪིནྣམཏྠམུཔདསྶཡམཉྙནཱཔེཀྑཾ སཔྤདྷཱནཾ མནྟྭཱདི ཝིདྷིམྷིདམཏྠདྭཡཾ བྱཱཔཱརཱིཡཏིཙྩཱཧ-‘ཨེཏྠ ཨསྶ ཨཏྠཱི’ཏི. ནནུ ཙ ཡཾ ཡསྶ ཧོཏི ཏཾ ཏསྨིམྤི ཧོཏི (ཡཾ ཡསྨིཾ ཧོཏི) ཏསྶཱཔི ཏཾ ཧོཏི ཏེནེཝ ཝུཙྩཏེ- ‘ཚཊྛཱིསཏྟམཱིནམཝིསེསོ’ཏི, ཏཏྲཉྙ ཏརནིདྡེསེནེཝ སིདྡྷེ ཀིམཏྠམིཧ ཚཊྛཱིསཏྟམཱིནཾ བྷེདེནོཔཱདཱནཾ ཀརཱིཡཏཱིཏི ཝུཙྩཏེ-ཡཏྲཱཝཡཝཱཝཡཝིབྷཱཝོ, ཏཏྠེཝ ཚཊྛཱིསཏྟམཱིནམཏྠསྶ ཨཝིསེསོ [ཝཏྠུཏོ (པོཏྠཀེ)] ཡཐཱ ‘རུཀྑེསཱཁཱ རུཀྑསྶ སཱཁཱ’ཏི. སསྶཱམིབྷཱཝཛཉྙཛནཀབྷཱཝཱདོ ཏུ ནཱཝསྶམཱདྷཱརཱདྷེཡྻབྷཱཝོཏི དྭིནྣམེཝཏྠཱནམུཔཱདཱནནྟི.

ནནུ ཙ སམྦྷཝེ བྱབྷིཙཱརེ ཙ སཏི ཝིསེསནཾ སཱཏྠཀཾ བྷཝཏི ཡཐཱ ‘ནཱིལམུཔྤལ’ནྟི, ནེཝཱཏྠིཏྟསྶཱཏྠི བྱབྷིཙཱརོ, ཏཐཱ ཙ ཝུཏྟཾ- ‘ན སཏྟཾ པདཏྠོ བྱབྷིཙརཏཱི’ཏི, ཏསྨཱ བྱཝེཙྪེཛྫཱབྷཱཝཱ ནིརཏྠཀམཏྠཱིཏིཝིསེསནནྟྱཱཧ- ‘པདཏྠསྶེ’ཙྩཱདི. སཏྟཱཡཾ ཨབྱབྷིཙཱརེ པཱིཏི སམྦནྡྷོ. ཀཱལནྟརཱ བྱབྷིཙཱརཏྠམཏྠཱིཏིཝིསེསནནྟི དསྶེཏུམཱཧ- ‘ཀཱལེ’ཙྩཱདི.

ནནུ ཙ སུཏྟེསུ ཀཱལོ པདྷཱནཾ ན ཧོཏི, ‘‘ཏེན ཀཏཾ ཀཱིཏཾ’’ཏྱཱདིནཱ ཧི པཙྩཡཏྠོ དསྶིཏོ, ཏཐཱ ཧི ཀཱཡིཀཾཝཱཙསིཀཾ ཏྱཱདོ ན ཀཱལསམྤཙྩཡོ, ཨེཝམིཧཱཔི སཏྟཱམཏྟེ བྷཝིཏབྦཾ, ཨཏྠཱིཏི ཏུ ཝཏྟམཱནསཏྟཱཡ ཨེཝ པརིགྒཧོ ཀཐམཝསཱིཡཏེ ཡེན ཀཱལཝིསེསནཾ སིཡཱཏི. སཙྩཾ, ཀིནྟུ པདཏྠསྶ སཏྟཱབྱབྷིཙཱརཱབྷཱཝེཔི ཨཏྠཱིཏིཝིསེསནོཔཱདཱནསཱམཏྠིཡཱཏྲ ཝིསིཊྛོ སཏྟཱ ཨཏྠཱིཏི ཝིསེསནཏྟེནོཔཱཏྟཱ, ན སཏྟཱམཏྟནྟི པཏཱིཡཏེ, སཱ པན ཝིསིཊྛཱ སཏྟཱ སམྤཏིསཏྟཱ, ཨཏྠི ཙ ཏསྶཱ བྱབྷིཙཱརོ སཱམཉྙསཏྟཱཡཱཏི ཡུཛྫཏེཝ ཝིསེསནཝིསེསྶབྷཱཝོཏི མཉྙཏེ. ཨུཔཱདྷཱིཏི ཝིསེསནཾ.

ན བྷུཉྫཏིཙྩཱདིཝིཡཱཏི ཡཐཱ ན བྷུཉྫཏཱིཏི ནཉྶྶ པཊིསེདྷཏྟཱ ཝིརུདྡྷཏྠཔདསྶ སནྣིདྷཱནེ-ཏྠནྟརསྶ པཊིསེདྷརཱུཔསྶཏྠསྶཱཝགཏི པདནིབནྡྷནསྶ ཝིདྷིནོ ཨབཱདྷིཀཱ བྷཝཏི, ཏམིཝཱཀྱཏྠོ. ཨདྷིཔྤཱཡཏྠ མཱཧ- ¶ ‘ཨཏྠིཝཙནིཙྪཱཡ ཡོ ཝིསཡོ ཏསྶ ནིཡམོ’ཏི. ཀཏི པཡསམྦྷཝེ ན པན གོམཱ རུཀྑཝཱཏི ཡོཛནཱ, ཏེཧཱིཏི པསཾསཱཔཧཱུཏེཧི. ཀཀུདེ ཨཱཝཏྟོ ཀཀུདཱཝཏྟོ, ནིནྡིཏོ ཀཀུདཱཝཏྟོ ཨསྶ ཨཏྠཱིཏི ཀཀུདཱཝཏྟཱི. ཀཐཾ ནིནྡིཏཏྟམསྶིཙྩཱཧ-‘ཀཀུདཱ ཝཏྟོ’ཙྩཱདི. སཾསཏྟོ དཎྜོ ཨསྶ ཨཏྠིཙྩནེན གེཧཊྛིཏེན ཝིཛྫམཱནེནཔི དཎྜེན དཎྜཱིཏི ནཱབྷིདྷཱིཡཏཱིཏི ཝདཏི. དབྦེབྷིདྷེཡྻེཏི ཛཱཏིསནྣིསྶཡགོཔིཎྜཨསྶཔིཎྜཱདིསངྑཱཏེ དབྦེ-བྷིདྷེཡྻེ, བྷཝཾ བྷཝེཡྻཱཏི ཡདཱཀདཱཙི བྷཝནྟོ ཡདི བྷཝེཡྻ.

༧༩. ཝནྟྭ

པཉྙཝཱ ‘‘བྱཉྫནེ དཱིགྷརསྶཱ’’ཏི (༡-༣༣) རསྶོ.

༨༠. དཎྜཱ

དྭེ ཧོནྟཱིཏི ཨིཀོ ཨཱིཙེཏི དྭེ ཧོནྟི, ཨེཀམེཀཾཝཱཏི ཨུབྷིནྣཾ. ཝཱསདྡོ དྭེ ཧོནྟཱིཏི ཨེཏྠཱཔི དཊྛབྦོ. ཨུཏྟམཱིཎེཝ དྷནཱ ཨིཀོཏི གཎསུཏྟཾ ཝིཝརཏི ‘ཨུཏྟམཱིཎེཝཱ’ཏིཨཱདི. ཀེནེཏྠ སམཱསོཏི ཨཱཧ- ‘སྱཱདིསྱཱདིནེཀཏྠནྟི སམཱསོ’ཏི. ཨུཏྟམཱིཎོ དྷནསཱམཱི. ཨསནྣིཧིཏེ ཨཏྠཱཏི གཎསུཏྟཾ, ཨསནྣིཧིཏེཏཱིམསྶ ཨཏྠཾ ཝིཝརཏི ‘ཨཔྤཏྟེ’ཏི. ཨསམྤཏྟེཏི ཨཏྠོ. ཨསནྣིཧིཏེཏི ཙ ཨཏྠོ ཨིཙྩསྶ ཝིསེསནཾ. ཨཏྠནཾ ཨསནྣིཧིཏེ ཨཏྠེ ཨཱསིསནཾ ཨཏྠོ, སོ ཨསྶ ཨཏྠཱིཏི ཨཏྠིཀོ ཨཏྠཱི. ཏདནྟཱཙཱཏི གཎསུཏྟཾ, ཨསནྣིཧིཏེཏྱནུཝཏྟཏེ, ཨསནྣིཧིཏོཔཱདྷིཀཱ ཨཏྠནྟཱ ཙ ཨིཀ ཨཱིཔྤཙྩཡོ བྷཝཏཱིཏྱཏྠོ. ཝཎྞནྟཱཨཱིཡེཝཱཏི གཎསུཏྟཾ, བྲཧྨཱནཾ དེཝཱནཾ ཝཎྞོཏི ཝཱ སམཱསོ. ཧཏྠདནྟེཧི ཛཱཏིཡནྟི གཎསུཏྟཾ.

ཛཱཏིཡནྟི པཙྩཡཝིསེསནཾ. ཝཎྞཏོ བྲཧྨཙཱརིམྷཱིཏི གཎསུཏྟཾ. བྲཧྨསདྡེན ནིཡམཝིསེསོ ཝུཙྩཏིཙྩཱཧ-‘ཝིཛྫེ’ཙྩཱདི. ཏསྨིཉྩནིཡམཝིསེསཙརཎེ ཏིཎྞཾ བྲཱཧྨཎཱདཱིནམེཝཱདྷིཀཱརོ, ནསུདྡསྶཱཏི དསྶེནྟོ ཨཱཧ- ‘ཏཉྩེ’ཙྩཱདི. ཏེཝཎྞིཀོ ཝཎྞཱིཏི ཝུཙྩཏཱིཏི སམྦནྡྷོ. ཏཱིསུ ཝཎྞེསུ བྷཝོ ཏདནྟོགདྷཏྟཱ ཏེཝཎྞིཀོཏི བྷཝཏྠེ ཎིཀོ. ཝཎྞསདྡོ བྲཱཧྨཎཱདིཝཎྞཝཙནོ. ཏཏྲ བྲཧྨཙཱརིམྷིཏྱནེན སུདྡོ བྱཝཙྪིཛྫཏེ.

ཨཐཝཱ ¶ བྲཧྨནྟི ནིབྦཱནཾ ཏདཏྠོ གནྠོཔི, ཏཾ བྲཧྨཾ ནིབྦཱནཾ དྷམྨཾ ཝཱ ཏེཔིཊཀཾ ཙརཏཱིཏི བྲཧྨཙཱརཱི, ཡཏི. ཡཏཡོཔི ཧི ཝཎྞཱིཏི བྲཧྨཙཱརིནོཏི ཝུཙྩནྟི. ཝཎྞཱིལིངྒཱིཏི ཧི ཝུཏྟེ ཏིལིངྒཝཱཏི ཨཏྠོ. ཝཎྞ སདྡོ པནེཏྠ ཡཐཱཝུཏྟ བྲཧྨཔརིཡཱཡོ. པོཀྑརཱདིཏོ དེསེཏི གཎསུཏྟཾ. དེསོ ཙེཏྠ ཡཏྠ(ཏྠི པོཀྑརཱདཱིནི སོ). པདུམགཙྪ པོཀྑརཎཱིནཾ ཝཱཙཀསྶཱཏི ཨིམིནཱ པདུམཱནི ཨསྶཾ སནྟཱིཏི པདུམིནཱིཏི པོཀྑརཎཱིཔི ཝུཙྩཏཱིཏི དསྶེཏི. ནཱཝཱ ཨཏྠཱིཏི ནཱཝིཀོ, ཡཱགམེ ནཱཝཱཡིཀོ. སུཁདུཀྑཱ ཨཱི, བལཱ བཱཧཱུརུཔུབྦཱ ཙེཏི ཙ གཎསུཏྟཱནི.

༨༢. མུཁཱ

ཨིཧཱཔི པསཛྫེཡྻ མདྷུ ཨསྨིཾ གྷཊེ ཨཏྠཱིཏི ཨེཏྠཱཔི པཡོགེ མདྷུརནྟི རཔྤཙྩཡོ པཱཔུཎེཡྻ མདྷུམྷི ཨབྷིདྷེཡྻཏི ཨདྷིཔྤཱཡོ. ན གཙྪནྟཱིཏི ནགཱ. ཡཛྫཔི ཨཱུསཝཱཙྩཱདོ པཧཱུཏཱདིཝིསཡཱཡཱཏྠིཏཱཡ སམྦྷཝོ, ཏཐཱཔི ཉུསཱདིཝཏོ པཙྩཡ(ཏྠ)ཏྟེན ཝཙནིཙྪཱབྷཱཝཱ ཉུསཝཱ གྷཊོཙྩཱདི ན སིཛ྄ཛྷཏི ཏསྨཱ པཧཱུཏཱདིཝིསཡཱཏྠིཏཱསམྦྷཝེཔི ཏཾཝཏོ-ཏྠསྶ པཙྩཡ(ཏྠ)ཏྟེན ཉུསརོ དེསོཏི ཝཏྟུ མིཙྪཱཡཾ པཙྩཡོ ཡཐཱ སིཡཱ ཨཉྙཏྲམཱབྷཝིཙྩེཝམཏྠོ ཝེདིཏབྦོཏི ཨཱཧ- ‘ཨིཏི’ཙྩཱདི. ཀུཉྫཝཱཏིཨེཏྠ ཀུཉྫསདྡོ ཏིཎལཏཱདྱཙྪཱདིཏཔབྦཏེཀདེསེ ཝཏྟཏེ.

༨༧. པིཙྪཱ

པརེཧི ཝཱཙཱསདྡཱ ཨཱལོ ཝིཧིཏོ ནིནྡཱཡཾ, ནེཧ ཏཐེཏི ཙོདནམུབྦྷཱཝཡཏི ‘ནིནྡཱཡ’མིཙྩཱདིནཱ.

༨༨. སཱིལཱ

སཱིལམསྶ ཨཏྠི, ཀེསཱ ཨསྶ སནྟཱིཏི ཝིགྒཧོ. ཨཎྞཱ ནིཙྩནྟི ནིཙྩཝིདྷྱུཏྠཾ གཎསུཏྟཾ. གཱཎྜཱིརཱཛཱིཧི སཉྙཱཡནྟི སཉྙཱཝིསཡནིཡམནཏྠཾ གཎསུཏྟཾ. གཎྜསྶ གཎྜམིགསིངྒསྶ ཨཡཾ གཱཎྜཱི, སཱ ཨསྶ ཨཏྠཱིཏི གཱཎྜཱིཝོ.

༩༠. སིསྶ

སམསྶ ཨཏྠཱིཏི སུཝཱམཱི,སཾ སཀིཡཾ.

༩༡. ལཀྑྱཱ

ཨཀཱརཱདེསོ ¶ ཙ ཎསནྣིཡོགེནཱཏི ཨིམིནཱ ཡཏྠ ཎཀཱརོ ཏཏྠེཝཱཡམཀཱརཱདེསོཏི དསྶེཏི. ཨུཔཱདཱནཏོཏི ཨིམིནཱ ནིསྶཡཀརཎམེཀོ སཏྠིཡོ ཉཱཡོཏི དསྶེཏི. ཨནྟསྶ ཨཝིདྷཱནསཱམཏྠིཡཱཙཱཏི ཨིམིནཱ སཏིཔི པུབྦལོཔེན པཡོག ནིཔྥཏྟིཡཾ ཨཀཱརཾ ཝིདྷཱཡ ཏསྶ ལོཔོ ནིརཏྠཀོཏི དསྶེཏི. ལཀྑཱི སིརཱི ཨསྶ ཨཏྠཱིཏི ལཀྑཎོ.

༩༤. ཨིམིཡཱ

ཀཔྤོ ཡོགྱཏཱ ཨསྶ ཨཏྠཱིཏི ཀཔྤིཡོ, ཛཊཱ ཧཱནབྷཱགོ, སེནཱ ཨསྶ ཨཏྠཱིཏི ཝིགྒཧོ.

༩༥. ཏོཔ

‘ཨོཧཱཀ ཙཱགེ’ ཨིཏི སཀཀཱརསྶ ཧཱདྷཱཏུནོ པཡོགེ ཏོཔྤཙྩཡཾ ནིསེདྷེཏྭཱ‘སཏྠཱ ཧཱིཡཏེ སཏྠཱ ཧཱིནོ’ཏི ཨུདཱཧརཎཾ དསྶིཏཾ. ཏེནཱཧ- ‘སཀྐཏེཙྩཱདི. དསྶེཏུཾ ཏཏིཡམྤནུདཱཧརཎནྟི སམྦནྡྷོ. ཙཱིཔྤཙྩཡཱཝསཱནཱནནྟི ‘‘ཨབྷཱུཏཏབྦྷཱཝེ ཀརཱསབྷཱུཡོགེ ཝིཀཱརཱཙཱི’’ཏི (༤-༡༡༩) ཝུཏྟོ ཙཱིཔྤཙྩཡོ ཨཝསཱནེ ཡེ སནྟི ཝིགྒཧོ. ཛཱཏིཡཝཛྫིཏཱནནྟི ‘‘ཏབྦཏི ཛཱཏིཡོ’’ཏི (༤-༡༡༣) སུཏྟེན ཛཱཏིཡཔྤཙྩཡེན ཝཛྫིཏཱནཾ. ཀཙྩཱཡནེ ཏུ ཏོཨཱདཱིནཾ ཝིབྷཏྟི སཉྙཏྟཱ ན ཏཏོ པུན ཝིབྷཏྟུཔྤཏྟི.

༩༦. ཨིཏོ

ཝུཏྟིཡཾ ‘ཨེཏསྶ ཊ ཨེཏ’ ཨིཏི ཨཏོཨིཙྩཏྲ ཨེཏསྶ ཊཱདེསོ ཨེཏྟོ ཨིཙྩཏྲ ཨེཏཨཱདེསོཏི ཨཏྠོ.

༩༧. ཨབྷྱཱ

ནནུ ཙ ཀིཾ ཨིམིནཱ སུཏྟེན, པཉྩམྱནྟཱ ‘‘ཏོ པཉྩམྱཱ’’ཏི (༤-༩༥) བྷཝིསྶཏི, ཨཔཉྩམྱནྟཱཏུ ‘‘ཨཱདྱཱདཱིཧཱི’’ཏི (༤-༩༨) ནེཏདེཝཾ དཊྛབྦཾ. ‘‘ཏོ པཉྩམྱཱ’’ཏི (༤-༩༥) པཀཏིཝིསེསཱནམཔརཱམཱསཏོ ཀུཏོཙི པཉྩམྱནྟཱ ཧོཏུ, ཨཔཉྩམྱནྟཱ པན ‘‘ཨཱདྱཱདཱིཧཱི’’ཏི སུཏྟེ སསངྑྱསྶཱདིསདྡསྶ ¶ གཧཎེན ཏཾསདིསཱ སསངྑྱཱཨེཝོཔལཀྑཱིཡནྟཱིཏིཔི ཝིཉྙཱཡེཡྻ ཏཏོ ཨཔཉྩམྱནྟེཧི ཨབྷྱཱདཱིཧི ཏོ ན སིཡཱཏི ཨབྷིཏོཙྩཱདི ན སིཛ྄ཛྷཏཱིཏི ‘‘ཨབྷྱཱདཱིཧཱི’’ཏི སུཏྟནྟི དཊྛབྦཾ.

༩༨. ཨཱདྱཱ

ནནུ ཙ ཏོཨིཙྩེཝ སཱམཉྙེན སུཏྟིཏེ ཡཏོཀུཏོཙི པཉྩམྱནྟཱ ཝཱ ཨཔཉྩམྱནྟཱ ཝཱ བཧུལཾ ཝཱ ཏོམྷི ཨིཊྛཔྤསིདྡྷཱིཏི ཀིཾ ཨཱདྱཱདཱིཧཱིཏི སུཏྟེནཱཏི སཙྩཾ, ཏཐཱཔི ཝིབྷཱགེན དསྶིཏེ ཝིབྷཱགསོ ཝིསེསཱཝསཱཡོ སིཡཱཏི ན དོསོཏི. ཡནྟི པཋམནྟཱ ཏོམྷི ཡཏོ.

༡༠༠. ཀཏྠེ

པུབྦེནེཝཱཏི ‘‘སབྦཱདིཏོ’’ (༤-༩༩) ཙྩཱདིནཱཝ. ཨེཏསྶཱཏི ཨེཏསདྡསྶ, ཨིམསྶཱཏི ཨིམསདྡསྶ.

༡༠༡. དྷི

ཝཱཝིདྷཱནཱཏི ཝིཀཔྤེན དྷིཔྤཙྩཡསྶ ཝིདྷཱནཱ.

༡༠༢. ཡཱ

ཡཏྲཱཏི ཝུཏྟེ ཡཏྠཱཏི ཨུཔྤལཀྑིཏམེཝ སིཡཱཏི ན ཝུཏྟཾ. ཨེཝམུཔརིཔི.

༡༠༤. ཀུཧིཾ

ཧིཉྩནཾ ཝིདྷཱིཡཏེ ‘‘ཧིཾ ཧཾ ཧིཉྩན’’ནྟི (༢-༥-༩) སུཏྟེན. ཧིཉྩིཨཱདཱིནནྟི ཧིཉྩིདཱཙིརཧཙིཨཱདཱིནཾ.

༡༠༥. སབྦེ

ཨེཏསྨིཾ ཀཱལེ ཨེཀདཱཨིཙྩཱདི དཊྛབྦཾ.

༡༠༦. ཀདཱ

ཀུདཱསདྡོ ཙནཾསདྡཡོགེཝ དིསྶཏི ཀུདཱཙནནྟི.

༡༠༧. ཨཛྫ

ནིམིཏྟནིམིཏྟཱིནནྟི ཀཱརཎཀཱརིཡཱནཾ, སམཱནེཏི སཱདྷཱརཎེ. སམཱནམེཝ བོདྷེཏི ‘ཏཾཡཐེ’ཙྩཱདིནཱ. ཨེཏྠ པན མམྨཏཱལ༹ནཾ ནིམིཏྟཾ པཱཎ ཧརཎཾ ¶ ནིམིཏྟཱི, ཏསྶཱཏི ཨནཛྫཏནསྶ. ཨུཔརི ཏྱཱདིཀཎྜེ ཀརཧསདྡོ ཏུ ཙིསདྡསཾཡུཏྟོཝ དིསྶཏི ཀརཧཙཱིཏི.

༡༡༠. དྷཱསཾ

སངྑྱཱཝཱཙིནོ སདྡཱ སངྑྱཱསདྡེན གཧིཏཱཏི ཨཱཧ- ‘ཨཏྠེ’ཙྩཱདི. པཀཱརོ དབྦགུཎདྷིསཡོཔི ཨཏྠི, ཏཏྠ ཡདི སོཔི གཡ྄ཧེཡྻ དབྦ གུཎཱནཾ ལིངྒསངྑྱཱཧི ཡོགཱ དྷཱཔྤཙྩཡནྟ(མྤི ཏབྦིསཡོཡེཝེཏི) [ཙེཏྠ (པོཏྠཀེ] (པཀཱརཝཱཙཀལིངྒསངྑྱཱཧི ཡོགཱ) ཨལིངྒམསངྑྱཉྩ [དྷཱཔྤཙྩཡནྟམལིངྒམསངྑྱཉྩ-ཨིཏི ཀཱསིཀཱཝུཏྟིཔཉྫཀཱཡཾ] ན སིཡཱ, ཨེཝཉྩ སཏྱབྱཡཏྟམབྷིམཏནྟསྶ ན སིཡཱ, ཏཉྩིཊྛཾ, ཀིརིཡཱཝིསཡེ ཏུ ཏསྨིཾ གཡ྄ཧམཱནེ ཨེཀདྷཱབྷུཉྫཏི དྭིདྷཱབྷུཉྫཏི དྭིདྷཱགཙྪཏིཙྩཱདོ བྷོཛན གམནཱདིཀིརིཡཱཡ སབྦཐཱ ལིངྒསངྑྱཱཧི ཡོགཱབྷཱཝཱ ཡཐཱཝུཏྟ དོསོ ན སིཡཱཏི པཱཎིནཱིཡཝུཏྟིཀཱརེན ཛཡཱདིཙྩེན ཀིརིཡཱ ཝིསཡོཡེཝེཏྠ པཀཱརོ གཧིཏོ. ཏམྤཏི ཨཱཧ- ‘དབྦེ’ཙྩཱདི. ཀསྨཱ པནེཝམཱཧཱཏི ཨཱཧ- ‘ནཝདྷཱདབྦ’མིཙྩཱདི. ‘‘ནཝདྷཱ དབྦཾ, བཧུདྷཱ གུཎོ’’ཏི ཝེསེསིཀཱནཾ སངྐེཏོ.

