📜

ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ

སུཏྟནྟཔིཊཀ

མཛ྄ཛྷིམནིཀཱཡ

མཱུལཔཎྞཱསཔཱལི༹

སཾགཱཡནསྶ པུཙྪཱ ཝིསྶཛྫནཱ

པུཙྪཱ – པཋམམཧཱསཾགཱིཏིཀཱལེ ¶ ཨཱཝུསོ དྷམྨསཾགཱཧཀཱ མཧཱཀསྶཔཱདཡོ མཧཱཐེརཝརཱ དཱིགྷནིཀཱཡཾ སཾགཱཡིཏྭཱ ཏདནནྟརཾ ཀིཾ ནཱམ པཱཝཙནཾ སཾགཱཡིཾསུ.

ཝིསྶཛྫནཱ – པཋམམཧཱསཾགཱིཏིཀཱལེ བྷནྟེ དྷམྨསཾགཱཧཀཱ མཧཱཀསྶཔཱདཡོ མཧཱཐེརཝརཱ དཱིགྷནིཀཱཡཾ སཾགཱཡིཏྭཱ ཏདནནྟརཾ མཛ྄ཛྷིམཾ ནཱམ ནིཀཱཡཾ སཾགཱཡིཾསུ.

པུཙྪཱ – མཛ྄ཛྷིམནིཀཱཡོ ¶ ནཱམ ཨཱཝུསོ མཱུལཔཎྞཱསཀོ མཛ྄ཛྷིམ པཎྞཱསཀོ ཨུཔརིཔཎྞཱསཀོཏི པཎྞཱསཀཝསེན ཏིཝིདྷོ, ཏཏྠ ཀཏརཾ པཎྞཱསཀཾ པཋམཾ སཾགཱཡིཾསུ.

ཝིསྶཛྫནཱ – ཏཱིསུ བྷནྟེ པཎྞཱསཀེསུ མཱུལཔཎྞཱསཀཾ ནཱམ པཱཝཙནཾ དྷམྨསཾགཱཧཀཱ མཧཱཐེརཝརཱ པཋམཾ སཾགཱཡིཾསུ.

པུཙྪཱ – མཱུལཔཎྞཱསཀེཔི ¶ ཨཱཝུསོ པཉྩཝགྒཱ པཎྞཱས ཙ སུཏྟཱནི, ཏེསུ ཀཏརཾ ཝགྒཾ ཀཏརཉྩ སུཏྟཾ པཋམཾ སཾགཱཡིཾསུ.

ཝིསྶཛྫནཱ – མཱུལཔཎྞཱསཀེ བྷནྟེ པཉྩསུ ཝགྒེསུ པཋམཾ མཱུལཔརིཡཱཡཝགྒཾ པཎྞཱསཀེསུ ཙ སུཏྟེསུ པཋམཾ མཱུལཔརིཡཱཡསུཏྟཾ སཾགཱཡིཾསུ.

སཱདྷུ ཨཱཝུསོ མཡམྤི དཱནི ཏཏོཡེཝ པཊྛཱཡ སཾགཱིཏིཔུབྦངྒམཱནི པུཙྪཱཝིསྶཛྫནཀིཙྩཱནི ཀཱཏུཾ སམཱརབྷཱམ.

མཱུལཔརིཡཱཡསུཏྟ

པུཙྪཱ – ཏེན ཨཱཝུསོ བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན མཱུལཔརིཡཱཡསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – ཨུཀྐཊྛཱཡཾ བྷནྟེ པཉྩསཏེ བྲཱཧྨཎཀུལཱ པབྦཛིཏེ ཨཱརབྦྷ བྷཱསིཏཾ, པཉྩསཏཱ བྷནྟེ བྲཱཧྨཎཀུལཱ པབྦཛིཏཱ ¶ བྷིཀྑཱུ པརིཡཏྟིཾ ནིསྶཱཡ མཱནཾ ཨུཔྤཱདེསུཾ, ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཏཾ པནཱཝུསོ སུཏྟཾ བྷགཝཏཱ ཀཏིཧི ཝཱརེཧི ཀཏིཧི ཙ ཨནྟོགདྷཔདེཧི ཝིབྷཛིཏྭཱ བྷཱསིཏཾ.

ཝིསྶཛྫནཱ – ཏཾ ¶ པན བྷནྟེ མཱུལཔརིཡཱཡསུཏྟཾ བྷགཝཏཱ ཨཊྛཧི ཙ ཝཱརེཧི ཙཏུཝཱིསཏིཡཱ ཙ ཨནྟོགདྷཔདེཧི ཝིབྷཛིཏྭཱ དེསིཏཾ.

སབྦཱསཝསུཏྟ

པུཙྪཱ – དུཏིཡཾ པནཱཝུསོ སབྦཱསཝསུཏྟཾ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.

ཝིསྶཛྫནཱ – སབྦཱསཝསུཏྟཾ པན བྷནྟེ བྷགཝཏཱ སཱཝཏྠིཡཾ སམྦཧུལེ བྷིཀྑཱུ ཨཱརབྦྷ བྷཱསིཏཾ.

པུཙྪཱ – ཏཏྠཱཝུསོ ¶ བྷགཝཏཱ ཨཱསཝཱ ཀཏིཧི པཀཱརེཧི ཝིབྷཛིཏྭཱ དསྶིཏཱ.

ཝིསྶཛྫནཱ – སཏྟཧི བྷནྟེ པཀཱརེཧི ཝིབྷཛིཏྭཱ ཨཱསཝཱ བྷགཝཏཱ པཀཱསིཏཱ.

དྷམྨདཱཡཱདསུཏྟ

པུཙྪཱ – དྷམྨདཱཡཱདསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ བྷཱསིཏཾ, བྷགཝཏོ ཙ བྷནྟེ བྷིཀྑུསངྒྷསྶ ཙ ཏདཱ མཧཱལཱབྷསཀྐཱརོ ཨུདཔཱདི, ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཏཏྠཱཝུསོ ¶ དྭེ ཨནུསནྡྷཡོ, ཏེསུ པཋམེ ཨནུསནྡྷིམྷི ཀཐཾ བྷགཝཏཱ བྷིཀྑཱུནཾ ཨོཝཱདོ དིནྣོ.

ཝིསྶཛྫནཱ – པཋམེ བྷནྟེ ཨནུསནྡྷིམྷི དྷམྨདཱཡཱདཱ མེ བྷིཀྑཝེ བྷཝཐ མཱ ཨཱམིསདཱཡཱདཱ, ཨཏྠི མེ ཏུམྷེསུ ཨནུཀམྤཱ, ཀིནྟི མེ སཱཝཀཱ དྷམྨདཱཡཱདཱ བྷཝེཡྻུཾ ནོ ཨཱམིསདཱཡཱདཱཏི ཨེཝམཱདིནཱ བྷགཝཏཱ བྷིཀྑཱུནཾ ཨོཝཱདོ དིནྣོ.

དྷམྨདཱཡཱདཱ ¶ མེ བྷིཀྑཝེ བྷཝཐ མཱ ཨཱམིསདཱཡཱདཱ, ཨཏྠི མེ ཏུམྷེསུ ཨནུཀམྤཱ ཀིནྟི མེ སཱཝཀཱ དྷམྨདཱཡཱདཱ བྷཝེཡྻུཾ, ནོ ཨཱམིསདཱཡཱདཱ.

པུཙྪཱ – དུཏིཡེ ¶ པནཱཝུསོ ཨནུསནྡྷིམྷི ཨཱཡསྨཏཱ སཱརིཔུཏྟཏྠེརེན དྷམྨསེནཱཔཏིནཱ ཀཱིདིསཱི དྷམྨདེསནཱ ཝིབྷཛིཏྭཱ པཀཱསིཏཱ.

ཝིསྶཛྫནཱ – དུཏིཡེ པན བྷནྟེ ཨནུསནྡྷིམྷི ཨཱཡསྨཏཱ སཱརིཔུཏྟཏྠེརེན དྷམྨསེནཱཔཏིནཱ སཏྠུ པཝིཝིཏྟསྶ ཝིཧརཏོ སཱཝཀཱནཾ ཝིཝེཀཾ ཨནནུསིཀྑཏཾ ཏཱིཧི ཋཱནེཧི གཱརཡུཏཾ, ཨནུསིཀྑནྟཱནཉྩ ཏཱིཧི ཋཱནེཧི པཱསཾསཏཾ, སོལ༹ས ཙ པཱཔཀེ དྷམྨེ ཏེསཉྩ པཧཱནཱཡ མཛ྄ཛྷིམཱ པཊིཔདཱ ཝིབྷཛིཏྭཱ པཀཱསིཏཱ.

བྷཡབྷེརཝསུཏྟ

པུཙྪཱ – བྷཡབྷེརཝསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཛཱཎུསྶོཎིཾ བྲཱཧྨཎཾ ཨཱརབྦྷ བྷཱསིཏཾ, ཛཱཎུསྶོཎི བྷནྟེ བྲཱཧྨཎོ བྷགཝནྟཾ ཨུཔསངྐམིཏྭཱ ཨེཏདཝོཙ ‘‘ཡེ མེ བྷོ གོཏམ ཀུལཔུཏྟཱ བྷཝནྟཾ གོཏམཾ ཨུདྡིསྶ སདྡྷཱ ཨགཱརསྨཱ ཨནགཱརིཡཾ པབྦཛིཏཱ, བྷཝཾ ཏེསཾ གོཏམོ པུབྦངྒམོ, བྷཝཾ

ཏེསཾ ¶ གོཏམོ བཧུཀཱརོ, བྷཝཾ ཏེསཾ གོཏམོ སམཱདཔེཏཱ, བྷོཏོ ཙ པན གོཏམསྶ སཱ ཛནཏཱ དིཊྛཱནུགཏིཾ ཨཱཔཛྫཏཱི’’ཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.

ཨནངྒཎསུཏྟ

པུཙྪཱ – ཨནངྒཎསུཏྟཾ ¶ པནཱཝུསོ ཀཏྠ ཀཾ ཨཱརབྦྷ ཀེན བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ ཨཱཡསྨཏཱ སཱརིཔུཏྟཏྠེརེན དྷམྨསེནཱཔཏིནཱ བྷཱསིཏཾ.

ཨཱཀངྑེཡྻསུཏྟ

པུཙྪཱ – ཨཱཀངྑེཡྻསུཏྟཾ པནཱཝུསོ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ བྷཱསིཏཾ.

ཝཏྠསུཏྟ

པུཙྪཱ – ཝཏྠསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ བྷཱསིཏཾ.

སལླེཁསུཏྟ

པུཙྪཱ – སལླེཁསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཱཡསྨནྟཾ མཧཱཙུནྡཾ ཨཱརབྦྷ བྷཱསིཏཾ, ཨཱཡསྨཱ མཧཱཙུནྡོ བྷནྟེ བྷགཝནྟཾ ཨུཔསངྐམིཏྭཱ ཨེཏདཝོཙ ‘‘ཡཱ ཨིམཱ བྷནྟེ ཨནེཀཝིཧིཏཱ དིཊྛིཡོ ལོཀེ ཨུཔྤཛྫནྟི, ཨཏྟཝཱདཔཊིསཾཡུཏྟཱ ཝཱ ལོཀཝཱདཔཊིསཾཡུཏྟཱ ཝཱ, ཨཱདིམེཝ ནུ ཁོ བྷནྟེ བྷིཀྑུནོ མནསིཀརོཏོ ཨེཝམེཏཱསཾ དིཊྛཱིནཾ པཧཱནཾ ཧོཏི, ཨེཝམེཏཱསཾ དིཊྛཱིནཾ པཊིནིསྶགྒོ ཧོཏཱི’’ཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཏཏྠ ¶ ཙ ཨཱཝུསོ ཀཏི པརིཡཱཡཱ ཀཏི ཙ ཨནྟོགདྷཔདཱནི བྷགཝཏཱ ཝིབྷཛིཏྭཱ པཀཱསིཏཱནི.

ཝིསྶཛྫནཱ – ཏཏྠ བྷནྟེ པཉྩ པརིཡཱཡཱ ཙཏུཙཏྟཱལཱིས ཙ ཨནྟོགདྷཔདཱནི བྷགཝཏཱ ཝིཏྠཱརེན བྷཱསིཏཱནི.

སམྨཱཊྛིསུཏྟ

པུཙྪཱ – སམྨཱདིཊྛིསུཏྟཾ ¶ པནཱཝུསོ ཀཏྠ ཀཾ ཨཱརབྦྷ ཀེན བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ ཨཱཡསྨཏཱ སཱརིཔུཏྟཏྠེརེན དྷམྨསེནཱཔཏིནཱ བྷཱསིཏཾ.

པུཙྪཱ – ཀསྶ ཨཱཝུསོ ཝཙནཾ.

ཝིསྶཛྫནཱ – བྷགཝཏོ བྷནྟེ ཝཙནཾ ཨརཧཏོ སམྨཱསམྦུདྡྷསྶ.

པུཙྪཱ – ཀེནཱཝུསོ ཨཱབྷཏཾ.

ཝིསྶཛྫནཱ – པརམྤརཱཡ བྷནྟེ ཨཱབྷཏཾ.

མཧཱསཏིཔཊྛཱནསུཏྟ

པུཙྪཱ – མཧཱསཏིཔཊྛཱནསུཏྟཾ ¶ པནཱཝུསོ ཡོགཱཝཙརཱནཾ བཧུཔཀཱརཏྟཱ དཱིགྷནིཀཱཡེ ཙ ཨིདྷ ཙཱཏི དྭཱིསུ ནིཀཱཡེསུ པོརཱཎཀེཧི སཾགཱིཏིཀཱརེཧི དྭིཀྑཏྟུཾ སཾགཱཡིཏྭཱ ཝིཏྠཱརེན པཏིཊྛཱཔིཏཾ, ཏཾ ཨམྷེཧི དཱིགྷནིཀཱཡེ ཡཐཱནུཔྤཏྟཝསེན པུཙྪིཏཉྩ ཝིསྶཛྫིཏཉྩ. ཏཐཱཔི ཡོགཱཝཙརཱནཾ བཧུཔཀཱརཏྟཱཡེཝ ཏཾ ¶ ཨིདཱནིཔི ཡཐཱནུཔྤཏྟཝསེན པུན པུཙྪིསྶཱམི, ཏཾ པནེཏཾ ཨཱཝུསོ མཧཱསཏིཔཊྛཱནསུཏྟཾ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.

ཝིསྶཛྫནཱ – ཀུརཱུསུ བྷནྟེ ཀམྨཱསདྷམྨེ ནཱམ ཀུརཱུནཾ ནིགམེ སམྦཧུལེ བྷིཀྑཱུ ཨཱརབྦྷ བྷཱསིཏཾ.

པུཙྪཱ – ཀཐཉྩཱཝུསོ ¶ ཏཏྠ ཨཱནཱཔཱནསྶཏི ཀཱཡཱནུཔསྶནཱ བྷགཝཏཱ ཝིབྷཛིཏྭཱ པཀཱསིཏཱ.

ཝིསྶཛྫནཱ – ཨིདྷ བྷིཀྑཝེ བྷིཀྑུ ཨརཉྙགཏོ ཝཱ རུཀྑམཱུལགཏོ ཝཱ སུཉྙཱགཱརགཏོ ཝཱ ནིསཱིདཏི པལླངྐཾ ཨཱབྷུཛིཏྭཱ ཨུཛུཾ ཀཱཡཾ པཎིདྷཱཡ པརིམུཁཾ སཏིཾ ཨུཔཊྛཔེཏྭཱ སོ སཏོཝ ཨསྶསཏི, སཏོཝ པསྶསཏི, དཱིགྷཾ ཝཱ ཨསྶསནྟོ ‘དཱིགྷཾ ཨསྶསཱམཱི’ཏི པཛཱནཱཏི, དཱིགྷཾ ཝཱ པསྶསནྟོ ‘དཱིགྷཾ པསྶསཱམཱི’ཏི པཛཱནཱཏི, ཨེཝམཱདིནཱ བྷནྟེ ཏཏྠ ཨཱནཱཔཱནསྶཏི ཀཱཡཱནུཔསྶནཱ བྷགཝཏཱ ཝིབྷཛིཏྭཱ པཀཱསིཏཱ.

པུཙྪཱ – ཀཐཉྩཱཝུསོ ¶ ཏཏྠ ཨིརིཡཱཔཐཀཱཡཱནུཔསྶནཱ བྷགཝཏཱ ཝིབྷཛིཏྭཱ པཀཱསིཏཱ.

ཝིསྶཛྫནཱ – པུན ཙཔརཾ བྷིཀྑཝེ བྷིཀྑུ གཙྪནྟོ ཝཱ གཙྪཱམཱིཏི པཛཱནཱཏི, ཋིཏོ ཝཱ ཋིཏོམྷཱིཏི པཛཱནཱཏི, ནིསིནྣོ ཝཱ ནིསིནྣོམྷཱིཏི པཛཱནཱཏི, སཡཱནོ ཝཱ སཡཱནོམྷཱིཏི པཛཱནཱཏི, ཨེཝམཱདིནཱ བྷནྟེ བྷགཝཏཱ ཨིརིཡཱཔཐཀཱཡཱནུཔསྶནཱ བྷཱཝནཱ ཝིབྷཛིཏྭཱ པཀཱསིཏཱ.

པུཙྪཱ – ཀཐཉྩཱཝུསོ ¶ ཏཏྠ སམྤཛཉྙཀཱཡཱནུཔསྶནཱ བྷགཝཏཱ ཝིབྷཛིཏྭཱ པཀཱསིཏཱ.

ཝིསྶཛྫནཱ – པུན ཙཔརཾ བྷིཀྑཝེ བྷིཀྑུ ཨབྷིཀྐནྟེ པཊིཀྐནྟེ སམྤཛཱནཀཱརཱི ཧོཏི, ཨཱལོཀིཏེ ཝིལོཀིཏེ སམྤཛཱནཀཱརཱི ཧོཏི, སམིཉྫིཏེ པསཱརིཏེ སམྤཛཱནཀཱརཱི ཧོཏི, སངྒྷཱཊིཔཏྟཙཱིཝརདྷཱརཎེ སམྤཛཱནཀཱརཱི ཧོཏི, ཨསིཏེ པཱིཏེ ཁཱཡིཏེ སཱཡིཏེ སམྤཛཱནཀཱརཱི ཧོཏི, ཨུཙྩཱརཔསྶཱཝཀམྨེ སམྤཛཱནཀཱརཱི ཧོཏི, གཏེ ཋིཏེ ནིསིནྣེ སུཏྟེ ཛཱགརིཏེ བྷཱསིཏེ ཏུཎྷཱིབྷཱཝེ སམྤཛཱནཀཱརཱི ཧོཏི, ཨེཝམཱདིནཱ བྷནྟེ བྷགཝཏཱ ཏཏྠ སམྤཛཉྙཀཱཡཱནུཔསྶནཱ ཝིབྷཛིཏྭཱ པཀཱསིཏཱ.

པུཙྪཱ – ཀཐཉྩཱཝུསོ ¶ ཏཏྠ པཊིཀཱུལམནསིཀཱརཀཱཡཱནུཔསྶནཱ བྷགཝཏཱ ཝིབྷཛིཏྭཱ པཀཱསིཏཱ.

ཝིསྶཛྫནཱ – པུན ཙཔརཾ བྷིཀྑཝེ བྷིཀྑུ ཨིམམེཝ ཀཱཡཾ ཨུདྡྷཾ པཱདཏལཱ ཨདྷོ ཀེསམཏྠཀཱ ཏཙཔརིཡནྟཾ པཱུརཾ ནཱནཔྤཀཱརསྶ ཨསུཙིནོ པཙྩཝེཀྑཏི ཨཏྠི ཨིམསྨིཾ ཀཱཡེ ཀེསཱལོམཱ ནཁཱ དནྟཱ ཏཙོ ཨེཝམཱདིནཱ བྷནྟེ ཏཏྠ བྷགཝཏཱ པཊིཀཱུལམནསིཀཱརཀཱཡཱནུཔསྶནཱ ཝིབྷཛིཏྭཱ པཀཱསིཏཱ.

པུཙྪཱ – ཀཐཉྩཱཝུསོ ¶ ཏཏྠ དྷཱཏུམནསིཀཱརཀཱཡཱནུཔསྶནཱ བྷགཝཏཱ ཝིབྷཛིཏྭཱ པཀཱསིཏཱ.

ཝིསྶཛྫནཱ – པུན ཙཔརཾ བྷིཀྑཝེ བྷིཀྑུ ཨིམམེཝ ཀཱཡཾ ཡཐཱཋིཏཾ ཡཐཱཔཎིཧིཏཾ དྷཱཏུསོ པཙྩཝེཀྑཏི ཨཏྠི ཨིམསྨིཾ ཀཱཡེ པཐཝཱིདྷཱཏུ ཨཱཔོདྷཱཏུ ཏེཛོདྷཱཏུ ཝཱཡོདྷཱཏུ ཨེཝམཱདིནཱ བྷནྟེ བྷགཝཏཱ དྷཱཏུམནསིཀཱརཀཱཡཱནུཔསྶནཱ ཝིབྷཛིཏྭཱ པཀཱསིཏཱ.

པུཙྪཱ – ཀཐཉྩཱཝུསོ ¶ ཏཏྠ ནཝ སིཝཐིཀཀཱཡཱནུཔསྶནཱ བྷགཝཏཱ ཝིབྷཛིཏྭཱ པཀཱསིཏཱ.

ཝིསྶཛྫནཱ – པུན ཙཔརཾ བྷིཀྑཝེ བྷིཀྑུ སེཡྻཐཱཔི པསྶེཡྻ སརཱིརཾ སིཝཐིཀཱཡ ཚཌྜིཏཾ ཨེཀཱཧམཏཾ ཝཱ དྭཱིཧམཏཾ ཝཱ ཏཱིཧམཏཾ ཝཱ ཨུདྡྷུམཱཏཀཾ ཝིནཱིལཀཾ ཝིཔུབྦཀཛཱཏཾ སོ ཨིམམེཝ ཀཱཡཾ ཨུཔསཾཧརཏི ‘‘ཨཡམྤི ཁོ ཀཱཡོ ཨེཝཾདྷམྨོ ཨེཝཾབྷཱཝཱི ཨེཝཾཨནཏཱིཏོ’’ཏི ཨེཝམཱདིནཱ བྷནྟེ ཏཏྠ བྷགཝཏཱ ནཝ སིཝཐིཀཀཱཡཱནུཔསྶནཱ བྷཱཝནཱ ཝིབྷཛིཏྭཱ པཀཱསིཏཱ.

པུཙྪཱ – ཀཐཉྩཱཝུསོ ¶ ཏཏྠ ཝེདནཱནུཔསྶནཱ བྷགཝཏཱ ཝིབྷཛིཏྭཱ དེསིཏཱ.

ཝིསྶཛྫནཱ – ཨིདྷ བྷིཀྑཝེ བྷིཀྑུ སུཁཾ ཝཱ ཝེདནཾ ཝེདཡམཱནོ ‘‘སུཁཾ ཝེདནཾ ཝེདཡཱམཱི’’ཏི པཛཱནཱཏི, དུཀྑཾ ཝཱ ཝེདནཾ ཝེདཡམཱནོ ‘‘དུཀྑ ཝེདནཾ ཝེདཡཱམཱི’’ཏི པཛཱནཱཏི, ཨདུཀྑམསུཁཾ ཝཱ ཝེདནཾ ཝེདཡམཱནོ ‘‘ཨདུཀྑམསུཁཾ ཝེདནཾ ཝེདཡཱམཱི’’ཏི པཛཱནཱཏི, ཨེཝམཱདིནཱ བྷནྟེ ཏཏྠ བྷགཝཏཱ ཝེདནཱནུཔསྶནཱ ཝིབྷཛིཏྭཱ པཀཱསིཏཱ.

པུཙྪཱ – ཀཐཉྩཱཝུསོ ¶ ཏཏྠ ཙིཏྟཱནུཔསྶནཱ བྷགཝཏཱ ཝིབྷཛིཏྭཱ དེསིཏཱ.

ཝིསྶཛྫནཱ – ཨིདྷ བྷིཀྑཝེ བྷིཀྑུ སརཱགཾ ཝཱ ཙིཏྟཾ ‘‘སརཱགཾ ཙིཏྟ’’ནྟི པཛཱནཱཏི, ཝཱིཏརཱགཾ ཝཱ ཙིཏྟཾ ‘‘ཝཱིཏརཱགཾ ཙིཏྟ’’ནྟི པཛཱནཱཏི, སདོསཾ ཝཱ ཝཱིཏདོསཾ ཝཱ སམོཧཾ ཝཱ ཝཱིཏམོཧཾ ཝཱ སཾཁིཏྟཾ ཝཱ ཙིཏྟཾ ‘‘སཾཁིཏྟཾ ཙིཏྟ’’ནྟི པཛཱནཱཏི, ཝིཀྑིཏྟཾ ཝཱ ཙིཏྟཾ ‘‘ཝིཀྑིཏྟཾ ཙིཏྟ’’ནྟི པཛཱནཱཏི, ཨེཝམཱདིནཱ ཏཏྠ བྷགཝཏཱ ཙིཏྟཱནུཔསྶནཱ ཝིབྷཛིཏྭཱ པཀཱསིཏཱ.

པུཙྪཱ – ཀཐཉྩཱཝུསོ ¶ ཏཏྠ དྷམྨཱནུཔསྶནཱ བྷགཝཏཱ ཝིབྷཛིཏྭཱ དེསིཏཱ, ཏཾ སངྑེཔམཏྟེནེཝ ཝིསྶཛྫེཧི.

ཝིསྶཛྫནཱ – ཨིདྷ བྷིཀྑཝེ བྷིཀྑུ དྷམྨེསུ དྷམྨཱནུཔསྶཱི ཝིཧརཏི, པཉྩསུ ནཱིཝརཎེསུ ཨེཝམཱདིནཱ བྷནྟེ ཏཏྠ བྷགཝཏཱ པཉྩཧི པབྦེཧི དྷམྨཱནུཔསྶནཱ ཝིབྷཛིཏྭཱ པཀཱསིཏཱ.

ཙཱུལ༹སཱིཧནཱདསུཏྟ

པུཙྪཱ – ཙཱུལ༹ནསཱིཧནཱདསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ པརིཧཱིནལཱབྷསཀྐཱརེ ནཱནཱཏིཏྠིཡེ ཨཱརབྦྷ བྷཱསིཏཾ, ནཱནཱཏིཏྠིཡཱ བྷནྟེ པརིཧཱིནལཱབྷསཀྐཱརཱ ཏེསུ ཏེསུ ཋཱནེསུ པརིདེཝིཾསུ, ཙཏསྶོ ཙ བྷནྟེ པརིསཱ བྷགཝཏོ ཨེཀམཏྠཾ ཨཱརོཙེསུཾ, ཏསྨིཾ བྷནྟེ ཝཏྠུསྨིཾ བྷཱསིཏཾ.

མཧཱསཱིཧནཱདསུཏྟ

པུཙྪཱ – ཏེནཱཝུསོ ¶ བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན མཧཱསཱིཧནཱདསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – ཝེསཱལིཡཾ བྷནྟེ སུནཀྑཏྟཾ ལིཙྪཝིཔུཏྟཾ ཨཱརབྦྷ བྷཱསིཏཾ, སནུཀྑཏྟོ བྷནྟེ ལིཙྪཝིཔུཏྟོ ཨཙིརཔཀྐནྟོ ཧོཏི ཨིམསྨཱ དྷམྨཝིནཡཱ, སོ ཝེསཱལིཡཾ པརིསཏི ཨེཝཾ ཝཱཙཾ བྷཱསཏི ¶ ‘‘ནཏྠི སམཎསྶ གོཏམསྶ ཨུཏྟརིམནུསྶདྷམྨཱ ཨལམརིཡཉཱཎདསྶནཝིསེསོ, ཏཀྐཔརིཡཱཧཏཾ སམཎོ གོཏམོ དྷམྨཾ དེསེཏི ཝཱིམཾསཱནུཙརིཏཾ སཡཾ པཊིབྷཱནཾ. ཡསྶ ཙ ཁྭཱསྶ ཨཏྠཱཡ དྷམྨོ དེསིཏོ, སོ ནིཡྻཱཏི ཏཀྐརསྶ སམྨཱ དུཀྑཀྑཡཱཡཱ’’ཏི, ཨེཏམཏྠཾ བྷནྟེ ཨཱཡསྨཱ སཱརིཔུཏྟོ བྷགཝཏོ ཨཱརོཙེསི, ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཀཏི ¶ པནཱཝུསོ ཏཏྠ བྷགཝཏཱ ཏཐཱགཏསྶ ཏཐཱགཏབལཱནི ཝིབྷཛིཏྭཱ པཀཱསིཏཱནི, ཡེཧི བལེཧི སམནྣཱགཏོ ཏཐཱགཏོ ཨཱསབྷཾ ཋཱནཾ པཊིཛཱནཱཏི, པརིསཱསུ སཱིཧནཱདཾ ནདཏི, བྲཧྨཙཀྐཾ པཝཏྟེཏི.

ཝིསྶཛྫནཱ – དས བྷནྟེ ཏཐཱགཏསྶ ཏཐཱགཏབལཱནི བྷགཝཏཱ ཝིབྷཛིཏྭཱ པཀཱསིཏཱནི, ཡེཧི བལེཧི སམནྣཱགཏོ ཏཐཱགཏོ ཨཱསབྷཾ ཋཱནཾ པཊིཛཱནཱཏི, པརིསཱསུ སཱིཧནཱདཾ ནདཏི, བྲཧྨཙཀྐཾ པཝཏྟེཏི.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ ཙཏུཝེརཛྫཉཱཎཱནི ཝིབྷཛིཏྭཱ པཀཱསིཏཱནི, ཡེཧི ཝེསཱརཛྫེཧི སམནྣཱགཏོ ཏཐཱགཏོ ཨཱསབྷཾ ཋཱནཾ པཊིཛཱནཱཏི, པརིསཱསུ སཱིཧནཱདཾ ནདཏི, བྲཧྨཙཀྐཾ པཝཏྟེཏི.

ཝིསྶཛྫནཱ – ཁཱིཎཱསཝསྶ ཏེ པཊིཛཱནཏོ ཨིམེ ཨཱསཝཱ ཨཔརིཀྑཱིཎཱཏི ཏཏྲ ཝཏ མཾ སམཎོ ཝཱ བྲཱཧྨཎོ ཝཱ དེཝོ ཝཱ མཱརོ ཝཱ བྲཧྨཱ ཝཱ ཀོཙི ཝཱ ལོཀསྨིཾ སཧདྷམྨེན པཊིཙོདེསྶཏཱིཏི ནིམིཏྟམེཏཾ སཱརིཔུཏྟ ན སམནུཔསྶཱམི, ཨེཏམཧཾ སཱརིཔུཏྟ ནིམིཏྟཾ ཨསམནུཔསྶནྟོ ཁེམཔྤཏྟོ ཨབྷཡཔྤཏྟོ ཝེསཱརཛྫཔྤཏྟོ ཝིཧརཱམི. ཨེཝམཱདིནཱ བྷནྟེ ཏཏྠ ཙཏུཝེསཱརཛྫཉཱཎཱནི བྷགཝཏཱ ཝིཏྠཱརེན ཝིབྷཛིཏྭཱ པཀཱསིཏཱནི.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ པཉྩགཏིཔརིཙྪེདཉཱཎཾ ཝིབྷཛིཏྭཱ པཀཱསིཏཾ.

ཝིསྶཛྫནཱ – པཉྩ ཁོ ཨིམཱ སཱརིཔུཏྟ གཏིཡོ, ཀཏམཱ པཉྩ, ནིརཡོ ཏིརཙྪཱནཡོནི པེཏྟིཝིསཡོ མནུསྶཱ དེཝཱ, ཨེཝམཱདིནཱ བྷནྟེ བྷགཝཏཱ ཏཏྠ པཉྩགཏིཔརིཙྪེདཀཉཱཎཾ ཝིབྷཛིཏྭཱ པཀཱསིཏཾ.

པུཙྪཱ – ཀཐཉྩཱཝུསོ ¶ ཏཏྠ ཏཐཱགཏོ ཨཏྟནོ པཉྙཱཝེཡྻཏྟིཡཱ ཨཔརིཧཱནིཾ པཀཱསེསི.

ཝིསྶཛྫནཱ – སནྟི ཁོ པན སཱརིཔུཏྟ ཨེཀེ སམཎབྲཱཧྨཎཱ ཨེཝཾཝཱདིནོ ཨེཝཾདིཊྛིནོ ཡཱཝདེཝཱཡཾ བྷཝཾ པུརིསོ དཧརོ ཧོཏི, ཨེཝམཱདིནཱ བྷནྟེ ཏཏྠ ཏཐཱགཏོ ཨཏྟནོ པཉྙཱཝེཡྻཏྟིཡཱ ཨཔརིཧཱནིཾ པཀཱསེསི.

མཧཱདུཀྑཀྑནྡྷསུཏྟ

པུཙྪཱ – མཧཱདུཀྑཀྑནྡྷསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཉྙཏིཏྠིཡེ ཨཱརབྦྷ བྷཱསིཏཾ, སམྦཧུལཱ བྷནྟེ ཨཉྙཏིཏྠིཡཱ བྷིཀྑཱུ ཨེཏདཝོཙུཾ ‘‘སམཎོ ཨཱཝུསོ གོཏམོ ཀཱམཱནཾ པརིཉྙཾ པཉྙཔེཏི, མཡམྤི ཀཱམཱནཾ པརིཉྙཾ པཉྙཔེམ, སམཎོ ཨཱཝུསོ གོཏམོ རཱུཔཱནཾ ¶ ཝེདནཱནཾ པརིཉྙཾ པཉྙཔེཏི, མཡམྤི རཱུཔཱནཾ ཝེདནཱནཾ པརིཉྙཾ པཉྙཔེམ, ཨིདྷ ནོ ཨཱཝུསོ ཀོ ཝིསེསོ, ཀོ ཨདྷིཔྤཡཱསོ, ཀིཾ ནཱནཱཀརཎཾ སམཎསྶ ཝཱ གོཏམསྶ ཨམྷཱཀཾ ཝཱ ཡདིདཾ དྷམྨདེསནཱཡ ཝཱ དྷམྨདེསནཾ ཨནུསཱསནིཡཱ ཝཱ ཨནུསཱསནི’’ནྟི, ཨེཏམཏྠཾ བྷིཀྑཱུ བྷགཝཏོ ཨཱརོཙེསུཾ, ཏསྨིཾ བྷནྟེ ཝཏྠུསྨིཾ བྷཱསིཏཾ.

