📜

ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ

ཨཊྛཀཐཱ

སཾགཱཡནསྶ པུཙྪཱ-ཝིསྶཛྫནཱ

སདེཝཀོཔི ཙེ ལོཀོ, ཨཱགནྟྭཱ ཏཱསཡེཡྻ མཾ;

ན མེ པཊིབལོ ཨསྶ, ཛནེཏུཾ བྷཡབྷེརཝཾ.

སཙེཔི ཏྭཾ མཧིཾ སབྦཾ, སསམུདྡཾ སཔབྦཏཾ;

ཨུཀྑིཔིཏྭཱ མཧཱནཱག, ཁིཔེཡྻཱསི མམཱུཔརི;

ནེཝ མེ སཀྐུཎེཡྻཱསི, ཛནེཏུཾ བྷཡབྷེརཝཾ;

ཨཉྙདཏྠུ ཏཝེཝསྶ, ཝིགྷཱཏོ ཨུརགཱདྷིཔ.

མཱ དཱནི ཀོདྷཾ ཛནཡིཏྠ, ཨིཏོ ཨུདྡྷཾ ཡཐཱ པུརེ;

སསྶགྷཱཏཉྩ མཱཀཏྠ, སུཁཀཱམཱ ཧི པཱཎིནོ;

ཀརོཐ མེཏྟཾ སཏྟེསུ, ཝསནྟུ མནུཛཱ སུཁཾ.

ཙཏྟཱརོ ཨཱསཱིཝིསཱ ཨུགྒཏེཛཱ གྷོརཝིསཱཏི ཁོ བྷིཀྑཝེ ཙཏུནྣེཏཾ མཧཱབྷཱུཏཱནཾ ཨདྷིཝཙནཾ.

པཉྩ ཝདྷཀཱ པཙྩཏྠིཀཱཏི ཁོ བྷིཀྑཝེ པཉྩནྣེཏཾ ཨུཔཱདཱནཀྑནྡྷཱནཾ ཨདྷིཝཙནཾ.

ཚཊྛོ ཨནྟརཙརོ ཝདྷཀོ ཨུཀྑིཏྟཱསིཀོཏི ཁོ བྷིཀྑཝེ ནནྡཱིརཱགསྶེཏཾ ཨདྷིཝཙནཾ.

སུཉྙོ གཱམོཏི ཁོ བྷིཀྑཝེ ཚནྣེཏཾ ཨཛ྄ཛྷཏྟིཀཱནཾ ཨཱཡཏནཱནཾ ཨདྷིཝཙནཾ.

ཙོརཱ གཱམགྷཱཏཀཱཏི ཁོ བྷིཀྑཝེ ཚནྣེཏཾ བཱཧིརཱནཾ ཨཱཡཏནཱནཾ ཨདྷིཝཙནཾ.

མཧཱཨུདཀཎྞཝོ ཁོ བྷིཀྑཝེ ཙཏུནྣེཏཾ ཨོགྷཱནཾ ཨདྷིཝཙནཾ.

ཨོརིམཾ ཏཱིརཾ སཱསངྐཾ སཔྤཊིབྷཡནྟི ཁོ བྷིཀྑཝེ སཀྐཱཡསྶེཏཾ ཨདྷིཝཙནཾ.

པཱརིམཾ ཏཱིརཾ ཁེམཾ ཨཔྤཊིབྷཡནྟི ཁོ བྷིཀྑཝེ ནིབྦཱནསྶེཏཾ ཨདྷིཝཙནཾ.

ཝཱིརིཡཱརམྦྷསྶེཏཾ ཨདྷིཝཙནཾ.

གནྟྭཱ ཀསྨཱིརགནྡྷཱརཾ, ཨིསི མཛ྄ཛྷནྟིཀཱ ཏདཱ;

དུཊྛཾ ནཱགཾ པསཱདེཏྭཱ, མོཙེསི བནྡྷནཱ བཧཱུ.

པུནཔི བྷནྟེ དཀྑེམུ སངྒཏི ཙེ བྷཝིསྶཏི.

ཨཛྫཱཔི སནྟཱནམཡཾ, མཱལཾ གནྠེནྟི ནནྡནེ;

དེཝཔུཏྟོ ཛཝོ ནཱམ, ཡོ མེ མཱལཾ པཊིཙྪཏི.

མུཧུཏྟོཝིཡ སོ དིབྦོ, ཨིདྷ ཝསྶཱནི སོལ༹ས;

རཏྟིནྡིཝོ ཙ སོ དིབྦོ, མཱནུསིཾ སརདོ སཏཾ.

ཨིཏི ཀམྨཱནི ཨནྭེནྟི, ཨསངྑེཡྻཱཔི ཛཱཏིཡོ;

ཀལྱཱཎཾ ཡདི ཝཱ པཱཔཾ, ན ཧི ཀམྨཾ ཝིནསྶཏི.

ཡོ ཨིཙྪེ པུརིསོ ཧོཏུཾ, ཛཱཏི ཛཱཏི པུནཔྤུནཾ;

པརདཱརཾ ཝིཝཛྫེཡྻ, དྷོཏཔཱདོཝ ཀདྡམཾ.

ཡཱ ཨིཙྪེ པུརིསོ ཧོཏུཾ, ཛཱཏི ཛཱཏི པུནཔྤུནཾ;

སཱམིཀཾ ཨཔཙཱཡེཡྻ, ཨིནྡཾཝ པརིཙཱརིཀཱ.

ཡོ ཨིཙྪེ དིབྦབྷོགཉྩ, དིབྦམཱཡུཾ ཡསཾ སུཁཾ;

པཱཔཱནི པརིཝཛྫེཏྭཱ, ཏིཝིདྷཾ དྷམྨམཱཙརེ.

ཡཾ བྷིཀྑཝེ སདེཝཀསྶ ལོཀསྶ སམཱརཀསྶ སབྲཧྨཀསྶ སསྶམཎབྲཱཧྨཎིཡཱ པཛཱཡ སདེཝམནུསྶཱཡ དིཊྛཾ སུཏཾ མུཏཾ ཝིཉྙཱཏཾ པཏྟཾ པརིཡེསིཏཾ ཨནུཝིཙརིཏཾ མནསཱ, ཏམཧཾ ཛཱནཱམི ཏམཧཾ ཨབྷིཉྙཱསིཾ, ཏཾ ཏཐཱགཏསྶ ཝིདིཏཾ, ཏཾ ཏཐཱགཏོ ན ཨུཔཊྛཱཏི.

ཨིཏི ཁོ བྷིཀྑཝེ ཏཐཱགཏོ དིཊྛསུཏམུཏཝིཉྙཱཏབྦེསུ དྷམྨེསུ ཏཱདཱིཡེཝ ཏཱདཱི, ཏུམྷཱ ཙ པན ཏཱདིམྷཱ ཨཉྙོ ཏཱདཱི ཨུཏྟརིཏརོ ཝཱ པཎཱིཏཏརོ ཝཱ ནཏྠཱིཏི ཝདཱམི.

སུཝཎྞབྷཱུམིཾ གནྟྭཱན, སོཎུཏྟརཱ མཧིདྡྷིཀཱ;

པིསཱཙེ ནིདྡྷམེཏྭཱན, བྲཧྨཛཱལམདེསིསུཾ.

སམཎཱ མཡཾ མཧཱརཱཛ, དྷམྨརཱཛསྶ སཱཝཀཱ;

ཏཝེཝ ཨནུཀམྤཱཡ, ཛམྦུདཱིཔཱ ཨིདྷཱགཏཱ.

ཨཧཾ བུདྡྷཉྩ དྷམྨཉྩ, སངྒྷཉྩ སརཎཾ གཏོ,

ཨུཔཱསཀཏྟཾ དེསེསིཾ, སཀྱཔུཏྟསྶ སཱསནེ.

ཏེན སམཡེན བུདྡྷོ བྷགཝཱ ཝེརཉྫཱཡཾ ཝིཧརཏི ནལེ༹རུཔུཙི མནྡམཱུལེ.

སགྒཱརོཧཎསོཔཱཎཾ, ཨཉྙཾ སཱིལསམཾ ཀུཏོ;

དྭཱརཾ ཝཱ པན ནིབྦཱན, ནགརསྶ པཝེསནེ.

ཨལམེཝ ཀཱཏུཾ ཀལྱཱཎཾ, དཱནཾ དཱཏུཾ ཡཐཱརཧཾ;

པཱཎིཾ ཀཱམདདཾ དིསྭཱ, ཀོ པུཉྙཾ ནཀརིསྶཏི.

དསྶཱམནྣཉྩ པཱནཉྩ, ཝཏྠསེནཱསནཱནི ཙ;

པཔཉྩ ཨུདཔཱནཉྩ, དུགྒེ སངྐམནཱནི ཙ.

མཧཱཨཊྛཀཐཉྩེཝ, མཧཱཔཙྩརིམེཝཙ;

ཀུརུནྡིཉྩཱཏི ཏིསྶོཔི, སཱིཧལ༹ཊྛཀཐཱ ཨིམཱ;

བུདྡྷམིཏྟོཏི ནཱམེན, ཝིསུཏསྶ ཡསསྶིནོ;

ཝིནཡཉྙུསྶ དྷཱིརསྶ, སུཏྭཱ ཐེརསྶ སནྟིཀེ.

ཨུཔདྡཝཱཀུལེ ལོཀེ, ནིརུཔདྡཝཏོ ཨཡཾ;

ཨེཀསཾཝཙྪརེནེཝ, ཡཐཱ ནིཊྛཾ ཨུཔཱགཏཱ;

ཨེཝཾ སབྦསྶ ལོཀསྶ, ནིཊྛཾ དྷམྨཱུཔསཾཧིཏཱ;

སཱིགྷཾ གཙྪནྟུ ཨཱརམྦྷཱ, སབྦེཔི ནིརུཔདྡཝཱ.

ཙིརཊྛིཏཏྠཾ དྷམྨསྶ, ཀརོནྟེན མཡཱ ཨིམཾ;

སདྡྷམྨབཧུམཱནེན, ཡཉྩ པུཉྙཾ སམཱཙིཏཾ;

སབྦསྶ ཨཱནུབྷཱཝེན, ཏསྶ སབྦེཔི པཱཎིནོ;

བྷཝནྟུ དྷམྨརཱཛསྶ, སདྡྷམྨརསསེཝིནོ.

ཙིརཾ ཏིཊྛཏུ སདྡྷམྨོ, ཀཱལེ ཝསྶཾ ཙིརཾ པཛཾ;

ཏཔྤེཏུ དེཝོ དྷམྨེན, རཱཛཱ རཀྑཏུ མེདིནིཾ.

ཏཱཝ ཏིཊྛཏུ ལོཀསྨིཾ, ལོཀནིཏྠརཎེསིནཾ;

དསྶེནྟཱི ཀུལཔུཏྟཱནཾ, ནཡཾ སཱིལཝིསུདྡྷིཡཱ;

ཡཱཝ བུདྡྷོཏི ནཱམམྤི, སུདྡྷཙིཏྟསྶ ཏཱདིནོ;

ལོཀམྷི ལོཀཛེཊྛསྶ, པཝཏྟཏི མཧེསིནོ.

ཀརུཎཱསཱིཏལཧདཡཾ, པཉྙཱཔཛྫོཏཝིཧཏམོཧཏམཾ;

སནརཱམརལོཀགརུཾ, ཝནྡེ སུགཏཾ གཏིཝིམུཏྟཾ.

བུདྡྷོཔི བུདྡྷབྷཱཝཾ, བྷཱཝེཏྭཱ ཙེཝ སཙྪིཀཏྭཱཙ;

ཡཾ ཨུཔགཏོ གཏམལཾ, ཝནྡེ ཏམནུཏྟརཾ དྷམྨཾ.

སུགཏསྶ ཨོརསཱནཾ, པུཏྟཱནཾ མཱརསེནམཐནཱནཾ;

ཨཊྛནྣམྤི སམཱུཧཾ, སིརསཱ ཝནྡེ ཨརིཡསངྒྷཾ.

དཱིགྷསྶ དཱིགྷསུཏྟངྐིཏསྶ, ནིཔུཎསྶ ཨཱགམཝརསྶ;

བུདྡྷཱནུབུདྡྷསཾཝཎྞིཏསྶ, སདྡྷཱཝཧགུཎསྶ.

སམྨཱསམྦུདྡྷེནེཝ ཧི ཏིཎྞམྤི པིཊཀཱནཾ ཨཏྠཝཎྞནཱཀྐམོ བྷཱསིཏོ, ཡཱཔཀིཎྞཀདེསནཱཏི ཝུཙྩཏི, ཏཏོ སཾགཱཡནཱདིཝསེན སཱཝཀེཧཱིཏི ཨཱཙརིཡཱ ཝདནྟི.

ཨཏྠཔྤཀཱསནཏྠཾ, ཨཊྛཀཐཱ ཨཱདིཏོ ཝསིསཏེཧི;

པཉྩཧི ཡཱསངྒཱིཏཱ, ཨནུསངྒཱིཏཱ ཙ པཙྪཱཔི.

མཛ྄ཛྷེ ཝིསུདྡྷིམགྒཱ, ཨེས ཙཏུནྣམྤི ཨཱགམཱནཉྷི;

ཋཏྭཱ པཀཱསཡིསྶཏི, ཏཏྠ ཡཐཱ བྷཱསིཏམཏྠཾ;

ཨིཙྩེཝ ཀཏོ ཏསྨཱ, ཏམྤི གཧེཏྭཱན སདྡྷིམེཏཱཡ;

ཨཊྛཀཐཱཡ ཝིཛཱནཱཐ, དཱིགྷཱགམནིསྶིཏཾ ཨཏྠཾ.

ཨཏྠཱནཾ སཱུཙནཏོ, སུཝུཏྟཏོ སཝནཏོཐསཱུདནཏོ,

སུཏྟཱཎཱ སུཏྟསབྷཱགཏོཙ, སུཏྟནྟི ཨཀྑཱཏཾ.

སུདུདྡསཾ སུནིཔུཎཾ, ཡཏྠཀཱམནིཔཱཏིནཾ;

ཙིཏྟཾ རཀྑེཐ མེདྷཱཝཱི, ཙིཏྟཾ གུཏྟཾ སུཁཱཝཧཾ.

སོ ཨེཝཾ སམཱཧིཏེ ཙིཏྟེ པརིསུདྡྷེ པརིཡོདཱཏེ ཨནངྒཎེ ཝིགཏཱུཔཀྐིལེསེ མུདུབྷཱུཏེ ཀམྨནིཡེ ཋིཏེ ཨཱནཉྫཔྤཏྟེ ཉཱཎདསྶནཱཡ ཙིཏྟཾ ཨབྷིནཱིཧརཏི ཨབྷིནིནྣཱམེཏི –

ཡཾཧིཏཾ བྷིཀྑཝེ སམྨཱཝདམཱནེ ཝདེཡྻ སམནྟཔཱསོ མཱརསྶཱཏི, མཱཏུགཱམཾཡེཝ སམྨཱ ཝདམཱནོ ཝདེཡྻ སམནྟཔཱསོ མཱརསྶཱཏི.

ཡོ བྷིཀྑུ དིཝསཾ ཙངྐམེན ནིསཛྫཱཡ ཙ ཨཱཝརཎཱིཡེཧི དྷམྨེཧི ཙིཏྟཾ པརིསོདྷེཏྭཱ.

ཨིཏི ཙིཏྟཀིརིཡཝཱཡོདྷཱཏུཝིཔྥཱརཝསེན ཨཡཾ ཀཱཡསམྨཏོ ཨཊྛིསངྒྷཱཏོ ཨབྷིཀྐམཏི.

ཀརུཎཱ ཝིཡ སཏྟེསུ, པཉྙཱ ཡསྶ མཧེསིནོ;

ཉེཡྻདྷམྨེསུ སབྦེསུ, པཝཏྟིཏྠ ཡཐཱརུཙི.

དསཱཡ ཏཱཡ སཏྟེསུ, སམུསྶཱཧིཏམཱནསོ;

པཱཊིཧཱིརཱཝསཱནམྷི, ཝསནྟོ ཏིདསཱལཡེ;

པཱརིཙྪཏྟཀམཱུལམྷི, པཎྜུཀམྦལནཱམཀེ;

སིལཱསནེ སནྣིསིནྣོ, ཨཱདིཙྩོཝ ཡུགནྡྷརེ.

ཙཀྐཝཱལ༹སཧསྶེཧི, དསཱཧཱགམྨ སབྦསོ;

སནྣིསིནྣེན དེཝཱནཾ, གཎེན པརིཝཱརིཏོ;

མཱཏརཾ པམུཁཾ ཀཏྭཱ, ཏསྶཱ པཉྙཱཡ ཏེཛསཱ;

ཨབྷིདྷམྨཀཐཱམགྒཾ, དེཝཱནཾ སམྤཝཏྟཡི.

ཏསྶ པཱདེ ནམསྶིཏྭཱ, སམྦུདྡྷསྶ སིརཱིམཏོ;

སདྡྷམྨཉྩསྶ པཱུཛེཏྭཱ, ཀཏྭཱ སངྒྷསྶ ཙཉྫལིཾ.

ཡཾ དེཝདེཝོ དེཝཱནཾ, དེསེཏྭཱ ནཡཏོ པུན;

ཐེརསྶ སཱརིཔུཏྟསྶ, སམཱཙིཀྑི ཝིནཱཡཀོ.

ཨནོཏཏྟདཧེ ཀཏྭཱ, ཨུཔཊྛཱནཾ མཧེསིནོ;

ཡཉྩ སུཏྭཱན སོ ཐེརོ, ཨཱཧརིཏྭཱ མཧཱིཏལཾ.

བྷིཀྑཱུནཾ པརིརུདཱཧཱསི, ཨིཏི བྷིཀྑཱུཧི དྷཱརིཏོ;

སངྒཱིཏིཀཱལེ སཾངྒཱིཏོ, ཝེདེཧམུནིནཱ པུན.

ཡཾ ཀརོམསི བྲཧྨུནོ, སམཾ དེཝེཧི མཱརིས;

ཏདཛྫ ཏུཡ྄ཧཾ ཀསྶཱམ, ཧནྡ སཱམཾ ཀརོམ ཏེ.

ཨཏྠཾ པཀཱསཡིསྶཱམི, ཨཱགམཊྛཀཐཱསུཔི;

གཧེཏབྦཾ གཧེཏྭཱན, ཏོསཡནྟོ ཝིཙཀྑཎེ.

