📜

ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ

སུཏྟནྟཔིཊཀ

ཨངྒུཏྟརནིཀཱཡེ

སཾགཱཡནསྶ པུཙྪཱ ཝིསྶཛྫནཱ

པུཙྪཱ – པཋམམཧཱསཾགཱིཏིཀཱལེ ¶ ཨཱཝུསོ དྷམྨསཾགཱཧཀཱ མཧཱཀསྶཔཱདཡོ མཧཱཐེརཝརཱ པོརཱཎསཾགཱིཏིཀཱརཱ པཋམཾ ཝིནཡཔིཊཀཾ སཾགཱཡིཏྭཱ སུཏྟནྟཔིཊཀེ ཙ དཱིགྷམཛ྄ཛྷིམསཾཡུཏྟསངྑཱཏེ ཏཡོ ནིཀཱཡེ སཾགཱཡིཏྭཱ ཏདནནྟརཾ ཀིཾ ནཱམ པཱཝཙནཾ སཾགཱཡིཾསུ.

ཝིསྶཛྫནཱ – པཋམམཧཱསཾགཱིཏིཀཱལེ བྷནྟེ དྷམྨསཾགཱཧཀཱ མཧཱཀསྶཔཱདཡོ མཧཱཐེརཝརཱ པོརཱཎསཾགཱིཏིཀཱརཱ པཋམཾ ཝིནཡཾ སཾགཱཡིཏྭཱ སུཏྟནྟཔིཊཀེ ཙ དཱིགྷམཛ྄ཛྷིམསཾཡུཏྟསངྑཱཏེ ཏཡོ ནིཀཱཡེ སཾགཱཡིཏྭཱ ཏདནནྟརཾ ནཝཧི ཙ སུཏྟསཧསྶེཧི པཉྩཧི ཙ སུཏྟསཏྟེཧི སཏྟཔཉྙཱསཱཡ ཙ སུཏྟེཧི པཊིམཎྜིཏཾ ཝཱིསཏིབྷཱཎཝཱརསཏཔརིམཱཎཾ ཨངྒུཏྟརནིཀཱཡཾ ནཱམ པཱཝཙནཾ སཾགཱཡིཾསུ.

པུཙྪཱ – ཨངྒུཏྟརནིཀཱཡེཔི ¶ ཨཱཝུསོ ཨེཀཀནིཔཱཏོ དུཀནིཔཱཏོ ཏིཀནིཔཱཏོཏིཨཱདིནཱ ནིཔཱཏཔཀརཎཔརིཙྪེདཝསེན ཨེཀཱདསཝིདྷཱ. ཏཏྠ ཀཏརཾ ནིཔཱཏཔཀརཎཾ སཾགཱཡིཾསུ.

ཝིསྶཛྫནཱ – ཨངྒུཏྟརནིཀཱཡེ བྷནྟེ ཨེཀཱདསསུ ནིཔཱཏཔཀརཎཔརིཙྪེདེསུ ཨེཀཀནིཔཱཏཾ པཋམཾ སཾགཱཡིཾསུ.

༡. རཱུཔཱདིཝགྒ

པུཙྪཱ – ཨེཀཀནིཔཱཏེཔི ¶ ཨཱཝུསོ རཱུཔཱདིཝགྒོ ནཱིཝརཎཔྤཧཱནཝགྒོ ཨཀམྨནིཡཝགྒོཏིཨཱདིནཱ ཝགྒབྷེདཝསེན བཧུཝིདྷཱ. ཏཏྠ ཀཏརཾ ཝགྒཾ པཋམཾ སཾགཱཡིཾསུ.

ཝིསྶཛྫནཱ – ཨེཀཀནིཔཱཏེ བྷནྟེ རཱུཔཱདིཝགྒོ ནཱིཝརཎཔྤཧཱནཝགྒོཏིཨཱདིནཱ ཝཱིསཏིཡཱ ཝགྒེསུ རཱུཔཱདིཝགྒཾ པཋམཾ སཾགཱཡིཾསུ.

པུཙྪཱ – སཱདྷུ སཱདྷུ ཨཱཝུསོ, མཡམྤི དཱནི ཨཱཝུསོ ཏཏོཡེཝ པཊྛཱཡ སཾགཱཧནཏྠཱཡ སཾགཱིཏིཔུབྦངྒམཱནི དྷམྨཔུཙྪནཝིསྶཛྫནཀིཙྩཱནི ཨཱཝཧིཏུཾ སམཱརབྷཱམ. ཏེནཱཝུསོ བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན ཨངྒུཏྟརནིཀཱཡེ ཨེཀཀནིཔཱཏེ རཱུཔཱདིཝགྒེ པུརིམཱནི པཉྩ སུཏྟཱནི ཀཏྠ ཀཾ ཨཱརབྦྷ ཀཐཉྩ བྷཱསིཏཱནི.

ཝིསྶཛྫནཱ – སཱཝཏྠིཡཾ ¶ བྷནྟེ སམྦཧུལེ བྷིཀྑཱུ ཨཱརབྦྷ རཱུཔཱདིགརུཀཱནཾ པཉྩནྣཾ པུརིསཱནཾ ཨཛ྄ཛྷཱསཡཝསེན ‘‘ནཱཧཾ བྷིཀྑཝེ ཨཉྙཾ ཨེཀརཱུཔམྤི སམནུཔསྶཱམི, ཡཾ ཨེཝཾ པུརིསསྶ ཙིཏྟཾ པརིཡཱདཱཡ ཏིཊྛཏི, ཡཐཡིདཾ བྷིཀྑཝེ ཨིཏྠིརཱུཔཾ, ཨིཏྠིརཱུཔཾ བྷིཀྑཝེ པུརིསསྶ ཙིཏྟཾ པརིཡཱདཱཡ ཏིཊྛཏཱི’’ཏི ཨེཝམཱདིནཱ བྷགཝཏཱ བྷཱསིཏཱནི.

ནཱཧཾ བྷིཀྑཝེ ཨཉྙཾ ཨེཀརཱུཔམྤི སམནུཔསྶཱམི, ཡཾ ཨེཝཾ པུརིསསྶ ཙིཏྟཾ པརིཡཱདཱཡ ཏིཊྛཏི, ཡཐཡིདཾ བྷིཀྑཝེ ཨིཏྠིརཱུཔཾ, ཨིཏྠིརཱུཔཾ བྷིཀྑཝེ པུརིསསྶ ཙིཏྟཾ པརིཡཱདཱཡ ཏིཊྛཏི.

པུཙྪཱ – ཏཏྠེཝ ¶ ཨཱཝུསོ པཙྪིམཱནི པཉྩ སུཏྟཱནི བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཱནི.

ཝིསྶཛྫནཱ – ཏསྨིཾཡེཝ བྷནྟེ སཱཝཏྠིཡཾ སམྦཧུལེ བྷིཀྑཱུ ཨཱརབྦྷ རཱུཔཱདིགརུཀཱནཾ པཉྩནྣཾ ཨིཏྠཱིནཾ ཨཛ྄ཛྷཱསཡཝསེན ‘‘ནཱཧཾ བྷིཀྑཝེ ཨཉྙཾ ཨེཀརཱུཔམྤི སམནུཔསྶཱམི, ཡཾ ཨེཝཾ ཨིཏྠིཡཱ ཙིཏྟཾ པརིཡཱདཱཡ ཏིཊྛཏི, ཡཐཡིདཾ བྷིཀྑཝེ པུརིསརཱུཔཾ, པུརིསརཱུཔཾ བྷིཀྑཝེ ཨིཏྠིཡཱ ཙིཏྟཾ པརིཡཱདཱཡ ཏིཊྛཏཱི’’ཏི ཨེཝམཱདིནཱ བྷགཝཏཱ བྷཱསིཏཱནི.

ནཱཧཾ བྷིཀྑཝེ ཨཉྙཾ ཨེཀརཱུཔམྤི སམནུཔསྶཱམི, ཡཾ ཨེཝཾ ཨིཏྠིཡཱ ཙིཏྟཾ པརིཡཱདཱཡ ཏིཊྛཏི, ཡཐཡིདཾ བྷིཀྑཝེ པུརིསརཱུཔཾ, པུརིསརཱུཔཾ བྷིཀྑཝེ ཨིཏྠིཡཱ ཙིཏྟཾ པརིཡཱདཱཡ ཏིཊྛཏི.

ནཱིཏཏྠཝསེན, ནེཡྻཏྠཝསེན

པུཙྪཱ – ཨིམསྨིཾ ¶ ཨཱཝུསོ རཱུཔཱདིཝགྒེ བྷགཝཏཱ ནཱིཏཏྠཝསེན ཀིཾ ཀཐིཏཾ, ནེཡྻཏྠཝསེན པན ཀིཾ ཉཱཔིཏཾ.

ཝིསྶཛྫནཱ – ཨིམསྨིཾ བྷནྟེ རཱུཔཱདིཝགྒེ བྷགཝཏཱ ནཱིཏཏྠཝསེན ཝཊྚཾ ཀཐིཏཾ. ནེཡྻཏྠཝསེན པན ཝིཝཊྚམྤི ཉཱཔིཏཾ.

༢. ནཱིཝརཎཔྤཧཱནཝགྒ

པུཙྪཱ – དུཏིཡོ ¶ པན ཨཱཝུསོ ནཱིཝརཎཔྤཧཱནཝགྒོ བྷགཝཏཱ ཀཏྠ ཀཐཉྩ བྷཱསིཏོ.

ཝིསྶཛྫནཱ – སཱཝཏྠིཡཾ བྷནྟེ ‘‘ནཱཧཾ བྷིཀྑཝེ ཨཉྙཾ ཨེཀདྷམྨམྤི སམནུཔསྶཱམི, ཡེན ཨནུཔྤནྣོ ཝཱ ཀཱམཙྪནྡོ ཨུཔྤཛྫཏི, ཨུཔྤནྣོ ཝཱ ཀཱམཙྪནྡོ བྷིཡྻོབྷཱཝཱཡ ཝེཔུལླཱཡ སཾཝཏྟཏི, ཡཐཡིདཾ བྷིཀྑཝེ སུབྷནིམིཏྟཾ, སུབྷནིམིཏྟཾ བྷིཀྑཝེ ཨཡོནིསོ མནསིཀརོཏོ ཨནུཔྤནྣོཙེཝ ཀཱམཙྪནྡོ ཨུཔྤཛྫཏི, ཨུཔྤནྣོ ཙ ཀཱམཙྪནྡོ བྷིཡྻོབྷཱཝཱཡ ཝེཔུལླཱཡ སཾཝཏྟཏཱི’’ཏི ཨེཝམཱདིནཱ བྷགཝཏཱ བྷཱསིཏོ.

པུཙྪཱ – ཨིམསྨིཾ ¶ པན ཨཱཝུསོ དུཏིཡེ ནཱིཝརཎཔྤཧཱནཝགྒེ བྷགཝཏཱ ཀིཾ ཀཐིཏཾ.

ཝིསྶཛྫནཱ – ཨིམསྨིཾ པན བྷནྟེ དུཏིཡེ ནཱིཝརཎཔྤཧཱནཝགྒེ བྷགཝཏཱ ཝཊྚམྤི ཝིཝཊྚམྤི ཀཐིཏཾ.

༣. ཨཀམྨནིཡཝ

པུཙྪཱ – ཏེནཱཝུསོ…པེ… ¶ སམྨཱསམྦུདྡྷེན ཨངྒུཏྟརནིཀཱཡེ ཨེཀཀནིཔཱཏེ ཏཏིཡེ ཨཀམྨནིཡཝགྒེ ཀཱིདིསཱི དྷམྨདེསནཱཡོ དེསིཏཱ.

ཝིསྶཛྫནཱ – ཏཏིཡེ བྷནྟེ ཨཀམྨནིཡཝགྒེ ‘‘ནཱཧཾ བྷིཀྑཝེ ཨཉྙཾ ཨེཀདྷམྨམྤི སམནུཔསྶཱམི, ཡཾ ཨེཝཾ ཨབྷཱཝིཏཾ ཨཀམྨནིཡཾ ཧོཏི, ཡཐཡིདཾ བྷིཀྑཝེ ཙིཏྟཾ, ཙིཏྟཾ བྷིཀྑཝེ ཨབྷཱཝིཏཾ ཨཀམྨནིཡཾ ཧོཏི. ནཱཧཾ བྷིཀྑཝེ ཨཉྙཾ ཨེཀདྷམྨམྤི སམནུཔསྶཱམི, ཡཾ ཨེཝཾ བྷཱཝིཏཾ ཀམྨནིཡཾ ཧོཏི, ཡཐཡིདཾ བྷིཀྑཝེ ཙིཏྟཾ. ཙིཏྟཾ བྷིཀྑཝེ བྷཱཝིཏཾ ཀམྨནིཡཾ ཧོཏཱི’’ཏི ཨེཝམཱདིཀཱ བྷགཝཏཱ དྷམྨདེསནཱཡོ དེསིཏཱ.

༤. ཨདནྟཝགྒ

པུཙྪཱ – ཙཏུཏྠེ ¶ པནཱཝུསོ ཨདནྟཝགྒེ བྷགཝཏཱ ཀཱིདིསཱི དྷམྨདེསནཱཡོ དེསིཏཱ.

ཝིསྶཛྫནཱ – ཙཏུཏྠེ བྷནྟེ ཨདནྟཝགྒེ ‘‘ནཱཧཾ བྷིཀྑཝེ ཨཉྙཾ ཨེཀདྷམྨམྤི སམནུཔསྶཱམི, ཡཾ ཨེཝཾ ཨདནྟཾ མཧཏོ ཨནཏྠཱཡ སཾཝཏྟཏི, ཡཐཡིདཾ བྷིཀྑཝེ ཙིཏྟཾ, ཙིཏྟཾ བྷིཀྑཝེ ཨདནྟཾ མཧཏོ ཨནཏྠཱཡ སཾཝཏྟཏི. ནཱཧཾ བྷིཀྑཝེ ཨཉྙཾ ཨེཀདྷམྨམྤི སམནུཔསྶཱམི, ཡཾ ཨེཝཾ དནྟཾ མཧཏོ ཨཏྠཱཡ སཾཝཏྟཏི, ཡཐཡིདཾ བྷིཀྑཝེ ཙིཏྟཾ, ཙིཏྟཾ བྷིཀྑཝེ དནྟཾ མཧཏོ ཨཏྠཱཡ སཾཝཏྟཏཱི’’ཏི ཨེཝམཱདིཀཱ བྷགཝཏཱ དྷམྨདེསནཱཡོ དེསིཏཱ.

༥. པཎིཧིཏཨཙྪཝགྒ

པུཙྪཱ – པཉྩམེ ¶ ཨཱཝུསོ པཎིཧིཏཨཙྪཝགྒེ བྷགཝཏཱ ཀཱིདིསཱི དྷམྨདེསནཱཡོ དེསིཏཱ.

ཝིསྶཛྫནཱ – པཉྩམེ བྷནྟེ པཎིཧིཏཨཙྪཝགྒེ ‘‘སེཡྻཐཱཔི བྷིཀྑཝེ སཱལིསཱུཀཾ ཝཱ ཡཝསཱུཀཾ ཝཱ མིཙྪཱཔཎིཧིཏཾ ཧཏྠེན ཝཱ པཱདེན ཝཱ ཨཀྐནྟཾ ཧཏྠཾ ཝཱ པཱདཾ ཝཱ བྷེཙྪཏི, ལོཧིཏཾ ཝཱ ཨུཔྤཱདེསྶཏཱིཏི ནེཏཾ ཋཱན ཝིཛྫཏི. ཏཾ ཀིསྶཧེཏུ, མིཙྪཱཔཎིཧིཏཏྟཱ བྷིཀྑཝེ སཱུཀསྶ. ཨེཝམེཝ ཁོ བྷིཀྑཝེ སོ ཝཏ བྷིཀྑུ མིཙྪཱཔཎིཧིཏེན ཙིཏྟེན ཨཝིཛྫཾ ¶ བྷེཙྪཏི, ཝིཛྫཾ ཨུཔྤཱདེསྶཏི, ནིབྦཱནཾ སཙྪིཀརིསྶཏཱིཏི ནེཏཾ ཋཱནཾ ཝིཛྫཏི, ཏཾ ཀིསྶ ཧེཏུ, མིཙྪཱཔཎིཧིཏཏྟཱ བྷིཀྑཝེ ཙིཏྟསྶཱ’’ཏི ཨེཝམཱདིཀཱ བྷགཝཏཱ དྷམྨདེསནཱཡོ དེསིཏཱ.

༦. ཨཙྪརཱསངྒྷཱཏཝགྒ

པུཙྪཱ – ཨཙྪརཱསངྒྷཱཏཝགྒེ ¶ ཨཱཝུསོ པཋམ དུཏིཡསུཏྟཱནི བྷགཝཏཱ ཀཐཾ བྷཱསིཏཱནི.

ཝིསྶཛྫནཱ – ཨཙྪརཱསངྒྷཱཏཝགྒེ བྷནྟེ བྷགཝཏཱ ‘‘པབྷསྶརམིདཾ བྷིཀྑཝེ ཙིཏྟཾ, ཏཉྩ ཁོ ཨཱགནྟུཀེཧི ཨུཔཀྐིལེསེཧི ཨུཔཀྐིལིཊྛཾ, ཏཾ ཨསྶུཏཝཱ པུཐུཛྫནོ ཡཐཱབྷཱུཏཾ ནཔྤཛཱནཱཏི, ཏསྨཱ ‘ཨསྶུཏཝཏོ པུཐུཛྫནསྶ ཙིཏྟབྷཱཝནཱ ནཏྠཱི’ཏི ཝདཱམི. པབྷསྶརམིདཾ བྷིཀྑཝེ ཙིཏྟཾ, ཏཉྩ ཁོ ཨཱགནྟུཀེཧི ཨུཔཀྐིལེསེཧི ཝིཔྤམུཏྟཾ, ཏཾ སུབྷཝཱ ཨརིཡསཱཝཀོ ཡཐཱབྷཱུཏཾ པཛཱནཱཏི. ཏསྨཱ ‘སུཏཔཏོ ¶ ཨརིཡསཱཝཀསྶ ཙིཏྟབྷཱཝནཱ ཨཏྠཱི’ཏི ཝདཱམཱི’’ཏི. ཨེཝཾ ཁོ བྷགཝཏཱ བྷཱསིཏཱནི.

ཏཏིཡསུཏྟ

པུཙྪཱ – ཏཏྠེཝ ¶ ཨཱཝུསོ ཏཏིཡསུཏྟཱདཱིནི བྷགཝཏཱ ཀཐཾ བྷཱསིཏཱནི.

ཝིསྶཛྫནཱ – ཏཏྠེཝ བྷནྟེ ཏཏིཡསུཏྟཱདཱིནི པཉྩསུཏྟཱནི ‘‘ཨཙྪརཱསངྒྷཱཏམཏྟམྤི ཙེ བྷིཀྑཝེ བྷིཀྑུ མེཏྟཱཙིཏྟཾ ཨཱསེཝཏི, བྷཱཝེཏི, མནསིཀརོཏི. ཨཡཾ ཝུཙྩཏི བྷིཀྑཝེ བྷིཀྑུ ཨརིཏྟཛ྄ཛྷཱནོ ཝིཧརཏི སཏྠུསཱསནཀརོ ཨོཝཱདཔཏིཀརོ ཨམོགྷཾ རཊྛཔིཎྜཾ བྷུཉྫཏི, ཀོ པན ཝཱདོ ཡེ ནཾ བཧུལཱིཀརོནྟི. ཡེཀེཙི བྷིཀྑཝེ དྷམྨཱ ཨཀུསལཱ ཨཀུསལབྷཱགིཡཱ ཨཀུསལཔཀྑིཀཱ, སབྦེཏེ མནོཔུབྦངྒམཱ, མནོ ཏེསཾ དྷམྨཱནཾ པཋམཾ ཨུཔྤཛྫཏི, ཨནྭདེཝ ཨཀུསལཱདྷམྨཱ, ཡེཀེཙི བྷིཀྑཝེ དྷམྨཱ ཀུསལཱ ཀུསལབྷཱགིཡཱ ཀུསལཔཀྑིཀཱ, སབྦེཏེ མནོཔུབྦངྒམཱ, མནོ ཏེསཾ དྷམྨཱནཾ པཋམཾ ཨུཔྤཛྫཏི, ཨནྭདེཝ ཀུསལཱ དྷམྨཱ’’ཏི ཨེཝཾ ཁོ བྷནྟེ བྷགཝཏཱ བྷཱསིཏཱནི.

ཨཊྛམསུཏྟ

པུཙྪཱ – ཏཏྠེཝ ¶ ཨཱཝུསོ ཨཊྛམ ནཝམ དསམསུཏྟཱནི ཙ ཝཱིརིཡཱརམྦྷཱདིཝགྒེ དསསུཏྟཱནི ཙ ཀལྱཱཎམིཏྟཱདིཝགྒེ པཋམསུཏྟཉྩ བྷགཝཏཱ ཀཐཾ བྷཱསིཏཱནི.

ཝིསྶཛྫནཱ – ཏཏྠེཝ བྷནྟེ ཨཊྛམ ནཝམ དསམསུཏྟཱནི ཙ ཝཱིརིཡཱརམྦྷཱདིཝགྒེ དསསུཏྟཱནི ཙ ཀལྱཱཎམིཏྟཱདིཝགྒེ པཋམསུཏྟཉྩ ‘‘ནཱཧཾ བྷིཀྑཝེ ཨཉྙཾ ཨེཀདྷམྨམྤི སམནུཔསྶཱམི, ཡེན ཨནུཔྤནྣཱ ཝཱ ཨཀུསལཱ དྷམྨཱ ཨུཔྤཛྫནྟི, ཨུཔྤནྣཱ ཝཱ ཀུསལཱ དྷམྨཱ པརིཧཱཡནྟི, ཡཐཡིདཾ བྷིཀྑཝེ པམཱདོ, པམཏྟསྶ བྷིཀྑཝེ ཨནུཔྤནྣཱ ཙེཝ ཨཀུསལཱ དྷམྨཱ ཨུཔྤཛྫནྟི, ཨུཔྤནྣཱ ཙ ཀུསལཱ དྷམྨཱ པརིཧཱཡནྟཱི’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཱནི.

དུཏིཡསུཏྟ

པུཙྪཱ – ཀལྱཱཎམིཏྟཱདིཝགྒེ ¶ ཨཱཝུསོ དུཏིཡ ཏཏིཡསུཏྟཱནི བྷགཝཏཱ ཀཐཾ བྷཱསིཏཱནི.

ཝིསྶཛྫནཱ – ཀལྱཱཎམིཏྟཱདིཝགྒེ བྷནྟེ དུཏིཡ ཏཏིཡསུཏྟཱནི ‘‘ནཱཧཾ བྷིཀྑཝེ ཨཉྙཾ ཨེཀདྷམྨམྤི སམནུཔསྶཱམི, ཡེན ཨནུཔྤནྣཱ ཝཱ ཨཀུསལཱ དྷམྨཱ ཨུཔྤཛྫནྟི, ཨུཔྤནྣཱ ཝཱ ཀུསལཱ དྷམྨཱ པརིཧཱཡནྟི, ཡཐཡིདཾ བྷིཀྑཝེ ཨནུཡོགོ ཨཀུསལཱནཾ དྷམྨཱནཾ ཨནནུཡོགོ ཀུསལཱནཾ དྷམྨཱན’’ནྟི ཨེཝམཱདིནཱ བྷགཝཏཱ བྷཱསིཏཱནི.

ཚཊྛསུཏྟ

པུཙྪཱ – ཏཏྠེཝ ¶ ཨཱཝུསོ ཚཊྛསུཏྟཱདཱིནི ཙ པམཱདཱདིཝགྒེ པཋམསུཏྟཉྩ བྷགཝཏཱ ཀཐཾ བྷཱསིཏཱནི.

ཝིསྶཛྫནཱ – ཏཏྠེཝ བྷནྟེ ཚཊྛསུཏྟཱདཱིནི ཙ པམཱདཱདིཝགྒེ པཋམསུཏྟཉྩ ‘‘ཨཔྤམཏྟིཀཱ ཨེསཱ བྷིཀྑཝེ པརིཧཱནི ཡདིདཾ ཉཱཏིཔརིཧཱནི. ཨེཏཾ པཏིཀིཊྛཾ བྷིཀྑཝེ པརིཧཱནཱིནཾ ཡདིདཾ པཉྙཱཔརིཧཱནཱིཏི. ཨཔྤམཏྟིཀཱ ཨེསཱ བྷིཀྑཝེ ཝུདྡྷི ཡདིདཾ ཉཱཏིཝུདྡྷི. ཨེཏདགྒཾ བྷིཀྑཝེ ཝུདྡྷཱིནཾ ཡདིདཾ པཉྙཱཝུདྡྷི ¶ . ཏསྨཱཏིཧ བྷིཀྑཝེ ཨེཝཾ སིཀྑིཏབྦཾ ‘པཉྙཱཝུདྡྷིཡཱ ཝདྡྷིསྶཱམཱ’ཏི. ཨེཝཉྷི ཝོ བྷིཀྑཝེ སིཀྑིཏབྦ’’ནྟི ཨེཝམཱདིནཱ བྷནྟེ བྷགཝཏཱ བྷཱསིཏཱནི.

པམཱདཱདིཝགྒ

པུཙྪཱ – ཏེནཱཝུསོ…པེ… ¶ སམྨཱསམྦུདྡྷེན པམཱདཱདིཝགྒེ དུཏིཡསུཏྟཱདཱིནི ཀཐཾ བྷཱསིཏཱནི.

ཝིསྶཛྫནཱ – ནཱཧཾ བྷིཀྑཝེ ཨཉྙཾ ཨེཀདྷམྨམྤི སམནུཔསྶཱམི, ཡོ ཨེཝཾ མཧཏོ ཨནཏྠཱཡ སཾཝཏྟཏི, ཡཐཡིདཾ བྷིཀྑཝེ པམཱདོ. པམཱདོ བྷིཀྑཝེ མཧཏོ ཨནཏྠཱཡ སཾཝཏྟཏི. ནཱཧཾ བྷིཀྑཝེ ཨཉྙཾ ཨེཀདྷམྨམྤི, ཡོ ཨེཝཾ མཧཏོ ཨཏྠཱཡ སཾཝཏྟཏི, ཡཐཡིདཾ བྷིཀྑཝེ ཨཔྤམཱདོ, ཨཔྤམཱདོ བྷིཀྑཝེ མཧཏོ ཨནཏྠཱཡ སཾཝཏྟཏཱིཏི ཨེཝམཱདིནཱ བྷནྟེ བྷགཝཏཱ བྷཱསིཏཱནི.

དུཏིཡ པམཱདཱདིཝགྒ

པུཙྪཱ – དུཏིཡེ ¶ པནཱཝུསོ པམཱདཱདིཝགྒེ པཋམསུཏྟཱདཱིནི བྷགཝཏཱ ཀཐཾ བྷཱསིཏཱནི.

ཝིསྶཛྫནཱ – དུཏིཡེ བྷནྟེ པམཱདཱདིཝགྒེ ཨཛ྄ཛྷཏྟིཀཾ བྷིཀྑཝེ ཨངྒནྟི ཀརིཏྭཱ ནཱཉྙཾ ཨེཀངྒམྤི སམནུཔསྶཱམི, ཡཾ ཨེཝཾ མཧཏོ ཨནཏྠཱཡ སཾཝཏྟཏི, ཡཐཡིདཾ བྷིཀྑཝེ པམཱདོ. པམཱདོ བྷིཀྑཝེ མཧཏོ ཨནཏྠཱཡ སཾཝཏྟཏི. ཨཛ྄ཛྷཏྟིཀཾ བྷིཀྑཝེ ཨངྒནྟི ཀརིཏྭཱ ནཱཉྙཾ ཨེཀངྒམྤི སམནུཔསྶཱམི, ཡཾ ཨེཝཾ མཧཏོ ཨཏྠཱཡ སཾཝཏྟཏི, ཡཐཡིདཾ བྷིཀྑཝེ ཨཔྤམཱདོ. ཨཔྤམཱདོ བྷིཀྑཝེ མཧཏོ ཨཏྠཱཡ སཾཝཏྟཏཱིཏི ཨེཝམཱདིནཱ བྷནྟེ བྷགཝཏཱ བྷཱསིཏཱནི.

དསསུཏྟ

པུཙྪཱ – ཏཏྠེཝ ¶ ཨཱཝུསོ ཏེཏྟིཾསམཱདཱིནིཙ དསསུཏྟཱནི ཨདྷམྨཝགྒེ ཙ དསསུཏྟཱནི བྷགཝཏཱ ཀཐཾ བྷཱསིཏཱནི.

ཝིསྶཛྫནཱ – ཏཏྠེཝ བྷནྟེ ཏེཏྟིཾསམཱདཱིནི དསསུཏྟཱནི ཙ ཨདྷམྨཝགྒེ དསསུཏྟཱནི ཙ ཡེ ཏེ བྷིཀྑཝེ བྷིཀྑཱུ ཨདྷམྨཾ ‘‘དྷམྨོ’’ཏི དཱིཔེནྟི, ཏེ བྷིཀྑཝེ བྷིཀྑཱུ བཧུཛནཨཧིཏཱཡ པཊིཔནྣཱ བཧུཛནཨསུཁཱཡ བཧུནོ ཛནསྶ ཨནཏྠཱཡ ཨཧིཏཱཡ དུཀྑཱཡ དེཝམནུསྶཱནཾ. བཧུཉྩ ཏེ བྷིཀྑཝེ བྷིཀྑཱུ ཨཔུཉྙཾ པསཝནྟི, ཏེ ཙིམཾ སདྡྷམྨཾ ཨནྟརདྷཱཔེནྟཱིཏི ཨེཝམཱདིནཱ ཙ, ཡེ ཏེ བྷིཀྑཝེ བྷིཀྑཱུ ཨདྷམྨཾ ‘‘ཨདྷམྨོ’’ཏི དཱིཔེནྟི, ཏེ བྷིཀྑཝེ བྷིཀྑཱུ བཧུཛནཧིཏཱཡ པཊིཔནྣཱ བཧུཛནསུཁཱཡ བཧུཛནོ ཛནསྶ ཨཏྠཱཡ ཧིཏཱཡ སུཁཱཡ དེཝམནུསྶཱནཾ. བཧུཉྩ ཏེ བྷིཀྑཝེ བྷིཀྑཱུ པུཉྙཾ པསཝནྟི, ཏེ ཙིམཾ སདྡྷམྨཾ ཋཔེནྟཱིཏི ཨེཝམཱདིནཱ ཙ བྷནྟེ བྷགཝཏཱ བྷཱསིཏཱནི.

ཨེཀཔུགྒལཝགྒ

པུཙྪཱ – ཨེཀཔུགྒལཝགྒེ ¶ ཨཱཝུསོ བྷགཝཏཱ ཀཱིདིསཱི དྷམྨདེསནཱཡོ དེསིཏཱ.

ཝིསྶཛྫནཱ – ཨེཀཔུགྒལཝགྒེ བྷནྟེ བྷགཝཏཱ ཨེཀཔུགྒལོ བྷིཀྑཝེ ལོཀེ ཨུཔྤཛྫམཱནོ ཨུཔྤཛྫཏི བཧུཛནཧིཏཱཡ བཧུཛནསུཁཱཡ ལོཀཱནུཀམྤཱཡ ཨཏྠཱཡ ཧིཏཱཡ སུཁཱཡ དེཝམནུསྶཱནཾ. ཀཏམོ ཨེཀཔུགྒལོ, ཏཐཱགཏོ ཨརཧཾ སམྨཱསམྦུདྡྷོ, ཨཡཾ ཁོ བྷིཀྑཝེ ཨེཀཔུགྒལོ ལོཀེ ཨུཔྤཛྫམཱནོ ཨུཔྤཛྫཏི བཧུཛནཧིཏཱཡ བཧུཛནསུཁཱཡ ལོཀཱནུཀམྤཱཡ ཨཏྠཱཡ ཧིཏཱཡ སུཁཱཡ དེཝམནུསྶཱནནྟི ཨེཝམཱདིཀཱ བྷགཝཏཱ དྷམྨདེསནཱཡོ དེསིཏཱ.

ཨེཏདགྒཝགྒ

ཨཉྙཱསིཀོཎྜཉྙ ཝཏྠུ

པུཙྪཱ – ཨེཏདཝགྒེ ¶ ཨཱཝུསོ ཨཱགཏེསུ ཨེཀཙཏྟཱལཱིསཱཡ ཐེརེསུ ཨཱཡསྨཱ ཨཉྙཱསིཀོཎྜཉྙཏྠེརོ ཀཐཾ བྷགཝཏཱ ཨེཏདགྒཊྛཱནེ ཋཔིཏོ.

ཝིསྶཛྫནཱ – ཨེཏདགྒཝགྒེ བྷནྟེ ཨཱགཏེསུ ཨེཀཙཏྟཱལཱིསཱཡ མཧཱཐེརེསུ ‘‘ཨེཏདགྒཾ བྷིཀྑཝེ མམ སཱཝཀཱནཾ བྷིཀྑཱུནཾ རཏྟཉྙཱུནཾ ཡདིདཾ ཨཉྙཱསིཀོཎྜཉྙོ’’ཏི, ཨེཝཾ ཁོ བྷནྟེ ཨཱཡསྨཱ ཨཉྙཱསིཀོཎྜཉྙཏྠེརོ བྷགཝཏཱ ཨེཏདགྒཊྛཱནེ ཋཔིཏོ.

ཨགྒསཱཝཀཝཏྠུ

པུཙྪཱ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན ཨངྒུཏྟརནིཀཱཡེ ཨེཀཀནིཔཱཏེ ཨེཏདགྒཝགྒེ ཨཱགཏེསུ ཨེཀཙཏྟཱལཱིསཱཡ མཧཱཐེརེསུ ཨཱཡསྨཱ ཙ སཱརིཔུཏྟཏྠེརོ དྷམྨསེནཱཔཏི པཋམོ ཨགྒསཱཝཀོ ཨཱཡསྨཱ ཙ མཧཱམོགྒལླཱནཏྠེརོ དུཏིཡོ ཨགྒསཱཝཀོ ཀཐཾ ཨེཏདགྒཊྛཱནེ ཋཔིཏོ.

ཝིསྶཛྫནཱ – ཨཱཡསྨཱ བྷནྟེ སཱརིཔུཏྟཏྠེརོ དྷམྨསེནཱཔཏི ‘‘ཨེཏདགྒཾ བྷིཀྑཝེ མམ སཱཝཀཱནཾ བྷིཀྑཱུནཾ མཧཱཔཉྙཱནཾ ཡདིདཾ སཱརིཔུཏྟོ’’ཏི. ཨཱཡསྨཱ པན མཧཱམོགྒལླཱནཏྠེརོ ‘‘ཨེཏདགྒཾ བྷིཀྑཝེ མམ སཱཝཀཱནཾ བྷིཀྑཱུནཾ ཨིདྡྷིམནྟཱནཾ ཡདིདཾ མཧཱམོགྒལླཱནོ’’ཏི. ཨེཝཾ ཁོ བྷནྟེ བྷགཝཏཱ ཨེཏདགྒཊྛཱནེ ཋཔིཏོ.

ཨིདཾ ¶ ཏེ ཨཱསནཾ ཝཱིར, པཉྙཏྟཾ ཏཝནུཙྪཝིཾ;

མམ ཙིཏྟཾ པསཱདེནྟོ, ནིསཱིད པུཔྥམཱསནེ.

ཡེ ¶ ཝཏ ལོཀེ ཨརཧནྟོ ཝཱ ཨརཧཏྟམགྒཾ ཝཱ སམཱཔནྣཱ, ཨཡཾ ཏེསཾ བྷིཀྑུ ཨཉྙཏརོ.

ཡཾནཱུནཱཧཾ ཨིམཾ བྷིཀྑུཾ ཨུཔསངྐམིཏྭཱ པཉྷཾ པུཙྪེཡྻཾ.

ཡེ དྷམྨཱ ཧེཏུཔྤབྷཝཱ,

ཏེསཾ ཧེཏུཾ ཏཐཱགཏོ;

ཨཱཧ ཏེསཉྩ ཡོ ནིརོདྷོ,

ཨེཝཾཝཱདཱི མཧཱསམཎོ –

ལབྷེཡྻཱམ ¶ མཡཾ བྷནྟེ བྷགཝཏོ སནྟིཀེ པབྦཛྫཾ, ལབྷེཡྻཱམ ཨུཔསམྤདཾ.

ཨེཏདགྒཾ ¶ བྷིཀྑཝེ མམ སཱཝཀཱནཾ བྷིཀྑཱུནཾ མཧཱཔཉྙཱནཾ ཡདིདཾ སཱརིཔུཏྟོ.

ཨེཏདགྒཾ བྷིཀྑཝེ མམ སཱཝཀཱནཾ བྷིཀྑཱུནཾ ཨིདྡྷིམནྟཱནཾ ཡདིདཾ མཧཱམོགྒལླཱནོ.

མཧཱཀསྶཔཝཏྠུ

པུཙྪཱ – ཨཱཡསྨཱ ¶ པན ཨཱཝུསོ མཧཱཀསྶཔཏྠེརོ པཋམམཧཱསཾགཱིཏིཀཱལེ པཱམོཀྑསངྒྷནཱཡཀབྷཱུཏོ བྷགཝཏཱ ཀཐཾ ཨེཏདགྒཊྛཱནེ ཋཔིཏོ.

ཝིསྶཛྫནཱ – ཨཱཡསྨཱ བྷནྟེ མཧཱཀསྶཔཏྠེརོ པཋམམཧཱསཾགཱིཏིཀཱལེ སངྒྷཔཱམོཀྑབྷཱུཏོ ‘‘ཨེཏདགྒཾ བྷིཀྑཝེ མམ སཱཝཀཱནཾ བྷིཀྑཱུནཾ དྷུཏཝཱདཱནཾ ཡདིདཾ མཧཱཀསྶཔོ’’ཏི. ཨེཝཾ ཁོ བྷནྟེ བྷགཝཏཱ ཨེཏདགྒཊྛཱནེ ཋཔིཏོ.

ཨནུརུདྡྷཏྠེརཝཏྠུ

པུཙྪཱ – ཏེནཱཝུསོ…པེ… ¶ སམྨཱསམྦུདྡྷེན ཨངྒུཏྟརནིཀཱཡེ ཨེཀཀནིཔཱཏེ ཨེཏདགྒཝགྒེ ཨཱགཏེསུ ཨེཀཙཏྟཱལཱིསཱཡ མཧཱཐེརེསུ ཨཱཡསྨཱ ཨནུརུདྡྷཏྠེརོ ཀཐཾ ཨེཏདགྒཊྛཱནེ ཋཔིཏོ.

ཝིསྶཛྫནཱ – ཨཱཡསྨཱ ¶ བྷནྟེ ཨནུརུདྡྷཏྠེརོ ‘‘ཨེཏདགྒཾ བྷིཀྑཝེ མམ སཱཝཀཱནཾ བྷིཀྑཱུནཾ དིབྦཙཀྑུཀཱནཾ ཡདིདཾ ཨནུརུདྡྷོ’’ཏི ཨེཝཾ ཁོ བྷནྟེ བྷགཝཏཱ ཨེཏདགྒཊྛཱནེ ཋཔིཏོ.

སཱིཝལིཝཏྠུ

པུཙྪཱ – ཨཱཡསྨཱ ¶ པན ཨཱཝུསོ སཱིཝལིཏྠེརོ བྷགཝཏཱ ཀཐཾ ཨེཏདགྒཊྛཱནེ ཋཔིཏོ.

ཝིསྶཛྫནཱ – ཨཱཡསྨཱ བྷནྟེ སཱིཝལིཏྠེརོ ‘‘ཨེཏདགྒཾ བྷིཀྑཝེ མམ སཱཝཀཱནཾ བྷིཀྑཱུནཾ ལཱབྷཱིནཾ ཡདིདཾ སཱིཝལཱི’’ཏི ཨེཝཾ ཁོ བྷནྟེ བྷགཝཏཱ ཨེཏདགྒཊྛཱནེ ཋཔིཏོ.

སམྨཱསམྦུདྡྷོ ¶ ཝཏ སོ བྷགཝཱ, ཡོ ཨིམསྶ ཨེཝརཱུཔསྶ དུཀྑསྶ པཧཱནཱཡ དྷམྨཾ དེསེཏི.

སུཔྤཊིཔནྣོ ཝཏ ཏསྶ བྷགཝཏོ སཱཝཀསངྒྷོ, ཡོ ཨིམསྶ ཨེཝརཱུཔསྶ དུཀྑསྶ པཧཱནཱཡ པཊིཔནྣོ.

སུསུཁཾ ཝཏ ནིབྦཱནཾ, ཡཏྠིདཾ ཨེཝརཱུཔཾ དུཀྑཾ ན སཾཝིཛྫཏི –

‘‘ཨེཏདགྒཾ ¶ བྷིཀྑཝེ མམ སཱཝཀཱནཾ བྷིཀྑཱུནཾ ལཱབྷཱིནཾ ཡདིདཾ སཱིཝལི’’ ཧུ –

ཨཱནནྡཱཐེརཝཏྠུ

པུཙྪཱ – ཨཱཡསྨཱ པན ཨཱཝུསོ ཨཱནནྡཏྠེརོ དྷམྨབྷཎྜཱགཱརིཀོ པཋམམཧཱསཾགཱིཏིཀཱལེ དྷམྨཝིསྶཛྫཀཐེརབྷཱུཏོ ཀཐཾ བྷགཝཏཱ ཨེཏདགྒཊྛཱནེ ཋཔིཏོ.