ཏཏྠ པུཐབྱཱཔོཏེཛོཝཱཡྭཱཀཱསཀཱལདིསཱཏྟམནཱནཱིཏི ནཝ དབྦཱནི. རཱུཔ རས གནྡྷ ཕསྶ སངྑྱཱཔརིམཱཎ པུཐུཏྟསཾཡོགཝིབྷཱག པརཏྟཱཔརཏྟབུདྡྷིསུཁདུཀྑེཙྪཱདོསཔཡཏནཱ ཙ གུཎཱ, ཙསདྡེན གུརུཏྟ དཝཏྟསིནེཧསངྑཱརདྷམྨཱདྷམྨསདྡཱ ཙེཏི ཙཏུབྦཱིསཏི བཧུདྷཱ གུཎོ. ཨཏྲཱཔི ཡཐཱཝུཏྟཀཱསིཀཱཝུཏྟིཡཱ པཉྩིཀཱཀཱརེན ཛིནིནྡབུདྡྷིནཱ ནཝདྷཱ དབྦཾ བཧུདྷཱ གུཎོཏྱཏྲཱཔི ‘‘ཀིརིཡཱཛ྄ཛྷཱཧརིཏབྦཱ ནཝདྷཱ དབྦཾ བཧུདྷཱ གུཎོ ཨུཔདིསཱིཡཏི ཝིཉྙཱཡཏི བྱཱཁྱཱཡཏེ ཝིཛྫཏེཝཱ’’ཏི ཀིརིཡཱཝིསཡོཡེཝ པཀཱརོ པཊིཔཱདིཏོ, པཡོགདསྶནཏོ བྱཝཙྪེཛྫབྷཱཝཱ སབྦཏྠ ཀིརིཡེཝེཏི ཝིསེསནོཔཱདཱནམཡུཏྟནྟི སམྦནྡྷོ.

ནཝདྷཱ དབྦཾ བཧུདྷཱ གུཎོཏི པཡོགདསྶནཏོ དབྦགུཎཝིསཡཱནམྤཀཱརཱནཾ གཡ྄ཧུཔགཏྟཱ བྱཝཙྪེདཡིཏབྦཱནཾ དབྦགུཎཝིསཡཱནམྤཀཱརཱནཾ བྷཱཝཱ སབྦསྨིཾ དབྦགུཎཝིསཡེ ཛིནིནྡབུདྡྷིནཱ ཝུཏྟནཡེན ཀིརིཡཱ ¶ ཨཏྠེཝཱཏི ཀིརིཡཱཝིསཡོཝ པཀཱརོ གཡ྄ཧཏཱིཏི ཝུཏྟིཀཱར པཉྫིཀཱཀཱརཱནཾ ཝིསེསནོཔཱདཱནམཡུཏྟནྟི ཨཏྠོ.

ཏཏོཡེཝཱཏི ཡཏོ ཝིསེསནོཔཱདཱནམཡུཏྟཾ ཏཏོཡེཝ དྭཱིཧིཙྩཱདིཀམཱཧེཏི ཨཏྠོ. ཨཡམེཏྠཱདྷིཔྤཱཡོ ‘‘དྭིདྷཱ ཀརོཏཱིཏི ཀིརིཡཱཔཡོགེཔི པཀཱརོ དབྦགུཎཝིསཡོ… དབྦཝིསཡསྶ གུཎཝིསཡསྶ ཝཱ དྭིདྷཱབྷཱཝསྶ ཀརཱིཡམཱནཏྟཱ, ནཏུ ཀིརིཡཱཝིསཡོ… དྭིདྷཱབྷཱཝསྶ ཀརཎཀིརིཡཱཝིསཡསྶེཏྠ ཝཏྟུམནིཙྪིཏཏྟཱ. ཏཏོཡེཝ ཀིརིཡཱཔཀཱརོཔཱདཱནེ [པཀཱརོཏིསཡནེ (པོཏྠཀེ)] ཨཏྲ དྷཱཔྤཙྩཡནྟཔྤཡོགོ ན སིཡཱཏི ཝིཉྙཱཔེཏུཾ ‘དྭཱིཧི’ཙྩཱདིཀམཱཧེ’’ཏི ཏེནཱཧ‘ཨཏྲེ’ཙྩཱདི.

དབྦགུཎཝིསཡེ པཀཱརེ གཡ྄ཧམཱནེ ཡོཡཾ དོསོ སམྦྷཱཝིཏོ པརེཧི, ཏཾ དཱནི ནིརཱཀཏྟུམཱཧ ‘སཏིཔིཙེ’ཙྩཱདི. སབྷཱཝཏོ ཨལིངྒམསངྑྱཉྩཱཏི སམྦནྡྷོ, སངྑྱནྟརཱཔཱདནེ གམྱམཱནེ དྷཱཔྤཙྩཡོ ཝིཧིཏོ པཱཎིནིཡེཧི, ཏདཱཧ- ‘དབྦསྶེ’ཙྩཱདི སངྑྱཱནྟརཱཔཱདནེཔཱིཏི པུབྦཾ ཡཱ ཝཝཏྠིཏཱ སངྑྱཱ, ཏཏོ- ཉྙཾ སངྑྱཱནྟརཾ ཏསྶཱཔཱདནཾ ཀརཎཾ སངྑྱནྟརཱཔཱདནཾ, ཏསྨིམྤཱིཏི ཨཏྠོ.

༡༡༣. ཏབྦ

སོ པཀཱརོ ཨསྶཱཏི ཏབྦཱ, ཏསདྡེན པཀཱརསྶ པརཱམཊྛཏྟཱ ཏབྦཏཱིཏེཏྠ པཀཱརཝཏཱིཏི ཨཏྠོ ཝུཏྟོཏི ཨཱཧ- ‘ཏསདྡེནེ’ཙྩཱདི. པཀཱརཝཏཱིཏི པཀཱརཝཏི ཨཏྠེ. མུདུཔྤཀཱརཝཱ མུདུཛཱཏིཡོ.

༡༡༥. ཀཏི

ཀིཾ སངྑྱཱནམྤརིམཱཎམེསནྟི ཨཏྠེ ‘‘ཀིམྷཱ རཏི རཱིཝརཱིཝཏཀ རིཏྟཀཱ’’ཏི (༤-༤༤) སུཏྟེན རཏིཔྤཙྩཡཾ ཝིདྷཱཡ ཀཏཱིཏི སིདྡྷཏྟཱ ཝུཏྟཾ- ‘སངྑྱཱཔརིམཱཎཝིསཡེ སཱདྷིཏཏྟཱ’ཏི, ཀཏི ཙ སོ སངྑྱཱ པརིམཱཎཝིསཡཏྟཱ སངྑྱཱ ཙེཏི ཀཏིསངྑྱཱ, ཏཱཡ.

༡༡༦. བཧུ

པཙྩཱསཏྟཱིཏི སམྦནྡྷིམྷི ཨེཀམྷི དསྶིཏེ དྭིཊྛཏྟཱ སམྦནྡྷསྶ པརོ སམྦནྡྷཱི ¶ ཝིཉྙཱཡམཱནོ པརོཝ ཝིཉྙཱཡཏི ཡུཏྟིཏོཏི ‘སམྦནྡྷཏོཝཱ’ཏི ཝུཏྟཾ.

༡༡༧. སཀིཾ

ནིཔཱཏནསྶཱཏི སཀིནྟི ནིཔཱཏནསྶ.

༡༡༨. སོ

ཁཎྜཾ ཁཎྜཾ ཁཎྜསོ, པུཐུ པཀཱརོ པུཐུསོ.

༡༡༩. ཨབྷཱུ

ནནུ ཙ ཨབྷཝནནྣཱམ སབྦཐཱ ཨནུཔྤཏྟིཡཱ ཝཱ ཨཝཏྠནྟརེན ཝཱ, ཏཐཱ སཏྱབྷཱུཏསདྡོ-ནུཔྤནྣམཏྟཝཙནོཔཱིཏི ཀཐམབྷཱུཏསདྡོ-ཝཏྠནྟརེ ནཱབྷཱུཏེ ཝུཏྟོཙྩཱཧ- ‘ཨབྷཱུཏསྶི’ཙྩཱདི. ཀཐམཝཏྠཱཝ ཏསདྡེན པརཱམསཱིཡཏཱིཏི ཙེ ཨབྷཱུཏསདྡོ ཡདྱནུཔྤནྣཝཱཙཱི སིཡཱ, ཏདཱ ཏསདྡཔྤ ཡོགོཡེཝ ན སིཡཱ… ཏསདྡེནཱབྷཱུཏསྶེཝ གཧཎཏོ, ཨབྷཱུཏབྷཱཝེཙྩཱདིནཱ སུཏྟིཏཾ སིཡཱ, ཏེན ཏསདྡཔྤཡོགསཱམཏྠིཡཱ ཨཝཏྠཱཝ ཏསདྡེན པརཱམསཱིཡཏི, ཏཔྤརཱམཊྛཉྩཱཝཏྠནྟརམབྷཱུཏ སདྡོ ཨཔེཀྑཏེ, ཏེནཱཧ- ‘ཏབྦྷཱཝེཏིཝཙནཱ’ཨིཙྩཱདི. བྷཝནཾ བྷཱཝོ ཏཱཡ ཨཝཏྠནྟརེ བྷཱཝོ ཏབྦྷཱཝོ ཏསྨིཾ. ཏེནཱཧ ‘ཨབྷཱུཏསྶེ’ཙྩཱདི. བྷཱཝེཏི ཝིསཡསཏྟམཱི, སཾསཏྟམཱི ཝཱཏི ཨཱཧ- ‘ཝིསཡེ གམྨམཱནེ ཝཱ’ཏི. ཀུཎྜལཏྟེནཱཏི ཀུཎྜལསབྷཱཝེན.

༡༢༠. དིསྶ

དིསྶནྟཱིཏི ཝུཏྟེ པཡོགེ དིསྶནྟཱིཏི ཨཡམཏྠོ ཝིཉྙཱཡཏཱིཏི ཨཱཧ ‘དིསི’ཙྩཱདི, ཨིདཾ སུཏྟཾ ཝིཛ྄ཛྷངྒ པརིབྷཱསཱ བྷཝཏཱིཏི སེསོ. ‘‘ཎོཝཱ-པཙྩེ’’ཏིཨཱདིནཱ (༤-༡) སུཏྟེན ཝུཏྟེསྭནེཀཝིདྷེསུ ཨཏྠེསུ པརི སམནྟཏོ བྷཱསཏཱིཏི པརིབྷཱསཱ, ཝིདྷིནོ པཙྩཡསྶ ཨངྒབྷཱུཏཱ པརིབྷཱསཱ ཝིཛ྄ཛྷངྒཔརིབྷཱསཱ. ཝིདྷིཡེཝཱཏི སུཏྟམིདནྟི སམྦནྡྷོ. ཝཀྑམཱནསུཏྟདྭཡནྟི ‘‘ཨཉྙསྨིཾ སཀཏྠེ’’ཏི སུཏྟདྭཡཾ.

༡༢༥. སཾཡོ

ཨནྟརསདྡོ-ནེཀཏྠོཔཱིཧཱནྟརཱལ༹ཝཱཙཱི མཛ྄ཛྷཝཱཙཱི གཡ྄ཧཏི, ན ཝིཛྫཏེནྟརམེསནྟི ཨནྟརཱལ༹མཏྟཔཊིསེདྷེཔཡོཛནཾ ནཏྠཱིཏི ཀཏྭཱནྟརཱ ལ༹ཊྛསྶཱབྷཱཝཱནྟརཱལ༹ཾ ¶ ནཏྠཱིཏྱུཔཙརཱིཡཏི, ཨེཝཉྷི ལོཀེ པཡུཛྫཏེ ‘ཨནནྟརཱ ཨིམེ གཱམཱ ཨནནྟརཱ ཨིམེ པཱསཱདཱ’ཏི ཨནྟརཱལ༹གཏསྶ ཉྙསྶ གཱམསྶཉྙསྶ པཱསཱདསྶ ཝཱབྷཱཝཱ ཏཐཱ བྱཔདིསཱིཡཏེ, ཏཐེཝམིཧཱཔྱནྟརཱལ༹གཏསྶཉྙསྶ བྱཉྫནསྶཱབྷཱཝཱ ཨནནྟརཱ ཨིཏྱུཙྩནྟེ, ཨཐཝཱནྟརསདྡོ བྱཝདྷཱནཝཱཙཱི བྱཝདྷཱནཱབྷཱཝཏོ-ནནྟརཱ ཨིཏི ཝུཙྩནྟེ. ཨནྟརཾ ཀརོཏཱིཏི ཝཱ ཁཱདིཨིཔྤཙྩཡཾ [ཎིཔྤཙྩཡཾ (པོཏྠཀེ)] ཝིདྷཱཡ ཨནྟརཱཡཏི བྱཝདྷཱནཾ ཀརོཏཱིཏི ཀཏྟརི ཨཔྤཙྩཡཾ ཝིདྷཱཡ ཨནྟརོ བྱཝདྷཱཡཀོ ནཏྠེཏེསནྟི ཨནནྟརཱ. ཡཐཱ ‘རུཀྑཱ ཝནནྟེ’ཏྠ རུཀྑཱ སམུདིཏཱཝེཀཝནབྱཔདེསཾ ལབྷནྟེ, ཏཐཱཏྲཱཔི བྱཉྫནཱ སམུདིཏཱཝེཏེ སཾཡོགབྱཔདེསགོཙརཏྟཾ པཊིཔཛྫནྟེ.

སཾཡོགོཏི ཧི སམུདཱཡཔྤདྷཱནོ ནིདྡེསོ བྱཉྫནཱཏྱཝཡཝཔྤདྷཱནོ, ཏསྨཱ བྱཉྫནཱཏི བཧུཝཙནེན སཾཡོགོཏི ཨེཀཝཙནནིདྡེསོ གྷཊཏེ, ནནུ ཙ ཝཎྞཱནམུཙྩཱརིཏཔྤདྷཾསིཏྟཱ ཡོགཔཛྫམཊྛིཏམཱནཱནཾ ན སམྦྷཝཏི སམུདཱཡཏྟནྟི སམུདཱཡཏྟམཡུཏྟནྟི ནཱཡུཏྟཾ, ཏཐཱཧི ཨུཏྟརུཏྟརགྒཱཧིནི བུདྡྷི པུབྦཔརཱིབྷཱུཏེ བྱཉྫནཱཝཡཝེ སམུདཱཡརཱུཔེན སངྐཔྤེནྟཱི སམུདཱཡཝོཧཱརམྤཝཏྟཡཱིཏི.

ཎཱནུབནྡྷེཏི དིཏིསདྡསྶ སཾཡོགཱཝིསཡཏྟཱ དེཙྩོཏི ‘སརཱནམཱདིསྶཱ’ཏི ཝིསཡོ, ཨུལུ༹མྤསདྡསྶ སཾཡོགཝིསཡཏྟཱ ཨོལུ༹མྤིཀོཏི ཨེཏསྶ ཝིསཡོཏི ཏཏྠ རཱགྷཝོ ཝེནཏེཡྻོ མེནིཀོ དེཙྩོ དོསགྒཱནྟི རཱུཔཱནི. ཨིདྷ ཏུ ཨོལུ༹མྤིཀོ ཀོཎྜཉྙོཏི ཡུཛྫནྟི. ཏེནེཝ ཙ ཏཏྠ པཉྩིཀཱ ཨེཏྠ, ཨེཏྠ ཙ པཉྩིཀཱ ཏཏྠ ཨུཔནེཏབྦཱཏི.

༡༢༧. ཀོས

ཀོསཛྫནྟི ཨེཏྠ ཏསྶ ཛཏྟཉྩ ནིཔཱཏནཱ, ཨཛྫཝནྟི ཨེཏྠྷ ‘‘ཨུཝཎྞསྶཱ ཝཝ སརེ’’ཏི (༤-༡༢༩).

༡༣༥. ཛོཝུ

ཡཀཱརསྶ དྭིཏྟེ ཛེཡྻོ.

༡༣༧. ཀཎ

ཨཏིསཡེན ཨཔྤོ, ཨཏིསཡེན ཡུཝཱཏི ཝིགྒཧོ.

༡༣༩. ཌེས

སཏིསྶཱཏི ¶ ཝུཏྟེ སཏིསདྡོ ཝིཉྙཱཡཏི སཏྱནྟེཔི ཝིསེསནཏྟེན ཝཏྟུམིཙྪིཏེསཏྱནྟོ ཀཐཾ ཝིཉྙཱཡཏིཙྩཱསངྐིཡ ‘‘སངྑྱཱཡ སཙྩུཏཱིསཱསེ’’ཙྩཱདིནཱ (༤-༥༠) སཏྱནྟཱདཱིཧི ཌོ ཝིཧིཏོ, ཏསྨིཉྩ ཌེཏིནིམིཏྟེནོཔཱདིནྣེ ཏདུཔཱདཱནསཱམཏྠིཡཱསཏྱནྟོཝ ཝིཉྙཱཡཏཱིཏི དསྶེཏུམཱཧ- ‘ཌེཏི ནིམིཏྟོཔཱདཱནཱ’ཏིཨཱདི.

༡༤༢. ཨདྷཱ

དྷཱཏུཏོ ཨཉྙོ སདྡོ ཨདྷཱཏུ ཏསྶ. པཉྩིཀཱཡམྤན པཀཏིཔི སདྡོཡེཝཱཏི དྷཱཏུཏོཨིཙྩཱདིནཱ ཨདྷཱཏུསདྡསྶ ཨཏྠམཏྟཾ ཝུཏྟཾ.

ཏསྶཱཏི ཨདྷཱཏུཔྤཀཏིཡཱ, ཨདྷཱཏུསདྡསྶཱཏི ཝུཏྟཾ ཧོཏི. ཏེནཙཱཏི ཀཀཱརེན ཙ, ཏསྨཱཏི ཏེན ཀཱརཎེན. པུབྦགྒཧཎམནྟརེནཱཏིཔཱཎིནིནཱ ཨིཀཱརཱདེསཝིདྷཱཡཀེ ཨིམསྨིཾཡེཝ སུཏྟེཀཀཱརཏོ པུབྦསྶ ཨིཀཱརཱདེསཝིདྷཱནཏྠཾ པུབྦགྒཧཎཾ ཀཏཾ, ཏཾ པུབྦསྶཱཏིཝཙནཾ ཝིནཱཏི ཨཏྠོ. སཙེཏིཨཱདིནཱ ཀཐཡཏཱིཏི སམྦནྡྷོ. ‘‘བྱཉྫནེ དཱིགྷརསྶཱ’’ཏི (༡-༣༣) རསྶོ ཝུཏྟོ, ཨསྶཱཏི ཛཱཏིནིདྡེསེ ཏུ ཨཱཀཱརསྶཙིཀཱརོ བྷཝཏྱེཝ, སིཡཱ ཨེཏནྟི བཧུཔརིབྦཱཛཀཱཏི ཨེཏཾ རཱུཔཾ ཧོཏི. སྱཱདྱཏྲ བྱཝཧིཏོ… ཀཀཱརཏོ པུབྦེ སྱཱདི, ན སྱཱདི ཀཀཱརཱ པརོཏི.

ནནུ ཙ ཨསྱཱདིཏོཏི ཨེཏྠ པསཛྫཔྤཊིསེདྷོ ནཉ ཀསྨཱ གཧིཏོ, ན པརིཡུདོསོཏི ཨཱསངྐིཡ པརིཡུདཱསེསྨིཾ གཧིཏེ སཏི དོསཾ ཝཏྟུམཱརབྷཏེ ‘པརིཡུདཱསེ’ཨིཙྩཱདིནཱ. སྱཱདིཏོཏི སྱཱདྱནྟཏོ པརིབྦཱཛཀསདྡཏོ. པརིབྦཱཛཀསདྡོཧི སྱཱདྱནྟོ ཝཱཀྱེ སྱཱདྱནྟཏྟཱ, ཏེནེཝ ཝཀྑཏི- ‘པརིབྦཱཛཀསདྡཏོ ཨེཏྠ སྱཱདྱུཔྤཏྟཱི’ཏི. ཨསྱཱདིསྨཱ པརོཏི ཀཏྭཱ བཧུཔརིབྦཱཛཀསདྡཏོ ན སྱཱདྱུཔྤཏྟཱིཏི སམྦནྡྷོ.

ཏཏོཙཱཏི བཧུཔརིབྦཱཛཀསདྡཏོ ཙ. པསཛྫཔྤཊིསེདྷེན ནཉསདྡེན ¶ ཨཉྙཔདཏྠསམཱསེཔི སིཡཱཝ དོསོཏི དསྶེནྟོ ཨཱཧ- ‘ཨཝིཛྫམཱནོསྱཱདི’ཙྩཱདི.

ཨིཏི མོགྒལླཱནཔཉྩིཀཱཊཱིཀཱཡཾ སཱརཏྠཝིལཱསིནིཡཾ

ཙཏུཏྠཀཎྜཝཎྞནཱ ནིཊྛིཏཱ.

པཉྩམཀཎྜ

༡. ཏིཛ

ཁམཱཝཱིམཾསཱསཱུཏི པཀཏིཝིསེསནམེཝ ཀཐམིཙྪིཏནྟི ཨཱཧ- ‘སམྦནྡྷསྶི’ཙྩཱདི, པདཱནམཉྙམཉྙསམྦནྡྷསྶ པུརིསཱདྷཱིནཏྟཱཏི ཨཏྠོ, པཀཏི ཝིསེསནནྟི ཏིཛམཱཧ སདྡཱནཾ ཝིསེསནཾ, ཀིམྤན པཀཏིཝིསེསནེ ཕལ མིཙྩཱཧ- ‘པཀཏིཝིསེསནོཔཱདཱན’མིཙྩཱདི. ཡཛྫཏྲ ‘ཁམཱཝཱིམཾསཱསཱུ’ཏི པཀཏིཝིསེསནཾ, ཀསྨིཾ ཨཏྠེ ཙརཏི ཁསཱ ཝིདྷཱིཡནྟིཙྩཱཧ- ‘ཨཏྠནྟརསྶཱ ནིདྡེསཱ’ཨིཙྩཱདི. ཨཏྠནྟརསྶཱཏི ནིསཱནཱདིཨཏྠནྟརསྶ. ‘‘སུཏཱནུམིཏེསུ སུཏསམྦནྡྷོཝ བལཝཱ’’ཏི པརིབྷཱསམུཔལཀྑེཏི ‘སུཏཱནུམིཏཱན’མིཙྩཱདིནཱ. ཏེནེཝཱཏི ཀིརིཡཱརཱུཔཱསུ ཁམཱཝཱིམཾསུ ཁསཱནཾ ཝཱིདྷཱནེནེཝ, སཀཏྠེ ཝིདྷཱནེནེཏི ཝུཏྟཾ ཧོཏི. ཏིཏིཀྑཀིརིཡཏྟཱཏི ཨིམིནཱ པརེསཾ ཝིཡ ཁཱདྱནྟཱནཾ དྷཱཏུསཉྙཱཝིདྷཱན མནཏྠཀནྟི དསྶེཏི.

ཏིཏིཀྑཱ ཁམཱ, ཏིཏིཀྑཏི ཁམཏི, ཝཱིམཾསཱ ཨུཔཔརིཀྑཱ, ཝཱིམཾསཏི ཨུཔཔརིཀྑཏཱིཏི ཨཏྠོ. སུཏྟེ ཏིཛཨིཏི ནིདྡེསཱ བྷཱུཝཱདིཀསྶ གཧཎཾ. ནིཙྩཎྱནྟསྶ ཙུརཱདིཀསྶ ཧི ཏཱདིསེ པཡོཛནེ སཏི བཧུལཾ ཝིདྷཱིཡམཱནེཔི ནིཙྩཏྟམཏྟནོ ནཱཏིཝཏྟཏི. ཨཐཝཱ ཙུརཱདིམཱནེནཱབྱབྷིཙཱརིནཱ སཱཧཙརིཡཱ ཏིཛོཔི ཙུརཱདིཀོཝ, ཏཾ ཡཐཱ ‘གཱཝསྶ དུཏིཡེནཱཏྠོ’ཏི. ཝུཏྟེགོཡེཝོཔཱདཱིཡཏེ, ནཱསྶོ, ན གདྲབྷོ. ཀདཱཙི པན ཨསྶཱདིནོཔི དུཏིཡསྶ གཧཎཾ སིཡཱ ཨཏྠཔྤཀརཎཱ དིཔྤབྷཱཝཏོ.

ནནུ ¶ ཙ ཝཱིམཾསཱཡཾ སཔྤཙྩཡཝིདྷཱན མནུཔཔནྣམིཏརེཏརནིསྶཡདོས དུཊྛཏྟཱ, ཏཐཱཧི སིདྡྷེ ཝཱིམཾསཱསདྡེ སཔྤཙྩཡོ ཨུཔྤཛྫཏེ, སཏི ཙ ཏསྨིཾ ཝཱིམཾསཱཏི རཱུཔཾ སམྤཛྫཏཱིཏི ཨིཏརེཏརནིསྶཡོ, ཨིཏརེཏར ནིསྶཡཱནི ཙ ཀཱརིཡཱནཱི ནོཔཀཔྤནྟཱིཏི ཏེནཱཧ- ‘ཨནུཝཱདརཱུཔཱན’མིཙྩཱདི. ཨནཱདིཀཱལསཾསིདྡྷསདྡཱནུཝཱཏོ ནཏྠི ཨིཏརེཏརནིསྶཡོ དོསོཏི བྷཱཝོ. པཡོཛཀབྱཱཔཱརཎིཔྤཙྩཡཱབྷཱཝེ ཏེཛཏེཏི རཱུཔཾ.

༢. ཀིཏཱ

པུབྦེཝིཡ པཀཏིཝིསེསནཱདཱིཏྱནེན ‘‘སམྦནྡྷསྶ པུརིསཱཡཏྟཏྟཱ ‘ཏིཀིཙྪཱསཾསཡེསཱུ’ཏི པཀཏིཝིསེསནནྟི ཨཱཧ- ‘ཏིཀིཙྪཱཡ’མིཙྩཱདི’ཏྱཱདིཀཾ སབྦཾ ཡཐཱཡོགམེཏྠཱཔི ཝཏྟབྦནྟྱཏིདིསཏི. ཝིསྶཏྠོཏི ཝིསདྡསྶ ཨཏྠོ. ཨཐ ཀིམིཏྠཾ ཚཔྤཙྩཡནྟསྶེཝ དྭིདྷོདཱཧརཎནྟྱཱསངྐིཡཱཧ- ‘ཨཏྠབྷེདཱ དྭིདྷོདཱཧརཎ’ནྟི. ནིཀེཏོ ནིཝཱསོ, སངྐེཏོ ལཀྑཎཾ.

