📜
ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ
སུཏྟནྟཔིཊཀེ
དཱིགྷནིཀཱཡེ
སཱིལཀྑནྡྷཝགྒསུཏྟ
སཾགཱཡནསྶ པུཙྪཱ ཝིསྶཛྫནཱ
པུཙྪཱ – པཋམམཧཱདྷམྨསཾགཱིཏིཀཱལེ ¶ ཨཱཝུསོ དྷམྨསཾགཱཧཀཱ མཧཱཀསྶཔཱདཡོ མཧཱཐེརཝརཱ པཋམཾ ཝིནཡཾ སཾགཱཡིཏྭཱ ཏདནནྟརཾ ཀཾ ནཱམ པཱཝཙནཾ སཾགཱཡིཾསུ.
ཝིསྶཛྫནཱ – པཋམམཧཱདྷམྨསཾགཱིཏིཡཾ བྷནྟེ དྷམྨསཾགཱཧཀཱ མཧཱཀསྶཔཱདཡོ མཧཱཐེརཝརཱ པཋམཾ ཝིནཡཾ སཾགཱཡིཏྭཱ ཏདནནྟརཾ དྷམྨཾ སཾགཱཡིཾསུ.
པུཙྪཱ – དྷམྨོ ¶ ནཱམ ཨཱཝུསོ སུཏྟནྟཱབྷིདྷམྨཝསེན དུཝིདྷོ, ཏཏྠ ཀཏརཾ དྷམྨཾ པཋམཾ སཾགཱཡིཾསུ.
ཝིསྶཛྫནཱ – དྭཱིསུ བྷནྟེ དྷམྨེསུ སུཏྟནྟཱབྷིདྷམྨཔིཊཀེསུ པཋམཾ སུཏྟནྟཾ པིཊཀཾ དྷམྨཾ སཾགཱཡིཾསུ.
པུཙྪཱ – སུཏྟནྟཔིཊཀེ ¶ པི ཨཱཝུསོ དཱིགྷམཛ྄ཛྷིམསཾཡུཏྟཨངྒུཏྟརཁུདྡཀནིཀཱཡཝསེན པཉྩ ནིཀཱཡཱ, ཏེསུ པཋམཾ ཀཏརཾ ནིཀཱཡཾ སཾགཱཡིཾསུ.
ཝིསྶཛྫནཱ – པཉྩསུ བྷནྟེ ནིཀཱཡེསུ པཋམཾ དཱིགྷནིཀཱཡཾ སཾགཱཡིཾསུ.
པུཙྪཱ – དཱིགྷནིཀཱཡེཔི ཨཱཝུསོ ཏཡོ ཝགྒཱ ཙཏུཏྟིཾསཱ ཙ སུཏྟཱནི, ཏེསུ ཀཏརཾ ཝགྒཾ ཀཏརཉྩ སུཏྟཾ པཋམཾ སཾགཱཡིཾསུ.
ཝིསྶཛྫནཱ – དཱིགྷནིཀཱཡེཔི བྷནྟེ ཏཱིསུ ཝགྒེསུ པཋམཾ སཱིལཀྑནྡྷཝགྒཾ, ཙཏུཏྟིཾསཏིཡཱ ཙ སུཏྟེསུ པཋམཾ བྲཧྨཛཱལསུཏྟཾ སཾགཱཡིཾསུ.
བྲཧྨཛཱལསུཏྟ
པུཙྪཱ – སཱདྷུ ¶ སཱདྷུ ཨཱཝུསོ མཡམྤི དཱནི ཏཏོཡེཝ པཊྛཱཡ སཾགཱཡིཏུཾ པུབྦཀིཙྩཱནི སམཱརབྷཱམ…, ཏེནཱཝུསོ བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན བྲཧྨཛཱལསུཏྟཾ ཀཏྠ བྷཱསིཏཾ.
ཝིསྶཛྫནཱ – ཨནྟརཱ ཙ བྷནྟེ རཱཛགཧཾ ཨནྟརཱ ཙ ནཱལ༹ནྡཾ ཨམྦལཊྛིཀཱཡཾ རཱཛཱགཱརཀེ བྷཱསིཏཾ.
པུཙྪཱ – ཀཾ ¶ ཨཱཝུསོ ཨཱརབྦྷ བྷཱསིཏཾ.
ཝིསྶཛྫནཱ – སུཔྤིཡཉྩ བྷནྟེ པརིབྦཱཛཀཾ བྲཧྨདཏྟཉྩ མཱཎཝཾ ཨཱརབྦྷ བྷཱསིཏཾ.
པུཙྪཱ – ཀིསྨིཾ ཨཱཝུསོ ཝཏྠུསྨིཾ བྷཱསིཏཾ.
ཝིསྶཛྫནཱ – ཝཎྞཱཝཎྞེ བྷནྟེ, སུཔྤིཡོ ཧི བྷནྟེ ཨནེཀཔརིཡཱཡེན བུདྡྷསྶ ཨཝཎྞཾ བྷཱསཏི དྷམྨསྶ ཨཝཎྞཾ བྷཱསཏི སངྒྷསྶ ཨཝཎྞཾ བྷཱསཏི, སུཔྤིཡསྶ པན པརིབྦཱཛཀསྶ ཨནྟེཝཱསཱི བྲཧྨདཏྟོ མཱཎཝོ ཨནེཀཔརིཡཱཡེན བུདྡྷསྶ ཝཎྞཾ བྷཱསཏི དྷམྨསྶ ཝཎྞཾ བྷཱསཏི སངྒྷསྶ ཝཎྞཾ བྷཱསཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.
ཨནུསནྡྷེ
པུཙྪཱ – ཀཏི ¶ ཨཱཝུསོ ཏཏྠ ཨནུསནྡྷཡོ.
ཝིསྶཛྫནཱ – ཏཡོ བྷནྟེ ཏཏྠ ཨནུསནྡྷཡོ, ཨེཀོ ཨཝཎྞཱནུསནྡྷི, དྭེ ཝཎྞཱནུསནྡྷིཡོ.
པཋམ ཨནུསནྡྷེ
པུཙྪཱ – ཏཏྠཱཝུསོ པཋམེ ཨནུསནྡྷིམྷི ཀཐཾ བྷགཝཏཱ བྷཱསིཏཾ, ཏཾ སཾཁེཔཏོ ཀཐེཧི.
ཝིསྶཛྫནཱ – པཋམེ བྷནྟེ ཨནུསནྡྷིམྷི ཨཝཎྞེ མནོཔདོསཾ ནིཝཱརེཏྭཱ, ཏཏྠ ཙ ཨཱདཱིནཝཾ དསྶེཏྭཱ, ཏཏྠ པཊིཔཛྫིཏབྦཱཀཱརོ བྷགཝཏཱ བྷཱསིཏོ.
མམཾ ¶ ཝཱ བྷིཀྑཝེ པརེ ཨཝཎྞཾ བྷཱསེཡྻུཾ, དྷམྨསྶ ཝཱ ཨཝཎྞཾ བྷཱསེཡྻུཾ སངྒྷསྶ ཝཱ ཨཝཎྞཾ བྷཱསེཡྻུཾ, ཏཏྲ ཏུམྷེཧི ན ཨཱགྷཱཏོ ཨཔྤཙྩཡོ ན ཙེཏསོ ཨནབྷིརདྡྷི ཀརཎཱིཡཱ…
དུཏིཡ ཨནུསནྡྷེ
པུཙྪཱ – སཱདྷུ ¶ སཱདྷུ ཨཱཝུསོ, སཱདྷུ ཁོ བྷགཝཱ ཨཏྟནཱ པརམུཀྐཾ སཱགཏཁནྟཱིགུཎསམནྣཱགཏོ ཨཏྟནོ སཱཝཀབྷཱུཏེ ཨམྷེཔི ཏཏྠ སམཱདཱཔེསི, ཨཏྟནཱ ཙ ལོཀདྷམྨེསུ ཨནིཉྫནསབྷཱཝོ ཨམྷཱཀམྤི ཏཐཏྟཱཡ ཨོཝཱདམདཱསི, དུཏིཡེཔནཱཝུསོ ཨནུསནྡྷིམྷི ཀཐཾ བྷགཝཏཱ བྷཱསིཏཾ, ཏམྤི སཾཁེཔཏོ པཀཱསེཧི.
ཝིསྶཛྫནཱ – དུཏིཡེ པན བྷནྟེ ཨནུསནྡྷིམྷི ཝཎྞེ ཙེཏསོ ཨུཔྤིལཱཝིཏཏྟཾ ནིསེདྷེཏྭཱ, ཏཏྠ ཙ ཨཱདཱིནཝཾ དསྶེཏྭཱ, ཏཏྠ ཙ པཊིཔཛྫནཱཀཱརཾ དསྶེཏྭཱ, པུཐུཛྫནསྶ ཝཎྞབྷཱུམིབྷཱུཏཱནི ཏཱིཎི སཱིལཱནི ཝིཏྠཱརཏོ བྷགཝཏཱ བྷཱསིཏཱནི.
མམཾ ¶ ཝཱ བྷིཀྑཝེ པརེ ཝཎྞཾ བྷཱསེཡྻུཾ, དྷམྨསྶ ཝཱ ཝཎྞཾ བྷཱསེཡྻུཾ, སངྒྷསྶ ཝཱ ཝཎྞཾ བྷཱསེཡྻུཾ, ཏཏྲ ཏུམྷེཧི ན ཨཱནནྡོ ན སོམནསྶཾ ན ཙེཏསོ ཨབྷིརདྡྷི ཀརཎཱིཡཱ –
ཏཏིཡ ཨནུསནྡྷེ
པུཙྪཱ – སཱདྷུ ¶ སཱདྷུ ཨཱཝུསོ, སཱདྷུ ཁོ བྷགཝཱ ཨཏྟནཱ པརམུཀྐཾསགཏསུཔརིསུདྡྷསཱིལསམནྣཱགཏོ, ཏཾ ཨཏྟནོ སུཔརིསུདྡྷསཱིལཾ དསྶེཏྭཱ པརེཔི ཏཏྠ ནིཡོཛེསི, ཏཏིཡེ པནཱཝུསོ ཨནུསནྡྷིམྷི ཀཐཾ བྷགཝཏཱ བྷཱསིཏཾ, ཏཾ སཾཁེཔཏོ པཀཱསེཧི.
ཝིསྶཛྫནཱ – ཏཏིཡེ པན བྷནྟེ ཨནུསནྡྷིམྷི དྭཱསཊྛི དིཊྛིཡོ སབྦཉྙུཏ ཉཱཎེན ཝིཏྠཱརཏོ ཝིབྷཛིཏྭཱ, ཏཱསཉྩ ཚ ཕསྶཱཡཏནཔདཊྛཱནབྷཱཝཾ ཝིབྷཱཝེཏྭཱ, མིཙྪཱདིཊྛིགཏིཀཱདྷིཊྛཱ ནཉྩ ཝཊྚཾ ཀཐེཏྭཱ, ཡུཏྟཡོགབྷིཀྑུཨདྷིཊྛཱནཉྩ ཝིཝཊྚཾ ཀཐེཏྭཱ, མིཙྪཱདིཊྛིགཏིཀསྶ དེསནཱཛཱལཏོ ཨཝིམུཏྟབྷཱཝཾ ¶ དེསནཱཛཱལཏོ ཝིམུཏྟསྶ ནཏྠིཀབྷཱཝཉྩ ཝིབྷཱཝེཏྭཱ, ཨཏྟནོ ཙ ཀཏྠཙི ཨཔརིཡཱཔནྣབྷཱཝཾ དསྶེཏྭཱ, ཨུཔཱདིསེསནིབྦཱནདྷཱཏུཾ པཱཔེཏྭཱ དེསནཱ བྷགཝཏཱ ནིཊྛཱཔིཏཱ.
ཨུཙྪིནྣབྷཱཝནེཏྟིཀོ ¶ བྷིཀྑཝེ ཏཐཱགཏསྶ ཀཱཡོ ཏིཊྛཏི, ཡཱཝསྶ ཀཱཡོ ཋསྶཏི ཏཱཝ ནཾ དཀྑནྟི དེཝམནུསྶཱ, ཀཱཡསྶ བྷེདཱ ཨུདྡྷཾ ཛཱིཝིཏཔརིཡཱདཱནཱ ན ནཾ དཀྑནྟི དེཝམནུསྶཱ.
སུཏྟནིདེསནཱ
པུཙྪཱ – སཱདྷུ ¶ སཱདྷུ ཨཱཝུསོ, སཱདྷུ ཁོ བྷགཝཱ ཨཏྟནཱ དྭཱསཊྛི དིཊྛིཡོ ཙ ཚ ཕསྶཱཡཏནཱནི ཙ དྭཱདས པཊིཙྩསམུཔྤཱདངྒཱནི ཙ སབྦསོ པརིཛཱནིཏྭཱ ཏེསཾ པརིཛཱནནཏྠཱཡ པརེསམྤི ཏཐཏྟཱཡ དྷམྨཾ པཀཱསེཏི, སུཏྟཉྩ ནཱམ ཨཱཝུསོ ཙཏུནྣཾ སུཏྟནིཀྑེཔཱནཾ ཨཉྙཏརཝསེནེཝ ནིཀྑིཏྟཾ, ཏསྨཱ ཏེསུ ཨིདཾ སུཏྟཾ ཀཏརེན སུཏྟནིཀྑེཔེན བྷགཝཏཱ ནིཀྑིཏྟཾ.
ཝིསྶཛྫནཱ – ཙཏཱུསུ བྷནྟེ སུཏྟནིཀྑེཔེསུ ཨཊྛུཔྤཏྟིནིཀྑེཔན ཨིདཾ སུཏྟཾ ནིཀྑིཏྟཾ.
པུཙྪཱ – ཀསྶ ¶ ཨཱཝུསོ ཝཙནཾ.
ཝིསྶཛྫནཱ – བྷགཝཏོ བྷནྟེ ཝཙནཾ ཨརཧཏོ སམྨཱསམྦུདྡྷསྶ.
པུཙྪཱ – ཀེནཱཝུསོ ¶ ཨཱབྷཏཾ.
ཝིསྶཛྫནཱ – པརམྤརཱཡ བྷནྟེ ཨཱབྷཏཾ.
པུཙྪཱ – ཨཏྠི ནུ ཁོ ཨཱཝུསོ ཨེཏྠ ཀོཙི ཝིརདྡྷདོསཱ, ཡེན པཙྪིམཱ ཛནཱ མིཙྪཱཨཏྠཾ གཎྷེཡྻུཾ.
ཝིསྶཛྫནཱ – ནཏྠི བྷནྟེ.
སཱམཉྙཕལསུཏྟ
པུཙྪཱ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན སཱམཉྙཕལསུཏྟཾ ཀཏྠ བྷཱསིཏཾ.
ཝིསྶཛྫནཱ – རཱཛགཧེ བྷནྟེ ཛཱིཝཀསྶ ཀོམཱརབྷཙྩསྶ ཨམྦཝནེ བྷཱསིཏཾ.
པུཙྪཱ – ཀེནཱཝུསོ སདྡྷིཾ བྷགཝཏཱ བྷཱསིཏཾ.
ཝིསྶཛྫནཱ – རཉྙཱ བྷནྟེ མཱགདྷེན ཨཛཱཏསཏྟུནཱ ཝེདེཧིཔུཏྟེན སདྡྷིཾ བྷཱསིཏཾ.
པུཙྪཱ – ཏཾ ¶ པནཱཝུསོ སུཏྟཾ ཙཏུནྣཾ སུཏྟནིཀྑེཔཱནཾ ཀཏརེན སུཏྟནིཀྑེཔེན བྷགཝཏཱ ནིཀྑིཏྟཾ.
ཝིསྶཛྫནཱ – ཙཏུནྣཾ བྷནྟེ སུཏྟནིཀྑེཔཱནཾ པུཙྪཱཝསིཀེན སུཏྟནིཀྑེཔེན ནིཀྑིཏཾ བྷགཝཏཱ.
ཨཛཱཏསཏྟུ
པུཙྪཱ – སཱ པནཱཝུསོ པུཙྪཱ ཀེནཱཀཱརེན སམུཔྤནྣཱ.
ཝིསྶཛྫནཱ – རཱཛཱ བྷནྟེ མཱགདྷོ ཨཛཱསཏྟུ ཝེདེཧིཔུཏྟོ ཏདཧུཔོསཐེ པནྣརསེ ཀོམུདིཡཱ ཙཱཏུམཱསིནིཡཱ པུཎྞཱཡ པུཎྞམཱཡ རཏྟིཡཱ ཡེན བྷགཝཱ ཏེནུཔསཾཀམི, ཨུཔསཾཀམིཏྭཱ བྷགཝནྟཾ དིཊྛེཝ དྷམྨེ སཾདིཊྛིཀཾ སཱམཉྙཕལཾ པུཙྪི, ཨེཝཾ ཁོ སཱ བྷནྟེ པུཙྪཱ ཨུཔྤནྣཱ.
རམྨཎཱིཡཱ ¶ ཝཏ བྷོ དོསིནཱ རཏྟི, ཨབྷིརཱུཔཱ ཝཏ བྷོ དོསིནཱ རཏྟི, དསྶནཱིཡཱ ཝཏ བྷོ དོསིནཱ རཏྟི, པཱསཱདིཀཱ ཝཏ བྷོ དོསིནཱ རཏྟི, ལཀྑཉྙཱ ཝཏ བྷོ དོསིནཱ རཏྟི….
ཀཾ ནུཁྭཛྫ སམཎཾ ཝཱ བྲཱཧྨཎཾ ཝཱ པཡིརུཔཱསེཡྻཱམ….
ཡཾ ¶ ནོ པཡིརུཔསཏོ ཙིཏྟཾ པསཱིདེཡྻ….
ཚརཱཛཱིཝཀ
ཏྭཾ པན སམྨ ཛཱིཝཀ ཀིཾ ཏུཎྷཱིསི –
ཨཡཾ ¶ དེཝ ཨམྷཱཀཾ བྷགཝཱ ཨརཧཾ སམྨཱསམྦུདྡྷོ ཨམྷཱཀཾ ཨམྦཝནེ ཝིཧརཏི.
ཏཾ ཁོ པན བྷགཝནྟཾ ཨེཝཾ ཀལྱཱཎོ ཀིཏྟིསདྡོ ཨབྦྷུགྒཏོ ‘‘ཨིཏིཔི སོ བྷགཝཱ ཨརཧཾ སམྨཱསམྦུདྡྷོ ཝིཛྫཱཙརཎསམྤནྣོ སུགཏོ ལོཀཝིདཱུ ཨནུཏྟརོཔུརིསདམྨསཱརཐི སཏྠཱདེཝམནུསྶཱནཾ བུདྡྷོ བྷགཝཱ’’ཏི.
ཏཾ དེཝོ བྷགཝནྟཾ པཡིརུཔཱསཏུ, ཨཔྤེཝནཱམ དེཝསྶ བྷགཝནྟཾ པཡིརུཔཱསཏོ ཙིཏྟཾ པསཱིདེཡྻ.
ཏེན ཧི སམྨ ཛཱིཝཀ ཧཏྠིཡཱནཱནི ཀཔྤཱཔེཧི.
ཀཔྤིཏཱནི ¶ ཁོ ཏེ དེཝ ཧཏྠིཡཱནཱནི, ཡསྶ དཱནི ཀཱལཾ མཉྙསི.
ཨཛཱཏསཏྟུ
ཀིཙྩི མཾ སམྨ ཛཱིཝཀ ན ཝཉྩེསི, ཀཙྩི མཾ སམྨ ཛཱིཝཀ ན པལམྦྷེསི….
མཱ བྷཱཡི མཧཱརཱཛ, མཱ བྷཱཡི མཧཱརཱཛ….
ན ཏཾ དེཝ ཝཉྩེམི, ན ཏཾ དེཝ པལམྦྷཱམི….
ཨཛཱཏསཏྟ
ཨེསོ ¶ མཧཱརཱཛ བྷགཝཱ, ཨེསོ མཧཱརཱཛ བྷགཝཱ མཛ྄ཛྷིམཾ ཐམྦྷཾ ནིསྶཱཡ པུརཏྠཱབྷིམུཁོ ནིསིནྣོ པུརཀྑཏོ བྷིཀྑུསངྒྷསྶ….
