📜
ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ
དྷམྨནཱིཏི
ཝནྡིཏྭཱ རཏནཾ སེཊྛཾ ¶ , ནིསྶཱཡ པུབྦཀེ གརུཾ;
ནིཏིདྷམྨཾཔཝཀྑཱམི, སབྦལོཀསུཁཱཝཧཾ.
ཨཱཙརིཡོཙསིཔྤཉྩ, པཉྙཱསུཏཾཀཐཱདྷནཾ;
དེསོཙནིསྶཡོམིཏྟཾ, དུཛྫནོསུཛནོབལཾ.
ཨིཏྠཱིཔུཏྟོཙདཱསོཙ ¶ , གྷརཱཝཱསོཀཏཱཀཏོ;
ཉཱཏབྦོཙཨལངྐཱརོ, རཱཛདྷམྨོཔསེཝཀོ;
དུཀཱདིམིསྶཀོཙེཝ, པཀིཎྞཀོཏིམཱཏིཀཱ.
ཀིནྟེཧིཔཱདསུསྶསཱ ¶ , ཡེསཾནཏྠིགརཱུནིཧ;
ཡེཏཔྤཱདརཛོཀིཎྞཱ, ཏེཝསཱདྷཱུཝིཝེཀིནོ.
ཝིནཱགརཱུཔདེསནྟཾ, བཱལོལངྐཏྟུམིཙྪཏི;
སམྤཱཔུཎེནཝིཉྙཱུཧི, ཧསབྷཱཝཾཀཐཾནུསོ.
ཨུཊྛཱནཱཨུཔཊྛཱནཱཙ, སུསྶུསཱཔརིཙཱརིཀཱ;
སཀྐཙྩཾསིཔྤུགྒཧཎཾ, གརུཾཨཱརཱདྷཡེབུདྷོ.
ཨུཔཛ྄ཛྷཱཙརིཡཱནཉྩ ¶ , མཱཏཱཔིཏཱུནམེཝཙ;
སཀྐཙྩཾཡོནུཔཊྛཱཏི, སུཏོཔིཏསྶཏཱདིསོ.
ཨུཔཛ྄ཛྷཱཙརིཡཱནཉྩ, མཱཏཱཔིཏཱུནམེཝཙ;
སཀྐཙྩཾཡོཨུཔཊྛཱཏི, སུཏོཔིཏསྶཏཱདིསོ;
སམྨཱཨུཔཔརིཀྑིཏྭཱ;
ཨཀྑརེསུཔདེསུཙ;
ཙོརགྷཱཏོསིསྶོསིཡཱ,
གརུཙོརཊྚཀཱརཀོ.
པཎྜིཏོསུཏསམྤནྣོ ¶ , ཡཏྠཨཏྠཱིཏི ཙེསུཏོ;
མཧུསྶཱཧེནཏཾཋཱནཾ, གནྟབྦཾཝསུཏེསིནཱ.
སུཁཾརུཀྑསྶཚཱཡཱཝ, ཏཏོཉཱཏིམཱཏཱཔིཏུ;
ཏཏོཨཱཙརིཡོརཉྙོ, ཏཏོཛིནསྶསཱསནཾ.
པཱསཱཎཚཏྟཾགརུཀཾ, ཏཏོདེཝཱནཙིཀྑནཾ;
ཏཏོཝུཌྜྷཱནམོཝཱདོ, ཏཏོཛིནསྶསཱསནཾ.
ཏུལཾསལླཧུཀཾལོཀེ ¶ , ཏཏོཙཔལཛཱཏིཀོ;
ཏཏོཝུཌྜྷཱནནོཝཱདོ, ཡཏིདྷམྨེཔམཱདཀོ.
སུཏིསམྨུཏིསངྑྱཱཙ, ཡོགཱནིཏིཝིསེསཀཱ;
གནྡྷབྦཱགཎིཀཱཙེཝ, དྷནུབེདཱཙཔཱུརཎཱ.
ཏིཀིཙྪཱཨིཏིཧཱསཱཙ ¶ , ཛོཏིམཱཡཱཙཚནྡཏི;
ཀེཏུམནྟཱཙསདྡཱཙ, སིཔྤཱཊྛཱརསཀཱཨིམེ.
ཨལསསྶཀུཏོསིཔྤཾ, ཨསིཔྤསྶཀུཏོདྷནཾ;
ཨདྷནསྶཀུཏོམིཏྟཾ, ཨམིཏྟསྶཀུཏོསུཁཾ;
ཨསུཁསྶཀུཏོཔུཉྙཾ, ཨཔུཉྙསྶཀུཏོནིབྦཱནཾ.
སིཔྤཾསམཾདྷནཾནཏྠི, སིཔྤཾཙོརཱནགཎྷནྟི;
ཨིདྷལོཀེསིཔྤཾམིཏྟཾ, པརལོཀེསུཁཱཝཧཾ.
བོདྷཔུཏྲསདཱཝིཏྱཾ ¶ , མཱཁེདཱཙརིཡཾགརུཾ;
སདེསེཔཱུཛིཏོརཱཛཱ, བུདྷོསབྦཏྠཔཱུཛིཏོ.
བོདྷཔུཏྲཀིམཱལསྶེ, ཨབོདྷོབྷཱརཝཱཧཀོ;
བོདྷཀོཔཱུཛིཏོ ལོཀེ, བོདྷཔུཏྲདིནེདིནེ.
རཱུཔཡོབྦནྣསམྤནྣཱ, ཝིསཱལཀུལསམྦྷཝཱ;
ཝིཏྱཱཧཱིནཱནསོབྷནྟི, ནིགནྡྷཱཨིཝཀིཾསུཀཱ.
མཱཏཱསཏྲུརུཔིཏཱཙ ¶ , བཱལཀཱལེནསིཀྑིཏ;
ན སོབྷཏིསབྷཱམཛ྄ཛྷེ, ཧཾསམཛ྄ཛྷེབཀོཡཐཱ.
གུཎོསེཊྛངྒཏཾཡཱཏི, ནཨུཙྩེསཡནེཝསེ;
པཱསཱདསཱིཁརེཝཱསོ, ཀཱཀོཀིཾགརུལོ༹སིཡཱ.
སབྦསུཏམདྷིཡཏེ, ཧཱིནམུཀྐཊྛམཛ྄ཛྷིམེ;
སབྦསྶཨཏྠཾཛཱནེཡྻ, ནཙསབྦཾཔཡོཛཡེ.
ནལོཀེསོབྷཏེམུལ༹ྷོ ¶ ,
ཀེཝལཏྟཔསཾསཀོ;
ཨཔིསམྤིཧིཏོཀཱུཔེ,
ཀཏཝིཛྫོཔཀཱསིཏོ.
མདནྟདམནཾསཏྠཾ, ཁལཱནཾཀུརུཏེམདཾ;
ཙཀྑུསངྑཱརཀཾཏེཛཾ, ཨུལཱུཀཱནམིཝནྡྷཀཾ.
བྷོཛནཾམེཐུནཾནིདྡཱ,
གཝེཔོསེཙཝིཛྫཏི;
ཝིཛྫཱཝིསེསོཔོསསྶ,
ཏཾཧཱིནོགོསམོབྷཝེ.
ཡོསིསྶོསིཔྤལོབྷེན ¶ , བཧུཾབཧུཾཝགཎྷཱཏི;
མུགོཝསུཔིནཾཔསྶཾ, ནསཀྐཱཀཐིཏུཾ པརཾ.
སུསྶུསཱསུཏཝཌྜྷནཱ, པཉྙཱཡཝཌྜྷནཾསུཏཾ;
པཉྙཱཡཨཏྠཾཛཱནནྟི, ཉཱཏོཨཏྠོསུཁཱཝཧོ.
ཨནཱགཏཾབྷཡཾདིསྭཱ ¶ , དཱུརཏོཔརིཝཛྫཡེ;
ཨཱགཏཉྩབྷཡཾདིསྭཱ, ཨབྷིཏོཧོཏིཔཎྜིཏོ.
ལོབྷཾཀོདྷཾམདཾམཱནཾ, ཏནྡིཾཨིསྶཾཔམཏྟཀཾ;
སོཎྜཾནིདྡཱལུཀཾམཀྑཾ, མཙྪེརཉྩཛཧེབུདྷོ.
སདྡྷཱཧིརིཙཨོཏྟཔྤཾ, བཱཧུསཙྩཾཝིརཾསཏི;
པཉྙཱཙསཏྟདྷམྨེཧི, སམྤནྣོཔཎྜིཏོམཏོ.
དིཊྛེདྷམྨེཙཡོཨཏྠོ ¶ ,
ཡོཙཏྠོསམྤརཱཡིཀོ;
ཨཏྠཱབྷིསམཡཱདྷཱིརོ,
པཎྜིཏོཏིཔཝུཙྩཏི.
སབྷཱཝསདིསཾཝཱཀྱཾ, སབྷཱཝསདིསཾཔིཡཾ;
སབྷཱཝསདིསཾཀོདྷཾ, ཡོཛཱནཱཏིསཔཎྜིཏོ.
བྷཱུཔཱལོཔཎྜིཏོནིཙྩཾ, ནེཝཏུལྱོཀུདཱཙནཾ;
སདེསེཔཱུཛིཏོརཱཛཱ, བུདྷོསབྦཏྠཔཱུཛིཏོ.
པཎྜིཏསྶཔསཾསཱཡ ¶ , དཎྜོབཱལེནདིཡྻཏེ;
པཎྜིཏོཔཎྜིཏེནེཝ, ཝཎྞིཏོཝསུཝཎྞིཏོ.
ཨཏྟནཱཡདིཨེཀེན, ཝིནིཐེནམཧཱཛནཱ;
ཝིནཡཾཡནྟིསབྦེཔི, ཀོདྷཾནཱསེཡྻཔཎྜིཏོ.
སརཱིརསྶགུཎཱནཉྩ, དཱུརམཙྩནྟམནྟརཾ;
སརཱིརཾཁཎཝིདྡྷཾསི, གུཎཱཏུཀཔྤཋཱཡིནོ.
ཨཏྠཾམཧནྟམཱཔཛྫཾ, ཝིཛྫཾསམྤཏྟིམེཝཙ;
ཝིཙརེཡྻཱམཱནཐདྡྷོ, པཎྜིཏོསོཔཝུཙྩཏི.
ནཱལབྦྷམཏིཔཏྠེནྟི ¶ , ནཊྛམྤིནཙསོཙརེ;
ཝིཔྤཏྱཉྩནམུཡ྄ཧནྟི, ཡེནརཱཏེཝཔཎྜིཏཱ.
གཎྛིཋཱནེཨེཀཔདེ, ནཱཏིམཉྙེཡྻཔཎྜིཏོ;
ཀིམཀྐོཝེལུ༹པབྦྷཱརོ, ཏིམཧཱདཱིཔབྷཱནུདོ.
གུཎདོསེསུནེཀེན, ཨཏྠིཀོཙིཝིཝཛྫིཏོ;
སུཁུམཱལཔདུམསྶ, ནལ༹ཾབྷཝཏིཀཀྑལ༹ཾ.
སུམཧནྟཱནིསཏྠཱནི, དྷཱརཡནྟཱབཧུསྶུཏཱ;
ཚེདཱཡོསཾསཡཱནནྟུ, ཀླིསྶནྟིལོབྷམོཧིཏཱ.
དོསཾཔིསགུཎེདིསྭཱ ¶ , གུཎཝཱདཱིཝདནྟིན;
ནལོཀོཝིཛྫམཱནམྤིཙནྡེཔསྶཏིལཉྫནཾ.
སཀིཾཔིཝིཉྙཱུདྷཱིརེན, ཀརོཏིསཧསངྒམཾ;
ཨཏྟཏྠཉྩཔརཏྠཉྩ, ནིབྦཱནནྟཾསུཁཾལབྷེ.
ནདཱིཏཱིརེཊྛིཏེཀཱུཔེ, ཨརཎིཏཱལཝཎྜཀེ;
ནཝདཱཔཱདིནཏྠཱིཏི, ནམུཁེཝཙནཾཏཐཱ.
པཎྜིཏོཨཔུཊྛོབྷེརཱི ¶ , པཛྫུནྣོཧོཏིཔུཙྪིཏོ;
བཱལོཔུཊྛོཨཔུཊྛོཔི, བཧུཾཝིཀཏྠཏེསདཱ.
གུཎསམྤནྣལངྐཱརོ, སབྦསཏྟཧིཏཱཝཧོ;
པརཏྟཏྠཾནཙརེཡྻ, ཀུཏོསོཔཎྜིཏོབྷཝེ.
སཔརཏྠཾཙརེདྷཱིརོ, ཨསཀྐོནྟོསཀཾཙརེ;
ཏམྤིཙེཝཨསཀྐོནྟོ, པཱཔཱཏྟཱནཾཝིཡོཛཡེ.
སབྦཾསུཎཱཏིསོཏེན ¶ , སབྦཾཔསྶཏིཙཀྑུནཱ;
ནཙདིཊྛཾསུཏཾདྷཱིརོ, སབྦིཙྪིཏུམརཧཏི.
ཙཀྑུམཱསྶཡཐཱཨནྡྷོ, སོཏཝཱབདྷིརོཡཐཱ;
པཉྙཱཝཱཔིཡཐཱམུགོ, བལཝཱདུབྦལོརིཝ;
ཨཐཨཏྠེསམུཔྤནྣེ, སཡེཡྻམཏསཱཡིཏཾ.
ཨཏིཛཱཏཾམནུཛཱཏཾ, པུཏྟམིཙྪནྟིཔཎྜིཏཱ;
ཨཝཛཱཏཾནཨིཙྪནྟི, ཡོཧོཏིཀུལཚིནྣཀོ.