༣. ནིནྡཱ

ནིནྡ=གརཧཱཡཾ ཏཏོ ‘‘ཨིཏྠིཡམཎཏྟིཀཡཀྱཱ ཙེ’’ཏི (༥-༤༩) ཨཔྤཙྩཡེ ཏཏོ ‘‘ཨིཏྠིཡམཏྭཱ’’ཏི (༣-༢༦) ཨཱཔྤཙྩཡེ རཱུཔཾ. བནྡྷཏཱིཏི བདྷཀོ.

༤. ཏུཾསྨཱ

ཏུཾསྨཱཏཱིཧ པཙྩཡགྒཧཎམཱཙིཀྑཏི ‘ཏུཾཏཱཡེ’ཙྩཱདིནཱ. ཏཏོ ཙེཏི ཡཏོ ཏུཾསྨཱཏི པཙྩཡསྶེཝ གཧཎཾ ཡཏོ ཙ ཝིསེསན ནིདྡེསོ, ཏཏོཏི ཨཏྠོ. པཙྩཡགྒཧཎེ ཏདཱདིགྒཧཎཾ ཝིཉྙཱཡཏེ… ‘‘པཙྩཡགྒཧཎེ ཡསྨཱ སོ ཝིཧིཏོ ཏདཱདིནོ གཧཎ’’ནྟི ཉཱཡཏོ. ཝིསེསནཏྟེན ཝཏྟུམིཙྪིཏཏྟཱ ཏདནྟགྒཧཎཾ… ‘‘ཝིདྷིབྦིསེསནནྟསྶཱ’’ཏི (༡-༡༣) ཝཙནཱབྷི མནསི ནིདྷཱཡཱཧ- ‘ཡཏོ ཀིརིཡཏྠཱ’ཨིཙྩཱདི. སོ ཀིརིཡཏྠོ ཨཱདི ཡསྶ སམུདཱཡསྶ སོ ཏདཱདི སོ པཙྩཡོནྟེ ཏསྶ (སོ ཏདནྟོ). ཏདཱདིཏདནྟསམུདཱཡཝིསེསསྶ གཧཎཾ, (ནཏུ) ཏདནྟམཏྟསྶེ ཏྱཏྠོ ¶ . ནནུ ཙ ཏུཾསྨཱཨིཏི ཝིསེསནཏྟེན ཝཏྟུམིཙྪིཏེ བྷཝཏུ ‘‘ཝིདྷིབྦིསེསནནྟསྶེ’’ཏི ཏདནྟགྒཧཎཾ པཙྩཡགྒཧཎེ ཏུ ཀཐཾ ཏདཱདིནོ གཧཎཾ ཝཙནཱབྷཱཝཏོཙྩཱཧ- ‘ཏདཝིནཱབྷཱཝིཏྟཱ’ཏི. ཡཏོ ཝིཧིཏོ ཏེན ཝིནཱ ན བྷཝཏི སཱིལེནེཏི ཏདཝིནཱབྷཱཝཱི ཏསྶ བྷཱཝོ ཏསྨཱ. ཨིམཱཡ ཡུཏྟིཡཱ ཝིཉྙཱཡཏེ-ཏྠོ, ཡམཱཁྱཱཡཏེ ‘པཙྩཡགྒཧཎེ ཡསྨཱ སོ ཝིཧིཏོ ཏདཱདིནོ གཧཎ’ནྟི. བྷཝཏྭེཝཾ ཏདཱདིནོ ཏདནྟསྶ ཙ གཧཎཾ, ཏཏོ ཀིཔྥལཾཏྱཱཧ- ‘ཏེནེ’ཙྩཱདི.

སཔཱདིཏོཏི པཱདིསཧིཏཏོ. ཁ ཚ སུཔྤཏྟཱབྷཱཝཱཏི ཁ ཚ སཱནཾ ཨུཔྤཏྟིཡཱ ཨབྷཱཝཱ. ཝུཏྟཔྤཀཱརསྶེཝ ཏུཾཔྤཙྩཡནྟསྶ པཀཏིབྷཱཝེན གཧཎཱ སཔཱདིཏོ ཁ ཚ སཱནམནུཔྤཏྟཱིཏི ཨདྷིཔྤཱཡོ. ཝིཔུབྦཱ ‘ཛི-ཛཡེ’ཨིཙྩསྨཱ ཏུཾཔཙྩཡནྟཱ ‘ཝིཛེཏུམིཙྪཏཱི’ཏི ཨཏྠེ ‘‘ཏུཾསྨཱ’’ཨིཙྩཱདིནཱ(སོ), ཏུཾསྶཙ ལོཔོ, ནེམིཏྟིཀེ ཨེཀཱརེ ནིཝཏྟེ ‘ཛིས ཛིས ཨིཏི དྭིཏྟེ ཨནཱདིབྱཉྫནལོཔོ ‘‘ཛིཧརཱནཾ གཱི’’ཏི (༥-༡༠༢) གཱི. ཛིགཱིསཔྤཀཏིཏོ ‘‘བྷཱུཏེ ཨཱིཨཱུཾ’’ཨིཙྩཱདིནཱ (༦-༤) ཨཱི. ཏསྨིཾ ཨཉ. ‘‘ཨཱ ཨཱི ཨཱུ མྷཱ སྶཱ སྶམྷཱནཾ ཝཱ’’ཏི (༦-༣༣) ཨཱིསྶ རསྶེ བྱཛིགཱིསི. ཡདི ཏུ སཔཱདིཏོ སསྶ ཨུཔྤཏྟི སིཡཱ, ཏདཱ བྱཛིགཱིསཱིཏི ཨེཏྠ དྭིབྦཙནཾ ཀརཱིཡམཱནཾ སཔྤཙྩཡནྟསྶ པཋམསྶེཀསྶརསྶ དྭིབྦཙནཾ བྷཝཏཱིཏི ‘‘ཁ ཚ སཱན’’མིཙྩཱདིནཱ (༥-༦༩) ཝིཛིཡ ཨིཏི སམུདཱཡེ ཨཱདིབྷཱུཏསྶ ཝིསདྡསྶ སིཡཱ ཨཱིམྷི ཙ ཝིཧིཏེ སཔཱདིནོ པཀཏིབྷཱཝོཏི ཝིསདྡ པུབྦེ ཨཉཱགམོ སིཡཱ, ཏཏོ ཙ ཨཝིཝིཛིསཱིཏི ཨནིཊྛམྤསཛྫེཡྻ.

ཏུཾསྨཱ ཨིཙྪཱཡནྟི ཙ པཀཏིཔྤཙྩཡཏྠཱནམུཔདིཊྛཏྟཱ ཏེན སབྷཱཝ ལིངྒེན ཁ ཚ སཔྤཙྩཡཱ ཏདནྟོ ཙ ཨནུམིཏོ ན པན ཏུཾ, ཏུམིཧ སུཏོཏི ཨཱཧ- ‘ན ཏདནྟོ, ནཱཔི ཚ ཚསཱ’ཏི. ཛིགྷཙྪཱཨིཙྩཏྲ དྭིཏྟེ པུབྦསྶ གྷསྶ ‘‘ཙཏུཏྠ དུཏིཡཱནཾ ཏཏིཡཔཋམཱ’’ཏི (༥-༧༨) གོ. ཏསྶ ‘‘ཀཝགྒཧཱནཾ ཙཝགྒཛཱ’’ཏི (༥-༧༩) ཛོ. པཱཎིནིནཱཔཱིཧ སཔྤཙྩཡ ཝིདྷཱཡཀེ སུཏྟེ ཝཱཀྱམྤི ཡཐཱ སིཡཱཏི ཝཱཝཙནཾ ཀཏཾ, ཏདཡུཏྟནྟི ནིརཱཀཏྟུམཱཧ- ‘ཝཱཀྱམྤི’ཙྩཱདི. པཀཏྱཱདིཏྱཏྲ ཨཱདི སདྡེན ཨཏྠཝིསེསོ གཧེཏབྦོ, པཀཏི ཝིསེསོ ཏུམནྟོ, ཨིཙྪཏྠོ-ཏྠཝིསེསོ ¶ . ཨིདཾ ལཀྑཎནྟི ‘‘ཏུཾསྨཱ ལོཔོ ཙིཙྪཱཡཾ ཏེ’’ཨིཏི ཨིདཾ ལཀྑཎཾ. ནིཡོགཏོཏི ནིཡམེན. ཨཱསངྐཱཡམུཔསངྑྱཱན’’ནྟི (༣-༡-༧) ཝཱཀྱཀཱརེན ཝུཏྟཾ ནིརཱཀཏྟུམཱཧ- ‘ཨཱསངྐཱཡ’མིཙྩཱདི.

ཨཙེཏནཏྟཱ ཀཱུལསྶ ཨིཙྪཱཡཱསམྦྷཝོཏི ‘ཀཱུལཔྤཏིཏུམིཙྪཏཱི’ཏི ཝཱཀྱམེཝེཙྪཱཔཀཱསནམསིདྡྷཾ, ཏེནཱསིདྡྷེན ཝཱཀྱེནཱསིདྡྷཱནཾ ཁ ཚ སཱནཾ སཱདྷནཾ ཨསིདྡྷེནཱསིདྡྷསཱདྷནཾ. ཨིཙྪཱཝཙནིཙྪཱཏི ཨིཙྪཱཡ ཝཏྟུམིཙྪཱ. ཨིཙྪཱཡཔཝཏྟིཏོ ཨུཔལདྡྷཱིཏི ཨིཙྪཱཡ ཨུཔལདྡྷི ཨུཔཱལམྦོ པརིཛཱནནཾ པཝཏྟིཏོཏི ཨཏྠོ. ཙེཏནཱཝཏིཙཱཏི ཝུཏྟཾ ཏསྨཱ ཙེཏནཱཝཏི པཝཏྟིཏོ ཨུཔལདྡྷིཾ དསྶེཏྭཱ ཏདཔདེསེ ནཱཙེཏནེཔི དསྶེཏུཾ ‘ཡོཔེསཱ’ཏིཨཱདིམཱཧ. དེཝདཏྟེ རཛྫུ ཁཱིལཱདིཔཱཎིནཱ ཨུཡྻོགོ, ཀཱུལེ མཏྟིཀཱཝིཀཱིརཎཱདི. རཛྫུ གུཎོ. ཁཱིལོ [ཀཱིལ (པཉྩིཀཱ)] སཾཀྭཱདི.

པུལོ ཏིཎཱདཱིནཾ སངྒྷཱཏོ. སཱ སུནཁོ མིམརིསཏཱིཏི མར=པཱཎཙཱགེ’ཨིཙྪཱཡཾ ཏུམནྟཱ སོ. ‘‘ཉི བྱཉྫནསྶེ’’ཏི (༥-༡༧༠) ཉི. དྭིཏྟེ པུབྦཏོ-ཉྙསྶ ལོཔོ ‘‘ཁ ཚ སེསྭཱི’’ཏི (༥-༧༦) དྭིཏྟེ པུབྦསྶཱསྶ ཨིམིམརིསཏི. ཏཐཱ པིཔཏིསཏཱིཏི ‘པཏཔཐ=གམེན’ ཨིཙྩསྶ. སཱ མིམརིསཏཱིཏི སཏིཔི སཙེཏནཏྟེ ཝིསཏྟཛཱིཝིཏསྶ སུནཁསྶ མརཎིཙྪཱ སམྦྷཝཏཱིཏི པཊིཔཱདིཏཾ. ‘‘ཨིཙྪཱསནྟཱ པཊིསེདྷོ ཝཏྟབྦོ’’ཏི (༣-༡-༧) པཱཎིནཱིཡཝཱཏྟིཀཀཱརེན ཝུཏྟཾ, ཏནྣིརཱཀཏྟུམཱཧ- ‘བུབྷུཀྑིཏུ’མིཙྩཱདི. ཛཱཏིཔདཏྠནིསྶཡེན ནིཝུཏྟིམྤཊིཔཱདཡམཱཧ- ‘ཛཱཏིཔདཏྠེ’ཙྩཱདི. ཨིཏརོ ཨིཙྪཏྠོ.

༥. ཨཱིཡོ

ཀརཱིཡཏི སམྦནྡྷཱིཡཏཱིཏི ཀམྨཾ. ཏཉྩ ནཱམ ཛཱཏི གུཎཀིརིཡཱདབྦ སམྦནྡྷཏོ པཉྩདྷཱ བྷཝཏི. ཏཏྠ ནཱམཀམྨཾ’ ཌིཏྠོ ཌཝིཏྠོཏི ནཱམེན པིཎྜསྶ སམྦནྡྷཱ. ཛཱཏིཀམྨཾ གོཨསྶོཏི གོཏྟཱདིཛཱཏིཡཱ པིཎྜསྶ སམྦནྡྷཱ. གུཎཀམྨཾ སུཀྐོནཱིལོཏི སུཀྐཱདིནཱ གུཎེན དབྦསྶ ¶ སམྦནྡྷཱ. ཀིརིཡཱཀམྨཾ པཱཙཀོ པཱཡཀོཏི པཱཙཀཱདིཀིརིཡཱཡ དབྦསྶ སམྦནྡྷཱ. དབྦཀམྨཾ དཎྜཱིཝིསཱཎཱིཏི དཎྜཱདིནཱ དབྦེན པིཎྜསྶ སམྦནྡྷཱ. ཨེཝཾ ཀམྨསྶ པཉྩཔྤཀཱརསམྦྷཝེཔིཙྪཱཡམཏྠེ ཨཱིཡསྶ ཝིདྷཱནཏོ ཨིཙྪཱསམྦནྡྷིཡེཝ ཀམྨཾ གཡ྄ཧཏཱིཏི ཀིརིཡཱཀམྨམེཝཱཏྲ གཡ྄ཧཏེ ཨམུཀམེཝཏྠམུཔདསྶེནྟོ ཨཱཧ- ‘ཡདིཔི’ཙྩཱདི. ཨཡཉྩ ནིཔཱཏ སམུདཱཡོ ཝིསེསཱབྷིདྷཱནནིམིཏྟཱསྱུཔགམེ ཝཏྟཏེ.

ཏཐཱཔཱིཏིལོཀཝུཏྟིརཡཾཝིསེསཱབྷིདྷཱནཱརམྦྷེ. ཏཾསམྦནྡྷིཡེཝཱཏི ཨིཙྪཱསམྦནྡྷིཨེཝ. ཨཏྟནོཔུཏྟམིཙྪཏཱིཏྱཱདིཝཙནིཙྪཱཡམཏྟསམྦནྡྷིནིཔུཏྟཱདོ ཨཏྟནོཏྱནུཝཏྟིཡསུཏྟནྟརེནཔཙྩཡོཝིདྷཱིཡཏེཔཱཎིནིནཱ, ཨེཏྠ ཏྭ(ཏྟ)གྒཧཎམནྟརེནཱཏྟ སམྦནྡྷིནྱེཝ པུཏྟཱདོ ཀཐཾ ཝིཉྙཱཡཏེ ཝིསེསཝཙནཱབྷཱཝེ ཧི པརསམྦནྡྷིནྱཔི པཔྤོཏཱིཏཱིམཾཙོདྱམུབྦྷཱཝཡ མཱཧ- ‘ཨཏྟསམྦནྡྷིནི’ཙྩཱདི. ཨཱིཡསྶ པརསམྦནྡྷིནྱཔི པསངྒོཏི སམྦནྡྷོ. ཀུཏོཙཱཧ-ཨཱིཡསྶཱཨིཏིདྷཱནཱ’ཏི. ཨཏྠགྒཧཎསྶཱཝཙནེ ཨཱིཡསྶཱནབྷིདྷཱནཱཏི བྷཱཝོ.

ཨཔྤཏྟིཡཱཏི ཀརཎེ ཧེཏུམྷི ཝཱ ཏཏིཡཱ. ཨེཏྠཱཏི ཨཏྟནོ པུཏྟམིཙྪཏཱིཏེཏྠཱཔི. ན ཨིཊྛོཏི ཨཱིཡཔྤཙྩཡོ ནཱབྷིམཏོ. ནེཝེཏྠ བྷཝིཏབྦནྟི ཝདཏོ-དྷིཔྤཱཡཱམཱཧ ‘སཱཔེཀྑཏྟ ཡེཝེཏི བྷཱཝོ’ཏི. ཡདི ཨཏྟནོ པུཏྟམིཙྪཏཱིཏི ཝཏྟུམིཙྪཱཡཾ སཱཔེཀྑེཏྟེཔི སིཡཱ, ཏདཱཡམནིཊྛཔྤསངྒོཏི དསྶེཏུམཱཧ- ‘ཡདིཙེཏྠ’ཨིཙྩཱདི.

ཨནིཊྛཔྤསངྒསྶ སརཱུཔམཱཧ- ‘ཨཏྟནོ པུཏྟཱིཡཏཱིཏི སིཡཱ’ཏི. ཨུཔྤཛྫམཱནེན ཨཱིཡེནེཝ ཨཏྟཏྠསྶཱབྷིཧིཏཏྟཱ ཨཏྟསདྡསྶཱཔྤཡོགོཏི ཙེཏམྤི ན སངྒཏནྟི པཊིཔཱདཡམཱཧ ‘ན ཙ སཀྐཱ’ཏིཨཱདི. ཀསྨཱདེཝཾ ཝཏྟུཾ ན སཀྐཱཏི ཨཱཧ- ‘པཀཏི’ཙྩཱདི. ཨཔཱུཔཱདིཀཱཡ པཀཏིཡཱ སམཱནཏྠསྶེཝ ཝིསེསནསྶ ཝུཏྟིཔདེ ཨནྟོབྷཱཝ དསྶནཱཏི ཨཏྠོ. ཀྭཔནེཝཾ དིཊྛནྟྱཱཧ- ‘ཏཾཡཐེ’ཙྩཱདི. ‘‘ཏམསྶ སིཔྤཾ སཱིལཾ པཎྱཾ པཧརཎཾ པཡོཛནཾ’’ཏི (༤-༢༧) ཎིཀེ ཨཱཔཱུཔིཀོ. ནཏུ བྷིནྣཏྠསྶཱཏི བྱཏིརེཀཾ དསྶེཏྭཱ ཏཾ དིཊྛནྟེན སཱདྷེཏུམཱཧ- ‘དེཝདཏྟསྶི’ཙྩཱདི. ཀཱརཎམཱཧ- ‘སཱམྱནྟརེ’ཙྩཱདི. དེཝདཏྟསྶ ¶ དྷུརུནོ ཀུལནྟི སཱམྱནྟརབྱཝཙྪེདཱཡ དེཝདཏྟསདྡསྶོ པཱདཱནཏོ གུརུཀུལནྟི ཝུཏྟིཔདེན དེཝདཏྟཏྠསྶཱནྟོ བྷཱཝོཏི ཨཏྠོ. ཏམེཏྠོཔི སམཱནནྟཱུཔདསྶེནྟོ ཨཱཧ- ‘ཏཐེཧཱཔི’ཙྩཱདི. ཨཐཱཏྟནོ པུཏྟམིཙྪཏཱིཏྱེཏསྨིཾ ཝཱཀྱེ པདསྶཱནྭཱཁྱཱནཏོ ཨཏྟསདྡསྶཱཔྥཡོགོ ཀིནྣ སིཡཱཏི དསྶེཏུམཱཧ- ‘ནཙཱཔི’ཙྩཱདི.

པདསྶཱཏི པུཏྟཱིཡཱདིནོ པདསྶ. ནཙཱཔི ཨཔྤཡོགོཏི སམྦནྡྷོ. ཀཱརཎམཱཧ- ‘ཨཱིཡནྟསྶཱ’ཏིཨཱདི. ཨཱིཡནྟོ པུཏྟཱིཡཱདི, ནིཡོགཏོ ན པཔྤོཏཱིཏི སམྦནྡྷོ. ཏབྦཱཙཱིསདྡཔྤཡོགནྟི ཨཉྙཝཱཙཱིསདྡཡོགཾ. སུཏགྒཧཎནྟི ཨསུཏཏྟཱཏི ཝུཏྟསུཏགྒཧཎཾ. ཨཏྠཔྤཀརཎཱདྱུཔལཀྑཎནྟྱནེན ཨཏྠཏོ པཀརཎཱདིཏོཔི པུཏྟསྶཏྟ ནིཡཏཱ གམྱཏེ, སུཏསདྡསྶ ཏུ གཧཎམུཔལཀྑཎཏྠནྟི ཝདཏི.

ནནུ ཙ སུཏྟེ ཀམྨཱཏི ཝུཏྟཏྟཱ ཀམྨསམུདཱཡཏོཔཱིཡོ སིཡཱ ཏྱཱསངྐིཡེཝ (མབྷཱ)ཝཾ སཱདྷཡམཱཧ- ‘ཀམྨཱ’ཏིཨཱདི. ཝཏྟུཾ ཨིཊྛཱ ཨེཀསཁྱཱ ཡསྶ ཀམྨསཱམཉྙསྶ ཏཾ ཏཐཱཝུཏྟཾ. ཝཏྟུམིཊྛེཀ སངྑྱསྶ གཧཎམཱཧ- ‘ཀམྨསམུདཱཡཏོ’ཏི. ཀིམྤནཱཝཡཝཏོ ན སིཡཱ’ མཧནྟམྤུཏྟམིཙྪཏཱི’ཙྩཏྲ པུཏྟམིཙྩཏོཙྩཱསངྐིཡཱཧ ‘ཨཝཡཝཏོཔི སཱཔེཀྑཏྟཱཡེཝཱ’ཏི. ན བྷཏཱིཏི སམྦནྡྷོ. ཨེཝཉྩརཧི ཨིདམྤི ན སིཛ྄ཛྷཏཱིཏི ཙོདེནྟོ ཨཱཧ ‘ཙརཧི’ཙྩཱདི. མཧཱ ཙཱཡཾ པུཏྟོཙེཏི མཧཱཔུཏྟམིཙྪཏཱིཏི ཡདེཝཾ ཀརཱིཡཏི ཏདཱཡམྤཡོགོཏི དསྶེནྟོ ཨཱཧ- ‘བྷཝིཏབྦམེཝེ’ཙྩཱདི.

༦. ཨུཔམཱ

ཨུཔམཱིཡཏེ པརིཙྪིཛྫཏི སཱདྷཱིཡཏཱིཏྱཏྠོ. ཀཱིདིསནྟམུཔམཱནམིཙྩཱཧ- ‘པསིདྡྷསཱདྷམྱཱ’ཨིཙྩཱདི. པསིདྡྷོ གཝཱདི, ཏསྶ སཱདྷམྱཱ སམཱན རཱུཔཏཱཡ ཡམྤསིདྡྷསྶ གཝཡཱདིནོ སཱདྷིཡསྶ སཱདྷནཾ ཏམུཔམཱནནྟྱཏྠོ. སམཱནོ དྷམྨོ-སྶེཏི སདྷམྨོ, གཝཱདིཡེཝ. ཏསྶ བྷཱཝོ སཱདྷམྱཾ. སཱདྷྱཏེ ཨུཔམཱིཡཏེ-ནེནེཏི སཱདྷནམུཔམཱནཾ གཝཱདི. སཱདྷུཏེ ཨུཔམཱིཡཏེཏི སཱདྷིཡོ, གཝཡཱདི. ཏསྶ སཱདྷནཾ སཱདྷིཡསཱདྷནཾ.

པུཏྟམིཝཱཙརཏཱིཏི ¶ ཨེཏྠ ‘ཨཱཝསཐམཱཝསཏི’ཙྩཱདོ ཝིཡ ཨཱདྷཱརཏྠསྶ ཝིཉྙཱཡམཱནཏྟཱ པུཏྟེ ཝིཡ མཱཎཝཀེ མདྷུརནྣཔཱནདཱནཱདིཀམཱཙརཎཾ ཀརོཏིཙྩེཝམཏྠསམྦྷཝེན དྭིནྣམྤི ཨུཔམཱནོཔམེཡྻབྷཱཝོཏྱཝགམཡིཏུམཱཧ- ‘པུཏྟེ’ཨིཙྩཱདི. པསིདྡྷེན སཱདྷནབྷཱཝེནུཔམཱནབྷཱུཏེ པུཏྟེ ཨཱཙརཎམྤི པསིདྡྷནྟི ཨཱཧ- ‘ཏམྤསིདྡྷ’ནྟི. ཏདཱཙརཎེན ཏེན ཨཱཙརཎེན པུཏྟམཱཎཝཀཝིསཡམཱཙརཎཾ ཝཱ པུཏྟམཱཎཝཀ སདྡེནུཔཙཱརཏོ གཧེཏྭཱ ཝིསཡཱིཝསེན ཝིསཡབྷཱཝཝོཧཱརོཏིཔི ཡུཛྫཏི. ཝཱཀྱཏྠོ པནེཏསྨིཾ པཀྑེ ‘པུཏྟམིཝ པུཏྟཝིསཡ མཱཎཝཀམིཝ ཨཱཙརཏི མཱཎཝཀཝིསཡམཱཙརཎཾ ཀརོཏཱི’ཏི, ཝུཏྟིཡནྟུ ཡཐཱཝུཏྟམཏྠདྭཡཾ ཡཐཱཡོགཾ ཡོཛེཏྭཱ ཝེདིཏབྦཾ.

