📜

ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ

སུཏྟནྟཔིཊཀ

སཾཡུཏྟནིཀཱཡེ

སགཱཐཱཝགྒཔཱལི༹

སཾགཱཡནསྶ པུཙྪཱ ཝིསྶཛྫནཱ

པུཙྪཱ – པཋམམཧཱསཾགཱིཏིཀཱལེ ¶ ཨཱཝུསོ དྷམྨསཾགཱཧཀཱ མཧཱཀསྶཔཱདཡོ མཧཱཐེརཝརཱ པོརཱཎསཾགཱིཏིཀཱརཱ པཋམཾ ཝིནཡཔིཊཀཾ སཾགཱཡིཏྭཱ ཏདནནྟརཾ སུཏྟནྟཔིཊཀཾ སཾགཱཡནྟཱ དཱིགྷནིཀཱཡཉྩ མཛ྄ཛྷིམནིཀཱཡཉྩ སཾགཱཡིཏྭཱ ཏདནནྟརཾ ཀིཾནཱམ པཱཝཙནཾ སཾགཱཡིཾསུ.

ཝིསྶཛྫནཱ – པཋམམཧཱསཾགཱིཏིཀཱལེ བྷནྟེ དྷམྨསཾགཱཧཀཱ མཧཱཀསྶཔཱདཡོ པོརཱཎཐེརཝརཱ པཋམཾ ཝིནཡཔིཊཀཾ སཾགཱཡིཏྭཱ ཏདནནྟརཾ སུཏྟནྟཔིཊཀཾ སཾགཱཡནྟཱ དཱིགྷནིཀཱཡཉྩ མཛ྄ཛྷིམནིཀཱཡཉྩ སཾགཱཡིཏྭཱ ཏདནནྟརཾ སཏྟཧི ཙ སུཏྟསཧསྶེཧི སཏྟཧི ཙ སུཏྟསཏེཧི དྭཱསཊྛིཡཱ ཙ སུཏྟེཧི པཊིམཎྜིཏཾ བྷཱཎཝཱརསཏཔརིམཱཎཾ སཾཡུཏྟནིཀཱཡཾ ནཱམ པཱཝཙནཾ སཾགཱཡིཾསུ.

པུཙྪཱ – སཾཡུཏྟནིཀཱཡེ ¶ ཙ ཨཱཝུསོ སགཱཐཱཝགྒོ ནིདཱནཝགྒོ ཁནྡྷཝགྒོ སལཱ༹ཡཏནཝགྒོ མཧཱཝགྒོཏི པཉྩསཾཡུཏྟཔྤཀརཎཱནི, ཏེསུ པཋམཾ ཀཏརཾ སཾཡུཏྟཔྤཀརཎཾ ཏེ སཾགཱཡིཾསུ.

ཝིསྶཛྫནཱ – པཉྩསུ བྷནྟེ སཾཡུཏྟཔྤཀརཎེསུ པཋམཾ སགཱཐཱཝགྒསཾཡུཏྟཔྤཀརཎཾ སཾགཱཡིཾསུ.

པུཙྪཱ – སགཱཐཱཝགྒེཔི ¶ ཨཱཝུསོ དེཝཏཱསཾཡུཏྟཱདིཝསེན ཨེཀཱདསསཾཡུཏྟཱནི, ཏེསུ པཋམཾ ཀཏརཾ སཾཡུཏྟཾ ཏེ སཾགཱཡིཾསུ.

ཝིསྶཛྫནཱ – ཨེཀཱདསསུ བྷནྟེ སཾཡུཏྟེསུ པཋམཾ དེཝཏཱསཾཡུཏྟཾ སཾགཱཡིཾསུ.

པུཙྪཱ – དེཝཏཱསཾཡུཏྟེཔི ཨཱཝུསོ ནལ༹ཝགྒཱདཡོ ཨཊྛ ཝགྒཱ, ཨོགྷཏརཎསུཏྟཱདཱིནི ཙ ཨེཀཱསཱིཏི སུཏྟཱནི, ཏེསུ པཋམཾ ཀཏརཾ ཝགྒཾ ཀཏརཉྩ སུཏྟཾ སགཱཡིཾསུ.

ཝིསྶཛྫནཱ – ཨཊྛསུ བྷནྟེ ཝགྒེསུ པཋམཾ ནལ༹ཝགྒཾ ཨེཀཱསཱིཏིཡཱ ཙ སུཏྟེསུ པཋམཾ ཨོགྷཏརཎསུཏྟཾ སཾགཱཡིཾསུ.

སཱདྷུ ¶ སཱདྷུ ཨཱཝུསོ, མཡམྤི དཱནི ཏཏོཡེཝ པཊྛཱཡ སཾགཱིཏིཔུབྦངྒམཱནི པུཙྪནཝིསྶཛྫནཀིཙྩཱནི ཨཱཝཧིཏུཾ སམཱརབྷཱར.

དེཝཏཱསཾཡུཏྟ

ཨོགྷཏརཎསུཏྟ

པུཙྪཱ – ཏེནཱཝུསོ བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན ཨོགྷཏརཎསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཉྙཏརཾ དེཝཏཾ ཨཱརབྦྷ བྷཱསིཏཾ, ཨཉྙཏརཱ བྷནྟེ དེཝཏཱ ཨབྷིཀྐནྟཱཡ རཏྟིཡཱ ཨབྷིཀྐནྟཝཎྞཱ ཀེཝལཀཔྤཾ ཛེཏཝནཾ ཨོབྷཱསེཏྭཱ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ཨཊྛཱསི, ཨེཀམནྟཾ ཋིཏཱ ཁོ སཱ དེཝཏཱ བྷགཝནྟཾ ཨེཏདཝོཙ ‘‘ཀཐཾ ནུ ཏྭཾ མཱརིས ཨོགྷམཏརཱི’’ཏི,

ཏསྨིཾ ¶ བྷནྟེ ཝཏྠུསྨིཾ ‘‘ཨཔཏིཊྛཾ ཁྭཱཧཾ ཨཱཝུསོ ཨནཱཡཱུཧཾ ཨོགྷམཏརིཾ’’ཏི, ཨེཝཾ ཁོ བྷནྟེ བྷགཝཏཱ བྷཱསིཏཾ.

ཨཙྩེནྟིསུཏྟ

པུཙྪཱ – ཨཙྩེནྟིསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཉྙཏརཾ དེཝཏཾ ཨཱརབྦྷ བྷཱསིཏཾ. ཨཉྙཏརཱ བྷནྟེ དེཝཏཱ བྷགཝནྟཾ ཨེཏདཝོཙ–

‘‘ཨཙྩེནྟི ཀཱལཱ ཏརཡནྟི རཏྟིཡོ,

ཝཡོགུཎཱ ཨནུཔུབྦཾ ཛཧནྟི,

ཨེཏཾ བྷཡཾ མརཎེ པེཀྑམཱནོ,

པུཉྙཱནི ཀཡིརཱཐ སུཁཱཝཧཱནཱི’’ཏི–

ཏསྨིཾ བྷནྟེ ཝཏྠུསྨིཾ –

‘‘ཨཙྩེནྟི ཀཱལཱ ཏརཡནྟི རཏྟིཡོ,

ཝཡོགུཎཱ ཨནུཔུབྦཾ ཛཧནྟི,

ཨེཏཾ བྷཡཾ མརཎེ པེཀྑམཱནོ,

ལོཀཱམིསཾ པཛཧེ སནྟིཔེཀྑོ’’ཏི –

ཨེཝཾ ཁོ བྷནྟེ བྷགཝཏཱ བྷཱསིཏཾ.

སཏྟིསུཏྟ

པུཙྪཱ – སཏྟིསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཉྙཏརཾ དེཝཏཾ ཨཱརབྦྷ བྷཱསིཏཾ, ཨཉྙཏརཱ བྷནྟེ དེཝཏཱ བྷགཝནྟཾ ཨེཏདཝོཙ–

‘‘སཏྟིཡཱ ཝིཡ ཨོམཊྛོ, ཌཡ྄ཧམཱནོཝ མཏྠཀེ;

ཀཱམརཱགཔྤཧཱནཱཡ, སཏོ བྷིཀྑུ པརིབྦཛེ’’ཏི–

ཏསྨིཾ བྷནྟེ ཝཏྠུསྨིཾ–

སཏྟིཡཱ ¶ ཝིཡ ཨོམཊྛོ ཌཡ྄ཧམཱནོཝ མཏྠཀེ;

སཀྐཱཡདིཊྛིཔྤཧཱནཱཡ, སཏོ བྷིཀྑུ པརིབྦཛེཏི;

ཨེཝཾ ཁོ བྷནྟེ བྷགཝཏཱ བྷཱསིཏཾ.

སཏྟིཡཱ ཝིཡ ཨོམཊྛོ, ཌཡ྄ཧམཱནོཝ མཏྠཀེ;

ཀཱམརཱགཔྤཧཱནཱཡ, སཏོ བྷིཀྑུ པརིབྦཛེ –

སཏྟིཡཱ ¶ ཝིཡ ཨོམཊྛོ, ཌཡ྄ཧམཱནོཝ མཏྠཀེ,

སཀྐཱཡདིཊྛིཔྤམཱནཱཡ, སཏོ བྷིཀྑུ པརིབྦཛེ –

ཛཊཱསུཏྟ

པུཙྪཱ – ཛཊཱསུཏྟཾ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཉྙཏརཾ དེཝཏཾ ཨཱརབྦྷ བྷཱསིཏཾ, ཨཉྙཏརཱ བྷནྟེ དེཝཏཱ བྷཝགནྟཾ ཨེཏདཝོཙ–

‘‘ཨནྟོ ཛཊཱ བཧིཛཊཱ, ཛཊཱཡ ཛཊིཏཱ པཛཱ;

ཏཾ ཏཾ གོཏམ པུཙྪཱམི, ཀོ ཨིམཾ ཝིཛཊཡེ ཛཊ’’ནྟི–

ཏསྨིཾ བྷནྟེ ཝཏྠུསྨིཾ –

སཱིལེ པཏིཊྛཱཡ ནརོ སཔཉྙོ, ཙིཏྟཾ པཉྙཉྩ བྷཱཝཡཾ;

ཨཱཏཱཔཱི ནིཔཀོ བྷིཀྑུ, སོ ཨིམཾ ཝིཛཊཡེ ཛཊཾ.

ཡེསཾ ¶ རཱགོ ཙ དོསོ ཙ, ཨཝིཛྫཱ ཙ ཝིརཱཛིཏཱ;

ཁཱིཎཱསཝཱ ཨརཧནྟོ, ཏེསཾ ཝིཛཊིཏཱ ཛཊཱཏི;

ཨེཝམཱདིནཱ བྷནྟེ བྷགཝཏཱ བྷཱསིཏཾ.

སཱིལེ ¶ པཏིཊྛཱཡ ནརོ སཔཉྙོ, ཙིཏྟཾ པཉྙཉྩ བྷཱཝཡཾ;

ཨཱཏཱཔཱི ནིཔཀོ བྷིཀྑུ, སོ ཨིམཾ ཝིཛཊཡེ ཛཊཾ–

ཡེསཾ རཱགོ ཙ དོསོ ཙ, ཨཝིཛྫཱ ཙ ཝིརཱཛིཏཱ;

ཁཱིཎཱསཝཱ ཨརཧནྟོ, ཏེསཾ ཝིཛཊིཏཱ ཛཊཱ–

ཡཏྠ ¶ ནཱམཉྩ རཱུཔཉྩ, ཨསེསཾ ཨུཔརུཛ྄ཛྷཏི;

པཊིགྷཾ རཱུཔསཉྙཱ ཙ, ཨེཏྠེསཱ ཚིཛྫཏེ ཛཊཱ.

ཨཙྪརཱསུཏྟ

པུཙྪཱ – ཨཙྪརཱསུཏྟཾ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཉྙཏརཾ དེཝཔུཏྟཾ ཨཱརབྦྷ བྷཱསིཏཾ. ཨཉྙཏརོ བྷནྟེ དེཝཔུཏྟོ བྷགཝནྟཾ ཨེཏདཝོཙ–

‘‘ཨཙྪརཱགཎསངྒྷཊྛཾ, པིསཱཙ གཎསེཝིཏཾ;

ཝནནྟཾ མོཧནཾ ནཱམ, ཀཐཾ ཡཱཏྲཱ བྷཝིསྶཏཱི’’ཏི.

ཏསྨིཾ བྷནྟེ ཝཏྠུསྨིཾ–

‘‘ཨུཛུཀོ ནཱམ སོ མགྒོ, ཨབྷཡཱ ནཱམ སཱ དིསཱ,

རཐོ ཨཀཱུཛནོ ནཱམ, དྷམྨཙཀྐེཧི སཾཡུཏོ.

ཧིརཱི ¶ ཏསྶ ཨཔཱལམྦོ, སཏྱསྶ པརིཝཱརཎཾ;

དྷམྨཱཧཾ སཱརཐིཾ བྲཱུམི, སམྨཱདིཊྛི པུརེཛཝཾ.

ཡསྶ ཨེཏཱདིསཾ ཡཱནཾ, ཨིཏྠིཡཱ པུརིསསྶ ཝཱ;

ས ཝེ ཨེཏེན ཡཱནེན, ནིབྦཱནསྶེཝ སནྟིཀེ’’ཏི.

ཨེཝཾ ཁོ བྷནྟེ བྷགཝཏཱ བྷཱསིཏཾ.

ཨཙྪརཱགཎསངྒྷུཊྛཾ ¶ , པིསཱཙགཎསེཝིཏཾ;

ཝནནྟཾ མོཧནཾ ནཱམ, ཀཐཾ ཡཱཏྲཱ བྷཝིསྶཏི–

ཛརཱསུཏྟ

པུཙྪཱ – ཛརཱསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཉྙཏརཾ དེཝཏཾ ཨཱརབྦྷ བྷཱསིཏཾ. ཨཉྙཏརཱ བྷནྟེ དེཝཏཱ བྷགཝནྟཾ ཨེཏདཝོཙ–

‘‘ཀིཾ སུ ཡཱཝ ཛརཱ སཱདྷུ, ཀིཾ སུ སཱདྷུ པཏིཊྛིཏཾ;

ཀིཾ སུ ནརཱནཾ རཏནཾ, ཀིཾ སུ ཙོརེཧི དཱུཧར’’ནྟི.

ཏསྨིཾ བྷནྟེ ཝཏྠུསྨིཾ–

‘‘སཱིལཾ ཡཱཝ ཛརཱ སཱདྷུ, སདྡྷཱ སཱདྷུ པཏིཊྛིཏཱ;

པཉྙཱ ནརཱནཾ རཏནཾ, པུཉྙཾ ཙོརེཧི དཱུཧར’’ནྟི.

ཨེཝཾ ཁོ བྷནྟེ བྷགཝཏཱ བྷཱསིཏཾ.

ཀིཾ སུ ཡཱཝ ཛརཱ སཱདྷུ.

ཀིཾ སུ སཱདྷུ པཏིཊྛིཏཾ.

ཀིཾ ¶ སུ ནརཱནཾ རཏནཾ.

ཀིཾ སུ ཙོརེཧི དཱུཧརཾ.

དེཝཔུཏྟསཾཡུཏྟ

སུབྲཧྨསུཏྟ

པུཙྪཱ – ཏེནཱཝུསོ བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན སུབྲཧྨསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཏཉྩ བྷཱསིཏཾ. ཀཱིདིསོ ཙ ཏཏྠ དྷམྨཔཊིགྒཱཧཀསྶ དྷམྨསྶཝནཱནིསཾསོ ཨདྷིགཏོ.

ཝིསྶཛྫནཱ – རཱཛགཧེ ¶ བྷནྟེ སུབྲཧྨདེཝཔུཏྟཾ ཨཱརབྦྷ བྷཱསིཏཾ. སུབྲཧྨཱ བྷནྟེ དེཝཔུཏྟོ མརཎབྷཡབྷཱིཏོ བྷགཝནྟཾ ཨུཔསངྐམིཏྭཱ ཨེཏདཝོཙ–

‘‘ནིཙྩཾ ཨུཏྲསྟམིདཾ ཙིཏྟཾ, ནིཙྩཾ ཨུབྦིགྒམིདཾ མནོ;

ཨནུཔྤནྣེསུ ཀིཙྪེསུ, ཨཐོ ཨུཔྤཏིཏེསུ ཙ;

སཙེ ཨཏྠི ཨནུཏྲསྟཾ, ཏཾ མེ ཨཀྑཱཧི པུཙྪིཏོ’’ཏི–

ཏསྨིཾ བྷནྟེ ཝཏྠུསྨིཾ.

‘‘ནཱཉྙཏྲ བོཛྫཱ ཏཔསཱ, ནཱཉྙཏྲིནྡྲིཡསཾཝརཱ;

ནཱཉྙཏྲ སབྦནིསྶགྒཱ, སོཏྠིཾ པསྶཱམི པཱཎིན’’ནྟི.

ཨེཝཾ ཁོ བྷནྟེ བྷགཝཏཱ བྷཱསིཏཾ. དེསནཱཔརིཡོསཱནེ ཙ བྷནྟེ སུབྲཧྨསྶ དེཝཔུཏྟསྶ ཏསྨིཾཡེཝ ཨཱསནེ ཝིརཛཾ ཝཱིཏམལཾ དྷམྨཙཀྑུཾ ཨུདཔཱདི, ‘‘ཡཾཀིཉྩི སམུདཡདྷམྨཾ, སབྦཾ ཏཾ ནིརོདྷདྷམྨ’’ནྟི.

ནིཙྩཾ ¶ ཨུཏྲསྟམིདཾ ཙིཏྟཾ, ནིཙྩཾ ཨུབྦིགྒམིདཾ མནོ;

ཨནུཔྤནྣེསུ ཀིཙྪེསུ, ཨཐོ ཨུཔྤཏིཏེསུ ཙ;

སཙེ ཨཏྠི ཨནུཏྲསྟ, ཏཾ མེ ཨཀྑཱཧི པུཙྪིཏོ-ཧུ–

ནཱཉྙཏྲ ¶ བོཛྫཱ ཏཔསཱ, ནཱཉྙཏྲིནྡྲིཡསཾཝརཱ;

ནཱཉྙཏྲ སབྦནིསྶགྒཱ, སོཏྠིཾ པསྶཱམི པཱཎིནཾ–

རོཧིཏསྶསུཏྟ

པུཙྪཱ – རོཧིཏསྶསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ རོཧིཏསྶཾ དེཝཔུཏྟཾ ཨཱརབྦྷ བྷཱསིཏཾ. རོཧིཏསྶོ བྷནྟེ དེཝཔུཏྟོ བྷགཝནྟཾ ཨེཏདཝོཙ ‘‘ཡཏྠ ནུ ཁོ བྷནྟེ ན ཛཱཡཏི ན ཛཱིཡཏི ན མཱིཡཏི ན ཙཝཏི ན ཨུཔཔཛྫཏི, སཀྐཱ ནུ ཁོ སོ བྷནྟེ གམནེན ལོཀསྶ ཨནྟོ ཉཱཏུཾ ཝཱ དཊྛུཾ ཝཱ པཱཔུཎིཏུཾ ཝཱ’’ཏི. ཏསྨིཾ བྷནྟེ ཝཏྠུསྨིཾ ‘‘ཡཏྠ ཁོ ཨཱཝུསོ ན ཛཱཡཏི ན ཛཱིཡཏི ན མཱིཡཏི ན ཙཝཏི ན ཨུཔཔཛྫཏི, ནཱཧཾ ཏཾ གམནེན ལོཀསྶ ཨནྟཾ ཉཱཏེཡྻཾ ཨཊྛེཡྻཾ པཏྟེཡྻནྟི ཝདཱམཱི’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

ཀོསལསཾཡུཏྟ

དཧརསུཏྟ

པུཙྪཱ – དཧརསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ རཱཛཱནཾ པསེནདིཾ ཀོསལཾ ཨཱརབྦྷ བྷཱསིཏཾ. རཱཛཱ བྷནྟེ པསེནདི ཀོསལོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝཏཱ སདྡྷིཾ སམྨོདི, ཨེཀམནྟཾ ནིསིནྣོ ཁོ བྷནྟེ རཱཛཱ པསེནདི ཀོསལོ བྷགཝནྟཾ ཨེཏདཝོཙ ‘‘བྷཝམྤི ནོ གོཏམོ ‘ཨནུཏྟརཾ སམྨཱསམྦོདྷིཾ ཨབྷིསམྦུདྡྷོ’ཏི པཊིཛཱནཱཏཱི’’ཏི. ཏསྨིཾ བྷནྟེ ཝཏྠུསྨིཾ ‘‘ཡཉྷི ཏཾ མཧཱརཱཛ སམྨཱ ཝདམཱནོཝདེཡྻ ‘ཨནུཏྟརཾ སམྨཱསམྦོདྷིཾ ཨབྷིསམྦུདྡྷོ’ཏི ¶ , མམེཝ ཏཾ སམྨཱ ཝདམཱནོ ཝདེཡྻཱ’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

ཏསྨཱ ¶ ཧི པཎྜིཏོ པོསོ, སམྤསྶཾ ཨཏྠམཏྟནོ;

བྷུཛངྒམཾ པཱཝཀཉྩ, ཁཏྟིཡཉྩ ཡསསྶིནཾ;

བྷིཀྑུཉྩ སཱིལསམྤནྣཾ, སམྨདེཝ སམཱཙརེ–

ཨཏྟརཀྑིཏསུཏྟ

པུཙྪཱ – ཨཏྟརཀྑིཏསུཏྟཾ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ རཱཛཱནཾཡེཝ པསེནདིཾ ཀོསལཾ ཨཱརབྦྷ བྷཱསིཏཾ. རཱཛཱ བྷནྟེ པསེནདི ཀོསལོ བྷགཝནྟཾ ཨུཔསངྐམིཏྭཱ ‘‘ཨིདྷ མཡ྄ཧཾ བྷནྟེ རཧོགཏསྶ པཊིསལླཱིནསྶ ¶ ཨེཝཾ ཙེཏསོ པརིཝིཏཀྐོ ཨུདཔཱདཱི’’ཏི ཨེཝམཱདིཀཾ ཝཙནཾ ཨཝོཙ. བྷགཝཱ ཙ བྷནྟེ ཨེཝམེཏཾ མཧཱརཱཛ ཨེཝམེཏཾ མཧཱརཱཛཱཏི ཨེཝམཱདིནཱ ཝིབྷཛིཏྭཱ བྷཱསིཏཾ.

ཀཱཡེན ¶ སཾཝརོ སཱདྷུ, སཱདྷུ ཝཱཙཱཡ སཾཝརོ;

མནསཱ སཾཝརོ སཱདྷུ, སཱདྷུ, སབྦཏྠ སཾཝརོ;

སབྦཏྠ སཾཝུཏོ ལཛྫཱི, རཀྑིཏོཏི པཝུཙྩཏི.

ཨཔྤཀསུཏྟ

པུཙྪཱ – ཨཔྤཀསུཏྟཾ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ རཱཛཱནཾཡེཝ པསེནདིཾ ཀོསལཾ ཨཱརབྦྷ བྷཱསིཏཾ. རཱཛཱ བྷནྟེ པསེནདི ཀོསལོ བྷགཝནྟཾ ཨུཔསངྐམིཏྭཱ ‘‘ཨིདྷ མཡ྄ཧཾ བྷནྟེ རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི ཨཔྤཀཱ ཏེ སཏྟཱ ལོཀསྨིཾ, ཡེ ཨུལཱ༹རེ ཨུལཱ༹རེ བྷོགེ ལབྷིཏྭཱ ན ཙེཝ མཛྫནྟི ན ཙ པམཛྫནྟི, ན ཙ ཀཱམེསུ གེདྷཾ ཨཱཔཛྫནྟཱི’’ཏི ཨེཝམཱདིཀཾ ཝཙནཾ ཨཝོཙ. བྷགཝཱ ཙ བྷནྟེ ‘‘ཨེཝམེཏཾ མཧཱརཱཛ ཨེཝམེཏཾ མཧཱརཱཛཱ’’ཏི ཨེཝམཱདིནཱ ཨཔྤཀསུཏྟཾ བྷཱསིཏཾ.

མལླིཀཱསུཏྟ

པུཙྪཱ – མལླིཀཱསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ རཱཛཱནཾཡེཝ པསེནདིཾ ཀོསལཾ ཨཱརབྦྷ བྷཱསིཏཾ. རཱཛཱ བྷནྟེ པསེནདི ཀོསལོ མལླིཀཾ དེཝིཾ ཨེཏདཝོཙ ‘‘ཨཏྠི ནུ ཁོ ཏེ མལླིཀེ ཀོཙཉྙོ ཨཏྟནཱ པིཡཏརོ’’ཏི. ཏསྨིཾ ཝཏྠུསྨིཾ སབྦཱདིསཱ ཨནུཔརིགམྨ ཙེཏསཱཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

སབྦཱ ¶ དིསཱ ཨནུཔརིགམྨ ཙེཏསཱ, ནེཝཛ྄ཛྷགཱ པིཡཏརམཏྟནཱ ཀྭཙི. ཨེཝཾ པིཡོ པུཐུ ཨཏྟཱ པརེསཾ, ཏསྨཱ ན ཧིཾསེ པརམཏྟཀཱམོ–

སཏྟཛཊིལསུཏྟ

པུཙྪཱ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན སཏྟཛཊིལསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ རཱཛཱནཾ པསེནདིཾ ཀོསལཾ ཨཱརབྦྷ བྷཱསིཏཾ. རཱཛཱ བྷནྟེ པསེནདི ཀོསལོ ཨཙིརཔཀྐནྟེསུ སཏྟསུ ཙ ཛཊིལེསུ སཏྟསུ ཙ ནིགཎྛེསུ སཏྟསུ ཙ ཨཙེལཀེསུ སཏྟསུ ཙ ཨེཀསཱཊཀེསུ སཏྟསུ ཙ པརིབྦཱཛཀེསུ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི, ཨེཀམནྟཾ ནིསིནྣོ ཁོ བྷནྟེ རཱཛཱ པསེནདི ཀོསལོ བྷགཝནྟཾ ཨེཏདཝོཙ ‘‘ཡེ ཏེ བྷནྟེ ལོཀེ ཨརཧནྟོ ཝཱ ཨརཧཏྟམགྒཾ ཝཱ སམཱཔནྣཱ, ཨེཏེ ཏེསཾ ཨཉྙཏརཱ’’ཏི. ཏསྨིཾ བྷནྟེ ཝཏྠུསྨིཾ ‘‘དུཛྫཱནཾ ཁོ ཨེཏཾ མཧཱརཱཛ ཏཡཱ གིཧིནཱ ཀཱམབྷོགིནཱ པུཏྟསམྦཱདྷསཡནཾ ཨཛ྄ཛྷཱཝསནྟེན ཀཱསིཎཙནྡནཾ པཙྩནུབྷོནྟེན མཱལཱགནྡྷཝིལེཔནཾ དྷཱརཡནྟེན ཛཱཏརཱུཔརཛཏཾ སཱདིཡནྟེན ‘‘ཨིམེ ཝཱ ཨརཧནྟོ, ཨིམེ ཝཱ ཨརཧཏྟམགྒཾ སམཱཔནྣཱ’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

ན ¶ ཝཎྞརཱུཔེན ནརོ སུཛཱནོ, ན ཝིསྶསེ ཨིཏྟརདསྶནེན;

སུསཉྙཏཱནཉྷི ཝིཡཉྫནེན, ཨསཉྙཏཱ ལོཀམིམཾ ཙརནྟི.

པཏིརཱུཔཀོ མཏྟིཀཱཀུཎྜལོཝ, ལོཧཌྜྷམཱསོཝ སུཝཎྞཚནྣོ;

ཙརནྟི ལོཀེ པརིཝཱརཚནྣཱ, ཨནྟོ ཨསུདྡྷཱ བཧིསོབྷམཱནཱ-ཧཱུ

པཉྩརཱཛསུཏྟ

པུཙྪཱ – པཉྩརཱཛསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ རཱཛཱནཾཡེཝ པསེནདིཾ ཀོསལཾ ཨཱརབྦྷ བྷཱསིཏཾ. རཱཛཱ བྷནྟེ པསེནདི ཀོསལོ བྷགཝནྟཾ ཨེཏདཝོཙ ‘‘ཀིཾ ནུ ཁོ བྷནྟེ ཀཱམཱནཾ ཨགྒ’’ནྟི. ཏསྨིཾ བྷནྟེ ཝཏྠུསྨིཾ ‘‘མནཱཔཔརིཡནྟཾ ཁྭཱཧཾ མཧཱརཱཛ པཉྩསུ ཀཱམགུཎེསུ ཨགྒནྟི ཝདཱམཱི’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

ཨིདྷ ¶ བྷནྟེ ཨམྷཱཀཾ པཉྩནྣཾ རཱཛཱུནཾ པཉྩཧི ཀཱམགུཎེཧི སམཔྤིཏཱནཾ སམངྒཱིབྷཱུཏཱནཾ པརིཙཱརཡམཱནཱནཾ ཨཡམནྟརཱཀཐཱ ཨུདཔཱདིཾ ‘ཀིཾ ནུ ཁོ ཀཱམཱནཾ ཨགྒ’ནྟི–

པདུམཾ ¶ ཡཐཱ ཀོཀནདཾ སུགནྡྷཾ, པཱཏོ སིཡཱ ཕུལླམཝཱིཏགནྡྷཾ. ཨངྒཱིརསཾ པསྶ ཝིརོཙམཱནཾ, ཏཔནྟམཱདིཙྩམིཝནྟལིཀྑེ–

དུཏིཡཨཔུཏྟཀསུཏྟ

པུཙྪཱ – དུཏིཡཨཔུཏྟཀསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ རཱཛཱནཾཡེཝ པསེནདིཾ ཀོསལཾ ཨཱརབྦྷ བྷཱསིཏཾ. རཱཛཱ བྷནྟེ པསེནདི ཀོསལོ བྷགཝནྟཾ ཨུཔསངྐམིཏྭཱ ‘‘ཨིདྷ བྷནྟེ སཱཝཏྠིཡཾ སེཊྛི གཧཔཏི ཀཱལངྐཏོ, ཏམཧཾ ཨཔུཏྟཀཾ སཱཔཏེཡྻཾ རཱཛནྟེཔུརཾ ཨཏིཧརིཏྭཱ ཨཱགཙྪཱམཱི’’ཏི ཨེཝམཱདིཀཾ ཝཙནཾ ཨཝོཙ. བྷགཝཱ ཙ བྷནྟེ ‘‘ཨེཝམེཏཾ མཧཱརཱཛ, ཨེཝམེཏཾ མཧཱརཱཛ, བྷཱུཏཔུབྦཾ སོ མཧཱརཱཛ སེཊྛི གཧཔཏི ཏགྒརསིཁིཾ ནཱམ པཙྩེཀསམྦུདྡྷཾ པིཎྜཔཱཏེན པཊིཔཱདེསཱི’’ཏི ཨེཝམཱདིནཱ ཏསྶ སེཊྛིསྶ གཧཔཏིསྶ ཨཏཱིཏཾ ཝཏྠུཾ ཨཱཧརིཏྭཱ པརིཡོསཱནེ ཙཏཱུཧི གཱཐཱཧི བྷཱསིཏཾ.

དྷཉྙཾ ¶ དྷནཾ རཛཏཾ ཛཱཏརཱུཔཾ, པརིགྒཧཾ ཝཱཔི ཡདཏྠི ཀིཉྩི,

དཱསཱ ཀམྨཀརཱ པེསྶཱ, ཡེ ཙསྶ ཨནུཛཱིཝིནོ.

སབྦཾ ནཱདཱཡ གནྟབྦཾ, སབྦཾ ནིཀྑིཔྤགཱམིནཾ;

ཡཉྩ ཀརོཏི ཀཱཡེན, ཝཱཙཱཡ ཨུདཙེཏསཱ.

ཏཉྷི ཏསྶ སཀཾ ཧོཏི, ཏཾཝ ཨཱདཱཡ གཙྪཏི;

ཏཾཝསྶ ཨནུགཾ ཧོཏི, ཚཱཡཱཝ ཨནཔཱཡིནཱི.

ཏསྨཱ ཀརེཡྻ ཀལྱཱཎཾ, ནིཙཡཾ སམྤརཱཡིཀཾ;

པུཉྙཱནི པརལོཀསྨིཾ, པཏིཊྛཱ ཧོནྟི པཱཎིནཾ –

མཱརསཾཡུཏྟ

ཏཔོཀམྨསུཏྟ

པུཙྪཱ – ཏཔོཀམྨསུཏྟཾ ¶ པནཱཝུསོ བྷགཝཏཱ ཛིནེན ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – ཨུརུཝེལཱཡཾ བྷནྟེ མཱརཾ པཱཔིམནྟཾ ཨཱརབྦྷ བྷཱསིཏཾ. མཱརོ བྷནྟེ པཱཔིམཱ བྷགཝནྟཾ ཨུཔསངྐམིཏྭཱ གཱཐཱཡ ཨཛ྄ཛྷབྷཱསི.

‘‘ཏཔོཀམྨཱ ཨཔཀྐམྨ, ཡེན སུཛ྄ཛྷནྟི མཱཎཝཱ;

ཨསུདྡྷོ མཉྙསི སུདྡྷོ, སུདྡྷིམགྒཱ ཨཔརདྡྷོ’’ཏི.

ཏསྨིཾ བྷནྟེ ཝཏྠུསྨིཾ–

‘‘ཨནཏྟསཾཧིཏཾ ཉཏྭཱ, ཡཾ ཀིཉྩི ཨམརཾ ཏཔཾ;

སབྦཾ ནཏྠཱཝཧཾ ཧོཏི, ཕིཡཱརིཏྟཾཝ དྷམྨནི;

སཱིལཾ སམཱདྷི པཉྙཉྩ, མགྒཾ བོདྷཱཡ བྷཱཝཡཾ;

པཏྟོསྨི པརམཾ སུདྡྷིཾ, ནིཧཏོ ཏྭམསི ཨནྟཀཱ’’ཏི.

ཨེཝཾ ཁོ བྷནྟེ བྷགཝཏཱ ཛིནེན བྷཱསིཏཾ.

ཏཔོཀམྨཱ ¶ ཨཔཀྐམྨ, ཡེ ན སུཛ྄ཛྷནྟི མཱཎཝཱ;

ཨསུདྡྷོ མཉྙསི སུདྡྷོ, སུདྡྷིམགྒཱ ཨཔརདྡྷོ–

ཨནཏྠསཾཧིཏཾ ¶ ཨུཏྭཱ, ཡཾཀིཉྩི ཨམརཾ ཏཔཾ;

སབྦཾ ནཏྠཱཝཧཾ ཧོཏི, ཕིཡཱརིཏྟཾཝ དྷམྨནི;

ཧཏྠིརཱཛཝཎྞསུཏྟ

པུཙྪཱ – ཧཏྠིརཱཛཝཎྞསུཏྟཾ ¶ པནཱཝུསོ བྷཝགཏཱ ཛིནེན ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – ཨུརུཝེལཱཡཾ བྷནྟེ མཱརཀཾཡེཝ པཱཔིམནྟཾ ཨཱརབྦྷ བྷཱསིཏཾ. མཱརོ བྷནྟེ པཱཔིམཱ བྷགཝཏོ བྷཡཾ ཚམྦྷིཏཏྟཾ ལོམཧཾསཾ ཨུཔྤཱདེཏུཀཱམོ མཧནྟཾ ཧཏྠིརཱཛཝཎྞཾ ཨབྷིནིམྨིནིཏྭཱ ཡེན བྷགཝཱ ཏེནུཔསངྐམི.

ཏསྨིཾ བྷནྟེ ཝཏྠུསྨིཾ–

‘‘སཾསརཾ དཱིགྷམདྡྷཱནཾ, ཝཎྞཾ ཀཏྭཱ སུབྷཱསུབྷཾ;

ཨལཾ ཏེ ཏེན པཱཔིམ, ནིཧཏོ ཏྭམསི ཨནྟཀཱ’’ཏི.

ཨེཝཾ ཁོ བྷནྟེ བྷགཝཏཱ ཛིནེན བྷཱསིཏཾ.

སཾསརཾ ¶ དཱིགྷམདྡྷཱནཾ, ཝཎྞཾ ཀཏྭཱ སུབྷཱསུབྷཾ,

ཨལཾ ཏེ ཏེན པཱཔིམ, ནིཧཏོ ཏྭམསི ཨནྟཀ –

བྷིཀྑུནཱིསཾཡུཏྟ

ཨཱལ༹ཝིཀཱསུཏྟ

པུཙྪཱ – ཨིདཱནི ཨཱཝུསོ བྷིཀྑུནཱི སཾཡུཏྟཾ པུཙྪཱམི, ཡཾ ཏསྶ བྷགཝཏོ ཨརཧཏོ སམྨཱསམྦུདྡྷསྶ སཱཝིཀཱཧི ཐེརཱིཧི ཨཏྟནོ

ཙ ¶ བུདྡྷསཱསནསྶ ཙ ཡཐཱབྷཱུཏཾ གུཎཾ པཀཱསེཏྭཱ བྷཱསིཏཾ. ཏཏྠཱཝུསོ པཋམཾ པོརཱཎཀེཧི མཧཱཀསྶཔཱདཱིཧི དྷམྨསཾགཱཧཀེཧི ཐེརཝརེཧི སཾགཱིཏཾ ཨཱལ༹ཝིཀཱསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ མཱརཾ པཱཔིམནྟཾ ཨཱརབྦྷ ཨཱལ༹ཝིཀཱཡ བྷིཀྑུནིཡཱ བྷཱསིཏཾ. མཱརོ བྷནྟེ པཱཔིམཱ ཨཱལ༹ཝིཀཱཡ བྷིཀྑུནིཡཱ བྷཡཾ ཚམྦྷིཏཏྟཾ ལོམཧཾསཾ ཨུཔྤཱདེཏུཀཱམོ ཝིཝེཀམྷཱ ཙཱཝེཏུཀཱམོ ཨཱལ༹ཝིཀཾ བྷིཀྑུནིཾ གཱཐཱཡ ཨཛ྄ཛྷབྷཱསི–

‘‘ནཏྠི ནིསྶརཎཾ ལོཀེ, ཀིཾ ཝིཝེཀེན ཀཱཧསི;

བྷུཉྫསྶ ཀཱམརཏིཡོ, མཱཧུ པཙྪཱནུཏཱཔིནཱི’’ཏི.

ཏསྨིཾ བྷནྟེ ཝཏྠུསྨིཾ–

‘‘ཨཏྠི ནིསྶརཎཾ ལོཀེ, པཉྙཱཡ མེ སུཕུསྶིཏཾ;

པམཏྟབནྡྷུ པཱཔིམ, ན ཏྭཾ ཛཱནཱསི ཏཾ པདཾ;

སཏྟིསཱུལཱུཔམཱ ཀཱམཱ, ཁནྡྷཱསཾ ཨདྷིཀུཊྚནཱ;

ཡཾ ཏྭཾ ཀཱམརཏིཾ བྲཱུསི, ཨརཧི མཡ྄ཧ སཱ ཨཧཱུ’’ཏི.

ཨེཝཾ ཁོ བྷནྟེ ཨཱལ༹ཝིཀཱཡ བྷིཀྑུནིཡཱ བྷཱསིཏཾ.

ནཏྠི ¶ ནིསྶརཎཾ ལོཀེ, ཀིཾ ཝིཝེཀེན ཀཱཧསི;

བྷུཉྫསྶུ ཀཱམརཏིཡོ, མཱཧུ པཙྪཱནུཏཱཔིནཱི-ཧུ–

ཨཏྠི ¶ ནིསྶརཎཾ ལོཀེ, པཉྙཱཡ མེ སུཕུསྶིཏཾ;

པམཏྟབནྡྷུ པཱཔིམ, ན ཏྭཾ ཛཱནཱསི ཏཾ པདཾ.

སཏྟིསཱུལཱུཔམཱ ཀཱམཱ, ཁནྡྷཱསཾ ཨདྷིཀུཊྚནཱ;

ཡཾ ཏྭཾ ཀཱམརཏིཾ བྲཱུསི, ཨརཏི མཡ྄ཧ སཱ ཨཧུ–

སོམཱསུཏྟ

པུཙྪཱ – སོམཱསུཏྟཾ ¶ པནཱཝུསོ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾཡེཝ བྷནྟེ ཨནྡྷཝནེ མཱརཾ པཱཔིམནྟཾ ཨཱརབྦྷ སོམཱཡ བྷིཀྑུནིཡཱ བྷཱསིཏཾ. མཱརོ བྷནྟེ པཱཔིམཱ སོམཱཡ བྷིཀྑུནིཡཱ བྷཡཾ ཚམྦྷིཏཏྟཾ ལོམཧཾསཾ ཨུཔྤཱདེཏུཀཱམོ སམཱདྷིམྷཱ ཙཱཝེཏུཀཱམོ སོམཾ བྷིཀྑུནིཾ གཱཐཱཡ ཨཛ྄ཛྷབྷཱསི.

‘‘ཡཾ ཏཾ ཨིསཱིཧི པཏྟབྦཾ, ཋཱནཾ དུརབྷིསམྦྷཝཾ;

ན ཏཾ དྭངྒུལཔཉྙཱཡ, སཀྐཱ པཔྤོཏུམིཏྠིཡཱ’’ཏི.

ཏསྨིཾ བྷནྟེ ཝཏྠུསྨིཾ–

‘‘ཨིཏྠིབྷཱཝོ ཀིཾ ཀཡིརཱ, ཙིཏྟམྷི སུསམཱཧིཏེ;

ཉཱཎམྷི ཝཏྟམཱནམྷི, སམྨཱ དྷམྨཾ ཝིཔསྶཏོ;

ཡསྶ ནཱུན སིཡཱ ཨེཝཾ, ཨིཏྠཱཧཾ པུརིསོཏི ཝཱ;

ཀིཉྩི ཝཱ པན ཨཉྙསྨི, ཏཾ མཱརོ ཝཏྟུམརཧཏཱི’’ཏི.

ཨེཝཾ ཁོ བྷནྟེ སོམཱཡ བྷིཀྑུནིཡཱ ཨརིཡསཱཝིཀཱཡ བྷཱསིཏཾ.

ཡཾ ¶ ཏཾ ཨིསཱིཧི པཏྟབྦཾ, ཋཱནཾ དུརབྷིསམྦྷཝཾ;

ན ཏཾ དྭངྒུལཔཉྙཱཡ, སཀྐཱ པཔྤོཏུམིཏྠིཡཱ–

ཨིཏྠི ¶ བྷཱཝོ ཀིཾ ཀཡིརཱ, ཙིཏྟམྷི སུསམཱཧིཏེ;

ཉཱཎམྷི ཝཏྟ མཱནམྷི, སམྨཱ དྷམྨཾ ཝིཔསྶཏོ.

ཡསྶ ནཱུན སིཡཱ ཨེཝཾ, ཨིཏྠཱཧཾ པུརིསོཏི ཝཱ;

ཀིཉྩི ཝཱ པན ཨཉྙསྨི, ཏཾ མཱརོ ཝཏྟུམརཧཏི.

ཀིསཱགོཏམཱིསུཏྟ

པུཙྪཱ – ཏཏྠཱཝུསོ ¶ ཀིསཱགོཏམཱིསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾཡེཝ བྷནྟེ ཨནྡྷཝནེ མཱརཾ པཱཔིམནྟཾ ཨཱརབྦྷ ཀིསཱགོཏམིཡཱ བྷིཀྑུནིཡཱ ཐེརིཡཱ བྷཱསིཏཾ. མཱརོ བྷནྟེ པཱཔིམཱ ཀིསཱགོཏམིཡཱ བྷིཀྑུནིཡཱ བྷཡཾ ཚམྦྷིཏཏྟཾ ལོམཧཾསཾ ཨུཔྤཱདེཏུཀཱམོ སམཱདྷིམྷཱ ཙཱཝེཏུཀཱམོ ཀིསཱགོཏམིཾ བྷིཀྑུནིཾ གཱཐཱཡ ཨཛ྄ཛྷབྷཱསི–

‘‘ཀིཾ ནུ ཏྭཾ མཏཔུཏྟཱཝ, ཨེཀམཱསི རུདམྨུཁཱི;

ཝནམཛ྄ཛྷགཏཱ ཨེཀཱ, པུརིསཾ ནུ གཝེསསཱི’’ཏི.

ཏསྨིཾ བྷནྟེ ཝཏྠུསྨིཾ–

ཨཙྩནྟཾ མཏཔུཏྟཱམྷི, པུརིསཱ ཨེཀདནྟིཀཱ;

ན སོཙཱམི ན རོདཱམི, ན ཏཾ བྷཱཡཱམི ཨཱཝུསོ.

སབྦཏྠ ཝིཧཏཱ ནནྡཱི, ཏམོཀྑནྡྷོ པདཱལིཏོ;

ཛེཏྭཱན མཙྩུནོ སེནཾ, ཝིཧརཱམི ཨནཱསཝཱ’’ཏི.

ཨེཝཾ ཁོ བྷནྟེ ཀིསཱགོཏམིཡཱ བྷིཀྑུནིཡཱ བྷཱསིཏཾ.

ཀིཾ ¶ ནུ ཏྭཾ མཏཔུཏྟཱཝ, ཨེཀམཱསི རུདམྨུཁཱི;

ཝནམཛ྄ཛྷགཏཱ ཨེཀཱ, པུརིསཾ ནུ གསེསསི-ཧུ–

ཨཙྩནྟཾ མཏཔུཏྟཱམྷི, པུརིསཱ ཨེཏདནྟིཀཱ;

ན སོཙཱམི ན རོདཱམི, ན ཏཾ བྷཱཡཱམི ཨཱཝུསོ.

སབྦཏྠ ¶ ཝིཧཏཱ ནནྡཱི, ཏམོཀྑནྡྷོ པདཱལིཏོ;

ཛེཏྭཱན མཙྩུནོ སེནཾ, ཝིཧརཱམི ཨནཱསཝཱ.

ཨུཔྤལཝཎྞཱསུཏྟ

པུཙྪཱ – ཏཏྠཱཝུསོ པོརཱཎེཧི སཾགཱིཏིཀཱརམཧཱཐེརཝརེཧི སཾགཱིཏཾ ཨུཔྤལཝཎྞསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾཡེཝ བྷནྟེ ཨནྡྷཝནེ མཱརཾ པཱཔིམནྟཾ ཨཱརབྦྷ ཨུཔྤལཝཎྞཱཡ བྷིཀྑུནིཡཱ བྷཱསིཏཾ. མཱརོ བྷནྟེ པཱཔིམཱ ཨུཔྤལཝཎྞཱཡ བྷིཀྑུནིཡཱ བྷཡཾ ཚམྦྷིཏཏྟཾ ལོམཧཾསཾ ཨུཔྤཱདེཏུཀཱམོ སམཱདྷིམྷཱ ཙཱཝེཏུཀཱམོ ཨུཔྤལཝཎྞཾ བྷིཀྑུནིཾ གཱཐཱཡ ཨཛ྄ཛྷབྷཱསི–

‘‘སུཔུཔྥིཏགྒཾ ¶ ཨུཔགམྨ བྷིཀྑུནི, ཨེཀཱ ཏུཝཾ ཏིཊྛསི སཱལམཱུལེ. ན ཙཏྠི ཏེ དུཏིཡཱ ཝཎྞདྷཱཏུ, བཱལེ ན ཏྭཾ བྷཱཡསི དྷུཏྟཀཱན’’ནྟི.

