ཨཉྙ > བྱཱཀརཎ གནྠ-སངྒཧོ > ཨབྷིདྷཱནཔྤདཱིཔིཀཱཔཱཋ

MMR Vol 0

Misc. Paragraph

ཨབྷིདྷཱནཔྤདཱིཔིཀཱ

བུདྡྷཔྤཎཱམོ

ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ

ནཱམལིངྒེསུ ཀོསལླ, མཏྠནིཙྪཡཀཱརཎཾ;

ཡཏོ མཧབྦལཾ བུདྡྷ, ཝཙནེ པཱཊཝཏྠིནཾ.

ནཱམལིངྒཱནྱ’ཏོ ¶ བུདྡྷ, བྷཱསིཏསྶཱ’རཧཱནྱ’ཧཾ;

དསྶཡནྟོ པཀཱསེསྶ, མབྷིདྷཱནཔྤདཱིཔིཀཾ.

བྷིཡྻོ རཱུཔནྟརཱ སཱཧ, ཙརིཡེན ཙ ཀཏྠཙི;

ཀྭཙཱ’ ཧཙྩཝིདྷཱནེན ཉེཡྻཾ ཐཱིཔུནྣཔུཾསཀཾ.

ཨབྷིནྣལིངྒཱནཾཡེཝ, དྭནྡོ ཙ, ལིངྒཝཱཙཀཱ;

གཱཐཱཔཱདནྟམཛ྄ཛྷཊྛཱ, པུབྦཾ ཡནྟྱཔརེ པརཾ.

པུམིཏྠིཡཾ པདཾ དྭཱིསུ, སབྦལིངྒེ ཙ ཏཱིསྭིཏི;

ཨབྷིདྷཱནནྟརཱརམྦྷེ, ཉེཡྻཾ ཏྭ’ནྟ མཐཱདི ཙ.

བྷིཡྻོ པཡོག མཱགམྨ, སོགཏེ ཨཱགམེ ཀྭཙི;

ནིགྷཎྜུ ཡུཏྟི ཉྩཱནཱིཡ, ནཱམལིངྒཾ ཀཐཱིཡཏཱིཏི.

བུདྡྷོ དསབལོ སཏྠཱ, སབྦཉྙཱུ དྭིཔདུཏྟམོ;

མུནིནྡོ བྷགཝཱ ནཱཐོ, ཙཀྑུམ’ངྒཱིརསོ མུནི.

ལོཀནཱཐོ’ ནདྷིཝརོ, མཧེསི ཙ ཝིནཱཡཀོ;

སམནྟཙཀྑུ སུགཏོ, བྷཱུརིཔཉྙོ ཙ མཱརཛི.

ནརསཱིཧོ ནརཝརོ, དྷམྨརཱཛཱ མཧཱམུནི;

དེཝདེཝོ ལོཀགརུ, དྷམྨསྶཱམཱི ཏཐཱགཏོ.

སཡམྦྷཱུ སམྨཱསམྦུདྡྷོ, ཝརཔཉྙོ ཙ ནཱཡཀོ;

ཛིནོ, སཀྐོ ཏུ སིདྡྷཏྠོ, སུདྡྷོདནི ཙ གོཏམོ.

སཀྱསཱིཧོ ཏཐཱ སཀྱ, མུནི ཙཱདིཙྩབནྡྷུ ཙ;

མོཀྑོ ནིརོདྷོ ནིབྦཱནཾ, དཱིཔོ ཏཎྷཀྑཡོ པརཾ;

ཏཱཎཾ ལེཎ མརཱུཔཉྩ, སནྟཾ སཙྩ མནཱལཡཾ.

དུཀྑཀྑཡོ ¶ བྱཱབཛ྄ཛྷཉྩ [བྱཱཔཛྫཾ (ཊཱིཀཱ)], ཝིཝཊྚཾ ཁེམ ཀེཝལཾ;

ཨཔཝགྒོ ཝིརཱགོ ཙ, པཎཱིཏ མཙྩུཏཾ པདཾ.

ཡོགཀྑེམོ པཱར མཔི, མུཏྟི སནྟི ཝིསུདྡྷིཡོ;

ཝིམུཏྱ’ སངྑཏདྷཱཏུ, སུདྡྷི ནིབྦུཏིཡོ སིཡུཾ.

ཁཱིཎཱསཝོ ཏྭ’སེཀྑོ ཙ, ཝཱིཏརཱགོ ཏཐཱ’ རཧཱ;

ཏིདསཱ ཏྭ’མརཱ དེཝཱ, ཝིབུདྷཱ ཙ སུདྷཱསིནོ;

སུརཱ མརཱུ དིཝོཀཱ ཙཱ, མཏཔཱ སགྒཝཱསིནོ.

ནིཛྫརཱ’ ནིམིསཱ དིབྦཱ, ཨཔུམེ དེཝཏཱནི ཙ [དེཝཏཱ ཨེཝ དེཝཏཱནི, སཀཏྠེ ནིཔཙྩཡོ (ཊཱིཀཱ)];

སིདྡྷོ བྷཱུཏོ ཙ གནྡྷབྦོ, གུཡ྄ཧཀོ ཡཀྑ རཀྑསཱ;

ཀུམྦྷཎྜོ ཙ པིསཱཙཱ’དཱི, ནིདྡིཊྛཱ དེཝཡོནིཡོ.

པུབྦདེཝཱ སུརརིཔཱུ, ཨསུརཱ དཱནཝཱ པུམེ;

ཏབྦིསེསཱ པཧཱརཱདོ, སམྦརོ བལིཨཱདཡོ.

པིཏཱམཧོ པིཏཱ བྲཧྨཱ, ལོཀེསོ ཀམལཱསནོ;

ཏཐཱ ཧིརཉྙགབྦྷོ ཙ, སུརཛེཊྛོ པཛཱཔཏི.

ཝཱསུདེཝོ ཧརི [ཧརཱི (ཊཱིཀཱ)] ཀཎྷོ, ཀེསཝོ ཙཀྐཔཱཎྱ’ཐ;

མཧིསྶརོ སིཝོ སཱུལཱི, ཨིསྶརོ པསུཔཏྱ’པི.

ཧརོ ཝུཏྟོ ཀུམཱརོ ཏུ, ཁནྡྷོ སཏྟིདྷརོ བྷཝེ;

སཀྐོ པུརིནྡདོ དེཝ, རཱཛཱ ཝཛིརཔཱཎི ཙ;

སུཛམྤཏི སཧསྶཀྑོ, མཧིནྡོ ཝཛིརཱཝུདྷོ.

ཝཱསཝོ ཙ དསསཏ, ནཡནོ ཏིདིཝཱདྷིབྷཱུ;

སུརནཱཐོ ཙ ཝཛིར, ཧཏྠོ ཙ བྷཱུཏཔཏྱ’པི.

མགྷཝཱ ཀོསིཡོ ཨིནྡོ, ཝཏྲབྷཱུ པཱཀསཱསནོ;

ཝིཌོཛོ ཐ སུཛཱ ཏསྶ [སུཛཱཏཱ’སྶ (ཊཱིཀཱ)], བྷརིཡཱ ཐ པུརཾ བྷཝེ.

མསཀྐསཱརཱ ¶ [མསཀྐསཱརོ (སཱི.)] ཝསྶོཀ, སཱརཱ ཙེཝཱ’ མརཱཝཏཱི;

ཨེརཱཝཎོ གཛོ པཎྜུ, ཀམྦལོ ཏུ སིལཱསནཾ.

སུཝཱིརོཙྩཱདཡོ པུཏྟཱ, ནནྡཱ པོཀྑརཎཱི བྷཝེ;

ནནྡནཾ མིསྶཀཾ ཙིཏྟ, ལཏཱ ཕཱརུསཀཾ ཝནཱ.

ཨསནི དྭཱིསུ ཀུལིསཾ, ཝཛིརཾ པུནྣཔུཾསཀེ;

ཨཙྪརཱཡོཏྠིཡཾ ཝུཏྟཱ, རམྦྷཱ ཨལམྦུསཱདཡོ;

དེཝིཏྠིཡོ ཐ གནྡྷབྦཱ, པཉྩསིཁོཏི ཨཱདཡོ.

ཝིམཱནོ ནིཏྠིཡཾ བྱམྷཾ, པཱིཡཱུསཾ ཏྭམཏཾ སུདྷཱ;

སིནེརུ མེརུ ཏིདིཝཱ, དྷཱརོ ནེརུ སུམེརུ ཙ.

ཡུགནྡྷརོ ཨཱིསདྷརོ, ཀརཝཱིཀོ སུདསྶནོ;

ནེམིནྡྷརོ ཝིནཏཀོ, ཨསྶཀཎྞོ ཀུལཱཙལཱ.

མནྡཱཀིནཱི ཏཐཱ’ཀཱས, གངྒཱ སུརནདཱི པྱཐ;

ཀོཝིལཱ༹རོ ཏཐཱ པཱརི, ཙྪཏྟཀོ པཱརིཛཱཏཀོ;

ཀཔྤརུཀྑོ ཏུ སནྟཱནཱ, དཡོ དེཝདྡུམཱ སིཡུཾ.

པཱཙཱི པཏཱིཛྷུ’ དཱིཙི’ཏྠཱི, པུབྦ པཙྪིམ ཨུཏྟརཱ;

དིསཱཐ དཀྑིཎཱ’ པཱཙཱི, ཝིདིསཱ’ནུདིསཱ བྷཝེ.

ཨེརཱཝཏོ [ཨེརཱཝཎོ (སཱི.), ཨམརཀོསེ པན ཨེརཱཝཏོ ཨེཝ ཨཏྠི] པུཎྜརཱིཀོ, ཝཱམནོ ཀུམུདོ’ ཉྫནོ;

པུཔྥདནྟོ སབྦབྷུམྨོ, སུཔྤཏཱིཀོ དིསཱགཛཱ.

དྷཏརཊྛོ ཙ གནྡྷབྦཱ, དྷིཔོ, ཀུམྦྷཎྜསཱམི ཏུ;

ཝིརུལ༹ྷཀོ, ཝིརཱུཔཀྑོ, ཏུ ནཱགཱདྷིཔཏཱིརིཏོ.

ཡཀྑཱདྷིཔོ ཝེསྶཝཎོ, ཀུཝེརོ ནརཝཱཧནོ;

ཨལ༹ཀཱ [ཨལཀཱ (ཨམརཀོས)] ལ༹ཀམནྡཱསྶ, པུརཱི, པཧརཎཾ གདཱ;

ཙཏུདྡིསཱན མདྷིཔཱ, པུབྦཱདཱིནཾ ཀམཱ ཨིམེ.

ཛཱཏཝེདོ ¶ སིཁཱི ཛོཏི, པཱཝཀོ དཧནོ’ ནལོ;

ཧུཏཱཝཧོ’ ཙྩིམཱ དྷཱུམ, ཀེཏྭ’གྒི གིནི བྷཱནུམཱ.

ཏེཛོ དྷཱུམསིཁོ ཝཱཡུ, སཁོ ཙ ཀཎྷཝཏྟནཱི;

ཝེསྶཱནརོ ཧུཏཱསོ ཐ, སིཁཱཛཱལ’ཙྩི ཙཱཔུམེ.

ཝིཔྥུལིངྒཾ ཕུལིངྒཉྩ, བྷསྨཱ [‘བྷསྨཱ’ ཏིཔདཾ རཱཛཱདིགཎེ པརིཡཱཔནྣཾ (རཱུཔསིདྡྷི-ཨུཎཱདི), བྷསྨཾ (སཱི.)] ཏུ སེཊྛི ཚཱརིཀཱ;

ཀུཀྐུལོ༹ ཏུ’ཎྷབྷསྨསྨི, མངྒཱརོ’ལཱཏ མུམྨུཀཾ [ཏིཀཾ དིཏྟཀཊྛཱདིནྡྷནེ (ཊཱིཀཱ)];

སམིདྷཱ ཨིདྷུམཾ ཙེ’དྷོ, ཨུཔཱདཱནཾ ཏཐིནྡྷནཾ.

མཱལུཏོ པཝནོ ཝཱཡུ, ཝཱཏོ’ནིལ སམཱིརཎཱ;

གནྡྷཝཱཧོ ཏཐཱ ཝཱཡོ, སམཱིརོ ཙ སདཱགཏི.

ཝཱཡུབྷེདཱ ཨིམེ ཚུ’དྡྷ, ངྒམོ ཙཱདྷོགམོ ཏཐཱ;

ཀུཙྪིཊྛོ ཙ ཀོཊྛཱསཡོ, ཨསྶཱསངྒཱནུསཱརིནོ.

ཝེགོ ཛཝོ རཡོ ཁིཔྤཾ, ཏུ སཱིགྷཾ ཏུརིཏཾ ལཧུ;

ཨཱསུ ཏུཎྞ མརཾ ཙཱཝི, ལམྦིཏཾ ཏུཝཊཾཔི ཙ.

སཏཏཾ ནིཙྩ མཝིརཏཱ, ནཱརཏ སནྟཏ མནཝརཏཉྩ དྷུཝཾ;

བྷུས མཏིསཡོ ཙ དལ༹ྷཾ, ཏིབྦེ’ཀནྟཱ’ཏིམཏྟ, བཱལ༹ྷཱནི;

ཁིཔྤཱདཱི པཎྜཀེ དབྦེ, དབྦགཱ ཏེསུ ཡེ ཏིསུ.

ཨཝིགྒཧོ ཏུ ཀཱམོ ཙ, མནོབྷཱུ མདནོ བྷཝེ;

ཨནྟཀོ ཝསཝཏྟཱི ཙ, པཱཔིམཱ ཙ པཛཱཔཏི.

པམཏྟབནྡྷུ ཀཎྷོ ཙ, མཱརོ ནམུཙི, ཏསྶ ཏུ;

ཏཎྷཱ’རཏཱི རགཱ དྷཱིཏཱུ, ཧཏྠཱི ཏུ གིརིམེཁལོ.

ཡམརཱཛཱ ཙ ཝེསཱཡཱི, ཡམོ’སྶ ནཡནཱཝུདྷཾ;

ཝེཔཙིཏྟི པུལོམོ ཙ, ཀིམྤུརིསོ ཏུ ཀིནྣརོ.

ཨནྟལིཀྑཾ ཁ’མཱདིཙྩ, པཐོ’བྦྷཾ གགན’མྦརཾ;

ཝེཧཱསོ ཙཱནིལཔཐོ, ཨཱཀཱསོ ནིཏྠིཡཾ ནབྷཾ.

མེགྷོ ཝལཱཧཀོ དེཝོ, པཛྫུནྣོ’མྦུདྷརོ གྷནོ;

དྷཱརཱདྷརོ ཙ ཛཱིམཱུཏོ, ཝཱརིཝཱཧོ ཏཐཱ’མྦུདོ.

ཨབྦྷཾ ཏཱིསྭཐ ཝསྶཉྩ, ཝསྶནཾ ཝུཊྛི ནཱརིཡཾ;

སཏེརཏཱ’ཀྑཎཱ ཝིཛྫུ, ཝིཛྫུཏཱ ཙཱཙིརཔྤབྷཱ.

མེགྷནཱདེ ཏུ དྷནིཏཾ, གཛྫིཏཾ རསིཏཱདི ཙ;

ཨིནྡཱཝུདྷཾ ཨིནྡདྷནུ, ཝཱཏཀྑིཏྟམྦུ སཱིཀརོ.

དུདྡིནཾ མེགྷཙྪནྣཱཧེ, པིདྷཱནཾ ཏྭཔདྷཱརཎཾ.

ཏིརོདྷཱན’ནྟརདྷཱནཱ, པིདྷཱན ཚཱདནཱནི ཙ;

ཨིནྡུ ཙནྡོ ཙ ནཀྑཏྟ, རཱཛཱ སོམོ ནིསཱཀརོ.

ཨོསདྷཱིསོ ཧིམརཾསི, སསངྐོ ཙནྡིམཱ སསཱི;

སཱིཏརཾསི ནིསཱནཱཐོ, ཨུལུ༹རཱཛཱ ཙ མཱ པུམེ.

ཀལཱ སོལ༹སམོ བྷཱགོ, བིམྦཾ ཏུ མཎྜལཾ བྷཝེ;

ཨཌྜྷོ ཏྭདྡྷོ ཨུཔཌྜྷོ ཙ, ཝཱ ཁཎྜཾ སཀལཾ པུམེ.

ཨདྡྷཾ ཝུཏྟཾ སམེ བྷཱགེ, པསཱདོ ཏུ པསནྣཏཱ;

ཀོམུདཱི ཙནྡིཀཱ ཛུཎྷཱ, ཀནྟི སོབྷཱ ཛུཏི ཙྪཝི.

ཀལངྐོ ལཉྪནཾ ལཀྑཾ, ཨངྐོ’བྷིཉྙཱཎ ལཀྑཎཾ;

ཙིཧནཾ ཙཱཔི སོབྷཱ ཏུ, པརམཱ སུསམཱ ཐ ཙ.

སཱིཏཾ གུཎེ, གུཎིལིངྒཱ, སཱིཏ སིསིར སཱིཏལཱ;

ཧིམཾ ཏུཧིན མུསྶཱཝོ, ནཱིཧཱརོ མཧིཀཱ པྱཐ.

ནཀྑཏྟཾ ཛོཏི བྷཾ ཏཱརཱ, ཨཔུམེ ཏཱརཀོ’ལུ༹ ཙ;

ཨསྶཡུཛོ བྷརཎིཏྠཱི, སཀཏྟིཀཱ རོཧིཎཱི པིཙ;

མིགསིར [མགསིར (སཱི.)] མདྡཱ ཙ པུནབྦསུ, ཕུསྶོ [པུསྶོ (ཊཱི.)] ཙཱསིལེས’པི.

མཱགྷཱ [མགྷ (སཱི.)] ཙ ཕགྒུནཱི དྭེ ཙ, ཧཏྠཱ ཙིཏྟཱ ཙ སྭཱཏིཔི;

ཝིསཱཁཱ’ ནུརཱདྷཱ ཛེཊྛཱ, མཱུལཱ’ སཱལ༹ྷཱ དུཝེ ཏཐཱ.

སཝཎོ ¶ ཙ དྷནིཊྛཱ ཙ, སཏབྷིསཛོ པུབྦུ’ཏྟརབྷདྡཔདཱ;

རེཝཏྱཔཱིཏི ཀམཏོ, སཏྟཱདྷིཀཝཱིསནཀྑཏྟཱ.

སོབྦྷཱནུ ཀཐིཏོ རཱཧུ, སཱུརཱདཱི ཏུ ནཝགྒཧཱ;

རཱསི མེསཱདིཀོ བྷདྡ, པདཱ པོཊྛཔདཱ སམཱ.

ཨཱདིཙྩོ སཱུརིཡོ སཱུརོ, སཏརཾསི དིཝཱཀརོ;

ཝེརོཙནོ དིནཀརོ, ཨུཎྷརཾསི པབྷངྐརོ.

ཨཾསུམཱལཱི དིནཔཏི, ཏཔནོ རཝི བྷཱནུམཱ;

རཾསིམཱ བྷཱཀརོ བྷཱནུ, ཨཀྐོ སཧསྶརཾསི ཙ.

རཾསི ཨཱབྷཱ པབྷཱ དིཏྟི, རུཙི བྷཱ ཛུཏི དཱིདྷིཏི;

མརཱིཙི དྭཱིསུ བྷཱནྭཾ’སུ, མཡཱུཁོ ཀིརཎོ ཀརོ.

པརིདྷི པརིཝེསོ ཐ, མརཱིཙི མིགཏཎྷིཀཱ;

སཱུརསྶོདཡཏོ པུབྦུ’, ཊྛིཏརཾསི སིཡཱ’ རུཎོ.

དས ཁཎམུཧུཏྟོ ཏེ, དིཝསོ ཏུ ཨཧཾ དིནཾ.

པབྷཱཏཉྩ ཝིབྷཱཏཉྩ, པཙྩཱུསོ ཀལླ མཔྱཐ;

ནིསཱ ཙ རཛནཱི རཏྟི, ཏིཡཱམཱ སཾཝརཱི བྷཝེ;

ཛུཎྷཱ ཏུ ཙནྡིཀཱཡུཏྟཱ, ཏམུསྶནྣཱ ཏིམིསིཀཱ.

ནིསཱིཐོ མཛ྄ཛྷིམཱ རཏྟི, ཨཌྜྷརཏྟོ མཧཱནིསཱ;

ཨནྡྷཀཱརོ ཏམོ ནིཏྠཱི, ཏིམིསཾ ཏིམིརཾ མཏཾ.

ཙཏུརངྒཏམཾ ཨེཝཾ, ཀཱལ༹པཀྑཙཏུདྡསཱི;

ཝནསཎྜོ གྷནོ མེགྷ, པཊལཾ ཙཱ’ཌྜྷརཏྟི ཙ.

ཨནྡྷཏམཾ ¶ གྷནཏམེ, པཧཱརོ ཡཱམ, སཉྙིཏོ;

པཱཊིཔདོ ཏུ དུཏིཡཱ, ཏཏིཡཱདཱི ཏིཐཱི [ཏིཐི], ཏཱཡཏི པཱལེཏཱིཏི ཏིཐི, ཏཱ+ཨིཏི (ཎྭཱདི) དྭིསུ.

པནྣརསཱི པཉྩདསཱི, པུཎྞམཱསཱི ཏུ པུཎྞམཱ;

ཨམཱཝསཱི པྱམཱཝཱསཱི, ཐིཡཾ པནྣརསཱི’ པརཱ.

གྷཊིཀཱ སཊྛྱ’ ཧོརཏྟོ, པཀྑོ ཏེ དས པཉྩ ཙ;

ཙིཏྟོ ཝེསཱཁ, ཛེཊྛོ ཙཱ, སཱལ༹ྷོ དྭཱིསུ ཙ སཱཝཎོ;

པོཊྛཔཱད’སྶཡུཛཱ ཙ, མཱསཱ དྭཱདས ཀཏྟིཀོ.

མཱགསིརོ ཏཐཱ ཕུསྶོ, ཀམེན མཱགྷ ཕགྒུཎཱ;

ཀཏྟིཀ’སྶཡུཛཱ མཱསཱ, པཙྪིམ པུབྦཀཏྟིཀཱ.

ཙཏུརོ ཙཏུརོ མཱསཱ, ཀཏྟིཀཀཱལ༹པཀྑཏོ;

ཀམཱ ཧེམནྟ གིམྷཱན, ཝསྶཱནཱ ཨུཏུཡོ དྭིསུ.

སརདོཏི ཀམཱ མཱསཱ, དྭེ དྭེ ཝུཏྟཱནུསཱརེན.

ཨུཏཱུཧི ཏཱིཧི ཝསྶཱནཱ, དིཀེཧི དཀྑིཎཱཡནཾ.

ཨུཏྟརཱཡན མཉྙེཧི, ཏཱིཧི ཝསྶཱཡནདྭཡཾ;

ཝསྶ སཾཝཙྪརཱ ནིཏྠཱི, སརདོ ཧཱཡནོ སམཱ.

ཀཔྤཀྑཡོ ཏུ སཾཝཊྚོ, ཡུགནྟ པལཡཱ ཨཔི;

ཨལཀྑཱི ཀཱལཀཎྞིཏྠཱི, ཨཐ ལཀྑཱི སིརི’ཏྠིཡཾ.

དནུ དཱནཝམཱཏཱ ཐ, དེཝམཱཏཱ པནཱ’དིཏི;

པཱཔཉྩ ཀིབྦིསཾ ཝེརཱ, གྷཾ དུཙྩརིཏ དུཀྐཊཾ;

ཨཔུཉྙཱ’ཀུསལཾ ཀཎྷཾ, ཀལུསཾ དུརིཏཱ’གུ ཙ.

ཀུསལཾ ¶ སུཀཏཾ སུཀྐཾ, པུཉྙཾ དྷམྨ མནིཏྠིཡཾ;

སུཙརིཏ མཐོ དིཊྛ, དྷམྨིཀཾ ཨིཧལོཀིཀཾ.

སནྡིཊྛིཀ མཐོ པཱར, ལོཀིཀཾ སམྤརཱཡིཀཾ;

ཧཱསོ’ ཏྟམནཏཱ པཱིཏི, ཝིཏྟི ཏུཊྛི ཙ ནཱརིཡཾ;

ཨཱནནྡོ པམུདཱ’མོདོ, སནྟོསོ ནནྡི སམྨདོ.

པཱམོཛྫཉྩ པམོདོ ཐ, སུཁཾ སཱཏཉྩ ཕཱསྭ’ཐ;

བྷདྡཾ སེཡྻོ སུབྷཾ ཁེམཾ, ཀལྱཱཎཾ མངྒལཾ སིཝཾ.

དུཀྑཉྩ ཀསིརཾ ཀིཙྪཾ, ནཱིགྷོ ཙ བྱསནཾ ཨགྷཾ;

དབྦེ ཏུ པཱཔཔུཉྙཱནི, ཏཱིསྭཱཀིཙྪཾ སུཁཱདི ཙ.

བྷཱགྱཾ ནིཡཏི བྷཱགོ ཙ, བྷཱགདྷེཡྻཾ ཝིདྷཱི’རིཏོ;

ཨཐོ ཨུཔྤཏྟི ནིབྦཏྟི, ཛཱཏི ཛནན མུབྦྷཝོ.

ནིམིཏྟཾ ཀཱརཎཾ ཋཱནཾ, པདཾ བཱིཛཾ ནིབནྡྷནཾ;

ནིདཱནཾ པབྷཝོ ཧེཏུ, སམྦྷཝོ སེཏུ པཙྩཡོ.

ཀཱརཎཾ ཡཾ སམཱསནྣཾ, པདཊྛཱནནྟི ཏཾ མཏཾ;

ཛཱིཝོ ཏུ པུརིསོ’ཏྟཱ ཐ, པདྷཱནཾ པཀཏིཏྠིཡཾ.

པཱཎོ སརཱིརཱི བྷཱུཏཾ ཝཱ, སཏྟོ དེཧཱི ཙ པུགྒལོ;

རཱུཔཾ སདྡོ གནྡྷ རསཱ, ཕསྶོ དྷམྨོ ཙ གོཙརཱ;

ཨཱལམྦཱ ཝིསཡཱ ཏེ ཚཱ, རམྨཎཱ ལམྦཎཱནི ཙ.

སིཏཔཱིཏེཏུ པཎྜུ’ཏྟོ, ཨཱིསཾཔཎྜུཏུ དྷཱུསརོ.

ཀལཱ༹རོ ཀཔིལོ ནཱིལ, པཱིཏེ ཐ རོཙནཔྤབྷེ;

པིངྒོ པིསངྒོ པྱཐཝཱ, ཀལཱ༹རཱདཱི ཏུ པིངྒལེ.

ཝཱཙྩལིངྒཱ གུཎིནྱེཏེ, གུཎེ སུཀྐཱདཡོ པུམེ.

ནཙྩཾ ནཊྚཉྩ ནཊནཾ, ནཏྟནཾ ལཱསནཾ བྷཝེ;

ནཙྩཾ ཏུ ཝཱདིཏཾ གཱིཏ, མིཏི ནཱཊུམིདཾ ཏཡཾ.

ནཙྩཊྛཱནཾ སིཡཱ རངྒོ, བྷིནཡོ སཱུཙྱསཱུཙནཾ;

ཨངྒཧཱརོ’ངྒཝིཀྑེཔོ, ནཊྚཀོ ནཊཀོ ནཊོ.

སིངྒཱརོ ཀརུཎོ ཝཱིར, བྦྷུཏ ཧསྶ བྷཡཱནཀཱ;

སནྟོ བཱིབྷཙྪ རུདྡཱནི, ནཝ ནཱཊྱརསཱ ཨིམེ.

པོསསྶ ནཱརིཡཾ པོསེ, ཨིཏྠིཡཱ སངྒམཾ པཏི;

ཡཱ པིཧཱ ཨེས སིངྒཱརོ, རཏིཀཱིལཱ༹དིཀཱརཎོ.

ཨུཏྟམ པྤཀཏིཔྤཱཡོ, ཨིཏྠིཔུརིསཧེཏུཀོ;

བྷཱསིཏཾ ¶ ལཔིཏཾ བྷཱསཱ, ཝོཧཱརོ ཝཙནཾ ཝཙོ;

ཨུཏྟི ཝཱཙཱ གིརཱ ཝཱཎཱི, བྷཱརཏཱི ཀཐིཏཱ [ཀཐཱ (ཀཏྠཙི)] ཝཙཱི.

ཨེཀཱཁྱཱཏོ པདཙཡོ, སིཡཱ ཝཱཀྱཾསཀཱརཀོ;

ཨཱམེཌིཏནྟི ཝིཉྙེཡྻཾ, དྭཏྟིཀྑཏྟུ མུདཱིརཎཾ.

བྷཡེ ཀོདྷེ པསཾསཱཡཾ, ཏུརིཏེ ཀོཏཱུཧལེ’ཙྪརེ;

ཧཱསེ སོཀེ པསཱདེ ཙ, ཀརེ ཨཱམེཌིཏཾ བུདྷོ.

ཨིརུ ནཱརཱི ཡཛུ སཱམ, མིཏི ཝེདཱ ཏཡོ སིཡུཾ;

ཨེཏེ ཨེཝ ཏཡཱི ནཱརཱི, ཝེདོ མནྟོ སུཏིཏྠིཡཾ.

ཨཊྛཀོ ཝཱམཀོ ཝཱམ, དེཝོ ཙངྒཱིརསོ བྷགུ;

ཡམདགྒི ཙ ཝཱསིཊྛོ, བྷཱརདྭཱཛོ ཙ ཀསྶཔོ;

ཝེསྶཱམིཏྟོཏི མནྟཱནཾ, ཀཏྟཱརོ ཨིསཡོ ཨིམེ.

ཀཔྤོ བྱཱཀརཎཾ ཛོཏི, སཏྠཾ སིཀྑཱ ནིརུཏྟི ཙ;

ཚནྡོཝིཙིཏི ཙེཏཱནི, ཝེདངྒཱནི ཝདནྟི ཚ.

ཨིཏིཧཱསོ པུརཱཝུཏྟ, པྤབནྡྷོ བྷཱརཏཱདིཀོ;

ནཱམཔྤཀཱསཀཾ སཏྠཾ, རུཀྑཱདཱིནཾ ནིགྷཎྜུ སོ.

ཝིཏཎྜསཏྠཾ ཝིཉྙེཡྻཾ, ཡཾ ཏཾ ལོཀཱཡཏཾ ཨིཏི;

ཀེཊུབྷཾ ཏུ ཀྲིཡཱཀཔྤ, ཝིཀཔྤོ ཀཝིནཾ ཧིཏོ.

ཨཱཁྱཱཡིཀོཔལདྡྷཏྠཱ, པབནྡྷཀཔྤནཱ ཀཐཱ;

དཎྜནཱིཏྱ’ཏྠསཏྠསྨིཾ, ཝུཏྟནྟོ ཏུ པཝཏྟི ཙ.

སཉྙཱ, ཁྱཱ, ཝ྄ཧཱ སམཉྙཱ ཙཱ, བྷིདྷཱནཾ ནཱམ མཝ྄ཧཡོ;

ནཱམདྷེཡྻཱ’ དྷིཝཙནཾ, པཊིཝཱཀྱཾ ཏུ ཨུཏྟརཾ.

པཉྷོ ཏཱིསྭ ནུཡོགོ ཙ, པུཙྪཱ པྱཐ ནིདསྶནཾ;

ཨུཔོགྒྷཱཏོ ཙ དིཊྛནྟོ, ཏཐོ’དཱཧརཎཾ བྷཝེ.

སམཱ སངྑེཔ སཾཧཱརཱ, སམཱསོ སངྒཧོ པྱཐ;

སཏཾ དྷཱརཡསཱི ཏྱཱདྱ, བྦྷཀྑཱནཾ ཏུཙྪབྷཱསནཾ.

ཝོཧཱརོ ཏུ ཝིཝཱདོ ཐ, སཔནཾ སཔཐོཔི ཙ;

པཊིགྷོསོ པཊིརཝོ, ཐོ’ པཉྙཱསོ ཝཙཱིམུཁཾ;

ཀཏྠནཱ ཙ སིལཱགྷཱ ཙ, ཝཎྞནཱ ཙ ནུཏི ཏྠུཏི.

ཐོམནཉྩ [ཐོམནཾ ཝཱ (ཀཏྠཙི ཐོམནཾ ཐོམནཱ དྭིལིངྒེ)] པསཾསཱཐ, ཀེཀཱ ནཱདོ སིཁཎྜིནཾ;

པརིཡཱཡོ ཝེཝཙནཾ, སཱཀཙྪཱ ཏུ ཙ སཾཀཐཱ;

ཨུཔཝཱདོ ཙུ’པཀྐོསཱ, ཝཎྞཝཱདཱ’ནུཝཱདོ ཙ;

ཛནཝཱདཱ’པཝཱདཱཔི, པརིཝཱདོ ཙ ཏུལྱཏྠཱ.

ཁེཔོ ¶ ནིནྡཱ ཏཐཱ ཀུཙྪཱ, ཛིགུཙྪཱ གརཧཱ བྷཝེ;

ནིནྡཱཔུབྦོ ཨུཔཱརམྦྷོ, པརིབྷཱསན མུཙྩཏེ.

ཨཊྛཱནརིཡཝོཧཱར, ཝསེན ཡཱ པཝཏྟིཏཱ;

ཨབྷིཝཱཀྱཾ སིཡཱ ཝཱཙཱ, སཱ ཝཱིཏིཀྐམདཱིཔནཱི.

མུཧུཾབྷཱསཱ ནུལཱཔོཐ, པལཱཔོ ནཏྠིཀཱ གིརཱ;

ཝིཔྤལཱཔོ ཝིརོདྷོཏྟི, སནྡེསོཏྟི ཏུ ཝཱཙིཀཾ;

སམྦྷཱསནཾ ཏུ སལླཱཔོ, ཝིརོདྷརཧིཏཾ མིཐུ.

ཕརུསཾ ནིཊྛུརཾ ཝཱཀྱཾ, མནུཉྙཾ ཧདཡངྒམཾ;

སཾཀུལཾ ཏུ ཀིལིཊྛཉྩ, པུབྦཱཔརཝིརོདྷིནཱི.

སམུདཱཡཏྠརཧིཏཾ, ཨབདྡྷམིཏི [ཨབནྡྷ (ཀ.)] ཀིཏྟིཏཾ;

ཝིཏཐཾ ཏུ མུསཱ ཙཱཐ [ཨཱཧཏཾ ཏུ མུསཱཏྠཀཾ (ཀཏྠཙི, ཨམརཀོསེ)], ཕརུསཱདཱི ཏིལིངྒིཀཱ.

སམྨཱ བྱཡཉྩཱ ཝིཏཐཾ, སཙྩཾ ཏཙྪཾ ཡཐཱཏཐཾ;

ཏབྦནྟཱ ཏཱིསྭ ལཱིཀཾ ཏྭ, སཙྩཾ མིཙྪཱ མུསཱ བྱཡཾ.

ཝིསྶཊྛ མཉྫུ ཝིཉྙེཡྻཱ, སཝནཱིཡཱ ཝིསཱརིནོ;

བིནྡུ གམྦྷཱིར ནིནྣཱདཱི, ཏྱེཝ མཊྛངྒིཀོ སརོ.

ཏིརཙྪཱནགཏཱནཉྷི, རུཏཾ ཝསྶིཏ མུཙྩཏེ;

སརཱ སཏྟ ཏཡོ གཱམཱ, ཙེཀཝཱིསཏི མུཙྪནཱ;

ཏཱནཱ [ཋཱནཱནི (བཧཱུསུ)] ཙེཀཱུནཔཉྙཱས, ཨིཙྩེཏཾ སརམཎྜལཾ.

ཨུསབྷོ དྷེཝཏོ ཙེཝ, ཚཛྫ གནྡྷཱར མཛ྄ཛྷིམཱ;

པཉྩམོ ཙ ནིསཱདོཏི, སཏྟེ’ཏེ གདིཏཱ སརཱ.

ནདནྟི ¶ ཨུསབྷཾ གཱཝོ, ཏུརགཱ དྷེཝཏཾ ཏཐཱ;

ཚཛྫཾ མཡཱུརཱ གནྡྷཱར, མཛཱ ཀོཉྩཱ ཙ མཛ྄ཛྷིམཾ.

པཉྩམཾ པརཔུཊྛཱདཱི, ནིསཱདམྤི ཙ ཝཱརཎཱ;

སརེསུ ཏེསུ པཙྩེཀེ, ཏིསྶོ ཏིསྶོ ཧི མུཙྪནཱ;

སིཡུཾ ཏཐེཝ ཏཱནཱནི [ཋཱནཱནི (བཧཱུསུ)], སཏྟ སཏྟེཝ ལབྦྷརེ.

ཏིསྶོ དུཝེ ཙཏསྶོ ཙ, ཙཏསྶོ ཀམཏོ སརེ;

ཏིསྶོ དུཝེ ཙཏསྶོཏི, དྭཱཝཱིསཏི སུཏཱི སིཡུཾ.

ཨུཙྩཏརེ རཝེ ཏཱརོ, ཐཱབྱཏྟེ མདྷུརེ ཀལོ;

གམྦྷཱིརེ ཏུ རཝེ མནྡོ, ཏཱརཱདཱི ཏཱིསྭཐོ ཀལེ;

ཝཱིཎཱ ཙ ཝལླཀཱི སཏྟ, ཏནྟཱི སཱ པརིཝཱདིནཱི;

སུསིརཾ ཙེཏི ཏཱུརིཡཾ, པཉྩངྒིཀ མུདཱིརིཏཾ.

ཨཱཏཏཾ ནཱམ ཙམྨཱཝ, ནདྡྷེསུ བྷེརིཡཱདིསུ;

ཏལེ’ཀེཀཡུཏཾ ཀུམྦྷ, ཐུཎ དདྡརིཀཱདིཀཾ.

ཝིཏཏཾ ཙོ’བྷཡཏལཾ, ཏཱུརིཡཾ མུརཛཱདིཀཾ;

ཨཱཏཏཝིཏཏཾ སབྦ, ཝིནདྡྷཾ པཎཝཱདིཀཾ.

སུསིརཾ ཝཾསསངྑཱདི, སམྨཏཱལཱདིཀཾ གྷནཾ;

ཨཱཏོཛྫཾ ཏུ ཙ ཝཱདིཏྟཾ, ཝཱདིཏཾ ཝཛྫ མུཙྩཏེ.

ཨཱལམྦརོ ¶ ཏུ པཎཝོ, ཀོཎོ ཝཱིཎཱདིཝཱདནཾ;

དདྡརཱི པཊཧོ བྷེརི, པྤབྷེདཱ མདྡལཱདཡོ.

ཛནཔྤིཡེ ཝིམདྡུཊྛེ, གནྡྷེ པརིམལོ བྷཝེ;

སོ ཏྭཱ མོདོ དཱུརགཱམཱི, ཝིསྶནྟཱ ཏཱིསྭིཏོ པརཾ.

ཨིཊྛགནྡྷོ ཙ སུརབྷི, སུགནྡྷོ ཙ སུགནྡྷི ཙ;

པཱུཏིགནྡྷི ཏུ དུགྒནྡྷོ, ཐ ཝིསྶཾ ཨཱམགནྡྷི ཡཾ.

ཀུངྐུམཉྩེཝ ཡཝན, པུཔྥཉྩ ཏགརཾ ཏཐཱ;

ཏུརུཀྑོཏི ཙཏུཛྫཱཏི, གནྡྷཱ ཨེཏེ པཀཱསིཏཱ.

ཀསཱཝོ ནིཏྠིཡཾ ཏིཏྟོ, མདྷུརོ ལཝཎོ ཨིམེ;

ཨམྦིལོ ཀཊུཀོ ཙེཏི, ཚ རསཱ ཏབྦཏཱི ཏིསུ.

ནཡནཾ ཏྭཀྑི ནེཏྟཉྩ, ལོཙནཾ ཙ’ཙྪི ཙཀྑུ ཙ.