ཝིསྶཛྫནཱ – ཨཱཡསྨཱ ¶ བྷནྟེ ཨཱནནྡཏྠེརོ དྷམྨབྷཎྜཱགཱརིཀོ པཋམམཧཱསཾགཱིཏིཀཱལེ དྷམྨཝིསྶཛྫཀབྷཱུཏོ ‘‘ཨེཏདགྒཾ བྷིཀྑཝེ མམ སཱཝཀཱནཾ བྷིཀྑཱུནཾ བཧུསྶུཏཱནཾ ཡདིདཾ ཨཱནནྡོ. ཨེཏདགྒཾ བྷིཀྑཝེ མམ སཱཝཀཱནཾ བྷིཀྑཱུནཾ སཏིམནྟཱནཾ ཡདིདཾ ཨཱནནྡོ. ཨེཏདགྒཾ བྷིཀྑཝེ མམ སཱཝཀཱནཾ བྷིཀྑཱུནཾ གཏིམནྟཱནཾ ཡདིདཾ ཨཱནནྡོ. ཨེཏདགྒཾ བྷིཀྑཝེ མམ སཱཝཀཱནཾ བྷིཀྑཱུནཾ དྷིཏིམནྟཱནཾ ཡདིདཾ ཨཱནནྡོ. ཨེཏདགྒཾ བྷིཀྑཝེ མམ སཱཝཀཱནཾ བྷིཀྑཱུནཾ ཨུཔཊྛཱཀཱནཾ ཡདིདཾ ཨཱནནྡོ’’ཏི ཨེཝཾ ཁོ བྷནྟེ བྷགཝཏཱ པཉྩསུ ཨེཏདགྒཊྛཱནེསུ ཋཔིཏོ.

སཏསཧསྶེན ¶ མེ ཀཱིཏཾ,

སཏསཧསྶེན མཱཔིཏཾ;

སོབྷནཾ ནཱམ ཨུཡྻཱནཾ;

པཊིགྒཎྷ མཧཱམུནི –

‘‘ཨེཏདགྒཾ ¶ བྷིཀྑཝེ མམ སཱཝཀཱནཾ བྷིཀྑཱུནཾ བཧུསྶུཏཱནཾ. སཏིམནྟཱནཾ. གཏིམནྟཱནཾ. དྷིཏིམནྟཱནཾ. ཨུཔཊྛཱཀཱནཾ ཡདིདཾ ཨཱནནྡོ’’ –

ཨུཔཱལིཝཏྠུ

པུཙྪཱ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན ཨངྒུཏྟརནིཀཱཡེ ཨེཀཀནིཔཱཏེ ཨེཏདགྒཝགྒེ ཨཱགཏེསུ ཨེཀཙཏྟཱལཱིསཱཡ མཧཱཐེརེསུ ཨཱཡསྨཱ ཨུཔཱལིཏྠེརོ པཋམམཧཱསཾགཱིཏིཀཱལེ ཝིནཡཝིསྶཛྫཀབྷཱུཏོ ཀཐཾ ཨེཏདགྒཊྛཱནེ ཋཔིཏོ.

ཝིསྶཛྫནཱ – ཨཱཡསྨཱ བྷནྟེ ཨུཔཱལིཏྠེརོ པཋམམཧཱསཾགཱིཏིཀཱལེ ཝིནཡཝིསྶཛྫཀབྷཱུཏོ ‘‘ཨེཏདགྒཾ བྷིཀྑཝེ མམ སཱཝཀཱནཾ བྷིཀྑཱུནཾ ཝིནཡདྷརཱནཾ ཡདིདཾ ཨུཔཱལཱི’’ཏི ཨེཝཾ ཁོ བྷནྟེ བྷགཝཏཱ ཨེཏདགྒཊྛཱནེ ཋཔིཏོ.

ཝིནཡོ ཝཱསཡོ མཡ྄ཧཾ,

ཝིནཡོ ཋཱནཙངྐམཾ;

ཀཔྤེམི ཝིནཡེ ཝཱསཾ,

ཝིནཡོ མམ གོཙརོ.

མཧཱཔཛཱཔཏིགོཏམཱིཐེརཱིཝཏྠུ

པུཙྪཱ – ཨེཏདགྒཝགྒེ ¶ ཨཱཝུསོ ཨཱགཏཱསུ ཏེརསསུ ཐེརཱིསུ མཧཱཔཛཱཔཏི གོཏམཱིཐེརཱི ཀཐཾ བྷགཝཏཱ ཨེཏདགྒཊྛཱནེ ཋཔིཏཱ.

ཝིསྶཛྫནཱ – ཨེཏདགྒཝགྒེ ¶ བྷནྟེ ཨཱགཏཱསུ ཏེརསསུ ཐེརཱིསུ མཧཱཔཛཱཔཏིགོཏམཱིཐེརཱི ‘‘ཨེཏདགྒཾ བྷིཀྑཝེ མམ སཱཝིཀཱནཾ བྷིཀྑུནཱིནཾ རཏྟཉྙཱུནཾ ཡདིདཾ མཧཱཔཛཱཔཏི གོཏམཱི’’ཏི ཨེཝཾ ཁོ བྷནྟེ བྷགཝཏཱ ཨེཏདགྒཊྛཱནེ ཋཔིཏཱ.

‘‘ཨེཏདགྒཾ ¶ བྷིཀྑཝེ མམ སཱཝིཀཱནཾ བྷིཀྑུནཱིནཾ རཏྟཉྙཱུནཾ ཡདིདཾ མཧཱཔཛཱཔཏིགོཏམཱི’’ –

པུཙྪཱ – ཁེམཱཐེརཱི པན ཨཱཝུསོ ཨགྒསཱཝིཀཱ བྷགཝཏཱ ཀཐཾ ཨེཏདགྒཊྛཱནེ ཋཔིཏཱ.

ཝིསྶཛྫནཱ – ཁེམཱཐེརཱི བྷནྟེ པཋམཱ ཨགྒསཱཝིཀཱ ‘‘ཨེཏདགྒཾ བྷིཀྑཝེ མམ སཱཝིཀཱནཾ བྷིཀྑུནཱིནཾ མཧཱཔཉྙཱནཾ ཡདིདཾ ཁེམཱ’’ཏི ཨེཝཾ ཁོ བྷནྟེ བྷགཝཏཱ ཨེཏདགྒཊྛཱནེ ཋཔིཏཱ.

‘‘ཡེ རཱགརཏྟཱནུཔཏནྟི སོཏཾ,

སཡཾཀཏཾ མཀྐཊོཝ ཛཱལཾ,

ཨེཏམྤི ཚེཏྭཱན ཝཛནྟི དྷཱིརཱ;

ཨནཔེཀྑིནོ སབྦདུཀྑཾ པཧཱཡ’’ –

‘‘ཨེཏདགྒཾ ¶ བྷིཀྑཝེ མམ སཱཝིཀཱནཾ བྷིཀྑུནཱིནཾ མཧཱཔཉྙཱནཾ ཡདིདཾ ཁེམཱ’’ –

པུཙྪཱ – ཨུཔྤལཝཎྞཱ པན ཨཱཝུསོ ཐེརཱི དུཏིཡཨགྒསཱཝིཀཱ བྷགཝཏཱ ཀཐཾ ཨེཏདགྒཊྛཱནེ ཋཔིཏཱ.

ཝིསྶཛྫནཱ – ཨུཔྤལཝཎྞཱ བྷནྟེ ཐེརཱི དུཏིཡཨགྒསཱཝིཀཱ ‘‘ཨེཏདགྒཾ བྷིཀྑཝེ མམ སཱཝིཀཱནཾ བྷིཀྑུནཱིནཾ ཨིདྡྷིམནྟཱིནཾ ཡདིདཾ ཨུཔྤལཝཎྞཱ’’ཏི ཨེཝཾ ཁོ བྷནྟེ བྷགཝཏཱ ཨེཏདགྒཊྛཱནེ ཋཔིཏཱ.

‘‘ཨེཏདགྒཾ བྷིཀྑཝེ མམ སཱཝིཀཱནཾ བྷིཀྑུནཱིནཾ ཨིདྡྷིམནྟཱིནཾ ཡདིདཾ ཨུཔྤལཝཎྞཱ’’ –

པཊཱཙཱརཱཐེརཱིབྷིཀྑུནཱིམཝཏྠུ

པུཙྪཱ – ཏེནཱཝུསོ བྷགཝཏཱ…པེ… སམྨཱསམྦུདྡྷེན ཨངྒུཏྟརནིཀཱཡེ ཨེཀཀནིཔཱཏེ ཨེཏདགྒཝགྒེ ཨཱགཏཱསུ ཏེརསསུ ཐེརཱིསུ པཊཱཙཱརཱནཱམ ཐེརཱི ཀཐཾ ཨེཏདགྒཊྛཱནེ ཋཔིཏཱ.

ཝིསྶཛྫནཱ – ཨེཏདགྒཝགྒེ བྷནྟེ ཨཱགཏཱསུ ཏེརསསུ ཐེརིཀཱསུ པཊཱཙཱརཱ ཐེརཱི ‘‘ཨེཏདགྒཾ བྷིཀྑཝེ མམ སཱཝིཀཱནཾ བྷིཀྑུནཱིནཾ ཝིནཡདྷརཱནཾ ཡདིདཾ པཊཱཙཱརཱ’’ཏི ཨེཝཾ ཁོ བྷནྟེ བྷགཝཏཱ ཨེཏདགྒཊྛཱནེ ཋཔིཏཱ.

‘‘ཨུབྷོ པུཏྟཱ ཀཱལངྐཏཱ,

པནྠེ མཡ྄ཧཾ པཏཱི མཏོ;

མཱཏཱཔིཏཱ ཙ བྷཱཏཱ ཙ,

ཨེཀཙིཏཀསྨིཾ ཌཡ྄ཧརེ’’ –

‘‘ཙཏཱུསུ སམུདྡེསུ ཛལཾ པརིཏྟཀཾ,

ཏཏོ བཧུཾ ཨསྶུཛལཾ ཨནཔྤཀཾ;

དུཀྑེན ཕུཊྛསྶ ནརསྶ སོཙནཱ,

ཀིཾ ཀཱརཎཱ ཨམྨ ཏུཝཾ པམཛྫསི’’ –

‘‘ན ¶ སནྟི པུཏྟཱ ཏཱཎཱཡ,

ན པིཏཱ ནཱཔི བནྡྷཝཱ;

ཨནྟཀེནཱདྷིཔནྣསྶ,

ནཏྠི ཉཱཏཱིསུ ཏཱཎཏཱ;

ཨེཏམཏྠཝསཾ ཉཏྭཱ, པཎྜིཏོ སཱིལསཾཝུཏོ;

ནིབྦཱནགམནཾ མགྒཾ, ཁིཔྤམེཝ ཝིསོདྷཡེ’’ –

‘‘ཡོ ¶ ཙ ཝསྶསཏཾ ཛཱིཝེ,

ཨཔསྶཾ ཨུདཡབྦཡཾ;

ཨེཀཱཧཾ ཛཱིཝིཏཾ སེཡྻོ,

པསྶཏོ ཨུདཡབྦཡཾ’’ –

‘‘ཨེཏདགྒཾ བྷིཀྑཝེ མམ སཱཝིཀཱནཾ བྷིཀྑུནཱིནཾ ཝིནཡདྷརཱནཾ ཡདིདཾ པཊཱཙཱརཱ’’ –

དྷམྨདིནྣཱཐེརཱིབྷིཀྑུནཱིམཝཏྠུ

པུཙྪཱ – དྷམྨདིནྣཱ ¶ པན ཨཱཝུསོ ཐེརཱི བྷགཝཏཱ ཀཐཾ ཨེཏདགྒཊྛཱནེ ཋཔིཏཱ.

ཝིསྶཛྫནཱ – དྷམྨདིནྣཱ བྷནྟེ ཐེརཱི ‘‘ཨེཏདགྒཾ བྷིཀྑཝེ མམ སཱཝིཀཱནཾ བྷིཀྑུནཱིནཾ དྷམྨཀཐིཀཱནཾ ཡདིདཾ དྷམྨདིནྣཱ’’ཏི ཨེཝཾ ཁོ བྷནྟེ བྷགཝཏཱ ཨེཏདགྒཊྛཱནེ ཋཔིཏཱ.

‘‘ཡསྶ ¶ པུརེ ཙ པཙྪཱ ཙ,

མཛ྄ཛྷེཙ ནཏྠི ཀིཉྩནཾ;

ཨཀིཉྩནཾ ཨནཱདཱནཾ,

ཏམཧཾ བྲཱུམི བྲཱཧྨཎཾ’’ –

‘‘ཨེཏདགྒཾ བྷིཀྑཝེ མམ སཱཝིཀཱནཾ བྷིཀྑུནཱིནཾ དྷམྨཀཐིཀཱནཾ ཡདིདཾ དྷམྨདིནྣཱ’’ –

ཡསོདྷརཱཐེརཱིབྷིཀྑུནཱིམཝཏྠུ

པུཙྪཱ – བྷདྡཀཙྩཱནཱནཱམ ཨཱཝུསོ ཡསོདྷརཱཐེརཱི བྷགཝཏཱ ཀཐཾ ཨེཏདགྒཊྛཱནེ ཋཔིཏཱ.

ཝིསྶཛྫནཱ – བྷདྡཀཙྩཱནཱ ¶ བྷནྟེ ཡསོདྷརཱཐེརཱི བྷགཝཏཱ ‘‘ཨེཏདགྒཾ བྷིཀྑཝེ མམ སཱཝིཀཱནཾ བྷིཀྑུནཱིནཾ མཧཱབྷིཉྙཔཏྟཱནཾ ཡདིདཾ བྷདྡཀཙྩཱནཱ’’ཏི. ཨེཝཾ ཁོ བྷནྟེ ཨེཏདགྒཊྛཱནེ ཋཔིཏཱ.

‘‘ཨེཏདགྒཾ ¶ བྷིཀྑཝེ མམ སཱཝིཀཱནཾ བྷིཀྑུནཱིནཾ མཧཱབྷིཉྙཔཏྟཱནཾ ཡདིདཾ བྷདྡཀཙྩཱནཱ’’ –

ཏཔུསྶབྷལླིཀཝཏྠུ

པུཙྪཱ – ཨངྒུཏྟརནིཀཱཡེ ¶ ཨཱཝུསོ ཨེཏདགྒཝགྒེ ཨཱགཏེསུ ཨེཀཱདསསུ ཨུཔཱསཀེསུ ཏཔུསྶབྷལླིཀཱནཱམ ཝཱཎིཛཱ བྷགཝཏཱ ཀཐཾ ཨེཏདགྒཊྛཱནེ ཋཔིཏཱ.

ཝིསྶཛྫནཱ – ཏཔུསྶབྷལླིཀཱ བྷནྟེ ཝཱཎིཛཱ ‘‘ཨེཏདགྒཾ བྷིཀྑཝེ མམ སཱཝཀཱནཾ ཨུཔཱསཀཱནཾ པཋམཾ སརཎཾ གཙྪནྟཱནཾ ཡདིདཾ ཏཔུསྶབྷལླིཀཱ ཝཱཎིཛཱ’’ཏི, ཨེཝཾ ཁོ བྷནྟེ བྷགཝཏཱ ཨེཏདགྒཊྛཱནེ ཋཔིཏཱ.

‘‘ཨེཏེ ¶ བྷནྟེ མཡཾ བྷགཝནྟཾ སརཎཾ གཙྪཱམ དྷམྨཉྩ, ཨུཔཱསཀེ ནོ བྷགཝཱ དྷཱརེཏུ ཨཛྫཏགྒེ པཱཎུཔེཏེ སརཎཾ གཏེ’’ ཧུ –

‘‘ཨེཏདགྒཾ བྷིཀྑཝེ མམ སཱཝཀཱནཾ ཨུཔཱསཀཱནཾ པཋམཾ སརཎཾ གཙྪནྟཱནཾ ཡདིདཾ ཏཔུསྶབྷལླིཀཱ ཝཱཎིཛཱ’’ –

ཨནཱཐཔིཎྜཀཝཏྠུ

པུཙྪཱ – ཏེནཱཝུསོ ¶ བྷགཝཏཱ ཨརཧཏཱ…པེ… སམྨཱསམྦུདྡྷེན ཨངྒུཏྟརནིཀཱཡེ ཨེཀཀནིཔཱཏེ ཨེཏདགྒཝགྒེ ཨཱགཏེསུ ཨེཀཱདསསུ ཨུཔཱསཀེསུ སུདཏྟོ གཧཔཏི ཨནཱཐཔིཎྜིཀོ ཀཐཾ ཨེཏདགྒཊྛཱནེ ཋཔིཏོ.

ཝིསྶཛྫནཱ – ཨེཏདགྒཝགྒེ བྷནྟེ ཨཱགཏེསུ ཨེཀཱདསསུ ཨུཔཱསཀེསུ སུདཏྟོ གཧཔཏི ཨནཱཐཔིཎྜིཀོ ‘‘ཨེཏདགྒཾ བྷིཀྑཝེ མམ སཱཝཀཱནཾ ཨུཔཱསཀཱནཾ དཱཡཀཱནཾ ཡདིདཾ སུདཏྟོ གཧཔཏི ཨནཱཐཔིཎྜིཀོ’’ཏི. ཨེཝཾ ཁོ བྷནྟེ བྷགཝཏཱ ཨེཏདགྒཊྛཱནེ ཋཔིཏོ.

ཨེཏདགྒཾ ¶ བྷིཀྑཝེ མམ སཱཝཀཱནཾ ཨུཔཱསཀཱནཾ དཱཡཀཱནཾ ཡདིདཾ སུདཏྟོ གཧཔཏི ཨནཱཐཔིཎྜིཀོ–

སཱུརམྦཊྛཨུཔཱསཀཱཝཏྠུ

པུཙྪཱ – སཱུརམྦཊྛོ ནཱམ ཨཱཝུསོ ཨུཔཱསཀོ བྷགཝཏཱ ཀཐཾ ཨེཏདགྒཊྛཱནེ ཋཔིཏོ.

ཝིསྶཛྫནཱ – སཱུརམྦཊྛོ ཨུཔཱསཀོ ‘‘ཨེཏདགྒཾ བྷིཀྑཝེ མམ སཱཝཀཱནཾ ཨུཔཱསཀཱནཾ ཨཝེཙྩཔྤསནྣཱནཾ ཡདིདཾ སཱུརམྦཊྛོ’’ཏི ཨེཝཾ ཁོ བྷནྟེ བྷགཝཏཱ ཨེཏདགྒཊྛཱནེ ཋཔིཏོ.

‘‘ཨེཏདགྒཾ ¶ བྷིཀྑཝེ མམ སཱཝཀཱནཾ ཨུཔཱསཀཱནཾ ཨཝེཙྩཔྤསནྣཱནཾ ཡདིདཾ སཱུརམྦཊྛོ’’ ཧུ –

སུཛཱཏཱ ཨུཔཱསིཀཱཝཏྠུ

པུཙྪཱ – ཨེཏདགྒཝགྒེ ¶ ཨཱཝུསོ ཨཱགཏཱསུ དསསུ ཨུཔཱསིཀཱསུ སུཛཱཏཱནཱམ ཨུཔཱསིཀཱ སེནིཡདྷཱིཏཱ ཀཐཾ བྷགཝཏཱ ཨེཏདགྒཊྛཱནེ ཋཔིཏཱ.

ཝིསྶཛྫནཱ – སུཛཱཏཱ བྷནྟེ སེནིཡདྷཱིཏཱ ‘‘ཨེཏདགྒཾ བྷིཀྑཝེ མམ སཱཝིཀཱནཾ ཨུཔཱསིཀཱནཾ པཋམཾ སརཎཾ གཙྪནྟཱིནཾ ཡདིདཾ སུཛཱཏཱ སེནིཡདྷཱིཏཱ’’ཏི, ཨེཝཾ ཁོ བྷནྟེ བྷགཝཏཱ ཨེཏདགྒཊྛཱནེ ཋཔིཏཱ.

‘‘ཨེཏཱ ¶ མཡཾ བྷནྟེ བྷགཝནྟཾ སརཎཾ གཙྪཱམ དྷམྨཉྩ བྷིཀྑུསངྒྷཉྩ, ཨུཔཱསིཀཱཡོ ནོ བྷགཝཱ དྷཱརེཏུ ཨཛྫཏགྒེ པཱཎུཔེཏཱ སརཎཾ གཏཱ’’ ཧུ –

‘‘ཨེཏདགྒཾ བྷིཀྑཝེ མམ སཱཝིཀཱནཾ ཨུཔཱསིཀཱནཾ པཋམཾ སརཎཾ གཙྪནྟཱིནཾ ཡདིདཾ སུཛཱཏཱ སེནིཡདྷཱིཏཱ’’ –

ཝིསཱཁཱ ཨུཔཱསིཀཱཝཏྠུ

པུཙྪཱ – ཝིསཱཁཱ ¶ པན ཨཱཝུསོ ཨུཔཱསིཀཱ ཀཐཾ བྷགཝཏཱ ཨེཏདགྒཊྛཱནེ ཋཔིཏཱ.

ཝིསྶཛྫནཱ – ཝིསཱཁཱ བྷནྟེ ཨུཔཱསིཀཱ མིགཱརམཱཏཱ ‘‘ཨེཏདགྒཾ བྷིཀྑཝེ མམ སཱཝིཀཱནཾ ཨུཔཱསིཀཱནཾ དཱཡིཀཱནཾ ཡདིདཾ ཝིསཱཁཱ མིགཱརམཱཏཱ’’ཏི ཨེཝཾ ཁོ བྷནྟེ བྷགཝཏཱ ཨེཏདགྒཊྛཱནེ ཋཔིཏཱ.

‘‘ཨེཏདགྒཾ ¶ བྷིཀྑཝེ མམ སཱཝིཀཱནཾ ཨུཔཱསིཀཱནཾ དཱཡིཀཱནཾ ཡདིདཾ ཝིསཱཁཱ མིགཱརམཱཏཱ’’ ཧུ –

ཁུཛྫུཏྟརཱ ཨུཔཱསིཀཱཝཏྠུ

པུཙྪཱ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན ཨངྒུཏྟརནིཀཱཡེ ཨེཀཀནིཔཱཏེ ཨེཏདགྒཝགྒེ ཨཱགཏཱསུ དསསུ ཨུཔཱསིཀཱསུ ཁུཛྫུཏྟརཱནཱམ ཨུཔཱསིཀཱ ཀཐཾ ཨེཏདགྒཊྛཱནེ ཋཔིཏཱ.

ཝིསྶཛྫནཱ – ཨེཏདགྒཝགྒེ བྷནྟེ ཨཱགཏཱསུ དསསུ ཨུཔཱསིཀཱསུ ཁུཛྫུཏྟརཱ ཨུཔཱསིཀཱ ‘‘ཨེཏདགྒཾ བྷིཀྑཝེ མམ སཱཝིཀཱནཾ ཨུཔཱསིཀཱནཾ བཧུསྶུཏཱནཾ ཡདིདཾ ཁུཛྫུཏྟརཱ’’ཏི ཨེཝཾ ཁོ བྷནྟེ བྷགཝཏཱ ཨེཏདགྒཊྛཱནེ ཋཔིཏཱ.

‘‘ཨེཏདགྒཾ ¶ བྷིཀྑཝེ མམ སཱཝཀཱནཾ ཨུཔཱསིཀཱནཾ བཧུསྶུཏཱནཾ ཡདིདཾ ཁུཛྫུཏྟརཱ’’ ཧུ –

ཀཱལཱི༹ཨུཔཱསིཀཱཝཏྠུ

པུཙྪཱ – ཀཱལཱི༹ནཱམ ཨཱཝུསོ ཨུཔཱསིཀཱ ཀུརརགྷརིཀཱ ཀཐཾ བྷགཝཏཱ ཨེཏདགྒཊྛཱནེ ཋཔིཏཱ.

ཝིསྶཛྫནཱ – ཀཱལཱི༹ བྷནྟེ ཨུཔཱསིཀཱ ཀུརརགྷརིཀཱ ‘‘ཨེཏདགྒཾ བྷིཀྑཝེ མམ སཱཝིཀཱནཾ ཨནུསྶཝཔྤསནྣཱནཾ ཡདིདཾ ཀཱལཱི༹ ཨུཔཱསིཀཱ ཀུརརགྷརིཀཱ’’ཏི ཨེཝཾ ཁོ བྷནྟེ བྷགཝཏཱ ཨེཏདགྒཊྛཱནེ ཋཔིཏཱ.

‘‘ཨེཏདགྒཾ ¶ བྷིཀྑཝེ མམ སཱཝིཀཱནཾ ཨུཔཱསིཀཱནཾ ཨནུསྶཝཔྤསནྣཱནཾ ཡདིདཾ ཀཱལཱི༹ ཨུཔཱསིཀཱ ཀུརརགྷརིཀཱ’’ –

ཨཊྛཱནཔཱལི༹

པུཙྪཱ – སཀལཱཔི ¶ ཨཱཝུསོ ཨཊྛཱནཔཱལི༹ བྷགཝཏཱ ཀཐཾ བྷཱསིཏཱ.

ཝིསྶཛྫནཱ – ཨཊྛཱནམེཏཾ བྷིཀྑཝེ ཨནཝཀཱསོ, ཡཾ དིཊྛིསམྤནྣོ པུགྒལོ ཀཉྩིསངྑཱརཾ ནིཙྩཏོ ཨུཔགཙྪེཡྻ, ནེཏཾ ཋཱནཾ ཝིཛྫཏི. ཋཱནཉྩ ཁོ ཨེཏཾ བྷིཀྑཝེ ཝིཛྫཏི, ཡཾ པུཐུཛྫནོ ཀཉྩིསངྑཱརཾ ནིཙྩཏོ ཨུཔགཙྪེཡྻ, ཋཱནམེཏཾ ཝིཛྫཏཱིཏི ཨེཝམཱདིནཱ བྷནྟེ བྷགཝཏཱ སཀལཱཔི ཨཊྛཱནཔཱལི༹ བྷཱསིཏཱ.

ཨེཀདྷམྨཔཱལི༹ པཋམཝགྒ

པུཙྪཱ – ཨེཀདྷམྨཔཱལི༹ཡཾ ¶ ཨཱཝུསོ པཋམཝགྒེ ཀཱིདིསཱི དྷམྨདེསནཱ བྷགཝཏཱ དེསིཏཱ.

ཝིསྶཛྫནཱ – ཨེཀདྷམྨཔཱལི༹ཡཾ བྷནྟེ པཋམཝགྒེ ‘‘ཨེཀདྷམྨོ བྷིཀྑཝེ བྷཱཝིཏོ བཧུལཱིཀཏོ ཨེཀནྟནིབྦིདཱཡ ཝིརཱགཱཡ ནིརོདྷཱཡ ཨུཔསམཱཡ ཨབྷིཉྙཱཡ སམྦོདྷཱཡ ནིབྦཱནཱཡ སཾཝཏྟཏི. ཀཏམོ ཨེཀདྷམྨོ, བུདྡྷཱནུསྶཏི, ཨཡཾ ཁོ བྷིཀྑཝེ ཨེཀདྷམྨོ བྷཱཝིཏོ བཧུལཱིཀཏོ ཨེཀནྟནིབྦིདཱཡ ཝིརཱགཱཡ ནིརོདྷཱཡ ཨུཔསམཱཡ ཨབྷིཉྙཱཡ སམྦོདྷཱཡ ནིབྦཱནཱཡ སཾཝཏྟཏཱི’’ཏི ཨེཝམཱདིཀཱ བྷགཝཏཱ དྷམྨདེསནཱ དེསིཏཱ.

པུཙྪཱ – དུཏིཡཝགྒེ ¶ པན ཨཱཝུསོ བྷགཝཏཱ ཀཱིདིསཱི དྷམྨདེསནཱཡོ དེསིཏཱ.

ཝིསྶཛྫནཱ – དུཏིཡཝགྒེ ¶ བྷནྟེ བྷགཝཏཱ ‘‘ནཱཧཾ བྷིཀྑཝེ ཨཉྙཾ ཨེཀདྷམྨམྤི སམནུཔསྶཱམི, ཡེན ཨནུཔྤནྣཱ ཝཱ ཨཀུསལཱ དྷམྨཱ ཨུཔྤཛྫནྟི, ཨུཔྤནྣཱ ཝཱ ཨཀུསལཱ དྷམྨཱ བྷིཡྻོབྷཱཝཱཡ ཝེཔུལླཱཡ སཾཝཏྟནྟི, ཡཐཡིདཾ བྷིཀྑཝེ མིཙྪཱདིཊྛི. མིཙྪཱདིཊྛིཀསྶ བྷིཀྑཝེ ཨནུཔྤནྣཱ ཙེཝ ཨཀུསལཱ དྷམྨཱ ཨུཔྤཛྫནྟི, ཨུཔྤནྣཱ ཙ ཨཀུསལཱ དྷམྨཱ བྷིཡྻོབྷཱཝཱཡ ཝེཔུལླཱཡ སཾཝཏྟནྟཱི’’ཏི. ཨེཝམཱདིཀཱ བྷགཝཏཱ དྷམྨདེསནཱཡོ དེསིཏཱ.

ཏཏིཡཝགྒ

པུཙྪཱ – ཏཏིཡཝགྒེ ¶ པན ཨཱཝུསོ པཉྩམཱདཱིནི ཨཊྛ སུཏྟཱནི བྷགཝཏཱ ཀཐཾ བྷཱསིཏཱནི.

ཝིསྶཛྫནཱ – ཏཏིཡཝགྒེ བྷནྟེ པཉྩམཱདཱིནི ཨཊྛསུཏྟཱནི ‘‘དུརཀྑཱཏེ བྷིཀྑཝེ དྷམྨཝིནཡེ ཡོ ཙ སམཱདཔེཏི, ཡཉྩ སམཱདཔེཏི, ཡོ ཙ སམཱདཔིཏོ ཏཐཏྟཱཡ པཊིཔཛྫཏི. སབྦེཏེ བཧུཾ ཨཔུཉྙཾ པསཝནྟི. ཏཾཀིསྶཧེཏུ, དུརཀྑཱབྷཏྟཱ བྷིཀྑཝེ དྷམྨསྶ. སྭཱཀྑཱཏེ བྷིཀྑཝེ དྷམྨཝིནཡེ ཡོ ཙ སམཱདཔེཏི, ཡཉྩ སམཱདཔེཏི, ཡོ ཙ སམཱདཔིཏོ, ཏཐཏྟཱཡ པཊིཔཛྫཏི, སབྦེཏེ བཧུཾ པུཉྙཾ པསཝནྟི. ཏཾཀིསྶཧེཏུ སྭཱཀྑཱཏཏྟཱ བྷིཀྑཝེ དྷམྨསྶཱ’’ཏི ཨེཝམཱདིནཱ བྷགཝཏཱ བྷཱསིཏཱནི.

ཨཔར ཨཙྪརཱསངྒྷཱཏཝགྒ

པུཙྪཱ – ཨཔརཨཙྪརཱསངྒྷཱཏཝགྒེ ¶ པན ཨཱཝུསོ བྷགཝཏཱ ཀཱིདིསཱི དྷམྨདེསནཱཡོ དེསིཏཱ.

ཝིསྶཛྫནཱ – ཨཔརཨཙྪརཱསངྒྷཱཏཝགྒེ བྷནྟེ ‘‘ཨཙྪརཱསངྒྷཱཏམཏྟམྤི ཙེ བྷིཀྑཝེ བྷིཀྑུ པཋམཾ ཛྷཱནཾ བྷཱཝེཏི, ཨཡཾ ཝུཙྩཏི བྷིཀྑཝེ བྷིཀྑུ ཨརིཏྟཛ྄ཛྷཱནོ ཝིཧརཏི སཏྠུསཱསནཀརོ ཨོཝཱདཔཏིཀརོ ཨམོགྷཾ རཊྛཔིཎྜཾ བྷུཉྫཏི, ཀོ པན ཝཱདོ ཡེ ནཾ བཧུལཱིཀརོནྟཱི’’ཏི ཨེཝམཱདིཀཱ བྷནྟེ བྷགཝཏཱ དྷམྨདེསནཱཡོ དེསིཏཱ.

ཀཱཡགཏཱསཏིཝགྒ

པུཙྪཱ – སཀལོཔི ¶ ཨཱཝུསོ ཀཱཡགཏཱསཏིཝགྒོ བྷགཝཏཱ ཀཐཾ བྷཱསིཏོ.

ཝིསྶཛྫནཱ – ཡསྶ ཀསྶཙི བྷིཀྑཝེ མཧཱསམུདྡོ ཙེཏསཱ ཕུཊོ, ཨནྟོགདྷཱ ཏསྶ ཀུནྣདིཡོ ཡཱཀཱཙི སམུདྡངྒམཱ, ཨེཝམེཝ བྷིཀྑཝེ ཡསྶ ཀསྶཙི ཀཱཡགཏཱསཏི བྷཱཝིཏཱ བཧུལཱིཀཏཱ, ཨནྟོགདྷཱ ཏསྶ ཀུསལཱ དྷམྨཱ ཡེཀེཙི ཝིཛྫཱབྷཱགིཡཱ’’ཏི ཨེཝམཱདིནཱ བྷནྟེ བྷགཝཏཱ སཀལོཔི ཀཱཡགཏཱསཏིཝགྒོ བྷཱསིཏོ.

ཨམཏཝགྒ

པུཙྪཱ – སཀལོཔི ¶ ཨཱཝུསོ ཨམཏཝགྒོ བྷགཝཏཱ ཀཐཾ བྷཱསཏོ.

ཝིསྶཛྫནཱ – ཨམཏཾ ཏེ བྷིཀྑཝེ ན པརིབྷུཉྫནྟི, ཡེ ཀཱཡགཏཱསཏིཾ ན པརིབྷུཉྫནྟི. ཨམཏཾ ཏེ བྷིཀྑཝེ པརིབྷུཉྫནྟི, ཡེ ཀཱཡགཏཱསཏིཾ པརིབྷུཉྫནྟི. ཨམཏཾ ཏེ བྷིཀྑཝེ ཨཔརིབྷུཏྟཾ, ཡེསཾ ཀཱཡགཏཱསཏི ཨཔརིབྷུཏྟཱ. ཨམཏཾ ཏེ བྷིཀྑཝེ པརིབྷུཏྟཾ, ཡེསཾ ཀཱཡགཏཱསཏི པརིབྷུཏྟཱཏི ཨེཝམཱདིནཱ བྷནྟེ བྷགཝཏཱ སཀལོཔི ཨམཏཝགྒོ བྷཱསིཏོ.

ཀམྨཀརཎཝགྒ, ཝཛྫསུཏྟ

པུཙྪཱ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན ཨངྒུཏྟརནིཀཱཡེ དུཀནིཔཱཏེ ཀམྨཀརཎཝགྒེ པཋམཾ ཝཛྫསུཏྟཾ ཀཏྠ ཀསྶ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལཱནཾ བྷིཀྑཱུནཾ ‘‘དྭེམཱནི བྷིཀྑཝེ ཝཛྫཱནི. ཀཏམཱནི དྭེ དིཊྛདྷམྨིཀཉྩ ཝཛྫཾ སམྤརཱཡིཀཉྩ ཝཛྫ’’ནྟི ཨེཝམཱདིནཱ བྷགཝཏཱ བྷཱསིཏཾ.

ཏསྨཱཏིཧ ¶ བྷིཀྑཝེ ཨེཝཾ སིཀྑིཏབྦཾ ‘‘དིཊྛདྷམྨིཀསྶ ཝཛྫསྶ བྷཱཡིསྶཱམ, སམྤརཱཡིཀསྶ ཝཛྫསྶ བྷཱཡིསྶཱམ, ཝཛྫབྷཱིརུནོ བྷཝིསྶཱམ ཝཛྫབྷཡདསྶཱཝིནོ’’ཏི. ཨེཝཉྷི ཁོ བྷིཀྑཝེ སིཀྑིཏབྦཾ.

པདྷཱནསུཏྟ

པུཙྪཱ – ཏཏྠེཝ ¶ ཨཱཝུསོ དུཏིཡཾ པདྷཱནསུཏྟཾ བྷགཝཏཱ ཀཏྠ ཀསྶ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾཡེཝ བྷནྟེ སམྦཧུལཱནཾ བྷིཀྑཱུནཾ ‘‘དྭེམཱནི བྷིཀྑཝེ པདྷཱནཱནི དུརབྷིསམྦྷཝཱནི ལོཀསྨིཾ. ཀཏམཱནི དྭེ, ཡཉྩ གིཧཱིནཾ ཨགཱརཾ ཨཛ྄ཛྷཱཝསཏཾ ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱནུཔྤཱདནཏྠཾ པདྷཱནཾ, ཡཉྩ ཨགཱརསྨཱ ཨནགཱརིཡཾ པབྦཛིཏཱནཾ སབྦཱུཔདྷིཔཊིནིསྶགྒཏྟཾ པདྷཱནཾ. ཨིམཱནི ཁོ བྷིཀྑཝེ དྭེ པདྷཱནཱནི དུརབྷིསམྦྷཝཱནི ལོཀསྨི’’ནྟི ཨེཝམཱདིནཱ བྷགཝཏཱ བྷཱསིཏཾ.

ཏཔནཱིཡསུཏྟ

པུཙྪཱ – ཏཏྠེཝ ¶ ཨཱཝུསོ ཏཔནཱིཡསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – དྭེམེ བྷིཀྑཝེ དྷམྨཱ ཏཔནཱིཡཱ. ཀཏམེ དྭེ, ཨིདྷ བྷིཀྑཝེ ཨེཀཙྩསྶ ཀཱཡདུཙྩརིཏཾ ཀཏཾ ཧོཏི, ཨཀཏཾ ཧོཏི ཀཱཡ སུཙརིཏཾ, ཝཙཱིདུཙྩརིཏཾ ཀཏཾ ཧོཏི, ཨཀཏཾ ཧོཏི ཝཙཱིསུཙརིཏཾ, མནོདུཙྩརིཏཾ ཀཏཾ ཧོཏི, ཨཀཏཾ ཧོཏི མནོསུཙརིཏཾ. སོ ‘‘ཀཱཡདུཙྩརིཏཾ མེ ཀཏ’’ནྟི ཏཔྤཏི, ‘‘ཨཀཏཾ མེ ཀཱཡསུཙརིཏ’’ནྟི ཏཔྤཏི. ཝཙཱིདུཙྩརིཏཾ (པ) ‘‘མནོདུཙྩརིཏཾ མེ ཀཏ’’ནྟི ཏཔྤཏི, ‘‘ཨཀཏཾ མེ མནོསུཙརིཏ’’ནྟི ཏཔྤཏི. ཨིམེ ཁོ བྷིཀྑཝེ དྭེ དྷམྨཱ ཏཔནཱིཡཱཏི. ཨེཝཾ ཁོ བྷནྟེ བྷགཝཏཱ བྷཱསིཏཾ.

ཨཏཔནཱིཡསུཏྟ

པུཙྪཱ – ཙཏུཏྠཾ ¶ པན ཨཱཝུསོ ཨཏཔནཱིཡསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – ཙཏུཏྠཾ བྷནྟེ ཨཏཔནཱིཡསུཏྟཾ ‘‘དྭེམེ བྷིཀྑཝེ དྷམྨཱ ཨཏཔནཱིཡཱ. ཀཏམེ དྭེ, ཨིདྷ བྷིཀྑཝེ ཨེཀཙྩསྶ ཀཱཡསུཙརིཏཾ ཀཏཾ ཧོཏི, ཨཀཏཾ ཧོཏི ཀཱཡདུཙྩརིཏཾ. ཝཙཱིསུཙརིཏཾ ཀཏཾ ཧོཏི, ཨཀཏཾ ཧོཏི ཝཙཱིདུཙྩརིཏཾ. མནོསུཙརིཏཾ ཀཏཾ ཧོཏི, ཨཀཏཾ ཧོཏི མནོདུཙྩརིཏཾ. སོ ‘ཀཱཡསུཙརིཏཾ མེ ཀཏ’ནྟི ན ཏཔྤཏི, ‘ཨཀཏཾ མེ ཀཱཡདུཙྩརིཏ’ནྟི ནཏཔྤཏི. ‘ཝཙཱིསུཙརིཏཾ…པེ… མནོསུཙརིཏཾ མེ ཀཏ’ནྟི ན ཏཔྤཏི. ‘ཨཀཏཾ མེ མནོདུཙྩརིཏ’ནྟི ན ཏཔྤཏི. ཨིམེ ཁོ བྷིཀྑཝེ དྭེ དྷམྨཱ ཨཏཔནཱིཡཱ’’ཏི. ཨེཝཾ ཁོ བྷནྟེ བྷགཝཏཱ བྷཱསིཏཾ.

ཨུཔཉྙཱཏསུཏྟ

པུཙྪཱ – པཉྩམཾ ¶ པན ཨཱཝུསོ ཨུཔཉྙཱཏསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – པཉྩམཾ བྷནྟེ ཨུཔཉྙཱཏསུཏྟཾ ‘‘དྭིནྣཱཧཾ བྷིཀྑཝེ དྷམྨཱནཾ ཨུཔཉྙཱསིཾ. ཡཱ ཙ ཨསནྟུཊྛིཏཱ ཀུསལེསུ དྷམྨེསུ, ཡཱ ཙ ཨཔྤཊིཝཱནིཏཱ པདྷཱནསྨིཾ. ཨཔྤཊིཝཱནི སུདཱཧཾ བྷིཀྑཝེ པདཧཱམི ‘ཀཱམཾ-ཏཙོ ཙ ནྷཱརུ ཙ ཨཊྛི ཙ ཨཝསིསྶཏུ ཨུཔསུསྶཏུ སརཱིརེ མཾསལོཧིཏཾ, ཡཾ ¶ ཏཾ པུརིསཐཱམེན པུརིསཝཱིརིཡེན པུརིསཔརཀྐམེན པཏྟབྦཾ, ན ཏཾ ཨཔཱཔུཎིཏྭཱ ཝཱིརིཡསྶ སཎྛཱནཾ བྷཝིསྶཏཱི’’ཏི. ཨེཝམཱདིནཱ བྷནྟེ བྷགཝཏཱ བྷཱསིཏཾ.

ཙརིཡསུཏྟ

པུཙྪཱ – ནཝམཾ ¶ པན ཨཱཝུསོ ཙརིཡསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – ནཝམཾ བྷནྟེ ཙརིཡསུཏྟཾ ‘‘དྭེམེ བྷིཀྑཝེ དྷམྨཱ སུཀྐཱ ལོཀཾ པཱལེནྟི. ཀཏམེ དྭེ, ཧིརཱིཙ ཨོཏྟཔྤཉྩ. ཨིམེ ཁོ བྷིཀྑཝེ དྭེ སུཀྐཱ དྷམྨཱ ལོཀཾ ན པཱལེཡྻུཾ, ནཡིདྷ པཉྙཱཡེཐ ‘མཱཏཱ’ཏིཝཱ ‘མཱཏུཙྪཱ’ཏིཝཱ ‘མཱཏུལཱནཱི’ཏིཝཱ ‘ཨཱཙརིཡབྷརིཡཱ’ཏིཝཱ ‘གརཱུནཾ དཱརཱ’ཏི’’ཝཱཏི, ཨེཝམཱདིནཱ བྷནྟེ བྷགཝཏཱ བྷཱསིཏཾ.