ཏསྨིཾ བྷནྟེ ཝཏྠུསྨིཾ–

‘‘སཏཾ སཧསྶཱནིཔི དྷུཏྟཀཱནཾ,

ཨིདྷཱགཏཱ ཏཱདིསཀཱ བྷཝེཡྻུཾ;

ལོམཾ ན ཨིཉྫཱམི ན སནྟསཱམི,

ན མཱར བྷཱཡཱམི ཏམེཀིཀཱཔི.

ཨེསཱ ཨནྟརདྷཱཡཱམི, ཀུཙྪིཾ ཝཱ པཝིསཱམི ཏེ;

པཁུམནྟརིཀཱཡམྤི, ཏིཊྛནྟིཾ མཾ ན དཀྑསི.

ཙིཏྟསྨིཾ ཝསཱིབྷཱུཏཱམྷི, ཨིདྡྷིཔཱདཱ སུབྷཱཝིཏཱ;

སབྦབནྡྷནམུཏྟཱམྷི, ན ཏཾ བྷཱཡཱམི ཨཱཝུསོ’’ཏི.

ཨེཝཾ ཁོ བྷནྟེ ཨུཔྤལཝཎྞཱཡ བྷིཀྑུནིཡཱ བྷཱསིཏཾ.

ཙཱལཱསུཏྟ

པུཙྪཱ – ཏཏྠཱཝུསོ ¶ ཙཱལཱསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨནྡྷཝནེ མཱརཾཡེཝ པཱཔིམནྟཾ ཨཱརབྦྷ ཙཱལཱཡ བྷིཀྑུནིཡཱ ཨརིཡསཱཝིཀཱཡ བྷཱསིཏཾ. མཱརོ བྷནྟེ པཱཔིམཱ ཙཱལཾ བྷིཀྑུནིཾ ཨུཔསངྐམིཏྭཱ ཨེཏདཝོཙ ‘‘ཀིཾ ནུ ཏྭཾ བྷིཀྑུནི ན རོཙེསཱི’’ཏི. ཛཱཏིཾ ཁྭཱཧཾ ཨཱཝུསོ ན རོཙེམཱི’’ཏི.

ཀིཾ ནུ ཛཱཏིཾ ན རོཙེསི, ཛཱཏོ ཀཱམཱནི བྷུཉྫཏི;

ཀོ ནུ ཏཾ ཨིདམཱདཔཡི, ཛཱཏིཾ མཱ རོཙ བྷིཀྑུནཱིཏི.

ཏསྨིཾ བྷནྟེ ཝཏྠུསྨིཾ–

ཛཱཏསྶ མརཎཾ ཧོཏི, ཛཱཏོ དུཀྑཱནི ཕུསྶཏི;

བནྡྷཾ ཝདྷཾ པརིཀླེསཾ, ཏསྨཱ ཛཱཏིཾ ན རོཙཡེ.

བུདྡྷོ དྷམྨམདེསེསི, ཛཱཏིཡཱ སམཏིཀྐམཾ;

སབྦདུཀྑཔྤཧཱནཱཡ, སོ མཾ སཙྩེ ནིཝེསཡི.

ཡེ ཙ རཱུཔཱུཔགཱ སཏྟཱ, ཡེ ཙ ཨརཱུཔཊྛཱཡིནོ;

ནིརོདྷཾ ཨཔྤཛཱནནྟཱ, ཨཱགནྟཱརོ པུནབྦྷཝནྟི.

ཨེཝཾ ཁོ བྷནྟེ ཙཱལཱཡ བྷིཀྑུནིཡཱ བྷཱསིཏཾ.

ཀིཾ ¶ ནུ ཛཱཏིཾ ན རོཙེསི, ཛཱཏོ ཀཱམཱནི བྷུཉྫཏི;

ཀོ ནུ ཏཾ ཨིདམཱདཔཡི, ཛཱཏིཾ མཱ རོཙ བྷིཀྑུནཱི.

ཛཱཏསྶ ¶ མརཎཾ ཧོཏི, ཛཱཏོ དུཀྑཱནི ཕུསྶཏི;

བནྡྷཾ ཝདྷཾ པརིཀླེསཾ, ཏསྨཱ ཛཱཏིཾ ན རོཙཡེ.

བུདྡྷོ དྷམྨམདེསེསི, ཛཱཏིཡཱ སམཏིཀྐམཾ,

སབྦདུཀྑཔྤཧཱནཱཡ, སོ མཾ སཙྩེ ནིཝེསཡི.

སེལཱསུཏྟ

པུཙྪཱ – ཏཏྠཱཝུསོ ¶ སེལཱསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ མཱརཾཡེཝ པཱཔིམནྟཾ ཨཱརབྦྦྷ སེལཱཡ བྷིཀྑུནིཡཱ ཨརིཡསཱཝིཀཱཡ བྷཱསིཏཾ. མཱརོ བྷནྟེ པཱཔིམཱ སེལཱཡ བྷིཀྑུནིཡཱ བྷཡཾ ཚམྦྷིཏཏྟཾ ལོམཧཾསཾ ཨུཔྤཱདེཏུཀཱམོ སམཱདྷིམྷཱ ཙཱཝེཏུཀཱམོ སེལཾ བྷིཀྑུནིཾ གཱཐཱཡ ཨཛ྄ཛྷབྷཱསི–

ཀེནིདཾ པཀཏཾ བིམྦཾ, ཀྭནུ བིམྦསྶ ཀཱརཀོ;

ཀྭནུ བིམྦཾ སམུཔྤནྣཾ, ཀྭནུ བིམྦཾ ནིརུཛ྄ཛྷཏཱིཏི.

ཏསྨིཾ བྷནྟེ ཝཏྠུསྨིཾ–

ནཡིདཾ ཨཏྟཀཏཾ བིམྦཾ, ནཡིདཾ པརཀཏཾ ཨགྷཾ;

ཧེཏུཾ པཊིཙྩ སམྦྷཱུཏཾ, ཧེཏུབྷངྒཱ ནིརུཛ྄ཛྷཏཱིཏི.

ཨེཝམཱདིནཱ བྷནྟེ སེལཱཡ བྷིཀྑུནིཡཱ བྷཱསིཏཾ.

ཀེནིདཾ ¶ པཀཏཾ བིམྦཾ, ཀྭནུ བིམྦསྶ ཀཱརཀོ;

ཀྭནུ བིམྦཾ སམུཔྤནྣཾ, ཀྭནུ བིམྦཾ ནིརུཛ྄ཛྷཏི-ཧུ–

ནཡིདཾ ཨཏྟཀཏཾ བིམྦཾ, ནཡིདཾ པརཀཏཾ ཨགྷཾ;

ཧེཏུཾ པཊིཙྩ སམྦྷཱུཏཾ, ཧེཏུབྷངྒཱ ནིརུཛ྄ཛྷཏི.

ཝཛིརཱསུཏྟ

པུཙྪཱ – ཏཏྠཱཝུསོ ¶ པོརཱཎཀེཧི མཧཱཀསྶཔཱདཱིཧི དྷམྨསཾགཱཧཀཐེརཝརེཧི སཾགཱིཏཾ ཝཛིརཱསུཏྟཾ ཀཏྠ ཀཾ ཨཱརབྦྷ ཀེན ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ མཱརཾ པཱཔིམནྟཾ ཨཱརབྦྷ ཝཛིརཱཡ ཐེརིཡཱ བྷིཀྑུནིཡཱ བྷཱསིཏཾ. མཱརོ བྷནྟེ པཱཔིམཱ པུརིམནཡེནེཝ ཝཛིརཾ བྷིཀྑུནིཾ གཱཐཱཡ ཨཛ྄ཛྷབྷཱསི–

ཀེནཱཡཾ ¶ པཀཏོ སཏྟོ, ཀུཝཾ སཏྟསྶ ཀཱརཀོ,

ཀུཝཾ སཏྟོ སམུཔྤནྣོ, ཀུཝཾ སཏྟོ ནིརུཛ྄ཛྷཏཱིཏི.

ཏསྨིཾ བྷནྟེ ཝཏྠུསྨིཾ–

ཀིཾ ནུ སཏྟོཏི པཙྩེསི, མཱརདིཊྛིགཏཾ ནུ ཏེ;

སུདྡྷསངྑཱརཔུཉྫོཡཾ, ནཡིདྷ སཏྟུཔལབྦྷཏི.

ཡཐཱ ཧི ཨངྒསམྦྷཱརཱ, ཧོཏི སདྡོ རཐོ ཨིཏི;

ཨེཝཾ ཁནྡྷེསུ སནྟེསུ, ཧོཏི སཏྟོཏི སམྨུཏི.

དུཀྑམེཝ ཧི སམྦྷོཏི, དུཀྑཾ ཏིཊྛཏི ཝེཏི ཙ,

ནཱཉྙཏྲ དུཀྑཱ སམྦྷོཏི, ནཱཉྙཾ དུཀྑཱ ནིརུཛ྄ཛྷཏཱིཏི.

ཨེཝཾ ཁོ བྷནྟེ ཝཛིརཱཡ བྷིཀྑུནིཡཱ བྷཱསིཏཾ.

ཀེནཱཡཾ པཀཏོ སཏྟོ, ཀུཝཾ སཏྟསྶཀཱརཀོ;

ཀུཝཾ སཏྟོ སམུཔྤནྣོ, ཀུཝཾ སཏྟོ ནིརུཛ྄ཛྷཏི-ཧུ–

ཀིཾ ¶ ནུ སཏྟོཏི པཙྩེསི, མཱར དིཊྛིགཏཾ ནུ ཏེ;

སུདྡྷསངྑཱརཔུཉྫོཡཾ, ནཡིདྷ སཏྟུཔལབྦྷཏི.

བྲཧྨསཾཡུཏྟ

གཱརཝསུཏྟ

པུཙྪཱ – བྲཧྨསཾཡུཏྟེ ¶ ཨཱཝུསོ པོརཱཎེཧི མཧཱཀསྶཔཐེརཱདཱིཧི དྷམྨསཾགཱཧཀཐེརཝརེཧི དུཏིཡཾ སཾགཱིཏཾ གཱརཝསུཏྟཾ ཀཏྠ ཀཐཉྩ སམུཔྤནྣཾ.

ཝིསྶཛྫནཱ – ཨུརུཝེལཱཡཾ བྷནྟེ སམུཔྤནྣཾ. བྷགཝཱ བྷནྟེ ཨུརུཝེལཱཡཾ ཝིཧརཏི ནཛྫཱ ནེརཉྫརཱཡ ཏཱིརེ ཨཛཔཱལནིགྲོདྷམཱུལེ པཋམཱབྷིསམྦུདྡྷོ. ཨཐ ཁོ བྷགཝཏོ རཧོགཏསྶ པཊིསལླཱིནསྶ ཨེཝཾ ཙེཏསོ པརིཝིཏཀྐོ ཨུདཔཱདི ‘‘དུཀྑཾ ཁོ ཨགཱརཝོ ཝིཧརཏི ཨཔྤཏིསྶོ, ཀཾ ནུ ཁྭཱཧཾ སམཎཾ ཝཱ བྲཱཧྨཎཾ ཝཱ སཀྐཏྭཱ གརུཾ ཀཏྭཱ ཨུཔནིསྶཱཡ ཝིཧརེཡྻ’’ནྟི.

ཨཐ ཁོ བྷནྟེ བྷགཝཏོ ཨེཏདཧོསི ‘‘ཨཔརིཔུཎྞསྶ ཁོ སཱིལཀྑནྡྷསྶ པཱརིཔཱུརིཡཱ ཨཉྙཾ སམཎཾ ཝཱ བྲཱཧྨཎཾ ཝཱ སཀྐཏྭཱ གརུཾ ཀཏྭཱ ཨུཔནིསྶཱཡ ཝིཧརེཡྻུཾ, ན ཁོ པནཱཧཾ པསྶཱམི སདེཝཀེ ལོཀེ སམཱརཀེ སབྲཧྨཀེ སསྶམཎབྲཱཧྨཎིཡཱ པཛཱཡ སདེཝམནུསྶཱཡ ཨཏྟནཱ སཱིལསམྤནྣཏརཾ ཨཉྙཾ སམཎཾ ཝཱ

བྲཱཧྨཎཾ ¶ ཝཱ, ཡམཧཾ སཀྐཏྭཱ གརུཾ ཀཏྭཱ ཨུཔནིསྶཱཡ ཝིཧརེཡྻུཾ.

ཨཔརིཔུཎྞསྶ ཁོ སམཱདྷིཀྑནྡྷསྶ;

ཨཔརིཔུཎྞསྶ ཁོ པཉྙཱཀྑནྡྷསྶ;

ཨཔརིཔུཎྞསྶ ཁོ ཝིམུཏྟིཀྑནྡྷསྶ.

ཨཔརིཔུཎྞསྶ ཁོ ཝིམུཏྟིཉཱཎདསྶནཀྑནྡྷསྶ པཱརིཔཱུརིཡཱ ཨཉྙཾ སམཎཾ ཝཱ བྲཱཧྨཎཾ ཝཱ སཀྐཏྭཱ གརུཾ ཀཏྭཱ ཨུཔནིནིསྶཱཡ ཝིཧརེཡྻཾ. ན ཁོ པནཱཧཾ པསྶཱམི སདེཝཀེ ལོཀེ སམཱརཀེ སབྲཧྨཀེ སསྶམཎབྲཱཧྨཎིཡཱ པཛཱཡ སདེཝམནུསྶཱཡ ཨཏྟནཱ ཝིམུཏྟིཉཱཎདསྶནསམྤནྣཏརཾ ཨཉྙཾ སམཎཾ ཝཱ བྲཱཧྨཎཾ ཝཱ, ཡམཧཾ སཀྐཏྭཱ གརུཾ ཀཏྭཱ ཨུཔནིསྶཱཡ ཝིཧརེཡྻཾ. ཡཾནཱུནཱཧཾ ཡྭཱཡཾ དྷམྨོ མཡཱ ཨབྷིསམྦུདྡྷོ, ཏམེཝ དྷམྨཾ སཀྐཏྭཱ གརུཾ ཀཏྭཱ ཨུཔནིསྶཱཡ ཝིཧརེཡྻ’’ནྟི. ཨེཝཾ ཁོ བྷནྟེ བྷགཝཏོ ཙེཏསོ པརིཝིཏཀྐཝསེན ཨུཔྤནྣཾ.

ཡེ ¶ ཙ ཨཏཱིཏཱ སམྦུདྡྷཱ, ཡེ ཙ བུདྡྷཱ ཨནཱགཏཱ;

ཡོ ཙེཏརཧི སམྦུདྡྷོ, བཧཱུནཾ སོཀནཱསནོ;

སབྦེ སདྡྷམྨགརུནོ, ཝིཧཾསུ ཝིཧརནྟི ཙ;

ཏཐཱཔི ཝིཧརིསྶནྟི, ཨེསཱ བུདྡྷཱན དྷམྨཏཱ.

ཏསྨཱ ཧི ཨཏྟཀཱམེན, མཧཏྟམབྷིཀངྑཏཱ;

སདྡྷམྨོ གརུཀཱཏབྦོ, སརཾ བུདྡྷཱན སཱསནཾ.

ཨཉྙརཏབྲཧྨསུཏྟ

པུཙྪཱ- ཏཏྠཱཝུསོ ¶ པོརཱཎཀེཧི མཧཱཀསྶཔཱདཱིཧི དྷམྨསཾགཱཧཀཐེརཝརེཧི པཋམཾ སཾགཱིཏཾ ཨཉྙཏརབྲཧྨསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན ཀཐཉྩ བྷཱསིཏཾ.

ཝིསྶཛྫནཱ – བྲཧྨལོཀེ བྷནྟེ ཨཉྙཏརཾ བྲཧྨཱནཾ ཨཱརབྦྷ ཨཱཡསྨཏཱ མཧཱམོགྒལླཱནཏྠེརེན བྷཱསིཏཾ. ཨཉྙཏརསྶ བྷནྟེ བྲཧྨུནོ ཨེཝརཱུཔཾ པཱཔཀཾ དིཊྛིགཏཾ ཨུཔྤནྣཾ ཧོཏི ‘‘ནཏྠི སོ སམཎོ ཝཱ བྲཱཧྨཎོ ཝཱ, ཡོ ཨིདྷ ཨཱགཙྪེཡྻཱ’’ཏི. ཏསྨིཾ བྷནྟེ ཝཏྠུསྨིཾ–

ཨཛྫཱཔི ཏེ ཨཱཝུསོ སཱ དིཊྛི, ཡཱ ཏེ དིཊྛི པུརེ ཨཧུ;

པསྶསི ཝཱིཏིཝཏྟནྟཾ, བྲཧྨལོཀེ པབྷསྶརནྟི;

ཨེཝཾ ཁོ བྷནྟེ ཨཱཡསྨཏཱ མཧཱམོགྒལླཱནཏྠེརེན བྷཱསིཏཾ.

ཨཛྫཱཔི ¶ ཏེ ཨཱཝུསོ སཱ དིཊྛི, ཡཱ ཏེ དིཊྛི པུརེ ཨཧུ;

པསྶསི ཝཱིཏིཝཏྟནྟ, བྲཧྨལོཀེ པབྷསྶརཾ-ཧུ–

ན མེ མཱརིས སཱ དིཊྛི, ཡཱ མེ དིཊྛི པུརེ ཨཧུ;

པསྶཱམི ཝཱིཏིཝཏྟནྟཾ, བྲཧྨལོཀེ པབྷསྶརཾ;

སྭཱཧཾ ཨཛྫ ཀཐཾ ཝཛྫཾ, ཨཧཾ ནིཙྩོམྷི སསྶཏོ ཧུ–

ཏེཝིཛྫཱ ¶ ཨིདྡྷིཔཏྟཱ ཙ, ཙེཏོཔརིཡཱཡ ཀོཝིདཱ;

ཁཱིཎཱསཝཱ ཨརཧནྟོ, བཧཱུ བུདྡྷསྶ སཱཝཀཱ-ཧུ–

ཨརུཎཝཏཱིསུཏྟ

པུཙྪཱ – ཏཏྠཱཝུསོ ¶ ཨརུཎཝཏཱིསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ ‘‘བྷཱུཏཔུབྦཾ བྷིཀྑཝེ རཱཛཱ ཨཧོསི ཨརུཎཝཱ ནཱམ. རཉྙོ ཁོ པན བྷིཀྑཝེ ཨརུཎཝཏོ ཨརུཎཝཏཱི ནཱམ རཱཛདྷཱནཱི ཨཧོསཱི’’ཏི ཨེཝམཱདིནཱ བྷནྟེ བྷགཝཏཱ ཨརུཎཝཏཱི སུཏྟཾ བྷཱསིཏཾ.

ཨཱརམྦྷཐ ¶ ནིཀྐམཐ, ཡུཉྫཐ བུདྡྷསཱསནེ;

དྷུནཱཐ མཙྩུནོ སེནཾ, ནལཱ༹གཱརཾཝ ཀུཉྫརོ;

ཡོ ཨིམསྨིཾ དྷམྨཝིནཡེ, ཨཔྤམཏྟོ ཝིཧསྶཏི;

པཧཱཡ ཛཱཏི སཾསཱརཾ, དུཀྑསྶནྟཾ ཀརིསྶཏི-ཧུ–

བྲཱཧྨཎསཾཡུཏྟ

དྷནཉྫཱནཱིསུཏྟ

པུཙྪཱ – བྲཱཧྨཎསཾཡུཏྟེ ¶ ཨཱཝུསོ པཋམཾ སཾགཱིཏཾ དྷནཉྫཱནཱིསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – རཱཛགཧེ བྷནྟེ བྷཱརདྭཱཛགོཏྟཾ བྲཱཧྨཎཾ ཨཱརབྦྷ བྷཱསིཏཾ. བྷཱརདྭཱཛགོཏྟོ བྷནྟེ བྲཱཧྨཎོ བྷགཝནྟཾ ཨུཔསངྐམིཏྭཱ གཱཐཱཡ ཨཛ྄ཛྷབྷཱསི.

‘‘ཀིཾ སུ ཚེཏྭཱ སུཁཾ སེཏི,

ཀིཾ སུ ཚེཏྭཱ ན སོཙཏི;

ཀིསྶསྶུ ཨེཀདྷམྨསྶ,

ཝདྷཾ རོཙེསི གོཏམཱ’’ཏི–

ཏསྨིཾ བྷནྟེ ཝཏྠུསྨིཾ–

‘‘ཀོདྷཾ ཚེཏྭཱ སུཁཾ སེཏི;

ཀོདྷཾ ཚེཏྭཱ ན སོཙཏི;

ཀོདྷསྶ ཝིསམཱུལསྶ,

མདྷུརགྒསྶ བྲཱཧྨཎ;

ཝདྷཾ ཨརིཡཱ པསཾསནྟི,

ཏཉྷི ཚེཏྭཱ ན སོཙཏཱི’’ཏི;

ཨེཝཾ ཁོ བྷནྟེ བྷགཝཏཱ བྷཱསིཏཾ.

ཀིཾ ¶ སུ ཚེཏྭཱ སུཁཾསེཏི, ཀིཾ སུ ཚེཏྭཱ ན སོཙཏི;

ཀིསྶསྶུ ཨེཀདྷམྨསྶ, ཝདྷཾ རོཙེསི གོཏམ–

པུཙྪཱ – ཨིམཉྩ ¶ པནཱཝུསོ དྷམྨདེསནཾ སུཏྭཱ བྷཱརདྭཱཛགོཏྟོ བྲཱཧྨཎོ ཨིམསྨིཾ དྷམྨཝིནཡེ པསནྣོ ཀཱིདིསཾ པསནྣཱཀཱརམཀཱསི, ཀཱིཝཏྟཀཉྩ ཨཏྠཾ སམྤཱདེསི.

ཝིསྶཛྫནཱ – ཨིམཉྩ པན བྷནྟེ དྷམྨདེསནཾ སུཏྭཱ བྷཱརདྭཱཛགོཏྟོ བྲཱཧྨཎོ ‘‘ཨབྷིཀྐནྟཾ བྷོ གོཏམ, ཨབྷིཀྐནྟཾ བྷོ གོཏམ, སེཡྻཐཱཔི བྷོ གོཏམ ནིཀྐུཛྫིཏཾ ཝཱ ཨུཀྐུཛྫེཡྻ, པཊིཙྪནྣཾ ཝཱ ཝིཝརེཡྻ, མཱུལ༹ྷསྶ ཝཱ མགྒཾ ཨཱཙིཀྑེཡྻ, ཨནྡྷཀཱརེ ཝཱ ཏེལཔཛྫོཏཾ དྷཱརེཡྻ ཙཀྑུམནྟོ རཱུཔཱནི དཀྑནྟཱི’’ཏི ཨེཝམཱདིནཱ བྷནྟེ ཨིམསྨིཾ དྷམྨཝིནཡེ པསནྣོ པསནྣཱཀཱརམཀཱསི. ཨིམཉྩ པན བྷནྟེ དྷམྨདེསནཾ སུཏྭཱ བྷཱརདྭཱཛགོཏྟོ བྲཱཧྨཎོ བྷགཝཏོ སནྟིཀེ པབྦཛྫཾ ཨུཔསམྤདཾ ཡཱཙིཏྭཱ ཨཙིརཱུཔསམྤནྣོ ཡཱཝ ཨརཧཏྟཾ སམྤཱདེསི.

ཨཀྐོསསུཏྟ

པུཙྪཱ – ཨཀྐོསཀབྷཱརདྭཱཛསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – རཱཛགཧེ བྷནྟེ ཨཀྐོསཀབྷཱརདྭཱཛཾ བྲཱཧྨཎཾ ཨཱརབྦྷ བྷཱསིཏཾ. ཨཀྐོསཀབྷཱརདྭཱཛོ བྷནྟེ བྲཱཧྨཎོ བྷགཝནྟཾ ཨུཔསངྐམིཏྭཱ ཨསབྦྷཱཧི ཕརུསཱཧི ཝཱཙཱཧི བྷགཝནྟཾ ཨཀྐོསཏི པརིབྷཱསཏི. ཏསྨིཾ བྷནྟེ ཝཏྠུསྨིཾ ‘‘ཏཾ ཀིཾ མཉྙསི བྲཱཧྨཎ, ཨཔི ནུཁོ ཏེ ཨཱགཙྪནྟི མིཏྟཱམཙྩཱ ¶ ཉཱཏིསཱལོཧིཏཱ ཨཏིཏིཡོ’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

ཨཀྐོདྷསྶ ¶ ཀུཏོ ཀོདྷོ,

དནྟསྶ སམཛཱིཝིནོ;

སམྨདཉྙཱ ཝིམུཏྟསྶ,

ཨུཔསནྟསྶ ཏཱདིནོ.

ཏསྶེཝ ¶ ཏེན པཱཔིཡོ,

ཡོ ཀུདྡྷཾ པཊིཀུཛ྄ཛྷཏི;

ཀུདྡྷཾ ཨཔྤཊིཀུཛ྄ཛྷནྟོ,

སངྒཱམཾ ཛེཏི དུཛྫཡཾ.

ཨུབྷིནྣམཏྠཾ ཙརཏི,

ཨཏྟནོ ཙ པརསྶ ཙ;

པརཾ སངྐུཔིཏཾ ཉཏྭཱ,

ཡོ སཏོ ཨུཔསམྨཏི.

ཨུབྷིནྣཾ ཏིཀིཙྪནྟཱནཾ,

ཨཏྟནོ ཙ པརསྶ ཙ;

ཛནཱ མཉྙནྟི བཱལོཏི,

ཡེ དྷམྨསྶ ཨཀོཝིདཱ.

པུཙྪཱ – ཨིམཉྩ ¶ པནཱཝུསོ དྷམྨདེསནཾ སུཏྭཱ ཨཀྐོསཀབྷཱརདྭཱཛོ བྲཱཧྨཎོ ཨིམསྨིཾ དྷམྨཝིནཡེ པསནྣོ ཀཱིདིསཾ པསནྣཱཀཱརམཀཱསི. ཀཱིཝཏྟཀཉྩ ཨཏྠཾ སམྤཱདེསི.

ཝིསྶཛྫནཱ – ཨིམཉྩ པན བྷནྟེ དྷམྨདེསནཾ སུཏྭཱ ཨཀྐོསཀབྷཱརདྭཱཛོ བྲཱཧྨཎོ ‘‘ཨབྷིཀྐནྟཾ བྷོ གོཏམ, ཨབྷིཀྐནྟཾ བྷོ གོཏམཱ’’ཏི ཨེཝམཱདིནཱ ཨིམསྨིཾ དྷམྨཝིནཡེ པསནྣོ པསནྣཱཀཱརམཀཱསི. ཡཱཝ ཨརཧཏྟཱ ཙ པན མཧནྟཾ ཨཏྠཾ སམྤཱདེསི.

བཧུདྷཱིཏརསུཏྟ

པུཙྪཱ – ཏེནཱཝུསོ ¶ བྷགཝཏཱ ཛཱནཏཱ…པེ… སམྨཱསམྦུདྡྷེན བྲཱཧྨཎསཾཡུཏྟེ བཧུདྷཱིཏརསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – ཀོསལེསུ བྷནྟེ ཨཉྙཏརསྨིཾ ཝནསཎྜེ ཨཉྙཏརཾ བྷཱརདྭཱཛགོཏྟཾ བྲཱཧྨཎཾ ཨཱརབྦྷ བྷཱསིཏཾ. ཨཉྙཏརོ བྷནྟེ བྷཱརདྭཱཛགོཏྟོ བྲཱཧྨཎོ གོཎེ ནཊྛེ པརིཡེསནྟོ བྷགཝཏོ སནྟིཀེ ཨིམཱ གཱཐཱཡོ ཨབྷཱསི.

‘‘ན ཧི ནཱུནིམསྶ སམཎསྶ, བལཱིབདྡཱ ཙཏུདྡས;

ཨཛྫསཊྛིཾ ན དིསྶནྟི, ཏེནཱཡཾ སམཎོ སུཁཱི;

ན ཧི ནཱུནིམསྶ སམཎསྶ, ཏིལཱཁེཏྟསྨི པཱཔཀཱ;

ཨེཀཔཎྞཱ དུཔཎྞཱ ཙ, ཏེནཱཡཾ སམཎོ སུཁཱི.

(པེཡྻཱལ)

ན ཧི ནཱུནིམསྶ སམཎསྶ, པཙྩཱུསམྷི ཨིཎཱཡིཀཱ;

དེཐ དེཐཱཏི ཙོདེནྟི, ཏེནཱཡཾ སམཎོ སུཁཱི’’ཏི.

ཏསྨིཾ བྷནྟེ ཝཏྠུསྨིཾ–

ན ཧི མཡ྄ཧཾ བྲཱཧྨཎ, བལཱིབདྡཱ ཙཏུདྡས;

ཨཛྫསཊྛིཾ ན དིསྶནྟི, ཏེནཱཧཾ བྲཱཧྨཎཱ སུཁཱི;

ན ཧི མཡ྄ཧཾ བྲཱཧྨཎ, ཏིལཱཁེཏྟསྨི པཱཔཀཱ;

ཨེཀཔཎྞཱ དུཔཎྞཱ ཙ, ཏེནཱཧཾ བྲཱཧྨཎཱ སུཁཱི.

(པེཡྻཱལ)

ན ཧི མཡ྄ཧཾ བྲཱཧྨཎ, པཙྩཱུསམྷི ཨིཎཱཡིཀཱ;

དེཐ དེཐཱཏི ཙོདེནྟི, ཏེནཱཧཾ བྲཱཧྨཎཱ སུཁཱིཏི.

ཨེཝཾ ཁོ བྷནྟེ བྷགཝཏཱ བྷཱསིཏཾ.

(༡)

ན ¶ ཧི ནཱུནིམསྶ སམཎསྶ, བལཱིབདྡཱ ཙཏུདྡས;

ཨཛྫསཊྛིཾ ན དིསྶནྟི, ཏེནཱཧཾ སམཎོ སུཁཱི.

(༢)

ན ཧི ནཱུནིམསྶ སམཎསྶ, ཏིལཱཁེཏྟསྨི པཱཔཀཱ;

ཨེཀཔཎྞཱ དུཔཎྞཱ ཙ, ཏེནཱཡཾ སམཎོ སུཁཱི.

(༣)

ན ¶ ཧི ནཱུནིམསྶ སམཎསྶ, ཏུཙྪཀོཊྛསྨི མཱུསིཀཱ;

ཨུསྶོལ༹ྷིཀཱཡ ནཙྩནྟི, ཏེནཱཡཾ སམཎོ སུཁཱི.

(༤)

ན ཧི ནཱུནིམསྶ སམཎསྶ, སནྠཱརོ སཏྟམཱསིཀོ;

ཨུཔྤཱཊཀེཧི སཉྪནྣོ, ཏེནཱཡཾ སམཎོ སུཁཱི.

(༥)

ན ཧི ནཱུནིམསྶ སམཎསྶ, ཝིདྷཝཱ སཏྟ དྷཱིཏརོ;

ཨེཀཔུཏྟཱ དུཔུཏྟཱ ཙ, ཏེནཱཡཾ སམཎོ སུཁཱི.

(༦)

ན ¶ ཧི ནཱུནིམསྶ སམཎསྶ, པིངྒལཱ ཏིལཀཱཧཏཱ;

སོཏྟཾ པཱདེན བོདྷེཏི, ཏེནཱཡཾ སམཎོ སུཁཱི.

(༧)

ན ཧི ནཱུནིམསྶ སམཎསྶ, པཙྩཱུསམི ཨིཎཱཡིཀཱ;

དེཐ དེཐཱཏི ཙོདེནྟི, ཏེནཱཡཾ སམཎོ སུཁཱི.

(༡)

ན ¶ ཧི མཡ྄ཧཾ བྲཱཧྨཎ, བལཱིབདྡཱ ཙཏུདྡས;

ཨཛྫསཊྛིཾ ན དིསྶནྟི, ཏེནཱཧཾ བྲཱཧྨཎཱ སུཁཱི.

(༢)

ན ཧི མཡ྄ཧཾ བྲཱཧྨཎ, ཏིལཱཁེཏྟསྨི པཱཔཀཱ;

ཨེཀཔཎྞཱ དུཔཎྞཱ ཙ, ཏེནཱཧཾ བྲཱཧྨཎཱ སུཁཱི.

(༣)

ན ཧི མཡ྄ཧཾ བྲཱཧྨཎ, ཏུཙྪཀོཊྛསྨི མཱུསིཀཱ;

ཨུསྶོལ༹ྷཱིཀཱཡ ནཙྩནྟི, ཏེནཱཧཾ བྲཱཧྨཎཱ སུཁཱི.

(༤)

ན ཧི མཡ྄ཧཾ བྲཱཧྨཎ, སནྠཱརོ སཏྟམཱསིཀོ;

ཨུཔྤཱཊཀེཧི སཉྪནྣོ, ཏེནཱཧཾ བྲཱཧྨཎཱ སུཁཱི.

(༥)

ན ¶ ཧི མཡ྄ཧཾ བྲཱཧྨཎ, ཝིདྷཝཱ སཏྟ དྷཱིཏརོ;

ཨེཀཔུཏྟཱ དུཔུཏྟཱ ཙ, ཏེནཱཧཾ བྲཱཧྨཎཱ སུཁཱི.

(༦)

ན ཧི མཡ྄ཧཾ བྲཱཧྨཎ, པིངྒལཱ ཏིལཀཱཧཏཱ;

སོཏྟཾ པཱདེན བོདྷེཏི, ཏེནཱཧཾ བྲཱཧྨཎཱ སུཁཱི.

(༧)

ན ཧི མཡ྄ཧཾ བྲཱཧྨཎ, པཙྩཱུསམྷི ཨིཎཱཡིཀཱ;

དེཐ དེཐཱཏི ཙོདེནྟི, ཏེནཱཧཾ བྲཱཧྨཎཱ སུཁཱི.

པུཙྪཱ – ཨིམཉྩ ¶ པནཱཝུསོ དྷམྨདེསནཾ སུཏྭཱ སོ བྷཱརདྭཱཛགོཏྟོ བྲཱཧྨཎོ ཨིམསྨིཾ དྷམྨཝིནཡེ པསནྣོ ཀཱིདིསཾ པསནྣཱཀཱརམཀཱསི. ཀཱིཝ མཧནྟཉྩ ཨིམསྨིཾ དྷམྨཝིནཡེ ཨཏྠཾ སམྤཱདེསི.

ཝིསྶཛྫནཱ – ཨིམཉྩ པན བྷནྟེ དྷམྨདེསནཾ སུཏྭཱ སོ བྷཱརདྭཱཛགོཏྟོ བྲཱཧྨཎོ ‘‘ཨབྷིཀྐནྟཾ བྷོ གོཏམ ཨབྷིཀྐནྟཾ བྷོ གོཏམ, སེཡྻཐཱཔི བྷོགོཏམ, ནིཀྐུཛྫིཏཾ ཝཱ ཨུཀྐུཛྫེཡྻ, པཊིཙྪནྣཾ ཝཱ ཝིཝརེཡྻ, མཱུལ༹ྷསྶ ཝཱ མགྒཾ ཨཱཙིཀྑེཡྻ, ཨནྡྷཀཱརེ ཝཱ ཏེལཔཛྫོཏཾ དྷཱརེཡྻ, ཙཀྑུམནྟོ རཱུཔཱནི དུཀྑནྟཱི’’ཏི ཨེཝམཱདིནཱ ཨིམསྨི དྷམྨཝིནཡེ པསནྣོ པསནྣཱཀཱརམཀཱསི. བྷགཝཏོ ཙ སནྟིཀེ ‘‘ལབྷེཡྻཱཧཾ བྷོཏོ གོཏམསྶ སནྟིཀེ པབྦཛཾ, ལབྷེཡྻཾ ཨུཔསམྤད’’ནྟི ཨེཝམཱདིནཱ པབྦཛྫཾ ཨུཔསམྤདཾ ཡཱཙིཏྭཱ ཨཙིརཱུཔསམྤནྣོ ཡཱཝ ཨརཧཏྟཱ མཧནྟཾ ཝིསེསཾ སམྤཱདེསི.

ཀསིབྷཱརདྭཱཛསུཏྟ

པུཙྪཱ – ཏཏྠཱཝུསོ ¶ ཨེཀཱདསམཾ མཧཱཀསྶཔཱདཱིཧི པོརཱཎདྷམྨསཾགཱཧཀཐེརེཧི སཾགཱིཏཾ ཀསིབྷཱརདྭཱཛསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – མགདྷེསུ བྷནྟེ དཀྑིཎཱགིརིསྨིཾ ཨེཀནཱལཱ༹ཡཾ བྲཱཧྨཎགཱམེ ཀསིབྷཱརདྭཱཛཾ བྲཱཧྨཎཾ ཨཱརབྦྷ བྷཱསིཏཾ. ཀསིབྷཱརདྭཱཛོ བྷནྟེ བྲཱཧྨཎོ བྷགཝནྟཾ གཱཐཱཡ ཨཛ྄ཛྷབྷཱསི.

‘‘ཀསྶཀོ ¶ པཊིཛཱནཱསི, ན ཙ པསྶཱམི ཏེ ཀསིཾ. ཀསྶཀོ པུཙྪིཏོ བྲཱུཧི, ཀཐཾ ཛཱནེམུ ཏཾ ཀསི’’ནྟི. ཏསྨིཾ བྷནྟེ ཝཏྠུསྨིཾ–

‘‘སདྡྷཱ བཱིཛཾ ཏཔོ ཝུཊྛི, པཉྙཱ མེ ཡུགནངྒལཾ;

ཧིརཱི ཨཱིསཱ མནོ ཡོཏྟཾ, སཏི མེ ཕཱལཔཱཙནཾ.

ཀཱཡགུཏྟོ ཝཙཱིགུཏྟོ, ཨཱཧཱརེ ཨུདརེ ཡཏོ;

སཙྩཾ ཀརོམི ནིདྡཱནཾ, སོརཙྩཾ མེ པམོཙནཾ.

ཝཱིརིཡཾ མེ དྷུརདྷོརཡ྄ཧཾ, ཡོགཀྑེམཱདྷིཝཱཧནཾ;

གཙྪཏི ཨནིཝཏྟནྟཾ, ཡཏྠ གནྟྭཱ ན སོཙཏི.

ཨེཝམེསཱ ཀསཱི ཀཊྛཱ, སཱ ཧོཏི ཨམཏཔྥལཱ;

ཨེཏཾ ཀསིཾ ཀསིཏྭཱན, སབྦདུཀྑཱ པམུཙྩཏཱི’’ཏི.

ཨེཝཾ ཁོ བྷནྟེ བྷགཝཏཱ བྷཱསིཏཾ.

ཀསྶཀོ ¶ པཊིཛཱནཱསི, ན ཙ པསྶཱམི ཏེ ཀསིཾ;

ཀསྶཀོ པུཙྪིཏོ བྲཱུཧི, ཀཐཾ ཛཱནེམུ ཏཾ ཀསིཾ.

སདྡྷཱ ¶ བཱིཛཾ ཏཔོ ཝུཊྛི, པཉྙཱ མེ ཡུགནངྒལཾ;

ཧིརཱི ཨཱིསཱ མནོ ཡོཏྟཾ, སཏི མེ ཕཱལཔཱཙནཾ.

པུཙྪཱ – ཨིམཉྩ ¶ པནཱཝུསོ དྷམྨདེསནཾ སུཏྭཱ སོ ཀསིབྷཱརདྭཱཛོ བྲཱཧྨཎོ ཨིམསྨིཾ དྷམྨཝིནཡེ པསནྣོ ཀཱིདིསཾ པསནྣཱཀཱརམཀཱསི.

ཝིསྶཛྫནཱ – ཨིམཉྩ པན བྷནྟེ དྷམྨདེསནཾ སུཏྭཱ ཀསིབྷཱརདྭཱཛོ བྲཱཧྨཎོ ‘‘ཨབྷིཀྐནྟཾ བྷོ གོཏམ, ཨབྷིཀྐནྟཾ བྷོ གོཏམཱ’’ཏིཨེཝམཱདིནཱ ཨིམསྨིཾ དྷམྨཝིནཡེ པསནྣོ པསནྣཱཀཱརམཀཱསི.

སེཡྻཐཱཔི བྷོ གོཏམ ཨུཀྐུཛྫིཏཾ ཝཱ ནིཀྐུཛྫེཡྻ.

ཨུདཡསུཏྟ

པུཙྪཱ – ཨུདཡསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨུདཡཾ བྲཱཧྨཎཾ ཨཱརབྦྷ བྷཱསིཏཾ. ཨུདཡོ བྷནྟེ བྲཱཧྨཎོ བྷགཝནྟཾ ཨེཏདཝོཙ ‘‘པཀཊྛཀོཡཾ སམཎོ གོཏམོ པུནཔྤུནཾ ཨཱགཙྪཏཱི’’ཏི. ཏསྨིཾ བྷནྟེ ཝཏྠུསྨིཾ–

པུནཔྤུནཉྩེཝ ཝཔནྟི བཱིཛཾ, པུནཔྤུནཾ ཝསྶཏི དེཝརཱཛཱ;

པུནཔྤུནཾ ཁེཏྟཾ ཀསནྟི ཀསྶཀཱ, པུནཔྤུནཾ དྷཉྙམུཔེཏི རཊྛཾ.

ཨེཝམཱདིནཱ བྷནྟེ བྷགཝཏཱ བྷཱསིཏཾ.

པུནཔྤུནཾ ¶ ཙེཝ ཝཔནྟི བཱིཛཾ, པུནཔྤུནཾ ཝསྶཏི དེཝ རཱཛཱ;

པུནཔྤུནཾ ཁེཏྟཾ ཀསནྟི ཀསྶཀཱ, པུནཔྤུནཾ དྷཉྙམུཔེཏི རཊྛཾ.

པུནཔྤུནཾ ¶ ཡཱཙཀཱ ཡཱཙཡནྟི, པུནཔྤུནཾ དཱནཔཏཱི དདནྟི;

པུནཔྤུནཾ དཱནཔཏཱི དདིཏྭཱ, པུནཔྤུནཾ སགྒམུཔེཏི ཋཱནཾ.

པུནཔྤུནཾ ཁཱིརནིཀཱ དུཧནྟི, པུནཔྤུནཾ ཝཙྪོ ཨུཔེཏི མཱཏརཾ;

པུནཔྤུནཾ ཀིལམཏི ཕནྡཏི ཙ, པུནཔྤུནཾ གབྦྷམུཔེཏི མནྡོ.

པུནཔྤུནཾ ཛཱཡཏི མཱིཡཏི ཙ, པུནཔྤུནཾ སིཝཐིཀཾ ཧརནྟི;

མགྒཉྩ ལདྡྷཱ ཨཔུནབྦྷཝཱཡ, ན པུནཔྤུནཾ ཛཱཡཏི བྷཱུརིཔཉྙོ-ཧུ–

མཱཏུཔོསཀསུཏྟ

པུཙྪཱ – མཱཏུཔོསཀསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ མཱཏུཔོསཀཾ བྲཱཧྨཎཾ ཨཱརབྦྷ བྷཱསིཏཾ. མཱཏུཔོསཀོ བྷནྟེ བྲཱཧྨཎོ བྷགཝནྟཾ ཨེཏདཝོཙ ‘‘ཨཧཉྷི བྷོ གོཏམ དྷམྨེན བྷིཀྑཾ པརིཡེསཱམི, དྷམྨེན བྷིཀྑཾ པརིཡེསིཏྭཱ མཱཏཱཔིཏརོ པོསེམི, ཀཙྩཱཧཾ བྷོ གོཏམ ཨེཝཾཀཱརཱི ཀིཙྩཀཱརཱི ཧོམཱི’’ཏི, ཏསྨིཾ བྷནྟེ ཝཏྠུསྨིཾ ‘‘ཏགྒྷ ཏྭཾ བྲཱཧྨཎ ཨེཝཾཀཱརཱི ཀིཙྩཀཱརཱི ཧོསི, ཡོ ཁོ བྲཱཧྨཎ དྷམྨེན བྷིཀྑཾ པརིཡེསཏི, དྷམྨེན བྷིཀྑཾ པརིཡེསིཏྭཱ མཱཏཱཔིཏརོ པོསེཏི, བཧུཾ སོ པུཉྙཾ པསཝཏཱི’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཱ.

ཡོ ¶ མཱཏརཾ ཝཱ པིཏརཾ ཝཱ, མཙྩོ དྷམྨེན པོསཏི;

ཏཱཡ ནཾ པཱརིཙརིཡཱཡ, མཱཏཱཔིཏཱུསུ པཎྜིཏཱ;

ཨིདྷེཝ ནཾ པསཾསནྟི, པེཙྩ སགྒེ པམོདཏི–

ཁོམདུསྶསུཏྟ

པུཙྪཱ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན བྲཱཧྨཎསཾཡུཏྟེ ཁོམདུསྶསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཀྐེསུ བྷནྟེ ཁོམདུསྶེ ནཱམ སཀྱཱནཾ ནིགམེ ཁོམདུསྶཀེ བྲཱཧྨཎགཧཔཏིཀེ ཨཱརབྦྷ བྷཱསིཏ, ཁོམདུསྶཀཱ བྷནྟེ བྲཱཧྨཎགཧཔཏིཀཱ བྷགཝནྟཾ ཨེཏདཝོཙུཾ ‘‘ཀེ ཙ མུཎྜཀཱ སམཎཀཱ, ཀེ ཙ སབྷཱདྷམྨཾ ཛཱནིསྶནྟཱི’’ཏི.

ཏསྨིཾ བྷནྟེ ཝཏྠུསྨིཾ–

‘‘ནེསཱ སབྷཱ ཡཏྠ ན སནྟི སནྟོ,

སནྟོ ན ཏེ ཡེ ན ཝདནྟི དྷམྨཾ;

རཱགཉྩ དོསཉྩ པཧཱཡ མོཧཾ,

དྷམྨཾ ཝདནྟཱ ཙ བྷཝནྟི སནྟོ’’ཏི.

ཨེཝཾ ཁོ བྷནྟེ བྷགཝཏཱ བྷཱསིཏཾ.

ནེསཱ ¶ སབྷཱ ཡཏྠ ནསནྟི སནྟོ,

སནྟོ ན ཏེ ཡེ ན ཝདནྟི དྷམྨཾ;

རཱགཉྩ དོསཉྩ པཧཱཡ མོཧཾ,

དྷམྨཾ ཝདནྟཱ ཙ བྷཝནྟི སནྟོ–

ཝངྒཱིསསཾཡུཏྟ

ཨཱནནྡསུཏྟ

པུཙྪཱ – ཝངྒཱིསསཾཡུཏྟེ ¶ པནཱཝུསོ ཙཏུཏྠཾ སཾངྒཱིཏཾ ཨཱནནྡསུཏྟཾ ཀཏྠཀཾ ཨཱརབྦྷ ཀིསྨིཾ ཝཏྠུསྨིཾ ཀེན ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཱཡསྨནྟཾ ཝངྒཱིསཏྠེརཾ ཨཱརབྦྷ ཨཱཡསྨཏཱ ཨཱནནྡཏྠེརེན དྷམྨབྷཎྜཱགཱརིཀེན བྷཱསིཏཾ. ཨཱཡསྨཏཱ བྷནྟེ ཝངྒཱིསོ ཨཱཡསྨནྟཾ ཨཱནནྡཾ གཱཐཱཡ ཨཛ྄ཛྷབྷཱསི–

‘‘ཀཱམརཱགེན ཌཡ྄ཧཱམི, ཙིཏྟཾ མེ པརིཌཡ྄ཧཏི;

སཱདྷུ ནིབྦཱཔནཾ བྲཱུཧི, ཨནུཀམྤཱཡ གོཏམཱ’’ཏི.