ཨིམིནཱ མེ ཨུཔསམེན ཨུདཡབྷདྡོ ཀུམཱརོ སམནྣཱགཏོ ཧོཏུ…
ཨགམཱ ¶ ཁོ ཏྭཾ མཧཱརཱཛ ཡཐཱ པེམཾ.
པུཙྪེཡྻཱམཧཾ བྷནྟེ བྷགཝནྟཾ ཀིཉྩིདེཝ དེསཾ སཙེ མེ བྷགཝཱ ཨོཀཱསཾ ཀརོཏི པཉྷསྶ ཝེཡྻཱཀརཎཱཡ.
པུཙྪ མཧཱརཱཛ ཡདཱཀངྑསི.
ཡཐཱ ¶ ནུ ཁོ ཨིམཱནི བྷནྟེ པུཐུསིཔྤཱཡཏནཱནི, སེཡྻཐིདཾ, ཧཏྠཱརོཧཱ ཨསྶཱརོཧཱ རཐིཀཱ དྷནུགྒཧཱ ཙེལཀཱ ཙལཀཱ པིཎྜདཱཡཀཱ (པེཡྻཱལ) གཎཀཱ མུདྡིཀཱ, ཨཉྙཱནིཔི ཨེཝཾ གཏིཀཱནི པུཐུསིཔྤཱཡཏནཱནི, ཏེ ཏེན སིཔྤེན སནྡིཊྛིཀཾ སིཔྤཕལཾ ཛཱིཝནྟི, ཏེ ཏེན ཨཏྟཱནཾ སུཁེནྟི པཱིཎེནྟི, མཱཏཱཔིཏརོ སུཁེནྟི, པཱིཎེནྟི, པུཏྟདཱརཾ སུཁེནྟི པཱིཎེནྟི, མིཏྟཱམཙྩེ སུཁེནྟི པཱིཎེནྟི སམཎབྲཱཧྨཎེསུ ཨུདྡྷགྒིཀཾ དཀྑིཎཾ པཏིཊྛཔེནྟི སོཝགྒིཀཾ སུཁཝིཔཱཀཾ སགྒསཾཝཏྟནིཀཾ, སཀྐཱ ནུ ཁོ བྷནྟེ ཨེཝམེཝ དིཊྛེཝ དྷམྨེ སནྡིཊྛིཀཾ སཱམཉྙཕལཾ པཉྙཔེཏུཾ.
པུཙྪཱ – ཏདཱ ¶ ཨཱཝུསོ ཀཐཾ བྷགཝཏཱ རཱཛཱ ཨཛཱཏསཏྟུ ཝེདེཧི པུཏྟོ པཊིཔུཙྪིཏོ ཀཐཉྩ ཏེན བྷགཝཏོ ཨཱརོཙིཏཾ.
ཝིསྶཛྫནཱ – ‘‘ཨབྷིཛཱནཱསི ནོ ཏྭཾ མཧཱརཱཛ ཨིམཾ པཉྷཾ ཨཉྙེ སམཎབྲཱཧྨཎེ པུཙྪིཏཱཏི, ཨབྷིཛཱནཱམཧཾ བྷནྟེ ཨཉྙེ སམཎབྲཱཧྨཎེ པུཙྪིཏཱཏི, ཡཐཱཀཐཾ པན ཏེ མཧཱརཱཛ བྱཱཀརིཾསུ, སཙེ ཏེ ཨགརུ, བྷཱསསྶཱུཏི ན ཁོ མེ བྷནྟེ གརུ, ཡཏྠསྶ བྷགཝཱ ནིསིནྣོ བྷཝནྟརཱུཔོ ཝཱཏི, ཏེནེཧི མཧཱརཱཛ བྷཱསསྶཱུ’’ཏི, ཨེཝཾ ཁོ བྷནྟེ ཏདཱ བྷགཝཏཱ རཱཛཱ མཱགདྷོ ཨཛཱཏསཏྟུ ཝེདེཧི པུཏྟོ པཊིཔུཙྪིཏོ, ཨེཝཾ ཁོ བྷནྟེ ཏེན ཏདཱ བྷགཝཏོ ཨཱརོཙིཏཾ.
པཱུརཎཀསྶཔ ཨཡཱུཝཱད
པུཙྪཱ – ཀཐཉྩཱཝུསོ ¶ པཱུརཎཀསྶཔསྶ སནྟིཀེ པུཙྪཱཝིསྶཛྫནཱ ཨཧོསི.
ཝིསྶཛྫནཱ – ཨེཀམིདཾ བྷནྟེ སམཡཾ རཱཛཱ མཱགདྷོ ཨཛཱཏསཏྟུ ཝེདེཧིཔུཏྟོ ཡེན པཱུརཎོ ཀསྶཔོ ཏེནུཔསངྐམི, ཨུཔསངྐམིཏྭཱ པཱུརཎཾ ཀསྶཔཾ སནྡིཊྛིཀཾ སཱམཉྙཕལཾ པུཙྪི, ཨཐ ཁོ བྷནྟེ པཱུརཎོ ཀསྶཔོ ཀརོཏོ ཁོ མཧཱརཱཛ ཀཱརཡཏོ, ཚིནྡཏོ ཚེདཱཔཡཏོ, པཙཏོ པཱཙཱཔཡཏོ, སོཙཡཏོ སོཙཱཔཡཏོ (པེཡྻཱལ) ཀརོཏོ ན ཀརཱིཡཏི པཱཔཾ ཏྱཱདིནཱ རཉྙོ མཱགདྷསྶ ཨཛཱཏསཏྟུསྶ ཝེདེཧིཔུཏྟསྶ སཾདིཊྛི ཀཾ སཱམཉྙཕལཾ པུཊྛོ སམཱནོ ཨཀིརིཡཾ བྱཱཀཱསི, ཨེཝཾ ཁོ བྷནྟེ པཱུརཎསྶ ཀསྶཔསྶ སནྟིཀེ པུཙྪཱཝིསྶཛྫནཱ ཨཧོསི.
པཱུརཎཀསྶཔཝཱད
ནིསྶིརིཀོ ¶ ཝཏ ཨཱཝུསོ པཱུརཎསྶ ཀསྶཔསྶ ཝཱདོ ཨནཏྠསཾཧིཏོ ཛིགུཙྪནཱིཡོ ཨཏིཝིཡ བྷཡཱནཀོ, ཡེ ཏསྶ ཝཙནཾ སོཏབྦཾ སདྡྷཱཏབྦཾ མཉྙེཡྻུཾ, ཏེསཾ ཏཾ ཨསྶ དཱིགྷརཏྟཾ ཨཧིཏཱཡ དུཀྑཱཡ, ཨེཏྟཀེནེཝ ཨཛྫ མཡཾ པུཙྪཱཝིསྶཛྫནཾ ཐཔེསྶཱམ.
མཀྑལིགོསཱལ ཨཡཱུཝཱད
པུཙྪཱ – པུརིམདིཝསེ ཨཱཝུསོ མཡཱ སཱམཉྙཕལསུཏྟསྶ ནིདཱནཔརིཡཱཔནྣཱནི པུཙྪིཏབྦཊྛཱནཱནི ཀཱནིཙི ཀཱནིཙི པུཙྪིཏཱནི, ཏཡཱ ཙ སུཊྛུ ཝིསྶཛྫིཏཱནི, ཨཛྫ པན ཡཐཱནུཔྤཏྟམཀྑལིགོསཱཡ ཝཱདཏོ པཊྛཱཡ པུཙྪིསྶཱམི, མཀྑལི པན ཨཱཝུསོ
གོསཱལོ ¶ རཉྙཱ མཱགདྷེན ཨཛཱཏསཏྟུནཱ ཝེདེཧིཔུཏྟེན སནྡིཊྛིཀཾ སཱམཉྙཕལཾ པུཊྛོ ཀཐཾ བྱཱཀཱསི.
ཝིསྶཛྫནཱ – ཨེཀམིདཾ བྷནྟེ སམཡཾ རཱཛཱ མཱགདྷོ ཨཛཱཏསཏྟུ ཝེདེཧིཔུཏྟོ ཡེན མཀྑལིགོསཱལོ ཏེནུཔསཾཀམི, ཨུཔསཾཀམིཏྭཱ མཀྑལིཾ གོསཱལཾ སནྡིཊྛིཀཾ སཱམཉྙཕལཾ པུཙྪི, ཨཐ ཁོ བྷནྟེ མཀྑལིགོསཱལོ རཱཛཱནཾ མཱགདྷཾ ཨཛཱཏསཏྟུཾ ཝེདེཧིཔུཏྟཾ ཨེཏདཝོཙ ‘‘ནཏྠི མཧཱརཱཛ ཧེཏུ ནཏྠི པཙྩཡོ སཏྟཱནཾ སཾཀིལེསཱཡ, ཨཧེཏཱུ ཨཔཙྩཡཱ སཏྟཱ སཾཀིལིསྶནྟི. ནཏྠི མཧཱརཱཛ ཧེཏུ ནཏྠི པཙྩཡོ སཏྟཱནཾ ཝིསུདྡྷིཡཱ, ཨཧེཏཱུ ཨཔཙྩཡཱ སཏྟཱ ཝིསུཛ྄ཛྷནྟི, (པེཡྻཱལ) ཙུལླཱསཱིཏི མཧཱཀཔྤིནོ སཏསཧསྶཱནི, ཡཱནི བཱལེ ཙ པཎྜིཏེ ཙ སནྡྷཱཝིཏྭཱ སཾསརིཏྭཱ དུཀྑསྶནྟཾ ཀརིསྶནྟི, ཏཏྠ ནཏྠི ‘ཨིམིནཱཧཾ སཱིལེན ཝཱ ཝཏེན ཝཱ ཏཔེན ཝཱ བྲཧྨཙརིཡེན ཝཱ ཨཔརིཔཀྐཾ ཝཱ ཀམྨཾ པརིཔཱཙེསྶཱམི, པརིཔཀྐཾ ཝཱ ཀམྨཾ ཕུསྶ ཕུསྶ བྱནྟིཾ ཀརིསྶཱམཱི’ཏི ཧེཝཾ ནཏྠི. དོཎམིཏེ སུཁདུཀྑེ, པརིཡནྟཀཏེ སཾསཱརེ ནཏྠི ཧཱཡནཝཌྜྷནེ, ནཏྠི ཨུཀྐཾསཱཝཀཾསེ. སེཡྻཐཱཔི ནཱམ སུཏྟཔུཊྛེ ཁིཏྟེ ནིབྦེཋིཡམཱནམེཝ པལེཏི, ཨེཝམེཝ བཱལེ ཙ པཎྜིཏེ ཙ སནྡྷཱཝིཏྭཱ སཾསརིཏྭཱ དུཀྑསྶནྟཾ ཀརིསྶནྟཱི’’ཏི, ཨིཏྠཾ ཁོ བྷནྟེ རཉྙོ མཱགདྷསྶ ཨཛཱཏསཏྟུསྶ ཝེདེཧིཔུཏྟསྶ མཀྑལིགོསཱལོ སནྡིཊྛིཀཾ སཱམཉྙཕལཾ པུཊྛོ སམཱནོ སཾསཱརསུདྡྷིཾ བྱཱཀཱསི.
མཀྑལིགོསཱལཝཱད
ཨཡམྤི ¶ ཨཱཝུསོ ཝཱདོ ནིསྶིརིཀོཡེཝ ཨནཏྠསཾཧིཏོ ཛིགུཙྪནཱིཡོ ཨཏི ཝིཡ བྷཡཱནཀོ, ཡེ ཏསྶ ཝཙནཾ སོཏབྦཾ སདྡྷཱཏབྦཾ མཉྙེཡྻུཾ, ཏེསཾ ཏཾ ཨསྶ དཱིགྷརཏྟཾ ཨཧིཏཱཡ དུཀྑཱཡ.
ཨཛིཏཀེསཀམྦལཝཱད
པུཙྪཱ – ཨཐཱཔརམྤི ¶ པུཙྪཱམི, ཨཛིཏོ པན ཨཱཝུསོ ཀེསཀམྦལོ རཉྙཱ མཱགདྷེན ཨཛཱཏསཏྟུནཱ ཝེདེཧིཔུཏྟེན སནྡིཊྛིཀཾ སཱམཉྙཕལཾ པུཊྛོ ཀཐཾ བྱཱཀཱསི.
ཝིསྶཛྫནཱ – ཨེཀམིདཾ བྷནྟེ སམཡཾ རཱཛཱ མཱགདྷོ ཨཛཱཏསཏྟུ ཝེདེཧིཔུཏྟོ ཡེན ཨཛིཏོ ཀེསཀམྦལོ ཏེནུཔསངྐམི, ཨུཔསངྐམིཏྭཱ ཨཛིཏཾ ཀེསཀམྦལཾ སནྡིཊྛིཀཾ སཱམཉྙཕལཾ པུཙྪི, ཨཐ ཁོ བྷནྟེ ཨཛིཏོ ཀེསཀམྦལོ རཱཛཱནཾ མཱགདྷཾ ཨཛཱཏསཏྟུཾ ཝེདེཧིཔུཏྟཾ ཨེཏདཝོཙ ‘‘ནཏྠི མཧཱརཱཛ དིནྣཾ, ནཏྠི ཡིཊྛཾ, ནཏྠི ཧུཏཾ, ནཏྠི སུཀཏདུཀྐཊཱནཾ ཀམྨཱནཾ ཕལཾ ཝིཔཱཀོ, ནཏྠི ཨཡཾ ལོཀོ, ནཏྠི པརོ ལོཀོ, ནཏྠི མཱཏཱ, ནཏྠི པིཏཱ, ནཏྠི སཏྟཱ ཨོཔཔཱཏིཀཱ, ནཏྠི ལོཀེ སམཎབྲཱཧྨཎཱ སམྨགྒཏཱ སམྨཱཔཊིཔནྣཱ, ཡེ ཨིམཉྩ ལོཀཾ པརཉྩ ལོཀཾ སཡཾ ཨབྷིཉྙཱ སཙྪིཀཏྭཱ པཝེདེནྟི. (པེཡྻཱལ) བཱལེ ཙ པཎྜིཏེ ཙ ཀཱཡསྶ བྷེདཱ ཨུཙྪིཛྫནྟི ཝིནསྶནྟཱི’’ཏི. ཨིཏྠཾ ཁོ བྷནྟེ རཉྙོ མཱགདྷསྶ ཨཛཱཏསཏྟུསྶ ཝེདེཧིཔུཏྟསྶ ཨཛིཏོ ཀེསཀམྦལོ ¶ སནྡིཊྛིཀཾ སཱམཉྙཕལཾ པུཊྛོ སམཱནོ ཨུཙྪེདཾ བྱཱཀཱསི.
ཨཛིཏཀེསཀམྦལ
ཨཡམྤི ¶ ཁོ ཨཱཝུསོ ནིསྶིརིཀོཡེཝ, ཨནཏྠསཾཧིཏོ ཛིགུཙྪནཱིཡོ ཨཏི ཝིཡ བྷཡཱནཀོ, ཡེ ཏསྶ ཝཙནཾ སོཏབྦཾ སདྡྷཱཏབྦཾ མཉྙེཡྻུཾ, ཏེསཾ ཏཾ ཨསྶ དཱིགྷརཏྟཾ ཨཧིཏཱཡ དུཀྑཱཡ.
པཀུདྷཀཙྩཱཡནཝཱད
པུཙྪཱ – ཨཐཱཔརམྤི ¶ པུཙྪཱམི, པཀུདྷོ པན ཨཱཝུསོ ཀཙྩཱཡནོ རཉྙཱ མཱགདྷེན ཨཛཱཏསཏྟུནཱ ཝེདེཧིཔུཏྟེན སནྡིཊྛིཀཾ སཱམཉྙཕལཾ པུཊྛོ ཀཐཾ བྱཱཀཱསི.
ཝིསྶཛྫནཱ – ཨེཀམིདཾ བྷནྟེ སམཡཾ རཱཛཱ མཱགདྷོ ཨཛཱཏསཏྟུ ཝེདེཧིཔུཏྟོ ཡེན པཀུདྷོ ཀཙྩཱཡནོ ཏེནུཔསངྐམི, ཨུཔསངྐམིཏྭཱ པཀུདྷཾ ཀཙྩཱཡནཾ སནྡིཊྛིཀཾ སཱམཉྙཕལཾ པུཙྪི, ཨཐ ཁོ བྷནྟེ པཀུདྷོ ཀཙྩཱཡནོ རཱཛཱནཾ མཱགདྷཾ ཨཛཱསཏྟུཾ ཝེདེཧིཔུཏྟཾ ཨེཏདཝོཙ ‘‘སཏྟིམེ མཧཱརཱཛ ཀཱཡཱ ཨཀཊཱ ཨཀཊཝིདྷཱ ཨནིམྨིཏཱ ཨནིམྨཱཏཱ ཝཉྩཱ ཀཱུཊཊྛཱ ཨེསིཀཊྛཱཡིཏཱ, ཏེ ན ཨིཉྫནྟི, ན ཝིཔརིཎཱམེནྟི, ན ཨཉྙམཉྙཾ བྱཱབཱདྷེནྟི, ནཱལཾ ཨཉྙམཉྙསྶ སུཁཱཡ ཝཱ དུཀྑཱཡ ཝཱ སུཁདུཀྑཱཡ ཝཱ. ཀཏམེ སཏྟ, པཐཝཱིཀཱཡོ, ཨཱཔོཀཱཡོ, ཏེཛོཀཱཡོ ¶ ཝཱཡོཀཱཡོ, སུཁེ, དུཀྑེ, ཛཱིཝེ སཏྟམེ. ཨིམེ སཏྟཀཱཡཱ ཨཀཊཱ ཨཀཊཝིདྷཱ ཨནིམྨིཏཱ ཨནིམྨཱཏཱ ཝཉྩྱཱ ཀཱུཊཊྛཱ ཨེསིཀཊྛཱཡིཏཱ, ཏེ ན ཨིཉྫནྟི, ན ཝིཔརིཎཱམེནྟི, ན ཨཉྙམཉྙཾ བྱཱབཱདྷེནྟི, ནཱལཾ ཨཉྙམཉྙསྶ སུཁཱཡ ཝཱ དུཀྑཱཡ ཝཱ སུཁདུཀྑཱཡ ཝཱ. ཏཏྠ ནཏྠི ཧནྟཱ ཝཱ གྷཱཏེཏཱ ཝཱ, སོཏཱ ཝཱ སཱཝེཏཱ ཝཱ, ཝིཉྙཱཏཱ ཝཱ ཝིཉྙཱཔེཏཱ ཝཱ, ཡོཔི ཏིཎྷེན སཏྠེན སཱིསཾ ཚིནྡཏི, ན ཀོཙི ཀིཉྩི ཛིཝིཏཱ ཝོརོཔེཏི, སཏྟནྣཾཏྭེཝ ཀཱཡཱནམནྟརེན སཏྠཾ ཝིཝརམནུཔཏཏཱི’’ཏི. ཨིཏྠཾ ཁོ བྷནྟེ རཉྙོ མཱགདྷསྶ ཨཛཱཏསཏྟུསྶ ཝེདེཧིཔུཏྟསྶ པཀུདྷོ ཀཙྩཱཡནོ སཱམཉྙཕལཾ པུཊྛོ སམཱནོ ཨཉྙེན ཨཉྙཾ བྱཱཀཱསི.
པཀུདྷཀཙྩཱཡནཝཱད
ཨཡམྤི ¶ ཁོ ཨཱཝུསོ ཝཱདོ པུརིམཝཱདོཝིཡ ནིསྶིརིཀོཡེཝ ཨནཏྠསཾཧིཏོ ཛིགུཙྪནཱིཡོ ཨཏིཝིཡ བྷཡཱནཀོ.
ནིགཎྛནཱཊཔུཏྟཝཱད
པུཙྪཱ – ཨཐཱཔརམྤི པུཙྪཱམི, ནིགཎྛོ པནཱཝུསོ ནཱཊཔུཏྟོ རཉྙཱ མཱགདྷེན ཨཛཱཏསཏྟུནཱ ཝེདེཧིཔུཏྟེན སནྡིཊྛིཀཾ སཱམཉྙཕལཾ པུཊྛོ ཀཐཾ བྱཱཀཱསི.