སོཏཾ སདྡགྒཧོ ཀཎྞོ, སཝནཾ སུཏི ནཏྠུ ཏུ;

ནཱསཱ ཙ ནཱསིཀཱ གྷཱནཾ, ཛིཝ྄ཧཱཏུ རསནཱ བྷཝེ.

སརཱིརཾ ཝཔུ གཏྟཉྩཱ, ཏྟབྷཱཝོ བོནྡི ཝིགྒཧོ;

དེཧཾ ཝཱ པུརིསེ ཀཱཡོ, ཐིཡཾ ཏནུ ཀལེ༹ཝརཾ.

ཙིཏྟཾ ཙེཏོ མནོ ནིཏྠཱི, ཝིཉྙཱཎཾ ཧདཡཾ ཏཐཱ;

མཱནསཾ དྷཱི ཏུ པཉྙཱ ཙ, བུདྡྷི མེདྷཱ མཏི མུཏི.

བྷཱུརཱི མནྟཱ ཙ པཉྙཱཎཾ, ཉཱཎཾ ཝིཛྫཱ ཙ ཡོནི ཙ;

པཊིབྷཱན མམོཧོ ཐ, པཉྙཱབྷེདཱ ཝིཔསྶནཱ.

སམྨཱདིཊྛི པབྷུཏིཀཱ, ཝཱིམཾསཱ ཏུ ཝིཙཱརཎཱ;

སམྤཛཉྙཾ ཏུ ནེཔཀྐཾ, ཝེདཡིཏཾ ཏུ ཝེདནཱ.

ཨེཀགྒཏཱ ཏུ སམཐོ, ཨཝིཀྑེཔོ སམཱདྷི ཙ.

ཨུསྶཱཧཱ’ ཏཔྤ པགྒཱཧཱ, ཝཱཡཱམོ ཙ པརཀྐམོ;

པདྷཱནཾ ཝཱིརིཡཾ ཙེཧཱ, ཨུཡྻཱམོ ཙ དྷིཏི ཏྠིཡཾ.

ཙཏྟཱརི ཝཱིརིཡངྒཱནི, ཏཙསྶ ཙ ནཧཱརུནོ;

ཨཝསིསྶན མཊྛིསྶ, མཾསལོཧིཏསུསྶནཾ.

ཨུསྶོལ༹ྷཱི ¶ ཏྭ དྷིམཏྟེཧཱ, སཏི ཏྭ ནུསྶཏི ཏྠིཡ;

ལཛྫཱ ཧིརཱི སམཱནཱ ཐ, ཨོཏྟཔྤཾ པཱཔབྷཱིརུཏཱ.

མཛ྄ཛྷཏྟཏཱ ཏུ’པེཀྑཱ ཙ, ཨདུཀྑམསུཁཱ སིཡཱ;

དཡཱ’ ནུཀམྤཱ ཀཱརུཉྙཾ, ཀརུཎཱ ཙ ཨནུདྡཡཱ;

ཐིཡཾ ཝེརམཎཱི ཙེཝ, ཝིརཏྱཱ’ རཏི ཙཱཔྱཐ.

ཏིཏིཀྑཱ ཁནྟི ཁམནཾ, ཁམཱ མེཏྟཱ ཏུ མེཏྱ’ཐ;

དསྶནཾ དིཊྛི ལདྡྷིཏྠཱི, སིདྡྷནྟོ སམཡོ བྷཝེ.

ཏཎྷཱ ཙ ཏསིཎཱ ཨེཛཱ, ཛཱལིནཱི ཙ ཝིསཏྟིཀཱ;

ཚནྡོ ཛཊཱ ནིཀནྟྱཱ’སཱ, སིབྦིནཱི བྷཝནེཏྟི ཙ.

ཨབྷིཛ྄ཛྷཱ ཝནཐོ ཝཱནཾ, ལོབྷོ རཱགོ ཙ ཨཱལཡོ;

པིཧཱ མནོརཐོ ཨིཙྪཱ, བྷིལཱསོ ཀཱམ དོཧལཱ༹;

ཨཱཀངྑཱ རུཙི ཝུཏྟཱ སཱ, ཏྭདྷིཀཱ ལཱལསཱ དྭིསུ.

ཝེརཾ ཝིརོདྷོ ཝིདྡེསོ, དོསོ ཙ པཊིགྷཉྩ ཝཱ;

བདྡྷཝེར མུཔནཱཧོ, སིཡཱ སོཀོ ཏུ སོཙནཾ;

རོདིཏཾ ཀནྡིཏཾ རུཎྞཾ, པརིདེཝོ པརིདྡཝོ.

བྷཱིཏིཏྠི བྷཡ མུཏྟཱསོ, བྷེརཝཾ ཏུ མཧབྦྷཡཾ;

བྷེརཝཾ བྷཱིསནཾ བྷཱིམཾ, དཱརུཎཉྩ བྷཡཱནཀཾ;

གྷོརཾ པཊིབྷཡཾ བྷེསྨཾ, བྷཡངྐར མིམེ ཏཱིསུ.

ཨིསྶཱ ཨུསཱུཡཱ མཙྪེརཾ, ཏུ མཙྪརིཡ མཙྪརཾ;

མོཧོ’ཝིཛྫཱ ཏཐཱ’ཉཱཎཾ, མཱནོ ཝིདྷཱ ཙ ཨུནྣཏི.

ཨུདྡྷཙྩ མུདྡྷཊཾ ཙཱཐ [ཨུདྡྷཝཾཨུདྡྷཾ དྷཱཝཏི ཙིཏྟ མེཏེནཱཏི ཨུདྡྷཝཾ (ཊཱིཀཱ)], ཏཱཔོ ཀུཀྐུཙྩམེཝ ཙ;

པཙྪཱཏཱཔོ ནུཏཱཔོ ཙ, ཝིཔྤཊིསཱརོ པཀཱསིཏོ.

མནོཝིལེཁ སནྡེཧཱ, སཾསཡོ ཙ ཀཐཾཀཐཱ;

དྭེལ༹ྷཀཾ ཝིཙིཀིཙྪཱ ཙ, ཀངྑཱ སངྐཱ ཝིམཏྱཔི.

གབྦོ ¶ བྷིམཱནོ’ཧཾཀཱརོ, ཙིནྟཱཏུ ཛྷཱན མུཙྩཏེ;

ནིཙྪཡོ ནིཎྞཡོ ཝུཏྟོ, པཊིཉྙཱ ཏུ པཊིསྶཝོ.

ཨཝམཱནཾ ཏིརཀྐཱརོ, པརིབྷཝོ པྱ’ ནཱདརོ;

པརཱབྷཝོ པྱ’ ཝཉྙཱ ཐ, ཨུམྨཱདོ ཙིཏྟཝིབྦྷམོ.

པེམཾ སིནེཧོ སྣེཧོ ཐ, ཙིཏྟཔཱིལཱ༹ ཝིསཉྙིཏཱ;

པམཱདོ སཏིཝོསྶགྒོ, ཀོཏཱུཧལཾ ཀུཏཱུཧལཾ.

ཝིལཱསོ ལལིཏཾ ལཱིལཱ, ཧཱཝོ ཧེལཱ༹ ཙ ཝིབྦྷམོ;

ཨིཙྩཱདིཀཱ སིཡུཾ ནཱརི, སིངྒཱརབྷཱཝཛཱ ཀིརིཡཱ.

ཧསནཾ ཧསིཏཾ ཧཱསོ, མནྡོ སོ མིཧིཏཾ སིཏཾ;

པརིཧཱསོ དཝོ ཁིཌྜཱ, ཀེལི༹ ཀཱིལཱ༹ ཙ ཀཱིལི༹ཏཾ;

ནིདྡཱ ཏུ སུཔིནཾ སོཔྤཾ, མིདྡྷཉྩ པཙལཱཡིཀཱ.

ཐིཡཾ ནིཀཏི ཀཱུཊཉྩ, དམྦྷོ སཱཋྱཉྩ ཀེཏཝཾ;

སབྷཱཝོ ཏུ ནིསྶགྒོ ཙ, སརཱུཔཾ པཀཏིཏྠིཡཾ.

དྷཱརེནྟོ ཛནྟུ སསྣེཧ, མབྷིདྷཱནཔྤདཱིཔིཀཾ;

ཁུདྡཀཱདྱཏྠཛཱཏཱནི [ཁུདྡཀཱནྱཏྠཛཱཏཱནི (ཀ.)], སམྤསྶཏི ཡཐཱསུཁཾ.

ཝགྒཱ བྷཱུམི, པུརཱི, མཙྩ, ཙཏུབྦཎྞ, ཝནཱདིཧི;

པཱཏཱལེན ཙ ཝུཙྩནྟེ, སངྒོ’པངྒེཧི’དྷ’ཀྐམཱ.

ཝསུནྡྷརཱ ཚམཱ བྷཱུམི, པཐཝཱི མེདནཱི མཧཱི;

ཨུབྦཱི ཝསུམཏཱི གོ ཀུ, ཝསུདྷཱ དྷརཎཱི དྷརཱ;

པུཐཝཱི ཛགཏཱི བྷཱུརཱི, བྷཱུ ཙ བྷཱུཏདྷརཱ’ ཝནཱི.

ཁཱརཱ ¶ ཏུ མཏྟིཀཱ ཨཱུསོ, ཨཱུསཝཱ ཏཱུསརོ ཏིསུ;

ཐལཾ ཐལཱིཏྠཱི བྷཱུབྷཱགེ, ཐདྡྷལཱུཁམྷི ཛངྒལོ.

པུབྦཝིདེཧོ ཙཱཔར, གོཡཱནཾ ཛམྦུདཱིཔོ ཙ;

ཨུཏྟརཀུརུ ཙེཏི སིཡུཾ, ཙཏྟཱརོམེ མཧཱདཱིཔཱ.

པུམྦཧུཏྟེ ཀུརཱུ སཀྐཱ, ཀོསལཱ མགདྷཱ སིཝཱི;

ཀལིངྒཱ’ཝནྟི པཉྩཱལཱ, ཝཛྫཱི གནྡྷཱར ཙེཏཡོ.

ཝངྒཱ ཝིདེཧཱ ཀམྦོཛཱ, མདྡཱ བྷགྒ’ངྒ སཱིཧལཱ༹;

ཀསྨཱིརཱ ཀཱསི པཎྜཝཱདཱི, སིཡུཾ ཛནཔདནྟརཱ.

ལོཀོ ཙ བྷུཝནཾ ཝུཏྟཾ, དེསོ ཏུ ཝིསཡོ པྱཐ;

མིལཀྑདེསོ པཙྩནྟོ, མཛ྄ཛྷདེསོ ཏུ མཛ྄ཛྷིམོ.

ཨནཱུཔོ སལིལཔྤཱཡོ, ཀཙྪཾ པུམ ནཔུཾསཀེ;

སདྡལོ ཧརིཏེ དེསེ, ཏིཎེནཱ, བྷིནཝེན ཧི.

ནདྱམྦུཛཱིཝནོ དེསོ, ཝུཊྛིནིཔྤཛྫསསྶཀོ;

ཏཱིསྭནཱུཔཱདྱཐོ ཙནྡ, སཱུརཱདོ སསྶཏཱིརིཏོ;

རཊྛཾ ཏུ ཝིཛིཏཉྩཱཐ, པུརིསེ སེཏུ ཨཱལིཡཾ.

ཨུཔཱནྟབྷཱུ པརིསརོ, གོཊྛཾ ཏུ གོཀུལཾ ཝཛོ;

མགྒོ པནྠོ པཐོ ཨདྡྷཱ, ཨཉྫསཾ ཝཊུམཾ ཏཐཱ.

པཛྫོ [པཛྫཱ…. (ཀ.)], ཡནཉྩ པདཝཱི, ཝཏྟནཱི པདྡྷཏིཏྠིཡཾ;

ཏབྦྷེདཱ ཛངྒྷ, སཀཊ, མགྒཱ ཏེ ཙ མཧདྡྷནི.

ཨེཀཔདྱེཀཔདིཀེ, ཀནྟཱརོ ཏུ ཙ དུགྒམེ;

པཊིམགྒོ པཊིཔཐོ, ཨདྡྷཱནཾ དཱིགྷ མཉྫསཾ;

སུཔྤཐོ ཏུ སུཔནྠོ ཙ, ཨུཔྤཐཾ ཏྭཔཐཾ བྷཝེ.

ཚཏྟིཾསཔརམཱཎཱུན, མེཀོ ཎུ ཙ ཚཏྟིཾས ཏེ;

ཏཛྫཱརཱི ཏཱཔི ཚཏྟིཾས, རཐརེཎུ ཚཏྟིཾས ཏེ.

ལིཀྑཱཏཱ སཏྟ ཨཱུཀཱ ཏཱ, དྷཉྙམཱསོཏི སཏྟ ཏེ;

སཏྟ ངྒུལ’ མམུ དྭིཙྪ, ཝིདཏྠི ཏཱ དུཝེ སིཡུཾ.

རཏནཾ ¶ ཏཱནི སཏྟེཝ, ཡཊྛི ཏཱ ཝཱིསཏཱུ སབྷཾ;

གཱཝུཏ མུསབྷཱསཱིཏི, ཡོཛནཾ ཙཏུགཱཝུཏཾ.

དྷནུཔཉྩསཏཾ ཀོསོ, ཀརཱིསཾ ཙཏུརམྦཎཾ;

ཨབྦྷནྟརཾ ཏུ ཧཏྠཱན, མཊྛཝཱིས པམཱཎཏོ.

པུརཾ ནགར མིཏྠཱི ཝཱ, ཋཱནཱིཡཾ པུཊབྷེདནཾ;

ཐིཡཾ ཏུ རཱཛདྷཱནཱི [རཱཛཋཱནཱི (ཊཱི.)] ཙ, ཁནྡྷཱཝཱརོ བྷཝེ ཐ ཙ.

སཱཁཱནགར མཉྙཏྲ, ཡཾ ཏཾ མཱུལཔུརཱ པུརཾ;

བཱརཱཎསཱི ཙ སཱཝཏྠི, ཝེསཱལཱི མིཐིལཱ, ལ༹ཝཱི.

ཀོསམྦུ, ཛྫེནིཡོ ཏཀྐ, སིལཱ ཙམྤཱ ཙ སཱགལཾ;

སུསུམཱརགིརཾ [སཾསུམཱར (ཊཱིཀཱ)] རཱཛ, གཧཾ ཀཔིལཝཏྠུ ཙ.

སཱཀེཏ, མིནྡཔཏྠཉྩོ, ཀྐཊྛཱ པཱཊལིཔུཏྟཀཾ;

ཛེཏུཏྟརཉྩ སངྐསྶཾ, ཀུསིནཱརཱདཡོ པུརཱི.

རཙྪཱ ཙ ཝིསིཁཱ ཝུཏྟཱ, རཐིཀཱ ཝཱིཐི ཙཱཔྱཐ;

བྱཱུཧོ རཙྪཱ ཨནིབྦིདྡྷཱ, ནིབྦིདྡྷཱ ཏུ པཐདྡྷི ཙ.

ཙཏུཀྐཾ ཙཙྩརེ མགྒ, སནྡྷི སིངྒྷཱཊཀཾ བྷཝེ;

པཱཀཱརོ ཝརཎོ ཙཱཐ, ཨུདཱཔོ [ཨུདྡཱཔ, ཨུདྡཱཔ] ཨུཔཀཱརིཀཱ.

ཀུཊྚཾ ཏུ བྷིཏྟི ནཱརཱི ཐ, གོཔུརཾ དྭཱརཀོཊྛཀོ;

ཨེསིཀཱ ཨིནྡཁཱིལོ ཙ, ཨཊྚོ ཏྭཊྚཱལཀོ བྷཝེ.

ཏོརཎཾ ཏུ བཧིདྭཱརཾ, པརིཁཱཏུ ཙ དཱིགྷིཀཱ;

མནྡིརཾ སདནཱ, གཱརཾ, ནིཀཱཡོ ནིལཡཱ, ལཡོ.

ཨཱཝཱསོ བྷཝནཾ ཝེསྨཾ, ནིཀེཏནཾ ནིཝེསནཾ;

ཨོཀཾ སཱལཱ ཁཡོ ཝཱསོ, ཐིཡཾ ཀུཊི ཝསཏྱ’པི;

གེཧཉྩཱ, ནིཏྠི སདུམཾ, ཙེཏིཡཱ, ཡཏནཱནི ཏུ.

པཱསཱདོ ¶ ཙེཝ ཡཱུཔོ ཐ, མུཎྜཙྪདོ ཙ ཧམྨིཡཾ;

ཡཱུཔོཏུ གཛཀུམྦྷམྷི, ཧཏྠིནཁོ པཏིཊྛིཏོ.

སུཔཎྞཝངྐཙྪདན, མཌྜྷཡོགོ སིཡཱ ཐ ཙ;

སབྷཱཡཉྩ སབྷཱ ཙཱཐ, མཎྜཔཾ ཝཱ ཛནཱལཡོ;

ཨཐོ ཨཱསནསཱལཱཡཾ, པཊིཀྐམན མཱིརིཏཾ.

ཛིནསྶ ཝཱསབྷཝན, མིཏྠཱི གནྡྷཀུཊི པྱཐ;

ཐིཡཾ རསཝཏཱི པཱཀ, ཊྛཱནཉྩེཝ མཧཱནསཾ.

ཨཱཝེསནཾ སིཔྤསཱལཱ, སོཎྜཱ ཏུ པཱནམནྡིརཾ;

ཝཙྩཊྛཱནཾ ཝཙྩཀུཊི, མུནཱིནཾ ཋཱན མསྶམོ.

པཎྱཝིཀྐཡསཱལཱ ཀུ, ཨཱཔཎོ པཎྱཝཱིཐིཀཱ;

ཨུདོསིཏོ བྷཎྜསཱལཱ, ཙངྐམནཾ ཏུ ཙངྐམོ.

ཛནྟཱགྷརཾ ཏྭགྒིསཱལཱ, པཔཱ པཱནཱིཡསཱལིཀཱ;

གབྦྷོ ཨོཝརཀོ ཝཱསཱ, གཱརཾ ཏུ སཡནིགྒཧཾ.

ཨིཏྠཱགཱརཾ ཏུ ཨོརོདྷོ, སུདྡྷནྟོ’ ནྟེཔུརམྤི ཙ;

ཨསབྦཝིསཡཊྛཱནཾ, རཉྙཾ ཀཙྪནྟརཾ མཏཾ.

ཝཱཏཔཱནཾ གཝཀྑོ ཙ, ཛཱལཉྩ སཱིཧཔཉྫརཾ.

ཨཱལོཀསནྡྷི ཝུཏྟོ ཐ, ལངྒཱི’ཏྠཱི པལིགྷོ བྷཝེ;

ཀཔིསཱིསོ, གྒལཏྠམྦྷོ, ནིབྦཾ ཏུ ཚདྡཀོཊིཡཾ.

ཚདནཾ པཊལཾ ཚདྡ, མཛིརཾ ཙཙྩརོ, ངྒཎཾ;

པགྷཱནོ པགྷནཱ, ལིནྡོ, པམུཁཾ དྭཱརབནྡྷནཾ.

པིཊྛསངྒྷཱཊཀཾ དྭཱར, བཱཧཱ ཀཱུཊཾ ཏུ ཀཎྞིཀཱ;

དྭཱརཉྩ པཊིཧཱརོ ཐ, ཨུམྨཱརོ དེཧནཱི, ཏྠིཡཾ.

ཨེལ༹ཀོ ཨིནྡཁཱིལོ ཐ, ཐམྦྷོ ཐཱུཎོ པུམིཏྠིཡཾ;

པཱཊིཀཱ, ཌྜྷེནྡུཔཱསཱཎེ, གིཉྫཀཱ ཏུ ཙ ཨིཊྛཀཱ.

ཝལབྷིཙྪཱདིདཱརུམྷི, ཝངྐེ གོཔཱནསཱི, ཏྠིཡཾ;

ཀཔོཏཔཱལིཀཱཡཾ ཏུ, ཝིཊངྐོ ནིཏྠིཡཾ བྷཝེ.

ཀུཉྩིཀཱཝིཝརཾ ¶ ཏཱལ༹, ཙྪིགྒལོ པྱཐ ཀུཉྩིཀཱ;

ཏཱལོ༹’ཝཱཔུརཎཾ ཙཱཐ, ཝེདིཀཱ ཝེདི ཀཐྱཏེ.

སངྒྷཱཏོ པཀྑཔཱསོ ཙ, མནྡིརངྒཱ ཏུལཱ ཨཔི;

ཐིཡཾ སམྨུཛྫནཱི ཙེཝ, སམྨཛྫནཱི ཙ སོདྷནཱི.

སངྐཊཱིརཾ ཏུ སངྐཱར, ཊྛཱནཾ སངྐཱརཀཱུཊཀཾ;

ཨཐོ ཀཙཝརོ, ཀླཱཔོ, སངྐཱརོ ཙ ཀསམྦུཔི.

གྷརཱདིབྷཱུམི ཏཾ ཝཏྠུ, གཱམོ སཾཝསཐོ ཐ སོ;

པཱཀཊོ ནིགམོ བྷོག, མཙྩཱདིབྷྱོ དྷི ཏཱུདིཏོ [‘ཨདྷིབྷཱུ’ཏི ཨཱིརིཏོ ཀཐིཏོ (ཊཱི.)].

མནུསྶོ མཱནུསོ མཙྩོ, མཱནཝོ མནུཛོ ནརོ;

བུདྷོ ཝིདྭཱ ཝིབྷཱཝཱི ཙ, སནྟོ སཔྤཉྙ ཀོཝིདཱ;

དྷཱིམཱ སུདྷཱི ཀཝི བྱཏྟོ, ཝིཙཀྑཎོ ཝིསཱརདོ.

མེདྷཱཝཱི མཏིམཱ པཉྙོ, ཝིཉྙཱུ ཙ ཝིདཱུརོ ཝིདཱུ;

དྷཱིརོ ཝིཔསྶཱི དོསཉྙཱུ, བུདྡྷོ ཙ དབྦ ཝིདྡསུ.

ཨིཏྠཱི སཱིམནྟིནཱི ནཱརཱི, ཐཱི ཝདྷཱུ ཝནིཏཱ, ངྒནཱ;

པམདཱ སུནྡརཱི ཀནྟཱ, རམཎཱི དཡིཏཱ, བལཱ.

མཱཏུགཱམོ ཙ མཧིལཱ, ལལནཱ བྷཱིརུ ཀཱམིནཱི;

ཀུམཱརིཀཱ ཏུ ཀཉྙཱ ཐ, ཡུཝཏཱི ཏརུཎཱི བྷཝེ.

དྷཝཏྠིནཱི ཏུ སངྐེཏཾ, ཡཱཏི ཡཱ སཱ, བྷིསཱརིཀཱ.

གཎིཀཱ ¶ ཝེསིཡཱ ཝཎྞ, དཱསཱི ནགརསོབྷིནཱི;

རཱུཔཱུཔཛཱིཝིནཱི ཝེསཱི, ཀུལཊཱ ཏུ ཙ བནྡྷཀཱི.

ཝརཱརོཧོ, ཏྟམཱ མཏྟ, ཀཱསིནཱི ཝརཝཎྞིནཱི;

པཏིབྦཏཱ ཏྭཔི སཏཱི, ཀུལིཏྠཱི ཀུལཔཱལིཀཱ.

ཝིདྷཝཱ པཏིསུཉྙཱ ཐ, པཏིམྦརཱ སཡམྦརཱ;

ཝིཛཱཏཱ ཏུ པསཱུཏཱ ཙ, ཛཱཏཱཔཙྩཱ པསཱུཏིཀཱ.

དཱུཏཱི སཉྩཱརིཀཱ དཱསཱི, ཏུ ཙེཊཱི ཀུཊདྷཱརིཀཱ;

ཝཱརུཎཱི, ཀྑཎིཀཱ ཏུལྱཱ, ཁཏྟིཡཱནཱི ཏུ ཁཏྟིཡཱ.

དཱརོ ཛཱཡཱ ཀལཏྟཉྩ, གྷརཎཱི བྷརིཡཱ པིཡཱ,

པཛཱཔཏཱི ཙ དུཏིཡཱ, སཱ པཱདཔརིཙཱརིཀཱ.

སཁཱི ཏྭཱ’ལཱི ཝཡསྶཱ ཐ, ཛཱརཱི ཙེཝཱ’ཏིཙཱརིནཱི;

པུམེ ཏཱུ’ཏུ རཛོ པུཔྥཾ, ཨུཏུནཱི ཏུ རཛསྶལཱ.

པུཔྥཝཏཱི གརུགབྦྷཱ, པནྣསཏྟཱ ཙ གབྦྷིནཱི;

གབྦྷཱསཡོ ཛལཱབུཔི, ཀལལཾ པུནྣཔུཾསཀེ.

དྷཝོཏུ སཱམིཀོ བྷཏྟཱ, ཀནྟོ པཏི ཝརོ པིཡོ;

ཏནུཛོ ཏནཡོ སཱུནུ, པུཏྟཱདཱི དྷཱིཏརི’ཏྠིཡཾ;

ཛཱཡཱཔཏཱི ཛནིཔཏཱི, ཛཡམྤཏཱི ཏུ དམྤཏཱི [དམྤཏཱིཏི པདཾ པུལླིངྒ བཧུཝཙནནྟཾ ཨིཀཱརནྟཾ, ཏུདམྤཏི (ཊཱི.)];

ཨཐ ཝསྶཝརོ ཝུཏྟོ, པཎྜཀོ ཙ ནཔུཾསཀཾ.

བནྡྷཝོ བནྡྷུ སཛནོ, སགོཏྟོ ཉཱཏི ཉཱཏཀོ;

ཨམྨ, མྦཱ ཛནནཱི མཱཏཱ, ཛནེཏྟི ཛནིཀཱ བྷཝེ;

ནནནྡཱ ¶ སཱམིབྷགིནཱི, མཱཏཱམཧཱི ཏུ ཨཡྻིཀཱ;

མཱཏུལོ མཱཏུབྷཱཏཱ,སྶ, མཱཏུལཱནཱི པཛཱཔཏི.

ཛཱཡཱཔཏཱིནཾ ཛནནཱི, སསྶུ ཝུཏྟཱཐ ཏཔྤིཏཱ;

སསུརོ བྷཱགིནེཡྻོཏུ, པུཏྟོ བྷགིནིཡཱ བྷཝེ.

ནཏྟཱ ཝུཏྟོ པཔུཏྟོ ཐ, སཱམིབྷཱཏཱ ཏུ དེཝརོ;

མཱཏུཙྪཱ མཱཏུབྷགིནཱི, པིཏུཙྪཱ བྷགིནཱི པིཏུ;

སོདརིཡོ སགབྦྷོ ཙ, སོདརོ སཧཛོ པྱཐ;

མཱཏཱཔིཏཱུ ཏེ པིཏརོ, པུཏྟཱ ཏུ པུཏྟདྷཱིཏརོ.

སསུརཱ སསྶུསསུརཱ, བྷཱཏུབྷགིནཱི བྷཱཏརོ;

བཱལཏྟཾ བཱལཏཱ བཱལྱཾ, ཡོབྦཉྙཾཏུ ཙ ཡོབྦནཾ.

སུཀྐཱ ཏུ པལིཏཾ ཀེསཱ, དཡོ ཐ ཛརཏཱ ཛརཱ;

པུཐུཀོ པིལླཀོ ཚཱཔོ, ཀུམཱརོ བཱལ པོཏཀཱ.

ཨཐུ’ ཏྟཱནསཡུ’ཏྟཱན, སེཡྻཀཱ ཐནཔོཔི ཙ;

ཏརུཎོ ཙ ཝཡཊྛོ ཙ, དཧརོ ཙ ཡུཝཱ སུསུ;

མཱཎཝོདཱརཀོཙཱཐ, སུཀུམཱརོ སུཁེདྷིཏོ.

མཧལླཀོ ཙ ཝུདྡྷོ ཙ, ཐེརོ ཛིཎྞོ ཙ ཛིཎྞཀོ;

ཨགྒཛོ པུབྦཛོ ཛེཊྛོ, ཀནིཡོ ཀནིཊྛོ ནུཛོ.

ཝལིཏྟཙོ ཏུ ཝལིནོ; ཏཱིསུ’ཏྟཱནསཡཱདཡོ;

སཱིསོ’ཏྟམངྒཱནི སིརོ, མུདྡྷཱ ཙ མཏྠཀོ བྷཝེ;

ཀེསོ ཏུ ཀུནྟལོ ཝཱལོ, ཏྟམངྒརུཧ མུདྡྷཛཱ.

སཱིམནྟོ ཏུ མཏོ ནཱརི, ཀེསམཛ྄ཛྷམྷི པདྡྷཏི.

ལོམཾ ¶ ཏནུརུཧཾ རོམཾ, པམྷཾ པཁུམ མཀྑིགཾ;

མསྶུ ཝུཏྟཾ པུམམུཁེ, བྷཱུ ཏྭིཏྠཱི བྷམུཀོ བྷམུ.

བཔྤོ [ཁཔྤོ (ཊཱི.)] ནེཏྟཛལ’སྶཱུནི, ནེཏྟཏཱརཱ ཀནཱིནིཀཱ;

ཝདནཾ ཏུ མུཁཾ ཏུཎྜཾ, ཝཏྟཾ ལཔན མཱནནཾ.

དྭིཛོ ལཔནཛོ དནྟོ, དསནོ རདནོ རདོ;

དཱཋཱ ཏུདནྟབྷེདསྨིཾ, ཨཔཱངྒོ ཏྭཀྑིཀོཊིསུ.

དནྟཱཝརཎ མོཊྛོ ཙཱ, པྱ’དྷརོ དསནཙྪདོ;

གཎྜོ ཀཔོལོ ཧནྭིཏྠཱི [གཎྜཏྠཱི (ཊཱི.) ཧནྭཏྠཱི=ཧནུ+ཨིཏྠཱི; ཧན+ཨུ (ཎྭཱདི)],

གལོ ཙ ཀཎྛོ གཱིཝཱ ཙ, ཀནྡྷརཱ ཙ སིརོདྷརཱ;

ཀམྦུགཱིཝཱ ཏུ ཡཱ གཱིཝཱ, སུཝཎྞཱལིངྒསནྣིབྷཱ;

ཨངྐིཏཱ ཏཱིཧི ལེཁཱཧི, ཀམྦུགཱིཝཱ ཐཝཱ མཏཱ.

ཨཾསོ ནིཏྠཱི བྷུཛསིརོ, ཁནྡྷོ ཏསྶནྡྷི ཛཏྟུ ཏཾ;

བཱཧུམཱུལཾ ཏུ ཀཙྪོ, དྷོ, ཏྭ’སྶ པསྶ མནིཏྠིཡཾ.

བཱཧུ བྷུཛཱདྭཱིསུ བཱཧཱ, ཧཏྠོ ཏུ ཀར པཱཎཡོ;

མཎིབནྡྷོ པཀོཊྛནྟོ, ཀཔྤརོ ཏུ ཀཔོཎྱ’ཐ.

མཎིབནྡྷ ཀནིཊྛཱནཾ, པཱཎིསྶ ཀརབྷོ,ནྟརཾ;

ཀརསཱཁཱ, ངྒུལཱི ཏཱ ཏུ, པཉྩ, ངྒུཊྛོ ཙ ཏཛྫནཱི;

མཛ྄ཛྷིམཱ ནཱམིཀཱ ཙཱཔི, ཀནིཊྛཱ’ཏི ཀམཱ སིཡུཾ.

པདེསོ ཏཱལགོཀཎྞཱ, ཝིདཏྠི,ཏྠཱི ཀམཱ ཏཏེ;

ཏཛྫནྱཱདིཡུཏེ’ངྒུཊྛེ, པསཏོ པཱཎི ཀུཉྩིཏོ.

རཏནཾ ཀུཀྐུ ཧཏྠོ ཐ, པུམེ ཀརཔུཊོ,ཉྫལི;

ཀརཛོ ཏུ ནཁོ ནིཏྠཱི, ཁཊཀོ མུཊྛི ཙ དྭཱིསུ.

བྱཱམོ སཧཀརཱ བཱཧུ, དྭེ པསྶདྭཡཝིཏྠཏཱ;

ཨུདྡྷནྟཏ བྷུཛཔོས, པྤམཱཎེ པོརིསཾ ཏིསུ.

ཨུརོ ཙ ཧདཡཾ ཙཱཐ, ཐནོ ཀུཙ པཡོདྷརཱ;

ཙཱུཙུཀཾ ཏུ ཐནགྒསྨིཾ, པིཊྛཾ ཏུ པིཊྛི ནཱརིཡཾ.

མཛ྄ཛྷོ’ནིཏྠཱི ¶ ཝིལགྒོ ཙ, མཛ྄ཛྷིམཾ ཀུཙྪི [ཙཏུཀྐཾ ཨུདརེ; ༩༤༤-གཱཐཱཔི པསྶིཏབྦཱ] ཏུ དྭིསུ;

གཧཎཱིཏྠྱུདརཾ གབྦྷོ, ཀོཊྛོནྟོ ཀུཙྪིསམྦྷཝེ.

ཛགྷནཾ ཏུ ནིཏམྦོ ཙ, སོཎཱི ཙ ཀཊི ནཱརིཡཾ;

ཨངྒཛཱཏཾ རཧསྶངྒཾ, ཝཏྠགུཡ྄ཧཉྩ མེཧནཾ.

ནིམིཏྟཉྩ ཝརངྒཉྩ, བཱིཛཉྩ ཕལམེཝ ཙ;

ཨསུཙི སམྦྷཝོ སུཀྐཾ, པཱཡུ ཏུ པུརིསེ གུདཾ;

ཝཱ པུམེ གཱུཐ ཀརཱིས, ཝཙྩཱནི ཙ མལཾ ཚཀཾ.

ཨུཙྩཱརོ མཱིལ༹ྷ མུཀྐཱརོ, པསྶཱཝོ མུཏྟ མུཙྩཏེ;

པཱུཏིམུཏྟཉྩ གོམུཏྟེ, སྶཱདཱིནཾ ཚཀཎཾ མལེ.

དྭཱིསྭདྷོ ནཱབྷིཡཱ ཝཏྠི, ཨུཙྪངྒ’ངྐཱ ཏུ’བྷོ པུམེ;

ཨཱུརུ སཏྠི པུམེ ཨཱུརུ, པབྦཾ ཏུ ཛཱཎུ ཛཎྞུ ཙ.

གོཔྥཀོ པཱདགཎྛིཔི, པུམེ ཏུ པཎྷི པཱསཎི;

པཱདགྒཾ པཔདོ པཱདོ, ཏུ པདོ ཙརཎཉྩ ཝཱ.

ཨངྒཾཏྭ’ཝཡཝོ ཝུཏྟོ, ཕཱསུལིཀཱ ཏུ ཕཱསུཀཱ;

པཎྜཀེ ཨཊྛི དྷཱཏྭིཏྠཱི, གལནྟཊྛི ཏུ ཨཀྑཀོ.

ཀཔྤརོ ཏུ ཀཔཱལཾ ཝཱ, ཀཎྜརཱ ཏུ མཧཱསིརཱ;

པུམེ ནྷཱརུ ཙིཏྠཱི སིརཱ, དྷམནཱི ཐ རསགྒསཱ.

རསཧརཎྱ’ཐོ མཾས, མཱམིསཾ པིསིཏཾ བྷཝེ;

ཏིལིངྒིཀཾ ཏུ ཝལླཱུར, མུཏྟཏྟཾ ཨཐ ལོཧིཏཾ.

རུདྷིརཾ སོཎིཏཾ རཏྟཾ, ལཱལཱ ཁེལོ༹ ཨེལཱ བྷཝེ;

པུརིསེ མཱཡུ པིཏྟཉྩ, སེམྷོ ནིཏྠཱི སིལེསུམོ.

ཝསཱ ཝིལཱིནསྣེཧོ ཐ, མེདོ ཙེཝ ཝཔཱ བྷཝེ;

ཨཱཀཔྤོ ཝེསོ ནེཔཙྪཾ, མཎྜནཾ ཏུ པསཱདྷནཾ.

ཝིབྷཱུསནཾ ཙཱབྷརཎཾ, ཨལངྐཱརོ པིལནྡྷནཾ;

ཀིརཱིཊ མཀུཊཱ’ནིཏྠཱི, ཙཱུལཱ༹མཎི སིརོམཎི.

སིརོཝེཋན ¶ མུཎྷཱིསཾ, ཀུཎྜལཾ ཀཎྞཝེཋནཾ;

ཀཎྞིཀཱ ཀཎྞཔཱུརོ ཙ, སིཡཱ ཀཎྞཝིབྷཱུསནཾ.

ཀཎྛབྷཱུསཱ ཏུ གཱིཝེཡྻཾ, ཧཱརོ མུཏྟཱཝལི’ཏྠིཡཾ;

ནིཡུརོ ཝལཡོ ནིཏྠཱི, ཀཊཀཾ པརིཧཱརཀཾ.

ཀངྐཎཾ ཀརབྷཱུསཱ ཐ, ཀིངྐིཎཱི [ཀིཾཀཎཱི ཀིཾ ཀཎིཀཱ (ཀ.)] ཁུདྡགྷཎྚིཀཱ;

ཨངྒུལཱིཡཀ མངྒུལྱཱ, བྷརཎཾ, སཱཀྑརཾ ཏུ ཏཾ.

མུདྡིཀཱ’ངྒུལིམུདྡཱ ཐ, རསནཱ མེཁལཱ བྷཝེ;

ཀེཡཱུར མངྒདཉྩེཝ, བཱཧུམཱུལཝིབྷཱུསནཾ.

པཱདངྒདཾ ཏུ མཉྫཱིརོ, པཱདཀཊཀ ནཱུཔུརཱ;

ཨལངྐཱརཔྤབྷེདཱ ཏུ, མུཁཕུལླཾ ཏཐོ’ཎྞཏཾ;

ཨུགྒཏྠནཾ གིངྒམཀ, མིཙྩེཝམཱདཡོ སིཡུཾ.

ཙེལ མཙྪཱདནཾ ཝཏྠཾ, ཝཱསོ ཝསན མཾསུཀཾ;

ཨམྦརཉྩ པཊོ ནིཏྠཱི, དུསྶཾ ཙོལོ ཙ སཱཊཀོ.

ཁོམཾ དུཀཱུལཾ ཀོསེཡྻཾ, པཏྟུཎྞཾ ཀམྦལོ ཙ ཝཱ;

སཱཎཾ ཀོཊམྦུརཾ བྷངྒ, ནྟྱཱདི ཝཏྠནྟརཾ མཏཾ.

ནིཝཱསན ནྟརཱིཡཱནྱ, ནྟརམནྟརཝཱསཀོ;

པཱཝཱརོ ཏུ’ཏྟརཱསངྒོ, ཨུཔསཾབྱཱན མུཏྟརཾ.

ཨུཏྟརཱིཡ མཐོ ཝཏྠ, མཧཏནྟི མཏཾ ནཝཾ;

ནནྟཀཾ ཀཔྤཊོ ཛིཎྞ, ཝསནཾ ཏུ པཊཙྩརཾ.

ཀཉྩུཀོ ཝཱརཝཱཎཾ ཝཱ, ཐ ཝཏྠཱཝཡཝེ དསཱ;

ནཱལིཔཊྚོཏི ཀཐིཏོ, ཨུཏྟམངྒམྷི ཀཉྩུཀོ.

ཨརཧདྡྷཛོ ཙ ཀཱསཱཡ, ཀཱསཱཝཱནི ཙ ཙཱིཝརཾ;

མཎྜལཾ ཏུ ཏདངྒཱནི, ཝིཝཊྚ ཀུསིཨཱདཡོ.

ཕལ,ཏྟཙ, ཀིམི, རོམཱ, ནྱེཏཱ ཝཏྠསྶ ཡོནིཡོ;

ཕཱལཾ ཀཔྤཱསིཀཾ ཏཱིསུ, ཁོམཱདཱི ཏུ ཏཙབྦྷཝཱ.

ཀོསེཡྻཾ ¶ ཀིམིཛཾ, རོམ, མཡཾ ཏུ ཀམྦལཾ བྷཝེ;

སམཱནཏྠཱ ཛཝནིཀཱ, སཱ ཏིརོཀརཎཱི པྱཐ.