ཏསྨིཾ བྷནྟེ ཝཏྠུསྨིཾ–

‘‘སཉྙཱཡ ཝིཔརིཡེསཱ, ཙིཏྟཾ ཏེ པརིཌཡ྄ཧཏི;

ནིམིཏྟཾ པརིཝཛྫེཧི, སུབྷཾ རཱགཱུཔསཾཧིཏཾ;

སངྑཱརེ པརཏོ པསྶ, དུཀྑཏོ མཱ ཙ ཨཏྟཏོ;

ནིབྦཱཔེཧི མཧཱརཱགཾ, མཱ ཌཡ྄ཧིཏྠོ པུནཔྤུནཾ;

ཨསུབྷཱཡ ཙིཏྟཾ བྷཱཝེཧི, ཨེཀགྒཾ སུསམཱཧིཏཾ;

སཏི ཀཱཡགཏཱ ཏྱཏྠུ, ནིབྦིདཱབཧུལོ བྷཝ;

ཨནིམིཏྟཉྩ བྷཱཝེཧི, མཱནཱནུསཡམུཛྫཧ;

ཏཏོ མཱནཱབྷིསམཡཱ, ཨུཔསནྟོ ཙརིསྶསཱི’’ཏི.

ཨེཝཾ ཁོ བྷནྟེ ཨཱཡསྨཏཱ ཨཱནནྡཏྠེརེན དྷམྨབྷཎྜཱགཱརིཀེན བྷཱསིཏཾ.

ཀཱམརཱགེན ¶ ཌཡ྄ཧཱམི, ཙིཏྟཾ མེ པརིཌཡ྄ཧཏི;

སཱདྷུ ནིབྦཱཔནཾ བྲཱུཧི, ཨནུཀམྤཱཡ གོཏམ–

སཉྙཱཡ ¶ ཝིཔརིཡེསཱ, ཙིཏྟཾ ཏེ པརིཌཡ྄ཧཏི;

ནིམིཏྟཾ པརིཝཛྫེཧི, སུབྷཾ རཱགཱུཔསཾཧིཏཾ.

སངྑཱརེ པརཏོཔསྶ, དུཀྑཏོ མཱ ཙ ཨཏྟཏོ;

ནིབྦཱཔེཧི མཧཱརཱགཾ, མཱ ཌཡ྄ཧིཏྠོ པུནཔྤུནཾ.

ཨསུབྷཱཡ ཙིཏྟཾ བྷཱཝེཧི, ཨེཀགྒཾ སུསམཱཧིཏཾ;

སཏི ཀཱཡགཏཱ ཏྱཏྠུ, ནིབྦིདཱབཧུལོ བྷཝ.

ཨནིམིཏྟཉྩ ¶ བྷཱཝེཧི, མཱནཱནུསཡམུཛྫཧ;

ཏཏོ མཱནཱབྷིསམཡཱ, ཨུཔསནྟོ ཙརིསྶསི.

ཝངྒཱིསསུཏྟ

པུཙྪཱ – ཏཏྠ ཨཱཝུསོ དྭཱདསམཾ ཝངྒཱིསསུཏྟཾ ཀཏྠ ཀེན ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཱཡསྨཏཱ ཝངྒཱིསཏྠེརེན ཨཙིར ཨརཧཏྟཔྤཏྟེན ཝིམུཏྟིསུཁཔཊིསཾཝེདིནཱ–

‘‘ཀཱཝེཡྻམཏྟཱ ཝིཙརིམྷ པུབྦེ, གཱམཱགཱམཾ པུརཱཔུརཾ,

ཨཐདྡསཱམ སམྦུདྡྷཾ, སདྡྷཱ ནོ ཨུཔཔཛྫཐ;

སོ མེ དྷམྨ མདེསེསི, ཁནྡྷཱཡཏན དྷཱཏུཡོ;

ཏསྶཱཧཾ དྷམྨཾ སུཏྭཱན, པབྦཛིཾ ཨནགཱརིཡཾ;

བཧུནྣཾ ཝཏ ཨཏྠཱཡ, བོདྷིཾ ཨཛ྄ཛྷགམཱ མུནི;

བྷིཀྑཱུནཾ བྷིཀྑཱུནཱིནཉྩ, ཡེ ནིཡཱམགཏདྡསཱ;

སྭཱགཏཾ ¶ ཝཏ མེ ཨཱསི, མམ བུདྡྷསྶ སནྟིཀེ;

ཏིསྶོ ཝིཛྫཱ ཨནུཔྤཏྟཱ, ཀཏཾ བུདྡྷསྶ སཱསནཾ;

པུབྦེ ནིཝཱསཾ ཛཱནཱམི, དིབྦཙཀྑུཾ ཝིསོདྷིཏཾ;

ཏེཝིཛྫོ ཨིདྡྷིཔཏྟོམྷི, ཙེཏོཔརིཡཱཡ ཀོཝིདོ.

ཨེཝཾ ཁོ བྷནྟེ ཨུདཱནཝསེན བྷཱསིཏཾ.

ཀཱཝེཡྻ ¶ མཏྟཱ ཝིཙརིམྷ པུབྦེ; གཱམཱགཱམཾཔུརཱཔུརཾ,

ཨཐདྡསཱམ སམྦུདྡྷཾ, སདྡྷཱ ནོ ཨུཔཔཛྫཐ.

སོ ¶ མེ དྷམྨམདེསེསི, ཁནྡྷཱཡཏན དྷཱཏུཡོ;

ཏསྶཱཧཾ དྷམྨཾ སུཏྭཱན, པབྦཛིཾ ཨནགཱརིཡཾ.

བཧུནྣཾ ཝཏ ཨཏྠཱཡ, བོདྷིཾ ཨཛ྄ཛྷགམཱ མུནི;

བྷིཀྑཱུནཾ བྷིཀྑུནཱི ནཉྩ, ཡེ ནིཡཱམགཏདྡསཱ.

སྭཱགཏཾ ཝཏ མེ ཨཱསི, མམ བུདྡྷསྶ སནྟིཀེ;

ཏསྶོ ཝིཛྫཱ ཨནུཔྤཏྟཱ, ཀཏཾ བུདྡྷསྶ སཱསནཾ.

པུབྦེནིཝཱསཾ ¶ ཛཱནཱམི; དིབྦཙཀྑུ ཝིསོདྷིཏཾ;

ཏེཝིཛྫོ ཨིདྡྷིཔཏྟོམྷི, ཙེཏོཔརིཡཱཡཀོཝིདོ.

ཝནསཾཡུཏྟ

ཨཱནནྡསུཏྟ

པུཙྪཱ – ཝནསཾཡུཏྟེ པནཱཝུསོ པཉྩམཾ སཾགཱིཏཾ ཨཱནནྡསུཏྟཾ ཀདཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན ཀཐཉྩ བྷཱསིཏཾ.

ཝིསྶཛྫནཱ – ཀོསལེསུ བྷནྟེ ཨཉྙཏརསྨིཾ ཝནསཎྜེ ཨཙིརཔརིནིབྦུཏེ བྷགཝཏི ཨཱཡསྨནྟཾ ཨཱནནྡཾ ཨཱརབྦྷ ཏསྨིཾ ཝནསཎྜེ ཨདྷིཝཏྠཱཡ དེཝཏཱཡ བྷཱསིཏཾ. ཨཱཡསྨཱ བྷནྟེ ཨཱནནྡོ ཨཙིརཔརིནིབྦུཏེ བྷགཝཏི ཨཏིཝེལཾ གིཧིསཉྙཏྟིབཧུལོ ཝིཧརཏི, ཏསྨིཾ བྷནྟེ ཝཏྠུསྨིཾ–

‘‘རུཀྑམཱུལགཧནཾ པསཀྐིཡ,

ནིབྦཱནཾ ཧདཡསྨིཾ ཨོཔིཡ;

ཛྷཱཡ གོཏམ མཱ པམཱདོ,

ཀིཾ ཏེ བིལི༹བིལི༹ཀཱ ཀརིསྶཏཱི’’ཏི.

ཨེཝཾ ¶ ཁོ བྷནྟེ ཝནསཎྜེ ཨདྷིཝཏྠཱཡ དེཝཏཱཡ ཨཱཡསྨཏོ ཨཱནནྡཏྠེརསྶ ཨནུཀམྤིཀཱཡ ཨཏྠཀཱམཱཡ བྷཱསིཏཾ.

རུཀྑམཱུལ ¶ གཧནཾ པསཀྐིཡ, ནིབྦཱནཾ ཧདཡསྨིཾ ཨོཔིཡ;

ཛྷཱཡ གོཏམ མཱ པམཱདོ, ཀིཾ ཏེ བིལི༹བིལི༹ཀཱ ཀརིསྶཏི-ཧུ–

ཡཀྑསཾཡུཏྟ

ཨིནྡཀསུཏྟ

པུཙྪཱ – ཡཀྑསཾཡུཏྟེ ¶ པནཱཝུསོ པཋམཾ སཾགཱིཏཾ ཨིནྡཀསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – རཱཛགཧེ བྷནྟེ ཨིནྡཀཱུཊེ པབྦཏེ ཨིནྡཀསྶ ཡཀྑསྶ བྷཝནེ ཨིནྡཀཾ ཡཀྑཾ ཨཱརབྦྷ བྷཱསིཏཾ. ཨིནྡཀོ བྷནྟེ ཡཀྑོ ཨཏྟཝཱདོ བྷགཝནྟཾ ཨུཔསངྐམིཏྭཱ གཱཐཱཡ ཨཛ྄ཛྷབྷཱསི–

‘‘རཱུཔཾ ན ཛཱིཝནྟི ཝདནྟི བུདྡྷཱ,

ཀཐཾ ནྭཡཾ ཝིནྡཏིམཾ སརཱིརཾ;

ཀུཏསྶ ཨཊྛཱིཡཀཔིཎྜམེབྷི,

ཀཐཾ ནྭཡཾ སཛྫཏི གབྦྷརསྨི’’ནྟི.

ཏསྨིཾ བྷནྟེ ཝཏྠུསྨིཾ–

‘‘པཋམཾ ཀལལཾ ཧོཏི, ཀལལཱ ཧོཏི ཨབྦུདཾ,

ཨབྦུདཱ ཛཱཡཏེ པེསི, པེསི ནིབྦཏྟཏཱི གྷནོ;

གྷནཱ པསཱཁཱ ཛཱཡནྟི, ཀེསཱ ལོམཱ ནཁཱཔིཙ;

ཡཉྩསྶ བྷུཉྫཏཱི མཱཏཱ, ཨནྣཾ པཱནཉྩ བྷོཛནཾ;

ཏེན སོ ཏཏྠ ཡཱཔེཏི, མཱཏུཀུཙྪིགཏོནརོ’’ཏི.

ཨེཝཾ ཁོ བྷནྟེ བྷགཝཏཱ བྷཱསིཏཾ.

ཨཱལ༹ཝཀསུཏྟ

པུཙྪཱ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན ཡཀྑསཾཡུཏྟེ ཨཱལ༹ཝཀསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – ཨཱལ༹ཝིཡཾ བྷནྟེ ཨཱལ༹ཝཀསྶ ཡཀྑསྶ བྷཝནེ ཨཱལ༹ཝཀཾ ཡཀྑཾ ཨཱརབྦྷ བྷཱསིཏཾ. ཨཱལ༹ཝཀོ བྷནྟེ ཡཀྑོ བྷགཝནྟཾ གཱཐཱཡ ཨཛ྄ཛྷབྷཱསི–

ཀིཾ སཱུདྷཝིཏྟཾ པུརིསསྶ སེཊྛཾ,

ཀིཾ སུ སུཙིཎྞཾ སུཁམཱཝཧཱཏི;

ཀིཾ སུ ཧཝེ སཱདུཏརཾ རསཱནཾ,

ཀཐཾ ཛཱིཝིཾ ཛཱིཝིཏཱམཱཧུ སེཊྛནྟི.

ཏསྨིཾ བྷནྟེ ཝཏྠུསྨིཾ–

སདྡྷཱིཙ ཝིཏྟཾ པུརིསསྶ སེཊྛཾ,

དྷམྨོ སུཙིཎྞོ སུཁམཱཝཧཱཏི;

སཙྩཾ ཧཝེ སཱདུཏརཾ རསཱནཾ,

པཉྙཱཛཱིཝིཾ ཛཱིཝིཏམཱཧུ སེཊྛནྟི.

ཨེཝམཱདིནཱ བྷནྟེ བྷགཝཏཱ བྷཱསིཏཾ.

ན ¶ ཁྭཱཧཾ ཏཾ ཨཱཝུསོ ནིཀྑམིསྶཱམི, ཡཾ ཏེ ཀརཎཱིཡཾ, ཏཾ ཀརོཧི,

པཉྷཾ ཏཾ སམཎ པུཙྪིསྶཱམི, སཙེ མེ ན བྱཱཀརིསྶསི, ཙིཏྟཾ ཝཱ ཏེ ཁིཔིསྶཱམི, ཧདཡཾ ཝཱ ཏེ ཕཱལེསྶཱམི, པཱདེསུ ཝཱ གཧེཏྭཱ པཱརགངྒཱཡ ཁིཔིསྶཱམི–

ཀིཾ ¶ སཱུཁ ཝིཏྟཾ པུརིསསྶ སེཊྛཾ, ཀིཾ སུ སུཙིཎྞཾ སུཁམཱཝཧཱཏི;

ཀིཾ སུ ཧཝེ སཱདུབྷརཾ རསཱནཾ, ཀཐཾ ཛཱིཝིཾ ཛཱིཝིཏམཱཧུ སེཊྛཾ–

སདྡྷཱིདྷ ཝིཏྟཾ པུརིསསྶ སེཊྛཾ, དྷམྨོ སུཙིཎྞོ སུཁམཱཝཧཱཏི;

སཙྩཾ ཧཝེ སཱདུཏརཾ རསཱནཾ, པཉྙཱཛཱིཝིཾ ཛཱིཝིཏམཱཧུ སེཊྛཾ;

ཀཐཾསུ ¶ ཏརཏི ཨོགྷཾ, ཀཐཾསུ ཏརཏི ཨཎྞཝཾ;

ཀཐཾསུ དུཀྑ མཙྩེཏི, ཀཐཾསུ པརིསུཛ྄ཛྷཏི.

སདྡྷཱཡ ཏརཏི ཨོགྷཾ, ཨཔྤམཱདེན ཨཎྞཝཾ;

ཝཱིརིཡེན དུཀྑ མཙྩེཏི, པཉྙཱཡ པརིསུཛ྄ཛྷཏི–

ཀཐཾསུ ¶ ལབྷཏེ པཉྙཾ, ཀཐཾསུ ཝིནྡཏེ དྷནཾ;

ཀཐཾསུ ཀིཏྟིཾ པཔྤོཏི, ཀཐཾ མིཏྟཱནི གནྠཏི;

ཨསྨཱ ལོཀཱ པརཾ ལོཀཾ, ཀཐཾ པེཙྩ ན སོཙཏི–

སདྡཧཱནོ ཨརཧཏཾ, དྷམྨཾ ནིབྦཱནཔཏྟིཡཱ;

སུསྶཱུསཾ ལབྷཏེ པཉྙཾ, ཨཔྤམཏྟོ ཝིཙཀྑཎོ;

པཏིརཱུཔཀཱརཱི དྷུརཝཱ, ཨུཊྛཱཏཱ ཝིནྡཏེ དྷནཾ;

སཙྩེན ¶ ཀིཏྟིཾ པཔྤོཏི, དདཾ མིཏྟཱནི གནྠཏི;

ཨསྨཱ ལོཀཱ པརཾ ལོཀཾ, ཨེཝཾ པེཙྩ ན སོཙཏི;

ཡསྶེཏེ ཙཏུརོ དྷམྨཱ, སདྡྷསྶ གྷརམེསིནོ;

སཙྩཾ དྷམྨོ དྷིཏི ཙཱགོ, ས ཝེ པེཙྩན སོཙཏི–

སཀྐསཾཡུཏྟ

ཝཏཔདསུཏྟ

པུཙྪཱ – སཀྐསཾཡུཏྟེ ¶ པནཱཝུསོ ཝཏཔདསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ སཀྐསྶ བྷིཀྑཝེ དེཝཱནམིནྡསྶ པུབྦེ མནུསྶབྷཱུཏསྶ སཏྟ ཝཏཔདཱནི སམཏྟཱནི སམཱདིནྣཱནི ཨཧེསུཾ, ཡེསཾ སམཱདིནྣཏྟཱ སཀྐོ སཀྐཏྟཾ ཨཛ྄ཛྷགཱཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

སཀྐསྶ ¶ བྷིཀྑཝེ དེཝཱནམིནྡསྶ པུབྦེ མནུསྶབྷཱུཏསྶ ཨིམཱནི སཏྟ ཝཏཔདཱནི སམཏྟཱནི སམཱདིནྣཱནི ཨཧེསུཾ.

མཱཏཱཔེཏྟིབྷརཾ ཛནྟུཾ, ཀུལེ ཛེཊྛཱཔཙཱཡིནཾ;

སཎྷཾ སཁིལསམྦྷཱསཾ, པེསུཎེཡྻཔྤཧཱཡིནཾ;

མཙྪེརཝིནཡེ ཡུཏྟཾ, སཙྩཾ ཀོདྷཱབྷིབྷུཾ ནརཾ;

ཏཾ ཝེ དེཝཱ ཏཱཝཏིཾསཱ, ཨཱཧུ ‘‘སཔྤུརིསོ’’ཨིཏི.

དལིདྡསུཏྟ

པུཙྪཱ – དལིདྡསུཏྟཾ པནཱཝུསོ ཀཏྠ ཀཾ ཨཱརབྦྷ ཀཐཉྩ བྷཱསིཏཾ. ཝིསྶཛྫནཱ. རཱཛགཧེ བྷནྟེ སམྦཧུལེ བྷིཀྑཱུ ཨཱརབྦྷ ‘‘བྷཱུཏཔུབྦཾ བྷིཀྑཝེ ཨཉྙཏརོ པུརིསོ ཨིམསྨིཾཡེཝ རཱཛགཧེ མནུསྶདལིདྡོ ¶ ཨཧོསི མནུསྶཀཔཎོ མནུསྶཝརཱཀོ, སོ ཏཐཱགཏཔྤཝེདིཏེ དྷམྨཝིནཡེ སདྡྷཾ སམཱདིཡི, སཱིལཾ, སུཏཾ, ཙཱགཾ, པཉྙཾ སམཱདིཡཱི’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

ཡསྶ ¶ སདྡྷཱ ཏཐཱགཏེ, ཨཙལཱ སུཔྤཏིཊྛིཏཱ;

སཱིལཉྩ ཡསྶ ཀལྱཱཎཾ, ཨརིཡཀནྟཾ པསཾསིཏཾ.

ཡཛམཱནསུཏྟ

པུཙྪཱ – ཡཛམཱནསུཏྟཾ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – རཱཛགཧེ ¶ བྷནྟེ སཀྐཾ དེཝཱནམིནྡཾ ཨཱརབྦྷ བྷཱསིཏཾ. སཀྐོ བྷནྟེ དེཝཱནམིནྡོ བྷགཝནྟཾ གཱཐཱཡ ཨཛ྄ཛྷབྷཱསི–

‘‘ཡཛམཱནཱནཾ མནུསྶཱནཾ, པུཉྙཔེཀྑཱན པཱཎིནཾ;

ཀརོཏཾ ཨོཔདྷིཀཾ པུཉྙཾ, ཀཏྠ དིནྣཾ མཧཔྥལ’’ནྟི.

ཏསྨིཾ བྷནྟེ ཝཏྠུསྨིཾ–

‘‘ཙཏྟཱརོ ཙ པཊིཔནྣཱ, ཙཏྟཱརོཙ ཕལེ ཋིཏཱ;

ཨེས སངྒྷོ ཨུཛུབྷཱུཏོ, པཉྙཱསཱིལསམཱཧིཏོ;

ཡཛམཱནཱནཾ མནུསྶཱནཾ, པུཉྙཔེཀྑཱན པཱཎིནཾ;

ཀརོཏཾ ཨོཔདྷིཀཾ པུཉྙཾ, སངྒྷེ དིནྣཾ མཧཔྥལཾ’’ནྟི.

ཨེཝཾ ཁོ བྷནྟེ བྷགཝཏཱ བྷཱསིཏཾ.

ཡཛམཱནཱནཾ ¶ མནུསྶཱནཾ, པུཉྙཔེཀྑཱན པཱཎིནཾ,

ཀརོཏཾ ཨོཔདྷིཏཾ པུཉྙཾ, ཀཏྠ དིནྣཾ མཧཔྥལཾ–

ཙཏྟཱརོ ཙ པཊིཔནྣཱ, ཙཏྟཱརོ ཙ ཕལེ ཋིཏཱ;

ཨེས སངྒྷོ ཨུཛུབྷཱུཏོ, པཉྙཱསཱིལསམཱཧིཏོ;

ཡཛམཱནཱནཾ མནུསྶཱནཾ, པུཉྙཔེཀྑཱན པཱཎིནཾ;

ཀརོཏཾ ཨོཔདྷིཀཾ པུཉྙཾ, སངྒྷེ དིནྣཾ མཧཔྥལཾ–

གཧཊྛཝནྡནཱསུཏྟ

པུཙྪཱ – གཧཊྛཝནྡནཱསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ ‘‘བྷཱུཏཔུབྦཾ བྷིཀྑཝེ སཀྐོ དེཝཱནམིནྡོ མཱཏལིཾ སངྒཱཧཀཾ ཨཱམནྟེསཱི’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

ཏཾ ¶ ནམསྶནྟི ཏེཝིཛྫཱ, སབྦེ བྷུམྨཱཙ ཁཏྟིཡཱ;

ཙཏྟཱརོ ཙ མཧཱརཱཛཱ, ཏིདསཱཙ ཡསསྶིནོ;

ཨཐཀོ ནཱམ སོ ཡཀྑོ, ཡཾ ཏྭཾ སཀྐ ནམསྶསི–

ཨཧཉྩ ¶ སཱིལསམྤནྣེ, ཙིརརཏྟསམཱཧིཏེ;

སམྨཱཔབྦཛིཏེ ཝནྡེ, བྲཧྨཙརིཡཔརཱཡནེ.

ཡེ གཧཊྛཱ པུཉྙཀརཱ, སཱིལཝནྟོ ཨུཔཱསཀཱ;

དྷམྨེན དཱརཾ པོསེནྟི, ཏེ ནམསྶཱམི མཱཏལི.

ནིདཱནཝགྒཔཱལི༹

ནིདཱནསཾཡུཏྟ

པཊིཙྩསམུཔྤཱདསུཏྟ

པུཙྪཱ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན ནིདཱནཝགྒསཾཡུཏྟེ པཋམཾ སཾགཱིཏཾ པཊིཙྩསམུཔྤཱདསུཏྟཾ ཀཏྠ ཏཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ པཉྩསཏེ ཛནཔདཝཱསིནོ བྷིཀྑཱུ ཨཱརབྦྷ བྷཱསིཏཾ. པཉྩསཏཱ བྷནྟེ ཛནཔདཝཱསིནོ བྷིཀྑཱུ སབྦེ ཨུགྒྷཱཊིཏཉྙུནོ དྷུཏངྒདྷརཱ ཨཱརདྡྷཝཱིརིཡཱ ཡུཏྟཡོགཱ ཝིཔསྶཀཱ སཎྷཾ སུཁུམཾ སུཉྙཏཾ པཙྩཡཱཀཱརདྷམྨདེསནཾ པཏྠཡམཱནཱ བྷགཝནྟཾ ཨབྷིཝཱདེཏྭཱ བྷགཝནྟཾ པརིཝཱརེཏྭཱ ནིསཱིདིཾསུ. ཏསྨིཾ ཝཏྠུསྨིཾ ‘‘པཊིཙྩསམུཔྤཱདཾ ཝོ བྷིཀྑཝེ དེསེསྶཱམི, ཏཾ སུཎཱཐ སཱདྷུཀཾ མནསི ཀརོཐ, བྷཱསིསྶཱམཱི’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

ཀཏམོ ¶ ཙ བྷིཀྑཝེ པཊིཙྩསམུཔྤཱདོ. ཨཝིཛྫཱཔཙྩཡཱ བྷིཀྑཝེ སངྑཱརཱ, སངྑཱརཔཙྩཡཱ ཝིཉྙཱཎཾ (པེཡྻཱལ) ཛཱཏིཔཙྩཡཱ ཛརཱམརཎཾ སོཀཔརིདེཝདུཀྑདོམནསྶུཔཱསཱ སམྦྷཝནྟི, ཨེཝམེཏསྶ ཀེཝལསྶ དུཀྑནྡྷསྶ སམུདཡོ ཧོཏི. ཨཡཾ ཝུཙྩཏི བྷིཀྑཝེ པཊིཙྩསམུཔྤཱདོ.

ཨཝིཛྫཱཡ ཏྭེཝ ཨསེསཝིརཱགནིརོདྷོ སངྑཱརནིརོདྷོ (པེཡྻཱལ) ཛཱཏིནིརོདྷཱ ཛརཱམརཎཾ སོཀཔརིདེཝདུཀྑདོམནསྶུཔཱཡཱསཱ ནིརུཛ྄ཛྷནྟི, ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏི –

ཝིབྷངྒསུཏྟ

པུཙྪཱ – ཏཏྠཱཝུསོ ¶ དུཏིཡཾ སཾགཱིཏཾ ཝིབྷངྒསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ པཉྩསཏེ ཛནཔདཝཱསིནོ ཝིཔཉྩིཏཉྙུནོ བྷིཀྑཱུ ཨཱརབྦྷ བྷཱསིཏཾ. པཉྩསཏཱ བྷནྟེ ཛནཔདཝཱསིཀཱ བྷིཀྑཱུ ཝིཔཉྩིཏཉྙུནོ དྷུཏངྒདྷརཱ ཨཱརདྡྷཝཱིརིཡཱ ཡུཏྟཡོགཱ ཝིསྶཀཱ སཎྷཾ སུཁུམཾ སུཉྙཏཔཊིསཾཡུཏྟཾ པཙྩཡཱཀཱརདྷམྨདེསནཾ པཏྠཡམཱནཱ བྷགཝནྟཾ པརིཝཱརེཏྭཱ ནིསཱིདིཾསུ. ཏསྨིཾ ཝཏྠུསྨིཾ ‘‘པཊིཙྩ སམུཔྤཱདཾ ཝོ བྷིཀྑཝེ དེདེསྶཱམི ཝིབྷཛིསྶཱམི, ཏཾ སུཎཱཐ སཱདྷུཀཾ མནསིཀརོཐ, བྷཱསིསྶཱམཱི’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

པཉྩཝེརབྷཡསུཏྟ

པུཙྪཱ – པཉྩཝེརབྷཡསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨནཱཐཔིཎྜིཀཾ གཧཔཏིཾ ཨཱརབྦྷ ‘‘ཡཏོ ཁོ གཧཔཏི ཨརིཡསཱཝཀསྶ པཉྩ བྷཡཱནི ཝེརཱནི ཝཱུཔསནྟཱནི ཧོནྟི, ཙཏཱུཧི ཙ སོཏཱཔཏྟིཡངྒེཧི སམནྣཱགཏོ ཧོཏི, ཨརིཡོ ཙསྶ ཉཱཡོ པཉྙཱཡ སུདིཊྛོ ཧོཏི སུཔྤཊིཝིདྡྷོ, སོ ཨཱཀངྑམཱནོ ཨཏྟནཱཝ ཨཏྟཱནཾ བྱཱཀརེཡྻ ཁཱིཎནིརཡོམི ཁཱིཎཏིརཙྪཱནཡོནི ཁཱིཎཔེཏྟིཝིསཡོ ཁཱིཎཱཔཱཡདུགྒཏིཝིནིཔཱཏོ, སོཏཱཔནྣོཧམསྨི ཨཝིནིཔཱཏདྷམྨོ ནིཡཏོ སམྦོདྷིཔརཱཡནོ’’ཏི ཨེཝཾ ཁོ བྷནྟེ བྷགཝཏཱ བྷཱསིཏཾ.

པུཙྪཱ – ཀཐཉྩཱཝུསོཏཏྠ ¶ བྷགཝཏཱ ཨརིཡསཱཝཀསྶ པཉྩནྣཾ བྷཡཱནཾ ཝེརཱནཾ ཝཱུཔསནྟཏཱ པཀཱསིཏཱ.

ཝིསྶཛྫནཱ – ‘‘ཀཏམཱནི ¶ པཉྩ བྷཡཱནི ཝེརཱནི ཝཱུཔསནྟཱནི ཧོནྟི. ཡཾ གཧཔཏི པཱཎཱཏིཔཱཏཱི པཱཎཱཏིཔཱཏཔཙྩཡཱ དིཊྛདྷམྨིཀམྤི བྷཡཾ ཝེརཾ པསཝཏི, སམྤརཱཡིཀམྤི བྷཡཾ ཝེརཾ པསཝཏི, ཙེཏསིཀམྤི དུཀྑཾ དོམནསྶཾ པཊིསཾཝེདཡཏི. པཱཎཱཏིཔཱཏཱ ཊིཝིརཏསྶ ཨེཝཾ ཏཾ བྷཡཾ ཝེརཾ ཝཱུཔསནྟཾ ཧོཏཱི’’ཏི ཨེཝམཱདིནཱ བྷནྟེ ཏཏྠ བྷགཝཏཱ ཨརིཡསཱཝཀསྶ པཉྩནྣཾ བྷཡཱནཾ ཝེརཱནཾ ཝཱུཔསནྟཏཱ པཀཱསིཏཱ.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ ཨརིཡསཱཝཀསྶ ཙཏཱུཧི སོཏཱཔཏྟིཡངྒེཧི སམནྣཱགཏཏཱ པཀཱསིཏཱ.

ཝིསྶཛྫནཱ – ཀཏམེཧི ཙཏཱུཧི སོཏཱཔཏྟིཡངྒེཧི སམནྣཱགཏོ ཧོཏི. ཨིདྷ གཧཔཏི ཨརིཡསཱཝཀོ བུདྡྷེ ཨཝེཙྩཔྤསཱདེན སམནྣཱགཏོ ཧོཏི ‘‘ཨིཏིཔིསོ བྷགཝཱ ཨརཧཾ སམྨཱསམྦུདྡྷོ ཝིཛྫཱཙརཎསམྤནྣོ སུགཏོ ལོཀཝིདཱུ ཨནུཏྟརོཔུརིསདམྨསཱརཐི སཏྠཱདེཝམནུསྶཱནཾ བུདྡྷོ བྷགཝཱ’’ཏི ཨེཝམཱདིནཱ བྷནྟེ ཏཏྠ བྷགཝཏཱ ཨརིཡསཱཝཀསྶ ཙཏཱུཧི སོཏཱཔཏྟིཡངྒེཧི སམནྣཱགཏཏཱ པཀཱསིཏཱ.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ ཨརིཡསཱཝཀེན ཨརིཡསྶ ཉཱཡསྶ པཉྙཱཡ སུདིཊྛཏཱ སུཔྤཊིཝིདྡྷཏཱ པཀཱསིཏཱ.

ཝིསྶཛྫནཱ – ཀཏམོ ཙསྶ ཨརིཡོ ཉཱཡོ པཉྙཱཡ སུདིཊྛོ ཧོཏི སུཔྤཊིཝིདྡྷོ. ཨིདྷ གཧཔཏི ཨརིཡསཱཝཀོ པཊིཙྩསམུཔྤཱདཉྙེཝ སཱདྷུཀཾ ཡོནིསོ མནསི ཀརོཏི ‘‘ཨིཏི ཨིམསྨིཾ སཏི ཨིདཾ ཧོཏི, ཨིམསྨིཾ ཨསཏི ཨིདཾ ན ཧོཏི, ཨིམསྶུཔྤཱདཱ ཨིདཾ ཨུཔྤཛྫཏི, ཨིམསྶ ནིརོདྷཱ ཨིདཾ ནིརུཛ྄ཛྷཏི, ཡདིདཾ ཨཝིཛྫཱཔཙྩཡཱ (པེཡྻཱལ) ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱི’’ཏི, ཨེཝཾ ཁོ བྷནྟེ བྷགཝཏཱ ཏཏྠ ཨརིཡསཱཝཀེན ཨརིཡསྶ ཉཱཡསྶ པཉྙཱཡ སུདིཊྛཏཱ སུཔྤཊིཝིདྡྷཏཱ པཀཱསིཏཱ.

ཡཏོ ¶ ཁོ གཧཔཏི ཨརིཡསཱཝཀསྶ ཨིམཱནི པཉྩ བྷཡཱནི ཝེརཱནི ཝཱུཔསནྟཱནི ཧོནྟི. ཨིམེཧི ཙཏཱུཧི སོཏཱཔཏྟིཡངྒེཧི སམནྣཱགཏོ ཧོཏི. ཨཡཉྩསྶ ཨརིཡོ ཉཱཡོ པཉྙཱཡ སུདིཊྛོ ཧོཏི སུཔྤཊིཝིདྡྷོ–

དུཀྑསུཏྟ

པུཙྪཱ – དུཀྑསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ ‘‘དུཀྑསྶ བྷིཀྑཝེ སམུདཡཉྩ ཨཏྠངྒམཉྩ དེསེསྶཱམཱི’’ཏི ཨེཝམཱདིནཱ བྷགཝཏཱ བྷཱསིཏཾ.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ དུཀྑསམུདཡོ པཀཱསིཏོ.

ཝིསྶཛྫནཱ – ཀཏམོ ཙ བྷིཀྑཝེ དུཀྑསྶ སམུདཡོ. ཙཀྑུཉྩ པཊིཙྩ རཱུཔེ ཙ ཨུཔྤཛྫཏི ཙཀྑུཝིཉྙཱཎཾ, ཏིཎྞཾ སངྒཏི ཕསྶོ, ཕསྶཔཙྩཡཱ ཝེདནཱ, ཝེདནཱཔཙྩཡཱ ཏཎྷཱ. ཨཡཾ ཁོ བྷིཀྑཝེ དུཀྑསྶ སམུདཡོ. སོཏཉྩ པཊིཙྩ སདྡེ ཙ ཨུཔྤཛྫཏི སོཏཝིཉྙཱཎཾ…པེ… གྷཱནཉྩ པཊིཙྩ གནྡྷེ ཙ…པེ… ཛིཝ྄ཧཉྩ པཊིཙྩ རསེ ཙ…པེ… ཀཱཡཉྩ པཊིཙྩ ཕོཊྛབྦེ ཙ…པེ… མནཉྩ པཊིཙྩ དྷམྨེ ཙ ཨུཔྤཛྫཏི མནོཝིཉྙཱཎཾ, ཏིཎྞཾ སངྒཏི ཕསྶོ, ཕསྶཔཙྩཡཱ ཝེདནཱ, ཝེདནཱཔཙྩཡཱ ཏཎྷཱ. ཨཡཾ ཁོ བྷིཀྑཝེ དུཀྑསྶ སམུདཡོཏི ཨེཝཾཁོ བྷནྟེ ཏཏྠ བྷགཝཏཱ དུཀྑསྶ སམུདཡོ པཀཱསིཏོ.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ དུཀྑསྶ ཨཏྠངྒམོ པཀཱསིཏོ.

ཝིསྶཛྫནཱ – ཀཏམོ ཙ བྷིཀྑཝེ དུཀྑསྶ ཨཏྠངྒམོ. ཙཀྑུཉྩ པཊིཙྩ རཱུཔེ ཙ ཨུཔྤཛྫཏི ཙཀྑུཝིཉྙཱཎཾ, ཏིཎྞཾ སངྒཏི ཕསྶོ, ཕསྶཔཙྩཡཱ ཝེདནཱ, ཝེདནཱཔཙྩཡཱ ཏཎྷཱ, ཏསྶཱཡེཝ ཏཎྷཱཡ ཨསེསཝིརཱགནིརོདྷཱ ཨུཔཱདཱནནིརོདྷོ ཨུཔཱདཱནནིརོདྷཱ བྷཝནིརོདྷོ, བྷཝནིརོདྷཱ ཛཱཏིནིརོདྷོ, ཛཱཏིནིརོདྷཱ ཛརཱམརཎཾ སོཀཔརིདེཝདུཀྑདོམནསྶུཔཱཡཱསཱ ནིརུཛ྄ཛྷནྟི. ཨེཝམེཏསྶ ཀེཝལསྶ དུཀྑཀྑནྡྷསྶ ནིརོདྷོ ཧོཏཱིཏི ཨེཝམཱདིནཱ བྷནྟེ ཏཏྠ བྷགཝཏཱ དུཀྑསྶ ཨཏྠངྒམོ པཀཱསིཏོ.

པུཏྟམཾསཱུཔམསུཏྟ

པུཙྪཱ – པུཏྟམཾསཱུཔམསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ ཨདྷུནཱ པབྦཛིཏེ བྷིཀྑཱུ ཨཱརབྦྷ བྷཱསིཏཾ. བྷགཝཏོ ཙ བྷནྟེ བྷིཀྑུསངྒྷསྶ ཙ མཧཱལཱབྷསཀྐཱརོ ཨུདཔཱདི, ཨེཀཙྩེ ཙ བྷནྟེ བྷིཀྑཱུ ནཝཱ ཨཙིརཔབྦཛིཏཱ ཀུལཔུཏྟཱ ཨཱཧཱརཾ ཨཔཙྩཝེཀྑིཏྭཱ པརིབྷུཉྫིཾསུ. ཏསྨིཾ བྷནྟེ ཝཏྠུསྨིཾ ‘‘ཙཏྟཱརོམེ བྷིཀྑཝེ ཨཱཧཱརཱ བྷཱུཏཱནཾ ཝཱ སཏྟཱནཾ ཋིཏིཡཱ སམྦྷཝེསཱིནཾ ཝཱ ཨནུགྒཧཱཡ. ཀཏམེ ཙཏྟཱརོ ཀབལཱི༹ཀཱརོ ཨཱཧཱརོ ཨོལཱ༹རིཀོ ཝཱ སུཁུམོ ཝཱ ཕསྶོ དུཏིཡོ མནོསཉྩེཏནཱ ཏཏིཡཱ ཝིཉྙཱཎཾ ཙཏུཏྠ’’ནྟི ཨེཝཾ ཁོ བྷནྟེ བྷགཝཏཱ བྷཱསིཏཾ.

པུཙྪཱ – ཀཐཉྩཱཝུསོ ¶ ཏཏྠ ཀབལཱི༹ཀཱརསྶ ཨཱཧཱརསྶ དཊྛབྦཱཀཱརོ བྷགཝཏཱ པཀཱསིཏོ.

ཝིསྶཛྫནཱ – སེཡྻཐཱཔི བྷིཀྑཝེ དྭེ ཛཱཡམྤཏིཀཱ པརིཏྟཾ སམྦལཾ ཨཱདཱཡ ཀནྟཱརམགྒཾ པཊིཔཛྫེཡྻུཾ. ཏེསམསྶ ཨེཀཔུཏྟཀོ པིཡོ མནཱཔོཏི ཨེཝམཱདིནཱ བྷནྟེ ཏཏྠ བྷགཝཏཱ ¶ ཀབལཱི༹ཀཱརསྶ ཨཱཧཱརསྶ དཊྛབྦཱཀཱརོ པཀཱསིཏོ.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ ཕསྶཱཧཱརསྶ དཊྛབྦཱཀཱརོ པཀཱསིཏོ.

ཝིསྶཛྫནཱ – སེཡྻཐཱཔི བྷིཀྑཝེ གཱཝཱི ནིཙྩམྨཱ ཀུཊྚཾ ཙེ ནིསྶཱཡ ཏིཊྛེཡྻ, ཡེ ཀུཊྚནིསྶིཏཱ པཱཎཱ, ཏེ ནཾ ཁཱདེཡྻུཾ. རུཀྑཾ ཙེ ནིསྶཱཡ ཏིཊྛེཡྻ. ཨུདཀཾ ཙེ ནིསྶཱཡ ཏིཊྛེཡྻ. ཨཱཀཱསཾ ཙེ ནིསྶཱཡ ཏིཊྛེཡྻ, ཡེ ཨཱཀཱསནིསྶིཏཱ པཱཎཱ, ཏེ ནཾ ཁཱདེཡྻུནྟི ཨེཝམཱདིནཱ བྷནྟེ ཏཏྠ བྷགཝཏཱ ཕསྶསྶ ཨཱཧཱརསྶ དཊྛབྦཱཀཱརོ ཝིཏྠཱརེཏྭཱ པཀཱསིཏོ.

ཨེཝམེཝ ¶ ཁྭཱཧཾ བྷིཀྑཝེ ཕསྶཱཧཱརོ དཊྛབྦོཏི ཝདཱམི.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ མནོསཉྩེཏནཱཧཱརསྶ དཊྛབྦཱཀཱརོ པཀཱསིཏོ.

ཝིསྶཛྫནཱ – སེཡྻཐཱཔི བྷིཀྑཝེ ཨངྒཱརཀཱསུ སཱདྷིཀཔོརིསཱ པུཎྞཱ ཨངྒཱརཱནཾ ཝཱིཏཙྩིཀཱནཾ ཝཱིཏདྷཱུམཱནཾ. ཨཐ པུརིསོ ཨཱགཙྪེཡྻ ཛཱིཝིཏུཀཱམོ ཨམརིཏུཀཱམོ སུཁ ཀཱམོ དུཀྑཔྤཊིཀཱུལོཏི ཨེཝམཱདིནཱ བྷནྟེ ཏཏྠ བྷགཝཏཱ མནོསཉྩེཏནཱཧཱརསྶ དཊྛབྦཱཀཱརོ ཝིཏྠཱརེན པཀཱསིཏོ.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ ཝིཉྙཱཎཱཧཱརསྶ དཊྛབྦཱཀཱརོ པཀཱསིཏོ.

ཝིསྶཛྫནཱ – སེཡྻཐཱཔི བྷིཀྑཝེ ཙོརཾ ཨཱགུཙཱརིཾ གཧེཏྭཱ རཉྙོ དསྶེཡྻུཾ ‘‘ཨཡཾ ཏེ དེཝཙོརོ ཨཱགུཙཱརཱི, ཨིམསྶ ཡཾ ཨིཙྪསི, ཏཾ དཎྜཾ པཎེཧཱི’’ཏི ཨེཝམཱདིནཱ བྷནྟེ ཏཏྠ བྷགཝཏཱ ཝིཉྙཱཎཱཧཱརསྶ དཊྛབྦཱཀཱརོ པཀཱསིཏོ.

སུསིམཔརིབྦཱཛཀསུཏྟ

པུཙྪཱ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན སུསིམཔརིབྦཱཛཀ སུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – རཱཛགཧེ བྷནྟེ ཨཱཡསྨནྟཾ སུསིམཾ ཨཱརབྦྷ བྷཱསིཏཾ. ཨཱཡསྨཱ བྷནྟེ སུསིམོ ཡཱཝཏཀོ བྷིཀྑཱུཧི སདྡྷིཾ ཨཧོསི ཀཐཱསལླཱཔོ, ཏཾ སབྦཾ བྷགཝཏོ ཨཱརོཙེསི. ཏསྨིཾ ཝཏྠུསྨིཾ ‘‘པུབྦེ ཁོ སུསིམ དྷམྨཊྛིཏིཉཱཎཾ, པཙྪཱ ནིབྦཱནེ ཉཱཎ’’ནྟི ཨེཝམཱདིནཱ བྷནྟེ བྷགཝཏཱ བྷཱསིཏཾ.

པུཙྪཱ – ཀཐཉྩཱཝུསོ ¶ ཏཏྠ བྷགཝཱ ཨཱཡསྨཏོ སུསིམཏྠེརསྶ སམྤཏིཨརཧཏྟཔཏྟསྶ ཨནུཡོགཝསེན པཊིཔུཙྪིཏྭཱ པཊིཔུཙྪིཏྭཱ ཨུཏྟརི དྷམྨདེསནཾ ཝིཏྠཱརེཏྭཱ དེསེསི.

ཝིསྶཛྫནཱ – ཛཱཏིཔཙྩཡཱ ཛརཱམརཎནྟི སུསིམ པསྶསཱིཏི. ཨེཝཾ བྷནྟེ. བྷཝཔཙྩཡཱ ཛཱཏཱིཏི སུསིམ པསྶསཱིཏི. ཨེཝཾ བྷནྟེཏི ཨེཝམཱདིནཱ བྷནྟེ བྷགཝཱ ཏཏྠ ཨཱཡསྨཏོ སུསིམསྶ སམྤཏིཨརཧཏྟཔཏྟསྶ ཨུཏྟརིཔི ཨནུཡོགཝསེན པཊིཔུཙྪིཏྭཱ པཊིཔུཙྪིཏྭཱ ཝིཏྠཱརཏོ དྷམྨཾ དེསེསི.

ཏསྶ ¶ མེ བྷནྟེ བྷགཝཱ ཨཙྩཡཾ ཨཙྩཡཏོ པཊིགྒཎྷཱཏུ ཨཱཡཏིཾསཾཝརཱཡ–

ཨབྷིསམཡསཾཡུཏྟ

ནཁསིཁཱསུཏྟ

པུཙྪཱ – ཨབྷིསམཡསཾཡུཏྟེ ¶ པནཱཝུསོ པཋམཾ སཾགཱིཏཾ ནཁསིཁཱསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ ‘‘ཏཾ ཀིཾ མཉྙཐ བྷིཀྑཝེ, ཀཏམཾ ནུ ཁོ བཧུཏརཾ, ཡོ ཝཱཡཾ མཡཱ པརིཏྟོ ནཁསིཁཱཡཾ པཾསུཨཱརོཔིཏོ, ཨཡཾ ཝཱ མཧཱཔཐཝཱི’’ཏི ཨེཝམཱདིནཱ བྷགཝཏཱ བྷཱསིཏཾ.

དྷཱཏུསཾཡུཏྟ

ཙངྐམསུཏྟ

པུཙྪཱ – དྷཱཏུསཾཡུཏྟེ ¶ པནཱཝུསོ ཙངྐམསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – རཱཛགཧེ བྷནྟེ སམྦཧུལེ བྷིཀྑཱུ ཨཱརབྦྷ ‘‘དྷཱཏུསོཝ བྷིཀྑཝེ སཏྟཱ སཾསནྡནྟི སམེནྟི, ཧཱིནཱདྷིམུཏྟིཀཱ ཧཱིནཱདྷིམུཏྟིཀེཧི སདྡྷིཾ སཾསནྡནྟི སམེནྟི, ཀལྱཱཎཱདྷིམུཏྟིཀཱ ཀལྱཱཎཱདྷིམུཏྟིཀེཧི སདྡྷིཾ སཾསནྡནྟི སམེནྟཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཨསྶདྡྷསཾསནྡནསུཏྟ

པུཙྪཱ – ཨསྶདྡྷསཾསནྡནསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ ‘‘དྷཱཏུསོཝ བྷིཀྑཝེ སཏྟཱ སཾསནྡནྟི སམེནྟི, ཨསྶདྡྷཱ ཨསྶདྡྷེཧི སདྡྷིཾ སཾསནྡནྟི སམེནྟི, ཨཧིརིཀཱ ཨཧིརིཀེཧི སདྡྷིཾ སཾསནྡནྟི སམེནྟི, ཨནོཏྟཔྤིནོ. ཨཔྤསྶུཏཱ. ཀུསཱིཏཱ. མུཊྛསྶཏིནོ. དུཔྤཉྙཱ དུཔྤཉྙེཧི སདྡྷིཾ སཾསནྡནྟི སམེནྟཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཨནམཏགྒསཾཡུཏྟ

པཐཝཱིསུཏྟ

པུཙྪཱ – ཨནམཏགྒསཾཡུཏྟེ ¶ ཨཱཝུསོ དུཏིཡཾ སཾགཱིཏཾ པཐཝཱིསུཏྟཾ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ ‘‘ཨནམཏགྒོཡཾ བྷིཀྑཝེ སཾསཱརོ, པུབྦཱ ཀོཊི ན པཉྙཱཡཏི ཨཝིཛྫཱནཱིཝརཎཱནཾ སཏྟཱནཾ ཏཎྷཱསཾཡོཛནཱནཾ སནྡྷཱཝཏཾ སཾསརཏཾ. སེཡྻཐཱཔི བྷིཀྑཝེ པུརིསོ ཨིམཾ མཧཱཔཐཝིཾ ཀོལཊྛིམཏྟཾ ཀོལཊྛིམཏྟཾ མཏྟིཀཱགུལི༹ཀཾ ཀརིཏྭཱ ནིཀྑིཔེཡྻ ‘ཨཡཾ མེ པིཡཱ, ཏསྶ མེ པིཏུ ཨཡཾ པིཏཱ’ཏི. ཨཔརིཡཱདིནྣཱཝ བྷིཀྑཝེ ཏསྶ པུརིསསྶ པིཏུཔིཏརོ ཨསྶུ. ཨཐཱཡཾ མཧཱཔཐཝཱི པརིཀྑཡཾ པརིཡཱདཱནཾ གཙྪེཡྻ. ཏཾ ཀིསྶཧེཏུ, ཨནམཏགྒོཡཾ བྷིཀྑཝེ སཾསཱརོ, པུབྦཱ ཀོཊི ན པཉྙཱཡཏི ཨཝིཛྫཱནཱིཝརཎཱནཾ སཏྟཱནཾ ཏཎྷཱ སཾཡོཛནཱནཾ སནྡྷཱཝཏཾ སཾསརཏཾ’’ ཨེཝམཱདིནཱ བྷགཝཏཱ བྷཱསིཏཾ.