ཨིཏིམེ བྷཱསམཱནསྶ, ཨབྷིདྷམྨཀཐཾ ཨིམཾ;

ཨཝིཀྑིཏྟཱ ནིསཱམེཐ, དུལླབྷཱཧིཨཡཾཀཐཱ.

ཨེཏྠེཏེ པཱཔཀཱ ཨཀུསལཱ དྷམྨཱ ཨཔརིསེསཱ ནིརུཛ྄ཛྷནྟི.

ཙཀྑུཾ ཙཱཝུསོ པཊིཙྩ རཱུཔེཙ ཨུཔྤཛྫཏི ཙཀྑུཝིཉྙཱཎཾ, ཏིཎྞཾ སངྒཏི ཕསྶོ, ཕསྶཔཙྩཡཱ ཝེདནཱ, ཡཾ ཝེདེཏི, ཏཾ སཉྫཱནཱཏི. ཡཾ སཉྫཱནཱཏི, ཏཾ ཝིཏཀྐེཏི, ཡཾ ཝིཏཀྐེཏི, ཏཾ པཔཉྩེཏི, ཡཾ པཔཉྩེཏི, ཏཏོ ནིདཱནཾ པུརིསཾ པཔཉྩསཉྙཱསངྑཱ སམུདཱཙརནྟི ཨཏཱིཏཱནཱགཏཔཙྩུཔྤནྣེསུ ཙཀྑུཝིཉྙེཡྻསུ རཱུཔེསུ –

པུརིམཱ བྷིཀྑཝེ ཀོཊི ན པཉྙཱཡཏི ཨཝིཛྫཱཡ.

ཨཏྠེཝ གམྦྷཱིརགཏཾ སུདུབྦུདྷཾ,

སཡཾ ཨབྷིཉྙཱཡ སཧེཏུསམྦྷཝཾ;

ཡཐཱནུཔུབྦཾ ནིཁིལེན དེསིཏཾ,

མཧེསིནཱ རཱུཔགཏཾཝ པསྶཏི.

ཨབྷིཀྐམིསྶཱམི པཊིཀྐམིསྶཱམཱིཏི ཧི ཙིཏྟཾ ཨུཔྤཛྫམཱནཾ རཱུཔཾ སམུཊྛཱཔེཏི.

ན ཨནྟལིཀྑེན ན སམུདྡམཛ྄ཛྷེ,

ན པབྦཏཱནཾ ཝིཝརཾ པཝིསྶ;

ན ཝིཛྫཏེ སོ ཛགཏིཔྤདེསོ,

ཡཏྠཊྛིཏོ མུཙྩེཡྻ པཱཔཀམྨཱ.

ཡཾ པཏྟཾ ཀུསལཾ ཏསྶ, ཨཱནུབྷཱཝེན པཱཎིནོ;

སབྦེ སདྡྷམྨརཱཛསྶ, ཉཏྭཱ དྷམྨཾ སུཁཱཝཧཾ;

པཱཔུཎནྟུ ཝིསུདྡྷཱཡ, སུཁཱཡ པཊིཔཏྟིཡཱ;

ཨསོཀམནུཔཱཡཱསཾ, ནིབྦཱནསུཁམུཏྟམཾ.

ཙིརཾ ཏིཊྛཏུ སདྡྷམྨོ, དྷམྨེ ཧོནྟུ སགཱརཝཱ;

སབྦེཔི སཏྟཱ ཀཱལེན, སམྨཱ དེཝོ པཝསྶཏུ;

ཡཐཱ རཀྑིཾསུ པོརཱཎཱ, སུརཱཛཱནོ ཏཐེཝིམཾ;

རཱཛཱ རཀྑཏུ དྷམྨེན, ཨཏྟནོཝ པཛཾཔཛཾ.

ཏཱཝ ཏིཊྛཏུ ལོཀསྨིཾ, ལོཀནིཏྠརཎེསིནཾ;

དསྶེནྟཱི ཀུལཔུཏྟཱནཾ, ནཡཾ པཉྙཱཝིསུདྡྷིཡཱ;

ཡཱཝ བུདྡྷོཏི ནཱམམྤི, སུདྡྷཙིཏྟསྶ ཏཱདིནོ;

ལོཀམྷི ལོཀཛེཊྛསྶ, པཝཏྟཏི མཧེསིནོ.

དུཏིཡསནྣིཔཱཏ

མཧཱཔདཱནསུཏྟ ཨཊྛཀཐཱ

པུཙྪཱ – ཨཊྛཀཐཱ སཾགཱིཏིཡཱ ཨཱཝུསོ པཋམེ སནྣིཔཱཏེ སཀལཱ ཙ ཝིནཡསཾཝཎྞནཱ དཱིགྷནིཀཱཡེ ཙ སཱིལཀྑནྡྷཝགྒཝཎྞནཱ ཨབྷིདྷམྨེ ཙ དྷམྨསངྒཧསཾཝཎྞནཱ སཾགཱིཏཱ ཐེརེཧི ཚཊྛསཾགཱིཏིཀཱརེཧི. ཨིདཱནི པན དུཏིཡེ སནྣིཔཱཏེ དཱིགྷནིཀཱཡེ མཧཱཝགྒཝཎྞནཱཏོ པཊྛཱཡ ཏདཝསེསཱནཾ ཡཐཱཝཝཏྠིཏསཾཝཎྞནཱནཾ སཾགཱཡནོཀཱསོ ཨནུཔྤཏྟོ. ཏསྨཱ ཨིམིསྶཱ དུཏིཡསནྣིཔཱཏསཾགཱིཏིཡཱ པུབྦཀིཙྩཝསེན ཡཐཱནུཔྤཏྟཱཡ མཧཱཝགྒེ མཧཱཔདཱནསུཏྟསཾཝཎྞནཱཡ པུཙྪཱཝིསྶཛྫནཾ ཀཱཏུཾ སམཱརབྷཱམ. མཧཱཔདཱནསུཏྟསྶ ཨཱཝུསོ ནིདཱནེ པརིཡཱཔནྣསྶ ‘‘ཀརེརིཀུཊིཀཱཡ’’ནྟིཔདསྶ ཨཏྠོ ཀཐཾ ཨཊྛཀཐཱཙརིཡེན ཀཐིཏོ.

ཝིསྶཛྫནཱ – མཧཱཔདཱནསུཏྟསྶ བྷནྟེ ནིདཱནེ པརིཡཱཔནྣསྶ ཀརེརིཀུཊིཀཱཡནྟིཔདསྶ ཨཏྠོ ‘‘ཀརེརིཀུཊིཀཱཡ’’ནྟི ཀརེརཱིཏི ཝརུཎརུཀྑསྶ ནཱམཾ. ཀརེརིམཎྜཔོ ཏསྶཱ ཀུཊིཀཱཡ དྭཱརེ ཋིཏོ, ཏསྨཱ ཀརེརིཀུཊིཀཱཏི ཝུཙྩཏི. ཡཐཱ ཀོསམྦརུཀྑསྶ དྭཱརེཋིཏཏྟཱ ཀོསམྦཀུཊིཀཱཏི ཨེཝམཱདིནཱ བྷནྟེ ཨཊྛཀཐཱཙརིཡེན ཀཐིཏོ.

ཀརེརིཀུཊིཀཱཡནྟི ཀརེརཱིཏི ཝརུཎརུཀྑསྶ ནཱམཾ.

ཀརེརིམཎྜཔོ ཏསྶཱ ཀུཊིཀཱཡ དྭཱརེ ཋིཏོ, ཏསྨཱ ཀརེརིཀུཊིཀཱཏི ཝུཙྩཏི. ཡཐཱ ཀོསམྦརུཀྑསྶ དྭཱརེ ཋིཏཏྟཱ ཨེཀཱསམྦཀུཊིཀཱཏི.

ཨནྟོཛེཏཝནེ ཀིར ཀརེརིཀུཊི ཀོསམྦཀུཊི གནྡྷཀུཊི སལལཱ༹གཱརནྟི ཙཏྟཱརི མཧཱགེཧཱནི –

ཨེཀེཀཾ སཏསཧསྶཔརིཙྩཱགེན ནིཔྥནྣཾ.

ཏེསུ སལལཱ༹གཱརཾ རཉྙཱ པསེནདིནཱ ཀཱརིཏཾ.

པུབྦེནིཝཱས

པུཙྪཱ – ཏཏྠེཝ ཨཱཝུསོ ནིདཱནེ པུབྦེནིཝཱསཔཊིསཾཡུཏྟཱ དྷམྨཱིཀཐཱ ཨུདཔཱདཱིཏིཝཙནསྶ ཨཏྠོ ཀཐཾ ཨཊྛཀཐཱཙརིཡེན ཀཐིཏོ.

ཝིསྶཛྫནཱ – ཏཏྠེཝ བྷནྟེ ནིདཱནེ པུབྦེནིཝཱསཔཊིསཾཡུཏྟཱ དྷམྨཱིཀཐཱ ཨུདཔཱདཱིཏི ཝཙནསྶ ཨཏྠོ པུབྦེནིཝཱསཔཊིསཾཡུཏྟཱཏི ཨེཀམྤིཛཱཏིཾ དྭེཔི ཛཱཏིཡོཏི ཨེཝཾ ནིབདྡྷེན པུབྦེནིཝུཊྛཁནྡྷསནྟཱནསངྑཱཏེན པུབྦེནིཝཱསེན སདྡྷིཾ ཡོཛེཏྭཱ པཝཏྟིཏཱ. དྷམྨཱིཏི དྷམྨསཾཡུཏྟཱ. ཨུདཔཱདཱིཏི ཨཧོ ཨཙྪརིཡཾ དསབལསྶ པུབྦེནིཝཱསཉཱཎཾ. པུབྦེནིཝཱསཾ ནཱམ ཀེ ཨནུསྶརནྟི ཀེ ནཱནུསྶརནྟཱིཏི དིཊྛིཡཱ ཨནུསྶརནྟི, སཱཝཀཱ ས པཙྩེཀབུདྡྷཱ ཙ བུདྡྷཱ ཙ ཨནུསྶརནྟི. ཀཏརདིཊྛིཡོ ཨནུསྶརནྟི. ཡེ ཨགྒཔཏྟཱ ཀམྨཝཱདིནོ ཏེཔི ཙཏྟཱལཱིསཾཡེཝ ཀཔྤེ ཨནུསྶརནྟི, ན ཏཏོ པརནྟི ཨེཝམཱདིནཱ བྷནྟེ ཨཊྛཀཐཱཙརིཡེན ཀཐིཏོ.

པུབྦེནིཝཱསཔཊིསཾཡུཏྟཱཏི ཨེཀམྤི ཛཱཏིཾ དྭེཔི ཛཱཏིཡོཏི ཨེཝཾ ནིབདྡྷེན པུབྦེནིཝུཊྛཁནྡྷསནྟཱནསངྑཱཏེན པུབྦེནིཝཱསེན སདྡྷིཾ ཡོཛེཏྭཱ པཝཏྟིཏཱ.

ཀཔྤཔརིཙྪེདཝཱར

པུཙྪཱ – ཏསྨིཾ ཨཱཝུསོ མཧཱཔདཱནསུཏྟེ ཨུདྡེསཝཱརེ ནཝསུ པརིཙྪེདཝཱརེསུ པཋམེ ཀཔྤཔརིཙྪེདཝཱརེ བྷདྡཀཔྤེཏི པདསྶ ཨཏྠོ ཨཊྛཀཐཱཙརིཡེན ཀཐཾ ཀཐིཏོ.

ཝིསྶཛྫནཱ – ཏསྨིཾ བྷནྟེ མཧཱཔདཱནསུཏྟེ ཨུདྡེསཝཱརེ ནཝསུ པརིཙྪེདཝཱརེསུ པཋམེ ཀཔྤཔརིཙྪེདཝཱརེ བྷདྡཀཔྤེཏི པདསྶ ཨཏྠོ བྷདྡཀཔྤེཏི པཉྩབུདྡྷུཔྤཱདཔཊིམཎྜིཏཏྟཱ སུནྡརཀཔྤེ སཱརཀཔྤེཏི བྷགཝཱ ཨིམཾ ཀཔྤཾ ཐོམེནྟོ ཨེཝམཱཧ. ཡཏོ པཊྛཱཡ ཀིར ཨམྷཱཀཾ བྷགཝཱ ཨབྷིནཱིཧཱརོ ཀཏོ, ཨེཀསྨིཾ ཨནྟརེ ཨེཀསྨིམྤི ཀཔྤེ པཉྩབུདྡྷཱ ནིབྦཏྟཱ ནཱམ ནཏྠཱིཏི ཨེཝམཱདིནཱ བྷནྟེ ཨཊྛཀཐཱཙརིཡེན ཀཐིཏོ.

ཝིཔསྶིསྶ བྷིཀྑཝེ བྷགཝཏོ ཨིཏོ སོ བྷིཀྑཝེ ཚནཝུཏིཀཔྤེ ཡཾ ཝིཔསྶཱི བྷགཝཱ ཨརཧཾ སམྨཱསམྦུདྡྷོ ལོཀེ ཨུདཔཱདི –

སདྡཀཔྤེཏི པཉྩབུདྡྷུཔྤཱདཔཊིམཎྜིཏཏྟཱ སུནྡརཀཔྤེ སཱརཀཔྤེཏི བྷགཝཱ ཨིམཾ ཀཔྤཾ ཐོམེནྟོ ཨེཝམཱཧ –

‘‘ཡཏོ པཊྛཱཡ ཀིར ཨམྷཱཀཾ བྷགཝཏཱབྷིནཱིཧཱརོ ཀཏོ, ཨེཏསྨིཾ ཨནྟརེ ཨེཀསྨིམྤི ཀཔྤེ པཉྩབུདྡྷཱ ནིབྦཏྟཱ ནཱམ ནཏྠི’’ –

ཨཱཡུཔརིཙྪེདཝཱར

པུཙྪཱ – ཙཏུཏྠེ པནཱཝུསོ ཨཱཡུཔརིཙྪེདཝཱརེ ཨཔྤཾ ཝཱ བྷིཡྻོཏི ཨེཏེསཾ པདཱནཾ ཨཏྠོ ཀཐཾ ཨཊྛཀཐཱཙརིཡེན ཀཐིཏོ.

ཝིསྶཛྫནཱ – ཙཏུཏྠེ པན བྷནྟེ ཨཱཡུཔརིཙྪེདཝཱརེ ཨཔྤཾ ཝཱ བྷིཡྻོཏི ཨེཏེསཾ པདཱནཾ ཨཏྠོ ‘‘ཨཔྤཾ ཝཱ བྷིཡྻོཏི ཝསྶསཏཏོ ཝཱ ཨུཔརི ཨཔྤཾ, ཨཉྙཾ ཝསྶསཏཾ ཨཔཏྭཱ ཝཱིསཾ ཝཱ ཏིཾསཾ ཝཱ ཙཏྟཱལཱིསཾ ཝཱ པཎྞཱསཾ ཝཱ སཊྛི ཝཱ ཝསྶཱནི ཛཱིཝཏི. ཨེཝཾ དཱིགྷཱཡུཀོ པན ཨཏིདུལླབྷོ, ཨསུཀོ ཀིར ཨེཝཾ ཙིརཾ ཛཱིཝཏཱིཏི ཏཏྠ ཏཏྠ གནྟྭཱ དཊྛབྦོ ཧོཏཱི’’ཏི ཨེཝམཱདིནཱ བྷནྟེ ཏཏྠ ཨཊྛཀཐཱཙརིཡེན ཀཐིཏོ.

མཡ྄ཧཾ བྷིཀྑཝེ ཨེཏརཧི ཨཔྤཀཾ ཨཱཡུཔྤམཱཎཾ པརིཏྟཾ ལཧུཀཾ ཡོ ཙིརཾ ཛཱིཝཏི སོ ཝསྶསཏཾ ཨཔྤཾ ཝཱ བྷིཡྻོ.

ཨཔྤཾ ཝཱ བྷིཡྻོཏི ཝསྶསཏཏོ ཝཱ ཨུཔརི ཨཔྤཾ, ཨཡྻཾ ཝསྶསཏཾ ཨཔཏྭཱ ཝཱིསཾ ཝཱ ཏིཾསཾ ཝཱ ཙཏྟཱལཱིསཾཝཱ ཝཱ པཎྞཱསཾ ཝཱ སཊྛི ཝཱ ཝསྶཱནི ཛཱིཝཏི–

ཨུཔཊྛཱཀཔརིཙྪེདཝཱར

པུཙྪཱ – ཨཊྛམེ པནཱཝུསོ ཨུཔཊྛཱཀཔརིཙྪེདཝཱརེ ཨཱནནྡོཏིཔདེ ཀཐཾ ཨཊྛཀཐཱཙརིཡེན ཝཎྞིཏོ.

ཝིསྶཛྫནཱ – ཨཊྛམེ པན བྷནྟེ ཨུཔཊྛཱཀཔརིཙྪེདེ པན ཨཱནནྡོཏི ནིབདྡྷུཔཊྛཱཀབྷཱཝཾ སནྡྷཱཡ ཝུཏྟནྟི ཨེཝམཱདིནཱ བྷནྟེ ཨཊྛཀཐཱཙརིཡེན ཝཎྞིཏོ.

མཡ྄ཧཾ བྷིཀྑཝེ ཨེཏརཧི ཨཱནནྡོ ནཱམ བྷིཀྑུ ཨུཔཊྛཱཀོ ཨཧོསི ཨགྒུཔཊྛཱཀོ–

བྷགཝཏོཧི པཋམབོདྷིཡཾ ཨནིབདྡྷཱ ཨུཔཊྛཱཀཱ ཨཧེསུཾ.

ཨེཀདཱ ནཱགསམཱལོ པཏྟཙཱིཝརཾ གཧེཏྭཱ ཝིཙརི.

ཨིདམེཝ ཏེ ཀཱརཎཾ སལླཀྑེཏྭཱ ནིཝཱརཡིམྷ.

ཨེཀཙྩེ བྷིཀྑཱུ ཨིམིནཱ མགྒེན གཙྪཱམཱཏི ཝུཏྟེ ཨཉྙེན གཙྪནྟི.

ཨུཊྛེཧི ཨཱཝུསོ ཨཱནནྡ, ཨུཊྛེཧི ཨཱཝུསོ ཨཱནནྡ.

ཀཾ པནེཏྠ ཨཱནནྡ ཨཱདཱིནཝཾ པསྶསི.