ཙཱུལ༹དུཀྑཀྑནྡྷསུཏྟ

པུཙྪཱ – ཙཱུལ༹དུཀྑཀྑནྡྷསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཀྐེསུ བྷནྟེ ཀཔིལཝཏྠུསྨིཾ མཧཱནཱམཾ སཀྐཾ ཨཱརབྦྷ བྷཱསིཏཾ, མཧཱནཱམོ བྷནྟེ སཀྐོ བྷགཝནྟཾ ཨུཔསངྐམིཏྭཱ ཨེཏདཝོཙ ‘‘དཱིགྷརཏྟཱཧཾ བྷནྟེ བྷགཝཏཱ ཨེཝཾ དྷམྨཾ དེསིཏཾ ཨཱཛཱནཱམི ‘ལོབྷོ ཙིཏྟསྶ ཨུཔཀྐིལེསོ, དོསོ ཙིཏྟསྶ ཨུཔཀྐིལེསོ, མོཧོ ཙིཏྟསྶ ཨུཔཀྐིལེསོ’ཏི, ཨེཝཉྩཱཧཾ བྷནྟེ བྷགཝཏཱ དྷམྨཾ དེསིཏཾ ཨཱཛཱནཱམི ‘ལོབྷོ ཙིཏྟསྶ ཨུཔཀྐིལེསོ, དོསོ ཙིཏྟསྶ ཨུཔཀྐིལེསོ, མོཧོ ཙིཏྟསྶ ཨུཔཀྐིལེསོ’ཏི. ཨཐ ཙ པན མེ ཨེཀདཱ ལོབྷདྷམྨཱཔི ཙིཏྟཾ པརིཡཱདཱཡ ཏིཊྛནྟི, དོསདྷམྨཱཔི ཙིཏྟཾ པརིཡཱདཱཡ ཏིཊྛནྟི, མོཧདྷམྨཱཔི ཙིཏྟཾ པརིཡཱདཱཡ ཏིཊྛནྟི, ཏསྶ མཡ྄ཧཾ བྷནྟེ ཨེཝཾ ཧོཏི ‘ཀོ སུ ནཱམ མེ དྷམྨོ ཨཛ྄ཛྷཏྟཾ ཨཔྤཧིནོ ¶ , ཡེན མེ ཨེཀདཱ ལོབྷདྷམྨཱཔི ཙིཏྟཾ པརིཡཱདཱཡ ཏིཊྛནྟི, དོསདྷམྨཱཔི ཙིཏྟཾ པརིཡཱདཱཡ ཏིཊྛནྟི, མོཧདྷམྨཱཔི ཙིཏྟཾ པརིཡཱདཱཡ ཏིཊྛནྟཱི’ཏི’’, ཏསྨིཾ བྷནྟེ ཝཏྠུསྨིཾ བྷཱསིཏཾ.

ཨནུམཱནསུཏྟ

པུཙྪཱ – ཨནུམཱནསུཏྟཾ ¶ པནཱཝུསོ ཀཏྠ ཀཾ ཨཱརབྦྷ ཀེན བྷཱསིཏཾ.

ཝིསྶཛྫནཱ – བྷགྒེསུ བྷནྟེ སུསུམཱརགིརེ བྷེསཀལཱ༹ཝནེ ཨཱཡསྨཏཱ མཧཱམོགྒལླཱནཏྠེརེན སམྦཧུལེ བྷིཀྑཱུ ཨཱརབྦྷ བྷཱསིཏཾ.

ཙེཏོཁིལསུཏྟ

པུཙྪཱ – ཙེཏོཁིལསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ བྷཱསིཏཾ.

ཝནཔཏྠསུཏྟ

པུཙྪཱ – ཝནཔཏྠསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ བྷཱསིཏཾ.

མདྷུཔིཎྜིཀསུཏྟ

པུཙྪཱ – མདྷུཔིཎྜིཀསུཏྟཾ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཀྐེསུ བྷནྟེ དཎྜཔཱཎིཾ སཀྐཾ ཨཱརབྦྷ བྷཱསིཏཾ, དཎྜཔཱཎི བྷནྟེ སཀྐོ བྷགཝནྟཾ ཨུཔསངྐམིཏྭཱ ཨེཏདཝོཙ ‘‘ཀིཾ ཝཱདཱི སམཎོ ཀིམཀྑཱཡཱི’’ཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.

དྭེདྷཱཝིཏཀྐསུཏྟ

པུཙྪཱ – དྭེདྷཱཝིཏཀྐསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ བྷཱསིཏཾ.

ཝིཏཀྐསཎྛཱནསུཏྟ

པུཙྪཱ – ཝིཏཀྐསཎྛཱནསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ བྷཱསིཏཾ.

ཀཀཙཱུཔམསུཏྟ

པུཙྪཱ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན ཀཀཙཱུཔམསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཱཡསྨནྟཾ མོལི༹ཡཕགྒུནཾ ཨཱརབྦྷ བྷཱསིཏཾ, ཨཱཡསྨཱ བྷནྟེ མོལི༹ཡཕགྒུནོ བྷིཀྑུནཱིཧི སདྡྷིཾ ¶ ཨཏིཝེལཾ སཾསཊྛོ ཝིཧརཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཨཐ ¶ ཁོ ཨཱཝུསོ ཨཱཡསྨཏོ མོལི༹ཡཕགྒུནསྶ ཏཾ བྷགཝཏོ ཨོཝཱདཾ སུཏྭཱ ཀཐཾ ཙིཏྟཾ ཨུཔྤནྣཾ, ཀཐཉྫ བྷགཝཱ ཨུཏྟརི བྷིཀྑཱུན ཨོཝཱདམདཱསི.

ཝིསྶཛྫནཱ – ཨཐ ཁོ བྷནྟེ མོལི༹ཡཕགྒུནསྶ བྷགཝཏོ ཨིམཾ ཨོཝཱདཾ སུཏྭཱ བྷིཀྑུནིསཾསགྒཏོ ཨོརམིསྶཱམི ཝིརམིསྶཱམཱིཏིཔི ཙིཏྟཾ ན ཨུཔྤནྣཾ, ཨསཾཝརམེཝ བྷནྟེ ཙིཏྟཾ ཨུཔྤནྣཾ, བྷགཝཱ ཙ བྷནྟེ ཨཱརཱདྷཡིཾསུ ཝཏ མེ བྷིཀྑཝེ བྷིཀྑཱུ ཨེཀཾ སམཡཾ ཙིཏྟཾ, ཨེཝམཱདིནཱ ཨུཏྟརི བྷིཀྑཱུནཾ ཨོཝཱདམདཱསི.

ཨུབྷཏོ ¶ དཎྜཀེན ཙེཔི བྷིཀྑཝེ ཀཀཙེན ཙོརཱ ཨོཙརཀཱ ཨངྒམངྒཱནི ཨོཀནྟེཡྻུཾ.

ཨལགདྡཱུཔམསུཏྟ

པུཙྪཱ – ཨལགདྡཱུཔམསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨརིཊྛཾ བྷིཀྑུཾ གདྡྷབཱདྷིཔུབྦཾ ཨཱརབྦྷ བྷཱསིཏཾ, ཨརིཊྛསྶ བྷནྟེ བྷིཀྑུནོ གདྡྷབཱདྷིཔུབྦསྶ ཨེཝརཱུཔཾ པཱཔཀཾ དིཊྛིགཏཾ ཨུཔྤནྣཾ ‘‘ཏཐཱཧཾ བྷགཝཏཱ དྷམྨཾ དེསིཏཾ ཨཱཛཱདཱམི, ཡཐཱ ཡེམེ ཨནྟརཱཡིཀཱ དྷམྨཱ ཝུཏྟཱ བྷགཝཏཱ, ཏེ པཊིསེཝཏོ ནཱལཾ ཨནྟརཱཡཱཡཱ’’ཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཨཐ ¶ ཁོ ཨཱཝུསོ ཨཱཡསྨཏོ ཨརིཊྛསྶ གདྡྷབཱདྷིཔུབྦསྶ ཀཐཾ ཙེཏསོ པརིཝིཏཀྐོ ཨུདཔཱདི, ཀཐཉྩ བྷགཝཱ ཨུཏྟརི བྷིཀྑུནཾ དྷམྨདེསནཾ པཝཏྟེསི.

ཝིསྶཛྫནཱ – ཨཐ ཁོ བྷནྟེ ཨརིཊྛསྶ བྷིཀྑུནོ གདྡྷབཱདྷིཔུབྦསྶ ‘‘ཀིཉྩཱཔི མཾ བྷགཝཱ མོགྷཔུརིསཝཱདེན ཝདེསི, ན ཁོ པན མེ མགྒཕལཱནཾ ཨུཔནིསྶཡོ ན ཧོཏི, སྭཱཧཾ ཨཱརབྷིཏྭཱ གྷཊྚེཏྭཱ མགྒཕལཱནི ནིབྦཏྟེསྶཱམཱི’’ཏི, ཨེཝཾ ཁོ བྷནྟེ ཙེཏསོ པརིཝིཏཀྐོ ཨུདཔཱདི, བྷགཝཱ ཙ བྷནྟེ དུཔྤཉྙསྶ ཨལགདྡཱུཔམཾ དསྶེཏྭཱ ཨལགདྡཱུཔམཾ པརིཡཏྟིཉྩ དསྶེཏྭཱ པཉྙཝཏོ ཨལགདྡཱུཔམཱཡ ཙ ཀུལླཱུཔམཱཡ ཙ པཉྙཝཏོ ནིསྶརཎཔརིཡཏྟིཾ དསྶེཏྭཱ ཚ ཙ དིཊྛིཊྛཱནཱནི, ཏེསཉྩ ཚནྣཾ དིཊྛིཊྛཱནཱནཾ ཝིནིཝེཋནཱཀཱརཾ དསྶེཏྭཱ པརིཡོསཱནེ ཙ ཁནྡྷཀམྨཊྛཱནཾ ཨརཧཏྟནིཀཱུཊེན དསྶེཏྭཱ ཨུཏྟརི བྷིཀྑཱུནཾ དྷམྨཀཐཾ པཝཏྟེསི.

ཝམྨིཀསུཏྟ

པུཙྪཱ – དྷམྨིཀསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཱཡསྨནྟཾ ཀུམཱརཀསྶཔཾ ཨཱརབྦྷ བྷཱསིཏཾ. ཨཱཡསྨཱ བྷནྟེ ཀུམཱརཀསྶཔོ བྷགཝནྟཾ ཨུཔསངྐམིཏྭཱ ཝམྨིཀཔཉྷཾ པུཙྪི, ཏསྨིཾ བྷནྟེ ཝཏྠུསྨིཾ བྷཱསིཏཾ.

རཐཝིནཱིཏསུཏྟ

པུཙྪཱ – རཐཝིནཱིཏསུཏྟཾ ¶ པནཱཝུསོ ཀཏྠ ཀེན བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཱཡསྨཏཱ ཙ སཱརིཔུཏྟཏྠེརེན དྷམྨསེནཱཔཏིནཱ ཨཱཡསྨཏཱ ཙ པུཎྞེན མནྟཱཎིཔུཏྟེན ཨཉྙམཉྙཾ པུཙྪཱཝིསྶཛྫནཝསེན བྷཱསིཏཾ.

ནིཝཱཔསུཏྟ

པུཙྪཱ – ནིཝཱཔསུཏྟཾ པནཱཝུསོ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ བྷཱསིཏཾ.

པུཙྪཱ – ཨིམསྨིཾ ¶ ཨཱཝུསོ སུཏྟེ ཀོ ནིཝཱཔོ ཀོ ནེཝཱཔིཀོ ཀཱ ནེཝཱཔིཀཔརིསཱ ཀཱ མིགཛཱཏཱ ཀཐཉྩེཏིསྶཱ ཨུཔམཱཡ ཨཏྠོ དཊྛབྦོ.

ཝིསྶཛྫནཱ – ཨིམསྨིཾ བྷནྟེ སུཏྟེ ནིཝཱཔོཏི ཁོ བྷནྟེ པཉྩནྣེཏཾ ཀཱམགུཎཱནཾ ཨདྷིཝཙནཾ, ནེཝཱཔིཀོཏི ཁོ བྷནྟེ མཱརསྶེཏཾ པཱཔིམཏོ ཨདྷིཝཙནཾ, ནེཝཱཔིཀཔརིསཱཏི ཁོ བྷནྟེ མཱརཔརིསཱཡེཏཾ ཨདྷིཝཙནཾ, མིགཛཱཏཱཏི ཁོ བྷནྟེ སམཎབྲཱཧྨཎཱནམེཏཾ ཨདྷིཝཙནཾ, ཨིམསྨིཾ བྷནྟེ སུཏྟེ ཨེཏསྶ ཨཏྠོ ཨེཝཾ དཊྛབྦོ.

པཱསརཱསིསུཏྟ

པུཙྪཱ – ཀེནཱཝུསོ ¶ བྷགཝཏཱ…པེ… སམྨཱསམྦུདྡྷེན པཱསརཱསིསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ བྷཱསིཏཾ, སམྦཧུལཱ བྷནྟེ བྷིཀྑཱུ རམྨཀསྶ བྲཱཧྨཎསྶ ཨསྶམེ བྷགཝནྟཾ ཨཱརབྦྷ དྷམྨིཡཱ ཀཐཱཡ སནྣིསཱིདིཾསུ, ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཨཐ ¶ ཁོ ཨཱཝུསོ ཏེསཾ སམྦཧུལཱནཾ བྷིཀྑཱུནཾ དྷམྨིཡཱ ཀཐཱཡ སནྣིསིནྣཱནཾ ཀཱིདིསཾ དྷམྨཀཐཾ ཀཐེསི.

ཝིསྶཛྫནཱ – སཱདྷུ བྷིཀྑཝེ ཨེཏཾ ཁོ བྷིཀྑཝེ ཏུམྷཱཀཾ པཏིརཱུཔཾ ཀུལཔུཏྟཱནཾ སདྡྷཱ ཨགཱརསྨཱ ཨནགཱརིཡཾ པབྦཛིཏཱནཾ, ཡཾ ཏུམྷེ དྷམྨིཡཱ ཀཐཱཡ སནྣིསཱིདེཡྻཱཐ, སནྣིཔཏིཏཱནཾ ཝོ བྷིཀྑཝེ དྭཡཾ ཀརཎཱིཡཾ དྷམྨཱི ཝཱ ཀཐཱ ཨརིཡོ ཝཱ ཏུཎྷཱིབྷཱཝོ. དྭེམཱ བྷིཀྑཝེ པརིཡེསནཱ ཨརིཡཱ ཙ པརིཡེསནཱ ཨནརིཡཱ ཙ པརིཡེསནཱ. ཨེཝམཱདིནཱ བྷནྟེ བྷགཝཱ སནྣིཔཏིཏཱནཾ ཏེསཾ བྷིཀྑཱུནཾ ཨརིཡཔརིཡེསནཉྩ ཨནརིཡཔརིཡེསནཉྩ ཝིབྷཛིཏྭཱ དེསེསི.

པུཙྪཱ – ཀཐཉྩཱཝུསོ ¶ བྷགཝཱ ཨཏྟནཱཔི ཨནརིཡཔརིཡེསནཾ པཧཱཡ ཨརིཡཔརིཡེསནཱཡ པརིཡེསིཏབྷཱཝཾ པཀཱསེསི.

ཝིསྶཛྫནཱ – ཨཧམྤི སུདཾ བྷིཀྑཝེ པུབྦེཝ སམྦོདྷཱ ཨནབྷིསམྦུདྡྷོ བོདྷིསཏྟོཝ སམཱནོ ཨཏྟནཱ ཛཱཏིདྷམྨོ སམཱནོ ཛཱཏིདྷམྨཾཡེཝ པརིཡེསཱམི, ཨཏྟནཱ ཛརཱདྷམྨོ བྱཱདྷིདྷམྨོ མརཎདྷམྨོ སོཀདྷམྨོ སཾཀིལེསདྷམྨོ སམཱནོ སཾཀིལེསདྷམྨཾཡེཝ པརིཡེསཱམི. ཨེཝམཱདིནཱ བྷནྟེ བྷགཝཱ ཨཏྟནཱཔི ཨནརིཡཔརིཡེསནཾ པཧཱཡ ཨརིཡཔརིཡེསནཱཡ པརིཡེསིཏབྷཱཝཾ པཀཱསེསི.

པུཙྪཱ – ཨེཝཾ ¶ པཋམཱབྷིསམྦུདྡྷསྶ ཨཱཝུསོ བྷགཝཏོ ཨཛཔཱལནིགྲོདྷརུཀྑམཱུལེ ནིསིནྣསྶ དྷམྨདེསནཱཡ ཀཏསནྣིཊྛཱནསྶ ཀཱིདིསོ

ཙེཏསོ ¶ པརིཝིཏཀྐོ ཨུདཔཱདི, ཀཐཉྩ དྷམྨདེསནཱཡ ཙཱརིཀཱ ཨཧོསི, ཀཐཉྩ པཋམཱ དྷམྨདེསནཱ ཨཧོསི.

ཝིསྶཛྫནཱ – ‘‘ཀསྶ ནུ ཁོ ཨཧཾ པཋམཾ དྷམྨཾ དེསེཡྻཾ, ཀོ ཨིམཾ དྷམྨཾ ཁིཔྤམེཝ ཨཱཛཱནིསྶཏཱི’’ཏི ཨེཝཾ ཁོ བྷནྟེ བྷགཝཏོ པཋམཱབྷིསམྦུདྡྷསྶ ཨཛཔཱལནིགྲོདྷམཱུལེ དྷམྨདེསནཱཡ ཀཏསནྣིཊྛཱནསྶ པརིཝིཏཀྐོ ཨུདཔཱདི, ཨཐ བྷནྟེ བྷགཝཱ ཨུརུཝེལཱཡཾ ཡཐཱབྷིརནྟཾ ཝིཧརིཏྭཱ ཡེན བཱརཱཎསཱི, ཏེན པདསཱཡེཝ ཙཱརིཀཾ པཀྐཱམི དྷམྨདེསནཱཡ, དྭེམེ བྷིཀྑཝེ ཨནྟཱ པབྦཛིཏེན ན སེཝིཏབྦཱ, ཀཏམེ དྭེ, ཡོ ཙཱཡཾ ཀཱམེསུ ཀཱམསུཁལླིཀཱནུཡོགོ ཧཱིནོ གཱམྨོ པོཐུཛྫནིཀོ ཨནརིཡོ ཨནཏྟསཾཧིཏོ, ཨེཝམཱདིནཱ བྷནྟེ བྷགཝཏོ པཋམཱ དྷམྨདེསནཱ ཨཧོསི.

སབྦཱབྷིབྷཱུ ¶ སབྦཝིདཱུཧམསྨི,

སབྦདྷམྨེསུ ཨནཱུཔལིཏྟོ;

སབྦཉྫཧོ ཏཎྷཱཀྑཡེ ཝིམུཏྟོ,

སཡཾ ཨབྷིཉྙཱཡ ཀམུདྡིསེཡྻཾ.

པུཙྪཱ – ཀཐཉྩཱཝུསོ ¶ བྷགཝཱ པཱསརཱསིཨུཔམཱཡ ཏཾ དེསནཾ པརིནིཊྛཱཔེསི.

ཝིསྶཛྫནཱ – པཉྩིམེ བྷིཀྑཝེ ཀཱམགུཎཱ, ཀཏམེ པཉྩ, ཙཀྑུཝིཉྙེཡྻཱ རཱུཔཱ ཨིཊྛཱ ཀནྟཱ མནཱཔཱ པིཡརཱུཔཱ ཀཱམཱུཔསཾཧིཏཱ རཛནཱིཡཱ. སོཏཝིཉྙེཡྻཱ སདྡཱ. གྷཱནཝིཉྙེཡྻཱ གནྡྷཱ. ཛིཝ྄ཧཱཝིཉྙེཡྻཱ རསཱ. ཀཱཡཝིཉྙེཡྻཱ ཕོཊྛབྦཱ ཨིཊྛཱ ཀནྟཱ མནཱཔཱ པིཡརཱུཔཱ ཀཱམཱུཔསཾཧིཏཱ རཛནཱིཡཱ. ཨིམེ ཁོ བྷིཀྑཝེ པཉྩ ཀཱམགུཎཱ. ཡེ ཧི ཀེཙི བྷིཀྑཝེ སམཎཱ ཝཱ བྲཱཧྨཎཱ ཝཱ ཨིམེ ཀཱམགུཎེ གཐིཏཱ མུཙྪིཏཱ ཨཛ྄ཛྷོཔནྣཱ ཨནཱདཱིནཝདསྶཱཝིནོ ཨནིསྶརཎཔཉྙཱ པརིབྷུཉྫནྟི, ཏེ ཨེཝམསྶུ ཝེདིཏབྦཱ ‘‘ཨནཡམཱཔནྣཱ བྱཱསནམཱཔནྣཱ ཡཐཱཀཱམཀརཎཱིཡཱ པཱཔིམཏོ’’, ཨེཝམཱདིནཱ བྷནྟེ བྷགཝཱ པཱསརཱསིཨུཔམཱཡ དྷམྨདེསནཾ པརིནིཊྛཱཔེསི.

ཙཱུལ༹ཧཏྠིཔདོཔམསུཏྟ

པུཙྪཱ – ཏེནཱཝུསོ ¶ ཛཱནཏཱ…པེ… སམྨཱསམྦུདྡྷེན ཙཱུལ༹ཧཏྠིཔདོཔམསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཛཱཎུསྶོཎིཾ བྲཱཧྨཎཾ ཨཱརབྦྷ བྷཱསིཏཾ. ཛཱཎུསྶོཎི བྷནྟེ བྲཱཧྨཎོ བྷགཝནྟཾ ཨུཔསངྐམིཏྭཱ ཡཱཝཏཀོ ཨཧོསི པིལོཏིཀེན པརིབྦཱཛཀེན སདྡྷིཾ ཀཐཱསལླཱཔོ, ཏཾ སབྦཾ བྷགཝཏོ ཨཱརོཙེསི, ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཀཐཉྩཱཝུསོ ¶ བྷགཝཱ ཧཏྠིཔདོཔམཾ ཝིཏྠཱརེན པརིཔཱུརེཏྭཱ དེསེསི.

ཝིསྶཛྫནཱ – ‘‘ན ཁོ བྲཱཧྨཎ ཨེཏྟཱཝཏཱ ཧཏྠིཔདོཔམོ ཝིཏྠཱརེན པརིཔཱུརོ ཧོཏི, ཨཔི ཙ བྲཱཧྨཎ ཡཐཱ ཧཏྠིཔདོཔམོ ཝིཏྠཱརེན པརིཔཱུརོ ཧོཏི, ཏཾ སུཎཱཧི སཱདྷུཀཾ མནསིཀརོཧི བྷཱསིསྶཱམཱི’’ཏི, ཨེཝམཱདིནཱ བྷནྟེ བྷགཝཱ ཧཏྠིཔདོཔམཾ པརིཔཱུརེཏྭཱ བྲཱཧྨཎསྶ ཛཱཎུསྶོཎིསྶ དེསེསི.

མཧཱཧཏྠིཔདོཔམསུཏྟ

པུཙྪཱ – མཧཱཧཏྠིཔདོཔམསུཏྟཾ ¶ པནཱཝུསོ ཀཏྠ ཀཾ ཨཱརབྦྷ ཀེན བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ ཨཱཡསྨཏཱ སཱརིཔུཏྟཏྠེརེན དྷམྨསེནཱཔཏིནཱ བྷཱསིཏཾ.

མཧཱསཱརོཔམསུཏྟ

པུཙྪཱ – མཧཱསཱརོཔམསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – རཱཛགཧེ བྷནྟེ དེཝདཏྟཾ ཨཱརབྦྷ བྷཱསིཏཾ, དེཝདཏྟོ བྷནྟེ སངྒྷཾ བྷིནྡིཏྭཱ རུཧིརུཔྤཱདཀམྨཾ ཀཏྭཱ ཨཙིརཔཀྐནྟོ ཧོཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.

ཙཱུལ༹སཱརོཔམསུཏྟ

པུཙྪཱ – ཙཱུལ༹སཱརོཔམསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ པིངྒལཀོཙྪཾ བྲཱཧྨཎཾ ཨཱརབྦྷ བྷཱསིཏཾ, པིངྒལཀོཙྪོ བྷནྟེ བྲཱཧྨཎོ བྷགཝནྟཾ ཨུཔསངྐམིཏྭཱ པཉྷཾ པུཙྪི, ཏསྨིཾ བྷནྟེ ཝཏྠུསྨིཾ བྷཱསིཏཾ.

ཙཱུལ༹གོསིངྒསུཏྟ

པུཙྪཱ – ཙཱུལ༹གོསིངྒསུཏྟཾ ¶ པནཱཝུསོ བྷགཝཏཱ ཀཏྠ ཀེན སདྡྷིཾ བྷཱསིཏཾ.

ཝིསྶཛྫནཱ – ནཱབྷིཀེ བྷནྟེ གོསིངྒསཱལཝནདཱཡེ ཨཱཡསྨཏཱ ཨནུརུདྡྷཏྠེརེན སདྡྷིཾ བྷཱསིཏཾ.

མཧཱགོསིངྒསུཏྟ

པུཙྪཱ – མཧཱགོསིངྒསུཏྟཾ པནཱཝུསོ བྷགཝཏཱ ཀཏྠ ཀེན སདྡྷིཾ བྷཱསིཏཾ.

ཝིསྶཛྫནཱ – གོསིངྒསཱལཝནདཱཡེ བྷནྟེ ཨཱཡསྨཏཱ ཙ སཱརིཔུཏྟཏྠེརེན དྷམྨསེནཱཔཏིནཱ ཨཱཡསྨཏཱ ཙ མཧཱམོགྒལླཱནཏྠེརེན སདྡྷིཾ བྷཱསིཏཾ.

མཧཱགོཔཱལཀསུཏྟ

པུཙྪཱ – མཧཱགོཔཱལཀསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ བྷཱསིཏཾ.

ཙཱུལ༹གོཔཱལཀསུཏྟ

པུཙྪཱ – ཙཱུལ༹གོཔཱལཀསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.

ཝིསྶཛྫནཱ – ཝཛྫཱིསུ བྷནྟེ ཨུཀྐཙེལཱཡཾ གངྒཱཡ ནདིཡཱ ཏཱིརེ སམྦཧུལེ བྷིཀྑཱུ ཨཱརབྦྷ བྷཱསིཏཾ.

ཙཱུལ༹སཙྩཀསུཏྟ

པུཙྪཱ – ཏེནཱཝུསོ ¶ ཛཱནཏཱ…པེ… སམྨཱསམྦུདྡྷེན ཙཱུལ༹སཙྩཀསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – ཝེསཱལིཡཾ བྷནྟེ སཙྩཀཾ ནིགཎྛཔུཏྟཾ ཨཱརབྦྷ བྷཱསིཏཾ, སཙྩཀོ ནིགཎྛཔུཏྟོ མཧཏིཡཱ ལིཙྪཝིཔརིསཱཡ སདྡྷིཾ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨེཏདཝོཙ ‘‘ཀཐཾ པན བྷཝཾ གོཏམོ སཱཝཀེ ཝིནེཏི, ཀཐཾ བྷཱགཱ ཙ པན བྷོཏོ གོཏམསྶ སཱཝཀེསུ ཨནུསཱསནཱི བཧུལཱ པཝཏྟཏཱི’’ཏི, ཨཐ བྷནྟེ བྷགཝཏཱ ཨནིཙྩཝཱདེ ཙ ཨནཏྟཝཱདེ ཙ པཀཱསིཏེ སཙྩཀོ ནིགཎྛཔུཏྟོ པཐཝཱིཨུཔམཾ དསྶེཏྭཱ ཨཏྟནོ ཨཏྟཝཱདཾ པཀཱསེསི, ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཨེཝཾ ¶ ཨཱཝུསོ སཙྩཀེན ནིགཎྛཔུཏྟེན མཧཱཔཐཝཱིཨུཔམཾ དསྶེཏྭཱ ཨཏྟཝཱདེ པཀཱསིཏེ ཀཐཾ བྷགཝཱ ཏཾ ཨཏྟཝཱདཾ པུན པཏིཊྛཱཔེཏྭཱ སམནུཡུཉྫི སམནུགཱཧི སམནུབྷཱསི.

ཝིསྶཛྫནཱ – ‘‘ནནུ ཏྭཾ ཨགྒིཝེསྶན ཨེཝཾ ཝདེསི, རཱུཔཾ མེ ཨཏྟཱ, ཝེདནཱ མེ ཨཏྟཱ, སཉྙཱ མེ ཨཏྟཱ, སངྑཱརཱ མེ ཨཏྟཱ, ཝིཉྙཱཎཾ མེ ཨཏྟཱ’’ཏི, ཨེཝཾ ཁོ བྷནྟེ བྷགཝཱ སཙྩཀཾ ནིགཎྛཔུཏྟཾ ཏཾ ཨཏྟཝཱདཾ པཏིཊྛཱཔེསི. པཏིཊྛཱཔེཏྭཱ ཙ པན བྷནྟེ བྷགཝཱ ‘‘ཏེན ཧི ཨགྒིཝེསྶན ཏཉྙེཝེཏྠ པཊིཔུཙྪིསྶཱམི, ཡཐཱ ཏེ ཁམེཡྻ, ཏཐཱ ཏཾ བྱཱཀརེཡྻཱསཱི’’ཏི ཨེཝམཱདིནཱ བྷནྟེ བྷགཝཱ སཙྩཀཾ ནིགཎྛཔུཏྟཾ སམནུཡུཉྫི སམནུགཱཧི སམནུབྷཱསི.

པུཙྪཱ – ཨེཝཾ ¶ ཁོ ཨཱཝུསོ སཙྩཀེ ནིགཎྛཔུཏྟེ ཏུཎྷཱིབྷཱུཏེ ཨདྷོམུཁེ པཛ྄ཛྷཱཡནྟེ ཨཔྤཊིབྷཱནེ ནིསིནྣེ དུམྨུཁོ ནཱམ ལིཙྪཝིཔུཏྟོ བྷགཝནྟཾ ཀིཾ ཝཙནཾ ཨཝོཙ.

ཝིསྶཛྫནཱ – ཨེཝཾ བྷནྟེ སཙྩཀེ ནིགཎྛཔུཏྟེ ཏུཎྷཱིབྷཱུཏེ མངྐུབྷཱུཏེ པཏྟཀྑནྡྷེ ཨདྷོམུཁེ པཛ྄ཛྷཱཡནྟེ ཨཔྤཊིབྷཱནེ དུམྨུཁོ ལིཙྪཝིཔུཏྟོ ¶ བྷགཝནྟཾ ཨེཏདཝོཙ ‘‘ཨུཔམཱ མཾ བྷགཝཱ པཊིབྷཱཏཱི’’ཏི.

པུཙྪཱ – ཨཐ ¶ ཁོ ཨཱཝུསོ སཙྩཀོ ནིགཎྛཔུཏྟོ བྷགཝནྟཾ ཀཱིདིསཾ པཉྷཾ པུཙྪི, ཀཐཉྩ ཏཾ བྷགཝཱ བྱཱཀཱསི.

ཝིསྶཛྫནཱ – ཨཐ ཁོ བྷནྟེ སཙྩཀོ ནིགཎྛཔུཏྟོ དུམྨུཁཾ ལིཙྪཝིཾ ཨཔསཱདེཏྭཱ བྷགཝནྟཾ སེཁཉྩ ཨསེཁཉྩ པཉྷཾ པུཙྪི, བྷགཝཱ ཙ བྷནྟེ ‘‘ཨིདྷ ཨགྒིཝེསྶན མམ སཱཝཀོ ཡཾ ཀིཉྩི རཱུཔཾ ཨཏཱིཏཱནཱགཏཔཙྩུཔྤནྣཾ ཨཛ྄ཛྷཏྟཾ ཝཱ བཧིདྡྷཱ ཝཱ ཨོལཱ༹རིཀཾ ཝཱ སུཁུམཾ ཝཱ ཧཱིནཾ ཝཱ པཎཱིཏཾ ཝཱ ཡཾ དཱུརེ སནྟིཀེ ཝཱ’’ ཨེཝམཱདིནཱ སེཁཉྩ ཨསེཁཉྩ པུགྒལཾ ཝིབྷཛིཏྭཱ བྱཱཀཱསི.

བུདྡྷོ ¶ སོ བྷགཝཱ བོདྷཱཡ དྷམྨཾ དེསེཏི.

དནྟོ སོ བྷགཝཱ དམཐཱཡ དྷམྨཾ དེསེཏི.

སནྟོ སོ བྷགཝཱ སམཐཱཡ དྷམྨཾ དེསེཏི.

ཏིཎྞོ སོ བྷགཝཱ ཏརཎཱཡ དྷམྨཾ དེསེཏི.

པརིནིབྦུཏོ སོ བྷགཝཱ པརིནིབྦཱནཱཡ དྷམྨཾ དེསེཏི.

མཧཱསཙྩཀསུཏྟ

པུཙྪཱ – མཧཱསཙྩཀསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – ཝེསཱལིཡཾ བྷནྟེ སཙྩཀཾཡེཝ ནིགཎྛཔུཏྟཾ ཨཱརབྦྷ བྷཱསིཏཾ. སཙྩཀོ བྷནྟེ ནིགཎྛཔུཏྟོ ཨཔརདིཝསེ བྷགཝནྟཾ ཨུཔསངྐམིཏྭཱ བྷགཝཏོ སཱཝཀེ ཨཱསཛྫ བྷཱཝནཱདྭཡཔཊིསཾཡུཏྟཾ ཝཱཙཾ བྷཱསཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཀཐཉྩཱཝུསོ ¶ བྷགཝཱ སཙྩཀཾ ནིགཎྛཔུཏྟཾ པཊིཔུཙྪིཏྭཱ བྷཱཝནཱདྭཡཾ ཝིབྷཛྫ ཀཐེསི.