ཏཡོཝཔཎྜིཏཱསཏྠེ ¶ , ཨཧམེཝཱཏིཝཱདིཙ;
ཨཧམཔིཏིཝཱདཱིཙ, ནཱཧནྟིཙཨིམེཏཡོ;
ནསཱསབྷཱཡཏྠནསནྟིསནྟོ,
ནཏེསནྟོཡེནཝདནྟིདྷམྨཾ;
རཱགཉྩདོསཉྩཔཧཱཡམོཧཾ,
དྷམྨཾབྷཎནྟཱཝབྷཝནྟིསནྟོ.
བཱལེཙུམྨཏྟཀེབྷཱུཔེ, གུརུམཱཏཱཔིཏཱུསྭཔི;
སངྒྷེཛེཋེཙབྷཱཏརི, ནདོསཱཀརིཡཱབུདྷཱ.
ཨཏྟནཱམནོཏཱཔཉྩ ¶ , གྷརེདུཙྩརིཏཱནིཙ;
ཝཉྩནཉྩཨཝམཱནཾ, མཏིམཱནཔཀཱསཡེ.
པརདཱརཾཛནེཏྟིཾཝ, ལེཌྜུཾཝཔརསནྟཀཾ;
ཨཏྟཱཝསབྦསཏྟཱནཾ, ཡོཔསྶཏིསཔཎྜིཏོ.
སཋེནམིཏྟཾཀལུསེནདྷམྨཾ,
པརོཔཏཱཔེནསམིདྡྷིབྷཱཝཾ;
སུཁེནཝིཛྫཾཕརུསེནནཱརིཾ,
ཨིཙྪནྟིཡེཏེནཙེཝཔཎྜིཏཱ.
ནིཔུཎེསུཧམེསེཡྻ ¶ , ཝིཙིནིཏྭཱསུཏཏྠིཀོ;
སཏྟཾཧུཀྑལིཡཾཔཀྐཾ, བྷཱཛནེཔིཏཐཱབྷཝེ.
ཝསུཾགཎྷནྟིདཱུརཊྛཱ, པབྦཏེརཏནོཙིཏེ;
ནམིལཀྑཱསམཱིཔཊྛཱ, ཨེཝཾབཱལཱབཧུསྶུཏེ.
ཧིརཉྙེནམིགཱནཾཝ ¶ , སུསཱིལེནཨསཱིལིནོ;
ཨདྷམྨིཀསྶདྷམེན, བཱལཱནམྤིསུཏེནཀིཾ.
ཨཔྤསྶུཏཱཡཾཔུརིསོ, བལིབདྡྷོཝཛཱིཝཏི;
མཾསཱནིཏསྶཝཌྜྷནྟི, པཉྙཱཏསྶནཝཌྜྷཏི.
ཨཔྤསྶུཏོསུཏཾཨཔྤཾ, བཧུམཉྙཏིམཱནིཀོ;
སིནྡྷཱུདཀཾཨཔསྶནྟོ, ཀཱུཔེསོཡཾཝམཎྜུཀོ.
ཏདམིནཱཔིཛཱནཱཐ ¶ , སོབྦྷེསུཔཏཱིརེསུཙ;
སཎནྟཱཡནྟིཀུསོབྦྷཱ, ཏུཎྷཱིཡནྟིམཧོདདྷཱི.
སུབྷཱསིཏཾཨུཏྟམམཱཧུསནྟོ,
དྷམྨཾབྷཎེནཱདྷམྨཾ, ཏཾདུཏིཡཾ;
པིཡཾབྷཎེནཱཔིཡཾཏཾཏཏིཡཾ,
སཙྩཾབྷཎེནཱལིཀཾཏཾཙཏུཏྠཾ.
སཱིཧམེདཱསུཝཎྞེཝ ¶ , ནཙཏིཊྛནྟིརཙཏེ;
པཎྜིཏཱནཾཀཐཱཝཱཀྱཾ ནཙཏིཊྛཏིདུཛྫནེ.
མཧཱཏེཛོཔིཏེཛོཡཾ, མཏྟིཀཾནམུདུཾཀརེ;
ཨཱཔོཔཱཔེཏིམུདུཀཾ, སཱདྷུཝཱཙཱཙཀཀྑལ༹ཾ;
མུདུནཱཝརིཔུཾཛེཏི, མུདུནཱཛེཏིདཱརུཎཾ;
ནཱསིདྡྷིམུདུནཱཀིཉྩི, ཡཏོཏོམུདུནཱཛཡེ.
ཙནྡནཾ ¶ སཱིཏལཾ ལོཀེ, ཏཏོ ཙནྡཾཝ སཱིཏལཾ;
ཙནྡན ཙནྡ སཱིཏམྷཱ, སཱདྷུཝཱཀྱཾ སུབྷཱསིཏཾ.
སཱིཏཝཱཙོ བཧུམིཏྟོ, ཕརུསོཏུ ཨམིཏྟཀོ;
ཨུཔམཾ ཨེཏྠ ཉཱཏབྦཱ, ཙནྡསཱུརིཡརཱཛུནཾ.
པཏྟཀལློདིཏཾཨཔྤཾ, ཝཱཀྱཾསུབྷཱསིཏཾབྷཝེ;
ཁུདྡིཏསྶཀདནྣམྤི, བྷུཏྟཾསཱདུརསོབྷཝེ.
སཏྠཀཱཔིབཧུཝཱཙཱ ¶ , ནཱདརཱབཧུབྷཱཎིནོ;
སོཔཀཱརམྤྱུདཱསཱིནཾ, ནནུདིཊྛཾནདཱིཛལཾ.
ནཱཏིཝེལཾཔབྷཱསེཡྻ, ནཏུཎྷིསབྦདཱསིཡཱ;
ཨཝིཀིཎྞཾམིཏཾཝཱཀྱཾ, པཏྟཀཱལེཨུདཱིརཡེ.
ཨིཙྪིཏབྦེསུཀམྨེསུ, ཝཱཙཱཡཀུསལཾམཱུལཾ;
ཝཱཙཱཡཀུསལེནཊྛེ, ཨིཙྪིཏབྦཾནསིཛ྄ཛྷཏི.
ཧཏྠཔཱདཱསིརོཔིཊྛི, ཀུཙྪིཔཉྩཨིམེཛནཱ;
མུཁམེཝཱུཔསེཝནྟི, སདཱཝཨནུསཱསིཏཱ.
སདྡྷཱདྷནཾསཱིལདྷནཾ ¶ , ཧིརིཨོཏྟཔྤིཡཾདྷནཾ;
སུཏདྷནཉྩཙཱགོཙ, པཉྙཱཝེསཏྟམཾདྷནཾ.
ཨིཏྠཱིནཉྩདྷནཾརཱུཔཾ, པུརིསཱནཾདྷནཾཀུལཾ;
ཨུརགཱནཾདྷནཾཝིསཾ, བྷཱུཔཱལཱནཾདྷནཾབལཾ;
བྷིཀྑཱུནཉྩདྷནཾསཱིལཾ, བྲཧྨཎཱནཾདྷནཾཝིཛྫཱ.
ནརཱུཔཾནཙཔཉྙཱཎཾ ¶ , ནཙཀུལཉྩསམྦྷཝོ;
ཀཱལཝིཔྤཏྟིསམྤཏྟེ, དྷནམེཝཝིསེསཀཾ.
དྷནཧཱིནཾཙཛེམིཏྟཱ, པུཏྟདཱརཱསཧོདརཱ;
དྷནཝནྟཾཝསེཝནྟི, དྷནཾལོཀེམཧཱསཁཱ.
སཏྟཱསདཱུཔསེཝནྟི, སོདཀཾཝཱཔིཨཱདིཀཾ;
སབྷོགཾསདྷནཉྩེཝ, ཏུཙྪཱཏེཙེཛཧནྟིཏེ.
ཨཏྟནཱཝཀཏཱལཀྑཱི ¶ , ཨལཀྑཱིཨཏྟནཱཀཏཱ;
ནཧིལཀྑིཾཨལཀྑིཉྩ, ཨཉྙོཨཉྙསྶཀཱརིཏོ.
དྷནཝཱཛོཏིཡོརཱཛཱ, ནདཱིཝེཛྫོཏཐཱཨིམེ;
པཉྩཡཏྠནཝིཛྫནྟི, ནཏཏྠདིཝསཾཝསེ.
ཡཏྠདེསེནསམཱནོ ¶ , ནཔཱིཏིནཙབནྡྷཝོ;
ནཙཝིཛྫཱགམོཀོཙི, ནཏཏྠདིཝསཾཝསེ.
ཨམཱནནཱཡཏྠསིཡཱ, སནྟཱནཾཨཝམཱནནཾ;
ཧཱིནསམཱནནཱཝཱཔི, ནཏཏྠདིཝསཾཝསེ.
དེསམོསཛྫགཙྪནྟི, སཱིཧཱསཔྤུརིསཱགཛཱ;
ཏཏྟེཝནིདྷནཾཡནྟི, ཀཱཀཱཀཱཔུརིསཱམིགཱ.
ཡཏྠཱལསོཙདཀྑོཙ ¶ , སཱུརོབྷིརུསམཔཱུཛཱ;
ནསནྟོཏཏྠཝསནྟི, ཨཝིསེསཀརེནཀོ.
ཙལཏྱེཀེནཔཱདེན, ཏིཊྛཏྱེཀེནཔཎྜིཏོ;
ནཱསམིཀྑྱཔརཾཋཱནཾ, པུབྦམཱཡཏནཾཙཛེ.
ཋཱནབྷཊྛཱནསོབྷནྟེ, དནྟཱཀེསཱནཁཱནརཱ;
ཨིཏིཝིཉྙཱཡམཏིམཱ, སཋཱནཾནལཧུཾཙཛེ.
གུཎོསབྦཉྙུཏུལྱོཔི, སཱིདཏྱེཀོཨནིསྶཡོ;
ཨནགྒྷཾརཏནཾམཎི, ཧེམཾནིསྶཱཡསོབྷཏེ.
ནསེཝེཕརུསཾསཱམིཾ, ཏཾཔིསེཝེནམཙྪརིཾ;
ཏཏོནིགྒཎྷིཀཾསཱམིཾ, ནེཝཱཔགྒཎྷིཀཾཏཏོ.
པརོཀྑེགུཎཧནྟཱརཾ ¶ , པཙྩཀྑེཔིཡབྷཱཎིནཾ;
ཏཱདིསཾནོཔསེཝེཡྻ, ཝིསཀུམྦྷཾཔལོབྷིཏཾ.
པིཊྛིཏོཀྐཾནིསེཝེཡྻ, ནིསེཝེཨགྒིཀུཙྪིནཱ;
སཱམཱིནཾསབྦཀཱཡེན, པརལོཀཾཨམུལ༹ྷཀོ.
ནསེཝེཀཏཔཱཔམྷི, ན སེཝཱལིཀཝཱདནེ;
ནསེཝེཨཏྟདཏྠམྷི, ནསེཝེཨཏིསནྟཀེ.
མཧནྟཾནིསྶཡཾཀཏྭཱ ¶ , ཁུདྡཀོཔིམཧཱབྷཝེ;
ཧེམཔབྦཏཾནིསྶཱཡ, ཧེམཔཀྑཱིབྷཝནྟིཏེ.
ཨསཧཱཡོསམཏྟོཔི, ཏེཛསཱིཀིཾཀརིསྶཏི;
ནིཝཱཏསཎྛིཏོཨགྒི, སཡམེཝཱུཔསམྨཏི.
རུཀྑཱསུབྷཱུམིནིསྶཱཡ, པུཔྥཕལཾཔཝཌྜྷཏི;
སཔྤཱུརིསཱུཔནིསྶཱཡ, མཧཱཔུཉྙཾཔཝཌྜྷཏི.
ཨནལསོཨཙཎྜིཀྐོ ¶ , ཨསཊྛོསུཙིསཙྩཝཱ;
ཨལུདྡྷོཨཏྠཀཱམོཙ, ཏམུཏྟཾཨུཏྟམོནརོ.
ཨཧིཏེཔཊིསེདྷོཙ, ཧིཏེསུཙནིཡོཛཀོ;
བྱསནེཙཱཔརིཙྩཱགོ, སངྑེཔཾམིཏྟལཀྑཎཾ.
ཨཱཏུརེབྱསནེསཙེ ¶ , དུབྦྷིཀྑེཔརཝིགྒཧེ;
རཱཛདྭཱརེསུསཱནེཙ, སངྑེཔཾམིཏྟལཀྑིཎཾ.
ཧིཏེསནོསུམིཏྟོཙ, ཝིཉྙཱུཙདུལླབྷོཛནོ;
ཡཐོསདྷཉྩསཱདུཉྩ, རོགཧཱརཱིཙསཛྫནོ.
ཡོདྷུཝཱནིཔརིཙཛྫ, ཨདྷུཝཱནོཔསེཝཏི;
དྷུཝཱནིཏསྶནསྶནྟི, ཨདྷུཝེསུཀཐཱཝཀཱ.
ལུདྡྷམཏྠེནགཎྷེཡྻ ¶ , ཐདྡྷམཉྫཐིཀམྨུནཱ;
ཚནྡཱནུཝཏྟིཡཱམུལ༹ྷཾ, ཡཐཱབྷཱུཏེནཔཎྜིཏཾ.
སཙྩཱབྷིཀྑཎསཾསགྒཱ, ཨསམོསརཎེནཙ;
ཨེཏེནམིཏྟཱཛིརནྟི, ཨཀཱལེཡཱཙནེནཙ.
ཏསྨཱནཱབྷིཀྑཎཾགཙྪེ, ནཙགཙྪེཙིརཱཙིརཾ;
ཀཱལེནཡཱཙཾཡཱཙེཡྻ, ཨེཝཾམིཏྟཱནཛཱིཡརེ.
ཡེནམིཏྟེནསཾསགྒཱ ¶ , ཡོགཀྑེམོཝིཧཱིཡཏི;
པུབྦེཝཛ྄ཛྷབྷཝཾཏསྶ, རཀྑེཡྻགྒིཾཝཔཎྜིཏོ.
ཡེནམིཏྟེནསཾསགྒཱ, ཡོགཀྑེམོཔཝཌྜྷཏི;
ཀརེཡྻཏྟསམཾཝུཏྟིཾ, སབྦཀིཙྩེསུཔཎྜིཏོ.