ནནུ ཙ ཡཛྫཏྲོཔམཱནོཔམེཡྻབྷཱཝོ ཝུཏྟིཡཾ ཨཱིཡེནེཝ ཛོཏིཏོཏི ཨིཝསདྡོ ནིཝཏྟཏེ, ཏདོཔམཱནོཔམེཡྻབྷཱཝོ པུཏྟ སདྡེཝ ཝཏྟཏེ, ཏཾ ཀཐམུཔམེཡྻཝཙནསྶ མཱཎཝཀསདྡསྶ ཝུཏྟཏྠསྶ པཡོགོ ཡུཏྟོཙྩཱསངྐིཡཱཧ- ‘ཨུཔམཱནཝཙནཏོ’ཙྩཱདི.

ཏབྦིསིཊྛཱཙརཎེཏི ཏེནོཔམཱནེན ཝིསིཊྛེ ཨཱཙརཎེ. ཨུཔམཱནོཔམེཡྻབྷཱཝསྶཱནིཝཏྟཏྟཱཏི ཨེཏྠཱཡམདྷིཔྤཱཡོ ‘ཨུཔམཱན ཝིསིཊྛཱཙརཎེ ཨུཔམཱནཝཙནཏོ ཨཱིཡསྶ ཝིདྷཱནེ ནོཔམེཡྻཝཙནམནྟརེནོཔམཱནཝཙནསྶ པཝཏྟཱིཏི ཨུཔམཱནོཔམེཡྻབྷཱཝསྶཱནིཝཏྟཱི’’ཏི. ཨཉྙཐཱཏི ཡདྱུཔམཱནོཔམེཡྻབྷཱཝསྶ ཨཱིཡེནེཝ ཛོཏིཏཏྟཱ ཏདནྟསྶུཔམེཡྻེ ཝུཏྟི སིཡཱཏྱཏྠོ. པབྦཏཱཡཏཱིཏི ‘‘ཀཏྟུཏཱཡོ’’ཏི (༥-༨) ཨཱཡོ. ཨུཔམེཡྻསྶཱནིཝཏྟཏྟཱ ཨུཔམེཡྻ ཀཏྟུསཱམཉྙེ ཏིཔྤཙྩཡོ.

༧. ཨཱདྷཱ

ཡཐཱནནྟརསུཏྟེ ཨུཔམཱནེ ཨུཔམེཡྻསྶ མཱཎཝཀསྶ པཡོགོ ཨུཔཔནྣོ, ཏཐཱཏྲཱཔི ‘པཱསཱདེ ཀུཊིཡ’ནྟི ཙོཔམེཡྻསྶཔཡོགོཏི ཨཏིདིསནྟོ ཨཱཧ- ‘ཧེཊྛཱཝིཡེ’ཙྩཱདི. ཨུཔམཱནེ ཨུཔམེཡྻསྶཱནནྟོབྷཱཝཱཏི ཨཏྠོ. ནནུ ཀིམཏྠམིདམུཙྩཏེ ཡཝཏཱཡོ པཱསཱདེ ¶ ཨིཝཱཙརཏི སོ པཱསཱདམིཝཱཙརཏཱིཏིཔི ཝཏྟུཾ སཀྐཱཏི ནཱཏྠབྷེདོ-ཉྙཏྲ ཝཙནིཙྪཱབྷེདཱཏི པུབྦེནེཝེཏྠཱཔི ཨཱིཡོ སིདྡྷོ, ཏཏོ ནཱཏྠོ-ནེན ཝཙནེནེ ཙྩཱསངྐིཡཱཧ- ‘ཡདིཔི’ཙྩཱདི.

༨. ཀཏྟུ

ཨེཏྠ ཀཏྟུཏོཨིཏི ཝཙནཱ ཀམྨཱཏི ནིཝཏྟཏེ, ཨཱཡགྒཧཎཱ ཨཱིཡོ. ཀདཱ པན ཀཏྟུཝིསེསོ-ཝསཱིཡཏིཙྩཱཧ-‘ཡཏྠྱཱདིསདྡསམཱནཱདྷིཀརཎཏྟེ’ཏིཨཱདི. པབྦཏཱཡཏི ཧཏྠིཙྩེཝམཱདིནཱ ཧཏྠྱཱདི སདྡེན སམཱནཱདྷིཀརཎཏྟེ སཏཱིཏི ཨཏྠོ.

༩. ཛྷཏྠེ

ཀོཡཾ ཙྱཏྠོཙྩཱསངྐིཡ ‘‘ཨབྷཱུཏཏབྦྷཱཝེ ཀརཱསབྷཱུཡོགེ ཝིཀཱརཱཙཱི’’ཏི (༤-༡༡༩) ཙཱིསྶ ཨབྷཱུཏཏབྦྷཱཝེ ཀརཱདིཡོགེསཏི ཝིདྷཱནཱ ‘ཨབྷཱུཏཏབྦྷཱཝོ ཀརཱདིཝིསིཊྛོ’ཏི ཨཱཧ. ཨབྷཱུཏ ཏབྦྷཱཝསྶ ཀརཱདིཝིསིཊྛཏྟཱ ཀརོཏྱཏྠནིཝཏྟིཡཱཝསྶཾ པཱཎིནིཡཱ ཝིཡ བྷུཝིགྒཧཎཾ ཀཏྟབྦམཉྙཐཱ ཀརོཏྱཏྠེཔི སིཡཱཏྱཱསངྐིཡ ནིཝཏྟིཧེཏུམཱཧ- ‘ཏེནེཝཱ’ཏིཨཱདི. ཡེནེཝ ཀརོཏྱཱདིཝིསིཊྛོ ཨབྷཱུཏཏབྦྷཱཝོཙྱཏྠོ ཏེནེཝ ཧེཏུནཱཏི ཨཏྠོ. བྷཝཏྱཏྠེ-ནེན ཀཱརཎེན ལདྡྷེ ཀརོཏྱཏྠོཔྱནིཊྛོ ལབྦྷཏིཙྩཱསངྐིཡ ཏནྣིཝཏྟིམྤཊིཔཱདཡམཱཧ- ‘ཀརོཏྱཏྠེ’ཙྩཱདི. ཨདྷཝལཾ དྷཝལཾ ཀརོཏི དྷཝལཱིཀརོཏིཙྩེཝ ཙཱིཔྤཙྩཡེ ཀཏྟབྦེ ཀམྨེནེཝ ཀརོཏིསྶཱབྷིསམྦནྡྷསྶ དིཊྛཏྟཱཏི ཨཏྠོ. ཀཱརཎནྟརམཱཧ- ‘ཨིཧ ཙེ’ཙྩཱདི. ཨིཏིསདྡོ ཧེཏུམྷི ཡསྨཱ ཨིཧ ཀཏྟུཏོཏི ཝཏྟཏེ ཏཏོཙེཏི ཨཏྠོ.

ཨསཏྱཏྠསྶ པན བྷཝཏྱཏྠེཡེཝཱནྟོབྷཱཝཱ ན ཏནྣིཝཏྟི པཊིཔཱདིཏཱ. ཏཔྤཀརཎེཏི དྷཱཏུཔྤཙྩཡཔྤཀརཎེ. དྭིབྦཙནནྟི པཊཨིཙྩསྶ དྭིབྦཙནཾ ཏཏོ ‘‘དིསྶནྟཉྙེཔི པཙྩཡཱ’’ཏི (༤-༡༢༠) རཱཔྤཙྩཡོ. ‘‘རཱནུབནྡྷེནྟསརཱདིསྶཱ’’ཏི (༤-༡༣༢) ཨནྟསརཱདིསྶ ལོཔོ. ཙྱནྟཱ པཙྩཡཱབྷཱཝཏྠཾ- ‘ཨཙཱིཏོ’ཏི པཙྩཡཝིདྷཱནསུཏྟེ པཊིསེདྷོ ན ཀཏོ, ཏེནཱཧ-‘ཨཙཱིཏོཏི པཊིསེདྷཱབྷཱཝཱ’ཏི. ཙཱིཏི བྷུསོཨིཏི

པཋམནྟཱཙཱི ¶ . ཎཱདིཝུཏྟིཏྟཱ ‘‘ཨེཀཏྠཏཱཡ’’ནྟི (༢-༡༡༩) ཝིབྷཏྟིལོཔོ. ཨིཧེཙེཏི ‘ཙྱཏྠེ’’ ཨིཏཱིམསྨིཾཡེཝ. ན ཙ ཝུཙྩཏེཏི སམྦནྡྷོ.

༡༠. སདྡཱ

ནནུ ཙ ཨསཏི སུཏྟེ དུཏིཡཱགྒཧཎེ དུཏིཡནྟེཧིཙྩཱཡཾ ཝིསེསོ ཀུཏོ ལབྦྷཏེ ཡེན ‘སདྡཱདཱིཧི དུཏིཡནྟེཧཱི’ཏི ཝིཝརཎཾ ཀཏནྟི སཙྩཾ, ཏཐཱཔི པཙྩཡཝིདྷིམྷི ཡུཏྟེཔི པཉྩམིཡཱ ནིདྡེསེ ‘སདྡཱདཱིནཱི’ཏི དུཏིཡཱཡོཔཱདཱནསཱམཏྠིཡཱ ཏཐཱ ཝིཝརཎཾ ཀཏཾ.

སབྦཏྠཱཏི ‘‘ཏམདྷཱིཏེ ཏཾ ཛཱནཱཏི ཀཎིཀཱཙཱ’’དོ (༤-༡༤) སབྦཏྠ. ཀིརིཡཱཝཱཏྱཝདྷཱརཎེན ཡཾ བྱཝཙྪིནྣཾ, ཏམུཔདསྶེནྟོ ཨཱཧ- ‘ན ཀཱལེ’ཙྩཱདི. ཡདཱིཔི ཨདྷཱིཏེཙྩཱདཱིསུ ཝཏྟམཱནཀཱལེན ཀཏྟུནཱ ཨེཀཝཙནེན ཙ ནིདྡེསོ, ཏཐཱཔི ཏེསམཔྤདྷཱནཏྟཱ ཨཉྙསྨིམྤི བྷཱུཏཱདིཀེ ཀཱལེ ཀམྨཱདོ སཱདྷནེ བཧུཝཙནེན ཙ པཙྩཡོ སིཡཱ ཨེཝེཏི བྷཱཝོ.

ནནུ ཙ ‘‘དྷཱཏྭཏྠེནཱམསྨཱི’’ཏི (༥-༡༢) ཨིཔྤཙྩཡེ པཏྟེ-ཡམཱརབྦྷཏེ ཨསྶཔི དྷཱཏྭཏྠེཡེཝ ཝིདྷཱནཾ, ཏཏོ ཙ སདྡཱདཱིཧི དྷཱཏྭཏྠེ ཨིཔྤཙྩཡེན ན བྷཝིཏབྦཾ, དིསྶཏེ ཙ ཨིཔྤཙྩཡཔཡོགོཙྩཱསངྐིཡ ‘ནཱཡམིཔྤཙྩཡསྶ བཱདྷཀོ’ཏི པཊིཔཱདེཏུམཱཧ- ‘དྷཱུཝཾ ཀརོཏི’ཙྩཱདི. ནཱནཱབྷིནྣཾ ཝཱཀྱཾ ནཱནཱཝཱཀྱཾ, ཏསྶ བྷཱཝེན, ཏེན བྷིནྣཝཱཀྱབྷཱཝེནཱཡསྶ ཨིཔྤཙྩཡསྶ ཙ སམུཙྩཡཏོཏི ཨཏྠོ. ‘‘དྷཱཏྭཏྠེནཱམསྨཱི’’ཏྱེཀཾ ཝཱཀྱཾ, ‘‘སདྡཱདཱིནི ཀརོཏྱ’’པརཾ. ཨེཏཱནི དྭེ བྷིནྣཝཱཀྱཱནི- ‘དྷཱཏྭཏྠེ ནཱམསྨཱ ཨིཔྤཙྩཡོ བྷཝཏི, སདྡཱདཱིནི ཀརོཏིཙྩསྨིཾ ཨཏྠེ ཨཱཡོ བྷཝཏཱི’ཏི པཙྩེཀམཱཁྱཱཏཱཔེཀྑཱཡ ཝཱཀྱཔརིསམཏྟིཡཱ བྷིནྣཏཱ, ཨབྷིནྣེ ཧི ཀིརིཡཱཔདེཀཝཱཀྱཏཱ, བྷིནྣེཏུ ནཱནཱཝཱཀྱཏཱ, ནཱནཱཝཱཀྱེ ཙ སཏི སམུཙྩཡོ. ན ཧི སཱམཉྙཝིསེསབྷཱཝེན ཝིདྷཱནམེཝ བཱདྷཱཧེཏུ, ཀིཉྩརཧི ཨེཀཝཱཀྱཏཱཔི, ཏཾ ཡཐཱ-‘བྲཱཧྨཎཱནཾ དདྷི དིཡྻཏཾ, ཏཀྐཾ ཀོཎྜཉྙཱཡེ’ཏི. ནཱནཱཝཱཀྱེ ཏུ སམུཙྩཡོ, ཏཾ ཡཐཱ- ‘བྲཱཧྨཎཱ བྷོཛཱིཡནྟུ, མཱཌྷརཱཡ ཝཏྠཡུགལཾ དཱིཡཏཱུ’ཏི མཱཌྷརོ བྲཱཧྨཎབྷཱཝེན བྷོཛཱིཡཏེ ཝཏྠཡུགལཉྩ ལབྷཏེ, ཏེནོཛུཀཾ ¶ ཝུཏྟེན ཝཏྠཡུགལདཱནེན སཱམཉྙཝུཏྟཾ བྷོཛནཾ ན བཱདྷཱིཡཏེ, ཏཐེཧཱཔི ཨུཛུཀཾ ཝིཧིཏེནཱཡེན སཱམཉྙཝིཧིཏོ ཨིཔྤཙྩཡོ ན བཱདྷཱིཡཏེ ལཀྑིཡཱནུརོདྷེན སཏྠཀཱརསྶ ཝཱཀྱ བྷེདཱབྷེདོཏི ནཱནཝཊྛིཏིདོསོཏི མཉྙཏེ. ཏིམྷི ལེ ཙ སིདྡྷནྟི སམྦནྡྷོ.

ཡཔྤཙྩཡོ ན ཝིཧིཏོ པཱཎིནཱིཨཱདཱིཧི ཝིཡཱཏི ཨདྷིཔྤཱཡོ. ‘ཛལ དལ- དིཏྟིཡཾ’. ‘‘མཱནོ’’ཏི (༥-༦༥) མཱནོ, ‘‘ཀཏྟརི ལོ’’ཏི ‘‘པརོཀྑཱཡཾ ཙེ’’ཏི (༥-༧༠) ཙགྒཧཎེན ‘དལ དལ’ཨིཏིདྭིཏྟཾ ‘‘ལོཔོནཱདིབྱཉྫནསྶ’’ (༥-༧༥) ‘‘སརམྷཱ དྭེ’’ཏི (༡-༣༤) དསྶལསྶ ཙ དྭིབྷཱཝེ དདྡལླམཱནཱ. ཛལམཱནཱཏི ཨཊྛཀཐཱཝཙནཏོཏི ཨིམིནཱ ཀིརིཡཱསམབྷིཧཱརེ ཡཔྤཙྩཡཱབྷཱཝཾ དསྶེཏི. ཨིམིནཱ ཙ སཀྐཏེ ཝིཡ བྷུསཱབྷིཀྑཉྙེཔི ཀིརིཡཱསམབྷིཧཱརོ ཀིརིཡཱཔརིཝཏྟནཾ, ཏཉྩ ཡདཱ ཀིརིཡམཉྙེན ཀཏྟབྦམཉྙོ ཀརོཏི, ཏེན ཀཏྟབྦཉྩེཏརོ, ཏདཱ བྷཝཏཱིཏི ཝིཉྙེཡྻཾ. ‘‘སཱམཉྙཝིཧིཏཱ ཝིདྷཡོ པཡོགམནུསརནྟཱི’’ཏི ཨིམིནཱ ལཀྑཎེན ‘དལ-དིཏྟིཡ’ནྟི ཨིམསྨཱ ‘‘མཱནོ’’ཏི སཱམཉྙེན ཝིཧིཏོ མཱནཔྤཙྩཡོ བྷུསཏྠེ ཨཱབྷིཀྑཉྙེ ཙ བྷཝིསྶཏི. དདྡལླ མཱནཱཏི ཨེཏྠ བྷུསཾ ཛལམཱནཱ, པུནཔྤུན ཛལམཱནཱཏི ཙ ཨཏྠོ ཝེདིཏབྦོ.

༡༡. ནམོ

ནམོ ཀརོཏི ནམོསདྡམུཙྩཱརེཏི, སདྡཾ ཀརོཏི སདྡམུཙྩཱརེཏཱིཏིཙྩེཝམཏྠོ (ན) གཧེཏབྦེ ཨནིསྶཡནཏོ ཨནབྷིདྷཱནཏོ ཝཱ.

༡༢. དྷཱཏྭཱ

ཨཔརིནིཔྥནྣོཏི ཨནིཔྥནྣོ ཨསིདྡྷཱཝཏྠོཏི ཨཏྠོ. ཀཱརཀསཱདྷིཡོཏི ཡཐཱལཱབྷཾ ཀཱརཀེཧི སཱདྷིཡོ. ཨསཏྭབྷཱུཏོཏི ཨདབྦབྷཱུཏོ. ཨཡནྟུ ཀིརིཡཱརཱུཔོ པདཏྠོ པཙཏྱཱདཱིནཾ ཝིཀླེདནཱདིཔདྷཱནཀིརིཡཱརཱུཔོ ཙ ཏདཝཡཝརཱུཔཱ པུབྦཔརཱིབྷཱུཏཨུདྡྷནཱརོ པནཱདིཀཱདཡོ ཏཱདཏྠིཡཱ ཙ པཙཏྱཱདིཝཙནཱིཡཱ. ཏསྨཱ ཡཐཱ ཝུཏྟལཀྑཎེ དྷཱཏྭཏྠེ དྷཱཏུཏོ ཝིདྷཱིཡམཱནོ ཏྱཱདིཔྤཙྩཡོ ཏཐཱབྷཱུཏམེཝ ¶ ཝདཏཱིཏི བྷེདཱབྷཱཝཱ ཨབྷེདསངྑྱཱཡེཀཝཙནེནོཙྩཏེ, ‘ན བཧུཝཙནེན, ཏེནེཏྠ ‘ཋཱིཡཏེ དེཝདཏྟེན, ཋཱིཡཏེ དེཝདཏྟེཧཱི’ཏི བྷཝཏི. ན ཡཏོཀུཏོཙཱིཏིཨཱདིནཱ ཡཏོ ཡཏྠ ན དིསྶཏི, ཏཏོ ཏཏྠ ན ཧོཏཱིཏི དཱིཔེཏི. ཡཏོ ཡཏྠ ཝིདྷི, ས ཏསྶ སམྦནྡྷཱི བྷཝཏཱིཏི ནཱམེཧི ཝཙནཱིཡཏྠཏོ-ཏྠནྟརབྷཱུཏོ ཡོཡཾ དྷཱཏྭཏྠོ ཀམཱདཱིནམཏྠབྷཱུཏོ, སོ སཀཏྠོཏི སཀཏྠེཡེཝཱཡམིཔྤཙྩཡོ ཙུརཱདིཎིཝིཡཱཏི ཝེདིཏབྦོ.

ཏསྶཙཱཏི ཨེཀཱརསྶ ཙ. ཨཐ ཨཏིཧཏྠཡཏིཙྩཱདོ པཱདིཝིསིཊྛེ ཨེཝ དྷཱཏྭཏྠེ ཨིཔྤཙྩཡསྶ ཝིདྷཱནཱ ཏདཏྠཝིཧིཏེནེཝ ཨིཔྤཙྩཡེན པཱདིཝིསིཊྛོ དྷཱཏྭཏྠོ ཝུཏྟོ, ཏེན ཀིམཏྠོ ཨིཔྤཙྩཡནྟསྶ པཱདིཡོགོཙྩཱསངྐིཡ པཡོཛནམཱཁྱཱཏུམཱཧ- ‘ཨཏིཧཏྠཡཏི’ཙྩཱདི. ན སཱམཏྠིཡནྟི སམཏྠཏཱ ནཏྠཱིཏི ཨཏྠོ.

༡༣. སཙྩཱ

ཨཏྠམཱཙིཀྑཏི, ཝེདམཱཙིཀྑཏཱིཏི ཝིགྒཧོ. སུཁཱཔེཏིཙྩཱདོ སུཁཾ ཝེདཡཏིཙྩཱདིནཱ ཝིགྒཧོ. ཝཱཔཱཋཱཏི ཝིཀཔྤེན པཱཋཏོ.

༡༥. ཙུརཱ

ཨསཏི སུཏྟེ སཀཏྠེཏི ཀཐཾ ལབྦྷཏཱིཏི ཨཱཧ- ‘ཨཏྠཱནཏི དེསཱ’ཏི. ཨཏྠཱ-ནཏིདེསཱཏི ཨཏྠཝིསེསསྶ ཀསྶཙི སུཏྟེ ཨནིདྡེསཱཏི ཨཏྠོ. ཨཏྠཝིསེསསྶཱ-ནཏིདེསམཏྟེན སཀཏྠོཡེཝ ཎིནཱ ཝཱཙྩོཏི ཀཐཾ ཝིཉྙཱཡཏེཙྩཱཧ- ‘སཀཏྠསྶ ཙ སུཏཏྟཱ’ཏི. ཙུར=ཐེཡྻེ ཨིཙྩཱདཱིསུ ཐེཡྻཱདིཀསྶ སཀཏྠསྶ སུཏཏྟཱཏི ཨཏྠོ. ཡོགཝིབྷཱགཏོཏི ‘ཎཱི’ཏིཡོགཝིབྷཱགཏོ, རཛྫཾ ཀཱརེཏཱིཏི ཨེཏྠ སཱམྱམཙྩཱདིཀཾ སཏྟངྒཾ རཛྫཾ པཝཏྟེཏཱིཏི ཝཱ ཨཏྠོ, པཡོཛཀབྱཱཔཱརེ ཎི.

༡༦. པཡོ

པཡོཛཀོ ཙོདཀོ བྱཱཔཱརཀོཏི ཨཏྠོ ནནུ ཙ ཝུཏྟིཡཾ ‘ཀཏྟཱརཾ པཡོཛཡཏཱི’ཏི ཝུཏྟཾ ཀཐཾ པཡུཛྫམཱནསྶ ཀཏྟུཏྟཾཏི ཨཱཧ- ‘པཡུཛྫམཱནོ’ཙྩཱདི. ནཱཝསྶཾ ཀིརིཡཱཔཝཏྟཀཏྟེནེཝ ཡོགྒཏཱམཏྟེནཔི ¶ ཀཏྟུཏྟཾ སིཡཱཏི དསྶེནྟོ ཨཱཧ- ‘ཀིརིཡཱཡ ཡོགྒོ’ཏིཨཱདི. པཱསཱཎམྦལེནུཊྛཱཔེཏི’ཙྩཱདཱིསུ ཧི ཡོགྱཏཱཡཔི ཀཏྟུཏྟཱཝསཱཡོསིཡཱ, ཀོཔནཱཡཾ པཡོཛཀབྱཔཱརོཏི ཨཱཧ- ‘པེསནེ’ཙྩཱདི. དཱསཱདིནོ ཧཱིནསྶ ཀཏྠཙི ཨཏྠེ ནིཡོཛནཾ པེསནཾ. གུརུཨཱདིནོ སཀྐཱརཔུབྦཾ བྱཱཔཱརཎམཛ྄ཛྷེསནཾ. ཏཾ པེསནཛ྄ཛྷེསནཱདིཀཾ ལཀྑཎཾ སབྷཱཝོ ཡསྶ སོ ཏཐཱ ཝུཏྟོ.

ཨཱདིསདྡེན ཨཱནུཀཱུལྱབྷཱགིནོ བྱཱཔཱརསྶ གཧཎཾ, ཏཐཱ ཙ ‘བྷིཀྑཱ ཝཱསཡཏི ཀཱརཱིསོ-ཛ྄ཛྷཱཔེསཱི’ཏི སིཛ྄ཛྷཏི. བྷིཀྑཱ ཧི པཙུརབྱཉྫནཝཏཱི ལབྦྷམཱནཱ ཝཱསཱནུཀཱུལཾ ཏིཏྟིཝིསེསམུཔཛནཡཏི. ཀཱརཱིསོཔི ནིཝཱཏེ པདེསེ སུཊྛུ པཛྫལིཏོཛ྄ཛྷཡནཝིརོདྷི སཱིཏཀཏམུཔདྡཝམཔནཡནྟོ-ཛ྄ཛྷཡནཱནུཀཱུལསཱམཏྠིཡམཱདདྷཱཏི ཏཏོ ཏེསམྤི ཡུཏྟམྤཡོཛཀཏྟནྟི.

པཡོཛཀབྱཱཔཱརེཏཱིདཾ པཙྩཡཝིསེསནཾ ཝཱ སིཡཱ པཀཏིཝིསེསནཾ ཝཱ. ཏཏྠ ཡདི པཀཏིཝིསེསནཾ སིཡཱ, ཏདཱ པཡོཛཀབྱཱཔཱརེ ཝཏྟམཱནཱ ཎཱིཎཱཔཱི ཝིདྷཱིཡནྟཱིཏི (གམནཾ) པཏི ཡོ ནིཡོགོ ཏདཏྠོ གམི, ན གཏྱཏྠོ, ཏསྶ ཙཱཡཾ པཡོཛྫོཏི ‘གམཡཏི མཱཎཝཀཾ གཱམ’ནྟི གཏྱཏྠསྶ པཡོཛྫེ ‘‘གཏིབོདྷཱཧཱརེ’’ཙྩཱདིནཱ (༢-༤) ཝིཧིཏཱ དུཏིཡཱ ན པཔྤོཏི, ཏཏོ པཀཏྱཏྠཝིསེསནཔཀྑོ དུཊྛོཏི པཙྩཡཝིསེསནཔཀྑཾ དསྶེཏུམཱཧ- ‘པཙྩཡཝིསེསནཾ ཝེདཾ ན པཀཏིཝིསེསན’ནྟི.