ཨེཝཾ ¶ དཱིགྷརཏྟཾ ཝོ བྷིཀྑཝེ དུཀྑཾ པཙྩནུབྷཱུཏཾ ཏིབྦཾ པཙྩནུབྷཱུཏཾ བྱསནཾ པཙྩནུབྷཱུཏཾ ཀཊསཱི ཝཌྜྷིཏཱ.

ཨལམེཝ ¶ སབྦསངྑཱརེསུ ནིབྦིནྡིཏུཾ,

ཨལཾ ཝིརཛྫིཏུཾ, ཨལཾ ཝིམུཙྩིཏུཾ,

ཨསྶུསུཏྟ

པུཙྪཱ – ཏཏྠཱཝུསོ ཏཏིཡཾ སཾགཱིཏཾ ཨསྶུསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེཡེཝ བྷིཀྑཱུ ཨཱརབྦྷ ‘‘ཏཾ ཀིཾ མཉྙཐ བྷིཀྑཝེ, ཀཏམཾ ནུ ཁོ བཧུཏརཾ, ཡཾ ཝཱ ཝོ ཨིམིནཱ དཱིགྷེན ཨདྡྷུནཱ སནྡྷཱཝཏཾ སཾསརཏཾ ཨམནཱཔསམྤཡོགཱ མནཱཔཝིཔྤཡོགཱ ཀནྡནྟཱནཾ རོདནྟཱནཾ ཨསྶུ པསྶནྣཾ པགྒྷརིཏཾ, ཡཾ ཝཱ ཙཏཱུསུ མཧཱསམུདྡེསུ ཨུདཀ’’ནྟི ཨེཝམཱདིནཱ བྷགཝཏཱ བྷཱསིཏཾ.

སཱསཔསུཏྟ

པུཙྪཱ – ཏཏྠཱཝུསོ ¶ ཚཊྛཾ སཾགཱིཏཾ སཱསཔསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཉྙཏརཾ བྷིཀྑུཾ ཨཱརབྦྷ བྷཱསིཏཾ. ཨཉྙཏརོ བྷནྟེ བྷིཀྑུ བྷགཝནྟཾ ཨེཏདཝོཙ ‘‘ཀཱིཝདཱིགྷོ ནུ ཁོ བྷནྟེ ཀཔྤོ’’ཏི. ཏསྨིཾ བྷནྟེ ཝཏྠུསྨིཾ ‘‘དཱིགྷོ ཁོ བྷིཀྑུ ཀཔྤོ, སོ ན སུཀརོ སངྑཱཏུཾ ཨེཏྟཀཱནི ཝསྶཱནི ཨིཏིཝཱ, (པེཡྻཱལ) ཨེཏྟཀཱནི ཝསྶསཏསཧསྶཱནི ཨིཏིཝཱཏི ཨེཝམཱདིནཱ བྷགཝཏཱ བྷཱསིཏཾ.

གངྒཱསུཏྟ

པུཙྪཱ – ཏེནཱཝུསོ…པེ… ¶ སམྨཱསམྦུདྡྷེན ཨནམཏགྒསཾཡུཏྟེ གངྒཱསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – རཱཛགཧེ བྷནྟེ ཨཉྙཏརཾ བྲཱཧྨཎཾ ཨཱརབྦྷ བྷཱསིཏཾ. ཨཉྙཏརོ བྷནྟེ བྲཱཧྨཎོ བྷགཝནྟཾ ཨེཏདཝོཙ ‘‘ཀཱིཝ-

བཧུཀཱ ¶ ནུ ཁོ བྷོ གོཏམ ཀཔྤཱ ཨབྦྷཏཱིཏཱ ཨཏིཀྐནྟཱ’’ཏི. ཏསྨིཾ བྷནྟེ ཝཏྠུསྨིཾ ‘‘བཧུཀཱ ཁོ བྲཱཧྨཎ ཀཔྤཱ ཨབྦྷཏཱིཏཱ ཨཏིཀྐནྟཱ, ཏེ ན སུཀརཱ སངྑཱཏུཾ ‘ཨེཏྟཀཱ ཀཔྤཱ’ ཨིཏི ཝཱ ‘ཨེཏྟཀཱནི ཀཔྤསཏཱནི’ ཨིཏི ཝཱ ‘ཨེཏྟཀཱནི ཀཔྤསཧསྶཱནི’ ཨིཏིཝཱ ‘ཨེཏྟཀཱནི ཀཔྤསཏསཧསྶཱནི’ ཨིཏི ཝཱ’’ཏི ཨེཝ མཱདིནཱ བྷགཝཏཱ བྷཱསིཏཾ.

པུགྒལསུཏྟ

པུཙྪཱ – པུགྒལསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – རཱཛགཧེ བྷནྟེ སམྦཧུལེ བྷིཀྑཱུ ཨཱརབྦྷ ‘‘ཨནམཏགྒོཡཾ བྷིཀྑཝེ སཾསཱརོ, པུབྦཱཀོཊི ན པཉྙཱཡཏི ཨཝིཛྫཱ ནཱིཝརཎཱནཾ སཏྟཱནཾ ཏཎྷཱསཾཡོཛནཱནཾ སནྡྷཱཝཏཾ སཾསརཏཾ. ཨེཀཔུགྒལསྶ བྷིཀྑཝེ ཀཔྤཾ སནྡྷཱཝཏོ སཾསརཏོ སིཡཱ ཨེཝཾ མཧཱ ཨཊྛིཀངྐལོ ཨཊྛིཔུཉྫོ ཨཊྛིརཱསི, ཡཐཱ ཡཾ ཝེཔུལློ པབྦཏོ. སཙེ སཾཧཱརཀོ ཨསྶ, སམྦྷཏཉྩ ན ཝིནསྶེཏྱཱ’’ཏི ཨེཝམཱདིནཱ བྷགཝཏཱ བྷཱསིཏཾ.

དུགྒཏསུཏྟ, སུཁིཏསུཏྟ

པུཙྪཱ – ཏཏྠཱཝུསོ ¶ དུགྒཏསུཏྟཉྩ སུཁིཏསུཏྟཉྩ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ ‘‘ཨནམཏགྒོཡཾ བྷིཀྑཝེ སཾསཱརོ, པུབྦཱ ཀོཊི ན པཉྙཱཡཏི ཨཝིཛྫཱནཱིཝརཎཱནཾ སཏྟཱནཾ ཏཎྷཱསཾཡོཛནཱནཾ སནྡྷཱཝཏཾ སཾསརཏཾ. ཡཾ བྷིཀྑཝེ པསྶེཡྻཱཐ དུགྒཏཾ དུརཱུཔེཏཾ, ནིཊྛམེཏྠ གནྟབྦཾ ‘ཨམྷེཧིཔི ཨེཝརཱུཔཾ པཙྩནུབྷཱུཏཾ ཨིམིནཱ དཱིགྷེན ཨདྡྷུནཱ’ཏི, ཡཾ བྷིཀྑཝེ པསྶེཡྻཱཐ སུཁིཏཾ སུསཛྫིཏཾ,

ནིཊྛམེཏྠ ¶ གནྟབྦཾ, ‘‘ཨམྷེཧིཔི པཙྩནུབྷཱུཏཾ ཨིམིནཱ དཱིགྷེན ཨདྡྷུནཱ’’ཏི ཨེཝམཱདིནཱ བྷགཝཏཱ བྷཱསིཏཾ.

ཏིཾསམཏྟསུཏྟ

པུཙྪཱ – ཏིཾསམཏྟསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – རཱཛགཧེ བྷནྟེ ཏིཾསམཏྟེ པཱཝེཡྻཀེ བྷིཀྑཱུ ཨཱརབྦྷ ‘‘ཨནམཏགྒོཡཾ བྷིཀྑཝེ སཾསཱརོ, པུབྦཱཀོཊི ན པཉྙཱཡཏི ཨཝིཛྫཱནཱིཝརཎཱནཾ སཏྟཱནཾ ཏཎྷཱསཾཡོཛནཱནཾ སནྡྷཱཝཏཾ སཾསརཏཾ. ཏཾ ཀིཾ མཉྙཐ བྷིཀྑཝེ, ཀཏམཾ ནུ ཁོ བཧུཏརཾ, ཡཾ ཝཱ ཝོ ཨིམིནཱ དཱིགྷེན ཨདྡྷུནཱ སནྡྷཱཝཏཾ སཾསརཏཾ སཱིསཙྪིནྣཱནཾ ལོཧིཏཾ པསྶནྣཾ པགྒྷརིཏཾ, ཡཾ ཝཱ ཙཏཱུསུ མཧཱསམུདྡེསུ ཨུདཀ’’ནྟི ཨེཝམཱདིནཱ བྷཝགཏཱ བྷཱསིཏཾ.

མཱཏུསུཏྟ

པུཙྪཱ – མཱཏུསུཏྟཱདཱིནི ¶ པནཱཝུསོ ཚསུཏྟཱནི བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ ‘‘ཨནམཏགྒོཡཾ བྷིཀྑཝེ སཾསཱརོ, པུབྦཱ ཀོཊི ན པཉྙཱཡཏི ཨཝིཛྫཱནཱིཝརཎཱནཾ སཏྟཱནཾ ཏཎྷཱསཾཡོཛནཱནཾ སནྡྷཱཝཏཾ སཾསརཏཾ. ན སོ བྷིཀྑཝེ སཏྟོ སུལབྷརཱུཔོ, ཡོ ན མཱཏཱབྷཱུཏཔུབྦོ ཨིམིནཱ དཱིགྷེན ཨདྡྷུནཱ. ཡོ ན པིཏཱབྷཱུཏཔུབྦོ. ཡོ ན བྷཱཏཱབྷཱུཏཔུབྦོ. ཡོ ན བྷགིནིབྷཱུཏཔུབྦོ. ཡོ ན པུཏྟབྷཱུཏཔུབྦོ. ཡོ ན དྷཱིཏཱབྷཱུཏཔུབྦོ ¶ ཨིམིནཱ དཱིགྷེན ཨདྡྷུནཱ’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

ཀསྶཔསཾཡུཏྟ

ཙནྡཱུཔམསུཏྟ

པུཙྪཱ – ཀསྶཔསཾཡུཏྟེ ¶ པནཱཝུསོ ཙནྡཱུཔམསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ ‘‘ཙནྡཱུཔམཱ བྷིཀྑཝེ ཀུལཱནི ཨུཔསངྐམཐ ཨཔཀསྶེཝ ཀཱཡཾ ཨཔཀསྶ ཙིཏྟཾ ནིཙྩནཝཀཱ ཀུལེསུ ཨཔྤགབྦྷཱ. སེཡྻཐཱཔི བྷིཀྑཝེ པུརིསོ ཛརུདཔཱནཾ ཝཱ ཨོལོཀེཡྻ པབྦཏཝིསམཾ ཝཱ ནདཱིཝིདུགྒཾ ཝཱ ཨཔཀསྶེཝ ཀཱཡཾ ཨཔཀསྶ ཙིཏྟཾ. ཨེཝམེཝ ཁོ བྷིཀྑཝེ ཙནྡཱུཔམཱ ཀུལཱནི ཨུཔསངྐམཐ ཨཔཀསྶེཝ ཀཱཡཾ ཨཔཀསྶ ཙིཏྟཾ ནིཙྩནཝཀཱ ཀུལེསུ ཨཔྤགབྦྷཱ’’ཏི ཨེཝམཱདིནཱ བྷགཝཏཱ བྷཱསིཏཾ.

ཏཾ ¶ ཀིཾ མཉྙཐ བྷིཀྑཝེ, ཀཐཾ རཱུཔཱ བྷིཀྑུ ཨརཧཏི ཀུལཱནི ཨུཔསངྐམིཏུཾ.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ པརིསུདྡྷཱཔརིསུདྡྷ དྷམྨདེསནཾ དསྶེཏྭཱ བྷིཀྑཱུནཾ ཨོཝཱདོ དིནྣོ.

ཝིསྶཛྫནཱ – ‘‘ཏཾ ཀིཾ མཉྙཐ བྷིཀྑཝེ, ཀཐཾ རཱུཔསྶ བྷིཀྑུནོ ཨཔརིསུདྡྷཱ དྷམྨདེསནཱ ཧོཏི, ཀཐཾ རཱུཔསྶ བྷིཀྑུནོ པརིསུདྡྷཱ དྷམྨདེསནཱ ¶ ཧོཏཱི’’ཏི ཨེཝམཱདིནཱ པརིསུདྡྷཱཔརིསུདྡྷདྷམྨདེསནཱ ཝིཏྠཱརཏོ དསྶེཏྭཱ ‘‘ཀསྶཔེན ཝཱ ཧི ཝོ བྷིཀྑཝེ ཨོཝདིསྶཱམི ཡོ ཝཱ པནསྶ ཀསྶཔསདིསོ, ཨོཝདིཏེཧི ཙ པན ཝོ ཏཐཏྟཱཡ པཊིཔཛྫིཏབྦ’’ནྟི. ཨེཝཾ ཁོ བྷནྟེ བྷགཝཏོ བྷིཀྑཱུནཾ ཨོཝཱདོ དིནྣོ.

ཡོ ¶ ཧི ཀོཙི བྷིཀྑཝེ བྷིཀྑུ ཨེཝཾཙིཏྟོ པརེསཾ དྷམྨཾ དེསེཏི ‘‘ཨཧོ ཝཏ མེ དྷམྨཾ སུཎེཡྻུཾ, སུཏྭཱ ཙ པན དྷམྨཾ པསཱིདེཡྻུཾ, པསནྣཱ ཙ མེ པསནྣཱཀཱརཾ ཀརེཡྻུཾ–

སྭཱཀྑཱཏོ བྷགཝཏཱ དྷམྨོ སནྡིཊྛིཀོ ཨཀཱལིཀོ ཨེཧི པསྶིཀོ ཨོཔནེཡྻིཀོ པཙྩཏྟཾ ཝེདིཏབྦོ ཝིཉྙཱུཧི–

ཀསྶཔེན ¶ ཝཱ ཧི ཝོ བྷིཀྑཝེ ཨོཝདིསྶཱམི ཡོ ཝཱ པནསྶ ཀསྶཔསདིསོ, ཨོཝདིཏེཧི ཙ པན ཝོ ཏཐཏྟཱཡ པཊིཔཛྫིཏབྦཾ–

ཀུལཱུཔཀསུཏྟ

པུཙྪཱ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན ཀསྶཔསཾཡུཏྟེ ཙཏུཏྠཾ ཀུལཱུཔཀསུཏྟཾ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ ‘‘ཏཾ ཀིཾ མཉྙཐ བྷིཀྑཝེ, ཀཐཾ རཱུཔོ བྷིཀྑུ ཨརཧཏི ཀུལཱུཔཀོ ཧོཏུཾ, ཀཐཾ རཱུཔོ བྷིཀྑུ ན ཨརཧཏི ཀུལཱུཔཀོ ཧོཏུ’’ནྟི ཨེཝམཱདིནཱ བྷགཝཏཱ བྷཱསིཏཾ.

ཀསྶཔེན ¶ ཝཱ ཧི ཝོ བྷིཀྑཝེ ཨོཝདིསྶཱམི ཡོ ཝཱ པནསྶ ཀསྶཔསདིསོ, ཨོཝདིཏེཧི ཙ པན ཝོ ཏཐཏྟཱཡ པཊིཔཛྫིཏབྦཾ.

དུཏིཡ ཨོཝཱདསུཏྟ

པུཙྪཱ – ཏཏྠེཝཱཝུསོ ¶ བྷགཝཏཱ དུཏིཡ ཨོཝཱདསུཏྟཾ ཀཏྠ ཀེན སདྡྷིཾ ཀཐཉྩ བྷཱསིཏཾ.

ཝིསྶཛྫནཱ – རཱཛགཧེ བྷནྟེ ཨཱཡསྨཏཱ མཧཱཀསྶཔེན སདྡྷིཾ ‘‘ཨོཝད ཀསྶཔ བྷིཀྑཱུ, ཀརོཧི ཀསྶཔ བྷིཀྑཱུནཾ དྷམྨིཾ ཀཐཾ, ཨཧཾ ཝཱ ཀསྶཔ བྷིཀྑཱུ ཨོཝདེཡྻཾ ཏྭཾ ཝཱ, ཨཧཾ ཝཱ བྷིཀྑཱུནཾ དྷམྨིཾ ཀཐཾ ཀརེཡྻཾ ཏྭཾ ཝཱ’’ཏི ཨེཝམཱདིནཱ བྷགཝཏཱ བྷཱསིཏཾ.

ཡསྶ ¶ ཀསྶཙི བྷནྟེ སདྡྷཱ ནཏྠི ཀུསལེསུ དྷམྨེསུ, ཧིརཱི ནཏྠི. ཨོཏྟཔྤཾ ནཏྠི. ཝཱིརིཡཾ ནཏྠི. པཉྙཱ ནཏྠི ཀུསལེསུ དྷམྨེསུ.

ཏཏིཡ ཨོཝཱདསུཏྟ

པུཙྪཱ – ཏཏྠེཝཱཝུསོ ¶ བྷགཝཏཱ ཏཏིཡཨོཝཱདསུཏྟཾ ཀཏྠ ཀེན སདྡྷིཾ ཀཐཉྩ བྷཱསིཏཾ.

ཝིསྶཛྫནཱ – རཱཛགཧེ བྷནྟེ ཨཱཡསྨཏཱཡེཝ མཧཱཀསྶཔེན སདྡྷིཾ ‘‘ཨོཝད ཀསྶཔ བྷིཀྑཱུ. ཀརོཧི ཀསྶཔ བྷིཀྑཱུནཾ དྷམྨིཾ ཀཐཾ, ཨཧཾ ཝཱ ཀསྶཔ བྷིཀྑཱུ ཨོཝདེཡྻཾ ཏྭཾ ཝཱ. ཨཧཾ ཝཱ བྷིཀྑཱུནཾ དྷམྨཾ ཀཐཾ ཀརེཡྻཾ ཏྭཾ ཝཱ’’ཏི ཨེཝམཱདིནཱ བྷགཝཏཱ བྷཱསིཏཾ.

དུབྦཙཱ ¶ ཁོ བྷནྟེ ཨེཏརཧི བྷིཀྑཱུ དོཝཙསྶཀརཎེཧི དྷམྨེཧི སམནྣཱགཏཱ ཨཀྑམཱ ཨཔྤདཀྑིཎགྒཱཧིནོ ཨནུསཱསནིཾ–

སདྡྷམྨཔྤཏིརཱུཔཀསུཏྟ

པུཙྪཱ – ཏཏྠེཝཱཝུསོ ¶ བྷགཝཏཱ པརིཡོསཱནཾ སདྡྷམྨཔྤཏིརཱུཔཀསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཱཡསྨནྟཾཡེཝ མཧཱཀསྶཔཾ ཨཱརབྦྷ བྷཱསིཏཾ. ཨཱཡསྨཱ བྷནྟེ མཧཱཀསྶཔོ བྷགཝནྟཾ ཨེཏདེཝོཙ ‘‘ཀོ ནུ ཁོ བྷནྟེ ཧེཏུ ཀོ པཙྩཡོ, ཡེན པུབྦེ ཨཔྤཏརཱནི ཙེཝ སིཀྑཱཔདཱནི ཨཧེསུཾ, བཧུཏརཱ ཙ བྷིཀྑཱུ ཨཉྙཱཡ སཎྛཧིཾསུ. ཀོ པན བྷནྟེ ཧེཏུ ཀོ པཙྩཡོ, ཡེནེཏརཧི བཧུཏརཱནི ཙེཝ སཀྑཱཔདཱནི ཨཔྤཏརཱ ཙ བྷིཀྑཱུ ཨཉྙཱཡ སཎྛཧནྟཱི’’ཏི. ཏསྨིཾ བྷནྟེ ཝཏྠུསྨིཾ ‘‘ཨེཝཉྩེཏཾ ཀསྶཔ ཧོཏི སཏྟེསུ ཧཱཡམཱནེསུ སདྡྷམྨེ ཨནྟརདྷཱཡམཱནེ བཧུཏརཱནིཙེཝ སིཀྑཱཔདཱནི ¶ ཧོནྟི, ཨཔྤཏརཱཙ བྷིཀྑཱུ ཨཉྙཱཡ སཎྛཧནྟཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ལཱབྷསཀྐཱརསཾཡུཏྟ

མཱིལ༹ྷཀསུཏྟ

པུཙྪཱ – ཏེནཱཝུསོ…པེ… ¶ སམྨཱསམྦུདྡྷེན ལཱབྷསཀྐཱརཾཡུཏྟེ པཉྩམཾ སཾགཱིཏཾ མཱིལ༹ྷཀསུཏྟཾ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ ‘‘དཱརུཎོ བྷིཀྑཝེ ལཱབྷསཀྐཱརསིལོཀོ ཕརུསོ ཨནྟརཱཡིཀོ ཨནུཏྟརསྶ ཡོགཀྑེམསྶ ཨདྷིགམཱཡ. སེཡྻཐཱཔི བྷིཀྑཝེ མཱིལ༹ྷཀཱ གཱུཐཱདཱི གཱུཐཔཱུརཱ པུཎྞཱ གཱུཐསྶ, པུརཏོ ཙསྶ མཧཱགཱུཐཔུཉྫོ, སཱ ཏེན ཨཉྙཱ མཱིལ༹ྷཀཱ ཨཏིམཉྙེཡྻ ‘‘ཨཧམྷི གཱུཐཱདཱི གཱུཐཔཱུརཱ པུཎྞཱ གཱུཐསྶ, པུརཏོ ཙ མྱཱཡཾ མཧཱགཱུཐཔུཉྫོ’’ཏི ཨེཝམཱདིནཱ བྷགཝཏཱ བྷཱསིཏཾ.

ཏཾ ¶ ཧི ཏསྶ བྷིཀྑཝེ མོགྷཔུརིསསྶ ཧོཏི དཱིགྷརཏྟཾ ཨཧིཏཱཡ དུཀྑཱཡ.

ཨེཝཾ དཱརུཎོ ཁོ བྷིཀྑཝེ ལཱབྷསཀྐཱརསིལོཀོ.

ཏསྨཱཏིཧ ¶ བྷིཀྑཝེ ཨེཝཾ སིཀྑིཏབྦཾ, ‘‘ཨུཔྤནྣཾ ལཱབྷསཀྐཱརསི ལོཀཾ པཛཧིསྶཱམ, ན ཙ ནོ ཨུཔྤནྣོ ལཱབྷསཀྐཱརསིལོཀོ ཙིཏྟཾ པརིཡཱདཱཡ ཋསྶབྷཱི’’ཏི, ཨེཝཉྷི ཁོ བྷིཀྑཝེ སིཀྑིཏབྦཾ.

ཨེཀཔུཏྟཀསུཏྟ

པུཙྪཱ – ཏཏྠོ ཨཱཝུསོ པོརཱཎཀེཧི དྷམྨསཾགཱཧཀེཧི སཾགཱིཏཾ ཨེཀཔུཏྟཀསུཏྟཾ ཀཏྠ ཀཾ ཨཱརབྦྷཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ ‘‘དཱརུཎོ བྷིཀྑཝེ ལཱབྷསཀྐཱརསིལོཀོ ཀཊུཀོ ཕརུསོ ཨནྟརཱཡིཀོ ཨནུཏྟརསྶ ཡོགཀྑེམསྶ ཨདྷིགམཱཡ, སདྡྷཱ བྷིཀྑཝེ ཨུཔཱསིཀཱ ཨེཀཔུཏྟཀཾ པིཡཾ མནཱཔཾ ཨེཝཾ སམྨཱཨཱཡཱཙམཱནཱ ¶ ཨཱཡཱཙེཡྻ ཏཱདིསོ ཏཱཏ བྷཝཱཧི, ཡཱདིསོ ཙིཏྟོ ཙ གཧཔཏི ཧཏྠཀོ ཙ ཨཱལ༹ཝཀོ’’ཏི ཨེཝམཱདིནཱ བྷགཝཏཱ བྷཱསིཏཾ.

ཨེསཱ ¶ བྷིཀྑཝེ ཏུལཱ ཨེཏཾ པམཱཎཾ མམ སཱཝཀཱནཾ ཨུཔཱསཀཱནཾ ཡདིདཾ ཙིཏྟོ ཙ གཧཔཏི ཧཏྠཀོ ཙ ཨཱལ༹ཝཀོ.

སཙེ ཁོ ཏྭཾ ཏཱཏ ཨགཱརསྨཱ ཨནགཱརིཡཾ པབྦཛསི, ཏཱདིསོ ཏཱཏ བྷཝཱཧི, ཡཱདིསཱ སཱརིཔུཏྟམོགྒལླཱནཱ.

མཱ ཙ ཁོ ཏྭཾ ཏཱཏ སེཁཾ ཨཔྤཏྟམཱནསཾ ལཱབྷསཀྐཱརསིལོཀོ ཨནུཔཱཔུཎཱཏུ–

ཨེཝཾ ¶ དཱརུཎོ བྷིཀྑཝེ ལཱབྷསཀྐཱརསིལོཀོ ཀཊུཀོ ཕརུསོ ཨནྟརཱཡིཀོ ཨནུཏྟརསྶ ཡོགཀྑེམསྶ ཨདྷིགམཱཡ.

ཨེཀཝཱིཏུསུཏྟ

པུཙྪཱ – ཏཏྠེཝ ¶ ཨཱཝུསོ པོརཱཎཀེཧི དྷམྨསཾགཱཡཀེཧི སཾགཱིཏཾ ཨེཀདྷཱིཏུསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾཡེཝ བྷནྟེ སམྦཧུལེ བྷིཀྑཱུ ཨཱརབྦྷ ‘‘དཱརུཎོ བྷིཀྑཝེ ལཱབྷསཀྐཱརསིལོཀོ ཀཊུཀོ ཕརུསོ ཨནྟརཱཡིཀོ ཨནུཏྟརསྶ ཡོགཀྑེམསྶ ཨདྷིགམཱཡ. སདྡྷཱ བྷིཀྑཝེ ཨུཔཱསིཀཱ ཨེཀཾ དྷཱིཏརཾ པིཡཾ མནཱཔཾ ཨེཝཾ སམྨཱ ཨཱཡཱཙམཱནཱ ཨཱཡཱཙེཡྻ ‘ཏཱདིསཱ ཨཡྻེ བྷཝཱཧི, ཡཱདིསཱ ཁུཛྫུཏྟརཱ ཙ ཨུཔཱསིཀཱ ཝེལུ༹ཀཎྜཀིཡཱ ཙ ནནྡམཱཏཱ’ཏི. ཨེསཱ བྷིཀྑཝེ ཏུལཱ ཨེཏཾ པམཱཎཾ མམ སཱཝིཀཱནཾ ཨུཔཱསིཀཱནཾ, ཡདིདཾ ཁུཛྫུཏྟརཱ ཙ ཨུཔཱསིཀཱ ཝེལུ༹ཀཎྜཀིཡཱ ཙ ནནྡམཱཏཱ’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

སཙེ ¶ ཁོ ཏྭཾ ཨཡྻེ ཨགཱརསྨཱ ཨནགཱརིཡཾ པབྦཛསི, བྷཱདིསཱ ཨཡྻེ བྷཝཱཧི, ཡཱདིསཱ ཁེམཱ ཙ བྷིཀྑུནཱི ཨུཔྤལཝཎྞཱ ཙ–

ཏསྨཱཏིཧ ¶ བྷིཀྑཝེ ཨེཝཾ སིཀྑིཏབྦཾ.

རཱཧུལསཾཡུཏྟ

པུཙྪཱ – རཱཧུལསཾཡུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཱཡསྨནྟཾ རཱཧུལཾ ཨཱརབྦྷ བྷཱསིཏཾ. ཨཱཡསྨཱ བྷནྟེ རཱཧུལོ བྷགཝནྟཾ ཨེཏདཝོཙ ‘‘སཱདྷུ མེ བྷནྟེ བྷགཝཱ སཾཁིཏྟེན དྷམྨཾ དེསེཏུ, ཡམཧཾ བྷགཝཏོ དྷམྨཾ སུཏྭཱ ཨེཀོ ཝཱུཔཀཊྛོ ཨཔྤམཏྟོ ཨཱཏཱཔཱི པཧིཏཏྟོ ཝིཧརེཡྻ’’ནྟི, ཏསྨིཾ བྷནྟེ ཝཏྠུསྨིཾ ‘‘ཏཾ ཀིཾ མཉྙསི རཱཧུལ, ཙཀྑུནིཙྩཾ ཝཱ ཨནིཙྩཾ ཝཱཏི. ཨནིཙྩཾ བྷནྟེ. ཡཾ པནཱནིཙྩཾ, དུཀྑཾ ཝཱ ཏཾ སུཁཾ ཝཱཏི. དུཀྑཾ བྷནྟེ. ཡཾ པནཱནིཙྩཾ དུཀྑཾ ཝིཔརིཎཱམདྷམྨཾ, ཀལླཾ ནུ ཏཾ སམནུཔསྶིཏུཾ ‘ཨེཏཾ མམ, ཨེསོ ཧམསྨི, ཨེསོ མེ ཨཏྟཱ’ཏི. ནོ ཧེཏཾ བྷནྟེ’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

ལཀྑཎསཾཡུཏྟ

ཨཊྛིསུཏྟ

པུཙྪཱ – ལཀྑཎསཾཡུཏྟེ ¶ པནཱཝུསོ པོརཱཎཀེཧི དྷམྨསཾགཱཧཀཏྠེརེཧི པཋམཾ སཾགཱིཏཾ ཨཊྛིསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – རཱཛགཧེ བྷནྟེ ཨཱཡསྨནྟཉྩ ལཀྑཎཾ ཨཱཡསྨནྟཉྩ མཧཱམོགྒལླཱནཾ ཨཱརབྦྷ བྷཱསིཏཾ. ཨཱཡསྨཱ བྷནྟེ ལཀྑཎོ བྷགཝཏཱ སམྨུཁེ ཨཱཡསྨནྟཾ མཧཱམོགྒལླཱནཾ ཨེཏདཝོཙ ¶ ‘‘ཨིདྷཱཡསྨཱ མཧཱམོགྒལླཱནོ གིཛ྄ཛྷཀཱུཊཱ པབྦཏཱ ཨོརོཧནྟོ ཨཉྙཏརསྨིཾ པདེསེ སིཏཾ པཱཏྭཱཀཱསི, ཀོ ནུ ཁོ ཨཱཝུསོ མོགྒལླཱན ཧེཏུ, ཀོ པཙྩཡོ སིཏསྶ པཱཏུཀམྨཱཡཱ’’ཏི. ཨཱཡསྨཱ ཙ བྷནྟེ མཧཱམོགྒལླཱནོ ‘‘ཨིདྷཱཧཾ ཨཱཝུསོ གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ ཨཊྛིཀསངྑལིཀཾ ཝེཧཱསཾ གཙྪནྟིཾ’’ཏི ཨེཝམཱདིནཱ ཨཱརོཙེསི. ཏསྨིཾ བྷནྟེ ཝཏྠུསྨིཾ ‘‘ཙཀྑུབྷཱུཏཱ ཝཏ བྷིཀྑཝེ སཱཝཀཱ ཝིཧརནྟི, ཉཱཎབྷཱུཏཱ ཝཏ བྷིཀྑཝེ སཱཝཀཱ ཝིཧརནྟི, ཡཏྲཧི ནཱམ སཱཝཀོ ཨེཝརཱུཔཾ ཉསྶཏི ཝཱ དཀྑཏི ཝཱ སཀྑིཾ ཝཱ ཀརིསྶཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཨཙྪརིཡཾ ¶ ཝཏ བྷོ, ཨབྦྷུཏཾ ཝཏ བྷོ;

ཨེཝརཱུཔོཔི ནཱམ སཏྟོ བྷཝིསྶཏི.

པིཎྜསུཏྟ

པུཙྪཱ – ཏེནཱཝུསོ ¶ ཛཱནཏཱ…པེ… སམྨཱསམྦུདྡྷེན ལཀྑཎསཾཡུཏྟེ ཏཏིཡཾ སཾགཱིཏཾ པིཎྜསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – རཱཛགཧེ བྷནྟེ ཨཱཡསྨནྟཉྩ ལཀྑཎཾ ཨཱཡསྨནྟཉྩ མཧཱམོགྒལླཱནཾ ཨཱརབྦྷ བྷཱསིཏཾ. ཨཱཡསྨཱ བྷནྟེ ལཀྑཎོ བྷགྒཝཏོ སམྨུཁེ ཨཱཡསྨནྟཾ མཧཱམོགྒལླཱནཾ ཨེཏདཝོཙ ‘‘ཨིདྷཱཡསྨཱ མཧཱམོགྒལླཱནོ གིཛ྄ཛྷཀཱུཊཱ པབྦཏཱ ཨོརོཧནྟོ ཨཉྙཏརསྨིཾ པདེསེ སིཏཾ པཱཏྭཱཀཱསི ¶ , ཀོ ནུཁོ ཨཱཝུསོ མོགྒལླཱནཧེཏུ, ཀོ པཙྩཡོ སིཏསྶ པཱཏུཀམྨཱཡཱ’’ཏི. ཨཱཡསྨཱ ཙ བྷནྟེ མཧཱམོགྒལླཱནོ ‘‘ཨིདྷཱཧཾ ཨཱཝུསོ གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ མཾསཔིཎྜཾ ཝེཧཱསཾ གཙྪནྟཾ, ཏམེནཾ གིཛ྄ཛྷཱཔི ཀཱཀཱཔི ཀུལལཱཔི ཨནུཔཏིཏྭཱ ཨནུཔཏིཏྭཱ ཝིཏཙྪེནྟི ཝིརཱཛེནྟི. སཱ སུདཾ ཨཊྚསྶརཾ ཀརོཏཱི’’ཏི ཨེཝམཱདིནཱ ཨཱརོཙེསི. ཏསྨིཾ བྷནྟེ ཝཏྠུསྨིཾ ‘‘ཙཀྑུབྷཱུཏཱ ཝཏ བྷིཀྑཝེ སཱཝཀཱ ཝིཧརནྟི, ཉཱཎབྷཱུཏཱ ཝཏ བྷིཀྑཝེ སཱཝཀཱ ཝིཧརནྟི, ཡཏྲཧི ནཱམ སཱཝཀོ ཨེཝརཱུཔཾ ཉསྶཏི ཝཱ དཀྑཏི ཝཱ སཀྑིཾ ཝཱ ཀརིསྶཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཨསིལོམསུཏྟ

པུཙྪཱ – ཏཏྠེཝ ¶ ཨཱཝུསོ པོརཱཎཀེཧི དྷམྨསཾགཱཧཀེཧི མཧཱཐེརེཧི སཾགཱིཏཾ ཨསིལོམསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – རཱཛགཧེ བྷནྟེ ཨཱཡསྨནྟཉྩ ལཀྑཎཾ ཨཱཡསྨནྟཉྩ མཧཱམོགྒལླཱནཾ ཨཱརབྦྷ བྷཱསིཏཾ. ཨཱཡསྨཱ བྷནྟེ ལཀྑཎོ བྷགཝཏོ སམྨུཁེ ཨཱཡསྨནྟཾ མཧཱམོགྒལླཱནཾ ¶ ཨེཏདཝོཙ ‘‘ཀོ ནུ ཁོ ཨཱཝུསོ མོགྒལླཱན ཧེཏུ, ཀོ པཙྩཡོ སིཏསྶ པཱཏུཀམྨཱཡཱ’’ཏི. ཨཱཡསྨཱ ཙ བྷནྟེ མཧཱམོགྒལླཱནཏྠེརོ ‘‘ཨིདྷཱཧཾ ཨཱཝུསོ གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ ཨསིལོམཾ ཝེཧཱསཾ གཙྪནྟཾ’’ཏི ཨེཝམཱདིནཱ ཨཱརོཙེསི. ཏསྨིཾ བྷནྟེ ཝཏྠུསྨིཾ ཙཀྑུབྷཱུཏཱ ཝཏ བྷིཀྑཝེ སཱཝཀཱ ཝིཧརནྟི, ཉཱཎབྷཱུཏཱ ཝཏ བྷིཀྑཝེ སཱཝཀཱ ཝིཧརནྟི. (པེཡྻཱལ) ཨེསོ བྷིཀྑཝེ སཏྟོ ཨིམསྨིཾཡེཝ རཱཛགཧེ སཱུཀརིཀོ ཨཧོསཱི’’ཏི ཨེཝམཱདིནཱ བྷགཝཏཱ བྷཱསིཏཾ.

སཱུཙིལོམསུཏྟ

པུཙྪཱ – ཏཏྠེཝ ¶ ཨཱཝུསོ པོརཱཎཀེཧི དྷམྨསཾགཱཧཀམཧཱཐེརེཧི སཾགཱིཏཾ སཱུཙིལོམསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – ཏཏྠེཝ བྷནྟེ རཱཛགཧེ ཨཱཡསྨནྟཉྩ ལཀྑཎཾ ཨཱཡསྨནྟཉྩ མཧཱམོགྒལླཱནཾ ཨཱརབྦྷ བྷཱསིཏཾ. ཨཱཡསྨཱ བྷནྟེ ལཀྑཎོ བྷགཝཏོ སམྨུཁེ ཏཐེཝ ཨཝོཙ.

ཨཱཡསྨཱ ¶ ཙ བྷནྟེ མཧཱམོགྒལླཱནོ ཏཐེཝ ཨཱརོཙེསི. ཏསྨིཾ བྷནྟེ ཝཏྠུསྨིཾ ‘‘ཙཀྑུབྷཱུཏཱ ཝཏ བྷིཀྑཝེ སཱཝཀཱ ཝིཧརནྟི, ཉཱཎབྷཱུཏཱ ཝཏ བྷིཀྑཝེ སཱཝཀཱ ཝིཧརནྟི, (པེཡྻཱལ) ཨེསོ བྷིཀྑཝེ སཏྟོ ཨིམསྨིཾཡེཝ རཱཛགཧེ སཱུཏོ ཨཧོསཱི’’ཏི ཨེཝམཱདིནཱ བྷགཝཏཱ བྷཱསིཏཱ.

པཱཔབྷིཀྑུསུཏྟ

པུཙྪཱ – ཏཏྠེཝ ¶ ཨཱཝུསོ པོརཱཎཀེཧི དྷམྨསཾགཱཧཀམཧཱཐེརེཧི སཾགཱིཏཱནི པཱཔབྷིཀྑུསུཏྟཱདཱིནི པཉྩསུཏྟཱནི བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཱནི.

ཝིསྶཛྫནཱ – རཱཛགཧེ ཨཱཡསྨནྟཉྩ ལཀྑཎཾ ཨཱཡསྨནྟཉྩ མཧཱམོགྒལླཱནཾ ཨཱརབྦྷ བྷཱསིཏཱནི. ཨཱཡསྨཱ བྷནྟེ ལཀྑཎོ བྷགཝཏོ སམྨུཁེ པུབྦེ ཝུཏྟནཡེནེཝ ཨཱརོཙེསི. ཨཱཡསྨཱ ཙ བྷནྟེ མཧཱམོགྒལླཱནོ ‘‘ཨིདྷཱཧཾ ཨཱཝུསོ གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡསཾ བྷིཀྑུཾ ཝེཧཱསཾ གཙྪནྟཾ. ཨདྡསཾ བྷིཀྑུནིཾ ཝེཧཱསཾ གཙྪནྟིཾ. ཨདྡསཾ སིཀྑམཱནཾ ཝེཧཱསཾ གཙྪནྟིཾ. ཨདྡསཾ སཱམཎེརཾ ཝེཧཱསཾ གཙྪནྟཾ. ཨདྡསཾ སཱམཎེརིཾ ཝེཧཱསཾ གཙྪནྟིཾ. ཏསྶཱ སངྒྷཱཊིཔི ཨཱདིཏྟཱ སམྤཛྫལིཏཱ སཛོཏིབྷཱུཏཱ, པཏྟོཔི ཨཱདིཏྟོ སམྤཛྫལིཏོ སཛོཏིབྷཱུཏོ, ཀཱཡབནྡྷནམྤི ཨཱདིཏྟཾ སམྤཛྫལིཏཾ སཛོཏིབྷཱུཏཾ ¶ , ཀཱཡོཔི ཨཱདིཏྟོ སམྤཛྫལིཏོ སཛོཏིབྷཱུཏོ, སཱ སུདཾ ཨཊྚསྶརཾ ཀརོཏཱི’’ཏི ཨེཝམཱདིནཱ ཨཱརོཙེསི. ཏསྨིཾ བྷནྟེ ཝཏྠུསྨིཾ ‘‘ཙཀྑུབྷཱུཏཱ ཝཏ བྷིཀྑཝེ སཱཝཀཱ ཝིཧརནྟི ཉཱཎབྷཱུཏཱ ཝཏ བྷིཀྑཝེ སཱཝཀཱ ཝིཧརནྟི. (པེཡྻཱལ). ཨེསོ བྷིཀྑཝེ བྷིཀྑུ ཀསྶཔསྶསམྨཱསམྦུདྡྷསྶ པཱཝཙནེ པཱཔབྷིཀྑུ ཨཧོསི. ཨེསཱ བྷིཀྑཝེ བྷིཀྑུནཱི ཀསྶཔསྶ སམྨཱསམྦུདྡྷསྶ པཱཝཙནེ པཱཔབྷིཀྑུནཱི ཨཧོསི. ཨེསཱ བྷིཀྑཝེ སིཀྑམཱནཱ ཀསྶཔསྶ སམྨཱསམྦུདྡྷསྶ པཱཝཙནེ པཱཔསིཀྑམཱནཱ ཨཧོསི. ཨེསོ བྷིཀྑཝེ སཱམཎེརོ ཀསྶཔསྶསམྨཱསམྦུདྡྷསྶ པཱཝཙནེ པཱཔསཱམཎེརོ ཨཧོསི. ཨེསཱ བྷིཀྑཝེ སཱམཎེརཱི ཀསྶཔསྶ སམྨཱསམྦུདྡྷསྶ པཱཝཙནེ པཱཔསཱམཎེརཱི ཨཧོསཱི’’ཏི ཨེཝམཱདིནཱ བྷགཝཏཱ བྷཱསིཏཱནི.

ཨོཔམྨསཾཡུཏྟ

ནཁསིཁསུཏྟ

པུཙྪཱ – ཨོཔམྨསཾཡུཏྟེ ¶ ཨཱཝུསོ པོརཱཎཀེཧི དྷམྨསཾགཱཧཀམཧཱཐེརེཧི སཾགཱིཏཾ ནཁསིཁསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ ‘‘ཏཾ ཀིཾ མཉྙཐ བྷིཀྑཝེ, ཀཏམཾ ནུ ཁོ བཧུཏརཾ, ཡོ ཙཱཡཾ མཡཱ པརིཏྟོ ¶ ནཁསིཁཱཡཾ པཾསུ ཨཱརོཔིཏོ, ཡཱ ཙཱཡཾ མཧཱཔཐཝཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཏཾ ཀིཾ མཉྙཐ བྷིཀྑཝེ, ཀཏམཾ ནུ ཁོ བཧུཏརཾ.

ཏསྨཱཏིཧ ¶ བྷིཀྑཝེ ཨེཝཾ སིཀྑིཏབྦཾ.

ཨཱཎིསུཏྟ

པུཙྪཱ – ཏཏྠེཝ ཨཱཝུསོ པོརཱཎཀེཧི དྷམྨསཾགཱཧཀམཧཱཐེརེཧི སཾགཱིཏཾ ཨཱཎིསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾཡེཝ བྷནྟེ སམྦཧུལེ བྷིཀྑཱུ ཨཱརབྦྷ ‘‘བྷཱུཏཔུབྦཾ བྷིཀྑཝེ དསཱརཧཱནཾ ཨཱནཀོ ནཱམ མུདིངྒོ ཨཧོསི, ཏསྶ དསཱརཧཱ ཨཱནཀེ གྷཊིཏེ ཨཉྙཾ ཨཱཎིཾ ཨོདཧིཾསུ, ཨཧུ ཁོ སོ བྷིཀྑཝེ སམཡོ ཡཾ ཨཱནཀསྶ མུདིངྒསྶ པོརཱཎཾ པོཀྑརཕལཀཾ ཨནྟརདྷཱཡི ¶ , ཨཱཎིསངྒྷཱཊོཝ ཨཝསིསྶཱི’’ཏི ཨེཝམཱདིནཱ བྷགཝཏཱ བྷཱསིཏཾ.