ཝིསྶཛྫནཱ – ཨཐ ཁོ བྷནྟེ བྷགཝཱ ‘‘ཀིནྟི པན ཏེ ཨགྒིཝེསྶན ཀཱཡབྷཱཝནཱ སུཏཱ’’ཏི ཨེཝམཱདིནཱ སཙྩཀཾ ནིགཎྛཔུཏྟཾ པཊིཔུཙྪིཏྭཱ, ཀཐཉྩ ཨགྒིཝེསྶན ཨབྷཱཝིཏཀཱཡོ ཙ ཧོཏི ཨབྷཱཝིཏཙིཏྟོ ཙ ཨེཝམཱདིནཱ བྷཱཝནཱདྭཡཾ ཝིབྷཛིཏྭཱ བྱཱཀཱསི.

པུཙྪཱ – ཨཐ ¶ ཁོ ཨཱཝུསོ སཙྩཀོ ནིགཎྛཔུཏྟོ བྷགཝནྟཾ ཀིཾ ཝཙནཾ ཨཝོཙ, ཀཐཉྩ བྷགཝཱ པདྷཱནཀཱལེ ཨཏྟནཱཨནུབྷཱུཏཔུབྦཱ པརམུཀྐཾསགཏཱ སུཁདུཀྑཝེདནཱཡོ པཀཱསེསི, ཡཱཔི བྷགཝཏོ ཙིཏྟཾ ན པརིཡཱདཱཡ ཨཊྛཾསུ.

ཝིསྶཛྫནཱ – ཨཐ ཁོ བྷནྟེ སཙྩཀོ ནིགཎྛཔུཏྟོ བྷགཝནྟཾ ཨེཏདཝོཙ ‘‘ན ཧི ནཱུན བྷོཏོ གོཏམསྶ ཨུཔྤཛྫཏི, ཏཐཱ རཱུཔཱ སུཁཱཝེདནཱ, ཡཐཱརཱུཔཱ ཨུཔྤནྣཱ སུཁཱཝེདནཱ ཙིཏྟཾ པརིཡཱདཱཡ ཏིཊྛེཡྻ, ན ཧི ནཱུན བྷོཏོ གོཏམསྶ ཨུཔྤཛྫཏི ཏཐཱརཱུཔཱ དུཀྑཱ ཝེདནཱ, ཡཐཱརཱུཔཱ ཨུཔྤནྣཱ དུཀྑཱ ཝེདནཱ ཙིཏྟཾ པརིཡཱདཱཡ ཏིཊྛེཡྻཱ’’ཏི ཨཐ ཁོ བྷགཝཱ ‘‘ཀིཉྷི ནོ སིཡཱ ཨགྒིཝེསྶན, ཨིདྷ མེ ¶ ཨགྒིཝེསྶེན པུབྦེཝ སམྦོདྷཱ ཨནབྷིསམྦུདྡྷསྶ བོདྷིསཏྟསྶེཝ སཏོ ཨེཏདཧོསི, ཨེཝམཱདིནཱ བྷནྟེ བྷགཝཱ པདྷཱནཀཱལེ ཨཏྟནཱནུབྷཱུཏཔུབྦཱ པརམུཀྐཾསགཏཱ སུཁདུཀྑཝེདནཱཡོ ཝིཏྠཱརེན, ཡཱཔི བྷགཝཏོ ཙིཏྟཾ ན པརིཡཱདཱཡ ཨཊྛཾསུ.

ཙཱུལ༹ཏཎྷཱསངྑཡསུཏྟ

པུཙྪཱ – ཏེནཱཝུསོ ¶ བྷགཝཏཱ ཛཱནཏཱ…པེ… སམྨཱསམྦུདྡྷེན ཙཱུལ༹ཏཎྷཱསངྑཡསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སཀྐཾ དེཝཱནམིནྡཾ ཨཱརབྦྷ བྷཱསིཏཾ. སཀྐོ བྷནྟེ དེཝཱནམིནྡོ བྷགཝནྟཾ ཨུཔསངྐམིཏྭཱ ཨེཏདཝོཙ ‘‘ཀིཏྟཱཝཏཱནུཁོ བྷནྟེ བྷིཀྑུ སཾཁིཏྟེན ཏཎྷཱསངྑཡཝིམུཏྟོ ཧོཏི ཨཙྩནྟནིཊྛོ ཨཙྩནྟཡོགཀྑེམི ¶ ཨཙྩནྟབྲཧྨཙཱརཱི ཨཙྩནྟཔརིཡོསཱནོ སེཊྛོ དེཝམནུསྶཱན’’ནྟི. ཏསྨིཾ བྷནྟེ ཝཏྠུསྨིཾ བྷཱསིཏཾ.

ཀིཏྟཱཝཏཱ ¶ ནུ ཁོ བྷནྟེ བྷིཀྑུ སཾཁིཏྟེན ཏཎྷཱསངྑཡཝིམུཏྟོ ཧོཏི ཨཙྩནྟནིཊྛོ ཨཙྩནྟཡོགཀྑེམཱི ཨཙྩནྟབྲཧྨཙཱརཱི ཨཙྩནྟཔརིཡཱསཱནོ སེཊྛོ དེཝམནུསྶཱནཾ –

མཧཱཏཎྷཱསངྑཡསུཏྟ

པུཙྪཱ – མཧཱཏཎྷཱསངྑཡསུཏྟཾ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སཱཏིཾ བྷིཀྑུཾ ཀེཝཊྚཔུཏྟཾ ཨཱརབྦྷ བྷཱསིཏཾ. སཱཏིསྶ བྷནྟེ བྷིཀྑུནོ ཀེཝཊྚཔུཏྟསྶ ཨེཝརཱུཔཾ པཱཔཀཾ དིཊྛིགཏཾ ཨུཔྤནྣཾ ཧོཏི ‘‘ཏཐཱཧཾ བྷགཝཏཱ དྷམྨཾ དེསིཏཾ ཨཱཛཱནཱམི, ཡཐཱ ཏདེཝིདཾ ཝིཉྙཱཎཾ སནྡྷཱཝཏི ¶ སཾསརཏི ཨནཉྙ’’ནྟི. ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཨཐ ¶ ཁོ ཨཱཝུསོ བྷགཝཱ ཀཐཾ བྷིཀྑཱུ ཨཱམནྟེཏྭཱ ཙ པཊིཔུཙྪིཏྭཱ ཙ ཨནཏྟབྷཱཝདཱིཔིཀཾ དྷམྨཀཐཾ ཀཐེསི.

ཝིསྶཛྫནཱ – ཨཐ བྷནྟེ བྷགཝཱ བྷིཀྑཱུ ‘‘ཏཾ ཀིཾ མཉྙཐ བྷིཀྑཝེ, ཨཔིནཱཡཾ སཱཏི བྷིཀྑུ ཀེཝཊྚཔུཏྟོ ཨུསྨཱིཀཏོཔི ཨིསྨིཾ དྷམྨཝིནཡེ’’ཏི ཨཱམནྟེཏྭཱ, ཏུམྷེཔི མེ བྷིཀྑཝེ ཨེཝཾ དྷམྨཾ དེསིཏཾ ཨཱཛཱནཱཐཏྱཱདིནཱ བྷིཀྑཱུ པཊིཔུཙྪིཏྭཱ ཙ ཡཾ ཡདེཝ བྷིཀྑཝེ པཙྩཡཾ པཊིཙྩ ཨུཔྤཛྫཏི ཝིཉྙཱཎཾ, ཏེན ཏེནེཝ ཝིཉྙཱཎཾ ཏྭེཝ སངྑྱཾ གཙྪཏི, ཙཀྑུཉྩ པཊིཙྩ རཱུཔེ ¶ ཙ ཨུཔྤཛྫཏི ཝིཉྙཱཎཾ ཙཀྑུཝིཉྙཱཎཾ ཏྭེཝ སངྑྱཾ གཙྪཏི, ཨེཝམཱདིནཱ བྷནྟེ ཨནཏྟཏཱདཱིཔིཀཾ དྷམྨིཾ ཀཐཾ ཀཐེསི.

མཧཱཨསྶཔུརསུཏྟ

པུཙྪཱ – མཧཱཨསྶཔུརསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – ཨངྒེསུ བྷནྟེ ཨསྶཔུརེ ནཱམ ཨངྒཱནཾ ནིགམེ བཧཱུ མནུསྶེ སདྡྷེ པསནྣེ ཨཱརབྦྦྷ བྷཱསིཏཾ. བཧཱུ བྷནྟེ མནུསྶཱ སདྡྷཱ པསནྣཱ བྷིཀྑུསངྒྷཾ སཀྐཙྩཾ ཨུཔཊྛཧིཾསུ, སབྦཀཱལཉྩ རཏནཏྟཡཔཊིསཾཡུཏྟཾ ཝཎྞཀཐཾཡེཝ ཀཐཡིཾསུ. ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཀཏམེ ¶ ཨཱཝུསོ ཏཏྠ བྷགཝཏཱ དྷམྨཱ སམཎཀརཎཱ ཙ བྲཱཧྨཎཀརཎཱ ཙ ཨུཏྟརུཏྟརི པཎཱིཏཔཎཱིཏཱ དེསིཏཱ.

ཝིསྶཛྫནཱ – ཧིརོཏྟཔྤཱ ¶ པརིསུདྡྷཀཱཡསམཱཙཱརོ པརིསུདྡྷཝཙཱིསམཱཙཱརོ པརིསུདྡྷམནོསམཱཙཱརོ པརིསུདྡྷཱཛཱིཝོ ཨིནྡྲིཡེསུ གུཏྟདྭཱརཏཱ བྷོཛནེམཏྟཉྙུཏཱ ཛཱགརིཡཱནུཡོགོ སཏིསམྤཛཉྙཾ ནཱིཝརཎཔྤཧཱནཾ ཙཏྟཱརི ཙ ཛྷཱནཱནི ཏིསྶོ ཙ ཝིཛྫཱ ཨིམེ ཁོ བྷནྟེ ཏཏྠ བྷགཝཏཱ སམཎཀརཎཱ ཙ བྲཱཧྨཎཀརཎཱ ཙ ཨུཏྟརུཏྟརི པཎཱིཏཔཎཱིཏཱ དྷམྨཱ དེསིཏཱ.

ཙཱུལ༹ཨསྶཔུརསུཏྟ

པུཙྪཱ – ཙཱུལ༹ཨསྶཔུརསུཏྟཾ ¶ པནཱཝུསོ བྷགཝཏཱ ཀཏྟ ཀཾ ཨཱརབྦྷ བྷཱསིཏཾ.

ཝིསྶཛྫནཱ – ཏསྨིཾཡེཝ བྷནྟེ ཨསྶཔུརེ ནིགམེ ཏེཡེཝ མནུསྶེ སདྡྷེ པསནྣེ ཨཱརབྦྷ བྷཱསིཏཾ, ཏསྨིཾཡེཝ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ སམཎསཱམཱིཙིཔྤཊིཔདཱ ཙ ཨསྶམཎསཱམཱིཙིཔྤཊིཔདཱ ཙ ཝིབྷཛིཏྭཱ དེསིཏཱ.

ཝིསྶཛྫནཱ – ‘‘ཀཐཉྩ བྷིཀྑཝེ བྷིཀྑུ ན སམཎསཱམཱིཙིཔྤཊིཔདཾ པཊིཔནྣོ ཧོཏི, ཡསྶ ཀསྶཙི བྷིཀྑཝེ བྷིཀྑུནོ ཨབྷིཛ྄ཛྷཱལུསྶ ཨབྷིཛ྄ཛྷཱ ཨཔྤཧཱིནཱ ཧོཏི, བྱཱཔནྣཙིཏྟསྶ བྱཱཔཱདོ ཨཔྤཧཱིནོ ཧོཏཱི’’ཏི ཨེཝམཱདིནཱ ཙ. ཀཐཉྩ བྷིཀྑཝེ བྷིཀྑུ སམཎསཱམཱིཙིཔྤཊིཔདཾ པཊིཔནྣོ ཧོཏི, ཡསྶ ཀསྶཙི བྷིཀྑཝེ བྷིཀྑུནོ ཨབྷིཛ྄ཛྷཱལུསྶ ཨབྷིཛ྄ཛྷཱ པཧཱིནཱ ཧོཏི, བྱཱཔནྣཙིཏྟསྶ བྱཱཔཱདོ པཧཱིནོ ཧོཏི ཨེཝམཱདིནཱ ཙ བྷནྟེ བྷགཝཏཱ ཏཏྠ སམཎསཱམཱིཙིཔྤཊིཔདཱ ཙ ཨསྶམཎསཱམཱིཙིཔྤཊིཔདཱ ཙ ཝིཏྠཱརེན ཝིབྷཛིཏྭཱ དེསིཏཱ.

སཱལེཡྻཀསུཏྟ

པུཙྪཱ – སཱལེཡྻཀསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – ཀོསལེསུ བྷནྟེ སཱལཱཡཾ ནཱམ བྲཱཧྨཎགཱམེ སཱལེཡྻཀེ བྲཱཧྨཎགཧཔཏིཀེ ཨཱརབྦྷ བྷཱསིཏཾ. སཱལེཡྻཀཱ བྷནྟེ བྲཱཧྨཎགཧཔཏིཀཱ བྷགཝནྟཾ ཨུཔསངྐམིཏྭཱ ཨེཏདཝོཙུཾ ‘‘ཀོ ནུ ཁོ བྷོ གོཏམ ཧེཏུ ཀོ པཙྩཡོ, ཡེན མིདྷེཀཙྩེ སཏྟཱ ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔཛྫནྟི, ཀོ པན བྷོ གོཏམ ཧེཏུ ཀོ པཙྩཡོ, ཡེན མིདྷེཀཙྩེ སཏྟཱ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫནྟཱི’’ཏི. ཏསྨིཾ བྷནྟེ ཝཏྠུསྨིཾ བྷཱསིཏཾ.

ཝེརཉྫཀསུཏྟ

པུཙྪཱ – ཝེརཉྫཀསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཝེརཉྫཀེ བྲཱཧྨཎགཧཔཏིཀེ ཨཱརབྦྷ བྷཱསིཏཾ. ཝེརཉྫཀཱ བྷནྟེ བྲཱཧྨཎགཧཔཏིཀཱ བྷགཝནྟཾ ཨུཔསངྐམིཏྭཱ ཨེཏདཝོཙུཾ ‘‘ཀོ ནུ ཁོ བྷོ གོཏམ ཧེཏུ ཀོ པཙྩཡོ, ཡེན མིདྷེཀཙྩེ སཏྟཱ ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔཛྫནྟི, ཀོ པན བྷོ གོཏམ ཧེཏུ ཀོ པཙྩཡོ, ཡེན མིདྷེཀཙྩེ སཏྟཱ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫནྟཱི’’ཏི. ཏསྨིཾ བྷནྟེ ཝཏྠུསྨིཾ བྷཱསིཏཾ.

མཧཱཝེདལླསུཏྟ

པུཙྪཱ – མཧཱཝེདལླསུཏྟཾ པནཱཝུསོ ཀཏྠ ཀེན བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཱཡསྨཏཱ མཧཱཀོཊྛིཀེན པུཊྛེན ཨཱཡསྨཏཱ སཱརིཔུཏྟཏྠེརེན དྷམྨསེནཱཔཏིནཱ བྷཱསིཏཾ.

ཙཱུལ༹ཝེདལླསུཏྟ

པུཙྪཱ – ཙཱུལ༹ཝེདལླསུཏྟཾ ¶ པནཱཝུསོ ཀཏྠ ཀེན བྷཱསིཏཾ.

ཝིསྶཛྫནཱ – རཱཛགཧེ བྷནྟེ ཝིསཱཁེན ཨུཔཱསཀེན པུཊྛཱཡ དྷམྨདིནྣཱཡ ཐེརིཡཱ བྷཱསིཏཾ.

ཙཱུལ༹དྷམྨསམཱདཱནསུཏྟ

པུཙྪཱ – ཙཱུལ༹དྷམྨསམཱདཱནསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ བྷཱསིཏཾ.

མཧཱདྷམྨསམཱདཱནསུཏྟ

པུཙྪཱ – མཧཱདྷམྨསམཱདཱནསུཏྟཾ པནཱཝུསོ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ བྷཱསིཏཾ.

ཝཱིམཾསཀསུཏྟ

པུཙྪཱ – ཝཱིམཾསཀསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ བྷཱསིཏཾ.

ཀོསམྦིཡསུཏྟ

པུཙྪཱ – ཀོསམྦིཡསུཏྟཾ པནཱཝུསོ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – ཀོསམྦིཡཾ བྷནྟེ ཀོསམྦིཀེ བྷིཀྑཱུ ཨཱརབྦྷ བྷཱསིཏཾ. ཀོསམྦིཀཱ བྷནྟེ བྷིཀྑཱུ བྷཎྜནཛཱཏཱ ཀལཧཛཱཏཱ ཝིཝཱདཱཔནྣཱ ¶ ཨཉྙམཉྙཾ མུཁསཏྟཱིཧི ཝིཏུདནྟཱ ཝིཧརནྟི. ཏསྨིཾ བྷནྟེ ཝཏྠུསྨིཾ བྷཱསིཏཾ.

བྲཧྨནིམནྟནིཀསུཏྟ

པུཙྪཱ – བྲཧྨནིམནྟནིཀསུཏྟཾ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ བྷཱསིཏཾ.

མཱརཏཛྫནིཡསུཏྟ

པུཙྪཱ – མཱརཏཛྫནཱིཡསུཏྟཾ ¶ པནཱཝུསོ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན བྷཱསིཏཾ.

ཝིསྶཛྫནཱ – སཀྐེསུ བྷནྟེ སུསུམཱརགིརེ བྷེསཀལཱ༹ཝནེ མིགདཱཡེ ཨཱཡསྨཏཱ མཧཱམོགྒལླཱནེན མཱརཾ པཱཔིམནྟཾ ཨཱརབྦྷ བྷཱསིཏཾ. མཱརོ བྷནྟེ པཱཔིམཱ ཨཱཡསྨཏོ མཧཱམོགྒལླཱནསྶ ཀུཙྪིགཏོ ཧོཏི ཀོཊྛམནུཔཝིཊྛོ. ཏསྨིཾ བྷནྟེ ཝཏྠུསྨིཾ བྷཱསིཏཾ.

མཛ྄ཛྷིམཔཎྞཱསཔཱལི༹

ཀནྡརཀསུཏྟ

པུཙྪཱ – ཏེནཱཝུསོ ¶ ཛཱནཏཱ…པེ… སམྨཱསམྦུདྡྷེན ཀནྡརཀསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – ཙམྤཱཡཾ བྷནྟེ གགྒརཱཡ པོཀྑརཎིཡཱ ཏཱིརེ པེསྶཉྩ ཧཏྠཱརོཧཔུཏྟཾ ཀནྡརཀཉྩ པརིབྦཱཛཀཾ ཨཱརབྦྷ བྷཱསིཏཾ, ཀནྡརཀོ བྷནྟེ པརིབྦཱཛཀོ བྷགཝཏོ ཙ བྷིཀྑུསངྒྷསྶ ཙ ཝཎྞཾ ཨབྷཱསི, པེསྶོ ཙ བྷནྟེ ཧཏྠཱརོཧཔུཏྟོ བྷགཝཏོ ཙ དྷམྨདེསནཱཡ ཙ ཝཎྞཾ ཨབྷཱསི. ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཨེཝཾ ¶ ཁོ ཨཱཝུསོ ཀནྡརཀེན པརིབྦཱཛཀེན བྷགཝཏོ ཙ བྷིཀྑུསངྒྷསྶ ཙ ཨབྷིཔྤསནྣེན ཝཎྞེ བྷཱསིཏེ ཀཐཾ བྷགཝཱ ཏཾ སམནུཛཱནིཏྭཱ དྷམྨདེསནཱརམྦྷཾ ཨཱརབྷི, ཀཐཉྩ པེསྶོ ཧཏྠཱརོཧཔུཏྟོ བྷགཝཏོ ཙ དྷམྨདེསནཱཡ ཙ ཝཎྞཾ ཨབྷཱསི ¶ , ཀཐཉྩ པེསྶསྶ ཧཏྠཱརོཧཔུཏྟསྶ ཨཛ྄ཛྷཱསཡཱནུརཱུཔཾ དྷམྨཾ དེསེསི.

ཝིསྶཛྫནཱ – ཨེཝཾ ཁོ བྷནྟེ ཀནྡརཀེན པརིབྦཱཛཀེན བྷགཝཏོ ཙ བྷིཀྑུསངྒྷསྶ ཙ ཨབྷིཔྤསནྣེན ཝཎྞེ བྷཱསིཏེ ‘‘ཨེཝམེཏཾ ཀནྡརཀ ཨེཝམེཏཾ ཀནྡརཀ’’ ཨེཝམཱདིནཱ བྷགཝཱ ཏཾ སམནུཛཱནིཏྭཱ ‘‘སནྟི ཧི ཀནྡརཀ བྷིཀྑཱུ ཨིམསྨིཾ བྷིཀྑུསངྒྷེ ཨརཧནྟོ ཁཱིཎཱསཝཱ ཝུསིཏཝནྟོ ཀཏཀརཎཱིཡཱ ཨོཧིཏབྷཱརཱ ཨནུཔྤཏྟསདཏྠཱ པརིཀྑཱིཎབྷཝསཾཡོཛནཱ སམྨདཉྙཱ ཝིམུཏྟཱ’’ཏི ཨེཝམཱདིནཱ དྷམྨདེསནཾ སམཱརབྷི. ཨཐ ཁོ བྷནྟེ པེསྶོ ཧཏྠཱརོཧཔུཏྟོ ‘‘ཨཙྪརིཡཾ བྷནྟེ ཨབྦྷུཏཾ བྷནྟེ ཡཱཝ སུཔཉྙཏྟཱ ཙིམེ བྷནྟེ བྷགཝཏཱ ཙཏྟཱརོ སཏིཔཊྛཱནཱ སཏྟཱནཾ ཝིསུདྡྷིཡཱ སོཀཔརིདེཝཱནཾ སམཏིཀྐམཱཡ དུཀྑདོམནསྶཱནཾ ཨཏྠངྒམཱཡ ཉཱཡསྶ ཨདྷིགམཱཡ ནིབྦཱནསྶ སཙྪིཀིརིཡཱཡཱ’’ཏི ཨེཝམཱདིནཱ བྷགཝཏོ ཙ དྷམྨདེསནཱཡ ཝཎྞཾ ཨབྷཱསི, བྷགཝཱཔི བྷནྟེ ‘‘གཧནཉྷེཏཾ པེསྶ ཡདིདཾ མནུསྶཱ, ཨུཏྟཱནཀཉྷེཏཾ པེསྶ ཡདིདཾ པསཝོ’’ཏིཨཱདིནཱ པེསྶསྶ ཧཏྠཱརོཧཔུཏྟསྶ ཨཛ྄ཛྷཱསཡཱནུརཱུཔཾ དྷམྨཀཐཾ དེསེསི.

པུཙྪཱ – ཏཾ ¶ པནཱཝུསོ དྷམྨདེསནཾ སུཏྭཱ པེསྶསྶ ཧཏྠཱརོཧཔུཏྟསྶ ཀཱིདིསོ ཨཱནིསཾསོ ཨདྷིགཏོ, ཀཐཉྩ བྷགཝཱ ཏཾ པུགྒལཙཏུཀྐདེསནཾ སཾཁིཏྟེན བྷཱསིཏཾ, བྷིཀྑཱུནཾ ཝིཏྠཱརེན ཝིབྷཛིཏྭཱ དེསེསི.

ཝིསྶཛྫནཱ – ཏཾ ཁོ པན བྷནྟེ དྷམྨཾ སུཏྭཱ པེསྶསྶ ཧཏྠཱརོཧཔུཏྟསྶ དྭེ ཨཱནིསཾསཱ ཨདྷིགཏཱ སངྒྷེ ཙ པསཱདོ སཏིཔཊྛཱནཔརིགྒཧཎཱུཔཱཡོ ¶ ཙ ཨབྷིནཝོ. བྷགཝཱ ཙ བྷནྟེ ཏཾ པུགྒལཙཏུཀྐདེསནཾ བྷིཀྑཱུཧི ཡཱཙིཏོ ‘‘ཀཏམོ ཙ བྷིཀྑཝེ པུགྒལོ ཨཏྟཔརིཏཱཔནཱནུཡོགམནུཡུཏྟོ’’ཏིཨཱདིནཱ སཾཁིཏྟེན བྷཱསིཏཾ, ཝིཏྠཱརེན ཨཏྠཾ ཨཝིབྷཏྟཾ. ཝིཏྠཱརེན ཝིབྷཛིཏྭཱ དེསེསི.

ཨཊྛཀནཱགརསུཏྟ

པུཙྪཱ – ཨཊྛཀནཱགརསུཏྟཾ ¶ པནཱཝུསོ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན བྷཱསིཏཾ.

ཝིསྶཛྫནཱ – ཝེསཱལིཡཾ བྷནྟེ ཝེལུ༹ཝགཱམཀེ གཧཔཏིཾ ཨཊྛཀནཱགརཾ ཨཱརབྦྷ ཨཱཡསྨཏཱ ཨཱནནྡཏྠེརེན དྷམྨབྷཎྜཱགཱརིཀེན བྷཱསིཏཾ. དསམོ བྷནྟེ གཧཔཏི ཨཊྛཀནཱགརོ ཨཱཡསྨནྟཾ ཨཱནནྡཾ ཨུཔསངྐམིཏྭཱ ཨེཏདཝོཙ ‘‘ཨཏྠི ནུ ཁོ བྷནྟེ ཨཱནནྡ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན ཨེཀདྷམྨོ ཨཀྑཱཏོ, ཡཏྠ བྷིཀྑུནོ ཨཔྤམཏྟསྶ ཨཱཏཱཔིནོ པཧིཏཏྟསྶ ཝིཧརཏོ ཨཝིམུཏྟཉྩེཝ ཙིཏྟཾ ཝིམུཙྩཏི, ཨཔརིཀྑིཎཱ ཙ ཨཱསཝཱ པརིཀྑཡཾ གཙྪནྟི, ཨནནུཔྤཏྟཉྩ ཨནུཏྟརཾ ཡོགཀྑེམཾ ཨནུཔཱཔུཎཱཏཱི’’ཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.

སེཁསུཏྟ

པུཙྪཱ – སེཁསུཏྟཾ ¶ པནཱཝུསོ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན བྷཱསིཏཾ.

ཝིསྶཛྫནཱ – སཀྐེསུ བྷནྟེ ཀཔིལཝཏྠུསྨིཾ སནྠཱགཱརེ ཨཱཡསྨཏཱ ཨཱནནྡཏྠེརེན དྷམྨབྷཎྜཱགཱརིཀེན ཀཱཔིལཝཏྠཝེ སཀྱེ ཨཱརབྦྷ བྷཱསིཏཾ. བྷགཝཱ བྷནྟེ ཀཱཔིལཝཏྠཝེ སཀྱེ བཧུདེཝརཏྟིཾ དྷམྨིཡཱ ཀཐཱཡ སནྡསྶེཏྭཱ སམཱདཔེཏྭཱ སམུཏྟེཛེཏྭཱ སམྤཧཾསེཏྭཱ ཨཱཡསྨནྟཾ ཨཱནནྡཾ ཨཱམནྟེསི ‘‘པཊིབྷཱཏུ ཏཾ ཨཱནནྡ ཀཱཔིལཝཏྠཝཱནཾ སཀྱཱནཾ སེཁོ པཱཊིཔདོ, པིཊྛི མེ ཨཱགིལཱཡཏི, ཏམཧཾ ཨཱཡམིསྶཱམཱི’’ཏི. ཏསྨིཾ བྷནྟེ ཝཏྠུསྨིཾ བྷཱསིཏཾ.

པོཏལིཡསུཏྟ

པུཙྪཱ – པོཏལིཡསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – ཨངྒུཏྟརཱཔེསུ བྷནྟེ ཨཱཔཎེ ནཱམ ཨངྒུཏྟརཱཔཱནཾ ནིགམེ པོཏལིཡཾ གཧཔཏིཾ པཊིཀྑིཏྟསབྦཀམྨནྟཾ ཨཱརབྦྷ བྷཱསིཏཾ. པོཏལིཡོ བྷནྟེ གཧཔཏི པཊིཀྑིཏྟསབྦཀམྨནྟོ ཡེན བྷགཝཱ ཏེནུཔསངྐམི, ཨུཔསངྐམནྟོ བྷགཝཏཱ གཧཔཏིཝཱདེན སམུདཱཙརིཡམཱནོ ཀུཔིཏོ ཨནཏྟམནོ བྷགཝནྟཾ ཨེཏདཝོཙ ‘‘ཏཡིདཾ བྷོ གོཏམ ནཙྪནྣཾ ཏཡིདཾ ནཔྤཏིརཱུཔཾ, ཡཾ མཾ ཏྭཾ གཧཔཏིཝཱདེན སམུདཱཙརསཱི’’ཏི. ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཀཐཉྩཱཝུསོ ¶ བྷགཝཱ ཀཱམཱནཾ ཨཱདཱིནཝཾ ཝིཏྠཱརེན པཀཱསེཏྭཱ ཨརིཡསྶ ཝིནཡེ ཝོཧཱརསམུཙྪེདཾ དསྶེསི.

ཝིསྶཛྫནཱ – ཨཐ བྷནྟེ བྷགཝཱ ཨརིཡསྶ ཝིནཡེ ཝོཧཱརསམུཙྪེདཱཡ ཨཊྛ དྷམྨེ ཝིབྷཛིཏྭཱ ‘‘སེཡྻཐཱཔི གཧཔཏི ཀུཀྐུརོ ཛིགྷཙྪཱདུབྦལྱཔརེཏོ གོགྷཱཏཀསཱུནཾ པཙྩུཔཊྛིཏོ ཨསྶ’’ ཨེཝམཱདིནཱ ཀཱམེསུ ཨཱདཱིནཝཾ དསྶེཏྭཱ པརིཡོསཱནེ ཏཱིཧི ཝིཛྫཱཧི ཨརིཡསྶ ཝིནཡེ ཝོཧཱརསམུཙྪེདཾ སབྦེནསབྦཾ སབྦཐཱསབྦཾ ཝོཧཱརསམུཙྪེདཾ ཝིཏྠཱརེན ཝིབྷཛིཏྭཱ དེསེསི.

ཛཱིཝཀསུཏྟ

པུཙྪཱ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན ཛཱིཝཀསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – རཱཛགཧེ ¶ བྷནྟེ ཛཱིཝཀཾ ཀོམཱརབྷཙྩཾ ཨཱརབྦྷ བྷཱསིཏཾ. ཛཱིཝཀོ བྷནྟེ ཀོམཱརབྷཙྩོ བྷགཝནྟཾ ཨུཔསངྐམིཏྭཱ ཨེཏདཝོཙ ‘‘སུཏཾ མེཏཾ བྷནྟེ སམཎཾ གོཏམཾ ཨུདྡིསྶ པཱཎཾ ཨཱརབྷནྟི, ཏཾ སམཎོ གོཏམོ ཛཱནཾ ཨུདྡིསྶ ཀཏཾ མཾསཾ པརིབྷུཉྫཏི པཊིཙྩ ཀམྨནྟི. ཡེ ཏེ བྷནྟེ ཨེཝམཱཧཾསུ ‘སམཎཾ གོཏམཾ ཨུདྡིསྶ པཱཎཾ ཨཱརབྷནྟི, ཏཾ སམཎོ གོཏམོ ཛཱནཾ ཨུདྡིསྶ ཀཏཾ མཾསཾ པརིབྷུཉྫཏི པཊིཙྩ ཀམྨ’ནྟི, ཀཙྩི ཏེ བྷནྟེ བྷགཝཏོ ཝུཏྟཝཱདིནོ ན ཙ བྷགཝནྟཾ ཨབྷཱུཏེན ཨབྦྷཱཙིཀྑནྟི, དྷམྨསྶ ཙཱནུདྷམྨཾ བྱཱཀརོནྟི, ན ཙ ཀོཙི སཧདྷམྨིཀོ ཝཱདཱནུཝཱདོ གཱརཡ྄ཧཾ ཋཱནཾ ཨཱགཙྪཏཱི’’ཏི. ཏསྨིཾ བྷནྟེ ཝཏྠུསྨིཾ བྷཱསིཏཾ.

ཨུཔཱལིསུཏྟ

པུཙྪཱ – ཨུཔཱལིསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – ནཱལ༹ནྡཱཡཾ བྷནྟེ ཨུཔཱལིཾ གཧཔཏིཾ ཨཱརབྦྷ བྷཱསིཏཾ. ཨུཔཱལི བྷནྟེ གཧཔཏི བྷགཝནྟཾ ཨུཔསངྐམིཏྭཱ ཨེཏདཝོཙ ‘‘ཨཱགམཱ ནུཁྭིདྷ བྷནྟེ དཱིགྷཏཔསྶཱི ནིགཎྛོ’’ཏི, ཨེཝམཱདིནཱ ཙ བྷནྟེ ཨུཔཱལི གཧཔཏི བྷགཝཏོ པཊིསནྡྷཱརཾ ཀཏྭཱ ཨཏྟནོ ཨཱཙརིཡསྶ ནིགཎྛསྶ ནཱཊཔུཏྟསྶ ཝཱདཾ པཀཱསེསི, ཝཱདཾ ཝཎྞེསི. ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཨཐ ¶ ཁོ ཨཱཝུསོ བྷགཝཱ ཨུཔཱལིཾ གཧཔཏིཾ ཏསྨིཾ ཝཱདེ ཀཐཾ སམནུཡུཉྫཱི སམནུགཱཧཱི སམནུབྷཱསཱི, ཀཐཉྩསྶ ཨུཔཱཡཾ དསྶེཏྭཱ ཡཐཱབྷཱུཏཾ ཨཏྠཾ ཉཱཔེསི.