པཡོཛཀམཏྟགྒཧཎེཏི མཏྟསདྡོ སཱམཉྙཝཱཙཱི, ཡཐཱ ‘ཀཉྙཱ མཏྟཾ ཝཱརཡཏཱི’ཏི. ཀཏྟཱརཾ ཡོ པཡུཛྫཏི ཡོ ཙ ཀརཎཱདཱིནཾ པཡོཛཀོ ཏེསཾ སཱམཉྙེན གཧཎེ སཏཱིཏི ཨཏྠོ. བྱཱཔཱརེཏྭེཝཱཏི པཡོཛཀགྒཧཎམནྟརེན བྱཱཔཱརེཨིཙྩེཝ ཝཙནཾ ཀཏྟབྦཾ སིཡཱཏི བྷཱཝོ, ཏནྟི པཡོཛཀགྒཧཎཾ, ཝིསིཊྛོ ཝིསཡོ ཡསྶ པཡོཛཀགྒཧཎསྶཏཾཏཐཱཝུཏྟཾ. ཀོཔནཱཡཾཝིསིཊྛོ ཝིསཡོཙྩཱཧ- ‘ཡོ ལོཀེ’ཨིཙྩཱདི. ཨིཏོཝཱཏི ཝཀྑམཱནསྶ ཧེཏུནོ པརཱམཱསོ. ཏནྟི ཙུརཱདཱིཧི ཎིཝིདྷཱནཾ. ཨེཝཾསདྡོ ཝཀྑམཱནཱཔེཀྑོ. ཏཾ ¶ ཝིསུཾ ཙུརཱདཱིཧི ཎིཝིདྷཱནམེཝ ཝཀྑམཱནཔྤཀཱརེན སཕལཾ སིཡཱ ནཱཉྙཐཱཏི ཨཏྠོ. ཏམེཝ པཀཱརཾ དསྶེཏི‘ཡདིམིནཱ’ཙྩཱདི.

༡༧. ཀྱོཏཱ

ཀཏྟརི ཝིཧིཏེསུཔི མཱནནྟཏྱཱདཱིསུ པརབྷཱུཏེསུ ཀྱོ བྷཝཏཱིཏི ཝིཉྙཱཡེཡྻཱཏི ‘བྷཱཝཀམྨེསཱུ’ཏི ན ཀྱསྶ ཝིསེསནནྟི ཨཱཧ- ‘མཱནནྟཏྱཱདཱིན’མིཙྩཱདི.

ཡདི ཧི ཀཏྟརི ཝིཧིཏེསུ སིཡཱ, ཏཐཱ སཏི ཏེསམུབྷིནྣཾ པདྷཱནཏྟེནཱབྷིདྷཱིཡམཱནཱནམཉྙམཉྙཱནཔེཀྑཏྟཱ ཨསམྦནྡྷོ སིཡཱ, ན ཙེ ཝམྦྷཱུཏཱནམབྷིདྷཱནམཏྠི, ན ཧི ‘ཋཱིཡཏེ’ཙྩསྨཱ བྷཱཝོ ཀཏྟཱ ཙ པཏཱིཡཏེ, ནཱཔི ‘གམྱཏེ’ཙྩསྨཱ ཀམྨཾ ཀཏྟཱཙ. ཨཔི ཏུ བྷཱཝཀམྨཱནེཝ གམྱནྟེ, ཏེནཱཧ- ‘ཏསྨཱ’ཨིཙྩཱདི.

ཏེསམེཝཱཏི མཱནནྟཏྱཱདཱིནམེཝ. པརསམཉྙཱབྷི པརེསཾ ཀཙྩཱཡནཱ ནཾ པརོཀྑཱཨིཙྩེཝ ནཱམཾ. ཏབྦཛྫིཏེསཱུཏི པརོཀྑཱསཉྙིཔཙྩཡཝཛྫིཏེསུ. ཨཔརོཀྑེསཱུཏི ཨེཏྠ པརསམཉྙཱཝསེན པརོཀྑཱཨིཙྩནེན སཧ སམཱསཾ དསྶེཏྭཱ ཨིདཱནི ཨཉྙཐཱཔི པཊིཔཱདེཏུཾ ‘ཨཐཝཱ’ཏིཨཱདིམཱཧ. པརོཀྑེཏི ཨིནྡྲིཡཱཝིསཡེ ཀཱལེ. པརོཀྑེཝིཧིཏཱ པཙྩཡཱཏི ཨིམིནཱ ཨུཔཙཱརེན ཏདྡྷིཏཔྤཙྩཡཝསེན ཝཱ པརོཀྑཱཏི སདྡནིཔྥཏྟིམཱཧ. ཏེ པན‘ཨ ཨུ’ ཨིཙྩཱདཡོ. ཏཏོཏི པརོཀྑཔྤཙྩཡཏོ.

ནནུ པུབྦཔཀྑེ ‘ཨཔརོཀྑེསཱུ’ཏི ཨེཏྠ ‘པརོཀྑཱཝཛྫིཏེསཱུ’ཏི ཨཏྠ ཝཙནཾ ཡུཛྫཏི, དུཏིཡཔཀྑེ པན ‘པརོཀྑཝཛྫིཏེསཱུ’ཏི, ཏཐཱ སཏི ཀཐམེཏྠ ‘པརོཀྑཱཝཛྫིཏེསཱུ’ཏི ཨཏྠཝཙནཾ ཡུཛྫཏཱིཏི ཨཱཧ- ‘ཏེཔནཱ’ཏིཨཱདི. ཨིདྷཱཏི ཨཔརོཀྑེསཱུཏི ཨིམསྨིཾ. ནནུ ཙ ‘‘པརོཀྑེ ཨ ཨུ’’ཨིཙྩཱདིསུཏྟེ (༦-༦) ‘པརོཀྑེ’ཏི པཀཏིཝིསེསནནྟི པཙྩཡཱནཾ པརོཀྑེ ཝིཧིཏཏཱ ཀཐནྟི མནསི ནིདྷཱཡཱཧ ‘པརོཀྑེ’ཨིཙྩཱདི. བྷཝནཾ བྷཱཝོ ཀིརིཡཱདྷཱཏྭཏྠོ.

སཱདྷཱིཡམཱནཱཝཏྠོཏི ཨིམིནཱ སིདྡྷཱཝཏྠཱ ནིརསྶཏེ. པུབྦཔརཱིབྷཱུཏོ པདྷཱནཀིརིཡཱཝཡཝབྷཱུཏོ ཀིརིཡཱརཱུཔོ ཨཏྠོ ལཀྑཎཾ སབྷཱཝོ ¶ ཡསྶ དྷཱཏྭཏྠསྶ སོ ཏཐཱ ཝུཏྟོ. སཏྭབྷཱུཏོཏི ཨེཏྠ པཏཱིཡཏཱིཏི སེསོ. བཧུཝཙནམྤི ཧོཏི པཱཀཱཔཱཀེཏི ཨདྷིཔྤཱཡོ, ཀརཱིཡཏཱིཏི ཀམྨཾ, ཏཉྩ ཡདིཔི ནཱམཱདིཀམྨམཏྠི, ཏཐཱཔི ཀྲིཡཏྠཱཨིཙྩཱདྷིཀཱརཏོ མཱནཱདཱིནམཉྙཏྠཱལབྦྷནཏོ ཙ ཀིརིཡཱ སམྦནྡྷོཝ གཡ྄ཧཏེ, སུ-སཝནེ སཱུཡམཱནཾ.

པཱཎིནིཡེཧེཏྠ ‘‘བྷིནྡཏི ཀུསཱུལཾ’ཏྱཱདོ ཡཱ བྷེདནཱདིཀིརིཡཱ ཀམྨནི དིསྶཏེ, སཱ ཡདཱ སུཀརཏྟམཏྟེན སཔྤདྷཱནཏྟཝཙནིཙྪཱཡཾ ཀཏྟུཏྟེཔྱུཔལབྦྷཏི ‘བྷིཛྫཏེ ཀུསུལོ སཡམེཝེ’ཙྩཱདིནཱ, ཏདཱསྶ ཀཏྟུནོ སུཏྟནྟརེན ཀམྨསརིཀྑབྷཱཝོ ཝིདྷཱིཡཏེ ‘ཀམྨནིསྶཡཾ ཀཱརིཡཾ ཡཐཱ སིཡཱ’ཏི. ཏནྣིསྶཱཡཱཧ- ‘ཡདཱ ཀམྨམེཝེ’ཙྩཱདི. ཡདཱ ཀམྨམེཝ ཀཏྟུབྷཱཝེན ཝིཝཙྪཱིཡཏེཏི སམྦནྡྷོ. ཀཐཾ ཀཏྭཱ ཏཐཱ ཝིཝཙྪཱིཡཏེཙྩཱཧ- ‘ཨཏྟསམཝེཏཱཡ’ཨིཙྩཱདི. ཨཏྟསདྡེན ཀམྨམཏྲ ཝིཝཙྪིཏཾ, ཨཏྟནི སམཝེཏཱ ཨེཀདེསཱིབྷཱུཏཱ ཨཏྟསམཝེཏཱ, ཏསྶཱ ཀིརིཡཱཡ ཀམྨཊྛཀིརིཡཱཡཱཏི ཝུཏྟཾ ཧོཏི.

སུབྷེདཏྟཱདིནེཏི ཧེཏུམྷི ཀརཎེ ཝཱ ཏཏིཡཱ. ཨཏྠཏོཏི ‘ཀམྨེཡེཝ ཀྱོ’ཏི (ན སཀྑི) [ཏསྨཱ] ཝུཏྟནྟི ཨདྷིཔྤཱཡོ. ཏཐཱཧི ‘བྷིཛྫཏེཏི སཝནཱ ཀམྨཏཱཝགམྱཏེ’ཏི ཨིམིནཱ ཨཏྠཏོ ཀམྨེཡེཝཀྱོཏིཔཊིཔཱདིཏམེཝ. ཝུཏྟམེཝ ཕུཊཱིཀརམཱཧ- ‘བྷིཛྫཏེ ཨིཙྩསྨིཾ པདེ’ཨིཙྩཱདི. ཨཉྙཐཱཏི ཡདི ཀམྨེཡེཝ ཏེཔཙྩཡོ ན སིཡཱ. ཨཏོཏི བྷིཛྫཏེ ཨིཙྩསྨཱ. ཨུཔསཾཧརམཱཧ- ‘ཏསྨཱ’ཨིཙྩཱདི. ཀིཾ ཝཙནེནཱཏི པཱཎིནཱིཡཱནམིཝ ཀིཾ སུཏྟཏྟརེནཱཏི ཨཏྠོ.

ཝཙནཱབྷཱཝེཔི ཀམྨཀཏྟརི པདསངྑཱརཀྐམོཔདསྶནམུཁེན ཝུཏྟི གནྠཾ ཝིཝརིཏུམཱཧ- ‘ཝཱཀྱཏོ’ཨིཙྩཱདི. ཝཱཀྱཏོ ཨུདྡྷརིཏྭཱ པདེསངྑརིཡམཱནེཏི ‘བྷིཛྫཏེ ཀུསཱུལོ སཡམེཝེ’ཏི ཝཱཀྱཏོ ཝིསུཾ ཀཏྭཱ བྷིཛྫཏེ’ཏི པདེ སངྑརིཡམཱནེ ནིཔྥཱདཱིཡམཱནེཏི ཨཏྠོ. ཏདེཝཱཏི པདཏྠསཱམཉྙམེཝ. ཏནྣིཔྥཱདནེཏི ཏསྶ སངྑརིམཱནསྶ པདསྶ སངྑརཎེ. སཡནྟཱིམསྶཱཏྲ ཨཏྟནཱཏི ཨཏྠོ. ན ཀེཝལ མནེནེཏདེཝ ཝུཏྟཾ- ‘ཀམྨེཡེཝ པཙྩཡོ’ཏི, ཀིཉྩརཧི ཨཉྙམྤཏྠཱིཏི དསྶེཏུམཱཧ- ¶ ‘ཨནེན ཙེ’ཙྩཱདི. ཙོ ཝཏྟབྦནྟརསམུཙྩཡེ. ཨནེནབྷིཛྫཏེཏི སཝནཱཨིཙྩཱདིནཱ ཨིདཉྩཱཧཱཏི ཨཏྠོ. ཀིནྟདིཙྩཱཧ ‘ཀམྨ ཀཏྟུནོ’ཙྩཱདི, ན པདམུདཱཧརཎནྟི ཀམྨཀཏྟུནོ ཝཱཀྱམེཝོདཱཧརཎཾ… ཝཱཀྱེནེཝ ཏསྶ པཏཱིཏིཡཱ མཉྙཏེ. པདམེཝོདཱཧརཎཾ ཀསྨཱ ན སིཡཱཏི ཨཱཧ- ‘པདེཧི’ཙྩཱདི. དུཏིཡམུདཱཧརཎཾ དསྶེཏུམཱཧ- ‘ཀཏྟུནིསྶཡོ པི’ཙྩཱདི.

ཨསྨིཾ པཀྑེཏི ཨསྨིཾ ཀཏྟུཏྟེན ཝིཝཙྪིཏེ པཀྑེ. ཏབྦིསཡཏྟནྟི ཀམྨཝཱཙཱིསཡཾ སདྡཝིསཡཏྟཾ. བྷཱཝཀམྨེསཱུཏཱིམསྶ ཀཏྟརིཙྩསྶ ཙ པཙྩཡཝིསེསནཏྠེ སཏི སཱམཏྠིཡལདྡྷམྤཡོཛནཾ དསྶེཏུམཱཧ- ‘བྷཱཝཀམྨེསཱུ’ཏིཨཱདི. ཨིམིནཱ ཨནེན ཙ ཝིསེསིསཏྟཱཏི སམྦནྡྷོ. ཀིནྟཾ ཝིསེསིཏནྟི ཨཱཧ- ‘མཱནནྟ ཏྱཱདཱིསཱུ’ཏི. ཀིནྟམྤཡོཛནནྟི པཡོཛནཾ དསྶེཏུམཱཧ- ‘ཏྱཱདཱིན’མིཙྩཱདི. ཡདི བྷཱཝཀམྨེསུ ཀཏྟརི ཙ ཏེན ཏེན [དྷཱནེན] སུཏྟེན མཱནཱདཡོ ན སིཡུཾ, ཀཐནྟཾ ཝིསེསིཏེསུ མཱནཱདཱིསུ པརེསུ ཀྱཱདཡོ སིཡུནྟཱིམིནཱ སཱམཏྠིཡེན ( ) [(སཏི)] བྷཱཝཀམྨེསུ ཀཏྟརི ( ) [(ཏི)] ཙ ‘‘ཝཏྟམཱནེཏི ཨནྟི’’ཙྩཱདིཔྤབྷུཏིཀེཧི (༦-༡) སུཏྟེཧི ཡཐཱལཱབྷཾ བྷཱཝཱདཱིསུ པཙྩཡཱ ཧོནྟཱིཏི ཝིཉྙཱཡཏཱིཏི བྷཱཝོ.

ནཏདཏྠཾ ཝཙནམཱརདྡྷནྟི བྷཱཝཀམྨེསུ ཀཏྟརི མཱནནྟཏྱཱདིཝིདྷཱནཏྠཾ པཱཎིནིཡེཧི ཝིཡ སུཏྟནྟརཾ ནཱརདྡྷནྟི ཨཏྠོ. ཨཐ བྷཱཝཀམྨེསུ ཀཏྟརི ཙ མཱནཱདིཝིདྷཱནཏྠཾ ཝཙནཾ ནཱརདྡྷཾ དྷཱཏུནིཡམནཾ [དྷཱཏུནིཡམཏྠཾ] ཏྭསྶ ཝཏྟབྦནྟི ཏཉྩ སཱམཏྠིཡཱཝ (ལབྦྷཏེཏི) དསྶེཏུམཱཧ- ‘ཀིརིཡཏྠནིཡམོཔི’ཙྩཱདི. ཨཀམྨཀཱ དྷཱཏུཏོ བྷཱཝེ ཀཏྟརི ཙ སཀམྨཀཱ ཀམྨེ ཀཏྟརི ཙེཏི ཀིརིཡཏྠནིཡམོ ཡཐཱཝུཏྟེན སཱམཏྠིཡཱ ལབྦྷཏེཏི སམྦནྡྷོ. ཨཀམྨཀཱནཾ ཀམྨཝིརཧཱ, སཀམྨཀཱནཉྩ སཏོཔི བྷཱཝསྶཱཔྤདྷཱནཏྟཱ ཨཀམྨཀཱ ཀཏྟརི བྷཱཝེ ཙ བྷཝནྟི ན ཀམྨེ, སཀམྨཀཱ ཀམྨསབྦྷཱཝཱ ཀཏྟརི ཀམྨེ ཙ བྷཝནྟི ན བྷཱཝེཏཱིདཾ སཱམཏྠིཡཾ.

ཀམྨམཔེཀྑཏེཏི ¶ པཙཱདིཏོ ཀཏྟརི པཋམཔུརིསེཀཝཙནེ ཀཏེ པཙཏིཙྩཱདཱིསུ པཙཱདིནོ པཙནཱདིཀིརིཡཱ ཨོདནཱདིཀཾ ཀམྨམཔེཀྑཏེ. ཀཏྟུཏྟམཔེཀྑཏེཏི བྷཝཏིཙྩཱདཱིསུ བྷཱུཨཱདཱིནཾ བྷཝནཱདིཀིརིཡཱ ཀཏྟུམཏྟམཔེཀྑཏེ.

༢༠. ཎིཎཱ

ཡདཏྠནྟི ཡཾཔཡོཛནཾ.

༢༣. ཛྱཱ

ཛིནནྟོཏི ‘‘བྱཉྫནེ དཱིགྷརསྶཱ’’ཏི (༡-༣༣) རསྶོ. སབྦཏྠེཝ ཡཏྠ ཀཏྟརི པཙྩཡོ ཏཏྠ ཝིཀརཎཱཔི ཀཏྟརིཡེཝ, ཡཏྠ བྷཱཝཀམྨེསུ ཏཏྠ ཝིཀརཎཱཔི བྷཱཝཀམྨེསུཡེཝ,… ཨེཀཱཡ པཀཏིཡཱ ཀཱརཀབྷེདེ(ན) པཙྩཡསྶཱསམྦྷཝཏོ. ཏསྨཱ སཧཱབྷིདྷཱནཱནཾ མཱནཱདིཝིཀརཎཱནཾ ཀཐནྣཱམ སཧཱསམྦྷཝཾ གཙྪེཡྻུནྟི ཝིདྷཱིཡནྟེ.

༢༧. བྷཱཝ

ཝིཝཙྪཱབྷེདེནཱཏི སཀམྨཀཱཀམྨཀཝཙནིཙྪཱབྷེདེན. ཨུབྷཡཏྠཱཏི བྷཱཝཀམྨེསུ. ཀརཱིཡཏཱིཏི ཀཏྟབྦོ ཀརཎཱིཡོ. ‘‘ཨཔཝཱད ཝིསཡེ ཨུསྶགྒོ ནཱབྷིནིཝིསཏཱི’’ཏི ཨེསོ ཨུསྶགྒདྷམྨོ. ཏབྦཱདཱིནནྟུ ཀེསཉྩུསྶགྒཱནམྤི ཨཔཝཱདཝིསཡེ པཝཏྟི ཧོཏི བཧུལཱདྷིཀཱརཱ. ཡཐཱ ‘‘བྷཱཝཀམྨེསུ ཏབྦཱནཱིཡཱ’’ཏི ཨུསྶགྒོ, ‘‘ཝདཱདཱིཧིཡོ’’ཏི (༥-༣༠) ཨཔཝཱདོ ཏཾཝིསཡེཔི ཏབྦཱནཱིཡཱ ཧོནྟི ‘གནྟབྦོ གམནཱིཡོ’ཏི ཝེདིཏབྦོཏི.

༢༨. དྷྱཎ

ཀཱརིཡཾ ‘‘ཉི བྱཉྫནསྶཱ’’ཏི (༥-༡༧༠) ཉི.

༣༠. ཝདཱ

ཨནྣཏོཏཱིམིནཱ ‘བྷོགྒམཉྙ’ནྟེཏྠ ཨཉྙཾ ནཱམ ཨནྣཝཏཱ ཨཉྙནྟི ཨཏྠམཱཧ.

༣༡. ཀཱིཙྩ

ཀམྨཀརོ ¶ བྷརིཏབྦཏཱཡེཙྩཱདིནཱ ཀིརིཡཱསདྡཏྟཾ བྷཙྩསདྡསྶ དསྶེནྟོ སཉྙཱབྷཱཝམཔཱཀརོཏི. ‘‘སཉྙཱཡཾ བྷརཱ’’ཏི ཙ གཎསུཏྟནྟི དཊྛབྦཾ, ཏེནཱཧ- ‘སཉྙཱཡཾ བྷརཱ’ཏིཨཱདི.

ཨབྷརིཏབྦཱཔིཙྩཱདིནཱ ཨིདཾ དཱིཔེཏི དུཝིདྷཱ སཉྙཱསདྡཱ ཀེཙི དཙྩནྟ ཝིགཏཱཝཡཝཏྠཱ ཡཐཱ ཌིཏྠཱདཡོ, ཀེཙིདཝཡཝཏྠཱནུགཏཱཡཐཱ སཏྟཔཎྞཱདཡོ, ཏཏྠ བྷརིཡཱསདྡསྶ ཀམྨམྤཝཏྟིནིམིཏྟཾ ‘བྷརིཏབྦཱ བྷརིཡཱ’ཏི, ཡཐཱ སཏྟ པཎྞཱནི ཨསྶཱཏི སམྦནྡྷོ པཝཏྟིནིམིཏྟཾ སཏྟཔཎྞསདྡསྶ, ཨེཏཉྩ པཝཏྟིནིམིཏྟཾ སདྡནིཔྥཏྟིཀིརིཡཱཡམེཝོཔདིསཱིཡཏེ, ཀྭཙིདེཝ ཏྭཏྠཝིསེསེ སཏྱསཏི ཝཱ ཏསྨིཾ ནིམིཏྟེ སདྡོ ཝཏྟཏཱི’’ཏི. ཨོཀཱརསྶཱཏི ‘‘ཡུཝཎྞཱནམེ ཨོཔྤཙྩཡེ’’ཏི (༥-༨༢) ཀཏཨོཀཱརསྶ.

༣༢. གུཧཱ

སདྡིཀཱནནྟི པཱཎིནིཡཀཙྩཱཡནཱདིཝེཡྻཱཀརཎཱནཾ. པེསནཾ སཀྐཱརཔུབྦཀཾ ཝཱ ནིཡོཛནཾ. ཀཱམཙཱརཱནུཉྙཱཏི ཀཏྟུམིཙྪཏོ ཡཐིཙྪ མནུཛཱནནཾ ཨཏིསགྒོནཱམཱཏི ཨཏྠོ. ནིམིཏྟབྷཱུཏསྶཱཏི ‘‘བྷོཏཱ ཀཊོ ཀཏྟབྦོ’ཙྩཱདཱིསུ ཀཊཀརཎཱདིནོ ཀཱརཎབྷཱུཏསྶ.