བྷིཀྑུསཾཡུཏྟ

ནཝསུཏྟ

པུཙྪཱ – བྷིཀྑུསཾཡུཏྟེ ¶ ཨཱཝུསོ བྷགཝཏཱ ནཝསུཏྟཾ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཉྙཏརཾ ནཝཾ བྷིཀྑུཾ ཨཱརབྦྷ བྷཱསིཏཾ. ཨཉྙཏརོ བྷནྟེ ནཝོ བྷིཀྑུ པཙྪཱབྷཏྟཾ པིཎྜཔཱཏཔཊིཀྐནྟོ ཝིཧཱརཾ པཝིསིཏྭཱ ཨཔྤོསུཀྐོ ཏུཎྷཱིབྷཱུཏོ སངྐསཱཡབྷི, ན བྷིཀྑཱུནཾ ཝེཡྻཱཝཙྩཾ ཀརོཏི ཙཱིཝརཀཱརསམཡེ ཏསྨིཾ བྷནྟེ ཝཏྠུསྨིཾ ‘‘མཱ ཁོ ཏུམྷེ བྷིཀྑཝེ ཨེཏསྶ བྷིཀྑུནོ ཨུཛ྄ཛྷཱཡིཏྠཱ ཨེསོ ཁོ བྷིཀྑཝེ བྷིཀྑུ ཙཏུནྣཾ ཛྷཱནཱནཾ ཨཱབྷིཙེཏསིཀཱནཾ དིཊྛདྷམྨ སུཁཝིཧཱརཱནཾ ནིཀཱམལཱབྷཱི ཨཀིཙྪལཱབྷཱི ཨཀསིརལཱབྷཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཨཧམྤི ¶ ཁོ བྷནྟེ སཀཾ ཀིཙྩཾ ཀརོམི,

ཨེསོ ¶ ཁོ བྷིཀྑཝེ བྷིཀྑུ ཙཏུནྣཾ ཛྷཱནཱནཾ ཨཱབྷིཙེཏསིཀཱནཾ དིཊྛདྷམྨསུཁཝིཧཱརཱནཾ ནིཀཱམལཱབྷཱི ཨཀིཙྪལཱབྷཱི ཨཀསིརལཱབྷཱི –

ནཡིདཾ སིཐིལམཱརབྦྷ, ནཡིདཾ ཨཔྤེན ཐཱམསཱ;

ནིབྦཱནཾ ཨདྷིགནྟབྦཾ, སབྦདུཀྑཔྤམོཙནཾ;

ཨཡཉྩ དཧརོ བྷིཀྑུ, ཨཡམུཏྟམཔུརིསོ;

དྷཱརེཏི ཨནྟིམཾ དེཧཾ, ཛེཏྭཱ མཱརཾ སཝཱཧིནིཾ–

ཁནྡྷཝགྒསཾཡུཏྟཔཱལི༹

སཾགཱཡནསྶ པུཙྪཱ ཝིསྶཛྫནཱ

ནཀུལཔིཏུསུཏྟ

པུཙྪཱ – ཏེནཱཝུསོ ¶ བྷགཝཏཱ ཛཱནཏཱ…པེ… སམྨཱསམྦུདྡྷེན ཁནྡྷཝགྒསཾཡུཏྟེ པཋམཾ ནཀུལཔིཏུསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – བྷགྒེསུ བྷནྟེ སུསུམཱརགིརེ བྷེསཀལཱ༹ཝནེ མིགདཱཡེ ནཀུལཔིཏརཾ གཧཔཏིཾ ཨཱརབྦྷ བྷཱསིཏཾ. ནཀུལཔིཏཱ བྷནྟེ གཧཔཏི བྷགཝནྟཾ ‘‘ཨཧམསྨི བྷནྟེ ཛིཎྞོ ཝུཌྜྷོ མཧལླཀོ ཨདྡྷགཏོ ཝཡོཨནུཔྤཏྟོ ཨཱཏུརཀཱཡོ ཨབྷིཀྑཎཱཏངྐོ, ཨནིཙྩདསྶཱཝཱི ཁོ པནཱཧཾ བྷནྟེ བྷགཝཏོ མནོབྷཱཝནཱིཡཱནཉྩ བྷིཀྑཱུནཾ, ཨོཝདཏུ མཾ བྷནྟེ བྷགཝཱ, ཨནུསཱསཏུ མཾ བྷནྟེ བྷགཝཱ, ཡཾ མམསྶ དཱིགྷརཏྟཾ ཧིཏཱཡ སུཁཱཡཱ’’ཏི. ཏསྨིཾ བྷནྟེ ཝཏྠུསྨིཾ ‘‘ཨེཝམེཏཾ གཧཔཏི, ཨེཝམེཏཾ གཧཔཏི, ཨཱཏུརོ ཧཱཡཾ གཧཔཏི ཀཱཡོ ཨཎྜབྷཱུཏོ པརིཡོནདྡྷོ, ཡོ ཧི གཧཔཏི ཨིམཾ ཀཱཡཾ པརིཧརནྟོ མུཧུཏྟམྤི ཨཱརོགྱཾ པཊིཛཱནེཡྻ, ཀིམཉྙཏྲ བཱལྱཱ. ཏསྨཱཏིཧ ཏེ གཧཔཏི ཨེཝཾ སིཀྑིཏབྦཾ ‘ཨཱཏུརཀཱཡསྶ མེ སཏོ ཙིཏྟཾ ཨནཱཏུརཾ བྷཝིསྶཏཱི’ཏི. ཨེཝཉྷི ཏེ གཧཔཏི སིཀྑིཏབྦ’’ནྟི. ཨེཝཾ ཁོ བྷནྟེ བྷགཝཏཱ བྷཱསིཏཾ.

ཏསྨཱཏིཧ ¶ ཏེ གཧཔཏི ཨེཝཾ སིཀྑིཏབྦཾ.

པུཙྪཱ – ཏཉྩཱཝུསོ ¶ བྷགཝཏཱ སཾཁིཏྟེན བྷཱསིཏཾ ཝིཏྠཱརེན ཀེན ཀཐཉྩ ཝིབྷཏྟཾ.

ཝིསྶཛྫནཱ – ཏཾ ཁོ བྷནྟེ བྷགཝཏཱ སཾཁིཏྟེན དེསིཏཾ ‘‘ཀཐཉྩ གཧཔཏི ཨཱཏུརཀཱཡོ ཙེཝ ཧོཏི ཨཱཏུརཙིཏྟོ ཙ. ཨིདྷ གཧཔཏི ཨསྶུཏཝཱ པུཐུཛྫནོ ཨརིཡཱནཾ ཨདསྶཱཝཱི ཨརིཡདྷམྨསྶ ཨཀོཝིདོ ཨརིཡདྷམྨེ ཨཝིནཱིཏོ, སཔྤུརིསཱནཾ ཨདསྶཱཝཱི སཔྤུརིསདྷམྨསྶ ཨཀོཝིདོ སཔྤུརིསདྷམྨེ ཨཝིནཱིཏོ རཱུཔཾ ཨཏྟཏོ སམནུཔསྶཏི རཱུཔཝནྟཾ ཝཱ ཨཏྟཱནཾ, ཨཏྟནི ཝཱ རཱུཔཾ, རཱུཔསྨིཾ ཝཱ ཨཏྟཱནཾ, ‘‘ཨཧཾ རཱུཔཾ མམ རཱུཔ’’ནྟི པརིཡུཊྛཊྛཱཡཱི ཧོཏི. ཏསྶ ‘‘ཨཧཾ རཱུཔཾ མམ རཱུཔ’’ནྟི པརིཡུཊྛཊྛཱཡིནོ ཏཾ རཱུཔཾ ཝིཔརིཎམཏི ཨཉྙཐཱ ཧོཏི. ཏསྶ རཱུཔཝིཔརིཎཱམཉྙཐཱབྷཱཝཱ ཨུཔྤཛྫནྟི སོཀཔརིདེཝདུཀྑདོམནསྶུཔཱཡཱསཱ’’ཏི ཨེཝམཱདིནཱ བྷནྟེ ཨཱཡསྨཏཱ སཱརིཔུཏྟེན དྷམྨསེནཱཔཏིནཱ ཝིཏྠཱརེན ཝིབྷཏྟཾ.

ཨནིཙྩསུཏྟ

པུཙྪཱ – ཏཏྠེཝ ¶ ཨཱཝུསོ དུཏིཡཝགྒེ པོརཱཎཀེཧི དྷམྨསཾགཱཧཀ མཧཱཐེརེཧི པཋམཾ སཾགཱིཏཾ ཨནིཙྩསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ ‘‘རཱུཔཾ བྷིཀྑཝེཨནིཙྩཾ, ཝེདནཱ ཨནིཙྩཱ, སཉྙཱ ཨནིཙྩཱ, སངྑཱརཱ ཨནིཙྩཱ, ཝིཉྙཱཎཾ ཨནིཙྩཾ. ཨེཝཾ པསྶཾ བྷིཀྑཝེ སུཏཝཱ ཨརིཡསཱཝཀོ རཱུཔསྨིམྤི ནིབྦིནྡཏི, ཝེདནཱཡཔི ནིབྦིནྡཏི, སཉྙཱཡཔི ནིབྦིནྡཏི, སངྑཱརེསུཔི ནིབྦིནྡཏི, ཝིཉྙཱཎསྨིམྤི ནིབྦིནྡཏི, ནིབྦིནྡཾ ཝིརཛྫཏི, ཝིརཱགཱ ཝིམུཙྩཏི, ཝིམུཏྟསྨིཾ ‘ཝིམུཏྟ’མིཏི ཉཱཎཾ ཧོཏཱི’’ཏི. ཨེཝཾ ཁོ བྷནྟེ བྷགཝཏཱ བྷཱསིཏཾ.

དུཀྑཨནཏྟསུཏྟ

པུཙྪཱ – དུཀྑཨནཏྟསུཏྟཱནི ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཱནི.

ཝིསྶཛྫནཱ – སཱཝཏྠིཡཾཡེཝ བྷནྟེ སམྦཧུལེ བྷིཀྑཱུ ཨཱརབྦྷ ‘‘རཱུཔཾ བྷིཀྑཝེ དུཀྑཾ, ཝེདནཱ དུཀྑཱ, སཉྙཱ དུཀྑཱ, སངྑཱརཱ དུཀྑཱ, ཝིཉྙཱཎཾ དུཀྑཾ. རཱུཔཾ བྷིཀྑཝེ ཨནཏྟཱ, ཝེདནཱ ཨནཏྟཱ, སཉྙཱ ཨནཏྟཱ, སངྑཱརཱ ཨནཏྟཱ, ཝིཉྙཱཎཾ ཨནཏྟཱ. ཨེཝཾ པསྶཾ བྷིཀྑཝེ སུཏཝཱ ཨརིཡསཱཝཀོ རཱུཔསྨིམྤི ནིབྦིནྡཏི, ཝེདནཱཡཔི ནིབྦིནྡཏི, སཉྙཱཡཔི ནིབྦིནྡཏི, སངྑཱརེསུཔི ནིབྦིནྡཏི, ཝིཉྙཱཎསྨིམྤི ནིབྦིནྡཏི, ནིབྦིནྡཾ ཝིརཛྫཏི, ཝིརཱགཱ ཝིམུཙྩཏི, ཝིམུཏྟསྨིཾ ‘ཝིམུཏྟ’མིཏི ཉཱཎཾ ཧོཏི, ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱཏི པཛཱནཱཏཱི’’ཏི ཨེཝཾ ཁོ བྷནྟེ བྷགཝཏཱ བྷཱསིཏཱནི.

བྷཱརསུཏྟ

པུཙྪཱ – བྷཱརསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾཡེཝ བྷནྟེ སམྦཧུལེ བྷིཀྑཱུ ཨཱརབྦྷ ‘‘བྷཱརཉྩ ཝོ བྷིཀྑཝེ དེསེསྶཱམི བྷཱརཧཱརཉྩ བྷཱརཱདཱནཉྩ བྷཱརནིཀྑེཔནཉྩ, ཏཾ སུཎཱཐ. ཀཏམོ ཙ བྷིཀྑཝེབྷཱརོ, ‘པཉྩུཔཱདཱནཀྑནྡྷཱ’ ཏིསྶ ཝཙནཱིཡཾ. ཀཏམེ པཉྩ, རཱུཔུཔཱདཱནཀྑནྡྷོ ཝེདནུཔཱདཱནཀྑནྡྷོ སཉྙུཔཱདཱནཀྑནྡྷོ སངྑཱརུཔཱདཱནཀྑནྡྷོ ཝིཉྙཱཎུཔཱདཱནཀྑནྡྷོ. ཨཡཾ ཝུཙྩཏི བྷིཀྑཝེ བྷཱརོ’’ཏི ཨེཝམཱདིནཱ བྷགཝཏཱ བྷཱསིཏཾ.

བྷཱརཱ ¶ ཧཝེ པཉྩཀྑནྡྷཱ, བྷཱརཧཱརོ ཙ པུགྒལོ;

བྷཱརཱདཱནཾ དུཁཾ ལོཀེ, བྷཱརནིཀྑེཔནཾ སུཁཾ;

ནིཀྑིཔིཏྭཱ གརུཾ བྷཱརཾ, ཨཉྙཾ བྷཱརཾ ཨནཱདིཡ;

སམཱུལཾ ཏཎྷམབྦུཡ྄ཧ, ནིཙྪཱཏོ པརིནིབྦུཏོ.

ནཏུམྷཱཀསུཏྟ

པུཙྪཱ – ན ཏུམྷཱཀསུཏྟཾ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾཡེཝ བྷནྟེ སམྦཧུལེ བྷིཀྑུ ཨཱརབྦྷ ‘‘ཡཾ བྷིཀྑཝེ ནཏུམྷཱཀཾ ཏཾ པཛཧཐ, ཏཾ ཝོ པཧཱིནཾ ཧིཏཱཡ སུཁཱཡབྷཝིསྶཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཨནཏྟལཀྑཎསུཏྟ

པུཙྪཱ – ཨནཏྟལཀྑཎསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – བཱརཱཎསིཡཾ བྷནྟེ ཨིསིཔཏནེ མིགདཱཡེ པཉྩཝགྒིཡེ བྷིཀྑཱུ ཨཱརབྦྷ ‘‘རཱུཔཾ བྷིཀྑཝེ ཨནཏྟཱ, རཱུཔཉྩ ཧིདཾ བྷིཀྑཝེ ཨཏྟཱ ཨབྷཝིསྶ, ནཡིདཾ རཱུཔཾ ཨཱབཱདྷཱཡ སཾཝཏྟེཡྻ, ལབྦྷེཐ ཙ རཱུཔེ ཨེཝཾ མེ རཱུཔཾ ཧོཏུ, ཨེཝཾ མེ རཱུཔཾ མཱ ཨཧོསཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཡམཀསུཏྟ

པུཙྪཱ – ཐེརཝགྒེ པནཱཝུསོ ཏཏིཡཾ སཾགཱིཏཾ ཡམཀསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཱཡསྨནྟཾ ཡམཀཏྠེརཾ ཨཱརབྦྷ ཨཱཡསྨཏཱ སཱརིཔུཏྟཏྠེརེན དྷམྨསེནཱཔཏིནཱ བྷཱསིཏཾ. ཨཱཡསྨཏོ བྷནྟེ ཡམཀཏྠེརསྶ ཨེཝརཱུཔཾ པཱཔཀཾ དིཊྛིགཏཾ ཨུཔྤནྣཾ ཧོཏི ‘‘ཏཐཱཧཾ བྷགཝཏཱ དྷམྨཾ དེསིཏཾ ཨཱཛཱནཱམི, ཡཐཱ ཁཱིཎཱསཝོ བྷིཀྑུ ཀཱཡསྶ བྷེདཱ ཨུཙྪིཛྫཏི ཝིནསྶཏི, ན ཧོཏི པརཾམརཎཱ’’ཏི. ཏསྨིཾ བྷནྟེ ཝཏྠུསྨིཾ ‘‘ཏཾ ཀིཾ མཉྙསི ཨཱཝུསོ ཡམཀ, རཱུཔཾ ནིཙྩཾ ཝཱ ཨནིཙྩཾ ཝཱ’’ཏི ཨེཝམཱདིནཱ བྷནྟེ ཨཱཡསྨཏཱ སཱརིཔུཏྟཏྠེརེན དྷམྨསེནཱཔཏིནཱ བྷཱསིཏཾ.

པུཙྪཱ – ཀཐཉྩཱཝུསོ ¶ ཏཏྠ ཨཱཡསྨཱ སཱརིཔུཏྟཏྠེརོ དྷམྨསེནཱཔཏི ཨཱཡསྨཏོ ཡམཀཏྠེརསྶ པཊིཝིདྡྷསཙྩསྶ དིཊྛིསམྤནྣསྶ ཨནུཡོགཝཏྟཛྷཱཔནཝསེན པཊིཔུཙྪིཏྭཱ ཨུཏྟརི དྷམྨདེསནཾ ཝིཏྠཱརེན དེསེསི.

ཝིསྶཛྫནཱ – ཏཾ ཀིཾ མཉྙསི ཨཱཝུསོ ཡམཀ, རཱུཔཾ ‘ཏཐཱགཏོ’ཏི སམནུཔསྶསཱིཏི. ‘ནོ ཧེཏཾ ཨཱཝུསོ’. ཝེདནཾ. སཉྙཾ. སངྑཱརེ. ཝིཉྙཱཎཾ ‘ཏཐཱགཏོ’ཏི སམནུཔསྶསཱིཏི. ‘ནོ ཧེཏཾ ཨཱཝུསོ’ཏི ཨེཝམཱདིནཱ བྷནྟེ ཨཱཡསྨཱ སཱརིཔུཏྟཏྠེརོ དྷམྨསེནཱཔཏི ཨཱཡསྨཏོ ཡམཀཏྠེརསྶ ཨནུཡོགཝཏྟཛྷཱཔནཝསེན པཊིཔུཙྪིཏྭཱ པཊིཔུཙྪིཏྭཱ ཨུཏྟརི དྷམྨདེསནཾ པཝཏྟེསི.

ཏཾ ¶ ཀིཾ མཉྙསི ཨཱཝུསོ ཡམཀ, རཱུཔཾ, ཝེདནཾ, སཉྙཾ, སངྑཱརེ, ཝིཉྙཱཎཾ ‘ཏཐཱགཏོ’ཏི སམནུཔསྶསི–

ཝཀྐལིསུཏྟ

པུཙྪཱ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན ཁནྡྷཝགྒསཾཡུཏྟེ ཐེརཝགྒེ པཉྩམཾ ཝཀྐལིསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – རཱཛགཧེ བྷནྟེ ཨཱཡསྨནྟཾ ཝཀྐལིཾ ཐེརཾ ཨཱརབྦྷ བྷཱསིཏཾ. ཨཱཡསྨཱ བྷནྟེ ཝཀྐལིཐེརོ ཨཱབཱདྷིཀོ དུཀྑིཏོ བཱལ༹ྷགིལཱནོ བྷགཝནྟཾ ཨེཏདཝོཙ ‘‘ཙིརཔཊིཀཱཧཾ བྷནྟེ བྷགཝནྟཾ དསྶནཱཡ ཨུཔསངྐམིཏུཀཱམོ, ནཏྠི ཙ མེ ཀཱཡསྨིཾ ཏཱཝཏིཀཱ བལམཏྟཱ, ཡཱཝཏཱཧཾ བྷགཝནྟཾ དསྶནཱཡ ཨུཔསངྐམེཡྻ’’ནྟི. ཏསྨིཾ བྷནྟེ ཝཏྠུསྨིཾ ‘‘ཨལཾ ཝཀྐལི, ཀིཾ ཏེ ཨིམིནཱ པཱུཏིཀཱཡེན དིཊྛེན, ཡོ ཁོ ཝཀྐལི དྷམྨཾ པསྶཏི, སོ མཾ པསྶཏི, ཡོ མཾ པསྶཏི, སོ དྷམྨཾ པསྶཏི. དྷམྨཉྷི ཝཀྐལི པསྶནྟོ མཾ པསྶཏི, མཾ པསྶནྟོ དྷམྨཾ པསྶཏི. ཏཾ ཀིཾ མཉྙསི ཝཀྐལི ¶ , རཱུཔཾ ནིཙྩཾ ཝཱ ཨནིཙྩཾ ཝཱ’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

‘‘ཨཧཾ ¶ ཝཀྐལི, ཀིཾ ཏེ ཨིམིནཱ པཱུཏིཀཱཡེན དིཊྛེན’’ –

‘‘ཏཾ ཀིཾ མཉྙསི ཝཀྐལི, རཱུཔཾ ནིཙྩཾ ཝཱ ཨནིཙྩཾ ཝཱ’’ –

ཨནིཙྩཾ བྷནྟེ.

‘‘ཡཾ པནཱནིཙྩཾ, དུཀྑཾ ཝཱ ཏཾ སུཁཾ ཝཱ’’–

དུཀྑཾ བྷནྟེ.

ཡཾ པནཱནིཙྩཾ དུཀྑཾ ཝིཔརིཎཱམདྷམྨཾ, ཀལླཾ ནུ ཏཾ སམནུཔསྶིཏུཾ ‘‘ཨེཏཾ མམ, ཨེསོཧམསྨི, ཨེསོ མེ ཨཏྟཱ’’–

པུཙྪཱ – ཀཐཉྩཱཝུསོ ¶ པུནཔི བྷགཝཱ བྷིཀྑཱུ པེསེཏྭཱ ཨཱཡསྨཏོ ཝཀྐལིཏྠེརསྶ པགྒཧཝཙནཾ ཨཱརོཙཱཔེསི. སོཔི ཀཐཾ ཨཏྟནོ པཝཏྟིཾ བྷགཝཏོ པཙྩཱརོཙཱཔེསི. ཀཐཉྩསྶ ཨབྷིསམྤརཱཡོ ཨཧོསི.

ཝིསྶཛྫནཱ – སུཎཱཝུསོ ཏྭཾ ཝཀྐལི བྷགཝཏོ ཝཙནཾ དྭིནྣཉྩ དེཝཏཱནཾ, ཨིམཾ ཨཱཝུསོ རཏྟིཾ དྭེ དེཝཏཱཡོ ཨབྷིཀྐནྟཱཡ རཏྟིཡཱ ཨབྷིཀྐནྟཝཎྞཱ ཀེཝལཀཔྤཾ གིཛ྄ཛྷཀཱུཊཾ ཨོབྷཱསེཏྭཱ ཡེན

བྷགཝཱ ¶ ཏེནུཔསངྐམིཾསུ, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ཨཊྛཾསུ, ཨེཀམནྟཾ ཋིཏཱ ཁོ ཨཱཝུསོ ཨེཀཱ དེཝཏཱ བྷགཝནྟཾ ཨེཏདཝོཙ ‘ཝཀྐལི བྷནྟེ བྷིཀྑུ ཝིམོཀྑཱཡ ཙེཏེཏཱི’ཏི. ཨཔརཱ དེཝཏཱ བྷགཝནྟཾ ཨེཏདཝོཙ ‘སོ ཧི ནཱུན བྷནྟེ སུཝིམུཏྟོ ཝིམུཙྩིསྶཏཱི’ཏི. བྷགཝཱ ཙ ཏཾ ཨཱཝུསོ ཝཀྐལི ཨེཝམཱཧ ‘མཱ བྷཱཡི ཝཀྐལི, མཱ བྷཱཡི ཝཀྐལི, ཨཔཱཔཀཾ ཏེ མརཎཾ བྷཝིསྶཏི, ཨཔཱཔིཀཱ ཀཱལཀིརིཡཱ’ཏི. ཨེཝཾ ཁོ བྷནྟེ བྷགཝཱ པུནཔི བྷིཀྑཱུ པེསེཏྭཱ ཨཱཡསྨཏོ ཝཀྐལིཏྠེརསྶ པགྒཧཝཙནཾ ཨཱརོཙཱཔེསི. སོཔི བྷནྟེ ཨཱཡསྨཱ ཏེནཧཱཝུསོ མམ ཝཙནེན བྷགཝཏོ པཱདེ སིརསཱ ཝནྡཐ ‘‘ཝཀྐལི བྷནྟེ བྷིཀྑུ ཨཱབཱདྷིཀོ དུཀྑིཏོ བཱལ༹ྷགིལཱནོ, སོ བྷགཝཏོ པཱདེ སིརསཱ ཝནྡཏཱི’’ཏི, ཨེཝཉྩ ཝདེཐ ‘‘རཱུཔཾ ཨནིཙྩཾ, ཏཱཧཾ བྷནྟེ ན ཀངྑཱམི, ཡདནིཙྩཾ ཏཾ དུཀྑནྟི ནཝིཙིཀིཙྪཱམི, ཡདནིཙྩཾ དུཀྑཾ ཝིཔརིཎཱམདྷམྨཾ, ནཏྠི མེ ཏཏྠ ཚནྡོ ཝཱ རཱགོ ཝཱ པེམཾཝཱཏི ན ཝིཙིཀིཙྪཱམཱི’’ཏི ཨེཝམཱདིནཱ བྷགཝཏོ ཨཏྟནོ པཝཏྟིཾ པཙྩཱརོཙཱཔེསི. སོ ཧི བྷནྟེ ཨཱཡསྨཱ ཨཙིརཔཀྐནྟེསུ ཏེསུ བྷིཀྑཱུསུ སཏྠཾ ཨཱཧརིཏྭཱ ཝེདནཾ ཝིཀྑམྦྷེཏྭཱ མཱུལཀམྨཊྛཱནཾ ཨཱདཱཡ སམྤཛཱནོ ཨརཧཏྟཾ སཙྪིཀཏྭཱ ཀཱལམཀཱསི. ཨེཝཾ ཁོ བྷནྟེ ཏསྶ ཨཱཡསྨཏོ ཨབྷིསམྤརཱཡོ ཨཧོསི.

ཨསྶཛིསུཏྟ

པུཙྪཱ – ཨསྶཛིསུཏྟཾ ¶ པནཱཝུསོ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – རཱཛགཧེ བྷནྟེ ཨཱཡསྨནྟཾ ཨསྶཛིཾ ཨཱརབྦྷ བྷཱསིཏཾ. ཨཱཡསྨཱ བྷནྟེ ཨསྶཛི ཨཱབཱདྷིཀོ དུཀྑིཏོ བཱལ༹ྷགིལཱནོ བྷགཝནྟཾ ཨེཏདཝོཙ ‘‘པུབྦེ ཁྭཱཧཾ བྷནྟེ གེལཉྙེ པསྶམྦྷེཏྭཱ པསྶམྦྷེཏྭཱ ཀཱཡསངྑཱརེ ཝིཧརཱམི, སོཧཾ སམཱདྷིཾ ནཔྤཊིལབྷཱམི. ཏསྶ མཡ྄ཧཾ བྷནྟེ ཏཾ སམཱདྷིཾ ཨཔྤཊིལབྷཏོ ཨེཝཾ ཧོཏི ནོ ཙསྶཱཧཾ པརིཧཱཡཱམཱི’’ཏི. ཏསྨིཾ བྷནྟེ ཝཏྠུསྨིཾ ‘‘ཡེ ཏེ ཨསྶཛི སམཎབྲཱཧྨཎཱ སམཱདྷིསཱརཀཱ སམཱདྷིསཱམཉྙཱ, ཏེསཾ ཏཾ སམཱདྷིཾ ཨཔྤཊིལབྷཏཾ ཨེཝཾ ཧོཏི ‘ནོ ཙསྶུ མཡཾ པརིཧཱཡཱམཱ’ཏི. ཏཾ ཀིཾ མཉྙསི ཨསྶཛི, རཱུཔཾ ནིཙྩཾ ཝཱ ཨནིཙྩཾ ཝཱ’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

ཁེམཀསུཏྟ

པུཙྪཱ – ཁེམཀསུཏྟཾ ¶ པནཱཝུསོ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན ཀཐཉྩ བྷཱསིཏཾ.

ཝིསྶཛྫནཱ – ཀོསམྦིཡཾ བྷནྟེ སམྦཧུལེ ཐེརེ བྷིཀྑཱུ ཨཱརབྦྷ ཨཱཡསྨཏཱ ཁེམཀཏྠེརེན བྷཱསིཏཾ. སམྦཧུལཱ བྷནྟེ ཐེརཱ བྷིཀྑཱུ ཨཱཡསྨནྟཾ དཱསཀཾ པེསེཏྭཱ ཙཏུཀྑཏྟུཾ ཨཱཡསྨནྟཾ ཁེམཀཾ ཨཱབཱདྷིཀཾ དུཀྑིཏཾ བཱལ༹ྷགིལཱནཾ གེལཉྙཀཱརཎཉྩ དྷམྨཉྩ པུཙྪིཾསུ ¶ , ཏསྨིཾ བྷནྟེ ཝཏྠུསྨིཾ ‘‘པཉྩིམེ ཨཱཝུསོ ཨུཔཱདཱནཀྑནྡྷཱ ཝུཏྟཱ བྷགཝཏཱ. སེཡྻཐིདཾ, རཱུཔུཔཱདཱནཀྑནྡྷོ ཝེདནུཔཱདཱནཀྑནྡྷོ སཉྙུཔཱདཱནཀྑནྡྷོ སངྑཱརུཔཱདཱནཀྑནྡྷོ ཝིཉྙཱཎུཔཱདཱནཀྑནྡྷོ, ཨིམེསུ ཁྭཱཧཾ ཨཱཝུསོ པཉྩསུ ཨུཔཱདཱནཀྑནྡྷེསུ ན ཀིཉྩི ཨཏྟཾ ཝཱ ཨཏྟནིཡཾ ཝཱ སམནུཔསྶཱམཱི’’ཏི ཨེཝམཱདིནཱ བྷནྟེ ཨཱཡསྨཏཱ ཁེམཀཏྠེརེན བྷཱསིཏཾ.

པུཙྪཱ – ཀཐཉྩཱཝུསོ ¶ ཏཏྠ ཨཱཡསྨཱ ཁེམཀོ ཨུཏྟརི དྷམྨདེསནཾ པཝཌྜྷེཏྭཱ ཝིཏྠཱརེན ཐེརཱནཾ བྷིཀྑཱུནཾ དེསེསི. ཀཱིདིསོ ཙ ནེསཾ དྷམྨདེསཀདྷམྨཔྤཊིགྒཱཧཀཱནཾ དྷམྨདེསནཱཡ ཨཱནིསཾསོ ཨདྷིགཏོ.

ཝིསྶཛྫནཱ – ཙཏུཏྠེ བྷནྟེ ཝཱརེ ཨཱཡསྨཱ ཁེམཀོ ‘‘ཨལཾ ཨཱཝུསོ དཱསཀ ཀིཾ ཨིམཱཡ སནྡྷཱཝནིཀཱཡ, ཨཱཧརཱཝུསོ དཎྜཾ, ཨཧམེཝ ཐེརཱནཾ སནྟིཀཾ གམིསྶཱམཱི’’ཏི དཎྜམོལུབྦྷ ཨཱཡསྨཱ ཁེམཀོ ཡེན ཐེརཱ བྷིཀྑཱུ ཏེནུཔསངྐམི, ཨུཔསངྐམིཏྭཱ ཐེརེཧི བྷིཀྑཱུཧི པུཙྪིཏོ ‘‘ནཁྭཱཧཾ ཨཱཝུསོ རཱུཔཾ ཨསྨཱིཏི ཝདཱམི, ནཔི ཨཉྙཏྲ རཱུཔཱ ཨསྨཱིཏི ཝདཱམི. ན ཁྭཱཧཾ ཨཱཝུསོ ཝེདནཾ ཨསྨཱིཏི ཝདཱམི, ནཔི ཨཉྙཏྲ ཝེདནཱ ཨསྨཱིཏི ཝདཱམཱི’’ཏི ཨེཝམཱདིནཱ བྷནྟེ ཨཱཡསྨཱ ཁེམཀོ ཨུཏྟརིཔི དྷམྨདེསནཾ པཝཌྜྷེཏྭཱ ཝིཏྠཱརེན དེསེསི. ཨིམསྨིཉྩ པན བྷནྟེ ཝེཡྻཱཀརཎསྨིཾ བྷཉྙམཱནེ སཊྛིམཏྟཱནཾ ཐེརཱནཾ བྷིཀྑཱུནཾ ཨནུཔཱདཱཡ ཨཱསཝེཧི ཙིཏྟཱནི ཝིམུཙྩིཾསུ ཨཱཡསྨཏོཙ ཁེམཀསྶ. ཨེཝཾ ཁོ བྷནྟེ ཏེསཾ ཐེརཱནཾ དྷམྨདེསཀདྷམྨཔྤཊིགྒཱཧཀཱནཾ དྷམྨཱབྷིསམཡོ ཨཧོསི.

ཚནྣསུཏྟ

པུཙྪཱ – ཚནྣསུཏྟཾ ¶ པནཱཝུསོ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན ཀཐཉྩ བྷཱསིཏཾ.

ཝིསྶཛྫནཱ – ཀོསམྦིཡཾ བྷནྟེ ཨཱཡསྨནྟཾ ཚནྣཏྠེརཾ ཨཱརབྦྷ བྷཱསིཏཾ. ཨཱཡསྨཱ བྷནྟེ ཚནྣཏྠེརོ ཨཱཡསྨནྟཾ ཨཱནནྡཾ ཨེཏདཝོཙ ‘‘ཨོཝདཏུ མཾ ཨཱཡསྨཱ ཨཱནནྡོ, ཨནུསཱསཏུ མཾ ཨཱཡསྨཱ ཨཱནནྡོ, ཀརོཏུ མེ ཨཱཡསྨཱ ཨཱནནྡོ དྷམྨིཾ ཀཐཾ, ཡཐཱཧཾ དྷམྨཾ པསྶེཡྻ’’ནྟི. ཏསྨིཾ བྷནྟེ ཝཏྠུསྨིཾ ‘‘སམྨུཁཱ མེ ཏཾ ཨཱཝུསོ ཚནྣ བྷགཝཏོ སུཏཾ, སམྨུཁཱ པཊིགྒཧིཏཾ ཀཙྩཱནགོཏྟཾ བྷིཀྑུཾ ཨོཝདནྟསྶ, དྭཡནིསྶིཏོ ཁྭཱཡཾ ཀཙྩཱན ལོཀོ ཡེབྷུཡྻེན ཨཏྠིཏཉྩེཝ ནཏྠིཏཉྩ, ལོཀསམུདཡཾ ཁོ ཀཙྩཱན ཡཐཱབྷཱུཏཾ སམྨཔྤཉྙཱཡ པསྶཏོ ཡཱ ལོཀེ ནཏྠིཏཱ, སཱ ན ཧོཏཱི’’ཏི ཨེཝམཱདིནཱ བྷནྟེ ཨཱཡསྨཏཱ ཨཱནནྡཏྠེརེན དྷམྨབྷཎྜཱགཱརིཀེན བྷཱསིཏཾ.

ཨོཝདཏུ ¶ མཾ ཨཱཡསྨཱ ཨཱནནྡོ, ཨནུསཱསཏུ མཾ ཨཱཡསྨཱ ཨཱནནྡོ.

པུཔྥསུཏྟ

པུཙྪཱ – ཏེནཱཝུསོ…པེ… ¶ སམྨཱསམྦུདྡྷེན ཁནྡྷཝགྒསཾཡུཏྟེ པུཔྥཝགྒེ པུཔྥསུཏྟཾ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ ‘‘ནཱཧཾ བྷིཀྑཝེ ལོཀེན ཝིཝདཱམི, ལོཀོཝ མཡཱ ཝིཝདཏི, ན བྷིཀྑཝེ དྷམྨཝཱདཱི ¶ ཀེནཙི ལོཀསྨིཾ ཝིཝདཏི, ཡཾ བྷིཀྑཝེ ནཏྠི སམྨཏཾ ལོཀེ པཎྜིཏཱནཾ, ཨཧམྤིཏཾ ‘‘ནཏྠཱི’’ཏི ཝདཱམི, ཡཾ བྷིཀྑཝེ ཨཏྠིསམྨཏཾ ལོཀེ པཎྜིཏཱནཾ, ཨཧམྤིཏཾ ‘‘ཨཏྠཱི’’ཏི ཝདཱམཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ནཱཧཾ བྷིཀྑཝེ ལོཀེན ཝིཝདཱམི.

ན བྷིཀྑཝེ དྷམྨཝཱདཱི ཀེནཙི ལོཀསྨིཾ ཝིཝདཏི.

ཕེཎཔིཎྜཱུཔམསུཏྟ

པུཙྪཱ – ཏཏྠེཝ ¶ ཨཱཝུསོ ཕེཎཔིཎྜཱུཔམསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – ཨཡུཛ྄ཛྷཱཡཾ བྷནྟེ གངྒཱཡ ནདིཡཱ ཏཱིརེ སམྦཧུལེ བྷིཀྑཱུ ཨཱརབྦྷ ‘‘སེཡྻཐཱཔི བྷིཀྑཝེ ཨཡཾ གངྒཱ ནདཱི མཧནྟཾ ཕེཎཔིཎྜཾ ཨཱཝཧེཡྻ, ཏམེནཾ ཙཀྑུམཱ པུརིསོ པསྶེཡྻ ནིཛ྄ཛྷཱཡེཡྻ ཡོནིསོ ཨུཔཔརིཀྑེཡྻ, ཏསྶ ཏཾ པསྶཏོ ནིཛ྄ཛྷཱཡཏོ ཡོནིསོ ཨུཔཔརིཀྑཏོ རིཏྟཀཉྙེཝ ཁཱཡེཡྻ, ཏུཙྪཀཉྙེཝ ཁཱཡེཡྻ, ཨསཱརཀཉྙེཝ ཁཱཡེཡྻ, ཀིཾ སིཡཱ བྷིཀྑཝེ ཕེཎཔིཎྜེ སཱརོ. ཨེཝམེཝ ཁོ བྷིཀྑཝེ ཡཾ ཀིཉྩི རཱུཔཾ ཨཏཱིཏཱནཱགཏཔཙྩུཔྤནྣཾ ཨཛ྄ཛྷཏྟཾཝཱ བཧིདྡྷཱ ཝཱ ཨོལཱ༹རིཀཾ ཝཱ སུཁུམཾ ཝཱ ཧཱིནཾ ཝཱ པཎཱིཏཾ ཝཱ ཡཾ དཱུརེ སནྟིཀེ ཝཱ, ཏཾ བྷིཀྑུ པསྶཏི ནིཛ྄ཛྷཱཡཏི ཡོནིསོ ཨུཔཔརིཀྑཏི, ཏསྶ ཏཾ པསྶཏོ ནིཛ྄ཛྷཱཡཏོ ཡོནིསོ ཨུཔཔརིཀྑཏོ རིཏྟཀཉྙེཝ ཁཱཡཏི, ཏུཙྪཀཉྙེཝ ཁཱཡཏི, ཨསཱརཀཉྙེཝ ཁཱཡཏི, ཀིཉྷི སིཡཱ བྷིཀྑཝེ རཱུཔེ སཱརོ’’ཏི ཨེཝམཱདིནཱ བྷགཝཏཱ བྷཱསིཏཾ.

ཕེཎཔིཎྜཱུཔམཾ ¶ རཱུཔཾ, ཝེདནཱ པུབྦུལུ༹པམཱ;

མརཱིཙིཀཱུཔམཱ སཉྙཱ, སངྑཱརཱ ཀདལཱུཔམཱ;

མཱཡཱུཔམཉྩ ཝིཉྙཱཎཾ, དེསིཏཱདིཙྩབནྡྷུནཱ;

ཡཐཱ ཡཐཱ ནིཛ྄ཛྷཱཡཏི, ཡོནིསོ ཨུཔཔརིཀྑཏི;

རིཏྟཀཾ ཏུཙྪཀཾ ཧོཏི, ཡོ ནཾ པསྶཏི ཡོནིསོ.

ཨིམཉྩ ¶ ཀཱཡཾ ཨཱརབྦྷ, བྷཱུརིཔཉྙེན དེསིཏཾ;

པཧཱནཾ ཏིཎྞཾ དྷམྨཱནཾ, རཱུཔཾ པསྶཐ ཚཌྜིཏཾ.

ཨཱཡུ ཨུསྨཱཙ ཝིཉྙཱཎཾ, ཡདཱ ཀཱཡཾ ཛཧནྟིམཾ;

ཨཔཝིདྡྷོ ཏདཱ སེཏི, པརབྷཏྟཾ ཨཙེཏནཾ.

ཨེཏཱདིསཱཡཾ སནྟཱནོ, མཱཡཱཡཾ བཱལལཱཔིནཱི;

ཝདྷཀོ ཨེས ཨཀྑཱཏོ, སཱརོ ཨེཏྠ ན ཝིཛྫཏི.

ཨེཝཾ ཁནྡྷེ ཨཝེཀྑེཡྻ, བྷིཀྑུ ཨཱརདྡྷཝཱིརིཡོ;

དིཝཱ ཝཱ ཡདི ཝཱ རཏྟིཾ, སམྤཛཱནོ པཊིསྶཏོ.

ཛཧེཡྻ སབྦསཾཡོགཾ, ཀརེཡྻ སརཎཏྟནོ;

ཙརེཡྻཱདིཏྟསཱིསོཝ, པཏྠཡཾ ཨཙྩུཏཾ པདཾ.

དུཏིཡདྷམྨཀཏིཀསུཏྟ

པུཙྪཱ – ཏཏྠེཝ ཨཱཝུསོ དྷམྨཀཐིཀཝགྒེ དུཏིཡདྷམྨཀཐིཀསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཉྙཏརཾ བྷིཀྑུཾ ཨཱརབྦྷ བྷཱསིཏཾ. ཨཉྙཏམོ བྷནྟེ བྷིཀྑུ བྷགཝནྟཾ ཨེཏདཝོཙ ‘‘དྷམྨཀཐིཀོ དྷམྨཀཐིཀོཏི བྷནྟེ ཝུཙྩཏི, ཀིཏྟཱཝཏཱ ནུ ཁོ བྷནྟེ དྷམྨཀཐིཀོ ཧོཏི, ཀིཏྟཱཝཏཱ དྷམྨཱནུདྷམྨཔྤཊིཔནྣོ ཧོཏི, ཀིཏྟཱཝཏཱ དིཊྛདྷམྨནིབྦཱནཔྤཏྟོ ཧོཏཱི’’ཏི. ཏསྨིཾ བྷནྟེ ཝཏྠུསྨིཾ ‘‘རཱུཔསྶ ཙེ བྷིཀྑུ ནིབྦིདཱཡ ཝིརཱགཱཡ ནིརོདྷཱཡ དྷམྨཾ དེསེཏི, ‘དྷམྨཀཐིཀོ བྷིཀྑཱུ’ཏི ཨལཾ ཝཙནཱཡཱ’’ཏི ཨེཝམཱདིནཱ བྷགཝཏཱ བྷཱསིཏཾ.

སཱིལཝནྟསུཏྟ, སུཏཝནྟསུཏྟ

པུཙྪཱ – ཏཏྠེཝ ¶ ཨཱཝུསོ པོརཱཎཀེཧི དྷམྨསཾགཱཧཀམཧཱཐེརེཧི སཾགཱིཏཾ སཱིལཝནྟསུཏྟཉྩ སུཏཝནྟསུཏྟཉྩ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན ཀཐཉྩ བྷཱསིཏཾ.

ཝིསྶཛྫནཱ – བཱརཱཎསིཡཾ ¶ བྷནྟེ ཨཱཡསྨནྟཾ མཧཱཀོཊྛིཀཾ ཨཱརབྦྷ ཨཱཡསྨཏཱ སཱརིཔུཏྟཏྠེརེན དྷམྨསེནཱཔཏིནཱ བྷཱསིཏཾ. ཨཱཡསྨཱ བྷནྟེ མཧཱཀོཊྛིཀོ སཱཡནྷསམཡཾ པཊིསལླཱནཱ ཝུཊྛིཏོ ཡེནཱཡསྨཱ སཱརིཔུཏྟོ ཏེནུཔསངྐམི, ཨུཔསངྐམིཏྭཱ ཨཱཡསྨནྟཾ སཱརིཔུཏྟཾ ཨེཏདཝོཙ ‘‘སཱིལཝཏཱཝུསོ སཱརིཔུཏྟ བྷིཀྑུནཱ ཀཏམེ དྷམྨཱ ཡོནིསོ མནསིཀཱཏབྦཱ. སུཏཱཝཏཱཝུསོ སཱརིཔུཏྟ བྷིཀྑུནཱ ཀཏམེ དྷམྨཱ ཡོནིསོ མནསིཀཱཏབྦཱ’’ཏི. ཏསྨིཾ བྷནྟེ ཝཏྠུསྨིཾ ‘‘སཱིལཝཏཱཝུསོ ཀོཊྛིཀ བྷིཀྑུནཱ, སུཏཱཝཏཱཝུསོ ཀོཊྛིཀ བྷིཀྑུནཱ པཉྩུཔཱདཱནཀྑནྡྷཱ ཨནིཙྩཏོ དུཀྑཏོ རོགཏོ གཎྜཏོ སལླཏོ ཨགྷཏོ ཨཱབཱདྷཏོ པརཏོ པལོཀཏོ སུཉྙཏོ ཨནཏྟཏོ ཡོནིསོ མནསིཀཱཏབྦཱ’’ཏི ཨེཝམཱདིནཱ ཨཱཡསྨཏཱ སཱརིཔུཏྟཏྠེརེན དྷམྨསེནཱཔཏིནཱ བྷཱསིཏཾ.

རཱདྷསཾཡུཏྟ

སཏྟསུཏྟ

པུཙྪཱ – རཱདྷསཾཡུཏྟེ ¶ པནཱཝུསོ དུཏིཡཾ སཏྟསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཱཡསྨནྟཾ རཱདྷཏྠེརཾ ཨཱརབྦྷ བྷཱསིཏཾ. ཨཱཡསྨཱ བྷནྟེ རཱདྷཏྠེརོ བྷགཝནྟཾ ཨེཏདཝོཙ ‘‘སཏྟོ སཏྟོཏི བྷནྟེ ཝུཙྩཏི, ཀིཏྟཱཝཏཱ ནུ ཁོ བྷནྟེ སཏྟོཏི ཝུཙྩཏཱི’’ཏི. ཏསྨིཾ བྷནྟེ ཝཏྠུསྨིཾ ‘‘རཱུཔེ ཁོ རཱདྷ ཡོ ཚནྡོ ཡོ རཱགོ ཡཱ ནནྡཱི ཡཱ ཏཎྷཱ, ཏཏྲ སཏྟོ ཏཏྲ ཝིསཏྟོ, ཏསྨཱ སཏྟོཏི ཝུཙྩཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

དིཊྛིསཾཡུཏྟ

སོཨཏྟཱསུཏྟ

པུཙྪཱ – དིཊྛིསཾཡུཏྟེ ¶ པནཱཝུསོ ཏཏིཡཾ སཾགཱིཏཾ སོཨཏྟཱ སུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ ‘‘ཀིསྨིཾ ནུ ཁོ བྷིཀྑཝེ སཏི ཀིཾ ཨུཔཱདཱཡ ཀིཾ ཨབྷིནིཝིསྶ ཨེཝཾ དིཊྛི ཨུཔྤཛྫཏི སོ ཨཏྟཱ སོ ལོཀོ སོ པེཙྩ བྷཝིསྶཱམི ནིཙྩོ དྷུཝོ སསྶཏོ ཨཝིཔརིཎཱམདྷམྨོ’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

ནཏྠིདིནྣསུཏྟ

པུཙྪཱ – ཏཏྠེཝ ¶ ཨཱཝུསོ པཉྩམཾ ནཏྠིདིནྣསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾཡེཝ བྷནྟེ སམྦཧུལེ བྷིཀྑཱུ ཨཱརབྦྷ ‘‘ཀིསྨིཾ ནུ ཁོ བྷིཀྑཝེ སཏི ཀིཾ ཨུཔཱདཱཡ ཀིཾ ཨབྷིནིཝིསྶ ཨེཝཾ དིཊྛི ཨུཔྤཛྫཏི ནཏྠི དིནྣཾ, ནཏྠི ཡིཊྛཾ, ནཏྠི ཧུཏཾ, ནཏྠི སུཀཏདུཀྐཊཱནཾ ཀམྨཱནཾ ཕལཾ ཝིཔཱཀོ’’ཏི ཨེཝམཱདིནཱ བྷགཝཏཱ བྷཱསིཏཾ.

ཨོཀྐནྟསཾཡུཏྟ

ཙཀྑུསུཏྟ

པུཙྪཱ – ཨོཀྐནྟསཾཡུཏྟེ ¶ པནཱཝུསོ པཋམཾ ཙཀྑུསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ ¶ བྷནྟེ སམྦཧུལེ བྷིཀྑཱུ ཨཱརབྦྷ ‘‘ཙཀྑུཾ བྷིཀྑཝེ ཨནིཙྩཾ ཝིཔརིཎཱམི ཨཉྙཐཱབྷཱཝི. སོཏཾ. གྷཱནཾ. ཛིཝ྄ཧཾ. ཀཱཡོ. མནོ ཨནིཙྩོ ཝིཔརིཎཱམཱི ཨཉྙཐཱབྷཱཝཱི’’ཏི ཨེཝམཱདིནཱ བྷགཝཏཱ བྷཱསིཏཾ.

སཱརིཔུཏྟསཾཡུཏྟ

སུཙིམུཁཱིསུཏྟ

པུཙྪཱ – སཱརིཔུཏྟསཾཡུཏྟེ ¶ པནཱཝུསོ དསམཾ སུཙིམུཁཱིསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན ཀཐཉྩ བྷཱསིཏཾ.