པབྦེཔབྦེཀམེནུཙྪུ, ཝིསེསརསཝཱགྒཏོ;
ཏཐཱསུམེཏྟིཀོསཱདྷུ, ཝིཔརིཏྟོཝདུཛྫནོ.
ཏེནེཝམུནིནཱཝུཏྟཾ ¶ , དྷམྨཱཡེཀེཙིལོཀིཡཱ;
ཏཏཱལོཀུཏྟརཱཙེཝ, དྷམྨཱནིབྦཱནགཱམིནོ.
ཀལྱཱཎམིཏྟམཱགམྨ, སབྦེཏེཧོནྟིཔཱཎིནཾ;
ཏསྨཱཀལྱཱཎམིཏྟེསུ, ཀཱཏབྦཾཧིསདཱདརཾ.
ཡོཧཝེཀཏཉྙཱུཀཏཝེདིདྷཱིརོ,
ཀལྱཱཎམིཏྟེདལ༹ྷབྷཏྟིཙཧོཏི;
དུཀྑིཏསྶསཀྐཙྩཾཀརོཏིཀིཙྩཾ,
ཏབྦྷཱཝཾསཔྤུརིསཾཝདནྟིལོཀེ.
ཧིཏཀཱརོཔརོབནྡྷུ ¶ , བནྡྷཱུཔིཨཧིཏོཔརོ;
ཨཧིཏོདེཧཛོབྱཱདྷི, ཧིཏམཱརཉྙམོསདྷཾ.
པདུམཾཝམུཁཡསྶ, ཝཱཙཱཙནྡནསཱིཏལཾ;
མདྷུཏིཊྛཏིཛིཝ྄ཧགྒེ, ཧདཡེསུཧལཱཧལཾ;
ཏཱདིསཾནོཔསེཝེཡྻ, ཏཾམིཏྟཾཔརིཝཛྫཡེ.
ཀཏྭཱནཀུསལཾཀམྨཾ ¶ , ཀཏྭཱན, ཀུསལཾཔུརེ;
སུཁིཏཾདུཀྑིཏཾཧོནྟཾ, སོབཱལོཡོནཔསྶཏི.
ཀཱལཀྑེཔེནཧཱཔེཏི, དཱནསཱིལཱདིཀཾཛལོ༹;
ཨཐིརཾཔིཐིརཾམཉྙེ, ཨཏྟཱནཾསསྶཏཱིསམཾ.
བཱལོདྷཔཱཔཀཾཀཏྭཱ, ནཏཾཚཊྚིཏུམུསྶཧེ;
ཀིཾབྱགྒྷཨཱདིགཙྪནྟོ, པདཾམཀྑེཏུམུསྶཧེ.
ནིདྡྷནོཔིཙཀཱམེཏི ¶ , དུབྦལོཝེརིཀཾཀརོ;
མནྡསཏྠོཝིཝཱདཏྠཱི, ཏིཝིདྷཾམུལ༹ྷལཀྑཎཾ.
ཨནཝ྄ཧཱཡཾགམཡནྟོ, ཨཔུཙྪཱབཧུབྷཱསཀོ;
ཨཏྟགྒུཎཾཔསཾསནྟི, ཏིཝིདྷཾཧཱིནལཀྑཎཾ.
ཡཐཱཙུཊྚམྤརཱཔཀྐཱ, བཧིརཏྟཀམེཝཙ;
ཨནྟོཀིམིལཔཱུརཎོ, ཨེཝཾདུཛྫནདྷམྨཏཱ.
ཡདཱུནཀཾསཎཏིཏཾ, ཡཾཔཱུརཾསནྟམེཝཏཾ;
ཨཌྜྷཀུམྦྷུཔམོབཱལོ, ཡཾཔཱུརཀུམྦྷོཝཔཎྜིཏོ.
བུདྷེཧིསཱསམཱནོཔི ¶ , ཁལོབཧུཏཀེཏཝོ;
གྷཾསིཡམཱནོཔངྒཱརོ, ནིལམཏྟཾནིགཙྪཏི.
མུལ༹ྷསིསྶོཔདེསེན, ཀུནཱརཱིབྷརཎེནཙ;
ཁལསཏྟཱུཧིསཾཡོགཱ, པཎྜིཏོཔྱཝསཱིདཏི.
ཙཱརུཏཱཔརདཱརཱཡ, དྷནཾལོཀཏཔཏྟིཡཱ;
པསུཏཾསཱདྷུནཱསཱཡ, ཁལེཁལཏརཱགུཎཱ.
ཨིཏོཧཱསཏརཾལོཀེ ¶ , ཀིཉྩིཏསྶནཝིཛྫཏི;
དུཛྫནོཏིཙཡཾཨཱཧ, སུཛནཾདུཛྫནོསཡཾ.
ནཝིནཱཔརཝཱདེན, རམནྟིདུཛྫནཱཁལུ;
ནསཱསབྦརསེབྷུཏྭཱ, ཝིནཱསུདྡྷེནཏུསྶཏི.
ཏཔྤཏེཡཱཏིསམྦནྡྷཾ, དྲཝཾབྷཝཏྱཝནཏཾ;
མུདུདུཛྫནཙིཏྟཾན ཀིཾལོཧེནཔམཱིཡཏེ.
ཏསྨཱདུཛྫནསཾསགྒཾ ¶ , ཨཱསིཝཱིསམིཝོརགཾ;
ཨཱརཀཱཔརིཝཛྫེཡྻ, བྷཱུཏཀཱམོཝིཙཀྑཎོ.
དུཛྫནེནཧིསཾསགྒཾ, སཏྟུཏཱཔིནཡུཛྫཏི;
ཏཏྟོཝཌཡ྄ཧཏྱངྒཱརོ, སནྟོཀཱལཱ༹ཡཏཾཀརོ;
དུཛྫནོཝཛྫནཱིཡོཝ, ཝིཛྫཱཡཱལངྐཏོཔིཙེ;
མཎིནཱལངྐཏོསནྟོ, སབྦོཀིཾནུབྷཡཾཀརོ.
ཨགྒིནོདཧཏོདཱཡཾ, སཁཱབྷཝཏིམཱལུཏོ;
སོཨེཝདཱིཔཾནཱསེཏི, ཁལེནཏྠེཝམིཏྟཏཱ.
སབྦོདུཊྛོཁལོདུཊྛོ ¶ , སབྦཱདུཊྛཏརོཁལོ;
མནྟོསདྷེཧིསོསབྦོ, ཁལོཀེནུཔསམྨཏི.
ཧདཡཊྛེནསུཏེན, ཁལོནེཝསུསཱིལཝཱ;
མདྷུནཱཀོཊརཊྛེན, ནིམྦོཀིཾམདྷུརོབྷཝེ.
ཨསཏཾསམྤཡོགེན, སནྟོཔིཨསནྟོབྷཝེ;
མགྒོཀཙཝརཡུཏྟོ, ཨུཛུམྤིཨསཱདྷུབྷཝེ.
པུཏིམཙྪཾཀུསགྒེན ¶ , ཡོནརོཨུཔནཡ྄ཧཏི;
ཀུསཱཔིཔུཏིཾཝཱཡནྟི, ཨེཝཾབཱལུཔསེཝནཱ.
བཱལཾནཔསྶེནསུཎེ, ནཙབཱསེནསཾཝསེ;
བཱལེནཱལཱཔསལླཱཔཾ, ནཀརེནཙརོཙཡེ.
ཨནཡཾནེཏིདུམྨེདྷོ, ཨདྷུརཱཡནིཡུཉྫཏི;
དུནྣཡོསེཡྻསོཧོཏི, སམྨཱཝུཏྟོཔིཀུཔྤཏི;
ཝིནཡཾསོནཛཱནཱཏི, སཱདྷུསེནཨདསྶནཾ.
ཡཱཝཛཱིཝཾཔིཙེབཱལོ ¶ , པཎྜིཏཾཔཡིརཱུཔཱསི;
ནསོདྷམྨཾཝིཛཱནཱཏི, དབྦིསཱུཔརསཾཡཐཱ.
ཕལཾཝེཀདལིཾཧནྟི, ཧནྟིཝེལུ༹ནལ༹ཾཕལཾ;
སཀྐཱརོཀཱཔུརིསཾཧནྟི, གབྦྷོཨསྶཏརིཾཡཐཱ.
སུནཁོསུནཁཾདིསྭཱ, དནྟཾདསྶེཏིཧིཾསིཏུཾ;
དུཛྫནོདུཛྫནཾདིསྭཱ, རོསཡཾཧིཾསམིཙྪཏི.
མཎྜཱུཀོཔིནུཀྐོསཱིཧོ ¶ , སུཀརོཔིནུཀྐོདཱིཔི;
བིལཱརོསདིསོབྱགྒྷོ, དུཔྤཉྙོཔིནཔཉྙཝཱ.
མཎྜཱུཀོཔིསཱིཧོཝིཡ,
ཀཱཀོགཎྷེཔིཉྙེཔིཉྙེ;
བཱལོཙཔཎྜིཏོཝིཡ,
དྷཱིརོཔུཙྪེཝཡེཝཡེ.
ཀཱཀོདུཊྛོསཀུཎེསུ, གྷརེདུཊྛོཙམཱུསིཀོ;
ཝཱནརོཙཝནེདུཊྛོ, མནུསྶེསུཙབྲཧྨཎོ.
ཏིཎཱནིབྷཱུམིཙོདཀཾ ¶ , ཙཏུཏྠཾཝཱཀྱསུཊྛུཏཾ;
ཨེཏཱནིཧིསཏཾགེཧེ, ནོཚིཛྫནྟེཀདཱཙིཔི.
ཨམྦུཾཔིཝནྟིནོནཛྫོ, རུཀྑཱཁཱདནྟིནོཕལཾ;
མེགྷོཀདཱཙིནོསསྶཾ, པརཏྠཱཡསཏཾདྷནཾ.
གུཎཱཀུབྦནྟིདཱུཏཏྟཾ ¶ , དཱུརེཔིཝསཏཾསཏཾ;
ཀེཊཀེགནྡྷམཱགྷཱཡ, གཙྪནྟིབྷམརཱསཡཾ.
ཨཱཀིཎྞོཔིཨསབྦྷཱིདྷ, ཨསཾསཊྛོཝབྷདྡཀོ;
བཧུནཱསནྣཛཱཏེན, གཙྪེ ནཨུམྨཏྟཀེན.
པཱཔམིཏྟེཝིཝཛྫེཏྭཱ, བྷཛེཡྻུཏྟམཔུགྒལཾ;
ཨོཝཱདེཙསྶཏིཊྛེཡྻ, པཏྠནྟོཨཙལཾསུཁཾ.
ཡཐཱཙཔནསཱཔཀྐཱ, བཧིསཎྜཀམེཝཙ;
ཨནྟོཨམཏཔཱུརཎོ, ཨེཝཾ སུཛནདྷམྨཏཱ.
ཏགྒརཉྫཔལཱསེན ¶ , ཡོནརོཨུཔནཡ྄ཧཏི;
པཏྟཱཔིགནྡྷཾཝཱཡནྟི, ཨེཝཾདྷཱིརུཔསེཝནཱ.
དྷཱིརཾཔསྶེསུཎེདྷཱིརཾ, དྷཱིརེནསཧསཾཝསེ;
དྷཱིརེནཱལཱཔསལླཱཔཾ, ཏཾཀརེཏཉྩརོཙཡེ.
ནཡཾནཡཏི མེདྷཱཝཱི, ཨདྷུརཱཡནཡུཛྫཏི;
སུནཡོསེཡྻསོཧོཏི, སམྨཱཝུཏྟོནཀུཔྤཏི;
ཝིནཡཾསོཔཛཱནཱཏི, སཱདྷུཏེནསམཱགམོ.
ཨཔྤཀེནཔིཙེཝིཉྙཱུ ¶ , པཎྜིཏཾཔཡིརཱུཔཱསི;
ཁིཔྤཾདྷམྨཾཝིཛཱནཱཏི, ཛིཝ྄ཧཱསཱུཔརསཾཡཐཱ.
བཱཧུབལཉྩཨམཙྩཾ, བྷོགཾཨབྷིཛཙྩཾབལཾ;
ཨིམེཧིཙཏུབལེཧི, པཉྙཱཝེསེཋཏཾབལཾ.
བལཾཔཀྑཱིནམཱཀཱསོ ¶ , མཙྪཱནཾཨུདཀཾབལཾ;
དུབྦལསྶབལཾརཱཛཱ, ཀུམཱརཱནཾརུདཾབལཾ.
བལཾཙནྡོབལཾསཱུརོ, བལཾསམཎབྲཧྨཎཱ;
བལཾཝེལཾསམུདྡསྶ, བལཾཏིབལམིཏྠིཡཱ.
སཔཱདཱནཾབལཾསཱིཧོ, ཏཏོཔུལུ༹ཝཀོབལཾ;
ཏཏོཀིཔྤིལིཀོནརོ, རཱཛཱསབྦེསམནྟཏོ.
གཏིམིགཱནཾཔཝནཾ, ཨཱཀཱསོཔཀྑིནཾགཏི;
ཝིརཱགོགཏིདྷམྨཱནཾ, ནིབྦཱནཱརཧཏཾགཏི.
ཙརེཡྻཀུལཛཾཔཉྙོ ¶ , ཝིརཱུཔམཝིཀཉྙཀཾ;
ཧཱིནཱཡཔིསུརཱུཔཱཡ, ཝིཝཱཧསདིསཾཀརེ.
སཱམཱམིགཀྑཱིསུཀེསཱི, ཏནུམཛ྄ཛྷིམདནྟཝཱ;
དསྶནཱིཡཱམུཁཝཎྞཱ, གམྦྷཱིརནཱབྷིཝཱཙཀཱ;
སུསཱིལཱཝཱཡམཏིཙ, ཧཱིནཀུལཾཔིཝཱཧཡེ.