ཨདྷིཀརཎཝགྒ, སཏྟམསུཏྟ

པུཙྪཱ – ཨདྷིཀརཎཝགྒེ ¶ པན ཨཱཝུསོ སཏྟམསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཛཱཎུསྶོཎིཾ བྲཱཧྨཎཾ ཨཱརབྦྷ བྷཱསིཏཾ. ཛཱཎུསྶོཎི བྷནྟེ བྲཱཧྨཎོ བྷགཝནྟཾ ཨེཏདཝོཙ ‘‘ཀོ ནུ ཁོ བྷོ གོཏམ ཧེཏུ ཀོ པཙྩཡོ, ཡེན མིདྷེཀཙྩེ སཏྟཱ ཀཱཡསྶ བྷེདཱ པརཾམརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔཛྫནྟཱི’’ཏི. ཏསྨིཾ བྷནྟེ ཝཏྠུསྨིཾ ‘‘ཀཏཏྟཱ ཙ བྲཱཧྨཎ ཨཀཏཏྟཱ ཙ ཨེཝམིདྷེཀཙྩེ སཏྟཱ ཀཱཡསྶ བྷེདཱ པརཾམརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔཛྫནྟཱི’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

ཀོ ¶ ནུ ཁོ བྷོ གོཏམ ཧེཏུ ཀོ པཙྩཡོ, ཡེན མིདྷེཀཙྩེ སཏྟཱ ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔཛྫནྟི.

‘‘ཀཏཏྟཱཙ བྲཱཧྨཎ ཨཀཏཏྟཱཙ ཨེཝམིདྷེཀཙྩེ སཏྟཱ ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔཛྫནྟི’’ –

ཀོ ¶ པན བྷོ གོཏམ ཧེཏུ ཀོ པཙྩཡོ, ཡེན མིདྷེཀཙྩེ སཏྟཱ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫནྟི –

ཀཏཏྟཱ ཙ བྲཱཧྨཎ ཨཀཏཏྟཱ ཙ ཨེཝམིདྷེཀཙྩེ སཏྟཱ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫནྟི.

ན ཁོ ཨཧཾ ཨིམསྶ བྷོཏོ གོཏམསྶ སཾཁིཏྟེན བྷཱསིཏསྶ ཝིཏྠཱརེན ཨཏྠཾ ཨཝིབྷཏྟསྶ ཝིཏྠཱརེན ཨཏྠཾ –

སཱདྷུ མེ བྷཝཾ གོཏམོ ཏཐཱ དྷམྨཾ དེསེཏུ.

ཨཊྛམསུཏྟ

པུཙྪཱ – ཏཏྠེཝ ¶ ཨཱཝུསོ ཨཊྛམསུཏྟཾ བྷགཝཏཱ ཀཏྠ ཀསྶ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨཱཡསྨཏོ ཨཱནནྡསྶ ‘‘ཨེཀཾསེནཱཧཾ ཨཱནནྡ ཨཀརཎཱིཡཾ ཝདཱམི ཀཱཡདུཙྩརིཏཾ མནོདུཙྩརིཏ’’ནྟི ཨེཝམཱདིནཱ བྷགཝཏཱ བྷཱསིཏཾ.

‘‘ཨེཀཾསེནཱཧཾ ¶ ཨཱནནྡ ཀརཎཱིཡཾ ཝདཱམི ཀཱཡསུཙརིཏཾ ཝཙཱིསུཙརིཏཾ མནོསུཙརིཏཾ’’ –

ནཝམསུཏྟ

པུཙྪཱ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན ཨངྒུཏྟརནིཀཱཡེ དུཀནིཔཱཏེ ཨདྷིཀརཎཝགྒེ ནཝམསུཏྟཾ བྷཱསིཏཾ.

ཝིསྶཛྫནཱ – ཨཀུསལཾ ¶ བྷིཀྑཝེ པཛཧཐ, སཀྐཱ བྷིཀྑཝེ ཨཀུསལཾ པཛཧིཏུཾ. ནོཙེདཾ བྷིཀྑཝེ སཀྐཱ ཨབྷཝིསྶ ཨཀུསལཾ པཛཧིཏུཾ, ནཱཧཾ ཨེཝཾ ཝདེཡྻཾ ‘‘ཨཀུསལཾ བྷིཀྑཝེ པཛཧཐཱ’’ཏི. ཡསྨཱ ཙ ཁོ བྷིཀྑཝེ སཀྐཱ ཨཀུསལཾ པཛཧིཏུཾ, ཏསྨཱཧཾ ཨེཝཾ ཝདཱམི ‘‘ཨཀུསལཾ བྷིཀྑཝེ པཛཧཐཱ’’ཏི. ཨཀུསལཉྩ ཧིདཾ བྷིཀྑཝེ པཧཱིནཾ ཨཧིཏཱཡ དུཀྑཱཡ སཾཝཏྟེཡྻ, ནཱཧཾ ཨེཝཾཝདེཡྻཾ ‘‘ཨཀུསལཾ བྷིཀྑཝེ པཛཧཐཱ’’ཏི. ཡསྨཱ ཙ ཁོ བྷིཀྑཝེ ཨཀུསལཾ པཧཱིནཾ ཧིཏཱཡ སུཁཱཡ སཾཝཏྟཏི, ཏསྨཱཧཾ ཨེཝཾ ཝདཱམི ‘‘ཨཀུསལཾ བྷིཀྑཝེ པཛཧཐཱ’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

དསམསུཏྟ, ཨེཀཱདསམསུཏྟ

པུཙྪཱ – ཏཏྠེཝ ¶ ཨཱཝུསོ དསམཨེཀཱདསམསུཏྟཱནི བྷགཝཏཱ ཀཐཾ བྷཱསིཏཱནི.

ཝིསྶཛྫནཱ – ཏཏྠེཝ བྷནྟེ དསམཨེཀཱདསམསུཏྟཱནི ‘‘དྭེམེ བྷིཀྑཝེ དྷམྨཱ སདྡྷམྨསྶ སམྨོསཱཡ ཨནྟརདྷཱནཱཡ སཾཝཏྟནྟི. ཀཏམེ དྭེ, དུནྣིཀྑིཏྟཉྩ པདབྱཉྫནཾ ཨཏྠོ ཙ དུནྣཱིཏོ, དུནྣིཀྑིཏྟསྶ བྷིཀྑཝེ པདབྱཉྫནསྶ ཨཏྠོཔི དུནྣཡོ ཧོཏི. ཨིམེ ཁོ བྷིཀྑཝེ དྭེ དྷམྨཱ སདྡྷམྨསྶ སམྨོསཱཡ ཨནྟརདྷཱནཱཡ སཾཝཏྟནྟཱི’’ཏི ཙ. ‘‘དྭེམེ བྷིཀྑཝེ དྷམྨཱ སདྡྷམྨསྶ ཋིཏིཡཱ ཨསམྨོསཱཡ ཨནནྟརདྷཱནཱཡ སཾཝཏྟནྟི. ཀཏམེ དྭེ, སུནིཀྑིཏྟཉྩ པདབྱཉྫནཾ ཨཏྠོ ཙ སུནཱིཏོ, སུནིཀྑིཏྟསྶ བྷིཀྑཝེ པདབྱཉྫནསྶ ཨཏྠོཔི སུནཡོ ཧོཏི. ཨིམེ ཁོ བྷིཀྑཝེ དྭེ དྷམྨཱ སདྡྷམྨསྶ ཋིཏིཡཱ ཨསམྨོསཱཡ ཨནནྟརདྷཱནཱཡ སཾཝཏྟནྟཱི’’ཏི ཙ. ཨེཝཾ ཁོ བྷནྟེ བྷགཝཏཱ བྷཱསིཏཱནི.

བཱལཝགྒ

དུཏིཡསུཏྟ

པུཙྪཱ – བཱལཝགྒེ ¶ པན ཨཱཝུསོ དུཏིཡསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – བཱལཝགྒེ བྷནྟེ དུཏིཡཾ སུཏྟཾ ‘‘དྭེམེ བྷིཀྑཝེ ཏཐཱགཏཾ ཨབྦྷཱཙིཀྑནྟི. ཀཏམེ དྭེ, དུཊྛོ ཝཱ དོསནྟརོ སདྡྷོ ཝཱ དུགྒཧིཏེན. ཨིམེ ཁོ བྷིཀྑཝེ དྭེ ཏཐཱགཏཾ ཨབྦྷཱཙིཀྑནྟཱི’’ཏི, ཨེཝཾ ཁོ བྷནྟེ བྷགཝཏཱ བྷཱསིཏཾ.

ཏཏིཡསུཏྟ

པུཙྪཱ – ཏཏྠེཝ ¶ ཨཱཝུསོ ཏཏིཡསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – ཏཏྠེཝ བྷནྟེ ཏཏིཡསུཏྟཾ བྷགཝཏཱ ‘‘དྭེམེ བྷིཀྑཝེ ཏཐཱགཏཾ ཨབྦྷཱཙིཀྑནྟི. ཀཏམེ དྭེ, ཡོ ཙ ཨབྷཱསིཏཾ ཨལཔིཏཾ ཏཐཱགཏེན ‘བྷཱསིཏཾ ལཔིཏཾ ཏཐཱགཏེནཱ’ཏི དཱིཔེཏི. ཡོ ཙ བྷཱསིཏཾ ལཔིཏཾ ཏཐཱགཏེན ‘ཨབྷཱསིཏཾ ཨལཔིཏཾ ཏཐཱགཏེནཱཏི’ ¶ དཱིཔེཏི. ཨིམེ ཁོ བྷིཀྑཝེ དྭེ ཏཐཱགཏཾ ཨབྦྷཱཙིཀྑནྟི. དྭེམེ བྷིཀྑཝེ ཏཐཱགཏཾ ནཱབྦྷཱཙིཀྑནྟི. ཀཏམེ དྭེ, ཡོ ཙ ཨབྷཱསིཏཾ ཨལཔིཏཾ ཏཐཱགཏེན ‘ཨབྷཱསིཏཾ ཨལཔིཏཾ ཏཐཱགཏེནཱ’ཏི དཱིཔེཏི. ཡོ ཙ བྷཱསིཏཾ ལཔིཏཾ ཏཐཱགཏེན ‘བྷཱསིཏཾ ལཔིཏཾ ཏཐཱགཏེནཱ’ཏི དཱིཔེཏི. ཨིམེ ཁོ བྷིཀྑཝེ དྭེ ཏཐཱགཏཾ ནཱབྦྷཱཙིཀྑནྟཱི’’ཏི, ཨེཝཾ ཁོ བྷནྟེ བྷགཝཏཱ བྷཱསིཏཾ.

ཙཏུཏྠཝགྒ, པཉྩམསུཏྟ

པུཙྪཱ – ཏཏྠེཝ ¶ ཨཱཝུསོ ཙཏུཏྠཔཉྩམསུཏྟཱནི བྷགཝཏཱ ཀཐཾ བྷཱསིཏཱནི.

ཝིསྶཛྫནཱ – ཏཏྠེཝ བྷནྟེ ཙཏུཏྠཔཉྩམསུཏྟཱནི ‘‘དྭེམེ བྷིཀྑཝེ ཏཐཱགཏཾ ཨབྦྷཱཙིཀྑནྟི. ཀཏམེ དྭེ, ཡོ ཙ ནེཡྻཏྠཾ སུཏྟནྟཾ ‘ནཱིཏཏྠོ སུཏྟནྟོ’ཏི ¶ དཱིཔེཏི, ཡོ ཙ ནཱིཏཏྠཾ སུཏྟནྟཾ ‘ནེཡྻཏྠོ སུཏྟནྟོ’ཏི དཱིཔེཏཱི’’ཏི, ཨེཝམཱདིནཱ བྷགཝཏཱ བྷཱསིཏཱནི.

སམཙིཏྟཝགྒ, པཋམསུཏྟ

པུཙྪཱ – སམཙིཏྟཝགྒེ ¶ ཨཱཝུསོ པཋམསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – སམཙིཏྟཝགྒེ བྷནྟེ པཋམསུཏྟཾ ‘‘ཨསཔྤུརིསབྷཱུམིཉྩ ཝོ བྷིཀྑཝེ དེསེསྶཱམི སཔྤུརིསབྷཱུམིཉྩ, ཏཾ སུཎཱཐ སཱདྷུཀཾ མནསིཀརོཐ, བྷཱསིསྶཱམཱི’’ཏི, ཨེཝམཱདིནཱ བྷནྟེ བྷགཝཏཱ བྷཱསིཏཾ.

དུཏིཡསུཏྟ

པུཙྪཱ – ཏཏྠེཝ ¶ ཨཱཝུསོ དུཏིཡསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – ཏཏྠེཝ བྷནྟེ དུཏིཡསུཏྟཾ ‘‘དྭིནྣཱཧཾ བྷིཀྑཝེ ན སུཔྤཏིཀཱར ཝདཱམི. ཀཏམེསཾ དྭིནྣཾ, མཱཏུ ཙ པིཏུ ཙཱ’’ཏི, ཨེཝམཱདིནཱ བྷགཝཏཱ བྷཱསིཏཾ.

སམཙིཏྟསུཏྟ

པུཙྪཱ – ཏཏྠེཝ ¶ ཨཱཝུསོ པཉྩམཾ སམཙིཏྟསུཏྟཾ ཀཏྠ ཀསྶ ཀེན ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལཱནཾ བྷིཀྑཱུནཾ ‘‘ཨཛ྄ཛྷཏྟསཾཡོཛནཉྩ ཨཱཝུསོ པུགྒལཾ དེསེསྶཱམི བཧིདྡྷཱསཾཡོཛནཉྩ, ཏཾསུཎཱཐ

སཱདྷུཀཾ ¶ མནསིཀརོཐཱ’’ཏི, ཨེཝམཱདིནཱ བྷནྟེ ཨཱཡསྨཏཱ སཱརིཔུཏྟཏྠེརེན དྷམྨསེནཱཔཏིནཱ བྷཱསིཏཾ.

ཨོཝཱད

པུཙྪཱ – ཀཐཉྩ ¶ ཨཱཝུསོ ཏཏྠ བྷགཝཱ ཨོཝཱདཾ ཨདཱསི.

ཝིསྶཛྫནཱ – ཏཏྠ བྷནྟེ བྷགཝཱ ‘‘ཏསྨཱཏིཧ སཱརིཔུཏྟ ཨེཝཾ སིཀྑིཏབྦཾ ‘སནྟིནྡྲིཡཱ བྷཝིསྶཱམ སནྟམཱནསཱ’ཏི. ཨེཝཉྷི ཝོ སཱརིཔུཏྟ སིཀྑིཏབྦ’’ནྟི ཨེཝམཱདིནཱ ཨོཝཱདམདཱསི.

‘‘ཨེསོ བྷནྟེ ཨཱཡསྨཱ སཱརིཔུཏྟོ པུབྦཱརཱམེ མིགཱརམཱཏུཔཱསཱ དེ བྷིཀྑཱུནཾ ཨཛ྄ཛྷཏྟསཾཡོཛནཉྩ པུགྒལཾ དེསེཏི བཧིདྡྷཱ སཾཡོཛནཉྩ’’ –

སཱདྷུ ¶ བྷནྟེ བྷགཝཱ ཡེན ཨཱཡསྨཱ སཱརིཔུཏྟོ ཏེནུཔསངྐམཏུ ཨནུཀམྤཾ ཨུཔཱདཱཡ.

ཏཱ ཁོ པན སཱརིཔུཏྟ དེཝཏཱ དསཔི ཧུཏྭཱ ཝཱིསམྤི ཧུཏྭཱ ཏིཾསམྤི ཧུཏྭཱ ཙཏྟཱལཱིསམྤི ཧུཏྭཱ པཉྙཱསམྤི ཧུཏྭཱ སཊྛིཔི ཧུཏྭཱ ཨཱརགྒཀོཊིནིཏུདནམཏྟེཔི ཏིཊྛནྟི, ན ཙ ཨཉྙམཉྙཾ བྱཱབཱདྷེནྟི–

ཏསྨཱཏིཧ ¶ སཱརིཔུཏྟ ཨེཝཾ སིཀྑིཏབྦཾ སནྟིནྡྲིཡཱ བྷཝིསྶཱམ སནྟམཱནསཱ.

པརིསཝགྒ

ཨུཏྟཱནསུཏྟ

པུཙྪཱ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན ཨངྒུཏྟརནིཀཱཡེ དུཀནིཔཱཏེ པརིསཝགྒེ པཋམཾ ཨུཏྟཱནསུཏྟཾ ཀཐཾ བྷཱསིཏཾ.

ཝིསྶཛྫནཱ – པཋམཾ བྷནྟེ ཨུཏྟཱནསུཏྟཾ ‘‘དྭེམཱ སིཀྑཝེ པརིསཱ, ཀཏམཱ དྭེ, ཨུཏྟཱནཱ ཙ པརིསཱ གམྦྷཱིརཱ ཙ པརིསཱ, ཀཏམཱ ཙ བྷིཀྑཝེ ཨུཏྟཱནཱ པརིསཱ, ཨིདྷ བྷིཀྑཝེ ཡསྶཾ པརིསཱཡཾ བྷིཀྑཱུ ཨུདྡྷཏཱ ཧོནྟི ཨུནྣལཱ༹ ཙཔལཱ མུཁརཱ ཝིཀིཎྞཝཱཙཱ མུཊྛསྶཏཱི ཨསམྤཛཱནཱ ཨསམཱཧིཏཱ ཝིབྦྷནྟཙིཏྟཱ པཱཀཏིནྡྲིཡཱ. ཨཡཾ ཝུཙྩཏི བྷིཀྑཝེ ཨུཏྟཱནཱ པརིསཱ’’ཏི ཨེཝམཱདིནཱ བྷགཝཏཱ བྷཱསིཏཾ.

སོཔརིསཏྟཀ

ཨེཏདགྒཾ བྷིཀྑཝེ ཨིམཱསཾ དྭིནྣཾ པརིསཱནཾ ཡདིདཾ གམྦྷཱིརཱ པརིསཱ.

ཨནགྒཝཏཱིསུཏྟ

པུཙྪཱ – ཏཏྠེཝ ¶ ཨཱཝུསོ ཏཏིཡཾ ཨནགྒཝཏཱིསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – ཏཏྠེཝ བྷནྟེ ཏཏིཡཾ ཨནགྒཝཏཱིསུཏྟཾ ‘‘དྭེམཱ བྷིཀྑཝེ པརིསཱ. ཀཏམཱ དྭེ, ཨནགྒཝཏཱི ཙ པརིསཱ ཨགྒཝཏཱི ཙ པརིསཱ. ཀཏམཱ ཙ བྷིཀྑཝེ ཨནགྒཝཏཱི པརིསཱ, ཨིདྷ བྷིཀྑཝེ ཡསྶཾ པརིསཱཡཾ ཐེརཱ བྷིཀྑཱུ བཱཧུལིཀཱ ཧོནྟི སཱཐལིཀཱ, ཨོཀྐམནེ པུབྦངྒམཱ, པཝིཝེཀེ ནིཀྑིཏྟདྷུརཱ, ན ཝཱིརིཡཾ ཨཱརབྷནྟི ཨཔྤཏྟསྶ པཏྟིཡཱ ཨནདྷིགཏསྶ ཨདྷིགམཱཡ ཨསཙྪིཀབྷསྶ སཙྪིཀིརིཡཱཡཱ’’ཏི ཨེཝམཱདིནཱ བྷགཝཏཱ བྷཱསིཏཾ.

ཨོཀྐཱཙིཏཝིནཱིཏསུཏྟ

པུཙྪཱ – ཏཏྠེཝ ¶ ཨཱཝུསོ ཚཊྛཾ ཨོཀྐཱཙིཏཝིནཱིཏསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – ཏཏྠེཝ བྷནྟེ ཚཊྛཾ ཨོཀྐཱཙིཏཝིནཱིཏསུཏྟཾ ‘‘དྭེམཱ བྷིཀྑཝེ པརིསཱ. ཀཏམཱ དྭེ, ཨོཀྐཱཙིཏཝིནཱིཏཱ པརིསཱ ནོ པཊིཔུཙྪཱཝིནཱིཏཱ, པཊིཔུཙྪཱ ཝིནཱིཏཱ པརིསཱ ནོ ཨོཀྐཱཙིཏཝིནཱིཏཱ’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

པུགྒལཝགྒ

ཨསནྟསནྣིཝཱསསུཏྟ

པུཙྪཱ – པུགྒལཝགྒེ ¶ ཨཱཝུསོ ཨེཀཱདསམཾ ཨསནྟསནྣིཝཱསསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – པུགྒལཝགྒེ བྷནྟེ ཨེཀཱདསམཾ ཨསནྟསནྣིཝཱསསུཏྟཾ ‘‘ཨསནྟསནྣིཝཱསཉྩ ཝོ བྷིཀྑཝེ དེསེསྶཱམི སནྟསནྣིཝཱསཉྩ, ཏཾ སུཎཱཐ, སཱདྷུཀཾ མནསིཀརོཐ བྷཱསིསྶཱམཱི’’ཏི ཨེཝམཱདིནཱ བྷགཝཏཱ བྷཱསིཏཾ.

སུཁཝགྒ

པུཙྪཱ – སུཁཝགྒེ ¶ པན ཨཱཝུསོ བྷགཝཏཱ ཀཱིདིསཱི དྷམྨདེསནཱཡོ དེསིཏཱ.

ཝིསྶཛྫནཱ – སུཁཝགྒེ བྷནྟེ བྷགཝཏཱ ‘‘དྭེམཱནི བྷིཀྑཝེ སུཁཱནི. ཀཏམཱནི དྭེ, གིཧིསུཁཉྩ པབྦཛིཏསུཁཉྩ, ཨིམཱནི ཁོ བྷིཀྑཝེ དྭེ སུཁཱནི. ཨེཏདགྒཾ བྷིཀྑཝེ ཨིམེསཾ དྭིནྣཾ སུཁཱནཾ ཡདིདཾ པབྦཛིཏསུཁ’’ནྟི ཨེཝམཱདིཀཱ དྷམྨདེསནཱཡོ དེསིཏཱ.

ཨཱཡཱཙནཝགྒ

པུཙྪཱ – ཨཱཡཱཙནཝགྒེ ¶ པན ཨཱཝུསོ བྷགཝཏཱ པཋམཱདཱིནི ཙཏྟཱརི སུཏྟཱནི ཀཐཾ བྷཱསིཏཱནི.

ཝིསྶཛྫནཱ – ཨཱཡཱཙནཝགྒེ བྷནྟེ པཋམཱདཱིནི ཙཏྟཱརི སུཏྟཱནི ‘‘སདྡྷོ བྷིཀྑཝེ བྷིཀྑུ ཨེཝཾ སམྨཱ ཨཱཡཱཙམཱནོ ཨཱཡཱཙེཡྻ ཏཱདིསོ ཧོམི, ཡཱདིསཱ སཱརིཔུཏྟམོགྒལླཱནཱ’’ཏི, ཨེཝམཱདིནཱ བྷགཝཏཱ བྷཱསིཏཱནི.

ཨཝཎྞཱརཧསུཏྟ

པུཙྪཱ – ཏཏྠེཝ ¶ ཨཱཝུསོ པཉྩམཾ ཨཝཎྞཱརཧསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – ཏཏྠེཝ བྷནྟེ པཉྩམཾ ཨཝཎྞཱརཧསུཏྟཾ ‘‘དྭཱིཧི བྷིཀྑཝེ དྷམྨེཧི སམནྣཱགཏོ བཱལོ ཨབྱཏྟོ ཨསཔྤུརིསོ ཨེཏཾ ཨུཔཧཏཾ ཨཏྟཱནཾ པརིཧརཏི, སཱཝཛྫོ ཙ ཧོཏི སཱནུཝཛྫོ ཙ ཝིཉྙཱུནཾ, བཧུཉྩ ཨཔུཉྙཾ པསཝཏཱི’’ཏི, ཨེཝམཱདིནཱ བྷགཝཏཱ བྷཱསིཏཾ.

ཨཔྤསཱདནཱིཡསུཏྟ

པུཙྪཱ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན ཨངྒུཏྟརནིཀཱཡེ དུཀནིཔཱཏེ ཨཱཡཱཙནཝགྒེ ཚཊྛཾ ཨཔྤསཱདནཱིཡསུཏྟཾ ཀཐཾ བྷཱསིཏཾ.

ཝིསྶཛྫནཱ – ཚཊྛཾ བྷནྟེ ཨཔྤསཱདནཱིཡསུཏྟཾ ‘‘དྭཱིཧི བྷིཀྑཝེ དྷམྨེཧི སམནྣཱགཏོ བཱལོ ཨབྱཏྟོ ཨསཔྤུརིསོ ཨེཏཾ ཨུཔཧཏཾ ཨཏྟཱནཾ པརིཧརཏི, སཱཝཛྫོ ཙ ཧོཏི སཱནུཝཛྫོ ཙ ཝིཉྙཱུནཾ, བཧུཉྩ ཨཔུཉྙཾ པསཝཏི. ཀཏམེཧི དྭཱིཧི, ཨནནུཝིཙྩ ཨཔརིཡོགཱཧེཏྭཱ ཨཔྤསཱདནཱིཡེ ཋཱནེ པསཱདཾ ཨུཔདཾསེཏི, ཨནནུཝིཙྩ ཨཔརིཡོ གཱཧེཏྭཱ པསཱདནཱིཡེ ཋཱནེ ཨཔྤསཱདཾ ཨུཔདཾསེཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

མཱཏཱཔིཏུསུཏྟ

པུཙྪཱ – ཏཏྠེཝ ¶ ཨཱཝུསོ སཏྟམཾ མཱཏཱཔིཏུསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – ཏཏྠེཝ བྷནྟེ སཏྟམཾ མཱཏཱཔིཏུསུཏྟཾ ‘‘དྭཱིསུ བྷིཀྑཝེ མིཙྪཱ པཊིཔཛྫམཱནོ བཱལོ ཨབྱཏྟོ ཨསཔྤུརིསོ ཨེཏཾ ཨུཔཧཏཾ ཨཏྟཱནཾ པརིཧརཏི, སཱཝཛྫོ ཙ ཧོཧི སཱནུཝཛྫོ ཙ ཝིཉྙཱུནཾ, བཧུཉྩ ཨཔུཉྙཾ པསཝཏི. ཀཏམེསུ དྭཱིསུ, མཱཏརི ཙ པིཏརི ཙཱ’’ཏི ཨེཝམཱདིནཱ བྷགཝཏཱ བྷཱསིཏཾ.

ཏཐཱགཏསུཏྟ

པུཙྪཱ – ཏཏྠེཝ ¶ ཨཱཝུསོ ཨཊྛམཾ ཏཐཱགཏསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – ཏཏྠེཝ ¶ བྷནྟེ ཨཊྛམཾ ཏཐཱགཏསུཏྟཾ ‘‘དྭཱིསུ བྷིཀྑཝེ མིཙྪཱཔཊིཔཛྫམཱནོ བཱལོ ཨབྱཏྟོ ཨསཔྤུརིསོ ཨེཏཾ ཨུཔཧཏཾ ཨཏྟཱནཾ པརིཧརཏི, སཱཝཛྫོ ཙ ཧོཏི སཱནུཝཛྫོ ཙ ཝིཉྙཱུནཾ, བཧུཉྩ ཨཔུཉྙཾ པསཝཏི. ཀཏམེསུ དྭཱིསུ, ཏཐཱགཏེ ཙ ཏཐཱགཏསཱཝཀེ ཙཱ’’ཏི ཨེཝམཱདིནཱ བྷགཝཏཱ བྷཱསིཏཾ.

ཏིཀནིཔཱཏ

བཱལཝགྒ, བྷཡསུཏྟ

པུཙྪཱ – ཏིཀནིཔཱཏེ ¶ པན ཨཱཝུསོ པཋམཾ བྷཡསུཏྟཾ བྷགཝཏཱ ཀཏྠ ཀསྶ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ སམྦཧུལཱནཾ ‘‘ཡཱནི ཀཱནིཙི བྷིཀྑཝེ བྷཡཱནི ཨུཔྤཛྫནྟི, སབྦཱནི ཏཱནི བཱལཏོ ཨུཔྤཛྫནྟི ནོ པཎྜིཏཏོ. ཡེ ཀེཙི ཨུཔྤདྡཝཱ ཨུཔྤཛྫནྟི, སབྦེཏེ བཱལཏོ ཨུཔྤཛྫནྟི ནོ པཎྜིཏཏོ. ཡེཀེཙི ཨུཔསགྒཱ ཨུཔྤཛྫནྟི, སབྦེཏེ བཱལཏོ ཨུཔྤཛྫནྟི ནོ པཎྜིཏཏོ’’ཏི ཨེཝམཱདིནཱ བྷགཝཏཱ བྷཱསིཏཾ.

ཙིནྟཱིསུཏྟ

པུཙྪཱ – ཏཏྠེཝ ¶ ཨཱཝུསོ ཏཏིཡཾ ཙིནྟཱིསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – ཏཏྠེཝ བྷནྟེ ཙིནྟཱིསུཏྟཾ ‘‘ཏཱིཎིམཱནི བྷིཀྑཝེ བཱལསྶ བཱལལཀྑཎཱནི ¶ བཱལནིམིཏྟཱནི བཱལཱཔདཱནཱནི. ཀཏམཱནི ཏཱིཎི, ཨིདྷ བྷིཀྑཝེ བཱལོ དུཙྩིནྟིཏཙིནྟཱི ཙ ཧོཏི དུབྦྷཱསིཏབྷཱསཱི ཙ དུཀྐཊཀམྨཀཱརཱི ཙཱ’’ཏི ཨེཝམཱདིནཱ བྷགཝཏཱ བྷཱསིཏཾ.

ཨཙྩཡསུཏྟ

པུཙྪཱ – ཏཏྠེཝ ¶ ཨཱཝུསོ ཙཏུཏྠཾ ཨཙྩཡསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – ཏཏྠེཝ བྷནྟེ ཙཏུཏྠཾ ཨཙྩཡསུཏྟཾ ‘‘ཏཱིཧི བྷིཀྑཝེ དྷམྨེཧི སམནྣཱགཏོ བཱལོ ཝེདིཏབྦོ. ཀཏམེཧི ཏཱིཧི, ཨཙྩཡཾ ཨཙྩཡཏོ དིསྭཱ ཡཐཱདྷམྨཾ ནཔྤཊིཀརོཏི, པརསྶ ཁོ པན ཨཙྩཡཾ དེསེནྟསྶ ཡཐཱདྷམྨཾ ནཔྤཊིགྒཎྷཱཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

མལསུཏྟ

པུཙྪཱ – ཏཏྠེཝ ¶ ཨཱཝུསོ དསམཾ མལསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – ཏཏྠེཝ བྷནྟེ དསམཾ མལསུཏྟཾ ‘‘ཏཱིཧི བྷིཀྑཝེ དྷམྨེཧི སམནྣཱགཏོ ཏཡོ མལེ ཨཔྤཧཱཡ ཡཐཱབྷཏཾ ནིཀྑིཏྟོ ཨེཝཾ ནིརཡེ. ཀཏམེཧི ཏཱིཧི, དུསྶཱིལོ ཙ ཧོཏི, དུསྶཱིལྱམལཉྩསྶ ཨཔྤཧཱིནཾ ཧོཏི. ཨིསྶུཀཱི ཙ ཧོཏི, ཨིསྶཱམལཉྩསྶ ཨཔྤཧཱིནཾ ཧོཏི. མཙྪརཱི ཙ ཧོཏི, མཙྪརམལཉྩསྶ ཨཔྤཧཱིནཾ ཧོཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

རཐཀཱརཝགྒ, ཉཱཏསུཏྟ

པུཙྪཱ – རཐཀཱརཝགྒེ ¶ པན ཨཱཝུསོ པཋམཾ ཉཱཏསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – པཋམཾ བྷནྟེ ཉཱཏསུཏྟཾ ‘‘ཏཱིཧི བྷིཀྑཝེ དྷམྨེཧི སམནྣཱགཏོ ཉཱཏོ བྷིཀྑུ བཧུཛནཨཧིཏཱཡ པཊིཔནྣོ ཧོཏི བཧུཛན དུཀྑཱཡ བཧུནོ ཛནསྶ ཨནཏྠཱཡ ཨཧིཏཱཡ དུཀྑཱཡ དེཝམནུསྶཱནཾ. ཀཏམེཧི ཏཱིཧི, ཨནནུལོམིཀེ ཀཱཡཀམྨེ སམཱདཔེཏི, ཨནནུལོམིཀེ ཝཙཱིཀམྨེ སམཱདཔེཏི, ཨནནུལོམིཀེསུ དྷམྨེསུ སམཱདཔེཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཨཱསཾསསུཏྟ

པུཙྪཱ – ཏཏྠེཝ ¶ ཨཱཝུསོ ཏཏིཡཾ ཨཱསཾསསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – ཏཏྠེཝ བྷནྟེ ཏཏིཡཾ ཨཱསཾསསུཏྟཾ ‘‘ཏཡོམེ བྷིཀྑཝེ པུགྒལཱ སནྟོ སཾཝིཛྫམཱནཱ ལོཀསྨིཾ. ཀཏམེ ཏཡོ ནིརཱསོ ཨཱསཾསོ’’ཏི ཨེཝམཱདིནཱ བྷགཝཏཱ བྷཱསིཏཾ.

སཙེཏནསུཏྟ

པུཙྪཱ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན ཨངྒུཏྟརནིཀཱཡེ ཏིཀནིཔཱཏེ རཐཀཱརཝགྒེ པཉྩམཾ སཙེཏནསུཏྟཾ ཀཏྠ ཀསྶ ཀཐཉྩ བྷཱསིཏཾ.

ཝིསྶཛྫནཱ – བཱརཱཎསིཡཾ བྷནྟེ སམྦཧུལཱནཾ བྷིཀྑཱུནཾ ཨཱརབྦྷ ‘‘བྷཱུཏཔུབྦཾ བྷིཀྑཝེ རཱཛཱ ཨཧོསི སཙེཏནོ ནཱམ, ཨཐ ཁོ བྷིཀྑཝེ རཱཛཱ སཙེཏནོ རཐཀཱརཾ ཨཱམནྟེསི ཨིཏོ མེ སམྨ རཐཀཱར ཚནྣཾ མཱསཱནཾ པཙྩཡེན སངྒཱམོ བྷཝིསྶཏི སཀྑིསྶསི མེ སམྨ རཐཀཱར ནཝཾ ཙཀྐཡུགཾ ཀཱཏུ’’ནྟི ཨེཝམཱདིནཱ བྷགཝཏཱ བྷཱསིཏཾ.

ཨཔཎྞཀསུཏྟ

པུཙྪཱ – ཏཏྠེཝ ¶ ཨཱཝུསོ ཚཊྛཾ ཨཔཎྞཀསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – ཚཊྛཾ བྷནྟེ ཨཔཎྞཀསུཏྟཾ ‘‘ཏཱིཧི བྷིཀྑཝེ དྷམྨེཧི སམནྣཱགཏོ བྷིཀྑུ ཨཔཎྞཀཔཊིཔདཾ པཊིཔནྣོ ཧོཏི, ཡོནི ཙསྶ ཨཱརདྡྷཱ ཧོཏི ཨཱསཝཱནཾ ཁཡཱཡ. ཀཏམེཧི ཏཱིཧི, ཨིདྷ བྷིཀྑཝེ བྷིཀྑུ ཨིནྡྲིཡེསུ གུཏྟདྭཱརོ ཧོཏི, བྷོཛནེ མཏྟཉྙཱུ ཧོཏི, ཛཱགརིཡམནུཡུཏྟོ ཧོཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

དེཝལོཀསུཏྟ

པུཙྪཱ – ཏཏྠེཝ ¶ ཨཱཝུསོ ཨཊྛམཾ དེཝལོཀསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – ཏཏྠེཝ བྷནྟེ ཨཊྛམཾ དེཝལོཀསུཏྟཾ ‘‘སཙེ ཝོ བྷིཀྑཝེ ཨཉྙཏིཏྠིཡཱ པརིབྦཱཛཀཱ ཨེཝཾ པུཙྪེཡྻུཾ ‘‘དེཝལོཀཱུཔཔཏྟིཡཱ ཨཱཝུསོ སམཎེ གོཏམེ བྲཧྨཙརིཡཾ ཝུསྶཐཱ’ཏི. ནནུ ཏུམྷེ བྷིཀྑཝེ ¶ ཨེཝཾ པུཊྛཱ ཨཊྚཱིཡེཡྻཱཐ ཧརཱཡེཡྻཱཐ ཛིགུཙྪེཡྻཱཐཱ’’ཏི ཨེཝམཱདིནཱ བྷགཝཏཱ བྷཱསིཏཾ.

པཋམ པཱཔཎིཀསུཏྟ

པུཙྪཱ – ཏཏྠེཝ ¶ ཨཱཝུསོ ནཝམཾ པཋམཔཱཔཎིཀསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – ཏཏྠེཝ བྷནྟེ ནཝམཾ པཋམཔཱཔཎིཀསུཏྟཾ ‘‘ཏཱིཧི བྷིཀྑཝེ ཨངྒེཧི སམནྣཱགཏོ པཱཔཎིཀོ ཨབྷབྦོ ཨནདྷིགཏཾ ཝཱ བྷོགཾ ཨདྷིགནྟུཾ, ཨདྷིགཏཾ ཝཱ བྷོགཾ ཕཱཏིཾ ཀཱཏུཾ. ཀཏམེཧི ཏཱིཧི, ཨིདྷ བྷིཀྑཝེ པཱཔཎིཀོ པུབྦཎྷསམཡཾ ན སཀྐཙྩཾ ཀམྨནྟཾ ཨདྷིཊྛཱཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

པུགྒལཝགྒ

གིལཱནསུཏྟ

པུཙྪཱ – པུགྒལཝགྒེ ¶ པན ཨཱཝུསོ དུཏིཡཾ གིལཱནསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – པུགྒལཝགྒེ བྷནྟེ དུཏིཡཾ གིལཱནསུཏྟཾ ‘‘ཏཡོམེ བྷིཀྑཝེ གིལཱནཱ སནྟོ སཾཝིཛྫམཱནཱ ལོཀསྨིཾ. ཀཏམེ ཏཡོ, ཨིདྷ བྷིཀྑཝེ ཨེཀཙྩོ གིལཱནོ ལབྷནྟོ ཝཱ སཔྤཱཡཱནི བྷོཛནཱནི ཨལབྷནྟོ ཝཱ སཔྤཱཡཱནི བྷོཛནཱནི, ལབྷནྟོ ཝཱ སཔྤཱཡཱནི བྷེསཛྫཱནི ཨལབྷནྟོ ཝཱ སཔྤཱཡཱནི བྷེསཛྫཱནི, ལབྷནྟོ ཝཱ པཏིརཱུཔཾ ཨུཔཊྛཱཀཾ ཨལབྷནྟོ ཝཱ པཏིརཱུཔཾ ཨུཔཊྛཱཀཾ ཝུཊྛཱཏི ཏམྷཱ ཨཱབཱདྷཱ’’ཏི ཨེཝམཱདིནཱ བྷགཝཏཱ བྷཱསིཏཾ.

བཧུཀཱརསུཏྟ

པུཙྪཱ – ཏཏྠེཝ ¶ ཨཱཝུསོ ཙཏུཏྠཾ བཧུཀཱརསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – ཏཏྠེཝ ¶ བྷནྟེ ཙཏུཏྠཾ བཧུཀཱརསུཏྟཾ ‘‘ཏཡོ མེ བྷིཀྑཝེ པུགྒལཱ པུགྒལསྶ བཧུཀཱརཱ. ཀཏམེ ཏཡོ, ཡཾ བྷིཀྑཝེ པུགྒལཾ ཨཱགམྨ པུགྒལོ བུདྡྷཾ སརཎཾ གཏོ ཧོཏི, དྷམྨཾ སརཎཾ གཏོ ཧོཏི, སངྒྷཾ སརཎཾ གཏོ ཧོཏི. ཨཡཾ བྷིཀྑཝེ པུགྒལོ ཨིམསྶ པུགྒལསྶ བཧུཀཱརོ’’ཏི ཨེཝམཱདིནཱ བྷགཝཏཱ བྷཱསིཏཾ.

ཛིགུཙྪིཏབྦསུཏྟ

པུཙྪཱ – ཏེནཱཝུསོ ¶ བྷགཝཏཱ ཛཱནཏཱ པསྶཏཱ…པེ… སམྨཱསམྦུདྡྷེན ཨངྒུཏྟརནིཀཱཡེ ཏིཀནིཔཱཏེ པུགྒལཝགྒེ སཏྟམཾ ཛིགུཙྪིཏབྦསུཏྟཾ ཀཐཾ བྷཱསིཏཾ.

ཝིསྶཛྫནཱ – སཏྟམཾ བྷནྟེ ཛིགུཙྪིཏབྦསུཏྟཾ ‘‘ཏཡོམེ བྷིཀྑཝེ པུགྒལཱ སནྟོ སཾཝིཛྫམཱནཱ ལོཀསྨིཾ. ཀཏམེ ཏཡོ, ཨཏྠི བྷིཀྑཝེ པུགྒལོ ཛིགུཙྪིཏབྦོ ན སེཝིཏབྦོ ན བྷཛིཏབྦོ ན པཡིརུཔཱསིཏབྦོ, ཨཏྠི བྷིཀྑཝེ པུགྒལོ ཨཛ྄ཛྷུཔེཀྑིཏབྦོ ན སེཝིཏབྦོ ན བྷཛིཏབྦོ ན པཡིརུཔཱསིཏབྦོ, ཨཏྠི བྷིཀྑཝེ པུགྒལོ སེཝིཏབྦོ བྷཛིཏབྦོ པཡིརུཔཱསིཏབྦོ’’ཏི ཨེཝཾ ཁོ བྷནྟེ བྷགཝཏཱ བྷཱསིཏཾ.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ ཛིགུཙྪིཏབྦོ པུགྒལོ ནསེཝིཏབྦོ ནབྷཛིཏབྦོ ན པཡིརུཔཱསིཏབྦོ པཀཱསིཏོ.