ཝིསྶཛྫནཱ – རཱཛགཧེ བྷནྟེ སུཙིམུཁིཾ པརིབྦཱཛིཀཾ ཨཱརབྦྷ ཨཱཡསྨཏཱ སཱརིཔུཏྟཏྠེརེན དྷམྨསེནཱཔཏིནཱ བྷཱསིཏཾ. སུཙིམུཁཱི བྷནྟེ པརིབྦཱཛིཀཱ ཨཱཡསྨནྟཾ སཱརིཔུཏྟཾ ཨེཏདཝོཙ ‘‘ཀིཾ ནུ ཁོ སམཎ ཨདྷོམུཁོ བྷུཉྫསཱི’’ཏི. ཏསྨིཾ བྷནྟེ ཝཏྠུསྨིཾ ‘‘ན ཁྭཱཧཾ བྷགིནི ཨདྷོམུཁོ བྷུཉྫཱམཱི’’ཏི ཨེཝམཱདིནཱ པཊིཀྑིཔིཏྭཱ ‘‘ཡེ ཧི ཀེཙི བྷགིནི སམཎབྲཱཧྨཎཱ ཝཏྠུཝིཛྫཱ ཏིརཙྪཱནཝིཛྫཱཡ མིཙྪཱཛཱིཝེན ཛཱིཝིཀཾ ཀཔྤེནྟི, ཨིམེ ཝུཙྩནྟི བྷགིནི སམཎབྲཱཧྨཎཱ ཨདྷོམུཁཱ བྷུཉྫནྟཱི’’ཏི ཨེཝམཱདིནཱ ཨཱཡསྨཏཱ སཱརིཔུཏྟཏྠེརེན དྷམྨསེནཱཔཏིནཱ བྷཱསིཏཾ.

ཀིཾ ¶ ནུ ཁོ སམཎ ཨདྷོ མུཁོ བྷུཉྫསི.

ན ཁྭཱཧཾ བྷགིནི ཨདྷོམུཁོ བྷུཉྫཱམི.

ཏེན ཧི སམཎ ཨུབྦྷམུཁོ བྷུཉྫསི.

ན ཁྭཱཧཾ བྷགིནི ཨུབྦྷམུཁོ བྷུཉྫཱམི.

སལཱ༹ཡཏནཝགྒསཾཡུཏྟཔཱལི༹

ཨཛ྄ཛྷཏྟཱནིཙྩསུཏྟ, བཱཧིརསུཏྟ

པུཙྪཱ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན སལཱ༹ཡཏནཝགྒསཾཡུཏྟེ པཋམཾ ཨཛ྄ཛྷཏྟཱནིཙྩསུཏྟཉྩ ཙཏུཏྠཾ བཱཧིརཱནིཙྩསུཏྟཉྩ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ ‘‘ཙཀྑུཾ བྷིཀྑཝེ ཨནིཙྩཾ, ཡདནིཙྩཾ ཏཾ དུཀྑཾ, ཡཾ དུཀྑཾ ཏདནཏྟཱ, ཡདནཏྟཱ ཏཾ ‘ནེཏཾ མམ, ནེསོཧམསྨི, ན མེསོ ཨཏྟཱ’ཏི ཨེཝམེཏཾ ཡཐཱབྷཱུཏཾ སམྨཔྤཉྙཱཡ དཊྛབྦ’’ནྟི ཨེཝམཱདིནཱཙ. ‘‘རཱུཔཱ བྷིཀྑཝེ ཨནིཙྩཱ. ཡདནིཙྩཾ ཏཾ དུཀྑཾ, ཡཾ དུཀྑཾ ཏདནཏྟཱ, ཡདནཏྟཱ ཏཾ ནེཏཾ མམ, ནེསོཧམསྨི, ན མེསོ ཨཏྟཱ’’ཏི ཙ ཨེཝམཱདིནཱ བྷགཝཏཱ བྷཱསིཏཾ.

སབྦཝགྒ

ཨཱདིཏྟསུཏྟ

པུཙྪཱ – ཏཏྠཱཝུསོ ¶ སབྦཝགྒེ ཚཊྛཾ ཨཱདིཏྟསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – གཡཱཡཾ ¶ བྷནྟེ གཡཱསཱིསེ པུརཱཎཛཊིལཾ བྷིཀྑུསཧསྶཾ ཨཱརབྦྷ ‘‘སབྦཾ བྷིཀྑཝེ ཨཱདིཏྟཾ, ཀིཉྩ བྷིཀྑཝེ སབྦཾ ཨཱདིཏྟཾ. ཙཀྑུ བྷིཀྑཝེ ཨཱདིཏྟཾ, རཱུཔཱ ཨཱདིཏྟཱ, ཙཀྑུཝིཉྙཱཎཾ ཨཱདིཏྟཾ, ཙཀྑུསམྥསྶོ ཨཱདིཏྟོ, ཡམྤིདཾ ཙཀྑུསམྥསྶཔཙྩཡཱ ཨུཔྤཛྫཏི, ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾཝཱ, ཏམྤི ཨཱདིཏྟཾ. ཀེན ཨཱདིཏྟཾ. རཱགགྒིནཱ དོསགྒིནཱ མོཧགྒིནཱ ཨཱདིཏྟཾ, ཛཱཏིཡཱ ཛརཱཡ མརཎེན སོཀེཧི པརིདེཝེཧི དུཀྑེཧི དོམནསྶེཧི ཨུཔཱཡཱསེཧི ཨཱདིཏྟནྟི ཝདཱམཱི’’ཏི ཨེཝམཱདིནཱ བྷགཝཏཱ བྷཱསིཏཾ.

མིགཛཱལཝགྒ

པཋམ མིགཛཱལསུཏྟ

པུཙྪཱ – མིགཛཱལཝགྒེ ¶ ཨཱཝུསོ པཋམམིགཛཱལསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ ¶ བྷནྟེ ཨཱཡསྨནྟཾ མིགཛཱལཏྠེརཾ ཨཱརབྦྷ བྷཱསིཏཾ. ཨཱཡསྨཱ བྷནྟེ མིགཛཱལཏྠེརོ བྷགཝནྟཾ ཨེཏདཝོཙ ‘‘ཨེཀཝིཧཱརཱི ཨེཀཝིཧཱརཱིཏི བྷནྟེ ཝུཙྩཏི, ཀིཏྟཱཝཏཱནུཁོ བྷནྟེ ཨེཀཝིཧཱརཱི ཧོཏི, ཀིཏྟཱཝཏཱཙ པན སདུཏིཡཝིཧཱརཱི ཧོཏཱི’’ཏི. ཏསྨིཾ བྷནྟེ ཝཏྠུསྨིཾ ‘‘སནྟི ཁོ མིགཛཱལ ཙཀྑུཝིཉྙེཡཱ རཱུཔཱ ཨིཊྛཱ ཀནྟཱ མནཱཔཱ པིཡརཱུཔཱ ཀཱམཱུཔསཾཧིཏཱ རཛནཱིཡཱ, ཏཉྩེ བྷིཀྑུ ཨབྷིནནྡཏི ཨབྷིཝདཏི ཨཛ྄ཛྷོསཱཡ ཏིཊྛཏི, ཏསྶ ཏཾ ཨབྷིནནྡཏོ ཨབྷིཝདཏོ ཨཛ྄ཛྷོསཱཡ ཏིཊྛཏོ ཨུཔྤཛྫཏི ནནྡཱི, ནནྡིཡཱ སཏི སཱརཱགོ ཧོཏི, སཱརཱགེ སཏི སཾཡོགོ ཧོཏི, ནནྡིསཾཡོཛནསཾཡུཏྟོ ཁོ མིགཛཱལ བྷིཀྑུ སདུཏིཡཝིཧཱརཱིཏི ཝུཙྩཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

པཋམ ཚཕསྶཱཡཏནསུཏྟ

པུཙྪཱ – ཏཏྠེཝ ¶ ནཝམཾ སཾགཱིཏཾ པཋམཚཕསྶཱཡཏནསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – རཱཛགཧེ བྷནྟེ སམྦཧུལེ བྷིཀྑཱུ ཨཱརབྦྷ ‘‘ཡོ ཧི ཀོཙི ཝིཀྑཝེ བྷིཀྑུ ཚནྣཾ ཕསྶཱཡཏནཱནཾ སམུདཡཉྩ ཨཏྠངྒམཉྩ ཨསྶཱདཉྩ ཨཱདཱིནཝཉྩ ནིསྶརཎཉྩ ཡཐཱབྷཱུཏཾ ནཔྤཛཱནཱཏི, ཨཝུསིཏཾ ཏེན བྲཧྨཙརིཡཾ, ཨཱརཀཱ སོ ཨིམསྨཱ དྷམྨཝིནཡཱ’’ཏི ཨེཝམཱདིནཱ བྷགཝཏཱ བྷཱསིཏཾ.

ཨཧཾ ¶ ཧི བྷནྟེ ཚནྣཾ ཕསྶཱཡཏནཱནཾ སམུདཡཉྩ ཨཏྠངྒམཉྩ ཨསྶཱདཉྩ ཨཱདཱིནཝཉྩ ནིསྶརཎཉྩ ཡཐཱབྷཱུཏཾ ནཔྤཛཱནཱམི.

ཙཀྑུཾ ¶ ཨེཏཾ མམ, ཨེསོཧམསྨི, ཨེསོ མེ ཨཏྟཱཏི སམནུཔསྶསི.

ནོ ཧེཏཾ བྷནྟེ.

ཨེཏྠ ཙ ཏེ བྷིཀྑུ ཙཀྑུ ནེཏཾ མམ, ནེསོཧམསྨི, ན མེསོ ཨཏྟཱཏི ཨེཝམེཏཾ ཡཐཱབྷཱུཏཾ སམྨཔྤཉྙཱཡ སུདིཊྛཾ བྷཝིསྶཏི, ཨེསེཝནྟོ དུཀྑསྶ.

གིལཱནཝགྒ

པཋམ གིལཱནསུཏྟ

པུཙྪཱ – གིལཱནཝགྒེ ¶ པནཱཝུསོ པཋམཾ གིལཱནསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཉྙཏརཾ ནཝཾ བྷིཀྑུཾ གིལཱནཾ ཨཱབཱདྷིཏཾ དུཀྑིཏཾ བཱལ༹ྷགིལཱནཾ ཨཱརབྦྷ བྷཱསིཏཾ. ཨཉྙཏརོ བྷནྟེ བྷིཀྑུ གིལཱནོ ཨཱབཱདྷིཀོ དུཀྑིཏོ བཱལ༹ྷགིལཱནོ བྷགཝནྟཾ ཨེཏདཝོཙ ‘‘ནཁྭཱཧཾ བྷནྟེ སཱིལཝིསུདྡྷཏྠཾ བྷགཝཏཱ དྷམྨཾ དེསིཏཾ ཨཱཛཱནཱམཱི’’ཏི. ཏསྨིཾ བྷནྟེ ཝཏྠུསྨིཾ ཏཾ བྷིཀྑུཾ པཊིཔུཙྪིཏྭཱ ཏསྶ ཙ ཝཙནཾ སཱདྷུཀཱརཾ དཏྭཱ ‘‘རཱགཝིརཱགཏྠོ ཧི བྷིཀྑུ མཡཱ དྷམྨོ དེསིཏོ, ཏཾ ཀིཾ མཉྙསི བྷིཀྑུ, ཙཀྑུ ནིཙྩཾ ཝཱ ཨནིཙྩཾ ཝཱཏི. ཨནིཙྩཾ བྷནྟེ. ཡཾ པནཱནིཙྩཾ དུཀྑཾ ཝཱ ཏཾ སུཁཾ ཝཱཏི, དུཀྑཾ བྷནྟེ’’ཏི ཨེཝམཱདིནཱ བྷགཝཏཱ བྷཱསིཏཾ.

ན ¶ མེ བྷནྟེ ཁམནཱིཡཾ.

སཱདྷུ ¶ ཁོ ཏྭཾ བྷིཀྑུ རཱགཝིརཱགཏྠཾ མཡཱ དྷམྨཾ དེསིཏཾ ཨཱཛཱནཱསི,

ཚནྣཝགྒ

པུཎྞསུཏྟ

པུཙྪཱ – ཚནྣཝགྒེ ¶ པནཱཝུསོ པཉྩམཾ སཾགཱིཏཾ པུཎྞསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཱཡསྨནྟཾ པུཎྞཏྠེརཾ ཨཱརབྦྷ བྷཱསིཏཾ, ཨཱཡསྨཱ བྷནྟེ པུཎྞཏྠེརོ བྷགཝནྟཾ ཨེཏདཝོཙ ‘‘སཱདྷུ མེ བྷནྟེ བྷགཝཱ སཾཁིཏྟེན དྷམྨཾ དེསེཏུ, ཡམཧཾ བྷགཝཏོ དྷམྨཾ སུཏྭཱ ཨེཀོ ཝཱུཔཀཊྛོ ཨཔྤམཏྟོ ཨཱཏཱཔཱི པཧིཏཏྟོ ཝིཧརེཡྻ’’ནྟི. ཏསྨིཾ ཝཏྠུསྨིཾ ‘‘སནྟི ཁོ པུཎྞ ཙཀྑུཝིཉྙེཡྻཱ རཱུཔཱ ཨིཊྛཱ ཀནྟཱ མནཱཔཱ པིཡརཱུཔཱ ཀཱམཱུཔསཾཧིཏཱ རཛནཱིཡཱ, ཏཉྩེ བྷིཀྑུ ཨབྷིནནྡཏི ཨབྷིཝདཏི ཨཛ྄ཛྷོསཱཡ ཏིཊྛཏི, ཏསྶ ཏཾ ཨབྷིནནྡཏོ ཨབྷིཝདཏོ ཨཛ྄ཛྷོསཱཡ ཏིཊྛཏོ ཨུཔྤཛྫཏི ནནྡཱི, ནནྡཱི སམུདཡོ དུཀྑསམུདཡོ པུཎྞཱཏི ཝདཱམཱི’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

པུཙྪཱ – ཨེཝཉྩཱཝུསོ ¶ བྷགཝཱ ཨཱཡསྨཏོ པུཎྞཏྠེརསྶ སཾཁིཏྟེན ཨོཝཱདཾ དཏྭཱ ཀཐཉྩ ནཾ པཊིཔུཙྪི, ཀཐཉྩ སོ བྷགཝཏོ ཨཱརོཙེསི, ཀཐཉྩསྶཱཡསྨཏོ པུཎྞཏྠེརསྶ ཨབྷིསམྤརཱཡོ ཨཧོསི.

ཝིསྶཛྫནཱ – ཨེཝཾ ཁོ བྷནྟེ བྷགཝཱ ཨཱཡསྨཏོ པུཎྞཏྠེརསྶ སཾཁིཏྟེན ཨོཝཱདཾ དཏྭཱ ‘‘ཨིམིནཱ ཏྭཾ པུཎྞ མཡཱ སཾཁིཏྟེན ཨོཝཱདེན ཨོཝདིཏོ ཀཏམསྨིཾ ཛནཔདེ ཝིཧརིསྶསཱི’’ཏི ཏཾ ཨཱཡསྨནྟཾ པུཎྞཏྠེརཾ པཊིཔུཙྪི. སོ ཙ བྷནྟེ ཨཱཡསྨཱ ‘‘ཨཏྠི བྷནྟེ སུནཱཔརནྟོ ནཱམ ཛནཔདོ, ཏཏྠཱཧཾ ཝིཧརིསྶཱམཱི’’ཏི ཨེཝམཱདིནཱ བྷགཝཏོ ཨཱརོཙེསི. སོ ཧི བྷནྟེ ཨཱཡསྨཱ སུནཱཔརནྟེ ཛནཔདེ ཝསིཏྭཱ ཏེནེཝ ཨནྟརཝསྶེན ཏིསྶོ ཝིཛྫཱ སཙྪཱཀཱསི. ཏེནེཝ ཨནྟརཝསྶེན པརིནིབྦཱཡི. ཨེཝཾ ཁོ བྷནྟེ ཏསྶ ཨཱཡསྨཏོ ཨབྷིསམྤརཱཡོ ཨཧོསི.

སནྟི ¶ ཁོ ཏསྶ བྷགཝཏོ སཱཝཀཱ ཀཱཡེན ཙ ཛཱིཝིཏེན ཙ ཨཊྚཱིཡམཱནཱ ཧརཱཡམཱནཱ ཛིགུཙྪམཱནཱ སཏྠཧཱརཀཾ པརིཡེསནྟི.

སཀྑིསྶསི ཁོ ཏྭཾ པུཎྞ ཨིམིནཱ དམཱུཔསམེན སམནྣཱགཏོ སུནཱཔརསནྟསྨིཾ ཛནཔདེ ཝཏྠུཾ.

སལ༹ཝགྒ

མཱལུཀྱཔུཏྟསུཏྟ

པུཙྪཱ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན སལ༹ཝགྒེ དུཏིཡཾ མཱལུཀྱཔུཏྟསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ ¶ བྷནྟེ ཨཱཡསྨནྟཾ མཱལུཀྱཔུཏྟཏྠེརཾ ཨཱརབྦྷ བྷཱསིཏཾ. ཨཱཡསྨཱ བྷནྟེ མཱལུཀྱཔུཏྟཏྠེརོ བྷགཝནྟཾ ཨེཏདཝོཙ ‘‘སཱདྷུ མེ བྷནྟེ བྷགཝཱ སཾཁིཏྟེན དྷམྨཾ དེསེཏུ, ཡམཧཾ བྷགཝཏོ དྷམྨཾ སུཏྭཱ ཨེཀོ ཝཱུཔཀཊྛོ ཨཔྤམཏྟོ ཨཱཏཱཔཱི པཧིཏཏྟོ ཝིཧརེཡྻ’’ནྟི. ཏསྨིཾ ཝཏྠུསྨིཾ ‘‘ཨེཏྠ དཱནི མཱལུཀྱཔུཏྟ ཀིཾ དཧརེ བྷིཀྑཱུ ཝཀྑཱམཱཏི’’ཨཱདིནཱ ཐེརཾ ཨཔསཱདེཏྭཱ ཙེཝ ཨུསྶཱདེཏྭཱ ཙ ‘‘ཏཾ ཀིཾ མཉྙསི མཱལུཀྱཔུཏྟ, ཡེ ཏེ ཙཀྑུཝིཉྙེཡྻཱ རཱུཔཱ ཨདིཊྛཱ ཨདིཊྛཔུབྦཱ, ན ཙ པསྶསི, ན ཙ ཏེ ཧོཏི པསྶེཡྻནྟི, ཨཏྠི ཏེ ཏཏྠ ཚནྡོ ཝཱ རཱགོ ཝཱ ཨེཝམཱདིནཱ བྷནྟེ བྷགཝཏཱ བྷཱསིཏཾ.

པུཙྪཱ – ཨིམསྨིཾ ¶ ཙ ཁོ པནཱཝུསོ བྷགཝཏཱ ཨོཝཱདེ སཾཁིཏྟེན བྷཱསིཏེ སོ ཨཱཡསྨཱ མཱལུཀྱཔུཏྟཏྠེརོ བྷགཝནྟཾ ཀིཾ ཨཝོཙ ཀཐཉྩསྶ བྷགཝཱ ཨནུཉྙཱསི. ཀཱིདིསོ ཙསྶཱཡསྨཏོ མཱལུཀྱཔུཏྟཏྠེརསྶ དྷམྨཱབྷིསམཡོ ཨཧོསི.

ཝིསྶཛྫནཱ – ཨིམསྨིཾ ཁོ བྷནྟེ ཨོཝཱདེ བྷགཝཏཱ སཾཁིཏྟེན བྷཱསིཏེ ཨཱཡསྨཱ མཱལུཀྱཔུཏྟཏྠེརོ བྷགཝནྟཾ ཨེཏདཝོཙ ‘‘ཨིམསྶ ཁྭཱཧཾ བྷནྟེ བྷགཝཏཱ སཾཁིཏྟེན བྷཱསིཏསྶ ཝིཏྠཱརེན ཨཏྠཾ ཨཱཛཱནཱམི.

རཱུཔཾ དིསྭཱ མུཊྛཱ, པིཡཾ ནིམིཏྟཾ མནསི ཀརོཏོ;

སཱརཏྟཙིཏྟོ ཝེདེཏི, ཏཉྩ ཨཛ྄ཛྷོས ཏིཊྛཏི.

ཏསྶ ཝཌྜྷནྟི ཝེདནཱ, ཨནེཀཱ རཱུཔསམྦྷཝཱ;

ཨབྷིཛ྄ཛྷཱ ཙ ཝིཧེསཱ ཙ, ཙིཏྟམསྶཱུཔཧཉྙཏི;

ཨེཝཾ ཨཱཙིནཏོ དུཀྑཾ, ཨཱརཱ ནིབྦཱན ཝུཙྩཏི;

པེཡྻཱལ

ན སོ རཛྫཏི དྷམྨེསུ, དྷམྨཾ ཉཏྭཱ པཊིསྶཏོ;

ཝིརཏྟཙིཏྟོ ཝེདེཏི, ཏཉྩ ནཱཛ྄ཛྷོས ཏིཊྛཏི.

ཡཐཱསྶ ཛཱནཏོ དྷམྨཾ, སེཝཏོ ཙཱཔི ཝེདནཾ;

ཁཱིཡཏི ནོཔཙཱིཡཏི, ཨེཝཾ སོ ཙརཏཱི སཏོ;

ཨེཝཾ ཨཔཙིནཏོ དུཀྑཾ, སནྟིཀེ ནིབྦཱན ཝུཙྩཏཱིཏི.

ཨིམསྶ ཁྭཱཧཾ བྷནྟེ བྷགཝཏཱ སཾཁིཏྟེན བྷཱསིཏསྶ ཨེཝཾ ཝིཏྠཱརེན ཨཏྠཾ ཨཱཛཱནཱམཱིཏི. བྷགཝཱ ཙ བྷནྟེ ‘‘སཱདྷུ སཱདྷུ མཱལུཀྱཔུཏྟ, སཱདྷུ ཁོ ཏྭཾ མཱལུཀྱཔུཏྟ མཡཱ སཾཁིཏྟེན བྷཱསིཏསྶ ཝིཏྠཱརེན ཨཏྠཾ ཨཱཛཱནཱསཱི’’ཏི སཱདྷུཀཱརཾ དཏྭཱ–

‘‘རཱུཔཾ དིསྭཱ སཏི མུཊྛོ, པིཡཾ ནིམིཏྟཾ མནསི ཀརོཏོ;

སཱརཏྟཙིཏྟོ ཝེདེཏི, ཏཉྩ ཨཛ྄ཛྷོས ཏིཊྛཏཱི’’ཏི–

ཨཱདིནཱ

ཐེརསྶ ཝཙནཾ སམནུཉྙཱསི. སོ ཙ བྷནྟེ ཨཱཡསྨཱ མཱལུཀྱཔུཏྟཏྠེརོ ཨེཀོ ཝཱུཔཀཊྛོ ཨཔྤམཏྟོ ཨཱཏཱཔཱི པཧིཏཏྟོ ¶ ཝིཧརནྟོ ནཙིརསྶེཝ ཡསྶཏྠཱཡ ཀུལཔུཏྟཱ སམྨདེཝ ཨགཱརསྨཱ ཨནགཱརིཡཾ པབྦཛནྟི, ཏདནུཏྟརཾ བྲཧྨཙརིཡཔརིཡོསཱནཾ དིཊྛེཝ དྷམྨེ སཡཾ ཨབྷིཉྙཱ སཙྪིཀཏྭཱ ཨུཔསམྤཛྫ ཝིཧཱསི, ‘‘ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱ’’ཏི ཨབྦྷཉྙཱསི. ཨཉྙཏརོཙ པནཱཡསྨཱ མཱལུཀྱཔུཏྟོ ཨརཧཏཾ ཨཧོསི. ཨེཝཾ ཁོ བྷནྟེ ཏསྶ ཨཱཡསྨཏོ ཨབྷིསམྤརཱཡོ ཨཧོསི.

རཱུཔཾ ¶ དིསྭཱ སཏི མུཊྛཱ, པིཡཾ ནིམིཏྟཾ མནསི ཀརོཏོ;

སཱརཏྟཙིཏྟོ ཝེདེཏི, ཏཉྩ ཨཛ྄ཛྷོས ཏིཊྛཏི.

པམཱདཝིཧཱརཱིསུཏྟ

པུཙྪཱ – ཏཏྠེཝ ¶ ཨཱཝུསོ ཙཏུཏྠཾ པམཱདཝིཧཱརཱིསུཏྟཾ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ ‘‘པམཱདཝིཧཱརིཉྩ ཝོ བྷིཀྑཝེ དེསེསྶཱམི ཨཔྤམཱདཝིཧཱརིཉྩ, ཏཾ སུཎཱཐ. ཀཐཉྩ བྷིཀྑཝེ པམཱདཝིཧཱརཱི ཧོཏི. ཙཀྑུནྡྲིཡཾ ཨསཾཝུཏསྶ བྷིཀྑཝེ ཝིཧརཏོ ཙིཏྟཾ བྱཱསིཉྩཏི ཙཀྑུཝིཉྙེཡྻེསུ རཱུཔེསུ, ཏསྶ བྱཱསིཏྟཙིཏྟསྶ པཱམོཛྫཾ ན ཧོཏི, པཱམོཛྫེ ཨསཏི པཱིཏི ན ཧོཏི, པཱིཏིཡཱ པསྶདྡྷི ན ཧོཏི, པསྶདྡྷིཡཱ ཨསཏི དུཀྑཾ ཧོཏི, དུཀྑིནོ ཙིཏྟཾ ན སམཱདྷིཡཏི, ཨསམཱཧི ཏེ ཙིཏྟེ དྷམྨཱ ན པཱཏུབྷཝནྟི, དྷམྨཱནཾ ཨཔཱཏུབྷཱཝཱ པམཱདཝིཧཱརཱིཏྭེཝ སངྑཾ གཙྪཏཱི’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

ལོཀཀཱམགུཎཝགྒ

རཱཧུལོཝཱདསུཏྟ

པུཙྪཱ – ལོཀཀཱམགུཎཝགྒེ ¶ ཨཱཝུསོ ཨཊྛམཾ རཱཧུལོཝཱདསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾཡེཝ བྷནྟེ ཨཱཡསྨནྟཾ རཱཧུལཾ ཨཱརབྦྷ ‘‘ཏཾ ཀིཾ མཉྙསི རཱཧུལ, ཙཀྑུ ནིཙྩཾ ཝཱ ཨནིཙྩཾ ཝཱཏི. ཨནིཙྩཾ བྷནྟེ. ཡཾ པནཱནིཙྩཾ, དུཀྑཾ ཝཱ ཏཾ སུཁཾཝཱཏི. དུཀྑཾ བྷནྟེ. ཡཾ པནཱནིཙྩཾ དུཀྑཾ ཝིཔརིཎཱམདྷམྨཾ ཀལླཾ ནུ ཏཾ སམནུཔསྶིཏུཾ ‘ཨེཏཾ མམ, ཨེསོཧམསྨི, ཨེསོ མེ ཨཏྟཱ’ཏི. ནོ ཧེཏཾ བྷནྟེ’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

ཡཾནཱུནཱཧཾ ¶ རཱཧུལཾ ཨུཏྟརིཾ ཨཱསཝཱནཾ ཁཡེ ཝིནེཡྻཾ.

གཎྷཱཧི རཱཧུལ ནིསཱིདནཾ.

གཧཔཏིཝགྒ

བྷཱརདྭཱཛསུཏྟ

པུཙྪཱ – གཧཔཏིཝགྒེ ¶ ཨཱཝུསོ པོརཱཎཀེཧི དྷམྨསཾགཱཧཀམཧཱཐེརེཧི ཙཏུཏྠཾ སཾགཱིཏཾ བྷཱརདྭཱཛསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན ཀཐཉྩ བྷཱསིཏཾ.

ཝིསྶཛྫནཱ – ཀོསམྦིཡཾ བྷནྟེ རཱཛཱནཾ ཨུདེནཾ ཨཱརབྦྷ ཨཱཡསྨཏཱ པིཎྜོལབྷཱརདྭཱཛཏྠེརེན བྷཱསིཏཾ. རཱཛཱ བྷནྟེ ཨུདེནོ ཨཱཡསྨནྟཾ པིཎྜོལབྷཱརདྭཱཛཾ ཨེཏདཝོཙ ‘‘ཀོ ནུ ཁོ བྷོ བྷཱརདྭཱཛ ཧེཏུ ཀོ པཙྩཡོ, ཡེནིམེ དཧརཱ བྷིཀྑཱུ སུསཱུ ཀཱལ༹ཀེསཱ བྷདྲེན ཡོབྦནེན སམནྣཱགཏཱ པཋམེན ཝཡསཱ ཨནིཀཱིལི༹ཏཱཝིནོ ཀཱམེསུ ཡཱཝཛཱིཝཾ པརིཔུཎྞཾ པརིསུདྡྷཾ བྲཧྨཙརིཡཾ ཙརནྟི, ཨདྡྷཱནཉྩ ཨཱཔཱདེནྟཱི’’ཏི. ཏསྨིཾ ཝཏྠུསྨིཾ ‘‘ཝུཏྟཾ ཁོ

ཨེཏཾ ¶ མཧཱརཱཛ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན ཨེཐ ཏུམྷེ བྷིཀྑཝེ མཱཏུམཏྟཱིསུ མཱཏུཙིཏྟཾ ཨུཔཊྛཔེཐ. བྷགནིམཏྟཱིསུ བྷགིནིཙིཏྟཾ ཨུཔཊྛཔེཐ, དྷཱིཏུམཏྟཱིསུ དྷཱིཏུཙིཏྟཾ ཨུཔཊྛཔེཐཱ’’ཏི ཨེཝམཱདིནཱ བྷནྟེ ཨཱཡསྨཏཱ པིཎྜོལ བྷཱརདྭཱཛཏྠེརེན བྷཱསིཏཾ.

ཝེརཧཙྩཱནིསུཏྟ

པུཙྪཱ – ཏཏྠེཝ ¶ ཨཱཝུསོ པོརཱཎཀེཧི དྷམྨསཾགཱཧཀམཧཱཐེརེཧི དསམཾ སཾགཱིཏཾ ཝེརཧཙྩཱནིསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན ཀཐཉྩ བྷཱསིཏཾ.

ཝིསྶཛྫནཱ – ཀཱམཎྜཱཡཾ བྷནྟེ ཝེརཧཙྩཱནིགོཏྟཾ བྲཱཧྨཎིཾ ཨཱརབྦྷ ཨཱཡསྨཏཱ ཨུདཱཡིཏྠེརེན བྷཱསིཏཾ. ཝེརཧཙྩཱནཱིགོཏྟཱ བྷནྟེ བྲཱཧྨཎཱི ཨཱཡསྨནྟཾ ཨུདཱཡིཏྠེརཾ ཨེཏདཝོཙ ‘‘ཀིསྨིཾ ནུ ཁོ བྷནྟེ སཏི ཨརཧནྟོ སུཁདུཀྑཾ པཉྙཔེནྟི, ཀིསྨིཾ ཨསཏི ཨརཧནྟོ སུཁདུཀྑཾ ན པཉྙཔེནྟཱི’’ཏི. ཏསྨིཾ ཝཏྠུསྨིཾ ‘‘ཙཀྑུསྨིཾ ཁོ བྷགིནི སཏི ¶ ཨརཧནྟོ སུཁདུཀྑཾ པཉྙཔེནྟི, ཙཀྑུསྨིཾ ཨསཏི ཨརཧནྟོ སུཁདུཀྑཾ ན པཉྙཔེནྟཱི’’ཏི ཨེཝམཱདིནཱ བྷནྟེ ཨཱཡསྨཏཱ ཨུདཱཡིཏྠེརེན བྷཱསིཏཾ.

དེཝདཧཝགྒ

ཁཎསུཏྟ

པུཙྪཱ – དེཝདཧཝགྒེ ¶ ཨཱཝུསོ ཁཎསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཀྐེསུ བྷནྟེ དེཝདཧེ ནཱམ སཀྱཱནཾ ནིགམེ སམྦཧུལེ བྷིཀྑཱུ ཨཱརབྦྷ ‘‘ལཱབྷཱ ཝོ བྷིཀྑཝེ, སུལདྡྷཾ ཝོ བྷིཀྑཝེ, ཁཎོ ཝོ པཊིལདྡྷོ བྲཧྨཙརིཡཝཱསཱཡཱ’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

སམུདྡཝགྒ

བཱལི༹སིཀོཔམསུཏྟ

པུཙྪཱ – སམུདྡཝགྒེ ¶ པནཱཝུསོ ཏཏིཡཾ བཱལི༹སིཀོཔམསུཏྟཾ བྷགཝཏཱ ཀཏྠ ཀཾ ཨཱརབྦྷ བྷཱསིཏཾ.

ཝིསྶཛྫནཱ – རཱཛགཧེ ¶ བྷནྟེ ཛཱིཝཀམྦཝནེ སམྦཧུལེ བྷིཀྑཱུ ཨཱརབྦྷ ‘‘སེཡྻཐཱཔི བྷིཀྑཝེ བཱལི༹སིཀོ ཨཱམིསགཏབལི༹སཾ གམྦྷཱིརེ ཨུདཀརཧདེ པཀྑིཔེཡྻཱ’’ཏི ཨེཝམཱདིནཱ བྷགཝཏཱ བྷཱསིཏཾ.

ཨཱདིཏྟཔརིཡཱཡསུཏྟ

པུཙྪཱ – སལཱ༹ཡཏནཝགྒསཾཡུཏྟེ ¶ སམུདྡཝགྒེ པནཱཝུསོ པོརཱཎཀེཧི དྷམྨསཾགཱཧཀམཧཱཐེརེཧི སཾགཱིཏཾ ཨཊྛམཾ ཨཱདིཏྟཔརིཡཱཡསུཏྟཾ བྷགཝཏཱ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སམྦཧུལེ བྷནྟེ བྷིཀྑཱུ ཨཱརབྦྷ ‘‘ཨཱདིཏྟཔརིཡཱཡཾ ཝོ བྷིཀྑཝེ དྷམྨཔརིཡཱཡཾ དེསེསྶཱམི, ཏཾ སུཎཱཐ. ཀཏམོ ཙ བྷིཀྑཝེ ཨཱདིཏྟཔརིཡཱཡོ དྷམྨཔརིཡཱཡོ. ཝརཾ བྷིཀྑཝེ ཏཏྟཱཡ ཨཡོསལཱཀཱཡ ཨཱདིཏྟཱཡ སམྤཛྫལིཏཱཡ སཛོཏིབྷཱུཏཱཡ ཙཀྑུནྡྲིཡཾ སམྤལིམཊྛཾ, ནཏྭེཝ ཙཀྑུཝིཉྙེཡྻེསུ རཱུཔེསུ ཨནུབྱཉྫནསོ ནིམིཏྟགྒཱཧོ’’ཏིཨཱདིནཱ བྷགཝཏཱ བྷཱསིཏཾ.

ཨཱསཱིཝིསཝགྒ

པཋམདཱརུཀྑནྡྷོཔམསུཏྟ

པུཙྪཱ – ཨཱསཱིཝིསཝགྒེ ¶ ཨཱཝུསོ པོརཱཎཀེཧི དྷམྨསཾགཱཧཀམཧཱཐེརེཧི ཙཏུཏྠཾ སཾགཱིཏཾ པཋམདཱརུཀྑནྡྷོཔམསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – ཀོསམྦིཡཾ བྷནྟེ གངྒཱཡ ནདིཡཱ ཏཱིརེ སམྦཧུལེ བྷིཀྑཱུ ཨཱརབྦྷ ‘‘པསྶཐ ནོ ཏུམྷེ བྷིཀྑཝེ ཨམྷཾ མཧནྟཾ དཱརུཀྑནྡྷཾ གངྒཱཡ ནདིཡཱ སོཏེན ཝུཡ྄ཧམཱན’’ནྟི ཨེཝམཱདིནཱ བྷགཝཏཱ བྷཱསིཏཱ.

ཨུཔཙཱརཝཙནཾ

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ ཨོརིམཏཱིརཱདཱིནཾ ཨུཔཙཱརཝཙནཱནཾ ཨཏྠོ ཝིཏྠཱརེན ཝིབྷཛིཏྭཱ པཀཱསིཏོ.

ཝིསྶཛྫནཱ – ཨོརིམཾ ཏཱིརནྟི ཁོ བྷིཀྑུ ཚནྣེཏཾ ཨཛ྄ཛྷཏྟིཀཱནཾ ཨཱཡཏནཱནཾ ཨདྷིཝཙནཾ. པཱརིམཾ ཏཱིརནྟི ཁོ བྷིཀྑུ ཚནྣེཏཾ བཱཧིརཱནཾ ཨཱཡཏནཱནཾ ཨདྷིཝཙནཾ. མཛ྄ཛྷེ སཾསཱིདོཏི ཁོ བྷིཀྑུ ནནྡིརཱགསྶེཏཾ ཨདྷིཝཙནཾ. ཐལེ ཨུསྶཱདོཏི ཁོ བྷིཀྑུ ཨསྨིམཱནསྶེཏཾ ཨདྷིཝཙནནྟི ཨེཝམཱདིནཱ བྷནྟེ བྷགཝཏཱ ཏཏྠ ཨོརིམཏཱིརཱདཱིནཾ ཨུཔཙཱརཝཙནཱནཾ ཨཏྠོ ཝིཏྠཱརེན ཝིབྷཛིཏྭཱ པཀཱསིཏོ.

པུཙྪཱ – ཨིམསྨིཾ ¶ ཁོ པན ཨཱཝུསོ སུཏྟེ བྷགཝཏཱ བྷཱསིཏེ ཝིསེསཏོ ཀསྶ ཀཱིདིསོ ཨཏྠོ ཀཐཉྩ པཊིལདྡྷོ.

ཝིསྶཛྫནཱ – ཨིམསྨིཾ བྷནྟེ སུཏྟེ བྷགཝཏཱ བྷཱསིཏེ ཝིསེསཏོ ནནྡསྶ གོཔཱལཀསྶ པབྦཛྫཱ ཙ ཨུཔསམྤདཱ ཙ ཡཱཝ ཨརཧཏྟཱཙ ཝིསེསཏོ ཨཏྠོ ཨདྷིགཏོ.

ལབྷེཡྻཱཧཾ ¶ བྷནྟེ བྷགཝཏོ སནྟིཀེ པབྦཛྫཾ, ལབྷེཡྻཾ ཨུཔསམྤདཾ.

ཏེན ཧི ཏྭཾ ནནྡ སཱམིཀཱནཾ གཱཝོ ནིཡྻཱཏེཧི.

གམིསྶནྟི ¶ བྷནྟེ གཱཝོ ཝཙྪགིདྡྷིནིཡོ.

ཀིཾསུཀོཔམསུཏྟ

པུཙྪཱ – ཏཏྠེཝ ¶ ཨཱཝུསོ པོརཱཎཀེཧི དྷམྨསཾགཱཧཀམཧཱཐེརེཧི ཨཊྛམཾ སཾགཱིཏཾ ཀིཾསུཀོཔམསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཀྐེསུ བྷནྟེ ཀཔིལཝཏྠུསྨིཾ ནིགྲོདྷཱརཱམེ ཨཉྙཏརཾ ཀཱརཀཾ བྷིཀྑུཾ ཨཱརབྦྷ བྷཱསིཏཾ. ཨཉྙཏརོ བྷནྟེ ཀཱརཀོ བྷིཀྑུ ཙཏྟཱརོ ཁཱཎཱསཝེ བྷིཀྑཱུ ཉཱཎདསྶནཝིསུདྡྷཾ པུཙྪིཏྭཱ ཨསནྟུཊྛོ ཏེསཾ བྷིཀྑཱུནཾ པཉྷཱཝེཡྻཱཀརཎེན ཡེན བྷགཝཱ ཏེནུཔསངྐམི. ཨུཔསངྐམིཏྭཱ བྷགཝནྟཾ ཨེཏདཝོཙ ‘‘ཀིཏྟཱཝཏཱ ནུ ཁོ བྷནྟེ བྷིཀྑུནོ དསྶནཾ སུཝིསུདྡྷཾ ཧོཏཱི’’ཏི. ཏསྨིཾ ཝཏྠུསྨིཾ ‘‘སེཡྻཐཱཔི བྷིཀྑུ པུརིསསྶ ཀིཾསུཀོ ཨདིཊྛཔུབྦོ ཨསྶ, སོ ཡེནཉྙཏརོ པུརིསོ ཀིཾསུཀསྶ དསྶཱཝཱི ཏེནུཔསངྐམེཡྻཱ’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

ཚཔྤཱཎཀོཔམསུཏྟ

པུཙྪཱ – ཏཏྠེཝ ¶ ཨཱཝུསོ པོརཱཎཀེཧི དྷམྨསཾགཱཧཀམཧཱཐེརེཧི དསམཾ སཾགཱིཏཾ ཚཔྤཱཎཀོཔམསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཀྐེསུཡེཝ བྷནྟེ སམྦཧུལེ བྷིཀྑཱུ ཨཱརབྦྷ ‘‘སེཡྻཐཱཔི, བྷིཀྑཝེ པུརིསོ ཨརུགཏྟོ པཀྐགཏྟོ སརཝནཾ པཝིསེཡྻཱ’ཏི ཨེཝམཱདིནཱ བྷགཝཏཱ བྷཱསིཏཾ.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ ཨསཾཝརོ ཝིཏྠཱརེན ཝིབྷཛིཏྭཱ དེསིཏོ.

ཝིསྶཛྫནཱ – ཀཐཉྩ བྷིཀྑཝེ ཨསཾཝརོ ཧོཏི, ཨིདྷ བྷིཀྑཝེ བྷིཀྑུ ཙཀྑུནཱ རཱུཔཾ དིསྭཱ པིཡརཱུཔེ རཱུཔེ ཨདྷིམུཙྩཏི, ཨཔྤིཡརཱུཔེ རཱུཔེ བྱཱཔཛྫཏི, ཨནུཔཊྛིཏཀཱཡསྶཏི ཙ ཝིཧརཏི པརིཏྟཙེཏསོ. ཏཉྩ ཙེཏོཝིམུཏྟིཾ པཉྙཱཝིམུཏྟིཾ ཡཐཱབྷཱུཏཾ ནཔྤཛཱནཱཏི, ཡཏྠསྶ ཏེ ཨུཔྤནྣཱ པཱཔཀཱ ཨཀུསལཱ དྷམྨཱ ཨཔརིསེསཱ ནིརུཛ྄ཛྷནྟཱིཏི ཨེཝམཱདིནཱ བྷནྟེ བྷགཝཏཱ ཏཏྠ ཨསཾཝརོ ཝིཏྠཱརེན ཝིབྷཛིཏྭཱ དེསིཏོ.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ སཾཝརོ ཝིབྷཛིཏྭཱ ཝིཏྠཱརེན དེསིཏོ.

ཝིསྶཛྫནཱ – ཀཐཉྩ བྷིཀྑཝེ སཾཝརོ ཧོཏི, ཨིདྷ བྷིཀྑཝེ བྷིཀྑུ ཙཀྑུནཱ རཱུཔཾ དིསྭཱ པིཡརཱུཔེ རཱུཔེ ནཱདྷིམུཙྩཏི, ཨཔྤིཡརཱུཔེ རཱུཔེ ན བྱཱཔཛྫཏཱིཏི, ཨེཝམཱདིནཱ ¶ བྷནྟེ བྷགཝཏཱ ཏཏྠ སཾཝརོ ཝིབྷཛིཏྭཱ ཝིཏྠཱརེན དེསིཏོ.

ཝེདནཱསཾཡུཏྟ

དཊྛབྦསུཏྟ

པུཙྪཱ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན ཝེདནཱསཾཡུཏྟེ པཉྩམཾ དཊྛབྦསུཏྟཾ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཀྐེསུ བྷནྟེ ཀཔིལཝཏྠུསྨིཾ ནིགྲོདྷཱརཱམེ སམྦཧུལེ བྷིཀྑཱུ ཨཱརབྦྷ ‘‘ཏིསྶོ ཨིམཱ བྷིཀྑཝེ ཝེདནཱ. ཀཏམཱ ཏིསྶོ, སུཁཱ ཝེདནཱ དུཀྑཱཝེདནཱ ཨདུཀྑམསུཁཱ ཝེདནཱ. སུཁཱ བྷིཀྑཝེ ཝེདནཱ དུཀྑཏོ དཊྛབྦཱ, དུཀྑཱ ཝེདནཱ སལླཏོ དཊྛབྦཱ, ཨདུཀྑམསུཁཱ ཝེདནཱ ཨནིཙྩཏོ དཊྛབྦཱ’’ཏི ཨེཝམཱདིནཱ བྷགཝཏཱ བྷཱསིཏཾ.

སུཁཱ ¶ བྷིཀྑཝེ ཝེདནཱ དུཀྑཏོ དཊྛབྦཱ.

ཡོ སུཁཾ དུཀྑཏོ ཨདྡས, དུཀྑམདྡཀྑི སལླཏོ;

ཨདུཀྑམསུཁཾ སནྟཾ, ཨདྡཀྑིནཾ ཨནིཙྩཏོ.

ས ཝེ སམྨདྡསོ བྷིཀྑུ, པརིཛཱནཱཏི ཝེདནཱ;

སོ ཝེདནཱ པརིཉྙཱཡ, དིཊྛེ དྷམྨེ ཨནཱསཝོ;

ཀཱཡསྶ བྷེདཱ དྷམྨཊྛོ, སངྑྱཾ ནོཔེཏི ཝེདགཱུ.

སལླསུཏྟ

པུཙྪཱ – ཏཏྠེཝ ¶ ཨཱཝུསོ ཚཊྛཾ སལླསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཀྐེསུ བྷནྟེ ཀཔིལཝཏྠུསྨིཾ ནིགྲོདྷཱརཱམེ སམྦཧུལེ བྷིཀྑཱུ ཨཱརབྦྷ ‘‘ཨསྶུཏཝཱ བྷིཀྑཝེ པུཐུཛྫནོ སུཁམྤི ཝེདནཾ ཝེདཡཏི, དུཀྑམྤི ཝེདནཾ ཝེདཡཏི, ཨདུཀྑམསུཁམྤི ཝེདནཾ ཝེདཡཏི. སུཏཝཱ བྷིཀྑཝེ ཨརིཡསཱཝཀོ སུཁམྤི ཝེདནཾ ཝེདཡཏི, དུཀྑམྤི ཝེདནཾ ཝེདཡཏི, ཨདུཀྑམསུཁམྤི ཝེདནཾ ཝེདཡཏི. ཏཏྲ བྷིཀྑཝེ ཀོ ཝིསེསོ, ཀོ ཨདྷིཔྤཡཱསོ, ཀིཾ ནཱནཱཀརཎཾ སུཏཝཏོ ཨརིཡབྷཱཝཀསྶ ཨསྶུཏཝཏཱ པུཐུཛྫནེནཱ’’ཏི ཨེཝམཱདིནཱ བྷགཝཏཱ བྷཱསིཏཾ.

ཛམྦུཁཱདཀསཾཡུཏྟ

ནིབྦཱནཔཉྷཱསུཏྟ

པུཙྪཱ – ཛམྦུཁཱདཀསཾཡུཏྟེ ¶ ཨཱཝུསོ པཋམཾ ནིབྦཱནཔཉྷཱསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན ཀཐཉྩ བྷཱསིཏཾ.