སུཏྟོམཱཏཱཝབྷོཛེསི ¶ , བྷརཎེསུཙདྷཱཏིཡོ;
ཀམྨེསུསཀཔནྟི ཙ, ཀཏཀམྨེསུདྷཱཏིནཾ.
དྷམྨེསུཔཏིཊྛཱནིཙྩཾ, སཡནེསུཙཝཎྞིབྷཱ;
ཀུལེསུབྷཱཏརཾཝཱཙཱི, ཡཱནཱརཱིསེཊྛསམྨཏཱ.
ཡོནཾབྷརཏིསབྦདཱ ¶ , ནིཙྩཾཨཱཏཱཔིཨུསྶུཀོ;
སབྦཀཱམཧརཾཔོསཾ, བྷཏྟཱརཾནཱཏིམཉྙཏི.
ནཙཱཔིསྭཏྠིབྷཏྟཱརཾ, ཨིཙྪཱཙཱརེནརོསཡེ;
བྷཏྟུཙགརུནོསབྦེ, པཏིཔཱུཛེཏིཔཎྜིཏཱ.
ཨུཊྛཱཧིཀཱཨནལསྶཱ, སངྒཱཧིཀཱཔརིཛནེ;
བྷཏྟུམནཱཔཾཙརཏི, སམྦྷཏམནུརཀྑཏི.
ཨེཝཾཝཏྟཏིཡཱནཱརཱི, བྷཏྟུཚནྡཝསཱནུགཱ;
མནཱཔཱནཱམཏེདེཝཱ, ཡཏྠསཱཨུཔཔཛྫཏི.
ཨིཏྠིཡེཀཙྩིཡོཝཱཔི ¶ , སེཡྻཱཝུཏྟཱཝམུནིནཱ;
བྷཎྜཱནཾཨུཏྟམཱཨིཏྠཱི, ཨགྒུཔཊྛཱཡིཀཱཏིཔི.
མཱཏརཱདྷཱིཏརཱཝཱཔི, བྷགིནིཡཱཝིཙཀྑཎོ;
ནཝིཝིཏྟཱསནེམནྟེ, ནཱརཱིམཱཡཱཝིནཱིནནུ.
ཝིཛྫུཏཱནཉྩལོལཏྟཾ, སཏྠཱནཉྩཱཏིཏིཀྑཎཾ;
སིངྒྷཏཾཝཱཡུཏེཛཱནཾ, ཨནུཀུབྦནྟིནཱརིཡོ.
དིགུཎོཐཱིནམཱཧཱརོ ¶ ,
བུདྡྷིཙཱཔིཙཏུགྒུཎོ;
ཚགུཎོཧོཏིཝཱཡཱམོ,
ཀཱམོཏྭཊྛགུཎོབྷཝེ.
ཨེཀམེཀཱཡཨིཏྠིཡཱ, ཨཊྛཨཊྛཔཏིནོསིཡུཾ;
སཱུརོཙཔལཝནྟོཙ, སབྦཀཱམརསཱཧརཱ;
ཀརེཡྻནཝམེཚནྡཾ, ཨུནྣཏྟཱཧིནཔཱུརཏི.
ཝིཝཱདསཱིལཱིཨུསྶུཡཱ ¶ , པསྶནྟཏཎྷིཀཱགཏཱ;
ཨམིཏཱབྷུཉྫནཱནིདྡཱ, སཏཾཔུཏྟཾཔིཏཾཛཧེ.
ལཔནྟཱིསདྡྷིམཉྙེན, པསྶནྟཉྙཾསཝིབྦྷམཱ;
ཙིཏྟཀཾཙིནྟཡནྟཉྙཾ, ནཱརཱིནཾནཱམཀོཔིཡོ.
གཎྷེཡྻཝཱཏཾཛཱལེན, སཱགརམེཀཔཱཎིནཱ;
ཨོསིཉྩེཡྻཙཏཱལེ༹ན, སཀེནཛནཡེརཝཾ;
པམཱདཱསུཝིསཛྫེཡྻ, ཨིཏྠིཡེསཱཝདྷམྨཏཱ.
ཛིཝ྄ཧཱསཧསྶིཀོཡོཧི ¶ , ཛཱིཝེཝསྶསཏཾནརོ;
ཏེནནིཀམྨུནཱཝུཏྟོ, ཐིདོསོཀིཾཁཡཾགཏོ.
པཉྩཋཱནཱནིསམྤསྶཾ ¶ , པུཏྟམིཙྪནྟིཔཎྜིཏཱ;
བྷཏོཝཱནོབྷརིསྶཏི, ཀིཙྩཾཝཱནོཀརིསྶཏི.
ཀུལཝཾསོཙིརཾཏིཊྛེ, དཱཡཛྫཾཔཏིཔཛྫཏི;
ཨཐཝཱཔནཔེཏཱནཾ, དཀྑིཎཱནུཔདསྶཏི.
ཨཏིཛཱཏམནུཛཱཏཾ, པུཏྟམིཙྪནྟིཔཎྜིཏཱ;
ཨཝཛཱཏཾནཨིཙྪནྟི, ཡོཧོཏིཀུལཚིནྣཀོ.
ཨེཀཱུདརསམུཔྤནྣཱ, ནབྷཝནྟིསམསྶམཱ;
ནཱནཱཝཎྞཱནཱནཱཙརཱ, ཡཐཱབདརཀཎྜཀཱ.
ཨདམྨེབཧཝོདོསེ ¶ , དམྨེཏུབཧཝོགུཎེ;
ཏསྨཱཔུཏྟཉྩསིསྶཉྩ, དམྨཀཱལེཝདམྨཡེ.
ཨོཝཱདེཡྻཱནུསཱསེཡྻ,
ཨསཔྤཱཡཱནིཝཱརཡེ;
དནྟོཧིཡོཔིཡོཧོཏི,
ཨདནྟོཧོཏིཨཔྤིཡོ.
པུཏྟཾཝཱབྷཱཏརཾདུཊྛཾ, ཨནུསཱསེཡྻནོཛཧེ;
ཀིཾནུཚེཛྫཾཧཏྠཔཱདཾ, ལིཏྟཨསུཙིནཱསིཡཱ.
ཨནྟོཛཱཏོདྷནཀྐིཏོ ¶ , དཱསབྱོཔགཏོསཡཾ;
དཱསཱཀརམརཱནིཏོ, ཨིཙྩེཝཾཙཏུདྷཱསིཡུཾ.
དཱསཱཔཉྩེཝཙོརཡྻ, སཁཉཱཏཏྟསདིསཱ;
ཏཐཱཝིཉྙཱུཧིཝིཉྙེཡྻ, མིཏྟཱདཱརཱཙབནྡྷཝཱ.
དུཊྛདཱརེནཨམིཏྱཱ ¶ , དཱསོཙུཏྟརཝཱཙཀོ;
སསཔྤེཙགྷརེཝཱསོ, མཙྩུམེཝནསཾསཡོ.
ཡསཾལཱབྷཾཔཏྠཡནྟཾ, ནརཾཝཛྫནྟིདཱུརཏོ;
ཏསྨཱཨནཔེཀྑིཏྭཱན, ཏཾམགྒཾམགྒཡེབུདྷོ.
ཁལཾསཱལཾཔསུཾཁེཏྟཾ ¶ , གནྟཱཙསྶཨབྷིཀྑཎཾ;
མིཏཾདྷཉྙཾནིདྷཱཔེཡྻ, མིཏཉྩཔཱཙཡེགྷརེ.
ཨཉྫནཱནཾཁཡཾདིསྭཱ, ཝམྨིཀཱནཉྩསཉྩཡཾ;
མདྷཱུནཉྩསམཱཧཱརཾ, པཎྜིཏོགྷརམཱཝསེ.
སཡཾཨཱཡཾཝཡཾཛཉྙཱ, སཡཾཛཉྙཱཀཏཱཀཏཾ;
ནིགྒཎྷེནིགྒཎྷཱརཧཾ, པགྒཎྷེཔགྒཎྷཱརཧཾ.
ཨེཀཡཱམོནརཱདྷིཔྤོ ¶ ,
དྭིཡཱམོཔཎྜིཏོནརོ;
ཏཡོཡཱམོགྷརཱཝཱསོཙ,
ཙཏུཡཱམོཙདུགྒཏོ.
ཡོཙབནྡྷུཧིཏེཡུཏྟོ,
སོཔིཏཱཡོཙཔོསཀོ;
ཏཾམིཏྟཾཡཏྠཝིསཱསོ,
བྷརིཡཱཡཏྠནིབྦུཏི.
སདྡྷཱཔེམེསུསནྟེསུ, ནགཎེམཱསཀཾསཏཾ;
སདྡྷཱཔེམེཨསནྟེསུ, མཱསཀཾཔིསཏཾགཎེ.
ཡཱཙཀོཨཔིཡོཧོཏི ¶ , ཡཱཙཾཨདདམཔྤིཡཾ;
ཏསྨཱསེཊྛནརོལོཀེ, དྷནཾསིཔྤཾཔརིགྒཧེ.
སབྦདཱཔིདྷནཾརཀྑེ, དཱརཾརཀྑེདྷནཾཔིཙ;
དཱརཾདྷནཉྩཨཏྟཱནཾ, རཀྑཱཡེཝསདཱབྷཝེ.
ནསཱདྷཱརཎདཱརསྶ, ནབྷུཉྫེསཱདུམེཀཀོ;
ནསེཝེལོཀཱཡཏིཀཾ, ནེཏཾཔཉྙཱཡཝཌྜྷནཾ.
སཱིལཝཱཝཏྟསམྤནྣོ ¶ , ཨཔྤམཏྟོཝིཙཀྑཎོ;
ནིཝཱཏཝུཏྟིཨཐདྡྷོ, སཱུརཏོསཁིལོམུདུ.
སངྒཧེཏཱཝམིཏྟཱནཾ, སཾཝིབྷཱགཱིཝིཛཱནཝཱ;
ཏཔྤེཡྻཨནྣཔཱནེན, སདཱསམཎབྲཧྨཎཱ.
དྷམྨཀཱམོསུཏདྡྷརོ, བྷཝེཡྻཔརིཔུཙྪཱཀོ;
སཀྐཙྩཾཔཡིརཱུཔཱསེ, སཱིལཝནྟེབཧུསྶུཏེ.
པུབྦསིརོསིམེདྷཱཝཱི ¶ , དཱིགྷཱཡུདཀྑིཎཾསིརོ;
པཙྪིམོཙིཏྟསནྟོསི, མརཎཾཨུཏྟརོབྷཝེ.
ཨཱཡུམཱཔཱཙིནཾམཱུཁཾ, དྷནཝཱདཀྑིཎཾབྷཝེ;
པཙྪིམཾཡསསཱིབྷུཉྫེ, ནོབྷུཉྫེཨུཏྟརཾམུཁཾ;
བྷུཏྭཱནིསཱིདནཾཐཱུལཾ, ཏིཊྛནྟོབལཝཌྜྷནོ;
ཨཱཡུམཱཙངྐམོསིཡཱ, དྷཱཝནྟོརོགཝཛྫིཏོ.
ཡོཙསིཏཉྩཨུཎྷཉྩ ¶ , ཏིཎཱབྷིཡྻོནམཉྙཏི;
ཀརཾཔུརིསཀིཙྩཱནི, སོསུཁཱནཝིཧཱཡཏི.
ཝིསམྷཱམཏམཱདེཡྻ, ཨསུདྡྷམྷཱཔིཀཉྩནཾ;
ནཱིཙམྷཱཔྱུཏྟམོཝིཛྫཾ, རཏནཐིཾཔིདུཀྐུལཱ.
གུཡ྄ཧམཏྠམསམྦུདྡྷཾ, སམྦོདྷཡཏིཡོནརོ;
མནྟབྷེདབྷཡཱཏསྶ, དཱསབྷཱུཏོཏིཏིཀྑཏི.
ཨཉྙཱཏཝཱསཝསཏཱ, ཛཱཏཝེདསམེནཔི;
ཁམིཏབྦཾསཔཉྙེན, ཨཔིདཱསསྶཏཛྫིཏཾ.
དྷནདྷཉྙཔཡོགེསུ ¶ , ཏཐཱཝིཛྫཱགམེསུཙ;
དཱུཏེཙབྱཱཧཱརེསུ, ཙཏྟོལཛྫཾསདཱབྷཝེ.
ནཧིཀོཙིཀཏེཀིཙྩེ, ཀཏྟཱརཾསམཔེཀྑཏེ;
ཏསྨཱསབྦཱནིཀམྨཱནི, སཱཝསེསཱནིཀཱརཡེ.
ཨུཔཀཱརཾཧིཏེནེཝ, སཏྟུནཱསཏྟུམུདྡྷརེ;
པཱདལགྒཾཀརཊྛེན, ཀཎྜཀེནེཝཀཎྜཀཾ.
ནམེནམནྟསྶབྷཛེབྷཛནྟཾ ¶ ,
ཀིཙྩཱནིཀུབྦསྶཀརེཡྻཀིཙྩཾ;
ནཱནཏྠཀཱམསྶཀརེཡྻཨཏྠཾ,
ཨསམྦྷཛནྟཾཔིནསམྦྷཛེཡྻ.
ཝཛེཙཛནྟིསིནེཧཱཀིརིཡཱ,
ཨཔེམཙིཏྟེན ནསམྦྷཛེཡྻ;
དིཛོཝདུམཾཁིཎཕལཾཉཏྭཱ,
ཨཉྙཾཨཔེཀྑེཡྻམཧཱཧིལོཀོ.
ཙཛེཨེཀཾཀུལསྶཏྠཾ, གཱམསྶཏྠཾཀུལཾཙཛེ,
གཱམཾཛནཔདསྶཏྠཾ, ཨཏྟཏྠཾཔཐཝིཾཙཛེ.