ཝིསྶཛྫནཱ – ཨཐ ཁོ བྷནྟེ བྷགཝཱ ཨུཔཱལིཾ གཧཔཏིཾ ‘‘སཙེ ཁོ ཏྭཾ གཧཔཏི སཙྩེ པཏིཊྛཱཡ མནྟེཡྻཱསི, སིཡཱ ནོ ཨེཏྠ ཀཐཱསལླཱཔོ’’ཏི ཨུཔཱལིཾ གཧཔཏིཾ ཀཐཾ སམུཊྛཱཔེཏྭཱ ‘‘ཏཾ ¶ ཀིཾམཉྙསི གཧཔཏི, ཨིདྷསྶ ནིགཎྛོ ཨཱབཱདྷིཀོ དུཀྑིཏོ བཱཉྷགིལཱནོ སཱིཏོདཀཔརིཀྑིཏྟོ ཨུཎྷོདཀཔཊིསེཝཱི, སོ སཱིཏོདཀཾ ཨལབྷམཱནོ ཀཱལངྐརེཡྻཱ’’ཏི ཨེཝམཱདིནཱ བྷནྟེ བྷགཝཱ ཙཏྟཱརོ ཨུཔཱཡེ དསྶེཏྭཱ ཨུཔཱལིཾ གཧཔཏིཾ ཡཐཱབྷཱུཏམཏྠཾ ཉཱཔེསི.

པུཙྪཱ – ཨེཝཾ ¶ ཁོ ཨཱཝུསོ ཨུཔཱལི གཧཔཏི བྷགཝཏཱ སཉྙཱཔིཏོ ཨིམསྨིཾ དྷམྨཝིནཡེ པསནྣོ ཀཱིདིསཾ པསནྣཱཀཱརཾ ཨཀཱསི, ཀཐཉྩ བྷགཝཱ ཏཾ པུན ཨནུསཱསིཏྭཱ ཨུཏྟརི ཝིནེསི.

ཝིསྶཛྫནཱ – ‘‘པུརིམེནེཝཱཧཾ བྷནྟེ ཨོཔམྨེན བྷགཝཏོ ཨཏྟམནོ ཨབྷིརདྡྷོ, ཨཔིཙཱཧཾ ཨིམཱནི བྷགཝཏོ ཝིཙིཏྲཱནི པཉྷཔཊིབྷཱནཱནི སོཏུཀཱམོ, ཨེཝཱཧཾ བྷགཝནྟཾ པཙྩནཱིཀཾ ཀཱཏབྦཾ ཨམཉྙིསྶ’’ནྟི, ཨེཝམཱདིནཱ བྷནྟེ ཨུཔཱལི གཧཔཏི བྷགཝཏཱ ཝིཉྙཱཔིཏོ ཨིམསྨིཾ དྷམྨཝིནཡེ པསནྣོ པསནྣཱཀཱརཾ ཨཀཱསི. ཏཏྠ བྷགཝཱ ཙ བྷནྟེ ‘‘ཨནུཝིཙྩཀཱརཾ ཁོ གཧཔཏི ཀརོཧི, ཨནུཝིཙྩཀཱརོ ཏུམྷཱདིསཱནཾ ཉཱཏམནུསྶཱནཾ སཱདྷུ ཧོཏཱི’’ཏི ཨེཝམཱདིནཱ པུན ཨནུསཱསིཏྭཱ ཨུཏྟརི ཡཱཝ དྷམྨཙཀྑུཔཊིལཱབྷཱ ཝིནེསི.

པུཙྪཱ – ཀཐཉྩཱཝུསོ ¶ ནིགཎྛསྶ ནཱཊཔུཏྟསྶ ཨུཔཱལིསྶ གཧཔཏིསྶ ནིཝེསནཾ གནྟྭཱ ཨཱཝཱིམཾསནཱ ཙ ཨུཔཱལིསྶ གཧཔཏིསྶ པཙྩུཏྟརཱ ཀཐཱ ཙ ཨཧོསི.

ཝིསྶཛྫནཱ – ‘‘ཨུམྨཏྟོསི ཏྭཾ གཧཔཏི དཏྟོསི ཏྭཾ གཧཔཏཱི’’ཏི ཨེཝམཱདིནཱ བྷནྟེ ནིགཎྛསྶ ནཱཊཔུཏྟསྶ ཨུཔཱལིསྶ གཧཔཏིསྶ ནིཝེསནཾ གནྟྭཱ ཝཱིམཾསཱ ཙ ‘‘བྷདྡིཀཱ བྷནྟེ ཨཱཝཊྚནཱིམཱཡཱ ཀལྱཱཎཱི བྷནྟེ ཨཱཝཊྚནཱིམཱཡཱཏི’’ ཨེཝམཱདིནཱ ཨུཔཱལིསྶ གཧཔཏིསྶ པཙྩུཏྟརཀཐཱ ཙ ཨཧོསི.

དྷཱིརསྶ ¶ ཝིགཏམོཧསྶ,

པབྷིནྣཁཱིལསྶ ཝིཛིཏཝིཛཡསྶ;

ཨནཱིགྷསྶ སུསམཙིཏྟསྶ,

ཝུདྡྷསཱིལསྶ སཱདྷུཔཉྙསྶ;

ཝེསམནྟརསྶ ཝིམལསྶ,

བྷགཝཏོ ཏསྶ སཱཝཀོཧམསྨིཾ.

ཨཀཐཾ ཀཐིསྶ ཏུསིཏསྶ,

ཝནྟལོཀཱམིསསྶ མུདིཏསྶ;

ཀཏསམཎསྶ མནུཛསྶ,

ཨནྟིམསཱརཱིརསྶ ནརསྶ.

ཨནོཔམསྶ ¶ ཝིརཛསྶ,

བྷགཝཏོ ཏསྶ སཱཝཀོ ཧམསྨི –

ཏཎྷཙྪིདསྶ བུདྡྷསྶ,

ཝཱིཏདྷཱུམསྶ ཨནུཔལིཏྟསྶ.

ཨཱཧུནེཡྻསྶ ཡཀྑསྶ,

ཨུཏྟམཔུགྒལསྶ ཨཏུལསྶ;

མཧཏོ ཡསགྒཔཏྟསྶ,

བྷགཝཏོ ཏསྶ སཱཝཀོ ཧམསྨི –

ཀུཀྐུརཝཏིཀསུཏྟ

པུཙྪཱ – ཀུཀྐུརཝཏིཀསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – ཀོལིཡེསུ བྷནྟེ ཧལིདྡཝསནེ ནཱམ ཀོལིཡཱནཾ ནིགམེ པུཎྞཉྩ ཀོལིཡཔུཏྟཾ གོཝཏིཀཾ ཨཙེལཉྩ སེནིཡཾ ཀུཀྐུརཝཏིཀཾ ཨཱརབྦྷ བྷཱསིཏཾ. པུཎྞོ བྷནྟེ ཀོལིཡ པུཏྟོ གོཝཏིཀོ བྷགཝནྟཾ ཨེཏདཝོཙ ‘‘ཨཡཾ བྷནྟེ ཨཙེལོ སེནིཡོ ཀུཀྐུརཝཏིཀོ དུཀྐརཀཱརཀོ ཚམཱནིཀྑིཏྟཾ བྷོཛནཾ བྷུཉྫཏི, ཏསྶ ཏཾ ཀུཀྐུརཝཏཾ དཱིགྷརཏྟཾ སམཏྟཾ སམཱདིནྣཾ, ཏསྶ ཀཱ གཏི, ཀོ ཨབྷིསམྤརཱཡོ’’ཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.

ཨབྷཡརཱཛཀུམཱརསུཏྟ

པུཙྪཱ – ཏེནཱཝུསོ ¶ ཛཱནཏཱ…པེ… སམྨཱསམྦུདྡྷེན ཨབྷཡརཱཛཀུམཱརསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – རཱཛགཧེ མེ བྷནྟེ ཨབྷཡཾ རཱཛཀུམཱརཾ ཨཱརབྦྷ བྷཱསིཏཾ. ཨབྷཡོ བྷནྟེ རཱཛཀུམཱརོ བྷགཝནྟཾ ཨུཔསངྐམིཏྭཱ ཨེཏདཝོཙ ‘‘བྷཱསེཡྻ ནུ ཁོ བྷནྟེ ཏཐཱགཏོ ཏཾ ཝཱཙཾ, ཡཱ སཱ ཝཱཙཱ པརེསཾ ཨཔྤིཡཱ ཨམནཱཔཱ’’ཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.

བཧུཝེདནཱིཡསུཏྟ

པུཙྪཱ – བཧུཝེདནཱིཡསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཱཡསྨནྟཉྩ ཨུདཱཡིཾ པཉྩཀངྒཉྩ ཐཔཏིཾ ཨཱརབྦྷ བྷཱསིཏཾ, པཉྩཀངྒོ བྷནྟེ ཐཔཏི ཨཱཡསྨནྟཾ ཨུདཱཡིཾ ཨུཔསངྐམིཏྭཱ ཝེདནཾ པུཙྪི, ཨཱཡསྨཱ བྷནྟེ ཨུདཱཡཱི པཉྩཀངྒཾ ཐཔཏིཾ ཨེཏདཝོཙ ‘‘ཏིསྶོ ཁོ ཐཔཏི ཝེདནཱ ཝུཏྟཱ བྷགཝཏཱ སུཁཱ ཝེདནཱ དུཀྑཱ ཝེདནཱ ཨདུཀྑམསུཁཱ ཝེདནཱ’’ཏི. ཨེཝཾ ཝུཏྟེ བྷནྟེ པཉྩཀངྒོ ཐཔཏི ཨཱཡསྨནྟཾ ཨུདཱཡིཾ ཨེཏདཝོཙ ‘‘ན ཁོ བྷནྟེ ཨུདཱཡི ཏིསྶོ ཝེདནཱ ཝུཏྟཱ བྷགཝཏཱ, དྭེ ཝེདནཱ ཝུཏྟཱ བྷགཝཏཱ སུཁཱ ཝེདནཱ དུཀྑཱ ཝེདནཱ, ཡཱཡཾ བྷནྟེ ཨདུཀྑམསུཁཱ ཝེདནཱ, སནྟསྨིཾ ཨེསཱ པཎཱིཏེ སུཁེ ཝུཏྟཱ བྷགཝཏཱ’’ཏི. ནེཝ ཨསཀྑི ཁོ བྷནྟེ ཨཱཡསྨཱ ཨུདཱཡཱི པཉྩཀངྒཾ ཐཔཏིཾ སཉྙཱཔེཏུཾ, ན པན ཨསཀྑི པཉྩཀངྒོ ཐཔཏི ཨཱཡསྨནྟཾ ཨུདཱཡིཾ སཉྙཱཔེཏུཾ. ཨསྶོསི ཁོ ཨཱཡསྨཱ ཨཱནནྡོ ཨཱཡསྨཏོ ཨུདཱཡིསྶ པཉྩཀངྒེན ཐཔཏིནཱ སདྡྷིཾ ཨིམཾ ཀཐཱསལླཱཔཾ, ཨཐ ཁོ བྷནྟེ ཨཱཡསྨཱ ཨཱནནྡོ ཡཱཝཏཀོ ཨཧོསི ¶ ཨཱཡསྨཏོ ཨུདཱཡིསྶ པཉྩཀངྒེན ཐཔཏིནཱ སདྡྷིཾ ཀཐཱསལླཱཔོ, ཏཾ སབྦཾ བྷགཝཏོ ཨཱརོཙེསི. ཏསྨིཾ བྷནྟེ ཝཏྠུསྨིཾ བྷཱསིཏཾ.

ཨཔཎྞཀསུཏྟ

པུཙྪཱ – ཨཔཎྞཀསུཏྟཾ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – ཀོསལེསུ བྷནྟེ སཱལཱཡཾ ནཱམ ཀོསལཱནཾ བྲཱཧྨཎགཱམེ སཱལེཡྻཀེ བྲཱཧྨཎགཧཔཏིཀེ ཨཱརབྦྷ བྷཱསིཏཾ. སམྦཧུལཱ བྷནྟེ ཨཉྙཏིཏྠིཡཱ སཱལེཡྻཀཱནཾ ¶ བྲཱཧྨཎགཧཔཏིཀཱནཾ ཨཏྟནོ ཨཏྟནོ མིཙྪཱདིཊྛིཡོ པཊིགྒཎྷཱཔེསུཾ ཨུགྒཎྷཱཔེསུཾ. ཏེ པན བྷནྟེ སཱལེཡྻཀཱ བྲཱཧྨཎགཧཔཏིཀཱ ཨེཀདིཊྛིཡམྤི པཏིཊྛཱཏུཾ ན སཀྑིཾསུ. ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཏཏྲ ¶ ཨཱཝུསོ བྷགཝཏཱ པཋམཾ མིཙྪཱཝཱདོ ཙ སམྨཱཝཱདོ ཙ ཀཐཾ ཝིབྷཛིཏྭཱ པཀཱསིཏོ.

ཝིསྶཛྫནཱ – ཏཏྲ བྷནྟེ བྷགཝཏཱ ‘‘སནྟི གཧཔཏཡོ ཨེཀེ སམཎབྲཱཧྨཎཱ ཨེཝཾཝཱདིནོ ཨེཝཾདིཊྛིནོ ནཏྠི དིནྣཾ ནཏྠི ཡིཊྛཾ ནཏྠི ཧུཏཾ ནཏྠི སུཀཏདུཀྐཊཱནཾ ཀམྨཱནཾ ཕལཾ ཝིཔཱཀོ’’ཏི ཨེཝམཱདིནཱ པཋམཾ མིཙྪཱཝཱདོ ཙ སམྨཱཝཱདོ ཙ ཝིབྷཛིཏྭཱ པཀཱསིཏོ.

པུཙྪཱ – ཏཏྠ ¶ ཨཱཝུསོ བྷགཝཏཱ མིཙྪཱཝཱདཱིནཉྩ དོསོ སམྨཱཝཱདཱིནཉྩ གུཎོ ཀཐཾ ཝིཙཱརེཏྭཱ པཀཱསིཏོ.

ཝིསྶཛྫནཱ – ཏཏྠ བྷནྟེ བྷགཝཏཱ ‘‘ཏཏྲ གཧཔཏཡོ ཡེཏེ སམཎབྲཱཧྨཎཱ ཨེཝཾཝཱདིནོ ཨེཝཾདིཊྛིནོ ནཏྠི དིནྣཾ ནཏྠི ཡིཊྛཾ ནཏྠི ཧུཏཾ ནཏྠི སུཀཏདུཀྐཊཱནཾ ཀམྨཱནཾ ཕལཾ ཝིཔཱཀོ’’ཏི ཨེཝམཱདིནཱ བྷནྟེ མིཙྪཱཝཱདཱིནཉྩ དོསོ སམྨཱཝཱདཱིནཉྩ གུཎོ བྷགཝཏཱ ཝིཙཱརེཏྭཱ པཀཱསིཏོ.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ ཝིཉྙུནོ པུརིསཔུགྒལསྶ པཊིསཉྩིཀྑཎཱ པཀཱསིཏཱ.

ཝིསྶཛྫནཱ – ཏཏྲ ¶ གཧཔཏཡོ ཝིཉྙཱུ པུརིསོ ཨིཏི པཊིསཉྩིཀྑཏཱིཏི ཨེཝམཱདིནཱ བྷནྟེ ཏཏྠ བྷགཝཏཱ ཝིཉྙུནོ པུརིསཔུགྒལསྶ པཊིསཉྩིཀྑཎཱ པཀཱསིཏཱ.

པུཙྪཱ – ཀཐཉྩཱཝུསོ ¶ བྷགཝཏཱ ཨཉྙེསུཔི མིཙྪཱཝཱདསམྨཱཝཱདེསུ ཨཔཎྞཀཔཊིཔདཱ ཝིཙཱརེཏྭཱ པཀཱསིཏཱ, ཏཾ སངྑེཔཏོ ཀཐེསི.

ཝིསྶཛྫནཱ – ཡཐེཝ བྷནྟེ པཋམེ ཝཱདེ, ཨེཝམེཝ ཁོ བྷནྟེ ཨཀིརིཡཝཱདཱདཱིསུ ཙཏཱུསུ ཙ མིཙྪཱཝཱདེསུ དོསཾ ཀིརིཡཝཱདཱདཱིསུ ཙ ཙཏཱུསུ སམྨཱཝཱདེསུ གུཎཾ, ཏཏྠ ཙ ཝིཉྙུནོ པུརིསསྶ པཊིསཉྩིཀྑཎཱཀཱརཾ དསྶེཏྭཱ བྷགཝཏཱ ཨཔཎྞཀཔཊིཔདཱ པཀཱསིཏཱ.

ཨམྦལཊྛིཀརཱཧུལོཝཱདསུཏྟ

པུཙྪཱ – ཨམྦལཊྛིཀརཱཧུལོཝཱདསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.

ཝིསྶཛྫནཱ – རཱཛགཧེ བྷནྟེ ཨཱཡསྨནྟཾ རཱཧུལཾ ཨཱརབྦྷ བྷཱསིཏཾ.

མཧཱརཱཧུལོཝཱདསུཏྟ

པུཙྪཱ – མཧཱརཱཧུལོཝཱདསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཱཡསྨནྟཾ རཱཧུལཾ ཨཱརབྦྷ བྷཱསིཏཾ. ཨཱཡསྨཱ བྷནྟེ རཱཧུལོ བྷགཝཏོ ཙེཝ ཨཏྟནོ ཙ ཨཏྟབྷཱཝསམྤཏྟིཾ ནིསྶཱཡ གེཧསྶིཏཾ ཚནྡརཱགཾ ཨུཔྤཱདེསི. ཏསྨིཾ བྷནྟེ ཝཏྠུསྨིཾ བྷཱསིཏཾ.

ཙཱུལ༹མཱལུཀྱསུཏྟ

པུཙྪཱ – ཙཱུལ༹མཱལུཀྱསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཱཡསྨནྟཾ མཱལུཀྱཔུཏྟཾ ཨཱརབྦྷ བྷཱསིཏཾ. ཨཱཡསྨཱ བྷནྟེ མཱལུཀྱཔུཏྟོ ཨཏྟནོ པཝིཝིཏྟསྶ རཧོགཏསྶ པཊིསལླཱིནསྶ ཙེཏསོ པརིཝིཏཀྐཾ བྷགཝཏོ ཨཱརོཙེསི. ཏསྨིཾ བྷནྟེ ཝཏྠུསྨིཾ བྷཱསིཏཾ.

མཧཱམཱལུཀྱསུཏྟ

པུཙྪཱ – མཧཱམཱལུཀྱསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – ཏསྨིཾཡེཝ བྷནྟེ སཱཝཏྠིཡཾ ཨཱཡསྨནྟཾ མཧཱམཱལུཀྱཔུཏྟཾ ཨཱརབྦྷ བྷཱསིཏཾ.

བྷདྡཱལིསུཏྟ

པུཙྪཱ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན བྷདྡཱལིསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཱཡསྨནྟཾ བྷདྡཱལིཾ ཨཱརབྦྷ བྷཱསིཏཾ. ཨཱཡསྨཱ བྷནྟེ བྷདྡཱལི བྷགཝཏཱ སིཀྑཱཔདེ པཉྙཱཔིཡམཱནེ བྷིཀྑུསངྒྷེ སིཀྑཾ སམཱདིཡམཱནེ ཨནུསྶཱཧཾ པཝེདེསི. ཏསྨིཾ བྷནྟེ ཝཏྠུསྨིཾ བྷཱསིཏཾ.

ཨཙྩཡོ ¶ མཾ བྷནྟེ ཨཙྩགམཱ ཡཐཱབཱལཾ ཡཐཱམཱུལ༹ྷཾ ཡཐཱཨཀུསལཾ, ཡོཧཾ བྷགཝཏཱ སིཀྑཱཔདེ པཉྙཱཔིཡམཱནེ བྷིཀྑུསངྒྷེ སིཀྑཾ སམཱདིཡམཱནེ ཨནུསྶཱཧཾ པཝེདེསིཾ, ཏསྶ མེ བྷནྟེ བྷགཝཱ ཨཙྩཡཾ ཨཙྩཡཏོ པཊིགྒཎྷཱཏུ ཨཱཡཏིཾ སཾཝརཱཡ –

པུཙྪཱ – ཨཐ ¶ ཁོ ཨཱཝུསོ ཨཱཡསྨཱ བྷདྡཱལི བྷགཝནྟཾ ཀཱིདིསཾ པཉྷཾ པུཙྪི, ཀཐཉྩསྶ བྷགཝཱ ཏཾ ཝིབྷཛིཏྭཱ བྱཱཀཱསི.

ཝིསྶཛྫནཱ – ཨཐ ཁོ བྷནྟེ ཨཱཡསྨཱ བྷདྡཱལི ‘‘ཀོ ནུ ཁོ བྷནྟེ ཧེཏུ, ཀོ པཙྩཡོ, ཡེན མིདྷེཀཙྩཾ བྷིཀྑུཾ པསཡུ པསཡུ ཀཱརཎཾ ཀརོནྟཱི’’ཏི ཨེཝམཱདིནཱ བྷགཝནྟཾ པཉྷཾ ཨཔུཙྪི. བྷགཝཱ ཙ བྷནྟེ ‘‘ཨིདྷ བྷདྡཱལི ཨེཀཙྩོ བྷིཀྑུ ཨབྷིཎྷཱཔཏྟིཀོ ཧོཏི, ཨཱཔཏྟིབཧུལོ’’ ཨེཝམཱདིནཱ ཨཱཡསྨཏོ བྷདྡཱལིསྶ ཝིབྷཛིཏྭཱ བྱཱཀཱསི.

པུཙྪཱ – ཏདཱཔི ¶ ཁོ ཨཱཝུསོ ཨཱཡསྨཱ བྷདྡཱལི པུནཔི བྷགཝནྟཾ ཀཱིདིསཾ པཉྷཾ པུཙྪི, ཀཐཉྩསྶ བྷགཝཱ ཏམྤི ཝིབྷཛིཏྭཱ བྱཱཀཱསི.

ཝིསྶཛྫནཱ – ཏདཱཔི བྷནྟེ ཨཱཡསྨཱ བྷདྡཱལི ‘‘ཀོ ནུ ཁོ བྷནྟེ ཧེཏུ, ཀོ པཙྩཡོ, ཡེན པུབྦེ ཨཔྤཏརཱནི ཙེཝ སིཀྑཱཔདཱནི ཨཧེསུཾ, བཧུཏརཱ ཙ བྷིཀྑཱུ ཨཉྙཱཡ སཎྜཧིཾསུ. ཀོ པན བྷནྟེ ཧེཏུ, ཀོ པཙྩཡོ ཡེན ཨེཏརཧི བཧུཏརཱནི ཙེཝ སིཀྑཱཔདཱནི ཧོནྟི ཨཔྤཏརཱ ཙ བྷིཀྑཱུ ཨཉྙཱཡ སཎྜཧནྟཱི’’ཏི བྷགཝནྟཾ པུནཔི པཉྷཾ ཨཔུཙྪི. བྷགཝཱ ཙ བྷནྟེ ‘‘ཨེཝམེཏཾ བྷདྡཱལི ཧོཏི, སཏྟེསུ ཧཱཡམཱནེསུ སདྡྷམྨེ ཨནྟརདྷཱཡམཱནེ བཧུཏརཱནི ཧོནྟི ཨཔྤཏརཱ ཙ བྷིཀྑཱུ ཨཉྙཱཡ སཎྜཧནྟཱི’’ཏི, ཨེཝམཱདིནཱ ཨཱཡསྨཏོ བྷདྡཱལིསྶ ཝིབྷཛིཏྭཱ ཝིབྷཛིཏྭཱ བྱཱཀཏཱ.

ལཊུཀིཀོཔམསུཏྟ

པུཙྪཱ – ལཊུཀིཀོཔམསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – ཨངྒུཏྟརཱཔེསུ བྷནྟེ ཨཱཔཎེ ནཱམ ཨངྒུཏྟརཱཔཱནཾ ནིགམེ ཨཱཡསྨནྟཾ ཨུདཱཡིཾ ཨཱརབྦྷ བྷཱསིཏཾ. ཨཱཡསྨཱ བྷནྟེ ཨུདཱཡཱི བྷགཝནྟཾ ཨུཔསངྐམིཏྭཱ ཨེཏདཝོཙ ‘‘ཨིདྷ མཡ྄ཧཾ བྷནྟེ རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི ‘‘བཧཱུནཾ ཝཏ ནོ བྷགཝཱ དུཀྑདྷམྨཱནཾ ཨཔཧཏྟཱ, བཧཱུནཾ ཝཏ ནོ བྷགཝཱ སུཁདྷམྨཱནཾ ཨུཔཧཏྟཱ, བཧཱུནཾ ཝཏ ནོ བྷགཝཱ ཨཀུསལཱནཾ དྷམྨཱནཾ ཨཔཧཏྟཱ, བཧཱུནཾ ཝཏ ནོ བྷགཝཱ ཀུསལཱནཾ དྷམྨཱནཾ ཨུཔཧཏྟཱ’ཏི’’. ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཨཐ ¶ ཁོ ཨཱཝུསོ བྷགཝཱ ཀཱིདིསཱི ཨུཔམཱཡོ དསྶེཏྭཱ བྷིཀྑཱུནཾ ཨོཝཱདཾ ཨདཱསི.

ཝིསྶཛྫནཱ – ཨཐ ཁོ བྷནྟེ བྷགཝཱ ལཊུཀིཀོཔམཾ ཧཏྠིནཱགོཔམཾ དལིདྡཔུརིསོཔམཾ གཧཔཏིཀོཔམནྟི ཙཏསྶོ ཨུཔམཱཡོ དསྶེཏྭཱ བྷིཀྑཱུནཾ ཨོཝཱདམདཱསི.

པུཙྪཱ – ཨེཝཉྩཱཝུསོ ¶ བྷགཝཱ ཙཏཱུཧི ཨུཔམཱཧི བྷིཀྑཱུནཾ ཨོཝཱདཾ དཏྭཱ ཀཐཾ ཨུཏྟརི དྷམྨདེསནཾ པཝཌྜྷེསི.

ཝིསྶཛྫནཱ – ཨེཝཾ ཁོ བྷནྟེ བྷགཝཱ ཙཏཱུཧི ཨུཔམཱཧི བྷིཀྑཱུནཾ ཨོཝཱདཾ དཏྭཱ ‘‘ཙཏྟཱརོ མེ ཨུདཱཡི པུགྒལཱ སནྟོ སཾཝིཛྫམཱནཱ ལོཀསྨིཾ’’ནྟི ཨེཝམཱདིནཱ ཨུཏྟརི བྷིཀྑཱུནཾ དྷམྨཀཐཾ པཝཌྜྷེསི.

ཙཱཏུམསུཏྟ

པུཙྪཱ – ཙཱཏུམསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – ཙཱཏུམཱཡཾ བྷནྟེ ཨཱཡསྨནྟཱནཾ སཱརིཔུཏྟམོགྒལཱནཏྠེརཱནཾ སདྡྷིཝིཧཱརིཀེ ཨདྷུནཱ པབྦཛིཏེ སམྦཧུལེ བྷིཀྑཱུ ཨཱརབྦྷ བྷཱསིཏཾ. སཱརིཔུཏྟམོགྒལླཱནཔྤམུཁཱནི བྷནྟེ པཉྩམཏྟཱནི བྷིཀྑུསཏཱནི ཙཱཏུམཾ ཨནུཔྤཏྟཱནི ཧོནྟི བྷགཝནྟཾ དསྶནཱཡ, ཏེ ཙ ཨཱགནྟུཀཱ བྷིཀྑཱུ ནེཝཱསིཀེཧི བྷིཀྑཱུཧི སདྡྷིཾ པཊིསམྨོདམཱནཱ སེནཱསནཱནི པཉྙཱཔཡམཱནཱ པཏྟཙཱིཝརཱནི པཊིསཱམཡམཱནཱ ཨུཙྩཱསདྡཱ མཧཱསདྡཱ ཨཧེསུཾ. ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཀཐཉྩཱཝུསོ ¶ ཏཏྠ བྷགཝཱ བྷིཀྑཱུནཾ ཨོཝཱདཾ ཨདཱསི.

ཝིསྶཛྫནཱ – ཙཏྟཱརིམཱནི བྷིཀྑཝེ བྷཡཱནི ཨུདཀོརོཧནྟེ པཱཏིཀངྑིཏབྦཱནཱིཏི ཨེཝམཱདིནཱ བྷནྟེ བྷགཝཱ ཏཏྠ བྷིཀྑཱུནཾ ཨོཝཱདཾ ཨདཱསི.

ནལ༹ཀཔཱནསུཏྟ

པུཙྪཱ – ནལ༹ཀཔཱནསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.

ཝིསྶཛྫནཱ – ནལ༹ཀཔཱནེ བྷནྟེ ཨནུརུདྡྷཏྠེརཔྤམུཁེ སམྦཧུལེ ཨབྷིཉྙཱཏེ ཨབྷིཉྙཱཏེ ཀུལཔུཏྟེ ཨཱརབྦྷ བྷཱསིཏཾ.

གོལིཡཱནིསུཏྟ

པུཙྪཱ – གོལིཡཱནིསུཏྟཾ ¶ པནཱཝུསོ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན བྷཱསིཏཾ.

ཝིསྶཛྫནཱ – རཱཛགཧེ བྷནྟེ ཨཱཡསྨནྟཾ གོལིཡཱནིཾ ཨཱརབྦྷ ཨཱཡསྨཏཱ སཱརིཔུཏྟཏྠེརེན དྷམྨསེནཱཔཏིནཱ བྷཱསིཏཾ. ཨཱཡསྨཱ བྷནྟེ གོལིཡཱནི ཨཱརཉྙིཀོ པདསམཱཙཱརོ སངྒྷམཛ྄ཛྷེ ཨོསཊོ ཧོཏི ཀེནཙིདེཝ ཀརཎཱིཡེན, ཏསྨིཾ བྷནྟེ ཝཏྠུསྨིཾ བྷཱསིཏཾ.

ཀཱིཊཱགིརིསུཏྟ

པུཙྪཱ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན ཀཱིཊཱགིརིསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – ཀཱསཱིསུ བྷནྟེ ཀཱིཊཱགིརིསྨིཾ ཀཱསཱིནཾ ནིགམེ ཨསྶཛིཔུནབྦསུཀེ བྷིཀྑཱུ ཨཱརབྦྷ བྷཱསིཏཾ. ཨསྶཛིཔུནབྦསུཀཱ བྷནྟེ བྷིཀྑཱུ བྷིཀྑཱུཧི སཧདྷམྨིཀཾ ཝུཙྩམཱནཱ ཨེཝམཱཧཾསུ ‘‘མཡཾ ཁོ ཨཱཝུསོ སཱཡཉྩེཝ བྷུཉྫཱམ པཱཏོ ཙ དིཝཱ ཙ ཝིཀཱལེ, ཏེ མཡཾ སཱཡཉྩེཝ བྷུཉྫམཱནཱ པཱཏོ ཙ དིཝཱ ཙ ཝིཀཱལེ ཨཔྤཱབཱདྷཏཉྩ སཉྫཱནཱམ ཨཔྤཱཏངྐཏཉྩ ལཧུཊྛཱནཉྩ བལཉྩ ཕཱསུཝིཧཱརཉྩ, ཏེ མཡཾ ཀིཾ སནྡིཊྛིཀཾ ཧིཏྭཱ ཀཱལིཀཾ ཨནུདྷཱཝིསྶཱམ, སཱཡཉྩེཝ མཡཾ བྷུཉྫིསྶཱམ པཱཏོ ཙ དིཝཱ ཙ ཝིཀཱལེ’’ཏི. ཏསྨིཾ བྷནྟེ ཝཏྠུསྨིཾ བྷཱསིཏཾ.

ཏེཝིཛྫཝཙྪསུཏྟ

པུཙྪཱ – ཏེཝིཛྫཝཙྪསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – ཝེསཱལིཡཾ བྷནྟེ ཝཙྪགོཏྟཾ པརིབྦཱཛཀཾ ཨཱརབྦྷ བྷཱསིཏཾ. ཝཙྪགོཏྟོ བྷནྟེ པརིབྦཱཛཀོ བྷགཝནྟཾ ཨེཏདཝོཙ ‘‘སུཏཾ མེ བྷནྟེ སམཎོ གོཏམོ སབྦཉྙཱུ སབྦདསྶཱཝཱི ཨཔརིསེསཾ ཉཱཎདསྶནཾ པཊིཛཱནཱཏི, ཙརཏོ ཙ མེ ཏིཊྛཏོ ཙ སུཏྟསྶ ཙ ཛཱགརསྶ ཙ སཏཏཾ སམིཏཾ ཉཱཎདསྶནཾ པཙྩུཔཊྛིཏ’’ནྟི. ཡེ ཏེ བྷནྟེ ཨེཝམཱཧཾསུ ‘‘སམཎོ གོཏམོ སབྦཉྙཱུ སབྦདསྶཱཝཱི ཨཔརིསེསཾ ཉཱཎདསྶནཾ པཊིཛཱནཱཏི, ཙརཏོ ཙ མེ ཏིཊྛཏོ ཙ སུཏྟསྶ ཙ ཛཱགརསྶ ཙ སཏཏཾ སམིཏཾ ཉཱཎདསྶནཾ པཙྩུཔཊྛིཏ’’ནྟི. ཀཙྩི ཏེ བྷནྟེ བྷགཝཏོ ཝུཏྟཝཱདིནོ, ན ཙ བྷགཝནྟཾ ཨབྷཱུཏེན ཨབྦྷཱཙིཀྑནྟི, དྷམྨསྶ ཙཱནུདྷམྨཾ བྱཱཀརོནྟི, ན ཙ ཀོཙི སཧདྷམྨིཀོ ཝཱདཱནུཝཱདོ གཱརཡ྄ཧཾ ཋཱནཾ ཨཱགཙྪཏཱི’’ཏི. ཏསྨིཾ བྷནྟེ ཝཏྠུསྨིཾ བྷཱསིཏཾ.