པུནྣཔུཾསཀ མུལློཙཾ, ཝིཏཱནཾ དྭཡ མཱིརིཏཾ;

ནཧཱནཉྩ སིནཱནེ ཐོ, བྦཊྚནུ’མྨཛྫནཾ སམཾ.

ཝིསེསཀོ ཏུ ཏིལཀོ, ཏྱཱུབྷོ ནིཏྠཱི ཙ ཙིཏྟཀཾ;

ཙནྡནོ ནིཏྠིཡཾ གནྡྷ, སཱརོ མལཡཛོ པྱཐ.

གོསཱིསཾ ཏེལཔཎྞིཀཾ, པུམེ ཝཱ ཧརིཙནྡནཾ;

ཏིལཔཎྞཱི ཏུ པཏྟངྒ, རཉྫནཾ རཏྟཙནྡནཾ.

ཀཱལཱ༹ནུསཱརཱི ཀཱལི༹ཡཾ, ལོཧཾ ཏྭཱ’གརུ ཙཱ’གལུ༹;

ཀཱལཱ༹གརུཏུ ཀཱལེ༹’སྨིཾ, ཏུརུཀྑོཏུ ཙ པིཎྜཀོ.

ཀཏྠཱུརིཀཱ མིགམདོ, ཀུཊྛཾ ཏུ ཨཛཔཱལཀཾ;

ལཝངྒཾ དེཝཀུསུམཾ, ཀསྨཱིརཛཾ ཏུ ཀུངྐུམཾ.

ཡཀྑདྷཱུཔོ སཛྫུལསོ, ཏཀྐོལཾ ཏུ ཙ ཀོལཀཾ;

ཀོསཕལ མཐོ ཛཱཏི, ཀོསཾ ཛཱཏིཕལཾ བྷཝེ.

གྷནསཱརོ སིཏབྦྷོ ཙ, ཀཔྤཱུརཾ པུནྣཔུཾསཀེ;

ཨལཏྟཀོ ཡཱཝཀོ ཙ, ལཱཁཱ ཛཏུ ནཔུཾསཀེ.

སིརིཝཱསོ ཏུ སརལ, དྡཝོ’ ཉྫནཾ ཏུ ཀཛྫལཾ;

ཝཱསཙུཎྞཾ ཝཱསཡོགོ, ཝཎྞཀཾ ཏུ ཝིལེཔནཾ.

གནྡྷམཱལྱཱདིསངྑཱརོ, ཡོ ཏཾ ཝཱསན མུཙྩཏེ;

མཱལཱ མཱལྱཾ པུཔྥདཱམེ [པུཔྥཾ དཱམཾ (ཀ.)], བྷཱཝིཏཾ ཝཱསིཏཾ ཏིསུ.

ཨུཏྟཾསོ སེཁརཱ’ ཝེལཱ༹, མུདྡྷམཱལྱེ ཝཊཾསཀོ;

སེཡྻཱ ཙ སཡནཾ སེནཾ, པལླངྐོ ཏུ ཙ མཉྩཀོ.

མཉྩཱདྷཱརོ པཊིཔཱདོ, མཉྩངྒེ ཏྭཊནཱི ཏྠིཡཾ,

ཀུལཱི༹རཔཱདོ ཨཱཧཙྩ, པཱདོ ཙེཝ མསཱརཀོ;

ཙཏྟཱརོ བུནྡིཀཱབདྡྷོ, ཏིམེ མཉྩནྟརཱ སིཡུཾ.

བིབྦོཧནཾ ཙོ’ པདྷཱནཾ, པཱིཋིཀཱ པཱིཋ མཱསནཾ;

ཀོཙྪཾ ཏུ བྷདྡཔཱིཋེ ཐཱ, སནྡཱི པཱིཋནྟརེ མཏཱ.

ཨུཎྞཱམཡཾ ཏྭཏྠརཎཾ, ཙིཏྟཀཾ ཝཱནཙིཏྟཀཾ.

གྷནཔུཔྥཾ པཊལིཀཱ, སེཏཾ ཏུ པཊིཀཱ པྱཐ;

དྭིདསེཀདསཱནྱུ’ དྡ,ལོམི ཨེཀནྟལོམིནོ.

ཏདེཝ སོལ༹སིཏྠཱིནཾ, ནཙྩཡོགྒཉྷི ཀུཏྟཀཾ;

སཱིཧབྱགྒྷཱདིརཱུཔེཧི, ཙིཏྟཾ ཝིཀཏིཀཱ བྷཝེ.

ཀཊྚིསྶཾ ཀོསེཡྻཾ རཏན, པརིསིབྦིཏ མཏྠརཎཾ ཀམཱ;

ཀོསིཡཀཊྚིསྶམཡཾ, ཀོསིཡསུཏྟེན པཀཏཉྩ.

དཱིཔོ པདཱིཔོ པཛྫོཏོ, པུམེ ཏྭཱདཱས དཔྤཎཱ;

གེཎྜུཀོ ཀཎྜུཀོ ཏཱལ, ཝཎྚཾ ཏུ བཱིཛནཱིཏྠིཡཾ.

ཙངྐོཊཀོ ཀརཎྜོ ཙ, སམུགྒོ སམྤུཊོ བྷཝེ;

གཱམདྷམྨོ ཨསདྡྷམྨོ, བྱཝཱཡོ མེཐུནཾ རཏི.

ཝིཝཱཧོ པཡམཱ པཱཎི, གྒཧོ པརིཎཡོ པྱཐ;

ཏིཝགྒོ དྷམྨ, ཀཱམ,ཏྠཱ, ཙཏུཝགྒོ སམོཀྑཀཱ.

ཁུཛྫོ ཙ གཎྜུལོ རསྶ, ཝཱམནཱ ཏུ ལཀུཎྜཀོ;

པངྒུལོ པཱིཋསཔྤཱི ཙ, པངྒུ ཚིནྣིརིཡཱཔཐོ.

ཀུཎཱི ཧཏྠཱདིཝངྐོ ཙ, ཝལིརོ ཏུ ཙ ཀེཀརོ.

བདྷིརོ སུཏིཧཱིནོ ཐ, གིལཱནོ བྱཱདྷིཏཱ’ཏུརཱ;

ཨུམྨཱདཝཏི ཨུམྨཏྟོ, ཁུཛྫཱདཱི ཝཱཙྩལིངྒིཀཱ.

ཨཱཏངྐོ ཨཱམཡོ བྱཱདྷི, གདོ རོགོ རུཛཱཔི ཙ;

པཱིནསོ [པཱིནཱསོཏིཔི པཱཋོ] ¶ ནཱསིཀཱརོགོ,

ཉེཡྻཾ ཏྭ’རུ ཝཎོ ནིཏྠཱི, ཕོཊོ ཏུ པིལ༹ཀཱ བྷཝེ.

པུབྦོ པཱུཡོ ཐ རཏྟཱཏི, སཱརོ པཀྑནྡིཀཱ པྱཐ;

ཨཔམཱརོ ཨཔསྨཱརོ, པཱདཕོཊོ ཝིཔཱདིཀཱ.

ཝུཌྜྷིརོགོ ཏུ ཝཱཏཎྜཾ, སཱིཔདཾ བྷཱརཔཱདཏཱ;

ཀཎྜཱུ ཀཎྜཱུཏི ཀཎྜཱུཡཱ, ཁཛྫུ ཀཎྜཱུཝནཾ པྱཐ.

པཱམཾ ཝིཏཙྪིཀཱ ཀཙྪུ, སོཐོ ཏུ སཡཐཱུ’དིཏོ;

དུནྣཱམཀཉྩ ཨརིསཾ, ཚདྡིཀཱ ཝམཐཱུ’དིཏོ.

དཝཐུ པརིཏཱཔོ ཐ, ཏིལཀོ ཏིལཀཱལ༹ཀོ;

ཝིསཱུཙིཀཱ ཨིཏི མཧཱ, ཝིརེཀོ ཐ བྷགནྡལོ [བྷགནྡརོ (ཀ.)].

མེཧོ ཛརོ ཀཱས སཱསཱ, ཀུཊྛཾ སཱུལཱམཡནྟརཱ;

ཝུཏྟོ ཝེཛྫོ བྷིསཀྐོ ཙ, རོགཧཱརཱི ཏིཀིཙྪཀོ.

སལླཝེཛྫོ སལླཀཏྟོ, ཏིཀིཙྪཱ ཏུ པཏིཀྲིཡཱ;

བྷེསཛྫ མགདོ ཙེཝ, བྷེསཛཾ མོ’སདྷཾ པྱཐ.

ཀུལཾ ཝཾསོ ཙ སནྟཱནཱ, བྷིཛནཱ གོཏྟ མནྭཡོ;

ཐིཡཾ སནྟཏྱ ཐོ ཝཎྞཱ, ཙཏྟཱརོ ཁཏྟིཡཱདཡོ.

རཱཛཱ བྷཱུཔཏི བྷཱུཔཱལོ, པཏྠིཝོ ཙ ནརཱདྷིཔོ.

བྷཱུནཱཐོ ¶ ཛགཏིཔཱལོ, དིསམྤཏི ཛནཱདྷིཔོ;

རཊྛཱདྷིཔོ ནརདེཝོ, བྷཱུམིཔོ བྷཱུབྷུཛོ པྱཐ.

རཱཛཉྙོ ཁཏྟིཡོ ཁཏྟཾ, མུདྡྷཱབྷིསིཏྟ བཱཧུཛཱ;

སབྦབྷུམྨོ ཙཀྐཝཏྟཱི, བྷཱུཔོཉྙོ མཎྜལིསྶརོ.

པུམེ ལིཙྪཝི ཝཛྫཱི ཙ, སཀྱོ ཏུ སཱཀིཡོ ཐ ཙ;

བྷདྡཀཙྩཱནཱ [བྷདྡཱ ཀཙྩཱནཱ (ཊཱི.)] རཱཧུལ, མཱཏཱ བིམྦཱ ཡསོདྷརཱ.

ཀོཊཱིནཾ ཧེཊྛིམནྟེན, སཏཾ ཡེསཾ ནིདྷཱནགཾ;

ཀཧཱཔཎཱནཾ དིཝས, ཝལ༹ཉྫོ ཝཱིསཏམྦཎཾ.

ཏེ ཁཏྟིཡམཧཱསཱལཱ, སཱིཏི ཀོཊིདྷནཱནི ཏུ;

ནིདྷཱནགཱནི དིཝས, ཝལ༹ཉྫོ ཙ དསམྦཎཾ.

ཡེསཾ དྭིཛམཧཱསཱལཱ, ཏདུཔཌྜྷེ ནིདྷཱནགེ;

ཝལ༹ཉྫེ ཙ གཧཔཏི, མཧཱསཱལཱ དྷནེ སིཡུཾ.

མཧཱམཏྟོ པདྷཱནཉྩ, མཏིསཛཱིཝོ མནྟིནཱི;

སཛཱིཝོ སཙིཝཱ, མཙྩོ, སེནཱནཱི ཏུ ཙམཱུཔཏི.

ནྱཱསཱདཱིནཾ ཝིཝཱདཱནཾ, ཨཀྑདསྶོ པདཊྛརི;

དོཝཱརིཀོ པཏཱིཧཱརོ, དྭཱརཊྛོ དྭཱརཔཱལཀོ.

ཨནཱིཀཊྛོཏི རཱཛཱུནཾ, ཨངྒརཀྑགཎོ མཏོ;

ཀཉྩུཀཱི སོཝིདལློ ཙ, ཨནུཛཱིཝཱི ཏུ སེཝཀོ.

སདེསཱནནྟརོ སཏྟུ, མིཏྟོརཱཛཱ ཏཏོ པརཾ.

ཨམིཏྟོ རིཔུ ཝེརཱི ཙ, སཔཏྟཱ རཱཏི སཏྭ’རི; (སཏྟུ+ཨརི)

པཙྩཏྠིཀོ པརིཔནྠཱི, པཊིཔཀྑཱ ཧིཏཱཔརོ.

པཙྩཱམིཏྟོ ཝིཔཀྑོ ཙ, པཙྩནཱིཀ ཝིརོདྷིནོ;

ཝིདྡེསཱི ཙ དིསོ དིཊྛོ,ཐཱ ནུརོདྷོ ནུཝཏྟནཾ.

མིཏྟོ ནིཏྠཱི ཝཡསྶོ ཙ, སཧཱཡོ [སུཧཛྫོ (ཊཱི.)] སུཧདོ སཁཱ;

སམྦྷཏྟོ དལ༹ྷམིཏྟོ ཐ, སནྡིཊྛོ དིཊྛམཏྟཀོ.

ཙརོ ཙ གུལ༹ྷཔུརིསོ, པཐཱཝཱི པཐིཀོ’དྡྷགཱུ;

དཱུཏོ ཏུ སནྡེསཧརོ, གཎཀོ ཏུ མུཧུཏྟིཀོ.

ལེཁཀོ ¶ ལིཔིཀཱརོ ཙ, ཝཎྞོ ཏུ ཨཀྑརོ པྱཐ;

བྷེདོ དཎྜོ སཱམ དཱནཱ, ནྱུཔཱཡཱ ཙཏུརོ ཨིམེ.

ཨུཔཛཱཔོཏུ བྷེདོ ཙ, དཎྜོ ཏུ སཱཧསཾ དམོ;

སཱམྱ’ མཙྩོ སཁཱ ཀོསོ, དུགྒཉྩ ཝིཛིཏཾ བལཾ;

རཛྫངྒཱནཱིཏི སཏྟེཏེ, སིཡུཾ པཀཏིཡོ པིཙ.

པབྷཱཝུ’སྶཱཧ, མནྟཱནཾ, ཝསཱ ཏིསྶོ ཧི སཏྟིཡོ;

མནྟོ ཙ མནྟནཾ སོ ཏུ, ཙཏུཀྐཎྞོ དྭིགོཙརོ;

ཏིགོཙརོ ཏུ ཚཀྐཎྞོ, རཧསྶཾ གུཡ྄ཧ མུཙྩཏེ.

ཏཱིསུ ཝིཝིཏྟ ཝིཛན, ཚནྣཱ, རཧོ རཧོ བྱཡཾ;

ཨོཝཱདོ ཙཱནུསིཊྛིཏྠཱི, པུམཝཛྫེ ནུསཱསནཾ;

ཨཱཎཱ ཙ སཱསནཾ ཉེཡྻཾ, ཨུདྡཱནཾ ཏུ ཙ བནྡྷནཾ.

ཨཱགུ ཝུཏྟ [མནྟུ (ཀ.)] མཔརཱདྷོ, ཀརོ ཏུ བལི མུཙྩཏེ;

པུཎྞཔཏྟོ ཏུཊྛིདཱཡོ, ཨུཔདཱ ཏུ ཙ པཱབྷཏཾ.

ཏཐོ’པཱཡན མུཀྐོཙོ, པཎྞཱཀཱརོ པཧེཎཀཾ;

སུངྐཾ ཏྭནིཏྠཱི གུམྦཱདི, དེཡྻེ ཐཱ’ཡོ དྷནཱགམོ.

ཨཱཏཔཏྟཾ ཏཐཱ ཚཏྟཾ, རཉྙཾ ཏུ ཧེམམཱསནཾ;

སཱིཧཱསནཾ ཨཐོ ཝཱལ༹, བཱིཛནཱིཏྠཱི ཙ ཙཱམརཾ.

ཁགྒོ ཙ ཚཏྟ མུཎྷཱིསཾ, པཱདུཀཱ ཝཱལབཱིཛནཱི;

ཨིམེ ཀཀུདྷབྷཎྜཱནི, བྷཝནྟི པཉྩ རཱཛུནཾ.

བྷདྡཀུམྦྷོ པུཎྞཀུམྦྷོ, བྷིངྐཱརོ ཛལདཱཡཀོ;

ཧཏྠི,སྶ,རཐ,པཏྟཱི ཏུ, སེནཱ ཧི ཙཏུརངྒིནཱི.

ཀུཉྫརོ ཝཱརཎོ ཧཏྠཱི, མཱཏངྒོ དྭིརདོ གཛོ;

ཀཱལཱ༹ཝཀ ¶ གངྒེཡྻཱ, པཎྜར ཏམྦཱ ཙ པིངྒལོ གནྡྷོ;

ཀལབྷོ ཙེཝ བྷིངྐོཐ, པབྷིནྣོ མཏྟ གཛྫིཏཱ;

ཧཏྠིགྷཊཱ ཏུ གཛཏཱ, ཧཏྠཱིནཱི ཏུ ཀརེཎུཀཱ.

ཀུམྦྷོ ཧཏྠིསིརོཔིཎྜཱ, ཀཎྞམཱུལཾ ཏུ ཙཱུལིཀཱ;

ཨཱསནཾ ཁནྡྷདེསམྷི, པུཙྪམཱུལཾ ཏུ མེཙཀོ.

ཨཱལཱན མཱལ༹ྷཀོ ཐམྦྷོ, ནིཏྠཱིཏུ ནིགལོ༹’ནྡུཀོ;

མཛ྄ཛྷམྷི བནྡྷནཾ ཀཙྪཱ, ཀཔྤནོ ཏུ ཀུཐཱདཡོ.

ཨོཔཝཡ྄ཧོ རཱཛཝཡ྄ཧོ, སཛྫིཏོ ཏུ ཙ ཀཔྤིཏོ;

ཏོམརོ ནིཏྠིཡཾ པཱདེ, སིཡཱ ཝིཛ྄ཛྷནཀཎྚཀོ.

ཏུཏྟཾ ཏུ ཀཎྞམཱུལམྷི, མཏྠཀམྷི ཏུ ཨངྐུསོ;

གཱམཎཱིཡོ ཏུ མཱཏངྒ, ཧཡཱདྱཱཙརིཡོ བྷཝེ;

གྷོཊཀོ ཏུ ཁལུ༹ངྐོ ཐ, ཛཝནོ ཙ ཛཝཱདྷིཀོ;

མུཁཱདྷཱནཾ ཁལཱིནོ ཝཱ, ཀསཱ ཏྭ སྶཱབྷིཏཱལི༹ནཱི.

ཀུསཱ ཏུ ནཱསརཛྫུམྷི, ཝལ༹ཝཱ’སྶཱ ཁུརོ སཕཾ;

པུཙྪ མནིཏྠཱི ནངྒུཊྛཾ, ཝཱལཧཏྠོ ཙ ཝཱལདྷི.

སནྡནོ ¶ ཙ རཐོ ཕུསྶ, རཐོ ཏུ ནརཎཱཡ སོ;

སིཝིཀཱ ཡཱཔྱཡཱནཉྩཱ, ནིཏྠཱི ཏུ སཀཊོ པྱ’ནཾ [(སཀཊོ པི+ཨནཾ)];

ཙཀྐཾ རཐངྒ མཱཁྱཱཏཾ, ཏསྶནྟོ ནེམི ནཱརིཡཾ.

ཏམྨཛ྄ཛྷེ པིཎྜིཀཱ ནཱབྷི, ཀུབྦརོ ཏུ ཡུགནྡྷརོ;

ཨཀྑགྒཀཱིལེ ཨཱཎཱིཏྠཱི, ཝརུཐོ རཐགུཏྱ’ཐ.

དྷུརོ མུཁེ རཐསྶངྒཱ, ཏྭ ཀྑོ པཀྑརཨཱདཡོ;

ཡཱནཉྩ ཝཱཧནཾ ཡོགྒཾ, སབྦཧཏྠྱཱདིཝཱཧནེ.

རཐཙཱརཱི ཏུ སཱུཏོ ཙ, པཱཛིཏཱ ཙེཝ སཱརཐཱི;

པདཱཏི པཏྟཱི ཏུ པུམེ, པདགོ པདིཀོ མཏོ;

སནྣཱཧོ ཀངྐཊོ ཝམྨཾ, ཀཝཙོ ཝཱ ཨུརཙྪདོ.

ཛཱལིཀཱ ཐ ཙ སནྣདྡྷོ, སཛྫོ ཙ ཝམྨིཀོ བྷཝེ;

ཨཱམུཀྐོ པཊིམུཀྐོ ཐ, པུརེཙཱརཱི པུརེཙརོ.

པུབྦངྒམོ པུརེགཱམཱི, མནྡགཱམཱི ཏུ མནྠརོ;

ཛཝནོ ཏུརིཏོ ཝེགཱི, ཛེཏབྦཾ ཛེཡྻ མུཙྩཏེ.

སཱུར ཝཱིརཱ ཏུ ཝིཀྐནྟོ, སཧཱཡོ ནུཙརོ སམཱ;

སནྣདྡྷཔྤབྷུཏཱི ཏཱིསུ, པཱཐེཡྻཾ ཏུ ཙ སམྦལཾ.

ཝཱཧིནཱི དྷཛིནཱི སེནཱ, ཙམཱུ ཙཀྐཾ བལཾ ཏཐཱ;

ཙཏུཔོསོཏི ཨེཏེན, ལཀྑཎེནཱ དྷམནྟཏོ.

ཧཏྠཱནཱིཀཾ ཧཡཱནཱིཀཾ, རཐཱནཱིཀཾ ཏཡོ ཏཡོ;

གཛཱདཡོ སསཏྠཱ ཏུ, པཏྟཱནཱིཀཾ ཙཏུཛྫནཱ.

སཊྛིཝཾསཀལཱཔེསུ, ¶ པཙྩེཀཾ སཊྛིདཎྜིསུ;

དྷཱུལཱིཀཏེསུ སེནཱཡ, ཡནྟིཡཱ ཀྑོབྷནཱི [ཨཀྑོབྷིཎཱི (ཀ.)] ཏྠིཡཾ.

སམྤཏྟི སམྤདཱ ལཀྑཱི, སིརཱི ཝིཔཏྟི ཨཱཔདཱ;

ཨཐཱ ཝུདྷཉྩ [ཨཱཡུདྷནྟིཔི པཱཋོ] ཧེཏི’ཏྠཱི, སཏྠཾ པཧརཎཾ བྷཝེ.

མུཏྟཱམུཏྟ མམུཏྟཉྩ, པཱཎིཏོ མུཏྟམེཝ ཙ;

ཡནྟམུཏྟནྟི སཀལཾ, ཨཱཡུདྷཾ ཏཾ ཙཏུབྦིདྷཾ.

མུཏྟཱམུཏྟཉྩ ཡཊྛྱཱདི, ཨམུཏྟཾ ཚུརིཀཱདིཀཾ;

པཱཎིམུཏྟཾ ཏུ སཏྱཱདི, ཡནྟམུཏྟཾ སརཱདིཀཾ.

ཨིསྶཱསོ དྷནུ ཀོདཎྜཾ, ཙཱཔོ ནིཏྠཱི སརཱསནཾ;

ཝཱཎོ ཀཎྜ མུསུ དྭཱིསུ, ཁུརཔྤོ [ཨུརཔྤོ (ཀ.)] ཏེཛནཱ’སནཾ;

ཏཱུཎཱིཏྠིཡཾ ཀལཱཔོ ཙ, ཏཱུཎོ ཏཱུཎཱིར ཝཱཎདྷི.

པཀྑོ ཏུ ཝཱཛོ དིདྡྷོ ཏུ, ཝིསཔྤིཏོ སརོ བྷཝེ;

ལཀྑཾ ཝེཛ྄ཛྷཾ སརབྱཉྩ, སརཱབྷྱཱསོ ཏུ’པཱསནཾ.

མཎྜལགྒོ ཏུ ནེཏྟིཾསོ, ཨསི ཁགྒོ ཙ སཱཡཀོ;

ཀོསིཏྠཱི ཏབྦིདྷཱནེ ཐོ, ཐརུ ཁགྒཱདིམུཊྛིཡཾ.

ཁེཊཀཾ ཕལཀཾ ཙམྨཾ, ཨིལླཱི ཏུ ཀརཔཱལིཀཱ;

ཚུརིཀཱ སཏྱ’སིཔུཏྟཱི, ལགུལོ༹ ཏུ ཙ མུགྒརོ.

སལློ ནིཏྠི སངྐུ པུམེ, ཝཱསཱི ཏུ ཏཙྪནཱིཏྠིཡཾ;

ཀུཋཱརཱི [ཀུདྷཱརཱི (ཊཱི.)] ཏྠཱིཕརསུསོ, ཊངྐོ པཱསཱཎདཱརཎོ.

ཀཎཡོ བྷིནྡིཝཱལོ༹ ཙ, ཙཀྐཾ ཀུནྟོ གདཱ ཏཐཱ;

ནིཡྻཱནཾ གམནཾ ཡཱཏྲཱ, པཊྛཱནཉྩ གམོ གཏི;

ཙུཎྞོ པཾསུ རཛོ ཙེཝ, དྷཱུལཱི’ཏྠཱི རེཎུ ཙ དྭིསུ.

མཱགདྷོ ¶ མདྷུཀོ ཝུཏྟོ, ཝནྡཱི ཏུ ཐུཏིཔཱཋཀོ;

ཀེཏུ དྷཛོ པཊཱཀཱ ཙ, ཀདལཱི ཀེཏནཾ པྱཐ;

ཡོ’ཧཾཀཱརོ’ཉྙམཉྙསྶ, སཱ’ ཧམཧམིཀཱ བྷཝེ.

བལཾ ཐཱམོ སཧཾ སཏྟི, ཝིཀྐམོ ཏྭཏིསཱུརཏཱ;

རཎེ ཛིཏསྶ ཡཾ པཱནཾ, ཛཡཔཱནནྟི ཏཾ མཏཾ.

སངྒཱམོ སམྤཧཱརོ ཙཱ, ནིཏྠིཡཾ སམརཾ རཎཾ;

ཨཱཛིཏྠཱི ཨཱཧཝོ ཡུདྡྷ, མཱཡོདྷནཉྩ སཾཡུགཾ.

བྷཎྜནཾ ཏུ ཝིཝཱདོ ཙ, ཝིགྒཧོ ཀལཧ མེདྷགཱ;

ཨུཔྤཱདོ [ཨུཔྤཱཏོ (ཀ.)༡༠༢༧-གཱཐཱ པསྶིཏབྦཱ] བྷཱུཏཝིཀཏི, ཡཱ སུབྷཱསུབྷསཱུཙིཀཱ;

ཨཱིཏི ཏྭིཏྠཱི ཨཛཉྙཉྩ, ཨུཔསགྒོ ཨུཔདྡཝོ.

ནིབྦུདྡྷཾ [ནིཡུདྡྷཾ (ཀ.)] མལླཡུདྡྷམྷི, ཛཡོ ཏུ ཝིཛཡོ བྷཝེ;

པརཱཛཡོ རཎེ བྷངྒོ, པལཱཡན མཔཀྐམོ.

མཱརཎཾ ཧནནཾ གྷཱཏོ, ནཱསནཉྩ ནིསཱུདནཾ;

ཧིཾསནཾ སརཎཾ ཧིཾསཱ, ཝདྷོ སསན གྷཱཏནཾ.

མརཎཾ ཀཱལཀིརིཡཱ, པལཡོ མཙྩུ ཨཙྩཡོ;

ནིདྷནོ ནིཏྠིཡཾ ནཱསོ, ཀཱལོ’ནྟོ ཙཝནཾ བྷཝེ.

ཨཱལ༹ཧནཾ སུསཱནཉྩཱ, ནིཏྠིཡཾ ཀུཎཔོ ཚཝོ.

ཀབནྡྷོ ནིཏྠིཡཾ དེཧོ, སིརོསུཉྙོ སཧཀྲིཡོ;

ཨཐ སིཝཐིཀཱ ཝུཏྟཱ, སུསཱནསྨིཉྷི ཨཱམཀེ.

ཝནྡཱིཏྠིཡཾ ཀརམརོ, པཱཎོ ཏྭ’སུ པཀཱསིཏོ;

ཀཱརཱ ཏུ བནྡྷནཱགཱརཾ, ཀཱརཎཱ ཏུ ཙ ཡཱཏནཱ.

བྲཧྨབནྡྷུ ¶ དྭིཛོ ཝིཔྤོ, བྲཧྨཱ བྷོཝཱདཱི བྲཱཧྨཎོ;

བྲཧྨཙཱརཱི གཧཊྛོ ཙ, ཝནཔྤཏྠོ ཙ བྷིཀྑུཏི;

བྷཝནྟི ཙཏྟཱརོ ཨེཏེ, ཨསྶམཱ པུནྣཔུཾསཀེ.

ཙརནྟཱ སཧ སཱིལཱདཱི, སབྲཧྨཙཱརིནོ མིཐུ;

ཨུཔཛ྄ཛྷཱཡོ ཨུཔཛ྄ཛྷཱ ཐཱ, ཙརིཡོ ནིསྶཡདཱདིཀོ [ནིསྶཡདཱཡཀོ (ཊཱི.)].

ཨུཔནཱིཡཱ ཐཝཱ པུབྦཾ, ཝེད མཛ྄ཛྷཱཔཡེ དྭིཛོ;

ཡོ སངྒཾ སརཧསྶཉྩཱ, ཙརིཡོ བྲཱཧྨཎེསུ སོ.

པཱརམྤརིཡ མེཏིཧྱཾ, ཨུཔདེསོ ཏཐེ’ཏིཧཱ;

ཡཱགོ ཏུ ཀཏུ ཡཉྙོ ཐ, ཝེདཱིཏྠཱི བྷཱུ པརིཀྑཏཱ.

ཨསྶམེདྷོ ཙ པུརིས, མེདྷོ ཙེཝ ནིརགྒལོ༹;

སམྨཱཔཱསོ ཝཱཛཔེཡྻ, མིཏི ཡཱགཱ མཧཱ ཨིམེ.

ཨིཏྭིཛོ [ཨིདིཏྭིཛོ (ཊཱི.)] ཡཱཛཀོ ཙཱཐ,

པརིསཱ སབྷཱ སམཛྫཱ ཙ, ཏཐཱ སམིཏི སཾསདོ.

ཙཏསྶོ པརིསཱ བྷིཀྑུ, བྷིཀྑུནཱི ཙ ཨུཔཱསཀཱ;

ཨུཔཱསིཀཱཡོཏི ཨིམཱ, ཐཝཱ ཊྛ པརིསཱ སིཡུཾ.

ཏཱཝཏིཾས,དྭིཛ,ཀྑཏྟ,མཱར,གྒཧཔཏིསྶ ཙ;

སམཎཱནཾ ཝསཱ ཙཱཏུ, མཧཱརཱཛིཀ, བྲཧྨུནཾ.

གཱཡཏྟིཔྤམུཁཾ ཚནྡཾ, ཙཏུཝཱིས’ཀྑརཾ ཏུ ཡཾ;

ཝེདཱན མཱདིབྷཱུཏཾ སཱ, སཱཝིཏྟཱི ཏིཔདཾ སིཡཱ.

ཧབྱཔཱཀེ ཙརུ མཏོ, སུཛཱ ཏུ ཧོམདབྦིཡཾ;

པརམནྣཾ ཏུ པཱཡཱསོ, ཧབྱཾ ཏུ ཧཝི ཀཐྱཏེ.

ཡཱུཔོ ཐཱུཎཱཡཾ ནིམྨནྟྱ, དཱརུམྷི ཏྭ’རཎཱི དྭིསུ;

གཱཧཔྤཙྩཱ’ཧཝནཱིཡོ, དཀྑིཎགྒི ཏཡོ’ གྒཡོ.

ཙཱགོ ཝིསྶཛྫནཾ དཱནཾ, ཝོསྶགྒོ ཙཱཔདེསནཾ;

ཝིསྶཱཎནཾ ཝིཏརཎཾ, ཝིཧཱཡིཏཱ པཝཛྫནཾ.

པཉྩ ¶ མཧཱཔརིཙྩཱགོ, ཝུཏྟོ སེཊྛ, དྷནསྶ ཙ;

ཝསེན པུཏྟ དཱརཱནཾ, རཛྫསྶ’ ངྒཱན མེཝ ཙ.

ཨནྣཾ པཱནཾ གྷརཾ ཝཏྠཾ, ཡཱནཾ མཱལཱ ཝིལེཔནཾ;

གནྡྷོ སེཡྻཱ པདཱིཔེཡྻཾ, དཱནཝཏྠཱུ སིཡུཾ དས.

མཏཏྠཾ ཏདཧེ དཱནཾ, ཏཱིསྭེཏ མུདྡྷདེཧིཀཾ;

པིཏུདཱནཾ ཏུ ནིཝཱཔོ, སདྡྷཾ ཏུ ཏཾཝ སཱཏྠཏོ.

པུམེ ཨཏིཐི ཨཱགནྟུ, པཱཧུནཱ ཝེསིཀཱ པྱཐ;

ཨཉྙཏྠ གནྟུ མིཙྪནྟོ, གམིཀོ ཐཱ གྒྷ མགྒྷིཡཾ.

པཛྫཾ པཱདོདཀཱདོ ཐ, སཏྟཱ’གནྟྭཱདཡོ ཏིསུ;

ཨཔཙིཏྱ’ཙྩནཱ པཱུཛཱ, པཧཱརོ བལི མཱནནཱ.

ནམསྶཱ ཏུ ནམཀྐཱརོ, ཝནྡནཱ ཙཱབྷིཝཱདནཾ;

པཏྠནཱ པཎིདྷཱནཉྩ, པུརིསེ པཎིདྷཱིརིཏོ.

ཨཛ྄ཛྷེསནཱ ཏུ སཀྐཱར, པུབྦངྒམནིཡོཛནཾ;

པརིཡེསནཱ ནྭེསནཱ, པརིཡེཊྛི གཝེསནཱ;

ཨུཔཱསནཾ ཏུ སུསྶཱུསཱ, སཱ པཱརིཙརིཡཱ བྷཝེ.

མོན མབྷཱསནཾ ཏུཎྷཱི, བྷཱཝོ ཐ པཊིཔཱཊི སཱ;

ཨནུཀྐམོ པརིཡཱཡོ, ཨནུཔུབྦྱ’པུམེ ཀམོ.

ཏཔོ ཙ སཾཡམོ སཱིལཾ, ནིཡམོ ཏུ ཝཏཉྩ ཝཱ;

ཝཱིཏིཀྐམོ’ ཛ྄ཛྷཙཱརོ ཐ, ཝིཝེཀོ པུཐུགཏྟཏཱ.

ཁུདྡཱནུཁུདྡཀཾ ཨཱབྷི, སམཱཙཱརིཀ མུཙྩཏེ;

ཨཱདིབྲཧྨཙརིཡཾ ཏུ, ཏདཉྙཾ སཱིལ མཱིརིཏཾ.

ཡོ པཱཔེཧི ཨུཔཱཝཏྟོ, ཝཱསོ སདྡྷིཾ གུཎེཧི སོ;

ཨུཔཝཱསོཏི ཝིཉྙེཡྻོ, སབྦབྷོགཝིཝཛྫིཏོ.

ཏཔསྶཱི བྷིཀྑུ སམཎོ, པབྦཛིཏོ ཏཔོདྷནོ;

ཝཱཙཾཡམོ ཏུ མུནི ཙ, ཏཱཔསོ ཏུ ཨིསཱི རིཏོ.

ཡེསཾཡཏིནྡྲིཡགཎཱ, ཡཏཡོ ཝསིནོ ཙ ཏེ;

སཱརིཔུཏྟོ’པཏིསྶོ ཏུ, དྷམྨསེནཱཔཏཱི རིཏོ.

སོཏཱཔནྣཱདིཀཱ སེཁཱ, ནརིཡོ ཏུ པུཐུཛྫནོ.

ཨཉྙཱ ¶ ཏུ ཨརཧཏྟཉྩ, ཐཱུཔོ ཏུ ཙེཏིཡཾ བྷཝེ;

དྷམྨབྷཎྜཱགཱརིཀོ ཙ, ཨཱནནྡོ དྭེ སམཱ ཐ ཙ.

ཝིསཱཁཱ མིགཱརམཱཏཱ, སུདཏྟོ’ ནཱཐཔིཎྜིཀོ;

བྷིཀྑུཔི སཱམཎེརོ ཙ, སིཀྑམཱནཱ ཙ བྷིཀྑུནཱི;

སཱམཎེརཱིཏི ཀཐིཏཱ, པཉྩེཏེ སཧདྷམྨིཀཱ.

པཏྟོ ཏིཙཱིཝརཾ ཀཱཡ, བནྡྷནཾ ཝཱསི སཱུཙི ཙ;

པརིསྶཱཝན མིཙྩེཏེ, པརིཀྑཱརཱ’ཊྛ བྷཱསིཏཱ.

སཱམཎེརོ ཙ སམཎུ, དྡེསོ ཙཱཐ དིགམྦརོ;

ཨཙེལ༹ཀོ ནིགཎྛོ ཙ, ཛཊིལོ ཏུ ཛཊཱདྷརོ.

ཀུཊཱིསཀཱདིཀཱ ཙཏུ, ཏྟིཾས དྭཱསཊྛི དིཊྛིཡོ;

ཨིཏི ཚནྣཝུཏི ཨེཏེ, པཱསཎྜཱ སམྤཀཱསིཏཱ.

པཝིཏྟོ པཡཏོ པཱུཏོ, ཙམྨཾ ཏུ ཨཛིནཾ པྱཐ;

དནྟཔོཎོ དནྟཀཊྛཾ, ཝཀྐལོ ཝཱ ཏིརཱིཊཀཾ.

པཏྟོ པཱཏིཏྠིཡཾནིཏྠཱི, ཀམཎྜལུ ཏུ ཀུཎྜིཀཱ;

ཨཐཱལམྦཎདཎྜསྨིཾ, ཀཏྟརཡཊྛི ནཱརིཡཾ.

ཡཾ དེཧསཱདྷནཱཔེཀྑཾ, ནིཙྩཾ ཀམྨམཡཾ ཡམོ;

ཨཱགནྟུསཱདྷནཾ ཀམྨཾ, ཨནིཙྩཾ ནིཡམོ བྷཝེ.

ཝེསྶོ ཙ ཝེསིཡཱནོ ཐ, ཛཱིཝནཾ ཝུཏྟི ཛཱིཝིཀཱ;

ཨཱཛཱིཝོ ཝཏྟནཾ ཙཱཐ, ཀསིཀམྨཾ ཀསིཏྠིཡཾ.

ཝཱཎིཛྫཉྩ ཝཎིཛྫཱ ཐ, གོརཀྑཱ པསུཔཱལནཾ;

ཝེསྶསྶ ཝུཏྟིཡོ ཏིསྶོ, གཧཊྛཱ’གཱརིཀཱ གིཧི.

ཁེཏྟཱཛཱིཝོ ཀསྶཀོ ཐ, ཁེཏྟཾ ཀེདཱར མུཙྩཏེ;

ལེཌྜུ’ཏྟོ མཏྟིཀཱཁཎྜོ, ཁཎིཏྟི’ཏྠྱ’ཝདཱརཎཾ.

དཱཏྟཾ ལཝིཏྟ མསིཏཾ [‘‘ཨསིཏ’’ སདྡོ པུཾནཔུཾསཀེ-༡༠༠༥-གཱཐཱ པསྶིཏབྦཱ], པཏོདོ ཏུཏྟ པཱཛནཾ;

ཡོཏྟཾ ཏུ རཛྫུ རསྨིཏྠཱི, ཕཱལོ ཏུ ཀསཀོ བྷཝེ.

ནངྒལཉྩ ཧལཾ སཱིརོ, ཨཱིསཱ ནངྒལདཎྜཀོ;

སམྨཱ ཏུ ཡུགཀཱིལསྨིཾ, སཱིཏཱ ཏུ ཧལཔདྡྷཏི.

མུགྒཱདིཀེ ¶ པརཎྞཉྩ, པུབྦཎྞཾ སཱལིཨཱདིཀེ;

སཱལི ཝཱིཧི ཙ ཀུདྲཱུསོ, གོདྷུམོ ཝརཀོ ཡཝོ;

ཀངྒཱུཏི སཏྟ དྷཉྙཱནི, ནཱིཝཱརཱདཱི ཏུ ཏབྦྷིདཱ.