ཝིསྶཛྫནཱ – མགདྷེསུ བྷནྟེ ནཱལཀགཱམཀེ ཛམྦུཁཱདཀཾ པརིབྦཱཛཀཾ ཨཱརབྦྷ ཨཱཡསྨཏཱ སཱརིཔུཏྟཏྠེརེན དྷམྨསེནཱཔཏིནཱ བྷཱསིཏཾ. ཛམྦུཁཱདཀོ བྷནྟེ པརིབྦཱཛཀོ ཨཱཡསྨནྟཾ སཱརིཔུཏྟཾ ཨེཏདཝོཙ ‘‘ནིབྦཱནཾ ནིབྦཱནནྟི ཨཱཝུསོ སཱརིཔུཏྟ ཝུཙྩཏི, ཀཏམཾ ནུཁོ ཨཱཝུསོ ནིབྦཱན’’ནྟི. ཏསྨིཾ བྷནྟེ ཝཏྠུསྨིཾ ‘‘ཡོ ¶ ཁོ ཨཱཝུསོ རཱགཀྑཡོ དོསཀྑཡོ མོཧཀྑཡོ, ཨིདཾ ཝུཙྩཏི ནིབྦཱན’’ནྟི ཨེཝམཱདིནཱ ཨཱཡསྨཏཱ སཱརིཔུཏྟཏྠེརེན དྷམྨསེནཱཔཏིནཱ བྷཱསིཏཾ.

དྷམྨཝཱདཱིཔཉྷཱསུཏྟ

པུཙྪཱ – ཏཏྠེཝ ¶ ཨཱཝུསོ པོརཱཎཀེཧི དྷམྨསཾགཱཧཀམཧཱཐེརེཧི ཏཏིཡཾ སཾགཱིཏཾ དྷམྨཝཱདཱིཔཉྷཱསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན ཀཐཉྩ བྷཱསིཏཾ.

ཝིསྶཛྫནཱ – མགདྷེསུཡེཝ བྷནྟེ ནཱལཀགཱམེ ཛམྦུཁཱདཀཾ པརིབྦཱཛཀཾ ཨཱརབྦྷ ཨཱཡསྨཏཱ སཱརིཔུཏྟཏྠེརེན དྷམྨསེནཱཔཏིནཱ བྷཱསིཏཾ. ཛམྦུཁཱདཀོ བྷནྟེ པརིབྦཱཛཀོ ཨཱཡསྨནྟཾ སཱརིཔུཏྟཾ ཨེཏདཝོཙ ‘‘ཀེ ནུ ཁོ ཨཱཝུསོ སཱརིཔུཏྟ ལོཀེ དྷམྨཝཱདིནོ, ཀེ ལོཀེ སུཔྤཊིཔནྣཱ, ཀེ ལོཀེ སུགཏཱ’’ཏི. ཏསྨིཾ བྷནྟེ ཝཏྠུསྨིཾ ‘‘ཡེ ཁོ ཨཱཝུསོ རཱགཔྤཧཱནཱཡ དྷམྨཾ དེསེནྟི, དོསཔྤཧཱནཱཡ དྷམྨཾ དེསེནྟི, མོཧཔྤཧཱནཱཡ དྷམྨཾ དེསེནྟི. ཏེ ལོཀེ དྷམྨཝཱདིནོ’’ཏི ཨེཝམཱདིནཱ ཨཱཡསྨཏཱ སཱརིཔུཏྟཏྠེརེན དྷམྨསེནཱཔཏིནཱ བྷཱསིཏཾ.

ཀེ ¶ ལོཀེ སུཔྤཊིཔནྣཱ.

ཀེ ལོཀེ སུགཏཱ.

དུཀྐརཔཉྷཱསུཏྟ

པུཙྪཱ – ཏཏྠེཝ ¶ པོརཱཎཀེཧི དྷམྨསཾགཱཧཀ མཧཱཐེརེཧི པརིཡོསཱནསུཏྟབྷཱཝེན སཾགཱིཏཾ དུཀྐརཔཉྷཱསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན ཀཐཉྩ བྷཱསིཏཾ.

ཝིསྶཛྫནཱ – མགདྷེསུཡེཝ ནཱལཀགཱམེ ཛམྦུཁཱདཀཾ པརིབྦཱཛཀཾ ཨཱརབྦྷ ཨཱཡསྨཏཱ སཱརིཔུཏྟཏྠེརེན དྷམྨསེནཱཔཏིནཱ བྷཱསིཏཾ. ཛམྦུཁཱདཀོ བྷནྟེ པརིབྦཱཛཀོ ཨཱཡསྨནྟཾ སཱརིཔུཏྟཾ ཨེཏདཝོཙ ‘‘ཀིཾ ནུ ཁོ ཨཱཝུསོ སཱརིཔུཏྟ ཨིམསྨིཾ དྷམྨཝིནཡེ དུཀྐར’’ནྟི. ཏསྨིཾ བྷནྟེ ཝཏྠུསྨིཾ ‘‘པབྦཛྫཱ ཁོ ཨཱཝུསོ ཨིམསྨིཾ དྷམྨཝིནཡེ དུཀྐརཱ’’ཏི ཨེཝམཱདིནཱ ཨཱཡསྨཏཱ སཱརིཔུཏྟཏྠེརེན དྷམྨསེནཱཔཏིནཱ བྷཱསིཏཾ.

མོགྒལླཱནསཾཡུཏྟ

སཀྐསུཏྟ

པུཙྪཱ – མོགྒལླཱནསཾཡུཏྟེ ¶ ཨཱཝུསོ དསམཾ སཾགཱིཏཾ སཀྐསུཏྟཾ ཀཏྠ ཀཾ ཨཱརབྦྷ ཀེན ཀཐཉྩ བྷཱསིཏཾ.

ཝིསྶཛྫནཱ – དེཝེསུ བྷནྟེ ཏཱཝཏིཾསེསུ སཀྐཾ དེཝཱནམིནྡཾ ཨཱརབྦྷ ‘‘སཱདྷུ ཁོ དེཝཱནམིནྡ བུདྡྷསརཎགམནཾ ཧོཏི, བུདྡྷསརཎགམནཧེཏུ ཁོ དེཝཱནམིནྡ ¶ ཨེཝམིདྷེཀཙྩེ སཏྟཱ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫནྟཱི’’ཏི ཨེཝམཱདིནཱ བྷནྟེ ཨཱཡསྨཏཱ མཧཱམོགྒལླཱནཏྠེརེན བྷཱསིཏཾ.

ཙིཏྟསཾཡུཏྟ

ནིགཎྛནཱཊཔུཏྟསུཏྟ

པུཙྪཱ – ཙིཏྟསཾཡུཏྟེ ¶ ཨཱཝུསོ པོརཱཎཀེཧི དྷམྨསཾགཱཧཀམཧཱཐེརེཧི ཨཊྛམཾ སཾགཱིཏཾ ནིགཎྛནཱཊཔུཏྟསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན ཀཐཉྩ བྷཱསིཏཾ.

ཝིསྶཛྫནཱ – མཙྪིཀཱསཎྜེ བྷནྟེ ནིགཎྛཾ ནཱཊཔུཏྟཾ ཨཱརབྦྷ ཙིཏྟེན གཧཔཏིནཱ བྷཱསིཏཾ. ནིགཎྛོ བྷནྟེ ནཱཊཔུཏྟོ ཙིཏྟཾ གཧཔཏིཾ ཨེཏདཝོཙ ‘‘སདྡཧསི ཏྭཾ གཧཔཏི སམཎསྶ གོཏམསྶ ཨཏྠི ཨཝིཏཀྐོ ཨཝིཙཱརོ སམཱདྷི, ཨཏྠི ཝིཏཀྐཝིཙཱརཱནཾ ནིརོདྷོ’’ཏི. ཏསྨིཾ བྷནྟེ ཝཏྠུསྨིཾ ‘‘ན ཁྭཱཧཾ ཨེཏྠ བྷནྟེ བྷགཝཏོ སདྡྷཱཡ གཙྪཱམི, ཨཏྠི ཨཝིཏཀྐོ ཨཝིཙཱརོ སམཱདྷི, ཨཏྠི ཝིཏཀྐཝིཙཱརཱནཾ ནིརོདྷོ’’ཏི ཨེཝམཱདིནཱ ཙིཏྟེན གཧཔཏིནཱ བྷཱསིཏཾ.

ཨིདཾ ¶ བྷཝནྟོ པསྶནྟུ.

ཡཱཝ ཨུཛུཀོ ཙཱཡཾ ཙིཏྟོ གཧཔཏི.

‘‘ཨཧཾ ¶ ཁོ བྷནྟེ ཡཱཝདེཝ ཨཱཀངྑཱམི, ཝིཝིཙྩེཝ ཀཱམེཧི ཝིཝིཙྩ ཨཀུསལེཧི དྷམྨེཧི སཝིཏཀྐཾ སཝིཙཱརཾ ཝིཝེཀཛཾ པཱིཏིསུཁཾ པཋམཾ ཛྷཱནཾ ཨུཔསམྤཛྫ ཝིཧརཱམི’’ –

ཨིདཾ ¶ བྷཝནྟོ པསྶནྟུ.

ཨཙེལཀསྶཔསུཏྟ

པུཙྪཱ – ཏཏྠེཝ ¶ ཨཱཝུསོ པོརཱཎཀེཧི དྷམྨསཾགཱཧཀམཧཱཐེརེཧི ནཝམཾ སཾགཱིཏཾ ཨཙེལཀསྶཔསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན ཀཐཉྩ བྷཱསིཏཾ.

ཝིསྶཛྫནཱ – ཏཏྠེཝ བྷནྟེ མཙྪིཀཱསཎྜེ ཨཙེལཾ ཀསྶཔཾ ཨཱརབྦྷ ཙིཏྟེན གཧཔཏིནཱ བྷཱསིཏཾ. ཨཙེལོ བྷནྟེ ཀསྶཔོ ཙིཏྟཾ གཧཔཏིཾ ཨེཏདཝོཙ ‘‘ཨིམེཧི པན ཏེ གཧཔཏི ཏིཾསམཏྟེཧི ཝསྶེཧི ཨཏྠི ཀོཙི ཨུཏྟརིམནུསྶདྷམྨོ ཨལམརིཡཉཱཎདསྶནཝིསེསོ ཨདྷིགཏོ ཕཱསུཝིཧཱརོ’’ཏི. ཏསྨིཾ བྷནྟེ ཝཏྠུསྨིཾ ‘‘གིཧིནོཔི སིཡཱ བྷནྟེ ཨཧཉྷི བྷནྟེ ཡཱཝདེཝ ཨཱཀངྑཱམི, ཝིཝིཙྩེཝ ཀཱམེཧི ཝིཝིཙྩ ཨཀུསལེཧི དྷམྨེཧི སཝིཏཀྐཾ སཝིཙཱརཾ ཝིཝེཀཛཾ པཱིཏིསུཁཾ པཋམཾ ཛྷཱནཾ ཨུཔསམྤཛྫ ཝིཧརཱམཱི’’ཏི ཨེཝམཱདིནཱ ཙིཏྟེན གཧཔཏིནཱ བྷཱསིཏཾ.

གཱམཎིསཾཡུཏྟ

ཙཎྜསུཏྟ

པུཙྪཱ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན གཱམཎིསཾཡུཏྟེ པཋམཾ ཙཎྜསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ ¶ བྷནྟེ ཙཎྜཾ གཱམཎིཾ ཨཱརབྦྷ བྷཱསིཏཾ. ཙཎྜོ བྷནྟེ གཱམཎི བྷགཝནྟཾ ཨེཏདཝོཙ ‘‘ཀོ ནུ ཁོ བྷནྟེ ཧེཏུ ཀོ པཙྩཡོ, ཡེན མིདྷེཀཙྩོ ཙཎྜོ ཙཎྜོཏྭེཝ སངྑཾ གཙྪཏི. ཀོ པན བྷནྟེ ཧེཏུ ཀོ པཙྩཡོ, ཡེན མིདྷེཀཙྩོ སོརཏོ སོརཏོཏྭེཝ སངྑཾ གཙྪཏཱི’’ཏི. ཏསྨིཾ བྷནྟེ ཝཏྠུསྨིཾ ‘‘ཨིདྷ གཱམཎི ཨེཀཙྩསྶ རཱགོ ཨཔྤཧཱིནོ ཧོཏི, རཱགསྶ ཨཔྤཧཱིནཏྟཱ པརེ ཀོཔེནྟི, པརེཧི ཀོཔིཡམཱནོ ཀོཔཾ པཱཏུཀརོཏི, སོ ཙཎྜོཏྭེཝ སངྑཾ གཙྪཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཁེཏྟཱུཔམསུཏྟ

པུཙྪཱ – ཏཏྠེཝ ¶ ཨཱཝུསོ པོརཱཎཀེཧི དྷམྨསཾགཱཧཀམཧཱཐེརེཧི སཏྟམཾ སཾགཱིཏཾ ཁེཏྟཱུཔམསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – ནཱལ༹ནྡཱཡཾ བྷནྟེ པཱཝཱརིཀམྦཝནེ ཨསིབནྡྷཀཔུཏྟཾ གཱམཎིཾ ཨཱརབྦྷ བྷཱསིཏཾ. ཨསིབནྡྷཀཔུཏྟོ བྷནྟེ གཱམཎི བྷགཝནྟཾ ཨེཏདཝོཙ ‘‘ནནུ བྷནྟེ བྷགཝཱ སབྦཔཱཎབྷཱུཏཧིཏཱནུཀམྤཱི ཝིཧརཏཱིཏི. ཨེཝཾ གཱམཎི ཏཐཱགཏོ སབྦཔཱཎབྷཱུཏཧིཏཱནུཀམྤཱི ཝིཧརཏཱིཏི. ཨཐ ཀིཉྩརཧི བྷནྟེ བྷགཝཱ ཨེཀཙྩཱནཾ སཀྐཙྩཾ དྷམྨཾ དེསེཏི, ཨེཀཙྩཱནཾ ནོ ཏཐཱ ¶ སཀྐཙྩཾ དྷམྨཾ དེསེཏཱི’’ཏི. ཏསྨིཾ བྷནྟེ ཝཏྠུསྨིཾ ‘‘ཏེན ཧི གཱམཎི ཏཉྙེཝེཏྠ པཊིཔུཙྪིསྶཱམི, ཡཐཱ ཏེ ཁམེཡྻ, ཏཐཱ ནཾ བྱཱཀརེཡྻཱསཱི’’ཏི ཨེཝམཱདིནཱ བྷགཝཏཱ བྷཱསིཏཾ.

སངྑདྷམསུཏྟ

པུཙྪཱ – ཏཏྠེཝ ¶ ཨཱཝུསོ པོརཱཎཀེཧི དྷམྨསཾགཱཧཀ མཧཱཐེརེཧི ཨཊྛམཾ སཾགཱིཏཾ སངྑདྷམསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – ནཱལ༹ནྡཱཡཾཡེཝ བྷནྟེ པཱཝཱརིཀམྦཝནེ ཨསིབནྡྷཀཔུཏྟཾ གཱམཎིཾ ནིགཎྛསཱཝཀཾ ཨཱརབྦྷ བྷཱསིཏཾ. བྷགཝཱ བྷནྟེ ཨསིབནྡྷཀཔུཏྟཾ གཱམཎིཾ ནིགཎྛསཱཝཀཾ ཨེཏདཝོཙ ‘‘ཀཐཾ ནུ ཁོ གཱམཎི ནིགཎྛོ ནཱཊཔུཏྟོ སཱཝཀཱནཾ དྷམྨཾ དེསེཏཱི’’ཏི. ཨེཝཾ ཁོ བྷནྟེ ནིགཎྛོ ནཱཊཔུཏྟོ སཱཝཀཱནཾ དྷམྨཾ དེསེཏི ‘‘ཡོ ཀོཙི པཱཎཾ ཨཏིཔཱཏེཏི, སབྦོ སོ ཨཱཔཱཡིཀོ ནེརཡིཀོ. (པེཡྻཱལ) ཡཾབཧུལཾ ཡཾབཧུལཾ ཝིཧརཏི, ཏེན ཏེན ནཱིཡཏཱི’’ཏི. ཏསྨིཾ བྷནྟེ ཝཏྠུསྨིཾ ‘‘ཡཾབཧུལཾ ཡཾབཧུལཉྩ གཱམཎི ཝིཧརཏི, ཏེན ཏེན ནཱིཡཏི, ཨེཝཾ སནྟེ ན ཀོཙི ཨཱཔཱཡིཀོ ནེརཡིཀོ བྷཝིསྶཏི, ཡཐཱ ནིགཎྛསྶ ནཱཊཔུཏྟསྶ ཝཙན’’ནྟི ཨེཝཾ ཁོ བྷགཝཏཱ སཾཁིཏྟེན བྷཱསིཏཾ.

ཡཾ བཧུལཝཱད

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ ཡཾབཧུལཝཱདེ དོསོ པཀཱསིཏོ.

ཝིསྶཛྫནཱ – ཏཾ ཀིཾ མཉྙསི གཱམཎི, ཡོ སོ པུརིསོ པཱཎཱཏིཔཱཏཱི རཏྟིཡཱ ཝཱ དིཝསསྶ ཝཱ སམཡཱསམཡཾ ཨུཔཱདཱཡ ཀཏམོ བཧུཏརོ སམཡོ ཡཾ ཝཱསོ པཱཎམཏིཔཱཏེཏི. ཡཾ ཝཱ སོ པཱཎཾ ནཱཏིཔཱཏེཏཱིཏི ཨེཝམཱདིནཱ བྷནྟེ ཏཏྠ བྷགཝཏཱ ཨསིབནྡྷཀཾ ནིགཎྛནཱཊཔུཏྟསྶ སཱཝཀཾ གཱམཎིཾ པུཙྪིཏྭཱ པུཙྪིཏྭཱ ཡཾབཧུལཝཱདེ དོསོ པཀཱསིཏོ.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ ཨནེཀཾས ཝིཔཱཀཀམྨསྶ ཨེཀཾ སཝིཔཱཀཝཱདེ དོསོ པཀཱསིཏོ.

ཝིསྶཛྫནཱ – ཨིདྷ གཱམཎི ཨེཀཙྩོ སཏྠཱ ཨེཝཾཝཱདཱི ཧོཏི ཨེཝཾདིཊྛི ཡོ ཀོཙི པཱཎམཏིཔཱཏེཏི, སབྦོ སོ ཨཱཔཱཡིཀོ ནེརཡིཀོཏི ཨེཝམཱདིནཱ བྷནྟེ ཏཏྠ བྷགཝཏཱ ཨནེཀཾས ཀམྨཝིཔཱཀསྶ ཨེཀཾསཝིཔཱཀཝཱདེ དོསོ ཝིཏྠཱརེཏྭཱ པཀཱསིཏོ.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ ཡཐཱདྷམྨསཱསནེ གུཎོཝིབྷཛིཏྭཱ པཀཱསིཏོ.

ཝིསྶཛྫནཱ – ཨིདྷ ¶ པན གཱམཎི ཏཐཱགཏོ ལོཀེ ཨུཔྤཛྫཏི ཨརཧཾ སམྨཱསམྦུདྡྷོ ཝིཛྫཱཙརཎསམྤནྣོ སུགཏོ ལོཀཝིདཱུ ཨནུཏྟརོཔུརིས དམྨསཱརཐི སཏྠཱདེཝམནུསྶཱནཾ བུདྡྷོ བྷགཝཱ, སོ ཨནེཀཔརིཡཱཡེན པཱཎཱཏིཔཱཏཾ གརཧཏི ཝིགརཧཏི. ‘‘པཱཎཱཏིཔཱཏཱ ཝིརམཐཱ’’ཏི ཙཱཧཱཏི ཨེཝམཱདིནཱ བྷནྟེ བྷགཝཏཱ ཏཏྠ ཡཐཱདྷམྨསཱསནེ གུཎོ ཝིཏྠཱརེཏྭཱ པཀཱསིཏོ.

བྷདྲཀསུཏྟ

པུཙྪཱ – ཏཏྠེཝ ¶ ཨཱཝུསོ པོརཱཎཀེཧི དྷམྨསཾགཱཧཀམཧཱཐེརེཧི ཨེཀཱདསམཾ སཾགཱིཏཾ བྷདྲཀསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – མལླེསུ བྷནྟེ ཨུརུཝེལཀཔྤེནཱམ མལླཱནཾ ནིགམེ བྷདྲཀཾ གཱམཎིཾ ཨཱརབྦྷ བྷཱསིཏཾ. བྷདྲཀོ བྷནྟེ གཱམཎི བྷགཝནྟཾ ཨེཏདཝོཙ ‘‘སཱདྷུ མེ བྷནྟེ བྷགཝཱ དུཀྑསྶ སམུདཡཉྩ ཨཏྠངྒམཉྩ དེསེཏཱུ’’ཏི. ཏསྨིཾ བྷནྟེ ཝཏྠུསྨིཾ ‘‘ཨཧཉྩེ ཏེ གཱམཎི ཨཏཱིཏམདྡྷཱནཾ ཨཱརབྦྷ དུཀྑསྶ སམུདཡཉྩ ཨཏྠངྒམཉྩ དེསེཡྻཾ ‘ཨེཝཾ ཨཧོསི ཨཏཱིཏམདྡྷཱན’ནྟི. ཏཏྲ ཏེ སིཡཱ ཀངྑཱ སིཡཱ ཝིམཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

སཱདྷུ ¶ མེ བྷནྟེ བྷགཝཱ དུཀྑསྶ

སམུདཡཉྩ ཨཏྠངྒམཉྩ དེསེཏུ–

‘‘ཏཾ ¶ ཀིཾ མཉྙསི གཱམཎི, ཨཏྠི ཨུརུཝེལཀཔྤེ མནུསྶཱ’’ –

རཱསིཡསུཏྟ

པུཙྪཱ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན གཱམཎིསཾཡུཏྟེ དྭཱདསམཾ སཾགཱིཏཾ རཱསིཡསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – མལླེསུ བྷནྟེ ཨུརུཝེལཀཔྤེནཱམ མལླཱནཾ ནིགམེ རཱསིཡཾ གཱམཎིཾ ཨཱརབྦྷ བྷཱསིཏཾ. རཱསིཡོ བྷནྟེ གཱམཎི བྷགཝནྟཾ ཨུཔསངྐམིཏྭཱ ཨེཏདདོཙ ¶ ‘‘སུཏཾ མེ བྷནྟེ ‘སམཎོ གོཏམོ སབྦཾ ཏཔཾ གརཧཏི, སབྦཾ ཏམསྶིཾ ལཱུཁཛཱིཝིཾ ཨེཀཾསེན ཨུཔཝདཏི ཨུཔཀྐོསཏཱི’’ཏི. ཡེ ཏེ བྷནྟེ ཨེཝམཱཧཾསུ ‘སམཎོ གོཏམོ སབྦཾ ཏཔཾ གརཧཏི, སབྦཾ ཏཔསྶིཾ ལཱུཁཛཱིཝིཾ ཨེཀཾསེན ཨུཔཝདཏི ཨུཔཀྐོསཏཱི’’ཏི. ཀཙྩི ཏེ བྷནྟེ བྷགཝཏོ ཝུཏྟཝཱདིནོ, ན ཙ བྷགཝནྟཾ ཨབྷཱུཏེན ཨབྦྷཱཙིཀྑནྟི, དྷམྨསྶ ཙཱནུདྷམྨཾ བྱཱཀརོནྟཱི’’ཏི. ཏསྨིཾ བྷནྟེ ཝཏྠུསྨིཾ ཡེ ཏེ གཱམཎི ཨེཝམཱཧཾསུ ‘‘སམཎོ གོཏམོ སབྦཾ ཏཔཾ གརཧཏི, སབྦཾ ཏཔསྶིཾ ལཱུཁཛཱིཝིཾ ཨེཀཾསེན ཨུཔཝདཏི ཨུཔཀྐོསཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ གརཧིཏབྦཱགརཧིཏབྦཱ ཀཱམབྷོགིནོ ཝིཏྠཱརེན ཝིབྷཛིཏྭཱ པཀཱསིཏཱ.

ཝིསྶཛྫནཱ – ཏཡོ ཁོ མེ གཱམཎི ཀཱམབྷོགིནོ སནྟོ སཾཝིཛྫམཱནཱ ལོཀསྨིཾ. ཀཏམེ ཏཡོ. ཨིདྷ གཱམཎི ཨེཀཙྩོ ཀཱམབྷོགཱི ཨདྷམྨེན ¶ བྷོགེ པརིཡེསཏི སཱཧསེན, ཨདྷམྨེན བྷོགེ པརིཡེསིཏྭཱ སཱཧསེན ན ཨཏྟཱནཾ སུཁེཏི ན པཱིཎེཏི, ན སཾཝིབྷཛཏི ན པུཉྙཱནི ཀརོཏཱིཏི ཨེཝམཱདིནཱ བྷནྟེ ཏཏྠ བྷགཝཏཱ གརཧིཏབྦཱགརཧིཏབྦཱ ཀཱམབྷོགིནོ ཝིཏྠཱརེན ཝིབྷཛིཏྭཱ པཀཱསིཏཱ.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ གརཧིཏབྦཱགརཧིཏབྦཱ ཏཔསྶིནོ ལཱུཁཛཱིཝིནོ ཝིཏྠཱརེན ཝིབྷཛིཏྭཱ པཀཱསིཏཱ.

ཝིསྶཛྫནཱ – ཏཡོ མེ གཱམཎི ཏཔསྶིནོ ལཱུཁཛཱིཝིནོ སནྟོ སཾཝིཛྫམཱནཱ ལོཀསྨིཾ. ཀཏམེ ཏཡོ. ཨིདྷ གཱམཎཱི ཨེཀཙྩོ ཏཔསྶཱི ལཱུཁཛཱིཝཱི སདྡྷཱ ཨགཱརསྨཱ ཨནགཱརིཡཾ པབྦཛིཏོ ཧོཏི ‘‘ཨཔྤེཝ ནཱམ ཀུསལཾ དྷམྨཾ ཨདྷིགཙྪེཡྻཾ, ཨཔྤེཝ ནཱམ ཨུཏྟརིམནུསྶདྷམྨཱ ཨལམརིཡཉཱཎདསྶནཝིསེསཾ སཙྪིཀརེཡྻ’’ནྟི, སོ ཨཏྟཱནཾ ཨཱཏཱཔེཏི པརིཏཱཔེཏི, ཀུསལཉྩ དྷམྨཾ ནཱདྷིགཙྪཏི, ཨུཏྟརི ཙ མནུསྶདྷམྨཱ ཨལམརིཡཉཱཎདསྶནཝིསེསཾ ན སཙྪིཀརོཏཱིཏི ཨེཝམཱདིནཱ བྷནྟེ ཏཏྠ བྷགཝཏཱ གརཧིཏབྦཱགརཧིཏབྦཱ ཏཔསྶིནོ ལཱུཁཛཱིཝིནོ ཝིཏྠཱརེན ཝིབྷཛིཏྭཱ པཀཱསིཏཱ.

ཨབྱཱཀཏསཾཡུཏྟ

ཁེམཱསུཏྟ

པུཙྪཱ – ཨབྱཱཀཏསཾཡུཏྟེ ¶ པནཱཝུསོ པོརཱཎཀེཧི དྷམྨསཾགཱཧཀ མཧཱཐེརེཧི པཋམཾ སཾགཱིཏཾ ཁེམཱསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན ཀཐཉྩ བྷཱསིཏཾ. ཀཐཉྩ ཏཾ བྷགཝཏཱཔི པུན བྷཱསིཏཾ.

ཝིསྶཛྫནཱ – ཨནྟརཱ ཙ བྷནྟེ སཱཝཏྠིཾ ཨནྟརཱ ཙ སཱཀེཏཾ ཏོརཎཝཏྠུསྨིཾ པདེསེ རཱཛཱནཾ པསེནདིཾ ཀོསལཾ ཨཱརབྦྷ ཁེམཱཡ བྷིཀྑུནིཡཱ བྷཱསིཏཾ. རཱཛཱ བྷནྟེ པསེནདི ཀོསལོ ཡེན ཁེམཱ བྷིཀྑུནཱི ཏེནུཔསངྐམི, ཨུཔསངྐམིཏྭཱ ཨབྷིཝཱདེཏྭཱ ཨེཀམནྟཾ ནིསཱིདི, ཨེཀམནྟཾ ནིསིནྣོ ཁོ བྷནྟེ རཱཛཱ པསེནདིཀོསལོ ཁེམཾ བྷིཀྑུནིཾ ཨེཏདཝོཙ ‘‘ཀིཾ ནུཁོ ཨཡྻེ ཧོཏི ཏཐཱགཏོ པརཾམརཎཱ’’ཏི. ཏསྨིཾ བྷནྟེ ཝཏྠུསྨིཾ ‘‘ཨབྱཱཀཏཾ ཁོ ཨེཏཾ མཧཱརཱཛ བྷགཝཏཱ ཧོཏི ཏཐཱགཏོ པརཾ མརཎཱ’’ཏི ཨེཝམཱདིནཱ ཁེམཱཡ བྷིཀྑུནིཡཱ བྷཱསིཏཾ. བྷགཝཏཱ ཙ བྷནྟེ ཨཔརེན སམཡེན རཉྙཱ པསེནདིཀོསལེན པུཊྛེན ཨེཝམེཝ པུན བྷཱསིཏཾ.

ཀིཾ ¶ པནཡྻེ ནཧོཏི ཏཐཱགཏོ པརཾ མརཎཱ.

ཀུཏཱུཧལསཱལཱསུཏྟ

པུཙྪཱ – ཏཏྠེཝ ¶ ཨཱཝུསོ པོརཱཎཀེཧི དྷམྨསཾགཱཧཀམཧཱཐེརེཧི ནཝམཾ སཾགཱིཏཾ ཀུཏཱུཧལསཱལཱསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – ཝེསཱལིཡཾ བྷནྟེ ཝཙྪགོཏྟཾ པརིབྦཱཛཀཾ ཨཱརབྦྷ བྷཱསིཏཾ. ཝཙྪགོཏྟོ བྷནྟེ པརིབྦཱཛཀོ བྷགཝནྟཾ ཨུཔསངྐམིཏྭཱ ‘‘པུརིམཱནི བྷོ གོཏམ དིཝསཱནི པུརིམཏརཱནི སམྦཧུལཱནཾ ནཱནཱཏིཏྠིཡཱནཾ སམཎབྲཱཧྨཎཱནཾ པརིབྦཱཛཀཱནཾ ཀུཏཱུཧལསཱལཱཡཾ སནྣིསིནྣཱནཾ སནྣིཔཏིཏཱནཾ ཨཡམནྟརཀཐཱ ཨུདཔཱདཱི’’ཏི ཨེཝམཱདིཀཾ ཝཙནཾ ཨཝོཙ. ཏསྨིཾ བྷནྟེ ཝཏྠུསྨིཾ ‘‘ཨལཉྷི ཏེ ཝཙྪ ཀངྑིཏུཾ, ཨལཾ ཝིཙིཀིཙྪིཏུཾ. ཀངྑནཱིཡེ ཙ པན ཏེ ཋཱནེ ཝིཙིཀིཙྪཱ ཨུཔྤནྣཱ’’ཏི ཨེཝམཱདིནཱ བྷགཝཏཱ བྷཱསིཏཾ.

མཧཱཝགྒསཾཡུཏྟཔཱལི༹

ཨཝིཛྫཱཝགྒ

ཨུཔཌྜྷསུཏྟ

པུཙྪཱ – མཧཱཝགྒསཾཡུཏྟེ ¶ པནཱཝུསོ པོརཱཎཀེཧི དྷམྨསཾགཱཧཀམཧཱཐེརེཧི དུཏིཡཾ སཾགཱིཏཾ ཨུཔཌྜྷསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཀྐེསུ བྷནྟེ སཀྐརེ ནཱམ སཀྱཱནཾ ནིགམེ ཨཱཡསྨནྟཾ ཨཱནནྡཏྠེརཾ ཨཱརབྦྷ བྷཱསིཏཾ. ཨཱཡསྨཱ བྷནྟེ ཨཱནནྡཏྠེརོ བྷགཝནྟཾ ཨེཏདཝོཙ ‘‘ཨུཔཌྜྷམིདཾ བྷནྟེ བྲཧྨཙརིཡཾ ཡདིདཾ ཀལྱཱཎམིཏྟཏཱ ཀལྱཱཎསཧཱཡཏཱ ཀལྱཱཎསམྤཝངྐཏཱ’’ཏི. ཏསྨིཾ བྷནྟེ ཝཏྠུསྨིཾ ‘‘མཱ ཧེཝཾ ཨཱནནྡ, མཱ ཧེཝཾ ཨཱནནྡ, སཀལམེཝིདཾ ཨཱནནྡ བྲཧྨཙརིཡཾ ཡདིདཾ ཀལྱཱཎམིཏྟཏཱ ཀལྱཱཎསཧཱཡཏཱ ཀལྱཱཎསམྤཝངྐཏཱ’’ཏི ཨེཝམཱདིནཱ བྷགཝཏཱ བྷཱསིཏཾ.

མམཾ ¶ ཧི ཨཱནནྡ ཀལྱཱཎམིཏྟཾ ཨཱགམྨ ཛཱཏིདྷམྨཱ སཏྟཱ ཛཱཏིཡཱ པརིམུཙྩནྟི.

བོཛ྄ཛྷངྒསཾཡུཏྟ

ཀུཎྜལིཡསུཏྟ

པུཙྪཱ – བོཛ྄ཛྷངྒསཾཡུཏྟེ ¶ པནཱཝུསོ པོརཱཎཀེཧི དྷམྨསཾགཱཧཀམཧཱཐེརེཧི ཚཊྛཾ སཾགཱིཏཾ ཀུཎྜལིཡསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཀེཏེ བྷནྟེ ཨཉྫནཝནེ མིགདཱཡེ ཀུཎྜལིཡཾ པརིབྦཱཛཀཾ ཨཱརབྦྷ བྷཱསིཏཾ. ཀུཎྜལིཡོ བྷནྟེ པརིབྦཱཛཀོ བྷགཝནྟཾ ཨུཔསངྐམིཏྭཱ ‘‘ཨཧམསྨི བྷོ གོཏམ ཨཱརཱམནིསྶཡཱི པརིསཱཝཙརོ, ཏསྶ མཡ྄ཧཾ བྷོ གོཏམ པཙྪཱབྷཏྟཾ བྷུཏྟཔཱཏརཱསསྶ ཨཡམཱཙཱརོ ཧོཏི ཨཱརཱམེན ཨཱརཱམཾ ཨུཡྻཱནེན ཨུཡྻཱནཾ ཨནུཙངྐམཱམི ཨནུཝིཙརཱམི, སོ ཏཏྠ པསྶཱམི ཨེཀེ སམཎབྲཱཧྨཎེ ཨིཏིཝཱདཔྤམོཀྑཱནིསཾསཉྩེཝ ཀཐཾ ཀཐནྟེ ཨུཔཱརམྦྷཱནིསཾསཉྩ, བྷཝཾ པན གོཏམོ ཀིམཱནིསཾསོ ཝིཧརཏཱི’’ཏི ཨེཏཾ ཝཙནཾ ཨཝོཙ. ཏསྨིཾ བྷནྟེ ཝཏྠུསྨིཾ ‘‘ཝིཛྫཱཝིམུཏྟིཕལཱནིསཾསོ ¶ ཁོ ཀུཎྜལིཡ ཏཐཱགཏོ ཝིཧརཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

པཋམ གིལཱནསུཏྟ

པུཙྪཱ – ཏེནཱཝུསོ ¶ བྷགཝྺཏཱ ཛཱནཏཱ…པེ… སམྨཱསམྦུདྡྷེན བོཛ྄ཛྷངྒསཾཡུཏྟེ དུཏིཡེ གིལཱནཝགྒེ པཋམགིལཱནསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – རཱཛགཧེ བྷནྟེ པིཔྤལིགུཧཱཡཾ ཨཱཡསྨནྟཾ མཧཱཀསྶཔཏྠེརཾ ཨཱརབྦྷ བྷཱསིཏཾ. ཨཱཡསྨཱ བྷནྟེ མཧཱཀསྶཔཏྠེརོ པིཔྤལིགུཧཱཡཾ ཝིཧརཏི ཨཱབཱདྷིཀོ དུཀྑིཏོ བཱལ༹ྷགིལཱནོ. ཨཐ ཁོ བྷནྟེ བྷགཝཱ སཱཡནྷསམཡཾ པཊིསལླཱནཱ ཝུཊྛིཏོ ཡེནཱཡསྨཱ མཧཱཀསྶཔོ ཏེནུཔསངྐམི, ཨུཔསངྐམིཏྭཱ པཉྙཏྟེ ཨཱསནེ ནིསཱིདི, ནིསཛྫ ཁོ བྷགཝཱ ཨཱཡསྨནྟཾ མཧཱཀསྶཔཾ ¶ ཨེཏདཝོཙ– ‘‘ཀཙྩི ཏེ ཀསྶཔ ཁམནཱིཡཾ, ཀཙྩི ཡཱཔནཱིཡཾ, ཀཙྩི དུཀྑཱ ཝེདནཱ པཊིཀྐམནྟི ནོ ཨབྷིཀྐམནྟི, པཊིཀྐམོསཱནཾ པཉྙཱཡཏི ནོ ཨབྷིཀྐམོཏི. ན མེ བྷནྟེ ཁམནཱིཡཾ ན ཡཱཔནཱིཡཾ, བཱལ༹ྷཱ མེ དུཀྑཱ ཝེདནཱ ཨབྷིཀྐམནྟི ནོ པཊིཀྐམནྟི, ཨབྷིཀྐམོསཱནཾ པཉྙཱཡཏི ནོ པཊིཀྐམོ’’ཏི. ཏསྨིཾ བྷནྟེ ཝཏྠུསྨིཾ ‘‘སཏྟིམེ ཀསྶཔ བོཛ྄ཛྷངྒཱ མཡཱ སམྨདཀྑཱཏཱ བྷཱཝིཏཱ བཧུལཱིཀཏཱ ཨབྷིཉྙཱཡ སམྦོདྷཱཡ ནིབྦཱནཱཡ སཾཝཏྟནྟཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཨུདཱཡིསུཏྟ

པུཙྪཱ – ཏཏྠེཝ ¶ ཨཱཝུསོ ཏཏིཡེ ཨུདཱཡིཝགྒེ པོརཱཎཀེཧི དྷམྨསཾགཱཧཀམཧཱཐེརེཧི དསམཾ སཾགཱིཏཾ ཨུདཱཡིསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སུམྦྷེསུ བྷནྟེ སེཏཀེནཱམ སུམྦྷཱནཾ ནིགམེ ཨཱཡསྨནྟཾ ཨུདཱཡིཏྠེརཾ ཨཱརབྦྷ བྷཱསིཏཾ. ཨཱཡསྨཱ བྷནྟེ ཨུདཱཡིཏྠེརོ བྷགཝནྟཾ ཨུཔསངྐམིཏྭཱ ‘‘ཨཙྪརིཡཾ བྷནྟེ, ཨབྦྷུཏཾ བྷནྟེ, ཡཱཝ བཧུཀཏཉྩ མེ བྷནྟེ བྷགཝཏི པེམཉྩ གཱརཝོ ཙ ཧིརཱི ཙ ཨོཏྟཔྤཉྩཱཏི ཨེཝམཱདིཀཾ ཝཙནཾ ཨཝོཙ. ཏསྨིཾ བྷནྟེ ཝཏྠུསྨིཾ ‘‘སཱདྷུ སཱདྷུ ཨུདཱཡི ཨེསོ ཧི ཏེ ཨུདཱཡི མགྒོ པཊིལདྡྷོ. ཡོ ཏེ བྷཱཝིཏོ བཧུལཱིཀཏོ, ཏཐཱ ཏཐཱ ཝིཧརནྟཾ ཏཐཏྟཱཡ ཨུཔནེསྶཏི, ཡཐཱ ཏྭཾ ‘ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱ’ཏི པཛཱནིསྶཏཱི’’ཏི. ཨེཝཾ ཁོ བྷགཝཏཱ བྷཱསིཏཾ.

སཏིཔཊྛཱནསཾཡུཏྟ

སཏིསུཏྟ

པུཙྪཱ – སཏིཔཊྛཱནསཾཡུཏྟེ ¶ ཨཱཝུསོ པོརཱཎཀེཧི དྷམྨསཾགཱཧཀ མཧཱཐེརེཧི དུཏིཡཾ སཾགཱིཏཾ སཏིསུཏྟཾ བྷགཝཏཱ ཀཏྠ ཀཾ ཀཱརབྦྷ ཀཐཉྩ བྷཱསིཏཾ.

ཝིསྶཛྫནཱ – ཝེསཱལིཡཾ བྷནྟེ ཨམྦཔཱལིཝནེ སམྦཧུལེ བྷིཀྑཱུ ཨཱརབྦྷ ‘‘སཏོ བྷིཀྑཝེ བྷིཀྑུ ཝིཧརེཡྻ སམྤཛཱནོ ཨཡཾ ཝོ ཨམྷཱཀཾ ཨནུསཱསནཱི’’ཏི ཨེཝམཱདིནཱ བྷགཝཏཱ བྷཱསིཏཾ.

སཱལསུཏྟ

པུཙྪཱ – ཏཏྠེཝ ¶ ཨཱཝུསོ པོརཱཎཀེཧི དྷམྨསཾགཱཧཀམཧཱཐེརེཧི ཙཏུཏྠཾ སཾགཱིཏཾ སཱལསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – ཀོསལེསུ བྷནྟེ སཱལཱཡནཱམ ཀེསལཱནཾ བྲཱཧྨཎགཱམེ སམྦཧུལེ བྷིཀྑཱུ ཨཱརབྦྷ ‘‘ཡེ ཏེ བྷིཀྑཝེ བྷིཀྑཱུ ནཝཱ ཨཙིརཔབྦཛིཏཱ ཨདྷུནཱགཏཱ ཨིམཾ དྷམྨཝིནཡཾ, ཏེ ཝོ བྷིཀྑཝེ བྷིཀྑཱུ ཙཏུནྣཾ སཏིཔཊྛཱནཱནཾ བྷཱཝནཱཡ སམཱདཔེཏབྦཱ ནིཝེསེཏབྦཱ པཏིཊྛཱཔེཏབྦཱ’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

སཀུཎགྒྷིསུཏྟ

པུཙྪཱ – ཏཏྠེཝ ¶ ཨཱཝུསོ པོརཱཎཀེཧི དྷམྨསཾགཱཧཀམཧཱཐེརེཧི ཚཊྛཾ སཾགཱིཏཾ སཀུཎགྒྷིསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ ‘‘བྷཱུཏཔུབྦཾ བྷིཀྑཝེ སཀུཎགྒྷི ལཱཔཾ སཀུཎཾ སཧསཱ ཨཛ྄ཛྷཔྤཏྟཱ ཨགྒཧེསི. ཨཐ ཁོ བྷིཀྑཝེ ལཱཔོ སཀུཎོ སཀུཎགྒྷིཡཱ ཧརིཡམཱནོ ཨེཝཾ པརིདེཝསི མཡམེཝམྷ ཨལཀྑིཀཱ, མཡཾ ཨཔྤཔུཉྙཱ, ཡེ མཡཾ ཨགོཙརེ ཙརིམྷ པརཝིསཡེ, སཙེཛྫ མཡཾ གོཙརེ ཙརེཡྻཱམ སཀེ པེཏྟིཀེ ཝིསཡེ, ན མྱཱཧཾ སཀུཎགྒྷི ཨལཾ ཨབྷཝིསྶ ཡདིདཾ ཡུདྡྷཱཡཱ’’ཏི ཨེཝམཱདིནཱ བྷགཝཏཱ བྷཱསིཏཾ.

མཡམེཝམྷ ¶ ཨལཀྑིཀཱ, མཡཾ ཨཔྤཔུཉྙཱ.

ཀོ པན ཏེ ལཱཔ གོཙརོ སཀོ པེཏྟིཀོ ཝིསཡོ.

ཡདིདཾ ནངྒལཀཊྛཀརཎཾ ལེཌྜུཊྛཱནཾ.

ཨེཧི ¶ ཁོ དཱནི མེ སཀུཎགྒྷི, ཨེཧི ཁོ དཱནི མེ སཀུཎགྒྷི,

(དཱརུགུལོ༹ཝིཡ ཝིནིཝཏྟིཏྭཱ ཏསྶེཝ ལེཌྜུསྶ ཨནྟརེ པཙྩུཔཱདི. ཨཊྛཀཐཱ)

ཨེཝཉྷི ཏཾ བྷིཀྑཝེ ཧོཏི ཡོ ཨགོཙརེ ཙརཏི པརཝིསཡེ.

ཏསྨཱཏིཧ ¶ བྷིཀྑཝེ མཱ ཨགོཙརེ ཙརིཏྠ པརཝིསཡེ.

གོཙརེ བྷིཀྑཝེ ཙརཐ སཀེ པེཏྟིཀེ ཝིསཡེ.

གོཙརེ བྷིཀྑཝེ ཙརཏཾ སཀེ པེཏྟིཀེ ཝིསཡེ ན ལཙྪཏི མཱརོ ཨོཏཱརཾ, ན ལཙྪཏི མཱརོ ཨཱརམྨཎཾ.

བྷིཀྑུནུཔསྶཡསུཏྟ

པུཙྪཱ – ཏཏྠེཝ ¶ ཨཱཝུསོ པོརཱཎཀེཧི དྷམྨསཾགཱཧཀམཧཱཐེརེཧི དསམཾ སཾགཱིཏཾ བྷིཀྑུནུཔསྶཡསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཱཡསྨནྟཾ ཨཱནནྡཏྠེརཾ ཨཱརབྦྷ བྷཱསིཏཾ. ཨཱཡསྨཱ བྷནྟེ ཨཱནནྡོ ཡཱཝཏྟཀོ ཨཧོསི བྷིཀྑུནཱིཧི སདྡྷིཾ ཀཐཱསལླཱཔོ ཏཾ སབྦཾ བྷགཝཏོ ཨཱརོཙེསི. ཏསྨིཾ བྷནྟེ ཝཏྠུསྨིཾ ‘‘ཨེཝམེཏཾ ཨཱནནྡ, ཨེཝམེཏཾ ཨཱནནྡ, ཡོཧི ཀོཙི ཨཱནནྡ བྷིཀྑུ ཝཱ བྷིཀྑུནཱི ཝཱ ཙཏཱུསུ སཏིཔཊྛཱནེསུ སུཔྤཏིཊྛིཏཙིཏྟོ ཝིཧརཏི, ཏསྶེཏཾ པཱཊིཀངྑཾ ཨུལཱ༹རཾ པུབྦེནཱཔརཾ ཝིསེསཾ སཉྫཱནིསྶཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཙུནྡསུཏྟ

པུཙྪཱ – ཏཏྠེཝ ¶ ཨཱཝུསོ དུཏིཡེ ནཱལནྡཝགྒེ པོརཱཎཀེཧི དྷམྨསཾགཱཧཀམཧཱཐེརེཧི ཏཏིཡཾ སཾགཱིཏཾ ཙུནྡསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཱཡསྨནྟཾཡེཝ ཨཱནནྡཏྠེརཾ ཨཱརབྦྷ བྷཱསིཏཾ. ཨཱཡསྨཱ བྷནྟེ ཨཱནནྡཏྠེརོ ཙུནྡེན སམཎུདྡེསེན སདྡྷིཾ ཡེན བྷགཝཱ ཏེནུཔསངྐམི. ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ བྷནྟེ ཨཱཡསྨཱ ཨཱནནྡོ བྷགཝནྟཾ ཨེཏདཝོཙ ‘‘ཨཡཾ བྷནྟེ ཙུནྡོ སམཎུདྡེསོ ཨེཝམཱཧ ‘ཨཱཡསྨཱ བྷནྟེ སཱརིཔུཏྟོ པརིནིབྦུཏོ, ཨིདམསྶ པཏྟཙཱིཝར’ནྟི. ཨཔི ཙ མེ བྷནྟེ མདྷུརཀཛཱཏོ ཝིཡ ཀཱཡོ, དིསཱཔི མེ ན པཀྑཱཡནྟི, དྷམྨཱཔི མཾ ནཔྤཊིབྷནྟི ‘ཨཱཡསྨཱ སཱརིཔུཏྟོ པརིནིབྦུཏོ’ཏི སུཏྭཱ’’ཏི. ཏསྨིཾ བྷནྟེ ཝཏྠུསྨིཾ ‘‘ཀིཾ ནུ ཁོ ཏེ ཨཱནནྡ སཱརིཔུཏྟོ སཱིལཀྑནྡྷཾ ཝཱ ཨཱདཱཡ པརིནིབྦུཏོ, སམཱདྷིཀྑནྡྷཾ ཝཱ, པཉྙཱཀྑནྡྷཾཝཱ, ཝིམུཏྟིཀྑནྡྷཾཝཱ, ཝིམུཏྟིཉཱཎདསྶནཀྑནྡྷཾ ཝཱ ཨཱདཱཡ པརིནིབྦུཏོ’’ཏི ཨེཝམཱདིནཱ བྷགཝཏཱ བྷཱསིཏཾ.