ཝིསྶཛྫནཱ – ‘‘ཀཏམོ ཙ བྷིཀྑཝེ པུགྒལོ ཛིགུཙྪིཏབྦོ ན སེཝིཏབྦོ ན བྷཛིཏབྦོ ན པཡིརུཔཱསིཏབྦོ. ཨིདྷ བྷིཀྑཝེ ཨེཀཙྩོ དུསྶཱིལོ ཧོཏི པཱཔདྷམྨོ ཨསུཙིསངྐསྶརསམཱཙཱརོ པཊིཙྪནྣཀམྨནྟོ ཨསྶམཎོ སམཎཔཊིཉྙོ ཨབྲཧྨཙཱརཱི བྲཧྨཙཱརིཔཊིཉྙོ ཨནྟོཔཱུཏི ཨཝསྶུཏོ ཀསམྦུཛཱཏོ, ཨེཝརཱུཔོ བྷིཀྑཝེ པུགྒལོ ཛིགུཙྪིཏབྦོ ན སེཝིཏབྦོ ན བྷཛིཏབྦོ ན པཡིརུཔཱསིཏབྦོ’’ཏི ཨེཝམཱདིནཱ བྷནྟེ བྷགཝཏཱ ཛིགུཙྪིཏབྦོ ན སེཝིཏབྦོ ན བྷཛིཏབྦོ ན པཡིརུཔཱསིཏབྦོ པུགྒལོ པཀཱསིཏོ.

པུཙྪཱ – ཀཐཾ ¶ པནཱཝུསོ ཏཏྠ བྷགཝཏཱ ཨཛ྄ཛྷུཔེཀྑིཏབྦོ པུགྒལོ ན སེཝིཏབྦོ ན བྷཛིཏབྦོ ན པཡིརུཔཱསིཏབྦོ པཀཱསིཏོ.

ཝིསྶཛྫནཱ – ཀཏམོ ཙ བྷིཀྑཝེ པུགྒལོ ཨཛ྄ཛྷུཔེཀྑིཏབྦོ ན སེཝིཏབྦོ ན བྷཛིཏབྦོ ན པཡིརུཔཱསིཏབྦོ, ཨིདྷ བྷིཀྑཝེ ཨེཀཙྩོ པུགྒལོ ཀོདྷནོ ཧོཏི ཨུཔཱཡཱསབཧུལོ, ཨཔྤམྤི ཝུཏྟོ སམཱནོ ཨབྷིསཛྫཏི ཀུཔྤཏི བྱཱཔཛྫཏི པཏིཏྠཱིཡཏི, ཀོཔཉྩ དོསཉྩ ཨཔྤཙྩཡཉྩ པཱཏུཀརོཏཱི’’ཏི ཨེཝམཱདིནཱ བྷནྟེ བྷགཝཏཱ ཏཏྠ ཨཛ྄ཛྷུཔེཀྑིཏབྦོ ན སེཝིཏབྦོ ན བྷཛིཏབྦོ ན པཡིརུཔཱསིཏབྦོ པུགྒལོ པཀཱསིཏོ.

པུཙྪཱ – ཀཐཾ ¶ པནཱཝུསོ ཏཏྠ བྷགཝཏཱ སེཝིཏབྦོ པུགྒལོ བྷཛིཏབྦོ པཡིརུཔཱསིཏབྦོ པཀཱསིཏོ.

ཝིསྶཛྫནཱ – ‘‘ཀཏམོ ཙ བྷིཀྑཝེ པུགྒལོ སེཝིཏབྦོ བྷཛིཏབྦོ པཡིརུཔཱསིཏབྦོ, ཨིདྷ བྷིཀྑཝེ ཨེཀཙྩོ པུགྒལོ སཱིལཝཱ ཧོཏི ཀལྱཱཎདྷམྨོ, ཨེཝརཱུཔོ བྷིཀྑཝེ པུགྒལོ སེཝིཏབྦོ བྷཛིཏབྦོ ¶ པཡིརུཔཱསིཏབྦོ’’ཏི ཨེཝམཱདིནཱ བྷནྟེ ཏཏྠ བྷགཝཏཱ སེཝིཏབྦོ པུགྒལོ བྷཛིཏབྦོ པཡིརུཔཱསིཏབྦོ པཀཱསིཏོ.

གཱུཐབྷཱཎཱིསུཏྟ

པུཙྪཱ – ཏཏྠེཝ ¶ ཨཱཝུསོ པུགྒལཝགྒེ ཨཊྛམཾ གཱུཐབྷཱཎཱིསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – ཏཏྠེཝ བྷནྟེ པུགྒལཝགྒེ ཨཊྛམཾ གཱུཐབྷཱཎཱིསུཏྟཾ ‘‘ཏཡོ མེ བྷིཀྑཝེ པུགྒལཱ སནྟོ སཾཝིཛྫམཱནཱ ལོཀསྨིཾ. ཀཏམེ ཏཡོ, གཱུཐབྷཱཎཱི པུཔྥབྷཱཎཱི མདྷུབྷཱཎཱི’’ཏི ཨེཝཾ ཁོ བྷགཝཏཱ བྷཱསིཏཾ.

གཱུཐབྷཱཎཱིཔུགྒལ

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ གཱུཐབྷཱཎཱིཔུགྒལོ པཀཱསིཏོ.

ཝིསྶཛྫནཱ – ཀཏམོ ཙ བྷིཀྑཝེ པུགྒལོ གཱུཐབྷཱཎཱི, ཨིདྷ བྷིཀྑཝེ ཨེཀཙྩོ པུགྒལོ སབྷགྒཏོ ཝཱ པརིསགྒཏོ ཝཱ ཉཱཏིམཛ྄ཛྷགཏོཝཱ པཱུགམཛ྄ཛྷགཏོཝཱ རཱཛཀུལམཛ྄ཛྷགཏོཝཱ ཨབྷིནཱིཏོ སཀྑིཔུཊྛོ ‘‘ཨེཧམྦྷོ པུརིས ཡཾ ཛཱནཱསི, ཏཾ ཝདེཧཱི’’ཏི. སོ ཨཛཱནཾ ཝཱ ཨཱཧ ‘‘ཛཱནཱམཱི’’ཏི, ཛཱནཾ ཝཱ ཨཱཧ ‘‘ན ཛཱནཱམཱི’’ཏི, ཨཔསྶཾ ཝཱ ཨཱཧ ‘‘པསྶཱམཱི’’ཏི, པསྶཾ ཝཱ ཨཱཧ ‘‘ན པསྶཱམཱི’’ཏི. ཨིཏི ཨཏྟཧེཏུ ཝཱ པརཧེཏུ ཝཱ ཨཱམིསཀིཉྩིཀྑཧེཏུ ཝཱ སམྤཛཱནམུསཱ བྷཱསིཏཱ ཧོཏི. ཨཡཾ ཝུཙྩཏི བྷིཀྑཝེ པུགྒལོ གཱུཐབྷཱཎཱིཏི, ཨེཝཾ ཁོ བྷནྟེ ཏཏྠ བྷགཝཏཱ གཱུཐབྷཱཎཱིཔུགྒལོ པཀཱསིཏོ.

པུཔྥབྷཱཎཱིཔུགྒལ

པུཙྪཱ – ཀཐཾ ¶ པནཱཝུསོ ཏཏྠ བྷགཝཏཱ པུཔྥབྷཱཎཱིཔུགྒལོ པཀཱསིཏོ.

ཝིསྶཛྫནཱ – ཀཏམོ ཙ བྷིཀྑཝེ པུགྒལོ པུཔྥབྷཱཎཱི, ཨིདྷ བྷིཀྑཝེ ཨེཀཙྩོ པུགྒལོ སབྷགྒཏོ ཝཱ པརིསགྒཏོ ཝཱ ཉཱཏིམཛ྄ཛྷགཏོ ཝཱ པཱུགམཛ྄ཛྷགཏོཝཱ རཱཛཀུལམཛ྄ཛྷགཏོ ཝཱ ཨབྷིནཱིཏོ སཀྑིཔུཊྛོ ‘‘ཨེཧམྦྷོ པུརིས ཡཾ པཛཱནཱསི, ཏཾ ཝདེཧཱི’’ཏི. སོ ཨཛཱནཾ ཝཱ ཨཱཧ ‘‘ན ཛཱནཱམཱི’’ཏི, ཛཱནཾ ཝཱ ཨཱཧ ‘‘ཛཱནཱམཱི’’ཏི, ཨཔསྶཾ ཝཱ ཨཱཧ ‘‘ན པསྶཱམཱི’’ཏི, པསྶཾ ཝཱ ཨཱཧ ‘‘པསྶཱམཱི’’ཏི, ཨིཏི ཨཏྟཧེཏུ ཝཱ པརཧེཏུ ཝཱ ཨཱམིསཀིཉྩིཀྑཧེཏུ ཝཱ ན སམྤཛཱནམུསཱ བྷཱསིཏཱ ཧོཏི, ཨཡཾ ཝུཙྩཏི བྷིཀྑཝེ པུགྒལོ པུཔྥབྷཱཎཱིཏི, ཨེཝཾ ཁོ བྷནྟེ ཏཏྠ བྷགཝཏཱ པུཔྥབྷཱཎཱིཔུགྒལོ པཀཱསིཏོ.

མདྷུབྷཱཎཱིཔུགྒལ

པུཙྪཱ – ཀཐཾ ¶ པནཱཝུསོ ཏཏྠ བྷགཝཏཱ མདྷུབྷཱཎཱི པུགྒལོ པཀཱསིཏོ.

ཝིསྶཛྫནཱ – ཀཏམོ ཙ བྷིཀྑཝེ པུགྒལོ མདྷུབྷཱཎཱི, ཨིདྷ བྷིཀྑཝེ ཨེཀཙྩོ པུགྒལོ ཕརུསཾ ཝཱཙཾ པཧཱཡ ཕརུསཱཡ ཝཱཙཱཡ པཊིཝིརཏོ

ཧོཏཱིཏི ¶ ཨེཝམཱདིནཱ བྷནྟེ བྷགཝཏཱ ཏཏྠ མདྷུབྷཱཎཱི པུགྒལོ པཀཱསིཏོ.

ཨནྡྷསུཏྟ

པུཙྪཱ – ཏཏྠེཝ ¶ ཨཱཝུསོ པུགྒལཝགྒེ ནཝམཾ ཨནྡྷསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – ཏཏྠེཝ བྷནྟེ པུགྒལཝགྒེ ནཝམཾ ཨནྡྷསུཏྟཾ ‘‘ཏཡོམེ བྷིཀྑཝེ པུགྒལཱ སནྟོ སཾཝིཛྫམཱནཱ ལོཀསྨིཾ. ཀཏམེ ཏཡོ ཨནྡྷོ ཨེཀཙཀྑུ དྭིཙཀྑཱུ’’ཏི, ཨེཝཾ ཁོ བྷནྟེ བྷགཝཏཱ བྷཱསིཏཾ.

པུཙྪཱ – ཀཱིདིསོ ཨཱཝུསོ པུགྒལོ ཏཏྠ བྷགཝཏཱ ཨནྡྷོ ཨཀྑཱཏོ.

ཝིསྶཛྫནཱ – ཡསྶ བྷནྟེ བྷོགེསུ ཙེཝ དྷམྨེསུ ཙ པཉྙཱཙཀྑུ ནཏྠི, ཨེདིསོ བྷནྟེ པུགྒལོ ཏཏྠ བྷགཝཏཱ ཨནྡྷོ ཨཀྑཱཏོ.

པུཙྪཱ – ཀཱིདིསོ ¶ པན ཨཱཝུསོ པུགྒལོ ཏཏྠ བྷགཝཏཱ ཨེཀཙཀྑུ ཨཀྑཱཏོ.

ཝིསྶཛྫནཱ – ཡསྶ བྷནྟེ བྷོགེསུཡེཝ པཉྙཱཙཀྑུ ཨཏྠི ན དྷམྨེསུ. ཨཱིདིསོ བྷནྟེ པུགྒལོ ཏཏྠ བྷགཝཏཱ ཨེཀཙཀྑུ ཨཀྑཱཏོ.

པུཙྪཱ – ཀཱིདིསོ ¶ པན ཨཱཝུསོ པུགྒལོ ཏཏྠ བྷགཝཏཱ དྭིཙཀྑུ ཨཀྑཱཏོ.

ཝིསྶཛྫནཱ – ཡསྶ བྷནྟེ བྷོགེསུ ཙེཝ དྷམྨེསུ ཙ པཉྙཱཙཀྑུ ཨཏྠི, ཨཱིདིསོ བྷནྟེ པུགྒལོ ཏཏྠ བྷགཝཏཱ དྭིཙཀྑུ ཨཀྑཱཏོ.

ཨཝཀུཛྫསུཏྟ

པུཙྪཱ – ཏེནཱཝུསོ ¶ བྷགཝཏཱ ཛཱནཏཱ པསྶཏཱ…པེ… སམྨཱསམྦུདྡྷེན ཨངྒུཏྟརནིཀཱཡེ ཏིཀནིཔཱཏེ པུགྒལཝགྒེ དསམཾ ཨཝཀུཛྫསུཏྟཾ ཀཐཾ བྷཱསིཏཾ.

ཝིསྶཛྫནཱ – དསམཾ བྷནྟེ ཨཝཀུཛྫསུཏྟཾ ‘‘ཏཡོ མེ བྷིཀྑཝེ པུགྒལཱ སནྟོ སཾཝིཛྫམཱནཱ ལོཀསྨིཾ. ཀཏམེ ཏཡོ, ཨཝཀུཛྫཔཉྙོ པུགྒལོ ཨུཙྪངྒཔཉྙོ པུགྒལོ པུཐུཔཉྙོ པུགྒལོ. ཀཏམོ ཙ བྷིཀྑཝེ ཨཝཀུཛྫཔཉྙོ པུགྒལོ. ཨིདྷ བྷིཀྑཝེ ཨེཀཙྩོ པུགྒལོ ཨཱརཱམཾ གནྟཱ ཧོཏི ཨབྷིཀྑཎཾ བྷིཀྑཱུནཾ སནྟིཀེ དྷམྨསྶཝནཱཡ, ཏསྶ བྷིཀྑཱུ དྷམྨཾ དེསེནྟིཨཱདིཀལྱཱཎཾ མཛ྄ཛྷེཀལྱཱཎཾ པརིཡོསཱནཀལྱཱཎཾ སཱཏྠཾ སབྱཉྫནཾ ཀེཝལཔརིཔུཎྞཾ པརིསུདྡྷཾ ¶ བྲཧྨཙརིཡཾ པཀཱསེནྟི. སོ ཏསྨིཾ ཨཱསནེ ནིསིནྣོ ཏསྶཱ ཀཐཱཡ ནེཝཱདིཾ མནསིཀརོཏི, ན མཛ྄ཛྷཾ མནསིཀརོཏི, ན པརིཡོསཱནཾ མནསིཀརོཏི, ཝུཊྛིཏོཔི ཏམྷཱ ཨཱསནཱ ཏསྶཱ ཀཐཱཡ ནེཝཱདིཾ མནསིཀརོཏི, ན མཛ྄ཛྷཾ མནསིཀརོཏི, ན པརིཡོསཱནཾ མནསིཀརོཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

དེཝདཱུཏཝགྒ, སབྲཧྨཀསུཏྟ

པུཙྪཱ – དེཝདཱུཏཝགྒེ ¶ པན ཨཱཝུསོ པཋམཾ སབྲཧྨཀསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – དེཝདཱུཏཝགྒེ བྷནྟེ པཋམཾ སབྲཧྨཀསུཏྟཾ ‘‘སབྲཧྨཀཱནི བྷིཀྑཝེ ཏཱནི ཀུལཱནི, ཡེསཾ པུཏྟཱནཾ མཱཏཱཔིཏརོ ཨཛ྄ཛྷཱགཱརེ པཱུཛིཏཱ ཧོནྟི. སཔུབྦཙརིཡཀཱནི བྷིཀྑཝེ ཏཱནི ཀུལཱནི, ཡེསཾ པུཏྟཱནཾ མཱཏཱཔིཏརོ ཨཛ྄ཛྷཱགཱརེ པཱུཛིཏཱ ཧོནྟི. ཨཱཧུནེཡྻཱནི བྷིཀྑཝེ ཏཱནི ཀུལཱནི, ཡེསཾ པུཏྟཱནཾ མཱཏཱཔིཏརོ ཨཛ྄ཛྷཱགཱརེ པཱུཛིཏཱ ཧོནྟི. བྲཧྨཱཏི བྷིཀྑཝེ མཱཏཱཔིཏཱུནཾ ཨེཏཾ ཨདྷིཝཙནཾ. པུབྦཱཙརིཡཱཏི བྷིཀྑཝེ མཱཏཱཔིཏཱུནཾ ཨེཏཾ ཨདྷིཝཙནཾ. ཨཱཧུནེཡྻཱཏི བྷིཀྑཝེ ཨེཏཾ མཱཏཱཔིཏཱུནཾ ཨདྷིཝཙནཾ. ཏཾ ཀིསྶ ཧེཏུ, བཧུཀཱརཱ བྷིཀྑཝེ མཱཏཱཔིཏརོ པུཏྟཱནཾ ཨཱཔཱདཀཱ པོསཀཱ ཨིམསྶ ལོཀསྶ དསྶེཏཱརོ’’ཏི, ཨེཝཾ ཁོ བྷནྟེ བྷགཝཏཱ བྷཱསིཏཾ.

བྲཧྨཱཏི ¶ མཱཏཱཔིཏརོ, པུབྦཱཙརིཡཱཏི ཝུཙྩརེ;

ཨཱཧུནེཡྻཱ ཙ པུཏྟཱནཾ, པཛཱཡ ཨནུཀམྤཀཱ;

ཏསྨཱ ཧི ནེ ནམསྶེཡྻ, སཀྐརེཡྻ ཙ པཎྜིཏོ;

ཨནྣེན ཨཐ པཱནེན, ཝཏྠེན སཡནེན ཙ;

ཨུཙྪཱདནེན ནྷཱཔནེན, པཱདཱནཾ དྷོཝནེན ཙ;

ཏཱཡ ནཾ པཱརིཙརིཡཱཡ, མཱཏཱཔིཏཱུསུ པཎྜིཏཱ.

ཨིདྷེཝ ནཾ པསཾསནྟི, པེཙྩ སགྒེ པམོདཏཱིཏི –

པུཙྪཱ – ཏཏྠེཝ ཨཱཝུསོ པཉྩམཾ ཧཏྠཀསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – པཉྩམཾ བྷནྟེ ཧཏྠཀསུཏྟཾ ཨཱལ༹ཝིཡཾ ཧཏྠཀཾ ཨཱལ༹ཝཀཾ ཨཱརབྦྷ བྷཱསིཏཾ. ཧཏྠཀོ བྷནྟེ ཨཱལ༹ཝཀོ བྷགཝནྟཾ ཨེཏདཝོཙ ‘‘ཀཙྩི བྷནྟེ བྷགཝཱ སུཁམསཡིཏྠཱ’’ཏི. ཏསྨིཾ བྷནྟེ ཝཏྠུསྨིཾ ‘‘ཨེཝཾ ཀུམཱར སུཁམསཡིཏྠ ཡེ ཙ པན ལོཀེ སུཁཾ སེནྟི, ཨཧཾ ཏེསཾ ཨཉྙཏརོ’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

‘‘ཀཙྩི ¶ བྷནྟེ བྷགཝཱ སུཁམསཡིཏྠ’’.

‘‘ཨེཝཾ ཀུམཱར སུཁམསཡིཏྠ, ཡེ ཙ པན ལོཀེ སུཁཾ སེནྟི, ཨཧཾ ཏེསཾ ཨཉྙཏརོ’’.

‘‘ཨེཝཾ ¶ ཀུམཱར སུཁམསཡིཏྠ, ཡེ ཙ པན ལོཀེ སུཁཾ སེནྟི, ཨཧཾ ཏེསཾ ཨཉྙཏརོ’’.

‘‘སབྦདཱ ¶ ཝེ སུཁཾ སེཏི,

བྲཱཧྨཎོ པརིནིབྦུཏོ;

ཡོ ན ལིམྤཏི ཀཱམེསུ,

སཱིཏིབྷཱུཏོ ནིརཱུཔདྷི;

སབྦཱ ཨཱསཏྟིཡོ ཚེཏྭཱ,

ཝིནེཡྻ ཧདཡེ དརཾ;

ཨུཔསནྟོ སུཁཾ སེཏི;

སནྟིཾ པཔྤུཡྻ ཙེཏསོ’’ ཧུ –

དེཝདཱུཏསུཏྟ

པུཙྪཱ – ཏེནཱཝུསོ བྷགཝཏཱ…པེ… སམྨཱསམྦུདྡྷེན ཨངྒུཏྟརནིཀཱཡེ ཏིཀནིཔཱཏེ དེཝདཱུཏཝགྒེ ཚཊྛཾ དེཝདཱུཏསུཏྟཾ ཀཐཾ བྷཱསིཏཾ.

ཝིསྶཛྫནཱ – ཚཊྛཾ ¶ བྷནྟེ དེཝདཱུཏསུཏྟཾ ‘‘ཏཱིཎིམཱནི བྷིཀྑཝེ དེཝདཱུཏཱནི. ཀཏམཱནི ཏཱིཎི, ཨིདྷ བྷིཀྑཝེ ཨེཀཙྩོ ཀཱཡེན དུཙྩརིཏཾ ཙརཏི, ཝཱཙཱཡ དུཙྩརིཏཾ ཙརཏི, མནསཱ དུཙྩརིཏཾ ཙརཏི. སོ ཀཱཡེན དུཙྩརིཏཾ ཙརིཏྭཱ ཝཱཙཱཡ དུཙྩརིཏཾ ཙརིཏྭཱ མནསཱ དུཙྩརིཏཾ ཙརིཏྭཱ ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔཛྫཏི. ཏམེནཾ བྷིཀྑཝེ ནིརཡཔཱལཱ ནཱནཱབཱཧཱསུ གཧེཏྭཱ ཡམསྶ རཉྙོ དསྶེནྟི-ཨཡཾ དེཝ པུརིསོ ཨམཏྟེཡྻོ ཨཔེཏྟེཡྻོ ཨསཱམཉྙོ ཨབྲཧྨཉྙོ, ན ཀུལེ ཛེཊྛཔཙཱཡཱི, ཨིམསྶ དེཝོ དཎྜཾ པཎེཏཱུ’’ཏི. ཨེཝཾ ཁོ བྷནྟེ བྷགཝཏཱ བྷཱསིཏཾ.

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ ཡམསྶ རཉྙོ པཋམདེཝདཱུཏ སམནུཡུཉྫནཱ པཀཱསིཏཱ.

ཝིསྶཛྫནཱ – ཏམེནཾ བྷིཀྑཝེ ཡམོ རཱཛཱ པཋམཾ དེཝདཱུཏཾ སམནུཡུཉྫཏི སམནུགཱཧཏི སམནུབྷཱསཏི ‘‘ཨམྦྷོ པུརིས ན ཏྭཾ ཨདྡས མནུསྶེསུ པཋམཾ དེཝདཱུཏཾ པཱཏུབྷཱུཏ’’ནྟི ཨེཝམཱདིནཱ བྷནྟེ ཏཏྠ བྷགཝཏཱ ཡམསྶ རཉྙོ པཋམདེཝདཱུཏསམནུཡུཉྫནཱ པཀཱསིཏཱ.

‘‘ཨམྦྷོ པུརིས ན ཏྭཾ ཨདྡས མནུསྶེསུ པཋམཾ དེཝདཱུཏཾ པཱཏུབྷཱུཏཾ’’.

དུཏིཡ དེཝདཱུཏ

པུཙྪཱ – ཀཐཾ ¶ པནཱཝུསོ ཏཏྠ བྷགཝཏཱ ཡམསྶ རཉྙོ དུཏིཡདེཝདཱུཏ སམནུཡུཉྫནཱ པཀཱསིཏཱ.

ཝིསྶཛྫནཱ – ཏམེནཾ བྷིཀྑཝེ ཡམོ རཱཛཱ པཋམཾ དེཝདཱུཏཾ སམནུཡུཉྫིཏྭཱ སམནུགཱཧིཏྭཱ སམནུབྷཱསིཏྭཱ དུཏིཡཾ དེཝདཱུཏཾ སམནུཡུཉྫཏི སམནུགཱཧཏི སམནུབྷཱསཏི ‘‘ཨམྦྷོ པུརིས ན ཏྭཾ ཨདྡས མནུསྶེསུ དུཏིཡཾ དེཝདཱུཏཾ པཱཏུབྷཱུཏ’’ནྟི ཨེཝམཱདིནཱ བྷནྟེ ཏཏྠ བྷགཝཏཱ ཡམསྶ རཉྙོ དུཏིཡཱ དེཝདཱུཏསམནུཡུཉྫནཱ པཀཱསིཏཱ.

‘‘ཨམྦྷོ ¶ པུརིས ན ཏྭཾ ཨདྡས མནུསྶེསུ དུཏིཡ དེཝདཱུཏཾ པཱཏུབྷཱུཏཾ’’.

‘‘ཨམྦྷོ པུརིས ན ཏྭཾ ཨདྡས མནུསྶེསུ ཨིཏྠཱིཾ ཝཱ པུརིསཾ ཝཱ ཨཱབཱདྷིཀཾ དུཀྑིཏཾ བཱལ༹ྷགིལཱནཾ སཀེ མུཏྟཀརཱིསེ པལིཔནྣཾ སེམཱནཾ ཨཉྙེཧི ཝུཊྛཱཔིཡམཱནཾ ཨཉྙེཧི སཾཝེསིཡམཱནཾ’’ –

ཏཏིཡ དེཝདཱུཏ

པུཙྪཱ – ཀཐཾ ¶ པནཱཝུསོ ཏཏྠ བྷགཝཏཱ ཡམསྶ རཉྙོ ཏཏིཡདེཝདཱུཏ སམནུཡུཉྫནཱ པཀཱསིཏཱ.

ཝིསྶཛྫནཱ – ཏམེནཾ བྷིཀྑཝེ ཡམོ རཱཛཱ དུཏིཡཾ དེཝདཱུཏཾ སམནུཡུཉྫིཏྭཱ སམནུགཱཧིཏྭཱ སམནུབྷཱསིཏྭཱ ཏཏིཡཾ དེཝདཱུཏཾ སམནུཡུཉྫཏི སམནུགཱཧཏི སམནུབྷཱསཏི ‘‘ཨམྦྷོ པུརིས ནཏྭཾ མནུསྶེསུ ཏཏིཡཾ དེཝདཱུཏཾ པཱཏུབྷཱུཏནྟི’’ ཨེཝམཱདིནཱ བྷནྟེ ཏཏྠ བྷགཝཏཱ ཡམསྶ རཉྙོ ཏཏིཡཱ དེཝདཱུཏསམནུཡུཉྫནཱ པཀཱསིཏཱ.

‘‘ཨམྦྷོ པུརིས ན ཏྭཾ ཨདྡས མནུསྶེསུ ཏཏིཡཾ དེཝདཱུཏཾ པཱཏུབྷཱུཏཾ’’.

‘‘ཨམྦྷོ ¶ པུརིས ན ཏྭཾ ཨདྡས མནུསྶེསུ ཨིཏྠིཾ ཝཱ པུརིསཾ ཝཱ ཨེཀཱཧམཏཾ ཝཱ དྭཱིཧམཏཾ ཝཱ ཏཱིཧམཏཾ ཝཱ ཨུདྡྷུམཱཏཀཾ ཝིནཱིལཀཾ ཝིཔུབྦཀཛཱཏཾ’’ –

‘‘ནཱསཀྑིསྶཾ བྷནྟེ པམཱདསྶཾ བྷནྟེ’’ –

པུཙྪཱ – ཀཐཾ ¶ པནཱཝུསོ ཏཏྠ བྷགཝཏཱ ནེརཡིཀསྶ སཏྟསྶ ནིརཡ དུཀྑཔཊིསཾཝེདནཱ པཀཱསིཏཱ.

ཝིསྶཛྫནཱ – ཏམེནཾ བྷིཀྑཝེ ‘‘ཡམོ རཱཛཱ ཏཏིཡཾ དེཝདཱུཏཾ སམནུཡུཉྫིཏྭཱ སམནུགཱཧིཏྭཱ སམནུབྷཱསིཏྭཱ ཏུཎྷཱི ཧོཏི. ཏམེནཾ བྷིཀྑཝེ ནིརཡཔཱལཱ པཉྩཝིདྷབནྡྷནཾ ནཱམ ཀཱརཎཾ ཀརོནྟི, ཏཏྟཾ ཨཡོཁིལཾ ཧཏྠེ གམེནྟི, ཏཏྟཾ ཨཡོཁིལཾ དུཏིཡསྨིཾ ཧཏྠེ གམེནྟི, ཏཏྟཾ ཨཡོཁིལཾ པཱདེ གམེནྟི, ཏཏྟཾ ཨཡོཁིལཾ དུཏིཡསྨིཾ པཱདེ གམེནྟི, ཏཏྟཾ ཨཡོཁིལཾ མཛ྄ཛྷེཨུརསྨིཾ གམེནྟི. སོ ཏཏྠ དུཀྑཱ ཏིབྦཱ ཁརཱ ཀཊུཀཱ ཝེདནཱ ཝེདཡཏི, ན ཙ ཏཱཝ ཀཱལཾ ཀརོཏི, ཡཱཝ ན ཏཾ པཱཔཀམྨཾ བྱནྟཱིཧོཏཱི’’ཏི ཨེཝམཱདིནཱ བྷནྟེ ཏཏྠ བྷགཝཏཱ ནེརཡིཀསྶ ནིརཡདུཀྑཔཊིསཾཝེདནཱ པཀཱསིཏཱ.

སཾཝེཛནཱིཡཀཐཱ

པུཙྪཱ – ཀཐཾ ¶ པནཱཝུསོ ཏཏྠ བྷགཝཏཱ སཾཝེཛནཱིཡཀཐཱ ཀཐིཏཱ.

ཝིསྶཛྫནཱ – བྷཱུཏཔུབྦཾ བྷིཀྑཝེ ཡམསྶ རཉྙོ ཨེཏདཧོསི ‘‘ཡེ ཀིར བྷོ ལོཀེ པཱཔཀཱནི ཀམྨཱནི ཀརོནྟི, ཏེ ཨེཝརཱུཔཱ ཝིཝིདྷཱ ཀམྨཀརཎཱ ཀརཱིཡནྟི, ཨཧོཝཏཱཧཾ མནུསྶཏྟཾ ལབྷེཡྻཾ, ཏཐཱགཏོ ཙ ལོཀེ ཨུཔྤཛྫེཡྻ ཨརཧཾ སམྨཱསམྦུདྡྷོ’’ཏི ཨེཝམཱདིནཱ བྷནྟེ ཏཏྠ བྷགཝཏཱ སཾཝེཛནཱིཡཀཐཱ ཀཐིཏཱ.

‘‘ཡེ ¶ ཀིར བྷོ ལོཀེ པཱཔཀཱནི ཀམྨཱནི ཀརོནྟི’’.

‘‘ཙོདིཏཱ ¶ དེཝདཱུཏེཧི, ཡེ པམཛྫནྟི མཱཎཝཱ;

ཏེ དཱིགྷརཏྟཾ སོཙནྟི, ཧཱིནཀཱཡཱུཔགཱ ནརཱ.

ཡེ ཙ ཁོ དེཝདཱུཏེཧི, སནྟོ སཔྤུརིསཱ ཨིདྷ;

ཙོདིཏཱ ན པམཛྫནྟི, ཨརིཡདྷམྨེ ཀུདཱཙནཾ.

ཨུཔཱདཱནེ བྷཡཾ དིསྭཱ, ཛཱཏིམརཎསམྦྷཝེ;

ཨནུཔཱདཱ ཝིམུཙྩནྟི, ཛཱཏིམརཎསངྑཡེ.

ཏེ ཨཔྤམཏྟཱ སུཁིནོ, དིཊྛདྷམྨཱབྷིནིབྦུཏཱ;

སབྦཝེརབྷཡཱཏཱིཏཱ, སབྦདུཀྑཾ ཨུཔཙྩགུཾ’’ ཧུ –

ཙཏུམཧཱརཱཛསུཏྟ

པུཙྪཱ – ཏེནཱཝུསོ བྷགཝཏཱ…པེ… སམྨཱསམྦུདྡྷེན ཨངྒུཏྟརནིཀཱཡེ ཏིཀནིཔཱཏེ དེཝདཱུཏཝགྒེ ཨཊྛམཾ ཙཏུམཧཱརཱཛསུཏྟཾ ཀཐཾ བྷཱསིཏཾ.

ཝིསྶཛྫནཱ – ཨཊྛམཾ བྷནྟེ ཙཏུམཧཱརཱཛསུཏྟཾ ‘‘ཨཊྛམིཡཾ བྷིཀྑཝེ པཀྑསྶ ཙཏུནྣཾ མཧཱརཱཛཱནཾ ཨམཙྩཱ པཱརིསཛྫཱ ཨིམཾ ལོཀཾ ཨནུཝིཙརནྟི ཀཙྩི བཧཱུ མནུསྶཱ མནུསྶེསུ མཏྟེཡྻཱ པེཏྟེཡྻཱ སཱམཉྙཱ བྲཧྨཉྙཱ ཀུལེ ཛེཊྛཔཙཱཡིནོ, ཨུཔོསཐཾ ཨུཔཝསནྟི པཊིཛཱགརོནྟི, པུཉྙཱནི ཀརོནྟཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཨཔྤཀཱ ¶ ཁོ མཱརིསཱ མནུསྶཱ མནུསྶེསུ མཏྟེཡྻཱ པེཏྟེཡྻཱ སཱམཉྙཱ བྲཧྨཉྙཱ ཀུལེ ཛེཊྛཔཙཱཡིནོ, ཨུཔོསཐཾ ཨུཔཝསནྟི པཊིཛཱགརོནྟི, པུཉྙཱནི ཀརོནྟི.

‘‘དིབྦཱ ¶ ཝཏ བྷོ ཀཱཡཱ པརིཧཱཡིསྶནྟི, པརིཔཱུརིསྶནྟི ཨསུར ཀཱཡཱ’’ –

བཧཱུ ཁོ མཱརིསཱ མནུསྶཱ མནུསྶེསུ མཏྟེཡྻཱ པེཏྟེཡྻཱ སཱམཉྙཱ བྲཧྨཉྙཱ ཀུལེ ཛེཊྛཔཙཱཡིནོ, ཨུཔོསཐཾ ཨུཔཝསནྟི པཊིཛཱགརོནྟི, པུཉྙཱནི ཀརོནྟི.

‘‘དིབྦཱ ¶ ཝཏ བྷོ ཀཱཡཱ པརིཔཱུརིསྶནྟི, པརིཧཱཡིསྶནྟི ཨསུར ཀཱཡཱ’’ –

ཨཱདྷིཔཏེཡྻཱསུཏྟ

པུཙྪཱ – ཏཏྠེཝ ཨཱཝུསོ དསམཾ ཨཱདྷིཔཏེཡྻསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – ཏཏྠེཝ བྷནྟེ དསམཾ ཨཱདྷིཔཏེཡྻསུཏྟཾ ‘‘ཏཱིཎིམཱནི བྷིཀྑཝེ ཨཱདྷིཔཏེཡྻཱནི. ཀཏམཱནི ཏཱིཎི, ཨཏྟཱདྷིཔཏེཡྻཾ ལོཀཱདྷིཔཏེཡྻཾ དྷམྨཱདྷིཔཏེཡྻཾ. ཀཏམཉྩ བྷིཀྑཝེ ཨཏྟཱདྷིཔཏེཡྻཾ, ཨིདྷ བྷིཀྑཝེ བྷིཀྑུ ཨརཉྙགཏོ ཝཱ རུཀྑམཱུལགཏོ ཝཱ སུཉྙཱགཱརགཏོ ཝཱ ཨིཏི པཊིསཉྩིཀྑཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

བྲཱཧྨཎཝགྒ, པརིབྦཱཛཀསུཏྟ

པུཙྪཱ – བྲཱཧྨཎཝགྒེ ¶ ཨཱཝུསོ ཙཏུཏྠཾ པརིབྦཱཛཀསུཏྟཾ བྷགཝཏཱ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – བྲཱཧྨཎཝགྒེ བྷནྟེ ཙཏུཏྠཾ པརིབྦཱཛཀསུཏྟཾ ཨཉྙཏརཾ བྲཱཧྨཎ པརིབྦཱཛཀཾ ཨཱརབྦྷ བྷཱསིཏཾ. ཨཉྙཏརོ བྷནྟེ བྲཱཧྨཎཔརིབྦཱཛཀོ བྷགཝནྟཾ ཨེཏདཝོཙ ‘‘སནྣིཊྛིཀོ དྷམྨོ སནྡིཊྛིཀོ དྷམྨོཏི བྷོ གོཏམ ཝུཙྩཏི, ཀིཏྟཱཝཏཱནུ ཁོ བྷོ གོཏམ སནྡིཊྛིཀོ དྷམྨོ ཧོཏི ཨཀཱལིཀོ ཨེཧིཔསྶིཀོ ཨོཔནེཡྻིཀོ པཙྩཏྟཾ ཝེདིཏབྦོ ཝིཉྙཱུཧཱི’’ཏི. ཏསྨིཾ བྷནྟེ ཝཏྠུསྨིཾ ‘‘རཏྟོ ཁོ བྲཱཧྨཎ རཱགེན ཨབྷིབྷཱུཏོ པརིཡཱདིནྣཙིཏྟོ ཨཏྟབྱཱབཱདྷཱཡཔི ཙེཏེཏི, པརབྱཱབཱདྷཱཡཔི ཙེཏེཏི, ཨུབྷཡ བྱཱབཱདྷཱཡཔི ཙེཏེཏི, ཙེཏསིཀམྤི དུཀྑཾ དོམནསྶཾ པཊིསཾཝེདེཏི, རཱགེ པཧཱིནེ ནེཝཏྟབྱཱབཱདྷཱཡཔི ཙེཏེཏི, ནཔརབྱཱབཱདྷཱཡཔི ཙེཏེཏི, ནཨུབྷཡབྱཱབཱདྷཱཡཔི ཙེཏེཏི, ནཙེཏསིཀཾ དུཀྑཾ དོམནསྶཾ པཊིསཾཝེདེཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཝཙྪགོཏྟསུཏྟ

པུཙྪཱ – ཏཏྠེཝ ¶ ཨཱཝུསོ སཏྟམཾ ཝཙྪགོཏྟསུཏྟཾ བྷགཝཏཱ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – སཏྟམཾ བྷནྟེ ཝཙྪགོཏྟསུཏྟཾ ཝཙྪགོཏྟཾ པརིབྦཱཛཀཾ ཨཱརབྦྷ བྷཱསིཏཾ. ཝཙྪགོཏྟོ བྷནྟེ པརིབྦཱཛཀོ བྷགཝནྟཾ ཨེཏདཝོཙ ‘‘སུཏཾ མེཏཾ བྷོ གོཏམ སམཎོ གོཏམོ ཨེཝམཱཧ ‘‘མཡ྄ཧམེཝ དཱནཾ དཱཏབྦཾ, ནཱཉྙེསཾ དཱནཾ དཱཏབྦ. (པེཡྻཱལ) ཨནབྦྷཀྑཱ ཏུཀཱམཱཧི མཡཾ བྷཝནྟཾ གོཏམ’’ནྟི. ཏསྨིཾ བྷནྟེ ཝཏྠུསྨིཾ ‘‘ཡེ ཏེ ཝཙྪ ཨེཝམཱཧཾསུ སམཎོ གོཏམོ ཨེཝམཱཧ མཡ྄ཧམེཝ དཱནཾ དཱཏབྦཾ, ནཱཉྙེསཾ དཱཏབྦ’’ནྟི ཨེཝམཱདིནཱ བྷགཝཏཱ བྷཱསིཏཾ.

སངྒཱརཝསུཏྟ

པུཙྪཱ – ཏཏྠེཝ ¶ ཨཱཝུསོ དསམཾ སངྒཱརཝསུཏྟཾ བྷགཝཏཱ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – དསམཾ ¶ བྷནྟེ སངྒཱརཝསུཏྟཾ སངྒཱརཝཾ བྲཱཧྨཎཾ ཨཱརབྦྷ བྷཱསིཏཾ. སངྒཱརཝོ བྷནྟེ བྲཱཧྨཎོ བྷགཝནྟཾ ཨེཏདཝོཙ ‘‘མཡམསྶུ བྷོ གོཏམ བྲཱཧྨཎཱ ནཱམ ཡཉྙཾ ཡཛཱམཔི ཡཛཱཔེམཔི, ཏཏྲ བྷོ གོཏམ ཡོ ཙེཝ ཡཛཏི ཡོ ཙ ཡཛཱཔེཏི, སབྦེ ཏེ ཨནེཀསཱརཱིརིཀཾ པུཉྙཔྤཊིཔདཾ པཊིཔནྣཱ ཧོནྟི, ཡདིདཾ ཡཉྙཱདྷིཀརཎཾ, ཡོཔནཱཡཾ བྷོ གོཏམ ཡསྶ ཝཱ ཀུལཱ ཨགཱརསྨཱ ཨནགཱརིཡཾ པབྦཛིཏོ ཨེཀམཏྟཱནཾ དམེཏི, ཨེཀམཏྟཱནཾ སམེཏི, ཨེཀམཏྟཱནཾ པརིནིབྦཱཔེཏི, ཨེཝམསྶཱཡཾ ཨེཀསཱརཱིརིཀཾ པུཉྙཔྤཊིཔདཾ པཊིཔནྣོ ཧོཏི, ཡདིདཾ པབྦཛྫཱདྷིཀརཎ’’ནྟི. ཏསྨིཾ བྷནྟེ ཝཏྠུསྨིཾ ‘‘ཏེནཧི བྲཱཧྨཎ ཏཉྙེཝེཏྠ པཊིཔུཙྪིསྶཱམི, ཡཐཱ ཏེ ཁམེཡྻ, ཏཐཱ ནཾ བྱཱཀརེཡྻཱསཱི’’ཏི ཨེཝམཱདིནཱ བྷགཝཏཱ བྷཱསིཏཾ.

‘‘ཨིཙྩཱཡཔི ¶ བྷོ གོཏམ ཨེཝཾ བྷནྟེ ཨནེཀསཱརཱིརིཀཱ པུཉྙཔྤཊིཔདཱ ཧོཏི’’ –

པུཙྪཱ – ཏཏྠེཝ ཨཱཝུསོ དུཏིཡ ཨནུསནྡྷིམྷི བྷགཝཏཱ ཀཱིདིསཱི དྷམྨདེསནཱ དེསིཏཱ.