ནནུ ཙ སཱམཉྙེན ཝིཧིཏཱ ཨེ(ཏེ), ཏཐཱ ཙ སཏི ཝིཛ྄ཛྷཏྠཝིཧི ཏེཧི ཨེཡྻཱདཱིཧི ཏེ བཱདྷཱིཡནྟིཙྩཱཧ- ‘ནཙེ’ཙྩཱདི. ཝིདྷིཝིསེསཏྟེ པཱིཏི ཝིདྷཱནཾ ཝིདྷི ནིཡོཛནཾ ཀིརིཡཱསུ བྱཱཔཱརཎཱ, ཏསྶ ཝིདྷིནོ པེསཱདཱིནཾ ཝིསེསཏྟེཔི, ནཱཝསྶནྟིཨཱདི ཛཡཱདིཙྩབྱཱཁྱཱནཾ ནིསྶཱཡ ཝུཏྟཾ, ཝུཏྟཉྷི ཏེན ‘‘ཀིམཏྠཾ པེསཱདཱིསུ ཀིཙྩསཉྙིནོ ཏབྦཨནཱིཡཎྱཏྱཔྤཙྩཡཱ ཝིདྷཱིཡནྟེ, ན སཱམཉྙེན བྷཱཝཀམྨེསུ ཝིཧིཏཱ, ཨེཝམེཏེ [ཝིཧིཏཱཨེཝ, ཝོ-ཀཱསིཀཱཝུཏྟི] པེསྭཱདཱིཉྙསྭཏྲ ཙ བྷཝིསྶནྟཱིཏི ཝིསེསཝིཧིཏེན ཝིདྷྱཱདཱིསུ པཙྩཡེན བཱདྷཱིཡནྟེ, ཝཱསརཱུཔཝིདྷིནཱ བྷཝིསྶནྟི ཨེཝཉྩརཧི ཨེཏཾ ཉཱཔེཏི ‘ཨིཏྠཱིཨདྷིཀཱརཏོ པརེན ཝཱསརཱུཔཝིདྷི ནཱཝསྶམྦྷཝཏཱི’ཏི [ཀིམཏྠམིཙྩཱདི ཙོདྱ, ཝིཙསསཝིཧིཏེཙྩཱདི པརིཧཱརོ, ཀིཙྩཱ ཧི སཱམཉྙེན ཝིཧིཏཱ, པཉྩམཱི ཏུ པེསཱདིནཱཏྠཝིསེསེན, ཨཏོ ཏེན ཝིསེསཝིཧིཏེན ཀིཙྩཱ པེསཱདིཝིསཡེ བཱདྷཱིཡེརནྟི པུནབྦིཡཏེ, ཝཱསརཱུཔེཙྩཱདིནཱ པརིཧཱརཾ ཝིགྷཊཡཏི. ཨེཝཾ ཙརཧིཙྩཱདིནཱ པེསཱདཱིསུ ཀིཙྩཝིདྷཱནསྶ ཉཱཔཀཏྟཾ དསྶཡཏི. (ཛིནིནྡབུདྡྷིནུ ༢༡ ས)]. ཨསརཱུཔཝིདྷི ¶ ཨསརཱུཔཱཔཝཱདཔྤཙྩཡོ ཝཱ ཝིཀཔྤེན བཱདྷཀོ ཧོཏི ཨུསྶགྒསྶཱཏི ཨེཏཾ ཨཝསྶཾ ན ཧོཏཱིཏི ཉཱཔནཏྠམྤི ན ཝིདྷཱིཡཏེཏི ཡོཛནཱ. ‘‘ཝཱ-སརཱུཔོ-ནིཏྠིཡཾ’’ཏི (པཱ, ༣-༡-༩༤) པརསུཏྟཾ. དྷཱཏྭདྷིཀཱརེཝིཧིཏོ ཨསརཱུཔོ ཨཔཝཱདཔྤཙྩཡོ ཨུསྶགྒསྶ བཱདྷཀོ བྷཝཏི ཨིཏྠི ཨདྷིཀཱརེ ཝིཧིཏཔྤཙྩཡཾ ཝཛྫཡིཏྭཱཏི ཨཏྠོ. ཧེཊྛཱ ཝུཏྟཱནུསཱརེནེདཾ ཝིཉྙཱཏབྦཾ.

བྷོཏཱ ཁལུ ཀཊོ ཀཱཏབྦོཙྩཱདི པེསནེ. ཏྭཡཱ ཀཊོ ཀཱཏབྦོཏི ཨནུཉྙཱཡཾ. པཏྟཀཱལེ པརམུདཱཧརཎཾ. ཨེཏྠ པན ཀཊཀརཎེ ཀཱལཱརོཙནམཏྟམེཝ ཝིཉྙཱཡཏི, ན པེསཱདི. ‘‘སཏྟྱརཧེསྭེཡྻཱདཱི’’ཏི (༦-༡༡) སུཏྟཾ ཝིསེསཝིཧིཏཾ, ཏེནཱཧ- ‘སཱམཉྙ ཝིདྷཱནཏོ’ཙྩཱདི. སཏྟིཝིསིཊྛེཙྩཱདིནཱ ཝུཏྟམཏྠཾ ཝིཝརཏི ‘སཏྟཱི’ཏིཨཱདིནཱ. ཀཐཾ སཏྟིཝིསིཊྛཏཱ ཀཏྟུནོཏི ཨཱཧ- ‘ཏཾཡོགཱ’ཏི. ཏཱཡ སཏྟིཡཱ ཡོགོ ཏཾཡོགོ. ཨཝསྶཀཱདྷམཱིཎཏཱཝིསིཊྛེ ཏུ ཀཏྟརི ཀིཙྩཱནཾ ཏདཉྙེསཉྩ བྷཱཝཱཡ ཝིསུཾ- སུཏྟིཏཾ, ཏེན, ཝུཏྟཾ ‘ཨཱཝསྶཀཱདྷམཱིཎཏཱ ཝིསིཊྛེཝ ཀཏྟརཱི’ཏི. སབྦཏྠེཝེཏྠ ‘ཨུདྡྷཾ མུཧུཏྟཏོ’ཏིཨཱདིནཱ ཨེཀེཀམུདཱཧརཎཾ ཀམེན དསྶིཏཾ. བྷོཏཱ རཛྫཾ ཀཱཏབྦནྟི ཨརཧེ, བྷཝཏཱ རཛྫཾ ཀཱཏབྦནྟི ཨཏྠོ. བྷཝཾ ཨརཧོཏི པན ཨརཧཀཏྟུཏྟཔྤཀཱསནཏྠཾ ཝུཏྟཾ. ཨེཝམུཔརིཔི. སབྦམེཏཾ བཧུལགྒཧཎཱནུབྷཱཝེནེཏི ཝིཉྙེཡྻཾ.

༣༣. ཀཏྟ

གལེཙོཔཀོཏི ཨལོཔསམཱསོ. ཨབྷིམཏོ པརེཧི. ཨརཧཱདཱིསུ ཝིཧིཏཔྤཙྩཡེཧཱིཏི ‘‘སཏྟྱརཧེསྭེཡྻཱདཱི’’ (༦-༡༡) ཙ ‘‘སཱིལཱབྷིཀྑཉྙཱཝསྶཀེསུ ཎཱི’’ཏི (༥-༥༣) ཙ ཨརཧཱདཱིསུ ཝིཧིཏཔྤཙྩཡེཧི. ཨུཔཱདཱནསཱིལོ སིཀྑཱཔནསཱིལོ. མུཎྜནཾ དྷམྨོ སབྷཱཝོ ཡེསཾ ཏེ མུཎྜནདྷམྨཱ. ཝདྷུཾ ཀཏཔརིགྒཧཾ སཱཝིཊྛཱཡནཱ མུཎྜཡནྟི ཨེཏེསཾ ཀུལདྷམྨོ.

༣༥. ཨཱསིཾ

ཀཱཔནཱཡམཱསིཾསཱ ནཱམེཙྩཱཧ- ‘ཨཔྤཏྟསྶེ’ཙྩཱདི. ཀིརིཡཱ ཝིསེསཀཏྟུཝིསཡཱཏི ཀིརིཡཱཝིསེསསྶ ཡོ ཀཏྟཱ སོ ཝིསཡོ ¶ ཡསྶཱ སཱ ཏཐཱ ཝུཏྟཱ. ཀིརིཡཱཝིསེསཀཏྟུཝིསཡཏྟམེཝ ཕུཊཱི ཀཏྟུམཱཧ- ‘ཨསྶཱ’ཨིཙྩཱདི. ཨསྶཱ ཛཱིཝནཀིརིཡཱཡ ནནྡན ཀིརིཡཱཡ བྷཝནཀིརིཡཱཡ ཝཱ ཀཏྟཱ ཏཾཀིརིཡཾ སམྤཱདེནྟོ བྷཝེཡྻ བྷཝཏཱུཏི ཨཏྠོ. ཛཱིཝཏུ ནནྡཏུ བྷཝཏཱུཏི ཨཱསིཾསཱཡཾ པཡོགེན ཛཱིཝཀ ནནྡཀ བྷཝཀསདྡཱནཾ ཏཾསམཱནཏྠཏཱ དསྶིཏཱ.

ཨཀེནེཝཱསིཾ སནཏྠསྶ གམིཏཏྟཱཏི ཨཱསིཾསནཱ ཨེཝ ཨཏྠོ, ཏསྶ ཨཀཔྤཙྩཡེནེཝ གམིཏཏྟཱ ཨཝབོདྷིཏཏྟཱ. ནཱསིཾ སནཏྠསྶ པཡོགོཏི ཨཱསིཾསནཱ ཨཏྠོ ཡསྶ ཛཱིཝཏུ ནནྡཏུ བྷཝཏྭིཙྩཱདིནོ སདྡནྟརསྶ, ཏསྶ ནཔྤཡོགོཏི ཨཏྠོ.

༣༦. ཀརཱ

ཀརོཏི ཨཏྟནོ ཕལནྟི ཀཱརཎཾ.

༣༧. ཧཱཏོ

ཛཧནྟི ཨུདཀནྟི ཝཱིཧཱིསུ ཧཱཡནསདྡསྶ པཝཏྟིནིམིཏྟཾ དསྶེཏི. ཛཧཱཏི བྷཱཝེ པདཏྠེཏི ཨིམིནཱཔི སཾཝཙྪརེ. བྷཱཝེཨིཙྩསྶཏྠམཱཧ ‘པདཏྠེ’ཏི. ནིཔྥཏྟིམཏྟཾ ཀིརིཡོཔཱདཱནནྟི ཀེཙི.

༣༩. ཝིཏོ

ནནུ ཙ ཝིཏོཏི པཉྩམཱིནིདྡིཊྛཏྟཱ ‘ཝིཏོ པརསྨཱ ཉཱཨིཙྩསྨཱ’ཏི ཝཏྟབྦཾ ཀཐཾ ཝིཔུབྦཱཏི ཝུཏྟནྟི ཨཱཧ- ‘ཝིཏོ པརོ’ཨིཙྩཱདི. ཝིཔུབྦོ ཡསྶསོ ཝིཔུབྦོ. ཝིསདྡཏོ དྷཱཏུམྷི པརབྷཱུཏེ སཏི ཝིསདྡོ པུབྦོ ནཱམ ཧོཏཱིཏི ཨཏྠོ.

༤༠. ཀསྨཱ

སབྦཾ ཛཱནཱཏི, ཀཱལཾ ཛཱནཱཏཱིཏི ཝིགྒཧོ.

༤༡. ཀྭཙ

ནཱམཛཱཏིགུཎཀིརིཡཱ དབྦསམྦནྡྷཏོ པཉྩཝིདྷཏྟེཔི ཀམྨསྶ ཀྲིཡཏྠསྶཱཝདྷིརཡམུཔཱདིནྣོཏི ཀྲིཡཏྠསམྦནྡྷཱ ཀིརིཡཱཀམྨསྶེཧ གཧཎཾ. ཏཉྩ ནིབྦཏྟིཝིཀཏིཔཏྟིབྷེདེན ཏིཝིདྷཾ, ཏིཝིདྷསྶཱཔྱེཏསྶ ཝིསེསཱནུཔཱནཏོ གཧཎནྟི ཀམེནུདཱཧརནྟོ ཨཱཧ- ‘ཀརཀརཎེ’ཨིཙྩཱདི.

ལོཀཝིདཱུཏིཨཱདིདསྶནཏོ ¶ ཀྭཙིགྒཧཎེ པཡོཛནཾ ཝཏྟུམཱཧ- ‘ཀམྨཏོ’ཙྩཱདི. ནནུ ཙ ཀྭཙིགྒཧཎེནེཝ ‘ཨཱདིཙྩཾ པསྶཏི’ཙྩཱདོཔི (ནིཝཏྟི) ཝཏྟུཾ སཀྐཱ ཀསྨཱ ‘བཧུལཱདྷིཀཱརཱ’ཏི ཝུཏྟནྟི ཨཱཧ ‘ཏེནེ’ཙྩཱདི. ཏེནཱཏི ཡེན ཀྭཙིགྒཧཎཾ ཀུཏོཙིཡེཝཱཏི དསྶནཏྠཾ ཀཏཾ ཏེནཱཏི ཨཏྠོ. ཏེནཱཏི ཝཱ ཀྭཙིགྒཧཎེན. ཨཐ ཨཱདིཙྩཾ པསྶཏིཙྩཱདོ ཝིཡ ཀམྨཀརཱདཱིསུཔི ནིཝཏྟིམདསྶེཏྭཱ ‘ཀྭཙཱིཏི ཀིཾ ཀམྨཀརོ’ཏི ཀསྨཱ ཝུཏྟནྟི ཨཱཧ- ‘ཡཛྫེཝ’མིཙྩཱདི.

ཏསྶཱཏི བཧུལཝཙནསྶ, མཧཱདྷིཀཱརཏྟཱཏི མཧཱཝིསཡཏྟཱ. ཀུཏོཙིཡེཝཱཏི ཀུཏོཙི དྷཱཏུཏོཡེཝ. ཨཐེཧ ཀསྨཱ ན ཧོཏི དེཝདཏྟོ སཡཏི དཱཏྟེན ལུནཱཏི སུནཁཱནཾ དདཱཏི ནགརཱ ཨཔེཏི ཐཱལིཡཾ པཙཏི མཱཏུ སརཏཱི’’ཏི, སབྦམེཝེདཾ ཀིརིཡཱ (ཡཱ) བྷིསམྦནྡྷཱིཡཏཱིཏི ཡདིཔེཝཾ, ཏཐཱཔི ཀམྨཏྟེནེཝ ཡཾ ཝཏྟུ མིཙྪིཏཾ ན ཀཱརཀནྟརཏྟེན ནཱཔི སམྦནྡྷབྷཱཝེན, ཏསྶེཝ ཀམྨསདྡེན གཧཎཾ ཀམྨཝཙནསཱམཏྠིཡཱ, ཨཉྙཐཱ སྱཱདིཏོཙྩེཝ ཝདེཡྻ ཀིཾ ཀམྨཱཏི ཝཙནེནཱཏི.

༤༢. གམཱ

ཝེདནྟི ཨེཏྠ ཨཏྠམཱཧ ཝིཏྟིནྟི, ཏུཊྛིནྟི ཨཏྠོ.

༤༣. སམཱ

ཏཉྩེཏི ཨུཔམཱནསྶ པརཱམཱསོ. བྷེདེན ཝིཝརཎནྟི སམཱནཱདཱིཧཱིཏི ཨཝཏྭཱ བྷེདེན ཝིཝརཎཾ. ཏུལྱཏཱཡུཔལབྦྷམཱནསྶ སདིསཱདིསདྡཝཙནཱིཡཏྟཱ ཨཝཡཝཏྠཱནུགམེནཱཏྟནོ-བྷིདྷེཡྻེ སདིསཱདིསདྡཱནམྤཝཏྟི ཝེདིཏབྦཱ.

༤༤. བྷཱཝ

ཀཱརཀཾ སཱདྷཀཾ ནིབྦཏྟཀནྟི ཨནཏྠནྟརཾ. ཀརོཏི ཀིརིཡཾ ནིབྦཏྟེཏི ནིམིཏྟབྷཱཝེནཱཏི ཀཱརཀཾ. ཀཏྟཱདཱིནཾ ཀིརིཡཱནིམིཏྟཏྟནྟུ སཡམེཝ ‘ཏཏྠ ཀཏྟཱ’ཏིཨཱདིནཱ བྷེདེན པཀཱསཡིསྶཏི. ཀིརིཡཱནིམིཏྟཾ… ནིབྦཏྟཀེསུ ཀཏྟཱདཱིསུ ཚསུཔི རུལ༹ྷཏྟཱ ཏེནེཏྠ ཀཏྟཱཝཱཏྟཔྤདྷཱནོ, ཀརཎཱདཡོཔྱཔྤདྷཱནཱ ཀཱརཀབྱཔདེསོ ལབྦྷནྟེ… ¶ ཨཉྙཐཱ ཀཱརཀསདྡེན ཏེསཾ གཧཎཾ ན སིཡཱཏི. ཀིམིདཾ ཀཱརཀནྟྱཱཧ- ‘སཏྟིཀཱརཀ’ནྟི. ཨེཝཾ ཙརཧི དབྦཱདཱིནཾ ཀཐཾ ཀཱརཀཏྟམིཙྩཱཧ- ‘ཏདདྷིཀརཎཱ’ཏིཨཱདི. ཏསྶཱ སཏྟིཡཱ ཨཱདྷཱརཱ ནིསྶཡཱཏི ཨཏྠོ, པུཾ ནཔུཾསཀེ ཨདྷིཀརཎསདྡོ. ཏེསུ དབྦཱ དཱིསུ ཏིཊྛཏཱིཏི ཏཏྲཊྛཱ, སཏྟི. ཏསྶཱ བྷཱཝོ ཏཏྲཊྛཏཱ, ཏཱཡ. ཨཐ དབྦཱདཱིནཾ མུཁྱཏོ ཀཱརཀཏྟེ སཏི ཀིམཱཡཱཏནྟྱཱཧ ‘ཡདི’ཙྩཱདི.

ཏེསནྟི ཀཏྟཱདིཀཱརཀཱནཾ. ཨཉྙམཉྙབྱཱཝུཏྟརཱུཔཏྟཱཏི ཨཉྙམཉྙཏོ བྱཱཝུཏྟཾ ནིཝཏྟཾ རཱུཔཾ ཀརཎཱདིསབྷཱཝོ ཡེསཾ ཀཏྟཱདི ཀཱརཀཱནཾ ཏེ ཏཐཱ ཝུཏྟཱ, ཏེསཾ བྷཱཝོ ཏཏྟཾ ཏསྨཱ. ཀརཎ རཱུཔནྟི ཀརཎཾ རཱུཔཾ སབྷཱཝོ ཡསྶ ཨདྷིཀརཎསྶ ཏཾ ཏཐཱ ཝུཏྟཾ. ཨེཝཉྩསཏིཀོ དོསོཙྩཱཧ ‘ཏཐཱ ཙེ’ཙྩཱདི. ཀེནཙི སུཀརཏྟེན སཔྤདྷཱནཏྟཝཙནིཙྪཱཡཾ ‘ཐཱལཱི པཙཏཱི’ཏི བྷཝཏི. ཏཏྲེཝུཀྐཾསཝཙ ནིཙྪཱཡཾ ‘ཐཱལིཡཱ པཙཏཱི’ཏི.

ཨེཝཉྩཀཏྭཱཏི ནིཔཱཏསམུདཱཡོ-ཡཾ ཧེཏྭཏྠོ. ཏསྨཱཏི ཨཏྠོ. ཀཏྟཱ ནིམིཏྟནྟི སམྦནྡྷོ. ཀཏྟུཊྛཀིརིཡཱནིམིཏྟསྶ ཀཏྟུནོ ཨུདཱཧརཎཾ ‘ཧསཏི ནཙྩཏཱི’ཏི. ཏདཏྠེཏི ཏཱཡ ཀམྨསམཝཱཡིནིཡཱ པཙནཱདིཀིརིཡཱཡ ཨཏྠེ ཨདྷིསྶཡནཱདཡོ པཝཏྟེནྟོ ཀིརིཡཱཡ ནིམིཏྟནྟི སམྦནྡྷོ. ཨེཝམུཔརིཔི.

ཨོདནཾ པཙཏི དེཝདཏྟོཏི ཀམྨཊྛཀིརིཡཱཡ ནིམིཏྟབྷཱུཏསྶ ཀཏྟུནོ ཨུདཱཧརཎཾ. བྷཱཛནསངྑརཎམདྷིསྶཡནཾ. ཨཱདིསདྡེན ཏཎྜུལཝཔནཨིནྡྷནཱཔཧརཎཱདཡོ གཡ྄ཧནྟི. དྭིདྷཱཔཏྟིཡནྟི རུཀྑཱདཱིནཾ དྭིདྷཱ པཝཏྟིཡཾ.

བྱཱཔནེཏི སམྦནྡྷེ. གིརདྷཱཏུཏོ ཨཔྤཙྩཡེ- ‘‘ཨེཨོནམ ཝཎྞེ’’ཏི (༡༣༧) སུཏྟེ ‘ཨཝཎྞེཏི ཡོགཝིབྷཱགཏོ གཀཱརེ ཨིཀཱརསྶ ཨཏྟཾ ཧོཏཱིཏི དསྶེཏུམཱཧ- ‘ཨཝཎྞེཏི ཡོགཝིབྷཱགཱ ཨཏྟཾ ཨིསྶཱ’ཏི. ཨཉྙཐཱཔི པཊིཔཱདེཏུམཱཧ- ‘ཨེསྶ ཝཱ’ཏིཨཱདི. ཨེསྶཱཏི ‘‘ལཧུསྶུཔནྠསྶཱ’’ཏི (༥-༨༧) ཀཏཨེསྶ. སཀལེནཱཏི ‘ཨེཨོནམ ཝཎྞེ’’ཏི སཀལེན སུཏྟེན. པུརཱིཏི ནིཔཱཏོ.

ཨཱིསཀྐརོཏི ¶ བིནྡུལོཔོ, དྭིཏྟཾ, སཱམཉྙེན ཝིདྷཱནཏོཏི པརེསཾ ཝིསེསཝིདྷཱནསབྦྷཱཝམཱཧ. གཎིཀཱལཡཾ གཎིཀཱནཾ གེཧཾ. ནེཔཐྱམཱཀཔྤོ. དཏྟོལདྡྷོཏི པཙྩཡསྶ ཀམྨསཱདྷནཏྟཾ དཱིཔེཏུཾཝུཏྟཾ. ཝིནཱལིངྒཝཙནེཧི པཱཊིཔདིཀཏྠཾ ནིདྡིསིཏུཾ ན སཀྐཱཏི བྷཱཝེཏི སབྦལིངྒསངྑྱཱསམྦནྡྷཡོགྒཔཱཊིཔདིཀཏྠསཱམཉྙེ པཙྩཡནིམིཏྟཏྟེན གཧིཏེཔི སཱམཉྙེ ཙརིཏཏྠཏྟཱ ལིངྒཝཙནཾ ནཔྤདྷཱནནྟི ཨིཊྛིཨཱཝུདྷནྟཱི ཨིཏྠི ནཔུཾསཀེབྷཱཝེ, པཱཀཱཏི བཧུཝཙནེཔི བྷཱཝེ བྷཝཏི ཨེཝ.

༤༥. དཱདྷཱ

སཔཱདཱིཧི ཨཔཱདཱིཧིཙཱཏི པཱདིསཧིཏེཧི པཱདིརཧིཏེཧི ཙ དཱདྷཱཧི.

༤༦. ཝམཱ

སཱཔཱནདོཎིཡནྟི སཱརམེཡཱནཾ བྷུཉྫནཀཨམྦཎེ. ཋིཏསུཔཱན ཝམཐུཝིཡཱཏི པཝཏྟསུནཁཙྪདྡནཾ ཝིཡ.

༤༧. ཀྭི

ཡཐཱདསྶནནྟི ཨཱཙིཀྑཏཱིཏི ཡོཛནཱ. ཏེན ཀུཏོཙི དྷཱཏུཏོཏི. གཎྷནྟཱིཏི གཧ=ཨུཔཱདཱནེཙྩསྶ. སལཱཀཱསདྡསྶ སལཱཀནྟི. སབྷཱསཨིཙྩསྶ ཨནྟབྱཉྫནལོཔེ སབྷཱཔཀཏིཏོ ‘‘ཨིཏྠི ཡམཏྭཱ’’ཏི (༣-༢༦) ཨཱཔྤཙྩཡོ. པབྷཱཏཱིཏི ཨཱ=དིཏྟིཡམིཙྩསྶ.

༤༨. ཨནོ

ཙལནཱདཱིནཾ སཱིལཱདཱིསུ ནིཔྥཱདནཏྠཾ ཝིསུཾ སུཏྟིཏཾ པརེཧི, ཨིདྷ པན བཧུལཾ ཝཙནེནེཝཱཏི དསྶེཏུམཱཧ- ‘ཙལནཱདཱིསཱུ’ཏིཨཱདི.

༤༩. ཨིཏྠི

ཀླིཀཡཀིཙྩཏྲ ཀཀཱརབཧུཏྟཱ ཀཀཱརཱཏི བཧུཝཙནཾ. ཏིཏིཀྑཱ ཨིཙྩཱདོ ཏིཏིཀྑནམིཙྩཱདིནཱ ཝིགྒཧོ ‘‘ཨིཏྠིཡམཏྭཱ’’ (༣-༢༦). ཨཔརི པཋིཏོཏི དྷཱཏུཔཱཋེ ཨཔརིཔཋིཏོ. པཱཎིཝིསེསོཏི སཏྟཝིསེསོ. ཨིམིནཱ ཙ ‘‘ཡཐཱཀཐཉྩི ནིཔྥཏྟི, རུལ༹ྷིཡཱ ཨཏྠནིཙྪཡོ’’ཏི དསྶེཏི.

ཨཱསིཾ ¶ སཱཡཾ གམྨམཱནཱཡཾ སཉྙཱཝིསཡེ དྷཱཏཱུཧི ཏིཔྤཙྩཡོ ཀིཙྩཔྤཙྩཡོ ཙ ཡཐཱ སིཡཱཏི ‘‘ཏིཀིཙྩཱསིཊྛེ’’ཏི (༧-༢-༣) སུཏྟིཏཾ ཀཙྩཱཡནེན. ཏམིཧ སཱམཉྙེན ཝིདྷཱནཱཝ སིདྡྷནྟི ནིརཱུཔཡིཏུམཱཧ- ‘ཀཙྩཱཡནེན པནེ’ཙྩཱདི. ཏབྦ ཨནཱིཡཎྱ ཏེཡྻ རིཙྩཔྤཙྩཡཱནཾ ‘‘ཏེ ཀིཙྩཱ’’ཏི (༧-༡-༢༢) ཀིཙྩསཉྙཾ ཝིདྷཱཡ སེསཱནཾ ‘‘ཨཉྙེཀིཏཱི’’ཏི (༧-༡-༢༣) ཀིཏྶཉྙཱ ཀཏཱ ཀཙྩཱཡནེན. ཏེནཱཧ- ‘ཀིཏ སཉྙོ’ཏི.