ཀཾ པནེཏྠ ཨཱནནྡ ཨཱནིསཾསཾ པསྶསི.

སམཝཏྟཀྑནྡྷོ ཨཏུལོ, སུཔྤབུདྡྷོ ཙ ཨུཏྟརོ;

སཏྟཝཱཧོ ཝིཛིཏསེནོ, རཱཧུལོ བྷཝཏི སཏྟམོ –

སུཏནཱ སབྦཀཱམཱཙ, སུཙིཏྟཱ ཨཐ རོཙིནཱི;

རུཙགྒཏཱི སུནནྡཱཙ, བིམྦཱ བྷཝཏི སཏྟམཱ.

ཨནེཀཛཱཏིསཾསཱརཾ, སནྡྷཱཝིསྶཾ ཨནིབྦིསཾ;

གཧཀཱརཾ གཝེསནྟོ, དུཀྑཱ ཛཱཏི པུནཔྤུནཾ;

གཧཀཱརཀ དིཊྛོསི, པུན གེཧཾ ན ཀཱཧསི.

སབྦཱ ཏེ ཕཱསུཀཱ བྷགྒཱ, གཧཀཱུཊཾ ཝིསངྑཏཾ;

ཝིསངྑཱརགཏཾ ཙིཏྟཾ, ཏཎྷཱནཾ ཁཡམཛ྄ཛྷགཱ.

ཨཡོགྷནཧཏསྶེཝ, ཛལཏོ ཛཱཏཝེདསོ;

ཨནུཔུབྦཱུཔསནྟསྶ, ཡཐཱ ན ཉཱཉཏེ གཏི;

ཨེཝཾ སམྨཱཝིམུཏྟཱནཾ, ཀཱམབནྡྷོགྷཏཱརིནཾ;

པཉྙཱཔེཏུཾ གཏི ནཏྠི, པཏྟཱནཾ ཨཙལཾ སུཁཾ.

ན པན བྷགཝཱ མིལཀྑུསདིསོ ཧོཏི ནཱཔི ཨཱམུཏྟམཎིཀུཎྜལོ.

ཏེ པན ཨཏྟནོ སམཱནསཎྛཱནམེཝ པསྶནྟི.

ན ཁོ ཨཱནནྡ ཨེཏྟཱཝཏཱ ཏཐཱགཏོ སཀྐཏོ ཝཱ ཧོཏི གརུཀཏོ ཝཱ མཱནིཏོ ཝཱ པཱུཛིཏོ ཝཱ ཨཔཙིཏོ ཝཱ.

ཀསྨཱ པན བྷགཝཱ ཨཉྙཏྠ ཨེཀཾ ཨུམཱཔུཔྥམཏྟམྤི གཧེཏྭཱ བུདྡྷ གུཎེ ཨཱཝཛྫེཏྭཱ ཀཏཱཡ པཱུཛཱཡ བུདྡྷཉཱཎེནཱཔི ཨཔརིཙྪིནྣཾ ཝིཔཱཀཾ ཝཎྞེཏྭཱ–

ཡོ ཁོ ཨཱནནྡ བྷིཀྑུ ཝཱ བྷིཀྑུནཱི ཝཱ ཨུཔཱསཀོ ཝཱ ཨུཔཱསིཀཱ ཝཱ དྷམྨཱནུདྷམྨཔྤཊིཔནྣོ ཝིཧརཏི སཱམཱིཙིཔྤཊིཔནྣོ ཨནུདྷམྨཙཱརཱི སོ ཏཐཱ གཏཾ སཀྐརོཏི གརུཀརོཏི མཱནེཏི པཱུཛེཏི ཨཔཙིཡཏི པརམཱཡ –

སིཡཱ ཁོ པནཱནནྡ ཏུམྷཱཀཾ ཨེཝམསྶ ‘ཨཏཱིཏསཏྠུཀཾ པཱཝཙནཾ, ནཏྠི ནོ སཏྠཱ’ཏི.

ན ཁོ པནེཏཾ ཨཱནནྡ ཨེཝཾ དཊྛབྦཾ.

དྷམྨོཔི དེསིཏོ ཙེཝ པཉྙཏྟོཙ, ཝིནཡོཔི དེསིཏོ ཙེཝ པཉྙཏྟོ ཙ–

ཨསྶོསི ཁོ རཱཛཱ མཱགདྷོ ཨཛཱཏསཏྟུ ཝེདེཧིཔུཏྟོ བྷགཝཱ ཀིར ཀུསིནཱརཱཡཾ པརིནིབྦུཏོཏི.

སཏྠཱ ནཱམ པརིནིབྦུཏོ, ན སོ སཀྐཱ པུན ཨཱཧརིཏུཾ, པོཐུཛྫནིཀསདྡྷཱཡ པན ཨམྷཱཀཾ རཉྙཱ སདིསོ ནཏྠི, སཙེ ཨེས ཨིམིནཱཝ ནིཡཱམེན སུཎིསྶཏི, ཧདཡམསྶ ཕལིསྶཏི. རཱཛཱ ཁོ པན ཨམྷེཧི ཨནུརཀྑིཏབྦོཏི.

དེཝ ཨམྷེཧི སུཔིནཀོ དིཊྛོ, ཏསྶ པཊིགྷཱཏཏྠཾ ཏུམྷེཧི དུཀཱུལདུཔཊྚཾ ནིཝཱསེཏྭཱ ཡཐཱ ནཱསཱཔུཊམཏྟཾ པཉྙཱཡཏི, ཨེཝཾ ཙཏུམདྷུརདོཎིཡཱ ནིཔཛྫིཏུཾ ཝཊྚཏཱིཏི.

དེཝ མརཎཏོ མུཙྩནཀསཏྟོ ནཱམ ནཏྠི, ཨམྷཱཀཾ ཨཱཡུཝཌྜྷནོ ཙེཏིཡཊྛཱནཾ པུཉྙཀྑེཏྟཾ ཨབྷིསེཀསིཉྩཀོ སོ བྷགཝཱ སཏྠཱ ཀུསིནཱརཱཡ པརིནིབྦུཏོཏི.

བྷགཝཱ སབྦཉྙུ ནནུ ཨིམསྨིཾ ཋཱནེ ནིསཱིདིཏྭཱ དྷམྨཾ དེསཡིཏྠ, སོཀསལླཾ མེ ཝིནོདཡིཏྠ, ཏུམྷེ མཡ྄ཧཾ སོཀསལླཾ ནཱིཧརིཏྠ, ཨཧཾ ཏུམྷཱཀཾ སརཎཾ གཏོ, ཨིདཱནི པན མེ པཊིཝཙནམྤི ན དེཐ བྷགཝཱཏི.

ནནུ བྷགཝཱ ཨཧཾ ཨཉྙདཱ ཨེཝརཱུཔེ ཀཱལེ ཏུམྷེ མཧཱབྷིཀྑུ སངྒྷཔརིཝཱརཱ ཛམྦུདཱིཔཏལེ ཙཱརིཀཾ ཙརཐཱཏི སུཎོམི.

མམ པརིདེཝིཏེནེཝ ན སིཛ྄ཛྷཏི, དསབལསྶ དྷཱཏུཡོ ཨཱཧརཱཔེསྶཱམཱིཏི ཨེཝཾ ཨསྶོསི.

སཙེ དསྶནྟི, སུནྡརཾ. ནོ ཙེ དསྶནྟི, ཨཱཧརཎུཔཱཡེན ཨཱཧརིསྶཱམཱིཏི ཙཏུརངྒིནིཾ སེནཾ སནྣཡ྄ཧིཏྭཱ སཡམྤི ནིཀྑནྟོཡེཝ.

ཡཐཱ ཙ ཨཛཱཏསཏྟུ, ཨེཝཾ ལིཙྪཝཱི ཨཱདཡོཔི.

ཨམྷཱཀཾ དྷཱཏུཡོ ཝཱ དེནྟུ, ཡུདྡྷཾ ཝཱཏི ཀུསིནཱརཱནགརཾ པརིཝཱརེཏྭཱ ཋིཏེ ཨེཏཾ བྷགཝཱ ཨམྷཱཀཾ གཱམཀྑེཏྟེཧི པཊིཝཙནཾ ཨཝོཙུཾ.

ན མཡཾ སཏྠུ སཱསནཾ པཧིཎིམྷ, ནཱཔི གནྟྭཱ ཨཱནཡིམྷ. སཏྠཱ པན སཡམེཝ ཨཱགནྟྭཱ སཱསནཾ པེསེཏྭཱ ཨམྷེ པཀྐོསཱཔེསི. ཏུམྷེཔི ཁོ པན ཡཾ ཏུམྷཱཀཾ གཱམཀྑེཏྟེ རཏནཾ ཨུཔྤཛྫཏི. ན ཏཾ ཨམྷཱཀཾ དེཐ. སདེཝཀེ ཙ ལོཀེ བུདྡྷརཏནསམཾ རཏནཾ ནཱམ ནཏྠི, ཨེཝརཱུཔཾ ཨུཏྟམརཏནཾ ལབྷིཏྭཱ མཡཾ ནདསྶཱམ, ན ཁོ པན ཏུམྷེཧིཡེཝ མཱཏུཐནཏོ ཁཱིརཾ པཱིཏཾ. ཨམྷེཧིཔི མཱཏུཐནཏོ ཁཱིརཾ པཱིཏཾ, ན ཏུམྷེཡེཝ པུརིསཱ, ཨམྷེཔི པུརིསཱ. ཧོཏཱུཏི ཨཉྙམཉྙཾ ཨཧཾཀཱརཾ ཀཏྭཱ སཱསནཔཊིསཱསནཾ པེསེནྟི. ཨཉྙམཉྙཾ མཱནགཛྫིཏཾ གཛྫནྟི.

ཨེཏེ རཱཛཱནོ བྷགཝཏོ པརིནིབྦུཏཊྛཱནེ ཝིཝཱདཾ ཀརོནྟི, ན ཁོ པནེཏཾ པཏིརཱུཔཾ, ཨལཾ ཨིམིནཱ ཀལཧེན, ཝཱུཔསམེསྶཱམི ནནྟི.

ཨཱཙརིཡསྶ ཝིཡ བྷོ སདྡོ, ཨཱཙརིཡསྶ ཝིཡ བྷོ སདྡོཏི སབྦེ ནིརཝཱ ཨཧེསུཾ.

(༡)

སུཎནྟུ བྷོནྟོ མམ ཨེཀཝཱཙཾ,

ཨམྷཱཀ བུདྡྷོ ཨཧུ ཁནྟིཝཱདོ;

ནཧི སཱདྷུཡཾ ཨུཏྟམཔུགྒལསྶ,

སརཱིརབྷཱགེ སིཡཱ སམྤཧཱརོ.

(༢)

སབྦེཝ བྷོནྟོ སཧིཏཱ སམགྒཱ,

སམྨོདམཱནཱ ཀརོམཊྛབྷཱགེ;

ཝིཏྠཱརིཀཱ ཧོནྟུ, དིསཱསུ ཐཱུཔཱ;

བཧཱུ ཛནཱ ཙཀྑུམཏོ པསནྣཱ.

ན ཧི སཱདྷུཀཾ ཨུཏྟམཔུགྒལསྶ, སརཱིརབྷཱགེ སིཡཱ སམྤཧཱརོཏི ན ཧི སཱདྷུཡནྟི ན ཧི སཱདྷུ ཨཡཾ –

བྷགཝཱ སབྦསུ པུབྦེ མཡཾ ཏུམྷཱཀཾ དྭཏྟིཾསམཧཱཔུརིསལཀྑཎཔཊིམཎྜིཏཾ ཚབྦཎྞབུདྡྷརསྨིཁཙིཏཾ ཨསཱིཏིཨནུབྱཉྫནསམུཛྫལིཏསོབྷཾ སུཝཎྞཝཎྞཾ སརཱིརཾ ཨདྡསཱམ, ཨིདཱནི པན སུཝཎྞཝཎྞཱཝ དྷཱཏུཡོ ཨཝསིཊྛཱ ཛཱཏཱ, ནཡུཏྟམིདཾ བྷགཝཱ ཏུམྷཱཀནྟི པརིདེཝིཾསུ.

ཀེན ནུ ཁོ སདེཝཀསྶ ལོཀསྶ ཀངྑཙྪེདནཏྠཱཡ ཙཏུསཙྩཀཐཱཡ པཙྩཡབྷཱུཏཱ བྷགཝཏོ དཀྑིཎདཱཋཱ གཧིཏཱཏི ཨོལོཀེནྟོ བྲཱཧྨཎེན གཧིཏཱཏི དིསྭཱ བྲཱཧྨཎོཔི དཋཱཡ ཨནུཙྪཝིཀཾ སཀྐཱརཾ ནསཀྑིསྶཏི གཎྷཱམི ནཏྠི ཝེཊྛནྟརཏོ གཧེཏྭཱ སུཝཎྞཙངྐོཊཀེ ཋཔེཏྭཱ དེཝལོཀཾ ནེཏྭཱ ཙཱུལཱ༹མཎིཙེཏིཡེ པཏིཊྛཔེསི –

རཱཛགཧེ བྷགཝཏོ སརཱིརཱནཾ ཐཱུཔཉྩ མཧཉྩ ཨཀཱསི.

སམཎསྶ གོཏམསྶ པརིནིབྦུཏཀཱལཏོ པཊྛཱཡ བལཀྐཱརེན སཱདྷུཀཱིལི༹ཏཱཡ ཨུཔདྡུཏུམྷ, སབྦེ ནོ ཀམྨནྟཱ ནཊྛཱཏི.

མཧཱཛནོ མནཾ པདོསེཏྭཱ ཨཔཱཡེ ནིབྦཏྟཱིཏི དིསྭཱ སཀྐཾ དེཝརཱཛཱནཾ དྷཱཏུཨཱཧརཎཱུཔཱཡཾ ཀཱརེསྶཱམཱཏི ཏསྶ སནྟིཀཾ གནྟྭཱ ཏམཏྠཾ ཨཱརོཙེཏྭཱ དྷཱཏུཨཱཧརཎཱུཔཱཡཾ ཀརོམི མཧཱརཱཛཱཏི ཨཱཧཾསུ.

བྷནྟེ པུཐུཛྫནོ ནཱམ ཨཛཱཏསཏྟུནཱ སམོ སདྡྷོ ནཱམ ནཏྠི, ན སོ མམ ཝཙནཾ ཀརིསྶཏི, ཨཔིཙ ཁོ མཱརཝིབྷིཾ སཀསདིསཾ ཝིབྷིཾསཀཾ དསྶེསྶཱམི མཧཱསདྡཾ སཱཝེསྶཱམི ཡཀྑགཱཧཀཁིཔིཏཀཨརོཙཀེ ཀརིསྶཱམི, ཏུམྷེ ཨམནུསྶཱ མཧཱརཱཛ ཀུཔིཏཱ དྷཱཏུཡོ ཨཱཧརཱཔེཐཱཏི ཝདེཡྻཱཐ, ཨེཝཾ སོ ཨཱཧརཱཔེསྶཏཱིཏི–

མཧཱརཱཛ ཨམནུསྶཱ ཀུཔིཏཱ, དྷཱཏུཡོ ཨཱཧརཱཔེཧཱིཏི བྷཎིཾསུ.

ན ཏཱཝ བྷནྟེ མཡ྄ཧཾ ཙིཏྟཾ ཏུསྶཏི, ཨེཝཾ སནྟེཔི ཨཱཧརནྟཱུཏི ཨཱཧ.

མཧཱརཱཛ ཨེཀཾ དྷཱཏུནིདྷཱནཾ ཀཱཏུཾ ཝཊྚཏཱིཏི ཨཱཧ.

ཨནཱགཏེ ལངྐཱདཱིཔེ མཧཱཝིཧཱརེ མཧཱཙེཏིཡམྷི ནིདཧིསྶནྟི.

མཧཱསཱཝཀ ཙེཏཱི

ཨིམསྨིཾ ཋཱནེ ཡོ པཱསཱཎོ ཨཏྠི, སོ ཨནྟརདྷཱཡཏུ, པཾསུ སུཝིསུདྡྷཱ ཧོཏུ, ཨུདཀཾ མཱ ཨུཊྛཧཏཱུཏི ཨདྷིཊྛཱསི.

ཨིདྷ རཱཛཱ ཀིཾ ཀཱརེཏཱིཏི པུཙྪནྟཱནམྤི མཧཱསཱཝཀཱནཾ ཙེཏིཡཱནཱིཏི ཝདནྟི.

མཱལཱ མཱ མིལཱཡནྟུ, གནྡྷཱ མཱ ཝིནསྶནྟུ, དཱིཔཱ མཱ ཝིཛ྄ཛྷཱཡནྟཱུཏི ཨདྷིཊྛཧིཏྭཱ སུཝཎྞཔཊྚེ ཨཀྑརཱནི ཚིནྡཱཔེསི –

ཨནཱགཏེ པིཡདོསོ ནཱམ ཀུམཱརོ ཚཏྟཾ ཨུསྶཱཔེཏྭཱ ཨསོཀོ དྷམྨརཱཛཱ བྷཝིསྶཏི, སོ ཨིམཱ དྷཱཏུཡོ ཝིཏྠཱརིཀཱ ཀརིསྶཏཱིཏི.

ཨནཱགཏེ དལིདྡརཱཛཱ ཨིམཾ མཎིཾ གཧེཏྭཱ དྷཱཏཱུནཾ སཀྐཱརཾ ཀརོཏཱུཏི ཨཀྑརཾ ཚིནྡཱཔེསི.

ཏཱཏ ཨཛཱཏསཏྟུནཱ དྷཱཏུནིདྷཱནཾ ཀཏཾ, ཨེཏྠ ཨཱརཀྑཾ པཊྛཔེཧཱིཏི པཧིཎི.

པརིཀྑཱིཎོདཱནི མེ ཨཱཡཱུཏི ཨཉྙཱསི.

ཡེསཉྩ དེཝཔུཏྟཱནཾ མརཎནིམིཏྟཱནི ཨཱཝི བྷཝནྟི.

ནསྶཏི ཝཏ བྷོ མེ ཨཡཾ སམྤཏྟཱིཏི བྷཡཱབྷིབྷཱུཏོ ཨཧོསི.