ཝིསྶཛྫནཱ – ཏཏྠེཝ བྷནྟེ དུཏིཡེ ཨནུསནྡྷིམྷི ཏིཝིདྷཱ པཱཊིཧཱརིཡཱ པཊིསཾཡུཏྟཱ དྷམྨདེསནཱ བྷགཝཏཱ དེསིཏཱ.

‘‘སེཡྻཐཱཔི ¶ བྷཝཾ གོཏམོ བྷཝཉྩཱནནྡོ, ཨེཏེ མེ པུཛྫཱ ཨེཏེ མེ པཱསཾསཱ’’ –

‘‘སེཡྻཐཱཔི བྷཝཾ གོཏམོ བྷཝཉྩཱནནྡོ, ཨེཏེ མེ པུཛྫཱ ཨེཏེ མེ པཱསཾསཱ’’ –

མཧཱཝགྒ, ཝེནཱགཔུརསུཏྟ

པུཙྪཱ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན ཨངྒུཏྟརནིཀཱཡེ ཏིཀནིམཱཏེ མཧཱཝགྒེ ཏཏིཡཾ ཝེནཱགཔུརསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – ཀོསལེསུ བྷནྟེ ཝེནཱགཔུརེ ནཱམ བྲཱཧྨཎཱནཾ གཱམེ ཝེནཱགཔུརིཀཾ ཝཙྪགོཏྟཾ བྲཱཧྨཎཾ ཨཱརབྦྷ བྷཱསིཏཾ. ཝེནཱགཔུརིཀོ བྷནྟེ ཝཙྪགོཏྟོ བྲཱཧྨཎོ བྷགཝནྟཾ ཨེཏདཝོཙ ‘‘ཨཙྪརིཡཾ བྷོ གོཏམ, ཨབྦྷུཏཾ བྷོ གོཏམ, ཡཱཝཉྩིདཾ བྷོཏོ གོཏམསྶ ཝིཔྤསནྣཱནི ཨིནྡྲིཡཱནི, པརིསུདྡྷོ ཚཝིཝཎྞོ པརིཡོདཱཏོ (པེཡྻཱལ) ཨེཝརཱུཔཱནཾ ནཱུན བྷཝཾ གོཏམོ ཨུཙྩཱསཡན མཧཱསཡནཱནཾ ནིཀཱམལཱབྷཱི ཨཀིཙྪལཱབྷཱི’’ཏི. ཏསྨིཾ བྷནྟེ ཝཏྠུསྨིཾ ‘‘ཡཱནི ཁོ པན ཏཱནི བྲཱཧྨཎ ཨུཙྩཱསཡན མཧཱསཡནཱནི. སེཡྻཐིདཾ, ཨཱསནྡི པལླངྐོ གོནཀོ ཙིཏྟཀོ ¶ པཊིཀཱ པཊལིཀཱ ཏཱུལིཀཱ ཝིཀཏིཀཱ ཨུདྡལོམཱི ཨེཀནྟལོམཱི ཀཊྚིསྶཾ ཀོསེཡྻཾ ཀུཊྚཀཾ ཧཏྠཏྠརཾ ཨསྶཏྠརཾ རཐཏྠརཾ ཨཛིནཔྤཝེཎཱི ཀདལིམིགཔཝརཔཙྩཏྠརཎཾ སཨུཏྟརཙྪདཾ ཨུབྷཏོལོཧིཏཀཱུཔདྷཱནཾ. དུལླབྷཱནི ཏཱནི པབྦཛིཏཱནཾ, ལདྡྷཱ ཙ པན ནཀཔྤནྟཱི’’ཏི ཨེཝམཱདིནཱ བྷགཝཏཱ བྷཱསིཏཾ.

‘‘ཨཙྪརིཡཾ བྷོ གོཏམ ཨབྦྷུཏཾ བྷོ གོཏམ’’.

དིབྦ ཨུཙྩཱསཡནམཧཱསཡན

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ དིབྦཾ ཨུཙྩཱསཡནམཧཱསཡནཾ དེསིཏཾ.

ཝིསྶཛྫནཱ – ཨིདྷཱཧཾ བྲཱཧྨཎ ཡཾ གཱམཾ ཝཱ ནིགམཾ ཝཱ ཨུཔནིསྶཱཡ ཝིཧརཱམི, སོ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཏམེཝ གཱམཾ ཝཱ ནིགམཾ ཝཱ པིཎྜཱཡ པཝིསཱམི, སོ པཙྪཱབྷཏྟཾ པིཎྜཔཱཏཔཊིཀྐནྟོ ཝནནྟཉྙེཝ པཝིསཱམཱིཏི ཨེཝམཱདིནཱ བྷནྟེ ཏཏྠ བྷགཝཏཱ དིབྦཾ ཨུཙྩཱསཡནམཧཱསཡནཾ དེསིཏཾ.

བྲཧྨ ཨུཙྩཱསཡནམཧཱསཡན

པུཙྪཱ – ཀཐཉྩཱཝུསོ ཏཏྠ བྷགཝཏཱ བྲཧྨཾ ཨུཙྩཱསཡནམཧཱསཡནཾ དེསིཏཾ.

ཝིསྶཛྫནཱ – ཨིདྷཱཧཾ བྲཱཧྨཎཾ ཡཾ གཱམཾ ཝཱ ནིགམཾ ཝཱ ཨུཔནིསྶཱཡ ཝིཧརཱམི, སོ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཏམེཝ གཱམཾ ཝཱ ནིགམཾ ¶ ཝཱ པིཎྜཱཡ པཝིསཱམཱིཏི ཨེཝམཱདིནཱ བྷནྟེ ཏཏྠ བྷགཝཏཱ བྲཧྨཨུཙྩཱསཡནམཧཱསཡནཾ དེསིཏཾ.

ཀཏམཾ པན ཏཾ བྷོ གོཏམ བྲཧྨཨུཙྩཱསཡནམཧཱསཡནཾ.

ཨརིཡ ཨུཙྩཱསཡནམཧཱསཡན

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ ཨརིཡཾ ཨུཙྩཱསཡནམཧཱསཡནཾ དེསིཏཾ.

ཝིསྶཛྫནཱ – ཨིདྷཱཧཾ ¶ བྲཱཧྨཎ ཡཾ གཱམཾ ཝཱ ནིགམཾ ཝཱ ཨུཔནིསྶཱཡ ཝིཧརཱམི, སོ པུབྦཎྷསམཡཾ ནིཝཱསེཏྭཱ པཏྟཙཱིཝརམཱདཱཡ ཏམེཝ གཱམཾ ཝཱ ནིགམཾ ཝཱ པིཎྜཱཡ པཝིསཱམི. སོ པཙྪཱབྷཏྟཾ པིཎྜཔཱཏ པཊིཀྐནྟོ ཝནནྟཉྙེཝ པཝིསཱམཱིཏི ཨེཝམཱདིནཱ བྷནྟེ ཏཏྠ བྷགཝཏཱ ཨརིཡཾ ཨུཙྩཱསཡནམཧཱསཡནཾ དེསིཏཾ.

པུཙྪཱ – ཏཏྠེཝ ¶ ཨཱཝུསོ མཧཱཝགྒེ པཉྩམཾ ཀེསམུཏྟིསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – ཀོསལེསུ བྷནྟེ ཀེསམུཏྟེནཱམ ཀཱལཱམཱནཾ ནིགམེ ཀེསམུཏྟིཡེ ཀཱལཱམེ ཨཱརབྦྷ བྷཱསིཏཾ. ཀེསམུཏྟིཡཱ བྷནྟེ ཀཱལཱམཱ བྷགཝནྟཾ ཨེཏདཝོཙུཾ ‘‘སནྟི བྷནྟེ ཨེཀེ སམཎ བྲཱཧྨཎཱ ཀེསམུཏྟཾ ཨཱགཙྪནྟི, ཏེ སཀཾཡེཝ ཝཱདཾ དཱིཔེནྟི, ཛོཏེནྟི, པརཔྤཝཱདཾ པན ཁུཾསེནྟི ཝམྦྷེནྟི པརིབྷཝནྟི, ཨོམཀྑིཾ ཀརོནྟི, ཨཔརེཔི བྷནྟེ ཨེཀེ སམཎབྲཱཧྨཎཱ ཀེསམུཏྟཾ ཨཱགཙྪནྟི, ཏེཔི སཀཾཡེཝ ཝཱདཾ དཱིཔེནྟི ཛོཏེནྟི, པརཔྤཝཱདཾ པན ཁུཾསེནྟི ཝམྦྷེནྟི པརིབྷཝནྟི, ཨོམཀྑིཾ ཀརོནྟི. ཏེསཾ ནོ བྷནྟེ ཨམྷཱཀཾ ཧོཏེཝ ཀངྑཱ, ཧོཏི ཝིཙིཀིཙྪཱ ཀོ སུ ནཱམ ཨིམེསཾ བྷཝཏཾ སམཎབྲཱཧྨཎཱནཾ སཙྩཾ ཨཱཧ, ཀོ མུསཱ’’ཏི. ཏསྨིཾ བྷནྟེ ཝཏྠུསྨིཾ ‘‘ཨལཉྷི ཝོ ཀཱལཱམཱ ཀངྑིཏུཾ ཨལཾ ཝིཙིཀིཙྪིཏུཾ, ཀངྑཱིཡེཝ པན ཝོ ཋཱནེ ཝིཙིཀིཙྪཱ ཨུཔྤནྣཱ’’ཏི ཨེཝ མཱདིནཱ བྷགཝཏཱ བྷཱསིཏཾ.

ཨུཔོསཏསུཏྟ

པུཙྪཱ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན ཨངྒུཏྟརནིཀཱཡེ ཏིཀནིཔཱཏེ མཧཱཝགྒེ དསམཾ ཨུཔོསཐསུཏྟཾ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཝིསཱཁཾ མིགཱརམཱཏརཾ ཨཱརབྦྷ ‘‘ཏཡོ ཁོ མེ ཝིསཱཁེ ཨུཔོསཐཱ. ཀཏམེ ཏཡོ. གོཔཱལཀུཔོསཐོ ནིགཎྛུཔོསཐོ ཨརིཡུཔོསཐོ’’ཏི ཨེཝཾ ཁོ བྷགཝཏཱ བྷཱསིཏཾ.

ཧནྡ ཀུཏོ ནུ ཏྭཾ ཝིསཱཁེ ཨཱགཙྪསི དིཝཱ དིཝསྶ.

‘‘ཏཡོ ¶ ཁོ མེ ཝིསཱཁེ ཨུཔོསཐཱ. ཀཏམེ ཏཡོ, གོཔཱལཀུཔོསཐོ ནིགཎྛུཔོསཐོ ཨརིཡུཔོསཐོ’’ –

གོཔཱལཀཨུཔུགྒལ

པུཙྪཱ – ཀཐཉྩཱཝུསོ ཏཏྠ བྷགཝཏཱ གོཔཱལཀུཔོསཐོ པཀཱསིཏོ.

ཝིསྶཛྫནཱ – ཀཐཉྩ ཝིསཱཁེ གོཔཱལཀུཔོསཐོ ཧོཏི, སེཡྻཐཱཔི ཝིསཱཁེ གོཔཱལཀོ སཱཡནྷསམཡེ སཱམིཀཱནཾ གཱཝོ ནིཡྻཱཏེཏྭཱ ཨིཏི པཊིསཉྩིཀྑཏི ‘‘ཨཛྫ ཁོ གཱཝོ ཨམུཀསྨིཉྩ ཨམུཀསྨིཉྩ པདེསེ ཙརིཾསུ, ཨམུཀསྨིཉྩ ཨམུཀསྨིཉྩ པདེསེ པཱནཱིཡཱནི པིཝིཾསུ.

སྭེ ¶ དཱནི གཱཝོ ཨམུཀསྨིཉྩ ཨམུཀསྨིཉྩ པདེསེ ཙརིསྶནྟི, ཨམུཀསྨིཉྩ ཨམུཀསྨིཉྩ པདེསེ པཱནཱིཡཱནི པིཝིསྶནྟཱི’’ཏི ཨེཝམཱདིནཱ བྷནྟེ ཏཏྠ བྷགཝཏཱ གོཔཱལཀུཔོསཐོ པཀཱསིཏོ.

ནིགཎྛཨུཔུགྒལ

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ ནིགཎྛུཔོསཐོ པཀཱསིཏོ.

ཝིསྶཛྫནཱ – ཀཐཉྩ ཝིསཱཁེ ནིགཎྛུཔོསཐོ ཧོཏི, ཨཏྠི ཝིསཱཁེ ནིགཎྛཱནཱམ སམཎཛཱཏིཀཱ, ཏེ སཱཝཀཾ ཨེཝཾ སམཱདཔེནྟི, ‘‘ཨེཧིཏྭཾ ཨམྦྷོཔུརིས ཡེ པུརཏྠིམཱཡ དིསཱཡ པཱཎཱ པརཾ ཡོཛནསཏཾ, ཏེསུ དཎྜཾ ནིཀྑིཔཱཧི, ཡེ པཙྪིམཱཡ དིསཱཡ. ཡེ ཨུཏྟརཱཡ དིསཱཡ. ཡེ དཀྑིཎཱཡ དིསཱཡ པཱཎཱ པརཾ ཡོཛནསཏཾ, ཏེསུ དཎྜཾ ནིཀྑིཔཱཧཱི’’ཏི ཨེཝམཱདིནཱ བྷནྟེ ཏཏྠ བྷགཝཏཱ ནིགཎྛུཔོསཐོ པཀཱསིཏོ.

ཨེཧི ¶ ཏྭཾ ཨམྦྷོ པུརིས.

ཨེཧི ཏྭཾ ཨམྦྷོ པུརིས སབྦཙེལཱནི ནིཀྑིཔིཏྭཱ ཨེཝཾ ཝདེཧི.

ནཱཧཾ ¶ ཀྭཙནི ཀསྶཙི ཀིཉྩནཏསྨིཾ, ན ཙ མམ ཀྭཙནི ཀཏྠཙི ཀིཉྩན ཏཏྠི.

ཨརིཡཱ ཨུཔོསཐོ

པུཙྪཱ – ཀཐཉྩཱཝུསོ ¶ ཏཏྠ བྷགཝཏཱ ཨརིཡུཔོསཐོ ཝིཏྠཱརེན ཝིབྷཛིཏྭཱ པཀཱསིཏོ.

ཝིསྶཛྫནཱ – ཀཐཉྩ ཝིསཱཁེ ཨརིཡུཔོསཐོ ཧོཏི, ཨུཔཀྐིལིཊྛསྶ ཝིསཱཁེ ཙིཏྟསྶ ཨུཔཀྐམེན པརིཡོདཔནཱ ཧོཏི. ཀཐཉྩ ཝིསཱཁེ ཨུཔཀྐིལིཊྛསྶ ཙིཏྟསྶ ཨུཔཀྐམེན པརིཡོདཔནཱ ཧོཏི. ཨིདྷ ཝིསཱཁེ ཨརིཡསཱཝཀོ ཏཐཱགཏཾ ཨནུསྶརཏི ‘‘ཨིཏིཔི སོ བྷགཝཱ ཨརཧཾ སམྨཱསམྦུདྡྷོ ཝིཛྫཱཙརཎསམྤནྣོ སུགཏོ ལོཀཝིདཱུ ཨནུཏྟརོ པུརིསདམྨསཱརཐི སཏྠཱ དེཝམནུསྶཱནཾ བུདྡྷོ བྷགཝཱ’’ཏི. ཏསྶ ཏཐཱགཏཾ ཨནུསྶརཏོ ཙིཏྟཾ པསཱིདཏི, པཱམོཛྫཾ ཨུཔྤཛྫཏི, ཡེ ཙིཏྟསྶ ཨུཔཀྐིལེསཱ ཏེ པཧཱིཡནྟཱིཏི ཨེཝམཱདིནཱ བྷནྟེ ཏཏྠ བྷགཝཏཱ ཨརིཡོ ཨུཔོསཐོ ཝིཏྠཱརེཏྭཱ པཀཱསིཏོ.

པུཙྪཱ – ཨེཝཾ ¶ ཨུཔཝུཏྠསྶ པན ཨཱཝུསོ ཨརིཡུཔོསཐསྶ ཀཐཾ མཧཔྥལཏཱ མཧཱནིསཾསཏཱ ཝུཏྟཱ བྷགཝཏཱ.

ཝིསྶཛྫནཱ – ཀཱིཝམཧཔྥལཱ ཧོཏི, ཀཱིཝམཧཱནིསཾསོ, ཀཱིཝམཧཱཛུཏིཀོ, ཀཱིཝམཧཱཝིཔྥཱརོ, སེཡྻཐཱཔི ཝིསཱཁེ ཡོ ཨིམེསཾ སོལ༹སནྣཾ མཧཱཛནཔདཱནཾ པཧཱུཏརཏྟཛནཔདཱནཾ ཨིསྶརིཡཱདྷིཔཙྩཾ རཛྫཾ ཀཱརེཡྻ, སེཡྻཐིདཾ ‘‘ཨངྒཱནཾ མགདྷཱནཾ ཀཱསཱིནཾ ཀོསལཱནཾ ཝཛྫཱིནཾ མལླཱནཾ ཙེཏཱིནཾ ཝངྒཱནཾ ཀུརཱུནཾ པཉྩཱལཱནཾ མཙྪཱནཾ སཱུརསེནཱནཾ ཨསྶཀཱནཾ ཨཝནྟཱིནཾ གནྡྷཱརཱནཾ ཀམྦོཛཱནཾ, ཨཊྛངྒསམནྣཱགཏསྶ ཨུཔོསཐསྶ ཨེཏཾ ཀལཾ ནཱགྒྷཏི སོལ༹སི’’ནྟི ཨེཝམཱདིནཱ བྷནྟེ ཏཏྠ བྷགཝཏཱ ཨེཝཾ ཨུཔཝུཏྠསྶ ཨརིཡུཔོསཐསྶ མཧཔྥལཏཱ མཧཱནིསཾསཏཱ ཝུཏྟཱ.

ཨཱནནྡཝགྒ

ཨཱཛཱིཝཀསུཏྟ

པུཙྪཱ – ཨངྒུཏྟརནིཀཱཡེ ¶ ཨཱཝུསོ ཏིཀནིཔཱཏེ ཨཱནནྡཝགྒེ དུཏིཡཾ ཨཱཛཱིཝཀསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན ཀཐཉྩ བྷཱསིཏཾ.

ཝིསྶཛྫནཱ – ཀོསམྦིཡཾ བྷནྟེ ཨཉྙཏརཾ ཨཱཛཱིཝཀསཱཝཀཾ གཧཔཏིཾ ཨཱརབྦྷ ཨཱཡསྨཏཱ ཨཱནནྡཏྠེརེན དྷམྨབྷཎྜཱགཱརིཀེན བྷཱསིཏཾ. ཨཉྙཏརོ བྷནྟེ ཨཱཛཱིཝཀསཱཝཀོ གཧཔཏི ཨཱཡསྨནྟཾ ཨཱནནྡཾ ཨེཏདཝོཙ ‘‘ཀེསཾ ནོ བྷནྟེ ཨཱནནྡ དྷམྨོ སྭཱཀྑཱཏོ, ཀེ ལོཀེ སུཔྤཊིཔནྣཱ, ཀེ ལོཀེ སུཀཏཱ’’ཏི. ཏསྨིཾ བྷནྟེ ཝཏྠུསྨིཾ ‘‘ཏེན ཧི གཧཔཏི ཏཉྙེཝེཏྠ པཊིཔུཙྪིསྶཱམི, ཡཐཱ ཏེ ཁམེཡྻ, ཏཐཱ ནཾ བྱཱཀརེཡྻཱསཱི’’ཏི ཨེཝམཱདིནཱ ཨཱཡསྨཏཱ ཨཱནནྡཏྠེརེན དྷམྨབྷཎྜཱགཱརིཀེན བྷཱསིཏཾ.

‘‘ཀེསཾ ¶ ནོ བྷནྟེ ཨཱནནྡ དྷམྨོ སྭཱཀྑཱཏོ, ཀེ ལོཀེ སུཔྤཊིཔནྣཱ, ཀེ ལོཀེ སུཀཏཱ’’.

‘‘ཏཾ ¶ ཀིཾ མཉྙསི གཧཔཏི’’ –

‘‘ཨིཏི ¶ ཁོ གཧཔཏི ཏཡཱཝེཏཾ བྱཱཀཏཾ’’ –

‘‘ཨབྷིཀྐནྟཾ ¶ བྷནྟེ, ཨབྷིཀྐནྟཾ བྷནྟེ, སེཡྻཐཱཔི བྷནྟེ ནིཀྐུཛྫིཏཾ ཝཱ ཨུཀྐུཛྫེཡྻ’’ –

གནྡྷཛཱཏསུཏྟ

པུཙྪཱ – ཏཏྠེཝ ¶ ཨཱཝུསོ ནཝམཾ གནྡྷཛཱཏསུཏྟཾ བྷགཝཏཱ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – ཨཱཡསྨནྟཾ བྷནྟེ ཨཱནནྡཾ ཨཱརབྦྷ བྷཱསིཏཾ. ཨཱཡསྨཱ བྷནྟེ ཨཱནནྡོ བྷགཝནྟཾ ཨེཏདཝོཙ ‘‘ཏཱིཎིམཱནི བྷནྟེ གནྡྷཛཱཏཱནི, ཡེསཾ ཨནུཝཱཏཾཡེཝ གནྡྷོ གཙྪཏི ནོ པཊིཝཱཏཾ…པེ… ཨཏྠི ནུ ཁོ བྷནྟེ ཀིཉྩི གནྡྷཛཱཏཾ, ཡསྶ ཨནུཝཱཏམྤི གནྡྷོ གཙྪཏི པཊིཝཱཏམྤི གནྡྷོ གཙྪཏི, ཨནུཝཱཏཔཊིཝཱཏམྤི གནྡྷོ གཙྪཏཱི’’ཏི. ཏསྨིཾ བྷནྟེ ཝཏྠུསྨིཾ ‘‘ཨཏྠཱནནྡ ཀིཉྩི གནྡྷཛཱཏཾ, ཡསྶ ཨནུཝཱཏམྤི གནྡྷོ གཙྪཏི, པཊིཝཱཏམྤི གནྡྷོ གཙྪཏི, ཨནུཝཱཏཔཊིཝཱཏམྤི གནྡྷོ གཙྪཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ན ¶ པུཔྥགནྡྷོ པཊིཝཱཏམེཏི;

ན ཙནྡནཾ ཏགརམལླིཀཱ ཝཱ;

སཏཉྩ གནྡྷོ པཊིཝཱཏམེཏི;

སབྦཱ དིསཱ སཔྤུརིསོ པཝཱཡཏི;

གདྲབྷསུཏྟ

པུཙྪཱ – སམཎཝགྒེ ¶ ཨཱཝུསོ དུཏིཡཾ གདྲབྷསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – སམཎཝགྒེ བྷནྟེ དུཏིཡཾ གདྲབྷསུཏྟཾ ‘‘སེཡྻཐཱཔི བྷིཀྑཝེ གདྲབྷོ གོགཎཾ པིཊྛིཏོ པིཊྛིཏོ ཨནུབནྡྷོ ཧོཏི ‘ཨཧམྤི དམྨོ ཨཧམྤི དམྨོ’ཏི, ཏསྶ ན ཏཱདིསོ ཝཎྞོ ཧོཏི སེཡྻཐཱཔི གུནྣཾ, ན ཏཱདིསོ སརོ ཧོཏི སེཡྻཐཱཔི གུནྣཾ, ན ཏཱདིསཾ པདཾ ཧོཏི སེཡྻཐཱཔི གུནྣཾ, སོ གོགཎཾཡེཝ པིཊྛིཏོ པིཊྛིཏོ ཨནུབནྡྷོ ཧོཏི ཨཧམྤི དམྨོ ཨཧམྤི དམྨོ’’ཏི ཨེཝམཱདིནཱ བྷགཝཏཱ བྷཱསིཏཾ.

ཏསྨཱཏིཧ ¶ བྷིཀྑཝེ ཨེཝཾ སིཀྑིཏབྦཾ.

‘‘ཏིབྦོ ནོ ཚནྡོ བྷཝིསྶཏི ཨདྷིསཱིལསིཀྑཱསམཱདཱནེ…པེ… ཨདྷིཔཉྙཱསིཀྑཱསམཱདཱནེ’’ –

སངྐཝཱསུཏྟ

པུཙྪཱ – ཏཏྠེཝ ¶ ཨཱཝུསོ ཨེཀཱདསམཾ སངྐཝཱསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝིསྶཛྫནཱ – ཀོསལེསུ བྷནྟེ སངྐཝཱཡཾ ནཱམ ཀོསལཱནཾ ནིགམེ ཀསྶཔགོཏྟཾ ནཱམ བྷིཀྑུཾ ཨཱརབྦྷ བྷཱསིཏཾ. ཀསྶཔ གོཏྟོ བྷནྟེ བྷིཀྑུ བྷགཝཏི མནོཔདཱུསིཏྭཱ བྷགཝཏོ སནྟིཀེ ཨཙྩཡཾ ཨཙྩཡཏོ དེསེསི. ཏསྨིཾ བྷནྟེ ཝཏྠུསྨིཾ ‘‘ཐེརོ ཙེཔི ཀསྶཔ བྷིཀྑུ ན སིཀྑཱཀཱམོ ན སིཀྑཱསམཱདཱནསྶ ཝཎྞཝཱདཱི. ཡེ ཙཉྙེ བྷིཀྑཱུ ན སིཀྑཱཀཱམཱ, ཏེ ཙ ན སིཀྑཱཡ སམཱདཔེཏི, ཡེ ཙཉྙེ བྷིཀྑཱུ སིཀྑཱཀཱམཱ ཏེསཉྩ ན ཝཎྞཾ བྷཎཏི བྷཱུཏཾ ཏཙྪཾ ཀཱལེནཱ’’ཏི ཨེཝམཱདིནཱ བྷགཝཏཱ བྷཱསིཏཾ.

ལོཎཀཔལླཝགྒ

ཨཙྩཱཡིཀསུཏྟ

པུཙྪཱ – ཏེནཱཝུསོ…པེ… ¶ སམྨཱསམྦུདྡྷེན ཨངྒུཏྟརནིཀཱཡེ ཏིཀནིཔཱཏེ ལོཎཀཔལླཝགྒེ པཋམཾ ཨཙྩཱཡིཀསུཏྟཾ ཀཐཾ བྷཱསིཏཾ.

ཝིསྶཛྫནཱ – ལོཎཀཔལླཝགྒེ བྷནྟེ པཋམཾ ཨཙྩཱཡིཀསུཏྟཾ ‘‘ཏཱིཎིམཱནི བྷིཀྑཝེ ཀསྶཀསྶ གཧཔཏིསྶ ཨཙྩཱཡིཀཱནི ཀརཎཱིཡཱནི. ཀཏམཱནི ཏཱིཎི, ཨིདྷ བྷིཀྑཝེ ཀསྶཀོ གཧཔཏི སཱིགྷཾ སཱིགྷཾ ཁེཏྟཾ སུཀཊྛཾ ཀརོཏི སུམཏིཀཏཾ. སཱིགྷཾ སཱིགྷཾ ཁེཏྟཾ སུཀཊྛཾ ཀརིཏྭཱ སུམཏིཀཏཾ སཱིགྷཾ སཱིགྷཾ བཱིཛཱནི པཏིཊྛཱཔེཏི. སཱིགྷཾ སཱིགྷཾ བཱིཛཱནི ¶ པཏིཊྛཱཔེཏྭཱ སཱིགྷཾ སཱིགྷཾ ཨུདཀཾ ཨབྷིནེཏིཔི ཨཔནེཏིཔི. ཨིམཱནི ཁོ བྷིཀྑཝེ ཏཱིཎི ཀསྶཀསྶ གཧཔཏིསྶ ཨཙྩཱཡིཀཱནི ཀརཎཱིཡཱནི’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

སམྦོདྷཝགྒ

རུཎྞསུཏྟ

པུཙྪཱ – སམྦོདྷཝགྒེ ¶ པནཱཝུསོ པཉྩམཾ རུཎྞསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – སམྦོདྷཝགྒེ བྷནྟེ པཉྩམཾ རུཎྞསུཏྟཾ ‘‘རུཎྞམིདཾ བྷིཀྑཝེ ཨརིཡསྶ ཝིནཡེ ཡདིདཾ གཱིཏཾ, ཨུམྨཏྟཀམིདཾ བྷིཀྑཝེ ཨརིཡསྶ ཝིནཡེ ཡདིདཾ ནཙྩཾ, ཀོམཱརཀམིདཾ བྷིཀྑཝེ ཨརིཡསྶ ཝིནཡེ ཡདིདཾ ཨཏིཝེལཾ དནྟཝིདཾསཀཧསིཏཾ. ཏསྨཱཏིཧ བྷིཀྑཝེ སེཏུགྷཱཏོ གཱིཏེ སེཏུགྷཱཏོ ནཙྩེ, ཨལཾ ཝོ དྷམྨཔྤམོདིཏཱནཾ སཏཾ སིཏཾ སིཏམཏྟཱཡཱ’’ཏི ཨེཝཾ ཁོ བྷནྟེ བྷགཝཏཱ བྷཱསིཏཾ.

ཨརཀྑཱིཀསུཏྟ

པུཙྪཱ – ཏཏྠེཝ ¶ ཨཱཝུསོ སཏྟམཾ ཨརཀྑིཏསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཨནཱཏཔིཎྜིཀཾ གཧཔཏིཾ ཨཱརབྦྷ ‘‘ཙིཏྟེ གཧཔཏི ཨརཀྑིཏེ ཀཱཡཀམྨམྤི ཨརཀྑིཏཾ ཧོཏི, ཝཙཱིཀམྨམྤི. མནོཀམྨམྤི ཨརཀྑིཏཾ ཧོཏི. ཏསྶ ཨརཀྑིཏཀཱཡཀམྨནྟསྶ ཨརཀྑིཏཝཙཱིཀམྨནྟསྶ ཨརཀྑིཏམནོཀམྨནྟསྶ ཀཱཡཀམྨམྤི ཨཝསྶུཏཾ ¶ ཧོཏི, ཝཙཱིཀམྨམྤི ཨཝསྶུཏཾ ཧོཏི, མནོཀམྨམྤི ཨཝསྶུཏཾ ཧོཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཨཱཔཱཡིཀཝགྒ

ཨཔཎྞཀསུཏྟ

པུཙྪཱ – ཨཱཔཱཡིཀཝགྒེ ¶ ཨཱཝུསོ ཚཊྛཾ ཨཔཎྞཀསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – ཨཱཔཱཡིཀཝགྒེ བྷནྟེ ཚཊྛཾ ཨཔཎྞཀསུཏྟཾ ‘‘ཏིསྶོ ཨིམཱ བྷིཀྑཝེ ཝིཔཏྟིཡོ. ཀཏམཱ ཏིསྶོ སཱིལཝིཔཏྟི, ཙིཏྟཝིཔཏྟི, དིཊྛིཝིཔཏྟི. ཀཏམཱ ཙ བྷིཀྑཝེ སཱིལཝིཔཏྟི, ཨིདྷ བྷིཀྑཝེ ཨེཀཙྩོ པཱཎཱཏིཔཱཏཱི ཧོཏི…པེ… སམྥཔྤལཱཔཱི ཧོཏི. ཨཡཾ ཝུཙྩཏི བྷིཀྑཝེ སཱིལཝིཔཏྟཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཀུསིནཱརཝགྒ

ཀུསིནཱརསུཏྟ

པུཙྪཱ – ཀུསིནཱརཝགྒེ ¶ པནཱཝུསོ པཋམཾ ཀུསིནཱརསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – ཀུསིནཱརཱཡཾ བྷནྟེ བལིཧརཎེ ཝནསཎྜེ སམྦཧུལེ བྷིཀྑཱུ ཨཱརབྦྷ ‘‘ཨིདྷ བྷིཀྑཝེ བྷིཀྑུ ཨཉྙཏརཾ གཱམཾ ཝཱ ནིགམཾ ཝཱ ཨུཔནིསྶཱཡ ཝིཧརཏི, ཏམེནཾ གཧཔཏི ཝཱ གཧཔཏིཔུཏྟོ ཝཱ ཨུཔསངྐམིཏྭཱ སྭཱཏནཱཡ བྷཏྟེན ནིམནྟེཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཧཏྠཀསུཏྟ

པུཙྪཱ – ཏཏྠེཝ ¶ ཨཱཝུསོ པཉྩམཾ ཧཏྠཀསུཏྟཾ བྷགཝཏཱ ཀཏྠ ཀེན སདྡྷིཾ ཀཐཉྩ བྷཱསིཏཾ.

ཝིསྶཛྫནཱ – སཱཝཏྠིཡཾ བྷནྟེ ཧཏྠཀེན དེཝཔུཏྟེན སདྡྷིཾ ‘‘ཡེ ཏེ ཧཏྠཀ དྷམྨཱ པུབྦེ མནུསྶབྷཱུཏསྶ པཝཏྟིནོ ཨཧེསུཾ, ཨཔིནུ ཏེ ཏེ དྷམྨཱ ཨེཏརཧི པཝཏྟིནོ’’ཏི ཨེཝམཱདིནཱ བྷགཝཏཱ བྷཱསིཏཾ.

ཨནུརུདྡྷསུཏྟ

པུཙྪཱ – ཏཏྠེཝ ¶ ཨཱཝུསོ ཨཊྛམཾ ཨནུརུདྡྷསུཏྟཾ ཀཾ ཨཱརབྦྷ ཀེན ཀཐཉྩ བྷཱསིཏཾ.

ཝིསྶཛྫནཱ – ཨཊྛམཾ བྷནྟེ ཨནུརུདྡྷསུཏྟཾ ཨཱཡསྨནྟཾ ཨནུརུདྡྷཏྠེརཾ ཨཱརབྦྷ ཨཱཡསྨཏཱ སཱརིཔུཏྟཏྠེརེན དྷམྨསེནཱཔཏིནཱ ‘‘ཡཾ ཁོ ཏེ ཨཱཝུསོ ཨནུརུདྡྷཾ ཨེཝཾ ཧོཏི ‘ཨཧཾ དིབྦེན ཙཀྑུནཱ ཝིསུདྡྷེན ཨཏིཀྐནྟམཱནུསཀེན སཧསྶཾ ལོཀཾ ཝོལོཀེམཱི’ཏི, ཨིདཾ ཏེ མཱནསྨིཾ’’ཏི ཨེཝམཱདིནཱ བྷཱསིཏཾ.

‘‘སཱདྷུ ¶ ཝཏཱཡསྨཱ ཨནུརུདྡྷོ ཨིམེ ཏཡོ དྷམྨེ པཧཱཡ ཨིམེ ཏཡོ དྷམྨེ ཨམནསིཀརིཏྭཱ ཨམཏཱཡ དྷཱཏུཡཱ ཙིཏྟཾ ཨུཔསཾཧརཏུ’’ –

ཀུསིནཱརཝགྒ

པཊིཙྪནྣསུཏྟ

པུཙྪཱ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན ཨངྒུཏྟརནིཀཱཡེ ཏིཀནིཔཱཏེ ཀུསིནཱརཝགྒེ ནཝམཾ པཊིཙྪནྣསུཏྟཾ ཀཐཾ བྷཱསིཏཾ.

ཝིསྶཛྫནཱ – ནཝམཾ བྷནྟེ པཊིཙྪནྣསུཏྟཾ ‘‘ཏཱིཎིམཱནི བྷིཀྑཝེ པཊིཙྪནྣཱནི ཨཱཝཧནྟི ནོ ཝིཝཊཱནི. ཀཏམཱནི ཏཱིཎི, མཱཏུགཱམོ བྷིཀྑཝེ པཊིཙྪནྣོ ཨཱཝཧཏི ནོ ཝིཝཊོ, བྲཱཧྨཎཱནཾ བྷིཀྑཝེ མནྟཱ པཊིཙྪནྣཱ ཨཱཝཧནྟི ནོ ཝིཝཊཱ, མིཙྪཱདིཊྛི བྷིཀྑཝེ པཊིཙྪནྣཱ ཨཱཝཧཏི ནོ ཝིཝཊཱ. ཨིམཱནི ཁོ བྷིཀྑཝེ ཏཱིཎི པཊིཙྪནྣཱནི ཨཱཝཧནྟི ནོ ཝིཝཊཱནཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ལེཁསུཏྟ

པུཙྪཱ – ཏཏྠེཝ ¶ ཨཱཝུསོ དསམཾ ལེཁསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – དསམཾ བྷནྟེ ལེཁསུཏྟཾ ‘‘ཏཡོམེ བྷིཀྑཝེ པུགྒལཱ སནྟོ སཾཝིཛྫམཱནཱ ལོཀསྨིཾ. ཀཏམེ ཏཡོ, པཱསཱཎལེཁཱུཔམོ པུགྒལོ པཐཝིལེཁཱུཔམོ པུགྒལོ ཨུདཀལེཁཱུཔམོ པུགྒལོ. ཀཏམོ ཙ བྷིཀྑཝེ པཱསཱཎ ལེཁཱུཔམོ པུགྒལོ, ཨིདྷ བྷིཀྑཝེ ཨེཀཙྩོ པུགྒལོ ཨབྷིཎྷཾ ཀུཛ྄ཛྷཏི, སོ ཙ ཁྭསྶ ཀོདྷོ དཱིགྷརཏྟཾ ཨནུསེཏི. སེཡྻཐཱཔི བྷིཀྑཝེ པཱསཱཎལེཁཱ ན ཁིཔྤཾ ལུཛྫཏི ཝཱཏེན ཝཱ ཨུདཀེན ཝཱ, ཙིརཊྛིཏིཀཱ ཧོཏི, ཨེཝམེཝ ཁོ བྷིཀྑཝེ ཨིདྷེཀཙྩོ པུགྒལོ ཨབྷིཎྷཾ ཀུཛ྄ཛྷཏི, སོ ཙ ཁྭསྶ ཀོདྷོ དཱིགྷརཏྟཾ ཨནུསེཏི. ཨཡཾ ཝུཙྩཏི བྷིཀྑཝེ པཱསཱཎལེཁཱུཔམོ པུགྒལོ’’ཏི ཨེཝམཱདིནཱ བྷགཝཏཱ བྷཱསིཏཾ.

ཡོདྷཱཛཱིཝཝགྒ

ཀེསཀམྦལསུཏྟ

པུཙྪཱ – ཡོདྷཱཛཱིཝཝགྒེ ¶ པན ཨཱཝུསོ པཉྩམཾ ཀེསཀམྦལསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – ཡོདྷཱཛཱིཝཝགྒེ བྷནྟེ པཉྩམཾ ཀེསཀམྦལསུཏྟཾ ‘‘སེཡྻཐཱཔི བྷིཀྑཝེ ཡཱནི ཀཱནིཙི ཏནྟཱཝུཏཱནཾ ཝཏྠཱནཾ, ཀེསཀམྦལོ ཏེསཾ པཊིཀིཊྛོ ཨཀྑཱཡཏི. ཀེསཀམྦལོ བྷིཀྑཝེ སཱིཏེ སཱིཏོ ཨུཎྷེ ཨུཎྷོ དུབྦཎྞོ དུགྒནྡྷོ དུཀྑསམྥསྶོ. ཨེཝམེཝ ཁོ བྷིཀྑཝེ ཡཱནིཀཱནིཙི པུཐུསམཎབྲཱཧྨཎཝཱདཱནཾ, མཀྑལིཝཱདོ ཏེསཾ པཊིཀིཊྛོ ཨཀྑཱཡཏཱིཏི ཨེཝམཱདིནཱ བྷགཝཏཱ བྷཱསིཏཾ.

མངྒལཝགྒ

ཝནྡནཱསུཏྟ

པུཙྪཱ – མངྒལཝགྒེ ¶ པནཱཝུསོ ནཝམཾ ཝནྡནཱསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – མངྒལཝགྒེ བྷནྟེ ནཝམཾ ཝནྡནཱསུཏྟཾ ‘‘ཏིསྶོ ཨིམཱ བྷིཀྑཝེ ཝནྡནཱ. ཀཏམཱ ཏིསྶོ, ཀཱཡེན ཝཱཙཱཡ མནསཱ. ཨིམཱ ཁོ བྷིཀྑཝེ ཏིསྶོ ཝནྡནཱ’’ཏི, ཨེཝཾ ཁོ བྷནྟེ བྷགཝཏཱ བྷཱསིཏཾ.

‘‘ཏིསྶོ ཨིམཱ བྷིཀྑཝེ ཝནྡནཱ. ཀཏམཱ ཏིསྶོ, ཀཱཡེན ཝཱཙཱཡ མནསཱ. ཨིམཱ ཁོ བྷིཀྑཝེ ཏིསྶོ ཝནྡནཱ’’.

པུབྦཎྷསུཏྟ

པུཙྪཱ – ཏཏྠོ ¶ ཨཱཝུསོ དསམཾ པུབྦཎྷསུཏྟཾ བྷགཝཏཱ ཀཐཾ བྷཱསིཏཾ.

ཝིསྶཛྫནཱ – དསམཾ བྷནྟེ པུབྦཎྷསུཏྟཾ ‘‘ཡེ བྷིཀྑཝེ སཏྟཱ པུབྦཎྷསམཡཾ ཀཱཡེན སུཙརིཏཾ ཙརནྟི, ཝཱཙཱཡ སུཙརིཏཾ ཙརནྟི, མནསཱ སུཙརིཏཾ ཙརནྟི. སུཔུབྦཎྷོ བྷིཀྑཝེ ཏེསཾ སཏྟཱནཾ. ཡེ བྷིཀྑཝེ སཏྟཱ མཛ྄ཛྷནྷིཀསམཡཾ…པེ… སཱཡནྷསམཡཾ ཀཱཡེན སུཙརིཏཾ ཙརནྟི, ཝཱཙཱཡ སུཙརིཏཾ ཙརནྟི, མནསཱ སུཙརིཏཾ ཙརནྟི. སུསཱཡནྷོ བྷིཀྑཝེ ཏེསཾ སཏྟཱན’’ནྟི ཨེཝམཱདིནཱ བྷནྟེ བྷགཝཏཱ བྷཱསིཏཾ.

སུནཀྑཏྟཾ ¶ སུམངྒལཾ, སུཔྤབྷཱཏཾ སུཧུཊྛིཏཾ;

སུཁཎོ སུམུཧུཏྟོ ཙ, སུཡིཊྛཾ བྲཧྨཙཱརིསུ.