ཏབྦཱདིཔྤཙྩཡོ ཙ ཝིཧིཏོཏི སཀིཡཝོཧཱརེནཱཧ. སཀིཡ སཏྠེ ཨཝུཏྟདོསཾ [སུཏྟདོསཾ] པརིཧརིཏྭཱ ཝཀྑམཱནནཡེན ཡུཏྱབྷཱཝཱ ཏཐཱ ཝིདྷཱནེ ཨཡུཏྟཏཾ དསྶེནྟོ ‘ནཙཱསིཾ སཱཡ’མིཙྩཱདིམཱཧ. གུཧནཾ, རུཛནཾ, མོདནནྟི ཝིགྒཧོ. སཡནཾ ཝཱ སེཡྻཱ. ཝཛདྷཱཏུནོ ཝསྶ བཀཱརེན བྷཝིཏབྦཾ, སོ ཀཐཾ ཡཀཱརེ པརབྷཱུཏེ ཨསཏཱིཏི ཨཱཧ- ‘ཙཝགྒབཡཉཱཏིཡོགཝིབྷཱགཱ ཝསྶ བོ’ཏི.

༥༡. ཀརཱ

རིརིཡཔྤཙྩཡེ ཨཱདིརཀཱརསྶ ཨནུབནྡྷཏྟཱ ཨཱཧ- ‘ཨནྟསརཱདི ལོཔོ’ཏི.

༥༢. ཨིཀི

ཨཐ སརཱུཔེཙྩེཏཱཝཏི ཝུཏྟེ- ‘ཀིརིཡཏྠསྶ སརཱུཔེ’ཏི ཀཐཾ ཝིཉྙཱཡཏིཙྩཱཧ- ‘ཀིརིཡཏྠཱ’ཏིཙྩཱདི. ནནུ ཙ ལོ-ཡཾ ཀཏྟརི ཝིདྷཱིཡ མཱནོཀཐམེཏྠ སིཡཱཏྱཱཧ- ‘ཨཀཏྟརིཔི’ཙྩཱདི. ཨབྷིམཏོ ཀཙྩཱཡནསྶ. པཊིཔཱདཡིཏུམཱཧ- ‘ཏཏྠཱ’ཏིཨཱདི. ཀརཎཾ ཨུཙྩཱརཎཾ, ཨསྶ ཀརོཏི སམཱསཝཱཀྱཾ. ན ཧི ཨེཝ དཱིཧི ཀཱརོ ཝིཧིཏོཏི ཨཀྑརེ ཧེཝ ཀཱརསྶ ཝིཧིཏཏྟཱ ཨཀྑརསམུདཱཡཏོ ན པཔྤོཏཱིཏི བྷཱཝོ. ཨཐ ཙེཏི མཏཔྤདཱནེ. ཨེཝཱདིསདྡཝཱཙཀཱ ཨེཝཀཱརཱདཡོ སཱདྷཝོཏི ཨཐ མཏནྟི ཨཏྠོ.

ཏཏྠཱཏི ཏཐཱ ཨབྷིམཏེ ཏསྨིཾ. ནིཡམཧེཏུནོ ཨབྷཱཝཱཏི ཨཀྑརེཧེཝ ཀཱརཔྤཙྩཡོ ཝིདྷེཡྻོ ན པན ཨེཝཱདཱིཧིཙྩསྶ ནིཡམསྶ ཡོ ཧེཏུ ཏསྶ ཧེཏུནོ ཨབྷཱཝཱ.

༥༣. སཱིལ

ཀིམིདསཱིལམིཙྩཱཧ- ¶ ‘སཱིལམྤཀཏིསབྷཱཝོ’ཏི. ཏཉྩ སཱིལམནུམཱནེན ཝིཉྙཱཡཏིཙྩཱཧ- ‘ཏཉྩེ’ཙྩཱདི. ཀིརིཡཱཝིསཡརུཙིཝིསེསཱནུམིཏནྟི ཨུཎྷབྷོཛནསངྑཱཏཱ ཀིརིཡཱ ཝིསཡོ ཡསྶ སོ (ཀིརིཡཱ) ཝིསཡོ རུཙིཝིསེསོ, ཏེན ཨནུམིཏནྟི ཨཏྠོ. ཀིམིདམཱབྷིཀྑཉྙནྟི ཨཱཧ- ‘ཨཱབྷིཀྑཉྙ’མིཙྩཱདི. པུནཔྤུནབྷཱཝོ པོནོཔུཉྙཾ. ཨཱསེ ཝཱ ཏཔྤརཏཱཏི ཏམེཝཱབྷིཀྑཉྙཾ པརིཡཱཡེཧི ཕུཊཱིཀརོཏི.

ཡཛྫེཝནྟི ཡདི ཨཱབྷིཀྑཉྙཾ ཏཔྤཏོ ཝུཙྩཏེ. ཏསྶཱིལྱམིདཾ ཧོཏཱིཏི ཨིམིནཱ- ‘སཱིལཱབྷིཀྑཉྙཱདི’’སུཏྟེ སཱིལསདྡེནེཝཱབྷིཀྑཉྙསྶ གཧིཏཏྟཾ དཱིཔེཏི. ཨཉྙཐཱཔི སཱིལཏོ ཨཉྙམེཝཱབྷིཀྑཉྙནྟི དསྶེཏུམཱཧ- ‘ཡསྨིཾ དེསེ’ཏིཨཱདི.

གམྨམཱནེཏི པཏཱིཡམཱནེ. པཏཱིཏི ཙ ཨཏྠཔྤཀརཎསདྡནྟརཱདཱིཧི. ཨབྷིམཏོཏི པཱཎིནིཡེཧི ཨབྷིམཏོ. ཨཱཝསྶཀགྒཧཎཱཡེཝ སིདྡྷོཏི ཝུཏྟཾ ཀཐམེཏྠཱཝསྶམྦྷཱཝོ པཏཱིཡཏི ཙྩཱཧ- ‘ཏཉྩཱ’ཏིཨཱདི.

ཡོགཝིབྷཱགཱཏི ‘ཎཱི’ཏི ཡོག ཝིབྷཱགཱ. སཱདྷུཾ ཀརོཏི, བྲཧྨཾ ཝདཏི, ཨསདྡྷཾ བྷུཉྫཏི, པཎྜིཏམཏྟཱནཾ མཉྙཏཱིཏི ཝིགྒཧོ. སཱདྷུནྟི ཀིརིཡཱཝིསེསནཾ. ཨསྶདྡྷབྷོཛཱིཏི ཝཏེ. ཝཏཉྩ བྷོཛནེ ཨཏྠིཏཱཡཾ སདྡྷཨསྶདྡྷབྷོཛནཝིསཡཱཡཾ པཝཏྟིཡཾ ཡདི བྷུཉྫཏི ཨསྶདྡྷམེཝ བྷུཉྫཏི ན སདྡྷནྟི སཏྠེ ཝུཏྟནིཡམོ, ཨསྶདྡྷཾ བྷུཉྫཏི ཨེཝཱཏི ནོཏྟརཔདཱཝདྷཱརཎཾ… ཨེཝཉྷི ཝིཉྙཱཡམཱནེ ཡདེཝཱསྶདྡྷཾ ན བྷུཉྫཏི ཏདེཝ ཝཏལོཔོ སིཡཱཏི [ཨཏྠིཏཱཡ (བྷོཛནཱཀངྑིཏཏྟཱ) ཡཐེཙྪཾ སཱམཉྙེན བྷོཛནེ པཝཏྟིཡཾ མཏྟཱཡཾ ཨསདྡྷབྷོཛནཾ སཏྠཝིཧིཏམུཔལབྷམཱནསྶ སདྡྷཏོ ནིཝཏྟིཏྭཱ ཝིསེསེ ཧི སདྡྷེ པཝཏྟིནིཡམོ ཝཏམུཙྩཏེ, ནིཡམོཙཱཏྲདུཝིདྷོ སམྦྷཝཏི-ཨསདྡྷཾ བྷཱུཉྫཏི ཨེཝ, ཨཐདྡྷམོ བྷུཉྫཏཱིཏི ཝཱ, ཏཏྲཱདིམེ ནིཡམེ ཡདེཝཱ སདྡྷཾ ན བྷུཉྫཏི ཏདེཝཝཏ ལོཔོསིཡཱ (ར-༣-༢༢༨) ཀཱཏནྟཔཉྫིཀཱ]. ཨཉྙཐཱཔི པཊིཔཱདཡིཏུམཱཧ- ‘གྷཎནྟཱདཱིཧི’ཙྩཱདི.

༥༤. ཐཱཝ

སཡམེཝ ཨཏྟནཱཨེཝ. ཀམྨཀཏྟརཱིཏི ཨུབྷཡཏྠཱཔི ཀམྨཀཏྟརི པཙྩཡོ བཧུལཱདྷིཀཱརཱཏི ཨདྷིཔྤཱཡོ. ཨེཏྠ པན ཨེཀོཔི པདཏྠོ ཀམྨཉྩ ¶ ཧོཏི ཀཏྟཱཙ ཀཱརཀསཏྟིབྷེདཏོ. ཡཐཱ ‘པཱིཡམཱནཾ མདྷུ མདཡཏཱི’ཏི ཨེཀསྶཱཔི སཏྟིབྷེདཱ ཀམྨཏྟཾ ཀཏྟུཏྟཾ, ཏཐཱ ཏྲཱཔཱིཏི ཝིཉྙེཡྻཾ. ཡོ པརཾ བྷཉྫཏི ཏཏྠཔི སིཡཱ སཱམཉྙཝིདྷཱནཏོཏི ཨཱཧ- ‘ནིཔཱཏནསྶི’ཙྩཱདི. དོསནྡྷཀཱརཾ བྷིནྡཏཱིཏི དོསནྡྷཀཱརབྷིདུརོ.

༥༥. ཀཏྟ

བྷཱུཏསདྡེནེཏྠཱདྷིཔྤེཏཏྠམུཔདསྶེཏུམཱཧ- ‘བྷཱུཏམཏཱིཏ’མིཙྩཱདི. ཨཉྙཐཱཏི ཡདྱཏིཀྐནྟཝཙནོ ན སིཡཱཏི ཨཏྠོ.

ནནུཙཱཏྲེཏརེཏརནིསྶཡདོསོ པསཛྫཏེ, སཏཱི ཧི བྷཱུཏཱདྷིཀཱརེཏྟོ ཝིདྷཱིཡཏེ, སཏི ཙ ཏྟེ བྷཱུཏསདྡསྶ ནིཔྥཏྟཱིཏི ཕུཊོ ཡེཝིཏརེཏརནིསྶཡདོསོཏི. ནེསདོསོ, སངྐེཏཱཏི བྱཏྟོ སདྡཏྠསམྦནྡྷོ ཙིརཀཱལཔྤཝཏྟོ, ནཱསྶ ཀིཉྩི ཨསཱདྷུཏྟཾ, ཨཏིཀྐནྟེ ཙཱསྶ ཝུཏྟི སདྡསཏྟིསབྷཱཝཏོ ཝེདིཏབྦཱ. ཀྟཝནྟཱ དཡོཔི ཙརཧི སདྡསཏྟིསབྷཱཝཏོ བྷཱུཏེཨེཝ བྷཝིསྶནྟཱིཏི ན ཝཏྟབྦཾ. བྷཱུཏསདྡོ-ཡམཏིཀྐནྟཏྠེ པསིདྡྷོ ཀྟཝནྟཱདཡོཏྭཔྤསིདྡྷཱ, ཨཏོ ཏེན པསིདྡྷཏྠེནཱཔྤསིདྡྷཱནམནྭཱཁྱཱནཾ ཀརཱིཡཏཱིཏི. བྷཱུཏེཏི ཙཱཡཾ པཀཏིཝིསེསནཾ ཝཱ སིཡཱ ‘བྷཱུཏཏྠེ ཝཏྟམཱནཱ’ཏི, པཙྩཡཏྠ ཝིསེསནཾ ཝཱ’བྷཱུཏེ ཀཏྟརཱི’ཏི, ཏཏྲ ཀསྶིདཾ ཝིསེསནནྟི ཨཱཧབྷཱུཏེཏི པཀཏིཝིསེསན’ནྟི. ཀུཏོཙྩཱཧ- ‘སམྦནྡྷསྶ ཙེ’ཏྱཱདི. ཨཐ པཙྩཡཏྠཝིསེསནེ ཀོ དོསོཙྩཱཧ- ‘པཙྩཡཏྠཝིསེསནེ ཧི’ཙྩཱདི. པཙྩཡཏྠསྶ ཀཏྟུནོ ཨནབྷིཀྐནྟཏྟཱ ཨཡནྟི པཡོགོ ནོཔཔཛྫཏེཏི བྷཱཝོ. ཨབྷིདྷེཡྻེཏི ཨིམིནཱ པཡོཛནཱདིཾ བྱཝཙྪིནྡཏི.

༥༦. ཀྟོ

ཀམྨེ གུཎཱིབྷཱུཏཏྟཱཏི ཀམྨེ སཏི བྷཱཝསྶཱཔྤདྷཱནཏྟཱ. ‘‘གུཎམུཁྱེསུ མུཁྱེཡེཝ ཀཱརིཡསམྤཙྩཡོ’’ཏི མུཁྱེ ཀམྨེཡེཝ པཙྩཡོ, ན ཏུ བྷཱཝེ ཏསྶེཏྠཱཔྤདྷཱནཏྟཱ.

༥༧. ཀཏྟ

ནནུཙཱརམྦྷེཏི ¶ ཝུཏྟཾ- ‘ཀིརིཡཱརམྦྷེ’ཏི ཀཐནྟི ཨཱཧ- ‘སོཙེ’ཙྩཱདི. སོ ཙ ཨཱརམྦྷོ. ཀིརིཡཱཡེཝ ཨཱརམྦྷོཀིརིཡཱརམྦྷོ ཏསྨིཾ. ཀིརིཡཱརམྦྷེཏི སཱམཉྙེན ཝུཏྟཏྟཱ ཀིརིཡཏྠཝིསེསནཾ ཝཱ ཨེཏཾསིཡཱ པཙྩཡཏྠཝིསེསནཾ ཝཱ ཨུབྷཡཐཱཔི ན དོསོཏི དསྶེཏུམཱཧ- ‘ཀིརིཡཏྠཝིསེསནཾ ཙེཏ’ནྟིཨཱདི. པཙྩཡཏྠཝིསེསནཔཀྑེཔི སཱམཏྠིཡཱ ཨཱརམྦྷེ ཀིརིཡཏྠསྶཱཔི པཝཏྟཱི ཧོཏཱིཏི དསྶེཏུམཱཧ- ‘ཀིརིཡཏྠསྶཱཔི’ཙྩཱདི. སཱམཏྠིཡཾ དསྶེཏི ‘སཱམཏྠིཡམྤནཱ’ཏིཨཱདིནཱ. ཨནནྟརསུཏྟེན ཡོ ཝིཧིཏོ ཀྟོ, སོཔི སཱམཉྙེན ཝཙནཏོ བྷཱཝཀམྨེསུ ཨཱརམྦྷེཔི ཧོཏཱིཏི ཡོཛནཱ. སཱམཉྙེན ཝཙནཏོཏི ‘‘ཀྟོ བྷཱཝཀམྨེསཱུ’’ཏི (༥-༥༦) སཱམཉྙེན ཝཙནཏོ. བྷཱཝཀམྨེསུཙེཏི ཨེཝཾ ན ཝུཏྟནྟི ‘ཡཐཱཔཏྟཉྩེ’ཏི ཝདཏཱ ཝུཏྟིཀཱརེནེཝཾ ན ཝུཏྟནྟི ཨཏྠོ.

ཀསྨཱ ཨེཝཾ ན ཝུཏྟནྟི ཨཱཧ- ‘པུབྦསྨིཾ ཝིཡཱ’ཏི ཨཱདི. ཨནིཡམུཔྤཏྟི སཉྙཱཡ སཏི ཉཱཔནནྟི ཏནྣིསེདྷེཏུམཱཧ- ‘པུནབྦཙནཏོ’ཏིཨཱདི. མཱསངྐཱིཏི ཀམྨནི, ཏེནེཝུཔྤཏྟཱིཏི པཋམཱ. ཨེཝཾ མཉྙཏེ ‘‘བྷཱཝཀམྨ གཧཎཾ ཙཱཀཱརེནཱནུཀཌྜྷིཡ ‘བྷཱཝཀམྨེསུ ཙཱ’ཏྱནེན ཀྟེཝིདྷཱིཡ མཱནེ ཨིདམཱསངྐཱིཡཏེ ‘པུབྦེནེཝ སཱམཉྙེན སིདྡྷེ པུནབྦཙནཱ [པུནབྦཙནཾ] ཀིརིཡཏྠཱནིཡམེན ཏྟསྶུཔྤཏྟཱི’ཏི, ཡཐཱཔཏྟཉྩེཏི ཧྱུཙྩམཱནེ ཙཀཱརེན ཡཐཱཔཏྟམྤི ཀཱརིཡམནུཉྙཱཡཏེཏི པུབྦེནེཝ ཝཙནེན བྷཱཝཀམྨེསྭཱརམྦྷེཔི ཡཐཱཔཏྟོ ཀྟོ བྷཝཏཱིཏི ཝིཉྙཱཡཏེ’’ཏི. ཨེཝཉྩརཧི བྷཱཝཀམྨེསྭཱརམྦྷེཔི པུབྦེནེཝ སིདྡྷཏྟཱ ‘‘ཀཏྟརིཨཱརམྦྷེ’’ཨིཙྩེཝ ཝུཙྩེཡྻ ཀིཾ ཙཀཱརེནེ ཙྩཱསངྐིཡཱཧ- ‘པདཱནམཝདྷཱརཎ ཕལཏྟཱ’ཙྩཱདི.

ནནུཙཱདིབྷཱུཏོ ཀིརིཡཱཀྑཎོ ཨཱརམྦྷོ ནཱམ, བཧཱུཧི ཀིརིཡཱཀྑཎེཧི ཀཊེ པརིསམཏྟེཡེཝ བྷཱུཏོ ཀཱལོ ཙ བྷཝཏཱིཏི ཀིརིཡཱཕལསྶཱཔརིནིཔྥནྣཏྟཱ ཝཏྟམཱནོཝ ཀཱལོཏི ཏཏྲཀྟོ ན པཔྤོཏིཙྩཱསངྐིཡཱཧ- ‘ཀིརིཡཱཕལསྶི’ཙྩཱདི. ཀཊེཀདེསསྶཱཔི ཀཊཏྟཱ ¶ ཏསྶ ཙ ནིབྦཏྟཏྟཱ བྷཱུཏཝཙནིཙྪཱཏི བྷཱཝོ. ནནུཙཱདིསཱུཏེ ཀིརིཡཱཀྑཎཀཱལེ ཀཊོ ནཱབྷིནིབྦཏྟོ, ཀཊཀཱརཎབྷཱུཏཱ བཱིརཎཱཝ ཧི ཏདཱ སནྟི, ན ཙ ཏདཝཏྠཱ ཏེ ཨེཝ ཀཊོཏི ཀཐཾ ‘པཀཏོ ཀཊོ’ཏི བྷཱུཏཀཱལེན པཀཏསདྡེན ཀཊསདྡསམཱནཱདྷིཀརཎཏྟམིཙྩཱཧ- ‘ཨཱདིབྷཱུཏེནེ’ཙྩཱདི. ཏཏྠ ཏསྨིཾ ཝིསེསེ. པཀཏྟུཾ ཨཱརབྷི, པཀཏྟུཾ ཨཱརབྷཱིཡིཏྠ, པསོཏྟུཾ ཨཱརབྷི, པསོཏྟུཾ ཨཱརབྷནནྟི ཨཏྠེ ཏྟོ.

༥༨. ཋཱས

ཨནཱརམྦྷཏྠཾཝཙནནྟི ཨཱརམྦྷེ པུབྦེནེཝ སིདྡྷཏྟཱ. ཨཔཱདིནོཔིསིལིསསྶ སཀམྨཀཏྟཱ- ‘ཡེབྷུཡྻེནཱ’ཏི ཝུཏྟཾ. སཀམྨཀཏྠནྟི ཝཏྭཱ སཀམྨཏྟམེསཾ པཱདིཡོགེ སཏི ཧོཏཱིཏི དསྶེཏུམཱཧ- ‘པཱདིསཧིཏཱ’ཙྩཱདི. ཁཊོཔིཀཱ མཉྩོ.

༥༩. གམ

ཨཝིཝཙྪིཏཀམྨོ ཙེཧཱཀམྨཀོཏི ཀཐཡམཱཧ- ‘ཨཝིཛྫམཱནེ’ཙྩཱདི. ཡཱཏཝནྟོ ཡཱཏཱ, ཡཱནཾ ཡཱཏཾ. ཨཡོཡིཏྠཱཏི ཡཱ ཏོ. ཀྟོ ན ཝིདྷཱཏབྦོ པཱཎིནིཡེཧི ཝིཡ. ཀཱརཎསཱམགྒིཡཾ བྷཱུཏཱཡནྟི སསྶཱདིཧེཏུབྷཱུཏསམིདྡྷིཡཾ བྷཱུཏཱཡཾ. སཱ ཙ བྷཱུཏཱ ཡེཝཱཏཱིམིནཱ ཀཱརཎསཱམགྒིཡཱ ཨཏཱིཏཀཱལིཀཏྟམཱཧ.

༦༠. ཨཱཧཱ

ཨཱདྷཱརེཙེཏི ཨནུཝུཏྟིཡཱ ཨེཏྠ ཙཀཱརཏོ ‘ཡཐཱཔཏྟཉྩེ’ཏི སམྦནྡྷཱ ཝུཏྟནྟི སེསོ. ཨེཝཾ ན ཀུཏོཙི ཨཔཀསྶནཾ སིཡཱཏི ཨེཝམཱདྷཱརཱདིཀེ ཨནུཝཏྟམཱནེ སཏི ཀུཏོཙི ཨཱདྷཱརཱདིཏོ ཨཔཀསྶནཾ ཝིསུཾ ཀརཎཾ ན སིཡཱཏི ཨཏྠོ. ཏཐཱ སཏི ཧེཊྛཱ སུཏྟེནེཀཡོགམེཝ ཀརེཡྻཱཏི ཨདྷིཔྤཱཡོ. བྷཱཝཀམྨེསཱུཏི སམྦཛ྄ཛྷཏེཏི ཡོཛནཱ.

བཧུལསྶ བྷཱཝོ ཀམྨཾཝཱཏི བཧྭཏྠཱདཱནམེཝཱཏྲ བཧུལསདྡསྶ པཝཏྟིནིམིཏྟཾ བྷཱཝོ ཀམྨཾཙེཏི ཏཏྠ པཙྩཡོ. ཀེཙཱིཏི པཱཎིནིཡེ ཡེཝ སནྡྷཱཡཱཧ. ཏསྶཱཔི བྷཱུཏེཡེཝ པཝཏྟིམུཔདིསཏི ‘སོཔི’ཙྩཱདི

ནཱ ¶ . བྷིཛྫམཱནནྟི པཙྩམཱནཾ. པརརཱུཔེན པསྶིནྣོཏི ཡོཛནཱ. ཀེཙིཏི ཏེཡེཝ. ‘‘མཏིབུདྡྷིཔཱུཛཏྠེཧི ཙེ’’ཏི (༣-༢-༡༨༨) ཏེསཾ སུཏྟེ ཙསདྡཱཀཌྜྷིཏེ དསྶེཏི ‘ཡཐཱ’ཏིཨཱདིནཱ. ཨཀྐོཙྪི ཏནྟི ཀམྨེ ཝིགྒཧམཱཧ, ཏནྟི ཀམྨཔདཾ, ཨེཝམུཔརིཔི ཙུརཱདིཎིལོཔེ ‘‘ནིམིཏྟཱབྷཱཝེ ནེམིཏྟིཀསྶཱཔྱབྷཱཝོ’’ཏྱཱཀཱརནིཝཏྟི. ཀསིརཡཾ གཏྱཱདྱནེ ཀཏྠོ, ཀཊྛཾཏྱཏྲ ཀིམཏྠོཏི ཨཱཧ- ‘ཨེཏྠ ཧིཾསཏྠོ’ཏི.

ཧེཏུནོཏི དུཀྑཕལསྶ ཧེཏུནོ ཨགྱཱདིནོ. ཀཊྛསདྡསྶ ཕལཧེཏུབྷཱུཏེ ཨགྱཱདིཀེ ཝཏྟམཱནེ ཨེཝཾ ཧོཏུ ཕལེཝཏྟམཱནེ ཀཐནྟི ཨཱཧ- ‘ཡདཱཔནཱ’ཏིཨཱདི. ཀོདྷཱཏིཀོ ཨིདྷ.

༦༡. ཏུཾཏཱ

ནནུ ཙ བྷཱཝེཨིཏི བྷཝཏིནཱཡཾ གྷཎནྟེན ནིདྡེསོ ཀརཱིཡཏཱིཏི བྷཝཏིཝིསཡོཝ པཙྩཡཏྠནིདྡེསོ ཀཏོ བྷཝཏི, ཏཏོ ཙ བྷཝཏིནོ ཡོ བྷཱཝོ ཏསྨིཾཡེཝ ཝཱཙྩེ པཙྩཡོ སིཡཱ, སོ ཙ བྷཝཏིཏོ ཡེཝུཔྤཛྫམཱནེན པཙྩཡེན སཀྐཱབྷིདྷཱཏུཾ ཏཏོ ཏསྨཱཝ པཙྩཡེན བྷཝིཏབྦཾ, ཏསྨཱ ཀཐཾ པཙིཏུཾ པཱཀོ ཙཱགོ རཱགོཏིཔཙཱདཱིཧིབྷཝཏི ཙྩཱཧ- ‘བྷཝནཾབྷཱཝོ ཀིརིཡཱདྷཱཏྭཏྠོ’ཏི.

ཀིརིཡཱསཱམཉྙཉྷི སབྦདྷཱཏྭཏྠཱནུགཏཾ བྷཝཏིསྶཏྠོ, ཏེན ཀིརིཡཱསཱམཉྙཝཱཙིནཱཏྠནིདྡེསོ ཀརཱིཡམཱནོ སབྦདྷཱཏུཝིསཡེ ཀཏོ བྷཝཏི ཏསྨཱ པཙཱདཱིཧིཔི བྷཝཏཱིཏྱདྷིཔྤཱཡོ.