ཨཏྠི ནུ ཁོ ཀོཙི སམཎོ ཝཱ བྲཱཧྨཎོ ཝཱ ལོཀཔིཏཱ མཧོ མཧཱབྲཧྨཱཝཱ, ཡོ མེ ཧདཡནིསྶིཏཾ སོཀསལླཾ སམུདྡྷརིཏྭཱ ཨིམཾ སམྤཏྟིཾ ཐཱཝརཾ ཀརེཡྻཱཏི ཨོལོཀེནྟོ ཀཉྩི ཨདིསྭཱ པུན ཨདྡས མཱདིསཱནཾ སཏསཧསྶཱནམྤི ཨུཔྤནྣཾ སོཀསལླཾ སམྨཱསམྦུདྡྷོ ཨུདྡྷརིཏུཾ པཊིབལོཏི.

ཨཔརིཔཀྐཾ ཏཱཝསྶ ཉཱཎཾ, ཀཏིཔཱཧཾ པན ཨཏིཀྐམིཏྭཱ མཡི ཨིནྡསཱལགུཧཱཡཾ ཝིཧརནྟེ པཉྩ པུབྦནིམིཏྟཱནི དིསྭཱ མརཎབྷཡབྷཱིཏོ དྭཱིསུ དེཝལོཀེསུ དེཝཏཱཧི སདྡྷིཾ ཨུཔསངྐམིཏྭཱ ཙུདྡས པཉྷེ པུཙྪིཏྭཱ ཨུཔེཀྑཱཔཉྷཝིསྶཛྫནཱཝསཱནེ ཨསཱིཏིཡཱ དེཝཏཱསཧསྶེཧི སདྡྷིཾ སོཏཱཔཏྟིཕལེ པཏིཊྛཧིསྶཏཱིཏི ཙིནྟེཏྭཱ ཨོཀཱསཾ ནཱཀཱསི.

མམ པུབྦེཔི ཨེཀཀསྶ གཏཏྟཱ སཏྠཱརཱ ཨོཀཱསོ ནཀཏོ, ཨདྡྷཱ མེ ནཏྠི མགྒཕལསྶ ཨུཔནིསྶཡོ, ཨེཀསྶ པན ཨུཔནིསྶཡེ སཏི ཙཀྐཝཱལ༹པརིཡནྟཱཡཔི པརིསཱཡ བྷགཝཱ དྷམྨཾ དེསེཏིཡེཝ. ཨཝསྶཾ ཁོ པན དྭཱིསུ དེཝལོཀེསུ ཀསྶཙི དེཝསྶ ཨུཔནིསྶཡོ བྷཝིསྶཏི, ཏཾ སནྡྷཱཡ སཏྠཱ དམྨཾ དེསེསྶཏི. ཏཾ སུཏྭཱ ཨཧམྤི ཨཏྟནོ དོམནསྶཾ ཝཱུཔསམེསྶཱམཱིཏི.

དྭཱིསུ དེཝལོཀེསུ དེཝཏཱ གཧེཏྭཱ དྷུརེན པཧརནྟསྶ ཝིཡ སཏྠཱརཾ ཨུཔསངྐམིཏུཾ ནཡུཏྟཾ, ཨཡཾཔན པཉྩསིཁོ དསབལསྶ ཨུཔཊྛཱཀོ ཝལླབྷོ ཨིཙྪིཏིཙྪིཏཀྑཎེ གནྟྭཱ པཉྷཾ པུཙྪིཏྭཱ དྷམྨཾ སུཎཱཏི, ཨིམཾ པུརཏོ པེསེཏྭཱ ཨོཀཱསཾ ཀཱརེཏྭཱ ཨིམིནཱ ཀཏོཀཱསེ ཨུཔསངྐམིཏྭཱ པཉྷཾ པུཙྪིསྶཱམཱིཏི ཨོཀཱསཀརཎཏྠཾ ཨཱམནྟེསི.

ཨེཝཾ མཧཱརཱཛ ཧོཏུ, བྷདྡཾ ཏཝ ཡོ ཏྭཾ མཾ ཨེཧི མཱརིས ཨུཡྻཱན ཀཱིལཱ༹དཱིནི ཝཱ ནཊསམཛྫཱདཱིནི ཝཱ དསྶནཱཡ གཙྪཱམཱཏི ཨཝཏྭཱ བུདྡྷཾ པསྶིསྶཱམ དྷམྨཾ སོསྶཱམཱཏི ཝདསཱིཏི དལ༹ྷཏརཾ ཨུཔཏྠམྦྷེནྟོ དེཝཱནམིནྡསྶ ཝཙནཾ པཊིསྶུཏྭཱ ཨནུཙརིཡཾ སཧཙརཎཾ ཨེཀཏོ གམནཾ ཨུཔཱགམི.

ཝནྡེ ཏེ པིཏརཾ བྷདྡེ, ཏིམྦརུཾ སཱུརིཡཝཙྪསེ;

ཡེན ཛཱཏཱསི ཀལྱཱཎཱི, ཨཱནནྡཛནནཱི མམ.

ཨེཝཾ ཝུཏྟེ བྷགཝཱ པཉྩསིཁཾ གནྡྷབྦདེཝཔུཏྟཾ ཨེཏདཝོཙ. སཾསནྡཏི ཁོ ཏེ པཉྩསིཁ ཏནྟིསྶརོ གཱིཏསྶརེན གཱིཏསྶརོ ཙ ཏནྟིསྶརེན, ནཙ པན ཏེ པཉྩསིཁ ཏནྟིསྶརོ གཱིཏསྶརཾ ཨཏིཝཏྟཏི གཱིཏསྶརོ ཙ ཏནྟིསྶརཾ. ཀདཱ སཾཡཱུལ༹ྷཱ པན ཏེ པཉྩསིཁ ཝྨི གཱཐཱ བུདྡྷཱུཔསཉྷིཏཱ དྷམྨཱུཔསཉྷིཏཱ སཾཡཱུཔསཉྷིཏཱ ཨརཧནྟཱུཔསཉྷིཏཱ ཀཱམཱུཔསཉྷིཏཱཏི –

བྷགཝཏཱ པཉྩསིཁསྶ ཨོཀཱསོ ནཀཏོཏི དེཝཏཱ གཧེཏྭཱ ཏཏོཝ པཊིནིཝཏྟེཡྻ. ཏཏོ མཧཱཛཱནིཡོ བྷཝེཡྻ, ཝཎྞེ པན ཀཐིཏེ ཀཏོ བྷགཝཏཱ པཉྩསིཁསྶ ཨོཀཱསོཏི དེཝཏཱཧི སདྡྷིཾ ཨུཔསངྐམིཏྭཱ པཉྷཾ པུཙྪིཏྭཱ ཝིསྶཛྫནཱཝསཱནེ ཨསཱིཏིཡཱ དེཝཏཱསཧསྶེཧི སདྡྷིཾ སོཏཱཔཏྟིཕལེ པཏིཊྛཧིསྶཏཱིཏི ཉཏྭཱ ཝཎྞཾ ཀཐེསི.

ཨཐ ཁོ བྷགཝཱ སཀྐཾ དེཝཱནམིནྡཾ ཨེཏདཝོཙ ‘‘ཨཙྪརིཡམིདཾ ཨཱཡསྨཏོ ཀོསིཡསྶ, ཨབྦྷུཏམིདཾ ཨཱཡསྨཏོ ཀོསིཡསྶ ཏཱཝ བཧུཀིཙྩསྶ བཧུཀརཎཱིཡསྶ ཡདིདཾ ཨིདྷཱགམན’’ནྟི.

ཙིརཔཊིཀཱཧཾ བྷནྟེ བྷགཝནྟཾ དསྶནཱཡ ཨུཔསངྐམིཏུཀཱམོ, ཨཔི ཙ དེཝཱནཾ ཏཱཝཏིཾསཱནཾ ཀེཧིཙི ཀེཧིཙི ཀིཙྩཀརཎཱིཡེཧི བྱཱཝཊོ, ཨེཝཱཧཾ ནཱསཀྑིཾ བྷགཝནྟཾ དསྶནཱཡ ཨུཔསངྐམིཏུཾ.

ཏེ ‘‘ཏཝ སནྟཀཱ, མམ སནྟཀཱ’’ཏི ནིཙྪེཏུཾ ཨསཀྐོནྟཱ ཨཌྜཾ ཀརོནྟི, སཀྐཾ དེཝརཱཛཱནཾ པུཙྪནྟི, སོ ‘‘ཡསྶ ཝིམཱནཾ ཨཱསནྣཏརཾ, ཏསྶ སནྟཀཱ’’ཏི ཝདཏི.

ཡསྶ ཝིམཱནཾ ཨོལོཀེནྟཱི ཋིཏཱ, ཏསྶ སནྟཀཱཏི ཝདཏི.

ཨིདྷེཝ བྷནྟེ ཀཔིལཝཏྠུསྨིཾ གོཔིཀཱ ནཱམ སཀྱདྷཱིཏཱ ཨཧོསི བུདྡྷེ པསནྣཱ དྷམྨེ པསནྣཱ སངྒྷེ པསནྣཱ སཱིལེསུ པརིཔཱུརཀཱརིནཱི, སཱ ཨིཏྠིཏྟཾ ཝིརཱཛེཏྭཱ པུརིསཏྟཾ བྷཱཝེཏྭཱ ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔནྣཱ.

ཏསྶ དྷམྨསྶ པཏྟིཡཱ, ཨཱགཏམྷཱསི མཱརིས;

ཀཏཱཝཀཱསཱ བྷགཝཏཱ, པཉྷཾ པུཙྪེམུ མཱརིས.

པུཙྪ ཝཱསཝ མཾ པཉྷཾ, ཡཾ ཀིཉྩི མནསིཙྪསི;

ཏསྶ ཏསྶེཝ པཉྷསྶ, ཨཧཾ ཨནྟཾ ཀརོམི ཏེ.

ཀིཾ སཾཡོཛནཱ ནུ ཁོ མཱརིས དེཝཱ མནུསྶཱ ཨསུརཱ ནཱགཱ གནྡྷབྦཱ ཡེ ཙཉྙེ སནྟི པུཐུཀཱཡཱ, ཏེ ཨཝེརཱ ཨདཎྜཱ ཨསཔཏྟཱ ཨབྱཱཔཛྫཱ ཝིཧརེམུ ཨཝེརིནོཏི ཨིཏི ཙ ནེསཾ ཧོཏི. ཨཐ ཙ པན སཝེརཱ སདཎྜཱ སསཔཏྟཱ སབྱཱཔཛྫཱ ཝིཧརནྟི སཝེརིནོཏི.

ཨིསྶཱམཙྪརིཡསཾཡོཛནཱ ཁོ དེཝཱནམིནྡ དེཝཱ མནུསྶཱ ཨསུརཱ ནཱགཱ གནྡྷབྦཱ ཡེཙཉྙེ སནྟི པུཐུཀཱཡཱ, ཏེ ཨཝེརཱ ཨདཎྜཱ ཨསཔཏྟཱ ཨབྱཱཔཛྫཱ ཝིཧརེམུ ཨཝེརིནོཏི ཨིཏི ཙ ནེསཾཧོཏི, ཨཐ ཙ པན སཝེརཱ སདཎྜཱ སསཔཏྟཱ སབྱཱཔཛྫཱ ཝིཧརནྟི སཝེརིནོཏི.

ཨིསྶཏཱིཏི ཨིསྶཱ, སཱ པརསམྤཏྟཱིནཾ ཨུསཱུཡནལཀྑཎཱ, ཏཏྠེཝ ཨནབྷིརཏིརསཱ, ཏཏོ ཝིམུཁབྷཱཝཔཙྩུཔཊྛཱནཱ, པརསམྤཏྟི པདཊྛཱནཱ, སཾཡོཛནནྟི དཊྛབྦཱ.

མཙྪེརབྷཱཝོ མཙྪརིཡཾ, ཏཾལདྡྷཱནཾ ཝཱ ལབྷིཏབྦཱནཾ ཝཱ ཨཏྟནོ སམྤཏྟཱིནཾ ནིགཱུཧནལཀྑཎཾ, ཏཱསཾཡེཝ པརེཧི སཱདྷཱརཎབྷཱཝ ཨཀྑམནརསཾ, སངྐོཙནཔཙྩུཔཊྛཱནཾ, ཀཊུཀཉྩུཀཏཱ པཙྩུཔཊྛཱནཾ ཝཱ, ཨཏྟསམྤཏྟིཔདཊྛཱནཾ, ཙེཏསོ ཝིརཱུཔབྷཱཝོཏི དཊྛབྦཾ.

ཀིཾ ཝཎྞོ ཨེསོཏི ཏཾ ཏཾ དོསཾ ཝདནྟོ པརིཡཏྟིཉྩ ཀསྶཙི ཀིཉྩི ཨདེནྟོ དུབྦཎྞོ ཙེཝ ཨེལ༹མཱུགོཙ ཧོཏི.

ཡཱཝ ཏཾ ནཔྤཧཱིཡཏི, ཏཱཝ དེཝམནུསྶཱ ཨཝེརཏཱདཱིནི པཏྠཡནྟཱཔི ཝེརཱདཱིནི ནཔརིམུཙྩནྟིཡེཝ.

ཨཐ ཁོ སཀྐོ དེཝཱནམིནྡོ བྷགཝནྟཾ ཨུཏྟརི པཉྷཾ ཨཔུཙྪི–

ཨིསྶཱམཙྪརིཡཾ པན མཱརིས ཀིཾ ནིདཱནཾ ཀིཾ སམུདཡཾ ཀིཾ ཛཱཏིཀཾ ཀིཾ པབྷཝཾ, ཀིསྨིཾ སཏི ཨིསྶཱམཙྪརིཡཾ ཧོཏི, ཀིསྨིཾ ཨསཏི ཨིསྶཱམཙྪརིཡཾ ན ཧོཏཱིཏི.

ཨིསྶཱམཙྪརིཡཾ ཁོ དེཝཱནམིནྡ པིཡཱཔྤིཡནིདཱནཾ པིཡཱཔྤིཡསམུདཡཾ པིཡཱཔྤིཡཛཱཏིཀཾ པིཡཱཔྤིཡཔབྷཝཾ, པིཡཱཔྤིཡེ སཏི ཨིསྶཱམཙྪརིཡཾ ཧོཏི, པིཡཱཔྤིཡེ ཨསཏི ཨིསྶཱམཙྪརིཡཾ ནཧོཏཱིཏི.

ན སཀྐཱ དཱཏུཾ, ཀིལམིསྶཏི ཝཱ ཨུཀྐཎྛིསྶཏི ཝཱཏིཨཱདཱིནི ཝཏྭཱ མཙྪརིཡཾ ཀརོཏི.

ཨཧོ ཝཏསྶ ཨེཝརཱུཔཾ ན བྷཝེཡྻཱཏི ཨིསྶཾ ཀརོཏི.

མཡམྤེཏཾ མམཱཡནྟཱ ན པརིབྷུཉྫཱམ, ན སཀྐཱ དཱཏུནྟི མཙྪརིཡ ཀརོཏི.

ཋཔེཏྭཱ མཾ ཀོ ཨཉྙོ ཨེཝརཱུཔསྶ ལཱབྷཱིཏི ཨིསྶཾ ཝཱ ཀརོཏི, ཡཱཙིཏོ ཏཱཝཀཱལིཀམྤི ཨདདམཱནོ མཙྪརིཡཾ ཝཱ ཀརོཏི.

པིཡཱཔྤིཡཾ ཁོ པན མཱརིས ཀིཾནིདཱནཾ ཀིཾསམུདཡཾ ཀིཾཛཱཏིཀཾ ཀིཾཔབྷཝཾ, ཀིསྨིཾ སཏི པིཡཱཔྤིཡཾ ཧོཏི, ཀིསྨིཾ ཨསཏི པིཡཱཔྤིཡཾ ན ཧོཏཱིཏི.

པིཡཱཔྤིཡཾ ཁོ དེཝཱནམིནྡ ཚནྡནིདཱནཾ ཚནྡསམུདཡཾ ཚནྡཛཱཏིཀཾ ཚནྡཔབྷཝཾ, ཚནྡེ སཏི པིཡཱཔྤིཡཾ ཧོཏི, ཚནྡེ ཨསཏི པིཡཱཔྤིཡཾ ན ཧོཏཱིཏི.

ཚནྡནིདཱནནྟིཨེཏྠ པརིཡེསནཚནྡོ, པཊིལཱབྷཚནྡོ, པརིབྷོག ཚནྡོ, སནྣིདྷིཚནྡོ, ཝིསྶཛྫནཚནྡོཏི པཉྩཝིདྷོ ཚནྡོ.

ཨིམེ མཾ རཀྑིསྶནྟི གོཔིསྶནྟི མམཱཡིསྶནྟི སམྤརིཝཱརཡིསྶནྟཱིཏི.

ཚནྡོ ཁོ པན མཱརིས ཀིཾནིདཱནོ ཀིཾསམུདཡོ ཀིཾཛཱཏིཀོ ཀིཾཔབྷཝོ, ཀིསྨིཾ སཏི ཚནྡོ ཧོཏི, ཀིསྨིཾ ཨསཏི ཚནྡོ ནཧོཏཱིཏི. ཚནྡོ ཁོ དེཝཱནམིནྡ ཝིཏཀྐནིདཱནོ ཝིཏཀྐསམུདཡོ ཝིཏཀྐཛཱཏིཀོ ཝིཏཀྐཔབྷཝོ, ཝིཏཀྐེ སཏི ཚནྡོ ཧོཏི, ཝིཏཀྐེ ཨསཏི ཚནྡོ ན ཧོཏཱིཏི.

ཨེཏྟཀཾ རཱུཔསྶ བྷཝིསྶཏི, ཨེཏྟཀཾ སདྡསྶ, ཨེཏྟཀཾ གནྡྷསྶ, ཨེཏྟཀཾ རསསྶ, ཨེཏྟཀཾ ཕོཊྛབྦསྶ བྷཝིསྶཏི, ཨེཏྟཀཾ མཡ྄ཧཾ བྷཝིསྶཏི, ཨེཏྟཀཾ པརསྶ བྷཝིསྶཏི, ཨེཏྟཀཾ ནིདཧིསྶཱམི, ཨེཏྟཀཾ པརསྶ དསྶཱམཱིཏི ཝཝཏྠཱནཾ ཝིཏཀྐཝིནིཙྪཡེན ཧོཏི. ཏེནཱཧ ཚནྡོ ཁོ དེཝཱནམིནྡ ཝིཏཀྐནིདཱནོཏི.

ཀཐཾ པཊིཔནྣོ པན མཱརིས བྷིཀྑུ པཔཉྩསཉྙཱསངྑཱནིརོདྷསཱརུཔྤགཱམིནིཾ པཊིཔདཾ པཊིཔནྣོ ཧོཏཱིཏི.