ཨགྒིཝཙྪསུཏྟ

པུཙྪཱ – ཨགྒིཝཙྪསུཏྟཾ ¶ པནཱཝུསོ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཝཙྪགོཏྟཾ པརིབྦཱཛཀཾ བྷཱསིཏཾ. ཝཙྪགོཏྟོ བྷནྟེ པརིབྦཱཛཀོ བྷགཝནྟཾ ཨུཔསངྐམིཏྭཱ ‘‘ཀིཾ ནུ ཁོ བྷོ གོཏམ ‘སསྶཏོ ལོཀོ ཨིདམེཝ སཙྩཾ མོགྷམཉྙ’ནྟི ཨེཝཾདིཊྛི བྷཝཾ གོཏམོ’’ཏི ཨེཝམཱདིཀཾ པཉྷཾ ཨཔུཙྪི. ཏསྨིཾ བྷནྟེ ཝཏྠུསྨིཾ བྷཱསིཏཾ.

མཧཱཝཙྪསུཏྟ

པུཙྪཱ – མཧཱཝཙྪསུཏྟཾ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – རཱཛགཧེ བྷནྟེ ཝཙྪགོཏྟཾཡེཝ པརིབྦཱཛཀཾ ཨཱརབྦྷ བྷཱསིཏཾ. ཝཙྪགོཏྟོ བྷནྟེ པརིབྦཱཛཀོ བྷགཝནྟཾ ཨུཔསངྐམིཏྭཱ ¶ ཨེཏདཝོཙ ‘‘དཱིགྷརཏྟཱཧཾ བྷོཏཱ གོཏམེན སཧཀཐཱི, སཱདྷུ མེ བྷཝཾ གོཏམོ སཾཁིཏྟེན ཀུསལཱཀུསལཾ དེསེཏཱུ’’ཏི. ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཨེཝཾ ¶ ཝུཏྟེ ཁོ ཨཱཝུསོ ཝཙྪགོཏྟོ པརིབྦཱཛཀོ ཨིམསྨིཾ དྷམྨཝིནཡེ པསནྣོ ཧུཏྭཱ ཀཱིདིསཾ པསནྣཱཀཱརཾ ཨཀཱསི, ཀཐཉྩསྶ དྷམྨཱབྷིསམཡོ ཨཧོསི.

ཝིསྶཛྫནཱ – ཨེཝཾ ཝུཏྟེ བྷནྟེ ཝཙྪགོཏྟོ པརིབྦཱཛཀོ ‘‘སཙེ ཧི བྷོ གོཏམ ཨིམཾ དྷམྨཾ བྷཝཾཡེཝ གོཏམོ ཨཱརཱདྷཀོ ཨབྷཝིསྶ, ནོ ཙ ཁོ བྷིཀྑཱུ ཨཱརཱདྷཀཱ ཨབྷཝིསྶཾསུ, ཨེཝམིདཾ བྲཧྨཙརིཡཾ ཨཔརིཔཱུརཾ ཨབྷཝིསྶ ཏེནངྒེནཱ’’ཏི ཨེཝམཱདིནཱ ཨིམསྨིཾ དྷམྨཝིནཡེ པསནྣོ པསནྣཱཀཱརམཀཱསི. ཡཱཝ ཨརཧཏྟཉྩསྶ དྷམྨཱབྷིསམཡོ ཨཧོསི.

དཱིགྷནཁསུཏྟ

པུཙྪཱ – དཱིགྷནཁསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – རཱཛགཧེ བྷནྟེ དཱིགྷནཁཾ པརིབྦཱཛཀཾ ཨཱརབྦྷ བྷཱསིཏཾ. དཱིགྷནཁོ བྷནྟེ པརིབྦཱཛཀོ བྷགཝནྟཾ ཨུཔསངྐམིཏྭཱ ཨེཏདཝོཙ ‘‘ཨཧཉྷི བྷོ གོཏམ ཨེཝཾཝཱདཱི ཨེཝཾདིཊྛི སབྦཾ མེ ནཀྑམཏཱི’’ཏི. ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཨིམསྨིཾ ¶ ཙ པནཱཝུསོ ཝེཡྻཱཀརཎསྨིཾ བྷཉྙམཱནེ ཀེསཾ པུགྒལཱནཾ ཝིསེསཱདྷིགམོ ཨཧོསི.

ཝིསྶཛྫནཱ – ཨིམསྨིཉྩ པན བྷནྟེ ཝེཡྻཱཀརཎསྨིཾ བྷཉྙམཱནེ ཨཱཡསྨཏོ སཱརིཔུཏྟསྶ ཨནུཔཱདཱཡ ཨཱསཝེཧི ཙིཏྟཾ ཝིམུཙྩི, དཱིགྷནཁསྶ པན པརིབྦཱཛཀསྶ ཏསྨིཾཡེཝ ཨཱསནེ ཝིརཛཾ ཝཱིཏམལཾ དྷམྨཙཀྑུཾ ཨུདཔཱདི ཡཾཀིཉྩི སམུདཡདྷམྨཾ, སབྦཾ ཏཾ ནིརོདྷདྷམྨ’’ནྟི.

མཱགཎྜིཡསུཏྟ

པུཙྪཱ – མཱགཎྜིཡསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – ཀུརཱུསུ བྷནྟེ ཀམྨཱསདྷམྨེ ནཱམ ཀུརཱུནཾ ནིགམེ བྷཱརདྭཱཛ གོཏྟསྶ བྲཱཧྨཎསྶ ཨགྱཱགཱརེ ཏིཎསནྠཱརཀེ མཱགཎྜིཡཾ པརིབྦཱཛཀཾ ཨཱརབྦྷ བྷཱསིཏཾ. མཱགཎྜིཡོ བྷནྟེ པརིབྦཱཛཀོ བྷགཝནྟཾ ‘‘བྷཱུནཧུ སམཎོ གོཏམོ’’ཏི ཝདེསི, ཏསྨིཾ བྷནྟེ ཝཊྛུསྨིཾ བྷཱསིཏཾ.

པུཙྪཱ – ཀཐཉྩཱཝུསོ ¶ བྷགཝཱ ཏཏྠ མཱགཎྜིཡསྶ པརིབྦཱཛཀསྶ སམནུཡུཉྫིཏྭཱ སམནུཡུཉྫིཏྭཱ དྷམྨཾ དེསེསི.

ཝིསྶཛྫནཱ – ‘‘ཙཀྑུཾ ཁོ མཱགཎྜིཡ རཱུཔཱརཏཾ རཱུཔསམྨུདིཏཾ, ཏཾ ཏཐཱགཏསྶ དནྟཾ གུཏྟཾ རཀྑིཏཾ སཾཝུཏཾ, ཏསྶ ཙ སཾཝརཱཡ དྷམྨཾ དེསེཏཱི’’ཏི ཨེཝམཱདིནཱ བྷནྟེ ཏཏྠ བྷགཝཱ མཱགཎྜིཡསྶ པརིབྦཱཛཀསྶ སམནུཡུཉྫིཏྭཱ སམནུཡུཉྫིཏྭཱ དྷམྨཾ དེསེསི.

པུཙྪཱ – ཨེཝཾ ¶ ཁོ ཨཱཝུསོ མཱགཎྜིཡེན པརིབྦཱཛཀེན ‘‘ནཀིཉྩི བྷོ གོཏམཱ’’ཏི ཡཐཱབྷཱུཏཾ པཊིསྶུཏེ ཀཐཾ བྷགཝཱ ཨཏྟནོཔི ན ཀིཉྩི ཀེནཙིཔི ཝཏྟབྦཏཾ པཀཱསེསི.

ཝིསྶཛྫནཱ – ཨེཝཾ ཁོ བྷནྟེ མཱགཎྜིཡེན པརིབྦཱཛཀེན ནཀིཉྩི བྷོགོཏམཱཏི ཡཐཱབྷཱུཏཾ པཊིསྶུཏེ ‘‘ཨཧཾ ཁོ པན མཱགཎྜིཡ པུབྦེ ཨགཱརིཡབྷཱུཏོ སམཱནོ པཉྩཧི ཀཱམགུཎེཧི སམཔྤིཏོ སམངྒཱིབྷཱུཏོ པརིཙཱརེསིཾ ཙཀྑུཝིཉྙེཡྻཧི རཱུཔེཧི ཨིཊྛེཧི མནཱཔེཧི པིཡརཱུཔེཧི ཀཱམཱུཔསཾཧིཏེཧི རཛནཱིཡེཧཱི’’ཏི ཨེཝམཱདིནཱ བྷགཝཱ ཨཏྟནོཔི ན ཀིཉྩི ཀེནཙིཔི ཝཏྟབྦཏཾ པཀཱསེསི.

པུཙྪཱ – ཨིམསྨིཾ ¶ སུཏྟེ པརིཡོསཱནཔུཙྪཾ པུཙྪིསྶཱམི ཨིམཉྩ པནཱཝུསོ དྷམྨདེསནཾ སུཏྭཱ མཱགཎྜིཡོ པརིབྦཱཛཀོ ཨིམསྨིཾ དྷམྨཝིནཡེ པསནྣོ ཧུཏྭཱ ཀཱིདིསཾ པསནྣཱཀཱརམཀཱསི.

ཝིསྶཛྫནཱ – ཨིམཾ ¶ ཙ པན བྷནྟེ དྷམྨདེསནཾ སུཏྭཱ མཱགཎྜིཡོ པརིབྦཱཛཀོ ‘ཨབྷིཀྐནྟཾ བྷོ གོཏམ ཨབྷིཀྐནྟཾ བྷོ གོཏམཱ’’ཏི ཨེཝམཱདིནཱ ཨིམསྨིཾ དྷམྨཝིནཡེ པསནྣོ པསནྣཱཀཱརམཀཱསི.

སནྡཀསུཏྟ

པུཙྪཱ – སནྡཀསུཏྟཾ པནཱཝུསོ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན བྷཱསིཏཾ.

ཝིསྶཛྫནཱ – ཀོསམྦིཡཾ ¶ བྷནྟེ སནྡཀཾ པརིབྦཱཛཀཾ ཨཱརབྦྷ ཨཱཡསྨཏཱ ཨཱནནྡཏྠེརེན དྷམྨབྷཎྜཱགཱརིཀེན བྷཱསིཏཾ. སནྡཀོ བྷནྟེ པརིབྦཱཛཀོ ཨཱཡསྨནྟཾ ཨཱནནྡཾ ཨེཏདཝོཙ ‘‘སཱདྷུཝཏ བྷཝནྟཾཡེཝ ཨཱནནྡཾ པཊིབྷཱཏུ སཀེ ཨཱཙརིཡ ཀེ དྷམྨིཀཐཱ’’ཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཀཐཉྩཱཝུསོ ¶ ཏཏྠ ཙཏྟཱརོ ཨབྲཧྨཙརིཡཝཱསཱ ཨཱཡསྨཏཱ ཨཱནནྡཏྠེརེན དྷམྨབྷཎྜཱགཱརིཀེན ཝིཙཱརེཏྭཱ པཀཱསིཏཱ.

ཝིསྶཛྫནཱ – ཨིདྷ སནྡཀ ཨེཀཙྩོ སཏྠཱ ཨེཝཾཝཱདཱི ཧོཏི ཨེཝཾདིཊྛི ནཏྠི དིནྣཾ, ནཏྠི ཡིཊྛཾ, ནཏྠི ཧུཏཾ, ནཏྠི སུཀཏདུཀྐཊཱནཾ ཀམྨཱནཾ ཕལཾཝིཔཱཀོ, ནཏྠི ཨཡཾལོཀོ, ནཏྠི པརོལོཀོ, ནཏྠི མཱཏཱ, ནཏྠི པིཏཱ, ནཏྠི སཏྟཱ ཨོཔཔཱཏིཀཱཏི

ཨེཝམཱདིནཱ ¶ བྷནྟེ ཏཏྠ ཨཱཡསྨཏཱ ཨཱནནྡཏྠེརེན དྷམྨབྷཎྜཱགཱརིཀེན ཙཏྟཱརོ ཨབྲཧྨཙརིཡཝཱསཱ ཝིཙཱརེཏྭཱ པཀཱསིཏཱ.

པུཙྪཱ – ཀཐཉྩཱཝུསོ ¶ ཏཏྠ ཙཏྟཱརི ཨནསྶཱསིཀཱནི བྲཧྨཙརིཡཱནི ཨཱཡསྨཏཱ ཨཱནནྡཏྠེརེན དྷམྨབྷཎྜཱགཱརིཀེན ཝིཙཱརེཏྭཱ པཀཱསིཏཱནི.

ཝིསྶཛྫནཱ – ཨིདྷ ¶ སནྡཀ ཨེཀཙྩོ སཏྠཱ སབྦཉྙཱུ སབྦདསྶཱཝཱི ཨཔརིསེསཾ ཉཱཎདསྶནཾ པཊིཛཱནཱཏི ‘‘ཙརཏོ ཙ མེ ཏིཊྛཏོ ཙ སུཏྟསྶ ཙ ཛཱགརསྶ ཙ སཏཏཾ སམིཏཾ ཉཱཎདསྶནཾ པཙྩུཔཊྛིཏ’’ནྟི ཨེཝམཱདིནཱ བྷནྟེ ཏཏྠ ཨཱཡསྨཏཱ ཨཱནནྡཏྠེརེན དྷམྨབྷཎྜཱགཱརིཀེན ཙཏྟཱརི ཨནསྶཱསིཀཱནི བྲཧྨཙརིཡཱནི ཝིབྷཛིཏྭཱ པཀཱསིཏཱནི.

པུཙྪཱ – ཨཐ

¶ ཁོ ཨཱཝུསོ སནྡཀོ པརིབྦཱཛཀོ ཨཱཡསྨནྟཾ ཨཱནནྡཏྠེརཾ ཀཐཾ པུཙྪི, ཏཐཉྩསྶཱཡསྨཱནནྡཏྠེརོ བྱཱཀཱསི.

ཝིསྶཛྫནཱ – ཨཐ ཁོ བྷནྟེ སནྡཀོ པརིབྦཱཛཀོ ‘‘སོ པན བྷོ ཨཱནནྡ སཏྠཱ ཀིཾཝཱདཱི ཀིཾ ཨཀྑཱཡཱི’’ཏི ཨེཝམཱདིནཱ ཨཱཡསྨནྟཾ ཨཱནནྡཏྠེརཾ པུཙྪི, ཨཱཡསྨཱ ཙ བྷནྟེ ཨཱནནྡཏྠེརོ ‘‘ཨིདྷ སནྡཀ ཏཐཱགཏོ ལོཀེ ཨུཔྤཛྫཏི ཨརཧཾ སམྨཱསམྦུདྡྷོ ཝིཛྫཱཙརཎསམྤནྣོ’’ཏི ཨེཝམཱདིནཱ སནྡཀསྶ པརིབྦཱཛཀསྶ ཝིབྷཛིཏྭཱ ཝིབྷཛིཏྭཱ བྱཱཀཱསི.

པུཙྪཱ – ཨིམཉྩ ¶ པནཱཝུསོ དྷམྨདེསནཾ སུཏྭཱ སནྡཀོ པརིབྦཱཛཀོ ཨིམསྨིཾ དྷམྨཝིནཡེ པསནྣོ ཀཱིདིསཾ པསནྣཱཀཱརམཀཱསི.

ཝིསྶཛྫནཱ – ཨིམཉྩ ¶ བྷནྟེ དྷམྨདེསནཾ སུཏྭཱ སནྡཀོ པརིབྦཱཛཀོ ‘‘ཨཙྪརིཡཾ བྷོ ཨཱནནྡ, ཨབྦྷུཏཾ བྷོ ཨཱནནྡ, ན ཙ ནཱམ སདྷམྨོཀྐཾསནཱ བྷཝིསྶཏི, ན པརདྷམྨཝམྦྷནཱ, ཨཱཡཏནེ ཙ དྷམྨདེསནཱ, ཏཱཝ བཧུཀཱ ཙ ནིཡྻཱཏཱརོ པཉྙཱཡིསྶནྟཱི’’ཏི ཨེཝམཱདིནཱ ཨིམསྨིཾ དྷམྨཝིནཡེ པསནྣོ པསནྣཱཀཱརམཀཱསི.

མཧཱསཀུལུདཱཡཱིསུཏྟ

པུཙྪཱ – མཧཱསཀུལུདཱཡིསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – རཱཛགཧེ བྷནྟེ སཀུལུདཱཡིཾ པརིབྦཱཛཀཾ ཨཱརབྦྷ བྷཱསིཏཾ. སཀུལུདཱཡཱི བྷནྟེ པརིབྦཱཛཀོ པུརིམཱནི དིཝསཱནི པུརིམཏརཱནི ཀོཏཱུཧལསཱལཱཡཾ ནཱནཱཏིཏྠིཡཱནཾ སམཎབྲཱཧྨཎཱནཾ ཡཱཝཏཀོ ཨཧོསི བྷགཝནྟཉྩ ཚ ཙ སཏྠཱརོ ཨཱརབྦྷ ཀཐཱསལླཱཔོ, ཏཾ སབྦཾ བྷགཝཏོ ཨཱརོཙེསི. ཏསྨིཾ བྷནྟེ ཝཏྠུསྨིཾ བྷཱསིཏཾ.

སམཎམུཎྜིཀསུཏྟ

པུཙྪཱ – སམཎམུཎྜིཀསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨུགྒཱཧམཱན པརིབྦཱཛཀཾ སམཎམུཎྜིཀཱཔུཏྟཾ ཨཱརབྦྷ བྷཱསིཏཾ. ཨུགྒཱཧམཱནོ བྷནྟེ པརིབྦཱཛཀོ སམཎམུཎྜིཀཱཔུཏྟོ པཉྩཀངྒཾ ཏཔཏིཾ ཨེཏདཝོཙ ‘‘ཙཏཱུཧི ཁོ ཨཧཾ གཧཔཏི དྷམྨེཧི སམནྣཱགཏཾ པུརིསཔུགྒལཾ པཉྙཔེམི སམྤནྣཀུསལཾ པརམཀུསལཾ ཨུཏྟམཔཏྟིཔཏྟཾ སམཎཾ ཨཡོཛ྄ཛྷ’’ནྟི, ཏསྨིཾ བྷནྟེ ཝཏྠུསྨིཾ བྷཱསིཏཾ.

ཙཱུལ༹སཀུལུདཱཡཱིསུཏྟ

པུཙྪཱ – ཙཱུལ༹སཀུལུདཱཡཱིསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – རཱཛགཧེ ¶ བྷནྟེ སཀུལུདཱཡིཾ པརིབྦཱཛཀཾ ཨཱརབྦྷ བྷཱསིཏཾ, སཀུལུདཱཡཱི བྷནྟེ པརིབྦཱཛཀོ བྷགཝནྟཾ ཨེཏདཝོཙ ‘‘ཡདཱཧཾ བྷནྟེ ཨིམཾ པརིསཾ ཨནུཔསངྐནྟོ ཧོམི, ཨཐཱཡཾ པརིསཱ ཨནེཀཝིཧིཏཾ ཏིརཙྪཱནཀཐཾ ཀཐེནྟི ནིསིནྣཱ ཧོཏི. ཡདཱ ཙ ཁོ ཨཧཾ བྷནྟེ ཨིམཾ པརིསཾ ཨུཔསངྐམནྟོ ཧོམི, ཨཐཱཡཾ པརིསཱ མམཉྙེཝ མུཁཾ ཨུལློཀེནྟཱི ནིསིནྣཱ ཧོཏི ‘ཡཾ ནོ སམཎོ ཨུདཱཡཱི དྷམྨཾ བྷཱསིསྶཏི, ཏཾ སོསྶཱམཱ’ཏི, ཡདཱ པན བྷནྟེ བྷགཝཱ ཨིམཾ པརིསཾ ཨུཔསངྐནྟོ ཧོཏི, ཨཐཱཧཉྩེཝ ཨཡཉྩ པརིསཱ བྷགཝཏོ མུཁཾ ཨུལློཀེནྟཱ ནིསིནྣཱ ཧོམ ཡཾ ནོ བྷགཝཱ དྷམྨཾ བྷཱསིསྶཏི, ཏཾ སོསྶཱམཱ’’ཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.

ཝེཁནསསུཏྟ

པུཙྪཱ – ཝེཁནསསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཝེཁནསཾ པརིབྦཱཛཀཾ ཨཱརབྦྷ བྷཱསིཏཾ, ཝེཁནསོ བྷནྟེ པརིབྦཱཛཀོ བྷགཝཏོ སནྟིཀེ ཨུདཱནཾ ཨུདཱནེསི ‘‘ཨཡཾ པརམོ ཝཎྞོ ཨཡཾ པརམོ ཝཎྞོ’’ཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.

གྷཊིཀཱརསུཏྟ

པུཙྪཱ – གྷཊིཀཱརསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – ཀོསལེསུ བྷནྟེ གྷཊིཀཱརསྶ ཀུམྦྷཀཱརསྶ གྷརཝཏྠུཔདེསེ ཨཱཡསྨནྟཾ ཨཱནནྡཾ ཨཱརབྦྷ བྷཱསིཏཾ. བྷགཝཱ བྷནྟེ ཏསྨིཾ བྷཱུམིཔདེསེ སིཏཾ པཱཏྭཱཀཱསི, ཨཱཡསྨཱ ཙ ཨཱནནྡོ བྷགཝནྟཾ ཨེཏདཝོཙ ‘‘ཀོ ནུ ཁོ བྷནྟེ ཧེཏུ ཀོ པཙྩཡོ བྷགཝཏོ སིཏསྶ པཱཏུཀམྨཱཡ, ན ཨཀཱརཎེན ཏཐཱགཏཱ སིཏཾ པཱཏུཀརོནྟཱི’’ཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.

རཊྛཔཱལསུཏྟ

པུཙྪཱ – རཊྛཔཱལསུཏྟཾ ¶ པནཱཝུསོ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན བྷཱསིཏཾ.

ཝིསྶཛྫནཱ – ཀུརཱུསུ བྷནྟེ རཱཛཱནཾ ཀོརབྱཾ ཨཱརབྦྷ ཨཱཡསྨཏཱ རཊྛཔཱལཏྠེརེན བྷཱསིཏཾ. རཱཛཱ བྷནྟེ ཀོརབྱོ ཨཱཡསྨནྟཾ རཊྛཔཱལཾ ཨེཏདཝོཙ ‘‘ཙཏྟཱརིམཱནི བྷོ རཊྛཔཱལ པཱརིཛུཉྙཱནི, ཡེཧི པཱརིཛུཉྙེཧི སམནྣཱགཏཱ ཨིདྷེཀཙྩེ ཀེསམསྶུཾ ཨོཧཱརེཏྭཱ ཀཱསཱཡཱནི ཝཏྠཱནི ཨཙྪཱདེཏྭཱ ཨགཱརསྨཱ ཨནཱགཱརིཡཾ པབྦཛནྟཱི’’ཏི ཨེཝམཱདིཀཾ ཝཙནཾ ཨཝོཙ, ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཨཐ ¶ ཁོ ཨཱཝུསོ ཨཱཡསྨཱ རཊྛཔཱལཏྠེརོ རཉྙོ ཀོརབྱསྶ ཀཐཾ པཋམཾ དྷམྨུདྡེསཾ ཝིཏྠཱརེཏྭཱ པཀཱསེསི.

ཝིསྶཛྫནཱ – ཨཐ ཁོ བྷནྟེ ཨཱཡསྨཱ རཊྛཔཱལཏྠེརོ ‘‘ཏཾ ཀིཾ མཉྙསི མཧཱརཱཛ ཏྭཾ ཝཱིསཏིཝསྶུདྡེསིཀོཔི པཎྞཝཱིསཏིཝསྶུདྡེསིཀོཔི ཧཏྠིསྨིམྤི ཀཏཱཝཱི ཨསྶསྨིམྤི ཀཏཱཝཱི རཐསྨིམྤི ཀཏཱཝཱི དྷནུསྨིམྤི ཀཏཱཝཱི ཐརུསྨིམྤི ཀཏཱཝཱི ཨཱུརུབལཱི བཱཧུབལཱི ཨལམཏྟོ སངྒཱམཱཝཙརོ’’ཏི ཨེཝམཱདིནཱ པཋམཾ དྷམྨུདྡེསཾ ཝིཏྠཱརེཏྭཱ པཀཱསེསི.

པུཙྪཱ – ཀཐཾ ¶ པནཱཝུསོ ཨཱཡསྨཱ རཊྛཔཱལཏྠེརོ རཉྙོ ཀོརབྱསྶ དུཏིཡམྤི དྷམྨུདྡེསཾ ཝིཏྠཱརེཏྭཱ པཀཱསེསི.

ཝིསྶཛྫནཱ – ‘‘ཏཾ ¶ ཀིཾ མཉྙསི མཧཱརཱཛ, ཨཏྠི ཏེ ཀོཙི ཨནུསཱཡིཀོ ཨཱབཱདྷོ’’ཏི ཨེཝམཱདིནཱ བྷནྟེ ཨཱཡསྨཱ རཊྛཔཱལོ རཉྙོ ཀོརབྱསྶ དུཏིཡཾ དྷམྨུདྡེསཾ ཝིཏྠཱརེཏྭཱ པཀཱསེསི.

པུཙྪཱ – ཀཐཾ ¶ པནཱཝུསོ ཨཱཡསྨཱ རཊྛཔཱལཏྠེརོ རཉྙོ ཀོརབྱསྶ ཏཏིཡམྤི དྷམྨུདྡེསཾ ཝིཏྠཱརེཏྭཱ པཀཱསེསི.

ཝིསྶཛྫནཱ – ‘‘ཏཾ ¶ ཀིཾ མཉྙསི མཧཱརཱཛ, ཡཐཱ ཏྭཾ ཨེཏརཧི པཉྩཧི ཀཱམགུཎེཧི སམཔྤིཏོ སམངྒཱིབྷཱུཏོ པརིཙཱརེསི, ལཙྪསི ཏྭཾ པརཏྠཱཔི ཨེཝམེཝཱཧཾ ཨིམེཧེཝ པཉྩཧི ཀཱམགུཎེཧི སམཔྤིཏོ སམངྒཱིབྷཱུཏོ པརིཙཱརེམཱི’’ཏི ཨེཝམཱདིནཱ བྷནྟེ ཨཱཡསྨཱ རཊྛཔཱལོ རཉྙོ ཀོརབྱསྶ ཏཏིཡཾ དྷམྨུདྡེསཾ ཝིཏྠཱརེཏྭཱ པཀཱསེསི.

པུཙྪཱ – ཙཏུཏྠམྤི ¶ ཁོ ཨཱཝུསོ དྷམྨུདྡེསཾ ཨཱཡསྨཱ རཊྛཔཱལཏྠེརོ རཉྙོ ཀོརབྱསྶ ཀཐཾ ཝིཏྠཱརེཏྭཱ པཀཱསེསི.

ཝིསྶཛྫནཱ – ‘‘ཏཾ ཀིཾ མཉྙསི མཧཱརཱཛ, ཕཱིཏཾ ཀུརུཾ ཨཛ྄ཛྷཱཝསསཱི’’ཏི ཨེཝམཱདིནཱ བྷནྟེ ཨཱཡསྨཱ རཊྛཔཱལཏྠེརོ རཉྙོ ཀོརབྱསྶ ཙཏུཏྠཾ དྷམྨུདྡེསཾ ཝིཏྠཱརེཏྭཱ པཀཱསེསི.

མགྷདེཝསུཏྟ

པུཙྪཱ – མགྷདེཝསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – མིཐིལཱཡཾ བྷནྟེ མགྷདེཝཨམྦཝནེ ཨཱཡསྨནྟཾ ཨཱནནྡཾ ཨཱརབྦྷ བྷཱསིཏཾ. བྷགཝཱ བྷནྟེ ཨཉྙཏརསྨིཾ པདེསེ སིཏཾ པཱཏྭཱཀཱསི, ཨཱཡསྨཱ ཨཱནནྡོ བྷགཝནྟཾ ཨེཏདཝོཙ ‘‘ཀོ ནུ ཁོ བྷནྟེ ཀོ པཙྩཡོ བྷགཝཏོ སིཏསྶ པཱཏུཀམྨཱཡ, ན ཨཀཱརཎེན ཏཐཱགཏཱ སིཏཾ པཱཏུཀརོནྟཱི’’ཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.

མདྷུརསུཏྟ

པུཙྪཱ – མདྷུརསུཏྟཾ ¶ པནཱཝུསོ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན བྷཱསིཏཾ.

ཝིསྶཛྫནཱ – མདྷུརཱཡཾ བྷནྟེ རཱཛཱནཾ མཱདྷུརཾ ཨཝནྟིཔུཏྟཾ ཨཱརབྦྷ ཨཱཡསྨཏཱ མཧཱཀཙྩཱནཏྠེརེན བྷཱསིཏཾ, རཱཛཱ བྷནྟེ མཱདྷུརོ ཨཝནྟིཔུཏྟོ ཨཱཡསྨནྟཾ མཧཱཀཙྩཱནཾ ཨེཏདཝོཙ ‘‘བྲཧྨཎཱ བྷོ ཀཙྩཱན ཨེཝམཱཧཾསུ བྲཱཧྨཎོཝ སེཊྛོ ཝཎྞོ, ཧཱིནོ ཨཉྙོ ཝཎྞོ. བྲཱཧྨཎོཝ སུཀྐོ ཝཎྞོ, ཀཎྷོ ཨཉྙོ ཝཎྞོ. བྲཱཧྨཎཱཝ སུཛ྄ཛྷནྟི ¶ , ནོ ཨབྲཱཧྨཎཱ. བྲཱཧྨཎཱཝ བྲཧྨུནོ པུཏྟཱ ཨོརསཱ མུཁཏོ ཛཱཏཱ བྲཧྨཛཱ བྲཧྨནིམྨིཏཱ བྲཧྨདཱཡཱདཱཏི. ཨིདྷ བྷཝཾ ཀཙྩཱནོ ཀིམཀྑཱཡཱི’’ཏི. ཏསྨིཾ བྷནྟེ ཝཏྠུསྨིཾ བྷཱསིཏཾ.

བོདྷིརཱཛཀུམཱརསུཏྟ

པུཙྪཱ – བོདྷིརཱཛཀུམཱརསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – བྷགྒེསུ བྷནྟེ སུསུམཱརགིརེ བོདྷིཾ རཱཛཀུམཱརཾ ཨཱརབྦྷ བྷཱསིཏཾ. བོདྷི བྷནྟེ རཱཛཀུམཱརོ བྷགཝནྟཾ ཨེཏདཝོཙ ‘‘མཡཾ ཁོ བྷནྟེ ཨེཝཾ ཧོཏི. ན ཁོ སུཁེན སུཁཾ ཨདྷིགནྟབྦཾ, དུཀྑེན ཁོ སུཁཾ ཨདྷིགནྟབྦ’’ནྟི, ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཨེཝཾ ¶ ཝུཏྟེ ཁོ ཨཱཝུསོ བོདྷི རཱཛཀུམཱརོ བྷགཝནྟཾ ཀཐཾ པུཙྪི, ཀཐཉྩསྶ བྷགཝཱ བྱཱཀཱསི.

ཝིསྶཛྫནཱ – ཨེཝཾ ཝུཏྟེ བྷནྟེ བོདྷིརཱཛཀུམཱརོ བྷགཝནྟཾ ཨེཏདཝོཙ ‘‘ཀཱིཝ ཙིརེན ནུ ཁོ བྷནྟེ བྷིཀྑུ ཏཐཱགཏཾ ཝིནཱཡཀཾ ལབྷམཱནོ ཡསྶཏྠཱཡ ཀུལཔུཏྟཱ སམྨདེཝ ཨགཱརསྨཱ ཨནགཱརིཡཾ པབྦཛནྟི, ཏདནུཏྟརཾ བྲཧྨཙརིཡཔརིཡོསཱནཾ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧརེཡྻཱ’’ཏི, བྷགཝཱ ཙ བྷནྟེ ‘‘ཏེན ཧི རཱཛཀུམཱར ཏཾཡེཝེཏྠ པཊིཔུཙྪིསྶཱམི, ཡཐཱ ཏེ ཁམེཡྻ, ཏཐཱ ནཾ བྱཱཀརེཡྻཱསཱི’’ཏི, ཨེཝམཱདིནཱ ཝིབྷཛིཏྭཱ བྱཱཀཱསི.

པུཙྪཱ – ཨིམཉྩ ¶ པནཱཝུསོ དྷམྨདེསནཾ སུཏྭཱ བོདྷིརཱཛཀུམཱརོ ཨིམིསྶཾ དྷམྨདེསནཱཡཾ པསནྣོ ཀཱིདིསཾ པསནྣཱཀཱརམཀཱསི.

ཝིསྶཛྫནཱ – ཨིམཉྩ པན བྷནྟེ དྷམྨདེསནཾ སུཏྭཱ བོདྷིརཱཛཀུམཱརོ ‘‘ཨཧོ བུདྡྷོ ཨཧོ དྷམྨོ ཨཧོ དྷམྨསྶ སྭཱཀྑཱཏཏཱ, ཡཏྲ ཧི ནཱམ སཱཡམནུསིཊྛོ, པཱཏོ ཝིསེསཾ ཨདྷིགམིསྶཏི, པཱཏམནུསིཊྛོ སཱཡཾ ཝིསེསཾ ཨདྷིགམིསྶཏཱི’’ཏི ཨེཝམཱདིནཱ ཨིམིསྶཾ དྷམྨདེསནཱཡཾ པསནྣོ པསནྣཱཀཱརམཀཱསི.

ཨངྒུལིམཱལསུཏྟ

པུཙྪཱ – ཨངྒུལིམཱལསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཱཡསྨནྟཾ ཨངྒུལིམཱལཏྠེརཾ ཨཱརབྦྷ བྷཱསིཏཾ. ཨཱཡསྨཱ བྷནྟེ ཨངྒུལིམཱལཏྠེརོ བྷགཝནྟཾ ཨེཏདཝོཙ ‘‘ཨིདྷཱཧཾ བྷནྟེ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ སཱཝཏྠིཾ པིཎྜཱཡ པཱཝིསིཾ, ཨདྡསཾ ཁོ ཨཧཾ བྷནྟེ སཱཝཏྠིཡཾ སཔདཱནཾ པིཎྜཱཡ ཙརམཱནོ ཨཉྙཏརཾ ཨིཏྠིཾ མཱུལ༹ྷགབྦྷཾ ཝིགྷཱཏགབྦྷཾ དིསྭཱན མཡ྄ཧཾ ཨེཏདཧོསི ‘‘ཀིལིསྶནྟི ཝཏ བྷོ སཏྟཱ, ཀིལིསྶནྟི ཝཏ བྷོ སཏྟཱ’’ཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.