ཝིསྶཛྫནཱ – ཨེཀམིདཾ བྷནྟེ སམཡཾ རཱཛཱ མཱགདྷོ ཨཛཱཏསཏྟུ ཝེདེཧིཔུཏྟོ ཡེན ནིགཎྛོ ནཱཊཔུཏྟོ ཏེནུཔསཾཀམི, ཨུཔསཾཀམིཏྭཱ ནིགཎྛཾ ནཱཊཔུཏྟཾ སནྡིཊྛིཀཾ སཱམཉྙཕལཾ པུཙྪི, ཨཐ ཁོ ནིགཎྛོ ནཱཊཔུཏྟོ རཱཛཱནཾ མཱགདྷཾ ཨཛཱཏསཏྟུཾ ཝེདེཧིཔུཏྟཾ ཨེཏདཝོཙ, ‘‘ཨིདྷ མཧཱརཱཛ ནིགཎྛོ ཙཱཏུཡཱམསཾཝརསཾཝུཏོ ཧོཏི, ཀཐཉྩ མཧཱརཱཛ
ནིགཎྛོ ¶ ཙཱཏུཡཱམསཾཝརསཾཝུཏོ ཧོཏི, ཨིདྷ མཧཱརཱཛ ནིགཎྛོ སབྦཝཱརིཝཱརིཏོ ཙ ཧོཏི, སབྦཝཱརིཡུཏྟོ ཙ, སབྦཝཱརིདྷུཏོ ཙ, སབྦཝཱརིཕུཊོ ཙ. ཨེཝཾ ཁོ མཧཱརཱཛ ནིགཎྛོ ཙཱཏུཡཱམསཾཝརསཾཝུཏོ ཧོཏི, ཡཏོ ཁོ མཧཱརཱཛ ནིགཎྛོ ཨེཝཾ ཙཱཏུཡཱམསཾཝརསཾཝུཏོ ཧོཏི. ཨཡཾ ཝུཙྩཏི མཧཱརཱཛ ནིགཎྛོ གཏཏྟོ ཙ ཡཏཏྟོ ཙ ཋིཏཏྟོ ཙཱ’’ཏི. ཨིཏྠཾ ཁོ བྷནྟེ རཉྙོ མཱགདྷསྶ ཨཛཱཏསཏྟུསྶ ཝེདེཧིཔུཏྟསྶ ནིགཎྛོ ནཱཊཔུཏྟོ སནྡིཊྛིཀཾ སཱམཉྙཕལཾ པུཊྛོ སམཱནོ ཙཱཏུཡཱམསཾཝརཾ བྱཱཀཱསི.
ནིགཎྛཝཱད
ཨེཏསྶ ¶ པནཱཝུསོ ཝཱདེ ཀོཙི སཱསནཱནུལོམཝཱདོ ཨཏྠི, ཨསུདྡྷལདྡྷིཏཱཡ པན ཨེསོཔི ཝཱདོ ཛིགུཙྪནཱིཡོཡེཝ, སེཡྻཐཱཔི བྷོཛནཾ གཱུཐམིསྶཾ གཱརཡ྄ཧོཡེཝ ཨཱརཀཱ པརིཝཛྫིཏབྦོཡེཝ, སེཡྻཐཱཔི ཝིསསཾསཊྛོ ཨཱཔཱནཱིཡཀཾསོ.
སིཉྩཉྙཝཱད
པུཙྪཱ – ཨཐཱཔརམྤི ¶ པུཙྪཱམི, སཉྩཡོ པནཱཝུསོ བེལཊྛཔུཏྟོ སནྡིཊྛིཀཾ སཱམཉྙཕལཾ པུཊྛོ ཀཐཾ བྱཱཀཱསི.
ཝིསྶཛྫནཱ – ཨེཀམིདཾ བྷནྟེ སམཡཾ རཱཛཱ མཱགདྷོ ཨཛཱཏསཏྟུ ཝེདེཧིཔུཏྟོ ཡེན སཉྩཡོ བེལཊྛཔུཏྟོ ཏེནུཔསངྐམི, ཨུཔསངྐམིཏྭཱ སཉྩཡཾ བེལཊྛཔུཏྟཾ ཨེཏདཝོཙ, ‘‘ཡཐཱ ནུ ཁོ ཨིམཱནི བྷོ སཉྩཡ པུཐུསིཔྤཱཡཏནཱནི, སེཡྻཐིདཾ, ཧཏྠཱརོཧཱ ཨསྶརོཧཱ…པེ… སཀྐཱ ནུ ཁོ བྷོ སཉྩཡ ཨེཝམེཝ དིཊྛེཝ དྷམྨེ སནྡིཊྛིཀཾ སཱམཉྙཕལཾ པཉྙཔེཏུ’’ནྟི, ཨེཝཾ ཝུཏྟེ བྷནྟེ སཉྩཡོ བེལཊྛཔུཏྟོ རཱཛཱནཾ མཱགདྷཾ ཨཛཱཏསཏྟུཾ ཝེདེཧིཔུཏྟཾ ཨེཏདཝོཙ.
‘‘ཨཏྠི པརོལོཀོཏི ཨིཏི ཙེ མཾ པུཙྪསི, ཨཏྠི པརོ ལོཀོཏི ཨིཏི ཙེ མེ ཨསྶ, ཨཏྠི པརོ
ལོཀོཏི ¶ ཨིཏི ཏེ ནཾ བྱཱཀརེཡྻཾ, ཨེཝནྟིཔི མེ ནོ, ཏཐཱཏིཔི མེ ནོ, ཨཉྙཐཱཏིཔི མེ ནོ, ནོཏིཔི མེ ནོ, ནོ ནོཏིཔི མེ ནོ…པེ… ནེཝ ཧོཏི ན ན ཧོཏི ཏཐཱགཏོ པརཾ མརཎཱཏི ཨིཏི ཙེ མཾ པུཙྪསི, ནེཝ ཧོཏི ན ན ཧོཏི ཏཐཱགཏོ པརཾ མརཎཱཏི ཨིཏི ཙེ མེ ཨསྶ, ནེཝ ཧོཏི ན ན ཧོཏི ཏཐཱགཏོ པརཾ མརཎཱཏི ཨིཏི ཏེ ནཾ བྱཱཀརེཡྻཾ, ཨེཝནྟིཔི མེ ནོ, ཏཐཱཏིཔི མེ ནོ, ཨཉྙཐཱཏིཔི མེ ནོ, ནོཏིཔི མེ ནོ, ནོ ནོཏིཔི མེ ནོ’’ཏི. ཨིཏྠཾ ཁོ བྷནྟེ རཉྙོ མཱགདྷསྶ ཨཛཱཏསཏྟུསྶ ཝེདེཧིཔུཏྟསྶ སཉྩཡོ བེལཊྛཔུཏྟོ སནྡིཊྛིཀཾ སཱམཉྙཕལཾ པུཊྛོ སམཱནོ ཝིཀྑེཔཾ བྱཱཀཱསི.
ཏིཏྠིཨཡཱུཝཱད
སབྦེཔི ¶ ཨཱཝུསོ ཨེཏེ ཚནྣཾ སཏྠཱརཱནཾ ཝཱདཱ ནིསྶིརིཀཱཡེཝ ཛིགུཙྪནཱིཡཱཡེཝ ཨནཏྠསཾཧིཏཱཡེཝ, བཱལཱནཾ བྷིཡྻོསོ མཏྟཱཡ སམྨོཧཱཡ སཾཝཏྟནྟི ཨནཏྠཱཡ.
ཨཛྫ ¶ པན ཨཱཝུསོ ཀཱལོ ཨཏིཀྐནྟོ, སྭེཡེཝ བྷགཝཏཱ ཝུཏྟཾ པཎཱིཏཾ པསཊྛཾ སནྡིཊྛིཀཕལཾ པུཙྪཱམ.
པུཙྪཱ – པུརིམདིཝསེསུ ཨཱཝུསོ སཱམཉྙཕལསུཏྟསྶ པུབྦབྷཱགེ ཡཱཝ ཚསཏྠཱརམིཙྪཱཝཱདཔརིཡོསཱནཾ པུཙྪནཝིསྶཛྫནཾ ཨམྷེཧི ཀཏཾ, ཨཛྫ པན ཡཐཱནུཔྤཏྟཾ བྷགཝཏཱ དེསིཏསཱམཉྙཕལསུཏྟཱདྷིཀཱརེ པུཙྪཱཝིསྶཛྫནཾ ཀརིསྶཱམ. བྷགཝཱ པན ཨཱཝུསོ རཉྙཱ མཱགདྷེན ཨཛཱཏསཏྟུནཱ ཝེདེཧིཔུཏྟེན སནྡིཊྛིཀཾ སཱམཉྙཕལཾ པུཊྛོ ཀཐཾ བྱཱཀཱསི.
ཝིསྶཛྫནཱ – བྷགཝཱ བྷནྟེ ཏིདྷཱ ཝིབྷཛིཏྭཱ རཉྙོ མཱགདྷསྶ ཨཛཱཏསཏྟུསྶ ཝེདེཧིཔུཏྟསྶ སནྡིཊྛིཀཾ སཱམཉྙཕལཾ པུཊྛོ བྱཱཀཱསི.
པུཙྪཱ – ཀཐཉྩཱཝུསོ ¶ བྷགཝཱ རཉྙོ མཱགདྷསྶ ཨཛཱཏསཏྟུནོ ཝེདེཧིཔུཏྟསྶ པཋམཾ སནྡིཊྛིཀཾ སཱམཉྙཕལཾ དེསེསི.
ཝིསྶཛྫནཱ – དཱསཾ བྷནྟེ པབྦཛིཏཾ ཨུཔམཱབྷཱཝེན ནིདྡིསིཏྭཱ རཉྙོ མཱགདྷསྶ ཨཛཱཏསཏྟུསྶ ཝེདེཧིཔུཏྟསྶ བྷགཝཱ པཋམཾ སནྡིཊྛིཀཾ སཱམཉྙཕལཾ དེསེསི.
སོཧཾ ¶ བྷནྟེ བྷགཝནྟམྤི པུཙྪཱམི, ཡཐཱ ནུ ཁོ ཨིམཱནི བྷནྟེ པུཐུསིཔྤཱཡཏནཱནི སེཡྻཐིདཾ…པེ… སཀྐཱ ནུ ཁོ བྷནྟེ ཨེཝ མེཝ དིཊྛེཝ དྷམྨེ སནྡིཊྛིཀཾ སཱམཉྙཕལཾ པཉྙཔེཏུཾ –
ཨཙྪརིཡཾ ¶ ཨཱཝུསོ ཨབྦྷུཏཾ ཨཱཝུསོ, ཡཱཝ སྭཱཁཱཏསྶ བུདྡྷསཱསནསྶ མཧིདྡྷིཀཏཱ མཧཱནུབྷཱཝཏཱ, ཡཏྲཧི ནཱམ དཱསོཔི ནིཧཱིནཛཙྩོ ཨེཝཾ སྭཱཁཱཏེ བུདྡྷསཱསནེ པབྦཛིཏྭཱ ཨཏྟནོ ཨིསྶརབྷཱུཏེན རཉྙཱཔི ཝནྡནཱིཡཏྟཾ གརུཀརཎཱིཡཏྟཾ པཱཔུཎིསྶཏི, སུཔཉྙཏྟམེཏཾ བྷགཝཏཱ པཋམཾ སནྡིཊྛིཀཕལཾ.
པུཙྪཱ – ཀཐཾ ¶ པནཱཝུསོ བྷགཝཱ རཉྙོ མཱགདྷསྶ ཨཛཱཏསཏྟུནོ ཝེདེཧིཔུཏྟསྶ དུཏིཡཾ སནྡིཊྛིཀཾ སཱམཉྙཕལཾ དེསེསི.
ཝིསྶཛྫནཱ – ཀསྶཀཾ བྷནྟེ པབྦཛིཏཾ ཨུཔམཱབྷཱཝེན དསྶེཏྭཱ བྷགཝཱ རཉྙོ མཱགདྷསྶ ཨཛཱཏསཏྟུསྶ ཝེདེཧིཔུཏྟསྶ སནྡིཊྛིཀཾ སཱམཉྙཕལཾ དེསེསི.
ཨཙྪརིཡཾ ¶ ཨཱཝུསོ ཨབྦྷུཏཾ ཨཱཝུསོ, ཡཱཝ བུདྡྷསཱསནསྶ སྭཱཁཱཏཏཱ མཧིདྡྷིཀཏཱ མཧཱནུབྷཱཝཏཱ, ཡཏྲཧི ནཱམ ཀསྶ ཀོཔི གུཎརཧིཏོ ཨེཝཾ སྭཱཁཱཏེ བུདྡྷསཱསནེ པབྦཛིཏྭཱ རཊྛདྷིཔཏིནཱ མནུསྶལོཀེ དེཝབྷཱུཏེན རཉྙཱཔི གརུཀརཎཱིཡཏཾ ཝནྡནཱིཡཏཾ པཱཔུཎིསྶཏི, སུཔཉྙཏྟམེཏཾ ཨཱཝུསོ བྷགཝཏཱ དུཏིཡཾ སནྡིཊྛིཀཕལཾ.
པུཙྪཱ – ཀཐཉྩཱ ¶ པནཱཝུསོ བྷགཝཱ པུརིམེཧི སནྡིཊྛིཀསཱམཉྙཕལེཧི ཨབྷིཀྐནྟཏརཉྩ པཎཱིཏཏརཉྩ སནྡིཊྛིཀཾ སཱམཉྙཕལཾ རཉྙོ དེསེསི.
ཝིསྶཛྫནཱ – བྷགཝཱ བྷནྟེ བུདྡྷུཔྤཱདཏོ པཊྛཱཡ ཀུལཔུཏྟསྶ པབྦཛིཏ བྷཱཝཾ, ཏསྶ ཙ སཱིལསམྤདཾ, ཏསྶ ཙ ཨིནྡྲིཡེསུ གུཏྟདྭཱརཏཾ, ཨརིཡཉྩསཏིསམྤཛཉྙཾ, ཨརིཡཉྩ སནྟུཊྛིཾ, པཉྩནྣཉྩ ནཱིཝརཎཱནཾ པཧཱནཾ, ཙཏྟཱརི ཙ ཛྷཱནཱནི, ཨཊྛ ཙ ཝིཛྫཱཡོ, ཏཱཧི ཏཱཧི ཨུཔམཱཧི ཝིཏྠཱརཏོ ཝིབྷཛིཏྭཱ རཉྙོ མཱགདྷསྶ ཨཛཱཏསཏྟུསྶ ཝེདེཧིཔུཏྟསྶ སནྡིཊྛིཀཾ སཱམཉྙཕལཾ པུརིམེཧི སནྡིཊྛིཀེཧི སཱམཉྙཕལེཧི ཨབྷིཀྐནྟཏརཉྩ པཎཱིཏཏརཉྩ དེསེསི.
སཀྐཱ ¶ པན བྷནྟེ དིཊྛེཝ དྷམྨེ སནྡིཊྛིཀཾ སཱམཉྙཕལཾ, པུརིམེཧི སནྡིཊྛིཀེཧི སཱམཉྙཕལེཧི ཨབྷིཀྐནྟཏརཉྩ པཎཱིཏཏརཉྩ པཉྙཔེཏུཾ.
སཀྐཱ མཧཱརཱཛཱ, ཏེན ཧི མཧཱརཱཛ སུཎོཧི སཱདྷུཀཾ མནསིཀརོཧི བྷཱསིསྶཱམི.
པུཙྪཱ – ཀཐཉྩ ¶ པནཱཝུསོ བྷིཀྑུ སཱིལསམྤནྣོ ཧོཏི, ཀཐཉྩ བྷགཝཱ རཉྙོ མཱགདྷསྶ ཨཛཱཏསཏྟུནོ ཝེདེཧིཔུཏྟསྶ ཙཱུལ༹སཱིལཾ ཝིབྷཛིཏྭཱ དེསེསི.
ཝིསྶཛྫནཱ – ‘‘ཀཐཉྩ ¶ མཧཱརཱཛ བྷིཀྑུ སཱིལསམྤནྣོ ཧོཏི. ཨིདྷ མཧཱརཱཛ བྷིཀྑུ པཱཎཱཏིཔཱཏཾ པཧཱཡ པཱཎཱཏིཔཱཏཱ པཊིཝིརཏོ ཧོཏི ནིཧིཏདཎྜོ ནིཧིཏསཏྠོ ལཛྫཱི དཡཱཔནྣོ, སབྦཔཱཎབྷཱུཏཧིཏཱནུཀམྤཱི ཝིཧརཏི. ཨིདམྤིསྶ ཧོཏི སཱིལསྨིཾ’’ ཨེཝམཱདིནཱ བྷནྟེ བྷགཝཱ རཉྙོ མཱགདྷསྶ ཨཛཱཏསཏྟུསྶ ཝེདེཧིཔུཏྟསྶ ཚབྦཱིསཏིཡཱ ཨཱཀཱརེཧི ཙཱུལ༹སཱིལཾ ཝིབྷཛིཏྭཱ དེསེསི.
སཱདྷུ ¶ སཱདྷུ ཨཱཝུསོ, སཱདྷུ སཱདྷུ ཨཱཝུསོ ཡཾ བྷིཀྑུ ཨེཝཾ སྭཱཁཱཏེ བུདྡྷསཱསནེ སདྡྷཱཔབྦཱཛིཏོ ཨིམིནཱ ཙ ཙཱུལ༹སཱིལེན སམནྣཱགཏོ ཝིཧརེཡྻ.
ཨིདཱནི ¶ པན ཀཱལོ ཨཏིཀྐནྟོ.
སུཝེ ཡཐཱནུཔྤཏྟཊྛཱནཏོ པཊྛཱཡ པུཙྪཱཝིསྶཛྫནཾ ཀརིསྶཱམ.
པུཙྪཱ – ཀཐཾ པནཱཝུསོ རཉྙོ མཱགདྷསྶ ཨཛཱཏསཏྟུནོ ཝེདེཧིཔུཏྟསྶ མཛ྄ཛྷིམསཱིལཉྩ མཧཱསཱིལཉྩ ཝིབྷཛིཏྭཱ དེསེསི.
ཝིསྶཛྫནཱ – ‘‘ཡཐཱ ཝཱ པནེཀེ བྷོནྟོ སམཎབྲཱཧྨཎཱ སདྡྷཱདེཡྻཱནི བྷོཛནཱནི བྷུཉྫིཏྭཱ ཏེ ཨེཝརཱུཔཾ བཱིཛགཱམབྷཱུཏགཱམསམཱརམྦྷཾ ཨནུཡུཏྟཱ ཝིཧརནྟི. སེཡྻཐིདཾ. མཱུལབཱིཛཾ ཁནྡྷབཱིཛཾ ཕལུ༹བཱིཛཾ ཨགྒབཱིཛཾ བཱིཛབཱིཛམེཝ པཉྩམཾ, ཨིཏི ཨེཝརཱུཔཱ བཱིཛགཱམབྷཱུཏགཱམསམཱརམྦྷཱ པཊིཝིརཏོ ཧོཏི. ཨིདམྤིསྶ ཧོཏི སཱིལསྨིཾ’’ ཨེཝམཱདིནཱ བྷནྟེ བྷགཝཱ རཉྙོ མཱགདྷསྶ ཨཛཱཏསཏྟུསྶ ཝེདེཧིཔུཏྟསྶ མཛ྄ཛྷིམསཱིལཉྩ མཧཱསཱིལཉྩ ཝིཏྠཱརཏོ ཝིབྷཛིཏྭཱ དེསེསི.
སཱདྷུ ¶ སཱདྷུ ཨཱཝུསོ, སཱདྷུ ཁོ ཨཱཝུསོ ཡཾ བྷིཀྑུ ཨེཝཾ སྭཱཁཱཏེ བུདྡྷསཱསནེ སདྡྷཱཔབྦཛིཏོ ཨེཝཾ ཨརིཡེན སཱིལེན སམནྣཱགཏོ ཝིཧརེཡྻ.
པུཙྪཱ – ཀཐཾ པནཱཝུསོ ཨརིཡཾ ཨིནྡྲིཡསཾཝརཉྩ ཨརིཡཾ སཏིསམྤཛཉྙཉྩ ཨརིཡཾ སནྟོསཉྩ བྷགཝཱ རཉྙོ མཱགདྷསྶ ཨཛཱཏསཏྟུསྶ ཝིབྷཛིཏྭཱ དེསེསི.