བྷཎྜགཱམཝགྒ

ཨནུབུདྡྷསུཏྟ

པུཙྪཱ – ཙཏུཀྐནིཔཱཏེ ¶ པན ཨཱཝུསོ བྷཎྜགཱམཝགྒེ པཋམཾ ཨནུབུདྡྷསུཏྟཾ བྷགཝཏཱ སཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝིསྶཛྫནཱ – ཝཛྫཱིསུ བྷནྟེ བྷཎྜགཱམེ སམྦཧུལེ བྷིཀྑཱུ ཨཱརབྦྷ ‘‘ཙཏུནྣཾ བྷིཀྑཝེ དྷམྨཱནཾ ཨནནུབོདྷཱ ཨཔྤཊིཝེདྷཱ ཨེཝམིདཾ དཱིགྷམདྡྷཱནཾ སནྡྷཱཝིཏཾ སཾསརིཏཾ མམཉྩེཝ ཏུམྷཱཀཉྩ. ཀཏམེསཾ ཙཏུནྣཾ, ཨརིཡསྶ བྷིཀྑཝེ སཱིལསྶ ཨནནུབོདྷཱ ཨཔྤཊིཝེདྷཱ ཨེཝམིདཾ དཱིགྷམདྡྷཱནཾ སནྡྷཱཝིཏཾ སཾསརིཏཾ མམཉྩེཝ ཏུམྷཱཀཉྩ. ཨརིཡསྶ བྷིཀྑཝེ སམཱདྷིསྶ…. ཨརིཡཱཡ བྷིཀྑཝེ པཉྙཱཡ…. ཨརིཡཱཡ བྷིཀྑཝེ ཝིམུཏྟིཡཱ ཨནནུབོདྷཱ ཨཔྤཊིཝེདྷཱ ཨེཝམིདཾ དཱིགྷམདྡྷཱནཾ སནྡྷཱཝིཏཾ སཾསརིཏཾ མམཉྩེཝ ཏུམྷཱཀཉྩཱ’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

ཨཔྤསྶུཏསུཏྟ

པུ – ཏཏྠེཝ ¶ ཨཱཝུསོ ཚཊྛཾ ཨཔྤསྶུཏསུཏྟཾ བྷགཝཏཱ ཀཐཾ བྷཱསིཏཾ.

ཝི – ཏཏྠ བྷནྟེ ཚཊྛཾ ཨཔྤསྶུཏསུཏྟཾ ‘‘ཙཏྟཱརོམེ བྷིཀྑཝེ པུགྒལཱ སནྟོ སཾཝིཛྫམཱནཱ ལོཀསྨིཾ. ཀཏམེ ཙཏྟཱརོ, ཨཔྤསྶུཏོ སུཏེན ཨནུཔཔནྣོ, ཨཔྤསྶུཏོ སུཏེན ཨུཔཔནྣོ, བཧུསྶུཏོ སུཏེན ཨནུཔཔནྣོ, བཧུསྶུཏོ སུཏེན ཨུཔཔནྣོ’’ཏི ཨེཝམཱདིནཱ བྷགཝཏཱ བྷཱསིཏཾ.

ཙརཝགྒ

ཙརསུཏྟ

པུ – ཙརཝགྒེ ¶ པན ཨཱཝུསོ པཋམཾ ཙརསུཏྟཾ བྷགཝཏཱ ཀཐཾ བྷཱསིཏཾ.

ཝི – ཙརཝགྒེ བྷནྟེ པཋམཾ ཙརསུཏྟཾ ‘‘ཙརཏོ ཙེཔི བྷིཀྑཝེ བྷིཀྑུནོ ཨུཔྤཛྫཏི ཀཱམཝིཏཀྐོ ཝཱ བྱཱཔཱདཝིཏཀྐོ ཝཱ ཝིཧིཾསཱཝིབྷཏྟོ ཝཱ, ཏཾ ཙེ བྷིཀྑུ ཨདྷིཝཱསེཏི ནཔྤཛཧཏི ན ཝིནོདེཏི ན བྱནྟཱིཀརོཏི ན ཨནབྷཱཝཾ གམེཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཨུརུཝེལཝགྒ

ལོཀསུཏྟ

པུ – ཏེནཱཝུསོ…པེ… ¶ སམྨཱསམྦུདྡྷེན ཨངྒུཏྟརནིཀཱཡེ ཙཏུཀྐནིཔཱཏེ ཨུརུཝེལཝགྒེ ཏཏིཡཾ ལོཀསུཏྟཾ ཀཐཾ བྷཱསིཏཾ.

ཝི – ཨུརུཝེལཝགྒེ བྷནྟེ ཏཏིཡཾ ལོཀསུཏྟཾ ‘‘ལོཀོ བྷིཀྑཝེ ཏཐཱགཏེན ཨབྷིསམྦུདྡྷོ, ལོཀསྨཱ ཏཐཱགཏོ ཝིསཾཡུཏྟོ, ལོཀསམུདཡོ བྷིཀྑཝེ ཏཐཱགཏེན ཨབྷིསམྦུདྡྷོ, ལོཀསམུདཡོ ཏཐཱགཏསྶ པཧཱིནོ, ལོཀནིརོདྷོ བྷིཀྑཝེ ཏཐཱགཏེན ཨབྷིསམྦུདྡྷོ ལོཀནིརོདྷོ ཏཐཱགཏསྶ སཙྪིཀཏོ, ལོཀནིརོདྷགཱམིནཱི པཊིཔདཱ བྷིཀྑཝེ ཏཐཱགཏེན ཨབྷིསམྦུདྡྷཱ, ལོཀནིརོདྷགཱམིནི པཊིཔདཱ ཏཐཱགཏསྶ བྷཱཝིཏཱ’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

དནྟོ ¶ དམཡཏཾ སེཊྛོ,

སནྟོ སམཡཏཾ ཨིསི;

མུཏྟོ མོཙཡཏཾ ཨགྒོ,

ཏིཎྞོ ཏཱརཡཏཾ ཝརོ–

སབྦཾ ལོཀཾ ཨབྷིཉྙཱཡ,

སབྦཾ ལོཀེ ཡཐཱཏཐཾ;

སབྦཾ ལོཀཾ ཝིསཾཡུཏྟོ,

སབྦལོཀེ ཨནཱུཔཡོ.

ས ཝེ སབྦཱབྷིབྷཱུ དྷཱིརོ,

སབྦགནྠཔྤམོཙནོ;

པུཊྛ’སྶ པརམཱ སནྟི,

ནིབྦཱནཾ ཨཀུཏོ བྷཡཾ.

ཨེས ཁཱིཎཱསཝོ བུདྡྷོ,

ཨནཱིགྷོ ཚིནྣསཾསཡོ;

སབྦཀམྨཀྑཡཾ ¶ པཏྟོ,

ཝིམུཏྟོ ཨུཔདྷིསངྑཡེ;

ཨེས སོ བྷགཝཱ བུདྡྷོ,

ཨེས སཱིཧོ ཨནུཏྟརོ;

སདེཝཀསྶ ལོཀསྶ,

བྲཧྨཙཀྐཾ པཝཏྟཡཱི.

ཨིཏི དེཝཱ མནུསྶཱ ཙ,

ཡེ བུདྡྷཾ སརཎཾ གཏཱ;

སངྒམྨ ཏཾ ནམསྶནྟི,

མཧནྟཾ ཝཱིཏསཱརདཾ.

དནྟོ དམཡཏཾ སེཊྛོ,

སནྟོ སམཡཏཾ ཨིསི;

མུཏྟོ མོཙཡཏཾ ཨགྒོ,

ཏིཎྞོ ཏཱརཡཏཾ ཝརོ.

ཨིཏི ཧེཏཾ ནམསྶནྟི,

མཧནྟཾ ཝཱིཏསཱརདཾ;

སདེཝཀསྨིཾ ལོཀསྨིཾ,

ནཏྠི མེ པཊིཔུགྒལོ–

བྲཧྨཙརིཡསུཏྟ

པུ – ཏཏྠེཝ ཨཱཝུསོ པཉྩམཾ བྲཧྨཙརིཡསུཏྟཾ བྷགཝཏཱ ཀཐཾ བྷཱསིཏཾ.

ཝི – པཉྩམཾ བྷནྟེ བྲཧྨཙརིཡསུཏྟཾ ‘‘ནཡིདཾ བྷིཀྑཝེ བྲཧྨཙརིཡཾ ཝུསྶཏི ཛནཀུཧནཏྠཾ, ན ཛནལཔནཏྠཾ, ན ལཱབྷསཀྐཱརསིལོཀཱནིསཾསུཏྟཾ ¶ , ན ཨིཏིཝཱདཔྤམོཀྑཱནིསཾསཏྠཾ, ན ‘ཨིཏི མཾ ཛནོ ཛཱནཱཏཱུ’ཏི. ཨཐ ཁོ ཨིདཾ བྷིཀྑཝེ བྲཧྨཙརིཡཾ ཝུསྶཏི སཾཝརཏྠཾ པཧཱནཏྠཾ ཝིརཱགཏྠཾ ནིརོདྷཏྠ’’ནྟི ཨེཝམཱདིནཱ བྷགཝཏཱ བྷཱསིཏཾ.

ཨརིཡཝཾསསུཏྟ

པུ – ཏཏྠེཝ ¶ ཨཱཝུསོ ཨཊྛམཾ ཨརིཡཝཾསསུཏྟཾ བྷགཝཏཱ ཀཐཾ བྷཱསིཏཾ.

ཝི – ཏཏྠེཝ བྷནྟེ ཨཊྛམཾ ཨརིཡཝཾསསུཏྟཾ ‘‘ཙཏྟཱརོམེ བྷིཀྑཝེ ཨརིཡཝཾསཱ ཨགྒཉྙཱ རཏྟཉྙཱ ཝཾསཉྙཱ པོརཱཎཱ, ཨསཾཀིཎྞཱ ཨསཾཀིཎྞཔུབྦཱན སཾཀཱིཡིསྶནྟི, ཨཔྤཊིཀུཊྛཱ སམཎེཧི བྲཱཧྨཎེཧི ཝིཉྙཱུཧི. ཀཏམེ ཙཏྟཱརོ, ཨིདྷ བྷིཀྑཝེ བྷིཀྑུ སནྟུཊྛོ ཧོཏི ཨིཏརཱིཏརེན ཙཱིཝརེན, ཨིཏརཱིཏརཙཱིཝརསནྟུཊྛིཡཱ ཙ ཝཎྞཝཱདཱི, ན ཙ ཙཱིཝརཧེཏུ ཨནེསནཾ ཨཔྤཏིརཱུཔཾ ཨཱཔཛྫཏི, ཨལདྡྷཱ ཙ ཙཱིཝརཾ ན པརིཏསྶཏི, ལདྡྷཱ ཙ ཙཱིཝརཾ ཨགདྷིཏོ ཨམུཙྪིཏོ ཨནཛ྄ཛྷོཔནྣོ ཨཱདཱིནཝདསྶཱཝཱི ནིསྶརཎཔཉྙོ པརིབྷུཉྫཏི, ཏཱཡ ཙ པན ཨིཏརཱིཏརཙཱིཝརསནྟུཊྛིཡཱ ནེཝཏྟཱནུཀྐཾསེཏི ནོ པརཾ ཝམྦྷེཏི. ཡོ ཧི ཏཏྠ དཀྑོ ཨནལསོ སམྤཛཱནོ པཊིསྶབྷོ, ཨཡཾ ཝུཙྩཏི བྷིཀྑཝེ བྷིཀྑུ པོརཱཎེ ཨགྒཉྙེ ཨརིཡཝཾསེ ཋིཏོ’’ཏི ཨེཝམཱདིནཱ བྷགཝཏཱ བྷཱསིཏཾ.

ཙཀྐཝགྒ

ཙཀྐསུཏྟ

པུ – ཙཀྐཝགྒེ ¶ པན ཨཱཝུསོ པཋམཾ ཙཀྐསུཏྟཾ བྷགཝཏཱ ཀཐཾ བྷཱསིཏཾ.

ཝི – ཙཀྐཝགྒེ བྷནྟེ པཋམཾ ཙཀྐསུཏྟཾ ‘‘ཙཏྟཱརིམཱནི བྷིཀྑཝེ ཙཀྐཱནི, ཡེཧི སམནྣཱགཏཱནཾ དེཝམནུསྶཱནཾ ཙཏུཙཀྐཾ ཝཏྟཏི, ཡེཧི སམནྣཱགཏཱ དེཝམནུསྶཱ ནཙིརསྶེཝ མཧནྟཏྟཾ ཝེཔུལླཏྟཾ པཱཔུཎནྟི བྷོགེསུ. ཀཏམཱནི ཙཏྟཱརི, པཏིརཱུཔདེསཝཱསོ སཔྤུརིསཱཝསྶཡོ ཨཏྟསམྨཱཔཎིདྷི པུབྦེ ཙ ཀཏཔུཉྙཏཱ’’ཏི ཨེཝམཱདིནཱ བྷགཝཏཱ བྷཱསིཏཾ.

སངྒཧསུཏྟ

པུ – ཏཏྠེཝ ¶ ཨཱཝུསོ དུཏིཡཾ སངྒཧསུཏྟཾ བྷགཝཏཱ ཀཐཾ བྷཱསིཏཾ.

ཝི – ཏཏྠེཝ བྷནྟེ དུཏིཡཾ སངྒཧསུཏྟཾ ‘‘ཙཏྟཱརིམཱནི བྷིཀྑཝེ སངྒཧཝཏྠཱུནི. ཀཏམཱནི ཙཏྟཱརི, དཱནཾ པེཡྻཝཛྫཾ ཨཏྠཙརིཡཱ སམཱནཏྟཏཱ’’ཏི ཨེཝམཱདིནཱ བྷགཝཏཱ བྷཱསིཏཾ.

སཱིཧསུཏྟ

པུ – བྷཏྠེཝ ¶ ཨཱཝུསོ ཏཏིཡཾ སཱིཧསུཏྟཾ བྷགཝཏཱ ཀཐཾ བྷཱསིཏཾ.

ཝི – ཏཏྠེཝ བྷནྟེ ཏཏིཡཾ སཱིཧསུཏྟཾ ‘‘སཱིཧོ བྷིཀྑཝེ མིགརཱཛཱ སཱཡནུསམཡཾ ཨཱསཡཱ ནིཀྑམཏི, ཨཱསཡཱ ནིཀྑམིཏྭཱ ཝིཛམྦྷཏི, ཝིཛམྦྷིཏྭཱ སམནྟཱ ཙཏུདྡིསཱ ཨནུཝིལོཀེཏི, སམནྟཱ ཙཏུདྡིསཱ ཨནུཝིལོཀེཏྭཱ ཏིཀྑཏྟུཾ སཱིཧནཱདཾ ནདཏི, ཏིཀྑཏྟུཾ སཱིཧནཱདཾ ནདིཏྭཱ གོཙརཱཡ པཀྐམཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

དོཎསུཏྟ

པུ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན ཨངྒུཏྟརནིཀཱཡེ ཙཏུཀྐནིཔཱཏེ ཙཀྐཝགྒེ ཚཊྛཾ དོཎསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝི – ཨནྟརཱ ¶ ཙ བྷནྟེ ཨུཀྐཊྛཾ ཨནྟརཱ ཙ སེཏབྱཾ དོཎཾ བྲཱཧྨཎཾ ཨཱརབྦྷ བྷཱསིཏཾ. དོཎོ བྷནྟེ བྲཱཧྨཎོ བྷགཝནྟཾ ཨེཏདཝོཙ ‘‘དེཝོ ནོ བྷཝཾ བྷཝིསྶཏཱི’’ཏི. ཏསྨིཾ བྷནྟེ ཝཏྠུསྨིཾ ‘‘ན ཁོ ཨཧཾ བྲཱཧྨཎ དེཝོ བྷཝིསྶཱམཱི’’ཏི ཨེཝམཱདིནཱ བྷགཝཏཱ བྷཱསིཏཾ.

‘‘ཨཙྪརིཡཾ ¶ ཝཏ བྷོ, ཨབྦྷུཏཾ ཝཏ བྷོ, ན ཝཏིམཱནི མནུསྶབྷཱུཏསྶ པདཱནི བྷཝིསྶནྟི’’.

‘‘དེཝོ ནོ བྷཝཾ བྷཝིསྶཏི’’.

‘‘ན ཁོ ཨཧཾ བྲཱཧྨཎ དེཝོ བྷཝིསྶམི’’.

‘‘གནྡྷབྦོ ནོ བྷཝཾ བྷཝིསྶཏི’’.

‘‘ན ཁོ ཨཧཾ བྲཱཧྨཎ གནྡྷབྦོ བྷཝིསྶཱམི’’.

ཨུཛྫཡསུཏྟ

པུ – ཏཏྠེཝ ¶ ཨཱཝུསོ ནཝམཾ ཨུཛྫཡསུཏྟཾ བྷགཝཏཱ ཀཐཾ བྷཱསིཏཾ.

ཝི – ནཝམཾ བྷནྟེ ཨུཛྫཡསུཏྟཾ ‘‘ན ཁོ ཨཧཾ བྲཱཧྨཎ སབྦཾ ཡཉྙཾ ཝཎྞེམི, ན པནཱཧཾ བྲཱཧྨཎ སབྦཾ ཡཉྙཾ ན ཝཎྞེམི. ཡཐཱརཱུཔེ ཁོ བྲཱཧྨཎ ཡཉྙེ གཱཝོ ཧཉྙནྟི, ཨཛེལ༹ཀཱ ཧཉྙནྟི, ཀུཀྐུཊསཱུཀརཱ ཧཉྙནྟི, ཝིཝིདྷཱ པཱཎཱ སངྒྷཱཏཾ ཨཱཔཛྫནྟཱི’’ཏི ཨེཝམཱདིནཱ བྷགཝཏཱ བྷཱསིཏཾ.

‘‘བྷཝམྤི ¶ ནོ གོཏམོ ཡཉྙཾ ཝཎྞེཏི’’.

རོཧིཏསྶཝགྒ

སམཱདྷིབྷཱཝནཱསུཏྟ

པུ – རོཧིཏསྶཝགྒེ ¶ པན ཨཱཝུསོ པཋམཾ སམཱདྷིབྷཱཝནཱསུཏྟཾ བྷགཝཏཱ ཀཐཾ བྷཱསིཏཾ.

ཝི – རོཧིཏསྶཝགྒེ བྷནྟེ པཋམཾ སམཱདྷིབྷཱཝནཱསུཏྟཾ ‘‘ཙཏསྶོ ཨིམཱ བྷིཀྑཝེ སམཱདྷིབྷཱཝནཱ, ཀཏམཱ ཙཏསྶོ, ཨཏྠི བྷིཀྑཝེ སམཱདྷིབྷཱཝནཱ བྷཱཝིཏཱ བཧུལཱིཀཏཱ དིཊྛདྷམྨསུཁཝིཧཱརཱཡ སཾཝཏྟཏི, ཨཏྠི བྷིཀྑཝེ སམཱདྷིབྷཱཝནཱ བྷཱཝིཏཱ བཧུལཱིཀཏཱ ཉཱཎདསྶནཔྤཊིལཱབྷཱཡ སཾཝཏྟཏི, ཨཏྠི བྷིཀྑཝེ སམཱདྷིབྷཱཝནཱ བྷཱཝིཏཱ བཧུལཱིཀཏཱ སཏིསམྤཛཉྙཱཡ སཾཝཏྟཏི, ཨཏྠི བྷིཀྑཝེ སམཱདྷིབྷཱཝནཱ བྷཱཝིཏཱ བཧུལཱིཀཏཱ ཨཱསཝཱནཾ ཁཡཱཡ སཾཝཏྟཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

པཉྷབྱཱཀརཎསུཏྟ

པུ – ཏཏྠེཝ ¶ ཨཱཝུསོ དུཏིཡཾ པཉྷབྱཱཀརཎསུཏྟཾ བྷགཝཏཱ ཀཐཾ བྷཱསིཏཾ.

ཝི – ཏཏྠེཝ བྷནྟེ དུཏིཡཾ པཉྷབྱཱཀརཎསུཏྟཾ ‘‘ཙཏྟཱརིམཱནི བྷིཀྑཝེ པཉྷབྱཱཀརཎཱནི. ཀཏམཱནི ཙཏྟཱརི, ཨཏྠི བྷིཀྑཝེ པཉྷོ ཨེཀཾསབྱཱཀརཎཱིཡོ, ཨཏྠི བྷིཀྑཝེ པཉྷོ ཝིབྷཛྫབྱཱཀརཎཱིཡོ, ཨཏྠི བྷིཀྑཝེ པཉྷོ པཊིཔུཙྪཱབྱཱཀརཎཱིཡོ, ཨཏྠི བྷིཀྑཝེ པཉྷོ ཋཔནཱིཡོ’’ཏི ཨེཝམཱདིནཱ བྷགཝཏཱ བྷཱསིཏཾ.

པུཉྙཱབྷིསནྡཝགྒ

པཋམསཾཝཱསསུཏྟ

པུ – པུཉྙཱབྷིསནྡཝགྒེ ¶ པན ཨཱཝུསོ ཏཏིཡཾ སཾཝཱསསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝི – པུཉྙཱབྷིསནྡཝགྒེ བྷནྟེ ཏཏིཡཾ སཾཝཱསསུཏྟཾ ཨནྟརཱ ཙ མདྷུརཾ ཨནྟརཱ ཙ ཝེརཉྫཾ སམྦཧུལེ གཧཔཏཡོ ཙ གཧཔཏཱནིཡོ ཙ ཨཱརབྦྷ ‘‘ཙཏྟཱརོམེ གཧཔཏཡོ སཾཝཱསཱ. ཀཏམེ ཙཏྟཱརོ, ཚཝོ ཚཝཱཡ སདྡྷིཾ སཾཝསཏི, ཚཝོ དེཝིཡཱ སདྡྷིཾ སཾཝསཏི, དེཝོ ཚཝཱཡ སདྡྷིཾ སཾཝསཏི, དེཝོ དེཝིཡཱ སདྡྷིཾ སཾཝསཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

པཋམསམཛཱིཝཱིསུཏྟ

པུ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན ཨངྒུཏྟརནིཀཱཡེ ཙཏུཀྐནིཔཱཏེ པུཉྙཱབྷིསནྡཝགྒེ པཉྩམཾ སམཛཱིཝིསུཏྟཾ ཀཐཾ བྷཱསིཏཾ.

ཝི – པཉྩམཾ བྷནྟེ སམཛཱིཝིསུཏྟཾ ‘‘ཨཱཀངྑེཡྻུཾ ཙེ གཧཔཏཡོ ཨུབྷོ ཛཱནིཔཏཡོ དིཊྛེ ཙེཝ དྷམྨེ ཨཉྙམཉྙཾ པསྶིཏུཾ, ཨབྷིསམྤརཱཡཉྩ ཨཉྙམཉྙཾ པསྶིཏུཾ, ཨུབྷོཝ ཨསྶུ སམསདྡྷཱ སམསཱིལཱ སམཙཱགཱ སམཔཉྙཱ, ཏེ དིཊྛེ ཙེཝ དྷམྨེ ཨཉྙམཉྙཾ པསྶནྟི, ཨབྷིསམྤརཱཡཉྩ ཨཉྙམཉྙཾ པསྶནྟཱི’’ཏི ཨེཝམཱདིནཱ བྷགཝཏཱ བྷཱསིཏཾ.

པཏྟཀམྨཝགྒ

ཨཱནཎྱསུཁསུཏྟ

པུ – པཏྟཀམྨཝགྒེ ¶ པན ཨཱཝུསོ དུཏིཡཾ ཨཱནཎྱསུཁསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝི – པཏྟཀམྨཝགྒེ ¶ བྷནྟེ དུཏིཡཾ ཨཱནཎྱསུཁསུཏྟཾ སཱཝཏྠིཡཾ ཨནཱཐཔིཎྜིཀཾ གཧཔཏིཾ ཨཱརབྦྷ ‘‘ཙཏྟཱརིམཱནི གཧཔཏི སུཁཱནི ཨདྷིགམནཱིཡཱནི གིཧིནཱ ཀཱམབྷོགིནཱ ཀཱལེན ཀཱལཾ སམཡེན སམཡཾ ཨུཔཱདཱཡ. ཀཏམཱནི ཙཏྟཱརི, ཨཏྠིསུཁཾ བྷོགསུཁཾ ཨནཎྱསུཁཾ ཨནཝཛྫསུཁ’’ནྟི ཨེཝམཱདིནཱ བྷགཝཏཱ བྷཱསིཏཾ.

ཨཱནཎྱསུཁཾ ¶ ཉཏྭཱན, ཨཐོ ཨཏྠིསུཁཾ པརཾ;

བྷུཉྫཾ བྷོགསུཁཾ མཙྩོ, ཏཏོ པཉྙཱ ཝིཔསྶཏི;

ཝིཔསྶམཱནོ ཛཱནཱཏི, ཨུབྷོ བྷཱགེ སུམེདྷསོ;

ཨནཝཛྫསུཁསྶེཏཾ, ཀལཾ ནཱགྒྷཏི སོལ༹སིཾ–

ཨཔྤཎྞཀཝགྒ

སཔྤུརིསསུཏྟ

པུ – ཨཔཎྞཀཝགྒེ པན ཨཱཝུསོ ཏཏིཡཾ སཔྤུརིསསུཏྟཾ བྷགཝཏཱ ཀཐཾ བྷཱསིཏཾ.

ཝི – ཨཔཎྞཀཝགྒེ ¶ བྷནྟེ ཏཏིཡཾ སཔྤུརིསསུཏྟཾ ‘‘ཙཏཱུཧི བྷིཀྑཝེ དྷམྨེཧི སམནྣཱགཏོ ཨསཔྤུརིསོ ཝེདིཏབྦོ. ཀཏམེཧི ཙཏཱུཧི, ཨིདྷ བྷིཀྑཝེ ཨསཔྤུརིསོ ཡོ ཧོཏི པརསྶ ཨཝཎྞོ ཏཾ ཨཔུཊྛོཔི པཱཏུ ཀརོཏི ཀོ པན ཝཱདོ པུཊྛསྶཱ’’ཏི ཨེཝམཱདིནཱ བྷགཝཏཱ བྷཱསིཏཾ.

ཨདྷུནཱགཏཝདྷུཀཱསམེན ¶ ཙེཏསཱ ཝིཧརིསྶཱམ’’ –

ཨཙིནྟེཡྻསུཏྟ

པུ – ཏཏྠེཝ ཨཱཝུསོ སཏྟམཾ ཨཙིནྟེཡྻསུཏྟཾ བྷགཝཏཱ ཀཐཾ བྷཱསིཏཾ.

ཝི – སཏྟམཾ བྷནྟེ ཨཙིནྟེཡྻསུཏྟཾ ‘‘ཙཏྟཱརིམཱནི བྷིཀྑཝེ ཨཙིནྟེཡྻཱནི ན ཙིནྟེཏབྦཱནི, ཡཱནི ཙིནྟེནྟོ ཨུམྨཱདསྶ ཝིགྷཱཏསྶ བྷཱགཱི ཨསྶ. ཀཏམཱནི ཙཏྟཱརི, བུདྡྷཱནཾ བྷིཀྑཝེ བུདྡྷཝིསཡོ ཨཙིནྟེཡྻོ ན ཙིནྟེཏབྦོ, ཡཾ ཙིནྟེནྟོ ཨུམྨཱདསྶ ཝིགྷཱཏསྶ བྷཱགཱི ཨསྶཱ’’ཏི ཨེཝམཱདིནཱ བྷགཝཏཱ བྷཱསིཏཾ.

མཙལཝགྒ

ཏམོཏམསུཏྟ

པུ – མཙལཝགྒེ ¶ པན ཨཱཝུསོ པཉྩམཾ ཏམོཏམསུཏྟཾ བྷགཝཏཱ ཀཐཾ བྷཱསིཏཾ.

ཝི – མཙལཝགྒེ བྷནྟེ པཉྩམཾ ཏམོཏམསུཏྟཾ ‘‘ཙཏྟཱརོམེ བྷིཀྑཝེ པུགྒལཱ སནྟོ སཾཝིཛྫམཱནཱ ལོཀསྨིཾ. ཀཏམེ ཙཏྟཱརོ, ཏམོཏམཔརཱཡཎོ, ཏམོཛོཏིཔརཱཡཎོ, ཛོཏིཏམཔརཱཡཎོ, ཛོཏིཛོཏིཔརཱཡཎོ’’ཏི ཨེཝམཱདིནཱ བྷགཝཏཱ བྷཱསིཏཾ.

ཨསུརཝགྒ

ཨསུརསུཏྟ

པུ – ཏེནཱཝུསོ ¶ བྷགཝཏཱ…པེ… སམྨཱསམྦུདྡྷེན ཨངྒུཏྟརནིཀཱཡེ ཙཏུཀྐནིཔཱཏེ ཨསུརཝགྒེ པཋམཾ ཨསུརསུཏྟཾ ཀཐཾ བྷཱསིཏཾ.

ཝི – ཨསུརཝགྒེ བྷནྟེ པཋམཾ ཨསུརསུཏྟཾ ‘‘ཙཏྟཱརོམེ བྷིཀྑཝེ པུགྒལཱ སནྟོ སཾཝིཛྫམཱནཱ ལོཀསྨིཾ. ཀཏམེ ཙཏྟཱརོ, ཨསུརོ ཨསུརཔརིཝཱརོ, ཨསུརོ དེཝཔརིཝཱརོ, དེཝོ ཨསུརཔརིཝཱརོ, དེཝོ དེཝཔརིཝཱརོ’’ཏི ཨེཝམཱདིནཱ བྷགཝཏཱ བྷཱསིཏཾ.

སམཱདྷིསུཏྟ

པུ – ཏཏྠེཝ ¶ ཨཱཝུསོ ཙཏུཏྠཾ སམཱདྷིསུཏྟཾ བྷགཝཏཱ ཀཐཾ བྷཱསིཏཾ.

ཝི – ཙཏུཏྠཾ བྷནྟེ སམཱདྷིསུཏྟཾ ‘‘ཙཏྟཱརོམེ བྷིཀྑཝེ པུགྒལཱ སནྟོ སཾཝིཛྫམཱནཱ ལོཀསྨིཾ. ཀཏམེ ཙཏྟཱརོ, ཨིདྷ བྷིཀྑཝེ ཨེཀཙྩོ པུགྒལོ ལཱབྷཱི ཧོཏི ཨཛ྄ཛྷཏྟཾ ཙེཏོསམཐསྶ ན ལཱབྷཱི ཨདྷིཔཉྙཱདྷམྨཝིཔསྶནཱཡ. ཨིདྷ པན བྷིཀྑཝེ པུགྒལོ ལཱབྷཱི ཧོཏི ཨདྷིཔཉྙཱདྷམྨཝིཔསྶནཱཡ, ན ལཱབྷཱི ཨཛ྄ཛྷཏྟཾ ཙེཏོསམཐསྶ. ཨིདྷ པན བྷིཀྑཝེ ཨེཀཙྩོ པུགྒལོ ན ཙེཝ ལཱབྷཱི ཧོཏི ཨཛ྄ཛྷཏྟཾ ཙེཏོསམཐསྶ, ན ཙ ལཱབྷཱི ཨདྷིཔཉྙཱདྷམྨཝིཔསྶནཱཡ. ཨིདྷ པན བྷིཀྑཝེ ཨེཀཙྩོ པུགྒལོ ལཱབྷཱི ཙེཝ ཧོཏི ཨཛ྄ཛྷཏྟཾ ཙེཏོསམཐསྶ, ལཱབྷཱི ཙ ཨདྷིཔཉྙཱདྷམྨཝིཔསྶནཱཡཱ’’ཏི ཨེཝམཱདིནཱ བྷགཝཏཱ བྷཱསིཏཾ.

རཱགཝིནཡསུཏྟ

པུ – ཏཏྠེཝ ¶ ཨཱཝུསོ ཚཊྛཾ རཱགཝིནཡསུཏྟཾ བྷགཝཏཱ ཀཐཾ བྷཱསིཏཾ.

ཝི – ཚཊྛཾ བྷནྟེ རཱགཝིནཡསུཏྟཾ ‘‘ཙཏྟཱརོམེ བྷིཀྑཝེ པུགྒལཱ སནྟོ སཾཝིཛྫམཱནཱ ལོཀསྨིཾ. ཀཏམེ ཙཏྟཱརོ, ཨཏྟཧིཏཱཡ པཊིཔནྣོ ནོ པརཧིཏཱཡ, པརཧིཏཱཡ པཊིཔནྣོ ནོ ཨཏྟཧིཏཱཡ, ནེཝཏྟཧིཏཱཡ པཊིཔནྣོ ནོ པརཧིཏཱཡ, ཨཏྟཧིཏཱཡ ཙེཝ པཊིཔནྣོ པརཧིཏཱཡ ཙཱ’’ཏི ཨེཝམཱདིནཱ བྷགཝཏཱ བྷཱསིཏཾ.

ཝལཱཧཀཝགྒ

པཋམཝལཱཧཀསུཏྟ

པུ – ཝལཱཧཀཝགྒེ ¶ པན ཨཱཝུསོ པཋམཾ ཝལཱཧཀསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝི – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ ‘‘ཙཏྟཱརོམེ བྷིཀྑཝེ ཝལཱཧཀཱ. ཀཏམེ ཙཏྟཱརོ, གཛྫིཏཱ ནོ ཝསྶིཏཱ, ཝསྶིཏཱ ནོ གཛྫིཏཱ, ནེཝ གཛྫིཏཱ ནོ ཝསྶིཏཱ, གཛྫིཏཱ ཙ ཝསྶིཏཱ ཙ. ཨིམེ ཁོ བྷིཀྑཝེ ཙཏྟཱརོ ཝལཱཧཀཱ. ཨེཝམེཝ ཁོ བྷིཀྑཝེ ཙཏྟཱརོ ཝལཱཧཀཱུཔམཱ པུགྒལཱ སནྟོ སཾཝིཛྫཱམཱནཱ ལོཀསྨིཾ. ཀཏམེ ཙཏྟཱརོ, གཛྫིཏཱ ནོ ཝསྶིཏཱ, ཝསྶིཏཱ ནོ གཛྫིཏཱ, ནེཝ གཛྫིཏཱ ནོ ཝསྶིཏཱ, གཛྫིཏཱ ཙ ཝསྶིཏཱ ཙཱ’’ཏི ཨེཝམཱདིནཱ བྷགཝཏཱ བྷཱསིཏཾ.

ཨུདཀརཧདསུཏྟ

པུ – ཏཏྠེཝ ¶ ཨཱཝུསོ ཙཏུཏྠཾ ཨུདཀརཧདསུཏྟཾ བྷགཝཏཱ ཀཐཾ བྷཱསིཏཾ.

ཝི – ཙཏུཏྠ བྷནྟེ ཨུདཀརཧདསུཏྟཾ ‘‘ཙཏྟཱརོམེ བྷིཀྑཝེ ཨུདཀརཧདཱ. ཀཏམེ ཙཏྟཱརོ, ཨུཏྟཱནོ གམྦྷཱིརོབྷཱསོ, གམྦྷཱིརོ ཨུཏྟཱནོབྷཱསོ, ཨུཏྟཱནོ ཨུཏྟཱནོབྷཱསོ, གམྦྷཱིརོ གམྦྷཱིརོབྷཱསོ, ཨིམེ ཁོ བྷིཀྑཝེ ཙཏྟཱརོ ཨུདཀརཧདཱ. ཨེཝམེཝ ཁོ བྷིཀྑཝེ ཙཏྟཱརོ ཨུདཀརཧདཱུཔམཱ པུགྒལཱ སནྟོ སཾཝིཛྫམཱནཱ ལོཀསྨིཾ. ཀཏམེ ཙཏྟཱརོ, ཨུཏྟཱནོ གམྦྷཱིརོབྷཱསོ, གམྦྷཱིརོ ཨུཏྟཱནོབྷཱསོ, ཨུཏྟཱནོ ཨུཏྟཱནོབྷཱསོ, གམྦྷཱིརོ གམྦྷཱིརོབྷཱསོ’’ཏི ཨེཝམཱདིནཱ བྷགཝཏཱ བྷཱསིཏཾ.

མཱུསིཀསུཏྟ

པུ – ཏཏྠེཝ ¶ ཨཱཝུསོ སཏྟམཾ མཱུསིཀསུཏྟཾ བྷགཝཏཱ ཀཐཾ བྷཱསིཏཾ.

ཝི – སཏྟམཾ བྷནྟེ མཱུསིཀསུཏྟཾ ‘‘ཙཏསྶོ ཨིམཱ བྷིཀྑཝེ མཱུསིཀཱ. ཀཏམཱ ཙཏསྶོ, གཱདྷཾ ཀཏྟཱ ནོ ཝསིཏཱ, ཝསིཏཱ ནོ གཱདྷཾ ཀཏྟཱ, ནེཝ གཱདྷཾ ཀཏྟཱ ནོ ཝསིཏཱ, གཱདྷཾ ཀཏྟཱ ཙ ཝསིཏཱ ཙ. ཨིམཱ ཁོ བྷིཀྑཝེ ཙཏསྶོ མཱུསིཀཱ. ཨེཝམེཝ ཁོ བྷིཀྑཝེ ཙཏྟཱརོ མཱུསིཀཱུཔམཱ པུགྒལཱ སནྟོ སཾཝིཛྫམཱནཱ ལོཀསྨིཾ. ཀཏམེ ཙཏྟཱརོ, གཱདྷཾ ཀཏྟཱ ནོ ཝསིཏཱ, ཝསིཏཱ ནོ གཱདྷཾ ཀཏྟཱ, ནེཝ གཱདྷཾ ཀཏྟཱ ནོ ཝསིཏཱ, གཱདྷཾ ཀཏྟཱ ཙ ཝསིཏཱ ཙཱ’’ཏི ཨེཝམཱདིནཱ བྷགཝཏཱ བྷཱསིཏཾ.

བལཱིབདྡྷསུཏྟ

པུ – སཾགཱིཏཱཔི ¶ ཨཱཝུསོ ཨངྒུཏྟརནིཀཱཡཏོ ཀཱནིཙི སུཏྟཱནི ཨུདྡྷརིཏྭཱ པཊིཔུཙྪིསྶཱམི བཧུཛནསྶ སུཏཝུཌྜྷིཡཱ. སཾགཱིཏེ ཨཱཝུསོ ཨངྒུཏྟརནིཀཱཡེ ཙཏུཀྐནིཔཱཏེ ཝལཱཧཀཝགྒེ ཨཊྛམཾ བལཱིབདྡྷསུཏྟཾ བྷགཝཏཱ ཀཐཾ བྷཱསིཏཾ.

ཝི – ཝལཱཧཀཝགྒེ བྷནྟེ ཨཊྛམཾ བལཱིབདྡྷསུཏྟཾ ‘‘ཙཏྟཱརོམེ བྷིཀྑཝེ བལཱིབདྡྷཱ. ཀཏམེ ཙཏྟཱརོ, སགཝཙཎྜོ ནོ པརགཝཙཎྜོ, པརགཝཙཎྜོ ནོ སགཝཙཎྜོ, སགཝཙཎྜོ ཙ པརགཝཙཎྜོ ཙ, ནེཝ སགཝཙཎྜོ ནོ པརགཝཙཎྜོ. ཨིམེ ཁོ བྷིཀྑཝེ ཙཏྟཱརོ བལཱིབདྡྷཱ. ཨེཝམེཝ ཁོ བྷིཀྑཝེ ཙཏྟཱརོ བལཱིབདྡྷཱུཔམཱ པུགྒལཱ སནྟོ སཾཝིཛྫམཱནཱ ལོཀསྨི’’ནྟི ཨེཝམཱདིནཱ བྷགཝཏཱ བྷཱསིཏཾ.

ཀེསིསུཏྟ

པུ – ཀེསིཝགྒེ ¶ པན ཨཱཝུསོ པཋམཾ ཀེསིསུཏྟཾ བྷགཝཏཱ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝི – ཀེསིཾ བྷནྟེ ཨསྶདམྨསཱརཐིཾ ཨཱརབྦྷ བྷཱསིཏཾ. ཀེསི བྷནྟེ ཨསྶདམྨསཱརཐི བྷགཝནྟཾ ཨེཏདཝོཙ ‘‘བྷགཝཱ པན བྷནྟེ ཨནུཏྟརོ པུརིསདམྨསཱརཐི, ཀཐཾ པན བྷནྟེ བྷགཝཱ པུརིསདམྨཾ ཝིནེཏཱི’’ཏི. ཏསྨིཾ བྷནྟེ ཝཏྠུསྨིཾ ‘‘ཨཧཾ ཁོ ཀེསི པུརིསདམྨཾ སཎྷེནཔི ཝིནེམི, ཕརུསེནཔི ཝིནེམི, སཎྷཕརུསེནཔི ཝིནེམི. ཏཏྲིདཾ ཀེསི སཎྷསྨིཾ – ཨིཏི ཀཱཡསུཙརིཏཾ ཨིཏི ཀཱཡསུཙརིཏསྶ ཝིཔཱཀོ, ཨིཏི ཝཙཱིསུཙརིཏཾ ཨིཏི ཝཙཱིསུཙརིཏསྶ ¶ ཝིཔཱཀོ, ཨིཏི མནོསུཙརིཏཾ ཨིཏི མནོསུཙརིཏསྶ ཝིཔཱཀོ, ཨིཏི དེཝཱ ཨིཏི མནུསྶཱ’’ཏི ཨེཝམཱདིནཱ བྷགཝཏཱ བྷཱསིཏཾ.

‘‘ཏྭཾ ཁོསི ཀེསི པཉྙཱཏོ ཨསྶདམྨསཱརཐཱིཏི, ཀཐཾ པན ཏྭཾ ཀེསི ཨསྶདམྨསཱརཐི’’ –

‘‘ཨཧཾ ཁོ བྷནྟེ ཨསྶདམྨཾ སཎྷེནཔི ཝིནེམི, ཕརུསེནཔི ཝིནེམི, སཎྷཕརུསེནཔི ཝིནེམི’’ –

‘‘སཙེ ¶ ཏེ ཀེསི ཨསྶདམྨོ སཎྷེན ཝིནཡཾ ན ཨུཔེཏི, ཕརུསེན ཝིནཡཾ ན ཨུཔེཏི, སཎྷཕརུསེན ཝིནཡཾ ན ཨུཔེཏི, ཀིནྟི ནཾ ཀརོསི’’ –

‘‘བྷགཝཱ པན བྷནྟེ ཨནུཏྟརོ པུརིསདམྨསཱརཐི, ཀཐཾ པན བྷནྟེ བྷགཝཱ པུརིསདམྨཾ ཝིནེཏི’’ –

ན ༠.༠༠༨༧ ཁོ བྷནྟེ བྷགཝཏོ པཱཎཱཏིཔཱཏོ ཀཔྤཏི, ཨཐ ཙ པན བྷགཝཱ ཨེཝམཱཧ ‘‘ཧནཱམི ནཾ ཀེསཱི’’ཏི.