སོམནསྶཾཔཱཧཾ དེཝཱནམིནྡ དུཝིདྷེན ཝདཱམི སེཝིཏབྦཾཔི ཨསེཝིཏབྦཾཔི. དོམནསྶཾཔཱཧཾ དེཝཱནམིནྡ དུཝིདྷེན ཝདཱམི སེཝིཏབྦཾཔི ཨསེཝིཏབྦཾཔི. ཨུཔེཀྑཾཔཱཧཾ དེཝཱནམིནྡ དུཝིདྷེན ཝདཱམི སེཝིཏབྦཾཔི ཨསེཝིཏབྦཾཔི.

ཀིཾ པན བྷགཝཏཱ པུཙྪིཏཾ ཀཐིཏཾ ཨཔུཙྪིཏཾ, སཱནུསནྡྷིཀཾ ཨནནུསནྡྷིཀནྟི.

པུཙྪིཏམེཝ ཀཐིཏཾ ནོ ཨཔུཙྪིཏཾ. སཱནུསནྡྷིཀམེཝ ནོ ཨནནུསནྡྷིཀཾ.

ཨིམེ པཉྩཀྑནྡྷཱ ཀིཾ ཧེཏུཀཱཏི ཨུཔཔརིཀྑནྡྷོ ཨཝིཛྫཱདིཧེཏུཀཱཏི པསྶཏི.

ཨཧོསུཁཾ ཨཧོསུཁནྟི ཝཱཙཾ ནིཙྪཱརཡམཱནཝསེན ཨུཔྤཛྫཏི.

ཨཧོདུཀྑཾ ཨཧོདུཀྑནྟི ཝིཔྤལཱཔཡམཱནམེཝ ཨུཔྤཛྫཏི.

‘‘སོམནསྶཾཔཱཧཾ དེཝཱནམིནྡ དུཝིདྷེན ཝདཱམི སེཝིཏབྦཾཔི ཨསེཝིཏབྦཾཔཱི’’ཏི ཨིཏིཁོ པནེཏཾ ཝུཏྟཾ, ཀིཉྩེཏཾ པཊིཙྩ ཝུཏྟཾ. ཏཏྠ ཡཾ ཛཉྙཱ སོམནསྶཾ ‘‘ཨིམཾ ཁོ མེ སོམནསྶཾ སེཝཏོ ཨཀུསལཱ དྷམྨཱ ཨབྷིཝཌྜྷནྟི, ཀུསལཱ དྷམྨཱ པརིཧཱཡནྟཱི’’ཏི, ཨེཝརཱུཔཾ སོམནསྶཾ ན སེཝིཏབྦཾ. ཏཏྠ ཡཾ ཛཉྙཱ སོམནསྶཾ ‘‘ཨིམཾ ཁོ མེ སོམནསྶཾ སེཝཏོ ཨཀུསལཱ དྷམྨཱ པརིཧཱཡནྟི, ཀུསལཱ དྷམྨཱ ཨབྷིཝཌྜྷནྟཱི’’ཏི, ཨེཝརཱུཔཾ སོམནསྶཾ སེཝིཏབྦཾ. ཏཏྠ ཡཾ ཙེ སཝིཏཀྐཾ སཝིཙཱརཾ, ཡཾཙེ ཨཝིཏཀྐཾ ཨཝིཙཱརཾ, ཡེ ཨཝིཏཀྐེ ཨཝིཙཱརེ, ཏེ པཎཱིཏཏརེ. ‘‘སོམནསྶཾཔཱཧཾ དེཝཱནམིནྡ དུཝིདྷེན ཝདཱམི སེཝིཏབྦཾཔི ཨསེཝིཏབྦཾཔཱི’’ཏི ཨིཏི ཡཾ ཏཾ ཝུཏྟཾ, ཨིདམེཏཾ པཊིཙྩ ཝུཏྟཾ.

ན ལདྡྷཾ ཝཏ མེ སབྲཧྨཙཱརཱིཧི སདྡྷིཾ ཝིསུདྡྷིཔཝཱརཎཾ པཝཱརེཏུནྟི ཨཱཝཛྫཏོ དོམནསྶཾ ཨུཔྤཛྫཏི, ཨསྶུདྷཱརཱ པཝཏྟནྟི གཱམནྟ པབྦྷཱརཝཱསཱི མཧཱསཱིཝཏྠེརསྶ ཝིཡ.

ཨམྷཱཀཾ ཨཱཙརིཡོ ཨཉྙེསཾ ཨཝསྶཡོ ཧོཏི, ཨཏྟནོ བྷཝིཏུཾ ན སཀྐོཏི, ཨོཝཱདམསྶ དསྶཱམཱིཏི ཨཱཀཱསེན གནྟྭཱ ཝིཧཱརསམཱིཔེ ཨོཏརིཏྭཱ དིཝཱཊྛཱནེ ནིསིནྣཾ ཨཱཙརིཡཾ ཨུཔསངྐམིཏྭཱ ཝཏྟཾ དསྶེཏྭཱ ཨེཀམནྟཾ ནིསཱིདི.

ཀིཾ ཀཱརཎཱ ཨཱགཏོསི པིཎྜཔཱཏིཀཱཏི ཨཱཧ.

ན ཏེ ཏུམྷཱཀཾ ཨནུམོདནཱཡ ཨཏྠོཏི ཨཱཀཱསེ ཨུཔྤཏིཏྭཱ ཨགམཱསི.

ཨིམསྶ བྷིཀྑུནོ པརིཡཏྟིཡཱ ཀམྨཾ ནཏྠི, མཡ྄ཧཾ པན ཨངྐུསཀོ བྷཝིསྶཱམཱིཏི ཨཱགཏོཏི ཉཏྭཱ ཨིདཱནི ཨོཀཱསོ ན བྷཝིསྶཏི, པཙྩཱུསཀཱལེ གམིསྶཱམཱིཏི པཏྟཙཱིཝརཾ སམཱིཔེ ཀཏྭཱ སབྦཾ དིཝསབྷཱགཾ པཋམཡཱམ མཛ྄ཛྷིམཡཱམཉྩ དྷམྨཾ ཝཱཙེཏྭཱ པཙྪིམཡཱམེ ཨེཀསྨིཾ ཐེརེ ཨུདྡེསཾ གཧེཏྭཱ ནིཀྑནྟེ པཏྟཙཱིཝརཾ གཧེཏྭཱ ཏེནེཝ སདྡྷིཾ ནིཀྑནྟོ.

ཏཏོ ‘‘ན མཉྩེ མཡ྄ཧཾ ཙཏཱུཧི ཨིརིཡཱཔཐེཧི མགྒཕལཾ ཨུཔྤཛྫིསྶཏི ཨརཧཏྟཾ ཨཔཏྭཱ ནེཝ མཉྩེ པིཊྛིཾ པསཱརེསྶཱམི, ན པཱདེ དྷོཝིསྶཱམཱིཏི མཉྩཾ ཨུསྶཱཔེཏྭཱ ཋཔེསི.

ཨིདཱནི མེ ཏིཾསཝསྶཱནི སམཎདྷམྨཾ ཀརོནྟསྶ, ནཱསཀྑིཾ ཨརཧཏྟཾ པཱཔུཎིཏུཾ, ཨདྡྷཱ མེ ཨིམསྨིཾ ཨཏྟབྷཱཝེ མགྒོཝཱ ཕལཾཝཱ ནཏྠི, ན མེ ལདྡྷཾ སབྲཧྨཙཱརཱིཧི སདྡྷིཾ ཝིསུདྡྷིཔཝཱརཎཾ པཝཱརེཏུནྟི ཙིནྟེསི.

བྷོ མཧཱསཱིཝཏྠེར དེཝཏཱཔི ཏཡཱ སདྡྷིཾ ཀེལི༹ཾ ཀརོནྟི, ཨནུཙྪཝིཀཾ ནུ ཁོ ཏེ ཨེཏནྟི ཝིཔསྶནཾ ཝཌྜྷེཏྭཱ སཧ པཊིསམྦྷིདཱཧི ཨརཧཏྟཾ ཨགྒཧེསི. སོ ཨིདཱནི ནིཔཛྫིསྶཱམཱིཏི སེནཱསནཾ པཊིཛགྒིཏྭཱ མཉྩཀཾ པཉྙཔེཏྭཱ ཨུདཀཊྛཱནེ ཨུདཀཾ པཙྩུཔཊྛཔེཏྭཱ པཱདེ དྷོཝིསྶཱམཱིཏི སོཔཱནཕལཀེ ནིསཱིདི.

ཨཔེཐ བྷནྟེ མཱཏུགཱམོཏི ཨོཀཱསཾ ཀཱརེཏྭཱ ཐེརཾ ཨུཔསངྐམིཏྭཱ ཝནྡིཏྭཱ པུརཏོ ཨུཀྐུཊིཀོ ནིསཱིདིཏྭཱ པཱདེ དྷོཝིསྶཱམཱིཏི ཨཱཧ.

ཏེ པཎཱིཏཏརཱ དེཝཱ,

ཨཀནིཊྛཱ ཡསསྶིནོ;

ཨནྟིམེ ཝཏྟམཱནམྷི,

སོ ནིཝཱསོ བྷཝིསྶཏི;

དྷམྨདཱཡཱདཱ མེ བྷིཀྑཝེ བྷཝཐ, མཱ ཨཱམིསདཱཡཱདཱ, ཨཏྠི མེ ཏུམྷེསུ ཨནུཀམྤཱ, ཀིནྟི མེ སཱཝཀཱ དྷམྨདཱཡཱདཱ བྷཝེཡྻུཾ, ནོ ཨཱམིསདཱཡཱདཱཏི. ཏུམྷེ ཙ བྷིཀྑཝེ ཨཱམིསདཱཡཱདཱ བྷཝེཡྻཱཐ, ནོ དྷམྨདཱཡཱདཱ. ཏུམྷེཔི ཏེན ཨཱདིཡཱ བྷཝེཡྻཱཐ, ཨཱམིས དཱཡཱདཱ སཏྠུསཱཝཀཱ ཝིཧརནྟི, ནོ དྷམྨདཱཡཱདཱཏི. ཨཧམྤིཏེན ཨཱདིཡོ བྷཝེཡྻཾ ཨཱམིསདཱཡཱདཱ སཏྠུ སཱཝཀཱ ཝིཧརནྟི, ནོ དྷམྨདཱཡཱདཱཏི. ཏུམྷེ ཙ མེ བྷིཀྑཝེ དྷམྨདཱཡཱདཱ བྷཝེཡྻཱཐ ནོ ཨཱམིསདཱཡཱདཱ. ཏུམྷེཔི ཏེན ཨཱདིཡཱ བྷཝེཡྻཱཐ དྷམྨདཱཡཱདཱ སཏྠུ སཱཝཀཱ ཝིཧརནྟི, ནོ ཨཱམིསདཱཡཱདཱཏི. ཨཧམྤི ཏེན ན ཨཱདིཡོ བྷཝེཡྻཾ. དྷམྨདཱཡཱདཱ སཏྠུ སཱཝཀཱ ཝིཧརནྟི, ནོ ཨཱམིསདཱཡཱདཱཏི. ཏསྨཱཏིཧ མེ བྷིཀྑཝེ དྷམྨདཱཡཱདཱ བྷཝཐ, མཱ ཨཱམིསདཱཡཱདཱ, ཨཏྠིམེ ཏུམྷེསུ ཨནུཀམྤཱ, ཀིནྟི མེ སཱཝཀཱ དྷམྨདཱཡཱདཱ བྷཝེཡྻུཾ, ནོ ཨཱམིསདཱཡཱདཱཏི.

ཀཧཾ བུདྡྷོ ཀཧཾ བྷགཝཱ ཀཧཾ དེཝདེཝོ ནརཱསབྷོ པུརིསསཱིཧོཏི བྷགཝནྟཾ པརིཡེསནྟི.

ཝུཏྟམྤིཙེཏཾ ‘‘ཏེན ཁོ པན སམཡེན བྷགཝཱ སཀྐཏོ ཧོཏི གརུཀཏོ མཱནིཏོ པཱུཛིཏོ ཨཔཙིཏོ ལཱབྷཱི ཙཱིཝར པིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱནཾ, བྷིཀྑུསངྒྷོཔི ཁོ སཀྐཏོ ཧོཏི…པེ… པརིཀྑཱརཱན’’ནྟི.

ཡཱཝཏཱ ཁོ ཙུནྡ ཨེཏརཧི སངྒྷོ ཝཱ གཎོ ཝཱ ལོཀེ ཨུཔྤནྣོ, ནཱཧཾ ཙུནྡ ཨཉྙཾ ཨེཀསངྒྷམྤི སམནུཔསྶཱམི, ཨེཝཾ ལཱབྷགྒ ཡསགྒཔཏྟཾ, ཡཐརིཝ ཙུནྡ བྷིཀྑུསངྒྷོཏི.

ཨམྷཱཀཾ ཨཱཙརིཡསྶ དེཐ, ཨུཔཛ྄ཛྷཱཡསྶ དེཐཱཏི ཨུཙྩཱསདྡ མཧཱསདྡཾ ཀརོནྟི. སཱ ཙ ནེསཾ པཝཏྟི བྷགཝཏོཔི པཱཀཊཱ ཨཧོསི. ཏཏོ བྷགཝཱ ཨནནུཙྪཝིཀནྟི དྷམྨསཾཝེགཾ ཨུཔྤཱདེཏྭཱ ཙིནྟེསི.

པཙྩཡཱ ཨཀཔྤིཡཱཏི ན སཀྐཱ སིཀྑཱཔདཾ པཉྙཔེཏུཾ. པཙྩཡཔཊིབདྡྷཱ ཧི ཀུལཔུཏྟཱནཾ སམཎདྷམྨཝུཏྟི. ཧནྡཱཧཾ དྷམྨདཱཡཱདཔཊིཔདཾ དེསེམི.

སཱ སིཀྑཱཀཱམཱནཾ ཀུལཔུཏྟཱནཾ སིཀྑཱཔདཔཉྙཏྟི ཝིཡ བྷཝིསྶཏི ནགརདྭཱརེ ཋཔིཏསབྦཀཱཡིཀཨཱདཱསོ ཝིཡ ཙ, ཡཐཱ ཧི ནགར དྭཱརེ ཋཔིཏེ སབྦཀཱཡིཀེ ཨཱདཱསེ ཙཏྟཱརོ ཝཎྞཱ ཨཏྟནོ ཚཱཡཾ དིསྭཱ ཝཛྫཾ པཧཱཡ ནིདྡོསཱ ཧོནྟི.

སོ ཧི བྲཱཧྨཎ བྷགཝཱ ཨནུཔྤནྣསྶ མགྒསྶ ཨུཔྤཱདེཏཱ, ཨསཉྫཱཏསྶ མགྒསྶ སཉྫནེཏཱ, ཨནཀྑཱཏསྶ མགྒསྶ ཨཀྑཱཏཱ, མགྒཉྙཱུ མགྒཝིདཱུ མགྒཀོཝིདོཏིཙ. སོ ཧཱཝུསོ བྷགཝཱ ཛཱནཾ ཛཱནཱཏི, པསྶཾ པསྶཏི ཙཀྑུབྷཱུཏོ ཉཱཎབྷཱུཏོ དྷམྨབྷཱུཏོ བྲཧྨབྷཱུཏོ ཝཏྟཱ པཝཏྟཱ ཨཏྠསྶ ནིནྣེཏཱ ཨམཏསྶ དཱཏཱ དྷམྨསྶཱམཱི ཏཐཱགཏོཏིཙ, ….

པཎཱིཏེན ཁཱདནཱིཡེན བྷོཛནཱིཡེན སཧཏྠཱ སནྟཔྤེསི སམྤཝཱརེསི.

ཨརེ ཏྭཾ སུགཏཱཏིརིཏྟམྤི པིཎྜཔཱཏཾ པཊིཀྑིཔིཏྭཱ ཨཱིདིསཾ ཨིཙྪཾ ཨུཔྤཱདེསི.

དུབྦྷརོ བྷིཀྑུ ན སཀྐཱ པོསིཏུཾ.

ཨམྷཱཀཾ བྷདནྟོ སུབྷརོ ཐོཀེནཔི ཏུསྶཏི, མཡམེཝ ནཾ པོསིསྶཱམཱཏི པཊིཉྙཾ ཀཏྭཱ པོསེནྟི.

‘‘ཨརེ ཏྭཾ ནཱམ ཏདཱ སུགཏཱཏིརིཏྟམྤི པིཎྜཔཱཏཾ པཊིཀྑིཔིཏྭཱ ཏཐཱ ཛིགྷཙྪཱདུབྦལྱཔརེཏོཔི སམཎདྷམྨཾ ཀཏྭཱ ཨཛྫ ཀོསཛྫམནུཡུཉྫསི’’ –

ཡཱ ཙ ཁོ ཨཱནནྡཀཐཱ ཨབྷིསལླེཁིཏཱ ཙེཏོཝིནཱིཝརཎསཔྤཱཡཱ ཨེཀནྟནིབྦིདཱཡ ཝིརཱགཱཡ ནིརོདྷཱཡ ཨུཔསམཱཡ ཨབྷིཉྙཱཡ སམྦོདྷཱཡ ནིབྦཱནཱཡ སཾཝཏྟཏི. སེཡྻཐིདཾ ཨཔྤིཙྪཀཐཱཏི …,.

ཨིདམཝོཙ བྷགཝཱ, ཨིདཾ ཝཏྭཱན སུགཏོ ཨུཊྛཱཡཱསནཱ ཝིཧཱརཾ པཱཝིསི.

ཨིམཾ མཡཱ སཾཁིཏྟེན ཨུདྡེསཾ ཨུདྡིཊྛཾ ཝིཏྠཱརེན ཨཝིབྷཏྟཾ, དྷམྨཔཊིགྒཱཧཀཱ བྷིཀྑཱུ ཨུགྒཧེཏྭཱ ཨཱནནྡཾ ཝཱ ཀཙྩཱནཾ ཝཱ ཨུཔསངྐམིཏྭཱ པུཙྪིསྶནྟི, ཏེ མཡ྄ཧཾ ཉཱཎེན སཾསནྡེཏྭཱ ཀཐེསྶནྟི, ཏཏོ དྷམྨཔཊིགྒཱཧཀཱ པུན མཾ པུཙྪིསྶནྟི, ཏེསཾ ཨཧཾ སུཀཐིཏཾ བྷིཀྑཝེ ཨཱནནྡེན, སུཀཐིཏཾ ཀཙྩཱནེན, མཾ ཙེཔི ཏུམྷེ ཨེཀམཏྠཾ པུཙྪེཡྻཱཐ, ཨཧམྤི ནཾ ཨེཝམེཝ བྱཱཀརེཡྻནྟི.