ཝིསྶཛྫནཱ – ཨིདྷ མཧཱརཱཛ བྷིཀྑུ ཙཀྑུནཱ རཱུཔཾ དིསྭཱ ན ནིམིཏྟགྒཱཧཱི ཧོཏི ནནུབྱཉྫནགྒཱཧཱི, ཡཏྭཱདྷིཀརཎམེནཾ ཙཀྑུནྡྲིཡཾ ཨསཾཝུཏཾ ཝིཧརནྟཾ ཨབྷིཛ྄ཛྷཱདོམནསྶཱ པཱཔཀཱ ཨཀུསལཱ དྷམྨཱ ཨནྭཱསྶཝེཡྻུཾ, ཏསྶ སཾཝརཱཡ པཊིཔཛྫཏི, རཀྑཏི ཙཀྑུནྡྲིཡཾ, ཙཀྑུནྡྲིཡེ སཾཝརཾ ཨཱཔཛྫཏི, ཨེཝམཱདིནཱ ཙ.
ཨིདྷ མཧཱརཱཛ བྷིཀྑུ སཏིསམྤཛཉྙེན སམནྣཱགཏོ ཧོཏི, ཨབྷིཀྐནྟེ པཊིཀྐནྟེ སམྤཛནཀཱརཱི ཧོཏི,
ཨཱལོཀིཏེ ¶ ཝིལོཀིཏེ སམྤཛཱནཀཱརཱི ཧོཏི, སམིཉྫིཏེ པསཱརིཏེ སམྤཛཱནཀཱརཱི ཧོཏི, སངྒྷཱཊིཔཏྟཙཱིཝརདྷཱརཎེ སམྤཛཱནཀཱརཱི ཧོཏི, ཨསིཏེ པཱིཏེ ཁཱཡིཏེ སཱཡིཏེ སམྤཛཱནཀཱརཱི ཧོཏི, ཨུཙྩཱརཔསྶཱཝཀམྨེ སམྤཛཱནཀཱརཱི ཧོཏི, གཏེ ཋིཏེ ནིསིནྣེ སུཏྟེ ཛཱགརིཏེ བྷཱསིཏེ ཏུཎྷཱིབྷཱཝེ སམྤཛཱནཀཱརཱི ཧོཏི, ཨེཝཾ ཁོ མཧཱརཱཛ བྷིཀྑུ སཏིསམྤཛཉྙེན སམནྣཱགཏོ ཧོཏི.
ཀཐཉྩ མཧཱརཱཛ བྷིཀྑུ སནྟུཊྛོ ཧོཏི, ཨིདྷ མཧཱརཱཛ བྷིཀྑུ སནྟུཊྛོ ཧོཏི ཀཱཡཔརིཧཱརིཀེན ཙཱིཝརེན ཀུཙྪིཔརིཧཱརིཀེན པིཎྜཔཱཏེན.
ཨེཝམཱདིནཱ བྷནྟེ བྷགཝཱ རཉྙོ མཱགདྷསྶ ཨཛཱཏསཏྟུསྶ ཝེདེཧིཔུཏྟསྶ ཨརིཡཉྩ ཨིནྡྲིཡེསུགུཏྟདྭཱརཏཾ ཨརིཡཉྩ སཏིསམྤཛཉྙཾ ཨརིཡཉྩ སནྟོསཾ ཝིབྷཛིཏྭཱ དེསེསི.
སཱདྷུ ¶ སཱདྷུ ཨཱཝུསོ, སཱདྷུ ཁོ ཨཱཝུསོ ཡཾ བྷིཀྑུ ཨེཝཾ སྭཱཁཱཏེ བུདྡྷསཱསནེ སདྡྷཱཔབྦཛིཏོ ཨིམིནཱ ཙ ཨརིཡེན ཨིནྡྲིཡསཾཝརེན སམནྣཱགཏོ, ཨིམིནཱ ཙ ཨརིཡེན སཏིསམྤཛཉྙེན
སམནྣཱགཏོ ¶ , ཨིམཱཡ ཙ ཨརིཡཱཡ སནྟུཊྛིཡཱ སམནྣཱགཏོ ཝིཧརེཡྻ.
པུཙྪཱ – ཀཐཾ པནཱཝུསོ བྷགཝཱ རཉྙོ མཱགདྷསྶ ཨཛཱཏསཏྟུསྶ ཝེདེཧིཔུཏྟསྶ ནཱིཝརཎཔཧཱནཾ ཝིབྷཛིཏྭཱ དེསེསི.
ཝིསྶཛྫནཱ – སོ ཨེཝཾ ཨརིཡེན སཱིལཀྑནྡྷེན སམནྣཱགཏོ, ཨརིཡེན ཨིནྡྲིཡསཾཝརེན སམནྣཱགཏོ, ཨརིཡེན སཏིསམྤཛཉྙེན སམནྣཱགཏོ, ཨརིཡཱཡ སནྟུཊྛིཡཱ སམནྣཱགཏོ, ཝིཝིཏྟཾ སེནཱསནཾ བྷཛཏི ཨརཉྙཾ རུཀྑམཱུལཾ པབྦཏཾ ཀནྡརཾ གིརིགུཧཾ སུསཱནཾ ཝནཔཏྟཾ ཨབྦྷོཀཱསཾ པལཱལཔུཉྫཾ. སོ པཙྪཱབྷཏྟཾ པིཎྜཔཱཏཔཊིཀྐནྟོ ནིསཱིདཏི པལླངྐཾ ཨཱབྷུཉྫིཏྭཱ ཨུཛུཾ ཀཱཡཾ པཎིདྷཱཡ པརིམུཁཾ སཏིཾ ཨུཔཊྛཔེཏྭཱ. སོ ཨབྷིཛ྄ཛྷཾ ལོཀེ པཧཱཡ ཝིགཏཱབྷིཛ྄ཛྷེན ཙེཏསཱ ཝིཧརཏི…པེ… ཏསྶིམེ པཉྩ ནཱིཝརཎེ པཧཱིནེ ཨཏྟནི སམནུཔསྶཏོ པཱམོཛྫཾ ཛཱཡཏི, པམུདིཏསྶ པཱིཏི ཛཱཡཏི, པཱིཏིམནསྶ ཀཱཡོ པསྶམྦྷཏི, པསྶདྡྷཀཱཡོ ¶ སུཁཾ ཝེདེཧི, སུཁིནོ ཙིཏྟཾ སམཱདྷིཡཏི. ཨེཝཾ ཁོ བྷནྟེ བྷགཝཱ རཉྙོ མཱགདྷསྶ ཨཛཱཏསཏྟུསྶ ཝེདེཧིཔུཏྟསྶ ནཱིཝརཎཔྤཧཱནཾ ཝིབྷཛིཏྭཱ ཝིཏྠཱརཏོ དེསེསི.
སཱདྷུ ¶ སཱདྷུ ཨཱཝུསོ, སཱདྷུ ཁོ ཨཱཝུསོ ཡཾ བྷིཀྑུ ཨེཝཾ སྭཱཁཱཏེ བུདྡྷསཱསནེ སདྡྷཱཔབྦཛིཏོ ཨེཝཾ པཉྩནཱིཝརཎེ པཛཧིཏྭཱ ཏེཧི ཙིཏྟཾ ཝིསོདྷེཏྭཱ ཝིཧརེཡྻ.
པུཙྪཱ – ཀཐཉྩཱཝུསོ ¶ བྷགཝཱ རཉྙོ མཱགདྷསྶ ཨཛཱཏསཏྟུསྶ ཝེདེཧིཔུཏྟསྶ པཋམཾ སནྡིཊྛིཀཾ སཱམཉྙཕལཾ དེསེསི, པུརིམེཧི སནྡིཊྛིཀེཧི སཱམཉྙཕལེཧི ཨབྷིཀྐནྟཏརཉྩ པཎཱིཏཏརཉྩ.
ཝིསྶཛྫནཱ – སོ ཝིཝིཙྩེཝ ཀཱམེཧི ཝིཝིཙྩ ཨཀུསལེཧི དྷམྨེཧི སཝིཏཀྐཾ སཝིཙཱརཾ ཝིཝེཀཛཾ པཱིཏིསུཁཾ པཋམཾ ཛྷཱནཾ ཨུཔསམྤཛྫ ཝིཧརཏི…པེ… ཨིདམྤི ཁོ མཧཱརཱཛ སནྡིཊྛིཀཾ སཱམཉྙཕལཾ པུརིམེཧི སནྡིཊྛིཀེཧི སཱམཉྙཕལེཧི ཨབྷིཀྐནྟཏརཉྩ
པཎཱིཏཏརཉྩ ¶ . ཨེཝཾ ཁོ བྷནྟེ བྷགཝཱ རཉྙོ མཱགདྷསྶ ཨཛཱཏསཏྟུསྶ ཝེདེཧིཔུཏྟསྶ པཋམཾ སནྡིཊྛིཀཾ སཱམཉྙཕལཾ པུརིམེཧི སནྡིཊྛིཀེཧི སཱམཉྙཕལེཧི ཨབྷིཀྐནྟཏརཉྩ པཎཱིཏཏརཉྩ དེསེསི.
སཱདྷུ ¶ སཱདྷུ ཨཱཝུསོ, སཱདྷུ ཁོ ཨཱཝུསོ ཡཾ བྷིཀྑུ ཨེཝཾ སྭཱཁཱཏེ བུདྡྷསཱསནསངྑཱཏེ དྷམྨཝིནཡེ པབྦཛིཏྭཱ ཨེཝཾ པཋམཾ ཛྷཱནཾ
ཨུཔསམྤཛྫ ¶ ཝིཝེཀཛེན པཱིཏིསུཁེན ཨཏྟནོ ཀཱཡཾ ཨབྷིསནྡེཡྻ པརིསནྡེཡྻ པརིཔཱུརེཡྻ.
པུཙྪཱ – ཀཐཉྩཱཝུསོ ¶ བྷགཝཱ དུཏིཡཉྩ ཏཏིཡཉྩ ཙཏུཏྠཉྩ སནྡིཊྛིཀཾ སཱམཉྙཕལཾ དེསེསི, པུརིམེཧི སནྡིཊྛིཀེཧི སཱམཉྙཕལེཧི ཨབྷིཀྐནྟཏརཉྩ པཎཱིཏཏརཉྩ.
ཝིསྶཛྫནཱ – པུན ཙ པརཾ མཧཱརཱཛ བྷིཀྑུ ཝིཏཀྐཝིཙཱརཱནཾ ཝཱུཔསམཱ ཨཛ྄ཛྷཏྟཾ སམྤསཱདནཾ ཙེཏསོ ཨེཀོདིབྷཱཝཾ ཨཝིཏཀྐཾ ཨཝིཙཱརཾ སམཱདྷིཛཾ པཱིཏིསུཁཾ དུཏིཡཾཛྷཱནཾ ཨུཔསམྤཛྫ ཝིཧརཏི ཨེཝམཱདིནཱ བྷནྟེ བྷགཝཱ རཉྙོ མཱགདྷསྶ ཨཛཱཏསཏྟུསྶ ཝེདེཧིཔུཏྟསྶ དུཏིཡཉྩ ཏཏིཡཉྩ ཙཏུཏྠཉྩ སནྡིཊྛིཀཾ སཱམཉྙཕལཾ པུརིམེཧི སནྡིཊྛིཀེཧི སཱམཉྙཕལེཧི ཨབྷིཀྐནྟཏརཉྩ པཎཱིཏཏརཉྩ དེསེསི.
སཱདྷུ ¶ སཱདྷུ ཨཱཝུསོ, སཱདྷུ ཁོ ཨཱཝུསོ ཡཾ བྷིཀྑུ ཨེཝཾ སྭཱཁཱཏེ བུདྡྷསཱསནསངྑཱཏེ དྷམྨཝིནཡེ སདྡྷཱཔབྦཛིཏོ ཨེཝཾ དུཏིཡཛྷཱནཉྩ ཏཏིཡཛྷཱནཉྩ ཙཏུཏྠཛྷཱནཉྩ ཨུཔསམྤཛྫ ཏེཧི ཛྷཱནསུཁེཧི ཨཏྟནོ ཀཱཡཾ ཨབྷིསནྡེཏྭཱ པརིསནྡེཏྭཱ པརིཔཱུརེཏྭཱ ཝིཧརེཡྻ.
པུཙྪཱ – ཀཐཉྩ ¶ པནཱཝུསོ བྷགཝཱ རཉྙོ མཱགདྷསྶ ཨཛཱཏསཏྟུསྶ ཝེདེཧིཔུཏྟསྶ ཨཔརམྤི སནྡིཊྛིཀཾ སཱམཉྙཕལཾ དེསེསི, པུརིམེཧི སནྡིཊྛིཀེཧི སཱམཉྙཕལེཧི ཨབྷིཀྐནྟཏརཉྩ པཎཱིཏཏརཉྩ.
ཝིསྶཛྫནཱ – སོ ཨེཝཾ སམཱཧིཏེ ཙིཏྟེ པརིསུདྡྷེ པརིཡོདཱཏེ ཨནངྒཎེ ཝིགཏཱུཔཀྐིལེསེ མུདུབྷཱུཏེ ཀམྨནིཡེ ཋིཏེ ཨཱནཉྫཔྤཏྟེ ཉཱཎདསྶནཱཡ ཙིཏྟཾ ཨབྷིནཱིཧརཏི ཨབྷིནིནྣཱམེཏི, སོ ཨེཝཾ པཛཱནཱཏི ‘‘ཨཡཾ ཁོ མེ ཀཱཡོ རཱུཔཱི ཙཱཏུམཧཱབྷཱུཏིཀོ མཱཏཱཔེཏྟིཀསམྦྷཝོ ཨོདནཀུམྨཱསཱུཔཙཡོ ཨནིཙྩུཙྪཱདནཔརིམདྡནབྷེདནཝིདྡྷཾསནདྷམྨོ, ཨིདཉྩ པན མེ ཝིཉྙཱཎཾ ཨེཏྠ སིཏཾ ཨེཏྠ པཊིབནྡྷནྟི…པེ… ཨིདམྤི ཁོ མཧཱརཱཛ སནྡིཊྛིཀཾ སཱམཉྙཕལཾ པུརིམེཧི སནྡིཊྛིཀེཧི སཱམཉྙཕལེཧི ཨབྷིཀྐནྟཏརཉྩ པཎཱིཏཏརཉྩ. ཨེཝཾ ཁོ བྷནྟེ བྷགཝཱ རཉྙོ མཱགདྷསྶ ཨཛཱཏསཏྟུསྶ ཝེདེཧིཔུཏྟསྶ ཨཔརམྤི སནྡིཊྛིཀཾ སཱམཉྙཕལཾ པུརིམེཧི སནྡིཊྛིཀེཧི སཱམཉྙཕལེཧི ཨབྷིཀྐནྟཏརཉྩ པཎཱིཏཏརཉྩ དེསེསི.
སུཉྙཱརཾགཱ ¶ པཝིཊྛསྶ, སནྟཙིཏྟསྶ བྷིཀྑུནོ. ཨམཱནུསཱི རཏཱི ཧོཏི, སམྨཱདྷམྨཾ ཝིཔསྶཏོ.
སཱདྷུ ¶ སཱདྷུ ཨཱཝུསོ, སཱདྷུ ཁོ ཨཱཝུསོ ཡཾ བྷིཀྑུ ཨེཝཾ སྭཱཁཱཏེ བུདྡྷསཱསནསངྑཱཏེ དྷམྨཝིནཡེ སདྡྷཱཔབྦཛིཏོ ཨེཝཾ ཉཱཎདསྶནཾ ཨུཔྤཱདེཏྭཱ ཨེཝཾ ཉཱཎདསྶནེན སམནྣཱགཏོ ཧུཏྭཱ ཝིཧརེཡྻ.
པུཙྪཱ – ཀཐཉྩཱཝུསོ ¶ བྷགཝཱ ཨཔརམྤི སནྡིཊྛིཀཾ སཱམཉྙཕལཾ དེསེསི, པུརིམེཧི སནྡིཊྛིཀེཧི སཱམཉྙཕལེཧི ཨབྷིཀྐནྟཏརཉྩ པཎཱིཏཏརཉྩ.
ཝིསྶཛྫནཱ – སོ ཨེཝཾ སམཱཧིཏེ ཙིཏྟེ པརིསུདྡྷེ པརིཡོདཱཏེ ཨནངྒཎེ ཝིགཏཱུཔཀྐིལེསེ མུདུབྷཱུཏེ ཀམྨནིཡེ ཋིཏེ ཨཱནཉྫཔྤཏྟེ མནོམཡཾ ཀཱཡཾ ཨབྷིནིམྨཱནཱཡ ཙིཏྟཾ ཨབྷིནཱིཧརཏི ཨབྷིནིནྣཱམེཏི, སོ ཨིམམྷཱ ཀཱཡཱ ཨཉྙཾ ཀཱཡཾ ཨབྷིནིམྨིནཱཏི རཱུཔིཾ མནོམཡཾ སབྦངྒཔཙྩངྒིཾ ཨཧཱིནིནྡྲིཡཾ ཨེཝམཱདིནཱ བྷནྟེ བྷགཝཱ རཉྙོ མཱགདྷསྶ ཨཛཱཏསཏྟུསྶ ཝེདེཧིཔུཏྟསྶ ཨཔརམྤི སནྡིཊྛིཀཾ སཱམཉྙཕལཾ པུརིམེཧི སནྡིཊྛིཀེཧི སཱམཉྙཕལེཧི ཨབྷིཀྐནྟཏརཉྩ པཎཱིཏཏརཉྩ དེསེསི.
སཱདྷུ ¶ སཱདྷུ ཨཱཝུསོ, སཱདྷུ ཁོ ཨཱཝུསོ ཡཾ བྷིཀྑུ ཨེཝཾ སྭཱཁཱཏེ བུདྡྷསཱསནསངྑཱཏེ དྷམྨཝིནཡེ སདྡྷཱཔབྦཛིཏོ ཨེཝཾ ཝིསེསེན མནོམཡཉཱཎེན སམནྣཱགཏོ ཝིཧརེཡྻ.
པུཙྪཱ – བྷགཝཱ ¶ ཨཱཝུསོ རཉྙོ མཱགདྷསྶ ཨཛཱཏསཏྟུསྶ ཝེདེཧིཔུཏྟསྶ ཛྷཱནཙཏུཀྐསངྑཱཏཉྩ པཋམ དུཏིཡ ཝིཛྫཱསངྑཱཏཉྩ སནྡིཊྛིཀཾ སཱམཉྙཕལཾ དསྶེཏྭཱ, ཨཔརཾ ཀཱིདིསཾ སཾནྡིཊྛིཀཾ སཱམཉྙཕལཾ དེསེསི, པུརིམེཧི སནྡིཊྛིཀེཧི སཱམཉྙཕལེཧི ཨབྷིཀྐནྟཏརཉྩ པཎཱིཏཏརཉྩ.
ཝིསྶཛྫནཱ – སོ ཨེཝཾ སམཱཧིཏེ ཙིཏྟེ པརིསུདྡྷེ པརིཡོདཱཏེ ཨནངྒཎེ ཝིགཏཱུཔཀྐིལེསེ མུདུབྷཱུཏེ ཀམྨནིཡེ ཋིཏེ ཨཱནཉྫཔྤཏྟེ ཨིདྡྷིཝིདྷཱཡ ཙིཏྟཾ ཨབྷིནཱིཧརཏི ཨབྷིནིནྣཱམེཏི, སོ ཨནེཀཝིཧིཏཾ ཨིདྡྷིཝིདྷཾ པཙྩནུབྷོཏི, ཨེཀོཔི ཧུཏྭཱ བཧུདྷཱ ཧོཏི, བཧུདྷཱཔི ཧུཏྭཱ ཨེཀོ ཧོཏི…པེ… ཨིདམྤི ཁོ མཧཱརཱཛ སནྡིཊྛིཀཾ སཱམཉྙཕལཾ པུརིམེཧི སནྡིཊྛིཀེཧི སཱམཉྙཕལེཧི ཨབྷིཀྐནྟཏརཉྩ པཎཱིཏཏརཉྩཱཏི. ཨིཏྠཾ ཁོ བྷནྟེ བྷགཝཱ རཉྙོ མཱགདྷསྶ ཨཛཱཏསཏྟུསྶ ཝེདེཧིཔུཏྟསྶ ཨཔརམྤི སནྡིཊྛིཀཾ སཱམཉྙཕལཾ པུརིམེཧི སནྡིཊྛིཀེཧི སཱམཉྙཕལེཧི ཨབྷིཀྐནྟཏརཉྩ པཎཱིཏཏརཉྩ དེསེསི.