ཨཏྟཱནུཝཱདསུཏྟ

པུ – བྷཡཝགྒེ ¶ པན ཨཱཝུསོ པཋམཾ ཨཏྟཱནུཝཱདསུཏྟཾ བྷགཝཏཱ ཀཐཾ བྷཱསིཏཾ.

ཝི – བྷཡཝགྒེ བྷནྟེ པཋམཾ ཨཏྟཱནུཝཱདསུཏྟཾ ‘‘ཙཏྟཱརིམཱནི བྷིཀྑཝེ བྷཡཱནི. ཀཏམཱནི ཙཏྟཱརི, ཨཏྟཱནུཝཱདབྷཡཾ པརཱནུཝཱདབྷཡཾ དཎྜབྷཡཾ དུགྒཏིབྷཡ’’ནྟི ཨེཝམཱདིནཱ བྷགཝཏཱ བྷཱསིཏཾ.

དྷམྨཀཐིཀསུཏྟ

པུ – ཨིདཱནི ¶ ཨཱཝུསོ བཧུཛནསྶ སུཏཝུཌྜྷིཡཱ སཾགཱིཏཱ ཨངྒུཏྟརནིཀཱཡཏོཔི ཀཱནིཙི སུཏྟཱནི ཨུདྡྷརིཏྭཱ པཊིཔུཙྪིསྶཱམི, སཾགཱིཏེ ཨཱཝུསོ ཨངྒུཏྟརནིཀཱཡེ ཙཏུཀྐནིཔཱཏེ པུགྒལཝགྒེ ནཝམཾ དྷམྨཀཐིཀསུཏྟཾ བྷགཝཏཱ ཀཐཾ བྷཱསིཏཾ.

ཝི – པུགྒལཝགྒེ བྷནྟེ ནཝམཾ དྷམྨཀཐིཀསུཏྟཾ ‘‘ཙཏྟཱརོམེ བྷིཀྑཝེ དྷམྨཀཐིཀཱ. ཀཏམེ ཙཏྟཱརོ, ཨིདྷ བྷིཀྑཝེ ཨེཀཙྩོ དྷམྨཀཐིཀོ ཨཔྤཉྩ བྷཱསཏི ཨསཧིཏཉྩ, པརིསཱ ཙསྶ ན ཀུསལཱ ཧོཏི སཧིཏཱསཧིཏསྶ. ཨེཝརཱུཔོ བྷིཀྑཝེ དྷམྨཀཐིཀོ ཨེཝརཱུཔཱཡ པརིསཱཡ དྷམྨཀཐིཀོཏྭེཝ སངྑཾ གཙྪཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

རོགསུཏྟ

པུ – ཨིནྡྲིཡཝགྒེ ¶ པན ཨཱཝུསོ སཏྟམཾ རོགསུཏྟཾ བྷགཝཏཱ ཀཐཾ བྷཱསིཏཾ.

ཝི – སཏྟམཾ བྷནྟེ རོགསུཏྟཾ ‘‘དྭེམེ བྷིཀྑཝེ རོགཱ. ཀཏམེ དྭེ, ཀཱཡིཀོ ཙ རོགོ, ཙེཏསིཀོ ཙ རོགོ. དིསྶནྟི བྷིཀྑཝེ སཏྟཱ ཀཱཡིཀེན རོགེན ཨེཀམྤི ཝསྶཾ ཨཱརོགྱཾ པཊིཛཱནམཱནཱ དྭེཔི ཝསྶཱནི ཏཱིཎིཔི ཝསྶཱནི ཙཏྟཱརིཔི ཝསྶཱནི པཉྩཔི ཝསྶཱནི དསཔི ཝསྶཱནི ཝཱིསམྤི ཝསྶཱནི ཏིཾསམྤི ཝསྶཱནི ཙཏྟཱརཱིསམྤི ཝསྶཱནི པཉྙཱསམྤི ཝསྶཱནི ཨཱརོགྱཾ པཊིཛཱནམཱནཱ ཝསྶསཏམྤི བྷིཡྻོཔི ཨཱརོགྱཾ པཊིཛཱནམཱནཱ. ཏེ བྷིཀྑཝེ སཏྟཱ སུདུལླབྷཱ ལོཀསྨིཾ, ཡེ ཙེཏསིཀེན རོགེན མུཧུཏྟམྤི ཨཱརོགྱཾ པཊིཛཱནནྟི ཨཉྙཏྲ ཁཱིཎཱསཝེཧཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཙཏྟཱརོམེ ༠.༠༠༩༦ བྷིཀྑཝེ པབྦཛིཏསྶ རོགཱ.

ཡུགནདྡྷསུཏྟ

པུ – པཊིཔདཱཝགྒེ ¶ ཨཱཝུསོ དསམཾ ཡུགནདྡྷསུཏྟཾ ཀཏྠ ཀཾ ཨཱརབྦྷ ཀེན ཀཐཉྩ བྷཱསིཏཾ.

ཝི – ཀོསམྦིཡཾ བྷནྟེ སམྦཧུལེ བྷིཀྑཱུ ཨཱརབྦྷ ‘‘ཡོ ཧི ཀོཙི ཨཱཝུསོ བྷིཀྑུ ཝཱ བྷིཀྑུནཱི ཝཱ མམ སནྟིཀེ ཨརཧཏྟཔྤཏྟིཾ བྱཱཀརོཏི, སབྦོ སོ ཙཏཱུཧི མགྒེཧི ཨེཏེསཾ ཝཱ ཨཉྙཏརེནཱ’’ཏི ཨེཝམཱདིནཱ བྷནྟེ ཨཱཡསྨཏཱ ཨཱནནྡཏྠེརེན དྷམྨབྷཎྜཱགཱརིཀེན བྷཱསིཏཾ.

པཱཊིབྷོགསུཏྟ

པུ – བྲཱཧྨཎཝགྒེ ¶ པན ཨཱཝུསོ དུཏིཡཾ པཱཊིབྷོགསུཏྟཾ བྷགཝཏཱ ཀཐཾ བྷཱསིཏཾ.

ཝི – བྲཱཧྨཎཝགྒེ བྷནྟེ དུཏིཡཾ པཱཊིབྷོགསུཏྟཾ ‘‘ཙཏུནྣཾ བྷིཀྑཝེ དྷམྨཱནཾ ནཏྠི ཀོཙི པཱཊིབྷོགོ སམཎོ ཝཱ བྲཱཧྨཎོ ཝཱ དེཝོ ཝཱ མཱརོ ཝཱ བྲཧྨཱ ཝཱ ཀོཙི ཝཱ ལོཀསྨི’’ནྟི ཨེཝམཱདིནཱ བྷགཝཏཱ བྷཱསིཏཾ.

སུཏསུཏྟ

པུ – ཏཏྠེཝ ¶ ཨཱཝུསོ ཏཏིཡཾ སུཏསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝི – རཱཛགཧེ བྷནྟེ ཝསྶཀཱརཾ བྲཱཧྨཎཾ མགདྷམཧཱམཏྟཾ ཨཱརབྦྷ བྷཱསིཏཾ. ཝསྶཀཱརོ བྷནྟེ བྲཱཧྨཎོ མགདྷམཧཱམཏྟོ བྷགཝནྟཾ ཨེཏདཝོཙ ‘‘ཨཧཉྷི བྷོ གོཏམ ཨེཝཾཝཱདཱི ཨེཝཾདིཊྛི ཡོ ཀོཙི དིཊྛཾ བྷཱསཏི ‘ཨེཝཾ མེ དིཊྛ’ནྟི, ནཏྠི ཏཏོ དོསོ. ཡོ ཀོཙི སུཏཾ བྷཱསཏི ‘ཨེཝཾ མེ སུཏ’ནྟི, ནཏྠི ཏཏོ དོསོ’’ཏི. ཏསྨིཾ བྷནྟེ ཝཏྠུསྨིཾ ‘‘ནཱཧཾ བྲཱཧྨཎ སབྦཾ དིཊྛཾ ‘བྷཱསིཏབྦ’ནྟི ཝདཱམི, ན པནཱཧཾ བྲཱཧྨཎ སབྦཾ དིཊྛཾ ‘ན བྷཱསིཏབྦ’ནྟི ཝདཱམི, ནཱཧཾ བྲཱཧྨཎ སབྦཾ སུཏཾ ‘བྷཱསིཏབྦ’ནྟི ཝདཱམི, ན པནཱཧཾ བྲཱཧྨཎ སབྦཾ སུཏཾ ‘ན བྷཱསིཏབྦ’ནྟི ཝདཱམཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཨབྷཡསུཏྟ

པུ – ཨངྒུཏྟརནིཀཱཡེ ¶ ཨཱཝུསོ ཙཏུཀྐནིཔཱཏེ བྲཱཧྨཎཝགྒེ ཙཏུཏྠཾ ཨབྷཡསུཏྟཾ བྷགཝཏཱ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝི – བྲཱཧྨཎཝགྒེ བྷནྟེ ཙཏུཏྠཾ ཨབྷཡསུཏྟཾ ཛཱཎུསྶོཎིཾ བྲཱཧྨཎཾ ཨཱརབྦྷ བྷཱསིཏཾ. ཛཱཎུསྶོཎི བྷནྟེ བྲཱཧྨཎོ བྷགཝནྟཾ ཨེཏདཝོཙ ‘‘ནཏྠི ཡོ མརཎདྷམྨོ སམཱནོ ན བྷཱཡཏི, ན སནྟཱསཾ ཨཱཔཛྫཏི མརཎསྶཱ’’ཏི. ཏསྨིཾ བྷནྟེ ཝཏྠུསྨིཾ ‘‘ཨཏྠི བྲཱཧྨཎ མརཎདྷམྨོ སམཱནོ བྷཱཡཏི, སནྟཱསཾ ཨཱཔཛྫཏི མརཎསྶ. ཨཏྠི པན བྲཱཧྨཎ མརཎདྷམྨོ སམཱནོ ན བྷཱཡཏི, ན སནྟཱསཾ ཨཱཔཛྫཏི མརཎསྶཱ’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

སོཏཱནུགཏསུཏྟ

པུ – མཧཱཝགྒེ ¶ པན ཨཱཝུསོ པཋམཾ སོཏཱནུགཏསུཏྟཾ བྷགཝཏཱ ཀཐཾ བྷཱསིཏཾ.

ཝི – མཧཱཝགྒེ བྷནྟེ པཋམཾ སོཏཱནུགཏསུཏྟཾ ‘‘སོཏཱནུགཏཱནཾ བྷིཀྑཝེ དྷམྨཱནཾ ཝཙསཱ པརིཙིཏཱནཾ མནསཱནུཔེཀྑིཏཱནཾ དིཊྛིཡཱ སུཔྤཊིཝིདྡྷཱནཾ ཙཏྟཱརོ ཨཱནིསཾསཱ པཱཊིཀངྑཱ’’ཏི ཨེཝམཱདིནཱ བྷགཝཏཱ བྷཱསིཏཾ.

ཨཡཾ ¶ ཝཱ སོ དྷམྨཝིནཡོ, ཡཏྠཱཧཾ པུབྦེ བྲཧྨཙརིཡཾ ཨཙརིཾ.

བྷདྡིཡསུཏྟ

པུ – ཨངྒུཏྟརནིཀཱཡེ ¶ ཨཱཝུསོ ཙཏུཀྐནིཔཱཏེ མཧཱཝགྒེ ཏཏིཡཾ བྷདྡིཡསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝི – ཝེསཱལིཡཾ བྷནྟེ བྷདྡིཡཾ ལིཙྪཝི ཨཱརབྦྷ བྷཱསིཏཾ. བྷདྡིཡོ བྷནྟེ ལིཙྪཝི བྷགཝནྟཾ ཨེཏདཝོཙ ‘‘སུཏཾ མེཏཾ བྷནྟེ ‘མཱཡཱཝཱི སམཎོ གོཏམོ ཨཱཝཊྚནིཾ མཱཡཾ ཛཱནཱཏི, ཡཱཡ ཨཉྙཏིཏྠིཡཱནཾ སཱཝཀེ ཨཱཝཊྚེཏཱི’ཏི. ཡེ ཏེ བྷནྟེ ཨེཝམཱཧཾསུ ‘མཱཡཱཝཱི སམཎོ གོཏམོ ཨཱཝཊྚནིཾ མཱཡཾ ཛཱནཱཏི, ཡཱཡ ཨཉྙཏིཏྠིཡཱནཾ སཱཝཀེ ཨཱཝཊྚེཏཱི’ཏི…པེ… ཨནབྦྷཀྑཱཏུཀཱམཱ ¶ ཧི མཡཾ བྷནྟེ བྷགཝནྟ’’ནྟི. ཏསྨིཾ བྷནྟེ ཝཏྠུསྨིཾ ‘‘ཨེཐ ཏུམྷེ བྷདྡིཡ མཱ ཨནུསྶཝེན མཱ པརམྤརཱཡ མཱ ཨིཏིཀིརཱཡ མཱ པིཊཀསམྤདཱནེན མཱ ཏཀྐཧེཏུ མཱ ནཡཧེཏུ མཱ ཨཱཀཱརཝིཏཀྐེན མཱ དིཊྛིནིཛ྄ཛྷཱནཀྑནྟིཡཱ མཱ བྷབྦརཱུཔཏཱཡ མཱ སམཎོ ནོ གརཱུཏི. ཡདཱ ཏུམྷེ བྷདྡིཡ ཨཏྟནཱཝ ཛཱནེཡྻཱཐ ‘ཨིམེ དྷམྨཱ ཨཀུསལཱ, ཨིམེ དྷམྨཱ སཱཝཛྫཱ, ཨིམེ དྷམྨཱ ཝིཉྙཱུ གརཧིཏཱ, ཨིམེ དྷམྨཱ སམཏྟཱ སམཱདིནྣཱ ཨཧིཏཱཡ དུཀྑཱཡ སཾཝཏྟནྟཱི’ཏི. ཨཐ ཏུམྷེ བྷདྡིཡ པཛཧེཡྻཱཐཱ’’ཏི ཨེཝམཱདིནཱ བྷགཝཏཱ བྷཱསིཏཾ.

པུ – ཨིམིསྶཱ ¶ ཙ པན ཨཱཝུསོ དེསནཱཡ དེསིཏཱཡ བྷདྡིཡསྶ ལིཙྪཝིསྶ ཀཱིདིསོ དྷམྨསཝནཱནིསཾསོ ཨདྷིགཏོ. ཀཐཉྩ ནཾ བྷགཝཱ ཨནུཡུཉྫིཏྭཱ ཏཾ ཝཙནཾ ཝིནིཝེཋེསི.

ཝི – ཨིམིསྶཱ བྷནྟེ དྷམྨདེསནཱཡ དེསིཏཱཡ བྷདྡིཡསྶ ལིཙྪཝིསྶ སོཏཱཔཏྟིཕལསངྑཱཏོ དྷམྨསཝནཱནིསཾསོ ཨདྷིགཏོ. ཨཔི ནུ ཏཱཧཾ བྷདྡིཡ ཨེཝཾ ཨཝཙཾ ‘‘ཨེཧི མེ ཏྭཾ བྷདྡིཡ སཱཝཀོ ཧོཧི, ཨཧཾ སཏྠཱ བྷཝིསྶཱམཱི’’ཏི ཨེཝམཱདིནཱ ཙ ནཾ བྷནྟེ བྷགཝཱ པཊིཔུཙྪིཏྭཱ ཨནུཡུཉྫིཏྭཱ ཏཾ ཝཙནཾ ཝིནིཝེཋེསི.

མལླིཀཱདེཝཱིསུཏྟ

པུ – ཏཏྠེཝ ¶ ཨཱཝུསོ སཏྟམཾ མལླིཀཱདེཝཱིསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝི – སཱཝཏྠིཡཾ བྷནྟེ མལླིཀཱདེཝིཾ ཨཱརབྦྷ བྷཱསིཏཾ. མལླིཀཱ བྷནྟེ དེཝཱི བྷགཝནྟཾ ཨེཏདཝོཙ ‘‘ཀོ ནུ ཁོ བྷནྟེ ཧེཏུ ཀོ པཙྩཡོ, ཡེན མིདྷེཀཙྩོ མཱཏུགཱམོ དུབྦཎྞཱ ཙ ཧོཏི དུརཱུཔཱ སུཔཱཔིཀཱ དསྶནཱཡ, དལིདྡཱ ཙ ཧོཏི ཨཔྤསྶཀཱ ཨཔྤབྷོགཱ ཨཔྤེསཀྑཱ ཙ…པེ… ཀོ པན བྷནྟེ ཧེཏུ ཀོ པཙྩཡོ, ཡེན མིདྷེཀཙྩོ མཱཏུགཱམོ ཨབྷིརཱུཔཱ ཙ ཧོཏི དསྶནཱིཡཱ པཱསཱདིཀཱ པརམཱཡ ཝཎྞཔོཀྑརཏཱཡ སམནྣཱགཏཱ, ཨཌྜྷཱ ཙ ཧོཏི མཧདྡྷནཱ མཧཱབྷོགཱ མཧེསཀྑཱ ཙཱ’’ཏི. ཏསྨིཾ བྷནྟེ ཝཏྠུསྨིཾ ‘‘ཨིདྷ མལླིཀེ མཱཏུགཱམོ ཀོདྷནཱ ཧོཏི ཨུཔཱཡཱསབཧུལཱ’’ཏི ཨེཝམཱདིནཱ བྷགཝཏཱ བྷཱསིཏཾ.

དསཀམྨསུཏྟ

པུ – ཨངྒུཏྟརནིཀཱཡེ ¶ ཨཱཝུསོ ཙཏུཀྐནིཔཱཏེ སཔྤུརིསཝགྒེ ཙཏུཏྠཾ དསཀམྨསུཏྟཾ བྷགཝཏཱ ཀཐཾ བྷཱསིཏཾ.

ཝི – སཔྤུརིསཝགྒེ ¶ བྷནྟེ ཙཏུཏྠཾ དསཀམྨསུཏྟཾ ‘‘ཨསཔྤུརིསཉྩ ཝོ བྷིཀྑཝེ དེསེསྶཱམི ཨསཔྤུརིསེན ཨསཔྤུརིསཏརཉྩ སཔྤུརིསཉྩ སཔྤུརིསེན སཔྤུརིསཏརཉྩ, ཏཾ སུཎཱཐ སཱདྷུཀཾ མནསི ཀརོཐཱ’’ཏི ཨེཝམཱདིནཱ བྷགཝཏཱ བྷཱསིཏཾ.

པརིསཱསུཏྟ

པུ – ཏཏྠེཝ ¶ ཨཱཝུསོ པརིསཱཝགྒེ པཋམཾ པརིསཱསུཏྟཾ བྷགཝཏཱ ཀཐཾ བྷཱསིཏཾ.

ཝི – པརིསཱཝགྒེ བྷནྟེ པཋམཾ པརིསཱསུཏྟཾ ‘‘ཙཏྟཱརོམེ བྷིཀྑཝེ པརིསདཱུསནཱ. ཀཏམེ ཙཏྟཱརོ, བྷིཀྑུ བྷིཀྑཝེ དུསྶཱིལོ པཱཔདྷམྨོ པརིསདཱུསནོ, བྷིཀྑུནཱི བྷིཀྑཝེ དུསྶཱིལཱ པཱཔདྷམྨཱ པརིསདཱུསནཱ, ཨུཔཱསཀོ བྷིཀྑཝེ དུསྶཱིལོ པཱཔདྷམྨོ པརིསདཱུསནོ, ཨུཔཱསིཀཱ བྷིཀྑཝེ དུསྶཱིལཱ པཱཔདྷམྨཱ པརིསདཱུསནཱ. ཨིམེ ཁོ བྷིཀྑཝེ ཙཏྟཱརོ པརིསདཱུསནཱ’’ཏི ཨེཝམཱདིནཱ བྷགཝཏཱ བྷཱསིཏཾ.

སེཁབལཝགྒ

སཾཁིཏྟསུཏྟ

པུ – པཉྩཀནིཔཱཏེ ¶ པན ཨཱཝུསོ པཋམེ སེཁབལཝགྒེ པཋམཾ སཾཁིཏྟསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝི – སཱཝཏྠིཡཾ བྷནྟེ སམྦཧུལེ བྷིཀྑཱུ ཨཱརབྦྷ ‘‘པཉྩིམཱནི བྷིཀྑཝེ སེཁབལཱནི. ཀཏམཱནི པཉྩ, སདྡྷཱབལཾ ཧིརཱིབལཾ ཨོཏྟཔྤབལཾ ཝཱིརིཡབལཾ པཉྙཱབལཾ. ཨིམཱནི ཁོ བྷིཀྑཝེ པཉྩ སེཁབལཱནཱི’’ཏི ཨེཝམཱདིནཱ བྷགཝཏཱ བྷཱསིཏཾ.

དུཀྑསུཏྟ

པུ – ཏཏྠེཝ ¶ ཨཱཝུསོ ཏཏིཡཾ དུཀྑསུཏྟཾ བྷགཝཏཱ ཀཐཾ བྷཱསིཏཾ.

ཝི – ཏཏིཡཾ བྷནྟེ དུཀྑསུཏྟཾ ‘‘པཉྩཧི བྷིཀྑཝེ དྷམྨེཧི སམནྣཱགཏོ བྷིཀྑུ དིཊྛེཝ དྷམྨེ དུཀྑཾ ཝིཧརཏི སཝིགྷཱཏཾ སཨུཔཱཡཱསཾ སཔརིལཱ༹ཧཾ ཀཱཡསྶ ཙ བྷེདཱ པརཾ མརཎཱ དུགྒཏི པཱཊིཀངྑཱ. ཀཏམེཧི པཉྩཧི, ཨིདྷ བྷིཀྑཝེ བྷིཀྑུ ཨསདྡྷོ ཧོཏི ཨཧིརིཀོ ཧོཏི, ཨནོཏྟཔྤཱི ཧོཏི, ཀུསཱིཏོ ཧོཏི, དུཔྤཉྙོ ཧོཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

སམཱཔཏྟིསུཏྟ

པུ – ཏཏྠེཝ ¶ ཨཱཝུསོ ཚཊྛཾ སམཱཔཏྟིསུཏྟཾ བྷགཝཏཱ ཀཐཾ བྷཱསིཏཾ.

ཝི – ཚཊྛཾ བྷནྟེ སམཱཔཏྟིསུཏྟཾ ‘‘ན ཏཱཝ བྷིཀྑཝེ ཨཀུསལསྶ སམཱཔཏྟི ཧོཏི, ཡཱཝ སདྡྷཱ པཙྩུཔཊྛིཏཱ ཧོཏི ཀུསལེསུ དྷམྨེསུ. ཡཏོ ཙ ཁོ བྷིཀྑཝེ སདྡྷཱ ཨནྟརཧིཏཱ ཧོཏི ཨསདྡྷིཡཾ པརིཡུཊྛཱཡ ཏིཊྛཏི, ཨཐ ཨཀུསལསྶ སམཱཔཏྟི ཧོཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཀཱམསུཏྟ

པུ – ཏཏྠེཝ ¶ ཨཱཝུསོ སཏྟམཾ ཀཱམསུཏྟཾ བྷགཝཏཱ ཀཐཾ བྷཱསིཏཾ.

ཝི – སཏྟམཾ བྷནྟེ ཀཱམསུཏྟཾ ‘‘ཡེབྷུཡྻེན བྷིཀྑཝེ སཏྟཱ ཀཱམེསུ ལལི༹ཏཱ. ཨསིཏབྱཱབྷངྒིཾ བྷིཀྑཝེ ཀུལཔུཏྟོ ཨོཧཱཡ ཨགཱརསྨཱ ཨནགཱརིཡཾ པབྦཛིཏོ ཧོཏི, སདྡྷཱཔབྦཛིཏོ ཀུལཔུཏྟོཏི ཨལཾ ཝཙནཱཡཱ’’ཏི ཨེཝམཱདིནཱ བྷགཝཏཱ བྷཱསིཏཾ.

ཝིམུཏྟཱཡཏནསུཏྟ

པུ – ཨངྒུཏྟརནིཀཱཡེ ¶ པཉྩཀནིཔཱཏེ པཉྩངྒིཀཝགྒེ ཚཊྛཾ ཝིམུཏྟཱཡཏནསུཏྟཾ བྷགཝཏཱ ཀཐཾ བྷཱསིཏཾ.

ཝི – པཉྩངྒིཀཝགྒེ བྷནྟེ ཚཊྛཾ ཝིམུཏྟཱཡཏནསུཏྟཾ ‘‘པཉྩིམཱནི བྷིཀྑཝེ ཝིམུཏྟཱཡཏནཱནི, ཡཏྠ བྷིཀྑུནོ ཨཔྤམཏྟསྶ ཨཱཏཱཔིནོ པཧིཏཏྟསྶ ཝིཧརཏོ ཨཝིམུཏྟཾ ཝཱ ཙིཏྟཾ ཝིམུཙྩཏི, ཨཔརིཀྑཱིཎཱ ཝཱ ཨཱསཝཱ པརིཀྑཡཾ གཙྪནྟི, ཨནནུཔྤཏྟཾ ཝཱ ཨནུཏྟརཾ ཡོགཀྑེམཾ ཨནུཔཱཔུཎཱཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཙངྐམསུཏྟ

པུ – ཏཏྠེཝ ¶ ཨཱཝུསོ ནཝམཾ ཙངྐམསུཏྟཾ བྷགཝཏཱ ཀཐཾ བྷཱསིཏཾ.

ཝི – ནཝམཾ བྷནྟེ ཙངྐམསུཏྟཾ ‘‘པཉྩིམེ བྷིཀྑཝེ ཙངྐམེ ཨཱནིསཾསཱ. ཀཏམེ པཉྩ, ཨདྡྷཱནཀྑམོ ཧོཏི, པདྷཱནཀྑམོ ཧོཏི, ཨཔྤཱབཱདྷོ ¶ ཧོཏི, ཨསིཏཾ པཱིཏཾ ཁཱཡིཏཾ སཱཡིཏཾ སམྨཱ པརིཎཱམཾ གཙྪཏི, ཙངྐམཱདྷིགཏོ སམཱདྷི ཙིརཊྛིཏིཀོ ཧོཏི. ཨིམེ ཁོ བྷིཀྑཝེ པཉྩ ཙངྐམེ ཨཱནིསཾསཱ’’ཏི ཨེཝཾ ཁོ བྷནྟེ བྷགཝཏཱ བྷཱསིཏཾ.

སུམནསུཏྟ

པུ – སུམནཝགྒེ ¶ པན ཨཱཝུསོ པཋམཾ སུམནསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝི – སཱཝཏྠིཡཾ བྷནྟེ སུམནཾ རཱཛཀུམཱརིཾ ཨཱརབྦྷ བྷཱསིཏཾ. སུམནཱ བྷནྟེ རཱཛཀུམཱརཱི བྷགཝནྟཾ ཨེཏདཝོཙ ‘‘ཨིདྷསྶུ བྷནྟེ བྷགཝཏོ དྭེ སཱཝཀཱ སམསདྡྷཱ སམསཱིལཱ སམཔཉྙཱ ཨེཀོ དཱཡཀོ ཨེཀོ ཨདཱཡཀོ. ཏེ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫེཡྻུཾ. དེཝབྷཱུཏཱནཾ པན ནེསཾ བྷནྟེ སིཡཱ ཝིསེསོ སིཡཱ ནཱནཱཀརཎ’’ནྟི. ཏསྨིཾ བྷནྟེ ཝཏྠུསྨིཾ ‘‘ཡོ སོ སུམནེ དཱཡཀོ, སོ ཨམྷཾ ཨདཱཡཀཾ དེཝབྷཱུཏོ སམཱནོ པཉྩཧི ཋཱནེཧི ཨདྷིགཎྷཱཏི, དིབྦེན ཨཱཡུནཱ དིབྦེན ཝཎྞེན དིབྦེན སུཁེན དིབྦེན ཡསེན དིབྦེན ཨཱདྷིཔཏེཡྻེན. ཡོ སོ སུམནེ དཱཡཀོ, སོ ཨམྷཾ ཨདཱཡཀཾ དེཝབྷཱུཏོ སམཱནོ ཨིམེཧི པཉྩཧི ཋཱནེཧི ཨདྷིགཎྷཱཏཱི’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

‘‘ཡཐཱཔི ¶ ཙནྡོ ཝིམལོ, གཙྪཾ ཨཱཀཱསདྷཱཏུཡཱ;

སབྦེ ཏཱརཱགཎེ ལོཀེ, ཨཱབྷཱཡ ཨཏིརོཙཏི;

ཏཐེཝ སཱིལསམྤནྣོ, སདྡྷོ པུརིསཔུགྒལོ;

སབྦེ མཙྪརིནོ ལོཀེ, ཙཱགེན ཨཏིརོཙཏི’’–

ཨུགྒཧསུཏྟ

པུ – ཏཏྠེཝ ཨཱཝུསོ ཏཏིཡཾ ཨུགྒཧསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝི – ཏཏིཡཾ བྷནྟེ ཨུགྒཧསུཏྟཾ བྷདྡིཡེ ཨུགྒཧཾ མེཎྜཀནཏྟཱརཾ ཨཱརབྦྷ བྷཱསིཏཾ. ཨུགྒཧོ བྷནྟེ མེཎྜཀནཏྟཱ བྷགཝནྟཾ ཨེཏདཝོཙ ‘‘ཨིམཱ མེ བྷནྟེ ཀུམཱརིཡོ པཏིཀུལཱནི གམིསྶནྟི, ཨོཝདཏུ ཏཱསཾ བྷནྟེ བྷགཝཱ, ཨནུསཱསཏུ ཏཱསཾ བྷནྟེ བྷགཝཱ, ཡཾ ཏཱསཾ ཨསྶ དཱིགྷརཏྟཾ ཧིཏཱཡ སུཁཱཡཱ’’ཏི. ཏསྨིཾ བྷནྟེ ཝཏྠུསྨིཾ ‘‘ཏསྨཱཏིཧ ཀུམཱརིཡོ ཨེཝཾ སིཀྑིཏབྦཾ’’ ཡསྶ ཝོ མཱཏཱཔིཏརོ བྷཏྟུནོ དསྶནྟི ཨཏྠཀཱམཱ ཧིཏེསིནོ ཨནུཀམྤཀཱ ཨནུཀམྤཾ ཨུཔཱདཱཡ, ཏསྶ བྷཝིསྶཱམ པུབྦུཊྛཱཡིནོ ¶ པཙྪཱནིཔཱཏིནིཡོ ཀིཾ ཀཱརཔཊིསྶཱཝིནིཡོ མནཱཔཙཱརིནིཡོ པིཡཝཱདིནིཡོ’ཏི. ཨེཝཉྷི ཝོ ཀུམཱརིཡོ སིཀྑིཏབྦ’’ནྟི ཨེཝམཱདིནཱ བྷགཝཏཱ བྷཱསིཏཾ.

སཱིཧསེནཱཔཏིསུཏྟ

པུ – ཨངྒུཏྟརནིཀཱཡེ ¶ ཨཱཝུསོ པཉྩཀནིཔཱཏེ སུམནཝགྒེ ཙཏུཏྠཾ སཱིཧསེནཱཔཏིསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝི – ཝེསཱལིཡཾ བྷནྟེ སཱིཧཾ སེནཱཔཏིཾ ཨཱརབྦྷ བྷཱསིཏཾ. སཱིཧོ བྷནྟེ སེནཱཔཏི བྷགཝནྟཾ ཨེཏདཝོཙ ‘‘སཀྐཱ ནུ ཁོ བྷནྟེ སནྡིཊྛིཀཾ དཱནཕལཾ པཉྙཱཔེཏུ’’ནྟི. ཏསྨིཾ བྷནྟེ ཝཏྠུསྨིཾ ‘‘སཀྐཱ སཱིཧ, དཱཡཀོ སཱིཧ དཱནཔཏི བཧུནོ ཛནསྶ པིཡོ ཧོཏི མནཱཔོ’’ཏི ཨེཝམཱདིནཱ བྷགཝཏཱ བྷཱསིཏཾ.

ཀཱལདཱནསུཏྟ

པུ – ཏཏྠེཝ ¶ ཨཱཝུསོ ཚཊྛཾ ཀཱལདཱནསུཏྟཾ བྷགཝཏཱ ཀཐཾ བྷཱསིཏཾ.

ཝི – ཚཊྛཾ ¶ བྷནྟེ ཀཱལདཱནསུཏྟཾ ‘‘པཉྩིམཱནི བྷིཀྑཝེ ཀཱལདཱནཱནི. ཀཏམཱནི པཉྩ, ཨཱགནྟུཀསྶ དཱནཾ དེཏི, གམིཀསྶ དཱནཾ དེཏི, གིལཱནསྶ དཱནཾ དེཏི, དུབྦྷིཀྑེ དཱནཾ དེཏི, ཡཱནི ཏཱནི ནཝསསྶཱནི ནཝཕལཱནི, ཏཱནི པཋམཾ སཱིལཝནྟེསུ པཏིཊྛཱཔེཏི. ཨིམཱནི ཁོ བྷིཀྑཝེ པཉྩ ཀཱལདཱནཱནཱི’’ཏི ཨེཝམཱདིནཱ བྷགཝཏཱ བྷཱསིཏཾ.

བྷོཛནསུཏྟ

པུ – ཏཏྠེཝ ¶ ཨཱཝུསོ སཏྟམཾ བྷོཛནསུཏྟཾ བྷགཝཏཱ ཀཐཾ བྷཱསིཏཾ.

ཝི – སཏྟམཾ བྷནྟེ བྷོཛནསུཏྟཾ ‘‘བྷོཛནཾ བྷིཀྑཝེ དདམཱནོ དཱཡཀོ པཊིགྒཱཧཀཱནཾ པཉྩ ཋཱནཱནི དེཏི. ཀཏམཱནི པཉྩ, ཨཱཡུཾ དེཏི, ཝཎྞཾ དེཏི, སུཁཾ དེཏི, བལཾ དེཏི, པཊིབྷཱནཾ དེཏི. ཨཱཡུཾ ཁོ པན དཏྭཱ ཨཱཡུསྶ བྷཱགཱི ཧོཏི དིབྦསྶ ཝཱ མཱནུསསྶ ཝཱ’’ཏི ཨེཝམཱདིནཱ བྷགཝཏཱ བྷཱསིཏཾ.

པུཏྟསུཏྟ

པུ – ཏཏྠེཝ ¶ ཨཱཝུསོ ནཝམཾ པུཏྟསུཏྟཾ བྷགཝཏཱ ཀཐཾ བྷཱསིཏཾ.

ཝི – ནཝམཾ བྷནྟེ པུཏྟསུཏྟཾ ‘‘པཉྩིམཱནི བྷིཀྑཝེ ཋཱནཱནི སམྤསྶནྟོ མཱབྷཱཔིཏརོ པུཏྟཾ ཨིཙྪནྟི ཀུལེ ཛཱཡམཱནཾ. ཀཏམཱནི པཉྩ,

བྷཏོ ¶ ཝཱ ནོ བྷརིསྶཏི, ཀིཙྩཾ ཝཱ ནོ ཀརིསྶཏི, ཀུལཝཾསོ ཙིརཾ ཋསྶཏི, དཱཡཛྫཾ པཊིཔཛྫིསྶཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ནཱརདསུཏྟ

པུ – མུཎྜརཱཛཝགྒེ ¶ པནཱཝུསོ དསམཾ ནཱརདསུཏྟཾ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀེན ཀཐཉྩ བྷཱསིཏཾ.

ཝི – པཱཊལིཔུཏྟེ བྷནྟེ མུཎྜཾ རཱཛཱནཾ ཨཱརབྦྷ བྷཱསིཏཾ. མུཎྜསྶ བྷནྟེ རཉྙོ བྷདྡཱ དེཝཱི ཀཱལངྐཏཱ ཧོཏི པིཡཱ མནཱཔཱ. སོ བྷདྡཱཡ དེཝིཡཱ ཀཱལངྐཏཱཡ པིཡཱཡ མནཱཔཱཡ ནེཝ ནྷཱཡཏི ན ཝིལིམྤཏི ན བྷཏྟཾ བྷུཉྫཏི, ན ཀམྨནྟཾ པཡོཛེཏི, རཏྟིནྡིཝཾ བྷདྡཱཡ དེཝིཡཱ སརཱིརེ ཨཛ྄ཛྷོམུཙྪིཏོ. ཏསྨིཾ བྷནྟེ ཝཏྠུསྨིཾ ‘‘པཉྩིམཱནི མཧཱརཱཛ ཨལབྦྷནཱིཡཱནི ཋཱནཱནི སམཎེན ཝཱ བྲཱཧྨཎེན ཝཱ དེཝེན ཝཱ མཱརེན ཝཱ བྲཧྨུནཱ ཝཱ ཀེནཙི ཝཱ ལོཀསྨི’’ནྟི ཨེཝམཱདིནཱ བྷནྟེ ཨཱཡསྨཏཱ ནཱརདཏྠེརེན རཉྙོ པསེནདིསྶ ཀོསལསྶ བྷགཝཏཱ དེསིཏནིཡཱམེན དེསིཏཾ.

ཀོ ¶ ནཱམོ ཨཡཾ བྷནྟེ དྷམྨཔརིཡཱཡོ.

ཏགྒྷ བྷནྟེ སོཀསལླཧརཎོ.

སམཡསུཏྟ

པུ – ཨངྒུཏྟརནིཀཱཡེ ¶ ཨཱཝུསོ པཉྩཀནིཔཱཏེ ནཱིཝརཎཝགྒེ ཙཏུཏྠཾ སམཡསུཏྟཾ བྷགཝཏཱ ཀཐཾ བྷཱསིཏཾ.

ཝི – ནཱིཝརཎཝགྒེ བྷནྟེ ཙཏུཏྠཾ སམཡསུཏྟཾ ‘‘པཉྩིམེ བྷིཀྑཝེ ཨསམཡཱ པདྷཱནཱཡ. ཀཏམེ པཉྩ, ཨིདྷ བྷིཀྑཝེ བྷིཀྑུ ཛིཎྞོ ཧོཏི ཛརཱཡཱབྷིབྷཱུཏོ. ཨཡཾ བྷིཀྑཝེ པཋམོ ཨསམཡོ པདྷཱནཱཡཱ’’ཏི ཨེཝམཱདིནཱ བྷགཝཏཱ བྷཱསིཏཾ.

ཋཱནསུཏྟ

པུ – ཏཏྠེཝ ¶ ཨཱཝུསོ སཏྟམཾ ཋཱནསུཏྟཾ བྷགཝཏཱ ཀཐཾ བྷཱསིཏཾ.

ཝི – སཏྟམཾ བྷནྟེ ཋཱནསུཏྟཾ ‘‘པཉྩིམཱནི བྷིཀྑཝེ ཋཱནཱནི ཨབྷིཎྷཾ པཙྩཝེཀྑིཏབྦཱནི ཨིཏྠིཡཱ ཝཱ པུརིསེན ཝཱ གཧཊྛེན ཝཱ པབྦཛིཏེན ཝཱ. ཀཏམཱནི པཉྩ, ཛརཱདྷམྨོམྷི ཛརཾ ཨནཏཱིཏོཏི ཨབྷིཎྷཾ པཙྩཝེཀྑིཏབྦཾ ཨིཏྠིཡཱ ཝཱ པུརིསེན ཝཱ གཧཊྛེན ཝཱ པབྦཛིཏེན ཝཱ’’ཏི ཨེཝམཱདིནཱ བྷགཝཏཱ བྷཱསིཏཾ.

དྷམྨཝིཧཱརཱིསུཏྟ

པུ – ཡོདྷཱཛཱིཝཝགྒེ ¶ པནཱཝུསོ ཏཏིཡཾ དྷམྨཝིཧཱརིསུཏྟཾ བྷགཝཏཱ ཀཐཾ བྷཱསིཏཾ.

ཝི – ཡོདྷཱཛཱིཝཝགྒེ བྷནྟེ ཏཏིཡཾ དྷམྨཝིཧཱརིསུཏྟཾ ‘‘ཨིདྷ བྷིཀྑུ བྷིཀྑུ དྷམྨཾ པརིཡཱཔུཎཱཏི སུཏྟཾ གེཡྻཾ ཝེཡྻཱཀརཎཾ གཱཐཾ ཨུདཱནཾ དུཏིཝུཏྟཀཾ ཛཱཏཀཾ ཨབྦྷུཏདྷམྨཾ ཝེདལླཾ, སོ ཏཱཡ དྷམྨཔརིཡཏྟིཡཱ དིཝསཾ ཨཏིནཱམེཏི, རིཉྩཏི པཊིསལླཱནཾ, ནཱནུཡུཉྫཏི ཨཛ྄ཛྷཏྟཾ ཙེཏོསམཐཾ. ཨཡཾ ཝུཙྩཏི བྷིཀྑུ བྷིཀྑུ པརིཡཏྟིབཧུལོ ནོ དྷམྨཝིཧཱརཱི’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

དྷམྨཝིཧཱརཱི དྷམྨཝིཧཱརཱིཏི བྷནྟེ ཝུཙྩཏི, ཀིཏྟཱཝཏཱ ནུ ཁོ བྷནྟེ བྷིཀྑུ དྷམྨཝིཧཱརཱི ཧོཏི.

དུཏིཡཨནཱགཏབྷཡསུཏྟ

པུ – ཨངྒུཏྟརནིཀཱཡེ ¶ ཨཱཝུསོ པཉྩཀནིཔཱཏེ ཡོདྷཱཛཱིཝཝགྒེ ཨཊྛམཾ དུཏིཡཨནཱགཏབྷཡསུཏྟཾ བྷགཝཏཱ ཀཐཾ བྷཱསིཏཾ.