པིཡཛཱཏིཀསུཏྟ

པུཙྪཱ – པིཡཛཱཏིཀསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཉྙཏརཾ གཧཔཏིཾ ཨཱརབྦྷ བྷཱསིཏཾ, སཱཝཏྠིཡཾ བྷནྟེ ཨཉྙཏརསྶ གཧཔཏིསྶ ཨེཀཔུཏྟཀོ པིཡོ མནཱཔོ ཀཱལངྐཏོ ཧོཏི, ཏསྶ ཀཱལཾ ཀིརིཡཱཡ ནེཝ ཀམྨནྟཱ པཊིབྷནྟི, ན བྷཏྟཾ པཊིབྷཱཏི, སོ ཨཱལཱ༹ཧནཾ གནྟྭཱ ཀནྡཏི ‘‘ཀཧཾ ཨེཀཔུཏྟཀ ཀཧཾ ཨེཀཔུཏྟཀཱ’’ཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.

བཱཧིཏིཀསུཏྟ

པུཙྪཱ – བཱཧིཏིཀ ¶ སུཏྟཾ པནཱཝུསོ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ རཱཛཱནཾ པསེནདིཾ ཀོསལཾ ཨཱརབྦྷ ཨཱཡསྨཏཱ ཨཱནནྡཏྠེརེན དྷམྨབྷཎྜཱགཱརིཀེན བྷཱསིཏཾ. རཱཛཱ བྷནྟེ པསེནདི ཀོསལོ ཨཱཡསྨནྟཾ ཨཱནནྡཾ ཨེཏདཝོཙ ‘‘ཀིཾ ནུ ཁོ བྷནྟེ ཨཱནནྡ སོབྷགཝཱ ཏཐཱརཱུཔཾ ཀཱཡསམཱཙཱརཾ སམཱཙརེཡྻ, ཡྭསྶ ཀཱཡསམཱཙཱརོ ཨོཔཱརམྦྷོ སམཎེཧི བྲཱཧྨཎེཧཱི’’ཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.

དྷམྨཙེཏིཡསུཏྟ

པུཙྪཱ – དྷམྨཙེཏིཡསུཏྟཾ ¶ པནཱཝུསོ བྷགཝཏཱ ཀཏྠ ཀེན སདྡྷིཾ བྷཱསིཏཾ.

ཝིསྶཛྫནཱ – སཀྐེསུ བྷནྟེ མེདཱལུ༹པེ ནཱམ སཀྱཱནཾ ནིགམེ རཉྙཱ པསེནདིནཱ ཀོསལེན སདྡྷིཾ བྷཱསིཏཾ.

ཀཎྞཀཏྠལསུཏྟ

པུཙྪཱ – ཀཎྞཀཏྠལསུཏྟཾ ¶ པནཱཝུསོ བྷགཝཏཱ ཀཏྠ ཀེན སདྡྷིཾ བྷཱསིཏཾ.

ཝིསྶཛྫནཱ – ཨུརུཉྙཱཡཾ བྷནྟེ ཀཎྞཀཏྠལེ མིགདཱཡེ རཉྙཱ པསེནདིནཱ ཀོསལེན སདྡྷིཾ བྷཱསིཏཾ.

བྲཧྨཱཡུསུཏྟ

པུཙྪཱ – ཏེནཱཝུསོ བྷགཝཏཱ…པེ… སམྨཱསམྦུདྡྷེན བྲཧྨཱཡུསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – ཝིདེཧེསུ ¶ བྷནྟེ མིཐིལཱཡཾ མགྷདེཝཨམྦཝནེ བྲཧྨཱཡུཾ བྲཱཧྨཎཾ ཨཱརབྦྷ བྷཱསིཏཾ. བྲཧྨཱཡུ བྷནྟེ བྲཱཧྨཎོ བྷགཝནྟཾ ཨུཔསངྐམིཏྭཱ ཨཊྛཔཉྷཱནི པུཙྪི, ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཏཏྠ ¶ ཨཱཝུསོ ཨུཏྟརོ མཱཎཝོ ཀཐཾ བྷགཝཏོ དྭཏྟིཾསམཧཱཔུརིསལཀྑཎེཧི སམནྣཱགཏཏཾ ཨཏྟནོ ཨཱཙརིཡསྶ བྲཧྨཱཡུསྶ བྲཱཧྨཎསྶ སམྤཊིཝེདེསི.

ཝིསྶཛྫནཱ – ཏཏྠ བྷནྟེ ཨུཏྟརོ མཱཎཝོ ‘‘སུཔྤཏིཊྛིཏཔཱདོ ཁོ པན སོ བྷཝཾ གོཏམོ, ཨིདམྤི ཏསྶ བྷོཏོ གོཏམསྶ མཧཱཔུརིསསྶ མཧཱཔུརིསལཀྑཎཾ བྷཝཏཱི’’ཏི ཨེཝམཱདིནཱ བྷགཝཏོ དྭཏྟིཾསམཧཱཔུརིསལཀྑཎེཧི སམནྣཱགཏཏཾ ཨཏྟནོ ཨཱཙརིཡསྶ བྲཧྨཱཡུསྶ བྲཱཧྨཎསྶ སམྤཊིཝེདེསི.

པུཙྪཱ – ཨཔརམྤི ¶ ཨཱཝུསོ ཨུཏྟརོ མཱཎཝོ བྷགཝཏོ གམནཀཱལེ ཀཱིདིསཾ པཱསཱདིཀཾ ཨཱཀཱརཾ དིསྭཱ ཙ སལླཀྑེཏྭཱ ཙ ཨཏྟནོ ཨཱཙརིཡསྶ བྲཧྨཱཡུསྶ བྲཱཧྨཎསྶ སམྤཊིཝེདེསི.

ཝིསྶཛྫནཱ – ཨཔརམྤི བྷནྟེ ཨུཏྟརོ མཱཎཝོ བྷགཝཏོ གམནཀཱལེ པཋམཾ དཀྑིཎཾ པཱདུདྡྷརཎཱདིཀཾ ཨཱཀཱརཾ དིསྭཱ ཙ སལླཀྑེཏྭཱ ཙ ཨཏྟནོ ཨཱཙརིཡསྶ བྲཧྨཱཡུསྶ བྲཱཧྨཎསྶ སམྤཊིཝེདེསི.

པུཙྪཱ – ཨཔརམྤི ¶ ཨཱཝུསོ ཨུཏྟརོ མཱཎཝོ བྷགཝཏོ ཨནྟརགྷརཾ པཝིསནཀཱལེ ཀཱིདིསཾ པཱསཱདིཀཾ ཨཱཀཱརཾ དིསྭཱ ཙ སལླཀྑེཏྭཱ ཙ ཨཏྟནོ ཨཱཙརིཡསྶ བྲཧྨཱཡུསྶ བྲཱཧྨཎསྶ སམྤཊིཝེདེསི.

ཝིསྶཛྫནཱ – ཨཔརམྤི བྷནྟེ ཨུཏྟརོ མཱཎཝོ བྷགཝཏོ ཨནྟརགྷརཾ པཝིསནཀཱལེ ན ཀཱཡསྶ ཨུནྣམནཱདིཀཾ པཱསཱདིཀཾ དིསྭཱ ཙ སལླཀྑེཏྭཱ ཙ ཨཏྟནོ ཨཱཙརིཡསྶ བྲཧྨཱཡུསྶ བྲཱཧྨཎསྶ སམྤཊིཝེདེསི.

པུཙྪཱ – ཨཔརམྤི ¶ ཨཱཝུསོ ཨུཏྟརོ མཱཎཝོ བྷགཝཏོ བྷོཛནཀཱལེ ཀཱིདིསཾ པཱསཱདིཀཾ ཨཱཀཱརཾ དིསྭཱ ཙ སལླཀྑེཏྭཱ ཙ ཨཏྟནོ ཨཱཙརིཡསྶ བྲཧྨཱཡུསྶ བྲཱཧྨཎསྶ སམྤཊིཝེདེསི.

ཝིསྶཛྫནཱ – ཨཔརམྤི བྷནྟེ ཨུཏྟརོ མཱཎཝོ བྷགཝཏོ བྷོཛནཀཱལེ པཏྟོདཀཱདིཀཾ པཊིགྒཧཎཱདིཀཱལེ ན པཏྟསྶ ཨུནྣམནཱདིཀཾ བྷགཝཏོ པཱསཱདིཀཾ ཨཱཀཱརཾ དིསྭཱ ཙ སལླཀྑེཏྭཱ ཙ ཨཏྟནོ ཨཱཙརིཡསྶ བྲཧྨཱཡུསྶ བྲཱཧྨཎསྶ སམྤཊིཝེདེསི.

པུཙྪཱ – ཨཔརམྤི ¶ ཨཱཝུསོ ཨུཏྟརོ མཱཎཝོ བྷགཝཏོ བྷུཏྟཱཝིཀཱལེ ཀཱིདིསཾ པཱསཱདིཀཾ ཨཱཀཱརཾ དིསྭཱ ཙ སལླཀྑེཏྭཱ ཙ ཨཏྟནོ ཨཱཙརིཡསྶ བྲཧྨཱཡུསྶ བྲཱཧྨཎསྶ སམྤཊིཝེདེསི.

ཝིསྶཛྫནཱ – ཨཔརམྤི བྷནྟེ ཨུཏྟརོ མཱཎཝོ བྷགཝཏོ བྷུཏྟཱཝིཀཱལེ པཏྟོདནཱདིཀཾ པཊིགྒཎྷཱདིཀཱལེ ན པཏྟསྶ ཨུནྣམནཱདིཀཾ པཱསཱདིཀཾ ཨཱཀཱརཾ དིསྭཱ ཙ སལླཀྑེཏྭཱ ཙ ཨཏྟནོ ཨཱཙརིཡསྶ བྲཧྨཱཡུསྶ བྲཱཧྨཎསྶ སམྤཊིཝེདེསི.

པུཙྪཱ – ཨཔརམྤི ¶ ཨཱཝུསོ ཨུཏྟརོ མཱཎཝོ བྷགཝཏོ ཙཱིཝརདྷཱརཎེ ཙ ཨཱརཱམགཏཀཱལེ ཙ དྷམྨདེསནཱཀཱལེ ཙ སབྦཨིརིཡཱཔཐེསུ ཙ ཀཱིདིསཾ པཱསཱདིཀཾ ཨཱཀཱརཾ དིསྭཱ ཙ སལླཀྑེཏྭཱ ཙ ཨཏྟནོ ཨཱཙརིཡསྶ བྲཧྨཱཡུསྶ བྲཱཧྨཎསྶ སམྤཊིཝེདེསི.

ཝིསྶཛྫནཱ – ཨཔརམྤི ¶ བྷནྟེ ཨུཏྟརོ མཱཎཝོ བྷགཝཏོ ཙཱིཝརདྷཱརཎཀཱལེ ཙ ཨཱརཱམགཏཀཱལེ ཙ སབྦེསུ ཙ ཨིརིཡཱཔཐེསུ ན ཨཙྩུཀྐཊྛཱདིཀཾ པཱསཱདིཀཾ ཨཱཀཱརཾ དིསྭཱ ཙ སལླཀྑེཏྭཱ ཙ ཨཏྟནོ ཨཱཙརིཡསྶ བྲཧྨཱཡུསྶ བྲཱཧྨཎསྶ སམྤཊིཝེདེསི.

པུཙྪཱ – ཀཐཉྩཱཝུསོ ¶ བྲཧྨཱཡུ བྲཧྨཎོ བྷགཝནྟཾ པུཙྪི, ཀཐཉྩསྶ བྷགཝཱ བྱཱཀཱསི.

ཝིསྶཛྫནཱ – ‘‘ཀཐཾ ཁོ བྲཱཧྨཎོ ཧོཏི, ཀཐཾ བྷཝཏི ཝེདགཱུ. ཏེཝིཛྫོ བྷོ ཀཐཾ ཧོཏི, སོཏྟིཡོ ཀིནྟི ཝུཙྩཏི. ཨརཧཾ བྷོ ཀཐཾ ཧོཏི, ཀཐཾ བྷཝཏི ཀེཝལཱི. མུནི ཙ བྷོ ཀཐཾ ཧོཏི, བུདྡྷོ ཀིནྟི པཝུཙྩཏཱི’’ཏི – ཨེཝཾ ཁོ བྷནྟེ བྲཧྨཱཡུ བྲཱཧྨཎོ བྷགཝནྟཾ པཉྷཾ ཨཔུཙྪི. བྷགཝཱ བྷནྟེ–

‘‘པུབྦེནིཝཱསཾ ཡོ ཝེདི, སགྒཱཔཱཡཉྩ པསྶཏི;

ཨཐོ ཛཱཏིཀྑཡཾ པཏྟོ, ཨབྷིཉྙཱཝོསིཏོ མུནི;

ཙིཏྟཾ ཝིསུདྡྷཾ ཛཱནཱཏི, མུཏྟཾ རཱགེཧི སབྦསོ;

པཧཱིནཛཱཏིམརཎོ, བྲཧྨཙརིཡསྶ ཀེཝལཱི;

པཱརགཱུ སབྦདྷམྨཱནཾ, བུདྡྷོ ཏཱདཱི པཝུཙྩཏཱི’’ཏི –

ཨེཝཾ ཁོ བྷནྟེ བྷགཝཱ བྲཧྨཱཡུསྶ བྲཱཧྨཎསྶ ཝིབྷཛིཏྭཱ བྱཱཀཱསི.

པུཙྪཱ – ཨིམཉྩ ¶ པནཱཝུསོ བྷགཝཏོ བྱཱཀརཎཾ སུཏྭཱ བྲཧྨཱཡུ བྲཱཧྨཎོ བྷགཝཏི ཀཱིདིསཾ ནིཔཙྩཀཱརཾ ཨཀཱསི, ཀཐཉྩསྶ བྷགཝཱ པུནཔི ཨནུཔུབྦིཾ དྷམྨཀཐཾ ཀཐེསི.

ཝིསྶཛྫནཱ – ཨིམཉྩ ¶ པན བྷནྟེ བྷགཝཏོ བྱཱཀརཎཾ སུཏྭཱ བྲཧྨཱཡུ བྲཱཧྨཎོ ཨུཊྛཱཡཱསནཱ ཨེཀཾསཾ ཨུཏྟརཱསངྒཾ ཀརིཏྭཱ བྷགཝཏོ པཱདེསུ སིརསཱ ནིཔཏིཏྭཱ བྷགཝཏོ པཱདཱནི མུཁེན ཙ པརིཙུམྦཏི, པཱཎཱིཧི ཙ པརིསམྦཱཧཏི, ནཱམཉྩ སཱཝེཏི ‘‘བྲཧྨཱཡུ ཨཧཾ བྷོ གོཏམ བྲཱཧྨཎོ, བྲཧྨཱཡུ ཨཧཾ བྷོ གོཏམ བྲཱཧྨཎོ’’ཏི, ཨེཝཾ པརམནིཔཙྩཀཱརཾ ཨཀཱསི, བྷགཝཱ ཙ བྷནྟེ དཱནཀཐཾ སཱིལཀཐཾ སགྒཀཐཾ ཀཱམཱནཾ ཨཱདཱིནཝཾ ཨོཀཱརཾ སཾཀིལེསཾ ནེཀྑམྨེ ཨཱནིསཾསཾ པཀཱསེསི, ཨེཝཾ ཁོ བྷནྟེ བྲཧྨཱཡུསྶ བྲཱཧྨཎསྶ བྷགཝཱ ཨནུཔུབྦིཾ ཀཐཾ ཀཐེསི.

པུཙྪཱ – ཨིམཉྩ ¶ པནཱཝུསོ དམྨདེསནཾ སུཏྭཱ བྲཧྨཱཡུསྶ བྲཱཧྨཎསྶ ཀཱིདིསོ དྷམྨཱབྷིསམཡོ ཨཧོསི.

ཝིསྶཛྫནཱ – ཨིམཉྩ ¶ པན བྷནྟེ དྷམྨདེསནཾ སུཏྭཱ བྲཧྨཱཡུསྶ བྲཱཧྨཎསྶ ཏསྨིཾཡེཝ ཨཱསནེ ཝིརཛཾ ཝཱིཏམལཾ དྷམྨཙཀྑུཾ ཨུདཔཱདི ‘‘ཡཾཀིཉྩི སམུདཡདྷམྨཾ སབྦཾ ཏཾ ནིརོདྷདྷམྨ’’ནྟི.

སེལསུཏྟ

པུཙྪཱ – སེལསུཏྟཾ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – ཨངྒུཏྟརཱཔེསུ བྷནྟེ ཨཱཔཎེ ནཱམ ཨངྒུཏྟརཱཔཱནཾ ནིགམེསེལཾ བྲཱཧྨཎཾ ཨཱརབྦྷ བྷཱསིཏཾ. སེལོ བྷནྟེ བྲཱཧྨཎོ སཔརིསོ བྷགཝནྟཾ ཨུཔསངྐམིཏྭཱ བྷགཝནྟཾ སམྨུཁཱ སཱརུཔྤཱཧི གཱཐཱཧི ཨབྷིཏྠཝི, ཏསྨིཾ བྷནྟེ ཝཏྠུསྨིཾ བྷཱསིཏཾ.

པརིཔུཎྞཀཱཡོ ¶ སུརུཙི, སུཛཱཏོ ཙཱརུདསྶནོ;

སུཝཎྞཝཎྞོསི བྷགཝཱ, སུསུཀྐདཱཋོསི ཝཱིརིཡཝཱ;

ནརསྶ ཧི སུཛཱཏསྶ, ཡེ བྷཝནྟི ཝིཡཉྩནཱ;

སབྦེ ཏེ ཏཝ ཀཱཡསྨིཾ, མཧཱཔུརིསལཀྑཎཱ.

ཨསྶལཱཡནསུཏྟ

པུཙྪཱ – ཨསྶལཱཡནསུཏྟཾ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨསྶལཱཡནཾ མཱཎཝཾ ཨཱརབྦྷ བྷཱསིཏཾ, ཨསྶལཱཡནོ བྷནྟེ མཱཎཝོ མཧཏཱ བྲཱཧྨཎགཎེན སདྡྷིཾ བྷགཝནྟཾ ཨུཔསངྐམིཏྭཱ ཨེཏདཝོཙ ‘‘བྲཱཧྨཎཱ བྷོ གོཏམ ཨེཝམཱཧཾསུ ‘བྲཱཧྨཎོཝ སེཊྛོ ཝཎྞོ, ཧཱིནོ ཨཉྙོ ཝཎྞོ. བྲཱཧྨཎོཝ སུཀྐོ ཝཎྞོ, ཀཎྷོ ¶ ཨཉྙོ ཝཎྞོ. བྲཱཧྨཎཱཝ སུཛ྄ཛྷནྟི, ནོ ཨབྲཱཧྨཎཱ. བྲཱཧྨཎཱཝ བྲཧྨུནོ པུཏྟཱ ཨོརསཱ མུཁཏོ ཛཱཏཱ བྲཧྨཛཱ བྲཧྨནིམྨིཏཱ བྲཧྨདཱཡཱདཱ’ཏི, ཨིདྷ བྷཝཾ གོཏམོ ཀིམཱཧཱ’’ཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.

གྷོཊམུཁསུཏྟ

པུཙྪཱ – གྷོཊམུཁསུཏྟཾ ¶ པནཱཝུསོ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན བྷཱསིཏཾ.

ཝིསྶཛྫནཱ – བཱརཱཎསིཡཾ བྷནྟེ ཁེམིཡམྦཝནེ གྷོཊམུཁཾ བྲཱཧྨཎཾ ཨཱརབྦྷ ཨཱཡསྨཏཱ ཨུདེནེན བྷཱསིཏཾ. གྷོཊམུཁོ བྷནྟེ བྲཱཧྨཎོ ཨཱཡསྨནྟཾ ཨུདེནཾ ཙངྐམནྟཾ ཨནུཙངྐམམཱནོ ཨེཝམཱཧ ‘‘ཨམྦྷོ སམཎ ནཏྠི དྷམྨིཀོ པརིབྦཛོ, ཨེཝཾ མེ ཨེཏྠ ཧོཏི, ཏཉྩ ཁོ བྷཝནྟརཱུཔཱནཾ ཝཱ ཨདསྶནཱ, ཡོ ཝཱ པནེཏྠ དྷམྨཱ’’ཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.

ཙངྐཱིསུཏྟ

པུཙྪཱ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན ཙངྐཱིསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – ཀོསལེསུ བྷནྟེ ཨོཔཱསཱདེ ནཱམ ཀོསལཱནཾ ནིགམེ ཀཱཔཊིཀཾ མཱཎཝཾ ཨཱརབྦྷ བྷཱསིཏཾ, ཀཱཔཊིཀོ བྷནྟེ མཱཎཝོ བྷགཝནྟཾ ཨེཏདཝོཙ ‘‘ཡདིདཾ བྷོ གོཏམ བྲཱཧྨཎཱནཾ པོརཱཎཾ མནྟཔདཾ ཨིཏིཧིཏིཧཔརམྤརཱཡ པིཊཀསམྤདཱཡ, ཏཏྠ ཙ བྲཱཧྨཎཱ ཨེཀཾསེན ནིཊྛཾ གཙྪནྟི ‘ཨིདམེཝ སཙྩཾ མོགྷམཉྙ’ནྟི, ཨིདྷ བྷཝཾ གོཏམོ ཀིམཱཧཱ’’ཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.

ཨེསུཀཱརཱིསུཏྟ

པུཙྪཱ – ཨེསུཀཱརཱིསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨེསུཀཱརིཾ བྲཱཧྨཎཾ ཨཱརབྦྷ བྷཱསིཏཾ, ཨེསུཀཱརཱི བྷནྟེ བྲཱཧྨཎོ བྷགཝནྟཾ ཨུཔསངྐམིཏྭཱ ཨེཏདཝོཙ ‘‘བྲཱཧྨཎཱ བྷོ གོཏམ ཙཏསྶོ པཱརིཙརིཡཱ པཉྙཔེནྟི, བྲཱཧྨཎསྶ པཱརིཙརིཡཾ པཉྙཔེནྟི, ཁཏྟིཡསྶ པཱརིཙརིཡཾ པཉྙཔེནྟི, ཝེསྶསྶ པཱརིཙརིཡཾ པཉྙཔེནྟི, སུདྡསྶ པཱརིཙརིཡཾ པཉྙཔེནྟཱི’’ཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.

དྷནཉྫཱནིསུཏྟ

པུཙྪཱ – དྷནཉྫཱནིསུཏྟཾ ¶ པནཱཝུསོ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན བྷཱསིཏཾ.

ཝིསྶཛྫནཱ – རཱཛགཧེ བྷནྟེ དྷནཉྫཱནིཾ བྲཱཧྨཎཾ ཨཱརབྦྷ ཨཱཡསྨཏཱ སཱརིཔུཏྟཏྠེརེན དྷམྨསེནཱཔཏིནཱ བྷཱསིཏཾ, དྷནཉྫཱནི བྷནྟེ བྲཱཧྨཎོ པམཱདཝིཧཱརཾ ཝིཧཱསི, ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཨཐ ¶ ཁོ ཨཱཝུསོ ཨཱཡསྨཱ སཱརིཔུཏྟཏྠེརོ དྷམྨསེནཱཔཏི ཀཐཾ དྷནཉྫཱནིཾ བྲཱཧྨཎཾ པུཙྪི, ཀཐཉྩ སོ ཨཱཡསྨཏོ སཱརིཔུཏྟཏྠེརསྶ དྷམྨསེནཱཔཏིསྶ ཨཱརོཙེསི.

ཝིསྶཛྫནཱ – ‘‘ཀཙྩཱསི དྷནཉྫཱནི ཨཔྤམཏྟོ’’ཏི, ཨེཝཾ ཁོ བྷནྟེ ཨཱཡསྨཱ སཱརིཔུཏྟཏྠེརོ དྷམྨསེནཱཔཏི དྷནཉྫཱནིཾ བྲཱཧྨཎཾ པུཙྪི, དྷནཉྫཱནི ཙ བྷནྟེ བྲཱཧྨཎོ ‘‘ཀུཏོ བྷོ སཱརིཔུཏྟ ཨམྷཱཀཾ ཨཔྤམཱདོ, ཡེསཾ ནོ མཱཏཱཔིཏརོ པོསེཏབྦཱ’’ཏི, ཨེཝམཱདིནཱ ཨཱཡསྨཏོ སཱརིཔུཏྟསྶ དྷམྨསེནཱཔཏིསྶ ཨཱརོཙེསི.

པུཙྪཱ – ཨེཝཾ ¶ ཝུཏྟེ ཁོ ཨཱཝུསོ ཨཱཡསྨཱ སཱརིཔུཏྟཏྠེརོ དྷམྨསེནཱཔཏི དྷནཉྫཱནིསྶ བྲཱཧྨཎསྶ ཀཱིདིསཾ དྷམྨཀཐཾ ཀཐེསི.

ཝིསྶཛྫནཱ – ཨེཝཾ ཝུཏྟེ བྷནྟེ ཨཱཡསྨཱ སཱརིཔུཏྟཏྠེརོ དྷམྨསེནཱཔཏི ‘‘ཏཾ ཀིཾ མཉྙསི དྷནཉྫཱནི, ཨིདྷེཀཙྩོ མཱཏཱཔིཏཱུནཾ ཧེཏུ ཨདྷམྨཙཱརཱི ཝིསམཙཱརཱི ཨསྶ, ཏམེནཾ ཨདྷམྨཙརིཡཱ ཝིསམཙརིཡཱཧེཏུ ནིརཡཾ ནིརཡཔཱལཱ ཨུཔཀཌྜྷེཡྻུ’’ནྟི, ཨེཝམཱདིནཱ དྷནཉྫཱནིསྶ བྲཱཧྨཎསྶ དྷམྨཀཐཾ ཀཐེསི.

པུཙྪཱ – པུན ¶ པི ཨཱཝུསོ ཨཱཡསྨཱ སཱརིཔུཏྟཏྠེརོ དྷམྨསེནཱཔཏི ཀཐཾ དྷནཉྫཱནིསྶ བྲཱཧྨཎསྶ ཨཔརེནཔི པརིཡཱཡེན ཨནུསཱསནིཾ ཨདཱསི.

ཝིསྶཛྫནཱ – པུནཔི བྷནྟེ ཨཱཡསྨཱ སཱརིཔུཏྟཏྠེརོ དྷམྨསེནཱཔཏི ‘‘ཏཾ ཀིཾ མཉྙསི དྷནཉྫཱནི, ཡོ ཝཱ མཱཏཱཔིཏཱུནཾ ཧེཏུ ཨདྷམྨཙཱརཱི ཝིསམཙཱརཱི ཨསྶ, ཡོ ཝཱ མཱཏཱཔིཏཱུནཾ ཧེཏུ དྷམྨཙཱརཱི སམཙཱརཱི ཨསྶ, ཀཏམཾ སེཡྻོ’’ཏི, ཨེཝམཱདིནཱ དྷནཉྫཱནིསྶ བྲཱཧྨཎསྶ ཨཔརེནཔི པརིཡཱཡེན ཨོཝཱདམདཱསི.

པུཙྪཱ – ཨཔརབྷཱགེ ¶ པི ཨཱཝུསོ ཨཱཡསྨཱ སཱརིཔུཏྟཏྠེརོ དྷམྨསེནཱཔཏི ཀཐཾ དྷནཉྫཱནིསྶ བྲཱཧྨཎསྶ མརཎསམཡེ དྷམྨཀཐཾ ཀཐེསི, ཀཐཉྩསྶ ཨབྷིསམྤརཱཡོ ཨཧོསི.

ཝིསྶཛྫནཱ – ཨཔརབྷཱགེ ¶ པི བྷནྟེ ཨཱཡསྨཱ སཱརིཔུཏྟཏྠེརོ དྷམྨསེནཱཔཏི དྷནཉྫཱནིསྶ བྲཱཧྨཎསྶ མརཎསམཡེཔི ཙཏྟཱརོ བྲཧྨཝིཧཱརེ དེསེསི, དྷནཉྫཱནི ཙ བྷནྟེ བྲཱཧྨཎོ ཀཱཡསྶ བྷེདཱ པརཾ མརཎཱ བྲཧྨལོཀཱུཔགོ ཨཧོསི.

ཝཱསེཊྛསུཏྟ

པུཙྪཱ – ཝཱསེཊྛསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – ཨིཙྪཱནངྒལེ བྷནྟེ ཝཱསེཊྛཾ མཱཎཝཾ ཨཱརབྦྷ བྷཱསིཏཾ. ཝཱསེཊྛོ བྷནྟེ མཱཎཝོ བྷགཝནྟཾ གཱཐཱཧི ཨཛ྄ཛྷབྷཱསི –

‘‘ཨནུཉྙཱཏཔཊིཉྙཱཏཱ, ཏེཝིཛྫཱ མཡམསྨུབྷོ;

ཨཧཾ པོཀྑརསཱཏིསྶ, ཏཱརུཀྑསྶཱཡཾ མཱཎཝོ.

ཏེཝིཛྫཱནཾ ཡདཀྑཱཏཾ, ཏཏྲ ཀེཝལིནེསྨསེ;

པདཀསྨཱ ཝེཡྻཱཀརཎཱ, ཛཔྤེ ཨཱཙརིཡསཱདིསཱ;

ཏེསཾ ནོ ཛཱཏིཝཱདསྨིཾ, ཝིཝཱདོ ཨཏྠི གོཏམ.

ཛཱཏིཡཱ བྲཱཧྨཎོ ཧོཏི, བྷཱརདྭཱཛོ ཨིཏི བྷཱསཏི;

ཨཧཉྩ ཀམྨུནཱ བྲཱུམི, ཨེཝཾ ཛཱནཱཧི ཙཀྑུམ.

ཏེན སཀྐོམ ཉཱཔེཏུཾ, ཨཉྙཾམཉྙཾ མཡཾ ཨུབྷོ;

བྷཝནྟཾ པུཊྛུམཱགམཱ, སམྦུདྡྷཾ ཨིཏི ཝིསྶུཏཾ.

ཙནྡཾ ཡཐཱ ཁཡཱཏཱིཏཾ, པེཙྩ པཉྫལིཀཱ ཛནཱ;

ཝནྡནཱ ནམསྶནྟི, ཨེཝཾ ལོཀསྨིཾ གོཏམཾ.

ཙཀྑུཾ ¶ ལོཀེ སམུཔྤནྣཾ, མཡཾ པུཙྪཱམ གོཏམཾ;

ཛཱཏིཡཱ བྲཱཧྨཎོ ཧོཏི, ཨུདཱཧུ བྷཝཏི ཀམྨུནཱ;

ཨཛཱནཏཾ ནོ པབྲཱུཧི, ཡཐཱ ཛཱནེམུ བྲཱཧྨཎནྟི.

ཏསྨིཾ བྷནྟེ ཝཏྠུསྨིཾ བྷཱསིཏཾ.

སུབྷསུཏྟ

པུཙྪཱ – སུབྷསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སུབྷཾ མཱཎཝཾ ཏོདེཡྻཔུཏྟཾ ཨཱརབྦྷ བྷཱསིཏཾ. སུབྷོ བྷནྟེ མཱཎཝོ ཏོདེཡྻཔུཏྟོ བྷགཝནྟཾ ཨུཔསངྐམིཏྭཱ ཨེཏདཝོཙ ‘‘བྲཱཧྨཎཱ བྷོ གོཏམ ཨེཝམཱཧཾསུ’ གཧཊྛོ ཨཱརཱདྷཀོ ཧོཏི ཉཱཡཾ དྷམྨཾ ཀུསལཾ, ན པབྦཛིཏོ ཨཱརཱདྷཀོ ཧོཏི ཉཱཡཾ དྷམྨཾ ཀུསལནྟི, ཨིདྷ བྷཝཾ གོཏམོ ཀིམཱཧཱ’’ཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – པུན ¶ པི ཨཱཝུསོ སུབྷོ མཱཎཝོ ཏོདེཡྻཔུཏྟོ ཀཐཾ བྷགཝནྟཾ པུཙྪི, ཀཐཉྩ བྷགཝཱ ཝིབྷཛྫ བྱཱཀཱསི.

ཝིསྶཛྫནཱ – ‘‘བྲཱཧྨཎཱ བྷོ གོཏམ ཨེཝམཱཧཾསུ ‘མཧཊྛམིདཾ མཧཱཀིཙྩཾ མཧཱདྷིཀརཎཾ མཧཱསམཱརམྦྷཾ, གྷརཱཝཱསཀམྨཊྛཱནཾ མཧཔྥལཾ ཧོཏི. ཨཔྤཊྛམིདཾ ཨཔྤཀིཙྩཾ ཨཔྤཱདྷིཀརཎཾ ཨཔྤསམཱརམྦྷཾ, པབྦཛྫཱ ཀམྨཊྛཱནཾ ཨཔྤཕལཾ ཧོཏཱི’ཏི. ཨིདྷ བྷཝཾ གོཏམོ ཀིམཱཧཱ’’ཏི. ཨེཝཾ ཁོ བྷནྟེ སུབྷོ མཱཎཝོ ཏོདེཡྻཔུཏྟོ པུནཔི བྷགཝནྟཾ པུཙྪི. བྷགཝཱ ཙ བྷནྟེ ‘‘ཨེཏྠཱཔི ཁོ ཨཧཾ མཱཎཝ ཝིབྷཛྫཝཱདཱ, ནཱཧམེཏྠ ཨེཀཾསཝཱདོཏི’’ ཨེཝམཱདིནཱ ཝིབྷཛྫ བྱཱཀཱསི.