དྷནཾཙཛེཨངྒཾཝརསྶཧེཏུ ¶ ,
ཨངྒཾཙཛེཛཱིཝིཏཾརཀྑམཱནོ;
དྷནཾཨངྒཾཛཱིཝིཏཉྩཱཔིསབྦཾ,
ཙཛེནརོདྷམྨམནུསྶརནྟོ.
ཨཧཱགཙྪནྟིཧཱཡནྟཱ, སཏྟཱནམིཧཛཱིཝིཏཾ;
ཏསྨཱཧིམཱཔམཏྟཏཾ, གཙྪནྟུཛིནསཱསནེ.
ཨེཏེསིཡྻོསམཱཡནྟི ¶ , སནྟིཏེསཾནཛཱིརཏི;
ཡོཨདྷིཔྤནྣཾསཧཏི, ཡོཙཛཱནཱཏིདེསནཾ.
ཨགྒིཨཱཔོཨིཏྠཱིམུལ༹ྷོ, སཔྤོརཱཛཀུལཱནིཙ;
པཡཏནོཝགནྟབྦོ, མཙྩུཔཱཎཧརཱནིཏི.
སཏྠཾསུནིཙྪིཏམཔཱིཏིཝིཙིནྟནཱིཡཾ,
སཱརཱདྷིཏོཔྱཝནིཔོཔརིསངྐནཱིཡོ;
ཧཏྠངྒཏཱཔིཡུཝཏཱིཔརིརཀྑནཱིཡཱ,
སཏྠཱཝནཱིཔཡུཝཏཱིསུཀུཏོཝསཱིཏཾ.
ཨུསྶཱཧོརིཔུཝམིཏྟཾ ¶ , ཨལསོམིཏྟཾཝརིཔུ,
ཝིསཾཝིཡཱམཏཾཝིཛྫཱ, པམཱདོཨམཏཾཝིསཾ.
ཝཧེཨམིཏྟཾཁནྡྷེན, ཡཱཝཀཱལེཨནཱགཏེ;
ཏམེཝཨཱགཏེཀཱལེ, བྷིནྡེཀུམྦྷཾཝསིལཱཡཾ.
སིངྒིཾཔཉྙཱསཧཏྠེན ¶ , སཏེནཝཱཧནཾཙཛེ;
ཧཏྠཱིནནྟུསཧསྶེན, དེསཙཛྫེནདུཛྫནཾ.
པཙྩཀྑེགརཝོསཾསེ, པརོཀྑེམིཏྟབནྡྷཝེ;
ཀམྨནྟེཙདཱསབྷཙྩེ, པུཏྟདཱརེསཾསེམཏེ.
སིནེསིཔྤཾསིནེདྷནཾ, སིནེཔབྦཏམཱརུཧེ;
སིནེཀཱམོཙཀོདྷོཙ, ཨིམེཔཉྩསིནེསིནེ.
སཏཾཙཀྑུསཏཾཀཎྞཱ ¶ , ནཱཡཀསྶསུཏོསདཱ;
ཏཐཱཔིཨནྡྷབདྷིརོ, ཨེསཱནཱཡཀདྷམྨཏཱ.
བཧཱུནཾཨཔྤསཱརཱནཾ, སཱམགྒིཡཱཏིདུཛྫཡོ;
ཏིཎེནཝཊྚཏེརཛྫུ, ཏེནནཱགོཔིབནྡྷཏེ.
ཨུཔྤཛྫཏེསཙེཀོདྷོ, ཨཱཝཛྫེཀཀཙཱུཔམཾ;
ཨུཔྤཛྫཏེརསེཏཎྷཱ, པུཏྟམཾསཱུཔམཾསརེ.
དཱནཾསིནེཧབྷེསཛྫཾ, མཙྪེརཾདོསནོསདྷཾ;
དཱནཾཡསསྶིབྷེསཛྫཾ, མཙྪེརཾཀཔྤནོསདྷཾ.
དྷནམིཙྪེཝཎིཛྫེཡྻ ¶ , སིཔྤམིཙྪེབཧུསྶུཏེ;
པུཏྟམིཙྪེནཱརིཀཉྙེ, རཱཛཱམཙྩཾཨིཙྪཱགཏེ.
མཧནྟཾཝཊྚརུཀྑཱདིཾ, ཁུདྡབཱིཛཾབཧུཔྥལཾ;
སཀྑིཾཀཏྭཱཨུདིཀྑེཡྻ, པུཉྙཔཱཔཾཀརོནརོ.
གརུཀཱཏབྦཔོསེསུ, ནཱིཙཝུཏྟིཾཀརོཏིཡོ;
ནཱིཙཏྟཾསོཔཧནྟྭཱན, ཨུཏྟམཏྠེཔཏིཊྛཏི.
ཨུཏྟམཾཔཎིཔཱཏེན ¶ , སཱུརཾབྷེདེནཝིཛཡེ;
ཧཱིནམཔྤཔདཱནེན, ཝིཀྐམེནསམཾཛཡེ.
ནཏྟདོསཾཔརེཛཉྙཱ, ཛཉྙཱདོསཾཔརསྶཏུ;
ཀུམྨོགུཡ྄ཧཱཨིཝངྒཱནི, པརབྷཱཝཉྩལཀྑཡེ.
ཨུསྶཱུརསེཡྻཾཨཱལསྱཾ ¶ , ཙཎྜིཀྐཾདཱིགྷསུཏྟིཡཾ;
ཨེཀསྶདྡྷཱནགམནཾ, པརདཱརུཔསེཝནཾ;
ཨེཏཾབྲཧྨཎསྶེཝསྶུ, ཨནཏྠཱཡབྷཝིསྶཏི.
སུརཱཡོགོཝིཀཱལོཙ, སམཛྫཱནགྷརངྒཏོ;
ཁིཌྜདྷུཏྟོཔཱཔམིཏྟོ, ཨལསོསོཨིམེཛནཱ;
མཧཱབྷོགཱཝིནསྶནྟི, ཧཱིནབྷཱཝསྶིདཾཕལཾ.
ཨཏིསཱིཏཾཨཏིཨུཎྷཾ, ཨཏིསཱཡམིདཾཨཧུ;
ཨིཏིཝིསྶཊྛཀམྨནྟེ, ཁཎཱཨཙྩནྟིམཱཎཝེ.
པརནཱསནཏོནཊྛོ ¶ , པུརེཝཔརནཱསཀོ;
སིངྒྷཾཝཨཱནསཾཡཱཏི, ཏིཎོཔཱསཱདཛྷཱཔཀོ.
ནཝིསཱསེཨམིཏྟསྶ, མིཏྟཉྩཱཔིནཝིསཱསེ;
ཀདཱཙིཀུཔྤིཏོམིཏྟོ, སབྦདོསཔཀཱསཀོ.
ཀུདེསཉྩཀུམིཏྟཉྩ, ཀུསམྦནྡྷཾཀུབནྡྷཝཾ;
ཀུདཱརཉྩཀུརཱཛཱནཾ, དཱུརཏོཔརིཝཛྫཡེ.
ཀཀྐཊོཨསཱིསོཡཱཏི ¶ , སབྦཱཔདོཝགཙྪཏི;
ཨཐནཱིཀུཀྐུཊཱིཔུཏྟཱ, པུརིསེནཱཝམཉྙརེ.
ཧཱིནཔུཏྟོརཱཛཱམཙྩོ, བཱལཔུཏྟོཔིཔཎྜིཏོ;
ཨདྷནསྶཔུཏྟོསེཊྛི, པུརིསེནཱཝམཉྙརེ.
ཡེནམིཙྪཏིསམྦནྡྷཾ, ཏེནཏཱིཎིནཀཱརཡེ;
ཝིཝཱདམཏྠསམྦནྡྷཾ, པརོཀྑེདཱརདསྶནཾ.
ཨིཎསེསོཨགྒིསེསོ ¶ ,
སཏྲུསེསོཏཐེཝཙ;
པུནཔྤུནམྤིཝཌྜྷནྟི,
ཏསྨཱསེསཾནཀཱརཡེ.
ཀུལཛཱཏོཀུལཔུཏྟོ, ཀུལཝཾསསུརཀྑིཏོ;
ཨཏྟནཱདུཀྑཔཏྟོཔི, ཧཱིནཀམྨཾནཀཱརཡེ.
སམིདྡྷོདྷནདྷཉྙེན, ནཀཊྛོདཏིཎགྒིཧི;
སབྦཏོདུགྒཏོནཊྛོ, ཏསྨཱནདུཀྐཊཾཀརེ.
ནགཎསྶགྒཐོགཙྪེ ¶ , སིདྡྷེཀམྨེསམཾཕལཾ;
ཀམྨཝིཔྤཏྟིཙེཧོཏི, ཕརུསཾཏསྶབྷཱསཡེ.
བཱལཀྐོཔེཏདྷཱུམོཙ, ཝུཌྜྷིཏྠིཔལླལོདཀཾ;
ཨཱཡུཀྑཡཀརཾནིཙྩཾ, རཏྟོཙདདྷིབྷོཛནཾ.
ཨིཏྠཱིནཾདུཛྫནཱནཉྩ, ཝིསཱསོནོཔཔཛྫཏེ;
ཝིསེསིགིམྷིནདིཡཾ, རོགེརཱཛཀུལམྷིཙ.
ཨཡུཏྟཀམྨཱརབྷནཾཝིརོདྷོ ¶ ,
སངྒྷསྶཡུདྡྷཉྩམཧཱབལེཧི;
ཝིསཱསཀམྨཾཔམདཱསུནིཙྩཾ,
དྭཱརཱནིམཙྩུསྶཝདནྟིཝིདྭཱ.
ཐིཡོསེཝེཡྻནཙྩནྟཾ, སཱདུབྷུཉྫེཡྻནཱཧིཏཾ;
པཱུཛཡེམཱནཡེཝུཌྜྷེ, གརུཾམཱཡཱཡནོབྷཛེ.
ཝིནཱསཏྠཾནགཙྪེཡྻ, སཱུརོསངྒཱམབྷཱུམིཡཾ;
པཎྜིཏྭདྡྷགཱུཝཱཎིཛྫོ, ཝིདེསགམནོཏཐཱ.
དེཧཱིཏིཝཙནདྭཱརཱ ¶ , དེཧཊྛཱཔཉྩདེཝཏཱ;
སཛྫནིཡྻནྟིདྷིཀིཏྟི, མཏིཧཱིརིསིརཱིཔིཙ.
ནཏྠཱིཏིཝཙནཾདུཀྑཾ, དེཧཱིཏིཝཙནཾཏཐཱ;
ཝཱཀྱནཏྠཱིཏིདེཧཱིཏི, མཱབྷཝེཡྻབྷཝཱབྷཝེ.
ཡཏྠཝོསཾནཛཱནནྟི, ཛཱཏིཡཱཝིནཡེནཝཱ;
ནཏཏྠམཱནཾཀིརིཡཱ, ཛནེཝསམཉྙཱཏཀེ.
མཱཏཱཧཱིནསྶདུབྦྷཱསཱ ¶ , པིཏཱཧཱིནསྶདུཀྲིཡཱ;
ཨུབྷོམཱཏཱཔིཏཱཧཱིནཱ, དུབྦྷཱསཱཙདུཀྐིརིཡཱ.
མཱཏཱསེཊྛསྶསུབྷཱསཱ,
པིཏཱསེཊྛསྶསུཀིརིཡཱ;
ཨུབྷོམཱཏཱཔིཏཱསེཊྛཱ,
སུབྷཱསཱཙསུཀིརིཡཱ.
ཨཏིདཱིགྷོམཧཱམུལ༹ྷོ ¶ , མཛ྄ཛྷིམོཙཝིཙཀྑཎོ;
ཝཱསུདེཝཾཔུརེཀྑིཏྭཱ, སབྦེཝཱམནཀཱསཋཱ.
ཨཱཙཱརོཀུལམཀྑཱཏི, དེསམཀྑཏིབྷཱསིཏཾ;
སམྦྷཝོཔེམམཀྑཱཏི, དེཧམཀྑཱཏིབྷོཛནཾ.
ཛལཔྤམཱཎཾཀུམུདནཱལ༹ཾ,
ཀུལཔྤམཱཎཾཀརཎཀམྨཾ;
པཉྙཱཔམཱཎཾཀཐིཏཝཱཀྱཾ,
བྷཱུམིཔྤམཱཎཾབྷཛྫལཏིཎཾ.
ཛཝེནབྷདྲཾཛཱནནྟི ¶ , ཝཧེནཙབལིབདྡྷཾ;
དུཧེནདྷེནུཛཱནནྟི, བྷཱསམཱནེནཔཎྜིཏཾ.
ཛཱནེཡྻཔེསནེབྷཙྩཾ བནྡྷཝཾཔིབྷཡཱགམེ,
བྱསནེཙཏཐཱམིཏྟཾ, དཱརཉྩཝིབྷཝཀྑཡེ.
ཝིནཱསཏྠཾནཛཱནནྟི, ཀཱལཾསབྦེཔིཛོཏིཀཱ;
ཀུཀྐུཊཱཔནཛཱནནྟི, ཏཏོརུཀྑཱཏཏོབྷྭཱཔཱ.
པཐཝཱིབྷཱུསནཾམེརུ ¶ , རཏྟིཡཱབྷཱུསནཾསསཱི;
ཛནཱནཾབྷཱུསནཾརཱཛཱ, སེནཱནཾབྷཱུསནཾགཛོ.
སཱིལཏཱསོབྷཏེརཱུཔཾ,
ཙཱརིཏཱསོབྷཏེཀུལཾ;
སཔུཔྥཱསོབྷཏེརཉྙཾ,
སགཛཱསོབྷཏེབལཾ.
ཀོཀིལཱནཾསདྡཾརཱུཔཾ ¶ , ནཱརཱིརཱུཔཾཔཏིབྦཏཾ;
ཝིཛྫཱརཱུཔཾཨརཱུཔཱནཾ, ཁམཱརཱུཔཾཏཔསྶིནཾ.