ཝི – ཡོདྷཱཛཱིཝཝགྒེ བྷནྟེ ཨཊྛམཾ དུཏིཡཨནཱགཏབྷཡསུཏྟཾ ‘‘པཉྩིམཱནི བྷིཀྑཝེ ཨནཱགཏབྷཡཱནི སམྤསྶམཱནེན ཨལམེཝ བྷིཀྑུནཱ ཨཔྤམཏྟེན ཨཱཏཱཔིནཱ པཧིཏཏྟེན ཝིཧརིཏུཾ ཨཔྤཏྟསྶ པཏྟིཡཱ ཨནདྷིགཏསྶ ཨདྷིགམཱཡ ཨསཙྪིཀཏསྶ སཙྪིཀིརིཡཱཡཱ’’ཏི ཨེཝམཱདིནཱ བྷགཝཏཱ བྷཱསིཏཾ.

ཏཏིཡཨནཱགཏབྷཡསུཏྟ

པུ – ཏཏྠེཝ ¶ ཨཱཝུསོ ནཝམཾ ཏཏིཡཨནཱགཏབྷཡསུཏྟཾ བྷགཝཏཱ ཀཐཾ བྷཱསིཏཾ.

ཝི – ཏཏྠེཝ བྷནྟེ ནཝམཾ ཀཏིཡཨནཱགཏབྷཡསུཏྟཾ ‘‘པཉྩིམཱནི བྷིཀྑཝེ ཨནཱགཏབྷཡཱནི ཨེཏརཧི ཨསམུཔྤནྣཱནི ཨཱཡཏིཾ སམུཔྤཛྫིསྶནྟི, ཏཱནི ཝོ པཊིབུཛ྄ཛྷིཏབྦཱནི, པཊིབུཛ྄ཛྷིཏྭཱ ཙ ཏེསཾ པཧཱནཱཡ ཝཱཡམིཏབྦཾ. ཀཏམཱནི པཉྩ, བྷཝིསྶནྟི བྷིཀྑཝེ བྷིཀྑཱུ ཨནཱགཏམདྡྷཱནཾ ཨབྷཱཝིཏཀཱཡཱ ཨབྷཱཝིཏསཱིལཱ ཨབྷཱཝིཏཙིཏྟཱ ཨབྷཱཝིཏཔཉྙཱ’’ཏི ཨེཝམཱདིནཱ བྷགཝཏཱ བྷཱསིཏཾ.

ཙཏུཏྠཨནཱགཏབྷཡསུཏྟ

པུ – ཨངྒུཏྟརནིཀཱཡེ ¶ ཨཱཝུསོ པཉྩཀནིཔཱཏེ ཡོདྷཱཛཱིཝཝགྒེ དསམཾ ཙཏུཏྠཨནཱགཏབྷཡསུཏྟཾ བྷགཝཏཱ ཀཐཾ བྷཱསིཏཾ.

ཝི – ཡོདྷཱཛཱིཝཝགྒེ བྷནྟེ དསམཾ ཙཏུཏྠཨནཱགཏབྷཡསུཏྟཾ ‘‘པཉྩིམཱནི བྷིཀྑཝེ ཨནཱགཏབྷཡཱནི ཨེཏརཧི ཨསམུཔྤནྣཱནི ཨཱཡཏིཾ སམུཔྤཛྫིསྶནྟི, ཏཱནི ཝོ པཊིབུཛ྄ཛྷིཏབྦཱནི, པཊིབུཛ྄ཛྷིཏྭཱ ཙ ཏེསཾ པཧཱནཱཡ ཝཱཡམིཏབྦ’’ནྟི ཨེཝམཱདིནཱ བྷགཝཏཱ བྷཱསིཏཾ.

ཀཀུདྷཝགྒ

སཱིཧསུཏྟ

པུ – ཀཀུདྷཝགྒེ ¶ ཨཱཝུསོ ནཝམཾ སཱིཧསུཏྟཾ བྷགཝཏཱ ཀཐཾ བྷཱསིཏཾ.

ཝི – ཀཀུདྷཝགྒེ བྷནྟེ ནཝམཾ སཱིཧསུཏྟཾ ‘‘སཱིཧོ བྷིཀྑཝེ མིགརཱཛཱ སཱཡནྷསམཡཾ ཨཱསཡཱ ནིཀྑམཏི, ཨཱསཡཱ ནིཀྑམིཏྭཱ ཝིཛམྦྷཏི, ཝིཛམྦྷིཏྭཱ སམནྟཱ ཙཏུདྡིསཾ ཨནུཝིལོཀེཏི, སམནྟཱ ཙཏུདྡིསཾ ཨནུཝིལོཀེཏྭཱ ཏིཀྑཏྟུཾ སཱིཧནཱདཾ ནདཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཨནྡྷཀཝིནྡཝགྒ

ཀུལཱུཔཀསུཏྟ

པུ – ཨནྡྷཀཝིནྡཝགྒེ ¶ པན ཨཱཝུསོ ‘‘པཋམཾ ཀུལཱུཔཀསུཏྟཾ བྷགཝཏཱ ཀཐཾ བྷཱསིཏཾ.

ཝི – ཨནྡྷཀཝིནྡཝགྒེ བྷནྟེ པཋམཾ ཀུལཱུཔཀསུཏྟཾ ‘‘པཉྩཧི བྷིཀྑཝེ དྷམྨེཧི སམནྣཱགཏོ ཀུལཱུཔཀོ བྷིཀྑུ ཀུལེསུ ཨཔྤིཡོ ཙ ཧོཏི ཨམནཱཔོ ཙ ཨགརུ ཙ ཨབྷཱཝནཱིཡོ ཙཱ’’ཏི ཨེཝམཱདིནཱ བྷནྟེ བྷགཝཏཱ བྷཱསིཏཾ.

ཨནྡྷཀཝིནྡསུཏྟ

པུ – ཏཏྠེཝ ¶ ཨཱཝུསོ ཙཏུཏྠཾ ཨནྡྷཀཝིནྡསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝི – མགདྷེསུ བྷནྟེ ཨནྡྷཀཝིནྡེ ཨཱཡསྨནྟཾ ཨཱནནྡཾ ཨཱརབྦྷ ‘‘ཡེ ཏེ ཨཱནནྡ བྷིཀྑཱུ ནཝཱ ཨཙིརཔབྦཛིཏཱ ཨདྷུནཱགཏཱ ཨིམཾ དྷམྨཝིནཡཾ, ཏེ ཝོ ཨཱནནྡ བྷིཀྑཱུ པཉྩསུ དྷམྨེསུ སམཱདཔེཏབྦཱ ནིཝེསེཏབྦཱ པཏིཊྛཱཔེཏབྦཱ’’ཏི ཨེཝམཱདིནཱ བྷགཝཏཱ བྷཱསིཏཾ.

གིལཱནཝགྒ

སཏིསཱུཔཊྛིཏསུཏྟ

པུ – ཨངྒུཏྟརནིཀཱཡེ ¶ ཨཱཝུསོ པཉྩཀནིཔཱཏེ གིལཱནཝགྒེ དུཏིཡཾ སཏིསཱུཔཊྛིཏསུཏྟཾ བྷགཝཏཱ ཀཐཾ བྷཱསིཏཾ.

ཝི – གིལཱནཝགྒེ བྷནྟེ དུཏིཡཾ སཏིསཱུཔཊྛིཏསུཏྟཾ ‘‘ཡོ ཧི ཀོཙི བྷིཀྑཝེ བྷིཀྑུ ཝཱ བྷིཀྑུནཱི ཝཱ པཉྩ དྷམྨེ བྷཱཝེཏི, པཉྩ དྷམྨེ བཧུལཱིཀརོཏི, ཏསྶ དྭིནྣཾ ཕལཱནཾ ཨཉྙཏརཾ ཕལཾ པཱཊིཀངྑཾ ‘དིཊྛེཝ དྷམྨེ ཨཉྙཱ, སཏི ཝཱ ཨུཔཱདིསེསེ ཨནཱགཱམིཏཱ’. ཀཏམེ པཉྩ, ཨིདྷ བྷིཀྑཝེ བྷིཀྑུནོ ཨཛ྄ཛྷཏྟཉྙེཝ སཏིསཱུཔཊྛིཏཱ ཧོཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཨུཔཊྛཱཀསུཏྟ

པུ – ཏཏྠེཝ ¶ ཨཱཝུསོ ཏཏིཡཾ ཨུཔཊྛཱཀསུཏྟཾ བྷགཝཏཱ ཀཐཾ བྷཱསིཏཾ.

ཝི – ཏཏིཡཾ ¶ བྷནྟེ ཨུཔཊྛཱཀསུཏྟཾ ‘‘པཉྩཧི བྷིཀྑཝེ དྷམྨེཧི སམནྣཱགཏོ གིལཱནོ དཱུཔཊྛཱཀོ ཧོཏི. ཀཏམེཧི པཉྩཧི, ཨསཔྤཱཡཀཱརཱི ཧོཏི, སཔྤཱཡེ མཏྟཾ ན ཛཱནཱཏི, བྷེསཛྫཾ ནཔྤཊིསེཝིཏཱ ཧོཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཨནཱཡུསྶཱསུཏྟ

པུ – ཏཏྠེཝ ¶ ཨཱཝུསོ པཉྩམཾ ཨནཱཡུསྶཱསུཏྟཾ བྷགཝཏཱ ཀཐཾ བྷཱསིཏཾ.

ཝི – པཉྩམཾ བྷནྟེ ཨནཱཡུསྶཱསུཏྟཾ ‘‘པཉྩིམེ བྷིཀྑཝེ དྷམྨཱ ཨནཱཡུསྶཱ. ཀཏམེ པཉྩ, ཨསཔྤཱཡཀཱརཱི ཧོཏི, སཔྤཱཡེ མཏྟཾ ན ཛཱནཱཏི, ཨཔརིཎཏབྷོཛཱི ཙ ཧོཏི, ཨཀཱལཙཱརཱི ཙ ཧོཏི, ཨབྲཧྨཙཱརཱི ཙ. ཨིམེ ཁོ བྷིཀྑཝེ པཉྩ དྷམྨཱ ཨནཱཡུསྶཱ’’ཏི ཨེཝམཱདིནཱ བྷགཝཏཱ བྷཱསིཏཾ.

སམཎསུཁསུཏྟ

པུ – ཏཏྠེཝ ¶ ཨཱཝུསོ ཨཊྛམཾ སམཎསུཁསུཏྟཾ བྷགཝཏཱ ཀཐཾ བྷཱསིཏཾ.

ཝི – ཨཊྛམཾ བྷནྟེ སམཎསུཁསུཏྟཾ ‘‘པཉྩིམཱནི བྷིཀྑཝེ སམཎདུཀྑཱནི. ཀཏམཱནི པཉྩ, ཨིདྷ བྷིཀྑཝེ བྷིཀྑུ ཨསནྟུཊྛོ ཧོཏི ཨིཏརཱིཏརེན ཙཱིཝརེན, ཨསནྟུཊྛོ ཧོཏི ཨིཏརཱིཏརེན པིཎྜཔཱཏེན, ཨསནྟུཊྛོ ཧོཏི ཨིཏརཱིཏརེན སེནཱསནེན, ཨསནྟུཊྛོ ཧོཏི ཨིཏརཱིཏརེན གིལཱནཔཙྩཡབྷེསཛྫཔརིཀྑཱརེན, ཨནབྷིརཏོ ཙ བྲཧྨཙརིཡཾ ཙརཏི. ཨིམཱནི ཁོ བྷིཀྑཝེ པཉྩ སམཎདུཀྑཱནཱི’’ཏི ཨེཝམཱདིནཱ བྷགཝཏཱ བྷཱསིཏཾ.

བྱསནསུཏྟ

པུ – ཏཏྠེཝ ¶ ཨཱཝུསོ དསམཾ བྱསནསུཏྟཾ བྷགཝཏཱ ཀཐཾ བྷཱསིཏཾ.

ཝི – དསམཾ བྷནྟེ བྱསནསུཏྟཾ ‘‘པཉྩིམཱནི བྷིཀྑཝེ བྱསནཱནི. ཀཏམཱནི པཉྩ, ཉཱཏིབྱསནཾ བྷོགབྱསནཾ རོགབྱསནཾ སཱིལབྱསནཾ དིཊྛིབྱསན’’ནྟི ཨེཝམཱདིནཱ བྷགཝཏཱ བྷཱསིཏཾ.

རཱཛཝགྒ

པཏྠནཱསུཏྟ

པུ – རཱཛཝགྒེ ¶ པན ཨཱཝུསོ ཚཊྛཾ པཏྠནཱསུཏྟཾ བྷགཝཏཱ ཀཐཾ བྷཱསིཏཾ.

ཝི – རཱཛཝགྒེ བྷནྟེ ཚཊྛཾ པཏྠནཱསུཏྟཾ ‘‘པཉྩཧི བྷིཀྑཝེ ཨངྒེཧི སམནྣཱགཏོ རཉྙོ ཁཏྟིཡསྶ མུདྡྷཱཝསིཏྟསྶ ཛེཊྛོ པུཏྟོ ཨོཔརཛྫཾ པཏྠེཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

སཔྤུརིསདཱནསུཏྟ

པུ – ཏིཀཎྜཀཱིཝགྒེ ¶ ཨཱཝུསོ ཨཊྛམཾ སཔྤུརིསདཱནསུཏྟཾ བྷགཝཏཱ ཀཐཾ བྷཱསིཏཾ.

ཝི – ཏིཀཎྜཀཱིཝགྒེ བྷནྟེ ཨཊྛམཾ སཔྤུརིསདཱནསུཏྟཾ ‘‘པཉྩིམཱནི བྷིཀྑཝེ སཔྤུརིསདཱནཱནི. ཀཏམཱནི པཉྩ, སདྡྷཱཡ དཱནཾ དེཏི, སཀྐཙྩཾ དཱནཾ དེཏི, ཀཱལེན དཱནཾ དེཏི, ཨནུགྒཧིཏཙིཏྟོ དཱནཾ དེཏི, ཨཏྟཱནཉྩ པརཉྩ ཨནུཔཧཙྩ དཱནཾ དེཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

སདྡྷམྨཝགྒ

པཋམསམྨཏྟནིཡཱམསུཏྟ

པུ – སདྡྷམྨཝགྒེ ¶ པན ཨཱཝུསོ པཋམཾ སམྨཏྟནིཡཱམསུཏྟཾ བྷགཝཏཱ ཀཐཾ བྷཱསིཏཾ.

ཝི – སདྡྷམྨཝགྒེ བྷནྟེ པཋམཾ སམྨཏྟནིཡཱམསུཏྟཾ ‘‘པཉྩཧི བྷིཀྑཝེ དྷམྨེཧི སམནྣཱགཏོ སུནཀྑོཔི སདྡྷམྨཾ ཨབྷབྦོ ནིཡཱམཾ ཨོཀྐམིཏུཾ ཀུསལེསུ དྷམྨེསུ སམྨཏྟཾ. ཀཏམེཧི པཉྩཧི, ཀཐཾ པརིབྷོཏི, ཀཐིཀཾ པརིབྷོཏི, ཨཏྟཱནཾ པརིབྷོཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

པཋམསདྡྷམྨསམྨོསསུཏྟ

པུ – ཏཏྠེཝ ¶ ཨཱཝུསོ ཙཏུཏྠཾ པཋམསདྡྷམྨསམྨོསསུཏྟཾ བྷགཝཏཱ ཀཐཾ བྷཱསིཏཾ.

ཝི – ཏཏྠེཝ བྷནྟེ ཙཏུཏྠཾ པཋམསདྡྷམྨསམྨོསསུཏྟཾ ‘‘པཉྩིམེ བྷིཀྑཝེ དྷམྨཱ སདྡྷམྨསྶ སམྨོསཱཡ ཨནྟརདྷཱནཱཡ སཾཝཏྟནྟི. ཀཏམེ པཉྩ, ཨིདྷ བྷིཀྑཝེ བྷིཀྑཱུ ན སཀྐཙྩཾ དྷམྨཾ སུཎནྟི, ན སཀྐཙྩཾ དྷམྨཾ པརིཡཱཔུཎནྟི, ན སཀྐཙྩཾ དྷམྨཾ དྷཱརེནྟི, ན སཀྐཙྩཾ དྷཱཏཱནཾ དྷམྨཱནཾ ཨཏྠཾ ཨུཔཔརིཀྑནྟི, ན སཀྐཙྩཾ ཨཏྠམཉྙཱཡ དྷམྨམཉྙཱཡ དྷམྨཱནུདྷམྨཾ པཊིཔཛྫནྟི. ཨིམེ ཁོ བྷིཀྑཝེ པཉྩ དྷམྨཱ སདྡྷམྨསྶ སམྨོསཱཡ ཨནྟརདྷཱནཱཡ སཾཝཏྟནྟཱི’’ཏི ཨེཝམཱདིནཱ བྷགཝཏཱ བྷཱསིཏཾ.

དུཏིཡསདྡྷམྨསམྨོསསུཏྟ

པུ – ཏཏྠེཝ ¶ ཨཱཝུསོ པཉྩམཾ དུཏིཡསདྡྷམྨསམྨོསསུཏྟཾ བྷགཝཏཱ ཀཐཾ བྷཱསིཏཾ.

ཝི – ཏཏྠེཝ བྷནྟེ པཉྩམཾ དུཏིཡསདྡྷམྨསམྨོསསུཏྟཾ ‘‘པཉྩིམེ བྷིཀྑཝེ དྷམྨཱ སདྡྷམྨསྶ སམྨོསཱཡ ཨནྟརདྷཱནཱཡ སཾཝཏྟནྟི. ཀཏམེ པཉྩ, ཨིདྷ བྷིཀྑཝེ བྷིཀྑཱུ དྷམྨཾ ན པརིཡཱཔུཎནྟི སུཏྟཾ གེཡྻཾ ཝེཡྻཱཀརཎཾ གཱཐཾ ཨུདཱནཾ ཨིཏིཝུཏྟཀཾ ཛཱཏཀཾ ཨབྦྷུཏདྷམྨཾ ཝེདལླཾ. ཨཡཾ བྷིཀྑཝེ པཋམོ དྷམྨོ སདྡྷམྨསྶ སམྨོསཱཡ ཨནྟརདྷཱནཱཡ སཾཝཏྟཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཏཏིཡསདྡྷམྨསམྨོསསུཏྟ

པུ – ཏཏྠེཝ ¶ ཨཱཝུསོ ཚཊྛཾ ཏཏིཡསདྡྷམྨསམྨོསསུཏྟཾ བྷགཝཏཱ ཀཐཾ བྷཱསིཏཾ.

ཝི – ཏཏྠེཝ བྷནྟེ ཚཊྛཾ ཏཏིཡསདྡྷམྨསམྨོསསུཏྟཾ ‘‘པཉྩིམེ བྷིཀྑཝེ དྷམྨཱ སདྡྷམྨསྶ སམྨོསཱཡ ཨནྟརདྷཱནཱཡ སཾཝཏྟནྟི. ཀཏམེ པཉྩ, ཨིདྷ བྷིཀྑཝེ བྷིཀྑཱུ དུགྒཧིཏཾ སུཏྟནྟཾ པརིཡཱཔུཎནྟི དུནྣིཀྑིཏྟཧི པདབྱཉྫནེཧི. དུནྣིཀྑིཏྟསྶ བྷིཀྑཝེ པདབྱཉྫནསྶ ཨཏྠོཔི དུནྣཡོ ཧོཏི. ཨཡཾ བྷིཀྑཝེ པཋམོ དྷམྨོ སདྡྷམྨསྶ སམྨོསཱཡ ཨནྟརདྷཱནཱཡ སཾཝཏྟཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

དུཀྐཏཱསུཏྟ

པུ – ཨངྒུཏྟརནིཀཱཡེ ¶ ཨཱཝུསོ པཉྩཀནིཔཱཏེ སདྡྷམྨཝགྒེ སཏྟམཾ དུཀྐཐཱསུཏྟཾ བྷགཝཏཱ ཀཐཾ བྷཱསིཏཾ.

ཝི – སདྡྷམྨཝགྒེ བྷནྟེ སཏྟམཾ དུཀྐཐཱསུཏྟཾ ‘‘པཉྩནྣཾ བྷིཀྑཝེ པུགྒལཱནཾ ཀཐཱ དུཀྐཐཱ པུགྒལེ པུགྒལཾ ཨུཔནིདྷཱཡ. ཀཏམེསཾ པཉྩནྣཾ, ཨསྶདྡྷསྶ བྷིཀྑཝེ སདྡྷཱཀཐཱ དུཀྐཐཱ, དུསྶཱིལསྶ སཱིལཀཐཱ དུཀྐཐཱ, ཨཔྤསྶུཏསྶ བཱཧུསཙྩཀཐཱ དུཀྐཐཱ, མཙྪརིསྶ ཙཱགཀཐཱ དུཀྐཐཱ, དུཔྤཉྙསྶ པཉྙཱཀཐཱ དུཀྐཐཱ’’ཏི ཨེཝམཱདིནཱ བྷགཝཏཱ བྷཱསིཏཾ.

ཨུདཱཡཱིསུཏྟ

པུ – ཏཏྠེཝ ¶ ཨཱཝུསོ ནཝམཾ ཨུདཱཡིསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝི – ཀོསམྦིཡཾ བྷནྟེ ཨཱཡསྨནྟཾ ཨུདཱཡིཾ ཨཱརབྦྷ བྷཱསིཏཾ. ཨཱཡསྨཱ བྷནྟེ ཨུདཱཡཱི མཧཏིཡཱ གཱིཧིཔརིསཱཡ པརིཝུཏོ ¶ དྷམྨཾ དེསེནྟོ ནིསིནྣོ ཧོཏི. ཨདྡསཱ ཁོ ཨཱཡསྨཱ ཨཱནནྡོ ཨཱཡསྨནྟཾ ཨུདཱཡིཾ མཧཏིཡཱ གིཧིཔརིསཱཡ པརིཝུཏཾ དྷམྨཾ དེསེནྟཾ ནིསིནྣཾ. དིསྭཱ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི. ཨེཀམནྟཾ ནིསིནྣོ ཁོ ཨཱཡསྨཱ ཨཱནནྡོ བྷགཝནྟཾ ཨེཏདཝོཙ ‘‘ཨཱཡསྨཱ བྷནྟེ ཨུདཱཡཱི མཧཏིཡཱ གིཧིཔརིསཱཡ པརིཝུཏོ དྷམྨཾ དེསེཏཱི’’ཏི. ཏསྨིཾ བྷནྟེ ཝཏྠུསྨིཾ ‘‘ན ཁོ ཨཱནནྡ སུཀརཾ པརེསཾ དྷམྨཾ དེསེཏུཾ, པརེསཾ ཨཱནནྡ དྷམྨཾ དེསེནྟེན པཉྩ དྷམྨེ ཨཛ྄ཛྷཏྟཾ ཨུཔཊྛཱཔེཏྭཱ པརེསཾ དྷམྨོ དེསེཏབྦོ’’ཏི ཨེཝམཱདིནཱ བྷགཝཏཱ བྷཱསིཏཾ.

ཨཱགྷཱཏཝགྒ

པཋམཨཱགྷཱཏཔཊིཝིནཡསུཏྟ

པུ – ཨཱགྷཱཏཝགྒེ ¶ པན ཨཱཝུསོ པཋམཾ ཨཱགྷཱཏཔཊིཝིནཡསུཏྟཾ བྷགཝཏཱ ཀཐཾ བྷཱསིཏཾ.

ཝི – ཨཱགྷཱཏཝགྒེ བྷནྟེ པཋམཾ ཨཱགྷཱཏཔཊིཝིནཡསུཏྟཾ ‘‘པཉྩིམེ བྷིཀྑཝེ ཨཱགྷཱཏཔཊིཝིནཡཱ, ཡཏྠ བྷིཀྑུནོ ཨུཔྤནྣོ ཨཱགྷཱཏོ སབྦསོ པཊིཝིནེཏབྦོ. ཀཏམེ པཉྩ, ཡསྨིཾ བྷིཀྑཝེ པུགྒལེ ཨཱགྷཱཏོ ཛཱཡེཐ, མེཏྟཱ ཏསྨིཾ པུགྒལེ བྷཱཝེཏབྦཱ, ཨེཝཾ ཏསྨིཾ པུགྒལེ ཨཱགྷཱཏོ པཊིཝིནེཏབྦོ’’ཏི ཨེཝམཱདིནཱ བྷགཝཏཱ བྷཱསིཏཾ.

ཨུཔཱསཀཝགྒ

ཙཎྜཱལསུཏྟ

པུ – ཨུཔཱསཀཝགྒེ ¶ པན ཨཱཝུསོ པཉྩམཾ ཙཎྜཱལསུཏྟཾ བྷགཝཏཱ ཀཐཾ བྷཱསིཏཾ.

ཝི – ཨུཔཱསཀཝགྒེ བྷནྟེ པཉྩམཾ ཙཎྜཱལསུཏྟཾ ‘‘པཉྩཧི བྷིཀྑཝེ དྷམྨེཧི སམནྣཱགཏོ ཨུཔཱསཀོ ཨུཔཱསཀཙཎྜཱལོ ཙ ¶ ཧོཏི ཨུཔཱསཀམལཉྩ ཨུཔཱསཀཔཏིཀུཊྛོ ཙཱ’’ཏི ཨེཝམཱདིནཱ བྷགཝཏཱ བྷཱསིཏཾ.

པཱིཏིསུཏྟ

པུ – ཏཏྠེཝ ¶ ཨཱཝུསོ ཚཊྛཾ པཱིཏིསུཏྟཾ བྷགཝཏཱ ཀཏྠ ཀཾ ཨཱརབྦྷ ཀཐཉྩ བྷཱསིཏཾ.

ཝི – ཚཊྛཾ བྷནྟེ པཱིཏིསུཏྟཾ སཱཝཏྠིཡཾ ཨནཱཐཔིཎྜིཀཾ གཧཔཏིཾ ཨཱརབྦྷ ‘‘ཏུམྷེ ཁོ གཧཔཏི བྷིཀྑུསངྒྷཾ པཙྩུཔཊྛིཏཱ ཙཱིཝར པིཎྜཔཱཏ སེནཱསན གིལཱནཔཙྩཡབྷེསཛྫཔརིཀྑཱརེན ¶ . ན ཁོ གཧཔཏི ཏཱཝཏཀེནེཝ ཏུཊྛི ཀརཎཱིཡཱ ‘‘མཡཾ བྷིཀྑུསངྒྷཾ པཙྩུཔཊྛིཏཱ ཙཱིཝརཔིཎྜཔཱཏསེནཱསནགིལཱན པཙྩཡ བྷེསཛྫཔརིཀྑཱརེནཱ’’ཏི. ཏསྨཱཏིཧ གཧཔཏི ཨེཝཾ སིཀྑིཏབྦཾ ‘‘ཀིནྡི མཡཾ ཀཱལེན ཀཱལཾ པཝིཝེཀཾ པཱིཏིཾ ཨུཔསམྤཛྫ ཝིཧརེཡྻཱམཱ’’ཏི ཨེཝམཱདིནཱ བྷགཝཏཱ བྷཱསིཏཾ.

ཝཎིཛྫཱསུཏྟ

པུ – ཏཏྠེཝ ¶ ཨཱཝུསོ སཏྟམཾ ཝཎིཛྫཱསུཏྟཾ བྷགཝཏཱ ཀཐཾ བྷཱསིཏཾ.

ཝི – ཏཏྠེཝ བྷནྟེ སཏྟམཾ ཝཎིཛྫཱསུཏྟཾ ‘‘པཉྩིམཱ བྷིཀྑཝེ ཝཎིཛྫཱ ཨུཔཱསཀེན ཨཀརཎཱིཡཱ. ཀཏམཱ པཉྩ, སཏྠཝཎིཛྫཱ སཏྟཝཎིཛྫཱ མཾསཝཎིཛྫཱ མཛྫཝཎིཛྫཱ ཝིསཝཎིཛྫཱ. ཨིམཱ ཁོ བྷིཀྑཝེ པཉྩ ཝཎིཛྫཱ ཨུཔཱསཀེན ཨཀརཎཱིཡཱ’’ཏི ཨེཝཾ ཁོ བྷནྟེ བྷགཝཏཱ བྷཱསིཏཾ.

གཝེསཱིསུཏྟ

པུ – ཏཏྠེཝ ¶ ཨཱཝུསོ དསམཾ གཝེསཱིསུཏྟཾ བྷགཝཏཱ ཀཏྠ ཀཾ ཨཱརབྦྷ ཀིསྨིཾ ཝཏྠུསྨིཾ ཀཐཉྩ བྷཱསིཏཾ.

ཝི – དསམཾ བྷནྟེ གཝེསཱིསུཏྟཾ ཀོསལེསུ ཨཱཡསྨནྟཾ ཨཱནནྡཏྠེརཾ དྷམྨབྷཎྜཱགཱརིཀཾ ཨཱརབྦྷ བྷཱསིཏཾ. ཨཱཡསྨཱ བྷནྟེ ཨཱནནྡཏྠེརོ དྷམྨབྷཎྜཱགཱརིཀོ བྷགཝནྟཾ ཨེཏདཝོཙ ‘‘ཀོ ནུ ཁོ བྷནྟེ ཧེཏུ ཀོ པཙྩཡོ བྷགཝཏོ སིཏསྶ པཱཏུཀམྨཱཡ, ན ཨཀཱརཎེན ཏཐཱགཏཱ སིཏཾ པཱཏུཀརོནྟཱི’’ཏི. ཏསྨིཾ བྷནྟེ ཝཏྠུསྨིཾ ‘‘བྷཱུཏཔུབྦཾ ཨཱནནྡ ཨིམསྨིཾ པདེསེ ནགརཾ ཨཧོསི ¶ ཨིདྡྷཉྩེཝ ཕཱིཏཉྩ བཧུཛནཾ ཨཱཀིཎྞམནུསྶཾ, ཏཾ ཁོ པནཱནནྡ ནགརཾ ཀསྶཔོ བྷགཝཱ ཨརཧཾ སམྨཱསམྦུདྡྷོ ཨུཔནིསྶཱཡ ཝིཧཱསཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཝཱཙཱསུཏྟ

པུ – བྲཱཧྨཎཝགྒེ ¶ ཨཱཝུསོ ཨཊྛམཾ ཝཱཙཱསུཏྟཾ བྷགཝཏཱ ཀཐཾ བྷཱསིཏཾ.

ཝི – བྲཱཧྨཎཝགྒེ བྷནྟེ ཨཊྛམཾ ཝཱཙཱསུཏྟཾ ‘‘པཉྩཧི བྷིཀྑཝེ དྷམྨེཧི སམནྣཱགཏཱ ཝཱཙཱ སུབྷཱསིཏཱ ཧོཏི ནོ དུབྦྷཱསིཏཱ, ཨནཝཛྫཱ ཙ ཨནནུཝཛྫཱ ཙ ཝིཉྙཱུནཾ. ཀཏམེཧི པཉྩཧི, ཀཱལེན བྷཱསིཏཱ ཧོཏི, སཙྩཱ ཙ བྷཱསིཏཱ ཧོཏི, སཎྷཱ ཙ བྷཱསིཏཱ ཧོཏི, ཨཏྠསཾཧིཏཱ ཙ བྷཱསིཏཱ ཧོཏི, མེཏྟཱཙིཏྟེན ཙ བྷཱསིཏཱ ཧོཏི, ཨིམེཧི ཁོ བྷིཀྑཝེ པཉྩཧི ཨངྒེཧི སམནྣཱགཏཱ ཝཱཙཱ སུབྷཱསིཏཱ ཧོཏི ནོ དུབྦྷཱསིཏཱ, ཨནཝཛྫཱ ཙ ཨནནུཝཛྫཱ ཙ ཝིཉྙཱུན’’ནྟི ཨེཝཾ ཁོ བྷནྟེ བྷགཝཏཱ བྷཱསིཏཾ.

ཀུལསུཏྟ

པུ – ཏཏྠེཝ ¶ ཨཱཝུསོ ནཝམཾ ཀུལསུཏྟཾ བྷགཝཏཱ ཀཐཾ བྷཱསིཏཾ.

ཝི – ཏཏྠེཝ བྷནྟེ ནཝམཾ ཀུལསུཏྟཾ ‘‘ཡཾ བྷིཀྑཝེ སཱིལཝནྟོ པབྦཛིཏཱ ཀུལཾ ཨུཔསངྐམནྟི, ཏཏྠ མནུསྶཱ པཉྩཧི ཋཱནེཧི བཧུཾ པུཉྙཾ པསཝནྟི. ཀཏམེཧི པཉྩཧི, ཡསྨིཾ བྷིཀྑཝེ སམཡེ སཱིལཝནྟེ པབྦཛིཏེ ཀུལཾ ཨུཔསངྐམནྟེ མནུསྶཱ དིསྭཱ ཙིཏྟཱནི པསཱདེནྟི, སགྒསཾཝཏྟནིཀཾ བྷིཀྑཝེ ཏཾ ཀུལཾ ཏསྨིཾ སམཡེ པཊིཔདཾ པཊིཔནྣཾ ཧོཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཀིམིལཝགྒ

དྷམྨསྶཝནསུཏྟ

པུ – ཀིམིལཝགྒེ ¶ པན ཨཱཝུསོ དུཏིཡཾ དྷམྨསྶཝནསུཏྟཾ བྷགཝཏཱ ཀཐཾ བྷཱསིཏཾ.

ཝི – ཀིམིལཝགྒེ བྷནྟེ དུཏིཡཾ དྷམྨསྶཝནསུཏྟཾ ‘‘པཉྩིམེ བྷིཀྑཝེ ཨཱནིསཾསཱ དྷམྨསྶཝནེ. ཀཏམེ པཉྩ, ཨསྶུཏཾ སུཎཱཏི, སུཏཾ པརིཡོདཱཔེཏི, ཀངྑཾ ཝིཏརཏི, དིཊྛིཾ ཨུཛུཾ ཀརོཏི, ཙིཏྟམསྶ པསཱིདཏི, ཨིམེ ཁོ བྷིཀྑཝེ པཉྩ ཨཱནིསཾསཱ དྷམྨསྶཝནེ’’ཏི ཨེཝཾ ཁོ བྷནྟེ བྷགཝཏཱ བྷཱསིཏཾ.

ཨཀྐོསཀཝགྒ

ཨཀྑནྟིསུཏྟ

པུ – ཨཀྐོསཀཝགྒེ ¶ པན ཨཱཝུསོ པཉྩམཾ ཨཀྑནྟིསུཏྟཾ བྷགཝཏཱ ཀཐཾ བྷཱསིཏཾ.

ཝི – ཨཀྐོསཀཝགྒེ བྷནྟེ པཉྩམཾ ཨཀྑནྟིསུཏྟཾ ‘‘པཉྩིམེ བྷིཀྑཝེ ཨཱདཱིནཝཱ ཨཀྑནྟིཡཱ. ཀཏམེ པཉྩ, བཧུནོ ཛནསྶ ¶ ཨཔྤིཡོ ཧོཏི ཨམནཱཔོ, ཝེརབཧུལོ ཙ ཧོཏི, ཝཛྫབཧུལོ ཙ, སམྨཱུལ༹ྷོ ཀཱལཾ ཀརོཏི, ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔཛྫཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཨཔཱསཱདིཀསུཏྟ

པུ – ཏཏྠེཝ ¶ ཨཱཝུསོ ཨཊྛམཾ ཨཔཱསཱདིཀསུཏྟཾ བྷགཝཏཱ ཀཐཾ བྷཱསིཏཾ.

ཝི – ཏཏྠེཝ བྷནྟེ ཨཊྛམཾ ཨཔཱསཱདིཀསུཏྟཾ ‘‘པཉྩིམེ བྷིཀྑཝེ ཨཱདཱིནཝཱ ཨཔཱསཱདིཀེ. ཀཏམེ པཉྩ, ཨཔྤསནྣཱ ནཔྤསཱིདནྟི, པསནྣཱནཉྩ ཨེཀཙྩཱནཾ ཨཉྙཐཏྟཾ ཧོཏི, སཏྠུསཱསནཾ ཨཀཏཾ ཧོཏི, པཙྪིམཱ ཛནཏཱ དིཊྛཱནུགཏིཾ ཨཱཔཛྫཏི, ཙིཏྟམསྶ ནཔྤསཱིདཏི. ཨིམེ ཁོ བྷིཀྑཝེ པཉྩ ཨཱདཱིནཝཱ ཨཔཱསཱདིཀེ’’ཏི ཨེཝམཱདིནཱ བྷགཝཏཱ བྷཱསིཏཾ.

ཨཱཝཱསིཀཝགྒ

ཨཱཝཱསིཀསུཏྟ

པུ – ཨཱཝཱསིཀཝགྒེ ¶ པནཱཝུསོ པཋམཾ ཨཱཝཱསིཀསུཏྟཾ བྷགཝཏཱ ཀཐཾ བྷཱསིཏཾ.

ཝི – ཨཱཝཱསིཀཝགྒེ བྷནྟེ པཋམཾ ཨཱཝཱསིཀསུཏྟཾ ‘‘པཉྩཧི བྷིཀྑཝེ དྷམྨེཧི སམནྣཱགཏོ ཨཱཝཱསིཀོ བྷིཀྑུ ཨབྷཱཝནཱིཡོ ཧོཏི. ཀཏམེཧི པཉྩཧི, ན ཨཱཀཔྤསམྤནྣོ ཧོཏི ན ཝཏྟསམྤནྣོ, ན བཧུསྶུཏོ ཧོཏི ན སུཏདྷརོ, ན པཊིསལླེཁིཏཱ ཧོཏི ན པཊིསལླཱནཱརཱམོ, ན ཀལྱཱཎཝཱཙོ ཧོཏི ན ཀལྱཱཎཝཱཀྐརཎོ, དུཔྤཉྙོ ཧོཏི ཛལོ༹ ཨེལ༹མཱུགོ. ཨིམེཧི ཁོ བྷིཀྑཝེ པཉྩཧི དྷམྨེཧི སམནྣཱགཏོ ཨཱཝཱསིཀོ བྷིཀྑུ ཨབྷཱཝནཱིཡོ ཧོཏཱི’’ཏི ཨེཝམཱདིནཱ བྷགཝཏཱ བྷཱསིཏཾ.

ཨཝཎྞཱརཧསུཏྟ

པུ – ཏཏྠེཝ ¶ ཨཱཝུསོ སཏྟམཾ ཨཝཎྞཱརཧསུཏྟཾ བྷགཝཏཱ ཀཐཾ བྷཱསིཏཾ.

ཝི – ཏཏྠེཝ བྷནྟེ སཏྟམཾ ཨཝཎྞཱརཧསུཏྟཾ ‘‘པཉྩཧི བྷིཀྑཝེ དྷམྨེཧི སམནྣཱགཏོ ཨཱཝཱསིཀོ བྷིཀྑུ ཡཐཱབྷཏཾ ནིཀྑིཏྟོ ཨེཝཾ ནིརཡེ. ཀཏམེཧི པཉྩཧི, ཨནནུཝིཙྩ ཨཔརིཡོགཱཧེཏྭཱ ཨཝཎྞཱརཧསྶ ཝཎྞཾ བྷཱསཏི, ཨནནུཝིཙྩ ཨཔརིཡོགཱཧེཏྭཱ ཝཎྞཱརཧསྶ ཨཝཎྞཾ བྷཱསཏི, ཨཱཝཱསམཙྪརཱི ཧོཏི ཨཱཝཱསཔལིགེདྷཱི, ཀུལམཙྪརཱི ཧོཏི ཀུལཔལིགེདྷི, སདྡྷཱདེཡྻཾ ཝིནིཔཱཏེཏི. ཨིམེཧི ཁོ བྷིཀྑཝེ པཉྩཧི དྷམྨེཧི སམནྣཱགཏོ ཨཱཝཱསིཀོ ¶ བྷིཀྑུ ཡཐཱབྷཏཾ ནིཀྑིཏྟོ ཨེཝཾ ནིརཡེ’’ཏི ཨེཝམཱདིནཱ བྷགཝཏཱ བྷཱསིཏཾ.

དུཙྩརིཏཝགྒ

པཋམདུཙྩརིཏསུཏྟ

པུ – དུཙྩརིཏཝགྒེ ¶ པན ཨཱཝུསོ པཋམཾ དུཙྩརིཏསུཏྟཾ བྷགཝཏཱ ཀཐཾ བྷཱསིཏཾ.

ཝི – དུཙྩརིཏཝགྒེ བྷནྟེ པཋམཾ དུཙྩརིཏསུཏྟཾ ‘‘པཉྩིམེ བྷིཀྑཝེ ཨཱདཱིནཝཱ དུཙྩརིཏེ. ཀཏམེ པཉྩ, ཨཏྟཱཔི ཨཏྟཱནཾ ཨུཔཝདཏི, ཨནུཝིཙྩ ཝིཉྙཱུ གརཧནྟི, པཱཔཀོ ཀིཏྟིསདྡོ ཨབྦྷུགྒཙྪཏི, སམྨཱུལ༹ྷོ ཀཱལཾ ཀརོཏི, ཀཱཡསྶ བྷེདཱ པརཾ མརཎཱ ཨཔཱཡཾ དུགྒཏིཾ ཝིནིཔཱཏཾ ནིརཡཾ ཨུཔཔཛྫཏི. ཨིམེ ཁོ བྷིཀྑཝེ པཉྩ ཨཱདཱིནཝཱ དུཙྩརིཏེ’’ཏི ཨེཝམཱདིནཱ བྷགཝཏཱ བྷཱསིཏཾ.

སིཝཐིཀསུཏྟ

པུ – ཏཏྠེཝ ¶ ཨཱཝུསོ ནཝམཾ སིཝཐིཀསུཏྟཾ བྷགཝཏཱ ཀཐཾ བྷཱསིཏཾ.

ཝི – ཏཏྠེཝ ¶ བྷནྟེ ནཝམཾ སིཝཐིཀསུཏྟཾ ‘‘པཉྩིམེ བྷིཀྑཝེ ཨཱདཱིནཝཱ སིཝཐིཀཱཡ. ཀཏམེ པཉྩ, ཨསུཙི, དུགྒནྡྷཱ, སཔྤཊིབྷཡཱ, ཝཱལཱ༹ནཾ ཨམནུསྶཱནཾ ཨཱཝཱསོ, བཧུནོ ཛནསྶ ཨཱརོདནཱ. ཨིམེ ཁོ བྷིཀྑཝེ པཉྩ ཨཱདཱིནཝཱ སིཝཐིཀཱཡཱ’’ཏི ཨེཝམཱདིནཱ བྷགཝཏཱ བྷཱསིཏཾ.