ཙཱུལ༹གོསིངྒསུཏྟ

ཨེཝཾ མེ སུཏཾ ཨེཀཾ སམཡཾ བྷགཝཱ ནཱཏིཀེ ཝིཧརཏི གིཉྫཀཱཝསཐེ, ཏེན ཁོ པན སམཡེན ཨཱཡསྨཱ ཙ ཨནུརུདྡྷོ ཨཱཡསྨཱ ཙ ནནྡིཡོ ཨཱཡསྨཱ ཙ ཀིམིལོ གོསིངྒསཱལཝནདཱཡེ ཝིཧརནྟི. ཨཐཁོ བྷགཝཱ སཱཡནྷསམཡཾ པཊིསལླཱནཱ ཝུཊྛིཏོ ཡེན གོསིངྒསཱལཝནདཱཡོ, ཏེནུཔསངྐམི. ཨདྡསཱ ཁོ དཱཡཔཱལོ བྷགཝནྟཾ དཱུརཏོཝ ཨཱགཙྪནྟཾ. དིསྭཱན བྷགཝནྟཾ ཨེཏདཝོཙ ‘‘མཱ མཧཱསམཎ ཨེཏཾ དཱཡཾ པཱཝིསི, སནྟེཏྠ ཏཡོ ཀུལཔུཏྟཱ ཨཏྟཀཱམརཱུཔཱ ཝིཧརནྟི, མཱ ཏེསཾ ཨཕཱསུཀམཀཱསཱི’’ཏི.

ཨཧཾ ཨིམེ ཀུལཔུཏྟེ པགྒཎྷིཏྭཱ ཨུཀྐཾསིཏྭཱ པཊིསནྠཱརཾ ཀཏྭཱ དྷམྨཾ ནེསཾ དེསེསྶཱམཱིཏི.

ཨསྶོསི ཁོ ཨཱཡསྨཱ ཨནུརུདྡྷོ དཱཡཔཱལསྶ བྷགཝཏཱ སདྡྷིཾ མནྟཡམཱནསྶ. སུཏྭཱན དཱཡཔཱལཾ ཨེཏདཝོཙ, མཱ ཨཱཝུསོ དཱཡཔཱལ བྷགཝནྟཾ ཝཱརེསི, སཏྠཱ ནོ བྷགཝཱ ཨནུཔྤཏྟོཏི.

མཡཾ ཏཡོ ཛནཱ ཨིདྷ ཝིཧརཱམ, ཨཉྙེ པབྦཛིཏཱ ནཱམ ནཏྠི, ཨཡཉྩ དཱཡཔཱལོ པབྦཛིཏེན ཝིཡ སདྡྷིཾ ཀཐེཏི, ཀོ ནུ ཁོ བྷཝིསྶཏཱིཏི.

ཨཡཾ དཱཡཔཱལོ ཕཎཀཏཾ ཨཱསིཝིསཾ གཱིཝཱཡ གཧེཏུཾ ཧཏྠཾ པསཱརེནྟོཝིཡ ལོཀེ ཨགྒཔུགྒལེན སདྡྷིཾ ཀཐེནྟོཝ ན ཛཱནཱཏི, ཨཉྙཏརབྷིཀྑུནཱ ཝིཡ སདྡྷིཾ ཀཐེཏཱིཏི.

མཡཾ ཏཡོ ཛནཱ སམགྒཝཱཡཾ ཝསཱམ. སཙཱཧཾ ཨེཀཀོཝ པཙྩུགྒམནཾ ཀརིསྶཱམི. སམགྒཝཱསོ ནཱམ ན བྷཝིསྶཏཱིཏི པིཡམིཏྟེ གཧེཏྭཱཝ པཙྩུགྒམནཾ ཀརིསྶཱམི. ཡཐཱ ཙ བྷགཝཱ མཡ྄ཧཾ པིཡོ, ཨེཝཾ སཧཱཡཱནམྤི མེ པིཡོཏི, ཏེཧི སདྡྷིཾ པཙྩུགྒམནཾ ཀཱཏུཀཱམོ སཡཾ ཨཀཏྭཱཝ ཨུཔསངྐམི.

ཏསྶ མཡ྄ཧཾ བྷནྟེ ཨེཝཾ ཧོཏི, ཡཾ ནཱུནཱཧཾ སཀཾ ཙིཏྟཾ ནིཀྑིཔིཏྭཱ ཨིམེསཾཡེཝ ཨཱཡསྨནྟཱནཾ ཙིཏྟསྶ ཝསེན ཝཏྟེཡྻནྟི. སོ ཁོ ཨཧཾ བྷནྟེ སཀཾ ཙིཏྟཾ ནིཀྑིཔིཏྭཱ ཨིམེསཾཡེཝ ཨཱཡསྨནྟཱནཾ ཙིཏྟསྶ ཝསེན ཝཏྟཱམི, ནཱནཱཧི ཁོ ནོ བྷནྟེ ཀཱཡཱ ཨེཀཉྩ པན མཉྙེ ཙིཏྟནྟི.

སཱདྷུ སཱདྷུ ཨནུརུདྡྷཱ, ཀཙྩི པན ཝོ ཨནུརུདྡྷཱ ཨཔྤམཏྟཱ ཨཱཏཱཔིནོ པཧིཏཏྟཱ ཝིཧརཐཱཏི.

ཏགྒྷ མཡཾ བྷནྟེ ཨཔྤམཏྟཱ ཨཱཏཱཔིནོ པཧིཏཏྟཱ ཝིཧརཱམཱཏི.

ཡཐཱ ཀཐཾ པན ཏུམྷེ ཨནུརུདྡྷཱ ཨཔྤམཏྟཱ ཨཱཏཱཔིནོ པཧིཏཏྟཱ ཝིཧརཐཱཏི.

ཨཏྠི པན ཝོ ཨནུརུདྡྷཱ ཨེཝཾ ཨཔྤམཏྟཱནཾ ཨཱཏཱཔཱིནཾ པཧིཏཏྟཱནཾ ཝིཧརནྟཱནཾ ཨུཏྟརིམནུསྶདྷམྨཱ ཨལམརིཡཉཱཎདསྶནཝིསེསོ ཨདྷིགཏོ ཕཱསུཝིཧཱརོཏི.

ཀིཾ ཧི ནོ སིཡཱ བྷནྟེ. ཨིདྷ མཡཾ བྷནྟེ ཡཱཝདེཝ ཨཱཀངྑཱམ, ཝིཝིཙྩེཝ ཀཱམེཧི ཝིཝིཙྩ ཨཀུསལེཧི དྷམྨེཧི སཝིཏཀྐཾ སཝིཙཱརཾ ཝིཝེཀཛཾ པཱིཏིསུཁཾ པཋམཾ ཛྷཱནཾ ཨུཔསམྤཛྫ ཝིཧརཱམ, ཨཡཾ ཁོ ནོ བྷནྟེ ཨམྷཱཀཾ ཨཔྤམཏྟཱནཾ ཨཱཏཱཔཱིནཾ པཧིཏཏྟཱནཾ ཝིཧརནྟཱནཾ ཨུཏྟརིམནུསྶདྷམྨཱ ཨལམརིཡཉཱཎདསྶནཝིསེསོ ཨདྷིགཏོ ཕཱསུཝིཧཱརོཏི.

སགཱཐཱཝགྒསཾཡུཏྟ ཨཊྛཀཐཱ

ཡཀྑསཾཡུཏྟ

ཨཱལ༹ཝཀསུཏྟ

ཨེཝཾ མེ སུཏཾ ཨེཀཾ སམཡཾ བྷགཝཱ ཨཱལ༹ཝིཡཾ ཝིཧརཏི ཨཱལ༹ཝཀསྶ ཡཀྑསྶ བྷཝནེ.

ནཱསཀྑི མིགཾ གཧེཏུནྟི ཨཔཝཱདམོཙནཏྠཾ ཀཱཛེནཱདཱཡ ཨཱགཙྪནྟོ ནགརསྶཱཝིདཱུརེ བཧལཔཏྟཔལཱསཾ མཧཱནིགྲོདྷཾ དིསྭཱ པརིསྶམཝིནོདནཏྠཾ ཏསྶ མཱུལམུཔགཏོ.

ཡེ ཡེ ཝཛྫཱ ཧོནྟི, ཏེ ཏེ སནྡྷཱཡ ‘‘ཡོ ཛཱིཝིཏཏྠིཀོ, སོ ནིཀྑམཏཱུ’’ཏི བྷཎཏི.

རཱཛཱ ཙོརེ གཧེཏྭཱ ཡཀྑསྶ དེཏཱིཏི མནུསྶཱ ཙོརཀམྨ ཏོ པཊིཝིརཏཱ. ཏཏོ ཨཔརེན སམཡེན ནཝཙོརཱནཾ ཨབྷཱཝེན པུརཱཎཙོརཱནཉྩ པརིཀྑཡེན བནྡྷནཱགཱརཱནི སུཉྙཱནི ཨཧེསུཾ.

རཱཛཱ ཨམྷཱཀཾ པིཏརཾ ཨམྷཱཀཾ པིཏཱམཧཾ པེསེཏཱིཏི མནུསྶཱ ཁོབྷཾ ཀརིསྶནྟི, མཱ ཝོ ཨེཏཾ རུཙྩཱིཏི ཝཱརེསི.

ནཏྠི དེཝ ནགརེ དཱརཀོ ཋཔེཏྭཱ ཨནྟེཔུརེ ཏཝ པུཏྟཾ ཨཱལ༹ཝཀཀུམཱརནྟི.

ཨཐ ཁོ ཨཱལ༹ཝཀོ ཡཀྑོ ཡེན བྷགཝཱ ཏེནུཔསངྐམི, ཨུཔསངྐམིཏྭཱ བྷགཝནྟཾ ཨེཏདཝོཙ ནིཀྑམ སམཎཱཏི. སཱདྷཱཝུསོཏི བྷགཝཱ ནིཀྑམི. པཝིས སམཎཱཏི. སཱདྷཱཝུསོཏི བྷགཝཱ པཱཝིསི. དུཏིཡམྤི ཁོ ཨོལ༹ཝཀོ ཡཀྑོ བྷགཝནྟཾ ཨེཏདཝོཙ ནིཀྑམ སམཎཱཏི. སཱདྷཱཝུསོཏི བྷགཝཱ ནིཀྑམི. པཝིས སམཎཱཏི. སཱདྷཱཝུསོཏི བྷགཝཱ པཱཝིསི. ཏཏིཡམྤི ཁོ ཨཱལ༹ཝཀོ ཡཀྑོ བྷགཝནྟཾ ཨེཏདཝོཙ ནིཀྑམ སམཎཱཏི. སཱདྷཱཝུསོཏི བྷགཝཱ ནིཀྑམི. པཝིས སམཎཱཏི. སཱདྷཱཝུསོཏི བྷགཝཱ པཱཝིསི. ཙཏུཏྠམྤི ཁོ ཨཱལ༹ཝཀོ ཡཀྑོ བྷགཝནྟཾ ཨེཏདཝོཙ ནིཀྑམ སམཎཱཏི. ན ཁྭཱཧཾ ཏཾ ཨཱཝུསོ ནིཀྑམིསྶཱམི. ཡཾ ཏེ ཀརཎཱིཡཾ, ཏཾ ཀརོཧཱིཏི. པཉྷཾ ཏཾ སམཎ པུཙྪིསྶཱམི, སཙེ མེ ན བྱཱཀརིསྶསི, ཙིཏྟཾ ཝཱ ཏེ ཁིཔིསྶཱམི, ཧདཡཾ ཝཱ ཏེ ཕཱལེསྶཱམི, པཱདེསུ ཝཱ གཧེཏྭཱ པཱརགངྒཱཡ ཁིཔིསྶཱམཱིཏི. ན ཁྭཱཧཾ ཏཾ ཨཱཝུསོ པསྶཱམི སདེཝཀེ ལོཀེ སམཱརཀེ སབྲཧྨཀེ སསྶམཎབྲཱཧྨཎིཡཱ པཛཱཡ སདེཝམནུསྶཱཡ, ཡོ མེ ཙིཏྟཾ ཝཱ ཁིཔེཡྻ ཧདཡཾ ཝཱ ཕཱལེཡྻ པཱདེསུ ཝཱ གཧེཏྭཱ པཱརགངྒཱཡ ཁིཔེཡྻ. ཨཔིཙ ཏྭཾ ཨཱཝུསོ པུཙྪ ཡདཱ ཀངྑསཱིཏི.

ཀོ སོ བྷགཝཱནཱམ, ཡོ མམ བྷཝནཾ པཝིཊྛོཏི ཨཱཧ.

ན ཏྭཾ ཨཱཝུསོ ཛཱནཱསི བྷགཝནྟཾ ཨམྷཱཀཾ སཏྠཱརཾ, ཡོ ཏུསིཏབྷཝནེ ཋིཏོ པཉྩམཧཱཝིལོཀིཏཾ ཝིལོཀེཏྭཱཏིཨཱདིནཱ ནཡེན ཡཱཝ དམྨཙཀྐཔཝཏྟནཱ ཀཐེནྟཱ པཊིསནྡྷིཨཱདཱིསུ དྭཏྟིཾསཔུབྦནིམིཏྟཱནི ཝཏྭཱ ཨིམཱནིཔི ཏྭཾ ཨཱཝུསོ ཨཙྪརིཡཱནི ནཱདྡསཱཏི ཙོདེསུཾ.

པསྶཐ དཱནི ཏུམྷཱཀཾ ཝཱ སཏྠཱ མཧཱནུབྷཱཝོ, ཨཧཾ ཝཱཏི དཀྑིཎཔཱདེན སཊྛིཡོཛནམཏྟཾ ཀེལཱསཔབྦཏཀཱུཊཾ ཨཀྐམི.

ཡཾ ནཱུནཱཧཾ ཀེནཙི ཨཛེཡྻཾ དུསྶཱཝུདྷཾ མུཉྩེཡྻནྟི.

ཨིདཾ ཀཱརཎཾ མེཏྟཱཝིཧཱརཡུཏྟོ སམཎོ, ཧནྡ ནཾ རོསེཏྭཱ མེཏྟཱཡ ཝིཡོཛེམཱིཏི ཨིམིནཱ སམྦནྡྷེནེཏཾ ཝུཏྟཾ, ཨཐ ཁོ ཨཱལ༹ཝཀོ ཡཀྑོ ཡེན བྷགཝཱ…པེ… ནིཀྑམ སམཎཱཏི.

‘‘སུབྦཙོ ཝཏཱཡཾ སམཎོ ཨེཀཝཙནེནེཝ ནིཀྑནྟོ, ཨེཝཾ ནཱམ ནིཀྑམེཏུཾ སུཁཾ སམཎཾ ཨཀཱརཎེནེཝཱཧཾ སཀལརཏྟིཾ ཡུདྡྷེན ཨབྦྷུཡྻཱསིནྟི མུདུཙིཏྟོ ཧུཏྭཱ པུན ཙིནྟེསི –

སུབྦཙོ ཨཡཾ སམཎོ ནིཀྑམཱཏི ཝུཏྟོ ནིཀྑམཏི. པཝིསཱཏི ཝུཏྟོ པཝིསཏི. ཡཾནཱུནཱཧཾ ཨིམཾ སམཎཾ ཨེཝམེཝ སཀལརཏྟིཾ ཀིལམེཏྭཱ པཱདེ གཧེཏྭཱ པཱརགངྒཱཡ ཁིཔེཡྻནྟི པཱཔཀཾ ཙིཏྟཾ ཨུཔྤཱདེཏྭཱ ཙཏུཏྠཝཱརཾ ཨཱཧ ནིཀྑམ སམཎཱཏི.

ཀིཾ སཱུདྷ ཝིཏྟཾ པུརིསསྶ སེཊྛཾ,

ཀིཾསུ སུཙིཎྞཾ སུཁམཱཝཧཱཏི;

ཀིཾསུ ཧཝེ སཱདུཏརཾ རསཱནཾ,

ཀཐཾ ཛཱིཝིཾ ཛཱིཝིཏམཱཧུ སེཊྛནྟི;

སདྡྷཱིདྷ ཝིཏྟཾ པུརིསསྶ སེཊྛཾ,

དྷམྨོ སུཙིཎྞོ སུཁམཱཝཧཱཏི;

སཙྩཾ ཧཝེ སཱདུཏརཾ རསཱནཾ,

པཉྙཱཛཱིཝིཾ ཛཱིཝིཏམཱཧུ སེཊྛནྟི.

སདྡྷོ སཱིལེན སམྤནྣོ,

ཡསོ བྷོགསམཔྤིཏོ;

ཡཾ ཡཾ པདེསཾ བྷཛཏི,

ཏཏྠ ཏཏྠེཝ པཱུཛིཏོཏི ཝཙནཏོ –

སཙྩེན ཝཱཙེནུདཀམྤི དྷཱཝཏི,

ཝིསམྤི སཙྩེན ཧནནྟི པཎྜིཏཱ;

སཙྩེན དེཝོ ཐནཡཾ པཝསྶཏི,

སཙྩེ ཋིཏཱ ནིབྦུཏིཾ པཏྠཡནྟི.

ཡེཀེཙིམེ ཨཏྠི རསཱ པཐབྱཱ,

སཙྩཾ ཏེསཾ སཱདུཏརཾ རསཱནཾ;

སཙྩེ ཋིཏཱ སམཎབྲཱཧྨཎཱ ཙ,

ཏརནྟི ཛཱཏིམརཎསྶ པཱརནྟི.

ཀཐཾསུ ཏརཏི ཨོགྷཾ, ཀཐཾསུ ཏརཏི ཨཎྞཝཾ;

ཀཐཾསུ དུཀྑམཙྩེཏི, ཀཐཾསུ པརིསུཛ྄ཛྷཏི.

སདྡྷཱཡ ཏརཏི ཨོགྷཾ, ཨཔྤམཱདེན ཨཎྞཝཾ;

ཝཱིརིཡེན དུཀྑམཙྩེཏི, པཉྙཱཡ པརིསུཛ྄ཛྷཏི.