ཀིསཱསོབྷཱཏཔསྶཱིཙ,
ཐཱུལཱསོབྷཱཙཏུཔྤདཱ;
ཝིཛྫཱསོབྷཱམནུསྶཱཙ,
ཨིཏྠཱིསོབྷཱཙསཱམིཀཱ.
རཏྟིཧཱིནོནཙནྡརོ, ཨཱུམིཧཱིནོནསཱགརོ;
ཧཾསཧཱིནོནསཾཕུལློ, ཨིཏྠིཧཱིནོནཔུརིསོ.
ཝཏྠཧཱིནཾནལངྐཱརཾ ¶ , པཏིཧཱིནཱནནཱརིཀཱ;
སིཔྤཧཱིནོནཔུརིསོ, དྷེནུཧཱིནཾནབྷོཛནཾ.
དཱིཔཀེདཱིཔཀོཙནྡོ, ནཱརིཀེདཱིཔཀོཔཏི;
ཏིལོཀེདཱིཔཀོདྷམྨོ, སུཔུཏྟོཀུལདཱིཔཀོ.
ཨཔུཏྟཀཾགྷརཾསུཉྙཾ, དེསཾསུཉྙཾཨརཱཛིཀཾ;
ཨཔཉྙསྶམུཁཾསུཉྙཾ, སབྦསུཉྙཾདལིདྡཀཾ.
སོཏཾསུཏེནེཝནཀུཎྜལེན ¶ ,
དཱནེནཔཱཎཱིནཏུཀངྐཎེན;
ཨཱབྷཱཏིཀཱཡོཔུརིསུཏྟམསྶ,
པརོཔཀཱརེནནཙནྡནེན.
དཱནཾསཱིལཾཔརིཙྩཱགཾ ¶ , ཨཛྫཝཾམདྡཝཾཏཔཾ;
ཨཀོདྷཾཨཝིཧིཾསཉྩ, ཁནྟཱིཙཨཝིརོདྷནཾ;
དསེཏེདྷམྨེརཱཛཱནོ, ཨཔྤམཏྟེནདྷཱརེཡྻུཾ.
དཱནཾཨཏྠཙརིཡཱཔིཡ, ཝཱཙཱཨཏྟསམཾཔིཙ;
སངྒཧཱཙཏུརོཨིམེ, མུནིནྡེནཔཀཱསིཏཱ.
ཝནེམིགཱནལབྷནྟི, མཏཱབྷཡཱནིདྡསུཁཾ;
རཱཛཱནོཔིནལབྷནྟི, ཨུཏྟརཐཱམབྷཱིཏཏོ;
སཾསཱརབྷཡབྷིཏེན, ནརམནྟིཡེཔཎྜིཏཱ.
ཁམཱཛཱགརིཡུཊྛཱནཾ ¶ , སཾཝིབྷཱགོདཡིཀྑནཱ;
ནཱཡཀསྶགུཎཱཨེཏེ, ཨིཙྪིཏབྦཱཧིཏཏྠིནོ.
པརིབྷཱུཏོམུདུཧོཏི, ཨཏིཏིཀྑཉྩཝེརཝཱ;
ཨེཏཉྩཨུབྷཡཾཉཏྭཱ, ཨནུམཛ྄ཛྷཾསམཱཙརེ.
ནེཀནྟམུདུནཱསཀྐཱ, ཨེཀནྟཏིཁིཎེནཝཱ;
མཧཏྟེཊྛཔིཏུཨཏྟཾ, ཏསྨཱཨུབྷཡམཱཙརེ.
ཀསྶཀོཝཱཎིཛོམཙྩོ ¶ , སམཎོསུཏསཱིལཝཱ;
ཏེསུཝིཔུལཛཱཏེསུ, རཊྛཾཔིཝིཔུལཾསིཡཱ.
ཏེསུདུབྦལཛཱཏེསུ, རཊྛཾཔིདུབྦལཾསིཡཱ;
སརཊྛཾཝིཔུལཾཏསྨཱ, དྷཱརེཡྻརཊྛབྷཱརཝཱ.
མཧཱརུཀྑསྶཕལིནོ, ཨཱམཾཚིནྡཏིཡོཕལཾ;
རསཉྩསྶནཛཱནཱཏི, བཱིཛཉྩསྶཝིནསྶཏི.
མཧཱརུཀྑཱུཔམཾརཊྛཾ, ཨདྷམྨེནཔསཱསཏི;
རསཉྩསྶནཛཱནཱཏི, རཊྛཉྩཱཔིཝིནསྶཏི.
མཧཱརུཀྑསྶཕལིནོ ¶ , པཀྐཾཚིནྡཏིཡོཕལཾ;
རསཉྩསྶཝིཛཱནཱཏི, བཱིཛཉྩསྶནནསྶཏི.
མཧཱརུཀྑཱུཔམཾརཊྛཾ, དྷམྨེན ཡོཔསཱསཏི;
རསཉྩསྶཝིཛཱནཱཏི, རཊྛཉྩཱཔིནནསྶཏི.
ཡོཙརཱཛཱཛནཔདཾ, ཨདྷམྨེནཔསཱསཏི;
སབྦོསདྷཱིཧིསོརཱཛཱ, ཝིརུདྡྷོཧོཏིཁཏྟིཡོ.
ཏཐེཝནེགམེཧིཾསཾ ¶ , ཡེཡུཏྟཱཀཡཝིཀྐཡེ;
ཨོཛཱདཱནབལིཀཱརེ, སཀོསེནཝིརུཛ྄ཛྷཏི.
པཧཱརཝརཁེཏྟཉྙཱུ, སངྒཱམེཀཏནིསྶམེ;
ཨུསྶིཏེཧིཾསཡཾརཱཛཱ, སབལེནཝིརུཛ྄ཛྷཏི.
ཏཐེཝཨིསཡོཧིཾསཾ, སཾཡམེབྲཧྨཙཱརིཡོ;
ཨདྷམྨཙཱརིཁཏྟིཡོ, སསགྒེནཝིརུཛ྄ཛྷཏི.
སཡཾཀཏཱནཔརེན ¶ , མཧཱནཛྫོཛུཝངྐཏཱ;
ཨིསྶརེནཏཐཱརཉྙཱ, སརཊྛེཨདྷིཔཙྩཏྟཱ.
པུཏྟོཔཱཔཾཀཏོམཱཏཱ,
སིསྶོཔཱཔཾཀཏོགརུ;
ནཱགརེཧིཀཏོརཱཛཱ,
རཱཛཱཔཱཔཾཔུརོཧིཏོ.
པུཉྙཱཔུཉྙཾཀརོནྟེསུ, ཚབྷཱགོཨེཀདེསཀཾ;
རཱཛཱལབྷཏིསབྦེཧི, ཏསྨཱཔཱཔཱནིཝཱརཡེ;
པུཉྙམེཝཔཝཌྜྷེནྟོ, ཛནཀཱཡཾཔསཱསཡེ.
བཱལསྶཛཱིཝིཏཾཨཔྤཾ ¶ , པཎྜིཏསྶབཧུཏརཾ;
ཛནཀཱཡསྶརཱཛཱཝ, རཱཛདྷམྨོཝརཱཛུནཾ.
ཨནཱཡཀཱཝིནསྶནྟི, ནསྶནྟིབཧུནཱཡཀཱ;
ཐིནཱཡཀཱཝིནསྶནྟི, ནསྶནྟིསུསུནཱཡཀཱ.
ཀཙྪཔཱིནཉྩམཙྪཱིནཾ, ཀུཀྐུཊཱིནཉྩདྷེནུནཾ;
པུཏྟཔོསོཡཐཱཧོཏི, ཏཐཱམཙྩེསུརཱཛུནཾ.
ནཧིརཱཛཀུལཾཔཏྟོ ¶ , ཨཉྙཱཏོལབྷཏེཡསཾ;
ནཱསཱུརོནཱཏིདུམྨེདྷོ, ནཔམཏྟོཀུདཱཙནཾ.
ཡདཱསཱིལཉྩཔཉྙཉྩ ¶ , སོཙེཡྻཉྩཱདྷིགཙྪཏི;
ཨཐཝིསཱསིཏོཏམྷི, གུཡ྄ཧཉྩསྶནརཀྑཏི.
དིཝཱཝཱཡདིཝཱརཏྟིཾ, རཱཛཀིཙྩེསུཔཎྜིཏོ;
ཨཛ྄ཛྷིཊྛོནཝིཀཔྤེཡྻ, སརཱཛཝསཏིཾཝསེ.
ནརཉྙཱསམཀཾཝཏྠཾ, ནམཱལཾནཝིལེཔནཾ;
ཨཱཀཔྤཾསརཀུཏྟིཾཝཱ, ནརཉྙཱསདིསམཱཙརེ.
ཀིལེ༹རཱཛཱཨམཙྩེཧི ¶ , བྷརིཡཱཔརིཝཱརིཏོ;
ནཱམཙྩོརཱཛབྷརིཡཱ, བྷཱཝཾཀུབྦེཐཔཎྜིཏོ.
ཨནུདྡྷཏོཨཙཔལོ, ནིཔཀོསཾཝུཏིནྡྲིཡོ;
མནོཔཎིདྷིསམྤནྣོ, སརཱཛཝསཏིཾཝསེ.
ནཱསྶབྷརིཡཱཀིལེ༹ཡྻ, ནམནྟེཡྻརཧོགཏོ;
ནཱསྶཀོསེདྷནཾགཎྷེ, སརཱཛཝསཏིཾཝསེ.
ན ¶ ནིདྡཾབཧུཾམཉྙེཡྻ, ནམདཱཡསུརཾཔིཝེ;
ནཱསདཱཡེམིགེཧཉྙེ, སརཱཛཝསཏིཾཝསེ.
ནཱསྶཔིཊྛཾནཔལླངྐཾ, ནཀོཙྪཾནནཱཝཾརཐཾ;
སམྨཏོམྷཱིཏིཨཱརུལ༹ྷེ, སརཱཛཝསཏིཾཝསེ.
ནཱཏིདཱུརེབྷཛེརཉྙོ, ནཙྩཱསནྣེཝིཙཀྑཎོ;
སམུཁཱཙསྶཏིཊྛེཡྻ, སནྟསནྟོསབྷཏྟུནོ.
ནམེརཱཛཱསཁཱཧོཏི ¶ ༦, ནརཱཛཱཧོཏིམེཐུནོ;
ཁིཔྤཾཀུཛ྄ཛྷནྟིརཱཛཱནོ, སུལེནཀྑིཝགྷཊྚིཏཾ.
ནཔཱུཛིཏོམཉྙམཱནོ, མེདྷཱཝཱིཔཎྜིཏོནརོ;
ཕརུསཾཔཏིམནྟེཡྻ, རཱཛཱནཾཔརིསཾགཏཾ.
ལདྡྷདྭཱརོལབྷེདྭཱརཾ, ནེཝརཱཛཱུསུཝཱིསཡེ;
ཨགྒིཾཝསཾཡཏོཏིཊྛེ, སརཱཛཝསཏིཾཝསེ.
པུཏྟཾཝཱབྷཱཏརཾཝཱཔི ¶ , སམྤགྒཎྷཱཏིཁཏྟིཡོ;
གཱམེཧིནིགམེཧིཝཱ, རཊྛེཧིཛནཔདེཧི;
ཏུཎྷིབྷཱུཏོཝུདིཀྑེཡྻ, ནབྷཎེཚེཀཔཱཔཀཾ.
ཧཏྠཱརོཧེཨནིཀཊྛེ, རཐིཀེཔཏྟིཀཱརཀེ;
ཏེསཾཀམྨཱཝདྷཱནེན, རཱཛཱཝཌྜྷེཏིཝེཏྟནཾ;
ནཏེསཾཨནྟརཱགཙྪེ, སརཱཛཝསཏིཾཝསེ.
ཙཱཔོཝཱུནཱུདརོཙསྶ ¶ , ཝཾསོཝཱཔིཔཀམྤཡྻེ;
པཊིལོམཾནཝཏྟེཡྻ, སརཱཛཝསཏིཾཝསེ.
ཙཱཔོཝཱུནཱུདརོཙསྶ, མཙྪོཝསྶཨཛིཝ྄ཧཀོ;
ཨབྷཱསཾནིཔཀོསཱུརོ, སརཱཛཝསཏིཾཝསེ.
ནབཱལ༹ྷཾཨིཏྠིཾགཙྪེཡྻ, སམྤསྶཾ ཏེཛསངྑཡཾ;
ཀཱསཾསཱསཾཐདྡྷཱབལཾ, ཁཱིཎམེདྷོནིགཙྪཏི.
ནཱཏིཝེལཾཔབྷཱསེཡྻ ¶ , ནཏུཎྷིསབྦདཱསིཡཱ;
ཨཝིཏིཎྞཾམིཏཾཝཱཙཾ, པཏྠཀཱལེཨུདཱིརཡེ.
ཨཀོདྷནོཨསངྒྷཊྚོ,
སཙྩོསཎྷོཨཔེསུཎོ;
སམྥཾགིརཾནབྷཱསེཡྻ,
སརཱཛཝསཏིཾཝསེ.
མཱཏཱཔིཏུབྷརོཨསྶ ¶ , ཀུལེཛེཊྛཱཔཙཱཡིཀོ;
ཧིརིཨོཏྟཔྤསམྤནྣོ, སརཱཛཝསཏིཾཝསེ.
ཝིནིཏོསིཔྤཝཱདནྟོ, ཡཏཏྟོནིཡཏོམུདུ;
ཨཔྤམཏྟོསུཙིདཀྑོ, སརཱཛཝསཏིཾཝསེ.
ནིཝཱཏཝུཏྟིཝུཌྜྷེསུ ¶ , སཔྤཏིསྶོསགཱརཝོ;
སཱུརཏོསུཁསཾཝཱསོ, སརཱཛཝསཏིཾཝསེ.
ཨཱརཀཱཔརིཝཛྫེཡྻ, སཉྙིཏུཾཔཧིཏཾཛནཾ;
བྷཏྟཱརམེཝུདིཀྑེཡྻ, ནཙཨཉྙསྶརཱཛིནོ.