ཨཡཾ ¶ བྷནྟེ ཙུནྡོསམཎུདྡེསོ ཨེཝམཱཧ.

ཏསྨཱཏིཧཱནནྡ ¶ ཨཏྟདཱིཔཱ ཝིཧརཐ ཨཏྟསརཎཱ ཨནཉྙསརཎཱ དྷམྨདཱིཔཱ དྷམྨསརཎཱ ཨནཉྙསརཎཱ.

བཱཧིཡསུཏྟ

པུཙྪཱ – ཏཏྠེཝ ¶ ཨཱཝུསོ པོརཱཎཀེཧི དྷམྨསཾགཱཧཀམཧཱཐེརེཧི པཉྩམཾ སཾགཱིཏཾ བཱཧིཡསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཱཡསྨནྟཾ བཱཧིཡཾ ཨཱརབྦྷ བྷཱསིཏཾ. ཨཱཡསྨཱ བྷནྟེ བཱཧིཡོ བྷགཝནྟཾ ཨེཏདཝོཙ ‘‘སཱདྷུ མེ བྷནྟེ བྷགཝཱ སཾཁིཏྟེན དྷམྨཾ དེསེཏུ, ཡམཧཾ བྷགཝཏོ དྷམྨཾ སུཏྭཱ ཨེཀོ ཝཱུཔཀཊྛོ ཨཔྤམཏྟོ ཨཱཏཱཔཱི པཧིཏཏྟོ ཝིཧརེཡྻ’’ནྟི. ཏསྨིཾ བྷནྟེ ཝཏྠུསྨིཾ ‘‘ཏསྨཱཏིཧ ཏྭཾ བཱཧིཡ ཨཱདིམེཝ ཝིསོདྷེཧི ཀུསལེསུ དྷམྨེསུ. ཀོ ཙཱདིཀུསལཱནཾ དྷམྨཱནཾ, སཱིལཉྩ སུཝིསུདྡྷཾ དིཊྛིཙ ཨུཛུཀཱ’’ཏི ཨེཝམཱདིནཱ བྷགཝཏཱ བྷཱསིཏཾ.

སཱིལཊྛིཏིཝགྒ

ཙིརཊྛིཏིསུཏྟ

པུཙྪཱ – ཏཏྠེཝ ¶ ཨཱཝུསོ ཏཏིཡེ སཱིལཊྛིཏིཝགྒེ པོརཱཎཀེཧི དྷམྨསཾགཱཧཀམཧཱཐེརེཧི དུཏིཡཾ སཾགཱིཏཾ ཙིརཊྛིཏིསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན ཀཐཉྩ བྷཱསིཏཾ.

ཝིསྶཛྫནཱ – པཱཊལིཔུཏྟེ བྷནྟེ ཨཱཡསྨནྟཾ བྷདྡཾ ཨཱརབྦྷ ཨཱཡསྨཏཱ ཨཱནནྡཏྠེརེན དྷམྨབྷཎྜཱགཱརིཀེན བྷཱསིཏཾ. ཨཱཡསྨཱ བྷནྟེ བྷདྡོ སཱཡནྷསམཡཾ པཊིསལླཱནཱ ཝུཊྛིཏོ ཡེནཱཡསྨཱ ཨཱནནྡོ ཏེནུཔསངྐམི, ཨུཔསངྐམིཏྭཱ ཨཱཡསྨནྟཾ ཨཱནནྡཾ ཨེཏདཝོཙ ‘‘ཀོ ནུ ཁོ ཨཱཝུསོ ཨཱནནྡ ཧེཏུ ཀོ པཙྩཡོ, ཡེན ཏཐཱགཏེ པརིནིབྦུཏེ སདྡྷམྨོ ན ཙིརཊྛིཏིཀོ ཧོཏི, ཀོ པནཱཝུསོ ཨཱནནྡ ཧེཏུ ཀོ པཙྩཡོ, ཡེན ཏཐཱགཏེ པརིནིབྦུཏེ སདྡྷམྨོ ཙིརཊྛིཏིཀོ ཧོཏཱི’’ཏི. ཏསྨིཾ བྷནྟེ ཝཏྠུསྨིཾ ‘‘སཱདྷུ སཱདྷུ ཨཱཝུསོ བྷདྡ, བྷདྡཀོ ཁོ ཏེ ཨཱཝུསོ བྷདྡ ཨུམྨངྒོ’’ཏི ཨེཝམཱདིནཱ ཨཱཡསྨཏཱ ཨཱནནྡཏྠེརེན དྷམྨབྷཎྜཱགཱརིཀེན བྷཱསིཏཾ.

བྷདྡཀོ ¶ ཏེ ཨཱཝུསོ བྷདྡ ཨུམྨངྒོ.

‘‘ཙཏུནྣཾ ¶ ཁོ ཨཱཝུསོ སཏིཔཊྛཱནཱནཾ ཨབྷཱཝིཏཏྟཱ ཨབཧུལཱིཀཏཏྟཱ ཏཐཱགཏེ པརིནིབྦུཏེ སདྡྷམྨོ ན ཙིརཊྛིཏིཀོ ཧོཏཱི’’ –

སིརིཝཌྜྷསུཏྟ

པུཙྪཱ – ཏསྶཱཝུསོ བྷགཝཏཱ ཨརཧཏོ སམྨཱསམྦུདྡྷསྶ པཱཝཙནསམུདཡབྷཱུཏཱཡ མཧཱཝགྒཔཱལི༹ཡཱ སཏིཔཊྛཱནསཾཡུཏྟེ སཱིལཊྛིཏིཝགྒེ ནཝམཾ སིརིཝཌྜྷསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན ཀཐཉྩ བྷཱསིཏཾ.

ཝིསྶཛྫནཱ – རཱཛགཧེ བྷནྟེ སིརིཝཌྜྷཾ གཧཔཏིཾ ཨཱརབྦྷ ཨཱཡསྨཏཱ ཨཱནནྡཏྠེརེན དྷམྨབྷཎྜཱགཱརིཀེན བྷཱསིཏཾ. སིརིཝཌྜྷོ བྷནྟེ གཧཔཏི ཨཱབཱདྷིཀོ ཧོཏི དུཀྑིཏོ བཱལ༹ྷགིལཱནོ. ཨཐཁོ བྷནྟེ ཨཱཡསྨཱ ཨཱནནྡོ ཡེནསིརིཝཌྜྷསྶ གཧཔཏིསྶ ནིཝེསནཾ ཏེནུཔསངྐམི, ཨུཔསངྐམིཏྭཱ པཉྙཏྟེ ཨཱསནེ ནིསཱིདི ¶ . ནིསཛྫ ཁོ ཨཱཡསྨཱ ཨཱནནྡོ སིརིཝཌྜྷཾ གཧཔཏིཾ ཨེཏདཝོཙ ‘‘ཀཙྩི ཏེ གཧཔཏི ཁམནཱིཡཾ, ཀཙྩི ཡཱཔནཱིཡཾ, ཀཙྩི དུཀྑཱ ཝེདནཱ པཊིཀྐམནྟི ནོ ཨབྷིཀྐམནྟི, པཊིཀྐམོསཱནཾ པཉྙཱཡཏི ནོ ཨབྷིཀྐམོ’’ཏི. ན མེ བྷནྟེ ཁམནཱིཡཾ, ན ཡཱཔནཱིཡཾ, བཱལ༹ྷཱ མེ དུཀྑཱ ཝེདནཱ ཨབྷིཀྐམནྟི ནོ པཊིཀྐམནྟི, ཨབྷིཀྐམོསཱནཾ པཉྙཱཡཏི ནོ པཊིཀྐམོ’’ཏི. ཏསྨིཾ བྷནྟེ ཝཏྠུསྨིཾ ‘‘ཏསྨཱཏིཧ ཏེ གཧཔཏི ཨེཝཾ སིཀྑིཏབྦཾ ‘ཀཱཡེ ཀཱཡཱནུཔསྶཱི ཝིཧརིསྶཱམི ཨཱཏཱཔཱི སམྤཛཱནོ སཏིམཱ ཝིནེཡྻ ལོཀེ ཨབྷིཛ྄ཛྷཱ དོམནསྶཾ. ཝེདནཱསུ. ཙིཏྟེ. དྷམྨེསུ དྷམྨཱནུཔསྶཱི ཝིཧརིསྶཱམི ཨཱཏཱཔཱི སམྤཛཱནོ སཏིམཱ ཝིནེཡྻ ལོཀེ ཨབྷིཛ྄ཛྷཱ དོམནསྶ’ནྟི. ཨེཝཉྷི ཏེ གཧཔཏི སིཀྑིཏབྦ’’ནྟི. ཨེཝཾ ཁོ ཨཱཡསྨཏཱ ཨཱནནྡཏྠེརེན དྷམྨབྷཎྜཱགཱརིཀེན བྷཱསིཏཾ.

ཨིདྡྷིཔཱདསཾཡུཏྟ

མོགྒལླཱནསུཏྟ

པུཙྪཱ – ཨིདྡྷིཔཱདསཾཡུཏྟེ ¶ ཨཱཝུསོ ཙཏུཏྠཾ མོགྒལླཱནསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ བྷཱསིཏཾ. སམྦཧུལཱ བྷནྟེ བྷིཀྑཱུ ཧེཊྛཱམིགཱརམཱཏུཔཱསཱདེ ཝིཧརནྟི ཨུདྡྷཏཱ ཨུནྣལཱ༹ ཙཔལཱ མུཁརཱ ཝིཀིཎྞཝཱཙཱ མུཊྛསྶཏིནོ ཨསམྤཛཱནཱ ཨསམཱཧིཏཱ བྷནྟཙིཏྟཱ པཱཀཏིནྡྲིཡཱ. ཏསྨིཾ བྷནྟེ ཝཏྠུསྨིཾ ཨཱཡསྨནྟཾ མཧཱམོགྒལླཱནཾ ཏེ བྷིཀྑཱུ སཾཝེཛེཏྭཱ ‘‘ཀིཾ ནུ ཏུམྷེ བྷིཀྑཝེ སཾཝིགྒཱ ལོམཧཊྛཛཱཏཱ ཨེཀམནྟཾ ཋིཏཱ’’ཏི ཨེཝམཱདིནཱ བྷགཝཏཱ བྷཱསིཏཾ.

ཨཙྪརིཡཾ ¶ ཝཏ བྷོ, ཨབྦྷུཏཾ ཝཏ བྷོ.

ནིཝཱཏཉྩ ཝཏ.

ཨཡཉྩ མིགཱརམཱཏུཔཱསཱདོ གམྦྷཱིརནེམོ.

ཏུམྷེཝ ¶ ཁོ བྷིཀྑཝེ སཾཝེཛེཏུཀཱམེན མོགྒལླཱནེན བྷིཀྑུནཱ པཱདངྒུཊྛཀེན མིགཱརམཱཏུཔཱསཱདོ སངྐམྤིཏོ སམྤཀམྤིཏོ སམྤདྷཱལིཏོ.

ཏཾ ཀིཾ མཉྙཐ བྷིཀྑཝེ, ཀཏམེསཾ དྷམྨཱནཾ བྷཱཝིཏཏྟཱ བཧུལཱིཀཏཏྟཱ མོགྒལླཱནོ བྷིཀྑུ ཨེཝཾ མཧིདྡྷིཀོ ཨེཝཾ མཧཱནུབྷཱཝོ.

ཨནུརུདྡྷསཾཡུཏྟ

བཱལ༹ྷགིལཱནསུཏྟ

པུཙྪཱ – ཨནུརུདྡྷསཾཡུཏྟེ ¶ ཨཱཝུསོ པོརཱཎཀེཧི དྷམྨསཾགཱཧཀམཧཱཐེརེཧི དསམཾ སཾགཱིཏཾ བཱལ༹ྷགིནཱནསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ ཨཱཡསྨཏཱ ཨནུརུདྡྷཏྠེརེན བྷཱསིཏཾ. སམྦཧུལཱ བྷནྟེ བྷིཀྑཱུ ཨཱཡསྨནྟཾ ཨནུརུདྡྷཾ ཨཱབཱདྷིཀཾ དུཀྑིཏཾ བཱལ༹ྷགིལཱནཾ ཨེཏདཝོཙུཾ ‘‘ཀཏམེནཱཡསྨཏོ ཨནུརུདྡྷསྶ ཝིཧཱརེན ཝིཧརཏོ ཨུཔྤནྣཱ སཱརཱིརིཀཱ དུཀྑཱ ཝེདནཱ ཙིཏྟཾ ན པརིཡཱདཱཡ ཏིཊྛནྟཱི’’ཏི. ཏསྨིཾ བྷནྟེ ཝཏྠུསྨིཾ ‘‘ཙཏཱུསུ ཁོ མེ ཨཱཝུསོ སཏིཔཊྛཱནེསུ སུཔྤཏིཊྛིཏཙིཏྟསྶ ཝིཧརཏོ ཨུཔྤནྣཱ སཱརཱིརིཀཱ དུཀྑཱ ཝེདནཱ ཙིཏྟཾ ན པརིཡཱདཱཡ ཏིཊྛནྟཱི’’ཏི ཨེཝམཱདིནཱ ཨཱཡསྨཏཱ ཨནུརུདྡྷཏྠེརེན བྷཱསིཏཾ.

ཨཱནཱཔཱནསཾཡུཏྟ

མཧཱཀཔྤིནསུཏྟ

པུཙྪཱ – ཨཱནཱཔཱནསཾཡུཏྟེ ¶ ཨཱཝུསོ པོརཱཎཀེཧི དྷམྨསཾགཱཧཀམཧཱཐེརེཧི སཏྟམཾ སཾགཱིཏཾ མཧཱཀཔྤིནསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ ‘‘པསྶཐ ནོ ཏུམྷེ བྷིཀྑཝེ ཨེཏསྶ བྷིཀྑུནོ ཀཱཡསྶ ཨིཉྫིཏཏྟཾ ཝཱ ཕནྡིཏབྦཾ ཝཱ’’ཏི ཨེཝམཱདིནཱ བྷགཝཏཱ བྷཱསིཏཾ.

ཨིཙྪཱནངྒལསུཏྟ

པུཙྪཱ – ཏཏྠེཝ ¶ ཨཱཝུསོ དུཏིཡཝགྒེ པཋམཾ ཨིཙྪཱནངྒལསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – ཨིཙྪཱནངྒལེ བྷནྟེ སམྦཧུལེ བྷིཀྑཱུ ཨཱརབྦྷ ‘‘སཙེ ཁོ བྷིཀྑཝེ ཨཉྙཏིཏྠིཡཱ པརིབྦཱཛཀཱ ཨེཝཾ པུཙྪེཡྻུཾ ‘ཀཏམེ ནཱཝུསོ ཝིཧཱརེན སམཎོ གོཏམོ ཝསྶཱཝཱསཾ བཧུལཾ ཝིཧཱསཱི’ཏི. ཨེཝཾ པུཊྛཱ ཏུམྷེ བྷིཀྑཝེ ཏེསཾ ཨཉྙཏིཏྠིཡཱནཾ པརིབྦཱཛཀཱནཾ ཨེཝཾ བྱཱཀརེཡྻཱཐ ཨཱནཱཔཱནསྶཏིསམཱདྷིནཱ ཁོ ཨཱཝུསོ བྷགཝཱ ཝསྶཱཝཱསཾ བཧུལཾ ཝིཧཱསཱི’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

སོཏཱཔཏྟིསཾཡུཏྟ

ཙཀྐཝཏྟིརཱཛསུཏྟ

པུཙྪཱ – སོཏཱཔཏྟིསཾཡུཏྟེ ¶ ཨཱཝུསོ པོརཱཎཀེཧི དྷམྨསཾགཱཧཀམཧཱཐེརེཧི པཋམཾ སཾགཱིཏཾ ཙཀྐཝཏྟིརཱཛསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ ‘‘ཀིཉྩཱཔི བྷིཀྑཝེ རཱཛཱ ཙཀྐཝཏྟཱི ཙཏུནྣཾ དཱིཔཱནཾ ཨིསྶརིཡཱདྷིཔཙྩཾ རཛྫཾ ཀཱརེཏྭཱ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫཏི དེཝཱནཾ ཏཱཝཏིཾསཱནཾ སཧབྱཏཾ, སོ ཏཏྠ ནནྡནེ ཝནེ ཨཙྪརཱསངྒྷཔརིཝུཏོ དིབྦེཧི ཙ པཉྩཧི ཀཱམགུཎེཧི སམཔྤིཏོ སམངྒཱིབྷཱུཏོ པརིཙཱརེཏི སོ ཙཏཱུཧི དྷམྨེཧི ཨསམནྣཱགཏོ, ཨཐ ཁོ སོ ཨཔརིམུཏྟོཝ ནིརཡཱ, ཨཔརིམུཏྟོ ཏིརཙྪཱནཡོནིཡཱ, ཨཔརིམུཏྟོ པེཏྟིཝིསཡཱ, ཨཔརིམུཏྟོ ཨཔཱཡདུགྒཏིཝིནིཔཱཏཱ’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

དཱིགྷཱཝུ ཨུཔཱསཀསུཏྟ

པུཙྪཱ – ཏཏྠེཝ ¶ ཨཱཝུསོ པོརཱཎཀེཧི དྷམྨསཾགཱཧཀམཧཱཐེརེཧི ཏཏིཡཾ སཾགཱིཏཾ དཱིགྷཱཝུཨུཔཱསཀསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – རཱཛགཧེ ¶ བྷནྟེ དཱིགྷཱཝུཾ ཨུཔཱསཀཾ ཨཱརབྦྷ བྷཱསིཏཾ. བྷགཝཱ བྷནྟེ དཱིགྷཱཝུཾ ཨུཔཱསཀཾ ཨཱབཱདྷིཀཾ དུཀྑིཏཾ བཱལ༹ྷགིལཱནཾ ཨེཏདཝོཙ ‘‘ཀཙྩི ཏེ དཱིགྷཱཝུ ཁམནཱིཡཾ, ཀཙྩི ཡཱཔནཱིཡཾ, ཀཙྩི དུཀྑཱ ཝེདནཱ པཊིཀྐམནྟི ནོ ཨབྷིཀྐམནྟི, པཊིཀྐམོསཱནཾ པཉྙཱཡཏི ནོ ཨབྷིཀྐམོ’’ཏི. ན མེ བྷནྟེ ཁམནཱིཡཾ, ན ཡཱཔནཱིཡཾ བཱལ༹ྷཱ མེ དུཀྑཱ ཝེདནཱ ཨབྷིཀྐམནྟི ནོ པཊིཀྐམནྟི, ཨབྷིཀྐམོསཱནཾ པཉྙཱཡཏི ནོ པཊིཀྐམོཏི. ཏསྨིཾ བྷནྟེ ཝཏྠུསྨིཾ ‘‘ཏསྨཱཏིཧ ཏེ དཱིགྷཱཝུ ཨེཝཾ སིཀྑིཏབྦཾ བུདྡྷེ ཨཝེཙྩཔྤསཱདེན སམནྣཱགཏོ བྷཝིསྶཱམཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཡཱནིམཱནི ¶ བྷནྟེ བྷགཝཏཱ ཙཏྟཱརི སོཏཱཔཏྟིཡངྒཱནི དེསིཏཱནི, སཾཝིཛྫནྟེ ཏེ དྷམྨཱ མཡི–

ཏསྨཱཏིཧ ཏྭཾ དཱིགྷཱཝུ ཨིམེསུ ཙཏཱུསུ སོཏཱཔཏྟིཡངྒེསུ པཏིཊྛཱཡ ཚ ཝིཛྫཱབྷཱགིཡེ དྷམྨེ ཨུཏྟརི བྷཱཝེཡྻཱསི–

མཱ ¶ ཏྭཾ ཏཱཏ དཱིགྷཱཝུ ཨེཝཾ མནསཱཀཱསི.

ཨིངྒྷ ཏྭཾ ཏཱཏ དཱིགྷཱཝུ ཡདེཝ ཏེ བྷགཝཱ ཨཱཧ, ཏདེཝ ཏྭཾ སཱདྷུཀཾ མནསིཀརོཧི.

པཎྜིཏོ ¶ བྷིཀྑཝེ དཱིགྷཱཝུ ཨུཔཱསཀོ.

པཙྩཔཱདི དྷམྨསྶཱནུདྷམྨཾ.

ན ¶ ཙ མཾ དྷམྨཱདྷིཀརཎཾ ཝིཧེཋེསི.

དཱིགྷཱཝུ བྷིཀྑཝེ ཨུཔཱསཀོ པཉྩནྣཾ ཨོརམྦྷཱགིཡཱནཾ སཾཡོཛནཱནཾ པརིཀྑཡཱ ཨོཔཔཱཏིཀོ ཏཏྠ པརིནིབྦཱཡཱི ཨནཱཝཏྟིདྷམྨོ ཏསྨཱ ལོཀཱ.

ཝེལུ༹དྭཱརེཡྻསུཏྟ

པུཙྪཱ – ཏེནཱཝུསོ བྷགཝཏཱ…པེ… སམྨཱསམྦུདྡྷེན སོཏཱཔཏྟིསཾཡུཏྟེ སཏྟམཾ སཾགཱིཏཾ ཝེལུ༹དྭཱརེཡྻསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – ཀོསལེསུ བྷནྟེ ཝེལུ༹དྭཱརེ ནཱམ ཀོསལཱནཾ བྲཱཧྨཎ གཱམེ ཝེལུ༹དྭཱརེཡྻཀེ བྲཱཧྨཎགཧཔཏིཀེ ཨཱརབྦྷ བྷཱསིཏཾ.

ཝེལུ༹དྭཱརེཡྻཀཱ ¶ བྷནྟེ བྲཱཧྨཎགཧཔཏིཀཱ བྷགཝནྟཾ ཨེཏདཝོཙུཾ ‘‘མཡཾ བྷོ གོཏམ ཨེཝཾཀཱམཱ ཨེཝཾཚནྡཱ ཨེཝཾཨདྷིཔྤཱཡཱ པུཏྟསམྦཱདྷསཡནཾ ཨཛ྄ཛྷཱཝསེཡྻཱམ…པེ… ཛཱཏརཱུཔརཛཏཾ སཱདིཡེཡྻཱམ, ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫེཡྻཱམ, ཏེསཾ ནོ བྷཝཾ གོཏམོ ཨམྷཱཀཾ ཨེཝཾཀཱམཱནཾ ཨེཝཾཚནྡཱནཾ ཨེཝཾཨདྷིཔྤཱཡཱནཾ ཏཐཱ དམྨཾ དེསེཏུ, ཡཐཱ མཡཾ པུཏྟསམྦཱདྷསཡནཾ ཨཛ྄ཛྷཱཝསེཡྻཱམ…པེ… ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫེཡྻཱམཱ’’ཏི. ཏསྨིཾ བྷནྟེ ཝཏྠུསྨིཾ ‘‘ཨཏྟཱུཔནཱཡིཀཾ ཝོ གཧཔཏཡོ དྷམྨཔརིཡཱཡཾ དེསེསྶཱམི, ཏཾ སུཎཱཐ སཱདྷུཀཾ མནསི ཀརོཐ, བྷཱསིསྶཱམཱི’’ཏི ཨེཝམཱདིནཱ བྷགཝཏཱ བྷཱསིཏཾ.

སརཎཱནིཝགྒ

པཋམ མཧཱནཱམསུཏྟ

པུཙྪཱ – ཏཏྠེཝ ¶ ཨཱཝུསོ ཏཏིཡེ སརཎཱནིཝགྒེ པོརཱཎཀེཧི དྷམྨསཾགཱཧཀམཧཱཐེརེཧི པཋམཾ སཾགཱིཏཾ པཋམམཧཱནཱམསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཀྐེསུ ¶ བྷནྟེ ཀཔིལཝཏྠུསྨིཾ ནིགྲོདྷཱརཱམེ མཧཱནཱམཾ སཀྐཾ ཨཱརབྦྷ བྷཱསིཏཾ. མཧཱནཱམོ བྷནྟེ སཀྐོ བྷགཝནྟཾ ཨེཏདཝོཙ ‘‘ཨིདཾ བྷནྟེ ཀཔིལཝཏྠུ ཨིདྡྷཉྩེཝ ཕཱིཏཉྩ བཱཧུཛཉྙཾ ཨཱཀིཎྞམནུསྶཾ སམྦཱདྷབྱཱུཧཾ, སོ ཁྭཱཧཾ བྷནྟེ བྷགཝནྟཾ ཝཱ པཡིརུཔཱསིཏྭཱ མནོབྷཱཝནཱིཡེ ཝཱ བྷིཀྑཱུ སཱཡནྷསམཡཾ ཀཔིལཝཏྠུཾ པཝིསནྟོ བྷནྟེནཔི ཧཏྠིནཱ སམཱགཙྪཱམི, བྷནྟེནཔི ཨསྶེན སམཱགཙྪཱམི, བྷནྟེནཔི རཐེན སམཱགཙྪཱམི, བྷནྟེནཔི སཀཊེན སམཱགཙྪཱམི, བྷནྟེནཔི པུརིསེན སམཱགཙྪཱམི, ཏསྶ མཡ྄ཧཾ བྷནྟེ ཏསྨིཾ སམཡེ མུསྶཏེཝ བྷགཝནྟཾ ཨཱརབྦྷ སཏི, མུསྶཏི དྷམྨཾ ཨཱརབྦྷ སཏི, མུསྶཏི སངྒྷཾ ཨཱརབྦྷ སཏི, ཏསྶ མཡ྄ཧཾ བྷནྟེ ཨེཝཾ ཧོཏི ཨིམམྷི ཙཱཧཾ སམཡེ ཀཱལཾ ཀརེཡྻཾ, ཀཱ མཡ྄ཧཾ གཏི, ཀོ ཨབྷིསམྤརཱཡོ’’ཏི. ཏསྨིཾ བྷནྟེ ཝཏྠུསྨིཾ ‘‘མཱ བྷཱཡི མཧཱནཱམ, མཱ བྷཱཡི མཧཱནཱམ, ཨཔཱཔཀཾ ཏེ མརཎཾ བྷཝིསྶཏི ཨཔཱཔིཀཱ ཀཱལཾ ཀིརིཡཱ’’ཏི ཨེཝམཱདིནཱ བྷགཝཏཱ བྷཱསིཏཾ.

དུཏིཡ སརཎཱནིསཀྐསུཏྟ

པུཙྪཱ – ཏཏྠེཝ ¶ ཨཱཝུསོ དྷམྨསཾགཱཧཀམཧཱཐེརེཧི པཉྩམཾ སཾགཱིཏཾ དུཏིཡསརཎཱནིསཀྐསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཀྐེསུ བྷནྟེ ཀཔིལཝཏྠུསྨིཾ ནིགྲོདྷཱརཱམེ མཧཱནཱམཾཡེཝ སཀྐཾ ཨཱརབྦྷ བྷཱསིཏཾ.

མཧཱནཱམོ བྷནྟེ སཀྐོ བྷགཝནྟཾ ཨེཏདཝོཙ ‘‘ཨིདྷ བྷནྟེ སརཎཱནི སཀྐོ ཀཱལངྐཏོ, སོ བྷགཝཏཱ བྱཱཀཏོ ‘སོཏཱཔནྣོ ཨཝིནིཔཱཏདྷམྨོ ནིཡཏོ སམྦོདྷིཔརཱཡཎོ’ཏི. ཏཏྲ སུདཾ བྷནྟེ སམྦཧུལཱ སཀྐཱ སངྒམྨ སམཱགམྨ ཨུཛ྄ཛྷཱཡནྟི ཁཱིཡནྟི ཝིཔཱཙེནྟི ‘ཨཙྪརིཡཾ ཝཏ བྷོ, ཨབྦྷུཏཾ ཝཏ

བྷོ ¶ , ཨེཏྠ དཱནི ཀོ ན སོཏཱཔནྣོ བྷཝིསྶཏི, ཡཏྲ ཧི ནཱམ སརཎཱནི སཀྐོ ཀཱལངྐཏོ, སོ བྷགཝཏཱ བྱཱཀཏོ ‘སོཏཱཔནྣོ ཨཝིནིཔཱཏདྷམྨོ ནིཡཏོ སམྦོདྷིཔརཱཡཎོ’ཏི, སརཎཱནི སཀྐོ སིཀྑཱཡ ཨཔརིཔཱུརཀཱརཱི ཨཧོསཱི’’ཏི ཏསྨིཾ བྷནྟེ ཝཏྠུསྨིཾ ‘‘ཡོ སོ མཧཱནཱམ དཱིགྷརཏྟཾ ཨུཔཱསཀོ བུདྡྷཾ སརཎཾ གཏོ, དྷམྨཾ སརཎཾ གཏོ, སངྒྷཾ སརཎཾ གཏོ, སོ ཀཐཾ ཝིནིཔཱཏཾ གཙྪེཡྻཱ’’ཏི ཨེཝམཱདིནཱ བྷགཝཏཱ བྷཱསིཏཾ.

པཋམ ཨནཱཐཔིཎྜིཀསུཏྟ

པུཙྪཱ – ཏཏྠེཝ ¶ ཨཱཝུསོ པོརཱཎཀེཧི དྷམྨསཾགཱཧཀམཧཱཐེརེཧི ཚཊྛཾ སཾགཱིཏཾ པཋམཨནཱཐཔིཎྜིཀསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨནཱཐཔིཎྜིཀཾ གཧཔཏིཾ ཨཱརབྦྷ ཨཱཡསྨཏཱ སཱརིཔུཏྟཏྠེརེན དྷམྨསེནཱཔཏིནཱ བྷཱསིཏཾ.

ཨཱཡསྨཱ བྷནྟེ སཱརིཔུཏྟཏྠེརོ ཨཱཡསྨཏཱ ཨཱནནྡཏྠེརེན པཙྪཱསམཎེན སདྡྷིཾ ཡེན ཨནཱཐཔིཎྜིཀསྶ གཧཔཏིསྶ ནིཝེསནཾ ཏེནུཔསངྐམི, ཨུཔསངྐམིཏྭཱ པཉྙཏྟེ ཨཱསནེ ནིསཱིདི, ནིསཛྫ ཁོ ཨཱཡསྨཱ སཱརིཔུཏྟོ ཨནཱཐཔིཎྜིཀཾ གཧཔཏིཾ ཨཱབཱདྷིཀཾ དུཀྑིཏཾ བཱལ༹ྷགིལཱནཾ ཨེཏདཝོཙ ‘‘ཀཙྩི ཏེ གཧཔཏི ཁམནཱིཡཾ ཀཙྩི ཡཱཔནཱིཡཾ, ཀཙྩི དུཀྑཱ ཝེདནཱ པཊིཀྐམནྟི, ནོ ཨབྷིཀྐམནྟི, པཊིཀྐམོསཱནཾ པཉྙཱཡཏི, ནོ ཨབྷིཀྐམོ’’ཏི, ན མེ བྷནྟེ ཁམནཱིཡཾ, ན ཡཱཔནཱིཡཾ, བཱལ༹ྷཱ མེ དུཀྑཱ ཝེདནཱ ཨབྷིཀྐམནྟི, ནོ པཊིཀྐམནྟི, ཨབྷིཀྐམོསཱནཾ པཉྙཱཡཏི, ནོ པཊིཀྐམོཏི. ཏསྨིཾ བྷནྟེ ཝཏྠུསྨིཾ ‘‘ཡཐཱ རཱུཔེན ཁོ གཧཔཏི བུདྡྷེ ཨཔྤསཱདེན སམནྣཱགཏོ ཨསྶུཏཝཱ པུཐུཛྫནོ ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིཡརཾ ཨུཔཔཛྫཏི ཏཐཱརཱུཔོ ཏེ བུདྡྷེ ཨཔྤསཱདོ ནཏྠི, ཨཏྠི ཙ ཁོ ཏེ གཧཔཏི བུདྡྷེ ཨཝེཙྩཔྤསཱདོ ‘ཨིཏིཔི སོ བྷགཝཱ ཨརཧཾ སམྨཱསམྦུདྡྷོ…པེ… བྷགཝཱ’ཏི ཏཉྩ པན ཏེ བུདྡྷེ ཨཝེཙྩཔྤསཱདཾ ཨཏྟནི སམནུཔསྶཏོ ཋཱནསོ ཝེདནཱ པཊིཔྤསྶམྦྷེཡྻཱ’’ཏི ཨེཝམཱདིནཱ ཨཱཡསྨཏཱ སཱརིཔུཏྟཏྠེརེན དྷམྨསེནཱཔཏིནཱ བྷཱསིཏཾ.

ཡསྶ ¶ སདྡྷཱ ཏཐཱགཏེ, ཨཙལཱ སུཔྤཏིཊྛིཏཱ;

སཱིལཉྩ ཡསྶ ཀལྱཱཎཾ, ཨརིཡཀནྟཾ པསཾསིཏཾ.

སངྒྷེ པསཱདོ ཡསྶཏྠི, ཨུཛུབྷཱུཏཉྩ དསྶནཾ;

ཨདལིདྡོཏི ཏཾ ཨཱཧུ, ཨམོགྷཾ ཏསྶ ཛཱིཝིཏཾ.

ཏསྨཱ སདྡྷཉྩ སཱིལཉྩ, པསཱདཾ དྷམྨདསྶནཾ;

ཨནུཡུཉྫེཐ མེདྷཱཝཱི, སརཾ བུདྡྷཱནསཱསནཾ.

པུཉྙཱབྷིསནྡཝགྒ

མཧཱནཱམསུཏྟ

པུཙྪཱ – ཏཏྠེཝ ཨཱཝུསོ པུཉྙཱབྷིསནྡཝགྒོ པོརཱཎཀེཧི དྷམྨསཾགཱཧཀམཧཱཐེརེཧི སཏྟམཾ སཾགཱིཏཾ མཧཱནཱམསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཀྐེསུ ¶ བྷནྟེ ཀཔིལཝཏྠུསྨིཾ མཧཱནཱམཾ སཀྐཾ ཨཱརབྦྷ བྷཱསིཏཾ.

མཧཱནཱམོ བྷནྟེ སཀྐོ བྷགཝནྟཾ ཨེཏདཝོཙ ‘‘ཀིཏྟཱཝཏཱ ནུ ཁོ བྷནྟེ ཨུཔཱསཀོ ཧོཏཱི’’ཏི. ཏསྨིཾ བྷནྟེ ཝཏྠུསྨིཾ ‘‘ཡཏོ ཁོ མཧཱནཱམ བུདྡྷཾ སརཎཾ གཏོ ཧོཏི, དྷམྨཾ སརཎཾ གཏོ ཧོཏི, སངྒྷཾ སརཎཾ གཏོ ཧོཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཀིཏྟཱཝཏཱ ནུ ཁོ བྷནྟེ ཨུཔཱསཀོ ཧོཏི.

ཀཱལི༹གོདྷསུཏྟ

པུཙྪཱ – ཏཏྠེཝ ¶ ཨཱཝུསོ པོརཱཎཀེཧི དྷམྨསཾགཱཧཀམཧཱཐེརེཧི ནཝམཾ སཾགཱིཏཾ ཀཱལི༹གོདྷསུཏྟཾ བྷགཝཏཱ ཀཏྠ ཀཾ ཀཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཀྐེསུ བྷནྟེ ཀཱལི༹གོདྷཾ ནཱམ སཱཀིཡཱནིཾ ཨཱརབྦྷ ‘‘ཙཏཱུཧི ཁོ གོདྷེ དྷམྨེཧི སམནྣཱགཏཱ ཨརིཡསཱཝིཀཱ སོཏཱཔནྣཱ ཧོཏི ཨཝིནིཔཱཏདྷམྨཱ ནིཡཏཱ སམྦོདྷིཔརཱཡཎཱ’’ཏི ཨེཝམཱདིནཱ བྷགཝཏཱ བྷཱསིཏཾ.

ལཱབྷཱ ¶ ཏེ གོདྷེ, སུལདྡྷཾ ཏེ གོདྷེ, སོཏཱཔཏྟིཕལཾ ཏཡཱ གོདྷེ –

ནནྡིཡསཀྐསུཏྟ

པུཙྪཱ – ཏེནཱཝུསོ ཛཱནཏཱ…པེ… སམྨཱསམྦུདྡྷེན སོཏཱཔཏྟིསཾཡུཏྟེ པུཉྙཱབྷིསནྡཝགྒེ དསམཾ ནནྡིཡསཀྐསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཀྐེསུ བྷནྟེ ཀཔིལཝཏྠུསྨིཾ ནིགྲོདྷཱརཱམེ ནནྡིཡཾ སཀྐཾ ཨཱརབྦྷ བྷཱསིཏཾ. ནནྡིཡོ བྷནྟེ སཀྐོ བྷགཝནྟཾ ཨེཏདཝོཙ ‘‘ཡསྶེཝ ནུ ཁོ བྷནྟེ ཨརིཡསཱཝཀསྶ ཙཏྟཱརི སོཏཱཔཏྟིཡངྒཱནི སབྦེན སབྦཾ སབྦཐཱསབྦཾ ནཏྠི, སྭེཝ ནུ ཁོ བྷནྟེ ཨརིཡསཱཝཀོ པམཱདཝིཧཱརཱི’’ཏི. ཏསྨིཾ བྷནྟེ ཝཏྠུསྨིཾ ‘‘ཡསྶ ཁོ ནནྡིཡ ཙཏྟཱརི སོཏཱཔཏྟིཡངྒཱནི སབྦེནསབྦཾ སབྦཐཱསབྦཾ ནཏྠི, ཏམཧཾ བཱཧིརོ པུཐུཛྫནཔཀྑེ ཋིཏོཏི ཝདཱམཱི’’ཏི ཨེཝམཱདིནཱ བྷགཝཏཱ བྷཱསིཏཾ.

སཙྩསཾཡུཏྟ

ཏིརཙྪཱནཀཐཱསུཏྟ

པུཙྪཱ – སཙྩསཾཡུཏྟེ ¶ ཨཱཝུསོ པོརཱཎཀེཧི དྷམྨསཾགཱཡཀམཧཱཐེརེཧི དསམཾ སཾགཱིཏཾ ཏིརཙྪཱནཀཐཱསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ མཱ བྷིཀྑཝེ ཨནེཀཝིཧིཏཾ ཏིརཙྪཱནཀཐཾ ཀཐེཡྻཱཐ. སེཡྻཐིདཾ, རཱཛཀཐཾ ཙོརཀཐཾ མཧཱམཏྟཀཐཾ སེནཱཀཐཾ བྷཡཀཐཾ ཡུདྡྷཀཐཾ ཨནྣཀཐཾ པཱནཀཐཾ ཝཏྠཀཐཾ སཡནཀཐཾ ཨེཝམཱདིནཱ བྷནྟེ བྷགཝཏཱ བྷཱསིཏཾ.

ཨིདཾ ¶ དུཀྑནྟི ཀཐེཡྻཱཐ.

ཏསྨཱཏིཧ ¶ བྷིཀྑཝེ ཨིདཾ དུཀྑནྟི ཡོགོ ཀརཎཱིཡོ…པེ… ཨཡཾ དུཀྑནིརོདྷགཱམིནཱི པཊིཔདཱཏི ཡོགོ ཀརཎཱིཡོ.

དྷམྨཙཀྐཔཝཏྟནསུཏྟ

པུཙྪཱ – ཏཏྠེཝ ཨཱཝུསོ དྷམྨཙཀྐཔྤཝཏྟནཝགྒེ པོརཱཎཀེཧི དྷམྨསཾགཱཧཀམཧཱཐེརེཧི པཋམཾ སཾགཱིཏཾ དྷམྨཙཀྐཔཝཏྟནསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – བཱརཱཎསིཡཾ བྷནྟེ ཨིསིཔཏནེ མིགདཱཡེ པཉྩཝགྒིཡེ བྷིཀྑཱུ ཨཱརབྦྷ ‘‘དྭེ མེ བྷིཀྑཝེ ཨནྟཱ པབྦཛིཏེན ནསེཝིཏབྦཱ. ཀཏམེ དྭེ, ཡོ ཙཱཡཾ ཀཱམེསུ ཀཱམསུཁལླིཀཱནུཡོགོ ཧཱིནོ གམྨོ པོཐུཛྫནིཀོ ཨནརིཡོ ཨནཏྠསཾཧིཏོ, ཡོ ཙཱཡཾ ཨཏྟཀིལམཐཱནུཡོགོ ¶ དུཀྑོ ཨནརིཡོ ཨནཏྠསཾཧིཏོ, ཨེཏེ ཁོ བྷིཀྑཝེ ཨུབྷོ ཨནྟེ ཨནུཔགམྨ མཛ྄ཛྷིམཱཔཊིཔདཱ ཏཐཱགཏེན ཨབྷིསམྦུདྡྷཱ’’ཏི ཨེཝམཱདིནཱ བྷགཝཏཱ བྷཱསིཏཾ.

ཨཱསཝཀྑཡསུཏྟ

པུཙྪཱ – ཏཏྠེཝ ¶ ཨཱཝུསོ ཀོཊིགཱམཝགྒེ པོརཱཎཀེཧི དྷམྨསཾགཱཧཀམཧཱཐེརེཧི པཉྩམཾ སཾགཱིཏཾ ཨཱསཝཀྑཡསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ ‘‘ཛཱནཏོཧཾ བྷིཀྑཝེ པསྶཏོ ཨཱསཝཱནཾ ཁཡཾ ཝདཱམི, ནོ ཨཛཱནཏོ ཨཔསྶཏོ. ཀིཉྩ བྷིཀྑཝེ ཛཱནཏོ པསྶཏོ ཨཱསཝཱནཾ ཁཡོ ཧོཏི, ཨིདཾ དུཀྑནྟི བྷིཀྑཝེ ཛཱནཏོ པསྶཏོ ཨཱསཝཱནཾ ཁཡོ ཧོཏི, ཨཡཾ དུཀྑསམུདཡོཏི, ཨཡཾ དུཀྑནིརོདྷོཏི, ཨཡཾ དུཀྑནིརོདྷགཱམིནཱིཔཊིཔདཱཏི ཛཱནཏོ པསྶཏོ ཨཱསཝཱནཾ ཁཡོ ཧོཏི. ཨེཝཾ ཁོ བྷིཀྑཝེ ཛཱནཏོ ཨེཝཾ པསྶཏོ ཨཱསཝཱནཾ ཁཡོ ཧོཏི. ཏསྨཱཏིཧ བྷིཀྑཝེ ‘‘ཨིདཾ དུཀྑ’’ནྟི ཡོགོ ཀརཎཱིཡོ, ཨཡཾ དུཀྑསམུདཡོཏི, ཨཡཾ དུཀྑནིརོདྷོཏི, ཨཡཾ དུཀྑནིརོདྷགཱམིནཱིཔཊིཔདཱཏི ཡོགོ ཀརཎཱིཡོ’’ཏི ཨེཝཾ ཁོ བྷགཝཏཱ བྷཱསིཏཾ.

སཱིསཔཱཝནསུཏྟ

པུཙྪཱ – ཏཏྠེཝ ¶ ཨཱཝུསོ སཱིསཔཱཝནཝགྒེ པོརཱཎཀེཧི དྷམྨསཾགཱཧཀམཧཱཐེརེཧི པཋམཾ སཾགཱིཏཾ སཱིསཔཱཝནསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – ཀོསམྦིཡཾ ¶ བྷནྟེ སཱིསཔཱཝནེ སམྦཧུལེ བྷིཀྑཱུ ཨཱརབྦྷ ‘‘ཏཾ ཀིཾ མཉྙཐ བྷིཀྑཝེ, ཀཏམཾ ནུཁོ བཧུཏརཾ ཡཱནི ཝཱ མཡཱ པརིཏྟཱནི སཱིསཔཱཔཎྞཱནི པཱཎིནཱ གཧིཏཱནི ཡདིདཾ ཨུཔརི སཱིསཔཱཝནེ’’ཏི ཨེཝམཱདིནཱ བྷགཝཏཱ བྷཱསིཏཾ.

པཉྩགཏིཔེཡྻཱལཝགྒ

པུཙྪཱ – ཏཏྠེཝ ¶ ཨཱཝུསོ པོརཱཎཀེཧི དྷམྨསཾགཱཧཀམཧཱཐེརེཧི པརིཡོསཱནབྷཱཝེན སཾགཱིཏོ པཉྩགཏིཔེཡྻཱལཝགྒེ, བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏོ.

ཝིསྶཛྫནཱ – ཝེསཱལིཡཾ བྷནྟེ སམྦཧུལེ བྷིཀྑཱུ ཨཱརབྦྷ ‘‘ཏཾ ཀིཾ མཉྙཐ བྷིཀྑཝེ, ཀཏམཾ ནུ ཁོ བཧུཏརཾ, ཡོ ཝཱཡཾ མཡཱ པརིཏྟོ ནཁསིཁཱཡཾ པཾསུ ཨཱརོཔིཏོ, ཨཡཾ ཝཱ མཧཱཔཐཝཱི’’ཏི ཨེཝམཱདིནཱ བྷགཝཏཱ བྷཱསིཏོ.

པུཙྪཱ – ཀེ ¶ ཨཱཝུསོ སིཀྑནྟི.

ཝིསྶཛྫནཱ – སེཀྑཱ ཙ བྷནྟེ པུཐུཛྫནཀལྱཱཎཀཱ ཙ སིཀྑནྟི.

པུཙྪཱ – ཀེ ¶ ཨཱཝུསོ སིཀྑིཏསིཀྑཱ.

ཝིསྶཛྫནཱ – ཨརཧནྟོ བྷནྟེ སིཀྑིཏསིཀྑཱ.

པུཙྪཱ – ཀཏྠ ཨཱཝུསོ ཋིཏཾ.

ཝིསྶཛྫནཱ – སིཀྑཱཀཱམེསུ བྷནྟེ ཋིཏཾ.

པུཙྪཱ – ཀེ ཨཱཝུསོ དྷཱརེནྟི.

ཝིསྶཛྫནཱ – ཡེསཾ བྷནྟེ ཝཏྟཏི ཏེ དྷཱརེནྟི.

པུཙྪཱ – ཀསྶ ¶ ཨཱཝུསོ ཝཙནཾ.

ཝིསྶཛྫནཱ – བྷགཝཏོ བྷནྟེ ཝཙནཾ ཨརཧཏོ སམྨཱསམྦུདྡྷསྶ.

པུཙྪཱ – ཀེན ཨཱཝུསོ ཨཱབྷཏཾ.

ཝིསྶཛྫནཱ – པརམྤརཱཡ བྷནྟེ ཨཱབྷཏཾ.