ཨཐ ཀངྒུ པིཡངྒུ’ཏྠཱི, ཨུམྨཱ ཏུ ཨཏསཱི བྷཝེ;

ཀིཊྛཉྩ སསྶཾ དྷཉྙཉྩ [ཝིཉྙེཡྻཾ (ཊཱི.)], ཝཱིཧི ཐམྦཀརཱི [ཐམྦྷཀརཱི (ཀ.)] རིཏོ.

ཀཎྜོ ཏུ ནཱལ༹ མཐ སོ, པལཱལཾ ནིཏྠི ནིཔྥལོ;

བྷུསཾ ཀལིངྒརོ ཙཱཐ, ཐུསོ དྷཉྙཏྟཙེ ཐ ཙ.

ཁལོ ཙ དྷཉྙཀརཎཾ, ཐམྦོ [ཐམྦྷོ (ཀ.)] གུམྦོ ཏིཎཱདིནཾ.

ཨཡོགྒོ མུསལོ ནིཏྠཱི, ཀུལློ སུཔྤ མནིཏྠིཡཾ;

ཨཐོ’དྡྷནཉྩ ཙུལླི’ཏྠཱི, ཀིལཉྫོ ཏུ ཀཊོ བྷཝེ.

ཀུམྦྷཱི’ཏྠཱི པིཋརོ ཀུཎྜཾ, ཁལོ༹པྱུ’ཀྑལི ཐཱལྱུ’ཁཱ;

ཀོལམྦོ ཙཱཐ མཎིཀཾ, བྷཱཎཀོ ཙ ཨརཉྫརོ.

གྷཊོ དྭཱིསུ ཀུཊོ ནིཏྠཱི, ཀུམྦྷོ ཀལས, ཝཱརཀཱ;

ཀཾསོ བྷུཉྫནཔཏྟོ ཐཱ, མཏྟཾ པཏྟོ ཙ བྷཱཛནཾ.

ཨཎྜུཔཀཾ ཙུམྦཊཀཾ, སརཱཝོ ཏུ ཙ མལླཀོ;

པུམེ ཀཊཙྪུདབྦི’ཏྠཱི, ཀུསཱུལོ ཀོཊྛ མུཙྩཏེ.

སཱཀོ ཨནིཏྠིཡཾ ཌཱཀོ, སིངྒཱིཝེརཾཏུ ཨདྡཀཾ;

མཧོསདྷཾ ཏུ ཏཾ སུཀྑཾ, མརིཙཾ ཏུ ཙ ཀོལཀཾ.

སོཝཱིརཾ ཀཉྫིཡཾ ཝུཏྟཾ, ཨཱརནཱལ༹ཾ ཐུསོདཀཾ;

དྷཉྙམྦིལཾ བིལ༹ངྒོ ཐ, ལཝཎཾ ལོཎ མུཙྩཏེ.

སཱམུདྡཾ སིནྡྷཝོ ནིཏྠཱི, ཀཱལ༹ལོཎཾ ཏུ ཨུབྦྷིདཾ;

བིལ༹ཀཾ [བིལཱ༹ལ (ཀ.)] ཙེཏི པཉྩེཏེ, པབྷེདཱ ལཝཎསྶ ཧི.

གུལོ༹ ཙ ཕཱཎིཏཾ ཁཎྜོ, མཙྪཎྜཱི སཀྑརཱ ཨིཏི;

ཨིམེ ཨུཙྪུཝིཀཱརཱ ཐ, གུལ༹སྨིཾ ཝིསཀཎྚཀཾ.

ལཱཛཱ ¶ སིཡཱ’ཀྑཏཾ ཙཱཐ, དྷཱནཱ བྷཊྛཡཝེ བྷཝེ;

ཨབདྡྷསཏྟུ མནྠོ ཙ, པཱུཔཱ’ པཱུཔཱ ཏུ པིཊྛཀོ.

བྷཏྟཀཱརོ སཱུཔཀཱརོ, སཱུདོ ཨཱལཱ༹རིཀོ ཏཐཱ;

ཨོདནིཀོ ཙ རསཀོ, སཱུཔོ ཏུ བྱཉྫནཾ བྷཝེ.

ཨོདནོ ཝཱ ཀུརཾ བྷཏྟཾ, བྷིཀྑཱ ཙཱ’ནྣ མཐཱ སནཾ;

ཁཛྫཾ ཏུ བྷོཛྫ ལེཡྻཱནི, པེཡྻནྟི ཙཏུདྷཱ’སནཾ;

མཎྜོ ནིཏྠཱིརསགྒསྨིཾ, ཝིགྷཱསོ བྷུཏྟསེསཀེ;

ཝིགྷཱསཱདོ ཙ དམཀོ, པིཔཱསཱ ཏུ ཙ ཏསྶནཾ.

ཁུདྡཱ ཛིགྷཙྪཱ, མཾསསྶ, པཊིཙྪཱདནིཡཾ རསོ;

ཨུདྲེཀོ ཙེཝ ཨུགྒཱརོ, སོཧིཙྩཾ ཏིཏྟི ཏཔྤནཾ.

ཀཱམཾ ཏྭིཊྛཾ ནིཀཱམཉྩ, པརིཡཏྟཾ ཡཐཙྪིཏཾ;

ཀཡཝིཀྐཡིཀོ སཏྠ,ཝཱཧཱ’ པཎིཀ ཝཱཎིཛཱ.

ཨུཏྟམཎྞོ ཙ དྷནིཀོ, དྷམཎྞོ ཏུ ཨིཎཱཡིཀོ.

ཨུདྡྷཱརོ ཏུ ཨིཎཾ ཝུཏྟཾ, མཱུལཾ ཏུ པཱབྷཏཾ བྷཝེ;

སཙྩཱཔནཾ སཙྩཾཀཱརོ, ཝིཀྐེཡྻཾ པཎིཡྻཾ ཏིསུ.

པཊིདཱནཾ པརིཝཏྟོ, ནྱཱསོ ཏཱུ’པནིདྷཱི རིཏོ;

ཨཊྛཱརསནྟཱ སངྑྱེཡྻེ, སངྑྱཱ ཨེཀཱདཡོ ཏིསུ;

སངྑྱཱནེ ཏུ ཙ སངྑྱེཡྻེ, ཨེཀཏྟེ ཝཱིསཏཱདཡོ;

ཝགྒབྷེདེ བཧུཏྟེཔི, ཏཱ ཨཱནཝུཏི ནཱརིཡཾ.

སཏཾ སཧསྶཾ ནིཡུཏཾ [ནཧུཏཾ-ནཡུཏཾ (ཀཏྠཙི)], ལཀྑཾ ཀོཊི པཀོཊིཡོ;

ཀོཊིཔཀོཊི ནཧུཏཾ, ཏཐཱ ནིནྣཧུཏམྤི ཙ.

ཨཀྑོབྷནཱིཏྠིཡཾ ¶ [ཨཀྑོབྷིཎཱི (ཀ.)] བིནྡུ, ཨབྦུདཉྩ ནིརབྦུདཾ;

ཨཧཧཾ ཨབབཾ ཙེཝཱ, ཊཊཾ སོགནྡྷི ཀུཔྤལཾ.

ཀུམུདཾ པུཎྜརཱིཀཉྩ, པདུམཾ ཀཐཱནམྤི ཙ;

མཧཱཀཐཱནཱ’སངྑྱེཡྻཱ, ནི’ཙྩེཏཱསུ སཏཱདི ཙ.

ཀོཊྱཱདིཀཾ དསགུཎཾ, སཏལཀྑགུཎཾ ཀམཱ;

ཏུལཱ, པཏྠ, ངྒུལི, ཝསཱ, ཏིདྷཱ མཱན མཐོ སིཡཱ.

དྭེ ཨཀྑཱ མཱསཀཱ པཉྩ, ཀྑཱནཾ དྷརཎམཊྛཀཾ.

སུཝཎྞོ པཉྩདྷརཎཾ, ནིཀྑཾ ཏྭནིཏྠི པཉྩ ཏེ;

པཱདོ བྷཱགེ ཙཏུཏྠེ ཐ, དྷརཎཱནི པལཾ དས.

ཏུལཱ པལསཏཾ ཙཱཐ, བྷཱརོ ཝཱིསཏི ཏཱ ཏུལཱ;

ཨཐོ ཀཧཱཔཎོ ནིཏྠཱི, ཀཐྱཏེ ཀརིསཱཔཎོ.

ཨཱལ༹ྷཀོ ཙཏུརོ པཏྠཱ, དོཎཾ ཝཱཙཏུརཱ’ལ༹ྷཀཾ.

མཱནིཀཱ ཙཏུརོ དོཎཱ, ཁཱརཱིཏྠཱི ཙཏུམཱནིཀཱ;

ཨཱལ༹ྷཀོ ནིཏྠིཡཾ ཏུམྦྷོ, པཏྠོཏུ ནཱལི༹ ནཱརིཡཾ;

དབྦཾ ཝིཏྟཾ སཱཔཏེཡྻཾ, ཝསྭ’ཏྠོ ཝིབྷཝོ བྷཝེ.

ཀོསོ ¶ ཧིརཉྙཉྩ ཀཏཱ, ཀཏཾ ཀཉྩན, རཱུཔིཡཾ;

ཀུཔྤཾ ཏདཉྙཾ ཏམྦཱདི, རཱུཔིཡཾ དྭཡ མཱཧཏཾ.

སུཝཎྞཾ ཀནཀཾ ཛཱཏ, རཱུཔཾ སོཎྞཉྩ ཀཉྩནཾ;

སཏྠུཝཎྞོ ཧརཱི ཀམྦུ, ཙཱརུ ཧེམཉྩ ཧཱཊཀཾ.

ཏཔནིཡཾ ཧིརཉྙཾ ཏ, བྦྷེདཱ ཙཱམཱིཀརམྤི ཙ;

སཱཏཀུམྦྷཾ ཏཐཱ ཛམྦུ, ནདཾ སིངྒཱི ཙ ནཱརིཡཾ.

རཱུཔིཡཾ རཛཏཾ སཛ྄ཛྷུ, རཱུཔཱི སཛ྄ཛྷཾ ཨཐོ ཝསུ;

རཏནཉྩ མཎི དྭཱིསུ, པུཔྥརཱགཱདཱི ཏབྦྷིདཱ.

སུཝཎྞཾ རཛཏཾ མུཏྟཱ, མཎི ཝེལུ༹རིཡཱནི ཙ;

ཝཛིརཉྩ པཝཱལ༹ནྟི, སཏྟཱ’ཧུ རཏནཱནི’ མེ.

ལོཧིཏངྐོ ཙ པདུམ, རཱགོ རཏྟམཎི པྱཐ;

ཝཾསཝཎྞོ ཝེལུ༹རིཡཾ, པཝཱལ༹ཾ ཝཱ ཙ ཝིདྡུམོ.

མསཱརགལླཾ ཀབརམཎི, ཨཐ མུཏྟཱ ཙ མུཏྟིཀཾ;

རཱིཏི [རཱིརཱི (ཊཱི.)] ཏྠཱི ཨཱརཀཱུཊོ ཝཱ, ཨམལཾ ཏྭ’བྦྷཀཾ བྷཝེ.

ཀཱལ༹ཏིཔུ ཏུ སཱིསཉྩ, ཧརིཏཱལཾ ཏུ པཱིཏནཾ.

ཙིནཔིཊྛཉྩ སིནྡཱུརཾ, ཨཐ ཏཱུལོ ཏཐཱ པིཙུ;

ཁུདྡཛཾ ཏུ མདྷུ ཁུདྡཾ, མདྷུཙྪིཊྛཾ ཏུ སིཏྠཀཾ.

ཨུསབྷོ བལཱིབདྡྷོ [བལིབདྡ (ཀ.)] ཙ, གོཎོ གོཝསབྷོ ཝུསོ.

ཝུདྡྷོ ཛརགྒཝོ སོ ཐ, དམྨོ ཝཙྪཏརོ སམཱ;

དྷུརཝཱཧཱི ཏུ དྷོརཡ྄ཧོ, གོཝིནྡོ དྷིཀཏོ གཝཾ.

ཝཧོ ཙ ཁནྡྷདེསོ ཐ, ཀཀུདྷོ [ཀཀུདོ (ཀ.)] ཀཀུ ཝུཙྩཏེ;

ཨཐོ ཝིསཱཎཾ སིངྒཉྩ, རཏྟགཱཝཱི ཏུ རོཧིཎཱི.

གཱཝཱི ཙ སིངྒིནཱི གོ ཙ, ཝཉྫྷཱ ཏུ ཀཐྱཏེ ཝསཱ;

ནཝཔྤསཱུཏིཀཱ དྷེནུ, ཝཙྪཀཱམཱ ཏུ ཝཙྪལཱ.

གགྒརཱི ¶ མནྠནཱིཏྠཱི དྭེ, སནྡཱནཾ དཱམམུཙྩཏེ;

གོམིལ༹ྷོ གོམཡོ ནིཏྠཱི, ཨཐོ སཔྤི གྷཏཾ བྷཝེ.

ནཝུདྡྷཊཾ ཏུ ནོནཱིཏཾ, དམིམཎྜཾ ཏུ མཏྠུ ཙ,

ཁཱིརཾ དུདྡྷཾ པཡོ ཐཉྙཾ, ཏཀྐཾ ཏུ མཐིཏཾ པྱཐ.

ཁཱིརཾ དདྷི གྷཏཾ ཏཀྐཾ, ནོནཱིཏཾ པཉྩ གོརསཱ;

ཨུརབྦྷོ མེཎྜ མེསཱ ཙ, ཨུརཎོ ཨཝི ཨེལ༹ཀོ.

གདྲབྷོ ཏུ ཁརོ ཝུཏྟོ, ཨུརཎཱི ཏུ ཨཛཱི ཨཛཱ.

སུདྡོ’ནྟཝཎྞོ ཝསལོ, སཾཀིཎྞཱ མཱགདྷཱདཡོ;

མཱགདྷོ སུདྡཁཏྟཱཛོ, ཨུགྒོ སུདྡཱཡ ཁཏྟཛོ.

དྭིཛཱཁཏྟིཡཛོ སཱུཏོ, ཀཱརུཏུ སིཔྤིཀོཔུམེ;

སངྒྷཱཏོཏུ སཛཱཏཱིནཾ, ཏེསཾ སེཎཱི དྭིསུཙྩཏེ.

ཏཙྪཀོ ཏནྟཝཱཡོ ཙ, རཛཀོ ཙ ནཧཱཔིཏོ;

པཉྩམོ ཙམྨཀཱརོཏི, ཀཱརཝོ པཉྩིམེ སིཡུཾ.

ཏཙྪཀོ ཝཌྜྷཀཱི མཏོ, པལགཎྜོ ཐཔཏྱཔི;

རཐཀཱརོ ཐ སུཝཎྞ, ཀཱརོ ནཱལི༹ནྡྷམོ བྷཝེ.

ཙམྨཀཱརོ རཐཀཱརོ, ཀཔྤཀོ ཏུ ནཧཱཔིཏོ;

རངྒཱཛཱིཝོ ཙིཏྟཀཱརོ, པུཀྐུསོ པུཔྥཚཌྜཀོ.

ཝེནོ ཝིལཱིཝཀཱརོ ཙ, ནལ༹ཀཱརོ སམཱ ཏཡོ;

ནིནྣེཛཀོ ཙ རཛཀོ, ནེཏྟིཀོ ཨུདཧཱརཀོ;

ཝཱིཎཱཝཱདཱི ཝེཎིཀོ ཐ, ཨུསུཀཱརོ’ སུཝཌྜྷཀཱི.

པཱཎིཝཱདོ ཏུ པཱཎིགྷོ [པཱཎིཡོ (ཀཏྠཙི)];

པཱུཔིཡོ པཱུཔཔཎིཡོ, སོཎྜིཀོ མཛྫཝིཀྐཡཱི.

མཱཡཱ ཏུ སམྦརཱི མཱཡཱ, ཀཱརོ ཏུ ཨིནྡཛཱལིཀོ;

ཨོརབྦྷིཀཱ སཱུཀརིཀཱ, མཱགཝིཀཱ ཏེ ཙ སཱཀུཎིཀཱ;

ཧནྟྭཱ ཛཱིཝནྟེ’ལ༹ཀ, སཱུཀར, མིག, པཀྑིནོ ཀམཏོ.

ཝེཏནིཀོ ཏུ བྷཏཀོ, ཀམྨཀརོ ཐ ཀིཾ ཀརོ;

དཱསོ ཙ ཙེཊཀོ པེསྶོ, བྷཙྩོ ཙ པརིཙཱརིཀོ.

ཨནྟོཛཱཏོ དྷནཀྐཱིཏོ, དཱསབྱོ’པགཏོ སཡཾ;

དཱསཱ ཀརམརཱནཱིཏོ, ཙྩེཝཾ ཏེ ཙཏུདྷཱ སིཡུཾ.

སཔཱཀོ ཙེཝ ཙཎྜཱལོ, མཱཏངྒོ སཔཙོ བྷཝེ;

ཏབྦྷེདཱ མིལཀྑཛཱཏཱི, ཀིརཱཏ, སཝརཱདཡོ.

སཱརམེཡྻོ ཙ སུནཁོ, སུནོ སོཎོ ཙ ཀུཀྐུརོ.

ཨུམྨཏྟཱདིཏ མཱཔནྣོ, ཨལ༹ཀྐོཏི སུནོ མཏོ.

སཱབནྡྷནཾ ཏུ གདྡཱུལོ, དཱིཔཀོ ཏུ ཙ ཙེཏཀོ;

བནྡྷནཾ གཎྛི པཱསོ ཐ, ཝཱགུརཱ [ཝཱཀརཱ (སཱི. ཊཱི.)] མིགབནྡྷནཱི.

ཐིཡཾ ཀུཝེཎཱི ཀུམཱིནཾ, ཨཱནཡོ ཛཱལ མུཙྩཏེ;

ཨཱགྷཱཏནཾ ཝདྷཊྛཱནཾ, སཱུནཱ ཏུ ཨདྷིཀོཊྚནཾ.

སུཏྟཾ ཏནྟུ པུམེ ཏནྟཾ, པོཏྠཾ ལེཔྱཱདིཀམྨནི;

པཉྩཱལིཀཱ པོཏྠལིཀཱ, ཝཏྠདནྟཱདིནིམྨིཏཱ.

ཨུགྒྷཱཊནཾ གྷཊཱིཡནྟཾ, ཀཱུཔམྦུབྦཱཧནཾ བྷཝེ;

མཉྫཱུསཱ པེལཱ༹ པིཊཀོ, ཏྭིཏྠིཡཾ པཙྪི པེཊཀོ.

བྱཱབྷངྒཱི ཏྭིཏྠིཡཾ ཀཱཛོ, སིཀྐཱ ཏྭཏྲཱ’ཝལམྦནཾ;

ཨུཔཱཧནོ ཝཱ པཱདུ’ཏྠཱི, ཏབྦྷེདཱ པཱདུཀཱ པྱཐ.

ཝརཏྟཱ ཝདྡྷིཀཱ ནདྡྷི, བྷསྟཱ ཙམྨཔསིབྦཀཾ;

ཀམྨཱརབྷཎྜཱ སཎྜཱསོ, མུཊྛྱཱ’དྷིཀརཎཱིཏྠཱིཡཾ;

ཏབྦྷསྟཱ གགྒརཱི ནཱརཱི, སཏྟཾ ཏུ པིཔྥལཾ བྷཝེ.

ཁརོ ཙ ཀཀཙོ ནིཏྠཱི, སིཔྤཾ ཀམྨཾ ཀལཱདིཀཾ.

པཊིམཱ པཊིབིམྦཉྩ, བིམྦོ པཊིནིདྷཱིརིཏོ;

ཏཱིསུ སམོ པཊིབྷཱགོ, སནྣིཀཱསོ སརིཀྑཀོ.

ཨོཔམྨ མུཔམཱནཾ ཙུ, པམཱ བྷཏི ཏུ ནཱརིཡཾ.

ནིབྦེསོ ཝེཏནཾ མཱུལྱཾ, ཛཱུཏཾ ཏྭནིཏྠི ཀེཏཝཾ;

དྷུཏྟོ’ཀྑདྷུཏྟོ ཀིཏཝོ, ཛཱུཏཀཱར, ཀྑདེཝིནོ.

པཱཊིབྷོགོཏུ པཊིབྷཱུ, ཨཀྑོ ཏུ པཱསཀོ བྷཝེ;

པུམེཝཱ’ ཊྛཔདཾ [ཨཊྛཱཔདཾ (ཊཱི. སཱི.)] སཱརི, ཕལཀེ ཐ པཎོ, བྦྷུཏོ.

ཀིཎྞཾ ¶ ཏུ མདིརཱབཱིཛེ, མདྷུ མདྷྭཱསཝེ མཏཾ;

མདིརཱ ཝཱརུཎཱི མཛྫཾ, སུརཱ བྷཝོ ཏུ མེརཡཾ.

སརཀོ ཙསཀོ ནིཏྠཱི, ཨཱཔཱནཾ པཱནམཎྜལཾ;

ཡེ’ཏྲ བྷཱུརིཔྤཡོགཏྟཱ, ཡོགིཀེཀསྨི མཱིརིཏཱ;

ལིངྒནྟརེཔི ཏེ ཉེཡྻཱ, ཏདྡྷམྨཏྟཱ’ཉྙཝུཏྟིཡནྟི.

ཨརཉྙཾ ཀཱནནཾ དཱཡོ, གཧནཾ ཝིཔིནཾ ཝནཾ;

ཨཊཝཱི’ཏྠཱི མཧཱརཉྙཾ, ཏྭ, རཉྙཱནཱིཏྠིཡཾ བྷཝེ.

ནགརཱ ནཱཏིདཱུརསྨིཾ, སནྟེཧི ཡོ བྷིརོཔིཏོ;

ཏརུསཎྜོ ས ཨཱརཱམོ, ཏཐོ པཝན མུཙྩཏེ.

སབྦསཱདྷཱརཎཱ’རཉྙཾ, རཉྙ མུཡྻཱན མུཙྩཏེ;

ཉེཡྻཾ ཏདེཝ པམད, ཝན མནྟེཔུརོཙིཏཾ.

པནྟི ཝཱིཐྱཱ’ཝལི སེཎཱི, པཱལི༹ ལེཁཱ ཏུ རཱཛི ཙ;

པཱདཔོ ཝིཊཔཱི རུཀྑོ, ཨགོ སཱལོ མཧཱིརུཧོ.

དུམོ ཏརུ ཀུཛོ སཱཁཱི, གཙྪོ ཏུ ཁུདྡཔཱདཔོ;

ཕལནྟི ཡེ ཝིནཱ པུཔྥཾ, ཏེ ཝུཙྩནྟི ཝནཔྤཏཱི.

ཏཱིསུ ཝཉྩྱཱ’ཕལཱ ཙཱཐ, ཕལིནོ ཕལཝཱ ཕལཱི.

སམྥུལླིཏོ ཏུ ཝིཀཙོ, ཕུལློ ཝིཀསིཏོ ཏིསུ;

སིརོ’གྒཾ སིཁརོ ནིཏྠཱི, སཱཁཱ ཏུ ཀཐིཏཱ ལཏཱ.

དལཾ པལཱསཾ ཚདནཾ, པཎྞཾ པཏྟཾ ཚདོ པྱཐ;

པལླཝོ ཝཱ ཀིསལཡཾ, ནཝུབྦྷིནྣེ ཏུ ཨངྐུརོ.

མཀུལཾ ཝཱ ཀུཊུམལོ, ཁཱརཀོ ཏུ ཙ ཛཱལཀཾ;

ཀལིཀཱ ཀོརཀོ ནིཏྠཱི, ཝཎྚཾ པུཔྥཱདིབནྡྷནཾ.

པསཝོ ¶ ཀུསུམཾ པུཔྥཾ, པརཱགོ པུཔྥཛོ རཛོ;

མཀརནྡོ མདྷུ མཏཾ, ཐཝཀོ ཏུ ཙ གོཙྪཀོ.

ཙམྤཀ’མྦཱདིཀུསུམ, ཕལནཱམཾ ནཔུཾསཀེ.

མལླིཀཱདཱི ཏུ ཀུསུམེ, སལིངྒཱ ཝཱིཧཡོ ཕལེ;

ཛམྦཱུ’ཏྠཱི ཛམྦཝཾ ཛམྦཱུ, ཝིཊཔོ ཝིཊབྷཱི’ཏྠིཡཾ.

མཱུལ མཱརབྦྷ སཱཁནྟོ, ཁནྡྷོ བྷཱགོ ཏརུསྶ ཐ;

ཀོཊརོ ནིཏྠིཡཾ རུཀྑ, ཙྪིདྡེ ཀཊྛཾ ཏུ དཱརུ ཙ.

བུནྡོ མཱུལཉྩ པཱདོ ཐ, སངྐུ’ཏྟོ ཁཱཎུནིཏྠིཡཾ;

ཀརཧཱཊཾ ཏུ ཀནྡོ ཐ, ཀལཱི༹རོ མཏྠཀོ བྷཝེ.

ཝལླརཱི མཉྫརཱི ནཱརཱི, ཝལླཱི ཏུ ཀཐིཏཱ ལཏཱ;

ཐམྦྷོ གུམྦོ ཙ ཨཀྑནྡྷེ, ལཏཱ ཝིརཱུ པཏཱནིནཱི.

ཨསྶཏྠོ བོདྷི ཙ དྭཱིསུ, ནིགྲོདྷོ ཏུ ཝཊོ བྷཝེ;

ཀབིཊྛོ ཙ ཀཔིཏྠོ ཙ, ཡཉྙངྒོ ཏུ ཨུདུམྦརོ.

ཀོཝིལཱ༹རོ ཡུགཔཏྟོ, ཨུདྡཱལོ ཝཱཏགྷཱཏཀོ;

རཱཛརུཀྑོ ཀཏམཱལཱི, ནྡཱིཝརོ བྱཱདྷིགྷཱཏཀོ.

དནྟསཋོ ཙ ཛམྦྷཱིརོ, ཝརཎོ ཏུ ཀརེརི ཙ;

ཀིཾ སུཀོ པཱལིབྷདྡོཐ, ཝཉྫུལོ ཏུ ཙ ཝེཏསོ.

ཨམྦཱཊཀོཔཱིཏནཀོ, མདྷུཀོ ཏུ མདྷུདྡུམོ;

ཨཐོ གུལ༹ཕལོ པཱིལུ, སོབྷཉྫནོ ཙ སིགྒུ ཙ.

སཏྟཔཎྞི ཚཏྟཔཎྞོ, ཏིནིསོ ཏྭ ཏིམུཏྟཀོ;

མཱལཱུར བེལུཝཱབིལློ, པུནྣཱགོ ཏུ ཙ ཀེསརོ;

སཱལཝོ ཏུ ཙ ལོདྡོ ཐ, པིཡཱལོ སནྣཀདྡུ ཙ.

པུཎྜརཱིཀོ ¶ ཙ སེཏམྦོ, སེལུ ཏུ བཧུཝཱརཀོ;

སེཔཎྞཱི ཀཱསྨིརཱི ཙཱཐ, ཀོལཱི ཙ བདརཱིཏྠིཡཾ.

ཀོལཾ ཙཱནིཏྠཱི བདརོ, པིལཀྑོ པིཔྤལཱི’ཏྠིཡཾ;

པཱཊལཱི ཀཎྷཝནྟཱ ཙ, སཱདུཀཎྚོ ཝིཀངྐཏོ.

ཏིནྡུཀོ ཀཱལ༹ཀྑནྡྷོ ཙ, ཏིམྦརཱུསཀ ཏིམྦརཱུ;

ཨེརཱཝཏོ ཏུ ནཱརངྒོ, ཀུལཀོ ཀཱཀཏིནྡུཀོ.

ཀདམྦོ པིཡཀོ ནཱིཔོ, བྷལླཱི བྷལླཱཏཀོ ཏིསུ;

ཛྷཱཝུཀོ པིཙུལོ ཙཱཐ, ཏིལཀོ ཁུརཀོ བྷཝེ.

ཙིཉྩཱ ཙ ཏིནྟིཎཱི ཙཱཐ, གདྡབྷཎྜོ ཀཔཱིཏནོ;

ནིཙུལོ མུཙལིནྡོ ཙ, ནཱིཔོ ཐ པིཡཀོ ཏཐཱ;

ཁཱིརིཀཱ རཱཛཱཡཏནཾ, ཀུམྦྷཱི ཀུམུདིཀཱ བྷཝེ;

ཡཱུཔོ [པཱུགོ (ཀ.)] ཏུ ཀམུཀོ ཙཱཐ, པཊྚི ལཱཁཱཔསཱདནོ.

ཨིངྒུདཱི ཏཱཔསཏརུ, བྷུཛཔཏྟོ ཏུ ཨཱབྷུཛཱི;

པིཙྪིལཱ སིམྦལཱི དྭཱིསུ, རོཙནོ ཀོཊསིམྦལཱི.

པཀིརིཡོ པཱུཏིཀོ ཐ, རོཧཱི རོཧིཏཀོ བྷཝེ;

ཨེརཎྜོ ཏུ ཙ ཨཱམཎྜོ, ཨཐ སཏྟུཕལཱ སམཱི.

ནཏྟམཱལོ ཀརཉྫོ ཐ, ཁདིརོ དནྟདྷཱཝནོ;

སོམཝཀྐོ ཏུ ཀདརོ, སལློཏུ མདནོ བྷཝེ.

ཨཐཱཔི ཨིནྡསཱལོ ཙ, སལླཀཱི ཁཱརཀོ སིཡཱ;

དེཝདཱརུ བྷདྡདཱརུ, ཙམྤེཡྻོ ཏུ ཙ ཙམྤཀོ.

པནསོ ཀཎྚཀིཕལོ, ཨབྷཡཱ ཏུ ཧརཱིཏཀཱི;

ཨཀྑོ ཝིབྷཱིཏཀོ ཏཱིསུ, ཨམཏཱ’མལཀཱི ཏིསུ.

ལབུཛོ ལིཀུཙོ ཙཱཐ, ཀཎིཀཱརོ དུམུཔྤལོ;

ནིམྦོ’རིཊྛོ པུཙིམནྡོ, ཀརཀོ ཏུ ཙ དཱལི༹མོ.

སརལོ ¶ པཱུཏིཀཊྛཉྩ, ཀཔིལཱ ཏུ ཙ སིཾསཔཱ;

སཱམཱ པིཡངྒུ ཀངྒུཔི, སིརཱིསོ ཏུ ཙ བྷཎྜིལོ.

ཀཱཀོདུམྦརིཀཱ ཕེགྒུ, ནཱགོ ཏུ ནཱགམཱལིཀཱ.

ཨསོཀོ ཝཉྫུལོ ཙཱཐ, ཏཀྐཱརཱི ཝེཛཡནྟིཀཱ;

ཏཱཔིཉྪོ ཙ ཏམཱལོ ཐ, ཀུཊཛོ གིརིམལླིཀཱ.

ཨིནྡཡཝོ ཕལེ ཏསྶཱ, གྒིམནྠོ ཀཎིཀཱ བྷཝེ;

ནིགུཎྛི’ཏྠཱི སིནྡུཝཱརོ, ཏིཎསུཉྙཾ [ཏིཎསཱུལཾ (ཊཱི.)] ཏུ མལླིཀཱ.

སེཕཱལིཀཱ ནཱིལིཀཱ ཐ, ཨཔྥོཊཱ ཝནམལླིཀཱ;

བནྡྷུཀོ ཛཡསུམནཾ, བྷཎྜིཀོ བནྡྷུཛཱིཝཀོ.

སུམནཱ ཛཱཏིསུམནཱ, མཱལཏཱི ཛཱཏི ཝསྶིཀཱི;

ཡཱུཐིཀཱ མཱགདྷཱི ཙཱཐ, སཏྟལཱ ནཝམལླིཀཱ.

ཝཱསནྟཱི,ཏྠཱི ཨཏིམུཏྟོ, ཀརཝཱིརོ’སྶམཱརཀོ;

མཱཏུལུངྒོ བཱིཛཔཱུརོ, ཨུམྨཏྟོ ཏུ ཙ མཱཏུལོ.

ཀརམནྡོ སུསེནོ ཙ, ཀུནྡཾ ཏུ མཱགྷྱ མུཙྩཏེ;

དེཝཏཱསོ [དེཝཏཱཌོ (སཱི. ཨམརཀོས)] ཏུ ཛཱིམཱུཏོ,

ཨཛྫུཀོ སིཏཔཎྞཱསོ, སམཱིརཎོ ཕཎིཛྫཀོ.

ཛཔཱ ཏུ ཛཡསུམནཾ, ཀརཱིརོ ཀཀཙོ བྷཝེ;

རུཀྑཱདནཱི ཙ ཝནྡཱཀཱ, ཙིཏྟཀོ ཏྭ’གྒིསཉྙིཏོ.

པཱུཏིལཏཱ གལོ༹ཙཱི ཙ, མུབྦཱ མདྷུརསཱ པྱཐ.

ཀཔིཀཙྪུ དུཕསྶོ ཐ, མཉྫིཊྛཱ ཝིཀསཱ བྷཝེ;

ཨམྦཊྛཱ ཙ ཏཐཱ པཱཋཱ, ཀཊུཀཱ ཀཊུརོཧིཎཱི.

ཨཔཱམགྒོ ¶ སེཁརིཀོ, པིཔྤལཱི མཱགདྷཱི མཏཱ;

གོཀཎྚཀོ ཙ སིངྒྷཱཊོ, ཀོལཝལླཱི’བྷཔིཔྤལཱི.

གོལོམཱི ཏུ ཝཙཱ ཙཱཐ, གིརིཀཎྱ’པརཱཛིཏཱ;

སཱིཧཔུཙྪཱི པཉྷིཔཎྞཱི, སཱལཔཎྞཱི ཏུ ཙ’ཏྠིརཱ; (ཙཐིརཱ).

ནིདིདྡྷིཀཱ ཏུ བྱགྒྷཱི ཙ, ཨཐ ནཱིལཱི ཙ ནཱིལིནཱི;

ཛིཉྫུཀོ [ཛིཉྫུཀཱ (ཀ.)] ཙེཝ གུཉྫཱ ཐ, སཏམཱུལཱི སཏཱཝརཱི.

མཧོསདྷཾ ཏྭ’ཏིཝིསཱ, བཱཀུཙཱི སོམཝལླིཀཱ;

དཱབྦཱི དཱརུཧལིདྡཱ ཐ, བིལ༹ངྒཾ ཙིཏྲཏཎྜུལཱ.

ནུཧཱི ཙེཝ མཧཱནཱམོ, མུདྡིཀཱ ཏུ མདྷུརསཱ;

ཨཐཱཔི མདྷུཀཾ ཡཊྛི, མདྷུཀཱམདྷུཡཊྛིཀཱ [མདྷུལཊྛིཀཱ (སཱི. ཊཱི.)].

ཝཱཏིངྒཎོ ཙ བྷཎྜཱཀཱི, ཝཱཏྟཱཀཱི བྲཧཏཱི པྱཐ;

ནཱགབལཱ ཙེཝ ཛྷསཱ, ལཱངྒལཱི ཏུ ཙ སཱརདཱི.

རམྦྷཱ ཙ ཀདལཱི མོཙོ, ཀཔྤཱསཱི བདརཱ བྷཝེ;

ནཱགལཏཱ ཏུ ཏམྦཱུལཱི, ཨགྒིཛཱལཱ ཏུ དྷཱཏཀཱི.

ཏིཝུཏཱ ཏིཔུཊཱ ཙཱཐ, སཱམཱ ཀཱལཱ༹ ཙ ཀཐྱཏེ;

ཨཐོ སིངྒཱི ཙ ཨུསབྷོ, རེཎུཀཱ ཀཔིལཱ༹ བྷཝེ.

ཧིརིཝེརཉྩ ཝཱལཉྩ, རཏྟཕལཱ ཏུ བིམྦིཀཱ;

སེལེཡྻ’ མསྨཔུཔྥཉྩ, ཨེལཱ ཏུ བཧུལཱ བྷཝེ.

ཀུཊྛཉྩ བྱཱདྷི ཀཐིཏོ, ཝཱནེཡྻཾ ཏུ ཀུཊནྣཊཾ;

ཨོསདྷི ཛཱཏིམཏྟམྷི, ཨོསདྷཾ སབྦ’ མཛཱཏིཡཾ.

མཱུལཾ པཏྟཾ ཀལཱི༹ར’གྒཾ, ཀནྡཾ མིཉྫཱ ཕལཾ ཏཐཱ;

ཏཙོ པུཔྥཉྩ ཚཏྟནྟི, སཱཀཾ དསཝིདྷཾ མཏཾ.

ཛཱིཝནྟི ཛཱིཝནཱི ཙཱཐ, མདྷུརཀོ ཙ ཛཱིཝཀོ.

མཧཱཀནྡོ ཙ ལསུཎཾ, པལཎྜུ ཏུ སུཀནྡཀོ;

པཊོལོ ཏིཏྟཀོ ཙཱཐ, བྷིངྒརཱཛོ ཙ མཀྐཝོ.

པུནནྣཝཱ ¶ སོཐགྷཱཏཱི, ཝིཏུནྣཾ སུནིསཎྞཀཾ;

ཀཱརཝེལློ ཏུ སུསཝཱི, ཏུམྦྱཱ’ལཱབུ ཙ ལཱབུ སཱ.

ཨེལཱ༹ལུཀཉྩ ཀཀྐཱརཱི, ཀུམྦྷཎྜོ ཏུ ཙ ཝལླིབྷོ;

ཨིནྡཝཱརུཎཱི ཝིསཱལཱ, ཝཏྠུཀཾ ཝཏྠུལེཡྻཀོ.

མཱུལཀོ ནིཏྠིཡཾ ཙུཙྩུ, ཏམྦཀོ ཙ ཀལམྦཀོ;

སཱཀབྷེདཱ ཀཱསམདྡ, ཛྷཛ྄ཛྷརཱི ཕགྒཝཱ’དཡོ.

སདྡལོ ཙེཝ དུབྦཱ ཙ, གོལོམཱི སཱ སིཏཱ བྷཝེ;

གུནྡཱ ཙ བྷདྡམུཏྟཉྩ, རསཱལོ ཏུ’ཙྪུ ཝེལུ༹ ཏུ.

ཏཙསཱརོ ཝེཎུ ཝཾསོ, པབྦཾ ཏུ ཕལུ གཎྛིསོ;

ཀཱིཙཀཱ ཏེ སིཡུཾ ཝེཎཱུ, ཡེ ནདནྟྱཱ’ནིལདྡྷུཏཱ.

ནལོ༹ ཙ དྷམནོ པོཊ, གལོ ཏུ ཀཱས མིཏྠི ན;

ཏེཛནོ ཏུ སརོ, མཱུལཾ, ཏཱུ’ སཱིརཾ བཱིརཎསྶ ཧི.

ཀུསོ ཝརཧིསཾ དབྦོ, བྷཱུཏིཎཀཾ ཏུ བྷཱུཏིཎཾ;

ཏཱལོ ཝིབྷེདིཀཱ ཙཱཐ, ཁཛྫུརཱི སིནྡི ཝུཙྩཏི;

ཧིནྟཱལ, ཏཱལ, ཁཛྫཱུརཱི, ནཱལིཀེརཱ ཏཐེཝ ཙ;

ཏཱལཱི ཙ ཀེཏཀཱི ནཱརཱི, པཱུགོ ཙ ཏིཎཔཱདཔཱཏི.

པབྦཏོ གིརི སེལོ’དྡི, ནགཱ’ཙལ, སིལུཙྩཡཱ;

སིཁརཱི བྷཱུདྷརོཐ བྦྷ, པཱསཱཎཱ’སྨོ’པལོ སིལཱ.

གིཛ྄ཛྷཀཱུཊོ ཙ ཝེབྷཱརོ, ཝེཔུལློ’སིགིལཱི ནགཱ;

ཝིཉྫྷོ པཎྜཝ ཝངྐཱདཱི, པུབྦསེལོ ཏུ ཙོ’དཡོ;

མནྡརོ པརསེལོ’ཏྠོ, ཧིམཝཱ ཏུ ཧིམཱཙལོ.