སངྒཱརཝསུཏྟ

པུཙྪཱ – སངྒཱརཝསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – ཀོསལེསུ བྷནྟེ ཙཉྩལིཀཔྤེ ནཱམ གཱམེ སངྒཱརཝཾ མཱཎཝཾ ཨཱརབྦྷ བྷཱསིཏཾ, སངྒཱརཝོ བྷནྟེ མཱཎཝོ བྷགཝནྟཾ ཨེཏདཝོཙ ‘‘སནྟི ཁོ བྷོ གོཏམ ཨེཀེ སམཎབྲཱཧྨཎཱ དིཊྛདྷམྨཱབྷིཉྙཱཝོསཱནཔཱརམིཔྤཏྟཱ ཨཱདིབྲཧྨཙརིཡཾ པཊིཛཱནནྟི. ཏཏྲ བྷོ གོཏམ ཡེ ཏེ སམཎབྲཱཧྨཎཱ དིཊྛདྷམྨཱབྷིཉྙཱཝོསཱནཔཱརམིཔྤཏྟཱ ཨཱདིབྲཧྨཙརིཡཾ པཊིཛཱནནྟི, ཏེསཾ བྷཝཾ གོཏམོ ཀཏམོ’’ཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.

དེཝདཧསུཏྟ

པུཙྪཱ – ཏེནཱཝུསོ ¶ བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན དེཝདཧསུཏྟཾ ཀཏྠ ཀཾ ཨཱརབྦྷ བྷཱསིཏཾ.

ཝིསྶཛྫནཱ – སཀྐེསུ བྷནྟེ དེཝདཧེ ནཱམ སཀྱཱནཾ ནིགམེ སམྨ ཧུལེ བྷིཀྑཱུ ཨཱརབྦྷ བྷཱསིཏཾ.

པཉྩཏྟཡསུཏྟ

པུཙྪཱ – པཉྩཏྟཡསུཏྟཾ པནཱཝུསོ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ བྷཱསིཏཾ.

ཀིནྟིསུཏྟ

པུཙྪཱ – ཀིནྟིསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.

ཝིསྶཛྫནཱ – པིསིནཱརཱཡཾ བྷནྟེ བལིཧརཎེ ནཱམ ཝནསཎྜེ སམྦཧུལེ བྷིཀྑཱུ ཨཱརབྦྷ བྷཱསིཏཾ.

པུཙྪཱ – ཏཏྠ ¶ ཨཱཝུསོ བྷགཝཱ ཀཐཾ པཋམཾ བྷིཀྑཱུ པཊིཔུཙྪིཏྭཱ ཨོཝཱདམདཱསི, ཡོ བཧུཛནསྶ ཨཏྠཱཡ ཧིཏཱཡ སུཁཱཡ སཾཝཏྟཏི.

ཝིསྶཛྫནཱ – ཏཏྠ བྷནྟེ བྷགཝཱ ‘‘ཀིནྟི ཝོ བྷིཀྑཝེ མཡི ཧོཏི, ཙཱིཝརཧེཏུ ཝཱ སམཎོ གོཏམོ དྷམྨཾ དེསེཏི, པིཎྜཔཱཏཧེཏུ ཝཱ, སེནཱསནཧེཏུ ཝཱ, ཨིཏིབྷཝཱབྷཝཧེཏུ ཝཱ སམཎོ གོཏམོ དྷམྨཾ དེསེཏཱི’’ཏི བྷིཀྑཱུ པུཙྪིཏྭཱ ‘‘ཏསྨཱཏིཧ བྷིཀྑཝེ ཡེ ཝོ མཡཱ དྷམྨཱ ཨབྷིཉྙཱ དེསིཏཱ. སེཡྻཐིདཾ, ཙཏྟཱརོ སཏིཔཊྛཱནཱ ཙཏྟཱརོ སམྨཔྤདྷཱནཱ ཙཏྟཱརོ ཨིདྡྷིཔཱདཱ པཉྩིནྡྲིཡཱནི པཉྩ བལཱནི སཏྟ བོཛ྄ཛྷངྒཱ ཨརིཡོ ཨཊྛངྒིཀོ མགྒོ. ཏཏྠ སབྦེཧེཝ སམགྒེཧི སམྨོདམཱནེཧི ཨཝིཝདམཱནེཧི སིཀྑིཏབྦཾ’’ ཨེཝམཱདིནཱ བྷནྟེ བྷིཀྑཱུནཾ ཨོཝཱདམདཱསི.

པུཙྪཱ – ཀཐཉྩཱཝུསོ ¶ བྷགཝཱ ཏཏྠ དུཏིཡམྤི བྷིཀྑཱུནཾ ཨོཝཱདཾ ཨདཱསི. ཡོ བཧུཛནསྶ ཨཏྠཱཡ ཧིཏཱཡ སུཁཱཡ སཾཝཏྟཏི.

ཝིསྶཛྫནཱ – ཏཏྠ བྷནྟེ བྷགཝཱ ‘‘ཏེསཉྩ ཝོ བྷིཀྑཝེ སམགྒཱནཾ སམྨོདམཱནཱནཾ ཨཝིཝདམཱནཱནཾ སིཀྑཏཾ སིཡཱ ཨཉྙཏརསྶ བྷིཀྑུནོ ཨཱཔཏྟི, སིཡཱ ཝཱིཏིཀྐམོ. ཏཏྲ བྷིཀྑཝེ ན ཙོདནཱཡ ཏརིཏབྦཾ པུགྒལོ ཨུཔཔརིཀྑིཏབྦོ’’ཏི ཨེཝམཱདིནཱ བྷིཀྑཱུནཾ དུཏིཡམྤི ཨོཝཱདམདཱསི.

པུཙྪཱ – ཀཐཉྩཱཝུསོ ¶ བྷགཝཱ ཏཏྠ ཏཏིཡམྤི བྷིཀྑཱུནཾ ཨོཝཱདཾ ཨདཱསི, ཡོ བཧུཛནསྶ ཨཏྠཱཡ ཧིཏཱཡ སུཁཱཡ སཾཝཏྟཏི.

ཝིསྶཛྫནཱ – ‘‘ཏེསཉྩ ཝོ བྷིཀྑཝེ སམགྒཱནཾ སམྨོདམཱནཱནཾ ཨཝིཝདམཱནཱནཾ སིཀྑཏཾ ཨཉྙམཉྙསྶ ཝཙཱིསཾཧཱརོ ཨུཔྤཛྫེཡྻ དིཊྛིཔལཱ༹སོ ཙེཏསོ ཨཱགྷཱཏོ ཨཔྤཙྩཡོ ཨནབྷིརདྡྷཱི’’ཏི ཨེཝམཱདིནཱ བྷནྟེ བྷགཝཱ ཏཏྠ ཏཏིཡམྤི བྷིཀྑཱུནཾ ཨོཝཱདམདཱསི.

པུཙྪཱ – ཏེནཱཝུསོ ¶ བྷིཀྑུནཱ ཨེཝཾ སཏྠུ ཨོཝཱདཱནུསཱསནིཀཱརིནཱ ཨཱཡསྨཱ ནུ ཏེ བྷིཀྑུ ཨཀུསལཱ ཝུཊྛཱཔེཏྭཱ ཀུསལེ པཏིཊྛཱཔེཏཱིཏི པརེཧི པུཊྛེན ཀཐཾ སམྨཱ བྱཱཀརམཱནེན བྱཱཀཱཏབྦཾ.

ཝིསྶཛྫནཱ – ‘‘ཨིདྷཱཧཾ ཨཱཝུསོ ཡེན བྷགཝཱ ཏེནུཔསངྐམིཾ, ཏསྶ མེ བྷགཝཱ དྷམྨཾ དེསེསི, ཏཱཧཾ དྷམྨཾ སུཏྭཱ ཏེསཾ བྷིཀྑཱུནཾ ཨབྷཱསིཾ, ཏཾ ཏེ བྷིཀྑཱུ དྷམྨཾ སུཏྭཱ ཨཀུསལཱ ཝུཊྛཧིཾསུ ཀུསལེ པཏིཊྛཧིཾསཱུ’’ཏི. ཨེཝཾ ཁོ བྷནྟེ ཏེན བྷིཀྑུནཱ ཨེཝཾ སཏྠུ ཨོཝཱདཱནུསཱསནིཀཱརིནཱ པརེཧི པུཊྛེན སམྨཱ བྱཱཀརམཱནེན བྱཱཀཱཏབྦཾ.

སཱམགཱམསུཏྟ

པུཙྪཱ – སཱམགཱམསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཀྐེསུ བྷནྟེ སཱམགཱམེ ནཱམ སཀྱཱནཾ ནིགམེ ཨཱཡསྨནྟཉྩ ཨཱནནྡཾ ཨཱཡསྨནྟཉྩ ཙུནྡཾ ཨཱརབྦྷ བྷཱསིཏཾ, ཨཱཡསྨཱ ཙ བྷནྟེ ཨཱནནྡོ ཨཱཡསྨཱ ཙ ཙུནྡོ ཡེན བྷགཝཱ ཏེནུཔསངྐམིསུ, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ, ཨེཀམནྟཾ ནིསིནྣོ ཁོ ཨཱཡསྨཱ ཨཱནནྡོ བྷགཝནྟཾ ཨེཏདཝོཙ ‘‘ཨཡཾ བྷནྟེ ཙུནྡོ སམཎུདྡེསོ ཨེཝམཱཧ ‘ནིགཎྛོ བྷནྟེ ནཱཊཔུཏྟོ པཱཝཱཡཾ ཨདྷུནཱ ཀཱལངྐཏོ, ཏསྶ ཀཱལངྐིརིཡཱཡ བྷིནྣཱ ནིགཎྛཱ དྭེདྷིཀཛཱཏཱ བྷཎྜནཛཱཏཱ ཀལཧཛཱཏཱ ཝིཝཱདཱཔནྣཱ ཨཉྙམཉྙཾ མུཁསཏྟཱིཧི ཝིཏུདནྟཱ ཝིཧརནྟི…པེ… ¶ བྷིནྣཐཱུཔེ ཨཔྤཊིསརཎེ’ཏི. ཏསྶ མཡ྄ཧཾ བྷནྟེ ཨེཝཾ ཧོཏི ‘མཱཧེཝ བྷགཝཏོ ཨཙྩཡེན སངྒྷེ ཝིཝཱདོ ཨུཔྤཛྫི, སྭཱསྶ ཝིཝཱདོ བཧུཛནཨཧིཏཱཡ བཧུཛནཨསུཁཱཡ བཧུནོ ཛནསྶ ཨནཏྠཱཡ ཨཧིཏཱཡ དུཀྑཱཡ དེཝམནུསྶཱན’ནྟི’’. ཏསྨིཾ བྷནྟེ ཝཏྠུསྨིཾ བྷཱསིཏཾ.

སུནཀྑཏྟསུཏྟ

པུཙྪཱ – སུནཀྑཏྟསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – ཝེསཱལིཡཾ བྷནྟེ སུནཀྑཏྟཾ ལིཙྪཝིཔུཏྟཾ ཨཱརབྦྷ བྷཱསིཏཾ, སུནཀྑཏྟོ བྷནྟེ ལིཙྪཝིཔུཏྟོ བྷགཝནྟཾ ཨུཔསངྐམིཏྭཱ ཨེཏདཝོཙ ‘‘སུཏཾ མེཏཾ བྷནྟེ སམྦཧུལེཧི ཀིར བྷིཀྑཱུཧི བྷགཝཏོ སནྟིཀེ ཨཉྙཱ བྱཱཀཏཱ ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱཏི པཛཱནཱམཱཏི. ཀཙྩི ཏེ བྷནྟེ བྷིཀྑཱུ སམྨདེཝ ཨཉྙཾ བྱཱཀཾསུ, ཨུདཱཧུ སནྟེཏྠེཀཙྩེ བྷིཀྑཱུ ཨདྷིམཱནེན ཨཉྙཾ བྱཱཀཾསཱུ’’ཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.

ཨཱནེཉྫསཔྤཱཡསུཏྟ

པུཙྪཱ – ཨཱནེཉྫསཔྤཱཡསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – ཀུརཱུསུ བྷནྟེ ཀམྨཱསདྷམྨེ ནཱམ ཀུརཱུནཾ ནིགམེ སམྦཧུལེ བྷིཀྑཱུ ཨཱརབྦྷ བྷཱསིཏཾ.

གཎཀམྨོགྒལླཱནསུཏྟ

པུཙྪཱ – གཎཀམོགྒལླཱནསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ གཎཀམོགྒལླཱནཾ བྲཱཧྨཎཾ ཨཱརབྦྷ བྷཱསིཏཾ, གཎཀམོགྒལླཱནོ བྷནྟེ བྲཱཧྨཎོ བྷགཝནྟཾ ཨུཔསངྐམིཏྭཱ ཨེཏདཝོཙ ‘‘སེཡྻཱཐཱཔི བྷོ གོཏམ ཨིམསྶ མིགཱརམཱཏུཔཱསཱདསྶ དིསྶཏི ཨནུཔུབྦསིཀྑཱ ཨནུཔུབྦཀིརིཡཱ ཨནུཔུབྦཔཊིཔདཱ ཡདིདཾ ཡཱཝ པཙྪིམསོཔཱནཀལེ༹ཝརཱ…པེ… སཀྐཱ ནུཁོ བྷོ གོཏམ ཨིམསྨིམྤི དྷམྨཝིནཡེ ཨེཝམེཝ ཨནུཔུབྦསིཀྑཱ ཨནུཔུབྦཀིརིཡཱ ཨནུཔུབྦཔཊིཔདཱ པཉྙཔེཏུ’’ནྟི, ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཨེཝཾ ¶ ཝུཏྟེ ཁོ ཨཱཝུསོ གཎཀམོགྒལླཱནོ བྲཱཧྨཎོ བྷགཝནྟཾ ཀིཾ ཨཝོཙ, ཀཐཉྩསྶ བྷགཝཱ བྱཱཀཱསི.

ཝིསྶཛྫནཱ – ཨེཝཾ ཝུཏྟེ བྷནྟེ གཎཀམོགྒལླཱནོ བྲཱཧྨཎོ བྷགཝནྟཾ ཨེཏདཝོཙ ‘‘ཀིཾ ནུ ཁོ བྷོཏོ གོཏམསྶ སཱཝཀཱ བྷོཏཱ གོཏམེན ཨེཝཾ ཨོཝདཱིཡམཱནཱ ཨེཝཾ ཨནུསཱསཱིཡམཱནཱ སབྦེ ཨཙྩནྟཾ ནིཊྛཾ ནིབྦཱནཾ ཨཱརོདྷེནྟི, ཨུདཱཧུ ཨེཀཙྩེ ནཱརཱདྷེནྟཱི’’ཏི, བྷགཝཱ ཙ བྷནྟེ ‘‘ཨཔྤེཀཙྩེ ཁོ བྲཱཧྨཎ མམ སཱཝཀཱ མཡཱ ཨེཝཾ ཨོཝདཱིཡམཱནཱ ཨེཝཾ ཨནུསཱསཱིཡམཱནཱ ཨཙྩནྟཾ ནིཊྛཾ ནིབྦཱནཾ ཨཱརཱདྷེནྟི, ཨེཀཙྩེ ནཱརཱདྷེནྟཱི’’ཏི ཨེཝམཱདིནཱ གཎཀམོགྒལླཱནསྶ བྲཱཧྨཎསྶ བྱཱཀཱསི.

པུཙྪཱ – ཨིམཉྩ ¶ པནཱཝུསོ དྷམྨདེསནཾ སུཏྭཱ གཎཀོ མོགྒལླཱནོ ཨིམསྨིཾ དྷམྨཝིནཡེ པསནྣོ ཀཱིདིསཾ པསནྣཱཀཱརམཀཱསི.

ཝིསྶཛྫནཱ – ཨིམཉྩ པན བྷནྟེ དྷམྨདེསནཾ སུཏྭཱ གཎཀམོགྒལླཱནོ བྲཱཧྨཎོ ‘‘ཡེ མེ བྷོ གོཏམ པུགྒལཱ ཨསདྡྷཱ ཛཱིཝིཀཏྠཱ ན སདྡྷཱ ཨགཱརསྨཱ ཨནགཱརིཡཾ པབྦཛིཏཱ’’ཏི ཨེཝམཱདིནཱ ཨིམསྨིཾ དྷམྨཝིནཡེ པསནྣོ པསནྣཱཀཱརམཀཱསི.

གོཔཀམོགྒལླཱནསུཏྟ

པུཙྪཱ – གོཔཀམོགྒལླཱནསུཏྟཾ ¶ པནཱཝུསོ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན བྷཱསིཏཾ.

ཝིསྶཛྫནཱ – རཱཛགཧེ བྷནྟེ གོཔཀམོགྒལླཱནཾ བྲཱཧྨཎཾ ཨཱརབྦྷ ཨཱཡསྨཏཱ ཨཱནནྡཏྠེརེན དྷམྨབྷཎྜཱགཱརིཀེན བྷཱསིཏཾ, གོཔཀམོགྒལླཱནོ བྷནྟེ བྲཱཧྨཎོ ཨཱཡསྨནྟཾ ཨཱནནྡཾ ཨེཏདཝོཙ ‘‘ཨཏྠི ནུ ཁོ བྷོ ཨཱནནྡ ཨེཀབྷིཀྑུཔི ཏེཧི དྷམྨེཧི སབྦེན སབྦཾ སབྦཐཱ སབྦཾ སམནྣཱགཏོ, ཡེཧི དྷམྨེཧི སམནྣཱགཏོ སོ བྷཝཾ གོཏམོ ཨཧོསི ཨརཧཾ སམྨཱསམྦུདྡྷོ’’ཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཀཐཉྩཱཝུསོ ¶ ཏཏྠ ཨཱཡསྨཏཱ ཨཱནནྡཏྠེརེན དྷམྨབྷཎྜཱགཱརིཀེན བྷིཀྑུནོ པསཱདནཱིཡཱ དྷམྨཱ པཀཱསིཏཱ, ཡེ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན ཨཀྑཱཏཱ. ཡེཧི ཙ སམནྣཱགཏཾ བྷིཀྑུཾ ཨཉྙེ བྷིཀྑཱུ སཀྐརེཡྻུཾ གརུཾ ཀརེཡྻུཾ མཱནེཡྻུཾ པཱུཛེཡྻུཾ སཀྐཏྭཱ གརུཾ ཀཏྭཱ ཨུཔནིསྶཱཡ ཝིཧརེཡྻུཾ.

ཝིསྶཛྫནཱ – ཨིདྷ བྲཱཧྨཎ བྷིཀྑུ སཱིལཝཱ ཧོཏི, པཱཏིམོཀྑསཾཝརསཾཝུཏོ ཝིཧརཏི ཨཱཙཱརགོཙརསམྤནྣོ ཨཎུམཏྟེསུ ཝཛྫེསུ བྷཡདསྶཱཝཱི, སམཱདཱཡ སིཀྑཏི སིཀྑཱཔདེསུ, བཧུསྶུཏོ ཧོཏི སུཏདྷརོ སུཏསནྣིཙཡོ, ཡེམེ དྷམྨཱ ཨཱདིཀལྱཱཎཱ མཛ྄ཛྷེཀལྱཱཎཱ པརིཡོསཱནཀལྱཱཎཱ སཱཏྠཾ སབྱཉྫནཾ ཀེཝལཔརིཔུཎྞཾ པརིསུདྡྷཾ བྲཧྨཙརིཡཾ ཨབྷིཝདནྟི, ཏཐཱརཱུཔསྶ དྷམྨཱ བཧུསྶུཏཱ ཧོནྟི དྷཱཏཱ ཝཙསཱ པརིཙིཏཱ མནསཱནུཔེཀྑིཏཱ དིཊྛིཡཱ སུཔྤཊིཝིདྡྷཱཏི ཨེཝམཱདིནཱ བྷནྟེ ཏཏྠ ཨཱཡསྨཏཱ ཨཱནནྡཏྠེརེན དྷམྨབྷཎྜཱགཱརིཀེན དས པསཱདནཱིཡཱ དྷམྨཱ པཀཱསིཏཱ. ཡེ ཏེན བྷགཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན ཨཀྑཱཏཱ, ཡེཧི སམནྣཱགཏཾ བྷིཀྑུཾ ཨེཏརཧི བྷིཀྑཱུ སཀྐརེཡྻུཾ གརུཾ ཀརེཡྻུཾ མཱནེཡྻུཾ པཱུཛེཡྻུཾ སཀྐཏྭཱ གརུཾ ཀཏྭཱ ཨུཔནིསྶཱཡ ཝིཧརེཡྻུཾ.

པུཙྪཱ – ཨེཝཾ ¶ ཝུཏྟེ ཁོ ཨཱཝུསོ ཝསྶཀཱརོ བྲཱཧྨཎོ མགདྷམཧཱམཏྟོ ཀཱིདིསཾ པསཾསཱཝཙནཾ ཀཐེསི, ཀཐཉྩསྶ ཨཱཡསྨཱ ཨཱནནྡཏྠེརོ དྷམྨབྷཎྜཱགཱརིཀོ ཏཾ ཝཙནཾ པཊིསོདྷེཏྭཱ པཀཱསེསི.

ཝིསྶཛྫནཱ – ཨེཝཾ ¶ ཝུཏྟེ ཝསྶཀཱརོ བྲཱཧྨཎོ མགདྷམཧཱམཏྟོ ཨུཔནནྡཾ སེནཱཔཏིཾ ཨཱམནྟེསི ‘‘ཏཾ ཀིཾ མཉྙསི བྷཝཾ སེནཱཔཏི, ཡདི མེ བྷོནྟོ སཀྐཱཏབྦཾ སཀྐརོནྟི, གརུཾ ཀཱཏབྦཾ གརུཾ ཀརོནྟི, མཱནེཏབྦཾ མཱནེནྟི, པཱུཛེཏབྦཾ པཱུཛེནྟཱི’’ཏི ཨེཝམཱདིཀཾ པསཾསཱཝཙནཾ ཀཐེསི, ཨཱཡསྨཱ ཙ བྷནྟེ ཨཱནནྡོ ‘‘ན ཙ ཁོ བྲཱཧྨཎ སོ བྷགཝཱ སབྦཾ ཛྷཱནཾ ཝཎྞེསི, ནཔི སོ བྷགཝཱ སབྦཾ ཛྷཱནཾ ན ཝཎྞེསཱི’’ཏི ཨེཝམཱདིནཱ ཏཾ ཝཙནཾ པཊིསོདྷེཏྭཱ པཀཱསེསི.

མཧཱཔུཎྞམསུཏྟ

པུཙྪཱ – མཧཱཔུཎྞམསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཉྙཏརཾ སཊྛིམཏྟཱནཾ པདྷཱནཱིཡབྷིཀྑཱུནཾ སངྒྷཏྠེརཾ བྷིཀྑུཾ ཨཱརབྦྷ བྷཱསིཏཾ, ཨཉྙཏརོ བྷནྟེ

སཊྛིམཏྟཱནཾ ¶ པདྷཱནཱིཡབྷིཀྑཱུནཾ སངྒྷཏྠེརོ བྷིཀྑུ ཨུཊྛཱཡཱསནཱ ཨེཀཾསཾ ཙཱིཝརཾ ཀཏྭཱ ཡེན བྷགཝཱ ཏེནཉྫལིཾ པཎཱམེཏྭཱ བྷགཝནྟཾ ཨེཏདཝོཙ ‘‘པུཙྪེཡྻཱཧཾ བྷནྟེ བྷགཝནྟཾ ཀིཉྩིདེཝ དེསཾ, སཙེ མེ བྷགཝཱ ཨོཀཱསཾ ཀརོཏི པཉྷསྶ ཝེཡྻཱཀརཎཱཡཱ’’ཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.

ཙཱུལ༹པུཎྞམསུཏྟ

པུཙྪཱ – ཙཱུལ༹པུཎྞམསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ བྷཱསིཏཾ.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ ཨསཔྤུརིསཨངྒཱནི ཝིབྷཛིཏྭཱ པཀཱསིཏཱནི.

ཝིསྶཛྫནཱ – ཨསཔྤུརིསོ བྷིཀྑཝེ ཨསྶདྡྷམྨསམནྣཱགཏོ ཧོཏི, ཨསཔྤུརིསབྷཏྟི ཧོཏི, ཨསཔྤུརིསཙིནྟཱི ཧོཏི, ཨསཔྤུརིསམནྟཱི ཧོཏི, ཨསཔྤུརིསཝཱཙོ ཧོཏི, ཨསཔྤུརིསཀམྨནྟོ ཧོཏི, ཨསཔྤུརིསདིཊྛི ཧོཏི, ཨསཔྤུརིསདཱནཾ དེཏཱིཏི ཨེཝམཱདིནཱ བྷནྟེ ཏཏྠ བྷགཝཏཱ ཨཊྛ ཨསཔྤུརིསཨངྒཱནི ཝིབྷཛིཏྭཱ པཀཱསིཏཱནི.

པུཙྪཱ – ཀཐཾ ¶ པནཱཝུསོ བྷགཝཏཱ ཏཏྠ སཔྤུརིསཨངྒཱནི ཝིབྷཛིཏྭཱ པཀཱསིཏཱནི.

ཝིསྶཛྫནཱ – སཔྤུརིསོ བྷིཀྑཝེ སདྡྷམྨསམནྣཱགཏོ ཧོཏི, སཔྤུརིསབྷཏྟི ཧོཏི, སཔྤུརིསཙིནྟཱི ཧོཏི, སཔྤུརིསམནྟཱི ཧོཏི, སཔྤུརིསཝཱཙོ ཧོཏི, སཔྤུརིསཀམྨནྟོ ཧོཏི, སཔྤུརིསདིཊྛི ཧོཏི, སཔྤུརིསདཱནཾ དེཏཱིཏི ཨེཝམཱདིནཱ བྷནྟེ བྷགཝཏཱ ཏཏྠ ཨཊྛཝིདྷཱནི སཔྤུརིསངྒཱནི ཝིབྷཛིཏྭཱ པཀཱསིཏཱནི.

ཨནུཔདསུཏྟ

པུཙྪཱ – ཨནུཔདསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ བྷཱསིཏཾ, སམྦཧུལཱ བྷནྟེ བྷིཀྑཱུ ཨཱཡསྨཏོ སཱརིཔུཏྟསྶ དྷམྨསེནཱཔཏིསྶ སབྷཱགཱ ཏསྨིཾ སམཡེ སནྣིཔཏིཾསུ, ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ ཨཱཡསྨཏོ སཱརིཔུཏྟསྶ དྷམྨསེནཱཔཏིསྶ ཨནུཔདདྷམྨཝིཔསྶནཱ ཝིཏྠཱརེན ཝིབྷཛིཏྭཱ པཀཱསིཏཱ.

ཝིསྶཛྫནཱ – པཎྜིཏོ བྷིཀྑཝེ སཱརིཔུཏྟོ མཧཱཔཉྙོ བྷིཀྑཝེ སཱརིཔུཏྟོ པུཐུཔཉྙོ བྷིཀྑཝེ སཱརིཔུཏྟོ ཧཱསཔཉྙོ ¶ བྷིཀྑཝེ སཱརིཔུཏྟོ ཏིཀྑཔཉྙོ བྷིཀྑཝེ སཱརིཔུཏྟོ ཛཝནཔཉྙོ བྷིཀྑཝེ སཱརིཔུཏྟོ ནིབྦེདྷིཀཔཉྙོ བྷིཀྑཝེ སཱརིཔུཏྟོ སཱརིཔུཏྟོ བྷིཀྑཝེ ཨཌྜྷམཱསཾ ཨནུཔདདྷམྨཝིཔསྶནཾ ཝིཔསྶཏཱིཏི ཨེཝམཱདིནཱ བྷནྟེ ཏཏྠ བྷགཝཏཱ ཨཱཡསྨཏོ སཱརིཔུཏྟསྶ དྷམྨསེནཱཔཏིསྶ ཨནུཔདདྷམྨཝིཔསྶནཱ ཝིཏྠཱརེན པཀཱསིཏཱ.

ཚབྦིསོདྷནསུཏྟ

པུཙྪཱ – ཏེནཱཝུསོ…པེ… ¶ སམྨཱསམྦུདྡྷེན ཚབྦིསོདྷནསུཏྟཾ ཀཏྠ ཀཾ ཨཱརབྦྷ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ བྷཱསིཏཾ.

སཔྤུརིསསུཏྟ

པུཙྪཱ – སཔྤུརིསསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ བྷཱསིཏཾ.

སེཝིཏབྦཱསེཝིཏབྦསུཏྟ

པུཙྪཱ – སེཝིཏབྦཱསེཝིཏབྦསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀེན སདྡྷིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ ཨཱཡསྨཏཱ སཱརིཔུཏྟཏྠེརེན དྷམྨསེནཱཔཏིནཱ སདྡྷིཾ བྷཱསིཏཾ.

བཧུདྷཱཏུཀསུཏྟ

པུཙྪཱ – བཧུདྷཱཏུཀསུཏྟཾ ¶ པནཱཝུསོ ཀཏྠ ཀཾ ཨཱརབྦྷ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ བྷཱསིཏཾ.

ཨིསིགིལིསུཏྟ

པུཙྪཱ – ཨིསིགིལིསུཏྟཾ པནཱཝུསོ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.

ཝིསྶཛྫནཱ – རཱཛགཧེ བྷནྟེ ཨིསིགིལིསྨིཾ པབྦཏེ སམྦཧུལེ བྷིཀྑཱུ ཨཱརབྦྷ བྷཱསིཏཾ.

མཧཱཙཏྟཱརཱིསཀསུཏྟ

པུཙྪཱ – མཧཱཙཏྟཱརཱིསཀསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ བྷཱསིཏཾ.

ཨཱནཱཔཱནསྶཏིསུཏྟ

པུཙྪཱ – ཨཱནཱཔཱནསྶཏིསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ བྷཱསིཏཾ, ཐེརཱ བྷནྟེ བྷིཀྑཱུ ནཝེ བྷིཀྑཱུ ཨོཝདནྟི ཨནུསཱསནྟི, ཨཔྤེཀཙྩེ ཐེརཱ བྷིཀྑཱུ དསཔི བྷིཀྑཱུ ཨོཝདནྟི ཨནུསཱསནྟི, ཨཔྤེཀཙྩེ ཐེརཱ བྷིཀྑཱུ ཝཱིསམྤི བྷིཀྑཱུ ཨོཝདནྟི ཨནུསཱསནྟི, ཨཔྤེཀཙྩེ ཐེརཱ བྷིཀྑཱུ ཏིཾསམྤི བྷིཀྑཱུ ཨོཝདནྟི ཨནུསཱསནྟི, ཨཔྤེཀཙྩེ ཐེརཱ བྷིཀྑཱུ ཙཏྟཱརཱིསམྤི བྷིཀྑཱུ ཨོཝདནྟི ཨནུསཱསནྟི, ཏེ ཙ བྷནྟེ ནཝཱ བྷིཀྑཱུ ཐེརེཧི བྷིཀྑཱུཧི ཨོཝདིཡམཱནཱ ཨནུསཱསིཡམཱནཱ ཨུལཱ༹རཾ པུབྦེནཱཔརཾ ཝིསེསཾ ཛཱནནྟི, ཏསྨིཾ བྷནྟེ ཝཏྠུསྨིཾ བྷཱསིཏཾ.

ཀཱཡགཏཱསཏིསུཏྟ

པུཙྪཱ – ཀཱཡགཏཱསཏིསུཏྟཾ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ བྷཱསིཏཾ, སམྦཧུལཱནཾ བྷནྟེ བྷིཀྑཱུནཾ པཙྪཱབྷཏྟཾ པིཎྜཔཱཏཔཊིཀྐནྟཱནཾ ཨུཔཊྛཱནསཱལཱཡཾ སནྣིསིནྣཱནཾ སནྣིཔཏིཏཱནཾ ཨཡམནྟརཀཐཱ ཨུདཔཱདི ‘‘ཨཙྪརིཡཾ ཨཱཝུསོ, ཨབྦྷུཏཾ ཨཱཝུསོ, ཡཱཝཉྩིདཾ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན ཀཱཡགཏཱསཏི བྷཱཝིཏཱ བཧུལཱིཀཏཱ མཧཔྥལཱ ཝུཏྟཱ མཧཱནིསཾསཱ’’ཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.

སངྑཱརཱུཔཔཏྟིསུཏྟ

པུཙྪཱ – སངྑཱརཱུཔཔཏྟིསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ བྷཱསིཏཾ.

པུཙྪཱ – ཀཐཉྩཱཝུསོ ཏཏྠ བྷགཝཏཱ སངྑཱརཱུཔཔཏྟིཡོ ཝིབྷཛིཏྭཱ པཀཱསིཏཱ.

ཝིསྶཛྫནཱ – ཨིདྷ བྷིཀྑཝེ བྷིཀྑུ སདྡྷཱཡ སམནྣཱགཏོ ཧོཏི, སཱིལེན སམནྣཱགཏོ ཧོཏི, སུཏེན སམནྣཱགཏོ ཧོཏི, ཙཱགེན སམནྣཱགཏོ ཧོཏི, པཉྙཱཡ སམནྣཱགཏོ ཧོཏི, ཏསྶ ཨེཝཾ ཧོཏི ‘‘ཨཧོ ཝཏཱཧཾ ཀཱཡསྶ བྷེདཱ པརཾ མརཎཱ ཁཏྟིཡམཧཱསཱལཱནཾ སཧབྱཏཾ ཨུཔཔཛྫེཡྻ’’ནྟི ཨེཝམཱདིནཱ བྷནྟེ ཏཏྠ བྷགཝཏཱ སངྑཱརཱུཔཔཏྟིཡོ ཝིབྷཛིཏྭཱ པཀཱསིཏཱ.

ཙཱུལ༹སུཉྙཏསུཏྟ

པུཙྪཱ – ཙཱུལ༹སུཉྙཏསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཱཡསྨནྟཾ ཨཱནནྡཾ ཨཱརབྦྷ བྷཱསིཏཾ, ཨཱཡསྨཱ བྷནྟེ ཨཱནནྡོ སཱཡནྷསམཡཾ པཊིསལླཱནཱ ཝུཊྛིཏོ བྷགཝནྟཾ ཨེཏདཝོཙ ‘‘ཨེཀམིདཾ བྷནྟེ སམཡཾ བྷགཝཱ སཀྐེསུ ཝིཧརཏི ནགརཀཾ ནཱམ སཀྱཱནཾ ནིགམོ, ཏཏྠ མེ བྷནྟེ བྷགཝཏོ སམྨུཁཱ སུཏཾ, སམྨུཁཱ པཊིགྒཧིཏཾ, སུཉྙཏཱཝིཧཱརེནཱཧཾ ཨཱནནྡ ཨེཏརཧི བཧུལཾ ཝིཧརཱམཱིཏི ཀཙྩི མེཏཾ བྷནྟེ སུསྶུཏཾ སུགྒཧིཏཾ སུམནསིཀཏཾ སཱུཔདྷཱརིཏ’’ནྟི, ཏསྨིཾ བྷནྟེ ཝཏྠུསྨིཾ བྷཱསིཏཾ.