ཀཐཾསུ ལབྷཏེ པཉྙཾ, ཀཐཾསུ ཝིནྡཏེ དྷནཾ;

ཀཐཾསུ ཀིཏྟིཾ པཔྤོཏི, ཀཐཾ མིཏྟཱནི གནྠཏི;

ཨསྨཱ ལོཀཱ པརཾ ལོཀཾ, ཀཐཾ པེཙྩ ན སོཙཏཱིཏི–

སདྡཧཱནོ ཨརཧཏཾ, དྷམྨཾ ནིབྦཱནཔཏྟིཡཱ;

སུསྶཱུསཾ ལབྷཏེ པཉྙཾ, ཨཔྤམཏྟོ ཝིཙཀྑཎོ.

པཏིརཱུཔཀཱརཱི དྷུརཝཱ, ཨུཊྛཱཏཱ ཝིནྡཏེ དྷནཾ;

སཙྩེན ཀིཏྟིཾ པཔྤོཏི, དདཾ མིཏྟཱནི གནྠཏི.

ཨསྨཱ ལོཀོ པརཾ ལོཀཾ, ཨེཝཾ པེཙྩ ན སོཙཏི.

ཡསྶེཏེ ཙཏུརོ དྷམྨཱ,

སདྡྷསྶ གྷརམེསིནོ;

སཙྩཾ དམྨོ དྷིཏི ཙཱགོ,

ས ཝེ པེཙྩ ན སོཙཏི;

ཨིངྒྷ ཨཉྙེཔི པུཙྪསྶུ,

པུཐཱུ སམཎབྲཱཧྨཎེ;

ཡདི སཙྩཱ དྷམྨཱ ཙཱགཱ,

ཁནྟྱཱ བྷིཡྻོདྷ ཝིཛ྄ཛྷཏི.

ཀཐཾ ནུ དཱནི པུཙྪེཡྻཾ, པུཐཱུ སམཎབྲཱཧྨཎེ;

ཡོཧཾ ཨཛྫ པཛཱནཱམི, ཡོ ཨཏྠོ སམྤརཱཡིཀོ.

ཨཏྠཱཡ ཝཏ མེ བུདྡྷོ, ཝཱསཱཡཱལ༹ཝིམཱགམཱ;

ཡོཧཾ ཨཛྫ པཛཱནཱམི, ཡཏྠ དིནྣཾ མཧཔྥལཾ.

སོ ཨཧཾ ཝིཙརིསྶཱམི, གཱམཱ གཱམཾ པུརཱ པུརཾ;

ནམསྶམཱནོ སམྦུདྡྷཾ, དྷམྨསྶ ཙ སུདྷམྨཏཾ.

ཨིམཾ ཀུམཱརཾ སཏཔུཉྙལཀྑཎཾ,

སབྦངྒུཔེཏཾ པརིཔུཎྞབྱཉྫནཾ;

ཨུདགྒཙིཏྟོ སུམནོ དདཱམི ཏེ,

པཊིགྒཧ ལོཀཧིཏཱཡ ཙཀྑུམཱཏི.

དཱིགྷཱཡུཀོ ཧོཏུ ཨཡཾ ཀུམཱརོ,

ཏུཝཉྩ ཡཀྑ སུཁིཏོ བྷཝཱཧི;

ཨབྱཱདྷིཏཱ ལོཀཧིཏཱཡ ཏིཊྛཐ;

ཨཡཾ ཀུམཱརོ སརཎམུཔེཏི བུདྡྷཾ…པེ… དྷམྨཾ…པེ… སངྒྷཾ.

མཧཱཝགྒསཾཡུཏྟ ཨཊྛཀཐཱ

ཨེཀཾ སམཡཾ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ. ཏེན ཁོ པན སམཡེན ཨཱཡསྨཱ སཱརིཔུཏྟོ མགདྷེསུ ཝིཧརཏི ནཱལཀགཱམཀེ ཨཱབཱདྷིཀོ དུཀྑིཏོ བཱལ༹ྷགིལཱནོ. ཙུནྡོ ཙ སམཎུདྡེསོ ཨཱཡསྨཏོ སཱརིཔུཏྟསྶ ཨུཔཊྛཱཀོ ཧོཏི.

ཨཐ ཁོ ཨཱཡསྨཱ སཱརིཔུཏྟོ ཏེནེཝ ཨཱབཱདྷེན པརིནིབྦཱཡི. ཨཐ ཁོ ཙུནྡོ སམཎུདྡེསོ ཨཱཡསྨཏོ སཱརིཔུཏྟསྶ པཏྟཙཱིཝརམཱདཱཡ ཡེན སཱཝཏྠི ཛེཏཝནཾ ཨནཱཐཔིཎྜིཀསྶ ཨཱརཱམོ, ཡེནཱ ཡསྨཱ ཨཱནནྡོ ཏེནུཔསངྐམི, ཨུཔསངྐམིཏྭཱ ཨཱཡསྨནྟཾ ཨཱནནྡཾ ཨབྷིཝཱདེཏྭཱ ཨེཀམནྟཾ ནིསཱིདི, ཨེཀམནྟཾ ནིསིནྣོ ཁོ ཙུནྡོ སམཎུདྡེསོ ཨཱཡསྨནྟཾ ཨཱནནྡཾ ཨེཏདཝོཙ ‘‘ཨཱཡསྨཱ བྷནྟེ སཱརིཔུཏྟོ པརིནིབྦུཏོ, ཨིདམསྶ པཏྟཙཱིཝར’’ནྟི. ཨཏྠི ཁོ ཨིདཾ ཨཱཝུསོ ཙུནྡ ཀཐཱ པཱབྷཏཾ བྷགཝནྟཾ དསྶནཱཡ, ཨཱཡཱམཱཝུསོ ཙུནྡ, ཡེན བྷགཝཱ ཏེནུཔསངྐམིསྶཱམ, ཨུཔསངྐམིཏྭཱ བྷགཝཏོ ཨེཏམཏྠཾ ཨཱརོཙེསྶཱམཱཏི. ‘‘ཨེཝཾ བྷནྟེ’’ཏི ཁོ ཙུནྡོ སམཎུདྡེསོ ཨཱཡསྨཏོ ཨཱནནྡསྶ པཙྩསྶོསི.

བུདྡྷཱ ནུ ཁོ པཋམཾ པརིནིབྦཱཡནྟི, ཨུདཱཧུ ཨགྒསཱཝཀཱཏི.

ཨནུཛཱནཱཏུ མེ བྷནྟེ བྷགཝཱ, ཨནུཛཱནཱཏུ སུགཏོ. པརིནིབྦཱན ཀཱལོ མེ, ཨོསྶཊྛོ མེ ཨཱཡུསངྑཱརོཏི.

ཀཏྠ པརིནིབྦཱཡིསྶསི སཱརིཔུཏྟཱཏི.

ཨཏྠི བྷནྟེ མགདྷེསུ ནཱལཀགཱམེ ཛཱཏོཝརཀོ, ཏཏྠཱཧཾ པརིནིབྦཱཡིསྶཱམཱིཏི.

ཡསྶ དཱནི ཏྭཾ སཱརིཔུཏྟ ཀཱལཾ མཉྙསི, ཨིདཱནི པན ཏེ ཛེཊྛཀནིཊྛ བྷཱཏིཀཱནཾ ཏཱདིསསྶ བྷིཀྑུནོ དསྶནཾ དུལླབྷཾ བྷཝིསྶཏི, དེསེཧི ནེསཾ དྷམྨནྟི ཨཱཧ.

ཨཐཁོ ཨཱཡསྨཱ ཙ ཨཱནནྡོ ཙུནྡོ ཙ སམཎུདྡེསོ ཡེན བྷགཝཱ ཏེནུཔསངྐམིཾསུ, ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདིཾསུ, ཨེཀམནྟཾ ནིསིནྣོ ཁོ ཨཱཡསྨཱ ཨཱནནྡོ བྷགཝནྟཾ ཨེཏདཝོཙ ‘‘ཨཡཾ བྷནྟེ ཙུནྡོ སམཎུདྡེསོ ‘ཨེཝམཱཧ ཨཱཡསྨཱ བྷནྟེ སཱརིཔུཏྟོ པརིནིབྦུཏོ, ཨིདམསྶ པཏྟཙཱིཝར’ནྟི. ཨཔིཙ མེ བྷནྟེ ‘མདྷུརཀ ཛཱཏོ ཝིཡ ཀཱཡོ, དིསཱཔི མེ ན པཀྑཱཡནྟི, དྷམྨཱཔི མཾ ནཔྤཊིབྷནྟི ཨཱཡསྨཱ སཱརིཔུཏྟོ པརིནིབྦུཏོ’ཏི’’ སུཏྭཱ–

ཨཔྤཀེནཔི མེདྷཱཝཱི, པཱབྷཏེན ཝིཙཀྑཎོ;

སམུཊྛཱཔེཏི ཨཏྟཱནཾ, ཨཎུཾ ཨགྒིཾཝ སནྡྷམནྟི.

ཡོ པབྦཛཱི ཛཱཏིསཏཱནི པཉྩ,

པཧཱཡ ཀཱམཱནི མནོརམཱནི;

ཏཾཝཱིཏརཱགཾ སུསམཱཧིཏིནྡྲིཡཾ;

པརིནིབྦུཏཾ ཝནྡཐ སཱརིཔུཏྟཾ.

ཁནྟིབལོ པཐཝིསམོ ན ཀུཔྤཏི,

ནཙཱཔི ཙིཏྟསྶ ཝསེན ཝཏྟཏི;

ཨནུཀམྤཀོ ཀཱརུཎིཀོ ཙ ནིབྦུཏོ,

པརིནིབྦུཏཾ ཝནྡཐ སཱརིཔུཏྟཾ.

ཙཎྜཱལཔུཏྟོ ཡཐཱ ནགརཾ པཝིཊྛོ,

ནཱིཙམནོ ཙརཏི ཀལོ༹པིཧཏྠོ;

ཏཐཱ ཨཡཾ ཝིཧརཏི སཱརིཔུཏྟོ,

པརིནིབྦུཏཾ ཝནྡཐ སཱརིཔུཏྟཾ.

ཨུསབྷོ ཡཐཱ ཚིནྣཝིསཱཎཀོ,

ཨཧེཊྛཡནྟོ ཙརཏི པུརནྟརེ ཝནེ;

ཏཐཱ ཨཡཾ ཝིཧརཏི སཱརིཔུཏྟོ;

པརིནིབྦུཏཾ ཝནྡཐ སཱརིཔུཏྟནྟི.

ཨཔིཙ མེ བྷནྟེ མདྷུརཀཛཱཏོ ཝིཡ ཀཱཡོ.

ཀིཾ ནུཁོ ཏེ ཨཱནནྡ སཱརིཔུཏྟོ སཱིལཀྑནྡྷཾ ཝཱ ཨཱདཱཡ པརིནིབྦུཏོ, སམཱདྷིཀྑནྡྷཾ ཝཱ ཨཱདཱཡ པརིནིབྦུཏོ, པཉྙཱཀྑནྡྷཾ ཝཱ ཨཱདཱཡ པརིནིབྦུཏོ, ཝིམུཏྟིཀྑནྡྷཾ ཝཱ ཨཱདཱཡ པརིནིབྦུཏོ, ཝིམུཏྟི ཉཱཎདསྶནཀྑནྡྷཾ ཝཱ ཨཱདཱཡ པརིནིབྦུཏོཏི.

ནནུ ཏཾ ཨཱནནྡ མཡཱ པཊིཀཙྩེཝ ཨཀྑཱཏཾ སབྦེཧི པིཡེཧི མནཱ པེཧི ནཱནཱབྷཱཝོ ཝིནཱབྷཱཝོ ཨཉྙཐཱབྷཱཝོ, ཏཾ ཀུཏེཏྠ ཨཱནནྡ ལབྦྷཱ ‘‘ཡཾ ཏཾ ཛཱཏཾ བྷཱུཏཾ སངྑཏཾ པལོཀདྷམྨཾ, ཏཾ ཝཏ མཱཔལུཛྫཱི’’ཏི ནེཏཾ ཋཱནཾ ཝིཛྫཏི.

དསཀནིདྡེས

ཏཏྠ ཀཏམཾ ཏཐཱགཏསྶ ཋཱནཉྩ ཋཱནཏོ ཨཊྛཱནཉྩ ཨཊྛཱནཏོ ཡཐཱབྷཱུཏཾ ཉཱཎཾ. ཨིདྷ ཏཐཱགཏོ ‘‘ཨཊྛཱནམེཏཾ ཨནཝཀཱསོ ཡཾ དིཊྛིསམྤནྣོ པུགྒལོ ཀཉྩི སངྑཱརཾ ནིཙྩཏོ ཨུཔགཙྪེཡྻ ནེཏཾ ཋཱནཾ ཝིཛྫཏཱི’’ཏི པཛཱནཱཏི, ‘‘ཋཱནཉྩ ཁོ ཨེཏཾ ཝིཛྫཏི ཡཾ པུཐུཛྫནོ ཀཉྩི སངྑཱརཾ ནིཙྩཏོ ཨུཔགཙྪེཡྻ ཋཱནམེཏཾ ཝིཛྫཏཱི’’ཏི –

ཀམྨཏོ དྭཱརཏོ ཙེཝ;

ཀཔྤཊྛིཏིཡཏོ ཏཐཱ;

པཱཀསཱདྷཱརཎཱདཱིཧི;

ཝིཉྙཱཏབྦོ ཝིནིཙྪཡོ.

མཡཱ བྷནྟེ ཨུཔྤནྣོ ཙོརོ ན སཀྐཱ པཊིབཱཧིཏུཾ, སངྒྷོ པརསམུདྡཾ གཙྪཏུ, ཨཧཾ སམུདྡཱརཀྑཾ ཀརིསྶཱམཱིཏི.

ཨཱཝུསོ མཧཱསོཎ ཨབྷིརུཧ མཧཱཨུལུམྤནྟི.

ནཱཧཾ བྷནྟེ ཏུམྷེསུ ཨགཙྪནྟེསུ གམིསྶཱམཱིཏི ཡཱཝཏཏིཡཾ ཀཐེཏྭཱཔི ཐེརཾ ཨཱརོཔེཏུཾ ཨསཀྐོནྟཱ ནིཝཏྟིཾསུ.

ཨེཝརཱུཔསྶ ནཱམ ལཱབྷགྒཡསགྒཔྤཏྟསྶ སརཱིརདྷཱཏུནིཙཡཊྛཱནཾ ཨནཱཐཾ ཛཱཏནྟི ཙིནྟཡམཱནོ ནིསཱིདི.

བྷནྟེ ཨེཏཾ པཎྞཁཱདཀམནུསྶཱནཾ ཝསནཊྛཱནཾ, དྷཱུམོ པཉྙཱཡཏི, ཨཧཾ པུརཏོ གམིསྶཱམཱིཏི ཐེརཾ ཝནྡིཏྭཱ ཨཏྟནོ བྷཝནཾ ཨགམཱསི. ཐེརོ སབྦམྤི བྷཡཀཱལཾ པཎྞཁཱདཀམནུསྶེ ནིསྶཱཡ ཝསི.

ཨཱཝུསོ མཧཱསོཎ བྷིཀྑཱཧཱརོ པཉྙཱཡཏཱིཏི ཝཏྭཱ པཏྟཙཱིཝརཾ ཨཱརོཔེཏྭཱ ཙཱིཝརཾ པཱརུཔིཏྭཱ པཏྟཾ ནཱིཧརིཏྭཱ ཨཊྛཱསི.

མཧཱསོཎཏྠེརོ པཉྩབྷིཀྑུསཏཔརིཝཱརོ མཎྜལཱརཱམཝིཧཱརཾ པཏྟོ, ཨེཀེཀོ ནཝཧཏྠསཱཊཀེན སདྡྷིཾ ཨེཀེཀཀཧཱཔཎགྒྷནཀཾ པིཎྜཔཱཏཾ དེཏཱུཏི མནུསྶེ ཨཝོཙུཾ.

ཨནཱཡཏནེ ནཊྛཱནཾ ཨཏྟབྷཱཝཱནཾ པམཱཎཾ ནཏྠི, བུདྡྷཱནཾ ཨུཔཊྛཱནཾ ཀརིསྶཱམཱིཏི ཙེཏིཡངྒཎཾ གནྟྭཱ ཨཔྤཧརིཏཾ ཀརོཏི.

མཡཾ ཏཱཝ མཧལླཀཱ, ཨིདཾ ནཱམ བྷཝིསྶཏཱིཏི ན སཀྐཱ ཛཱནིཏུཾ, ཏུཝཾ ཨཏྟཱནཾ རཀྑེཡྻཱསཱིཏི.

ཀཧཾ ཝཏྟབྦཀནིགྲོདྷཏྠེརོ, ཀཧཾ ཝཏྟབྦཀནིགྲོདྷཏྠེརོཏི པུཙྪིཏྭཱ ཏསྶ སནྟིཀཾ ཨགམཾསུ.

ཀིཾ ཐེརོ པིཡཱཡཏཱིཏི.

ཀཱིདིསོ ཐེརོཏི.

དྷམྨསཀཊསྶ ཨཀྑོ བྷིཛྫཏི ཨཀྑོ བྷིཛྫཏཱིཏི པརིདེཝམཱནོ ཝིཙརི.

༨. སམྨཔྤདྷཱནཝིབྷངྒ

༡. སུཏྟནྟབྷཱཛནཱིཡཝཎྞནཱ

ཙཏྟཱརོམེ ཨཱཝུསོ སམྨཔྤདྷཱནཱ. ཀཏམེ ཙཏྟཱརོ. ཨིདྷཱཝུསོ བྷིཀྑུ ཨནུཔྤནྣཱ མེ པཱཔཀཱ ཨཀུསལཱ དྷམྨཱ ཨུཔྤཛྫམཱནཱ ཨནཏྠཱཡ སཾཝཏྟེཡྻུནྟི ཨཱཏཔྤཾ ཀརོཏི, ཨུཔྤནྣཱ མེ པཱཔཀཱ ཨཀུསལཱ དྷམྨཱ ཨཔྤཧཱིཡམཱནཱ ཨནཏྠཱཡ སཾཝཏྟེཡྻུནྟི ཨཱཏཔྤཾ ཀརོཏི, ཨནུཔྤནྣཱ མེ ཀུསལཱ དྷམྨཱ ཨནུཔྤཛྫམཱནཱ ཨནཏྠཱཡ སཾཝཏྟེཡྻུནྟི ཨཱཏཔྤཾ ཀརོཏི, ཨནུཔྤནྣཱ མེ ཀུསལཱ དྷམྨཱ ཨནུཔྤཛྫམཱནཱ ཨནཏྠཱཡ སཾཝཏྟེཡྻུནྟི ཨཱཏཔྤཾ ཀརོཏི, ཨུཔྤནྣཱ མེ ཀུསལཱ དྷམྨཱ ནིརུཛ྄ཛྷམཱནཱ ཨནཏྠཱཡ སཾཝཏྟེཡྻུནྟི ཨཱཏཔྤཾ ཀརོཏཱིཏི.