ཨཙྪརིཡཾ ¶ ཨཱཝུསོ ཨབྦྷུཏཾ ཨཱཝུསོ, ཡཱཝ བུདྡྷསཱསནསྶ སྭཱཁཱཏཏཱ, ཡཏྲཧི ནཱམ ཨེཝཾ སྭཱཁཱཏེ བུདྡྷསཱསནེ པབྦཛིཏྭཱ སཱཝཀོཔི སམྨཱཔཊིཔནྣོ ཨེཝཾ མཧིདྡྷིཀཾ ཨེཝཾ མཧཱནུབྷཱཝཾ ཨིདྡྷིཝིདྷཉཱཎམྤི པཙྩནུབྷོསྶཏི.
པུཙྪཱ – ཀཐཾ ¶ པནཱཝུསོ བྷགཝཱ ཨཔརམྤི སནྡིཊྛིཀཾ སཱམཉྙཕལཾ དེསེསི, པུརིམེཧི སནྡིཊྛིཀེཧི སཱམཉྙཕལེཧི ཨབྷིཀྐནྟཏརཉྩ པཎཱིཏཏརཉྩ.
ཝིསྶཛྫནཱ – སོ ཨེཝཾ སམཱཧིཏེ ཙིཏྟེ པརིསུདྡྷེ པརིཡོདཱཏེ ཨནངྒཎེ ཝིགཏཱུཔཀྐིལེསེ མུདུབྷཱུཏེ ཀམྨནིཡེ ཋིཏེ ཨཱནཉྫཔྤཏྟེ དིབྦཱཡ སོཏདྷཱཏུཡཱ ཙིཏྟཾ ཨབྷིནཱིཧརཏི ཨབྷིནིནྣཱམེཏི, སོ དིབྦཱཡ སོཏདྷཱཏུཡཱ ཝིསུདྡྷཱཡ ཨཏིཀྐནྟ མཱནུསིཀཱཡ ཨུབྷོ སདྡེ སུཎཱཏི དིབྦེ ཙ མཱནུསེ ཙ ཡེ དཱུརེ སནྟིཀེ ཙ…པེ… ཨིདམྤི ཁོ མཧཱརཱཛ སནྡིཊྛིཀཾ སཱམཉྙཕལཾ པུརིམེཧི སནྡིཊྛིཀེཧི སཱམཉྙཕལེཧི ཨབྷིཀྐནྟཏརཉྩ པཎཱིཏཏརཉྩ. ཨེཝཾ ཁོ བྷནྟེ བྷགཝཱ རཉྙོ མཱགདྷསྶ ཨཛཱཏསཏྟུསྶ ཝེདེཧིཔུཏྟསྶ ཨཔརམྤི སནྡིཊྛིཀཾ སཱམཉྙཕལཾ པུརིམེཧི སནྡིཊྛིཀེཧི སཱམཉྙཕལེཧི ཨབྷིཀྐནྟཏརཉྩ པཎཱིཏཏརཉྩ དེསེསི.
ཨཙྪརིཡཾ ¶ ཨཱཝུསོ, ཨབྦྷུཏཾ ཨཱཝུསོ, ཡཱཝ བུདྡྷསཱསནསྶ སྭཱཁཱཏཏཱ, ཡཏྲཧི ནཱམ ཨེཝཾ སྭཱཁཱཏེ བུདྡྷསཱསནེ སདྡྷཱཔབྦཛིཏོ སམྨཱཔཊིཔནྣོ སཱཝཀོཔི ཨེཝཾ ཝིསེསཾ དིབྦསོཏཉཱཎཾ པཊིལབྷིསྶཏི.
པུཙྪཱ – ཀཐཾ པནཱཝུསོ བྷགཝཱ ཨཔརམྤི སནྡིཊྛིཀཾ སཱམཉྙཕལཾ དེསེསི, པུརིམེཧི སནྡིཊྛིཀེཧི སཱམཉྙཕལེཧི ཨབྷིཀྐནྟཏརཉྩ པཎཱིཏཏརཉྩ.
ཝིསྶཛྫནཱ – སོ ཨེཝཾ སམཱཧིཏེ ཙིཏྟེ པརིསུདྡྷེ པརིཡོདཱཏེ. ཨནངྒཎེ ཝིགཏཱུཔཀྐིལེསེ མུདུབྷཱུཏེ ཀམྨནིཡེ ཋིཏེ
ཨཱནཉྫཔྤཏྟེ ¶ ཙེཏོཔརིཡཉཱཎཱཡ ཙིཏྟཾ ཨབྷིནཱིཧརཏི ཨབྷིནིནྣཱམེཏི, སོ པརསཏྟཱནཾ པརཔུགྒལཱནཾ ཙེཏསཱ ཙེཏོ པརིཙྩ པཛཱནཱཏི, སརཱགཾ ཝཱ ཙིཏྟཾ སརཱགཾ ཙིཏྟནྟི པཛཱནཱཏི, ཝཱིཏརཱགཾ ཝཱ ཙིཏྟཾ ཝཱིཏརཱགཾ ཙིཏྟནྟི པཛཱནཱཏི…པེ… ཨིདམྤི ཁོ མཧཱརཱཛ སནྡིཊྛིཀཾ སཱམཉྙཕལཾ པུརིམེཧི སནྡིཊྛིཀེཧི སཱམཉྙཕལེཧི ཨབྷིཀྐནྟཏརཉྩ པཎཱིཏཏརཉྩ. ཨེཝཾ ཁོ བྷནྟེ བྷགཝཱ རཉྙོ མཱགདྷསྶ ཨཛཱཏསཏྟུསྶ ཝེདེཧིཔུཏྟསྶ ཨཔརམྤི སནྡིཊྛིཀཾ སཱམཉྙཕལཾ པུརིམེཧི སནྡིཊྛིཀེཧི སཱམཉྙཕལེཧི ཨབྷིཀྐནྟཏརཉྩ པཎཱིཏཏརཉྩ དེསེསི.
ཨཙྪརིཡཾ ¶ ཨཱཝུསོ, ཨབྦྷུཏཾ ཨཱཝུསོ, ཡཱཝ བུདྡྷསཱསནསྶ སྭཱཁཱཏཏཱ, ཡཏྲཧི ནཱམ ཨེཝཾ སྭཱཁཱཏེ བུདྡྷསཱསནེ པབྦཛིཏོ སམྨཱཔཊིཔནྣོ སཱཝཀོཔི ཨེཝཾ ཝིསེསཾ ཙེཏོཔརིཡཉཱཎཾ པཊིལབྷིསྶཏི.
པུཙྪཱ – ཀཐཾ ¶ པནཱཝུསོ བྷགཝཱ ཨཔརམྤི སནྡིཊྛིཀཾ སཱམཉྙཕལཾ དེསེསི, པུརིམེཧི སནྡིཊྛིཀེཧི སཱམཉྙཕལེཧི ཨབྷིཀྐནྟཏརཉྩ པཎཱིཏཏརཉྩ.
ཝིསྶཛྫནཱ – སོ ཨེཝཾ སམཱཧིཏེ ཙིཏྟེ པརིསུདྡྷེ པརིཡོདཱཏེ ཨནངྒཎེ ཝིགཏཱུཔཀྐིལེསེ མུདུབྷཱུཏེ ཀམྨནིཡེ ཋིཏེ ཨཱནཉྫཔྤཏྟེ པུབྦེནིཝཱསཱནུསྶཏིཉཱཎཱཡ ཙིཏྟཾ ཨབྷིནཱིཧརཏི ཨབྷིནིནྣཱམེཏི, སོ ཨནེཀཝིཧིཏཾ པུབྦེནིཝཱསཾ ཨནུསྶརཏི, སེཡྻཐིདཾ, ཨེཀམྤིཛཱཏིཾ དྭེཔི ཛཱཏིཡོ…པེ… ཨིདམྤི ཁོ མཧཱརཱཛ སནྡིཊྛིཀཾ སཱམཉྙཕལཾ པུརིམེཧི སནྡིཊྛིཀེཧི སཱམཉྙཕལེཧི ཨབྷིཀྐནྟཏརཉྩ པཎཱིཏཏརཉྩ. ཨེཝཾ ཁོ བྷནྟེ བྷགཝཱ རཉྙོ མཱགདྷསྶ ཨཛཱཏསཏྟུསྶ ཝེདེཧིཔུཏྟསྶ ཨཔརམྤི སནྡིཊྛིཀཾ སཱམཉྙཕལཾ པུརིམེཧི སནྡིཊྛིཀེཧི སཱམཉྙཕལེཧི ཨབྷིཀྐནྟཏརཉྩ པཎཱིཏཏརཉྩ དེསེསི.
ཨཙྪརིཡཾ ¶ ཨཱཝུསོ, ཨབྦྷུཏཾ ཨཱཝུསོ, ཡཱཝ བུདྡྷསཱསནསྶ སྭཱཁཱཏཏཱ, ཡཏྲཧི ནཱམ ཨེཝཾ སྭཱཁཱཏེ བུདྡྷསཱསནེ པབྦཛིཏྭཱ སཱཝཀོཔི སམྨཱཔཊིཔནྣོ ཨེཝཾ ཝིསེསཾ པུབྦེནིཝཱསཉཱཎཾ པཊིལབྷིསྶཏི.
པུཙྪཱ – ཀཐཉྩ པནཱཝུསོ བྷགཝཱ སནྡིཊྛིཀཾ སཱམཉྙཕལཾ དེསེསི, པུརིམེཧི སནྡིཊྛིཀེཧི སཱམཉྙཕལེཧི ཨབྷིཀྐནྟཏརཉྩ པཎཱིཏཏརཉྩ.
ཝིསྶཛྫནཱ – སོ ཨེཝཾ སམཱཧིཏེ ཙིཏྟེ པརིསུདྡྷེ པརིཡོདཱཏེ ཨནངྒཎེ ཝིགཏཱུཔཀྐིལེསེ མུདུབྷཱུཏེ ཀམྨནིཡེ ཋིཏེ ཨཱནེཉྫཔྤཏྟེ སཏྟཱནཾ ཙུཏཱུཔཔཱཏཉཱཎཱཡ ཙིཏྟཾ ཨབྷིནཱིཧརཏི ¶ ཨབྷིནིནྣཱམེཏི, སོ དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན སཏྟེ པསྶཏི ཙཝམཱནེ ཨུཔཔཛྫམཱནེ ཧཱིནེ པཎཱིཏེ སུཝཎྞེ དུབྦཎྞེ སུགཏེ དུགྒཏེ ཡཐཱཀམྨུཔགེ སཏྟེ པཛཱནཱཏི…པེ… ཨིདམྤི ཁོ མཧཱརཱཛ སནྡིཊྛིཀཾ སཱམཉྙཕལཾ པུརིམེཧི སནྡིཊྛིཀེཧི སཱམཉྙཕལེཧི ཨབྷིཀྐནྟཏརཉྩ པཎཱིཏཏརཉྩ. ཨིཏྠཾ ཁོ བྷནྟེ བྷགཝཱ རཉྙོ མཱགདྷསྶ ཨཛཱཏསཏྟུསྶ ཝེདེཧིཔུཏྟསྶ ཨཔརམྤི སནྡིཊྛིཀཾ སཱམཉྙཕལཾ པུརིམེཧི སནྡིཊྛིཀེཧི སཱམཉྙཕལེཧི ཨབྷིཀྐནྟཏརཉྩ པཎཱིཏཏརཉྩ དེསེསི.
ཨཙྪརིཡཾ ¶ ཨཱཝུསོ, ཨབྦྷུཏཾ ཨཱཝུསོ, ཡཱཝ བུདྡྷསཱསནསྶ སྭཱཁཱཏཏཱ, ཡཏྲཧི ནཱམ ཨེཝཾ སྭཱཁཱཏེ བུདྡྷསཱསནེ པབྦཛིཏོ སཱཝཀོཔི སམྨཱཔཊིཔནྣོ ཨེཝཾ ཝིསེསཾ དིབྦཙཀྑུཉཱཎཾ པཊིལབྷིསྶཏི.
པུཙྪཱ – ཀཐཾ ¶ པནཱཝུསོ བྷགཝཱ པརིཡོསཱནེ ཨུཏྟརིཏརཾ སཱམཉྙཕལཾ དེསེསི.
ཝིསྶཛྫནཱ – སོ ཨེཝཾ སམཱཧིཏེ ཙིཏྟེ པརིསུདྡྷེ པརིཡོདཱཏེ ཨནངྒཎེ ཝིགཏཱུཔཀྐིལེསེ མུདུབྷཱུཏེ ཀམྨནིཡེ ཋིཏེ ཨཱནེཉྫཔྤཏྟེ ཨཱསཝཱནཾ ཁཡཉཱཎཱཡ ཙིཏྟཾ ཨབྷིནཱིཧརཏི ཨབྷིནིནྣཱམེཏི…པེ… ཨིདཾ ཁོ མཧཱརཱཛ སནྡིཊྛིཀཾ སཱམཉྙཕལཾ པུརིམེཧི སནྡིཊྛིཀེཧི སཱམཉྙཕལེཧི ཨབྷིཀྐནྟཏརཉྩ པཎཱིཏཏརཉྩ. ཨིམསྨཱ ཙ པན མཧཱརཱཛ སནྡིཊྛིཀཱ སཱམཉྙཕལཱ ཨཉྙཾ སནྡིཊྛིཀཾ སཱམཉྙཕལཾ ཨུཏྟརིཏརཾ ཝཱ པཎཱིཏཏརཾ ཝཱ ནཏྠཱིཏི. ཨིཏྠཾ ཁོ བྷནྟེ བྷགཝཱ རཉྙོ མཱགདྷསྶ ཨཛཱཏསཏྟུསྶ ཝེདེཧིཔུཏྟསྶ པརིཡོསཱནཾ སནྡིཊྛིཀཾ སཱམཉྙཕལཾ པུརིམེཧི སནྡིཊྛིཀེཧི སཱམཉྙཕལེཧི ཨབྷིཀྐནྟཏརཉྩ པཎཱིཏཏརཉྩ དེསེསི.
སཱདྷུ ¶ སཱདྷུ ཨཱཝུསོ, སཱདྷུ ཁོ ཨཱཝུསོ, ཡཾ བྷིཀྑུ བུདྡྷསཱསནེ སདྡྷཱཔབྦཛིཏོ ཨེཝཾ སྭཱཁཱཏེ དྷམྨཝིནཡེ སམྨཱཔཊིཔནྣོ ཨཱསཝཀྑཡཉཱཎཾ པཱཔུཎིཏྭཱ དུཀྑསྶནྟཾ ཀརོཏི.
པུཙྪཱ – ཀཐཾ ¶ པནཱཝུསོ རཱཛཱ མཱགདྷོ ཨཛཱཏསཏྟུ ཝེདེཧིཔུཏྟོ ཨིམིསྶཱ དེསནཱཡ པརིཡོསཱནེ བྷགཝཏི ཙ དེསནཱཡཉྩ པསནྣོ པསནྣཱཀཱརཾ ཨཀཱསི, ཀཱིདིསཉྩ ཨཱནིསཾསཾ པཊིལབྷི.
ཝིསྶཛྫནཱ – ཨེཝཾ ཝུཏྟེ བྷནྟེ མཱགདྷོ ཨཛཱཏསཏྟུ ཝེདེཧིཔུཏྟོ བྷགཝནྟཾ ཨེཏདཝོཙ, ཨབྷིཀྐནྟཾ བྷནྟེ, ཨབྷིཀྐནྟཾ བྷནྟེ, སེཡྻཐཱཔི བྷནྟེ ནིཀྐུཛྫིཏཾ ཝཱ ཨུཀྐུཛྫེཡྻ, པཊིཙྪནྣཾ ཝཱ ཝིཝརེཡྻ…པེ… ཨཛྫཏགྒེ པཱཎྞུཔེཏཾ སརཎཾ གཏནྟི, ཨཡཉྷི བྷནྟེ རཱཛཱ པིཏུམཱརིཏཀཱལཏོ པཊྛཱཡ ནེཝ རཏྟིཾ ན དིཝཱ ནིདྡཾ པཊིལབྷཏི, སཏྠཱརཾ པན ཨུཔསངྐམིཏྭཱ ཨིམཱཡ མདྷུརཱཡ ཨོཛཝནྟིཡཱ དྷམྨདེསནཱཡ སུཏཀཱལཏོ པཊྛཱཡ ནིདྡཾ པཊིལབྷཏི, ཏིཎྞཾ རཏནཱནཾ མཧཱསཀྐཱརམཀཱསི, པུཐུཛྫནིཀཱཡ སདྡྷཱཡ སམནྣཱགཏོ ནཱམ ཨིམིནཱ རཉྙཱ སདིསོ ནཱཧོསི, ཨནཱགཏེ པན ཝིཛིཏཱཝཱི ནཱམ པཙྩེཀབུདྡྷོ ཧུཏྭཱ པརིནིབྦཱཡིསྶཏི. ཨེཝཾ ཁོ བྷནྟེ རཱཛཱ མཱགདྷོ ཨཛཱཏསཏྟུ ཝེདེཧིཔུཏྟོ ¶ དེསནཱཔརིཡོསཱནེ པསནྣོ པསནྣཱཀཱརམཀཱསི, ཨིདིསཉྩ བྷནྟེ མཧཱནིསཾསཾ པཊིལབྷི.
ཨམྦཊྛསུཏྟ
པུཙྪཱ – ཏེནཱཝུསོ ¶ བྷགཝཱ ཛཱནཏཱ ཨརཧཏཱ པསྶཏཱ སམྨཱསམྦུདྡྷེན ཨམྦཊྛཾ ཊཱམ སུཏྟཾ ཀཏྠ ཀཾ ཨཱརབྦྷ བྷཱསིཏཾ.
ཝིསྶཛྫནཱ – ཀོསལེསུ བྷནྟེ ཛནཔདེ ཨིཙྪཱནངྒལེ ནཱམ ཀོསལཱནཾ བྲཱཧྨཎགཱམེ ཨམྦཊྛཾ ནཱམ མཱཎཝཾ བྲཱཧྨཎསྶ པོཀྑརསཱཏིསྶ ཨནྟེཝཱསིཾ ཨཱརབྦྷ བྷཱསིཏཾ.
སོཎདཎྜསུཏྟ
པུཙྪཱ – སོཎདཎྜཾ ¶ པནཱཝུསོ སུཏྟཾ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.
ཝིསྶཛྫནཱ – ཨངྒེསུ བྷནྟེ ཛནཔདེ ཙམྤཱཡཾ སོཎདཎྜཾ བྲཱཧྨཎཾ ཨཱརབྦྷ བྷཱསིཏཾ.
ཀཱུཊདནྟསུཏྟ
པུཙྪཱ – ཀཱུཊདནྟཾ ¶ པནཱཝུསོ སུཏྟཾ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.
ཝིསྶཛྫནཱ – མགདྷེསུ བྷནྟེ ཁཱཎུམཏེ ནཱམ བྲཱཧྨཎགཱམེ ཀཱུཊདནྟ བྲཱཧྨཎཾ ཨཱརབྦྷ བྷཱསིཏཾ.
མཧཱལིསུཏྟ
པུཙྪཱ – མཧཱལིཾ ¶ པནཱཝུསོ སུཏྟཾ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.
ཝིསྶཛྫནཱ – ཝེསཱལིཡཾ བྷནྟེ ཨོཊྛདྡྷཾ ནཱམ ལིཙྪཝིཾ ཨཱརབྦྷ བྷཱསིཏཾ.
ཛཱལིཡསུཏྟ
པུཙྪཱ – ཛཱལིཡཾ ¶ པནཱཝུསོ སུཏྟཾ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.
ཝིསྶཛྫནཱ – ཀོསམྦིཡཾ བྷནྟེ དྭེ པབྦཛིཏེ ཨཱརབྦྷ བྷཱསིཏཾ.
མཧཱསཱིཧནཱདསུཏྟ
པུཙྪཱ – མཧཱསཱིཧནཱདཾ ¶ པནཱཝུསོ སུཏྟཾ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.