ནནུ ཙཱཏྲ ཏུམཱདཡོ བྷཱཝེ བྷཝནྟཱིཏི ཝུཏྟེ ན ཝིཉྙཱཡཏེ ཀིཾཝིསེསིཏེ བྷཱཝེ ཏུམཱདཡོ བྷཝནྟིཙྩཱཧ- ‘ཡཏོ’ཙྩཱདི. ཏསྶཱཏི དྷཱཏུནོ. ཡོ ཝཏྟབྦོ བྷཱཝོཏི ཡོ ཝཱཙྩོ བྷཱཝོ. ཀུཏོཙྩཱཧ- ‘སམྦནྡྷཱ’ཏི. ཏུམཱདཱིནཾ ཡཱ པཀཏི ཏཱཡ ཝཱཙྩེནེཝ བྷཱཝེན སཧ སམྦནྡྷཱཏི ཨཏྠོ. ཋཱཏབྦནྟི བྷཱཝེ ཏབྦོ. ཨཐ ཀྲིཡཱཡཾཏྱནེན ཏབྦཱདྱབྷིཧིཏསྶ དབྦརཱུཔཱཔནྣསྶ བྷཱཝསྶ ཀཐཾ གཧཎཾཏྱཱཧ- ‘ཡདིཔི’ཙྩཱདི. སཀནིསྶཡཀིརིཡཱབྱཔདེསོཏི དབྦ རཱུཔསྶ ཨཏྟནོ ནིསྶཡབྷཱུཏཱཡ ཀིརིཡཱཡ བྱཔདེསོ དཊྛུཾ ཙཀྑུཙྩཱདོ བྷཝནཀིརིཡཱཡ པཏཱིཡམཱནཏྟཱ ཏུམཱདཡོ བྷཝནྟེཝ.

ནནུ ¶ ཙ ཏུམཱདཱིནཾ བྷཱཝེ ཝིཧིཏཏྟཱ ཀིརིཡཱཡེཝ པདྷཱནཏྟནྟི ཀམྨ ཀཱརཀཾ ནཔྤཏཱིཡཏེཏི ཀཐཾ ‘ཀཊཾ ཀཱཏུཾ གཙྪཏཱི’ཏི སིཡཱཙྩཱ སངྐིཡ པཊིཔཱདེཏུམཱཧ- ‘ཡདིཔི’ཙྩཱདི. དྷཱཏྭཏྠཀཏོ ཀིརིཡཱསངྑཱཏེན དྷཱཏྭཏྠེན ཀཏོ. ཨཏྠཱིཏི ཨིམིནཱ ཡཏྠ ‘སུཔྱཏེ དེཝ དཏྟེནེ’ཙྩཱདོ ནཏྠི, ཏཏྠ ན ཀམྨམྤཏཱིཡཏེཏི དསྶེཏི.

‘‘ཨིཙྪཏྠེསུ སམཱནཀཏྟུཀེསུ ཏཝེཏུཾ ཝཱ’’ཏི (༤-༢-༡༢) ཀཙྩཱནེན ཨཏདཏྠཱཡམྤིཀིརིཡཱཡཾ ཏུམཱདཡོ ཡཐཱསིཡུནྟི ཝིསུཾ སུཏྟིཏཾ, ཏེནཱཧ- ‘ཨིཙྪཏྠེསྨི’ཙྩཱདི. ཡཐཱ ‘བྷོཏྟུཾ པཙཏཱི’ཏྱཱདོ བྷོཛནཀིརིཡཱ པཡོཛནཱ པཙནཀིརིཡཱ ཧོཏི, ནེཝམེཏྠ ཏཔྤ ཡོཛནཱ ཨིཙྪཱ… པཙནཀིརིཡཱཡཝིཡཏཔྤཡོཛནཏྟཱབྷཱཝཏོཏི ཨཡམསྶཱདྷིཔྤཱཡོ. པུནེཙྩཱདིནཱ ཝུཏྟཱནིཊྛཔཱཏསྶཱསངྐཾ ཝིརཙཡམཱཧ- ‘ཨཏདཏྠཱཡམྤི’ཙྩཱདི.

ཨིཙྪཏྠསྶ དྷཱཏུནོ པཡོགཱཏི ཨིམིནཱ ‘ཨིཙྪནྟོ ཀརོཏཱི’ཏི ཨེཏྠ ཨིཙྪནྟོཏི ཨིཙྪཏྠསྶ དྷཱཏུནོ པཡོགཏྠམེཝ, ན ཨིཙྪཱཡ པཡོཛནཾ ཀརཎནྟི དཱིཔེཏི. དེཝདཏྟཾ བྷུཉྫམཱནམིཙྪཏཱིཏེཏྠ བྷོཏྟུནྟི ན ཧོཏི སམཱནཀཏྟུཀེསཱུཏི ཝཙནཏོ, བྷོཛནསྶ དེཝདཏྟོ ཀཏྟཱ, ཨིཙྪཏིསྶ ཨཉྙོཡེཝཱཏིཔི སུཏྟསྶ ཝིསུཾ པཡོཛནཾ ན ཝཏྟབྦནྟི དསྶེནྟོ ཨཱཧ- ‘དེཝདཏྟ’མིཙྩཱདི.

ཨིཙྪཏིསྶཱཏི’དེཝདཏྟཾ བྷུཉྫམཱནམིཙྪཏཱི’ཏི ཨེཏྠ ཨིཙྪཏཱིཏི ཝུཏྟཨིསིསྶ. སཱདྷནཾ ‘དེཝདཏྟཾ བྷུཉྫམཱན’ནྟི ཝུཏྟཀམྨསངྑཱཏཾ ཨཏྠོ པཡོཛནཾ ཡསྶ སོ སཱདྷནཏྠོ-ཨིཙྪཏི. ཏསྶ བྷཱཝོ ཏཏྟཾ, ཏསྨཱ. ཀམྨམེཝིཙྪཱཡ པཡོཛནབྷཱཝེ ཋིཏནྟི བྷཱཝོ. ནིརཏྠཀནྟི ཨེཏདཏྠམེཝ སམཱནཀཏྟུཀགྒཧཎཾ ཀཏཾ ཏཉྩ ཡཐཱཝུཏྟེན པསངྒཱབྷཱཝཱ ནིརཏྠཀནྟི ཨདྷིཔྤཱཡོ.

སཀཱདྱཏྠེསུ དྷཱཏཱུ སཱུཔཔདེསུ དྷཱཏུ མཏྟཱ ཏུམཱདཡོ སུཏྟནྟརེན ཝིཧིཏཱ པཱཎིནིཡེཧི, ཏེནཱཧ- ‘སཀཱདིདྷཱཏུཔྤཡོགེ’ཏིཨཱདི. སིདྡྷཱཏི ཏུམཱདཡོ སིདྡྷཱ. བྷུཛིཀིརིཡཏྠཱཏི བྷུཛིཀིརིཡཱ ཨཏྠོ ཡསྶཱ སཏྟིཡཱ སཱ བྷུཛིཀིརིཡཏྠཱ པཏཱིཡཏེ. པཏཱིཡ མཱནཏྟེ ¶ ཀཱརཎམཱཧ- ‘ཨསཏོཔི ཧི’ཙྩཱདི. པརེཧེཏྠ ཨཀིརིཡཏྠོཔཔདཏྠོ པུནཱརབྦྷོཏི ཝཎྞིཏཾ. ཏདེཏཾ ཝིགྷཊཡིཏུམཱཧ- ‘ཏེནེ’ཙྩཱདི. པརེསམཡམདྷིཔྤཱཡོ ‘‘སཀྐོཏི བྷོཏྟུཾཏྱཱདོ ཀོསལྱཾ གམྱཏེ. གིལཱཡཏི བྷོཏྟུཾཏི ཏདསཏྟི. གྷཊཏེ བྷོཏྟུཾཏྱཱདོ ཡོགྱཏཱ. ཨཱརབྷཏེ བྷོཏྟུཾཏྱཱདོབྷུཛིསྶེ ཝཱདྱཝཏྠཱཀིརིཡནྟརཾ. ལབྷཏེ བྷོཏྟུཾཏི ཨཔྤཙྩཀྑཱནཾ. ཨཏྠི བྷོཏྟུནྟིཨཱདཱིསུ སམྦྷཝམཏྟཾ. ཝཊྚཏི བྷོཏྟུཾཏྱཱདོ དོསཱ བྷཱཝོ གམྱཏེ. སཀྐོཏིཙྩཱདིནོ ཨུཔཔདསྶ བྷོཛནཱདིཀིརིཡཏྠཏཱ ན གམྱཏེ ཏསྨཱ ཨཀིརིཡཏྠེསུཔི སཀཱདཱིསཱུཔཔདེསུ ཏུམཱདཡོ བྷཝནྟཱི’’ཏི.

པཏཱིཡམཱནེསྭཔྱེཏེསྭཏྠནྟརེསུ ཏཱདཏྠིཡམཏྠིཡེཝཱཏི པུབྦེན ཝིཧིཏསྶ ཏུམཱདིནོཏྲ ན བཱདྷེཏི དསྶེཏུམཱཧ- ‘ཡདིཔི’ཙྩཱདི. ཏཱདཏྠིཡམཏྠིཡེཝཱཏི བྷོཛནཀིརིཡཏྠཏཱ སཀྐོཏིཨཱདཱིནཾ ཨཏྠི ཡེཝཱཏི ཨཏྠོ སིདྡྷཱཡེཝ ‘‘ཏུཾཏཱཡེ’’ཙྩཱདིནཱ. ཨལམཏྠཝིསིཊྛེསུ པརིཡཏྟིཝཙནེསཱུཔཔདེསུ དྷཱཏུཏོ ཏུམཱདཡོ ཝིཧིཏཱ པརེཧི, ཏཏྠཱཧ ‘ཨལམཏྠཝིསིཊྛེ’ཨིཙྩཱདི. པཧུསདྡམྤི ཨནྟོགདྷཾ ཀཏྭཱ ‘སམཏྠཱདཱི’ཏི ཝུཏྟཾ, བྷཝཏིསྶ སམྦྷཝོ ‘‘པུབྦེཀཀཏྟུཀཱན’’ནྟི (༥-༦༣) ཨེཏྠ བྱཱཁྱཱཡིསྶཏེ. ཨབྷིམཏཱཏི ཀཙྩཱཡནེན ‘‘ཨརཧསཀྐཱདཱིསུ ཙེ’’ཏི (༤-༢-༡༣) ཙསདྡེན ཨབྷིམཏཱ ཨིམསྶཱཏི ‘ཀཱལོ བྷོཏྟུཾ’ཏིཨཱདིནོ. ཡཐཱ བྷོཏྟུམནོཏིཨཱདིནཱ པརེསམྤི ཨཡམེཝ ནིཔྥཏྟིཀྐམོཏི དཱིཔེཏི. ཨབྱབྷིཙཱརཏོཏི ཨཝིནཱབྷཱཝཏོ, བྷཝཏི བྷོཛནཾ བྷཱཝོཏི བྷོཛནཾ བྷུཉྫནཾ བྷཱཝོ བྷཝཏཱིཏི ཨཏྠོ. ནཏུགམིསྶཀིརིཡཱཏདཏྠཱཏི གམནཀིརིཡཱ བྷོཛནཏྠཱ ན ཧོཏཱིཏི ཨཏྠོ. ཨཏྠསདྡོཧྱཡཾ པཡོཛནཝཙནོ ཡཉྩ ཡམུདྡིསྶ པཝཏྟཏི, ཏཾ ཏསྶ པཡོཛནཾ བྷཝཏི. ནཙཱཡཾ བྷོཛནམུདྡིསྶ གམིསྶཏི, ཀིཉྩརཧི ཀཱརིཡནྟརཾ, ཀེཝལཾ ཏེན ནིམིཏྟེན སམྦྷཱཝཱིཡཏེ. ཡདཱ ཏུ བྷོཛནཏྠམེཝཱརབྦྷཏེ གམནཀིརིཡཱ, ཏདཱ བྷཝཏྱེཝ’གམིསྶཏི བྷོཏྟུ’ནྟི.

ཏུཾཝིསཡེ ཎཀོཔི ཝིཧིཏོ པཱཎིནིཡེཧི, ཏཏྲཱཧ- ‘ཀཱརཀོ ཝཛཏི’ཙྩཱདི. པརིཧཱརམཱཧ- ‘པུབྦེ’ཙྩཱདིནཱ. ‘ཀཏྟརིལྟུ’ཙྩཱདིནཱ ཡོཡཾ ¶ ཎཀོ ཏཱིསུཔི ཀཱལེསུ སཱམཉྙེན ཝིཧིཏོ, ཀྲིཡཏྠཱ ཡཾ ཀྲིཡཱཡཾ ཨུཔཔདེ ཀཏྟུནོ-བྷིདྷཱནཾ སིདྡྷཾ, ན ཙཱསྶ ཝིསེསཝིཧིཏེན ཏུཾཔཙྩཡེན བཱདྷཱ བྷིནྣཏྟཱ, ཏུཾཔཙྩཡསྶ ཧི བྷཱཝེ ཝིདྷཱནཾ ཎཀསྶ ཏུ ཀཏྟརཱིཏི. པུབྦཎཀེནེཝ སིདྡྷེཔི ལྟྭཱདིནིཝཏྟིཡཱ སོ ཝིདྷེཡྻོཝ, ནོ ཙེ ལྟྭཱདཡོཔི སིཡུནྟི ཙོདཀཔྤསངྒམཱསངྐིཡཱཧ- ‘ནཙེཝ’མིཙྩཱདི. ཨཝགམཱབྷཱཝམེཝ ཕུཊཡིཏུམཱཧ- ‘ནཧིཾ’ཙྩཱདི. ཧི ཡསྨཱཏྱཏྠེ ཡོ ཨེསོ ཝཛཏི སོ ཀཏྟཱ, ཡོ ཨེསོ ཝཛཏི སོ ཝིཀྑིཔོཏྱཡམཏྠོ-ཏྲ གམྱཏེ, ན པན ཏེཧི ཏཱདཏྠིཡཾ གམྱཏེཏི ཨཏྠོ. ཙོདཀོ ལྟྭཱདཱིཧི སཱམྱམཱཔཱདཡིཏུཾ སཱམརིསཾ ཝུཏྟཝིདྷིནེཝཱཔྤཏྟིཾ ཎཀསྶཱཔྱཱཧ- ‘ཎཀོཔི’ཙྩཱདི. ཨགཏྠཾ [ཨཔཀཏཏྠཾ (པོཏྠཀེ)] ཡདིཔི ཎཀེན ཏཱདཏྠིཡཾ ན གམྱཏེ པཀརཎཏོ གམྱཏེཏི ཎཀོ བྷཝིསྶཏཱིཏྱཱསངྐིཡ ཙོདཀོ ཨཱཧ- ‘ཨཐེ’ཙྩཱདི. པུབྦེཙྩཱདིནཱ ཝུཏྟོ-ཡཾ ‘ཎཀོ ན ཝིདྷེཡྻོ’ཙྩསྶ ན པརིཧཱརོ… སོཏྟརཏྟཱ ཡཐཱཝུཏྟེན, ཀིནྟུ‘ཏསྨཱ ནེཝི’ཙྩཱདིནཱ ཨིམིནཱ ཝུཙྩམཱནོཝཔརིཧཱརོཏིཝིཉྙཱཏབྦཾ. ཏདེཝཾལྟྭཱདཱིནམྤིཔཏྟིཏོཎཀལྟྭཱདཱིཧི ཏཱདཏྠིཡཱནཝགམེ ཝིནིཙྪིཏེ ཏཱདཏྠིཡཝིསེསེན ཏེསཾ སམྦྷཝོཏི ཨནཏྠཀཾ ‘‘ཎཀསྶ ཀིརིཡཏྠོཔཔདསྶཝིདྷཱནཾ ལྟྭཱདིཔཊིསེདྷནཏྠ’’ནྟི ཝཱཀྱཀཱརཝཙནནྟི སཏྠཀཱརོ ནིགམཡམཱཧ- ‘ཏསྨཱ’’ཙྩཱདི. བྷཝཏུ པཀརཎཏོཝ [ཙཱཔཙྩཡབྷོཝ] ཏཱདཏྠིཡཱཝགམོ, ཏཐཱཔིཎཀོ པརོ ཝིདྷེཡྻོཏྱདྷིཔྤཱཡེནཱཧ- ‘ཨཐཱཔི’ཙྩཱདི. གཏཏྟཾ. བྷཝིསྶཏི ཀཱལེ ཀྲིཡཏྠཱཡཾ ཀྲིཡཱཡམུཔཔདེ བྷཱཝེ ཙ ཎཔྤཙྩཡཱདཡོ ཝིཧིཏཱ, ཏཏྲཱཧ- ‘པཱཀཱཡ ཝཛཏི’ཙྩཱདི. ཨཝིཧིཏེསུཔི ཏཱདཏྠིཡཱ སིདྡྷམེཝེཏི ཨདྷིཔྤཱཡོ.

༦༢. པཊི

སོཏུནཱདཱིསུ ‘སཝནཾ ཀཱཏུན’ཨིཙྩཱདིནཱ ཝིགྒཧོ. སུཏེནེཏི སཝནནྟི ཝིགྒཧོ.

༦༣. པུབྦེ

ཝེཏི ནཱཏིསམྦཛ྄ཛྷཏེ ཝིདྷིནོ ནིཙྩཏྟཱ. ཨེཀསདྡསྶཱནེཀཏྠཏྟཱ ཝིསེསེཏི ¶ ‘སཁྱཱཝཙནོཡམེཀསདྡོ’ཏི. ཀུཏོཙྩཱཧ-‘སདྡཱན’མིཙྩཱདི. ཨེཀསདྡསྶ སངྑྱཱཝཙནཏྟེ ཡོཏྠོ སམྤཛྫཏེ, ཏམཱཧ ‘ཨེཀསངྑྱཱཝཙྪིནྣོ’ཏི, ཏདཏྠཱཏི ཀྲིཡཏྠསྶཏྠཱ. ཡདིཔི ‘པུབྦཾ བྱཱཔཱར’ནྟི སམུདཱཡེ ཨེཀདེསབྷཱུཏོ བྱཱཔཱརོ ནིདྡྷཱརིཡམཱནོཏི ཝུཏྟཾ, ཏཐཱཔི པུབྦསདྡེན བྱཱཔཱརཝཱཙཀོ ཀྲིཡཏྠོ ཝུཙྩཏེ ཨུཔཙཱརཱ, ཏེནེཝ ‘ཏེསུ ཡོ པུབྦོ ཏདཏྠཏོ ཀྲིཡཏྠཱ’ཏི ཝུཏྟིཡཾཝུཏྟཾ. ནནུ ཙ སཏྟི ཀཱརཀཾ, ཨཉྙཱ ཙ པུབྦཀཱལཀིརིཡཱཡ སཏྟི, ཨཉྙཱ ཨུཏྟར ཀཱལཀིརིཡཱཡ, ཏསྨཱ ཀུཏོ ཨེཀཀཏྟུཀཏྟམིཙྩཱསངྐིཡ པཊིཔཱདེནྟོ ཨཱཧ- ‘ཡདིཔི’ཙྩཱདི. སཏྟིམཏོ དབྦསྶཱཏི དེཝདཏྟཱདིནོ སཏྟིམཏོ དབྦསྶ. ཏདཛ྄ཛྷཱརོཔཱཏི ཨེཀཏྟསྶ ཨཛ྄ཛྷཱརོཔཱ. ཨེཀ ཀཏྟུཀཱནཾ བྱཱཔཱརཱནཾ ཀམཱབྷིདྷཱནཱཡ ཏུནཱདཡོ ཝིདྷཱིཡམཱནཱ བྷཱཝེཡེཝུཔྤནྣཱ སཀྐོནྟི ཀམམབྷིདྷཱཏུནྟི བྷཱཝེཏྱཏྲཱབྷིསམྦཛ྄ཛྷཏེ.

ཨེཀཀཏྟུཀཱནནྟི བཧུཝཙནཏྟཱ ‘བྷུཏྭཱ པིཏྭཱ ཝཛཏཱི’ཏིཔི བྷཝཏི. བྷུཏྟསྨིནྟེཏྠ ཨནེཀཀཏྟུཀཏྟཱ བྷུཉྫིཏྭཱཔི བྷཝཏི. པཱཎིནི ཡཱནམིཝ ཝིསུཾ ཝཙནམནྟརེན ཏུནཱདིཝིདྷིཔྤཊིཔཱདཡམཱཧ- ‘མུཁཾ བྱཱདཱཡ སུཔཏི’ཙྩཱདི. བྱཱདཱཡཱཏི དཱདྷཱཏུསྶ ཝིཨཱཔུབྦསྶ ཏྭཱཔྤཙྩཡེ ‘‘པྱོ ཝཱ ཏྭཱསྶ སམཱསེ’’ཏི (༥-༠༦༤) ཏྭཱསྶ པྱཱདེསེ རཱུཔཾ, མུཁཝིཝརཎཾ ཀཏྭཱཏྱཏྠོ, བྱཝདྷཱཡཀཀཱལསྶཱཏི བྱཱདཱན སུཔནཱནམནྟརེཡོ ཀཱལོ ཏསྶ, བྷེདཱནུཔལཀྑཎནྟི བྷེདསྶཱདསྶནཾ. བྷེདསྶཱིནཾ ཀེསཉྩིཝིཛྫམཱནཏྟཱ’ཀེཧཱིཙཱི’ཏི ཝུཏྟཾ. སཧབྷཱཝེཔཱིཏི བྱཱདཱནསུཔནཱནཾ སཧབྷཱཝེཔི. ཝཌྜྷིཏཀོ བྷཏྟརཱསི.

ཨབྷིམཏཱ པཱཎིནིཡཱནཾ, པརཱཡ ནདིཡཱ པབྦཏོ-ཝརོ ཝིསེསཱི ཡཏེཏི ཨཔྤཏྭཱ ནདིམྤབྦཏོ’ཏི ཝུཏྟེ ནདིཡཱ ཨོརབྷཱགེ པབྦཏོཏི ཨཏྠོ. བྷཝཏི, ཏཏོ ཙ པཱརེབྷཱུཏནདཱིཝིསིཊྛོ པབྦཏོ པཏཱིཡཏེ. ཨཝརེན པབྦཏེན པརཱ ནདཱི ཝིསེསཱིཡཏེཏི ཨཏིཀྐམྨ པབྦཏཾ ནདཱིཏི ཝུཏྟེ པཱརེ ནདིཡཱ ཨོརེ པབྦཏོཏི ཨཏྠོ པཏཱིཡཏེ, ཏཏོ ཙ ཨོརབྷཱགེ པབྦཏཝིསིཊྛཱ ནདཱི ཝིཉྙཱཡཏེ. བྷཝཏིནོ སབྦཏྠ སམྦྷཝེ སཏི ཨེཀཀཏྟུཀཏཱ པུབྦཀཱལཏཱ ཡཐཱ གམྱ ཏེ ¶ ཏཐཱ དསྶེཏི ‘པཋམཾ ན པཔྤོཏི’ཙྩཱདི. ནིགམཡཏི ‘ཏདེཝ’མིཙྩཱདིནཱ.

བྷུཏྭཱ བྷུཏྭཱ གཙྪཏཱིཏི པརེ-ཉྙཐཱ ནིཔྥཏྟིམཱཀངྑནྟི པཱཎིནིཡཱདཡོ, ཏཏྲཱཧ- ‘ཨེཀཀཏྟུཀཱན’མིཙྩཱདི. ཨཱབྷིཀྑཉྙཱཝགམེ ཀཱརཎཾ པུཙྪཏི ‘ཡཛྫེཝ’མིཙྩཱདི. ཝུཏྟམེཝ ཕུཊཡཏི ‘ཡེཧི’ཙྩཱདིནཱ. ཡེཧཱིཏི ཝེཡྻཱཀརཎེཧི. ཛིཝགྒཱཧཾ ཨགཱཧཡིཙྩཱདོ པརེཉྙཐཱ པཊིཔནྣཱཏདཱཧ- ‘ཀམྨ’མིཙྩཱདི. སཀངྒེཏི པཱཎིཔཱདཱདིཀེ-ཏྟནིཡེཝཡཝེ. ཎཾ པཙྩཡོ ཨབྷིམཏོཏི སམྦནྡྷོ. ཀིཾ ཎམྤཙྩཡེནཱཏི ཨིདཾ ཝུཏྟཾ ཧོཏཱིཏི སམྦནྡྷོ. ཨཉྙཐཱ སིདྡྷིཔྤཀཱརམཱཧ- ‘ཛཱིཝསྶི’ཙྩཱདི. ཀིཾ ཝིསིཊྛནྟི པུཙྪིཏྭཱ ཛཱིཝགྒཱཧེན ཝིསིཊྛནྟི དསྶེཏུཾ ཛཱིཝགྒཱཧ’ནྟི ཨཱཧ. ཛཱིཝགྒཱཧསངྑཱཏཾ གཧཎམཀཱསཱིཏི ཨཏྠོ.

ཨཱཁྱཱཏནྟི ཨགཱཧཡཱིཏི ཨཱཁྱཱཏཾ ཀཏྟབྦརཱུཔནྟི ཨིམཱནཱ གཧཎ ཀིརིཡཱཡ ཀམྨཏྟཾ བོདྷེཏི. ཏབྦིསེསནམྤཱིཏི ཀཏྟབྦརཱུཔཱཡ གཧཎ ཀིར