གནྡྷམཱདན ཀེལཱས, ཙིཏྟཀཱུཊ སུདསྶནཱ;

ཀཱལཀཱུཊོ ཏིཀཱུཊཱ’སྶ, པཏྠོ ཏུ སཱནུ ནིཏྠིཡཾ.

ཀཱུཊོ ¶ ཝཱ སིཁརཾ སིངྒཾ, པཔཱཏོ ཏུ ཏཊོ བྷཝེ;

ནིཏམྦོ ཀཊཀོ ནིཏྠཱི, ནིཛ྄ཛྷརོ པསཝོ’མྦུནོ.

དརཱི’ཏྠཱི ཀནྡརོ དྭཱིསུ, ལེཎཾ ཏུ གབྦྷརཾ གུཧཱ;

སིལཱཔོཀྑརཎཱི སོཎྜཱི, ཀུཉྫཾ ནིཀུཉྫ མིཏྠི ན.

ཨུདྡྷ མདྷིཙྩཀཱ སེལ, སྶཱསནྣཱ བྷཱུམྱུ པཙྩཀཱ;

མིགིནྡོ ཀེསརཱི སཱིཧོ, ཏརཙྪོ ཏུ མིགཱདནོ;

བྱགྒྷོ ཏུ པུཎྜརཱིཀོ ཐ, སདྡཱུལོ དཱིཔིནཱི’རིཏོ.

ཁགྒ ཁགྒཝིསཱཎཱ ཏུ, པལཱསཱདོ ཙ གཎྜཀོ;

བྱགྒྷཱདིཀེ ཝཱལ༹མིགོ, སཱཔདོ ཐ པླཝངྒམོ.

མཀྐཊོ ཝཱནརོ སཱཁཱ, མིགོ ཀཔི ཝལཱིམུཁོ;

གོནངྒུལོ [གོནངྒལོ (ཊཱི.)] ཏི སོ མཏོ.

སིངྒཱལོ [སིགཱལོ (སཱི.)] ཛམྦུཀོ ཀོཏྠུ, བྷེརཝོ ཙ སིཝཱ པྱཐ;

བིལཱ༹རོ བབྦུ མཉྫཱརོ, ཀོཀོ ཏུ ཙ ཝཀོ བྷཝེ.

ཧརིཎོ མིག སཱརངྒཱ, མགོ ཨཛིནཡོནི ཙ;

ཨེཎེཡྻོ ¶ ཨེཎཱིམིགོ ཙ, པམྤཊཀོ ཏུ པམྤཀོ;

ཝཱཏམིགོ ཏུ ཙལནཱི, མཱུསིཀོ ཏྭཱ’ཁུ ཨུནྡུརོ.

ཙམརོ པསདོ ཙེཝ, ཀུརུངྒོ མིགམཱཏུཀཱ;

རུརུ རངྐུ ཙ ནཱིཀོ ཙ, སརབྷཱདཱི མིགནྟརཱ.

པིཡཀོ ཙམཱུརུ ཀདལཱི, མིགཱདཱི ཙམྨཡོནཡོ;

མིགཱ ཏུ པསཝོ སཱིཧཱ, དཡོ སབྦཙཏུཔྤདཱ.

ལཱུཏཱ ཏུ ལཱུཏིཀཱ ཨུཎྞ, ནཱབྷི མཀྐཊཀོ སིཡཱ;

ཝིཙྪིཀོ ཏྭཱ’ལི༹ ཀཐིཏོ, སརབཱུ གྷརགོལི༹ཀཱ.

གོདྷཱ ཀུཎྜོ པྱཐོ ཀཎྞ, ཛལཱུཀཱ སཏཔདྱཐ;

ཀལནྡཀོ ཀཱལ༹ཀཱ ཐ, ནཀུལོ མངྒུསོ བྷཝེ.

ཀཀཎྚཀོ ཙ སརཊོ, ཀཱིཊོ ཏུ པུལ༹ཝོ ཀིམི;

ཝིཧངྒོ ཝིཧགོ པཀྑཱི, ཝིཧངྒམ ཁག’ཎྜཛཱ;

སཀུཎོ ཙ སཀུནྟོ ཝི, པཏངྒོ སཀུཎཱི དྭིཛོ.

ཝཀྐངྒོ པཏྟཡཱནོ ཙ, པཏནྟོ ནཱིལ༹ཛོ བྷཝེ;

ཏབྦྷེདཱ ཝཊྚཀཱ ཛཱིཝ, ཉྫཱིཝོ ཙཀོར ཏིཏྟིརཱ.

སཱལི༹ཀཱ ཀརཝཱིཀོ ཙ, རཝིཧཾསོ ཀུཀུཏྠཀོ;

ཀཱརཎྜཝོ ཙ པིལཝོ [བིལཝོ (ཊཱི.)], པོཀྑརསཱཏཀཱ’དཡོ.

པཏཏྟཾ པེཁུཎཾ པཏྟཾ, པཀྑོ པིཉྪཾ ཚདོ གརུ;

ཨཎྜཾ ཏུ པཀྑིབཱིཛེ ཐ, ནཱིལོ༹ ནིཏྠཱི ཀུལཱཝཀཾ.

སུཔཎྞམཱཏཱ ཝིནཏཱ, མིཐུནཾ ཐཱིཔུམདྭཡཾ;

ཡུགཾ ཏུ ཡུགལཾ དྭནྡཾ, ཡམཀཾ ཡམལཾ ཡམཾ.

སམཱུཧོ གཎ སངྒྷཱཏཱ, སམུདཱཡོ ཙ སཉྩཡོ;

སནྡོཧོ ནིཝཧོ ཨོགྷོ, ཝིསརོ ནིཀརོ ཙཡོ.

ཀཱཡོ ཁནྡྷོ སམུདཡོ, གྷཊཱ སམིཏི སཾཧཏི;

རཱསི པུཉྫོ སམཝཱཡོ, པཱུགོ ཛཱཏཾ ཀདམྦཀཾ.

བྱཱུཧོ ¶ ཝིཏཱན གུམྦཱ ཙ, ཀལཱཔོ ཛཱལ མཎྜལཾ;

སཛཱཏིཀཱནཾ ཏུ ཀུལཾ, ནིཀཱཡོ ཏུ སདྷམྨིནཾ;

ཡཱུཐོ ནིཏྠཱི སཛཱཏིཡ, ཏིརཙྪཱནཱནམུཙྩཏེ.

སུཔཎྞོ ཝེནཏེཡྻོ ཙ, གརུལོ༹ ཝིཧགཱདྷིཔོ;

པརཔུཊྛོ པརབྷཏོ, ཀུཎཱལོ ཀོཀིལོ པིཀོ.

མོརོ མཡཱུརོ ཝརཧཱི, ནཱིལགཱིཝ སིཁཎྜིནོ;

ཀལཱཔཱི ཙ སིཁཱི ཀེཀཱི, ཙཱུལཱ༹ ཏུ ཙ སིཁཱ བྷཝེ.

སིཁཎྜོ ཝརཧཉྩེཝ, ཀལཱཔོ པིཉྪ མཔྱཐ;

ཙནྡཀོ མེཙཀོ ཙཱཐ, ཚཔྤདོ ཙ མདྷུབྦཏོ.

མདྷུལཱིཧོ མདྷུཀརོ, མདྷུཔོ བྷམརོ ཨལི;

པཱརཱཝཏོ ཀཔོཏོ ཙ, ཀཀུཊོ ཙ པཱརེཝཏོ.

གིཛ྄ཛྷོ གདྡྷོཐ ཀུལལོ, སེནོ བྱགྒྷཱིནསོ པྱཐ;

ཏབྦྷེདཱ སཀུཎགྒྷི’ཏྠཱི, ཨཱཊོ དབྦིམུཁདྭིཛོ.

ཨུཧུངྐཱརོ ཨུལཱུཀོ ཙ, ཀོསིཡོ ཝཱཡསཱརི ཙ;

ཀཱཀོ ཏྭ’རིཊྛོ དྷངྐོ ཙ, བལིཔུཊྛོ ཙ ཝཱཡསོ.

ཝཱརཎོ ཧཏྠིལིངྒོ ཙ, ཧཏྠིསོཎྜཝིཧངྒམོ.

ཨུཀྐུསོ ཀུརརོ ཀོལ,ཊྛིཔཀྑིམྷི ཙ ཀུཀྐུཧོ;

སུཝོ ཏུ ཀཱིརོ ཙ སུཀོ, ཏམྦཙཱུལོ༹ ཏུ ཀུཀྐུཊོ.

ཝནཀུཀྐུཊོ ཙ ནིཛྫིཝ྄ཧོ, ཨཐ ཀོཉྩཱ ཙ ཀུནྟནཱི;

ཙཀྐཝཱཀོ ཏུ ཙཀྐཝ྄ཧོ, སཱརངྒོཏུ ཙ ཙཱཏཀོ.

ལོཧཔིཊྛོ ཏཐཱ ཀངྐོ, ཁཉྫརཱིཊོ ཏུ ཁཉྫནོ;

ཀལཝིངྐོ ཏུ ཙཱཊཀོ, དིནྡིབྷོ ཏུ ཀིཀཱི བྷཝེ.

ཀཱདམྦོ ¶ ཀཱལ༹ཧཾསོཐ, སཀུནྟོ བྷཱསཔཀྑིནི;

ཁུདྡཱདཱི མཀྑིཀཱབྷེདཱ, ཌཾསོ པིངྒལམཀྑིཀཱ;

ཨཱསཱཊིཀཱ མཀྑིཀཱཎྜཾ, པཏངྒོ སལབྷོ བྷཝེ.

སཱུཙིམུཁོ ཙ མཀསོ, ཙཱིརཱི ཏུ ཛྷལླིཀཱ [ཛྷིལླིཀཱ (ཀ.)] ཐ ཙ;

ཛཏུཀཱ ཛིནཔཏྟཱ ཐ, ཧཾསོ སེཏཙྪདོ བྷཝེ.

ཏེ རཱཛཧཾསཱ རཏྟེཧི, པཱདཏུཎྜེཧི བྷཱསིཏཱ;

མལླིཀཱ’ཁྱཱ དྷཏརཊྛཱ, མལཱིནེཧྱ’སིཏེཧི ཙ.

༦༤༨. ཏིརཙྪོ ཏུ ཏིརཙྪཱནོ, ཏིརཙྪཱནགཏོ སིཡཱཏི.

ཨདྷོབྷུཝནཾ པཱཏཱལཾ, ནཱགལོཀོ རསཱཏལཾ;

རནྡྷཾ ཏུ ཝིཝརཾ ཚིདྡཾ, ཀུཧརཾ སུསིརཾ བིལཾ.

སུསི’ཏྠཱི ཚིགྒལཾ སོབྦྷཾ, སཙྪིདྡེ སུསིརཾ ཏིསུ;

ཐིཡཾ ཏུ ཀཱསུ ཨཱཝཱཊོ, སཔྤརཱཛཱ ཏུ ཝཱསུཀཱི.

ཨནནྟོ ནཱགརཱཛཱ ཐ, ཝཱཧསོ’ཛགརོ བྷཝེ;

ཀམྦལོ’སྶཏརོ མེརུ, པཱདེ ནཱགཱཐ དྷམྨནཱི;

སིལུཏྟོ གྷརསཔྤོ ཐ, ནཱིལསཔྤོ སིལཱབྷུ ཙ.

ཨཱསིཝིསོ བྷུཛངྒོ’ཧི, བྷུཛགོ ཙ བྷུཛངྒམོ;

སརཱིསཔོ ཕཎཱི སཔྤཱ, ལགདྡཱ བྷོགི པནྣགཱ.

དྭིཛིཝ྄ཧོ ཨུརགོ ཝཱལོ༹, དཱིགྷོ ཙ དཱིགྷཔིཊྛིཀོ;

པཱདཱུདརོ ཝིསདྷརོ, བྷོགོ ཏུ ཕཎིནོ ཏནུ.

ཨཱསཱི’ཏྠཱི ¶ སཔྤདཱཋཱ ཐ, ནིམྨོཀོ ཀཉྩུཀོ སམཱ;

ཝིསཾ ཏྭ’ནིཏྠཱི གརལ༹ཾ, ཏབྦྷེདཱ ཝཱ ཧལཱཧལོ.

ཀཱལ༹ཀཱུཊཱདཡོ ཙཱཐ, ཝཱལ༹གྒཱཏྱ’ཧིཏུཎྜིཀོ;

ནིརཡོ དུགྒཏི’ཏྠཱི ཙ, ནརཀོ, སོ མཧཱ’ཊྛདྷཱ;

སཉྫཱིཝོ ཀཱལ༹སུཏྟོ ཙ, མཧཱརོརུཝ རོརུཝཱ;

པཏཱཔནོ ཨཝཱིཙི’ཏྠཱི, སངྒྷཱཏོ ཏཱཔནོ ཨིཏི.

ཐིཡཾ ཝེཏརཎཱི ལོཧ, ཀུམྦྷཱི ཏཏྠ ཛལཱསཡཱ;

ཨཎྞཝོ སཱགརོ སིནྡྷུ, སམུདྡོ རཏནཱཀརོ;

ཛལནིཛྷུ’ དདྷི, ཏསྶ, བྷེདཱ ཁཱིརཎྞཝཱདཡོ.

ཐེཝོ ཏུ བིནྡུ ཕུསིཏཾ, བྷམོ ཏུ ཛལནིགྒམོ.

ཨཱཔོ པཡོ ཛལཾ ཝཱརི, པཱནཱིཡཾ སལིལཾ དཀཾ;

ཨཎྞོ ནཱིརཾ ཝནཾ ཝཱལཾ, ཏོཡཾ ཨམྦུ’དཀཉྩ ཀཾ.

ཏརངྒོ ཙ ཏཐཱ བྷངྒོ, ཨཱུམི ཝཱིཙི པུམིཏྠིཡཾ;

ཨུལློལོ ཏུ ཙ ཀལློལོ, མཧཱཝཱིཙཱིསུ ཀཐྱཏེ.

ཛམྦཱལོ ཀལལཾ པངྐོ, ཙིཀྑལླཾ ཀདྡམོ པྱཐ;

པུལིནཾ ཝཱལུཀཱ ཝཎྞུ, མརཱུ’རུ སིཀཏཱ བྷཝེ.

ཨནྟརཱིཔཉྩ དཱིཔོ ཝཱ, ཛལམཛ྄ཛྷགཏཾ ཐལཾ;

ཏཱིརཾ ཏུ ཀཱུལཾ རོདྷཉྩ, པཏཱིརཉྩ ཏཊཾ ཏིསུ.

པཱརཾ པརམྷི ཏཱིརམྷི, ཨོརཾ ཏྭ’པཱར མུཙྩཏེ;

ཨུལུ༹མྤོ [ཨུལུ༹པོ (ཀ.)] ཏུ པླཝོ ཀུལློ, ཏརོ ཙ པཙྩརཱི’ཏྠིཡཾ.

ཏརཎཱི ཏརི ནཱཝཱ ཙ, ཀཱུཔཀོ ཏུ ཙ ཀུམྦྷཀཾ;

པཙྪཱབནྡྷོ གོཊཝིསོ, ཀཎྞདྷཱརོ ཏུ ནཱཝིཀོ.

སཾཡཏྟིཀཱ ཏུ ནཱཝཱཡ, ཝཱཎིཛྫམཱཙརནྟི ཡེ.

ནཱཝཱཡ’ངྒཱ’ ¶ ལངྐཱརོ ཙ, ཝཊཱཀཱརོ ཕིཡཱདཡོ;

པོཏོ པཝཧནཾ ཝུཏྟཾ, དོཎི ཏྭི’ཏྠཱི ཏཐཱ’མྦཎཾ [ཨམྨཎཾ (སཱི.)].

གབྷཱིར ནིནྣ གམྦྷཱིརཱ, ཐོ ཏྟཱནཾ ཏབྦིཔཀྑཀེ;

ཨགཱདྷཾ ཏྭ’ཏལམྥསྶཾ, ཨནཙྪོ ཀལུསཱ’ཝིལཱ.

ཨཙྪོ པསནྣོ ཝིམལོ, གབྷཱིརཔྤབྷུཏཱི ཏིསུ;

དྷཱིཝརོ མཙྪིཀོ མཙྪ, བནྡྷ ཀེཝཊྚ ཛཱལིཀཱ.

མཙྪོ མཱིནོ ཛལཙརོ, པུཐུལོམོ’མྦུཛོ ཛྷསོ;

རོཧིཏོ མགྒུརོ སིངྒཱི, བལཛོ མུཉྫ པཱཝུསཱ.

སཏྟཝངྐོ སཝངྐོ ཙ, ནལ༹མཱིནོ ཙ གཎྜཀོ;

སུསུཀཱ སཕརཱི མཙྪ, པྤབྷེདཱ མཀརཱདཡོ.

མཧཱམཙྪཱ ཏིམི ཏིམི, ངྒལོ ཏིམིརཔིངྒལོ;

ཨཱནནྡོ ཏིམིནནྡོ ཙ, ཨཛ྄ཛྷཱརོཧོ མཧཱཏིམི.

པཱསཱཎམཙྪོ པཱཋཱིནོ, ཝངྐོ ཏུ བལི༹སོ བྷཝེ;

སུསུམཱརོ [སཾསུམཱརོ (ཊཱི.), སུཾསུམཱརོ (སཱི.)] ཏུ ཀུམྦྷཱིལོ,

ཀཀྐཊཀོ ཀུལཱི༹རོ ཙ, ཛལཱུཀཱ ཏུ ཙ རཏྟཔཱ;

ཨཐ སིཔྤཱི ཙ སུཏྟི’ཏྠཱི, སངྑེ ཏུ ཀམྦུ’ནིཏྠིཡཾ;

ཁུདྡསངྑྱེ སངྑནཁོ, ཛལསུཏྟི ཙ སམྦུཀོ.

ཛལཱསཡོ ཛལཱདྷཱརོ, གམྦྷཱིརོ རཧདོ ཐ ཙ;

ཨུདཔཱནོ པཱནཀཱུཔོ, ཁཱཏཾ པོཀྑརཎཱི’ཏྠིཡཾ.

ཏལཱ༹ཀོ ཙ སརོ’ནིཏྠཱི, ཝཱཔཱི ཙ སརསཱི’ཏྠིཡཾ;

དཧོ’མྦུཛཱཀརོ ཙཱཐ, པལླལཾ ཁུདྡཀོ སརོ.

ཨནོཏཏྟོ ཏཐཱ ཀཎྞ, མུཎྜོ ཙ རཐཀཱརཀོ;

ཚདྡནྟོ ཙ ཀུཎཱལོ ཙ, ཝུཏྟཱ མནྡཱཀིནཱི’ཏྠིཡཾ.

ཏཐཱ སཱིཧཔྤཔཱཏོཏི, ཨེཏེ སཏྟ མཧཱསརཱ;

ཨཱཧཱཝོ ཏུ ནིཔཱནཉྩཱ, ཁཱཏཾ ཏུ དེཝཁཱཏཀཾ.

སཝནྟཱི ¶ ནིནྣགཱ སིནྡྷུ, སརིཏཱ ཨཱཔགཱ ནདཱི;

བྷཱགཱིརཐཱི ཏུ གངྒཱ ཐ, སམྦྷེདོ སིནྡྷུསངྒམོ.

གངྒཱ’ཙིརཝཏཱི ཙེཝ, ཡམུནཱ སརབྷཱུ (སརབཱུ [སརཡཱུ (ཀ.)] ) མཧཱི;

ཨིམཱ མཧཱནདཱི པཉྩ, ཙནྡབྷཱགཱ སརསྶཏཱི [སརསྭཏཱི (སཱི. ཊཱི.)].

ནེརཉྫརཱ ཙ ཀཱཝེརཱི, ནམྨདཱདཱི ཙ ནིནྣགཱ;

ཝཱརིམགྒོ པཎཱལཱི’ཏྠཱི [པནཱལཱི༹ (ཊཱི.)], པུམེ ཙནྡནིཀཱ ཏུ ཙ.

ཛམྦཱལཱི ཨོལིགལློ ཙ, གཱམདྭཱརམྷི ཀཱསུཡཾ;

སརོརུཧཾ སཏཔཏྟཾ, ཨརཝིནྡཉྩ ཝཱརིཛཾ.

ཨནིཏྠཱི པདུམཾ པངྐེ, རུཧཾ ནལིན པོཀྑརཾ;

མུལཱ༹ལཔུཔྥཾ ཀམལཾ, བྷིསཔུཔྥཾ ཀུསེསཡཾ.

པུཎྜརཱིཀཾ སིཏཾ, རཏྟཾ, ཀོཀནདཾ ཀོཀཱསཀོ;

ཀིཉྫཀྑོ ཀེསརོ ནིཏྠཱི, དཎྜོ ཏུ ནཱལ མུཙྩཏེ.

བྷིསཾ མུལཱ༹ལོ ནིཏྠཱི ཙ, བཱིཛཀོསོ ཏུ ཀཎྞིཀཱ;

པདུམཱདིསམཱུཧེ ཏུ, བྷཝེ སཎྜམནིཏྠིཡཾ.

ཨུཔྤལཾ ཀུཝལཡཉྩ, ནཱིལཾ ཏྭི’ནྡཱིཝརཾ སིཡཱ;

སེཏེཏུ ཀུམུདཉྩསྶ, ཀནྡོ སཱལཱུཀ མུཙྩཏེ.

སོགནྡྷིཀཾ ཀལླཧཱརཾ, དཀསཱིཏལིཀཾ པྱཐ;

སེཝཱལོ ནཱིལིཀཱ ཙཱཐ, བྷིསིནྱ’མྦུཛིནཱི བྷཝེ.

༦༩༠. སེཝཱལཱ ཏིལབཱིཛཉྩ, སངྑེ ཙ པཎཀཱདཡོཏི.

ཝིསེསྱཱདྷཱིན སཾཀིཎྞཱ, ནེཀཏྠེཧྱ’བྱཡེཧི ཙ;

སཱ’ངྒོ’པཱངྒེཧི ཀཐྱནྟེ, ཀཎྜེ ཝགྒཱ ཨིཧ ཀྐམཱ.

གུཎདབྦཀྲིཡཱསདྡཱ, ¶ སིཡུཾ སབྦེ ཝིསེསནཱ;

ཝིསེསྱཱདྷཱིནབྷཱཝེན, ཝིསེསྱསམལིངྒིནོ.

སོབྷནཾ རུཙིརཾ སཱདྷུ, མནུཉྙཾ ཙཱརུ སུནྡརཾ;

ཝགྒུ མནོརམཾ ཀནྟཾ, ཧཱརཱི མཉྫུ ཙ པེསལཾ.

བྷདྡཾ ཝཱམཉྩ ཀལྱཱཎཾ, མནཱཔཾ ལདྡྷཀཾ སུབྷཾ;

ཨུཏྟམོ པཝརོ ཛེཊྛོ, པམུཁཱ’ནུཏྟརོ ཝརོ.

མུཁྱོ པདྷཱནཾ པཱམོཀྑོ, པར མགྒཉྙ མུཏྟརཾ;

པཎཱིཏཾ པརམཾ སེཡྻོ, གཱམཎཱི སེཊྛ སཏྟམཱ.

ཝིསིཊྛཱ’རིཡ ནཱགེ’ཀོ, སབྷགྒཱ མོཀྑ པུངྒཝཱ;

སཱིཧ ཀུཉྫར སདྡཱུལཱ, དཱི ཏུ སམཱསགཱ པུམེ.

ཙིཏྟ’ཀྑི པཱིཏིཛནན, མབྱཱསེཀ མསེཙནཾ;

ཨིཊྛཾ ཏུ སུབྷགཾ ཧཛྫཾ, དཡིཏཾ ཝལླབྷཾ པིཡཾ.

ཏུཙྪཉྩ རིཏྟཀཾ སུཉྙཾ, ཨཐཱ’སཱརཉྩ ཕེགྒུ ཙ;

མེཛ྄ཛྷཾ པཱུཏཾ པཝིཏྟོ ཐ, ཨཝིརདྡྷོ ཨཔཎྞཀོ.

ཨུཀྐཊྛོ ཙ པཀཊྛོ ཐ, ནིཧཱིནོ ཧཱིན ལཱམཀཱ;

པཏིཀིཊྛཾ ནིཀིཊྛཉྩ, ཨིཏྟརཱ’ཝཛྫ ཀུཙྪིཏཱ.

བྲཧཱ མཧནྟཾ ཝིཔུལཾ, ཝིསཱལཾ པུཐུལཾ པུཐུ.

གརུ’རུ ཝིཏྠིཎྞ མཐོ, པཱིནཾ ཐཱུལཉྩ པཱིཝརཾ;

ཐུལླཉྩ ཝཋརཉྩཱ ཐ, ཨཱཙིཏཾ ནིཙིཏཾ བྷཝེ.

སབྦཾ སམཏྟ མཁིལཾ, ནིཁིལཾ སཀལཾ ཏཐཱ;

ནིསྶེསཾ ཀསིཎཱ’སེསཾ, སམགྒཉྩ ཨནཱུནཀཾ,

བྷཱུརི པཧུཏཾ པཙུརཾ, བྷིཡྻོ སམྦཧུལཾ བཧུ;

ཡེབྷུཡྻཾ བཧུལཾ ཙཱཐ, བཱཧིརཾ པརིབཱཧིརཾ.

པརོསཏཱདཱི ཏེ, ཡེསཾ, པརཾ མཏྟཾ སཏཱདིཏོ;

པརིཏྟཾ སུཁུམཾ ཁུདྡཾ, ཐོཀ མཔྤཾ ཀིསཾ ཏནུ.

སམཱིཔཾ ནིཀཊཱ’སནྣོ, པཀཊྛཱ’བྷྱཱས སནྟིཀཾ.

ཨཝིདཱུརཉྩ ¶ སཱམནྟཾ, སནྣིཀཊྛ མུཔནྟིཀཾ;

སཀཱསཾ ཨནྟིཀཾ ཉཏྟཾ, དཱུརཾ ཏུ ཝིཔྤཀཊྛཀཾ.

ནིརནྟརཾ གྷནཾ སནྡཾ, ཝིརལ༹ཾ པེལཝཾ ཏནུ;

ཨཐཱ ཡཏཾ དཱིགྷ མཐོ, ནིཏྟལཾ ཝཊྚ ཝཊྚུལཾ.

ཨུཙྩོ ཏུ ཨུནྣཏོ ཏུངྒོ, ཨུདགྒོ ཙེཝ ཨུཙྪིཏོ;

ནཱིཙོ རསྶོ ཝཱམནོ ཐ, ཨཛིམྷོ པགུཎོ ཨུཛུ.

ཨལཱ༹རཾ ཝེལླིཏཾ ཝངྐཾ, ཀུཊིལཾ ཛིམྷ ཀུཉྩིཏཾ;

དྷུཝོ ཙ སསྶཏོ ནིཙྩོ, སདཱཏན སནནྟནཱ.

ཀཱུཊཊྛོ ཏྭེ’ཀརཱུཔེན, ཀཱལབྱཱཔཱི པཀཱསིཏོ;

ལཧུ སལླཧུཀཾ ཙཱཐ, སངྑྱཱཏཾ གཎིཏཾ མིཏཾ.

ཏིཎྷཾ ཏུ ཏིཁིཎཾ ཏིབྦཾ, ཙཎྜཾ ཨུགྒཾ ཁརཾ བྷཝེ;

ཛངྒམཉྩ ཙརཉྩེཝ, ཏསཾ ཉེཡྻཾ ཙརཱཙརཾ.

ཀམྤནཾ ཙལནཾ ཙཱཐ, ཨཏིརིཏྟོ ཏཐཱ’དྷིཀོ;

ཐཱཝརོ ཛངྒམཱ ཨཉྙོ, ལོལཾ ཏུ ཙཉྩལཾ ཙལཾ.

ཏརལཉྩ པུརཱཎོ ཏུ, པུརཱཏན སནནྟནཱ;

ཙིརནྟནོ ཐ པཙྩགྒྷོ, ནཱུཏནོ’བྷིནཝོ ནཝོ.

ཀུརཱུརཾ ཀཋིནཾ དལ༹ྷཾ, ནིཊྛུརཾ ཀཀྑལ༹ཾ བྷཝེ;

ཨནིཏྠྱ’ནྟོ པརིཡནྟོ, པནྟོ ཙ པཙྪིམ’ནྟིམཱ.

ཛིགྷཉྙཾ ཙརིམཾ པུབྦཾ, ཏྭ’གྒཾ པཋམ མཱདི སོ;

པཏིརཱུཔོ ནུཙྪཝིཀཾ, ཨཐ མོགྷཾ ནིརཏྠཀཾ.

བྱཏྟཾ པུཊ [ཕུཊཾ (སཱི.)] ཉྩ མུདུ ཏུ, སུཀུམཱརཉྩ ཀོམལཾ;

པཙྩཀྑཾ ཨིནྡྲིཡགྒཡ྄ཧཾ, ཨཔཙྩཀྑཾ ཨཏིནྡྲིཡཾ.

ཨིཏརཱ’ཉྙཏརོ ཨེཀོ, ཨཉྙོ བཧུཝིདྷོ ཏུ ཙ;

ནཱནཱརཱུཔོ ཙ ཝིཝིདྷོ, ཨབཱདྷཾ ཏུ ནིརགྒལཾ.

ཨཐེ’ཀཱཀཱི ཙ ཨེཀཙྩོ, ཨེཀོ ཙ ཨེཀཀོ སམཱ;

སཱདྷཱརཎཉྩ སཱམཉྙཾ, སམྦཱདྷོ ཏུ ཙ སཾཀཊཾ.

ཝཱམཾ ཀལེ༹ཝརཾ སབྱཾ; ཨཔསབྱཾ ཏུ དཀྑིཎཾ;

པཊིཀཱུལཾ ཏྭ’པསབྱཾ, གཧནཾ ཀལིལཾ སམཱ.

ཨུཙྩཱཝཙཾ ¶ བཧུབྷེདཾ, སཾཀིཎྞཱ’ ཀིཎྞ སཾཀུལཱ;

ཀཏཧཏྠོ ཙ ཀུསལོ, པཝཱིཎཱ’བྷིཉྙ སིཀྑིཏཱ.

ནིཔུཎོ ཙ པཊུ ཚེཀོ, ཙཱཏུརོ དཀྑ པེསལཱ;

བཱལོ དཏྟུ ཛལོ མཱུལ༹ྷོ, མནྡོ ཝིཉྙཱུ ཙ བཱལིསོ.

པུཉྙཝཱ སུཀཏཱི དྷཉྙོ, མཧུསྶཱཧོ མཧཱདྷིཏི;

མཧཱཏཎྷོ མཧིཙྪོ ཐ, ཧདཡཱི ཧདཡཱལུ ཙ.

སུམནོ ཧཊྛཙིཏྟོ ཐ, དུམྨནོ ཝིམནོ པྱཐ;

ཝདཱནིཡོ ཝདཉྙཱུ ཙ, དཱནསོཎྜོ བཧུཔྤདོ.

ཝིསྶུཏོ ཝིདིཏོ ཙེཝ, པསིདྡྷོ པཱཀཊོ བྷཝེ.

ཨིསྶརོ ནཱཡཀོ སཱམཱི, པཏཱི’སཱ’དྷིཔཏཱི པབྷཱུ;

དཱནཱརཧོ དཀྑིཎེཡྻོ, སིནིདྡྷོ ཏུ ཙ ཝཙྪལོ;

ཀཱརུཎིཀོ དཡཱལུཔི, སཱུརཏོ ཨུསྶུཀོ ཏུ ཙ;

ཨིཊྛཏྠེ ཨུཡྻུཏོ ཙཱཐ, དཱིགྷསུཏྟོ ཙིརཀྲིཡོ.

པརཱདྷཱིནོ པརཱཡཏྟོ, ཨཱཡཏྟོ ཏུ ཙ སནྟཀོ;

པརིགྒཧོ ཨདྷཱིནོ ཙ, སཙྪནྡོ ཏུ ཙ སེརིནི.

ཨནིསམྨཀཱརཱི ཛམྨོ, ཨཏིཏཎྷོ ཏུ ལོལུཔོ;

ཀཱམཡིཏཱ ཏུ ཀམིཏཱ, ཀཱམནོ ཀཱམི ཀཱམུཀོ;

པགབྦྷོ ¶ པཊིབྷཱཡུཏྟོ, བྷཱིསཱིལོ བྷཱིརུ བྷཱིརུཀོ;

སཧནོ ཁམནོ ཁནྟཱ, ཏིཏིཀྑཝཱ ཙ ཁནྟིམཱ.

སདྡྷཱཡུཏྟོ ཏུ སདྡྷཱལུ, དྷཛཝཱ ཏུ དྷཛཱལུ ཙ [ལཛྫཱལུཏུ ཙ ལཛྫཝཱ (ཀ.)];

ནིདྡཱལུ ནིདྡཱསཱིལོ ཐ, བྷསྶརོ བྷཱསུརོ བྷཝེ.

ནགྒོ དིགམྦརོ’ཝཏྠོ, གྷསྨརོ ཏུ ཙ བྷཀྑཀོ;

ཨེལ༹མཱུགོ ཏུ ཝཏྟུཉྩ, སོཏུཾ ཙཱ’ཀུསལོ བྷཝེ.

མུཁརོ དུམྨུཁཱ’བདྡྷ, མུཁཱ ཙཱཔྤིཡཝཱདིནི;

ཝཱཙཱལོ བཧུགཱརཡ྄ཧ, ཝཙེ ཝཏྟཱ ཏུ སོ ཝདོ.

སཱིསཙྪེཛྫམྷི ཝཛ྄ཛྷོ ཐ, ནིཀཏོ ཙ སཋོ’ནུཛུ;

ཨནིསམྨ ཧི ཡོ ཀིཙྩཾ, པུརིསོ ཝདྷབནྡྷནཱདི མཱཙརཏི;

ཨཝིནིཙྪིཏཀཱརིཏྟཱ, སོཁལུ ཙཔལོཏི ཝིཉྙེཡྻོ.

ཁུདྡོ ཀདརིཡོ ཐདྡྷ, མཙྪརཱི ཀཔཎོ པྱཐ;

ཨཀིཉྩནོ དལིདྡོ ཙ, དཱིནོ ནིདྡྷན དུགྒཏཱ.

ཨསམྦྷཱཝིཏསམྤཏྟཾ, ཀཱཀཏཱལིཡ མུཙྩཏེ;

ཨཐ ཡཱཙནཀོ ཨཏྠཱི, ཡཱཙཀོ ཙ ཝནིབྦཀོ.

ཨཎྜཛཱ པཀྑིསཔྤཱདཱི, ནརཱདཱི ཏུ ཛལཱབུཛཱ;

སེདཛཱ ཀིམིཌཾསཱདཱི, དེཝཱདཱི ཏྭོ’ པཔཱཏིཀཱ.

ཛཎྞུཏགྒྷོ ¶ ཛཎྞུམཏྟོ, ཀཔྤོ ཏུ ཀིཉྩིདཱུནཀེ;

ཨནྟགྒཏཾ བྷུ པརིཡཱ, པནྣ མནྟོགདྷོ’གདྷཱ.

རཱདྷིཏོ སཱདྷིཏོ ཙཱཐ, ནིཔྤཀྐཾ ཀུཐིཏཾ བྷཝེ;

ཨཱཔནྣོ ཏྭཱ’པདཔྤཏྟོ, ཝིཝསོ ཏྭཝསོ བྷཝེ.

ནུཎྞོ ནུཏྟཱ’ཏྟ, ཁིཏྟཱ ཙེ’, རིཏཱ ཝིདྡྷཱ ཐ ཀམྤིཏོ;

དྷཱུཏོ ཨཱདྷཱུཏ ཙལིཏཱ, ནིསིཏཾ ཏུ ཙ ཏེཛིཏཾ.

པཏྟབྦཾ གམྨ མཱཔཛྫཾ [ཨཱསཛྫཾ (ཀ.)], པཀྐཾ པརིཎཏཾ སམཱ;

ཝེཋིཏཾ ཏུ ཝལཡིཏཾ, རུདྡྷཾ སཾཝུཏ མཱཝུཏཾ.

པརིཀྑིཏྟཉྩ ནིཝུཏཾ, ཝིསཊཾ ཝིཏྠཏཾ ཏཏཾ;

ལཛྫིཏོ ཧཱིལི༹ཏོ ཙཱཐ, སནིཏཾ དྷནིཏཾ པྱཐ;

སིདྡྷེ ནིཔྥནྣ ནིབྦཏྟཱ, དཱརིཏེ བྷིནྣ བྷེདིཏཱ;

ཚནྣོ ཏུ ཚཱདིཏེ ཙཱཐ, ཝིདྡྷེ ཚིདྡིཏ ཝེདྷིཏཱ.

ཨཔཙཱཡིཏོ མཧིཏོ, པཱུཛིཏཱ’རཧིཏོ’ཙྩིཏོ;

མཱནིཏོ ཙཱ’པཙིཏོ ཙ, ཏཙྪིཏཾ ཏུཏནཱུཀཏེ.

བྷཊྛཾ ཏུ གལིཏཾ པནྣཾ, ཙུཏཉྩ དྷཾསིཏཾ བྷཝེ.

ཏིནྟོ’ལླ’དྡ ¶ ཀིལིནྣོ’ནྣཱ, མགྒིཏཾ པརིཡེསིཏཾ;

ཨནྭེསིཏཾ གཝེསིཏཾ, ལདྡྷཾ ཏུ པཏྟ མུཙྩཏེ.

རཀྑིཏཾ གོཔིཏཾ གུཏྟཾ, ཏཱཏཾ གོཔཱཡིཏཱ’ཝིཏཱ;

པཱལིཏཾ ཨཐ ཨོསྶཊྛཾ, ཙཏྟཾ ཧཱིནཾ སམུཛ྄ཛྷིཏཾ.

བྷཱསིཏཾ ལཔིཏཾ ཝུཏྟཱ, བྷིཧིཏཱ’ཁྱཱཏ ཛཔྤིཏཱ;

ཨུདཱིརིཏཉྩ ཀཐིཏཾ, གདིཏཾ བྷཎིཏོ’དིཏཱ.

ཨཝཉྙཱཏཱ’ཝགཎིཏཱ, པརིབྷཱུཏཱ’ཝམཱནིཏཱ;

བུདྡྷཾ ཉཱཏཾ པཊིཔནྣཾ, ཝིདིཏཱ’ཝགཏཾ མཏཾ;

ཉེཡྻཾ ལིངྒ མིཧ ཀྭཱཔི, པཙྩཡཏྠཝསེན ཙ;

དམོ ཙ དམཐོ དནྟི, ཝཏྟཾ ཏུ སུདྡྷཀམྨནི;

ཨཐོ ཨཱསངྒཝཙནཾ, ཏཱིསུ ཝུཏྟཾ པརཱཡཎཾ.

བྷེདོ ཝིདཱརོ ཕུཊནཾ, ཏཔྤནཾ ཏུ ཙ པཱིཎནཾ;

ནིནྣིམིཏྟཾ ཡདིཙྪཱ ཐཱ’, པུཙྪནཱ ནནྡནཱནི ཙ;

ཀིལམཐོ ཀིལམནཾ, པསཝོ ཏུ པསཱུཏིཡཾ;

པཙཱ པཱཀོ ཧཝོ ཧུཏི [ཧཱུབྷི (སཱི. ཨམརཀོས)],

ཛཱིརཎཾ ཛཱནི ཏཱཎཾ ཏུ, རཀྑཎཾ པམིཏིཔྤམཱ;

ནིགཱདོ ནིགདོ མཱདོ, མདོ པསིཏི བནྡྷནཾ;

པཝིསིལེསོ ཝིདྷུརཾ, ཨུཔཝེསནམཱསནཾ.

ཨཛ྄ཛྷཱསཡོ ཨདྷིཔྤཱཡོ, ཨཱསཡོ ཙཱབྷིསནྡྷི ཙ;

མཛ྄ཛྷནྷིཀོ [མཛ྄ཛྷནྟིཀོ (ཊཱི. སཱི. པཱི.)] ཏུ མཛ྄ཛྷནྷོ, ཝེམཏྟཾ ཏུ ཙ ནཱནཏཱ.