མཧཱསུཉྙཏསུཏྟ

པུཙྪཱ – མཧཱསུཉྙཏསུཏྟཾ ¶ པནཱཝུཏོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཀྐེསུ བྷནྟེ ཀཔིལཝཏྠུསྨིཾ ཨཱཡསྨནྟཾ ཨཱནནྡཾ ཨཱརབྦྷ བྷཱསིཏཾ, ཨཱཡསྨཱ བྷནྟེ ཨཱནནྡོ སམྦཧུལེཧི བྷིཀྑཱུཧི སདྡྷིཾ གྷཊཱཡ སཀྐསྶ ཝིཧཱརེ ཙཱིཝརཀམྨཾ ཀརོཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.

ཨཙྪརིཡཨབྦྷུཏསུཏྟ

པུཙྪཱ – ཨཙྪརིཡཨབྦྷུཏསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན སདྡྷིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ ཨཱཡསྨཏཱ ཨཱནནྡཏྠེརེན དྷམྨབྷཎྜཱགཱརིཀེན སདྡྷིཾ བྷཱསིཏཾ. སམྦཧུལཱནཾ བྷནྟེ བྷིཀྑཱུནཾ པཙྪཱབྷཏྟཾ པིཎྜཔཱཏཔཊིཀྐནྟཱནཾ ཨུཔཊྛཱནསཱལཱཡཾ སནྣིསིནྣཱནཾ སནྣིཔཏིཏཱནཾ ཨཡམནྟརཀཐཱ ཨུདཔཱདི ‘‘ཨཙྪརིཡཾ ཨཱཝུསོ, ཨབྦྷུཏཾ ཨཱཝུསོ ཏཐཱགཏསྶ མཧིདྡྷིཀཏཱ མཧཱནུབྷཱཝཏཱ. ཡཏྲ ཧི ནཱམ ཏཐཱགཏོ ཨཏཱིཏེ བུདྡྷེ པརིནིབྦུཏེ ཚིནྣཔཔཉྩེ ཚིནྣཝཊུམེ པརིཡཱདིནྣཝཊྚེ སབྦདུཀྑཝཱིཏིཝཏྟེ ཛཱནིསྶཏི. ཨེཝཾཛཙྩཱ ཏེ བྷགཝནྟོ ཨཧེསུཾ ཨིཏིཔི, ཨེཝཾནཱམཱ ཏེ བྷགཝནྟོ ཨཧེསུཾ ཨིཏིཔི, ཨེཝཾགོཏྟཱ ཏེ བྷགཝནྟོ ཨཧེསུཾ ཨིཏིཔི, ཨེཝཾསཱིལཱ ཏེ བྷགཝནྟོ ཨཧེསུཾ ཨིཏིཔི, ཨེཝཾདྷམྨཱ ཏེ བྷགཝནྟོ ཨཧེསུཾ ཨིཏིཔི, ཨེཝཾཔཉྙཱ ¶ ཏེ བྷགཝནྟོ ཨཧེསུཾ ཨིཏིཔི, ཨེཝཾཝིཧཱརཱི ཏེ བྷགཝནྟོ ཨཧེསུཾ ཨིཏིཔི, ཨེཝཾཝིམུཏྟཱ ཏེ བྷགཝནྟོ ཨཧེསུཾ ཨིཏིཔཱི’’ཏི, ཏསྨིཾ བྷནྟེ ཝཏྠུསྨིཾ བྷཱསིཏཾ.

བཱཀུལསུཏྟ

པུཙྪཱ – བཱཀུལསུཏྟཾ ¶ པནཱཝུསོ ཀཏྠ ཀཾ ཨཱརབྦྷ ཀེན བྷཱསིཏཾ.

ཝིསྶཛྫནཱ – རཱཛགཧེ བྷནྟེ ཨཙེལཾ ཀསྶཔཾ ཨཱརབྦྷ ཨཱཡསྨཏཱ བཱཀུལཏྠེརེན བྷཱསིཏཾ.

དནྟབྷཱུམིསུཏྟ

པུཙྪཱ – དནྟབྷཱུམིསུཏྟཾ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – རཱཛགཧེ བྷནྟེ ཛཡསེནཾ རཱཛཀུམཱརཾ ཨཱརབྦྷ བྷཱསིཏཾ. ཛཡསེནོ བྷནྟེ རཱཛཀུམཱརོ ཨཙིརཝཏཾ སམཎུདྡེསཾ ཨུཔསངྐམིཏྭཱ ཨེཏདཝོཙ ‘‘སུཏཾ མེཏཾ བྷོ ཨགྒིཝེསྶན ཨིདྷ བྷིཀྑུ ཨཔྤམཏྟོ ཨཱཏཱཔཱི པཧིཏཏྟོ ཝིཧརནྟོ ཕུསེཡྻ ¶ ཙིཏྟསྶ ཨེཀགྒཏ’’ནྟི, ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ ཨཙིརཝཏསྶ སམཎུདྡེསསྶ སམསྶཱསེཏྭཱ དྷམྨདེསནཱནཡོ པཀཱསིཏོ.

ཝིསྶཛྫནཱ – ཏཾ ཀུཏེཏྠ ཨགྒིཝེསྶན ལབྦྷཱ, ཡཾ ཏཾ ནེཀྑམྨེན ཉཱཏབྦཾ ནེཀྑམྨེན དཊྛབྦཾ ནེཀྑམྨེན པཏྟབྦཾ ནེཀྑམྨེན སཙྪིཀཱཏབྦཾ, ཏཾ ཝཏ ཛཡསེནོ རཱཛཀུམཱརོ ཀཱམམཛ྄ཛྷེ ཝསནྟོ ཀཱམེ པརིབྷུཉྫནྟོ ཀཱམཝིཏཀྐེཧི ཁཛྫམཱནོ ཀཱམཔརིལཱ༹ཧེན པརིཌཡ྄ཧམཱནོ ཀཱམཔརིཡོསནཱཡ ཨུསྶུཀོ ཨུསྶཏི ཝཱ དཀྑཏི ཝཱ སཙྪི ཝཱ ཀརིསྶཏཱིཏི ནེཏཾ ཋཱནཾ ཝིཛྫཏཱིཏི ཨེཝཾ ཁོ བྷནྟེ བྷགཝཏོ ཨཙིརཝཏསྶ སམཎུདྡེསསྶ སམསྶཱསེཏྭཱ, སེཡྻཐཱཔིསྶུ ཨགྒིཝེསྶན དྭེ ཧཏྠིདམྨཱ ཝཱ ཨསྶདམྨཱཝཱ གོདམྨཱ ཝཱ སུདནྟཱ སུཝིནཱིཏཱཏི ཨེཝམཱདིནཱ བྷནྟེ བྷགཝཏཱ ཨཙིརཝཏསྶ སམཎུདྡེསསྶ དེསནཱནཡོ པཀཱསིཏོ.

པུཙྪཱ – ཀཐཉྩཱཝུསོ ¶ ཏཏྠ བྷགཝཱ དྭེ ཨུཔམཱཡོ དསྶེཏྭཱ ཏཏུཏྟརི དྷམྨདེསནཾ པཝཌྜྷེཏི.

ཝིསྶཛྫནཱ – སེཡྻཐཱཔི ཨགྒིཝེསྶན རཱཛཱཁཏྟིཡོ མུདྡྷཱཝསིཏྟོ ནཱགཝནིཀཾ ཨཱམནྟེཏཱིཏི ཨེཝམཱདིནཱ བྷནྟེ བྷགཝཱ ཨུཏྟརིཔི དྷམྨདེསནཾ པཝཌྜྷེསི.

བྷཱུམིཛསུཏྟ

པུཙྪཱ – ཏེནཱཝུསོ…པེ… ¶ སམྨཱསམྦུདྡྷེན བྷཱུམིཛསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – རཱཛགཧེ བྷནྟེ ཛཡསེནཾ རཱཛཀུམཱརཾ ཨཱརབྦྷ བྷཱསིཏཾ, ཛཡསེནོ བྷནྟེ རཱཛཀུམཱརོ ཨཱཡསྨནྟཾ བྷཱུམིཛཾ ཨེཏདཝོཙ ‘‘སནྟི བྷོ བྷཱུམིཛ ཨེཀེ སམཎབྲཱཧྨཎཱ ཨེཝཾཝཱདིནོ ཨེཝཾདིཊྛིནོ ‘ཨཱསཉྩེཔི ཀརིཏྭཱ བྲཧྨཙརིཡཾ ཙརནྟི, ཨབྷབྦཱ ཕལསྶ ཨདྷིགམཱཡ. ཨནཱསཉྩེཔི ཀརིཏྭཱ བྲཧྨཙརིཡཾ ཙརནྟི, ཨབྷབྦཱ ཕལསྶ ཨདྷིགམཱཡ. ཨཱསཉྩ ཨནཱསཉྩེཔི ཀརིཏྭཱ བྲཧྨཙརིཡཾ ཙརནྟི, ཨབྷབྦཱ ཕལསྶ ཨདྷིགམཱཡ ¶ . ནེཝཱསཾ ནཱནཱསཉྩེཔི ཀརིཏྭཱ བྲཧྨཙརིཡཾ ཙརནྟི, ཨཱབྷབྦཱ ཕལསྶ ཨདྷིགམཱཡཱ’ཏི. ཨིདྷ བྷོཏོ བྷཱུམིཛསྶ སཏྠཱ ཀིཾཝཱདཱི ཀིམཀྑཱཡཱི’’ཏི ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ ཨཱཡསྨཏོ བྷཱུམིཛཏྠེརསྶ ཏཾ བྱཱཀརཎཾ སམནུཛཱནིཏྭཱ ཏཏུཏྟརི དྷམྨདེསནཱནཡོ པརིཔཱུརེཏྭཱ པཀཱསིཏོ.

ཝིསྶཛྫནཱ – ཏགྒྷ ཏྭཾ བྷཱུམིཛ ཨེཝཾ པུཊྛོ ཨེཝཾ བྱཱཀརམཱནོ ཝུཏྟཝཱདཱི ཙེཝ མེ ཧོསི, ན ཙ མཾ ཨབྷཱུཏེན ཨབྦྷཱཙིཀྑསི, ཨེཝམཱདིནཱ བྷནྟེ བྷགཝཏཱ ཨཱཡསྨཏོ བྷཱུམིཛསྶ ཏཾ ཝཙནཾ སམནུཛཱནིཏྭཱ ‘‘ཡེཧི ཀེཧིཙི བྷཱུམིཛ སམཎཱ ཝཱ བྲཱཧྨཎཱ ཝཱ མིཙྪཱདིཊྛིནོ མིཙྪཱསངྐཔྤཱ མིཙྪཱཝཱཙཱ མིཙྪཱཀམྨནྟཱ མིཙྪཱཨཱཛཱིཝཱ མིཙྪཱཝཱཡཱམཱ མིཙྪཱསཏཱི མིཙྪཱསམཱདྷིནོ, ཏེ ཨཱསཉྩེཔི ཀརིཏྭཱ བྲཧྨཙརིཡཾ ཙརནྟི, ཨབྷབྦཱ ཕལསྶ ཨདྷིགམཱཡཱ’’ཏི ཨེཝམཱདིནཱ བྷནྟེ བྷགཝཏཱ ཨཱཡསྨཏོ བྷཱུམིཛསྶ ཨུཏྟརི དེསནཱནཡོ པརིཔཱུརེཏྭཱ པཀཱསིཏོ.

ཨནུརུདྡྷསུཏྟ

པུཙྪཱ – ཨནུརུདྡྷསུཏྟཾ ¶ པནཱཝུསོ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ པཉྩཀངྒཾ ཐཔཏིཾ ཨཱརབྦྷ ཨཱཡསྨཏཱ ཨནུརུདྡྷཏྠེརེན བྷཱསིཏཾ, པཉྩཀངྒོ བྷནྟེ ཐཔཏི ཨཱཡསྨནྟཾ ཨནུརུདྡྷཾ ཨེཏདཝོཙ ‘‘ཨིདྷ མཾ བྷནྟེ ཐེརཱ བྷིཀྑཱུ ཨུཔསངྐམིཏྭཱ ཨེཝམཱཧཾསུ ‘ཨཔྤམཱཎཾ གཧཔཏི ཙེཏོཝིམུཏྟིཾ བྷཱཝེཧཱི’ཏི, ཨེཀཙྩེ ཐེརཱ ཨེཝམཱཧཾསུ ‘མཧགྒཏཾ གཧཔཏི ཙེཏོཝིམུཏྟིཾ བྷཱཝེཧཱི’’ཏི, ཡཱ ཙཱཡཾ བྷནྟེ ཨཔྤམཱཎཱ ཙེཏོཝིམུཏྟི ཡཱ ཙ མཧགྒཏཱ ཙེཏོཝིམུཏྟི, ཨིམེ དྷམྨཱ ནཱནཏྠཱ ཙེཝ ནཱནཱབྱཉྫནཱ ཙ, ཨུདཱཧུ ཨེཀཏྠཱ བྱཉྫནམེཝ ནཱནནྟི’’ ཏསྨིཾ བྷནྟེ ཝཏྠུསྨིཾ བྷཱསིཏཾ.

ཨུཔཀྐིལེསསུཏྟ

པུཙྪཱ – ཨུཔཀྐིལེསསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.

ཝིསྶཛྫནཱ – པཱཙཱིནཝཾསདཱཡེ བྷནྟེ ཨཱཡསྨནྟཾ ཨནུརུདྡྷཏྠེརཾ ཨཱརབྦྷ བྷཱསིཏཾ.

བཱལཔཎྜིཏསུཏྟ

པུཙྪཱ – བཱལཔཎྜིཏསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ བྷཱསིཏཾ.

པུཙྪཱ – ཀཐཉྩཱཝུསོ ཏཏྠ བྷགཝཏཱ བཱལསྶ བཱལལཀྑཎཱནི ཙ བཱལསྶ དིཊྛེཝ དྷམྨེ དུཀྑདོམནསྶཔྤཊིསཾཝེདནཱ ཙ པཀཱསིཏཱ.

ཝིསྶཛྫནཱ – ཏཱིཎིམཱནི བྷིཀྑཝེ བཱལསྶ བཱལལཀྑཎཱནི བཱལནིམིཏྟཱནི བཱལཱཔདཱནཱནི. ཀཏམཱནི ཏཱིཎི. ཨིདྷ བྷིཀྑཝེ བཱལོ དུཙྩིནྟིཏཙིནྟཱི ¶ ཙ ཧོཏི དུབྦྷཱསིཏབྷཱསཱི ཙ དུཀྐཊཀམྨཀཱརཱི ཙཱཏི ཨེཝམཱདིནཱ བྷནྟེ ཏཏྠ བྷགཝཏཱ བཱལསྶ བཱལལཀྑཎཱནི ཙ བཱལསྶ དིཊྛེཝ དྷམྨེ དུཀྑདོམནསྶཔྤཊིསཾཝེདནཱ ཙ པཀཱསིཏཱ.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ བཱལསྶ སམྤརཱཡོ ཙ ཏཏྠ ནིརཡེ བཱལསྶ དུཀྑདོམནསྶཔཊིསཾཝེདནཱ ཙ པཀཱསིཏཱ.

ཝིསྶཛྫནཱ – ས ཁོ སོ བྷིཀྑཝེ བཱལོ ཀཱཡེན དུཙྩརིཏཾ ཙརིཏྭཱ ཝཱཙཱཡ དུཙྩརིཏཾ ཙརིཏྭཱ མནསཱ དུཙྩརིཏཾ ཙརིཏྭཱ ཀཱཡསྶ བྷེདཱཔརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔཛྫཏཱིཏི ཨེཝམཱདིནཱ བྷནྟེ ཏཏྠ བྷགཝཏཱ བཱལསྶ སམྤརཱཡོ ཙ ཏཏྠ ཙ བཱལསྶ ནིརཡེ དུཀྑདོམནསྶཔྤཊིསཾཝེདནཱ པཀཱསིཏཱ.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ བཱལསྶ ཏིརཙྪཱནཡོནིཡཾ དུཀྑདོམནསྶཔཊིསཾཝེདནཱ པཀཱསིཏཱ.

ཝིསྶཛྫནཱ – སནྟི བྷིཀྑཝེ ཏིརཙྪཱནགཏཱ པཱཎཱ ཏིཎབྷཀྑཱ ཏེ ཨལླཱནིཔི ཏིཎཱནི སུཀྑཱནིཔི ཏིཎཱནི དནྟུལླེཧཀཾ ཁཱདནྟཱིཏི ཨེཝམཱདིནཱ བྷནྟེ ཏཏྠ བྷགཝཏཱ བཱལསྶ ཏིརཙྪཱནཡོནིཡཾ དུཀྑདོམནསྶཔྤཊིསཾཝེདནཱ པཀཱསིཏཱ.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ བཱལེན སཀིཾ ཝིནིཔཱཏགཏེན པུན མནུསྶཏྟདུལླབྷཏཱ པཀཱསིཏཱ.

ཝིསྶཛྫནཱ – སེཡྻཐཱཔི བྷིཀྑཝེ པུརིསོ ཨེཀཙྪིགྒལཾ ཡུགཾ མཧཱསམུདྡེ པཀྑིཔེཡྻ, ཏམེནཾ པུརཏྠིམོ ཝཱཏོ པཙྪིམེན སཾཧརེཡྻཱཏི ཨེཝམཱདིནཱ བྷནྟེ ཏཏྠ བྷགཝཏཱ བཱལེན སཀིཾ ཝིནིཔཱཏགཏེན པུན མནུསྶཏྟསྶ དུལླབྷཏཱ པཀཱསིཏཱ.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ བཱལསྶ ཀདཱཙི ཀརཧཙི དཱིགྷསྶ ཨདྡྷུནོ ཨཙྩཡེན མནུསྶཏྟཾ ཨཱགཏསྶཔི དུཀྑབཧུལཏཱ པཀཱསིཏཱ.

ཝིསྶཛྫནཱ – ས ཁོ སོ བྷིཀྑཝེ བཱལོ སཙེ ཀདཱཙི ཀརཧཙི དཱིགྷསྶ ཨདྡྷུནོ ཨཙྩཡེན མནུསྶཏྟཾ ཨཱགཙྪཏཱིཏི ཨེཝམཱདིནཱ བྷནྟེ ཏཏྠ བྷགཝཏཱ བཱལསྶ ཀདཱཙི ཀརཧཙི དཱིགྷསྶ ཨདྡྷུནོ ཨཙྩཡེན མནུསྶཏྟཾ ཨཱགཏསྶཔི དུཀྑབཧུལཏཱ པཀཱསིཏཱ.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ པཎྜིཏསྶ པཎྜིཏལཀྑཎཱནི ཙ པཎྜིཏསྶ དིཊྛེཝ དྷམྨེ སུཁསོམནསྶཔྤཊིསཾཝེདནཱ ཙ པཀཱསིཏཱ.

ཝིསྶཛྫནཱ – ཏཱིཎིམཱནི བྷིཀྑཝེ པཎྜིཏསྶ པཎྜིཏལཀྑཎཱནི པཎྜིཏནིམིཏྟཱནི པཎྜིཏཱཔདཱནཱནི. ཀཏམཱནི ཏཱིཎི. ཨིདྷ བྷིཀྑཝེ པཎྜིཏོ སུཙིནྟིཏཙིནྟཱི ཙ ཧོཏི སུབྷཱསིཏབྷཱསཱི ཙ སུཀཏཀམྨཀཱརཱི ཙཱཏི ཨེཝམཱདིནཱ བྷནྟེ ཏཏྠ བྷགཝཏཱ

པཎྜིཏསྶ ¶ པཎྜིཏལཀྑཎཱནི ཙ དིཊྛེཝ དྷམྨེ པཎྜིཏསྶ སུཁསོམནསྶཔཊིསཾཝེདནཱ ཙ པཀཱསིཏཱ.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ པཎྜིཏསྶ སམྤརཱཡོ ཙ ཏཏྠ སགྒེ སུཁསོམནསྶཔྤཊིསཾཝེདནཱ ཙ པཀཱསིཏཱ.

ཝིསྶཛྫནཱ – ས ཁོ སོ བྷིཀྑཝེ པཎྜིཏོ ཀཱཡེན སུཙརིཏཾ ཙརིཏྭཱ ཝཱཙཱཡ མནསཱ སུཙརིཏཾ ཙརིཏྭཱ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫཏཱིཏི ཨེཝམཱདིནཱ བྷནྟེ ཏཏྠ བྷགཝཏཱ པཎྜིཏསྶ སམྤརཱཡོ ཙ སགྒེ ཙ པཎྜིཏསྶ སུཁསོམནསྶཔྤནིསཾཝེདནཱ པཀཱསིཏཱ.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ པཎྜིཏསྶ ཀདཱཙི ཀརཧཙི དཱིགྷསྶ ཨདྡྷུནོ ཨཙྩཡེན མནུསྶཏྟཾ ཨཱགཏསྶཔི སུཁབཧུལཏཱ པཀཱསིཏཱ.

ཝིསྶཛྫནཱ – ས ཁོ སོ བྷིཀྑཝེ པཎྜིཏོ སཙེ ཀདཱཙི ཀརཧཙི དཱིགྷསྶ ཨདྡྷུནོ ཨཙྩཡེན མནུསྶཏྟཾ ཨཱགཙྪཏི, ཡཱནི ཏཱནི ཨུཙྩཱཀུལཱནི ཁཏྟིཡམཧཱསཱལཀུལཾ ཝཱ བྲཱཧྨཎམཧཱསཱལཀུལཾ ཝཱ གཧཔཏིམཧཱསཱལཀུལཾ ཝཱ ཏཐཱརཱུཔེ ཀུལེ པཙྩཱཛཱཡཏཱིཏི ཨེཝམཱདིནཱ བྷནྟེ ཏཏྠ བྷགཝཏཱ པཎྜིཏསྶ ཀདཱཙི ཀརཧཙི དཱིགྷསྶ ཨདྡྷུནོ ཨཙྩཡེན མནུསྶཏྟཾ ཨཱགཏསྶཔི སུཁབཧུལཏཱ པཀཱསིཏཱ.

ཙཱུལ༹ཀམྨཝིབྷངྒསུཏྟ

པུཙྪཱ – ཏེནཱཝུསོ ¶ ཛཱནཏཱ པསྶཏཱ…པེ… སམྨཱསམྦུདྡྷེན ཙཱུལ༹ཀམྨཝིབྷངྒསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སུབྷཾ མཱཎཝཾ ཏོདེཡྻཔུཏྟཾ ཨཱརབྦྷ བྷཱསིཏཾ. སུབྷོ བྷནྟེ མཱཎཝོ ཏོདེཡྻཔུཏྟོ བྷགཝནྟཾ ཨུཔསངྐམིཏྭཱ ཨེཏདཝོཙ ‘‘ཀོ ནུ ཁོ བྷོ གོཏམ ཧེཏུ ཀོ པཙྩཡོ, ཡེན མནུསྶཱནཾཡེཝ སཏཾ མནུསྶབྷཱུཏཱནཾ དིསྶནྟི ཧཱིནཔྤཎཱིཏཏཱ. དིསྶནྟི ཧི བྷོ གོཏམ མནུསྶཱ ཨཔྤཱཡུཀཱ, དིསྶནྟི དཱིགྷཱཡུཀཱ. དིསྶནྟི བཝ྄ཧཱབཱདྷཱ, དིསྶནྟི ཨཔྤཱབཱདྷཱ. དིསྶནྟི དུབྦཎྞཱ, དིསྶནྟི ཝཎྞཝནྟོ. དིསྶནྟི ཨཔྤེསཀྑཱ, དིསྶནྟི མཧེསཀྑཱ. དིསྶནྟི ཨཔྤབྷོགཱ, དིསྶནྟི མཧཱབྷོགཱ. དིསྶནྟི ནཱིཙཀུལཱིནཱ, དིསྶནྟི ཨུཙྩཱཀུལཱིནཱ. དིསྶནྟི དུཔྤཉྙཱ, དིསྶནྟི པཉྙཝནྟོ. ཀོ ནུ ཁོ བྷོ གོཏམ ཧེཏུ ཀོ པཙྩཡོ, ཡེན མནུསྶཱནཾཡེཝ སཏཾ མནུསྶབྷཱུཏཱནཾ དིསྶནྟི ཧཱིནཔྤཎཱིཏཏཱ’’ཏི ཏསྨིཾ བྷནྟེ ཝཏྠུསྨིཾ བྷཱསིཏཾ.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ སཏྟཱནཾ དཱིགྷཱཡུཀཨཔྤཱཡུཀསཾཝཏྟནཀཀམྨཱནི ཝིབྷཛིཏྭཱ པཀཱསིཏཱནི.

ཝིསྶཛྫནཱ – ཨིདྷ མཱཎཝ ཨེཀཙྩོ ཨིཏྠཱི ཝཱ པུརིསོ ཝཱ པཱཎཱཏིཔཱཏཱི ཧོཏི, ལུདྡོ ལོཧིཏཔཱཎི ཧཏཔཧཏེ ནིཝིཊྛོ ཨདཡཱཔནྣོ པཱཎབྷཱུཏེསཱུཏི ཨེཝམཱདིནཱ བྷནྟེ ཏཏྠ བྷགཝཏཱ ཨཔྤཱཡུཀདཱིགྷཱཡུཀསཾཝཏྟནཀཱནི ཀམྨཱནི ཝིབྷཛིཏྭཱ པཀཱསིཏཱནི.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ སཏྟཱནཾ ཨཔྤཱབཱདྷབཝ྄ཧཱབཱདྷསཾཝཏྟནཀཀམྨཱནི ཝིབྷཛིཏྭཱ པཀཱསིཏཱནི.

ཝིསྶཛྫནཱ – ཨིདྷ ¶ མཱཎཝ ཨེཀཙྩོ ཨིཏྠཱི ཝཱ པུརིསོ ཝཱ སཏྟཱནཾ ཝིཧེཊྛཀཛཱཏིཀོ ཧོཏི པཱཎིནཱ ཝཱ ལེཌྜུནཱཝཱ དཎྜེནཝཱ སཏྠེན ཝཱཏི ཨེཝམཱདིནཱ བྷནྟེ ཏཏྠ བྷགཝཏཱ སཏྟཱནཾ ཨཔྤཱབཱདྷབཝ྄ཧཱབཱདྷསཾཝཏྟནཀཀམྨཱནི ཝིབྷཛིཏྭཱ པཀཱསིཏཱནི.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ སཏྟཱནཾ སུཝཎྞདུབྦཎྞསཾཝཏྟནཀཀམྨཱནི ཝིབྷཛིཏྭཱ པཀཱསིཏཱནི.

ཝིསྶཛྫནཱ – ཨིདྷ མཱཎཝ ཨེཀཙྩོ ཨིཏྠཱི ཝཱ པུརིསོ ཝཱ ཀོདྷནོ ཧོཏི ཨུཔཱཡཱསབཧུལོ, ཨཔྤམྤི ཝུཏྟོ སམཱནོ ཨབྷིསཛྫཏི ཀུཔྤཏི བྱཱཔཛྫཏི པཏིཊྛིཡཏི, ཀོཔཉྩ དོསཉྩ ཨཔྤཙྩཡཉྩ པཱཏུཀརོཏཱིཏི ཨེཝམཱདིནཱ བྷནྟེ ཏཏྠ བྷགཝཏཱ སཏྟཱནཾ སུཝཎྞདུབྦཎྞསཾཝཏྟནཀཀམྨཱནི ཝིབྷཛིཏྭཱ པཀཱསིཏཱནི.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ སཏྟཱནཾ མཧེསཀྑ ཨཔྤེསཀྑསཾཝཏྟནཀཀམྨཱནི ཝིབྷཛིཏྭཱ པཀཱསིཏཱནི.

ཝིསྶཛྫནཱ – ཨིདྷ མཱཎཝ ཨེཀཙྩོ ཨིཏྠཱི ཝཱ པུརིསོ ཝཱ ཨིསྶཱམནཀོ ཧོཏི, པརལཱབྷསཀྐཱར གརུཀཱར མཱནནཝནྡན པཱུཛཱསུ ཨིསྶཏི ཨུཔདུསྶཏི ཨིསྶཾ བནྡྷཏཱིཏི ཨེཝམཱདིནཱ བྷནྟེ ཏཏྠ བྷགཝཏཱ སཏྟཱནཾ ཨཔྤེསཀྑམཧེསཀྑསཾཝཏྟནཀཱནི ཀམྨཱནི ཝིབྷཛིཏྭཱ པཀཱསིཏཱནི.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ མཧཱབྷོགཨཔྤབྷོགསཾཝཏྟནཀཀམྨཱནི ཝིབྷཛིཏྭཱ པཀཱསིཏཱནི.

ཝིསྶཛྫནཱ – ཨིདྷ མཱཎཝ ཨེཀཙྩོ ཨིཏྠཱི ཝཱ པུརིསོ ཝཱ ན དཱཏཱ ཧོཏི, སམཎསྶ ཝཱ བྲཱཧྨཎསྶ ཝཱ ཨནྣཾ པཱནཾ ཝཏྟཾ ཡཱནཾ མཱལཱགནྡྷ ཝིལེཔནཾ སེཡྻཝསཐཔདཱིཔེཡྻནྟི ཨེཝམཱདིནཱ བྷནྟེ ཏཏྠ བྷགཝཏཱ མཧཱབྷོགཨཔྤབྷོགསཾཝཏྟནཀཀམྨཱནི ཝིབྷཛིཏྭཱ པཀཱསིཏཱནི.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ སཏྟཱནཾ ཨུཙྩཱཀུལཱིན ནཱིཙཀུལཱིནསཾཝཏྟནཀཀམྨཱནི ཝིབྷཛིཏྭཱ པཀཱསིཏཱནི.

ཝིསྶཛྫནཱ – ཨིདྷ མཱཎཝ ཨེཀཙྩོ ཨིཏྠཱི ཝཱ པུརིསོ ཝཱ ཐདྡྷོ ཧོཏི ཨཏིམཱནི ཨབྷིཝཱདེཏབྦཾ ན ཨབྷིཝཱདེཏི, པཙྩུཊྛཱཏབྦཾ ན པཙྩུཊྛེཏི, ཨཱསནཱརཧསྶ ན ཨཱསནཾ དེཏི, མགྒཱརཧསྶ ན མགྒཾ དེཏི, སཀྐཱཏབྦཾ ན སཀྐརོཏི, གརུཀཱཏབྦཾ ན གརུཀརོཏི, མཱནེཏབྦཾ མཱནེཏི, པཱུཛེཏབྦཾ ན པཱུཛེཏཱིཏི ཨེཝམཱདིནཱ བྷནྟེ ཏཏྠ བྷགཝཏཱ སཏྟཱནཾ ཨུཙྩཱཀུལཱིན ནཱིཙཀུལཱིནསཾཝཏྟནཀཀམྨཱནི ཝིབྷཛིཏྭཱ པཀཱསིཏཱནི.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ སཏྟཱནཾ མཧཱཔཉྙདུཔྤཉྙསཾཝཏྟནཀཀམྨཱནི ཝིབྷཛིཏྭཱ པཀཱསིཏཱནི.

ཝིསྶཛྫནཱ – ཨིདྷ མཱཎཝ ཨེཀཙྩོ ཨིཏྠཱི ཝཱ པུརིསོ ཝཱ སམཎཾ ཝཱ བྲཱཧྨཎཾ ཝཱ ཨུཔསངྐམིཏྭཱ ན པརིཔུཙྪིཏཱ ཧོཏི ‘‘ཀིཾ བྷནྟེ ཀུསལཾ, ཀིཾ ཨཀུསལཾ. ཀིཾ སཱཝཛྫཾ, ཀིཾ ཨནཝཛྫཾ. ཀིཾ སེཝིཏབྦཾ, ཀིཾ ན སེཝིཏབྦཾ. ཀིཾ མེ ཀརཱིཡམཱནཾ དཱིགྷརཏྟཾ ཨཧིཏཱཡ དུཀྑཱཡ ཧོཏི, ཀིཾ ཝཱ པན མེ ཀརཱིཡམཱནཾ ¶ དཱིགྷརཏྟཾ ཧིཏཱཡ སུཁཱཡ ཧོཏཱི’’ཏི ཨེཝམཱདིནཱ བྷནྟེ ཏཏྠ བྷགཝཏཱ སཏྟཱནཾ མཧཱཔཉྙདུཔྤཉྙསཾཝཏྟནཀཀམྨཱནི ཝིབྷཛིཏྭཱ པཀཱསིཏཱནི.

ཨིནྡྲིཡབྷཱཝནཱསུ

པུཙྪཱ – ཨིནྡྲིཡབྷཱཝནཱསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ བྷཱསིཏཾ.

ཝིསྶཛྫནཱ – གཛངྒལཱཡཾ བྷནྟེ ཨུཏྟརཾ ནཱམ མཱཎཝཾ པཱརཱསིཝིཡནྟེཝཱསིཾ ཨཱརབྦྷ བྷཱསིཏཾ, ཨུཏྟརོ བྷནྟེ མཱཎཝོ པཱརཱསིཝིཡནྟེཝཱསཱི བྷགཝཏཱ པུཊྛོ བྷགཝནྟཾ ཨེཏདཝོཙ ‘‘ཨིདྷ བྷོ གོཏམ ཙཀྑུནཱ རཱུཔཾ ན པསྶཏི, སོཏེན སདྡཾ ན སུཎཱཏི. ཨེཝཾ ཁོ བྷོ གོཏམ དེསེཏི པཱརཱསིཝིཡོ བྲཱཧྨཎོ སཱཝཀཱནཾ ཨིནྡྲིཡབྷཱཝན’’ནྟི. ཏསྨིཾ བྷནྟེ ཝཏྠུསྨིཾ བྷཱསིཏཾ.