སམཎེབྲཧྨཎེཙཱཔི, སཱིལཝནྟེབཧུསྶུཏེ;
སཀྐཙྩཾཔཡིརཱུཔཱསེ, ཨནྣཔཱནེནཏཔྤཡྻེ;
ཨཱསཛྫཔཉྷེཔུཙྪེཡྻ, ཨཱཀངྑཾཝུཌྜྷིམཏྟནོ.
དིནྣཔུབྦཾནཧཱཔེཡྻ ¶ , དཱནཾསམཎབྲཧྨཎེ;
ནཙཀིཉྩིནིཝཱརེཡྻ, དཱནཀཱལེཝཎིབྦཀེ.
པཉྙཱཝཱཝུཌྜྷིསམྤནྣོ, ཝིདྷཱནཝིདྷིཀོཝིདོ;
ཀཱལཉྙཱུསམཡཉྙཱུཙ, སརཱཛཝསཏིཾཝསེ.
ཨུཊྛཱཏཱཀམྨཙེརེསུ, ཨཔྤམཏྟོཝིཙཀྑཎོ;
སུསཾཝིཧིཏཀམྨནྟོ, སརཱཛཝསཏིཾཝསེ.
ཁལཾསཱལཾཔསུཾཁེཏྟཾ ¶ , གནྟཱཙསྶཨབྷིཀྑཎཾ;
མིཏཾདྷཉྙཾནིདྷཱཔེཡྻ, མིཏཉྩཔཱཙཡེགྷརེ.
པུཏྟཾཝཱབྷཱཏརཾཝཱཔི, སཱིལེསུཨསམཱཧིཏཾ;
ཨནངྒཝཱཧིཏེབཱལཱ, ཡཐཱཔེཏཱཏཐེཝཏེ;
ཙོལ༹ཉྩནེསཾཔིཎྜཉྩ, ཨཱསནཉྩཔདཱཔརེ.
དཱསེཀམྨཀརེཔོསེ ¶ , སཱིལེསུསུསམཱཧིཏེ;
དཀྑེཨུཊྛཱནསམྤནྣེ, ཨདྷིཔཙྩམྷིཋཱཔཡེ.
སཱིལཝཱཙཨལོབྷོཙ, ཨནུརུཏྟོཙརཱཛིནོ;
ཨཱཝཱིརཧོཧིཏོཙསྶ, སརཱཛཝསཏིཾཝསེ.
ཚནྡཉྙཱུརཱཛིནོཨསྶ, ཙིཏྟཊྛོཙསྶརཱཛིནོ;
ཨསངྐུསཀཝུཏྟིསྶ, སརཱཛཝསཏིཾཝསེ.
ཨུཙྪཱདནེནྷཱཔནེཙ ¶ , དྷོཏེཔཱདེཨདོསིརཾ;
ཨཱཧཏོཔིནཀུཔྤེཡྻ, སརཱཛཝསཏིཾཝསེ.
ཀུམྦྷིཉྷིཔཉྫལིཾཀྲིཡཱ, ཙཱཏཉྩཱཔིཔདཀྑིཎཾ;
ཀིམེཝསབྦཀཱམཱནཾ, ནདཱདཾདྷཱིརམུཏྟམཾ.
ཡོདེཏིསཡནཾཝཏྠཾ, ཡཱནཾཨཱཝསཏཾགྷརཾ;
པཛྫུནྣོརིཝབྷཱུཏཱནཾ, བྷོགེཧིཨབྷིཝསྶཏི.
དྭེཝིམེཀཎྜཀཱཏིཀྑཱ ¶ , སརཱིརཔརིསོསིཏཱ;
ཀཱམེཏིནིདྡྷནོཡོཙ, ཡོཙཀུཔྤཏྱནིསྶརོ.
ཨདྷནསྶརསཾཁཱདཱ, ཨབལསྶཧཏཱཧཏཱ;
ཨཔཉྙསྶཀཐཱཝཱཀྱཱ, ཏིཝིདྷཾཧཱིནལཀྑཎཾ.
པཐབྱཱམདྷུརཱཏཱིཎི ¶ , ཨུཙྪུནཱརཱིསུབྷཱསིཏཾ;
ཨུཙྪུནཱརཱིསུཏཔྤནྟི, ནཏཔྤནྟིསུབྷཱསིཏཾ.
པཐབྱཱཏཱིཎིརཏནཱནི, སངྒཧཱནིམཧཱིཏལེ;
སིཔྤཾདྷཉྙཉྩམིཏྟཉྩ, བྷཝནྟིརཏནཱཨིམེ.
ཀལྱཱཎམིཏྟཾཀནྟཱརཾ, ཡུདྡྷཾསབྷཱཡབྷཱསིཏུཾ;
ཨསཏྠཱགནྟུམིཙྪནྟི, མུལ༹ྷཱཏེཙཏུརོཛནཱ.
ཛཱིཝནྟོཔིམཏཱཔཉྩ ¶ , བྱཱསེནཔརིཀིཏྟིཏཱ;
དུཀྑིཏོབྱཱདྷིཏོཔཀྑོ, ཨིཎཝཱནིཏྱསེཝཀོ.
ཙཀྑུདྭཱརཱདིཀཾཚཀྐཾ, སཾཝུཏོསཔཉྙོནརོ;
ཚབྦིདྷོཧོཏིསཱིལེན, ཨསཱིལེནཱཔིཚབྦིདྷོ.
ནིདྡཱལུཀོཔམཱདོཙ, སུཁིཏོརོགཝཱལསོ;
ནིཙྪནྡོཙཀམྨཱརཱམོ, སཏྟེཏེསཏྠཝཛྫིཏཱ.
ཀུལཛོཔཉྙཝཱཚནྡོ ¶ , ཧིརོཏྟཔྤོསུཏདྡྷརོ;
ཨཏྠཀཱམོསུརཀྑོཙ, ཨཊྛེཏེསཏྠཡུཛྫིཏཱ.
ཀུལསེཊྛོསཔཉྙོཙ, ཝུཌྜྷིསཱུརོཙསཱིལཝཱ;
བཧུསྶུཏོཝུཊྛཱནོཙ, མཱིརོསུགཏིགཱམིཀོ;
ནཝེཏེསུཛནཱསེཊྛཱ, པཱཔཱཏྟཱནཾནིཝཱརཡེ.
བུདྡྷོཔཙྩེཀབུདྡྷོཙ, ཨརཧཱཨགྒསཱཝཀོ;
མཱཏཱཔིཏཱགརུསཏྠཱ, དཱཡཀོདྷམྨདེསཀོ;
པཎྜིཏེཧིཨིམེདས, ན དུབྦྷནྟཱིཏིཛཱནིཡཱ.
དྷམྨཏྠཀཱམམོཀྑཱནཾ ¶ , པཱཎོསཾསིདྡྷིཀཱརཎཾ;
ཏཾནིགྷཱཏོཀིཾནིཧཏོ, རཀྑིཏོཀིཾནརཀྑཏི.
སཐཾདཱིགྷཱཡུཀོསབྦ ¶ , སཏྟཱནཾསུཁཀཱརཎཾ;
ཨསཐཾཔནསབྦེསཾ, དུཀྑཧེཏུནསཾསཡོ.
ཡནྟགཏོཨུཙྪུརསཾ, ནཛཧཱཏིགཛོཏཐཱ;
སངྒཱམེསུགཏོལིལ༹ཾ, སུསྶུཏེནཱཔིཙནྡནཾ.
སཱརགནྡྷཾནཛཧཱཏི, དུཀྑཔཏྟོཔིཔཎྜིཏོ;
ནཛཧཱཏིསཏཾདྷམྨཾ, སུཁཀཱལེཀཐཱཝཀཱ.
ཨཏྟཱབནྡྷུམནུསྶཱནཾ, རིཔུཨཏྟཱཝཛནྟུནཾ;
ཨཏྟཱཝནིཡཏོཉཱཏི, ཨཏྟཱཝནིཡཏོརིཔུ.
ཨཏྟཱནཾཔརིཙྩཱགེན ¶ , ཡཾནིསྶིཏཱནུརཀྑནཾ;
ཀརོནྟིསཛྫནཱཡེཝ, ནཏཾནིཏིམཱཏཱམཏཾ.
སཏྠཀབྦཝིཙཱརེན, ཀཱལོགཙྪཏིདྷཱིམཏཾ;
བྱསནེནཨསཱདྷཱུནཾ, ནིདྡཱཡཀལཧེནཝཱ.
བྷམརཱཔུཔྥམིཙྪནྟི, པུཏིམིཙྪནྟིམཀྑིཀཱ;
སུཛཱནཱགུཎམིཙྪནྟི, དོསམིཙྪནྟིདུཛྫནཱ.
ནམནྟིཕལིནོརུཀྑཱ ¶ , ནམཏེཝབུདྷཱཛནཱ;
སུཀྑཀཊྛཉྩམུལ༹ྷོཙ, ནེཝནམནྟིབྷིཛྫཏེ.
སཙེསནྟོཝིཝཱདཏི, ཁིཔྤསནྡྷིཡརེཔུན;
བཱལོཔཏྟཱཝབྷིཛྫནྟི, ནཏེསམཏམཱགམུཾ.
ཨཔྤམྤིསཱདྷཱུནཾདྷནཾ, ཀཱུཔཱཝཱརིཝནིསྶཡོ;
བཧུཀཾཔིཨསཱདྷཱུནཾ, ནཙཝཱརིཝཨཎྞཝེ.
སོཀཋཱནསཧསྶཱནི ¶ , བྷཡཋཱནསཏཱནིཙ;
དིཝསེདིཝསེམུལ༹ྷཾ, ཨཱཝཱིསནྟིནཔཎྜིཏཾ.
དུཊྛཙིཏྟོཔནཱཧིསྶ, ཀོདྷོཔཱསཱཎལེཁིཏོ;
ཀུཙྪིཏབྦོསུཛནསྶ, ཛལེལེཁཱཙིརཊྛིཏཱ.
ནིདུལུཀོཨསནྟུཊྛོ, ཨཀཏཉྙཱུཙབྷིརུཀོ;
སཀྐོནྟིནསམཱཙཱརཾ, སིཀྑིཏུཾཏེཀདཱཙིཔི.
སཱདྷུཏྟཾསུཛནསམཱགམཱཁལཱནཾ ¶ ,
སཱདྷཱུནཾནཁལསམཱགམཱཁལཏྟཾ;
ཨཱམོདཾཀུསུམབྷཝཾདདྷཱཏིབྷཱུམི,
བྷཱུགནྡྷཾནཙཀུསུམཱནིདྷཱརཡནྟི.
གུཎམདྡྷིསམཾམཀྑེ, པརེནཀལཧེསཏི;
ཨདྡྷིསམཾཔཀཱསེནྟཾ, ཨནུམཏྟཾཔིདོསཀཾ.
དོསཾཔརསྶཔསྶནྟི, ཨཏྟདོསཾནཔསྶཏི;
ཏིལམཏྟཾཔརདོསཾ, ནཱལི༹ཀེརཾནཔསྶཏི.
ཀོདྷོཨཏྠཾནཛཱནཱཏི ¶ , ཀོདྷོདྷམྨཾནཔསྶཏི;
ཨནྡྷཏམཾཏདཱཧོཏི, ཡཾཀོདྷོསཧཏེནརཾ.
ཀོདྷོཨབྦྷནྟརེཛཱཏོ, དྷུཝཾནཱསེཏིཀོདྷནཾ;
ཝཏྠཱལངྐཱརཔུཎྞཱཡཾ, མཉྫུསཱཡཾསིཁཱིཡཐཱ.
རཱགོནཱམམནོསལླཾ, གུཎཝརཏྟཙོརཀོ;
རཱཧུཝིཛྫཱསསངྐིསྶ, ཏཔོདྷནཧུཏཱསནོ.
ནཏིཏྟིརཱཛཱདྷནེན ¶ , པཎྜིཏོཔིསུབྷཱསིཏེ;
ཙཀྑཱུཔིཔིཡདསྶནེ, སཱགརོཔིམཧཱཛལེ.
ཨསནྟུཊྛོཡཏིནཊྛོ, སནྟུཊྛོཔིམཧཱིཔཏི;
སསཛྫཱགཎིཀཱནཊྛཱ, ནིལཛྫཱསུཀུལགཏཱ.
བྷཱུཔཱཎྞཝགྒིཐཱིསིཔྤཱི, ཨབྷིཛ྄ཛྷཱལུཙཔུགྒལོ;
ཨེཏེསཾམཧིཙྪནྟཱནཾ, མཧིཙྪཏཱཨནིཙྪིཏཱ.
ཨཱརོགྱཾཔརམཾལཱབྷཾ ¶ , སནྟུཊྛཱིཔརམཾདྷནཾ;
ཝིསཱསོཔརམཾཉཱཏི, ནིབྦཱནཾཔརམཾསུཁཾ.
དུགྒཏཾགཙྪབྷོལཱབྷ, ལཱབྷོལཱབྷེནཔཱུརཏི;
ཐལེཔཝུཊྛཔཛྫུནྣ, ཨཱཔོཨཱཔེནཔཱུརཏི.
བོདྷཡནྟིནཡཱཙནྟི, དེཧཱིཏིཔཙྪིམཱཛནཱ;
པསྶཝཏྠུཾཨདཱནསྶ, མཱབྷཝཏཱུཏིཨཱིདིསོ.
སེལེསེལེནམཱཎིཀཾ ¶ , གཛེགཛེནམུཏྟིཀཾ;
ཝནེཝནེནཙནྡནཾ, ཋཱནེཋཱནེནཔཎྜིཏཾ.
སཏེསུཛཱཡཏེསཱུརོ, སཧསྶེསུཙཔཎྜིཏོ;
ཝཱཀྱཾསཏསཧསྶེསུ, ཙཱགོབྷཝཏིཝཱནཝཱ.
ཛིནེནཨཱགཏཾསཱུརཾ, དྷནཉྩགེཧམཱགཏཾ;
ཛིཎྞཨནྣཾཔསཾསེཡྻ, དཱརཉྩགཏཡོབྦནཾ.