ཝཱ ཛཱགརོ ཛཱགརིཡཾ [ཛཱགརིཡོ (ཊཱི.)], པཝཱཧོ ཏུ པཝཏྟི ཙ;

སམྦཱཧནཾ མདྡནཉྩ, པསརོ ཏུ ཝིསཔྤནཾ;

སནྣིདྷི སནྣིཀཊྛམྷི, ཝིནཱསོ ཏུ ཨདསྶནཾ;

ཨོསཱནཾ ¶ པརིཡོསཱནཾ, ཨུཀྐཾསོ’ཏིསཡོ བྷཝེ [ཨཝསཱནཾ སམཱཔནཾ (?)];

སནྣིཝེསོ ཙ སཎྛཱནཾ, ཨཐཱ’བྦྷནྟར མནྟརཾ.

པཱཊིཧཱིརཾ པཱཊིཧེརཾ, པཱཊིཧཱརིཡ མུཙྩཏེ;

ཀིཙྩཾ ཏུ ཀརཎཱིཡཉྩ, སངྑཱརོ ཝཱསནཱ བྷཝེ.

པཝནཾ པཝ ནིཔྤཱཝཱ, ཏསརོ སུཏྟཝེཋནཾ;

སངྐམོ དུགྒསཉྩཱརོ, པཀྐམོ ཏུ ཨུཔཀྐམོ.

པཱཋོ ནིཔཱཋོ ནིཔཋོ, ཝིཙཡོ མགྒནཱ པུམེ;

ཨཱལིངྒནཾ པརིསྶངྒོ, སིལེསོ ཨུཔགཱུཧནཾ.

ཨཱལོཀནཉྩ ནིཛ྄ཛྷཱནཾ, ཨིཀྑཎཾ དསྶནཾ པྱཐ;

པཙྩཱདེསོ ནིརསནཾ, པཙྩཀྑཱནཾ ནིརཱཀཏི.

ཝིཔལླཱསོ’ཉྙཐཱབྷཱཝོ, བྱཏྟཡོ ཝིཔརཱིཡཡོ;

ཝིཔརིཡཱསོ’ཏིཀྐམོ, ཏྭ’ཏིཔཱཏོ ཨུཔཙྩཡོ.

ཨནེཀཏྠེ པཝཀྑཱམི, གཱཐཱ’དྡྷཔཱདཏོ ཀམཱ;

ཨེཏྠ ལིངྒཝིསེསཏྠ, མེཀསྶ པུནརུཏྟཏཱ.

སམཡོ སམཝཱཡེ ཙ, སམཱུཧེ ཀཱརཎེ ཁཎེ;

པཊིཝེདྷེ སིཡཱ ཀཱལེ, པཧཱནེ ལཱབྷ དིཊྛིསུ.

ཝཎྞོ སཎྛཱན རཱུཔེསུ, ཛཱཏི,ཙྪཝཱིསུ ཀཱརཎེ;

པམཱཎེ ཙ པསཾསཱཡཾ, ཨཀྑརེ ཙ ཡསེ གུཎེ.

ཨུདྡེསེ པཱཏིམོཀྑསྶ, པཎྞཏྟིཡ མུཔོསཐོ;

ཨུཔཝཱསེ ཙ ཨཊྛངྒེ, ཨུཔོསཐདིནེ སིཡཱ.

རཐངྒེ ལཀྑཎེ དྷམྨོ, རཙཀྐེ’སྭཱིརིཡཱཔཐེ;

ཙཀྐཾ སམྤཏྟིཡཾ ཙཀྐ, རཏནེ མཎྜལེ བལེ.

ཀུལཱལབྷཎྜེ ཨཱཎཱཡ, མཱཡུདྷེ དཱན རཱསིསུ;

དཱནསྨིཾ ¶ བྲཧྨཙརིཡ, མཔྤམཉྙཱསུ སཱསནེ;

མེཐུནཱརཏིཡཾ ཝེཡྻཱ, ཝཙྩེ སདཱརཏུཊྛིཡཾ;

པཉྩསཱིལཱ’རིཡམགྒོ, པོསཐངྒ དྷིཏཱིསུ [ཋིཏཱིསུ (ཀ.)] ཙ.

ཨཏྠོ པཡོཛནེ སདྡཱ, བྷིདྷེཡྻེ ཝུདྡྷིཡཾ དྷནེ;

ཝཏྠུམྷི ཀཱརཎེ ནཱསེ, ཧིཏེ པཙྪིམཔབྦཏེ.

ཡེབྷུཡྻཏཱ’བྱཱམིསྶེསུ, ཝིསཾཡོགེ ཙ ཀེཝལཾ;

དལ༹ྷཏྠེ’ནཏིརེཀེ ཙཱ, ནཝསེསམྷི ཏཾ ཏིསུ.

གུཎོ པཊལ རཱསཱིསུ, ཨཱནིསཾསེ ཙ བནྡྷནེ;

ཨཔྤདྷཱནེ ཙ སཱིལཱདོ, སུཀྐཱདིམྷི ཛིཡཱཡ ཙ.

རུཀྑཱདོ ཝིཛྫམཱནེ ཙཱ, རཧནྟེ ཁནྡྷཔཉྩཀེ;

བྷཱུཏོ སཏྟ མཧཱབྷཱུཏཱ, མནུསྶེསུ ན ནཱརིཡཾ.

ཝཱཙྩལིངྒོ ཨཏཱིཏསྨིཾ, ཛཱཏེ པཏྟེ སམེ མཏོ;

སུནྡརེ དལ༹ྷིཀམྨེ ཙཱ, ཡཱཙནེ སམྤཊིཙྪནེ;

སཛྫནེ སམྤཧཾསཱཡཾ, སཱདྷྭཱ’བྷིདྷེཡྻལིངྒིཀཾ.

ཨནྟོ ནིཏྠཱི སམཱིཔེ ཙཱ, ཝསཱནེ པདཔཱུརཎེ;

དེཧཱཝཡཝེ ཀོཊྛཱསེ, ནཱས སཱིམཱསུ ལཱམཀེ.

ནིཀཱཡེ སནྡྷི སཱམཉྙ, པྤསཱུཏཱིསུ ཀུལེ བྷཝེ;

ཝིསེསེ སུམནཱཡཉྩ, ཛཱཏི སངྑཏལཀྑཎེ.

བྷཝབྷེདེ པཏིཊྛཱཡཾ, ནིཊྛཱ’ཛ྄ཛྷཱསཡབུདྡྷིསུ;

ཝཱསཊྛཱནེ ཙ གམནེ, ཝིསཊཏྟེ [ཝིསརཏྟ ཝིསདཏྟེ] གཏཱིརིཏཱ.

ཕལེ ཝིཔསྶནཱ དིབྦ, ཙཀྑུ སབྦཉྙུཏཱསུ ཙ;

པཙྩཝེཀྑཎཉཱཎམྷི, མགྒེ ཙ ཉཱཎདསྶནཾ.

ཀམྨཱརུདྡྷན ཨངྒཱར, ཀཔལླ དཱིཔིཀཱསུ ཙ;

སུཝཎྞཀཱརམཱུསཱཡཾ, ཨུཀྐཱ ཝེགེ ཙ ཝཱཡུནོ.

ཀེསོཧཱརཎ, ¶ ཛཱིཝིཏ, ཝུཏྟིསུ ཝཔནེ ཙ ཝཱཔསམཀརཎེ;

ཀཐནེ པམུཏྟབྷཱཝ, ཛ྄ཛྷེནཱདོ [ཛ྄ཛྷེསནཱདོ (སཱི.)] ཝུཏྟ མཔི ཏཱིསུ.

གམནེ ཝིསྶུཏེ ཙཱ’ཝ, དྷཱརིཏོ’པཙིཏེསུ ཙ;

ཨནུཡོགེ ཀིལིནྣེ ཙ, སུཏོ’ བྷིདྷེཡྻལིངྒིཀོ.

སོཏཝིཉྙེཡྻ སཏྠེསུ, སུཏཾ པུཏྟེ སུཏོ སིཡཱ;

ཀཔྤོ ཀཱལེ ཡུགེ ལེསེ, པཉྙཏྟི པརམཱཡུསུ;

སདིསེ ཏཱིསུ སམཎ, ཝོཧཱར ཀཔྤབིནྡུསུ;

སམནྟཏྠེ’ནྟརཀཔྤཱ, དིཀེ ཏཀྐེ ཝིདྷིམྷི ཙ.

ནིབྦཱན མགྒ ཝིརཏི, སཔཐེ སཙྩབྷཱསིཏེ;

ཏཙྪེ ཙཱ’རིཡསཙྩམྷི, དིཊྛིཡཾ སཙྩ མཱིརིཏཾ.

སཉྫཱཏིདེསེ ཧེཏུམྷི, ཝཱསཊྛཱནཱ’ཀརེསུ ཙ;

སམོསརཎཊྛཱནེ ཙཱ, ཡཏནཾ པདཔཱུརཎེ.

ཨནྟརཾ མཛ྄ཛྷ ཝཏྠ’ཉྙ, ཁཎོ’ཀཱསོ’དྷི ཧེཏུསུ;

བྱཝདྷཱནེ ཝིནཊྛེ ཙ, བྷེདེ ཚིདྡེ མནསྱ’པི.

ཨཱརོགྱེ ཀུསལཾ ཨིཊྛ, ཝིཔཱཀེ ཀུསལོ ཏཐཱ;

ཨནཝཛྫམྷི ཚེཀེ ཙ, ཀཐིཏོ ཝཱཙྩལིངྒིཀོ.

དྲཝཱ’ཙཱརེསུ ཝཱིརིཡེ, མདྷུརཱདཱིསུ པཱརདེ;

སིངྒཱརཱདོ དྷཱཏུབྷེདེ, ཀིཙྩེ སམྤཏྟིཡཾ རསོ.

བོདྷི སབྦཉྙུཏཉྙཱཎེ, རིཡམགྒེ ཙ ནཱརིཡཾ;

པཉྙཏྟིཡཾ པུམེ’ སྶཏྠ, རུཀྑམྷི པུརིསིཏྠིཡཾ.

སེཝིཏོ ཡེན ཡོ ནིཙྩཾ, ཏཏྠཱཔི ཝིསཡོ སིཡཱ;

རཱུཔཱདིཀེ ཛནཔདེ, ཏཐཱ དེསེ ཙ གོཙརེ.

བྷཱཝོ པདཏྠེ སཏྟཱཡ, མདྷིཔྤཱཡ ཀྲིཡཱསུ ཙ;

སབྷཱཝསྨིཉྩ ལཱིལཱཡཾ, པུརིསི’ཏྠིནྡྲིཡེསུ ཙ.

སོ བནྡྷཝེ’ཏྟནི ཙ སཾ, སོ དྷནསྨི མནིཏྠིཡཾ;

སཱ པུམེ སུནཁེ ཝུཏྟོ, ཏྟནིཡེ སོ ཏིལིངྒིཀོ.

སུཝཎྞཾ ཀནཀེ ཝུཏྟཾ, སུཝཎྞོ གརུལེ༹ ཏཐཱ;

པཉྩདྷརཎམཏྟེ ཙ, ཚཝི སམྤཏྟིཡམྤི ཙ.

ཝརོ ¶ དེཝཱདིཀཱ [དེཝཱདིཏོ (སཱི.)] ཨིཊྛེ, ཛཱམཱཏརི པཏིམྷི ཙ,

ཨུཏྟམེ ཝཱཙྩལིངྒོ སོ, ཝརཾ མནྡཔྤིཡེ བྱཡཾ.

མཀུལེ དྷནརཱསིམྷི, སིཡཱ ཀོས མནིཏྠིཡཾ;

ནེཏྟིཾསཱདི པིདྷཱནེ ཙ, དྷནུཔཉྩསཏེཔི ཙ.

པིཏཱམཧེ ཛིནེ སེཊྛེ, བྲཱཧྨཎེ ཙ པིཏཱུསྭཔི;

བྲཧྨཱ ཝུཏྟོ ཏཐཱ བྲཧྨཾ, ཝེདེ ཏཔསི ཝུཙྩཏེ.

ཧཏྠཱིནཾ མཛ྄ཛྷབནྡྷེ ཙ, པཀོཊྛེ ཀཙྪབནྡྷནེ;

མེཁལཱཡཾ མཏཱ ཀཙྪཱ, ཀཙྪོ ཝུཏྟོ ལཏཱཡ ཙ.

ཏཐེཝ བཱཧུམཱུལམྷི, ཨནཱུཔམྷི ཏིཎེཔི ཙ;

པམཱཎཾ ཧེཏུ སཏྠེསུ, མཱནེ ཙ སཙྩཝཱདིནི;

པམཱཏརི ཙ ནིཙྩམྷི, མརིཡཱདཱཡ མུཙྩཏེ.

སཏྟཾ དབྦ’ཏྟབྷཱཝེསུ, པཱཎེསུ ཙ བལེ, སིཡཱ [བལེ སཀྐཱ (ཊཱི.)];

སཏྟཱཡཉྩ, ཛནེསཏྟོ, ཨཱསཏྟེ སོ ཏིལིངྒིཀོ.

སེམྷཱདོ རསརཏྟཱདོ, མཧཱབྷཱུཏེ པབྷཱདིཀེ;

དྷཱཏུ དྭཱིསྭ’ཊྛིཙཀྑཱ’དི, བྷྭཱ’དཱིསུ གེརིཀཱདིསུ.

ཨམཙྩཱདོ སབྷཱཝེ ཙ, ཡོནིཡཾ པཀཏཱི’རིཏཱ;

སཏྭཱདིསཱམྱཱ’ཝཏྠཱཡཾ, པཙྩཡཱ པཋམེཔི ཙ.

པདཾ ཋཱནེ པརིཏྟཱཎེ, ནིབྦཱནམྷི ཙ ཀཱརཎེ;

སདྡེ ཝཏྠུམྷི ཀོཊྛཱསེ, པཱདེ ཏལླཉྪནེ མཏཾ.

ལོཧམུགྒར མེགྷེསུ, གྷནོ, ཏཱལཱདིཀེ གྷནཾ,;

ནིརནྟརེ ཙ ཀཋིནེ, ཝཱཙྩལིངྒིཀ མུཙྩཏེ.

ཁུདྡཱ ཙ མཀྑིཀཱབྷེདེ, མདྷུམྷི ཁུདྡ, མཔྤཀེ;

ཨདྷམེ ཀཔཎེ ཙཱཔི, བཧུམྷི ཙཏཱུསུ ཏྟིསུ.

ཏཀྐེ མརཎལིངྒེ ཙ, ཨརིཊྛཾ ཨསུབྷེ སུབྷེ,;

ཨརིཊྛོ ཨཱསཝེ ཀཱཀེ, ནིམྦེ ཙ ཕེནིལདྡུམེ.

མཱནབྷཎྜེ པལསཏེ, སདིསཏྟེ ཏུལཱ ཏཐཱ;

གེཧཱནཾ དཱརུབནྡྷཏྠ, པཱིཋིཀཱཡཉྩ དིསྶཏི.

མིཏྟཀཱརེ ¶ ལཉྫདཱནེ, བལེ རཱསི ཝིཔཏྟིསུ [བལརཱསི ཝིཔཏྟིསུ (ཀ.)];

ཡུདྡྷེ ཙེཝ པཊིཉྙཱཡཾ, སངྒརོ སམྤཀཱསིཏོ.

ཁནྡྷེ བྷཝེ ནིམིཏྟམྷི, རཱུཔཾ ཝཎྞེ ཙ པཙྩཡེ;

སབྷཱཝ སདྡ སཎྛཱན, རཱུཔཛ྄ཛྷཱན ཝཔཱུསུ ཙ.

ཝཏྠུ ཀིལེས ཀཱམེསུ, ཨིཙྪཱཡཾ མདནེ རཏེ;

ཀཱམོ, ཀཱམཾ ནིཀཱམེ, ཙཱ, ནུཉྙཱཡཾ ཀཱམ མབྱཡཾ.

པོཀྑརཾ པདུམེ དེཧེ, ཝཛྫབྷཎྜམུཁེཔི ཙ;

སུནྡརཏྟེ ཙ སལིལེ, མཱཏངྒཀརཀོཊིཡཾ.

རཱསིནིཙྩལ མཱཡཱསུ, དམྦྷཱ’སཙྩེསྭ’ཡོགྷནེ;

གིརིསིངྒམྷི སཱིརངྒེ, ཡནྟེ ཀཱུཊ མནིཏྠིཡཾ.

ཝུདྡྷིཡཾ ཛནནེ ཀཱམ, དྷཱཏྭཱདཱིམྷི ཙ པཏྟིཡཾ;

སཏྟཱཡཉྩེཝ སཾསཱརེ, བྷཝོ སསྶཏདིཊྛིཡཾ.

པཊིཝཱཀྱོ’ཏྟརཱསངྒེ, སུ’ཏྟརཾ ཨུཏྟརོ ཏིསུ;

སེཊྛེ དིསཱདིབྷེདེ ཙ, པརསྨི མུཔརཱི’རིཏོ.

ནེཀྑམྨཾ པཋམཛ྄ཛྷཱནེ, པབྦཛྫཱཡཾ ཝིམུཏྟིཡཾ;

ཝིཔསྶནཱཡ ནིསྶེས, ཀུསལམྷི ཙ དིསྶཏི.

སངྑཱརོ སངྑཏེ པུཉྙཱ, བྷིསངྑཱརཱདིཀེཔི ཙ;

པཡོགེ ཀཱཡསངྑཱརཱ, དྱ’བྷིསངྑརཎེསུ ཙ.

ཨཱརམྨཎེ ཙ སཾསཊྛེ, ཝོཀིཎྞེ ནིསྶཡེ ཏཐཱ;

ཏབྦྷཱཝེ ཙཱཔྱབྷིདྷེཡྻ, ལིངྒོ སཧགཏོ བྷཝེ.

ཏཱིསུ ཚནྣཾ པཏིརཱུཔེ, ཚཱདིཏེ ཙ ནིགཱུཧིཏེ;

ནིཝཱསན པཱརུཔནེ, རཧོ པཉྙཏྟིཡཾ པུམེ.

བུདྡྷསམནྟཙཀྑཱུསུ, ཙཀྑུ པཉྙཱཡ མཱིརིཏཾ;

དྷམྨཙཀྑུམྷི ཙ མཾས, དིབྦཙཀྑུདྭཡེསུ ཙ.

ཝཱཙྩལིངྒོ ཨབྷིཀྐནྟོ, སུནྡརམྷི ཨབྷིཀྐམེ;

ཨབྷིརཱུཔེ ཁཡེ ཝུཏྟོ, ཏཐེཝ’བྦྷནུམོདནེ.

ཀཱརཎེ དེསནཱཡཉྩ, ཝཱརེ ཝེཝཙནེཔི ཙ;

པཱཀཱརསྨིཾ [པཀཱརསྨིཾ (ཀ.)] ཨཝསརེ, པརིཡཱཡོ ཀཐཱིཡཏི.

ཝིཉྙཱཎེ ¶ ཙིཏྟཀམྨེ ཙ, ཝིཙིཏྟེ ཙིཏྟ མུཙྩཏེ;

པཉྙཏྟི ཙིཏྟམཱསེསུ, ཙིཏྟོ, ཏཱརནྟརེ ཐིཡཾ.

སཱམཾ ཝེདནྟརེ སཱནྟྭེ, ཏཾ པཱིཏེ སཱམལེ ཏིསུ;

སཡམཏྠེ བྱཡཾ སཱམཾ, སཱམཱ ཙ སཱརིཝཱཡཔི.

པུམེ ཨཱཙརིཡཱདིམྷི, གརུ [གུརུ (ཀ. ཊཱི.)] མཱཏཱཔིཏཱུསྭཔི;

གརུ ཏཱིསུ མཧནྟེ ཙ, དུཛྫརཱ’ལཧུཀེསུ ཙ.

ཨཙྩིཏེ ཝིཛྫམཱནེ ཙ, པསཏྠེ སཙྩ སཱདྷུསུ;

ཁིནྣེ ཙ སམིཏེ ཙེཝ, སནྟོབྷིདྷེཡྻལིངྒིཀོཏི.

དེཝོ ཝིསུདྡྷིདེཝཱ’དོ, མེགྷ མཙྩུ ནབྷེསུ ཙ;

ཨཐོཔི ཏརུཎེ སཏྟེ, ཙོརེཔི མཱཎཝོ བྷཝེ.

ཨཱདི ཀོཊྛཱས ཀོཊཱིསུ, པུརཏོ’གྒཾཝརེ ཏཱིསུ;

པཙྩནཱིཀོ’ཏྟམེསྭ’ཉྙེ, པཙྪཱབྷཱགེ པརོ ཏིསུ.

ཡོནི ཀཱམ སིརི’སྶརེ, དྷམྨུ’ཡྻཱམ ཡསེ བྷགཾ;

ཨུལཱ༹རོ ཏཱིསུ ཝིཔུལེ, སེཊྛེ ཙ མདྷུརེ སིཡཱ.

སམྤནྣོ ཏཱིསུ སམྤུཎྞེ, མདྷུརེ ཙ སམངྒིནི;

སངྑཱ ཏུ ཉཱཎེ ཀོཊྛཱས, པཉྙཏྟི གཎནེསུ ཙ.

ཋཱནཾ ཨིསྶརིཡོ’ཀཱས, ཧེཏཱུསུ ཋིཏིཡམྤི ཙ;

ཨཐོ མཱནེ པཀཱརེཙ, ཀོཊྛཱསེཙ ཝིདྷོ དྭིསུ.

པཉྙོ’པཝཱས ཁནྟཱིསུ, དམོ ཨིནྡྲིཡསཾཝརེ;

ཉཱཎེ ཙ སོམནསྶེཙ, ཝེདོ ཚནྡསི ཙོ’ཙྩཏེ.

ཁནྡྷཀོཊྛཱས, པསྶཱཝ, མགྒ, ཧེཏཱུསུ ཡོནི སཱ [ཡོནི སོ (ཊཱི.)];

ཀཱལེ ཏུ ཀཱུལེ སཱིམཱཡཾ, ཝེལཱ རཱསིམྷི བྷཱསིཏཱ.

ཝོཧཱརོ སདྡ པཎྞཏྟི, ཝཎིཛྫཱ ཙེཏནཱསུ ཙ;

ནཱགོ ཏུ’རག ཧཏྠཱིསུ, ནཱགརུཀྑེ ཏཐུ’ཏྟམེ.

རཱགེ ཏུ མཱནསོ ཙིཏྟཱ, རཧཏྟེསུ ཙ མཱནསཾ.

མཱུལཾ ¶ བྷེ སནྟིཀེ མཱུལ, མཱུལེ ཧེཏུམྷི པཱབྷཏེ;

རཱུཔཱདྱཾ’ས པཀཎྜེསུ, ཁནྡྷོ རཱསི གུཎེསུ ཙ.

ཨཱརམྦྷོ ཝཱིརིཡེ ཀམྨེ, ཨཱདིཀམྨེ ཝིཀོཔནེ;

ཨཐོ ཧདཡཝཏྠུམྷི, ཙིཏྟེ ཙ ཧདཡཾ ཨུརེ.

པཙྪཱཏཱཔཱ’ནུབནྡྷེསུ, རཱགཱདོ’ནུསཡོ བྷཝེ;

མཱཏངྒམུདྡྷཔིཎྜེ ཏུ, གྷཊེ ཀུམྦྷོ དསམྦཎེ.

པརིཝཱརོ པརིཛནེ, ཁགྒཀོསེ པརིཙྪདེ;

ཨཱལམྦརོ ཏུ སཱརམྦྷེ, བྷེརིབྷེདེ ཙ དིསྶཏི.

ཁཎོ ཀཱལཝིསེསེ ཙ, ནིབྱཱཔཱརཊྛིཏིམྷི ཙ;

ཀུལེ ཏྭ’བྷིཛནོ ཝུཏྟོ, ཨུཔྤཏྟིབྷཱུམིཡམྤི ཙ.

ཨཱཧཱརོ ཀབལཱི༹ཀཱརཱ, ཧཱརཱདཱིསུ ཙ ཀཱརཎེ;

ཝིསྶཱསེ ཡཱཙནཱཡཉྩ, པེམེ ཙ པཎཡོ མཏོ.

ཎཱདོ སདྡྷཱ, ཙཱིཝརཱདི, ཧེཏྭཱ’དྷཱརེསུ པཙྩཡོ;

ཀཱིལཱ༹ དིབྦཝིཧཱརཱདོ, ཝིཧཱརོ སུགཏཱལཡེ.

སམཏྠནེ མཏོ ཙིཏྟེ, ཀགྒཏཱཡཾ སམཱདྷི ཙ;

ཡོགོ སངྒཏི [སངྒེ ཙ (ཊཱི.)] ཀཱམཱདོ,

བྷོགོ སཔྤཕཎ’ངྒེསུ, ཀོཊིལླེ བྷུཉྫནེ དྷནེ;

བྷཱུམིབྷཱགེ ཀིལེསེ ཙ, མལེ ཙཱ’ངྒཎ མུཙྩཏེ.

དྷནཱདིདཔྤེ པཉྙཱཡ, ཨབྷིམཱནོ མཏོ ཐ ཙ;

ཨཔདེསོ ནིམིཏྟེ ཙ, ཚལེ ཙ ཀཐནེ མཏོ.

ཙིཏྟེ ཀཱཡེ སབྷཱཝེ ཙ, སོ ཨཏྟཱ པརམ’ཏྟནི;

ཨཐ གུམྦོ ཙ ཐམྦསྨིཾ [ཐམྦྷསྨིཾ (ཊཱི.)], སམཱུཧེ བལསཛྫནེ.

ཨནྟོགྷརེ ཀུསཱུལེ ཙ, ཀོཊྛོ ནྟོཀུཙྪིཡཾ པྱཐ;

སོཔཱནངྒམྷི ཨུཎྷཱིསོ, མཀུཊེ སཱིསཝེཋནེ.

ནིཡྻཱསེ སེཁརེ དྭཱརེ, ནིཡྻཱུཧོ ནཱགདནྟཀེ;

ཨཐོ སིཁཎྜེ ཏཱུཎཱིརེ, ཀལཱཔོ ནིཀརེ མཏོ.

ཙཱུལཱ༹ སཾཡཏཀེསེསུ, མཀུཊེ མོལི༹ ཙ དྭིསུ;

སངྑོ ཏྭ’ནིཏྠིཡཾ ཀམྦུ, ནལཱཊ’ཊྛཱིསུ [ལལཱཊཊྛཱིསུ (སཱི.)] གོཔྥཀེ.

པཀྑོ ¶ ཀཱལེ བལེ སཱདྷྱེ, སཁཱི ཝཱཛེསུ པངྒུལེ;

དེསེ’ཎྞཝེ པུམེ སིནྡྷུ, སརིཏཱཡཾ ས ནཱརིཡཾ.

གཛེ ཀརེཎུ པུརིསེ, སོ ཧཏྠིནིཡ མིཏྠིཡཾ;

རཏནེ ཝཛིརོ ནིཏྠཱི, མཎིཝེདྷི’ནྡཧེཏིསུ.

ཝིསཱཎཾ ཏཱིསུ མཱཏངྒ, དནྟེ ཙ པསུསིངྒཀེ;

ཀོཊིཡཾ ཏུ མཏོ ཀོཎོ, ཏཐཱ ཝཱདིཏྟཝཱདནེ.

ཝཎིཔྤཐེ ཙ ནགརེ, ཝེདེ ཙ ནིགམོ ཐ ཙ;

ཝིཝཱདཱདོ’ དྷིཀརཎཾ, སིཡཱ’དྷཱརེ ཙ ཀཱརཎེ.

པསུམྷི ཝསུདྷཱཡཉྩ, ཝཱཙཱདོ གོ པུམིཏྠིཡཾ;

ཧརིཏེ ཏུ སུཝཎྞེ ཙ, ཝཱསུདེཝེ ཧརཱི’རིཏོ.

ཨཱཡཏྟེ པརིཝཱརེ ཙ, བྷརིཡཱཡཾ པརིགྒཧོ;

ཨུཏྟཾསོ ཏྭ’ ཝཏཾསོ ཙ, ཀཎྞཔཱུརེ ཙ སེཁརེ.

ཝིཛྫུཡཾ ཝཛིརེ ཙེཝཱ, སནི’ཏྠིཔུརིསེ པྱཐ;

ཀོཎེ སངྑྱཱཝིསེསསྨིཾ, ཨུཀྐཾསེ ཀོཊི ནཱརིཡཾ.

ཙཱུལཱ༹ ཛཱལཱ པདྷཱན’གྒ, མོརཙཱུལཱ༹སུ སཱ སིཁཱ;

སཔྤདཱཋཱཡ མཱསཱི’ཏྠཱི, ཨིཊྛསྶཱ’སཱིསནཱཡཔི.

ཝསཱ ཝིལཱིན ཏེལསྨིཾ, ཝསགཱ ཝཉྫྷགཱཝིསུ;

ཨབྷིལཱསེ ཏུ ཀིརཎེ, ཨབྷིསངྒེ རུཙི’ཏྠིཡཾ.

སཉྙཱ སཉྫཱནནེ ནཱམེ, ཙེཏནཱཡཉྩ དིསྶཏི;

ཨཾསེ སིཔྤེ ཀལཱ ཀཱལེ, བྷཱགེ ཙནྡསྶ སོལ༹སེ.

བཱིཛཀོསེ གྷརཀཱུཊེ, ཀཎྞབྷཱུསཱཡ ཀཎྞིཀཱ;

ཨཱགཱམིཀཱལེ དཱིགྷཏྟེ, པབྷཱཝེ ཙ མཏཱ’ཡཏི.

ཨུཎྞཱ མེསཱདིལོམེ, ཙ, བྷཱུམཛ྄ཛྷེ རོམདྷཱཏུཡཾ;

ཝཱརུཎཱི ཏྭིཏྠིཡཾ ཝུཏྟཱ, ནཊྚཀཱི མདིརཱདིསུ.

ཀྲིཡཙིཏྟེ ཙ ཀརཎེ, ཀིརིཡཾ ཀམྨནི ཀྲིཡཱ;

སུནིསཱཡཾ ཏུ ཀཉྙཱཡ, ཛཱཡཱཡ ཙ ཝདྷཱུ མཏཱ.

པམཱཎི’སྶརིཡེ མཏྟཱ, ཨཀྑརཱཝཡཝེ’པྤཀེ;

སུཏྟཾ པཱཝཙནེ རིཊྛེ [སིདྡྷེ (ཊཱི.)], ཏནྟེ ཏཾ སུཔིཏེ ཏིསུ.

རཱཛལིངྒོ’སབྷངྒེསུ, ¶ རུཀྑེ ཙ ཀཀུདོ [ཀཀུདྷོ (ཊཱི. སཱི.)] པྱཐ;

ནིམིཏྟ’ཀྑར སཱུཔེསུ, བྱཉྫནཾ ཙིཧནེ པདེ.

ཝོཧཱརེ ཛེཏུ མིཙྪཱཡཾ, ཀཱིལཱ༹དོ ཙཱཔི དེཝནཾ;

བྷརིཡཱཡཾ ཏུ ཀེདཱརེ, སརཱིརེ ཁེཏྟ མཱིརིཏཾ.

སུསྶཱུསཱཡཉྩ ཝིཉྙེཡྻཾ, ཨིསྶཱབྷྱཱསེ པྱུ’པཱསནཾ;

སཱུལཾ ཏུ ནིཏྠིཡཾ ཧེཏི, བྷེདེ སཾཀུ རུཛཱསུ ཙ.

ཏནྟི ཝཱིཎཱགུཎེ, ཏནྟཾ, མུཁྱསིདྡྷནྟ ཏནྟུསུ;

རཐཱདྱངྒེ ཏུ ཙ ཡུགོ, ཀཔྤམྷི ཡུགལེ ཡུགཾ.

ཨིཏྠིཔུཔྥེ ཙ རེཎུམྷི, རཛོ པཀཏིཛེ གུཎེ;

ནྱཱསཔྤཎེ ཏུ དཱནམྷི, ནིཡྻཱཏན མུདཱིརིཏཾ.

གརུ’པཱཡཱ’ཝཏཱརེསུ, ཏིཏྠཾ པཱུཏམྦུ དིཊྛིསུ;

པཎྜཀེ ཛོཏི ནཀྑཏྟ, རཾསཱིསྭ’གྒིམྷི ཛོཏི སོ.

ཀཎྜོ ནིཏྠཱི སརེ དཎྜེ, ཝགྒེ ཙཱཝསརེ པྱཐ;

ཨུདྡྷཾབཱཧུདྭཡམཱནེ [བཱཧུདྭཡུམྨཱནེ (སཱི. ཀ.)], སཱུརཏྟེཔི ཙ པོརིསཾ.

ཨུཊྛཱནཾ པོརིསེ’ཧཱསུ, ནིསིནྣཱདྱུ’གྒམེ པྱཐ;

ཨནིསྶཡམཧཱིབྷཱགེ, ཏྭི’རཱིཎཾ ཨཱུསརེ སིཡཱ.

ཨཱརཱདྷནཾ སཱདྷནེ ཙ, པཏྟིཡཾ པརིཏོསནེ;

པདྷཱནེ ཏུ ཙ སཱནུམྷི, ཝིསཱཎེ སིངྒ མུཙྩཏེ.

དིཊྛཱ’དིམགྒེ ཉཱཎ’ཀྑི, ཀྑཎ ལདྡྷཱིསུ དསྶནཾ;

ཧེམེ པཉྩསུཝཎྞེ ཙ, ནིཀྑོ ནིཏྠཱི པསཱདྷནེ.

ཏིཐིབྷེདེ ཙ སཱཁཱདི, ཕལུ༹མྷི པབྦ མུཙྩཏེ;

ནཱགལོཀེ ཏུ པཱཏཱལཾ, བྷཱསིཏཾ བལཝཱམུཁེ.

ཀཱམཛེ ཀོཔཛེ དོསེ, བྱསནཉྩ ཝིཔཏྟིཡཾ;

ཨཐོ’པཀརཎེ སིདྡྷི, ཀཱརཀེསུ ཙ སཱདྷནཾ.

ཏཱིསྭཱིརིཏོ [ཏཱིསྭིཏོ (ཊཱི.)] དཱནསཱིལེ, ཝདཉྙཱུ ཝགྒུཝཱདིནི;

པུརཀྑཏོ བྷིསིཏྟེ ཙ, པཱུཛིཏེ པུརཏོཀཏེ.

མནྡོ བྷཱགྱཝིཧཱིནེ ཙཱ, པྤཀེ མཱུལ༹ྷཱ’པཊཱུསྭཔི;

ཝུདྡྷིཡུཏྟེ སམུནྣདྡྷེ, ཨུཔྤནྣེ ཨུསྶིཏཾ བྷཝེ.

རཐངྒེ’ཀྑོ ¶ སུཝཎྞསྨིཾ, པཱསཀེ, ཨཀྑ མིནྡྲིཡེ;

སསྶཏེ ཙ དྷུཝོ ཏཱིསུ, དྷུཝཾ ཏཀྐེ ཙ ནིཙྪིཏེ.

ཧརེ སིཝོ, སིཝཾ བྷདྡ, མོཀྑེསུ, ཛམྦུཀེ སིཝཱ;

སེནཱཡཾ སཏྟིཡཉྩེཝ, ཐཱུལཏྟེ ཙ བལཾ བྷཝེ.

སངྑྱཱ ནརཀབྷེདེསུ, པདུམཾ ཝཱརིཛེ པྱཐ;

དེཝབྷེདེ ཝསུ པུམེ, པཎྜཀཾ རཏནེ དྷནེ.

ནིབྦཱནཾ ཨཏྠགམནེ, ཨཔཝགྒེ སིཡཱ ཐ ཙ;

སེཏམྦུཛེ པུཎྜརཱིཀཾ, བྱགྒྷེ རུཀྑནྟརེ པུམེ.

ཨུཔཧཱརེ བལི པུམེ, ཀརསྨིཾཙཱ’སུརནྟརེ;

སུཀྐཾ ཏུ སམྦྷཝེ, སུཀྐོ, དྷཝལེ, ཀུསལེ ཏིསུ.

དཱཡོ དཱནེ ཝིབྷཏྟབྦ, དྷནེ ཙ པིཏུནཾ ཝནེ [དྷནེ (ཊཱི.)];

པབྷུཏྟཱ’ཡཏྟཏཱ’ཡཏྟཱ’, བྷིལཱསེསུ ཝསོ བྷཝེ.

པརིབྷཱསན མཀྐོསེ, ནིཡམེ བྷཱསནེ ཐ ཙ,

དྷནམྷི སེལ༹ནཾ ཡོདྷ, སཱིཧནཱདམྷི དིསྶཏི.

པབྷཝོ ཛཱཏིཧེཏུམྷི, ཋཱནེ ཙཱདྱུཔལདྡྷིཡཾ;

ཨཐོ’ཏུ ནཱརིཔུཔྥསྨིཾ, ཧེམནྟཱདིམྷི ཙ དྭིསུ.

ཀརཎཾ སཱདྷཀཏམེ, ཀྲིཡཱ གཏྟེསུ ཨིནྡྲིཡེ;

ཏཱཏོ [ཏཱལོ༹ (སཱི.)] ཏུ ཀུཉྩིཀཱཡཉྩ, ཏཱུརིཡངྒེ དུམནྟརེ.

པུཔྥེ ཕལེ ཙ པསཝོ, ཨུཔྤཱདེ གབྦྷམོཙནེ;

གཱཡནེ གཱཡཀེ ཨསྶེ, གནྡྷབྦོ དེཝཏཱནྟརེ.

ཝིནཱ པུཔྥཾ ཕལགྒཱཧི, རུཀྑེ ཝནཔྤཏི;

ཨཱཧཏེ ཧེམརཛཏེ, རཱུཔིཡཾ རཛཏེཔི ཙ.

ཁགཱདིབནྡྷནེ པཱསོ, ཀེསཔུབྦོ ཙཡེ པྱཐ;

ཏཱརཱ’ཀྑིམཛ྄ཛྷེ ནཀྑཏྟེ, ཏཱརོ ཨུཙྩཏརསྶརེ.

པཏྟེ ཙ ལོཧབྷེདསྨིཾ, ཀཾསོ ཙཏུཀཧཱཔཎེ;

མཛ྄ཛྷིམོ དེཧམཛ྄ཛྷསྨིཾ, མཛ྄ཛྷབྷཝེ ཙ སོ ཏིསུ.

ཨཱཝེསནཾབྷཱུཏཱཝེསེ, སིཔྤསཱལཱ གྷརེསུ ཙ;

སོབྷཱ སམྤཏྟཱིསུ སིརཱི, ལཀྑཱིཏྠཱི དེཝཏཱཡ ཙ.

ཀུམཱརོ ¶ ཡུཝརཱཛེ ཙ, ཁནྡེ ཝུཏྟོ སུསུམྷི ཙ;

ཨཐཱ’ནིཏྠཱི པཝཱལོ༹ ཙ, མཎིབྷེདེ ཏཐཱ’ངྐུརེ.

པཎོ ཝེཏན མཱུལེསུ, ཝོཧཱརེ ཙ དྷནེ མཏོ;

པཊིགྒཧོ ཏུ གཧཎེ, ཀཐིཏོ བྷཱཛནནྟརེ.

ཨསུབྷེ ཙ སུབྷེ ཀམྨེ, བྷཱགྱཾ ཝུཏྟཾ དྭཡེ པྱཐ;

པིཔྥལཾ ཏརུབྷེདེ ཙ, ཝཏྠཙྪེདནསཏྠཀེ.

ཨཔཝགྒོ པརིཙྩཱགཱ’, ཝསཱནེསུ ཝིམུཏྟིཡཾ;

ལིངྒཾ ཏུ ཨངྒཛཱཏསྨིཾ, པུམཏྟཱདིམྷི ལཀྑཎེ.

ཙཱགེ སབྷཱཝེ ནིམྨཱནེ, སགྒོ ཛ྄ཛྷཱཡེ དིཝེཔྱཐ;

རོཧིཏོ ལོཧིཏེ མཙྪ, བྷེདེ ཙེཝ མིགནྟརེ.