ཝིསྶཛྫནཱ – ཨུརུཉྙཱཡཾ བྷནྟེ ཀཎྞཀཐལེ ཨཙེལཾ ཀསྶཔཾ ཨཱརབྦྷ བྷཱསིཏཾ.
པོཊྛཔཱདསུཏྟ
པུཙྪཱ – པོཊྛཔཱདཾ ¶ པནཱཝུསོ སུཏྟཾ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.
ཝིསྶཛྫནཱ – སཱཝཏྠིཡཾ བྷནྟེ པོཊྛཔཱདཉྩ པརིབྦཱཛཀཾ ཙིཏྟཉྩ ཧཏྠིསཱརིཔུཏྟཾ ཨཱརབྦྷ བྷཱསིཏཾ.
སུབྷསུཏྟ
པུཙྪཱ – སུབྷསུཏྟཾ ¶ པནཱཝུསོ ཀཏྠ ཀཾ ཨཱརབྦྷ ཀེན བྷཱསིཏཾ.
ཝིསྶཛྫནཱ – སཱཝཏྠིཡཾ བྷནྟེ ཨཱཡསྨཏཱ ཨཱནནྡེན དྷམྨབྷཎྜཱགཱརིཀེན སུབྷཾ མཱཎཝཾ ཏོདེཡྻཔུཏྟཾ ཨཱརབྦྷ བྷཱསིཏཾ.
ཀེཝཊྚསུཏྟ
པུཙྪཱ – ཀེཝཊྚཾ ¶ པནཱཝུསོ སུཏྟཾ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.
ཝིསྶཛྫནཱ – ནཱལ༹ནྡཱ ཡཾ བྷནྟེ ཀེཝཊྚཾ གཧཔཏིཔུཏྟཾ ཨཱརབྦྷ བྷཱསིཏཾ.
ལོཧིཙྩསུཏྟ
པུཙྪཱ – ལོཧིཙྩསུཏྟ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.
ཝིསྶཛྫནཱ – ཀོསལེསུ བྷནྟེ ཛནཔདེ སཱལཝཏིཀཱཡཾ ལོཧིཙྩཾ བྲཱཧྨཎཾ ཨཱརབྦྷ བྷཱསིཏཾ.
ཏེཝིཛྫསུཏྟ
པུཙྪཱ – ཏེཝིཛྫསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.
ཝིསྶཛྫནཱ – ཀོསལེསུ བྷནྟེ མནསཱཀཊེ ནཱམ ཀོསལཱནཾ བྲཱཧྨཎགཱམེ ཝཱསེཊྛཾ བྷཱརདྭཱཛཾ མཱཎཝཾ ཨཱརབྦྷ བྷཱསིཏཾ.
མཧཱཔདཱནསུཏྟ
པུཙྪཱ – ཏེན ¶ ཨཱཝུསོ བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན མཧཱཔདཱནསུཏྟཾ དཱིགྷནིཀཱཡེ མཧཱཝགྒེ པོརཱཎཀེཧི སངྒིཏིཀཱརེཧི པཋམཾ སངྒིཏཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.
ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ བྷཱསིཏཾ, སམྦཧུལཱནཾ བྷནྟེ བྷིཀྑཱུནཾ པཙྪཱབྷཏྟཾ པིཎྜཔཱཏཔཊིཀྐནྟཱནཾ མཎྜལམཱལེ༹ སནྣིསིནྣཱནཾ སནྣིཔཏིཏཱནཾ པུབྦེནིཝཱསཔཊིསཾཡུཏྟཱ དྷམྨཱིཀཐཱ ཨུདཔཱདི, ཨིཏིཔི པུབྦེནིཝཱསོ ཨིཏིཔི པུབྦེནིཝཱསོཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.
མཧཱནིདཱནསུཏྟ
པུཙྪཱ – མཧཱནིདཱནསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.
ཝིསྶཛྫནཱ – ཀུརཱུསུ བྷནྟེ ཀམྨཱསདྷམྨེ ནཱམ ཀུརཱུནཾ ནིགམེ ཨཱཡསྨནྟཾ ཨཱནནྡཾ ཨཱརབྦྷ བྷཱསིཏཾ, ཨཱཡསྨཱ བྷནྟེ ཨཱནནྡོ བྷགཝནྟཾ ཨུཔསངྐམིཏྭཱ ཨེཏདཝོཙ ‘‘ཨཙྪརིཡཾ བྷནྟེ, ཨབྦྷུཏཾ བྷནྟེ, ཡཱཝ གམྦྷཱིརོཙཱཡཾ བྷནྟེ པཊིཙྩསམུཔྤཱདོ
གམྦྷཱིརཱཝབྷཱསོ ¶ ཙ, ཨཐ ཙ པན མེ ཨུཏྟཱནཀུཏྟཱནཀོ ཝིཡ ཁཱཡཏཱི’’ཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.
མཧཱཔརིནིབྦཱནསུཏྟ
པུཙྪཱ – མཧཱཔརིནིབྦཱནསུཏྟཾ ¶ པནཱཝུསོ བཧུཨནུསནྡྷིཀཾ, བཧུདེསནཱ སངྒཧཾ, བུདྡྷསྶ བྷགཝཏོ པརིནིབྦཱནཱསནྣཝསྶེ པཝཏྟཨཊྛུཔྤཏྟིདཱིཔཀཝཙནཔབནྡྷབྷཱུཏཾ, ཏསྨཱ ཏཾ ཨནྟརཱབྷེདཝསེན ཝིབྷཛྫ པརིཙྪིཛྫ པརིཙྪིཛྫ པུཙྪིསྶཱམི, ཏཏྠཱཝུསོ བྷགཝཏཱ པཋམཾ
རཱཛཱུནཾ ¶ ཨཔརིཧཱནིཡདྷམྨདེསནཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཱ.
ཝིསྶཛྫནཱ – རཱཛགཧེ བྷནྟེ ཝསྶཀཱརཾ བྲཱཧྨཎཾ མགདྷམཧཱམཏྟཾ ཨཱརབྦྷ བྷཱསིཏཱ, ཝསྶཀཱརོ བྷནྟེ བྲཱཧྨཎོ མགདྷམཧཱམཏྟོ བྷགཝནྟཾ ཨུཔསངྐམིཏྭཱ ཨེཏདཝོཙ ‘‘རཱཛཱ བྷོ གོཏམ མཱགདྷོ ཨཛཱཏསཏྟུ ཝེདེཧིཔུཏྟོ ཝཛྫཱི ཨབྷིཡཱཏུཀཱམོ སོ ཨེཝམཱཧ ཨཧཾ ཧིམེ ཝཛྫཱི ཨེཝཾ མཧིདྡྷིཀེ ཨེཝཾ མཧཱནུབྷཱཝེ ཨུཙྪེཙྪཱམི ཝཛྫཱི ཝིནཱསེསྶཱམི ཝཛྫཱི ཨནཡབྱསནཾ ཨཱཔཱདེསྶཱམཱི ཝཛྫཱི’’ཏི ཏསྨིཾ བྷནྟེ ཝཏྠུསྨིཾ བྷཱསིཏཱ.
པུཙྪཱ – བྷིཀྑཱུནཾ ¶ པནཱཝུསོ ཨཔརིཧཱནིཡདྷམྨདེསནཱ བྷགཝཏཱ ཀཏྠ ཀིསྨིཾ ཝཏྠུསྨིཾ བྷཱསིཏཱ.
ཝིསྶཛྫནཱ – ཏསྨིཾཡེཝ བྷནྟེ རཱཛགཧེ ཏསྨིཾཡེཝ ཝཏྠུསྨིཾ བྷཱསིཏཱ.
ཛརཱསུཏྟ
པུཙྪཱ – དྷམྨཱདཱསོ ¶ ཨཱཝུསོ དྷམྨཔརིཡཱཡོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏོ.
ཝིསྶཛྫནཱ – ནཱཏིཀེ བྷནྟེ གིཉྫཀཱཝསཐེ ཨཱཡསྨནྟཾ ཨཱནནྡ ཨཱརབྦྷ བྷཱསིཏོ, ཨཱཡསྨཱ བྷནྟེ ཨཱནནྡོ བྷགཝནྟཾ ཨུཔསངྐམིཏྭཱ ནཱཏིཀིཡཱནཾ དྭཱདསནྣཾ པུགྒལཱནཾ གཏིཨབྷིསམྤརཱཡཾ པུཙྪི, ཏསྨིཾ བྷནྟེ ཝཏྠུསྨིཾ བྷཱསིཏོ.
ཨཏྟདཱིཔ དྷམྨདེསནཱ
པུཙྪཱ – ཨཏྟདཱིཔདྷམྨདེསནཱ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཱ.
ཝིསྶཛྫནཱ – ཝེསཱལིཡཾ བྷནྟེ ཝེལུ༹ཝགཱམཀེ ཨཱཡསྨནྟཾ ཨཱནནྡཾ ཨཱརབྦྷ བྷཱསིཏཱ, ཨཱཡསྨཱ བྷནྟེ ཨཱནནྡོ བྷགཝཏོ གིལཱནཝུཊྛིཏསྶ ཨཙིརཝུཊྛིཏསྶ གེལཉྙཱ བྷགཝཏོ གེལཉྙེན ཨཏྟནོ ཁེདཔཏྟཀཱརཎཾ ཨཱརོཙེསི, ཏསྨིཾ བྷནྟེ ཝཏྠུསྨིཾ བྷཱསིཏཱ.
‘‘ཏསྨཱཏིཧཱནནྡ ¶ ཨཏྟདཱིཔཱ ཝིཧརཐ ཨཏྟསརཎཱ ཨནཉྙསརཎཱ’’.
པུཙྪཱ – བྷགཝཏཱ ཨཱཝུསོ པུརིམ དུཏིཡདིཝསེ པུཙྪིཏཝིསྶཛྫིཏཀྐམེན ཨཏྟདཱིཔདྷམྨདེསནཉྩ ཨཉྙཱནི ཙ དྷམྨདེསནཱནི ཀཐེཏྭཱ པརིནིཊྛིཏ སབྦབུདྡྷཀིཙྩེན ཨཱཡུསངྑཱརོ ཀཏྠ ཨོསྶཊྛོ.
ཝིསྶཛྫནཱ – ཝེསཱལིཡཾ བྷནྟེ ཙཱཔཱལེ ཙེཏིཡེ མཱརེན པཱཔིམཏཱ ཡཱཙིཏོ བྷགཝཱ སཏེན སམྤཛཱནེན ཨཱཡུསངྑཱརོ ཨོསྶཊྛོ.
‘‘པརིནིབྦཱཏུ ¶ དཱནི བྷནྟེ བྷགཝཱ, པརིནིབྦཱཏུ སུགཏོ, པརིནིབྦཱན ཀཱལོ དཱནི བྷནྟེ བྷགཝཏོ.
ཨཔྤོསུཀྐོ ཏྭཾ པཱཔིམ ཧོཏི, ན ཙིརཾ ཏཐཱགཏསྶ པརིནིབྦཱནཾ བྷཝིསྶཏི, ཨིཏོ ཏིཎྞཾ མཱསཱནཾ ཨཙྩཡེན ཏཐཱགཏོ པརིནིབྦཱཡིསྶཏི.
ཙཏུམཧཱཔདེས
པུཙྪཱ – ཙཏུམཧཱཔདེསདྷམྨདེསནཱ ¶ པནཱཝུསོ བྷགཝཏཱ ཀཏྠ བྷཱསིཏཱ.
ཝིསྶཛྫནཱ – བྷོགནགརེ བྷནྟེ ཨཱནནྡེ ཙེཏིཡེ བྷཱསིཏཱ.
པརིཔཀྐོ ¶ ཝཡོ མཡ྄ཧཾ, པརིཏྟཾ མམ ཛཱིཝིཏཾ. པཧཱཡ ཝོ གམིསྶཱམི, ཀཏཾ མེ སརཎམཏྟནོ.
སཾཝེག
པུཙྪཱ – ཙཏུསཾཝེཛནཱིཡཀཐཱ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཱ.
ཝིསྶཛྫནཱ – ཀུསིནཱརཱཡཾ བྷནྟེ ཨཱཡསྨནྟཾ ཨཱནནྡཾ ཨཱརབྦྷ བྷཱསིཏཱ, ཨཱཡསྨཱ བྷནྟེ ཨཱནནྡོ བྷགཝནྟཾ ཨེཏདཝོཙ ‘‘པུབྦེ བྷནྟེ དིསཱསུ ཝསྶཾཝུཊྛཱ བྷིཀྑཱུ ཨཱགཙྪནྟི ཏཐཱགཏཾ དསྶནཱཡ, ཏེ མཡཾ ལབྷཱམ མནོབྷཱཝནཱིཡེ བྷིཀྑཱུ དསྶནཱཡ, ལབྷཱམ པཡིརུཔཱསནཱཡ. བྷགཝཏོ པན མཡཾ བྷནྟེ ཨཙྩཡེན ན ལབྷིསྶཱམ མནོབྷཱཝནཱིཡེ བྷིཀྑཱུ དསྶནཱཡ, ན ལབྷིསྶཱམ པཡིརུཔཱསནཱཡཱ’’ཏི, ཏསྨིཾ བྷནྟེ ཝཏྠུསྨིཾ བྷཱསིཏཱ.
ཡེཧི ¶ ཀེཙི ཨཱནནྡ ཙེཏིཡཙཱརིཀཾ ཨཱཧིཎྜནྟཱ པསནྣཙིཏྟཱ ཀཱལཾ ཀརིསྶནྟི, སབྦེཏེ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫིསྶནྟི ཧུ –
པུཙྪཱ – ཀཐཉྩཱཝུསོ ¶ བྷགཝཱ བྷིཀྑཱུནཾ མཱཏུགཱམེསུ པཊིཔཛྫིཏབྦཝཏྟཾ ཀཐེསི.
ཝིསྶཛྫནཱ – ཨདསྶནཾ ཨཱནནྡཱཏི ཙ ཨནཱལཱཔོ ཨཱནནྡཱཏི ཙ སཏི ཨཱནནྡ ཨུཔཊྛབྦེཏབྦཱཏི ཙ ཨེཝཾ ཁོ བྷནྟེ བྷགཝཱ མཱཏུགཱམེསུ པཊིཔཛྫིཏབྦཱཀཱརཾ ཀཐེསི.
མཧཱསུདསྶནསུཏྟ
པུཙྪཱ – མཧཱསུདསྶནསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.
ཝིསྶཛྫནཱ – ཏིསྶཾཡེཝ བྷནྟེ ཀུསིནཱརཱཡཾ ཨཱཡསྨནྟཾ ཨཱནནྡཾ ཨཱརབྦྷ བྷཱསིཏཾ, ཨཱཡསྨཱ བྷནྟེ ཨཱནནྡོ བྷགཝནྟཾ ཨེཏདཝོཙ ‘‘མཱ བྷནྟེ བྷགཝཱ ཨིམསྨིཾ ཁུདྡཀནགརཀེ
ཨུཛྫངྒལནགརཀེ ¶ སཱཁཱནགརཀེ པརིནིབྦཱཡི. སནྟི བྷནྟེ ཨཉྙཱནི མཧཱནགརཱནི. སེཡྻཐིདཾ, ཙམྤཱ, རཱཛགཧཾ, སཱཝཏྠཱི, སཱཀེཏཾ, ཀོསམྦཱི, བཱརཱཎསཱི, ཨེཏྠ བྷགཝཱ པརིནིབྦཱཡཏུ, ཨེཏྠ བཧཱུ ཁཏྟིཡམཧཱསཱལཱ བྲཱཧྨཎ མཧཱསཱལཱ གཧཔཏི མཧཱསཱལཱ ཏཐཱགཏེ ཨབྷིཔྤསནྣཱ. ཏེ ཏཐཱགཏསྶ སརཱིརཔཱུཛཾ ཀརིསྶནྟཱི’’ཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.
པུཙྪཱ – བྷགཝཱ ¶ ཨཱཝུསོ པུརིམདིཝསེ པུཙྪིཏ ཝིསྶཛྫིཏཀྐམེན མཧཱསུདསྶན སུཏྟནྟཾ དེསེཏྭཱ སུབྷདྡཾནཱམ པརིབྦཱཛཀཾ བུདྡྷཝེནེཡྻེསུ པཙྪིམསཱཝཀབྷཱུཏཾ ཀཐཾ ཝིནེསི.
ཝིསྶཛྫནཱ – ཡསྨིཾ ཁོ སུབྷདྡ དྷམྨཝིནཡེ ཨརིཡོ ཨཊྛངྒིཀོ མགྒོ ན ཨུཔལབྦྷཏི, སམཎོཔི ཏཏྠ ན ཨུཔལབྦྷཏི, དུཏིཡོཔི ཏཏྠ སམཎོ ན ཨུཔལབྦྷཏི, ཏཏིཡོཔི ཏཏྠ སམཎོ ན ཨུཔལབྦྷཏི, ཙཏུཏྠོཔི ཏཏྠ སམཎོ ན ཨུཔལབྦྷཏི (པེཡྻཱལ). ཨིམེ ཙ སུབྷདྡ བྷིཀྑཱུ སམྨཱ ཝིཧརེཡྻུཾ, ཨསུཉྙོ ལོཀོ ཨརཧནྟེཧི ཨསྶ, ཨེཝཾ ཁོ བྷནྟེ བྷགཝཱ སུབྷདྡཾ པརིབྦཱཛཀཾ བུདྡྷཝེནེཡྻེསུ པཙྪིམཾ སཀྑིསཱཝཀཾ ཝིནེསི.
པརིནིབྦཱནསུཏྟ
པུཙྪཱ – པཙྪིམེ ¶ པནཱཝུསོ ཀཱལེ བྷགཝཱ ཨཱཡསྨཏོ ཨཱནནྡསྶ ཀཱིདིསཾ ཝཙནཾ ཀཐེཏྭཱ, ཀཐཉྩ བྷིཀྑཱུ པཝཱརེཏྭཱ, ཀཱིདིསཉྩ བྷིཀྑཱུནཾ ཝཙནཾ ཨཱམནྟེཏྭཱ, ཀཐཉྩ ཨནུཔཱདིསེསཱཡ ནིབྦཱནདྷཱཏུཡཱ པརིནིབྦཱཡི.
ཝིསྶཛྫནཱ – བྷགཝཱ བྷནྟེ པཙྪིམེ ཀཱལེ ཨཱཡསྨཏོ ཨཱནནྡསྶ སིཡཱ ཁོ པནཱནནྡ ཏུམྷཱཀཾ ཨེཝམསྶ ཨཏཱིཏསཏྠུཀཾ པཱཝཙནཾ ནཏྠི ནོ སཏྠཱཏི ཨེཝམཱདིཀཾ ཝཙནཾ ཀཐེཏྭཱ, སིཡཱ ཁོ པན བྷིཀྑཝེ ཨེཀབྷིཀྑུསྶཱཔི ཀངྑཱ ཝཱ ཝིམཏི ཝཱ བུདྡྷེ ཝཱ དྷམྨེ ཝཱ སངྒྷེ ཝཱ མགྒེ ཝཱ པཊིཔདཱཡ ཝཱཏི ཨེཝམཱདིནཱ བྷིཀྑཱུ པཝཱརེཏྭཱ, ཧནྡདཱནི བྷིཀྑཝེ ཨཱམནྟཡཱམི ཝོ, ཝཡདྷམྨཱ སངྑཱརཱ ཨཔྤམཱདེན སམྤཱདེཐཱཏི པཙྪིམཉྩ ཨོཝཱདཝཙནཾ བྷིཀྑཱུནཾ ཨཱམནྟེཏྭཱ, ནཝ ཨནུཔུབྦསམཱཔཏྟིཡོ ཨནུལོམཾ པཊིལོམཾ སམཱཔཛྫིཏྭཱ, ཙཏུཏྠཛ྄ཛྷཱནཱ ཝུཊྛཧིཏྭཱ སམནནྟརཱ ཨནུཔཱདིསེསཱཡ ནིབྦཱནདྷཱཏུཡཱ པརིནིབྦཱཡི.
ནཱཝུསོ ¶ ཨཱནནྡ བྷགཝཱ པརིནིབྦུཏོ, སཉྙཱཝེདཡིཏ ནིརོདྷཾ སམཱཔནྣོ.
ཛནཝསབྷསུཏྟ
པུཙྪཱ – མཧཱསུདསྶནསུཏྟཾ ¶ པནཱཝུསོ པུརིམདིཝསེ པུཙྪིཏཉྩ ཝིསྶཛྫིཏཉྩ, ཛནཝསབྷསུཏྟཾ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.