པོཏྠཀེསུཙཡཾསིཔྤཾ ¶ , པརཧཏྠེསུཡཾདྷནཾ;
ཡདཱཨིཙྪེསམུཔྤནྣེ, ནཏཾསིཔྤཾནཏཾདྷནཾ.
ཝཱཙཱཝུདྷཱཙརཱཛཱནོ, སཙྩཱཝུདྷཱཙསམཎཱ;
དྷནཱཝུདྷཱསེཊྛིནོཙ, གོཎཱཝུདྷཱདལིདྡཀཱ.
ཨུཀྐཊྛེསཱུརམིཙྪནྟི, ཀོལཱཧལེསུབྷཱསིཏཾ;
པིཡཾཨནྣཉྩཔཱནཉྩ, ཨཏྠཀིཙྩེསུཔཎྜིཏཾ.
ཀཔཎེཏཱརཡེམིཏྟཾ ¶ , དུབྦྷིཀྑེདྷཉྙཾདྷཱརཡེ;
སབྷཱཡཾདྷཱརཡེསིཔྤཾ, སངྒཧཱནིམཧཱིཏལེ.
དུབྦྷིཀྑེཨནྣདཱནཉྩ, སུབྷིཀྑེཙཧིརཉྙདཾ;
བྷཡེཙབྷཡདྷཱཏཱརཾ, སབྦེསཾཝརམཾཝརཾ.
ཧཾསོམཛ྄ཛྷེནཀཱཀཱནཾ, སཱིཧོགུནྣཾནསོབྷཏེ;
གདྲབྷཱནཾནཏུརངྒོ, བཱལཱནཉྩནཔཎྜིཏོ.
ནསོརཱཛཱཡོཨཛེཡྻཾ ¶ , ཛིནཱཏིནསོསཁཱརཾ;
ཡོཨཡུཏྟེནཛིནཱཏི, ནསཱབྷརིཡཱཔཏིནོ;
ཝིརོདྷཏིནཏེཔུཏྟཱ, ཡེནབྷརནྟི ཛིཎྞ.
ནཏྠིཝིཛྫཱསམཾམིཏྟཾ, ནཏྠིབྱཱདྷིསམོརིཔུ;
ནཏྠིཨཏྟསམཾཔེམཾ, ནཏྠིཀམྨཔརཾབལཾ.
ཨིཏྠིམིསྶོཀུཏོསཱིལཾ,
མཾསབྷཀྑོཀུཏོདཡཾ;
སུརཱཔཱནོཀུཏོསཙྩཾ,
མཧཱཀོདྷོཀུཏོཏཔཾ.
ཀྭཱཏིབྷཱརོསམཏྠཱནཾ ¶ , ཀིཾདཱུརོབྱཝཧཱརིནཾ;
ཀོཝིདེསོསཝིཛྫཱནཾ, ཀོཔརོཔིཡཝཱདིནཾ.
དུབྦྷིཀྑོཀསིནོནཏྠི, སནྟཱནཾནཏྠིཔཱཔཀོ;
མུགསྶཀལཧོནཏྠི, ནཏྠིཛཱགརཏོབྷཡཾ.
བཱལིཏྠཱིམཀྑིཀཱཏུཎྜི, ཨིསཱིནཉྩཀམཎྜལུ;
སེཏམྦུཕལཾཏམྦུལཾ, ནོཛ྄ཛྷིཊྛམུཔཛཱཡཏོ.
པཉྩརཏྱཱསུགནྡྷབྦཱ ¶ , སཏྟརཏྱཱདྷནུགྒཧཱ;
ཨེཀམཱསཱསུབྷརིཡཱ, ཨཌྜྷམཱསཱསིསྶཱམལཱ.
མལིཏྠིཡཱདུཙྩརིཏཾ, མཙྪེརཾདདཏོམལཾ;
མལཱཝེལཱམཀཱདྷམྨཱ, ཨསྨིཾལོཀེཔརམྷིཙ;
མལཾམལཏརཾཏཏོ, ཨཝིཛྫཱཔརམཾམལཾ.
སུཏསྶརཀྑཱསབྦདཱབྷིཡོགོ,
ཀུལསྶཝཏྠཾཔུརིསསྶཝིཛྫཱ;
རཉྙོཔམཱདོཔསམོདྷནསྶ,
ཨིཏྠཱིནནྟུནཏྠེཝཛཱཏུརཀྑཱ.
སཏྟཱནཾཛརཏཱཧནྟི ¶ , ཏཎྷཱཧནྟིསབྦསུཁཾ;
སབྦབལཾཙིནྟཱཧནྟི, དཡཱཧནྟིསཀཾདྷནཾ.
ནཱིཙེཝཱསོསིརིཾཧནྟི, ཧནྟིགརུཾཙཡཱཙཀོ;
པསཾསཱསུགུཎཾཧནྟི, ཧནྟིཙིཏྟཾཨསཉྙཏཱ.
ཨསནཾབྷཡམནྟཱནཾ ¶ , མཙྩཱནཾམརཎཾབྷཡཾ;
ཨུཏྟམཱནནྟུསབྦེསཾ, ཨཝམཱནཾཔརཾབྷཡཾ.
སཱུརིཡོཏཔནཾཏཔོ, ནསནྟིཔརིཝཱརིཏཱ;
ཙནྡརཾསཱིཏལཾཛཱཏཾ, ཏཱརཀཱཔརིཝཱརིཏཱ;
ཨུཔམཱཨེཏྠཉཱཏབྦཱ, སཱུརིཡཙནྡརཱཛུནཾ.
ཨལསོམནྡབུདྡྷིཙ, སུཁིཏོརོགཔཱིལི༹ཏོ;
ནིདྡཱརོམཾསཝཌྜྷནོ, སུབྷཀྑོཙཝིལུདྡྷཀོ.
པམཱདོཛཱཡཏེམདཱ, པམཱདཱཛཱཡཏེཁཡོ;
ཁཡཱདོསཱཔཝཌྜྷནྟི, མདཾཀིཾནཛཧེབུདྷོ.
ཡཱདིསཾཝཔྤཏེབཱིཛཾ ¶ , ཏཱདིསཾཕལཾསམྤཏྟོ;
ཀལྱཱཎཀཱརིཀལྱཱཎཾ, པཱཔཀཱརཱིཙཔཱཔཀཾ.
པུཉྙཱཔཱཔཕལཾཡོཙེ, ནསདྡཧཏིསཙྩཏོ;
སོཝེསཀཱནནཾཁིཔྤཾ, ཨཱདཱསཏལམཱནཡེ.
སམྤརཱཡིཀཏྠེཡོ ¶ , ནསདྡཧཏིཙེཔིསོ;
ཨཱཝཱསེསཔྤགཱམཱིནཾ, མོཀྑབྷེཀིཾནཔསྶཏི.
སདྡྷཱཧིརིཙཨོཏྟཔྤཾ, བཱཧུསཙྩཾཝིརཾསཏི;
པཉྙཱཙསཏྟདྷམྨེཧི, སམྤནྣོཔཎྜིཏོམཏོ.
རཝིམཱུལཾསསཱིཁནྡྷཾ, སོརིཨངྒཱཙཔཏྟིཀཾ;
བུདྡྷཾཔུཔྥཾགརུབཱིཛཾ, བྷརགུཕལམེཝཙ.
པོཏྠཀཱདཱིནིཁེཏྟཾཝ ¶ , ལེཁཱནིཡུགནངྒལཾ;
ཨཀྑརཱནིབཱིཛཾཀཏྭཱ, ཙརནྟོཔཎྜིཏོབྷཝེ.
ཨཀྑརཾཨེཀམེཀཉྩ, བུདྡྷརཱུཔཾསམཾསིཡཱ;
ཏསྨཱཧིཔཎྜིཏོཔོསོ, ལིཁེཡྻཔིཊཀཏྟཡཾ.
དུགྒཏིཾནཱབྷིཛཱཡེཡྻ, པིཊཀཏྟཡཀཱརཀོ;
བཧུཀྑཏྟུཾཙཀྐཝཏྟི, རཱཛཱཙཏུདཱིཔཱདྷིཔོ.
པདེསརཛྫཾཝིཔུལཾ, གཎནཱཏོཨསངྑྱེཡོ;
ཚཀཱམཱཝཙརོདེཝ, རཱཛཱཧོཏིབཧུཀྑཏྟུཾ.
དཱནཱདཱིནིཙཔུཉྙཱནི ¶ , ཀརོནྟོབོདྷིཨངྐུརོ;
བྷཝཱསབྦངྒསམྤནྣོ, ཏིལོཀཔཱུཛིཏོབྷཝེ.
ཨདྡྷེམཧདྡྷནེཕིཏེ, ཛཱཡརེཀུལམུཏྟམེ;
ཨུཏྟམེནེཝསཾཝཱསོ, པིཊཀཏྟཡཝཱཙཀོ.
ཨེཀཀྑརཕལེནཧི, པིཊཀཏྟཡཀཱརཀོ;
ཙཏུརཱསཱིཏིསཧསྶཾ, ལབྷནྟིཔཝརཾསུཁཾ.
ཨཔྤཀེནཱཔིམེདྷཱཝཱི, པཱབྷཏེནཝིཙཀྑཎོ;
སམུཊྛཱཔེཏིཨཏྟཱནཾ, ཨནུམགྒིཝསནྡྷམཾ.
དུཀྑཾཔཱཔསྶཔུཉྙསྶ ¶ , སུཁཾམིསྶསྶམིསྶཀཾ;
སབྦཾསདིསཀཾཡཱཏི, ཉཱཏབྦཾཀམྨུནོཕལཾ.
ཙོདེནྟོཙཏུབྷཱགཱཙ, ཀམྨཀཱརཱཏཡོབྷཱགཱ;
སཱམིནོསམབྷཱགཱཙ, ཨེཀབྷཱགཱནུམོདནཱ.
ཨནཏྟསྶཝཱཀྱཱཔརམཾཏུཎྷི ¶ ,
ཨསནྟམིཏྟཱཔརམཾཨེཀཾ;
སུརཱུཔདཱརཱཝརམནྡྷཱ,
དཱུརེཀལཱབྷཱཝརམསྶསུཀྑཾ.
ཧཱིནཙཛྫོཔིཙེ ཧོཏི, ཨུཊྛཱཏཱདྷཱིཏིམཱནརོ;
སཱིལཨཱཙཱརསམྤནྣོ, ནིསེཨགྒིཝབྷཱསཏི.
ནཙཛྫཝསལོཧོཏི,
ནཙཛྫཧོཏིབྲཧྨཎོ;
ཀམྨུནཱཝསལོཧོཏི,
ཀམྨུནཱཧོཏིབྲཧྨཎོ.
པཐཝཱིཝེལུ༹ཀཾཔཏྟཾ ¶ , ཙཀྐཝཱལ༹ཾསུཙིཔྥལཾ;
སིནེརུཝམྨིཀཾཁུདྡཾ, སམུདྡོཔཱཏིཏཾཡཐཱ.
ཨེཀེནེཝཙཀཔྤེན, མཱཏུཁཱིརཾནསཉྩཡཾ;
ཏཏོཏུསམུདྡོཙཱཔི, ཨཏིརེཀཏརཾབཧུཾ.
བྲཧྨཱཏིམཱཏཱཔཱིཏརོ, པུབྦཱཙརིཡཱཝུཙྩཏེ;
ཨཱཧུནེཡྻཱཙཔུཏྟཱནཾ, པཛཱནམནུཀམྤཀཱ.
ཏསྨཱཧིནེནམསྶེཡྻ ¶ , སཀྐརེཡྻཙཔཎྜིཏོ;
ཨནྣེནཨཐོཔཱནེན, ཝཏྠེནསཡནེནཙ.
ཨུཙྪཱདནེནནྷཱཔེན, པཱདཱནཾདྷོཝནེནཙ;
ཨུཊྛཱཡཔཱདཙརིཡཱ, ཨུཔཊྛཱཔེཡྻཔཎྜིཏོ;
ཨིདྷེཝནཾཔསཾསནྟི, པཙྩསགྒེཔམོདཏི.
ཨེཀསྶེཀེནཀཔྤེན ¶ , པུགྒལསྶཊྛིསཉྩཡོ;
སམཾཔབྦཏརཱསིམྷི, ཨིཏིཝུཏྟཾམཧེསིནཱ.
སབྦདཱནཾདྷམྨདཱནཾཛིནཱཏི;
སབྦརསཾདྷམྨརསོཛིནཱཏི,
སབྦརཏིཾདྷམྨརཏིཛིནཱཏི;
སབྦདུཀྑཾཏཎྷཀྑཡོཛིནཱཏི.
ཨཔྤམཱདརཏཱཧོཐ, སཙིཏྟམནུརཀྑཐ;
དུཀྑཱཨུདྡྷརཐཏྟཱནཾ, པངྐེསནྣཾཝཀུཉྫརཾ.
ཙཛདུཛྫནསཾསགྒཾ ¶ , བྷཛསཱདྷུསམཱགམཾ;
ཀརཔུཉྙམཧོརཏྟིཾ, སརནིཙྩམནིཙྩཏཾ.
ཨནིཙྩཱཝཏསངྑཱརཱ, ཨུཔྤཱདཝཡདྷམྨིནོ;
ཨུཔྤཛྫིཏྭཱནིརུཛ྄ཛྷནྟི, ཏེསཾཝཱུཔསམོསུཁོ.
ནཧིདྷམྨོཨདྷམྨོཙ, ཨུབྷོསམཝིཔཱཀིནོ;
ཨདྷམྨོནིརཡཾནེཏི, དྷམྨོཔཱཔེཏིསུགྒཏིཾ.
སམསཱིསཾསམཔཱདཾ ¶ , ཨནྟརཉྩསམཾསམཾ;
ཨིདཾམནསིནིདྷཱཡ, ལིཁེཡྻཔིཊཀཏྟཡནྟི.