ནིཊྛཱ ནིཔྥཏྟིཡཾ ཙེཝཱ, ཝསཱནམྷི ཨདསྶནེ;

ཀཎྚཀོ ཏུ སཔཏྟསྨིཾ, རུཀྑངྒེ ལོམཧཾསནེ.

མུཁྱོ’པཱཡེསུ ཝདནེ, ཨཱདིསྨིཾ མུཁ མཱིརིཏཾ;

དབྦཾ བྷབྦེ གུཎཱདྷཱརེ, ཝིཏྟེ ཙ བུདྷ དཱརུསུ.

མཱནཾ པམཱཎེ པཏྠཱདོ, མཱནོ ཝུཏྟོ ཝིདྷཱཡ ཙ;

ཨཐོ པརིསྶམེ ཝུཏྟོ, ཝཱཡཱམོ ཝཱིརིཡེཔི ཙ.

སརོརུཧེ སཏཔཏྟཾ, སཏཔཏྟོ ཁགནྟརེ;

ཚིདྡེ ཏུ ཚིདྡཝནྟེ ཙ, སུསིརཾ ཏཱུརིཡནྟརེ.

ཨེཀསྨིཾ སདིསེ སནྟེ, སམཱནཾ ཝཱཙྩལིངྒིཀཾ;

ཨཐོ གཱརཝ བྷཱིཏཱིསུ, སཾཝེགེ སམྦྷམོ མཏོ.

ཛུཎྷཱ ཙནྡཔྤབྷཱཡཉྩ, ཏདུཔེཏནིསཱཡ ཙ;

ཝིམཱནཾ དེཝཏཱཝཱསེ, སཏྟབྷཱུམིགྷརམྷི ཙ.

མཱསེ ཛེཊྛོ, ཏིཝུདྡྷཱ’ཏི, པྤསཏྠེསུ ཙ ཏཱིསུ སོ;

དྷམྨེ ཙ མངྒལེ སེཡྻོ, སོ པསཏྠཏརེ ཏིསུ.

ཨཱདིཙྩཱདིམྷི གཧཎེ, ནིབནྡྷེ ཙ གྷརེ གཧོ;

ཀཱཙོ ཏུ མཏྟིཀཱབྷེདེ, སིཀྐཱཡཾ ནཡནཱམཡེ.

ཏཱིསུ གཱམཎི སེཊྛསྨིཾ, ཨདྷིཔེ གཱམཛེཊྛཀེ;

བིམྦཾ ཏུ པཊིབིམྦེ ཙ, མཎྜལེ བིམྦིཀཱཕལེ.

བྷཱཛནཱདི པརིཀྑཱརེ, བྷཎྜཾ མཱུལདྷནེཔི ཙ;

མགྒོ ཏྭརིཡམགྒེ ཙ, སམྨཱདིཊྛཱདིཀེ, པཐེ.

སམཱ ¶ ཝསྶེ, སམོ ཁེད, སནྟཱིསུ, སོ ནིབྷེ ཏིསུ;

ཙཱཔེཏྭིསྶཱས, མུསུནོ, ཨིསྶཱསོ ཁེཔཀམྷི ཙ.

བཱལོ ཏཱིསྭཱ’དིཝཡསཱ, སམངྒིནི ཨཔཎྜིཏེ;

རཏྟཾ ཏུ སོཎིཏེ, ཏམྦཱ, ནུརཏྟ, རཉྫིཏེ ཏིསུ.

ཏཙེ ཀཱཡེ ཙ ཏནྭིཏྠཱི, ཏཱིསྭ’པྤེ ཝིརལེ༹ ཀིསེ;

ཨུཏུབྷེདེ ཏུ སིསིརོ, ཧིམེ སོ སཱིཏལེ ཏིསུ.

སཀྑརཱ གུལ༹བྷེདེ ཙ, ཀཐལེཔི ཙ དིསྶཏི;

ཨནུགྒཧེ ཏུ སངྑེཔེ, གཧཎེ སངྒཧོ མཏོ.

དཀྑེ ཙ ཏིཁིཎེ བྱཏྟེ, རོགམུཏྟེ པཊུཏྟིསུ;

རཱཛཱ ཏུ ཁཏྟིཡེ ཝུཏྟོ, ནརནཱཐེ པབྷུམྷི ཙ.

ཁལཉྩ དྷཉྙཀརཎེ, ཀཀྐེ ནཱིཙེ ཁལོ བྷཝེ;

ཨཐུ’པྤཱདེ སམུདཡོ, སམཱུཧེ པཙྩཡེཔི ཙ.

བྲཧྨཙཱརཱི གཧཊྛཱདོ, ཨསྶམོ ཙ ཏཔོཝནེ;

བྷཡངྐརེ ཏུ ཀཋིནེ, ཀུརཱུརོ ཏཱིསུ ནིདྡཡེ.

ཀནིཊྛོ ཀནིཡོ ཏཱིསུ, ཨཏྱཔྤེ’ཏིཡུཝེ པྱཐ;

སཱིགྷམྷི ལཧུ ཏཾ, ཨིཊྛ, ནིསྶཱརཱ’གརུསུཏྟིསུ.

ཨདྷརོ ཏཱིསྭདྷོ ཧཱིནེ, པུམེ དནྟཙྪདེ པྱཐ;

སུསྶུསཱ སོཏུ མིཙྪཱཡ, སཱ པཱརིཙརིཡཱཡ ཙ.

ཧཏྠོ པཱཎིམྷི རཏནེ, གཎེ སོཎྜཱཡ བྷནྟརེ;

ཨཱཝཱཊེ ཨུདཔཱནེ ཙ, ཀཱུཔོ ཀུམྦྷེ ཙ དིསྶཏི.

ཨཱདོ པདྷཱནེ པཋམཾ, པམུཁཉྩ ཏིལིངྒིཀཾ;

ཝཛྫབྷེདེ ཙ ཝིཏ ཏཾ, ཏཾ ཝིཏྠཱརེ ཏིལིངྒིཀཾ.

སཱརོ བལེ ཐིརཾསེ ཙ, ཨུཏྟམེ སོ ཏིལིངྒིཀོ;

བྷཱརོ ཏུ ཁནྡྷབྷཱརཱདོ, དྭིསཧསྶཔལེཔི ཙ.

མནྡིརེ རོགབྷེདེ ཙ, ཁཡོ ཨཔཙཡམྷི ཙ;

ཝཱལོ༹ ཏུ སཱཔདེ སཔྤེ, ཀུརཱུརེ སོ ཏིལིངྒིཀོ.

སཱལོ སཛྫདྡུམེ རུཀྑེ, སཱལཱགེཧེ ཙ དིསྶཏི;

སོཏེ ཏུ སཝནཾ ཝུཏྟཾ, ཡཛནེ སུཏིཡམྤི ཙ.

ཏཱིསུ པཏོ པརེཏོ ཙ, མཏེ ཙ པེཏཡོནིཛེ;

ཁྱཱཏེ ཏུ ཧཊྛེ ཝིཉྙཱཏེ, པཏཱིཏཾ ཝཱཙྩལིངྒིཀཾ.

ཨདྷིཔྤཱཡེ ¶ ཙ ཨཱདྷཱརེ, ཨཱསཡོ ཀཐིཏོ ཐ ཙ;

པཏྟཾ པཀྑེ དལེ, པཏྟོ, བྷཱཛནེ སོ གཏེ ཏིསུ.

ཀུསལེ སུཀཏཾ, སུཊྛུ, ཀཏེ ཙ སུཀཏོ ཏིསུ;

ཏཔསྶཱི ཏྭ’ནུཀམྤཱཡཱ, རཧེ ཝུཏྟོ ཏཔོདྷནེ.

ཏཱིསུ སུརཱདིལོལསྨིཾ, སོཎྜོ ཧཏྠིཀརེ དྭིསུ;

ཨསྶཱདནེ ཏུ རསནཾ, ཛིཝ྄ཧཱཡཉྩ དྷནིམྷི ཙ.

པཎཱིཏོ ཏཱིསུ མདྷུརེ, ཨུཏྟམེ ཝིཧིཏེ པྱཐ;

ཨཉྫསེ ཝིསིཁཱཡཉྩ, པནྟིཡཾ ཝཱིཐི ནཱརིཡཾ.

པཱཔསྨིཾ གགནེ དུཀྑེ, བྱསནེ ཙཱ’གྷ མུཙྩཏེ;

སམཱུཧེ པཊལཾ ནེཏྟ, རོགེ ཝུཏྟཾ ཚདིམྷི ཙ.

སནྡྷི སངྒྷཊྚནེ ཝུཏྟོ, སནྡྷི’ཏྠི པཊིསནྡྷིཡཾ;

སཏྟནྣཾ པཱུརཎེ སེཊྛེ, ཏིསནྟེ སཏྟམོ ཏིསུ.

ཨོཛཱ ཏུ ཡཱཔནཱཡཉྩ, ཨོཛོ དིཏྟི བལེསུ ཙ;

ཨཐོ ནིསཱམནཾ ཝུཏྟཾ, དསྶནེ སཝནེཔི ཙ.

གབྦྷོ ཀུཙྪིཊྛསཏྟེ ཙ, ཀུཙྪི ཨོཝརཀེསུ ཙ;

ཁཎྜནེ ཏྭ’པདཱནཉྩ, ཨིཏིཝུཏྟེ ཙ ཀམྨནི.

ཙིཏྟཀེ རུཀྑབྷེདེ ཙ, ཏིལཀོ ཏིལཀཱལ༹ཀེ;

སཱིལཱདོ པཊིཔཏྟི’ཏྠཱི, བོདྷེ པཏྟི པཝཏྟིསུ.

ཨསུམྷི [ཨཱཡུམྷི (ཊཱི.), ༤༠༧-གཱཐཱ པསྶིཏབྦཱ] ཙ བལེ པཱཎོ, སཏྟེ ཧདཡགཱ’ནིལེ;

ཚནྡོ ཝསེ ཨདྷིཔྤཱཡེ, ཝེདེ’ཙྪཱ’ནུཊྛུབྷཱདིསུ.

ཀཱམོགྷཱདོ, སམཱུཧསྨིཾ, ཨོགྷོཝེགེ ཛལསྶ ཙ;

ཀཔཱལཾ སིརསཊྛིམྷི, གྷཊཱདི སཀལེཔི ཙ.

ཝེཎྭཱདིསཱཁཱཛཱལསྨིཾ, ལགྒཀེསེ ཛཊཱ’ལཡེ;

སརཎཾ ཏུ ཝདྷེ གེཧེ, རཀྑིཏསྨིཉྩ རཀྑཎེ.

ཐིཡཾ ཀནྟཱ པིཡེ, ཀནྟོ, མནུཉྙེ, སོ ཏིལིངྒིཀོ;

གཝཀྑེ ཏུ སམཱུཧེ ཙ, ཛཱལཾ མཙྪཱདིབནྡྷནེ.

པུཙྪཱཡཾ གརཧཱཡཉྩཱ, ནིཡམེ ཀིཾ ཏིལིངྒིཀཾ;

སསདྡྷེ ཏཱིསུ ནིཝཱཔེ, སདྡྷཾ, སདྡྷཱ ཙ པཙྩཡེ.

བཱིཛཾ ¶ ཧེཏུམྷི ཨཊྛིསྨིཾ, ཨངྒཛཱཏེ ཙ དིསྶཏི;

པུབྦོ པཱུཡེ’གྒཏོ [ཨགྒཏེ (ཊཱི.)] ཨཱདོ,

ཕལཙིཏྟེ ཧེཏུཀཏེ, ལཱབྷེ དྷཉྙཱདིཀེ ཕལཾ;

ཨཱགམནེ ཏུ དཱིགྷཱདི, ནིཀཱཡེསུ ཙ ཨཱགམོ.

སནྟཱནོ དེཝརུཀྑེ ཙ, ཝུཏྟོ སནྟཏིཡཾ པྱཐ;

ཨུཏྟརཝིཔརཱིཏེ ཙ, སེཊྛེ ཙཱ’ནུཏྟརཾ ཏིསུ.

སཏྟིསམྤཏྟིཡཾ ཝུཏྟོ, ཀནྟིམཏྟེ ཙ ཝིཀྐམོ;

ཚཱཡཱ ཏུ ཨཱཏཔཱབྷཱཝེ, པཊིབིམྦེ པབྷཱཡ ཙ.

གིམྷེ གྷམྨོ ནིདཱགྷོ ཙ, ཨུཎྷེ སེདཛལེ པྱཐ;

ཀཔྤནཾ ཀནྟནེ ཝུཏྟཾ, ཝིཀཔྤེ སཛྫནེ’ཏྠིཡཾ.

ཨངྒཱ དེསེ བཧུམྷ’ངྒཾ, ཨངྒོ དེསེ ཝཔུམྷ’[ངྒ (ཊཱི.)] ཏཐཱ’ཝཡཝཧེཏུསུ;

དེཝཱལཡེ ཙ ཐཱུཔསྨིཾ, ཙེཏིཡཾ ཙེཏིཡ’དྡུམེ.

སཛྫནོ སཱདྷུཔུརིསེ, སཛྫནཾ ཀཔྤནེ པྱཐ;

སུཔིནཾ སུཔིནེ སུཏྟ, ཝིཉྙཱཎེ ཏ མནིཏྠིཡཾ.

པཙྩཀྑེ སནྣིདྷཱནེ ཙ, སནྣིདྷི པརིཀིཏྟིཏོ;

བྷིཡྻོ བཧུཏརཏྠེ སོ, པུནརཏྠེ’བྱཡཾ བྷཝེ.

ཝིསལིཏྟསརེ དིདྡྷོ, དིདྡྷོ ལིཏྟེ ཏིལིངྒིཀོ;

ཝཱསེ དྷཱུམཱདིསངྑཱརེ, དྷིཝཱསོ སམྤཊིཙྪནེ.

ཝུཏྟོ ཝིསཱརདོ ཏཱིསུ, སུཔྤགབྦྷེ ཙ པཎྜིཏེ;

ཨཐ སིཏྠཾ མདྷུཙྪིཊྛེ, ཝུཏྟཾ ཨོདནསམྦྷཝེ.

དྲཝེ ཝཎྞེ རསབྷེདེ, ཀསཱཡོ སུརབྷིམྷི ཙ;

ཨཐོ ཨུགྒམནཾ ཝུཏྟཾ, ཨུཔྤཏྟུ’དྡྷགཏཱིསུ ཙ.

ལཱུཁེ ནིཊྛུརཝཱཙཱཡཾ, ཕརུསཾ ཝཱཙྩལིངྒིཀཾ;

པཝཱཧོ ཏྭ’མྦུཝེགེ ཙ, སནྡིསྶཏི པཝཏྟིཡཾ.

ནིསྶཡེ ཏཔྤརེ ཨིཊྛེ, པརཱཡཎཔདཾ ཏིསུ;

ཀཝཙེ ཝཱརཝཱཎེ ཙ, ནིམྨོཀེཔི ཙ ཀཉྩུཀོ.

ལོཧབྷེདེ ¶ མཏཾ ཏམྦཾ, ཏམྦོ རཏྟེ ཏིལིངྒིཀོ;

ཏཱིསུ ཏྭ’ཝསིཏཾ ཉཱཏེ, ཨཝསཱནགཏེ མཏཾ.

བོདྷནེ ཙ པདཱནེ ཙ, ཝིཉྙེཡྻཾ པཊིཔཱདནཾ;

སེལེ ནིཛྫལདེསེ ཙ, དེཝཏཱསུ མརཱུ’རིཏོ.

སཏྠཾ ཨཱཡུདྷ གནྠེསུ, ལོཧེ, སཏྠོ ཙ སཉྩཡེ;

ཛཱིཝིཀཱཡཾ ཝིཝརཎེ, ཝཏྟནེ ཝུཏྟི ནཱརིཡཾ.

ཝཱིརིཡེ སཱུརབྷཱཝེ ཙ, ཀཐཱིཡཏི པརཀྐམོ;

ཨཐ ཀམྦུ མཏོ སངྑེ, སུཝཎྞེ ཝལཡེཔི ཙ.

སརོ ཀཎྜེ ཨཀཱརཱདོ, སདྡེ ཝཱཔིམྷི’ནིཏྠིཡཾ;

དུཔྥསྶེ ཏིཁིཎེ ཏཱིསུ, གདྲབྷེ ཀཀཙེ ཁརོ.

སུརཱཡུ’པདྡཝེ ཀཱམཱ, སཝཱདིམྷི ཙ ཨཱསཝོ;

དེཧེ ཝུཏྟོ རཐངྒེ ཙ, ཙཏུརོ’པདྷིསཱུ’པདྷི.

ཝཏྠུ’ཏྟཾ ཀཱརཎེ དབྦེ, བྷཱུབྷེདེ རཏནཏྟཡེ;

ཡཀྑོ དེཝེ མཧཱརཱཛེ, ཀུཝེརཱ’ནུཙརེ ནརེ.

དཱརུཀྑནྡྷེ པཱིཋིཀཱཡཾ, ཨཱཔཎེ པཱིཋ མཱསནེ;

པརིཝཱརེ པརིཀྑཱརོ, སམྦྷཱརེ ཙ ཝིབྷཱུསནེ.

ཝོཧཱརསྨིཉྩ ཋཔནེ, པཉྙཏྟི’ཏྠཱི པཀཱསནེ;

པཊིབྷཱནཾ ཏུ པཉྙཱཡཾ, ཨུཔཊྛིཏ གིརཱཡ ཙ.

ཝཙནཱཝཡཝེ མཱུལེ, ཀཐིཏོ ཧེཏུ ཀཱརཎེ;

ཨུདརེ ཏུ ཏཐཱ པཱཙཱ, ནལསྨིཾ གཧཎཱི’ཏྠིཡཾ.

པིཡོ བྷཏྟརི, ཛཱཡཱཡཾ, པིཡཱ, ཨིཊྛེ པིཡོ ཏིསུ;

ཡམརཱཛེ ཏུ ཡུགལེ༹, སཾཡམེ ཙ ཡམོ བྷཝེ.

མུདྡིཀསྶ ཙ པུཔྥསྶ, རསེ ཁུདྡེ མདྷཱུ’རིཏཾ;

ཨུལློཙེ ཏུ ཙ ཝིཏྠཱརེ, ཝིཏཱནཾ པུནྣཔུཾསཀེ.

ཨཔཝགྒེ ཙ སལིལེ, སུདྷཱཡཾ ཨམཏཾ མཏཾ;

མོཧེ ཏུ ཏིམིརེ སངྑྱཱ, གུཎེ ཏམ མནིཏྠིཡཾ.

ཁརེ ཙཱ’ཀཱརིཡེ ཏཱིསུ, རསམྷི པུརིསེ ཀཊུ;

པཎྜཀེ སུཀཏེ, པུཉྙཾ, མནུཉྙེ པཝནེ ཏིསུ.

རུཀྑོ དུམམྷི, ཕརུསཱ, སིནིདྡྷེསུ ཙ སོ ཏིསུ;

ཨུཔྤཏྟིཡཾ ཏུ ཧེཏུམྷི, སངྒེ སུཀྐེ ཙ སམྦྷཝོ.

ནིམིཏྟཾ ¶ ཀཱརཎེ ཝུཏྟཾ, ཨངྒཛཱཏེ ཙ ལཉྪནེ;

ཨཱདི སཱིམཱཔཀཱརེསུ, སམཱིཔེ’ཝཡཝེ མཏོ.

ཝེདེ ཙ མནྟནེ མནྟོ, མནྟཱ པཉྙཱཡ མུཙྩཏེ;

ཨནཡོ བྱསནེ ཙེཝ, སནྡིསྶཏི ཝིཔཏྟིཡཾ.

ཨརུཎོ རཾསིབྷེདེ ཙཱ, བྱཏྟརཱགེ ཙ ལོཧིཏེ;

ཨནུབནྡྷོ ཏུ པཀཏཱ, ནིཝཏྟེ ནསྶནཀྑརེ.

ཨཝཏཱརོ’ཝཏརཎེ, ཏིཏྠམྷི ཝིཝརེ པྱཐ;

ཨཱཀཱརོ ཀཱརཎེ ཝུཏྟོ, སཎྛཱནེ ཨིངྒིཏེཔི ཙ.

སུདྡིཏྠི ཏནཡེ ཁཏྟཱ, ཨུགྒོ, ཏིབྦམྷི སོ ཏིསུ;

པདྷཱནཾ ཏུ མཧཱམཏྟེ, པཀཏྱ’གྒ’དྷིཏཱིསུ ཙ.

ཀལླཾ པབྷཱཏེ, ནིརོག, སཛྫདཀྑེསུ [ཡུཏྟདཀྑེསུ (ཀ.)] ཏཱིསུ ཏཾ;

ཀུཧནཱ ཀཱུཊཙརིཡཱཡཾ, ཀུཧནོ ཀུཧཀེ ཏིསུ.

ཀཔོཏོ པཀྑིབྷེདེ ཙ, དིཊྛོ པཱརཱཝཏེ ཐ ཙ;

སཱརདོ སཱརདབྦྷཱུཏེ, ཨཔགབྦྷེ མཏོ ཏིསུ.

ཏཱིསུ ཁརེ ཙ ཀཋིནེ, ཀཀྐསོ སཱཧསཔྤིཡེ [སཱཧསཔྤིཡེ=སཱཧས+ཨཔྤིཡེ (ཊཱི.)];

ཨཀཱརིཡེ ཏུ གུཡ྄ཧངྒེ, ཙཱིརེ ཀོཔཱིན མུཙྩཏེ.

མིགབྷེདེ པཊཱཀཱཡཾ, མོཙེ ཙ ཀདལཱི’ཏྠིཡཾ;

དཀྑིཎཱ དཱནབྷེདསྨིཾ, ཝཱམཏོ’ཉྙམྷི དཀྑིཎོ.

དུཏིཡཱ བྷརིཡཱཡཉྩ, དྭིནྣཾ པཱུརཎིཡཾ མཏཱ;

ཨཐུཔྤཱདེ སིཡཱ དྷཱུམ, ཀེཏུ ཝེསྶཱནརེཔི ཙ.

བྷཝནིགྒམནེ ཡཱནེ, དྭཱརེ ནིསྶརཎཾ སིཡཱ;

ནིཡཱམཀོ པོཏཝཱཧེ, ཏིལིངྒོ སོ ནིཡནྟརི.

ཨཔཝགྒེ ཝིནཱསེ ཙ, ནིརོདྷོ རོདྷནེ པྱཐ;

བྷཡེ པཊིབྷཡཾ ཝུཏྟཾ, ཏིལིངྒཾ ཏཾ བྷཡཾཀརེ.

པིཊཀཾ བྷཱཛནེ ཝུཏྟཾ, ཏཐེཝ པརིཡཏྟིཡཾ;

ཛརཱསིཐིལཙམྨསྨིཾ, ཨུདརངྒེ མཏཱ ཝལི.

བྷིནྣཾ ཝིདཱརིཏེ’ཉྙསྨིཾ, ནིསྶིཏེ ཝཱཙྩལིངྒིཀཾ;

ཨུཔཛཱཔེ མཏོ བྷེདོ, ཝིསེསེ ཙ ཝིདཱརཎེ.

མཎྜལཾ ¶ གཱམསནྡོཧེ, བིམྦེ པརིདྷིརཱསིསུ;

ཨཱཎཱཡ མཱགམེ ལེཁེ; སཱསནཾ ཨནུསཱསནེ.

ཨགྒེ ཏུ སིཁརཾ ཙཱ’ཡོ, མཡཝིཛ྄ཛྷནཀཎྚཀེ;

གུཎུཀྐཾསེ ཙ ཝིབྷཝེ, སམྤཏྟི ཙེཝ སམྤདཱ.

བྷཱུཁནྟཱིསུ ཁམཱ, ཡོགྱེ, ཧིཏེ སཀྐེ [ཡུཏྟེ (ཊཱི.) ༡༠༠༡-གཱཐཱ པསྶིཏབྦཱ] ཁམོ ཏིསུ;

ཨདྡྷོ བྷཱགེ པཐེ ཀཱལེ, ཨེཀཾསེ’དྡྷོ’བྱཡཾ བྷཝེ;

ཨཐོ ཀརཱིསཾ ཝཙྩསྨིཾ, ཝུཙྩཏེ ཙཏུརམྦཎེ.

ཨུསབྷོ’སདྷ གོ [ཨུསབྷོ ཨུསབྷེ (ཊཱི.)] སེཊྛེ, སཱུ’སབྷཾ ཝཱིསཡཊྛིཡཾ;

སེཏུསྨིཾ ཏནྟི པནྟཱིསུ, ནཱརིཡཾ པཱལི༹ ཀཐྱཏེ.

ཀཊོ ཛཡེ’ཏྠིནིམིཏྟེ, ཀིལཉྫེ སོ ཀཏེ ཏིསུ;

མཧིཡཾ ཛགཏཱི ཝུཏྟཱ, མནྡིརཱལིནྡཝཏྠུམྷི.

ཝིཏཀྐེ མཐིཏེ ཏཀྐོ, ཏཐཱ སཱུཙིཕལེ མཏོ;

སུདསྶནཾ སཀྐཔུརེ, ཏཱིསུ ཏཾ དུདྡསེ’ཏརེ.

དཱིཔོ’ནྟརཱིཔ པཛྫོཏ, པཏིཊྛཱ ནིབྦུཏཱིསུ ཙ;

བདྡྷནིསྶིཏ སེཏེསུ, ཏཱིསུ ཏཾ མིཧིཏེ སིཏཾ.

ཐིཡཾ པཛཱཔཏི དཱརེ, བྲཧྨེ མཱརེ སུརེ པུམེ;

ཝཱསུདེཝེ’ནྟཀེ ཀཎྷོ, སོ པཱཔེ ཨསིཏེ ཏིསུ.

ཨུཔཙཱརོ ཨུཔཊྛཱནེ, ཨཱསནྣེ ཨཉྙརོཔནེ;

སཀྐོ ཨིནྡེ ཛནཔདེ, སཱཀིཡེ, སོ ཁམེ ཏིསུ.

ཝཛྫནེ པརིཧཱརོ ཙ, སཀྐཱརེ ཙེཝ རཀྑཎེ;

སོཏཱཔནྣཱདིཀེ ཨགྒེ, ཨརིཡོ ཏཱིསུ, དྭིཛེ པུམེ.

སུསུཀོ སུསུམཱརེ ཙ, བཱལཀེ ཙ ཨུལཱུཔིནི;

ཨིནྡཱིཝརཾ མཏཾ ནཱིལུ, པྤལེ ཨུདྡཱལཔཱདཔེ.

ཨསནོ པིཡཀེ ཀཎྜེ, བྷཀྑཎེ ཁིཔནེ’ སནཾ;

ཡུགེ’དྷིཀཱརེ [ཝིཀཱརེ (ཊཱི.)] ཝཱིརིཡེ, པདྷཱནེ ཙཱ’ནྟིཀེ དྷུརོ.

ཀཱལེ༹ ཙ བྷཀྑིཏེ ཏཱིསུ, ལཝིཏྟེ ཨསིཏོ པུམེ;

པཝཱརཎཱ པཊིཀྑེཔེ, ཀཐིཏཱ’ཛ྄ཛྷེསནཱཡ ཙ.

ཨུམྨཱརེ ¶ ཨེསིཀཏྠམྦྷེ, ཨིནྡཁཱིལོ མཏོ ཐ ཙ;

པོཏྠཀཾ མཀཙིཝཏྠེ, གནྠེ ལེཔྱཱདི ཀམྨནི.

དྷཉྙཾ སཱལྱཱདིཀེ ཝུཏྟཾ, དྷཉྙོ པུཉྙཝཏི ཏྟིསུ;

པཱཎི ཧཏྠེ ཙ སཏྟེ བྷཱུ, སཎྷཀརཎིཡཾ མཏོ.

ཏཱིསུ པཱིཏཾ ཧལིདྱཱབྷེ, ཧཊྛེ ཙ པཱཡིཏེ སིཡཱ;

བྱཱུཧོ ནིབྦིདྡྷརཙྪཱཡཾ, བལནྱཱསེ གཎེ མཏོ.

ལོཧིཏཱདིམྷི ལོབྷེ ཙ, རཱགོ ཙ རཉྫནེ མཏོ;

པདརོ ཕལཀེ བྷངྒེ, པཝུདྡྷ དརིཡཾ པིཙ.

སིངྒྷཱཊཀཾ ཀསེརུསྶ, ཕལེ, མགྒསམཱགམེ;

བཧུལཱཡཉྩ ཁེལ༹མྷི, ཨེལཱ༹, དོསེ’ལ༹ མཱིརིཏཾ.

ཨཱདྷཱརོ ཙཱ’དྷིཀརཎེ, པཏྟཱདྷཱརེ’ ལཝཱལཀེ;

ཀཱརོ’ གབྷེདེ སཀྐཱརེ, ཀཱརཱ ཏུ བནྡྷནཱལཡེ.

ཀརཀཱ མེགྷཔཱསཱཎེ, ཀརཀོ ཀུཎྜིཀཱཡ ཙ;

པཱཔནེ ཙ པདཱཏིསྨིཾ, གམནེ པཏྟི ནཱརིཡཾ.

ཚིདྡཾ རནྡྷཉྩ ཝིཝརཾ, སུསིརེ དཱུསནེཔི ཙ;

མུཏྟཱ ཏུ མུཏྟིཀེ, མུཏྟཾ, པསྶཱཝེ, མུཙྩིཏེ ཏིསུ.

ནིསེདྷེ ཝཱརཎཾ, ཧཏྠི, ལིངྒ ཧཏྠཱིསུ ཝཱརཎོ;

དཱནཾ ཙཱགེ མདེ སུདྡྷེ, ཁཎྜནེ ལཝནེ ཁཡེ.

མནོཏོསེ ཙ ནིབྦཱནེ, ཏྠངྒམེ ནིབྦུཏི’ཏྠིཡཾ;

ནེགམོ ནིགམུབྦྷཱུཏེ, ཏཐཱ’པཎོཔཛཱིཝིནི.

ཧརིཏསྨིཉྩ པཎྞེ ཙ, པལཱསོ ཀིཾ སུཀདྡུམེ;

པཀཱསོ པཱཀཊེཏཱིསུ, ཨཱལོཀསྨིཾ པུམེ མཏོ.

པཀྐཾ ཕལམྷི, ཏཾ ནཱསུ, མྨུཁེ [ནཱསམུཁེ (ཀ.)] པརིཎཏེ ཏིསུ;

པིཎྜོ ཨཱཛཱིཝནེ དེཧེ, པིཎྜནེ གོལ༹ཀེ མཏོ.

ཝཊྚོ པརིབྦཡེ ཀམྨཱ, དིཀེ, སོ ཝཊྚུལེ ཏིསུ;

པཙྩཱཧཱརེ པཊིཧཱརོ, དྭཱརེ ཙ དྭཱརཔཱལཀེ.

ནཱརིཡཾ བྷཱིརུ ཀཐིཏཱ, བྷཱིརུཀེ སོ ཏིལིངྒིཀོ;

ཝིཀཊཾ གཱུཐམུཏྟཱདོ, ཝིཀཊོ ཝིཀཏེ ཏིསུ.

ཝཱམཾ ¶ སབྱམྷི, ཏཾ ཙཱརུ, ཝིཔརཱིཏེསུ ཏཱིསྭ’ཐ;

སངྑྱཱབྷེདེ སརབྱེ ཙ, ཙིཧཎེ ལཀྑ མུཙྩཏེ.

སེཎཱི’ཏྠཱི སམསིཔྤཱིནཾ, གཎེ ཙཱ’ཝལིཡཾ པིཙ;

སུདྷཱཡཾ དྷཱུལིཡཾ ཙུཎྞོ, ཙུཎྞཉྩ ཝཱསཙུཎྞཀེ.

ཛེཏབྦེ’ཏིཔྤསཏྠེ’ཏི, ཝུདྡྷེ ཛེཡྻཾ ཏིསཱུ’རིཏཾ;

ཨབྦྷུཏོ’ཙྪརིཡེ ཏཱིསུ, པཎེ ཙེཝཱ’བྦྷུཏོ པུམེ;

མེཙཀོ པུཙྪམཱུལམྷི, ཀཎྷེཔི མེཙཀོ ཏིསུ.

ཝསཝཏྟཱི པུམེ མཱརེ, ཝསཝཏྟཱཔཀེ ཏིསུ;

སམྦྷཝེ ཙཱ’སུཙི པུམེ, ཨམེཛ྄ཛྷེ ཏཱིསུ དིསྶཏི.

ཨཙྪོ ཨིཀྐེ པུམེ ཝུཏྟོ, པསནྣམྷི ཏིལིངྒིཀོ;

བལི༹སེ སེལབྷེདེ ཙ, ཝངྐོ, སོ ཀུཊིལེ ཏིསུ.

སབྦསྨིཾ སཀལོ ཏཱིསུ, ཨདྡྷམྷི པུརིསེ སིཡཱ.

ཙནྡགྒཱཧཱདིཀེ ཙེཝུ, པྤཱདོ ཨུཔྤཏྟིཡཾ པིཙ;

པདུསྶནེ པདོསོ ཙ, ཀཐིཏོ སཾཝརཱིམུཁེ.

རུདྷིརེ ལོཧིཏཾ ཝུཏྟཾ, རཏྟམྷི ལོཧིཏོ ཏིསུ;

ཨུཏྟམངྒེ པུམེ མུདྡྷཱ, མུདྡྷོ མཱུལ༹ྷེ ཏིལིངྒིཀོ.

རཊྛམྷི ཝིཛིཏཾ ཝུཏྟཾ, ཛིཏེ ཙ ཝིཛིཏོ ཏིསུ;

པརིཏྟཾ ཏུ པརིཏྟཱཎེ, པརིཏྟོ ཏཱིསུ ཨཔྤཀེ.

ཀུམྦྷཎྜོ དེཝབྷེདེ ཙ, དིསྶཏི ཝལླིཛཱཏིཡཾ;

ཙཏུཏྠཾསེ པདེ པཱདོ, པཙྩནྟསེལརཾསིསུ.

ཝངྒོ ལོཧནྟརེ ཝངྒཱ, དེསེ པུམེ བཧུམྷི ཙ;

ཀམྨཱརབྷཎྜབྷེདེ ཙ, ཁཊཀེ མུཊྛི ཙ དྭིསུ.

ཨམྦཎཾ དོཎིཡཾ ཙེ’ཀཱ, དསདོཎཔྤམཱཎཀེ;

ཨདྷིཊྛིཏིཡ མཱདྷཱརེ, ཋཱནེ’དྷིཊྛཱན མུཙྩཏེ.

པུམེ མཧེསཱི སུགཏེ, དེཝིཡཾ ནཱརིཡཾ མཏཱ;

ཨུཔདྡཝེ ཨུཔསགྒོ, དིསྶཏི པཱདིཀེཔི ཙ.

ཝཀྐཾ ¶ ཀོཊྛཱསབྷེདསྨིཾ, ཝཀྐོ ཝངྐེ ཏིསུ’ཙྩཏེ;

ཝིཛྫཱ ཝེདེ ཙ སིཔྤེ ཙ, ཏིཝིཛྫཱདོ ཙ བུདྡྷིཡཾ.

སམཱདྷིམྷི པུམེ’ཀགྒོ, ནཱཀུལེ ཝཱཙྩལིངྒིཀོ;

པཛྫཾ སིལོཀེ, པཛྫོ’དྡྷེ, པཛྫོ པཱདཧིཏེ ཏིསུ.

ཀཏཀོ རུཀྑབྷེདསྨིཾ, ཀཏཀོ ཀིཏྟིམེ ཏིསུ;

ཝིདྷེཡྻེ ཨསྶཝོ ཏཱིསུ, པུབྦམྷཱི པུརིསེ སིཡཱ.

ཀལྱཱཎེ ཀཐིཏཾ ཁེམཾ, ཏཱིསུ ལདྡྷཏྠརཀྑཎེ;

ཨཐོ ནིཡོཛནེ ཝུཏྟཾ, ཀཱརིཡེཔི པཡོཛནཾ.

ཨསྶཏྠོ ཏཱིསུ ཨསྶཱས, པྤཏྟེ, བོདྷིདྡུམེ པུམེ;

ཏཱིསུ ལུདྡོ ཀུརཱུརེ ཙ, ནེསཱདམྷི པུམེ སིཡཱ.

ཝིལགྒོ ཏཱིསུ ལགྒསྨིཾ, པུམེ མཛ྄ཛྷམྷི དིསྶཏི;

ཨཌྜྷོ ཏྭནིཏྠིཡཾ བྷཱགེ, དྷནིམྷི ཝཱཙྩལིངྒིཀོ.

ཀཊྛཾ དཱརུམྷི, ཏཾ ཀིཙྪེ, གཧནེ ཀསིཏེ ཏིསུ;

སསནྟཱནེ ཙ ཝིསཡེ, གོཙརེ’ ཛ྄ཛྷཏྟ མུཙྩཏེཏི.

བྷུཝནེ ཙ ཛནེ ལོཀོ, མོརེཏྭགྒིམྷི སོ སིཁཱི;

ཝཊབྱཱམེསུ ནིགྲོདྷོ, དྷངྐོ ཏུ ཝཱཡསེ བཀེ;

ཝཱརོ ཏྭ’ཝསརཱ’ཧེསུ, ཀུཙེཏྭབྦྷེ པཡོདྷརོ.

ཨུཙྪངྒེ ལཀྑཎེ ཙཱ’ངྐོ, རསྨི’ཏྠཱི ཛུཏི རཛྫུསུ;

སཱུརཾ’སཱུསུ པུམེ བྷཱནཱུ, དཎྜོ ཏུ མུགྒརེ དམེ;

དེཝམཙྪེསྭ’ནིམིསོ, པཏྠོ ཏུ མཱནསཱནུསུ.

མིགོ པསུ ཀུརུངྒེསུ, ཨུལཱུཀི’ནྡེསུ ཀོསིཡོ.

ཝིགྒཧོ ¶ ཀལཧེ ཀཱཡེ, པུརིསོ མཱཎཝ’ཏྟསུ;

དཱཡཱདོ བནྡྷཝེ པུཏྟེ, སིརེ སཱིསཾ ཏིཔུམྷི ཙ.

བལིཧཏྠཾ’སཱུསུ ཀརོ, དནྟེ ཝིཔྤེ’ཎྜཛེ དྭིཛོ;

ཝཏྟཾ པཛྫཱ’ནནཱ’ཙཱརེ, དྷཉྙངྒེ སུཁུམེ ཀཎོ.

ཐམྦྷོ ཐཱུཎ ཛལ༹ཏྟེསུ, སཱུཔོ ཀུམྨཱས བྱཉྫནེ;

གཎྜོ ཕོཊེ ཀཔོལམྷི, ཨགྒྷོ མཱུལྱེ ཙ པཱུཛནེ.

པཀཱརོ ཏུལྱ བྷེདེསུ, སཀུནྟོ བྷཱསཔཀྑིསུ;

བྷཱགྱེ ཝིདྷི ཝིདྷཱནེ ཙ, སརེ ཁགྒེ ཙ སཱཡཀོ.

སཱརངྒོ ཙཱཏཀེ ཨེཎེ, པཏྟཱི ཏུ སརཔཀྑིསུ;

སཾཝཊྚེ པལཡོ ནཱསེ, པཱུགོ ཀམུཀརཱསིསུ.

ཨམཏེ ཏུ སུདྷཱ ལེཔེ, ཨབྷིཁྱཱ ནཱམ རཾསིསུ;

སཏྟི སཱམཏྠིཡེ སཏྠེ, མཧཱི ནཛྫནྟརེ བྷུཝི;

ཉཱཎེ ལཱབྷེ ཨུཔལདྡྷི, པཝེཎཱི ཀུཐཝེཎིསུ;

པཝཏྟི ཝུཏྟི ཝཏྟཱསུ, ཝེཏནེ བྷརཎེ བྷཏི.

ཨཱཙཱརེཔི མརིཡཱདཱ, བྷཱུཏི སཏྟཱ སམིདྡྷིསུ;

སོཔྤེ པམཱདེ ཏནྡཱི ཙ, ཡཱཏྲཱ གམན ཝུཏྟིསུ.