ཝིསྶཛྫནཱ – ནཱཏིཀེ བྷནྟེ གིཉྫཀཱཝསཐེ ཨཱཡསྨནྟཾ ཨཱནནྡཾ ཨཱརབྦྷ བྷཱསིཏཾ, ཨཱཡསྨཱ བྷནྟེ ཨཱནནྡོ མཱགདྷཀེ པརིཙཱརཀེ ཨཱརབྦྷ བྷགཝཏོ སམྨུཁཱ པརིཀཐཾ ཀཐེསི, ཏསྨིཾ བྷནྟེ ཝཏྠུསྨིཾ བྷཱསིཏཾ.
མཧཱགོཝིནྡསུཏྟ
པུཙྪཱ – མཧཱགོཝིནྡསུཏྟཾ ¶ པནཱཝུསོ བྷགཝཏཱ ཀཏྠ བྷཱསིཏཾ.
ཝིསྶཛྫནཱ – རཱཛགཧེ བྷནྟེ བྷཱསིཏཾ.
མཧཱསམཡསུཏྟ
པུཙྪཱ – མཧཱསམཡསུཏྟཾ ¶ པནཱཝུསོ བྷགཝཏཱ ཀཏྠ བྷཱསིཏཾ.
ཝིསྶཛྫནཱ – སཀྐེསུ བྷནྟེ ཀཔིལཝཏྠུསྨིཾ བྷཱསིཏཾ.
སཀྐཔཉྷསུཏྟ
པུཙྪཱ – སཀྐཔཉྷསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.
ཝིསྶཛྫནཱ – མགདྷེསུ བྷནྟེ པཱཙཱིནཏོ རཱཛགཧསྶ ཨམྦསཎྜཱ ནཱམ བྲཱཧྨཎགཱམོ, ཏསྶུཏྟརཏོ ཝེདིཡཀེ པབྦཏེ ཨིནྡསཱལགུཧཱཡཾ སཀྐཾ དེཝཱནམིནྡཾ ཨཱརབྦྷ བྷཱསིཏཾ, སཀྐོ བྷནྟེ དེཝཱནམིནྡོ བྷགཝནྟཾ ཨུཔསངྐམིཏྭཱ པཉྷཾ པུཙྪི, ཏསྨིཾ བྷནྟེ ཝཏྠུསྨིཾ བྷཱསིཏཾ.
མཧཱསཏིཔཊྛཱནསུཏྟ
པུཙྪཱ – མཧཱསཏིཔཊྛཱནསུཏྟཾ ¶ པནཱཝུསོ བྷགཝཏཱ ཀཏྠ བྷཱསིཏཾ.
ཝིསྶཛྫནཱ – ཀུརཱུསུ བྷནྟེ ཀམྨཱསདྷམྨེ ནཱམ ཀུརཱུནཾ ནིགམེ བྷཱསིཏཾ.
པཱཡཱསིསུཏྟ
པུཙྪཱ – པཱཡཱསི ¶ སུཏྟཾ པནཱཝུསོ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན བྷཱསིཏཾ.
ཝིསྶཛྫནཱ – ཀོསལེསུ བྷནྟེ སེཏབྱཱནཱམ ཀོསལཱནཾ ནགརཾ ཨུཏྟརེན སེཏབྱཾ སིཾསཔཱཝནེ ཨཱཡསྨཏཱ ཀུམཱརཀསྶཔེན པཱཡཱསིཾ རཱཛཉྙཾ ཨཱརབྦྷ བྷཱསིཏཾ, པཱཡཱསིསྶ བྷནྟེ རཱཛཉྙསྶ ཨེཝརཱུཔཾ པཱཔཀཾ དིཊྛིགཏཾ ཨུཔྤནྣཾ ཧོཏི, ཨིཏིཔི ནཏྠི པརོལོཀོ ནཏྠི སཏྟཱ ཨོཔཔཱཏིཀཱ ནཏྠི སུཀཏདུཀྐཊཱནཾ ཀམྨཱནཾ ཕལཾ ཝིཔཱཀོཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.
པུཙྪཱ – ཏཏྠཱཝུསོ ¶ པཱཡཱསིསྶ རཱཛཉྙསྶ དིཊྛིཔཀཱསནཱཙ ཨཱཡསྨཏོ ཀུམཱརཀསྶཔཏྠེརསྶ དིཊྛིཝིནིཝེཊྛནཀཐཱ ཙ ཨནེཀཝཱརཾ ཨཱགཏཱ, ཏཏྠཱཝུསོ པཋམཾ པཱཡཱསི རཱཛཉྙོ ཨཏྟནོ དིཊྛིཾ ཀཐཾ པཀཱསེསི, ཀཐཉྩཱཡསྨཱ ཀུམཱརཀསྶཔོ ཏཾ མིཙྪཱདིཊྛིཾ ཝིནིཝེཋེསི.
ཝིསྶཛྫནཱ – པཱཡཱསི བྷནྟེ རཱཛཉྙོ ཨཱཡསྨནྟཾ ཀུམཱརཀསྶཔཾ ཨུཔསངྐམིཏྭཱ ཨེཏདཝོཙ ‘‘ཨཧཉྷི བྷོ ཀསྶཔ ཨེཝཾ ཝཱདཱི ཨེཝཾ དིཊྛཱི ཨིཏིཔི ནཏྠི པརོལོཀོ, ནཏྠི སཏྟཱ ཨོཔཔཱཏིཀཱ, ནཏྠི སུཀཏདུཀྐཊཱནཾ ཀམྨཱནཾ ཕལཾ ཝིཔཱཀོ’’ཀི, ཨེཝཾ ཁོ བྷནྟེ པཱཡཱསིརཱཛཉྙོ ཨཏྟནོ མིཙྪཱདིཊྛིཾ ཨཱཡསྨཏོ ཀུམཱརཀསྶཔསྶ སནྟིཀེ པཀཱསེསི. ཨཱཡསྨཱ ཙ ཀུམཱརཀསྶཔོ སཀྑིཀཱརཎཾ ཙནྡིམསཱུརིཡཨུཔམཾ དསྶེཏྭཱ པཱཡཱསིསྶ རཱཛཉྙསྶ ཏཾ པཱཔཀཾ དིཊྛིགཏཾ ཝིནིཝེཋེསི.
སཱདྷུ ¶ སཱདྷུ ཨཱཝུསོ, སཱདྷུ ཁོ ཨཱཝུསོ ཨཱཡསྨཱ ཀུམཱརཀསྶཔོ པཱཡཱསིསྶ རཱཛཉྙསྶ མིཙྪཱདིཊྛིཀསྶ སདྡྷམྨཝིམུཁིབྷཱུཏསྶ པཙྩཀྑཏོ པརལོཀཾ དསྶེཏྭཱ ཏཾ མིཙྪཱདིཊྛིཾ ཝིནིཝེཋེསི.
པུཙྪཱ – ཨཐ པནཱཝུསོ པཱཡཱསིརཱཛཉྙོ དུཏིཡམྤི ཀཱིདིསཾ སཱདྷཀཔརིཡཱཡཾ དསྶེཏྭཱ ཨཏྟནོ ཝཱདཾ པཏིཊྛཱཔེསི, ཀཐཉྩཱཡསྨཱ ཀུམཱརཀསྶཔོ ཏཾ མིཙྪཱཝཱདཾ སཧདྷམྨེན སུནིགྒཧཾ ནིགྒཧེཏྭཱ དྷམྨཝཱདཾ པཏིཊྛཱཔེསི.
ཝིསྶཛྫནཱ – དུཏིཡེ པན བྷནྟེ པཱཡཱསིརཱཛཉྙོ ཨཏྟནོ མིཏྟཱམཙྩེ ཉཱཏིསཱལོཧིཏེ དུཙྩརིཏསམངྒིནོ ཀཱལཾཀཏེ སཱདྷཀཔརིཡཱཡཾ དསྶེཏྭཱ ཨཏྟནོ མིཙྪཱཝཱདཾ པཏིཊྛཱཔེསི ¶ , ཨཱཡསྨཱ ཙ ཀུམཱརཀསྶཔོ ཙོརཨུཔམཱཡ ཏཾ མིཙྪཱཝཱདཾ སཧདྷམྨེན སུནིགྒཧཾ ནིགྒཧེཏྭཱ དྷམྨཝཱདཾ པཏིཊྛཱཔེསི.
སཱདྷུ ¶ སཱདྷུ ཨཱཝུསོ, སཱདྷུ ཁོ ཨཱཝུསོ ཡཾ ཨཱཡསྨཱ ཀུམཱརཀསྶཔོ ཨུཔྤནྣཾ པརཔྤཝཱདཾ སཧདྷམྨེན སུནིགྒཧཾ ནིགྒཧེཏྭཱ དྷམྨཝཱདཾ པཏིཊྛཱཔེསི.
པུཙྪཱ – ཨཐ པནཱཝུསོ པཱཡཱསིརཱཛཉྙོ ཏཏིཡམྤི ཀཱིདིསཾ སཱདྷཀ པརིཡཱཡཾ དསྶེཏྭཱ ཨཏྟནོཝཱདཾ པཏིཊྛཱཔེསི, ཀཐཉྩཱཡསྨཱ ཀུམཱརཀསྶཔོ ཏཾ མིཙྪཱཝཱདཾ སཧདྷམྨེན སུནིགྒཧ ནིགྒཧེཏྭཱ དྷམྨཝཱདཾ པཏིཊྛཱཔེསི.
ཝིསྶཛྫནཱ – ཏཏིཡམྤན ¶ བྷནྟེ པཱཡཱསིརཱཛཉྙོ ཨཏྟནོ མིཏྟཱམཙྩེ ཉཱཏིསཱལོཧིཏེ སུཙརིཏསམངྒིནོ ཀཱལཾཀཏེ དསྶེཏྭཱ ཨཏྟནོ མིཙྪཱཝཱདཾ པཏིཊྛཱཔེསི, ཨཱཡསྨཱ ཙ ཀུམཱརཀསྶཔོ གཱུཐཀཱུཔེ པཏཔུརིསོཔམཱཡ ཏཾ མིཙྪཱཝཱདཾ སཧདྷམྨེན སུནིགྒཧིཏཾ ནིགྒཧེཏྭཱ དྷམྨཝཱདཾ པཏིཊྛཱཔེསི.
སཱདྷུ ¶ སཱདྷུ ཨཱཝུསོ, སཱདྷུ ཁོ ཨཱཝུསོ ཡཾ ཨཱཡསྨཱ ཀུམཱརཀསྶཔོ ཨུཔྤནྣཾ པརཔྤཝཱདཾ སཧདྷམྨེན སུནིགྒཧཾ ནིགྒཧེཏྭཱ དྷམྨཝཱདཾ པཏིཊྛཱཔེསི.
པུཙྪཱ – ཨཱཡསྨཏཱ ཨཱཝུསོ ཀུམཱརཀསྶཔེན པུརིམདིཝསེ པུཙྪིཏཝིསྶཛྫིཏཀྐམེན གཱུཐཀཱུཔཔུརིསཨུཔམཱཡ མིཙྪཱཝཱདཾ པཊིཀྑིཔིཏྭཱ དྷམྨཝཱདེ པཏིཊྛཱཔིཡམཱནེ པིཡཱསིརཱཛཉྙོ
ཙཏུཏྠཾ ¶ ཝཱ པཉྩམཾ ཝཱ ཀཱིདིསཾ སཱདྷཀཔརིཡཱཡཾ དསྶེཏྭཱ ཨཏྟནོཝཱདཾ པཏིཊྛཱཔེསི, ཀཐཉྩཱཡསྨཱ ཀུམཱརཀསྶཔོ སཧདྷམྨེན ཏཾ མིཙྪཱཝཱདཾ པཊིཀྑིཔིཏྭཱ དྷམྨཝཱདཾ པཏིཊྛཱཔེསི.
ཝིསྶཛྫནཱ – པཱཡཱསི བྷནྟེ རཱཛཉྙོ ཨཱཡསྨཏཱ ཀུམཱརཀསྶཔེན གཱུཐཀཱུཔེ ནིམུགྒཔུརིསོ པམཱཡ མིཙྪཱཝཱདཾ སུནིགྒཧིཏཾ ནིགྒཧེཏྭཱ དྷམྨཝཱདེ པཏིཊྛཱཔིཏེ ཙཏུཏྠཾ ཝཱ པཉྩམཾ ཝཱ ཨཏྟནོ མིཏྟཱམཙྩེ ཉཱཏིསཱལོཧིཏེ སམཱདིནྣ པཉྩསཱིལེ སཱདྷཀཔརིཡཱཡཾ དསྶེཏྭཱ ཨཏྟནོ མིཙྪཱཝཱདཾ པཏིཊྛཱཔེསི. ཨཱཡསྨཱ ཙ ཀུམཱརཀསྶཔོ ཏཱཝཏིཾསདེཝོཔམཱཡ ཙ ཛཙྩནྡྷོཔམཱཡ ཙཱཏི དྭཱིཧི ཨུཔམཱཧི ཏཾ པཱཔཀཾ དིཊྛིགཏཾ སཧདྷམྨེན སུནིགྒཧིཏཾ ནིགྒཧེཏྭཱ, དྷམྨཝཱདཾ པཏིཊྛཱཔེསི.
སཱདྷུ ¶ སཱདྷུ ཨཱཝུསོ, སཱདྷུ ཁོ ཨཱཝུསོ ཡཾ ཀུམཱརཀསྶཔོ པཱཡཱསིསྶ རཱཛཉྙསྶ དྭེ ཨུཔམཱཡོ དསྶེཏྭཱ ཨུཔྤནྣཾ པཱཔཀཾ མིཙྪཱཝཱདཾ སཧདྷམྨེན སནིགྒཧཾ ནིགྒཧེཏྭཱ དྷམྨཝཱདཾ པཏིཊྛཱཔེསི.
པུཙྪཱ – ཨཐ པནཱཝུསོ པཱཡཱསིརཱཛཉྙོ ཚཊྛཾཔི ཀཱིདིསཾ སཱདྷཀཔརིཡཱཡཾ དསྶེཏྭཱ ཨཏྟནོ ཝཱདཾ པཏིཊྛཱཔེསི, ཀཐཉྩཱཡསྨཱ ཀུམཱརཀསྶཔོ སཧདྷམྨེན ཏཾ མིཙྪཱཝཱདཾ སུནིགྒཧཾ ནིགྒཧེཏྭཱ དྷམྨཝཱདཾ པཏིཊྛཱཔེསི.
ཝིསྶཛྫནཱ – ཚཊྛཾ པན བྷནྟེ པཱཡཱསིརཱཛཉྙོ སཱིལཝནྟེ སམཎབྲཱཧྨཎེ ཀལྱཱཎདྷམྨེ ཛཱིཝིཏུཀཱམེ ཨམརིཏུཀཱམེ
སུཁཀཱམེ ¶ དུཀྑཔཊིཀཱུལེ སཱདྷཀཔརིཡཱཡཾ དསྶེཏྭཱ ཨཏྟནོ ཝཱདཾ པཏིཊྛཱཔེསི, ཨཱཡསྨཱཙ ཀུམཱརཀསྶཔོ གབྦྷིནཱི ཨུཔམཱཡ ཏཾ མིཙྪཱཝཱདཾ སཧདྷམྨེན སུནིགྒཧིཏཾ ནིགྒཧེཏྭཱ དྷམྨཝཱདཾ པཏིཊྛཱཔེསི.
སཱདྷུ ¶ སཱདྷུ ཨཱཝུསོ, སཱདྷུ ཁོ ཨཱཝུསོ ཡཾ ཨཱཡསྨཱ ཀུམཱརཀསྶཔོ གབྦྷིནཱིཨུཔམཾ དསྶེཏྭཱ ཏཾ མིཙྪཱཝཱདཾ པཊིཀྑིཔིཏྭཱ དྷམྨཝཱདཾ པཏིཊྛཱཔེསི.
པུཙྪཱ – ཨཐ པནཱཝུསོ པཱཡཱསིརཱཛཉྙོ སཏྟམཾཔི ཀཱིདིསཾ སཱདྷཀཔརིཡཱཡཾ དསྶེཏྭཱ ཨཏྟནོ ཝཱདཾ པཏིཊྛཱཔེསི, ཀཐཉྩཱཡསྨཱ ཀུམཱརཀསྶཔོ ཏཾ མིཙྪཱཝཱདཾ སཧདྷམྨེན སུནིགྒཧཾ ནིགྒཧེཏྭཱ དྷམྨཝཱདཾ པཏིཊྛཱཔེསི.
ཝིསྶཛྫནཱ – སཏྟམཾ པན བྷནྟེ པཱཡཱསིརཱཛཉྙོ ཀུབྦྷིཡཾ པཀྑིཔིཏྭཱ མཱརིཏཔུརིསཾ སཱདྷཀཔརིཡཱཡཾ དསྶེཏྭཱ ཨཏྟནོ ཝཱདཾ པཏིཊྛཱཔེསི, ཨཱཡསྨཱཙ ཀུམཱརཀསྶཔོ སུཔིནཀཱུཔམཱཡ ཏཾ མིཙྪཱཝཱདཾ སཧདྷམྨེན སུནིགྒཧིཏཾ ནིགྒཧེཏྭཱ དྷམྨཝཱདཾ པཏིཊྛཱཔེསི.
སཱདྷུ ¶ སཱདྷུ ཨཱཝུསོ, སཱདྷུ ཁོ ཨཱཝུསོ ཡཾ ཨཱཡསྨཱ ཀུམཱརཀསྶཔོ སུཔིནཀཱུཔམཾ དསྶེཏྭཱ ཨུཔྤནྣཾ མིཙྪཱཝཱདཾ སཧདྷམྨེན སུནིགྒཧཾ ནིགྒཧེཏྭཱ དྷམྨཝཱདཾ པཏིཊྛཱཔེསི.
པུཙྪཱ – ཨཐ ¶ པནཱཝུསོ པཱཡཱསིརཱཛཉྙོ ཨཊྛམམྤི ནཝམམྤི ཀཐེཏབྦཾ ཀཐེཏྭཱ དསམཾ ཀཱིདིསཾ སཱདྷཀཔརིཡཱཡཾ དསྶེཏྭཱ ཨཏྟནོ ཝཱདཾ པཏིཊྛཱཔེསི, ཀཐཉྩཱཡསྨཱ ཀུམཱརཀསྶཔོ སཧདྷམྨེན ཏཾ མིཙྪཱཝཱདཾ པཊིནིསྶཛྫཱཔེསི.
ཝིསྶཛྫནཱ – ཨཊྛམམྤི བྷནྟེ ནཝམམྤི པཱཡཱསིརཱཛཉྙོ ཡཾ ཝཱ ཏཾ ཝཱ པརིཡཱཡཾ དསྶེཏྭཱ ཨཏྟནོ ཝཱདཾ པཏིཊྛཱཔེསི, དསམཾ པན བྷནྟེ པཱཡཱསིརཱཛཉྙོ ཚཝིཨཱདཱིནི ཚིནྡིཏྭཱ མཱརིཏཔུརིསཾ སཱདྷཀཔརིཡཱཡཾ དསྶེཏྭཱ ཨཏྟནོ ཝཱདཾ པཏིཊྛཱཔེསི, ཨཱཡསྨཱ ཙ ཀུམཱརཀསྶཔོ ཨགྒིཀཛཊིལོཔམཱཡ ཏཾ མིཙྪཱཝཱདཾ སཧདྷམྨེན སུནིགྒཧིཏཾ ནིགྒཧེཏྭཱ དྷམྨཝཱདཾ པཏིཊྛཱཔེསི.
པཊིནིསྶཛྫེཏཾ ¶ རཱཛཉྙ པཱཔཀཾ དིཊྛིགཏཾ. པཊིནིསྶཛྫེཏཾ རཱཛཉྙ པཱཔཀཾ དིཊྛིགཏཾ.
སཱདྷུ ¶ སཱདྷུ ཨཱཝུསོ, སཱདྷུ ཁོ ཨཱཝུསོ ཡཾ ཨཱཡསྨཱ ཀུམཱརཀསྶཔོ ཨོཔཱཡིཀཾ ཨུཔམཾ དསྶེཏྭཱ ཏཾ པཱཔིཀཾ མིཙྪཱདིཊྛིཾ པཊིནིསྶཛྫཱཔེསི, ཡཾ ཏསྶ བྷཝེཡྻ དཱིགྷརཏྟཾ ཧིཏཱཡ སུཁཱཡ.