ཨུཔཛ྄ཛྷཱཡོ མེ ཨཏིཝིཡ པསནྣཙིཏྟོ ཝནྡཏི, ཀིཾ ནུ ཁོ པུཔྥཱནི ལབྷིཏྭཱ པཱུཛཾ ཀརེཡྻཱསཱིཏི ཙིནྟེསི.

‘‘ཀདཱ ཨཱགཏོསཱིཏི པུཙྪི’’

ཏྭཾ ཨམྷེ ཨུཙྩཱཀུལཱཏི སལླཀྑེསི.

༡༦. ཉཱཎཝིབྷངྒ

༡༠. དསཀནིདྡེསཝཎྞནཱ

ཨེཀིསྶཱ ལོཀདྷཱཏུཡཱ

ཨཊྛཱནམེཏཾ ཨནཝཀཱསོ ཡཾ ཨེཀིསྶཱ ལོཀདྷཱཏུཡཱ དྭེ ཨརཧནྟོ སམྨཱསམྦུདྡྷཱ ཨཔུབྦཾ ཨཙརིམཾ ཨུཔྤཛྫེཡྻུཾ, ནེཏཾ ཋཱནཾ ཝིཛྫཏཱིཏི པཛཱནཱཏི.

ཨཛྫ སཏྠཱ པརིནིབྦཱཡཏི, ཨཛྫ སཱསནཾ ཨོསཀྐཏི, པཙྪིམདསྶནཾ དཱནི ཨིདཾ ཨམྷཱཀནྟི དསབལསྶ པརིནིབྦུཏདིཝསཏོ མཧནྟཏརཾ ཀཱརུཉྙཾ ཀརིསྶནྟི.

ཨེཀཔུགྒལོ བྷིཀྑཝེ ལོཀེ ཨུཔྤཛྫམཱནོ ཨུཔྤཛྫཏི ཨཙྪརིཡམནུསྶོ, ཀཏམོ ཨེཀཔུགྒལོ ཏཐཱགཏོ བྷིཀྑཝེ ཨརཧཾ སམྨཱསམྦུདྡྷོཏི.

ཛྷཱནཝིབྷངྒ

སུཏྟནྟབྷཱཛནཱིཡ

ཨབྷིཀྐནྟེ པཊིཀྐནྟེ སམྤཛཱནཀཱརཱི ཧོཏི.

སཏོ སམྤཛཱནོ ཨབྷིཀྐམཏི,

སཏོ སམྤཛཱནོ པཊིཀྐམཏཱིཏི ཝུཏྟཾ.

ཀིནྣཱུ མེ ཨེཏྠ གཏེན ཨཏྠོ ཨཏྠི ནཏྠཱིཏི ཨཏྠཱནཏྠཾ པརིགྒཧེཏྭཱ ཨཏྠཔརིགྒཎྷནཾ སཱཏྠཀསམྤཛཉྙཾ.

ཨཱམིསཏོཔི ཝཌྜྷི ཨཏྠོཡེཝ, ཏཾ ནིསྶཱཡ བྲཧྨཙརིཡཱ ནུགྒཧཱཡ པཊིཔནྣཏྟཱཏི ཝདནྟི.

མཡཱ པབྦཛིཏདིཝསཏོ པཊྛཱཡ བྷིཀྑུནཱ སདྡྷིཾ དྭེཀཐཱ ནཱམ ནཀཐིཏཔུབྦཱ, ཨཉྙསྨིཾ དིཝསེ ཨུཔརིཝིསེསཾ ནིབྦཏྟེསྶཱམཱིཏི ཙིནྟེཏྭཱ ‘‘ཀིཾ བྷནྟེ’’ཏི པཊིཝཙནཾ ཨདཱསི.

བྷནྟེ ཨེཏེ མནུསྶཱ ཏུམྷཱཀཾ ཀིཾཧོནྟི, མཱཏིཔཀྑཏོ སམྦནྡྷཱ པིཏིཔཀྑཏོཏི.

ཨཱཝུསོཡཾ མཱཏཱཔིཏཱུཧིཔི དུཀྐརཾ, ཏཾ ཨེཏེ མནུསྶཱ ཨམྷཱཀཾ ཀརོནྟི, པཏྟཙཱིཝརམྤི ནོ ཨེཏེསཾ སནྟཀམེཝ, ཨེཏེསཾ ཨཱནུབྷཱཝེན ནེཝ བྷཡེ བྷཡཾ ན ཚཱཏཀེ ཚཱཏཀཾ ཛཱནཱམ, ཨེདིསཱནཱམ ཨམྷཱཀཾ ཨུཔཀཱརིནོ ནཏྠཱིཏི ཏེསཾ གུཎེ ཀཐེནྟོ གཙྪཏི.

ཀམྨཊྛཱནཾ ནཱམ ཨཏྠཱིཏིཔི སཉྙཾ ཨཀཏྭཱ གཱམཾ པིཎྜཱཡ པཝིསིཏྭཱ ཨནནུལོམིཀེན གིཧིསཾསགྒེན སཾསཊྛོ ཙརིཏྭཱ ཙ བྷུཉྫིཏྭཱ ཙ ཏུཙྪོ ནིཀྑམཏི.

ཨཱཝུསོ ཏུམྷེ ན ཨིཎཊྚཱ ན བྷཡཊྚཱ ན ཨཱཛཱིཝིཀཱ པཀཏཱ པབྦཛིཏཱ, དུཀྑཱ མུཙྩིཏུཀཱམཱ པནེཏྠ པབྦཛིཏཱ. ཏསྨཱ གམནེ ཨུཔྤནྣཀིལེསཾ གམནེཡེཝ ནིགཎྷཐ. ཋཱནེ, ནིསཛྫཱཡ, སཡནེ ཨུཔྤནྣཀིལེསཾ སཡནེཡེཝ ནིགྒཎྷཐཱཏི.

ཨཡཾ བྷིཀྑུ ཏུཡ྄ཧཾ ཨུཔྤནྣཾ ཝིཏཀྐཾ ཛཱནཱཏི, ཨནནུཙྪཝིཀཾ ཏེ ཨེཏནྟི ཨཏྟཱནཾ པཊིཙོདེཏྭཱ ཝིཔསྶནཾ ཝཌྜྷེཏྭཱ ཨརིཡབྷཱུམིཾ ཨོཀྐམཏི.

ཨཡཾ ཐེརོ པུནཔྤུནཾ ནིཝཏྟིཏྭཱ གཙྪཏི, ཀིཾ ནུཁོ མགྒམཱུལ༹ྷོ ཨུདཱཧུ ཀིཉྩི པམུཊྛོཏི སམུལླཔནྟི.

ཀིནྣཱུ ཁོ ཨེཏེ ཨམྷེཧེཝ སདྡྷིཾ ན སལླཔནྟི ཨུདཱཧུ ཨཉྙ མཉྙམྤི, ཡདི ཨཉྙམཉྙམྤི ན སལླཔནྟི, ཨདྡྷཱ ཝིཝཱདཛཱཏཱ བྷཝིསྶནྟི.

ཨཉྙཾ ཨུཔྤཛྫཏེ ཙིཏྟཾ, ཨཉྙཾ ཙིཏྟཾ ནིརུཛ྄ཛྷཏི;

ཨཝཱིཙི མནུསམྦནྡྷོ, ནདཱི སོཏོཝ ཝཏྟཏི.

ཨཱལོཀིཏེ ཝིལོཀིཏེ སམྤཛཱནཀཱརཱི ཧོཏི.

སཙེ བྷིཀྑཝེ ནནྡསྶ པུརཏྠིམཱ དིསཱ ཨཱལོཀེཏབྦཱ ཧོཏི, སབྦཾ ཙེཏསཱ སམནྣཱཧརིཏྭཱ ནནྡོ པུརཏྠིམཾ དིསཾ ཨཱལོཀེཏི ‘ཨེཝཾ མེ པུརཏྠིམཾ དིསཾ ཨཱལོཀཡཏོ ནཱབྷིཛ྄ཛྷཱ དོམནསྶཱ པཱཔཀཱ ཨཀུསལཱ དྷམྨཱ ཨནྭཱསྶཝིསྶནྟཱི’ཏི. ཨིཏིཧ སཱཏྠཀ སམྤཛཱནོ ཧོཏི. སཙེ བྷིཀྑཝེ ནནྡསྶ པཙྪིམཱ དིསཱ, ཨུཏྟརཱ དིསཱ, དཀྑིཎཱ དིསཱ, ཨུདྡྷཾ, ཨདྷོ, ཨནུདིསཱ ཨནུཝིལོཀེཏབྦཱ ཧོཏི, སབྦཾ ཙེཏསཱ སམནྣཱཧརིཏྭཱ ནནྡོ ཨནུདིསཾ ཨནུཝིལོཀེཏི ‘ཨེཝཾ མེ ཨནུདིསཾ ཨནུཝིལོཀཡཏོ…པེ… སམྤཛཱནོ ཧོཏཱིཏི….

བྷཝངྒཱ ཝཛྫནཉྩེཝ, དསྶནཾ སམྤཊིཙྪནཾ;

སནྟཱིརཎཾ ཝོཊྛབྦནཾ, ཛཝནཾ བྷཝཏི སཏྟམཾ.

སམིཉྫིཏེ པསཱརིཏེ སམྤཛཱནཀཱརཱི ཧོཏི.

སམིཉྫིཏེ པཧཱརིཏེཏི པབྦཱནཾ སམིཉྫན པསཱརཎེ.

ཀསྨཱ བྷནྟེ སཧསཱ ཧཏྠཾ སམིཉྫིཏྭཱ པུན ཡཐཱཋཱནེ ཋཔེཏྭཱ སཎིཀཾ སམིཉྫིཏྠཱཏི.

ཡཏོ པཊྛཱཡ མཡཱ ཨཱཝུསོ ཀམྨཊྛཱནཾ མནསིཀཱཏུཾ ཨཱརདྡྷོ, ན མེ ཀམྨཊྛཱནཾ མུཉྫིཏྭཱ ཧཏྠོ སམིཉྫིཏཔུབྦོ, ཨིདཱནི པན མེ ཏུམྷེཧི སདྡྷིཾ ཀཐཡམཱནེན ཀམྨཊྛཱནཾ མུཉྩིཏྭཱ སམིཉྫིཏོ, ཏསྨཱ པུན ཡཐཱ ཋཱནེ ཋཔེཏྭཱ སམིཉྫེསིནྟི.

སཱདྷུ བྷནྟེ བྷིཀྑུནཱ ནཱམ ཨེཝརཱུཔེན བྷཝིཏབྦནྟི.

སངྒྷཱཊིཔཏྟཙཱིཝརདྷཱརཎེ སམྤཛཱནཀཱརཱི ཧོཏི.

པུགྒལཔཉྙཏྟིཨཊྛཀཐཱ

ཨེཀཀནིདྡེས

ཀཏམོ ཙ པུགྒལོ སམཡཝིམུཏྟོ, ཨིདྷེཀཙྩོ པུགྒལོ ཀཱལེན ཀཱལཾ སམཡེན སམཡཾ ཨཊྛ ཝིམོཀྑེ ཀཱཡེན ཕུསིཏྭཱ ཝིཧརཏི, པཉྙཱཡ ཙསྶ དིསྭཱ ཨེཀཙྩེ ཨཱསཝཱ པརིཀྑཱིཎཱ ཧོནྟི. ཨཡཾ ཝུཙྩཏི པུགྒལོ སམཡཝིམུཏྟོ.

ཨསམཡཝིམུཏྟ

ཀཏམོ ཙ པུགྒལོ ཨསམཡཝིམུཏྟོ, ཨིདྷེཀཙྩོ པུགྒལོ ནཧེཝ ཁོ ཀཱལེན ཀཱལཾ སམཡེན སམཡཾ ཨཊྛཝིམོཀྑེ ཀཱཡེན ཕུསིཏྭཱ ཝིཧརཏི, པཉྙཱཡ ཙསྶ དིསྭཱ ཨཱསཝཱ པརིཀྑཱིཎཱ ཧོནྟི. ཨཡཾ ཝུཙྩཏི པུགྒལོ ཨསམཡཝིམུཏྟོ. སབྦེཔི ཨརིཡ པུགྒལཱ ཨརིཡེ ཝིམོཀྑེ ཨསམཡཝིམུཏྟཱ.

ཀུཔྤཱཀུཔྤནིདྡེས

ཀཏམོ ཙ པུགྒལོ ཀུཔྤདྷམྨོ, ཨིདྷེཀཙྩོ པུགྒལོ ལཱབྷཱི ཧོཏི རཱུཔསཧགཏཱནཾ ཝཱ ཨརཱུཔསཧགཏཱནཾ ཝཱ སམཱཔཏྟཱིནཾ, སོ ཙ ཁོ ན ནིཀཱམལཱབྷཱི ཧོཏི ན ཨཀིཙྪལཱབྷཱི ན ཨཀསིར ལཱབྷཱི, ན ཡཏྠིཙྪཀཾ ཡདིཙྪཀཾ ཡཱཝཏིཙྪཀཾ སམཱཔཛྫཏིཔི ཝུཊྛཱཏིཔི, ཋཱནཾ ཁོ པནེཏཾ ཝིཛ྄ཛྷཏི, ཡཾ ཏསྶ པུགྒལསྶ པམཱདམཱགམྨ ཏཱ སམཱཔཏྟིཡོ ཀུཔྤེཡྻུཾ. ཨཡཾ ཝུཙྩཏི པུགྒལོ ཀུཔྤདྷམྨོ.

སཏྟཀྑཏྟུཔརམ སོཏཱཔནྣ

ཀཏམོ ཙ པུགྒལོ སཏྟཀྑཏྟུཔརམོ, ཨིདྷེཀཙྩོ པུགྒལོ ཏིཎྞཾ སཾཡོཛནཱནཾ པརིཀྑཡཱ སོཏཱཔནྣོ ཧོཏི ཨཝིནིཔཱཏ དྷམྨོ ནིཡཏོ སམྦོདྷིཔརཱཡཎོ, སོ སཏྟཀྑཏྟུཾ དེཝེ ཙ མཱནུསེ ཙ སནྡྷཱཝིཏྭཱ སཾསརིཏྭཱ དུཀྑསྶནྟཾ ཀརོཏི, ཨཡཾ ཝུཙྩཏི པུགྒལོ སཏྟཀྑཏྟུཔརམོ.

སོཏཱཔནྣ ཨདྷིཔྤཱཡྻ

སོཏོ སོཏོཏི ཧིདཾ སཱརིཔུཏྟ ཝུཙྩཏི, ཀཏམོ ནུཁོ སཱརིཔུཏྟ སོཏོཏི. ཨཡམེཝ ཧི བྷནྟེ ཨརིཡོ ཨཊྛངྒིཀོ མགྒོ སོཏོ. སེཡྻཐིདཾ, སམྨཱདིཊྛི…པེ… སམྨཱསམཱདྷཱིཏི. སོཏཱཔནྣོ སོཏཱཔནྣོཏི ཧིདཾ སཱརིཔུཏྟ ཝུཙྩཏི, ཀཏམོ ནུཁོ སཱརིཔུཏྟ སོཏཱཔནྣོཏི. ཡོ ཧི བྷནྟེ ཨིམིནཱ ཨརིཡེན ཨཊྛངྒིཀེན མགྒེན སམནྣཱགཏོ, ཨཡཾ ཝུཙྩཏི སོཏཱཔནྣོ, སྭཱཡཾ ཨཱཡསྨཱ ཨེཝཾནཱམོ ཨེཝཾགོཏྟོ ཨིཏི ཝཱཏི, ཨིཏིཝཱ….

ཀོལཾ ཀོལ སོཏཱཔནྣ

ཀཏམོ ཙ པུགྒལོ ཀོལཾ ཀོལོ. ཨིདྷེཀཙྩོ པུགྒལོ ཏིཎྞཾ སཾཡོཛནཱནཾ པརིཀྑཡཱ སོཏཱཔནྣོ ཧོཏི ཨཝིནིཔཱཏདྷམྨོ ནིཡཏོ སམྦོདྷིཔརཱཡཎོ, སོ དྭེ ཝཱ ཏཱིཎི ཝཱ ཀུལཱནི སནྡྷཱཝིཏྭཱ སཾསརིཏྭཱ དུཀྑསྶནྟཾ ཀརོཏི, ཨཡཾ ཝུཙྩཏི ཀོལཾ ཀོལོ.

ཨེཀབཱིཛཱི སོཏཱཔནྣ

ཀཏམོ ཙ པུགྒལོ ཨེཀབཱིཛཱི, ཨིདྷེཀཙྩོ པུགྒལོ ཏིཎྞཾ སཾཡོཛནཱནཾ པརིཀྑཡཱ སོཏཱཔནྣོ ཧོཏི ཨཝིནིཔཱཏདྷམྨོ ནིཡཏོ སམྦོདྷིཔརཱཡཎོ, སོ ཨེཀཾཡེཝ མཱནུསཀཾ བྷཝཾ ནིབྦཏྟེཏྭཱ དུཀྑསྶནྟཾ ཀརོཏི, ཨཡཾ ཝུཙྩཏི པུགྒལོ ཨེཀབཱིཛཱི.

སཀདཱགཱམིནིདྡེས

ཀཏམོ ཙ པུགྒལོ སཀདཱགཱམཱི, ཨིདྷེ ཀཙྩོ པུགྒལོ ཏིཎྞཾ སཾཡོཛནཱནཾ པརིཀྑཡཱ རཱགདོསམོཧཱནཾ ཏནུཏྟཱ སཀདཱགཱམཱི ཧོཏི སཀིདེཝ ཨིམཾ ལོཀཾ ཨཱགནྟྭཱ དུཀྑསྶནྟཾ ཀརོཏི. ཨཡཾ ཝུཙྩཏི པུགྒལོ སཀདཱགཱམཱི.