ནིནྡཱ ཀུཙྪཱ’པཝཱདེསུ, ཀངྒུ དྷཉྙ པིཡངྒུསུ;

མོཀྑེསིཝེ སམེསནྟི, ཝིབྷཱགེ བྷཏྟི སེཝནེ.

ཨིཙྪཱཡཾ ཛུཏིཡཾ ཀནྟི, རཉྫནེ སཱུརཏེ རཏི;

གེཧེ ཝསཏི ཝཱསེ ཐ, ནདཱི སེནཱསུ ཝཱཧིནཱི.

པཏྠེ ནཱལེ༹ ཙ ནཱལི༹’ཏྠཱི, གཎེ སམིཏི སངྒམེ;

ཏཎྷཱ ལོབྷེ པིཔཱསཱཡཾ, མགྒ ཝུཏྟཱིསུ ཝཏྟནཱི.

པཱཎྱངྒེ ནཱབྷི ཙཀྐནྟེ, ཡཱཙེ ཝིཉྙཏྟི ཉཱཔནེ;

ཝིཏྟི ཏོསེ ཝེདནཱཡཾ, ཋཱནེ ཏུ ཛཱིཝིཏེ ཋིཏི.

ཏརངྒེ ¶ ཙཱ’ནྟརེ ཝཱིཙི, དྷཱིརཏྟེ དྷཱརཎེ དྷིཏི;

བྷཱུ བྷཱུམིཡཉྩ བྷམུཀེ, སདྡེ ཝེདེ སཝེ སུཏི.

གོཏྟཾ ནཱམེ ཙ ཝཾསེ ཐ, ནགརེ ཙ གྷརེ པུརཾ;

ཨོཀཾ ཏུ ནིསྶཡེ གེཧེ, ཀུལཾ ཏུ གོཏྟརཱསིསུ.

ཧེམེ ཝིཏྟེ ཧིརཉྙཉྩ, པཉྙཱཎཾ ཏྭ’ངྐ ཝུདྡྷིསུ;

ཨཐཱ’མྦརཉྩ ཁེ ཝཏྠེ, གུཡ྄ཧཾ ལིངྒེ རཧསྱ’པི.

ཏཔོ དྷམྨེ ཝཏེ ཙེཝ, པཱཔེ ཏྭཱ’གུམྷི ཀིབྦིསཾ;

རཏནཾ མཎི སེཊྛེསུ, ཝསྶཾ ཧཱཡན ཝུཊྛིསུ.

ཝནཾ ཨརཉྙ ཝཱརཱིསུ, ཁཱིརམྷི ཏུ ཛལེ པཡོ;

ཨཀྑརཾ ལིཔི མོཀྑེསུ, མེཐཱུནཾ སངྒམེ རཏེ.

སོཏཾ ཀཎྞེ པཡོཝེགེ, རིཊྛཾ པཱཔཱ’སུབྷེསུ ཙ;

ཨཱགུ པཱཔཱ’པརཱདྷེསུ, ཀེཏུམྷི ཙིཧནེ དྷཛོ.

གོཔུརཾ དྭཱརམཏྟེཔི, མནྡིརཾ ནགརེ གྷརེ;

ཝཱཙྩལིངྒཱ པརམིཏོ, བྱཏྟོ ཏུ པཎྜིཏེ ཕུཊེ.

ཝལླབྷོ དཡིཏེ’ཛ྄ཛྷཀྑེ, ཛལེ ཐཱུལོ མཧཏྱཔི;

བཱིབྷཙྪོ ཝིཀཏེ བྷཱིམེ, ཀོམལེ ཏིཁིཎེ མུདུ;

ཨིཊྛེ ཙ མདྷུརེ སཱདུ, སཱདུམྷི མདྷུརོ པིཡེ.

སིཏེ ཏུ སུདྡྷེ ཨོདཱཏོ, དྭིཛིཝ྄ཧོ སཱུཙཀཱ’ཧིསུ;

སཀྐེ སམཏྠོ སམྦནྡྷེ, སམཏྟཾ ནིཊྛིཏཱ’ཁིལེ.

སུདྡྷོ ཀེཝལ པཱུཏེསུ, ཛིགྷཉྙོ’ནྟཱ’དྷམེསུ ཙ;

པོཎོ’པནཏ ནིནྣེསུ, ཨཉྙ ནཱིཙེསུ ཙེ’ཏརོ.

སུཙི སུདྡྷེ སིཏེ པཱུཏེ, པེསལོ དཀྑཙཱརུསུ;

ཨདྷམོ ཀུཙྪིཏེ ཨཱུནེ, ཨཔྤིཡེ པྱ’ལིཀོ བྷཝེ.

བྱཱཔེ ཨསུདྡྷེ སཾཀིཎྞོ, བྷབྦཾ ཡོགྱེ ཙ བྷཱཝིནི;

སུཁུམོ ཨཔྤཀཱ’ཎཱུསུ, ཝུདྡྷོ ཐེརེ ཙ པཎྜིཏེ.

སུབྷེ སཱདྷུམྷི བྷདྡོ ཐ, ཏྱཱ’དོ ཙ ཝིཔུལེ བཧུ;

དྷཱིརོ བུདྷེ དྷིཏིམནྟེ, ཝེལླིཏཾ ཀུཊིལེ དྷུཏེ.

ཝིསདོ ¶ བྱཏྟ སེཏེསུ, ཏརུཎོ ཏུ ཡུཝེ ནཝེ;

བུདྷེ’བྷིཛཱཏོ ཀུལཛེ, ཝུདྡྷོ’རཱུསུ མཧལླཀོ;

ཀལྱཱཎཾ སུནྡརེ ཙཱཔི, ཧིམོ ཏུ སཱིཏལེཔི ཙ.

ལོལེ ཏུ སཱིགྷེ ཙཔལོ, ཝུཏྟེ ཨུདིཏ མུགྒཏེ;

ཨཱདིཏྟེ གབྦིཏེ དིཏྟོ, པིཊྛཾ ཏུ ཙུཎྞིཏེཔི ཙ.

ཝིགཏེ ཝཱཡིཏེ [ཝཱཡནེ (ཀ.)] ཝཱིཏཾ, བྷཱཝིཏཾ ཝཌྜྷིཏེཔི ཙ;

བྷཛྫིཏེ པཏིཏེ བྷཊྛོ, པུཊྛོ པུཙྪིཏ པོསིཏེ.

སཱུརོ ཝཱིརེ རཝིསཱུརེ, དུཊྛོ ཀུདྡྷེ ཙ དཱུསིཏེ.

དིཊྛོ’རིམྷི’ཀྑིཏེ དིཊྛོ [དིཊྛཾ (ཀ.)],

ནིནྡཱཡཾ ཁེཔནེ ཁེཔོ, ནིཡམོ ནིཙྪཡེ ཝཏེ.

ལེཔ གབྦེསྭ’ཝལེཔོ, ཨཎྜཛོ མཱིནཔཀྑིསུ.

བིལཱལེ ནཀུལེ བབྦུ, མནྠོ མནྠནསཏྟུསུ;

གོཔགཱམེ རཝེ གྷོསོ, སཱུཏོ སཱརཐིཝནྡིསུ;

མཱལྱཾ ཏུ པུཔྥེ ཏདྡཱམེ, ཝཱཧོ ཏུ སཀཊེ ཧཡེ.

ཁཡེ’ཙྩནེ ཙཱ’པཙཡོ, ཀཱལོ སམཡ མཙྩུསུ;

བྷེ ཏཱརཀཱ ནེཏྟམཛ྄ཛྷེ, སཱིམཱ’ ཝདྷི, ཊྛིཏཱིསུ ཙ.

སཏྟེ ཐཱུལེ ཏཱིསུ དལ༹ྷོ, ལཏཱ སཱཁཱཡ ཝལླིཡཾ.

ནཱིཙེ པུཐུཛྫནོ མཱུལ༹ྷེ, བྷཏྟཱ སཱམིནི དྷཱརཀེ.

སིཁཱ, པིཉྪེསུ སིཁཎྜོ, སཏྟེ ཏྭ’ཏྟནི པུགྒལོ;

ཝཙྩོ རཱུཔེ ཀརཱིསེ ཐ, ཛུཏི’ཏྠཱི ཀནྟིརཾསིསུ;

ལབྦྷཾ ཡུཏྟེ ཙ ལདྡྷབྦེ, ཁཎྜེ པཎྞེ དལཾ མཏཾ;

སལླཾ ཀཎྜེ སལཱཀཱཡཾ, སུཙིཏྟེ དྷཱཝནཾ གཏེ;

བྷནྟཏྠེ ཝིབྦྷམོ ཧཱཝེ, མོཧོ’ཝིཛྫཱཡ མུཙྪནེ.

མིཏྟེ སཧཱཡེ ཙ སཁཱ, ཝིབྷཱུ ནིཙྩཔྤབྷཱུསུ སོ.

ཁགྒེ ཀུརཱུརེ ནེཏྟིཾསོ, པརསྨིཾ ཨཏྲ ཏཱིསྭ’མུ;

པཛྫེ གཱཐཱ ཝཙཱིབྷེདེ, ཝཾསོ ཏྭ’ནྭཡཝེཎུསུ;

ཡཱནཾ རཐཱདོ གམནེ, སརཱུཔསྨིཾ ཨདྷོ ཏལཾ.

མཛ྄ཛྷོ ཝིལགྒེ ཝེམཛ྄ཛྷེ, པུཔྥཾ ཏུ ཀུསུམོ’ཏུསུ;

སཱིལཾ སབྷཱཝེ སུབྦཏེ, པུངྒཝོ ཨུསབྷེ ཝརེ.

ཀོསེ ཁགཱདིབཱིཛེ’ཎྜཾ, ཀུཧརཾ གབྦྷརེ བིལེ;

ནེཏྟིཾསེ གཎྜཀེ ཁགྒོ, ཀདམྦོ ཏུ དུམེ ཙཡེ.

བྷེ’དྷེནུཡཾ རོཧིཎཱི’ཏྠཱི, ཝརངྒཾ ཡོནིཡཾ སིརེ;

ཨཀྐོསེ སཔཐེ སཱཔོ, པངྐཾ པཱཔེ ཙ ཀདྡམེ.

བྷོགཝཏྱུ’རགེ བྷོགཱི, སྶརོ ཏུ སིཝསཱམིསུ;

བལེ པབྷཱཝེ ཝཱིརིཡཾ, ཏེཛོ ཏེསུ ཙ དིཏྟིཡཾ.

དྷཱརཱ སནྟཏི ཁགྒངྒེ, ཝཱནཾ ཏཎྷཱཡ སིབྦནེ;

ཁཏྟཱ སཱུཏེ པཊིཧཱརེ, ཝིཏྟི པཱིལཱ༹སུ ཝེདནཱ.

ཐིཡཾ ¶ མཏི’ཙྪཱཔཉྙཱསུ, པཱཔེ ཡུདྡྷེ རཝེ རཎོ;

ལཝོཏུ བིནྡུ’ཙྪེདེསུ, པལཱལེ’ [པལཱསེ (ཊཱི.), པལཱཔེ-ཊཱི (༤༥༣-༡༡༢༤) གཱཐཱ པསྶིཏབྦཱ] ཏིསཡེ བྷུསཾ.

བཱདྷཱ དུཀྑེ ནིསེདྷེ ཙ, མཱུལཔདེཔི མཱཏིཀཱ;

ཀེཏུསྨིཾ ཀེཏནཾ གེཧེ, ཋཱནེ བྷཱུམི’ཏྠིཡཾ བྷུཝི;

ལེཁྱེ ལེཁོ རཱཛི ལེཁཱ, པཱུཛིཏེ བྷགཝཱ ཛིནེ.

གདཱ སཏྠེ གདོ རོགེ, ནིསཛྫཱ པཱིཋེསྭཱ’སནཾ;

བིལཾ ཀོཊྛཱས ཚིདྡེསུ, ཝཛྫཾ དོསེ ཙ བྷེརིཡཾ;

ཀཱལེ དཱིགྷཉྫསེ’དྡྷཱནཾ, ཨཱལིཡཾ སེཏུ ཀཱརཎེ.

ཡཱུཔོ ཐམྦྷེ ཙ པཱསཱདེ, ཨཡནཾ གམནེ པཐེ.

ཚདནེ’ཙྪཱདནཾ ཝཏྠེ, ནིཀཱཡོ གེཧརཱསིསུ;

ཨནྣཱདོ ཨཱམིསཾ མཾསེ; དིཀྑཱ ཏུ ཡཛནེ’ཙྩནེ.

ཀུསུམཾ ཐཱིརཛེ པུཔྥེ, ཝཱནརེ ཏུ བུདྷེ ཀཝི.

ཨདྷརེ ¶ ཁརབྷེ ཨོཊྛོ, ལུདྡོ ཏུ ལུདྡཀེཔི ཙ;

ཀལུསཾ ཏྭཱ’ཝིལེ པཱཔེ, པཱཔེ ཀལི པརཱཛཡེ.

ཀནྟཱརོ ཝན, དུགྒེསུ, ཙརོ ཙཱརམྷི ཙཉྩལེ;

ཛནཱཝཱསེ གཎེ གཱམོ, ཙམྨཾ ཏུ ཕལཀེ ཏཙེ.

སཏྟཱཡཾ བྷཝནཾ གེཧེ, ལེསེ ཏུ ཁལིཏེ ཚལཾ.

ཝེརཾ པཱཔེ ཙ པཊིགྷེ, ཏཙོ ཙམྨནི ཝཀྐལེ;

ཨུཙྩེ’དྷིརོཧེ ཨཱརོཧོ, ནེཏྟཾ ཝཏྠནྟར’ཀྑིསུ.

པཊིཧཱརེ མུཁེ དྭཱརཾ, པེཏེ ཉཱཏེ མཏོ ཏིསུ;

མཱསོ པརཎྞ ཀཱལེསུ, ནགྒོ ཏྭ’ཙེལཀེཔི ཙ.

དོསེ གྷཱཏེ ཙ པཊིགྷོ, མིགཱདོ ཚགལེ པསུ;

ཨརཱུཔེ ཙཱ’ཝ྄ཧཡེ ནཱམཾ, དརོ དརཐ བྷཱིཏིསུ.

དབྦི’ནྡཛཱཡཱསུ སུཛཱ, མེགྷེ ཏྭ’བྦྷཾ ཝིཧཱཡསེ.

མོདཀོ ཁཛྫབྷེདེཔི, མཎིཀེ རཏནེ མཎི;

ཧཝི སཔྤིམྷི ཧོཏབྦེ, སིརོ སེཊྛེ ཙ མུདྡྷནི;

ཝིཙཱརེཔི ཝིཝེཀོ ཐ, སིཁརཱི པབྦཏེ དུམེ.

ཝེགོ ཛཝེ པཝཱཧེ ཙ, སངྐུ ཏུ ཁིལཧེཏིསུ;

ནིགྒཧཱིཏེ ཀཎེ བིནྡུ, ཝརཱཧོ སཱུཀརེ གཛེ.

ནེཏྟནྟེ ཙིཏྟཀེ’པཱངྒཾ, སིདྡྷཏྠོ སཱསཔེ ཛིནེ;

སྭཔྤེ’ཝདྷཱརཎེ མཏྟཾ, ཨཔཙིཏྱ’ཙྩནེ ཁཡེ.

ཝཏྠེ གནྡྷེ གྷརེ ཝཱསོ, ཙུལློ ཁུདྡེ ཙ ཨུདྡྷནེ.

སེཡྻཱ སེནཱསནེ སེནེ, ཙུནྡབྷཎྜམྷི ཙ’བྦྷམོ;

ཝཏྠཱདིལོམཾ’སུ ཀརེ, ནིཔཱཏོ པཏནེ’བྱཡེ.

སཱཁཱཡཾ ཝིཊཔོ ཐམྦྷེ, སཏྟུ ཁཛྫནྟརེ དིསེ;

སཱམིཀོ པཏི’ཡིརེསུ, པཊྛཱནཾ གཏི ཧེཏུསུ.

རཱགེ རངྒོ ནཙྩཊྛཱནེ, པཱནཾ པེཡྻེ ཙ པཱིཏིཡཾ;

ཨིཎུ’ཀྑེཔེསུ ཨུདྡྷཱརོ, ཨུམྨཱརེ ཨེལ༹ཀོ ཨཛེ.

པལཱལོ [པལཱཔོ (ཀ.) ༤༥༣-གཱཐཱ པསྶིཏབྦཱ] ཏུ བྷུསམྷི ཙ.

མཏཱ’ཝཱཊེ ཙཡེ ཀཱསུ, པནིསཱ ཀཱརཎེ རཧོ;

ཡུཏྱ’ཊྚཱལ’ཊྚིཏེསྭ’ཊྚོ, ཀཱིལཱ༹ཡཾ ཀཱནནེ དཝོ;

ཨུཔྤཏྟིཡཾ ཙོ’པྤཏནཾ, ཨུཡྻཱནཾ གམནེ ཝནེ.

ཝོཀཱརོ ལཱམཀེ ཁནྡྷེ, མཱུལོ’པདཱསུ པཱབྷཏཾ;

དསཱ’ ཝཏྠཱ པཊནྟེསུ, ཀཱརཎཾ གྷཱཏ, ཧེཏུསུ.

ཧཏྠིདཱནེ ¶ མདོ གབྦེ, གྷཊཱ གྷཊན རཱསིསུ;

ཨུཔཧཱརོ’བྷིཧཱརེཔི, ཙཡོ བནྡྷན རཱསིསུ.

པཱནེ པམོདེ པཱིཏི’ཏྠཱི, ཨིཎེ གིཝཱ གལེཔི ཙ.

པཏིཊྛཱ ནིསྶཡེ ཋཱནེ, བལཀྐཱརེཔི སཱཧསཾ;

བྷངྒོ བྷེདེ པཊེ བྷངྒཾ, ཚཏྟཾ ཏུ ཚཝཀེཔི ཙ.

ཉཱཎེ བྷུཝི ཙ བྷཱུརི’ཏྟཱི, ཨནངྒེ མདནོ དུམེ;

པམཱཏརིཔི མཱཏཱ ཐ, ཝེཋུ’ཎཱིསེསུ ཝེཋནཾ.

ཨིནྡོ’དྷིཔཏི སཀྐེསྭཱ, རམྨཎཾ ཧེཏུ གོཙརེ.

ཁེཏྟེ [ཝཔྤེ (པཱཀཱརམཱུལེ ནེཏྟཛལེ ཨུསུམེ ཙ ཝཔྤོ-ཊཱི)] ཝཔྤོ ཏཊེཔི ཙ;

སམྨུཏྱ’ནུཉྙཱ ཝོཧཱརེ, སྭ’ཐ ལཱཛཱསུ ཙཱ’ཀྑཏཾ.

སངྒྷཱཏོ ཡུགགེཧངྒེ, ཁཱརོ ཨཱུསེ ཙ བྷསྨནི.

ཨབྱཡཾ ཝུཙྩཏེ དཱནི, ཙིརསྶཾ ཏུ ཙིརཾ ཏཐཱ;

ཙིརེན ཙིརརཏྟཱཡ, སཧ སདྡྷིཾ སམཾ ཨམཱ.

པུནཔྤུནཾ ¶ ཨབྷིཎྷཉྩཱ, སཀིཾ ཙཱ’བྷིཀྑཎཾ མུཧུཾ;

ཝཛྫནེ ཏུ ཝིནཱ ནཱནཱ, ཨནྟརེན རིཏེ པུཐུ.

བལཝཾ སུཊྛུ ཙཱ’ཏཱིཝཱ, ཏིསཡེ ཀིམུཏ སྭ’ཏི;

ཨཧོ ཏུ ཀིཾ ཀིམཱུ’ དཱཧུ, ཝིཀཔྤེ ཀིམུཏོ’ད ཙ.

ཧེ ཧརེ ཐ ཀཐཾ ཀིཾསུ, ནནུ ཀཙྩི ནུ ཀིཾ སམཱ.

ཨདྷུནེ’ཏརཧཱི’དཱནི, སམྤཏི ཨཉྙདཏྠུ ཏུ;

ཏགྒྷེ’ ཀཾསེ སསཀྐཉྩཱ, དྡྷཱ ཀཱམཾ ཛཱཏུ ཝེ ཧཝེ.

ཡཱཝཏཱ ཏཱཝཏཱ ཡཱཝ, ཏཱཝ ཀིཏྟཱཝཏཱ ཏཐཱ;

ཨེཏྟཱཝཏཱ ཙ ཀཱིཝེ’ཏི, པརིཙྪེདཏྠཝཱཙཀཱ.

ཡཐཱ ཏཐཱ ཡཐེཝེ’ཝཾ, ཡཐཱནཱམ ཡཐཱཧི ཙ;

སེཡྻཐཱཔྱེ’ཝམེཝཾ, ཝཱ, ཏཐེཝ ཙ ཡཐཱཔི ཙ.

ཨེཝམྤི ཙ སེཡྻཐཱཔི, ནཱམ ཡཐརིཝཱ’པི ཙ;

པཊིབྷཱགཏྠེ ཡཐཱཙ, ཝིཡ ཏཐརིཝཱ’པི ཙ.

སཾ སཱམཉྩ སཡཾ ཙཱཐ, ཨཱམ སཱཧུ ལཧཱུ’པི ཙ;

ཨོཔཱཡིཀཾ པཏིརཱུཔཾ, སཱདྷྭེ’ཝཾ སམྤཊིཙྪནེ.

ཨསཱཀལྱེ ཏུ ཙན ཙི, ནིཔྥལེ ཏུ མུདྷཱ བྷཝེ.

ཀདཱཙི ཛཱཏུ ཏུལྱཱ’ཐ, སབྦཏོ ཙ སམནྟཏོ;

པརིཏོ ཙ སམནྟཱཔི, ཨཐ མིཙྪཱ མུསཱ བྷཝེ.

ནིསེདྷེ ན ཨནོམཱ’ལཾ, ནཧི ཙེཏུ སཙེ ཡདི;

ནཏྟཾ [རཏྟཾ (ཊཱི.)] དོསོ དིཝཱ ཏྭ’ཧེ.

ཨཱིསཾ ཀིཉྩི མནཾ ཨཔྤེ, སཧསཱ ཏུ ཨཏཀྐིཏེ;

པུརེ གྒཏོ ཏུ པུརཏོ, པེཙྩཱ’མུཏྲབྷཝནྟརེ.

ཏངྑཎེ སཛྫུ སཔདི, བལཀྐཱརེ པསཡ྄ཧ ཙ.

སུདཾ ཁོ [ཝོ (ཀ.)] ཨསྶུ ཡགྒྷེ ཝེ,ཧཱ’དཡོ པདཔཱུརཎེ;

ཨནྟརེན’ནྟརཱ ཨནྟོ, ཝསྶཾ ནཱུན ཙ ནིཙྪཡེ.

ཨཱནནྡེ སཉྩ དིཊྛཱ ཐ, ཝིརོདྷཀཐནེ ནནུ;

ཀཱམཔྤཝེདནེ ཀཙྩི, ཨུསཱུཡོཔགམེ’ཏྠུ ཙ.

ཨེཝཱ’ཝདྷཱརཎེ ཉེཡྻཾ, ཡཐཱཏྟཾ ཏུ ཡཐཱཏཐཾ;

ནཱིཙཾ ཨཔྤེ, མཧཏྱུ’ཙྩཾ, ཨཐ པཱཏོ པགེ སམཱ.

བཧིདྡྷཱ བཱཧིརཱ བཱཧྱེ, སཱིགྷེཏུ སཎིཀཾ བྷཝེ.

ཨཏྠཾ ཨདསྶནེ དུཊྛུ, ནིནྡཱཡཾ, ཝནྡནེ ནམོ;

སམྨཱ སུཊྛུ པསཾསཱཡཾ, ཨཐོ སཏྟཱཡ མཏྠི ཙ.

ཏཏོ པརེ པརསུཝེ, ཧིཡྻོཏུ དིཝསེ གཏེ.

ཡཏྠ ཡཏྲ ཡཧིཾཙཱཐ, ཏཏྠ ཏཏྲ ཏཧིཾཏཧཾ;

ཨཐོ ཨུདྡྷཉྩ ཨུཔརི, ཧེཊྛཱ ཏུ ཙ ཨདྷོ སམཱ.

ཙོདནེ ཨིངྒྷ ཧནྡཱ’ཐ, ཨཱརཱདཱུརཱ ཙ ཨཱརཀཱ;

པརམྨུཁཱ ཏུ ཙ རཧོ, སམྨུཁཱ ཏྭཱ’ཝི པཱཏུ ཙ.

སཾསཡཏྠམྷི ཨཔྤེཝ, ཨཔྤེཝནཱམ ནཱུ’ཏི ཙ;

ནིདསྶནེ ཨིཏི’ཏྠཉྩ, ཨེཝཾ, ཀིཙྪེ ཀཐཉྩི ཙ.

ཏིརོ ཏུ ཏིརིཡཾ ཙཱཐ, ཀུཙྪཱཡཾ དུཊྛུ ཀུ’ཙྩཏེ.

སུཝཏྠི ཨཱསིཊྛཏྠམྷི, ནིནྡཱཡཾ ཏུ དྷཱི [དྷི (ཀ.)] ཀཐྱཏེ;

ཀུཧིཉྩནཾ ཀུཧིཾ ཀུཏྲ, ཀུཏྠ ཀཏྠ ཀཧཾ ཀྭ ཐ.

ཀདཱ ཀུདཱཙནཾ ཙཱཐ, ཏདཱནི ཙ ཏདཱ སམཱ.

ཨཱདིཀམྨེ བྷུསཏྠེ ཙ, སམྦྷཝོ’ཏིཎྞ ཏིཏྟིསུ;

ནིཡོགི’སྶརིཡ’པྤཱིཏི, དཱན པཱུཛཱ’གྒ, སནྟིསུ.

དསྶནེ ཏཔྤརེ སངྒེ, པསཾསཱ, གཏི, སུདྡྷིསུ;

ཧིཾསཱ, པཀཱརནྟོ’བྷཱཝ, ཝིཡོགཱ’ཝཡཝེསུ ཙ;

པོ’པསགྒོ དིསཱཡོགེ, པཏྠནཱ, དྷིཏིཨཱདིསུ.

པརཱསདྡོ པརིཧཱནི, པརཱཛཡ གཏཱིསུ ཙ;

བྷུསཏྠེ པཊིལོམཏྠེ, ཝིཀྐམཱ’མསནཱདིསུ.

ནིསྶེསཱ’བྷཱཝ སནྱཱས, བྷུསཏྠ མོཀྑ རཱསིསུ;

གེཧཱ’དེསོ’པམཱཧཱིན, པསཱདནིགྒཏཱ’ཙྩཡེ.

དསྶནོ’སཱནནིཀྑནྟཱ, དྷོབྷཱགེསྭ’ཝདྷཱརཎེ;

སཱམཱིཔྱེ བནྡྷནེ ཚེཀ, ནྟོབྷཱགོ’པརཏཱིསུ ཙ.

པཱཏུབྷཱཝེ ཝིཡོགེ ཙ, ནིསེདྷཱདོ ནི དིསྶཏི;

ཨཐོ ནཱིཧརཎེ ཙེཝཱ, ཝརཎཱདོ ཙ ནཱི སིཡཱ.

ཨུདྡྷཀམྨ ཝིཡོག ཏྟ, ལཱབྷ ཏིཏྟི སམིདྡྷིསུ;

པཱཏུབྷཱཝ’ཙྩཡཱབྷཱཝ, པབལཏྟེ པཀཱསནེ;

དཀྑ’གྒཏཱསུ ཀཐནེ, སཏྟིམོཀྑཱདིཀེ ཨུ ཙ.

དུ ཀུཙྪིཏེ’སདཏྠེསུ, ཝིརཱུཔཏྟེ པྱ’སོབྷནེ;

སིཡཱ’བྷཱཝཱ’སམིདྡྷཱིསུ, ཀིཙྪེ ཙཱ’ནནྡནཱདིཀེ.

སཾ སམོདྷཱན སངྑེཔ, སམནྟཏྟ སམིདྡྷིསུ;

སམྨཱ བྷུས སཧ པྤཏྠཱ, བྷིམུཁཏྠེསུ སངྒཏེ;

ཝིདྷཱནེ པབྷཝེ པཱུཛཱ, པུནཔྤུནཀྲིཡཱདིསུ.

ཝིཝིདྷཱ’ཏིསཡཱ’བྷཱཝ, བྷུསཏྟི’སྶརིཡཱ’ཙྩཡེ;

ཝིཡོགེ ཀལཧེ པཱཏུ, བྷཱཝེ བྷཱསེ ཙ ཀུཙྪནེ.

དཱུརཱ’ནབྷིམུཁཏྟེསུ, མོཧཱ’ནཝཊྛིཏཱིསུ ཙ;

པདྷཱན དཀྑཏཱ ཁེད, སཧཏྠཱདོ ཝི དིསྶཏི.

ཝིཡོགེ ¶ ཛཱནནེ ཙཱ’དྷོ,བྷཱག ནིཙྪཡ [བྷཱག’ནིཙྪཡ (བྷཱག+ཨནིཙྪཡ-ཊཱི)] སུདྡྷིསུ;

ཨཱིསདཏྠེ པརིབྷཝེ, དེས བྱཱཔན ཧཱནིསུ;

ཝཙོཀྲིཡཱཡ ཐེཡྻེ ཙ, ཉཱཎཔྤཏྟཱདིཀེ ཨཝ.

པཙྪཱ བྷུསཏྟ སཱདིསྱཱ, ནུཔཙྪིནྣཱ’ནུཝཏྟིསུ;

ཧཱིནེ ཙ ཏཏིཡཏྠཱ’དྷོ, བྷཱགེསྭ’ནུགཏེ ཧིཏེ;

དེསེ ལཀྑཎ ཝིཙྪེ’ཏྠ, མྦྷཱུཏ བྷཱགཱདིཀེ ཨནུ.

སམནྟཏྠེ པརིཙྪེདེ, པཱུཛཱ’ལིངྒན ཝཛྫནེ;

དོསཀྑཱནེ ནིཝཱསནཱ, ཝཉྙཱ’དྷཱརེསུ བྷོཛནེ;

སོཀ བྱཱཔན ཏཏྭེསུ, ལཀྑཎཱདོ སིཡཱ པརི.

ཨཱབྷིམུཁྱ ཝིསིཊྛུ’དྡྷ, ཀམྨསཱརུཔྤཝུདྡྷིསུ;

པཱུཛཱ’དྷིཀ ཀུལཱ’སཙྩ, ལཀྑཎཱདིམྷི ཙཱཔྱ’བྷི.

ཨདྷིཀི’སྶར, པཱཋཱ’དྷི, ཊྛཱན, པཱཔུཎནེསྭ’དྷི;

ནིཙྪཡེ ཙོཔརིཏྟཱ’དྷི, བྷཝནེ ཙ ཝིསེསནེ.

པཊིདཱནནིསེདྷེསུ, ཝཱམཱ’དཱནནིཝཏྟིསུ;

སཱདིསེ པཊིནིདྷིམྷི, ཨཱབྷིམུཁྱགཏཱིསུ ཙ.

པཏིབོདྷེ པཏིགཏེ, ཏཐཱ པུནཀྲིཡཱཡ ཙ;

སམྦྷཱཝནེ པཊིཙྩཏྠེ, པཏཱིཏི ལཀྑཎཱདིཀེ;

སུ སོབྷནེ སུཁེ སམྨཱ, བྷུས སུཊྛུ སམིདྡྷིསུ.

ཨཱབྷིམུཁྱ, སམཱིཔཱ’དི, ཀམྨཱ’ལིངྒན པཏྟིསུ;

མརིཡཱདུ’དྡྷཀམྨི’ཙྪཱ, བནྡྷནཱ’བྷིཝིདྷཱིསུ ཨཱ.

ནིཝཱསཱ’ཝ྄ཧཱན གཧཎ, ཀིཙྪེ’སཏྠ ནིཝཏྟིསུ;

ཨཔྤསཱདཱ’སི སརཎ, པཏིཊྛཱ’ཝིམྷཡཱདིསུ.

ཨནྟོབྷཱཝ བྷུསཏྟཱ’ཏི, སཡ པཱུཛཱསྭ’ཏིཀྐམེ;

བྷཱུཏབྷཱཝེ པསཾསཱཡཾ, དལ༹ྷཏྠཱདོ སིཡཱ ཨཏི.

སམྦྷཱཝནེ ཙ གརཧཱ, པེཀྑཱསུ ཙ སམུཙྩཡེ;

པཉྷེ སཾཝརཎེ ཙེཝ, ཨཱསཱིསཏྠེ ཨཔཱི’རིཏཾ.

ནིདྡེསེ ཝཛྫནེ པཱུཛཱ, པགཏེ ཝཱརཎེཔི ཙ;

པདུསྶནེ ཙ གརཧཱ, ཙོརིཀཱ’དོ སིཡཱ ཨཔ.

སམཱིཔཔཱུཛཱ ¶ སཱདིསྶ, དོསཀྑཱནོ’པཔཏྟིསུ;

བྷུསཏྟོ’པགམཱ’དྷིཀྱ, པུབྦཀམྨནིཝཏྟིསུ;

གཡ྄ཧཱཀཱརོ’པརིཏྟེསུ, ཨུཔེ’ཏྱ [ཨུཔེཏྱ=ཨུཔ+ཨིཏི]’ནསནཱ’དིཀེ.

ཨེཝཾ ནིདསྶནཱ’ཀཱརོ, པམཱསུ སམྤཧཾསནེ;

ཨུཔདེསེ ཙ ཝཙན, པཊིགྒཱཧེ’ཝདྷཱརཎེ;

གརཧཱཡེ’དམཏྠེ ཙ, པརིམཱནེ ཙ པུཙྪནེ.

སམུཙྩཡེ སམཱཧཱརེ, ནྭཱཙཡེ ཙེ’ཏརཱིཏརེ;

ཨིཏི ཧེཏུཔཀཱརེསུ, ཨཱདིམྷི ཙཱ’ཝདྷཱརཎེ;

ནིདསྶནེ པདཏྠསྶ, ཝིཔལླཱསེ སམཱཔནེ.

སམུཙྩཡེ ཙོ’པམཱཡཾ, སཾསཡེ པདཔཱུརཎེ;

ཝཝཏྠིཏཝིབྷཱསཱཡཾ, ཝཱ’ཝསྶགྒེ ཝིཀཔྤནེ.

བྷཱུསནེ ཝཱརཎེ ཙཱ’ལཾ, ཝུཙྩཏེ པརིཡཏྟིཡཾ;

ཨཐོ’ཐཱ’ནནྟརཱ’རམྦྷ, པཉྷེསུ པདཔཱུརཎེ.

པསཾསཱགརཧཱསཉྙཱ, སཱིཀཱརཱདོ [སྭཱིཀཱར (ཊཱི.)] པི ནཱམ ཐ;

ནིཙྪཡེ ཙཱ’ནུམཱནསྨིཾ, སིཡཱ ནཱུན ཝིཏཀྐནེ.

པུཙྪཱ’ཝདྷཱརཎཱ’ནུཉྙཱ, སཱནྟྭནཱ’ལཔནེ [སནྟནཱལཔནེ (ཀ.)] ནནུ;

ཝཏེ’ཀཾས, དཡཱ, ཧཱས, ཁེདཱ’ལཔན, ཝིམྷཡེ.

ཝཱཀྱཱརམྦྷ, ཝིསཱདེསུ, ཧནྡ ཧཱསེ’ནུཀམྤནེ;

ཡཱཝ ཏུ ཏཱཝ སཱཀལྱ, མཱནཱ’ཝདྷྱ’ཝདྷཱརཎེ.

པཱཙཱི, པུར, ངྒཏོཏྠེསུ, པུརཏྠཱ པཋམེ པྱཐ;

པབནྡྷེ ཙ ཙིརཱཏཱིཏེ, ནིཀཊཱགཱམིཀེ པུརཱ.

ནིསེདྷཝཱཀྱཱལངྐཱརཱ, ཝདྷཱརཎཔསིདྡྷིསུ;

ཀཱམཾ ཡདྱཔིསདྡཏྠེ, ཨེཀཾསཏྠེ ཙ དིསྶཏི;

ཨཐོ པན ཝིསེསསྨིཾ, ཏཐེཝ པདཔཱུརཎེ.

ཧི ¶ ཀཱརཎེ ཝིསེསཱ’ཝ, དྷཱརཎེ པདཔཱུརཎེ;

ཏུ ཧེཏུཝཛྫེ ཏཏྠཱ’ཐ, ཀུ པཱཔེ’སཏྠ’ཀུཙྪནེ.

ནུ སཾསཡེ ཙ པཉྷེ ཐ, ནཱནཱ’ ནེཀཏྠ ཝཛྫནེ;

ཀིཾ ཏུ པུཙྪཱཛིགུཙྪཱསུ, ཀཾ ཏུ ཝཱརིམྷི མུདྡྷནི.

ཨམཱ སཧསམཱིཔེ ཐ, བྷེདེ ཨཔྤཋམེ པུན;

ཀིརཱ’ནུསྶཝཱ’རུཙིསུ, ཨུདཱ’པྱཏྠེ ཝིཀཔྤནེ.

པཏཱིཙཱི ཙརིམེ པཙྪཱ, སཱམི ཏྭདྡྷེ ཛིགུཙྪནེ;

ཧཱ ཁེདསོཀདུཀྑེསུ, ཁེདེ ཏྭ’ཧཧ ཝིམྷཡེ;

བྷིཾསཱཔནེ [ཧིཾསཱཔནེ (ཊཱི.)] དྷཱི [དྷི (ཀ.)] ནིནྡཱཡཾ, པིདྷཱནེ ཏིརིཡཾ ཏིརོ.

ཏུན ཏྭཱན ཏཝེ ཏྭཱ ཏུཾ, དྷཱ སོ ཐཱ ཀྑཏྟུ, མེཝ ཙ;

ཏོ ཐ ཏྲ ཧིཉྩནཾ ཧིཾཧཾ, དྷི ཧ ཧི དྷ དྷུནཱ རཧི.

དཱནི ཝོདཱཙནཾ དཱཛྫ, ཐཾ ཏཏྟཾ ཛ྄ཛྷ ཛྫུ ཨཱདཡོ;

སགྒཀཎྜོ ¶ ཙ བྷཱུཀཎྜོ, ཏཐཱ སཱམཉྙཀཎྜིཏི;

ཀཎྜཏྟཡཱནྭིཏཱ ཨེསཱ, ཨབྷིདྷཱནཔྤདཱིཔིཀཱ.

པརཀྐམབྷུཛོ ནཱམ, བྷཱུཔཱལོ གུཎབྷཱུསནོ;

ལངྐཱཡ མཱསི ཏེཛསྶཱི, ཛཡཱི ཀེསརིཝིཀྐམོ.

ཡེན ལངྐཱ ཝིཧཱརེཧི, གཱམཱ’རཱམཔུརཱིཧི ཙ;

ཀིཏྟིཡཱ ཝིཡ སམྦཱདྷཱི, ཀཏཱ ཁེཏྟེཧི ཝཱཔིཧི.

ཡསྶཱ’སཱདྷཱརཎཾ པཏྭཱ, ནུགྒཧཾ སབྦཀཱམདཾ;

ཨཧམྤི གནྠཀཱརཏྟཾ, པཏྟོ ཝིབུདྷགོཙརཾ.

ཀཱརིཏེ ཏེན པཱསཱད, གོཔུརཱདིཝིབྷཱུསིཏེ;

སགྒཁཎྜེ’ཝ ཏཏྟོཡཱ, སཡསྨིཾ པཏིབིམྦིཏེ.

མཧཱཛེཏཝནཱ’ཁྱམྷི, ཝིཧཱརེ སཱདྷུསམྨཏེ;

སརོགཱམསམཱུཧམྷི, ཝསཏཱ སནྟཝུཏྟིནཱ.

སདྡྷམྨཊྛིཏིཀཱམེན, མོགྒལླཱནེན དྷཱིམཏཱ;

ཐེརེན རཙིཏཱ ཨེསཱ, ཨབྷིདྷཱནཔྤདཱིཔིཀཱཏི.