པུཙྪཱ – ཨཱཡསྨཏཱ ཨཱཝུསོ ཀུམཱརཀསྶཔེན པུརིམདིཝསེ པུཙྪིཏཝིསྶཛྫིཏཱཀཱརེན པཱཡཱསིསྶ རཱཛཉྙསྶ ཨགྒིཀཛཊིལོཔམཾ དསྶེཏྭཱ ཏསྨིཾ པཱཔཀེ དིཊྛིགཏེ པཊིནིསྶཛྫཱཔིཏེ སོ ཏཱཝ ཐེརསྶ ཝཙནཾ ཨནཱདིཡིཏྭཱ ཀཱིདིསཉྩ པཙྩནཱིཀཀཐཾ ཀཐེསི, ཀཐཉྩ ཐེརོ ཀརུཎཱསཱིཏལཧདཡོ ཧུཏྭཱ ཨཔརམྤི ཨུཔམཾ དསྶེཏྭཱ ཏཾ པཱཔཀཾ དིཊྛིགཏཾ པཊིནིསྶཛྫཱཔེསི.
ཝིསྶཛྫནཱ – པཱཡཱསི བྷནྟེ རཱཛཉྙོ ཨཱཡསྨཏཱ ཀུམཱརཀསྶཔེན ཨགྒིཀཛཊིལོཔམཾ དསྶེཏྭཱ ཏཾ པཱཔཀཾ དིཊྛིགཏཾ པཊིནིསྶཛྫཱཔིཏེ ཀིཉྩཱཔི བྷཝཾ ཀསྶཔོ ཨེཝམཱཧ, ཨཐ ཁོ ནེཝཱཧཾ སཀྐོམི ཨིདཾ པཱཔཀཾ དིཊྛིགཏཾ པཊིནིསྶཛྫིཏུནྟི ཨེཝམཱདིཀཾ པཙྩནཱིཀཀཐཾ ཀཐེསི, ཐེརོ ཙ བྷནྟེ ཀུམཱརཀསྶཔོ དྭེ སཏྠཝཱཧོཔམཾ དསྶེཏྭཱ ཏཾ པཱཔཀཾ མིཙྪཱཝཱདཾ པཊིནིསྶཛྫཱཔེསི.
སཱདྷུ ¶ སཱདྷུ ཨཱཝུསོ, སཱདྷུ ཁོ ཨཱཝུསོ ཡཾ ཨཱཡསྨཱ ཀུམཱརཀསྶཔོ པཱཡཱསིསྶ རཱཛཉྙསྶ དྭེ སཏྠཝཱཧོཔམམྤི དསྶེཏྭཱ ཏཾ པཱཔཀཾ དིཊྛིགཏཾ པཊིནིསྶཛྫཱཔེསི, ཏཉྷི ཏསྶ ཙ ཏདནུཡཱཡཱིནཉྩ བྷཝེཡྻ དཱིགྷརཏྟཾ ཧིཏཱཡ སུཁཱཡ.
པུཙྪཱ – ཨེཝཾ ¶ པནཱཝུསོ ཨཱཡསྨཏཱ ཀུམཱརཀསྶཔེན ཡཐཱ ཝུཏྟཱཧི བཧཱུཧི ཨུཔམཱཧི ཙ ཨཔརཱཧི གཱུཐབྷཱརིཀཨཀྑདྷུཏྟཀོཔམཱཧི ཙ ཏསྨིཾ པཱཔཀེ དིཊྛིགཏེ ཝིསྶཛྫཱཔིཏེ སོ ཏཱཝ ཐེརསྶ ཝཙནཾ ཨནཱདིཡིཏྭཱཝ པཙྪིམཔཊིཀྑེཔཝསེན ཀཱིདིསཾ པཙྩནཱིཀཀཐཾ ཀཐེསི, ཀཐཉྩ ཐེརོ ཀརུཎཱསཱིཏལཧདཡོ ཧུཏྭཱ པཙྪིམམྤི ཨུཔམཾ དསྶེཏྭཱ ཏཾ པཱཔཀཾ དིཊྛིགཏཾ པཊིནིསྶཛྫཱཔེསི.
ཝིསྶཛྫནཱ – པཱཡཱསི བྷནྟེ རཱཛཉྙོ ཨེཝཾ ཐེརེན ནཱནཱཨུཔམཱཧི ཏསྨིཾ པཱཔཀེ དིཊྛིགཏེ པཊིནིསྶཛྫཱཔིཏེཔི པུརིམནཡེནེཝ ཐེརསྶ པཙྩནཱིཀཀཐཾ ཀཐེསི, ཐེརོཔི ཙ བྷནྟེ པཙྪིམཾ སཱཎབྷཱརིཀཱུཔམཾ དསྶེཏྭཱ ཀརུཎཱསཱིཏལཧདཡོ ཏཾ པཱཔཀཾ དིཊྛིགཏཾ པཊིནིསྶཛྫཱཔེསི.
སཱདྷུ ¶ སཱདྷུ ཨཱཝུསོ, སཱདྷུ ཁོ ཨཱཝུསོ ཡཾ ཨཱཡསྨཱ ཀུམཱརཀསྶཔོ པཱཡཱསིསྶ རཱཛཉྙསྶ སཱཎབྷཱརིཀོཔམམྤི དསྶེཏྭཱ ཏཾ པཱཔཀཾ དིཊྛིགཏཾ པཊིནིསྶཛྫཱཔེསི, ཏཉྷི ཏསྶ ཙ ཏདནུཡཱཡཱིནཉྩ བྷཝེཡྻ དཱིགྷརཏྟཾ ཧིཏཱཡ སུཁཱཡ.
པུཙྪཱ – ཨིམཱཡ ¶ པནཱཝུསོ པཙྪིམིཀཱཡ སཱཎབྷཱརིཀོཔམཱཡ དསྶིཏཱཡ པཱཡཱསིརཱཛཉྙོ ཐེརསྶ དྷམྨདེསནཱནུབྷཱཝེན ཨིམསྨིཾ དྷམྨཝིནཡེ པསནྣོ ཧུཏྭཱ ཀཱིདིསཾ པསནྣཱཀཱརམཀཱསི, ཀཐཉྩ ཨཱཡསྨནྟཾ ཀུམཱརཀསྶཔཾ ཨནུསཱསནིཾ ཡཱཙི, ཀཐཉྩཱཡསྨཱ ཀུམཱརཀསྶཔོ ཨནུསཱསི.
ཝིསྶཛྫནཱ – ཨིམཱཡ ཙ པན བྷནྟེ ཨུཔམཱཡ དསྶིཏཱཡ པཱཡཱསི རཱཛཉྙོ ‘‘པུརིམེནེཝ ཨཧཾ ཨོཔམྨེན བྷོཏོ ཀསྶཔསྶ ཨཏྟམནོ ཨབྷིརདྡྷོ ཨེཝམཱདིནཱ བྷནྟེ པཱཡཱསིརཱཛཉྙོ ཨིམསྨིཾ དྷམྨཝིནཡེ ཨཱཡསྨཏོ ཀུམཱརཀསྶཔསྶ དྷམྨདེསནཱཡ པསནྣོ པསནྣཱཀཱརམཀཱསི. ཨིཙྪཱམི ཙཱཧཾ བྷོ ཀསྶཔ མཧཱཡཉྙཾ ཡཛིཏུཾ, ཨནུསཱསཏུ མཾ བྷཝཾ ཀསྶཔོ ཡཾ མམསྶ དཱིགྷརཏྟཾ ཧིཏཱཡ སུཁཱཡཱཏི པཱཡཱསི རཱཛཉྙོ ཨཱཡསྨནྟཾ ཀུམཱརཀསྶཔཾ ཨནུསཱསནིཾ ཡཱཙི, ཨཱཡསྨཱ ཙ བྷནྟེ ཀུམཱརཀསྶཔོ དུཀྑེཏྟེ དུབྦྷཱུམེ པཝུཏྟབཱིཛོཔམཱཡ དུསྶཱིལེསུ དིནྣདཱནསྶ ན མཧཔྥལབྷཱཝཾ དསྶེཏྭཱ སུཁེཏྟེ སུབྷཱུམེ པཝུཏྟབཱིཛོཔམཱཡ སཱིལཝནྟེསུ དིནྣདཱནསྶ མཧཔྥལབྷཱཝཾ དསྶེཏྭཱ པཱཡཱསིཾ རཱཛཉྙམནུསཱསི.
པུཙྪཱ – ཀཐཉྩཱཝུསོ ¶ པཱཡཱསིརཱཛཉྙོ དཱནཾ ཨདཱསི, ཀཐཉྩསྶ སམྤརཱཡོ ཨཧོསི.
ཝིསྶཛྫནཱ – པཱཡཱསི བྷནྟེ རཱཛཉྙོ ཨསཀྐཙྩཾ དཱནམདཱསི, ཨསཧཏྠཱ དཱནམདཱསི, ཨཙིཏྟཱིཀཏཾ དཱནམདཱསི, ཨཔཝིདྡྷཾ དཱནམདཱསི, སོ ཨསཀྐཙྩཾ དཱནཾ དཏྭཱ ཨསཧཏྠཱ དཱནཾ དཏྭཱ ཨཙིཏྟཱིཀཏཾ དཱནཾ དཏྭཱ ཨཔཝིདྡྷཾ དཱནཾ དཏྭཱ ཀཱཡསྶབྷེདཱ པརཾ མརཎཱ ཙཱཏུམཧཱརཱཛིཀཱནཾ དེཝཱནཾ སཧབྱཏཾ ཨུཔཔཛྫི སུཉྙཾ སེརཱིསཀཾ ཝིམཱནཾ.
པུཙྪཱ – ཏེནཱཝུསོ ¶ བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན པཱཐིཡཝགྒེ པཋམཾ པཱཐིཡསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.
ཝིསྶཛྫནཱ – མལླེསུ བྷནྟེ ཨནུཔིཡེ ནཱམ མལླཱནཾ ནིགམེ བྷགྒཝགོཏྟཾ པརིབྦཱཛཀཾ ཨཱརབྦྷ བྷཱསིཏཾ, བྷགྒཝགོཏྟོ བྷནྟེ པརིབྦཱཛཀོ བྷགཝནྟཾ ཨེཏདཝོཙ ‘‘པུརིམཱནི བྷནྟེ དིཝསཱནི པུརིམཏརཱནི སུནཀྑཏྟོ ལིཙྪཝིཔུཏྟོ ཡེནཱཧཾ ཏེནུཔསངྐམི, ཨུཔསངྐམིཏྭཱ མཾ ཨེཏདཝོཙ ‘‘པཙྩཀྑཱཏོ དཱནི མཡཱ བྷགྒཝ བྷགཝཱ, ན དཱནཱཧཾ བྷགཝནྟཾ ཨུདྡིསྶ ཝིཧརཱམཱི’ཏི, ཀཙྩེ ཏཾ བྷནྟེ ཏཐེཝ, ཡཐཱ སུནཀྑཏྟོ, ལིཙྪཝིཔུཏྟོ ཨཝཙཱ’’ཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.
ཨུདུམྦརིཀསུཏྟ
པུཙྪཱ – ཨུདུམྦརིཀསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.
ཝིསྶཛྫནཱ – རཱཛགཧེ བྷནྟེ ནིགྲོདྷཾ པརིབྦཱཛཀཾ ཨཱརབྦྷ བྷཱསིཏཾ, ནིགྲོདྷོ བྷནྟེ པརིབྦཱཛཀོ བྷགཝཏོ པརམྨུཁཱ བྷགཝནྟཾཡེཝ ཨཱརབྦྷ ཨནེཀཝིཧིཏཾ ཨབྷཱུཏཀཐཾ ཀཐེསི, ཏསྨིཾ ཝཏྠུསྨིཾ བྷཱསིཏཾ.
ཙཀྐཝཏྟིསུཏྟ
པུཙྪཱ – ཙཀྐཝཏྟིསུཏྟཾ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.
ཝིསྶཛྫནཱ – མགདྷེསུ བྷནྟེ མཱཏུལཱཡཾ སམྦཧུལེ བྷིཀྑཱུ ཨཱརབྦྷ ཨཏྟཛ྄ཛྷཱསཡེན སུཏྟནིཀྑེཔེན བྷགཝཏཱ བྷཱསིཏཾ.
ཨགྒཉྙསུཏྟ
པུཙྪཱ – ཨགྒཉྙསུཏྟཾ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.
ཝིསྶཛྫནཱ – སཱཝཏྠིཡཾ བྷནྟེ པུབྦཱརཱམེ མིགཱརམཱཏུཔཱསཱདེ ཝཱསེཊྛཾ པབྦཛིཏཾ ཨཱརབྦྷ བྷཱསིཏཾ, བྲཱཧྨཎཱ བྷནྟེ ཝཱསེཊྛ བྷཱརདྭཱཛེ པབྦཛིཏེ ཨཀྐོསནྟི པརིབྷཱསནྟི ཨཏྟརཱུཔཱཡ
པརིབྷཱསཱཡ ¶ པརིཔུཎྞཱཡ ནོ ཨཔརིཔུཎྞཱཡ, ཏསྨིཾ བྷནྟེ ཝཏྠུསྨིཾ བྷཱསིཏཾ.
པུཙྪཱ – སམྤསཱདནཱིཡ སུཏྟཾ པནཱཝུསོ ཀཏྠ ཀེན བྷཱསིཏཾ.
ཝིསྶཛྫནཱ – ནཱལ༹ནྡཱཡཾ བྷནྟེ པཱཝཱརིཀམྦཝནེ ཨཱཡསྨཏཱ སཱརིཔུཏྟེན བྷཱསིཏཾ.
པཱསཱདིཀསུཏྟ
པུཙྪཱ – པཱསཱདིཀསུཏྟཾ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.
ཝིསྶཛྫནཱ – སཀྐེསུ བྷནྟེ ཝེདྷཉྙཱནཱམ སཀྱཱནཾ ཨམྦཝནེ པཱསཱདེ ཙུནྡཾ སམཎུདྡེསཾ ཨཱརབྦྷ བྷཱསིཏཾ, ཙུནྡོ བྷནྟེ སམཎུདྡེསོ པཱཝཱཡཾ ནིགཎྛསྶ ནཱཊཔུཏྟསྶ ཀཱལཾ ཀིརིཡཱཡ བྷིནྣཱནཾ ནིགཎྛཱནཾ དྭེདྷིཀཛཱཏཱནཾ བྷཎྜནཛཱཏཱནཾ ཀལཧཛཱཏཱནཾ ཝིཝཱདཱཔནྣཱནཾ ཨཉྙམཉྙཾ མུཁསཏྟཱིཧི ཝིཏུཛྫནཀཱརཎཾ ཨཱཡསྨཏོ ཨཱནནྡསྶ ཨཱརོཙེསི, ཨཱཡསྨཱ ཙ བྷནྟེ ཨཱནནྡོ བྷགཝཏོ ཨེཏམཏྠཾ ཨཱརོཙེསི, ཏསྨིཾ བྷནྟེ ཝཏྠུསྨིཾ བྷཱསིཏཾ.
ལཀྑཎསུཏྟ
པུཙྪཱ – ལཀྑཎསུཏྟཾ ¶ པནཱཝུསོ བྷགཝཏཱ ཀཏྠ བྷཱསིཏཾ.
ཝིསྶཛྫནཱ – སཱཝཏྠིཡཾ བྷནྟེ ཛེཏཝནམཧཱཝིཧཱརེ བྷཱསིཏཾ.
སིངྒཱལསུཏྟ
པུཙྪཱ – སིངྒཱལསུཏྟཾ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.
ཝིསྶཛྫནཱ – རཱཛགཧེ བྷནྟེ སིངྒཱལཾ གཧཔཏིཔུཏྟཾ ཨཱརབྦྷ བྷཱསིཏཾ, སིངྒཱལོ བྷནྟེ གཧཔཏིཔུཏྟོ ཀཱལསྶེཝ ཨུཊྛཱཡ རཱཛགཧཱ ནིཀྑམིཏྭཱ ཨལླཝཏྠོ ཨལླཀེསོ པཉྫལིཀོ པུཐུདིསཱ ནམསྶཏི པུརཏྠིམཾ དིསཾ དཀྑིཎཾ དིསཾ པཙྪིམཾ དིསཾ ཨུཏྟརཾ དིསཾ ཧེཊྛིམཾ དིསཾ ཨུཔརིམཾ དིསཾ, ཏསྨིཾ བྷནྟེ ཝཏྠུསྨིཾ བྷཱསིཏཾ.
ཨཱཊཱནཱཊིཡསུཏྟ
པུཙྪཱ – ཨཱཊཱནཱཊིཡསུཏྟཾ ¶ པནཱཝུསོ བྷགཝཏཱ ཀཏྠ ཀིསྨིཾ ཝཏྠུསྨིཾ བྷཱསིཏཾ.
ཝིསྶཛྫནཱ – རཱཛགཧེ ¶ བྷནྟེ གིཛ྄ཛྷཀཱུཊེ པབྦཏེ བྷཱསིཏཾ, བྷགཝཏི བྷནྟེ རཱཛགཧེ ཝིཧརཏི ཙཏྟཱརོ མཧཱརཱཛཱནོ ཙཏུདྡིསཾ རཀྑཾ ཋཔེཏྭཱ ཙཏུདྡིསཾ གུམྦཾ ཋཔེཏྭཱ ཙཏུདྡིསཾ ཨོཝརཎཾ ཋཔེཏྭཱ ཀེཝལཀཔྤཾ གིཛ྄ཛྷཀཱུཊཔབྦཏཾ ཨོབྷཱསེཏྭཱ ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ, ཨེཀམནྟཾ ནིསིནྣོ ཁོ བྷནྟེ ཝེསྶཝཎོ མཧཱརཱཛཱ ཨཱཊཱནཱཊིཡཾ རཀྑཾ བྷགཝཏོ ཨཱརོཙེསི བྷིཀྑཱུནཾ བྷིཀྑུནཱིནཾ ཨུཔཱསཀཱནཾ ཨུཔཱསིཀཱནཾ ཕཱསུཝིཧཱརཱཡ, ཏསྨིཾ བྷནྟེ ཝཏྠུསྨིཾ བྷཱསིཏཾ.
སངྒཱིཏིསུཏྟ
པུཙྪཱ – སངྒཱིཏི ¶ སུཏྟཾ པནཱཝུསོ ཀཏྠ ཀེན བྷཱསིཏཾ.
ཝིསྶཛྫནཱ – པཱཝཱཡཾ བྷནྟེ ཨཱཡསྨཏཱ སཱརིཔུཏྟེན བྷཱསིཏཾ.
དསུཏྟརསུཏྟ
པུཙྪཱ – དསུཏྟརསུཏྟཾ པནཱཝུསོ ཀཏྠ ཀེན བྷཱསིཏཾ.
ཝིསྶཛྫནཱ – དསུཏྟརསུཏྟཾ བྷནྟེ ཙམྤཱཡཾ གགྒརཱཡ པོཀྑརཎིཡཱ ཏཱིརེ ཨཱཡསྨཏཱ སཱརིཔུཏྟེན བྷཱསིཏཾ.
པུཙྪཱ – ཀེ ¶ ཨཱཝུསོ སིཀྑནྟི.
ཝིསྶཛྫནཱ – སེཀྑཱ ཙ བྷནྟེ པུཐུཛྫནཀལྱཱཎཀཱ ཙ སིཀྑནྟི.
པུཙྪཱ – ཀེ ཨཱཝུསོ སིཀྑིཏསིཀྑཱ.
ཝིསྶཛྫནཱ – ཨརཧནྟོ བྷནྟེ སིཀྑིཏསིཀྑཱ.
པུཙྪཱ – ཀསྶ ¶ ཨཱཝུསོ ཝཙནཾ.
ཝིསྶཛྫནཱ – བྷགཝཏོ བྷནྟེ ཝཙནཾ ཨརཧཏོ སམྨཱསམྦུདྡྷསྶ.
པུཙྪཱ – ཀེནཱཝུསོ ཨཱབྷཏཾ.
ཝིསྶཛྫནཱ – པརམྤརཱཡ བྷནྟེ ཨཱབྷཏཾ.